¹Ekitabo ekyakubyalibwa okwa yeesu kurisito, omwanw wa dawudi, eyabyalibwe oyibulayimu. ²oyibulayimu yabyaire oyisaaka, oyisaaka nabyaali oyakobo, oyakobo nabyaaala oyuda amwe nabaana baamwe. ³oyuda ya byaire operezi amwe no tomali omuzeera opereezi nabyala olamu .⁴olamu nabyala aminadabu, aminadabu nabyala onasani, onasani nabyala osulemani, osulemona nabyala o obowazi, obowazi nabyala obodi omulusi, obedi nabyala oyese, oyese nabyala odawudi omukama. ⁵osalumoni nabyala obowazi omu lakabu, obowazi nabyala obedi omulusi, obedi nabyala oyese, nabyala odawudi omukama. ⁶odawudi nabyala osulrmani omu uliya.⁷osulemani nabyala oolekebowamu, olekebowamu nabyala oabbiya, abbiya nabyala assa. ⁸Assanabyala oyekofati, oyekofati nabyala oyolamu, oyolemuo uzziya⁹O uzziya nabyala oyosamu, oyosamu nabyala Akazi, Akazi nabyala okeezekiya. ¹⁰Okezekeya nabyala oomanaase, omanase nabyala Amoni, Amoni nabyala Oyosiya. ¹¹Oyosiya nabyala oyekoniyana nabaganda baamweomubiro ebyakutwwalibwa e babuloni.¹²oluvanyuma lwakutwalibwa e babuloni oyekoniya yabyaire osalyeteri, osalyeteeri nabyala ozerubabberi. ¹³ozerubbaberi nabyala abiwudi, abiwudi nabyalaerikayimu nabyala Azoli. ¹⁴azoli nabyala Osadoki, osadoki nabyala Akimu, akimu nabyala eriwudi.¹⁵Eriwudi nabyala ereyazali, eriyazali nabyala omataana, omataani nabyala o yakobo. ¹⁶oyakobo nabyala oyusufu eyali imusaiza wa malyaamu eyabyaire oyeesu. ¹⁷nimo giyo emirembe nijaali okuzwa oku yibulayimu okwika oku dawudi okuzwa oku dawudi okutwalibwa ebabuloni: amwe nokuzwa ebabuloni okwika oku kuristo.¹⁸kobyalibwa kwa yeesu kwali kuti nga omalyamu akyayogerezebwa oyusufu bani baali bakyaali kusumbirwagana omalaamu yafunire enda ya mwooyo om utukuvu. ¹⁹awo oyusufu oyibaamwe owamalyamu eyaali omutukirivu tiyayenderye kumukatisha nsoni.²⁰Boona awo oyusufu niyaali , akyalowooza ngali omukirooto, edoboozi eryamalaika nirimukoba totiina kubanga omalyamu mukazi waamu era akwaaba okufuna enda ya mwooyo ugutukuvu. ²¹Alibyala omwana owabwojjo era oli mwalika eibara lya erya yeesu, oyo eyaliba omolokozi ali lokola abantu baamwe omubibbi byaabwe.²²ebyo byoona byoona byakoleibwe okwiikirya onyamwanga bye ya belize no nabbi namukoba ati. ²³boona, omwala atamaite musaizza yenayeena albba enda era alibyala owa bwojjo bali mwalika eibara emmaneeri eri kumanyisya Onyamwanga ali amwe naiswe.²⁴Oyusufu niyeikiire, nakoba omalaika bye yamukobere natwaala omukazi waamwe. ²⁵Era tiyamwetejere okwiikya niyamaare okubyala omwana namwalika eibara yeesu.

¹Aawo oyeesu niyabyalibwe omu Bbesserekemu, ekya buyudaaya omubiro bya kerod omukama, boona abagrzi gezi ni bazwa ebuuluka nibayerusaalemi. ²Nga bakoba nti alu ali ludda ayi oyo abyaliibwe omukama wa bayudaaya ? kubanga twabweine onyenyenzi ebuuluka nitwiiza okumuramya. ³Omukama okerode niyawuliire natuuntura amwenaba Yerusaalemi boona.⁴Nakuumbaannya aba kabona boona abakulu na bawaandiki ba bantu. Nababuulya nti ali byalibwa ayi? ⁵Boona nibamukoba nti, mu Beserekemu ekya Buyudaaya kubaanga nimwo kya wandikiibwe omuerangi nti ⁶Naawe Beserekemu eiyanga rya Yuda toli mudyooli omubalangira ba Yuda kubaanga akufuga alizwa mu niiwe, ali liisya abantu bange eisirairi.⁷Aawo okerode nayeta abagezigezi omucaama nababuuliirya muno ebiro onynyenzi biyakamala okuboneka. ⁸Nabasiindika Ebeserekemu bayikeyo yoona babone omwana ngeri ki jakwisana mu leke yeena bamukobere asobole okumuramya.⁹Nibawuliire omukama, ni baaba, boona, onyenyenzi oyo nijo baboneire ebuuluka nabakulembera, naiza nayemeera eiguru omwana jeyaali. ¹⁰Nibaabweine onynyenzi oyo, nibasemerwa, okwiingi omuno.¹¹Nibeejumba enyubba nibabona omwana no nyina Omalyaamu nibakubba ansi amajjwi okumuramya nisindabula ensuwa zaabwe nibamuwa ebirabo bya zabbu no bubbaani nomu gavu. ¹²Onyamwanga niya balabwiire omukirooto nga akubakoba obutairayo ewa kerode, baireyo ewaabwe omuwanda ogundi.¹³Bona nibaamare okwaaba, omalaika wa nyamwanga nabonekera oyisiifu omukirooto nga akumukoba imuka otwaale omana no maamwe oyiruke Emisiri obbeeyo okwiikya nindikoba, kubanga okerode akuakuswaagana omwana okumwiita. ¹⁴Yena naimuka atwaala omwaana no maamwe nibaaba emisiri. ¹⁵Nabbaayo eyo okwikya okerode niyaffire, ekigambo kiikiriire kyeyabalizze nti, "era neera omwana wange aluzzwa mu missiri"¹⁶Okerode niyabweine nga abalaguli nga bakumukudaalira nayoongara natuma okwiita buli mwana wa bwoojjo omu beserekemu nokunsaro zaayo zoona abaakamala emyaaka ibiri nabakyaali kwiikya ezo nkebiro byeyabuuliiryeemu omuno abalaguli ngeri nibyabbaire.¹⁷Aawo ekigambo onabbi yeremiya kye yabalizze nikiryooka nikikiira, niyakobere nti: ¹⁸Eiraka lyawuliibwe omu Laama, okuunga nokubboka okunyamwiingi nga takyayeendya kumukamaantya wabbaire tiwakyaali.¹⁹Nye okerode niyamaare okuffa, bona, omalaika wa Nyamwanga mabonekera oyusuufu omukirooto Emisiri. ²⁰Nga akumukoba nti imuka otwaaleomwaana no maamwe Eyisirairi kubaanga babbaire bakuswaagana omwaana okumwiita bamaare okuffa. ²¹Naimuka natwaala omwaana nomaamwe omwiiyanga la Misiri.²²Naye niyawuliire Alukerawo niye kabaka wa Yudaaya nga asirikiire oitaamwe: Okerode natiina okwiirayo. naye Onyamwanga niyamulabwiire omukirooto, nakengeita, nayakaqla okurubaaju lwa Galiraaya. ²³Naiza nabba omukyaalo ekikwetebwa Nazaleensi ekkigaambo Abanabbi kye baabalize kiikiiriire,nti akwiiza kweetebwa Munazaalaayo

¹Omubiro ebyo, Oyokaana omubatiza naiza nga okubuulira Omwiiruunu lya Buyudaaya, ²Nga akoba nti mwenenye; kuba nti Obukama bwamwiiguru buli ampi. ³kubaanga omulaangi Oyisaaya gwe yabalizeku, nga akukoba nti eyiraka ryooyo akubaliza ayiguru Omwiiruungu nti musayiirye Omuwanda gwa Nyamwanga, mugwagwanye Emyanda gyaamwe.⁴Naye Oyokaana yazwaalanga ebizwaaro byabyooya bya nkaina nga akwebbwa olukobba lwakyaanzo omunkende; neemere yaamwe yaali nzige no jjuuru wabwooku bwa mukisiko. ⁵Aawo nibaluga Eyerusalemu no mbuyudaaya nensi yoona erinaine Yoludaani, nibaiza gyaali. ⁶Nababatiza omwiiga Yoludaani, nga bakwaatula ebibbi byaabwe.⁷Niyabweine Abafalisaayo abayingi; Nabasaddukaayoo abayingi nga bakwiizira okubatizibwa kwaamwe nabakoba nti nywe abaana banjoka naani yabalabwiire obuswwandi obukwaaba okwiiza? ⁸Mwerye ebibala ebisaanire okwenenya. ⁹Mutalowoza kubaza mumyoyo nti tulina o Iburayimu ozeiza waiswe; kubba nkubakoba nti oNyamwanga.¹⁰Naye empasa eteekebwe okikolo kyamusaale Buli musaale ogutakkweera bibala bisai gwatemwa gunagibwe omuuro. ¹¹Nje nkubabatiza namaizi olwakwenenya: naye oyo akwiiza enyuma wange ye akusiinga amaani, tinsaanire nakukwata nkaito zaamwe: oyo ali bamatiza no mwooyo akweera no muuro. ¹²Olugali lwaamwe luli mungalo zaamwe naye ali saayirya muno eiguru lyaammwe; ali kumbaanirya engaano omukideero naye ebisunsugulu ali byookya nomuuro oguta kulikira.¹³Awoo o Yeesu nazzwa e Galiraaya naika ku Yoludaani edi Oyokaana, amubatize. ¹⁴Naye o Yokaana yendyaanga okumulesya, nga akukoba nt nje nkwendya niiwe okumbatiza, naye okwiiza wange? ¹⁵Naye oYeesu nairamu namukoba nti ikiriza ati: olwokuba kitugwaanire otyo okwiikirya obwiikiri bwoona nayaanga naikiriza.¹⁶Awoo o Yeesu niyamaare okubatizibbwa, amaangu ago nazzwa omumaizi, eiguru nirimwesweekura nabona omwooyo gwa Nyamwasnga nga guniinika nko nko ngiiwa, nga akwiiza okuye ¹⁷Bona, eiraka nirizwa omwiiguru, ngarikoba nti Oyo niye mwana waange, gwenkwendya, gwensemererwa omuno.

¹Awo o Yeesu natwaalibwa omwooyo o Mwiirungu okukemebwa o sitaani. ²Niyamaare okusiiba enaku amakumi anai emisana nobwiire, enzala nemuluma. ³Omukemi naiza namukoba nti, niwaabba nga olimwaana wa Nyamwanga , koba amabbaale gani gafuuke emere. ⁴Yeena nairamu ati omuuntu tabbawo lwaamere yonkai, wabula nabuli kigambo ekizzwa omumunwa gwa Nyamwanga.⁵Awoo ositani namutwaala omukibuga ekikweera namuteeke okukituuti kya Yeekalu. ⁶Namukoba ati niwaabba nga oli mwaana wa Nyamwannga, guluka ogwe ansi; kubaanga kya waniikibwe oti yali kusiindikira aba Malaika baamwe: omumikono jaabwe bakuwaanire oleme okukosebwa okugulu kwa kwi bbaale.⁷OYeesu namuba ati kyawandiikibwe otti tokemaanga o Nyamwanga, waamu. ⁸Alee oSitaani namutwaala okulusozi olunyamulai ensi babakama boona abaali oMunsi nekitiinisya kyaazo; ⁹Namukoba atii ebyo byoona nabikuwa niwa fukamira nonsiiza,¹⁰Awoo oYeesu namukoba atti nzweera yaba, sitani: kubanga kya wandiikibwe nti osiinzanga o Nyamwanga waamu, era omuwerezenge yenkai. ¹¹Awo ositani namuleka, bona abamalaika nibaiza, ibamuwereza.¹²Awoo niyawuliire oYokaana bamuwaireyo, nairayo eGaliraaya. ¹³Niyazwiire eNazaalensi naza nabba ekapuranawumu, ekiri okunyanja, oMunsi ya Zebulooni no Nafutaali.¹⁴Ekigaambo kyikiire oNabbi Isaaya kyeyabalize, nga akoba ¹⁵Ensi ya Zabbulooni nensi ya Nafutaali, enzira ya nyanja, Enseri wa Yoludaani eGgaliraaya eyamawaanga. ¹⁶Abaantu baali baikaara omukirikiirya, babweine eisana riingi, naabo abaali baikaire oMunsi ya kuffa nomukituuru kyaakw, eisana ryabaakiire.¹⁷OYeesu nasookera mpawo okubuulira nakoba nti mwenenye, kuba obwabukama bwaiguru bulyaampi okwiira.¹⁸Niyaali nga akutambula okukikeito kya nyanja eyagaliraaya nabona abagande babiri osimooni gwebetere oPeetero, no Andereya omuganda wamwe, nga bakunaga ekitimba omuNyanja kubanga baazli bategi. ¹⁹Nabakoba ati mwiize, mwakale naanje, njeena naali bafuula abategi ba baantu. ²⁰Amaangu agoo nibaleka emigonjo, nibaakala naye.²¹Nataambulaku omumaiso nabona abagaande babiri abandi, oYakobo omwaana wa zebidaayo no Yokaana omwaana wamwe, nga bali muryaato amwe no taata waabwe ozebidazyo, nga bakuyuunga emigonjo gyaabwe, nabeeta. ²²Amaangu ago nibaanguwa nibaleka eryaato noite waabwe nibaaba naye.²³OYeesu namanyikibwa Ggaliraaya yoona, eraa nabuulira engiri eyabukama, era nga akutaamba endwaire zoona nobunaki bwoona omubantu. ²⁴Ebigaambo byaamwe nibyetoolola obusuuli bwoona: nibamuleetera boona abalwaire abaali bakwatiibwe endwaire ezitali zimwe, nebibonobono, nabamizimu, abansiimbu, nabaali bakozzimbire; nabataamba. ²⁵Ebibiinja biingi, nga bikuzzwa eGgaliraaya no Dekapoli ne yerusaalemune Buyudaaya ne mitala wa Yoludaani ni baakala naye.

¹Niyabweine ekibinja, naniina okulusozi: naikala ansi, aabeegesebwa baamwe nibaiza jaali. ²nayasamula omunwa gwaam, we nabeegesebwa nga akukoba nti: ³Bayina omukisa abaavu omumwooyoolwakuba obukama bwamwiiguru nibwo bwaabwe ⁴Bayina omukisa abaali abanaku kubba bali semeerwa.⁵Bayina omukisa abacculeeri, kubbanga baali sikira ensi. ⁶Bayina omukisa abalumwa enzala ne nyoonta olwabwiikiiri kubba baaliikuta. ⁷Bayina omukisa abo abakisa:kubaanga abo bali kwatirwa ekisa. ⁸Bayina omukisa abo abayina emitima egiroongooki, kubaanga abo balibona oNyamwanga.⁹Bayina omukisa abo abatabaganya, baana ba Nyamwanga. ¹⁰Bayina omukisa abaisaisainizibwa olwa bwiikiira kubba obukama bwamwiiguru nbwo bwaabwe.¹¹nywe mulina omukisa nimwazuumwanga, nimwasayasanizibwanga, nibabangiiryanga ekigaambo ekibbi nga babalaanga nje. ¹²musemeerwa musagaruke muno; kubba empeera yaanywe jiingi oomwiiguru: kubba nimqwo bayasayanyire iba Nabbi ababa sookerewo nywe.¹³Nywe muli muunyu gwa nsi; naye onuunyu niguwaamu esna bali luunga muunyu naba ki? ¹⁴Nywe muli isana lya iyaanga ekibuga niki kubbwa okulusozi, tikisobola kukisibwa.¹⁵Nolweebyo tibaaccanga kitaangaala kukibuutikira omikiibbo. wabula okugita eiguru okukikoondo kyaayo; yoona ebaakire boona abali omunyubba. ¹⁶kale isana lyaanywe lyaakenge nimwo gutyo omumaiso baboneenge ebigaambo ebisai byw mukola, balyookebagulumizeenge oyitaabwe ali omwiigiru.¹⁷Temulowoozanga ntini naizire kudibya mateeka oba ebyabaNabbi: wazira okwikiirya. ¹⁸Okulwakubba nkubakoba mazima ntini eiguru nensi okwiika nibyaali waawo enyuguta emwe niwankubbaire akatonyeze akamwe tikaali waawo okwiikya ebyo nibyaali mala okwikiira.¹⁹Kale buli eyadibyaannga amateeka ago wadde erisiinga obodooli era alyeegesyaanga abaant atyo alytebwa mudooli omubwabukama bwa mwiiguru naye ali gaitibwaanga era ali nayegesha, akwiiza kwetebwa mukulu omu bwabukama bwa mwiiguru. ²⁰Kubaanga nkubakoba ntni obwikiiri bwaanywe nibutaasiinge nge obwaba wandiisi naBafalisaayo timukwiiza nakadooli kwiingira bwakabaka bwamwiguru.²¹Mwawuliire abairai ngabakukobwa ntini toyitaanga era omuntu naliitaanga alibba airye omusaango. ²²Naye nkubakoba nti buli eyasunguwaaranga omugaande nga airye omusaango, nabuli eyakobanga omugaande nti olaaka, asaniire okutwaalibwa omulukiiko, nabuli eyazumaanga omwiiramwe otwaalibwenge omugeyeena omuuro.²³Kale niwaleetanga essadaaka yaamu okukyooto, noliba eyo noyizukiraanga omugaanda waamu akuliku ekigambo. ²⁴Leka awo essadaaka yaamu omumaiso ga kyooto, oireyo osooke otabaganye nomugandaawo.²⁵Yeenndyaganaanga maangu nooyo akuwaabire nga mukyaali naye omumuwaanda; akuwaabira eleke okutwaalw eddi omutajweeka, olwo nomutajjweeka aleme kutwaalw eddi omwa mbalalansaale, leke muleme okuteekebwaayo omwiikomera. ²⁶omumananu nkubakoba nti tolilugamu, okwiikya nolimaliirya neippeesa eriimwe.²⁷Mwawuliire ninakobere nti timweendaanga. ²⁸Naye njeena nkubakoba ntini buli muuntu eyaaliegombaanga omukkali nga amaare nga amaare okumwendaku omumutima gwamwe.²⁹Niwaabbanga eriiso ryaamu erya gulyo nga nikyo rikwesiitaaza riyemu orinage alai: olwakubba nikyo kisiinga obusai ekitundu kyaamu ekimwe kizikiiire, omubiri gwaamu geleme okunagibwa omu geyeena. ³⁰Era niwabbangaomukonu gwaamu ogulyo nigwo gu kukwesitaaza ogutemeku ogunage alai olakubba nikyo kinkusiinga ekitundu kyaa mu okuzikiira, omubiri gwaamu guleme okuzikiira.³¹Bbakobwa ntini omuntu eyapekaanga omukali waamwe amuweeryenge ebbalwa ya kumupeke. ³²naye njena nkubakoba ntini buli muntu eyapekaanga omukali waamwe nga amwendereku; nooyo awaseenge gwebagobere nga ayendere.³³mwawuliire abairai nga bakoba ntini: tolairanga byabubeegi naye okiiryaanga oNyamwanga bye yakobere. ³⁴Naye nanje nkubakoba ntini temuliiranga nakadyooli wade igurui, olwakuba niinjentebe yaNyamwanga ³⁵niwankubaire nga ensi nijjo ataaaku amagulu gaamwe yadde yerusaalemi olwakubba nikyo ekibuga kyamukama omukulu.³⁶Nulweekyo tolairanga mutwegwaamu olwakubba tokusobola kwindula lusoke lumwe oba lweeru oba lwiiragazu. ³⁷Naye ebigambo baamywe bibbenge niwo awo niwo awo; ti niwiwo awo tiniwo awonaye ebikussiinga bizzwa mumubbi,³⁸Mwawuliire nabakobere nntni eriiso ligaitibweenge eriiso, neriino rigaitibweenge neriino. ³⁹njeena nkubakoba ntini mutalemesyaanga mubbi, era omuntu niya kupaayaanga olusaya olulyo mwiinduurenge olusomo.⁴⁰omuuntu niyatakaanga okuwoza naawe okutwaalaku ekanzu yaamu, omulekereenge nekooti yaamu. ⁴¹Omuuntu nakuwalirizaanga okutaambila naawe emairo emwe, taambula naye eyakabiri. ⁴²omuntu nakusaabanga kyaakweendya okumuwola, tomwinduuraanga amanyuma.⁴³Mwawuliire nibakobeibwe nti oyeendyaanga omwiirawo nokyaawa omu nyanzigu waamu. ⁴⁴Naye naanje nkubakoba ntini; mwenyeenge abanyanzigu, musabirenge nababayiganya ⁴⁵Mulyooke mubbeenge abaana oitaiswe ali omwiiguru; kubaanga eisana lyaakira ababbi na basai, abatoonyeserya onjura abaikiiri nabatali baikiiri.⁴⁶Era nimwayeendyaanga abakubeendya, mwiina mpeera ki? nabawooza tibakola batyo? ⁴⁷nimwalamukyaanga abagaanda baanywe bonkai, nabamawaanga tibakoba batyo? ⁴⁸Ati nywe mubbeenge abaikiiri , nko ite waanywe nta omwiikiiri.

¹Mwekuumenge obutakola bigaambo biikiriire omumaiso gabaantu, nitwaakola nga ebyo empeera yaiswe omwiiguru tri tuweebwa. ²Noweeryaanga omwaavu toyabaanga kubuli ome nga okukubba omulere nti namuyaambire nka bananfuusi omubiro bya byalukale nomunzira, abaantu babaweerye ekitiinisya. nkubakakasa nti empeera yaabwe baagifunire.³Naye we, omukono gwaamu ogulyo nigwaagabanga ekintu ogwakono gulemeenge oketeja. ⁴okugaba kwaamu kubbeenge kwa kyaama awo ni oNyamwanga okoora omukyaama akwiiza okuwa empeera ya mwiiguru.⁵era nimwasabaanga muleme kubba nka bana nfuusi, abasabira omulujjude era abaantu bababone, nkubakakasa bamaare okuweebwa empeera yaabwe. ⁶Naye we niwaabbanga okusaba munda. omukiseenge kyaamu okiingewo olwiige olyooke osaabe oNyamwanga omukyaama ali kuwa empeera. ⁷naanywe nimwasabaanga melekeenge okwiirairamu ebigaambo nka bamawaanga nibakola, abalowooza nti bakwiiza byebasaba olwa bigaambo ebiingi.⁸kale timwisaana nga nkaabo oNyamwanga amaite byemwendya nga mukyaali na kumusaba. ⁹kale, musaabenge muti oitaiswe eibara lyaamwe lisiinzibwe. ¹⁰obukama bwwamu byokwendya bikolebwe omuunsi ngeri nibikolebwa owiiguru.¹¹tuwe erero emere yaiswe. ¹²Tusonyiwe amabaanza gaiswe ngeri nitusonyiwa abatweewolaku. ¹³totutwaala mukemebwa naye tulokole omububbi. kubaanga obwabukama, nobuyiinza nekitiinisya byaamu emireembe nemireembe, amiina.¹⁴kubaanga nimwasonyiwaanga abaantu ebyabasobereku nyweena oNyamwanga yabasonyiwa. ¹⁵Naye nitaasonyiweenge abo ababasobya oNyamwanga tali basonyiwa.¹⁶Atii ninwasiibaanga muleme kubbaanga nka bananfuusi abalina amaiso gaanaku, kubaanga basiisa amaiso gaabwe abaantu bababone nga bakusiiba. ¹⁷Nye we niwasiibaanga, saabaananga amafuta okumutwe onaabeenge nomaiso. ¹⁸Abaantu balemeenge okubona nga okusiiba, wabula oNyamwanga ali omukyaama ali kuwa empeera.¹⁹Titwebikiraanga abintu kunsi kwebyesisiraanga, ebiyenje nea baibbi okubisaka owiitakali. ²⁰Naye mwebikireenge ebiintu byanwye omwiiguru ebiyenje nabaibbi, jebatakusobola kubisaka. ²¹Kubaanga ebintu byaamu, jebibba, omutima gwaamu nijo gubba.²²Ekitangaala kya mubiri nikyo riiso ryaamu. eriiso niribona amwe, omubiri gwabbaanga ne kitaangaala. ²³Eriiso ryaamu niribba nebibbi, omubiri ggaamu gubba nekizikiza. ²⁴Ndoowo muuntu asobola okuweereza abasaiza ababiri: kubba oba wakyawaanga omwe, nayendya owoondi, oba nagumiraanga okwoomwe, timiyiinzakuwereza Nyamwanga nabyabuguuda.²⁵Nikyo nzwa mbokoba nt mweralikiiranga ebyamibiri jaanywe, okulya, okuzwaala, no kunywa. ²⁶Bona ebinyonyi byamwiibbaanga, tibisiimba era tibikuungula, tibiikira mubiddeero naye birya, Naye onyamwanga aqziriisya nywe timukusiinga ku zu?²⁷Naani omunywe eyelalikiira niyeyongeraku obukulu bwaamwe na kaseera kaamwe? ²⁸Naye ebiberalikiiryaanga kki byakuzzwaala ? mubone amasaansa ga mwiiruungu nigamera tigakola mulimu gwoona era tigasona lugoye. ²⁹Naye nkubakoba nti no Sulemaani omukitiinisya kyaamwe tiyazwaalaanga nkerimweokwaago.³⁰Naye oNyamwanga nazwaalikisya eisubi eririwo ereero , nemaamya barinage omuuro ereero neizo teyaalisiinga kuzwalikisya nywe abalina okwiikiriza okudyooli? ³¹Kale timweralikiiranga nti tuliire ki?oba tunywiire ki? oba tuzzwaire ki?³²Kubaanga amawaanga goona byegeetaaga oNyamwanga ali omwiguru abimaite. ³³Naye musookenge mutoolyre obwabukama bwa Nyamwanga nobwiikiiri byoona byoona bii baweebwa. ³⁴Kale timweralikiiraanga ebyamambya kubbanga ebyamaambya byeralikiira lwa byo, olunaku olumwe ekibbi kyaalwo kilumala.

¹Tosalaanga musango, mulemwe okusarwa. ²kubaanga omusaango gwe muli sala nyeena nigo mulisaarwa, era engeri jooli gusalamu nigyo mulisaarwa.³Olibona otyai akantu akali okuriiso rya mugandaawo notafaayo okunsekere ali okuriiso ryyamu? ⁴Oba olikoba otyai omugandaawo nti leka nkuyeku akantu akali okuriiso ryaamu naye bona , onsekere akyaali ku riiso ryaamu we ⁵Kiweisya we, we sooka oyeku onseklere ali okuriiso ryaamu osobole okubonya okusai leke oyeku akantu okuriiso rya mugaandawo.⁶Timuwaanga mbweene kiintu ekikweera nolweekyo timunagaanga migugu jaanwe mumaiso gamberege zireme okusambatiira namagulu gaazonizikyuuka okubanena, musabe muli weebwa.⁷Musabe muli weebwa, mutoolye muli bona, mwebazeku muli kiinguurwa. ⁸kubanga omuntu yeena asaaba ali weebwa, atoolya abona, eyenyonyolaku aiguurwa. ⁹Muuntu ki omunywe omwaana wamuuntu gwaali saba emere ali muwa eibbaale? ¹⁰Oba naami omunywe omwaana waamwe nali musaba ekyenyanja ali muwa onjoka?¹¹kale nywe, ababbi nka nimumaite okuwa abaana baanywe ebinyakasai, oNyamwanga wamwiiguru tali siinga muno okubawa ebinyakasai abakumusaba? ¹²Kale byoona byemukwendya abaantu babakoore nkaanywe nyweena mubakoore nkabo.¹³Mwiingire omulyaango ogufuundi, kubaanga omulyaango ogugazi, nenzira eyaba omukuzikiira gigazi, naabo abaakalamu baingi. ¹⁴kubaanga omulyaango ogufuundi nenzira ekwiira omubulamu lyakanyigo, naabo abaribona badoli.¹⁵Mwekenger abnabbi babu beegi, abaizira omubizwaaro bya ntaama jemuli, ngaateomuunda basiisi. ¹⁶Muli bamanya okubibala byaabwe, abaantu banokola batyai omuzabbibu okubusaana, oba okujaambura? ¹⁷Nimo gutyo omusaale ogusai, gweerrya ebibala ebisai, naye omusaale ogubbi ogubbi tigusobola kweerya bibala binyakasai.¹⁸omusaaale ogusai tigusobola kkweerya bibala ebibbi, nolweekyo omusaale omosaale ogubbi tigusobola kweerya bibala bisai. ¹⁹Buli musaale oguteerya ebibala ebisai baguteme nibagunaga omuuro. ²⁰Muli bamanya ookubi bala byaabwe.²¹Buli muuntu akoba nti Nyamwanga waange, Nyamwanga waange, tiniye aliingira omubwabukama bwa mwiiguru wabula okola oNyamwaanga wamwiiguru byakweendya. ²²Baingi baliinkoba okulunaku luddi nti Nyamwanga waiswe, Nyamwanga waiswe titwalagulaanga mwiibara ryaamu, titwapekaaanga mizzimu mwibara ryaamu, titwaakolanga bikwewunyisya mwibara ryaamu ²³Nimbaatuura nti nje timbamanyaangaku, muzzwe jeendi nyweena nyweena abakola ebya bafuusa.²⁴Bulimuuntu awuliirya ebigaambo byaange ebyo namala nabikola niky aisaniire omusaiza owa magezi oyombokere enyubba okulaazi. ²⁵onjura natoonya ebinyeeri nibikulukuta, ompuungo nawuunga, nibikubba enyubba, nolweekyo netagwa.²⁶Nabuli muuntu wauura ekigaambo kyaange natakikola, aliisanaangana nomusaiza ataina magezi eyayombokere enyubba yaamwe omukiseenyi. ²⁷Enjura netoonya, ebinyeeri nikulukuta, ompuunngo nawuunga, nibikubba ebnyubba neggwa.²⁸Awoo olwaikire oYeesu niyamaare ebigaambo ebyo ebibiina nibyewuunya muno okwegesya kwaamwe. ²⁹Kubaanga yabegesyaanga nko mukama wa buyiinza nolweekyo ti nka bawaandiiki baabwe.

¹OYeesu niyazwiire okulusozi, abaantu baingi nibamuseengerya. ²Kale bona omusaiza omugeenge namusembeera namuramya, namukoba atii mukama waange, noyeendya, osobola okundongoosa. ³Nagolola omukono gwaamwe namukwaata ku, namukoba nkwendya oloongooke amaangu ago, omugeenge naloongooka ebigeenge byaamwe.⁴OYeesu namukoba nti tokobera muntu yeena, naye irayo weraange eddi okabona omutwaare ekitone oMusa kyeyalagiire, okubba abajuurwa edi abaantu.⁵Niyayingiire omukaperuuni, omwaami wa kitongole omuRuumi naiza jaali namwegaira . ⁶nakoba nti mukama waange, omoojo waange agalamiire omunyubba okonziimbire, akubona bona kitalo ⁷Namukoba nti naizire nimutaamba.⁸Omusaiza wakitongole omuRuumi nairamu namukoba mukama waange, tinsaanire we okwiingira omunyubba yaange, naye bazza ekigaambo bugaammbo, omwoojo waange yawona. ⁹kubaanga Nnje ndi muuntu, nga nina abasirikale be ntwaala: ninkoba oyo nti yaba, ayaba, nowondi nti iza, naiza, nomwiiru waange kola oti yeena nakola. ¹⁰Naye oYeesu niyawuliire, niyeewunya, nakoba nti nkyaali kubona kwiikiriza nka kuni, niwankubbaire omu Isirairi.¹¹Nanje nkubakoba nti baingi abalizwa ebuuluka isana nebugwa isana, abaliikara amwe no iburahiim noyisaaka noyakobbo nomubukama bwa mwiiguir. ¹²Nalye abaana babukama bali ppkebwa omukirikiirya ekyanzai, nijjo hwalibba okuunga nokunena amaino. ¹³OYeesu nakoba musaiza wakitongoolr omuruumi nti kale yaba, nga nimo okwiikiriza, kibbe jooli kityyo. omwwojo nawonera omukiseera kityo.¹⁴oYeesu niyayingiire omunyubba ya peetero, nabona onyubyaala waamwe nga alagamiire nga alwaire omusuuja. ¹⁵Namukwaata kumukono, omusujja niguwona omukaseera ako naimuka namuweereza.¹⁶Obwiire bwaali bwaigolo, nibamuleetera abaantu baingi abakwaatiibwe odayimoni, napeka odayimooni ne kigaambo nataamba baingi abaali abalwaire. ¹⁷Ekigaambo kikiire ekyabaziibwe omulaguli isaaya, akukoba oti niye yatwaire obunaki bwaiswe niyeetiika endwaire zaiswe.¹⁸Awoo oYeesu niyabweine ebibiina biingi bamwetolweire, nalagira tusomoke twaabaw eddi. ¹⁹Omuwaandiiki omwe naiza, namukoba nti, omwegesya yabbaanga naawe yoona yoona jewayaba. ²⁰yeesu namugamba nti ebbwa ziina obwiina bwaayo nebinyonyi biina ebissu byaazo, naye ndoowo mwaana wamuuntu wawumulya mulimo gwaamwe.²¹Omweegesya waamwe owondi nakoba nti, mukama waange ndeka nyabe nziike oitaange. ²²oYeesu namukoba nti yakala naanje leka abafu baziike abafu abairaabwe.²³Naseeyeye, abeegesya nibaaba naye. ²⁴Ompuungo omwiingi naiza omunyaanja. nabinyege nyege nibisenseka omomuryaato, naye yaali abbasirye. ²⁵Abeegi baamwe nibaiza nibamwiimula, nga bamukoba nti mukama yaiswe tuyaambbne tukuffa.²⁶oYeesu nabakoba ti; kiki ekikubatiinisya, abayiina okwiikiriza okudooli? nalyooka nimuka nakoba ompuungo enyaanja niyeeteka. ²⁷aBaantu nibeewunya, nga bakoba bati onni omppungo nenyaanja bikumuwuura?²⁸Naye niyaikire enseeri omuunsi yabagereeseni, abaantu ababiri abaaliku oddayimoni nibamusaanga omunzira, nga bakuzwwa omuuntaana, baali baandi muno, ndoowo muntu yeena akwaakalaanga omunzira eyo. ²⁹Boona, nibabazira iguru nibakoba nti; otuvunaana ki iswe, omwaana wa Nyamwanga? oizire anii kutubonya boonya nga entuuko yaiswe ekaali kwiika?³⁰Waali alai nikisibo kyamberege ziingi nga zikulya. ³¹Edaimooni nizimwegaaira , nizimukolba nti niwatugoba, tusiindike omukisibo kyamberege. ³²Nizikoba nti mwaabe. nizibazwwaku, nizaaba omumberege: kale bona, ekisibo kyamberege kyoona ni ki jumbutuka nikiserengeta omunyaanja niziffa zoona, nizimwegaiira nizimukoba nti niwa tugoba tusiindike mukisibo omumbberege.³³nabaliisya baazo, nibairuka nibaaba omukibuga nibabaza ekibbairewo nebyadaimooni. ³⁴Bona ekyaalo kyoona nikiiza okusaanga oYeesu: nibaamubweine, nibamweegayiira okuzwwaomunsaro zaabwe.

¹Nasomoka, naika omukibuga ekyawaabwe. ²awoo nibamuleetera omulwaire okozimbire, nga bamugalaimye okukiraaro, naye oYeesu niyabweine okwikiriza kwabwe, nakoba oyo akozimbire nti, we mwaana waange guma omwuuyo, kubbanga ebibbi byyamu bikuyiibweku.³Kale bona abawaandiki abandi nibabaza, omumyooyo gyaabwe, lwaaki oni akutyoobola oNyamwanga? ⁴Nye oYeesu niyategeire ebirowoozo byaabwe nabakoba nti kiki ekikubalowoozesya okubbi omumitima jaanywe? ⁵Kubaanga ekyaagu ekiriwo kubakoba nti ebibbi byaamu bikuyiibweku, oba kukoba nti golokoka otambule? ⁶Naye mutegeere omwana wa muuntu ayina obuyiinza okunsi okuyaku ebibbi, nakoba oyo okozimbire ayemere , oyimule ekiraaro kyaamu., oyireyo om unyubba yaamu.⁷Nagolokoka nayaba ewaamwe. ⁸Naye ebibiina nibyabweine nibitiina nibigulumiza oNyamwanga, eyawaire abaantu obuyiinza okwenkana awo. ⁹OYeesu niyazwiireyo nabona omuuntu akweetebwa Matayo, nga aikaire omukifo kyaamwe wasorozera omusolo, namukoba nti nseengeerya twaabe amwe, nagolokoka namuseengerya.¹⁰Awoo olwaikire, nga aikaire omuyubba yaamwe, bona niwaza abawooza baingi, nabaantu ababbi bayigi, nibaikaara amwe no Yeesu nabeegesya baamwe. ¹¹abafalisaayo nibabweine, nibakoba abeegi aba Yeesu nti kiki omweegesya waanywe ekimuleetere nabawooza amwe nabaantu ababbi?¹²Naye, niyawuliire nakoba nti aboomi tibeetaaga musawu naye abalwaire. ¹³Naye mwaabe mweege amakulu gakigaambo nti nkweendya kisa naye tinsaaka, kubaanga tinaizire kweeta baantu baikiiri naye ababbi.¹⁴Niwaamare niwaiza abeegi ba Yokaana nibakoba kiki ekitusibya iswe nabafalisaayo ateenga ebeegi baamu tibasiiba? ¹⁵Oyeesu nabakoba nti abaana bamumbaaga yabugole bayiinza batyai okunakuwala nga awasire omugole akyaazli amwe nabo?¹⁶Ndoowo muuntu atuunga eiiwero ekiyaaka omukizwaaro ekikaire, kuba ekitungiibwe kyoonola ekizwaaro, nekituli kyeeyongera okugaziwa.¹⁷Era tibasuka mweenge ogupya omunssuwa eza byaanzo ebikaire kuba nibakola batyo ensawu ezabyaanzo zitemuka, nomweenge gususukka. nensuwa ezabyaanzo zifafaagana, naye basuka omweenge oguyaaka omunsuwa zabyaanzo ebiyaaka, byoona birama.¹⁸Niyaali nga akyabakoba ebigaambo ebyo niwaiza omusaiza omwe, namuramya, namukoba nti omwaana waange atii buni afiire, naye izaa omuteekeku omukono yalamuka. ¹⁹OYeesu nagolokoka namuseengerya amwe nabeegi baamwe.²⁰Awoo omukazi eyaali alwaire ekikulukuto ekyamusaayi okumala emyaaka ikumi naibiri naiza emabega wa Yeesu, nakaanga okulugoye lwa Yeesu. ²¹kubba yabalize ninakoma mbe okulugoye lwa yeesu nawona. ²²Naye oYeesu niyakyuukire namubona, namukoba nti mwaana waange guma omwooyo, okwiikiriza kwaamu kukuwonyerye omukazi nawona okuzwa ebiro ebyo.²³OYeesu niyaikire omunyubba eyamusazza oyo, nabona ebakufuuwa emirere, nekibiina nga bakubba ebiwoowe. ²⁴Nabakoba nti muzwweyo, kub, omwaana tafiire, wabula abbasiryembe, nibamusekeera muno.²⁵Naye, ekibiina nikyaagobeibwe, oyeesu nayingira omunyubba namukwaata okumukono, omwaala naimuka. ²⁶Ebigaambo ebyo nibibuna okweetoolola ensi yoona.²⁷Nga oYeesu amaare okuzwaayo, abamuzibe abamaiso babiri nibamuseengeerya, nga bakubazira iguru nti tujjune iswe, we mwaana wa dawudi. ²⁸Niyaikire omunyubba, bamuzibe abamaiso nibaiza gyaali, oYeesu nabakoba nti musobola okwiikiriza nti nsobola okukola kini nayeenga? nibamwiiramu nti nimwo kiri, mukama waiswe.²⁹Niyamaare nakwaata okumaiso gaabwe nabakoba nti; kemwiikiriize kibbe kityo era kibbe kityo. ³⁰Amaiso gaabwe nigabonnya, oYeesu nabukuutira nti mubone tiwabbaawo muuntu okumanya. ³¹Naye nibawulukaa nibabuulira ekigaambo kya Yeesu omuunsi yoona.³²Awoo nibaali nga bakuuluka, nibamuleetera akasiru nga aliku Oddayimooni. ³³Awoo nappeka oddayimooni, okasiru nabaza, ebibiina nibyewuunya muno, byakangaanga nkabini omu Isiraeri. ³⁴Naye Abafalisaayo nibakoba nti agoba oddaayimooni oku lwa buklu bwa ddayimooni.³⁵OYeesu nayakalayakala omubibuga byoona, nombuga zoona, nga akweegesya ebibiina ebibiina ebikumbaine, nga akubuulira enjiri eyabwabukama, nga akuwonyaendwaire zoon, nobunaki bwoona. ³⁶Naye niyabweine ebibiina, nabasaasira kuba, kuba baali bakeerwe muno nga basasanire, nke ntaama ezitayina musuumba.³⁷Nalyooka nakoba ebeegi baamwe nti ebyakukuungula nibyo biingi, naye abakozi nibo badyooli. ³⁸kale musabe omusaiza owabyakukungula asiindike abakozi omubyakukungula byamwe.

¹Nayeta abeegi baamwe ikumi naibiri nabawa obuyiinza omudayimooniegibbi nakuwonya endwaire zoona ezabuyiinza bwoona.²Abatume eikumi neibiri amabara gaabwe, nigo gani; eyasookere sayimooni akweetebwa peetero, nomugaande Andereya, oyakobbo omwaana wa Zebedaayo no Yokaana omugaande, ³Ofiripo no Butalimaayo, tomasi no matayo omuwooza, Yakobbo omwaana wa wa ALufaayo no sadaayo. ⁴OSimooni okanaanayo no YUda asikalyaayi eyamuliiremu olukwe.⁵OYeesu nabatume abo eikumi nababiri nababuulira nga akoba nti timwaaba nga mumazira gamawaanga era timwiingiraanga bibiga byaSamaliya. ⁶naye akiri mwaabe eddi entaama ezaabure eza munyubba ya isiraeri. ⁷Nimwaabbaanga mukutaambula mubuulirenge nga mukukoba muti obwabukama bwa mwiiguru bwaatera okwiira.⁸Mwonyeenge endwaire, muzuukuryenge abafu, muloongooseenge ababigeenge, mupeke oddayimooni, mwaweibwe mbe nyweena muwee mbe. ⁹Timubbanga na Zaabbu, niwankubbaire effeeza, niwankubbaire ebikomo omunsawu zaanywe. ¹⁰So, nensawu etaambula, niwankubbaire ekkanzu ezaambula eibiri, niwankubbaire ekaito, niwankubbaire omwiigolwakubba okola ekisaanireokuweebwa ekyakulya kyaamwe.¹¹Buli kibuga kye mwayiingiraangamu oba embuga muswaaganeengemu omuuntu gyaali akusaana, musuleenge omwo okwiika nimulizwaayo. ¹²Nimwayiingiraanga omunybba mugiramukyeenge. ¹³Enyubba niyasaananga, emireembe jaamu giizenge okuyo: naye netasaananga , emireembe jaamu jiirenge jemuli.¹⁴Eraa omuuntu nataasemberyeenge newankubbaire okuura ekigaambo kyaanywe, nimwaajwaanga omunybba oba omukibuga ekyo, mukunkumulaanga okyuukyu wa mumagulu gaanywe. ¹⁵Ddala nkubakoba ntiensi ya sodoma no gomola eriba nokubonyabonyezebwa, okuligumikiruzika okulunaku lwa misaango, okusiinga ekibuga ekyo,¹⁶BONA, nje nkubatuma nke ntaama akati omu misege: mubbanga namagezi nkonjoka, era mubbange nke njiiwa obutabba bakuusa. ¹⁷Naye, mweekuumenge abaantu, kubbanga bali bawaayo omunkiiko, mumakambaniita gaabwe bali bakubbirayo. ¹⁸Era muli twaalibwa eddi needi abakabaka okubalaanga nje, okubba abajuurwa eddi bbo nabamawaanga.¹⁹Naye nibaali bawaanga yo, timwwlaliikiiranga nti twaabakoba tutyai? ye twaabaza ki? kubbaanga muliweebwa omukiseera ekyo kyemuli bazza. ²⁰Kubbanga tiniinywe mukbaza wabula omwooyo gwaito waanywe nigwo gulibazira omunywe.²¹Awalugaanda aliwaayo omugaande okuffa, no itaamwe omwaana, nabaana abanjeemeraanga abababyaala, okubaitisya. ²²mukwiiza kukyaayibwaanga abaantu boona kulwakubba eibara ryaange, naye alinyinkira okwiika okunkomerero, ali lokolwa. ²³nibabagobaanga omukibuga ekyo, mwirukiraanga omukyakabiri, nkubaanga ddala nkubakoba nti timuli bunya kibuga kya Isiraeri, okwiikya omwaana wamuuntu naliiza.²⁴Omweegesya tasiinga gwe bakweegesya, so, omwiiru tasiinga mukama waamwe. ²⁵kimumala okubbanga Omweegesya okubba omweegi, Nomwiiru okubbanga mukama waamwe. oba nga beetere onanyini nyubba beeruzebbuli, tibali siingisyaawo abali omunybba yaamwe.²⁶Kake timubatiinanga, kubbanga ndoowo kigaambo kya kkwekeibwe, ekitali sweekulwa, wadde okumanyibwa. ²⁷nikyo mbakobera mwiikirize, mukibazireenge mwiisana: kyemuura omatwi, mukibuulirenge iguru kunyubba.²⁸Timubatiinanga abaita omubiri, nayenga tibayiinza kwiita bwooomi: naye mumutiinenge ayiinza okwiita obwoomi no mubiri omugeyeena. ²⁹Enkazzalujja eibiri tibazituunda ipeesa limwe? era ndoowo okuzo eriggwa ansi nga oitanywe takumanya. ³⁰Era neisoke lyaanywe erya kumutwe rya baliibwe ryoona. ³¹Kale timutiinanga nywe musiinga enkazza lujja eziingi.³²Kale buli muuntu yeena ali njatuuranga omumaiso gabaantu, njeena ndi mwaaturaanga omumaiso ga itaange ali omwiiguru. ³³Naye yeena ali neeganira omumaiso gabaantu, njeena ndi mweeganira omumaiso ga itaange ali omwiiguru.³⁴Timulowooza nti naizire kuleeta mireeembe kuunsi, tinaizire kuleete mireembe, wabula ekitala. ³⁵Kubbanga naizire kwawukanya mwaana naitaamwe, omaala nomaamwe, omugole nonyubyaala. ³⁶Abalabe bamuntu babbaanga bamunyubba yaamwe.³⁷Ayeendya oitaamwe oba omaamwe okusiinga nje, tasaanire, ayeendya omutaani oba omwaara okusiinga nje, tasaanire. ³⁸Nooyo atakwaata musaalaba gwaange nataseeneerya mabega waange, tasaanire. ³⁹Abona obwoomi bwaamwe alibubulya; abul; ya obulamu bwaamwe okulwaange ali bubona.⁴⁰Aikiriza nywe aikiriza niinje, aikiruza nje nga aikiriize eyantumire. ⁴¹Aikiriza onabbi omwibara rya nabbi ali weebwa emppera ya nabbi; aikiriza omwiikiri omibara lya mwiikiri ali weebwa empeera yamwiikiri.⁴²Era buli amuwa ekyakunywa omukikopo amaizi nga ga kufuka kyonkai, omwiibara rya mweegesya, amazima nkubakoba nti epeera yaamwe teri mubula nakadyooli.

¹Awo olwaikire oyeesu niyamaare oklaangira abegesebwa baamwe eikumi nababiri ya zwiireyo nataandika okweegesya omubituundu byaabwe. ²OYokaana niyawuliire bya Yeesu kurisito natuma abegesebwa baamwe. ³Oumukoba we niye akwiiza kanda tuliinde woondi?⁴OYyeesu nairamu nabakoba nti mwiire yo mukobe OYokaana bye mukusomesya neebyo bye mukubonaku. ⁵Abaigali bamaiso baabonerye abalema bataambwiire. nabageenge batambiibwe nabaigali bamatwi bawuliire nabaffu bazukiire. ⁶Yeena alina omukisa tali nesitaalaku.⁷Boona nibaayabire, OYeesu nasooka okubaza ne bibiina oku Yokaana nti kiki kye mwayambiire omwiirungu okwikaliira ekimuli ekiteengetebwa ompuungo? ⁸Naye kiki kye mwagendereire okubona omuuntu azwaire ebikumyansa myaamsa boona abazwaala ebikumaansay myansa baaba mu bwakabaka bwa Nyamwanga.⁹Naye kiki kyemwagendereire okubona onabbi wewaawo bakoba mbu akusiingira kimwe abanabbi. ¹⁰Oyo niye yawaandiikibwe bona ntuma nkutuma. omukweendya waange omumaiso gaamu, alikulrrmbera ali loongoosa enzira.¹¹Dala mbakoba nti naabo tazwaayo omuuntu eyabyaliibwe siinga oYokaana naye omuto muto omubwabukama bwa Nyamwaanga akumusiinga. ¹²Okuzwa okubiro bya yookaana okwiika ereero obwakabaka bwamwiiguru bwawangulwa nabawaangula obunyaga bwamaani.¹³Kubbanga abanabbi boona nabaware obuyiinza balagule okwiika okuYokaana. ¹⁴Era oba mukweendya kwiikiriza, oyo niye eibara akwiiza. ¹⁵Aina amatwi gakuwura, awure.¹⁶Naye naisanisyaki emireembe zini, zikwisana abaana abato abeeta abaira baawe nga baikare omubutale. ¹⁷Nga bakoba nti twabafuwiire emirere, naye nywe timwabinire, twabakubbire ebiwoowe, timwakungire.¹⁸Olwakubba oYokaana aizire nga takunywa takulya, nibabaza nti aliku odayimooni. ¹⁹omwaana wamuuntu yaizire nga akunywa akulya, nibabaza nti bona, mutamiire omunywaani wabawooza nabalina ebibbiamazima gaawebwa obwikiiri olwabikolwa byaago.²⁰Nasokera awo okubulira omubibuga bye ya koleiremu ebyamaani, kubbanga tibyenenyere. ²¹Zirikusaanga we kolaziini, zirikusaanga we Besusayida kubbannga byamaani ebyakoleibwe omu nywe, siinga byakolibwe mutulo eSidonisiinga byenenyere irai siinga bali mwikoke. ²²Naye nkubakoba okulunaku lwamisaango oTulo no Sidooni balibba no bonereezebwa okulugumiikrizibwa okusiinga nywe.²³Weenna kaperenawumu oligulumizibwa okwiika omwiiguru oli serengeta magoombe: kubbanga ebyamaani ebyakoleibwe omuwe siinga byakoleibwe mu Sodoma, siinga kiriwo nati. ²⁴Bakubakoba nti okulunaku lwa misaango ensi ya Sodomu eribba no kubonyabonyezebwa kwa maani okusiinga nywe.²⁵Omubiro bya Yeesu yairemu nakoba nti nkukweebalya iito waange wamwiigurunensi ol wakubba, ebigaambo bini, ama gezi gamukama noga sweekura abaana abato bato. ²⁶Wewaawo nimwo kityo kiikirizibwe omumaiso gaamu. ²⁷Ebintu byoona byakwatiibwe oito waange ndoowo muuntu amaite mwaana okuyaku oite waamwe, ndoowo amaite oitaamwe okuyaku omwaanabuli muuntu omwaana niye gwakweendya okumweswekuura.²⁸Mwiize jee ndi, nywe abakeerwe naabo abazitowereirwe naanje nabawumulya. ²⁹Mwetiike ekikoligo naanje, mwegere okuunje, kubbanga ndi mweteeki era muwumbeeki omutima: Nyweena muli bona ekiwumulo ekya myooyo jaanywe. ³⁰Kubbanga ekikoligo kyaange tikizibu, nomugugu gwaange gwaangu.

