Bible

Matthew

Chapter 1

¹Mu ganda wu gishina gi giganda gi Yesu Kidishidu,mwaana davidi ye mwaana Abalahamu. ² Abalahamu ga gadi dada Yizagi ye Yizagi dada djiagobu ye Djiagobu ga gadi dada Yudashi ye ba pangi djiandi.³ Yudashi ga gadi dada Faresa ye Zara,ye ngudi wu baa ga gadi Tamare.Faresa ga gadi dada Eseroma.Eseroma ga gadi dada wu Arama.⁴Arama ga gadi dada Anadabu,Anadabu ga gadi dada Nasoni,Asoni ga gadi dada Salomon. ⁵ Salomon ye Arahabu bagadi bi budi bi bowaze,bowazi ga gadi dada wu Obede,ngudi wu Obede ga gadi Luudi,Obede ga gadi dada wu Jese. ⁶ Jese ga gadi dada wu todila Davidi ye Davidi ga gadi dada wu Salomon gwedi mukedu wu Yidi.⁷Salomon ga gadi dada wu Robowami.Robowami ga gadi dada wu Abia,Abia ga gadi dada wu Asaa. ⁸ Asaa ga gadi dada wu Jozafa,Jozafa ga gadi dada wu Jorama,Jorama ga gadi kaga wu Ojashi.⁹Ojashi ga gadi dada wu Jowatamu,Jowatamu ga gadi dada wu Ajazi,Ajazi ga gadi dada wu Ezekiashi.¹⁰ Ezekiashi ga gadi dada wu Manashi,Manashi ga gadi dada wu Amoni,ye Amoni ga gadi dada Joziashi.¹¹Joziashi ga gadi dada wu Jekonashi ye ba pangi djiandi,mu dangu di banedi baadu ba Yizayedi mugi ngolu-ngolu gu ba biloni.¹²Dngu di ba nedi baadu ba Yizayedi mu gi ngolu-ngolu gu ba biloni,Jekoniashi ga gadi dada wu SAlatieli,Salatieli ga gadi kaga wu zolobabeli.¹³ Zolobabeli ga gadi dada wu Abwuyidi,Abwuyidi ga gadi dada wu Ediakimu,ye Ediakimu dada wu Azoru. ¹⁴Azoru ga gadi dada wu Sadogu,Sadogu ga gadi wu Akimi,ye Akimi dada wu Eluudi.¹⁵Eludi ga gadi dada wu Eleyazadi,Eleyazaqdi ga gadi dada wu Matani,Matani ga gadi dada wu Djiagobu. ¹⁶ Djiagobu ga gadi dada wu Yizefu mulumi wu Madiya guna gu budugi Yesu,ndi wuna wu ba lendigagagi Kidishidu. ¹⁷ Talu yi mbandu djiootsu yandiga Abalahamu tiii Davidi dji gadi gumi ye djiya.Talu yi mambandu ga duga Davidi tiii gwoona gu ba nedi baadu ba yizayedi mu gi ngolu-ngolu gu gi fudi gi babiloni dji gadi gumi ye djiya,talu yi mbandu ga duga dangu dina tiii dangu di budugi Kidishidu dji gadi gumi ye djiya.¹⁸Lu budugu lu Yesu kidishidu lu gadi bwoobu:ngudi wandi ga gadi Madiya mukedu wu Yizefu,haa dangu di ba gadi ba gonda gu kwela,Madiya ga dadi mbi yedi ye zumu di muhunga wu gedila. ¹⁹ Mulumi wandiYizefu ga gadi muudu wu pimbu,haa loo ga zodi gu mu hegisa tsoni ye misu ma baadu.Bwoona Yizefu ga yagudi gu mbundu yandi mbi yi fani gu mu yambula mu gitswegi.²⁰Dangu di yindudi Yizefu ma pandi mana,wandjio wu moshi wu Gahungu gitshi moniga gwedi ndi gu ndotshi ga muledi:"Yizefu,muudu wu gi ganda gi Davidi loo gu yuga booma mu bonga Madiya gu nzu yaagu,mudiambu mwaana wu gedi yandi mu zumu gitshi mu ngolu dji muhunga wu Gahungu. ²¹Ga buda mwaana bagala,ye wu muhega djina diaandi Yesu,mudiambu di gu gadula baadu mu masumu ma baa".²²Ma pandi mana mootsu mabwi mudiambu di gu lungisa ma pandi ma fwumu Gahungu ma galedi mbigudi mu gu yagula mbi:²³ ''Dala mwaana mukedu wuna loo ga yabi shi bagala teegu ga boonga zumu,ga buda mwaana wu bagala ba mu hega djina diandi:manwela"{di songidila mbi:Gahungu gedi ye binu''.²⁴Dangu di shamugi Yizefu gu gilu ga hangi ma pandi mana ma muledi wanjio wu Gahungu mu gu hanga,ga godishi Madiya mu nzu yandi,ba yandigi gu gala nga mukedu wandi. ²⁵ Haa,Yizefu loo ga yabi Madiya tii gu ga budi mwaana bagala,Yizefu ga muhegi djina:Yesu.

Chapter 2

¹Gu ngoyi Yesu ga budugi gu beteleyemi mu manu ma Yudeya dangu di gadi Erodi todila,baadu beega bana ba hangagagi gi salu gi guyindula miooda,ba gadugi gu gifudi gi moshi gu Eshiti,bitshi guma guna gu Yelusalemi. ²Ba yufudi mbi:"mwaana wu budugi wuniii?Mudiambu ga gala todila wu ba yuda,gendi gu moniga gu ndambu yi Eshiti,ya yena twi tshi mudiambu di gu mu sambila''. ³ Dangu di yugi Todila Eroda ma pandi mana,ndi ye baadu bootsu ba Yeluzalemi ba gadi mbundu mu yilu.⁴Eroda ga ledi ba mbuda bootsu ba dibundu ye ba longi bootsu ba tshigu.ga ba yufudi mbi:''Mashiya ga fani buduga guni?'' ⁵ Ba vududidi mbi:''gu beteleyemi,mu manu ma yu deya,mudiambu mbigudi ga sonigi boobuna mbi: ⁶ Ye ndji beteleyemi wedi mu manu ma yu deya mu gi gidi ndji wedi bula dji moshi di fwunu mu kadi ga ma bula ma Yudeya,mudiambu fwumu wuna wu duga gwedi ndi ga bala dala baadu bami ba yizalayedi.⁷Ya yena Eroda ga lendigi baadu bana ba ga dugi gu Eshidi mu mayela ba mu leshi dangu penza di monigi mooda. ⁸Dangu di ga ba dumi gu beteleyemi ga ba ledi mbi:ndani lu dinga mwaana wuna pimbu-pimbu.Mbi bulumudadi,lwitsa lundesa,bwoona mi kega nga yi yaba gwenda gu mu sambila.⁹Dangu di ba yugi mapandi mana ma baledi Todila,ba gami ndjila beendi gu baa.Mu ndjila ba dadi mooda wuna wu ba dadi tegu gu ndambu yi Eshiti,gendagi gu twala yi baa tii ge manana mu yilu ye gi hani gi gadi mwaana. ¹⁰Dangu di ba dadi mooda wuna,ba yugi gieshi giingi penza.¹¹Bagodi mu nzu,ba dadi mwaana ye ngudi wandi Madiya.Dangu di ba fugami,ba mu sambidi,ba gangudi du ma waba du baa,ba mu hegi ma gabu maa:woolu ye bima bi ma nanashi ye mira. ¹² Gahungu ga baledi gu ndotshi mbi:''loo gu vuduga gwedi Eroda''ya yena ba vudugi mu gifudi gi baa mu ndjila yega.¹³Dangu di vudugi baadu bana ba gadugi gu Eshiti gu hwii wanjio wu moshi wu Gahungu gitshi moniga gwedi Yizefu gu ndotshi mbi:"niamuga bonga mwaana ye ngudi wandi di nani gu Egypiti gala gwoona tii yi lela mu gu gaduga.Mudiambu Erodia gadinga mwaana wu mu gegi mu gumuzuwa''.

¹⁷Ya yena ma pandi mana ma mbigudi Jeremi ma gayagudi mitshi lungi sama.¹⁸ Gu roma ba yugi bidilu bi mukedu wu moshi Lashela ga dila baana bandi;loo ga zola mbi baadu bitsa ba mu gadula mukenda mudiambu baana bandi bootsu ba fwii.¹⁹Dangu di fwi Erodia,gu ngoyi wanjio wu moshi wu Gahungu gitshi moniga gwedi Yizefu gu ndotshi gu Egipiti. ²⁰Mbi:niamuga bonga mwaana ye wandi vudugani gu yizalayela,mudiambubana ba zola zuwa mnwaana ba fwii. ²¹ Dangu di Yizefu ga boongi mwaana ye ngudi wandi ba vudugi gu Yizalayela.²²Haa,dangu Yizefu di ga yugi mbi Arkelawusi wu bongi gi hani gi dada wandi Erodia,mudiambu di gu yala guyudeya ga yugi booma mu vuduga guna Gahungu gitshi mu gu muyabisa kega gu ndotshi pila yi ga fani hanga;ya yena gendi gu Galileya.²³Ya yena gendi ndjinga ye bula di moshi djina di dia nazaledi.Ga hangi ma pandi mana mudiambu di gu lungisa ma pandi ma ya gudi ba mbigudi mbi:ba lendiga muudu wu nazaledi.

Chapter 3

¹Mu dangu dina,Yowani mbodiga gendi mu gifudi gi maganga wu yudeya;ga yandigi gu longa, ² Mbi:binu ba lu lani mbundu mudiambu gi Fwumu gi Gahungu gi gumi pena-pena! ³Yowani ga gadi muudu wuna wu mbigudi Ezaya wu ga yagudi mbi:''muudu wu moshiga ba yagula ngolu mu gifudi gi maganga yidigani ndjila yi Fwumu manani sungiga du ma ndjila dwandi.⁴Yowani ga vadagagi muledi wu miiga i mbitshi wuna chamo.Ga vadagagi kega mugaba wu pela wu mbitshi mu lugedu lwandi.Ga diagagi ba pasu ye bootshi.⁵ Baadu bana bitsa gwedi ndi,ba dugagi gu yeluzalemi,mu manu ma yudeya ye mu mabula mootsu ma gadi gu ndambu yi Yordani. ⁶ Ba gumbula masumu ma baa mu misu ma baadu bootsu,ya yena Yowani ga yandigi gu ba boodiga mu mwetshi wu yuludani.⁷Yowani ga dadi ba fafwadishi ba vula ye basadise bitsa boonga mbodiga gwedi ndi.Ya yena ga ba ledi mbi:"binu ba mbitshi baa naa wu luledi mbi binu djina dji ba gwitsa? ⁸ Hangani ma pandi mana,ma ba lesa mbi lu balumuni mbundu. ⁹ Loo gu yi ndulani mbi lu fani gudinungisa mbi bu lu yagudi mbi:Abalaghamu gedi kaga wu pidu mudiambu.Mudiambu yi ba lu lulela mbi mu madadi ma Gahungu wu fani gu hanga baana mudiambu ye Abalahamu!¹⁰Sebi-sebi di Gahungu wu boongi soga mudiambu di gu gesa miidi ye migashi mi wandi;gosu mudi wuna wu budaga ndumba dji pimbuGahungu ga gesa wu mulumbi gu mbaa.¹¹ Mi,yi ba lu boodiga mu mwetshi mudiambu di gu lesa mbi lu balumuni mbundu,haa muudu wuna wu ba gwitsa gu ngoyi yami,ga lu boodiga mu muhunga wu gedila ye mbaa.Wu ndudi mu ngolu;loo fani shi gu gadula bi ladu biandi. ¹² Ga ba gama mu yungulu mu gogu diandi mudiambu di gu sola bi husu bi ble bi ga dwii.Ga senda ndumba djiandi mudiambu di gu swega mu nzu yi djia,haa ga fuba bi husu mu mbaa duna du djimaga!"¹³Dangu di,Yesu ga gadugi gu galileya,geendi gu mwetshi wu yiludani mudiambu di gusenda mbondiga gwedi Yowani. ¹⁴Haa Yowani bu ga duna mbi:''mi fani boonga mbodiga gwedi ndji,haa ndji witshi gwedi mi. ¹⁵Haa Yesu ga yagudi mbi:gu gala bwoona mu dangu di,mudiambu mu pila yi gulungisa lu zolu lu Gahungu." Ya yena Yowani ga gumbudi.¹⁶Dangu di ga bodigi Yesu gu hwii,Yesu ga dugi mu mwetshi.Ya yena yilu di gangugi mudiambu diandi,ga dadi muhunga wu gedila wu Gahungu nuni muni guluga nga di pombu ye londi di mudu wandi.¹⁷ Ndaga yi dugi gu yilu mbi:''Awu gedi mwaana wami wu nzolagagi ngolu mudiambu diandi.

Chapter 4

¹Dangu di muhunga wu Gahungu ga needi Yesu mu manu ma maganga mudiambu ga mu meega. ²Dangu di Yesu ga hangi magumi maya ma piba ye ma mwiini,gu gonda madia,nzala yi gami. ³ Sadana gitshi gwedi Yesu ga mu ledi mbi:"mbi weedi mwaana wu Gahungu,yagula gwedi madadi maa ma guma mapaa.''⁴ Haa Yesu ga yagudi mbi:"muudu loo ga djingaga kaga mudiambu ye mapaa ma ga diagaga,haa ga djingagagi mudiambu ye mapandi mana ma yagulagagi Gahungu.''⁵Dangu di Sadana ga needi Yesu gu yelusalemi,bula di ba santu,ga mushi ye londi di yangi di nzu yi bisambu yi ba yuuda, ⁶ mwaana wandi mbi:"mbi weedi mwaana wu Gahungu,di lumba yatshi,mudiambu ba sonigi mu muganda wu Gahungu mbi:"Gahungu ga lela ba wandjio bandi mbi kii ba hanga mudiambu ye ndji ba guneda gu mioogu mi baa,bwoona gulu diagu loo dibudila mu madadi.''⁷Yesu ga mu ledi mbi:"ba sonigi kega mu muganda wu Gahungu mbi.''Loo gu meega fwumu Gahungu.'' ⁸Bwoona sadana ganedi Yesu ye londi di mundonda wu leya shela,ga mu ledi mbi bifwumu biootsu bi londi di manu ye lugumu lu biaa. ⁹Sadana ga yagudi mbi:"bi biootsu bi wu badala,yi guhega biaa mbi bu wu fugamani mudiambu ye gu sambila.''¹⁰Yesu ga vududi mbi:"gaduga,sadana!mudiambu ba sonigi mu muganda wu Gahungu mbi:''wu fani samba fwumu Gahungu woogu,kaga ndi buna wu fani sambila.'''' ¹¹ Dangu di,ga mu lendigi;ba wandjio bitshi moniga,ba yandigi guhangila Yesu.¹²Yesu ga yugi mbi bashi Yowani mudangu mbada,gendi mu manu ma gadileya. ¹³Haa loo ga gadi ngolu ye bula di Nazaledi,haa gendi ndjinga gu bula di gapediwumu,bula di moshi mu mbimba di yanga di gadileya,mu manu ma Zabuloni ye Nefetadi.¹⁴Mapandi mana ma bwii mudiambu di gi gulungisa mapandi mana mambigudi Ezaya ma ga yagudi mbi: ¹⁵ ''Ndi Zabuloni,ndi Nefetadi,manu mu ndambu yi mwetshi wu neeni,gu shimu yanga di Yuludani,ndi Gadileya,manu ma baadu bana ba gondi ba yuuda! ¹⁶Baadu bana ba ndjingaga mu piba mwiini wu ngolu!Mwiini wuna ga moniga gwedi baadu bana ba ndjingaga mu gifudi ye gi lufwaa!"¹⁷Gaduga dangu di,Yesu ga yandigi gu longa mbi:"balumunani mbundu mudiambu gi fwumu gi Gahungu gi pena-pena.''¹⁸Dangu di ga gadi muni lunda mu mbimba di yanga di gadileya,ga dadi ba pangi boodi{Shimoni wuna wu ba lendiga piela}ye Andele,mugegi wu Shimoni.Ba lumbagi mbwanda mu mwetshi,mudiambu ba gadi mu gisalu gi guloba ba mbitshi. ¹⁹ Yesu ga ba ledi mbi:"yi zani,lu ndanda yi lu longa pila yi guloba baadu.'' ²⁰Ba yambudi ma mbwandu ma baa tsalu,bwoona ba mu landi.²¹Dangu di gendi ga gidamina gadadi ba pangi boodi kega,Yagobu ye Yowano baana ba Zebede ba gadi mu bwaadu ye dada wu baa;ba gadi muni yidiga mabwandu ma baa.Yesu ga ba lendigi, ²² ba shshi bwaadu ye dada wu baa tswalu,bwoona ba landi Yesu.²³Yesu ga gadi muni gwenda luda mu gi fudi giootsu gi gadileya;ga gadi muni gwenda longa baadu gu ndambu yina mu ma nzu ma baa ma bisambu,ga gadi muni gwenda ba lela tsangu dji pimbu mudiambu ye gi fwumu gi Gahungu,ga gadi muni gwenda gindisa baadu bana ba gadi ye makashi ye ma pashi ma pila ye pila. ²⁴Tsangu djiandi di pasagani mu gi dini gi manu ma Sidiya.ya yena ba gadi muni mu nedila baadu bana bootsu ba gadi ye makashi ma pila ye pila,baadu bana ba gadi ye mihunga mimbii,ba gadi ye makashi ma gugona,ye bigada,Yesu ga ba gindishi ba bootsu. ²⁵ Baadu ba vula ba mulandi:ba dugi mu manu ma Gadileya ye mu mabula guumi ye gu bula di yoludani ye gu yudeya,ye gu shimu di yanga di yoludani.

Chapter 5

¹Dangu Yesu di gadadi baadu bavula-ba vula gendi shigumuga lendi di gamundonda ga moshi.Ba longogi bandi finami yedi ndi. ² Bwoona ga yandigi gu balonga mbi:³ ''Gieshi gwedi baadu bana ba yabaga gu mbundu yi baa mbi beedi ba tsumugi shela,mudiambu gi fwumu gi Gahungu giedi gi baa! ⁴ Gieshi gwedi baadu bana ba dilaga mudiam,bu Gahungu ga ba gadula mukenda!⁵Gieshi gwedi baadu bana beedi pweede,mudiambu bu basenda manu mana ba shidi Gahungu! ⁶Gieshi gwedi baadu bana ba yugaga nzala yi vula mu guhanga mapandi mana ma zolagagi Gahungu,mudiambu Gahungu ga ba hega mapandi mootsu ma gu lunga! ⁷Gieshi gwedi baadu bana ba yugilaga baadu beega kenda,mudiambu Gahungu ga ba yugila baa kenda! ⁸ Gieshi gwedi baadu bana beedi mbundu pembi,mudiambu bu ba dala Gahungu!⁹Gieshi gwedi baadu bana ba godisaga ngemba mu kadi ga baadu,mudiambu Gahungu ga ba lendiga baana bandi! ¹⁰ Gieshi gwedi baadu bana ba baadu beega ba dadisaga pashi,mudiambu bahangagagi mapandi mana ma zolagagi Gahungu,mudiambu gi fwumu gi Gahungu giedi gi baa!¹¹Gieshi gwedi binu mbi bu ba luduga,mbi ba baludadisa pashi,mbi ba ba luhunigila mapandi ma mbi ye ma bupala bu pila ye pila,mudiambu binu lwedi balongogi bami. ¹² Yu gani gieshi,dalani pimbu, mudiambu lu senda sanda di ngwadi di neeni gu yilu.Ba mbingudi bana ba gadi gu misu yi binu ba gadi muni ba dadisa bulu gi desu gi moshi.¹³Lwedi nga mungu mudiambu di baadu.Mbi tomu yi hwii,buni ba fani vudula tomu yeeni kega?Mungu wuna loo giedi fwunu yi vula kega,ba fani mu matsa ye ndjila baadu ba fani muniada.¹⁴ Lwedi nga mwiinda mudiambu ye baadu.Bula dina djiedi ye londi di mundonda,loo di fani tswamana.¹⁵Loo ba lemisaga mwiinda mudiambu ye gufidimiga ga tiini;haa ba musagaga ye londi di meesa,guna,gu lemaga mudiambu ye baadu bootsu beedi mu kadi ga nzu. ¹⁶Gidesu gi moshi kega,mwiinda wu binu ga fani lema kega gu misu ma baadu.Bwoona ba dala mapandi ma pimbu ma lu hangagagi,bwoona ba hega lu gumu gwedi dada wu binu wuna weedi gu yilu.¹⁷Lu yindulegu mbi yi tshi mu gu zuwa matshigu ma Mososhi ye ma longi ma mbingudi.Loo yitshi mudiambu yi gu mizuwa,haa yitshi mudiambu di gu madendula shela. ¹⁸ Yi ba lu lela mapandi ma kiediga:dangu diootsu di ba djinga yilu ye manu,loo fani shi pandi yi moshi yi digi-digi mu matshigu;ma gala bwoobuna tii gu tsuuga yi mapandi mootsu.¹⁹Bwoona,gosu muudu wuna wu ba kada landa shi mapandi ma moshi maludi kunda mu matshigu maa,ma longaga kega baadu beega mu guhanga gi desu gi moshi,loo ga gala kega muudu yi fwunu yi vula mu gi fwumu gi Gahungu.Haa gosu muudu wuna wu landaga matshigu,wu longaga kega baadu beega mu gu hanga gi desu gi moshi,ga gala muudu wu moshi wu fwunu mu gi fwumu gi Gahungu. ²⁰Yi ba lu lela mbi:mbi loo lu ludi ba longi ba matshigu ye ba fadishi,mu guhanga mapandi mana ma zolaga Gahungu,loo lu goda mu gi fwumu gi Gahungu.''²¹Lu yugi mbi Gahungu ga ledi ba kaga ba binu mbi:"loo gu zuwa muudu;gosu muudun wuna wu zuwii muudu weega,bu ba musambisa.'' ²² Haa yi ba lu lela mbi:gosu muudu wuna wu yugila mwaana ba kabu,bu ba musambisa;gosu muudu wuna wu lela pangi wandi mbi:"ndji weedi muudu wu pamba,ba mu sambisa mu misu ma gimvuga gineeni gi ba yuuda;gosu muudu wuna wu lela pangi wandi mbi:"ndji weedi zoba,wu fani mu gwenda gu mbaa du bilungi.²³Bwoona,mbi magabu magu gweedi Gahungu,bwoona dangu di wu gumagi ye gihani gi meesa ma gimengi,wu yi bugi mbi pangi woogu weedi ye pandji ye ndji,²⁴ shisa magabu magu yena ye twala yi meesama gi mengi,ndawenda wu wagana teegu ye pangi woogu;gu ngoyi,vuduga,wu hana magabu magu.²⁵''Mbi muudu wu gufundi ga ba gu needa gwedi ba zushi,solulani tswalu dangu di lwedi mu ndjila.Mbi loo ga guhana gwedi zushi,zushi ga gu hana gwedi pulushi,bwoona pulushi ga gu lumba mu dangu mbada.²⁶ YIba lu lela pandi yi kiediga:loo ba gu dusa tii gu wu fudila mbongu djiootsu.''²⁷Lu yugaga mbi Gahungu ga yagudi bwoobu mbi:"loo gu hanga gidumbu.'' ²⁸ Haa yi ba lu lela mbi:muudu wootsu wu ba dala mukedu wu kani ye gu dwaa nzala mu gu mumimbisa,wu hangi gi ndumbu yendji mu dangu dina.²⁹Bwoona,mbu disu diagu di gi bagala di ba guneda mu guhanga masumu,di sumuna,di matsa!Gu ludi pimbu gu bidisa ndambu yi ludu lwoogu,haa loo gwedi pimbu mbi Gahungu lumba luudu lwoogu lwootsu gu bilungi. ³⁰Gi desu gi moshi,mbi googu diagu di gi bagala di ba gu needa mu guhanga masumu,di geesa,di masa!Gu ludi pimbu wu bidisa ga ndambu ga luudu lwoogu,haa loo gwedi pimbu mbi luudu lwoogu ;lwootsu lwenda gu bilungi.³¹''Gahungu ga lu ledi mbi:"gosu muudu qwuna wu yambudi mukedu wandi,gas fani hanga muganda wuna wu ba leshigisa mbi wala di fwii.'' ³² Haa yi ba lu lela mbi:mukedu wuna loo ga hangi gi ndumbu,mbi mukedu wandi bu ga muyambudi,mulumi wuna wu godishi mukedu wuna mu ndjila yi gindumbu mbi loo ga kwedi mukedu wuna.³³Lu yugi kega mbi Gahungu wu ledi kega ba kaga ba pidu mbi:''loo gu zuwa lushilulu shidi,haa hanga pandi yina yi wu shidi gu misu ma fwumu Gahungu mbi bu yi hanga.'' ³⁴Haa yi ba lu lela mbi:loo gu geesa Gahungu mu dangu di lushilu,loo gu danga djina di yilu,mudiambu yilu giedi nga djina di gi fwumu; ³⁵ Loo gu danga djina di manu,mudiambu manu ma ga sagaga milu,loo gu danga djina di yelusalemi,mudiambu diedi bula di gi fwumu gi neeni.³⁶Loo gu danga kega djina di mudu woogu,mudiambu loo wu fani balumuna shi lu t5sugi lu moshi lu mudu woogu,mbi luguma lu pembi mbi loo lu bwida. ³⁷Haa yagula kaga mbi:"ee,ee,''mbi loo''loo,loo'',mapandi mana meega ma wu fani yagula,ma gadugaga gwedi muudu wu mbii.''³⁸''Lu yugi mbi Gahungu ga yagudi mbi:"disu ye disu,dinu ye dinu.'' ³⁹Haa yi ba lu lela mbi:mbi muudu bu ga guhangi mbii,loo wu fani mu hanga kega mbii,mbi muudu bu ga gubudi mbada gu dama di gi bagala,muhega ndjila mu gu gubula gu dama di mukedu.⁴⁰Mbi muudu ga ba zola gwenda gu fwunda mudiambu di gu senda sumushi diagu,muhega kega ga zagu gagu.⁴¹ Mbi pumbulu bu ga gu ledi mu gunedi waba diandi mu gidamina gi moshi,yiga kega gi damina gi moshi.⁴² Mbi muudu bu ga gudingi gima,muhega;mbi muudu ga ba zola defa gima giagu,mu defisa.⁴³Lu yugi Gahungu ga lu ledi mbi:"zola pangi woogu,meenga mbeeni woogu.'' ⁴⁴Haa yi ba lu lela mbi:zolani ba mbeeni ba binu,sambila Gahungu mudiambu ye muudu wuna wu lu dadisa pashi.⁴⁵ Bwoona lu gala shela baana ba dada wu binu wuna weedi gu yilu.Mudiambu ga dusagagi dangu djioandi gu yilu,mudiambu ye baadu ba mbii ye baadu ba pimbu,ga nogisaga mvula gwedi baadu bana ba hangagagi mapandi ma pimbu ye gwedi bana ba hanga mapandi ma mbii.⁴⁶Mbi lu zolagagi kaga baadu bana ba luzolaga,mudiambu di kii Gahungun ga fani lu hega sandadi ngwadi?Shi dulagi duna du fudisaga baadu pagu,ba kega ba zolagagi kaga baadu bana ba ba zolagagi? ⁴⁷ Mbi lu hanaga mbodi kaga gwedi ba pangi ba binu,kii mapandi lu hangagagi ma ndaga hangaga baadu beega?Shi baadu bana ba gondi yaba Gahungu,baa kega ba hanaga mbodi gweedi baadu bana ba bahegaga mbodi! ⁴⁸ Loo lu fani gala ye gi fuu,nga dada wu binu wuna weedi gu yilu loo giedi kega ye gi fuu.

Chapter 6

¹"Loo gu hangani bisalu bi binu bi Gahungu mudiambu di gudi lela gu misu mi baadu bootsu.Mbi bwoona lu hangi dada wu binu weedi gu yilu,loo ga lu hega sandadingwadi shi ga ndambu. ² Bwoona,mbi wu bahana magabu gwedi tsugami,loo guda muganda;yina pila yi hangaga muudu wu bu pala ye mu ma nzu ma bisambu ye mu muwangu,mudiambu baadu ba badidisa.Yi ba lu lela mapandi ma kiediga:ba sendi gu mwaga sandadi ngwadi di baa.³Haa mbi wu bahana magabu gwedi ba tsugami,hanga mu pila mbi shi ndugu woogu shela ga konda yaba mapandi mana. ⁴ Bwoona magabu magu loo mamiga gu misu ma baadu,haa dada woogu weedi gu yilu,wuna wu dalaga mapandi wu hangaga mu gi tswegi,ga gu hega sandadingwadi.⁵Mbi lu basamba Gahungu,loo gu galani nga baadu ba bupala ba zolaga gu gala mu muninga mu ma nzu ma bisambu ye mu ma magu ma ma ndjila mudiambu baadu bootsu ba badala.Yi ba lu lela mapandi ma kiediga:ba sendi ye tuunda sandadingwadi. ⁶ Haa mbi wu ba zola samba,goda gu sugu diagu,ganga kiafulu,bwoona samba dada woogu wuna wu kondaga moniga.Bwoona dada woogu wuna wu dalaga mapandi mana ma wu hangaga mu gi tswegi,ga guhega sandadingwadi. ⁷ Mbi lu ba samba,loo gu yagulani ngolu nga ba mipani.ba yindulagagi mbi Gahungu ga ba yuga mudiambu ye bisambu bi baa bi leeya.⁸Loo gu galani nga baa,mudiambu dada wu binu ga yabaga gu twala mapandi mana ma lwedi ma fwunu dangu di lu kondi mudinga. ⁹ Dalani pila yi lu fani sambila Gahungu:"dada wu binu wuna weedi gu yilu,ndjina diagu di gala di lugumu. ¹⁰ Gi fwumu giagu gitsa,luzolu lwoogu luhanga yaa mu manu nga gu yilu.¹¹Duhega leludi madia mana ma dwedi maa fwunu.¹² Du lolula pidu baadu ba masumu bu du loludi baadu ba duhangagagi mambii. ¹³ Loo gu du yambula pashi yi guluda dji vula,haa dugadula gu mioogu mi baadu ba mbii.¹⁴Mudiambu,baadu beega bana ba luhangi mbii lu ba balolula,dada wu binu kega weedi gu yilu bu ga lu lolula. ¹⁵Haa mbi loo lu ba lolula baadu beega,dada wu binu kega loo ga lu lolula.¹⁶Mbi lu ba duna gu dia mudiambu di gu samba Gahungu,loo gu galani ye mbunzu yi kenda nga baadu bupala;ba balumunaga ma mbunzun ma baa mudiambu di gu lela baadu mbi ba dunaga gu dia mudiambu di gu samba Gahungu.Yi ba lu lela mapandi ma kiediga:ba sendi ye tunda sandadingwadi di baa. ¹⁷ Mbi wu ba duna gu dia sugula mbunzu yagu,sanuna tsugi dJiagu. ¹⁸ Bwoona,baadu beega loo ba yaba mbi wu ba duna gu dia;kaga dada woogu wuna wu gondaga moniga wu yabagagi.Bwoona dada woogu wuna wu dalagagi mapandi mana ma wu hangaga mu gi tswegi,ga gu hega sandadi ngwadi.¹⁹Loo gu tswegani gi mvwama yaa ye londi di manu.Yaa ye londi di manu ba mbitshi badi di diagaga,bi gumaga madadi beebi ba godaga mu nzu mu ngolu mu gwenda bi yiba. ²⁰ Haa yi tswega gi mvwama gu yilu,guna ba mbitshi loo ba fani bi dia,loo bi fani guma madadi,beebi loo bas fani goda kega mu gwenda gu bi yiba.²¹ Mudiambu gihani giedi giagu,ya yena kega ye gala mbundu yagu.²²Misu maagu miedi nga mwiinda wu ludu lwoogu.mbi magu meedi pimbu,ludu gu lu mu mvimba lugala kega ye mwiini.²³ Haa mbi misu magu meedi ma gu fwaa,ludu lwoogu lu mvimba kega lugala piba.Piba yi gala yi vula shela!²⁴ Loo shi muudu wu moshi wu fani hangila ba fwumu boodi,ga zola fwumu wu moshi,haa wuna weega loo,ga dumuga gweedi fwumu wu moshi,haa ga mvweza wuna weega.Binu kega,loo lu fani hangila ba fwumu baa boodi,Gahungu ye gi mvama²⁵Bwoona,yi ba lu lela mbi:loo lu fani dala pashi mbi kii lu diagi,mbi loo kii lu nwagi mudiambu ye lunzingu lu binu,loo fani dala pashi kega mbi kii miledi lu mvadagi mu ludu lu binu.Haa mooni loo lu galudi madia mu fwunu.Haa ludu loo ludi madia mu fwunu? ²⁶ Dalani ba nuni:loo ba gunaga,loo ba gadulaga kega bima mu mangundu,loo ba biswegaga mu nzu,haa dada wu binu wuna weedi gu yilu ga ba hegaga madia.Haa binu loo lu ludi ba nuni mu fwunu?²⁷Naa mukadi ga binu wu fani gi lumbu gi moshi mu djingu lwoondi mbi bu gashi mabanza gwedi ndi?²⁸ Mudiambu di kii binu lu sagaga mabnza ma binu mu miledi?Dalani bi tundu bina biedi mu tsegi kii pila bi gulaga:loo bihangaga,loo bi di dungilaga kega miledi. ²⁹ Haa yi ba lu lela mbi:shi ndi beeni Salomo mu lu gumu lwandi lwootsu lu gi fwumu,loo ga vadi miledi mi pimbu nga bitundu wu moshi mukadi ga bi tundu bii.³⁰Kasa djina diedi lelu mu tsegi,haa dji ba gesa mbatshi mu gu dji masa gu mbaa,Gahungu wu dji vadisaga buna,bwoona,mbi ga vadisagagi kasa djina,haa loo ga lu vadisa gu guluda gu vula?Aa lugwigilu lu binu lwedi lu kunda shela! ³¹ Loo gu dalani pashi mu gu yufulaga mbi:"kii du ba dia?",''kii du ba nwaa?'',''kii du ba vada?"³²Ba mipani ba ndingaga bima bina biootsu dangu djiootsu.Haa binu,dada wu binu wuna weedi gu yilu wu yabi mbii loo lweedi fwunu yi bima bina biootsu. ³³Haa landani kaga mu gu dinga gi fwumu giandi ye mapandi mana ma ga zolagagi,bwoona ga lu yiga bima bina biootsu. ³⁴Bwoona,loo gu dalani pashi mudiambu ye mapandi mana ma ba gwitsa mbashi;gilumbu gi mbatshi gi gala ye pashi di gia beeni dji gu fwana.Gosu gi lumbu gi dunedilaga pashi,loo gwedi fwunu mu gu du yiga pashi djiega.

Chapter 7

¹''Loo gu sambisani baadu beega,bwoona Gahungu kegab ga komda gu lu sambi. ² Mudiambu,bu lusambisaga baadu beega,Gahungu kega bu ga lusambisa bwoobuna;gi geledi bu lu hangilaga mu gu desa baadu beega,Gahungu keega ga hangila bwoobuna mudiambu ye gu lu deesa.³Mudiambu di kii wu dalaga lu gasa lweedi mu disu lu mugwenu,haa loo wu ba dala mudi wu neeni weedi mu kadi ga disu woogu? ⁴ Mbi loo buni wu fani lela pangi woogu mbi:"nzambula kadula ga lugasa gana geedi mu disu diagogu'',haa ndji loo,ndji wedi ye mudi wu neeni mu disu diagogu? ⁵ Ndji muudu wu bu pala,ga dula teegu mudi wu neeni wuna weedi mu disu diagogu,haa wu yaba gu dala pimbu mu gu gadula lugasa lwedi mu disu di mugwenu mbi loo di pangi woogu.''Gima gina giedi gi gedila loo lu fani hega ba mbwaa,mbi loo ba lu yu gila kabu,ba mana gu lu gesa mu minu ma baa;loo gu masani mayaga ma binu ma taalu gwedi ba ngulu,mbi loo bu ba maniada.''⁷La ndani kaga mapandi mana maa lwedi maa fwumu,bwoona Gahungu nga ga lu heega;landani kaga gudinga mapandi mana ma lwedi maa fwunu,bwoona nga lu madala;landani kaga mu gu beediga gu gielu haa Gahungu nga ga lugangudila. ⁸ Mudiambu gosu muudu wuna wu dingaga mapandi mana mootsu ma gedi ma fwunu,bu ga ma senda;gosu muudu wuna wootsu wu dingaga mapandi,bu ga madala;wuna wootsu wu bedigaga gu gielu Gahungu bu gamu gangudila. ⁹Mu kadi ga binu,mbi wedi dada,bwoona mwaana woogu bu ga gudingi mapaa,wu muhega dadi? ¹⁰ Mbi loo,mbi bu ga gudingi mbitshi wu mweetshi wu muhega musobi?¹¹Bwoona binu baadu ba mbi,mbi lu yabi gu hana magabu ma binu,ya bani mbi dada wu binu wuma weedi gu yilu bu gahana kega gi fudi gi bima bi pimbu gwedi baadu bana ba mudingaga? ¹² Haa,mu bina biootsu bi lu ba zola mbi baadu ba hanga gwedi binu,lu fani hanga kega gwedi baa,mudiambu gwedi tshigu ye batuumwa.¹³Godani mbala yi moshi ye mbelu yi digi-digii,mudiambu mbelu yi neeni ye ndjila yi neeni yi gu needa baadu gu bilungi baadu ba vula beendaga mu ndjila yina.¹⁴ Haa giafulu ye ndjila yina yi nedaga baadu gu mooni giedi kaga shela,baadu ndambu ba yi dalaga.¹⁶''Giebani gwedi baadu bana ba ya gulaga pandi yi bupala mu ndjina di Gahungu;mbi ba baa lu yitshila,ba monigaga nga ma meema,haa mu mambundu ma baa beedi nga ba koyi. ¹⁵ Lu ba yaba mu mapandi ma ba hangaga.Du midi dungangu du budaga vinu,gu budaga kega ma fidji? ¹⁷ Gosu mudi wu pimbu ga budaga kuna dji pimbu,haa gosu mudi wu konda pimbu ga budaga kuna dji konda pimbu.¹⁸Mudi wu pimbu loo ga fani buda kuna dji mbii,mudi wu mbi kega ga budaga kuna dji pimbu. ¹⁹ Haa mudi wootsu wu kondaga buda kuna dji pimbu lu fani gesa lu lumbi gu mbaa. ²⁰ Bwoona,baadu bana ba yagulaga mapandi ma bupala mu ndjina di Gahungu lu bayaba mu mapandi ma baa ma ba hangaga.''²¹Baadu bana ba ndendigaga mbi:"fwumu,fwumu,''loo mbi ba bootsu ba goda mu gi fwumu gi Gahungu,haa bana ba hangaga lu zolu lu dada wami wuna weedi gu yilu,baadu ba bana ba goda mu gi fwumu gi Gahungu. ²² Mu gilumbu giagina baadu ba vula ba nzufula mbi:"fwumufwumu,loo mbi pidu du yabisaga pandi yi Gahungu mu djina diagu?''Loo mbi pidu du dusaga mi hunga mimbi mu djina diagu?"loo mbi pidu du hangaga bidjimbu bi vula mu djina djigu? ²³ Mu dangu dina yi ba lela mbi:"yi kada gu lu yaba,binu lu hangaga mapandi ma mba,gadugani yaa gu misu miami!"²⁴Bwoona gosu muudu wuna wu yugi mapandi mana ma yi yagudi,mbi bu gama ma landi,wu fanagani ye muudu wuna wu dugi nzu yandi ye londi di madadi. ²⁵ Dangu di mvula yi ngolu yi nogi mwetshi ga yudi ngolu,mubunga ga budi ngolu mu nzu yina,haa nzu loo yi bwii,mudiambu ga yi dungi ye londi di madadi.²⁶Muudu wuna wootsu wu kadi yuga ndaga yami,haa loo ga ba yihangila wu fanagani ye zoba dina di dungi nzu yen londi di zelu. ²⁷ Dangu di nogi mvula yi ngolu,mwetshi ga yudi ngolu,muhunga ga budi ngolu mu nzu yina,nzu yi bwii!"²⁸Dangu Yesu di ga manishi malongi mana,baadu ba yidugi ngolu pila yi galongi, ²⁹ Mudiambu loo ga longagi nga ba longi ba baa ba tshigu,haa ga longagi ye giyega.

Chapter 8

¹Dangu di gulumugi Yesu mu mundonda,baadu ba vula ba mu landi. ²Dangu di,muudu wu gadi ye gi kashi gi kungudi gitshi mu fugamanina gu milu,bwoona ga ledi Yesu mbi:"fwumu,mbi bu zodi wu fani kindisa.''³ Yesu ga dandumuni gogu diandi,ga mu gami,bwoona ga yagudi mbi:"yi zodi,ginda!"Kaga mu mbala yi moshi gi kashi gi mu hwii.Dangu di,Yesu ga mu ledi kega mbi:"geba!loo gu yagula shi gwedi muudu wu moshi,haa ndaa wu dilesa gwedi ba nganga ba Gahungu hana ma yagudi Moshi,mudiambu di gu lela baadu mbi wu gindi.⁵Dangu Yesu di gagodi gub bula di Gapedinahumu, fwumu wu moshi wu ba pumbula wu gi fwumu gi looma gitshi gwedi ndi,bwoona ga wondidi Yesu, ⁶ mbi:"fwumu,muhiga wami wu moshi gedi ye giandu mu nzu;gedi gi gada,gadala pashi dji vula.'' ⁷ Yesu ga mu ledi mbi:"yi ba gwitsa mu gindisa.''⁸Fwumu wuna mbi:"fwumu,loo yi fani mu gu guyamba mu nzu yami.Yagula kaga gu ganu,haa muhiga wuna gaginda. ⁹ Mi kega ndemvugaga gwedi ba fwumu ba memi,yedi ba pumbula bana ba fani ndemvugila.Mbi bu ndeshi mupumbulu:"ndaa!"ga fani gwenda.mbi bu yi ledi mupumbulu weega:"yi zaa!"ga fani gwitsa.Haa mbi bu yi ledi muhiga wami:"hanga pandi yii!"ga fani gu yi hanga.'' ¹⁰ Dangu Yesu di ga yugi pandi yina,ga yidugi.Ga ledi baadu ba mu landagi mbi:''yi ba lu lela pandi yi kiediga:yi kada dala lu gwigilu lu buu shi gwedi muudu wu moshi wu yi Shiledi.¹¹Yi ba lu lela mbi baadu ba vula ba duga gu ndambu yi esta ye gu ndambu yi westa,ba gwitsa gala ye meesa ma gi fwumu gi Gahungu Abalahamu,Yizagi,ye Yagobu. ¹² Haa baadu bana ba zola gu gala mu gi fwumu,Gahungu ga ba lumba ye ndjila,mu piba.Ye gi hani gina ba gala mu gu dila,ba bula gwengisa minu.'' ¹³Yesu ga ledi fwumu wu ba pumbulu mbi:"ndaa!gu nzu yagu.pandi yina yi wu gwigidi yi hangamana mudiambu ye ndji.''Mu dangu diadina muhiga wu fwumu wuna ga gindi.¹⁴Yesu geendi gu nzu yi piela.Gwooguna gadadi bogu bu piela wu mukedu wu mimbi ye gi kashi. ¹⁵Ga mnu gami mu gogu,gi kashi gi hwii;dangu di ga niamugi,ga yandigi gu hangila Yesu dubisalu dwega.¹⁶Mu mashiga,dangu di djiami dangu,bitshi needila Yesu baadu ba vula ba gadi ye mihunga mimbii.Yesu ga dushi mihunga mimbii mu pandi yina yi ga yagudi;ga gidishi baadu bana bootsu ba gadi ba kashi. ¹⁷Ga hangi buna mudiambu ye gulungisa pandi yina yi gadi mu tuumwa Yezaya mbi:"ndi beeni wu sendi pashi di pidu,wu dugadudi bi kashi bi pidu.''¹⁸Dangu Yesu di gadadi baadu ba muyudidi,ga ba ledi mbi:"du sabugani gu shimu.'' ¹⁹ Longi wu moshi wu matshigu gi tshi gu mu lela mbi:"longi yi fani gu gulanda gosu guna gu wendagi.'' ²⁰ Yesu ga yagudi mbi:"migengi miedi ye mawulu ma maa mudiambu ye gu mimba,ba nuni beedi ye mayamba ma maa,haa mwaana muudu loo geedi ye gihani gi ga fani gwenda mimba.''²¹Muudu weega,wuna wu gadi mu longogi wu Yesu,ga mu ledi mbi:"fwumu,pega teegu ndjila,yenda djiga dada wami.'' ²²Yesu mbi:"loo,yi zaa wu ndanda,bwoona yambula baadu bana ba fwii,ba didjiga baa ye baa.''²³Dangu di,ba godi mu bwaadu ye ba longogi bandi beendi.²⁴ Muhunga wu ngolu ga budin ye londi di mwetshi.Bwoona bwaadu bu yandigi gu yula ye mwetshi.Haa Yesu ga gadi wu miimbi. ²⁵Ba longogi beendi gu niamugisa,mbi:"fwumu,du hulusa,du bazola fwaa!"²⁶Yesu mbi:"mudiambu ye kii lu ba yuga booma?''Loo lwedi ye lu gwigilu lu vula!"Dangu di,ga niamugi ga nganini muhunga ye mwetshi,bwoona ndambu djiootsu dji gumu pweede. ²⁷ Baadu ba yidugi ngolu:''baa mbi kii muudu wu buu?Shi muhunga ye mwetshi muni gu muyugila"²⁸Dangu Yesu di ga gumi gu shimu di Gadara,baadu boodi bitshi duga gu mandjiamu,bitshi wanagana Yesu.Ba gadi ye mihunga mimbii;bab hanagi booma bu vula gwedi baadu,loo gu gadi shi muudu wu moshi ye gi kesa gi gu luda mu ndjila yina. ²⁹ Ba yandigi gu yagula mundaga yi ngolu mbi:''ndji mwaanas Gahungu kii pandi yedi ndji ye pidu?Ndji witshi mudiambu ye gu duyangigisa dangu di mu wundu pidu kando lunga?''³⁰Ba ngngulu ba vula ba gadi pena-pena ye gihani gina mu gwenda dia. ³¹ Mihunga mieni mina mi woondidi Yesu mbi:"mbi bu zodi gu du dusa,du dumisa,twenda du goda gwedi ba ngulu.'' ³² Yesu mbi:"ndaa lwenda!''bwoona mi dugi,mi miendi goda gwedi ba ngulu bana.Ba ngulu bana bootsu ba gadugi tiinu gu mu mundonda,bendi bwaa mu mwetshi,bwoona ba fwii mu mwetshi.³³Baadu bana ba dala ba ngulu ba diini gu baa,bendi yagula pandi yiootsu gu bula,ye pandi yina yi bwiidi baadu bana ba gadi ye mihunga mimbii. ³⁴ Bwoona baadu bana ba bula dina bootsu bendi wanagana ye Yesu.Di ba mudadi,ba muwondidid mbi:"padido,ga duga yaa mu manu mapidu!"

Chapter 9

¹Yesu gendi goda kega mu bwaadu,ga sabugi kega mwetshi,ga gumi ye bula diandi ndi beeni. ²Bi tshi mu nedila gi gada gi moshi gi hwaa miimba ye londi di giandu.dangu Yesu di gadadi lu gwigilu lu baa,ga ledi mu kashi mbi:"ndji pangi wami muudu wu masumu,gala ye gi gesa,Gahungu wu gu loludi.''³Bwoona ba longi beega ba tshigu ba yandigi gu yagula gu ma mbundu ma baa mbi:"muudu wuu ga ba mvwenza Gahungu!" ⁴ Yesu ga yabi ngindu dji baa,ga ba yufudi:"mudiambu di kii lwedi ye mabanza mana ma mbii? ⁵ Mu mapandi maa moodi,kii biedi bi pashi mu gu yagula:''Gahungu wu gu loludi''mbi loo''niamuga,ndaawenda gwoogu?"⁶ Haa yi ba zola binu lu yaba mbi mwaana muudu gedi ye gi yega mu gu lolula muudu wu masumu yaa ye londi di manu.''Bwoona ga ledi gi gada mbi:"niamuga gwoogu,senda giandu giagu,bwoona vuduga gu nzu yagu!"⁷Muudu weeni ga niamugi,ga vudugi gu nzu yandi. ⁸Dangu baadu di badadi bwoona,booma bu ba gami;ba heegi Gahungu lugumu mudiambu Gahungu ga hegi muudu gi yega gi buna. ⁹Yesu ga gadugi ye gi hani gina.Dangu di ga gadi muni luda,ga dadi muudu wu hemini ye twala yi nzu yi gu fudisa baadu bidadi,ndjina diandi Matayi.Yesu ga mu ledi mbi:"ndada.''Matayi ga niamugi,ga landi Yesu.¹⁰Dangu Yesu di ga gadi muni dia mu nzu,dulagi ye baadu beega ba vula bambii,bitshi dia meesa ma moshi ye ndi ye ba longogi bandi. ¹¹ Dangu ba fadishi yedi badadi mapandi mana,ba yufudi balongogi bandi mbi:"mudiambu di kii longi wu binu ga ba deia meesa moshi ye dulagi ye baadu ba vula ba bikalulu bi mbii?"¹²Yesu ga ba yugi,bwoona ga ba ledi mbi:"baadu bana loo beedi ye gikashi,loo beedi ye fwunu yi munganga.Haa bana beedi ye gi kashi,baadu ba bana beedi ye fwunu yi munganga. ¹³ Ndaa lu longuga gi songidila gi pandi maa meedi mu muganda wu Gahungu:"loo yi zolaga mbi baadu ba peegi ma gabu magimeengi,haa nzolagagi baadu ba yugidi baadu beega kenda.''Mudiambu loo yi tshi mu gu lendiga baadu ba pimbu haa baadu ba masumu.''¹⁴Dangu di,ba longogi ba Yowani mbodigi bitshi yufula Yesu mbi:"mbal;a dji vula pidu ye ba fadishi du dunaga gu dia mudiambu ye gu samba Gahungu,haa ba longogi bandi,mudiambu di kii kondaga duna gu dia shi gandambu?" ¹⁵ Yesu ga ba yufudi kega mbi:"binu lu bayaba mbi ba ndugu ba muudu wuna wu bakwela,ba fani gala mu kenda dangu muudu wuna di gedi ye baa?Loo,haa gi lumbu giedi gi ba gadula muudu wuna mu kadi ga baa,bwoona gi ba duna gu dia.¹⁶''Muudu loo ga fani bambigisa muledi wu tuunda mugidembu gi muledi wu mpaa,mudiambu gi dembu gina gi baga muledi wuna wu tunda bwoona ganu di luda pila yi gadi teegu mu bu neeni.¹⁷Muudu loo ga fani saa kega vinu di mpaa mu bungu di tunda mu muganda wu mbitshi.Mbi buga hangi bwoona,mabungu bu mabudiga,vinu bu di diaguga,mabungu bu mafwaa.Haa ba saaga vinu di mpaa mubungu di mpaa,haa nga ba digieba ma moodi pimbu.''¹⁸Dangu Yesu di ga gadi muni yabisa pandi yina,fwumu wu moshi wu ba yuda gitshi guma ga fugamani mu milu mi Yesu,bwoona ga yagudi:"mwaana wami wu mukedu wu fwii sebi-sebi di,haa yi zaa wu mu saa gogu,bwoona nga ga gala ye mooni.'' ¹⁹ Yesu ga niamugi,ga landi muudu weeni;ba longogi bandi kega ba mu landi.²⁰Mukedu wu moshi ga gadi ye gi kashi gi guduga meengi yandiga ma mvula guumi ye moodi gitshi pena-pena gu ngoyi Yesu.Bwoona ga gami tsongi wu muledi wandi, ²¹ Mudiambu ga yindula mbi:"mbi bu yi gami tsongi yi muledi wandi,kindagi.''²² Haa Yesu ga balumugi gi ngoyi,gadadi mukedu weeni,bwoona ga yagudi mbi:"ngudi wu gala ye gigesa!lugwigilu lwoogu lu gu hulushi.''Mu dangu diadina kaga,mukedu wuna ga gindii.²³Dangu Yesu di ga gumi mu nzu yi fwumu yi bayuda,gadadi baadu ba bula mizigi mu mafwaa ye beega ba vula ba saa lolu, ²⁴ Bwoona ga ba ledi mbi:"ga dugani gu binu!mwaana loo ga fwii,haa gedi huhwaa mimba.''Bwoona baadu beeni ba yandigi gu mu seya.²⁵Dangu di ba dushi baadu gu hwii,Yesu ga godi,ga gami mwaana wu mukedu mu gogu,bwoona mwaana ga niamugi. ²⁶Tsangu djina dji pasagani gi dini gina gi muwundu.²⁷Yesu ga gadugi yana.Dangu di ga gadi muni gwenda,baadu boodi ba hwaa fwaa misu ba yandigi gu mu landa muni gwendaga yagula mundaga yi ngolu mbi:"mwaana Davidi,du yuga kenda!''²⁸ Dangu Yesu di gagumi mu nzu,baadu bana ba fwii misu ba pusugi pena-pena ye ndi,bwoona ga ba yufudi mbi:"lu yabi mbi yi fani hanga pandi yina?"Baa mbi:"eee,fwumu!''²⁹Dangu di,Yesu ga shi lu lembu ye londi di misu mi baa,ndi mbi:"pandi yi yiootsu yi gala kaga gwedi binu bootsu nga bwedi lugwigilu lu binu!'' ³⁰Bwoona ba yandigi gu dala kega.Yesu ga ba ledi mu ngolu mbi:"gebani!loo lesani mbandi yii shi gwedi muudu wu moshi!'' ³¹ Haa bendi yagula pandi yina gu ndambu yiootsu.³²Dangu baadu bana di bendagi,baadu beega bitshi needa gi hulu gwedi Yesu.Gihulu gina loo gi yabi gu yagula mudiambu ga gadi ye mihunga mimbii.³³ Dangu Yesu di ga dushi mihunga mimbii,muudu wuna ga yandigi gu yagula.baadu bootsu bana ba gadi yana ba yidugi.Ba yandigi gu yagula mbi:"mu kadi ga baadu ba yi shiledi loo yandu du sadi dala muudu wu buu shi mbala yi moshi!"³⁴ Haa bafadishi mbi:"fwumu wu mihunga mimbii,wu muhegaga ngolu mu gu dusaga mihunga mimbii.''³⁵Yesu genda luda mu mabula mootsu maneeni ye ma digi-digii genda longa baadu mu manzu ma baa ma bisambu,genda ba yabisa tsangu dji pimbu mudiambu ye gi fwumu gi Gahungu,genda gindisa baadu bana ba gadi ba kashi mbi loo mu pashi dji pila ye pila. ³⁶ Dangu di gadadi baadu ba vula-bavula,ga ba yugi kenda,mudiambu ba gadi ba lembwi,gi gesa loo,nga ma mema ma gondi ngungudi wu gu madala.³⁷Bwoona Yesu ga ledi ba longogi bandi mbi:"kuna dji vula djiedi mu ngundu,haa baadu ba gisalu loo beedi ba fani dji gadula. ³⁸ Woondilani weeni ngundu mu gu dumisa baadu beega mu gisalu mudiambu ye gu gadula kuna djiandi.''

Chapter 10Yesu ga lendigi ba baandi gumi ye boodi,ga ba hengi gi yegagi gu dusa mi hunga mi mbii ye gi gugindisa ba kashi ye ma pashi ma pila ye pila.

²Ma djina ma ba tumwa gumi ye moodi maama: wu tegu Shimoni{wu ba lendigaga Piedi}ye mu gegi wandi Andele;Yagobu ye mugegi wandi Yowani,baana ba Zebede; ³ Filipi ye Baditelemi;Toma ye matayi muudu wu gadi tegu galagi ga bi dadi;Yagobu mwaana wu Alufeyo;ye Tadeyo; ⁴ Simoni wuna wu gadi revolisionere;ye Yudashi arkariyote,wuna wu degi yesu.⁵Dangu Yesu di ga dumi baadu bana gumi ye boodi ga ba ledi mbi:loo gwendani mu manu ma baadu bana ba gondi bayudashi;loo gu godani shi mu mabula ma manu ma samadiya. ⁶ Haa ndani gwedi baadi yizalayedibana beedi nga ma mema mana ma bilaga. ⁷Lwenda lu longa baadu mbi:"gi Fwumu gi Gahungu gi gumi finamu!⁸Gindisani ga kashi,lu shamugisa baadu ba fwii,lu gindisa bana beedi ye ma kashi ma bingishi,lu dusa mi hunga mimbii.lu senda ma gabu mapamba,hanani magabu kega mapamba gwedi baadu. ⁹Loo gu sendani gosu mutindu wuna mbongu mu gusa mu mapogoshi ma binu.¹⁰Loo gu sendani shi ga tsagi ga mbongu mudiambu ye ndjila,loo shi masumishi moodi-moodi,shi bi ladu loo,shi mudi gu mioogu loo.Mudiambu muudu wu gisalu ga fani senda bima bina bi giedi bia fwunu.¹¹''Mbi bulugumi ye bula di neni mbilo di kunda,dingani wuna wu fani gu luyamba,ya yena lu nimbi kaga gu nzu yandi tii guna gu lu gaduga gu bula dina. ¹² Mbi bulugodi mu nzu yi baadu,lu bahegi mbodi. ¹³ Mbi beeni nzu yina bu ba luyambi,mbodi yi binu yi gala kaga boobuna;haa mbi loo ba lu yambi mbodi yi binu yi vuduga gwedi binu beeni.¹⁴Bwoona mbi nzu yi moshi mbilo bula di moshi di lu duni mu gu luyamba mbilo mu gu yuga mapandi ma binu,gadugani yena.Dangu di lu ba gaduga,pubulani milu mi binu mudiambu ye gu gadula fudu yina yedi mu mashina ma milu ma bimu,mu pila mbi ba yaba mbi ba hangi mbi. ¹⁵ Yi ba lulela ma pandi ma kiediga:mu gilumbu gina Gahungu gi gasambisa baadu,ndola yi baadu ba sodomu ye bula di gomore yi gala ndambu,haa ndola yi bula dieni yi luda gidesu!''¹⁶''Dala,yi ba ludumisa nga ma mema mu kadi ga ba koyi;galani mayela nga du bulugu.Galani ye mbundu yi pwede ga dipombu. ¹⁷ Di gebani pimbu,mudiambu lwedi ye baadu beega ba lugama,ba luneda gwedi ba zushi yana balubula misamba mu ma nzu ma baa ma bi sambu.¹⁸ Lu gwee samba gu misu mi ba guvedinedi ye mu misu mi ba todila mudiambu ye mi.Bwoona lu yaba guda gi mbangi gu misu mi baa ye gu misu mi baadu bana ba gondi ba yudashi.¹⁹Mbi bu ba lusambishi mu tribinale,lu dalegu pashi gu mbundu mbi:"ki duyagula?mbilo ki pila du fani yagula?"mudiambu Gahungu ga lu lela mu dangu dina ma pandi mana ma lu yaluyagula. ²⁰ mudiambu loo mbi binu baadu luyagula:haa muhunga wugedila wu dada wu binu wu lulela ma pandi mana ma luyagula.²¹Baadu ba hana ba pangi dji baa gu mioogu mi ba mbeni mudiambu ye gu ba zuwa,ba dada kega ba hanga gi desu gi moshi gwedi baana ba baa.Baana ba guma ba mbeni ba badada ye ba ngudi ba baa,ba kega ba bazuwa. ²² Baadu bootsu ba lu menga mudiambu ye mi.Haa muudu wuna wu ganga tii gu tsuga,ndi bu ga huluga. ²³Mbi bu baludashi pashi gu bula diega,ludini gu bula diega.Yi ba lulela ma pandi ma kiediga loo mu manisa gi salu gi binu mu mabula mootsu ma Yizalayedi mbi mwaana muudu loo yandu gi tshi.²⁴Mwaana nzukanda loo galudi longi wandi;muhiga loo galudi fwumu wandi. ²⁵ Pimbu buna mbi mwaana nzu kanda mu gugala nga longi wandi,muhiga kega wu gadi nga fwumu wandi.Mbi bu bahegi fwumu wu nzu ndjina mbi sadanaa belesebulu,ba mu hega ma djina ma guluda ma baadu gu yandi!''²⁶Ya yena,loo gu dinani baadu booma.Mudiambuma pandi mana mootsu meedi ma guswamana,baadu ba madala;ma pani mootsu magiswegi ba ma yaba. ²⁷ Ma pandi mana ma yi ba lu lela mupiba lu fani ma yagula mu mwini;mandi mana ma lu bayuga ma gitswegi lu fani ma yagula mu misu ma baadu bootsu.²⁸Loo gu yugani booma mudiambu ye baadu bana ba zuwagagi ludu haa loo ba fani zuwa moni:haa dinani Gahungu booma;haa ndi muudu lu fani yuga booma ndi wu fani zuwa moni ye ludu gu bilungi. ²⁹ Bwoona,loo ba degaga ba nuni boodi ba kunda mu lu ndondu lu mbongu dji kunda-kunda?haa loo gwedi ye nuni wu moshi wu fani bwaa mu manu mbi dada binu loyandu ga gumbudi.³⁰ Shi tsugi binu dji mudu,Gahungu wu djidangi djiadjiootsu. ³¹ Bwoona,loo gu yugani booma;shi ba nuni beedi ba vula,haa binu lu baludi mu fwunu.³²Gosu muudu wuna wu kumbudi gu misu ma baadu,mi yi mugumbula gu misu ma dada wami wuna wedi gu yilu. ³³ Haa gosu muudu wuna wu tuna gu misu ma baadu mi kega bu yi munduna gu misu ma dada wami wuna wedi gu yilu."³⁴Loo gu yindulani mbi yi tshi mudiambu ye gu neda ngemba aya ye londi di manu;haa yi tshi neda mbedi yi bidumba.³⁵ Yi tshi ga bula mwaana wu ba gala ye dada wandi,mwaana wu mukedu ye ngudi wandi,mwaana wu mukedu ye bogu bwaandi wu mukedu.³⁶ Ba mbeni ba gosu muudu ba gala baadu bana beedi mu famillia wandi ndi beeni.³⁷Muudu wuna wu ba zola dada wandi mbilo ngudi wandi haa loo ga nzolaga,loo ga lungi mu gu gala muudu wami;muudu wuna wu zolaga mwaana wandi wu ba gala mbilo wu mukedu haa loo ga nzolaga,loo ga lungi mu gu gala muudu wami. ³⁸Muudu wuna wu sendaga kulundji wandi loo ga ndandaga,loo ga fani mu gu gala muudu wami. ³⁹ Muudu wuna wu mega gu geba moni wandi,ga mu bidisa:muudu wuna wu bidisa moni wandi mudiambu ye diami,ga mu senda."⁴⁰Muudu wuna wu lu yambi,ga yambi mi;Bwoona,muudu wuna wu nzaambii,ga yambi kega muudu wuna wu tuumi.⁴¹ Muudu wuna wu yambi mbigudi wu Gahungu mudiambu gedi mbigudi wu gahungu,ga senda sandadingwadi dina di ba hegaga mbi gudi wu Gahungu;bwoona muudu wuna wu yambi muudu wu pimbu,ga senda sandadingwadi di ba hegaga muudu wuna wu pimbu.Yi ba lu lela ma pandi ma kiediga:muudu wuna wu hanaga goba di mwetshi di moshi di budjidji gwedi mu longogi wuna wu gondi fwunu yivula{nga ba longogi bami beega}mudiambu muudu wuna wedi mu longogi wami,ga senda kaga sandadingwadi."

Chapter 11

¹Dangu Yesu di ga yagudi ma pandi mana ma ba longogi bandi magu moodi gu hwii,ga gadugi yena mudiambu ye gwe longa mapandi ma Gahungu mu mabula mana medi fwinama. ² Dangu Yowani batishite di ga gadi mu dangu-mbada,ga yugi baadu muni ya gula mudiambu ye bisalu bi Kidishidu bi gahangagagi,bwoona ³Mudiambu ye gu yufula Yesu mbi:"loo wedi muudu wuna wu fani gwitsa,mbilo du faniginga muudu wega?"⁴Yesu ga ba vududidi mbi:"ndaa lwenda lu mu lela Yowani mapandi maa ma lu ba yuga ye ma lu ba dala. ⁵Baadu ba fwii misu muni dala kega,bibogu muni gwenda,baadu ba gi kashi gi kungudi muni ginda,baadu ba fwii matsu muni yuga,baadu bana ba fwii muni niamuga,ba tsugami muni yuga tsangu dji pimbu. ⁶ Gieshi gwedi muudu wuna wu gondi mbundu djioodi mudiambu ye mi!"⁷Ba longogi bana ba dumi Yowani,dangu di bendi gu hwii,Yesu ga yufudi baadu bana ba gadi yena mudiambu ye Yowani mbi:"dangu di lwendi mumanu ma maganga mu gudala Yowani,lu yindudi mbi kii lu gwe dala?Lugasa luna lunigaganaga mu muhunga? ⁸Kii lwe dala?Muudu wuna wu vadi miledi mi guluda pimbu?Haa baadu bana ba vadaga buna ba galaga mu nzu yi ba todila.⁹Kii lwe dala?Mbigudi?ee,yi ba lu lela mbi ndi wu ludi kega mbigudi. ¹⁰ Muiambu Yowani gedi muudu wuna wu muganda wu Gahungu wu yagudi mbi:"Gahungu ga ba yagula mbi:wu tumwa wami wu yi ba dumisa gu misu magogu mu gu gu yidigila ndjila.''¹¹Yi ba lu lela mapandi ma kiediga:ye kadi ga baadu bootsu ba budugi ye londi di gifudi,loo gwedi shi muudu wu moshi wu ludi Yowani mbodigi,haa muudu wuna wu gondi fwunu yiingi ye kadi ga baadu bootsu mu gi fwumu gi Gahungu wu ludi Yowani mbodigi mu fwunu. ¹²Gaduga di Yowani mbodigi di gayandigi gu longa tii dangu di,ba nwanisaga gi fwumu gi Gahungu,baadu ba mbi ba megagi kega mu gu gidambula.¹³Ba mbigudi bootsu ye miganda mi matshigu mi Mososhi mi yagulagagi mudiambu di gi fwumu ye mu dangu di Yowani di gayandigi gi salu. ¹⁴ Mbi bulu zodi gu gumbula mapandi maa,Yowani gedi Ediya wuna wu ba yagulagagi mbi bu ga gwitsa. ¹⁵ Gosu muudu wuna wedi matsu,gayuga!¹⁶''Gwedi naa yi fani fanigisa baadu ba dangu di?Ba fanagani nga ba naa bedi ye gihani gina giedi baadu beengi.Baana beega ba lesa bana beega. ¹⁷Mbi:"pidu du lu budidi mizigi mi maginu haa loo lu gini!du yimbi migunga haa binu loo lu didi.''¹⁸Yowani wu yitshi,wu duni gudia mapaa ye gu nwa malafu mudiambu ye gu samba Gahungu,bwoona baadu muni yagula mbi:''Gedi ye gi ye mihunga mi mbi!''¹⁹Mwaana muudu gitshi ga diagaga,ga nwagaga,bwoona ba muni ya gula mbi:"dala muudu wu:gisalu giandi kega gu dia ye gunwa malafu,gedi kega ndugu wu dulagi du gidadi ye wu baadu beengi ba mbi.''Haa mayela ma Gahungu ma monigaga ma kiediga mu bisalu bi bia.''²⁰Dangu di,Yesu ga yandigi gu nganina baadu ba gadi ye mabula mana ma gahangi ma pandi meengi magu yiduga,mudiambu loo ba balumuni mbundu.Ga yagudi mbi: ²¹ "Kenda gwedi binu beeni bula di Korazini!kenda gwedi binu beeni bula di Betsayida!Mudiambu bidimbu bina bi ludadi mu mabula ma binu,mbi baadu ba bula di ,Tidi ye Shidoni mbi bu ba bidadi,nga gu mwaga ba kani vada ma ngodu,ba kandi gudi gwida mbombi yi mbaa muludu di baa mudiambu ye gudi lesa mbi ba balumuni mbundu.²²Haa yi ba lu lela binu bootsu mbi mu gi lumbu gina Gahungu gi ga sambisa baadu,ndola dji baadu ba Shidoni ye bula di Tidi dji gala djikunda,haa ndola dji binu djigala djiingi.²³Bwoona binu baadu ba bula di kapedinahumu,lu ba yindula mbi Gahungu ga lu sangula tii gu yilu?Loo,ga lu lumba gu bi lungi mudiambu,bidimbu bina bi ludadi gu bula di binu,mbi beni sodomu ba bidalaga,ngaa bula di binu diedi tii leludi! ²⁴Haa yi ba lu lela mbi,mu gilumbu gina Gahungu gi gasambisa baadu,ndola dji beeni sodomu dji gala dji digi-digii,haa ndola di binu dji gala dji vula!''²⁵Mu dangu dina,Yesu ga yagudi mbi:"da,ndji muudu wedi fwunu yi manu ye yilu,yi ba guhega madonda,mudiambu ye mapandi mana ma wuswegi gwedi beeni mayela ye gwedi baadu ba gu longuga,witshi ma lesa gwedi baadu bana ba gondi longuga. ²⁶ EE,da,wu hangi buna,mudiambu di gu guhega gieshi.²⁷ ''Dada wami wu ndeshi mapandi mootsu.Shi muudu wu moshi loo ga yabi mwaana,haa da buna muudu wu mu yabi,shi muudu wu moshi loo ga yabi da,haa mwaana buna wu mu yabi,ye baadu bana ba zola mwaana mbi ba mu yaba.²⁸Yi zani gwedi mi,binu bootsu baadu bana lu lembwi,mudiambu lwedi ye bugogu bu vula,bwoona nga yi luhega dangu yi gu hululuga.²⁹ Sendani bu gogu bwami bu nedani;galani ba longogi baami,mudiambu yedi muudu wu pwedeee,ye muudu wu mbundu yi pimbu;bwoona lu yaba gu hululuga. ³⁰Bu gogu buna bu yi hega loo bwedi pashi mu gu buneda mudiambu loo bwedi bu gogu bu vula.''

Chapter 12

¹Gu ngoyi gu gadi gilumbu moshi gi guhululuga.Yesu ga gadi mu gu luda ye kadi ga mangundu ma ble,ba longogi baandi ye nzala;ba yandigi gudabula ble ye gudjidiaa. ² Dangu ba fadishi di ba dadi mapandi mana,ba ledi Yesu mbi:"dala,ba longogi baagu ba bahanga mapandi mana medi shigu mu guhanga mu gilumbu gi guhululuga!"³Yesu ga ba vududidi mbi loo ludangi mapandi mana ma Davidi ma gahangi ye baadu bandi dangu di ba gadi nzala? ⁴ Ye ga godi mu nzu yi bisambu yi tenda,bwoona ndi ye baadu bandi ba di mapaa mana ma hegi Gahungu,shi gu gadi tshigu baa mugu madia kaga ba mbuda ba dibundu ba fani madia.⁵Mbi loo,loo lu dangi mi ganda mi tshigu mi Mososhi mbi gosu gilumbu gi guhululuga ba mbuda ba dibundu loo ba landaga tshigu djina mu gilumbu gina munzu yi bisambu?Haa loo gwedi mbi mu misu ma Gahungu! ⁶ Yi ba lulela mbi,wuna wedi ya wu ludi nzu yi bisambu mu fwunu.⁷Ma sonamani mu muganda wu Gahungu mbi:"loo yi zolaga mbi baadu ba pega magabu ma ba mbitshi;''.mapandi mana ma yi zolagagi medi mbi baadu ba yuga baadu beega kenda;mbi lu yaba gisongidila gi mapandi mana,loo lu kandi beedisa baadu bana ba kondi hanga mbii. ⁸Mudiambu mwaana muudu gedi ye fwunu yi gilumbu gi guhululuga.⁹Yesu ga gadugi yena,gendi goda mu nzu yi bisambu. ¹⁰ Muudu wu moshi wu gadi muna ga gadi ye gogu di gi fwuu.Baadu beega ba gadi muna ba zola ba fwunda Yesu mbi wu gahangi mbii;ya yena ba mu yufudi mbi:"gadi matshigu ma pidu mahanaga tswaa mu gugindisa muudu mu gilumbu gi guhululuga?"¹¹Yesu ga vududidi mbi:"mbi muudu wu moshi mu kadi ga binu wedi ye dimema,haa dimema dieni di bwii mu wulu mugi lumbu gi guhululuga,kii wu fani hanga?Loo wu gwenda gu disenda ye gu didusa mu wulu. ¹² Muudu gedi fwunu yingi yi guluda dimema!Bwoona loo gwedi tshigu mu gulusa muudu mu gilumbu gi guhululu.''¹³Bwoona Yesu ga ledi wuna wu gadi ye gogu di gifwuu mbi:"dandumuna gogu diagu''ga di dandumuni ya yena di gumi pimbu nga diana diega. ¹⁴Ba fadishi beendi wanagana mudiambu di gu dinga pila di gu zuwa Yesu.¹⁵Dangu Yesu di ga yugi mapandi mana ga gadugi yena baadu ba vula ba mu landa.Ga gindishi baadu ba vula ba makashi. ¹⁶ Haa ga ba gebishi mbi :"loo fani yabisa baadu beega mbi mi yedi naa!''¹⁷ Gu gadi buna mudiambu ye gu lungisa mapandi ma mbigudi Ezaya ma gayagudi mbi:"Gahungu ga yagudi mbi:"wu gedi muudu wami wu yi soodi,mudiambu di gutsadilaga,gedi muudu wami wu yi zolaga,wu yi dadilaga gieshi gi vula.Yi mu hega muhunga bwoona gabala baadu ba gifudi giootsu mapandi ma yi gesagagi.¹⁹Ndi loo gasaa teembi,ndi loo gasagaga loolu,shi muudu wu moshi ga yuga ndaga yandi mu muwangu. ²⁰ Loo ga gesa lugasa lugondamani,loo ga djima mbaa mu mushinga wu minda wuna wu lemaga mbaa pimbu.Ga landa kaga tii gona gu ganungisa mapandi ma kiediga.²¹ Bwoona baadu bootsu ba saa mbundu gwedi ndi!"²²Dangu,di bitshi nedila Yesu gihulu gi moshi,misu mandi kega ma gadi ma gu fwaa ga gadi buna mudiambu ga gadi ye muhunga wu mbi.Yesu ga gindishi muudu weeni ya yena ga yandigi guyagula ye gudala. ²³Baadu bootsu ba yidugi ba yandigi gu yufula mbi:"bunii,loo mbi ndiwu wu fani gala mwaana Davidi?"²⁴Dangu ba fadishi di ba yugi mapandi mana ba yagudi mbi:"ndi ga dusaga mimbii kaga mungolu yi fwumu di baa diabulu belezebule.''²⁵ Haa Yesu bu gayabi ngindu dji baa,bwoona ga baledi mbi:''mu gosu gi fwumu gina gi baadu ba banwaana baa ye baa,talu yi baadu bana bu yi gulumuga bwoona,mbi baadu ba bula di moshi mbi loo famidia di moshi ba banwaana baa ye baa,bula dina mbi loo famidia dina loo di fani djinga kega.²⁶Sadana wu dushi baadu bandi ndi beeni,ba gabulagani.Kii pila gi fwumu giandi gi djinga kega?²⁷ Binu lu ba yagula mbi yi dusaga mihunga mimbii mu ngolu dji sadana belezebule bwoona ba longogi ba binu,mu ngolu dji naa ba midusaga?Mbi bwoona mapandi mana ma ba longogi ba binu beeni ma bahangaga ma balesa mbi loo lu yagulaga mapandi ma kiediga!²⁸Haa mbi mi tusaga mihunga mimbii mungolu dji muhunga wu Gahungu,gu balesa mbi gi fwumu gi Gahungu gi gumi mu kadi ga binu. ²⁹Muudu loo ga fani goda mu nzu yi muudu wu moshi wu ngolu mudiambu ye gu yiba bima biandi mbi loo yandu ga gangi muudu wuna mi shinga.Haa mbi bu ga mugangi mishinga gu hwii,wufani yiba bima biootsu biedi gu nzu yandi. ³⁰ Muudu wuna wu gondi ndugu wami,gedi mbeeni wami;muudu wuna wu gondaga tsadisa mu gu vugisa baadu beega ye mi,ndi ga ba pasaga.³¹Bwoona yi ba lulela mbi:mudiambu gosu masumu ma hanga baadu,mudiambu gosu gu vwenza guna gu baadu ba vwenzaga Gahungu,Gahungu ga ba hega ndola;haa loo galolula muudu wuna wu vwenza muhunga wu saantu.³² Gosu muudu wuna wu yagula mapandi ma mbi mudiambu ye mwaana muudu,Gahungu ga mu lolula.Haa muudu wuna wu yagula mapandi ma mbii mudiambu ye muhunga wu gedila Gahungu loo ga mu lolula shi mu dangu di gwitsa.³³''Mbi bu luzodi senda ndumba dji pimbu binu lu fani gala ye muudi wu pimbu;mbi lwedi ye mudi wu mbii,lu senda kega ndumba dji mbii.gosu mudi ga yabaganaga mundumba djiandi.³⁴Binu ba mbitshi baa,mbi lwedi baadu ba mbi kii pila lu fani yagula mapandi ma pimbu?Mudiambu muudu ga yagulagagi mapandi mana ma yudi mu mbundu yandi.³⁵Muudu wu pimbu ga dusaga mapandi ma pimbu mana ma gedi maa ma vula;muudu wu mbi ga dusaga mapandi mana mambi ma gedi maa meengi.³⁶Yi ba lu lela mbi:mu gilumbu gina Gahungu gi gasambisa baadu,ba samba mudiambu ye gosu mapandi ma pamba-pamba ma ba yagulaga.³⁷ Gahungu ga nungisa mbi loo ga gu beedisa mu mapandi mana ma wu yagulaga.''³⁸Dangu di,balongi beega ba tshigu ye ba fadishi beega ba yufudi Yesu mbi:"longi,pidu du zodi gu dala gi dimbu gi moshi gi balesa mbi ndji wedi ye giyega.''³⁹ Haa Yesu ga ba ledi mbi:"binu baadu ba dangu di,lwedi baadu ba mbi binu kega loo lwedi ye lu gwigilu!Lu ba zola dala gidimbu,haa Gahungu loo ga lu lesa gidimbu giega,haa bina bi mbigudi Yona buna.⁴⁰ Pila Yona ga gadi mu zumu di mbitshi wu neeni mu mwetshi bi lumbu bi dadu piba ye mwiini mu pila ya yina kega yi gala mwaana muudu mu manu bi lumbu bidadu piba ye mwiini.Mu gilumbu gina Gahungu gi gasambisa baadu,beeni bula di ninivi ba niamuga gi hani gi moshi ye baadu ba dagudi,bwoona ba lufunda mudiambu ba balumuni mbundu mu dangu di ba yugi malongi ma Yona,haa ya gwedi ye muudu wu moshi wu ludi Yona!Mu gilumbu gina Gahungu gi gasambisa baadu,todila wu gi fudi gi saba ga niamuga gi hani gi moshi ye binu baadu ba dangu di,bwoona ndi ga lufunda mudiambu ndi ga gadugi gu tsuga yi manu mu gwitsa yu ga mapandi ma mayela ma Salomoni ma ga yagula.Haa ya gwedi ye muudu wu moshi wu ludi Salomoni!''⁴³Mbi muhunga wu mbi bu gadugi gwedi muudu,gendaga luda bihani biana bi gondi mwetshi mudiambu ye gudinga bihani bi gu hululuga.Mbi loo gadadi gi hani, ⁴⁴ Ga yagula gumbundu wandi mbi:"yi ba vuduga munzu yami yi dugi.''Dangu di ga vuduga guna mbi bugadadi mbi baadu loo beedi mu nzu yina,ba yi gombi,ba yi yidigi pimbu, ⁴⁵ Dangu di ga gwe senda mi hunga miega kega mi nsambwaadi mi miludi mumbi;mihunga mina mi gwitsa goda mu nzu yina bwoona mi ndjinga muuna,gutsuga yi mapandi maa,ndjingu lu muudu wu lu gwitsa mbii penzaa gu luda pila yi lugadi teegu.Lu gala gi desu gi moshi ye baadu ba dangu di.''⁴⁶Dangui Yesu di gadi muni yagula kaga gwedi baadu bana,gudi wandi ye ba pangi baandi bitshi niamuga ye ndjila;ba gadi mu gu mulela mapandi.⁴⁷ Bwoona muudu wu moshi ga mu ledi mbi:"dala,ngudi woogu,ba pangi baagu beedi ya-ya ye ndjila,ba bazola gu gulesa mapandi.''⁴⁸Yesu ga mu ledi mbi:"ngudi wami naa?ba pangi baami ba naa?⁴⁹ Yesu ga ledi balongogi baandi ye gogu diandi,ndi mbi:"dalani:ngudi wami ye ba pangi bami ba-ba! ⁵⁰Gosu muudu wuna wu hangaga mapandi mana ma dada wami gu yilu ma ga zolaga,ndi wuna wedi pangi wami wu bagala mbi loo wu mukedu,mbi loo ngudi wami.''

Chapter 13

¹Gi lumbu gina,Yesu ga gadugi gu nzu,gendi sugumuga pena-pena ye nzadi mudiambu ye gu longa. ² Baadu ba vula bitshi yula pena-pena ye gi hani gi gadi Yesu,bwoona gendi sugumuga mu gadi ga bwaadu,baadu bootsu bitshi manana pena-pena ye mwetshi.³Ga gadi muni ba lela mapandi ma vula mu bingana mbi:"muudu wu moshi ga gadugi gu nzu yandi mudiambu ye gwenda guna mangundu. ⁴ Dangu di ga ba guna kuna mu mangundu,kuna djeega djee bwaa mu kadi ga ndjila;baq nuni bitshi ba djidi. ⁵ Kuna djeega djee bwaa ye londi di manu ma madadi;manu mana loo ma gadi mavula.Kuna djeeni djimeni tswalu,mudiambu manu loo ma gadi mavula. ⁶ Haa dangu di hangi mwiini wu ngolu,ga ffwimishi ga ndambu ga kuna djina djidugi,bwoona djiyiminini,mudiambu loo dji gadi kega dji leeya.⁷Kuna djeega djee bwaa ye londi di bingangi.Dangu bingangi bina di bigudi,bigangi kuna djina dji pimbu. ⁸ Haa kuna djeega djee bwaa mu manu ma pimbu,kuna dji djia dji budi ndumba,djega dji budji ndumba kama,djeega maguumi masambanu,djeega maguumi madadu. ⁹ Bwoona Yesu mbi:"gosu muudu wuna weedi ye matsu,ga yuga!"¹⁰Dangu di,balongogi bitshi yufula Yesu mbi:"mudiambu di wu ba balelaga mu bingana?" ¹¹Yesu mbi:"Gahungu wu luhegi ndjila yi gu yaba mapandi ma gitswegi ma gi fwumu giandi,haa loo gahani gweedi baadu bana beega. ¹²Mudiambu muudu wuna weedi ye bima,Gahungu ga mu yiga bima biega mudiambu gala bia bi guluda gidesu!Haa muudu wuna wu gondi shi gima,Gahungu ga gadula shi ga ndambu gana ga gedi gaa.¹³Ya yena yi ba balela mu bingana;mudiambu,haa ba dalaga,ba yugaga,haa loo ba yabaga. ¹⁴Bwoona,mapandi ma mbigudi Ezaya ma ga yagudi,ma lungisami:lu yuga mivula,haa loo luyaba;lu bala dala ngolu,haa loo ludala.¹⁵Mudiambu ma banzaa ma baadu baa ma yitshi ngolu-golu,ba yugaga pimbu mu matsu ma baa,ba gangi misu ma baa.Mbi buna loo,ba kandi dala mu misu ma baa,ba kandi yuga mu misu ma baa,ba kandi yaaba,bwoona ba kandi balumuna mbundu mudiambu yi ba gindisa.¹⁶Bwoona binu,lweedi mu gieshi,ludalaga gu misu ma binu,lu yugaga mu matsu ma binu.¹⁷ Yi ba lu lela mapandi ma kiediga:mu dangu di tuunda,ba mbigudi ba vula ye baadu ba vula ba Gahungu ba gadi ye fwunu yi gudala mapandi maa ma ludalaga,haa loo ba madadi;ba gadi ye fwunu di gu yuga mapandi maa,ma lu yugaga,haa loo ba ma yugi.¹⁸Yugani gisongidila gi gingana gi muudu wuna wendi guna ma ngundu.¹⁹ Baadu bana ba yugaga tsangu dji gi fwumu gi Gahungu,haa loo ba dji yabaga,beedi nga ndjila,kuna djeega yi tsaga bwaa mu ndjila ya yina.Muudu wu mbii gitsaga gadula mapandi mana meedi mumbundu yi baadu.²⁰Baadu beega beedi nga manu mana meedi ye londi di madadi.Tsangu di saga bwaa ye londi di manu.Mbi bu bayugi gu hwii,ba magumbulaga mu gieshi.²¹ Haa loo ba gangaga mbundu,loo ba galaga maa dangu sdjivula.Bwoona mbi bu badadi pashi mbi loo baadu beega bu ba badadishi pashi mudciambu ye tsangu dji Gahungu,ba gadulaga l;u gwigilu lu ba tsalu.²²Baadu beega kega beedi nga gihani gina,ye gandambu ga gingangi.Tsangu djisaga bwaa ye gihani giagina ba yugaga tsangu djina,haa mabanza mudiambu ye lugwigilu lu gifudi lu ba yangisaga,gieshi gi gimvwama gi baa gi ba hunaga,gi gangaga tsangu,bwoona tsangu dji vagaga pamba. ²³ Baadu beega beedi nga manu ma pimbu,tsangu dji saga bwaa mu manu ma mana,ba dji yugaga,ba dji yabaga;ba budaga kuna beega kama,beega ma guumi masambanu,beega maguumi ma dadu.²⁴Yesu ga badedi gi ngana giega:"gi fwumu gi Gahungu gi fanagani ye muudu wu moshi wu guni kuna dji pimbu mungundu yandi. ²⁵ Gi lumbu gi moshi mupiba,dangu baadu bandi ba gadi ba nimbi,mbeeni wandi gitshi guna kuna dji mbii mu kadi ga kuna dji pimbu,bwopona gendi gwandi. ²⁶Dangu kuna dji ble dji dugi,dji budi ndumba,kayab ndjiandi dji dugi keega.²⁷Baadu ba muudu weeni bitshi mu yufula mbi:"fwumu,loo guni kuna dji pimbu mu mangundu ma gwoogu?"Haa bi fwufu bi mbii guni bi dugi?" ²⁸ Ga ba vufududi mbi:"mbeeni wu hangi buna.''Ba mu tyufudi mbi twenda dusumuna bifwufu bi mbii?"²⁹Ndi mbi:"loo,dangui din lubala tsumuna ndumba dji ble. ³⁰Ya mbulani ndumba dji ble ye bi fwufu bi mbii bi duuga gi hani gi moshi tii mu dangu dina di lubula dji gadula.Mu dangu dina,bu yi lela baadu bana ba gadulaga kuna mu gu gadula teegu bi fwufu bi mbii ye mu gu biganga mu kuda mudiambu mu gu bimasa gu mbaa;haa kuna dji ble yi ba lela mu gu dji saa mu nzu yina yi dji swegaga.³¹Yesu ga badedi gi ngana giega mbi:"gi fwumu gi Gahungu gi fanagani ye galundumba lu moshi lu mudi wu mutarde,wu muudu wu moshi wu ga guni mu mangundu mandi. ³²Lwedi lu ndumba lu moshi lu gi gidi mu kadi ga ndumba djiootsu.haa mbi bu dji meeni,dji ludi miidi miootsu mu buneeni wu gumi mudi wu neeniwunan ba nuni ba fani gwitsa dunga buyamba bu baa mu taangu djiandi.''³³Yesu ga ba dedi gingana giega:"gi fwumu gi Gahungu gi fanagani ye mwemu wu mapaa,mbi mukedu bu ga mushi mulonga makilo maguumi moodi ye madadu,ga muyambula tii gu gaguma wu vula.³⁴Yesu ga yagudi gwedi baadu mapandi mana mootsu mu bingana buna. ³⁵ Ga hanga buna mudiambu mu gu lungisa mapandi mana ma mbigudi wu Gahungu ma ga yagudi:"yi bala ba lela mu bingana,yi bala ba yabisa mapandi mana ma Gahungu ma ga swegi yandiga di ga gangi bima biootsu.''³⁶Dangu di,Yesu ga shi-shi baadu ga vudugi gu nzu,ba longogi bandi bi shi mu lela mbi:"du dendudila gingana gina gi kasa dji mu mangundu.''³⁷ Yesu ga yagudi mbi:"muudu wuna wu guni kuna dji pimbu gwedi mwaana muudu. ³⁸Mangundu meedi gi fudi giootsu,ndumba dji pimbu gwedi baadu ba gi fwumu gi Gahungu,ndumba dji mbii djeedi baadu ba muudu wu mbii. ³⁹Mbeeni wuna wu guni bi fwufu bi mbii gwedi sadana.Dangu di gu gadula ndumba gwedi dangu di suga di gi fudi,baadu bana ba gadulaga kuna beedi ba wandjio.⁴⁰Pila yi ba sagaga kasa djimbii gi hani gi moshi,ba muni dji saa mbaa,gu gala gidesu gi moshi mu dangu di tsuga di gi fudi. ⁴¹ Mwaana muudu ga dumisa ba wandjio bandi,bwoona ba gadula mu gi fwumu giandi baadu bana bootsu babendaga baadu beega mu gu hanga masumu ye baadu bana bootsu bahangaga mbii. ⁴²Ba balumba mu wulu di mbaa,guna ba bula dila,ba bula ganga minu ma baa ngolu. ⁴³ Bwoona baadu ba Gahungu ba balalema nga mwiini mu gi fwumu gi dada baa.Gosu muudu wuna weedi ye matsu ga yuga.⁴⁴Gi fwumu gi Gahungu gi fanagani ye bima bina bi taalu bi ba swegi mu ngundu.Mbi muudu wu moshi bu ga bidadi,bu ga sala gu bi swega keega.Bwoona mudiambu ye gieshi giandi,ga genda deega bima biandi biootsu,dangu di,ga gwitsa sumba ma ngundu mana. ⁴⁵Kega,gi fwumu gi Gahungu gi fanagani nga gumedisa wu dingaga wu dingaga mayaga ma taalu. ⁴⁶Mbi bugadadi yaaga di moshi di gu luda taalu yi vula,ga gwenda deega bima biandi biootsu,bwoona nga ga gwitsa sumba yaaga dina.⁴⁷Kega,gi fwumu gi Gahungu gi fanagani nga bugondi bu baadu bana lobaga ba mbitshi ba lumbi mu mwetshi,bu gamaga ba mbitshi ba mutindi ye mutindu. ⁴⁸ Mbi bugondi bu yuudi ye ba mbitshi,ba fani bu benda mu mbimba mwetshi,ba gala mudiambu ye gusola ba mbitshi,ba saa ba mbitshi ba pimbu mu bi sandji,haa ba matsa bana ba mbii.⁴⁹Gu gala kega gidesu mu gilumbu gi tsuga gi gifudi:ba wandjio ba gwitsa duga,ba sola baadu bambii ye baadu ba pimbu. ⁵⁰ Ba lumba baadu ba mbii mu wulu di mbaa,guna ba bula dila,ba bula ganga minu ma baa ngolu.⁵¹Yesu ga bayufudi mbi: bu lu yabi mapandi mana mootsu?''Ba mbi:"ee'' ⁵² Bwoona ga ba ledi mbi:"bwoona,gosu longi wu matshigu wuna wu gumi mu longogi wu gi fwumu wu Gahungu wu fanagani ye fwumu wu moshi wu nzu wu dusaga bima bi mpaa ye bigulu gu sugu dina di ga swegaga bima biandi.'' ⁵³ Dangu Yesu di gadi bingana bina,ga gadugi yena.⁵⁴Bwoona gendi gu bula diandi.Ga yandigi gu longa baadu mu nzu yi baa yi bisambu.Bana ba muyugi ba yidugi.Ba yandigi gu yagula mbi:"ndugi djiandi dji djimugadugi guni?Kii pila ga bahanga mapandi ma gu yiduga? ⁵⁵Haa loo geedi mwaana wu mudungi manzu?Haa Madiya loo geedi ngudi waandi?Haa Yagobu,Yozefu,Shimoni,yeYudashi loo beedi ba geegi bandi?⁵⁶ Haa ba pangi bandi bootsu ba bakedu loo yaa mukadi ga pidu?Bwoona mapandi maa mootsu ma ba muduga guni?''⁵⁷Bwoona mudiambu ye mapandi mana ba duni Yesu.Haa Yesu ga ba ledi mbi:"ba didisaga mbigudi wu Gahungu ndambu yiootsu,haa gu bula diandi ye mu giganda ba mudidisaga. ⁵⁸ Loo ga hangi bilumbu bi vula guna,mudiambu loo ba mugwigila.

Chapter 14

¹Mu dangu dina,guvedinedi Elodi antipashi ga yugi mapandi ma ba yagulagi mudiambu ye Yesu. ² Ga ledi baadu bandi mbi:''muudu wuu geedi yowani mbodiga wu shamugi mu lufwaa.Ya yena geedi ye ngolu di guhanga mapandi ma guyiduga.³Mudiambu Elodi ga gami Yowani,ga mugangi mishinga,bwoona ga mushi mu dangumbada,Elodi ga hangi buna mudiambu ye Elodiadi,mukedu wu mbuda wandi Filibi. ⁴ Yowani ga lela Elodi mbi:"loo wu fani dambula mukedu wu mbuda woogu.'' ⁵Elodi ga dingi pila yi guzuwaa Yowani,haa gadina baadu booma,mudiambu ba senda Yowani nga mbigudi wu Gahungu.⁶Elodi ga gadi ye mwaana wandi wu mukedu.Bwoona mu gilumbu gi ba disaa nzaba yi gubuduga gu Elodi,mwaana wuna gitshi gina ye misu ma baadu ma balendigi gu nzaba.Elodi gadaadi gieshi bu vula. ⁷ Ya yena ga ledi mwaana wu mukedu wuna mbi:yi ba gesa Gahungu mbi gosu gima gina gi wu badinga,yiguhuga.⁸Ngudi wandi gamuledi gima gi gafani dinga;ya yena mwaana wu mukedu ga ledi Elodi mbi:"pega mudu wu Yowani mbodigi ye londi di longa!'' ⁹Elodi ga dadi kenda dji vula,haa mudiambu ga shidi ye misu ma baadu bana ba ga lendigi ye nzaba,ya yena ga ledi muudu wandi wu moshi mbi:yi zaa wu muhega!¹⁰Bwoona muudu wuna gendi gesa mudu wu Yowani mbodiga mudangumbada. ¹¹Gitshi needa mudu ye londi di longa,ga hani gwedi mwaana wandi wu mukedu,bwoona mwaana ga needi gwedi ngudi wandi. ¹²Ba longugi ba Yowani ba sendi mvumbi wu Yowani bendi gu djiga.dangu di,bendi lela Yesu mapandi mana.¹³Dangu Yesu di gayugi mapandi mana,ga goodi mu bwadu,ga gadugi yana,bwoona gendi gala ye gihani gina gi gafani gala ndi beeni.Dangu baadu di bayugi buna,ba gadugi mu mabula ma baa,bwoona ba landi Yesu pena-pena ye mwetshi. ¹⁴ Dangu Yesu di ga gadugi mubwadu,ga dadi baadu ba vula ba yi tshi,ga yugi kenda,bwoona ga gindishi ba pangi ba baa bana ba gadi ye makashi.¹⁵Mu dangu di djiami dangu,ba longi bandi bitshi mu lela mbi:"dangu di luudi ngolu,yaa kega mabula meedi gu leeya.Ba lela baadu baa benda mu mabula mudiambu ba sumba bima bi baa bi gudia.¹⁶Haa Yesu ga ba ledi mbi:''loo gwedi pimbu;binu beeni ba hegani bima bi gudia. ¹⁷ Baa mbi yaa twedi ye mapaa madanu buna ye ba mbitshi boodi ba mwetshi. ¹⁸Yesu mbi:''yi zaa lu needa yaa yeedi mii.''¹⁹Yesu galedi baadu bana bootsu mbi:shi mugani ye londi di bifwufu bwoona gasendi mapaa mana mootsu ye ba mbitshi bana boodi,ga dadi gu yilu,ga hegi Gahungu madonda.Ga geshi mapaa bidini-bidini,ga hegi batumwa bandi,bwoona ba tumwa ba gabishidi baadu. ²⁰Baadu bootsu ba di,ba yugudi.Bwoona ba tumwa ba yudishi bisandji gumi bi bidini bi mapaa yi bi bambitshi bi saadi mu manu. ²¹ Baadu bana ba di bagadi makama miidi midanu,haa loo badangi ba kedu ye baana.²²Dangu di,Yesu ga ledi ba tumwa mbi:godani mu bwadu sabugagani gu shimu di yanga gu misu yami,bwoona yi ba sala lela baadu baa mbi:ba vuduga mu mabula ma baa.²³Dangu di ba vudugi mu mabula ma baa,Yesu gendi ndi beeni mu mundonda mudiambu ye gusamba Gahungu.Dangu di bwii piba,Yesu ga gadi ndi beeni guna. ²⁴Haa bwadu di gadi di gumi tunda ye kadi di yanga mwetshi ga gadi muni nigisa bwadu ngolu,mudiambu muhunga ga gadugi gu ndambu dina di bendagi.²⁵Mu kogu wu teegu,Yesu ga gadi muni gwenda ye londi di mwetshi.Ga gadi muni gwenda pena-pena ye ba tumwa. ²⁶ Haa di bamudadi muni luda ye londi di mwetshi,booma bu bagami.Ba yagudi mbi:"awuu diabulu!''bwoona ba yandigi gu saa miloolu mudiambu ye booma. ²⁷ Yesu ga ba ledi mumbala yi moshi mbi:bwisani mbundu!Awuu mii lu galegu ye booma.''²⁸Piela ga yagudi mbi:fwumu,mbi wuna weedi ndji ndesa mi kega yitsa ye londi di mwetshi tii yaana ye weedi.'' ²⁹ Yesu mbi:''yi zaa witsa!''Bwoona piela gadugi mubwadu,gayandi gwenda ye londi di mwetshi gu misu ma Yesu.³⁰ Haa dangu piela di gadadi mbi muhunga geedi mu gulanda,booma bu mugami,ga yandigi gu djiama,ga yagudi mundaga yi ngolu:''fwumu,kulusa!''³¹Mu mbala yi moshi Yesu ga gangudi googu diandi ga mugami piela,bwoona ga ledi piela mbi:"ndji muudu wu lugwigilu lu digi-digi,mudiambu di kii wu gadi ye mbundu djioodi?" ³² Ba boodi ba godi mu bwadu,haa muhunga ga hwii. ³³ Ba tumwa bana ba gadi mu bwadu ba fugamani ye milu mi Yesu mu gu musambila.Ba yagudi mbi:"mukiediga weedi mwaana wu Gahungu!''³⁴Dangu di ba sabugi yanga,ba gumi gu ndambu yi Jenezaledi. ³⁵ Baadu ba gidini gina ba yabi wuna Yesu;ba pashi tsangu djiandi mu gidini gina giootsu.Bwoona bitshi mu needila baadu bootsu ba belagi. ³⁶ Ba gadi muni mu woondila mbi:hega ba kashi ndjila yi gu gama shi tsongi yi muledi woogu.Bwoona baadu bootsu ba gami mu ledi wandi ba mani ginda.

Chapter 15

¹Dangu di,bafadishi beega ye balongi bega batshigu ba dugi gu Yelusalemi,bitshi yufula Yesu mbi:² "mudiambu di kii balongogi bagu loo ba landaga tshigu dji ba mbuda ba teegu?Gu misu yi gudia,loo ba yebisaga gu mioogu nga bu bayagula bisambu bi pidu!'' ³ Yesu ga ba vududidi mbi:"bwoona binu,mudiambu di kii lu landaga tshigu dji binu beeni,haa binu loo lu landaga tshigu dji Gahungu?⁴Mudiambu Gahungu ga yagudi mbi:'djidisa dada ye ngudi woogu,'gayagudi kega mbi:'muudu wuna wu gonda djidisa dada ye ngudi wandi gafani fwaa.' ⁵ Haa binu lu bayagula mbi:'muudu bu gayagudi gwedi dada ye ngudi wandi mbi:"lusadisu lwootsu lu yi zolagi gu guhega,gwedi magabu mana ma swegi mudiambu ye guhega Gahungu,''' ⁶ mfwunu loo yedi mbi mu gu djidisa dada wandi.Bwoona,lu zuwaga mapandi mana ma Gahungu ma ga yagulaga;ya yena lu landagagi matsigu ma binu beeni.⁷Binu baadu ba bupala,yezaya ga gudi mapandi ma kiediga dangu di ga yagudi gu twala mapandi ma binu mbi:⁸ 'Gahungu ga yagulaga mbi:baadu ba ndjidisagagi kaga gu ganu,haa loo mbi gu mbundu. ⁹ Bisambu bina bi ba sambilaga biedi bi pamba,mudiambu ba longaga tshigu gwedi baadu bootsu mbi djedi malongi ma Gahungu!"'¹⁰Dangu di,Yesu ga lendigi baadu,bwoona ga ba ledi mbi:"yugani,lu fani yaba mbi. ¹¹ Madia mana godaga mu ganu di muudu loo ma mugumisagagi mvindu;haa mapandi mana ma dugaga mu ganu djandi,maa mana ma gusagagi mvindu.¹²Dangu di,balungugi bitshi yufula Yesu mbi:"wu yabi mbi mapandi mana maa wu yagudi ma hegi bafadishi pashi gu mbundu?'' ¹³ Yesu mbi:''dada wami wuna weedi gu yilu ga tsumuna bi menina biootsu bina bi ga gondi guna. ¹⁴Yambulani bafadishi!beedi ba mitwadishi ba fwii misu,mbi muudi wu moshi wu fwii misu ga ba needa weega wu fwii misu,ba boodi ba fani bwaa muwulu.¹⁵Piela ga ledi Yesu mbi:"du dendudila gingana gii," ¹⁶ Yesu mbi:"binu kega,loo yandu lu yabi?¹⁷ Loo yandu lu yabi mbi madia mana mootsu ma godaga mu ganu di muudu ma ludaga mu zumu,bwoona gu ngoyi,ma dugaga ye ndjila?¹⁸Haa mapandi mana ma dugaga gu ganu,ma dugaga gu mbundu.Mapandi maa mana ma gumisaga muudu mu mbii. ¹⁹ Mudiambu mabanza ma mbii mana ma dugaga gu mbundu yi muudu maa mana ma munedaga mu gu zuwa baadu,mu gu hanga gi ndumbu,mu gu hanga mapandi ma tsooni,mu gu yiba,mu gu yagula bupala ye gu venza baadu beega. ²⁰Mapandi maa mana ma gumisaga muudu mu mbii.Haa mbi muudu bu ga di wu shi loo gu sugula gu mioogu miandi,loo ma fani mugumisa muudu mu mbii.²¹Dangu di,Yesu ga gadugi yena,bwoona gendi gu ndambu gu bula Tiidi ye Shidoni. ²² Mukedu wu moshi mu gu gifudi gi Ganana ga djinga mu gi djini gina.Gitshi mu gu lela Yesu mu ndaga yi ngolu mbi:"Fwumu,mwaana wu Davidi nzuga kenda!Mwaana wami wu mukedu geedi ye mihunga mimbi,bwoona ga ba dala pashi dji vula.'' ²³Haa Yesu loo ga muledi shi gima gi moshi.Balongogi ba Yesu bitshi mu wondila mbi:''mutshadigisa,ga ba saa loolu di vula mudiambu yi gaba gwisa du landa.''²⁴Bwoona Yesu ga ba ledi mbi:"Gahungu ga tumi mudiambu baadu ba yishiledi bana beedi nga mamema maa mabidi.'' ²⁵Haa mukedu wuna gitshi fugamana gu milu mi Yesu,bwoona ga yagudi mbi:"fwumu,kulusa.''²⁶ Yesu mbi:"loo gwedi pimbu mu gu senda mapaa ma baana mu gu hega ba mbwaa.''²⁷Mukedu mbi:"eh fwumu,gwedi mu kiediga,haa shi ba mbwaa keega ba diagaga bidini bi mapaa bina bi bwagaga gu mashina ma mesa ma ba fwumu ba baa.'' ²⁸Bwoona Yesu ga mu ledi mbi:"weedi mukedu wu moshi wuna weedi ye lugwigilu lu ngolu!mapandi mana wu zodi,bu mahangamana.''Mu dangu diadina mwaana wandi ga gindi.²⁹Yesu ga gadugi yena,bwoona gendi pena-pena di yanga di galileya.Gendi shimuguga ye longa di munda wu moshi. ³⁰Baadu ba vula bitshi mu nedila bigada,ba fwii misu,bi hulu ye bakashi ba vula.bendi ba dulula ye milu ma Yesu,bwoona ga ba gindishi. ³¹Baadu ba yidugi ngolu dangu di ba daadi bihulu muni yagula,bi gada muni niamuga,bi fwaa muni dala,bwoona ba yandigi gu gumisa Gahungu wu shiledi.³²Yesu ga lendigi balongugi bandi,bwoona ga yagudi mbi:"yi ba dala kenda mudiambu ye baadu baa,mudiambu beedi ye mi yaa bilumbu bidadu bi mvimba;loo beedi shi gima gi gudia.Loo yi zoodi gu ba vudula mu gwenda gu ma nzu ma baa ye nzala;dangu diega ba lembwa ngolu mu ndjila.'' ³³Balongugi ba mu yufudi mbi:"yaa mu gifudi gi maganga,guni du fani dala bima bi gudia mudiambu du hega baadu baa?''³⁴ Yesu mbi:"lwedi ye mapaa magwi?"ba mbi:''mapaa mantsambwadi ye ndambu yi ba mbitshi ba mwetshi.'' ³⁵ Bwoona Yesu ga ledi baadu bootsu mu gushigumuga ye londi di kaya.³⁶Dangu di ga sendi mapaa mantsambwadi ye ba mbitshi bana,ga hegi Gahungu lugumu,ga geshi mapaa ye ba mbitshi bini-bini,ga hegi balongugi bandi,bwoona balongogi ba gabishi gwedi baadu.³⁷ Baadu bootsu ba dii,ba yugudi.Bwoona balongogi ba yudishi bisandji bi ntsambwadi bi bini bi mapaa ye ba mbitshi bina bi saadi yatshi.³⁸ Baadu bana ba dii ba gadi ba bagala miidi miya,haa loo badangi ba kedu ye baana. ³⁹ Bwoona Yesu galedi baadu mbi:''ndani gu binu.''Dangu di,ga godi mu bwadu,gendi gu ndambu yi Magadani.

Chapter 16

¹Ba fadishi ye ba sadiseya bitshi meega Yesu ba mu yufudi mu gu ba lesa gi dimbu gi moshi gi duga gu yilu. ² Haa Yesu ga ba vududidi:"mu dangu di mashiga lu yagulaga: mbatshi gu gala pimbu,mudiambu yilu di gumi gu beenga.''³Ye mu mashiga lu yagulaga:"lelu mvula yi nogaa mudiambu yilu di gumi gu benga ye gidima.Mbi lu bas dala gu yilu lu fani yaba gumisu mbi kii pila gi lumbu gi gala;haa loo luyabi gu dendula bi dimbu bi dangu di. ⁴Binu baadu ba dangu di,lwedi baadu ba mbi,loo lwedi kega ye lu gwigilu!lu ba dinga gu dala gi dimbu,haa Gahungu loo gaa lu lesa gi dimbu giega,giana buna gi mbigudi Yona.Bwoona gasadi bashisa,gendi gwandi.⁵Dangu di ba longogi gu shimu,ba bidi mu gu neda mapaa. ⁶ Yesu ga ba ledi mbi:"gebani,dalani pimbu mudiambu ye kindji yi mapaa yi ba fadishi ye ba sadiseya''. ⁷ Ba longogi ba yandigi gu saa tembi baa ye baa mbi:"ga ba yagula buna mudiambu loo dushi neda mapaa.'' ⁸Haa Yesu ga yabi ma banza ma baa,tunda ga ba yufudi mbi:mudiambu ldi kii lu ba saa tembi mbi:"ga ba yagula mudiambu loo dwedi ye mapaa? Loo lwedi ye lugwigilu lu vula.''⁹Loo lu yabi tegu?loo yibugaga ma pandi ma yi hangi dangu di yi geshi mudiambu ye baadu ma fuunda madanu,bi sandji bi gwii lu doguni? ¹⁰ Loo lu yabi dangu di yi geshi mapaa matsambwadi dangu di yi geshi ye bi sandji gwii ludoguni?¹¹Kii pila lu fani konda yaba mbi loo yi lu lelagi mudiambu ye mapaa?Haa giebani mudiambu ye kindji yi mapaa yi ba fadishi ye ba sadiseya!'' ¹² Dangu di,ba yabi mbi loo ga ba gebisagi mudiambu ye kindji yi mapaa,haa mudiambu ye malongi ma ba fadishi ye basadiseya.¹³Dangu Yesu di ga gumi gu ndambu di bula Sezadiya di Fulubi,ga yufudi ba longogi bandi mbi:"baadu ba ya gulaga mbi mwaana muudu gedi naa?" ¹⁴Ba yagudi:"baadu beega ba yagulaga ndji wedi Yiowani-mbodigi,beega mbi Ediya,Yelemia mbilo mbigudi wu moshi.'' ¹⁵ Dangu di Yesu ga ba ledi:"haa binu baa lu yagulaga mbi yedi naa?" ¹⁶ Shimoni piela ga vududi mbi:"ndji Kidishidu mwaana Gahungu wu mooni.''¹⁷Yesu ga yagudi mbi:"Shimoni mwaana wu yona,wu yagudi pimbu mudiambu ma pandi maa ma wu yagudi,shi muudu wu moshi loo ga guleshi,haa dada wami wuna wedi gu yilu muudu wu gu ledi.¹⁸ Haa yi ba gu lu lela mbi:piela,wedi dadi,ya yena ye londi di dadi dina yi dunga di bundu di diami shi lu fwaa loo di lu gama.¹⁹Yi gu hega baana-ba tsabi di gi fwumu di Gahungu:ma pandi mana ma wu ganga ndjila aya ye londi di manu,Gahungu bu ga ganga kega ndjila yi maa gu yilu;Ye mana kega ma wu gangula aya ye londi di manu bu ba gangula kega gu yilu.'' ²⁰ Bwoona Yesu ga ledi ba longogi baandi mbi:loo gu lelani shi muudu wu moshi mbi:yedi Kidishidu.²¹Yandiga dangu dina,Yesu ga yandigi gu lela ba longogi baandi mbi yi fani gwenda gu yelusalemi guna ba mbuda ba dibundu ye ba longi ba tshigu,ba tadisa pashi.Bu ba nzuwa,haa Gahungu bu ga tshamugisa mu gi lumbu gi dadu.²² Piela ga mu nedi mu lu hunguluguga:"ga yadigi gu nganina mbi:"mapandi maa gala guleya ye ndi fwumu mapandi maa ma gu yi tshi legu.''²³ Haa Yesu di ga balumugi ga ledi piela:"ndi gadipemba gaduga aya gu misu maami wu ba zola ganga ndjila yandi mudiambu loo wedi pashi mu mapandi ma Gahungu,haa mu mapandi ma baadu."²⁴bwoona Yesu ga ledi ba longogi bandi:"wuna zodi gu nda-nda,loo ga fani yindula lu ndjingu lwandi ndi beeni,haa ga senda kulundji diandi,gitsa ga nda-nda. ²⁵ Mudiambu muudu wootsu wu zola gu hulusa mooni wandi bu ga mu bidisa,haa muudu wootsu wuna wu bidisa mooni wandi mu gi guma giami bu ga mudala. ²⁶ Kii fwunu muudu mu gu gala ye bima biootsu bi londi di manu haa bidishi mooni wandi?Mbilo kii gima muudu ga fani fuda mudiambu mu gu bonga moonin wandi?²⁷Bwoona mwaana muudu ga gwitsa ye ba wandjio bandi mu lu gumu lu dada wandi,bwoona fuda gosu muudu nga bwedi bi salu biandi. ²⁸Yi ba lu lela ma pandi ma kiediga,gwedi ye baadu beega bedi yaa loo ba fwaa,tii gwoona gu ba dala mwaana muudu witshi mu gi fwumu giandi.''

Chapter 17

¹Gu ngoyi bi lumbu bi sambanu bi ludi,Yesu ga bongi piela,Yagobu ye Yowani mugegi wu Yagobu.Ye ga ba nedi ye londi di mundonda wu leya,guna ba gadi ba beeni shela bwoona luudu lwandi lu balumugi pila yega gu misu ma baa, ²Mbunzu yandi yi yandigi gu sema nga dangu,miledi miandi mi gumi gu benga nga dangu.³Dangu di ba longogi bana ba dadu ba dadi Mososhi ye Ediya muni solula Yesu.⁴ Piela ga ledi Yesu mbi:"Fwumu,gwedi pimbu nga bu twedi yaa.Mbi bu zodi,yi fani dunga ya bi sasandala bi dadu gi moshi mudiambu yi ndji,gi moshi mudiambu ye Mososhi,giega mudiambu ye Ediya.''⁵Dangu di ga gadi muni yagula,duda,di moshi di gadi muni lema di yitshi ba fidimiga,bwoona ndaga yi dugi ye duda dina mbi:"Awu gedi mwaana wami wu yi zolaga ngolu,yedi ye gieshi gi vula mudiambu ye ndi lu mu yugilagani!"⁶ Dangu di yugi balongogi ndaga yina,ba yugi booma bu vula,ba bwii mbunzu mu manu. ⁷Yesu gitshi pena-pena ye baa,ga ba gami,bwoona ga yagudi mbi:"niamugani,loo gu galaniye booma!" ⁸Dangu di ba dadi bwoona,loo ba dadi kega shi muudu,kaga Yesu buna.⁹Dangu di ba gadi muni gulumuga mu mundonda,Yesu ga ba hengi tshigu mbi:"loo lu fani lela shi muudu wu moshi ma pandi mana ma ba dadi gu mbona-misu,tii gwoona Gahungu ga niamugisa mwaana muudu mu lu fwaa. ¹⁰ Dangu di ba longogi bana ba yufudi Yesun mbi:"mudiambu di kii ba longi ba tshigu ba yagulaga mbi Ediya wu fani gwitsa tegu?"¹¹Yesu mbi:''mu kiediga,Ediya wu fani gwitsa mudiambu ye gu yidiga mapandi mootsu mu pila yi ma fani gala. ¹² Haa yi ba lu lela mbi Ediya wu yitshi tunda,bwoonabaadu loo ba mu yabagi,tunda ba mu hangi mapandi mootsu ma ba zolagi.'' ¹³Pila yi moshi kega ba dadisa mwaanamuudu pashi,bwoona ba longogi ba yabagi mbi ga ba balela mudiambu ye Yowani mbodigi.¹⁴Dangu di bitshi wana kega baadu,muudu wu moshi gi tshi fugamana gu milu mi Yesu, ¹⁵Bwoona ga mu ledi mbi:"fwumu,yugila mwaana wami kenda,gedi ye gikashi gi gugona ga dalaga pashi dji vula.mudiambu mbala dji vula,ga bwaagaga gu mbaa mbilo mu mwetshi.¹⁶ Yi mu nedi gwedi ba longogi bagu,haa loo ba dadi pila yi gu mu gindisa.''¹⁷Bwoona Yesu mbi ah,binu baadu baa ba gondaga gwigila,binu baadu lu bidi ndjila yi pimbu!Yi fani gala ye binu tii kii dangu?Yi fani lu gangila mbundu tii kii dangu?yi zani lu nedila yaa.'' ¹⁸ Yesu ga nganini mu hunga wu mbi,bwoona ga dugi gwedi mwaana wuna.Mu dangu diadina kaga mwaana ga gindi.¹⁹Bwoona ba longogi bitshi yufula Yesu :"mudiambu di kii du gondi dala pila yi gu dusa mihunga mina?" ²⁰ Yesu mbi:"mudiambu loo lwedi ye lu gwigilu lu gulunga.Yi ba lulela mapandi ma kiediga:"mbi lu gala ye gandambu ga lugwigilu nga ga lu ndumba ga mudi wu mutarde lu kadi lela mu ndonda wu:"ga duga yaa nda bwaa guna,ga kada gwenda,''lu kadi dala pila yi gu hanga mapandi mootsu!²¹ Mu gudusa muhunga wu pila yina loo wu fani hanga gima giega,haa wu fani sambila Gahungu ye gu duna gu dia.²²Dangu di ba gadi gu bula di gadileya,Yesu ga ledi ba longogi mbi:"ba hega mwaana muudu gu mioogu mi baadu, ²³ Bwoona bu ba muzuwa,haa mu gilumbu gi dadu Gahungu bu ga mushamugisa mu lufwaa.''Dangu di kenda dji ba gami dji vula.²⁴Dangu Yesu ye ba longogi baandi ba gumi gu bula di gapedinahumu,ba dulagi du bidadi du nzu yi Gahungu yi ba yuda bitshi yu fula piela mbi:"haa longi wu binu ga fudaga gi dadi gi nzu yi Gahungu?" ²⁵ Pedelu mbi:"egaa''.Dangu di ga fudaga mu nzu .Dangu pedelu di ga godi mu nzu,Yesu muudu wu tegu ga yandigi gu yagula mbi:"Shimoni,kii wu bayindula?Ba naa ba fudaga gidadi gi ba fwumu ba gifudi gii?Baadu ye ba nzenji?"²⁶Pedelu mbi:"ba nzenji.''Yesu mbi:"bwoona baadu loo ba fani fuda gidadi.'' ²⁷ Haa loo duzodi gu hega baadu baa pashi gu mbundu.Bwoona ndaa ye yanga,lumba ndobu loba mu mwetshi;swangula mbitshi wu tegu.Bwoona bu dala lu ndondu lu mbongu gu ganu diandi.Gu fani mu gu fudila gidadi gi nzu yi Gahungu mudiambu ye mi ye ndji,senda ndaa wu fuda gidadi gi pidu gwedi baa.