¹Awoo mubiro bya Yeesu nayakala omusiri gwa ngaanooku lwa sabbiti: abegesya niba lumwa enzala. ²Naye aBafalisaayo bwebaboine, nabakoba nti bona, abeegesya baamu bakola ebyamuzizo okukoorwa okulwa ssabbiti.³Naye nabakoba nti temusoma bys Dawudi byeyakoore, niyaali ezala nebeyaali nabo. ⁴Niyaingiire omunyubba ya Nyamwanga, nalya emigaa ti jakulangibwa ejaali jamizizo okujirya niwankubbaire, wazira abakabona bonkai.⁵Nindaki musomaanga omumateeka, abakabona omuyeekaalu nibasoberye okussabbitti, tibairye musaango? ⁶Naye nkubakoba ntt ali awo akusiinga eyeekaalu.⁷Naye siinnga mumanya amakulu gakini nti nkwenya kiisa, so tisadaaka, timwanndinenyerye abairye omusaango. ⁸Kbbanga omwaana wamuun tu niye mukama wa saabbiti.⁹Nalugayo naiza omwikumbaniro lyaabwe. ¹⁰Boona, mulimu ayayina omwe omukono ogukaare, n ibaamubwiirye, nakoba kisai okuwonya omuuntu okusabbiti? era olopebwe.¹¹Nkobanti naani omunywe, nabba nentaama zamwe omwe nagwa okiina okusabbiti, atamukwaata kumutoolamu? ¹²OMuntu takira ntaama ? kale kisai okola okusai okusaabbiti.¹³Awoo nakoba omuntu o yo nti golola omukono gwaamu. nagwiimukya, niguwona, niguba gwa kabiri. ¹⁴Naye abafalisaayo nibawuluka, okumwetesera ngeri niba muzikiirya.¹⁵OYeesu nabitegeera yazwiireyo: Abaantu baingi nabataambula naye; nibaaba boona. ¹⁶Nabagaana obutamwatiikirya. ¹⁷Kikiriire ekyabaziibwe omu Isaaya nti;¹⁸Bona omwoojo waange gwenakomeryeemu, gwenyendya asemeerya omwoyo gwaange, alikobera aMaanga omusaango.¹⁹Talirwaana, wade okuwowoigana; era tiwalibbawo muuntu ali wuura eiraka lyaamwe omuwaanda. ²⁰olubinngo olwatikitalilwenda, eran efuuzi ezikunyooka talizikiira, okwiika nalisiingula omusaango. ²¹........²²Awoo nibamuleetera omuuntu aliku odayimooni, nga mwiigali wamaiso era kibbubbu, namuwonya, atabazaanga era nga takubonnianasimoola era nabaza. ²³Ebibiina nibiwuninkiira byona, nibabaza ntini oni niye mwaana wa Dawudi ?²⁴Naye Abafalisaayo nibawuliire, nibabaza ntini oyo tapeke ddayimooni , wazira okulwa Beruzebbuliya omukulu wa ddayimooni. ²⁵Niyategeire okulowooza kwaabwe nabakoba ntini buli bukama bwawukana bwonkai nabwonkai busanawo; nabuli kyangabuga oba enyubba neyawukana nayonkkai teyemeera.²⁶Era no sitaani napeka ositaani ayawukana yenkai nayenkai; nobukama bwaamwe bulyemeerawo butyai? ²⁷Oba nje mpeka odddayimooni kulwa Beruzebulia abaana baanywe bajipeke kulwanaani ? ale abo nibo balibasaara omusaango²⁸Naye oba nje mpeke ddayimooni okulwamwooyo gwa Nyamwanga, ale obukama bwa Nyamwanga bubazire. ²⁹Kubaanga omuntu ayiinza atyai okwiingira omunyubba yamuuntu owamaani oddi? olyooke onyangule enyubba yaamwe. ³⁰Omuuntu ataikala nanje munyanzigu wange, neera omuuntu ata kumbanirya amwe nanje adubudda.³¹Nikyo azwa bakoba ntini, abaantu bali ganyihrwa buli kabbi nokutyoboola omwooyo tali ganyirwa. ³²Era buli muuntu atyoobola omwaana wa muuntu aliganyirwa; Baitu buli muuntu ali tyoobola omwooyo akwwera tali ganyirwa, newankubbatyire omubyaasa byaamwe naati, neawankubbaire omubyaa sa byaamwe ebikwiiza.³³Oba ofuula omusaale ogusai, nebibala byaago bibbebisai; oba mufuule omusaale ogubbi, nebibala byaago bibbe bibbi. kubaanga omusaale gumanyikirwa kubibala byaago. ³⁴Nyweenaabbana banjoka, muyiinza mutyai okubaza ebigaambo ebisai ngaate muli babbi,? lwakubba ebyo ebizuula emitim, alanwa kaabyo kabaza. ³⁵Nti omuuntu omusai nebisai biiza omwiibikiro lyaamwe ensai: nomuuuntu omubbi nebibbi biiza omwibikiro lyaamwe³⁶Era nkubakoba ntini buli kigaambo ekitalimu baantu ktebakubaza, bali kityobolesya ekiro kyamisaango. ³⁷K ubaanga ebigaambo ebyo byaal;i kuweesya obwikiiri, nandiki ebigaambo ebyo nibyo byaali kusiingisya omusaango.³⁸Awoo abandiiki abandi naba bafalisaa yo ne bamwanikula nibakoba nyini omweegesya tukweendya otu[laange akamanyisyo tukamanye. ³⁹Yeena nayanukula nakoba ebiro ebibbi era ebyabweenzi biatoolya akamanyisyo soonnga tibaliweebwa kamanyisyo, wazira akamanyisyo, kamulaangi yeena. ⁴⁰Kubaanga oYona niyamaare ebiro bisatu, emisana no bwiire, omuunda yaanywe, Atyo nomwaana wamuuntu alimala ebiro bissatu, emisana nobwwire omutima gwaalyanga.⁴¹Abaantu ba Nnineeva balyemeera omusaango amwe nabaantu ebiro bini, era bali basiib=ngisya omusaango kubaanga oYona niuyaali buulire nibeenenya; era bona, akira oyona ali mpani.⁴²Omukama mukazi owabikiika bwa ddyo alyemeera omusaango amwe nababiro bini, era abali basiingisya omusaango; kubbanga yazwiire nkunkomerero yelyanga okuura amagezi ga sulemaani rea bona, akira osule maani ali mpani.⁴³Naye odayimooni omubbi naluga omuuuntu, ataambula omwiiruungu agakalu, nga akuswwaga owakuumura era nubuylwa. ⁴⁴Nikyo azwa bakoba nti nairayo omweeka lyaange mwenazwiire, nagiikamu, nabona oyeibwe, ginyiriri, nga erongoseibwe. ⁴⁵Awoo ayaaba, naleetera odayimooni eziindi musaanju, egimukiraku obubbi, niziingira zoona omwu; nebyaluzwanyuma byamuuntu otyo birikiira ebibbi ebyekerere. nikyaalibba kityo ababyaasa bini ebibbi.⁴⁶Niyaali akubaza nebibiina, boona, omaamwe nabagaande baali bemereire enzai n ga bakweendya . okubaza naye. ⁴⁷Omuuntu namukobera ntini bona, omaa wo nabagaandaawo bemereire enzai, bakweetaga kubaza naawe.⁴⁸Nairamu oyo naani amusibiriire nti naani omawange? banaani bagaanda baange ? ⁴⁹Awoo naimula omukono edii abeegesya baamwe, nabakoba ntini bona omaama nabagaanda baange. ⁵⁰Kubbanga buli akola oyito waange byayeendya, niiye mugaanda waange, munyanyanzi waange era mawaange.

¹Obwiire obwo oYeesu nawuluka nawuluka omunyubba naikaara emabbali wanyaanja. ²Ebibiinja ebiingi nibimwekuumbaniraaku, nasomoka nokusomoka, naikala ebibinja byoona byoona nibyeemera omwiirisiryo.³Nbaza nabo biingi omufumu nakoba ntini boona, omusiigi yamulokweire okusiiga. ⁴Niyasiganga ensigo zimwe niziggwa emabbali emabbali enyonyi nizizirya. ⁵Eziindi niziggwa ewaali enjazi, ewataali itakali erirai, amaangui aago nizimera kuba tiwaaliwo itakali lirai. ⁶eisana niryazwaangayo niziwotoka, kuba tizaalina mizzi nizikala.⁷Eziindi niziggwa okumawa amawa nigazizikisya. ⁸Eziindi niziggwa okwiitakali erisai nizibyaala emere.eziinndi lukumi, enkaaga, eziindi amakumi asaatu, ⁹Alina amatwi awuure.¹⁰Abeegesya baamwe nibaiza nibamukoba nti kiki ekikubazisya naabo omufumu? ¹¹Nairamu nabakobanini nywe muwebwe bwe okumanya ebigaambo ebyakyaama ebya bwa bukama bwamwiguru naye tibaawuliire ¹²kuba buli aliweebwa, era alikulumawo, naye yeena yeena atalina ayiibwaaku nekaalinawo¹³Nikyombazira nabo omufumu, nibabonya tibabinya, nibawura tibawura, era tibategeera. ¹⁴Naye Oisaaya niyasamiire byaikiire ebyabaziibwe muliwuura mbe naye temuli tegeera be, muli bona naye timulilytegereza bbe.¹⁵Kuba omwooyo gwabaantu bani gunoore namatwi gaabwe gawura kubbi, namaiso gaabwe gabaigaare, baleme okubona namaiso, nokuwuura namatwi , nokuteegera nomwooyo, nokukyyuka, nimbawoonya.¹⁶Naye amaiso gaabwe gaalina omukisa, kuba gabona namatwi gaabwe gawura. ¹⁷Kuba kangura mbakoba nti baingi, abaikiiri abeegomba okukubaaana bemuloleera nibatabibona, nokuwuura bye muwuura nimutawuura.¹⁸Kale nywe muwuure olufumu lwa musiigi. ¹⁹Yeena yeena awuura ekigaambo kyabukama nga takitegeire, omubbi, oyo aiza nanyakula okyo ekisigiibwe omumwoopyo omumabbali gaanzira.²⁰Nooyo eyasigiibwe ewaali enjazi, niye oyo awuura ekigaambo amaangu ago naikiriza nokusemeerwa. ²¹Naye tayina mizzi omuunda yaamwe, alwaawo kadooli, niwaabbawo enaku nokunyigirwa olwakigaaambo naye okweelaliikiiira okwaansi nobubeegi bwabugaiga, baziikisya ekigaambo era tayala.²²Nooyo ayasigiibwe omumawa okwiitakali erisi, oyo awuura ekigaambo naye okweraaliikira kwa nsi nobubeegi bwabugaiga bizikisya ekigaambo era tikyaala. ²³Nooyo eyasigiibwe okwiitakali erisai oyo awuura ekigaambo nakitegeera oyo kakyaarumwe ebyaala ebibala owoondi allete kikumi, owoondi nkaaga,nowoondi amakumi assatu²⁴Awoo nabaleetera olufumo oluundi nabaza nti obukama bwa mwiiguru bweisaniisiirya omuuntu eyasigire ensigo ezisai omumusiri gwaamwe. ²⁵Naye nabuli obabasiirye omulabe naiza nasigamu ongano eya mukisiko omungaano egisai nayaba. ²⁶Naye niyabutukire, nebyaala nebonekaa nke ngaano yamukisiko²⁷Abairu nibaiza nibakoba omusaiza nti ssebo, tiwasigire nsigo gisai om,usiri gwaamu?kale yaali etyai okubbaamu engaano ya mukisiko? ²⁸Nabakoba nti omulabe ye yakoore otyai? abairu nibamukoba nti kale okweendya twaabe tugizubemu?²⁹Naye mbakoba nti mbe, okuyaku nimwaabba mukuzzubiramu engaano eyamukisa, mwaiira engaano yenyini ³⁰Muleke bikale byoona biike amakuungula omubiseera bya makuungula ndikoba abakuunguli nti musook e mukumbaannye engaanno eya mukisiko mubbwe entuumo eyoccebwe, engaano yenyini mugikumbbannye omukitali kyaange.³¹Nabaleetera olufumo oluundi, nga okukoba nti obukama bwamwiiguru bukwiisana nakasigo kakalidinaali, omuuntu keyairiire nakasiga omumusiri gwaamwe. ³²Naako nga niko kadooli okusiinga ensigo zoona; naye nikakula nikabba kakooto okusiinga ekisiko kyoona nikabba omusaale nenyonyi ezamwibbaanga nga zikwiiza, nga zibba okumataagi gaagwo.³³Nabageera olufumo oluundi nti obukama bwa mwiiguru bwiisana ekizimbisya omukazi kyeyariire nateeka omubwiibbo bussatu obwabwiita, nokuzzimbulukuka nibuzibulukuka bwoona³⁴Ebigaambo ebyo byoona oYeesu yabikobere ebibiinja no lufumo naye awataali lufumo tiyakobere kigaambo. ³⁵Kikiriire ekyabaziibwe onabbi nga okukoba nti ndyasaamya omunwa gwaange omunfumo, ndireeta ebigaambo ebyakwekeibwe okunsi.³⁶Awoo nasiibula ebibinja naingira omunyubba, abeegesya baamwe nibaiza jaali nibakoba nti tukutegeeza lufumo lwa ngaano eyamukisiko. ³⁷Nairamu nakoba nti asiga ensigo egisai yeena mwaana wamuuntu. ³⁸Omusiri nijo ensi, ensigo egisai nibo baana . ³⁹Omulabe eyagisigire niye sitaani: amakuungula nikwo kusaanawo kwansi, nabanguli nibo bamalaika.⁴⁰Kale nke ngaano eya mukisiko, nekumbbanibwa neyokyebwa omuuro; nimwo kiribba kutyo okukusaanawo kwaansi. ⁴¹Omwaana wamuuntu alituma abamalaika baamwe nabo abaliiza omubukama bwabyoona ebikutiinisya naabo abakola okubbi. ⁴²Balibanagga omikikoomi kya muuro nwomulibba okuunga amaliga nokulumwa obujune. ⁴³Kale abaantu abaikiriire bali masamasa nkeisana omubukama bwa ite waabwe. alina amatwi awuure.⁴⁴Obukama bwamwiiguru bwiisana ekyabugaigai ekyakwekeibwe omulusuku, omuuntu molibona nokikweeka olwakusemeera okwiingi nayaba natuunda byeyallina byoona nagula olusuku olwo. ⁴⁵Nekiindi obukama bwamwiiguru bwiisana omuuntu omutembeeyi akuswaagana ekiintu kyabbei ekisai. ⁴⁶Niyabweine ekyabbei ekimwe nayaba natuunda byaalina byoona nakigula.⁴⁷Nekiindi obukama bwamwiiguru bwiisana ekibazzi kyebanaga omunyaanja nokuumbaannya ebiin tu ebyanjawulo. ⁴⁸Nikyaizwiire, nibakiwalula omwirisiiryo nibaikaara nibakuumbaanirya ebissai omubiibbo ebibbi nibabinagayo.⁴⁹Nimwo kiribba omukusaanawo kwansi abamalaika baliiza, balisuunsula abaantu ababbi omubaikiriire. ⁵⁰Balibanaga omukikoomi ekyamuuro nimwo balibba okukuunga amaliga nokulumwa obujune.⁵¹Mubitegeire ebigaambo bini byoona? nibamukoba nti nimwo. ⁵²Nabakoba yeena yeena omuwandiiki eyayegeibwe ebya bukama bwamwiiguru nikyoisaniire omuuntu alina enyubba yaamwe yamwibiikiro lyaamwe ebiintu ebiyaaka nebikaire. ⁵³Awoo olwamaare oYeesu niyamaare enfumo zini nazwaayo.⁵⁴Niyaikire omunsi eyawaabwe nabeegesya omulukumbaano lwaabwe okuwuniinkiira niba wuniinkiira nibakoba nti oni eyaizire wa magezi gaayi nebyamaani bini? ⁵⁵Onii tiniye omwaana wamubaizzi? omaamwe tiniye gwebeeta omalyamu? nabagaanda baamwe Oyakobbo, oYUsuufu, osayimooni no Yuda? ⁵⁶Nabamaamwe boona tibaali waiswe? Kale onii yayira ayi ebigaambo bini byoona?⁵⁷Nebamugongeera, nooyo 0Yeesu nabakoba nti nabbi tabulwa kitiinisya wabula omuunsi yawaabwe nomunyubba yawaabwe. ⁵⁸Eraa tiyakooreyo bya nfumo biingi olwabutaikiriza bwaabwe.

¹Omubiro bidi okerode nowaasaza nawuura okujjwiiga kwa yeesu. ²Nakoba nti oyo niye oyokaana omubatiza, ayimbookere okuzzwa omubqafu era ebyamaani bini nikyo bikuzwa biboneka omuye?³Kubaanga okerode yaali asibire oyokaana omukomera olwa kerodiya omukazi wa firipo omugaanda waamwe. ⁴Olwansoonga nti oyokaana yamukobere nti kyamuzizo we okubba naye. ⁵Naye niyaali nga akweendya okumwiita yatiinire abaantu kubanga bamulowoozere nti yandibba mulaangi.⁶Nilwaikire olwakwizukira amabyaalibwa ga kerode omwaara wa kerodiya nabina omumaiso gaabwe nga okusanyusa okerode . ⁷Awoo nalaira era nasuubiza okumuwa kyoona kyeyasaba⁸Naye niwawebwebwe omaamwe, nakoba nti empeera naani mulutiba omutwe gwa yokaana omubatizwa. ⁹Omukama nalumwa, naye olwabirairo byaamwe, nolwaabo abaali baikaire nga bakulya amwe nabo nalagira nti aweebwe.¹⁰Natuma batemeku oYokaana omutwe nga ali mwikomera. ¹¹Nibaleeta omutwe gwaamwe omulutiba nibaguwa omwaara agutwaare omaamwe. ¹²Awoo abeegesya baamwe nibaiza nibaimula omulaambo gwaamwe, nibamuziika oluzwanyuma nibaaba nibakobera oYeesu.¹³Awoo oYeesu niyawuliire nazweera yo omulyaato nayaba owaali eiruungu kyaama: ebibiina nibyawuliire nibazwa omuk ibuga nibaseengeerya nga bakwaakala enseeri. ¹⁴Nazwaayo nabona ekibiina ekigazzi nabikamaanntya, nawonya abalwaire baabwe.¹⁵Nibwaswekererye, abeegesya nibaiza adii, nabakoba nti anii iruungu obwiire bwakaire, tayisya abaantu baaba omukibuga bagule emere balye.¹⁶Naye oYeesu nabakoba nti ndoowo kikubairyaayo nywe mubawe ekyakulya. ¹⁷NIbamwiiramu nti titwiina kiintu kyoona kyoona anii okuyaku emigaati itaanu nebinage bibiri. ¹⁸Oyeesu nabakoba nti mubindeetere anii:¹⁹Nalagira ebibiina okwikaara okwiisubi nabawa emigaati itaanu amwe nebinage bibiri, naloleera aiguru omwiiguru niyeebalya, namenyamu emigaati nagiwa abeegesya nibagabira ebibiina. ²⁰Nibalya boona nibaikuta nibamaare nibakumbaannya obukunkumuka obwasigairewo, ebiibbo ikumi nabibiri byasigairewo. ²¹Abaalire baali abasaiza enkumi itaanu, abakazi nabaana nga tobateireku.²²Amaangu agoo nawaliriza abeegesya okuseyeeya okumaizi bamukuleembere okwaaba enseeri amale okusiibula ekibiina . ²³Niyamaare okutaisya ekibiina niniina olusozi yekaalu okuramya, obwiire nibwaswekere nabbeyo yeenkai. ²⁴Naye obwaato bwaali bumaare okwiika omumakati ga nyaanja, nga lyenagire olwa mayeengo kubaanga ekiimpungo kyaali kikubazwa mumaiso.²⁵Awoo omukiire, kya kususumuka ekyakanai naiza gyebali nga akutaambura okunyaanja ²⁶Abeegesya nibamubwine nga akutaambula okunyaanja, nibelalikiira nga bakoba nti muzimu, nibeekanga nibatiina. ²⁷Amaangu agoo oYeesu nabaza nabo nabakoba nti mwiiremu omwooyo: niinje oyoo timutiina.²⁸OPeetero namwiiramu namukoba nti mukama waange oba niiwe nkoba nyizze jooli okumaizi. ²⁹nakoba nti iza oPeetero nazwa omuryaato nataambuura okumaizi okwaaba eddi oYeesu ³⁰Naye niyabweine ekimpuungo natiina nataandika okusanawo, nakuunga nakoba nti Nyamwanga waange ndokola.³¹Amaangu agoo oYeesu naimula omukono namukwaata namukoba nti niiwe oyina okwiikiriza okuddyooli: kiki ekikubulya bulya? ³²Nibaateembere eryaato, ekiimpuungo nikiwaawo. ³³Abaandi abaali omuryaato niba muramya nga bakoba nti olii mwaana wa Nyamwanga.³⁴Nibaamare okusomoka nibaika enseeri: olwa Genesaleeti. ³⁵Abaantu baaayo nibaamutegeire nibatuma omwiiyaanga eyo Oyoona erinainewo nibamuleetera boona abalwaire. ³⁶Nbamwegaira bakwaateku okumuddalizzo gwa lugoye lwaamwe boonaboona abakwiteku nibattambibwa.

¹Awoo nibaiza edi oYeesu aBafalisaayo nabawaandiiki abakuzwa omu Yerusaalemi nga bakoba ntti, ²Abeegesya abamwe kiki ekibasiissya emikiiro kiiro gyetwawebwebwe abakaire? olwakubba tibanaaba ngalo nga bakulya emeere. ³Nairamu nabakoba naanywe kiki ekibasiisisya riteeka rya Nyamwanga olwa mikiiro kiiro gyemwawebwebwe?⁴Olwakubba oNyamwanga yakobere nti, oteekangamu oiteewo nomaawo ekitiinisya nowoondi ali zzuma otaamwe nomaamwe bamwiiteengembe. ⁵Naye nywe mukoba nti buli alikobaanga oitaamwe obba omaamwe ntikyoona kyoona kyenandikuwaire okkugasa nkiwaire oNyamwanga. ⁶Alyerabira okutaamu ekitiinisya omwiito waamwe, mwadibirye ekigaambo kya Nyamwanga olwa mikiiro kiiro gyanywe ggyimwawebwebwe.⁷Nywe abanakiweweita, OIsaaya yalagiire kusai okunywe, nakoba nti, ⁸Abaantu bani banteekamu ekitiinisya kya kumunnwa nayete omyooyo gyaanywe giri alai. ⁹Nayete baantekeramu bwerere nga bakweegesya ebiragiro byabaantu bya bakwaata.¹⁰Nayeta ebibiina nabakoba nti, muwuliirye, mweetegye. ¹¹Ekiingira omumunnwa nti nikyo kisiisa omuuntu nayete ekizwaamu, nikyo kisiisa omuuntu.¹²Awoo Abeegesya nibaiza nibamukoba ntti; omaite aBafalisaayo nga baanyiigire, nibaawuliire ekigaambo ekyo? ¹³Yeena nairamu nabakoba nti buli kisiimbe oito waange kyaata siimbire omuwe kiri siimbulwa. ¹⁴Mubaleke abasaale obatabonnya. naye omwiigali wa maiso nakuleembera omwiigali omiraamwe boonaboona baliggwa omukiina.¹⁵OPeetero nairamu namukoba nti ruunguura olugero olwo. ¹⁶Yeena nakoba nti eraa nyweena mukyaali kubona magezi. ¹⁷Tukumweetejja tuti, buli ekikwiingira omunnwa nikinagibwa omkiigo.¹⁸Nayete, ebikuuluka omunnwa bikuzzwa kumwooyo, nibyo ebikusiisa omuuntu. ¹⁹OLwakubba nti omwooyo nimwo muzzwa endowooza ezibbi, obwiiti, obusiyaani, obukaba, obwiibbi, okwaangiirya, nokuzzuma. ²⁰Ebyo nibyo bisiisa omuuntu: naye okulya nga tonaabire mungalo tikusiisa muuntu.²¹OYeesu nazwaayo nayaba okunjuui zaamwe Ttulo ne sodoni. ²²Alee, bona omukazi omukanani nazwa okumbibi eyo, nabazira aiguru nga akoba nti onsasire oNYamwanga waange, omwaana wa Dawudi Owaara waange alwaire omuno odayimooni. ²³Naye natairamu kigaambo. Abeegesya baamwe nibaiza nga bakoba nti musiibule kubaanga atukokomeera ekaizuli.²⁴Yeena nairamu nakoba nti tinatumiibwe wazira eddi Entaama ezaabure eza munyubba ya Isiraeri. ²⁵Yeena naiza namuramya nga akukoba nti Nyamwanga waange nyaamba. ²⁶Nairamu namukoba nti, tikisai kwiirira mere yabaana noginagira embweene.²⁷Yeena nakoba nti nimwo Nyamwanga waange kubba neembweene zirya obukuunkumuka obuzwaa okumeeza yamukama waamu. ²⁸OYeesu nairamu namukoba nyi we omukazi, okwiikiriza kwaamu kukooto kibbe jooli nkanokweendya omwaara nawona okuzzwa okukiseera ekyo.²⁹OYeesu nazwaayo, naira okulukeito olwanyaanja eyaGaliraaya, naniina okulusozi, naikaara okwo. ³⁰Ebibuura biingi nibiizajaali nga balimu abukukyoodera, abakasiru, nabalema, nabaandi baingi nibabata awali amagulu gaamwe nibataambbibwa. ³¹Eibuura nokwewunakya nibenaikya, baabweine abakasiru nga bakubaza nabakukyoodera nga bakutaambula, nibaramya oNyamwanga wa Israeri.³²OYeesu nayeta abeegesya nabakoba nti Nganyira abaantu kubaanga ereero baakamala naanje ebiro bisatu, nga tibayina kyakulya: nokubasiibula nga baina enzala tikukyeendya kaanda babbalukira omwaanda. ³³Abeegesya nibamukoba nti twayajja ayi owa migati Egiingi giti omiiruungu ejjaikutisya ekibiinja ekikootoekikweenkana anii? ³⁴OYeesu nabakoba nti mulina emigaati imekai? nibamukoba nti musaanju, nebinage bitono tibiingi ³⁵Nalagira ekibiinja okwiikala ansii;³⁶Natoola emigaati musaanju nebinage niyeebalya namenyamu nawa aBeegesya, aBeegesya nibagabira ebibuura. ³⁷Nibalya boona nibaikuta nibakumbaanya obukuunkumuka obasigairewo ebigega musaanju ebyaizwiire. ³⁸Nabo abaalire baali enkumi inai(4000), abakazi mabana obutabagaitaku. ³⁹Nasiibula ebibuura, naseeyeya omuryaato naiza oMumbibi ya Magadani.

¹Abafalisaayo nabakadikaayo nibaiza bamukeme nibamusaba okubakobera obubonero okuzwa omwiiguru . ²Yeena nabairamu nabakoba nti nibwaabba busweekere munkoba nti mukwiiza kubba kusai olwakubba eiguru riribba rimyuukire³Nemaambya nti ekiwuungo kyabbaawo: kubaanga eiguru limyuukire likubiindabiinda. mumaite okwaawula eiguru nekisana naye timuyiinza kwaawula bimanyisyo bwabiro. ⁴Ababaasa ebibbi era ebya bweenzi baswaagana akamanyisyo, naye akamanyisyo tibaali kafuna. akamanyisyo ka yona nabaleka awoo nayaba⁵abeegesya nibaiza enseeri nibeerabira okutwaala emigaati. ⁶OYeesu nabakoba mololeeremwekuume ekizimbulukusa kyabaFalisaayo nabasadukaayo. ⁷Nibaawukana boonkai ngabakoba nti tetuletete migati. ⁸OYeesu namanya nakoba nti naye baina okwiikiriza okudooli, kiki kubakaayanya nywenkainanywenkai olwakubba timuleetere migaati?⁹Mukyaali kutegeera, naye timukwiizukira migaati eitaanu edi aboo enkumi eitaanu, nebiibbbo bye mwakubbainnye? ¹⁰Eraa emigaati musaanju eddi aboo enkumi einai, Eraa nebigega byemwaakumbainnye.¹¹Ekibagaine kiki okkutegeera nti timbagabiriire olwamigaati naye mweekume ekizimbulukusa kya Bafalisaayo na basaduukaayo. ¹²Nibalyooka nibategeera nti tabakobere kwekuuma kizimbulu, kusa kya migaati, okwiingira kwa baFalisaayo naba sadukaayo.¹³Awoo oYeesu niyaizire ampii nakasisaaliya ekya Firipo nabuulya abeegesya baamwe nga akubakoba nti omwaana wumuuntu babba ba kumweeta baatyai? ¹⁴Nibakoba nti abaandi bamweeta Yokaana o mubatizi, abaandi Eriya, abandi nibakoba Yeremiya, abaandi oba omwe okubabatiza. ¹⁵Naba koba nti naye nywe munyeta mutyai? ¹⁶OSayimooni Peteero namukoba nti niiwe kurisito omwaana wa Nyamwaanga omwe.¹⁷OYeesu na iramu namukoba nti olina omukiisa Sayimooni , ba Yona kubaanga omubiri on musaayi tibya kuswekuure ekyo wabula oite wange ali mwiiguru. ¹⁸Njeena nkukoba nti we Peteero njeena ndi yo mboka ekanisa ekanisa yaange okulwaazzi luni: Era nemi ryaango zamagoombe tiziri zisobola.¹⁹Ndikuwa ebisumu,luzo bya bwa bukama bwa mwiiguru: kyoona kyoona kyolibuwa okuunsi kiriweebwa nomwiiguru: kyoona kyoona kyoli sanndabuura okunsi kira sandabulwa. ²⁰Awoo nakuutira abeegesya baleme okoberaku omuuntu yeena nti niye kurisito.²¹OYeesu nasookera okukombera abeegesya baamwe nti kimugwaiire okwaaba eYerusaalemi, abonyebonyezebwe muno abakaire nabakabona boona abakulu nabawaandiiki, nokutiinibwa nokulunaku olwakasatu okuyiimbookebwa. ²²OPeetero namutwaala, nataandika okumunenya nga akumukoba nti mukama waange tikirikubbaaku nakadyooli. ²³Nakyuuka nakoba oPeetero nti iraa emabega waange, ositaani ali nkoonge jeendi kubbaanga tolowooza bya Nyamwanga, wabula ebyabaantu.²⁴Awoo oYeesu nakoba abeegesya baamwe nti omuuntu nayeendya okwiiza emabega waange yefirize yeenkai yeetike omusaalaba gwaamwe anseengeerye. ²⁵Buli alitaka okulokola Obulamu bwaamwe; alibubulya era ali bulwaaku obulamu bwaamwe okulwaange ali bubona. ²⁶Kubbanga omuuntu kirimugasa kityai okulya ensi yoona, nayeenga afiriibwe obwoomi bwaamwe? oa omuuntu aliwayo ki okununula owoomi bwaamwe?²⁷kubbanga omwaana wamuntu akwizira kitinisya kyaite waamwe nabamalaika baamwe, olwo leke asasule omuuntu nkaniyakoore. ²⁸Ddala dala nkukoba nti waliwo okubami abeemereire anii, abatali roota kuffa nakadyooli okwiikya nibali bona omwaana wamuuntu nga akwiiza omubwabukama bwaamwe.

¹Ebiro mukaaga nibyayakairewo, OYeesu natwaala oPeteero no Yakobo no Yokaana omugaanda waamwe nabaniinisya okulusozi ekyairai boonkai, ²Naiyinduurwa omaiso gaabwe, amaiso gamwe nigapirikita nke isana nebizwaaro byaamwe nibyeera nko muzira.³Bona, oMusa ne ERiya, nibamubonekera nga bakubaza naye. ⁴oPeetero nairamu nakoba oYeesu nti mukama waange omusai iswe okubba anii: byokweendya, nkwakwomboka ensisira isatu emwe yaamu negiindi ya musa negindi yeriya⁵Bona niyabbaire nga akyabaza, ekiiguru ekikupirikita nikibakiingirya boona, eiraka nirizwa omukiiguru, nga rikoba nti oni niye mwaana waange gwennyendya, gwensemeerwa omuno mumuliirye ⁶Abeegesya nibawuliire , nibagwa nga beejumukire nibatiina muno. ⁷OYeesu naiza nabakwaataku nga akubakoba nti mwiimuke timutiina. ⁸Nibaimukya amaiso gaabwe, nibatabona muuntu yeena , okuyaku oYeesu yeenkai.⁹Nibaabbaire nga bakusurumuka okulusozi , oYeesu nabalagira nga akukobanti timukobera muuntu byemubonekeirwe, okwiikya omwaana wamuuntu nali mala okuyiimboolwa omubaffu. ¹⁰Abeegesya baamwe nibabuulya nti, kale kiiki ekikubesya abawaandiki nti Eriya kimusaanire okusooka okwiiza?¹¹Nairamu nakoba nti Eriya akwiiza ddala, okusaayirya byoona. ¹²Naye nkubakoba nti Eriya amaare okwiiza, boona tibamutegeire, naye bamukoore nkaabo nibenderye, nimwo nomwaana wamuuntu nakwaaba okubonerezebwa. ¹³Awoo abeegesya nibeeteja nti yabazireku nabo oku Yokaaana omubatizzi.¹⁴awoo nibaikire omukibiina kyabaantu, omuuntu naiza namufukaamirira nga akoba nti; ¹⁵Mukama waange muunganyire, omwaana waange kubbanga agwa ensiimbu, zimubwenyebwennye: kubbanga emiruundi ziingi nga akugwa omuuro era emiruundi ziingi nomumaizi. ¹⁶Nimuleetera abeegesya abamwe nibatasobola kumuwonya.¹⁷Yeesu nairamu nga akubakoba nti nywe Abamireembe ezitaikiriza ezikyaamu ndikanja ayi okubbaanga nanywe? ndiikai okubagumikiriza mumundeetere anii. ¹⁸Oyessu namubweigoora , omuzimu nigumuzwaaku omwoojo nawonerawo okuzwa omukiseera ekyo¹⁹Awoo abee gesya nibaiza eddi oYeesu omukyaama nibakoba nti kiki ekitulemeserye okweemera okumupeka? ²⁰Nabakoba nti olwakwiikiriza kwaanywe okubba okudooli, kubbanga ddala nkubakoba nti siinga mubbaire nokwiikiriza okweenkana empeke yakalidinaali, nimwo mulikoba olusozi luni nti zwaawo anii yaba eddii, kalekulyaaba so tiwaandibbaire kigaambo kyemutakusobola. ²¹nay kyonkai ekyaangeri eni tikiyiinza kuzwaawo nga ndoowo kusaba nakusiiba.²²Nibbaire nga bakyaikkaire eGaliraaya, oYeesu nabakoba nti omwaana wamuuntu akwkuweebwayo omikono gyabaantu. ²³Balimwiita nokulunaku okulunaku lwakasatu alimborwa, nibanakuwala muno.²⁴Nibaikire eKaperenawumu, abbantu abasorooza eDiderakima nibaiza edii OPeetero nibamukoba nti; omukama waanywe tatoola didekima. ²⁵Nabakoba nti atoola, nibeejuumba enyubba, oYeesu namweesoka namukoba nti okulowooza otyai simooni Peetero? Abakama baansi bawooza obaa basorooza baantu ki? Baana baabwe oba banamaanga?²⁶Nabakoba nti banamaanga., OYeesu namukoba nti; baana baideembe. ²⁷Naye tulemeenge kubeesitaza yaba okunyaanja onage eirobo, oibbulule ekinage ekyasooka kwibulukuka; niwayasamula omunwa gwaakyo, okwakubonamu Esutateeri otwaaleyo, ogiweerye okulwaange nokulwaamu.

¹Omubwiire oyo, nibaiza eddi oYeesu nibamukoba nti; naani omukulu omubwamukama bwamwiiguru? ²Nayeta omwaaana omuto namwemeerya akati wabwe, ³Nakoba nti amazima nkubakoba nti nitaliinduka okwisana nkabaana abato timuliingira nakadoli omubwakabaka bwamwiiguru.⁴Ale buli eyewombeeka nko omwaana omuto niye mukulu omubwakabaka bwamwiiguru. ⁵nabuli ali kuseemerya nko mwaana omuto nkooni omwiibara ryaange nga aseemberyenje. ⁶Naye alisitaaza okubo omwaana omuto, bani abaanyikiriza waakiri asibibwe owiikoti olubeengo olukooto balyooke bamunage omubwengula bwannyaanja.⁷Ziraajja eyaanga olwa bigaambo ebikuleeta okwesitaaza kubaanga ebikwesitaaza tibyaali lema kwiiza; Naye ziryaaja eiyaanga olwabigaambo ebikuleeta okwesitaala. ⁸Oba omukono gwamu oba okugulu kwaamu nngakukuleetera okwesitaala kuyeku okunage alai: nikyo kisai okwiingira omubwoomi nga okubulwaaku omukono oba okugulu , okusiinga okunagibwa omuuro gwamireembe nemireembe⁹Oba eriiso ryamu rikwesitaaza riyemu orinage alai, nikyo kisai okwiingira oubwooomi nga oli wa riiso limwe okusiinga okunagibwa omugeyeena nga olina amaiso abiri.¹⁰Mubone nga timukonyooma omwe okwaabo abato bani; baingi bakoba nti omwiiguru baamalaika baloleera enaku zoona amaiso gaito waange ali omwiiguru. ¹¹Kubbanga omwaana wa muuntu yaizire okulokola ekyaabuure.¹²Mulowooza mutyai? omuuntu nabba nentaama zaamwe ekikumi emwe nebulaku taleka zidi ekyeenda omumweenda nayaba okuunsozi naswaaga oyo abuureku? ¹³Era nabba omubweine, mazima nkubakoba nti amusanyukira oyoo okusiinga ekyeenda nomweenda ezitabuure. ¹⁴Nimwo kityo tikyeendebwa omaiso gaitaanywe ali omwiiguru, omwe okwaabo abato bani okuzikiira.¹⁵Omugaandawo nakola okubbi yaba omubuulire we naye nyweenkai: nakuwuliirya nga ofunire omugaandawo. ¹⁶Naye natawuliirya twaala owoondi oba ababiri oba basatu era omukanwa kabbajurwa ababiri oba basatu bulikigaambo kikakate.¹⁷Era niyagaana okuura nekanisa abbenge jooli nga munamaanga era omuwooza.¹⁸Mazima nkubakoba nti, byoona bimuli saba okunsi biribbweebwa omwiiguru era byoona byemuli saandabula okuunsi biri saandabulwa omwiigu. ¹⁹Era nkubakoba nti abaira baanywe ababiri nibetabaanga okuunsi buli kigaambo kyoona kye bali saba, kiribakoorwa oite waange ali omwiiguru. ²⁰kubbanga Nibabba ababiri oba abasatu nga bakuumbaine omiibara ryaange, njeena ndi awoo akati waabwe.²¹Awoo opeteero naiza namukoba nti mukama waange omugaanda waange nansiisanga musonyiweenge emiruundi emekai okwiikya emiruundi omusaanju ? ²²OYeesu namukoba nti tinkukobere nti okwiikya emiruundi musaanju; naye nti okwiikya emiruundi nsaanju.²³Obwakabaka bwamwiiguru bwisanana nomuunyu eyali okabaka eyatakire okubala omuweendo nabairu baamwe. ²⁴Ninsooka okubala nibamuleetera oni gwakubaanja etalanta akakumu . ²⁵Naye kubbanga tiyaalina kyakusasula, mukama waamwe, nalagira oKumuunda, nomukazi waamwe, nabaana baamwe, nebiintu byoona byali nabyo, eibaanza liwe.²⁶Awoo omwiiru nagwa ansi namusiinza, nga akoba nti mukama waange, ntoonga mpola, njeena ndikusasula byoona. ²⁷Omukama omwiiru oyo namusaasira, namusaandabula, namusonyiwa eibaanza.²⁸Naye omwiiru oyo nawuluka nasaanga omwiiru omwiraamwe, gweyaali akutoonga edinaali ekikumi: namukwaata namugwaomwikoti, nga akukoba nti sasula eibaanza ryaange. ²⁹Awoo omwiiru omwiraamwe nagwa ansi namwegayiira nakoba nti; ntooga mpola ndi kusasula.³⁰Nataikiriza: naye nayaba namuteeka omwikkomera amale okusasula eibaanza. ³¹Awoo obairu abairaamwe nibaabweine nibibbaire, nibanakuwala muno nibaaba nibakobera omukama waabwe ebibbaireyo.³²Awoo omukama wamwe namweeta namukoba nti; we omwiiru omubbi, nakusonyiwire eibaanza ridi ryoona: noneegayiira. ³³Weena tikikusaanire kusaasira mwiiru onii, nkanje ninaakusaasire we?³⁴OMukama waamwe nasuunguwala, namuweeryaayo omubaambala nsaale amale okusasula eibaanza ryoona. ³⁵Atyo oite waange ali omwiigiru nimwo alibakoba nimwiita, okyaawa omumitima gwaanywe buli muuntu mugaande., obufuumbo no kwawukana.

¹Awoo olwaikire oYeesu niyamaare ebigaambo ebyo, nazwa Egaliraaya naiza okunsaro Eyabuyudaaya okumutala gwa Joludani. ²Ebibiinaebikooto nibimuseengerya, nabawonyeza eyoo.³abafalisaayo nibaiza jaali, nibamukema ngabakoba nti omuuntu osobola okugoba omukazi waamwe nga akumulagira buli kigaambo ⁴Nairamu na, koba nti timusomaanga nti oyo eyabakoore omukusooka nga yabakoore omusaiza nomukali,⁵Nakoba nti omuuntu akwiiza kulekaanga ote waamwe nomaamwe, niyegaita nokali waamwe; boona bakali babiri babbeenge omuuntu omwe. ⁶Obutabba babiri mwoona naye omububiri gumwe: kale oNyamwanga biyagaitire amwe omuuntu takigabanyaanga mu.⁷Nibamukoba nti kale. musa ekyamukobere okumuwa ebbalwa yakweyawula alyooke omupeke. ⁸nabakoba nti olwabukakanyali bwamitima gyaanywe omUsa nikyoo yazwiire ayikiriza mupeke abakazi baanywe naye omukusooka tinimwo kyaali: ⁹Nolweekyo nkuba koba nti buli eyapeekaanga omukali waaamwe, nga akumujunaannyw bweenzu, nawasa owoondi nga mweenzi yeena gwe yawasa akwiiza kubba yagobebwe lwabweenzi.¹⁰Abeegesya nibamukoba nti ebigaambo byamusaiza nomukali waamwe nibibba bityo, tikibba kisai kuwasa. ¹¹Nibakoba nti abaantu boona tibayiinza kwiikiriza kigaambo ekyo okwiyaku bebakiwaire. ¹²Kubbanga walowo abalaawe bibabyaire otyo okuzwa omuunda zabanyina waabwe waluwo abalaayibwe bonkai olwa bukama bwamwiiguru, okusobola okwiikiriza ayilkirize.¹³Olwikire nibamuleetera abaana abato, abateeku omukono asiinze abeegesye nibabakyuunga. ¹⁴Naye oYeesu nabakoba mubaleke abana abato mutabataangira kwiiza gyeendi nolwekyo abakwiisana nkabo obukama bwamwiigu ru bwaabwe. ¹⁵Nabataku emikono gyaamwe .¹⁶Bona omuuntu nayaba jaali namukoba nti Nyamwanga waange, ndikola kisai ki mbe nobwoomi obutakuwaawo. ¹⁷Namukoba lwaki bkunyeta musai? omusai ataa omwe naye niwaabba okweendya okwiingira omu bwoomi, wuliiryaanga ebiragiro.¹⁸Namukoba nti galai oYeesu namukoba nti toitaanga toyeenda, toibbanga, towaangirya nga. ¹⁹Oiteewo nomaawo obateekangamu ekitiinisya nolweekyo yeendyaanga omwiirawo nka niweeyendya.²⁰Omwoojo namukoba nti ebyo byoona nabikwaite: ekimpeebuukireku kiki? ²¹OYeesu namukoba nti niwaabba okweendya okubba eyaikiriire yaba otuunde ebyaamu ogabire abaavu, olibba muguuda omwiiguru olyooke onyize onseengerye. ²²Omwoojo niyaawuliire ekigaambo ekyo nayaba nga muna kuwali nolweekyop yaali ayina ebyabuguuda biingi.²³Oyeesu nakoba abeegesya nti kizibu omuuntu omuguuda okwiingira omubwabukama bwamwiiguru. ²⁴Eraa moona nkubakoba nti kyaangu muno ogamiya okwaakala omukatuli kaampiso okusiinga omuguuda okwaaba omubukama bwa Nyamwanga.²⁵Abeegesya baamwe nibaawuliire nibeewunya muno nga bakoba nti naani ayiinza okulokolebwa. ²⁶OYeesu nabalootera nabakoba nti omubaantu ekyo tikisoboka naye oNyamwanga akusobola byoona. ²⁷Awoo oPeetero nairamu namukoba nti bona, eiswe twaalekere byonna nitukuseengeerya; nolweekyo tuli baana ki?²⁸OYeesu nabakoba nti amazima kubakoba nywe abakuseengerya, omumabyaalibwa gakabiri omwaana wa muuntu naliika okuntebe eya ite waamwe naanywe muliiikala okuuntebe eikumi neibiri nga mukusaarwa omusaango ebika eikumi nebibiri ebya Isiraeri.²⁹Buli omwe eyalekere enyubba, oba abakika, oba bagaanda baamwe abaandi, oba itaamwe oba maamwe, oba boona abakyaalo olwa ibara lyaange alifuna emiruundi ikumi nolweekyo aliirya obwoomi obutawaawo. ³⁰Naye baingi abakusooka balibba bakuseembayo nabakuseembayo balibba abakusooka.

¹Obukama bwamwiiguru bukwiisana nkumuuntu ayina enyubba yaamwe, eyakeire emaambya napaangisya abalumi balume olusuku lwaamwe olwa mizabbibbu. ²Niyamaare okwikiriziganya nabalumi edinaali talunaku nabasiindika omulusuku lwa mizabbibbu.³Nawuluka nga ziri saawa isatu, nabona abaandi nga bemereire omuka tale nga tibaina kye bakola . ⁴Bona nabakoba nti nyweena mwaabe omulusuku lwa mizabbibu, naanje nabawerya ekyaika, boona nibaaba.⁵Era nawuluka esaawa mukaaga era nomweenda nakola atyo, ⁶nawuluka esaawa nga ziri ikumi neemwe, nasaanga abaandi nga beemereire, nabakoba nti kiki ekibeemereirye anii nga timuluku kyemukola obwiire okusweeka? ⁷Nibamukoba nti ndoowo muuntu eyatupaangisirye nabakuba nyweena mwaabe omulusuku lwa mizabbibbu.⁸Obwiire nibwaasweekere, omwaami walusuku lwa mizabbibbu, nabakoba omukozi waamwe nti beete abalumi, obawe empeera, osooke okubaseemberyaayo okwiika okkubaasokere. ⁹N0musaawa eikumi neemwe niba izire buli muuntu naweebwa edinaali emwe. ¹⁰Naabo abasookere nibaizire nibalooza nti baaweebwa okusiingawo, na ye boona nibaweebwa edinaali emwe.¹¹NIbabawaire nibeemulu gunyizza omwaami, ¹²Nga bakoba nti banaani abaizire oluvanyuma abakoleire esaawa emwe, nobeekanisya naiswe abagadire emaambya neisana nga ritwookya.¹³Yeena nairamu nabakoba omwe okwaabo nti mwiraange titukoore kubbi: tiwaikirizigainye dinaali emwe? ¹⁴Twaala eyaamu nkweendya okuwa esembereyo nkaawe.¹⁵Tinyiiza kukola byaange nkaniinkwendya? oba eriiso ryaamu ribbi, olwakubba eryaange risai. ¹⁶Nimwo batyo abamabega balibba bakusooka nabakusooka balibba bamabega.¹⁷OYeesu niyaali nga akuniina okwaaba eye Rusaalemi natwaala abeegesya eikumi nababiri kyama nabakobera omwaanda nti; ¹⁸Bona tukuniina tukwaaba eYerusaalemi' nomwaana wamuuntu aliweebwayo omubakabona abakulu, nabawaandiiki, boona bali musaara omusaango okumwiita, ¹⁹Era balimuwaayo edi abamaanga okuduura, nokumukubba nokumukomeera: nalyooka naimbooka okulunaku olwakasatu.²⁰Awoo omaamwe wabaana ba Zebidaayo naiza waali abaana baamwe, namuramya ekigaambo. ²¹Namukoba nti okeeendya kii? namukoba nti lagira abaana boona baikale amwe okumukono gwaamu ogulyo, nokumukono gwaabe ogumokole omubukama bwaamu.²²Yeena oYeesu namukoba nti timukumanya byemu kusaba mukusobola okunywa okukikopo nje kyeenkunyweeraku? nibamukoba nti tukusobola ²³Nakoba nti okukikopo kyaange mwaanyweeraku ddala: naye okwiikala okumukono gwaange ogulyo nomukono gwamokole tiniinje nkubba wabula otaata bye yakubikiire. ²⁴Nabaddi eikumi nibawuliire nibagoongera abagaande ababiri.²⁵OYeesu nabeeta gyaali nga okoba nti; mumaite nga abamaanga babafuga nabakulu baabwe babatwaala namaani. ²⁶Tikyaabbeenge kityo omunywe: naye buli ayeendya okubba omukulu omunywe yabbaanga muweereza waanywe. ²⁷Nabuli akweendya okubba owakusooka omunywe yabbanga mwiiru omunywe: ²⁸Nkomwaana wamuuntu nataakwiiza kuwerezebwa wabula okuweereza nokuwaayo obwoomi bwamwe omukinunulo ekyabaigi.²⁹Nibaali bakuuluka oMuyeriko, ekibiina ekikooto nikiseengerya. ³⁰Boona abaigali bamaiso babiri abaali baikaire okumabbali ga luguudo nibaawuliire nti oYeesu akwaakala wo, nibabazira aiguru: nga bakoba nti mukama waiswe tuganyire omwaana wa Dawudi ³¹Ekibiina nikibaboigoora, okusirika: naye bo nibeeyongera okubazira aiguru nga bakoba nti mukama waiswe tuganyire omwaana wa Dawudi.³²OYeesu nayemeera nabeeta nabakoba nti mukweendya mbakooore ki? ³³Nibamukoba nti mukama waiswe amaiso gaiswe gaiguke. ³⁴OYeesu nakwatibwa ekisa nakwaata okumaiso gaabwe: awoo nibabonnyya nibamuseengeerya.

¹Nibaigere ampi ne Yerusalemi nibaika eBesaniya, okulusozi lwa Zeyituuni awoo oYeesu natuma abeegesya babiri. ²Nabakoba nti mwaabe omuumbuga emabbali omumaiso gaamu mwabona ondogoyi nga abbwebweibwe nakaana kaayo, mmusaandabule, mumundeetere. ³Naye omwe niyabakoba ekigaambo mwakoba nti oNyamwanga waiswe niye akuzeendya: naye yaziweereza amaangu ago.⁴Kini kyaikirewo, ekigaambo kikiire abanabbi kyebakobere, ngaakukoba nti: ⁵Munkobere omwaana omwaala oyo owa saayuni nti, omukama akwiiza jooli omucculeeri. nga aikaire okundogoyi.⁶Abeegesya nibaaba nibakola nko niyabalagiire. ⁷Nibaleeta ondogoyi nakaana kaamwe nibateekaku engoye zaabwe naikaara ku. ⁸Abaantu baingi abamukibiina nibaalawo engoye zaabwe omwaanda, abaandi nibatema amataagi okumusaale nibaala omwaanda.⁹Ebibiina ebyaamwekuleembeire neebyo ebyaazwiireku enyuuma, nibibazira iguru nibikoba nti Osaaniire edii omwaana wa dawudi ali weebwa omukisa aizira omwiibara lya Nyamwanga, osaanire aiguru omwiiguru. ¹⁰Awoo niyayingiire omuyeerusaalemi kibuga kyoona nikikaankana nga kikoba nti naani onii? ¹¹Ebibiina nibikoba nti onii nabbi, oYeesu akuzwa oMunazaalensi eky Galiraaya.¹²OYeesu naingira omuyeekalu ya Nyamwanga nabapeka enzai boona abaali bakutuundira omuyeekalu najuumuka embaabo ezabaddi abawanyisaanga efeeza nentebe abaaandi nga bakutuunda enkaiba' ¹³Nabakoba nti kyawaandikibwe nti enyubba yaange yayetebwaanga nyubba ya kuramiryamu: naye nywe mufiire mpuku yabanyaggi. ¹⁴Awoo abaigali bamaiso nabalema nibaiza gyaali omuyeekaalu: nabawonya.¹⁵Naye abakabona abakulu nabawaandiiki nibaabweine ebyamagero biyakoore, nabaana babaziire iguru omuyeekaalu nibabakoba nti; osaaniire edi pmaana wa Dawudi. ¹⁶Nibamukoba nti wuura bani bibakoba: Oyeesu nabakoba nti nkuura temusomaanga ku ommmunnwa gwa baana abato nabawere aikiirye eteendo. ¹⁷Nabaleka nawuluka omukibuga, nayaba eBbesaniya nasula eyoo.¹⁸AWoo emaambya niyaali akwiira yo okukibuga enzala nemuluma. ¹⁹Nabona omutiini gumwe okumabbali gaanzira nagwiikaku nasaanga nga ndooku kiintu nga bikoola byerere nagukoba nti tobonaanga bibala emireembe nemireembe, omubwaangu obwo omutiini nigwootoka.²⁰Abeegesya nibaabweine nibeewuunya, nibakoba nti omutiini gwootokere gutya amangu? ²¹OYeesu nairamu nabakoba nti nimwaabbanga nokwiikiriza, nga timukubusabuusa timwakoleenge kidi kyonkai ekyamutiini naye nimulikoba olusozi luni nti imulibwa onagibwe omunyaanja kirikolebwa. ²²Nabyoonabyoona bimwayeendyaanga nga mukusaba nga mukwiikiriza mwabiweebwaanga.²³Nayingira omuyeekaalu, abakabona abakulu nabakaire babaantu nibaiza gyaali nga akweegesya, nabakoba nti buyiinza ki obukolesya bini? naani eyabawaire obuyiinza buni. ²⁴OYeesu nairamu nabakoba nti nleena kambabuulye ekigaambo kimwe, nimwakiyindula, era njeena nabakobera obuyiinza obukuunkolesya bini²⁵Okubatiza kwa Yokaana kuzwa ayii, mwiiguru oba mubaantu? nibeebuulyangana boonkai naboonkai nibakoba nti nitwaakoba nti mwiiguru: yatukoba nti kale kiki ekyabagaine okumwiikiriza? ²⁶Naye nitwaakoba nti mubaantu, tukutiina baantu; kubbanga boona balowooza Yokaana nga nabbi. ²⁷Nibairamu oYeesu nabakoba nti titumaite naye nabakoba nti njeena tinabakobere buyiinza nibwo bukuunkolesya bini.²⁸Nate mukulowooza mutyai waliwo omuuntu eyaina abaana baamwe babiri; naiza edii oluberyeberye, nakoba omwaana nti yaba okole emirimu omulusuku olwa mizabibbu. ²⁹Nairamu nakoba nti ngaine: naye oluvanyuma niyeenenya nayaba. ³⁰Naiza edii owakabiri namukoba nikyo kimwe. yeena nairamu nti ; kanyabe ssebo: natayaba.³¹Okwaabo ababiri naani yakoore oitowaamwe kyakweendya? nibakoba nti owaluberyeberye. Oyeesu nakoba nti mazima nkubakoba nti abawooza nabeenzi babasookere nywe okwiingira omubwakabaka bwa Nyamwanga. ³²Kubaanga oYokaana yaizire gyemuli omwaanda gwa bwikiiri; naanywe timwamwikiriize naye bakulowooza nabeenzi baamwiikiriza naanywe, nimwaabweine muto noluvanyuma nimuteenenya kumwiikiriza³³Muwuure olugero oluundi, waliiwo omuuntu eyaalina enyubba yaamwe, nasiimba olusuku lwa mizabbibbu nalukomeeraku olukorogo nalusakumu ekinyunki kyansaande nayomboka mu olukorogo nalukwaatisya alumi nataambula olugeendo. ³⁴Awoo omwaka nigwaali guli ampii okwiika, ebirime okweenga, natima abairu baamwe edii abamukwaata nsikababawe ebirime byaamwe.³⁵Naye abamukwaa ta nsika nibakwaata abairu baamwe: 0mwe nibamukubba, owoondi nibamukasukira amabbale. ³⁶Nasiindika era abairu abaandi baingi okusiinga abasookereyo nibabaakalya nkabaandi nibabakoore. ³⁷Oluvanyuma nibasiindikire omwaana waamwe nga akukoba nti baawura omwaana waange.³⁸Naye abamukwaata nsika nibaabwein e omwaana nibabaza boonkai nabonkai nti; onii naye musika, mwiize tumusaanyewo tutwaale obusika bwaamwe. ³⁹Nibamukwaata, nibamugaadiikerya omulusuku lwa mizabbibbu nibamwiita.⁴⁰Kale omukama walusuku lwa mizabbibbu naliiza, ali bakola atyai abalumi? ⁴¹Nibamukoba nti abo abanyanzigu, bali saanawo kubbi, naye olisuku lwa mizabbibbu alisiimbira abalumin abbandi abamuweerezaanga ebibala bya mumwaaka gwa byo.⁴²OYeesu nabakoba nti timusomaanga ku kubyawaandikibwa, nti eibbale oboomboki dyebagaana, niryo ryaafukire omutwe gwa nsoonda: kini kyaazwiire eddi omukama era kyakitalo omumaiso gaiswe?⁴³Nikyo nzwa mbakoba nti obwakabaka bwa Nyamwanga buli bayiibwaaku nywe, buli weebwa eiyaanga eribala ebibala byaago. ⁴⁴Era agwa okwibbale rini ali menyeka menyeka: nooyo gulirigwaaku liri mubeteenta.⁴⁵Awoo abakabona abakulu nabaFalisaayo, nibawuliire engerero ezo nibeeteja nti abalize kunibo. ⁴⁶Niwatabba muuntu akusobola okwiiramu ekigaambo era okuzwa okukiro ekyo ndoowo muuntu eyajeemere okubuulya ekigaambo.

¹Oyesu nairamu nabaza naboo nateenga omulufumo nga akubakoba nti; ²omukama wamwiguru bamwiisanisire omuuntu eyaali omukama yasuumbire omwaana wamwe embaga yabugole. ³Natuma abairu baamwe, okweeta abayeteibwe okumbaga yabagole niteendya kwiiza.⁴Natuma neera abairu abaandi, mukobere abaantu abayeteibwe nti nsubiire abantu abayeteibwe nti bona nsumire embaga embaga yaange ezinoli ziitibwe nabyoona byentekereteekere mwiize omumbaga eyabugole.⁵Naye bo nibatateekayo birowoozo nibabba owoondi kukyaalo kyaamwe, nowoondi nobusuubuzi bwaamwe. ⁶Abasigaire wo nibakwaata abairu bamwe nibabakoora ekitigi nibabaita. ⁷omukama nakwatibwa ekiniga nagaba amajje gaamwe nasaanyawo abanaidunku abo nayokya ekibuga kyaabwe.⁸Awoo nakoba abairu baamwe nti obugenyi bweteekereteekere naye abo abayeteibwe tibasaanire. ⁹Ale mwaabe omumasaanga nzira omwaanda bemwabona yo mubeete. ¹⁰Abairu abaandi nibaaba omwanda, nibakumbaanya boona boona bibabweine abbbi nabasai obugole nibwiizula obugenyi.¹¹Naye omukama niyayingiire okubona abagenyi, nabona mu omuuntu atazwaaire bizwaaro bya bagole, ¹²Niyamaare namukoba nti mwira waange oingiite otyai anii nga toina bizwaaro byabugole? Nasirikiira mu.¹³Awoo omukama nabakoba abeegesya mubbwe emikono namagulu mumunage omum,ulikiirya gwanzai, nywe mulibba okuunga nokunene obujune. ¹⁴Kaabbe nga baingi abayetebwe naye bakomamu badooli.¹⁵Awoo abafalisayo nibaaba nibakaanya amwe bakwiiza kumumanyisyaanga omubigaambo. ¹⁶Nibamusiindikira abeegesya baamwe nabakerodiyaani, nibakoba nti omweegesya, tumaite nga oliwamazima era nga oyegesya omuma zima enzira ya Nyamwanga, era ebigaambo bya muuntu yeena tobitaaku mwooyo: kubbanga tosoroora mubaantu. ¹⁷Kale tukobere olowooza otyai? kisai okuwa okayisaali omusolo oba tinimwo?¹⁸Ate oyeesu namanya obubbi bwaabwe nabakoba nti munkemera ki, nywe abakiweweita? ¹⁹Mundaange ezzabbu eya musolo, nabmuleetera edinaali.²⁰Nabakoba nti ekisani kini nobuwandiikeku byanaani? ²¹Nibamukoba nti bya Kaisaali, Awoo nabakoba ale musasule, ebya kaisaali byakaisaali, nebyanyamwaanga bya Nyamwanga ²²Nibawuliire nibeemulugunya, nibamuleka nayaba.²³Okulunako olwo nibaiza jali aBasadukaayo nabakoba nti ndoowo kuzuukira nibamubuulya, ²⁴Ngabakoba nti omweegesya Omusa yabakobere nti 0muuntu nafanga nga talina baana omugaande ayirengeewo waase omukazi waamwe, abyaare omugaande abaana.²⁵Abalugaanda musaanju abaali ewaiswe eyekereire nawasa nafa naye nka natalina baana nalekera omugaanda waamwe omukazi ewamwe; ²⁶Ate nowakabiri, nowakasatu, okwiikya boona omusaanju. ²⁷oluvanyuma boona boona nibawaayo omukazi nafa. ²⁸Kale omukuzuukira alibba mukanaani okwaabo omisanju?²⁹Naye oYeesu nairamu nabakoba nti mukyaama olwa butamanya byawaandikibwe, niwabbaire amaani ga Nyamwaanga. ³⁰Kubba omuzuukira tibawasa, era tibasuumbirwa, naye bali nka bamalaika omwiiguru.³¹Naye okuzuukira kwabafu, timwasookere Nyamwanga kiyabakobere nti, ³²Niinje oNyamwanga ya Ibulayimu, era oNyamwanga wa Isaaka, era oNyamwamga yakobo? tiniye oNyamwanga wabafu, naye owaboomi. ³³Ebibiina nibyawuliire nibyewuunya okweegesya okwo.³⁴Naye abafalisaayo, nibawuliire nti asirikirye abasadukaayo, nibakuumbaana amwe. ³⁵Omwe okwaabo, owamateeka namubuulya nga akumekema nti; ³⁶Omwegesya, ekiragiro ekikulu omumateeka kiri ayi?³⁷namukoba nti yeendya oNyamwanga nomwooyo gwaamu gwoona, nobwoomi bwaamu bwoona namagezi gaamu goona. ³⁸Kini nikyo ekiragiro ekikulu ekykeera.³⁹Nekyakabiri ekwiisanana nikyo kini nti yeendyaanga omuliraanwa waamu nka niweyewendya weenkai. ⁴⁰Omubiragiro bikali bibiri amateeka goona nimwo gasiinziira, era nabanabbi.⁴¹Abafalisaayo nibakumbaine, oYeesu nababuulya, ⁴²Nakoba nti okurisito mukumulowoozaku mutyai? ye mwaana wanaani? nibamukoba nti wa Dawudi.⁴³OYeesu nabakoba nti kale, dawudi nakoba omwooyo kiki ekikumwetesya omukama waamwe, nga akoba nti; ⁴⁴OMukama yabakobere mukama waange nti ikaara okumukono gwaange ogulyo, okwiikya lwenditeeka, abalabe baamu ansi wamagulu gaamu?⁴⁵Kale obaanga oDawudi yamweetaanga mukama waamwe, alitiina omwaana waamwe? ⁴⁶Niwatabba muuntu ayiinza kumwiiramu kigaambo, era okuzwa okulunaku olwo ndoowo muuntu eyesanika okumubuulya ekigaambo.

¹Awoo oYeesu nabaza nababibiina nabeegesya baamwe. ²Nabakoba nti abawandiiki nabafalisaayo baikalire okumeeza ya Musa: ³Naye ebigaambo byoona bibabakoba, mubkole mubikwate. naye mutakola nka ninkukola kubaanga babaza naye tibakola.⁴Era basiba emigugu ezikuzitowa ezitetikika, bazitika abantu, okubibegabega; nayeenga bo tibeendya kugiteengeetya neengalo zaabwe. ⁵Naye ebikolwa byaabwe byoona bibakola era abaantu babibone. kubbanga baiizulya amagaanduula gabwe.⁶Era beendya ebifo ebyekeera okumbaga, nentebe ezakitinisya omunkumbaano. ⁷Nokulamukibwa omubutale nokweyeta labbi.⁸Naye nywe timwetebwaanga labbi; kuba omwegesya waanywe ali omwe, nywena nywena muli bagande. ⁹Era timwetaanga muuntu kunsi taata wa nywe: kuba oTaata wanywe ali ommwe ali omwiigiru. ¹⁰Ate timmwetebwaanga balangiiri, kuba omulangiiri waanywe ali omwe, niya kurisito.¹¹Naye omunywe abakusiinga obukulu yaabba muweereza wanywe. ¹²Nabuli alye gulimizaanga akwiiza kukakanizibwaanga, nabuli alyegondyanga, yali gulumizibwanga.¹³Naye ziribasaanga ny abawaandiki nabafalisayo, abakiweweita kubba mwigala obwamokama obwa mwiiguru omumaiso gabaantu kuba nywe timwiingira nabo ababba bakwiingira timubaganya. ¹⁴Ziribasaanga nywe abaandiiki naba nabafalisaayo, abakiweweita kuba mulya enyubba za banyanamwaandu era nimwefuula abasaba omuno. nolwekyo mibbaku omusaango ogukusiinga obukooto. ¹⁵Ziri basaanga nywe abawandiki nabafalisayo , abakiweweta. kuba mwetoolola okunyanja nokulukalu, okukyusa omuntu omwei; naye naboneka mufuula mwaana wa geyeena okusiinga nywe.¹⁶Zira basaanga nywe, abasaale abatabonnya, abakoba nti niyalairanga omuyeekalu, nga tikiintu naye buli eyalairaanga ozaabbu wa yekaalu, nga aingiire musaango. ¹⁷Nywe abasiru era abatabonnya; kubba ekisiinga obukulu kirai, ozabbu oba eYekaalu eyerya zaabbu?¹⁸Oba mukoba nti omuuntu niyalairiraanga ekyooto nga tikiintu; naye buli alairiraanga ekirabo ekiruku nga airye musaango. ¹⁹Nywe abatabonnya kuba ekisiinga obukulu kirai oba ekyooto kyeerya ekirabo?²⁰Naye alaira ekyooto alaira ekyo nebyoona ebikulu. ²¹Naye alaira eyekaalu alaira ekyo, nooyo ayikaara omwo. ²²Naye alaira eiguru, alaira ntebe yamukama nooyo agikaaramu.²³Ziri basaanga nywe abawaandiki nabafalisaayo abakiweweita! kubba muwa ekituundu ekimwe ekyaikumi eky nabugira na anita no kumino, nimuteeka yo ebigaambo ebikulu ebyabiragiro, obutalyanga nsoonga , nekisa nokwikirizanga, naye bidi byabagwanire okola era nabaandi obnutabirekererayo. ²⁴Nywe abasaale abaigali bamaiso abasengeiza ensi nimumira Nkaina.²⁵ziri basaaanga nywe, abawaandiki nabafalisaayo,abakiweweita! kubba onnabya eiguru okukikompe nekibya, naye omuunda mwizwiire obunyagi nobutegendereza. ²⁶Wee omufalisaayo atabonnia, sooka onaabye omuunda omukikompe nekibya nokuruguru kwaakyo kiryooke kibbe kisai.²⁷Zibasaangire nywe, abawaandiki nabafalisaayo, kubba mwiisana amalaalo agasiingibwa okweera, agaboneka aiguru nga asemeeri, naye ommunda waizwiire maguumba agabafiire, obubbi bwoona. ²⁸Mutyo naanywe, aiguru muboneka nka baantu nga muli baikiiri, naye omuunda mwiizwire obukiweweita nobujeemu.²⁹Ziri basaanga nywe abawaandiki nabafalisaayo, abakiweweita! kubba mwaalyomboka embbi za balaangi, musemeerya ebiiza ebyabaikiiri, ³⁰Nimukoba oti baanga twaliwo omubiseera bya bajajja baiswe titwaaliikirizegainye nabo omusaai gwabalaangi. ³¹Mutyo mwekoba nnyenkai mbu muta baana baabwe abaitire abalaangi.³²Alee mwizulye omwiiga gwa baziza baanywe. ³³Nnwe enjoka, abaana bambala saasa, muli iruka mutyai omusaaango gwa Ggeyeena.³⁴ona nikyo mbatuumira abalaangi nabagezi, nabawaandiki nabamwe okubbo bali baitta omubbakomeera, nabaandi bali bakubba emmigo omunkungaano zaanywe, mulibayiganyaanga omubyaalo byoona . ³⁵Mulyooke mwizirwe omusaai gwoona omwikiiri okuunsi, okusookera okumusaai gwa aberi oyo omwikiiri okwiika okumusai gwa zakaliya omwwana wa bamalaika, gwe mweitiire akati wayekaalu nekyooto. ³⁶Mananu kubakoba nti ebigaambo byoona birikiiira ababiro bini.³⁷Yerusaalemi, Yerusalemi, akweeta baingi, akasukira abantu amabbale abatumibwa ewaamwe! emuruundi imekai gyemwayenderye abaana baamu nkonko nakuumbaannia obwaana bwaamwe omuunda omubipapa byaamwe! ³⁸Bona enyubba yaanywe abalekeirwe ekifulukwa. ³⁹Kubba nkubakoba nywe mbu timuli mbonaku nakadooli okusooka olwaleero, okwiika nimwaliiza aweebwe omukiisa aiza omwiibara lya mukama

¹oYesu nawuluka omu yekalu ali nakutambula. abegesya bamwe nibaiza okumulaanga enyomboka yayeekaalu; ²Naye nabairamu nabbakoba nti bini byona/ amananu nkubakoba nti tiwalisigala ani ibaabale eraliba aiguru waibaale eritalinagibwa ansi,³niyali naikalire okulusozi lwaziyituni, abegesya nibaiza geyali mukyama, nebamukoba nti tukobere nibiribbawo nakamanyisyo kakwiiza kwaamu nikalibba. ⁴OYeesu nairamu nabakoba nti mubone omuuntu yeena tababulyaanga. ⁵Kubba baingi baliiza omibnara lyaange nga bakoba niinje kurisito: balubulya baingi .⁶Mwali wura entalo nokwatikiira kwa ntalo ; mubone timutunturaanga; kubba tibyaali gaana kubbawo naye nkomeero nga ekyaali. ⁷Kubba eYaanga ryali luumba eYaanga nomukama ali ruumba omukama; waalibbawo enzala nebiteengeto omubifo ebitali bimwei. ⁸Naye ebyo byoona nikwo kwekeera kwe kulumwa.⁹naamywe mwaali nobwa amaanga goona okulwaibara ryange. ¹⁰Omubiro erbyo baingi balibiinyiirwa, baliwanganayo balinobaangana. ¹¹Nabalaa ngi baingi ababubeegi baliiza, balibuulya baingi.¹²Era kubba obuujeemu bwali akaliirya obwiibngi, okweendya okwabakusiinga obwiingi, kulyoola. ¹³Naye agumiikiriza okwiika okunkomeero yaali lokolebwa . ¹⁴Engeri eni eya bukama eri koberwa amaanga goona, okubba omujuurwa wa maanga goona; awoo enkomeero neyaanga neika.¹⁵Kale nimwaalibona ekyamuziro okuzikiirya oDanyeeri omulaangi kiyabazireku , nga kyemereire omukifo ekyeruki, (akusoma yeetejje ) ¹⁶Kale abali omubuyudaa ya bairukiraanga kunsozi: ¹⁷Ali aiguru, okunyubba taniinukanga okuyamu biintu ebiri omunyubba yaamwee: ¹⁸ALi omulusuku tairanga te; kutwaala kizwaaro kyaamwe.¹⁹Naye zaali ba saanga abalibba neenda nabakwoonkya omubiro ebyo! ²⁰Naanywe musabe ekiiruko kyanywe kireke kubba omobiro ebyakiwuungo, nibwewankubbaire okusabbiti. ²¹KUbba omubiro ebyo waali bbawo okubonabona okukooto, nga tikubbangawo okuzwa ensi nayabbairewo okwiikya ereero. ²²Ebiro ebyo baanga bitasaliibweku, tiwakuwonere buli alina omubir; naye okulwa bakomye ebiri ebyo byali salwaaku.²³Omubiro ebyo omuuntu alibakoba nti; bona, okurisito ali mpani, oba nti ali mpani; timwikirizaanga. ²⁴Kubba waliza abakurisito ababubeegi, nabalaangi ababuibeegi, boona bali kola obumanyisyo obukulu nebyamagero; nokubuulya babuulye abakomye, nikyaalibba kikusoboka, ²⁵Bona mbalabwiire.²⁶Kale nibal bakoba nti bona, ali omwiruungu; timulukaanga: bona, alibbisika omuunda timwikirizaanga. ²⁷Kubba nko kumyaankulya nikuzwa ebuuluka nikubonekera ebuggwa isana, nimwo kityo nikwalibba okwiiza kwamwaana wamuuntu. ²⁸Awbba omutuumbi woona, awo ensega niwo zikuumbanira.²⁹Naye amaangu ago oluvanyuma lwakibonobono ekyamubiro ebyo, eisana lyali yiinduka ekiirima, okweezi tikwaali raanga kibonio kyaakwo, nobunyenyezi bwaaligwa okuzwa omwiiguru namaani agamwiiguru gali teengetebwa.³⁰Awo nimwo kali boneka akamanyisyo kwa mwaana wamuuntu omwiiguru; nebikka byoona ebyaansi nimwo byaali kubba ebiboobo, byaali bona omwaana wamuuntu nga akwiiza okubiccu ebyaiguru namaani nekitiinisya ekinyamwingi. ³¹Era yaali tuma abamalaika baamwe eiraka erikooto erya mulere, bona bali kuumbania abakomwe baamwei omuumpungo inai, okuzwa okuunkomeero.³²Era mweegere okumutiini olugero lwago; ekitaagi kyaago nikigeiza, ebikoola nibiroka, mweteja nti omwaaka guli ampii. ³³era otyo naanywe nimubona ebigaambo eby byoona mweteje nti ali ampi kulwiige.³⁴Mazima nkubakoba ntini emireembe zini tiziri waawo okwiikya ebyo byoona nibirikolebwa. ³⁵eiguru ne nsi biri waawo, naye ekigaambo kyaange tikiri waawo kaakimwe.³⁶Naye ebyalunaku luddi nekire ekyo ndoowo akimaite yade abamalaika abamwiiguru yade omwaana okuyaku oite waange yenkai.³⁷Naye engeri enaku za nuuwa nizaali, era nimwo kiribba okwiza kwa mwaana wamuuntu. ³⁸kubba nibaali omuunaku ezekereire amataba nga bakulya nga bakunywa, nga bakubaangirya, okwikkya olinaku oNuuwa niyayingiire omuryato. ³⁹Nibataamanyanga okwiikya amataba nigaizire nigabatwaala boona, era nimwo kiribba okwiiza kwamwaana wamuuntu.⁴⁰Omubiro ebyo abasaiza babiri balibba omukyaalo omwe alitwalibwa nowoondi ali lekebwa. ⁴¹abakazi babiri baalibba bakusya okumeengo omwe alitwaalibwa owoondi alekebwe. ⁴²Alee mubonnye kubba timukumanya lunaku oNyamwanga.⁴³era kini mukitegeere ntini ayina enyubba yeesiga yamanyaamga okusisimuka nikwaali, omwiibbi lwaliizira mu yaali bonerye tiyaandi lekere nyubba yaamwe kusiimibwa. ⁴⁴Atini naanywe mweteketelke kubba omukiseera ekyo mutalowozerangamu mwaana wamuuntu kyaakwiziramu.⁴⁵Ale alai omwiiru eyisigibwa owa magezi, oNyamwanga waamwe gweyagwetere abamunyubba yaamwe okubawaanga emere yaabwe omubwiire obwo? ⁴⁶Omwiiru odi alina omukisa , ONyamwanga waamwe gwaalisaanga ngaaizire nga akukola atyo. ⁴⁷Amazima nkubakoba nti, alimugeetwa ebiintu btaamwe byoona .⁴⁸Baitu omwiiru oddi omubbi nali koba nti omutima gwaamwe ntini Nyamwaanga waange alwiireyo. ⁴⁹Era alisooka okubba abairu baamwe, nokulya nokubba amwe nabatamiire. ⁵⁰Onyamwaanga wamwiiru odi aliizira okulunaku lwataliiriramu nobwiire bwatakumanya. ⁵¹Alimutemamu ebituundu bibiri, alimuwa ekirabo kyaamwe amwe nabananfuusi: mwemwaalibba okuunga nokulumwa obujiji.

¹omubiro ebyo obwabwakabaka bwamwiguru bwalyeisanisirya abala ekumi abaatwaire etala zabwe, nibaba okwaja okwakuwasa omugole. ²Naye abira baabwe abataanu baali basurusuru, abataanu balina amagezu. ³Lwakubba abasirusiru tibaatwaire taala zaabwe, amwe namafuta: ⁴Abo abalina amagezi nibaba namafuta omubulukuku bwaabwe amwe netaala zaabwe.⁵Oyo akwaaba okuwasa omugole niyalwiireyo, boona niba woongera nibabbasya. ⁶Naye obwiire omwiitumbi niwabbawo ekerere eyabaduula omugole okwiiza; muluuke mutangaerane.⁷Abaala baali amwe nibamaare nibaimuka, nibasaayirya. ⁸Abasiru nibaaba omubairabaabwe abaina amagezi nibaba koba nti mutuweeku amafuta gaanywe; olwakubba etaala zaiswe zikumweenyeera. ⁹Naye abayina amagezi nibayiramu nibabakoba mbu nga tigamaare isweena naanywe: ati mwaabe edi abagatuunda mweguure.¹⁰Nibaali bakwaaba ogula, eyaali akubaandula omugole naiza, naye abaali bateekereteekere nibamaare nibeingiriira naye omumbaga yabagole; olwiige nilwigalwaawo. ¹¹Oluvanyuma abaandi boona nibaiza, nibakoba nti Nyamwanga waange, Nyamwanga waange, twigurewo. ¹²Naye nairamu nabakoba mazima nkubakoba nti timbamaite: ¹³Kale mubone, olwakubba timumaite olunaku niwankubaire erkiseera.¹⁴Olwakubba buli muuntu eyali akwaaba okulambula omuunsi edi nayeta abairu baamwe nabalekera ebiintu byaamwe. ¹⁵Nagabira amwe esiriingi itaanu, owoondi ibiri, owoondi emwe, buli muuntu nko buyiinza nibwaali, nayaba. ¹⁶Amaangu ago odi eyafunire esiriingi eitaanu nayaba nazisuubulya nasigaalyawo eziindi itaanu.¹⁷Odii eyafunire esiringi eibiri nafuukyaamu ibiri eziindi. ¹⁸Olwo odii eyawebwebwe emwe nayaba nasaka omwiitakali nagibbisa efeeza ya Nyamwanga waamwe.¹⁹Awoo ebiro biingi niya kaire, oNyamwanga wabairu badi naiza nabala nabo omugaite. ²⁰Noodi eyawebwebwe etalaanta eitaanu naiza naleeta etalaanta itaanu eziindi nakoba nti, Nyamwanga waange wandekeire etalaanta itaanu, bona nabyalisaaryemu itaanu eziindi. ²¹Onyamwanga waamwe namukoba nti weebale muno oli mwiiru munyakasai mweesigwa, omubidyooli, ndikusigira nebiingi omwiisanyu erya Nyamwanga.²²Noodi eyawebwebwe etalaanta eibiri, naiza nakoba nti Nyamwanga waange wandekeire etalaanta ibiri bona nairemu Etalaanta eziindi itaanu. ²³ONyamwanga waamwe namwebalya namukoba nti olimwiiru munyakasai waali mwesigwa ombidooli ndi kusigira biingi, ingira omusanyu lya Nyamwanga.²⁴Noodi eyawebwebwe etalaanta emwei naiza nakoba nti Nyamwanga waange, nakumaite nkabwooli omuuntu omukakanyali nga okuungula byotasigire. ²⁵Nintiina, ninyaba ningibbisa omwiitakali etalaanta eyo, eyaamu gyoyinayo.²⁶Baitu oNyamwanga waamwe nairamu nakoba nti olimwiiru mubbi omugarai wamaite nkunguura gyentasigire nkunja etalaanta. ²⁷Ale kyagwaniire niiwe effeza yaange okugiweerya abasuubuli nandiizire nimpeebwa amagoba.²⁸Ale muyeku etalanta, etalaanta mugiweerye ayina eikumi. ²⁹okulwakubba buli muuntu alina aliweebwa, era alibba nebiingi: yeena atalina, aliyibwaku nakidi kyaalina. ³⁰Nomwiiru oyo atayina kyagasa mumunage omukirikiirya ekya nzai: Nywe mulibba mukuunga nukulumwa obujiji .³¹Naye omwaana wamuuntu alizira omukitinisya kyaamwe, nabamalaika boona nga bali naye, awo nalikala okuntebe eyakitinisya kyaamwe. ³²Namaanga goona galikiinduurwa amaiso gaamwe naye alibaawulamu nkomuliisya nayawulamu etaama nembuli. ³³Entaama aliziteeka okumukono ogulyo embuli okumukono ogumoso.³⁴Awo onyamwanga alikoba abali okumukono ogulyo ntini mwiize, niiwe oite waiswe gweyawire omukisa, musikire obukama bwaabo abategekeirwe okuzwa okuutoondea ensi. ³⁵Kubbanga naali nzala nimuumpa ekyakulya, naali nyoota nimunywesya, naali mugenyi nimunsulisya. ³⁶Naali bukunya nimunzwaalikisya, naali mulwaire nimuntaamba; naali munkomyo nimwiiza nimumbona.³⁷Awoo abaikiiri bali mwiiramu nga bakoba nti; Nyamwanga waiswe twakuboineku dii nga olinzala nitukuliisya? obanga olinyoonta nitukuliisya? ³⁸Era twakubwein e dii nga olimugenyi nitukusulisya obanga oli bukunya nitukuzwalikisya? ³⁹Twakuboine dii nga olimulwaire oba nga oli kunkumyo nitwiiza nitukubona? ⁴⁰Nomukama aliramu nakoba nti mazima nkubakoba nti nka nimwaakore omwe okwaabo abagaan da baange abasiinga obuto, mwakikoore niinje.⁴¹Awoo alibakoba naabo abali okumukono gwaamwe omumoso nti muzwe weendi, nywe abakolimiirwe mwaabe omuuro ogutawaawo ogwatekeirweteekeirwe ositaani nabamalaika baamwe. ⁴²Kubbanga naali nzala, timwampaire kyakulya: naali nyoonta timwanyweserye. ⁴³Naali mugen yi timwaansulisirye, naali bwerere timwanzwalikisirye: naali mulwaire nomunkomyo timwandaambwire.⁴⁴Awoo naawo baliiramu nga bakoba nti Nyamwanga waiswe, twakubweine dii nga olinzala oba nga oli nyoota, oba mugenyi oba bukunya, oba mulwaire, oba munkomyo nitutakuweereza. ⁴⁵awoo aliiramu nga okoba nti amazima nkubakoba nti nkanimu takola omwe okwaabo abasiinga obuto, timwabikoore nje. ⁴⁶Boona balyaaba omukibonerezo ekitawaawo, naye abaikiiri balyaaba omubwoomi obutawaawo.

¹Awoo lwaikire oYeesu niyamaare ebigambo ebyo byoona, nibakoba abeegesya baamwe nti; ²Mumaite nti olwabidi lwaalibbawo kwakalaku, nowaana waamuntu aliweebwayo okoomeerwa.³Awoo abakabona abakulu nabakaire babantu nibakuumbanira omu[kigaango kyakabona okusiinga omukulu eyeetebwanga kayaafa; ⁴Nibateeseza amwe oYeesu okumukwaatisya abakenkuki bamwiite. ⁵Naye nibakoba nti tuleme omkumukwatira okulunaku olukulu, abaantu balemwe okukaayana .⁶ale oYeesu niyaali omubbesaniya, omunyubba ya sayimooni omugengewali. ⁷Omukazi naiza gyaali nga alina eccupa yamafuta ga musutai, agamuweendo ogwiingi omuno, nagamusuka okumutwe nga aikaire okulya. ⁸Naye abeegesya nibabweine nibagoongera nga bakoba nti; gaferere ki gani? ⁹Kubaanga gani baanga gatuundiibwe gaandi zwiiremu ebiintu biingi okuweerya omuseege.¹⁰Naye oyeesu niyetegerye nabakoba nti mukunakuwaliza ki omukazi? kubba okoore ekigaambo ekisai. ¹¹Kubba abaseege nibo mulinabo obuliizo: naye timuli naanje buliiizo.¹²Kubba basukire amafuta gaani okumubiri gwaange, akuundanga amaziika gaange. ¹³Amananu nkubakoba nti enjiri eni buligyeyabuulirwaanga omuunsi zoona , nolweekyo omukazi onii yakoore ekyabazibwangaku okumwiizukira.¹⁴Awoo omwe okubbo eikumi nababiri, eteetebwaanga oYuda isikaryoti nayaba edi abakabona abakulu. ¹⁵Na koba nti mukwiikiriza kumpa ki naanje ndimuwaayo gyemuli? namugeera ebituundu byampiiya amakumi asaatu. ¹⁶Nasookera awoo okutoolya embaga niyamuwaayo.¹⁷Naye okulunaku olwekerere olwamigaati egitaazimbulukusiibwe, abeegesebwa nibaiza edii oYeesu nibakoba nti okweendya tuteekereteekere ayii okwaakala ku giwakuliire? ¹⁸Nabakoba nti mwaabe omukibuga ewanaanka, mumukoba nti omweegeaya okobere nti ekiro kyange kiri ampi okwika; awaamu gyendiira okwaakalaku nabeegesya baange ¹⁹Abeegesya nibakola nko Yeesu nalagiire; nibateekateeka okwakalaku.²⁰awoo obiire nibwaswekere, naikala okulya nabeegesya eikumu nababiri; ²¹Era baali bakulya nabakoba nti kamazima nkubakoba nti omwe okunywe akwwiza okuundyamu olukwe. ²²Nibanyolwa muno nibataandika okwebuulya kinomwe nga bakobaangana ntimukama waange niinje?²³Naye nairamu nga akoba oyoo okozerye amwe naanje omukibya niye yaandyaamu olukwe. ²⁴Omwaana wamuuntu akwaaba , nkaniyandiikirwe: ale zisaangire omuuntu oyo eyandyaamu olukwe olwamwana wamuuntu; kyandibbaire kisai edii oyo siinga tiyabyaliibwe muuntu oyo. ²⁵OYuda eyamuliiremu olukwe nairamu namukoba nti labbi niinje? namukoba nti niiwe obazire.²⁶Era bwaali bukukya, oYeesu natoola omugaati niyeebalya nagumeenyamu; nawa abeegesebwa nabwkoba nti mutoole mulye, guni nigwo mubiri gwaange.²⁷Natola ekikoompe niyeebalya, nabawa nga akoba nti munywe okukini nyweena; ²⁸Kubba guni nigwo musaai gwaange ogwa ndagano, oguseenseka okulwabaingi olwakuyowo ebibbi. ²⁹Naye nabakoba nti tiindinywa nakadooli okwekeera leero okuguni ogukwiiza amwe naanywe omubwakabaka bwa ito waange.³⁰Nibamaare okweemba nibawuluka okwaaba okulusozi zeyituuni. ³¹Awoo oyeesu nabakoba nti nywe nyweena mwesitaala okulwange ekire kini: kubba kyawandiikibwe nti ndikubba omusuumba nentaama eza mukisibo ziri sasanizibwa. ³²Naye niindi mala okuyiimbooka, okwaaba eGaliraaya.³³Naye opeetero nairamu namukoba nti; boona nibesitaala okulwaamu, nje tinesitaalenge nakadooli. ³⁴OYeesu namukoba nti amazima nkukoba nti omubwiire obwo onkonko yabba akyaali kukooka okwaaba kuneegana emiruundi isaatu. ³⁵OPeetero namukoba nti nebwekyaabbanga kisaine okufeera amwe naawe, tinakweegane nakadyooli nabegesebwa boona nikola batyo.³⁶Awoo oYeesu naika nabo omikifo ekikwetebwa gesusemani, nabakoba abeegesebwa baa mwe nti mwikaaere anii nyabe ndamwe. ³⁷Natwwala oPeteero nabaana bazebidaayo boona natandika okunakuwala nokwelakiira. ³⁸Awoo nabakoba ntiomwooyo gwaange guliku ekibalaazi kiingi, kikwaaba kunyita: mubbe anii mwikale nanje.³⁹Natanbulaku kadooli, naculeera, Naramya, nakoba nti ii itewaange onkomyo eni enzweeku nikyaaba kikusoboka, naye tinkanje ninkweendy naye nkawe nokweendyaa. ⁴⁰Naira1mu edi abeegesebwa nabasanga nga basirye, na;koba oPeetero nti timusobweire kubonnya naanje nasaawa emwei? ⁴¹Mubonye miramye, muleme kwiingira mukemwa: omwooyo nigwo gukweendya naye omubiri gunaki.⁴²Era nayaba omuruundi ogwakabiri, naramya nga akoba n ti ite wange nikyaabba kini nga tikikusoboka kunk digaku, naye nje okukinywa, kyaatakire kikolebwe. ⁴³naiza era nayaja nga babasirye, kubba amaiso gaabwe gaali gakulemeera. ⁴⁴Nabaleka era nayaba, naramya omuruundi gwa kasatu, nabaza era ebigambo nibyo bimwe nabiddi.⁴⁵Awoo naiza edi abeegesebwa nabakoba nti mubbasirye kaakimwe, muumule: bona ebiro biri ampi omwaana wamuuntu aweebwe omumikono gyabaina ebibbi. ⁴⁶Mwiimuke twaabe bona, akuuundya olukwe ali ampi okwiika.⁴⁷yaali akyabaza bona oYuda omwe okwiikumi nababiri, naiza nga aluna ebibiina biingi ebirina empirima nemiigo, nga bakuzwa edii abakarbona abakulu nabakaire babantu. ⁴⁸Na ye oyo amulyaamu olukwe, yabaire akatmanyisyo nga akubakoba ogwangana omuumbanda, nga aizire mumukwaate.⁴⁹Amaangu ago naiza wali, oYeesu nabnakoba nti mireembe seregenyi, era olabbi namugwa muno omuumbanda. ⁵⁰OYeesu namukoba nti mwiirange, kola ekyakuleetere. awoo nibaiza oYeesu nibamuteekaku emikono miba mukwaata.⁵¹Bona omwe okwaabo abaali no Yeesu nagolola omuikono nayayo ebyakulwaanisya byaamwe natemaku omwiiru wakabona asiinga obukulu namusala ku okutwi. ⁵²Awoo oYeesu namukoba nti ekyakulwaanisya okyo kiizire omukifo kyaakyo kubbanga obo boona boona abakolesya aebyakulwaanisya bali ffa byakulwwanisya. ⁵³Oba okulowooza tinyiiza kwegayiira ote waange nampeereza,. anti abatumwa banyamwaamnga okusiinga ebituundu eikumi nebibiri? ⁵⁴Ale byaikiiira bityai ebyandkiibwe mbu kigwaniire okubba kityo?⁵⁵Omubiro ebyo OYeesu nakoba ebibiina mukwiisanana abaizire nimwiibbi nebyakulwanisya nemiigo okunkwaata? naikaaraanga buliizo omukanisa nga akweegesya nimutaankwaata. ⁵⁶Era ebibiina byoona bikire abalaguli bye bawaandikire era bikiire, awoo abagoberezi boona nibamuzwaamu nibamwiiruka.⁵⁷Nabaandi abakwai te oYeesu, nibamutwala ewa Kayaafa osabaasuumba eisiinga obukulu abawaandiki nabakaire, gyebakuumbaniraanga. ⁵⁸Naye OPeetero namuzwaangaku ekaizuli, okwiika omukigaango kya sabasuumba asiinga obukulu naingira omuunda naikaa ra nabaweereza abone gyebyaweera.⁵⁹Naye abasuumba abakulu abaali omulukiiko boona nibaswaagana obujuurwa obwabubeegi okuYeesu leke bamwiite. ⁶⁰Nibaabulyabulya niwankubaire obujuurwa bwabubeegi baingi baizire. na rye olwamaare nibaiza babiri. ⁶¹nibakoba mbu oni akobere as obola okunaga omiikumbaniro .lya Nyamwanga nokujombokera enaku eisatu.⁶²Omusuumba omukulu nayemeera nakoba mbu toira ngamu nakadooli kigaarmbo kyabairaawo kyebakulumiirya? ⁶³Naye oYeesu nasirika omuliisya nakoba nti nkulangiira oNyamwanga omukulu ukobere kubaanga niwe kurisito omwaana wa Nyamwanga. ⁶⁴OYeesu namukoba nti obalize: naye namukoba nti okusooka ereero mulibona omwaana wa muuntu nga aikaire okumukono ogulyo ogwamaani nga akwiizira omubiccu bya mwiiguru.⁶⁵Awoo omuliisya asiinga obukulu nayonola ebizwwaro byaamwei nakoba nti onyoomere oNyamwanga twenderyaki abajuurwa bona muwuure anti okutyobola kwaamwe. ⁶⁶muli erowooza mutyai? nibairamu nabakoba nti agwaaniire okuffa.⁶⁷Awoo nibamuccwaku amaccwantai omumaiso gaamwe niba mukubba entomi abaandi nibamukubba empi. ⁶⁸Nga bakoba nti tulagule kurisito nani okubbire?⁶⁹naye oPeetero yaali aikaire omukigaango omwaala niyamaare naiza jaali, namukoba nti weena waali amwe no Yeesu omugaliraaya. ⁷⁰Naye niyeeganira omumaiso gabaantu boona boona nga yokoba nti tinkimaite.⁷¹Naye niyawuliireku okwiika omukisasira omwaala owoondi namubona nakoba abaaliwo nti oyo yaali amwe no Yeesu kurisito omunazaleensi. ⁷²Nairamu niyeegana nalaira nti omuuntu oyo timumaite⁷³Wayakaire wo akabbanga kadooli abali bemereire awo nibaiza nibakoba oPeetero nti weena olimwiira waabwe kubaanga olubazo lwamu lukulangire. ⁷⁴Awo naboneka okukolima nokulaira omuuntu oyo timumaite, amaangu ago onkonko nakooka. ⁷⁵OPeetero naizukira ekigaambo oYeesu kyeyakobere nti onkoko yaabba akyali kukooka olineeganira emiruundi isatu. nawuluka enzai nakuunga muno maaliga.

¹Naye obwiire nibwakyanganukire abakabona nabakaire babantu nibateesa amwe ebya yeesu okumwiita: ²Nibamubbwa, nibamutwaala, nibamweryayo edin oPiraato owasaza.³Naye oYuda oyo ayamuliiremu olukwe, niyabweine omusaango gumusiingire, niyezukya nairirya abakabona abakulu nabakaire ebituundu ebyo amakumi asatu ebyansiimbi. ⁴Nga akoba nti nasiisire okkulyaamu olukwe omusayi onambula kabbi. ale boona niba mukoba nti guni guli kuiswe? omusaango gwaamu. ⁵Empiiya nazinaga omuyeekalu nawuluka nayaba niyeziinda.⁶Ale abakabona abakulu nibatwaala ebituundu bidi ebyamppiya nibakoba nti kyamuziro okubiteeka omwukumbaniro lya Nyamwanga, okubba nti mwendo gwamusaayi. ⁷Nibateesa, nibazigulamu olusuku lwa mizabbibbu oziikaangamu abagenyi. ⁸OLusuku ludi niyo luzzwa lweetebwa olusuku lwamusaayi naati.⁹Awoo nikyaikirire ekyabaziibwe omumulaangi Yeremeya, nga a koba nti nibaatwaala ebituundu byampiiya amakumi asatu, omweendo gwamusayi gwebaalamwiire omweendo, abaantu okubaana ba Isiraeri gwebaalamwiire ¹⁰nibabiyamu olusuku lamizabibu, nkonyamwanga niyandagire.¹¹Awoo oYeesu nayeneera omaiso gawasaza: owasaza nabuulya nga akoba nti niiwe omukama wabayudaya? OYeesu namukoba obazire. ¹²Abakabona abakulu nabakaire nibamuloopera, natairamu nakadooli. ¹³Awoo OPiraato namukoba nti tokuura bigaambo bini byeba kulumiirya? ¹⁴Naye tiyamwiiremu kigaambo kyoona: owasaza niyewunya muno.¹⁵Naye okumbaga, owasaza yaalina eneyakalya okusiindabula nga ekibiina omubo omwe, gwebayeendyaanga. ¹⁶Nomubiro ebyo baalina omubo gwetejjanga akweetebwa balaba.¹⁷awoo nibakumbaine, OPirato nabanti alayi gwemukutaka mbataisirye? balaba oba Yeesu, akweetebwa kurisito. ¹⁸Kubba ye yamaite nga bakumuweesyayo bwiya. ¹⁹Alee niyagangaime okunsaro yamisango, omukazi waamwe namusiindirya obukweenda, nga akoba nti omuuntu oyo Omwiikiri tomukola kiintu nakadooli: okubba nalumirwe ereero biingi omukirooto okulwamwe.²⁰Alee abakabona abakulu nabakaire niba kobera ebibiina okutoolayo obalaba, balikiirye OYeesu. ²¹Alee owa saza nairamu nabakoba nti okwaabo boona alayi gwemukwandya mubasiindabuure? nibakoba Balaba. ²²Opiraato nabakoba nti nkole ntyai OYeesu akwetebwa okurisito? boona nibakoba ntin akomeerwe.²³Alee nababuulya nti lwaaki? ekibbi kyakoore kirai? alee nibalwaana muno, nibakoba akomeerwe. ²⁴Naye Opiraato niyabweine nga tiyasoboroore nakadooli, nga batabukire okulwaana, nalola amaizi, nanaaba omuungalo nomumaiso nekibiina nga okaba nti nje tiindiku kabbi: olwamusaayi gwamuuntyu oni omwiikiri: musaango gwaanywe.²⁵Abaantu boona nibairamu nibakobangana nti omusayi gwaamwe gubbe okwiiswe, nokuguma kwaiswe. ²⁶Alee nabasiindabuura oBalaba, naye oYeesu namukubba enkobba nayanga namuweeryayo okomeerwa.²⁷Awoo abajaasi bawaisaza nibatwaala oYeesu omukigaango kya nsaaro yamisaang, nibakumbaniryaako ekitoongole kyoona. ²⁸Nibamwambula, nibamuzwalikisya olugoye olumyuuki, ²⁹Nibaluka engule eyamawa nibagita okumutwe gwaamwe nibamiduula nga bakoba nti mireembe. mukama wa bayudaaya;³⁰Nibaccwera amaccwantai, nibakwaata ekibiingo kidi nibamukubba omutwe. ³¹Awoo nibamaare okumuduula, nibamwambulaku olugoye, nibamuzwalikisya ebizwaaro byaamwe, nibamutwaala okomeerwa.³²Naye nibaali bakuuluka, nibaaja omuuntu omukuleene, eibara lyaamwe niye simooni omusalaba gwaamwe. ³³Nibaikire omukifo ekikwetebwa Gologoosa, kikumanyisya nti kifo kyakyangala, ³⁴Nibamuweerya Enguuli okunywa atabwiirwemu omusayi: naye niyalozereku natayee kunywa.³⁵Nibamaare okumukomeera, nibagabana ebizwaaro byaamwei; nga bakubba akaluulu. ³⁶Nibaikaara awo nibamwegeka amaiso. ³⁷Nibata aiguru okumutwe gwaamwe omusaango gwamwe oguwandikiirwe nti oni niye oyeesu omakama wa bayudaaya.³⁸Nabanyagi babiri nibakomeerwa naye, omwe okumukono ogulyo owoondi ogumoso. ³⁹abayakalaanga nibamuzuma, nga bakuteengetya emitwe gyaabwe, ⁴⁰Nga bakoba nti; we ayeendya eyeekalu okujombokera enaku eisatu zwa okumusalaba oniinuke.⁴¹Abakabona a bakulu nabaandiki, nabakaire nibaduula batyo nga bakoba nti; ⁴²Yawonyanga baandi; tikisoboka kwewonya yeenkai. niye mwaami wa Isiraeri; aniinuke ati okumusaalaba, naiswe twamwikiriza.⁴³Yeesigire ONyamwanga omwe ati, oba omutaka okubba yakobere nti mwaanawa Nyamwanga. ⁴⁴Aba nyagi abakomererwa naye era boona nibamuzuma batyo,⁴⁵Naye okuzwa okusaawa yamukaaga kyaali kirikiirya okuunsi yoona okwiika okusawa yamwenda ⁴⁶Obiire nibwakeire esaawa nkomwenda oYeesu nabazira iguru neiraka likooto nga akoba nti Eri, Eri, lama sabakusaani? akamanyiso kakyo nti oNnyamwanga wange, Nnyamwanga waange, kiki ekikundekeserye? ⁴⁷Naye abaandi baali bemereire awoo, nibawuliire nibakoba nti oni akweeta Eriya.⁴⁸Amaangu ago omwiira waamwe nairuka nakwaata ekyangwe nakiizulya enguuli egyiindi nakita okukibiingo namunywesya. ⁴⁹Naye abaandi nibakoba nti leka tubone oba Eriya yaiza amuwonye. ⁵⁰naye OYeesui nabazira aiguru te neiraka erikooto, naaisya omwooyo gwaamwe.⁵¹Bona ekitiimbe kya Yeekalu nikyonokamu bibiri okuzwa aiguru okwiika ansi, Ensi neteengeta; nizaatika: ⁵²Embi niziswekuka; Emituumbi ziingi ezabeeruki abaali babbasirye nigiyiimboka; ⁵³Nibazwa omuumbii nibamaare okuyimbooka, nibayingira omukibuga ekyeruki baingi nibabba boona.⁵⁴Naye omwaami wakitoongole, nabaandi abaali naye nga bakoleera OYeesu, nibaabwoine ekitengeeto, nebigaambo ebibbairewo, nibatintibbala muno,m nibakoba nti mananu oni abbaire omwaana waNyamwanga. ⁵⁵Waliwo nabakazi baingi abayemereire Alayi nga bakuleeba, abatambulaanga no Yeesu okuzwa eGaliraaya., abamuweerezaanga. ⁵⁶Omwaabo mwalimu oMaliyamu magudalene, nomaliyamu omaama wa Yakobo noyesse, nomaama wa baana ba Zebidaayo.⁵⁷Naye obwiire bwaali bukuswekeerya, naiza omuuntu omuguuda, eya zwiire eLimasaaya, eibara lyamwe Isufu era yeena yaali mwegesya wa Yeesu. ⁵⁸Oyo nayaba edi Opiraato, nasa ba omutumbii ogwa Yeesu. awo Opirato na duumira oguweerya.⁵⁹OYusufu natwaala omutuumbi, nagiziringa omubbafuta egyeeru, ⁶⁰Naguta omuumbbi yaamwe egiyaaka, gyeyasakire omulwaazi: nairingitya eibbale erikooto narita okumulyaango gwambi nayaba. ⁶¹Waliwo OMaliyaamu magudaleene, nomalitaamui owakabiri nga baikaire omaiso gaambii.⁶²naye emambya nilwo olunaku olwairire olwakutegekera abakabona abakulu, nabaFalisaayo nibakumbanira ewa Piraato, ⁶³Nabakoba nti omwaami, twikiriize omubeegi eyakobere nga akyaali mwoomi nti; enaku nazaali yakalawo eisatu ndi yiimbooka. ⁶⁴Ale duumira baliindiirye kyaarumwe, amalaalo okwiikya ekyakusatu, abeegesya baamwe bayiinza okwiiza okumwiibba, bakobe abaantu nti Ayiimbokere embaswiire okwaluvanyuma kulisiinga kudi okwasokere.⁶⁵OPiraato nabakoba nti, mwiina abakuumi baanywe mugakuumire kimwe nkanimukusobola. n ⁶⁶Boona nibaaba, nibagakuumira kimwe amalaalo, eibbale nibalitaaku akamanyisyo nabakuumi nga baliwo.

¹Naye olunaku lwasabbiti nga luli ampi okuwaaku, nga olunaku lwaluberyeberye omunaku omusanju lulampi okukya Malyamu Magudalene no malyamu owa kabiri nibaiza okubona amalaalo. ²Bona , niwabbawo okukaankana okooto okuunsi, kubaanga omalaika wamukama yazwiire omwiiguru, naiza nayiringitya eibbale okuriyawo, narikalaku.³Naye ekisani kyaamwe kyaali kikumasamasa, nengoye zaamwe zaali zikweera nko obutiti. ⁴Era okutiinisya kwaamwe nokutintibbalya abakuumi baamwe, nibabba nkabafiire.⁵Naye amalaika nairamu nakoba abkali nti nywe timutiina: kubba nkukimanya nti mukutoolya yeesu eya komereirwe. ⁶Taliwo anii, kubba azuukiire, nkaniyakobere. mwiize, mubone ekifi omukama mweyagalamiire. ⁷Mwaabe maangu, mukobere abagobeeri baamwe nti azukiire omubaafiire; bona abakukulembera okwaaba eGaliraaya gyemwaali mubonera: boona mbakobeire.⁸Nibazwa maangu okuntaana,nentiisa namasanyu riingi, nibairuka okubea abgobeeri bae, ⁹Bona oYeesu nabaitirana nakoba nti mireembe. nibaiza nibamukwaata okumagulu nibamusia. ¹⁰Awoo oYeesu nabakoba nti timutiina, mwabe mukobere abagaanda baange nti baabe EGaliraaya nijo balimbonera.¹¹Naye nibaali bakwaba, bona abakuumi baamwe nibaiza omukibuga, nibakobera abakabona abakulu byoona byoona ebibbairewo. ¹²Nibakuumbana amwe nabakaire nibateesaganya amwe. nibabaweerya effeza ziingi, ¹³Nibakoba nti mukobaanga abagobeeri baanywe baizire obwiire niba mwiibba iswe nga tubbasrye.¹⁴Naye ekigaambo kini nimwaali kikobera abaisaza, twaali muwooya wooya nyweena tuli bayaku emusaango. ¹⁵Boona nibatwaala efeeza, nibakola nkanibabalagiire: ekigaambo kini nikiizula eBuyudaya paka olwaleero.¹⁶Naye abagobeeri eikumi noomwei nibaaba EGaliraaya, okulusozi oYeesu gyeyabalagiire. ¹⁷Nibamubweine niba mugulumiza:n naye abaandi nibatamwekakasa.¹⁸oYesu naiza nabaza nabo, nakoba nti mpebeibwe obuinnza bwo bwona omiguru okunsi. ¹⁹Kale mwabe, mufule amanga gonna abagoberi, nga mukubaatiza okwingira omwibara ryaite waiswe nomwana nomwoyo omwikiri²⁰Nga mubegesya okwata byona binabalagire nywei; era bona, nje ndi amwe nanywe enaku zoona, okwika emirembe gini nigiwawo.

¹Onkutandikwa ya ngiri ya yesu kristo, omwana wa nyamwanga ²Nka bweyawandiikibwe omumulangi o Isaaya nti bonna, nje nkutuma omukwendwa wange omu maiso gaamu, alisayiirya omwanda gwamu; ³eiraka ryange okubazira aigguru omwirungu nti mutereeze omwanda gwa mukama⁴Oyokaana ayabatiize omwirungu yaizire na buulira okubatizibwa okwa kweiramu olwa kuyibwaku ebibbi. ⁵N'ensi yoona eya Buyudaaya nabayerusaalemi boona nibazwaayo nibaiza gyaali ne babatizibwa omu mwiigga Yoludaani nga bakwatula ebibbi byabwe. ⁶N'oyokaana yazwaalanga byoya bya nkaina, n'olukobba lwa kisaato omunkeende yaamwei, ng'akulya ensyenene n'ojjuuru wa bwoki obwa mukiisiko.⁷Nakoba engiri nga akubakoba nti akwiiza emabega wange niye akunsiiga amaani. ⁸Nje nabatizire n'amaizi, naye ooyo ali babatiza n'omwoyo akwera.⁹Awo olwaikire omu biro ebyo o Yesu nazwa e Nazaaleesi ekya Ggaliraaya naiza okubatizibwa o yokaana omu yoludaani. ¹⁰Amangu ago niyazwiire omumaizi, n'abonna eigguru nga ly'onokere, n'omwoyo nga akwiiza ku niye nkkonkaiba ¹¹N'eirakka ne rizwa omigguru nerikoba nti "niiwe mwana wange gwe nnyeendya, gwe nsemeerwa omunno.¹²Amangu ago omwoyo n'amupekera omwirungu. ¹³Namalayo omwirungu ebiro amakumi'anai nga akusendasendebwa o sitaani; nabba amwei n'ebituggwa; abamalaika ne bamweereza.¹⁴Awo oyokaana nga amaare okuweebwayo, o yesu naiza e Ggaliraaya, nga okubuulira engiri ya nyamwanga. ¹⁵Nga akukoba nti obwire bwikire, obwa mukama bwa nyamwanga busembeire, mwikirize engiri.¹⁶Ni yaali nga akwakala oku peembeeni ga nnyaanja eya Ggaliraaya n'abona o Simooni n'Andereya omuganda wa Simooni nga bakunagga ekitiimba omu nnyaanja, kubba baali bateggi. ¹⁷O yesu naiza anbakoba nti "mwize museengeerye, ndi bafuula abateggi ba bantu" ¹⁸Amanguago nibalekawoebitiimba byabwe nibaaba naye.¹⁹Ni yasenbeireku omumaiso kadooli, naona o Yakobbo omwaana wa Zebbedaayo n'oyokaana omuganda waamwei, abo boonaboona baali muryato nga ba kuyuunga ebitiimba. ²⁰Amangu ago nnabeetta: ne baleka awo oite waabwe o Zebbedaayo omuryato nga ali naabo abapakasi nibamuseengeerya.²¹Ne baingira e Kaperunawumu, amangu ago okulunaku lwa ssabbiiti naingira omwikumbaniiro nayegesya. ²²Nebawuninkiira olwa kwegesya kaamwei; kubba yabegeserye nga niye akukuura, naye tinkomuwandiiki.²³Amangu ago omwikumbaaniro ryabwe mwalimu omuntu eyaluuku o dayimooni omubbi, n'akuunga. ²⁴nga akukoba nti akutujjunaana ki, yesu owa Nazaalesesi? Oizire okutuzikiirya? nkkumanya we, we oli mwikiiri wa Nyamwanga. ²⁵O Yesu n'amubwoigoora nga akumukoba nti bumbbaku, muzweeku. ²⁶o Dayimooni namwonola n'akuunga eirakka erikooto namuzwaku.²⁷Nibawuninkiira boona, nibabuulyangana nga bakukoba nti kiki kini? Okwegesya kuppya! abazza n'obuyiinza odayimooni namuwura. ²⁸Amangu ago eirakka lyamwei neriwuurwa e byaalo byoona ebiggereire e Ggaliraaya.²⁹Amangu ago nibawulukire omu kumbaaniiro nibaaba n'oyakobbo n'oyokaana omunyumba ya SSimooni, n'Andereya. ³⁰Awo omawamwei omukali wa Simooni yaali nga agalamiriire nga alwaire omusujja, amangu ago ne bamukobera gyaali, ³¹naiza n'amukwata okumukono n'amwimula, omusujja neggumuwaako, n'abawereza.³²Awo olwaigolo, eisana nga ligwiire, nebamuletera abalwaire boona, naabo abaluku o dayimooni. ³³N'ekibugga kyoona nekikumbaanira oku wakaanki. ³⁴Nawonia baingi abaali balina endwaire eziingi, napekka ezidayimooni baingi natabaikiriza kubazza kubba bamumaite.³⁵Awo omukibbambya omuno, nga bukyakwaite, naimuka nayaba omwirungu, n'asabira eyo. ³⁶O Simooni naabo beyaali nabo nibamusengeerya. ³⁷Ne bamubona nibamukuba nti bonna bakutoolya.³⁸Nakoba nti twabe ewandi omubibugga ebiri ampii mbuliire ne'eyo, kubba ekyo nikyo kyinaiziriire. ³⁹Nayingira omu makumbaaniro gaabwe omu Ggaliraaya woona, nga akubuulira ng'akupekka ezidayimooni.⁴⁰Omugongobali naiza gyaali, nga akumwegayiira nga akumufukamiira nga akumukoba nti "niwaabba nga okwendya, okusobola okunsayiirya" ⁴¹Namusasira, nagolola omukono gwaamwei n'amukwataku namukoba nti nkwendya; longooka. ⁴²Amangu ago ebigenge byaamwei nibimuzwaku nawona.⁴³N'amukuutira munno amangu ago n'amusindika. ⁴⁴Namukoba nti bonna tokobera muntu; yaba werange eddi oisabakabonna, oweeyo olwa kuwona kwaamu kwe yalagiire okubba omujjuurwa gye bali.⁴⁵Yeena n'awuluka, nasooka okukyikobera munno n'okweruguurya ekigambo natayinza o yesu okwingira omukibugga mulwaatu, yeena yaali nzzai mu maruungu, ne baiza gyali nga bakuzwa woona woona.