Chapter 18

¹Mu dangu dina,ba longogi beendi yu fula Yesu mbi:"naa wu ludi bu neni mu gi fwumu gi Gahungu?'' ² Yesu ga lendigi mwaana wu moshi,ga mushi ye kadi ga baa, ³ Haa ga ba ledi mbi:"yi ba lu lela mapandi ma kiediga:mbi loo lu sobi bi kalulu,mbi loo lu gidugi nga baana ba bagegi,loo lugoda shi ga ndambu mu gi fwumu gi Gahungu.⁴Gosu muudu wuna wu digulumusa mu gu gala ngaa mwaana wuu,ndi wu ludi buneni mu gi fwumu gi Gahungu. ⁵ Haa gosu muudu wuna wu ba yamba ngaa mwaana wu mudjina diami,di songa mbi wu nzambi mibeeni.''⁶ Mu gadi ga baana bana bootsu ba sagaga mbundu gwedi mi gosu muudu wuna wu neda mwaana wu moshi mu kadi ga baa mu gu hanga masumu,gwedi pimbu gu ganga muudu weni wuna dadi di neni mu koda,bwoona ba mu lumba mudiambu genda ga fwaa mu nzadi mungu.⁷Kenda gwedi baadu mudiambu ye mapandi meengi medi mana ma ba bidishi!mapandi ma pila yina ma fani gwitsa,haa kenda gwedi muudu wuna wu ba madusa! ⁸ Gogu diagu mbi loo gulu diagu di ba gu guneda mu guhanga ma sumu,di gesa,di matsa!gwedi pimbu wu sadi ye gogu di moshi buna mbi loo gulu di moshi buna,bwoona wu senda moni wu kiediga;haa loo gwedi pimbu ndi mu gu gala ye mioogu mioodi mbi loo milu mioodi,bwoona Gahungu ga gu lumba gu mbaa du mvula ye mvula.Haa mbi disu diagu di ba gu guneda mu guhanga musumu di gadula,di matsa.Gwedi pimbu wu gala ye disu di moshi buna,bwoona wu senda mooni wu kiediga;Haa loo gwedi pimbu mu gu gala ye misu moodi,bwoona Gahungu ga gu masa gu mbaa du bilungi.''¹⁰Giebani:lu vwezegu shi mugegi wu moshi ye kadi ga ba gegi baa.Mudiambu yi ba lu lela mbi:"ba wanjio ba baa gu yilu ba gala dangu djiootsu mu misu ma dada wami wuna wedi gu yilu.¹¹ Mudiambu mwaana muudu gitshi hulusa baadu bana ba bidi.¹²Kii lu ba nuunga?Mbi muudu gedi ye ma mema kama,bwoona mbi dimema di moshi di bidi,kii ga fani hanga?Loo ga shisa ma mema meega mana ma gumi gi vwaa ye givwaa mudiambu ye gwe dinga di mema dina di bidi? ¹³ Yi ba lu lela mapandi ma kiediga:mbi wu di dadi ga dala gieshi gi vula mudiambu ye dia. ¹⁴Pila yi moshi dada wu binu wuna wedi gu yilu loo ga gazolagagi mbi shi mugegi wu moshi mu kadi ga ba gegi baa ga bila.''¹⁵Mbi pangi woogu wu gu hangi mbi,nda,wu mu lela mbi yina yi ga gu hangi.Haa binu hangani mapandi mana binu boodi buna.Mbi pangi woogu wu guyugidi ya gula mbi wu gumi kega ndugu woogu. ¹⁶ Haa mbi loo ga zodi gu guyugila,neda muudu wu moshi mbi loo baadu boodi beega,bwoona,wu lungisa mapandi mana ma ba sonigi mu muganda wu Gahungu mbi:''baadu boodi ba fani hana gi mbangi gi baa mu gosu ma pandi ma baa ma fundi.Haa mbi loo ga zodi gu ba yugila,dangu di ndawenda wu yabigisa mapandi mana mootsu mu dibundu.Haa mbi loo ga zodi gu yugila di bundu kega mu hangani ngaa bu lu hangaga mi pani mbi loo ba galagi ba bidadi.¹⁸''Dangu di,yi ba lu lela mapandi ma kiediga:gosu mapandi mana ma lu gangi ndjila aya ye londi di maanu,Gahungu kega bu ga ganga ndjila yi maa gu yilu;gosu mapandi mana aya ye londi di manu,Gahungu kega bu ga magangula gu yilu. ¹⁹ Bwoona yi ba lulela kega mapandi ma kiediga:gosu dangu,mbi baadu boodi mu gadi ga binu aya ye londi di manu ba wagani mudiambu ye gu dinga gosu mapandi mu bisambu,dada wami wuna wedi gu yilu bu ga luhega. ²⁰ Mudiambu,mu gosu gi hani gina gi wanagani baadu boodi mbi loo ba dadu mu ndjina diami mi kega yedi ya yena ye baa.²¹Piela gitshi ye ga yagudi gwedi Yesu:''mbi:"mbala digwii yi fani lolula pangi wami dangu ga panga mbii?Mbala di tsambwadi?'' ²² Yesu ga mu vududdidi:"loombi'' mbala di tsambwadi,haa mbala ma gumi matsambwadi ye matsambwadi.²³Mudiambu gi fwumu gi Gahungu gi fanagani ngaa fwumu wuna wu zola mbi baadu bandi ba gi salu bana ba gadi ye fwuga mandi,mba mafuda.²⁴ Dangu di ga yandigi guhanga bwoona ba munedi muudu wu moshi mu kadi ga baadu bandi ba gisalu,wuna wu gadi ye fwuga yandi yi madiyo mambongu.²⁵Muudu wuna loo ga gadi ye mbongu dji gu lunga dji ga fani fuda yana fwumu wandi ga ledi baadu bandi mu gu mudega nga muhiga,ye mukedu ye baana bandi ye bima biandi biootsu bi ga gadi biaa mudiambu di gu fuda fwuga yina.²⁶Muudu wuna wu gisalu ga fugami mu milu mi fwumu wandi.Ga mu woondidi mbi:"padido,zuga kenda,bu yi fuda fwuga yagu yiootsu.'' ²⁷ Fwumu wuna ga mu yugidi kenda:loo gandi kega fwuga yina,haa ga muledi mbi:"ndagogu.''²⁸Dangu muudu wuna di gadugi gendi ga wanagani ye ndugu wandi wu gisalu;muudu weni ga gadi ye fwuga yandi yi mbongu haa loo mbi dji vula.Ga mugami,ga munieminini ye koda,mbi fuda fwuga yami.'' ²⁹Muudu weni ga bwii mu manu.Ga mu woondidi mbi:"nzugila kenda,bu yi fuda fwuga yagu.''³⁰Haa loo ga zodi;Gendi saa muudu weni mudangumbada,tii gu ga fani fuda fwuga yandi. ³¹Dangu ba ndugu baandi ba gisalu di ba dadi mapandi mabwii,ba dadi kenga djiingi.Ba ledi fwumu wu baa wu gisalu mapandi mana ma ludi.³²Dangu di fwumu wu gisalu ga mu lendigi,ye ga muledi:"ndi mu tsadi wu wedi wu mbi,bu yi gulodi fwuga yiootsu mudiambu bu mbodidi. ³³ Loo wu fani gala ye kenda mudiambu ye ndugu woogu wu gisalu ngaa buyi yugidi kenda?³⁴Fwumu ga yugi kabu dji vula bwoona ga mushi mu nzu-mbada mudiambu ga senda ndola djii ga fani fuda mbongu djiootsu.'' ³⁵ bwoona dada wami wu yilu ga lu hanga pila yi moshi kega,mbi wu moshi mu kadi ga binu loo ga loludi pangi wandi mu mbundu yandi yiootsu.''

Chapter 19

¹Dangu di yagudi Yesu mapandi mana ma hwii,ga gadugi gu gifudi gi gadileya,gendi gu gifudi gi yudeya gu mashina ma nzadi yi yuludani. ²Gi baadu ba vula beendagi mu gu landa ye mu gu ba hulusa.³Bafadishi beega bitshi mu gui meega ba mu ledi mbi:"landila mitshigu mi pidu,muudu wu fani shisa mukedu handi mu gosu mapandi mana mambii ma ga hangi?" ⁴ Yesu ga yagudi mbi:"loo gedi lu dangi mu miganda mbi muudu wuna wu yidigi yandiga lu yandigu,ba gadi mukedu ye bagala?⁵Ye gayagudi mbi:"mu giguma giagina,bagala ga shisa dada ye ngudi wandi ye ga gangamana ye mukedu wandi,ye ba boodi ba giduga luudu lu moshi?" ⁶Diadina,loo bedi keega baadu boodi,haa luudu lu moshi lwooluna,bina bi vugishi Gahungu,muudu loo ga fani gabula.''⁷Ba mu ledi:"haa mudfiambu di kii Mososhi ga du ledi mu gu hana miganda mi gu zuwa wala ye mu gu heega muganda?" ⁸Ga ba ledi mbi:"mudiambu lwedi mbundu bu guba Mososhi ga lu hegi ndjila mu gu gabulagana ye bakedu,haa mu gu yandiga loo gu gadi buna.'' ⁹Yi ba lu lela mbi:"gosu wuna wu yambudi mukedu wu gu gonda pandi yi binzumba mu kadi ye wu mooni mukedu weega,muudu wuna wu hangi binzumba.Ye muudu wu mooni mukedu wu ba yambudi keega wu hangi binzumba.''¹⁰Ba tumwa ba ledi Yesu mbi:"mbi gwedi bwoona gwedi ye bagala ye gwedi ye mukedu,loo gwedi pimbu mu gu moona.'' ¹¹Haa Yesu ga ba ledi mbi:"loo gwedi mbi baadu bootsu ba fani gumbusa malongi mana,haa mudiambu ye bana beedi manunga ma gubagisa mapandi. ¹²Mudiambu gwedi ye ba gobu ba budugi yandiga mu mazumu ma ba ngudi ma baa,ba gobu beega ba bagidudi gwedi baadu beega,gwedi ye beega ba di gidudi bagobu ba beeni mu giguma gi gifwumu gi yilu.Yambula mbi wuna weedi ye fwunu gi guyaba ga yaba.¹³Dangu di bitshi mu nedila baana ba bageegi mbi ga ba saa mioogu ye gu basambila,haa ba tumwa loo ba zolagi. ¹⁴ Ye Yesu ga yagudi mbi:"hanani ndjila gwedi baana loo gu ba gangani ndjila,mu gwitsa gwedi mi,mudiambu gi fwumu gi yilu giedi nga baadu bana ba baba fani.'' ¹⁵Ga ba shi mioogu gu ngoyi ga gadugi yana.¹⁶Dala muudu wu moshi gitshi gwedi Yesu ye ga yagudi:"longi,buni yi fani hanga mu gu bonga mooni wu mvula ye mvula?" ¹⁷ Yesu ga mu ledi mbi:''kii wu ba nzufudidi gima gi pimbu buna?Wu moshi buna weedi pimbu,haa mbi bu zodi gu senda mooni,djidisa mitshigu.''¹⁸Muudu wuna ga mu ledi mbi:''kii mitshigu?''Yesu ga yagudi mbi:"loo gu zuwa,loo gu hanga gindumbu,loo gu yiba,loo gu yagula pandi yi bu pala,loo gu yindudila muudu pandi yi ga gondi hanga, ¹⁹ djidisa dada ye ngudi woogu,ye zola ba pangi bagu nga bu wu di zolaga ndi beeni.''²⁰Ngunza wuna di ga mu ledi:'bima bina biootsu biedi bi mbii hangaga.Kii keega biega yi fani hanga?" ²¹Yesu ga mu ledi:"mbi bu wu zodi gu giduga muudu wu pimbu,dangu di deega bi wu fugi ye hana bongu di wu deegi gwedi ba tsugami bwoona wu gala gimvwama gu yilu.Gu ngoyi,yi zaa witsa wu ndanda mi.'' ²²Haa,ngunza wuna di ga yugi bu yagudi Yesu,gendi mu kenda,mudiambu ga gadi ye bima bi vula.²³Yesu ga yagudi gwedi ba tumwa bandi mbi:''yi ba lu lela gu mukiediga,gwedi pashi gwedi muudu wuna weedi ye gi mvwama mu gu goda mu gifwumu gi yilu. ²⁴Yi ba lu lela mbi,loo gwedi pashi gwedi mbitshi wuna wu neeni mu gu goda mu ndjila yi shindani,loo nga muudu wuna wu mvwama mu gu goda mu gifwumu gi yilu gi Gahungu.²⁵Dangu di ba tumwa ba yugi bima bina,ba yidugi ye ba yagudi mbi:"naa wu fani huluga.'' ²⁶Yesu gaba dadi ye ga yagudi mbi:"pashi gwedi baadu,haa gwedi Gahungu bima biootsu bihangamanaga.'' ²⁷Diadiana Piela ga vududi mbi:''dala,pidu du yambudi biootsu mu gu gulanda ndji,kii du senda baa?"²⁸Yesu ga ba ledi mbi:"yi bas lu lela gu mugiediga,binu lundandi mu mvula magwitsa.Mbi mwaana Gahungu ga shigumuga ye gidi giandi gi lugumu,binu keega bu lushigumuga ye londi di bidi gumi ye boodi,bidi bi gifwumu,muni sambisa biganda bi Yishiledi.²⁹Muudu wootsu wu yambudi nzu yandi,ba pangi bandi ba ba bagala,ba kedu,dada wandi,ngudi wandi,ye baana bandi mbi loo lupangu lwandi mu gi guma giami,ga senda bima bivula ye ga senda mooni wu mvula ye mvula. ³⁰Haa bavula bendi bateegu ba guma ba wu tsuga,ye bavula beedi ba wu tsuga ba guma ba teegu.

Chapter 20

¹Gifwumu gi Gahungu gi fanagani nga muudu wuna wu gadi ye ngundu yi vinu wu dugi mu musuga-musuga gendi dinga baadu mu gwenda mu hangila gi salu yi ngundu. ²Gu ngoyi bawagani mbi ga fani gu ba fuda gosu gilumbu ndindu lu moshi lu moshi,di ga ba dumi mu gu hanga.³Mu dangu di dadu di musuga ga dugi keega,gendi ye zandu ga dadi baadu ba niamugi loo ba gadi ye gisalu. ⁴ Ga ba ledi mbi:''binu keega yizani luhanga gisalu gi ngundu yi vinu biootsu bina biedi pimbu bu yi lu heega.''Baadu bana bendi hanga.⁵Ga dugi keega mu dangu di sambanu ye mudangu yi gimvwa ye ga hangi nga bu ga hangi teegu. ⁶ Mu mbala yega keega gu gadi dangu di guumi ye gimoshi di mashiga ga dugi gu zandu ga dadi keega baadu ba hwemini gu baa,ga ba ledi mbi:"kii lu hweminini yaa,lu ba gonda hanga gi salu gi lumbu gi muhundu?" ⁷Ba yagudi mbi:"mudiambu loo gu du boongi shi muudu mu gisalu.''Ga ba ledi mbi:"binu yi zani hanga gisalu mu ngundu yami yi vinu.''⁸Dangu di bwi piba,mweni ngudu ga lendigi gapida gandi ga mu ledi mbi:''balendiga baadu bana wu ba fuda mbongu dji baa,teegu wu fuda bana bitshi gu ngoyi ha nga wu fuda bana bitshi gu misu.'' ⁹ Ba sadi bana ba yandigi gisalu mu musuga ba bongi lu ndondu lu moshi nga bana bitshi gu ngoyi,ha ba yaba mbi ba djivula ba bongi gi desu gi moshi ye bana bitshi gu ngoyi.¹⁰ Baadu bitshi mu musuga ba yandigi guboguda muna mu lela mbi:"buni du fani bonga pidu ba bootsu gi desu gi moshi.¹¹Gu ngoyi yi gu senda mabuguda ma baadu bana. ¹² Ba sadi ba mu ledi mbi:"baadu ba wu bongi gu ngoyi wu ba fudi gi geledi ye pidu,du niogugi yandiga musuga ye mwini.''¹³Ha fwumu wu mangundu ga vududi gwedi musadi wu moshi mu kadi ga baa mbi:"ndugu,loo yi gu hangi mbii.Loo du yugani ye dji mbi wu fani hanga gisalu gilumbu moshi mudiambu ye lundondu lu moshi? ¹⁴Bonga mbongu djiagu,ndagwoogu gu nzu yaagu.Yi zodi gu hega baadu bitshi gu ngoyi yi binu nga binu ba yibongi gu misu.¹⁵Loo yedi yeswaa mu gu hanga gosu gina mu mbongu djiami mi beeni?Mbi loo weedi ye gigedemi bu yi hangi ma pimbu? ¹⁶ Diadina baadu ba tsuga ba gala ba teegu,ba teegu ba guma ba tsuga.Miganda mipimbu mina mi teegu mi beebishi:"baadu bavula ba balendigi,haa ndambu basolugi.''¹⁷Dangu di gadi Yesu muna dombuga gu Yelusalemi,ga needi ba tumwa guumi ye boodi,mundjila ga ba ledi mbi: ¹⁸ "Dalani,dwedi mu gu dombuga gu Yelusalemi ye mwaana muudu bu bamudega gwedi ba nganga ba Gahungu,balongi ba tshigu ye gwedi basonigi ba miganda.Ba mugeshila nkanu mbi ga fani fwaa ¹⁹ ye ba mu deegi gwedi baadu bana ba gondi gwigila mudiambu ba mu seeya,ba mu bula miswamba,ye gu mu goma ye kulundji.Haa mu gilumbu gidadu ba ga shamuga.''²⁰Gu ngoyi bima bina Zebedeyo gendi gwedi Yesu ye baana bandi.Ga fugamani gu milu miandi ye ga mudingi bima. ²¹Yesu ga mu ledi mbi:"kii wu zodi?"Ga mu ledi mbi:"yagula mbi mu dangu di wu gadi fwuu wu neeni baana ba mami ba bashigumugi,wu moshi gu googu djiagu di gi dada ye weega gu googu djiagu di gi ngudi mu gi fw2umu giandi gi yilu.²²Haa Yesu ga mu vududidi mbi:"loo wu ba yaba bi wu ba dinga.Bu lu kuga gu nwaa gooba di mapashi di ba peega?"baana bana ba gumbudi mbi:"bu du kuga.'' ²³Ga ba ledi mbi:"loo gwedi gima,bu lu nwaa.Haa mu gu shigumuga gu googu djiami di gi dada ye di gi ngudi,haa dada wami bu gu hana bihani bina gwedi bana ba ga yidigidi.'' ²⁴Ba tumwa bana guumi,dangu di bayugi mapandi mana,di ba yugidi bana boodi kabu.²⁵Haa Yesu ga ba lendigi ba bootsu gaba ledi mbi:"yabani mbi ba fwumu ba yalaga baadu mu gi ngolu-ngolu,yabani keega mbi baadu ba neeni ba balelaga mbi beedi ye biyega. ²⁶Haa gu galalegu buna mukadi ga binu.Diadina,wuna wu ba yagula mbi ga gala mukadi ga binu geedi musadi wu Gahungu. ²⁷ Mbi muudu wu moshi mu kadi ga binu bu ga zodi gu gala fwumu ga fani gala muhiga wu baadu beega,²⁸ gi desu gi moshi ye mwaana muudu,loo gitshi mbi baadu ba musadila,haa ndi witshi hangila baadu,ye gu ba hega mooni wandi nga mbongu dji gadula baadu ba vula mu gihiga gi masumu.²⁹Dangu di Yesu ga gadugi gu Yedigo,baadu bavula ba mulandi. ³⁰ Gu gadi ye ba fwii misu boodi ba gadi mu mbimba ndjila ba hwemini.Di ba yugi mbi Yesu ga baluda,ba lendigi mu ndaga yi ngolu mbi:"fwumu,mwaana wu Davidi du yuuga kenda.'' ³¹Baadu bana ba banganini mbi:"hweminani pweede'',haa ba fwii misu ba yagula kaga mu ndaga yi ngolu mbi:"fwumu,mwaana wu Davidi du yuuga kenda.''³²Yesu ga manini,ga ba lendigi ye ga ba yufudi mbi:"lu zodi mbi yi lu hanga kii?" ³³Ba mu ledi mbi:"fwumu,yambula mbi miisu ma pidu ma dala keega.''³⁴ Yesu,ga ba yugidi kenda,ga ba shi lu lembu mu miisu,kaga dangu diadina ba yandigi gu dala keega,gu ngoyi ba mu landi.

Chapter 21

¹Yesu ye batumwa bandi di gumbi pena-pena uye Yelusalemi ye ba gumi gu bula di Betefani,gu mbimba yi muselu wu mudi wu Odive.dangu di Yesu ga dumi batumwa bando boodi ga ba ledi mbi: ² ndani gu bula dina djedi gu misu yi pidu,ba gangididi punda wu mukedu ye mwaana wandi.Ba ga ngulani yizani ye baa yaa gwedi mi. ³ Mbi muudu bu ga lu yufudi kii lu ga ngudidi ba mbitshi bana,lu mu lela mbi:"fwumu geedi ye fwunu yi baa,ye muudu bu ga ba shisa mugwitsa baa.''⁴Diadina,gu hangamani buna mu gu lungisa nga bu sonigi ba mimbi ndotshi.Ga yagudi mbi: ⁵ ''mu lela mwaana mukedu wu Shiyoni mbi:dala,fwumu woogu ga ba gwitsa gwedi ndji ye wu shigumugi ye londi di p[unda di mukedu ye wu mwaana punda wu mugeegi.⁶Batumwa bana bendi nga bu ba ledi Yesu mu gu hanga.⁷ Bi tshi needa punda wuna wu mukedu yw mwaana wandi,di ba shi mi ledi mi baa ye londi di bapunda bana ye Yesu ga ba shigumugidi. ⁸ Baadu ba vula ba danduludi miledi mi baa yatshi mu ndjila yina yi luda Yesu,baadu beega ba gesaa tangu di miidi mu saa mundjila.⁹Baadu ba vula ba mu landagi ba gadi gu ngoyi yandi muna saa milolu mbi:"Ozana mwaana Davidi,yambula mbi Gahungu ga sagumuna muudu wuna wu ba gwitsa mu djina di fwumu!Lugumu lu gala gwedi Gahungu.'' ¹⁰Dangu di godi Yesu gu Yelusalemi,bula djiootsu di gumi pweede ye baa muna yu fula mbi:"muudu wuu geedi naa?" ¹¹Baadu ba gadi ye Yesu ba vududi mbi:"wuu geedi Yesu mbigudi wu bula Nazaledi gu gifudi gi Gadileya.''¹²Gu ngoyi ga gondi mu nzu yi bisambu ga tshiadigishi baadu bootsu ba degagi ye bana ba sumbagi.Ye gamani balumuna ma meesa ye bidi bi ba degila mapombu. ¹³Ga ba ledi mbi:"ba sonigi mbi:'nzu yami yi gala nzu yi bisambu lu ba yi gidula nga nzu yi bidegi!'' ¹⁴ Baadu ba gadi bifwii misu ye bi gada bitshi mukadi ga nzu yi bisambu ye ga ba hulushi.¹⁵Ba mbuda ba nganga ba Gahungu ye mi sonigi miganda di ba dadi bima bi guyiduga bi hangagi Yesu ye bana muna saa milolu mundaga yi ngolu mu kadi ga nzu yi bisambu mbi:"Lugumu lu gala gwedi mwaana wu Davidi,''ba yuugi kabu. ¹⁶ Ba mu ledi mbi:"wu ba yuga bu bayagula baadu baa?"Yesu ga ba vududidi mbi:"pimbu,haa loo geedi lu dangi mu miganda mi Gahungu mbi:"gu maganu ma baana bana ba nwaagaga ye bana beega wu boonga lugumu lu pimbu?" ¹⁷Gu ngoyi Yesu ga ba yambudi,ga gadugi ye bula dina gendi mimba gu bula di Bedani.¹⁸Mu musug a wu gilumbu gi landi Yesu ga gadi muna vuduga gu Yelusami,gayugi nzala. ¹⁹ Ga dadi mudi wu ba fige mu mbimba ndjila di gendi pena-pena ga saa mbundu mbi ga dala shi lu lu ndumba lu moshi.haa Loo ga dadi kasa buna,ga ledi mudi wuna ndji mudi wuu loo wu buda keega shi lu ndumba wu moshi,mu dangu diadina mudi wuna wu yuminini.²⁰Ba longogi bandi di ba dadi mapandi mana,ba yidugi ye ba yagudi mbi:"buni mudi wu binu wu yuminini?" ²¹Yesu ga ba ledi mbi:"yi ba lu lela,gu masonga mbi wu gwigidi ye mbundu yi moshi bu lu hanga nga bu yi hangi mudi wu mafige,haa lu fani lesa muselu mbi:"gaduga yaa ye ndawenda wu dilumba mu kadi ga nzadi yi neeni,ye bu yihangamana.²²Biootsu bi ludi gu bisambu ye gu bi saa gu mbundu,bu lu senda.''²³Dangu di goodi Yesu mu nzu yi bisambu,ba mbuda ba nganga ba Gahungu ye ba mbuda baadu bendi gwedi Yesu,ga gadi muna longa mbi muledi mbi:"ye kii giyega wu ba hanga bima bii ye naa wu mu gu hegi gifwumu gii?''²⁴ Yesu ga ba vududidi mbi:"yi ba luyufula gima gi moshi mbi bu lundedi,yi lu lela mbi mu kii giyega yi ba hanga bima bina.²⁵Gu bodamana gu Yowani(guni gu dugi?gu yilu mbi loo gwedi baadu?"Ba yandigi gu dendagana mu kadi ga baa mbi:"haa mbi budu yagudi mbi:'gu yilu,'ga du lela mbi:'mudiambu di kii lu gondi gwigila?" ²⁶ Haa mbi bu du yagudi mbi:''gwedi baadu,'du ba dina baadu booma,mudiambu baadu bootsu ba yabi mbi Yowani ga gadi mbigudi.'' ²⁷Diadina ba ledi Yesu mbi:"loo du yabi,''ga ba ledi mbi:"loo yi ba lu lela mu kii giyega yi ba hanga mapandi maa.²⁸Haa kii lu yindudi?''gu gadi ye muudu wu moshi ga gadi ye baana boodi ba bagala:"ga ledi mwaana wuna wu teegu mbi:'ndawenda wu hanga gisalu gu ngundu yi vinu lelu. ³⁰ Mwaana ga vududi mbi:"loo yi ba gwenda,'haa gu ngoyi;ga sobi manunga ye gendi. ²⁹ Ye dada wuna di gendi gwedi wuna wu djioodi ga mu ledi nga bu galedi mbuda wandi.Mwaana wuna ga mu vududidi mbi:"yi ba gwenda dada,'haa loo gendi.³¹Mu kadi ga ba boodi naa wu hangi luzolu lu dada wandi?"Ba bayagula mbi:"mwaana wuna wu teegu''Yesu ga ba ledi mbi:"yi ba lu lela gu mukiediga baadu ba fudisaga gidadi ye bakedu ba hangaga gindumbu bu bagoda gifumu gi yilu gu twala yi binu.³² Mudiambu Yowani gitshi gwedi binu mu ndjila yi mukiediga,haa loo lu mu gwigidi,mudiambu mifudishi bidadi bu ba mugwigidi.Ye binu dangu di lu dadi bima bina loo gu binu lu balumuni mbundu mu gu mugwigila mu bima bina biga lu ledi.³³Yu gishilani gigana kiega:"gu gadi ye bagala wu moshi,ga gadi ye ndambu manu mandi ga ga hangi ngundu yi vinu,mu mbimba yi ngundu ga hangi gi gonda,ga shimi wulu di ba buula bwedila vinu,ga dungi nzu yi leeya mudiambu ye gu dalaga ngundu ye ga hani ngundu yandi gwedi beeni mangundu ma vinu mu gudefa.Gu ngoyi,mweni ngundu gendi mu gifudi giega. ³⁴ Dangu di gu galadula ndumba di lungi,ga dumi ba gisalu gwedi beeni mangundu mu gubahega ndumba djiandi.³⁵Haa beeni ma ngundu ma vinu ba gami bisadi bi dumishi fwumu,baa badudi,baa suwii wu moshi ba mani fuga wuna weega. ³⁶ Mweni ngundu ga dumishi keega bisadi bi vula ba ludi bana bendi teegu,haa ba dalaga mangundu baa bahangi nga bu ba hangi bana ba teegu. ³⁷Gu ngoyi,mweni ngundu ga dumishi mwaana wandi,gayagudi mbi:'ba yuga mwaana wami booma.''³⁸Haa di badadi mwaana wu fwumu wu mangundu,baa yagudi mu kadi ga baa mbi:"dala muudu wu sala bonga gi mvwama gi dada wandi ndoona wu ba gwitsa:"yi zaani,du mu zuwani ye du sendani gi mvwama.'' ³⁹ Bwoona baa mu needi,baa mu matshi yendjila yi lupangu lu vinu ye baa muzuwii.⁴⁰Dangu di,fwumu wu mangundu mavinu mbi bu gitshi,buni ga fani hanga baadu ba dalaga mangundu?'' ⁴¹ Ba mu ledi:"ga zuwaa baadu ba dalaga ma ngundu ga hana mu gudefa gwedi baadu beega ba hangaga keega mangundu ma vinu,baadu bana ba fani mu hega ndumba djiandi mu tsungi yi gugadula yi ndumba.''⁴²Yesu ga ba ledi mbi:"loo gedi lu dangi mu miganda mbi:'daadi di matshi madungi manzu digumi daadi geminini nzu.Bima bi dugi gwedi fwumu biedi bi guyiduga gumisu ma pidu?"⁴³Diadina yi ba lu lela,gifwumu gi Gahungu bu ga gadula gwedi binu,ga gihana gwedi bana ba hangaga bisalu bi gifwumu giandi. ⁴⁴ Muudu wuna wu bwii ye londi di daadi dina,bu ga hesuga.Mbi daadi dina bu di bwiidi muudu,muudu wuna ga fani gesumuga bidini-bidini.''⁴⁵Dangu di yuugi banganga ba Gahungu ye mifadishi gingana gina,di ba yaabi mbi ga ba lela baa.⁴⁶ Ye ba gadi ye fwunu yi gu mugama,haa ba gadi mu booma bu baadu bana yaana,mudiambu baadu bana mudala nga mbigudi.

Chapter 22

¹Yesu ga ba lelagi mu bingana ye gu ba lela mbi:² "gifwumu gi yilu gi fanagani nga tadila wu moshi wu yilami mu gu hangisa kindjib yi waala mudiambu ye mwaana wandi wu bagala. ³Wu dumishi ba sadi bandi mu gwenda lela baadu bana ba balendigi mu gwitsa gu waala,haa baa loo bqa zodi gwitsa.⁴Todila ga dumishi keega basadi beega ye gu ba lela mbi:'yagulani gwedi bana baa ba lendigi:"dalani,yi yidigi gwedi mi gu dia gu kadfi ga gilumbu;bangombi ba bakedu ye dulumi du pimbu du bazuwii ye bima biootsu bie3di pena-pena.Yizani gu waala.'''⁵Haa baadu beeni loo bashi gu mbundu.Bendi gosu muudu gu mangundu mandi,beega mu mahanga ma baa ma gifwa ye gifwa. ⁶Bana ba saadi ba gami ba sadi ba Todila,baa ba niogudi ye baa ba zuwii. ⁷ Todila ga yugi kabu;ga dumishi ba pumbulu bandi mu gu zuwaa baadu ba zuwii basadi ye gu fuba vula diootsu.⁸Gu ngoyi ga yagudi gwedi ba sadi bandi:'mapandi mootsu ma yi yidigi,haa bana baa balendigi loo bitsi. ⁹ Bwoona,ndani gu maagu lendigani muudu wootsu wu ludala gitsa ga dia gu waala. ¹⁰Basadi bendi mu mandjila ye ba vugishi baadu bootsu bana ba daadi ba pimbu ye ba gondi pimbu.Bwoona,nzu yi waala yi yuudi ye baadu baa balendigi.¹¹Mu dangu di godi Todila mudiambu ye gu dala bana baa ba lendigi,ga daadi muna mu gadi ye muudu wu moshi wu gadi wu gonda miledi. ¹² Todila ga muyufudi:"ndugu,buni wu godi mu waala wu gu gonda miledi?"Haa muudu weeni loo ga hani shi mvudu.¹³Bwoona,Todila ga yagudi gwedi ba sadi mbi:'gamani gu mioogu ye gu milu muudu wuu mu lumbani ye ndjila mu gidima,gwoona gu gala bidilu ye kwedisa yi minu. ¹⁴ Mudiambu ba lendigami bedi bavula,haa baa ba soodi beedi ga digii.''¹⁵Bwoona,ba falusayi bendi yidiga nga bu benda zoomba Yesu mu nzagudidi yandi ndi beeni. ¹⁶ Baa mudumishi ba tumwaa,gi mvuga ye baadu ba ye Lodi.Ba yagudi gwedi Yesu:''longi,du yabi mbi ndji wu yagulagagi mukiediga ye wu longagagi ndaga yi Gahungu yi mukiediga loo wu sendaga mu mbundu mana ma gadugaga gwedi muudu,loo wu yegamana gwedi muudu mu mambi. ¹⁷ Bwoona du lela kii wu ba yindula?Gu fani mu gu fuda bidadi gwedi Sezadi?"¹⁸Haa Yesu ga sendi kabu dji baa ye ga yagudi:"baadu ba bupala!mumbada kii lu ba meega?¹⁹ Ndesani gidadi shi gi moshi.''Ba mu leshi gi fanisu gi mooshi.²⁰Yesu ga ba ledi:"yagulani:kii biedi gifanisu gii keega djina ndiandi naa?" ²¹Baa mu vududidi mbi:"gwedi Sezadi."Bwoona Yesu ga ba ledi mbi:hanani gwedi Sezadi bima biana bi fani gwedi Sezadi ye gwedi Gahungu biana bi fasni gwedi Gahungu. ²² Bu bayugi mapandi mana,ba gadi muni yiduga.Bwoona ba mu yambudi gendi.²³Mu gilumbu giaana,ga gimvuga ga ba sediya bana ba yagulagi mbi,loo gwedi ye lufudumugu badaadi gwedi ndi ba mu yufulagi mbi: ²⁴ ''longi,Mososhi ga yagudi mbi:'mbi muudu bu ga fwii wu gonda gu buda shi mwaana,pangi wandi wu bagala ga fani mona keega mukedu wandi mudiambu ga buda yandi baana.²⁵Gu gadi ye ba pangi ba bagala ba nsambwadi.Wu moshi ga mooni mukedu haa gafwii wu gonda gu buda mwaana ye gashishi mukedu wandi gwedi pangi wangi wandi wu bagala. ²⁶Wu djioodi ga hangi gi desu gi moshi;wu dadu tii gwedi wu nsambwadi gi desu gi moshi. ²⁷ Gu ngoyi baa,mukedu keega ga fwii. ²⁸Dangu di du leledi,mu lufrudumugu ga gala wu naa mukadi ga ba bagala baa bansambwadi;mumbada baa bootsu bu mu mooni?''²⁹Haa Yesu ga ba vududidi ye gu ba lela mbi:"lwedi mu gifuu,mudiambu binu loo lu bayaba shi masonugu,shi ngolu dji Ghungu. ³⁰ Mumbada mu lufudugu,loo lu monagana ye loo lu ba duma keega shi wu moshi mu gu moona.Bwoona lu gala nga ba tumwaa mu yilu.³¹Haa mu bina bi dadidi lu fudumugu mu lufwaa,loo lu dangi bina bi lu ledi Gahungu: ³² ''yeedi Gahungu wu Abalahamu,Gahungu wu yi Sagi ye wu Djiagobu?Gahungu loo gedi Gahungu wu ba fwii,haa wu baadu ba mooni.'' ³³Mu dangu di gimvuga gi yugi bwoona ba yidugi mu malongi mana.³⁴Dangu ba Fadise di ba yugi mbi Yesu ga vududi ba Sediseya mu pweede yiootsu,ba hangi gi mvuga. ³⁵Wu moshi mu kadi ga baa,ga gadi munganga wu mbuda mu tshigu,ga muyufudi giufu yi moshi mumbada ga mulonguga: ³⁶ "longi,mutshigu wu neeni mu kadi ga mitshigu wu kii yandi?''³⁷Yesu ga mu vudidi:"zola fwumu Gahungu woogu mu mbundu yagu yiootsu,mu mooni woogu wu muhundu ye mu mabanza magu mootsu.'' ³⁸Wuu geedi mitshigu wu neeni wu teegu.³⁹Mutshigu wu djooidin gedi keega gidesu gi moshi ye wu teegu:"zola pangi woogu nga ndji mweeni.'' ⁴⁰Mu kadi ga mitshigu mii mioodi mu kadi ga tshigu mi yendilagani ye gwedi ba longi.''⁴¹Ba Fadiseya ba gadi teegu mugimvuga Yesu ga ba yufudi.⁴² Ye gu yufula:''kii lu ba yindula bu yagudi Kidishidu?Gwedi naa weedi mwaana?"Ba mu vuduididi"mwaana wu Davidi.''⁴³Yesu ga ba leedi mbi:"buni Davidi,ga yudi ye muhunga wu gu gedila,ga lendigaga fwumu,mu dangu di ga yagulaga,⁴⁴ 'fwumu ga yagudi gwedi fwumu wami:"gala gu googu diami di gidada,tii gu yigumisa ba mbeni baagu gi galu giaagu.'''?'''⁴⁵Mbi Davidi ga lendigagi Kidishidu,'fwumu'buni geedi mwaana wu Davidi?" ⁴⁶Loo shi muudu wu moshi wu gadi gigesa di gu mulela shi ndaga.Ye,yandiga gilumbu gina,loo shi muudu wu meegi gu yula magiufu.

Chapter 23

¹Bwoona,Yesu gaba ledi maganda ye ba tumwa baandi. ² Gayagudi mbi:"ba fwumu ba djigu ye ba fadishi ba megagi mu wulu di leeya di moshi. ³ Bwoona,kii ba ba gulu lela mu gu haanga,haangi nii mapandi mana ye masaani mu bisalu.⁴Bwoobuna,badisagaga ma bugogu mana mabafani gonda gu needa,ye baa muna guenda gusaa mu mbanda dji baadu.Haa baabeni loo bafani nigagana shi mu lulembu lu moshi mu guneda. ⁵ Bahangagi mahanga mootsu mu gudimonigisa guedi baadu.Nga loo gitsi badilegilagagi midambu baa beeni,ye bayedisagaa bibaga bi miledi mii baa.⁶Baa dzolaga bihani biaana bi gifwumu mu makindji,ye bidi bigifwumu mu mandzu ma neni ma bisambu, ⁷ Mbodi dji lugumu mu bihani bi gimvuga,ye gubalendiga mbi "Gahungu"guedi baadu.⁸Haa binu loo lufani gudisa mu gumulendiga<>,mumbada luedi ye longi wu moshi buuna,ye binu bootsu,luedi bapangi. ⁹Ye loo gulendiga shi muudu wu moshi ye londi di maanu di Dada,mudiambu lwedi ye Dada wu moshi gwandi,ndi wuna weedi gu yilu. ¹⁰ Loo gudi lendiga shi yama gedi mbi weedi<>,Kdishidu.¹¹Haa wuna weedi ye giyega gi vula mu kadi ga binu ga gala tsadi. ¹²Gosu wuna wu zangula bu ba mugulumusa,ye gosu wuna wu digulumusa bu ba mudombusa.¹³Haa kenda gwedi binu,ba fwumu ba tshigu ye ba fadisayi,baadu ba bupala!Lu gangaga ndjila yi gifwumu gi yilu gwedi baadu.Mudiambu loo lu goda teegu binu beeni,ye loo lu zolaga gu hana ndjila gwedi bana beedi mu ndjila yi gu goda mbi ba goda.¹⁴ Kenda gwedi binu ba fwumu ba tshigu ye ba fadisayi,baadu ba bupala!Mudiambu lu sadilaga ba kedu beedi mifwiidi>>.¹⁵ Kenda gwedi binu,ba fwumu ba tshigu ye ba fadisayi,baadu ba bupala mudiambu lwendaga mu mazaadi ye mu gifudi mu gwenda wuna wu moshi,wu moshi.Mbi lu mu huni wu lemvugi,lu mu gumishi mbala ndjiodi muudu wu bilungi,nga bu lwedi binu beeni.¹⁶Kenda gwedi binu,lu nedaga bi fwaa misu,ye lu yagulaga mbi:''gosu wuna wu geshi ndefu mu nzu yi bisambu loo gahangi shi gima gi moshi.Haa gosu wuna wu geshi ndefu mudasngu di bisambu mu nzu yi bisambu geedi wu hwaa gamangamana mu ndefu djiandi.'' ¹⁷Binu,baadu ba masumu lu fwii misu!Kii biedi talu yi guluda,woolu,mbi nzu yi bisambu yi sagumunaga woolu?¹⁸"Gosu wuna wu geshi ndefu ye meesa ma gimengi ma fwumu loo ga hangi shi gima.Haa gosu wuna wu geshi ndefu ye magabu ma luzolu ye londi di meesa ma gimengi ma fwumu geedi wu hwaa gangamana ye ndefu djiandi." ¹⁹Binu lwedi ba hwaa fwaa misu,kii biedi wu guluda,magabu ma luzolu mbi meesa ma gimengi ma sagumunaga magabu?²⁰Bwoona,wuna wu geshi ndefu ye meesa ma gimengi ma fwumu ga geshi ndefu ye biootsu bina bi monigi. ²¹ Ye wuna wu geshi ndefu mu nzu yibisambu ga geshi ndefu mu nzu yi bisambu ye wuna wu galaga mu nzu yi bisambu. ²²Wuna wu geshi ndefu gu yilu ga geshi ndefu gu gidi gi gifwumu gi Gahungu ye gwedi wuu wu gadi yi gidi gi gifwumu.²³Kenda gwedi binu,ba fwumu ba matshigu ye ba falusayi,baadu ba bupala!Mudiambu lu hanaga gi dini gi gumi gi bupala,gi bima bi taalu,haa binu muna bi bidisaga bidi bi luudi fwunu bi mitshigu(masonga,gudadamana,ye lugwigilu)nga,mu bima biaana bi lungi gala ngolu mu guhanga,loo gu beebisa weega. ²⁴ Binu,lu needaga bi fwaa misu,binu lu yungulaga ntsenga ye gumina ba punda.²⁵Kenda gwedi binu,ba fwumu ba tshigu ye bafadiseya,baadu ba bupala!mudiambu ye bisanga malonga ye magoba ma binu ye ndjila,haa mukadi ma wa yula ye mvindu. ²⁶ Bafadiseya ba fwi misu,ye bisaani teegu-teegu ma goba ye malonga ma binu mukadi,gu ngoyi nga luyebisa ye ndjila.²⁷Kenda gwedi binu,ba fwumu ba tshigu ye bafadiseya,baadu ba bupala!buoona lwedi nga malumba maba geshi lupemba ye ndjila haa mu kadi ye bima bi mvindu bi boodi bi mvumbi. ²⁸ Gi desu gimoshi,binu kega lumonigaga gu misu mi baadu,haa mu kadi dji binu lu yudi ye bupala ye mapandi ma gondi fwunu.²⁹Kenda gwedi binu ba fwumu ba tshiku ye bafadisayi,baadu ba bupala!buoona lu dungaga malumba ma mimimbi dji ndotshi ye lugwidaga lupemba mu malumba ma baadu bama songa. ³⁰Luyagulaga:<> ³¹ Buoona luhaanaga gimbaangi gwedi binu beeni mbi lwedi baana ba bana ba dzuwi bamimbi dji ndotshi.³²Buoona,binu ludisaaga bidesulu bi ba Dada ba binu. ³³ Luedi ba talatshi,ndonga dji biwuda,buni lufani gudina gusambisama gu bilungi?³⁴Mu buoona,dalaani,yi baguludusa ba mimbi dji ndotshi,baadu bamayela ye ba fwumu ba tshigu.Ludzuwa ye gusa beega ye londi di kulundji.Ye ludinga beega mu nzu maneni ma bisambu,lubula balaanda mu mavula dimoshi-dimoshi. ³⁵Mambi mababeni pashi dji bwa mugudiaga gu mengi ma bena ba gondi handi shi gima ye londi di maanu,yandiga di diagugi mengi ma Abela wu gadi masonga,tii mu mengi ma Sagadia,muana wu Balashi,wuna wuludzuwi yi kadi gamesa ma gimengi magi fwumu.³⁶ Mu gwenda gudalulula,yibagulela,mapandi maa mootshu mudela diana.³⁷Yelusalemi,Yelusalemi,ndji wu djwaaga mimimbi tshindotshi ye wendagaa geshila bena babadumishi! mbala dji guaa du dzodi guvugisa baana baagu,nga buvugisaaga kosu bana baandi mutshimava,haa binu loo ludzodidi. ³⁸Dalaaani,ndzu dji binu dji godi nzala.³⁹ Mumbada yi lulelagaa,loo lusala taala kega,tii guluyagula:<>

Chapter 24

¹Yesu gadugi mu ndzu yi bisambu muna gwenda,batumua baandi bafinami gwedi ndi ba finami gwedi ndi mugulandila pimbu-pimbu mapandi madidi gudunga ndzu yi bisambu. ² Haa ndi gaba vudidid mbi:<>³Bubashigumugi mu mindonda mi Olivia,ba tumua bitshi gwedi ndi mugitshuegi muna muyufula:<> ⁴ Yesu gaba vididi mbi:yilamanagaani,loo shi mudu wu moshi gagonda guluhuna.⁵ Mudiambu bavula bu bagwitsha mudjina diami ye guyagula:mi yedi Kdishidu,bavula ba bwa mu masumu.⁶Buluyuga muna yagula mumbada ye bidumbu ye mapandi ma bidumba;loo gugalaani mu booma,mumbada maambu mana mafani guma;haa loo gugala tegu tshuga. ⁷ Mumbandu giganda gi moshi bugi mananina giganda giega,ye gifwumu gi moshi bgu mananina gifwumu giega.Nzala buyi goda ye gunigana gu manu mu bidini bi vula. ⁸ Haa biootshu bina gugala nga luyandigu lumisongu.⁹Buoona bubalulembula mu dji pashi ye mugulu dzuwa.Maganda mootshu bumaluyegula giaami. ¹⁰Bavula buba shedumuga.Buba thsubagana ye guyegulagana beega ye beega. ¹¹ Bavula minimbi dji ndotshi baambi buba niagama mugubwitsha baadu bavula mu masumu.¹²Buoona masumu mayala gifudi,ludzolu gwedi bavula lubwa budjidji. ¹³Haa wuna wu ganga mbundu tii gutshuga ndi wuuna wu huluga. ¹⁴Mapandi ma pimbu ma gifwumu gi yilu malungamana mugifudi gimuwundu,mu gimbangi gi maganda mootshu.Buoona tshuga yi gwitsha.¹⁵Mu buoona,dangu di nudala guhangagana maambi mugi tsuegi mana mayagulagi mu mimbi ndotshi Daniela mugihani gibu santu,mbi wuna wu badanga gagala ye gugieba! ¹⁶Mbi beena beedi gu yudashi ba dina mu mindonda. ¹⁷ Mbi beena beedi ye londi diyangi ba gonda duluga mukadi gama ndzu mugubonga kondzu gima gina. ¹⁸ Wuna wugala mu mangundu gagonda vuduga gu ndzu mugu bonga shi gadzagu.¹⁹Kenda gwedi ba kedu bagala ye madzumu ye gwedi bana ba bula nuitsha! ²⁰Sambagani mbi gudina gu binu gugonda gala mugindolu,mbi loo mugilumbu gi posu. ²¹ Mumbada guyangagana gugala guvula mumbada loo yandu gusadi hangamana magi fwa gina yandiga luyandigu lugifudi tii lelu dii,ye loo gusala gala kee ata mbala yi moshi.²² Mbi gilumbu gina gigonda sonamana,loo shi ludu lumoshi lukandi huluga;haa mugiguma gi Ediya,bilumbu bina bi gala bi wa sonamana.²³Buoona mbi mudu bugaluledi mbi<²⁴ Mumbada ba Kdishidu ba mbii ye minimbi dji ndotshi bambi ba gwitshsa bavula ye guhanga bihani bi nenu bi gunaga,gutshuga mugu buitsha baadu mu maambi bana ba gonda ngolu,shi gwedi ba gwigidi. ²⁵Dalaani,mi yiluledi gu twala.>>²⁶Shi bubaledi mbi:<²⁷ Buoona nga moda wuna wu lemaga yandiga gudugaga dangu mu gwenda ye tshemu tii gudjiaga dangu,buoobuna bugala gwitsha gu mwana mudu. ²⁸Mu bihani biaana bigala ba mvumbi,mwomuna mu mana vugana ba nuni.Kiediga gungoyi yigilumbu guyangagana dangu di gala gidima,ngondi loo gagala ye tshemu,mioda migaduga gu yilu mi bwi ye ngolu dji yilu dji gala dji gugangamana.³⁰Buoona gumoniga ngondi wugala mwana mudu mu yilu,ye maganda mootshu ma gifudi bu mayangagana.Badala mwana mudu muna gwitsha mu madudi mu yilu ye ngolu ye kiembu. ³¹Mu ndaga yi pungi yi neni,ga dumisa ba tumua baandi mu gugungiga ba gwigidi ba mihunga miya,guluyandigu di yilu tii gutshuga.³²Guluyandigu lu malongi nga bu galaga ludangu lumudi tii gukasa,bulu yaba mbi gindolu gi finamani. ³³ Gidesu gi moshi,mu dangu di ludala mapandi mootshu,lufani yaba mbi gwedi pena-pena ye gielu.³⁴Mu mukiediga yi ba lu lela,dela di loo diluda mbi mapandi mana magonda hangamana. ³⁵ Yilu ye manu bu biluda,haa mandaga maami loo ma luda ada ndambu.³⁶Haa mana madadidi gilumvbu gina ye dangu dina,loo shi muudu wu yabi,shi batumwa,shi gwoona gu yilu,shi mwaana,haa dada ndi mweeni.³⁷Nga bu gadi gilumbu gi Nowa,bwoobuna bu ghala gwitsa gu mwaana muudu. ³⁸ Bwoona,nga mu bilumbu bina gumisu gu yula mwetshi wu zuwaa baadu ba diagi ye ba nwagi,baa monaganagi ye gu hana baana ba baa ba bakedu ye ba bagala mu mwaala tii mugilumbu gina gi godagi Nowa mudjienda. ³⁹Loo ba sendi shi tsangu dji moshi ye guna gwitshi noga mvula yi neeni yi ba needi.Bwoobuna gu gala gwitsa gu mwaana muudu.⁴⁰Bwoona baadu boodi ba gala mu mangundu;wu moshi bu ga gwenda,wu moshi wu saadi. ⁴¹Bakedu boodi ba gala mugudwa ye mishi wu baa wu moshi,wu moshi bu ba mushisa. ⁴² Galani mukadi di gudi gieba mudiambu loo lu yabi gilumbu gi gwitsa fwumu wu binu.⁴³Haa lu yaba mbi mweni nzu mbi gayabaga mbi kii gilumbu mwiibi ga gwitsa,ga fani sungimina ye loo ga fani mbi ada gilumbu mbi gayiba munzu yandi. ⁴⁴Mu bwoona lu fani gala tsungimina,mudiambu mwaana muudu ga gwitsa mudangu di gonda yabagana.⁴⁵Naa wu gala musadi wu m,ukiediga ye wu mayeela,wuna wu shi mweni yandi mu nzu yandi,mu gumuhegaga madia mu madangu malungi? ⁴⁶ Masagumunu magala gwedi musadi wuna mudangu di gwitsa mweni yandi wu muwaani muna hanga mana gazodilaga ndi. ⁴⁷ Mu mukiediga yi ba lu lela mweni yandi ga mu saa yelondi di bina biootsu bi gedi biaa.⁴⁸Haa mbi gedi musadi wu mbi ga fani yagula ndi mweni mbi:"mweni nzu loo gitsa sebi-sebi,'' ⁴⁹ye gafani guma gu bula ba sadi beega,mu gudia ye gunwaa malafu wu lawugi, ⁵⁰Fwumu wu musadi wuna ga gwitsa mu gilumbu gi gondi yaba musadi,ye mudangu diaana di ga gondi yaba.⁵¹ Fwumu wandi ga mugadula mu gisalu ye lufudu lwandi lu gidesu gi moshi ye muudu wuna weedi pula,gwoona gu gala bidilui ye kwedisa yi miinu.

Chapter 25

¹Bwoona gifwumu gi yilu gu gala nga bakedu gumi ba ndumbu ba sendi miinda mibaa mu gwenda wanagana ye bagala. ² Badanu ba gadi baazoba ye badanu ba mayeela. ³Bwoona bandumbu badanu ba zoba baa sendi miinda mi baa.Baa loo ba sendi matshi ma baa mu gu saa mu miinda. ⁴ Haa badanu ba mayeela ba sendi bifwaadi bi matshi ye miinda mibaa.⁵Nga mulumi gasuginini,baa bootsu ba lembwii ye ba mimbi. ⁶Haa mu kadi-kadi ga piba,ba yugi loolu:''dalani,mulumi wu yitshi!ndani luwanagana!''⁷Bwoona ba ndumbu bootsu shagami ba yandigi gu yidiga ye gunwanina minda. ⁸Ba bazoba ba yagudfi gwedi bana ba mayeela:"du hegani baa ndambu yi matshi ma binu mudiambu minda mi pidu miedi mu gu djima!" ⁹ Haa ba mayeela baa ba vududidi mbi:"nga gwedi pidu keega loo meedi mavula mu gu luhega,ndani gwedi bana ba degaga nga lusumba mumbada ye binu beeni.''¹⁰Mu dangu di bendi mu gusumba bagala gitshi ye bana bagadi pena-pena bendi ye ndi muwala ye giafulu ba gangi. ¹¹ Gu ngoyi madangu,ba ndumbu beega ba sadi bitshi guma keega ye guyagula mbi:"longi,longi,du gangula giafulu.''¹² Haa ndi ga ba vududidi:''gu mukiediga yi ba gu lu lela loo yi lu yabi.'' ¹³ Gingani,mumbada loo luyabi shi gilumbu shi dangu.¹⁴Mumbada gu gala nga uudu wu moshi weedi gu ndjila mu gwenda gu gidini gi manu meega.Wu lendigi ba sadi bandi ndi mweni ye gu bahega bu mvwama bwandi. ¹⁶ Gwedi wu moshi mukadi ga baa ga muhegi ndondu dji mbongu dji daanu,gwedi weega mukadi ga baa ndondu djioodi ye gwedi weega lu ndondu lu moshi.Gosu muudu ga sendagi mukaga dji gigesa giandi ye guna muudu weeni gendi gwandi. ¹⁵Gu ngoyi weuna wu sendi ndondu dji danu ga sadidi dji budi keega ndondu dji daanu djiega.¹⁷Gi dewsu gi moshi gwedi wuna wu sendi ndondu djioodi di budi keega djioodi djiega. ¹⁸ Haa musadi wuna wu sendi ndondu lu moshi gendi,ga shimi wulu mu manu ga sweegi lu ndondu lu fwumu wandi.¹⁹Gu ngoyi dangu di leeya,fwumu wu musadi weeni gitshi ye gaba dingi ngwishi. ²⁰ Musadi wuna wu sendi dji daanu gitshi ye ga needi keega dji daanu ye gayagudi:"fwumu,ndji wu peegi ndondu dji daanu.Dala djiega dji daanu ye londi.'' ²¹Fwumu wandi ga mu ledi mbi:"gwedi pimbu,musadi wu pimbu ye wu masonga!Wu gadi masonga mugama ga digi-digii;yi gu hegagi bi vula.Gala mu gieshi gwedi fwumu woogu.²²Musadi wuna wu sendi ndondu djioodi gitshi ye gayagudi:"fwumu,ndji wu peegi ndondu djioodi dji mbongu.Dala,djioodi djiega ye londi. ²³Fwumu wandi ga yagudi mbi:''gwedi pimbu ndji weedi muudu wu pimbu wu yi fani shila mbundu.Yi gu hegi maguda madigi-digi wu sadidi pimbu.Diadina yi guhega maguda mavula.yi zaa witsa du dala gieshi ye mi.'²⁴Dangu di,muudu wuna wu bongi maguda magama madadu,gitshi lela fwumu wandi mbi:'fwumu,yi yaabi mbi ndji weedi muudu wu mopshi wu pashi:ndji wu gadulaga ndumba shi ye gihani gi wu gondi guna.Ndji wu sendaga ndumba shi ye gihani gi wu gondi mwanga. ²⁵Yi gu yugi booma,diadina yi swegi mbongu djiagu manu.Dala mbongu djiagu djiadji.'²⁶Fwumu wandi mbi:"ndji weedi muudu wu mbi,ye weedi mumoolu!Wu yaba mbi yi gadulaga ndumbu mu bihani bi yi kondi guna ye mu bi yi kondi mwanga.²⁷ Mbi wu yabi buna wu kanda gwenda saa mbongu djiami mubangi,mu pila bu yitshi vuduga buu ye di mana ma wushi.²⁸Dambulani mbongu djina dji ga fugi,mu hegani muudu wuna weedi ye mbongu makama madadu. ²⁹Mudiambu muudu wu fugi bima,Gahungu ga mulunda bima biega,bwoona ga guma ye bima bi vula-bivula.Haa gwedi wuna wu gondi bima Gahungu ga mudambula shi gandambu yi bima bina bi gafugi. ³⁰Mudiambu muudu wu pamba-pamba wuu,lu mu matsa yendjila mu piba.Guna ga bula dila,ye gabula gwedisa minu ngolu.³¹Dangu di gwitsa mwaana muudu nga fwumu wu neeni ye ba tumwaa bandi bootsu,ga gala ye londi di gidi gianedi di gifwumu. ³² Bwoona ba tumwaa ba gungiga baadu bootsu gi hani gi moshi gu misu mandi,ga ba gabula bi diga bioodi,nga bu hangaga muudu wuna wu dalaga migogu dangu di ga bagabula migogu ye ba kombu. ³³ Ga saa migogu gu googu diandi di gidada bakombu gu googu diandi digingudi.³⁴Bwoobuna fwumu ga lela baadu ba gala gu googu diandi di gidada mbi:"binu baadu baa,dada wami wu lusagumuni yi zani,sendani bima biootsu.Bi ga luyidigidi yandiga lu yandigu lu gifudi gii.³⁵ Yi gadi ye nzala,bu lu pegi bima bi gu dia,bu yi gadi ye nzala yi mwetshi,bu lu pegi mwetshi,bu yi gadi munzendji,bu lu nzambi mu manzu ma binu. ³⁶ Bu yi gadi wu konda vada pimbu,bu lu mvadishi miledi mi pimbu,bu yi gadi ye gikashi,bu lwitshi tala,ye bu bakami mudangumbada,bu lwitshi tala.'³⁷Dangu di,baadu bana ba hangi pimbu ba muyufudi mbi:''fwumu,kii dangu du gu dadi wu yugi nzala,di du gu hegi bima bi gudia?mbi loo wu gadi ye nzala yi mwetshi,di du gu hegi mwetshi?³⁸ Kii dangu du gu dadi mbi weedi munzendji,di du gu yambi mu manzu ma pidu?Mbi loo wu gadi wu gonda mvada pimbu,di du gu hegi miledi? ³⁹Kii dangu du gu dadi muna beela,mbi loo mudangu mbada diadina di dwitshi gu gudala? ⁴⁰Fwumu ga vududi mbi:'yi ba lu lela gu mukiediga:gosu dangu di lu hangi mapandi mana gwedi muudu wuna wu gondi fwunu mu kadi ga ba pangi bami bana beedi fwunu,lu bi hangi gwedi mi!'⁴¹Dangu di,fwumu ga lela baadu ba gala gu googu diandi di gikedu mbi:'binu baadu ba shindji Gahungu,ga dugani ye misu mami!Ndani gu mbaa yi vula ye vula yi yidigi Gahungu mudiambu ye gadiapemba ye ba tumwaa bandi, ⁴²mudiambu yi gadi ye nzala,haa loo lu pegi bima bi gu dia,yi gadi ye nzala yi mwetshi,loo lu pegi mwetshi mu gu nwaa, ⁴³ yi gadi munzendji,haa loo lu nzambi mu manzu ma binu,bu yi gadi wu gondi mvada pimbu,loo lu mvadishi miledi,bu yi mukashi ye bu bakami mudangumbada,haa loo lwitshi tala.''⁴⁴Bwoona bu ba mu yufudi mbi:"fwumu,kii dangu du gu dadi ndji ye nzala yi buga to yi mwetshi,mbi loo wu gadi munzendji,mbi loo wu gadi ye miledi mi gonda pimbu,mbi loo wu gadi ye gikashi,mbi loo mudangu mbada,diadina,loo du gu sadishi?'' ⁴⁵Fwumu ga ba ledi mbi:"yi ba lu lela gu mukiediga mbi:gosu dangu di lu duni gu sadisa muudu wuna wu gondu fwunu mu kadi ga baadu bana beedi fwunu,lu tuni mu gu tsadisa.'' ⁴⁶Bwoona baadu bana ba gwenda bonga ndola yi mvula ye mvula;haa baadu ba bula hanga pimbu bu ba dambula mooni yi mvula ye mvula.

Chapter 26

¹Dangu Yesu di ga longi mapandi mana mootsu gu hwii,ga ledi ba longogi bandi mbi: ² "Yabagani mbi bilumbu bioodi bisadi mu gu guma mu kindji yi pagi,bwoona ba hana mwaana muudu gu mioogu mi ba mbeeni bandi mudiambu ba mu saa ye londi di kulundji,ga fwaa.³Dangu di,ba mbuda ba nganga ba Gahungu ye bambuda beega ba bayuuda bendi wa nagana mu nzu Kayifa,fwumu ba nganga ba Gahungu. ⁴ Ba wagani mbi:"du gamagi Yesu mu gi tswegi mudiambu ye gu mu zuwa. ⁵ Haa loo du fani mu gama mu bilumbu bi kindji,''mbi loo baadu bootsu bu bamana dombuga.''⁶Dangu Yesu di ga gadi gu bula di bedani mu nzu yi Shimoni wuna wu belagi gi kashi gi kungudi, ⁷mukedu wu moshi gitshi pena-pena ye Yesu.Ga gadi ye mulangi wu moshi wu ba hangi ye dadi wu ba lendigi Aldida;mulangi weeni ga gadi wu hwaa yula ye madiashi mataalu ma vula.Dangu Yesu di ga gadi ye meesa,mukedu weeni ga shi madiashi ye londi di mudu wu Yesu. ⁸ Dangu ba longogi ba Yesu di badadi pandi yina,ba yugi kabu mbi:"kii fwunu yi gu yioniga madiashi maa buna?⁹ Ba kanda madega mu talu yi vula,bwoona mbongu djina ba kanda ndji hana gwedi ba tsugami!''¹⁰Haa Yesu bu ga yabi mapandi mana ma ba yagula; bwoona ga ba yufudi mbi:"mudiambu di kii lu ba yangisa mukedu wuu?Wu pangi pandi yi pimbu. ¹¹ Ba tsugami ba gala ye binu dangu diootsu,haa loo yi balagala dangu diootsu ye binu.¹²Wu yidigi madiashi mu ludu lwoomi mudiambu ye gu yidiga gi lumbu ba bala ma ndjiga.¹³ Yi ba lu lela pandi yi kiediga:gosu gi hani ye londi di manu ba bala yabigisa pandi yi pimbu,ba bala yagula pandi yi mukedu wuu ma ga hangi mudiambu ye gu mu yindula.''¹⁴Dangu di,mu longogi wu moshi mu kadi ga balongogi guumi ye boodi,dona wu balendigagi Yuudashi iskadiyote,gendi yufula ba mbuda ba banganga ba Gahungu ¹⁵mbi:''kii lu pegagi mbi bu yi luhegi Yesu?"Bwoona ba dangi mbongu,ndondu ma gumi madadu,ba mu hegi. ¹⁶ Yandi ga dangu dina,Yuudashi gadingagi dangu di pimbu yi guhana Yesu gu mioogu mi baa.¹⁷Mu gilumbu gi teegu gi kindji gi mapaa mana gondi mwemu,balongogi bitshi yufula Yesu mbi:"guni wu zodi dwenda du gu yidigila madia ma kindji wu pagi?'' ¹⁸Ndi mbi:"ndani gu bula di Yelusalemi,mu nzu yi muudu wu moshi,bwoona lu mu lela mbi:"longi wu yagudi,mbi:"dangu diandi di lungi.Ga ba gwitsa ye ba longogi bandi mu gwitsa daa kindji yi pagi.""' ¹⁹Ba longogi bendi hanga pila yi ba ledi Yesu:ba yidigi madia ma pagi.²⁰Dangu di bwii piba,Yesu ga gadi ye ba longogi bandi guumi ye boodi muni dia. ²¹ Dangu di ba gadi muni dia,Yesu ga yagudi mbi:"yi ba lu lela pandi yi mu kiediga:muudu wu moshi mu kadi ga binu ga teega.'' ²² Ba longogi bandi ba dadi kenda dji vula,bwoona ba yandigi gu mu yufula wu moshi wu moshi mbi:"fwumu,gwedi mii?"²³Yesu mbi:"muudu ndona wu shi mapaa longa di moshi ye mii,muudu ndi wuna wu teegagi.²⁴ Mwaana muudu ga fwaa,nga bu ba sonigi mudiambu ye ndi mu muganda wu Gahungu,haa kenda gwedi muudu wuna wu ba mudega!Gu ludi pimbu mbi muudu wuna loo ba mubudi!''²⁵ Yudashi,wuna wu deega Yesu,ga yufudi Yesu mbi:"longi,gwedi mii?"Yesu mbi :"ndji beeni wu yagudi mbi gwedi ndji.²⁶Dangu di ba gadi muni dia,Yesu ga sendi mapaa;ga hegi Gahungu,ga mageshi mu bidini-bidini,ga hegi balongogi bandi,bwoona ga yagudi mbi:"sendani mapaa maa,lu ma dia;meedi ludu lwami.''²⁷Bwoona ga sendi goba di vinu;gahani madonda gwedi Gahungu,bwoona ga bahegi mbi:"nwani,binu bootsu.²⁸ Mudiambu maa meedi meengi mami mana ma ba lela ngwagana yi Gahungu bu gawagani ye baadu.Meengi maa madiagugi mudiambu ye baadu ba vula ba masumu,mudiambu Gahungu ga ba lolula.²⁹ Yi ba lu lela:yandiga dangu di,loo yi kega vinu di tii mugilumbu gina gi yi nwaa vinu di mapaa ye binu mu gi fwumu gi dada wami.''³⁰Dangu di ba yimbi mi gunga mikindji gu hwii,beendi gu mindonda mi miidi mi Olive. ³¹ Dangu di,Yesu ga ledi balongogi bandi mbi:"mupiba yayiyi kaga lu tshisa binu bootsu,mudiambu ba sonigi mu kuganda wu Gahungu mbi:"bu yi zuwa ngungudi wu mamema,haa mamema mandi bu ma pasagana.' ³²Haa dangu Gahungu di gatshamugisa mu lufwaa,bu yi gwenda gu misu mabinu gu bula di Gadileya.''³³Haa Piela ga yagudi mbi:"shi baadu beega ba bootsu ba gu shi-shi,haa loo yi gushisa shi gadigii.'' ³⁴Yesu mbi:"yi ba gulela mapandi makiediga:mu piba yayiyi kaga,dangu di gondi kogu,wu tuuna mbala djidadu mbi loo wu nzabi.'' ³⁵Piela mbi:"shi gu fwaa bu yi fwaa ye ndji gihani gi moshi,loo yi duna shi gandambu mbi loo yi gu yabi!''Bwoona balongogi bootsu kega ba yagudi kaga pila yi moshi.³⁶Dangu di,Yesu ye balongogi bandi bitshi guma ye gihani gi moshi yi balendigaga jestemani,bwoona Yesu ga baledi mbi:"galani yaa,yendi gwoona mu gusambila Gahungu.''³⁷ Ga sendi Piela ye baana bana boodi ba Zedeyo;bendi ndjila yi moshi yendi.Yesu ga yandigi gu yuga kenda,mbundu yandi kega yi yandigi gu buula ngolu. ³⁸ Dangu di,ga baledi mbi:"mbundu yi yudi ye kenda;yi bazola fwaa.Salani yaa;loo gu nimbani,mudiambu mi kega loo yi nimbani.³⁹Ga pusani gu misu gandambu,gafugamani mbunzu yatshi,bwoona ga yandigi gu sambila Gahungu mbi:"dada wami,mbi bu zodi kadula mu pashi dji.Haa loo gu landa luzolu lwami,haa lwoogu.'' ⁴⁰ Dangu di,Yesu gitshi vuduga,gadadi balongogi bana badadu banimbi gilu,bwoona ga yufudi piela mbi:"loo lu fani gala ba hwaa niamuga shi dangu di moshi ye mi? ⁴¹ Loo gu nimbani.Sambilagani Gahungu mudiambu lu konda bwaa mu dangu di dipashi.Lwedi ye luzolu gu mbundu,haa luudu lu binu lwedi ye bumolu.⁴²Yesu gendi kega mumbala yi djioodi mu gu sambila mbi:''dada wami mbi loo yi fani gaduga mu pashi dji,luzolu lwoogu lu hangamana kaga.'' ⁴³ Gitshi vuduga kega;ga badadi muni nimba kega,mudiambu gilu bu yibaludagani.⁴⁴ Ga ba shi-shi,gendi kega ga dambu,ga sambidi Gahungu mbala dji dadu pila yi moshi.⁴⁵Dangu di,ga vudugi kega gwedi ba longogi bandi,ga ba yufudi mbi:"buni,binu lunimbi kaga?Dala,dangu kega di lungi;g sadi ga ndambu ba bahana mwaana muudu gu mioogu mi baadu ba masumu. ⁴⁶ Niamugani,twendani!Dala,muudu wuna wu teegi ndoo wu gumi pena-pena!"⁴⁷Mu dangu diadina kaga Yesu ga gadi muni yagula,mulongogi wu moshi mu kadi ga balongogi guumi ye boodi,djina diandi Yudashi,gitshi guma ye baadu ba vula.Ba gadi ye mambedi ye miidi gu mioogu.Ba mbuda nganga ba Gahungu ye ba mbuda beega ba bayuuda,baa badumi baadu bana. ⁴⁸Yudashi wuna wu deegi Yesu ga ledi baadu beeni mbi:''muudu wuna wu yi hega beshi,ndji wuna wu lugama.lumugama!''⁴⁹Dangu di tshi guma yudashi,Gapusani pena-pena ye Yesu,bwoona ga mu ledi mbi:"mbodi,longi!"dangu di gahegi Yesu beshi.⁵⁰Yesu ga muledi mbi:''ndugu wami,hanga mapandi mana maa wu yitshi hanga!"Dangu di,baadu bana bitshi ye yudashi ba pusani pena-pena Yesu,bwoona ba mugami.⁵¹Muudu wu moshi mu kadi ga baadu bana ga gadi ye Yesu,ga dushi mbedi yandi,ga geshi tsu yi muhiga wu mfwumu wu banganga Gahungu.⁵² Yesu ga mu ledi mbi:"vudula mbedi yagu ye gihani gi ya,mudiambu baadu bana bootsu ba hangila mbedi ba fwaa kegagu mbedi. ⁵³Loo wu yabi mbi,mbi yi zoodi,yi fani dinga lusadisu gwedi Dada wami,bwoona ga fani tumisa tswalu ndonga gumi ye djioodi ba wandjio? ⁵⁴Haa mbi bwi yi hangi bwoona,kii pila mapandi mana ma basonigi mu mukanda wu Gahungu ma gwitsa lungisama,mudiambu gu ba yagula mbi gu fani gala pila ya yina?''⁵⁵Dangu di Yesu gayufudi baadu bana ba gadi yena mbi:"binu lu yitshi ye mambedi ye miidi mudiambu di gu kama nga mwibi?Gosu gilumbu yi gadi yi hwemini mu nzu yi Gahungu mudiambu ye gu longa,haa loo gu binu lu kami. ⁵⁶ Haa mapandi maa mootsu ma bwii mudiambu ye gu lungisa mapandi mana ma sonigi ba mbigudi mu miganda mi Gahungu.''Dangu di,balongogi bandi bootsu ba mushishi,ba dini.⁵⁷Baadu bana ba gami Yesu ba mu needi gu nzu yi Kayifa,fwumu wu banganga Gahungu.Balongi ba tshigu ye ba mbuda ba gadi ba wanagani gwooguna. ⁵⁸Piela ga gadi gu leeya gu ngoyi,muni gwelanda Yesu tii mu lupangu lu fwumu wu banganga Gahungu.Dangu Piela di gagodi mu gadi ga lupangu gu hwii,gendi yi muga gi hani gi moshi ye ba pumbulu ba fwumu wuna mudiambu mu gu dala mbi kii mutindu mapandi ma Yesu ma ba tsuga.⁵⁹Ba mbuda nganga ba Gahungu ye baadu bootsu ba gadi mu gi mvuga gi neeni gi ba yudashi ba dingagi mapandi ma bupala ma gu fundila Yesu,mudiambu ba muzuwa. ⁶⁰ Haa loo badadi shi pandi yi moshi,shi baadu bavula bitshi funda Yesu mu mapandi ma ma bupala.Mu gumanisa baadu bootsu bitshi ⁶¹ba yagudi mbi:"muudu wuu ga yagudi mbi:'yi fani zuwa nzu yi Gahungu,bwoona,mu bilumbu bidadu,yi dungi kega.'''⁶²Fwumu banganga Gahungu ga niamugi,bwoona ga yufudi Yesu mbi:"haa loo wu ba shi mvudu?mudiambu di kii baadu baa bagu gu funda?" ⁶³Haa Yesu ga gadi gwandi pwedee.Bwoona fwumu wu ba nganga Gahungu ga muledi mbi:"mu djina di gahungu wu mooni,yi ba gu gulela mu gu Gahungu mbi gu mukiediga weedi meshiya,mwaana wu Gahungu.'' ⁶⁴Yesu ga mu ledi mbi:"wu yagudi pimbu.Haa yi ba gu gulela:"yandiga dangu di,ludala mwaana muudu wu shi mugi wu googu di gibagala di Gahungu,bu lu mudala muni gwitsa ye londi di maduda.''⁶⁵Dangu di,fwumu wu ba nganga Gahungu ga bagi miledi miandi,bwoona ga yagudi mbi:"wu vwendji Gahungu!Kii fwunu yi gudinga kega batemwe?⁶⁶Luyugi shi dangu di pila yi ga vwendji Gahungu! Lu bayaba kii?''Ba mbi:''ga fani fwaa.''⁶⁷Dangu di,ba mulogudidi meedi,ba mubudi ma komi.Baadu beega ba mubudi mambada, ⁶⁸ bwoona ba yagudi mbi:"Meshiya dulela mbi naa wu gubudi?"⁶⁹Pila ga gadi wu shimugi ye ndjila mu kadi ga lupangu.Mwaana mu kedu wu moshi wuna wu gadi muudu wu gisalu wu fwumu wu ba nganga Gahungu gitshi lela Piel;a mbi:"shi ndji kega,wu gadi ye Yesu,muudu wu gifudi gi Gadileya.''⁷⁰ Haa bu gaduni mapandi mana mootsu ye misu ma baadu bootsu mbi:"loo yi ba yaba mapandi mana ma wu ba yagula.''⁷¹Dangu piela di gadugi ye ndjila di lupangu,mwaana mukedu weega wuna wu gadi muhiga wu fwumu ba nganga Gahungu ga mudadi,bwoona ga ledi baadu bana ba gadi guna mbi:"muudu wuu kega ga gadi ye yesu,muudu wu Nazeledi.'' ⁷² Bwoona Piela ga duni kega mbi:''yi ba gesa Gahungu mbi loo yi muyabi muudu wuu.''⁷³Loo mbi tunda ngolu,baadu bana ba gadi bitshi lela Piela mbi:"gu mukiediga ndji kega,wu gadi ye baa.Du gu yabi mundaga yagu!" ⁷⁴ Dangu di Piela ga yandigi gu yagula mbi:''Gahungu ga tshinza mbi yi bayagula bupala!Yi ba gesa Gahungu mbi loo yi yabi muudu wuu!''Kaga mudangu diadina,kogu ga gogudi. ⁷⁵ Bwoona Piela ga yindudi mapandi mana ma muledi Yesu mbi:''gu gala kogu wu gonda gogula,wu tuna mbala dji dadu mbi loo wu nzabi.''Piela ga dugi ye ndjila,bwoona ga didi ngolu.

Chapter 27

¹Mu musuga-musuga,ba mbuda bootsu ba dibundu ye ba mbuda bootsu ba bayuuda ba wanagani mudiambu di gu dinga pila yi gu zuwa Yesu.² Ba mu gami ba mu gangi mi yololu,bwoona ba mu hani gu mioogu mi guvedinedi Pilatu.³Dangu yudashi,wuna wu deegi Yesu,di gadi mbi ba geshidi Yesu mbi ga fani fwaa,ga dadi kenda dji vula,bwoona ga vududi mbongu djina dji ndondu,ndondu magumi madadu,gwedi ba mbuda ba dibundu ye ba mbuda beega ba bayuuda, ⁴mbi:"yi hangi masumu mu gu deega muudu wuna wu gondi hanga mbii mudiambu ba muzuwa!''Haa ba mu vududi mbi:''mapandi mana ma dudadi pidu?loo amana meedi mapandi magu ndi beeni!'' ⁵ Yuudashi ga matshi mbongu mu gihani gi tshigu gi nzu yi bisambu,bwoona ga ba yambudidi.Dangu di,gendi gu di ganga mushinga ye koda ga fwii.⁶Ba mbuda ba di bundu ba bongi mbongu djieeni,bwoona ba yagudi mbi:"matshigu ma pidu loo ma duhegi tswaa mu gusaa dji mukeshi di nzu yi bisambu,mudiambu muudu wu bongi mbongu dji ga sendi mudiambu di lu fwaa lu muudu weega.'' ⁷ Dangu di wanagani gu hwii mbongu djina basumbi dambu yi manu yi muudu wu moshi wu hangaga ma nzungu,mudiambu ma gala madjiamu ma ba nzenji.⁸ Bwoona ndambu yi manu yina ba yi lendigagagi tii leludi mbi:"manu ma mengi''.⁹Bwoobuna mapandi ma yagudi mbigudi Jeremi mi tshi lunga,mbi:"ba sendi mbongu djina dji ndondu maguumi madadu{gwedi talu yina yi baadu ba Yizalayedi yi ba geshi mu gufuda mudiambu ye ndji}, ¹⁰bwoona mu mbongu djina ba sumbi sambu yi manu yi muudu wu moshi wu hangaga manzungu,pila yi ndedi fwumu Gahungu.''¹¹Yesu gitshi manana ye twala yi pilatu,bwoona guvedinedi ga mu yufudi mbi:"weedi todila wu ba yuuda?''Yesu ga vududi mbi:"wu yagudi pimbu." ¹²Bwoona dangu ba mbuda badibundu ye ba mbuda beega ba mu funda,loo ga vududi shi gima gi moshi. ¹³ Dangu di piladu ga yufudi mbi:"loo wu ba yuga mapandi mana mootsu ma ba bagu gufunda?" ¹⁴ haa Yesu loo ga vududi shi gima;bwoona guvedinedi ga yidugi penza.¹⁵Dala,mu gosu kindji yi pagi guvedinedi ga galaga ye gi kalulu di gudushila ba yuuda muudu wu moshi mudangumbada wuna wu ba dinga.¹⁶ Mu dangu dina gu gadi ye muudu wu moshi mudangumbada wu yabagani pimbu-pimbu,djina diandi Yesu Barabase.¹⁷Bwoona dangu di wagani gu hwii piladu ga ba yufudi mbi:"naa mukadi ga baadu ba lu zodi mbi yi lu yambu dila?Barabas mbi loo Yesu wuna wu balendigaga mbi Kidishidu?'' ¹⁸ Mudiambu bu ba yabi mbi ba hani Yesu gu mioogu miandi mu musogi. ¹⁹Dangu piladu ga gadi muni sambisa Yesu mu tribinadi,mukedu piladu ga mu dumishi mu ganda mbi:"loo gu goda mu mapandi ma muudu wuna wu gondi hanga mbii,mudiambu mu piba yii yidadi pashi dji vula gundoshi mudiambu ye ndi.''²⁰Ba mbuda ba dibumbu ye ba mbuda beega ba bendi baadu mu gu dinga piladu mbi ga ba yambudila barabase,haa ga zuwa Yesu. ²¹ Haa guvedinedi ga yufydi mbi:"naa mu kadi ga baadu baa ba baboodi lu zodi mbi yi lu yambudila?"ba mbi:"Barabase.'' ²² Piladu ga bayufudi mbi:"haa Yesu wuu wu ba lendigaga Kidishidu,lu zodi mbi yi mu hanga kii?"Ba bootsu mbi:"mu sani ye kulundji!"²³Haa piladu mbi:"kii mapandi mbi ma gahangi?''Bwoona ba yandigi gu yagula ngolu mbi:"musaa ye kulundji!" ²⁴Piladu gadadi mbi ga ba bayufula kaga pamba,mudiambu ba gadi mu gu hanga kaga matata keega ma gu luda.bwoona ga sendi mwetshi,ga yobishi mioogu miandi gu misu ma baadu ba gadi yena,bwoona ga yagudi mbi:"lufwaa lu muuudu wuu loo lwedi gu mioogu miami,meedi mapandi ma binu!''²⁵Baadu bootsu vududi gwedi ndi mbi:"meengi mandedi ma bwaa ye londi mudu wu pidu ye baana ba pidu!'' ²⁶ Dangu di,piladu ga ba yambudidi Barabase;ga ledi baadu bandi mu gu buula Yesu fwimbu,bwoona ga muhani gu mioogu mi ba pumbulu mudiambu ba musaa ye londi di kulunji ga fwaa.²⁷Dangu di,pa pumbulu ba guvedinedi piladu ba needi Yesu mu kadi ga nzu yi guvedinedi,bwoona ba lendigi ba pumbulu beega,ba bootsu bitshi yula fwinama ye Yesu. ²⁸ Ba mu gadudi miledi,bwoona ba muvwadishi lobu di benga.²⁹ Ba dungi puu yi ngangu nga puu yi gi fwumu,ba mu vwaditshi mu mudu,bwoona ba mu shi ga mudi gu gogu diandi di gi dada.Dangu di ba fugamani gu milu miandendi,ba museyi mbi:"mbodi,fwumu wu ba yuuda!''³⁰Ba mulogudidi meedi,ba sendi ga mudi gana,ba mu budi ye londi di mudu. ³¹ Dangu di ma museyi gu hwii,ba mu gadudi lobu dina ba mu vwadishi miledi miandendi ndibeeni.Bwoona ba muneedi mudiambu di gwenda gu mu saa ye londi di kulundji.³²Dangu di benda,ba wanagani ye muudu wu moshi di bula di Sirene,djina diandi Shimoni,ba mu ledi mu gu needa kulundji wu Yesu.³³ Bitshi guma mu gihani gi moshi gi ba lendigaga Gologoda,disongidila mbi:"gihani gi gifwa gi mudu."³⁴ Bahegi Yesu vinu di bafugishi ye mwetshi wu bululu.Haa dangu di gada meegi,gaduni mu gu dinwaa.³⁵Dangu di,ba mushi ye londi di kulundji mudiambu ba muzuwa.Ba budidi miledi miandendi bwaadi mudiambu ba gabisa mu kadi ga baa.³⁶ Bwoona ba gadi,ba yandigi gu mu danina.³⁷ Yebaya di londi di mudu wu Yesu ba ledi gi shina gi mapandi ma ba zuwidi:"ndji wuuwu Yesu,todila wu ba yuuda.''³⁸Dangu di,ba shi ba bandi boodi mu ba gulundji mu ma kulundji gihani gi moshi ye Yesu,wu moshi gu ndambu di gogu diandi di gi dada weega gu ndambu di gogu di gingudi.³⁹ Baadu ba luda yena,ba yandigi gu nigisa midu mi baa ye gu mu sawula ⁴⁰mbi:"ndji muudu wu yagula mbi wu zuwa nzu yi Gahungu,bwoona wu yi dunga kega mu bilumbu bidadu!Hulusa mooni woogu mbi ndji weedi mwaana wu Gahungu,gaduga ye kulundji yi zaa duluga!''⁴¹Ba mbuda ba banganga ba Gahungu,ba longi ba tshigu ye ba mbuda beega,ba yandigi gu mu seya kega mbi: ⁴²''ga gulusagi baadu beega,haa loo ga fani gu di gulusa!Haa mbi geedi todila wu yizalayedi ga gaduga dangu di ye londi di kulundji,bwoobuna pidu nga du mu gumbula.⁴³Ga shi mbundu gwedi Gahungu,''ga yagudi kega mbi geedi mwaana wu Gahungu.Bwoona,Gahungu ga mu gulusa dangu di mbi ga mu zolaga!''' ⁴⁴Shi ba bandi bana ba bashi ye londi di kulundji pena-pena ye Yesu,ba kega bu bamusawulagi gi desu gi moshi.⁴⁵Mu dangu di miidi,piba yi bwii mu gifudi gina giootsu tii mu matrwazere(15h')di mashiga.⁴⁶ Mu matrwazere ma mashiga Yesu ga yagudi mundaga yi ngolu mbi:"Edi,Edi,lema sabakatani?"disongidila mbi:Gahungu wami,Gahungu wami,mudiambu ye kii wu zambudi mi beeni?"⁴⁷ Baadu beega ba gadi yena,dangu di ba yugi mapandi mana,ba yagudi mbi:"muudu wuu ga ba lendiga Ediya!"⁴⁸Tswalu,muudu wu moshi ye kadi ga baa gendi tiinu,mudiambu ga senda ginigu,ga gishi mu vinu di bululu,ga digangi mu mudi wu moshi wu leeya,bwoona ga meegi gu saa Yesu gu ganu mudiambu ga nwaa. ⁴⁹Haa baadu beega mbi:"du dala mbi Ediya gitsagi gu mugulusa!''⁵⁰ Haa Yesu gashi kega ndaga yi ngolu,bwoona ga fwii.⁵¹Dangu di,muledi wu yembelu wuna wu gabisagagi gihani gi tshigu ye gihani gi guluda tshigu mukadi ga nzu yi bisambu yi ba yuuda ga bagugi ye kadi-kadi,ga duga gu tuu tii gu mashina.Manu ma nigagani,madadi ma hesugi, ⁵² madjiamu ma gangugi,bwoona baadu bavula ba Gahungu,bana ba fwii,ba shamugi. ⁵³ Badugi mu madjiamu;bwoona dangu Yesu di ga niamugi mu lu fwaa,ba godi gu bula disantu.Baadu ba vula ba badadi guna.⁵⁴Fwumu wun ba pumbulu ye ba pumbulu bandi bana ba dala Yesu,dangu di badadi manu muni nigana ye mapandi mootsu mabwa,ba yugi booma penza,bwoona ba yagudi mbi:"mukiediga,muudu wuu ga gadi mwaana wu Gahungu!'' ⁵⁵Ba kedu bavula ba gadi guna ba gadi ba manani gu leeya,muni dala.Ba kedu bana ba gadugi mu manu ma gadileya;ba gadi muni landa Yesu mudiambu di gu mu sadisa. ⁵⁶ Mu kadi ga baa gu gadi ye Madiya wu bula di magadala;Madiya,ngudi wu Yagobu ye wu Yisefu;ye ngudi wu baana ba Zebedeyo.⁵⁷Mu mashiga ma mana kaga,gungoyi,mvwama wu moshi wu bula di Adimateya gitshi guma,ndjina diandi Yizefu;ndi kega ga gadi mu longogi wu Yesu. ⁵⁸ Gendi dinga mvwumbi yi Yesu gwedi Piladu.Bwoona Piladu ga hani tswaa mbi ba hana mvwumbi gwedi Yizefu.⁵⁹Dangu di,Yizefu gasendi mvwumbi yina,ga yigangi mu muledi wu mpaa, ⁶⁰bwoona gendi gu yisaa mu mandjiamu ma mpaa ma gashimi mudiambu ye ndi beeni mudadi dina di gadi nga mu ga mundonda.Ga pushi dadi di moshi di neeni,ga gangi gu giafulu yi madjiamu,bwoona gendi gwandi. ⁶¹Madiya wu magadala ye Madiya wuna weega kega,ba gasdi gwooguna,ba hwemini muni dala madjiamu.⁶²Mu gilandi(disonhidila mbi gi lumbu gi guhululuga,gi lumbu gina gi landi gidanu),ba mbuda ba nganga ba Gahungu ye bafadishi bendi wanagana mu nzu yi Piladu. ⁶³ Ba mu ledi mbi:"fwumu,du yibugi mbi,muudu wuu wu bupala dangu di ga gadi ye mooni,ga yagulagi mbi:'Gahungu ga nioamugisa mulufwaa gu ngoyi bilumbu bidadu.' ⁶⁴Bwoona dumisa baadu mu gwenda mudanina mu madjiamu tii mu gilumbu gidadu.Bwoobuna,balongogi bandi loo ba fani gwenda mugadula mudiambu ba yagula mbi:'Gahungu wu mu niamugishi mu lufwaa.'Bupala buu bu tsuga bu fani luuda bu teegu mu mbii.''⁶⁵Piladu ga yagudi mbi:"sendani ba pumbulu,ndani lwenda lu danina madjiamu pimbu-pimbu pila yi lu fani hanga.''⁶⁶ Bu bendi,ba hangi bwoobuna:ba gangi dadi,ba shi-shi ba pumbulu mu gu danina madjiamu.

Chapter 28

¹Gu ngoyi yi gilumbu gi guhululuga,mu gilumbu gi lumingu mu musuga-musuga,Madiya magadala ye Madiya wuna weega bendi dala madjamu.² Tswalu,manu manigagani ngolu;wandjio wu moshi wu fwumu Gahungu wu dugi gu yilu,gi tshi gulumuga,ga gadudi daadi dina di gadi gu ganu di madjamu,bwoona ga gadi ye londi di daadi.³Ga moniga nga nzatshi,miledi miandi keega mi gadi pembi shela. ⁴Dangu ba pumbulu di ba mudadi,ba yandigi gu degida ye booma bu vula,bwoona ba gumi nga baadu ba gu fwaa.⁵Wandjio ga ledi bakedu mbi:''loo gu yugani booma,mudiambu yi bayaba mbi lu ba dinga Yesu wuna wu ba shi ye londi di kulundji. ⁶ Loo geedi yaa,Gahungu wu mu niamugishi mu lufwaa nga bu gayagudi.Yi zaa lu dala gihani gi ga gadi wu gunimba. ⁷ Ndani lu lela balongogi bandi mbi:'Gahungu wu muniamugishi mu lufwaa,bwoona dangu di,wu lu deedigidi gu gadileya;'lu mu dalagi gwooguna!''Maa meedi mapandi ma yi gadi Maa mu gu lu lela.⁸Bwoona ba gadugi tswalu ye madjamu;ba gadi mu booma,haa ba gadi mu gieshi gi vula keega,bendi tswalu mudiambu yi gu yabigisa balongogi bandi. ⁹ Mu mbala yi moshi,Yesu gi tshi bawanina;ga ba ledi mbi:''mbodi yi binu bakedu ba finamani gwedi ndi,ba gami milu miandi,bwoona ba musambidi.¹⁰ Dangu di,Yesu ga ba ledi mbi:''loo gu yugani booma.Ndani lu lela ba pangi ba binu mbi benda gu gadileya;ba talagi guna.¹¹Dangu di gadugi bakedu ye madjiamu muni gwenda,ba pumbulu bana ba dalaga madjiamu,beega mu kadi ga baa bitshi vuduga gu bula,bwoona ledi ba mbuda nganga ba Gahungu mapandi mana mootsu mabii. ¹² Ba mbuda ba ngangi ba Gahungu ye ba mbuda beega ba wanagani;dangu di ba wanagani gu hwii,ba fudi ba pumbulu bana mbongu dji vula, ¹³bwoona baa ba ledi mbi:"lu fani yagula mbi:'Yesu'balongogi bandi bitshi yiba mvumbi mu kadi ga piba,dangu di du nimbi.'¹⁴Bwoona mbi bu ga yugi mpandi maa,bu du mudendudila pimbu-pimbu;buna loo lu dala buulu.'' ¹⁵Ba pumbulu beeni ba sendi mbongu,ba hangi bu ba ledi ba mbuda.Dji djiedi tsangu dji bayuda dji ba mwangaga tii leelu di.¹⁶Balongi bana ba gumi wu moshi bendi gu manu ma Gadileya,gu mundonda wuna wu ba ledi Yesu mu gwenda.¹⁷ Dangu di bitshi mudala,ba musambidi,haa beega mu kadi ga baa gaba godi mu mbundu moodi-moodi.¹⁸Yesu ga finamani gwedi baa mbi:''Gahungu wu peegi giyega gwootsu gu yilu ye yaa yelondi di manu. ¹⁹Ndani,lu hanga mu gifudi giootsu,lu bodiga baadu mu djina di dada,wu mwaana ye wu muhunga wu gedila.²⁰Longi wu gu mbudi gambudi biootsu bi ga ba lela mu gu hanga. Ye dala,yedi ye binu gilumbu giootsu,tii gutsuga yi gifudi.

Luke

Chapter 1

¹Baadu ba vula ba dihani mu gu soniga mundandani mapandi ma ludi,ma ludi mu kadi ga pidu. ²Nga bu sonigi bana ba gadi,yandiga lu yandigu ba yitshi nga ba mbangi ye ba sadi ba ndaga. ³ Diadina,mi keega yi daadi mbi pimbu yi yufula pimbu-pimbu yandiga luyandigu kii biludi,ye mu gu gusonigila ndi Tiyofani. ⁴ Yi zodi mbi wu yaba pimbu malongi ma wu sendi.⁵Mudangu di du gadi Yelodi di fwumu wu bayuda,gu gadi ye musadi wu gGahungu wu moshi djina diandi Zagadiya,ga gadi mundonga yi basadi ba Abia.Mukedu wandi ga gadi mweni gi ganda gi Aloni,djina diandi di gadi Luzebedi. ⁶Ba boodi gadi baadu ba pimbu gu misu ma Gahungu,ba lemvulagilagi pimbu mitshigu miootsu mihanagi fwumu. ⁷ Haa loo ba gadiye mwaana,mudiambu Luzebedi ga gadi mukobu,ye ba boodi ba gadi ba gumi bambuda mu dangu dina.⁸Gilumbu gi moshi,Zagadiya ga gadi muna hanga gisalu giandi gu musi ma Gahungu,gu gadi gilumbu gi ga fani hanga ye baadu ba gidiga giandi.⁹ Nga bu gadi gi galulu gi baa mu gugooda mu sugu di gimengi,mu nzu yi bisambu,ba sulamanagi mu gu yaba kii mu samudi wu ba gooda ye gu fuba gi mengi. ¹⁰ Baadu bootsu ba gadi muna samba ye ndjila mudangu di guhana magabu ma mengi.¹¹Mutumwa wu Gahungu gitshi,ga manini mu muninga mu googu di gidada di sugu di gimengi. ¹² Di gadadi mutumwa,Zagadiya ga bwii gisaga-saga ye gayugi booma. ¹³ Haa mutumwa ga muledi mbi:"loo gu yuga booma,Zagadiya,mudiambu bisambu biagu ba bigumbudi.Mukedu Luzebedi ga buda mwaana wu bagala.Ye lu muhega djina di Jean.¹⁴Ga guhega gieshi gi vula ye ngemba,ye ba vula ba dala gieshi mu gubuduga gwandi. ¹⁵ Mudiambu ga gala muudu wu neeni gu misu ma fwumu,loo ga fani nwa vinu mbi loo ma lafu makabu.Ga gala wu yudisami mu muhunga wu gedila yandiga mu nzumu di ngudi wandi.¹⁶Baadu ba Yishiledi ba vula ba vuduga gwedi fwumu wu baa Gahungu. ¹⁷ Ga gala gu twala yi Gahungu ye muhunga wu ngolu nga Ediya,mu gu vudula mbundu dji ba dada gwedi baana ba baa ye gu needa bipumbula mu gu dinedisa bwedi ndungi dji beeni masonga,mupila mbi lu yidigila fwumu baadu ba yilamani.''¹⁸Zagadiya ga yagudi gwedi mutumwa:"buni yi yaba mbi gu gala bwoobuna?Mudiambu yedi mununu,mukedu wami wu gumi mbuda loo fani buda keega.'' ¹⁹MUtumwa mu ledi mbi:"yedi Gabriyele,muudu wu galaga gu misu ma Gahungu.Ga tumi mu gulela ye gu gudimuna pandi yii yipimbui. ²⁰ Dangu di,loo wu gwigidi mundaga yami.loo wu bula yagula tii gilumbu gihangamana yina mudangu didia.''²¹Baadu ba yuga Zagadiya ba yidugi mbi ga gadi dangu di leeya gu meesa ma mengi.²² Dangu di gadugi,loo ga kugi gu ba lela,ye bu gayabi mbi bina bi ga daadi gu sugu di mengi gwedi ndotshi,ga yandigi gu ba lela mubimbu loo ga yagula keega.²³ Dangu di gamani gisalu,ga vudugi gu nzu yandi.²⁴Gu ngoyi dangu mukedu wandi Luzebedi ga sendi zumu.Ngondi dji danu gendi gu di swega,ga di lela mbi: ²⁵ "dala bu pangi fwumu;wu tshi misu mandi ye masagumunu mandi gwedi mi mudiambu ye gu kadula mu mapandi ma peega tsooni gu misu ma baadu.²⁶Dangu di lungishi zumu diandi ba ngondi ba sambanu,Gahungu gadumi Gabriyele gu bula di Galileya di ba lendigaga Nazaledi, ²⁷ gwedi mwaana wu mukedu wu moshi djina diandi Madiya ga gadi wu konda yaba yandu shi bagala wu moshi,Yosefu wu gadi wu konda gu mumona,mweni gi ganda gi Davidi.Mwana mukedu wuna ba mulendigagi Madiya. ²⁸Gendi gwedi ndi ye ga mu ledi:"mbodi,gwedi wu sagumuni Gahungu,Fwumu geedi ye ndi.''²⁹ Mundaga yina,ga bwii gisaga-saga ye gandigi gu di yufuola mbi:mbodi djina kii dji ba lela.³⁰Mu tumwa ga mu ledi mbi:"Madiya,loo gu yuga booma,mudiambu wu sendi lusagumunu gu misu ma Gahungu. ³¹ Dala wu ba senda zumu wu buda mwaana wu bagala.Wu muhega djina di 'Yesu.' ³² Ga gala muudu wu neeni,ba bula mulendiga mwaana muudu wuna weedi gu yilu.Fwumu Gahungu ga mu hega gi fwumu gi giganda gi Davidi. ³³ Gabula yala bilumbu biootsu mu nzu yi Yagobu ye loo gu gala ye nzala mu gifwumu giandi.''³⁴Madiya ga ledi mutumwa mbi:"buni gu hangamana,mudiambu di geedi yi yabi bagala?" ³⁵Mutumwa ga mu ledi mbi:"muhunga wu gu gedila bu ga gwitsa gwedi ndi ngolu dji muudu wuna weedi gu yilu bu yi gu fidimiga gi ninga giandi.Bwoobuna,mwaana wuna ga gala muudu wu masonga,ba mu lendiga mwaana wu Gahungu.³⁶Ye dala pangi woogu Luzebedi wu sendi keega zumu mu ginunu giandi ga buda mwaana wu bagala.Wu lungishi ba ngondi ba sambanu,ye zumu,muudu wu ba lendigagi mugobu. ³⁷Mudiambu,loo gwedi ya gima gi gondi gwedi Gahungu.'' ³⁸ Madiya ga yagudi mbi:"yedi musadi wu fwumu.Yambula mbi bihangamana gwedi mi nga bu lu yagudi.''Diadina mutumwa di gendi.³⁹Mudangu dina Madiya gendi tsalu gu bula di moshi di mundonda di gadi mukadi di vula di Jideyo. ⁴⁰Ga vudugi gu nzu yi Zagadiya ye ga hegi Luzebedi mbodi.⁴¹ Dangu di yugi Luzebedi mbodi yi Madiya,mwaana wu gadi mu zumu diandi ga nigagani.Muhunga wu Gahungu wu yuudi mu mbundu yi Luzebedi.⁴²Ga shi milolu mu gadi ga ndaga mbi:"weedi wu hwaa sagumuga mukadi ga ba kedu bootsu,ye sagumuna lu ndumba luna lwedi mu kadi ga zumu diagu.⁴³ Ye buni ba pegi gudi wu fwumu woogu mu gwitsa tala? ⁴⁴ Mudiambu,dangu di yugi mbodi diagu mu matsu mami,mwaana wu nigagani ye gieshi mu zumu diami.⁴⁵ Gieshi gwedi muudu wuna wu gwigidi,mudiambu bina bi mu ledi fwumu bu bi lungisama.''⁴⁶Diadina Madiya ga yagudi mbi:"mooni wami hana lugumu gwedi fwumu, ⁴⁷muhunga wami wu yangadi gwedi Gahungu,muhulushi wami.⁴⁸Mudiambu wu shi misu gwedi mi mukedu wu gondi fwunu gi sadi giandi.Gi gidi mbi,yandiga leelu di maganda mootsu ma bula ndendiga mweni gieshi. ⁴⁹ Mudiambu,ngolu dji hangi gima gi ngolu gwedi mi;djina diandi djedi diandina shela.⁵⁰Kenda diandi di pasagana mu magu ye magu mana ma bula mu yuga booma.⁵¹ Wu shi ngolu googu diandi ye ga pashigishi bana ba galaga lulendu.⁵²Ga ba gadula ba fwumu mu bidi bi baa bi gifwumu.Ye ga ba gumisa baadu ba gondi fwunu.⁵³ Ga ba gumisa baadu ba gondi nzala ye bima bi pimbu,haa mvwama,ga ba duma mioogu mi pimba.⁵⁴Gitshi gwedi mu gu sadisa baana ba Yishiledi ba mu sadilaga,mupila mbi ga ba lela kenda djiandi ⁵⁵ (nga bu ga yagudi gwedi ba dada ba pidu)gwedi Abalahamu ye gwedi gi ganda giandi giootsu mu bilumbu biootsu.''⁵⁶Madiya ye Luzebedi ba djingi gihani gi moshi gi ba ngondi dadu,gu ngoyi bina,ba vudugi mu manzu ma baa. ⁵⁷ Dangu di gilumbu gi luzebedi gi gubuda gi lungi,ye ga budi mwaana bagala. ⁵⁸ Baadu ba pena-pena ye bapangi bandi ba yugi mbi fwumu wu hangi mapandi ma neeni gwedi ndi,ba yangaladi mu gimvuga ye ndi.⁵⁹Gi lungi gi lumbu gi ginana gi gu hanga mwaana mu kanda.Ba zodi gu mulendiga mu djina di''Zakadiya'',djina di dada wandi. ⁶⁰Haa gudi wandi mbi:"loo,ba bula mulendiga Jean.'' ⁶¹Ga ba ledi mbi:"loo gwedi shi muudu mu kadi ga ba pangi baagu wu fugi djina di.''⁶²Ga hanga bi dimbu gwedi dada mu gu yaba buni lu fani gu mu lendiga. ⁶³ Ga dingi dadi di gu sonigila ye ga sonigi mbi:"djina diami Jean.''Bootsu ba yidugi.⁶⁴Mu dangu diadina ganu diandi di gangugi ye lu lumi.Ga yandigi gu yagula,ga gumishi Gahungu. ⁶⁵ Diadina baadu bootsu ba gadi mu mimba nzu yi baa ba gadi muni yiduga.Ye mu gidini gi miselu mi yudeyo giootsu ba yagudila bima bina.⁶⁶Baadu ba yidugi mapandi mana ba migami mu ma mbundu ye ba diyufulagi mbi:"mwaana wuna ga gala naa?"Mudiambu googu di fwumu di gadi gwedi ndi.⁶⁷Zakadiya,dada wandi ga muyudisami mu muhunga wu gedila,ga yandigi gu yagula mu djina di Gahungu mbi: ⁶⁸ "ga ba sagumuna fwumu,Gahungu wu Yishiledi,mudiambu wu dadi baadu bandi ye wu lungishi mu gu digulumusa mu luudu lu gi muudu.⁶⁹Wu du dumishidi musadi wandi wu ngolu wi giganda gi Davidi,muhulushi wandi. ⁷⁰ Bwoona bu ga yagudi gwedi baadu ba masonga mu dangu di ludi bana ba yagulagi mapandi magwitsa gu misu.⁷¹ Gwedi lusagumunu lu ba du gadula gu mioogu mi ba mbeni ye gwedi bana bootsu ba gondaga gu du zola(ye gu du duna).⁷²Wu di fanigishi ye ba dada ba pidu ye wu yibugi lushilu lwandi lu gashi,⁷³ mu gu dala gushila gu ga gumbudi gwedi Abalahamu dada wu pidu,mu gu duhega. ⁷⁴Gu ngoyi yi gu du dambula gu mioogu mi bambeni,mu pila mbi du musamba ye gu gonda booma, ⁷⁵mu pimbu ye masonga gu misu yandi yandi mu luzingu lu pidu lwootsu.⁷⁶Ndji,mwaana wami,wu gala mu yagudi mapandi ma muudu wuna wedi gu yilu,mudiambu wu gwenda ye fwumu mu gwitsa gwandi.⁷⁷ Ye gu lela gwedi baadu mbi bu ga bahulusa mu masumu ma baa.⁷⁸Gahungu wu pidu bu ga du yambudila ma sumu mu kenda djiandi.Mu kenda djina,ga gwitsa nga bu dugaga dangu gu yilu. ⁷⁹Ga hana mwini gwedi baana beeni mu piba ye mu bivudi bi gu fwaa,mu pila ga duneeda mu ndjila yi ngemba.''⁸⁰Haa mwaana ga gadi muna gula ye gu guma buguba mu muhunga ga djinga,mu tsegi tii mu gilumbu gina gi ga yandigi gu di deshigisha gwedi baana ba Yishiledi.

Chapter 2

¹Mu dangu dina,gu dugi ye mi tsigu gu hangi Sezadi Agushide,mu gu soniga baadu bootsu ba djinga mu gifudi gianda! ²Gu sonigisa djina gu gadi nga gu teegu,dangu di gadi Kidiniusu wu gadi guvedinedi wu Sidiya. ³ Diadina baadu bootsu bendagi mu gudi sonigisa,gosu muudu gu vula diandi.⁴Yizefu keega ga dombugi gu Nazaledi gu gifudi gi Gadileya,ga gadi muni gwenda gu Yudeya vula di Davidi di ba lendigagi Beteliyeme;mudiambu ga gadi mu giganda gi Davidi. ⁵Gendi mu gu disonigisa ye Madiya wu gadi mukedu,wu kandi moona.Wu gondi yaba shi bagala wu moshi.⁶Dangu di ga gadi yaana,dangu gilumbu giandi gi gubuda gi lungi.⁷ Ga budi mwaana wu bagala,mwaana wandi wu teegu ye ba mushi mukadi ga gima gi dilaga ba mbitshi,udiambu loo ba gadi ye gihani mu nzu yin ba nzendji.⁸Mu gi ndjunga gina,gu gadi ye baadu ba dalagagi ba mbitshi mimbi mu piba mu tsegi mu gu dala ba mbitshi ba baa. ⁹ Mu mbala yi moshi,mu tumwa wu fwuu ga ba gumini ye mwini wu ngolu ga yuudi ye gadi baa,di ba yugi bwoona.¹⁰Mu tumwa ga ba ledi mbi:"loo gu yugani booma,mudiambu yi ba lu lela mapandi ma pimbu,ma lu hega gieshi gi vula gwedi baadu bootsu. ¹¹ Mu hulushi wuna gwedi Kidishidu wu budugi lelu gu vula di Davidi,geedi fwumu. ¹²Dalani bidimbu bi lu dala:lu dala mwaana wu mugeegi wu ba fidimigi miledi mu gi sandji gina gi dilaga ba mbitshi.''¹³Mu mbala yi moshi gidiga gi ba pulushi ba yilu,bitshi wana wu yitshi teegu muna hana lugumu gwedi Gahungu mbi: ¹⁴"lugumu lugala gwedi Gahungu guna gu yilu ye yaa ye londi di manu,mu kadi ga baadu bana ba muzolaga.''¹⁵Dangu di dombugi ba tumwa bana gu yilu,baadu ba dala ba mbitshi ba yagudi mu kadi ga baa mbi:"twendani gu Beteliyemi du dala mapandi mana ma bwii guna,bi du hangidi fwumu.''¹⁶ Ba halumugi gwenda dala Madiya ye Yizefu ye mwaana wuna wu budugi,ga gadi wu hwaa nimbi mu gima gina gi dilaga ba mbitshi.¹⁷Dangu di bendi dala mapandi mana,ba yandigi gu lela baadu mapandi ma ba baa ledi mudiambu ye mwaana wuna. ¹⁸Baadu bootsu ba yugi mapandi mana ba yidugi bu yagudi baadu bana ba dalaga ba mbitshi. ¹⁹Haa Madiya,ga gadi muna yindulaga bima bina biootsu bi ga yugi,muna bi saa gu mbundu. ²⁰ Gu ngoyi bima bina ba fugi migogu bendi,mu ndjila benda hana lugumu gwedi Gahungu mu mapandi mana ma ba yugi ye mana ma ba dadi,nga bu ba ledi wandjio.²¹Dangu di ga lungishi bi lumbu ginana ba fani mu hanga mukanda,ba mu hegi djina Yesu dina di yagudi wandjio gu twala yi gu mu hanga mukanda.²²Dangu di lungi gilumbu gi gugadula masumu ma baa nga bugadi gigalulu gi mitshigu mi Mososhi,Yizefu ye Madiya ba sendi mwaana ba mu needi gu nzu yi bisambu yi Yelusalemi mu gu muleshigisa gwedi fwumu. ²³ Landila bina bi ba sonigi mu mitshigu mi fwumu mbi:"mwaana wootsu wu teegu wu bagala ba fani mu sagumuna gwedi fwumu.''²⁴ Beendi keega mu gu hana magabu nga bu gadi tshigu yi hana fwumu:"mapombu moodi ma neeni mbi loo moodi ma digi-digii.''²⁵Gu Yelusalemi gu gadi ye dada wu moshi djina dina Shimoni.Dada wuna ga gadi masonga ye wu hwaa gu gwigama.Ga gadi muni gi ganga gilumbu gi badula Yishiledi mu kenda,ga gadi wu hwaa yudisama mu muhunga wugedila. ²⁶ Muhungu wu gu gedila wu muledi gu twala mbi loo fwaa mbi loo wu dadi Meshiya wuna wedi fwumu.²⁷Shimoni gendi gu nzu yi bisambu,muhunga wu gu gedila wu mupushi mu gwenda.Ye dada ye gundi wu Yesu ba mu needi gu nzu yi bisambu mupila mbi ba lungisa bina bi dingi mitshigu mudiambu ye ndi, ²⁸Shimoni ga sendi mwaana gu mioogu miandi,muna lumisa Gahungu mbi: ²⁹"Dangu di fwumu yambula mbi musadi woogu genda ye ngemba nga bu yagudi ndaga yagu.³⁰Mudiambu misu mami ma dadi muhulushi, ³¹ wuna wu yidigi gu misu yi baadu bootsu. ³² Nga mwini wuna wu lesa ba pani ndjila yagu ye ga hana lugumu gwedi baadu bagu ba yishiledi.³³Dada ye ngudi wandi ba yugi gieshi mu bima bi bayagulagi mudiambu mwaana baa Yesu. ³⁴ Shimoni ga musagumuni ye ga yagudi gwedi ngudi wandi Madiya mbi:"mwaana wuu ga solugi mudiambu ye gu bwisa ye gu shamugisa baadu bavula ba Yishiledi geedi nga gidimbu giandi gi bula duna baadu. ³⁵ Mbedi yi gu dobula mooni gu tsuga yi gu dala mbi ngimdu ndji baadu bavula bu mi yabagana.³⁶Gu gadi keega ye mbigudi wu moshi wu mukedu djina diandi Hana mwaana wu Faniela mu giganda gi Hazadi.Ga gadi mbuda ga djingi mvula dji nsambwadi ye mulumi wandi wu makwela mulumi wandi ga fwii,³⁷ gasadi nga mufwidi mamvula magumi ginaana ye maya,loo ga gala gu leeya ye nzu yi bisambu ye ga hangila Gahungu piba ye mwini mu guduna gu dia mudiambu ye gusamba gosu dangu. ³⁸Mu dangu diadina Hana gi tshi gwedi baa ye gayandigi gu hana madonda gwedi Gahungu ye ga yandigi gu yagula mapandi ma mwaana wuna gwedi bana ba gingila mbi Gahungu gahulusa baadu ba Yelusalemi.³⁹Dangu di ba hangi mapandi mana mootsu nga bu baledi mitshigu mi Gahungu bendi gu baa ye mwaana gu bula di baa Nazaleti,mu gifudi gi galileya. ⁴⁰ Mwaana ga gadi muna gula,ga gulagi ye ndungi ye lugumunu lu Gahungu lu gadi gwedi ndi.⁴⁴Dada bendagi gosu mvula gu Yelusalemi mudiambu ye fedi yi pagi.⁴² Dangu di ga lungishi mvula gumi ye djioodi ga dombugi mudiambu ye fedi nga bu gadi gilulu gi baa. ⁴³ Dangu bi hwii kindji bendi gu bula di baa,mwaana baa Yesu ga sadi gu Yelusalemi,haa ba dada bandi loo ba yabi mbi wu sadi. ⁴¹ Baa yindula mbi geedi ye ba ndugu baandi,ba hangi gilumbu gi moshi mu ndjila gu misu mu gu mudinga gwedi bandugu bandi ye ba dada bandi.⁴⁵Loo ba mudadi,ba vudugishi gu Yelusalemi mu gu dinga keega. ⁴⁶Gu ludi bilumbu bi dadu di bendi mudala mu nzu yi bisambu wu hwemini mu kadi ga ba mbuda ba dibindu,muna ba yugishila ye gu ba yufula mapandi. ⁴⁷Baadu bootsu ba mu yugishilagi ba gadi muna yiduga mu ndungi djiandi ye mu mamvudu mandi.⁴⁸Dangu di ba mudadi,ba yandigi gu yiduga ye ngudi wandi ga mu lendigi ga muledi mbi:"mwaana wami,mudiambu di kii wu du hangi buu?Yuga,dada woogu ye mi dwedi mu gu gudinga ye booma!.'' ⁴⁹ Ga ba ledi mbi:"mu kii giguma lu ba ndinga?Loo lu ba yaba mbi yi fani gala mu nzu yi dada wami?" ⁵⁰ Haa loo ba yabi bu ga bugaba lela.⁵¹Gu ngoyi di bendi yendi gu Nazaledi,ga ba yugidi.Ye ngudi wandi ga swega bima bina biootsu gu mbundu. ⁵²Haa Yesu ga gadi muna gulaga ye ndungi ye guleya ye ga bongi lusagumunu gwedi Gahungu ye gwedi baadi.

Chapter 3

¹Mu dangu di lungishi Tibedi sezadi mavula gumi ye danu mu gifwumu giandi,posu Piladu ga gadi fwumu wu gidini gi Yudeyo,Elodi ga gadi fwumu wu gidini gi Gadileya,pangi wandi Filipi ga gadi fwumu wu Yitidi ye wu Dalagodi,Luzaniashi ga gadi fwumu wu gidini gi Abideni, ²gu gadi mu dangu Hana ye Kayifa ba fwumu ba banganga ba Gahungu,ndaga yi Gahungu yitshi gwedi Yowani mwaana wu Zebedeyo mu gifudi gi maganga.³Gendi mu gidini gina gi gadi nzadi wu Yoludani,ga longagi gi bodamana,gu balumuna gu mbundu ye gu dinga pila yi gu matsa masumu.⁴Nga bu ba sonigi mu muganda wu mbigudi Yizayi mbi:"ndaga yi muudu wu ba saa milolu mu gadi ga tsegi:'yidigani ndjila dji fwumu ma nani djiga mawulu mootsu mu ndila yandi!⁵Biwanda biootsu bu biyudi sama ye manu,mi ndonda mi neeni ye mi digi-digi bu mi gulumuga,ndjila yi gondamani bu yi danduluga,ndjila yina yedi ye madadi bu magaduga, ⁶ Bwoona baadu bootsu bu badala buni ba sagumuga gwedi Gahungu.'''⁷Diadina Yowani ga yagula gwedi bana bitsa senda mbodiga ndi mbi:''binu ba talatshi baa naa wu ledi mu gu dina kabu dji ba gwitsa?⁸Budani kuna djina dji ba leshigisa mbi lubalumuni mbundu ye loo gu yindulani mbi:''dwedi ye dada wu pidu Abalahamu,''mudiambu yi ba lu lela mbi Gahungu wu fani gidula madadei baana wu hegi gwedi Abalahumu.⁹Wu yidigi gu mwaga soga mudiambu ye gu gesa migashi mi mudi.Bwoona mudi wootsu wu gondi buda ndumba dji pimbu,bu gesuga ye gu lumbamana gu mbaa.''¹⁰Gu ngoyi gi diga gina gi yufudi Yowani mbi:"buni du fani hanga?''¹¹ Ga ba ledi mbi:"wuna wu fugi masumishi mioodi ga hega wuna wu gondi,wuna keega wu fugi madfongu ga hega keega wuna wu gondi madongu.''¹²Ba fudishi bitshi bodamana ye ba muyufudi mbi:"fwumu,pidu baa du hanga buni?" ¹³Ga yagudi mbi:"loo gu sendani mbongu dji vula di ba kondi lu lela mu gu dinga gwedi baadu.''¹⁴Bi pumbulu keega ba muyufudi mbi:"haa pidu baa?Du hanga buni?"Ga ba ledi mbi:"loo gu bongani mbongu dji baadu mu gi ngolu-ngolu,loo gu geshilani baadu mapandi mu bupala.Galani gieshi mu gi desu gina gi ba lu fudilaga mu gi desu gi binu.''¹⁵Dangu dina baadu ba gi ngilagi gwitsa gu Kidishidu,ba yandigi gu diyufula gu mbundu mbi Yowani gedi Kidishidu. ¹⁶Yowani ga ba ledi mbi:"yi ba luvidigisa mu mwetshi haa wuna wu ba gwitsa,wu ndudi mu ngolu,ye loo yi fani shi mu gu gangula biladu biandi.Ga luvidigisa mu muhungu wu gedila ye mu mbaa.¹⁷Gedi ye giyungulu mu googu diandi mu gu sola ndumba dji pimbu dji bule ye gu sega ndumba dji pimbu mu gi punga diandi.Haa mulengi,ga lemisa ye mbaa dwandi du gondaga djima.¹⁸Gu gadi keega ye malongi mavula ma pimbu malongagi,Yowani gwedi baadu. ¹⁹ Bwoona ga gadi muni yagula mapandi mambi ma hangi Elodi ma ga mooni mukedu mbuda wandi wuna wu fwii,ye mudiambu Elodi ga hangagi keega mapandi ma vula ma gondi pimbu. ²⁰Ga lundi keega pandi yi gondi pimbu ga gangi Yowani mudangu mbada.²¹Yowani,di bodigi baadu bootsu ba hwii,ga bodigi keega Yesu.Dangu di sambagi Yesu,yilu di gangugi yiootsu.²² Muhunga wu gedila wu gulumugi ye londi di mudu wandi nga dipombu.Ye ndaga yi dugi gu yilu mbi:"ndji wedi mwaana wami wu yi zolaga,yi dalaga gieshi gwedi ndji.²³Yesu ga yandigi gisalu giandi ye mamvula gumi ye dji dadu.Ba yaba mbi Yesu geedi mwaana wu Yizefu,Yizefu ga gadi mwaana wu Ediya,Ediya mwaana wu Mada, ²⁴ Mada wu Levi,Levi mwaana wu melegia,Melegia mwaana wu Nazaya,Nazaya mwaana wu Yizefu,²⁵Yizefu mwaana wu Madadiashi,Madadiashi mwaana wu Amoshi,Amoshi mwaana wu Nawomi,Nawomi mwaana wu Eshilia,Eshilia mwaana wu Nagayi,²⁶ Nagayi mwaana wu Mada,Mada mwaana wu Madadiashi,Madadiashi mwaana wu Simeneyi,Simeneyi mwaana wu Zozegi,Zozegi mwaana wu Zodash,²⁷Zodashi mwaana wu zowana,Zowana mwaana wu Deza,Deza mwaana wu Zolobabele,Zolobabele mwaana wu Salatieli,Salatieli mwaana wu Edi,²⁸ Nedi mwaana wu Mediki,Mediki mwaana wu Adia,Adia mwaana wu Gosami,mwaana wu Elimadayi,mwaana wu Edi, ²⁹Mwaana wu Yesu,mwaana wu Eliyezedi,mwaana wu Zoremi,mwaana wu Mada,mwaana wu Levi,³⁰Levi mwaana wu Shimoni,Shimoni mwaana wu yuda,Yuda mwaana wu Yizefu,Yizefu mwaana wu Yonamu,Yonamu mwaana wu Ediyakimu, ³¹ Mwaana wu Meleya,mwaana wu Mena,mwaana wu Matata,mwaana wu Natamu,mwaana wu Davidi,³² Mwaana wu Jese,mwaana wu Yobedi,mwaana wu Bowazi,mwaana wu Saala,mwaana wu Nasho,³³Mwaana wu Aminadabu,mwaana wu Adimini,mwaana wu Adini,mwaana wu Yezron,mwaana wu Perezi,mwaana wu Djuda,³⁴ mwaana wu Djiagobu,mwaana wu Yisagi,mwaana wu Abalahamu,wu Tera,mwaana wu Nahodi,³⁵ mwaana wu Sedugi,mwaana wu Rewu,mwaana wu Pelegi,mwaana wu Ebedi,mwaana wu Shelahi,³⁶Mwaana wu Kayinani,mwaana wu Adifazadi,mwaana wu Semi,mwaana wu Nowa,mwaana wu Lamegi,³⁷ mwaana wu Matusalemi,mwaana wu Enoki,mwaana wu Yadeti,mwaana wu Mahaleleyeli,mwaana wu Kayinani, ³⁸mwaana wu Enoshi,mwaana wu Seti,mwaana wu Adamu,mwaana wu Gahungu.