¹Awo ebiro nibyayakairewo naingira omukaperunawuma, ne kiwuurwa ngali munyumba. ²Nibakumbaana baingi nokwikawo nibataikkawo newankubbaire omumulyango: nabuulira ekigambo.³Niwaiza abaleetere omulwaire aseneenere nga bamweetikire banai. ⁴Naye nibalemerwa okumwigereera ampi olwakibiina ekikooto nibaswekula okukasolyai kanyumbu mweyaali nibateekawo ekituli, nibamuteeka okukitanda ayaseenereire kweyaali agalamiire.⁵O yesu niyabweine okwikiriza kwaabwe nakoba aseenenere nti; "mwana wange ebibbi byamu bikwiyirweku". ⁶Naye waaliwo abakalaani abamwei nga baikaire nga bakulowooza omumyoyo gyaabe nti, ⁷oni kiki ekikumbazisya kityo? Akutujwooga: naani ayinza okuyawo ebibbi okuyaku omwei, niye Nyamwanga.⁸Amangu ago o yesu niyategeire omumwoyo gwamwei nga bakulowooza batyo omunda yaabwe nabakoba nti kiki ekikubalowoozesya kityo omumyoyo gyaanywe? ⁹Ekyaangu nikyo kiraiyi, okukoba akoozimbire nti ebibbi byamu bikwiyibweeku: oba okukoba nti nkkukoba imukka, weetiike ekitanda kyamu, oyaba?¹⁰Naye mumanye nti omwana wamuntu alina obuyinza okuyaku ebibbi nakoba aseeneerere nti, ¹¹nkukoba, imukka, weetiike ekitabu kyamu, oireyo omunyumba yaamu. ¹²Naimukka, niyeetiika amaangu ago ekittabu, nawuluka omumaiso gaabwe boona, awo nebeewuunya munno nibatutumukya onyamwanga nga bakukoba nti tetukibonaangaku tuti.¹³Nazwaayo era nayaba okulukeitto lwa nnyaanja ebibinja byoona byoona nebaiza gyaali, nibegesya. ¹⁴Awo niyaali akwaakala, nabona o Leevi omwana wa Alufaayo nga aikaire omwiwoozero namukoba nti, "Nsengeerya". Naimuka namuseengeerya.¹⁵Aawo niyaali nga aikaire omunyumba yooyo nga akulya, abawooza banyamwingi, nabaalina ebibbi, nebaikaara amwei no Yesu nabeegesebwa baamwa, kubba baali baingi abaayabire naye. ¹⁶Abakalani abambafalisaayo niibamubweine nga akulya amwei nabaalina ebibii, nabawooza, nibakoba abeegesebwa baamwei nti akuliira ate nannyeera amwei nabawooza nabalina ebibbi.¹⁷Awo o Yesu niyabawuliire nabakoba nti aboomi tibeendya basawu, wabula abalaire: tinaizire kwetta abaikirire wabula abalina ebibbi.¹⁸Awo obeegesebwa bayokaana nabafalisaayo baali nga bakusiiba, nibaiza nibamukoba nti "kiki abeegesebwa ba Yokaana na b'Abafalisaayo ekikubasiibisya nga abeegesebwa baamu tebakusiiba? ¹⁹o Yesu nabakoba nti abaana babugole bayinza batyai okusiiba nga awasire omugole ali nabo? omubwiire bwoona ngabali n'awasire omugole tibayinza kusiiba.²⁰Naye ebiro biriika ,awasire omugole nalibayibwaaku: nibaanga nibasiiba okukiro ekyo. ²¹Ndoowo muntu attuunga ekiwero kyalugoye oluppya okukizwaalo ekikaire, nikibba kiyto kiddi ekyakuswekebwawo kikutula kiddi, ekikaire ekikwiiza ekituli nikyeeyongera.²²Era ndoowo muntu asukka mwenge ogusai munsawu zabisaato ebikaire: nikibba kityo omwenge gwaatya ensawu ezabisaato ate omwenge amwei nensawu ezabisaato byoona nobifweerwa. Naye omwenge oguppya gusukibwa omunsawu eziyaaka.²³Awo alwaikire yaali nga okutambula omumusiri okulunaku olwa ssabbiiti, abeegesebwa baamwei nebataandika okwaaba nga bakunokola ebirume. ²⁴Abafalisaayo niba mukoba nti bani kiki ekyikubakolesya ekitasaaniire okulunake olwa ssabbiiti?²⁵Nabakoba nti timusomaanga ku Dawudi kyeyakoore, niyaali nga akweetaaga, nalumwa enzala ne beyaali nabo? ²⁶Niyayingiire omunyumba ya Nnyamwanga, Abiyasaali niyaali nga niye omulisya omukulu, nalya emigaati egikweera egitasaaniire kuliiba okuyaku abaliisya abakulu, naguwa nebeyaali nabo?²⁷Nabakoba nti essabbiiti yaaliwo kulwa muntu, naye omuntu tikulwa sabbiiti. ²⁸Nikyo kityo omwana wamuntu niye mukama wa ssabbiiti yoona.

¹Niyamaare naingira omwikiimbaniiro, mwalimu omuntu ayaalina ogukaare. ²Nibamuloleera oba yamuwonia okuro kya sabbiiti, era bamulooppe.³Nakoba omuntu eyaalina omukono ogukaare nti yemeera akati awo. ⁴Awo nabakoba nti kisai oklunaku olwa sabbiiti okukola obusai oba obubbi okuwonia oba okwita? naye baasirikirembe.⁵Naye niyabeetoolweire amaiso nobusuungu, nga anakuwaire olwa kukakanyala okwamyoyo gyaabwe, nakoba omuntu nti golola omukono gwaamu. Nagugolola: omukono gwaamwei niguwona. ⁶Amangu ago abafalisaayo nibazwamu nibeeteesa n'Abaerodi niye nani oku ye, nkanibamulikiirwa.⁷Awo o Yesu nabeegesebwa bamwei nibaaba okunyaanja ebibiina nga biingi nebamusengeerya ebyazwuire e Ggaliraaya ne Buyudaaya. ⁸Yerusaalemi ne'Idumaya enseeri wa Yoludaani, n'abaliraine e Ttuulo ne Sidoni, ebibiina bikooto nibawuliire byakoore nebaiza gyaali.⁹Nakoba abeegesebwa baamwei nti eryato elridooli rimubbe ampi ebibiina bitamwinyigiirya. ¹⁰kubba yawonyerye baingi, nokuggwa abalaire nibamuggwaaku bamukwateku, boona boona baali balina obubonbono.¹¹Dayimooni ezibbi zoona nizamubweineku neziggwa omumaiso gaamwei nezikuunga nga zikukoba nti niiwe omwana wa Nyamwange. ¹²Nabakuutira munno baleke okumwatuukiirya. Awo nateemba okulusozi nebeeta gyaali, abakweendya: nibaaba gyali.¹³Awo nateemba okulusozi nebeeta gyaali, abakweendya: nibaaba gyali. ¹⁴Nayawulamu eikkumi nababiri okubbaanga amwei, era abatumeenge okubuulira. ¹⁵Nokubaanga nobuyiinza okupeekanga emizumu. ¹⁶Simooni namwaalika eibara Petero; n'oYakobbo omwana¹⁷n'oYakobbo omwana wa Zebbedaayo, n'oYokaana, omugaanda wa Yakobbo, boona nabaalika amabara Bowanerege, ekyikutegeeza nti baana bakubbwatuka. ¹⁸no Andereya no Firipo, no Battulumaayo, no matayo, no Tomasi, no Yakobbo omwana wa Alufaayo, no Saddayo, no Simooni omukananaayo, ¹⁹no Yuda Isukalyoti, ayamuliiremu olukwe. Naiza omunyumba.²⁰Ekibiina nekiramu nekikuumbaana nebatasobola nakulya mmere. ²¹Awo abamwei nibawuliire nibawuluka okumukwata, kubba bakobere nti agwiire eiralu. ²²Awo abawundiiki abaserengetere okuva e Yerusaalemi nibakoba nti alinaBeeruzebuli, era nti akupeka ezidayimooni lwabulu by dayimooni.²³Nabeeta gyaali, nabakobereera onungeero nti ositaani appeka atyai ositaani? ²⁴Obukama nibwawukanamu bwonkai na bwonkai, obukama obwo tebusobola kwemeera. ²⁵N'enyumba enyawukanamu yoonkai, enyumba eyo tesobola kwemeera.²⁶Era ositani yeimukiireku yenkai, nayawukanamu, takusobola kwemeera, naye akuwawo. ²⁷Naye ndoowo muntu ayinza kwingira munyumba ya muntu owamaani okwibba ebintu byaamwei nga tasokere kubbwa oyo owamaani, leke aibbe enyumba yaamwei.²⁸Amazuma nkubakoba nti abaana babantu balisasiirwa ebibbi byaabwe byoona, no kutyoboola kwabwe. ²⁹Oyo yeena eyaalinyoomanga omwoyo ogweruki talibba nakusaasirwa emirembe n'emirembe, ³⁰naye yaliirya omusaango ogwa kibbi emirembe n'emirembe: kubba babazire nti alina odayimooni.³¹Awo omamwei nabagaanda bamwei ne baiza, nibamutumira nga bakumweeta nga bemeereire enzai. ³²Nekibiina ekyaali kimaare eibbanga nga bamweruguriirye; nibamukoba nti bonna, omaama waamu n'abagaandaawo bali nzai bakukuswagana.³³Nabairamu nga akubakoba nti omaama niye nani n'abagaanda baange? ³⁴Nabeeruguryamu amaiso abaali nibaikalire embajju zoona nga bamweruguriirye nakoba nti bonna, Omowange n'abagaanda baange! ³⁵Kubba omuntu yeena ayakukolaanga oNyamwanga byayeendya, oyo niye muganda wange, niye mowange.

¹Era natandika okwegeseryanga okulukeitto lwannyaanja, ekibiina ekikooto omunno nekikumbaanira waali, nokusomoka nasomoka omukaato, naikaara omunnyaanja; ekibiina kyoona nekyibba oku nnyaanja okumutala. ²Nabegesya bingi omungeero, nabakoba omukwegesya nti;³muwuliirye, bonna omusigi yawulukire okusiga: ⁴awo olwaikire naiyaali nga akusiga, ezimwei nizigwa okuntaando wanzira, ennyonyi niziiza nizzizirya. ⁵Neziindi niziggwa awaali omwandaara awataali itakali liingi, amangu ago nezimera, kubba eittakali tiryaali rirai;⁶eisana niryayakire, nizootoka, olwakubba nti tizaalina mmizi, nezikala. ⁷ezindi niziggwa awaali amawa, amawa nigaroka, nigaziita nizitabala bibala⁸eziindi nizigwa okwitakali erisai, nizeera nibikula nibyeeyongera nizibyaala okwiikya amakumi assatu era okwikya enkaaga era okwikya ekyikumi. ⁹Nabakoba nti alina amatwi agakuura, awure;¹⁰olwo niiyaali yenkai, abo abaali bamwetooloire neikumi nababiri nibamubuulya okungeero ezo. ¹¹Nabakoba ntii nnywe mwaawebweibwe ekyaama ekyabukama bwaNnyamwanga; naye baddi abanzai, byoona bibbenge byangeero. ¹²Nibabona babona naye tibeetegereza; era nibawura bawura naye tebategeera; era baleke okukyuuka okusasirwa.¹³Nabakoba nti, temumaite lugero luni? ale mwaalitegeera mutyai engeero zoona? ¹⁴omusigi asiga kigambo. ¹⁵Bani nibo abakuntaando yaanzira, ekigambo nekisigibwa, olwo nibaawura, amangu ago o sitaani naiza naiyamu ekigambo ekyaasigiibwe omwaabo.¹⁶Nabani batyo abaali basigiibwe eddi omwandaara, abo, nibawura ekigambo amangu ago baikiriza nokusemeerwa okwingi; ¹⁷nibatabba mmizi omu bo, naye baamaare obwiire budooli, awo niwabbaawo okubona obujjune oba okwaisaisainibwa olwa kigambo, amangu ago nibenyinyala.¹⁸Nabandi abaalii basigiibwe awaali amawa, nibaawuliire ekigambo, ¹⁹awo emiteeru jansi n'obubeyegi bwabuguuda, n'okwegomba kwabindi byoona nebingira bizikya ekigambo ni kitayala. ²⁰Naabo abasigiibwe ewaali eitakali erisai, abawura ekigambo, abakyiikiriza, abeerya ebibala amakumi assatu, n'enkaaga n'ekikuumi.²¹Nabakoba nti ettaala ereetebwa okutekebwa omunda wakiibbo, oba ansi wa kitanda netateekebwa aiguru okukikondo. ²²Olwokubba ndoowo kibbisibwa, naye kiryetejebwa gonze ekyaabbisiibwe naye kyaaliboneka mu lwaatu. ²³Buli alina amatwi agakuura, awuliirye.²⁴Nabakoba nti mwekuume kyamukuura, mu kippimo jje muppimira naanywe nimwo mwaali ppimirwa era mulyongerwaaku. ²⁵Kubba, alina aaliweebwa, natalina aliyiibwaaku neekyo kyalinakyo.²⁶Nabakoba nti obukama bwa Nnyamwanga buli buti; nk'omuntu miisa ensigo okwitakali; ²⁷nabbasya naimuka ebwiire n'omuiyangwe n'ensigo nemera nekula y'engatamaite niyameere. ²⁸Ensi ebalya yonkai, okusooka kalagala, ate kirimbi ate engano ejikulu omu kirimba. ²⁹Naye emmere neyengera, amagu ago ataaku olusolobyo, kubba amakungula gaikire.³⁰Nakoba nti twabiisanisya tutyai obukama bwa Nnyamwanga? Nandi ki twabunyonyoora ku kifaananyi ki? ³¹Bukwiisana nka appekke aka kaladaali, ako nikasigibwa omwitakali, yadde nga niko kadyooli okusinga ensigoo zoona eziri omunsi, ³²naye nikasigibwa nga kakulu, kabba kakooto okusiinga omukubi gwoona, kanaga amataagi agakooto kale era ennyonyi zamwibbaanga nezisobola okwiikaara ansi wakiituuru kyaagwo.³³Nabakoba ekigambo omungeri ziingi nkeezo, nka nibayinza okuciwuura, ³⁴tiyabazire nabo nga ndoowo ngeero, naye namanyisyanga abegesebwa baamwei niye byoona mukyaama.³⁵Awo olunaku olwo nibwaali bukusweka, nabakoba nti tusomoke twiike enseeri weedi. ³⁶Nibaleekere ekibiina, nibamutwaara omubwatto era nobwaato obundi bwaali naye. ³⁷Awoo ekiwuungo kiingi nekiiza, amayengo gaingi negasenseka omu bwaato, nakaato kaali nga kakwaaba kwizula.³⁸Ye omwenyenere yaali abasirye omu kiwenda oku kigugu, nibamwiimula nibamukoba nti omwegesya tokufaayo nga tukufa? ³⁹Naimuka, nabwoigoora ompuungo, nakoba ennyaanja nti Sirika, weteeke. ompuungo naggwa, nebba jiteeki munno.⁴⁰Nabakoba nti kiki ekibatinisya? Mucaali kubba nakwikiriza? ⁴¹Nibatiina okutiina okukooto, nibakkobangana nti ale oni ye niye nani, kubba ompuungo n'ennyaanja bimuura?

¹Nibaika enseeri wa nnyaanja omunsi y'Abagerasene. ²Niyazzwire omutulo, amangu ago omuntu ayaluku o dayimooni ayazwiire omumbi namutangarana.³Eyasulanga omumbi nga ndoowo muntu akyasobola kumubbwa, newandibaire olujegere. ⁴Kubba emirundi jiingi yatekeibweku omu masamba no munjegere, enjegere nazikutula na masamba nagamenyawo: ne watabbaawo muntu wamaani akumusobola.⁵Era buliizo, obwiire no mwiyangwe, yakungiranga omumbi no kunsozi niyeesala n'amabbaale. ⁶Bwe yabweine o Yesu nga akyaali alai, nairuka munno okumuramya, nakuunga neirakka rikooto.⁷Nakoba nti "okundaaki, ali aiguru omunno? nkulaiyire Nnyamwanga, tomboneerya". ⁸Obanga yamukobere nti Zwa oku muntu oni, we muzumu.⁹Namubuulya nti eibara ryamu niiwe nani? ngumukoba nti eibara ryange niinje Liigyoni; okubba tuli baingi. ¹⁰Na mwesengeerya munno aleke kubappeka munsi eyo.¹¹Awo okulusozi waaluwo eigana lya mberege nga ziingi nga zikulya, ¹²namweseengerya nga akumukoba nti tusindike omu mberege twingire omwo. ¹³Namwikiriza, o dayimooni nazzwa, naingira omumberege; eigana niribbubbuluuka nirisirituka mpaka omunnyaanja. Zaali nk'ebikumi bibiri, nezifweera omu nnyanja.¹⁴Awo abazirisyaanga nibairuka nibakobera abaali omukibuga, naabo omubyalo nebaiza okubona bibaireyo bwebibbaire. ¹⁵Nebaikka awali o Yesu nebabona eyaliku o dayimooni nga aikaire nga azwaire nga alina amagezi, oyo ayaaluku Liigyoni ne batiina.¹⁶Abaabweine ni banyonyola ebimubaireku oyo eyaliku emizumu era ne byamberege. ¹⁷Nibatandika okumwesengeerya okuzawa omunsaro zaabwe.¹⁸Awo niyaali nga akusomokka omu lyaato, oyo ayaluuku o dayimooni namweseengeerya abbe naye. ¹⁹Natamwikiriza, namukoba nti yaba eka omwabo, obakobere nka nibiri ebikulu o Nnyamwanga bya kukoleire ne bwakusasiire. ²⁰Nayaba nga akubaza omu Dekapoli nkanikiri kikulu o Yesu bye yamukoleire abantu boona nibeewuunya.²¹Awo Oyesu niyasaare ennyaanja naika enseeri omulyaato, abantu baingi inbakuumbanira weyaali, niyaali okulukeito lwa nyaanja. ²²Omwei okubakulu omukibiina ekye, eibara ryamwei Yairo naiza niyamuboine nafukamira okumagulu gaamwei. ²³Namwesengeerya munno nga akumukoba nti omwano wange omutto alampi kuffa, nkwesengereirye oize omutekeku omikono gyaamu aire omumbeera zaamwei, ayimbooke. ²⁴Nayaba naye; ekibiina ekikooto ne kimusengeerua nibamuninyigiirya.²⁵Awo omukali ayaali alwaire ekikulukuto enka musaayi emyaka ikumi naibiri. ²⁶Yetolwere munno omubasawu baingi nawangaoy byoona byeyaalina, natajjunibwa naye niyeyongerangambe okulwala. ²⁷Neyawuliire ebigambo bya Yesu naizira omukibiina emabega waamwei nakwaata okuciizwalo kyamwei.²⁸Kubba yakobere nti nebweyakwaata okukizwaalo kyamweimbe yawona. ²⁹Amangu ago ensulo yamusaayi nekala, niyetejja omumubiri gwaamwei ng'awonere ekibonobono kyamwei.³⁰Amangu ago o Yesu bwetejerye omunda yamwei amaani agamuzwiiremu, nayinduka omukibiina nabakoba nti nani akwaite okukizwaalo kyange? ³¹Abegesebwa bwaamwei nebamukoba nti boona ekibiina nekyikunyigiirya, n'okoba nti "Nani ankwaiteku?" ³²Niyerugurya amaiso okubona oyo akoore ekigambo ekyo.³³Naye omukali nga akutiina nga akukakana nga akumanya kyabbaire, naiza nakubba amajjwiomumaiso gaamwei, namukobera amannanu goona. ³⁴Namukoba nti omwala, okwikiriza kwaamu kukuwonerye; weeyabire n'emirembe, owonere kimwei ekibonobono kyaamu³⁵Awo niyaali nga akyabaza, abazwiire ewamukulu waikumbaaniro nibaiza, nga bakukoba nti omwara waamu afwiire; okugaddiryaaki omwegesya?³⁶Naye oYesu natatekaku omwoyo okukigambo ekyabaziibwe, nakoba omukulu wa'ikumbaaniro nti "otatiina, we ikiriza". ³⁷Nataikiriza muntu yeena kwaba naye okuyaku o Peteero, no Yakobbo, no Yokaana, muganda wa Yakobbo. ³⁸Nibaika omunyumba ya mukulu wa'ikumbaaniro, nabona okulaajana, n'abakukuunga, n'abakukubba ebiboobo ebiingi.³⁹Awo niyaingire nabako nti kiki ekikubalaajania n'okubakuunja? omwala tafwiire, naye abbasiryeembe. ⁴⁰Nebamusekeera munno. Naye niyabawulukyirye boona, natwala oite wamwaala n'onyinawaamwei naabo abaali naye, naingira omwala waali.⁴¹Awo nakwata omukono gwa mwaala, namukoba nti "Talusa kumi" ekimanyisya nti mwala, nkukoba nti "Imukka" ⁴²Amangu ago omwala naimukka, natambula; kubba yaali yakamala emyaka ikumi naibiri. Amangu ago nibawuniinkiira okuwuniinkiira okukooto. ⁴³Nabakuutira munno buli muntu yeena atakyetejja ekyo; Nabalagira okumuwa ekyakulya.

¹Nazwayo naiza omunsi yawabwe, abegesebwa nibaaba naye. ²Awo ssabbiiti niyaikire, natandika okwegesya. Omwikumbaaniro: abaingi nibamuwuliire nibewunaica, nga bakoba nti oni ebyo yabiyire ayi? are nti magezi ki gani geyaweirwe oni, era ebyamagero ebyenkaniire ani bikoleibwe omukono jaamwei. ³Tiniye oni omubaizi, omwana wa Maliyamu, muganda wa Yakobbo, n'oYose, n'oYuda, n'oSimooni? nabagande abaala tetulinabo ani ewaiswe? nibamwesittalaku.⁴Oyesu nabakoba nti omulangi tabulwa kitinisya okuyaku omwiyaanga yaabo, n'omukikka kyamwei, n'omunyumba yamwei. ⁵Naye tiyasobweire kukolaye kyamagero kyoona naye yateekere emikono jjamwei okubalwaire abadooli n'abatamba. ⁶Niyewuunya olwabutaikiriza bwabwe. Niyerugurya omumbaju nembaju zoona nga akwegesya.⁷Nayetta jaali eikumi nababiri, natandika okubatuma babiri babiri, nabawa obuyinza oku dayimooni. ⁸Nabalabula obutatwala kintu kyoona kyoona omunzira okwiyaku omwigo gwonkai, timmere, wade ensawu, wade ekyikomo omunkobba zaabwe, ⁹Naye ngabananikire enkaito, era temuzwaalanga kanzu ibiri.¹⁰Nabakoba nti buli nyumba yoona jemwakwingiranga mubeenge omwo okwikya lwemwaazwaayo. ¹¹Buli kyiffo kyona ekyitalibaikiriza, obutabawura, nimwazwangawo, mukubbaigulyanga ocucu ali okumagulu gaanywe abibba omujjuurwa gyebali.¹²Nibaaba nibakoberaabantu okweinenya. ¹³Nibappeka emizumu jiingi, nibasiiga amafutta okubalwaire baingi nibabatamba.¹⁴Awo omukama oKerodi namuwura, kubba eibara ryamwei ryatikiriire, nakoba nti oYokaana omubatizza ayimbookere omubafu, amaani goona jigazwiire gakoora muniye. ¹⁵Naye abaandi nibakoba nti niye Eriya, abandi nibakoba nti mulangi omwei okubalaangi.¹⁶Naye o Kerodi, niyawuliire nakoba nti o Yokaana gunatemereku omutwe nje, niye ayimbookere. ¹⁷Kubanga o Kerode okenyini yatumire, nakwaata oYokaana, namubbwa, namuteeka omukoomera olwa Kerodiya, omukali wa muganda waamwei o Filipo: kubaanga yamuswoire.¹⁸Kubaanga o Yokaana yakobere o Kerode nti kibba kyamuzizo gwamwei okubba n'omukka mugaande. ¹⁹N'oKerodiya ciyazwiremu namulaalika nayeendya okumwiita, natayiinza. ²⁰Kubanga oKerode yatiinire o Yokaana, nga amumaite nti musai, mwikiiri namwetegekera. Yayendyaanga munno okuura byakubaza, nayete byamulekere nga takumanya calina kukola.²¹Awo olunakku olusai nilwaikire,oKerode nilwo yasuumbiire abakukunali bamwei; nabakukunali ba basirikale, nabaami ba Ggaliraaya: ²²Awo omwaara wa Kerodiya omwenyini niyaizire nabina, o Kerode naabo beyaali aikaire nabo nga bakulya nibamusiima, awo omukama nakoba omwala nti nssaba kyoona kyokwendya nacikuweerya.²³Namulairira nti kyoona kyoona kiwasaba, nacikuweerya yade ekitundu kyabukama bwange. ²⁴Awo nawuluka, nakoba onyiina nti nssaabe kiki? namukoba nti omutwe gwa Yokaana omubatizza. ²⁵Amangu ago nalabuka naiza ewa mukama, nasaba, ng'akukoba nti nkwendya ompeere mpani ati okulusania omutwe gwa Yokaana omubatiza.²⁶Awo omukama nanakuwala munno, naye olwabirayiro byamwei, naabo abaali baikaire naye nga bakulya natayendya kumwiima. ²⁷Amangu ago omukama natuma omusirikale omwambala nsaale, namulagira okuleeta omutwe gwamwei; nayaba namuttemaku omutwe omukomera, ²⁸naleeta omutwe gwamwei okulusaniya, naguwa omwaala, n'omwaala naguwa omamwei. ²⁹Awo abegesebwa bamwei nibawuliire, nibaiza nibatwaala omutumbi gwamwei, nibaguteeka omuumbi.³⁰Abakwena nibakumbanire awali o yesu, nibamukoba ebigambo byoona byebakoore, nebyebayegeserye. ³¹Nabakoba nti mwize nywenkai nywenkai mukyaama omukifo omutali baantu muwumulemuku kadooli. Kubaanga waliwo baingi abakwiiza nibaaba, ate nibatabba naibaanga yade awakuliira. ³²Nibaaba omuryato mukyaama omukifo awattali baantu.³³Nibabona nga bakwaba, baingi nibabamanya naabo abazwiire omubibuga byoona nibairuka nokulukalu nibabasookayo. ³⁴Niyazwiire omuryaato nabona ebibiina nabasasiira kubanga baali nk'etaama ezitalina muliisya, natandika okubeegesya ebigambo bingi.³⁵Awo obwiire nibwaali bwakaire abegesebwa bamwei nibaiza weyaali nibakoba nti ekifo kini irungu, naati obwire bwakaire: ³⁶Basiibule, baabe omubyaalo n'omubibuga bya kumbajju zoona beguure emmere.³⁷Naye nairamu nabakoba nti "nnywe mubawe emmere". Nibamukoba "nti twabe tugule emigaati ja dinaali ibiri tujibaweerye? ³⁸Nabakoba nti mulina emigaati jiingai? mwaabe mubone. Nibaategeire nibakoba nti itaanu nebinagge bibiri.³⁹Nabalagira baikale boona bibiina bibiina okwisubi. ⁴⁰Nibaikaara nyiriri nyiriri, ekikumi n'ataanu. ⁴¹Nakwaata emigaati etaanu nebinagge bibiri nalola aiguru niyebalya, namenyamu emigaati nawwa abegesebwa baamwei babiteeke omumaiso gabaddi nebinagge ebibiri nabigabira boona.⁴²Nibalya boona nibaikutta. ⁴³Nibakumbaania obumulunguki nibwizula ebiibbo ikumi nabibiri, nebinage. ⁴⁴Abo abaalire emigaati baali abasaiza enkuumi itaanu⁴⁵Amangu ago nawaliriza abegesebwa baamwei okuseyeeya okuryato basookeyo enseeri wamitala e Besusayida leke ye amale okusiibula ebibiina. ⁴⁶Awo niyamaare okubasiibula nayaba okulusozi nasaba. ⁴⁷Awo nibwali bukuswekeerya eryato ryali akati munnyaanja yete ng'ali yenkai okulukalu.⁴⁸Awo niyabweine nga bakugadda okugiimba kubanga ompuungo yaali nga akuwuluka mumaiso, omukisusumuko ekyakanai naiza jebaali okunyaanja nga akutambula; yaali akwaba kubaakalya: ⁴⁹naye bo nibamubweine ng'akutambuura okunyaanja, nibalowooza nti kifaanaanyi, nibakuunga; ⁵⁰Kubanga boona boona baamubweine, nibatuntura naye amangu ago nabaza nabo nabakoba nti "Ninje oni, mutatiina".⁵¹Naniina omuryato mwebaali, ekiwuungo nikiffa nibewunaija munno omunda yaabwe; ⁵²Kubanga ebyamigaati tibabitegeeranga naye emyoyo jaabwe jaali jikakanyali.⁵³Awo nibasomokere nibaiza omuunsi eya Genesaleti, nibaika okulukalu. ⁵⁴Awo nibaazwire omuryato amangu ago nibamutegera. ⁵⁵Nibairuka niberuguryamu omwo mwoona, nibatandika okwimuura abalaire okubitaanda okubaleeta webawuranga waali.⁵⁶Nabuli jiyayabanga, omumbuga, oba mubibuga, abamubyaalo, basangire abalwaire mubutale nebamwegaire bakwateku okumudalizo gwalugoye lwamwei; naabo abamwikangaaku nibawona.

¹Nibakuumbaana awli Abafalisaayo n'Abawandiiki abamwi abaligiire eYerusaalemi nibeekumbanirya jeyaali.²Era abandi nibabona abegesebwa baamwei abamwei nga bakulya emmere yaabwe nengalo ezitali zinaabe. ³okubba Abafalisaayo, n'Abayudaaya, nibataanabire munno mungalo zaabwe, tibaalyanga, kubanga bakwaata emikiirokiiro zabakaire. ⁴Era nibaazwa omukatale, nibatanaaba, tibalya: era waliwo nebindi bingi bibaweebweibwe okukwaata, okunaabyanga ekikompe; nebibya, nebinaga ebya bikomo.⁵Abafalisaayo n'abawandiiki nibamubuulya nti kiki abegesebwa baamu ekibalemeserye okutambuura omu mikiirokiiro obwabakaire, naye bagumya galya mmere n'engalo ezikwiiragura?⁶Nabakoba ntini "o Isaaya yalagwiire kusai eddinywe abannankwe, nkebwe kyaawandikiibwe nti abantu bani bateekamu ekitiinisya kyakuminwa, naye emitima zaabwe zindi alai" ⁷Yeni bansinzira bwere nga bakwegesya amateeka gabantu byebaakwatanga⁸muleeka eitteeka lya Nyamwanga, nimukwaata emikiirokiiro jabantu. ⁹Nabakoba ntini mugaanira kakyaarumyei kusai eitteeka lya Nyamwanga, era mukwaata emikiirokiiro zanywe! ¹⁰Kubba oMussa yabazire nti attangamu oiteewo ekitiinisya n'omaawo; era nti eyalizumanga oite waamwei oba omaamwei, bamwittangambe.¹¹Yeni nywe mubaza nti omuntu nakoba oite wamwei, oba onyina wamwei nti kyoona kyenandikuwairye okkugassa nijo Kolubaani, ekimnyisibwa nti kitone kya Nyamwanga. ¹²Timukyamuganya okukoora ekintu oitaamwei obundi omawamwei. ¹³Mudibya ekigambo kya Nnyamwanga olwabukiirokiiro bwaanywe, bwe mwayegeserye; era mukkola ebigaambo ebiindi bingi nke'ebyo.¹⁴Ate nayetta ebibiina, nabakoba nti mumpuure nyweena, mwetejje. ¹⁵ndoowo kintu kiri enzai wamuntu nikiingira omunda mwamwei, kiyyinza okumusiisa, naye ebyo ebimuzwaamu ye, ebyo nibyo bisiisa omuntu. ¹⁶Buli ayina amatwi agakuura, awure.¹⁷Awo niyaingire omunyumba nga azwiire ombibiina, abegesebwa baamwei nibamubuulya olugero olwo. ¹⁸Nabakoba nti "nimwo mutyo nyweena timulina magezi? temwetejje nti kyona ekiri enzai nikiingira omuntu, tikisobola kumusiisa. ¹⁹Kubanga tikiingira mumutima gwaamwei: naye omunda yaamwei, nicakalla nikyaaba omukiigo? yaizire atyo nga akusaayirya ebiriibwa byoona.²⁰Nabakoba nti ekizwa omumuntu; nikyo kisiisa omuntu. ²¹Olwakubba omunda, Omumitima jabantu, muzwaamu ebirowoozo ebibbi, obwenzi, ²²okwiibba, okwiitta, obweenzi, okwegomba; obubbi, obulyaaki, omwoloonko, erriso eribbi, okusekeeteera, amawoole, obusurru. ²³Ebibbi ebyo byoona bizzwa munda nibisiisa omuntu.²⁴Nagalabbuka, nazwaayo nayaba mu mbibi eza Ttuulo ne Sidoni, nayingira omu nnyumba natayendya muntu kweteja, ateni natasobola kweibbisa. ²⁵Era amangu ago omukali eyalina omwara aliku o dayimooni, yamuwulire naiza nafukamira okumagulu gaamwei. ²⁶Omukali yaali Muyonaani eiyanga lyaamwei Musulofoyiniiki namwesengeerya okuppeka o dayimooni okumwara waamwei.²⁷Namukoba ntini leka abaana bamaliirye okwikutta kulwakubba tikisai kwiriira mmere yabaana kujjinagira mbweene. ²⁸Yenite nairamu ng'akoba nti nimwo otyo mukama wange n'embweene ziriira nsi wameenza obukunkumuka obwabaana.²⁹Namukoba nti okulwakigambo ekyaamu, weirireyo; o dayimooni azwiire okumwaara waamu. ³⁰Nairayo munyumba yaamwei, nayajja omwara ngabamugalamirye oku kitanda, n'odayimooni ng'amuzwiireko³¹Ate nazwa omu mbibi eza Ttuulo, naiza nayakala omu Sidoni n'akati omu mbibi eza Dekapoli naika okunnyaanja eya Ggaliraaya. ³²Nibaleeta okiigara, ate nga takubaza kusai nebamwesengeerya okumutaaku omukono gwaamwei.³³Namuiya omu kibiina mukyaama, namuttaaku emikono namatwi gamwei, nacwa ebicwantai namwikya okululumi. ³⁴Narola aiguru omwiguru, natinda namukoba nti Efasa, nikwo okukoba nti ziguluka. ³⁵Amatwi gaamwei nigaiguka nentandikwa yalulimi lwaamwei nelusandabuka nabaza kusai.³⁶Nabakimirya baleme okukobera omuntu: naye nkebweyeyongeire okuumirya, nibeeyongere omunno okukibunisya. ³⁷Nibaiwunaaca munno ni kini kakitalo nga bakkoba nti byoona akoore bisai; aiggula abaiggali bamatwi, era abazisya abakibbubu.

¹Awo omubiro ebyo, ebibiina nibyeyongeire obwingi, nibatabba nammere, nayeta abegesebwa baamwei nabakoba nti; ²Nkusasira ebibiina, kubanga eleero ebiro bisattu nga bali naanje, so tibalina mmere. ³ninabasiibula okwirayo nga basiibire nzala, bwakakusaanawo omwanda, nabamwe bakuzwa alai. ⁴Abegesebwa baamwei nebamwiiramu nti omuntu asobola atyai okwikutisya, abantu bani⁵Nabuulya nti Mulina emigaati jiingai? nebamukoba nti musanju. ⁶Naduumira ekibiina okwikaara ansi, nakwatta emigaati omusanju, niyeebalya, nagiwa abegesebwa baamweim okujiiya omumaiso gaabwe, bajiteeke omumaiso gakibiina.⁷Era baabaire no bunage budyooli, nabwebalya nabalagira bwoona okubuteeka omumaiso gaabwe. ⁸NNibalya nibaikutta, nibakumbaania obumulungukire ebiggega musanju. ⁹baabaire enkumi inai, nabasiibula. ¹⁰Amangu ago naseeyeya okuryato n'abegesebwa baamwei, naiza enseeri wa Dalumanusu¹¹. Abafalisaayo nibawuluka nibaiza, nibatandika okumusosoidya, nga bakwendya akamanyisyo okuzwa omw'igguru nga bakumukema. ¹²Nasiinda omumwoyo gwamwei, nakoba nti nywe abamirembe jjini mukutooryaki akamanyisyo? Amananu nkubakoba nti abamirembe jjini tibakuweebwe kamanyisyo. ¹³Nbaleka, naseeyeya ate, nayaba enseeri weedi.¹⁴Awo nebeebwa okutwalana emigaati, so tibabaire najjo muryato wabula omugaati gumwei. ¹⁵Nabanatira ng'akubakoba nti mugume, mweekume ekizimbulukusya eky'Abafalisaayo nekizimbulukusya kya Kerode.¹⁶Nibabuulyangana bonkai na bonkai nga bakukoba nti tetulina miggaati? ¹⁷O Yesu niyategeire nabakoba nti kiki ekikubabuulyanganisya olwabutabba na migaati? mukyali kubona, so temukutegeera? emyoyo jaanywe jikakanyali.¹⁸Mulina amaiso, temukubonia? mulina amatwi, temukuura? so temukwizukira? ¹⁹Ninamenyeire enkumi eitaanu emigaati etaanu, ebiibbo bimekai ebyaizwiire obukunkumukwa bwe mwakumbainie? Nibamukoba nti ikumi nabibiri.²⁰"era ninamenyere omusanju enkumi inai mwakumbainie ebigegga bimekai?" Nibamukoba nti musanju. ²¹Nabakoba nti mukyaalikutegeera?²²Nibaiza nibaika e Bususayida, nibamuleetera omwigali wa maiso nibamwegaiira okumukwataku. ²³Nakwata omwigali wa maiso okumukono, namuwulukya enzai wambugga; awo niyacwiire ebicwantyai okumaiso gaamwei, namuteekaku emikono, namukoba nti oliku kyokubona?²⁴Naloleera aiguru, nakoba nti "nkubona abantu, kubba nkubona bwakwisana emisaale, nga bakutambula" ²⁵Ate namuteekaku engalo oku maiso gaamwei nagakundula okubona, nawona, nabona byoona kusai. ²⁶Namusindika ewaamwei, ng'akumukoba nti Toingiranga mu mbugga muni.²⁷O Yesu naimuka nayaba n'abegesebwa baamwei omubyaalo bya Kayisaliya ekya Firipo. Nibaikire omwanda, nabuulya abegesebwa baamwei, nga akukoba nti abantu banyetta naani? ²⁸Nibamukoba nti, Yokaana omubatiza; n'abaandi nti Eriya; naye abaandi nti omwei okubalaangi.²⁹Ye nababuulya nti naye nnywe munyetta nani? o Peteero nairamu namukoba nti Niiwe Kristo. ³⁰Nabakanja obutakobera muntu bigambo byaamwei.³¹Natandika okubeegesya nti kimusaaniire omwana wamuntu okubonabonesebwa ebingi, nokugaanibwa abakaire, n'abakabona abakulu, nabawandiiki no kwitibwa no kwakalyawo ebiro bisatu okuyimbooka. ³²Nabazira ekigambo ekyo kaangura. O Peteero namutwala, natandika okumunenya³³Naye nayinduka, nabona abegesebwa baamwei, nanenya o Peteero ng'akukoba nti ira emabega wange sitaani, kubanga tokulowooza bya Nyamwanga, wabula byabantu. ³⁴Nayetta ekibiina n'abegesebwa baamwei nabakoba nti, omuntu nalyendya okunseengerya, yeelekeerye, yeetiike omusalaba gwamwei, ansengeerye.³⁵Kubanga buli ayendya okununula obwomi bwamwei alibubulya, nabuli'omwei alibulya obwomi, bywaamwei okulwange nokulwa ngiri alibununula. ³⁶Kubanga kimugasaki omuntu okulya ensi yoona, n'okufweerwa obwomi bwaamwei? ³⁷Kubanga omuntu yakuwaireyo ki okununula obwomi bwaamwei?³⁸Kubanga buli akwatibwa ensoni, nje nebigambo byaange omumirembe jini ejja bweenzi are ejibbi, n'omwana wamuntu alimukwatirwa ensoni oyo niyaliizira omukitiinisya kya'Itowamwei n'abamalaika abaikiiri.

¹Nabakoba nti mananu nkubakoba nti kubani abemereire nai waliwo abamwei abataalirooza ku kuffa nakadooli okwikya bwebalibona obukama bwa Nyamwanga nga bukwiiza namaani. ²Awo ebiro omukaaga nibyayakairewo o Yesu natwaala o Peteero, no Yakobbo, no Yokaana, nayaba nabo oku lusozi olulai bonkai omukyaama: nayindulwa omu maiso gaabwe. ³Ebizwalo byaamwei nebipirikita nibyeera munno; nga ndoowo omwozi okunsi ayinza okubyeeryaatyo.⁴Awoo Eriya no Musa ne bababonekera; era baali bakubaza n'oYesu. ⁵OPeteero nairamu, nakoba oYesu nti Labbi, nikyo kisai iswe okubba anni; ale lekatwomboke obusiisira bussatu; akamwei kaamu, akandi ka Musa nakandi k'Eriya. ⁶Kubba yaali tamaite kyakubairamu; kubba baali batiinire munno.⁷Awoo eciiguru nekyiiza ne kyikingiirya; eirakka neliwuluka omu cciguru ngarikkoba "oyo niye mwana wange omugaanzi. Mumuwuliirye" ⁸Bwe baakengere amangu ago nibatabona muntu yadde wabula o Yesu yenkai nabo.⁹A woo bwe balibakusirimuka okulusozi, nabalumirya battakoberaku muntu byebabeine, okwikya omwana wamuntu lwaliyiimbooka omubafful. ¹⁰Nibakyekuuma ekigambo ekyo nga bakwebulyangana bonkai na bonkai nti okuyimbooka omubaffu kuliba kutyai?¹¹Ne bamubulya nga abakoba nti Abawandiiki bakubaza nti kyigwaniire Eriya okusooka okwiza. ¹²Nabakoba nti Eriya niye yalisooka okwiiza, nasayiira byoona byoona; era kyawandiikiibwe kyityai omwana wamuntu okwasaisainibwa omuno n'okunyoomebwa. ¹³Naye nabakoba nti Eriya yamare okwiza, era bamukoore bulikyebayeendyanga, nka nikyamuwandiikirwe.¹⁴Awoo bwe baikire eddi abegesebwabaamwei, nibabona ekyibiina nga kikooto nga kyibeetooloire n'abawandiiki nga bakubakemeerya. ¹⁵Amangu ago ekibiina kyoona nikyamubwoine, nibeewuunya munno, ne bairuka gyaali nibanulabusa. ¹⁶Nababuulya nti mukubakemeerya naki?¹⁷Omwei omukibiin namwiramu nti omwegesya, nkuleteire omwana wange, aluku o dayimooni atakubazza; ¹⁸buli jenkumutwala, amukubba ebiggwo; akwiiza eifuro, nannenna amaino, akoozimba; nkobere abegesebwwa baamu bamuppeke; ne batayinza. ¹⁹Nairamu nabakoba ntiNywe abamirembe egitaikiriza, ndikyaai okubba naanywe? ndikyaai okubagumiinkirya? Mumundetere.²⁰Ne bamuleete gyaali; awo bweyamubweine, amangu ago o dayimooni namwonoloyonola munno; nagwa ansi, niyeekulungula, nga akwiza eiffuro. ²¹Nabuulya oite waamwei nti obulwaire buni kasokeranga bumukwata ibbanga kii? Nabakoba nti kuzwa mubuto bwamwei. ²²Emirundi jiingi nga akumunagga omuuro nomumaizi okumwitta: naye obanga okusobola, tusasire, obenaiswe.²³O Yesu namukoba nti niwabbanga okusobola! byoona bisoboka eddi akwikiriza. ²⁴Amangu ago oite waamwei nabazira aiguru, nakoba nti nyikiriize; ganyira obujeemu bwange. ²⁵Awoo o Yesu niyabweire ekibiina ekikumbaana mubwingi, nabwoiggoora o dayimooni nakoba nti "Wwe o dayimooni atakubaza, era omwigali wamatwi, nje nkkuduumira nti, Muzweeku, ate Ttomwirangaku wadde nolumwei".²⁶Awoo nakuunga, namutaagula munno, namuzwaku; naisan affwiire, nokukoba abandi baingi nibakoba nti afwiire. ²⁷Naye o Yesu namukwata okumukono, namwimukya nayemeera.²⁸Awoo niyaingire omunyumba, abegesebwa baamwei nibamubuulya omu kaama nti Iswe katutasobwoire kumuppeka? ²⁹Nakoba nti engeri jini tekusobola kuzwaku olwa kigambo wabula olwakusaba.³⁰Nibazwayo nibakala omu Ggaliraaaya, natendya muntu yeena kumumanya. ³¹kubba yegeeserye abegesebwa baamwei nakoba nti Omwana wamuntu akuweebwayo omumikonom gy'abantu, balimwiitta; kale bwalimala okwitibwa, era waalyakalawo enaku issatu nayimbooka. ³²Naye tibeeteegyerye kigambo ekyo, nibatiina okumubuulya.³³Nibaika e Kaperunawumu; Awo niyaali nga ali munyumba nababulya nti mubaire mukuwakaniraki omunzira? ³⁴Naye nibasirika; kubba baali bakuwakana bonkai na bonkai omuzira nti naani omukulu. ³⁵Naikaara, nayeta eikumi nababiri, nabakoba nti omuntu bwayendya okuba akwekeera, akwiza kubbaanga akusembayo mubyoona, era omweereza waboona.³⁶Nabona omwana omutto namwemeerya akati waabwe; awoo namuvumbatira nabakoba nti, ³⁷Buli ayakwikkirizanga omwei okubaana abatto abakwisana oni omwibara lyange, ng'akwikiriize ninje, nabuli muntu yeena aikiriza nje, takwikiriza ninje, wabula oddi ayantumire.³⁸Awo o Yokaana namukoba nti Omwegesya, twabwoine omutto nga akuppeka o dayimooni omwibara ryamu; netugaana olwokubba tiyaakaire naiswe. ³⁹Naye o Yesu nabakoba nti temumulemeesyanga; kubba ndoowo muntu yakolaanga kyamagero mwibara ryange ate amangu ago nanzuma.⁴⁰Kubba atali muzuggu waiswe alibba naiswe. ⁴¹Kubba buli muntu yabanyweesyanga nywe ekikoompe eky'amaizi kuba muli ba Kristo, mananu nkubakoba nti talibulya mpeera nakadooli.⁴²Nabuli muntu ayesittalanga omwei okwaba abatto ayanyikiriize, waakiri oyo okubbwebwa emeengo omwikoti anagibwe omunyyanja. ⁴³Omukono gwaamu bwegukwesittalaanga, oguteemangaku; waakiri wee okwingira omubwomi, ng'obuureku ekibajju, okusiinga okwaba omugeyeena ng'olina emikono gyoona, omumuuro ogutakulikira; ⁴⁴Eiggino lyaabwe gyeritafwiira, n'omuuro ogutalikira.⁴⁵Nakugulu kwamu bwe kukwesittalya, okutemangaku; waakiri we okwingira ongo obuuryeku okugulu, okusiinga okunagibwa omugeyeena, ng'olina amagulu goona; ⁴⁶Eiggino lyaabwe gyeritafwiira, n'omuuro ogutalikira.⁴⁷Neriiso lyamu bwerikweisitalya, oriyangaamu; waakiri we okwingira omukama bwa Nyamwanga ng'oli wa riiso limwei, okusinga okunagibwa omugeyeena nga olina amaiso goona. ⁴⁸Eiggino lyaabwe gyeritafwiira, n'omuuro ogutalikira.⁴⁹Kubba buli muntu alirungibwamu muuro. ⁵⁰Omunyu gusai; naye omunyu niguwaamu ensai muliryamu ki? Nywe mubbe n'omunyu omunda yanywe, mwirirenganemu nywenkai na nywenakai.

¹Awoo o Yesu naimuka nazwaayo, naiza obutundu bya'Buyudaaya n'enseeri wa Yoludaani; ebibiina biingi nebikumbaanira jaali era; nabeegesya nka niyakolaanga. ²Awo Abafalisaayo nibaiza jaali nibamubuulya nti "kisai omuntu okuppekaanga omukali waamwei?" (nga bakumukeentya). ³O Yesu nabairamu nabakoba nti oMusa yabalagiire atyai? ⁴Nibakoba nti oMusa yaikirize okwaandika ebbaluwa y'akwawukana nomala n'opeka omukali.⁵O Yesu nabakoba nti olwabukakanyali bwamyoyo jjanywe nikyo yazwiire abawandikira ekiragiro ekyo. ⁶Naye okuzwa omukusooka kwa kwaanga ensi oNyamwanga yatondere omusaiza n'omukali⁷Omusaiza nikyo yazwanga aleka oitewaamwei n'omawamwei neyeegaitta okumukali waamwei! ⁸Abo boona babbaanga omubiri gumwei. Kale nga tebakyali babiri naye omubiri gumwei. ⁹Kale oNyamwanga kyeyagaitire amwei ndoowo muntu yakyaawulanga.¹⁰Awo ate nibaingira omunyumba baegesebwa nibamubuulya ekigambo ekyo. ¹¹Nabakoba nti omuntu yeena ayagobaanga omukali nairamu nasweera owondi yaabaanga ayendere. ¹²Yeena niyanobaanga ewaibowamwei nattungwa owondi yabbaanga ayendere.¹³Awo abantu abamwei nibamuletera abaana okubateekaku emikono: abegesebwa baamwei nibacunga ababaletere. ¹⁴Naye oYesu niyababoine nagongera nabakoba nti mwikirize abatto baize gyendi: so mitabakanja, kubanga abakwisana nkabani obukama bwa Nyamwanga nibwo bwaabwe.¹⁵Mazuma nkubakoba nti buli ataikirizenge bukama bwa Nyamwanga nk'omwaana omuto talibwingiramu nakadooli. ¹⁶Nabateeka omukisubba kyaamwei, naba omukisa, ng'akubateekaku omukono.¹⁷Niyaali nga akwaba omwanda omwei naiza jaali nga akwiruka namufukaamira, namukoba nti omwegesya omusai nakola ntyai okusikira obwomi obutawaawo? ¹⁸o Yesu namukoba nti okunyeteraki omusai? ndoowo musai okuyaku oNyamwanga. ¹⁹Omaitte ebiragiro, toittanga, ttoyeendanga, ttoibbaanga, ttowangiiryanga, ttolyakkaanga, otengemu ekitinisya oiteewo n'omaawo.²⁰Namukoba omwegesya ebyo byoona nabikwaite okuzwa omubutto bwange. ²¹O Yesu niyamulolereire mawendya namukoba nti okwendya ekintu kimweikyonkai. Yaba otuunde byolinbyo ogabire abaseegi weena olibba n'obuggaigai omwiguru oleke oize onsengeerye. ²²Omusaiza olwwawulire ekigambo ekyo yeena nawotoka, nayaba nga anakuwaire, kubanga yabbaire ng'alina ebiintu binyamwingi.²³Awoo o Yesu niyeruguurya amaiso nakoba abegesebwa baamwei nti nkanikyiri kizibu abagguuda okwingira omubukama bwa Nyammwanga. ²⁴Abegesebwa nibewunaikya ebigambo byamweinaye o Yesu nairamu, nabakoba nti abaan, nkakizibu abo abeesiga obuguuda okwingira obukama bwa Nyamwanga! ²⁵Kyangu munno onkaina okwakala omukatuli kampiiso, okusinga omuguuda okwingira omubukama bwa Nyamwanga.²⁶Nibewunaikya munno, nibamukoba nti kale nani akusobola okuwona? ²⁷Awo o Yesu nabaloleera nakoba nti omubaantu tekikusoboka, naye tikiri kityo eddi o Nyamwanga kubanga byoona bisoboka edi oNyamwanga. ²⁸Awo o Peteero natandika okumukoba nti bona eswe twalekere byoona netukusengeerya.²⁹OYesu nakoba nti mananu nkubakoba nti ndoowo ayalekere enyumba, abaluganda, oba abanyina, oba maama, oba taata, oba abaana oba endimiro okulwange n'olwangiri. ³⁰Ataaliweebwa emirundi kikumi omubiseera bini ebyaati, enyumba, n'abaluganda, n'abanyina, n'abamaabwe, n'abaana, n'endimiro, n'okwaisaisainibwa n'omumirembe egikwa kwiiza omubwomi obutakuwaawo. ³¹Naye baingi abakwekeera abaalibba abaluvanyuma, n'abaluvanyuma abalibba abeekeera³²Baali omwanda nga bakunianina eYerusaalemi n'oYesu yabbaire nga abebeimbeire, nibewunaikya, nabaandi abasengereirya nibatiina. Awo ate natwala eikumi nababiri, natandika okubakobera ebigambo ebikwaba okumubbaku nti; ³³"bona tukuninanina eYerusaalemi; omwaan wamuntu aliweebwayo edi abakabona abakulu n'abawandiiki, baalimusaara omusango okumwitta, baalimuweeryayo eddi abamawanga. ³⁴Baalimudduulira balimucweera ebicwantai, balimukubba, balimwitta; niwaalyakalawo ebiro bisatu aliyimbooka.³⁵Awoo o Yakobbo no Yokaana, abaana ba Zebbedaayo, nibaigeera jaali, nibamukoba nti Omwegesya, tukwendya otukoore kyoona kyoona kyetakusaba. ³⁶Nabakoba nti mukwendya mbakoore ki? ³⁷Nebamukoba nti tuweerye twikale, amwei okumukono ogwabulyo owondi okumukono ogumoso, omukitiinisya kyamu.³⁸Yeena o Yesu nabakoba nti temumaite kye mukusaba. Mukusobola okunywa okukikoompe kyenywaku nje? oba okubatizibwa kwembatizibwa, muunje? ³⁹Namukoba nti tukusobola. o Yesu nabakoba nti ekikoompe nje kyenywaaku mwaalikinywaku, n'okubatizibwa kwembatizibwamu nje mulibatizibwa; ⁴⁰Naye okwibaara okumukono gwange ogwabulyo oba ogumoso, tiniinje nkugaba, naye okwabo be kwategekeirwe.⁴¹Awoo eikumi nibawuliire, nibatandika okugongeera o Yakobbo no Yokaana. ⁴²o Yose nabeeta, nabakoba nti nkaabo abalowozebwa okufugga abamaanga babafugisya maani, nab'akulu baabwe babatwala kumppaka.⁴³Naye omunywe tekiri kityo. Naye buli alyendyaanga okubba omukulu munywe alabbaanga muwereza wanywe. ⁴⁴Nabuli ayendya okubba akwekeera omunywe alibbaanga mwiru waboona. ⁴⁵Kubanga mazuma omwana wamuntu tiyaizire kewereza, wabula okuwereza, n'okuweeryaayo obwomi bwaamwei okununula abaingi.⁴⁶Awoo nibaika eYeriko: niyazwiire omu Yeriko n'abegesebwa bwamwei, n'ekibiina kikooto, omwaana wa Timaayo, oBatiimaayo, omusabiirya omwigali wamaiso, yabbaire aikaire okuntando wamwanda. ⁴⁷Awoo niyawuliire nga o Yesu omunazaaleesi ng'oyo, natandika okubazira aiguru n'okukoba nti omwaana wa Dawudi onganyire. ⁴⁸Baingi nibamubwoigoora okusirika: naye niyeyongera muno okubazira aiguru nti omwaana waDawudi onsasire:⁴⁹Awoo oYesu nayeemeera nakoba nti mumweete. Nibeeta omwigali wamaiso nibamukoba nti guma omwoyo; imuka akweeta. ⁵⁰Yeena nanaga olugoye lwamwei, naimuka naiza eddi o Yesu.⁵¹O Yesu namwiraamu nakoba nti okwendya nkukoreeki? omwigali wamaiso namukoba nti Labooni nkendya onyigule amaiso. ⁵²Awoo oYesu namukoba nti yaba; okwikiriza kwaamu kukuttambire. Amangu ago naiguka amaiso, namusengeerya omwanda.

¹Awoo nibaali nga balaampi okwikka eYerusaalemi nga baikire eBesufaage ne Bessaniya, okulusozi lwa Zeyituuni natuma abegesebwa bwaamwei babiri. ²Nabakoba mwaabe omumbuuga ebali omumaiso amangu ago nimwaingira omwo mukwaaba okubona omwana wa ndogoyi abbwebweibwe ataikarwaangaku muntu nakadyooli; mumusindabule mumuleete. ³Omuntu nabakoba nti mukukolaki ekyo? mukobe nti omukama waiswe akumwendya; amangu ago akwiza kumuweereza eni.⁴Nibaaba nibasaanga omwaana wa ndogoyi nga ayemereire okumulyango enzai okunzira; nibamusindabula. ⁵Abamwei okubaali beemeereire awo nibabuulya nti mukukolaki okusindabula omwana wa ndogoyi. ⁶Nibabakoba nka oYesu niyabakobere nibabaleka⁷Nibaleeta omwana wa ndogoyi ewa Yesu, nibagunagaku engoye zaabwe; naikalaku. ⁸Baingi nibaala ngole zaabwe okunziira; abandi nibaaliira ebikoola byamisaale bibatemere omundimiro. ⁹Abaali bekeereire n'abazwangaku emabega nibabazira aiguru nti Ozaana; oweewebeibwe omukisa aiza omwibara lya mukama. ¹⁰muwebweibwe omukisa obukama obukwiiza obwazeiza waiswe o Dawudi: Ozaana aiguru munno.¹¹Naika eYerusaalemi naingira omuYekaalu; nayamaare okweruguurya amaiso okubona byoona, obwire bwali nga bukusweeka, nawuluka nayaba eBessaniya ne eikumi nababiri. ¹²awoo nibwakeire okumambyamambya nibaali bazwiire omu Bessaniya nalumwa enzala.¹³Awoo niyalengeire omutiini nga guliku ebikoola nagwikaku abone oba ayiinza okufunaku ekintu; awo niyagwikireku, natabonaku kintu wabula ebikoola kubanga tinibyo byaali biro bya ttiini. ¹⁴Nairamu nagukoba nti okuzwa eleero okwikya emirembe n'emirembe omuntu talaanga kubibala ebyo. Abegesebwa baamwei nibawura.¹⁵Awo nibaika eYerusaalemi, naingira omu yeekaalo nasooka okuppeka abaali bakutuunda n'abakuguura omu yeekaali, nagalamya emeenza eza baingiisyaanga effeeza, n'entebe zaabo abatuundanga engiiwa. ¹⁶nataikiriza muntu kwakalya kitaabbu omu Yeekaalo.¹⁷Nayegesya, nakoba nti tikyawanddiikibwe nti enyumba yaange yakweetebwanga nyumba yakusabiramu amaanga goona? naye nywe mujifwiire mpuku ya banyagi. ¹⁸Abakabona abakulu n'abawandiiki nibakiwulire, nibasala amagezi aga kumwitta: kubanga baamutinire kubba ebibiina byoona byawuninkirire olwa kwegesya kwaamwei. ¹⁹Awoo buli kasweeko yawulukaanga ekibuga.²⁰Awoo nibwakeire emambya nga bakwakala nibabona omutiini nga gukukala okuzweera okukyitina. ²¹Opeteero niyaizuukire namukoba nti Labbi, bona, omutiini guwaceenere gukaare.²²O Yesu nairamu namukoba nti mubbe n'okwikiriza omu Nyamwanga. ²³Mazuma nkubakoba nti buli alikoba olusozi luni nti kuuliibwa, onagibwe omunyanja; nga takugulukyagulukya mumwoyo gwaamwei, naye nga akwikiriza kyakubazza kikolebwe, yaalikiweebwa.²⁴Nikyo nzwa mbakoba ebigambo ebyo byoona byoona bye mukusaba n'okwegayiira, mwikirize nga mubibweirwe. ²⁵Awoo niyeemeranga nga mukusaba, musonyiweenga, nimwabbaanga nekigambo okumuntu; n'oitowaanywe ali omwiguru abasasire ebibbi byanywe. ²⁶Naye nywe nimutasonyiwenge, n'oitewaanywe ali omwiguru tiyasasirenge bibbi byaanywe.²⁷Nibaika eYerusaalemi; awo niyaali nga akutambula omu Yeekaalo nibaiza jaali abakabona abakulu n'abawandiiki n'abakaire. ²⁸Nebamukoba nti buyinza ki obukukolesya bini? oba nani ayakuwaire obuyinza buni okukola bini?²⁹Awo oYesu nakoba nti Nanje kambabulye ekigambo kimwei, munyiremu, nanje nabakobera nywe obuyinza bwaamwei obukukolesya bini. ³⁰Okubatiza kwa Yokaana kwizwiire mwiguru, oba mu baantu? munyiremu.³¹Nibeebulyangana bonkai na bonkai nti nitukoba nti kwazwiire mwiguru; yakoba nti kale kiki ekyabagaine okumwikiriza? ³²naye nitwakoba nti kwazwiire mubaantu, batyai abantu; kubanga boona balowooza mazuma okubba omulaangi. ³³Nibairamu o Yesu nti tetumaite. o Yesu nabakoba era njeena tinabakobere obuyinza bwaamwei obukunkolesya bini.

¹Natandika okubaza nabo omungeero. Omuntu yasimbire olusuku lwa muzabbibu, nalukubbirya olukorogo, nasakamu ekinyunkiro, nayombokamu olukorogo, naluppangisya abaluumi natambula omwiyaanga erindi. ²Omubiro ebyo omwaaka nigwaikire nasindika omwiiru eddi abalumi bamuweerya ebibala bya mizabbibu gyaamwei. ³Nibamukwata, nibamukubba, nairayo ngalo zeere.⁴Ati nabatumira omwiru owondi, oyo nibamwatya olubbale, nibamuswaaza. ⁵Natuma owondi, oyo nibamwiitta: nabandi baingi, abamwei nga bakubakubba, abandi nga bakubaitta.⁶Yaali nga alina omwei, omwaana gweyayendyaanga, oluvanyuma nasindika jebali, nga akukoba nti bateekengemu ekitinisya omwaana waamwei. ⁷Naye abalumi baddi nibakobangana bonkai na bonkai nti oyo niye omusika, ati tumwiite, n'obusika bwaalibba bwaiswe.⁸Nibamukwaata, nibamwiita, nibamukasuka enzai walusuku lwa mizabbibu. ⁹Kale alibakola atyai omukama walusuku lwa mizabbibu? aliiza azikirize abalumi n'olusuku lwa mizabbibu aliluwa abandi.¹⁰Temusomaanga nakadooli ekyo nikwawandiikibwe nti eibbaale abomboki libaagaine eryo ryafuulibwe omutwe gwa nsonda: ¹¹ekyo kyazwiire eddi omukama, era kya kitalo muno omumaiso gaiswe. ¹²Nibeewa amagezi okumukwaata, nibatiina ebibiina olwakubba balengeire ekyagereibwe okubbo olugeero olwo. Nibamuleka nibaaba.¹³Nibatuma jaali Abafalisaayo n'Abakerodiyaani okumutega omubigambo, ¹⁴awoo nibaizire, nibamukoba nti omwegesya, tukumanya we oli wamananu, ati ebigambo bya muntu yeena tobitekaku mwoyo: kubanga tosoloryaamu bantu, naye oyegesya enzira ya mukama omumananu: ate kisai okuweeranga o Kayisaali omusolo, oba tinikyo? ¹⁵Tuweengeyo oba tutawaangayo? Naye niyategeire obukiweiweita bwaabwe, nabakoba nti mukunkemera ki? Mundetere eddinali njibone.¹⁶Nibajira. Nabakoba nti ekifaanyi kiki nebiwaandiike bini bya nani? nibamukoba nti bya Kayisaali. ¹⁷o Yesu nakoba nti ebya Kayisaali mubiweenge o Kayisaali ne bya Nyamwanga mubiweenge oNyamwanga.¹⁸Awo Abasadukayo, nabakoba nti ndoowo, nibaiza gyaali nibamubuulya nebamukoba nti, ¹⁹Omwegesya o Musa yatuwaandiikire nti omuganda wa muntu niyafwaanga, naleka omukali waamwei, nga talekere mwaana, omuganda waamwei atwaleenge omukali waamwei naireryawo omuganda waamwei eibyaire.²⁰Ati waluwo abaluganda musanju; akusooka nasweera omukali, naffwa, natalekawo ibyaire; ²¹owakabiri namusweera nafa, era yeena tiyalekerewo ibyaire, n'owakasatu atyo; ²²boona omusanju nibatalekawo ibyaire. Olvanyuma boona nga baweirewo, omukali yeena nafa. ²³Ate nibaliyimbooka alibba muka nani? okw'abo? kubanga²⁴o Yesu nabakoba nti nikyo muzwa mwinduka olwabutamanya byawandiikiibwe nebwewakubbaire amaani ga Nyamwanga? ²⁵Olwakubba nibaliyimbooka omubafu tebaaliwasa, ate tibaliwaangiirya naye bailbba nk'abamalaika ba mwiguru.²⁶Naye ebya bafu okuyimbookebwa; temusomangaku kukitabu kya Musa okwiisaka, oNyamwanga niyamukobere nti nje ndi Nyamwanga wa Ibulayimu, ate oNyamwanga wa Isaaka, ate o Nyamwanga ya Yakobbo? ²⁷Ti Nyamwanga wa bafu, naye wa boomi: mukyaama muno.²⁸Awo omwei okubawandiiki, naiza nawuliire nga bakwebulyangana bonkai na bonkai, namanya nga abairemu kusai, namubulya nti ye tteeka ki aryasokere okwago goona? ²⁹OYesu nairamu eryakereire niryo lini nti wuura Isiraeri; omukama oNyamwanga waiswe, omukama niye omwei; ³⁰era yendyaanga omukama oNyamwanga waamu, n'omutima gwaamu gwoona, n'obulamu bwaamu bwoona, n'amagezi gaamu goona, n'amaani gaamu goona. ³¹eryakabiri niryo rini nti Yendyaanga omuliranwa waamu nkaniweyeendya wenkai, Ndoowo iteeka amazuma erisiinga ago obukulu.³²Omuwandiiki namukoba nti mazuma, omwegesya obazire kusai nk'omukama omwei era ndoowo wondi wabula ye. ³³Nokumwendya n'omutima gwoona, n'okutegeera kwoona, n'amaani goona, N'okwendya omuliranwa waamu nka niweyendya wenkai okusiinga muno ebiweebwayo byoona ebiramba ebyokyebwa nesadaaka. ³⁴Awo niyabweine nga amwireemu nk'omutegeeri, namukoba nti toli alai n'obukama bwa Nyamwanga. Awo niwatabba muntu ayagereku okumubuulya tte,³⁵Yesu nairamu namukoba nga akwegesya omu Yeekaalo nti abawandiiki ekikubakobesya nti o Kristo omwaana wa Dawudi? ³⁶o Dawudi omwenyini yakobere omu mwoyo akweera nti omukama yakobere mukama wange nti aikara okumukono gwange ogulyo okwikya ninaalifuula abazuggu baamu entebe y'amagulu gaamu. ³⁷O Dawudi yenkai amweta mukama waamwei, abba'atyai omwaana waamwei? Abamikibiina nibamuwuura n'okusemeerwa.³⁸Awo omukwegesya kwamwei nakoba nti mweekuume Abawandiiki abakwendya okutambula nga bazwaire ebizwaalo ebinyamulai, n'okulamucibwa omubutale, ³⁹nobwikaaro bwa mumaiso omwikumbaaniro nomubifo ebyakitiinisya omumbaga; ⁴⁰abalya ennyubba zabanamwandu, era abasaba omuno omu bukyiweiweta; abo baliirya omusango ogukusinga obukooto.⁴¹Naikaara nga akwaba omibikiro, nabona ebibiina nebikunagamu effeeza omwibiikiro;baingi abaali abaguuda abanagiremu ebiingi. ⁴²Awo onamwandu omwei omuseegi naiza, nanagamu ebitundu bibiri, nikyo kodulante.⁴³Nayeta abegesebwa baamwei, nabakoba nti mazuma nkubakoba nti onamwandu oni omuseegi anagiremu biingi okusiinga abanagire omwibiikiro. ⁴⁴Kubanga boona banagiremu kunsaagi; naye oyo omukwendya kwaamwei anagiremu byoona byalinawo; nibwo bwoomi bwaamwei bwoona.

¹Awo niyawulukire omu Yeekaalo, omwei oku begesebwa baamwei namukoba nti omwegesya, bona, amabbaale gani nigali n'enyomboka enni neri ²O Yesu namukoba nti okubona ennyomboka enni ejikooto? tewaalisigala ani ibbaale eriri okwibbaale eritalinagibwa ansi.³Niyali nga aikire okulusozi olwa Zeyituuni nga ayabire omu Yeekaalo, o Peteero no Yakobbo, no Yokaana, no Andereya nibamubuulya omukyaama nti; ⁴Tukobere, ebyo byalibbaawo di? nakamanyisyo akeebyo nga bikwakwikiira byoona.⁵o Yesu nasooka nabakoba nti, omuntu yeena tabakyamyaanga. ⁶baingi abaalizira omwibara lyange nga bakubaza nti, Ninje oyo era baalikyamya baingi.⁷Awo nimwaliwura entalo n'okwatikiira kwantalo, temutunturaanga: kibisaaniire okubbaawo; naye enkomeero nga ekyaali. ⁸Kubanga eiyaanga ryalilumumba eiyaanga eriralyalyo, n'obukama obukama obwira bwabwo: walibbaawo ebiteengeeto omubifo bingi; walibbaawo enzala; okwo nikwo kwekeera kwakulumwa⁹Naye mwekuume nywenkai: kubanga baalibawaayo omu nkiiko: mulikubbirwa n'omumakumbaaniro; era mulyemeera omumaiso g'abamasaza n'abakama kulwange, okubba abajuurwa omu bo. ¹⁰Engiri kyigigwaanire okumala okubuulirwa amaanga goona.¹¹Era nibaalibatwala okubawaayo, temusokaanga kweralikiira nimwabaza: naye kyoona kyoona kyeliweebwa omukiseera ekyo, nikyo mubazenge, kubanga tiniinywe mwabazire, naye omwoyo akweera. ¹²Owaluganda yaliwaayo omugande okwittibwa, n'oite wamwaana yaalimuwaayo; abaana baalijemeraanga abakubabyaala, balibaitisya. ¹³Mwaalinobebwa boona olwa ibara lyange: Naye aligumiinkiirya okwikya okunkomeero oyo ye niye alirokoka.¹⁴Naye nimwaalibona ekyamuziro ekyikulikiirya omulaangi Danyeri kyiyabazireku kyemereire jekitakusaana (akusome ategeere) kale abali omu Buyudaaya bairukire okunsozi. ¹⁵Ali aiguru okunyubba taninukaanga, ate taingiraanga okuyamu ekintu omunyubba yaamwei. ¹⁶ali omulusuku tairaanga kutwala kizwalo kyamwei.¹⁷Naye zaalibasaanga abalibban'endda; n'abakwonkya omubiro ebyo. ¹⁸Musabe bitalikka omubiro bya kyuwuungo. ¹⁹Kubanga ebiro ebyo byalibba byakubonoboneramu kibaraazi, nga tebibbaangayo nka bini kuzwa oNyamwanga atoonda ebyatondeibwe okwikya ati, ate tebyalibbaayo te. ²⁰Nolwekyo, singa oNyamwanga tiyasaareku biro ebyo, tewakuwonere mubiri gwoona: naye okulwa ba bakomye beyakomerye yabisaareku ebiro ebyo.²¹Omu biro omuntu nabakobaanga nti bona, Kristo ali mppani; oba ali ngeyo; temwikirizaanga ²²Kubanga abaKristo babubeyegi n'abalaangi babubeyegi baalimuka, baalikola obumanyisyo n'ebyewuunyo, okubulya, oba nga kikusoboka, abakomye. ²³Naye mweriinde nywe: bona, mbalabwiire byoona nga bikyaali kubbaawo.²⁴Naye omubiro ebyo, okubona ennaaku nga kuweire, eisana lwaali likirwa n'okwezi tekwaryaka. ²⁵n'obunyenyezi bwalibba nga bukuggwa okuzwwa omwiguru, namaani agamwiguru galitengeeta. ²⁶Ale nibamala nibabona omwana wamuntu nga akuzwa omwiguru, n'amaani againgi n'ekitiniisya. ²⁷Awo namala natuma; abamalaika baamwei, yaalikumbania abakomye baamwei omumppuungo einai okuzwa okunkango yansi okwiikya okukango yaigguru²⁸Era mwegere okumutiini olugeero lwaggwo: eittaagi lyagwo niryaali geiza n'ebikoola nibaalitotoigerya mutegera nti omwaka gulappi. ²⁹Era naywe nimwo mutwo, nimwalibona nga ebyo biikire; mwetejaanga nga ali amppi, kulwiige.³⁰mazuma nkubakoba nti meirembe jini tejaaliwaawo nakadooli okyikya ebyo byoona byoona nibyaalikiira. ³¹Eiguru n'ensi baaliwaawo, naye ekigambo kyange tekyaliwaawo nakadooli. ³²Naye ebyalunaku olwo oba ekiseera ekyo ndoowo amaite, newankubbaire abamalaika abali omwiguru, yadde omwaana, wabula oitewange³³Mwekuumenge, mubonienge musabenge: kubba tetumaite biro webyalikiira. ³⁴Nk'omuntu ayalekere enyubba yaamwei natambula omwiyaanga erindi yadde nga abairu baamwei obuyinza, buli muntu omululmu gwamwei nalagira omukuumi okubonia.³⁵Kale mubonie: kubba temumaite omukama wa nyubba waalizira, oba kasweeko, oba mwittuumbi, oba nga enkoko zikukooka, oba nga bukeire; ³⁶alampi okwiza amangu ago n'abasanga nga mubasiirye. ³⁷Era kyenkubakoba nywe mbakoba boona nti Mubonie.

¹Awoo niwali nga wakubulaku ebiro bbibiri, omukolo ogwokwakalaku nemigaati egitazimbulukukibwa ereke eikke; abakabona abakulu n'abawandiiki nibasala amagezi nkanibamukwaatamu omulukwe n'okumwitta. ²Kubanga bakobere nti tikulunaku lwa mbaga, leke watabbaawo kweikyaaka omubantu.³Awo niyaali omu Bessaniya omuntumba ya Simooni omugenge, nga aikire okummere, omukali eyaali ne kyuppa yamafutta aga musutai agabeei naiza, nayatya ekyuppa, amafutta nagasuka okumutwe gwaamwei. ⁴Naye waliwo omwaabo abagongeire nga bakukoba nti amafutta gaffiire gatyai otyo? ⁵Kubba amafutta gani bakusobwoire okugatuunda emppiiya ebikumi bisatu nokusingawo nokugabira abooro. Nibemulugunya.⁶Naye oYesu nabakoba nti mumuzweku, mukumunakuwaliza ki? ankoleire ekikolwa ekisai. ⁷Kubba abaseegi mulinabo buliizo; buli nimyeendya musobila okubakola okusai: naye nje temuli naanje buliizo. ⁸Akoore nkabwakusobola; asokere okusuka amafutta okumubiri gwange nga mukyaali kunziika. ⁹Mazima nkubakoba nti engiri buli jiyabuulirwanga omunsi toona, neekyo omukali oni kyakoore kiribazibwangaku okumwizukira.¹⁰Awo o YudaIsukaliyoti, eyaali omwei oku ikumi nababiri, nayaba eddi abakabona abakulu; okumuwaayo gyebali. ¹¹Awo nibawuuliire, tibasanyukire, nibamusuubiza okumuwa effeeza. Nasala amagezi nka niyabona ekiseera kya kumuwaayo.¹²Awo okulunaku olwekereereire olwa migaata egitazimbisibwa, lwebetere Okwakalaku, abasengeeri bwamwei nibamukoba nti okwendya twabe ayii okutegeka jeewaalira okwakalaku? ¹³Natuma abo okubaseengeeri baamwei babiri, nabakoba nti mwabe omukibugga, mwatangatangarana omusaiza nga yeetikire ensuwa y'amaize: mumuseengeerye. ¹⁴Yoona yoona jiyaingira mukobe omukama wanyubba nti omwegesya akobere nti enyubba eriruddaki mwenaliira Okwakalaku n'ebegesebwa baange?¹⁵Akwiza okubalaanga ye omwenyini enyubba egikooto eyaiguru eyaliriirwe etegekeibwe: mututegekere omwo. ¹⁶Awo abegesebwa nibaaba nibaiza omukibuga, nebabona nka niyabakobere: nebategeka Okwakalaku.¹⁷Awo nibwaswekere naiza ne ikumi nababiri. ¹⁸Awo nibaali nga baikaire okummere, o Yesu nakoba nti mazuma nkubakoba nti omwei okunywe abakulya naanje yandyaamu olukwe; ¹⁹nibaboneka okunakuwala n'okumukoba kyinoomwei ntiniinje?²⁰Nabakoba nti omwei eikumi nababiri akukozya naanje omulucuba niyoyo. ²¹kubba omwana wamuntu akwaba nka nikyamuwandiikiibweku: naye zaalimusanga omuntu oyo alyamu olukwe omwaana wamuntu! kyakubbaire kisai eddi oyo singa tiyabyaaliibwe omuntu oyo.²²Awo nibaali nga bakulya, nafuna omugaati, awo niyamaare okwebalya nagumenyamu, nabawa, nakoba nti Mukwaate; guno nigwo mubiri gwange. ²³Nakwaata ekikoompe, awoo niyamaare okwebalya nabawa; nibakinywaaku boona. ²⁴Nabakoba nti guni nigwo omusaayi gwange ogwa ndagaano, ogukuseenseka okulwa baingi. ²⁵Mazima nkubakoba nti tinaalinywa te kubibala bya mizabbibi, okwikya okulunaku luddi lwendigunywa oguyaaka omubukama bwa Nyamwanga.²⁶Awo nibamaare okwemba olwembo, nibawuluka inbaaba okulusozi lwa Zeyituuni. ²⁷Awo o Yesu nabakoba nti mukwakwesiittala nyweena: kubanga kyawandiikibwe nti Nalikubba omuliisya, n/entaama zaalisaasaana.²⁸Naye ninalimala omuwumbuukibwa, nalibebeembera okwaaba omu Ggaliraaya. ²⁹Naye oPetero namukoba nti nebwekyabba nti boona bakwaba kwesittala, naye tininje.³⁰O Yesu namukoba nti Mazuma nkukoba nti we eleero, obwiire buni, onkoko yaabba nakyaalikukooka emirundi ebiri, okwa kuneegaana emirubi esatu. ³¹Naye nayongera okubazza nti nebwekyabba nga kyikusaana okufweera amwei naawe, tinakweegaane nakadooli. Era boona nibakoba batyo.³²Awo nibaiza omukifo eibara lyaakyo Gesusemane: nakoba abegesebwa baamwei nti mwikaare anni mmale okusaba. ³³Natwaala o Peetero, no Yakobbo, no Yokaana naye, natandika okwewunaikya n'okutuntura omuno. ³⁴Nakoba nti omwoyo gwange guluku enaku jiingi, ekwakunyitta; mube ani mubonie.³⁵Natambulaku kadooli nafukamira nasaba, oba nga kikusoboka ekiseera kimwakaleku. ³⁶nakoba nti Aba, taata, byoona bikusoboka gyooli; nyiyaku ekikoompe kini; naye tinkaanje nekwendya naye we nka nokwendya.³⁷Awo naiza, nabasanga nga babbasirye, nakoba o Peetero, nti Simooni obbasirye? nabbaire namaani gakubonia na saawa emwei etii? ³⁸Mubonie, musaba, muleke okwingira mukukemebwa: omwoyo gwo gukweendya naye omubiri gwo gunaki. ³⁹Nairayo te, nasaba, nabaza ebigambo bimwei nabiddi.⁴⁰Nairate, nabasanga nga babbasirye, kubanga amaiso gaabwe gaali gakulemeera muno: tibamaite nka nibamwiiramu. ⁴¹Naiza omulundi ogwakasatu, nabakoba nti mubbasirye kimwei ati muwumule: kyamala; ekiseerakyikire; bona, omwaana wa muntu akuwebwaayo omumikono gy'abalina ebibbi. ⁴²Mwimuke, twabe, bona, akundyamu olukwe alampi okwiika.⁴³Awo amangu ago, niyaali nga akyabazza, o Yuda, omwei okwikumi nababiri, naiza n'ekibiina amwei naye abaalina ebuso amwei n'emiigo, nga bakuzwa eddi abakabona abakulu, nabawandiiki n'abakaire. ⁴⁴Era oyo ayamuliiremu olukwe yaali nabawaire akamanyisyo nti Gwenanywegera, nga niye oyo; mumukwaate, mumutwale nga mumugumirye. ⁴⁵Awo niyaikire, amangu ago naiza jaali nakoba nti Labi; namunywegera muno. ⁴⁶Nebamutekaku emikono gyaabwe, nibamukwaata.⁴⁷Naye omwei ku abo abaali bemeereire awo nayayo ekiso, natema omwiru wakabona okusiinga obukulu namusalaku okutwi. ⁴⁸Awo o Yesu nairamu nabakoba nti munyiziire nka nimwiziira omwibbi; n'ebisso, n'emiigo okunkwaata? ⁴⁹Buliizo naabbaanga nanywe omu Yeekaalo nga nkwegesya, kamuttakwaite: naye kyini kikoleibwe ebyawaandiikibwe biikiire. ⁵⁰Awo boona nibamuzwaku nibairuka.⁵¹Awo omwojo omutto namuseengeerya, ayaali yeswekereirye olugoye olwa Kitaani lwonkai okumubiri: nibamukwaata; ⁵²naye nabalekera olugoye lwa Kitiini ,nairuka bwerere.⁵³Awo nibatwala o Yesu eddi okabona akusiinga obukulu: naibamukuumbaniraku abakabona abakulu boona n'abakaire n'abawandiiki. ⁵⁴Awo o Pteteero namusengeererya alai, okwika omuluboga lwa kabona akusiinga obukulu; yaali naikaliire na beereza nga akwotta omuuro.⁵⁵Awo abakabona abakulu n'abamulukiiko boona nibatolererya oYesu abajuurwa abakumwitisya naye nibatabona; ⁵⁶kubanga abamuwamgiriirye ebyabubeyegi baingi, ate n'okuwangiirya kwaabwe tikwaali kumwei.⁵⁷Awo abamwei nibaika nibamuwanggirya, nga bakukoba nti; ⁵⁸swe twamuwuliire nga akukoba nti nje nalimenya e Yeekaalo eni eyakoleibwe nemikono, n'omunaku isatu nalyomboka egiindi etaalikolebwa namikono. ⁵⁹ate n'okuwangiirya kwabwe okwo tikwwaali kumwei.⁶⁰Awo okabona akusinga obukulu ayemeera akati, nabuulya o Yesu, nga akukoba nti We tokwanukula nakadooli? kiki kyebakulumiirya bani? ⁶¹Naye nasirikambe, natairamu nakadooli. Era okabona akusiinga obukulu namukoba nti We Kristo, omwaana woyo aya weirwe omukisa? ⁶²o Yesu namukoba Ninji oni; namwe mulibona omwana wa muntu nga aikaire okumukono ogwa ddyo ogwamaani nga akwiiza n'ebiiguru byaiguru.⁶³Awookabona akusiinga obukulu nayonola ebizwaalo byamwei, nakoba nti tukwenderyaki abajuurwa? ⁶⁴Muwuliire obuvvoozi bwamwei: mukulowooza mutyai? boona nibamusaara omusango nga asaine kuffa. ⁶⁵Awo abamwei nibatandika omucweera ebicwantai, n'okumusweeka omumaiso, nokumukubba ebikoonde, n'okumukoba lagula: abeereza nibamutwa nga bakumukubba emppi.⁶⁶Awo o Peteero niyaali ansi omulubuga, omwei okubakali bakabona okusiinga obukulu naiza; ⁶⁷Awo niyabweine o Peteero nga akwoota omuuro, namuloleera, nakoba nti Naawe waali n'omunazaalesi, o Yesu. ⁶⁸Naye ye niyeegaana nga akukoba nti timaite, ate tenkumanya kyokubazaku: nayaba enzai omu kusasi; onkoko nakooka.⁶⁹Awo omukali namubona, natandika te okubakoba abaali nibeemeereire awo nti oni yeena waabwe. ⁷⁰Naye niyeegaana era. Awo niwayakairewo ekiseera kidooli, abaali nibeemereire awo nibakoba o Peteero era nti Mazuma oli waawabwe kubanga oli muGgaliraaya.⁷¹Naye natandika okuceena n'okulayira nti Temumaite omuntu oni gwe mukubazaku. ⁷²Amanga ago onkoko nakooka omulundi ogwa kabiri. Awo o Peteero naizukira ekigambo o Yesu kyeyamukobere nti Onkokoyaabba nga akyali kukooka emirundi ebiri, okwakunegaana emirundi esatu. Kale niyalowoize nakuunga amaliga.

¹Awo amangu ago nibwaikire emambya abakabona abakulu n'abakaire n'abawandiiki bamulukiiko boona nibateesa, nibabbwa o Yesu, nibamutwa, nibamuwaayo eddi o Piraato. ²Awo o Piraato namubulya nti niiwe omukama w'Abayuddaaya? nairamu namukoba nti Niiwe obazire. ³Awo abakabona nibamulooppa ebinyamwingi.⁴Awo oPiraato namubuulya, era nga akukoba nti tokwiramu nakadooli? bona ebigambo biingi byebakuloppere. ⁵Naye oYesu natairamu kigambo; o Piraato niyeewuunya nokwewuunya.⁶Awo okubugenyi yabaataisiryanga obbwe omwei gwebabbanga basabire, ⁷awo waaliiwo omwei ayeteebwaanga o Balaba, ayabbwebweibwe naabo abajeemu abaittire abantu omukujeema okwo. ⁸Awo ekibiinja nekiiza nekitandika okukoba o Piraato nka niyabakooranga.⁹Awo o Piraato nabairamu nga akukoba nti Mukwendya mbataisirye omukama wa Bayuddaaya? ¹⁰Olwakubba yategeire abakabona abakulu abamwiirye obuyaaka. ¹¹Naye abakabona abakulu nibeeyayiira ekibiinja nti o Balaba niye gwebabbababataisirya.¹²Awo o Piraato nairamu nabakoba, nti alle namukola ntyai gwemweeta omukama wa Bayuddaaya? ¹³Awo nibabazira aiguru nti ''mumukomeere!''¹⁴Awo o Piraato nakoba nti kibbi ki kyakoore? naye nibeeyoongerera kaakyimwei okubazira aiguru nti mumukomeere. ¹⁵Awo o Piraato niyaali akwendya okusemeerya ekibiina, nabataisirya o Balaba, nawaayo o Yesu okumukomeere nga bamaare okumukubba.¹⁶Awo abasirikale nibamutwala omunda omulubuga olwatwa Pulayitoliyo; nibeeta ekitongole kyoona okukumbaana. ¹⁷Nibamuzwalikisya ekizwalo kya ffulungu. Nibakamba engule yamawa nibagimutuuka. ¹⁸nibatandika okumulamukya nti mirembe omukama wa Bayuddaaya¹⁹Nibamukubba olubiingo omumutwe, nibamucweera ebicwantai. Nibafukamire nibamuramya. ²⁰Awo nibamaare okumuduura nibamwambula olugoye olwa Ffulungu, nibamuzwalikisya ebizwalo byamwei, nibamutwala nibamuwulukya omunkomyo. ²¹Nibasindiikirya omuntu ayaali akwakala, Simooni owa Kuleene, nga akuzwa omukyaalo, oite wa Alegezanda no Luufo okwaaba nabo okweitiika omusalaba gwamwei.²²Nibamuleeta omukifo Gologosa, ekilutegeeza ekifo kya kyangala. ²³Nibamuweerya omwenge ogutabwirweemu envuumbo, naye nagaana okugunywa. ²⁴Awo nibamukomeera, nibeegabira ebizwalo byamwei nga bakubikubbira obuluulu buli muntu kyeyatwala.²⁵Olwo esaawa nizaikire eisatu nibamukomeera. ²⁶ebbalula yamusaango gwamwei newandiikibwa aiguru nti "Omukama wa Bayuddaaya" ²⁷Era n'abaibbi babiri nibabakomeera amwei naye; omwei okumukono gwaamwei ogulyo nowondi okugumoso. ²⁸Olwo ekyawandiikibwe nekiikiira ekikoba nti nabaliirye amwei nabaasiisire.²⁹Awo abayakalanga nibamizuma nga bakuteengetya emitwe jaabwe, nibakoba nti, niiwe okumenya e Yeekaalu nogyombokera ennaku issatu. ³⁰Werokole, ozwe okumusaalaba.³¹Era abakabona abakulu n'ebamuduura batyo n'abawandiiki bonkai na bonkai nibakoba nti yalokoire bandi; tayiinza kwerokola yeenkai. ³²O Kristo omukama wa Isiraeri azwe ati okumussalaba leke tubone twikirize. N'abaali bakomeereirwe naye nibamuzuma³³Awo esaawa zaali mukaaga niwabba ekiiruma okunsi yoona okwikya esaawa mwenda. ³⁴Awo omusaawa eya mweendai o Yeso nakuunga neirakka erikooto nti Eroi, Eroi, Lama sabakusaani? ekyikutegeeza nti Nyamwanga wange, Nyamwanga wange, kiki ekikundeserye? ³⁵Awo abamwei okwaabo abaali bemeereire awo nibakoba nti akweeta Eriya.³⁶Awo omwei nairuka nainika ekisuumwa omu vviinyo egikaatuki, nakitta okulubiingo namuweerya okunywa nga akukoba nti Leka tubone oba Eriya yaiza okumwanula. ³⁷Awo o Yesu nakuunga neiraka erikooto naweeryaayo obwomi. ³⁸Awo olutiimbe olwa mu Yeekaalu nilwonokamu akati okuzwa aiguru okwika ansi.³⁹Awoo omwami wakitongole ayaali ayemeereire awo nga amuliraine niyabweine nga awaireyo obwomi atyo, nakoba nti amazima omuntu onni abbaire mwaana wa Nyamwanga. ⁴⁰Era waaliwo alai ku abamukali nga bakulengera: omwaabo mwaliimu n'oMalyamu Magudaleene, no Malyamu omaama wa Yakobbo omutto mutto no Yose, no Saalome; ⁴¹Abo nibaali omu Ggaliraaya nibo bayaabanga naye nga bakumweereza, n'abakali abandi baingi abaninire naye eYerusaalemi.⁴²Awo nibwaswekere, kubanga lwali lunaku lwa kuteekateeka ,nilwo lunaku olwekeera e Sabbiiti, ⁴³oYusufu owa Alimasaya, omukulu ateesa owa kitiinisya, era yasuubiranga ye omwenyini obukama bwa Nyamwanga; naguma naingira ewa Piraato nga takutiina, nasaba omutuumbi gwa Yesu. ⁴⁴Awo o Piraato niyeewunya nafwiire amangu, nayeta omwami wa kitongole namubuulya oba ekiseera kyakaaireku nga fiire⁴⁵Awo niyakiwuliire okuzwa eddiomwami, naweerya o Yusufu omutuumbi. ⁴⁶Nagula olugoye olwa kitaani, namuyayo, namuziinga omulugoye olwo olwa kitaani, namutta omumbi eyasakirye omwandaara, nairingitya eibbaale okumulyango gwa mbi. ⁴⁷Malyamu Magudaleene no Malyamu omaama wa Yose nibabona weyateirwe.

¹Awo e sabbiiti niyaweireku, o Malyamu Magudaleene no Malyamu onyina wa Yakobbo, no Saalome nibagula obuwoowo, baize bamusiige. ²Awo nibwakeire emaambya okulunaku olukwereera omusaande, nga eisana lyakazwayo nibaiza okumbi.³Awo baali nga bakwebuulya bonkai na bonkai, nti nani yatujuna okwiringitya eibbaale okuriiya okumulyango gwantaana? ⁴Awo nibalolereire nibabona ebbaale nga riyiibwewo kumabbali, kubba ryaali rikooto muno.⁵Awo nibaingiire omuntaana, nibabona omwojjo nga aikaire okuludda lwa mukono gwa ddyo, nga azwaire ekizwalo ekyiikiiri. ⁶Nabakoba nti muteewuunya muno; Mukutoolya Yesu, Omunazaaleesi, ayakomeereire: Awumbuukire; taluwo ani bbe: bona, ekiffo webamutaire. ⁷Naye mwabe, mukobere abegesebwa baamwei no Peteero nti abakulembeiramu okwaaba eGgaliraaya.⁸Nibazwa omumbi nga bakwiruka mangu mangu; kubanga okukankana no okwewunaikya byaali nibibakaite: ate nibatakoberaku muntu kigambo kubanga batiinire.⁹Awo niyamaare okuyimbooka oku mambya mambya okuluniku olwekeera omu nnaku omusanju nasoka okubonekera oMalyamu Magudaleene gweyappekereku ezi dayimooni omusanju. ¹⁰Oyo nayaba nakobera abantu abandi beyaakalanga nabo, nga banakuwaire nga bukukuunga. ¹¹Awo bo, nibaawuliire nga mwomi, nga aboneibwe ye, nibataikiriza.¹²Ebyo nibyaweire nabonekera abaira baamwei babiri omukifaananyi ekiindi, nga bakutambula nga bakwaba omukyaalo. ¹³Awo abo nibaaba nibakobera baddi abandi naye nibataikiriza.¹⁴Oluvanyuka nabonekera eikumi nomwei nga baikaire okukyiobulo; nabannenya olwabutaikiriza n'obukakanyali bwa myoyo jaabwe, kubba tibaikiriize abamwei bona nga amaare okuzuukira; ¹⁵nabakoba nti mwabe omunsi zoona mubuliire engiri eddi ebitoonde byoona. ¹⁶Aliikiriza nabatizibwa, yalirokoka, naye okataliikiriza omusaango gwaliimusiinga¹⁷Era obumanyisyo buni bwakwaabanga naabo aibikiriza: bakwiza kuppekaanga emizumu omwibara ryange; bakwiza kubazaanga endimi eziyaaka; ¹⁸baalikwata okunjoka, nibakunywaanga ekiintu ekyikwitta, tikyabaakolenge kabbi nakadooli; bakwiza kuteekangaku emikono abalaire nibawona.¹⁹Awo omukama waiswe oYesu niyamaare okubaza nabo, natwaalibwa omwigguru, naikaara okumukono ogwa ddyo oggwa Nyamwanga. ²⁰Baddi nibawuluka, nibabakobera woona woona, omukama waiswe akukoora amwei nabo era nga akugumya ekigambo mu bumanyisyo obwakyiriiranga. Amiina.

¹Ne baali abaingi abatandiikire amakulu gakyigambo ebyakirinyizibwe omu iswe. ²nga bwe babhitukobere, aboo abasokere omkuzwa oku ntanndikwa okubba abajulirwa era abawereza bakyigambo. ³Awoo ne naliraine byonna byom, nna okuzwa okntandikwa, era njena nabweine nga kyisai okumuwandiikira oyoo, Teefiro omusai omunno, nga bweyaliraine; ⁴Olyoke omanye amakulu gakyigambko kyeweggeseibwe.⁵Awoo omubiro ubya Kerode, omukama wa Buyu9daaya, mwa liyo okabona, akwetebwa Zaakayo, owa mululandira lwa Abiya; era yayina onyabwezi omwara wa Alooni nga akwetebwa Erisabesi ⁶Nabo bombi baali baikyiri omu maiso ga Nnyamwanga, nga bukutamura omumateeka goona no mubyabwikiri ebya oNnyamwanga nga tebaliku nziro zoona ⁷Boo tebalina mwana, kubba Erazabesi yaali mugumba naabo bombi baali bakairikire omumyaka gyabwe.⁸Awoo olwailkire, nmga akukola emirimu gyabwa kabona omu maiso aga Nnynamwanga. ⁹Awoo akalulu ne kamugwaku nkempisa ezabwa kaboona bwe zaali okwingira omu kanisa eya Nnyamwannga okucukira obumanyisyo. ¹⁰Awoo ekyibiina kyoona ekyabantu kyali nga kiramirya nzai omu biiro ebyakucukirwamu.¹¹Awoo omalaika wa Nyamwanga namubonmekera nga ayemereire okuluda olwa bulyo olwa kyikoomi, kyokunyonkyza. ¹²Awoo oZaakayo bweyamubweine neyeralikira natiina. ¹³Naye omalaika namukoba nti totiina Zaakayo; kubba okwegaira kwamu kuwulilibwe, o nyabwezi waamu Erisabesi alikubyara omwana owabwojjo, olitumibwa eibaara Yokaana.¹⁴olisemerwa, era olijaganya, era baingi abalisemerwa olwa kubyalibwa kwamwei. ¹⁵kubba alibba mukulu momu maiso aga Nyamwanga, talinywa mwenge newankubaire ekyikutamiza, era alizulibwa omwoyo ogwikiri, okuzwa omunda yanyina wamwei.¹⁶Era baingi omubaana ba Isiraeri alibairya eddi oNyamwanga wabwe. ¹⁷Alikulembera omu maiso gamwei; omu mwoyo na maani aga Eriya okwirya emitima gya baziza eddi abaana, nabatakuwura okutamburanga omu magezi gabaikiri, okutegekera oNyamwanga abantu abateketekeibwe.¹⁸Awoo oZaakayo nakoba omalayika nti nakyimanya ntyai? kubbba njje ndii mukaire, no nyabwezi wange akairikire omu myakka gyamwei. ¹⁹Awoo omalaika namwiramu nti ninje Gabulyeri alyemera omu maiso ga Nyamwannga era natumibwa okubaza naawe nokutambulya ebigambo ebisai. ²⁰Ale bonna olisirika era nga tokwikiriza bigambo byange ebikirirwa omukwika kwayo.²¹Awoo abantu baali balindirirye oZaakayo, ne bewunaica nga bwalwire omukanisa ²²Awoo neyawulukire teyabazire nabbo; ne bamanyisibwa nti afunire okwolesebwa omu kanisa; nalwawo. ²³Awoo olwaikire ennaku ezakuweereza kwa mwei nga ziweireyo, nairayo owa mwei ekka.²⁴Awoo ebiro bwe byayakairewo omukali wamwei Erisabesi naba nendda; neyekwekera emyezi etaanu nga akoba nti ²⁵Atyo oNyamwanga nimwo akoore omunnaku zamwei yandoleremu okunyiyaku ensoni omu bantu.Awoo ebiro bwe byayakairewo omukali wamwei Erisabesi naba nendda; neyekwekera emyezi etaanu nga akoba nti Atyo oNyamwanga nimwo akoore omunnaku zamwei yandoleremu okunyiyaku ensoni omu bantu. ²⁶Awoo omu kwezi gwa mukaga omalaika oGgabulyeri natumwa oNyamwanga omu kyibuga ekya Ggaliraaya ekyikwetebwa Nazaaleesi. ²⁷Eddi omwala eyaali tamaite musaizaeyali akwogerezebwa omusaiza akwetebwa Yusufu owamunnyuba ya Dawudi; ²⁸Awoo naingira omunywe nabakoba nti Mirembe niiwe awereibwe ekyisa omuno o Nyamwanga ali naawe. ²⁹naye ye natuntura olwe kyigambo ekyo, nalowoza okulamukya okwo nga bwekuli;³⁰Awoo omalaika namukoba nti totiina, omalaika kubba obweine ekyisa okuluga eddi oNyamwanga. ³¹Era bonna alibba nenda, olibyala omwana owabwojo olimwalika eyibara Yesu. ³²Oyoo aliba mukulu, alyetebwa nti omwana wooyo ali ayigguuru omuno era o Nyamwanga alimuwa entebe ya Dawudi oziza wamnnywe ³³Era yalamulanga ekka eya Yakobo ebiro, ate obwabbukama bwamwei tebuli wawoo.³⁴Awoo omalm,yamu nakoba nti kyiriba kyityii ekyo, kubba timaite musaiza? ³⁵Nomalaika namwiramu namukoba nti omwoyo ogwikiri namani agooyo agali ayigguuru omuno galikunirya, era ekyo ekyiribyalibwa nikyo kyirizwa kyetebwe ekyikirire, omwana wa Nyamwange.36 Bonna Erisabesi omuganda wamu, era niye yaali endda ya mwana wa bwojjo nga mukaire, guni nigwo omwezi ogwamwei ogwamukaagha eyayetebwanga atabyala 37 kuibba ndowo kyigambo ekyizwa eddi oNyamwanga ekyiribula amaani 38 Omalyamu nakoba nti bonnma jendi omuzaana owa Nyamwanga; kakyibeki okunje nkabwokobere .Awoo omalaika nazwa aigguuru:39 Awoo omubiro ebbyo Omalyamu nayimu nayaba namangu omu iyanga elyansozi, omukyibuga kya Yuda. 40. Nayingira omu nnyuba ya maakayo nalamuca Erisabesi . 41 Awoo olwikire Erisabesi ne yawulire okulamukya okukuzwa owa malyamu omwana na gulukaguluka jommunda yamwe, Erisabesa nayizulibwa omwoyo omwikiri.⁴²Nabaziira ayigguuru omwiraka erikoto nakoba nti oweweibwe omukisa gwamwei omu bakali, nekibala kyamunda yamu kiwereibwe omukisa. ⁴³Njena ekyigambo kyini kyizwiri ayi omaawamukama wange okwiza jenddi? ⁴⁴kubba bonna eiraka lyokulamukya kwamu bwe ringire omumatwii gange, omwana nagulukaguluk aomunda yange, olwakusemerwa. ⁴⁵Awereibwe omukimsa eyayikkirize, kubba bikikrizibwe ebyo bye wakobeibwe o Nyamwanga⁴⁶omalyamu nakoba nti ememe yange eguulumizze oNyamwanga ⁴⁷Nomwoyo ogwange gusemereirye o Nyamwanga omulokoli wange.48kubba abweine obumanyisyo bwamuzaana wamwei; kubba bonna okusoka olwaleero aba mirembe gyonna banyetanga awereibwe omukisa. 49kubba omusoboli:ankoleire ebikulu, neyibara erikkiri.50 Nekyisa kyamwei kyiri omu bamutina, ebiro ne biro. 51 Alangire amaani nokwendya kwamwei; Asaasanyiize abayina amalala omu kulowoza kwa mitima gyabwe52 Agobere abafugi abakwekadamulya okuntebe zaabwe, amwicirye abaculeri. 53 Abayina ezaala okuramya ebisai Nabagaiga abagobere nti tebayina kintu .54Abeire Isiraeri omwiru wamwe ayizukire ekyisa kyamwe. 55. (nka neyakobere abaziza baiswe) eddi Ibulaimu nolubyalo lwamwei, ebiro byonna byonna.⁵⁶Awoo omalyamu namalayo emyezi nke essatu, nayira ewamwei ⁵⁷Aeoo ebiro bya Erisabesi ne biika okubyala: nabyala omwana owabwojjo. ⁵⁸Abaliranwa bamwei na bakiika kyamwei ne bawura nga o Nyamwanga omwizwirye ekyisa kyamwei, ne basemerwa amwei naye.59 Awoo alwaikire okulunaku lwa munanai, ne baiza okukomola omwana; baali bakwendya okumyalika eyibara lyaitewamwei Ozaakayo. 60 omawamwei nayiramu nakoba nti bbe, naye yatumibwa Yokaana 61. na kobanti ndowoo owamukyika kyamu aliyetebwa eyibara elya .⁶²ni bebulya oitewamwe, nkabwakwendya okumwalika. ⁶³Nayendya ekiwande ekyakuwandiikaku, nawandiika nakoba nti eibara lyamwei niye Yokaana ni bewunyaganya boona.⁶⁴Amangu ago akanwa kamwei ne kaiguka, nolulimi lwamwwei ne lusindabumka, nabazza nga akwebalya o Nyamwanga. ⁶⁵Boona abaali balirainewo ne batiina. Nebigambo ebyobyonna ne bizula omu iyanga lyoona eyansozi eya buyudaaya. ⁶⁶Bonna bonna ababiwulire ne babiteka omumitima gtabwe, nmi bakoba nti kale omwana oyoo alibbaki?67. Oitewamwe oZaakayo naizzulibwa omwoyo omwikiri,naraguza nti, 68Atenderezebwe oNyamwanga , ONyamwanga wa Isiraeri kubba akyalire abantu bamwei era abanunnwirwe. ⁶⁹Era atwimulire eiyembe lyabulokozi omunyuba ya mwiru wamwei o Dawudi: ⁷⁰(nka nabaza omu kanwa ka balangi bamwei abayikiri, abaliwo okulsokeranga eiyanga lini libawoo ⁷¹okulollebwa omu baziggu baiswe, no mu mikono gyabbo boona abatanugwa.⁷²okwikirya ekyi,sa kye yasubize abaziza baiswe, nokwizukiira eyiragano yamwei egyikiri. ⁷³okwikirya ekyirairo kye yalairire oziza waswe oIbulaimu. ⁷⁴okukyituwa iswe, iswe nimwo twakole bwa om mikono gya bazigu baiswe, olwo tulyoke tumwereze nga tetulina kutina. ⁷⁵omu kwera nomu bwikiri omu maiso gamwei naku zaswei zoona.⁷⁶Nawe, omwana okwetebwa omulangi owoyo ali aiguuru omuno; kubba olikulembera o Nyamwanga okusairya amazira hgamwei. ⁷⁷okumanyisya abantu bamwei obulokozi , ebibbi byabwe bibaibweku⁷⁹⁷⁸olwakyisa kya oNyamuwanga waiswe ekyisai, occibumbya nikyo azwayo nga etwakala okuzwa omwiguuru. 79 okumolekera abaikaire omu muwanda ogwa mirembe.⁸⁰Omwana nakula, nayongerwamu amaani omu mwoyo, nabbo omu mairungu okwikya oku lunaku lwe yabonekerwa eddi Isiraeri.