Chapter 4

¹Buoona,Yesu gadi wu guyula ye muhunga wu gedila,ga gadugi gu muetshi Yuludani ye muhunga ga mu nedi mugifudi gi maganga.² Guna diabulu ge gumumega bilumbu magumi maya.Yesu loo gadiagagi shi gima moshi,gu ngoyi bilumbu bina, nzala yi mugami.³Dangu di diabulu ga muledi,<>.⁴Yesu ga muledi mbi:<>.⁵Ya yena,diabulu,ga nedi Yesu mu gihani gi moshi gi leya mugadangu gadigidigii,ga mu ledi bi fumu biootsu bi gi fudi. ⁶Diabulu ga mu ledi mbi<<" Yi guhega gi fumu gigiootsu ye lugumu luandi mudiambu bugi panamani ye mi kega nzodi gu hana guedi wuna wu nzodi. ⁷Mugiguma giana mbi bufugamanini ye gundumisa gila guedi ndji.Yesu ga muvududidi mbi:''gusonamani gu gumisa Fumu wu moshi wedi Gahungu gagu."⁹Diabulu ganedi kega Yesu gu Yelusalemi ga mushi ye yangi di nzu yi bisambu;ye gamuledi mbi wedi muana Gahungu,gaduga ya dilumba tii yatshi. ¹⁰ Buoona gusonamani:Gahungu gahana swuaa guedi ba wanjoo mugima giagu mudiambu ba gugeba. ¹¹ Kega mbi:ba gugieba yemiogu mi baa mudiambu gulu diagu digonda gu bulagana mudadi>>.¹²Yesu gamududidi:<¹³Dangu diabulu di gamanishi mugu mumega,Yesu gendi gidamina yendi,ye gendi mu gingenga.¹⁴Dangudi yesu gitshi vudunga gu gadileya;wu hua yula ye muhunga wu gugedila buoona,tsangu dji pa dji muangani. ¹⁵ Ye gayandigi gu longa mu ma nzu mabisambu ma neni,baadu bamuhegagi lugumu bihani biootsu.¹⁶Yesu gitshi gu Nazaleti, bula di gagudi.Ga godi mu nzu yibisambu yi neni mugilumbu gi guhululuga.Ga niamugi mu gudanga mu kadi gandaga.¹⁷ Ba muhegi wu sonigi mbigudi Izaya.Ga gangudi gihani gi baasonigi:¹⁸Muhunga wu Gahungu wedi yemii,ndi gatsodi mudiambu di guyabisa tsangu djipimbu guedi batsugami.Ndi gatumishi mugulesa baadu ba bagami muvida mbi bu ba bayambula.A bena kega balaga badalaa.Gatumishi kega guedi badu bena ba bahegagaa pashi mudiambu buba bagadula mupashi; ¹⁹ Ye kega mugu lela baadu mbi fumu Gahungu mvula yii gabadala baadu mudisu di pimbu.²⁰Buoona ga gangi muganda.gavududi guedi batsadi bana badala gagi,gashimugi yatshi mudiambu digulonga,baadu bootsu badi mu nzu yi bisambu misu ma baadu bootsu bagadi mu nzu yi bisambu yi neni ba muyambudidi kaga ndi. ²¹ Yana ga godi mugu balesa mbi lelu ndaga yi yilungisami mu misu ma binu. ²² Baadu bootsu bada bimbangi bimapandi mapimbu maduga muganu diandi,ba yagula mbi:<>²³Yana ga baledi mbi:gu gugidi yi bayaba lubadzola gutela gi ngana gi:Munganga wu mbudaa digindisaa ndji beni.Binu lubayagula mbi:bina biootsu bi wuhangi gu gapedinahum hanga kega gi desu gi moshi ye bula diagu di wu budugi. ²⁴Gaba ledi<²⁵Haa mugi gidi yi ba lulesa,mudangu di mbigudi Eliya ,mifidi mivula miba kedu gu Ishilela gu ludi mamvula madadu ye bangondi basambanu,mvula loo yi noga gagi kega, lamba di godi mu gifudi gi muwundu.²⁶ Haa,Eliya loo bamudu mishi shi guedi mukedu wu moshi,ga gumusami guedi mufidi wu moshi wu djinga gu bula di salebita pena-pena Shoshoni.²⁷Gu gadi ye beni kungudi beengi gu Ishilele mudagu di mbigudi Eliza,haa shi wu moshi loo gagindi,kaga Namani wu gifudi gi Shidiya.²⁸Dangu di bayugi bima bina biootsu bagadi munzu yibisambu yineni bayugi kabu. ²⁹Ba niamugi,ba tsagadi Yesu ye bula, ba muledi tii ye tsongi mundonda;ba gadi mu gumba gu bengi. ³⁰ Haa Yesu galudi ye gadi-gadi ga baa gendi gu mabla mega.³¹Ga gulumugi gu Ga pedinawum vula di moshi di Gadileya ga balongi mudiambu ye gilumbu gi guhululuga. ³² Ba gadi muguyiduga mu ndongidi yandi pila yi gayagulagi ye gidashi.³³Dala,mukadi ga nzu yi bisambu gu gadi ye mudu wu moshi ga gadi ye mihunga mi mbi.Ga yagudi mundaga yi ngolu:³⁴<>³⁵Yesu ga nganini muhunga ngolu mbi:<³⁶ Bootsu ba yidugi,ye loo ba yambudi mu guyagula baa ye baa mbi:<> ³⁷ Ya yana tsangu dji Yesu di pasaguni mugidini gi manu giootsu.³⁸Yesu ga dugi mu nzu yi bisambu ge goda mu nzu shimoni.Bogu buandi wu mukedu wu belagi,ba woondidi Yesu mugu mugindisa. ³⁹ Ga niegi pena-pena ye ndi,ga nganini gikashi,gikashi gidugi .Mbala yi moshi, ga niamugi ga yandigi gu ba hangisa.⁴¹Mudangu di mashiga,baadu ba nedidi Yesu bakashi ba pila ye pila ga bashi miogu miandi gosu mudu ga gindi. ⁴⁰ Mihunga mi mbi midugi guedi baadu bavula mi yandigi gu yagula ngolu:<< Ndji wedi muana Gahungu!>>Ya yena Yesu ga nganini mihunga mi mbi ga miduni mu gugonda guyagula;Mudiambu bumiyabaga mbi gadi Kdishidu.⁴²Dangu di tshi guma,ga dugi gendi munu ma maganga,baadu ba yandigi gue gu mundinga,ba mudadi ye gihani gigadi.Badzolagi mbi ga gadugegu ga gala ye baa⁴³. Haa ga baledi:<> ⁴⁴ Buoona, ga landi gue longa mu manzu ma bisambu ma bayuda mu manu ma yudeyi.

Chapter 5

¹Dangu di ga gumi pena-pena di yanga di Zenezaledi,baadu bavula badjiedi Yesu mudiambu di guyuga ndaga yi Gahungu. ² Gadadi ma buaadu moodi ma bagangi mu mbimba yanga ba lobi bagadi muni sugula ma buaanda. ³ Yesu ga godi mu buaadu bu moshi buaana bu Shimoni, ga muledi mu gupusa gandambu ye kadiga mwetshi.Ndi ga shimugi mu buaadu ga yandigi gu longa baadu.⁴Dangu di gamanishi ga ledi shimoni:<>⁵ Shimoni ga muvududidi: longi,duhangi piba yi muwundu loo dugami shi gima.Buoona mundaga yagu yi ba lumba buaanda.>>⁶Dangu di balumbi buaanda ba gami ba mbitshi bavula, ma buaanda magadi mbi ma baguga.

⁸Haa shimoni pedolu dangu di gadadi buna ga bui mu milu mi Yesu ye ga yagudi:<> ⁹ Ba yidugi ngolu mu pila yi ba gami bambitshi ba vula. ¹⁰ Gu gadi Yagobu yeYowani baana ba zebedayi, Ba bootsu ba lobi ye Shimoni.Ya yena Yesu galedi Shimoni:<> ¹¹ Dangu di ba dushi ma buaadu yegi,ye ba mulandi.¹²Gu gadi ye bula di moshi badadi mudu wu moshi wu bedi kungudi.Gadadi Yesu,ga bui mbunzu mu manu ga dingi guedi Yesu:<> ¹³ Dangudi,Yesu ga dandumuni googu,ga mu gami ga yagudi mbi:<>Kungudi yi hwii.Yesu ga muledi gudela shi mudu loo.Nda dela mbuda longi,wu hana magabu nga bu sonigi mososhi,mudiambu di gu hana gi mbangi giagu gi gu ginda.¹⁵Ba yandigi gu yagula ngola mu djina diandi baadu ba muyulagagi mu gu muyuga ye mu gu bagindisa gi kashi. ¹⁶ Haa gadugagi wendi mu gihani gi gingenga mudiambu di gusamba.Gi lumbu gi moshi,ga longa ba fadishi ye ba mbuda bamatsigu ba mani shigumuga,ba gadugi mu bula magadileya,ye gu yudeya,ye gu yelusalemi,ngolu di Gahungu di musadisagi mu gu ba gindisa.¹⁸Gu gadi ye baadu ba nedi mudu wu gigada ye giandu ba dinga pila yi gu mugodisa ye gu mu dulula ye misu ma Yesu. ¹⁹Loo ba yaba buni ba fani gu mugodisa mudiambu baadu ba gadi ba vula,ba nini ye yangi badodi tsunga,ba mu gulumushi ye giandu ye kadi-kadi ga baadu yena ye gadi Yesu.²⁰Ga dadi luguilu lubaa,pangi, ma sumu magu malolugi>>.Ba sadishi ye balongi ba tshigu ba yandigi gu boguda:naa wu?wu ba mvenza Gahungu? ²¹ Naa wu fani gulolula masumu mbi Gahungu loo?²²Haa Yesu buga yabagaa ma banza ma baa <²³ki bina bi gondi ludapashi mu gu yagula masu magu ma gu lolugi? mbi loo muguyagula mbi niamuga ndaa. ²⁴Haa badzola mbi muana wedi ye giyega aya yelondi di manu mu gu lolula masumu,yi guledi mbi:bonga giandu vuduga gu nzu yagu.²⁵Mu dangu diadina,mudu ga niamugi ye misu ma baadu,ga bongi giandu ga vudugi ye gu gumisa Gahungu. ²⁶ Baadu bootsu ba yidugi ye ba gu misa Gahungu,ba gadi ye boma muni ya gula mbi:<>²⁸Gu ngoyi bina,ga dugi,ga dadi mu fudishi bidadi jina diandi Levi wu shimugi mu nzu yi gufudisa bidadi.Ga muledi mbi:<>²⁷ Levi ga shishi biootsu,ga niamugi ga yandigi gu mulanda.²⁹Levi gahangishi kinji yi nene gu nzu yandi mudiambu ye Yesu, gu gadi ba fadiishi ba vula ye baadu beega ba gadi ye mesa baadu ba vula ba fudishi bi dadi ye baadu beega ba diaa gu moshi ye baa. ³⁰ Ba fadishi ye balongi ba tshigu yandigi gu booguda ye ba yagudi guedi batsadi ba Gahungu:<< ki lufani gu dila gihani gi moshi ye ba fudishi gidadi ye beni masumu.>> ³¹ Yesu ga ba ledi mbi:<³² Mi loo yitshi mudiambu ye baadu ba pimbu haa yitshi mudiambu ye baadu ba masumu ba balumuna mbundu.³³Baadu beega baleshi Yesu:<> ³⁴ Yesu ga ba ledi mbi:<³⁵ Bilumbu bi guitsa meuni waala di gazanguga bilumbu biabina di ba duna gudia.>>Ga ba dedi kega gingana gi:mudu loo ga fani gesa gidembu gi muledi wu mpaa we dungila muledi wu gulu.Mbi buga hangi buoona,ga baaga muledi wu mpaa,gidembu gina gi muledi wu gulu loo gi guendila ye gina gi mpaa³⁷Mudu gasaga malufu ma mpaa mu mambungu ma gulu,mbala yega malafu ma mpaa ma fula ma budi mambungu,ma diagugi ye mambungu ma bebi. ³⁸ Disonga,wu fani saa malafu ma mpaa mu mambungu ma mpaa. ³⁹ Mudu mbi bu ganui malafu ma gulu,ga dzolaga malafu ma mpaa,ga yagulaga mbi:<>

Chapter 6

¹Gu gadi gilumbu gi guhululuga Yesu galuda mu mangundu ye balongugi beenda dabula ndumba dji ble beenda dji bulaa ye gue dji dia. ² Haa bafadishi beega ba yufudi mbi:<>³Yesu ga ba vudidi mbi:<⁴ Ga godi mu nzu yi bisambu yi Gahungu,ga boongi ma paa ma magabu,ga di ye baadu baandi,ma paa mana mudu wedi ye giyega gi gudia mbuda di bundu buna.>>⁵ Ga baledi:muana mudu gedi fumu wu gilumbu gi guhululuga.⁶Gilumbu giega gi guhululuga,Yesu ga goodi mu nzu yi bisambu yi ba yuda guna ga yandigi gulonga baadu.Gu gadi guna ye mudu wu moshi googu diandi di gi Dada digaadi gifu. ⁷ Ba longi ba tsigu ye ba fadishi ba dinga pila yi gufunda Yesu mbi bu ga gindishi mudu wuna mugilumbu gi guhululuga,ya yena ba dinga gi guma gi gumufu ndila mbi wu hangi mapandi mambi. ⁸ Bugayabi mabanza ma baa,ga lendigi mudu wuna wu gadi gogu di gifu mbi:niamuga ma nina ye kadi ga baadu bootsu.>>Ya yena mudu weni ga niamugi ga manani ye kadi.⁹Yesu ga ba ledi:<< yi ba luyufula guedi pimbu guhanga ma pimbu mu gilumbu gi guhululuga mbi loo guhanga ma mbi, mugu hulusa moni wu mudu mbi loo gu yambula wu fwii?>> ¹⁰ Ga balumuni misu guedi baadu bootsu,ga leshi mudu wuna wu gogu di gifu mbi:<¹¹ Baadu ba yugi kabu,ba yandigi gu nguna-nguna baa ye baa mugu dala mbi kidu fani hanga guedi mudu wu Yesu?¹²Gu gadi gilumbu gi Yesu gi genda mu mundonda mu gusamba Gahungu,ga hangi piba yotsu mu gusambila. ¹³Dangu guma dii gutshii,ga lendigi balongogi bandi ga yandigi gu ba sola ga soodi gumi ye boodi ga bahegi ndjina batumwa.¹⁴Madjina ma batumwa magadi:Shimoni wuna wu ga hegi djina di pedelu,Andele,pangi wandi,Yagobu,Yowani,Badidolomi, ¹⁵ Matayi,Tomashi,Jagi,Yagobu mwana Alufeyi,Shimoni,wuna wu balendigaga zelodi. ¹⁶ Yudashi,mwana ya gobu,ye Yudashi ishikadi yoodi wuna wu gumi mutsubi.¹⁷Buoona,Yesu ga gulugi mu mundonda ye batumwa ga manani ye gi bwishi.Guna gu gadi ye ba longugi bandi bavula ye baadu beega bavula ba yudeya,ba yeluzalemi ye bena ba dugi gu ndambu di mayanga matidi ye Shidoni. ¹⁸ biitshi muguyuga ye mugu ba gindisa bikashi bi baa.Bena kega bagadi ye mihunga mi mbi bu bagindi. ¹⁹ Baadu bootsu ba dinga gugama shi muledi wandi mudiambu guedi ye ngolu di dugaga guedi ndi ba gindi bootsu.²⁰Dangu di ga niamugishi mbunzu guedi ba longugi,Yesu ga baledi mbi:<²¹ Gieshi,guedi binu luedi nzala dangudi bu liquidation.Gieshi guedi binu lu badila dangu di,bu luseya.²²Gieshi guedi mbi baadu ba balugulumisa ba mbeni ba baa,mbi ba baluduna mugimvuga gi baa,mbi ba baluduga,ye mbi ba balulendiga baadu ba mbi mu gi guma gi muana mudu. ²³Yangalalani mu gilumbu gina lemugani ye gieshi,mudiambu lufudu lu binu lu gala lu neni gu yilu.Mupila ya yina ba kaga ba baa ba hanga guedi ba mbigudi.²⁴Haa kenda guedi ba mvuama!mudiambu gieshi gi binu ludadi gumuaga. ²⁵kenda guedi binu luyugudi dangu di mudiambu nzala yi lugama.Kenda guedi binu lu baseya dangu di!mudiambu lu gala ye mafua buludila.Kenda guedi binu baadu ba balelaga mbi luhangaga ma pimbu mudiambu ba kaga ba binu bayugilagagi pila yi moshi nga bu hangaga ba kaga ba binu guedi ba mbigudi ba mbi.²⁷Haa yi ba lulela binu baadu luba nzuga,dzola ganani ye bambeni ba binu,hangani mapimbu guedi baadu beena ba luyinaga. ²⁸Sagumunani bana ba lushinzaga,sambani mudiambu ye bena ba luniogulaga.²⁹Mbi mudu bugagubudi mudama di moshi,mu hega kega dama diega.Mbi bugadudi muledi,loo gu mudunisa mugu bonga loobu diagu. ³⁰ Heganani wuna wu baludinga.Mbi mudu bugabongi gima giagu mungolu,loo gu dinga kega mu gu guvududila.³¹Hanga mapandi ma pimbu mana mawudzolaga ba guhanga.³² Mbi ludzolaga buna baadu ludzolaga ki lusenda guedi baa? Mudiambu baadu bamasumu bahangaga buoobuna. ³³ Mbi lubanga mapimbu guedi baadu bana luhangaga mapimbu ki lufudu luedi luoo?Shi baadu ba masumu kega bahangaga kega bwoobuna. ³⁴ Mbi buludefishi guedi baadu bena buna bayilundulagagi mbi ba duvududila maguda mena ki fwunu yi gudinga matabishi?Shi baadu ba masumu kega ba defisagagi maguda guedi baadu bamasumu ba bavududilaga.³⁵Haa dzolani ba mbeni ba binu,ba hangani mapimbu.Ba defisani maguda,gu gonda gu yindula mbi ba duvududila;Mudiambu lubonga matabishi maneni binu lugalakega bana ba Gahungu.Mudiambu ndi kega gedi pimbu guedi baadu bana bavudulaga madonda ye guedi baadu ba mbi.³⁶ Galani baadu nga Dada binu mweni kenda.Loo gu sambisani baadu beega nga buoona Gahungu loo ga lusambisa.Loo gu bedisa baadu beega buoona Gahungu kega loo galubedisa.Lolula baadu beega binu kega nga ba lu lolula.Hanani magabu guedi baadu beega Gahungu kega nga galuhega.Gahungu galuhega magabu ma gidesu gi pimbu mana maganiemi,maga nigishi,maga ludishi mavula mu mapogoshi ma binu.Gahungu ga luhega magabu magidesu gina gi luhegilagagi baadu beega.³⁹Buoona Yesu ga ba dedi gingana gi moshi:"gi fwa misu gi fani neda gi fwa misu?Mbi bu gahangi,loo fani bwa ba boodi mu wulu? ⁴⁰ mwana nzu kanda loo ga fani luda longi waandi.Haa mwana nzukanda wuna wu longugi pimbu-pimbu mbi wu mani ga gala nga longi wandi.⁴¹Mudiambu di ki gudala gima gina giedi mudisu di pangiagu,haa loo wu badala fududu yina yedi mudisu diagu? Buni wu fani yagula guedi pangiagu mbi:pangi wami,ginga yi gugadula gima gina giedi mu disu diagu!>>⁴² Haa mbi loo wu badala gima gina gi neni giedi mudisu diagu ndji mueni bupala!gadula tegu mudi wedi mudisu diagu haa wu dala pila yi gu gadula mudi wuna wedi mudisu di pangiagu.⁴³Loo gwedi ye mudi wu pimbu wuna wu dagaga ndumba dji mbi,loo kega gwedi ye mudi wu mbi wu dagaga ndumba dji pimbu. ⁴⁴ Gosu mudi ga yabaganaga mu ndumba djiandi ga mudi ga ngangu loo ga dagaga ndumba dji mudi dji ba fiije mbi loo wa ndumba dji vinu.Mudu wu pimbu,wu bumvama bu pimbu ga dusaga ma pandi ma pimbu,wuna wu bumvama bu mbi gadusaga mambi. Mudiambu ga yagulaga mandi mana ma yudi mu mumbundu yandi.⁴⁶Mudiambu di ki lubandiga:"Fumu,Fumu"haa loo lubahanga mana ma yi ba lu lela.⁴⁷ Mudu wootsu wu guitsa guedi mi,wu ba yuga mapandji ma mi,wu ba masadila, yi lu ledi mbi gedi nga mi. ⁴⁸ Ga fanagani nga mudu wuna wu dungi ndzu,ga shimi wulu di leya.Dangu di noga mvula mwetshi wuna wu yulagagi shi buga budi mu ndzu yina,loo yi fani gu nigana mudiambu ga yi dungi pimbu.Haa mudu wuna wu mbi wu bagonda yuga ma pandi ma mi,wu ba gonda masadila,wu fanagani nga mudu wuna wu dungi ndzu mu manu mazelu dangu di yula mwetshi wu mvula ga bula mu nzu yina,yi bwi mumbala yi moshi yi bebi.

Chapter 7Dangu Yesu di ga manishi gu yagula ma pandi mana ga leshi baadu ba muyugagi gu bula di ga pedinahumu.

²Dala gu gadi ye fwumu wu moshi wu ba pumbulu ga gadi ye muhiga wu zolagi ngolu,ga gadi ye gikashi gi lufwaa. ³Dangu fwumu wuna di ga yugi tsangu dji Yesu,ga dumishi ba mbuda beega ba bayudeyo mudiambu ba wondila Yesu mu gwitsa gindisa muhiga wandi. ⁴Ba mbuda bana bitshi guma gwedi Yesu,bwoona ba yandigi gu mu wondila ngolu mbi:muudu wu fani ndji mugumu sadisa. ⁵Mudiambu ndi ga zolaga baadu ba pidu,ndi kega wu du dungidi nzu yi bisambu yi neni.⁶Dangu di,Yesu gendi ye baa.Dangu di ga gumi pena-pena ye nzu yi fwumu wu bipumbulu,fwumu weni ga dumi ba ndugu bandi mudiambu ba mu lela mbi:''fwumu,loo gwitsa,mudiambu mi loo yi fani mu gu guyamba mu nzu yami.⁷ Yi dadi mbi loo yi fani mu gwitsa moniga gwedi ndji.Haa yagula gwoogu gu ganu muhiga wami ga ginda.⁸ Mi kega yi dumugilaga ba fwumu bami,gwedi ba pumbulu bami:mbi bu yiledi wu moshi:"nda"ndikega wendi;mbi bu yiledi wega mbi:"yizaa''ndi kega wu yitshi,"shi muhiga wami kega mbi bu yi muledi mbi :"hanga bu ndi kega wu hangi.''⁹Dangu Yesu di ga yugi mapandi ma fwumu wu ba pumbulu ma gayagulagi ga yi dugi ga balumugi gwedi baadu bana bitsa mulanda gaba ledi:''yi lu ledi,shi gu yishiledi loo yandu yi dadi muudu wedi ye lugwigulu luu.'' ¹⁰ Baadu bana ba dumi fwumu wu ba pumbulu bitshi guma gu nzu yandi,bitshi wana muhiga wu gindi.¹¹Gu ngoyi madangu mana Yesu gendi gu nayini,ba longogi baandi ye baadu beega bendi ye ndi.¹²Ya yena ga gumi ye tsongi bula,ga dadi baadu muni neda muudu wu gu fwaa gu ma djamu,mwaana wu moshi buuna gwedi ngudi wuna wu mu fwiidi,baadu bengi ba bula benda landa mukedu wuna.

¹⁴Dangu Yesu di ga gumi finama ye mugobi,ga gami,ba neda mugobi ba manani ye ga yagudi:"pangi wami yi guledi niamuga."¹⁵Mvumbi yi niamugi yi yandigi gu gu yagula.Yesu ga muvududi gwedi ngudi wandi.¹⁶Ya yena booma bu gami baadu bootsu,ba yandigi gu gumisa Gahungu,muni yagula,mbigudi wu neni wu gumi mu kadi gapidu!Gahungu wu yitshi sadisa baadu bandi.'' ¹⁷ Mapandi maa mahangi Yesu mapasagagani mu gifudi giootsu gi Yudeya ye mabula ma pena-pena.¹⁸Ba longogi ba Yowani ba mudedi mapandi mootsu. ¹⁹ Bwoona Yowani ga lendigi ba longogi bandi boodi,ga badumi mu guyufula fwumu Yesu:"ndji wedi ndona wu dugingaga e wega?"²⁰Dangu ba longogi bana di ba gumi gwedi Yesu,ba mu ledi mbi:"Yowani mbodigi wu dumi gwedi ndji mu gu yufula:"wedi ndona wu gwitsa e ndona wu du ba ginga mbilo ndona wega?''''²¹Mu dangu diadina,Yesu ga gindishi ba kashi beengi,beni pashi,beni mihunga mi mbi,bi fwaa misu bi yandigi gu dala. ²²Yesu ga baledi:ndani mudalani Yowani miootsu mi lu dadi ye mi luyugi.Bi fwaa misu bi dadi,bi gada bi yendi,beni kungudi ba gindi,bi fwaa matsu ba yugi,baadu ba fwii ba shamugi,ntsangu di pimbu dji hanamani gwedi ba tsugami.²³Gieshi gwedi muudu wuna wu konda yambula gu gwigila gwedi mi mudiambu ye mahanga mami.''²⁴Dangu di vudugi ba longogi ba Yowani,Yesu ga yandigi gu yagula gu twala yi baadu,''ki lwendi dala mugifudi gi maganga,lugasa luniganaga mu muhunga? ²⁵Ki lwendi dala,muudu ndona wu vadi miledi mi pimbu?Haa baadu bana ba vadaga miledi mi pimbu ba ndjingaga mu ma nzu ma ba fwumu ba neni. ²⁶Haa ki lwendi dala?mbigudi wu moshi?eeh,yi ba lu lela,gu guluda mbigudi.²⁷Dalani muna mu basonigi:''dala yi ba dumisa mbigudi wami gu misu magogu wu yidiga ndjila yagogu." ²⁸ Yi ba lu lela ,mu kadi gabaadu bootsu ba budugi gwedi mukedu,loo gwedi shi wu moshi wedi mbuda nga Yowani.Dangu di wuna wu ludi mugigegi mugi fwumu gi Gahungu gedi mbuda nga ndi.²⁹Dulagi du bidadi ye baadu bootsu,baa mu yugishilagi.Ba gumbudi mbi Gahungu gedi wu kiediga,ba sendi kega mbodiga gwedi Yowani.³⁰ Haa ba fadishi ye balongi ba ma tshigu ba duni mapandji mana ma Gahungu ga zolagi mbi ba hanga,ba duni kega gu senda mbodiga gwedi Yowani.³¹Yesu ga yagudi kega mbi:"ye naa lu fani fanigisa baadu ba dangu di?ba fanagani yenaa? ³² Ba fanagani ye baana ba dambaga ye gihani yi yudi baadu ba vula,mbi ba lendigi bega bana beega ba yagudi mbi:''dulubudidid mizigi ye maginu haa loo lu ginii!Du yimbi mi ma fwaa,haa binu loo lu didi!''³³Yowani batishite wu yi tshi ga dunagagi gudia mudiambu di gu samba Gahungu loo ga nwagaga malafu,haa lu ba yagula mbi:''loo gedi muhunga wu mbii"!³⁴Haa mwaana muudu wu yi tshi ga diagaga,ga nwagaga,haa lu yagulaga mbi:''dala muudu wu ga diagaga ngolu ye ga nwagaga malafu ngolu,gedi ndugu wu dulagi ye wu baadu ba masumu!'' ³⁵ Haa ndungi dji Gahungu dji monigaga dji yabagani gwedi baadu bana bootsu ba mu gumbulaga.³⁶Mufadishi wu moshi ga lendigi Yesu mugwitsa dia gu nzu yandi.Yesu bu gi tshi,haa ndi ga shigumugi ye meesa mugu dia. ³⁷ Ye dina gu gadi mu kedu ga hanga gi ndumbu.Dangu di ga yugi mbi Yesu kedi muni gu dia gu nzu wu mufadishi ga nedi mulangi wu moshi wu ba hangi ye daadi Albadi;mulangi wuna ga gadi wu guyula ye madiashi. ³⁸Gi tshi manana gu ngoyi yi Yesu mu milu.Ga gadi muni dila,tsanga diandi dji yandigi gu noga ye londi di milu mi Yesu.Bwoona gadibi milu mi Yesu ye tsugi djiandi ga mi hegi beshi ga mishi madiashi.³⁹Mu fadishi wuna ga lendigi Yesu,dangu di gadadi ma pandi mana ga yandigi gu yagula gu mbundu mbi:"mbi mu kiediga muudu ga gadi mbigudi ga kanda yaba mu kedu wu wubagama gedi naa,mbi kega mukedu gedi ki mutindi;ga kanda yaba mbi gedi ndumbu!" ⁴⁰ Dangu di,Yesu ga ledi mu fadishi wuna mbi:"Shimoni,yedi ye ma pandi ma gu gulela."Shimoni mbi:''longi,yagula.''⁴¹Yesu mbi,''gu gadi ye baadu boodi,ba gadi fwuga yi muudu wu moshi wuna wu defisaga baadu mbongu.Muudu wu tegu wu defii ndondu kama dji danu,wu djiodi ga defii ndondu magu madanu.⁴² Loobaa gadi ye mbongu dji gu fuda fuga yina.Bwoona,muudu wuna wu baa defishi mbongu ga badudi fwuga yina ba ba boodi.Mu kadi ga baadu baa ba bootsu naa wu lunda gu mu zola ngolu?'' ⁴³ Shimoni mbi:"Yi ba dala mbi muudu wu mu zola ngolu muudu wu defi mbongu dji vula.''Yesu mbi:"wu yagudi pimbu."⁴⁴Dangu di,ga balumugi gu gadi mukedu wuna,haa ga ledi shimoni mbi:"wu mukedu wu?Yi godi mu nzu yagu,bwoona loo wu pegi mudiambu di gusugula milu miami.Haa mukedu wu sugudi milu miami ye tsanga djiadi,haa ga migusumuni ye tsugi djiandi. ⁴⁵ Loo wu pegi beshi.Haa ndi,yandiga dangu di yitshi goda,ga ba hega milu miami ma beshi.⁴⁶Loo madiashi mu mudu.haa mukedu wu kwidi madiashi mu milu. ⁴⁷Bwoona,yi ba gu gulela mbi gu zola guna guneni gu galeshi gu ba lesa mbi Gahungu wu mu loludi,shi bu hangi masu ma vula.Haa muudu wuna kondi hanga masumu ma vula,mbi Gahungu wu mu loludi,muudu loo galesa luzolu lu vula.''⁴⁸Dangu di Yesu ga ledi mukedu wuna mbi:''Gahungu.⁴⁹Baadu bana ba gadi meesa ma moshi ye Yesu ba yandigi gu yagula ba beeni mbi:"muudu wu wubalolula baadu gedi naaa? ⁵⁰Haa Yesu ga ledi mukedu wuna mbi:"lugwigilu lwoogu lu gu hulushi;nda pimbu.''

Chapter 8

¹Dangu di Yesu genda ye ma bula ma neeni ye mabula ma digi-digii.Ga longagi tsangu dji pimbu dji gi fwumu gi Gahungu.Ba longogi bootsu guumi ye boodi bendagi ye ndi. ² Bakedu beega bana ba gindi mu mihunga ye mu makashi ma baa,ba gadi muni gwenda ye ndi kega:Madiya,wuna wu balendigagi Madiya wu bula di Magadala,mukedu ga dugi mu mihunga mi tsambwadi mi mbii;³ Yowani mukedu wu Kuza,muudu wu gisalu wu leta mu gi fwumu gi Yerode Antipashi,Suzana;ye ba kedu beega beengi ba gadi muni hana bima bi baa mudiambu di gu sadisa Yesu ye ba longogi bandi.⁴Baadu ba gadi muni dugaga mu mabula ma vula;bi tsagi gwedi Yesu.Dangu baadu ba vula ba gadugi gi hani gi moshi,Yesu ga ba deedi gi ngana gii: ⁵"Muudu wu moshi ga dugi mu nzu yandi gendi mu gu guna kuna diandi.Dangu di gu djiguna mu mangundu,kuna sdjiega djie bwaa mu kadi ga ndjila baadu bitshi gu djiniada,ba nuuni keega bitshi gu dji dia.⁶ Kuna djiega djie bwaa mu manu ma madadi.Dangu di meeni kuna dji yiminini,mudiambu manu loo ma gadi ye mwetshi.⁷Kuna djega djie bwaa mukadi ga bi ngangi.Bi ngangi bieni bi meeni ndjila yi moshi ye djia,bwoona dji bigangi mishi. ⁸ Kuna djiega djie bwaa mu manu ma pimbu dji meeni,''bwoona gosu gi menina gi budji kuna djiega.''Bwoona Yesu mbi:"gosu muudu wuna wedi ye matsu,ga yuuga!''⁹Ba longogi ba Yesu ba mu yufudi gi songidila gi gingana gina. ¹⁰Ga yagudi mbi:"Gahungu wu luhegi ndjila wu gu yaba mapandi ma gitsweegi ma gi fwumu giandi,haa baadu beega ba yugaga mapandi mana mu bingana kaga,mudiambu loo ba dadi shi ba dalaga;mudiambu ba kada gu bagisa shi bu ba yugi.''¹¹''Gi songidila gi ngana gina giagi:"kuna djiedi tsangu dji Gahungu. ¹²Baasdu beega beedi nga ndjila.Kuna djiega dji saga bwaa mu ndjila;ba yugaga tsangu djina,haa sadana gitsaga ga dula tsangu djina mu mbundu yi baa mudiambu ba kada gwigila,kada guluga kega.¹³ Baadu beega kega beedi nga manu mana ye londi di madadi kuna djiega djisaga bwaa mu manu mana.Dangu di ba yugaga sangu djina ba dji gumbulaga ye gieshi.Haa loo ba gangaga mbundu,tunda ba dji gamaga.Ba gwigila mu dangu dji dcigi-digii gu hwii,haa mbi gadipemba bu ga meegi ba dunaga tsalu tsangu djina.¹⁴Baadu beega beedi nga kuna djina djiendi bwaa mu kadi ga bingangi.Ba yugaga tsangu djina,haa mudangu di bendaga mu ndjila,mapandi ma ba hega pashi gu mbundu,gi mvwaama ye gieshi gi ludjingu luu,lu yi tsaga gu bagamga ndjila.Buna kuna dji baa loo dji yelelagagi. ¹⁵ Baadu beega beedi nga kuna djina djiendi gu bwaa mu manu ma pimbu ba yuigaga tsangu djina,ba dji gebaga gu mbundu yi pimbu peenza.Ba landagagi tii gwoona gu ba fani buda kuna.''¹⁶"Loo shi muudu wu moshi wu lemisaga mwiinda mudiambu ye gu mubada gatiini mbi loo mu gu mu saa gu mashina ma giandu.Haa ba mu sagaga ye londi di meesa bwoona baadu bana ba bagoda mu nzu ba fani mu dala mwiinda muni leema. ¹⁷ Mudiambu mapandi mootsu mana meedi ma ga swamana,ma moniga gu misu ma baadu;mapandi mootsu ma gitswegi,bu ba mayaba,bu ma yabagana kaga.¹⁸ ''bwoona ge bani mu pila yina yi lu yugaga mapandi.Mudiambu muudu wuna wedi ye bima Gahungu ga mu lunda bima biega;haa muudu wu kondi gima,Gahungu ga mugadula shi gandambu gena ga gaba yindula mbi geedi gia.¹⁹Ngudi wu Yesu ye ba pandi ba Yesu bi tshi dinga ndi,haa loo badadi pila yi gu guma ye gihani gi ga gadi,mudiambu baadu ba gadi ba vula.²⁰ Baadu ba ledi Yesu mbi:"dala ngudi woogu ye ba pangi bagu,beedi ye ndjila.Ba zodi gu gudala.'' ²¹Ga ledi baadu bootsu mbi:"ngudi wami ye ba pangi bami beedi baadu bana ba yugaga tsangu dji Gahungu ye ba dji landagagi.''²²Gi lumbu gi moshi Yesu ga godi mu bwaadu ye ba longogi bandi ga ba ledi mbi:"du sabugani gu shimu di yanga di.''Bwoona beendi. ²³Dangu di ba sabugagi,Yesu ga nimbi.Muhunga wu ngolu ga yandigi gu nigisa mwetshi bwaadu bu yandigi gu yula mwetshi,bwoona ba gadi ye gi gonza.²⁴Ba longogi beendi niamugisa Yesu gu gilu bwoona ba mu ledi mbi:"fwumu,fwumu,du ba zola fwaa!"Yesu ga shamugi gu gilu.Ga nganini muhunga ye mwetshi:ga guumi pwedee,bweoona ndambu yootsu yina ga guumi pwedee. ²⁵Dangu di ga yufudi ba longogi bandi mbi:"lugwigiluni?"Haa ba bagami,ba yidugi ngolu.Ba yandigi gu yagula baa ye baa mbi:"muudu wu geedi kii mutindu?Ga ba nganina shi muhunga shi mwetshi,bwoona muni gu muyugila!"²⁶Ba sabugi mwetshi,bwoona bi tshi guma mu manu ma baadu ma geraza,manu mana meedi shimu ye shimu ye manu madileya. ²⁷ Dangu Yesu di gaduga mu bwaadu,muudu wu moshi wu bula di moshi di manu mana gi tshi wana Yesu.Muudu wuna ga gadi ye mihunga mi mbii yandiga gu mwaga,loo ga vadaga mi leedi,loo ga djingaga kega mu nzu,haa mu ma djiamu.²⁸Dangu di gadadi Yesu,ga shi milolu,ga bwii ye milu mi Yesu,bwoona ga yandigi gu yagula mundaga yi ngolu mbi:"ndji mwaana wu Gahungu,kii mapandi ndji yemi?Padidon loo gutadisa pashi!"²⁹ Muudu wuna ga ya gudi buna m,udiambu Yesu ga lela muhunga wu mbii muguduga gwedi ndji,mudiambu muhunga wuna ga mu gamagagi mbala dji vula.Ba mu gangagagi miyololu mumioogu ye mu milu,mudiambu ndi loo ga dini.Haa muni gesa mi yololu mina,mihunga mimbii mi munedagi mu bihani mi kondi baadu.³⁰Yesu ga muyufudi mbi:"djina diagu naa?"Ndi mbi:"djina diami ndonga''yi neeni''mudiambu mihunga mimbii mi vula migodaga gwedi ndi. ³¹ Mihunga mimbi mi yandigi gu wondila Yesu mbi:"loo gu dumisa gu bilungi."³²Ba ngulu bavula ba gadi yena pena-pena,ye londi di gamundonda.bu benda dia.Mi hunga mi dingi ndjila gwedin Yesu mbi:"du hega ndjila,dwenda du goda mu ba ngulu bana'',bwoona ga mi hegi ndjila.³³ Dangu di mihunga mi mbii midugi gwedi muudu weeni,miendi goda gwedi ba ngulu bana,bwoona ba ngulu bootsu ba gadugi tiinu ye londi di mundonda,beendi bwaa ye yanga,bwoona ba fwii mu mwetshi.³⁴Baadu bana ba gadi muni dala ba ngulu dangi di badadi mapandi mana,ba diini gu baa.Bendi yabigitsa muvula ye mu mabula. ³⁵ Baadu bi tshi mudiambu ye gudala kii mapandi ma bwaagi.Bitshi guma gi hani gi gadi Yesu badadi muudu wuna Yesu wu gadushi mihunga mimbii.Muudu weeni ga gadi ye milu mi Yesu,wu vadi miledi,wu guumi muudu wu mabanza ma pimbu,bwoona booma bu ba gami.³⁶Baadu bana badadi mapandi ba yandigi gu lela baadu beega kii pila muudu wuna ga gadi ye mihunga mimbii ga gindi.³⁷ Dangu di,baadu bootsu ba manu mana ba dingi gwedi Yesu mu gu gaduga ye ma baa,mudiambu ba yugi booma bu vula.Ya yena,Yesu gendi goda mu bwaadu mudiambu mu vuduga.³⁸Muudu wuna Yesu wu gadushi mihunga mimbii ga woondidi Yesu mbi:"dwenda yendi.''Haa Yesu ga mu vududidi mbi: ³⁹ ''Vuduga gu nzu yagu;lela baadu mapandi mana ma guhangi Gahungu.''Ge lela baadu bootsu ba bula mapandi m,ootsu ma muhangi Yesu.⁴⁰Dangu Yesu di gitshi vuduga gu shimu di yanga,baadu ba vula bi tshi muyamba,mudiambu ba bootsu bu ba mugingilagi. ⁴¹ Dangu di muudu wu moshi gi tshi guma guna,djina diandi Yedishi;ga gadi fwumu yi nzu yi bisambu yi ba yuuda.Ga fugamani mu milu mi Yesu,bwoona ga wondidi Yesu mu gwenda gu nzu yandi. ⁴² Mudiambu ga gadi ye mwaana wu moshi kega wu mukedu.Mwaana wuna ga gadi gidesu gi ma mvula gumi ye moodi ga gadi pena-pena ye lu fwaa.Dangu Yesu di genda gu nzu di Yedishi baadu ba vula benda mu ganga ndjila.⁴³Mukedu wu moshi wu gikashi ga gadi ye kadi baadu bana,meengi ma mudugagi yandiga mamvula guumi ye moodi.Ga manishi mbongu djiandi djioosu gwedi ba minganga,haa shi munganga wu moshi loo ga mugindishi. ⁴⁴Gi tshi fwinama pena-pena gu ngoyi Yesu.Ga gami tsongi yi muledi wandi.Dangu dina kaga,makashi mandi ma hwii.⁴⁵Yesu ga muyudi mbi:"naa wu kami?"Baadu bootsu ba yandigi gu duna.ye yena piela ga yagudi mbi:"fwumu,baadu ba vula ba bagugu djieda-djieda,beedi mu gu guyina-yina mundambu djiootsu.'' ⁴⁶Haa Yesu mbi:"muudu wu kami;mudiambu yi yugi ndambu yi ngolu yi dugi mu luudu diami.''⁴⁷Mukedu loo gadadi pila yi guswamana.Ya yena gitshi degida.Ga fugamani gu milu mi Yesu.Gu misu ma baadu bootsu ga ledi Yesu mudiambu di kii ga mu gami,kii mutindu ga gindi mbala moshi.⁴⁸ Yesu ga mu ledi mbi:"Maama wuu,lugwigilu lwoogu lu gugindishi,ndaa pimbu.''⁴⁹Dangu Yesu di ga gadi kaga muni yagula,muudu wu moshi ga dugi gu nzu Yedishi gitshi lela Yedishi mbi:"mwaana woogu wu mukedu wu fwii.Loo gu yangisa kega longi.'' ⁵⁰ Haa Yesu ga yugi mapandi man bwoona ga yandigi gu lela Yedishi mbi:"loo guyuga booma;gwigila kaga,bwoona mwaana woogu ga ginda.''⁵¹Dangu di ga gumi gu nzu yi Yedishi,ga ledi baadu mbi:"shi muudu wu moshi loo ga goda mu nzu ye mi,kaga piela,Yowani,Yagobu,dada ye gudi wu mwaana.'' ⁵² Baadu bootsu ba dilagi ngolu ye gubaga miledi mudiambu lu fwaa lu mwaana wuna lu bahegi kenda.Yesu mbi:"loo gu dilani;mwaana loo ga fwii,haa wu nimbi gilu.''⁵³ Ba yandigi gu museya,mudiambu bu ba yabi mwaana wu fwii wu muhundu.⁵⁴Haa Yesu ga gami mwaana mu gogu ga mu ledi mu ndaga yi ngolu:''mwaana niamuga!'' ⁵⁵Mwaana ga sendi kega mooni,bwoona mu mbala yi moshi,ga niamugi.Dangu di Yesu ga ba ledi mu guhega madia. ⁵⁶Dada ye ngudi wu mwaana wuna ba yidugi ngolu,haa Yesu ga ba ledi mbi:"mapandi maa mabwii yaa,loo gu lesani shi muudu wu moshi.''

Chapter 9

¹Yesu ga lendigi ba longogi bandi gumi ye boodi.Ga ba hegi ngolu ye giyega gi gudusa mihunga miootsu mi mbi ye gu gindisa baadu ba gikashi. ² Ga ba dumishi mudiambu gi gwe lela baadu tsangu dji gi fwumu gi Gahungu ye wu gu gindisa ba kashi.³Ga ba ledi mbi:"loo gu nedani shi gima gi moshi shi mudi loo,shi ga waba loo,shi madia loo,shi mbongu loo;loo gu nendani shi ma sumishi moodi-moodi. ⁴ Gosu nzu yina yi ba lu yambi,galani muna tii gwoona gu lu gaduga ye bula dina.⁵Mu gosu bula dina di gonda gu lu yamba,ga dugani ye bula dina.Dangu di lu ba gaduga lugumunani milu mi binu mudiambu ye gu gadula fududu yina yedi gu mashina ma milu ma binu,mu pila mbi ba yaba mbi ba hangi mbii. ⁶Dangu di,ba longogi beendi;beendi mu gu luda mu mabula mootsu.Beenda ya bisa tsangu dji pimbu ye gu gindisa beeni bi kashi.⁷Dangu di guvedinela Erodi antipashi ga yugi mapandi mootsu ma hangagi Yesu,bwoona ma banza mandi ma gumi gisaga-saga.Mudiambu baadu beega ba yagula mbi:"Yowani mbodigi wu niamugi mu lu fwaa.'' ⁸ Beega mbi Ediya wu yitshi moniga.''Beega mbi:"mu kadi ga ba mbigudi ba gumwaga,mbigudi wu moshi wu niamugi mu lu fwaa.'' ⁹ Haa Erodi mbi:"Yowani?Mi yi mugeshi mudu.Haa muudu wuna gu fani gala naa wu yi ba yuga mapandi maa?"Bwoona ga yandigi gu dinga pila yi gu dala Yesu.¹⁰Dangu di ba tumwa bitshi vuduga gwedi Yesu,ba mu ledi mapandi mootsu ma ba hangi.Ga ba sendi,beendi yeb ndi mu gu gala kaga baa beeni gi hani gi moshi pena-pena ye bula di Betisayida. ¹¹Haa baadu ba vula ba yugi mapandi mana,bwoona bi tshi mu landa Yesu ga ba yambi,ga yandigi gu ba lela tsangu dji gi fwumu gi Gahungu,ga gindishi kega baadu bana ba gadi ye makashi.¹²Dangu di djiama dangu,ba longogi bootsu guumi ye boodi bi tshi lela Yesu mbi:"lela baadu beenda mu ma bula maneeni ye mu mabula ma digi-digii mudiambu ye gwenda dinga madia ye bihani bi gunimba.Mudiambu gu dwedi mu ntsegi.'' ¹³ Haa Yesu ga ba ledi mbi:"binu beeni ba hegani madia ba mbi:"dwedi ye mapaa madanu ye ba mbitshi boodi ba mwetshi.Haa wu zodi du ba sumbila madia?'' ¹⁴ {Ba bagala bana ba gadi guna magu madanu}Yesiu ga ledi bas longogi bandi mbi:"lelani baadu bootsu ba shigumuga mu gi mvuga mu gosu gabu baadu gi desu magumi madanu."¹⁵Ba longogi bandi,ba hangi bwoona,ba ledi baadu bootsu mu gu shigumuga. ¹⁶ Yesu ga sendi mapaa mana mootsu madanu ye ba mbitshi bana boodi.Gadadi gu yilu,ga hani madonda gwedi Gahungu mudiambu ye madia mana.Ga mageshi bidini-bidini ga mahani gwedi ba longogi bandi mu gu gabila baadu. ¹⁷Baa bootsu ba di,ba yugudi.Balongogi ba yudishi bi sandji guumi ye bioodi mu bidini bi mapaa ye bi bambitshi bina bi sadi yatshi.¹⁸Gi lumbu gi moshi Yesu ga gadi muni sambila Gahungu ndi beeni.Balongogi bandi bitshi gwedi ndi.Ga ba yufudi mbi:"baadu ba yagulaga kii mudiambu ye mii? ¹⁹ Ba yagulaga mbi:''baadu beega yagulaga mbi ndi wedi Yowani mbodigi;beega mbi Ediya,beega mbi mbigudi wu moshi mukadi ga ba mbigudi ba tunda wu shamugi mu lu fwa.''²⁰Dangu di Yesu ga ba yufudi mbi:"bwoona binu lu yagulaga mbi yedi naa?"Piela mbi:"weedi mesiya wu Gahungu!²¹ Yesu ga ba shidi tshigu mbi:loo gu yagulani mapandi maa shi gwedi muudu wu moshi.²² Ga yagudi kega mbi mwaana muudu ga fani dala pashi djivula.Ba mbuda nganga ba Gahungu ye ba longi batshigu,bu ba muduna,bu ba muzuwa.Bwoona mu gilumbu gi dadu Gahungu bu ga mushamugisa mu lu fwaa.²³haa ga ba ledi ba bootsu mbi:"mbi muudu bu zodi gwitsa ndanda loo ga fani yi ndula kega ludjingu lwandi ndi,ndi beeni;haa ga senda kulundji wandi gosu gilumbu,gitsa ga ndanda. ²⁴Mudiambu gosu muudu wuna wu zodi gu hulusa mooni wandi,bu ga dibisa,haa gosu muudu wuna wu bidisa mooni wandi mudiambu ye mi bu ga dihulusa.²⁵ Kii fwunu muudu mu gu gala ye bima biootsu yaa ye londi di manu,mbi bu ga bidishi ndjila yandi mbi loo wu fwii?²⁶Haa mbi muudu bu ga zugi tsooni mbi loo wu dadi malongi ma mi tsooni,mwaana muudu ga mudala kega tsooni dangu di ga gwitsa vuduga mu lugumu lwandi,mu lugumu lu dada Gahungu ye mu lugumu lu ba wandjio ba Gahungu. ²⁷Yi ba lu lela mapandi ma kiediga,baadu beega yaa,bu ba fwaa shi buni tii gwoona gu ba dadila gi fwumu gi Gahungu.²⁸Dangu Yesu di ga mani mapandi mana,posu yi moshi yi ludi bwoona ga sendi Piela,Yowani ye Yagobu.Gendi ye baa ye londi di mundonda guna gendi mudiambu di gu sambila Gahungu. ²⁹Dangu di ga sambilagi,mbunzu yi balumugi pila yega,miledi miandi mi gumi peembi shela.³⁰Mu gitulumugila baadu boodi ba monigi guna,ba gadi muni solula ye Yesu!Baadu bana baa,baa:Mososhi ye Ediya,. ³¹Ba gadi muni ye lugumu lu yilu.Ba gadi munisolul;a ye Yesu mudiambu di lu fwaa luna lwoondi lu ga fani gwenda gu fwaa gu Yelusalemi.³²Piela ye baadu bana ba gadi yendi,ba gadi muni mimba gilu gi ngolu.Haa dangu di ba shamugi gu gilu bu badadi lugumu lu Yesu,ba kega badadi ba bagala bana boodi ba manani gihani gi moshi ye ndi.³³ Dangu Mososhi ye Ediya ba gadi mu gu shisa Yesu mudiambu di gu vuduga,Piela ga mu ledi mbi:"fwumu,gwedi pimbu mu pila yi dwedi yaa.Du dunga bi sasa bi dadu,gi moshi mudiambu ye ndji,gi moshi mudiambu ye Mososhi,giega mudiambu ye Ediya.'' {Piela loo ga yabagi mapandi mana ma gayagulagi.}³⁴Dangu di ga gadi muni yagula kaga,duda di yitshi ba fidimiga ba bootsu,bwoona,dangu ba longogi badadi mbi duda di yitshi ba fidimiga,booma di bu basendi.³⁵ Bwoona yi dugi gu duda dina mbi:"wuu gedi mwaana wami wu yi zolaga.Lu mu yugilaga." ³⁶Dangu di dugi ndaga yina bwoona,loo ba dadi kega muudu wega,kaga Yesu ndi beeni.Balongogi ba gadi pweede.Mu dangu dina,loo ba ledi shi muudu wu moshi mapandi mana ma badadi.³⁷Mu gilumbu gi landi,bi tshi gulumuga gu mu ndonda,bwoona baadu ba vula bitshi wana Yesu. ³⁸ Muudu wu moshi mu kadi ga baadu bana ga yangudi mu ndaga yi ngolu mbi:"longi,yi ba gu guwondila mu gwenda dala mwaana wami wu bagala,mudiambu loo yedi ye mwaana weega. ³⁹Muhunga mimbii wu mugamaga,bwoona ga yagulaga mundaga yi ngolu,ga gonaga,ga dugaga mafulu-fula gu ganu,ga lwalaga bwoona muhunga wuna ga mushisaga ye londi di pashi. ⁴⁰Yi wondidi bangugi ba gogu,haa loo ba kugi.''⁴¹Haa Yesu mbi:"yaaa...binu baadu baa loo lu gwigilaga,binu baadu lu bidi ndjila yi pimbu!Yi fani lu gangila mbundu tii kii dangu?Yi zaa wu needa mwaana woogu yaa.''⁴² Dangu di tsaagi mwaana wuna pena-pena Yesu,muhunga wuna ga mu bwishi mu manu,bwoona ga yandigi gu gona.Haa Yesu ga nganini mihunga wuna,ga gindishi mwaana,bwoona ga vudidi mwaana gwedi dada wandi.⁴³Baadu bootsu ba gadi muni yiduga ngolu mudiambu ye ngolu dji neeni di Gahungu.Dangu baadu bootsu ba gadi muni yiduga mudiambu ye mapandi mana mootsu mahanga Yesu,Yesu ga ledi ba longogi bandi mbi: ⁴⁴"Gamani pimbu mapandi maa ma yi ba lulela:bu bahana mwaana muudu gu mioogu mi baadu mudiambu ba mugama. ⁴⁵ Haa loo ba yabagi maspandi mana ma yagula Yesu;Gahungu loo ga ba hegi ndugi di guyaba gisongidila gi mapandi mana.Bwoona ba gadi mu booma mu gu yufula Yesu mapandi mana.⁴⁶Ba longogi ba yandigi gu saa teembi mu gu yaba naa wu ludi buneeni mukadi ga baa. ⁴⁷ Yesu bu ga yabi mabanza ma baa.Bwoona ga sendi mwaana wu kunda,ga mu niamugishi pena-pena yendi, ⁴⁸Haa ga ba ledi mbi:"gosu muudu wuna wu yamba mwaana wu mudjina djiami,mu nzambi mi beeni;gosu muudu wuna wu banzamba yagula mbi ga yambi kega muudu wuna wu tumi.Mudiambu muudu wuna wu ludi kunda mu kadi ga binu bootsu,ndi wu ludi bu neeni.''⁴⁹Yowani ga yagudi mbi:"fwumu,du dadi muudu wu moshi guna ga dusaga mihunga mbii mu djina diagu.Du mu ledi mbi:"loo gu hanga kega buna mudiambu loo wedi muudu wu pidu."⁵⁰Haa Yesu mbi:"loo lu fani mu lela buna.Mudiambu muudu wuna loo gedi mbeni wu binu,gedi ndugu wu binu.''⁵¹Bilumbu bina bi shi Gahungu mudiambu ye gu gadula Yesu ye londi di manu ye gu zangula gu yilu gu gumi Pena-pena,bwoona Yesu ga geshi mbi ga fani gweda kaga gu bula di Yelusalemi. ⁵² Ga dumi ba tumwa beega gu misu.Dangu di beendi,bee goda gu bula di moshi gu manu ma Samadiya mudiambu ye gu muyidigila mapandi mootsu. ⁵³ Haa baadu bula dina ba duni mu gu muyamba,mudiambu ba yaba mbi bu geenda gu Yelusalemi.⁵⁴Dangu ba longogi baa baYagobu ye ba Yowani ba dadi mapandi mana,ba yufudi mbi:"fwumu,haa wu zodi mbi du lendiga mbaa du yilu,dwitsa du zuwa baadu baa bootsu?'' ⁵⁵ Haa Yesu balumugi gu ndambu yina yi gadi ba longogi bana,bwoona gayandigi gu ba nganina. ⁵⁶Dangu di ba gadugi gu bula dina,beendi gu bula djiega.⁵⁷Dangu di ba gadi kaga mu ndjila,muudu wu moshi ga ledi Yesu mbi:"yi fani gu gulanda gosu guna gu wu ba geenda.''⁵⁸ Yesu ga yagudi mbi:"migengi miedi mu mawulu ma miaa,mudiambu gu nimba,ba nuni beedi ye mayamba ma baa,haa mwaana muudu loo gedi gihani gi fani nimba.⁵⁹Ga ledi muudu weega mbi:"yi zaa witsa wu ndanda.''Haa muudu wuna mbi:''fwumu,peega teegu ndjila yenda yi djiga dada wami.'' ⁶⁰ Yesu mbi:"yambula baadu bana ba fwii ba djiga baa ye baa,haa ndji ndawenda wu longa ntsangu dji gi fwumu gi Gahungu.⁶¹Muudu weega kega ga mu ledi mbi:"fwumu,bu yi gwitsa gu gulanda.haa peega teegu ndjila mu gwenda hega gi ganda giami mbodi yi tsuga.'' ⁶² Haa Yesu mbi:"muudu wuna wu bongi demu,wu ba zola bundula manu mbi bu gadadi gu ngoyi loo ga fani mu gu hanga mu gi fwumu gi Gahungu.

Chapter 10

¹Gu ngoyi yi bima bina,fumu ga sodi beega ma gumi ma ntsa mbuadi,ye ga ba dumi boodi -boodi gu misu mandi mu gosu vula ye gihani gina gi dzolagi ndi beeni mu guenda. ² Ga ba ledi:<³Ndaani!dalaa,yi ba luduma nga ma mema mu kadi ga ba koyi.⁴ loo gu bonga shi mbongu,shi ngaga yi gu gibila,shi biladu,ye loo guhega shi mudu mbodi mu ndjila.⁵Gosu nzu yina lugodaa,ya gula tegu mbi:"ngemba yi gala mu kadi ga binu." ⁶ Mbi mudu wu moshi wu ngemba wedi mu nzu yina,ngemba yagu yisala guedi ndi,haa mbi loo ngemba yina yi vuduga guedi binu. ⁷ Galaani mu nzu ya yina,diani ye nuaani bina bi baluhegi,ye buna mudu gisalu ga bongaga lufudu luaandi.⁸Mu gosu buladina di lugoda mbibu ba luyambi, diaani gosu madongu mana ma baluhega. ⁹ Gindisani ba kashi gu bula dina,ba lelani :"gi fumu gi Gahungu gi gumi pena-pena guedi binu.¹⁰Haa gosu buladina di lu gwee goda,mbi loo ba luyambi,dugani mu bala-bala,ya gulani mbi: ¹¹"Du ba gusumuna milu mipiidu mudiambu di gu gadula shi fududu yina yi laminini gu bigandzu bi pidu mudiambu di gu lulesa mbi bina bi luduhangi.Haa lu fani ya ba mbi gi fumu gi Gahungu gi gumi pena-pena. ¹² Yi ba gu lulela mbi:<¹³Kenda guedi binu baadu ba bula di golosani!Kenda guedi binu baadu ba bula di bedisayida!mudiambu bi dimbu bina bi ludadi gu ma bula ma binu,mbi baadu ba bula di Tidiya ye shidoni ba bidalaga,nga tunda yina bandzolagi gu shigumuga mu gushimuga,ba dzolaa vada matsagi,ba dzola kega gudiguida fududu yi mbaa mu ludu di baa mudiambu di gu lulesa mbi ba balumuni mbundu.¹⁴ Haa mu gilumbu gina Gahungu gi gasambisa baadu,ndola yi baadu tiidi ye baadu ba shidoni dji gala dji digi-gidii haa ndola dji binu dji gala dji vula. ¹⁵ Buoona binu baadu ba bula gapedinawumu,luba yaba mbi Gahungu ga ludzagula ye gu yilu?loo,ga lumatsa gu bilungi!Yesu galedi kega balongugi bandi mbi:"mudu wuna wu lu yugidi,bu ga ndzugidi kega; mudu wuna wu luduni,bu ga tuni kega;buoona mudu wuna wu tuni wuduni keda mudu wuna wu tuumi.¹⁷Ba longugi bana magumi ma tsabuadi ye boodi bitshi vuduga ye gieshi.Ba ledi fumu Yesu mbi shi mihunga mi mbi kega bu midulemvugilagi dangu di du milesagi mu djina diagu muguhanga gosu ma pandji mana!¹⁸ Ndi mbi:"bu yi dadi gadiapemba di gadugi gu yilu,muni guitsa gu lumega mu manu nga nzatshi.¹⁹ Yu gani!yi luhegi gi yega gi gu niada ba talatshi ye ba kudu,gi yega gi gundzuwa ngolu diootsu dji mbeni,buoona shi gima gi moshi loo gi fani gu luhanga mbi. ²⁰ Luyugegu gieshi mudiambu mihunga mi mbi mi luyugilagaa,haa galani mu gieshi mudiambu Gahungu wu sonigi ma djina ma binu gu yilu.Mu dangu diadina,Yesu ga dadi gieshi mu lusalusu lu muhunga lu Gahungu buoona ga ya gudi mbi:"Dada, ndji mudu wedi wu manu ye wu yilu,yi ba guhega ma donda mudiambu ma pandi mana ma wu swegi guedi badu ba mayela ye guedi baadu bana balongugi wutshi malesa guedi baadu bana ba gondi longuga.Eeh,Dada,ndji wu hangi buna mudiambu di gu gu hega gieshi.Daada wami wu ndeshi ma pandi mootsu shi mudu loo gayabi mbimwana gedi naa,haa Dada buna wu yabi.Shi mudu wu moshi loo ga yabi mbi dada gedi naa haa mwana buna wu yabi ye baadu bana ba dzola mwana bu ba yaba mbi dada gedi naa²³Dangu di Yesu ga balumugi gu ndambu yina yi gadi balongugi bandi,buoona ga leshi baa buna:"Gieshi guedi binu baadu lubadala ma pandi maa! ²⁴ Yi ba gu lulela mudiambu mbi bambigudi bavula ye bafumu ba vula, ba gadi ye nzala mu guda ma pandi maa malu badala,haa loo ba dadi.Ba gadi ye nzala yi guyuga ma pandi ma lu ba yuga haa loo bama yugi.²⁵Dangu di longi wu moshi wu matshigu gitshi guedi Yesu mudiambu ga mu mega.Yesu ga muyufudi mbi:"longi,kii fani hanga mudiambu yi senda moni wu mvula ye mvula?²⁶ Yesu mbi kii ma pandi ma ba sonigi mu ganda mi tshigu?Dangu di wu midangi kii pila wu ba mi yaba? ²⁷Longi wu ma tshigu mbi wu fani dzola fumu Gahungu woogu mundu ya gu yootsu mu ludzolu lwoogu lwootsu,mu ngolu djiagu djiotsu ye mu mabanza magu mootsu,kega:wu fani dzola pangiagu nga ndji beeni. ²⁸ Yesu mbi:"wu ya gudi pimbu,hanga bwoobuna haa wu gala ye moni.²⁹Longi wuna wu ma tshigu ga dinga pila yi gudi bingisaa.bwoona ga yu fudi Yesu mbi:"naa pangi wami wuna? ³⁰ Yesu mbi:'mudu wu moshi ga dugi gu bula di yelusalemi,gendagi gu bula diyeedigo.Mundjila,beebi ba mugami, ba mu gadudi mi ledi,ba mu budi,bwoona bendi gu baa.Ba mushishi pena-pena mu gu fwaa.³¹Nganga Gahungu wu moshi gi tshi luda mundji ya yina.Dangu di gadi mudu wuna mu mbimba ndjila,ga ludi mu mbimba ye ga. ³² Gi desu gi moshi,mudu wu moshi,wu gi ganda gi Levi gi tshi ye gihani gieni gina.Dangu di gadadi mudu wuna,ga ludi kega mu mbimba yega yi ndjila.³³Haa mudu wu moshi wu manu masamadiya gi tshi luda mu ndjila yina,Ga gumi ye gihani gigadi mudu wuna.Dangu di ga mudadi,ga muyugidi kenda. ³⁴ Gendi pena-pena ye mudu weni,ga gu musaa matshi ma vinu mu mapuda bwoona gagangi ma puda mana.Dangu di ga mushi yelondi di punda wandi bwoona ga mu nedi mu nzu yi moshi banzenji ga mu satshi gwo guna.³⁵ Gadugi mudu wu dzodi wu suga,bwoona gahegi fumu wu ndzu yina yi ba nzenji.Ga muleshi mbi:"satsa mudu wuu.Dzotsu djina di luhangila,mbi bu yitshi vuduga,bu yi lu vududila.³⁶Mu gu manisa,Yesu ga mu yufudi:mu ma nunga magu,mu kadi ga baadu baa ba dadu na wu gadi pangi mudu wuna wu gami beebi?³⁷ Longi wu matshi mbi:pangiandui mudu ndona wu mu yugi kenda.Bwoona Yesu mbi:" ndji kega nda wu hanga gidesu gi moshi."³⁸Dangu Yesu di ga gadi mu ndjila ye ba longugi bandi mu gwenda gu bula di yelusalemi,ge goda gu bula di moshi,mu kedu wu moshi djina ndiandi Madida,ga mu yambi mu kadi ga nzu yandi.³⁹Madida gadi ye pangi waandi wu mukedu wu mugegi djina diandi Madiya,Madiyab ge gala pena-pena mu milu mi fumu Yesu ga yu gishilagi ma pandi mana ma longa Yesu.⁴⁰Mabanza ma Madida ma gumi gisaga-saga mudiambu ye bisalu bi vula bina bi ga gdi biaa.gi tshi lela Yesu mbi:Fumu loo wu badala bulu mbi mugegi waami wu sadi tshisa mu guhanga bisalu bi biootsu mi beeni? Gaa mu lela gi tsa mu gu tsadisa! ⁴¹ Fumu Yesu mbi:Madida,Madida ngindu djiagu dji gumi gisaga-saga mudiambu ye ma pandi ma vula. ⁴² Haa pandi yi moshi yedi funu.Madiya wu soodi pandi yina yi gu luda pimbu abina bi gonda mu gadula Gahungu.

Chapter 11Gi lumbu gi moshi Yesu ga gadi muni sambila Gahungu . Dangu di gasambidi gu hwi,mulongugi wandi wu moshi ga muledi mbi:"fumu,du longa kii pila du fani sambila Gahungu,mu pila yowani ga longa balongugi baandi".Yesu ga ba ledi mbi:<
³Duhega madongu ma pidu ma gosu gi lumbu.⁴Du lolula pidu baadu ba masumu,mudiambu du lolulaga kega baadu bootsu bana ba duhangaga ma mbi.loo gudu shisa mu gu dala pashi dji gu luda gidesu.>>⁵Yesu ga ledi ba longugi bandi kega mbi:<⁶ Mudiambu ndugu waami wu moshi wu ndjitshidi bu ga gibi,loo yedi shi gima gi gu muhega:>> ⁷ Haa mbi mudu wuna wedi mu kadi ga nzu wu vududi mbi:Loo gu nzangisa.Du gangi nzu gu mwaga,pidu ye baana ba mi dunimbi;''Loo yi fani shamuga kega mudiambu di gu guhega mapaa''. ⁸ Yi ba gu lulela mbi:shi loo ga shamugi mudiambu luedi bandugu baandi,haa ga mu hega bima bina biootsu bi gedi bia funu mudiambu loo mbi mu gi ndugu haa gu dinga gu ga ba dinga gu ga badinga gu gonda tsuga .⁹Yi ba lulela kega:''ndi ngani nga ba luhega; gogu dilani bu ba lugangula,ndingani buludala. ¹⁰ Haa,mudu wootsu wuna wu dingaga ga sendaga;mudu wuna wu dingaga ga dalaga,gosu mudu wuna wu gogudilaga, Gahungu ga mu gangula.¹¹Ki dada mu kadi ga binu,mbi muanaa bu ga dingi mbitshi wu fani muhega talatshi ye gi hani gi mbitshi? ¹² Mbi loo bu ga dingi diegi wu fani muhega kudu? ¹³ Bwoona,binu baadu ba mbi,luyabi buni gahana magabu ma pimbu guedi baana ba binu,mu gi guma giagina Dada wu binu wedi gu yilu ga lu hega Muhunga wu gedila guedi baadu beena ba mu dingaga!>>¹⁵Dangu di gadi buna Yesu ga tsadigisagi mi hunga mi mbi guedi mudu wuna wu gadi gihulu.Dangu di dugi mihunga mi mbi,gihulu ga yagudi.Baadu bootsu bagadi muni yi duga! ¹⁴ Haa baadu beega mu gadi baa ba yagulagi:''mu ndjila yi gadiapemba,fumu wu mihunga mi mbi,ga ba tsagadila mihunga mi mbi.''¹⁷Beega dzolagi gu mu mega.Buoona,ba muyudi mbi:''hanga gidimbu gi moshi gina gi balesa mbi giyega giagu gi gadugi guedi Gahungu gu yilu. ¹⁶ Haa Yesu bu gabi manunga ma baa.Ye gabaledi mbi:mu gosu gi fumu gina gi baadu ba banwaana baa ye baa talu yi baadu bana bu yi gulumuga,mbi baadu ba familidia di moshi ba gabulagani,familidia dina bu dibeeba.¹⁸Mbi gadiapemba munigabulagana ye baadu bandi ndi beeni,kii pila gi fumu giandi gi ndjinga kega?Mudiambu luyagagi mbiyi dusaga mihunga mi mbi mu ngolu dji gadiapemba. ¹⁹ Mbi yi mi tsadigisaga mu ndjila gadiapemba,mu ngolu djina ba longugi ba binu ba mi tsadigisagaa?mu gi guma giagina ba gala ba zushi ba binu. ²⁰Haa mbi tusagaa mihunga mi mbimu ngolu dji Gahungu,buoona gi fumu giGahungu gitshii guedi binu.²¹Mbi mudu wu muni gengidila nzu yandi ye mada mandi,bima biandi loo bi fani gala ye gigonza. ²² Haa mbi mudu wega wu muludi mungolu witshi munuanisa,buoona wu mu bedishi,ga mudambula mada mandi mootsu ye bima biootsu. ²³ Haa mbi mudu wuna wu gondi ndugu wami,gedi mbeeni wami;Mudu wuna kondaga tsadisa mu guvugisa baadu beega yemi ga ba pasagaa.²⁴Mbi muhunga wu mbi guedi mudu,gendaga luda mu bihani bi gonda muetshi mudiambu di gudinga gihani gi guhululuga.Mbi loo gi dadi gihani,gi yagula mbi:''yi vuduga munzu yami yidugi." ²⁵ Dangu di divudugi guna,mbi di dadi nzu yi waa gomba,ba yidigi pimbu, ²⁶Dangudi,di guesenda mi hunga mina miega mi sambuadi gu luda mina mi tegu mu mbi;mi hunga mina mi guitsa goda mu nzu yeni,buoona mi djinga mwoomuna.Buoona,gutsuga yi pandiyi ludjingu lu mudu wu luguma mbigibeeni guluda pila ga gadi tegu.²⁷Dangu Yesu ga mani gu yagula mapandi maa,mu kedu wu moshi mu kadi ga baadu bana ba gadi guna gitshi mulela mundaga yi ngolu mbi:"gieshi mu kedu wu guneda mu kadi ga dzumu diandi ye gu gunwisa mabeenu!" ²⁸Haa Yesu mbi:''loo,gieshi guedi baadu bana ba yugagi tsangu di Gahungu ye ba dilandaga!''²⁹Dangu ditshi baadu ba vula pena-pena Yesu,ga yagudi mbi:"Baadu ba dangudi beedi baadu ba moshi ba mbi!ba dingaga gi dimbu,haa Gahungu loo ga balesa gi dimbu giega haa ga ba lesa gidimbu giana gi mbigudi Yona buuna. ³⁰ Nga Yona ga gadi gidimbu mudiambu ye baadu ba bula di ninive,buoobuna kega mwanaa mudu ga gala gidimbu mudiambu baadu ba dangu di.Mugilumbu gina Gahungu ga sambisa baadu,todila-mu kedu wu gi fudi gi posu ga manana gi hani gi moshi ye binu baadu ba dangu di,buoona ga lu funda mudiambu ga gadugi gutsuga yi maanu mu gitsa yugama pandi ma mayela ma Salomoni ma gayagula.Haa aya guedi ye mudu wu moshi wu ludi Salomoni!Mu gi lumbu gina Gahungu gi ga sambisa baadu ba bula di ninive ba manana gi hani gi moshi ye binu baadu ba dangu di,buoona ba lufunda mudiambu ba balumuni mbundu mu dangu di ba yugi malongi ma Yona.Haa aya guedi ye mudu moshi wu ludi Yona!³³Shi mudu wu moshi loo ga lemisaga mwiinda mudiambu ga wu swega mbi loo mu gu fidimiga ga tine,haa ba sagaga ye londi di mesa buoona mbi baadu bitshi goda mu nzu,ba dala mwinda muni lema.³⁴ Misu magu medi nga mwinda wu ludu diagu.Mbi misu magu medi pimbu,ludu luoogu di muwundu kega diedi ye mwini.Haa mbi misu maagu medi ma fii,ludu luoogu di muwundu kega diedi piba. ³⁵ Wu fani dala pimbu-pimbu mbi mwini wuna wedi guedi ndi di konda guma piba. ³⁶ Buoona mbi ludu luoogu lootsu luedi ye mwini,shi ndambu yi moshi loo luedi ye piba ludu luoogu lu mu wundu lu gala ye mwini,nga bu hagaa mwinda tsemu djiandi guedi ndji.³⁷Dangu Yesu di gamani gu yagula,mu fadishi wu moshi gitshi mulendiga mugweedia mu nzu yandi.Yesu ga godi mu nzu yandi,buoonaga gadi ye mesa mudiambu ye gudia. ³⁸Mu fadishi ga yidugi dangu di ga dadi mbi Yesu ga ba dzoladia haa loo ga sugudi gu miogu.³⁹Haa fumu Yesu ga mu ledi mbi:"binu ba fadishi,dala pila luedi:lu sugulaga ma goba ye malonga ye ndjila buna.Haa mu kadi nga mbundu yi binu lu yudi ye ma ngindu ma gu bonga bima bi baadu beega mu gi ngolu-ngolu,mbundu yi binu yedi kega yi koni. ⁴⁰ Binu Ba dzoba baa di songidila mbi Gahungu wuhangi ye ndjila,loo mbi ndi kega wu hangi mu kadi? ⁴¹Buoona hegani ba tsugami bima bina biedi mu gadi ga ma goba mabinu ye mu kadi ga malonga ma binu,buoona tshigu dji konda gala guedi binu.Haa kenda guedi binu ba fadishi!kasa djina di hanaga tomu mu madia nga manti ye luwe ye kaya dji pila ye pila lu gabisaga ma ndambu gumi buoona ndambu yi moshi lu hanaga magabu guedi Gahungu haa loo lu dzolaga gu hanga mapandi ma pimbu,loo lu dzolaga Gahungu.Mapandi ma lu dzola gu hanga ya yina ye ma pandi mana mega kega.⁴³Kenda dji binu ba fadishi!lu dzolaga bidi bi tegu mu ma nzu ma bisambu.Lu dzolaga baadu ba lu hega mbodi mu madzandu. ⁴⁴ Kenda dji binu!mudiambu kuedi nga madjiamu mana makondaga moniga,ye mana ma niadaga baadu gu konda guyaba.⁴⁵Longi wu moshi wu matshigu ga mu ledi mbi:''loongi mbi wu ba yagula buna,gaa wu ba du duga kega! ⁴⁶ Yesu mbi;''kenda dji binu kega ba longi ba matshigu!mudiambu lu hegaga baadu bugogu bu vula,haa binu beeni loo lu gediginaga,shi mu lulembu lu moshi.⁴⁷Kenda dji binu!ludungaga madjiamu ma pimbu mudiambu ye ba mbigudi bana ba dzuwi ba kaga ba binu. ⁴⁸Buoona gu lesaga mbi lu gumbulaga ma pandi mana ma hangaa ba kaga ba binu mudiambu ba dzuwi ba mbigudi,buoona lu dungaga madjiamu ma baa!⁴⁹Buoona,mu ndungi djiandi Gahungu ga yagudi mbi:"bu yi ba dumishila ba mbigudi ye ba tumwa.Ba dzuwa baadu beega mukadiga baa,buoona beega ba badadisa pashi. ⁵⁰ Buoona baadu badangu di ba bonga ndola mudiambu ba kaga ba baa ba dzuwi ba mbigudi bootsu yandiga dangu di hangi Gahungu bima biootsu, ⁵¹ Yandiga dangu ba dzuwi Abela ye mu dangu di ba dzuwi Zagadiya mu nzu yi Gahungu mu kadi ga mesa ma gi meengi ye gihani gi tshigu.Ye yi ba lulela mbi baadu ba dangudi ba bonga ndola mudiambu ye baadu bana ba dzuwi ba kaga ba baa.Kenda dji binu ba longi ba matshigu!mudiambu lu gadudi tsabi yi gu gangudila mbelu yi nzu yi ndungi.Binu beeni loo lu godi,buoona lu gangi ndjila ye ga di dzola goda baadu!⁵³Dangu Yesu ga shishi nzu yina,ba longi ba matshigu ye ba fadishi ba muyugidi kabu dji vula ye muni ma giufula ma pila ye pila. ⁵⁴ Bu ba mu megagi mudiambu ye gu dinga pila yi gu mu gama mu mapandi ma gifii ma ga fani yagula.

Chapter 12Mu dangu diadina,baadu ba vula ba vula bitshi ye gi hani gi gadi Yesu,buoona baadu beega,baadu ba niadagana,mudiambu ba gadi ba vula.Dangu di,Yesu ga yandigi gu yagula teegu guedi ba longugi bandi mbi:"ge bani mudiambu ye mapandi ma bupala ma ba fadishi mudiambu guedi nga kindji yi mapaa.

³Ma pandi mootsu mana medi maguswama baadu bu ba madala;ma pandi mana mootsu ma giswegi bu mayabagana. ² Buoona,ma pandi mana mootsu ma lu yagulaga mu piba, baadu ba mayuga mu mwini;ma pandi mana mootsu ma lu yagulaga mugiswegi,bu mayabagana gu misu ma baadu bootsu.⁴Ba ndugu baami yi ba lulela mbi:"loo gu yugani boma mudiambu ye baadu bana ba dzuwaga ludu,haa gu ngoyi loo ba dalaga pila yi guhanga gima giega. ⁵ Haa yi ba lulesa mudu wu lu fani yuga booma:lu fani yuga Gahungu booma,mudiambu mbi wu zuwi mudu,gedi ye gi yega gigu mu lumba mubilungi. Eh,yi ba lulela mbi ndi mudu wu lu fani yuga boma.⁶Loo ba degaga ba nuni ba danu digi-digi mu pada djiodi dji mbongu?Haa Gahungu loo gabilaga shi nuni wu moshi. ⁷ Shi tsugi dji binu dji mudu,Gahungu wu dji dangi djiotsu lu yugegu booma shi ba nuni beedi ba vula,binu lu baludi funu!⁸Yi ba lulela mbi gosu mudu wuna wu kumbula gu misu ma baadu,mwana mudu ga mu gumbula gu misu ma ba wanzio ba Gahungu. ⁹Haa mbi mudu wuna wu tuni gu misu ma baadu,mwana mudu kega ga muduna gu misu ma ba wanzio ba Gahungu. ¹⁰ "gosu mudu wuna wu yagula ma pandi ma mbi mudiambu ye mwana mudu Gahungu ga mu lolula,haa mudu wuna wu duga muhunga wugedila,Gahungu loo ga mu lolula.¹¹Ye gu misu ma ba fumu ba bulamadadi mudiambu ye gulu sambisa,loo gu dalani pashi gu mbundu mbi kii duyagula mbi loo kipila du yagula. ¹² Mudiambu muhunga ga lu lela mu dangu diadina mapandi ma lufani yagula.¹³Mudu wu moshi mu kadi ga baadu wu gadi ye gihani gina,ga ledi Yesu mbi:"longi,lela mbuda wami du gaba bima bina bi dushishi dada pidu." ¹⁴Yesu mbi:"naa wu tshi mu gu gala zushi wu binu ye mu gu gaba bima binu?" ¹⁵Buoona ga ledi baadu bootsu mbi:ge bani gu binu!ga dulani ngindu djiotsu dji gu dzola bu mvama.Mudiambu lu djingu lu kiediga lu mudu loo luedi mu bima biandi,shi mu dangu dina di gedi ye gi mvama."¹⁶Dangu di,Yesu ga ba deedi gi ngana giagi:"gu ye mvama wu moshi ga gadi ye mangundu;ma ngundu mandi ma budi kuna dji vula. ¹⁷ ga yandigi gu yindula gu mbundu yandi mbi:"loo yedi ye gi hani gi gu swega bima biami bii biootsu,buoona ki fani hanga?'' ¹⁸Buoona ga yagudi gu mbundu yandi mbi:yi ba hanga buoobu:yi ba dzuwa ma nzu mana mami ma yi swegaga ndumba,yi ba dunga ma nzu mega ma neni;buoona mi yi saa ndumba djiami djiotsu ye bima biega biootsu moomuna. ¹⁹ Buoona yi yagula mi beeni:"mooni wu swegi bima bi vula mudiambu ye ma mvula mavula,wu luluga gogu,dia,nua,hanga kindji."²⁰Haa Gahungu ga mu ledi mbi:''ndji dzoba di,mu piba ya yiyi shela yi ba ga dula moni woogu.Haa bima biootsu bi wu swegi bi gala bi naa?'' ²¹ Gutsuga,Yesu ga yagudi mbi:''guedi buoobuna gosu mudu wuna wu wegaga gi mvama mudiambu ye ndi beeni,haa loo guedi mvama gu misu ma Gahungu.''²²Dangu di Yesu ga ledi ba longogi bandi mbi:''ya yena yi ba lu lela mbi:loo lu fani dala pashi mu lu djingu lu binu mbi ki lu dia_mbi ki luvada. ²³ Mudiambu mooni wu ludi ma dia mu funu,ludu lu ludi miledi mu funu.²⁴Dala ba nuni baa ba pwanga:loo ba gunaga,ba kega loo ba gadula ndumba mu mangundu;loo bedi ye gi hani shi nzu yi gu swega madia haa Gahungu ga ba disaga!binu lu ludi ba nuni mu funu! ²⁵Naa mu kadi ga binu wu fani yi ga gilumbu gi moshi mu ludjingu luandi? ²⁶ Haa mbi loo ludalaga ma pandi ma digi-digii,funu ki mu gusa ngindu mu mapandi mega?²⁷Dalani bitundu bina biedi mu tsegi ki pila bi gala.Loo bi hangaga bisalu,loo kega bi didungilanga miledi.Haa yi ba lu lela mbi:shi ndi beeni Salomoni,mu lugumu lwandi lwootsu lu gi fwumu,loo gavadi miledi mi pimbu nga gitundu gi moshi mu kadi ga bitundu bi. ²⁸ Kaya djina diedi lelu mu tsegi haa dji ba gesa mbatshi mudiambu ba dji matsa ye mbaa,Gahungu wu dji vadisaga buna.Haa mbi ga divadisa buna,kasa djina ga lu fvadisa ngolu kega.Ah,lu gwilu lu binu lwedi lu kufi.²⁹Loo gudalani bulu mu gu dingaga dangu diotsu bima bina bi lu dia shi bi lu nwa. ³⁰ Mudiambu mi pani baadu ba dingaga bima bina biootsu dangu diotsu.Haa binu,dada wu binu wu yabi ndi beeni mbi lwedi ye funu yi bima bina biootsu.³¹Haa binu landani shela mu gu dinga gi fwumu giandi yanaa ndi ga lu lunda bima bina biootsu bi lwedi bia funu. ³²Loo gu yugani booma,shi loo lwedi baadu ba vula!Mudiambu dada wu binu ga ba dala gieshi mu gu luhega gi fumu giandi.³³Degani bima binu,bwoona lu hana mbongu gwedi ba tsugami.Bongani du matsagi du gu nedila mbongu haa sendani du matsagi dwoona du konda fwaa.lu swega gi mvama gi binu gu yilu,mudiambu aa guna loo gi fani bila;beebi loo ba fani guma guna,ba tseneni loo ba fani djidia. ³⁴ Mudiambu yena yedi gi mvama giagu,ya yena kega mbundu yagu yi gala.³⁵Lu gala ba wa yi lamana mu gosu mapandi: vadani mi ledi mi gisalu,minda mi binu mi gala mi gu lema. ³⁶Galani nga ba higa bana ba gi ngaga fwumu wu baa dangu di gaba duga gu kindji mudiambu ye guisa vuduga mu nzu yandi.Mbi witshi vuduga,wu gogudidi gu giafulu ba mu ga ngula tswalu.³⁷Gieshi gwedi ba higa bana mbi fwumu wu baa witshi ba wana ba guniamuga!yi ba lulela pandi yi kiediga ga mvada mi ledi mi gi salu ndi beeni,ga ba shigumusa ye mesa,bwoona ga ba hega madia. ³⁸ Gieshi gwedi baa mbi fwumu wu baa witshi vuduga mu midi mi piba mbi loo gu ngoyi yi midi mi piba,haa witshi ba wana ba gu niamuga!³⁹Lu fani yaba mbi loo ga ba shisa mu gu goda mu nzu yandi. ⁴⁰ Binu kega,yi lamanani;mudiambu mwana mudu ga gwitsa mudangu diadina di lu konda yaba mbi ga ba gwitsa.⁴¹Dangu di Pedelu ga yagudi mbi:''fwumu,gingana wu dii gedishela mudiambu ye pidu mbilo mudiambu ye baadu bootsu? ⁴² Fwumu mbi:''mbi bwoona naa wedi muhiga wu pimbu ye wu ndungi? Muhinga wu pimbu ye wu ndungi gedi muudu wuna wu fwumu wandi wu mushi gadalaga nzu yandi ye mudiambu di guhega bahiga beega madia ma baa ma gosu gi lumbu mu dangu di pimbu. ⁴³ Gieshi gwedi muhiga wuna,mbi fwumu waandi witshi gu muwana mu nihanga mapandi ma pila yina! ⁴⁴ Yi ba lu lela mapandi ma kiediga:fwumu wuna ga hega muhiga wuna gi yega gi gu dala bima biandi biootsu.⁴⁵Haa mbi muhiga wuna wu yagudi gu mbundu yandi mbi:'fwumu wami wu suginini mu gwitsa vuduga,bwoona dangu di,mbi muhiga wuna wu yandigi gu bula bahiga beena beega ba bagala ye ba bakedu,mbi wu yandigi gu dia ye gu nwa ye gu lawuga malafu,' ⁴⁶ Fwumu wandi ga gwitsa guma mu gilumbu gi muhiga wuna ga konda gi gu mu ginga ye mudangu di ga konda yaba.Fwumu ga mu hega ndola dji ngolu shela,ga mu saa mu ndonga yi baadu ba mbi.⁴⁷Mbi muhiga wuna wu yabi pandi yina yi dzolaga fwuu wandi,haa loo gadzolaga gu yi hanga,loo gadzolaga kega gu yilamana ,nga bu dzolaga fwumu wandi,ba mu bula miswamba mi vula. ⁴⁸ Haa mbi mu higa wuna wu yabi pandi yina yi fwumu wandi ga dzola,ga hangaga ma pandi yina ma ba fani konda gu mubudila miswamba,ba mubula mi swamba ndambu.G ahungu ga yufula gwedi muudu wuna wu gahegi mapandi ma vula,gwedi muudu wuna kega wu ga hegi gi yega gi vula, ga mu dinga kega mapandi ma vula ma vula⁴⁹Mi yitshi mugu dzenga baadu ba gi fudi mbaa.Mbi ba gadi muni lema mbaa gumwaga,yi dzolagi gu gala mu gieshi! ⁵⁰ Mi yi fani bonga mbopdiga,haa dangu di yi ba gingila yiba dala pashi dji vula gu mbundu.⁵¹Lu ba nunga mbi yi tshi mudiambu yi gu neda ngemba aya mu gifudi?Loo,yi ba lu lela mbi yi tshi mudiambu ye gu gabula baadu. ⁵² Yandiga lelu di famidia dina diedi ye baadu banu,bu di ga bulagana;baadu ba dadu ba gala ba mbeni ba baadu boodi,baadu boodi ba gala ba mbeni ba baadu ba dadu. ⁵³ Dada ga gala mwana wandi wu bagala,haa mwana wuna ga gala mbeni wu dada ndi;ngudi ga gala wu mwana ndi wu kedu,haa mwana wuna ga gala mbeni wu ngudiandi;Bogu wu mu kedu ga gala wu kedu wu mwana ndi,mu kedu wu mwana ndi ga gala mbeni wu bogu bwandi wu mu kedu.⁵⁴Yesu ga ledi kega baadu bana mbi:" mbi bu ludadi duda di niamugi gu ndambu yina yi djiaminaga dangu,lu yagula swalu mbi:mvula yi ba noga,bwoona mvula yi nogaga kega. ⁵⁵Mbi,bulu dadi kega muhunga wu dugi gu ndambu yi suda muni gwitsa luda luyagulaga mbi mwini ga gala wu vula,bwoona mwini ga galaga kega wu vula. ⁵⁶ Binu baadu ba bupala,mbi lu yabi gu dala luswaswanu pila yi monigaga manu ye yilu,haa mudiambu di ki lu kondaga yaba mapandi ma dangu di?⁵⁷Mudiambu di ki lu gonda gesa pandi yina yi lu fani hanga? ⁵⁸Mbi muudu wu gu fundi,ga ba guguneda gu ginzonzi,wu fani saa ngolu mu guyugana yendi dangu di lwedi shela mu ndjila mbilo,ga gu neda gu misu ma zushi,zushi ga gu hana gwedi ba pulushi,bwoona pulushi ga gu lumba mudangu mbada. ⁵⁹ Yi gu gu lela mbi loo ba gu dusa tii gwoona gu mana gu fuda mbongu djiotsu.

Chapter 13

¹Mudangu dina,baadu ba gadi yena ba mu ledi ma pandi ma baadu ba gadiyeya bana piladu ba gadzuwi dangu di bagadi munihana magabu mangimengi gwedi Gahungu. ² Yesu ga ba ledi mbi:"luba yindula mbi baadu bana ba gadileya ba gadi ba tsumugi ba neni ba guluda baadu bootsu? ³ Loo! yi ba lulela mbi lolubalumuni mbundu,binu bootsu lufwaa nga baa.⁴Bunii mudiambu ye baadu beena gumi ye ginana ba fii dangu nzu yina yi leya yina yi gadi pena-pena ye yanga di Shilowee,Shilowee yitshi ba bwila?Lu ba yindula mbi ba gadi ye mbi dji guluda baadu bootsu ba yelusalemi? ⁵ Loo,haa yi balulela mbi:''mbi loo lu ba lumuni mbundu lu fwaa pila yi moshi nga baa."⁶Dangu di Yesu ga ba dedi ngana yii:''gu gadi ye muudu ga guni mudi wu mafige mu mangundu mandi ge dinga mafige,haa loo ga madadi. ⁷ Bwoona ga ledi muudu wu ghangaga mu mangundu mandi mbi:''dala,ga duga ma mvula madadu yi saga dinga ndumba dji mudi wuu haa loo di dalaga.Mugesa!mudiambu di ki galagagi pamba-pamba mu mangundu?⁸Bwoona muudu wuna wu gengilaga mangundu mbi:''mvama,mu yambulaga gala buna mu mvula yi;yi mu mashina ma mudi yi saa mvindu. ⁹ Bwoona,mbi bu ga budi ndumba mvula yi di ba gwitsa,ma mbulo,haa mbi loo ga budi nga wu mugesa."¹⁰Gu gadi gilumbu gi moshi,gilumbu gi gu hululuga, Yesu ga longagi mu nzu yi bisambu yi bayuda. ¹¹ Mu kedu wu mooshi wu mu kashi wu gadi muna.Ga gadi ye gikashi gi hangi ma mvula gumi ye ginana;ma kashi mana magadugi mu mihunga mi mbi,ma kashi mana ma dushi gaaga,haa loo ga dala yi gu niagisa mu gaaga shi ndambu.¹²Dangu Yesu di mu gamudadi,ga mu lendigi,bwoona ga mu ledi mbi:"maama wu,gi kashi giagu gi wii. ¹³ Dangu di Yesu ga mu shi mioogu.Kaga mu dangu diadina,mu kedu wuna niamugishi mu gaaga wandi ga yandigi gu hega Gahungu lu gumu. ¹⁴ Haa mutwadishi yi nzu yi bisambu wuna ga yugi kabu mudimbu yesu ga gindishi mu kashi mu gilumbu gi guhululuga bwoona ga leshi baadu mbi:''bilumbu bieedi bi sambanu mu guhanga gisalu.Yi dzani bilumbu biabi mudiambu ba lubelusa haa loo mbi gilumbu gi gu hululuga!''¹⁶Fwumu Yesu ga muledi mbi:''binu baadu ba bu pala!mu gilumbu gi gu hululuga,naa mu kadi ga binu wu dusaga ngombi wandi,mbilo punda wandi mu lupangu lu gadilaga mudiambu ga mu neda mu gwe nwa metshi? ¹⁵ Dala mu kedu wu mwaana wu Abalaham,gadia pemba ga mu gami ma mvula maludi gumi ye ginana.loo gwedi fwunu mu gu mugangula mugilumbu gi guhululuga?Ba mbeeni ba Yesu ba dadi tsoni mu vudu yina yi ga hani,haa baadu bega ba dadi gieshi mudiambu ye ma pandi ma guyiduga ma gahangagi.¹⁸Yesu ga yagudi mbi:''gi fwumu gi Gahungu gi fanagani ye kii?mu kii gima yi fani gu gifanigisa? ¹⁹ Gi fwumu gi Gahungu gi fanagani mu ga lundumba ga mudi wu motarde wu muudu wu moshi gi gambongi,ge guna mu ngundu yandi.Lundumba lweni lu meni lu gumi mudi wu neni,ya yena ba nuni ba dungi bu yamba bu baa mu dangu djiandi.''²⁰Yesu ga yagudi kega mbi:mu kii kega fani fanigisa gi Fwumu gi Gahungu? ²¹Gi Fwumu gi Gahungu mu mwemu wu mapaa.Mbi mu kedu bu gashi mu longa di gu yula di fuba yi mapaa gidesulu ma gumi moodi ye ma danu,ga yambula tii gona gu yiguma yiingi.²²Dangu Yesu di genda gu yeluzalemi mu djila genda longa mu mabula ma neni ye ma bula ma kunda. ²³Muudu wu moshi ga muyufudi mbi:"Fwumu gwedi baadu ndambu buna ba guluga?"Yesu ga ledi baadu bootsu ba gadi guna mbi: ²⁴ Saani ngolu mu gu goda mu giafulu gi kunda.Mudiambu yi ba lulela mbi baadu beengi ba mega gu gonda haa loo ba goda.²⁵Fwumu wu nzu ga bu ga niamuga,ga gwitsa ganga giafulu.Bwoona mu dangu dina binu lu gala ye ndjila,binu lu yandiga gu gogudila gu giafulu ye gu yala mbi:Fwumu du gangula giafulu.Dangu di Fwumu ga lulesa mbi:loo yi bayaba mbi binu guni lu dugi!" ²⁶Bwoona binu lu mulesa mbi:ndji bu wutshi longa gu bula di pidu,du dii,du nwi mesa ma moshi ye ndji." ²⁷Haa ndji ga lusa kega mbi:mi loo yi luyaba mbi guni lu dugi!binu baadu bootsu lu hangagagi ma pandi mambi kadugilani mi!²⁸"Guna binu bu lu dila,binu lu ganga minu ngolu,dangu binu lu dala mbi:Abalahamu,Yizagi,Yagobu ye ba mbigudi bootsu,beedi mu gi fwumu gi Gahungu,haa binu,lu fani sala ye ndjila.²⁹ Baadu ba duga gu esti,gu luwesti,gu nori ye gu sidi,baa gwitsa gala ye mesa ma gi Fwumu gi Gahungu. ³⁰Bwoona baadu beena beedi baadu ba tsuga dangu di ba guma baadu tegu,bana bedi baadu ba tegu dangudi ba guma baadu ba tsuga."³¹Mu dangu dina,ba farishi beega bitshi lela Yesu mbi:"gaduga ya ndawenda mu gi hani giega,mudiambu Erode Antipasi ga ba dzola gu gudzuwa." ³² Yesu mbi:"nda lwenda lu mu lesa mugengi wuna mbi:mugi lumbu gi lelu ye gi mbatshi yi ba dusa mihunga mi mbi,yi ba gindisa baadu,bwoona mu gilumbu gi dadu yi manisa gi salu giami." ³³ Haa lelu,mbatshi ye mbatshi -mbatshi yi fani landa ndjila ya mi mudiambu mbigudi wu Gahungu ga fani fwaa gu yeluzalemi,haa mu gihani giega loo.³⁴''Yeluzalemi,yeluzalemi ndji wu zuwagagi ba mbigudi,baadu bana ba Gahungu ba ga gudumisaga,ndji wu zuwagagi mu madadi!mbala dingi yi dzolagagi gu saa baadu ba gu gi hani gi nga bu sagaga kogu baana bandi gu ma shina ma mavwa mandi,haa loo lu dzodi! ³⁵ Dangu di,bula di binu di sala ma yumbu.Yi ba lulela mbi loo luta kega tii mu gi lumbu gina gi lu yagula mbi:Fwumu sagumuna muudu wuna wu ba gwitsa mu djina diami!"

Chapter 14

¹Gi lumbu gi moshi gi gadi gi lumbu gi hululuga,Yesu gedia gu nzu yi ba farizi ba mu godulula. ²Muudu wu mooshi wu gadi ye mioogu,milu mi gu djimba gi tshi manana gu misu ma Yesu.³ Yesu yu fudi ba longogi batshigu ye ba farizi."Mu tshigu dji pidu ba hani tswaa mu gu gindisa muudu mu gilumbu gi gu hululuga mbilo?⁴Haa ba gadi kaga pwedee.Yesu ga gami mukashi ga mu gindishi,ga mu leshi mbi nda gogu!''⁵Dangu di,Yesu ga ba yufudi mbi:"mbi muudu wu moshi mu kadi ga binuwedi ye mwaana mbilo ngombi wuna we mbwaa mu wulu di mwetshi, loo ga fani gu mudusa mudangu dina,shi gwedi gi lumbu gi gu hululuga?''⁶Haa loo ba dadi pila yi gu hana mvudu.⁷Dangu Yesu di ga dadi mbi,baadu ba balendigi mu gudia beedi gu sola bihani bi lugumu ga badedi gi ngana mbi: ⁸ Mbi muudu bu ga gulendigi mu kindji yi wala loo gala ye gi lugumu mudiambu gu fani ye muudu wega wu gu ludi mulugumu. ⁹ Dangu di gwitsa muudu wuna wu gu lendigi binu boodi ga gwitsa gu lulela mbi niamuga shisa gi hanigi.Wu niamuga ye tsoni mu gwenda ye gi hani gi tsuga.¹⁰Haa,mbi bu ba gulendi mukindji nda shigumuga ye gi hani gi tsuga, dangu di tsaa Fwumu kindji ga gu lesa mbi ndoyi: yi zaa gala ye gi hani gi lu gumu.Mudiambu wu gala ye lu gumu gwedi baadu bana ba lu badia baa mesa ma moshi. ¹¹Muudu wotsu wu ba gudi saa bu ba mugulusa,wu ba gudigulumusa bu ba mudombusa mu misu ma baadu bootsu.Dangu di Yesu ga leshi muudu wuna wu mulendigi mbi:"mbi bu lendigi muudu mudiambu mu gwitsa dia gu nzogu mu musuga mbilo mu mashiga,loo gu lendiga kaga bandugu bagu buna,mbilo ba pangi bagu,mbilo dadagu ye ngudiagu ,mbilo ba mvwama bana beedi bula di moshi ye ndji.Mudiambu ba kega ba fani gu gulendiga bwoona kindji yi baa.¹³Haa mbi wu ba hanga kindji lendiga ba tsugami,baadu bana beedi ye miogu,milu mi gi fuu,ye bi fwa misu. ¹⁴ ndji wu gala mu gieshi,mudiambu loo ba dala pila yi gu guhanga pila yi wu ba hangi.Gahungu ga gu hanga pila yina dangu di ga niamusa baadu ba pimbu mu lu fwaa,bana ba hangagi ma pandi ma muhega gieshi.''¹⁵Muudu wu moshi mu kadi ga baadu bana bagadi mesa ma moshi Yesu dangu di gayugi ma pandi ga leshi Yesu mbi:"gieshi gwedi muudu wuna wu dia mu gi Fwumu gi Gahungu!'' ¹⁶ Yesu mbi:muudu wu moshi wu yidigi kindji yi neni,ga lendigi baadu beengi mu gwitsa mu kindji yina.¹⁷Dangu di bayidigi ma pandi ma kindji gu hwi,ga dumishi muudu wandi mudiambu ye gulesa baadu bana ba galendigi mbi:"yi zaa lwitsa kindji yi finamani dangu di.''¹⁸Haa mu gadi ga baadu bana bootsu kosu muudu ga yandigi gu hana mvudu mu pila yandi.Muudu wu tegu ga ledi muudu wuna mbi:yi tsumbi ngundu yi fani gwedala,ndolula mbi budzodi. ¹⁹ Muudu wega mbi:''yi sumbi bangombi bami gumi,bwoona yendi mu gu bamega mbi beedi ngolu mu guhanga gisalu.Ndolula,mbi bu dzodi. ²⁰ Wega kega mbi:"yi hangi wala bilumbu biabibi;loo yi ba dala pila yi gwitsa.²¹Bwoona muudu wuna ga vudugi gwedi fwumu wandi,nga muleshi ma pandi mana ya yena fwumu wandi wu nzu ga yugi kabu djingi,ga leshi muudu wandi mbi:''ndawenda tswalu mu masandu ye mu ma bala-bala ma mabula.Senda ba tsugami,baadu bana beedi ye mioogu,milu mi gifu ye bi fwaa misu,bwoona yi ba nada yaa. ²² ''Bwoona Muudu wuna loo gendi guleya gitshi lesa fwumu wandi mbi:yi hangi biootsu bi wu ndeshi,haa bi hani bwega bieedi mudiambu ye baadu beega.²³Dangudi,fwumu ga leshi muudu wandi wu gisalu mbi:nda wenda mu mandjila maneni ye ma kunda mana medi mu tsegi.Ba lesa bitsa mu kindji yi mudiambu yi ba dzola mbi nzu yami yi yula ye baadu. ²⁴Haa yi ba lula mbi loo gwedi shi muudu wu moshi mu kadi ga baadu bana ba yilendigi tegu mu gwitsa dia mu kindji yami!''²⁵Baadu ba vula beenda luda Yesu ndjila yi moshi.Ga balu mugi mu lugalu luna lu bagadi, bwoona ga ba leshi mbi: ²⁶ ''gosu muudu wu ba gwisa gwedi mi loo ga fani gala mutsadi waami mbi loo gaduni dada ndi,ngudiandi,mu kedu wandi,baana bandi,ye pangi bandi ba bagala ye ba bakedu;ga fani gudiduna ndi beeni. ²⁷Gosu muudu wuna wu ba konda neda kundji wandi,wu ba konda ndanda loo ga fani gala tsadi wami.²⁸Haa mbi muudu wu moshi mu kadi ga binu ga wu dzola dunga nzu yi leya,tegu ga fani hwemina mudiambu ye gu yindula mbi gedi ye mbongu talu gwaa mudiambu ye nzu yina.²⁹Bwoona ga yaba mbi ye mbongu di gulunga mudiambu ye gu manisa nzu yina. Bwoona mbi bugashi lu yandigu lu nzu,dangu di loo ga dadi pila yi gumanisa nzu yina,baadu bootsu ba dala nzu yina ba yadigi gu museya ye gu mu lesa. ³⁰ Mbi:ki mutindu muudu wu,ga yandigi gu dunga nzu,haa dadi pila yi gumanisa!³¹Pila yi moshi kega,mbi Todila wedi ye ba pumbulu mafunda ma gumi moodi buna,bwoona mbi ga badzodi gwe nwana ye Todila wega,tegu ga fani dala pimbu-pimbu mbi wu fani nwana ye Todila wuna wedi ye ba pumbulu mafunda ma gumi moodi? ³² Mbi lombi bwoona dangu todila wuna weega wedi gu leya,ga fani dumisa tumwa ba todila weega mu gu bayufula mbi kii du fani hanga mudiambu du gala mu ngemba?'' ³³ Yesu ga yagudi kega mbi:"pila yi moshi kega mudiambu ye binu:loo gwedi ye muudu wu moshi fani gala mu longogi wami mbi loo ga duni bima biandi biootsu.''³⁴Mungu gedi gima gi moshi gi pimbu,haa mbi tomu yandi mbi bi hwi ki pila ba fani vudula kega tomu yina? ³⁵ Ba fani hangila kega shi mu manu ma mangundu,shi mu gihani gina yi ba basaa vindu yi ba mbitshi,haa ba fani matsa.kosu muudu wuna wedi ye matsu maguyuga ga yuga!''

Chapter 15

¹Dangu di dulagi dootsu du bi dadi ye baadu beega ba masumu ba bootsu bitshi gwedi Yesu mudiambu ye gu mu yugishila. ² Ba fadishi ye ba longi ba tshigu ba yandigi gu mutsuba mbi:"dalani muudu wu yambaga baadu mbi,ye gu dia ye baa!"³Yesu ga ba deedi gi nganagi mbi:" ⁴Mbi mukadi ga binu muudu wu moshi wedi ye ma mema kama yi moshi,bwoona di mema di moshi di bidii ki ga hanga? loo ga fani ya mbula mamema mana mega magumi gi vwaa ye gi vwaa mu gisanga,mudiambu ge gadinga dimemadina di bidii,tii gwoona gu gadidalagi? ⁵ Bwoona mbi bugadidadi,wu di shi ye mbanda yandi mu gieshi,⁶Bwoona mbi ga vudugi gu nzandi.Mbi bu ga gumi gu nzu,ga lendiga ba ndugu bandi shi baadu ba galagagi pembeni ye nzu yandi.Bwoona ga ba lesa mbi:''galani mu kieshi ye mi mudiambu yi dadi dimema diami dina di bidi." ⁷ Yi ba lulela mbi gi desu gi moshi mbi Gahungu ga dala gieshi gi vula mudiambu ye muudu wu moshi wu masumu wu ba lumuni mbundu.gieshi giandi gina giluda gieshi gina gi gadalagagi mudiambu ye baadu magumi givwa ye givwa ba pimbu bana ba gondi funu mu gubalumuna mbundu.⁸Ye kega,mbi gwedi ye mukedu wu moshi wedi ye mbongu dji ndondu gumi,haa wu bidishi lu ndondu lu moshi gi ga fani hanga?ga fani le misa winda,ga fani gomba nzu ga dinga lu ndondu luna pimbu-pimbu tii gu ga didala. ⁹ Bwoona mbi buga lu dadi,ga lendiga ba ndugu bandi ba bakedu ye ba kedu bana ba galagagi mu mbimba nzu wandi.Bwoona wu ba leshi mbi:"yi zaani du yangalalani ye mi,mudiambu yi dadi lundondu lwami lu mbongu lu bidi. ¹⁰ Pila yi moshi kega,yi ba lulela mbi,bawanjio ba Gahungu ba dala gieshi mudiambu ye muudu wu moshi wu masumu wu balumuni mbundu."¹¹Yesu ga yagudi kega mbi:''gu gadi ye muudu wu moshi ga gadi ye baana boodi ba bagala. ¹² Gi lumbu gi moshi mwaana wuna wu mugegi ga ledi dada wandi mbi:"dada,pega gabu diami mukadi ga gimvwama giagu gina gi fani senda ya yena dada baa ga ba gabidi bima biandi.¹³Gu ngoyi bi lumbu ndambu,mu gegi ga degi bima biootsu bi ga sendi gwedi dada wandi gendi mu gi fudi gi leya.Guna gu gendi be bisa mbongu djiandji mu gisaga-saga. ¹⁴ Dangu di ga manishi mbongu djiandi djiotsu,nzaala yi ngolu yi godi mu gi fudi gina,ga yandigi gu dala pashi.¹⁵Ya yena di gedinga gi salu gwedi muudu wu moshi wu gi fudi gina,bwoona muudu wuna ga mu bongi mu gisalu.Ga mu shi mu mangundu maandi mudiambu ye gu dala ba ngulu bandi. ¹⁶ Gadzolaga gu dia ndumba djina dji dia bangulu,mudiambu ga yuguda,haa shi muudu wu moshi loo ga muhega gu dia.¹⁷Dangu di,ga yandigi gu yindula lu djingu lwandi haa gayagudi gu mbundu yandi mbi:"baadu ba vula ba hangaga gu nzu yi dada wami beedi ye mavula mana ma ba fani gonda manisa mu gudia.Haa dala mi ndo yi ba fwaa gunzala aya. ¹⁸ Yi ba vuduga gwedi dada wami bwoona yi mu lesa mbi:"da yi hangi masumu gwedi Gahungu ye gwedi ndji.¹⁹ Loo fani kega gu gala mwana wogu;tsenda ga muudu wu moshi mu kadi ga baadu ba gu ba gisalu."²⁰Dangudi,ga yambudi gi fudi gina,ga vugi gwedi dada wandi."Dangu mwana weni ga gadi munzila,gidamina ye nzu yi baa,dada wandi ga mu dadi,ya yena ga muyugidi kenda,dangu di,gendi tiinu mu gu wanagana ye mwana wandi mu nzila,ga mu yambi,ga muhegi beeshi. ²¹ Haa mwana ga ledi dada wandi mbi:''da yi hangi masumu gwedi Gahungu ye gwedi ndji.Loo fani kega mugu gala mwana wogu..²²Dada ga ledi ba higa baandi mbi yi zaa lu neda tswalu lobu di gu luda pimbu,lwitsa lumu vadisa.Lumu vadisa kega lupedu mu lembu ye giladu mu milu. ²³ Lwitsa lu neda mwana ngombi wu matshi ma vula,lu mu dzuwila nga lu hanga kindji. ²⁴ Mudiambu mwana wami ga gadi nga muudu wu gu faa,haa ndi wu sendi kega moni;bu gabidi,ye yana wu monigi kega.Dangu di,ba yandigi gu da kindji.²⁵Dangu di ba hanga kindji mwana wandi wu mbuda ga gadi mu mangundu.Dangu di tshi vuduga ga gumi finama ye nzu ga yugi baadu muni gina midjigi. ²⁶ Ga lendigi boyi wu moshi,ya yena ga mu yufudi mbi:"ki mapandi ma bwi guna?" ²⁷ Boyi mbi mu ge giagu witshi vuduga gu nzu,ya yena dada wogu ga mu dzuwidi mwana ngombi wu matshi,mudiambu gi tshi vuduga ye ludu lu pimbu.²⁸Dangu di,mwana wu mbuda ga yugi kabu djiingi;ga duni gu goda mu ndzu haa dada wandi gi tshi duga, bwoona ga yandigi gu muwondila mbi:"yi zaa goda mu nzu." ²⁹ Haa ga ledi dada wandi mbi:''dala!yi gu hangidi ma mvula mavula yi guhangilaga nga muhiga,loo yandu yi duni ndaga ya gu shi gilumbu gi moshi.Dangu di loo shi gi lumbu wu ndzuwidi mwana ngombi wu matshi.Yi hangi ba kindji ye ba ndugu bami. ³⁰ Haa mwana wogu wu wumani mbongu mu ba kedu bana ba hangaga gindumbu,dangu di gitshi vuduga,wu mudzuwidi mwana ngombi wu matshi!''³¹Dada wandi ga muledi mbi:''mwana wami,ndji wu galaga dangu diootshu ye mi bima biami biootsu bedi biagu.³² Gwedi pimbu mbi du dani kindji,du yangalalaani,mudiambu mu gegiagu wu ga gadi nga muudu wu gu faa,haa wu sendi moni;bu ga bidi haa wu monigi kega."

Chapter 16

¹Yesu ga ledi ba tumwa bandimbi:"gu gadi ye mvwama wu moshi,ga gadi ye gapida wu mu dadilaga bima biandi.Baadu beega bitshi gu mu lesa ,mbi:gapida ga gu gaba bebisa bima biaagu." ²Mvwama wuna galendigi ga pida wandi ga leshi mbi:''ki mapandi mana ma yi ba yuga mudiambu ye ndji?NDesa mu miganda pila yi wu hangaga gisalu mudiambu loo wu gala kega gapida wami.³Gapida wuna ga yagudi gu mbundu yandi mbi:"ki fani hanga?mudiambu fwumu wami wu gi salu ga ba gadula mu gisalu.Loo yedi ye ngolu dji gusadila ma ngundu.Yi bulayuga kega tsoni djivula mugudingaga baadu mbongu. ⁴ Dangu di,yi yabi ki fani hanga!Mbi fwumu wami bu ga kadudi mu gisalu,yi gala ye bandugu bana ba bala ndzamba mu manzu ma baa.⁵Bwoona ga yandigi gu lendiga muudu wu moshi wu moshi bana ba gadi ye fuga yi fwumu wandi,kii wu fani fuda gwedi fwumu wami? ⁶ Muudu wuna mbi ba ngulu kama ba matshi.Gapida mbi:'senda mu ganda muganda wogu wu fuga,shigumuga tswalu, bwoona soniga ba ngulu ma gumi ma danu. ⁷ Dangudi ga yu fudi muudu wega mbi:bwoona kii wu fani fuda?''muu du wuna mbi:''matsagi ma kama madanu ma ble.Gapida mbi:senda muganda woogu wuu soniga matsagi makama maya.⁸Fwumu wu gisalu wuna ga hani lu gumu gwedi gapida gandi wuna wu mwibi mudiambu ye mapandi mandungi ma gahangi.mudiambu baadu ba gi fudigi beedi yendungi dji vula mu kadi ga baa,dji gu luda baadu bana beedi ye tsemu. ⁹ Bwoona,Yesu ga yagudi kega yi bagu lu lela mbi:''mbongu diedi gi mvwama gi moshi gi wunaga baadu hangilani mudiambu di gula ye bandugu.Bwoona,mu dangu di lu gonda gi mvwama gina,Gahungu bu galuyamba mu mandzu ma mvula ye mvula.¹⁰Muudu wuna wu ba fani shila mbundu mu bima bi digi-digii,ba fani mu shila kega mbundu mu bima bi neni;muudu wuna wu ba fani gonda shila mbundu mu bima bi digi-digi,loo ba fani mu shila kega mbundu mu bima bi neni. ¹¹ Bwoona,mbi lwedi baadu bana ba bafani gonda shila mbundu mu dangu di lu hangilaga gi mvwama gi mbongu,naa wu luhega gi yegiga gi gu hangila gi mvwama gi kiediga? ¹²Mbi lwedi baadu ba bafani gonda shila mbundu,mu mvwama gi muudu wega,naa wu lu hega gi mvwama gi binu beeni?Loo gwedi shi muhiga wu moshi wu fani hangila ba fwumu boodi.Ga dzola fwumu wu moshi haa wuna wega loo,ga lemvuga gwedi fwumu wu moshi ga sawula ndona wega.Binu kega,loo fani hangila baa boodi,Gahungu ye gi mvwama.¹⁴Ba dishi bana ba yugi shila mapandi mana ma Yesu ma ga yagula,bwoona ba yandigi gu museya,mudiambu ba dzola mbongu ngulu. ¹⁵ Yesu ga ba ledi mbi:''ludzolaga gu dinungisa gu misu ma baadu,Gahungu wu yabi ma mbundu ma binu.mudiambu mapandi mana ma dalaga baadu mbi medi mafwunu Gahungu ga madala mbi medi ma pamba.¹⁶Mi ganda mi matshigu ye miganda mi bambigudi ye mudangu kaga ye mu dangu di Yowani mbodiga di ga yandigi gisalu giandi.Yandiga dangu dina,ba bagisa tsangu dina dji pimbu mudiambu ye gi Fwumu Gahungu,bwoona baadu bootsu ba megaga gu goda mwoona mu gi ngolu-ngolu. ¹⁷Yilu ye manu ma fani bila gu gonda pashi,haa ga gisoni ga digi-digii mu miganda mi matshigu mu gubila,gwedi pashi dji vula.Gosu muudu wuna wu yambudi mukedu wandi,wu moni mukedu wega,ga bahanga gindumbu;muudu wuna mukedu wuna yambudi bagala wega wu ngi gindumbu.¹⁹Gu gadi ye mvwama wu moshi,ga vwada mi ledi mi moshi mi guluda talu.Gosu gi lumbu ga hanga kindji yi ngolu. ²⁰ Gu gadi kega ye tsugami wu moshi,djina diandi Lazadi ga gadi ye ma puda ma vula mu ludu lwandi.Ga nimbaga pena-pena ye giafulu gi nzu yi mvwama wuna. ²¹ Ga dzolaga gu dia ndambu yi bima bina bibwagaga gu mashina ma mesa ma mvwama wuna,mudiambu ga yuguda,ba mbwaa kega bi tsaga mu lenga ma puda mandi.²²Dangu di,tsugami wuna ga fwi,bwoona bawandjo bitshi mu senda ba munedi pena-pena ye Abalahamu.Mvwama wuna kega ga fwi,bwoonabaadu beendi gu mudiga. ²³ Ndi gadala pashi mugifudi gi ba fwaa,ga dadi,bwoona ga dadi Abalahamu gu leeya ye Lazadi wu pena-pena ye ndi.Dangu di,mvwaama wuna ga yagudi mundaga yi ngolu mbi:''dada Abalahamu,ndzuga kenda;muduma lazadi ga tsaa tsongi yi lulembu lwandi mu mwetshi mudiambu mu gwitsaa budjidji ye londi lu lumi lwami,mudiambu yi ba dala pashi dji vula mu mbaa du.²⁵Haa Abalahamu mbi:"mwana wami,yi ndula gandambu dangu di wu gadi muludjingu wu dalaga gieshi gi vula.Haa Lazadi ga dalagi pashi dji vula haa dangu di,ndi gabadala pimbu aya,haa ndji,wu ba dala pashi. ²⁶ Kwendi ye wulu di neni di ba dugabisa pidu ye binu ya yena,pila loo yedi baadu baa beedi gwedi pidu mu gwitsa guna gweedi binu,pila kega loo yedi baadu bana beedi guna gwedi binu mu gwitsa gu gwedi pidu.²⁷Mvwaama wuna mbi:dada,mbi bwoona,yi ba gu guwoondila ndji wu duma Lazadi gu nzu dada wami,²⁸ Mudiambu yedi ye bangi baami ba ba bagala ba dadu beedi gunab we wu ba lesa mbi ba balegu hanga kega pila yina yi hangaga mi,mbala yega ba kega ba gwitsa gihanigi gi pashi.²⁹Abalahamu mbi:beedi ye miganda mi shishi ba mbigudi balanda ma pandi mana medi muna. ³⁰ Mvwaama wuna mbi:loo dada Abalahamu mi ganda mina miabuna loo mi fani.Haa,mbi muudu wu moshi mukadi ga baadu bana ba fwi bu geendi guna gwedi baa,bwoona bu ba baluna mbundu yi baa. ³¹ Haa Abalahamu mbi:mbi bu baduni gulanda mapandi mana medi mu miganda mi mososhi ye mu miganda mi ba mbigudi,loo ba dala fwunu yi gu balumuna mbundu,shi bu ba dadi muudu wuna wu niamugi mu lu fwaa.

Chapter 17

¹Yesu ga ledi ba tumwa baandi mbi:mapandi mana ma beendaga baadu mu gu hanga masumu loo ma fani gonda,haa kenda gwedi muudu wuna wu madusaga. ² Gwedi pimbu ba mu ganga dadi di neeni mu koda,ba mu lumba mu nzadi haa loo gwedi pimbu mbi:ga beenda mwaana wu moshi mu kadi ga baana ba badigi-digii mu guhanga masumu.³Giebani pimbu mbi pangi woogu bu ga guhangi mambi,munganina haa mbi bu galudi mbundu,mu lolula. ⁴ Mbi bu gaguhangi mbi mbala dji ntsambwadi mu gilumbu gi moshi,mbi bu gitshi mbala djia dji ntsambwadi mbi yi ba ludi mbundu.Loo yi hanga kega buna wu fani gu mu lolula.⁵Ba tumwa ba ledi fwumu Yesu mbi:duyiga lu gwigilu. ⁶fwumu mbi:mbi lugala ye ndambu yi gwigilu buneni ngaa ga ndambu ndumba dji mudi wuu mutarete lu fani lesa mudi wu wuneni miriye mbi:tsumuga aya,nda wu gala mu nzadi mungu!bwoona ga gada gu lu lemvugila.⁷Mu mbandu:mbi muudu wu moshi mu kadi ga binu gedi ye mu higa wuna ga hangaga mu bilanga mbilo gadalaga ma mema,dangu mu higa wuna di ga dugi mu mangundu,witshi vuduga gu nzu,wu fani gu mulesa mbi:yi zaa tsalu ye mesa mudiambu wu dia? ⁸Loo,haa gamulesa mbi ndjidigila madia vwada mi ledi miega mudiambu mu gu pangila dangu di bala dia ye gu nwa.⁹Loo gwedi fwunu fwumu wuna mu gu hega mu higa wandi masdonda.Mudiambu mu higa wuna ga hangi ma mena ma muleshi fwumu wandi mu gu hanga? ¹⁰Gwedi gi desu gi moshi kega gwedi binu.Mbi bu lu hangi ma pandi mana mootsu ma Gahungu ma ga lu leshi mu gu hanga,ya gu lani mbi:twedi gu pidu ba higa,duhangi gu mapandi ma mena fwumu wu pidu ma ga du leshi mu guhanga.¹¹Dangu Yesu di gendagi gu yelusalemi,ga ludi ye gadi ga gifudi gi samadiya ye gi gadileya. ¹² Dangu di ga godi ye bula di moshi,ba bagala gumi ba gadi ye ma kashi ma bingishi,bi tshi wana gana yendi ba ma nani ga mwa guleya, ¹³ Bwoona ba yandigi gu yagula mu ndaga yi ngolu mbi:Yesu fwumudu yuga kenda.¹⁴Yesu ga badadi,bwoona ga ba ledi mbi:ndani lu dilesa gwedi ba nganga Gahungu,dangu di ba gadi mu ndjila,ba gindi.¹⁵ Muudu wu moshi mu kadi ga baa dangu di gadadi mbi wu gindi,gi tshi vuduga mu ndjila,ndi ga hega Gahungu lu gumu mu ndaga yi ngolu. ¹⁶ Gi tshi fugama ye milu mi Yesu,mbunzu mu manu,bwoona ga muhegi ma donda.Muudu weni ga gadi muudu wu samadiya.¹⁷Dangu diYesu ga mu yudi ga baadu bana bootsu gumi ba gindi!Haa baadu bana givwaa ba beeni? ¹⁸ Munzendji ndoo buna wu yi tshi vuduga mudiambu ye gu hega Gahungu ma donda,haa mudiambu di ki baadu bana beega loo bitshi?¹⁹ Dangu di Yesu ga ledi muudu wuna mbi:niamuga,nda we gwoogu,lu gwi gilu lwoogu lu gu gindishi.²⁰Ba fadishi ba yufudi Yesu mbi:ki dangu gi fwumu gi Gahungu gi gwitsa?Yesu mbi loo gwedi ye gima baadu gi ba fani dala gu misu mana ma fani gu balesa mbi:gi fwumu gi Gahungu gi ba gwitsa. ²¹ Muudu loo ga fani ya gula mbi:dalani gi fwumu gi Gahungu giedi gogu,mbilo giedi gwoona!Mudiambu lu fani ya ba mbi gi fwumu gi Gahungu giedi mu kadi ga binu.²²Dangu di,ga ledi ba tumwa baandi mbi:gi lumbu giedi gi lu dzola mugudala mwaana muudu shi mu gadangu ga digi-digii,haa loo lu mudala. ²³ Baadu ba lu lela mbi:ndi ndona guna!mbilo ndi ndo gu!Haa lwendegu gu mu dinga. ²⁴ Gi lumbu mwaana muudu gi ga moniga,gu gala nga ntsemu dji nzatshi wu ba bwaa,ntsemu diandji diendaga mu ndambu yootsu yi gi fudi giootsu.²⁵Haa tegu,ndi ga fani dala pashi dji vula,baadu ba dangudi kega ba fani gu mu duna.²⁶ Ma pandi mana ma bwii mu dangu di Nowa,ma bwa kega gi desu gi moshi mu dangu di mwaana muudu.²⁷ Baadu ba gadi muni dia,muni nwa,gu monagana,ye gilumbu gina Nowa di ga godi mu maswa;mwetshi ga yuudi gi fudi giootsu,bwoona ga dzuwi baadu bootsu.²⁸Gu gala kega gi desu gi moshi nga mu dangu di lodi:baadu bu dia,bu ba nwa,gu sumba bima,gu dega bima,gu guna mangundu ye gu dunga ma nzu. ²⁹Haa gi lumbu gina gi gadugi lodi ye bula di sodome,Gahungu ga nogishi mbaa dungolu ngaa mvula;du yi tshi,du dzuwi baadu bana bootsu.³⁰Gi lumbu gina Gahungu di ga lela mwaana muudu bana gala gi desu gi moshi.³¹ Mu gi lumbu gina,muudu wuna wu gala ye yangi di nzu,mbi bu gitshi du luga,loo ga fani goda mu nzu mudiambu mu senda bima bina biedi muna.Gi desu gi moshikega,muudu wuna wu gala mu mangundu,loo ga vuduga kega mu nzu yandi.³²Binu yi ndulani ma pandi mana ma bwidi mu kedu wu Lodi. ³³Gosu muudu wuna wu dinga pila yi guhulusa moni wandi,ndi buga mu bidisa,haa muudu wuna wu bidisa moni wandi,ndi bu gahulusa.³⁴Yi ba lulela mbi:ba bagala boodi ba gala giandu gi moshi.Ba wandjio ba senda wu moshi,bwoona ba shisa kega wu moshi. ³⁵ Ba kedu boodi ba gala muni dwa fuba gi hani gi moshi:ba wandjio ba senda wu moshi,bwoona ba shisa kega wu moshi. ³⁶''[Ba bagala boodi ba gala mu ngundu yi moshi ba wandjio ba senda wu moshi,ba shisa kega wu moshi]''. ³⁷ Batumwa ba yu fudi Yesu mbi:"fwumu,mapandi mana ma bwaa guni?''Ga ba ledi mbi:''mayimbi ma wanaganaga gihani giana giedi muudu wu fwii.''

Chapter 18

¹Dangu di,Yesu ga ba dedi gi ngana mudiambu ye gu ba longa mbi:lu fani sambaga Gahungu dangu diootsu gu gonda gu lembwa. ² Yesu mbi:gu bula dji moshi gu gadi ye sushi wu moshi wuna wu gondaga dina Gahungu booma,loo gwandi ga sagaga shi baadu beega lu djidu.³Gu mbula dieni dina gu gadi ye kega ye mukedu wu moshi wu mu fwiidi,gi tsaga lesa zushi wuna mbala divula mbi:gesa mapandi ma pidu mu pila mbi mi yi nunga,bwoona mbeeni wami ga beela.⁴ Zushi wuna ga dunaga gwandi mbala djivula mu gu hanga mutindu wuna wu dzolaga mwaana mukedu weeni.Haa gu ngoyi,ga yagudi gu mbundu ya mbi:shi mi loo yi dinaga Gahungu booma,shi loo yi djidisaga baadu beega, ⁵ Haa mufwiidi wu ga banzangisa,bwoona,yi fani gu musadisa mbilo,ga bala gwitsa vuduga mbala djivula mudiambu ga ndembwisa.⁶Bwoona fwumu Yesu ga yagudi kega mbi:yu gani mapandi ma bupala ma yagudi zushi wu. ⁷ Mbela Gahungu loo gasadiga baadu bana ba gasodi,abeena ba mulendigaga piba ye mwiini mudiambu ga basadisa?Mbela bu ga sunginina mu gu ba sadisa? ⁸ Yi ba lu lesa mbi:ga ba sadisa swaalu.Haa dangu mwaana muudu di ga gwisa ye loondi di manu,bwoona ga gwisa wana baadu ye lu gwigilu?⁹Yesu ga di kega gi ngana gi gwedi baadu beega bana ba yagulaga mbi beedi baadu ba pimbu,bana kega ba sawulaga baadu bootsu. ¹⁰ Gu gadi ye baadu boodi,beendi gu nzu yi Gahungu mudiambu ye gu sambila,muudu wu moshi ga gadi mu fadishi,bwoona muudu wega ga gadi galagi ga fudisaga baadu bi dadi.¹¹Mufadishi wuna ge manana mwaa guleya ndi beeni,bwoona ga sambidi pila yayi mbi:Gahungu,yi ba gu guhega madonda,mudiambu loo yedi nga baadu bootsu bana bedi beebi,baadu ba bu pala ye ba gindumbu yi ba gu hega madonda kega mudiambu loo yedi nga galagi ga fudisaga bidadi. ¹²Mu gosu yi dunaga gudia mbala djioodi mudiambu ye gu gusambila,bima biootsu bi yi sendaga yi ga bisaga magabu gumi,haa ndambu yi moshi yi gu guhegaga magabu.¹³Haa galagi gena ga manani mwaaguleya ga ndambu.Loo ga dala pila yi gu dala gu yilu,haa ga bulaga ye tulu yandi,ga yagulagi mbi:Gahungu nzuga kenda,mudiambu yedi muudu wu masumu. ¹⁴ Haa Yesu ga yagudi kega mbi:yi ba lu lela mbi dangu galagi ga bi dadi di gavudugi gu nzu yandi Gahungu buga mugumbudi,haa loo ga gumbudi mu fadishi wuna mudiambu Gahungu ga gulumusaga baadu bana bootsu ba didzangulaga,bwoona ga dzangulaga bana bootsu ba di gulumusaga.¹⁵Dangu di,baadu bitshi neda baana ba ba gegi gwedi Yesu mudiambu ga ba saa mioogu,dangu ba tumwa di ba badadi,ba yandigi gu ba nganina,¹⁶ Haa Yesu galedi baadu bana mu gu neda baana ba baa pena-pena ye ndi,bwoona ga ledi ba tumwa baandi mbi:yambulani baana bitsa ya gwedi mi,lu ba gangegu ndjila mudiambu gi fwumu gi Gahungu giedi gwedi baadu bana beedi nga baa. ¹⁷Yi ba lulela ma pandi ma kiediga,gosu muudu wuna wu gondi gumbula gi fwumu gi Gahungu pila mwaana yi ga yigumbulaga,loo ga goda shi gandambu mu gi fwumu gina.¹⁸Fwumu wu moshi wu ba yudashi gitshi yufula Yesu mbi:longi,ndji muudu wu pimbu kii yi fani hanga mu gu senda wu mvula ye mvula? ¹⁹Yesu ga yagudi mbi:mudiambu di kii wu ba yagula mbi mi yedi muudu wu pimbu?Shi muudu wu moshi loo gedi wu pimbu,gwedi Gahungu buna.²⁰ Ndji wu yabi tshigu,loo wu hangaga gi ndumbu,loo wu dzuwaga muudu,loo wu yibaga,loo wu ya gulaga ma pandi ma bupala,djidjisa dada wogu ye ngudi wogu. ²¹ Haa muudu wuna mbi:yi landaga tshigu djiootsu ya ndiga gi gegi giami.²²Dangu Yesu di gayugi mapandi mana ma ga mu lela mbi:gima gi moshi gi gu gondi kega nda wenda wu dega bima biagu biootsu,wu hega ba tsugami mbongu,haa nga wu gala ye gi mvama gu yilu gu ngoyi yi gia wu ndanda.²³ Haa dangu muudu weni di ga yugi mapandi mana,ga gumi kenda-kenda,mudiambu ga gadi ye gi mvama gi vula.²⁴Dangu Yesu di gadadi mbi fwumu wuna wu gumi kenda,ga yagudi mbi:pashi dji vula gwedi ba mvwaama mu gugoda mu gi fwumu gi Gahungu.²⁵ Mbitshi wu neni,shamon ga fani dala pashi mu gu goda mu ndjila shi shindani,haa mvwama ga fani dala pashi dji guluda kega gi desu mu gu goda mu gi fwumu gi Gahungu.²⁶Baadu bana ba mu yugi ba ma mu yufudi mbi:haa wu fani huluga? ²⁷ Yesu mbi:mapandi mana ma baadu ma fani gonda hanga,Gahungu ga fani ma hanga.²⁸Dangu di Piedi ga yagudi mbi:dala,du shi-shi ma nzu ma pidu mudiambu mu gwitsa gu landa. ²⁹Yesu mbi:yi ba lulela ma pandi ma kiediga,mbi muudu buga shi-shi nzu yandi,mukedu wandi,ba pangi baandi,dada ye ngudi wandi,mbilo baana bandi mudiambu gi fwumu gi Gahungu. ³⁰ Ndi ga senda ma gabu ma gu luda gi desu mu dangu di,haa mu dangu di bagwitsa,ga senda moni wu mvula ye mvula.³¹Yesu ga nedi ba tumwa bandi gumi ye boodi mwaa gleya ga ndambu ye baadu beega,haa ga ba ledi mbi: yu gani pimbu,du ba gwenda tii gu yelusalemi aguna ma pandi mootsu ma bwaa pila yi sonigi ba mbigudi mudiambu ye mwaana muudu. ³² Mudiambu ba mu hana gu mioogu ma bapani,bu ba museya,bu ba mu duga,ba mu logudila meedi.³³ Ba mu bula muswamba,bu ba mu ndzuwa,haa mu gilumbu gi dadu,Gahungu bu ga mu niamugisa mu lu fwaa.Haa ba tumwa loo ba yabi mapandi mana,mudiambu loo ba gadi ye pila di guyaba gi songi dila,ba kega loo ba yaba mapandi mana ma Yesu ma gayagula.³⁵Dangu Yesu di ga gumi pena-pena mu gu guma gu bula di yedigo,muudu wu moshi ga gadi gi fwaa misu,ga gadi wu hwemini mu mbimba yi ndjila.Gadinga ma gabu gwedi baadu. ³⁶ DEangu di ga yugi baadu ba vula muni luda ga yufudi mbi:ki bibwii? ³⁷ Ba mu ledi mbi:wuna Yesu muudu wu nazaledi wu ba luda.³⁸Haa ndi ga yagudi mu ndaga yi ngolu mbi:Yesu,mwaana wu davidi,ndzuga kenda! ³⁹ Baadu bana ba gadi gu misu ba yandigi gu mu nganina mbi:ganga ganu diagu!Haa ga yagudi kega ngolu mbi:mwaana wu davidi,ndzuga kenda.⁴⁰Yesu ga manani,haa ga yagudi mbi:yi dzani lu muneda muudu wuna yaa,dangu muudu weni di gitshi pena-pena ye Yesu,Yesu ga mu yufudi mbi: ⁴¹ Wu dzodi yi guhanga kii?Muudu wuna mbi:Fwumu,yi dzodi gu dala kega.⁴²Yesu mbi:dala kega,mudiambu lu gwigilu lwoogu lu gu gindishi. ⁴³ Mu dangu diadina,muudu weni ga yandigi gu dala kega,haa ga yadgi gu landa Yesu ye ngoyi ye gu haga Gahungu lu gumu,dangudi baadu bana bootsu ba gadi yena ba dadi mapandi mana,baa kega ba yandigi gu hega Gahungu lu gumu.

Chapter 19

¹Dangu Yesu di ga godi gu bula di yedigo,ga yandigi gu luda ye kadi-kadi di bula. ² Gu gadi ye mnuudu wu moshi djina yandi Zasheyo;ga gadi fwumu wu dulagi bana ba fudisaga pagu,ga gadi kega mvwaama.³Ga gadi muni dingan pila mu guyaba mbi Yesu naa mukadi ga baadu bana ba ludagi.Haa ga gadi muudu wu kufi;tunda ga gondi dala pila yi gu dala Yesu mudiam,bu baadu ba gadi ba vula. ⁴ Bwoona gendi tiinu gu twala,ge nina mu mudi wu shigomolu mudiambu ga dala Yesu dangu di ga bala luda mundjila yina.⁵Dangu Yesu di gitshi guma ye gihani gi gadi mudi wuna,ga dadi mu yilu,ga dadi Zasheyo,bwoona ga muleshi mbi:"Zasgheyo,sasuga,yi zoo duluga mudiambu yi ba gwenda nimba lelu gu nzu yagu.''⁶ Zasheyo ga gulumugi tswalu,bwoona ga yambi Yesu mu gieshi.⁷ Dangu baadu bootsu di ba dadi buna ba yandigi gutsuba Yesu mbi:''we mimba mu nzu yi muudu yi masuumu!''⁸Haa Zasheyo ga manani gu misu ma fwumu Yesu,bwoona ga muledi mbi::"fwumu,dala,bima biootsu yi ga bisa mundambu djioodi,bwoona ndambu yi moshi yi hana gwedi ba tsugami,mbi yi sendi mbongu gwedi muudu mu ndjila yi bu pala bu yi muvuududila mbala djiya.'' ⁹ Yesu ga mu ledi mbi:''gi ganda gi gihulugi,mudiambu muudu wuu kega gedi mwaana wu Abalahamu. ¹⁰ MUdiambu mwaana muudu ga gwitsa dinga ye guhulusa baadu bana ba bidi.''¹¹Dangu di,Yesu ga gadi pen-pena ye Yelusalemi.baadu bana ba yugi mapandi mana ma ga yagudi,ba yi ndula mbi gusadi ga digii gi fwumu gi Gahungu gitsa gi moniga. Bwoona ga badedi gi ngana gi¹² Mbi:"gu gadi ye mbuda muudu wu moshi wu ludjidu geendi mu gifudi di moshi gi leya mudiambu benda ba muhega gi fwumu mu gwitsa yala mu gifudi giandi.¹³Haa teegu ga lendigi ba higa bandi gumi,bwoona gahegi gosu muudu lu ndondu lu mbongu lu woolu lu moshiga ba ledi mbi:"mu mbongu dji salani hanga gi salu gi gumedisa tii gwoona gu yi gwitsa vuduga.'' ¹⁴ Haa beeni gi futi giandi loo ba mu zodila.Tunda ba sadi dumisa ba tumwaa beega mu gwenda gu mulanda mudiambu ye gu yagula mbi:"loo du zodi mbi muudu wu gitsa ga duyaka.'' ¹⁵ ''Haa ba mushi todila,bwoona gitshi vuduga mu gifudi giandi dangu di ga lendigi ba higa bana ba gahegi mbongu mudiambu di guyaba mbi mbongu talu gwii ba sadi senda.¹⁶Muudu wu teegu gitshi duga mbi:"fwumu,ye londi di lundondu lu mbongu dji wu pegi mudiamnbu ye guhangila gisalu gi gomedisa,yi sadi senda mbongu gumi ye londi.'' ¹⁷ Fwumu ga muledi mbi:"wu hangi pimbu.wedi muudu wu pimbu,wu hangi pimbu mu mapandi ma digi-digii yi ba gusa guvedinela mudiambu ye guyala mabula gumi.¹⁸Muudu wu djioodi gitshi duga mbi:"fwumu,ye londi dji mbongu djina,dji pegi mu guhangila gomedisa,yi sadi lunda ndondu dji mbongu dji danu. ¹⁹ Fwumu ga muleshi mbi:"yi ba gusa gevedinela mudiambu ye mabula ma danu.''²⁰Muudu wu dadu gitshi duga mbi:"fwumu,dala lundondu lu mbongu lwoogu lwoolu;yi sadi swega mu gidembu gi muledi. ²¹ Yi gu yugagi booma,mudiambu ndi wedi muudu wu moshi wu pashi;wu sendaga bima biana bi wu kondi haana,wu ga dulaga ndumba djina dji wu kondi guna.''²²Fwumu ga muledi mbi:"ndji wedi muudu wu moshi wu mbi!Yi ba gu guhega ndola mudiambu ye mapandi mana ma wu yagudi.Bu wu yabi mbi yedi muudu wu moshi wupashi;sendaga bima biana bi yi kondi hana,yi kadulaga ndumba djiana di yi kondi guna. ²³Bwoona,mudiambu di kii wu kondi saa mbongu djiami mu baangi?Nga ya-ya yi tshi vuduga yi kada senda mbongu djina ye djiega ye londi.''²⁴Bwoona ga ledi baadu ba gadi ye gihani gina mbi:"mu dambulani lundondu lu mbongu luna,bwoona luhega wuna wedi ye ndondu dji mbongu gumi." ²⁵ {baa mbi:"fwumu gedi teegu ye ndondu gumi!}"²⁶Yesu mbi:''yi ba gu lu lela mbi:muudu wuna wedi ye bima,Gahungu ga yiga bima biega;haa muudu wuna wu kondi Gahungu ga mu gadula shi gandambu ga bima bina bi gedi biaa. ²⁷Bwoona fwumu wuna mbi:"ba mbeeni ba mi bana loo bazolagi mbi yi ba yala,yi zani lu baneda yaa bwoona lu ba zuwa mu misu mami.''Dangu Yesu di ga yagudi mapandi mana gu hwii,ga gami ndjila gu misu yi baadu bootsu,geendi gu Yeluzalemi.²⁹Dangu di gitshi guma pena-pena ye bula di betifaji ye bedani,pena-pena ye mundonda wu miidi mi mawolive,ga dumishi balongogi boodi gu misu.³⁰ Mbi:"ndalwenda ye bula dina gu misu mbi bulugumi guna lu dala mwaana punda wu moshi wu ba gangi mu mushinga.Shi muudu wu moshi wu konda gumunina lu mugangula,bwoona lwitsa lu muneda yaa. ³¹Haa mbi muudu buga lu yufudi:"mudiambu di kii lu bamugangula?''Lu mulela mbi:"fwumu gedi yandi fwunu.''³²Ba longogi bana ba Yesu ga dumushi mu gwenda guna.Ba dadi mapandi mootsu nga buga ba ledi. ³³ Dangu di ba gangulagi mwaana punda wuna mu mushinga,beeni punda wuna ba yufudi mbi:"mudiambu lu ba gangula punda wuu?" ³⁴ Baa mbi:"fwumu wu dudumi."³⁵ Ba sendi mwaana punda,ba nedi gwedi Yesu.Dangu di,ba shi miledi mi baa miega ye londi di mwaana punda,bwoona ba shigumushi Yesu ye londi diandi. ³⁶ Dangu Yesu gendagi,baadu ba gadi muni mudandila mi ledi mi baa.³⁷Dangu di gitshi guma pena-pena ye Yelusalemi,mu ndjila yi mundonda di odive,ba longogi baandi bootsu ba gadi mugieshi.Bwoona ba yandigi gu hega Gahungu lugumu mu ndaga yi ngolu mudiambu mu mapandi mootsu ma guyiduga ma ba dadi. ³⁸Ba yandigi gwee yagula mbi:"fwumu Gahungu ga sagumuna todila wu neeni wu bagwitsa mu ndjina djiandi!Ngemba dji gala gu yilu,lu gumu lu gala gwedi Gahungu.''³⁹Ba fadishi beega bana ba gadi mukadi ga baadu bana ba ledi Yesu mbi:''longi lela ba longugi bagu ba gala pweede.'' ⁴⁰Haa Yesu mbi:"haa mbi bu gadi pweede,madadi ma yagula mu ndaga yingolu?"⁴¹Yesu gitshi guma pena-pena ye bula di Yelusalemi.Dangu di gadi dadi ga yandigi gu di dila,⁴² Mbi:"haa,Yelusalemi,mbi ndji kega wu yabaga leludi mapanda mana ma needaga ngemba!Haa kenda,loo wu fani ma yaba.⁴³Mudiambu mu bilumbu bi bagwitsa,wu dala pashi.Ba mbeeni bagu bu ba gwitsa gu djieda.Ba mana saa du manu pena-pena ye bi baga diagu mudiambu ye gu ninina.Ba gu ganga mundambu djiootsu. ⁴⁴Ba guzuwa wu muwundu,ndji ye baadu bagu.Loo ba gushila shi dadi di moshi ye londi di madadi meega,mudiambu Gahungu ga gwitsa gu gusadisa,haa loo gu yabaga mbi mukiediga bu ga gwitsa!"⁴⁵Yesu ge goda mu nzu yi bisambu yi yuuda,bwoona ga yandigi gu tsadigishi baadu bana ba deegagi bima bi baa muna. ⁴⁶ Ga ba ledi mbi:"Gahungu ga yagudi mu muganda wandi mbi:"nzu yami yi gala nzu yi bisambu."Haa lu yigumishi nzu yi beebi!"⁴⁷Yesu ga longagi gosu gilumbu mu nzu yi bisambu.Ba mbuda ba dimbu ba Gahungu,ba longi ba tshigu ye ba mbuda beega ba ba yuuda ba dinga pila yio gu zuwa. ⁴⁸ Haa loo ba dadi pila,mudiambu baadu bootsuba landagi pimvbu-pimbu mapandi mana ma ga yaguilagi.

Chapter 20

¹Gi lumbu gi moshi ga gadi mu nzu yi bisambu yi ba yuuda,ga gadi muni longa baadu,ga gadi muni gu ba yabisa tsangu dji pimbu.Bwoona ba nganga ba Gahungu,ba longi ba tsigu ye ba mbuda beega ba bayuuda bu bitshi. ²Ba mu yufudi mbi:"du lela,mu kii giyega wu hangaga mapandi maa?Naa guhegi gi yega gieeni?''³Yesu mbi:"mi kega yi ba yufula pandi yi moshi.Lu ndela ⁴ Mbi naa wu duumi Yowani mu gu bodiga baadu,Gahungu mbi loo baadu?"⁵Haa ba yandigi gu yagula baa ye baa mbi:"mbi bu duvududi:Gahungu wu mudumi'',ga du yufula mbi:"mudiambu di kii lu kondi gwigila mapandi ma Yowani?" ⁶ Haa mbi bu duyagudi :"baadu ba mudumi'',baadu bootsu ba gwitsa gu duzuwa mu madadi,mudiambu ba bootsu ba yabi pimbu-pimbu mbi Yowani ga gadi mbigudi wu Gahungu.⁷Bwoona ba yagudi mbi:loo duyabi mbi naa wu mudumi mu gu bodiga baadu. ⁸ Bwoona Yesu mbi:"mbi bwoona,mi kega,loo yi ba lulela mu kii giyega pangaga mapandi maa.''⁹Dangu di,Yesu ga yandigi gu dela baadu gi ngana gi mbi:"gu gadi ye muudu wu moshi ga hangi mangundu ma vinu.Ga ma defishi gwedi baadu bana ba hangaga ma ngundu ma vinu,bwoona gee ndjinga ngolu mu gi fudi giega. ¹⁰Dangu di gu gadula ndumba dji vinu di dilungi,bwoona ga dumi muhiga wu moshi gwedi baadu bana muni hanga mangundu mandi mudiambu ba muhega ndambu ndumba ndjina dji ga fani senda.Haa baadu bana ba budi muhiga weeni,ba mu tsagadi bwoona ga vudugi mioogu buna.¹¹Mweni ngundu yina ga dumi muhiga weega.Haa baadu bana ba mubudi kega,ba mudugi,ba tsagadi,bwoona ga vudugi mioogu buna. ¹²Bwoona ga dumi kega muhiga wu dadu.Ndi kega ba mulwadishi,ba mu lumbi ye ndjila.¹³Dangu di mweni ma ngundu mana ga yagudi gu mbundu yandi mbi:"kii fani hanga?Yi ba duma mwaana wu yi zolaga ngolu.Yi ba yindula ba mudjidisagi.'' ¹⁴ Haa dangu di baadu bana di dadi mwaana wuna,ba yagudi mbi:"ndi wuuwu wusala yinga dada wandi du muzuwa;bwoona mangundu masala mapidu.''¹⁵Ba mudushi mu mangundu ma vinu,bwoona ba muzuwii.''Yesu ga ba yufudi mbi:haa mweni mangundu kii ga baa hanga?¹⁶ Ga gwitsa zuwa baadu bana,bwoona ga defisa ma ngundu gwedi baadu beega.''Dangu baadu di ba yugi mapandi mana,ba yagudi mbi:"loo,loo gu fani gala buna!"¹⁷Haa Yesu ga badadi,bwoona ga ba ledi kii disongidila di mapandi maa ma sonigi mu muganda wu Gahungu mbi:"dadi di matshi ba dungi ma nzu di gumi dadi di gu luda fwunu''?¹⁸ Gosumuudu wuna wu bwaa ye londi di dadi dina,bu gabaguga.Bwoona mbi dadi dina bu di bwidi gosu muudu wuna bu di mufutumuna ga guma nga fududu.''¹⁹Mu dangu diadina,ba longi ba tshigu ye ba mbuda ba nganga ba Gahungu ba dinga pila yi gu gama Yesu mudiambu bu ba yabi mbi ga dii ginganagina mudiambu ye baa.Haa ba dinagi baadu booma. ²⁰ Bwoona,ba gingilagi dangu di pimbu mudiambu di gu mu gama,bwoona ba dumi baadu beega mu gwenda yu ga mu mayela mapandi mana ma gayagulagi.Baadu bana ba hanga mupila mbi ba badala nga baadu ba kiediga;bwoona mbi ba mu yufudi gosu mapandi mana ba fani mu gama mu pandi ya yina yi gavudula.Mudiambu ba gumuhega gu mioogu mi guvedinela.²¹Ba mu yufudi mbi:"longi,du ba yaba mbi mapandi mana ma wu yagula ye ma wu longaga meedi makiediga.Du ba yaba kega mbi wu sendaga baadu bootsu gi geledi,wu longaga kega ndjila yi Gahungu wu mukiediga djiootsu. ²²Du lela,mbi matshigu ma pidu ma duhegaga tswaa mu gufuda gidadi gi todila wu neeni wu gi fwumu gi Loma mbi loo?"²³Haa Yesu bu gayabi ndungi dji baa djina.Bwoona,ga ba ledi mbi: ²⁴ "Lu ndela lundondu lu moshi lu mbongu mbunzu yii ye djina di ye londi di mbongu dji yedi yi naa?"Ba mbi:"yedi yi todila wu neeni."²⁵Bwoona Yesu mbi:"wu todila wu neeni,hanani gwedi todila wu neeni;gwedi Gahunguhanani gwedi Gahungu.'' ²⁶ Mu mapandi mana ma gayagula gu misu ma baadu loo ba madadi mambi mana ma ba fani mugamina.Haa bu ba yidugi mudiambu ye mvudu yina yi gahani;bwoona,ba gadi peede.²⁷Basadiseya bitshi gwedi Yesu.{baa bayagulaga mbi:baadu loo ba niamugaga mu lufwaa} ba mu yufudi,²⁸ Mbi:"longi,Moshi gaduhegi tshigu dji mbi muudu wedi wandi wuna wu kwedi,bwoona mbi mbuda wuna wu fwii haa mbi loo shi-shi shi mwaana wu moshi,mu gegi wandi ga fani kwela mukedu wuna mudiambu ga buda baana mu djina di mbunda wandi wuna wu fwii.²⁹Bwoona gu gadi ye ba bagala ba tsambwadi,ba gadi baana dada ye ngudi wu moshi.Mbuda wu baa ga kwedi mukedu bwoona ga fwii haa loo ga shi-shi shi mwaana wu moshi.³⁰Gu gadi gi geledi gwedi mugegi wu landi mbuda wuna ye mugegi wandi weega. ³¹ Gu gadi kega gidesu gi moshi gwedi ba bootsu ba tsambwadi ba kwedi kega mukedu wuna,bwoona ba fwii,haa loo ba shi-shi shi wu moshi.³²Gu ngoyi,mukedu wuna ga fwii.³³Bwoona gi lumbu gina gi shamuga baadu bana ba fwii,mukedu wuna ga gala wu naa?mudiambu ba batsambwadi bu ba mukwedi.''³⁴Yesu ga vududi mbi:"ba bagala ye bakedu ba dangu di,ba kwelaga. ³⁵Haa ba bagala bana ye bakedu bana ba Gahungu ba dalaga mbi ba fani shamuga mu lufwaa ye gu djinga mu dangu di gwitsa,loo ba fani kwela. ³⁶ Loo ba fani fwaa kega,mudiambu ba gumi nga ba wandjio;bedi baana ba Gahungu mudiambu ba shamugi mu lu fwaa.³⁷Moshi ga ledi pimbu-pimbu,mu tsangu dji gamudi gana ga lemagi mbaa,mbi baadu bana ba fwii bu ba shamuga mu lu fwaa.Mudiambu bu ga lendigi fwumu Gahungu mbi:"Gahungu wu Abalahamu,Gahungu wu Yizagi,Gahungu wu Yagobu. ³⁸Mapandi ma ba lesa mbi Gahungu wuna gedi Gahungu wu mooni haa loo gedi Gahungu wu baadu ba hwaa fwaa.Mudiambu baadu bana bootsu ba djingaga ye Gahungu bedi baadu ba mooni."³⁹Ba longi beega ba matshigu ba mu ledi mbi:"longi,wu ya gudi pimbu." ⁴⁰Mudiambu loo ba dadi kega pila yi guyufula Yesu mapandi meega.⁴¹Yesu ga ba yufudi mbi:"buni ba fani yagula mbi mesiya wedi mwaana wu Davidi?⁴² Mudiambu Davidi ndi beeni wu ba yagula mu muganda wu migunga mbi:"fwumu Gahungu lesa fwumu wami mbi:"gala yaa gu gogu diami di gibagala ⁴³ Tii gwoona gu yi saa ba mbeeni ba gu gumashina ma milu miagu mudiambu wu ba niada." ⁴⁴ Bwoona,mbi Davidi bu ga lendigi Mesiya mbi"fwumu'',bunii Mesiya ga fani gala kega mwaana wu Davidi?"⁴⁵Dangu baadu bootsu ba yugi Yesu,Yesu ga ledi ba longogi bandi mbi: ⁴⁶ ''Gebani mudiambu ba longogi ba tshigu ba zolaga gwenda luda-luda ye ma mvwela ma baa.Ba zolagagi baadu ba hega mbodi mu mazandu ba zolaga gu gala mu bidi bi teegu mu ma nzu ma bisambu ye mu bihani mi lugumu mu ma feedi. ⁴⁷bendaga dambula bima bi bakedu bi bamifwiidi.Ba sambaga bisambu bi leeya mudiambu ye gudilela gwedi baadu mbi beedi baadu ba pimbu.Ba senda ndola dji guluda pashi.

Chapter 21

¹Dangu Yesu di ga dadi bwoona ga dadi ba mvwaama muni saa magabu ma baa mu sandugu di nzu yi bisambu. ²Ga dadi kega mukedu wu moshi wu mufwiidi wu tsugami,ga ba shi ndondu dji mbongu ndjoodi mu sandugu djina. ³Bwoona Yesu ga yagudi mbi:"yi ba lu lela pandi yi kiediga:magabu ma mufwiidi wu tsugami ma ludi magabu ma shii baadu bootsu. ⁴ Mudiambu baa bootsu beedi ye mbongu dji baa djivula,bwoona ba gondi dala pashi muguhana magabu,haa mukedu wuu,mu gi tsugami giandi gahani mbongu djiootsu dji gagadi djia mu gudjingila.''⁵Baadu beega ba gadi muguyagula mudiambu ye nzu yi bisambu yi ba yuuda mbi:nzu yi bisambu yii yedi yi pimbu ye madadi ma maa mapimbu mana ma shi baadu muna mu gu hana lugumu gwedi Gahungu.Bwoona Yesu mbi:⁶ "Bima bii biluba dala,mubilumbu bi ba gwitsa loo gu sala shi dadi ye londi di madadi meega.Madadi maa mootsu bu mabwaa.''⁷Bwoona ba mu yufudi mbi:"longi,ma pandi maa ma bwaa kii mutindu?Kii gidimbu gi moniga gina gi dulesa mbi dangu di fani bwaa pandi yina gulungi?'' ⁸Yesu mbi:"ge bani pimbu,baadu ba luhunegu.Baadu beengi ba bula senda mu ndjina diami mbi:"yedi Mesiya!"Mbi:"dangu di lungi!"Haa binu loo gu ba landani. ⁹Mbi bu luyugi baadu muni yagula mudiambu ye bidumba mbi loo gu balumaga gu mapandi,binu loo gu degidani;mapandi mana ma fani bwaa teegu.Haa tsuga yi pandi yiootsu loo yi gwitsa tswalu.''¹⁰Bwoona ga ba ledi kega mbi:"baadu ba gifudi giega bu bagwitsa nwaanisa beeni gifudi giega,beeni gifidi giega bu ba gwitsa nwaanisa kega baadu ba gifudi giega. ¹¹ Manu bu manigagana ngolu;nzala yi ngolu shela ye gi kashi gi mbii bu gigala bihani biootsu;mapandi manamahegaga baadu booma ye bi dimbu bi ngolu bu bimoniga gu yilu.¹²Haa dangu pandi yina yootsu yi gala konda bwaa teegu,bu ba lugama,ba lu dadisa pashi,ba lu needa mu nzu yi bisambu yi ba yuuda mudiambu ye gu lusambisa,ba lu saa mudangumbada ba lu needa gu misu ma ba todila ye ba guvedinela mudiambu ye mii. ¹³ Bwoona nga luhana gimbangi gi pimbu mudiambu ye mii.¹⁴Lu fani yaba mbi pandi yina lu yagula mudiambu lu binga,loo lu fani yi ndula gu misu. ¹⁵Mudiambu mi beeni bu yi lu hega ndugi yi guyadila,shi mbeeni wu moshi loo ga saa teembi mukadi ga binu mbi loo muguduna mapandi mana ma lu bula yagula.¹⁶Shi ba dada ba binu,ba ngudi ba binu,ba pangi ba binu,baadu beega ba giganda gi binu,ye ba ndugu ba binu,ba lu hana gu mioogu mi ba mbeeni ba binu beega bu ba lu zuwa. ¹⁷ Baadu bootsu bu ba lumenga mudiambu ye mi. ¹⁸Haa loo gwedi shi lu tsugi lu mooshi lu bila mu midu mi binu. ¹⁹ Bi bu lu gangi mbundu,bu lu huluga.''²⁰Dangu di lu dala ba pumbulu ba ndjiedi Yelusalemi,bu lu yaba mbi gu sadi gandambu Yelusalemi di ba fwaa.²¹ Mu dangu diadina baadu bana ba gala mu manu ma Yudeya,pimbu ba dina mu yega yedi mi ndonda;baadu beega ba gala mu kadi ga Yelusalemi,pimbu ba duga mudiambu ba dina gu leya;bwoona bana ba gala mutsegi loo gwitsa mudiambu di gu goda gu Yelusalemi. ²² Mudiambu bi lumbu bina bi gala bilumbu bi Gahungu gahana ndola gwedi baadu bandi,mudiambu mbi mana mootsu ma ba sonigi mu muganda ma Gahungu mabinga.²³Mu bilumbu bina,kenda gwedi ba kedu bana ba ma nzumu ye bana ba banwisa baana ba digi-digii ma beenu!Mudiambu pashi dji ngolu shela dji gala mu gifudi gii,Gahungu ga yugila beeni gifudi gii kabu. ²⁴ Ba ba zuwa mu mambedi.Ba baneeda mu gihiga mu gifudi giootsu.Bwoona baadu bana ba kondi ba yuuda ba gwitsa niada-niada tii gwoona gu hwaa dangu di baa.''²⁵Bi dimbu bu bi moniga mu dangu,mu ngondi ye mu miooda.Yaa ye londi di manu baadu bootsu mu gifudi giootsu ba dala pashi gu mbundu.Ba dala booma mudiambu ye loolu di ngolu di ba la saa muungu dangu di luda muhunga. ²⁶Baadu ba bula fwaa ngambu mudiambu ye booma di ba bula yindula mu pandi yina yi gwitsa bwaa yaa ye londi di manu bima bi ngolu bina biedi gu yilu bu bi nigagana.²⁷Bwoona lu dala mwaana muudu muni gwitsa mu kadi ga maduda,mu ngolu ye lu gumu lu neeni. ²⁸Dangu di yandiga gu bwaa pandi yina,lu gala lu hwaa yilamana,lu niamugisa midu mi binu,mudiambu dangu di Gahungu di gu lu hulusa di gala di gumi pena-pena.''²⁹Bwoona Yesu ga ba deedi gi ngana gii:"dalani miidi mi mafiji ye miidi miootsu. ³⁰ Mbi bu ludadi mbi gu yandigi gu dusa kasa,lu fani yaba mbi dangu di mvula di gumi pena-pena. ³¹Pila yi moshi ye binu kega,mbi bu ludadi mbi pandi yina yi ba bwaa lu fani yaba mbi gi fwumu Gahungu gi gumi pena-pena.³²''Yi ba lu lela pandi yi kiediga:baadu beega ba dangu di loo ba fwaa mbi pandi yina yi konda hangamana.³³ Yilu ye manu di gala gu tsuga yimiaa,haa ma longi ma mi loo ma gala ye tsuga.³⁴Ge bani!Loo lu fani yindula mu gu daga ma kindji gosu dangu mbi loo mu guzela malafu,loo lu fani yindula pashi dji ludjingu luu;mbi loo gilumbu gi lu yi tshila mu gi tulumugila. ³⁵Mudiambu gu yitshila baadu bootsu beedi londi di gifudi giootsu nga mudambu.Loo gu nimbagani gilu sambilagani Gahungu mu dangu diootsu,bwoona bu lu senda ngolu dji gu dina mapandi mootsu mana ma bwaa.Bu lu senda kega ngolu dji gu niamuga gu misu ma mwaana muudu.³⁷Gosu gi lumbu mu mwiini Yesu ga gadi muni longa mu nzu yi bisambu yi ba yuuda;haa mu piba genda mu mundonda wu miidi mi odive.³⁸ Bwoona gosu gilumbu mu musuga-musuga baadu bootsu beendagi mu nzu yi bisambu mudiambu di gu muyugishila.

Chapter 22

¹Nzaba yi mapaa ma gonda mugedi,yina yi balendigi pagi yi finamani. ² Ba mbuda ba matshigu badingagi bunii ba fani gu zuwaa Yesu,haa ba yugagi miganda booma.³Gadiapemba ga godidi Yudashi Eshikariti wu moshi mu kadi ga batumwa guumi ye boodi. ⁴ Yudashi gendi wagana ye ba mbuda ba mitshigu ye ba fwumu ba batanini mudiambu ba balembula Yesu.⁵Ba gadi mu gieshi ye bamulemvushi mu gu muhega mbongu. ⁶Ga gumbushi bwoona ba yugani mu gu dinga mayela mu gu balembudila Yesu mu luzolu lu bagondi.⁷Gi lumbu gi mapaa magonda mugidi gina gi ba fani zuwa mwaana dimema wu pangi gi lungi.⁸ Yesu ga dumi Piela ye Yowani mu gu balela mbi:"nda lwenda lu du lqambila madia ma pagi mudiambu nga du diani''.⁹ Baa ba mu ledi mb:"guni wu zodi mbi dwenda du hanga.''¹⁰Gabavudidi mvudu mbi:"yugani,mu dangu di lu gondagi gi vula,muudu wu moshi witsa ye bungu di mwetshi wu luwanagana yaa ndi.nga lu mu landa mu nzu yu ga godagi. ¹¹ Nga lu yagula gwedi mweni nzu mbi:fwumu ga yagudi mbi:"du lela sugu digadilagi pagi ye batumwa bandi?¹²Ga lu needa gu sugu di neeni di yilu,di pimbu gwoona gu lu hangila biootsu''. ¹³ Baa bendi ye badadi biootsu nga bu gadi.Ye ba yidigi madia ma pagi.¹⁴Dangu di lungi,ga gadi yatshi ye basadi. ¹⁵ Ga ba ledi mbi:"yi tshi ye ma songa mootsu maz gudia madia pagi gu moshi ye binu gu twala yi gu dala bielu. ¹⁶Mudiambu,yi ba lu lela,loo yi madia keega tii gu gulungisama mu gi fwumu gi Gahungu.''¹⁷Bwoona,Yesu ga sendi mbungu tangu dji ga djisagumuni,ga yagudi:"sendani gabisani binu bootsu.¹⁸ Bwoona yi ba lu lela,loo yi nwaa keega mwetshi wu ndumba dji vinu,mbi gi fwumu gi Gahungu loo gitshi.¹⁹Gu ngoyi,ga sendi mapaa,ye tangu dji ga masagumuni ga ma yudishi gabahegi muna ba lela mbi:"hanga bwoona ma gu ndindulaga.'' ²⁰ Gidesu gi moshi,gu ngoyi yi mashiga,ga sendi mbungu muna yagula mbi:"mbungu yi yeedi gu wagana gu mu mengi maami matsagugi mudiambu ye binu.²¹Haa galani ye gu gieba,wuna wu teegi geedi ye mi yaa yi meesa maa. ²²Bwoona mwaana muudu geedi mugwenda nga bwoona bu gusonamani haa kenda gwedi muudu wun a wu mudegi.'' ²³ Baa bayandigi gu yufula mbi gwedi naa mu kadi ga pidu wu fani hanga bwoona.²⁴Ba yugani baa mu guyindula mbi gwedi baana beedi ba mbuda ba fani hanga mapandi maa.²⁵ Ga baledi mbi:"ba fwumu ba bapani ba bayadi ye bana bahegi ndjila ye londi di baa balendigaga mu mbala yi moshi bana ba bayugilagagi.²⁶Haa looo gu gala gi desu gi moshi gwedi binu.Bwoona bana bootsu beedi nga ba mbuda mu kadi ga binu ba digumisa nga baana ba bagegi.Ye wuna weedi ye fwunu yi yingi ga gala nga wuna wu gondi fwunu. ²⁷ Bwoona weedi mu neeni:gwedi ndona weedi ye meesa mbi ndona wu ba shila madia?Loo mbi ndona weedi ye meesa?Mudiambu,yeedi ye kadi ga binu nga wuna wu ba luleshila madia.²⁸Haa binu lwedi bana ba gangi mbundu ye mi mu gu megama ngwami. ²⁹Yi lu hegi gi fwumu gi moshi,nga bu pegi mi dada wami gi fwumu giami, ³⁰bwoona nga ludia ye gu nwaa ye meesa maami mu gi fwumu giami.Ye nga lugala ye gidi giami mu gu sambisa biganda guumi ye moodi ma Yishiledi.³¹Shimoni,Shimoni,gala ye gu gieba,gadiapemba gu lu senda gu ngoyi ga lu yungula mu muyungula nga fuba. ³²Haa yi sambi mudiambu ndji mudiambu lugwigilu lwoogu lugonda gulumuga.Dangu di wu duga,nga muhiga lugwigilu gwedi ba pangi baagu.''³³Piela ga mu ledi mbi:"fwumu,yedi finama mu gwenda ye ndji mu nzu mbada ye mu lufwaa.'' ³⁴Haa Yesu ga muledi mbi:''Piela,yi ba gu lela bwoobu,loo ga gangulagi lelu ndji ye mi mu gu tuna mbala dji dadu mbi loo wu nzabi.''³⁵Ga ba ledi keega mbi:"mu dangu di yi ludumi gu gonda maguda,bima bigudia loo ye biladu,binu bu lu gondi shi gima gi moshi?"Baa bavududi mbi:"gima loo.'' ³⁶ Haa ga ba ledi mbi:"haa dangu di,wuna weedi ye maguda ga senda ye wuna keega wu gondi mbedi,ga dega muledi wandi wu moshi ga sumba mbedi.³⁷Mudiambu yi ba gu lela mbi mana ma ba sonigi mudiambu ma fani lungisama:'magadi ma hwaa dangamana nga wuna weedi gungoyi tshigu.'' ³⁸ Baa bayagudi mbi:"fwumu,dala!dwedi ye mambedi moodi maama.''Haa ndi ga ba ledi mbi:"dji lungii.''³⁹Gu ngoyi yi gudia,Yesu gendi nga bu gadi gigalulu mu gu hanga,mu mindonda mi Olive,ba tumwa bandi ba mu landi. ⁴⁰ Dangu di ba gumi,ga ba ledi mbi:"sambagani mudiambu mbi lugonda gubwaa mu masumu.''⁴¹Bwoona ga gengugi ga gumi gu leya ye baawu handi ga fugamani ye mabongu,muna saambila.⁴² Baawu mbi:"daada,mbi buu wu zodi,gadula bugogu bu mweedi mi.Dangu diootsu luzolu lwami,haa lwoogu luhangamana.''⁴³Bwoona mutumwa wu moshi gitshi moniga gwedi ndi gu yilu mu gu muyiga lugwigilu. ⁴⁴Dangu di galaganani,ga sambidi ye lugwigilu ye tsanga djiandi dji gumi nga madaba ma neeni ma mengi muna bwaaga mu manu.⁴⁵Mudangu di ga sambi ngolu,gitshi gwedi ba tumwa,ye ga ba dadi gu gilu mumbada ye kenda djiandi. ⁴⁶ Ga ba yufudi:"mudiambu di kii lu ba nimba?Niamugaani sambagani mudiambu lugonda gubwaa mu masumu.''⁴⁷Mudangu di ga yagulaagi keega,badadi,gibuga gineeni giitshi ye yudashi,wu moshi mu batumwa guumi ye boodi witsa gu baneeda.Gu fani gwedi Yesu mu guhega beshi,⁴⁸ haa Yesu ga mu ledi mbi:"Ydashi,mu gu pega beeshi wu zodi gu deega mwaana muudu?"⁴⁹Dangu bana bootsu ba gadi mumbimba Yesu badadi mina mi ludagi,ba yagudi:"fwumu,du bula mu mbedi?" ⁵⁰Wu moshi mu kadi ga baa ga budi mwaana gi salu wu fwumu manu ye ga mugeshi tsuu di gidada. ⁵¹Yesu ga yagudi:"gu lungi,tsuga!''Ye ga gami tsuu ye gamubeludi.⁵²Yesu ga yagudi gwedi ba fwumu bamanu,gwedi ba fwumu ba manzu ma Gahungu ye gwedi ba mbuda bana bootsu bitsagi mudiambu ye lufwaa lwandi:"lu ba gwitsa nga bana bitshi nwanisa gindiaani,ye dji mbedi ye bima bieega bi kabu? ⁵³Mudangu di yi gadi dangu djiootsu ye binu mu nzu yi Gahungu,binu loo lushi mioogu gwedi mi haa yaa dangu di binu,ye gwedi mungolu dji piba.⁵⁴Ba mubwidi,baa bamuneedi mu nzu yi bageshi kanu.Haa Piela ga ba landilagi guleeya. ⁵⁵Gu ngoyi mbendi gumusaa mbaawu mu kadi ga gondi diana di ba gadi mu gimvuga,piela ga gadi gimvuga ye baa.⁵⁶Musadi wu moshi wu mukedu mudiambu ga shigumugi gwoona gwedi semu dji mbaa ga mudadidi ye ga yagudi mbi:"bagala wuu ga gadi keega ye ndi.'' ⁵⁷ Piela ga duni ye ga yagudi mbi:"mukedu,mi loo yi nzabi muudu wuu.'' ⁵⁸Mudangu ndambu,muudu weega ga mudadi ye ga yagudi mbi:"ndji keega weedi mu kadi ga baa.''Haa Piela mbi:"bagala wuu,loo yeedi muna.''⁵⁹Gu ngoyi dangu di moshi di mvimba,weega ga gadadi ye ga yagudi ngolu mbi:"mu masonga,bagala wuu ga gadi yendi gu gadileya.'' ⁶⁰Piela ga vudidi mbi:"bagala wuu,loo yi ba yaba kii wu ba yagula.''Mu dangu ndambu di ba yagulagi,koogu ga gogudi.⁶¹Gahungu,ga balumuni miisu,gu gadi Piela,Gahungu mbi:"koogu wu teegu mugwitsa gogula leelu ndji wu tuunagi mbala djidadu.'' ⁶² Ye gu duga,ga didi ye kenda djiootsu.⁶³Baadu ba gami Yesu ba yandigi gu museya ye mu bula.⁶⁴ Di bamuvadishi puu yi ngangu,ba mu yufudi ye gu yagula mbi:"yaguledi naa wu gubudi?" ⁶⁵ Ba yagudi mapandi meega ma vula ma maduga gwedi ndi.⁶⁶Mudangu guuma di gutshi,gi mvuga gi ba mbuda ba gulu,ba geshi kanu ye ba zushi ba vugani baa baneedi Yesu mu gimvuga gi baa.⁶⁷ Ye ba yagudi mbi:"mbi weedi Kidishidu,du lela.''Haa ndi ga bavudidi mbi:"mbi bu yi leedi,binu loo lugwigilagi,⁶⁸ ye mbi bu yi lu yufudi,binu loo luvudu lagi mvudu.⁶⁹Yabani mbi,mwaana muudu ga gala wu shigumugi gu googu di gidada di ngolu dsji Gahungu.⁷⁰ Baa bayagudi baa bootsu mbi:"ndji disonga weedi mwaana wu Gahungu?"Ye ga bavudidi mbi:"lu ba miyagula,yeedi bwoobuna.'' ⁷¹Baa ba yagudi mbi:"mudiambu di kii du fani dinga keega baadu ba gu geesa?Mumbada du biyugi pidu beeni mu ganu diaandi.''

Chapter 23

¹Ba gadudi bootsu,ye ba needi Yesu gu misu ma Piladu. ² Ba godi mu gufunda,muna ya gula mbi:"dudadi bagala wuu muna yangisa mugangu,muna ba dumisa mu gu fuda bi fani mu giganda gi Sezadi ye guyagulaga mbi ndi geedi Kidishidu,todila.''³Piladu ga muyufudi,pila yayi:"weedi todila wu ba yudaa?Yesu ga mu vududidi:"wu ba mi yagula.'' ⁴ Piladu ga yagudi gwedi ba geshi kanu ye tgwedi maganda:"loo yi badala shi gima gina gi moshi gi mbi gwedi bagala wuu.'' ⁵Haa baa ba dindamani,ye gu yagula:"ga ba hana kabu gwedi baadu mu gu landa muyuda wootsu,yandiga gu gadileya,gwoona gu gayandigi tii gwoogu.''⁶Dangu di Piladu di ga yugi mapandi mana,ga yufudi mbi muudu wuu geedi mweni Gadileya. ⁷ Ga yabi mbi ga gadi muudu wu gifudi gi Yelodi,ga mu dumishi gwedi yelodi,mudiambu yelodi ga gadi mu bilumbu bina keega gu Yelusalemi.⁸Dangu Elodi gadadi Yesu ga yugi gieeshi gi vula,mumbada yandiga tunda ga gadi ye fwunu yi gu mudala,mu gi guma gi mina ma ga yugi muna yagula mu gi guma giandi,ye gazombagi mbi bu ga mudala ndi muna hanga bipaa.⁹ Ga mu yufudi giufu dji vula,haa Yesu loo ga vududidi shi mvudu yi moshi. ¹⁰Ba geshi dji kanu ye bazushi ba gadi dangu diootsu yaana,ye gu mufunda mu mapandi ma gi ngumba.¹¹Elodi,yi bipumbulu biandi,muna gu muduga ye gungoyi yi gu mu seeya ye gu mu vwadisa miledi mihesugi ba mudumishi gwedi Piladu.¹²Elodi ye Piladu ba gumi ba ndugu,mugilumbu giagina,(teegu,ba gadi ba mbeeni.)¹³Piladu,ga vugishi ba fwumu ba bimvuga,ba fwumu ba bazushi,ye maganda, ¹⁴ ye ga ba ledi:"binu lu nedidi muudu wuu nga wuna wu banedisa maganda mubungulumba ye dalani yi muyufudi mu misu ma binu ye loo yi dadi shi gifuu shi muguma gi moshi gina gi lu ba mufundila.¹⁵Elodi keega loo ga mudadi shi gifuu gi moshi mu bina biootsu bi lu bafundila mbi ba mu geshila kanu yi lufwaa. ¹⁶ Bwoona yi muhegagi ndola gu ngoyi nga yi mu yambula.'' ¹⁷ Piladu ga gadi gu yambula muyuda mu ndjila yi kindji.¹⁸Haa maganda mootsu mayagudi mundaga yi ngolu mu gimvuga mbi:"du zuwila muudu wuu,ye du yambudila Badinashi.'' ¹⁹ Badinashi geedi muudu wuna wu bashi mudangumbada mu gi gima gi gunedisa gisaga-saga ye gadi ga vuula,ye gu zuwa baadu.²⁰Piladu ga ba ledi keega,mu luzolu lu gu yambula Yesu.²¹ Ba yagudi mu ndaga yi ngolu:"mu gomani ye kulundji!mu gomani ye kulundji!'' ²²Ga ba ledi keega mu mbala yi dadu:"kii mbi dji ga hangi?loo yi dadi shi mapandi ma moshi mana ma ga fani monigila lufwaa.Yi ba gumu yambula,gu ngoyi yi gu muhega ndola.''²³Haa ba bendamani ye milolu mingolu,ba dingi mbi mugomani ye kulundji.Bwoona mandaga ma baa ma sendi lu nungu. ²⁴ Piladu ga sendi luganu mbi bina bi ba dingi bi fani hangamana. ²⁵Ga dushi wuna wu gadi mudangumbada mu gi guma mu bi saga-saga ye gu zuwa baadu,wuna wu ba zodilagi gahani Yesu mu lu zolu lu baa.²⁶Buna bu ba gadi mu gu needa,ba gami wu moshi mu djina di Shimoni wuna wu gadugi gwandi gu mushidu,ye baa ba muhegi kulundji,mumbada ga needa gu ngoyi Yesu.²⁷Ga gadi baa muna mu landa ye gi buga gi neeni gi ba bagala ye bakedu ba megumugagi ye gu yagula mukenda mumbada ye ndi. ²⁸ Yesu ga balumugi gwedi baa,ga yagudi:"baana bakedu ba Yelusalemi,loo gu dilani mumbada ye mii,haa dilani mumbada ye binu beeni ye baana ba binu.²⁹Bwoona dalani mu bilumbu bi gwitsa biaana bi lu yagula mbi:"sagumuna ba goobu,ye ma luudu mana ma gonedi gaadi gu buda,ye ma beenu mana ma gondi nwiitsa gaadi! ³⁰Bwoona bagala muna yagula mu mindonda:"dubwila!''Ye mu biwanda:"du swega!'' ³¹Bwoona,mbi bu hangi bina disonga mbi muudi geedi wu pimbu,kii fani guma mbi bu ga yumi?"³²Baadu beega,bi ndjiani bioodi keega ba needi mumbada mbi ba bazuwa.³³Mu dangu di ba gumi ye gihani gi ba lendigagi mbi:"gibesa gi mudu,''ba mugomi ye kulundji ya yana,ye bindiani b ina bioodi,wu moshi gu gogu di gidada ye weega gu gogu di gi ngudi.³⁴ Yesu ga yagudi mbi:"dada,ba lolula,mudiambu loo baa ba gudiyaba mu mana ma baa bahanga.''Ba gabishi miledi miandi mu gu bula zegi.³⁵Baadu ba gadi yana,baa muna dala dangu ba fwumu ba bazushi di bamuseeyagi,baa muna yagula mbi:"ndi ga gulusagi ba gwenu mbi geedi mu masagumunu ma Gahungu, wuna wu Gahungu,gadi gulasa ndi mweeni.''³⁶Bi pumbulu bi museyagi,ba finami ye gu mu bula miswamba mi kabu, ³⁷baa muna yagula mbi:"mbi weedi Todila wu ba yudashi,di gulusa ndi mweeni.''³⁸ Bwoona,gu gadi ye londi di kulundji ye bisoni biabi mbi:"wu geedi Todila wu ba yudashi.''³⁹Wu moshi mu kadi ga bindiani muna gu muduga,ye guyagula mbi:"loo weedi Kidishidu?Di gulusa ndji mweni nga wu dugulusa keega.'' ⁴⁰ Haa wuna weega ga munganini mbi:"ndji loo wu ba yuga Gahungu booma,ndji wu sendi ndola dji moshi? ⁴¹ Mumbada ye pidu,gwedi masonga,bwoona du fani senda ndola dji fani mu mambi mapidu ma gi diani.Haa wuu loo ga hangi shi mambi ma moshi.''⁴²Ga yagudi gwedi Yesu mbi:"nga wu ndjibuga mu dangu di wu gwitsa mu luyalu lwoogu.''⁴³ Yesu ga mu vududidi mbi:"yi ba gu lela mu masonga,leelu di wu gala ye mi gu bula di gonda pashi.''⁴⁴Gu gadi yana mu gi desu gi madangu ma sambanu,gu gadi piba mu gifudi giootsu;tii mudangu di givwaa, ⁴⁵Dangu di gumi gi diima,yilu di gumi ye kadi-kadi.⁴⁶Yesu ga dadi mundaga yi ngolu:"dada,yi ba vudula mooni wami gu mioogu miaagu.''Gu ngoyi yi guyagula ndaga yina biangala yi mudugi. ⁴⁷Bana ba gadi ba shindjidi muna dala miootsu mi hangamanagi,ba gumishi Gahungu,ye ba yagudi:"masonga muudu wuu ga gadi masonga.''⁴⁸Ye bana bootsu ba gadi yana,gui ngoyi yi gu dala mina miootsu mi ludi.Ba dugi muna gu bula di yetulu. ⁴⁹Bana bootsu ba yabagani ye Yesu,ye bakedu bana ba mulandagi yandiga gu Gadileya,ba manani gu leeya muna dala mapandi mootsu.⁵⁰Dalagani,gu gadi ye bagala wu moshi mu djina dji Yozefu ga gadi wuna wu hanagi malongi,muudu wu pimbu ye wu masonga, ⁵¹ loo ga yabi malukanu ye tsadidi yi beega,ga gadi ye wuna wu manani mugingolu-ngolu,mu mavula ma yudashi,ye ga gingagi gifwumu gi Gahungu.⁵²Bagala wuna gendi tii gwedi Piladu,ga mudingi mvumbi yi Yesu. ⁵³Ga yi gulumushi,ga yidimbi miledi mitalu,ga yi shi mu malumba ma moshi ma badoodi mu dadi,gwoona gu ba gondi gaadi gusa ada muudu wu moshi.⁵⁴Gu gadi gilumbu gi gu yidiga,giaana gi fani yandiga kindji yi poosu. ⁵⁵Bakedu bana bitshi gu Gadileya ye Yesu ba vugani ye Yozefu,badaadi malumba ye pila yi bashi luudu lu Yesu, ⁵⁶ bwoona ba vudugi ba yidigi magabu ye madiashi ma talu,bwoona ba hululugi mu gilumbu gi posu nga bugadi tshigu.

Chapter 24

¹Mu gilumbu teegu gi posu,bendi gu malumba mu musuga-musuga,ba needi ma gabu mana ma bayidigi. ² Ba daadi dadi di gadi gu giafulu di gadi badudi gu malumba. ³ Ba goodi mu kadi di malumba,mvum,bi yi fwumu Yesu yi gadi.⁴Dangu di ba gumi loo ba gadi mu gieshi mudiambu ye bwoona ba bagala boodi ba manani mu mbimba ye baa bavadi miledi miana mingengagi. ⁵Bakedu bu bagadi ye booma,ba dashi ma mbunzu ma baa mu manu,haa baa ba baledi mbi:"mumbada kii lu ba dinga wuna weedi ye mooni mu kadi ga bafwaa?⁶Loo geedi keega yaa,haa wu fudumugi.Lu bayaba keega mu pila yi ga yagulagi,mu dangu di ga gadi teegu gu Gadileya,⁷ ga yagulagi mbi:gu sonami mbi mwaana muudu ba fani gu mu deega gu mioogu mi baadu ba masumu,ba fani gu mugooma ye kulundji,nga ga fudumuga mu gi lumbu gi dadu.''⁸Bakedu ba yibugi malongi mana,ye ba balumugi gu malumba. ⁹ Ba needi tsangu djiootsu gwedi guumi ye wu moshi ye gwedi bana bootsu.¹⁰ Bana ba yagulagi mapandi mana mootsu gwedi ba tumwa gu gadi:Madiya Magadala,Djiani ye Madiya ngudi wu Djiagi,ye bakedu beega ba gadi ye baa.¹¹Haa mapandi mana gwedi ba tumwa beega ba gondi lugwigilu,loo ba gwigidi mana mootsu ma yagudi bakedu. ¹²Haa Piela ga niamugi,geendi tiinu gu malumba.Ga sondamani muna dalaga,gadadi ndi mweni miledi mitaalu.Piela gendi gu nzu yandi,ga yandigi gu di yufula mu mapandi mana ma ludagi.¹³Haa dalani,mu gilumbu giagina,boodi mu kadi ga baa bendagi gu bula di balendigi mbi Emayishi,gu leeya ye Yelusalemi mu gidamina gi vula.¹⁴ Baa muna wagana baa ye baa mu bina biootsu biludi.¹⁵Ba dadi mbi mudangu di ba nwanaganagi ye gu yufulagana,Yesu ndi mweni ga finami ye ga vugani mu ndjila ye baa.¹⁶ Haa misu ma baa loo ba dadi mu gu muyaba.¹⁷Yesu ga ba ledi mbi:"kii lu ba yagula binu ba boodi lwedi mu ndjila mu gwenda?"Ba manani mu kenda-kenda. ¹⁸ Wu moshi mu kadi ga baa mu djina di Kilopashi,ga mu vududidi mbi:"weedi ndi mweni gwoogu,wuna wu ba ginga gu Yelusalemi wu ba gonda gu yaba mootsu ma ba luda mu gilumbu gii?"¹⁹''Kii mapandi?''gu yufulagi Yesu.Ndi mududidi mbi:"mapandi mana madadidi Yesu mwaana wu Nazaledi,wuna wu gadi mbigudi wu ngolu wu hangagi ye wu yagulagi gu misu ma Gahungu ye gu ma mugangu wootsu, ²⁰ haa beeni geshi kanu ye ba twadishi ba pidu ba mugami ye gu muilembula mu lufwaa ye gu mu gooma ye kulundji.²¹Pidu du yindulagi mbi ndi wu fani guhulusa Yishiledi.Bwoona,mumbada ye maa,lelu di bilumbu bidadu yandiga di hangamani mapandi maa mootsu.²²Haa bakedu bavula mukadi ga pidu,ba du yidugishi ngolu,mu gwenda mu musuga-musuga gu malumba.²³ Dangu di ba gondi dala mvumbi yandi,baa bitshi ba wanagani ye ba tuumwa ye bitshi yagula mbi geedi ye mooni. ²⁴Beega ba gadi mu kadi ga pidu bendi gu malumba baa keega ba dadi mapandi nga bu yagudi bakedu.Haa ndi,baa loo ba mudadi.''²⁵Bwoona Yesu ga ba ledi mbi:"baadu ba gondi mayela,ye mbundu ndji baa dji gondi lugwigilu mu gu gwigila miootsu mina mi yagudi ba mbigudi. ²⁶Loo gwedi fwunu mbi:Kidishidu bu ga dadi minianga mu mapandi maa,mbi wu goodi mu kiembo?" ²⁷ Yandiga gwedi Mososhi ye gwedi ba mbigudi bootsu,mbi ga ba lelaga mu masonugu mootsu mina midadidi.²⁸Dangu di ba gumi pena-pena ye bula,dina di bendagi,ba yindudi keega gwenda gu leeya.²⁹ Haa muna gu ba hemigisa,ye guyagula mbi:"gala ye pidu,mudiambu mashiga ma gumi pena-pena ye gilumbu mu gwenda gu tsuga.''Ye ga goodi mu gusala ye baa.³⁰Ba di dadi mbi.mudangu di ga gadi ye meesa ye baa,ga sendi mapaa gu ngoyi yi gu masaguna,ga bahegi. ³¹ Misu ma baa magadi ma hwagangula ye baa muna gu muyaba,haa ndi ga walugi gu misu ma baa.³² baa ba yagulagani baa ye baa:"mbundu dji pidu loo dji leemagi mu kadi ga pidu mudangu di duyagulagi mu ndjila ye mu gudendudila masonugu?"³³Mudangu diadina di gadombugi ndi gu yilu,baa bavudugi gu Yelusalemi keega bawani bana guumi ye wu moshi,ye bana ba vugani ye baa. ³⁴ Muna yagula mbi:"fwumu gu masonga wu fudumugi,ye bu ga monigi gwedi Shimoni.'' ³⁵ Bwoona ba yandigi guda mana ma ba lududi mu ndjila,keega buni Yesu ga ba ledi mudangu di ga sagumunagi mapaa.³⁶Mu dangu di baa bada mapandi mana,Yesu ndi mweni ga moonigi mu kadi ga baa,ye ga ba ledi:''ngemba djigala ye binu!'' ³⁷ Mumbada ba gadi ba hwaa yula ye booma ba yindudi mbi wuna ga gadi muhunga.³⁸Yesu ga ba ledi mbi:''mumbada kii lu ba gudi yangisa,ye mumbada kii ngiufuu di ba mana duga mudjimbundu dji binu?³⁹ Dalani mioogu miami ye milu,gwedi mi.Gamani ye dalani.Muhunga loo shi wu moshi weedi ye luudu shi gifwa nga bu luba taala muhunga loo lu fani gu mu dala.''⁴⁰ Mu gu yagula mana,ndi ga ba ledi mioogu ye milu miandi.⁴¹Dangu dina diootsu baa bagadi ba gondi gwigila mu gieshi ye gu yiduga,Yesu ga ba ledi mbi:"yaa lwedi ye gima gi moshi gi gudia?" ⁴²Ba muvududidi ba mbitshi boodi ba gu yuma.⁴³ Yesu ga sendi,ga dii yi miisu ma baa.⁴⁴Ga ba ledi mbi:"maa mana ma yi lulelagi,mu dangu di yi gadi ye binu,bu yi luledi mbi ma fani lungisama mootsu mana masonamani mumbada ye mi mutshigu dji Mososhi mwedi bambigudi,ye mu migunga.⁴⁵Bwoona ga ba gangi mabanza,gu ngoyi bayandigi gu yagula masonugu.⁴⁶ Haa ga ba ledi:"bwoona gusonami mbi Kidishidu ga fani dala bulu,nga ga fudumuga mu lufwaa mu gilumbu gi dadu. ⁴⁷Bwoona gu balumuna mbundu ye gu lolula gu masumu nga gu longamana mu ndjina diandi mu maganda mootsu,yandiga gu Yelusalemi.⁴⁸Lwedi ba mbangi mu mapandi maa. ⁴⁹ Dalani,yi dumisa gwedi vbinu biaana dada wami bi ga peegilatshi.Haa binu salani yaa yi vula tii guna gu lu vada ngolu dji gaduga gu yilu.''⁵⁰Bwoona Yesu ga ba ledi tii gu Bedani.Ga zangudi mioogu,ga ba sugumuni. ⁵¹Gu gumi gu dangu di ga basagumunagi,ga ba shishi ga dombugi gwandi gu yilu.⁵²Gu ngoyi yi gu samba,ba vudugi ba bootsu gu Yeluzalemi mu gieshi gi ngolu.⁵³ Ba galagi dangu djiootsu mu nzu yi Gahungu,mu gu yimbilaga ye gu sagumunaga Gahungu.

John

Chapter 6

¹Gu ngoyi yi binu,Yesu vu didadi mumbimba nzadi wu neeni di Gadileya yi ba lendigaga kega mbi nzadi yi Tibediyade. ² Baadu ba vula ba mu landagi mudiambu ba dalagi bidimbu bi ga hanga gwedi ba kashi. ³ Yesu gendi gu mundonda ye ga gadi gu ye ba longugi bandi.⁴(Pangi,kindji yi bayuda banaba gadi pena-pena). ⁵ Dangu di,Yesu ga dadi gu yilu ye galani baadu ba vula bitsa gwedi ndi,ga ledi Fidipiu mbi:"guni du fani sumba mapaa mudiambu di gu disa baadu baa?" ⁶ Haa Yesu ga yagudi buna mudiambu ye gu mega Fidipi,haa ndi beeni ga yabagi mbi buni ga fani hanga.)⁷Fidipi ga mu vududidi mbi:"makama moodi ma deniers loo ma lunga mu gu sumbila mapaa mudiambu gosu muudu ga senda shi ga ndambu." ⁸Wu moshi mu kadi ga longugi,Andele,pangi wu Shimoni Piela,ga yagudi gwedi Yesu mbi: ⁹ "gwedi ye ngunza wu moshi gedi ye mapaa ma danu mana ma ba hangi ye fuba di odigi ye ba mbitshi boodi,haa ma ba lunga bedi ba vula ba vula?"¹⁰Yesu ga yagudi mbi mbi:"shigumusa baadu."Ye gihani gi gadi ye kasa dji vula.)Ya yena baadu ba shimugi ye ba gadi gidesu miidi midanu. ¹¹Bwoona Yesu ga sendi bidini bi mapaa,ye gu ngoyi yi gu hana madonda ga ma gabishi gwedi bana ba gadi yatshi.Ga gabishi kega ba mbitshi pila yi moshi nga bu ga zodi. ¹² Mu dangu di ba mani gu dia,ga yagudi gwedi balongugi:"dogunani bidini bina bi sadi,gu tsuga shi gi moshi gi bilegu."¹³Baoguni ba shi mubidunga gumi ye bioodi ye bidini bi saadi bi mapaa mi danu mifuba yi fuba yi odige,bidini bina bi saadi gu ngoyi bootsu yi gu dia. ¹⁴Dangu di,mbi baadu bu badadi bidimbu bina bi gahangi,ba yagula:"wu gedi shela mbigudi wu fani gwitsa mu gifudi. ¹⁵Dangu Yesu di ga hangi mapandi mana ga gadi muni gwitsa mu gu bagama mu ngolu mu gu ba hega¹⁴ gifwumu,ndi beeni gu mu ndonda.¹⁶Di du gumi mu dangu di mashiga,balongugi ba gulumugi mu mbimba yi nzadi yi neeni. ¹⁷ Ba godi mu bwadu ye ba sabugi gu shimuyi nzadi yi neeni mu gwenda gubula di gapedinawum.(gu gadi gidima mu dangu dina di gondi guma Yesu pena-pena ye baa.) ¹⁸Gidembu gitshi,ye nzadi yi neeni gi gadi muni ba nigisa ngolu shela.¹⁹Gu ngoyi yi gu senda bi hani gi desu gi magumi moodi ye midanu mbi loo magumi madadu,ba dadi Yesu muni gwitsa ye londi di nzadi yi neeni ye genda gi hani gadi bwadu ye baa ba yugi ba yugi booma bu vula. ²⁰ Haa Yesu gaba ledi mbi:"awu mii;loo gu galani ye booma!" ²¹ Ba zola gu mu senda mu bwadu,ye mutsalu yotsu bwadu bu gumi mu maanu ayena ye gendagi.²²Bilumbu bina bi gwitsa,baadu bana bega ba saadi gu shimu di nzade yi neeni,ba mbi gu gadi kaga bwadu wu moshi wu gadi yena,haa Yesu loo ga godi mubwadu yina ye ba longugi bandi,haa bwoona balongugi bandi buna bendi. ²³(Gu gadi,kega ye bwadu wega wu gadi yena yi dugi gu Tibediyade pena-pena ye gi hani gina gi ba dia mapaa mana ma gadi mayadisami mu ngolu djiandi Fwumu.)²⁴Dangu di yabi baadu mbi shi Yesu,shi balongugi loo ba gadi yena,ba godi mu bwadu beni gu Gapedinawum mu gu dinga Yesu. ²⁵Gu ngoyi di gu mu dala gu shimu yi nzadi yi neeni ba mu ledi:"Fwumu,kii witshi guma guu?''²⁶Yesu ga ba vududidi:gu mukiediga gu mukiediga,lu bandinga loo mbi mudiambu lu dadi bipaa,haa mudiambu lu dii mapaa ye bu lu yugudi. ²⁷Yambulani mu gu hanga mudiambu ye bima bina bi bidisaga muudu,haa hangani mudiambu ye bina bi lugumu mudiambu ye ludjingu lu mvula ye mvula bwoona mwaana muudu bu ga lu hega,bwoona Dada Gahungu wu mushi giniemunu.''²⁸Bwoona ga mu ledi mbi:"kii du fani hanga mudiambu ye gu hanga gi salu gi Gahungu?''²⁹ Yesu ga ba ledi mbi:"dalani gisalu gi Gahungu gi lu ba gumbula gwedi wuna wu ga dumishi.''³⁰Bwoona ga ba ledi:"kii bipa wu fani du lesa mudiambu du gu dala ye du gumbula gwedi ndi.''Kii wu fani hanga? ³¹ Ba Dada ba pidu ba dii mapaa mu gifudi gi maganga,nga bu ba sonigi mbi bu wu dia mapaa mana ma duga gu yilu.''³²Yesu ga ba vududidi:"gu mukiediga gu mukiediga,loo mbi Mososhi wu hegi mapaa mana ma gu yilu,haa wami wuna wu ba lu hega mapaa ma pimbu ma gu yilu. ³³Ya yena mapaa Gahungu gedi wuna wu dugaga gu yilu ye wu nedaga ludjingu mu gifudi.'' ³⁴ Bwoona ba mu ledi mbi:Fwumu,du hegaga gosu gilumbu mapaa mana.''³⁵Yesu ga ba vududidi:"yedi mapaa msludjingu,wuna wu gwitsa gwedi mi loo ga gala ye nzala,ye wuna wu gumbula gwedi mi loo ga gala puisa.''³⁶ Gosu dangu yi ba lu lelaga:"lu taadi,haa loo lu ba kumbula.''³⁷ Bina biootsu bi pegi Dada bitsa yedi mi,ye loo yi matsa shi wu moshi wu ba gwitsa yedi mi.³⁸Haa dugi gu yilu,loo mbi mu gu hanga luzolu lwami,wu wuna wu tumi. ³⁹Ye dalani luzolu lu wuna wu tumi,yi bidisegu shi wu moshi mu bina bi ga pegi,haa bu yi lu djingisa mu gilumbu gi tsuga.⁴⁰ Mudiambu giedi luzolu lu Dada,buna wuna wu dala mwaana ye gu gumbula gwedi ndi ga gala ye ludjingu lu mvula ye mvula,yiba hega ludjingu mu gilumbu gi tsuga.⁴¹Fwumu bayuda gangunagani mudiambu ye ndi hanga bu yagudi:"yedi mapaa mana ma dugi gu yilu.''Ga yagudi: ⁴²"Loo lu yabi Yesu mwaana wu Yizefu,du ba yabi dada ye ngudi wandi?buni gedi:"yidugi gu yilu?"⁴³Yesu ga ba ledi kega mbi:"gangani gu ngunagana ye kadi ga binu.'' ⁴⁴ Muudu loo ga fani gwitsa gwedi mi yagula mbi Dada wu tumi ga mu zuwa ye bu yi mu hega ludjingu mu gilumbu gi tsuga. ⁴⁵Ba mbigudi bu ba sonigi mbi:"Gahungu ga ba longa ba bootsu.''Muudu wootsu wu yugi ye wu sambidi Dada gitsa gwedi mi.⁴⁶Shi muudu loo ga dadi Dada,gumbulani wuna witshi gwedi Gahungu,ndi wu dadi Dada.⁴⁷ Mu kiediga mu kiediga,wuna wu wu gumbula mu ludjingu lu gonda tsuga.⁴⁸Yedi mapaa ma ludjingu. ⁴⁹ Ba dada ba binu ba dii mapaa mu gifudi gi maganga ye bafwii.⁵⁰Bi biedi mapaa bina mi dugaga gu yilu,gu tsuga mbi muudu gadi mapaa mana loo gwandi gu fwaa. ⁵¹Yedi mapaa mana ma ludjingu mitshi gu yilu.Mapaa ma yihana medi mutsuni wami mudiambu ye ludjingu lu gifudi giootsu.⁵²Bwoona ba yuda ba gumishilaganimu teembi baa ye baa,ba yagudi mbi:"buni muudu wu ga fani gu duhega mutsuni wandi mbi du dia?'' ⁵³Yesu gaba ledi mbi:"gu mukiediga gu mukiediga mbi loo ludi mutsuni wu mwaana muudu ye mbi loo lunwii meengi mandi,binu beeni loo lugala ye ludjingu lu beeni.⁵⁴Muudu wuna wu diagaga mutsuni wami ye wu nwagaga mengi mami ga gala ye ludjingu lu mvula ye mvula. ⁵⁵ Bwoona mutsuni gedi madongu mapambi ye mengi meedi malafu mapimbu mu gu nwaa. ⁵⁶ Wuna wu dia mutsuni wami ye wu nwa mengi maami ga bula djinga mu gimvuga ye mi,mi kega yi bala djinga mu gimvuga ye ndi.⁵⁷Ya yena dada wuna wu mooni wu tumi,ye haa ba djingaga mudiambu ye ndi,pila yi moshi kega ye wuna wu ndiagaga ga djinga mudiambu ye mi. ⁵⁸ gwedi yayeya dipaa dina di gulumugi gu yilu,loo gwedi nga diana di ba dada ba fwii.Wuna wu dia dipaa dii ga djinga mvula mvula." ⁵⁹ Yesu ga yagudi bima gu nzu yi bisambu yi ba yuda dangu di gu bula di Gapedinawum.⁶⁰Bwoona balongugi bandi bavula,dangu di bayugi mapandi mana,ba yagudi:"malongi maa medi ngolu,na wu fani magumbula?" ⁶¹ Yesu,ga yabi ndi beeni mbi balongugi bandi ba gwenda boguda mu mapandi mana ma ba yugi,ga ba ledi:mapandi mana ma ba lu hega bulu gu mbundu?⁶²Haa mbi bulu dadi mwaana muudu muni dombuga guna gu ga gadi tegu. ⁶³ Gwedi muhunga wuna wu hanaga ludjingu haa luudu loo lu hanaga shi gima.Ndaga yi ba lu lela yedi muhungu ye ludjingu.⁶⁴Dangu di,gwedi ye bega mu kadi ga binu loo ba ba gwigila.''Haa Yesu bu ga yabagi yandiga luyandigu bana ba gonda mu gwigila ye bana ba mudega. ⁶⁵ Ga yagudi:"mudiambu di binu dunda yi lu leshi loo gwedi ye muudu wu fani gwitsa gwedi mi mbi loo ma muhanamanini gwedi Dada.⁶⁶Gu ngoyi bana,ba vula ba gadi mukadi ga batumwa ba yandigi gwenda gu baa loo benda kega ye ndi. ⁶⁷ Yesu ga yagudi gwedi bana gumi ye boodi:"lu zoodi gwenda binu kega?" ⁶⁸Shimoni Piela ga mu vududidi:"Fwumu,gwedi naa du ba gwenda?"Wedi ye ndaga yi ludjingulu mvula ye mvula. ⁶⁹Du gwigidi,du yabi wedi santu wu Gahungu.⁷⁰Yesu ga ba ledi:"loo lu yabi mbi yi lu soodi mbi,wu moshi mu kadi ga binu sadana! ⁷¹ Ga yagula mudiambu ye yudashi Zigadiyodi,mwaana wu Shimoni,mudiambu ndi mukadi ga baa gumi ye boodi,wuna wu dega Yesu.

Acts

Chapter 4

¹¹Mu muganda wu Gahungu ba yagula mudiambu ye Yesu mbi daadi di binu ba maasho di lu matshi di gidugi daadi di fwunu.¹² Baadu ba fani guluga kaga gwedi ndi,mudiambu Gahungu loo ga hegi baadu djina di muudu wega aya mugifudi dina di fani gu ba gulusa.¹³Gimvuga gi neeni gi bayuda ba yidugi ngolu dangu di ba daadi gigesa gi Piela ye Yoani,mudiambu loo ba bagisagi mbi beedi baadu ba Fwunu yi vula kega mbi ba longugi kega.Gu ngoyi bitshi yaba mbi bendagagi luda ndjila yi moshi ye Yesu. ¹⁴ Haa,bu badadi muudu wuna wu gindi,ga niamugi pena-pena ye baa,bwoona loo ga gadi shi pandi yi moshi yina yi ba fani yagula.¹⁵Dangu di,ba ba dushi gu djigu dina di ba yagudila mapandi,ya yena ba yandigi gu yagula baa ye baa. ¹⁶ Mbi:"kii du fani hnga baadu baa?"Mudiambu baadu bootsu ye Yelusalemi ba yabi pimbu-pimbu mbi baadu baa ba hangi mapandi ma moshi ma gu yiduga.Bwoona pidu loo du fani gu ma duna.¹⁷ Haa du ba hemina ngolu lu delegu shi muudu wu moshi kega.Mapandi mu djina di Yesu.Bwoona tsangu di mapandi mana maa magonda pasagana gwedi baadu. ¹⁸ Dangu di,ba mu legi kega ya yena ba ba leshi mbi:"loo gu longa kega,loo gu yagula kega mapandi mu djina di Yesu.¹⁹Haa,Piela ye Yoani ba baleshi mbi:"yindulani teegu,gu misu ma Gahungu pidu kii du fani hanga,du fani lemvuga gwedi binu,mbi loo gwedi Gahungu. ²⁰ Haa pidu,loo du fani yambula mu gu yagula mudiambu ye mapandi maa ma du yugi ye ma du dadi.²¹Dangu di mvuga gi neeni gi baadu ba badungigi kega gi vula,ye yaa ba bayambudi mu gwenda ye loo ba badadi pila yi gu ba hega ndola,mudiambu baadu bootsu ba hegagagi lugumu gwedi Gahungu.Mudiambu ye mapandi mana ma ba hangi. ²² Muudu wuna ga gindi mu pila yina yi gu yiduga ga gadi ye mvula magumi maya ye ndambu.²³Dangu di bambudi Piela ye Yoani gwedi ba pangi ba baa,ya yena ba bayabishi mapandi mana mootsu ma ba leshi ba mbuda badibundu ye bana bega.²⁴ Dangu di ba yugi mapandi mana ma baleshi Piela ye Yoani,ba bootsu ba sambidi Gahungu mu gimvuga mbi:"Fwumu,ndji muudu wu hangi yilu ye manu ye nzadi mungu,ye bima biootsu bina bi biaa.²⁵ Ndji wu leshi muhunga woogu mu gu du lesa kaga Davudi,muudu wuna wu sadila mu gu yagula mapandi maa:mudiambu di kii baadu bana ba gondi bayuda ba badisaa?Mudiambu di kii baadu ba ganaga mapandi ma pamba-pamba mudiambu di baadu bega?²⁶Ba todila ba gifudi gi ba yilami mudiambu di gu nwana bidumba.Ba fwumu ba wanagani gi hani gi moshi mudiambu di gu nwanisa Fwumu Gahungu ye Mesiya wandi.²⁷Mu mukiediga Erodi Antipashiye Posu Piladu ba vugani ye bula dina ye banzendji baadu ba biganda bi Yishiledi mudiambu di gu hanga mapandi ma mbi gwedi muudu woogu wuna Yesu wu sadilaga ye wu wusoodi mu gu gala Mesiya. ²⁸ Ya yena ba hangi mapandi mootsu mana ma wu gani tegu gu twala mu ngolu djagu ye luzolu lwoogu.²⁹Bwoona,Fwumu,dala pila yi ba ba dubangiga bwoona,du hega gi gesa giootsu gi guyabisa tsangu djiagu gwedi baadu. ³⁰ Dandumuna googu diagu mudiambu di gu gidisa baadu ye ba hanga mapandi ma gu yiduga mu djina di muudu woogu Yesu wu sadilaga. ³¹ Dangu di lu sambi Gahungu gu hwii,gi hani gina gi ba wanaganaga gu nigani.Ba bootsu ba yudi ye muhunga wu Gahungu,ya yena ba yandigi gu yabisa tsangu dji Gahungu ye gigesa giootsu.³²Baadu ye gi mvuga gi ba kishidu mabanza ma moshi ye mbundu yi moshi.Shi muudu wu moshi loo ga yagudi mbi bima biandi kaga,haa ba gabaga bima bi baa biootsu mu kadi ga baa. ³³ Mu ngolu dji vula ba tumwa ba hangisagi pila Gahungu ga niamugishi Fwumu Yesu mu lufwaa.Ya yena Gahungu ga ba hegi lu sagumu lu neeni.³⁴Shi muudu wu moshi loo mu kadi ga baa wu gadi tsugami,mudiambu baadu bootsu bana mu kadi ga baa ye londi di gifudi gi baa,mu manzu ma baa ba degagagi mbongu djiootsu ba needagagi. ³⁵Ya yena ba hanagan gwedi ba tumwa.ba gaba gosu muudu mu pila yandi yi gedi yaa fwunu.³⁶Gu gadi muudu wu moshi djina diandi Yizefu,wuna wu ba tumwa wu balendigagi kega Badinabashi:di songa mbi muudu wuna wu hegagagi baadu gi gesa.Ga gadi muudu wu giganda gi Levi,ga budugi ye yanga di Shipre.³⁷ Ga gadi ye ngundu,ga degi ya yena ga hani mbongu gwedi ba tumwa.

Chapter 5

¹Gu gadi muudu wu moshi djina diandi Ananiashi,ye mukedu wandi Safira.Ba degagagi ndambu yi manu ma baa. ²Haa Ananiashi ga gadudi ndambu yi mbongu ya yena ge hana ndambu yega gwedi ba tumwa,mukedu wandi kega bu ga yabagi mapandi mana.³Piela ga yagudi mbi:Ananiashi mudiambu di kii sadana ga gu godi mu mbundu yaagu,ga ba gu lela mu gudaa bupala gwedi muhungua wu Gahungu?Mudiambu di kii sadi swega ndambu mbongu di wu degi manu mana? ⁴ dangu di wu gadi wu gonda dega manu mana disonga loo magadi magu?Dangu di wu degi mbongu dji gadi djiagi shi.Wu kanda hangila nga bwoona bu wuzolagi.Kii pila wu hangi mu mbundu yagu mu gu hanga buna?Loo wu yagudi bupala gwedi baadu haa gwedi Gahungu.⁵ Dangu di yugi Ananiashi mapandi mana ga bwii ya yena ga fwii.Booma bu vula shela bu gami baadu bana ba yugi mapandi mana. ⁶Baana ba bagala bitshi ganga mvumbi yandi miledi ba munedi ye ndjila mudiambu di gwenda gu mu djiga.⁷Gidesu gi madangu madadu maludi,gu ngoyi mukedu wu Ananiashi gitshi goda kega.Loo ga yaba mapandi mana mabwii. ⁸ Piela ga mu yufudi:ndesa,mbi mu talu yina lu degi manu ma binu?Ndi mbi:"eeh"ya yina kaga.⁹Ya yena Piela mbi:"mudiambu di lu wagani mu gumega muhunga wu Gahungu?Yuga,baadu bana bendi gu djiga mulumi woogu,ba gumi ye giafulu,ba mu needi kega ye ndjila. ¹⁰ Kaga mudangu diadina ga bwii mu milu mi Piela,ya yena ga fwii.Dangu baana ba bagala di bitshi goda ba mudadi wufwii.Ba muneedi yendjila bendi mu djiga pena-pena ye mulumi wandi.¹¹ Booma bu vula bu gami baadu bootsu ba dibundu ye bana bootsu ba yugi mapandi mana.¹²Ba tumwa ba hangaga mapandi mavula ma gu yiduga mu kadi ga baadu.Ba kidishidu bootsu ba wagani mu gimvuga gi moshi mu mbasani yi Salomon, ¹³ ye shi muudu wu moshi loo gitsaga wanagana ye baa;haa ba bahegaga lugumu lu vula.¹⁴Ba bagala ye bakedu ba vula ba gumbulaga Fwumu Yesu mu mbundu dji baa,ya yena talu yi ba kidishidu yi gumaga yi vula. ¹⁵Mudiambu di mahanga mana ma hangaga ba tumwa baadu bitshi gu saa bakashi mu mabala-bala ye londi di biandu ye mu bipoyi mudiambu,dangu Piela di gwitsa luda givudivudi gi gama gosu muudu wuna mu kadi ga baa. ¹⁶Baadu ba vula bitsaga,ba dugaga mu mabula ma pena-pena ma Yelusalemi,mudiambu mu gwitsa gu Yelusalemi.Bitsaga needa bakashi ye bana ba gadi ye mihunga mimbii.Bwoona ba bootsu ba gindaga.¹⁷Fwumu wu ba nganga badibundu ye baadu bana bootsu ba gadi ye ndi ba mu gu goda mu mapandi mana mudiambu ba gadi musogi gwedi ba tumwa.¹⁸ Ba gami ba tumwa ya yena ba shi mudangu mbada.¹⁹Haa mu kadi ga piba,wandjio wu Fwumu Gahungu gitshi gangula giafulu yi dangumbada,ga ba dushi ye ndjila ya yena ga ba ledi mbi: ²⁰ "Ndalwenda lu manina ye nzu Gahungu.yabisa baadu mapandi mootsu mana ma dadidi mooni wu paa.'' ²¹ Batumwa ba yugidi wandjio wuna,ya yena mu musuga-musuga shela bendi goda mu nzu yi bisambu ba yadigi gu longa.Fwumu wu banganga ba Gahungu ye baadu bana ba gadi yendi,ba lendigi ba lendigi bambuda bootsu ba Yishiledi,ga dumishi ba pudishi bandi mu gwenda dinga ba tumwa mudangumbada.²²Haa,dangu di gumi ba pulushi gu dangumbada loo ba badadi,bitshi vuduga,ba bayabigishi: ²³''Du dadi dangumbada yi gu ganga pimbu-pimbu shela,ba pulushi ba manani ye twala yi giafula,loo ba dadi shi muudu wu moshi mukadi.''²⁴Ba yugi mapandi mana,fwumu wu bapulushi ba mudangumbada ye bambuda ba dibundu ba yidugi ngolu mudiambu ye batumwa,ba di yufudi mu mbundu dji baa mbi mapandi ma bwii. ²⁵Muudu wu moshi gitshi ba yabigisa mbi:"dala baadu bana ba lushi mudangumbada,beedi mu nzu yi bisambu.Ba balonga baadu!²⁶Dangu di,fwumu wu bapulushi ye baadu bandi be dinga ba tumwa.Gitshi gu ba vudula,haa lombi mu ngolu,mudiambu ba yuga booma,mudiambu ye gu ba zuwa mu madaadi. ²⁷ Dangu di di bitshi ba vudula gu hwii,ba basambishi gu twala yi gimvuga gi neeni gi bayuda.Fwumu wu banganga ba dibundu ga ba yufudi mapandi mbi:"du hani tshigu dji neeni mbi muudu wu fani longa mu djina dina?Haa binu dala ²⁸mapandi mana ma luhangi:lu pashi tsangu dji binu ye bula di Yelusalemi di mvimba.Ye lu ba yagula mbi pidu du zuwii muudu wuna.²⁹Piela ye batumwa bana bega ba baledi mbi:"du fani lemvuga tegu gwedi Gahungu,haa loo mbi gwedi baadu. ³⁰Gahungu wu ba kaga dji pidu ga shamugishi Yesu mu lufwaa wuna wu ba zuwii mu kulundji. ³¹ Gahungu ga mu dombushi gu yilu mu ngolu djiandi,ga hangi mu gala Fwumu ye kulundji mudiambu mu guhana ndjila gwedi beeni Yishiledi mu gu balumuna mbundu ye mu gu gumbula mbi Gahungu bu ga balolula mudiambu ba hangi masumu. ³² Pidu ye muhunga wuna wu Gahungu wu ga hani gwedi baadu bana ba mu lemvugilagi,dwedi batumwa ba mapandi mana.³³Dangu di gimvuga gi neni gi bayuda ba yugi mapandi mana,ba yugi kabu dji vula.Ba geshi mbi batumwa ba fani fwaa. ³⁴Haa gu gadi ye mu fadishi wu moshi mu gi mvuga gina,djina djiandi Gamaliele.Ga gadi longio wu tshigu.Baadu bootsu ba mu djidisaga.Ga niamugi,ya yena ga leshi baadu mu gu dusa batumwa ndambu ye ndjila.³⁵Ya yena ga ledi baadu bana ba gadi mugimvuga mbi:"binu beeni Yishiledi gebani mudiambu ye mapandi maa lu ba zola hanga baadu baa. ³⁶ Mudiambu gu yela loo gu vula,Tedasi gitshi mu kadi ga pidu,ya yena ga yandigi gu yagula mbi gedi muudu wu Fwumu.Gi desu gi baadu kama ye djiya ba vugani gwedi ndi.Haa baadu bega ba mu zuwi,ya yena bana bootsu ba mulandaga,ba pasagani.Shi muudu wu moshi loo ga sadi mu gimvuga gina. ³⁷Gu ngoyi yandi yudashi mweni Gadileya gitshi mu kadi ga pidu dangu di ba sonigisa madjina ma baadu.Ga bendi baadu ba vula mu gu mulanda.Ba mu zuwi kega,ya yena baadu bana bootsu ba mu landagagi ba pasagani.³⁸Dangu di ba lu lela mbi loo gu landa baadu bana ba yambulani benda mudiambu mbi mapandi maa ba bagana mbi ma ba hanga maduga gwedi baadu ba kenda. ³⁹ Haa mbi gu mukiediga mapandi ma mabaduga gwedi Gahungu,loo ba gu ma zuwa.Giebani mbi loo gu moniga mbi lu nwanishi Gahungu.Baadu ba gimvuga gina ba landi ndongishila di Gamaliele.⁴⁰Ba lendigi kega batumwa,ba babudi,bwoona ba baledi mbi:"loo gu longa kega mu djina di Yesu,ya yena ba bayambudi."⁴¹ Batumwa ba gadugi mu gimvuga gi bayugi mu gieshi giootsu,mudiambu Gahungu ga dadi mbi ba fani mu gu dala tsooni mudiambu di djina di Yesu. ⁴²Gosu gilumbu mu nzu yi bisambu ye mu manzu ma baadu,baa longaga ye gu yabigitsa tsangu dji pimbu dji Yesu Mesiya

Chapter 6

¹Mu dangu dina talu yi ba kidishidu di du gadi muni guma ba vula.Bwoona ba yuda bana ba yagulaga ndaga yi gigregi,ba bogudaga gwingi mudiambu ba balesaga mbi:"bakedu bana ba mafwidi bedi yaa ye kadi ga pidu,binu loo lu basadisaga mu dangu di lu gabisaga madongu gootsu gilumbu.²Balongugi bana gumi ye bioodi,ba lendigi ba kidishidu bootsu mu gimvuga gina.bwoona ba baledi mbi:"loo gwedi pimbu pidu mu yambula gisalu gi gulonga tsangu dji Gahungu mudiambu ye gu gabisaga madongu. ³Bwoona,binu ba pangi solani ba bagala ba ntsambadi mu kadi ga binu bana beedi ye bifii bi pimbu ba fani gala baadu bana bana ba yuudi ye muhunga wu Gahungu.ba fani gala ye mayela ma vula.bwoona du saa mu gisalu gii. ⁴Du saa ngolu mu gu samba Gahungu ye gu yabisa tsangu dji pimbu.''⁵Baadu bootsu ba gimvuga gina ba gumbudi mabanza mana.Bwoona ba soodi Etieni,muudu wu moshi mu kadi wu yudi ye muhunga wu Gahungu ye lugwigilu luvula.Bwoona ba soodi kega Fulubi,proshori,Nikanori,Timoni,Padimenashi,ye Nikola,muudu wu Antioshi wu gidugi mu yuda. ⁶Ba needi gu misu mi batumwa,ya yena ba tumwa ba sambi Gahungu gu hwii ba bashi mioogu.⁷Dangu di danga yi Gahungu pasagani mu ndambu ye ndambu,talu yi ba kidishidu yitshi yi vula gu yelusalemi.Banganga ba Gahungu bendi ba gumbudi lugwigilu luna.⁸Gahungu ga sagumuna Etieni gwingi,ya yena Etieni ga gumi ye ngolu dji vula.Gahungu mapandi maa guyiduga mu kadi ga baadu. ⁹ Haa gu gadi ye baadu bega ba galaga gi mvuga gi moshi gu nzu yi bisambu yi ba yuda.Bwoona yi ba lendiga nzu yi bisambu yi baadu ba gadugi mu gi higa.Baadu bega ba sagaga teembi ye Etieni,baadu bana ba gadugi bula Sireni ye gu bula di Alexandriya,baadu bega kega ba gadi ye baa,ba gadugi gu bula di Silisiya ye gu provensi di Asia.¹⁰Haa,loo ba nungi,mudiambu Etieni ga yagulaga ye mayela ma muhunga wu gedila ma ga muhegi. ¹¹ Bwoona,ba fudi mbongu gwedi baadu,mudiambu be yagula mbi:"bu du yugi mbi ga vwenza Mososhi ye Gahungu.''¹²Ba pushi baadu bega ye ba mbuda ba bayuda,ye ba longi batshigu.Bitshi gama Etieni,bwoona ba mu needi gu twala yi gimvuga gi neeni gi bayuda. ¹³ Ba dushi ba mbangi ba bupala wuna wu yagudi mbi:"muudu wuu ga vwendji kaga nzu yi bisambu yi pidu ye matshigu ma Mososhi. ¹⁴ Du mu yugi muni yagula mbi:"Yesu wuna,muudu wu Nazaledi bu gafwa,nzu yi bisambu yii,yi matshigu mana ma Mososhi ma gu dushidi,ga ma saa bwega kega.'' ¹⁵ Baadu bootsu bana ba gadi mu gimvuga gi neeni gi bayuda.Ba gadi kaga muni dala Etieni ngolu,ba dadi mbi mbunzu yandi nga mbunzu yi wandjio.

Chapter 7

¹Fwumu ba mbuda ba dibundu ba yufudi Etieni mbi:"mapandi maa meedi ma mukiediga?" Etieni ga ba vududidi mbi:''bapangi ²ye ba dada baami nzu yi Gahungu ga monigi gwedi Abalayamu kaga wu pidu dangu di ga gadi gu gifudi yi Mezopotani,ga gadi goonda gwe dinga gu bula di Arani. ³ Gahungu ga muledi mbi:"gaduga mu gifudi giaagu,ye nzu yagu,nda gu gifudi gi yibagu lela.⁴Bwoona Abalayamu ga gadugi gu gifudi gi baadu ba Gadileya.Gendi dinga gu bula Arani.Gu ngoyi lufwa lu dada wandi Gahungu lu mu needi gu gifudi gii gi lu badinga. ⁵ Haa loo ga muhegi manu yegifudi gii shi gihani gi gafani saa gulu di moshi.haa ga hegi Abalayamu lushilu mbi ga muhega manu ye gwedi bana ba sala buduga mu gisanda giandi,haa Abalayamu loo ga gadi ye baana mu dangu dina.⁶Gahungu ga yagudi bwoobu:"baadu bana ba sala buduga mu giganda,badjinga mu gifudi gi ginzendji ba giduga ba higa,ba badadisa pashi ma mvula kama djiya. ⁷Haa,yi hana ndola gwedi bana ba sadilaga.Gu ngoyi ba gaduga mu gifudi gina ba gwitsa samba ye gihani gii. ⁸Bwoona Gahungu ga wagani ye Abalayamu gidimbu gina gi ba lesa guwagana gieni giagi:"ba fani hanga ba bagala mukanda,haa dangu di Abalayamu ga budi Yisagi,ga mugeshi mukanda.Gu ngoyi bilumbu bi ntsambwadi Yizagi ga hani bwoobu gwedi Yagobu,bwoona kega Yagobu bu ga hangi gwedi ba kaga ba pidu,ba kaga bana gumi ye boodi dangu di baana.⁹Ba kaga bana ba yugaga Yizefu tsooni.Ba mudegi mudiambu di gwenda gala muhiga gu Egipiti,haa ga gadi ye ndi. ¹⁰ Ga mu gadudi mu mapashi mandi mootsu.Ga muhegi mayela ye mabanza ma pimbu mupila mbi:Todila wu neeni wu Egipiti ga mu zola.Todila ga mushi guvedinela wu Egipiti ye wu nzu yiandi yootsu.¹¹Nzala yi ngolu yi godi gu Egipiti ye gu gifudi gi Kanaa yiootsu pashi dji neeni dji goodi bakaga ba pidu loo ba gadi ye madia. ¹² Haa dangu di yugi Yagobu mbi gu dia loo gwedi Egipiti.Ga dumishi ba kaga ba pidu guna mu mbala yi teegu. ¹³Mu mbala yi zoodi Yizefu ga di leshi gwedi ba pangi bandi,mu gu muyaba.Ya yena todila ga yambi giganda gi Yizefu.¹⁴Bwoona Yizefu ga lendigi Dada wandi Yagobu ye giganda giandi giootsu.Ba gadi baadu magumi mantsambanu ye dji danu. ¹⁵ Bwoona Yagobu gendi gu Egipiti ndi ye ba kaga ba pidu,gega ba fwi guna. ¹⁶ Ba mvumbi ba baa gu bula sishemi.¹⁷Haa gilumbu gina Gahungu gi galusa lushilu lu gashidi gwedi Abalayamu,dangu di yitshi pena-pena.Talu yi baadu ba pidu di yitshi yi vula gu Egipiti. ¹⁸ Bwoona Todila wega ga yandigi gu yala gu Egipiti.loo ga yabi Yzefu. ¹⁹ Ga hwuni baadu ba pidu,ndi kega ga dadishi bakaga ba pidu pashi.Ga ba leshi mu gu shisa baana ba baa ba bagagi ye ndjila mudiambu ba bazuwaa.²⁰Mu dangu dia dina Mososhi ga budugi.ga gadi mwaana wu pimbu gu misu ma Gahungu.Ba musashi ba ngondi ba dadu mu nzu dada wandi. ²¹Dangu di ba mu shishi ye ndjila mwana mukedu wu moshi wu Todila wu Egipiti ga musendi,ya yena gendi gu mutsatsa nga mwaana wandi beeni.²²Ba longi Mososhi mayela mootsu ma baadu ba Egipiti.ga gumi muudu wu ngolu mu gu yala mapandi ye mu gu yala bisalu. ²³Dangu di lungishi Mososhi ma mvula gumi ye miya,ngindu dji mu yitshidi mu gwe dala ba pangi bandi gu Yishilela. ²⁴Ga dadi mweni Egipiti muni niogula mweni Yishilela pashi,ya yena ga zuwii mweni Egipiti mudiambu di gu muvudila mbi. ²⁵Mososhi ga yaba mbi ba pangi bandi ba Yishiledi ba yaba mbi Gahungu ga mu dumishi mudiambu di gu bagadula mu pashi.Haa loo ba yabi.²⁶Mu gi lumbu gi landi Mososhi ga dadi baadu boodi ba Yishilela muni nwana.Ga zola mbi ba wanagana.Ga ba ledi mbi:dalani lwedi ba pangi shi;mudiambu di kii lu bahanga mbi?²⁷ Haa muudu wuna wu hanga pangi wandi mbi ga pushi Mososhi gu ngoyi,ya yena ga mu leshi mbi:naa wu gu shi fwumu mudiambu di gu sambisa? ²⁸Wu ba zola wu nzuwa nga bwoona bu zuwi mweni Egipiti mayoni.²⁹Dangu di ga yugi mapandi mana,Mososhi ga dini.Bwoona ge djinga gu gifudi gi Madiani.Ga budi baana boodi ba bagala guna. ³⁰ Gu ngoyi mamvula ma gumi maya,wandjio gitshi moniga gwedi ndi mu kadi ga segi pena-pena ye mundonda wu shinayi.Wandjio weeni ga gadi mu gongolu di mbaa mu ga mudi ga moshi ga lema.³¹Mososhi ga yidugi mudiambu ye mapandi mana ma gadadi.Dangu di genda pena-pena di gu dudala,ga yugi ndaga yi Fwumu Gahungu muni yagula mbi: ³² "Yedi Gahungu gaba kega bagu,Abalayamu,Yisagi,ye Yagobu.''Mososhi ga yandigi gu degida,loo ga dala pila yi gudala.³³Ya yena Fwumu Gahungu ga mu ledi mbi:"gadula ma sandadi maagu,mudiambu gi hani gi giwu niamugi giedi manu ma sandu. ³⁴ Mu gi gidi,yi dadi kii pila ba dadisa baadu bami pashi gu Egipiti.Yi yugi gu dila gu ba badila mudiambu ye pashi.Yi bagwitsa gulumuga mudiambu di gu ba gadula mu pashi.Yiza yi ba gu duma gu Egipiti.³⁵Shi beeni Ishilela bu baduni Mososhi mudangu di ba muleshi mbi:na wu gu shi Fwumu mudiambu ye gu du sambisa?''Haa mu lusalusu lu wandjio wuna wu yitshi mu monigila mu gamudi.Gahungu,Mososhi mu gwenda gala Fwumu ye muhulushi. ³⁶ Mososhi muudu wu duushi baana ba Yilela gu Egipiti.Ga hangi mapandi ma gu yiduga gu Egipiti mu mwetshi wu neeni wu benga ye mu manu ma maganga ma mvula gumi ye maya. ³⁷ Ndi Mososhi ga leshi kega baadu ba Yishilela mbi:"Gahungu ga lu dumisa mbigudi wandi nga mi mu kadi ga bapangi ba binu.³⁸Ndi wu gadi mu gimvuga ye baadu ba yishilela dangu di ba wanagani mu manu mapidu,gi hani gi moshi ye wandjio wuna wu muledi ye londi di mundonda wu Shinayi.Ga sendi tsangu di mooni mudiambu di gu du haga. ³⁹ Haa bakaga ba pidu loo bazolaga gu mulemvugila.Bu ba muduni ba zola kega vuduga gu Egipiti. ⁴⁰ Ba leshi Adioni mbi:"du hangila duhungu duna du bidegi duna du gwenda bia gu twala.Mudiambu Mososhi wuna wu du dushi gifudi di Egipiti,loo du ba yaba mbi kii mapandi ma mubwidi.⁴¹Bwoona,ba hangi gidegi gi moshi ga mwaana ngombi.ba yandigi gu hana magabu gwedi gidegi gina,ba hangi fedi mudiambu di gu gumbisa gima gina gi ba hangi ba beeni. ⁴² Haa Gahungu loo ga ba dadi kega,ga ba yambudi mu gu samba miooda,nga bwoobu ga basonigi mu muganda wu ba mbigudi mbi:"mbi buni,binu beeni Yishilela.Magabu mana ma meengi ye magabu mega lu pega mi.Dangu di lu gadi ma mvula magumi maya mu manu ma maganga?⁴³Loo,haa lu nedaga ga nzu ga gahungu moleki.Ye gifanisu gi gahungu wu binu Refani.Lu hangi bidegi bina mudiambu lu bisambaga.Bwoona yi lu gadula yi lu neda gu leeya mu gifudi gi ba bilona.⁴⁴Ba kaga ba pidu mu manu ma maganga,ba gadi ye ganzu ga tenda gena ga lesaga mbi Gahungu geedi ye baa.Ba hangi Gahungu bu ga leshi Mososhi,ga landi nga pila yi ga daadi. ⁴⁵Bakaga ba pidu ba shishi gwedi bakaga ba pidu bega bana ba landa.Bakaga ba pidu bana ba nedaga dangu di sendi gifudi gi baadu bana ba tsagadi Gahungu gu twala yi baa.Mudangu di ba kodishi mu gifudi gina,Josuwe ga gadi fwumu wu baa.Ba giebaga tii mu dangu di gwitsa Todila Davidi. ⁴⁶ Gahungu ga Yagobu ga zolaga Davidi,ya yena Davidi ga mu dingi tswaa mu gu mudungila nzu.⁴⁷Haa Salomoni muudu wu du ngishi nzu mudiambu ye Gahungu. ⁴⁸ Haa Gahungu loo ga galaga mu nzu yina yi dungi baadu mu mioogu mi baa,nga bu yagui mbigudi mbi: ⁴⁹ "Yilu diedi gidi giami gi gifwumu,ye manu medi gima giami gi du ludilaga milu.kii nzu yi lu fani tungila?''Gu yagula gu Fwumu:''guni yi fani gwenda hululuga? ⁵⁰Bima biootsu loo mbi mi hani?"⁵¹Haa,binu lwedi mudu gu guba.lwedi nga ba pani:manunga ma binu meedi ma ngolu,loo lu yugagagi ndaga yi Gahungu!Dangu diootsu lu dunaga muhunga wu Gahungu nga bakaga ba binu. ⁵²Mu kadi nga ba mbi gu dina bakaga ba binu ba gondi dadisa pashi?ba zuwii bana ba yabigisagi baadu mbi muudu wu moshi wu Gahungu bu ga gwitsa.Dangu di binu lu mudegi,lu mu zuwii. ⁵³ Binu baadu lu sendi matshigu mana ma Gahungu.ma ga dumishi gwedi ba wandjio mu gwitsa gu lu hega,haa binu loo lu daadi.''⁵⁴Dangu baadu bana di ba yugi mapandi mana ba yugi gisegu.Ba ganga minu mibaa ngolu mudiambu ba yugidi Etieni kabu dji vula.⁵⁵ Haa Etieni ga gadi wu gu yula ye muhunga wu Gahungu.Ga dadi gu yilu,ya yena gadadi lugumu lu Gahungu.Gadadi kega Yesu wu niamugi gu googu di gidada gi Gahungu. ⁵⁶ Etieni,ga yagudi mbi:''dala mi yi badala yilu di gangugi mwaana muudu wu niamugi gu googu di gidada gi Gahungu.''⁵⁷Ya yena baadu ba yagudi mu ndaga yi ngolu,ba gangi matsu ma baa.ba bootsu bindi gu mu bwila mu gi mvuga. ⁵⁸Ba mudashi mungolu ye bula,ya yena ba yandigi gu mu lumba madadi mudiambu di gu mu zuwa.Baadu bana ba mulumba madadi ba hani duzaga du baa gwedi mwaana wu moshi,djina diandi Sawulu.⁵⁹Dangu di ba balumba Etieni madadi ga sambidi:"Fwumu Yesu senda mooni wami.'' ⁶⁰Ya yena ga fugamani,ga yagudi mu ndaga yi ngolu mbi:"Fwumu,loo gu danga masumu ma bahangi!"dangu di ga yagudi mapandi gu hwii ga fwii.