¹Awoo olwaikire omubiro ebyo aitakali Lyazwiire eddi Kayisaali Augusto Abanamawanga boona okuwandiikibwa ²okwoo nikookuwandiikibwa okwasookere okubaawo nga Okuleniyo niyaali akufuga obusuuli. ³Boona boona baayabire kokwewandiikisya, bulyomwei mukibugga kyamwei.⁴No Yusufu nazwa e Nazaalesi muki buga kya Gkgaliraaya naniina e Buyudaaya okwaba omukyibuga kya Dawudi ekyetebwa Beserekemu, kubba yaali amwei onnyuba era wakyika kya Dawudi, ⁵Yewandiikisirye no Malyamu, gweyaali akwaine nga ali ndda.⁶Awoo olwaijkire, baali balieyo, ebiro bya kubyaala nebiika. ⁷nabyaala onmwana wamwei akusooka, namusweka omungoye ezabaana abato namuteka mukyiraalo kubba tebaboine kyifo kyaabagenyi.⁸waaliwo abalisya omunsi eyo abaikaaranga omukisiklo nga bakuuma ekyiraalo kyaabwe ekyaali omukibiinjja. ⁹Awoo omalayika wamukama nayemera okumabali nekyitinisya kyamukama nekyetoloola nga kyikupereketya¹⁰Omalaika nabakoba nti temutiina, kubba mbaliteire ebisai ebyamasanyu againgi agalibba eddi abantu boona; ¹¹kubba olwaleero abyaalibwe eddi nywe omukyibuga kya Dawudi, niiye omukama waiswe. ¹²kanni niko akamanyisyo eddi nywe, mukwabaku boona omwana omuto nga asweikwibwe omugoye bwa baana abato nga ateikeibwe omukiraalo¹³Awoo omulabuka okwoo waliwo no malaika oyoo, baingi okubamagyae agomwiiguuru nga bakuramya Nnyamwanga, nga abakocba nti, ¹⁴Ekyitinisya kyibbe eddi oNnyamwanga waigguuru omunno, nomunsi emireembe jibbe omubantu abasiimibwe.15. Awoo olwaikire abamalaika nebazwiiragyebaali okwaba omwiguuru, Abalisya nebakoba nti twaabe e Beserekemu tuboone ekyigambo kyinni ekyibaire woo omukama kyatumanyisirye.16 . Nebaiza mangu nebabona oMalaika no Yusufu nomwaana omuto nga atekeibwe omukyiraalo¹⁷Awoo nebabweine ,nebamanyisya ekyigambo kyebakobeibwe ¹⁸Boona boona ababawulire bewunyire ebigambo abalisya byebakobere. ¹⁹Naye oMalyamu nasirikiranga ebigambo byoona nga akubirowoozaku omumutima gwaamwei. ²⁰Awoo abalisya nebeirayo, nga bakugulumiza nga bakutendereza oNnyamwanga olwabigambo byoona bye bawulire, ebya baboine nka bwebaawulire.²¹Awoo ebiiro omunaanai nebika ebya kumutaira nayalikibwa veibara lyaamwei Yesu, liddi eryabazibwe omalaika nga akyaali mundda²²Awoo enaaku nezaikire, ezakutereeza amateeka ga Musa nigaali nebamutwaala nebamuninisya eYerusaalemi, okumwanjura omukama. ²³(nka bwe kyawandiikibwe omubiragiro bya mukama nti buli kyisaiza ekyigaalanda kyailietebwa kyikiiri eddi omukama. ²⁴nokuweeryayo esaddaka nka bwekyakobeibwe. omubirango bya mukama, obukaamukukulu bubiri, oba obungiwo obuto bubiri²⁵Era bonnyiya, waliwo omuntu omwei eYerusaalemi eibaara lya Simoni, omuntu oyo yaali mwiikiri era atiina oNnyamwanga, okusemeerwa kwa Isiraeri: era omwooyo omwikiiri yaali kuniye, ²⁶oyo yasweekulibwe omwooyo omwiikiri nambu taliboona kufaa ngakyaali kuboona ku kuristo wamukama²⁷Naizira omumwooyo omu yekaalo: abkaire baamwei nebaingira omwaana oYesu okumutairira nkeempisa yabiragiiroo, ²⁸awoo yenamukwaata omumikoono gyamwei, neeyebaalya oNyamwanga ngaakoobba nti ²⁹omukama wange, atii okusibula omwiiru waamu Emirembe, nkeekigambo kyaamu bwe kyaali³⁰kubba amaiso gaange gaabwoine obulokozi bwamu ³¹Niweteekateka omu maiso gabantu boona: ³²okubba aisana ogwookimula amawanga, nokubba nekyitiibwa kyabantu baamu.³³Oito waamwei no nnyina nebewunyanga ebigambo ebyo ebyaamubaziibweku; ³⁴AwooSIimoni naabasabira omukisa, naakobba oMalyamu onnyina nti boona, onni ataikeibwewo baingi omu Isiraeri abaagwenge baimerenge, nookubba akamanyisyo akombokeibwe; ³⁵Era weisumu lirikumutibwa omumutima; ebirowoozo ebyamitimaejjingi bilyooke biswekulwe;³⁶Awoo waaliwo Anna omulangi omukazi, omwaarawa Fanweri owaamukyika kya Aseri (yaali yaakamala emyaaka jingi, yaabire noibawaamwei emyaaka musanjju okuzwa omubutoo bwaamwei. ³⁷naye yaali naamwandu nga yaakamala emyaaka kyinaanai nenai) ataazwaanga omu yeekaalu, nga atendereza nookusiinga nookweegairanga obwiire nemisana. ³⁸oyoo niyeizire omukaseera akko niyeeebalya oNnyamwanga, nabakkoba ebigambo byamweieddi boona boona abalinga balindiirirye okununulwa kwa Yerusaalemi³⁹Awoo nebwebaamaare okwiikiirya byoona ebiri omubiragiro bya mukama, nibeirayo eGgaliraaya kyagabuga kyaabaabwe Nazaaleesi ⁴⁰Awoo omwaana naakula, nayoongerwaku amaani naizulwa amagezi, ekisa kya Nnyamwanga nekibaanga kuniye.⁴¹Awoo ababeire baamwei bayabaanga e Yerusaalemi okumbaga yakwaakalaaku. ⁴²Awoo niyaali yaakala emyaaka ikumi naibiri nebaniina nkabweyaali empisaa yaambaga; ⁴³awoo neebeikirye ennaku zaabwe baali bakwiirayo omwaana oyoo oYesu nasigala om Yerusaalemi nababyare baamwei ne baatamanya ⁴⁴naye nebaaloowozera nti yaali akubagoobera, ne baatambula olugenndo lwalunaku lumwei ne baamutoolya omubagande baabwei, nomubanwaani baabwe.⁴⁵nibaatambwire niibeirayo e Yerusaalemi, nga baakumutoolya. ⁴⁶Awoo olweikire niwayakairewo enaaku issatu ne baamusanga mu Yeekaaio, nga aikaliire akaati omubagesebwa, nga kubawuliirya, ngaakubabuulya. ⁴⁷Boona boona abaamuwuliire nebenyamira okulwaamagezigaamwei neinyiramu yaamwei.⁴⁸Awoo nibaamaare nebaasaamiira; omaawaamwe naamukoba nti mwaana waange, lwaaki otukoorekyini wee otti? bwoona oitoowo naanjje twaakutoolyanga nga tukweewuniikirirye. ⁴⁹Nabakobba nti mwaantolyangaki? Temwamaite nga kingwaaniire okubba omubigambo byeitoo waange. ⁵⁰Neebataategeera ekyigambo ekyo kyeyaakobeere.⁵¹Nasiirimuka naabo naiza eNazaaleennsi, naabagonderanga omaawamwei nayeekumaanga ebigambo ebyo byoona mumutima gwaamwe, ⁵²Awoo oyesu ne yeeyoongeraku amaagezi nokukuula, noomukisa eddi oNnyamwanga needdi abantu.

¹Awoo omumwaka gwaikuminaitanu omumirembe gya Tiberiyo kayisali pontiya piraato bwe vyaali nga niiye wasaza lya Buyudaaya no Kerode bjwe yaali nga niiye akuffuga eGgaliraaya no Firipo omugande nga akufuga ituliya, nopinsi ye tiro ku niti nolusanire ne yaali nga akufuuga Abirrene, ²No Ana no kayaafa bwe baali nlga balisya abasinga opbukulu ekigambo kya Nnyamwanga ne kya Yokaana omwaana wa Zaakayo omwirungu.³Nayiza omunsi yoona erirayine eYoludaani nga bakubulira okubatizibwa okwa kuibwaku ebiibi.⁴nka nekya wandiilkibwe om ukitabo kya bigambo omulaguli oIsaaya nti eiraka lyamwei okubazira aiguru omwirungu nti musairye omuwanda gwa mukama mutereze amaziira. gaamwei.⁵Nabuli lusozi nobmusozi bulisayiribwa; obya kyamire, birigololebwa namazira agataali masai galiterezebwa. ⁶Nabaalina omubiri boona balibona obulokozii bwa nNyamwanga.⁷Awoo nakoba ebibiina ebya wuulukanga okubatizibwa ntii nywee abaana abanjjoka nnaani alabwireokwiruka obusuungu obukwabaa okwiiza.⁸kale mube ebibala ebisanire okwenenya naye temusoka kubaaza munda munywe nti tuliina oziiza waiswe niiyeIbburayimu; olwokubba nkubakoba nti onNyamwanga ayinza amabaale gani ogainduraamu Ibaraimu abaana.⁹Naati empiisa eteekeibwe okukyikolo kyammisale ale buli musaale ogutaabala kusai gutemwengewo gunagibwe omumuuro.¹⁰ebibiina nebimubulya tukoole kii? ¹¹nabbakoba nti ainna ekanzu eibiiri, aweeku oyoo atalina nayiina emere akole ekyoo.¹²Nabawooza nebayizaa okubatizibwa, nebamukoba ntii omwe gesya tukole kii? ¹³Nabakoba ntiitemusorozanga kyakalirirye okusingayo awoon bwemwalaibwe.¹⁴Nabasiirikale nebamubulya ntii naiswee tukoole kii? Nabakoba nti temujoganga mluntu ate temukakangamuntu empeera yanywe lebamarenge.¹⁵Awoo abantu bwe baali nga bakusubiira era boona nga bakulowooza ebigambo bya Yokaana omumitima jabwe obba nga niiye kuristo ¹⁶OYokaana nairamu. nakoba mazima niinmje ababatiize namaizi naye akwiza akunsiinga amaani nanje tinkusanira nakusanddabula nalukoba lwa nkaito myamwei naye alibabatiza nomwooyo ogwikiri nomuuro.¹⁷olugali lwamwei lulii omumukono gwamwei okusaira omu ekyingiro kyamwei nokubanilwa ongano ekyiddero kya mwei naye ebisusunku alibyokya nomuuro ogutalikira¹⁸Era na buulira abandii bingi nga abakoba ebigambo ebisai ¹⁹naye Okerode okwasaza bwe yamunenyeze olwa Kerodiya omuuka mugande nolwabigambbo ebiibi Okerode byeyakore. ²⁰Ate okwebyo nabaza okukyini, nakwata oYokaana omwitta omukomera.²¹Awoo olwakiire abantu boona lwe baali nga bakubatizibwa; no oYesu neyaamare okubatizibwa nasaba eyiguuru neriswekuka ²²omwooyo omwikiri nagwa okuye omukyifananyi kya njjiwa ne iraaka nemriwuluka omwiguuru nti wee mwaana wange omusai nkusanyukire.²³era oYesu omwenyiini niiye yasokere okwegesya, yaliyakamala emyaka amakumi assatu nga mwaana (nka neyalowoize Awoo oYusufu baali mwikumbaniro ne bamusimbaku amaiso ²⁴omwaaana waaMatthat, omwaana owaa Levi, omwaana owaa Melchi, omwaana owaa Yanayi, omwaana owaa Yusuufu²⁵omwaana wa Mattasiya, omwaana wa Amosi, omwaanawa Zerubbaberi, omwaana wa Seyalutiyeeri omwaana wa Neeri ²⁶omwaana wa Maasi, omwaana wa Mattasiya omwaanawa semeyini, omwaana wa yoseki. omwaana wa Yoda.²⁷omwaana wa Yokannani, omwaana wa Lesa, omwaana wa Zerubbabel, omwaanawa Seyalutiyeeri, omwaana wa Neeri. ²⁸omwaana wa Mereki, omwaana wa Addi, omwaana wa Kosamu omwaana wa Elmadamu, omwaana wa Eri ²⁹omwaana wa Yesu omwaana wa Eryeza, omwaana wa Yolimu omwaaana waMattati, omwaana wa leevi³⁰omwaana wa Simoni omwaana wa Yuda omwaana waYusuufu omwaana waa Yoraamu omwaana waan Eriyakkimu. ³¹Mattasa, omwaana waNasana, omwaana wa Dawudi. ³²omwaana wazYesu omwaana wa Obeddi omwaana waBowaazi, omwaana wa Salumooni omwaanaa wa Nakusonni³³omwaana wa Amminadabu, omwaana wa Alooni omwaana wa Kezulooni ,omwaana wa Pereezi, omwaana wa Yuda ³⁴omwaana wa Yakoobo, omwaana wa Isaaka omwaana wa Ibruyimu, omwaana wa Teera, omwaaana wa Nakoli ³⁵Mwaana wa Serugi, omwaana wa Lewu, omwaana wa Peregi omwaana wa Aberi omwaana wa Nuuwa, omwana wa Iseraki³⁶omwaana wa Kayinaani, omwaana wa Alupakusaadi, omwaana wa Jemu omwaana wa Nuuwa, omwaana wa Lameki ³⁷ommwaana wa Mesuseera omwaana wa Enoki omwaana wa Yaledi omwaana wa Makalaleeri, omwaana wa Kayinaani, ³⁸omwaana wa Enosi omwaana wa Seezi omwaana wa Adamu omwaana wa Nnyamwanga.

¹Awoo oyesu niya zwire omwooyo omwikiri naira nga akuzwa oku. Yoludaani omwooyo namutwala omwirungu ²namalayo ebiro amakumi annai nga akemwebwa o setaani ate teyalyanga kyintu omunnakuezoo; awoo bwezaweireku, enzala nemuluma.³Osetaani namukoba nti bwewaba nga olimwaana wa Nnyamwanga kobba eibaale riini rifuuke emmer. ⁴Oyesu namwiramu nti kyawandiikibwe ntii omunktu tabba mwomi ne mmere yonkai.⁵Namuninisya, namulanga obwa Nnyamwanga bwoonna obwamunsii omukassera kaddoli. ⁶Osetaani namukoba nti Nnaakuwa wee obuyinza buuni bwoonna, nekitiibwa klyamu; kubba nnaweibwe njje; era agabiira buli gwe nkwendya. ⁷kale bwewansiiza omu maiso gaange, buuni bwoonna bwabba bwamu.⁸Oyesu namwiiramu namukoba nti kyawandiikibwe Osiinmzanga omukama oNnyamwanga waamu, gwokuweerezana yenkai.⁹Namutwaala eYerusaalemi, namutteka oku kyitikkiro ekya 'Yekaalo, namukoba nti bwewaaba nga oli mwaana wa Nnyamwanga, zwaani wesinziire ansii; ¹⁰kubba kyawandiikibwe nti Alikusiindikira abamalaika bamwei bakukumiire kyimwei; ¹¹Era balikuwaniira omumikono gyabwe, oleme okwesittala okugulu kwamu okwiibaale.¹²Oyesu namwiiramu namukoba nti kyabaziibwe nti Tokemanga omukama Onnyamwanga waamu. ¹³Osetaana bweyamare buuli kyikemo namulekawo ekyiseera.¹⁴Awoo Oyesu naira e Ggaliraaya ommu maani agga mwooyookwattikira kwamwi nekwaba nga kukubuna omunsii zoonna ezirirainewo. ¹⁵Nayegesya nga omumakumbaniiro gaabwe boona nga bakuumugulumiza¹⁶Naiza Enazaalensi gye yakulire;oku lunnaku olwa ssabiittinaingira omu kkutnaaniro nga bwe yali ne mpiisa nayemeera okusooma. ¹⁷Nebamuwerya ekyittabo kya nnabbi Isaaya, nasweekula ekittabo naboona ekyitunddu ekyawandiikibwe nti¹⁸omwooyo gwa mukama guli ku ninjje, kubba yansuukireku amafuta okubuuliira abaseeggeebigambo ebisai: Atuumire okutendera abanyagi okusanddabulwa, Nokwiigula abaigali bamaiso, okubataisya abakubetentebwa, ¹⁹Okutendereza omwakka gwa mukama ogwakkirizibwe.²⁰Nasweekaku ekitabbo,nakyirirya omuweereza naikara;abantu boona. ²¹Natandika okobakoba nti olwaleero mebyawandiikibwa bini bikirire omu matwii ganywee: ²²Boona nne bamwetegereza ne beewuunya olnwebipgambo ebyakyisa ebizwiire omukanwa kamwei: ne bakoba nti Onii tii mwaana wa Yusufu?²³Nabakoba nti Temuliremwa klunkoba lugero lunni nti omusawoo, Weewonye wenkai: byoona bye twawuuranga nga bikolwe e Kaperunawumu, Bikoore Naani omukyalo kyannni. ²⁴Nabakoba nti kamazi mbakoba nti Ndoowo nnabbi akwikirizibwa omu kyalo kyabbo.²⁵Naye kamazima nkubakoba nti Waliwo abanamwanddu baingiomu Isireariopm biro bya Eriya, eigguru lyaggalibwe emyaka essatu omu myezi mukagga, enzala ggingi bweyagwire okuunsi yoona; ²⁶Eriya teyatumibibwe eddi omwei okkubbo wabuula eZalefasi, omnsii ya Sidoni, eddi omukali onnnamwandu. ²⁷Era waaliwo abantu baingi abakwaba omu Isireari omubioro bya Eriya onnabbi; nddowo nomwei kubbo eyaasairibwe, wabulaNaamani yenkai omusuuli.²⁸Nebaizula obuusungu boona abaali omukumbaaniro bwe bawuulire ebigambo ebyo; ²⁹ne baimuka, ne bamusindiika enzai wekyibuga nebamutwala okumabali galusozi lwe bakubireku ekyibuga kyabwe, bamunage ansii. ³⁰Naye nabakalamu akaati nayaba.³¹Nasiriimuka e kaperunawumu, ekyibuga ekya Ggaliraaya:nabegesya okulunaku olwa ssabbitti: ³²ne basirikiira olwa kwegesya kwamwei, kubbaekyigambo nikyo kyayina obuinza³³Awoo omummbaniiro mwaliimu omuntu eyaliku ekyimbe (dayimooni); nakuunga neiraaka ³⁴nti woowe, okukuvunaana kii wee, Oyesu omunazaaleensi? oizzire okutulikirya? Nkumaittewe bwoli,omwikiri wa Onnyamwanga.³⁵Oyesu namubwoiggora ngakoba ntiSirika,muzweeku. kyimbe (dayimooni) yamunagi akaati namuzwaku nga tamukore kyibbi. ³⁶okuwunikiira nekubakwata boona ne bebulyangana boonkai na boonkai nga bakoba nti kyigambo kii kyinni? kubbaakulagira nobuyinza namaani emizimu (abadayimooni) ne baamuzwaku. ³⁷okwattikira kwamwei ne kuwuulikika omu buli kyifo ekya nsii erirainewoo.³⁸Nayemeera nazwa omukumbaniro naingira omunyubbaya Simoni, Awooo nyiina wamwei omukali waa Simoni yalinga akwattibwe omusujja gwingi, nebamwegayira okulwamwei. ³⁹Nayeemera waali, naboiggora omusaiza; neguwoona amangu aggo naimukka nabaweereza.⁴⁰Awoo eisana bwelyali ligwa, boona abaalina abalwaire abenddwaire ezitali zimwei ne babamuletera, buli omwei okuboo namutekaku emiikono gyamwei ⁴¹ne mizimu (badayimooni nebabazwaku baingi, ne bakunga nga baakoba nti wee olimwaana wa Nnyamwanga: Nababoiggora, natabaikiriza kubaza, kubba baamaite nga niiye Kuristo⁴²Awoo kobwiire niibwakeire, nazwayo nayaba omjukyifo ekyitalimu bantu: ebibiina nebimutoolya nlebaiza jjali, nebendya okkumugana alemme okubazwaku. ⁴³Naye nabakoba nti kyiogwanire okubulira enjiri leyabwakabaka; bwaNnyamwanga nomubibuga ebindii kubba niikyo kyenatumibwe. ⁴⁴Awoo nabuliranga omumakumbaniro eGA Ggaliraaya

¹Awoo olwaikire ebibiina byamunyigirirye ne bawuura ekyigambo kya onNyamwanga, ye yaali nga ayemereire okunyanja ya Genesaleeti; ²Nabbona amaato abiiri oku nyanja era abategi baali nga bagazwiiremu nga bakwooza ebitiimba byabbwe. ³Nasoomolaku ergyatoo rimwei eryali lya Simoni namumkoba alisemberyeyo kadyooli okuzwa okumuttala. Naikara nategesya ebmibiinja omulyatoo.⁴Ni yaali nga amaare okubaza nakoba oSimoni nti sembera alaayi, muunage ebitimba byanywe mutege. ⁵Osimoni nairamu nnti musaiza, twagadire okukeisya obwiire netutakwatisya nakyintu, nolwekyo olwakyigambokyamu kannage ebitiimba, ⁶Awoo nibakoore nikyo kimwei, neb akwatiisya enccuwii ziingi munno nyiini ebitiima byabwe nibyendya nokutemuka, ⁷Ne batemya nokubairababwe abaali omulwaatto eriindi, baize babaJjune nebaiza nebaizulya amaatto goona, negendya nokweibirya.⁸Naye Osimoni Peteero niyabweine, nakakana ansii okumagulu ga Yesu, nakoba nti nganyiira, anti ninjje omuntu aina ebibbi, Nnyamwanga wange. ⁹Nolwekyo yawunikiirire nabairabamwei beyaalinabo olwabyenyanja ebinyamwingi bye bakwaitte. ¹⁰Oyakobo noYokaana boona batyo, abaana bazebedayo baali bakainye kyimwei no, Osimoni, Oyesu nabakoba ntiSimoni ototiina; okusooka anti okwakuteganga nabantu ¹¹Awoo nibaleeta amaatto gabwe okulubalama, nebaleka ebyabwe nebamusengerya.¹²Awoo olwaikire niyaali nga aliku omukyibuga ekyimwei kwebyo, bonna waliwo omuntu eyaali azwiire ebijjeju, oyoo n,iyabweine Oyesu, namuloleera namaiso namwegaira, nga akumukoba nti Nnyamwanga waange, niwayendya,okusoobola okutereza. ¹³Nagolola omukono gwamwei namukwataku nga amukoba nti nkkwendya, olongosebwe omlubwangu ebijjeju nebiwoona.¹⁴Namulakasira obutakoberakumuntu yeena, naye yabba werange eddi oNnyamwanga oweeyo obujjulizi olwakuwoona kwamu, nka Omusa niyalagirwe okubba omujjulizi eddi jjebali.¹⁵Naye ebigambo byamwei nebyeyongera kweyongera nkusaasaana, ebibiinja bingi nebikumbana okuwulirya nokubawoonya endwaire zabwe. ¹⁶Naye yee nabawukanaku nmayaba omumalungu.¹⁷Awoo olwaikiire olunaaku lumwei okwezo; yabaire nga akwegesya abFalisaayo na begesya amateeka baali baikaire awo,baali bazwiire mubuli kibuhgga ekya Ggaliraaya, nomu Buyudaaya no muYerusalemi namaani ga Nnyamwanga gaali naye okubatambula.¹⁸Boona, abantu ne baleeta omuntu okukyitabu eyabaire akonnere; nebayiiya amagezi okumwingirya nokumutta omaiso gamwei ¹⁹Nebatabwoine wakumwakaarya olwakyiibinja, nebannina aiguru okunnyubba nebwamwakalya omubbuloka nebamwiirirya okukyitabu kyamwei akatii omumaiso ga Yesu.²⁰Awoo neyabweine okwiikiriza kwabwe, nakoba nti omuntu ebiibbi byamwei bikuttolebwaku. ²¹Abawandiiki na Bafalisayo nebaloleera okuwakana nga bakoba nti naani oyoo akubaza okubyakuwoola naani ayinza okwiyaku ebibbi, okwiyaku oNnyamwanga yenkai²²Nolwekyoo Oyesu niyeteegyerye okuwakana kwabwe nairamu nabakoba nti mukuwakannirakii omumittima janywei? ²³Ekyikwanguya kyirai okoba n ti ebibbi byamu bitoibweku nokukoba nti yemeera otambule? ²⁴Naye mumanyenge omwaana wamuntu ainna obusobozi okunsii okwiyaku ebibbi (nakoba oyoo eyaali akonere), nkukoba nti imuuka oimuule ekyitabu kyamu oireyo omunyubba²⁵Amanmgu agoo naimuka omumaiso lgabwe, naimula ekyo kyeyaali abasiireku, nayabs ewamwei, nga akutendereza oNnyamwanga ²⁶Okwewunukya nekubakwatta boona, nebasiinza Onnyamwanga, nebatiina amuuno, nga bakoba nti tubwoine ekyittalo olwaleero.²⁷Awoo ekyairai olwebyo nazwaayo naboona omuwooziieibara lya Leevi, nga aikaire omugwakwoleka, namukoba nti yaakala nanjje. ²⁸Naleka byoona, nayemera, nayaba naye.²⁹Oleevi namusuimbiira omukolo ogukootto omunyubba yaamwei noljwekyo waliiyo ekyibinja ekyiikooto ekyabasoroori nekyabandi ababaire abaiaire nabbo okummeere. ³⁰Abafalisaayo nabawandiiki baabwe bemulugunya abegesebwa bamwei, nga bakoba nti ekyikubaliisya nokubanyweesya amwei nabaasoroori nabantu abaalina ebibbi? ³¹Oyesu nairamu nabakoba nti abbomi tebakwendya musaawu, okwiyaku abalwaire. ³²Nje tenaizire kweeta baikiri okuyaku abantuabaina ebibbi okwetonda.³³Bbona nebamukoba nti abegesebya baYokaana nga bakusiiba emiruundi gyingi era bakusaba, era naBafalisaayo batyo, naye abbamwei bakulya,bakunywa. ³⁴Oyesu nabakoba nti kale mukusobola okusobya abaana babugoole awasire omugole niyaba nga ali nabbo? ³⁵Naye kenaku ziriiza awoo nga awasire omugol;e alibaibwaaku, nolwekyo balisiiba omunaaku azoo.³⁶Era nabageera olugeero nti ndoowo muntu, ayonoola okulugoye olupya ekyiwero nakyitungira okulugoye olukaire era nekiwero kyoyonwoire okulupya tekisanangana nalukaire.³⁷Nolwekyo ndoowo muntu assukaa omwenge ogusai omunsawoo ezabisaato ebikaire, kubba omwenge ogusai gwatya ensawoo zabisaato, negusuka, nensawo ezabisaato. ³⁸Naye kikwendya omwenge ogusai okgusuka omunsaawoo zabisaato ezipya. ³⁹Nolwekyo ndoowo muntu anywiirev okumwenge ogukulu nayendya oguuto kubba okooba nti oggukulu guusai.

¹Awoo olwaikire, okusaabiiti obweyali akwakala omundimiiro ya ngano, nebaalya, nga bakukunnya omungaalo zabwe. ²Naye Abafalilsaayo abamwei nebakoba ntii kikii ekyibakolesya ekyamuziro okukola oku saabiiti?³Oyesu nabairamu nabakoba ntii, era kyini temukyisoma ngaku, Odawudi kyeyakore, bwe yalumibwe enzala nabairabamwei, ⁴Neyegayira omu nnyubba yaNyamwezi naiyamu emiigaati egyo kubalanga nalya, era nagyiweryaku beyalinaabo. ⁵Nabakoba nti omwaana wamuntu niiye omukama wa saabiiti⁶Awoo olwaikire oku saabiiti egyiindi, naingira omu kumbanilyo nabegesya omulimu omuntu nga omukkono gwamwei ogulyo nga gukare. ⁷Awoo abawandiiki nabafalisaayo ne bamubonera obba awonyezenge oku ssaabiiti, balooke baboone nkumuwawabiira. ⁸Naye niiyamaite endowooza zaabwe, nakkoba omuntu eyaina omukkono ogumkkaire ntti imukka, oyemmere akaati, naimuka nayemeera.⁹Awoo yesu nabakoba nttinkubabulya nywe, kyisai okusaabiiti okukola obussai oba okukkola ebbibi, o.kutamba obwoomi obba, okuzikirira? ¹⁰Neberuguurya omumaiso boona, nabakkoba, ntii yaniika omukono gwamuNakola atyo omukkono gwamwei neguwoona. ¹¹Nayetta abalalukii, ne babazza boonkai naboonkaibyebakukoolam Oyesu¹²Awoo olaikire omu biiro cebyo nazwayo nayaaba oku lusozzi okulamya nakeisya obwiire nga akulamya o Nnyamwanga ¹³Awoo obwiire nibwakeire, nayeeta abegesebwa bamwei, ommubo nakoomyamu omwiikunababiiri, nokubeeta nabeeta abatuumwa.¹⁴Osimoni era niiye gweyatumiire oPeteero, no Andereya omugandde, no Yakoobo no Yokaana; no Fiiripo no Battulimayoo. ¹⁵no Mataayo no Timosi, no Yakoba, omwaana wa Alufaayo, no Osimoni no simoni eyetbwanga Zerote ¹⁶no Yuda omwaana kwa Yakobo, no Yuda Isukariyoti eyamuliremu olukwei,¹⁷Naikirira Amosi naabbo nebemeera awacculeeri, ne kibuura ekikkokto ekyabegesebwa bamwei, abaantu baingi abakuzwa eBuyudaaya, Oyoonna waYerusaalemi, nabazzwiira okulu keito lwanyanja eye Ttuulo we Sidoni, abaizire okumuwuulilya nokutambibwa endwaire zabwe, ¹⁸nabaali okuboonesebwa edayimooni ne bawoonye zebwa. ¹⁹nekyibiina kyoona nekyisala amageezi okumukanja kubba amaani gazwiire omuyee negabataamba boona.²⁰Naimula amaiso agabegesebwa bamwei nakkoba nti mulina omukiisa abasege, olwokuba obwobukama bwea nnyamwanga niibyo bwnnye ²¹mulina omukiisa abalumibwe enzaala atii, olwo kubba mulikutibwa, muliina ommukisa abakungiire atii kubba muli basanyukii,²²Muliina omukiisa, abaantu bakyairenge, babetantalanga, abazumwanga, bwe bagaddiranga eibara lyamwei nga riibbi, okubavuinanisya omwaana wamuuntu ²³Mubeenga basanyukii okuulunaku olwo, mugulukanga olwa massanyu. kubba boona omugaabo gwanywe gwingi omwiiguru, olwakubba bazzizza baabwe nga bwe bakoranga a balangi nbatyo²⁴Naye ziibasangire nnywe abbagguda olwokubba mummare okubba nveinmsanyu lyanywe. ²⁵Zibasangiire nnywe abaimkutire akaadoli olwoo kubba mulinenebwa enzaala ,Zibasangire ]nnywe abakuseeka naatii olwoo kubba muliyongoobera, mmulikunga²⁶Ziibasangire, abaantu boona bwe balibebalya olwo kubba nga bazzizza bannywe nimbakolanga abalangi abobubeyegi²⁷Naye nkubakoba nnnywe abawulire nti, mwedye nge ababoni bannywe, mwakalyenmge kusai abbabakyalire ²⁸musabiirenge omukiisa ababakoliimire, musabiirenge ababakurye kyejjo.²⁹Oyoo alikukuba olusaya omuteerangawoo nolwakabiiri! nakwiiya ngaku omunagiro ggwamu, nekanzuu togyimugananga. ³⁰Buuli eyaakusabanga omuvweeryanga; nooyo eyakwiiyanga ku ebiintu ebyoo tobimusabanga.³¹era nimwayendyanga abaantu okubakalya, nywenna mubakorenge mutyo. ³²alee bwee mwendya aboo abukubendya nnywe,mwebalibwa kii? olwoo kubba abaantu baba nebbibi olwakwendya abbo ababendya. ³³Era bwemweyakalyanga okusai ababakoore okusai nnywe, mwebalibwakii? nolwokubba nabaantu ababbanga nebibbi nga bakukola batyoo? ³⁴Era bwe mwabaziika aboo bemukusabira, okubaweerya, mwebaalibwakii? nabaantu abaliina ebibbi bakuzika abba nebbibi, era baweebwenge batyo?³⁵Naye mwenddye nge ababonni bannywe mubakalyenge kusai mwaziike nge naye temwiiyanga woo suubbi, ne empeera, yannywe eriibajjingi, muliba baana booyo ali omwiguru omuno; olwokubba yee musai eddi attebalya nabaabbi. ³⁶mubeenge nekyisa, nka oitewannywe bwalina ekyisa³⁷Era mutasalanga mussango, temulisarwanga nnywena, era temusingisyanga musango, nnywena temulisingisibwanga musango; mugannyirenge, nannywe muligannyiranga;³⁸Muggabenge, nnywena muliweebwa, ebiipimo ebisai, ekyigaitibwe, mugeere ekyiingi, kye bakubaweeryanga omukyikaranziira.³⁹Era nabairamu omunggeero, ntii omwiigali wamaiso ayiinza okwebembera omwiigali omwiinne. ⁴⁰Omwegesebwa tasiinga mwegesya. naye bulimuunyu gwaliikira alibanga mwegesebwa,⁴¹kiiki ekyikulolesya akantu akalikuliiso lyamuggandawo, naye tolowoozanga akasekere akalikuliiso lyamu? ⁴²oyinza otyai okukooba nti omugandawoo, leeka nkwiiyeku akantu akakuli kuliiso lyamu, yeetenga okyali kubbona akaseekere akalii kulisolyamu wee nakyiweweita olyoke obbone kusai okwiiyaku akantu akalikuliso lyamugandawoo.⁴³Olwoo kubba nddowoo musale guusai ogwayeere ebiibala ebiibbi, nowankubaire omusale oguubbi ogwala ebibala ebisai. ⁴⁴Olwoo kubba bulimusale ogwetemgyera kubibala byagwo. olwoo kubba tebanokola ntiini kubugando, naye tebanookola mizabibu oku mweramaino.⁴⁵Omuuntu omusai ekyisai akyiyaa mwiibikiiro erisai ebyamwoyo gwamwei! nomubbi ekyiibbi ekyiiya mwiibikiro eriibbi; olwookubba ebyo ebiizulya omumwooyo akamwa kebikubaziibwa.⁴⁶era munnyetera ngakyii Nnyamwanga wannywe, Nnyamwanga wannywe, yeete temukola bigambo byenkubaza? ⁴⁷Buuli muuntu yeena ayigeera gyendi nawuura ebigambo byange nabbikola, nabalanga gwaisaine; ⁴⁸Anyiisana nkooomuuntu ayoomboka ennyubba nassaka ansiimuno omusiingi nagyiteka omunyazi, awoo amaizi wee geyanzura, omwiiga negukulutira okunnyuba eyoo ogwamani okugyinaga, ngategukusoobola nakusoobola kujjitengetya; olwookubba yombokeibvwe kusai⁴⁹Naye oyoo aliwuura natoola ayiisana nkomuntu akwoomboka ennyubba okwiitakali nasaaka omusiingi, awoo omwiiga negukulukutiiraku. lwamaani newaa amangu aggo, nokugwa kwannyubba eyoo nekubba kukooto.

¹Awoo niyamare okubaza ebigambo byamwei byoona omubaantu, naingira eKaperunawumu.²Awoo waaliwo omwaami wakyitoongole omwiiru wamwei gweyendyanga omuuno yaali nalwaire nga akwaba kufa ³oyoo niyawulire ebigambo byaYesu natuma okubakaire babaYudaaya jeyali nga akumusaba okwiiza okulokola omwiiru waamwei ⁴Boona nebaizire eddi oyesu, nebamwesengerya muuno, nebakoba ntii" aggwaniire wee okumukora wee okumukora ekyoo; ⁵Kubba ayendya eiyanga lyaiswe, neinkumbairo niiye yaali twoombokeire."⁶Awoo Oyesu nayaba naabo. awoo niyali nga talaalai nennyubba, omwaami oyoo natuuma abannywani bamwei jjali, nga akumukobanti sebbo, otegaddya kwiiza, kubba njje tiinyikiraine wee kwiingira ansii wakasolyai kange; ⁷Era niikyo nzwiire ngaana okweesanilya njjenkai, okwiiza jjooli, naye baaza kyigambo kyonkai, nomwiiru waange akwiizakuwoona. ⁸kubba najje. ndimuuntu alyansii waabiragiro, nga ndiina abasiibrikkale bentwala; nenkoba amwei ntii yaba, ayaba, nowoondi ntii izaa, ailzaa, nomwiiru waange ntii nkoola nyiini, akyikola.⁹Oyesu niyawuulire ebyoo niuyewuunya naindukiimra abaantu abanyaamlwiingi abamusengerya nabakoba ntii "Nkubakooba ntii tiimboonanga kwiikiriza kutoono nkakuni nebwaabavb omu Isiraeli ¹⁰Awoo abaantu abatumiibwe nebaira omunnyubba nebaajja omwiiru nga woonere.¹¹awoo olwaikire newayakairewo eibaanga liddyoli nyaba omukyibugga ekyettebwa Nayiini; abegesebwa bamwei nekyibiinna ekyikoto nebaba naye. ¹²Awoo nyasembeire okwiirembo lyakyiibugga,boona, omutuun-mbi nga gukulukyibwa enzai, ggwali gwamwaana omwei owamwei gweeyabyaire omwei, nomwei oyoo nga namwaandu; nabaantu baingi abamukyibugga omwoo ngabaalyamwei naaye ¹³awoo omukama waiswee niiyamubweine namusaasira namukoba ntii otakunga. ¹⁴naigera nakanga okulukugiro; baddi abaali nibetiikire nibemeera. Nakoba nti omwojjo, okukoba nti imukaa. ¹⁵oyoo ayaali afiire naimuka, naikara natanddika okubbaza. namuweerya omawaamwei.¹⁶Obutiini nibubakwata boona, nibagulumilya ONnyamwanga; nga bakoba nti omulangi omukulu ayiimukiire muniiswe; era oNnyamwanga akyalire abaantu bamwei. ¹⁷nekyigambo kyamwei ekyoo nekyisaana omuBuyudaaya woona nomunsii yoona eriiraine woo.¹⁸Awoo abegesebwa baYokaana nebamukobera ebiigambo ebyo byoona ¹⁹Oyokaana nayetta abegesebwa bamwei babiiri nabatuma ewamukama waiswe;nabakoba nti niiwee oyoo akwiiza kanda tulindire owoondi? ²⁰Awoo abaanmtu baani nibaikire jaali,niibakooba nti oYokaana omubatiza atuutumire eddi wee nga akoba nti niiwee oyoo ,abkwiiza kan da tulindiire owoo nddi?²¹Awoo omubwire obwo nawonia baingi endwaire nokubonabona no dayimooni, nabaigali bamaiso nabawa okubonia. ²²Oyesu nairamu nabakoba mwabe mumukobere Oyokaana ebyo byemubweine, nebyemuwuliire; abaigali baamaiso bakubonia, abalema bakutaambula, nabawabigenge bakusaayiiribwa, abakyigara bakuwura, abaafu bakuimboka, aseegi bakubulirwa enjjiri. ²³Era ainaa omukisa oyoo attaliswala kulwange.²⁴Awoo abakwenda baYokaana nebamare okwaba natandiika okubaza ne bibiina bya Yokaana ntii kyiki kyemwayendyanga okubona omwiiruungu? olubiingo olubiingo olukutengetebwa ompuungo? ²⁵Naye kyiki kyemwayabirire okubona? omuuntu azwaire engoye ezikupirikyitya? boona, abazwala engoye ezabukuni, abalya emeere ejjisai babba omukyikali kya mukama. ²⁶Naye kyiki kyemwayabirire okuboona? omulangi? nimwoo, nkubakoba, era okusiingira kyimwei omulangi²⁷Oyoo niyee eyawandiibweku ntii boona, njje nkutuma omukwenda wange omumaiso gamu, ye alisaira omwanda gwamu jokwaba. ²⁸Nkubakoba nti. omwabo ababyaliibwe abakali, ndomu akusinga Yokaana bukulu; naye omuto omubukama bwanyamwanga yete mukulu okumusinga.²⁹Nabantu boona nibawuulire nabaawooza nebaikiriza oNnyamwanga okuba omwiikiri, abatiizibwe omukubatiza kwaYokaana. ³⁰Naye Abafalisaayo nabegesya bamatteka nibagana okuttesa kwa Nnyamwanga kubba tii babatiizibweniiye³¹Kale abaantu abamulembe guuni nabaisanisyaki? era baalinka kii? ³²baali nka abaana ayikara omukatale, nga bakwetangana; abakoba ntii tubafuwiire omulere nimutabbina; tubakubire ebiiboobo, nemutakunga maliiga.³³Kubba oYokaana omubatiza yaizire nga takulya mmere ate nga takunnywa mwenge; nemukoba nti aliku dayimooni. ³⁴Omwaana wamuunt yaizire nga akulya nga akunywa, niimukobanti boona, omuuntu omutubi, omutamire, omunnywani wabawooza era owabalina ebiibbi. ³⁵Era amagezi gawebwa obwiikiiri okulwa baana baago boona.³⁶Awoo om uFalisaayo omwei namwetta okululya nayee. naingira omunnyubba yamuFalisaayo oyoo naikara okummere. ³⁷Kale, bonna, omukali eyali omukyibuga omwoo, eyaalina ebiibbi, niiyetegyere nti ayikiire okukyibulo omunnyubba yamuFalisaayo, naleeta eccupa yamafutta agamusutai, ³⁸nayemera emagulu okumagulu gamwei nga akunga, natandiika okumutonyeryaku amaliiga okumagulu agamwei nagasusulisya eisoke elyakumutwe gwamwei, namukomba, amagulu gamwei nagasiiga amafuta ago.³⁹Awoo omuFalisaayo eyamwetere niiyabweine, nabaza omundda yaamwei ntii omuuntu onii, baanga abaire omulangi yakwetegyere omukali akumukwataku bwaali, era nkaa nakwisana nkanalina ebiibbi ⁴⁰Oyesu nairamu namukobanti Simoni, ninakye nkwendya okukobera. nakoba ntii omwegesya, baaza.⁴¹Waaliwo omuuntu eyawoolanga, naye yaalina beyaabanjangababiiri; omwei nga akumubanjja oruupiiya biitanu, nowoondi ataanu. ⁴²Awoo niibalinga tebayiina kyakumusasula, nabasasiilra bakali babiiri.kale okubabiiri aliisinga okumweendya naani? ⁴³Osimoni nairamu namukoba nti nkulowooza oyoo gyeyasasiire eziingi; naamukoba nti osaare kusai.⁴⁴naindukiira omukali oyoo, nakoba oSimoni ntii okubona omukali onii? nyiingire omunnyubba yamu, notompa maizi gamagulu gange; naye attonyesere amaliga okumagulu gange, nagasangulisya .eisoke lyamwe. ⁴⁵Tewanywegeire wee; nayee onii nakaingiriranga akyali kulekerawoo kukoomba amagulu gange.⁴⁶Tonsiigire mafuta kumutwe gwange;nayee onii ansiigire amafuta gamusutai okumagulu gange, ⁴⁷nikyo nkukooba ntii asasiirwe ebiibbi byamwei ebinnyamwingi kabbe okwendya kwamwei okwiingi.⁴⁸namukoba nti osasiirwe ebiibbi byamu. ⁴⁹Awoo alibaikalire naaye okukyibulo nebatandiika okubaaza boonkai naboonkai ntii onii naani akusasira nebiibi? ⁵⁰nakoba omukali ntii okwiikiriza kwamu kukulokoire; yabamirembe.

¹Awoo nibaikireoluzwanyuma, natambula omubiiga nomumbuuga nga akubulira engiri eyabwa bukama Onnyamwanga,bali ikuminababiiri nga balinaye. ²Nabakazzi abawonyezeibwe dayimooni, nendweyire, omalyamu eyeitebwe magadalena, eyazwireku dayimoni omusanju. ³no yowaana omuka kuza, omuwanika wa Kerode no Susaana, nabandi baingi ababawereza entu bye balina.⁴Awoo ekyibiina ekyikoto nekya kumbaine nabazwanga omubulikyibuga niibaizire weyaali nagera olugero ntii, ⁵omusiigi yawuulukire okusiiga ensiigo zamwei niyalinga akusiiga, ensiigo eziimwei neziigwa emabaali wanziira, nezemebwayemebwaku, ebiinyonyi ebyamwii banga nebiizilya. ⁶eziimwei neziigwa okulwazi; nezamare okumera nezottoka olwabutaba namaizzi.⁷Eziimwei nezigwa ommakatti gamawa, amawa negamera amwei nazo negaita ebiimera. ⁸eziimwei neziigwa okwiitakali erisai omuuno, neziimera emiirundi kyikumi okusiinga ezasiimbibwe. niyamare okubaluiza ebigambo ebyoo, nabaliza aiguuru muno ntii alina amaatwii agakuwura awuure.⁹Awoo abegesebwa abamwei nebamubulya ntii olugero olwo kyikyi? ¹⁰nabairamu ntii nywe muweereibwe okumannya ebyaama ebyo bwabukamana bya nNyamwanga, naye abandii omungeero, era nibabonia baleme okubonia era nebawuura nga balemenge okuttegera.¹¹era olugero olwo nilwoo luni, ensiigo nikyo kyigambo kyaNyamwanga. ¹²Ezoo zakumabali nga ziira, niboo ababoo abantu abawura, awoo Ositaani naiza natola ekyi gambo omumitima gwabwe leke boo baleme okwiikiriza nokulokolebwa. ¹³ezoo ezagwiire okulwazi, niboo abaantu abawuura nebaikiiriza era nebasemerwa, kyonkai nga bakwiikirizira eyibanga li dyooli era omubiro byakemebwa berabira mangumangu.¹⁴Nezoo ezagwire omumawa niboo aboo abawuura ekyigambo, awoo nebaaba nebatangirwa okweralikiira nobugaigai nokusemerwa okwabwoomi bwabwe era nebatakula, ¹⁵Nezoo ezakwiitakali eriisai, niboo aboo abawuura ekyiigambo omumuttima ogusai nebakyilgumya nebabyala emmere nokugumikiriza.¹⁶Era ndowoo akoleerya tala nagyisanikira omukyiibo naye agyiteka kunnkondo abakwiingiramu babonenekwaka ¹⁷Kubba ndowoo kyiigambo ekyakyaama ekyiitali langibwa nebwewankubaire ekyakwekeibwe ekyiitalimanyiibwa nekyiibonekera omulwattu. ¹⁸Kale mwekumenge nga muwuulire, kubba buli alina, aliweebwa, era buli atalina nekyokyakulowooza ntii alina ekyiirimwiyibwaku .¹⁹Awoo onyina nabaganda bamwei nebaiza nebatayiza okumwikaku olwakyibiina. ²⁰nakoberwa nti onnmyinawamu nabagandabamu bemereire zai bakwendya kuboona. ²¹yeena nabairamu nti omaawange nabaganda baange niiboobani abawuura ekyigambo kyaNnyamwanxga era nebakyiikola.²²Awoo olwaikire olunaku olumwei okwezo nsomoka omulyatto nabegesebwa bamwei nabakoba ntii tusale twabe okuluda ludedii olwannyanjja nebaaba. ²³Awoo nibaali nga bakuseyeya, nabasya ottulo, ompungo omwiingi nawuunga okunyanjja,amaizzi negabanga gakwendya okwiizuula, nebaaba omumutawana muuno.²⁴Nebaiza gyali nebamwiimula nga bakukoba nti mukama weisye, tukuffa. Neimuka, nabweigora ompuungo, nokuffukuka kwamaizzi, nibiikakana ne biiteka. ²⁵nabakoba ntii okwiikiriza kwannywe kulai? nibatiina era nebewunnya, nebabaza boonkai naboonkai ntii kale naani onii, kubba empeewoo na maizzi abiragire nebiiwuura.²⁶Awoo nebaaba okunsii yabaGerasene eriiraine e Ggaliraaya. ²⁷Awoo niyazwiiremu naika okunsii, nasanga omunttu nga akuzwa omukyibuga eyaaliku edayimooni, nga yakamala enakuziinnyamwiini ngatakuzvwala lugoye nomunnyubba nga takwiikaramu, naye nga abaa mumagoombee.²⁸niyaboine oYesu nabaliza ayiiguuru, nagwa omumaiso gamwei nabaaza neiraka elyaiguru nti okugwiirakyi? oYesu omwaana wa Nnyamwanga oyoo ali ayiiguuru omuno? nkwegayirire tomboonereza. ²⁹Kubba yalagire odayimooni okuzwaa okumuntu oyoo. kubba yaali yakamala ebiiro biingi nga amukwaite yabwebwanga kunjegere nomumasamba agakumimbwa nakutulanga ebyali bimusibire, dayimooni namupekeranga omwiirungu.³⁰oYesu nam,ubuulya atii, eibaralyamu niiwenaani? namukoba ntii Liggyoni, kubba edayimooni baingi abamwiiniremu. ³¹nebamwegaira aleme okubalagira okuzwaku okwaba omubiina.³²awoo waaliwoo emberege eziinnyamwiingi nga ziikulya okulusozi aiguru nebamwe gayira abaikirize bazingiremu nabalagira. ³³awoo abadayimooni nebazwa okumuuntu nebaingira omumberege eigana lya mberege nelifubutukira omwiibanga nizigwa omunyanja neziifa amaizzi.³⁴awoo abalisya nibabweine ekyibairewo, nebairuka nebaaba omukyiibuga nibabiibaza nomukyalo. ³⁵Abaantu nibazwayo okuboonaekyibairewo. niibaiza ewayesu, nibabona omuntu oyoo eyazwiireku edayimooni nga aikaire awaali amagulu agayesu nga azwaire olugoye nga okutegera kwamwei kumweiremu, nebatiina muuno.³⁶Naabo ababweine bakobera ne ya koleibwe oyo eyali akwatiibwe e dayimooni. ³⁷Nabaantu boona abensi ya Abagerasene eyaali ampii awoo bamwegayiriire bazwejebaali kubba balibaizwiire obutiini, awoo nosomoka omulwatto nairayo.³⁸Naye omuuntu ayazwiireku edayimooni namwegaira abee naye. ³⁹erayo omunnyuba yamu onyo nyoleebigambo onnyamwanga mbyakukolelire nebiiri ebikulu. nayabanga akubulira ekyibuga kyoona bwebiiiri ebikulu oYesu byeyamukoleire.⁴⁰Awoo oyesu niyaire, ekyibina nekyimwaniriza okusemerwa, kubba boona bali bamulindirirye. ⁴¹kale boona omuntu eibara lyamwei Yayiro omukulu wai kumbaniro naiza nagwa ewali amagulu gayesu namwegayira okwingira om unnyabba yamwei. ⁴²kubba yaali nomwaana wamwei emmyaka ikuminaibiiri era oyoo yaali nga kwaaba okuffa, naye niyali nga akwaaba ebibiina nebimunyigirya.⁴³nomukali eyali alwalire ekyikulukuto kya musai okumala emyaka ikuminaibiiri, eyaawanga abasawuu ebintu byamwei byonna natawonyezebwa muntu yeena. ⁴⁴oyoo namuzwa emabega nakoma okulukugiro olwalugoyelwamwei. amanago ekyikulukutokyamwei nekyikala.⁴⁵oyesu nakoba nti naani annyikireku? awoo nibegaine boona, opeteero amwei nabairabamwei nebakobanti mukamawasye, ebiibina ebikvwetoloire bikumigiriye. ⁴⁶Oyesu yeena namuukobanti omuntu yeena ankonereku nkuba mpulire nga amaani gampeiremu.⁴⁷Awoo omukali oyoo niyabweine nga takwekeibwe naizanga akukankana namuffukamira namukoba omumaiso gabantu boona ensonga neyali emukomereku, nebwawonere amangu agoo. ⁴⁸Namukoba ntii mwaana waange, okwiikiriza kwamu kukuwoonere yaaba mirembe.⁴⁹Awoo yaali nga akyabaza newaiza omuuntu eyazwiire omunnyubba eyamukulu waikumba niiro nakoba nti omwaara wamu affiire, togada kumwegesya. ⁵⁰Naye oyoo Oyesu niiyawuulire namwiiramu ntii tootiina ikiirizambe, akwiizakuba mwoomi⁵¹Awoo niiyaimkire okunnyubba nataikiriza muntu woondii kwiingira naye wabula oPeteero no yowaana no Yakoobono taata wamwala no mawamwei. ⁵²Awoo baali nga bakukunga boona, nga bamukungira ebiwoobe, yenakobanti temukunga kubba tafiire naye abasiirye tuulo ⁵³nebamusekera munoo kubba bamanyanga ntii affiire.⁵⁴yee namukwata okumukono nabaliza aiguuru nakoba ntii mwaala, imuka. ⁵⁵Omwooyo gwamwei niigwira nayemera amangu agoo, nalagira okumuwa ekyakulya. ⁵⁶ababyaire bamwei niibewuunya muuno yenabakutiira baleme kukoberaku muuntu ebibairewo

¹Nabettera amwei abegesebwa baamwei eikuminababiiri nabawa amaani nobuyinza okuba dayimooni boonasnokuwoonya endwaire. ²Nabatuma okubuliira obwakabaka bwa nnyamwanga nokluwoonya abalwaire.³Nabakaba nti temutwala kyintu kyamunziira yaade omwiiggo, yaade olukobba yaade emmere yaade effeeza naye temuba nakanzu ibiiri. ⁴buuli nnyubba nnywe mwiingirenge, mubenge mumwoo, era nimwoomuba muzwanga era niijo muzwanga⁵Era boona abatabaikirizenge, bwe mwabanga mukuzwa. omukyiibuga ekyoo, okyukyuwamagulu gannywe mumukunkumulyenge abbe obujulizi eddi boo. ⁶Awoo nibaaba nibetolola omubiibuga byoona nga bakubuliira enjiiri, nga bakutamba abaantu omubulikyi ffo.⁷Awoo okabaka okerode owaisaza nawuura byoona ebyakoleibwe; nabusabusa muuno kubba abaantu bakooba ntii oYokaana azuukiire omubafu. ⁸Abanddi nambu Eriya aboonekere; nabandi ntii obulangi abeira omwei okubbo ayimboopkere. ⁹Okerode nakoba ntii oYokaana niingye yamuteemereku omutwee; naye oyoo naani oyoo gwenkuwuuraku ebiigambo ebikweenkanawo? nayendya okumuboona.¹⁰Awoo abakweenda nimabare okwiira, nibamunnyonnyola byona byebakoore. nabatwala niyeyawulamu nayaba naabo mukyama omukyibuga ekyiikwetebwa Besusayida ¹¹naye ebibiina nibyategeire nibimusengerya; nabbaaniriza, nabazanabo ebigambo ebyabwakabaka bwaNnyamwanga, nabaali bakwetaga okuwoonyezebwa. nabawoonya.¹²Awoo eisaana lyali likwaka; aboo eikuminababiiri nibayiza jaali nibamukoba ntii siibmula lekyiibiina babee omumbuga nomubyalo byaalo ebirampi basuule, batoolye ebyakulya; kubba anni tuuli mwiirungu lyerere. ¹³Nabakoba ntii nnywe mubawe ebyakulya. niibamukoba ntii tetulina kyiintu wabuula emiigaati etaannu nebinage biibiri; kyonkai twabetubagure ebyakulwa abaantu baani boona. ¹⁴Kubba baali abasaiza nka enkumii itaanu, nakoba abegesebwa bamwei nti mubaikalisye inyiiriri ataanu ataanu.¹⁵Nibakola batyoo, nibabaikarya boona. ¹⁶nairira emigaati etaanu nebinaage bibiiri, naimukya amaiso aiguuru nabyebalya nabiimennyamu, naweerya abegesebwa bamwei okubitteka omumaiso gakyibiina ¹⁷Nibalya nebayikutta boona, nebulondebwa obukunkumuka bwebalemerwe, ebiibo ikumiina bibiiri.¹⁸Awoo .olwaikire niyaali nga akusaba yeenkai, abegesebwa bamwei bali amwei naye. nababulya ngabakoba nti ebibiina binyeta naani? ¹⁹nibayiiramu nibakoba nti oYokaana mubaatiza; naye abandi ntii Eriya; nabandi ntii okubalangi abeira ayiimbokere.²⁰Nabakoba ntii naye nnywe munnyeta naani? oPeteero nairamu namukoba ntii niiwe kuristo wa Nnyamwanga. ²¹naye nabakutiira nabalagira baleme okukoberaku omuntu ekyiigambo ekyoo; ²²Nga akoobanti kyigwanire mwaana wamuntu okubonyezebwa ebiingi, nokuganibwa abakaire nabakabona abakulu nabawandiiki, nokwiitibwa era nokulunaku olwakassatu okuyiimbokebwa.²³Nabakoba boona ntii omuntu nayendya okunsengerya, yeffirize yenkai, yettikenge omusalaba bwamwei bulilunaku, anseengerye. ²⁴Kubba buuli akwendya okulookola obulamubwamwei alibubulya; naye buli alibuulya obulamubwa mwei okulwange oyoo alibulokola. ²⁵kubba kuliimugasakii omuntu okulya ensii yoona, nga akweebulya oba nga yetundire?²⁶kubba buuli ankwattirwa ensooni nebigambo byange, oyoo noomwaana wamuntu alimukwattirwa ensooni, lwaliziira omukyittibwa kyamwei nomukyaitowamwei, nomukyabamalaika abatukuvu. ²⁷Naye nkubakoba mazzima ntii waliwo abemereire anii abataliloza kukuffa okwiikya niibalibona obwakabaka bwannyamwanga.²⁸Awoo olwaikire oluzwannyuma olwabigambo ebyo nga wakairewo ennaku munaanai, natwala Opeteero, noYokaana no YAkoobo, naniina, okulusozi okusabba. ²⁹Awoo niyaali nga akusaba, eklyiifananyi kyamaiso gamwei nikyiba kyindi, nekyizwalo kyamwei nekyiiba kyeru nga kyikupirikitya.³⁰ale, bonna, abantu babiiri nibabaza naye, aboo baali Musa ne Eriya; ³¹Ababooneka nkabalina ekyitinisya nebabaza okukuffa kwamwei kwakwabav okwikyira Omuyerusalemi³²Awoo oPeteero nebeyali naabo baali bakwatibwe otulo; naye nibabonerye, nibaboona ekyitinisya kyamwei nabantu babiiri abemereire waali. ³³Awoo olwaikiri nibali kwaba okweyawuulamu naaye, Opeteero nakoba oYesu ntii mukama waange, kyisai iswe okubawoo anni; tukole obunnyuba bussatu, nga emwei yaamu, emwei Ya Musa, emwei yeEriya; nga takumannya kyakubazaaku.³⁴Awoo yaali nga akyabaza ebyoo ekyiguru nikyiza nekyibazikiriza; niibaingire omukyiguuru nebattiinas. ³⁵Eiraka niruluka omukyiguru nelikoba ntii oyoo niyemwaana waange gwe neelobolya; mumuwuliryenge; ³⁶Neiraka elyo nilyaizire. Oyesu naboneka yenkai. boona nebasiirika, enaaku ezoo nebatakoberaku muntu kyigambo nakyimwei kwebyo byebaboine.³⁷Awoo olwaikire okulunaku olwakabiiri nibazwiire okulusozi, ekyiibiina kyikoto nekyimwaja. ³⁸era ,bonna, omuntu wamukyibiina nabazira aiguru nga akobanti omwegesya, okwegayirire okubona okumwaana waange kubba namubyaire omwei; ³⁹era, bonna, odayimooni amukwatta nakunga amangu agoo namutagula nokubiimba biimba eifuro, era amuzwaku lwampaka nga amumenyeremenyere muuno. ⁴⁰nagye negairire abegesebwa baamu okumupekaku; nebatainza.⁴¹Oyesu nairamu nabakoba ntii nnywe abamirembe, egyitaikiriza era egyakyamiire, ndiikyai okuba nannywe nokubagumikiriza? leeta anii omwaana oyoo. ⁴²awoo yaali nga akyaiza, odayimooni namunaga namutagula muuno. naye, oYesu naboigora odayimooni; nawoonnya omwoojo namwiirya eddi oitewamwei⁴³boona nebawuikanna olwabukulu bwannyamwanga, naye boona nebalinga bakwewunnya byona byavkore, nakoba abegesya bamwei ntii, ⁴⁴ebigambo eyoo mubitteke omwattwi gannywe; kubba omwaana wamuntu akwaba okuwebwayo omumikono gyamuntu. ⁴⁵Naye boo nmebatategera kyigambo ekyoo, erakyalikyibakwekeibwe baleme okutegera; nebattina okumubulya ekyigambo ekyoo bwekyiiri⁴⁶Awoo niwabawoo okwawukana omubo oliba omukulu omuboo bwali. ⁴⁷Naye oYesu niyabweine okuwakana omumitima jabwe, natwala omwaana omutto, namutteka okulusegere lwamwei. ⁴⁸nabakobanti eyasemberya nga omwaana omuuto omwiibara lyange, yabba asembeirye niingye, nabuli eyasemberyanga ngye, ngaasembeirye eyantumire; kubba asiinga obuuto omunnywe nnywena oyoo niye mukulu.⁴⁹Oyokaana nairamu namukoba ntii, twaboine omuntu nga agoba edayimooni omwiibaralyamu; netumugana, kubanga tayakala naiswe. ⁵⁰naye Oyesu nabakoba ntii temumugana; kubba ataali mulabbe wannywe, alii kulwannywe.⁵¹Awoo olwaikire enaaku zaamwei zakutwalibwa omwiiguuru nezaalizirampii okwiika, nasiimbira kyimwei amaiso gamwei okwaba eYerusaalemi, ⁵²Natuma ababaka omumaiso gamwei; nibaaba niibaingira omubuga yaBasaamaliiya, okumutegekera. ⁵³nebatamusemberya kubba amaiso gamwei gaali galangire okwaba Eyerusaalemi.⁵⁴Abegesebwa bamwei Oyakoobo no Yokaana nibabweine niibakoba ntii mukama waiswe okwendya ndagiire omuuro guzwe omwiiguuru gubaziikirize, nka Eriya niiyakore. ⁵⁵Naye naccuka nabanennya na bakoba ntii temumaite omwooyo bweguuli gwemulina. kubba omwaana wamuuntu ti yaizire kuziikiriza bulamu bwabaantu, waabula okubulokola. ⁵⁶Awoo niibaaba omumbmuga egyindi.⁵⁷Awoo niibalinga bakwaba omunziira, omuuntu namukoba ntii nalikusengeryanga gyewayabanga woona. ⁵⁸Oyesu nairamu namukoba ntii ebiibe birina obwiina, nennyonnyi ezamwiibanga ziirina ebisuu, naye omwaana wamuuntu talina wasa mutwee gwamwei.⁵⁹Nakoba owoondi ntii nseengerya. naye namukoba ntii mukama wange, ndeeka maale okwaba nziike oitewange ⁶⁰Naye namukoba ntii leeka abaafu bazike abaafu bairababwe, nayewe yaba obuliire obwakabaka bwa Nnyamwanga.⁶¹Nowoondii namukoba ntii nakusengeryanga, mukamawa nge; naye sooka ondeke maale okusiibula abamumyuba yaange. ⁶²Naye Oyesu namukoba ntii ndoowo muntu akwaata kyoma ekyiriima nalorera emabega asaniire obwakabaka bwa nNyamwanga.