Chapter 8

¹Sawulu kega bu ga gumbudi mbi ba muzuwa.Kaga kilumbu giagina ba yandigi gu dadisa beeni dibundu di Yelusalemi pashi.Ba kidishidu bootsu ba mwamugi mu proveshi di bayuda ye gu samadiya,kaga batumwa ba bagondi ba bendi. ² Baadu bega bana ba gadi ye mbundu yi nzambi,be dinga Etieni.ba mu didi ngolu. ³Haa Sawulu ga hangi ngolu mudiambu ga zuwa dibundu.Ngenda goda nzu ye nzu mu gu dusaga ba kishidu ba bagala ye bakedu mu gu ba saa mu dangu mbada.⁴Baadu bana ba pasagani benda yabigisa tsangu dji pimbu ndambu ye ndambu. ⁵Fidipi gendi gu bula dina di gu luda fwunu mu manu di samadiya.⁶Dangu diyugi Fidipi ye gudala mapandi ma guyiduga ma ga hanga,ba mu yugila pimbu-pimbu.⁷ Mudiambu mi hunga mi mbi midugaga gwedi baadu ba vula ba kashi.Dangu di miduga,mi yagulaga mundaga yi ngolu.Baadu ba vula,ba gadi bigada ye bana ba gadi milu migifu,bu bagindi. ⁸ gieshi gi vula gi gadi gu bula dina.⁹Ye bula dieni gu gadi ye muudu wu moshi dina diandi Shimoni.Teegu ga gadi mweni baa kida,Beeni Samadiya ba yiduga mudiambu ye ndi.Ndi beeni wu di lesaga mbi geedi muudu wu moshi wu fwunu. ¹⁰Baa bootsu shi ba geegi,shi ba mbuda,ba muyugila.Ba yagula mbi:"muudu wuu geedi ye ngolu dji Gahungu,ngolu djiana dji balendigaga ngolu dji neeni.'' ¹¹ Bu ba muyuga,mudiambu yandiga gu leya gahanga mapandi mandi ma gu yiduga ma bakida bandi.¹²Haa dangu ba bagala ye bakedu di ba gumbudi mapandi ma Fidipi ma ga yagula,ba sendi mbodiga.Ga ba yabisa tsangu dji pimbu djina dji dadidi gifwumu gi Gahungu ye dji dadidi Yesu Kidishidu.¹³Shimoni ndi beeni bu ga gwigidi dangu di gasendi mbodiga,ga gala pena-pena ye Fidipi,ya yena dangu di gadi mapandi ma neeni ye ma gu yiduga ma hangi Fidipi,ga yidu ngolu.¹⁴Dangu di yugi batumwa bana ba galaga gu Yelusalemi mbi beeni Samadiyaba gumbudi tsangu dji Gahungu,ba dumishi Piela ye Yoani guna. ¹⁵dangu di bagumi guna,ba tsabi Gahungu mudiambu ba senda muhunga wu Gahungu. ¹⁶Mudiambu mu dangu dina muhunga wu Gahungu loo ga gulumugi tegu shi ye londi di muudu wu moshi mu kadi ga baa.Sendi mbodiga kaga mu djina di Fwumu Yesu. ¹⁷Dangu di Piela ye Yoani ba si mioogu,ya yena yi ba sendi muhunga wu Gaungu.¹⁸Dangu Shimoni di ga dadi mbi ba kidishidu ba senda muhunga wu gedila dangu tumwa di ba basa mioogu,ga zola ga ba hega mbongu. ¹⁹ Ga ba ledi mbi:"pega ba ngolu djina mudiambu muudu wootsu wuna wu yitsa mioogu ga senda muhunga wu Gahungu.²⁰Piela ga mu leshi mbi:"faa gwoogu ye mbongu djiagu mudiambu wu ba yindula mbi wu fani senda ngolu dji Gahungu ye mbogu! ²¹ Loo wu fani goda mu gisalu gii mudiambu mbundu yagu loo wu mugiediga gu misu ma Gahungu. ²²Bwoona,wu fani balumuna mbundu,yambula manunga magu ma mbi.Mudiambu Fwumu Gahungu bu ga gu lolula mudiambu ye manunga magu ma wu sendi gu mbundu yagu. ²³ Mudiambu yi ba dala mbi mbundu yagu yeedi bululu,wu gangamani mu mishinga mi mapandi mambii.²⁴Ya yena Shimoni ga ledi Piela mbi:"tsambila Fwumu mudiambu shi mapandi ma moshi ma mbwilegu mu mapandi mana mootsu ma lu ba yagula.²⁵Dangu di ba yabishi baadu ye gu longa baadu tsangu dji pimbu dji Gahungu gu hwii,Piela ye Yoani ba vudugi gu Yelusalemi.Mu ndjila yi benda ba yabisagi tsangu dji pimbu mu ma bula mavula ma Samadiya.²⁶Wandjio wu Fwumu Gahungu ga ledi Fidipi mbi:''niamuga,nda gu ndambu yi siidi mu ndjila yina ba baduga gu Yelusalemi,yi ba gwenda gu bula di Gaza.''Baadu ba vula bendaga kega mu ndjila yina. ²⁷ Fidipi ga niamugi,ya yena gendi mu ndjila ga wanagani ye muudu wu moshi wu gifudi gi Etiyopiya.Muudu weeni ga gadi Tongu.Ga gadi ministre wu todila wu mukedu wu Etiyopiya.Muudu wuna ga gadi ye gi yega gi gugieba bima biootsu bi todila wuna.Gitshi gu Yelusalemi mudiambu ye gusamba Gahungu. ²⁸ Dangu di,ga gadi mu vuduga gu gifudi giandi.ga gadi wu shimugi ye londi di pusu-pusu dina di nedaga ba punda.Ga gadi muni danga muganda wu sonigi mbigudi Yezaya.²⁹Muhunga wu Gahungu ga ledi Fidipi mbi:"nda gala pena-pena ye pusu-pusu dina.'' ³⁰ Filipi gitshi pusa tiinu pena-pena ga yugi muudu wuna muni danga muganda wu sonigi mbigudi Yezaya.Ga mu yudi mbi:"wu ba yaba mapandi ma wu ba danga?" ³¹ Muudu wuna mbi:"kii pila yi fani yaba mbi loo gu tendudidi muudu?"Ga ledi Fidipi mbi:"yi zaa nina,wu gala pena-pena ye mi.''³²Mapandi ma gadanga mu muganda wu Gahungu ma maa:"ga gadi nga dimema dina di ba needa gu gihani gi ba zuwaga ma meema.Ga gadi nga mwana di meema dina di yagulaga gu twala yi muudu wuna wu gesaga miga;loo ga yagudi shi gima.³³ Ba muvwedji,ba duni kega gu gesa mapandi pimbu.Kii muudu wu fani yabisa tsangu dji baadu bana ba budugi mu giganda giandi?Mudiambu baadu ba muzuwii,loo gedi kega yaa yelondi di gifudi.''³⁴Muudu wuna wu giganda gi Fidipi mbi:"ndesa mbigudi ga ba yagula mapandi maa mudiambu di naa?Ga ba yagula mudiambu ye ndi beeni mbi loo mudiambu ye muudu weega?" ³⁵ Dangu di Fidipi ga yandigi gu yagula dangu di gadendula mapandi mana ma muganda wu Gahungu ga muyabishi kega tsangu dji pimbu dji Yesu.³⁶Dangu di bendi mu ndjila ba gumi ye mweetshi wu moshi,ya yena muudu weeni mbi:"dala,mweetshi kii mapandi ma kanga ndjila mu gu senda mbodiga?"³⁷ Fidipi mbi:"mbi bu wu gwigidi mu mbundu yaagu yiootshu,wu fani senda mbodiga.''Muudu weeni mbi yi gwigidi mbi Yesu kidishidu geedi mwaana Gahungu.³⁸ Muudu weeni ga gangi pusu-pusu ya yena baa boodi,Fidipi ye muudu wuna ba godi mu mwetshi Fidipi ga mu bodigi.³⁹Dangu di ba dugi gu mwetshi,muhunga wu Fwumu Gahungu ga gadudi Fidipi muudu wuna loo ga mu dadi kega,haa ga landi ndjila mu gieshi giootsu. ⁴⁰ Fidipi gendi moniga gu bula di Azoti,genda yabisa tsangu dji pimbu mu mabula mootsu ma genda luda tii gwoona gu ga gumi gu bula di Sezadiya.

Chapter 9

¹Dangu dina Sawulu ga gadi kaga muni dadisa ba kidishidu pashi mbi ga ba zuwa.Gilumbu gi moshi gendi fwumu wu banganga wu ba mabundu ² ya yena ga mu dingi miganda mina bi bahanina tswaa mu gwenda godila mu manzu ma bisambu mi bayuda gu bula di Damashi.Mbi bu gu gadi bwoona ba kidishidu bega ba bagala mbi loo ba bakedu yi fani gu ba gama yi ba needi gu Yelusalemi.³Ga gadi kaga mu ndjila yi gwenda gu bula di Damashi;dangu di gitshi guma pena-pena ye bula djieeni mu gi tulumugila,tsweemu yi gadugi gu yilu yitshi leema ye londi diandi yi mudjieedi. ⁴Ga bwii mu manu,ya yena ga yugi ndaga muni gu mu yufula:"Sawulu,Sawulu mudiambu di kii wu ba tadisa pashi?"⁵Sawulu ga yufudi mbi:"Fwumu,ndji naa?"Ndi mbi:"mi Yesu,muudu wuna wu ba hega pashi. ⁶Haa niamuga nda goda ye bula,yi ba gu gulela mapandi mana ma wu fani hanga.'' ⁷Baadu bana bendaga ndjila yi moshi ye Sawulu,ba niamugi loo ba dadi pila yi gu yagula.Ba yuga ndaga muni yagula.Haa loo ba dala muudu.⁸Sawulu ga niamugi mu manu,haa dangu di ga gangudi misu mandi loo ga gadi ye pila yi gudala.Ba mugami mu mioogu,ba muneedi tii gu Damashi.⁹ Bilumbu bidadu loo ga dalagagi,loo ga dia,loo ga nwaa kega.¹⁰Gu Damashi gu gadi ye mukidishidu djin diandi Ananiashi.Fwumu Yesu gitshi moniga gwedi ndi ga mu lendigi mbi:"Ananiashi.''ndi mbi:"mi ndoo Fwumu." ¹¹ Fwumu ga mu ledi mbi:"niamuga nda mu bala-bala dian di ba lendigaga mbi bala-bala di sungami.Ndawenda mu nzu yi muudu wu moshi djina diandi Yudashi,dinga muudu wu moshi wu tadishi djina diandi Sawulu,dangu di ga samba Gahungu, ¹²Sawulu ga dadi gu ndotshi muudu wu moshi djina diandi Ananiashi ga goda ye gu musaa mioogu mudiambu ga dala kega.¹³Ya yena Ananiashi ga yagudi mbi:"Fwumu baadu ba vula ba ndeshi mapandi mootsu ma mbi ga hangaga baadu bagu gu Yelusalemi. ¹⁴ Ba mbuda badibundu ba muhegi gi yega mu gwitsa gu bula dina mudiambu mu gu gama baadu bootsu bana ba sambaga.''¹⁵ Haa Fwumu ga mu ledi mbi:"nda,mudiambu geedi muudu wu yi zoodi mu gu yabisa djina diami gwedi baadu bana ba gondi bayuda,ba todila ba baa ye gwedi beeni Yishilela. ¹⁶Mi beeni yi mu lela mapashi mana mootsu ma ga fani dala mudiambu ye mi.¹⁷Dangu di Ananiashi gendi goda mu nzu yina,ga shi Sawulu mioogu ga mu ledi mbi:"pengi wami Sawulu,muudu wu tumi Fwumu Yesu wuna wu yitshi moniga di witsa mu ndjila.Ga tumi mudiambu wu dala kega,mudiambu wu yala ye muhunga wu gedila.'' ¹⁸Dangu diadina kaga,bima biega nga bihusu bi gadugi mu misu ma Sawulu.Ga yandigi gu dala,ga niamugi ya yena ba mubodigi.¹⁹ Dangu di gadi di hwii ngolu dji vudugi mu luudu lwandi.Sawulu ga gadi bilumbu ga ndambu ba galaga gu Damashi.²⁰Kaga mu dangu djiadina ba yandigi gu longa mu manzu ma bisambu mi bayuda mbi Yesu geedi mwaana Gahungu. ²¹Badu bootsu bana ba mu yugi ba yidugi ngolu.Ga yufudi mbi:"baadu bana ba sambaga Gahungu gu Yelusalemi mu djina di Yesu,loo mbi ndi wu badadisaga pashi?Loo gendi mudiambu di gu bagama ye gu ba needa gu misu di ba mbuda badibundu.'' ²²haa,Sawulu ga gumi ye gigesa gingi ga yagudi mbi Yesu geedi Mesiya.Ya yena ba yuda ba Damashi ba gumi gisagasaga loo ba yaba mbi kii ba fani gu mu lela.²³Gu ngoyi bilumbu ga kaga bayuda ba wagani mu gu zuwa Sawulu. ²⁴Haa baadu bega ba yabishi Sawulu mbi piba ye mwini ba galaga muni mu gingila mu biafulu bi bula mudiambu di gu mu zuwaa. ²⁵ Haa gilumbu gi moshi mu piba balongugi bandi ba mu sendi ba muludushi ye londi di bibaga di bula ba mugulushi mu gisandji.²⁶Dangu di gumi Sawulu gu Yelusalemi,ga megi mu gwenda vugana ye ba kidishidu.Haa baa bootsu ba mu dinaga booma mudiambu loo ba yabaga mbi geedi mu kidishidu. ²⁷ Badinabashi gitshi mu sadisa,ga mu needi gwedi batumwa ga ba yabishi pila,Sawulu di ga dadi Fwumu Yesu mu ndjila,ga ba ledi kega pila Fwumu yi ga mu leshi nga pila yi longa Sawulu ye gi gesa mudjina di Yesu gu Damashi.²⁸Ya yena yandiga dangu dina Sawulu ga yandigi gu gala ye baa,gu luda ye baa,gu dia gu Yelusalemi.Ga longa ye gigesa mudjina dji Fwumu.²⁹ Ga solulaga ye ga sagaga teembi ye bayuda bana ba yagulaga ndaga yi gedigi.Haa baadu banaba dinga pila yi gu mu zuwa. ³⁰ Dangu di ba pangi bega ba yugi mapandi ma banedi Sawulu gu bula di Sedadiya ya yena ba mudumishi gu bula di Tadishi.³¹Mudangu dina baadu ba dibundu ba Yudeya yiootsu,di Gadileya bootsu ye ba Samadiya bootsu ba djingaga mu gemba.Ya yena dibundu di gumi ngolu,baadu ba dibundu bi djidisaga Fwumu,ba gumi beengi mu di mbundu dina mu lu salusu lu muhunga lu Gahungu.³² Piela gendi mu bihani biootsu,ya yena gilumbu gi moshi gendi dala ba kidishidu bana ba galaga gu bula di Lida.³³Gu gai muudu wu moshi djina diadi Eneyo,ga nimba ye londi di giandu gina gi hangi mamvula ginaana mudiambu ga gadi gigada.³⁴ Piela ga mu ledi mbi:"eneyo,Yesu kidishidu wu gu gindishi niamuga gwoogu yidiga giandu giagu kaga mudangu diadina,Eneyo ga niamugi.³⁵ Baadu bootsu ba gadi Ye Lida ye mu manu ma Saloni diedi ye kungudi(lepelu),bu ba mudadi,bwoona ba balumuni ma mbundu ma baa mudiambu di gu gumbula Fwumu Yesu.³⁶Ye bula di Yope di gadi ye mukidishidu wu moshi wu mukedu djina diandi diedi Tabada,mu gigedigi djina diandi "Dodipkashi"di songidila mbambi.Dangu diootsu ga hangaga kaga mapandi ma pimbu,ga zolaga gu sadisa ba tsugami.³⁷ Mu bilumbu bina gikashi gi mu sendi,ga fwii.Dangu di ba muyebishi gu hwii,bendi gu musaa gu sugu di moshi yi gu yilu.³⁸Ba kidishidu bana ba gadi gu bula di Yope,dangu di ba yugi mbi Piela geedi ye bula di Lida dina djiedi pena-pena ye Yope,ga dumishi baadu boodi mu gwenda gu mu lela mbi:"du ba gu guwoondila witsa sepi-sepi dii gu bula di pidu. ³⁹Piela gendi tswalu ye baa,dangu di ga gumi gunaba muneedi gu sugu dina.Bakedu bootsu ba mifwidi gu manana pena-pena yendi,ba dila,ba lesa bikudu ye du saga duna duga Dogashi dangu di ga gadi ye mooni.⁴⁰Haa Piela ga dushi baadu bootsu ye ndjil;a,ga fugamani,ya yena ga sambi Gahungu.Gu ngoyi ga balamuni mbunzu yandi gu gadi mvumbi ga yagudi mbi:"Tabita niamuga gwoogu!'',Tabita ga gangudi misu,ya yena dangu di gadi Piela ga niamugi ye giandu. ⁴¹piela ga mu gami mu googu ga mu niamugishi.Ga ledi ba kedu ba mifwidi ye ba kidishidu bootsu,ya yena ga ba leshi Tabita,wu sendi kega mooni. ⁴² Mapandi mana ma yabagani gu Yope diootsu,baadu ba vula ba gumbudi Fwumu Yesu mu ma mbundu ma baa. ⁴³ Piela ga gadi bilumbu bingi gu Yope gu nzu yi muudu wu moshi wu hangaga mi ganda mi batshi djina diandi Shimoni.

Chapter 10

¹Gu gadi ye muudu wu moshi gu bula di Sezadiya djina diandi Koladine ga gadi Fwumu wu ba pumbulu bana ba balendigaga ba pumbulu ba ba Italia. ²Ga gadi ye mbundu yi Gahungu ndi ye nzu yandi basambaga Gahungu gi hani gi moshi ye ba yuda,ba batsugamindi ga sambaga Gahungu gosu dangu.³Gilumbu gi moshi gidesu gi troiser(3h)di mashiga gadadi pimbu-pimbu gu ndotshi wandjio wu Gahungu gitsa goda mu nzu yandi.Wandjio ga mu ledi mbi:"Koladine!''⁴ Koladine ga dadi wandjio ngolu ye booma ga mu yufudi mbi:"Fwumu kii mapandi?''wandjio ga mu ledi mbi:"bisambu biagu ye lusadisu lu ba sadisa baadu Gahungu wu gumbudi bwoona ga guyindudi.⁵ Dangu di yi dumishi baadu gu Yope benda lendiga muudu wu moshi djina diandi Shimoni wu ba lendigaga kega Piela. ⁶Ga nimbaga mu nzu yi moshi djina diandi Shimoni,muudu wu hangaga miganda mi ba mbitshi,nzu yandi yeedi pena-pena ye nzadi yi neeni.''⁷Dangu wandjio di ga mu ledi bwoona gendi,Koladine ga lendigi baadu bandi boodi ba gisalu ye mu pumbulu wu moshi wuna wu gadi ya mbundu yi gi Nzambi mu kadi ga ba pumbulu bana ba mu sadila. ⁸ Dangu di gamuyabishi mapandi mana gu hwii ga ba dumishi gu Yope.⁹Mu gilumbu gi landi,dangu di bendi mundjila pena-pena ye bul di Yope. Piela ga nini ye yangi di nzu mu midi mudiambu du gu samba Gahungu. ¹⁰Nzala yi mugami,ya yena ga zola gu dia,haa dangu di ba mu lambila madogu ga dadi ndotshi.¹¹ Yilu di gangugi ye gima gi moshi gi fanagani nga muledi wu neeni ba wu gami mu ndambu djiya muni gwitsa guluga mu manu. ¹²Mu kadi mu gadi ye bima bi mooni mi pila ye pila biedi ye londi di manu bina biega ye milu miya-miya,ye bima bi mooni biendaga zumu mu manu ye ba nuuni ba pila ye pila.¹³Piela ga yugi ndaga yi moshi yi mu ledi mbi:"Piela niamuga,zuwa gosu gimagi mooni wu dia!'' ¹⁴Haa Piela mbi:"loo,Fwumu mudiambu loo yandu teegu yidii shi gi tshigu mbi loo gima gi mvindu shi mbala yi moshi.'' ¹⁵ Daga yina yi mu ledi mu mbala yi djioodi mbi:"gima gi gadudi Gahungu tshigu yi gia loo wu fani gu gidangaga kega mbi tshigu.'' ¹⁶ Mapandi mana ma bwii mbala dji dadu,ya yena Gahungu ga gadudi gima gina ga dombushi gu yilu.¹⁷Piela ga yindula mbi disonga kii mapandi maa taladi gu ndotshi?Mu dangu diadina kega ba dumishi Koladine ba dadi nzu yi Shimoni di badinga,ya yena bitshi guma ye mbelu yi lupangu. ¹⁸Ba lendigi baadu ba gadi yena ba bayudi mbi:"Shimoni wuna wu ba lendigaga kega Piela,ga nimbaga mu nzu yaayi?"¹⁹Dangu dina Piela ga gadi kaga mu gu yindulaga disongila di mapandi mana ma gadadi gu ndotshi,muhunga wu Gahungu gitshi gu mu lela mbi:"dala,baadu ba daadu ba bagu guding. ²⁰Niamuga,gulumuga,nda wenda loo gu gala ye booma mi ba dumi.'' ²¹ Piela ga gulumugi ye gihani gi ba gadi,ya yena ga yagudi gwedi baadu mbi:"mi ndoo muudu wu lu dinga,mudiambu di kii lwitshi?''²²Ba vududi mbi:"muudu wu du dumi gwedi kapiteni Koladine,geedi muudu wu pimbu ndi kega gasambaga Gahungu gi hani gi moshi ye bayuda.Ba yuda bootsu ba yagulaga mapandi ma pimbu diandi. wandjio wu Gahungu wu muledi mu gwitsa gu mu lendiga genda gu nzu yandi mudiambu ga yuga mapandi mana ma wu yagulaga.'' ²³Piela ga ba godishi mu nzu ga ba hegi gihani gi gu mimba.Mu gilumbu gi gulanda ga niamugi ya yena gendi ye baa.Ba kidishidu ba bula di Yope,bendi kega ye baa.²⁴Mu gilumbu gi landi ga godi ye bula di Sezadiya.Koladine ga gadi mu gu ba ginga,ga lendigi ba pangi bandi ye ba ndugu bandi ba ngolu.²⁵Dangu di kaga Piela ye ndjila,ga zola ga goda mu nzu,Koladine gendi gu mu yamba.Gabwii mu milu mi Piela mudimabu di gu samba. ²⁶Haa piela ga muniagishi mbi:"niamuga gwoogu mi kega ye muudu nga ndj.²⁷Dangu Piela di ga solula ye Koladine,ba godi mu nzu,ya yena ga dadi baadu bavula mu gwitsa yuula muna mu nzu. ²⁸ ga ba ledi mbi:"binu beeni yabani mbi gwedi shigu muyuda loo ga fani vugana ye muudu wuna wu gondi muyuda ndi kega loo ga fani goda mu nzu yandi. Haa Gahungu ga ndeshi loo wu fani senda shi muudu wu moshi wu mvindu.'' ²⁹Ya yena dangu di bitshi ndendiga,loo yi duni mu gwitsa yaa.Yi ba luyufula mudiambu di kii lu ndendigi?''³⁰Koladine ga vududi mbi:"bilumbu bi yaa mu dangu diadidi yi gadi muni samba Gahungu mu nzu yamii mu troizer di mashiga,ya yena muudu wu moshi gitshi niamuga gu misu maami miledi mi ga vwadi mi gadi muna ngenga.³¹ Gayagudi mbi:"Koladine,Gahungu wu yugi bisambu biagu ga bayindula gu sadisa gu ba sadisa ba tsugami. ³² Ya yena duma baadu gu Yope benda ba lendiga Shimoni wuna wu ba lendigaga kega Piela.Ga nimbaga gu nzu yi Shimoni muudu wuna wu hangaga mi gandami bambitshi.nzu yandi yeedi pena-pena ye yanga yi neeni. ³³ Dangu diadina kega yi dumishi baadu mugwitsa gu gudinga wu hangi pimbu bu witshi,ya yena dangu di pidu bootsu dwedi gu misu ma Fwumu Gahungu mudiambu du yuga mapandi mana mootsu ma ga gu ledi mu gwitsa gu du lela.³⁴Bwoona Piela ga yandigi gu ba lela mbi:"gu mukiega,mbagishi mbi Gahungu ga zolaga baadu pila yi moshi. ³⁵ Mu gosu giganda gi baadu ga gumbulaga baadu bana mu gu djidisaga ye ba hangaga mandi ma pimbu.³⁶bani mbi ga dumishi Yesu kidishidu gwedi baadu ba yishilela mudiambu di gwitsa yabitsa tsangu dji pimbu,dji ngemba,Yesu kidishidu geedi Fwumu wu baadu bootsu.³⁷ Yabani kega mapandi mana ma ludi mu manu mootsu ma Yudeya.Ma yandigi gu Gadileya dangu Yoani di ga manishi gu longa mu gu senda mbodiga.³⁸ Lu yabi kii pila Gahungu ga hani ngolu gwedi muhunga wandi,gwedi Yesu,muudu wu Nazeledi.Lu yabi kega mbi kii pila gendagi gosu ndambu mudiambu di gu hana mapandi ma pimbu,kega mudiambu ye gu gindisa baadu bootsu bana ba gadi ye shadana,mudiambu Gahungu ga gadi ye Yesu.³⁹Dwedi ba mbangi bana ba dadi mapandi mootsu mana ma hangi Yelusalemi ye mundambu djiega dji gifudi gi bayuda.Ba muzuwii dangu di ba mu shi ye londi di kulundji. ⁴⁰Haa Gahungu ga muniamugishi mu lufwaa mu bilumbu bidaadu.Ga mu dumishi mu gwitsa moniga. ⁴¹Haa loo mbi gwedi bayuda bootsu,haa gwedi pidu bambangi bana bandi Gahungu ba ga soodi gu twala,dangu Gahungu di ga mushamugishi mu lufwaa gu hwii,bu du dii,bu du nwii gi hani gi moshi ye ndi.⁴²Ga du dumishi mu gwenda longa bayuda ye gu ba lesa mbi ndi muudu Gahungu wu ga soodi mu gu sambisa baadu ba mooni ye ba gu fwaa. ⁴³ Ba mbigudi bootsu ba yagulaga mapandi maa,mudiambu diandi mbi gosu muudu wuna wu sagaga mbundu gwedi Yesu Gahungu ga mu lolula mu ngolu di djina di Yesu mudiambu di masumu mandi magahani.⁴⁴Dangu Piela di ga gadi muni yagula kega,muhunga wu Gahungu ga gulumugi ye londi di baadu bana bootsu ba gadi mu gu yuga malongi mandi. ⁴⁵Ba kidishidu bana bitshi ndjila yi moshi ye Piela bana ba gadi bayuda,ba yidugi ngolu dangu badadi mbi Gahungu wu hani muhungu wandi gwedi baadu bana ba gondi bayuda.⁴⁶Mudiambu ba yugi baadu bana muni yagula mapandi mana ma fani gonda bagisa baadu,ba bayugi kega muni gumbisa Gahungu ya yena Piela ga yagudi mbi: ⁴⁷"Baadu ba sendi muhunga wu Gahungu kega nga pidu,muudu wu fani duna mbi loo ba bonga mbodiga yi mwetshi?"⁴⁸ Ya yena ga ledi baadu bega mu gu ba bodiga mu djina di Yesu.Gu ngoyi,ba mu ledi mu gu gala bilumbu bieega ye baa.

Chapter 11

¹Batumwa ye ba pangi ba dibundu dina di gadi gu yudeya,ba yugi mbi baadu bana loo beedi bayuda ba gumbudi kega mapandi ma Gahungu.² Ya yena dangu di vudugi Piela gu yelusalemi,ba kidishidu bana ba gadi bayuda ba yandigi gu mu nganina: ³"Mudiambu di kii wu godi mu nzu yi baadu bana ba gondi bayuda,mudiambu dikii wu dii ye baa?"⁴Dangu di Piela ga bayabishi mapandi mootsu mana ma bwii yandiga luyandigu ye tsuga. ⁵ Ndi mbi:"dangu di yi samba Gahungu ye bula di Yope yi dadi gu ndotshi gima gi moshi gi fanagani nga muledi wu neeni,ba wu gami mundambu dji yaa,gitshi gulumuga tii gihani gi yi gadi. ⁶Yi dadi pimbu-pimbumu kadi ga gia ya yena yi dadi bambitshi ba milu miya-miya,ba mbitshi ba mushidu,bima bimooni,ye ba nuni ba pila ye pila.''⁷Yi yugi ndaga yi moshi muni yagula mbi:"Piela,niamuga zuwaa gosu gima gi mooni wu dia!"Yi vududi mbi:⁸"Loo,Fwumu mudiambu gima gi tshigu mbi loo gima gimvindu loo yandu yi shi muganu diami.'' ⁹Ndaga yi yagudi duga gu yilu mbala djioodi mbi:"gima gina Gahungu gi ga gadudi tshigu yi gia loo lu fani gu gidaga kega mu tshigu.'' ¹⁰ Mapandi mana ma bwii mbala dji dadu,ya yena Gahungu ga gadudi kega bima bina biootsu,ga bi dombushi gu yilu.¹¹Dangu diadina kega,ba badumishi,yi ga dugi gu bula di Sezadiya,bitshi guma gu nzu yina gu yi gala.¹²Muhunga wugedila ga ndeshi mu gwenda wagana ye baa gu gonda mbundu djioodi.Ba pangi baa ba sambanu beendi ye mi kega,ya yena dwendi goda mu nzu di Koladine. ¹³Ga yandigi gu du yabisa pila yi gadadi wandjio wuna witshi guma gu nzu yandi.Wandjio ga mu ledi mbi:"duma baadu bega benda ba lendiga Shimoni wuna wu ba lendigaga Piela. ¹⁴Mapandi mana ma ga gulela,ma gu gulusa ndi ye nzu yagu yiootsu.¹⁵Dangu di yi yandigi mu gu ba lela muhunga wu Gahungu gitshi gulumuga ye londi di ba nga buga gulumugi ye londi di pidu mu lu yandigu. ¹⁶Ya yena yi yibugi mapandi mana Fwumu Yesu ma gayagudi:"Yoani ga bodigi baadu mu mwetshi haa binu lu senda muhunga wu Gahungu."¹⁷Bwoobuna Gahungu gahegi magabu mandi gidesu gi moshi nga bu ga du hegi pidu gu mbudi Fwumu Yesu kishidu gu mbundu,ya yena mi yi gadi ye fwunu yi gu ganga Gahungu ndjila yi gu hanga mapandi mana ma gazolaga? ¹⁸ Dangu di ba yugi mapandi mana,loo ba shii kega tembi.Ba gumbishi Gahungu mbi:"gu mugiediga baadu bana loo beedi bayuda Gahungu ga ba hegi ndji yi gu balamuna mbundu mudiambu ba gala ye mooni.''¹⁹Gu ngoyi lufwa lu Etieni ba dadi saa ba kidishidu pashi.Ba kidishidu ba pasagani bega beendi tii gu manu ma Fenishiya,gu gisanga gi Shipre tii gu bula di Antioshi,haa loo mbi gedi baadu bega. ²⁰Haa mu kadi ga baa mu gadi ye baadu bega ba Shipre ye ba bula Sireni,dangu di gumi baadu bana gu Antioshi.Bayandigi gu yabisa kega tsangu dji pimbu dji Fwumu Yesu gwedi bana ba gondi bayuda. ²¹ngolu dji Fwumu Gahungu dji gadi ye baa ya yena baadu bengi ba gumi ba kidishidu.²²Baadu ba di bundu di yelusalemi ba yugi tsangu di baa,ya yena ba dumishi badinabashi gu antioshi. ²³Dangu di gitshi guma guna,bu gadadi kii pila Gahungu ga ba sagumuni,ya yena ga dadi gieshi gi vula mudiambu ye mapandi mana.Ga ba woondidi baa bootsu kega mu landa Fwumu Yesu mu gidesu gi moshi. ²⁴Badinabashi ga gadi muudu wu pimbu.Ga gadi wu gu yula ye muhunga wu Gahungu ye mu lugwigilu baadu ba vula ba gumi ba kidishidu.²⁵Gu ngoyi Badinabashi gendi gu bula di Tadishi mudiambu di gudinga Sawulu.²⁶ Dangu di ga mu dadi ga needi gu Antioshi.Mvula yi moshi wu muhundu ba wanagani gu di bundu dina ye ba longi baadu ba vula,baadu ba Antioshi,baadu ba teegu ba yandigi gu lendiga ba longugi ba kidishidu.²⁷Mu bilumbu bina mbigudi bega ba gadugi gu Yelusami mudiambu di gwenda gu Antioshi.²⁸ Muudu wu moshi mu kadi djina diandi,ga niamugi gumisu ma ba kidishidu,ya yena ga ba yabishi mu ngolu dji muhunga wu Gahungu mbi nzala yi neeni yi gala mu gifudi gi muhundu''mapandi mana mabwii mu dangu di gadi todila di neeni Kolodi.''²⁹Ba kidishidu ba geshi mbi gosu muudu,nga bwedi gi mvwama giandi ga dumisa lusadisu gwedi bangi bana ba djingaga gu Yudeya. ³⁰ Ba hangi bwoona,ba dumishi mbongu gwedi ba mbuda ba Yudeya gu mioogu mi badinashi ye Sawulu.

Chapter 12

¹Mu dangu dina,todila Erodia Agripa ga yandigi gu dadi baadu bega mu di bundu pashi. ²Yagobu,buda wu Yoani gamuzuwi ye mbedi.³Dangu Erodia di gadadi mapandi mana ma hegi bayuda giesi,ba gami Piela kega.Mapandi mana ma bwii mu bilumbu bi kindji yi mapaa mana gondi mweemu wu maa. ⁴Dangu di ba mugami gu hwii,ga mu shi mu dangumbada,ga shi mandonga maya ma ba pumbulu mudiambu di gu mudala,mu gosu ndonga ba pumbulu baya-baya.Ga gadi ye mabanza ma gu mu lela gu misu ma baadu nootsu gu ngoyi yi kindji pagi.⁵Ya yena ba swega Piela mudangumbada,haa baadu ba dibundu ba samba Gahungu ngolu mudiambu ye ndi. ⁶ Gilumbu gi moshi mu piba,gu twala yi gilumbu gina gi zola lesa Erodia Piela gwedi baadu,Piela ga gadi wu nimbi ye gadi-gadi ga ba pumbulu boodi,ga gadi wu hwaa gangamana mu miyololu mioodi gu twala yi giafula pabulushi ba gadi mugugedila nzu yi dangumbada.⁷Mu mbala yi moashi wandjio wu Fwumu Gahungu gi tshi moniga,ya yena tswemu dji leemi mu dangumbada.Wandjio ga budi Piela du googi mu tsagadi mudiambu di gu mu niamugisa mu gilu,ga mu ledi mbi:"niamuga tswalu.''Mu mbala yi moshi miyololu mi gadugi mu milu mi Piela.⁸ Bwoona wandjio ga mu ledi mbi:"vada mu gaba ye sabadi woogu.''Ga vadi ,ya yena wandjio ga mu ledi kega mbi:"vada kazaga gaagu,witsa ndanda.''⁹Piela ga landi wandjio,ga dugi mudangumbada.Loo ga ga yaba mbi mapandi mana ma hanga wandjio ma gadi ma mugiediga.Haa ga yaba mbi yeedi kaga ndotshi. ¹⁰ Dangu di ba ludi pulushi wu teegu ye wu zoodi,ba gumi ye giafulu gi ndondu gina gi dala gu vuula.Gia beeni yi gangugi gu twala yi baa.Ba dugi ya yena ba landi bala-bala di moshi mugi tulumugila wandjio ga shishi Piela.¹¹Piela gayandigi gu ba gisa mapandi mana ma bwii,ga yagudi mbi:"dangu di yi yabi gugidi mbi Fwumu Gahungu wu tushi.Wandjio wandi ye gitshi gadula gu mioogu mi Erodia ye mapandi mootsu ma mbi ma bayuda ma ba muganinaga.'' ¹²dangu di ga yabi mapandi mana gendi gu nzu Madiya ngudi Yoani wuna wu ba lendigaga Malagu,baadu bengi ba gadi bawagani guna muni samba Gahungu.¹³Dangu Piela di gabudi mu giafulu,mwaana mukedu wu moshi wu gisalu,dina diandi Rode,gitshi ga ngula nzu. ¹⁴ Dangu di gayabi danga yi Piela ga gadi gieshi gi vula,haa loo ga gangi nzu swalu,gendi teegu gu yabisa bana ba gadi gu kadi ga nzu mbi:"Piela weedi yeeya ye ndjila.''¹⁵ Ba mu ledi mbi:"ndi wu lawugi!"Haa ndi ga yagula kega mbi:"wuna wandjio wandi.''¹⁶Haa Piela gabula kaga gu giafulu.Dangu di ba gangudi nzu,ba mu dadi,ba yidugi ngolu. ¹⁷ Ga hangi gi dimbu gu mioogu miaandi mudiambu ba gadi pweede,ya yena ga ba yabishi pila yi Fwumu Gahungu yi ga mu dushi mudangumbada.Ga yagudi kega mbi:"lu yabi mapandi ma Yagobu ye gwedi bapangi bega.''Ya yena ga dugi,gendi gihani giega.¹⁸Mu musuga-musuga di gadi dingi mu kadi ga ba pumbulu ba yufulagani baa ye baa mbi: Piela wu yendi guni?¹⁹ Erodia ga dumishi baadu mu gwenda mudinga haa loo ba mudadi.Ya yena gasambisa ba pulushi bana ba langidila dangumbada,ga ledi baadu mu gwenda gu bazuwa.Gu ngoyi Erodia ga yambudi manu ma yudeya,gendi gu bula di Sezadiya.mudiambu genda hemina ndambu guna.²⁰Erodia ga yugidi beeni bula di Tidi ye Sidoni kabu dingi shela.Dangu diadina,baadu bana di ba wagani mu gwenda moniga gu misu ma Erodia,ba wagani ye mbudaBlashiti,wuna wu dalaga nzu yi Erodia,bendi dinga ngemba gwedi Erodia mudiambu madongu ma dugaga mu manu ma Erodia. ²¹ Mu gilumbu shi Erodia,ga vadi miledi miandi mi gifwumu ngendi gala ye gidi giandi gi gifwumu,ya yena gayandigi gu hega baadu malongi.²²Baadu bega ba yandigi gu yagula mu ndaga yi ngolu mbi:"wuu loo mbi muudu wu ba yagula!Haa Gahungu wu ba yagula.'' ²³ Kaga mu dangu diadina wandjio wu Fwumu Gahungu Erodia mudiambu ga di hega lugumu lwandi ndi beeni haa loo mbi lu Gahungu.Bipagala bu bimudi,ya yena ga fwii.Tsangu dji Gahungu dji mwangani djingi,talu yi ba kidishidu yi gumi yingi. Dangu Badinashi ye Sawulu di bamashi gisalu gi baagu Yelusalemi ba vudugi gu Antioshi.Ba needi kega Yoani wu ba lendigaga Madigo.

Chapter 14

¹gu Ikonimi Polu ye Badinabashi bendi goda gu nzu yi bisambu yi bayuda.Dangu di di bahani malongi,bana ba gadi bayuda ye ba gondi bayuda ba gumi ba kidishidu mudiambu di pandi mana ma bayagudilagi. ² Haa bayuda bana ba duni gu gwigila,ba tsubishi baadu bana ba gondi bayuda mu gu gala bambeeni ba bakidishidu.³Polu ye Badinabashi ba gadi bilumbu bi vula gu Ikoniumi.Ba yagulagagi ye gigesa giootsu.Mudiambu basagi mbundu yi baa gwedi Gahungu,balonga baadu mbi Gahungu ga dalaga baadu mu disu di pimbu.Gahungu kega ga lela mbi malongi maa baa magadi makiediga,mudiambu Gahungu ga ba hegi ngolu dji hanga mapandi ma pila ye pila. ⁴ Baadu bega ba gadi mu ma bula ba gabugi mu ndambu djioodi:bega ba zolagi gu landa manunga ma bayuda,haa bega ba zola landa manunga ma Polu ye Badinabashi.⁵Bwoona bayuda ye baadu bega bana ba gondi bayuda,ye ba mbuda bana ba ganini Polu ye Badinabashi mu gu ba hanga mbii,ba zola gu ba daa madadi mudiambu ba bazuwaa. ⁶ Dangu batumwa di bayabi mapandi mana,ba diini gu ndambu di mabula maa meedi mu manu ma Likawonia:gu Listre ye gu Dedibe ye ndambu yina djiedi pena-pena ye mabula meeni. ⁷ Gu bendagi,bendagi mu gu hana tsangu dji pimbu.⁸na gu Listre gu gadi ye muudu wu moshi wu budugi milu gi fwuu.Loo ga niamuga mud milu miandi mi gadi degi-degi.Loooo ga sadi niamuga shi gilumbu gi moshi yandiga di gabudugi. ⁹ Gilumbu gi moshi ga yuga mapandi ma yagula Polu.Polu ga mudadi shela bwoona di ga mu dadi mbi muudu weeni ga shi mbundu mbi ga fani mu gindisa. ¹⁰ Bwoona,Polu ga muledi mu ndaga yi ngolu mbii:"niamuga,gala wu gu sungamana!Mu mbala yi moshi ga niamugi di ga yandigi gwenda gu mweendu.¹¹Gadu baadu di badadi mapandi mahangi Polu,ba yagudi mu ndanga yi baa yi bula ngolu mbi:"Duhungu du sendi maludu ma baadu du yitshi gulumuga mu kadi ga pidu.'' ¹² Balendigagi Badinabashi mbi:"Zyishi",Polu ba mu lendigaga mbi:"Ermisi"mudiambu Polu ga yagulaga mapandi. ¹³ Nzu yi moshi yi bisambu yi Gahungu wu Zeyishi yi gadi gu Tsoongi bula.Nganga wu nzu yina yi bisambu wuna wu yitshi needa ba ngombi ba bagala gu twala yi biafulu bi ma nzu mana.Ba gadi ba shi mishinga mi bi tundu mu ba ngombi bana.Nganga weeni ye baadu bega ba zolagi gu zuwa ba ngombi mudiambu di gu dambigila Badinabashi ye Polu.¹⁴Haa dangu batumwa bana ba boodi di bayugi mapandi mana,ba bagi miledi mi baa,ba godi mu tiinu ye kadi ga baadu,ba yufudi mu ndaga yi baa ngolu mbi: ¹⁵ "mudiambu di kii lu hanga mapandi maa?Pidu dwedi baadu nga binu du ba lulela tsangu dji pimbu mbi lu yambula bi deegi bii,bi pamba-pamba,bwoona lu balumuna ma mbundu ma binu gwedi Gahungu wuna wu mooni.Gahungu wu gangi yilu ye maanu nzadi mungu ye bima biootsu bina biedi muna.¹⁶ Mu dangu di gulu ga shi-shi biootsu bi baadu mu gu landa ndjila yi moshi.¹⁷Haa dangu diootsu ga lu lesaga mapandi ma pimbu ma ga hangaga.Ga lu nogishilaga mvula yina yi gadugaga gu yilu,ga lu hegaga dangu di gu gadula bima mu mangundu,ga lu hegaga ma dia;dji lu hegaga gieshi gu mbundu. ¹⁸Shi ba tumwa bu ba yagudi buna,haa badadi pashi teegu mu gu gama baadu bana ndjila mu gu ba dambigila magabu ma gimengi.¹⁹Haa bayuda bega bana ba dugi gu Antioshi ye bana beedi pena-pena ye manu ma Pishidiya ye bana dugi gu bula di Ikoniumi,bitshi guma guna.Ba di gindugu ye beeni bula dina,di ba dii Polu madadi mudiambu di gu mu zuwa.Gu ngoyi,ba bendi mu ngolu,bwoona ba mu dushi ye bula mudiambu ba yindula mbi wuu fwii. ²⁰ Haa dangu ba kidishidu bitshi gu mu djieda di ga shamugi,bwoona ga vudugi gu bula.Mu gilumbu gi landi,ndi ye Badinabashi bendi gu Dedibi.²¹Dangu Polu ye Badinabashi di ba yabishi tsangu dji pimbu gu bula di Dedibi,baadu ba vula ba gumi ba kidishidu.Bwoona ba vudugi gu bula di Listre,gu Ikoniumi,ye gu Antioshi dina djiedi pena-pena ye manu ma Pashidiya. Benda hega gigesa gwedi kidishidu ye gu ba woondila mu gu saa mbundu gwedi Gahungu ²².Benda ba lela mbi:"du fani dala pashi mu gu goda mu gifwumu gi Gahungu.''²³Mu gosu di bundu benda soola bambuda mudiambu ye bundu,benda samba Gahungu.Bwoona ba bahega mioogu mudiambu mi Fwumu Yesu wina wu ba gumbudi.²⁴ Dangu di ba ludi mu manu ma Pishidia di ba gumi yugi mu gi dini gi gifudi gi Panfilia. ²⁵ Bendi yabisa tsangu dji Gahungu gu bula di Pediga.Bendi kega gu bula di Ataliya. ²⁶ Ga duga guna bendi gu Antioshi mu matswa:ba Antioshi baa baledi mbi Gahungu ga lu geba pila yi ga lu zodilaga,mudiambu ye gu soola gisalu gina gi lu hangaga.gisalu gina gi ba hanga mu gu lungisa dangu bitshi vuduga gu Antioshi.²⁷Dangu di bitshi guma gu Antioshi,ba lendigi baadu bootsu badibundu,ba ba ledi mapandi mootsu ma Gahungu ma ga sadi ye baa ye pila yi ga gangudi ndjila yi baadu bana ba gadi bayuda ye bana ba gondi gala bayuda lugwigilu. ²⁸ Ba gadi bilumbu bi vula ye ba kidishidu.

Chapter 15

¹Dangu di,baadu bega badugi gu yudeya,bitshi gu Antioshi,ba yandigi gu longa ba pangi ba dibundu mbi:"mbi loo ba lu taabi binu ba bagala,nga bwedi matshigu ma Mososhi bu ma baa yagula,loo lu huluga.'' ² polu ye Badinabashi loo ba gumbudi mapandi mana,ba kega bitshi teembi ye baa,ya yena ba zoodi Polu ye Badinabashi ye baadu beega ba Antioshi mu gwenda gu Yelusami mudiambu benda ba yufula mapandi mana gwedi batumwa ye ba mbuda ba dibundu,³beeni dibundu ba ba dumishi mudiambu ye mapandi mana,mu ndjila ba ludi manu ma Fenishiya ye manu ma Samadiya.Benda lela baadu mu ndjila kii pila baadu bana loo beedi bayuda ba balumuni mbundu djina di Gahungu.Tsangu djina di hani gieshi gi vula gwedi ba pangi bootsu ba dibundu. ⁴ Dangu di bitshi guma gu Yeslusalemi,ba tumwa,bambuda ye baadu bega ba di bundu,ba bayambi bwoona ba baledi mapandi mootsu ma bahangi Gahungu.⁵Dangu di,bafadishi bega bana ba gadi ba gumi ba kidishidu,ba niamugi mudiambu ba yagula mbi:"ga fani gu bataba kega bana ba gondi ba kidishidu lu fani ba lela mu gu landa matshigu ma Mososhi. ⁶Ba tumwa ye ba mbuda ba wanagani gi hani gi moshi pimbu-pimbu mu mapandi mana.⁷Dangu di basoludi gu hwii,Piela ga niamugi ga yandigi gu yagula mbi:"ba pangi bami,yabani mbi yandiga gu mwaga Gahungu soodi mu kadi ga binu mudiambu baadu bega ba gondi bayuda,ba yuga⁸ tsangu dji pimbu,baa kega ba gwigila mu djia. Haa Gahungu wuna wu yabaga mbundu dji baadu,ga baledi mbi ndi ga ba gumbudi dangu di hegi muhunga wu gedila,pila yi ga duhegi. ⁹ Loo ga shi luswaswanu mu kadi ga pidu ye baa mudiambu ga gadudi masumu mudiambu ba gwigila.¹⁰Dangu di,mudiambu di kii lu ba mega Gahungu?Mudiambu di kii lu ba zola saa bu googu ye londi di muudu di ba kidishidu bu googu buna bu bakaga bapidu ye beeni binu ye buna bu lu dalaga pila yi gu needa?¹¹ Haa loo ba gwigila mbi du guluga mudiambu Fwumu Yesu ga du dalaga mu disu di pimbu;ba kega ba gulugagi pila yi moshi."¹²Dangu di,baadu bootsu ba gadi pweede mu gu yugishila Badinabashi ye Polu wuna wu ba lelaga kii pila Gahungu ga ba haegi ngolu dji gu hanga mapandi maguyiga ma pila ye pila mu kadi ga baadu bana ba gondi bayuda.¹³Dangu Badinabashi ye Polu di ba manishi gu yagula,Yagobu ga yagudi mbi:"ba pangi,nzugishilani.'' ¹⁴ Shimoni ga du ledi kii pila Gahungu ga yindudi mu mbala yi teegu gwedi baadu bana ba gondi bayuda mudiambu ye gu soola baadu bega mu kadi ga mu gu gala baadu bandi.¹⁵Mapandi ma yagudi ba mbigudi ma gwenda ndjila yi moshi ye mapandi mana mudiambu ba sonigi mu muganda wu Ghaungu mbi: ¹⁶"Gahungu ga ba yagula mbi gu ngoyi mapandi mana,yi gwitsa kega,bwoona dunga nzu yi Davidi yina yi bwii yi niamugisa kega bima biootsu bina bi fwii mu nzu yina bu yi yidiga kega. ¹⁷Bwoona baadu bana bootsu ba gondi bayuda bana ba yisoodi mu gu gala baadu bami,ba kega bu ba soola.'' ¹⁸ yi yabishi mapandi mana madugi gu leya,mi kega yi bagula buna.''¹⁹Yagobu ga yagudi kega mbi:"manunga maami loo du fani yangigisa baadu bana ba gondi bayuda,dangu di ba balumuna mbundu gwedi Gahungu. ²⁰ Haa du basonigidi mu muganda mbi: loo gu diani mbitshi wu bahani teegi magabu gwedi duhungu dubidegi gwedi tshigu,loo gu hangani gi ndumbu,loo gu diani mbitshi wuna wu ba zuwii wu muminu;loo gu nwani kega meengi. ²¹ Yandiga gu mwaga ba longa matshigu ma Mososhi mu gosu bula,ba dangaga kega mu gosu gilumbu gi gu hululuga mu manzu ma bisambu ma bayuda.''²²Dangu di,ba tumwa,ba mbuda ye baadu bootsu ba dibundu ba geshi mbi ba fani soola baadu bega mu kadi ga baa gu ba dumisa ye Polu ye Badinabashi gu bula di Antioshi ba soodi Yuda wuna wu balendigaga mbi Badinabashi,soodi kega Silashi baa boodi ba gadi baadu ba ludjidu mu kadi ga dibundu.²³ Ba ba hegi muganda wu gu needa guna gu Antioshi:"pidu Batumwa ye ba mbuda bana beedi ba pangi ba pidu mu di bundu du dumishi mbodi binu ba pangi bana ba gondi bu duga bayuda lu galaga gu Antioshi ye gu gidini gi manu gi Sidiya.²⁴Pidu du yugi mbi baadu bega ba gadugi gwedi pidu bitshi lugumisa bisaga-saga mu mapandi maa,ma baa ba mana yagula.Mapandi mana ma ba duhega pashi gu mbundu,haa loo du ba duni mu gwitsa buna. ²⁵ di dukeshi pidu bootsu mbi du ba soola baadu bega mudiambu di ludumisa ndjila yi moshi ye bandugu ba pidu Badinabashi ye Polu. ²⁶ Badinabashi ye Polu ba kandi fwaa mudiambu ye gisalu gi Fwumu wu pidu Yesu kidishidu.²⁷Tunda du dumishi yuda ye Silashi ba yabisa tsangu dji pimbu ndjila yi moshi nga pidu mu ganu di baa. ²⁸ Muhunga wu Gahungu ye pidu,haa loo du mu gu gonda saa bu googu bwega ye londi di binu,haa gi lemu gi moshi buna gi Fwumu giagi: ²⁹ Loo fani dia mbitshi wuna wu ba hani teegu magabu gu duhungu du bidegi,loo lu fani nwaa meengi,loo lu fani dia mbitshi wuna wu ba zuwii wu hwaa ganga muminu,loo lu fani hanga gindumbu.Mbi bu lu duni mapandi mana gwedi pimbu yi vula. Salani pimbu!"³⁰Dangu di,baadu bana ba badumishi bendi tii gu bula di Antioshi.Dangu di,bitshi guma guna,ba lendigi baadu bootsu ba dimbundu,ba bahegi muganda.³¹ Dangu di,badangi gu hwii,ba daadi gieshi gi vula mudiambu muganda wuna ga ba hegi giesa. ³² Yuda ye Silashi bagadi ba mbigudi,bwoona ba hani malongi mayela gwedi ba pangi bana mudiambu di gu ba hega gi gesa ye ngolu.³³Gu ngoyi mbi bi gwii,ba pangi ba dibundu ba bavududi mu pimbu yiootsu,bwoona bitshi gwedi baadu bana ba badumi. ³⁴(Haa Silashi ga yagudi mbi:"yi fani salayaya.)'' ³⁵Haa Polu ye Badinabashi ba sadi gu Antioshi.baa ye baadu bega bavula,ba gadi muni longa ye gu yabisa baadu tsangu yi Fwumu Gahungu.³⁶Gu ngoyi bilumbu ga ndambu,Polu ga ledi Badinashi mbi:"du vuduga mudiambu di gwenda ba pangi ba dibundu bana beedi mu mabula mootsu mana ma dwenda yabisa tsangu dji Fwumu Gahungu,bwoona du yaba mbi bu ba gumi kii pila.'' ³⁷Badinabashi ga zolambi ba neda kega Yoani wuna wu balendiga kega Madigo.³⁸ Haa Polu ga duni mbi:"pimbu loo mu gu mu neda,mudiambu ga dushishi gu Pafidiya,loo gendi kega mu gu hanga ye pidu ndjila yi moshi.''³⁹Tembi yi ngolu yi gadi mu kadi ga baa.Bwoona ba bongagani.Badinabashi ga nedi Madigo,di bendi mu matswa mu gisanga gi Shipidi. ⁴⁰ Haa Polu ga soodi Shilashi,bwoona dangu di gazola gwenda,ba pangi ba di bundu ba lela Polu mbi:"Fwumu Gahungu ga gu geba shela nga bu ga gu zolaga.'' Bwoona di gendi. ⁴¹Ga ludi mu gini gi gifudi gi Shidiya ye mu gi dini gi gifudi gi Shidiya;dangu di genda luda,genda hana ngolu mu dibundu.

Chapter 16

¹Du yi tshi guma kega gu Dedibi,bwoona gu ngoyi gendi gu bula dina di Listre.Mu kidishidu wu moshi djina diandi Timode.ngu diandi ga gadi muyuda,wuna wu gidugi mukidishidu,dada wandi loo ga gadi muyuda. ² Ba pangi,bandi mbundu bagadi gu bula dina di balendigaga Listre ye Ikoniumi,ba yagula mapandi ma pimbu mudiambu diandi. ³ Wandjio wu djioodi ga lumbi mu nzadi mungu kabu yina yi gadi mubulu diandi mwetshi ga gumi nga meengi ma muudu wu fwii,bwoona bima bi mooni biootsu bina bi gadi mu nzadi mungu bi fwii.⁴Wandjio wu dadu ga lumbi mu manzadi ye tuu dji mwetshi kabu djina dji gadi mu bolu djiandi,bwoona manzadi ye ma tuu ma gumi meengi ye meengi. ⁵ Haa yi yugi wandjio wuna wu gadi ye giyega gi guyala mietshi,muni yagula mbi:"weedi muudu wu gedila,muudu wuna weedi ye muudu wuna wu gadi,wu geshi pandi pimbu!⁶Muhunga wu gedila ga ba ledi:"loo ba fani gwenda yagula mapandi ma Gahungu mu gidini gi Aziya,ya yena di ba ludi gu manu ma Friziya ye ma Galatiya. ⁷ Dangu di ba gumi pena-pena ye gidini gi gifudi gi Miziya,ba zolagi gwenda gu gidini gi gifudi gi Bitiniya,haa muhunga ye Yesu mu ndjila.Loo yi ba hegi ndjila. ⁸ Ya yena di ba ludi gu Miziya,di bendi gu vula di moshi Trowashi.⁹Pila Polu di ga dadi gu ndotshi muudu wu moshi wu gidini gi gifudi di Masedoniya wu niamugi,baa muni mu wondila mbi:"yiza sabuga Masedoniya wu du sadisa.'' ¹⁰ Dangu Polu di gadadi buna gu hwii,kaga mu dangu dina du yandigi gu dinga pila yi gwenda gu Masedoniya,mudiambu du dadi mbi,Gahungu ga du lendigi yabi mu gwenda ya bigisa tsangu djiandi dji pimbu.¹¹Pidu du yambula Trewashi,du goda mu matswa,bwoona dwenda mu gisanga gi Samotrase.Haa gilumbu gi landi dwendi gu bula di Neyapolishi. ¹²Dangun di dugadugi guna,dwendi gu bula dina Fidipi,bula di teegu di gidini gi gifudi di Masedoniya.Djiedi gu mioogu mi baadu ba gifwumu gi Loma.Du nimbi bilumbu bi vula guna. Mu gilumbu gi gu hululuga du gadugi gu bula ¹³du finami gu mwetshi.Du yindula mbi dwenda du dala gi hani gi bayuda gi basambilaga.Du gadi yena,di du solula ye bakedu bana bitsaga wanagana guna.¹⁴Mukedu wu moshi,djina diandi Lidi.Lu ga duyugagi. Gadi gu Medisa wu muledi mibenga.Bula diadina Tiyaditira ga ba samba Gahungu gi hani gi moshi ye bayuda. Fwumu Gahungu ga gangudi mabanza mandi mu gu yuga mapandi ma Polu.Ma ga yagula. ¹⁵ Du mu bodigi,baadu ba gadi mu nzu yandi di ga du woodidi mbi:"mbi bu lu dadi mbi gu gigidi du budi Fwumu Yesu gu mbundu yami,lwitsa lu gala gu nzu yami.''Pidu du gadi mu gu duna.¹⁶Gilumbu gi moshi dangu di,dwenda mu gi hani gi bisambu,dwitshi wanagana ye wa mukedu wu moshi.Ga gadi mu higa,ndi kega wu gadi ye muhunga wu mbi wuna wu mu lela mapandi ma fani bwaa. ¹⁷ Ga yandigi gu du landa ye Polu,ndi kega ga yandigi gu yagula mu ndaga yi ngolu mbi:"baadu ba hangilaga Gahungu!Du balulelaga kii pila du Fani guluga.¹⁸ Ga hanga buna bilumbu bi vula,tii guna Polu loo kega ga gadi ye pila yi gu ganga mbundu.Polu ga balumugi ga ledi muhunga mbi:"yi ba gu gulela mu djina di Yesu Kidishidu:''duga mu kadi gandi!"Mu dangu diadina muhunga wuna ga dugi.¹⁹Dangu di,ba fwumu bakedu wuna wu badadi mbi:loo beedi ye pila yi gu senda kega mbungu gwedi ndi,ba gami Polu ye Silashi,ba banedi gihani gi galagi gi bafwumu ba leta.²⁰ Di ba yagudi mbi:baadu Baguishi bula gi saga-saga.Bedi Bayagudi. ²¹ba badulongu kega bifwu bina biedi tshigu mu gifwumu gi loma mu gu gigumbula ye mu gi gulanda.²²Baadu bootsu ba bayugidi kabu:Bafwumu ba gadudi miledi ma Polu ye Shilashi,di ba ledi baadu mu gu babula muswamba. ²³ Dangu di ba babudi miswamba mbala dji vula gu hwii,bendi gu basa mudangumbada ba ledi pulushi wuna wu dalaga beeni dangumbada mu gu ba dalaga pimbu-pimbu.²⁴ Pulushi ga ba shii mu dangumbada tswalu,ga ba gangi milu mi baa mudiba ya.²⁵Mu miidi mi piba,Polu ye Shilashi ba samba Gahungu,ba yimba mudiambu di gu mu hega lugumu.Baadu bega ba gadi mu dangumbada,ba gadi muni gu ba yugishila. ²⁶ mu gilumbu gi landi,manu ma nigagani ngolu shela. Ma nigishi fondasho yi dangumbada bi gangugi,miyololu miootsu mi gadi gwedi beeni dangumbada,mi gadugi.²⁷Pulushi weeni ga shamugi gu gilu,dangu di gadadi mbi biafulu bi dangu mbada bi gangugi,ga sendi mbeedi mudiambu gadi zuwa ndi beeni. Mudiambu ga yaba mbi beeni dangu mbada bootsu ba djini. ²⁸Polu ga yagudi mundaga yi ngolu mbi:"loo gu di hanga mbi!pidu bootsu dwedi yeeya.²⁹Pulushi ga dingi mwinda,gitshi goda mu dangumbada mu tiinu. Gitshi fugama mu milu mi Polu ye Shilashi ye madegida mootsu.³⁰ Di gabadushi ye ndjila,di gabayufudi:"badada ba,kii yi fani hanga mudiambu yi guluga?"³¹ Ba mbi:"saa mbundu gwedi Fwumu Yesu,bwoona nga wu guluga,ndi ye baadu beedi mu nzu yagu."³²Di ba mu longi malongi ma Gahungu,ndi ye baadu ba gadi mu nzu yandi. ³³ Kaga mu dangu ya yina di piba,ga ba sendi,ga yandigi gu yobisa mapuda ma baa.Dangu ga sendi mbodiga ye baadu bandi bootsu. ³⁴ Gu ngoyi ganedi Polu ye Silashi gu nzwandi,ga bahegi madongu,ndi ye baadu bootsu ba gadi gu nzwandi ba gadi ye gieshi dji vula mudiambu ga shi mbundu gwedi Gahungu.³⁵Mu musuga-musuga,bafwumu ba bapulushi ba leta ba dumishi ba pulushi mu gwenda lela pulushi wuna wenda dala beeni dangumbada mbi:"yambula baadu bana benda.''³⁶ Pulushi wuna gendi lela Polu mapabndi mana:"bafwumu ba yagudi mbi ndani gubinu.Dangi di dugani,ndani pimbu.''³⁷Haa Polu ga ledi pulushi mbi:"ba du budi miswamba mu misu ma baadu bootsu gu gonda du sambisa mutindu wu ba sambisaga baadu.Pidu dwedi baadu ba gifwumu gi Loma!gu ngoyi di gu badusa mu dangumbada,dangu di bazoodi gu ba dusa mugitswegi?Loo gwedi buna.Pimbu ba beeni bitsa ba du dusa.³⁸ Ba pulushi be yagula mapandi mana gwedi ba fwumu.Bafwumu ba yugi booma dangu di ba yugi mbi Polu ye Silashi beedi baadu ba gifwumu gi Loma.³⁹ Bitshi gu badinga padido,ya yena ba badushi mu dangumbada,ba bawoondidi mu gu duga gu bula di baa.⁴⁰Dangu Polu ye silashi di ba dugi mudangu mbada bendi tii mu nzu yi Lidi.Dangu di Polu ye Shilashi ba dadi ba pangi ba dibundu,ba bahegi gigesa beendi gu baa.

Chapter 17

¹Ba ludi gu bula di Amifipolishi ye Apoloni,di ba guma gu Tesalonika nzu yi bisambu yi bayuda yi gadi guna.² nga bu gadi gifwuu giandi,Polu gendi mu nzu yi bisambu yi bayuda.Bilumbu bidadi bi gu hululuga ba yandigi gu yagusagana ye baadu mudiambu ye muganda wu Gahungu.³ga yandigi gu ba dendudila,ga yandigi gu lela kega mbi,ga yandigi gu balela pila yi basonigi mu muganda wu Gahungu,Mesiya ga dadi pashi,Gahungu ga mu samugishi mu lufwaa''mudiambu Gahungu wu zoodi buna.Gayandigi gu yagula mbi:"Yesu wu yi lu lela ndi muudu weedi Meshiya.'' ⁴baadu bega mu kadi ga baa ba shi mbundu mu mapandi ma ga yagula Polu di bitsi wanagana ye Shilashi pila yi moshi kega ye baadu bega bana ba gondi bayuda,haa basamba Gahungu gi hani gi moshi ye bayuda,ye bakedu ba vula ba neeni,ba kega ba shi mbundu,ba kega bitshi vugana ye baa.⁵Haa bayuda ba bayugilagi gigeneni.Ba sendi baadu bega ba pamba-pamb mu ndjila,ba yandigi gu saa mavanga mu kadi ga baadu.Bula diootsu di yitshi bi saga-saga,ba djungi nzu yi Jasoni mudiambu ye gu dinga Polu ye Silashi ⁶mu gu baneeda gu misu mi baadu bootsu. Haa loo ba badadi,bwoona ba needi Yasoni ye ba pangi bega badibundu gu misu ma ba fwumu ba bula.Ba yandigi guyagula mu ndaga yi ngolu mbi:"baadu ba bagumishi gifudi giootsu,gisaga-saga,dangu di bitshi guma yaa. ⁷ Yasonimuudu wu bayambi mu nzu yandi!Baadu bootsu loo badjidisagi tshigu yi fwumu wu neeni wu Loma,mudiambu ba yagulagi gwedi fwumu wega wu neeni,djina diandi Yesu.''⁸Baadu bootsu ye ba fwumu ma mabula mana ba yugi kabu dji vula mudiambu ye mapandi mana.⁹ Ba dingi mbongu gwedi Yasoni muudu wu bayambi,loo ba hega mbi:Polu ye Shilashi loo ba hangi kega mapandi mana ma gifaa gina,bwoona ba yagudi.¹⁰Dangu piba bi dibwii ba pangi ba dibundu ba dumishi Polu ye Silashi gu bula dina di Beree.Dangu di ba gumi guna,bendi mu nzu yi bisambu yi bayuda. ¹¹ Baadu ba Bere bu bagadi ye mabanza ma pimbu gu guluda beeni Tesalonika,mudiambu ba gumbudi tsangu dji Gahungu ye luzolu lwootsu.Gosu gilumbu ba djidisagi pimbu-pimbu muganda wu Gahungu,mudiambu ba dala mbi mapandi ma yagulaga Polu mendilaga gi geledi.¹² baadu ba vula ba gadi mukadi ga ba bagwigidi.Mukadi ga baadu bana ba gondi bayuda,bakedu ba vula ba famidiya ma neeni ye ba bagala ba vula ba gwigidi kega.¹³a ndaga yi bayuda bana ba gadi ye bula di Tesalonika ba yugi kega mbi,Polu wu yenda hana tsangu dji Gahungu gu bula di Bere.Bendi ba godishi mavanga ye kadi ga baadu.baadu bana ba yugi kabu.¹⁴ Ya yena,ba pangi ba ledi Polu tswalu mu gwenda gundambu yi nzadi yi neeni haa Shilashi ye Timode ba sadi ye Bediya. ¹⁵Baadu bana bendi leda Polu,bendi ndjila yi moshi tii gu bula di Atenishi.Polu ga ba ledi mu gwenda lela Silashi ye Timode mbi mbi:ba mulanda,tswalu shela.Bwoona baadu bana ba dugi gu Bediya.¹⁶Dala,dangu Polu di ga bagingagi gu Atenishi,muhunga wu gedila ga mu ledi mbi:vula di gadi wu gu yula ye bidegi. ¹⁷ Bwoona,ba yandigi gu yagusagana ye bayuda ye bana ba samba Gahungu,ye gosu dangu ye zandu ga yindula baadu bana badega yena.¹⁸Haa baadu bega ba hangi Filozofi Epikidi ye Kisitoyika.ba yandigi gu saa teembi ye ndi.Baadu bega bayagudi mbi:"kii mapandi shela muudu wuu ga zoodi yagula?'Bega mbi:"ga ba moniga geedi longi wu duhungu wu mu nzendji'',mudiambu ga ba longa tsangu dji pimbu dji Yesu ye lufududmugu.¹⁹Ba mu gami ba munedi gu Adeyopagi,ba yagudi mbi:"du fani yaba mapandi maa wu balonga? ²⁰Mudiambu wu ba yagula mapandi maapa mu matsu ma pidu.Tunda du ba zola yaba mapandi maa kii mabazola yagula.²¹ Gu mukiediga,baadu bootsu ba Atenishi ye banzendji bana badjingaga guna ba ludisa dangu di baa di gulugishila mapandi ma.²²Polu ga niamugi ye kadi-kadi ga Areyopa gayagudi mbi:"binu baadu ba Ateneshi,yi badala mbi duhungu du binu. ²³Mudiambu,dangu di luda gu bula di binu,bu yi dadi bi hani bi lusambagagi,yi dadi kega mesa magi meengi ma Mososhi ma ba sonigi ye londi mbi:"gwedi Gahungu wuna wu ba gondi ya ba teegu.''Ya yena yitshi mu gu lu lela Gahungu wu lu gondi yaba teegu.²⁴Gahungu wuna wu hangi gifudi gi muhundu ye bima biootsu bina biedi mu kadi.Ndi muudu weedi Fwumu wu yilu ye manu,loo ga galaga mu manzu ma dungaga baadu gu mioogu mi baa. ²⁵ Loo gadalaga fwunu mbi baadu ba bamuhega magabu,mudiambu muudu wu hegaga baadu mooni,muhunga wu gu humunina ye bima biootsu.Gwedi muudu wu moshi ga dushi baadu bootsu mudiambu badjinga aya ye londi di manu.Gashi gu twala dangu di wu fani hanga ye bi hani bi manu bi ba fani djingila. Gahungu

Romans

Chapter 1

¹Polu musadi Wu Yesu Kidishidu,ba lendiga mu gu gala tumwa,ba shi mu luhungulugu mu gu hana malongi ma Gahungu, ² ba mbigudi ba yi longi tuunda mu bisooni bi santu, ³ mu bina bi dadidi mwana wandi wuna wu budugi mu luudu mu giganda gi Davidi.⁴Ga gadi mwaana wu Gahungu mu ngolu dji muhunga wu gedila,mu lufudumugu gu ngoyi yi lufwaa:Yesu Kidishidu Fwumu wu pidu. ⁵Mudiambu ye ndi dwedi ye tswaa ye malongi mudiambu di lugwigilu mu kadi ga gifudi bi londi di maanu,mudiambu di djina diandi. ⁶ Mu kadi ga gifudi bi,lu gadi kega ba hwaa lendiga mu gu gala mu Yesu Kidishidu.⁷Mu Baana bootsu beedi gu loma,ba pangi ba tondama ba Gahungu,ye bana ba lendigi mu gu gala ba gedila: kenda ye ngemba gwedi binu dji Gahungu daa Wu pidu ye ndji Yesu Fwumu.⁸Teegu yi ba hana madonda gwedi Gahungu wami mu bina bi dadidi lugwigilu lu binu lu pasagani mu gifudi giootsu. ⁹ Mudiambu Gahungu gedi mbangi wami wuna wu yihangilaga mu pefu wami mu ndjila yi malongi mwaana wuna wandi ye mu gu lela mbi yi lu yindulaga dangu diootsu ¹⁰ Gosu dangu di yi mu sambilaga.yi dingaga gwedi Gahungu mbi yi tsaa yi lu dala mbi ndi wu zoodi.¹¹Mudiambu yi zolaga ngolu mu gu dalagana ye binu mudiambu di gu lu nedila lusalusu luna lu dugaga mu pefu wu Gahungu mudiambu di gu luhega ngolu mu lugwigilu lu binu. ¹² Gima biega kega,yi ba zola mbi du hanagana gi gesa;gu ba less mbi gi gesa gi binu gi dugaga mu lugwigilu luna lu lu dala gedi mii,gi gesa giami kega gi duga mu lugwigilu lu yi dala gwedi binu.¹³Bapangi bami lu fani yaba mbi,yi gadi ye nzala yi gwitsa gu lu dala,haa ye leelu di Loo yi ba dala pila yi gwitsa.Yi kada gwitsa mudiambu di gu pusa kega baadu bega guna gu loma mu gu yiduga ba kidishidu,nga bu yi hangi mu kadi ga baadu bega bana Loo beedi bayuda. ¹⁴ Mudiambu gi salu gii yi fani gwenda gu yi hanga mu kadi ga baadu bootsu,bana ba de mugi ye bana ba kondi de muga,baadu bana ba longugi ye bana ba kondi longugi. ¹⁵ Bwoona,yi ba zola gwitsa lu yabitsa tsangu dji pimbu kega ye binu baadu ba galaga gu bula di loma.¹⁶Loo yi dalaga tsooni mu gu yabitsa tsangu dji pimbu djina.Mudiambu mu tsangu dji pimbu Gahungu ga hulusaga baadu bana bootsu ba tsagaga mbundu gwedi Yesu Kidishidu, teegu ba yuda,gu ngoyi bana loo beedi ba yuda. ¹⁷Tsangu dji pimbu yi lesaga kii pila Gahungu ga gumbulaga baadu:ga gu mbulaga kaga mbi beedi ye lugwigilu dangu diootsu,nga bu basonigi mu miganda wu Gahungu mbi:"muudu wuna wu gumbulaga Gahungu mudiambu ye lugwigilu lwandi,ga gala ye mooni Wu kiediga."¹⁸Baadu bana bootsu ba hangaga masumu ma pila ye pila,Gahungu gu yilu ga ba yufulagana kabu,mudiambu ba hangaga baadu bega ndjila mu gu yaba mapandi ma kiediga. ¹⁹Gahungu ga ba hegaga gi banza mudiambu bigalulu bi Gahungu bina bi fani ya baadu,Loo ba gihani pimbu-pimbu.Gahungu ndi beeni Wu baleshi.²⁰Gaduga dangu Gahungu ga hangi bima biootsu,baadu ba fani dala mbi ngolu dji Gahungu Loo dji hwaagaga,kega mbi ndi weedi Gahungu shela.Loo beedi ye pila yi gu dala mapandi mana gu misu mi baa,haa ba fani mi yaba mu bima bina bi ga hangi.Bwoona,baadu Loo beedi ye pila yi gu yagula mbi:Loo du yabi mapandi mana." ²¹ Baadu ba yabi Gahungu,haa loo ba mu hegaga lugumu,loo ba muhegaga kega madonda mupila yi pimbu.Bwoona mabanza ma baa gumi mapamba,ndungi dji baa kega dji hwii,beedi kaga mu gidima.²²Ba yagulaga mbi beedi baadu ba ndungi,haa beedi bi yuungu. ²³ loo ba sambilaga Gahungu wu mvula ye mvula,haa ba sambilaga bi degi bi baadu bana bafwagaga,ye bi banuni ye bi bambitshi,ye bi batalatshi.²⁴Bwoobuna,Gahungu ga bashishi mu gu mapandi ma busala mana ma gumbulaga mbundu ndji baa;bwoona ba hangaga mapandi ma tsooni. ²⁵Ba dunaga mapandi ma kiediga ma Gahungu,bwoona ba gumbulaga mapandi mabupala;ba sambilaga bima bina bi gangi Gahungu,ba bihangilaga guna mbi duhungu du baa,haa loo ba sambilaga Gahungu ndi beeni,wuna wu hangi bima biootsu,bina bi fani hega lugumu mvula ye mvula!Bwoobuna.²⁶Bwoona Gahungu ga ba shishi mu payi yi baa mu gu hanga mapandi matsooni.Shi bagatshi ba baa loo ba hangaga mapandi mana ma gani Gahungu mudiambu ye luudu lu baa,haa ba sanaga baa ye baa.²⁷ Pila yi moshi ye balumi,loo ba zolaga gu nimba ye ba gatshi dji baa,haa mbundu dji baa,dji yulusami ye nzala yi gunimbisanagana baa ye baa.Ba bagala bana ba hangaga mapandi ma tsooni baa ye baa,Gahungu ga ba hega ndola mu luudu di baa,mudiambu ye mapandi ma baa mambi.²⁸Mudiambu baadu ba dunaga mu gu yaba Gahungu pimbu-pimbu,bwoona Gahungu ga shi-shi ye ndungi dji baa dji mbi.ye tunda ba hangaga mapandi mana ma baa fani gonda hanga.²⁹Ba hangaga mapandi mambi ma pila ye pila,ba zolaga gu tsaa misu mi baa mu bima bi kani;beedi ye musogi wu vuula,ba zolaga gu zuwa baadu,ba sagaga teembi,ba hunaga baadu.Beedi bu tsuubi ngolu. ³⁰ Ba tsubaganaga baa ye baa;beedi ba mbeeni ba Gahungu,loo beedi ye lu djidu,beedi baadu ba moshi ba lulendu,baadu bana ba dilesaga.Ba dingaga ma ndjila meega ma gu hanga mapandi ma mbi,loo ba yindulaga ba dada ye ba ngudi dji baa. ³¹Mbundu dji baa dji ba bendaga mu gu hanga mapandi ma tsooni,loo ba lungisaga lu shilu lu baa,beedi baadu ba moshi ba mbundu dji mbi,loo ba yugilaga kega baadu bega kenda.³²Ba yaba mbi tshigu dji Gahungu dji yagulaga mbi baadu bana ba landaga mandjila mambi ba fani fwaa.Haa ba landaga shela mu gu hanga mapandi mana mootsu.ba gumbulaga baadu ba hangaga mapndi mana kega.

Chapter 2

¹Bwoona loo weedi ye tswaa,ndji muudu mu gu sambisa baadu beega;mbi hu ba hanga bwoobu hu ba digeshila kanu ndji beeni.Mudiambu ndji wu ba sambisa wu hangaga mapandi ma gi geledi.² Haa du ba yaba mbi gu sambisama gu Gahungu gwedi bwoobuna,bu ba yagula masonga mu baadu bana ba bahangila mu pila yina.³Mu pandi yii,ndji wu gesaga kanu gwedi bana ba hangaga mapandi maa,ba mahangaga kega,wu ba yindula mbi bu wu dina gu sambisama gu Gahungu? ⁴ Mbi loo,wu duga Gahungu mudiambu ye ma pimbu maandi,mudiambu ye kenda diandi,ye mu pila yiandi yi ga gangaga mbundu?Loo wu yaba mbi mapimbu ma Gahungu ma fani gu gupusa mu gu balumuna mbundu?⁵Haa weedi mudu wu buguba,loo wu zodi gu balumuna mbundu.Bwoona,ndola dji ngolu djiedi mu gu gugingila mu gilumbu gina Gahungu ga lesa kabu djiandi di kagesa mapandi mu ndjila yi pimbu. ⁶Gahungu fuda gosu muudu mu gidesu gi mapandi mana ma ga hangi. ⁷Gahungu ga hana mooni wu mvula ye mvula gwedi baadu bana ba landaga shela mapandi ma pimbu,ba dingaga lugumu ,lu djidu ye mooni wu mvula ye mvula.⁸Haa baadu beega bana ba diyindulaga shela ba beeni,ba dunaga mapandi ma pimbu ma mukiediga mudiambu di gu landa mapandi ma mbi,Gahungu ga ba yugilaga kabu. ⁹Baadu bana bootsu ba hangaga mapandi mambi,pashi dji pila ye pila dji ba bwila,teegu ba yuda,bwoonaye bana loo beedi ba yuda.¹⁰Haa Gahungu ga hana lugumu,luzidu,ye ngemba gwedi baadu bana bootsu ba hangaga mapandi ma pimbu,teegu gwedi ba yuda,bwoona ye gwedi bana kega ba kondi ba yuda.¹¹ Mudiambu Gahungu ga zolaga baadu bootsu gi desu gi moshi. ¹² Baadu bootsu ba gondi ba yuda loo bayabi tshigu dji moshi.Bahangaga masumu,bwoona bu bafwa kega,gu gonda tshigu.bayuda ba yabi matshigu;haa ba kega ba hangaga masumu,bwoona tshigu dji ba geshila kanu.¹³Gahungu loo ga gumbulaga baadu mudiambu ba yugaga tshigu,haa Gahungu ga gabulaga mudiambu ba hangaga mapandi mana ma yagulaga gtshigu. ¹⁴ Baadu bana ba gondi ba yuda,loo ba yabi tshigu dji moshi;haa mbi ba hangaga mu luzolu lu ba beeni pandi yina yi ba yagula tshigu ba dishilaga tshigu mudiambu ye ba beeni,shi loo ba yabi tshigu dji moshi.¹⁵Bwoona ba lesaga mbi,mapandi mana ma ba yagula tshigu,ba masonigi gu mbundu dji baa.Kega dji lesaga mapandi mana meedi makiediga.Mbundu dji baa kega dji lesaga mbi mapandi mana meedi ma kiega mbala yega kega manunga ma baa loo ma baa bingisaga. ¹⁶ Gu gala pila ya yina mu gilumbu gina Gahungu ga hega gwedi Yesu kidishidu gi yega gi gusambisa baadu mu mapandi mootsu mana maswami gu mbundu dji baa,nga bu ba yagula tsangu dji pimbu djina dji yi longaga.¹⁷Haa ndji muudu wuna wu yagulaga mbi weedi muyuda,wu tsaagaga mbundu mu matshigu,wu di lesaga kega mudiambu ye Gahungu gaagu. ¹⁸ Gu yaba kii pandi Gahungu ga gumbulaga mbi wu hanga,matshigu kega ma gulongi mu gu soola mapandi mana meedi ma pimbu. ¹⁹ Wu yindulaga mbi weedi muudu wuna wu lesaga baadu bana fwii misu ndjila;wu yindulaga mbi weedi mwinda mudiambu ye baadu bana beedi mu gidima.²⁰ Wu yabaga kega mbiweedi longi wu baadu bana ba kondi yaba gima,kega mbi weedi muudu wuna wu longaga bana,mudiambu wu sagaga mbundu mbi matshigu ma gu lesaga mapandi ma kiediga ye mapandi mootsu ma wufani yaba.²¹Haa!ndi muudu wu longaga baadu bega,mudiambu di kii Wu kondaga gu dilonga ndji beeni?Ndji wu longaga mbi muudu Loo ga fani yaba mudiambu di kii wu yibaga? ²² Ndji muudu wu yagulaga mbi muudu Loo gafani hanga gindumbu,mudiambu di kii Wu hangaga?Ndji muudu wu dunaga du guhungu dubidegi mudiambu di kii wendaga yiba bidegi mu manzu zambi ma bidegi?²³Wu di lesaga mudiambu ye matshigu,haa wu dadisaga Gahungu tsooni dangu di wu zuwaga matshigu maandi. ²⁴ Mudiambu miganda wu Gahungu ga ba yagula mbi:"baadu bana Loo beedi ba yuda ba dugaga djina di Gahungu mudiambu ye binu bayuda."²⁵Mbi wu mandaga matshigu gu yaba guna gu ba gihani gwedi fwunu; haa mbi Loo wu landaga matshigu,weedi nga muudu wuna wu ba kondi taaba. ²⁶ Haa muudu wuna wu ba kondi taaba mbi Loo galaga mapandi yina yi bayagula matshigu,Gahungu Loo ga mu senda nga muudu wu ba gondi taba? ²⁷ Muudu wuna wu ba kondi taaba haa gala ndaga matshigu ma mososhi,bu ga gufunda ndji muyuda wuna wu kondaga landa matshigu,shi Wu yabi matshigu mana ma ba sonigi mu miganda,shi ba gu tabi.²⁸Mu yuda wu kiediga Loo geedi muudu wuna wu monigaga muyuda shela gu misu mi baadu,shi wuna wu ba tabi.²⁹ Haa muyuda Wu kiediga geedi muudu weedi muyuda mu kadi ga mbundu yandi,wuna wu ba tabi gu mbundu yandi.Gu taba guna loo giedi gisalu gi matshigu mana ma ba sonigi mu muganda, haa giedi gisalu gi muhunga wu Gahungu.muudu wuna weedi muhunga Wu kiediga Loo ga wendaga lugumu lwandi gwedi baadu haa gwedi Guhungu.

Chapter 3

¹Bwoona kii fwunu mu gu gala muyuda?Haa gu taba gwedi Fwunu? ² Gwedi fwunu shela mu mapandi mootsu.Pandi yi teegu,Gahungu ga hani matshilu Mandi gwedi ba yuda.³Kii du fans yagula mbi baadu bega mukadi ga baa loo ba lemvugaga gwedi Gahungu?Haa Gahungu loo ga lungisama mapandi Mandi mudiambu ye mahanga ma baa? ⁴ Loo!shi baadu bootsu ba gadi baadu ba bupala,haa Gahungu ga fani gala muudu wu mukiediga.Nga bu basonigi mu muganda Wu Gahungu:"mapandi mana ma bayagula ma fani less mbi weedi ye gibingu,bwoona,mbi bu ba gu sambishi wu fanibinga."⁵Haa kii du yagula mbi mapandi mambi ma duhangaga ma lesaga mbi Gahungu geedi wu pimbu?Haa mapandi mana ma lesaga mbi,Gahungu loo gedi pimbu Mudiambu ga du hegaga Ndola?(Ya yiba yagula mu manunga ma gi muudu). ⁶Loo!Mudiambu, mbi Gahungu ga gondaga gala wu pimbu kii pila ga zola dambisani baadu?⁷Haa,mbi mapandi ma bupala ma yi yagulaga ma lesaga shela mapandi ma kiediga ma Gahungu ye ma mugumisaga mudiambu di kii Gahungu ga fani pega gi banza gina gi yifani senda muudu wu masumu. ⁸ Mudiambu,di kii loo du fani yagula mbi:"du hanga mapandi ma mbi mudiambu du dusa mapandi ma pimbu?"Baadu bega ba yagulaga mbi yi yagulaga mapandi mana.Ba yagulaga bwoona mudiambu ye gu tuga.Baadu bana ba fani senda ndola.Loo shi muudu wu hangaga mapandi mana ma zolaga Gahungu.⁹Buni haa?Pidu ba yuda,du ludi baadu bega?Loo shi ndambu!Yi lu leshi teegu mbi masumu mayalaga baadu bootsu,shi bayuda shi bana Loo beedi ba yuda. ¹⁰ Nga bu basonigi mu muganda wu Gahungu mbi:shi muudu wu moshi loo ga hangaga mapandi mana ma zolaga Gahungu.¹¹Shi muudu wu moshi,Loo ga dusaga mapandi,shi wu loo ga dingaga Gahungu. ¹² Baadu bootsu ba shishi ndjila yi Gahungu,ba bootsu ba bidi.Shi muudu wu moshi Loo gahangaga mapandi ma pimbu shi ma moshi loo.¹³Mi minu mi baa miedi nga ma djiamuma gangugi,ba hangilaga gabu di baa mu gunyagula Pandi yina yi hunaga baadu,ndaga yina yi dugaga mu hani di baa,gedi nga medji ma talatshi mana meedi. ¹⁴ Ma duga ma vula mambi ma dugaga gu fani di baa.¹⁵Ba wendaga tina mudiambu di gu zuwa baadu. ¹⁶Mu bihani biootsu ba ludaga ba shisaga lufwaa ye kenda, ¹⁷ Loo ba yabi ndjila yi ngemba. ¹⁸ Loo ba dunaga Gahungu shi ndambu."¹⁹Du yabi mbi Pandi diootsu djina dji ba yagula muganda wu Gahungu,djiedi mudiambu ye baadu bana beedi mu mashina magiyega ma matshigu ma bayuda.Bwoona shi muudu wu moshi loo ga fani yagula Pandi yina yi mubingisa.bwoona kega Gahungu wu fani sambisa baadu bootsu. ²⁰ Mudiambu Gahungu loo ga gumbulaga shi muudu wu moshi wuna wu lemvugaga mu Pandi yina yi yagulaga tshigu dji ba yuda;Tshigu djina shela mu gu less muudu mbi wu hangi masumu.²¹Haa dangu di Gahungu wu du leshi pila yi ga du gumbulaga.Mu Pandi yina matshigu loo hangaga shi gima gi moshi miganda mi ba mbigudi ye mitshigu miakega mi yagudi mbi: ²² Gahungu ga gumbulaga baadu mbi ba shi mbundu gwedi Yesu Kidishidu .Ga hangaga bwoona mudiambu baadu bootsu bana ba tsagaga mbundu gwedi Yesu Kidishidu Mudiambu lutswasanu loo lwedi mu kadi ga baa:²³Baadu bootsu ba hangi masumu,loo beedi kega ye lugumu lu Gahungu. ²⁴ Haa gahungu, mu mbundu yandi yi pimbu,ga ba gumbulaga baa bootsu magabu.Ga hangaga mu lusalusu lu Yesu Kidishidu wuna wu ba gadulaga mu gihiga gi masumu.²⁵Gahungu ga hani Yesu Kidishidu nga ma gabu ma mengi mudiambu di gu gadulaga masumu ma baadu bana ba tsagaga mbundu gwedi Yesu Kidishidu. Ga hangi Pandi yina dangu di fwi Yesu Kidishidu, ga hani Kidishidu Mudiambu di gu lesa baadu mbi ²⁶gedi ye luzolu di gu ba gumbula.Teegu Gahungu ga ganga mbundu loo baadu ndola mudiambu ye masumu ma baa.Haa dangu di ga ba lesa mbi ga gumbulaga baadu, mudiambu gedi muudu mu pimbu,ndi kega ga zolaga gu gumbula baadu bana ba tsagaga mbundu gwedi Yesu.²⁷Haa pila yedi baadu mu gudi lesa?Loo,pila loo!kii pila ba fani gu di lesa?Mudiambu ba landaga matshigu? Loo,baadu ba fani tsaa mbundu mu lugwigilu lu baa shela. ²⁸ Mudiambu du yagulaga shela mbi Gahungu ga gumbula baadu mudiambu ye lugwigilu lu baa,haa Loo gwedi mbi mudiambu ba landaga matshigu.²⁹Haa Gahungu geedi shela Gahungu ga bayuda buna?Loo geedi Gahungu kega gabaadu bega?here,geedi kega Gahungu ga baadu bootsu. ³⁰Mudiambu Gahungu geedi shela wu baadu bootsu ga gumbula ba yuda mudiambu ye lugwigilu lu baa;pila yimoshi,ga gumbula kega baadu bega mudiambu ye lu gwigilu lu baa.³¹Haa mapandi maa maba lesa mbi lugwigilu lu magidula matshigu gima gi pamba?loo, bwoona lu ba lesa shela mbi matshigu meedi fwunu.

Chapter 4

¹Kii du fani yagula mudiambu ye Abalayami,kaga wu pidu?Kii ga sendi? ²Mbi Gahungu ga gumbudi Abalayami mudiambu ye pandi yi gahangi,Abalayami ga kanda gu di lesa.Haa gu misu ma Gahungu,Abalayami loo ga fani gu di lesa. ³Mudiambu muganda wu Gahungu wu ba yagula mbi:"Abalayami ga shi mbundu gwedi Gahungu,bwoona Gahungu ga mu gumbudi mudiambu ye lugwigilu lwandi.''⁴Muudu wuna wu bahanga gisalu,ga bongaga lufwudu lwandi;loo ba dangaga lufwudu luna nga magabu,haa ba didangaga nga lufwudu luna ga bongi mudiambu ye gisalu giandi. ⁵ Haa muudu wuna wu hanga,mbi wu shi mbundu gwedi Gahungu shela wuna wu gumbulaga baadu ba masumu,Gahungu ga gumbula muudu wuna mudiambu ye lugwigilu lwandi.⁶Bwoona Davidi ga ba yagula mudiambu ye gieshi gi muudu wuna wu Gahungu ga gumbulaga gu gonda gu dala bisalu biandi: ⁷ "Gieshi gwedi baadu bana ba hangi mbii ye masumu,haa Gahungu wu ba loludi,wu gadudi masumu ma baa! ⁸ Gieshi gwedi muudu wuna Fwumu Gahungu loo gadangaga masumu mandi!"⁹Haa gieshi gina giedi shela mudiambu ye baadu ba bataabi?Haa gieshi loo giedi kega mudiambu ye baadu ba bakondi taaba?Du yagudi mbi:'' Gahungu ga gumbudi Abalayami mudiambu di lugwigilu lwandi.'' ¹⁰ Kii dangu mapandi mana ma bwii?Dangu di ba kondi taaba teegu Abalayami,mbi ye dangu bagadi ba mu taabi ye tunda?Pandi yina yi bwii dangu di ba gadi konda mutaaba.¹¹Gu ngoyi ba taabi Abalayami nga gidimbu mu gu lesa mbi,Gahungu ga mu gumbudi mudiambu ye lugwigilu lwandi,dangu di ba gadi ba konda mutaaba.Bwoona,Avbalayami Dada wu baadu bootsu bana ba sagaga mbundu gwedi Gahungu ye ba gumbudi Gahungu shi loo ba bataabi. ¹²Geedi kega Dada wu baadu bootsu bana ba bataabi.Bwoona loo gu ba lesa mbi mudiambu beedi baadu bana ba bataabi,haa mudiambu ba landaga kega mbandu di lugwigilu luna lu Dada wu pidu Abalayami ga gadi lwoo,dangu di ba gadiba kondi mutaaba.¹³Gahungu ga shidi gwedi Abalayami ye gwedi baadu bana ba buduga mu giganda giandi mbi maanu mootsu magala ma baa.Lushilu luna Gahungu loo ga luhani mudiambu Abalayami ga gadi muni landa matshigu,haa gahungu ga mi hani mudiambu ga gumbudi Abalayami mudiambu ye lugwigilu lwandi. ¹⁴ Baadu bana ba landaga matshigu,mbi ba buna ba fani senda pandi yina yi Gashungu ga shidi,lugwigilu lu baadu loo luganda gala ye fwunu,lushilu lu Gahungu lu kanda gala kega lupamba. ¹⁵Muudu wuna wu zuwii matshigu,Gahungu ga muyugila kabu;haa,mbi matshigu loo meedi,pila loo kega diedi baadu mu gu mazuwa.¹⁶Bwoona,baadu,mudiambu ye lugwigilu lu baa,Gahungu ga hegi lushilu mu pila mbi gu gala magabu mandi,kega mbi gu gala mudiambu ye baadu bootsu bana ba buduga mu giganda gi Abalayami.Loo gwedi shela mudiambu ye baadu bana balandaga matshigu,haa diedi kega mudiambu ye baadu bana beedi ye lugwigilu nga lu gadi lwoo Abalayami.Abalayami gedi Dada wu pidu bootsu, ¹⁷nga bu basonigi mu muganda wu Gahungu mbi:"yi gu soodi mu gu gala Dada wu maganda mavula ma baadu.''Abalayami gedi dada wu pidu gu misu ma Gahungu wuna wu ga shidi mbundu,Gahungu wuna wu shamugisaga mu lufwaa ye wu hangaga bima bina bi kondi gala teegu.¹⁸Abalayami ga gadi ye lugwigilu.Mu gi muudu loo ga gada ye pila yi gu saa mbundu,haa bu ga shbundu shela.Bwoona wu gidugi''Dada wu maganda mavula ma baadu.''Nga bu basonigi mu muganda wu Gahungu mbi:"baadu bana ba buduga mu giganda giagu ba gala taalu pila yayi.'' ¹⁹ Abalayamiga gadi ye ma mvula gi desu kama yi moshi,haa loo ga lembwi mu gu saa mbundu gwedi Gahungu dangu di ga yindudi mbi luudu lwandi lu gadi nga lu hwaa fwaa,dangu di ga yindudi kega mbi Saala loo ga gadi ye pila yi gubuda baana.²⁰Abalayami loo ga shi lugwigilu lwandi,ndi kega loo ga gadi ye mbundu djioodi mudiambu ye lushilu lu Gahungu;haa lugwigilu lwandi lu muhegi ngolu,ga hegi Gahungu lugumu. ²¹Ga sagi mbundu shela mbi Gahungu wu fani hanga mapandi mana ma ga shidi.²² Bwoona ''Gahungu ga gumbudi Abalayami''mudiambu ye lugwigilu lwandi.²³Haa mapandi maa''Gahungu ga mu gumbundi''loo ba masonigi mudiambu ye ndi buna. ²⁴Ba masonigi kega mudiambu ye pidu baadu bana ba gumbula Gahungu,pidu baadu du sagaga mbundu gwedi Gahungu wuna wu shamugishi fwumu wu pidu yesu mu lufwaa. ²⁵ Gahungu ga muhani gu mioogu mi ba mbeeni,bwoona ba mu zuwii mudiambu ye masumu m,apidu,haa Gahungu ga mushamugishi mu lufwaa mu pila mbi ndi Gahungu ga du gumbula nga mbi loo du hangi shi gima.

Chapter 5

¹Bwoona Gahungu ga du gumbulaga mudiambu ye lugwigilu lu pidu,pidu kega dwedi mu gemba ye ndi dangu di mudiambu ye fwumu wu pidu Yesu kidishidu. ²Mudiambu ye lugwigilu lu pidu,Yesu gitshi gu du nedila mapimbu ma Gahungu,mapimbu mana ma dwedi maa ndangu di.Du ba dala gieshi mudiambu du sagaga mbundu mbi bu du gala ye ndambu yi lugumu lu Gahungu.³Kega,du ba dala gieshi shi du ba dala pashi,mudiambu du ba yaba mbi muudu wu dadi pashiga longuga mu gu ganga mbundu.⁴ Mbi muudu wu gangi mbundu,bu ga longuga kega mu gala ye gi gesa shi gaba dala pashi.Bwoona,mbi muudu wu gadi mu gieshi shi ga ba dala pashi,bu ga longuga kega mu gu saa mbundu. ⁵ Mbi bu du shi mbundu,loo du ba di huna mudiambu Gahungu bu ga shi gu zola gwandi gu mbundu yi pidu mu lusalusu lu muhunga lwandi luna lu ga du hegi.⁶Mudiambu dangu di du gadi du gonda senda teegu ngolu,Kidishidu ga fwii mmbu ye pidu baadu ba mbii mu gilumbu gina gi shii Gahungu. ⁷ Gwedi pashi dji vula muudu mu gumbula mu gu fwaa mudiambu ye muudu wuna wu hangaga mapandi mana ma zolaga Gahungu.Haa muudu gafani gala ye gi gesa mu gufwaa mudiambu ye muudu wu pimbu.⁸Haa Gahungu ga du ledi pila yi ga du zolaga:Kidishidu ga fwii mudiambu ye pidu dangu di du gadi shela baadu ba masumu. ⁹ Dangu di,mudiambu ye meengi ma Kidishidu,Gahungu ga du gumbudi;bwoona Kidishidu bu ga hulusa shela mu ndola yina yi du hega Gahungu mu kabu djiandi.¹⁰Du gadi teegu ba mbeni ba Gahungu,haa du wagani ye ndi mudiambu ye lufwaa lu mwaana wandi.Bwoona,mbi bu du yugani ye Gahungu dangu di,mooni wu mwaana wandi bu ga du hulusa shela.¹¹ Kega,Gahungu ga ba du hega gieshi mudiambu du yugani ye ndi,dangu di mu lusalusu lu Fwumu wu pidu Yesu Kidishidu.¹²Masumu magodi mu maanu mudiambu yi mbi wu muudu wu moshi wuu Adama,haa ma yitshi needa lufwaa.Bwoona,baadu bootsu ba fwaagaga mudiambu ba bootsu ba hangaga masumu. ¹³ Dangu di Gahungu ga gadi wu gonda hana tshigu gwedi Mososhi,masumu loo ma gadi teegu mu gi fudi.Haa Gahungu ga gadi wu gonda danga masumu mana,mudiambu loo ga gadi wu gonda hana yandu matshigu.¹⁴Haa yandiga di Adama ye mu dangu di Mososhi,baadu ba gadi muni fwaa shela,shi loo ba hanga masumu nga masumu mana ma hangi Adama.Loo ga landa matshigu ma Gahungu.Adama ga gadi nga gi fanisu gi muudu wuna witshi gu ngoyi yi wandi. ¹⁵ Mapandi maa moodi loo giledi:magabu mana Gahungu ma ga duhegi mu luzolu lu wandi loo meedi gi geledi mu mbi yina yi hangi Adama.Mukiediga,baadu ba vula ba fwii mudiambu ye mbii yi muudu wu moshi Adama.Haa,ye mapimbu ma Gahungu,ye mbii,gima gi ludi ngolu gwedi mapimbu ma Gahungu.Magabu mana ma du hegi Gahungu muudu wu moshi wuu Yesu Kidishidi mu luzolu lwandi mudiambu hani gwedi baadu ba vula,ma kega ma ludi ngolu.¹⁶Kega magabu ma Gahungu ye masumu ma muudu wu moshi Adama,loo giledi;Gahungu ga hegi baadu ndola mudiambu ye masumu ma muudu wuna wu moshi,haa mu luzolu lwandi ndi beeni ga mbulaga baadu,shi bu ba hangi mbii dji vula. ¹⁷ Mu kiediga baadu ba fwagaga mudiambu ye muudu wu moshi wuna ye mudiambu ye mbii djiandi.Haa mapandi maa ma du sendaga gwedi muudu wu moshi wuu Yesu Kishidu,ma ludi gidesu:baadu bana bootsu Gahungu ga dalaga ngolu mu disu di pimbu ye bana ba ga gumbulaga,ba gala ye mooni,bu ba yala mu gifwumu giandi mudiambu ye Kishidu.¹⁸Bwoona,nga bu hani Gahungu baadu bootsu ndola mudiambu ye mbii yi muudu wu moshi wuu Adami,bwoona kega Gahungu ga gumbulaga baadu bootsu,ga ba hegaga kega mooni mudiambu ye mapandi ma pimbu ma muudu wu moshi wuu Yesu Kidishidu ma ga hangi. ¹⁹baadu ba vula ba gumi baadu ba masumu mudiambu ye muudu wu moshi wuu Adami wu kondi landa tshigu djina dji mu hegi Gahungu;pila yi moshi kega Gahungu ga gumbula baadu ba vula mudiambu ye muudu wu moshi wuu Yesu Kidishidu wu leemvugi gwedi ndi.²⁰Gahungu ga shi matshigu mudiambu masumu ma guma ma vula;haadangu masumu ma gumi mavula Gahungu ga gumi gu badala mu disu di pimbu. ²¹Masumu ma gadi muni yala baadu;bwoona ba gadi muni fwaa pila yi moshi kega Gahungu ga du yalaga mu disu di pimbu,ga du gumbulaga mudiambu di gu du hega mooni wu mvula ye mvula wuna wu du sendaga gwedi Fwumu wu pidu Yesu Kidishidu.

Chapter 6

¹Bwoona kii du fani yagula?Haa du fani djingaga shela mu masumu mu pila mbi Gahungu ga du dala mu disu di pimbu shela?² loo dwedi nga baadu ba fwii;masumu loo ma fani du hanga gima.Kii pila du fani djinga kega mu masumu? ³Haa loo lu yabi mbi pidu bootsu bana du bongi mbodiga mu gu gala mu gimvuga ye Yesu Kidishdiu,du bongi mbodiga yina mudiambu mu gu fwaa mu gimvuga ye ndi?⁴Mbodiga yi pidu yi ba lesa mbi du fwii ye Kidishidu,ba bu djigi ye ndi;bwoona nga Dada Gahungu ga shamugishi Kidishidu mu lufwaa mu ngolu djiandi yi lugumu,pila ya yina kega bu du djinga mu ludjingu lu moshi lu mpaa. ⁵ Mudiambu,mbi bu du vugani ye Kidishidu mu lufwa lu pila yi moshi,bu du gala kega mu gimvuga ye ndi dangu di du shamugisa Gahungu nga bu ga mushamugishi.⁶Du fani yaba pimbu mbi Gahungu ga shi bigalulu bi pidu bi teegu bi gimuudu gi hani gi moshi ye Kidishidu ye londi di kulundji,mudiambu bigalulu bi pidu bina bi masumu bi fwaa,du konda gala ba higa ba masumu. ⁷Mbi muudu wu fwii gu hwii,loo kedi kega muhiga wu masumu.⁸Mbi bu du fwii ye Kidishidu,bu du shi mbundu mbi:bu du djinga kega ye ndi. ⁹ Mudiambu du yabi mbi Gahungu ga shamugishi Kidishidu mu lufwa,Kidishidu loo ga fani fwaa kega;pamba loo lufwa loo lwedi ye giyega lu gu mugama kega.¹⁰Wu fwii,bwoona masumu loo mafani mu hanga kega shi gima;dangu digedi ye mooni mudiambu ye Gahungu. ¹¹ Binu kega gidesu gi moshi,lu fani yagula mbi lwedi nga baadu ba gu fwaa;masumu loo mafani luhanga gima.Haa lwedi baadu bana beedi ye mooni mudiambu ye Gahungu mu gimvuga ye Yesu Kidishidu.¹²Luudu lu binu luna lu fwii,masumu loo ma fani luyala kega mudiambu mu gu lu benda mu gu landa nzala yi mbi yina yi yugaga luudu lu binu. ¹³ Loo gu hangilani kega luudu lu binu mudiambu di gu hanga masumu nga mbi gisalu gi luudu diedi mudiambu ye gu hanga mbii.Haa hanani luudu lu binu gwedi Gahungu,nga baadu bana ba dugi mu lufwaa,ba sendi mooni;lu di hana muhundu mu gu hangila Gahungu mudiambu mu gu hanga mapandi ma pimbu. ¹⁴Masumu loo ma fani lu yala,mudiambu loo lwedi gu mioogu mi matshigu.Haa Gahungu muudu wu ba lu yala mu disu di pimbu.¹⁵Bwoona kii du fani yagula?Dangu di matshigu loo ma ba du yala,haa Gahungu ga ba du yala mu disu di pimbu,haa gu ba lesa mbi du fani hanga masumu?Loo! ¹⁶Lu fani yaba pimbu mbi,mbi bu lwendi mu gu hangila Fwumu wu moshi,lu gumbudi mu gu lemvuga gwedi ndi;bwoona lu gumi ba higa ba fwumu wuna wu lu ba lemvugila.Mbi lwedi bahiga ba masumu bu lu fwaa,haa mbi bu lu lemvugi gwedi Gahungu,bu ga lu gumbula.¹⁷Du hana madonda gwedi Gahungu.Mudiambu lu gadi teegu bahiga ba masumu,haa dangu di,mu luzolu lwootsu,lwedi mu gu landa longi mana ma ba lu longi. ¹⁸Gahungu wu lu gadudi mu masumu bwoona lu gumi ba higa ba mapandi mana ma ga zolaga.¹⁹Yi ba yagula gwedi binu nga bu yagulaga baadu bilumbu biootsu,mudiambu lwedi gu binu baadu.Teegu lu djinga lu djingu lu gisaga-saga mudiambu lu di hana mu hundu mu gu hanga mapandi ma mbii ye ma masumu ngambi lu gadi ba higa ba mapandi mana.Haa dangu di lu djinga mu lu djingu lu gi Nzambi,lu di hana muwundu mu gu hanga mapandi mana ma zolaga Gahungu,nga mbi lwedi ba higa ba mapandi mana. ²⁰ Dangu di lu gadi ba higa ba masumu loo lu gadi bahiga ba mapandi mana ma zolaga Gahungu.²¹ Kii lu bongi dangu di lu hanga mapandi mana ma lu hega tsooni?Tsuga yi mapandi mana yeedi shela lufwaa!²²Haa dangu di Gahungu wu lu gadudi mu masumu,bwoona lu gumi ba higa bandi;bwoona,lu gumi baadu bandi,bwoona tsuga yi mapandi maa gwedi mooni wu mvula ye mvula. ²³ Mudiambu tsuga yi masumu yeedi lufwaa;haa magabu mana ma du hegaga Gahungu mu luzolu lwandi,gwedi mooni wu mvula ye mvula wu twedi lwoo mu gi mvuga ye Fwumu wu pidu Yesu Kidishidu.

1 Corinthians

Chapter 1

¹Mi,polu,muudu wu solamani gwedi Gahungu mu luzolu lu Yesu mu gu gala musadi wu Kidishidu,yi ba lu sonigila ye pangi wu pidu Soshiteni. ²Pidu du ba luhega mbodi,binu beeni dibundu lu Gahungu gu bula di kolinto.Binu baadu ba solamani gwedi Gahungu mu gu gala baadu bandi,ye baadu bana bootsu basamba Gahungu mu bihani biootsu mu ndjina dji fwumu wu pidu Yesu Kidishidu wuna weedi wu baa ye wu pidu. ³ Yambula mbi dada wu pidu Gahungu ye fwumu wupidu Yesu Kidishidu ba du ledi luzolu lu baa ye gu hega ngemba.⁴Dangu djiotsu yi hanaga madonda gwedi Gahungu wu pidu mudiambu ye binu,mudiambu ye luzolu lu pimbu lu ga lu ledi mu sadisa lu Kidishidu. ⁵Mudiambu ye muvusu yi lwedi ye Kidishidu,lu gidugi ba mvwama mu mapandi mootsu:lu yabi pimbu gu yagula mapandi mootsu ye lwedi ye ndungi djiotsu. ⁶nsangu dji Kidishidu dji lu godidi ngolu.⁷Diadina,lwedi ye ma pimbu mootsu dangu di lu ba gingila gilumbu gifwumu wu binu gi ga gwitsa moniga.⁸ Ye ga luhega gigesa tii gu tsuga,mu pila mbi,ga gonda lu gama gifwu tii mu gilumbu gi gavuduga fwumu wu pidu Yesu Kidishidu. ⁹ Lu fani saa mbundu gwedi Gahungu wuna wu luzodi mu gu gala mu gimvuga gi moshi ye mwaana wandi Yesu Kidishidu fwumu wu binu.¹⁰Ba pangi bami yi ba lu wodila mu djina di fwumu wu pidu Yesu Kishidu:yugaganani,binu bootsu mu mapandi ma lu yagulaga,bwoona,loo lu gala ye gu gabulagana mu kadi ga binu.Lu gala ye ngindu yi moshi kega. ¹¹ Mudiambu yi ba senda baadu ba Klowe mu gu yagula binu ye binu.¹²Mapandi ma yi ba zola yagula ma maa:gosu muudu mu kadi ga binu ga yagulaga mapandi ma pila ye pila mwega ga ba yagula mbi:''yedi wu polu.''weega mbi:"yedi muudu wu Apoloshi'',weega mbi:haa mi yeedi muudu wu Kidishidu''. ¹³Nga guna mbi Kidishidu wu gabugi mu magabu mapila ye pila?Nga guna mbi mi polu bu yi fwii ye kulundji mudiambu ye binu?Gwedi mbi lu bodamani mu djina dji polu?¹⁴Yi ba hana ma donda gwedi Gahungu mudiambu loo yi bodigi shi muudu wu moshi mu kadi ga binu,haa yi bodigi Kidiyusu ye Gayiyusu. ¹⁵Diadina,shi muudu wu moshi loo ga fani yagula mbi bodamanani mu djina diami. ¹⁶ Haa yi bodigi kega Setefani ye famidiya diandi.Haa loo yi fani yaba mbi bu yi bodigi baadu beega.¹⁷Kidishidu loo ga tumi mu gu dinga baadu,haa ga tumi gu lela tsangu dji pimbu.Haa,loo yi lendi mu gu lu lela mu ndungi dji gimuudu,mudiambu yi gonda gadula ngolu dji lu fwaa lu Kidishidu ye londi di kulundji.¹⁸Mudiambu baadu ba babila ba basenda tsangu di fwii Kidishidu ye londi di kulundji nga mapandi ma buzoba,haa gwedi pidu baa ba huluga,tsangu djina djedi ngolu dji Gahungu. ¹⁹Mudiambu ba sonigi mu muganda wu Gahungu mbi:''yi zuwaa ndungi dji baadu ba ndungi.Bu yi gadula ndungi dji baa.''²⁰Bwoona kii mayela masadi gwedi baadu ba mayela?Mbi loo gwedi baadu bana ba longugi ngolu?Mbi loo baadu ba dangu di ba yabi guyagula mapandi ma pimbu-pimbu?Gahungu loo ga yagudi mbi mayela ma dangu di medi ma buzoba.²¹ Mudiambu Gahungu mu ndungi djiandi,ga hangi mu pila mbi baadu ba konda muyaba mu ndungi dji baa beeni.Haa gadadi mbi ga fani hulusa baadu bana ba gumbudi tsangu djina dji"buzoba"dji du longaga.²²Ba yudashi ba zolaga bi paa gu twala yi gu gwigila,ye beeni greki ba dingaga ndungi. ²³ Haa pidu du longaga mbi Kidishidu wu ye londi di kulundji tsangu djina dji hanaga pashi gu mbundu di bayudashi,diadina baadu bana ba gondi ba yudashi ba bidalaga nga mapandi ma buzoba.²⁴Dangu di,gwedi baadubana ba sodi Gahungu,bana beedi ba yudashi ye bana ba gondi ba yudashi,tsangu djina djedi dji Kidishidu wuna weedi ngolu dji Gahungu ye ngolu djiandi. ²⁵ Mudiambu mapandi mana ma monigaga nga buzoba bu Gahungu,meedi ndungi dji moshi dji guluda dji baadu ye keega mapandi ma Gahungu mana ma monigaga mbi loo meedi ye ngolu,meedi ngolu dji moshi dji ludi ngolu dji baadu.²⁶Ba pangi bami,yi ndulani teegu mbi ba naa lugadi,dangu di lu zodi Gahungu.Kaga baadu ba gadi ndambu mu kadi ga binu baadu ba mayeela,mbi loo baadu ba ngolu,mbi loo baadu ba neeni mu lu djingu lu gi muudu. ²⁷ Haa Gahungu ga soodi kaga mapandi mana ma dalaga baadu mbi meedi ma buzoba mudiambu ye gu hega baadu ba ndungi sooni.Ye ga soodi mapandi mana ma ba dalaga mbi loo meedi ma ngolu mudiambu ye guhega baadu beedi ngolu tsoni.²⁸Gahungu wu soodi mapandi mana ma dalaga baadu mbi loo meedi ma pimbu,mapandi mana ma ba vwenzaga,ye mana ma ba yindulaga mbi meedi ma pamba,mudiambu ye gu zuwa mapandi mana ma yindulaga baadu mbi meedi ma fwunu. ²⁹ Mapandi mana ma ba lesa mbi loo gwedi ye muudu wu fani mu gu dilesa gu misu ma Gahungu.³⁰Mudiambu Gahungu wu lushi mu gimvuga ye Kidishidu Yesu,wu gidudi Kidishidu gi swengi gi pidu,mudiambu ye Kidishidu Gahungu wu du gumbudi,wu du balumuni baadu bandi ye wu du gadudi mu gihiga gi masumu. ³¹ Diadini,ba sonigi mu muganda wu Gahungu mbi:"muudu wu zodi gu di leshigisa,ga dileshigisa mu mapandi ma ga hangi ma fwunu gwedi Gahungu.

Chapter 2

¹Ba pangi bami,dangu di yitshi gwedi binu,mu gu lu lela masonga ma Gahungu,masonga mana ma sonamani,loo yi yagudi mapandi ma ngolu ye loo yi di leshigishi mu mapandi mana ma yi yabi. ² Mudiambu,dangu di yi gadi guuna,bu yi duni mu gu yaba mapandi ma binu mootsu,yi gumbudi ma Kidishidu Yesu,wuna wu ba dandi ye kulundji.³Dangu di yi tshi gwedi binu,loo yi gadi ye gigesa,yi gadi mu booma ye madegida. ⁴Mu mapandi ye malongi mana ma yi lu longagi loo yi lu lelagi mu ndungi dji baadu,djina dji yi fani balumuna mabanza ma baadu,haa yi lesagi ngolu yi muhunga wu Gahungu. ⁵Pila yi moshi lugwigilu binu loo lu dugaga mu ndungi dji baadu,haa mu ngolu dji Gahungu.⁶Haa yi ba yagula mapandi ma mayeela gwedi bana ba gudi mu muhunga.Haa loo yedi ndungi yi dangu di,loo yeedi ndungi yi dangu di,mudiambu ba fwumu bana ba fani fwaa. ⁷ Ndungi dji ba yagudilaga djiedi ndungi dji giswengi dji Gahungu.Ndungi djina dji swamani gwedi baadu ba Gahungu.Wu swegi ndungi djina mudiambu ye lugumu lu pidu,dangu di ga gondi hanga yilu ye manu.⁸Shi fwumu wu moshi wu dangu di loo gayabi ndungi djina.Mbi ba biyabila,loo ba kanda zuwaa fwumu Yesu ye londi di kulundji.⁹ Gifa gi moshi gwedi nga bu ba sonigi mu muganda wu Gahungu mbi:"mapandi mana ma gondi dala muudu,ma kondi yuga muudu,mana ma kondi yindula muudu,mbi bu magala.Mana meedi mapandi yidigi Gahungu gwedi bana ba mu zolaga.''¹⁰Gahungu ga du leshi ndungi djiandi mu nsadisa yi muhunga wandi.Muhunga wuna wu dalaga mapandi mootsu,shi mabanza ma swamani mu mbundu yi Gahungu. ¹¹ Gwedi muudu,muhunga wandi buna wu yabaga mapandi mandi mootsu gwedi Gahungu keega gifa gi moshi muhunga wandi buna wu yabaga mapandi mootshu.¹²Loo du sendi muhunga wu dangu di,haa du sendi wuna wu dumishi Gahungu;bwoona,lu fani yaba mapimbu mootsu ma du hegi Gahungu. ¹³Bwoobuna loo du yagulaga mapandi mana ma dugaga mu mambundu ma baadu,haa du yagulaga mapandi mana ma dugaga mu muhunga wu Gahungu.Bwoobuna du dendulaga masonga ma muhunga gwedi baadu bana beedi ye muhunga wu Gahungu.¹⁴Gifa gi moshi,muudu mbi loo geedi ye muhunga wu Gahungu,loo ga fani senda mapandi ma gadugaga gwedi Gahungu ga yabaga mapandi mudiambu ga yindulaga mbi mapandi mana meedi mabuzoba.Mudiambu baadu ba senda muhunga bana ba yugi mapandi mandi.¹⁵ Muudu wu fugi muhunga ga fani sambisa mapandi mootsu,haa loo ga fani sambisa baadu beega. ¹⁶ Mudiambu,naa wu yabi mabanza ma fwumu,naa wu fani muhega malongi?Haa pidu,dwedi ye mabanza ma Kidishidu.

Chapter 3

¹Gahungu wu lu shamugishi mu lufwaa ndjila yi mohi ye Kidishidu.Ya yena lu fani dinga mapandi mana meedi gu yilu,gi hani gishigumugi Kidishidu gu googu di gidada gi Gahungu. ² Saani mabanza ma binu mu mapandi mana meedi gu yilu,haa loo mbi mu mapandi mana meedi yaa ye londi di manu.³Mudiambu lu fwii,mooni wu binu wu swamani gi hani gi moshi ye Kidishidu,gwedi Gahungu. ⁴ Mooni wu binu shela gwedi Kidishidu;bwoona,mbi bu gitshi mooniga;lu mooniga ye ndi,lu senda keega ndambu lugumu mu lugumu lwandi.⁵ Gadulani mapandi ma binu mootsu ma gimuudu,mu mbandu:gindumbu,mapandi ma tsooni,nzala yi guhanga mapandi matsooni ye maa mbi ye nzala yi gala mu gosu gima gina giedi nga mbi(nzala yi gusambila Gahungu ga bidegi.⁶Baadu bana ba kondaga yugila Gahungu ga ba yugila kaabu mudiambu ye mapandi ma pila yina. ⁷Teegu,dangu di lu yalagi masumu mana ludjingagi keega pila ya yina.⁸Haa dangu di loo lu fani yuga kaabu,loo lu fani lawuga,loo lu fani gala ye mabanza ma mbii,loo lu fani dugana,loo lu fani yagula keega mapandi matsooni,lu fani yambula mapandi mana mootsu.⁹ Loo gu yagulani mapandi ma bupala,mudiambu lu yambudi gimuudu gi binu gi guulu ye bi kalulu bimaa.¹⁰bwoona gi muudu gi paa.Gahungu wu bi hangi,ndi keega wu gumisagagi wu paa,mudiambu gu fwanagana ye ndi mweeni,mupila mbi lu muyaba shela. ¹¹ Mapandi ma guyagula mbi baa beedi bayuda,mbi loo,baa loo beedi bayuda,baa bageshi,mbi loo baa loo baa bageshi,baa beedi ba nzendji,mbi loo baa beedi baadu ba gondi demuga,baa beedi bahiga,mbi loo,loo beedi bahiga.Mapandi mana mootsu loo meedi mudiambu Kidishidu wu gala ye binu bootsu,ndi muudu wu hangaga mapandi mootsu.¹²Mu gudunga ye londi di luyandigu luna,baadu beega ba hangila woolu,adiza,mbi loo madaadi ma taalu.Beega ba hangila miidi,mbi loo kasa,mbi loo mulengi.¹³ Haa gisalu gi gosu muudu gi mooniga mudangu di lesa Kidishidu.Mudiambu gilumbu gina yi gwitsa ye mbaa,mbaa duna du meega gisalu gi gosu muudu mudiambu mu gulesa pila yeedi gisalu gina.¹⁴Mbi gisalu gi muudu wuna wu dungi ye londi di luyandigu loo gi hii gu mbaa,muudu wuna ga senda sanda di ngwadi. ¹⁵ Haa gisalu gi muudu mbi gitshimi gu mbaa,muudu wuna loo ga senda shi gima.Haa ndi beeni,ga huluga nga muudu wuna wu dugi gu mbaa wu diini.¹⁶Haa loo luyabi mbi lwedi nzu yi Gahungu,muhunga wu Gahungu keega ga djingaga mu kadi ga binu?¹⁷ Bwoobuna,mbi muudu bu gazuwii nzu yi Gahungu,Gahungu bu ga muzuwaa.Mudiambu nzu yi Gahungu yeedi yi saantu.Bwoona binu beeni lwedi nzu yi Gahungu.¹⁸Shi muudu wu moshi loo ga fani gu dihuna,mbi muudu wu moshi mukadi ga binu wu yindulagagi mbi:geedi muudu wu mayeela mu mapandi ma gimuudu,teegu fani guma zooba;bwoona,bu gayaba gu guma muudu wu mayeela shela. ¹⁹ Mapandi mana ma baadu mbi meedi maa mayeela,Gahungu ga madalagagi mapandi ma buzooba.Mudiambu ba sonigi mu miganda mi Gahungu mbi:"Gahungu ga gangaga baadu ba mayeela,mu mayeela maa baa.'' ²⁰Ba sonigi keega mbi:"Fwumu Gahungu wu yabi mbi mabaza ma baadu ba mayeela loo meedi ye Fwunu.''²¹Loo shi muudu wu moshi wu fani gu di lesa mudiambu ye mapandi mana ma baadu.Mudiambu mapandi mootsu meedi ma binu, ²² nga Polu,Apolo ye Piela,ye londi di manu,mooni ye lufwaa,dangu di ye dangu di gwitsa di diootsu di binu. ²³Bwoona binu lwedi baadu ba Kidishidu,Kidishidu keega muudu wu Gahungu.

Chapter 4

¹Guludi pimbu mbi lu du senda nga baadu bana ba hangilaga Kidishidu,baadu bana ba Gahungu ba ga hegi giyega mu gu yabigisa mapandi mandi mana makiediga maswamani.² Gima gi teegu gi ba dingagagi,gwedi gosu muudu wuna wu sendagagi gi yega gi gifwumu giandi,giagi:yambula ndi ga gala muudu wuna wu gifwumu giandi wu ga fani saa mbundu.³Shi bu lu tsambishi,shi baadu beega ba tsambishi,loo yi fani dala pashi.Mi beeni keega loo yi fani gu di sambisa.⁴ Mbundu yami loo yi ba ndesa mbi yi hangi mbii.Haa bwoona loo gu ba lesa shela mbi yi hangi mbii.Fwumu Yesu muudu weedi ye tswaa yi gu tsambisa.⁵Ya yena binu loo lu fani sambisa muudu,mbi dangu di shi Gahungu loo di fani teegu.Gu sambisa gu tsuga gu fani gingila tii gu gwitsa fwumu:ga dusa mu mwini mapandi mana ma swamani mu piba.Mabaza mana ma swamani gu mbundu yi baadu,ndi ga ma lesa.Bwoona Gahungu ga hega gosu muudu lugumu luna lu ga fani senda.⁶Ba pangi bami,yi sendi mbandu yami ye yi Apolo mapandi mana mootsu mudiambu ye gu lu longa.Bwoona lu fani senda mayela mu mapandi maa ma ba yagulaga mbi:"hangani mapandi mana ma ba sonigi mu matshigu.''Loo gwedi shi muudu wu moshi mu kadi ga binu wu fani gala mu gieshi mudiambu ye muudu weega,haa wu vendji muudu weega. ⁷ Naa wu gushi fwumu wu muudu weega?Bwoona,mbi gwedi bwoona,kii mutindu wu fani gu di lesa nga guna mbi bina bi wu sendi loo biedi magabu?⁸Lu sendi gumwaga mapandi mootsu ma lu gadi maa fwunu!Lu gumi ba mvwama gumwaga,lu gumi ba fwumu ba neeni,haa loo mbi pidu!Gu mukiediga,mbi lu gadi ba fwumu baneeni,gu kandi gala pimbu:buna pidu kega du kandi gala ba fwumu ba neeni nga binu. ⁹ Mudiambu yi ba yindila mbi,binu ba tumwa,Gahungu ga lu hegi gisalu gi moshi gi tsuga mu bisalu biootsu.Lwedi nga baadu bana ba bagami mu gufwaa mu misu ma baadu bootsu:ba wandjio bootsu ye baadu baadu bootsu ba badala dangu di baa ba duzuwa.¹⁰Dwedi baadu ba buzoba mudiambu ye Kidishidu,haa binu,lwedi baadu ba mayela mu gimvuga ye Kidishidu!Loo dwedi ye ngolu,haa binu,lwedi ye ngolu!Baadu ba du dugaga haa ba du hegaga lugumu! ¹¹ Tii dangu di shela di dwedi,du ba yuga nzala yi gu dia ye nzala yi gu nwaa;loo dwedi ye miledi mi gu mvada;baadu ba du bulagagi;dwendaga bisaga-saga,loo dwedi ye nzu.¹²Du hangaga ngolu mu mioogu mi pidu beeni mudiambu ye ludjingu lu pidu.Dangu di du dugaga baadu,du ba sagumunaga.Dangu di ba du dadisaga bulu,du gangagagi mbundu.¹³ Dangu di ba du mvenzagagi du ba hegaga ma mvudu magieshi,dwedi nga bima bi mvindu bina bi ba masagagi tii dangu di ba du dalagi nga baadu ba pamba yaa ye londi di manu!¹⁴Loo yi lu sonigidi buna mudiambu ye gu lu hega tsooni,haa mudiambu di gu lu longa nga baana bami shela ba yi zolagagi. ¹⁵Shi lwedi ye baadu miidi gumi mu gu ludala mu mapandi maludjingu lu binu mu gimvuga ye Kidishidu,yi gumi dada wu binu,mudiambu mi,yi lu ledi tsangu dji pimbu. ¹⁶ Bwoona yi ba lu woondila mu gu gala mbandu yami.¹⁷Djiadina yi ba lumisa Timode.Geedi mwaana wami wu moshi shela wu yi zolaga ye wu wi shilaga mbundu mu mapandi ma fwumu Yesu.Yi lu lelagi kega mandjila mami ma lu fani landa mu ludjingu lu mpaa lu Yesu kidishidu,ma ndjila mana ma yi longaga mu ma bundu mootsu,mu bihani biootsu.¹⁸ Baadu beega mu kadi ga binu ba gumi baadu ba lu lendu,mudiambu ba yabaga mbi loo yi gwitsa gu ludala.¹⁹Haa,gu sadi ndambu mbi fwumu Yesu bu ga zodi,bu yi gwitsa guna gwedi binu.Mu dangu dina loo yi yaba kega mapandi ma beeni lu lendu ma ba yagu laga,haa yi yaba kega mapandi mana ma ba fani hanga. ²⁰ Mudiambu gifwumu gi Gahungu loo gi dugaga mu mapandi ma muudu ma ga yagulaga,haa loo gu gadugaga mu ngolu dji muhunga wu Gahungu. ²¹ Kii luzodi shela?Lu zodi mbi yi gwitsa gwedi binu ye muswamba,mbi loo yi gwitsa mu mbundu yi pweede mu gu yula mu gu zola?

Chapter 5

¹Du yugaga mbi mwedi ye gindumbu mu kadi ga binu,gindumbu giani gi fani gonda gala shi gwedi bapani.Du yugi mbi wu moshi mu kadi ga binu wu mimbisaga mukedu wu dada wandi. ²Ye binu lwedi mugieshi!Binu loo lufani niamugila muudu wu gifwa gina?Wuna weedi ye gigalulu wu gifwa gina gafina gaduga mu kadi ga binu.³Bwoona,shi mu luudu yeedi ye binu,haa mu gugwigila yeedi ye binu,yi sambishi tuunda muudu wuna wu hangi mapandi ma gifwa gina,nga guna mbi yi gadi yaana. ⁴Mundaga binu di lu vuganaga mu djina di fwumu wu pidu Yesu,muhunga waami wu gedila ga galaga ye binu mu ngolu dji fwumu wu pidu Yesu.Yi sambishi tunda muudu wuna. ⁵ Yi hangi bina mu guhana muudu wuna gu mioogu yi gadiapemba mu gubebisa luudu mu dangu dieega mbala yeega mooni wandi wu fani huluga mu gilumbu gi fwumu .⁶Gu dishigisa gu binu loo gwedi pimbu.Lu yabaga mbi ga mweemu ga digii ga djimbisaga mapaa mu nzungu yi gulambila. ⁷ Di gadulani mu gugala mweemu wu mapaa,gu ngoyi nga lu gala mizundju mipaa mi bagondi mweemu.Mudiambu Kidishidu,mwaana di meema di pidu di kindji wu pagi,ba mushi ye kulundji. ⁸Du gumisani kindji,loo mbi ye mieemu mugulu,mieemu mu bigalulu bimbi ye gabu.Haa mu mapaa ma mweemu ma bigalulu bi mukiediga.⁹Yi baa lusonigila mu maganda wami mu gu gonda gu vugana ye baadu ba gindum,bu mu mabanza ma baa. ¹⁰Bwoona loo yi ludumishi mu gu gala ye pangi gumoshi ye baadu bootsu ba mbi mu gifudi,shi beeni bi meengi,shi ye beeni bi ngolu-ngolu,shi ye beeni ba kiida,mbala yeega ba fani gu lugadula mugifudi.¹¹Mu dangu di,yi ba gulusonigila mu gu gonda gala mu gindugu shi gwedi pangi wu bagala wootsu wu yugaga ndaga yi Gahungu,haa wu ndjingaga mu kadi ga gindumbu,mbi loo weedi mu gindjiani,mbi loo mweeni ba kiida,mbi loo mu tsubi ba gwenu,mbi loo mu nwii malafu,mbi loo mu hangi bisaga-saga.Loo gu diani gi hani gi moshi ye baadu ba gifwa gina. ¹²Mu bwoona,binu du fani gala baadu ba dugodisaa mu gu sambisa bana ye ndjila yi nzu yi bisambu?Mu mbendumuga,loo lwedi bana lu fani sambisa beedi mu nzu yi bisambu? ¹³Haa Gahungu ga sambisaga bana beedi ye ndjila:''gadulani ba mayeela mu kadi ga pidu.''

Chapter 6

¹Mu dangu di wu moshi mu kadi ga binu geedi mu gu nwanagana ye weega,ga gwenda mu gusambisama gu misu ma ba paani,mu dangu di ba fani gwenda gwedi ba gwigidi? ² Loo luyabi mbi ba gwigidi bu basambisa gi fuudi?Mbi bu lu sambisa gifuudi,loo lu lungi mu gusungiga bu neeni bi mapandi magisaga-saga?³ Loo lu yabi mbi bublusambisa ba tuumwa?Mu gi guma giana,loo lu fani sambisa mana ma dadidi bi gisaga-saga bi ludjingu luu?⁴Mbi lu fani sambisa mapandi ma ludjingu ma ba kidishidu,mumbada kii lu fani fanigisa mapandi maa gwedi bana ba gondi shi lugumu lu moshi mu nzu yi bisambu? ⁵ Yi ba yagula buu mu tsooni dji binu.Loo mvbi mu kadi ga binu wu moshi mu gu gala yatshi baadu ba mayeela mu gu sungiga gisaga-saga gi mapandi mu kadi ga ba pangi ba bagala ba luvuganaga? ⁶Nga bu ba mooniga mapandi,mu gwigidi wu yendi funda mugwigidi weega ye mapandi mana ma ba needi gwedi ba sambishi bana ba gondi ba gwigidi.⁷Mu giguma gi gunwanagana baa ye baa bagwigidi gwedi gibela gwedi binu.Mumbada kii lu gondi zola gu niooguga mu gibela?Mumbada kii lu gondi lemvuga mu gu luhuna?⁸ Haa lu hani gibela ye gu huna beega ye baa kega beedi bapangi ba binu gibeeni!⁹Loo lu yabi mbi baadu ba pula loo ba dala gifwumu gi Gahungu?Loo gu gwigilani mu bupala.Beeni ba kiida,ba ndumbu,bizola-zola,bana ba mimbisaganagagi ba bagala ye ba bagala mbi loo bakedu ye bakedu. ¹⁰ Beebi,ba sendi masumu ma gondi ma baa,ba lawugi malafu,ba hunigidi bagwenu ye bindiani(mu kadi ga baa loo shi wu moshi wu dala gifwumu gi Gahungu). ¹¹Bwoobuna kega bwedi beega mukadi ga binu.Haa lu gadi ba hwaa gwigila,lugadi ba hwaa yebila meengi ma Yesu,lu gadi baadu ba mukiediga gwedi Gahungu mu djina dji fwumu Yesu Kidishidu ye mu muhunga wu gedila lu Gahungu.¹²''Biootsu bipanamani ndjila,''haa biootsu loo bieedi fwunu.''Biootsu bipanamani ndjila,''haa loo fani gu di yambula mu gu fumina biootsu. ¹³Madia meedi mudiambu ye zuumu ye zuumu keega mudiambu ye madia,''haa Gahungu ga zuuwa biaa bioodi.Luudu lwedi mumbada ye guhanga gindumbu.Haa luudu lwedi mumbada ye Gahungu,haa Gahungu nga ga geeba luudu.¹⁴Gahungu ga fudumuga mumbala yi moshi fwumu.Pidu keega dufudumuga mu ngolu djiandi. ¹⁵Loo lu yabi mbi luudu lu binu lwedi gidini luudu gi Kidishidu?Gu fani gidini gi luudu Kidishidu ye gu vugisa ye luudu yi mweeni ma nzala ma gisaga-saga ma gifuudi?Bwoona bu fani!¹⁶Loo lu yabi m,bi wuna wu vugani luudu ye mweeni ma nzala ma gisaga-saga ma gifudi yeena ba guumi luudu lu moshi ye ndi?Nga bu bayagula masonugu mbi:"baa boodi ba guumi luudu lu moshi.'' ¹⁷ Haa wuna wu vugani gwedi fwumu wu yitshi mu muhunga wu moshi ye ndi.¹⁸Dinaani mabamanza ma gindumbu!Bwoona masumu mana ma hangi muudu ma fani gala ndjila di luudu lwandi,haa gindumbu gi hangaga masumu mu luudu lwandi ndi mweeni.¹⁹Loo luyabaga mbi luudu lu binu lwedi nzu yi Gahungu wu gu gedila,wuna wu mwedi binu,wuna wu lu sendi gwedi Gahungu?Loo lu yabaga mbi loo lwedi ye giyega mu binu beeni? ²⁰Mumbada binu lu sumbamani mu taalu yi vula.Bwoona gumisagani Gahungu mu luudu lu binu.

Chapter 7

¹Dangu di,yi b zola hana mvudu mu mapandi mana ma lu nzufudi mu muganda wu binu.''Gwedi pimbu mbi bagala loo ga kwedi mukedu.² Haa mudiambu gi ngunza giedi gi vula,bwoobuna gosu bagala ga fani gala ye mukedu wu moshi,gosu mukedu ga fani gala ye bagala wu moshi.³Bagala ga hanga mapimbu mana mandi ma ga fani hanga mudiambu ye mukedu wandi. Mukedu kega gahanga mapimbu mana ma ga fani hanga mudiambu ye mulumi wandi. ⁴Mukedu loo geedi fwumu wu luudu djiandi ndi beeni,haa bagala weedi fwumu wu luudu wu mukedu wandi;pila yi moshi,bagala loo geedi fwumu wu luudu djiandi ndi beeni,haa mukedu wandi weedi fwumu wu luudu di mulumi wandi.⁵Ndji mukedu ye ndji bagala,loo lu fani dunagana mu gu wanagana,kaga mbi bu lu wagani mbi loo du ba wanagana mudiambu ye gu di hana dangu di kunda mu bisambu,haa gu ngoyi lu fani wanagana kega.Mbi loo,loo lu yaaba gu di yala,bwoona sadana ga dala pila yi gu lu meega.⁶ Mapandi ma yi ba lu lela loo meedi nga tshigu yi lu fani landa,haa gwedi nga tswaa yi lu hegi.⁷ Mbi baadu bootsu ba galaga gi desu gi moshi nga mi gu kandi gala pibu.Haa gosu geedi ye magabu mandi ndi beeni shela ma muhegi Gahungu;gosu muudu geedi ye magabu mandi ma lutswaswanu.⁸Dangu di yi ba lu lela binu baadu lu kondi kwela ye baadu ba mifwiidi mbi gwedi pimbu mbi ludjinga kaga bwoobuna,nga mi. ⁹Haa mbi loo luba kuga mu gu djinga buna,moonani gu binu;mudiambu gwedi pimbu mu gu kwela haa loo gwedi pimbu mu gu gala ye mangindu ma gisaga-saga.¹⁰Mudiambu ye binu ba kidishidu bana lukwedi,yi ba lu hega tshigu djiadi(loo djedi tshigu djami haa djedi tshigu dji fwumu Yesu)!''mukedu wu makwela loo ga fani yambula mulumi wandi.'' ¹¹Mbi bu gahangi bwoona loo ga fani kwela bagala weega,haa mbi bu ga zodi wu fani vudugila mulumi wandi kega;bagala kega loo ga fani zuwa waala ye mukedu wandi wu makwela.¹²Yi ba lela baadu beega(loo mbi fwumu Yesu,haa mi beeni yi ba yagula)mbi:bagala wuna weedi mukidishidu,bwoona mbi geedi ye mukedu wuna wu gondi mukidishidu bwoona mukedu weeni wu gumbudi mu gu djinga ye ndji,bagala wuna loo ga fani zuwa waala ye mukedu wuna. ¹³ Pila yi moshi mukedi wuna weedi mukidishidu mbi geedi ye bagala wuna wu gondi mukidishidu,haa bagala weeni wu gumbudi mugudjinga ye ndji,mukedu wuna loo ga fani zuwa waala ye bagala wuna. ¹⁴ Mudiambu Gahungu ga gum,bulaga bagala wuna weedi mupani,dangu bagala weeni wuna di ga ba vugana ye mukedu wandi.Pila yi moshi Gahungu ga gumbulaga kega mukedu wuna weedi mupani dangu mukedu di gavugani ye mulumi wandi wuna weedi mulidishidu.Mbi loo gu gadi buna,baana ba baa ba kandi gala ba mipani.Haa gwedi bwoobuna;tuunda Gahungu ga ba gumbulaga.¹⁵Haa,mbi mupani ga ba zola zuwa waala ye mukidishidu,yambula gahanga bwoobuna.Mu mapandi mapila yina mukidishidu wuna wu lwedi,shi ga gadi mukedu,shi ga gadi bagala,geedi ye tswa di gi guhanga pila yi gazodi;mudiambu Gahungu wu du zodi mu gu djinga mu ngemba. ¹⁶ Bwoona Ndji mukidishidu wu mukedu,kiipila wu fani yaba mbi wu hulusa mulumi woogu?Mbi loo Ndji mukidishidu wu bagala kii pila wu fani yaba mbi wu hulusa mukedu woogu?¹⁷Gosu muudu ga fani landa kaga gu djinga mupila gwedi lu djingu luna lu fwumu Yesu lu ga muhegi ye mupila ga gadi dangu Gahungu di gamusoodi.Yina yeedi tshigu yi ga hanagi mu mabundu mootsu. ¹⁸ Bagala wuna wu ba hangi muganda,mbi bu ga gumbudi mu gu landa Gahungu dangu Gahungu di ga musoodi,ga gala kaga bwoobuna wu hwaa gu hanga mukanda. ¹⁹ Gu gala wu hwaa gu hanga mukanda mbi loo wu gu konda ha ga mukanda,loo meedi mapandi ma fwunu.Haa gu landa matshigu ma Gahungu gwedi mapandi ma fwunu.²⁰Gosu muudu ga fani gala pila Gahungu ga musoodi.²¹ Ndji wu gadi muhiga dangu Gahungu di ga gu zoodi?Mapandi loo meedi,Haa mbi bu wu daadi pila yi gu gaduga mugihiga gaduga gwoogu.²² Mudiambu muhiga wuna wu fwumu Yesu wu ga zoodi,wu gadugi mu giyega,wu gumi muudu wu fwumu Yesu;haa muudu wuna wu londi gala muhiga,dangu Kidishidu di ga mu soodi.Dangu di wu gumi muhiga wandi. ²³ Gahungu ga lu sumbi mu taalu yi vula.Bwoona,loo lwedi bahiga ba baadu. ²⁴ Bapangi,mu gi mvuga gina gi lwedi ye Gahungu gosu muudu ga fani gala kaga pila yi ga gadi dangu Gahungu di ga mu soodi.²⁵Dangu di mudiambu ye binu baadu bana lu kondi kwela:loo yeedi ye tshigu di gadugi ye fwumu Yesu dji yi fani gu lu hega;haa yi ba luhega kaga ndongishila buna,mi muudu wuna wu fani saa mbundu mudiambu Fwumu wu lu yugidi kenda.²⁶ Mudiambu ye pashi di dangu di,yi ba yindula gwedi pimbu bagala mu gu gala pila yina yi geedi.²⁷Keedi ndji weedi mukedu?Mbi bwoona,loo gu meega mu gu zuwa waala ye ndi.Keedi weedi mukedu?Mbi bwoona loo gu inga mukedu.²⁸ Haa mbi bu kwedi mukedu loo wu ghangi masumu wuna wu kondi kwela teegu,mbi bu ba mukwedi,mukedu wuna kega loo ga hangi masumu.Haa loo yi bazola mbi binu lu dala pashi dji gimuudu dji baadu ba pila yina ba dala.²⁹Bapangi,yi ba Zola yagula mbi dangu loo disadi kega di vula.Bwoona,ga duga bilumbu bi,Yambula mbi ba bagala bana ba kwedi ba djinga nga ba kondi kwela. ³⁰Baadu bana ba dilagagi bagala nga baadu ba londi mukenda;baadu bana ba seya ba gala nga baadu bana ba gondani mugieshi;bana ba sumbaga bima bagala nga mbi bima bi basumbaga loo lwedi biba.³¹ Bana ba sadilaga mapandi maa malondi di manu ba gala nga baadu ba sadilaga gi beeni.Mudiambu ye londi di manu pila yi yeedi bilumbu bi loo di hangi gi beeni bilumbu bi vula.³²Yi bazola mbi lu galegu ye kenda.Bagala wuna wu kondi kwela gahanga gisalu gi fwumu Yesu,mudiambu ga dingagagi pila yi gu hega fwumu gieshi.³³ Haa bagala wuna wu kwedi ga landaga mapandi ma londi di manu,mudiambu ga zolaga gu hega mukedu wandi gieshi, ³⁴gedi muudu wu mbundu djiodi.Mukedu wuna wu gondi kwela teegu ga hangagagi gisalu gi fwumu,muediambu ga zolagagi gu di hana gwedi fwumu mu luudu ye mu mabanza mandi.³⁵Yi ba lu lela mapandi loo mbi mudiambu di gu hana matshigu,haa mudiambu di gu lu sadisa.Yi zodi mbi lu hanga mapandi ma pimbu,keega mbi lu dihana ba mi wuundu mu gisalu gi fwumu Yesu.³⁶Mbi mwaana bagala wu moshi weedi mu gindugu ye mwaana mukedu,bwoona ba yugani mbi loo ba moonagana haa mwaana bagala wuna loo gadadi pila yi gu di gadila,wu shii mbundu kaga gwedi mwaana mukedu wuna.mambu loo,ba fani moonagana mu pila mwaana bagala wuna yi gazodi loo gwedi masumu. ³⁷Haa mwaana bagala mbi loo gadadi pila yi gudi yala,mbu bu ga gangi mbundu yandi ndi beeni mbi loo ga fani moona mwaana mukedu wuna,mbi luna loo lwedi luzolu lu muudu weega,ya gula mbi gahangi pimbu mbi loo ba moonagani. ³⁸ Bwoona,mwaana bagala wuna ye mwaana mukedu wuna ba hangi pimbu,haa wuna wu gondi kwela mukedu ga hangi pimbu yi gu luda mwaana bagala wuna weega.³⁹Mukedu wuna wu kwedi ga fani djinga kaga ye mulumi wandi dangi diootsu mulumi wandi di geedi ye mooni.Haa mulumi wandi mbi bu gafwii,dangu di,gosu bagala wuna wu fani gu mu moona;haa gu fani gala makwela ma Gahungu. ⁴⁰ Haa mukedu wuna ga gala mu gieshi gi vula mbi loo ba mu mooni kega mana mabaza maami,bwoona yi ba yindula mbi mi kega yeedi muhunga wu Gahungu.

Chapter 8

¹Dangu di yi bazola yagula mudiqambu ye ba mbitshi bana ba gadugaga mu magabu mana ma bamipani ma ba hanaga gwedi duhungu du bidegi.Mapandi maa ma lu bayagula mbi:"pidu bootsu dweedi ye mayela.''Meedi makiediga.Haa mayela mapila yina ma gumisaga muudu lu lendu;kegagu zola gu mbundu gu sadisaga muudu mu guguma muudu wu pimbu. ² Muudu wuna wu yabaga mbi wu yabi mapandi,gu mugiediga loo ga yabi teegu mu pila yi ga fani yaba. ³ Haa muudu wuna wu zolagagi Gahungu,Gahungu wu mu yabi.⁴Yi ba luyufula mbi:ba fani dia mbitshi wuna wu dugaga mu magabu mana ma hanagagi bamipani gwedi duhungu du bidegi?Du yabi mbi shi gahungu ga bidegi ga moshi ga kiediga loo geedi;du yabi kega mbi kaga Gahungu wu moshi buna weedi. ⁵ Shi gwedi ye baadu beega ba dilendigaga mbi [ba duhungu] gu yilu mbi loo ye londi di manu,shi''duhungu''dwedi du vula,shi''bafwumu''beedi ba vula.⁶ Haa pidu dwedi ye Gahungu ga moshi buna,Dada wu pidu wuna wu hangi bima biootu du djingagagi mudiambu ye ndi.Kega fwumu wu moshi buna weedi,Yesu Kidishidu.Gahungu ga hangi bima biootsu mu lusadisu lwandi,pidu kega du djingagagi kega mu lusadisu lwandi.⁷Haa baadu loo mbi bootsu ba yabaga makiediga mana.Baadu ba vula ba yigani ye mabanza ma bidegi ya yena mbi bu badii mbitshi wuna wu gadugagi gwedi ba mipani wu mahanaga mudiambu ye duhungu du bidegi,ba yindulagagi mbi mbitshi wuna geedi kaga wu bidegi loo beedi ye lugwigilu,baa kega balagagi mbi mbitshi wuna wu ba beebishi.⁸Loo mbi madia ma du needa finama gwedi Gahungu;loo du bidisa shi gima gi moshi gifwunu mbi loo du maa dii. ⁹Gwedi ye baadu beega loo beedi ye lugwigilu lu ngolu;ya yena,du gebani,loo lu fani sadila dipanda di binu mu pila mbi di lubwisa mu masumu. ¹⁰Mudiambu,muudu wuna wu gondi lugwigilu lu ngolu,mbi bu gitshi gu gudala ndji,muudu''wu mayela'',ndji muni dia ye gidi mu nzu yi Gahungu ga bidegi,haa mapandi mana loo ma muhega gigesa mu gu dia mbitshi wuna wu gadugagagi mu magabu ma bamipani ma ba hanagagi gwedi duhungu du bidegi.¹¹Bwoona,muudu wuna wu gondi lugwigilu lungolu pangi woogu wuna Kidishidu wu ga fwiidi,bu ga bila ndjila mudiambu ye"mayela"maagu! ¹² Mbi lu ba hanga masumu gwedi pangi wu binu,lu ba hana pashi gwedi baadu bana ba gondi lugwigilu lu ngolu,du hanga kega masumu gwedi Kidishidu. ¹³Mbi pangi wami bu ga hangi masumu mudiambu ye madia,loo yi fani dia kega mbitshi shi buni,dangu diega pangi wami ga bwaa mu masumu.

Chapter 9

¹Haa loo yedi ye mahanga?Loo yedi tumwaa?Haa loo yi dadi Yesu fwumu wu pidu?Loo lwedi kuna dji gisalu giami mudiambu ye fwumu? ²Shi baadu beega ba yagulaga mbi loo yedi tumwa,mukiediga lu fani gumbula kaga mbi yedi tumwa!Mudiambu mu gimvuga gina gi lwedi gia gwedi fwumu,binu beeni,lwedi gi dimbu gina gi lesaga mbi yedi tumwa.³Dala pila yi yagulaga mapandi mami dangu di yendaga tsuba baadu: ⁴Haa loo dwedi ye tswaa yi gu senda bima bi gudia mbi loo bi gunwaa mudiambu ye gisalu gi pidu? ⁵ Dangu di dwendaga luda mu mabula mudiambu mu guyabisa tsangu dji pimbu,haa loo dwedi ye tswaa mu gwenda ndjila yi moshi ye mukedu wu mukidishidu pila yi hangaga ba tumwa beega ye ba pangi ba fwumu Yesu ye Piela? ⁶ Kega,pidu buna ye Badinabash baadu ba fani hanga gu mioogu mi pidu beeni mudiambu mu gu senda mbongu?⁷Naa wu yugi teegu mbi pumbulu wu sumbi bima biandi ndi beeni mudiambu ye bidumba?Mbi loo kii muudu wu hangaga mangundu mavinu wu kondi dia ndumba?Naa weedi ye mamema wu kondaga senda mabeenu ma maa?⁸ Loo yi hangilaga kaga mambandu mana ma du dulaga gosu gilumbu,mudiambu matshigu ma Mososhi ma yagulaga kega pila yi moshi.⁹Du dangaga mu miganda mi matshigu mbi:''loo gu ganga ganu di ngombi mu dangu di ga ba niada ble.''Haa Gahungu ga yagudi mapandi mana mudiambu ye ba ngombi beega?¹⁰ Mukiediga,dangu Gahungu di gayagudi mapandi mana,loo ga yagudi mudiambu ye pidu?Bu ba sonigi mapandi mana mudiambu ye pidu!baadu bana ba dimaga mangundu ye bana ba gadulaga kuna,dangu di ba baa hanga ba fani saa mbundu mbi bu basenda ndambu dji kuna dji baa. ¹¹Du guni kuna dji muhunga wu gedila mu gadi ga binu.Haa loo gu fani gala pashi mbi budu sendi lu sadisu lu gi muudu mu kadi ga binu?¹²Mbi baadu beega beedi ye tswaa lu gu senda lusadisu gwedi binu,haa binu loo lwedi ye tswaa di guluda djina dji baa?Haa pidu loo yandu teegu du dingi lusadisu lu pidu.Du gangi mbundu mu pila mbi pashi dji konda gala shi gandambu dangu di du yabisaga tsangu dji pimbu mudiambu ye Kidishidu. ¹³ Haa loo lu yabi mbi baadu bana ba hangaga mu nzu yi Gahungu ba sendaga madia ma baa mu nzu yi Gahungu?Loo lu yabaga mbi baadu bana ba hanaga ma gabu mu meesa gimeengi ma nzu yi Gahungu ba sendaga ndambu yi madia ma baa mana ba sagaga gu meesa ma gimeengi? ¹⁴ Pila yi moshi,fwumu Yesu ga yagudi mbi baadu bana ba yabisaga tsangu dji pimbu ba bulasenda mbongu dji baa mu tsangu dji pimbu.¹⁵Haa loo yi dingi yandu shi lu sadisu lu moshi mupila yina;dangu di keega di yi ba soniga mapandi maa,loo yi ba dinga lusadisu luna.Gwedi pimbu yi fwaa!Loo gwedi shi muudu wu moshi wu fani kanga ndjila!¹⁶ Loo yi fani di saa mudiambu yi ba yabisa tsangu dji pimbu,mudiambu giedi gisalu gi yi fani hanga.Kenda gwedi mi mbi loo yi ba yabisa tsangu dji pimbu!¹⁷Mbi yi hangaga gisalu gi,haa gu gala mbi yi hangaga ye luzola lwoomi beeni,yi kanda senda lu fudu mudiambu ye gia.Haa loo gwedi buna;mudiambu giedi gisalu gina gi peegi Gahungu mu gu hanga,yi fani hanga kaga. ¹⁸ Haa kii lufudu lu yi fani senda?Lu fudu lwoomi lwedi gieshi gina gi yi dalaga mu gu yabisa tsangu dji Gahungu dji pamba ye gu konda gu dinga lusadisu luna lu yi kanda dinga mu gisalu giami mudiambu ye tsangu dji pimbu.¹⁹Loo yedi ye mahanga,loo yedi muhiga wu muudu;haa yi disagaga mi beeni muhiga wu baadu bootsu mudiambu mu gu beenda baadu ba vula-bavula mu gu landa fwumu Yesu. ²⁰Dangu di yi bahanga ye ba yuuda kalaga nga muyuuda mudiambu yi gu ba beenda;shi loo yedi ye gi matshigu ma Mososhi,yi djingaga guna mbi yedi mu giyega gi matshigu mana mu dangu di yi hangaga mu kadi ga baadu beedi mu giyega gieni.Yi hangaga bwoona mudiambu di gu ba beenda.²¹Pila yi moshi,dangu di yi bahanga ye baadu bana ba kondi yaba matshigu ma Mososhi,yi ndjingaga nga baa;mi kega loo ndandaga matshigu mana,kaga udiambu di gu ba beenda mu gu landa fwumu Yesu.Bwoona loo gu ba lesa mbi loo yi ba landa matshigu ma Gahungu,mudiambu yedi gu mashina magiyega ma matshigu ma ba Kidishidu. ²² Mu baadu bana ba gondi lugwigilu ngolu,mi kega kalaga nga muudu wuna wu kondi lugwigilu ngolu,mudiambu mu gu ba beenda.Bwoona gosu baadu bana ba yi galaga ye baa,kalaga keega nga baa,mu pila mbi yi hulusa baadu beega mu kadi ga baa mu mabndjila mapila ye pila. ²³ Yi hangaga mapandi maa mootsu mudiambu ye tsangu dji pimbu mu pila mbi mi keega yi senda gandambu ga maa.²⁴Haa loo lu yabi mbi dangu baadu ba hangaga tsaga dji gusenda tiina,baadu bootsu ba sendaga tiina,haa muudu wu moshi buna wu nungaga?Bwoona,sendani tiina mudiambu ye gu nunga.²⁵ Gosu muudu wuna wu zolaga gu binga mu matsaga,ga landaga pimbu-pimbu matshigu mootsu mana ma matsaga.Ga hangaga bwoona mudiambu ga senda lugumu luna lu kondaga djinga;haa pidu,du hangaga bwoona mudiambu di gu senda lugumu luna lu djingaga mvula ye mvula. ²⁶Bwoona,dangu di yi ba senda tiina,yi ba saa misu kaga mu gihani gina gi yi ba gwenda.Bwoona,yedi nga bogisela,haa loo yi bulaga mu gihani gi pamba. ²⁷ Yi dadisaga luudu lwoomi pashi,yi lu yalaga shela,mu pila mbi Gahungu ga tuuna,mi muudu wuna yi longagi baadu beega.

Chapter 10

¹Ba pangi bami yi ba zola mbi lu yindula mapandi mana ma bwidi ba kaga ba pidu bana ba landagi Mososhi.Duda bu di ba gebagi di ba sabugi nzadi yi benga gu gonda pashi.² Baa bootsu ba sendi mbodiga mu duda ye mu mwetshi mudiambu ba gala baadu ba Mososhi. ³Baa bootsu badi keega mapaa ma muhunga,⁴ baa bootsu keega ba nwii wu moshi wu muhunga,mudiambu ba nwagi mwetshi wuna wu dugagi mu madadi ma muhunga,dadi dienda ye baa ndjila yi moshi;bwoona dadi dieni gu gadi Kidishidu ndi beeni.⁵Shi bwoona haa Gahungu loo ga gadi ye gieshi mudiambu ye baadu bavula mu kadi ga baa.Bwoona ba fwii mu manu ma maganga. ⁶ Haa mapandi mana mootsu meedi mbandu mudiambu ye pidu,ma du hegaga ma du longishilaga mbidu konda gala ye nzala yi guhanga mapandi mambi mu pila yi ba hangi.⁷Du konda sambila keega duhungu du bidegi nga bu hangi baadu beega mu kadi ga baa.Nga bu basonigi mu muganda wu Gahungu mbi:"baadu ba gadi muni dia ye gu nwaa,haa ba niamugi mudiambu ye gu gina.'' ⁸ Du konda hanga gindumbu,nga baadu beega mu kadi gabaa bahangi;baadu magu moodi ye madadu bafwii mugilumbu gi moshi.⁹Loo du fani meega fwumu Gahungu,nga baadu mu kadi ga baa ba hangi;ba talatshi ba mani ba lunza,haa ba fwii. ¹⁰Loo gu bogudani nga baadu beega mu kadi ga baa ba bogudagi;wandjio wu lufwaa ga ba zuwii ba bootsu.¹¹Mapandi maa mootsu ma ba bwidi mudiambu gu gala nga mbandu gwedi baadu beega.Bwoona ba ma sonigi mudiambu di gu dugebisa.Mudiambu du gumi pena-pena mu tsuga yi gifudi. ¹² Bwoona,gosu muudu wuna wu yabaga mbi geedi wu hwaa niamuga,ga geeba;mbi loo bu ga bwaa.¹³ Gosu pugumuna yina yi luyitshidi,yedi kaga nga pugumuna yina yitshilaga baadu bootsu.Haa Gahungu ga hangaga kaga mapandi mana mandi ma gayagudi,mudiambu loo ga lushisa mbi gadiapemba ga lu meega mu gumeega guna gu ludi ngolu dji binu.Haa mbi pugumuna yi luyitshidi mu dangu diadina kaga Gahungu ga luhega ngolu;bwoona pugumuna loo yi fani lu bwisa.¹⁴Bwoona,ba ndugu bami ba yi zolaga,loo gu sambilani duhungu du bidegi. ¹⁵ Yi lu lelaga nga baadu ba mayela;dalani pimbu-pimbu binu beeni mapandi maa ma yiba yagula. ¹⁶ Yi ndulani ga ndambu goba di lusagumu di duhegaga Gahungu madonda:dangu di du di nwagaga,haa loo du vuganaga ye meengi ma Kidishidu?Keega mapaa mana ma dugesaga:bidini bioodi dangu di du madiagaga,haa loo duvuganaga ye luudu di Kidishidu? ¹⁷ Kaga mapaa ma moshi buna meedi;ye tunda,pidu bootsu,shi loo twedi bavula,twedi luudu lu moshi;mudiambu pidu bootsu du diagaga mapaa ma moshi.¹⁸Dalani beeni Yizaledi bana ba dii madia mana ma ba hani magabu gwedi Gahungu mu meesa ma gi mengi beedi gi mvuga gi moshi ye Gahungu wuna wu ba hangidi meesa ma gi mengi.¹⁹ Kii yi ba zola yagula?Gidegi gi moshi giedi gima?Mbi loo madia ma bahani gwedi gidegi giedi gima?²⁰Haa yi ba yagula mudiambu ye mapandi ma mipani ye kondi ba yuuda mabahani ma gabu,ba badambiga bima bina gwedi dudiapemba loo mbi gwedi Gahungu.Loo yi ba zola mbi lu gala gi mvuga gi moshi ye dudiapemba!²¹ Loo lu fani nwaa goba di Gahungu ye goba di dudiapemba.Lu fani senda gabu ye meesa ma Gahungu mbi loo meesa ma dudiapemba. ²²Mbi loo du ba dingila Gahungu bu hala?Du mu ludi mu ngolu?²³''Biootsu bi duhanamanini,''haa biootsu loo bi hanaga mooni. ²⁴ Gwedi pimbu gosu muudu ga konda dinga mapimbu mandi ndi beeni,haa ga dinga ma pimbu ma muudu weega.²⁵Loo gu galani ye mbundu djioodi mu gu dia mbitshi wuna wu ba badeega gu zandu. ²⁶ Mudiambu mu ganda wu Gahungu ga bayagula mbi:''manu ye bima biootsu bi gedi bia,biootsu biedi bi fwumu Gahungu.'' ²⁷ Mbi mupani wu gu lendigi mu gudia gu nzu yandi,bwoona wu gu mbudi mu gweda,dia gosu madia ma ba gu shila,haa loo gu gala ye mbundu djioodi.²⁸Haa mbi muudu wu moshi loo ga guledi mbi:"musuni wu mbitshi wuu ga dugi mu mbitshi wuna wu bahani magabu mu duhungu du bidegi,''loo gu dia mbitshi wuna,mudiambu ndi muudu wu gu ledi;loo gwedi pimbu keega mbi muudu geedi ye mbundu djioodi. ²⁹Loo yi ba yagula mudiambu weedi mbundu djioodi,haa mudiambu muudu weega geedi ye mbundu djioodi.Dangu di,muudu weega wu fani yufula mbi:"mbi muudu weega geedi ye mbundu djioodi mudiambu di kii mapandi mana ma fani kanga ndjila mu gu hanga mapandi mana mana ma yi ba zola hanga? ³⁰Mbi bu yi hani madonda gwedi Gahungu mudiambu ye madia mana ma yi badia,mudiambu di kii muudu weega ga fani tsuba mudiambu ye madia mana ma yi hani madonda gwedi Gahungu?³¹Haa,gosu mapandi ma lu bahanga shi lu ba dia,shi lu ba nwaa,shi lu ba hanga gosu mapandi meega,hangani mapandi mootsu mu gu hega Gahungu lugumu. ³² Loo gu dadisani baadu beega tsoni gu mbundu shi ba yuuda,shi baadu bana ba kondi ba yuuda,shi baadu ba dibundu ba Gahungu. ³³Hangani kaga pila yi hangaga:yi megaga mu gu hega gosu muudu gieshi mu mapandi mana mootsu ma yi hangaga;loo yi dingaga mapimbu mami mi beeni,haa yi dingaga mapimbu ma baadu bootsu;bwoona ba fani huluga.

Chapter 11

¹Bwoona sendani mbandu yami,nga bu yi sendaga mbandfu yi Kidishidu. ²Yi lu hegaga lugumu,mudiambu lu djindulaga gosu dangu,mudiambu kega lu landaga malongi ma yi lu hegaga. ³Haa yi zodi mbi binu lu yaba mbi Kidishidu geedi fwumu wu gosu muudu mulumi geerdi fwumu wu mukedu wandi Gahungu geedi fwumu wu Kidishidu.⁴ Bagala wuna wu ba samba Gahungu mbi loo wu ba yabigisa tsangu dji Gahungu dangu di ba basamba Gahungu mu gi mvuga,mbi ga ba fidimiga muledi mu mudu wandi,yagula mbi bagala wuna loo ga ba djidisa Kidishidu.⁵Ye kega,mukedu wuna wu basamba Gahungu mbi loo wu ba yabigisa tsangu dji Gahungu,dangu di ba basamba Gahungu mu gimvuga,mbi loo ga ba fidimiga miledi mu mudu wandi,yagula mbi mukedu wuna ga djidisa mulumi wandi.Luswasanu loo lwedi gwedi mukedu weeni ye mukedu wuna wu ba gadudi tsugi. ⁶Mbi mukedu ga fidimigaga muledi mu mudu wandi,gu ludi pimbu ga geshisa tsugi djiootsu djiedi mumudu wandi.Haa gwedi tsooni mukedu mu gu geshisa tsugi djiandi,diadina,gwedi pimbu ga fidimiga muledi mu mudu wandi.⁷Mulumi loo ga fani fidimiga muledi mu mudu wandi,mudiambu geedi nga Gahungu,ga lesaga lugumu gwedi Gahungu.Haa mukedu ga lesaga lugumu lu mulumi. ⁸Mudiambu bagala loo gadugi gwedi mukedu,haa mukedu wu dugi gwedi bagala.⁹Gahungu loo gahangi bagala mudiambu ye3 mukedu,haa ga hangi mukedu mudiambu ye bagala. ¹⁰ Diadina,mudiambu ye bawandjio,mukedu ga fani fidimiga muledi gu mudu wandi mu gu lesa mbi geedi gu mashina ma giyega gi mulumi wandi.¹¹Haa mu ludjingu lu pidu ye fwumu Yesu,bagala geedi fwunu,mukedu kega geedi fwunu.¹² Mudiambu pila yi dugi mukedu gwedi bagala gidesu gi moshi kega bagala gabugaga gwedi mukedu,bima biootsu kega bidugaga gwedi Gahungu.¹³Gesani binu beeni:mbi gwedi pimbu mukedu mu gwenda samba Gahungu wu gu gonda gu fidimiga gu mudu wandi? ¹⁴Gimuudu gi binu beeni gi yabigisaga mbi gwedi tsooni mbi mulumi muni gala ye tsugi dji leeya, ¹⁵ haa gwedi lugumu mbi mukedu geedi ye tsugi dji leeya.Gahungu wu hegi mukedu tsugi dji leeya mudiambu ye gui fidimiga mudu wandi. ¹⁶ Haa mbi muudu wu moshi ga bazola gu saa tembi mudiambu ye mapandi mana,pimbu ga yaba kaga mapandi maa,mbi pidu ye mabundu ma Gahungu,du hanga kaga gidesu gi moshi mudangu di du ba samba Gahungu.¹⁷Mbi yi baluhega malongi maa,loo gwedi mbi yi baluhega lugumu.Mudiambu dangu di lu bawanagana mu gi mvuga gi binu gi dibundu,lu dusaga mapandi magonda pimbu haa mapandi ma mbii. ¹⁸Teegu,yi yugi mbi dangu di lu ba wanagana,lu gabulaganaga,haa yi ba gwigila ga digii mapandi mana. ¹⁹ (Gwedi pimbu binu mu gugabulagana mudiambu mu gu yabagana mbi ba naa beedi ye ngindu dji pimbu).²⁰Dangu binu di luwagani mu gimvuga,madia mana ma lu ba dia loo du fani ma lendiga mbi madia ma fwumu. ²¹ Mudiambu,dangu di lu ba dia gosu muudu ga ba senda ma dia mandi ndi beeni,haa loo ga ba ginga baadu beega.Haa gu,baadu beega beedi ye nzala,haa gu beega ba lawugi malafu. ²² Loo lu fani dia ye gu nwaa mu manzu ma binu?Mbi loo,lu bazola gu mvwenza di bundu di Gahungu ye gu hegisa ba tsugami tsooni?Kii yi fani gu lu lela mudiambu ye mapandi maa?Yi fani gu lu hega lugumu?Loo,loo yi fani gu lu hega lugumu.²³Malongi mana ma yi lu hegi,yi sendi gwedi fwuu Yesu ndi beeni malongi meeni ma maa: mu piba yina Yudashi yi ga degi fwumu Yesu,Yesu ga sendi mapaa, ²⁴ga hegi Gahungu lugumu,ga geshi bidini-bidini,haa ga yagudi mbi:"lu lwedi luudu lwami lu yi ba luhega.Hangani bwoobuna mudiambu ye gu ndjindula.''²⁵Gidesu gi moshi,dangu di badii gu hwii,ga sendi gooba,ga yagudi mbi:"gooba dii di balesa gu wagana gu mpaa Gahungu gu gawagani ye binu mu meengi maami. gosu di lu bala nwaa,lu nwaaga mudiambu ye gu ndjindula.'' ²⁶Mudiambu gosu dangu di lu bala dia mapaa maa ye di lu bala nwaa gooba dii,lu bala lela baadu tsangu dji lufwaa lu fwumu,tii gwoona gu gagwitsa vuduga.²⁷Diadina,gosu muudu wu ba dia mapaa ma fwumu mbi loo gunwaa gooba di fwumu mu ndjila yi gu gonda gu lungagana,ga bahanga mbii mu luudu lu fwumu ye mu meengi mandi. ²⁸Gosu muudu gu di dala teegu gu mbundu yandi ndi beeni,bwoona wu fani gwenda dia mapaa mana ye gunwaa gooba dina. ²⁹Haa mbi ga yabaga gisongidila di luudu lu fwumu,dangu di ga badia mapaa mana ye gu nwaa gooba dina,ga ba difunda.³⁰ Diadina baadu bavula mukadi ga binu loo beedi ye ngolu,beega beedi ye gikashi,beega ba fwii.³¹Mbi bu ludadi teegu gu mbundu yi binu beeni,Gahungu loo du hega ndola. ³²Haa fwumu Gahungu bu ga du sambisa,ga hega kega ndola mu dangu diadi,mu pila mbi,gu ngoyi loo du senda ndola dji tsuga dji senda baadu beega.³³Diadina,bapangi bami,dangu di lu ba wanagana mu gu dia madia ma fwumu,gosu muudu ga fani gingila baadu beega. ³⁴Mbi muudu weedi ye nzala,gadia gu nzu yandi.Bwoona dangu binu di lu wanagani,Gahungu loo ga fani gu lu hegaw ndola.Yi gwitsa yidiga mapandi mana meega dangu di yi gwitsa guna gwedi binu.

Chapter 12

¹Ba pangi bami,dangu sdi yi bayagula mudiambu ye mapandi mana ma dugaga mu muhunga wu Gahungu.Yi ba zola mbi luyaba mapandi mana. ² Yabagani mbio dangu di lugadi bapani,bidegi bina bi yagulaga biabina bi lu yalagi.Bidegi bina bi lu huna gosu dangu.³ Diadina lu fani yaba mbi muudu wuna wu yagulaga mapandi mu lusadisu lu muhunga wu Gahungu loo ga fanio yagula mbi:''Gahungu shinza Yesu!''Giega,loo gwedi ye muud wu fani yagula mbi:''Yesu geedi fwumu''mbi ndi loo ga ba yagula mu lu sadisu lu muhunga lu Gahungu.⁴Magabu mana ma muhunga ma Gahungu ma gahanaga meedi ma pila ye pila,haa kaga muhunga wu moshi buna wu hanagagi. ⁵Mandjila ma gu hangila fwumu meedi ma pila ye pila,haa fwumu geedi wu moshi buna. ⁶ Ngolu dji gu hanga gi salu djiedi dji pila ye pila,haa kaga Gahungu wu moshi buna ndi wuna wu fani hega gosu muudu ngolu dji gu hanga bisalu biootsu.⁷Gosu muudu ga sendaga magabu ma muhunga wu Gahungu mudiambu ye ma pimbu ma baadu bootsu. ⁸Muhunga ga hegagi baadu beega mayela ma gu yagula mapandi ma mayela,bwoona gwedi muudu weega,kaga muhunga ndi wuna wu hanaga mayela wu gu yaba ma guyagula mapandi ma Gahungu.⁹Muhunga weeni wuna wu moshi wu hegaga muudu weega lugwigilu,ga hegaga muudu weega ngolu dji gu gindisa baadu. ¹⁰Ga hegaga muudu weega ngolu mu gu hanga mapandi ma gu yiduga,ga hegaga weega mayela ma gu yabigisa baadu mapandi ma Gahungu.Muhunga ga hegaga muudu weega kega gu yabigisa mayela mana ma dugaga gwedi ndi muhunga wu mayela wuna wu gondaga duga gwedi muhunga.Ga hegaga muudub weega mayela ma gu yagula mandaga mana ma gondi yaba baadu beega,ga hegaga muudu mayela ma gu dendudila mandaga ma ngolu. ¹¹Haa mbi muhunga wu moshi buna ndi wuna wu hangaga mapandi mana mootsu.Ga hanaga mayela madiswasanu mu gosu muudu,pila ndi muhunga wu zodi.¹²Kidishidu geedi nga luudu lu moshi buna luna lwedi ye ndambu dji vula;luudu luna lwedi kaga lu moshi gu lwoo,shi lwedi ye mandambu mavula. ¹³Pila yi moshi,pidu bootsu,bayudashi ye baadu bana ba gondi bayudashi,bahiga ye bana ba gondi bahiga,muhunga wu moshi wu bodigi pidu bootsu mudiambu du gala mu luudu lu moshi.¹⁴Mudiambu luudu loo lwedi mu ndambu yi moshi,haa mu ndambu dji vula. ¹⁵Shi gulu bu di yagudi mbi:"loo yeedi googu,tunda gidini gi luudu,''haa gulu djiedi kaga gidini gi luudu. ¹⁶Shi tsuu bu di yagudi mbi:''loo yeedi disu,tunda yigondi gidini gi luudu,''haa tsuu djiedi kaga gidini gi luudu. ¹⁷ Mbi luudu lu muudu lu galaga kaga disu buna,buni gu fani yugaga?Mbi gu galaga mbi tsuu buna,buni muudu ga fani yugaga gi sulu?¹⁸Haa Gahungu ga shi gosu gidini gi luudu ye luudu mu pila yi ga zodi. ¹⁹ Mbi gu galaga mbi gidini gi moshi buna gi luudu loo gu gonda gala luudu! ²⁰Haa ndambu dji vula djiedi luudu luudu lu moshi.²¹Bwoona disu loo di fani lela googu mbi:"loo yeedi ye fwunu yagu!''Mudu kega loo ga fani lela milu mbi:"loo yeedi ye fwunu yi binu!" ²²Loo,haa ndambu yi luudu yega yi monigaga mbi loo gwedi ye ngolu,lwedi ye fwunu,loo gu fani gonda. ²³ Ma ndambu ma luudu mana ma du dalaga mbi loo meedi ye fwunu dji vula,ma ndambu ma mana ma du djidisaga penza.Ma ndambu ma luudu kega mana ma du dalaga mbi gwedi tsooni mbi bu gu moonigi,mana ma du djidisaga ngolu. ²⁴ Bwoona ma ndambu ma luudu mana ma du dalaga mbi loo gwedi tsooni mbi bu gu moonigi,loo du dalaga fwunu yi gu djidisa.Gahungu wu yidigi luudu lu pidu mu pila mbi du hana ludjidu lu vula mu bihani bina bi gondi ludjidu.²⁵Bwoona luudu lwedi di gu gabwana,haa ma ndambu yiootsu ma luudu ma fani yibuga ma ndambu meega ma luudu gidesu gi moshi.²⁶ Mbi gidini gi luudu gi moshi gi ba dala buulu,ma ndambu mootsu ma fani dala buulu.Mbi ba bahega lugumu mu gidini gi luudu gi moshi,ma ndambu mootsu ma fani dala gieshi. ²⁷ Binu bootsu lwedi luudu lu Kidishidu,bwoona gosu muudu geedi gidini gi luudu gi Kidishidu.²⁸Mu dibundu,Gahungu wu hegi gosu muudu gisalu giandi.Gisalu gi teegu giedi giana gi ba tumwa;gi djioodi,gi ba mbigudi;gi dadu,gi ba longi;bwoona gwedi kega ye baadu bana ba hangaga mapandi ma gu yiduga,baadu bana ba Gahungu ba ga hegi ngolu mu gu gindisa baadu,baadu bana ba sadisaga baadu beega,baadu bana ba dwadisaga baadu beega,ye baadu bana ba yagulaga mandaga mana ma gondi yaba baadu beega.²⁹ Loo mbi ba bootsu beedi batumwa,mbi loo ba mbigudi,mbi loo balongi.Loo mbi ba bootsu beedi ye ngolu yi gu hanga mapandi ma gu yiduga.³⁰Mbi loo mu gu gindisa baadu,mbi loo mu gu yagula mu mandaga mana ma gondi yaba baadu,mbi loo mu gu dendula mandaga mana.³¹ Haa sani mbundu yi binu mu magabu mana ma ludi fwunu.Ndjila yi gu luda yi lu fani landa,yaayi:

Chapter 13

¹Yi fani yagula mandaga mana ma yagulaga baadu,yi fani yagula shi mandaga mana ma yagulaga ba wandjio,haa mbi loo yedi ye luzolu gu mbundu yami,gu yagula gwami gwedi gu pamba nga ndaga yi ngunga yi sagaga loolu yi vula.² Yi fani gala ye mayela ma gu yabisa tsangu dji Gahungu,yi fani gala mayela mootsu,yi fani yaba mapandi mootsu ma swamani,yi fani gala kega ye lugwigilu luna lu fani gadula mundonda ye gihani giandi ye gu mu saa gu mu ye gihani giega,haa mbi loo yeedi ye luzolu gu mbundu yeedi muudu wu pamba. ³ Yi fani gabila baadu beega bima biami biootsu,yi fani hana kega luudu lwami mudiambu ba lufimisa gu mbaa,haa mbi loo gwami yeedi ye luzolu gu mbundu mapandi mana loo meedi fwunu.⁴Muudu wuna weedi ye luzolu loo ga gangaga mbundu,geedi muudu wu pimbu,loo geedi musogi,loo ga dileshigisaga,loo geedi kega lulendu. ⁵Muudu wuna weedi ye luzolu loo ga hangaga mapandi ma tsooni,loo ga dingaga kega mapimbu mandi ndi beeni,loo ga yugaga kabu,loo ga yindulaga kega mambi ma baadu beega ma bamuhangi. ⁶ Muudu wuna weedi ye luzolu loo ga dalaga gieshi mudiambu ye mapandi mambi,haa gadala gieshi mudiambu ye mapandi makiediga.⁷ Mu mapandi mootsu muudu wuna weedi ye luzolu gu mbundu yandi loo galembwaga,ga gwigilaga,ga sagaga mbundu,ga gangaga mbundu.⁸Gu zola gu moonigaga,haa gisalu gi guyabisa tsangu dji Gahungu bu gihwaa,baadu loo bayagula mu mandaga mana ma gondi yaba baadu,mayela kega bu mahwaa. ⁹ Mudiambu mapandi mapidu ma du yabi meedi kaga ndambu buna,tsangu dji Gahungu du yabisaga ndambu buna. ¹⁰Haa dangu mapandi mana meedi ma gu lunga bu magwitsa,mapandi ma meedi ga ndambu buna bu mabila.¹¹Dangu di yi gadi mwaana,yi yagula nga mwaana,yi yaba nga mwaana,yi yindulagi nga mwaana;haa dangu di yi gumi mbuda,yi yambudi mapandi mana mootsu ma gi mwaana.¹² Du ba dala Gahungu dangu di nga bu du dalaga mbunzu yi muudu gi pila gina giedi ye mbuundu,haa mu dangu di ba gwitsa du mudala misu gu misu.Mapandi mana ma yi yabi dangu di meedi ga ndambu buna,haa mu dangu di bagwitsa bu yi yaba mapandi mootsu penza nga bu nzabaga Gahungu. ¹³Haa dangu di disadi mapandi maa madadu:lugwigilu,gu saa mbundu,ye guzola;haa mu mapandi maa madadu,guzola gu ludi fwunu.

Chapter 14

¹Gima gi teegu,lu fani gala ye luzolu gu mbundu.Bwoona dingani magabumana ma ba duga gwedi muhunga wu Gahungu,haa dingani teegu mayela ma guyabishila tsangu dji Gahungu. ²Muudu wuna wu yagulaga mu mandaga mana ma gondi yaba baadu,ga yagulaga gwedi baadu haa gwedi Gahungu,mudiambu shi muudu wu moshi loo ga mu yabaga.Mu ngolu yi muhunga yi Gahungu ga yagulaga mapandi makiediga mana ma swamani.³ Haa muudu wuna wu yagulaga tsangu dji Gahungu ga yagulaga gwedi baadu;ga ba sadisaga,ga bahegaga gi gesa,ga ba gadulaga mu kenda. ⁴Muudu wuna wu yagulaga mu mandaga mana ma gondi yaba baadu,ga di sadisaga ndi buna,haa muudu wuna wu yagulaga tsangu dji Gahungu ga sadisaga dibundu diootsu.⁵Yi zolagagi mbi binu bootsu lu yagula mu mandaga mana ma gondi yaba baadu.Haa yi zolaga penza mbi binu bootsu lu gala ye mayela ma gu yabisa tsangu dji Gahungu.Mbi muudu wu moshi ga ba yala mu mandaga mana ma gondi yaba baadu,gwedi pimbu kega muudu weega ga gala yana mudiambu ye gudendula mapandi magayagudi.Bwoona baadu bootsu ba dibundu ba senda lusadisu.Haa mbi muudu wu gu dendula mapandi meeni loo geedi,muudu wuna wu yabisaga tsangu dji Gahungu wu ludi muudu wuna wu yagulaga mandaga ma gondaga yaba baadu mu fwunu.⁶ Bwoona,ba pangi bami,dangu di,mbi yitshi guna gwedi binu,kii fwunu yami mbi yi ba lu lela mu mandeaga mana ma lugondi yaba?Fwunu loo yi gala shi ga ndambu mbi loo yi lu ledi mapandi mana mandedi Gahungu,mbi loo mapandi maa mayela,mbi loo tsangu dji Gahungu,mbi loo yi lu longi.⁷Kega shi bima bi gu budila midjigi nga pungi ye gidadi,mbi loo ba bibula pimbu,kii mutindu muudu ga fani yaba mugunga. ⁸ Bwoona muudu wuna wu bulaga pungi mudiambu ye bidumba,mbi loo ga ba bula pimbu,naa wu yilama mu gwenda gu bidumba? ⁹Gi desu ye binu:kii mutindu muudu ga fani gu lu yaba mbi lu ba yagula mu mana ma gondi yaba baadu?Mapandi mana ma lu bayagula gwenda kaga mu muhunga.¹⁰Mandaga ma pila ye pila meedi yaaya ye londi di manu,haa gosu ndaga yeedi ye disongila yi djia. ¹¹ Haa mbi loo yi yabi ndaga yina yi ba yagula muudu,muudu wuna wu ba yi yagula ga gala munzendji gu misu mami,mi kega yi gala munzendji gu misu mandi.¹²Lu di hani mu gudinga mapandi mana ma gadugaga mu muhunga wu Gahungu;ya yena,lu fani dinga penza mapandi mana ma fani sadisa dibundu. ¹³Ya yena,muudu wuna wu yagulaga mu mandaga mana magondi yaba baadu,ga fani samba Gahungu mudiambu ga muhega mayela ma gudendula mu mandaga meeni mana.¹⁴ Mudiambu,mu bisambu biami,mbi bu yi yagudi mu mandaga mana ma gondi yaba baadu,mbundu yami yeedi mu bisambu,haa mabanza mami loo meedi mu bisambu.¹⁵Bwoona kii yi fani hanga?Mbundu yami yi fani tsadisa mu gu samba,haa dangu di yi ba samba yi fani yaba kega mapandi mana ma yi bayagula.Mbundu yami yi tsadisa mu gu yimba migunga,haa dangu di yi ba yimba yi fani kega mandi mana ma yi ba yimba. ¹⁶ Mbi mbundu yagu buna yi ba gu tsadisa dangu di wu ba samba,haa loo ba yaba mapandi ma wu bayagula,bwoona mu landi wuna wu basamba ye binu,kii mutindu ga fani yagula mbi:"bwoobuna''mudiambu mu gu gumbula bisambu biagu bina bi wu bahega Gahungu madonda?Mudiambu loo ga fani yaba mbi kii wu ba yagula.¹⁷MPBisambu biagu bina bi wu bsamba mudiambu di gu hana madonda,shi biedi gu bia bi pimbu,haa loo bi basadisa muudu wuna.¹⁸ Yi ba hana madonda gwedi Gahungu mudiambu yi lu ludi binu bootsu mu gu yagula mandaga mana ma gondi yaba baadu. ¹⁹ Haa dangu pidu di du ba samba Gahungu mu gi mvuga,yi fani zola mbi yi yagula ma ngogu madanu buna mana ma fani yaba baadu mudiambu ye gu balonga,haa loo yi fani zola mbi yi yagula ma ngogu mamidi ye mamidi mu mandaga mana ma ma gondi yaba baadu.²⁰Bapangi,lu galegu nga baana mu mabanza ma binu;galani nga baana ba bagonda yaba mapandi mambi,haa galani nga ba mbuda mu mabanza ma binu. ²¹ Ba sonigi mu ganda wu Gahungu mbi:"Fwumu Gahungu ga ba yagula mbi:'yi senda banzendji mudiambu di gu lela baadu baa mu mandaga ma banzendji.Haa shi bwoona baadu bami loo ba mbila.'''²²Ya yena mayela mana ma gu yagula mu mandaga mana ma gondi yaba baadu gwedi gidimbu mudiambu ye pani,loo gwedi gidimbu mudiambu ye bakidishidu.Haa mayela ma guyagula tsangu dji Gahungu meedi gidimbu mudiambu ye ba kidishidu,loo gwedi gidimbu mudiambu ye bapani. ²³ Mbi baadu bootsu ba dibundu ba wanagani mu nzu,bwoona baadu bootsu ba yandigi gu yagula mu mandaga mana ma gondi yaba baadu,mbi ba landi mbi loo ba mipani bu bitshi goda,kedi loo ba yagula mbi lwedi beeni latshi?²⁴Haa mbi baadu bootsu ba bayagula tsangu dji Gahungu,dangu mupani mbi loo mulandi di gitshi goda,bu ga gumbula masumu mudiambu ye mapandi ma ga yugi.Mapandi mana ma gayugi bu ma mufunda. ²⁵Mabanza mandi mana maswamani,bu ma mooniga gu mi8su ma baadu bootsu;bwoona bu ga fugamana,ga samba Gahungu,ga lu yabigisa mbi:"mukiediga,Gahungu geedi ye binu!"²⁶Bapangi bami,kii yi ba zola gu lu lela?Dangu di lu wanaganaga mu gu samba Gahungu mu gi mvuga,muudu wu moshi ga fani gala ye mugunga wu gu yimba,weega ga fani gala ye malongi ma gu hana,weega ga fani gala ye mapandi ma muledi Gahungu mu gu lela baadu,weega ga fani gala ye mapandi ma gu lu lela mana ma lu fani gonda yaba,bwoona muudu weega kega ga fani dendula mapandi mana.Hangani mapandi mana mootsu mu ndjila yina yi fani sadisa dibundu. ²⁷Mbi lu ba yagula mu mandaga mana ma gondi yaba baadu,gwedi pimbu baadu boodi mbi loo badadu buna ba yagula,wu moshi-wu moshi;muudu weega kega ga fani dendula mapandi mana ma bayagudi. ²⁸Mbi muudu wuna wu ba dendula loo geedi,lu fani gala peede mu bisambu,muudu ga fani yagula kaga ndi beeni mbi loo gwedi Ghungu.²⁹Baadu boodi mbi loo ba fani yagula mapandi mana ma yudi Gahungu mu gu luyabisa.Bwoona binu beega lu fani djigisa mapandi mana ma ba bagu lu lela. ³⁰MBi muudu wu moshi geedi mu gu yagula kaga mapandi mana,haa Gahungu wu leshi mapandi meega gwedi muudu weega,muudu wuna wu teega ga fani yambula mu gu yagula.³¹Binu bootsu,gosu muudu ga fani yagula wu moshi-wu moshi tsangu dji Gahungu mu pila mbi baadu bootsu balonguga,ba senda kega gi gesa. ³² Muudu wu ba yagula tsangu dji Gahungu ga fani gu di yala mu mapandi mana ma ga ba yagula. ³³ Mudiambu Gahungu wu lu soodi mu gu gala mu ngemba,haa loo mbi mu gu gala mu gi saga-saga.Pila yi djingaga ba kidishidu mu mabundu mootsu,³⁴bakedu loo ba fani yagula dangu di lu ba samba Gahungu mu gi mvuga.Loo beedi ye tswaa yi gu yagula;miganda mi tshigu mi yagudi mbi bakedu lu ba fani dwadisa bisambu. ³⁵Mbi ba bazola yufula mapandi,ba fani yufula gwedi ba lumi ba baa,mu ma nzu ma baa.Gwedi tsooni mbi mukedu bu ga yagudi mu dangu di ba basamba gahungu mu gimvuga. ³⁶Kedi mapandi ma Gahungu ma dugi gwedi binu?Kedi mi yitshi kaga gwedi binu buna?³⁷Mbi muudu ga yabagagi mbi geedi muyagudi wu Gahungu mbi loo geedi ye mapandi mana madugi gwedi muhunga wu gahungu,ga yaba mbi tshigu dji yi ba soniga djiedi tshigu dji fwumu Yesu. ³⁸ Mbi loo gwandi ga zodi gu dji gumbula,mambu mandi;Gahungu kega loo ga mu gumbula.³⁹Ya yena,ba pangi bami,saani ngolu mu gu yabigisa tsangu dji Gahungu,haa loo lu fani duna mbi baadu ba ba zola gu yagula mu mandaga mana ma gondi yaba baadu beega.⁴⁰ Yi ba zola kaga mbi lu hanga mapandi mootsu mu ndjila yi pimbu ye yiludjidu.

Chapter 15

¹Ba pangi bami,yi ba zola gu lu yabisa keega tsangu djina dji pimbu dji yi lu yabishi teegu,djina dji lu gumbushi,dji lu landaga. ² Tsangu djina dji fani gu lu gulusa mbi bu lu dji landi pila yi lu yabishi.Mbi loo lu dji landi,yagulani mbi lu dji gumbudi pamba.³Yi lu yabishi tsangu djina dji ludi fwunu pila yi sendi mibeeni,mbi:Kidishidu ga fwii mudiambu di masumu ma pidu pila yi ba sonigi mu muganda wu Gahungu. ⁴Bu ba mudjigi bwoona Gahungu ga muniagishi mu lu fwaa mu gilumbu gidadu,pila yi ba sonigi mu muganda wu Gahungu.⁵Gitshi moniga teegu gwedi Piela,bwoona gitshi moniga keega gwedi ba tumwa bootsu guumi ye boodi. ⁶ Gu ngoyi,mbala yi moshi gendi moniga gwedi ba kidishidu makama madadu ba guluda talu yina keega.Ba kidishidu ba vula mukadi gi baa beedi kaga ye mooni tii lelu dii,haa beega ba fwii. ⁷ Dangu di,gendi moniga gwedi Yagobu bwoona gu ngoyi gendi moniga gwedi ba longogi bootsu.⁸Bwoona mu gumana gitshi moniga keega gwedi mi,shi mi yeedi nga mwaana wu budugi gabisu. ⁹Mudiambu ba tumwa bootsu ba ndundi mi mu fwunu.Mu gu yagula gu pimbu,loo yi fani shi mu gu bonga djina di digitumwa,mudiambu teegu yi dadisaga baadu ba dibundu di Gahungu pashi.¹⁰Haa yeedi pila yi yeedi mudiambu di mapaimbu ma Gahungu.Mapimbu ma ga bangaga meedi keega fwunu.Mudiambu gi hanga ngolu,wu guluda ba tumwa bootsu,haa yi hangagi mu ngolu djiami,haa dji Gahungu. ¹¹ Bwoona tsangu dji pimbu dji du balonga,shi mi,shi baa,djiadjina keega tsangu dji lu gumbudi.¹²Mbi du balonga mbi:Gahungu ga mugishi Kidishidu mu lu fwaa kii pila baadu beega mu kadi ba fani yagulambi baadu bana ba fwii,loo ba shamuga mu lu fwaa. ¹³ Mbi mapandi ma ba yagula meedi ma kiediga gu balela mbi Gahungu loo ga niamugishi Kidishidu mu lu fwaa. ¹⁴Bwoona mbi Gahungu loo ganiamugishi Kidishidu mu lu fwaa,yagula mbi malongi ma pidu meedi pamba.¹⁵Mbi gwedi bwoona beega,yagula mbi pidu dwedi baadu ba bupala mudiambu ye mapandi ma Gahungu,mudiambu pidu du yagudi mbi Gahungu wu niamugishi Kidishidu mu lu fwaa haa,mbi gwedi mukiediga mbi baadu bana ba fwii loo bashamuga mu lu fwaa,gu balela keega mbi Gahungu loo ga niamugishi Kidishidu mu lu fwaa.¹⁶ Mudiambu mbi baadu bana ba fwii loo ba shamugi mu lu fwaa,gu ba lela mbi Gahungu loo keega ga niamugishi Kidishidu.¹⁷ Bwoona mbi Gahungu loo ga shamugishi Kidishidu mu lu fwaa,lu gwigilu lu binu lwedi pamba,binu lwedi keega beeni masumu.¹⁸Keega mapandi mana ma zolagi gu lela mbi baadu bana ba gadi ba Kidishidu,dangu di ba fwii,ba fwii gibele(gimagulu).¹⁹ Mbi du fani saa mbundu gwedi Kidishidu kaga mu lu djingu lu pamba,pidu du fani dala kenda dji vula gu luda baadu bootsu.²⁰Haa,mukiediga Gahungu wu shamugishi Kidishidu mu lu fwaa.Bwoona geedi keega muudu wu teegu wu niamugi mu lufwaa wu shamuga guna gu gashamugi mu lu fwaa,gu ba lela mbi:baadu bana beega ba fwii,ba keega bu shamuga mu lu fwaa.²¹ Mudiambu baadu ba fwaagaga mudiambu di muudu wu moshi pila yi moshi keega baadu bashamuga mu lu fwaa mudiambu mudiambu di muudu wu moshi.²²Baadu bootsu ba ofwagaga,mudiambu ba vugani ye Adamu pila yimoshi kega baadu bana bootsu ba vugani ye Kidishidu.Gahungu ga ba vududila mooni. ²³ Baadu Gahungu ga shamugisa baadu,vous muudu ye ndonga yandi:teegu ga shamugisa Kidishidu,dangu di gwitsa vuduga Kidishidu nga va shamugisa bakidishidu.²⁴Bwoona gu ngoyi,tsuga Yi mapandi yiootsu yi gwitsa dangu Kidishidu di ga sugisa ba wandjio bootsu bana beedi ye giyega gi pila ye pila dangu di gahana gifwumu gwedi Gahungu. ²⁵ Mudiambu Kidishidu ga fani yala tii bwoona Gahungu ga saa ba mbeeni bandi bootsu gu mashina ma milu mi Kidishidu mudiambu ga ba niada. ²⁶ Lufwaa lwedi mbeeni wu tsuga wu ga zuwa.²⁷Mudiambu muganda wu Gahungu ga ba yagula mbi:"Gahungu wu gadudi ba mbeeni bandi bootsu gu mashina ma milu mandi."Haa gima gi''giootsu loo gi ba lesa ye gwedi Gahungu kega wuna wu sagagagi mu mashina giyega gi Kidishidu. ²⁸ Dangu Gahungu di shi bambeeni bandi bootsu mugiyega gi Kidishidu,ndi beeni mwaana wu lefwuga gwedi Gahungu wuna shi bima yiootsu mu giyega giandi mwaana;ye yaana Gahungu gabula yaala bima biootsu shela.²⁹Mbi loo gwedi buna,kii fwunu baadu mu gubonga mbodiga mudiambu ye baadu bana ba fwii?Mbi mapandi ma ba yagulagi meedi magigidi mbi baadu bana bafwii loo ba shamuga mu lufwaa mudiambu di kii baadu ba sendaga mbodiga mudiambu ye baadu bana bafwii? ³⁰ Bwoona pidu kega,fwunu yi gudinga gi gonsa gosu dangu?³¹bapangi bami,gosu dangu yi galaga pena-pena mu lufwaa.Yi ba lu lela mapandi maa mudiambu yi talagagi gieshi mudiambu ye binu mu ludjingu lu ludwedi gwedi fwumu wu pidu Yesu Kidishidu. ³² Ayaa ye Efezu,mbi bu Yi nwaani ye bambitshi ba kabu kaga mudiambu di mapandi ma gimuudu,fwunu kii gwedi mi mudiambu di mapandi mana?Mbi baadu bana bafwii loo ba shamuga mu lufwaa, pimbu pidu du hangar pila bayugulaga mbi:"du dia,du nwa Mudiambu mbatshi bu du fwaa''.³³baadu ba luhunegu,mudiambu''bandugu ba Mbi babeebisagagi bigalulu bi pimbu.'' ³⁴ Binu lu fani vududila mabaza ma Binu mana mapimbi.Yambulani masumu.Mudiambu baadu beega mu kadi ga binu loo ba yabi Gahungu;Yi ba yagula buna mudiambu di gu hegisa tsooni.³⁵Baadu beega ba fani yufula mbi:''kii pila baadu bana ba fwii ba fani shamuga kega?Kii pila muudu ba gala lwo?'' ³⁶Ndji muudu wu ba yagula buna,weedi zoba!Mbi bu guni lu ndumba mu manu,loo lu fani meena mbi loo yandu lufwii teegu.³⁷Lundumba Luna lu guni lwedi lundumba lu pamba,mbala yega lundumba lu ble,mbala yega lundumba lupila yega.Haa gwedi gimenina shela gina gimeni. ³⁸Gahungu ga yega lundumba luna muudu luna lu ga zodila;ndi ga hegagagi gosu lundumba muudu lu lwo beeni. ³⁹Bima bi mooni biootsu loo biedi ye misuni mi pila Yi moshi,Haa luswaswanu lwedi:baadu beedi misuni mi pila yega ba mbitshi ba bula beedi ye misuni mi baa lupila yega,banuuni beedi ye misuni mi baa lupila yega,bambitshi ba mwetshi kega beedi misuni mipila yega.⁴⁰Ma muudu meega kega meedi gu yilu,ma luudu ye yaa ye londi di manu.Haa lugumu lu maluudu luna lwedi gu yilu lwedi luswasanu,mu lugumu lu maluudu amaa meedi ye londi di manu. ⁴¹ Dangu diedi ye pimbu yi dia yi pila yega,ngondi kega gedi ye pimbu yandi yi pila yega,miooda kega miedi ye pimbu yi mia yi pila yega;mukadi ga miooda pimbu yedi yi guluda pimbu.⁴²Gu niamuga gu baadu gu baniamuga mu lufwa gu gala pila ya yina keega. Mbi bu ba djigi muudu wuna wu fwii,luudu lwandi lu fani bola,Haa mbi muudu wuna wu niamugi mu lufwaa, luudu lwandi luna bu ga gala lwo,loo lu fani bola. ⁴³Muudu wuna wu ba djigi,luudu lwandi loo lwedi ye lugumu,loo lwedi ye ngolu;haa mbi muudu bu ga shamugi mu lufwa,luudu luna lu ga gala lwo,lu gala ye lugumu ye ngolu. ⁴⁴Muudu wuna wu ba badjiga,luudu lwandi lwedi lu gimuudu,haa muudu wuna wu ba shamuga mu lufwa luudu lwandi lwedi lu gimpeve mbi luudu lu muudu lwedi,luudu lu gimpeve kega lwedi.⁴⁵Mudiambu ba sonigi mu muganda wu Gahungu mbi:"muudu wu teegu Gahungu wu Gahungu weedi Adamu,Gahungu ga muhangi ye mooni,haa Adamu wu tsuga geedi muhunga wuna wu hanaga mooni. ⁴⁶Gahungu loo ga hani teegu luudu lu gimpeve,haa gahani teegu luudu lu gimuudu,ye yana gu ngoyi luudu lu gimpeve.⁴⁷Gahungu ga hani Adamu wu teegu mufududu wu manu;Haa Adamu wu zoodi ga dugi gu yilu. Baadu bana beedi gu mashina ma manu beedi nga muudu wuna wu hangi Gahungu mu manu. ⁴⁸Baadu bana beedi gu yilu beedi nga muudu wuna wu dugi gu yilu. Baadu bana beedi gu mashina ma manu beedi nga muudu wuna wu hangi Gahungu mu manu.Baadu bana beedi gu yilu beedi nga muudu wuna wu dugi gu yilu. ⁴⁹Pila pidu du fanagani ye muudu wuna wu hangi Gahungu mu manu.Pidu kega du fanagani pila yi moshi nga muudu wuna wu dugi gu yilu.⁵⁰Ba pangi bami,yi ba zola yagula mbi:luudu lu musuni ye meengi loo lu fani gala luudu lu gifwumu lu Gahungu,kega luudu luna lu fwagaga loo lu fani gala ye mooni wu mvula ye mvula. ⁵¹Yu gagani mapandi maa ma gitswegi.baadu beega ye ga pidu baa.⁵²Fwaa haa beega loo ba fwaa,haa dangi di bulapungi gu tsuga.Luudu pidu bootsu bu lubalumuga mu mbala yi moshi mu tswalu yiootsu kega.Dangu di bulapungi baadu bana ba fwii bu baniamuga mudiambu di gu gala ye mooni wu gonda tsuga;pidu bootsu kega bu du balumuga pila yega. ⁵³ Mudiambu muudu wuna weedi ye luudu lu bodi ga fani bonga luudu luna lu fani gonda gu bola.⁵⁴Ya yena dangu muudu wuna weedi ye luudu lu bodi loo ga fani bonga luudu luna lu bodi,dangu muudu wuna di ga fwii,loo ga fani bonga luudu luna lufwii,dangu dina kega mapandi ma basonigi mu muganda wu Gahungu di gulunga mbi:"Gahungu wu sugishi lu fwaa."⁵⁵ "Lufwaa ndji wu bingi?Lufwaa ngolu djiagu ndjini,ndji wu zuwa baadu?''⁵⁶Ngolu djina lufwaa dji ga zuwilaga baadu dji gadugagagi mu masumu,bwoona ngolu dji masumu dji gadugaga mu matshigu.⁵⁷ Mbi medishi gwedi Gahungu wuna wu du nungisagagi mu lusalusu lu fwumu wu pidu Yesu Kidishidu.⁵⁸Ya yena ba pangi bami ba nzolagagi,galani ngolu nga baadu ba fani gonda gubwaa.Di hanani dangu diootsu mu gisalu gi fwumu Yesu mudiambu du yabi mbi gosu gisalu gi hangagagi fwumu gi gala gifwunu.

Chapter 16

¹Mudiambu di gusadisa bakidishidu bana beedi gu Yeluzalemi:lu fani hanga pila yi ledi bakidishidu bana beedi mu mabundu magalati. ²Gosu gilumbu gi lumingu,gosu muudu mu kadi ga binu ga fani gadeula ndambu yi bongu djiandi nga gi desu gi gasendaga ga fani gu dji swega mu nzu yandi.Bwoona dangu di yi gwitsa yi yaba gu dji senda yi gonda gi ngila.³Solani baadu,bwoona dangu di yi gwitsa guna gwedi binu bu yi badumisa gu Yelusalemi mudiamvbu di gu needa magabu ma binu yi ba hega kega miganda mu gwenda gu di lesa guna mbi beedi baana. ⁴ Mbi gwedi fwunu mbi mi kega yenda ndjila yi moshi ye baa,bu du gwenda.⁵Yi yaba gwitsa guna gwedi binu kaga mbi yi ludi gu ndambu yi maswedani.⁶ Yi ba yindula mbi yi gala guna ye binu dangu di kuunda mu dangu yi mvula,mbala yeega tii gwoona gu yi hwaa.Ya yena lu dala pila yi gutsadisa mu gulanda ndjila yami mu gosu gi hani gina gi yi gwenda.⁷Mudiambu loo yi zolaga mbi yi luda kaga mu dangu di yi gala mu guluda mudiambu yi saa mbundu mbi,mbi fwumu Yesu bu gazodi yi gala guna gwedi binu. ⁸ Haa yi ba gala yaa ya gu yefezu tii gilumbu gi pandikoti, ⁹ yi ba dala pila yi pimbu mu gu hanga gi salu gi pimbu ye fwunu,shi ba mbeeni beedi ba vula.¹⁰Haa mbi Timode bu gitshi guma guna gwedi binu,mu yambani pimbumu pila mbi ga gonda booma.Mudiambu ga hanga gisalu gi fwumu Gahungu nga mi. ¹¹Muudu gu mu mvwenza loo,haa binu lu fani gu musadisa mu gu landa ndjila yandi mu gieshi.Nga ga yaba gwitsa vuduga yaa yeedi mi.Mudiambu yi mugingagagi mbi gitsa ga vuduga ye bapangi beega. ¹²Mudiambu ye pangi wu pidu Apoloshi,yi mu wodidi mbala djingi mbi gitsa ye bapangi beega mu gwitsa gu ludala loo ga zolagagi gwitsa dangu di,haa ga gwitsa mbi bu ga dadi pila.¹³Ga ngulani misu,galani ye lugwigilu lu ngolu.Galani ye gigesa gi ngolu. ¹⁴Hangani gi salu gi binu giootsu ye gu zola gu mbundu.¹⁵Yabani mbi mu manu Akaya Sitefanashi ye famidia diandi beedi baadu ba teegu ba gumi ba kidishidu;yabani kega mbi ba dihani mu gu sadisa ba kidishidu beega.Bwoona ba pangi bami yi ba lu wondila, ¹⁶ mu gu lemvuga gwedi baadu ba pila yina ye gosu muudu wuna wu ba sala ngolu ye baa.¹⁷Yeedi gieshi mudiambu Stefanashi,Fordunashi ye Agayidushi ba yitshi mu gu gala ye mi,mudiambu ba yingi ye gihani gi binu.¹⁸ Ba kadudi kenda,nga pila yi ba lu gadudi kega binu ya yena lu fani djidisa baadu ba pila yina.¹⁹Baadu ba dibundu bana beedi gu manu ma Aziya ba lu du mishi keega mbodi.akilashi ye prishila ye baadu bana ba dibundu ba wanaganaga mu nzu yi baa ba lu dumishi mbodi dji vula mudjina di fwumu.²⁰ Ba pangi bootsu beedi yaa ba lu dumishi mbodi.Yambaganani mu gi dangu di lu ba hanagana mbodi.²¹Yi ba soniga mapandi maa mu googu diami beeni polu mbodi dji binu. ²²Mbi muudu loo ga zolaga fwumu Yesu,Gahungu ga mu shinga!Marata fwumu wu pidu yi zaa. ²³Fwumu Yesu ga lu dala mu disu di pimbu.²⁴ Yi ba lu dumisa binu bootsu mu djina di Yesu Kidishidu yi lu zolagagi ngolu.

2 Corinthians

Chapter 1

¹Poolu,mutumua wu Yesu muludzolu lu Gahungu ye Timotu pangi wu pidu gu ndzu yi Gahungu yedi gu Kolinto ye guedi ba Kdishidu bootsu bedi gu Hakayaa. ² Yambula mbi ngemba ye masagumunu ma Gahungu Dada wu pidu ye guedi Fumu Yesu Kdishidu.³Yambula mbi Gahungu Dada wu Fumu pidu Yesu Kdishidu galuma guandi.gedi Dada mueni kenda ye Gahungu wu gadulaga kenda.⁴ Gahungu gadu gadulaga kenda mu mapashi ma pidu mootsu,mupila mbi dugala ye gigesa mugusadisa baadu beega mu mapashi maa baa.Du bagadula kenda nga budugadulaga Gahungu.⁵Gifaa gimoshi mbi dudalaga pashi ma Yesu ma gadadi mudiambu di pidu,diadina kenda dji pidu dji wagaga guedi Yesu. ⁶ haaa mbi dubadala pashi midiambu digusadisa ye guluhulusa.Mbi Gahungu gabadusadisa gabasadisa kee binu.Boona lufani senda ngolu muguganga mbundu mumapashi maludalaga. ⁷Du balushila mbundu pamba loo du bayaba mbi nga bulu dalaga pashi mudiambu ye mapashi ma pidu,boobuna dulugadulaga kenda.⁸Mudiambu loo dudzodi mbi lugala nga baadu bagondi yaba paandi,Pangi,mudiambu ye mapashi madudadi gu Asiya.Dudadi pashi dji vula loo dugadi ye manunga mbi du fani djinga kega,mungindu dji pidu dudadi mbi du fani fua gaga mudiambu di mapashi mana. ⁹ Mumasonga mootsu bududadi lufua.Loo dufani saa mbundu guedi pidu beni,haa dufani saa mbundu guedi Gahungu wuna wu shamugisaga baadu mulufua. ¹⁰ Wu dugadudi mulufua lu neni,ndi kega wuduhusa.Du shi mbundu guedi ndi mbi bugaduhulusa kega.Gahanga buna mudangu dilubula dusadisa mubisambu bi binu.Baadu ba vula bubahana madonda guedi Gahungu mudiambu di pidu ye ludzolu lugaduhegi mundzila yi bisambu bibaadu ba vula.¹²Mapandi ma du dadi gieshi maama:ngindu dji pidu dji badulesa buni du djingaga ye londi di maanu,buni du djingaga ye binu ludzolu lu pimbu lu Gahungu lu ba dulesa mu gudjinga mu ludjingu lu kiediga ye lu masonga.Haa,loo gu djinga mu ludjingu lu gi muudu. ¹³Loo du ba lusonigila bima biega,biana bi lu fani danga ye gu yaba.Yi gwigidi mbi lu yabi bina bi dusonigi biootsu, ¹⁴ Buna bu lu ba duyaba tunda ya yena gi lumbu gi fwumu Yesu,lu gala gieshi mudiambu ye pidu,nga pidu kega du gala mugieshi mudiambu ye binu.¹⁵Yi lushi mbundu;ya yena yi lushi mabanza tegu mugwitsa gu ludala mudiambu lu dala kega gieshi mu mbala yi djiodi. ¹⁶ Yi guba mani mu gwitsa lu dala gu bula di masedwani ye di bula vuduga kega gu ngoyi lu gwe ndeda gu bula di yudeya.¹⁷Dangu di gadi muna yindula maambu mana loo yi gwigidi?Yi yindudi bima bina nga muudu wu balumunaga mabanza gosu dangu?Guna mbi:yi sendaga mabanza ma gi muudu,nga mugu yagula mbi:gwedi bwoobuna,bwoobuna mbilo loo gwedi buna,loo gwedi buna mu mbala yi moshi? ¹⁸ Haa,mudiambu Gahungu gedi masonga loo ga yagulaga mu mbala yi moshi mbi:gwedi bwoona mbilo,loo gwedi buna.¹⁹Mudiambu mwaana wu Gahungu Yesu kidishidu wuna wu pidu ye Silase ye Timote wu du luyabishi tsangu loo gitshi wu gu gala eh ye loo mu mbala yi moshi.Gwedi Yesu Gahungu ga gumbudi mbi eh. ²⁰ Mudiambu ma latshi motsu ma Gahungu medi gu gumbula.Ya yena du ba gu mbula mbi:"bwoobuna"mu lu gumu lu Gahungu.²¹Dangu di Gahungu wu duhegi ngolu mudiambu di gu djinga ye kidishidu ndi kega wu dusodi mugu gu gala baadu bandi. ²²Ndi kega wu dushi bi dimbu mbi dwedi baana bandi,ndi kega wu dushi muhunga wandi mu mbundu dji pidu mu ma pandi mana mu gu duhega gu misu.²³Yi basenda Gahungu mugu gala mbangi wami,mudiambu ndi wu yabi mbundu!Mugiguma giagina gi yi gondidi gwitsa gu kolito mudiambu di gu lu gieba.²⁴ Loo dubalulela mu gi ngolu-ngolu ma pandi mana ma lu fani gwigila,mudiambu lwedi ye lugwigilu lu ngolu.Haa, du badzola guhanga ye binu mudiambu ye gieshi gi binu.

Chapter 2

¹Ya yena yi duni mupila yami mbi:loo yi gwitsa kega gwedi binu mbilo lu gala kega mu kenda mudiambu mbi bwi yi lu kenda naa wu fani pega gieshi? ² Mudiambu mbi yi luhegi kenda naa wu fani luhega gieshi?Kaga binu baadu ba yi hegi kenda!³Loo yi lusonigidi pamba mudiambu ye mapandi maa:loo yi zodi mbi dangu di kada gwitsa guna gwedi binu,baadu bana ba fani pega gieshi,ba konda pega kenda.Mudiambu yi ba yaba pimbu-pimbu mbi yedi mu gieshi binu kega lu fani gala mu gieshi. ⁴ Yi lu sonigidi muganda wuna ye maboguda ye kenda gu mbundu ye tsanga gu misu.Loo yi zodi gu hanga mbi haa yi zodi mbi:lu yaba mbi yi lu zolaga ngolu.⁵Mbi muudu wu guhegi muudu wega kenda,loo ga bihangi mbi gwedi mi buna haa ga bihangi gwedi binu bootsu.Loo mbi binu ba bootsu haa baadu bega mu kadi ga binu. ⁶ Ndola djina dji muhegi baadu beengi dji fani. ⁷ Haa dangudi lu fani gu mu yambudila ye gu muhega gi gesa.Hangani bwoona mu pila mbi:ga gonda gala ye kenda dji vula.⁸Dangu di yi ba ludiga lulesa mbi lu mu zolaga.⁹Mudiambu dangu di lu songidi muganda wuna yi zolagi gu lumega,mu gu yaba mbi bu lu lemvuga mu mapandi mami mootsu.¹⁰Mbi bu yambu didi gosu muudu wuna wu hangi maasumu mi kega yi mumbudila.Mbi bwi yi yambudidi muudu gima yi muyambudidi mudiambu di binu gu misu ma Kidishidu. ¹¹Mu pila mbi lu gonda hunuga gwedi gadiapemba.Mudiambu du yabi mahanga mandi.¹²Dangu di yi gumi gu Trowashi mudiambu ye gulonga tsangu dji pimbu dji Kidishidu,yi dadi mbi Fwumu Yesu wu kangudidi ndjila mudiambu di gulonga baadu. ¹³ Haa mi loo yi dadi pimbu gu mbundu mudiambu loo pangia wu pidu Tito.Ya yena yi shishi baadu ba trowashi yi vudugi gu masedwani.¹⁴Haa du hanani madonda gwedi Gahungu,mudiambu,mu gimvuga ye Kidishidu nga baadu ba bagami mu magembi ba banedi mu ndonga mu gu lesa baadu bootsu mbi:Yesu wu nungi.Gahungu ga ba du hangila nga ma diashi ma hanaga gi sulu bihani biootsu mudiambu di gu mwangisa tsangu dji Kidishidu gwedi baadu bootsu. ¹⁵ Mudiambu pidu dwedi gwedi Gahungu nga gi sulu gi pimbu gi madiashi gi ba mu hega Kidishidu gi sulu gina giedi mudiambu ye baadu bana ba gaba hulusa ye bana ba ba bila.¹⁶Gwedi baadu bana ba ba bila,gi sulu gina giedi nga gi sulu gi lufwaa gi ba ba neda gu lufwaa.Haa,gwedi bana ba gaba hulusa,gi sulu gina giedi nga gi sulu gi mooni,gi ba ba hega mooni.Haa naa fani hanga gi salu gi neee? ¹⁷ Mudiambu pidu loo dwedi nga baadu ba vula ba degaga ndaga yi Gahungu mu gu yidadila gieshi,haa pidu du yagulaga ye masonga mootsu gu misu ma Gahungu,mudiambu ndi wu du dumishi pidu kega dwedi baadu ba Kidishidu.

Chapter 3

¹Kedi mapandi mana ma ba lela mbi:pidu du yandigi keega mu gu disaa?Loo gwedi ye fwunu pidu mu gu lesa miganda mi ba leshigisa mbi pidu loo dwedi baadu ba bupala?Mbi loo gwedi fwunu pidu mu gu longa gwedi binu,nga bu hangaga baadu beega? ²Binu beeni lwedi miganda mi pidu,muganda wuna wu sonigi Kidishidu mu mbundu dji pidu,baadu bootsu ba yaaba ye gu mudanga. ³Gu gi gidi Kidishidu ndi beeni wu sonigi muganda wuna ga du dumishi gu mioogu mi pidu.Loo ga sonigi ye mwetshi wu muganda haa ga sonigi mu muhunga wu Gahungu wu mooni.Loo ga sonigi ye londi di dadi haa ga sonigi mu mbundu dji baadu.⁴Du ba yagula buna pamba loo;mudiambu du saga-saga mbundu gwedi Gahungu mu lu sadisu lu Kidishidu. ⁵Mudiambu loo du fani yagula mbi du fani hanga gi salu gii mungolu dji pidu beeni.Haa gi gesa gi pidu gi dugaga gwedi Gahungu. ⁶ Mudiambu Gahungu wu du hegi ngolu mu gu hanga gisalu gi luwaganu lu mpaa.Luwaganu luna,loo lu dugi mu miganda mitshigu mi ba du sonigidi,haa lwedi lu muhunga wu gedila.Mudiambu tshigu dji zuwaga baadu,haa muhunga wu hanaga mooni.⁷Ba sonigi tshigu ye londi di madadi,bwoona lu gumu lu Gahungu lu monigi mudangu di ga hani tshigu.Baadu ba Yisaleli badi bu ga dala Mososhi gu mbunzu,mudiambu mbunzu yandi yi leema nga mbaa shi loo yi leemi dangu dji vula.mbi tshigu djina dji gadi mu gu needa lufwaa,bu mi dadi mu lugumu mu pila yina. ⁸ Haa lugumu lu gi salu lu muhunga lu ludi lugumu lu matshigu mu bu neeni?⁹Gahungu ga heegi baadu ndola di gisalu di bahamgi mi mitshigu,haa gisalu gina gi gadi gi lugumu.Pila Gahungu ga gumbulaga baadu mu gisalu gi pimbu gi ba hangaga mu muhunga,bwoona lugumu lu gisalu lu muhunga lu ludi lugumu lugisalu lu mitshigu. ¹⁰ Lugumu lu dangu di lu ludi luna lu teegu;bwoobuna,du ba yagula mbi lugumu luna lu teegu loo lu gadi lu masonga. ¹¹Mbi gisalu gina loo gi djingi lu gadi lu lugumu,yaba pimbu mbi gisalu gi mvula ye mvula gi ludi keega mu lugumu.¹²Pidu dwedi ye gigesa givula mudiambu du shi mbundu mu mapandi mana. ¹³Pidu loo dwedi nga Mososhi wu gangi gidembu gi muledi gu mbunzu yandi mu pila mbi beeni Yishileli ba gonda mudala mu dangu di hwii lugumu lwandi.¹⁴Loo ba yaba;tii mudiga wuu loo bayabaga keega mbi ba badanga miganda mi guwagana gu gulu,mudiambu muledi weeni weedi wu gugangamana gu misu ma baa.Muledi wuna ga fani ga duga mbi muudu wu goodi mu gimvuga ye Kidishidu. ¹⁵Haa tii lelu di,dangu diootsu di ba badanga miganda mi Mososhi,valu dji ba badaga gu mbundu dji baa. ¹⁶ Haa muledi wuna wu gadugaga,mudiambu di gadugaga gosu dangu di balumuni muudu mbundu gwedi Yesu.¹⁷Mudiambu fwumu geedi muhunga;yana yedi muhunga wu fwumu gwedi ludjingu lu gimpwanza.¹⁸ Pidu bootsu du gondi miledi gu mbunzu lugumu lu fwumu lu monigaga gu mbunzu yi pidu du monigaga nga gi peela,lugumu luna lu gadugaga gwedi fwumu wuna weedi muhunga,lu dugidulaga nga bdi beeni bwoona dwedi ye lu gumu lu gu luda bu neeni.

Chapter 4

¹Gahungu wu duhegi gisalu gi,mudiambu ga duyugaga kenda;yayena du fani gala ye gigesa.² Du matshi mapandi mootsu ma tsooni ye magitsegi;loo du hunaga baadu;du balumunaga mapandi ma Gahungu.Haa mapandi ma du hangaga loo du maswegaga mudiambu meedi ma masonga du mahangaga gu misu ma baadu bootsu ye gumisu ma Gahungu.³Mapandi mana ma duhangaga,du ma hangaga mu pila mbi gosu muudu ga magumbula gu mbundu yandi.⁴ Loo ba gwigilaga mudiambu Gahungu wu dangu di wu zuwii mayela ma baa.Wu ba gangi ndjila mu gu dala mwinda wu tsangu dji pimbu;djeedi tsangu dji lugumu lu Kidishidu weedi nga Gahungu ndji beeni.⁵Mudiambu loo du longaga baadu tsangu dji pidu beeni:haa du longaga tsangu dji Yesu Kidishidu mbi geedi fwumu,bwoona,mudiambu ye Yesu du luhangilaga.⁶ Mudiambu Gahungu ndi beeni wu yagudi mbi:"yambula mwinda ga leema mupiba.''Ndi wu du shi mwinda mu mbundu mudiambu ga leema,bwoona ga dulela mayela ma gu yaba lugumu lu Gahungu;lugumu luna lumonigaga gu mbunzu yi Kidishidu.⁷Haa pidu dwedi ye gimvwama gi mapandi ma Gahungu,dwedi nga mabungu mana ma gondi ngolu ma ba bahanga ye manu,dwedi buna mudiambu di gu lela mbi Gahungu geedi ngolu,haa loo mbi pidu.⁸ Ba du yangisaga pila djiootsu,haa loo ba du zuwaga ,du dalaga pashi gu mbundu,haa du gwigilaga kaga. ⁹ Dweedi ye ba mbeeni ba vula,haa dwedi keega ye ba ndugu,ba du dadisaga pashi,haa loo baa du zuwaga.¹⁰ Dangu djiootsu du needaga p0ashi dji lufwaa lu Yesu mu luudu lu pidu,mupila mbi mooni wu Yesu ga moniga keega mu luudu lu pidu.¹¹Pidu dwedi ye mooni dwedi ba hwaa sendama mu lufwaa lu Yesu,gu ngoyi mooni wu Yesu Kidishidu lu moniga mu luudu lu pidu lu gi mooni. ¹² Mu gi guma giagina,lufwaa lwedi ye gisalu giandi mu kadi ga pidu,mooni keega weedi ye gisalu mu kadi ga binu.¹³Haa,pidu dwedi ye muhunga wu moshi mu lugwigilu pila yi ba sonigi mbi:"yi gwigidi tunda yi ba yagula.''Du gwigidi keega diadina du ba yagula keega.¹⁴ Du yabi mbi muudu shamugishi fwumu Yesu mu lufwaa ga du shamugisa keega ye Yesu.Du yabi mbi bu ga du needa ye binu gumisu mandi.¹⁵ Bima biootsu bieedi mudiambu ye binu,mupila mbi,mudiambu lusagumunu lumwamugi mudiambu ye baadu ba vula,magabu ma gu dinga lu sagumunu madombugi mu gu hana gwedi Gahungu.¹⁶Diadina loo du fani leembwa.Shi luudu lupidu lu bafwaa mooni wu pidu lu ba guma lu mpaa gosu gilumbu.¹⁷ Mudiambu gandambu ga pashi ma du badala meedi mu dangu yi digi-digii yi ba du yidigila lugumu lumvula ye mvula lu ludagani gidesu. ¹⁸Mudiambu loo du dalaga bima bina bi monigaga gu misu,haa du dalaga bima bina bigondaga moniga gumisu. bina bimonigaga gu misu loo bidjingaga ngolu,bi gondaga moniga bidjingaga mvula ye mvula.

Chapter 5

¹Du yabi mbi nzu yi pidu yaa yelondi di gifudi yeedi yi hwaa gu fwaa;Gahungu bu ga duhega keega nzu yi gondi dungamana gwedi baadu ba masumu,haa nzu yi djinga mvula ye mvula gu yilu. ²Mudiambu nzu yina yeedi yi teenda du hemina ngolu ye gu senda luudu lwega lu mpaa. ³ Bu du yi zola,mudiambu mbi bu du goodi loo du gala kaagi.⁴Dangu di du ba djinga munzu yi yi tenda du ba hululuga,du ba diala ngolu mudiambu ye bugogu buu bu pashi bu du ba needa.Loo du ba zola gu gadula luudu luu lugifudi gi manu maa,haa du ba zola vwada luudu lwega ye londi di dia,mudiambu mooni ga mina luudu luna lu fwaa. ⁵ Gahungu muudu wu du yidigi mudiambu du gala ye mooni wu gifwaa gina,ndi keega wu duhegi muhunga wandi nga gidimbu gi mapandi mana ma gwitsa.⁶Diadina du dihanani yabani mbi dangu di du ba djinga mu luudu dwedi gu leeya ye Fwumu. ⁷Mudiambu du ba djinga mu lugwigilu,haa loo mbi mudiambu ye ludjingu. Du zodi gu gala. ⁸Gu leeya ye luudu ye gu djinga ye fwumu.⁹Diadina,du hanga bima bina mupila mbi,shi dwedi mu luudu,du mu heegi gieshi. ¹⁰ Mudiambu Yesu ga sambisa pidu ba bootsu,gosu muudu ga senda bina bi ba yidigi mu bima bina bi hangamanaga mu gi muudu mbi gi pimbu mbi loo gi mbii.¹¹Bwoona,du yabi buni du fani djina Gahungu booma,du longa keega baadu mu gu mudina booma.Nga bu dwedi pidu ye bi du dadi gwedi Gahungu,ye yi ba gwigila mbi lu yabidi pimbu mu mbundu dji binu. ¹²Loo mbi du ba lu hega booma mu gu du senda nga beeni masonga,haa du sonigi mu gu du hega gieshi mu pila mbi lu hana mvudu gwedi bana ba dihani mu mapandi ma ba dalaga gu misu,loo mbi mu bima bina biedi mu mbundu.¹³Mudiambu mbi dwedi beeni latshi,dwedi buna mudiambu ye Gahungu ye mbi loo dwedi beeni latshi dwedi buna mudiambu ye binu.¹⁴ Mudiambu luzolu lu Gahungu lu du yadi,mudiambu du yabi mbi:muudu wu moshi wu fwii mudiambu ye baadu ba vula,mu gu lela mbi baadu bootsu ba fwii. ¹⁵Ye Kidishidu wu fwii mudiambu ye baadu bootsu,mu gu lela mbi,baadu bana ba badjinga loo ba badjinga mudiambu ye ba beeni,haa mudiambu ye muudu wuna wu fwii ye gu shamuga.¹⁶Mu giguma giagina,yandiga dangu di loo du sambisa muudu mu mahanga mandi ma gi muudu,shi bu du yabidi Yesu mupila yina,mudiambu yendi loo du sambisa muudu mu mapandi mana. ¹⁷ Diadinambi muudu geedi mu Yesu wu gumi muudu wu mpaa.Bima bi gulu bi gadugi,bi yi tshi bi mpaa.¹⁸Bima biootsu bi du gaga gwedi Gahungu,ga duyambudidi ndi beeni mu ndjila yi Yesu.Ye wu du hegi gisalu gi guyambudila. ¹⁹ Mu gu yagula mbi,mwedi Kidishidu,Gahungu ga ba bunda baadu gi fudi ye ndi beeni,loo ga ba dala keega masumu ma pidu.Wu du hegi gisalu wu gulonga baadu malongi ma gulolulagana.²⁰Diadina du solamani nga baadu ba Kidishidu,nga guna mbi Gahungu ga ba lulendiga mu ndjila yi pidu.Du ba lu wondila mu luzolu lu Yesu Kidishidu.''galani mu mvuga ye Gashungu.'' ²¹Gahangi mbi Kidishidu gitsa ga di mudiambu ye masumu ma pidu.Geedi wuna wu gondi masumu,ga hamngi buna mupila mbi du giduga beeni masonga gwedi Gahungu.

Chapter 6

¹Mudiambu du ba hanga mu gi mvuga,du ba samba mbi du gonda senda lu sagumunu lu Gahungu mu pamba.² Mudiambu ga ba yagula mbi:"yi gu yugudi mudangu di pimbu mu gilumbu gi yi sendi mooni,gilumbu gi yi hulushi.''Dala dangu di pimbu,dala dangu di guhuluga. ³Loo du dombushi daadi gumisu mi gosu mu kadi ga binu mudiambu loo du zodi mbi gisalu gi pidu gi konda gala ye lugumu.⁴Haa,mu ndungi djiootsu du leshigishi mbi dwedi bi sadi bi pimbu bi Gahungu,mun gu ganga gu mbundu,mu mupashi ma pila ye pila,mu gu megama, ⁵mu gu gangamana mudangu mbada,mu gu du bula,mu gu du hangisa bi sala bi ngolu,mu gu konda gu mimba,mu gu konda gu dia, ⁶mbundu yi pembi,mu gu yaba mapandi,mu gu ganga mbundu,mu gieshi,mu muhunga wu gedila,mu luzolu lu masonga. ⁷Pidu,dwedi bi sadi biandi mu kadi ga ndaga yi masonga,mu ngolu dji Gahungu,dwedi ye mbedi yina yi gangaga ndjila gu googu di gidada ye di gingudi.⁸Du hangaga mu kadi ga lugumu ye mu gu gonda lugumu,baa du nioogulaga,ba yagulaga mapandi ma pimbu ye mambi mudiabu ye pidu,ba du dalaga ba pala,haa du yagulaga masonga. ⁹ Du hangaga gisalu nga guna mbi loo ba du yabi,haa ba du yabi,nga guna mbi dwedi ba hwaa gu fwaa,haa dwedi ba mooni,nga baadu beedi mundola mu mahanga ma pidu, haa loo ba du zuwii. ¹⁰ Du hangaga nga pidu dwedi mukenda,haa du hanga mu gieshi,nga ba tsugami,haa du gumisaga baadu ba vula bamvama.Dwedi nga baadu ba gondi bima,haa du fugi biootsu.¹¹Kolinto,du luledi masonga ma pidu mootsu,ye du lugagudidi mbundu yi pidu yiootsu. ¹²Loo mbi pidu du gangi mbundu dji binu,haa binu beeni lu zodi gu saala mu mahanga ma binu. ¹³ Dangu di,yi ba lulela nga baana,gangulani mbundu dji binu ngolu.¹⁴Loo gu galani ye baadu bana ba gondaga gwigila.Mudiambu,kii gi mvuga gi fani gala ndjila yi pimbu ye yi gondi pimbu?Kii gimvuga giedi ye mwiini ye piba? ¹⁵Kii luwaganu lu fani gala ye lu Kidishidu ye Beluya? ¹⁶Gwedi ye gimvuga gwedi mukidishidu ye wu gondi mukidishidu?Kii luwaganu weedi mu kadi ga nzu yi Gahungu ye yi bideegi?Mudiambu dwedi ma nzu ma Gahungu ma mooni,bu yagudi Gahungu:"yi bula gala mukadi ga baa,yi bula niada ye baa,yi gala Gahungu mudiambu ye baa,ba gala baadu bama.''¹⁷Diadina:"dugani mu kadi ga baa,di ga dulani mu kadi ga baa'',bu yagudi fwumu:"loo gu gamani bima bi gondi pimbu,du yi luyamba. ¹⁸Yi gala dada wu binu,binu lugala baana baami ba bakedu ye ba bagala,''bu yagudi wu ngolu djiootsu.

Chapter 7

¹Pangi wu luzolu,mudiambu dwedi latshi,du ba lumuna mbundu mu bima bina bi ba bebisa luudu lu pidu ye mooni.Du landani masonga mu gu dina Gahungu booma.²Du dingilani gihani!Mu mbundu dji binu,loo du hangi shi muudu mbii,loo du lemigishi muudu,loo du dii shi gima gi muudu mu ndungi. ³ Loo gwedi mbi yi ba lugama di yi ba yagula bima bii.Haa yi lu ledi tuunda mbi lu sendi gi hani mu mbundu dji pidu;mupila mbi du djinga ye du fwaa gihani gi moshi. ⁴ Yi ba lushila mbundu ye yeedi ye gieshi gwedi binu.Gieshi gi ndudagani shi mu mapashi.⁵Shi bu du gadi gu masedwani loo du daadi bu gu luhuluga.Du daadi mapashi ma gifwa-gifwa mu gu gonda gu guwagana ye baadu ba saa teembi ye du gadi mu booma. ⁶ Haa Gahungu wu hanaga gi gesa gwedi baadu ba gondi gi gesa,ga duhegi gi gesa mudangui di gumi Tito. ⁷Loo mbi mu gu guma gwandi Gahungu wu du hegi gi gesa.Gwedi kega mu gi gesa giandi ba hegi Tito.Ga du ledi luzolu lu binu lu ngolu,kenda ye fwunu yi binu yi ngolu gwedi mi.Bwoona yi gadi mu gieshi gi vula.⁸Yi yabi mbi muganda wu yi lu sonigidi wu luhagi kenda,haa loo yi daadi pashi.Haa yi daadi pashi mupila yi daadi mbi yi luhegi kenda,haa kenda djina loo dji gadi dangu di leeya.⁹ Dangu di yeedi mu gieshi loo mbi pila yi lu gadi mukenda,haa pila yi lu balumuni mbundu.Kenda dji binu dji gadi ye Gahungu,loo lu bidishi shi gima mudiambu ye pidu. ¹⁰Mudiambu kenda ye Gahungu yi balumunaga baadu mu gu ba nedaga gu mooni wu gondi kenda.Diadina kenda di gi muudu dji nedaga lufwaa.¹¹Dalani dangu di kenda ye Gahungu kii yi lu nedidi,yi lu nedidi mapandi ma pimbu(ma gi gidi).Buni lu gondi masonga,lu yu gaga booma,nzala yi binu,lu lendu lu binu,ye ma nzala ma gu dala mbi masonga mahanga mana mu mapandi mana mootsu,lu daadi binu beeni mbi loo lugadi ye pandi.¹² Shi bu yi lusonigidi,loo yi mbi mwedi muudu wu hangi mbi,mbi loo gwedi muudu wuna wu ba hangi mbi.Yi lu sonigidi mupila mbi lu yaba pimbu-pimbu luzolu luna lu duzolaga lwedi lu Gahungu.¹³Mu gi guma gina du sendi gi gesa.Loo mbi gigesa buna,du daadi gieshi gi vula mudiambu ye gieshi gi Tito,mudiambu binu lu hegi gigesa gina. ¹⁴Mudiambu mbi yeedi ye lu lendu gwedi binu,mudiambu loo lu peegi tsoni.Bwoona,mapandi mootsu ma du lu ledi meedi masonga.¹⁵Luzolu lwandi gwedi binu lwedi lu ngolu,mbi bu ga yindudi buni lu mu dumugilaa,buni lu mu yambi ye ma degida ye booma. ¹⁶Yeedi mu gieshi gwedi binu,mudiambu yi ba lu shila mbundu.

Chapter 8

¹Ba pangi ba pidu,du zodi gu lu lela mbimapandi ma lusagumunu lu Gahungu lu ba moniga gu mabundu ma Masedwani.² Mu dangu di mapashi ma vula,gieshi gi vula gwedi baa,bu tsugami bu dushi gi mvwama gi vula gwedi baadu bootsu.³Yi ba lu lela gu masonga mbi,ba hana magabu mu gi desu gi ba dalagi,ye mu luzolu lu baa beeni, ⁴ ba du woondidi ngolu mu gu ba hega gi gesa mu gu hana magabu mudiambu ye baadu beedi ba tsugami ba baKidishidu mu Yelusalemi. ⁵Loo du shi mbundu mbi ba fani hana mbongu dji vula mupila yina.Haa ba di hani teegu baa beeni gwedi fwumu Yesu ye gwedi pidu mu luzolu lu Gahungu.⁶Diadina du woondidi Tito,mu gwitsa hanga gi salu giandi gwedi binu,nga bu ga yandigi mudiambu nga bu ga yandigi mu luzolu lwandi. ⁷Haa,mudiambu lwedi ba mvwama mu mapandi mootsu-mu lugwigilu,mu ndaga,mu gu yaba,lu yabi mapandi mavula,mu luzolu lu ngolu lu hanga gi salu,haa lu du zolagagi.Tunda du ba zola mbi lu hana magabu ma vula.⁸Loo yi ba lu lela mu ngolu mu gu hana magabu.Haa yi ba lu lela buna mu gu dala masonga ma binu ye luzolu mu gu lufanigisa ye mahanga ma baadu beega. ⁹ Diadina lu yabi lusagumunu lu fwumu wu pidu Yesu Kidishidu.Shi buna bu ga gadi mvwama ga di gulumushi,ga di gu lumushi mu ndjila yi bu tsugami bwandi ga lu gummisa bamvwama.¹⁰Yi ba lu longishila mu mapandi maa mu gu lu sadisa.Gwedi ye mvula yi moshi mu bima bina,loo mbi mudiambu lu yandigi mu gu bi hanga,haa mudiambu lu gadi ye luzolu lu gu bi hanga. ¹¹ Bi manisani mu dangu di.Mupila mbi ba gala keega ye luzolu ye gieshi mu gu bi hangila,binu keega yi zani lu manisa mudiambu lwedi ye luzolu lu pimbu lu gu hanga. ¹² Mbi lwedi ye luzolu lu pimbu lu gu hanga gisalu gina gwedi pimbu bu du gumbudi.lu fani hangila gi desu gi fugi muudu,haa loo mbi mu biana bi ga gondi.¹³Mudiambu gi salu gii loo giedi mu gu hana gieshi gwedi beega,ye gu shila baadu beega bugoogu,haa lu fani gala binu bootsu gi geledi. ¹⁴Mapandi ma binu ma gondi fwunu mu dangu di ma fani gu ba sadisa mu bima bi ba gadi bia fwunu.Gi geledi mu mapandi ma gondi fwunu ma fani gu lu sadisa mapandi ma binu bi gala gi desu gi moshi. ¹⁵Nga bu ba sonigi mbi:"wuna wu sendi bi vula,loo ga gadi bia,wuna wu gadi ye ndambu loo ga gondi gima.''¹⁶Gahungu ga senda lugumu lwandi wu shi luzolu mu mbundu yi Tito nga bu yeedi lwoo gwedi binu. ¹⁷Mudiambu,loo mbi ga gumbudi ma nunga ma pidu,haa ga gadi ye lu lendu mu gu bi hangila.Gi tshi gwedi binu mu luzolu lwandi beeni.¹⁸Du mu dumishi ye pangi wu pidu wuna wu mabundu mootsu mu gu saa mu gisalu mu gu longa ndaga yi Gahungu. ¹⁹Ba musodi mu mabundu mu gu duga ye pidu mu gu hanga gi salu gi luzolu.Bi biedi mudiambu ye lu gumu lu fwumu ndi beeni,ye luzolu lu pidu mu gu sadisa.²⁰Du ba hanga gi ngolu-ngolu mbi muudu ga du domigegu mu magabu ma du ba senda gwedi baadu ba vula. ²¹Du ba senda giyega mu gu hanga mapandi ma pimbu,loo mbi gwedi fwumu buna,haa ye gwedi baadu.²²Du ba dumishi ye ba pangi beega.Dangu di vula du mu meegi ga galaga ye luzolu lu gu sadisa bisalu bi vula.Dangu di,geedi kega ye luzolu ga ba lushila mbundu ngolu.²³ Haa gwedi Tito geedi muudu wu du hangaga yandi ye uw du hangaga yandi bisalu bi binu.Mudiambu ye ba pangi ba pidu ba ba dumishi mu mabundu.Beedi mudiambu ye lugumu lu Kidishidu. ²⁴Diadina ba lesani luzolu lu binu,ye ba lesani mu mabundu gieshi gi pidu gwedi binu.