¹Awoo oluzwannyuma olwebyo omukama waiswe nalonda abandi nsanjuu, nabatimba omumaiso gamwei okwaba omubiibuga nomubuliikyifo gyebakwaba, ²Nabakoba ntii okungula kwamwei kwiingi,naye abakunguli bamwei badyooli; kale musaabe omukama wakungula okuttuma abakunguli omukukungula kwamwei.³mwabe; bona, nkubatuma nywe nkabana bantama akati omisege. ⁴temutwala nsawo, wadde olukobba, nkeito; wadde okulamukya abaana omunzira.⁵Buli nnyubba gyenaingrangamu, musookenge kukooba ntii emmirembe gyibe n ge omunnyubba ennii ⁶niiwabanga waaliwo omwaana waamirembe, emiirembe gyannywe gyibenge kuniiye nikyabanga tiinimwo kyiiri kyityo gyirange jemuli. ⁷Mubenge omunnyubba omwoo nga mukulya nga mukunnywa mukulya ebyawaabwe, kubanga omukozi empeera yamwei emugwaniira. teemuzwanga munnyubba enii okwiingira omugyindi.⁸omubulikyibuga kye mwaikangamu, nebaabasemberyanga, mulyenge buuli kyebaabateijre omumaiso. ⁹Muwoonyenge abalwaire bomwoo, mubakobe nge ntii obwabukama obwa nnyamwanga busembeire ampii.¹⁰Naye omunbuli kyibuga kyemwaikangamu, nebatabasemberyanga, muwuulukenge okunguddo zakyo, mubakobenge ntii ¹¹No ccuccu wamukyibuga kyannywei atwiizwiire okumagulu, tugyibakubaigulya nnywe; naye mukyii tegere kyiini nti obwakaba bwa Nnyamwanga busfembeire. ¹²onkubakoba nnywe ntii Soodomu aliba nokubonyabonyebwa okuligumikiriika okulunaku olukusiinga ekyiibuga ekyo.¹³Ziikusangire, kolaaziini! Zikusangire, Besusayidal kubba, ebyamaani ebyakoleibwe ewwammwei singa byakoleibwe e Ttuulo ne Sidoni, singa beenenyere irai ngabaikaire omubibukutu neikoke ¹⁴Naye Ttuulo neSidoni biriba nokubonyabonyezebwa okuligumiikirizika okulunakulwamusango, okusiinga okunnywe. ¹⁵naawe Okaperunawumu, oli,tumbiira okwiika omwiiguuru? olisiibibwa okwiika emagoombe.¹⁶Awuura nnywe, bawuura niingye; era nnyoma nnywe annyoma niingye; naye annyoma njje abaa akunnyoma eyaantumire.¹⁷Awoo aboo ensaanju nibaira namasannyu nga bakoba ntii mukama waikswe, nabadayimooni batuwuura omwiibara lyamu. ¹⁸Nakoba ntii nabwoine oSitaani nga akuzwaa omwiiguru. ¹⁹Bonna , mbawaire obuinza okwemanga okunjoka ne njaba ezabusagwa, namaani goona agabulabe; era ndoowo kyinkukyikwiiza kubakolanga kubii. ²⁰Naye ekyotemukyisannyukiira kubba abadayimooni bakubawuura, naye musannyuke kubba amabbara gannywei gawandiikibwe omwiiguuru.²¹Awoo okusawa eyoo nasanyukiira omwooyo ogukweera nakoba ntii nkwebaalya, Onnyamwanga, eyayangiire eiguuru ne nsii, kubba biini wabikwekere abaagezi nabakaba nobiswekura abaantu; weewaawoo Onnyamwanga niimwoo kyasiimibwe kyiityo omumaiso gaamu²²Byoona byoona byampeweibwe itoowange; ndowo muntu amaite omwaana nali, waabula oitoowaiswe, yade oitoowaiswe nali, wabula omwaana, noyo omwaana gwayendya okuswekura.²³Naccukira abegesebwa nabakoba ntii Gaayina omukisa amaiso agakubona byemukubona ²⁴kubba nkubakoba ntii aBannabbi baingi na bakabaka bakwendya nga okuboona bye muboona nnywe, ne batabiibona; nokuwuura bye muwuura nebatabiwuura.²⁵Kale, mubone, omwegesya wamateka nayemera nga amukeema nga akoba ntii omwegesya, nkolengekii okusiikira obwoomiobutakuwawo? ²⁶Namukoba ntii kyawandiikibwe kityei omumateeka? osoma otyai ²⁷Nairamu nakoba ntii Yendyanga omukama oNnyamwanga waamu nomutima gwaamu gwoona, nemmeme yamu yoona, namaani gamu goona, namaagezi gaamu goona; nomulilwana waamu nkawe bweweyendya weenkai, ²⁸Namukoba ntii oiremu kusai; kolanga otyo wabaanga nobwoomi.²⁹Naye ye obutendya kulanga ntii mwiikiri, nakoba oYesu ntii omulilwana waange niiye naani. ³⁰Oyesu nairamu namukoba ntii waaliwo omuntu ayali akuzwa eYerusaalemi nga akusiirimuka Yeriko; ngwa omubatemu, nebwamwambula, nebamukuba embooko, nebamuleka nga akubulaku kadyooli okuffa.³¹Awoo Okabona eyaa,li akusiirimuka omunziira gyeyali tamanyirire; kale niiyamumbweine namwetantala nayakalawo. ³²NomuLeevi atyo niyaikire omukyifo ekyo, namubona namweetantala nayakalawo.³³Naye omusamaliya niyali akutaambula nga akwiiza jaali; awoo niyamubweine namukwatira ekyiisa. ³⁴namusembera, namubwa ebiirwaire byamwei, namusukamu amafuta nomwenge; namuteka okukyisolo kyamwei namuleta omuburaaro bwabagenyi, namujjanjaba. ³⁵Awoo niibwakeire nattola eddinali ebiiri naziwa ommukamawannyubba namukoba ntii munjjanjjabe; nekyintu kyoona kyolyongera okwekyo nendiira ndikyikusasula.³⁶kale okulowoza otyai, okwabo abassatu naani yaali mulilwana wooyo eyagwiire omubatemu? ³⁷Nakoba ntii oyoo eyam,ukoleire ekyiisa.Oyesu namukoba ntii weena yaba okole otyo.³⁸Awoo niibaali bakwaba, naingira omukyalo; omukali eibaralyamwei Maliza namusemberya omunnyjubba yamwei. ³⁹Naye yaliina omugande akweetebwa malyamu, eyaikaranga ewalii amagulu agamukama waiswe nawuuranga ekyigambo kyamwei.⁴⁰naye oMaliza yabbanga nemiiteru gyakuwereza okwiingi; naiza waali, namukoba ntii mukama wange, tofayo nga omugandawange andekere okuweereza njjenkai? kale mukobe annyambe. ⁴¹Naye omukama waiswee nairamu namukoba ntii Maliza, Maliza, okweeralikiira,olina mitawana gyabigambo biingi; ⁴²naye ekyikwendebwa kyirikyimwei; kubba oMalyamu alondeerewonomugabo ogwo ogusai ogutalimwiiyibwaku.

¹Awoo olwaikire neyali nga alimukyifo nga akulamya,niyamare, okubegesebwa bamwei omwei namukoba ntii mukama waiswe, twegesye okusaba, era oYokaana bwe yegesya nga abegesebwa bamwei.²Nabakoba ntii bwe mwalamyanga mukobenge mutii itoowaiswe eibara lyamu lyerukibwe. nobwakabaka bwamu bwiize.³Otuwenge bulilunaku emmere yaiswe eyaalunaku. ⁴Era otuganyire ebisisiryo byaiswe; kubba naiswena tusasira buli gwetukubanja naye otatuutwala mukukemebwa.⁵Nabakoba nti naani okuntwe ayina okwendya alyaba ewaamwei omwiitumbi, nanukoba nti munywaani wange mpola emigaati essatu; ⁶Kubba omunywaani wange aizire, akuzwa mulugeendo njeena tiindina kyakutta mumaiso gaamwai; ⁷Nooddi omuunda nairamu nakoba nti; Tongaddya; atibuni olwiige lukiinge, abaana bange naje tumaare okubbasya, tiisobola kwiimuka kukuwa? ⁸kubakoba ntii yaade ngatakwezungulula namuwelya kubba omukono gwamwei, nayebolwakutteterwa kwamgwei niyezungulula namuweerya bulikyimwei kyiiyendyanga.⁹Njeena nkubakoba, nnywe ntii mumbulye muliwebwa, munswagane mulimboona, mwebazeku muliguurwawo. ¹⁰Kubba bulimuntu; yeena yeena araamya baali muwa naswagana abonne nayebazaku aligurwawo.¹¹Era naani okumunnywe oitoowamwei owaa muntu omwana wamwei nalimusaba omugaati, alimuwa ibaale? oba ekyinage, namuwa onjoka omukyifo kyakyinage? ¹²Obaa naali musaba eiwuli, namuwa enjaaba? ¹³ale obanga nnywe ababii mumannya okuwa abaana baannywei ebirabo ennya kasai taliosinga bee muuno oitewanwei ali omweiguuru akumuwa omwooyo omwiikiri abamusaba.¹⁴Yaali nga akupeka odayimooni omusiiru. awoo odayimooni niiyamuozwiireku, omusiiru naabaza, ebiibiina nibyewunikira. ¹⁵yeeni abamwei nabakoba ntii apeeka odayimooni kubwa Beeruzebuli omukulu wadayimooni.¹⁶Nabaandim, nibamwendesya akamannyiswo akazwa omweiguuru, nga baklumukema. ¹⁷Yeeni ye, niiyamaite byebakulowooza, nabakoba ntii buli bukama bwoona bwebwawukanamu bwoonkai buziikira.¹⁸noSitaana yawuukanamuyenkai, obukama bwamwei bulyemerawo butyai? kubba mukoba ntii mpeeka odazyimooni kubwa Beeruzebuli. ¹⁹Era obanga njee mpeeka odayimooni kubwa Beeruzebuli, abaana baannywei bazipeka kulwanaani? niikyobaalizwa baaba abalamuli bannywe. ²⁰naye bwempeekesya odayimooni engalo yaNnyamwanga, kale obukama bwaNnyamwanga bubaiziire.²¹omuntu owaamaani nga aina ebyakulwanisya nakuma olubuga lwamwei ebiintu byamwei biibewwo omubusai. ²²Naye amusinga amaani bwamwiizira namuwangula, amunnyagaku ebyakulwanisya byamwei byoona byeyesiga, nagaba ebiintubyamwei. ²³Ataba nanje niiye omulabewange, era atakumbania amwei nanje asaasanya.²⁴Odayimooni nazwaa okumuntu ayakara omubiifo ebitalumu maizzi nga akutoolya ewakuwumura: bwabulwa akobanti kanyiireyo omunnyubba yange gyenazwiire. ²⁵Naiza, ajjiboona nga eyeyeibwe etiimbibwe. ²⁶Kale ayaba, naleta abadayimooni abaandi musanjju ababbi okusinga yee, nebaingira nibaboomwo; kale ebyaluzwannyuma, ebyamuntu oyoo bibba biibi okusinga ebyasokere.²⁷Awoo alwaikiire nasimoola ebyoo, omukali owamukyibiina naimukya eiraka ryamwei namukoba ntii Lulina omukisa endda eyakubyaire namnabeere gewayoonkere. ²⁸Naye ye namukoba ntii ekyikusinga, baalina omukisa abawura ekyigambo kyaNnyamwanga, ne bakyekuma.²⁹Awoo ebibiina bwe byaali nga bikumbaine awaali, natandiika okukoba ntii emirembe jiini mirembe jiibi; gyikutoolya akamannyisyo, naye tegyiriwerwa kamannyisyo waabula akamanyisyo kaYona. ³⁰Kubba oYonanga bwetyaali akamanyisyo eddi owa Nineevi atyo nomwaana wa muntu bwaalibba eddi emirembe jiini³¹Omukama omukali owabucciika owa bulyo alyeemera omusaango amwei nabantu abamirembe jiini, ali ba ramya omusango; kubba yazwiire okunkango ezansi olwa kuura amagezi ga Sulemaani; era, bonna, asinga o Sulemaani ali woona.³²Abantu aba Nineevi balyee meera omusango amwei nemireembe jjini, bali ramya omusango; kubba bakwenenya olwa kubuulira kwa Yona; era, bona, asiinga oYona ali mpani.³³Ndoowo akoleerya etabaaza najjiteeka omubwiina, oba omunda wa kiibbo wabula okumpajji abakwiigira babone ne kwaaka. ³⁴Etaala ya mubiri gwaamu niryo riiso ryamu; eriiso ryamu niribona okusai, nomubiri gwaamu gwoona gubba gwiizwiire eisana; naye neribba eribbi,nomubiri gwaamu nga gwiizwiire endiikiirya. ³⁵..... ³⁶Alee omubiri gwaamu gwoona nigwiizula eisana, nga tegulina kitundu kya kirikiirya gwoonja gwalizula iisana nka etabaaza ne kumolekera ne kitangala kyayo.³⁷Awoo niyaali nga akubaza, omufalisaayo namweeta okulya emeere ewamwei;naingira naikaara okummere. ³⁸Omufalisaayo niyaboine niyeewunya kubanga tasookere kunaaba nga tasookere kulya.³⁹Omukama waiswe namukoba nti nywe Abafalisaayo mu kunaabya kuruguru waki kompe no walu kyubya;naye omunda omunywe mwiizwire obunyaggi no bubbi. ⁴⁰Nywe abasuru,oyo eya koore okuruguru tiniye yakoore nomunda? ⁴¹Naye ebiri omunda mubiweeryengeyo okubba ebyakusaasira; era, bona, byoona biruunguki jjemuli.⁴²Naye zibasangire nywe, Abafalisaayo kubanga muweerya ekitundu ekyaikumi nnabbugira nokakubba nsiri nomukubi gwoona, naye omusango no kwendya oNnyamwaga mubyakala nzai:eebyo biba gwaanire okubikolanga nabiddi obutabirekangayo.⁴³Zibasangire, Abafalisaayo: kubanga mukwendta entebe ezamumaiso omumakumbaaniro no lamuccibwa omubutale. ⁴⁴Zibasangire! kubanga mukwiisana amogombe agatakuboneka, abantu ge batambuuraku nga tebamaite."⁴⁵Awoo omwei okubeegesya bamateeka nairamu namukoba nti omwegesya, nokoba otyo naiswe okutuzuma. ⁴⁶Nakoba nti Nyweena, abeegesya bamateeka, zibasaangire! kubanga mukutiika abantu emiggugu ejjiteetikibwa, nywe abenyenere temukusobola kwiimula naluggalo lwanywe.⁴⁷Zibasangire! kubanga mwomboka amagoombe gabalangi naye abaizeiza baanywe nibo baabaitire. ⁴⁸Nimwo mutyo mwaali jjuurwa era nemussima ebikolwa bya baziiza banywe: Kubba nibo baabaitire, nanywe mwomboke amalaalo gaabwe⁴⁹Namagezi ga Nnyamwanga nikyo gazwa gakoba nti ndi batumira abalangi nabatumwa; bamwei okubbo bali bayiiganya; ⁵⁰Omusaayi gwa balangi boona,ogwa seesekere okuzwa okuku tondebwa kwa nsi gubbulibwe eddi emirembe joona; ⁵¹okuzwa okumusaayi gwa Abberi okwwika okumusaayi gwa Zaakayo, eyaitiibwe akati wa kyooto ne yeekalu; mazima nkubako nywe nti Guliibuulibwa eddi emirembe jjoona⁵²Zibasangire nywe abeegasya bamateeka, kubanga ekisumulizo ekya kutegeera; nywe abenyenere, temwaigire, nabaalibaiigire mwabataangiire.⁵³Awoo niya zwiireyo, abawandiiki nAbafalisaayo nibatandika okumugadya omunno no kumukemeerya ebigambo ebinyamwiigi; ⁵⁴nga bakumuteega, okuteega ekigambo ekyaazwa omukanwa kaamwe, bbamale bamuloope.

¹Omubiro ebyo abantu ba bibiinya enkumi, nenkumi, nibaali bakumbaine nokweemangana nga bakweemangana nasookera okubeegesya baamwei okubakoba mweekumenge ekizimbisya ekya Bafalisaayo nibwo obukiweiweita.²Naye ndoowo ekyaaswekeibwe ekitali swekulwa kaabenga ekya kisiibwe tekiritegulwa. ³kale byoona bye mwaali mubazire omundikiirya byali wuurwa omwiisana nekyo kyemwabazire omukutwi omukiseenge kiriwuurwa okukasunku ka nnyumba.⁴Era nakoba nywe eminywaani jange, nti temutiinanga abo abaitire omubiri, oluzwanyuma lwa batalina kkigambo kya kukola okusingawo. ⁵Naye nabatemyaku gwe mwatiinanga:mutiinenge oyoo,namala okwiita alina obuyiinza okussulu omugeyeena, weewaawo, nkubakoba nti oyo nigwo mubba mutiinanga.⁶Enkalyalubugga eitaanu tebazitunda mumapeesa abiiri? Naye ndoowo nemwei okuzo eyerabirwa omu maiso ga Nnyamwanga. ⁷Naye neisoke erya kumitwe jjaanywei zibaliibwe zoona. Temutiinanga nywe okusinga ekalya lubugga ezindi.⁸Era nkubakoba nti buli ali nyatuura omumaiso gabantu, oyoo omwana wamuntu alimwaatuura omumaiso gabamalaika aba Nnyamwanga; ⁹Naye ali neegaanira omumaiso gabantu, alyeegaanibwa omumaiso gaba malaika aba Nnyamwanga. ¹⁰Nabuli muntu akubaza ekigambo oku mwana wa muntu kiri musonyiibwa: naye oyoo awola omwoyo ogwiikiri talisonyiibwa.¹¹Era nibaabaleetanga omwiikumboniro neddi abamasaza,nabalina obuyiinza, temweeralikiiranga bye mwairamu oba kye mwairamu oba kye mwabaza; ¹²kubba omwoyo ogwiikiri gwabeegesya nga omukiseera ebyo ebibagwaanire okubaza.¹³Awoo omuntu wamukibiina namukoba nti omweegesya, koba omuganda wange agabane nanje ebyabusika byaiswe. ¹⁴Naye ye namukoba nti omuntu, naani eyanyiiryewo okuba omulamuli oba omuggabi wamwei? ¹⁵Nabakobere nti muloleere, mwekuumenge okwegomba kwoona; kubba obwomi bwa muntu tinibyo ebyabintu ebiingi byabba nabyo.¹⁶nababera olugero nga akoba ntii waaliwo omuntu omugai gai, omusiiri; gwamwei nigwerya. ¹⁷Naloowoza omunda omuye nakoba ntii nakolantyai, tiindina wenakumbanirya ebiibala byange? ¹⁸Nakoba ntii nakolanti; namenyere ekyiitalikyange niinyoomboka ekyiingi ekyiikusanga obukooto niinkumbanirya omwo emmeereyange ejjikalu yoona, nebintu byange; ¹⁹niinkoba omwooyo gwange ntii omwooyo, oliina ebiintu bingi ebiibikibwe ebyannyaka eziingi, wumula olye, onnywe, osaanyuke.²⁰naye oNnyammwanga namukoba ntii musiiruwe, omukyiiro kyiini omwooyo gwamu bagukwiiyaku, kale ebiintu byotegekere byababyanai? ²¹Atyo mimwoo yali ategekere obugaigai, attenga tiimugaigai eddi oNnyamwannga.²²Nakoba ebegesebwa bamwei niikyo mbakoba ntii temweeralikira nga obwoomi bwannywe kyemwalya kabbe emibiri gyannywe kyemwazwala. ²³kubba obnwoomi busiinga emmere nomubiri busiinga ebyakuzwala,²⁴muloowoze abanamungoona, nebatasigire era tebakungula, abatalina ibiikiro, kabenge ekyitari, era oNnyamwannga abalisya, nnywe temusinga nnyonnyi mirundi eziingi. ²⁵naani okunnywe niyeralikira ayiinza okwongera okubukulu bwamukono oguumwei? ²⁶Kale niimutayinza ekyikusinga obudyoli, kyikyi ekyikuberalikiriza ebiindi?²⁷muboone amalanga nigamera, tigakolamulimu era tiigalanga lugooye; naye nkubakoba ntii noSulemaani omukyitibwa kyamwei kyoona tiiyazwalanga nkeerimwei okugo. ²⁸Naye onNyamwanga nmazwalikisya attyo ekyisiko kyakwiirisiryo ekyiibawo olwaleero, emaambya ngabakyinaga okukoomi talisinga munoo okuzwalikisya nnywe abaalina okwiikiriza okudyooli.²⁹nnywena temutoolyanga kyeemwalya obaa kyemwannywa, era tiimubanga namyooyo egiiokubusabusa. ³⁰Kubba ebiintu ebyoo biswaganibwa amawanga agansii naye oitoowannywe amaite ntii mwendya ebyoo.³¹Naye muswaganev obukama bwamwei, nebintu ebyo mulibyongerwaku. ³²Tootinanga, niwee ekyisiibo ekyidyoli, kubba oitoowannywei asiima okubbawa obukama.³³mutunde ngebyemulinaabyo, muweengeyo ebyakusasiira, mwetungirenge ensaawoo ezitakairika, obugaigaa obutawawoo omwiiguru, omwiibi jatasembera nebiiyenje jebitasebera. ³⁴kubba obugaigaa bwannywe buliyo, emyooyo jaannywe jeejiriba.³⁵Mwesiibenge ebiimwe omunkende zannywei, netaalazannywei nga zikwaaka. ³⁶nnywena beenyini mubbe nkabaantu abakulinda oNnyamwanga wabwe, waalirira nga akuzwa ombaga eyabugole, naaliza nakoona okulwiige bamwiigurewoo maangumaangu.³⁷Balina omukiisa abaiza aboo, oNnyamwanga wabwe naaliza balisanga nga bakubonnya, kangura mbakoba ³⁸Awoo, naliza omukiisisiimuko kyakabiiri obaa omukyakasatu nabasanga otyoo, baaliina omukiisa abairu.³⁹Nayee mweetegye kyiini nka omukama wannyubbasinga amaanya ekyisera omwiibi kyeyaiziramu, yandii boonerye teyandiirekere nnyubba yaamwei kusakibwa. ⁴⁰nannywe mweteketekenge: kubba omwaana wamuntu aiziire omukyisera kyemutakumulowoolezamu.⁴¹Opeteero namukoba ntii mukama waiswe, olugero luni olugereire niswee kanda boona? ⁴²Omukamma waiswe nakoba ntii kale naani oyoo omwanika omwesiigwa owamagezi, omukama waamwei gwalisigira abamunnyumba yaamwei, okubagabiiranga omugabo gwabwe ogwammere omukyisera kyajjo? ⁴³Aliina omukisa omwiiru oyoo omukama waamwei naaliza gwalisanga nga akoola atyo. ⁴⁴Mazima nkubakoba nga alim, usigbira byoona byaali nabyo.⁴⁵Naye omwiiru oyoo naali baaza omutiima gwamwei ntii mukama waange olwiire okwiiza; natabuka okubba abairu nabazaana, nokuulya nokunnywa nokutamiira: ⁴⁶Kale omukama waamwiiru oyoo aliza okulunaku lwa tamaite, noomu kisera kyatamaite, aliimutematema alimuwa omuggabogwamwei amwei nabataikiriza.⁴⁷Nomwiiru oyoo ayamaite omukama wamwei kyakwendya, natategeka nataikya kyeyendyanga, alikubwa jiingi; ⁴⁸Naye attamaite nakola ebiisaniire okumukubisya, aliikubwa jjidooli; nabuli eyyaweibwe ebingi, aliswaganibwaku biingi; nooyo gwebabikisirye ebiingi, nigwo balisinga okubulya ebiingi.⁴⁹Naizire kunagga muuro okunsii; nagwoo obaa atii gukwaaka, nkweendya kii? ⁵⁰Nayee ndiina obatizibwa kwe ndibatizibwa; nanje nga kuboonaabona okwiikya lwe mulyerukiibwa!⁵¹Muloowoza naizire kuleta mirembe okunsii? Mbakoba ntii bee: wabula okwawukannya okwakwawukana; ⁵²Kubbaokutandiika nattii waalibawoo abaatanu omunnyumba emwei nga bawukaine, abasatu nababiiri, era ababiiri nabasatu. ⁵³Balyawukana, otaata no mwaana wamwei, era omwaana noitowaamwei; omaawamwei nomwaana wabwala waamwei, era obwaala no nyiina; era onyiibyala nomuka mwaana wamwei, era omukamwaana wamwei nonyiibyala wamwei.⁵⁴Nakoba ebiibiina byoona ntii nimulibona ekyiiguuru ngakyiimukire omubugwaisana, amangu agoo mukobantii enjuura yatoonya; era nimwoo kyiiba kyiityo. ⁵⁵Nimuboona ompungo nga akuluka obukiika obwagulyo mukoba ntii lyabba bbugumu; era nimwokibba. ⁵⁶Abaananfusi, mumaite okukebera ekyifanannyi kyansii neigguru; naye kiiki ekibagana okumannya okukebera obwiire buni?⁵⁷Era nannywei nnywenkai ekikubagana kiki okusaala ebyansonga? ⁵⁸Kubanga nobba okwaba nakuwabiira eddi omulamuli, onyiikiranga, omwanda okutabagana nakuvunnana; aleme okukulundiirya ewakatiikiro, nokatiikiro nakuwa omusiirikale, nakunaga omukomera ⁵⁹Nkukobantii tolizwaamu nakadooli, okwiikya lwoolisasura kyarumvwei empiiya.

¹Awoo omubiiro ebyoo waaliwo abantu abaaliwo nga bakumukobera ebyali eGgaliraaya Opiraato, beyatabulire omusai gwabwe nesaddaka zabwe. ²Nairamu nabakoba ntii mukuloowoza nga Abaggaliraaya aboo baali basiisi okusinga Abaggaliraaya boona, kubanga bababoinyeboinnye baatyo? ³Mbakoba ntii tinimwoo kyityoo; naye nimutenennye, mulizikira nnywena mutyo.⁴Oba baddi eikumi nomunaanai, oluggo lwamusirowamu lwebagwireku niilubaita, mulowooza baali bakoozi babiibi okusinga abantu boona abaali omuYerusaalemi? ⁵Mbakoba ntii tiinimwo kityo: naye nimutenenye, mulizikiira nnywena mutyo.⁶Nabaaza olugero luni, ntii waaliwo omuntu eyaalina omutiini ogwaligusiimbibwe omulusuku olwamiizabbibu; nayiiza nga agutolyaku ebiibala natabiboona. ⁷nakoba omulumi ntii boona, ereero ennyaka esatu nga nkwiiza okuswagana ebiibala okumutiini guni, nintabiibona; gutteme; nokwemaara gwemaraki ekiifo obwerere?⁸Yee nairamu namukoba nti mukama wange, gulekemu omwaka guni era, ngutemeretere, ogutekeku obusai; ⁹Niigulibaala ebibaala oluzwannyuma, kyisai; naye obaanga tinimwo kyiityo, oligutema.¹⁰Awoo okulunaku lwasaabbiti yaali akwegesya omulimu okumakumbaniro. ¹¹Era, bonna, omukali eyaali yakalwara odayimooni owabunaki emyaka ikumi namunaanai; nga agongobaire nga tayinza kwegolola nakadooli.¹²Awoo oYesu niiyamubweine, namweeta namukobaanti omukali, osiindabwiirwe obulwaire bwamu. ¹³Namuttaku emiikono, amaangu agoo nabba mugolokoki, naramya oNnyamwanga. ¹⁴Naye omukulu waikumbaniro niyagongeire kubanga oYesu awoonerye omuntu okusaabbiti, nairamu nakoba ekyiibiina ntii waaliwo ennaku omukaga ezisainevokorangamu emirimu; kale mwiizire okweezo okuwoonnyezebwa, naye tiikulunaku lwasaabbiti.¹⁵Naye omukama waiswe namweiramu nakoba ntii baananfusi, bulyomwei okunnywe okulunaku olwasaabbiti taimulanga ntee wamwei obaa ndogoyiwamwei omukisibbo, namutwala okumunnywesya? ¹⁶Era oyoo omwaana waIbraimu eyabweibwe oSitaani, bonna, emyaka ikumi namunaanai tagwaine kusindabulwa omubusiibe obwoo okulunaku lwasaabbiti?¹⁷Awoo niiyaali akubaza ebyoobyona, abalabe bamwei boona nibaswala; nekyibiina kyoona nebasannyukira byoona ebyakiitinisya ebiikoleyibwe ye.¹⁸nikyo azwaa akoba ntii obukama bwaNnyamwanga bwiisanakii? era nabugeragerannya nakikii? ¹⁹Bwiisana akampeeke akakalidali, omuntu keyarore nakanaga omundiimiro yaamwei; nikakula, nikabba musale, ennyonnyi zamwiibanga nizikara okubitagi byagwo.²⁰Ate nakoba ntii obukama obwaNnyamwanga nabwiisanisyakii? ²¹Bwiisaana kiizimbulukusa, omukali kyeyarore nakiita omubiibo bisatu ebyabwiita, bwoona nibuzimbulukuka.²²Natambula omubiibuga nomumbuga nga akweegesya nga akwaba eYerusaalemi. ²³omuntu namukoba ntii mukama wange, niboobadooli abalokoleibwe? yee nabakoba nti ²⁴Mwekambe nge okweingira omulyango ogofundi kubanga okubakoba ntii baingvi abalitolya okwiingira nga tekikusoboka.²⁵Omukama wannyumba nalimala okwiimuka, naigalawo olwiigi, nimusoka okwemera enzai, nokonkona okulwiigi, nga mukoba ntii mukama waiswe, twiigurewoo; kale alibairamu nabakoba ntii timbamaite jemukuzwa; ²⁶Nimulyoka mimukoba ntii Twalyanga era twannywanga omumaiso gamu era wegesyanga omumyanda jaiswe; ²⁷kale alibakoba ntii nkubakoba ntii timbamaite jemukuzwa:muzwe wendi; nnywena abakore ebitali byabwikiri.²⁸Eyoo alibayo okunga nokulumwa obujjiji nimwoomwalibona Oibrayimu noIsaaka noYakobo nabalangi boona obukama bwaNnyamwanga, nannywenga munagibwe enzai. ²⁹Baaliza nga bakuzwa ebuluka nebugwaisana, nolui olumoso nolui olwagulyo, baali kaara omubukama bwaNnyamwanga. ³⁰Era, bonna, walowo abaluzwannyuma abaali ba abakusoka, era walowo abakusoka abaaliba abaluzwannyuma.³¹Omukisera ekyoo Abafalisaayo nibaiza, nibamukoba ntii zwaani, weyabiire: okerode akwendwa okwitta. ³²nabakobanti mwabe mwabe enkeretanyi eyo nti bona, nkupeka odayimooni mponya abantu elero nemambya, nokulunaku olwakasatu ndikiirya. ³³Naye kingwaini okutamlaku erero nemambya nolwakabiri kubanga tikusoboka omulangi okuzikira enzai yerusaalemi.³⁴We Yerusaalemi, Yerusaalemi, aitta abanabbi, okubba amabaale abatumibwe jaali!, emiirundi jingai nga nkwendya okumbannia abaana baamu, nkonkoko nakumbannia obwaana bwamwei omubiipapa byamwei, naye timwikirize! ³⁵Boona, ennyumba yannywei esiigaire kifulukwa; era nkubakoba ntii timulimbona, okwiikya lwemulikoba ntii aweibwe omukisa akwiiza omwiibara ryamukama.

¹Awoo olwaikire niyangire okussabbiiti omunnyumba eyamukulu waBafalisaayo omukulya emmere nibamulaabirira ²Era, bonna, waaliwo omunyu omaiso gamwei eyaali alwaire entumbi. ³Oyesu nayiramu nabaza nabegesya abamateka naBafalisaayo nga akoba ntii kiisai okuwoonerya okussabbiiti, kanda kii tinimwo?⁴Naye nebasirika. Namukwattaku namuwoonya, namusiibula. ⁵Namukoba ntii Naani okumwei alina endoogoyi yamwei obaa onte wamwei nga agwiire omwiiruba atamwiiyamu amangu agoo okussabbiiti? ⁶Nebatasobola atte okwiiramu ebyo.⁷Nagera olugero aboo abeteibwe niyabweine engeri jebakwerondya ebiifo ebyamaiso; nabakoba ntii ⁸omuntu bwakwetanga okumbaga eyabugole, toikaranga mukyifo kyamaiso, mpoozi waleme okubawoo akusiinga ekiitinisya gweyetere. ⁹noddi eyakwetere we yeena naiza nakukoba ntii zwaawo anii; notandika okutambula nensoni okufuna ekifo ekya mabega.¹⁰Naye noyetebwanga oyabanga noikara omukiifo kyamabega, eyakweetere nalizanga, nakoba ntii munnywani wange, sembera enii omumaiso; nomala noba nekitiinisya omumaiso gaboona bwoikaire naabo okumere. ¹¹kubanga buli muntu yeena eyetumbya ali kakannyizibwa; noyo eyakakannyiza balimutumbya.¹²Era nakoba noyo eyamwetere ntii nosumbanga emmere eyakyamisana obaa eyakyaigolo, toyetanga minnywani jaamu, wadde abagandabamu, wade abakyika kyamu, wade abaalilwanabamu obaa abagaiga; mpoozi baleme okweta atte boona, newabawoo okusasula.¹³Naye nosumba nga embaga, oyetanga abooro nabalema, nabakuwonyera na baigali bamaiso: ¹⁴Era oliwerwa omukisa; kubanga tebalina kyakusasula: kubanga olisasurwa omukuimbolwa okwabaikiri¹⁵Awoo omwei okwaabo abaali abaikaire amwei naye okummere, niyawulire ebyo, namukoba ntii ayiina omukiisa aliira emmere omubwabukama obwaNnyamwanga. ¹⁶naye namukoba ntii waaliwo omuntu eyasumbire embaga ejiikoto; nayeta baingi: ¹⁷Natuma omwiiru waamwei omubwiire obwambaga nga baikire okoba baddi abeteibwe, nti mwiize; kubanga bimare okutegekebwa.¹⁸Boona nomwooyo gumwei nebatandiika okwegayiira okugannyirwa. owaluberyeberye namukoba ntii ngure olusuku, kiinsanire okwiimuka okwaaba okulubona; nkwegayirire nganyira. ¹⁹Nowondi namukoba nti nguure emigongo jante itaanu, nkwaba okuziireta; nkwegairire ngannyira. ²⁰Nowoondi namukoba ntii mpasiire omukali, nikyo nzwiire ndemwa okwiiza.²¹Awoo omwiiru oyoo naiza nabiikoba omukama waamwei ebyo. Awoo omukama wannyumba nalyoka nasunuwala nakoba omwiiru wamwei ntii wuuluka maangu oyabe omuwanda nomunziira agakiibuga, oleete anii abooro nabalema nabaigali bamaiso nabakuwonnyera. ²²omwiiru nakoba ntii mukama waange, kyolagire kikoleibwe, naye wakyaliwo obuggennyi.²³Omukama wamwei nakoba omwiiru ntii wuluka oyaabe omyanda no mubwanda, obawalilize okwiingira, ennyumba yaange eyizule. ²⁴Kubanga ankubakoba ntii baadi abayeteibwe, ndoowo nomwei alikomba okumbaga yange.²⁵Awoo ebibiina ebikooto byali bikwaba naye ; naccuka nabakoba ntii ²⁶omuntu niyaizanga jeendi, natakyawa itewaamwei nomaawamwei nomukaliwamwei, nabana bamwei, nabaganda bamwei nabennyina, era nobulamu bwamwei yee, tiyasobolenge kubba mwegesya waange. ²⁷Buli atagingenge musalaba gwamwei yee, naiza embabbega wange, tiyasobolenge kubba mwegesya wange.²⁸Kubanga naani okunnywe nabba akwendya okwomboka ennyumba, atasoka kwiikara nabalira ebyamirimu jaayo, obaanga alina ebyaajimala? ²⁹Mpoozi nabbanga amaare okutekawo omusingi natayiza kujimalirya boona bakubona batandiika okumusekera, ³⁰nga bakoba ntii omuntu onii yasokere okwomboka natasobola kumalirya.³¹Oba kabaka kii nabanga akwaaba omulutalo okulwana nokabaka woondii atasoka kwiikara nateesa ebigambo, obanga ayiinza nakakumi okasisinkana noddi akumwiizira noobukumi obubiiri? ³²obanga tikiityo, oddi nabanga akyali alai muno, attuma ababaka nasaba ebyakutabagana. ³³Kale nimwokyiityo bulimuntu yeena okunywe ateffirizenge byoona byaali nabyo, tiyasobolenge kubba mwegesya wange.³⁴Kale omunnyu ogusai: naye nomunnyu niguwamu ensai, muliryamuki? ³⁵Tegusanire ndumiro kabe olubungo, bagunaga nzai. alina amatwii agakuura, awuure.

¹Awoo abawozi boona nabaalina ebiibi bali nga bamusembereire okuwulirya. ²Abafalisaayo era nabawandiiki nibemulugunya, nga bakoba ntii oni asembeirye abalina ebibbi, era alyanabo.³Nabagera olugero luni, nga akoba ntii ⁴muntuki okunnywe alina entaama ekikumi, nabulwaku omwei, ataleka ziidi ekyenda nomwenda okukisiko, nasengerya oddi abuure, okwiicca lwamubona? ⁵Kale namboona, amuta okukibegabega kyamwei nga akusannyuka.⁶Nayika eka, eyeta abannywani bamwei nabalirwana bamwei, nabakoba ntii munsannyukireku, kubanga mbweine ontaama wange abaire ambureku. ⁷Nkubakoba ntii nimwo kityo lyabanga saanyu omwiigguru olwoyo alina ebibbi omwei eyenenya, okusinga abaikiri ekyenda nomwenda, abatakwendya kwenennya.⁸oba mukali ki alina erupiya eyikumi, nabulwaku erupiya emwei, atakolerya taala nayeya enyumba nafuba okuswagana okwikya nagifuna? ⁹nagibona ayeta abanywani bamwei nabaliranwa bamwei nabakobanti munsanyukireku, kubanga nzwire erupiya eyali eburee. ¹⁰Nkubakoba nti nimwo kityo libba sanyu omaiso gabamalaika banyamwanga olwo alina ebibbi ayeneenya.¹¹Nabakobanti waliwo omuntu eyalina abatanu bamwei babiri: ¹²omuto nakoba oitewamwi nti, mpa omugagabo gwabintu ebigwagwanire. kale nabagabira ebyabwomi bwamwei.¹³Awo oluvanyuma lwanaku ezitali zingi, oyo mwana omunto nakumbania ebyamwei byona,natambula nayaba omunsi eyalai; nasasanyirya eyo ebintu byamwei omumpisa egibbi. ¹⁴Awo niyamare okubirya byona, enzala gingi negwa omunsi omwo, natanula okudagana.¹⁵Nayaba niyegaitta nomwami owamunsi eyo; oyo namusindika omukyalo kyamwei okulisyanga empunu zamwei. ¹⁶Niye gombanga okwikutta ebissusu bya mberege byezalyanga: niwatabbawo muntu akumuwa.¹⁷Naye niyeiremu, nakobanti abawereza baingai abampeera abaitowange abaikuta emmere nibalemwa, nanje nkufwera anii enzala! ¹⁸Naimuka ninyaba edidi oteewange, nimukoba nti taata, nsisire eddi eigguru;no mumaiso gamu; ¹⁹Tikyasaana kwetebwa mwaana waamu; nfuula nkomwei okubawereza baamu abempeera.²⁰naimuka naiza eddi oitewamwei. Naye yaali nga akyaali alai, oitewamwe namulengera, namusasira, nairuka embiro, namugwa omukisuba, namunnywegera muno. ²¹Oyoo omwana namukoba ntii iteewange, nsisire eddi eigguru neddi omumaiso gaamu ntikyasana kwetebwa mwaana waamu.²²Naye oiteewamwei nakoba abairu bamwei ntii mwabe muleete mangu olugoye olukusinga zoona, mulumuzwalikisye: mumuzwalikisye empeeta okumukono, nme nkaito omagulu gamwei: ²³muleete nonnyana omunoli, mumwiite, tumulye, tusannyuke; ²⁴kubanga omwaana wange oni yaali afiire, aimbokere; yaali abuure, abonekere. nibatandika okusanyuka.²⁵Naye omwaana wamwei omukulu yaali mukyalo; bweyaizire nga alampi okwiika okunnyumba nawuura engoma ne nkende. ²⁶Okubairu nayetaku omwei, namukobera ebyo bwebibaire. ²⁷Namukoba ntii omugandawo aizire: noiteewamu amwiitire onnyana omunoli kubanga amuzwiire nga mwoomi;²⁸Naye nasunguwala, natendya kwiingira; oitewaamwei nawuuluka namwegaira. ²⁹Naye ye nairamu nakoba oiteewamwei ntii boona, emyaka jjini ejingi nga nkuweereza, naye tinkusobyanga nakaddoli kyonda giire; njeena enakuzoona tompanga nakabuzi kakusannyuka amwei nabamwani bange; ³⁰Naye omwaana wamu oyoo, eyalire ebyabwoomi bwamu amwei nabenzi,bwaizzire nomusara onnyana omunoli.³¹naye namukoba ntii mwaanawange, webulizo nkolamwei nanje era byoona ebyange nibyobyamu. ³²Naye okujjaguza nokusannyuka kwansonga; kubanga omugandawo eyaali afiire, azukire; era eyali abure, abonekere.

¹Awoo nakoba abegesebwa bamwei boona ntii waaliwo omuntu omugudda eyaalina omuwanika wamwei;oyoo nibamulopa jaaali nga akusasaanya ebintu byamwei. ²Namweta namukoba ntii kiiki kyini kyenkuwuura okuwe? baala omuwendo gwabuwanika bwamu; kubanga tooyinza natii kubba muwanika.³Oyoo omuwanika nabaza omunda omuye ntii nakolantyi, kubanga omukamawange akunyiyaku obuwaniika bwange? tindina gakuluma; nokusabiryankukwatibwa ensoni. ⁴maitte kyenakola, bwenapekebwa omubuwanika, banseberye omunnyumba zaabwe.⁵nayeta buli ayiina eibanza lyamukamawamwei, nakoba ntii eyasokere ntii mukamawange okuntonga ki? ⁶nakoba nti ebiipimo byamafuta kikumi.namukoba nti twala ebbaluwayamu, oikare mangu owandiike amakumi ataanu. ⁷Ate nakoba owoondi ntii nawe okubanjibwaki? Nakoba nti emitwalo jangano kikumi. namukoba nti twala ebbaluwa yamu, owandiike kinaanai.⁸Awoo omukama wamwei natenda oyoo omuwanika omulyazamanya kubanga akore byamaagezi: kubanga abaana babiro biini bagezigezi omumirebe gyabwe okusinga abaana baisana. ⁹Nanje nkubakoba ntii mwekwanirenge emikwaano omumamuna atali mwikiri; naliwawo, baabasemberye omuwema ziidi ezitawawo.¹⁰Abba omwesigwa omukintu ekidooli omuno, nokukikoto abamwesiigwa; era abaomulyazamanya okukintu ekitono, nokukikooto abba mulyazamanya. ¹¹Kale nimutabenge beesigwa okumamona atalimwiikiri, naani alibabikisya obugguda obwamazima? ¹²Era nimutabenge beesiggwa okwekyo ekyamukama, ekyamwei naani alikibawa?¹³Ndoowo muweereza ainza okuweereza abakama ababiri; kubbanga osanga alikyawaku omwei nayendya owoondi; obba aligumira okwoomwei nanyoma owoondi. Timuyinzakuwerezanga Nnyamwanga nomamona.¹⁴Nabafalisaayo abaali bakwendya effeza, nibawura ebyo byoona; nibamusekera. ¹⁵Nabakoba ntii nywe abakwefula abaikiri omumaiso gabantu; naye Onnyamwanga amaitte emiitima jaanywei; kubanga ekigulumizibwa omubantu kyamuziro omumaiso gaNnyamwanga.¹⁶Amateeka nabannabbi byabairewo okwiika okuYokaana;: okuzwa olwo enjiiri yabukama bwaNnyamwanga ebulirwa, era bulimuntu abwingiramu lwamaani. ¹⁷naye kyangu eigguru nensii okuwaawo, okusinga enyuguta emwei eyamateeka okuwaawo.¹⁸Bulimuntu yeena eyapekanga omukali wamwei nawasa owoondi, nga ayeendere; nooyo eyawasanga apekeibwe oibuwamwei nga ayendeere.¹⁹Awoo waaliwo omuntu omugguda eyazwaalanga olugoye olwafulungu nebafuta egiisai, nga akusanyukanga bulizo omukwesima: ²⁰Era waaliwo omuseege eibaralyamwei Laazaalo eyabasyanga okumulyango gwamwei, eyaali adomokeredomokere ebirwaire, ²¹nga akweggomba okwiikuta ebyagwanga okuzwa okummeeza yamugguda; era embwene zoona zaizanga nizimukombera ebiirwaire byaamwei.²²Awoo olwaikire omuseege nafa, naimulibwa abamalaika natekebwa omukisuba kya Ibrayimu. nomugguda nafa naziikwa. ²³naimula amaiso gamwei omumagombe ngali mukulumwa, nalengera oIbrayimu alai, noLaazaalo nga limukisubba kyamwei.²⁴Nabazira aigguru nakobanti itowaange Ibrayimu, nsasiira otume oLaazaalo, ainike akasonda kalugalo lwa mwei omumaizi, ampoolye woolyeku olulimi lwange; kubaanga nkulumwa omuro guni.²⁵Naye oIbrayimu namukoba ntii mwaana waange, izukira nga wawebanga ebiisai byamu omubwomi bwaamu, era noLaazaalo atyo ebibbi; naye atti niye akusanyusibwa, niwe okulumwa. ²⁶Era okwebyo byoona, akatti waiswe nannywei walowo olukonko olunyamulai olwatekeibwewoo, abendya okuzwa enii okwiiza jemuli balemenge okusobola, era balemenge okuzwa eyoo okwakalawo okwiiza jetuli.²⁷Nakoba ntii kale, nkwegairire, itowaange, omutume omunnyumba ya itowaange; ²⁸kubanga ndina abaluganda bange bataanu; abategeze baleme okwiiza boona omukifokini akirimu okulumwa.²⁹oIbrayimu nakoba ntii baali noMusa nabanabbi; baabawurenge aboo. ³⁰Nakoba ntii bbee, itowaange Ibrayimu; naye omwei okubafu naalyaba jebali balyenenya. ³¹Namukoba ntii kambatawulire Musa nabanabbi, era kaba omwei okubafu nalizukira, talibaikirizisya.