Chapter 9

¹Mu mnapandi ma daadi gu geminina baadu ba gwigidi loo gwedi fwunu mbi yi lu sonigila kega. ²Mudiambu yi yabi luzolu lu binu lu pimbu gwedi baadu ba Masedwani yi gadi mu gieshi.Yi ba ledi mbi ba yilamani mu gu bayamba yandiga mvula yi mayoni.Ye lu lendu lu binu lu hangi mbi baadu beega mu gadi ga baa ba hanga keega nga binu.³Yi lu dumishi ba pangi bana mu pila mbi gieshi gi du ba ledi mudiambu ye binu gi gonda gala gi pamba,mu pila mbi lu yilamana nga bu yi lu ledi. ⁴Mbi loo gu gala tsooni gwedi pidu,mbi mu gwitsa gu pidu ye beeni Masedwani,(loo yi yagudi mapandi mudiambu ye binu)yagula mbi loo lu gu bamani. ⁵Diadina yi daadi mbi pimbu yi lu dumisa pangi wu ga lu sadisa mu gu biga magabu ma lu yagudi.Mupila mbi ma gala ma hwaa gubiga,mu luzolu lu binu beeni,loo mbi lu muudu.⁶Ya bani mbi wuna wu guni ndambu,ga gadula ndambu,wuna wu guni kega gi vula,ga gadula kega gi vula.⁷ Ya mbula mbi,gosu muudu ga hana buna bu ga gabigi gu mbundu yandi.Baa ndegu gu mushindigisa.Mudiambu Gahungu ga zolaga muudu wu hanaga ye gieshi.⁸Ye Gahungu ga lu yudisa ye masagumunu mandi mootsu,mu pila mbi lu gala ye bima bi vula mu bisalu biootsu bi pimbu. ⁹ Nga bu ga sonigi mbi:"wu ga bishi gwedi ba tsugami,gi mvwama giandi.''Ma songa mandi meedi dangu diootsu.¹⁰Ndi wu hanaga kuna gwedi bana ba gunaga,ye mapaa mudiambu ye gu dia gwandi,ga lu heega,ga lu yudisa,ga lu budushila kuna dji vula.Ga dombusa gi desu gi kuna dji binu. ¹¹ Ga dombusa gi desu gi kuna dji binu,mu pila mbi,lu gula mu gu hana magabu ma luzolu,mu pila ba vula ba hana lugumu gwedi Gahungu.¹²Mudiambu gisalu gii loo gi daadidi mbi mu mapashi ma ba gwigidi buna.Giedi keega pandi gi guhanina madonda gwedi Gahungu.¹³ Gu leshigisa ma pimbu ma muudu gwedi baadu bootsu,gu hana lugumu gwedi Gahungu mu lu lemvu lu binu mu malongi ma Kidiashidu.Lu ba heega lugumu mu bima bi hana magabu gwedi baana ye gosu wuna. ¹⁴ Mu luzolu lu baa lu ngolu,basambaga mudiambu di binu.Ba bi hanaga mudiambu ye kenda dji Gahungu dji gala mugadi ga binu. ¹⁵Madonda gwedi Gahungu mu magabu ma ga duhegi ma neeni.

Chapter 10

¹Mi,Polu,yi ba lu wondila,ye gu digulumusa mupweede bu di gulumushi Kidishidu.Yeedi pwedee mbi yeedi gu twala yi binu,haa yeedi gi gesa mbi yeedi gu leeya ye binu. ² Yi ba lu lela mbi,dangu di yi gwitsa gwedi binu,loo yi gala ye fwunu yi gu gala nga mweni ngolu wu bashilaga mbundu,haa yi ba yindula mbi,yi gala gi gesa mbi yi leshigishi gwedi bana ba yindulagi mbi du hangilaga mu gi muudu.³Mudiambu shi bwoona bu du ba djinga mu gi muudu,loo du fani mu gi muudu. ⁴ Mudiambu ma buda ma du nwaniga loo meedi ma gi muudu,mudiambu meedi ye ngolu yi yilu mu gu beebisa shi lundondu.Ma beebisaga mandaga ma beeni bu pala.⁵Du beebisa mapandi mootsu mana ma ba ganga baadu ndjila mu gu yaba Gahungu;du nedaga manunga ma baa mu gu lemvuga gwedi Kidishidu.⁶ Dwedi pena-pena mu gu heega baadu ba gondaga lemvuga ndola,mudeiambu lu lemvu lu binu lu gala lu hwaa gulunga.⁷Dalani pimbu mapandi meedi gu misu ma binu,mbi wu yabi mbi weedi mukidishidu,ga yaba mbi buna bwedi gi mukidishidu,pidu keega dwedi ba kidishidu. ⁸Mudfiambu shi bu yi dileshi gwami mu gi yega gi du heegi fwumu,gwedi mu gu lu heega gi gesa,loo mbi mu gu beebisa lugwigilu lu binu,loo yeedi ye tsooni.⁹Loo yi zodi mbi miganda miaami mi luheega booma. ¹⁰ Mudiambu ba vula ba yagulaga mbi:"miganda miandi miedi mipashi ye mi ngolu,handi,loo geedi ye ngolu ye mandaga mandi loo meedi mapamba.''¹¹Mudiamvbu ye miganda muudu ga yabegu mbi du sonigaga buna mudiambu dwedi gu leeya ye binu.Bwoona bu du hanga mbi dwedi mu kadi ga binu. ¹² Loo du digodishi mbi loo du di fanigisa ye baadu banaba di leshigasaga gwedi baadu.Haa mbi baa di fanigishi ye baa beeni loo beedi ye ndungi.¹³Dangu diootsu loo du fani gu dishigisa ngolu.Haa,du manina mu gidesu gi duhega Gahungu gisalu,gidesu gina giedi gu leeeya ye binu. ¹⁴Mudiambu loo du luudi gihani gi du shilagani,dangu di du wagani ye binu,du gadi baadu ba teegu mu gu needa ndaga yi Kidishidu,binu gu ngoyi.¹⁵Loo du di shigishi mu gu luuda gi desu gi gisalu gi baadu beega,haa du ba saa mbundu mbi lugwigilu lu binu lu dombugi,ngundu yi pidu yi gumi yi neeni ye yi saadi mu gidesu gi hani Gahungu. ¹⁶Du gwigidi buna,mu pila mbi ndaga yi hanamana shi mu mabula mana meedi mumbimba yi bula di binu.Loo du fani gu dishigisa mu gisalu gi hanamani mu mabula ma baadu beega.¹⁷"Haa,wuna wu ba dishigisa,ga dishigisa mudiambu ye fwumu.'' ¹⁸Mudiambu loo mbi ndi beeni wu di dumaga ye gu di heega giyega,haa wuna wu dumi fwumu.

Chapter 11

¹Yi ba zola mbi gangani mbundu mudiambu ye mabanza maami maa ma bu zoba.Ye,gangani mbundu mudiambu ye mi. ² Mudiambu yeedi ye gi geneni,gi geneni gina giedi ye Gahungu gwedi binu.Mudiambu yi lu gwedishi gwedi bagala wu moshi.Yi lu ledi mu gwenda lu needa gwedi kidishidu nga mukedu wu gondi yaba bagala.³Yeedi mu booma mu pila yiootsu yi talatshi yi gahuni Eva mu bu pala bwandi gu ndungi mbi manunga ma binu ye gieshi gi binu gi gonda balumuga gwedi Kidishidu. ⁴Du yagula mbi,mbi muudu wu yi tshi lu longa Yesu weega loo mbi wuna wu longi,mbi loo lu yugi malongi ma pila yeega ma gondi fana ye mana ma teegu.Ganga mbundu mu bima bina.⁵Mudiambu,yi yabi mbi loo gu ndudi muudu shi bu ga yagudi mbi wu ndudi mu gu longa. ⁶Haa,shi buna ba gondi ndonga gu yagula pimbu mbi,shi loo yi yabi bima biootsu,mu pila yiootsu,du lu ledi.⁷Yi hangi masumu bu yi digulumushi mi beeni mu gu lu dombula?Mudiambu yi lu longi ndaga yi Eva ye Gahungu. ⁸Yi senda bima bi ma mbundu meega ba gumbula mu gu lusadisa. ⁹Dangu di yi gadi mu kadi ga binu,yeedi fwunu yi gima loo yi dinga gwedi muudu.Mudiambu pashi djiami diootsu beeni Masedwani bu bamanishi.Mu bima biootsu.Loo yi zodi gu lu heega bugogu bwami ye yi bula djinga bwoobuna gosu dangu.¹⁰Mudiambu yeedi ye masonga ma Kidishidu,gi songa lu lendu lwami loo lu luda lu gonda yabagana mu gi nzunga gi Akayi. ¹¹ Mudiambu di kii?Mudiambu yi lu zolaga?Gahungu wu yabi.¹²Haa bina bi yi ba hanga,yi ba landigisa mu gu gadula bupala bu baadu gwedi mi,ye bupala bu ba badishigisa(baa ba senda nga baa ba hanga gisalu gi moshi ye pidu). ¹³ Mudiambu baadu bana beedi ba tumwa ba mbi,ba sadi ba bupala.Ba di balumuni nga ba tumwa ba Kidishidu.¹⁴Ye loo gu yidugani,mudiambu gadiapemba ndi beeni bu ga dibalumuni nga tumwa wu masonga. ¹⁵ Lu yidugegu mbi ba tumwa bana keega ba di balumuni nga bi sadi bi pimbu tsuga yi baa yi gala bu ba basadila.¹⁶Yi ba lu lela keega mbi,luyindulegu mbi yeedi zoba,mbi lu yabi mbi yeedi zoba,sendani kaga bwoobuna mu pila mbi yi senda lugumu.¹⁷ Bina bi bayagula mudiam,bu du gu saa mu mbundu ye luleendu Gahungu loo gazodi,haa yi ba yagula nga zoba. ¹⁸ Mudiambu baadu ba vula ba di lumisaga mu luudu,yi bula di lumisa mi beeni.¹⁹Mudiambu luzolaga ba zoba ye gieshi.Lwedi ndungi binu beeni! ²⁰Mudiambu lu zolaga muudu wu ba lu gidula muhiga wandi,mbi ba lu hangila,mbi ga ba didala nga ndi weedi ye londi di binu,shi ga ba lu bula. ²¹ Yeedi y tsooni mu gu lu hangila mbi loo du kugi mu gu hanga bima bina.E...mbi muudu ga ba shigisa(yi ba yagula nga mweni latshi),yi di shigisa ba.²²Beedi mu gieshi?mi keega.Beedi baana ba Yizalayedi?Mi keega.Beedi beeni giganda gi Abalahamu?Mi keega.²³ Beedi baadu ba hangila Kidishidu?(Yi ba yagula nga zoba)Yi ba landa gi gu aluda.Bu yi dadi mapashi ma vula ma ngolu,mudangumbada ma pashi ma ludagani gidesu,ma fani needa mu gigonza gi lufwaa.²⁴Gu gadi ba yuuda,yi bulugi mbala dji danu"miswamba magu madadu ye givwaa''. ²⁵ Mbala dji dadu yi bongi muswamba ye mudi.Mbada yi moshi.Ba kandi nzuwa yi hangi gilumbu gi moshi ye piba yi moshi ye londi di mweetshi wu neeni.²⁶ Yi dugi djila dji vula,yi gadi ye bigonza bi vula ye londi di mweetshi,mu gi gonza gwedi beebi,mu gi gonza gwedi baadu baadu bami beeni,mu gi gonza gwedi ba mipani,mu gi gpnza gwedi mvula,mu gi mukadi ga tsegi,mu gi gonza ye londi di mweetshi wu neeni,gwedi ba pangi ba bu pala.²⁷Yi hangi bisalu bi ngolu ye mupashi,mu gu gonda mimba piba dji vula mu nzala yi gudia ye nzala yi gunwa,dangu diootsu mu gu gonda dia mudiambu ye gusamba,mu peewu ye mu gu gonda gu miledi. ²⁸Ye,ga dula bima bina biootsu,bilumbu yi yindulaga ma bundu mootsu. ²⁹Naa weedi mumolu,ye yi gondegu gala?Naa wu needi muudu weega mu masumu ye loo yi fimishi?³⁰Mbi yi zodi gu dishigisa,yi dishigisa mu manu ma yi gondi gi gesa. ³¹ Gahungu gwedi dada wu fwumu Yesu,ndi weedi ye lugumu mvula djiootsu,yaba mbi loo yi ba di huna.³²Gu Damashi,guvedinediweedi ye gi fwumu gi Atashi,ga shi beeni Damashi mbi ba kama. ³³Haa,di ba shi mu gadi ga gidunga ye batushi ye neela mu mbimba yi gibaga,ye tuni gwami.

Chapter 12

¹yi landi gu di shigisa,haa,loo yi senda shi gima.Haa yi yibugi keega ndotshi ye mapandi ma gudi fwumu.² Yi yabi muudu wu moshi mukidishidu wu ba needi gui yilu yi dada mvula dji ludi gumi ye diya,mbi gu gadi ye luudu,mbi buni,loo yi ba yaba,Gashungu wu yabi.³Yi yabi mbi muudu wuna(mbi mu luudu lwandi,mbi mu yi gondi luudu loo yi yaba,Gahungu wu yabi). ⁴Ba mu dombushi gu yilu,ye gayigi mapandi ma fani gonda yagula shi muudu. ⁵Mu mapandi ma muudu bu yi ba dishigisa.Yi dishigisegu mu mapandi maami,yagula mbi mu bumolu bwami.⁶Mbi bu yi zodi gu dishigisa,loo yi gala zoba:mudiambu yi yagula masonga.Haa loo yi zodi gu dishigisa mu pila mbi muudu ga yindulegu mi ga ba dala ye mi ga ba yuga gwedi mi.⁷ Loo yi zodi gu dishigisa mu mapandi ma ga ndeshi.Diadina,loo yi landi gala ye ndjiatshi,mudiambu ba peegi tunga mu luudu,mu twumwa wu gadiapemba mu gu ngiangisa,mu pila mbi yi gonda gala lu lendu.⁸Mbala djidadu yi wodidi fwumu mu mapandi mana,mu pila mbi ga gaduga gwedi mi. ⁹Haa bu ga ndedi mbi:"Lusagumunu lwami lwedi gwedi ndi,mudiambu ngolu djiami dji monigaga mu dangu di wu gondi gi gesa.''Diadina yi dishigisaga pimbu-pimbu mu mapandi maami ma mbii,mu pila mbi ngolu dji Kidishidu dji gala gwedi mi. ¹⁰ Yedi mu gieshi,mu masumu maami,mu maduga,mu bidumba,mu gu meegana,ye mukenda,mudiambu ye Kidishidu;mudiambu mbi loo yeedi ye ngolu,yagula mbi yana yedi ye ngolu.¹¹Yana yi yagudi nga zoba!Binu lu pushi mu gu yagula buna,mudiambu binu lu kandi nwanisa mi shi yedi muudu mudigi-digii ba tumwa ba binu ba lushigisa loo ba ndudi mu gima. ¹² Yi gangi mbundu,mu gi salu gina gi yi hangi gwedi binu.mu bipelegeshi ye bi dimbu bi yi ledi Eva bi pelegeshi bina bi leshi mbi yedi mutumwa. ¹³Mudiambu,mu kii mapandi lu gondi fwunu yi gondi mu mabundu meega,lu dinga ndolula mudiambu loo yi lu dingi shi gima?Lu zambudila mu mbi yina.¹⁴Dalani,yedi pena-pena mu gwitsa gwedi binu mu mbala yidadu.Loo yi lu dinga shi gima,mudiambu loo lu dadi nga bima bina gwedi binu,binu beeni.Mudiambu,loo mbi baana ba swegaga mbongu dji dagaga badada dji baa;haa ba dada ba swegaga mbongu dji gu sashila baana. ¹⁵ Haa,mu muzunga wuu,lu fani yaba mbi lu yi zodi gu lu hega bu googu bwami,haa,fani gu di hana mi beeni mudiambu ye miooni mi binu.Mbi binu yi luzolaga ngolu,binu baa bu lu zola baa mi?¹⁶Haa,mu muzunga wuu,lu fani yaba mbi,loo yi zodi gu lu hega bu googu bwami,haa,mudiambu baadu beega ba yagudi mbi yedi ye mapandi mambi,yi yitshi mu gu luhuna. ¹⁷ Mu baadu bana ba yi dumishi,Gwedi ye muudu wu dii bima bi binu? ¹⁸ Yi wondidi Tito mu gwitsa gwedi binu,yi lu dumishi pangi wu binu wu lu yabi pimbu.Lu bayagula mbi,Tito ga dii bima bi binu mu bupala?Loo du sadi gifaa gi moshi ye Tito?Loo du ndjila yi moshi ye ndi?¹⁹Lu dadi mbi yandiga muzunga wuna du gadi mu gu du bingisa gwedi binu?Gu twala yi Gahungu,nga bu zodi Kidishidudu ba gu lu lela mapandi mana mootsu mudiambu ye gu lu shamisa.²⁰Booma bwami bwedi mbi,gilumbu gi yi gwitsa guna,yi konda gwitsa gu lu wana mu mapandi ma yi gondaga zola.Yedi mu booma gwedi binu lu gonda gwitsa wana mapandi mana ma lu kondaga zola.Booma bwami bwedi mu gwitsa wana midendagani mi buhala,kabu dji lu dagani,ma nzala ma gu gonda gaba,mu gu yagula bima bina bi gondi fwunu,bu lulendu,ye bi saga-saga.²¹ Yedi mu booma mu gwitsa vuduga gwami,Gahungu wu pidu ga dadisa tsooni gu misu ma binu.Bu yi dila mudiambu baadu ba vula ba hangi masumu ye tunda,haa tii lelu di loo yandu ba yambudi,gindumbu gi baa mbi loo mapandi meega mambi ma baa hangaga.

Chapter 13

¹Mbala yi dadu mi mugwitsa gwedi binu.Mapandi mootsu ma ba fundi mu gu magesa lu fani bonga baadu boodi mbi loo badadu mu gu gala nga ba mbangi.² Yi yagudi tunda gwedi bana ba hangi masumu ye gwedi beega,mu dangu di yi gadi mu mbala yi djioodi,ye yi ba yagula keega.Muda di yi gwitsa vuduga keega loo yi ba geba mu mapandi mana.³Mbi bi yi yagudi buna mudiambu lu ba dinga gi dimbu mbi Kidishidu wu ba yagula gwedi mi.Loo ga gondi ngolu gwedi binu.Haa,geedi ngolu gwedi binu. ⁴Mudiambu ba mu goomi mudiambu ye bumoolu bwandi,geedi ye mooni mu ngolu dji Gahungu,mu kadi ga binu.⁵Di yufulani binu beeni mbi lwedi mu kadi ga lugwigilu.Di dungululani binu beeni.Loo yi gumbudi mbi Yesu Kidishidu geedi mu kadi ga binu?Weedi,haa binu loo lugala ye lu gumu. ⁶ Ye yi ba gwigilaga mbi loo yedi mu mafwaa.⁷Dangu di,du sambani ye Gahungu loo lu hanga kega masumu.Loo yi zodi mbi du meega teega.Haa,yi ba dinga mbi du hanga bima biedi bi pimbu,shi buna bu ba fani gonda du meega teegu. ⁸Mudiambu loo du fani hanga gima gi gondi masonga,haa du hangani masonga.⁹Mudiambu galaga mu gieshi mbi dwedi ba moolu,mudiambu lwedi ngolu.Du sambani keega mudiambu ye yilamana gu pidu ye baa.¹⁰ Lu sonigi mudiambu yedi gu leeya ye binu,mu pila mbi dangu di du gwitsa guna gwedi binu,yi gonda lu dindamana mu gu luhangisa mu gi fwumu(gi pegi Gahungu mu gu luyidiga,loo mbi mu gu lubeebisa).¹¹Gu tsuga,ba pangi,galani mu gieshi,salani mu gu dala madia,salani ye gi gesa,djingagani pimbu mu kadi ga binu,djingagani mu gieshi ye Gahungu wu luzolu ye ngemba dji gala ye binu. ¹²Hana ganani mbodi mu gieshi ye masonga.¹³Beeni masonga bootsu baludmishi mbodi.¹⁴ Yambula mbi kenda dji fwumu Yesu Kidishidu,luzolu lu Gahungu mu gi ye muhunga wu gedila,lu gala ye binu bootsu.

Galatians

Chapter 1

¹Polu tumwa{loo gedi mudiambu ye baadu mbi loo gu ngoyi muudu,haa gu ngoyi Yesu kidishidu ye Gahungu wedi dada,wu mufudumuni mu lufwaa}. ² Ye ba pangi bootsu bedi ye mi,mu manzu ma bisambu ma galati.³Haa lu zolu ye ngemba lugala ye binu ye gwediGahungu wedi dada ye fwumu Yesu kidishidu, ⁴Wu dihani ndi beeni mudiambu ye masumu ma pidu,gu ngoyi mu gudugadula mu gi yega gi mbii gina giedi gi hwaa gwendila ye luzolu lu Gahungu wu pidu ye dada. ⁵ Gwedi ndi mbi loo gi yega gi mvula ye mvula.⁶Gahungu ga lusodi mudiambu Kidishidu ga ludalaga mu disu di pimbu,haa yi ba yiduga mbi binu lu ba muyambula tswalu lu ba landa tsangu djiega dji pimbu. ⁷ Loo gwedi ye twsangu djiega dji pimbu,haa yi ba yagula buna mudiambu gwedi ye baadu beega ba baluneda gi saga-saga.Ba zolaga gu soba tsangu dji pimbu yi Kidishidu.⁸Haa,mbi muudu shi pidu beeni mbi loo ba wanjio ba yilu ba lu ledi tsangu djiega dji pimbu djina djiedi lu swa-swanu ye djina dji du lu yabishi,Gahungu gashinza muudu wuna. ⁹Bu yi yagudi mapandi maa teegu,bwoona yi ba maa yagula kega dangu di mbi:"mbi muudu wu lu yabishi tsangu djiega dji pimbu djina djiedi lu swa-swanu ye djina dji lu gumbudi teegu,Gahungu bu ga shinza muudu wuna.'' ¹⁰ Gwedi bwoona gu ba lela mbi yi ba dinga mbi baadu ba kumbula?Loo!Haa yi ba dinga mbi Gahungu ga kumbula?Yi mbi baadu ba dala gieshi mudiambu ye mi,loo yi gonda hangila Kidishidu.¹¹Ba pangi yi ba luyabisa mbi tsangu dji pimbu djina dji lu yabashi,loo djiedi dji baadu.¹² Mudiambu loo yi dji seendi gwedi baadu,shi muudu wu moshi kega loo gandongi.Haa ndi beeni Yesu Kidishidu wu ndeshi.¹³Bu lu yugi kii pila bifwuu biami bi gadi:yi gadi muni landa mapandi mootsu ba yudashi,bu yi dadishi baadu ba di bundu ba Gahungu pashi dji vula,yi dinga kega pila yi gu zuwa dibundu.¹⁴ Mu kadi gaba yudashi bana ba gadi ma mvula gi geledi ye mi,yi baludi mu gu landa mapandi ma pidu ma gi yudashi,mudiambu yi gadi muni landa ngolu tshigu dji ba kaga dji pidu.¹⁵Haa Gahungu ga tsoodi mudiambu gatadi mu disu di pimbu yandiga di yi gadi mu nzumu di ngudi wami. ¹⁶Bwoona dangu di ga sendi ma banza ma gulela mi mwaana wandi,mudiambu yi yabisa tsangu dji pimbu mudiambu ye mwaana wuna mu kadi ga mi pani,loo yendi dinga ndungi gwedi baadu. ¹⁷Loo yendi kega gu bula di Yelusalemi mu gu dala baadu bana ba gumi ba tumwaa gu twala yami.Haa bu yi yendi tswalu mu manu ma Alabi,bwoona gu ngoyi yi vudugi gu bula di Damashi.¹⁸Haa gu ngoyi ma mvula madadu,yi dombugi gu Yelusalemi mu gu yaba Sefashi,bwoona yi sadi bi lumbu guumi ye djidanu gwedi ndi. ¹⁹Loo yi dadi shi tumwa wu moshi,kaga Yagobu buna,mu gegi wu fwumu Yesu.²⁰ Mapandi maa ma yi lusonigidi, medi ma kiediga.²¹Bwoona bu yi yendi manu ma Shidiya ye Sidisha. ²²Haa mu dangu dina,baadu ba dimbu ba Kidishidu mu manu ma yudeya loo ba nzabagi. ²³ Haa bu ba yugagi shela mapandi mana ma baadu beegaba yagulagi,mbi:"muudu wuna bu ga dudadisagi teegu pashi,dangu di gedi mu gu hana malongi mudiambu ye lugwigilu luna lu ga dinga pila yi gu zuwa!" B²⁴woona ba gadi muni hega Gahungu lugumu mudiambu ye mi.

Chapter 2

¹Gu ngoyi mamvula guumi ye djiya,bu yi vudugi gu bula di Yelusalemi ye badinabashi.Bu twendi kega ye Tiito.² Bu yi yendi guna mudiambu Gahungu bu ga tumi.Dangu di du wanagani pidu beeni ye ba mbuda ba di bundu,bu yi badendudidi tsangu dji pimbu djina dji kondaga yabisa baadu bana beedi ba Yudashi.Loo yi zola mbi gi salu giami gi tunda mbi loo gi dangudi gi fwaa pamba.³Shi Tito loo ga gedi muyuda dangu di gendi ye mi gu Yelusalemi,loo ba mu ledi mbi ba fani gu mu hanga mukanda.⁴ Haa baadu beega ba duhagi mbi beedi bapangi ba pidu;bi tshi goda mugi mvuga ye pidu mudiambu mu gu hanga Tito mukanda.Bu bagodi mu ndungi mudiambu mu gu dala di panda dina di twedi dia mu gi mvuga gi pidu ye Yesu Kidishidu ba zola gu dugumisa bahiga ba tshigu.⁵ Loo gu mbudi ma baza ma baa mana shi gandambu,mu pila mbi mapandi ma kiediga matsangu dji pimbu masala kaga mu kadi ga binu.⁶Haa baadu bana ba monigagi nga beedi ba mbuda ba dibundu loo yi ba fwunu di gu yaba mbi kii pila ba gadi,mudiambu Gahungu ga sendaga baadu bootsu gi desu gi moshi.Bwoona yi ba yagula mbi ba mbuda bana loo ba ndjigi shi tshigu dji moshi dji mpaa. ⁷ Haa ba dadi mbi Gahungu bu ga pegi gi yega gi gu yabisa tsangu dji pimbu gwedi baadu bana ba kondi bayudashi,mu pila ndi ga hegi Pedelu gi yega gi guyabisa gwedi baadu.⁸ Gahungu loo ga ntshi tumwa wu baadu bana beedi ba Yudashi,nga bu gashi kega piela tumwa wu ba yudashi.⁹Yagobu,pedelu,ye Yowani bana ba moniga nga mbi beedi ma gunda ma dibundu,bu ba gumbudi mbi Gahungu wu pegi gi yega gi bwoona bu ba dugumbudi ye Badinabashi mu gi mvuga ye baa pidu bootsu bu duwagani mbi,pidu ye badinabashi du fani gwenda mu gu yabisa tsangu dji pimbu mu kadi ga baadu bana ba gondi ba yuuda,haa baa mu kadi ga ba yuuda. ¹⁰ Bu ba du ledi kaga mbi:"lu fani yindula ba tsugami beedi yaa mu dibundu di yelusalemi."Bwoona yi shi ngolu mu gu hanga buna.¹¹Dangu Sefashi ga guumi gu di Antioshi,yi nganini gu misu ma baadu beega,mudiambu ga hangi mbii. ¹² Yagobu ga dumi baadu beega gu Antioshi.Dangu di ba kondi guma teegu,pedelu ga diagi gi hani gi moshi ye bana ba kondi bayuuda.Haa dangu baadu bana ba Yagobu ba ga dumi bi tshi guma,pedelu bu ga gadugi,loo ga zola kega gu dia ye baa mudiambu ga dinagi booma gwedi baadu bana ba zola gu hanga ba Kidishidu bana ba kondi ba yuuda mukanda.¹³Ba Kidishidu beega bana beedi kega ba bayuuda ba landagi Sefashi mu mapandi ma bu pala.Shi badinabashi kega ba mu nedi mu mapandi mana. ¹⁴ Dangu di yi dadi mbii mapandi mana ma ba hangagi medi luswasanu ye mapandi ma kiediga mana ma tsangu dji pimbu ma ga longaga,yi ledi Sefashi gu misu ma baadu bootsu mbi:"ndji wedi muyuda,haa loo wu balanda matshigu ma pidu ba yuuda,ndji loo wu ba ndjinga nga muudu wuna wedi muyuuda?''¹⁵Pidu dwediba yuuda yandiga di dubudugi haa loo twedi mipani,bana ba du lendigaga''baadu ba masumu'' ¹⁶Haa du yabi Gahungu loo ga gumbulaga muudu mbii mudiambu muudu wuna ga landaga matshigu,bwoona mudiambu muudu wuna ga sagaga mbundu gwedi Yesu Kidishidu pidu kega,du shi mbundu gwedi Yesu Kishidu,mudiambu Gahungu ga du gumbula.Mudiambu Gahungu ga konda du gumbula mbii du landaga matshigu.¹⁷Bwoona dangu du ba dinga mbii Gahungu ga du mbula mulusadisu lu Kidishidu,du ba dala mbii twedi baadu ba masumu nga baadu bana ba kondi ba yuuda,mapandi mana ma balesa mbi Kidishidu ga nedaga baadu mu gu hanga masumu?loo! ¹⁸Mbi bu yi yandigi gundanga kega mina mi yi zuwi,gu ba lela mbi mi beeni loo ndandaga tshigu. ¹⁹ Mu mapandi mana ma dadidi matshigu,ma beeni ma nzuwi mudiambu nga djinga mudiambu ye Gahungu.²⁰B a nzuwi ye londi di kulundji gihani gi moshi ye Yesu Kidishidu.Loo mbi mi yi ba djinga haa Kidishidu wu ba djinga mu mbundu yami,lu djingu luu lu yi badjinga,lwedi mudiambu yi sagaga mbundu gwedi mwaana Gahungu wuna wu nzodi,wu fwii mudiambu ye mii. ²¹Loo yi fani duna mbi Gahungu ga du dalaga mudisu di pimbu,pamba loo mbi Gahungu muudu mudiambu ye matshigu,gu ba lesa mbi Kidishidu bu ga fwii gwandi mu pamba.

Chapter 3

¹Binu beeni bula Galati,lwedi ba zoba!naa wu wululogi?Ga bu lu dadi mu misu ma binu beeni pila yi fwii Yesu Kidishidu ye londi di kulundji! ² Yi ba zola lu yufula pandi yi moshi buna:mbi bu lu sendi muhunga wu gedila mudiambu lu landi matshigu mbi loo mudiambu lu yugi tsangu dji pimbu ye gu dji gumbula? ³ Lwedi shela biyungu?Mu lu yandigu lu gadi ye muhunga wu gedila dangu di lu tsugi mu gi muudu?⁴Ma pandi mavula ma ludadi,lu madadi ma pamba?Mu kiediga loo ma gadi ma pamba. ⁵ Bwoona mbi Gahungu ga lu hegi muhunga wandi,mbi ga hangaga mapandi ma gu yiduga mu kadi ga binu haa ga hangaga buna mudiambu lu landaga matshigu mbi loo mudiambu lu yugaga tsangu dji pimbu ye gu digumbula?⁶Mapandi mana meedi kaga pila yi muganda wu Gahungu wu yagulaga mudiambu ye Abalahamu,mbi:"ga shi mbundu gwedi Gahungu,bwoona bu ga mugumbudi.'' ⁷ Lu fani yaba mbi:baadu bana beedi ye lu gwigilu ba baana buna beedi baadu ba kiediga ba gi ganda gi Abalahamu. ⁸ Muganda wu Gahungu wu yagudi tunda mbi baadu baana ba kondi ba yuuda,Gahungu bu ga ba gumbula mudiambu ye lu gwigilu lu baa.Bwoona muganda wu Gahungu wu yabishi gu misu tsangu dji,dji pimbu dji Abalahamu,mbi:"mudiambu ye ndji Gahungu ga sagumuna maganda mootsu ma baadu beedi yaa ye londi di manu.''⁹ Bwoona Gahungu ga sagumuna baadu bana bootsu ba mu sagaga mbundu,pila yi gasagumuni Abalahamu.¹⁰Haa baadu baana bootsu ba sagaga mbundu mbi Gahungu ga ba gumbula mudiambu ba landaga matshigu Gahungu wu ba shindji.Mudiambu mu ganda wu Gahungu wu ba yagula mbi:"gosu muudu wu kondaga landa dangu djiootsu mapandi mootsu ma ba sonigi mu miganda mi matshigu,Gahungu wu mushindji.'' ¹¹Du fani yaba pimbu mbi Gahungu loo ga gumbulaga shi muudu mudiambu ga landaga matshigu,muganda wu Gahungu wu ba yagula kega mbi:"muudu wuna wu gumbuudi Gahungu mudiambu wu mushi mbundu yandi,muudu wuna ga gala ye mooni." ¹²Gu landa matshigu loo gwedi pila yi moshi ye gu saa Gahungu mbundu,mudiambu mu ganda wu Gahungu wu ba yagula kega mbi:"muudu wuna wu hangaga mapandi mootsu ma yagulaga matsigu,ga gala ye mooni.¹³Dangu matshigu di mashindji Kidishidu mudiambu ye pidu,ga dugadudi mugihiga gina gi dushingi matshigu.Mudiambu mu ganda wu Gahungu wu bayugula mbi:"gosu muudu wuna wu ba basaa ye londi di kulundji mudiambu ga fwaa,Gahungu wu mushindji." ¹⁴ Yesu Kidishidu ga hangi pila ya yina mupila mbi,mu lusadisu lwandi,baadu bana ba kondi ba yuuda,ba senda lu sagumunu luna lu shiidi Gahungu gwedi Abalahamu.Bwoona,muhunga wuna wu dushidi Gahungu,bu gaduhega mudiambu du sagaga mbundu gwedi Yesu.¹⁵Ba pangi,yi bazola lu lela mbandu yi moshi mu ludjingu lu baadu:mbi muudu wu shidi gu misu ma baadu beega,shi muudu wu moshi loo ga fani di zuwa mbi loo gu yiga mapandi meega ye londi di miaa. ¹⁶ Bwoona Gahungu bu ga shidi gwedi Abalahamu ye gwedi muudu wu moshi wu gi ganda gi Abalahamu wuna wu sadi buduga gungoyi yandi.Muganda wu Gahungu wu ba yagula mbi:"gwedi baadu gi ganda giandi nga mbi bagadi bavula,'' haa di ba yagula mbi:"gwedi muudu wu moshi wu gi ganda giagu,''di songidila mbi muudu wu moshi wuu Kidishidu.¹⁷Yi ba zola yagula mbi:Gahungu buga shidi bwoona matshigu mana magahani gu ngoyi mamvula makama maya ye magu madadu[430]lu shilu lu shi Gahungu loo lu fani fwaa. ¹⁸ Haa mbi ma pimbu mana ma hanaga Gahungu,gahanaga mudiambu ye matshigu,bwoona gu balesa mbi loo gahanaga mudiambu ye lu shilu luna lu gashi gwedi Abalahamu,bwoona ga muhegi mapimbu.¹⁹Mudiambu di kii Gahungu gahani kega matshigu?Ga mahani mudiambu ma needa baadu mu guhanga ma sumu,tii gwoonaa muudu wu gikanda wu Abalahamu wu sala buduga gu ngoyi yandi,ga gwitsa,muudu wuna ga senda mapandi manaa ma shidi Gahungu ba wandjio ba needi matshi manaa gwedi muudu wu moshi wu gadi ye Gahungu mu kadi ga baadu. ²⁰ Haa mbi muudu wu moshi buna weedi,fwunu loo mu gugala ye muudu weega mu kadi-kadi,mudiambu Gahungu geedi ndi beeni.²¹Haa gu ba lela mbi matshigu meedi pila yeega ye ma lushilu ma Gahungu?loo!Mbi Gahungu gahani matshigu mana ma fani hega baadu mooni ga kada ba gumbula mudiambu ye matshi manaa. ²² Haa mu ganda wu Gahungu wu yagulaga mbi masumu ma yalaga baadu bootsu,mudiambu baadu bana beedi ye lu gwigilu ba senda ma gabu manaa ma ba shidi Gahungu,ma gahegaga baadu bana ba sagaga mbundu gwedi Yesu Kidishidu.²³Dangu di kondi gwitsa teegu lugwigilu,matshigu ma dugamagi ngaa beeni dangumbada tii gwitshi moniga lugwigilu luna.²⁴ Bwoona matshigu ma gadi nga ndetshi mudiambu ye gudugeba tii gwoona di gumi Kidishidu,mu pila mbi gahungu ga dugumbula mudiambu ye lugwigilu lu pidu.²⁵ Dangu di,loo dwedi kega gu mioogu mi ndeetshi mudiambu dangu di lu gwigilu di lungi.²⁶ Pidu bootsu dweedi baana ba Gahungu mu gi mvuga ye Yesu Kidishidu,mudiambu ye lu gwigilu lu binu.²⁷Mudiambu lu sendi mbodiga mu gimvuga ye Kidishidu,lu vadi Kidishidu nga muledi. ²⁸Di swasanu loo diedi mu kadi ga ba yuuda ye baadu bana ba kondi ba yuuda,mu kadi gahiga ye baadu bana ba kondi bahiga,mu kadi ga ba bagala ye bakedu:binu bootsu lwedi nga muudu wu moshi,mudiambu lwedi mu gi mvuga Yesu Kidishidu.²⁹ Mbi lwedi baadu ba Kidishidu,lwedi baadu ba gi ganda giandi Abalahamu,bwoona binu lu saala senda mapimbu mana mashidi Gahungu gwedi ndi.

Chapter 4

¹Mapandi mana ma ba lela mbi mwaana wuna ga senda bima bi Dada wandi,dangu di gedi kaga mwaana diswasanu loo diedi shi ga digi-digii mu kadi ga ndi ye muhiga,shi mwaana weeni gedi mweni bima.² Haa galandaga tshigu dji bibudi ye fwumu wu bima tii mu dangu dina dishi dada wandi.³Pidu kega,dangu di dugadi baana,dugadi ba higa ba mihunga mina mi yalaga baadu ba gifudi gi. ⁴Haa dangu gilumbu gina gi shi Gahungu di dilungi,ga dumi mwaana wandi,wuna wu budugi gwedi mukedu,wuna wu budugi mu matshigu yi ba yuuda. ⁵ Gahungu ga mu dumi mudiambu mu gwitsa gadula baadu bana ba gadi mu luyalu lu matshigu,mu pila duguma baana bandi.⁶Gahungu ga dumishi muhunga wu mwaana wandi,mu kadi ga mbundu dji pidu,muhunga wuna ga yagulaga mbi:''dada,''mudiambu mu gulela mbi lwedi baana bandi. ⁷ Bwoona,loo wedi kega muhiga haa wedi mwaana wu Gaghungu.bwoona Gahungu ga guhega kega bima bina biootsu bi ga swegidi baana bandi.⁸Mu dangu teegu loo lugumbulaga Gahungu,lu hangilaga bana loo bagadi ba Gahungu. ⁹ Haa dangu di lu ba gumbula Gahungu,mbi loo yi fani yagula Gahungu ga balugumbula,kii pila lu fani vuduga kega mu mihunga mina mi luyalagi,mihunga mina loo miedi ye ngolu,loo miedi ye fwunu?mudiambu di kii lu zodi gu hangila mihunga mina kega?¹⁰Lu yandigi gu djidisa bilumbu biega,ba ngondi beega,ma dangu meega ye ma mvula meega. ¹¹ Yi ba dala booma mudiambu ye binu!haa gi salugina giootsu gi hangi mudiambu ye binu, yi hangi mupamba?¹²Ba pangi,yi ba lu woondila mbi lu landa pila yi pangaga,mudiambu mi kega bu yi landi pila yi lu hangagi.Loo lu pangi shi mbi yi moshi. ¹³Ya ba gani mbi,dangu di lu yabishi tsangu dji pimbu mbala yi teegu yi gadi mukashi. ¹⁴ Lu dadi pashi dji vula mudiambu ye gikashi giami.Haa loo lu tadi gi fuu,binu kega loo lu tuni,haa bu lu nzambi nga ba wandjio ba Gahungu,nga ndi beeni Yesu Kidishidu!¹⁵Shi lu gadi gieshi gingi!haa buni dangi di?Yi fani yagula mapandi maa mudiambu ye binu,mbi:mupila yi lu gadi mu gu gadula misu ma binu,lu kada ma gadula mu gupega.¹⁶Haa yi gumi mbeeni wu binu dangu di,mudiambu yi ba lu lela pandi yi kiediga?¹⁷Baadu bana beega ba zola gu lu benda mu mabanza ma baa mambi.Ba bazola lu gabula ye mi,mudiambu lu balanda.¹⁸ Gwedi pimbu lu di hana mu gu hanga mapandi ma pimbu;loo kaga mu dangu di yedi pena-pena ye binu,haa hangani kega dangu diootsu.¹⁹Baana ban,yi ba dala pashi dji vula mudiambu ye binu;pashi djiedi nga pashi dji dalaga mukedu dangu di ga ba zola buda;pashi djina dji waa kaga mbi lu fanagani ye Kidisbhidu.²⁰ Mbi yi galaga gihani ye binu tii dangu di,gu kada gala pimbu;bwoona yi kada gu lu lela pila yega,mudiambu yi dalaga pashi gu mbundu mudiambu ye binu.²¹Binu baadu bana lu zolaga gu gala gu ma shina matshigu lu ndela:haa loo lu gaga mapandi mana ma yagulaga mi ganda mitshigu? ²² Mudiambu ba sonigi mu miganda mina mitshigu mbi:Abalahamu ga gadi ye baana boodi ba bagala;mwaana wu moshi ngudi wandi ga gadi muhiga haa mwaana weega ngudi wandi loo ga gadi muhiga. ²³ Mwaana wuna wu budugi gwedi mukedu wuna wu gadi wu muhiga ga budugi mu gi muudu,haa mwaana wuna wu budugi gwedi mukedu wuna wu gondi muhiga,ga budugi mudiambu ye lushilu lu Gahungu.²⁴Mapandi mana meedi nga mbandu.Ba kedu bana boodi ba balesa kega gu ngwagana yi pila djioodi.Pila yega yi gu wagana{gu balesa mbi Agare}gwedi gu wagana wu ba wagani mu mundonda wu Sinayi.Gu wagana guna gu budaga baana ba bahiga. ²⁵ Agare:gu balesa mundonda wu Sinayi wuna weedi mu gifudi gi Alabia.Gedi nga bula di yelusalemi di dangu di,mudiambu bula dina ye baadu bootsu ba djingaga guna beedi mugihiga.²⁶Haa Yelusalemi di yilu loo diedi mugihiga,diedi nga ngudi wu pid.²⁷ Mudiambu ba sonigi mu munganda wu Gahungu mbi:''ndji mukedu wuna wu gondaga buda,gala mugieshi!Ndji mukedu wuna wu kondi teegu misongu yagula mundaga yi ngolu mugieshi giootsu!Mudiambu mukedu wuna wu yambudi mulumi wandi ga gala ye baana ba vula,wu gu luda mukedu wuna weedi ye mulumi''.²⁸Ba pangi,lwedi baana bana ba budugi mu lushilu lu Gahungu,nga bu budugi Yizagi.²⁹ Mu dangu di teegu,mwaana wuna ga budugi mu gi muudu gu balesa mwaana wuna ga budugi mu muhunga wu pashi.Bwoona mapandi mana meedi kaga pila ya yina mu dangu di.³⁰Haa muganda wu Gahungu ga bagula kii?Gu ba yagula mbi:''tsagada mukedu wuna weedi muhiga,ye mwaana wandi;mudiambu mwaana wu mukedu wuna wu ga konda senda bima bi dada wandi,haa mwaana wuna buna wu mukedu wuna wu gondi muhiga wu senda bima bi dada wandi.'' ³¹ Bwoona,ba pangi ngudi wu pidu loo geedi wuna weedi muhiga,haa ndona wu kondi muhiga.

Chapter 5

¹Kidishidu wu dugadudi mu gihiga,bwoona loo dwedi kega bahiga.Haa galani ye gesa nga baadu bana ba kondi bahiga,loo gu gumbulani kega mu gu gala bahiga.² Mi polu yi ba lu lela mbi:mbi bu lu gumbudi ba lu geshila,mapandi mana ma balesa mbi loo lu bala Kidishidu mu fwunu.³Kosu muudu wuna wu bagumbula mbi:ba mugeshila,yi ba mu lela kega mbi ga fani landa kaga matshigu mootsu. ⁴ Binu baadu bana lu ba dinga mbi Gahungu ga lugumbula mudiambu ye matshigu lu ga bulagani ye Kidishidu.Gahungu loo ga fani lu dala kega mudisu di pimbu.⁵Haa pidu,du mbundu mbi Gahungu bu ga dugumbula.Mana meedi mapandi ma dubagingila,mu lusadisu mu muhunga lu Gahungu muhunga wuna ga ba dusadisa mudiambu dwedi lu gwigilu. ⁶Mudiambu,mbi dweedi mu gimvuga Yesu Kidishidu,fwunu yedi mbi ba dugeshila mbi loo ba konda du geshila,haa gima giedi fwunu,giagi:lu gwigilu.Muudu wuna wedi ye lu gwigilu ga hangaga mapandi mootsu mu gu zola gu mbundu. ⁷Shi luhanga ma pimbu!Naa wu lu gangi shila mu gu hanga kega mapandi ma kiediga? ⁸Manza mana loo magadugi gwedi Gahungu,wuna wu dusodi.⁹Ba bayagula mbi:''kandambu mwemu wu mapaa ga djimbisaga di paa di muwundu''. ¹⁰ Mudiambu mu gi mvuga gina gi dwedi ye Fwumu Yesu,yi shi mbundu mudiambu ye binu mbi loo lugala ye mabanza meega.Haa muudu wuna wu ba lubwisa gisagasaga,shi naa gedi,Gahungu ga muhega ndola.¹¹Ba pangi mbi yi balunga kega mbi ba fani hanga baadu mukanda,mudiambu ye kii ba batadisa kega pashi?Mbi gu gadi bwoona,malongi maami mudiambu ye lufwaa lu Kidishidu ye londi di kulundji loo lu kandi hana pashi gwedi baadu gu mbundu. ¹² Baadu bana ba balugumisa gisagasaga,ba giduga ba tongu!¹³Ba pangi,Gahungu loo ga lu soodi mu gu gala bahiga.Haa mbi loo lwedi ba higa,loo gu ba lesa mbi nzala yi binu yi ludu yi fani gu luyala.Haa sadisaganani mumbundu yi gu zolagana. ¹⁴ Mudiambu matshigu mootsu ma dugaga mu tshigu yi moshi:"zola pangi woogu nga ndji beeni.'' ¹⁵Haa,mbi lu bahangagana mbi,mbi lu ba nwaana binu ye binu nga ba mbitshi ba mushidu,lu geba,mbi loo lu zuwa gi mvuga gi binu.¹⁶Bwoona yi ba lu lela mbi:pimbu mu hunga wu Gahungu ga luyala mu lu djingu lu binu,haa loo gu landani lu zolu lu gi muudu. ¹⁷ Mudiambu lu zolu lu gi muudu ye lu zolu lu Gahungu loo lu waganaga shi ga digi-digii.Bwoona,loo lu fani hanga mapandi mana ma lu zolaga hanga¹⁸. Mbi muhunga wu Gahungu ga lu yaga ma tshigu loo ma fani gu luyala.¹⁹Baadu bootsu ba dalaga mapandi maa ma bahangaga mu gi muudu:gindumbu,mapandi matsoni,mapandi ma podu-podu,²⁰ Gu sambila duhungu du bidegi,gu hangila bu lotshi.Ba gumaga ba mbeeni mu kadi ga baa,ba nwaanaga baa ye baa,ba galaga ye musogi,ba yu gaga kabu,ba sagaga teembi.Ba gabulaganaga,ba dunaganaga baa ye baa;²¹ Ba sagaga misu mu bima bi kani,ba nwaagaga ngolu,beendaga mu fedi mana ma ba hangaga mapandi ma bi sagaga,ba hangaga mapandi meega mambi.Dandu di,yi ba lu lesa gu misu pila yi luyabishi teegu,mbi baadu bana ba hangaga mapandi ma pila yina,loo ba gala kega baadu gi Gahungu.²²Haa mapandi ma hangaga baadu mu ngolu di muhunga wu gedila,meedi maama:gu zolagana,ba galaga mu gieshi ye ngemba,ba gangaga mbundu,ba hangaga ma pimbu gwedi baadu beega,ba galaga baadu ba bafani saa mbundu,²³ Ba galaga mu mbundu yi pwedee,ba di yalaga.Mapandi mana mootsu matshigu loo ma madunaga. ²⁴ Baadu bana beedi baadu ba Yesdu Kidishidu,ba zuwii gi muudu gi baa,ye manzala ma pila ye pila mana ma galaga maa.²⁵Muhunga wu Gahungu wu duhegi mooni,bwoona kega muhunga wuna wu fani du yala.²⁶ Loo du fani gala ye lu lendu,loo fani dinga mapandi mu kadi ga pidu,loo du fani saa misu mu bima bi kani.

Chapter 6

¹Ba pangi,mbi bu bagami muudu wu bahanga gosu pandi yina yi mbi,binu baadu bana lwedi ye muhunga wu Gahungu,mu vulani mu ndjila yi pimbu,mudugogi.Bwoona yi ba gu gulesa muudu wuna wu ba muvudula mu ndjila yi pimbu,mbi geba,mudiambu gadiabemba loo ga fani gu gumeega ndji beeni kega pila yi moshi.² Sendaganani bugogu binu ye binu bwoona nga lu landa tshigu dji Kidishidu.³Mbi muudu bu gayindudi mbi gedi muudu wu fwunu,gitshi gedi muudu wu pamba,ga di hunaga. ⁴ Gosu muudu ga dala pimbu-pimbu bi kalulu biandi.Bwoona,mbi bu gadadi mbi wu fani gudigumisa mbi bi kalulu biandi biedi bi pimbu mi mudadi haa loo mbi baadu beega. ⁵ Mudiambu gosu muudu ga fani di sendila bugogu.⁶Muudu wuna wu balonguga mapandi ma Gahungu,ga fani gabila longi wandi ndambu bima mu kadi ga bima biandi biootsu. ⁷ Loo gu dihunani mudiambu loo ba seyaga Gahungu.Muudu ga gadulaga ndumba diana di ga gunii. ⁸Mudiambu muudu wuna wu gunaga ndumba dji gi muudu ga gadula ndumba dji lu fwaa;haa muudu wuna wu gunaga ndumba dji muhunga,ga gadula kega dji muhunga,gi songidila mbi mooni wu mvula ye mvula.⁹Du lembwegu mu guhanga mapandi ma pimbu.Mudiambu,mbi du bahanga kega,du gadula ndumba mu dangu dji pimbu. ¹⁰ Bwoona,dangu diootsu di dubadala pila du hanga muudu wootsu ma pimbu,shi ba pangi ba pidu ba Kidishidu.¹¹Dalani pila yi ba lusdonigila mu bii bineeni,mu gogu wami. ¹²Baadu bana ba zolaga mbi baluhanga mukanda,ba zolaga gu lela gu misu ma baadu beega mbi beedi baadu ba pimbu.Ba hangaga bwoona kaga mudiambu loo ba zodi mbi baadu ba badadisa musdiambu ye kulundji di Kidishidu. ¹³ Mudiambu shi baadu bana ba gumbulaga mbi ba badaba mukanda mudiambu shi baadu bana ba gumbusaga mbi ba badaba mukanda loo ba landaga tshigu.Ba zolaga mbi ba ludaba,mudiambu ba dala pila yi gu senda lugumu mu gidimbu gina mu ludu lu binu.¹⁴Haa mi,yi konda senda lugumu mudiambu ye gima giega,haa mudiambu di kulundji di fwumu wu pidu Yesu Kidishidu.Mudiambu di kulundji wandi,gifudi gi fwii mudiambu ye mi,mi kega yi fwii mudiambu ye gifudi. ¹⁵ Fwunu yedi mbi ba dudaba mukanda mbi loo ba konda dudaba mukanda,haa gima gi fwunu giagi gosu ga giduga muudu wu mpaa. ¹⁶Baadu bana ba landa ndjila yi,ye yishiledi yi Gahungu,Gahungu ga bahega ba bootsu ngemba ye gu bayugila kenda.¹⁷Yandiga dangu di,muudu loo gu nzangisa kega;mudiambu ma puda maa yedi mu luudu ma ba lesa mbi yedi muhiga wu Yesu. ¹⁸Ba pangi,fwumu wu pidu Yesu Kidishidu ga ludala binu bootsu mudisu di pimbu.bwoobuna.

Philippians

Chapter 1

¹Polu ye Timode,basadi ba Yesu kidishidu,ba dishi mu gingenga gwedi Kidishidu Yesu bana ba gadi gu bula di Fidipi,gu gadi ba twadishi ba manzu ma bisambu ye; ² lugumu ye ngemba dji luhanamanina gwedi Gahungu dada wu pidu weedi Fwumu ye Yesu kidishidu.³Yi hanga lugumu gwedi Gahungu wami;mudiambu ye dangu diootsu di yi lu yibugaga. ⁴Mu dangu diootsu di yigalaga mu bisambu mumbada ye binu yi sambaga ye gieshi. ⁵Panaga lugumu mudiambu ye gi mvuga gi bisambu yandiga gilumbu gi teegu tii leelu. ⁶Yeedi gwigila mbi:gwedi ndi wu yandigi pandi yi pimbu bu ga gwenda kega mu gumanisa tii gu gwitsa Yesu kidishidu.⁷Gwedi gieshi mbi mi muna dalaga buna mu misu ma binu bootsu,mudiambu yi lu vwadi mu mbundu yami lu gadi binu bootsu bana ba pegaga mioogu mu lugumu ye mu pimbu mu dangumbada diami shi mu gu sambisama gwami ye mu gu tsaa misu mu bisambu. ⁸Mudiambu Gahungu geedi mbangi wami mu gu yabi yi lu zoodi binu bootsu gu vula gu vula mwedi Kidishidu Yesu.⁹ bwoona tsambaga mbi:gu zola gu binu gu yula gu vula gu vula mu gu yabana ye gu yaba.¹⁰ Mi tsambaga mbi lu gala ye gudiyaba ye gu soola mana ma gu luda gu vula.Tsambaga mu pila yina mbi lu gala ye masonga mana ma ba fani gonda gu lu dala mu masumu tii gu gwigitsa Kidishidu. ¹¹ Bwoona nga lu gala ba hwaa yula mu kuna dji masonga djiana dji dugaga gwedi Yesu kidishidu,gu kiembu ye gu lumisa Gahungu.¹²Mu dang diadi yi zoodi mbi,pangi,mapandi mana ma kumini mi ma needi gu vula bisambu gu misu. ¹³Nga lufudu,miyololu miami mudiambu ye Kidishidu mi yagulami mu gifudi ye mwedi baadu bootsu.¹⁴ Ye mu bwoona ba pangi ba vula bu badiyangigishi gu guluda mu giguma gi miyololu miami mu gu yagula mapandi gu gonda booma.¹⁵Ba vula,gwedi masonga ba hangaga mu gu leba ye mugimbeni.Haa bega ba gwigilaga Kidishidu ye gu zola gwootsu.¹⁶ Bana ba gumisaga Kidishidu ye luzolu lwootsu ba yabi mbi mi batshi mu dangumbada mu gima gi bisambu, ¹⁷ haa bega ba gumisaga Kidishidu mu gu museya ye mu gu lumisa gu gonda gu masonga.Baa bayindulagagi mbi baa batsa mu pandi mu gi guma gi miniololu miami.¹⁸Haa ma mana loo ma needaga mapimbu mu pila djiootsu,gu gala mu butsubi shi mu masonga Kidishidu wu sendi tunda lugumu.Ye mu biana galaga mu gieshi,eh ga,bu yi gala kaga mu gieshi.¹⁹ Bwoona yi yabaga mana ma gwenda tsuga mu gu gangulama gwami,ma gwitsa mu giguma gi bi tsambu bi binu ye mu tsadisa dji muhunga wu Yesu Kidishidu.²⁰Mu ndjimbu yi mbundu ye swidila loo yi senda tsooni.Mu bwoona,ye mu gigesa,nga mu luyandigu tii leelu gwigilagani mbi ga senda kaga lugumu mu luudu lwami,mu gi mooni mbi loo mu lufwaa. ²¹ Bwoona mudiambu ye mi,ludjingu gwedi Yesu,lufwaa gwedi mi lwedi lufudu.²²Haa mbi lu djingu gwedi mi mu musuni gu buda kuna dji gisalu giana loo yi yabi kii gu soola. ²³ Mu bwoona yeedi kadi kadi ga bima bioodi.Mu luzolu lwami yi zodi gu gaduga mu gifudi gii yenda yi gala ye Kidishidu,mana meedi gu leeya meedi ma pimbu. ²⁴Bwoona gu gala mu musuni gwedu fwunu ngolu mudiambu ye mapimbu maagu.²⁵Mu giana yeedi ye gu gwigila kega yi yabi mbi yi bula gala mu dangu diootsu ye binu.Mu gwenda gu binu gu misu ye gieshi mu gu gwigila gu binu. ²⁶ Bwoona lu lendu lu binu lu gumisa Kidishidu.Mu gi guma giana lu dombuga lwingi mudiambu di misu maami mu gu gala kega ye binu. ²⁷Lu fani mu ludjingu lu bisambu lu Kidishidu.Hangani bwoona mbi,shi bu yitshi gu lu dala mbi loo,haa mi muna yuga baadu muna yagula mbi lwedi ba hagangama mu ngindu dji moshi ndjindudi mbi yi fani yuga mbi lu hangaga mu gimvuga mu ngindu dji moshi mu lugwigilu lu bisambu.²⁸Loo gu yugani booma mu gosu mana hangani bwoobu gwedi ba mbeni ba binu,gwedi baa gwedi gi dimbu gi guzuwa.Haa mwedi binu,gwedi gidimbu gi lugumu gi ba gwitsa gwedi Gahungu. ²⁹Mumbada gi lu hangamani,mu giguma Kidishidu,loo mbi kaga mu gu gwigila gwedi ndi,haa mu gu dala kega pashi ye ndji. ³⁰Mudiambu binu kega lwedi ba hwaa mengama nga bu lu dadi gwedi mi,nga lu ba yuga yuga mu gu gala ye mi leelu.

Chapter 2Mi ba yindula mbi gwedi ye gigesa gi moshi gwedi mu Kidishidu.Yi ba yindula kega mbi

Chapter 3

¹Gu saadi,ba pangi bami du dambisaniFwumu.Loo yi lu yambula mu gu lusonigila mapandi mina. ²Djinani ba mbwaa.Djinani mihunga mi mbi.Djinani kega muganda wu mbi. ³Bwoona dwedi muganda.Gwedi pidu du ba gumisa muhunga wu Gahungu.Gwedi pigu du gumisani Kidishidu Yesu,ye loo du ba tsuga mu dihana gu musuni.⁴Mi kega loo yi fani gu dihan gu musuni.Mbi gwedi ye muudu wu dihanaga gu musuni,haa loo mbi mi. ⁵Ba pangi mukanda mu gilumbu ginaana gu Yishilela,gu giganda gi bendjiame,mbi gu mitshigu mibafadishi.⁶Yi gadugi mu nzu yi Gahungu ye pasho.Loo yi yugila mbi muudu ga ba ndela mudiambu di mitshigu. ⁷ Mapandi mana ma gadi matsooni gwedi yi ba dadishi nga du bwishi,mudiambu di Kidishidu.⁸Mu mbala yi,yi badala gima giootsu nga di mbwi,mudiambu di muudu wuu yabagani mbi Yesu kidishidu Fwumu.Mudiambu ye gi yi ba yagudila mu gima giootsu.Yi ba badala nga batshina gu tsuga yi gu nunga. ⁹Ye ba tadi gwedi ndi.Loo yi gu sambisa gwami,gu ba gwitsa gu mitshigu.Haa ye wuna wu dihana mu gu gwigila gwedi Kidishidu,gu sambisa gu ba gwitsa gwedi Gahungu gu mu lugwigilu. ¹⁰ Dangu di,yi fani yaba Kidishidu ,ye ngolu dji gilumbu gi tsuga,mu pila yiootsu. ¹¹Buna gu balombuga,mu gilumbu gitsuga mu gu gala mu kadi ga bafwaa.¹²Loo gwedi mbi yi bongi tunda bima bi baa,loo yandu yi gumi gu tsuga.Bwoona yi ba bonga tiina,yi meega mu gu ba gama,mudiambu mi kega Yesu kishidu bu ga kami. ¹³Ba pangi,loo yi ba zola mu gudala kega baadu ba bagami.Haa yi ba hanga gima gi moshi:bilani bina biedi gu ngoyi,vadani bi biedi gu misu maami, ¹⁴yi ba bonga tiinu ye gi guma,mudiambu yi gu needa talu gi gulendiga gu Gahungu gwedi Yesu kidishidu.¹⁵Bwoona,pidu bootsu dwedi ba matshiombe,du galani ye mabanza ma moshi.Mbi lwedi gu tsuga di ludjingu lwega,Gahungu bu ga lu delumunina kega guna gu yilu.¹⁶ Bwoona,bina biootsu bi di fugi mu gu gama salani kaga mu gu gama.¹⁷Ba pangi,landalani mi.Dalani baana ba bagwenda mbandu yi pidu. ¹⁸Ba vula mu kadi ga binu bedi nga ba mbeeni ba kulundji yi Kidishidu bana ba yilulelaga gosu dangu ye yi lu lelaga mukenda. ¹⁹ Lufudu lu baa lwedi gu pashigisa.Mudiambu beedi ye gahungu ma zumu,ba hanaga lugumu mu gina gi ba hegaga tsooni.Ba yindulaga mu bima bi gifudi.²⁰Haa gifwumu gi pidu giedi gu yilu,gu du yugaga kega muhwulushi,Fwumu Yesu kidishidu. ²¹Wu balumuni luudu nga lu pidu,mu gudisaa nga luudu gi lugumu,hanga mu giyega giludi ngolu gi du dingaga gima giootsu gwedi ndi.

Chapter 4

¹Bwoona,ba pangi bami ba luzolu yi ba lu budila mbundu ngolu,gieshi gima ye kuloni diami,mu pila yina galani bu guba gwedi Fwumu,ba ndugu bami. ²Yedi mugieshi ye Evodi ye sentishi mu gu gala ye mabanzab ma moshi gwedi Fwumu. ³ Bwoona,yi ba lendiga kega gwedi ndi,mutwadishi wu pimbu wu gisalu:sadisa ba kedu baa.Ya yenaba hanga ye mi mu gu longa ndaga yi Fwumu,ye mu gu lolula ye bana ba bandanda ma djina ma baa meedi mu miganda mi ludjingu.⁴Galani kaga ye Fwumu.Yi ba yagula kega kaga. ⁵Loo gu yimani shi gima.Haa mu gima giootsu,mu bisambui ye gu ba sambila,ye mu bisalu bi Gahungu,ye yabisani bi lwedi bia fwunu gwedi Gahungu.⁶ Haa gu gingila gu binu gu yabagana mu gifudi giootsu.Fwumu geedi pena-pena.⁷Ye mu ngemba dji Gahungu,wu ludi mapandi mootsu,gangani mbundu ye bi lubayindula gwedi Yesu kidishidu.⁸Dala salani,ba pangi,biootsu biedi bi mukiediga,biootsu biedi bi lugumu,biootsu biedi gi desu gi moshi,mi gu zola,mi gu sambilaga,mbi gwedi ye gima gi ludi,gi ba senda lugumu,yindulani mu gima giagina. ⁹ Bima bi lu sendi,sendani,bi lu yugi ye mi,hangilani.Haa Gahungu wu ngemba ga gala ye binu.¹⁰Mu ludjingu lwami ye gimvuga ye Yesu yi dalaga gieshi givula,mudiambu dangu di ludi givula loo lu sadisagi,haa lu yitshi tsadisa kega gu ngoyi.Loo yi yagudi mbi loo lu ndjingdulagi kega,haa loo lu gadi ye pila yi gu yilesa. ¹¹Lu senda bima biega gu twala gwedi mi,haa loo lu dadi dangu di gu tsadisa. ¹² Yi baya buni gu gala ye fwunu yi gia,yi ba yaba kega mbi buni gu gala mu danhu diootsu.mu pila yiootsu ye mu gimi giootsu,yi longugi biswegamu:buni mu mbala yi moshi gu gala wu yula ye gu gala nzala,gu gala dangu diootsu ye mu gu ye fwunu di dia. ¹³Yi fani hana gima giootsu gwedi ndi wu pegaga.¹⁴Bwoona,lu hangi pimbu mu gu senda gabu di mapashi mami. ¹⁵Haa lu yaba,binu beeni Fidipi,mu luyandigu di ndaga yi Fwumu,dangu di yi duga gu bula di masedwani,loo gwedi shi yi nzu yi Gahungu yi moshi di sadishi mu mapandi ma yi dadi bima bina ye gu nzamba,haa kaga binu. ¹⁶ Shi dangu di yi gadi gu bula di Tesaloniga,lu sadishi mbala dji vula. ¹⁷Loo yi ba dinga gu bonga magabu ma binu,haa yi ba zolambi binu kega lu gala mu mapimbu ma vula.¹⁸Yi ba lu sonigila muganda wuu,mudiambu di gu lu lela mbi bima biootsu bi lu tumi,yi bi sendi;bima bieni biedi shela bivula.Dangu di yedi ye bima biootsu bi yedi bia fwunu,mudiambu Epafroditi wu yitshi nedila magabu ma binu.Magabu mana meedi ye gi sulu gi pimbu;meedi magabu ma moshi Gahungu ga ma gumbulaga mana ma mu hegaga gieshi. ¹⁹ Gahungu ga pidu ga lu hega bima biootsu bi lwedi biaa fwunu,ngabuna gwedi gi mvama giandi gi neeni gina gi gafugi gwedi Yesu kidishidu. ²⁰Lugumu lu gala gwedi dada wu pidu Gahungu mvula ye mvula.Bwoobuna²¹Lu hega bakidishidu bootsu mbodi mu djina di Yesu kidishidu.Ba pangi ba beedi ye mi,ba lu dumishi mbodi. ²²Ba kidishidu ba bootsu beedi yaa,ye bana mu nzu yi Todila wu loma,ba ludumishi mbodi. ²³ Fwumu Yesu kidishidu ga lu dala binu bootsu mu disu di pimbu. BWOOBUNA.

Colossians

Chapter 1

¹Polu,mutumwa wu kdishidu yesu muludzolu lu Gahungu ,ye timoti pangi wu pidu , ² Gwedi binu ba kdishidu lu djingaga gu bula kolosayi ye ba pangi bami ba kdishidu.Mbi ngemba ye gigesa gigala guedi mudjina di Dada wu Pidu Gahungu. ³Dubahana madonda guedi Gahungu,Dada wu pidu fumu Yesu Kdishidu,ye du ba samba musambu ye binu.⁴Buduyugi guyagula guogu muluguigilu mu Yesu Kdishidu,ye ludzolu luluedi luoo binu bootshu badjodi mudiambu ye Gahungu. ⁵ Luedi e ludzolu mudiambu ye gidzolu gibagusuegidi mudiambu ye binu gu yilu.Bulu yugi muniyagula muludzolu luna lundaga yi masonga, ⁶ Yina yitshi guedi binu.Ndaga yina yi bahana ndumba dji pimbu ye gupasagana mugi fudi.Gabahanga kega guedi binu yandiga gilumbi gi luyugi ye gibaluleshi mungemba dji Gahungu mu masonga.⁷Guedi ndaga nga buluyugi guedi Epafalashi,ndugu wu pidu wu hangaga gisalu ye pidu,ndi wululongi mambu mana mukdishidu wedi ye pidu. ⁸Epafalashi wuduleshi ludzolu lu binu mu muhunga.⁹Mukadi galudzolu,yandiga gilumbu giduyugi mambu maa,loo duyambudi bisambu mudiambu ye binu.Duba dinga guedi ndi galulesa ludzolu luandi pimbu-pimbu,binu lugala ye mayela mootshu luyaba kega pimbu-pimbu mambu mana ma muhunga wu gugedila wuba lulesaa. ¹⁰ Dabala samba mudiambu nga buba dinga Muhulushi,lubahanga bisalu bi pimbu bi pila ye pila.Lubahanga looguyambulani gusamba mudiambu lysenda ndumba mukondzu mambu mana ma pimbu,nga lugudisa mu muhunga wu Gahungu.¹¹Duba sambila muduhega ngolu mululendu luandi,lukembu mudiambu binu ludala pila yi guganga mbundu mu gigesa mu mambu mootshu. ¹² Dubasamba muguhana madonda guedi Dada wuluhegi giyega mugu senda giyega gigusamba mukadi ga ndjila.¹³Wudugadudi gu bilungi,wu Denedi ye gihani gi muanandi wu ludzolu.¹⁴ Guedi muana wandi,duba dinga mabanza ye gudu lolula mu masumu.¹⁵Muana gedi gifanisu gi monigaga guedi Gahungu ga monigaga.Gedi mudu wu tegu muguhanga bima biootshu. ¹⁶ haa guedi ndi,bima biootshu bihangamani,bina biedi gu yilu ye bina biedi yatshi,bima bi monigaga ye bi gondaga moniga.Bigala mu yilu,mu giyega,mugudila mbi loo mugifumu,biootshu bi hangamani guedi ndi. ¹⁷ Gagadi gu tuala yi bima biootshu,ye bina biootshu biedi guedi ndi.¹⁸Gedi mudu wuludzingu,ye ndzu yi bi sambu.Gedi luyandigu ye wu budugi tegu ye kadi gaba fuaa;gedi mudu wu tegu mu bima biootshu. ¹⁹ Haa mukadi gandi Gahungu wu sendi giyega mudiambu ye ndi beni, ²⁰ Ye mugu waginisa bima biootshu guedi ndi beni gu ngoyi yi muana wandi.Gahungu gahani ngemba mudiambu ye mengi ma muana wandi ye Kulundji.Gahungu ga waginishi bima biootshu mudiambu ye ndi beni,gugala bima biedi gu yilu ye bi yatshi.²¹Binu kega,guedi ye dangu di moshi,bulugadi badu bagugonda yabagana guedi Gahungu ye bulu gadi ba mbeni mu manunga ye mahanga ma mbii. ²² Dangu di,buga luwaginishi mulu fua luandi gu noyi yi ludu luandi lumuwundu.Bugagadi mugululesa mbi gedi masonga,luedi badu baandi shiela ye kaga badu baandi; ²³Pimbu binu lugala kaga ye luguigilu,badu ba luhunagi mu mapimbu mana maluleshi mbundu,yandiga tunda yi luyugi mambu mana.Bayabishi mambu mana diadina mu malongi maami,Poolu,yi gumi musadi wu Gahungu.²⁴Dangu di,yi baadihana mu mapashi mudiambu ye binu.Mudiambu ye mapashi ma yedi maa muludu magondi mudiambu di Kdishidu,mudiambu di ludu luandi,luedi ye bisambu. ²⁵Mundzila yina yi bisambu yi gumini musadi wandi,mugudadila bu gogu buandi bugaduhegi,mugulungisa ndaga yi Gahungu.²⁶ Yayeya yi suegami yandiga ma mvula ye ma mvula ye mu magula.Dangu di,ga shamugishi ba guigilaa guedi ndi. ²⁷ Guedi bana ba Gahungu ga dzodi guhanga muguyambi gi mvwama gi ludzolu gigitshuegi guedi ba sumugi.Dunda fumu gedi guedi binu,dugumbusaa mugu senda moni wu mvula ye mvula.²⁸Guedi ndi duba lesaa.Daba longa mudu wootshu,ye gigesa,gungoyi dulesa mudu wootshu mugulungisa ndaga yi Kdishidu. ²⁹ Mugiguma giagina yi bahanga ye ba nuana mugiyega gi ngolu giami.

Chapter 2

¹Mumbada mi ndzodi mbi binu luyaamba mbi mbala ndji gua yedi muneni ye bidumba bineni bina biyibaa nuana mumbada ye binu.Mumbada ye beni lahodisa,ye mumbada ye bena ba gondi dala ada mbundzu yami. ² Mi pangagaa mudiambu mbundu dji bawu dji senda gigesa mu giguma gigugala mu gimvuga muludzolu ye mubu mvwama buootsu ye tshinda djootshu ye gudiyaba,mu gudiyaba,mu gigidi gi tshiediga gu Gahungu,gudzodi guyagula mbi Kdishidu. ³ Muedi ndi musuami bumvwama buootshu bu ngangu ye buguyaba.⁴Mbi yibagululela mambu maa mumbada looshi wufani guitsa guluhuna mu mandaga mana ma fani guluneda mu pugumuna. ⁵ Shi muludu looyedi ye binu.Klagag mu gieshi mugudala ndonga yi binu yi pimbu muguganga gu binu gu mbundu guedi Kdishidu.⁶Buoona buluyambi Kdishidu nga Fumu,mu guenda muedi ndi. ⁷Galani baana meni migashi muedi ndi,dugangamani guedi ndi,dugangamani muludzolu nga bu balulongi,gudiyaba guyuula muedi binu.⁸Demugaani mumbada mbi looshi mudu wu funi guitsa guluhulusa mu bisoni ye bupala bu gifudi buyudi muedi badu,bifanagani ye bima bigifudi,biaana bi gondi shi gindugu ye Kdishidu. ⁹Mumbada wu wootsu wedi wu wa yula ye Gahungu ludu luootsu ke luyudi ye ndi,¹⁰Luyudisami muedi ndi,gedi Fumu wu biyega biootshu ye bifumu.¹¹ Muedi ndi lugadugi mu ludu ligipani ye lubalumugi mu ludu luega loombi ludugi guedi mudu mu ngolu dji ludu mu musuni,haa guedi Kdishidu. ¹² Bubaludjigi ye ndi mu mbodiga,ye guedi ndi lufudumugi mu ngolu dji Gahungu wuna wu fumumushi Kdishidu mu lufua.¹³Ye mudangu dilufui mumasumu ma binu ye mugugonda gusenda ludu lupeve.Ndi mugudinga ye ndi galulodi mu masumu ma binu mootshu. ¹⁴Gagadudi gagusumuni masumu ye djiootshu ye mitshigu miootshu mudiambu ye pidu.Gamigadudi gimagulu ye londi di kulundji ba mubudi mitsondzu. ¹⁵ Galendigi ngolu ye gifumu,galeshi mu misu ma badu ye gayadi yi londi di giaa mu ndjila ye gumusa ye londi di kulundji.¹⁶Mudiambu ye buuna,looga shishi shi mudu wu moshi mu gusala gulusambisa mumbada ye gudia mbiloo mumbada ye gunua,mumbada ye gilumbu gi moshi buoona gi nzaba mbi mumbada ye dangu dipaa,mbi mudiambu ye gilumbu gi posu, ¹⁷ Buootsu bina bisagagi gidima mu mambu ma fani guitsha,haa gudjinga luedi guedi Kdishidu.¹⁸Looguyambula shi mudu mu nzala dji bisambu bi batumua babupala bafani guitsha guyiba ngangu dji binu,mudu wu gifagina wu godi mu bima biaana bigadala buoona gafani guma lulendu mu pila yaandi yi guyindula mu gimudu, ¹⁹ Loogagangamani ye mudu,haa mu gidini gi moshi gi mudu gi disagaa ludu luootshu buoobuna guvugisaga ludu mu binama,ye buoona ludu lufani gula ye gudungama gugadugi guedi Gahungu.²⁰Mbi ndji wufii ye Kdishidu mu tshigu dji gifudi: ²¹<> ²² Bima bina biootshu biedi mu giiyega gigifudi ye paangidi yi baawu,landila mitshigu ye malongi ma baadu.²³ Mambu maa medi mu kadi ga ngangu dji mabundu dji bahangi muedi bawu beni,mugudigulumusa mu gusadila ludu mu gingolu-ngolu,haa loo guedi ye talu yi ngolu mu gudzola gu ludu.

Chapter 3

¹Gahungu wulu shamugishi mulu faa ye Kdishidu;boobuna lu fani dinga mapandi mana medi guyilu gihani Yesu gigashigumugi gu gogu digi Dada di Gahungu. ² Saani mabanza ma binu mumandi mena medi gu yilu,haa loombi mapandi maa medi ya ye londi digi fudi. ³ Mudiambu binu lu fii,moni wu binu wu shuamani gihani gi moshi ye Kdishidu ,guedi Gahungu. ⁴ Mooni wu binu shiela gedi Kdishidu;ye buna,mbi ndi bugitshi moniga,biinu lumoniga ye ndi,binu kega lu senda gandambu ga lugumu mulugumu luandi.⁵Binu gadulaani mapandi mootshu magimudu,mumbandu:gindumbu,mambu ma tshoni ye mambu mambi,ye nzala yi gala kosu gima gina giedi nga gusambila bidegi.⁶ Badu bena bayugilagaa Gahungu,ga bayugila mudiambu ye mambu magi faagina. ⁷Tegu,mapandji medi luyalaga ludjinga boobuna? ⁸ Ndagudi,loo lufani yuga kabu,loo lufani dasuga,loo lufani gala ye ngindu dji mbi;loo lufani dugana,loo lufani yagula kega mapandi matsoni,lufani yambula mapandi mena motshu mabaduga mu maganu mabinu.⁹Lu balegu delagana bupala,mudiambu luyambudi gimudu gi binu gitunda ye bikalulu bigia. ¹⁰ ye buna binu lusendi gimudu gi mpa,Gahungu wu gihangi ndi kega wu gigumisa gi mpa mudiambu gi fanagana ye ndi. ¹¹ Mapandi ma guyala mbi:ababedi ba yudashi,mbilo loo bedi ba yudashi,aba ba bageshi,mbilo loo ba bageshi,aba bedi banzendji,mbilo loo bedi ba nzendji,mbilo aba bedi badu bagu demuga mudiambu loo medi mumapandi ma kdishidu wu galaga ye binu botsu ndi kega wu nga mapandi motsu.¹²Binu luedi bana ba Gahungu,Gahung bu galu dzodi,galusoodi mudiambu lugala badu bandi,diadiina lufani yugaaga badu kenda ngolu,lufani gala badu ba pimbu,loo lufani gudisaa,lufani gala puedee,lufani ganga mbundu. ¹³ Mbi mudu wu moshi mukadi ga binu gedi ye mapandi guedi mudu wega,pimbu ndi gafani ganga mbundu,ndi gafani gu mulolula,binu lufani loluga badu bega ngaa Yesu buga lulodi. ¹⁴ Mu mapandi ma mootsu yigani kega gudzolagana guna guluvugisa muguhanga gimvuga gi kiediga.¹⁵Ngemba dji kdishidu djigala mu mambundu mabinu,mudiambu Gahungu wu lusodi mugimvuga mugugala mu ngemba,mudiambu luedi lugalu lu ludu lumoshi,binu hegaani Gahungu madonda. ¹⁶ Haa ndagaani ye Kdishidu galugala mu gimvuama giotshu,mu mayela mootshu,longa ganani ndaga yi Gahungu binu ye binu mu migunga,ye mu dzumu ye mugunga mi muhunga wu gugedila,yimbani migunga mi Gahungu mukadi ga binu mudiambu ye gumuhega madonda. ¹⁷ Mu mapandi mootshu maluyagudi ye ma luhangi,lufani hanga mudjina di Fumu Yesu; dangudi lu bahega Dada Gahungu madonda mudjina di Fumu Yesu.¹⁸Binu ba kedu lemvugaani guedi ba lumi dji binu,mudiambu lu fani hanga buoona gu misu ma Fumu Yesu.¹⁹ Binu ba bagala dzola gaani ba kedu ba binu loo lufani ba yugila kabu. ²⁰ Binu bana lu fani yugila ba Dada ye ba ngudi ba binu mu ma pandi moothsu,mudiambu mena medi ma pandi ma Fumu Yesu magadalaga giesi.²¹ Binu ba Dada luhegeegu bana ba binu kabu;ndangu diega loo ba gala ye gigesa.²²Binu ba higa,dumugilaani ba Fumu ba gi fudi gi mu ma pandi mootshu;luhangegu buna mu dangu di ba ludala ba Fumu dji binu,nga go mbi luba dinga mu pila yi gubahega gieshi,haa ba yugilaani mumbundu yi kiediga,mudiambu lu djidishi Fumu Yesu.²³ Kosu gisalu gina gi lubahanga,lu fani hanga mu mbundu yi pimbu,nga gombi loo luba hangila shi mudu,haa ye Fumu Yesu kega. ²⁴ Mudiambu lu yaba mbi Fumu bu ga lu hega sanda di ngwadi,bu lusenda ma pimbu mena ma nga suegidi badu baandi,mudiambu Fumu wu binu wu lu sadisagaa,wedi Kdishidu.²⁵ Ha mudu wuna wu hangaa ma pandi mambi,gedi senda kega ma pandi ma mbi mena ma Gahungu,mudiambu Gahungu ga sendagaa badu bootshu gidesu gi moshi.

Chapter 4Longa hana guedi bahiga bina bifani ye bina biedi gigeledi lubayaba mbi binu kega luedi ye longi wu binu guyilu.

²Galani nsungimina mubisambu yemuguhana magabu maludzolu. ³ sambani mugimvuga sambu yepidu kega,mupila mbi Gahungu ga gangula giafulu gindaga muguyagula masonga mana masuamani guedi Kdishidu. Mudiambu ye ndaga,yina yedi mumiyololu.⁴ Galaani ye ludzolu dangu diba longa.⁵Galani ye ndungi guedi bena bedi ye ndzila,ye nuaninani dangu. ⁶ Yambulani mbi ndaga dji binu dji gala dji pimbu.yi gala yi guyula ye mungu mupila mbi luyaba buni lufani hana mvudu guedi baadu.⁷Mubima biootshu bitadidi,Tishigi gaa lulela.Gedi pangi wuludzolu,gedi musadi wu masonga,ye muhiga nga mii mugisalu gi Fumu. ⁸Yi mudumishi guedi binu mugu lulela mapandi ma lugondi yaba ye muguhega gigesa.⁹Yi mudumishi ye Onoshimi,paangi wu pidu wulu dzolu,wuna wedi mukadi ga binu. Bulela bima biootshu biludi gu.¹⁰Adishidalagi wu duedi yandi mudangumbada galudumishi mbodi,ye Madigo kega gisoni gi Balabashi(wuna wuluhegi mitshigu midululedi,mbi bugitshi guedi binu muyambani,) ¹¹Ye Yesu wu balendiga yusutusu.Bayudashi bana bagadi bahua gudaba badu bahaanga ba mugi fumu gi Gahungu.Bedi badu pegaga gigesa.¹²Epafalashi ga ludumishi mbodi.Gedi pangi wu binu ye muhiga wu Yesu Kdishidu.Galunuaniga ngolu mu bisambu mupila mbi lugala ye luguigilu lungolu ye balushila mbundu mu bina bidzolaaga Gahungu. ¹³ Mudiambu yi mu hanina gimbangi,mbi,gasalaga ngolu mudiambu di binu,beni Lahodiseya ye beni Dihapushi. ¹⁴ Luga pangi wu pidu munganga wu mbuda ye Damashi baluhegi mbodi.¹⁵Ba pangi ba pidu bena bedi gu Lahodiseya ye Nifashi,ye ba Kdishidu bootshu bena bedi mu ndzu yandi. ¹⁶ Dangu di ludanga muganda wu,ludangisa kega mukadi ndzu yi bisambu yi Lahodiseya,ye loo bilaani gudangisa wuna wudugi gu Lahodiseya. ¹⁷ Mulelani Adishipi mbi,<>Mbodi yi yisonamani gumiogu miami beni,mii Poolu yibugani miyololu mibakangi.Yambulani ludzolu lu Gahungu lu gala ye binu.

1 Thessalonians

Chapter 1Polu,ye Siduvani,ye Timodu gu dibundu di Tesaloniga mu Gahungu Dada ye Fumu Yesu kdishidu.Yambula mbi,masagumunu ye ngemba yilu hanamanina.

²Du hanagaa kosudangu lugumu gwedi Gahungu mudiambu ye binu botsu, duluyindulangaa mu bisambu bi pidu.³ Du yibugagaa kosu dangu gu misu ma Dada pidu Gahungu mu bisalu bi binu bi lugwigilu, gu nganga gu mbundu gwedi Fumu wu pidu Yesu kdishidu.⁴Ba pangi ba luzolu gwedi Gahungu, du ba yaaba mbi hulusodi , mugugala badu baandi, ⁵mudiambu malongi ma pidu loo malulongi mbi muganu buna,ha ye mu ngolu dji muhunga hugugedila ye gusa mbundu mbi pandi yina yedi yi gigidi.Mu mpila yayina,yabani kipila yi badu dwedi mu ludjingu lududjingi mu kadi ga binu, gugadi mudiambu di mapimbu ma binu.⁶Lu laandi pila yi pidu ye Fumu Yesu, gi luyambi ndaga yi Gahungu mukadi ga mapashi ma vula ye gieshi gi dugii mu muhunga wu gugedila.⁷Nga mu vudu, luyishi mbandu gwedi badu bootsu ba Masedoni ye Agayi ba gwigidi.⁸Mudiambu ndaga yi Fumu yi duugi gwedi binu ,ye loombi mu Masedoni buuna ye Agayi. Ha,gusa gu binu gu mbundu gwedi Gahungu gu pasagani bi hani biotsu. mu mpila mbi du konda ya gula kega. ⁹Baa beni bayagudi sabu ye pidu mbi, bivula du sendi gwedi binu. Ba ya gudi buni lubalumuni mbundu gwedi Gahungu mugu matsa bi ndegi ye guhangila Gahungu wu moni ye wu masonga.¹⁰ ba yagudi mbi luedi mu gu ginga gu yilu muana wandi wu ga shamugishi mu kadi ga ba fii.Gedi Yesu, wudugadudi mukabu djina dji guitsha.

Chapter 2

¹Mubuna luyabi binu beni,bana ba pidu ,guitsha gu pidu guedi binu loogugadi gukugudu. ²Lubaya mbi tegu buduniogugi haa gungoyi dubongi luvuendzu guedi beni Fidipo,bulubayaba binu beni.Dubongi giyega gi pidu guedi Gahungu,mu gululela pandi yi pimbu yi Gahungu,mukadi muedi ye magembi mavula.³Haa gulendiga guna gudulendigaga badu loo guedi mbi du bilagaa,loo guedi mbi gudugaga mu manunga mambi,loo guedi mbi dudingaga pila yi guhuna baadu.⁴ Haa dangu diootshu duyagulaga nga budzolaga Gahungu,mudiambu ndi wudu gumbudi,diadina wudu hegi pandi yi pimbu.⁵Yabaani pimbu-pimbu mbi loo du yagudi mu gu luleba, mudagu di dugadi guna gwwedi binu,loo du gadi ke ye manunga ma gu bonga maguda ma binu, Gahungu gedi mbangi wu pidu.⁶Loo du dingi lugumu lu dugi gwedi badu,gwedi binu mbilo gwedi badu bega.Mbi du zola du kanda hanga gisalu ye gifumu nga batumua ba kdishidu.⁷Haa ndangu di dugadi guna gwedi binu du sadi gisalu ye mbundu yi dulu-dulu nga ngudi wuna wu gebagaa bana bandi.⁸Duluzodi pimbu-pimbu,loombi muguluhega buna musamu wu Gahungu,ha muguluhega kega moni wu pidu.mudiambu lugumi guedi pidu.⁹Bana ba pidu,yibugaani,gisalu ye ma pashi ma pidu.Dusalagaa piba ye muini mudiambu mbi lukonda bonga bugogu bu pidu,mudangu di dubaa gululela musamu wu pimbu wu Gahungu.¹⁰Lwedi ba pangi ye Gahungu kega,nga bu dihani pidu mu masonga,gu sungamana ye gu gonda gu duala mu masumu gwedi bana ba gwigilagi. ¹¹Mu pila yaa yina yi moshi,bu lu yabi muudu wu moshi weedi ye binu nga sadana ye baana bandi,bu dulongi ye duluhegi gigesa. ¹² Bu du hani gi mbangi gi binu mbi lu fani gu galaga mu pila yana yi fanagani mwedi Gahungu,wuna wu lu lendigaga me gi fwuu ye kiembu.¹³Mudiambu bwoona ,du hanaga mbala ye mbala lu gumu gwedi Gahungu,mbi mu dangu di lusendi tsangu dji Gahungu djina dji luyugi,bu ludji lu gu mbushi loo mbi nga ndaga yi muudu,haa lu yi sendi nga bugamopnigaga mu gi gidi,ndaga yi Gahungu.Gwedi ndaga ya yina yi moshi yeedi mahanga mu kadi ga binu beena ba gwigilaga.¹⁴Mu mbada ye bwoona,ba bapangi ba ba bagala binu lu gumu nga bana ba bafani fanigisa ye ma nzu ma Gahungu mana meedi mu manu ma yudeyo mu Yesu Kidishidu,mu mbada binu lu niogugi mu pila yootsu mu luzolu lu binu,gu nioguga guna mutindu wu baniogidi keega ba yudashi. ¹⁵ Gu gadei keega ba yudashi ba dutsagadi,loo gu hani gieshi gwedi Gahungu.Bwoona,ba gumi nga ndji gwedi ba bootsu. ¹⁶ Ba duganga ndjila mu gu hanga masumu mu djina dji ba yudashi mudiambu ba wu bahuluga.Bwoona,ba hangagagi masumu ma baa gi beeni gugonda lemba ye mu bunanga kabu dji fani gulumuga mwedi baa gibeeni gu tsuga.¹⁷Pidu bu dugabulagani ye binu,ba pangi mu dangu gandambu mu luudu haa loo mbi mu mbundu.Pidu du zodi ngolu-ngolu mu gu ludala.¹⁸mudiambu, Pidu dugadi ye swidila mu gwitsa gu ludala,mi polu,mbala dji vula djina dji megagagi ga diapemba ye gu duganga ndjila. ¹⁹ Bwoona kii biedi swidila dji pidu mu madangu ma gwitsa,shi mu kiembu dji pidu,mbi loo mu lugumu lu giediga gwedi fwumu wu pidu Yesu mu gwitsa giandi?Loo mbi binu?Mbi loo beega? ²⁰Mudiambu binu lwedi kiembu dji pidu ye gieshi.

Chapter 3

¹Loo du gadi ye mpila yi guganga mbundu diadiina dudaadi mbi du hemina pidu beni gu bula di Adeni.²Du dumishi Timodu,pangi wupidu ye musadi wu Gahungu mugululela musamu wu pimbu wu kdishidu, mugulu hega gigesa ye gulu shamisa mulugwigilu lubinu. ³Du hangi buoona mudiambu mbi shi mudu wu moshi ga konda bwa mumapashi mana.Mudiambu lubaya binu beni mbi ba dusodi mudiambu ye ma pashi maamana.⁴Mumasonga, dangu di dugadi ye binu, budululedi gumisu mbi badudaadisa buulu ye ma pashi ma gi saga-saga,ye guhangamani, nga bulu yaabi.⁵Mu giguma giagiina,loo yikanda kuga mu gu ganda mbundu mu gu ginga, yi mudumishi mu gu yaba buni gwedi lugwigilu lu binu.Dangu diega gadiapemba wu lu megi mu mpila yega, ye gisalu gina gi ngolu gi du haangi gi beebi.⁶haa Timodu ga duugi gwedi binu gitsi du lela pandi dji pimbu dji lu gwigilu lubinu ye luzolu lu binu.Gadu ledi mbi konsu dagu ludu yindulagaa mu gieshi,lwedi ye ludzolu lu gu du dala gitesu gimoshi ye pidu kega dwedi ye ludzolu lugu nu dala. ⁷ Mudiambu diadiina,ba pangi,mukenda dipidu djiosu ye ma pashi ma pidu mootsu,binu lu du hegii gigesa.⁸Dangu di duedi mu ludjingu gi masonga mudiambu luedi mu gu djinga kega musuidila guedi Fumu. ⁹ buni du fuedi hega ma donda mavula guedi Gahungu wu pidu sambu ye binu,ye mudiambu ye gieshi gi giotsu gi lu ba duhega gu misu mandi? ¹⁰ Piba ye muini du sambaga ye luguigilu lu ngolu mugudu sadisa mugudala mbundzu dji binu,mugulungisa bima bina bigondi muluguigilu lubinu.¹¹Yambula mbi Gahungu Dada pidu ndi beni,ye fumu wu pidu Yesu ba gieba ndjila yi pidu guedi binu. ¹² Yambula mbi fumu galugudisa ye gayudisa ludzolu mu kadi ga binu,nga budu hangaga guedi binu. ¹³ Gahanga buna mudiambu galugudisa mbundu mugugonda gulu beya mukadi gamasonga guedi Dada Gahungu dangu di guitsa vuduga fumu Yesu ye beni masonga.

Chapter 4

¹Gutsuga,pangi wami pidu du baluhega gigesa ye gulu longa mukadi ga Fumu Yesu,nga bu lulongugi guedi pidu,ki pila lufani djinga mudiambu di gu hega Gahungu gieshi;mukiediga ludjingaaga mutindu ndi wuna,ha dangudi du ba luwondila ngolu mudjina di Fumu yesu:hangaani ngolu dji guluda. ² Mudiambu luyaba pimbu pandi yina yi lu ledi Fumu Yesu mu gululesa mbi luyi hangila.³Mudiambu pandi yi nzolagaa Gahungu,yaayi:lugala badu baandi ndi beni,disongidila mbi:loo guhanga gi ndumbu mu gugonda gulu djidu mu gi ndumbu. ⁴ Kosu mudu mu kadi ga binu ga yaaba buni ga fani dadi8la ludu luandi ndi beni muludjidu ye mu bu santu. ⁵ Nzala yi mbi yi gonda mu yaala pila yi yalagaa mi pani mina mi gondaga yaba Gahungu. ⁶ mu pandiyi,shi mudu wu moshi loo ga fani hanga pangiandi mbi,shi mudu wu moshi loo ga fani dia bima bi pangiandi;dulu gebishii dangu di,dululeshi mbi:Fumu ga hana ndola guedi badu bena ba hangagaa mbi yi mutindu wuna.⁸Gahungu loo gadu soodi mu gu hanga gi ndumbu haa mu gugala badu ba santu. ⁷ Yayena mudu huna wu ba duna ma longi ma,loo ga ba duna mudu,haa ga ba duna Gahungu wuna wu lu hegagaa muwunga wu gu gedila.⁹Funu loo mugu lu sonigila mudiambu ye ma pandi mana ma dadidi gu nzola,mena ma lufani ndzola ba pangi bena bedi ba kdishidu,mudiambu Gahungu wu lu leshi ki pila lu fani dzolagana binu ye binu. ¹⁰ ye buna,lu hangaga buobuna kega guedi ba pangi bootshu gu bula di masedwani duiotshu.Haa duluwoondila,ba pangi,muguhanga kega ngolu ndji guluda. ¹¹ Saani ngolu mu gudjinga mu ngemba,lu dala ma pandi ma binu mootshu ye mugu hanga gu miogu mi binu beni,mudiambu lu senda mbongu dji binu,pila yi du luledi teegu.¹² Ye buna mbi lu hangi buna,mi pani mi ludjidisa,loo gu gala funu kega badu bega mu gu lusadisa.¹³Ba pangi du ba dzola mbi luyaaba pimbu ma pandi mena ma dadidi badu bena ba fii,mudiambu lugonda gala ye kenda nga badu bega ba gondagasa mbundu guedi Gahungu. ¹⁴Du guigilaaga mbi Yesu buga fii,mbi kega Gahungu bu ga mu shamugishi mu lufua;pila yi moshi du guigilaga mbi Gahungu bu ga shamugisa kega bena ba gadi ba kdishidu dangu di ba fii,ye buna ga ba neda ndjila yi moshi ye Yesu. ¹⁵ Malongi ma Fumu Yesu ma dululesagaa,maama:pidu badu bena baagala muni djinga mu gilumbu gina gi guitsa Fumu Yesu loo du gala tegu gu misu,badu ba gaala ba fua.¹⁶Ndaga yi moshi yi ngolu yi waganaa,ndaga yi Fumu wu ba wandjio kega bu yib waganaa ye pungi yi Gabhungu,ye buna Fumu Yesu ga gaduga gu yilu,ga guisa gulumuga mu kadi-kadi ga yilu ye maanu,Gahungu ga shamugisa tegu ba kdishidu bena ba fii. ¹⁷Gungoyi,pidu badu du gala ye moni mu gilumbu gina,Gahungu ga du senda ndjila yi moshi ye baa,ye buna ga du neda mu maduda mudiambu duguee wanagana ye Fumu Yesu guna mu kadi-kadi ga yilu ye manu,abuna,du gala ye Fumu Yesu ndangu diotshu. ¹⁸ye buna mu mapandi ma,lu fani hanagana gigesa binu ye binu.

Chapter 5

¹Dangu di,mu bina bi dadidi madangu ye mihunga,ba pangi,loo guedi ye funu mugulu sonigila yana ye londi. ² Mudiambu luyabi binu beni mbi gugala gigeledi gilumbu giguitsa Fumu ga guitsa nga muibi mu piba. ³ Dangu di bayagula:«ngemba ye gugengidila,»buoona mugitulumugila ba guitsa gubapatsa.Gugala nga bulu bumisongu migubuduga gu muana guedi mukedu wedi ye tsumu.Loo guedi ye gima gi bahega pashi.⁴Dangudi binu,ba pangi,loo luedi mubilungi,musambu gilumbu gi gala buuna balugama ngamuibi.⁵Mudiambu luedi binu bootsu bana basemu ye bana bagilumbu.loo luedi bana ba piba,mbiloo ba bilungi. ⁶ Buoona mbi,loo gumimba gani nga buhangaga bega,dangudi dalagani ye ngagalani gi geledi.

⁸Buoona mudiambu duedi bana ba gilumbu,du galani gigeledi;galani ye gumbusa ye ludzolu lupimbu,ye, mugu gonda guyuga,mbundu yi pimbu yi baguitsa. ⁹ mudiambu Gahungu loo ga dumishi mudzolu lu kabu,haa,muguyagula gu pimbu guedi muhulushi wu pidu Yesu Kdidishidu. ¹⁰ Gedi ndona wu fii mudiambu ye pidu,gu ngoyi,mbi loo dudalagani mbi loo pidu mu gu mimba,du dji ngaga mu gimvuga yendi. ¹¹ Mupila ya yina,hanagani ma ngindu binu ye binu,nga bulu hangaga yandi.¹²Pidu duba yu fula,ba pangi,mugu yaba bana bahangagagi mukadi ga binu ye bana bedi ye londi di binu guedi fumu yematsigumabaa baluhegagi.¹³Duba ludinga kega ludjidu luiingi guedi baa muludzolu mudiambu ye bisalu bi baa bi pimbu.Galani mu ngemba mukadi ga binu.¹⁴ Pidu du balulonga,bapangi:leesani bana ba djingagamu mubi saga-saga,he gani gigesa guedi bana bagondi gigesa,sendani bugogu bu baa,galani ye gugingila guedi baafdu bootsu.¹⁶Galani mu gueshi binu bootsu.¹⁷Sambagani gugonda tsuga.¹⁸Hanani giyega mu bima biootsu.Nga buoona buedi ludzolu lu Gahungu guedi Kdishidu Yesu guedi binu.¹⁹Loo guyambulani muhunga. ²⁰ Loogu vudulani mandoshi. ²¹ Dalani mambu ma pimbu-pimbu mootsu.Haa dihanani mu bina biedi masonga. ²² Yambulani mapandi mootsu mambi.²³Ndi Gahungu wedi wu ngembagaluyambudila gigeledi.Haa mihunga mi binu miootsu,mooni,ludu lugala luwha suegamana gugonda gifu ye guvuduga gu Fumu wu pidu Yesu Kdishidu. ²⁴ Wuna lendigi gedi wu gondana masumu,yendi wuna wu hanga.²⁵Ba pangi,sambagani kega mudiambu ye pidu. ²⁶ Hegani ba pangi bootsu mbodi mu gi pangi. ²⁷ Yi baluhondila mbi mudjina di Fumu Yesu muganda wu ga dangamana guedi ba pangi bootsu. ²⁸Haa mapimbu ma Fumu wupidu Yesu Kdishidu magala ye binu.

2 Thessalonians

Chapter 1

¹Polu,shidivain,ye Yimode,mu nzu yi Gahungu gu tesaluniga gwedi Gahungu dada ye fwumu Yesu Kidishidu.² Yambula mbi lugumu ye gemba dji Gahungu dada wu pidu ye dji Kidishidu gala ye binu.³Du fani hana dangu diootsu lu gumu gwedi Gahungu mudiambu ye binu,ba pangi.Mu mbada mapandi mana meedi magi gidi,mu mbada m,u gu gwigila gwedi binu gwedi mu gu gula gwingingi,ye luzolu mwedi binu ye binu mu na guma lu vula. ⁴ Bwoona pidu ye pidu du yagulagagi ye lu lendu gedi binu mu nzu yi Gahungu.Du yagulagagi mu kangidi yi binu yi mbundu ye gu gwigila gu binu mu pugumuna diootsu.Du yagulagagi ye gieshi mbi lu gangi mbundu. ⁵ Gwedi gi dimbu gi ngolu gwedi bana ba gingaga gi lumbu gi tsuga gi Gahungu.Mumbada gu tsuga binu lu gala mu kadi ga gi fwumu giGahungu gina gi lu dihanini.⁶Bwoona gi gidi mbi Gahungu ga fani gu luhega mu mvudugidi yandi biaana bi fani mbi ga luhega, ⁷ ye ga fani gu lududila gieshi,binu lwedi mu lenda nga pidu.Ga monigisa fwumu Yesu ye batumwa mu yilu ye ngolu djiootsu.⁸ Mu kadi ga gongolu di mbaa di ngolu ga vudula mbela gwedi bana ba gondi gu yaba Gahungu ye ba gondaga gu mugumbula mu ndongishila dji fwumu Yesu.⁹Ba dala bulu mu ba beeshi gi ma gulu ye gu leya gu misu ma Gahungu ye mu gifwumu gi giembu dji ngolu. ¹⁰Ga hanga mapandi mana mu gilumbu gi gagwitsa mudiambu ye gu muheega lugumu ye mugangu wandi ye gu mudala gwedi bana bootsu ba gwigilaga.Mudiambu lu gwigilu mu gi mbangi gi pidu.¹¹Mumbada ye bwoona,pidu du sambagaa mu dangu djiootsu mudiambu di binu.Du sambaga mumbada mbi wu pidu Gahungu ga ludala nga bana ba ga lendigi gwedi ndi.Du sambaga mumbada mbi ga lu ngisa ye luzolu lwootsu mootsu ma gu gwigila gu ngolu mwedi binu.¹² Du sambagagi mu mbada mbi djina dji fwumu wu pidu Yesu di senda lugumu mwedi binu.Du sambagagi mbi mudiambu lu senda lugumu gwedi ndi,mu gi guma gi kiembu gi wu pidu Gahungu ye fwumu Yesu Kidishidu.

Chapter 2

¹Dangu di pidu du ba dinga gwedi binu,ba pangi,mana madadidi gwitsa gi fwumu Yesu Kidishidu ye gi mvuga gi pidu gwedi ndi. ²Mbi loo gu galani ba hwaa lembwa mbi loo mbundu dji binu mu ndaga yi moshi,mbi loo mu muganda wu moshi wu fanagani mu gwitsa gwedi pidu;gu ngoyi mu gu duhega gu gwigila mbi gi lumbu gi gwitsa fwumu gulungi tuunda.³Shi muudu wu moshi loo ga gulunida mu pugumuna shi dji moshi,mudiambu mapandi mana maa guma loo mbi gu ginga mbi gibulunzumu gi bwaa,loo mbi muudu wugondi tshigu ga gwenda,gu gala mwaana ndona weedi mudiambu ye gu bebisa. ⁴ Gwedi ndi wuna wu mananaga gu misu ma bana ba dilendigaga ye ba disagagi mbi ba Gahungu ye londi di manu,mbi loo bana ba ba fugamaninagagi.Ye wu gumi nga ndi wu mweni Gahungu.⁵Loo lu bayibuga keega mbi mapandi ma mi bu yi ledi yi gadi mu dangu di yigadi pena-pena ye binu? ⁶ Mu dangu di lu yabi ki bibiganganaga ndjila,mudiambu mbi bigwenda gu yilu kaga mu dangu diadina di tsuga.⁷ Bwoona giyega gina gi gu gonda lemvuga mu guhanga tuunda gisalu giandi,buna,mu dangu di gwedi wuna wu baa gu gigama tii gu bama gadula mu ndjila.⁸Gwedi wuna wu gondaga gu lemvuga mu tshigu bu bamugadula,ba bana keega fwumu Yesu ba ga zuwa mu ndaga yi ganu.Fwumu gamugulumusa tii mu mashina mu kadi ga djindoshi dji gwitsa gwandi. ⁹ Ga gwitsa gu gidiani gu gala gi guma bisalu bi gadiapemba ye ngolu djiootsu.Ye bidimbu,ye bipabi bupala,¹⁰ ye bupala biootsu mu gu gonda masonga.Mapandi mana magalaga mudiambu ye bana beedi ba hwaa bila,mudiambu loo ba sendaga lu zolu yen masonga mbi nga baluhuga.¹¹Mu gi guma gia gina,Gahungu ge ndaga gu ba leeda mu galulu gi moshi gi gu ganga mbundu mudiambu ba gwigila mu bu pala. ¹² Lufudu lu baa bootsu gu sambisama,bana ba kondi gu gwigila mu masonga haa bwoona ba sendi gieshi gi gu gonda masonga.¹³Haa pidu du hanaga lugumu dangu diootsu gwedi ba pangi ba pidu ba luzolu gwedi fwumu,bwoona Gahungu nga bugasoodinga kuna dji teegu dji kiediga dji gu hana mi kayulu mu di banza ye gu gwigila mu masonga, ¹⁴mu gi guma giana ndi galendigi mu ndjila yi malongi mu gusenda lugumu lu fwumu wui pidu Yesu Kidishidu.¹⁵ Bwoona ba pangi,galani ye guganga mbundu.Ga mani mbulumuna djina dji ba lu longagagi,gu gala shi mu mandaga ma binu shi mu miganda.¹⁶Dangu di,yambula mbi fwumu Yesu Kidishidu ndi mweni,ye Gahungu weedi dada wu pidu wuna wu duzodi ye ga duhega gi gesa gi muhunga wugedila ,ye gu duyambudila dangu di pimbu di gwitsa mukiembu.¹⁷ Ga lu dindimisa mbundu dji binu dji pimbu mu mapandi ye maa mandaga.

Chapter 3

¹Ye dangu di,ba pangi,sambagani mu gi guma gi pidu,mudiambu mbi ndaga yi fwumu yi pasagana mu gifudi tsalu-tsalu ye yisenda lu gumu,bwoona bwedi kega gu gala lu pidu. ² Sambagani mudiambu ye pidu ye lu gondaga gugala gi ndugu ye bidiani ye baadu ba mbi,mudiambu baa loo beedi ye lugwigilu. ³ Haa fwumu geedi wu luzolu wu fani gu lusadila ye wuna wu fani gu lu sweega mweedi bidiani.⁴Pidu dwedi ye swidila mwedi fwumu mudiambu ye binu,mbi binu lwedi mu gu hanga ye bu lu landa gu hanga mapandi nga bu lu hegi ndjila. ⁵ Yambula mbi fwumu ga nedisa binu mu gu zolagana gu Gahungu ye gu dindamana gu Kidishidu.⁶Dangu di bapangi,pidu duluhegi ndjila mu djina di fwumu wu pidu Yesu Kidishidu,mu gu gondama gu lungisa ye ba pangi bana ba ndjingaga mu ludjingu lu gumi gima gondi fanagana mu mbalumuna dji lu sendi binu gwedi pidu. ⁷ Bwoona binu beeni lu yabi mbi gu fanagani nga muganda wu pidu.Mudiambu pidu loo du djingi ye kadi ga binu nga bana bagondi lu djidu.⁸ Ye pidu loo du diagi madia ma baadu makenda.Bwoona,pidu du hangagi piba ye mwini mu pila yi ngolu ye gu nioguga,mu gugonda gala bugogu gwedi pidu.⁹ Pidu loo duhangaga bwoona mbi mudiambu mbi pidu loo dwedi ye gi fwumu.Bwoona,pidu du hangi mbi gutsuga gu gala mbandu gwedi binu,ye mbi binu lu landilaga pidu.¹⁰Mudangu di dugadi mu kadi ga binu,pidu du luhegi ndjila mbi:''mbi wu moshi bu gaduni mu guhanga gisalu,loo gafani gu dia.'' ¹¹Bwoona pidu du sendi tsangu mbi gwedi ye beega mukadi bwoona beedi ye mabanza mambi. ¹²Mudiambu ye baadu gifaa gina,du bahegaga ndjila ye ndongishila mwedi fwumu Yesu Kidishidu ma gahanga ye gu bwisa mabanza ye gu dia madia ma baa beeni shela.¹³Haa binii,ba pangi,loo gu yambulani mu gu ngaga mana meedi ma masonga. ¹⁴Mbi wuna wu gonda dji djedi mu masonga ma muganda wu,galani ye kenda gwedi ndi ye loo gufuganani ye ndi mu mabanza ye ndi bwoona gu tsuga ga gala mutsoni. ¹⁵ Loo gu sendani mbi nga wu moshi weedi mbeeni gwedi beeni,haa mususumunani nga pangi.¹⁶Yambula mbi fwumu ndi beeni ga luhega ngemba djiandi mu dangu diootsu ye mu mapandi mootsu ga gala ye binu bootsu.¹⁷ Mi Polu yi lu hegi mbodi,mu mioogu miami beeni nga bu pangaga mu masonugu mootsu.¹⁸ Bwoona lugumu lu fwumu Yesu Kidishidu lu gala ye binu bootsu.

1 Timothy

Chapter 1

¹Poolu,tumua wu Yesu Kdishidu mu tshua dji Gahungu muhulushi wu pidu ye Yesu Kdishidu luguigilu lu pidu.² Guedi Timode,muana wami wu kiediga wu ludzolu,lugumu,kenda dji pidu dji gala djiguhamana mu pila yi Dada Gahungu ye Yesu fumu wu pidu.

⁴Ye gugonda gaduga mumitshamu ye mu ndogu dji gonda tshuga,gubabuda guyagusagana mbala yega guenda gu tuala mu bisalu bi Gahungu ye luguigilu.⁵Funu yi tshigu,guedi luguigilu luitshaga mu mbundu yi pimbu-pimbu ye manunga ma pimbu,ye ludzolu lu kiediga. ⁶ Baadu beega loo balandaga mapandi mena,ba bidishi ndjila ya yena ba managa yagula mapandi mapamba. ⁷ Ba dzola gugala minganga mi bambuda mitshigu,loo gayaba shi gima giguyagula,shi gigagumbula. ⁸ Dubilegu mbi,tshigu djiedi pimbu guedi badu bena ba badjihangila mundjila yi pimbu.⁹Ya bani pimbu mbi,tshigu loo djihangamani mudiambu ye badu ba gigidi,haa mudiambu ye badu ba bupala,ye beebi,badu bena ba gondaga yaba Gahungu,ye beni masumu,ye bena ba gondi luguigilu,ye ba gondaga djidisa mapandi mena ma dadidi Gahungu,ye badzuwaga ba Dada ye ba ngudi dji baa,ye bena ba dzuwaga baadu beega. ¹⁰Baadu bena bahangaga gindumbu,ba bagala ba nimbisaganaga baa ye baa,baadu bena ba dambulaaga badu bega mu gue badega,beni bu pala,ye ba dangaga djina di Gahungu pamba-pamba,ye bena ba dunaga malongi ma kiediga mudiambu ye¹¹ ma pandi ma baa mambi ma pila ye pila. Gufanigisa malongi malumu ma Gahungu ye gieshi,ye malongi ma ba pegi mii.¹²Yi bavudula madonda guedi Fumu wu pidu Yesu Kdishidu ga pegi gigesa,ye gugangamana guedi ndi. ¹³ Shi buyi yagula mapandi mambi mudiambu ye ndi,shi buyimudadisaa teegu pashi,shi loo yi mudjidisaa teegu,haa buga ndzugi kenda mudiambu,dangu dihangaga buna,loo yi yabaga mapandi mayihangaga,ye buna yi gadi wu gonda guma mu Kdishidu. ¹⁴ Ye madonda ma Fumu wu pidu maludagani gidesu,ye luguigilu ye ludzolu luna luedi guedi Yesu Kdishidu.¹⁵Guedi ndaga yi kiediga yi du fani shila mbundu,ye guguigila penza,mudu wu fedi guyiyaba:Yesu Kdishidu giitshi ye londi digifudi mudiambu ye badu bamasumu,haa mii yi baludi baa bootshu muguhanga masumu. ¹⁶ Haa gandzugi kenda,mupila mbi,Yesu Kdishidu ga gangi mbundu mudiambu diami,mii yi ludi baadu bootshu muguhanga masumu;ga tshendi mudiambu mugulesa badu,guedi baadu beega basa mbundu guedi ndi ba senda mooni wu mvula ye mvula. ¹⁷Guedi Fumu wu yilu,wu gondaga fua,wu gondagamoniga,gedi ndi beni Gahungu,gugala gieshi ye lugumu,lumvula ye mvula.Buna loo!¹⁸Tshigu djibagugulesa,Timote,muana wami ngaba mbigudi bayagudi tunda mudiambu ye ndji;pimbu magala guedi ndji nga mabuda magu nuanina mavida ma pimbu. ¹⁹ Gala ye luguigilu,gala kega ye mabanza ma pimbu gu mbundu,baadu beega ba gadudi ma pimbu mu mambundu ma baa,buoobuna ba bidishi luguigilu lubaa. ²⁰ Nga Imeneyo ye Alegizandre,mii yi bahani gu miogu miga diapemba mudiambu ye gu balonga mbi:loo bafani yagulaga kega mapandi ma mbi mudiambu ye Gahungu.

Chapter 2

¹Yi balonga,gutuala gima giagi dangu di pasamba kosu mapandi mabadinga,badinga tegu mudiambu ye baa beni,buoona loobadinga kega mudiambu ye badu beega,bamuhega madonda mudiambu ye badu bootshu. ² Ba samba mudiambu ye bafumu,ye badu bega mupila mbi dudjinga puede ye ngemba,dudjinga mugi Gahungu ye ludjidu luootshu. ³ Mena medi mapandi ma pimbu,mahanaga gieshi guedi muhulushi wu pidu Gahungu. ⁴Gadzolaga mbi,baadu bootshu bahuluga bayaba mapandi magigidi.⁵Mudiambu Gahungu gedi wu moshi,guedi kega ye mudu wu moshi wu vugisagagi baadu ye Gahungu,mudu wuna guedi Yesu Kdishidu.⁶ Gadihani ndi beni mudiambu ye gugadula baadu mupiba yi masumu,gina giedi gimbangi gigadi mudangu dina. ⁷Ya yena gadisodi mugugala Tumua ye Longi,mudiambu mugubalesa mapandi maluguigilu lukiediga,loo yi badihuna haa yi balulela mapandi makiediga.⁸Yi dzolagagi mbi ba bagala basambaga mu bihani biootshu,ye gu niamugisa miogu mi pimbu,shi gabu,loo shi mangindu mambi. ⁹ Yi ba dzola kega mbi Bakedu,ba vuada mu pila yi pimbu,ba vuada bima bi baa bi pimbu gugonda lulendu;loo ba fani dungisa tshugi,loo ba fani vuada bima biwolu,shi mayaga,loo bafani vuada miledi mitalu.¹⁰ Haa bahanga bisalu bi pimbu bina bifani hanga ba Kedu bena bidileshigisaga mbi ba djidisagaa Gahungu.¹¹Dangu ba Kedu dibaba yuga malongi ba fani gala puede,ba fani lemvuga mumapandi mootshu. ¹² Loo yi bahana ndzila mbi ba Kedu ba longa mbi loo bayala ba bagala;ba fani gala kaka puede.¹³Mudiambu Adamu gahangamani mudu wu tegu Eva mudu wu djiodi. ¹⁴Talatshi loo gahuni Adamu haa gahuni Eva,ya yena mukedu ga dzuwi tshigu. ¹⁵Haa kosu mukedu wuna wu ba buda bana ga senda mooni,mbi bugadjingi kaka ye luguigilu,ye gudzolagana mumabanza magi Gahungu,mbi ndi bugagadi puede gugonda lulendo.

Chapter 3

¹Ndaga yi yedi yikiediga mbi mudu,ga bazola gala mutuadishi wu dibunbu, ya ba mbi wu sodi gi salu gi pimbu. ²Mutuadishi wu dibundu loo gala yebifu bi mbi, ga fani mona mukedu wu moshi buna,loo ga fani ludigisa gidesu mu kosu mapandi mena,ga fani gudi yala,loo fani gala mudu wu gisagasa,ga fani gala mudu wu moshi wu yambaga banzendji,ga fani yaba gu longa badu pimbu-pimbu. ³ Loo ga fani gala ye gigalulu gigulawuga malafu,loo ga fani gala kega mudu wu gingolungolu,haa ga fani gala mudu wu puedee wu dzolaga ngemba,loo ga fani hana mbundu yandi gu mbongu.⁴Ga fani yaba guyala ndzu yandi,ga fani longa bana bandi mugumulemvugila ye ludjidu luootsu. ⁵ Mudiambu,mbi mudu loo gabayaba gu tuadisa ndzu yandi,buni ga fani tuadisa dibundu di Gahungu.⁶Mudu weni loo ga fanigala mudu wu pa mu di bundu,haa ga fani gala muKdishidu wu gulu,mbi loo ga fani guma mudu wu moshi wululendu, buoona gasenda ndola yi moshi nga ndola yisendi gadiapemba. ⁷ Badu bega,bena bagondi ba Kdishidu,ba kega bafani gumbula mbi gedi mudu wu moshi wupimbu,mu pila looga fani bua mupandi matsoni,mbi loo muwulu di gadiapemba.⁸Bambuda ba dibundu kega,ba fani gala badu ba ludjidu ye masonga,loo ba fani nua malafu maguluda gidesu;loo ga fani senda mbongu mundjila yi bupala. ⁹ Mapandi ma galeshi muluguigilu lu baa,baa fani landaga mundu yi kiediga. ¹⁰ Baa fani gu ba mega tegu,mbi buba nungi,buoona nga yaba gu basa mugisalu.¹¹Ba kedu ba bafani gala ludjidu,loo ba fani gala badu bamatsubisa,loo ba fani gala gudisa mukosu gimagina. ¹² Bambuda badindu ba fani mona mukedu wu moshi,ba fani tuadisa pimbu bana ba baa ye mandzu ma baa. ¹³ buoona bena ba balungisa gisalu gi baa pimbu-pimbu ba fani senda ndonga yi moshi ye lugumu ye gusa mbundu ngolu-ngolu mulu guigilu guedi Yesu Kdishidu.¹⁴Yi bagusonigila bima bii ye guyaba guenda sesebi guedi ndji. ¹⁵Gutshuga ndji muguyaba,mbi yiba suginina,buni wu fani gu dinedisa gundzu yi Gahungu,guedi ndzu yi Gahungu yi moshi,ndonga ye ngolu di masonga.Ye gugonda guduna gisalu gi kiediga gi ngolu;wuna wu dileshigishi muludu,gudi dendula mu muhunga wugugedila,ba mudalagi nga ba wandzio ba longagi gu bula di Gentile,gu guigila mugifudi giootshu mulugumu.

Chapter 4

¹Muhunga wu Gahungu gabayagula mbi mudangu di tshuga,beengi bu bayambula luguigilu,mudiambu ye gugangamana mu mishinga mimbi.² Mu malongi maga diapemba,mugu suega bi fuu bi basadi ba mbi ba vuadi bidimbu,mu mabanza ma baa beni.³Gu dunisa baadu mugu konda monagana yemu gonda dia madongu ma gangi Gahungu,gishi loowa Gahungu ga gangi bima bina mupila ba Kdishidu bena bayabi mapandi ma kiediga ba fani dia madongu mena,mbi bahani madonda guedi Gahungu.⁴ Bima biotshu bi gangi Gahungu biedi bi pimbu,loo guedi shi gima gimoshi,du fani gumbula bima biootshu ye guhega Gahungu madona mudiambu ye biaa.⁵ Gahungu ga gumbulaga bima bina biootshu bi pidu munidanga mapandi medi mu muganda wandi,mubisalu bi pidu.⁶Mbi,buhani mandongishila mama guedi ba pangi bega,hu fani hangila pimbu Yesu Kdishidu,bu daluga mbi wedi mugulonguga pimbu-pimbu mapandi maluguigilu ye malongi ma kiediga mena ma wu landaga. ⁷ Haa wu fani duna bi ngana bina bibudzoba ye bi pamba-pamba bina bi gondaga guenda ndzila yi moshi ye Kdishidu wu pidu;wu fani mega gudjinga,ludjingu lugi Gahungu. ⁸Matshaga maguhana ludu magalaga funu,haa ludjingu lugi Gahungu luedi funu guluda mapandi mootshu mudiambu lu hanaga lushilu lu moni lu lelu ye lumoni wu baguitsha gu mitshu.⁹Mapandi mena medi ma kiediga,badu ba fani gumbula ye gusa mbundu.¹⁰ Buoobuna dubahanga,duba nuana ngolu,mudiambu du shi mbundu yi pidu guedi Gahungu wu moni,wuna wedi muhulushi wu badu buootshu,ye wu bena bedi ye luguigilu.¹¹Lesa baadu muguhanga mapandi mena mootshu,balonga mugumahangila. ¹² Loogugumbula mbi shi mudu wu moshi muguguvendza mudiambu wedi mugegi,haa mu mapandi mena muwuyagulaga,mubi kalulu biagu,ye muludjingu luoogu lugi Gahungu,wu fani lesa mbandu yi pimbu guedi ba Kdishidu.¹³ Ye mudangu dina diguitsha,yi badzola mbi ndji wudihana mugudanga muganda wu Gahungu gu misu ma badu bootshu,mugubahega malongi ye mugu balonga.¹⁵Loo guyambula magabu ma muhunga wu gugedila,mena ma guhegi Gahungu mu dangu di bambigudi;bayagudi mudiambu ye ndji dangu di gushi bambuda miogu mudiambu digugu lesa mbi bagu sodi muguhanga gisalu gii. ¹⁴wuhanga bisalu bina pimbu-pimbu,wu dihana wumuwundu guedi biaa,yayena badu bootsu ba dala mbi bisalu biagu biedi muguenda gu misu. ¹⁶ Gieba ndji beni,gieba mu malongi maagu,gala ngolu mu mapandi mena mootsu mudiambu mbi,bu wuhangi buna,buwuhulusa kega baadu bena ba yugaga malongi magu.

Chapter 5

¹Loo gunganina mbuda mudu haa mulesa nga bulesaga dadagu,hanga guedi bana ba babagala nga buhangaga guedi ba pangi baagu ba babagala. ² Hanga guedi ba kedu bena bedi ba mbuda nga bu hangaga guedi ngudiagu,hanga kega mugi Gahungu giotsu nga bu hangaga guedi bana ba bakedu nga bu hangaga guedi ba pangi bagu ba bakedu.³Ye ludjudu luootsu wu fani sadisa mifidi mi ba kedu,ha bena ba gondi badu bagubasadisa.⁴Haa mbi mufidi wumoshi wedi ye bana ye migagana,tegu ba fani longuga mugusadisa famidia di baa:gina giedi gisalu gibaa gigikdishidu,buoobuna ba vudula fuga dilusadisu dina diba hegi bibudi ye ba kaga babaa,mena medi mapandi ma dzolaga Gahungu.⁵Mukedu wu mufidi wu gondi mudu wega wu gumusadisa wu shi mbundu yandi guedi Gahungu;loo galembuaga mugusamba ye mugudinga lusadisu luandi piba ye muini.⁶ Haa mukedu wu mufidi,mbi gabalanda gieshi gigifudi,shi gabadjinga,gedi nga mudu wugufuaa.⁷Mena medi mapandi ma wufani gu balesa,buoobuna badu bega badala pandi yigugonda gubatsuba. ⁸Mbi mudu hugondaga sadisa baadu bagiganda giaandi,mbi loo gabasadisa baadu ba djumu diandi ndi beni,hubidishi luguigilu luandi,ndi shela gedi mupani wumbii.⁹Mukedu wuna wusonigaga mu muganda wuba sonigaga madjina mabafidi,ga fani lungisa mamvula maguba masambanu buoobuna gafani gala mukedu wuna wuhangi makuela mbala yi moshi. ¹⁰ Baadu ba fedi muyaba mbi gahangaga mapimbu,gatsatsa bana baandi pimbu gayambaga ba ndzendji gundzuandi pimbu,gayebishi milu mi bakdishidu ga sadisaga badu bena bagadi mupashi,gahangaga kega mapandi ma pimbu ma pila ye pila.¹¹Haa loo gusoniga madjina maba kedu bana ba gondi nuna yaandu,mudiambu mbi buba dadi ndzala yi gumona kega,buba yambula ndjila yi Kdishidu. ¹² Buoobuna mapandi ma bua ye londi di midu mibaa,mudiambu ba dzuwi lushilu luba lutegu. ¹³Haa,basendaga gifu gigue luda ndzu ye ndzu,buoobuna mapandi maludi kega mbii,ba gumi tsoni-tsoni ba dzolaaga gugoda mu mapandi mana magondi gubadadila,baa kega mudi yagula mapandi ma vula mabafani konda yagula.¹⁴Ya yena,mii yidzolaga mbi bami fidi bana ba gondi nuna tegu ba hanga kega maguela,ba buda bana,bayala ma ndzu ma baa mudiambu ba mbeni ba pidu ba gonda dala shi pila yi moshi muguyagula mudiambu ye pidu. ¹⁵ Mudiambu ba kedu bavula ba bidi ndjila yi baa mudiambu ye gulanda gadiapemba. ¹⁶ Haa,mbi mukdishidu wumu kedu gedi ye mifidi mi bakedu mugiganda gibaa,gafani guba sadisa,bu gogu bubaa,loo gafani hana gudi bundu mupila mbi bana ba saadi loo bedi ye badu bagubasadisa,dibundu di fani guba sadisa.¹⁷Ba mbuda bana banedisaga dibundu pimbu-pimbu,bana bahangaga ngolu muguhana malongi ye mugu longa baadu,ba fani senda lufudu mu mbala yi jdiodi. ¹⁸ Mudiambu muganda wu Gahungu gabayagula mbi,loo guganga ganu di ngombi mudangu digaba niada ndumba,haa wu hegi ngombi ndzila mugudia ndumba,buoobuna kega,mudu wu gisalu gafani senda lufudu luandi.¹⁹Mbi mudu witsi funda mbuda wu dibundu,tegu ndji mugugumbula mapandi mana wu fani yuga kega gimbangi gibadu boodi mbiloo badadu. ²⁰ Ye misu mabadu bootsu wu fani nganina baadu bana babahanga masumu,mupala mbi badu beega bayuga booma muguhanga masumu.²¹Ye misu maga Gahungu,ye misu ma Yesu Kdishidu,ye gumisu maba wandjio ba Gahungu,yi bagugulesa muguhanga mapandi maa,laanda mandongishila maa,loogugala ye mabandza mega hanga guedi baadu bootsu gidesu gimoshi. ²² Mbi wuba dzola gusola mudu mudiambu gahanga gisalu,loogumu saa miogu tinu-tinu;mbi baadu bega mudi hanga masumu,loo wu fani goda mumapandi mana,haa wu fani gala ye mbundu yi pembi.²³Loo gunuaga muetsi buuna,haa nuaga kega gandambu gamalafu mudiambu mugusadisa ndzumu diagu muguhangaga pimbu,mudiambu wu belaga ngolu. ²⁴ Masumu ma baadu beega mabala moniga,shi Gahungu looyandu gaba sadishi,haa baadu beega,masumu ma baa mamoniga gungoyi. ²⁵ Bisalu bi pimbu kega biludaga gumoniga pimbu-pimbu kosu dangu,shi bisalu bi pimbu loobimonigaga sualu-sualu,haa loobi suamanaga.

Chapter 6

¹Bahiga bafani senda ba fumu baba nga baadu ba moshi ba ludjidu;buoona,looshi mudu wu moshi wu fani yagula mapandi mambi mudiambu ye djina di Gahungu,mbiloo mudiambu ye malongi mapidu. ² Bahiga,mbi ba fumu baba kega bedi ba Kdishidu,loo bafani gubavenza mbi,mudiambu ba bootsu ba gumi ba Kdishidu,haa bafani gubadjidisa,bafani gubahangila pimbu guluda,mudiambu bahangilaga ba Kdishidu bana babadzolagaa,ndji wu fani longa mapandi maa haana malongi mudiambu di maa.³Mbi mudu gaba longa malongi mega,mbi ndi loo galandi mapandi makiediga mana ma fumu wu pidu Yesu Kdishidu magayagudi mbiloo malongi ma Kdishidu wu pidu.⁴ Yaba mbi wuyudi ye lulendu,loogayabi shi gima gimoshi ndzala yimbi yi bamuneda mugusaa tembi ye muguyagusagana ye badu beega mudiambu kosu mapandi,buoona badu bayugaga badu beega musogi,ba sagaga tembi,ba sawulaga badu beega,ba sagaga ngindu dji mbi guedi baadu beega; ⁵ Baadu bedi ye mabandza mabupala,bana bagondi, tembi dji baa dji dalaga,ba nungaga mu ndjila yi Kdishidu,ba fani vuama.⁶Mukiediga,mbi mudu gadalaga gieshi mu bima bina bigafugi,Kdishidu wandi gagalagagi mvuama wandi. ⁷ Mudiambu pidu looduitsi shi ye gima gimoshi haya ye londi di manu;buoobuna dangu di dugaduga ye londi di manu maa loo du neda shi gima. ⁸ Boobuna kega,mbi tuedi ye madongu ye miledi ye ndzu yi gunimba,bina bilungi guedi pidu.⁹Haa baadu bena ba dzolaga guguma ba mvuama,gadiapemba gaba buisaga;ndzala yi vula yi budzoba ye yimbi yina yi bebisaga baadu,yina yi ba dzuwaga,yi bagamaga. ¹⁰ Mudiambu gudzola mbongu ngolu gu bendaga mapandi maambi ma pila ye pila,baadu beega balagagi ye ndzala yi mbongu yi vula;ye buna ndzala yina yi bidishi luguigilu lubaa,dibahegi pashi dji vula gumbundu.¹¹Haa ndji mudu wu Gahungu,wu fani dina mapandi mana mootsu,wu fani landa mapandi makiediga,mapandi magi Gahungu,mapandi maluguigilu,mapandi magudzolagana;wu fani ganga mbundu,wu fani gala mudu wu puede. ¹² Wu fani nuana ngolu mudiambu ye gugala kega ye luguigilu;gama gu miogu miagu moni wu mvula ye mvula,mudiambu Gahungu wu gu sodi muguyaba moni wuna dangu di wuyagudi mapandi ma pimbu mudiambu ye luguigilu luoogu gumisu ma baadu bavula.¹³Gu misu ma Gahungu wuna wuhanaga moni guedi baadu bootsu ye bima biootsu,ye gumisu ma Yesu Kdishidu wuna wu yagudi mapandi mapimbu mudiambu di luguigilu luandi gumisu ma Pondzu Piladu,yi bagugulesa muguhanga mapandi maa: ¹⁴ Wu fani landa pimbu-pimbu mapandi maa mabagudumishi muguhanga,gugonda shi mapandi mamoshi mambi,ye mugilumbu gina gi fumu wu pidu Yesu Kdishidu giga guitsa moniga.¹⁵Gahungu wuna wedi fumu ndi beni,wuna wedi fumu wu gieshi ye fumu wu ba fumu bootsu,gadumisa Yesu mu guitsa gumoniga mudangu di pimbu. ¹⁶ Baadu bootsu bafuagaga,haa ndi loogafuaa;shi mudu wu moshi loogafani pusana ye muini wuna wandi wuga djingilaga,looshi mudu wu moshi wumudadi;lugumu ye giyega lugala guedi ndi,bunaloo!¹⁷Leesa badu bena bedi ye gimvuama gilondi di manu maa,mbi:loo bafani gala lulendu,balesa mbi:loobafani saa mbundu mugi mvuama gigifudi gii mudiambu gi mvuama gina gidjingaga,haa basa mbundu yi baa guedi Gahungu,wuna wuduhegi bima biootsu biguluda gidesu mudiambu dudala gieshi bi giaa. ¹⁸Balesa muguhangaga mapandi mapidu ye gugala baadu ba pimbu bena bagabaga bima bi baa guedi baadu beega.¹⁹ Buna baa bubasuega gimvuama gipimbu ye gingolu mudiambu ye bilumbu biba guitsa gu tuala boobuna buba senda moni wu kiediga.²⁰Timote,yuga,gama pimbu-pimbu bapandi mana mootsu mabaguleshi,looguyuga pamba-pamba mana magondaga guenda ndjila yi moshi ye luguigilu lubaa,loogayugaga kega matembi mabaadu bena bayagulaga mbi bedi ye mayela,haa mayela mana loomedi makiediga. ²¹ Mudiambu baadu beega bayagulaga mbi bedi ye mayela mana,haa ba bidishi luguigilu lubaa,Gahungu ga ludala mu disu di pimbu.

2 Timothy

Chapter 1

¹Poolu tumua wu Yesu Kdishidu,mulu dzolu lu Gahungu,mugu dadila lu shilu luludjingu luedi guedi Yesu Kdishidu, ² Guedi Timode muana wami wu dzolami:disu di pimbu,kenda ye ngemba dji Gahungu Dada Yesu Kdishidu ngulushi wu pidu djigala guedi ndji!³Yi bavudula madonda guedi Gahungu,wuna wu sadilagagi ba kaga djiami,yi ba gugu sadila mu mbundu yi kiediga,kosu dangu di yiguyindulagagi mu bisambu biami mvudulagagi madonda guedi Gahungu piba ye muini, ⁴Mbi bu ndjindudi pila yi dilagagi,yedi ye ndzala yi gugula kega mudiambu kala ye kieshi gingi. ⁵ Yi ba yibuga luguigilu luoogu lukiediga nga lugalagi guedi kagagu wumu kedu Luazi ye guedi ngudiagu Enise,yi ba saa ngindu guedi ndji mbi luedi luo.⁶Ya yena yi baguguyibugisa mbi:magabu mena magu hegagagi Gahungu dangu di yigushi miogu,guhanga ngolu maguma mengi. ⁷ Haa looguedi mbi mumuhunga wuguhegi Gahungu gagadulagi gigesa,ga hanagagi gigesa,dzola ye mayela.⁸Loogagala ye tsoni mugugala temue wu fumu Yesu wu pidu shi guedi mii yiedi mu dangumbada yandi.Haa nioguga ye mii mudiambu ye ndaga yi Gahungu. ⁹ Mungolu dji Gahungu djina djiduhulushi,gudugumishi basantu loombi muguguma bisalu bi pidu,haa mulugumu luandi ye mbundu yiandi yi pimbu yigahegi Yesu Kdishidu yandiga gu muaga. ¹⁰ Dangudi guduyabishi,dangu ditsi ngulushi wu pidu Yesu Kdishidu,ye londi dimaanu ga sugishi lufua mudiambu tsangu dji pimbu galeshi baadu mooni wu mvula ye mvula. ¹¹ Gahungu ga poni mugala temue ye longi mudiambu muguyabisa baadu tsangu dji pimbu guedi ba pani.¹²Buoobuna shi budadi pashi dji,haa loo yedi ye tsoni,mudiambu yi bayaba guedi na yi guigilaga,yi bayaba mbi mapandi mana maga ndeshi wu fani suega tii gilumbugina. ¹³ Gama muluguigilu ye ludzolu luna luedi guedi Yesu Kdishidu mbandu yi mapandi mapimbu ma wu sendi guedi mii. ¹⁴ Laanda ndongishila djina dji yiguhegi,mulusadisu di muhunga wu gugedila wuna wugalagagi ye pidu.¹⁵Ndji wuyabi mbi bena bootsu bedi gua Asiya ba tini,nga Fizele ye Ermogene. ¹⁶ Gahungu ga yugidi ndzu yi Onezifore kenda,mudiambu gitsagagi mbala djingi mugu pega gigesa,shi yedi mudangumbada loogagalaga ye tsoni muguitsa tala; ¹⁷Haa mudangu di gitsi gu Roma,ga ndingagi ngolu,ye gatadi. ¹⁸ Yesu Kdishidu gamuhegi tsuaa mudiambu Gahungu gamuyuga kenda mugilumbu gina.Wu yabi mapimbu maga pangi gu Efeza.

Chapter 2

¹Ndji,muanami,gala ngolu mumapandi ma pimbu mana maduedi mugimvuga ye Yesu Kdishidu. ² Mapndi mana ma wu yugi mayilongagi mu misu maba temue,longakega guedi bana bawu sagagagi mbundu,bana ba fani kega mugulonga baadu beega.³Niogama ye mii,nga mupumbulu wu pimbu wu Yesu Kdishidu. ⁴ Looguedi ye mupumbulu wu fani goda mapandi ma ludjingu,ma gondi mugisalu giandi;mbi bu gadzodi fumuandi gamu senda mupumbulu wu pimbu; ⁵ Mudu wuna wu hangagagi tsaga looganungagagi mbi loogadjidishi matsigu ma tsaga.⁶Mudu wu bahanga bisalu bimangundu gafani gala mudu wu tegu mugugadula ndumba. ⁷Yaba mina mi babayagula,fumu Yesu gaguhega mayela ma bima biootsu.⁸Yibuga Yesu,wuna Gahungu wuguniamugishi mulu fuaa;Davudi gagadi kagandi,tsangu dji pimbu dji gayagudi buobuna, ⁹Ibadala pashi mudiambu yi bahana tsangu dji pimbu buwutsi mudangumbada mudu wu hangi gima gimbi.Haa loobafani saa ndaga yi Gahungu mudangumbada. ¹⁰ Mudiambu diadina di baganga mbundu:mugiguma gi baadu bana basadi,mupila mbi Yesu Kdishidu gaba gulusa kega basenda ludjingu lu mvula ye mvula.¹¹Mapandi madu fani saa mbundu mama mbi budu fii ndjila yi moshi ye ndi,du djinga kega ye ndi; ¹²Mbi budu gangi mbundu,duyala kega ye ndi;mbi budumuduni,ndi kega bugaduduna, ¹³ Mbiloo du lemvugi guedi Gahungu,mudiambu ndi beni wu lungisa mapandi maandi.¹⁴Gadihani nga magabu mudiambu di pidu,mupila mbi dugaduga mu mapandi mootsu mambi,duguma baadu baandi gibeni,baadu ba mbundu yi pembi bena ba dzolaga guhanga mapandi mapimbu.¹⁵ Wu fani saa ngolu mugu moniga nga mudu wuna wu basala gisalu,wu fani gonda senda mbii mugisalu giandi,wuna wu ba longa malongi mapimbu.¹⁶Loogusolula mapandi mana magondi funu ye ma gondi mundjila,mudiambu baadu bana ba solulagagi mapandi mapila yina ba bilagagi Gahungu,mapandi mana maba longugagagi magala nga puda yina yi diagagagi misuni dugodi-dugodi. ¹⁷Mukadi ga baadu bena guedi Imeneyo ye Filedi, ¹⁸ Bayambula mapandi makiediga,babishi luguigilu lubaadu beengi muguyagula mbi lufudumugu luyitsi gumuaga.¹⁹Haa luyandigu lungolu lu Gahungu lugashi luedi kaga ngolu,ba sonigi ye londi di dia mbi Gahungu wu yabi baadu baandi;"ye kondzu mudu wuna wuyagulagagi mbi yiedi mukdishidu,gafani yambula mapandi mambii. ²⁰ Mu kadi ga ndzu yi neni loo gugalaga buuna ndzungu mawolu ye palada,haa magalagagi mamidi ye ma mamanu mega medi malugumu,mena mega loo medi ye funu. ²¹ Mbi mudu bugayambudi mapandi mambi, Gahungu gamu gumisa muguhanga bisalu bilugumu,pambaloo,mudiambu gedi funu guedi fumuandi wuyilami muguhanga bisalu bi pimbu.²²Yambula ndzala yi gigegi sangolu muhanga mapandi ma masonga,maluguigilu,ma ludzolu lumbundu,ma ngemba,gumoshi ye bana basambagagi mu mbundu yi masonga. ²³ Loogusa tembi dji budzoba dji gonda funu,yaba mbi,bima bina bibendagagi baadu mugu nuana.²⁴Haa yaba mbi mudu wuna wu sadilagagi fumu Yesu loogafani yagusagana ye baadu beega;wu fani gala ye baadu bootsu,wu fani gala mudu wu pimbu,wu fani longa baadu beega,mudu wuguganga mbu, ²⁵Gafani sungiga ba mbeni dugodi djigu Gahungu gaba hega ndjila djigubalumuna mbundu ye mgu yaba mapindi makiediga, ²⁶ Mbi buluhangi boona,mabandza mapimbu mabavudugila mu mbundu dji baa,buba gaduga muwulu di gadiapemba wuna wu bagami mbi balanda ludzolu luandi.

Chapter 3

¹Yaba mbi,mubi lumbu bitsuga,gu gala madangu mapashi. ²Haa badu loo ba bula dzola,ba bula dzola mbongu,ba bula gudisaa bula gala lulendu luingi,ba bula vuesa Gahungu,ba bagala mudu guguba guedi ba Dada ye ba Ngudi,loo ba bala yaba guvudula madonda,loo ba bala djidisa mapandima Gahungu, ³ Ba bula gala koni dji vula,ba bula djinga mugimbeni,gutsubagana,kabu,ba mbeni badu ba pimbu, ⁴ Gudega badubega,guhanga mapandi gugonda guyindula tegu,ba guyula ye lulendu gudzola gueshi gi gifudi Gahungu loo,⁵Gudi lesa gu misu mabadu mbi bedi ba Gahungu,haa mumbundu dji baa ba dunagaa mugi gidi ngolu dji Gahungu.gaduga gimvuga gimoshi ye badu bana. ⁶ Guedi ye bena mukadi ga baa ba goda gagi mu mandzu,ma ba kedu bena bedi ye mbundu yi kufi bedi ye masumu mavula,ye ndzala yi pila ye pila,⁷ Ba longugagagi kosu dangu haa loo bakukagagi guyaba ma pimbu.⁸Ba duna gagi mandi makiediga nga Yannesi ye Jambres ba duni mososhi,bedi badu bamabandza ma mbi mbii badu bega ba landi luguigilu lu baa,loo ba fani nunga.⁹ Haa gisalu gi baa loo giendaga gu tuala ngolu: mudiambu badu bootsu ba yabi mbii bahangagi mapandi ma budzoba nga ma badu bena boodi.¹⁰Haa ndji wu landi malongi mami,bikalulu biami,mabanza mami ye luguilu luami,gifu giami gi guganga mbundu,gifu giami gi gudzolana, ¹¹ Ye minianga,pashi dji tadisaga badu.Ye diega dji dala mibeni wu ba yaba kipashi dji mbuidi gu mabula maa:Atioshi,Ikoni ye listre?ki minianga mi kondji gangila mbundu?haa fumu ga gakadudi mupashi djina djiosu. ¹² Da ngu di,wu yaba mbi badu bootsu bana badzola gagila Gahungu mugimvuga ye Yesu Kdishidu. ¹³ Haa badu ba mbi ye badu ba bupala mbi dji baa djiguitsa diingi,mudiambu ba balahuna badu bega ye ba beni.¹⁴Ndji,landa mapandi mena kaka mawulogugi,ma wushi mbundu,yaba balongi ba gulongi. ¹⁵Yandiga gi gegi giagu wu yabi miganda misantu mina mi fani gu guhega mayela ma guigilu guedi Yesu Kdishidu.¹⁷Muganda wu Gahungu wootsu ba sonigi mungolu djiandi,ye medi funu mugu longa,mu gu songisa,gusungiga mu masonga. ¹⁶ Boobuna mudu wu Gahungu ga fani gala wu yilama pimbu-pimbu ga gala mupila yi pimbu yi gusala gi salu yi pimbu.

Chapter 4

¹Mu misu ma Gahungu yeYesu Kdishidu bena basambisa badu ba moni ye ba fwii,dangu digaguisa yala badu mi yi bagulela mbi muguhanga mapandi maa, ² Longa tsangu,sangolu mugudiyabisa,shi mupashi,shi mugueshi sungiga bifu guedi badu bena ba longaga,ba guebisa,ba hega gikiesa mugu ganga mbundu.³Haa mubilumbu biba guitsa gutuala baadu looba baladzola kega guyuga malongi makiediga,ba bala gala ye mabanza ma ba beni,mudiambu ye bagulonga mapandi maba badiguyuga, ⁴ Loo ba bala yuga kega mapandi makiediga,Haa ba bala saa matshu maba ngolu muguyuga bingana bibupala. ⁵ Haa ndji diyala mubima biootsu ,ganga mbundu mumapashi,sala gisalu giagu mugulonga tsangu dji pimbu,lungisa gisalu giagu giootsu.⁶Mudiambu mi,dangu di fani mugudihana nga magabu,dangu diami di gufwaa dilungi. ⁷ Yi nuani ngolu mudiambu di gununga gisalu giami,yi nuani tii gutsuga yi gami luguigilu luami. ⁸ Ya bagani mbi gusadi ndambu mi yi basenda matabishi mabalesa mbi yi nungi,matabishi mana medi mapandi mapimbu ma fumu Yesu,zushi wu kiediga gapega mugilumbu gina,loombi guedi mibuna ye guedi bana bamugingaga ngolu mugumudala.⁹Hanga ngolu muguitsa guedi mii; ¹⁰ Haa Damashi ga ndzambudi mii beni,gendi gu Tesaloniga;Kresensi gendi gu Galadi,ya yena Tito gendi gu Dalamatia.¹¹Luuga buuna wendi ye mii.Senda Madigo luitsa yandi ndzila yi moshi,mudiambu yi dadi mbi wu lungi mugusadisa gisalu. ¹² Yi dumishi Tishigi gu Efezo. ¹³ Dangu di wu bula guitsa nedila kazaga gena geyi shishi gu Trowashi gu ndzu yi Karpo.Nedila kega miganda,mina miedi ye bambitsi.¹⁴Alegizandre,wuna wu babaga ndondu,gapangi mambii mengi.Gahungu gamuhega ndola mu mambi maandi. ¹⁵ Ndji kega gieba,mudiambu ye ndi,ndi bugaduni malongi ma pidu. ¹⁶Shi mudu wu moshi looganuanini,dangu di basambisaagi mu mbala yi tegu,baadu bootsu ba ndzambudi.Bina biootsu bigalegu bima sumu.¹⁷Haa Gahungu gagadi pena-pena ye mii gapegi gigesa,diadina diyi dadi pila di gulonga tsangu dji pimbu mudiambu baadu bootsu bedi ba Bayudashi.Gahungu digakadudi gu ganu di gishingatambu. ¹⁸ Fumu bugakadula mu mapashi mootsu,ga kodisa pimbu-pimbu mu gifumu giandi gi yilu.Lugumu lugala mvula ye mvula!buoona!¹⁹Muhee Priska mbodi ye Akilashi,ye ndzu yi Onesifore. ²⁰Eraste ga sadi gu Korinto,yi shishi Trofime mukashi ye Mileti. ²¹ Sa ngolu muguitsa haya yi gondi noga mvula yiingi.Ebilishi,Pidansi,Linusu,Klodia,ye ba pangi bega bootsu bagu dumishi mbodi. ²² Haa Fumu gagala ye ndji!Fumu gagulolula mudisu dipimbu!

Titus

Chapter 1

¹Polu musadi wu Gahungu,ke mutumua wu Yesu Kdishidu mu lu guigilu lu baana ba solami guedi Gahungu ye mugudi yaba mu masonga bana ba niamugi mugimvuga gi guguigila. ² Bawu ba gadi muluguigilu lu gonda tsuga ye Gahungu,wu gondagagi gu da bupala,wu yani ma latshi yandiga mu madangu ma gulu. ³ Mudaangu di guitsa, ga dendudi ndaga yandi mumalongi maga pegi giyega mugulonga,yikadi hanga mitsigu mi Gahungu muhulushi wu pidu.⁴Guedi Tito,muana wu bagala wupimbu muluguigilu lumvuga.Lusagunu ye ngemba djigadugi guedi Gahungu wedi Dada ye guedi Yesu Kdishidu wedi muhushi wu pidu. ⁵ Mu giguma giana,yi gushishi gugeledi,gutsuga mbi nga wu saa mundongaa bima bina biba gondi gaadi gumanisa nga wusa ba mbuda mu gonzu mavula nga buedi mitsigu miami.⁶Mbuda guedi wuna wu ba fani gonda dadila mu mambu mambi kega bagala wu mukedu wu mosi,wu fani gala ye bana ba ma songa babafani gonda bogudila ye gugonda ludjidu. ⁷ Guedi funu guedi nganga wu Gahungu mu neni mu gugala wuna wu fani gonda gala mu mambi.loogafi gala gindiani mbi loo mugisaga-saga.loo gafani gala mueni kabu shi gudi hana mumalafu,shi gingolu-ngolu,shi mudu wu pamba pamba.⁸Haa gafini gala muyambi bootsu,ndugu wu ba guenu,wu feni gala ye guyuga gigidi,gugonda ma sumu ye gudi gieba ndi mueni. ⁹ Gafani gala wu haa gangamana mu ndaga yi Gahungu nga buga longugi,haa nga gala ye gigesa mu gulonga beega ye mumalongi ma pimbu ye mugu sungiga bena ba dzolagagi mwvalangasa.¹⁰Buoona guedi badu bavula bagumi bisaga-saga,ngolu-ngolu guedi babalumuni mbundu mu ndaga dji bawu djedi pamba-pamba.Badumi guyamba ye gunada badu mu djinzila dji mbi. ¹¹ Guedi funu mu gubaganisa.Balongagagi biaana bi bafani gonda hanga mu lufudu lutsoni ye guvandigisa maganda mamvimba.¹²Umoshi mukadi ga bawu,mudu wu mayela gayaguudi:wuyugagagi booma dangu diootsu dji mupala wu mudu wu bifu ye gigonza gi mbitshi.Djumu di bumolu. ¹³ Gimbangi giandi gi masonga,udzodi gunuanisa baguenu sambu gutsuga gagala ye luguigilu lu pimbu.Loogugalani ye bugiebi mu mambu ma bayudashi mbi loo mu mitsi mi badu bagondaaga gulanda masonga.Guedi bana bedi bagonda masumu,buootsu biedi bigonda masumu;kanzi looguedi ye gima gigonda masumu guedi bena badjingagagi mu gugonda guguigila sambu mabanza ma bawu ye ngindu dji sumugi tunda. Bahangaga nga guna mbi bayabi Gahungu .Haa tsadidi yi bawu muna gudilesa.Badileshi giitsagagi ye gugonda gulemvuga.Loobafani mu guhanga mahanga ma pimbu.

Chapter 2

¹Kashi ndji,yagula bima bi pimbu mutsigu. ² Ba mbuda ba fani gala ye gigesa,gubadjidisa,guyindula,gulungisa luguigilu,mu ludzolu ye mugugangamana.³Gidesu gimoshi,ba kedu bana ba bambuda ba fani gu gu nadisa nga badu bena baba fani djingisa,looba fani yagula.Looba fani guhanga mu malafu.Ba fani longa muna ma pimbu; ⁴ Mu giguma gigulonga ba pini mugu dzola ba lumi dji ba ye bana. ⁵ Ba fani guba longa mugugala baana ba fedi yindula,gigeledi,ba senda bukeedi bu manzu ma baa,mugu lemvugila ba lumi dji baa.Ba fani hanga mambu mena mudiambu ndaga yi Gahungu yi gonda nuanisama.⁶Gidesu gimoshi,hana gigesa guedi ba ngunza bagala ye guyindula. ⁷ Mambu mootsu,dileshigisa mu mambu ma pimbu,mbi wuba longa gulesa kiediga ye bu neni. ⁸Ba lesa ndaga yi kiediga ye loomifani gala mi mbi.Gutsuga konzu wuna wuyi maninina nga ga balumuna sambu looguedi ye mambi maba fani yagula ma du dadidi.⁹Ba higa ba fani lemvuga guedi ba fumu dji baa mambu mootsu.Ba fani gubahega gieshi ha loombi mugunuanagana ye baa. ¹⁰ Looba fani yiba.Kashi giguma muluguigilu lu pimbu,gutsuga mbi fani shigisa malongi ma pidu ma dadidi Gahungu wedi muhulushi wu pidu.¹¹Haa madonda mhanamana mugifudi giotsu. ¹² Badu longaga mugununga masumu ye miotsu mugifudi.Gadusadisaga mu gudjinga mu pila yi pimbu,gigidi ye guguigila mu bilumbu bi guedi. ¹³ Mudangu didu ba gingila gusa mbundu mulusagumunu,gumoniga mulugumu lu Gahungu ye muhulushi Yesu Kdishidu.Yesu gidi hani ndi beni guedi pidu mugudu sumba mugi pumbulu ye gugumisa pimbu,guedi ndi beni,mudu ye londi di badu guedi nzala ye mambu ma pimbu.Yagula ye gumuhee gigesa mambu mana.Sungiga ye giyesa gigi fumu.Hugumbulegu mbi mudu gagu gulusaa.

Chapter 3

¹Bayibugisa mugudigulumusa guedi du pida ye guedi ba fumu,mugu ba lemvugila ye mugu gala pena-pena mi bisalu bipimbu, ² Bayibusa mugugonda yagula-yagula, mugugala ye mbundu yi mbi guedi ba guenu.Mugudi gumusa guedi badu bootsu.Mudiambu pidu kega budu gadi bimpulu ye loodugadi ye bulemvu.Pidu budugandamani mugudi djingila mu bieshi.Budu djingi mumambi ye mumanzala.Buba dumengagi ye gudu hunigila guedi baadu bootsu.⁴Haa yandiga yana ma pimbu ma Gahungu muhulushi wu pidu ludzolu luandi guedi badu luvudugi, ⁵ Huduhulushi loombi mudiambu ye bisalu bi gigidi bi duhangi haa mudiambu ye kenda djiandi.Gaduhulushi mu ndjila yigu bodamana,ye madela ye gubudugulula gu muhungua wugu gedila.⁶Gahungu wu diagi muhunga wu gugedila ye londi di pidu mu djina di Yeu Kdishidu muhulushi wu pidu. ⁷ gagadi hu wa sambisama muma pimbu mukenda djiandi,dugumi beni biaa mugu saa mbundu mudjingu lu mvule-mvula.Ndaga yi yedi mu kadi ga swidila.Ndzodi mbi wuyagula ye swidila mubima bina,buoona ba guigidi guedi Gahungu ba leshigisa muguhanga bisalu bi pimbu bi ga shi gu ntuala yi baa bima bina biedi bi pimbu ye bi funu guedi badu bootsu.⁹Haa lubulegu yagusagana pamba ye gugulumusa baguenu ye bidumba,gugonda guwagagana ye mishingu.Bima bina bigondi funu loo biedi pimbu. ¹⁰ Dina mu mbala yi tegu ye yi djiodi badu bootsu ba dzodi gugabulagana mu kadi ga binu, ¹¹ Yaba mbi mudu wugi fagina wu godi munzila yi piba gaba hanga masumu gaba dibedisa ke ndi beni.¹²Mbi buyi gudumi guedi Aditemashi mbiloo Tishigi sasuga mu guitsa nguana gu Nigopoloshi gu ndjindudi mugudjinga mudangu di gindolu. ¹³ Hanga nsualu wu tumisa Zenoshi wuna wu yabi mitshigu ngolu,ye Apoloshi,mu mpila mbi gagondegu gima.Badu ba pidu ba fani longuga muguhanga mapandi mapimbu mu gudi gieba mu pandi ma nsualu-nsualu gu ngoyi ba konda ya ngagana.Bootsu bana bedi ye mii ba guhegi mbodi.Haana mbodi guedi bana ba dzodi muluguigilu.Ya mbula mbi lusagumunu lugala guedi binu bootsu.

Philemon

Chapter 1

¹Poolu mudu wu dangu mbada wu Kdishidu Yesu,ye pangiandi Timode,ye Filemoni pangi ndugu wu gisalu, ²Affia pangi wu mugedu,guedi Adishipe ndugu wu pidu wu bidumba bi ndzu yi Gahungu ye wu ba vugisa gimvuga gi ndzu yaagu. ³Buoona ludzolu lugala ye binu ye ngemba dji dugi guedi Gahungu Dada wu pidu ye Gahungu Yesu kdishidu.⁴Yi ba haana madonda dangu diootsu guedi Gahungu. tsagaga mabanza mami guedi ndji mubisambu biami. ⁵Yi sendi tsangu dji ludzolu ye dji luguigilu dji wedi djawu guedi Gahungu Yesu ye guedi baguigidi bootsu. ⁶Ndzodi gugala gimvuga gimoshi mu luguigilu mu mambu mootsu guedi Yesu. ⁷ Buoona yigadi ye gieshi givula ye ngemba dji vula mu ludzolu luoogu. Mudiambu mbundu dji baguigidi bashamugi gungoyi diagu,pangi.⁸Buoona shimu yedi ye gigesa giootsu mudiambu,di Kdishidu mu gugulela mawu fani hanga. ⁹ Dangu di,mudiambu ye ludzolu,yi baagugudinga buoona(mi,Poolu,mununu, ye buoona mueni dangumbada wu Kdishidu Yesu ).¹⁰Yi ba guguwondila mudiambu ye muanaami wu bagala onodjimi,wuna wu ibudi mu dangumbada. ¹¹ Mudiambu gagadi dangu dimoshi ugonda funu guedi ndji,dangu di gedi funu guedi ndji ye mi. ¹² Yi gudumishi ndi,ndi wedi funu djiingi gu mbundu yami. ¹³ Ndzolagagi gagala ye mi buoona ngaga tsungiminaga ye gihani giagu mu dangu di yedi mumiyololu mudiambu di gulonga mambu ma Gahungu.¹⁴Haloo idzodi guhanga shi mahanga mamoshi gugonda ludzolu luoogu. ¹⁵ Dangu diega sambu yebuna gagadugi muedi ndji sambu ye dangu dimoshi, buoona ufuani gumusenda ugonda tsuga. ¹⁶ Loogagala kega muhiga,ha fumu wu muhiga,pangi wudzolagagi.Gedi ndona wudzolaga,buoona gedi buingibuingi mudiambu ye ndji muludu ye muedi Gahungu.¹⁷Buoona,mbi bugadi nga wami,muyamba nga mi. ¹⁸ Mbi ndi gaguhangi mbi shi gedi ye djagu,sa djotsu mu djina diami. ¹⁹ Aya mi Poolu iba soniga gumiogu miami:mi yiguvudila.Funu looyedi mugugulesa mbi wupega ludjingu lwoogu. ²⁰ Haa,pangi,nzambudila ndjila muedi Gahungu;hululusa mbundu gwedi kdishidu.²¹Suidila ye bulemvu buoogu yibagugusonigila.Iyabi mbi buhanga guguluda bina bibagudinga. ²² Mudangu diadi ndjidigila gihani gusugu diana di yilu,yi shi mbundu bisambu bibinu buiguisa guluvudugila.²³Epafalashi ndugu wuna wu duendi yandi mudangumbada mu Kdishidu Yesu,ga gudumishi mbodi, ²⁴ Gidesu gimoshi ye Madigo,Adishidagi,Damasi ye Luga,ba ndugu bami mugisalu. ²⁵ Yambula mbi masagumunu ma fumu pidu yesu kdishidu magala mumiooni mibinu.buna loo!

James

Chapter 1

¹Yagobu,mudu wu gisalu wu Gahungu w fumu Yesu Kdishidu,mubiganda gumi ye biodi bibidi mukiembu. ² Bisendagani biootsu nga giguma gigieshi,bapangi bami,luyigani mu mambi mavula. ³ Lubayaba mbi gugala ye luguigilu mubisalu bibinu guba hana ngolu.⁴Ye buna ngolu dji moniga ye bisalu,gutsuga lugala binu bootsu gidesugimoshi,sambu binu loolufani gondaga gima. ⁵ Ye buna shi wumoshi mu kadigabinu gedi ye funu yimayela,gadinga guedi Gahungu,wuna wu badinga pimbu-pimbu ye masonga mootshu mubina bigaba dinga,ye bugahega.⁶Buoona gafedi lomba ye ludzolu,loogagonda gima sambu wuna wugondi ludzolu guedi nga gidembu ginzadi giba guenda mumuhunga gibagama mumbimba ye mbimba. ⁷ Mudiambu mudu wuna loogafani senda gima gifunu. ⁸ Mudu wumoshi loobamuhidigi munzila mandi mootshu.⁹Yambula bapangi babinu babuduga bagisaga Gahungu mupila yi babeni. ¹⁰ Ha mwvuama mupila yandi yi mashina sambu baludaga nga bidundu bibisaga-saga mukadi di mudi. ¹¹Mudiambu dangu di niamugaga ye tshemu djiandi djitshaga ye guyumisa mudi bidundu bibui ye pimbu yandi boona,mwvuama gagala wu wa gugiba.¹²Gieshi guedi mudu wuna wu bagumbula gudjinga mubu tshugami.Sambu gungoyi wudombuga mubisalu,basenda lugumu muludjingu. ¹³ Shi mudu mudangu digaba yugaga yagula mbi<>sambu Gahungu loogagingaga mambi,shi guginga gumudu ndibeni.¹⁴Dangu di shi mudu wootshu wu baginga sambu ye nzala yandi beni,gaba suiginina mugulanda buoona,mbi mambu mambi medi,mabahana gubuduga gu masumu. ¹⁵Haa gungoyi masumu magangi gimbuda,mabahana gubuduga gulu fuaa. ¹⁶ Luhunamanegu,ba pangi ba ludzolu.¹⁷Magabu ma pimbu ye makiediga mitsaga guyilu gagulumusa tsemu guedi Dada,loogusobaga looguedi ye piba mugubalumuga. ¹⁸ Gahungu ga sodi mugudu hega gubuduga gundaga yimasonga,gutshuga dufedi gala lusuasuanu ye bima bitegu bigahangi.¹⁹Lubayaba mbi,bapangi bami baludzolu:konzu mudu gaba yindula ye guyuga guboma muguyagula ye gugonda guyaba tsualu-tsualu. ²⁰ Buoona ludjingu lolufani gulusagumuna muludzolu lu Gahungu.²¹ Buoona maatsa mvindu djiotshu ye guyambula mambi,digulumusa,sendandaga yi ba shi,wuna wulusadisa mu mioni mi binu.²²Galani ye ludzolu mukadi gibinu loombi mugunuana-nuana. ²³ Mudiambu mbi shi mudu gedi mukadi ga ndaga haa gayi hangilaga,gedi nga mudu wu badala mudu wu badala mbunzu mu gipelaa. ²⁴ Gaba didala ndi beni gungoyi wudibidi loogabayaba yeki gafanagani. ²⁵ Haa mudu wuna wubadidala dangu diotshu mu tshigu dji kiediga dji Gahungu loogafani gudi bila mukadi,mudu wuna gagala wugu sagumuga mubisalu biandi.²⁶Shi mudu bu gaguigidi guedi mukdishidu,haa loogaba godusa ndaga yandi,bahuna mbundu yandi ye gi Kdishidu giandi loogiedi ye funu. ²⁷Mu Kdishidu wu kiediga loogagalaga ye masumu guedi Dada wu pidu Gahungu:buoona sadisani ba tshugami ye mifuidi mumapashi,loogusumuga mumambu magifudi.

Chapter 2

¹Bapangi,loogugalani yeluguigilu guedi Gahungu Yesu Kdisidu,Gahungu wu kiembu,muguhanga mambi guedi badubega. ² Dalati mbi mudu wufani gugoda mu gimvuga gi binu wu vadi mapalada ma wolu ye miledi miaana mi talu haa wega tsugami witshi goda kega wu vadi miledi mi mvindu.³Mbi bawu dadi mudu wuna wu vadi pimbu wuyagudi mbi:<>haa wu yagudi guedi tsugamimbi:<>.⁴Yaana looluedi mu gusambisa binu beni?yana loolugumi ba dzushi binu beni ye mabanza mabinu ma mbi?⁵Yugani,bapangi baami ba ludzolu,Gahungu loogasodi tsugami mu gifudi mugugala mwvama muluguigilu ye muenigifudi gina gahani latshi guedi bena ba mudzolaaga?⁶Haa luvuenzi tsugami!looguedi bawu balunedagaa mu bisambulu?⁷ Loobadugagagi mu madjina ma binu malugumu ma luedi mawu?⁸ Dangu di mbi buwulungishi tshigu dji gifumu landila mi basonigi mu miganda:<>yaana wuhangi pimbu.⁹Haa mbi wu ludisagaa badu mu ndjila dji gonda guulunga, wu hangaga masumu,bafani bafanigugugeshila landila tshigu,nga guna mbi wu nuanisaaga baguenu.¹⁰ Buoona konzu wuna wulemvugi mu mitshigu,gagala mbi bugadembi yshigu mupila yega,yaana wulendi senda bugogu nga wunuanisagaa landila tshigu.¹¹ Buoona mbi:<> wu yagudi kega mbi <>mbi loowu dzola mudu haa ndji¹²Buoona buwu bayagula sadilani nga bana bagala ba dzushi landila mitshigu mi ngemba.¹³ Mudiambu gusambisama guedi muguitsa gugonda kenda guedi bena bagondi lesa gugonda kenda.Guyuga kenda gugala yi londi digusambisama.¹⁴Bapangi bami,guedi pimbu mbi mudu bugayagudi mbi yedi ye luguilu haa loogedi ye bisalu?luguigilu loolufani gulusa?¹⁵ Mbi pangi wu baagala mbiloo wumukedu wu vuadagagi gifuu mbiloo wu gondi madia mugilumbu gina. ¹⁶ Mbala yega guedi ye bega mukadi gabinu babalelagagi mbi:<>haa loogamu hegi bima bina biedi funu muludu luandi mukii guedi bimbu?¹⁷Mupa yayina muluguigilu mbi looluedi ye bisalu,luedi luwafuaa.¹⁸Buoona mbi wumoshi wu yagudi guedi bega mbi:<>gayagula mbi ndesedi bisalu biagu buoona mi kega yigulesa luguigilu luami mubisalu.¹⁹Ndji wuba guigila guedi Gahungu,wubahanga bimbu.Gidesu gimoshi ba diabulu kega ba guigilagagi haa badegidagagi. ²⁰Wu dzodi guyaba mueni masumu,luguigilu lugonda bisalu looluedi ye funu?²¹ Abalayamu gagadi kawu pidu loogagadi mugisambishilu mudiambu ye bisalu mumbada gisalu,mudangu digahani muanandi Isagi nga mikayilu ye mesa ma Gahungu?²²Wubadala mbi loguigilu luendagagi ye bisalu biaandi mudiambu ye bisalu,luguigiluludombugi ngolu-ngolu. ²³ Buoona bulungisamagagi bina bibasonigi.<>buoona Abalayamu bamulendigagi ndugu wu Gahungu. ²⁴ Wubadala mbi mubisalu mudu gasambisamagagi,haa loombi mulu guigilu buna.²⁵ Mugidesu gimoshi kega Labahabu wu dzodi gindumbu haa loobamusambishi mugiguma gibisalu,dangudi gayabi ndaga,ndi gadini mundjila djiega? ²⁶ Haa,ngaludu lugondi pema luedi luwafua,gidesu gimoshi luguigilu lugondi bisalu luedi luwafua.

Chapter 3

¹Ba pangi djami looguedi talu yivula yi longi mukadi gabinu duyabaga mbi loodusambisama ngolu-ngolu. ² Ye buna,pidu dugabisani pila yivula.Mbi mudu loogagabishi muludzolu luandi,gedi nga mudu wugangi gimbuda gedi ye giyega gigumaninisa shi ludu luandi.³Dangu di dusagaga mushinga muganu di bapunda mugudu lemvugila,dufani nedisa lega maludu mabaa mootshu. ⁴ Dalani kega nzanza shi yedi yi neni yibalembiga muhunga wu ngolu,dangu di gagidembu ganedisaga gedi ga digi-digi,nga mulu dzolu lu mudu.⁵Gidesu gimoshi ye ndaga yedi gadigi-digi nga ludu,kashi diyagulaga bima bi ngolu;dalani gandambu ga mbaa gafani fimisa mushidu wu ngolu. ⁶Ndaga yedi kega mbaa,gifudi gimasumu,giyilamani mukadi gabadu ba pidu.Babasa maludu mootsu mvindu ye gumega ludjingu guedi lugigeledi nga wuna wu ba guenda gu bilungi.⁷Bambitshi bootsu bamushidu,ba nuni,ba talatshi ye bambitshi ba muetshi mudu wu fani bayala. ⁸ Kaashi looguedi ye mudu wu fani yala ndaga.Guedi mambi madufani gonda gedigina,gedi ye bambitshi ba muetshi ba vula.⁹Mundaga dugumisaga fumu wu pidu Dada,ye buna dushinzaga badu bahangani mugifanisu gi Gahungu. ¹⁰ Mudangu diadina mudugaga masagumunu ye mashinzama.Bapangi,lugalegu buna!¹¹Mugedi wu moshi loogafani dusa muetshi wupimbu ye wu bululu. ¹²Bapangi mudi wu Mafidi looga fani buda Maholivi?muetshi wu mungu wu fani buda muetshi wu pimbu?¹³Na mukadi gabinu wedi ngangu ye mayela?wulesaga mbandu mulu djingu,mubisalu ye gudigumusa munzila yi mayela. ¹⁴ Hambi luedi ye gigeneni mumambundu ma binu ye ngindu dji mbi,luyigaga ye gusa gimbeni mumbundu dji binu mumasonga¹⁵Ndungi djina loodji gadugaga gu yilu,haa djiedi dji gifudigii,loodjiedi dji Muhunga Wugugedila djiedi dji Gadiapemba. ¹⁶ Haayana gedi ye gigeneni ye mambu mambi,wuna kega gedi ye gugonda yaba.Yemahanga mandi mootshu mambi. ¹⁷ Haa ndungi dji yilu djiedi dji pimbu-pimbu,gedi puede mupimbu,mudu wuhanaga,mandongishila gasagaga mbundu ngolu guyilu kiediga gipimbu-pimbu,ye gugaba,gigeledi,ndumba dji pimbu,gagesaga mupila yi masonga. ¹⁸ Ndumba dji kiediga badji dalaga ye ngemba guedi badu badingaga ngemba.

Chapter 4

¹Bidumba ye guyagusana guni bibaduga guedi binu?loombi nzala yinu binu yi balunuanisa ye badu ba binu? ² Lugalaga ye funu yi bima haa loolufugi.Ludzuwagagi,haa looludi ye bima,loolukuga gubisenda.Lunuaga ye guyagusagana. ³ Loolu fugi musambu loolu dingaga.Loolu sendaga mudiambu ludingaga gifu,mugiguma gigulungisa nzala dji binu,mumpila yigudihega gieshi.⁴Luedi bandumbu looluyabi mbi gindugu ye gifudi guedi gimbeni ye Gahungu.Mudu wuna wu dzodi gugala ndugu wu gifudi guedi mbeni wu Gahungu. ⁵Mbi looluyindulaga mbi ndaga yibasonigi mupamba mudangu digayagudi mbi:<>⁶Haa Gahungu wu hani masagumunu,diadina,digayagudi:<>⁷ Digulumusagani guedi Gahungu dunani Gadiapemba gaddina guleya ye binu.⁸Finamanani guedi Gahungu ndi kega nga gafinamana guedi binu.Sugulani miogu mi binu,bini masumu,ye balumunani dji mbundu dji binu,ye wuhangaga mambi mugitsuegi. ⁹ Galani mukenda,bogudaani dilaani!yambula mbi duseyi du binu dugiduga lufua,gieshi gi binu giguma kenda. ¹⁰ Digumusani gutuala yi fumu bugaludombusa.¹¹Bapangi,luyagulegu mambu mabupala guedi badu bega.Wuna wu yagudi musambu ye pangiandi mbiloo musambushi bapangi djiandi loogadzodi tshigu ye loowedi mudu wubadala tshigu,kanzi musambishi tshigu. ¹² Mudu wuba sambisa tshigu gedi zushi.Ndibuna wedi ye giyega gigu hulusa ye gigubebisa.Nzi wedi naa wu basambisa pangiagu.¹³Yugishilani, binu luyagula:lelu mbiloo mbatshi duguenda gu mavula,dugala mvula yi moshi dubula degulula ye guhundigisa mbongu. ¹⁴ Naa wu ba yaba bima bi guitsa mbatsi ye ludjingu lu binu lugala buni?mudiambu luedi nga muhunga wu baguitsa gadangu ndambu gungoyi wubidi.¹⁵Lufeni yagula dangudiega mbi:<> ¹⁶ Haa dangu di lubadishigisa mubisalu bibinu bi ngolu.Lulendu lootshu lugifagina looluedi pimbu. ¹⁷ Buoona mudu wu yabi guhanga mapimbu haa loogama hangilagagi wu hangi masumu.

Chapter 5

¹Dangu di,binu luedi ba mvwama,dilani ngolu musambu ye mapashi mabaluyitsila. ² Gimvwama gibinu giedi gibodi miledi mi binu midilugi guedi ba mbitshi. ³ Wolu di binu ye mbongu dji binu djibui madadi.Madadi mamena mulufunda.Ludu lubinu ludilugi nga nguba.Suegani gimvwama gibinu musambu ye gilumbu gi tshuga.⁴Dala,binu lufudaga badu bahangaga gisalu(mbongu dji lugami dji baluhangidi mangundu.)guboguda guba bogudaga gubahangi ma ngundu gugumi matshu ma fumu wedi guyilu. ⁵Ludjingu ye londi di manu ludadi mapimbu mavula ye gieshi gingi gilugadigia.Ludi ngolu ye lugumi maatshi lubagingila gilumbu giguludzuwa. ⁶ Luyabi gubedisa ye gudzuwa bedi masonga.Loogedi mukadi gabinu.⁷Galani yeguganga mbundu,pangi,tiiguguitsa fumu.Dala bahangi mangundu bagingilaga gudeguga gundumba gu ndumba djiedi mumanu.Gaba gingila tii gugadula ndumba dji tegu ye dji mvula yi tsuga. ⁸Binu kega,galani ye gugingila.Buisani mbundu guitsa gu fumu guedi pena-pena.⁹Loogu yima-yima bapangi,binu ye binu musambu lugonda sambisama.Dala,ba dzushi ba gadi ye mbelu. ¹⁰ Bapangi,sendani mbandu yi pashi ye guginga ba tumua bana bayagulaa ndaga yi fumu. ¹¹ Pidu dubalendigagi badu ba migiembu.Bulu yugi guyagula gu Yobi ye kabu lubayaba mapandi ma fumu buni gamuhangi ye gusa gumbundu.Buoona,bapangi,loogu danga shiguyilu,shi ye londi di manu,looshi mupila yegakega,guludi pimbu,mambu mabinu<>mbiloo<>ye buoona binu<>mbiloo<>,buoona loolusambisama.¹³Mukadi ga binu guedi ye mudu wu dadi mambu mena?gayimba migunga. ¹⁴ Guedi ye wumoshi mukadi gabinu mukashi?galendiga bambuda badibundu kashi bambuda ba dibundu ba musambila.Gaba guida maatshi mu djina di fumu. ¹⁵ Bisambu biludzolu bigindisagagi mukashi fumu bu gamuniamugisa.Nbi gahangi masumu,Gahungu buga muloludi.¹⁶Gufunguna mumasumu ma binu,binu ye binu buoona sambani binu ye gusambila bega,buoona ngaluginda.Badu ba sambaga mumasonga bedi ye ngolu dji vula. ¹⁷ Eliya gagadi ye ngolu djingi nga pidu.Kashi gagangamani mugusamba musambu ye mvula yi gonda nioga kega buoona loogunioga kega mubilumbu bi mvula dji dadu ys bangondi ba sambanu. ¹⁸Kashi Eliya gasambi bisambu bimpa.Yilu dihani mvula buoona manu mahani ndumba.¹⁹Bapangi bami,mbi guedi ye mudu mukadi gabinu wuba konda masonga, wega muni neda, ²⁰ Gayaba mbi wuna wunedaga musumugi mu nzila yi masumu gabamugodisa gulufua,bamu yugila kashi bamulolula masumu.

1 Peter

Chapter 1

¹Pedelu,tumua wu Yesu Kdisidu,guedi ba nzenzi ba mani guenda mu bifudi;guedi ba solami,mu nzila yi gigandu,Galati,gapodoshu,Adji ye Bitinii. ² Pila yi guyidugisa Dada Gahungu.Guedi wu wusagumugi mugu hanga ye kiedigaa,mengi ma Yesu Kdishidu madugi mu ludzolu ye ngemba dji Gahungu,³Yambula mbi Gahungu guedi Dada wu fumu Yesu Kdishidu gagala wu gusagumuga!mukenda djiandi dji vula,ga duhegi gubuduga gumpa musambu yegusa mbundu mu gimvuma.Gimvuma gina guedi musambu ye lufudumugu lu Yesu Kdishidu mukadi gaba fuaa. ⁴ Buoona sambu ye gimwvuama gi fani konda bila,looga gadula,buoona ga dudumisa guyilu. ⁵ Luedi ba wa gusuega mu ngolu dji Gahungu mu ndjila yi ludzolu,sambu ye lunungu djedi pena-pena mugulu dendudila mu madangu ma tsuga.⁶Binu beni lubayuga gieshi mu mambu mana,shi gedi ye funu yi binu gaba luyuga kenda mumapashi.Mu mimegamu. ⁷ Sambu ye buna luguigilu lubinu gutsuga lugala lu gusaguga,loo,luguigilu luna luedi ye lugumu,gugluda wolu dibidi shi bubalushi ye mbaa,ha gutsuga luguigilu luna lufudu luloo luedi midjumu,migiembu ye kiembu mu guitsa guedi ndi Yesu Kdishidu⁹Loolumudadi,haa lumudzolaga.Loolumudala dangu di haa luguigilagaa guedi ndi ye gieshi gi lugumu giingi ye kiembu. ⁸ Dangu di binu luendaga nga lufudu luluguigilu,guhuluga gu moni wu binu. ¹⁰Guhuluga ye ngemba guna gubalushidi,ga hangi sambu ye muhunga wu gugedila,gidimbu gi nkumbua ye gihani gi minimbi ndotsi.¹¹Ba dzodi guya buoona guedi ndi ye guganga muhunga wu Kdishudi gabaleshi bina bi ludi,gaba leshi guntuala mapashi ma Kdishidu ye ma pimbu maguitsa gungoyi. ¹² Gabayibushi mbi looba gala bambeni,kaashi dangu di gayagulagi bima bi galushidi mudangu,guedi bana ba lulonga mbi mihunga migugedila midugi gu yilu.(mu mpila mbi bima biyagula ba tumua bi gulumugi ye tuala).¹³Buoona,galani baguyilama.Galani gidesu.galani ye guguigila mbi kenda dji Gahungu budji luyitsila,saana mbundu mu mambu ma Yesu Kdishidu. ¹⁴ Binu bana ba dumuga loolu fedi fanagana mu ma pandi mena ma mbi.¹⁵Sambu ndike wuna wuba lulendiga gedi wu gigidi,binu kega,galani ye gigidi mu bi galulu bi binu. ¹⁶ Mudiambu ba sonigi:<> ¹⁷ Binu yi lulesaga<>wuna wu sambisagaa loogagadi shi gifu gimoshi,kashi landila gisalu gi konzu mudu,wuba ludisa dangu diagu muguenda ye boma.¹⁸Buluyabaga mbi loolugala ye mbongu mbiloo ye wolu di gonda bila,dina di lugabidi mugihiga mudiambu ye mambi ma binu ma lusendi guedi ba dada dji binu. ¹⁹ Gindungi,ba lugadadi mu gihiga ye mengi ma Kdishidu gagadi nga muana di mema di gondi shi gifuu shi dona.²⁰Kdishidu gasolamani gu ntuala yiganga gifudi.Dangudi,gungoyi yi madangu galu shamugushi. ²¹ Lubaguigila guedi Gahungu.mudiambu ye ndi wuna wu fudumugi mukadi ga bafwa ye buoona galuhegi lugumu.Gutsuga yi ludzolu lu binu ye manunga ma binu ma pimbu ma duluga guedi Gahungu.²²Wugumishi mioni mi binu mudiambu ye bulemvu bu gigidi luna lugaludzolaa mugipangi ye mumasonga,dzolaganani ngolu binu ye binu mu mambundu ma binu. ²³ Mbi bulubudugi mbala yi diodi,loombi keni djina dji bila,kaashi keni djina dji fani mena mugulandila ndaga yiludjingu luna luedi sambu ye Gahungu.²⁴Sambu ludu luootsu lufanagani ye lugasa,ye lugumu luandi luootsu lufanagani ye gitundu gi lugasa luyimi,gitundu gi bwii. ²⁵ Dangu di ndaga yi fumu mudi hanga kaka.<>.

Chapter 2

¹Mu buoona ya mbulaani mambi mootsu,bu pala buootsu,guyambula gugala nga guna mbi lombi ndji,guyambula gutsuba ba guenu. ² Nga baana bana badugi ba pa,dzolaagi midigi mi ludjingu lugonda tsuga mi gonda mvindu mumbada galusuega mu kiembu, ³Mbi wu loodi Gahungu gedi pimbu.⁴ Iza guedi wuna wedi dadi dimonidina di bamatsi guedi badu,haa di solami guedi Gahungu ye diedi guedi ndi di ludzolu lwingi. ⁵ Gidesu gi moshi,ndji wedi nga dadi di moni dina di gidugi nzu yigondi masumu,mumbada ye guguma gigalangu gi gondi masumu gi fani yungulaga ye gidihani muludjingu lu gonda tsuga luna lugumbusai guedi Gahungu mu ndjila yi Yesu Kdishidu.⁶Bisoni biyagudi buoobu:<>.⁷ Lugumu luedi guedi bena bagwigilagagi haa <⁸Ke,<>gudienga-dienga,gugonda bulemvu mu ndaga,guedi mu maa maana mabahunguludi.⁹Haa binu, luedi badu ba solami,gigalangu gi funu,maganda ma gonda masumu.badu ba moshi bedi gimagulu baa Gahungu,mudiambu ye binu luyagula bipaa bi wuna wu lugadudi ma piba ye gulusaa mu mwini wandi wu pimbu. ¹⁰ Dangu diega, binu loo lugadi badu bana,haa dangu di luedi badu ba Gahungu.Binu loolusendi miniogudi,haa dangu di lusendi miniogudi,¹¹Pangi wu ludzolu,yi ba gulemvusa nga banzenzi ye mu gusenda mambu mana ma nzala dji binu dji gifudi djina dji lunuanigisagagi mu mioni mi binu.¹² Galaani ye bigalulu bi pimbu mu kadi di bapani mumbada shi bubayagudi guedi binu nga guna mbi lubahangi mambu mambi,ba fani gudala bisalu bibinu bi pimbu gugumisa Gahungu mu gilumbu gi gwitsa guandi.¹³Lemvugani guedi bafumu bootsu ba gifudi mumbada ye Gahungu,lemvugaani guedi gifumu giludi gifumu. ¹⁴Ye guedi bafumu ba bidini bi manu babadumishi mu guhanga ndola guedi ba bisaga-saga ye guhanga lugumu guedi bena bahangaga mapimbu. ¹⁵Buoona buedi ludzolu lu Gahungu mbi mugahanga mapimbu,gulumusaani mu dugogi ndaga dji mbi dji badu baagondaga guduyaba ye bi pumbulu. ¹⁶ Nga badu bedi mu ngemba,haa ngemba dji binu dji gonda gala djina dji baluswega mu maambi,ha galaani nga basadi ba Gahungu. ¹⁷ Hanaani ngolu mu gifudi,dzolaganani,yugani Gahungu boona.Hanani ngolu guedi ba fumu bagifuddi giootsu,¹⁸Basaadi,lemvugani guedi ba fumu ba binu ye gadigumulusa guootsu.Lemvugani loombi guedi ba fumu ba binu bena bedi ba pimbu,Haa ye guedi bena bedi ba mbi. ¹⁹ Mumbada guedi lugumu mbi wu moshi muna djimbisa puedee.Muna hega bulu mugugonda kiediga mumbada ye gusa mbundu guedi Gahungu. ²⁰Mumbada gigieshi giedi mugudjimbisa ndola mudiambu wu hangi masumu?haa mbi wu hangi pimbu haa ndji muna dala pashi mudangu di baguhegi ndola,guedi lugumu gi misu ma Gahungu.²¹ Mumbada mu bia bina ndji bagulendigi,mudiambu Kdishidu bugadadi buulu mumbada ye binu galushidi mbandu yaana yi lufani landa muoona muludi ndi. ²²Loogahangi shi disumu di moshi,shi bupala bu moshi loo badadi muganu diendi. ²³ Mudangu di bamudugagi,ndi loogafudulaga.Di gadala bulu,loogavudulagi,haa gadi haana guedi wuna wedi dzushi wu gigidi.²⁴Ganedi ndi mueni masumu ma pidu muludu diandi yi londi di kulunzi,mudiambu pidu dugonda gala kega ye bugogu bu masumu buoona du djinga mugigidi,mukadi ga gunioguga pidu du sendi maginda. ²⁵ Biinu bootsu pamba-pamba nga mamema mana ma bidi ha dangudi ngungudi wu ludadi ye wu daninagagi miooni mi binu.

Chapter 3

¹Mupila ya yina,binu luedi ba kedu,landani tsigu dji ba lumi dji binu.Hangani buoona gungoyi,shi babagala kega mbi loobadumugi mundaga,mu mutsigu mi mukedu,bagala ba gonda ndaga; ² Kashi bubadadi ma pandji ma baa mu masonga ye ludjidu.⁴Gidesu gimoshi loolufani dalagana mbi mubima bi ludu:mbi gudunga tsugi,ye bima bi matsuu bi talu mbi miledi migifudi. ³ Kashi pimbu yi binu yi gala mu kadi ga mbundu,pimbu yina yi bebaga mu muhunga,mana ma gumbusami guedi Gahungu.⁵Buoona ba kedu ba luguigilu dangu diega ba digabudi mu pila yi baa.Badihani guedi Gahungu ye gulemvuga guedi ba lumi dji ba beni. ⁶ Mu pila yayina,Saala buga lemvula Abalayama ye gumu lendiga fumu.Luedi dangudi bana bandi,mbi lubahanga mambu ma pimbu ye guyuga boma mumapashi.Guedi gigeledi,binu ba bagala,lufani yabaganaga ye ba kedu ba binu,lufani yaba mbi loobedi ye ngolu gigeledi nga binu,bedi ba kedu.Lufani guba hega giyega nga mugimvuga giba giludzingu.Haangani buoona musambu bisambu bi binu bigonda wanagana ye mapashi.⁸Gutsuga,binu bootsu,galani ye ngindu dji moshi,gadulagani ma pashi,dzolagani binu ye binu,gadulaganani pashi buoona galagani mu gieshi. ⁹ Looguvudulaga mambi mu mambi mbiloo ma duga mu maduga.Kashi pimbu,duendani gu tuala ye lusagumunu mambu mamena mabalulendidi,mugu senda lusagumunu.¹⁰<¹¹ Gafani dinga mambu ma mbi ye gulanda mambu ma pimbu.Gadinga ngemba ye gumu landa. ¹² Misu ma fumu ma dalagaa bana bedi ye masonga ye mootsu mandi mayugaga bi sambu bi baa.Kashi Muhulushi ga ba duna badu ba masumu.>>¹³Na wuna wulu hanga bambi mbi luedi ye ludzolu luguludila muguhanga mambu ma pimbu? ¹⁴ Shi lubadala pashi mu mambu magigeledi,lugala ye lusagumunu.¹⁵Buoona dugumisani Muhulushi Kdishidu mumbundu yi binu.Galani pena-pena mugu hana mvudu guedi wuna wuluyufula mbi ludihani guedi Gahungu?hanga ye mbundu yi budjidji ye ludjidu. ¹⁶ Galani ye ngindu dji pimbu mudiambu badu bana ba dagaga ludjingu lubinu ludigodishi muedi Kdishidu ngaba yuga tsoni mumbada bayagulaga mambi guedi binu nga gunambi luedi badu bambi. ¹⁷ Guedi pimbu mbi Gahungu buga ludzodi,mugudalaga mbi lubahanga mapimbu ye gihani gimambi.¹⁸Mukdishidu kega bugadadi bulu musambu ye masumu.Ndi wugadi gigeledi gadadi bulu musambu ye pidu dugondi gigeledi muguduneda guedi Gahungu.Gadishi mufua mugimudu kashi gadinedi mudjingu lu muhunga. ¹⁹ Mu muhunga,gendi ye gulonga mumuhunga wuna wedi mu bologu. ²⁰ Bagadi badu bagondaga dumuga dangudi guginga gu Muhulushi gagingilagi bilumbu biNowa,mubilumbu bi gudunga nzanza ye Muhulushi gasadishi bega(mioni ginana)mu ndjila yi muetshi.²²Hagigiedi gimbu gimbodiga gilusadisa dangu di(looguedi musambu ye guyebisa masumu gusa maludu budzoba,dangu di badu bahanga ma pimbu muludzolu guedi Gahungu)mugufudumuga gu Yesu Kdishidu. ²¹ Kdishidu gedi gugogu di gidada di Gahungu.Huyendi gu yilu.Batumua,ba fumu ye ngolu ba fani lemvuga guedi ndi.

Chapter 4

¹Mudiambu Yesu niogugi muludu,gamani boobuna,mudiambu mudu wootsu wuniogugi muludu ga fani yambula masumu. ² yandiga lelu loogudjingila bina biedi ludzolu lu badu ha djingilagani ludzolu lu Gahungu muludjingu loogu lootsu.³Dangu diotsu diludi muguhanga ludzolu lubapani:dugadi ye mm nzala mambi,lugadi ye nzala yi malafu ye nzala yi ma nzaba luhangagi mambu ma tsoni guedi ba guenu,lusambagi bi degi. ⁴ Bayindudi mbi looduwanaganaga ye baa mutsadidi dji gonda pimbu,buoona bayagula mambi mudiambu ye binu. ⁵ Babula yindula ye wuna wedi pena-pena mu sambishi wu ba moni ye bafwaa. ⁶ Mugiguma giagina ndaga hiyagulami guedi bafii gunsuga nga ba sambisama muludu nga budu ba djinga nga Gahungu mu muhunga.⁷Suga yi mambu mootsu yedi pena-pena diadina galani ye masonga mu muhuna hangani ma pandi mugidesu sambu ye bisambu. ⁸ Ye londi di biotsu gahani ye ludzolu lungolu guedi binu ye binu mudiambu ludzolu lufidimigagi masumu mootsu. ⁹ Yambagani binu ye binu gugonda guboguda.¹⁰Konzu mudu mukadi ga binu wu sendi gabu sadilani mudiambu gulusadisa binu ye binu hanga nga guna mbi ba sendi gabu bisaga-saga makenda guedi Gahungu. ¹¹ Mbi mudu bu gayagudi mbi gala nga wubayagudi mubipelegeshi bi Gahungu,mbi mudu wuba musadila gamusadila ye ngolu dji hegi Gahungu.hangani bima mumpila yootsu Gahungu ga senda lugumu guedi Yesu Kdishidu ha Yesu Kdishidu gagala mu kiembu ye ngolu dji mvula ye mvula.Boobuna.¹²Pangi wuludzolu loogalani nga gunambi gipubulu gi mbaa gi luyitsidi nga gunambi gima giwugondaga dala giguyitsidi. ¹³ Mubiotsu bina konzu gudesu gipashi gina wu yabi Yesu,galani mu gieshi gu ngoyi nga lugala mu gieshi gilumbu giguitsa lugumu. ¹⁴Mbi bubadugi mudiambu di Kdishidu,bagusagumuni,mudiambu muhunga wu kiembu ye wu Gahungu ga hululuga muedi ndji.¹⁶Kanzi mudu ga guniogulegu nga mudu wu djuwaga badu,mbi loo nga muibi,nga mudu wu hangaga badu mbi mugitsuegi. ¹⁵ Haa,mudu mbi gaba nioguga nga mukdishidu,loo gafedi senda tsoni,kanzi gafani lumisa Gahungu mu djina diandi.¹⁷Mudiambu di diedi danga digu sambisama yandiga mu nzu yi Gahungu.Mbi buguyandigi guedi pidu buni gugala guedi bana ba gondaga lemvugila mundaga yi Gahungu? ¹⁸Mbi<> ¹⁹Mu boobuna bana ba niogaga landila ludzolu lu Gahungu bahanaga moni wu baa guedi mueni masonga wuna wedi ngangi,muhangi mapimbu.

Chapter 5

¹Yi baluwondila ba mbuda bana bedi mukadi gabinu,mi buyedi mbuda,buyigadi,buyi dadi mapashi ma Kdishidu buyigadi ke mukadi galugumu. ² Ye buna yiba luwondila,ba mbuda,galani nga bangungudi ba pimbu bena ba badala mamema medi mu mbimba yi baa.Mahidigani,mulu dzolu lubinu lu Gahungu loombi baluhega bima kashi muludzolu ly pimbu. ³ Lugalaga ye manunga maguyala badu ba bahegi mugudala lesani mbandu guedi mamema. ⁴ Dangu diguitsha moniga fumu wubinu ngungudi wu neni luu senda puu yilugumu yi pimbu.⁵Ye binu bangunza digulumusani guedi ba mbuda.Ye binu bootsu,galani ye gudigulumusa ye sadisagani binu ye binu,kanzi Gahungu gakipaga beni lulendu,gasagumunagagi bena badigulumusagagi. ⁶Digulumusani gumasina ma miogu mingolu mi Gahungu gu tsuga galudombusa mudangu di pimbu. ⁷Muhegani mapashi ma binu,ndi wu dalaga mapandi ma pidu.⁸Looguobani,gangulani misu,sambu mbeni wubinu Gadiapemba gendaga djieda nga Gishingatambu giba dinga naa gifedi diaa. ⁹ Galani ye guguila gungolu.Yabani mbi ba pangi dji binu bangangi mbundu mumapashi ma badalaga mugifudi.¹⁰Gungoyi yigunioguga,Gahungu wu ludzolu wu lulendigi guedi Kdishidu mulugumu lugondi tsuga,galuhega ngolu,galusagumuna,galuhidigaa. ¹¹Guedi ndi guedi luyalu lumvula ye mvula.Loombi buoona!¹²Senda Shidivani nga pangi wu masonga.Yi lusonigidigagidini ga muganda.Yiba gulu wondila ye guluheegigesa bina biyilusonigidi guedi mayilusagumunu lu Gahungu.Ganga manani ye biaa. ¹³ Nzuyi Gahungu yina yedigu babiloni,yisolamani nga binu,baluhegi mbodi.Mwana wamii Madigo galuhegi mbodi. ¹⁴ Hanaganani mbodi binu ye binu ye mabeshi maludzolu.Ya mbula mbi ngemba djigala guedi binu luedi mu Kdishidu!

2 Peter

Chapter 1

¹Shimoni Pedelu muhiga ke musadi wu Yesu Kdishidu,guedi bena basendi guguigila guguluda gidesu nga budusendi pidu,luguigilu lugigidi lu Gahungu wu pidu ye Muhulushi Yesu Kdishidu. ² Nga lodzolu ludzolu lugala ye binu,ye ngemba di dombuga mugudiyaba gu Gahungu ye Yesu wedi Gahungu.³Bima biootsu mu ngolu dji Gahungu ye Yesu wedi Gahungu. ⁴ Mudiambu ye bima biaana,ga dugadi talu ye malatshi ma ngolu,gugodi buoona mbi lugala bena lufani gala bumoshi mu kiembu,sambu binu buluhegi mu bigalulu bi mbi,bi gifudi mudiambu ye mambii.⁵Mu giguma giaana gimoshi.Hangami muludzolu lubinu mudiambu ludala mapimbu ma luguigilu lu binu ye mugudiyaba. ⁶ Ye mugudiyaba gubinu lundani tshinda dji binu muedi,ye migashi mu migashi mibinu lundani nziaatshi, ⁷ Mu nziatshi dji binu luudani lulemvu lu kiediga,yilondi di lulemvu lukiediga lundani ludzolu.⁸Mumbada mbi bima bina mbi buedi muedi binu ye bibagula tegu muedi binu,binu loolugala bugogu muguyaba Gahungu wuna wedi Muhulushi Yesu Kdishidu; ⁹ Kanzi guedi wuna wugondi bimabi,wudingaga gaga biaana biedi pena-pena,gedi misu mawaafua.Ga bilagagi gulolulama gu masumu maandi ma tunda.¹⁰Mu buoona pangi,haanga mootsu ma pimbu mumbada wu saa mundu mbi wugala mukadi gabena babalegagi ye wugala wu waa solama,mbi buhangi buoona,loo wushedumuga. ¹¹ Mupila yaana,gugoda mugifumu gi gimagulu gi Gahungu wedi Ngulushi Yesu Kdishidu gigudila guingi-guingi.¹²Mumbada ye buoona,yi gala dangu diootsu pena-pena muguluyibuga bima bi mbi.Bulubiyaba mbi binu luedi ngolu mukiediga, ¹³ Mi ndjindudi mbi guedi kiediga guedi mi mugulushamugila ye muguluyibuga bima bi pamba loombi mi yedi mukadi ga nzu yeni. ¹⁴ Mudiambu nzabi mbi lootunda,mi buyiduga mu nzu yeni nga Gahungu Yesu Kdishidu bu gaa ndeshi. ¹⁵ Yi hanga mugudzola guami mumbada bima nga luyibuga mu buoona gungoyi yi guenda guana.¹⁶Mudiambu loodulandi bu mwvama bu tsegi bubayigi mu dangu di dumulelagi mungu di gumoniga gu ngolu dji Gahungu wu pidu Yesu Kdishidu,haa pidu du lugadidi bambaangi bagigidi guedi fumu. ¹⁷ Mudiambu ndi gasendi guedi Gahungu Dada giitsi ye kiembu mu dangu di dji wagani kiembu djingi;<> ¹⁸ Pidu bootsu duyugi ndaga yina yi gadugi gu yilu mudangu didugadi yaandi me mundonda wuna wugonda masumu.¹⁹Duedi ye ndaga yi kiediga ngolu-ngolu muyaa yi hangaga pimbu muguhanga.Yawu yedi nga muinda wubalema yi gihani gimoshi giedi piba tii gutshaa guma ye guniogama gu mooda wu musuga mumabundu ma binu. ²⁰ Yabaani tegu-tegu,looguedi shi ndotshi yi moshi yi ba basonigi yitshi mu nzila dji gudendula mu maganu mabadu. ²¹ Mu buoona looshi ndotshi yi mashi yitshi muludzolu lumudu.Dangu diega,badu mu gudemuna gu muhunga wu gugedila.

Chapter 2

¹Batumua bambi bitsi guedi badu,ye balongogi bambi ba guitsa kega guedi binu.Baguitsa neda mugitsuegi ye ba longogi ba bupala ba bebishi,buoona bavugishi balongi babagadudi.Ba bena gubebisa gungolu guedi baa. ² Badu ba vula bega balandi ludjingu lubaa lugindumbu,buoona pidu bega bayagula mambu mega ma bupala mundjila yi mambu ma pidu. ³ Munzala yi ba yi mbongu,bana gudulonga malongi mabupala musambu mana guduhuna.loobasuginina mugubahega ndola,mudu wuna wu batzuwa gaba badala pimbu-pimbu.⁴Kashi mbi Gahungu loogadudi ba tumua bana ba sumugi.kashi,gaba lumbi gu bilungu goguna mugugala mumiyololu mukadi ga piba mugugingila gusambisama.(bega kega badzolagi gugala mupiba tii gilumbu gi gusambisama). ⁵ Buoona,looga yambudi badu batunda,kashi gahulushi Nowa,ndi wu longai mapandi mapimbu,ye bega ba nsambuadi,gabadumishi muetshi wu mbaa mugifudi guyudi. ⁶ Gahungu ga geshi mbi badu bamanu ma Sodomu ye Gomolu bafedi senda ndola mugusenda mbandu yigubasuwa gumba.⁷Guedi wuna wedi gigeledi gahulushi Lodi,wuna wu gadadi mbi mudu pimbu wuna wugadi mapandi mandi medi gisaga-saga musambu ye mambu mambi gahangi badu,Gahungu gaba sagumuni. ⁸ Buoona mudu wu gigeledi,wu djingagi mu kadi gabaa mubilumbu ye gilumbu,mbundu yi gigeledi yi gadi yi gunuanisama,guedi bana bayugagi ye gudala. ⁹ Boobuna fumu Gahungu gaba yaba buni gugadula badu bandi mugihiga,buni gafedi lola badu ba mbi mugubasambisa ye guba hega ndola mugilumbu gitsuga.¹⁰Biotsu biedi masonga mugu lola badu bana babagonda yambula mambu mambi magimudu ye baba vuenza gifumu giandi.Bedi lolendu ye gilawu.Loobedi ye booma muguhanga mambu mambi guedi badu baludzolu. ¹¹ Batumua bedi ye ngolu ye mugiyega gi ngolu-ngolu,kashi loobabaneda musambu ye gusambisama guedi fumu.¹²Haa bambitshi bena bagoondaga gudiyaba ba hangamani mumbada ye guusenda ye gubebisa.Loobabaa yaba naa wunawu babaaduga.Bu babeba. ¹³ Badala bulu mupashi yi bahega ba guenu.Mbi bubahangi mukadigamuini mambu manzala yibaa.Mahanga mambi maba bahanga ye badalaga gieshi.Bamani gudihuna dangu di bagadi mumafedi ma baa. ¹⁴ Badzolaga gudinga ba kedu babandumbu mugu hanga masumu ye baa;loobalembuaga masumu.Bahunaga badu ba gondi ngolu mugubabuisa mumasumu,mbundu yi baa yigumi mugugala ye nzala yi mbongu djingi.Bedi bana bama shingulu.¹⁵Bayambudi ndjila yi pimbu.Babidi ndjila ye balandi ndjila yi Balama,muana Beyor,wu dzoga gusenda bugogu bu badu gigeledi.(Bega muniganda miba bayagula mbi,Balama muana Bosor).¹⁶ Dangudi ndi gavudugishi musambu ye mapandi.guedi nga ba punda bayagulaga kashi punda wu moshi gayagudi nga mudu ga nganini mutumua Balama mumbu mambi ye mabudzoba magahangagi.¹⁷Balongi ba bupala bedi nga muetshi wu ntoo wu yiminini.Bedi gega nga madudi mamvula mabanedi mumuhunga.Baba suegidi gihani. ¹⁸ Bayagulaga mambu ma lulendu ye budzoba.Bahunaga badu bana bagadugi sebi-sebi mukadi gabadu bena badjingaga mugisaga-saga musambu bayaba mbi badu bootsu bedi ye nzala yi mbongu.Baba benda bana ba djingaga muludjingu lugudihungulula. ¹⁹ Balesaga badu mugusenda dipanda,giitsi baa beni bedi bahiga ba mambu magisaga-saga.Kashi mudu wuna wedi muhiga mugisaga-saga mambu ma mena mamubebishi.²⁰Mbi badu bana ba gadugi mugisaga-saga gigifudi musambu bayabi fumu wedi Muhushi Yesu Kdishidu,ye boona guvuduga kega mumasumu,gimagitsuga giedi gusenda luganu muguguma badu ba pashi guguluda mbala yitegu. ²¹ Guludi pimbu mugugonda guyaba ndjila yi Gahungu mbi muguyaba ye guvudugakega mumitsigu migigidi gina gibahanamanini. ²²Bingana bina biedi bi masonga guedi ba mbi:<>

Chapter 3

¹Dangu di,yiba musonigila muganda wudjiodi mugu mugumushamugisa mugigidi gimoni wu binu; ² Mudiambu nga luyibugaga dangu diotsu gayibugaga mapandi magigidi maludelagi mimimbi dji ndotshi ye mitshigu mi Gahungu .³Yaba tegu-tegu badu bafeni buba guitsa mibilumbu bitsuga bubabula seya babula niada mulodzolu lu baa. ⁴ Babula yagula:<>⁵Ye ludzol lootsu babidi,mbi,yilu ye manu bidugi mu muetsi ha mukadi ga muetsi,gugadi tegu ndaga yi Gahungu,⁶ Mumambu mamana gifudi gilelu gibendumugi ye gibebi. ⁷ Dala yilu ye manu basuegi sambu ye mba ye mitshigu,basuegi ye gilumbu gigusambisama ye gu bebisa ba gondi luguigilu.⁸Bapangi baludzolu,gimagimoshi gilufeni konda bila,mbi gilumbu gimoshi giedi fumu guedi nga mvula funda yimoshi,mvula funda yi moshi yiedi nga gilumbu gimoshi. ⁹ Fumu loogasuiginina mugulungisa malatsi:nga buguigilaga badu bega.Haa wu gangi mbundu mudiambu di pidu.Loogadzodi mbi humoshi gabila haa gadzodi mbi mudu wootsu ga huluga.Dangudi,gilumbu gi fumu giguitsa nga muibi.Yilu diluda ye lolu divula bima bubitsuima gumbaa manu ye bisalu biandi loobigala ye guguenda.¹¹Buoona bima biotsu bigala bibebisami mumpila yayina,binu kimutndu badu ludzodi gugala?lufeni djinga mumasonga ye mahanga mapimbu. ¹² Lufani djinga yeguganga gu mbundu gilumbu gi guitsa Gahungu,mudangudina yilu di gala diwabeba ye mbaa ye mapandi madulaa maduwanaganamaa. ¹³Haa duba gingila pila yiga hanilatsi,yilu dimpa ye manu mampa guna guyala masonga.¹⁴Diadina,pangi wuludzolu,mumpila yiguginga mambu hanga mumpila mbi hugala ye gifuu gibafedi gonda ludigila mumambu mootsu,mungemba ye yandi. ¹⁵ Sendani guganga gu mbundu gu fumu wu pidu gueledi gugia guedi pidu,ngabu sonigi pangi wu pidu wuludzolu Poolu,nga ngabugadi ndungi dji bamuhegi. ¹⁶ Poolu gabayagula bima bivula mumiganda miandi,muna mugaba yagudila mapandi mapashi madufani yaba.Badu ba gondi ye mapandi ye bamudugi ye gulembua gugukonda yaba mapandi buni medi ginga mubisoni biega ba dala tsoni mumahanga maba mambi.¹⁷Mubina,pangi wami,sambu luyabi bima bina,gebani mumpila mbi lugonda goda mubupala buni masumu,mugukonda bidisa gugandamana gubinu. ¹⁸Gulani muludzolu ye guyaba fumu wu pidu Muhulushi Yesu Kdishidu.Hanani lugumu yandiga lelu ye bilumbu biootsu loombi buaana!

1 John

Chapter 1

¹Bima bigadi muluyandigu(biduyugi,bidudadi gumitsu ma pidu,bidudadi pimbupimbu ye ma dugami)madadidi ndaga yimoni. ² Ludjingu lugadi gega luniamugi,ye buduludadi,budu dii gimbangi.Dunuludi ludjingu lumvulemvula lugadi ye guedi Dada,lugaduleshi.³Bima bidudadi ye biduyugi,bidubalulela kega,mudiambu lugala mugimvuga ye pidu.Buaana gimvuga gipidu ye Dada giedigega ye muandi Yesu Kdishidu. ⁴ Pidu dubanusigila gega bima bi mudiambu gieshi gipidu gigala gimasonga.⁵Yugishilani misamu miduyugi guedi ndi mibayagula mbi:Gahungu mwini loogedi piba. ⁶ Mbi buduyagudi mbi duedi muvusu ye ndi ha mumahanga mapidu,dubadihuna loodubahanga masoonga. ⁷ Ha mbiluhangi mabandi mamwini duedi bawa mbundagana he bawu ye pidu,mengi mamwanandi Yesu maduguni mootsu.⁸Mbi budu yagudi mbi looduedi ye masumu dubadihuna pidu beni,masonga loomedi. ⁹Ha mbibudugumbudi masumu mapidu,gedi masonga yegigeledi mugudu yambudila mootsu magondi pimbu. ¹⁰Mbi buduyagudi mbi looduedi ye mambi dubamugama bupala ndagayandi looyedi guedi pidu.

Chapter 2

¹Baana bami babagegi, yibalusonigila mambu ma,mudiambu binu lugonda bua mumasumu.Mbi guedi ye wumoshi wusumugi,duedi ye muyagudidi wupidu guedi Dada,Yesu Kdishidu wedi masonga. ² Ndi gedi tegu ndi mueni wuna wudi hani nga magabu mudiambu dimasumu mapidu,loomikaka mudiambu dipidu kanshi mudiambu di badu bootsu mugifudi gimvimba. ³ Mbi bulu giebi tsigu dji,buoona nga duyaa mbi bududjiyabi.⁴Wuna wuyagula mbi: mibuyimuyabi,ha loogalandilagagi tsigu,gedi mupala,masonga loomedi guedi ndi. ⁵ Haa konzu wuna wugieba ndaga,ludjolu lu Gahungu luedi masonga ye kiediga guedi ndi;yaana dufani yaba mbi pidu duedi muedi ndi. ⁶Wuna wuyagula mbi guedi muedi ndi gafani gala yemahanga nga buhanga ndi mueni.⁷Pangi wuludzolu,loombi tsigu tsipaa yibaagugusonigila,ha tsigu djigulu djiana djidusendi yantiga luyandigu;tsigu djiana djigulu,guedi ndaga yana yiduyugi. ⁸ Dangu diega,guedi tsigu djipaa yibaagugusonigila,djiana djiedi kiediga guedi ndji ye ndi,mudiambu piba nga yigaduga ha muini wumasonga nga ga monga gaadi.⁹Haa wuna wubayagula mbi gedi mwini,haaloogadzolagagi pangiandi,gedi mupiiba.¹⁰ Wuna wudzolaga pangiandi gedi mumwini,looshi puguna dji moshi guedi ndi. ¹¹ Wuna wugoondaga dzola pangiandi gedi mupiiba,gagalaga mupiiba ye loogabayaba guni gaba guenda,mudiambu piba yimudjuwi misu maandi.¹²Yi bagulusonigila,bana babagegi mudiambu masumu malulolulami mudiambu di djina diandi. ¹³ Yi bagulusonigila,Dawu mudiambu buluyabi wuna wedi duga luyandigu.Yibalusonigila,bangunza,mudiambu luyabi ngangu.Yibaa lusonigila,bana babagegi,mudiambu luyabi Dada. ¹⁴ Buyilusonigidi,Dada,mudiambu binu bulu yabi wuna wedi tuga luyandigu.Buyilusonigidi bana babangunza,mudiambu luedi ngolu,yuga ndaga yi Gahungu yedi muedi binu ye mudiambu binu bulu nungi mambi.¹⁵Loogudzolani kega gifudi,shi bima biedi mugifudi.Mbi shiwwumosi budzodi gifudi,lodzolu lu Dada loolugala kega guedi ndi. ¹⁶ Haa biootsu biedi mugifudi,bibebisagagi ludu,bibebisagagi misu,lulondu muludjingu, looluitsaga guedi Dada,ha luitsaga mugifudi. ¹⁷ Buoona gifudi bugiluda,ye gubebisa guandi kega,ha wuna wuhangilaga ludzolu lu Gahungu gadjinga gugonda tsuga.¹⁸Bana babagegi,dieedi dangu di tsuga,ye mudiambu luyabi mbi mudu wu dzolga Kdishidu gedi guitsa guedi dangu di baadu bavula bugondaga dzola Kdishidu buoona nga duyaba mbi diedi dangu di tsuga. ¹⁹ Bawu badugi muedi pidu,kanzi bawu loobagadi baa pidu:haa bafanagana mugugala ba pitu,bawu bafani gudjinga ye pidu,kanzi guitsi guma gutsuga mbi bawu baniamugidi mbi bootsu loobagadi ba pidu.²⁰Guedi binu,binu lusendi ngolu guedi wuna wedi wugonda masumu,ye binu bootsu luedi ye gudiya. ²¹ Mii buyilusogidi,loombi mbi binu looluyabi masonga,haa mudiambu luumuyabi,ye mudiambu looguedi,ye bupala buitsagagi mukadi ga masonga.²²Nani wedi mupala,guedi ndona wu dunagagi Yesu Kdishidu? wuna loogadzolaga Kdishidu,loogagumbusaga shi Dada shi Muana. ²³ Konzu wuna wu dunaga muana looguedi shi ndambu muedi Dada:konzu wuna wu funguna guedi muana gedi kega muedi Dada.²⁵Mana mootsu maluyugi yandiga muluyandigu magala muedi binu.Mbi mana mootsu maluyugi yandiga luyandigu medi muedi binu,binu kega luedi muedi Muana ye muedi Dada. ²⁴ Haa latsi di galuhegi,diedi ludjingu lugonda tsuga.²⁶ Mi buyi lusonigidi mbu mamotsu mudiambu ye bana balubudishi masasa.²⁷Mudiambu ye binu ngolu djigugedila djilusendi guedi ndi djiedi muedi binu,ye binu looluedi ke ye funu mbi balulonga,haa nga ngolu djiandi dji balulonga mambu mootsu,ye medi ma masonga loombi mabupala,galani muedi ndi landila malongi maga lulonga. ²⁸ Haa dangu di,bana babagegi galani muedi ndi,gutsuga dangudi gamoniga gega,pidu nga dugala ye suidila,muguitsa guandi nga dugonda mubisagasaga ye mu luhungulu guedi ndi. ²⁹ Mbi luyabi mbi gedi gigeledi,yabaani mbi konzu wuna wu guenda mugigeledi gabudugi muedi ndi.

Chapter 3

¹Dala ki ludzolu Dada ga duhegi,gungoyi nga ba dulendiga bana ba Gahungu,buoona duedi bana ba Gahungu!mugiguma giagina,gifudi gidu ya begu,musambu loobayabi Dada. ² Ba pangi baludzolu,yandiga lelu duedi bana ba Gahungu,buna budufedi gala looyandu baduleshi.Loodubayaba gilumbu giguitsa Kdishidu,dugala pila yi gedi,buoona dumudala pila yigedi. ³ Buoona konzu wu na wedi ye ngindu djii guitsa guedi ndi ga fedi yambula biotsu,nga ndi beni wedi wu gigidi.⁴Wuna wubua gega mu masumu ye gukonda gulemvuga mumitshigu,kanzi masumu medi gugonda gugulemvuga mu mitsigu.⁵Lubayaba mbi Kdishidu bugamonigi musambu ye gugusumuna masumu mapidu,buoona haa ndi loogagadi ye masumu. ⁶Konzu wuna wudjinga muedi ndi loogahanga gega masumu.Konzu wuna wu hanga masumu looguandi gamudadi shi gumuyaba.⁷Bana baami,looguyambula shi mudu wu moshi mugulu neda mumasumu.Wuna wu bahangila gigeledi gedi gigeledi,nga Kdishidu ndi mueni gedi gigeledi. ⁸ Wuna wuhanga masumu gedi Gadiapemba,dangu di Gadiapemba gedi mudu wu masumu yandiga luyandigu.Bobuna tunda muana Gahungu gitsi gudu niamugisa musambu ye gubebisa mambu ma Gadiapemba.⁹Wuna wootsu wu budugi muedi Gahungu looga fedi hanga masumu,mudiambu keni dji Gahungu djiedi muedi ndi.Looga fedi hanga kega masumu mudiambu ga budugi muedi Gahungu.¹⁰ Mu buoona bana ba Gahungu ye bana ba Gadiapemba ba niamugi.Konzu wuna wu konda hangila gigidi loogedi wu Gahungu,wuna gega wu dzolaga pangiandi loogedi wandi.¹¹Haa dalani tsangu dji lusendi yandiga luyandigu:gisonga du fani dzolagana pidu ye pidu, ¹² Looguedi Gayina wu gadi wu Gadiapemba mugu dzuwa pangiandi.Mudiambudigi ga mudzuwi?musambu mambu mandi magadi mambi,ye ma pangiandi magadi ma bimbu.¹³Looguyidugani ba pangi,mbi gifudi bu giluduni. ¹⁴ Du bayaba mbi du gadugi mulufwa mu guitsa muludzingu,sambu du dzolaga ba pangi.wuna wu gondi ludzolu,gedi mukadi ga lufwa. ¹⁵ Wu gondaga dzola pangiandi gedi midadi mengi.Ye yabani mbi ludjingu lumvula ye lumvula looluedi musambu ye mudadi mengi.¹⁶Du bayaba ludzolu musambu ye Kdishidu ga hani ludziingu luandi musambu ye pidu;pidu kegaa,du fani guhanga ludzingu musambu ye ba pangi. ¹⁷ Mbi mudu gedi ye mapimbu ma gifudi,wu dadi mbi muaba loogafugi shi gima,wu gangi mbundu mugumu sadisa,buni ga fani yagula mbi Gahungu ga ndzolaga? ¹⁸Bana baami,loogudzolaganani mbi gu ganu buuna ye gu ndaga,du dzoganaani mu bisalu ye mumasonga.¹⁹Buoona,pidu nga duyaba mbi duedi mumasonga,buoona pidu du shilaga mbundu guedi ndi.²⁰ Mbi mbundu yi pidu mudi gudu bedisa bu neni bu Gahungu buludi mbundu tsi pidu,ye gu yabaga bima biotsu. ²¹ Muapidu,mbi mbundu yi pidu looyi ba du bedisa,duedi ye suidila guedi Gahungu. ²² Konzu gima gina gi du ba dinga,du senda guedi ndi,musamu du badzidisa tsigu dzandi musambu du hangaga mapandi ma hegaga gieshi.²³Tsigu djadjina di gadzolaga,du guigilani guedi muanandi Yesu Kdishidu,ye buoona du dzolaganani pidu ye pidu,nga bugadudzolaga ndi beni.²⁴ Konzu wu na wu ba landa mitsigu mi Gahungu gagalaga ye ndi.Buoona du yaba mbi, gedi mukadi ga pidu,mu muhunga wu ga duhegi.

Chapter 4

¹Pangi wu ludzolu,looguguigilagani mu mihunga miotsu.Haa,dadisani mihunga mugumidendula mbi miedi mi Gahungu mudiambu ba dendudi ba djindotsi ba vula ba bupala bayendi mugifudi. ² Sambu ye bwobuna,bul yaba mihunga mi Gahungu miotsu mi bayaba Yesu Kdishidu miitsi muludu miamina mi Gahungu. ³ Haa mihunga miotsu Yesu loo miedi mi Gahungu.Miedi mihunga miana mi gondaga dzola Kdishidu mina mi liyugi mbi mi ba guitsa,miedi mu gifudi.⁴Binu luedi ba Gahungu,bana bami ye binu ludimonigishi,mudiambu wuna wedi mukadi di binu gedi muneni ngolu guguluda wuna wedi mu gifudi. ⁵ Ba bedi;bobuna bina biotsu bi bayagulaga bi gifudi,gifudi gi ba yuga. ⁶ Pidu duedi ba Gahungu.Wuna wotsu wu yabi Gahungu gaduyugaga,wuna wu gondi ya ba Gahungu looga duyugaga buoona budu yabaga mihunga mi matsangu ye mi mbi.⁷Ba pangi ba ludzolu, du dzolaganani piduyepidu;sambu lodzolu luedi lu Gahungu konzu wuna wu dzolaga pangiandi ga budugi muedi Gahungu ndi ge wu yabi Gahungu. ⁸ Mudu wuna wotsu wugondaga dzola looga ya bi Gahungu;haa Gahungu gedi ludzolu. Mudu wuna wotsu wo gondaga dzola looga yabi Gahungu;haa Gahungu gedi wulu dzolu.⁹Mudiambu ye binu,ludzolu lu Gahungu luitsi gudileshigisa mukidi ga pidu:buoona Gahungu ga duumishi muanandi wu mosi mugifudi mbi du badjinga dangudi mu giguma giandi. ¹⁰ Mu buna buedi ludzolu loombi pidu dudzolaga Gahungu,haa ndi wudu dzodi buoona giitsi dumisa muanandi mugwitsa giduga magabu ma gimenga mudiambu ye masumu mapidu.¹¹Pangi wuludzolu,mbi Gahungu wu dudzodi ngolu,pidu ke dufedi dzolagana pidu ye pidu. ¹² Looguedi shi wu moshi wu dadi gedi Gahungu.Mbi budu dzolagani pidu ye pidu,Gahungu gagala muedi pidu ye dzolu luandi lugala lupimbu gu duedi pidu. ¹³ Mu buna,du fani yaba mbi pidu budu gadi muedi ndi ye ndi guedi pidu,mudiambu wu duhegi muhunga wandi. ¹⁴ Ye gega pidu budu dadi ye du shi suidila mbi Dada ga dumishi muana mudiambu gagala muhulushi.¹⁵Konzu wuna yabaga mbi Yesu gedi muana wu Gahungu gagala muedi ndi ndi gega gagala muedi Gahungu. ¹⁶ Buoona,pidu duguigidi mbi ye diadina mulodzolu lu Gahungu lugedi loo muduedi pidu.Gahungu gedi wuludzolo wuna wotsu wedi ye ludzolu luna,gagala muedi Gahungu ye Gahungu.¹⁷Mu giguma giana,ludzolu luna lugadi lubimbu mukadi ga pidu,mudangu dina ngadugala ye gudi yaba gilumbu gilusambusu,buoona bugedi,buoona ke buduedi pidu mugifudi. ¹⁸Looguedi ye boma mugudzola.Budutomatala,ludzolu lumanisaga boma,mbala yega boma buitsaga mwvalangasa.Ye konzu wuna wu gondi boma mugisalu gipimbu mulu dzolu.¹⁹Pidu dudzolagi mudiambu Gahungu ndi wu du dzodi tegu. ²⁰ Mbi wumoshi bugayagudi mbi <>haa ndi wu mengi pangiandi,gedi mupala sambu mudu mbi loogadzolaga pangiani wu ga gabaga dala looga fani dzola Gahungu wu gagondaga dala. ²¹ Kega,dala mitsigu muedi miami guedi ndi:konzu wuna wudzolaga Gahunu ga fani dzola ge pangiandi gibeeni

Chapter 5

¹Konzu wuna wu guigila mbi Yesu gedi Kdishidu ga budui guedi Gahungu.Konzu wuna wu dzodi Dada ga fani dzola gega Muana wuna wu budugi guedi Dada. ² Mu giguma giana du yabi mbi dudzodi bana ba Gahungu:dangu di dzolaga Gahungu ye gudjidisa tsigu djiotsu djiandi. ³ Haa da la ludzolu lu Gahungu:luedi mbi dugala tsigu djii,ye mitsigu mina loomiedi pasi.⁴Wuna wootsu wubudugi guedi Gahungu gedi ye londi di mootsu.Dala lunungu luandi mu gifudi:muluguigilu lu pidu. ⁵ Na wuna wedi ye londi di mootsu mu gifudi?wuna wootsu wi guigilaga mbi Yesu muana wu Gahungu.⁶Dala wuna witsi yemuetsi ye mengi Yesu Kdishidu.Loogiitsi mbi ye muetsi buuna,haa gitsi ye muetsi ye mengi. ⁷ Sambu bedi ba Dada ba dagaga gimbangi: ⁸ Muhunga,muetsi ye mengi.Ba dadu ba galaga gimvuga.¹⁰Mbi budu sendi gimbangi gi mudu,gi Gahungu giedi gigu ludagana.Mudiambu gi mbangi gi Gahungu giana gi gawi muanandi. ⁹ Konzu wuna wu guigila guedi muana Gahungu gedi ye gimbagi giandi ndi beni.Konzu wuna wu gondaga guigilaGahungu gedi mupala ndi beni,mudiambu loo gaguigidi mu gimbangi gi haani Gahungu mudiambu ye muanandi.¹¹Dala gimbangi:Gahungu gaduhegi mooni wu mvulemvule,ndi wuna wedi guedi muanandi. ¹² Wuna wu gondi muana wu Gahungu loogedi ye ludjingu.¹³Yimusonigidi mambu maa mumbada luyaba mbi luedi ye mooni wu mvulemvula.Guedi binu lu guigila mudjina du muana Gahungu. ¹⁴ Buoona,dala dushi mbundu guedi ndi,buoona kootsu bina bidulendi hana guedi ndi nga bu dzodi ludzolu luandi,ga ba duginga. ¹⁵ Mbi du bayaba mbi gaba du ginga,konzu bina bitudinga,du bayaba mbi dusendi bina bidumudingi.¹⁶Mbi mudu bu gadadi pangiandi muna bua mumasumu gagonda muneda mulufaa,gasambagi ye Gahungu gamuhegagi ludjingu.Wu bayibuga gega guedi bena ba sumugi haa masumu loo mabanedi mulufa.Guedi ye disumu di hanaga lufa loo nzagudi mbi sambani mu Dada ye diaa. ¹⁷ Tsambishidi yotsu yedi masumu,haa guedi ye disumu di gondagahaana lufa.¹⁸Duyabi mbi konzu wuna wu budugi guedi Gahungu looga fani hanga masumu.Wuna wootsu wu budugi guedi Gahungu ga dugiebagaa,mumbada gahuluga. ¹⁹ Duya bi mbi duei ba Gahungu buoona gifudi gimvimba gigodi muyela magifudi.²⁰Haa duyabi mbi muana Gahungu giitsi wudu hegi mayela maguyaba wuna wedi wu masonga.Gidesu gimoshi,duedi guedi wuna wedi wu masonga,muedi muanandi Yesu Kdishidu.Ndi wedi mayi Gahungu ye ludjingu logonda tsuga. ²¹ Banabaami,digebani mubidegi.

2 John

Chapter 1

¹Mbuda,guedi Kidiya giyega guedi bana baba baa ndzolaga mu masonga,haa loombi mibuna yibadzolagagi kaashi buootsu bana ba yabi masonga, ² Mudiambu di masonga ma medi muedi pidu buoona magala ye pidu ye pidu gimagulu, ³ Ye ludzolu nzila kulunzi ye ngemba dji ye binu mudiambu di Gahungu Dada ye guedi Yesu Kdishidu,muana guedi Dada,mukadi ga masonga ye lugumu!⁴Yigadi mugieshi givula shiela mugudala bana bagu bega mugulanda mambu ma masonga,nga budu sendi mitsigu guedi Dada. ⁵ Buoobuna,pimbu du dzolagana haa dangudi,mayi ba gugudinga Kidiya,loombi baba gugu hega tsigu dji mpaa,haa djiana dji duyandigi yandiga luyandigu,du dzoganani pidu ye pidu. ⁶ Haa ludzolu luba du dinga muguenda nga budzodi tsigu djiandi.Mi tsigu miamina midu fedi landa,nga budu sendi yandiga luyandigu.⁷Mudiambu badu bavula ba pugumuna ba godi mu gifudi,ba gondaga guigila mbi Yesu Kdishidu giitsi mugimudu.Ndona wedi nga,mupugumuni loogadzolaga Kdishidu. ⁸ Galani ye gugieba guedi binu beni,buoona nga lugonda bidisa ndumba dji gisalu gi binu,buoona nga lusenda lufudu luvula.⁹Konzu wuna wendaga guleya gugonda mambu ma Kdishidu loogedi ye Gahungu,wuna wedi mudibundu gedi muedi Dada ye muedi Muana. ¹⁰ Mbi mudu witshi guedi binu ye looganedi mitsigu mi binu,loogumu yambani gu ndzu binu,ye loo gumuhegani mbodi! ¹¹ Mudiambu mudu wuna wu muhegagi:mbodi!wu godi mu bisalu biandi bi mbi.¹²Shi buyi yabi mambu ma vula mayi fani gulusonigila,looyidzodi guhanga ye lugasa lumuganda,ye tinda,haa yi dzolagagi guenda,gunzu binu,sambu luyagula ganu ye ganu,gutsuga gieshi gi pidu gigala gigigidi. ¹³ Banan ba pangiagu wumugedu bamakiediga bagu dumishi mbodi.

3 John

Chapter 1

¹Mbuda,guedi Gayisa,pangi wu dzolu,wuna wu ndzolagagi mu masonga.² Pangi wu ludzolu,mi ndzodi mbi ndji wu gala mudangu diootsu ye ludu lupimbu,nga bu dzodi moni wogu. ³ Yi gadi mugieshi givula,mudangu digumi ba pangi yee bahaani gimbangi gi masonga medi guedi ndji,mu pila yi pangidi yagu mu masonga. ⁴ Loo yedi ye gieshi gingi mugu tela mbi bana bami baba luda mu masonga.⁵Pangi wu ludzolu,wu bahaanga gigidi mambu ma hubahanga guedi ba pangi,buoobuna ye guedi ba pangi baba ndzenzi, ⁶ Banaa bana bahani gimbangi giagu gi kiediga,gu ntuala yi bakdishidu ndji haanga mapimbu gu misu ma Gahungu mugu giba guba. ⁷ Mudiambu djina di Yesu Kdishidu bawu bedi mukadi,looshi bi basendi guedi bapani. ⁸Du fani yamba badu bagifa giina,buoona nga dugala basadi ye bawu mu masonga.⁹Mi buyigusonigidi mambu ma nzu yi Gahungu Hadiatelefi,wu dzolaga gugala mudu wu tegu mukadi gaba.Loogaduyambaga. ¹⁰ Diadina,mbi mi yedi ye nzala yi guitsa guludala,bu yiluyibugis bima biootsu bi gahangagi bigindi pimbu guedi pidu looguyibaga mana,looga kipaga loogayambaga ba pangi ba ndzenzi,ye ma bafani hanga,gaba gangaga ndjila ye guba tshadigisa.¹¹Pangi wu ludzolu loogulambugila mbi,hangagani ma pimbu.Mudu wuhangaga mapimbu gedi wu Gahungu,mudu wuna wu hangaga mambi gedi wu Gadiapemba. ¹² Pidu buootsu,ye masonga mabinu muguda gimbangi ye kiediga guedi Demeteluyusu;pidu kega,du baa mudela gimbangi,ye wu bayaba mbi gimbangi gi pidu giedi gima songa.¹⁵Yi gala ye bima bi vula bigugusonigila;loondzodi gugu sonigila ye lutshala:ye muetsi wu muganada. ¹⁴ Ndjindudi gugudala,nga dusolula ganu ye ganu. ¹³ Ngemba djigala guedi ndji!bandugu ba gudumishi mbodi.ndji ge hega bandugu mbodi,konzu mudu ndi beni.

Jude

Chapter 1

¹Djida musadi wu Yesu Kdishidu,ye pangi wu Djagi,guedi bana babalendigi ba pangi ba ludzolu guedi Gahungu wedi Dada,ba giebi mumbada ye Yesu Kdishidu. ² Yambula kenda,ngemba ye ludzolu djilu hanamanina ngolu-ngolu.³Pangi wu ludzolu,yihangi gingolu-ngolu mugugusonila mudiambu mu mabimbu ma gimvuga.Yikanda gulusonigila musambu mugulu longa mugu nuanisama musonga musambu ye ludzolu lubabalumuni guedi ba guigidi mu mbala yimoshi. ⁴Mudiambu gadishi mugisuegi badu bega.Badu bena basolamani mugugeshilaga bega kanu.Ba pani babalumuni lusagumunu lu Gahungu ludzingu lu tshoni,baba duna gega Fumu wi pidu Yesu Kdishidu.⁵Dangu di,da dzodi guluyibugisa (shi buoona bulu ya bi buootsu)mbi muhulushi wedi ye mbundu yi gusadisa buga hulushi beni ngibidi,gungoyi bina ga dzuwi bana bakonda guigila. ⁶ Buoona ba tumwa bega loobagadi ye gumana gupimbu mugi fumu gi baa kashi baana ba dini gihani gi baa.(Gahungu gabasuegi gimakulu mugu ba neda,mu piba,mugubasambisa gilumbu gi ngolu).⁷Nga sodomo ye gomoluu ye mabula ma pena-pena,madihani maa beni mugindumbu ye ba landagi bieshi bi gifudji.Badi haani nga mbandu dji bena baniogugagi mundola du mbaa du gimakulu. ⁸ Gidesu gimoshi,ba nimbaga mandotsi mugu hanga mbi mu maludu ma ba beni,ba maadji gifumu gi baa ye bayagudi bima bi gonda funu guedi beni lugumu.⁹Shi Adikanzi Mishela diga gonda dzola Gadiapemba ye guyagusagana musambu ye ludu lu Moseshi,loo ga megi gu musambisa mugu dugana. Dangu di gayagudi mbi:<> ¹⁰Dangu di badu bana badugi buootshu ba konda gudi yaba. Gadiyabaa (ngaba mbitsi bagondi ndungi badi yabaga) mambu ma mana mababa bebisagi. ¹¹ Bedi pashi!musambu ba landi ma Kayina ye ba dilumbi mugifuu gi Balama mudiambu ye figu.Buoona ba bidi mugipumbulu gi Koleya.¹²Dangu di luba dia munzaba yi ludzolu.Baba hanga gu gonda tsoni,dudiagi musambu ye guhega gieshi muludu.Guedi madudi ma gondi muetsi,ma pasumugi mu muhunga.Bedi nga midi mi budaga ndumba mu dangu di gubuda ndumba(mbala djodi mi wa fuaa,ye gutsumuna). ¹³ Ba bedi nga gidembu gi ngolu gi nzadi mambu mambi maba hangagi.Guedi nga ma fulu-fulu ma baa gulumuga ye londi di muetsi.Guedi nga mioda mina miludaga sambu mbi gidima gi piba bahidigi mugugalaga mvula ye mvula.¹⁴Inoogi,mudu wu nsambuadi wu ndonga gu ngoyi yi Adamu,gayagidi mbi:<¹⁵Giitsi mugudu sambisa gi fudi giotsu.Ga guitsa mugununga badu buootsu bambi mubisalu ye bima bibaa bimbi.Ye mandaga mabaa mootsu magonda pimbu ba sumugi guedi ndi>>. ¹⁶ Bedi badu ba guboguda,ba landaga bi kalulu bi baa bi mbi.Bedi lulendu ba lebagaa baadu mu mapimbu ma baa beni.¹⁷Haa ba pangi bami ba ludzolu,yi bugagani mandaga ma luyugi mudangu di gulu guedi ba tumuaa.Fumu wu pidu Yesu Kdishidu.Ba luleshi mbi: ¹⁸ <>. ¹⁹Baa bagabulagani.Bedi badu ba gifudi bedi ba pani loobedi ye muhunga wu gugedila.²¹Dangu di ba pangi ba ludzolu,haa binu ba pangi ba ludzolu sendani mbodiga binu beni mu kadi ga luguigilu lugigidi ye gusamba mu muhunga wu gedila. ²⁰ Djingani mu ludzolu lu Gahungu mueni kenda fumu wu binu Yesu Kdishidu wudu nedidi moni wu mvule ye mvula.²²Galani beni kenda guedi badu bena baba konda gumbula.²³ Sadisani ba guenu ye gubahungulula gu mbaa.galani beni kenda ye guedi bega.Dunani miledi mi masumu ma gimudu.²⁴Ndi wedi ye mpila yi gugieba mugukonda bua ye gudu nedisa gu konda gifuu. ²⁵ Guedi ndi beni,Gahungu wedi muhulushi wu pidu,mu nzila yi Yesu Kdishidu wedi fumu wu pidi,ya mbula mbi madonda,lugumu,giyega ye ngolu dji gala leelu ye bi lumbu biotsu.buoona.

Samba: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Colossians, Galatians, James, John, Jude, Luke, Mark, Matthew, Philemon, Philippians, Romans, Titus

Formatted for Translators

Matthew

Mark

Luke

John

Acts

Romans

1 Corinthians

2 Corinthians

Galatians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

James

1 Peter

2 Peter

1 John

2 John

3 John

Jude