¹nakoba abegesya bamwei nti tikisoboka ebikwesitaza obutayiza; naye zimusangire oyo akubireta! ²waakiri oyo okubwebwamu emengo omwikoti ryamwei, okunagibwa omunyanja, okusinga okwesitaza omwei okwabo abato.³mwekumenge: omugandawo nasisanga, omubuuliranga; niyeneenyanga, omusonyiwanga. ⁴Era niyaalisisaanga emirundi musanju okulunaku lumwe era emirundi musanju namukyokira namukoba nti netondere; omuganyiranga,⁵Abantumwa ne bakoba amukama waisye nti atwongerngaku okwikiriza. ⁶Omukama waisye nakoba nti singa mwaalina okwikiriza okudooli nk'ompeke wa kaladaali, mwandikobere omusikamiinigini nti siguka asimbibwe omunynja, era gwandibawulire.⁷Naye naani oku nnywe alina omwiiru nga aluma oba alisya entama, bwangira nga akuzwa omulusuku, alimmukoba nti iza mangu ago olye. ⁸Naye atamukoba nti ibula emmere ndye, weesibe, onyigereirye, mmale okulya n'okunywa, naawe olyooke olye era onywe n'okunywa.⁹Amwebalya omwiru oyo olwakukola ebyalagiirwe? ¹⁰Era nanywe mutyo, nimwaalimala okukola ebyo ebyabalagiirwe, mukobeerge oti isye luli bbairu abatakusaana; ebyatugaaniibwe okukola niby tokoore.¹¹Awo alwaikire nga bali munzira nga bakwaaba eyerusaalemi yaali nga akwakala mu maggali ga basamaliya n' Ggaliraaya. ¹²Awoo nibaingiira omumbuga amwei ne baitirana abantu ikumi abaggeenge, abayemereire alaai. ¹³ne babazira aigguru na bakoba nti Oyesu, omukama waiswe otusaasire¹⁴Niya baboine nga bakukoba nti mlwabee mweerange ;eddi: abaisakabona, Awoo olwaikire nebaali nga bakwaaba nibalongosebwa. ¹⁵Awoo omwei kwaabo, niyaboine ngawonere, naira natendereza oNnyamwanga neiraka erikooto. ¹⁶Nacculeera awaali amagulu ggamwei, ngakumwebalya: era oyoo yaali musamaliya.¹⁷Oyesu nairamu nakoba ntii eikumi boona tebakulongosebwa? ¹⁸Tebabonekere abakwiira okulungamya oNnyamwanga, waabula omugenyi ooni? ¹⁹Namukoba nti imuka, oyabe okwikiriza kwaamu kukuwonyere.²⁰Niyabulibwanga abfalisaayo ntii obwamukama bwa Nnyamwanga bukwiiza ddi? nairamu nabakobba ntii obwamukama bwa Nnyamwanga tebwiiza nga bweyelekere. ²¹era balikoba ntii boonna, bbuli mpani! obba ntii bbuli mpaddi! kubba, boona, abweamukama bwa Nnyamwanga buuli munda zaannywe.²²Nabakoba ntii abaggobeeri baamwe ennaku zikwiiza okwiika nga mukwegoomba okuboona olumwe oku nnaku za mwaana wa munyu, era temwaali mubona. ²³Alee bbalikoba nti bbona, addi! bbona, anii! temwabbanga, eratemusengeryanga; ²⁴kubanga okutangaala no kutangaala oku ludda olumwei olweigguru nka bwekutaangaire nokuludda oluundi olweigguru, otyo nimwo omwaana wamuntu bwalibba okuunsii.²⁵Naye ekiberyeberye kikumugwaana okbonyabonyebwa ebiingi, nokuganibwa abamirembe ²⁶Era nka bwe byaali omunnaku za Nuuwa, atyo nimwo byalibba omunnaku za mwaana wa muntu. ²⁷Baali nga bakunywa, bakulya, nga bakuwasa, nga bakuyiira, okwiika okulunaku oNuuuwa lweyaingiire omulyato, amataba ne gaaiza, negabalikirya boona.²⁸Era nka bwe byaali omunnaku za Lutti, baali nga bakulya nga bakunnywa, nga bakugula nga bakutuunda, nga bakusigga nga bakwambooka. ²⁹naye okulunaku luddi olutti lwe yazwiire omu sodomu, omuuro nekibiriiti nebiiza okuzwa omwiigguru ne bibalikirya boona.³⁰nimwo bityo byaalibba okulunaku omwaana waa muntu lwalisekulibwa. ³¹okulunaku oiwo, alibba aigguru okunnyumba nebintu byaamwei nga bbiri aiguru oku nnyumba, taairanga ku bitoolamu, naali omulusuku tairanga ku bitoolamu.³²Mwizukire omuka wa Lutti ³³Bbuli akutoolya okukola obwoomi bwaamwei yaali bubulya, nmaye bbuli abubuulya alibutaamba.³⁴Nkubakoba ntii omubwiire obwoo ababbiri bbalibba omku kitaanda kiimwei; nowondi yalirekebwa. ³⁵Abakali babbiri bbaliba nga bakusyeera amwei; alitawaali bwa, nowoondi alileke bwaawo. ³⁶Ababiri baaliba omu lusuku amwei alitwalibwa, nowoondi alilekebwa.³⁷Nebairamu ne bamukoba nti bbe, omukama waiswe? nabakobba ntii awabba omulaambo eyoo nesegga nigyo zikumbaanira.

¹Oyesu naabagera olufumu nee kiibaasaasira okuusaabanga buuliizoo obutaakerwanga. ²naakoba ntii"waaliiwo omuulamuri omuukibuga kiimwei, ataatiinaanga nnyamwanga, era nga taateekamu muntu kiitinisyya.³Era waaliwo onamwaandu omuukiibugha ekyoo eyaizaanga owaa mulaamuli oyoo, nga ko ntii ndamuula omuulabe waange". ⁴Omuulamuri nataasooka kwiikiriza naaye oluuzwanyuma nabaza omuunda yamwei ntii,"kabanga tiintiina Nnyamwanga, era nga tiiteekamu muntu kiitinisya, ⁵Naye olwa

¹Nayingira mu yeriko nabba nka kuja kalamu. ²Kale bona waliwo omuntu yayetebwanga ebaira Iyamwei zaakayo, naye yalimukulu omubakumbani era nga mugudda.³Nasala amagezi okubona Oyesu nakwiisana, natasobola olwakiibina, okubbanga ekigero kyamwei yali mumpi. ⁴Nairuka nakulembera, nanina okumusale omusukamooli amubone kubbanga yali akwaba kwakala munzira eyo.⁵Awo Oyesu niyeyikire mukifo jali, nalora eyiguru, namukobati Zakaakayo, ikka mangu kubbanga olwalero kikugwanire okukwikala omunyumba yamu. ⁶Neika mangu, namwaniriza nga kusanyuka. ⁷Niba bweine nibamwemulunya bonna ogabakobati ingire okubbasya ewa omuntu ayina ebibbi.⁸Zaakayo nayemera nakoba nyamwanga weiswa bonna nyamwanga wange ekitundu okubinto byange mbwiwa abasegge, oba eyalyazamanyanga omuntu yenna ekintu kyamwei ndimugeita emirundi enai. ⁹Yesu nakobati olwalero okulokolebwa kwizire omunyumba muni olwokubba yena mwana wayi Ibulayimu. ¹⁰Kubbanga omwana wamuntu yeizire okuswagana nokulorola ekyo ekyabure.¹¹Awo nibawuliire niyeyogera egera kubbanga yali ampi neyerusalemi, era kubbanga bali bakulowoza nga obukama bwa nyamwanga bukwakuboneka mangu. ¹²Nkyoyazwiire akobati waliwo omuntu omukulu eyabire omunsi eyalai, okulya obukama amale iyire.¹³Nayeta abeiru bamwei eikumi nabawa empiya ebikumi bibiri nabakobati musubulyenge okwiikya nendira. ¹⁴Naye abasaiza bamwei ni bamukyawa, nebatuma ababaka emabega wa mwei nga bakobati tetu kwendyayo kutufuga. ¹⁵Awo olweikiire niyeire ngamare okulya obukama, nalagiira okwetta abeiru aba be yawaire effeza, amale amanya amagoba ge baasuubwire.¹⁶Akusoka neiza ngakobati nyamwanga wange, empiya zamu amakumi abiri gakubbisyamu empiiya bibri. ¹⁷Namukobati webale omwiru omusai kubbanga wali mwesigwa okukitu ekidyoli munno, ale bba nobuyiinza oku bibuga ikumi.¹⁸Neiza owakabiri nga kobati nyamwanga awange, epiya ezo abiri zakubisibwemu epiya kiikumi. ¹⁹Noyo namukobati wenna bba kubibuga bitaanu.²⁰Nowondi neyiza ngakobati nyamwanga wange, bonna empiya zamu zini eibiri nazibikire ngazisibwe mu kiwero. ²¹Kubbanga na kutinire kubbanga olimuntu mukakanyali okomya kyo tateirewo, okungula kyotasigiire.²²Namukabati akananwakamu kalikusara omusango, we omuntu omubbi wali omaite ngagyendi muntu mukakanyali, ngankomya kyentate irewo, nga nkukungula kyentasingiire. ²³Kale kiki ekyakuleme srye okuwa empiiya zange abasubuzi nanje ninandizire²⁴Nabakoba abali bemereire awoti mumuyeku empiya zamwei muziwe oyo alina empiiya ebikumi ebibiri. ²⁵Nibamukobati nyamwanga weiswe, alina empiiya ebikumi bibiri.²⁶Nkubakobati buli alina alii webwa, naye oyo ataliina era ekyo kyali nakyo kirimuyibwaku. ²⁷Naye abo abalabe bange abatayendya gyenfuge, mubalete ani mubeitire omumaiso gange.²⁸Awo niyama okubaza ebyo nakulembera nanina Eyerusaalemi.²⁹Awo olwayikiire nga alampi okwiika Abesufaage na Bessaniya oku lwozzi olwetebwa okwa zeyituuni, natuma ku begesya bamwei babiri. ³⁰Ngakobati mwabe omumbuga edi omumaiso ganywe, nimweingira omwo mukwakubona omwana wandogoyi nga gusibibwe oguteebangalwa ngaku muntu mugusindale mugulete. ³¹Era omuntu nababulyangati mukusindaburyakyi? Mukobenge mutyo ti katonda weiswe niye agwendya.³²Bonna abatumibwe nibaba, ni babona nke bwabakobere. ³³Awo nibali nga bakusindabula omwana wa ndogoyi abakama bandogoyi nibabakobati mukusindaburaki omwana wandogoyi oyo? ³⁴Nibakobati onyamwanga weiswe niye kwandya. ³⁵Nibatete edi Oyesu ni baliira engoye okumwana gwa ndongoyi, nebabegesyaoku Yesu. ³⁶Awo niyali akwaba ni baliira engoye zabwe omunzira.³⁷Awo niyali nga alampi akwika omu kinamu kya lusozi lwa zayituuni, kibina kyona ekyabegesya ni batandiika okusanyuka no kutendereza nyamwanga ne yiraka elikotto olwabyamagero byona byebabweine. ³⁸Ngabakobati awereibwe omukiisa okabaka ayizira omwibara lya nyamwanga emirembe omwigulu, nekitinisya eyigula emuno.³⁹Abafalisaayo abamwei aba mukiibira nebamukobati omwegesya, ikanga ku begesyabamu. ⁴⁰Neiramu nabakobati nkubakobati aboni basirika, amabbale ga bazira eyiguru.⁴¹Ati niyasembeirye ampi, nabona ekibuga nakikungiira. ⁴²Ngakobati singa amayite okulunakuluni, we ebigambo ebyamirembe! naye ati bikwekeibwe amaiso gamu.⁴³Kubbanga ennaku zalikwizira abalabe bamu nibalikwombokaku olukorogo, balikwetolola, balikwerugurya eruyi ne ruyi. ⁴⁴Balikunaga ansi, nabana bamu abali mundayamu era tebali kule kamu ibbale eriri eyiguru okwibbale, kubbanga temaite bwiire bwakukyarwaku.⁴⁵Neigira omu yekaalo, nasoka okugobamu abali bakutunda. ⁴⁶Ngakobati kyawandikiibweti enyumbayange ya bbanga nyumba ya kusabiramu, nayenywe mujifire mpuku ya banyazi.⁴⁷Awo nayesyanga omu yeekaalu buli lunaku naye abakabonna abakulu nabawandiki nabukulu babantu nibasala amagezi okumuzikiiraza. ⁴⁸Nibatabonna kye bakola, kubanga abantu bonna bamuteiremu munno omwoyo nga bakumura.

¹Awo olwaikire okulunaka lumwei okweezo yaali nga akwegesya abantu omu kanisa nga kubuuliira enjiri abakabona abakulu nabawandiiki amwe nabakaire nebamwizira. ²Nibabaza nga bamukoba nti tukobere buyinza ki abukulesya bini? Oba naani eyakuwaaire obuyinza obwo?³Nairamu nakoba nti njeena kambabuulye kimwei munkobere. ⁴Okubatizibwa kwa Oyokaana kwazwire mwiiguru kaanda mu bantu.⁵Nibateesa boonkai na boonkai, nga bakoba bati nitwaakoba nti baazwire mwiiguru yakoba nti kiki ecabagaine okumwiikiriza? ⁶Naye nitwaakoba nti kwaazwire mu bantu, abantu boona baatukubba amabbale kubanga baikiririza muno omu Yokaana okubba omulaguli.⁷Nibaairamu nti tibamaite jikwaazwiire ⁸Oyesu nabakoba nti ale nanje tinabakobere nnywe obuyinza obukunkolesya bini jibwaazwiire.⁹Nasookere okobera abantu olugero luni nti omuntu omwei yasimbire olusuku lwamizabbibu, nalusigira abalumi, nayaba omunsi ejindi nalwaayo. ¹⁰Awo omubiro byamwaaka abalumi nabatumira omwiru bamuweerye oku bibala bya mulusuku lwamizabbibu, naye abalumi nibamukubba ni bamuswaaza nibamusindika nga talina kutwi.¹¹Niyengera okutuma omwiru owondi, nooyo nibamukubba nibamuswaaza nibamusindika nga talina kutwi. ¹²Niyeyongera okutuma owakasatu, nooyo yeena nibamusumita ni bamupeka.¹³Oyo Omukama walusuku lwamizabbibu namukoba nti nakola ntyai? Ka ntume omwaana wange ayendyebwa kaanda oyo baalimuteekamu ekitinisya. ¹⁴Naye abalumi nibaamuboine, nibateesa boonkanaboonka ngabakoba bati nti oni niye musika tutamwiita, obusika bubbe bwaiswe.¹⁵Nibamupeka omu lusuku lwamizabbibu, nibamwita. Ale yaalibakoba atyai Omukama walusuku lwamizabbibu. ¹⁶Aliiza amulewo obalumi abo, nolusuku lwamizabbibu, yaali luwerya abaandi. Nibaawulire, nibakoba nti bitabbaawo.¹⁷Naye ye nabaloleera nabakoba nti ale kiki kini ecaawandiikibwe nti eibbaale aboomboki libaagaine, eryo niryo lyaacuukiremu omutwe gw'ansonda? ¹⁸Buli agwa okwiibbaale eryo yaliyendekayendeka, naye oyo gweryaaligwaaku lyaalimufuumuula nkocuucu.¹⁹Awo abawandiiki nebakabona abakulu nibasala amagezi okumutaaku emikono omu biro ebyo, nibatiina abantu, kubbanga beetejerye nti okwaabo niko agereirye olugeero olwo. ²⁰Nibamubuuliira, nibatuma abakessi nga bakwefuula abaikirire balandire okubigambo byaamwe, balyooke bamuweryeeyo edi okufuga okwawassaza needi obuyinza bwaamwe.²¹Nibamubuulya nga bakkoba nti omwegesya, tumaite ngobaza era ng'oyegesya byamazima nolweekyo tasosola mubantu naye oyegesya mazima enzira ya nnyamwanga. ²²Kisai iswe okuweryaanga okayisaali omusolo, kaanda bbe?²³Naye netejerye obukuusa bwaabwe, nabakoba nti mudange o eddinaali, ²⁴'' Ekifaanani ekiruku nobuwandikeku byanaani?'' Bo nibakoba nti bya kayisaali.²⁵Nabakoba nti ale ebya kayisaali mu bisasulenge nnyamwanga. ²⁶Nibatasobola kwiiya nsonga mu kigambo ecoo omumaiso gabantu ni yewuunya cairemu, ni basirika.²⁷Abasaddukaaya abamwe nibayiza jaali okubakoba nti ndoowo kuzuukira, nibamubuulya. ²⁸Nga bakoba nti omwegesya Omusa yatuwandiikiire nti omuganda w'amuntu nafaanga ng'alina omukali naye nga talina mwaana omuganda waamwe abandule omukali oyo ailiryeewo omugaande ezzadde.²⁹Ale waaluwo abaluganda musanju, akusooka nabandula omukali, nafa nga talina mwaana. ³⁰n'owakabiri. ³¹N'owakasatu namubandula era batyo abaali omusaanju ni bafa nibataleka baana. ³²Olwamaale omukali nafa. ³³Ale omukuzuukira mukanaani okwaabo kubbanga boona omusanju baamubandwiire.³⁴Oyesu nakoba nti abaana bansi eni babandula, bafumbirwa. ³⁵Naye badi aba saanyiziibwe okwiika omunsi eyo nomukuzuukira okwamu bafu tibabaandulenge ate tibafumbirwenge. ³⁶Kubbanga nokufa tibayiinza kufa era, kubbanga baali nkabamaleiyika, era nibo baana ba nnywmwanga nka nibali abaana bakuzuukira.³⁷Okumanyamanyanga bafu bazuukira, ne Omusa yakirangire kukibira niyamweetere Omukama nnyamwa nga wa OIbulayimu, era nnyamwa wa OIsaaka, era nnyamwanga wa Yakobo. ³⁸Naye yeti nnyamwanga wa bafu naye waboomi kubanga boona babba boomi ku lwaamwe.³⁹Abawandiiki abamwe nibaairamu, nga bakoba bati omwegesya abazire okusai. ⁴⁰Kubbanga tibaajjanganga kumubuulya kigambo coona era.⁴¹Nabakoba nti babaza batya nga Okristo niye mwaana wa Odawudi. ⁴²Kubbanga Odawudi omwenyenere abaza omukitabo cazabbuli nti Omukama yakobere. Omukama wange nti ikaala okumuno gwange ogwaddyo. ⁴³Okwiica lwenaali cuusa abeilabe baamwe entebe yamagulu gaamu. ⁴⁴Odawudi amweeta Mukama wamwei. Ale mwaana waamwe atyai?⁴⁵Awo abantu boona nibamuwuuraanga, nakoba abegesya baamwe nti. ⁴⁶Mwekuumenga abawandiiki abakwendya okutambuuranga omungoye ezirai, abakwendya okulamucibwa nga omubatale, nentebe zampi omumakanisa ne bifo ebyakinisya okumbaga. ⁴⁷Abawamba ennyumba za banamwandu, abasaba omuno omubunafuusi, abo baalisaalwa omusangu ogukusinga obukooto.

¹Awoo naimucca amaiso, nabona abaguuda abaali batkunaga ebitooni byabwe omwibikiro. ²Nabonaa onamwndu omwe omwooro nga akunaga ebituundu bya peesa bibiri. ³Nakoba nti onamwandu oni omwooro anagiremu biingi okusiinga boona. ⁴Kubbanga abo boonana abanagirewo okubifikirewo okubutwoni naye oyo omukwendya kwaamwe anagiremu byoona byalina nibwo bwoomi bwaamwe bwoona.⁵Era abamwe nibabbaire bakusimoola okanisa, niyakuniibwe namabbale agasai, nebitwooni nabakoba nti; ⁶Bini byemukubona, ebiro bikwaaba okwiiza, niwatali lekebwawo ibbalen eriri okwibbale ani eritalangibwa.⁷Nibamubuulya nga bamukoba nti omwegesya, kale ebyo biribbawo di? kamanyisyo ki akalibbawo ebyo nibiribanga bikwakubbawo? ⁸nabakoba nti mubbenge muleme okukyamibwa; kubanga baingi baliiza omwibara lyange, nga bakusimoola nti ninje ngoni, era obwiire buliampi okeiika; timubasengeryanga. ⁹Era nimwawuuranga nebijugum,iro, timwerundukaanga: kubbanga ebyo kiibisaniire okusoka okwiiza, kubanga enkango teriika amangu ago.¹⁰Nalyoka nabakoba nti eiyanga liri luumba eiyaanga, nobukama buli luumba obukama. ¹¹Walibbawo ebijugumiro ebikooto, nomubikaranzira ebiindi nzala no kuwumpuli, walibbawo nebikutiinisya nobu manyisyo obukooto obukuzwa omiiguru.¹²Naye ebyo byoona nga bikyaali kubbawo, balibateekaku emikono, balibayiganya, nga bakubawayo omakumbanirono mbuduukulu nga bakubatwaala edi obukama. ¹³Kiribba mujuurwa edi nywe.¹⁴Kale mukiteeke omitima jaanywe , obutasooka kulowooza byemuliramu ¹⁵Kubbanga nje ndibbawo omunwa gwa magezi, abanyanzigu baanywe boona bye bye baali sobola okuwakana nabyo wade okubigaana.¹⁶Naye muliweebwayo ababyaire baanywe, nabaluganda nabakika, nabamikago gyaanywe okunywe bali baitisya. ¹⁷Nyeena muli kyayibwa boona olaibara lyaange. ¹⁸Nolusoke lwakumitwe jaanywe tiluli bula nakadyooli. ¹⁹Omukugumiikiriza kwaanywe muli funa obwoomi bwaanywe.²⁰Naye bwe mulibona eYerusaalemi, ngayatoleibwe eiye nemigera nti okuwaayo kwako kuli ampi pkwiika. ²¹Omubiseera ebyo abaibbanga omu omubayudaaya bairukiranga kunsozi nababbanga akati wakyo bakiwulukangamu. ²²kubbanga ebyo byabbaire biro bya kuwalana Eiwaanga; ebyawandiikibwe byoona bimalr bikiire.²³ZZiri basaanga abalibba nenda nabakwoonkya, omubiro ebyo, kubbanga walibbawo okubona obujune bwiingi okunsi nobwandi edi okuunsi no bwaandi edi abantu abo. ²⁴Baliitibwa nobwiigi bwa kitala, balinyagibwa okutwaalibwa omumaanga goona; no Yerusaalemi asambatiirwe abanamaanga okwika ebiseera bya bana maanga nibiri ika.²⁵Era wabbawo obumanyisyo okwisana no kweezi no ku nyenyenzi, nokuunsi amawaanga gali nakuwala , nga bakuwaniinkira ola kuvuuma kwa nyanja nebinyege. ²⁶Abaantu nga bakuzirika olwa kikangabwa nokuloleera ebikwiiza okuunsi kubanga amaani ga mwiiguru gali jjugumira.²⁷Nibalyookanibaebona omwaana wamuuntu nga akwiizira omukiiguru namaani ne kitiinisya ekikooto. ²⁸Naye ebigambo ebya nibitaandikaanga okubbawo nimuloleeranga aiguru, mwimuleenge emitwe jaanywe: kubbanga okwibululwa kwaanywe kuliampi okwiika.²⁹Nabakoba olugero, nti mubone omutima ne mitima joona. ³⁰kale nijitabaza muboona nimutegeera nywenkai, nti ati amakuungula galyampi. ³¹Era naanaanywe nimwo mutyo, nimubonaanga ebyo byoona nga bikubbawo nimumanya ntim obukama bwa Nyamwanga buli ampi.³²mazima nkubakoba nti emireembe jini tijiriwawo nakadyooli okwiika ebyo byoona nibiribbawo. ³³Eiguru nensi biriwaawo, naye ekigaambo kyaangetikiriwaawo nakadyooli.³⁴Naye mwekuume emitima jaanywe gireme okulemeerwanga olwamairu nokutamiiranga nokwelalikiiranga ebya bwoomi buni, era ne kiro kidi okubaikaku nkekikangabwa. ³⁵Kubaamga nimwo lutyo nililiika okubona abaali okuunsi yoona.³⁶Naye muboneenge ebiseera byoona musabeenge musobole okwika omumaiso gamwaana wamuuntu.³⁷Awoo bulio kiro yegesyaanga omukanisa; nibwasweekanga nawuluka nasula okulusozi olwetebwa olwa Zayituuni. ³⁸Abaantu boona nibakeeranga nibakeeranga okumaambya okubeegesya omukanisa okumuliirya.

¹Awoo embaga eyamigaati ezitakuzimbulukuka ekwebwa okwakalwaku yaali alampi okwiika. ²Abasuumba abakulu nabawaandiika nibasala amagezi nibamwiita, kuba baali bakutiina abantu.³Awoo ositaani nayingira omuyuda ayetebwa osukaliyooti eyaali okumuwendo ogwabo eikumi nababiri. ⁴Nayaba nateesa nabasuumba abakulu nabasaiza abasirikale niyamuwaayo jemuli.⁵nibasanyuka nibaikirizaganya okumuwa effeza. ⁶Naikiriza naswagana elkiseera mweyamuwereire jebaali ekibiina⁷Awoo olunaku lwa migaati ezitazimbulukusa ni lwiika, olukwanira okusaaraku okwakala okwo ⁸Natuma Opeetero no Yowaana nakoba nti mwabe muteeketeke okwakalwaku tugirye. ⁹Nibamukoba okweendya tutegekere ayi?¹⁰Nabakoba nti bona nimwsabbanga mwiingiire omukibuga mukwiiza okusanganga omuuntu akwiiza okubasangangs naanywe eyetikire ensuwa yamaizzi nomuseengerya omunybba. ¹¹Mwakobanga omukama wa nyubba omweegesya okobere nti enyubba yabagenyi erai mwenaliiranga okwakalaku amwe nabakumuseengerya boona.¹²Era oyo akwiiza okubalanga enyubba egikooto eyaali aiguru ekitimbibwe, mutekeretekere omwo. ¹³Nibaaba nibabona nka nabakobere naikaara nabatume amwe nate,¹⁴Awo ekiseera nikyaikire naikara okuumere okumere na batume amwe naye. ¹⁵Nabakoba nti negombere muno okuliira amwei okwakalwaku kuni nga nkyaali kubonabona. ¹⁶Kuba nkubakoba nti tiindikulya nakadooli okwiikya okwikiirya omubwabukama bwa Nyamwanga.¹⁷Nairira ekikopo, niyebalya nabakoba nti muyeku ekyo nywenkai nanywenkai. ¹⁸Obanga nkubakoba nti tindineewa okusooka ebibala okumuzabbibbu okwiika obukama bwa Nyamwanga nibwaliza.¹⁹Nairira omugaati niyebalya nagumenyamenya mu nabawa nabakoba nti guni nigwo mubiri gwaange oguwebwebweyo okulwaange; mukolenge mutyo okwizukira nje. ²⁰Era nikikopom batyo nibamaare okulya nabakoba nabakona nti ekikopo kini niyo ndagaano egiyaaka omusayi gwange okwansekere okulwaiswe.²¹Naye bona omukono gwooyo andyaamu olukwe guli amwe naanje okumeeza. ²²Obanga omwaana wa muuntu akwwaba ayabe nga nikyakobwebwe, naye zimusaangire omuuntu oyo amulyaamu olukwe. ²³Nibatandika okubuulyagana boonkai naboonkai yaabba naani okwabo? akwakola ekyo.²⁴Niwabbawo nempaka omubbo nti naani okubbo alowoozebwa okubba omukulu. ²⁵nabakoba nti abakama babasaiza abaaba okuleembera naabo abayinaobuyiinza kubbo bateebwa abakola obusai.²⁶Naye nywe timutyo; naye omukulu omunywe abba nkomuto noyo akulembera abeenge akuweereza. ²⁷Obanga omukului naani? aikaire okumere oba aweereza? tiniye Oyo aikaire okumere.²⁸Naye nywe bembaire nabo omukugezesebwa. ²⁹Naanje nkubakuumira obukama nka otaata niya tegekere nje. ³⁰Mulyooke mulye era munywere okumeenza yaange omubukama bwange. era miliikaara okuuntebe eza kitiinisya nga mukusaarwa emisaango ebika eikumi nebibiri ebyabaisireari.³¹Osimooni, osimooni, bona , yegairiire okubba okubakuunguta nke ngaano. ³²Naye nje nkusabira, okwiikiriza kwaamu kuleme okwiira emabega. naawe nomalaanga okwiinduka ogumyaanga baganda baamu.³³Opeetero namukoba nti mukama waange, netegekere okwaaba naawe nomukomera nokuffa. ³⁴Nakoba nti nkukobere we, oPeetero, onkoko olwaleero takwiiza kukooka nga akyaali kunegaana emiruundi isatu tomaite.³⁵nabakoba nti ninagbatumanga timwiina nsawu, nibwewankubbaire olukobba , wade enkaito, mwalina kyemwendyanga? nibakoba nti mbe. ³⁶Nabakoba nti naye ati alina ensawu, agitwaale nowalukobba atyo. naye atalina kya kulwanisya atuunde olugoye akigule.³⁷Obanga nkubakoba nti kini ekyawandikkibwe kisaniire okwikiirya okunje yabalibwe amwei nabasobya: obanga kibasaniireb kina okwikiira. ³⁸Nimbakobaz nti mukama waiswe bona ebyakulwanisya bibiri mbini. nabakoba nti mwamala.³⁹Nawuluka nayaba okulusozi lwa zeyituuni nkempisa zabwe nizaali, nabakumusengeeryanibamuseengerya. ⁴⁰awoo niyaikire omukifo awo, nabakoba nti musabe mutingira omukemebwa.⁴¹Yenabawukaku ebanga wakasukibwa eibbale, nafukamira nasaba. ⁴²Nga bakoba nti otaata, nkobwokwendya nyiyaku ekikopo kini. naye kyo kwendya nikikolebwa,⁴³Malaika nabonekera nga akuzwa omwiguru nga akumuteekamu amaani. ⁴⁴nafayo muno nga akulumwa niyeiyongera okusaba muno entuuyo zaamwe nizibba zidooli nko musaayi nga gukutoonya ansi.⁴⁵niyaimukire okusaba naiza edi abeegesya baamwe, nabasaanga nga babbasirye olwaanaku . ⁴⁶Nabakoba ekibabasisirye kiki ? mwiimuke musabe muleme okwiingira omukemebwa.⁴⁷Yaali ak yabaza bona ekibina noyo aitibwe oyuda, omwe okwaabo eikumi nababiri nga akubakulembera, naseembera oYeesu okumugwa omukifubba. ⁴⁸naye oYeesu namukoba nti oyuda, omwaana wamuuntu akumulyamu olukwe nga amugwire omukuiffubba.⁴⁹Naabo beyalinabo nibabwoine ekikwaba okubbawo. nibamukoba nti mukama waiswe tuteme nebikala. ⁵⁰Nomwe okubbo natema omubakazi wa kabona asiinga obikulu namusalaku okutwi kwaamwei okwa mukono ogulyo. ⁵¹Naye oyeesu nairaqmu nakoba nti kaanga kweekyo kyonkai. nakwata okutwi namuwonya.⁵²OYeesu nakoba abasuumba abakulu, nabasaiza abomukanisa nakaire nibamwiiramu nti munyiizire nko mwiibbi ebyakulwanisya nemiigo. ⁵³Ninaabbanga naanywe buliizo omukanisa timwangolorangaku bikono jaanywe, naye kini nikyo kiseera kyamwe nobuyinza obwa kizikiza.⁵⁴nibatmukwaata nibamutwwala nibamwingirya omunybba ya musuuumba asiinga obukulu naye OPeetero naseengerya nga akuzwa alai. ⁵⁵Awoo niyali nga bamaare okubbutula omuuro akati omulubuga nga baikaire amwei OPeetero aikaara akati omubbo.⁵⁶Awoo omwaala omwei niyamubweine nga aikaire owakabona, namulemeraku namukoba nooni yabbaire naye. ⁵⁷Niyeegana namukoba nti omukazi timumaite bbe. ⁵⁸Ekiseera niktyayakirewo nowoondi namubona namukoba nti weena oli kunibo, naye Opeetero namukoba nti omuuntu tiniinje.⁵⁹waali wakairewo ekiseera kyasaawa emwei owoondi nalemeraku nga akoba nti ama zima nooni yabbaire amwe naye, obanga muli Galiraaya. ⁶⁰naye oPeetero nnamukoba nti omuuntu tinkumunya gwokubbazaku, awo amaangu ago niyaali nga akyabaza;⁶¹Awoo omukama waiswe nakyuuka naloleera Opeetero, OPeetero naizukira ekigaambo kya mukama waiswe, niyamukobere nti ereero onkoko yabbanga akyaali kukooka onii yaneegana emiruundi isatu. ⁶²Nawuluka enzai nakuunga muno amaliga.⁶³nabaantu abaali bakwaite Oyeesu nibamuduula nga bamukoba . ⁶⁴Nibamusweeka amaiso nga nibamubuulya nga bakoba nti lagula: naani akubbire? ⁶⁵Nebiinhdi biingi nibamubazaqku nga bamuzuma.⁶⁶Awoo obwiire nibwakyere, abakaire nabaantu nibakuumbana, abasuumba abakulu era nabawandiiki nibamutwaala omulukiiko lwaabwe nga bakoba nti; ⁶⁷Obanga wa krisito yakobere naye mbakoba nti nebwenabakobera timwikiriza nakadooli. ⁶⁸Nibwenabulya, timwairemu nakadoolidooli⁶⁹naye ekikusookerwaku ati buni omwaana wamuuntu okumukono ogumoso. ⁷⁰Boona nibakoba nti kale we oli mwaana wa Nyamwanga? nabakobare nti nkanibazire niinje onii. ⁷¹Nibakoba nti tikwenderyakii obujuurwa obanga tuwuliire okuzwa jaali.

¹Ekibina kyona nikyimuka nikyimutwala ewaa Piraato. ²Nibasooka okumuloopanga bakoba nti onitwamubweine nga akubuulya Eiyaanga yaiswe, nga akubagaana okuwa Okaisaali omusolo, nga akubaza omwenyini okubba okurisito omukama.³OPiraato nabulya, nga amukoba nti niiwe mukama wa Buyudaaya? namwiiramu namukoba nti obalize. ⁴Opiraato nakoba okabona omukulu nebibiina nti tiinkubona nsoonga yoona okumuuntu oni. ⁵Naye bo nibeeyongera okubatairira nga bakoba nti okusasamalya abaantu, nga oweegesya omubayudaaya boona,yasookere Ogaliraaya okwiika naani.⁶Naye opiraato niyawuliire, nabuulya oba omuuntu oyo muGaliraaya. ⁷Niyategeire nga wamumatwaale ga kerode, namutwaala ewa kerode, kubbanga yeena yaali muYerusaalemi ebiro ebyo.⁸Awoo okerode niyabweina oYeesu, nasemeerwa muno, kubbanga okuzwa eirai yayeenndyaanga okumubona kubbanga yawuura nga ebigaambo byamwei, nasuubira okumbanga akola akamanyisyo. ⁹Namubuulirya ebigaambo bingi, naye ye natamwiiramu kigaambo kyoona, ¹⁰Abakabona abakulu nabawandiiki nibemeera nibagumya akumuloopa.¹¹Awoo okerode nabasirikale nibamunyooma, nibamuduura nibamuzwalikisya ekizwaaro ekimunekyanekya nibamwiiryayo ewa Piraato. ¹²Kerode no Piraato nibalyooka nibatabagana okulunaku alwa kubbanga omukwekera baali baalibakyawangaire.¹³Opiraato nayeta abakabona abakulu nabakukunaali nabaantu, ¹⁴Nabakoba nti mundeteire omuuntu onii, nti yabuurye abaantu, era bona nje nimukemereirye omumaiso gaanywe timbweine nsoonaga yoona kumuuntu oniiokwebyo bye muloopere.¹⁵Era , niwamkubbaire okerode, kubbanga amwiirye jetuli, era, bona, ndoowo kigambo kyakoore ekisaanire okumwitisya: ¹⁶Kale niyamaare okuumubonereza, namwiita. ¹⁷Kyamusaniraanga okubataisiryanga omubwe omwei okumbaga.¹⁸Naye ni bakayana bona amwe, nga bakoba nti twaala onii, otutaisirye balaba: ¹⁹Niye omuuntu gwe bateire omukomera olwabujeemu obwali omukibuga, nolwabwiiti.²⁰OPiraato nabaza nabo neera nga akweendya baite OYeesu. ²¹Naye bo nibazwa aiguru nga bakoba nti akomeerwe. ²²Nabakoba omuruundi gwa kasatu nti lwaaki onii, okoore kibbi kii? timbweine kuye nsoonga ekumwiitisya. kale niyamaare ]okumubonereza namwiita.²³Naye bo niba niba muzitoweeera namalobozi agaakoto nga akubegayiira amikomeere. amaloboozi gaabwe nigasinga okola. ²⁴OPiraato nasalawo ebigaambo bye beegairire. ²⁵Naita oyo ayanagiibwe omukomera olwa bujeemu nobwiiti gwe bamwegairire, naye nawaayo Oyeesu okumukola 'nka nibakwendya.²⁶Awoo bali nga bakamutwala, nebakwata omukuleni Simoon, eyali akuzwa mukyaalo, nebamutiika omusaalaba, okugwetiika nga akuzwa emabegga wa Yesu.²⁷ekibiina kikooto nekimusengerya ekya baantu ne kyabakaali abamukungiira bamulirira. ²⁸Naaye o'Yesu nabaindukira nabakoba nti nywe abaala baYerusaalemi,mutakungiiira njje,naaye mwekungiire nywenkai,nbabaana banywei.²⁹kubaanga, bonna, enaaku zikuiza, mwebalikobera nti mwina omukisa abaguumba, nabandda ezitabyaala na maabeere agatayonkya, ³⁰Nibalyooka batandiika okukoba ensozzi zibagweeku; nobusozi mutubikiire. ³¹kubanga nibakola biini okumusaale ogubbisi, okugukaalu kiribakityai.³²Era yatwaliibwe nabandi babiiri, abakola okubbi, okwitibwa amwei naye.³³Awoo nibaikire omukiffo kyetebwa Kiwanga, nebamukomeera awo, nebaddi akooli be ebibi,omwei okumukono ogulyo, omwei okukiimoso. ³⁴Awoo oYeesu nakoba nti Oite waange, basonyiwekubanga tibamaite kyebakola, nibagabana ebuzwaaro byamwei, nga bakubba akaluulu.³⁵Abaantu nibemeera nga bakuloleera abkukunaali boonanibamusekeera nga bakoba nti yalokolanga baandi yerokole yenkai, obanga oyo niye kurisito wanyamwanga, omuloonde.³⁶Abasirikale boona nibamuduura nga bakwiza waali nga bakumuwa omweenge ogukaatuki. ³⁷Nga bakoba nti obaanga .niiwe mukama wa Bayudaaya, welokole wenkai. ³⁸Niwabbawo nebbaluwa aiguru waamwe nti "ONI NIYE MUKAMAWABAYUDAAYA".³⁹Omwei okwabo abakola okubbi abawanikiibwe namura nga akaba nti tiniiwe kurisito? werokole weenkai naiswe ⁴⁰Naye owakabiri nairamu namunenya, nakoba nti nokutiina totiinaNyamwanga kubamga olikukibonerezo nikyo kimwe naye? ⁴¹Era iswe walanngiirwe enssonga, kubbanga ebisanizo bitwaakore nibyo bisasurwa; naye onii takolaanga kigaambo kitakusaana.⁴²Nakoba nti Oyeesu onyizukiraanga noliiza omubwabukama bwaamu. ⁴³OYeesu namukoba nti mananu nkukoba nti erero okwakubba nanje omilusuku lwa Nyamwanga.⁴⁴Awoop obwire nibwaali bwikire esaawa komukaaga newabbawo ekirikiirya omuunsi yoona okwiika esaawa mweenda. ⁴⁵Eisana obutayakka; neigigi erya muyeekaalu niryonoka mu akati.⁴⁶Awoo oYeesu nabaza neiraka erikooto, nga akoba nti otaange teeka omwooyo gwaange omikono gyaamu; niyamaare okubaza ekyo, nawayo obwoomi. ⁴⁷Awoo omwami wakitongole nigyabweine ikibbarewo, natendereza ONyamwanga nga akoba nti mananu oni abbaire muuntu mwiikiiri.⁴⁸Nebibiina byoona nibikuumbana okwebonera, nibabweine ebibbairewo nibaaba nga bakwekubba mukisubba. ⁴⁹Nabanywaani boona, nabakali abazwiire amwe eGgaliraaya, nibemeera alai nga bakubona ebyo.⁵⁰Kale bona, omuuntu eibara ryamwe Yusuufu eyali omukuungu omuuntu omusai era; ⁵¹Oyo tayakanyire kimwe omukuteesa kwabwe nawankubbaire omukikolwa kyaabwe, owe' Alimasayo, ekibuga kya Yudaaya eyali aliindirya obakabaka bwa Nyamwanga.⁵²Oyo nayaba ewa Piraato, nasaba omulaambo gwa Yeesu. ⁵³Nagunokola naguziinga omulugoye lwa bbafuta namuteeka omuntaana eya baizzibwe omwibbale, omutateebwanga muuntu.⁵⁴Kale lwaali lunaku lwakuteekateeka, esabbiiti nga yabbawo maambya. ⁵⁵Nabakali beyazwiire nabo naGgaliraayo nibaseengerya nibabina entaana, nomulaambo gwaamwe gyegwatekeibwe. ⁵⁶Nibaira nibategeka ebyakaloosa namafuta agamusutai. nokulunaku olwio ssabbiti nibawumula nkeiteeka niryaali.

¹Awoo oku lunaku olwaluberyeberye okunaku omusanjuu, omukibbambya emambya, nibaizza okumbii nibaleeta ebyakawowo bya bateeketekere. ²Nibabona eibbale nga riringitibwa okuzwa okumbii. ³Nibaingiramu nibaatagyamu mutumbi gwamukama waiswe yesu.⁴Awoo olwaikire nibaali baanamirire olwekyo, bona, abantu babiiri nibeemeera webaali, nga bazwaire ebizwalo ebikupirita;. ⁵Awoo nibaali batinire, nga bainamye amaiso gaabwe, nibabakoba nti kiki ekikubaswaganisya omwomi?⁶Taalowoani, naye ayimbokere: Mwizukire niyazire nanywe nga akyaali omu Galiraaya, ⁷ngakoba nti kigwanire omwana wamuntu okwewayo omungalo zabantu abalina, nokomerwa, nokukiro kyakasatu okuyimbooka.⁸Awoo nibaizukira ebigambo byamwei, ⁹nibazwa okumbii nibairayo, ebyo byoona nibabikobera badi eikumbii nomwei, nabandiboona. ¹⁰Baali omalyamu magudaleene, noyowaana, nomalyamu omaawa Yakobo: nabakali abandi amwei nabo nibakobera abakwenda ebigambo ebyo.¹¹Ebigambo ebyo nibisaanangana omaiso gabwe nkekyabugwagwa; nibataikiriza. ¹²Naye Opeteero nayimuka okumbii; nainama nasungerya nabonamu ebiwero ebiwerobya bafuta, ngabiribyonkai, naira ewmweinga akwenankya ebibbairewo.¹³Awoo bona, okwoolwo, babiri okubo baalinga bakwaba mumbuga eibara lyakyo Emawo, ekyaali alaineyerusaalemi, sutaddiyo nkaaga. ¹⁴Nibbaza bonkai nabonkai ebyo byoona ebibbairewo.¹⁵Awoo olwaikire baalinga bakunyumya nga bakwebulya, oyesu omweene nabasembera, nayaaba amwei nabo. ¹⁶Naye amaiso gabwe nigaigalwa baleke okumwetegya.¹⁷Nabakoba nti bigamboki byemukwebulya nga mukutambula nibemeera nga botokere. ¹⁸Omwei okubo eibara lyamwei kulyoppa nairamu namukobanti we osula wenkai omuyerusalemi atamaite ebyabbairemu omuunaku ezo?¹⁹Nabakoba nti bigambo ki? Nibamukoba nti ebya yesu omuzaaleesi, eyaali onabbi owamaani ombyeyakolanga nombyeyabazanga omaiso ganyamwanga nomaiso gabantu booona. ²⁰Abakobona abakulu nababitinisya baiswe bamwaireyo okumusaara omusango ogwakumwita, nibamukomeera.²¹Naye iswe twaali tukusuubira nti niye alinunula Oisiraeri. ati nokubiini byona, leero ziini ennaku eissatu ebigambo biini kasookanga bibbawo.²²Era nabakazi abamwei bawaiswe nibatwewunyisya, kasookanga bibbawo. ²³nibatasangire mutumbii gwamwei, nibaiza nibakobabweine okwolesebwa kwe bamalaika abakobere nti mwomi. ²⁴Nabamwei okwaboo ababbaire naiswe bayabire okumbii, nibasanga boona batyo nkabakazi nibakobere, naye nibatamu bona.²⁵Alee ye namukoba nti nywe abagwagwa, abagarai mwooyo okwiikiriza byoona abalangi bye babazang; ²⁶tikyaikiraine okuristo okubonerezebwa ebyo, ayange aingire omukitinibwa kyamwei? ²⁷Nasookera okumusa nokubalangi boona,nabakobera ombyandikiibwe ebyo byoona ebyamwandirweku.²⁸Nibasembera ampi nembuga gyebaali bakwabaa: yenabbanga akubakalya okwaba omaiso. ²⁹Nibamwalirizanga bakobe nti ikaara naiswe: kubanga obwiire bukwaaba kusweka, neisana rigolooba atti, Naingira okwikaara nabo.³⁰Awoo olwaikire yaali aikaire nabo okummere, nakwataa omugaati nagewebalya, nageendamu nabeerya. ³¹Amaiso gaabwe nigalubbuunibamweteja ,nabukawo nibata mubona. ³²Nibabulyangana nti emwooyo jjaiswe tijjabenge jikututyemuka mundda ya iswe,niyabaire akubaza naiswe omunda, nga akutuswekura abyawandiikibwe.³³nibaimuka omukiseera ekyo nebaira e Yelusaalemi, nibasanga ikuumi nnomwei, bonna bayabanga nabbo, nga bakumbaine. ³⁴nga akubakoba nti mazzima omukama waisswe aimbokere era abonekeire o'Simooni. ³⁵Bonna nibanyonyola abaandi ebya omuwaanda, nibweyategerekekere jjebali olwa kundamu omugaati,³⁶Awoo bali bakyaali bakyabaza ebyo, yemwe nyini nayemera akati waabwe, nakoba nti emirembe jjibe nanywe. ³⁷Naaye nebakenga nibatiina nabaloowoza nti bakubona mazima.³⁸Nabakoba nti ekibalikirya kiiki? no'kubuusa buusa kuzwiiraku kiiki mu myooyo jjanywe? ³⁹Mulole engaalo zaange na maguulu gaange, nga ninjje ddala mwenyiini munkwateku mubonne, kubanga omuzimu ogunambula nyaama na maguumba, nka nimukumbonna njje niimwo ndinabyo. ⁴⁰Niiyamaare okubaza ekyo, nibalaanga engaalo zamwei namaguulu.⁴¹Awoo nibaali bakyaali kuikiriza olwa saanyu, nga bakwewuunya, nabakoba nti muliina ekikuuibwa anni? ⁴²Nibamwirya ekituundu ekya ncwii ekitaliike. ⁴³Nakikwatta nakirira omumaiso gaabwe.⁴⁴nabakoba nti biini nibyo bigaambo byaange bwenabakobeire nga nkyaali nanywe, nkanikigwaniire byonna okwikiira, ebyampandikire okunjje, omumaateka ga Musa,⁴⁵Nalyoka naswekul;a amagezi gabwe, beteje ebyawanikibwe. ⁴⁶Nabakoba nti otyo kyawandikire okuristo o kubonyabonyebwa nokwiimboka omufiire olunaku olwakasatu. ⁴⁷Era amanga goonna okoberwanga okwenenya nokuyibwaku abiibi byabwe omwibara lyamwei, okutandikira oku Yerusaalemi.⁴⁸Ninywe bajuurwa babyo. Era nabo, mbawereza nywe ekisubizo kyaitowanga. naye mube mukyangabuga okwikya nimwalizwalikisibwa amaani agakuzwa aiguuru . ⁴⁹Era bona okubeereza nywe okusuubiza kweiotowange; naye mubbe omukyangabuga okwikya lumulizwalikibwa amaani agakuzwa aiguru.⁵⁰Nabatwaala enzai nabaica e Bessaniya: naimuca emikono zaamwai nabeerya omukisa. ⁵¹Awo olwaikire nigakyaaberya omukisa, na'besorooraku, natwaalibwa omuiguru.⁵²Bona nibamuramya, nibaira e Y erusaalemi namasanyu ganyamwingi. ⁵³Nibabbanga omu o Yeekaalu buliizo nga bakweebalya o NYamwanga.

¹Ekitabu ekikusooka nakikola omwirawaange oTeffero, ekya byoonabyona OYesu bye yasookere okukola n'okwegesya. ²Okwiika okulunaku luddi niyamaare okuddumira ku ba mwooyo omwikiiri abatume bbiyakomerye natwalibwa omwiguru. ³Niyamaare okutulugunyizibwa niyeraga omu bbo nga mwoomi, omubumanyisyo obwiingi.⁴Awo nebekumbaniya nabonabakoba muleke okuzwaomu Yerusaalemina naye balindiriirye okusuubiza kwa ite waabwe kweyawuliire gyaali. ⁵kubba OYokaana yabatizire n'amaaizi naye nywe mulibatizibwa na mwoyo gwikiiri.⁶Awo ne bekumbanirye ne babuulya, nga bakukoba nti mukama waiswe omu biro bini nimwo oliriirya obwakabaka obwa israeri? ⁷Nabakoba nti tikwaanywe okumanya entuuko ne wankubaaire ebiro, Nyamwanga,byaaliteeka omubuvunanyizibwa bwaamwei ye. ⁸Muliweebwa amaani, omwoyo omwikiiri Niyalimalaokwiiza okunywe, nanywe mulibbanga abajuurwa baamwe omu Yerusaalemi n'oMubuyudaayabwoona n'oMusamaliya, okwiika okunkaango ya nsi.⁹Niyamaare okubaza ebyo, nga bamulolereeire, nagingibwa ekigguru nekimuwaala okumuya omu maaiso gaabwe. ¹⁰Ni baali bakwekaliza omu maaiso omwiguru bwayaba, abantu babiri ne bemeera ampi nabo nga bazweeire ebizwaalo ebikweera. ¹¹Ababazire nti abantu ba Galiraaya kikiekibemereeirye nga mu kuloleera okwiguru? oyo Yesu abaibweeku okutwalibwa omwiguru aliira nk'otyo nka bwemumubweine nga akutwaalibwa omwiguru.¹²Ne baaira e Yerusaalemi okuzwa okulusozi olukwetebwa OZaituuni, oluli ampi n'OYerusaalemi nk'olugeendo olwa saabbitti. ¹³Awo ne bayingiire ne baniina okukiseenge ekyaiguru, gye baikalanga;OPetero n'OYokaana n'OYakobo n'Andereya,OFiripo n'OTomasi, Battulumaayo n'OMatayo,OYakobo omwaana wa Alufaanyo, n'OSimooni Zerote, n'OYuda omwaana wa Yakobo. ¹⁴Abo boonaboona bbali nga bakujjumbira omwooyo gumwei omu kuramya, amwei nabakali n'OMalyamu omubyeire wa yesu n'abagaanga baamwe.¹⁵Omunnaku ezo o Petero nayemeera akatti omu bagaanda baaira baamwe nabaza nti [ekibiina kya bantu abakuumbaana bbaali nka kikumi mw'abiri nti ¹⁶abasaiza abalugaanda, kyalyokere ekyawandikiibwe kikiire,omwoyo omwikiiri kye yabazire omu munwa gwa Dawudi, ku Yuda, eyaali owamaani omuno waabwe abakwaata OYesu.¹⁷Kubba bbamubaliire amwei naiswe ne bamuwa omusiingo ogwakuwereza kuni. ¹⁸[ooyo nagula omusiri n'empeera eya bubbi bwaamweinagwa nga yesumukire, nayatikamu akati, ebyenda bbyoonabyoona nebisenseka. ¹⁹Nekitegerekeka nti abo boonaboona abaali OMuyerusaalemi; omusiri eddi omu lulimi lwaabwe ne bamweeta n'okwetebwa nayetebwa Akerudama, nigwo musiri gwa musaayi.²⁰Kubba kyawandikiibwe omu kitabu kyazabbuli nti ekibaanja kyamwe kizike, so kiremenge okubbamu omuntu; era nti obukulu bwaamwe bbuweebwe owoondi.²¹Ale kiryokere oku bantu abatataambula naiswe omu biro byoonabyoona niyayiingire nzwanga gyetuli e wamukama waiswe o Yesu. ²²okuzwa okubatizibwa kwa Yokaana okwiika olkulunaku lwe yatuyiibweku,omwe okwaabo abbe omujuurwa olwa kwikiriza kwaamwe amwe naiswe. ²³Nebalonda babiri, OYusufu ayetebwa Balusaba,natuumibwa ate eibara Yusito, n'oMatiya.²⁴ne basaba, nebakoba nti we, mukama waiswe, emitima gyabantu boona, langaku omwei gwolondere oku bani boona. ²⁵Bamuweerye ekifo ekya kuweereze okwo n'obutume, OYuda bwe ya subirwe okwaaba omukifo kyaamwe ye. ²⁶Nebakubbira ebuluulu;akaluulu ne kagwa oku Matiya; nabaarwa amwei nabatuma eikumi n'omwei.

¹Awo olunaku lwa pentekoote bwe lwaikire, boona bbali amwei omukifo ekimwei. ²Amangu ago okutuuta nekubba omwiguru nka omuloombe ogukutuuta namaani, neizula enyumba yoona mwe baali bbaikeire ³Nekubonekera oku bbo endimi za muuro nga zeyawiiremu;bbuli lulimi ne lwikala omu muntu. ⁴Boona nebaizula omwoyo omwikiiri, ne batandika okubaza endimi eziindi, nk'omwoyo bweyabawaaire okubaza.⁵Waaliwo omu Yerusaalemi Abayudaaya nga bbaikire, abantu abetegereeize abazwa mu buli iyaanga lya bantu mu ansi weiguru. ⁶Okutuuta okwo ni kwabbairewo, ekibiina ne kikumbaana ne kisamaala, kubba bbawuliire bbuli muntu nga bbakubazira omu lulimi lwa waabwe, ⁷Nebawuninkirira bboona ne beewuunya, nga bbakubaza nti bbona bboonaboona abakubaza nti Bagaliraaya,⁸Era kiki iswe bbuli muntu akuura olulimi lwaiswe gye twabyaalibwe? ⁹Abapaali n'Abameedi na Beeramisali n'abaandi omu Mesopotamiya omu Buyudaaya naba Kapadokiya, omu Ponto n'omu Asiya, ¹⁰Omu Fulugiya n'omu Pafuliya, omu Misiri n'omunsi azanzai eziriraine okuleene, n'Abaruumi abagenyi Abayudaaya nabainduki, ¹¹Abakuleete n'Abawalabbu, tuwuliirye bbani nga bakubaza omu ndumi zaiswe ezakitalo ebya Nnamwanga.¹²Bboona ne bewunaikya ne babuusabuusa ne bakobanga nti amakulu gaakyo gakumanyisya kii? ¹³Naye abaandi ne babasekeera ne babakoba nti batamiire omwenge ogukka.¹⁴Naye OPeetero bwe yayemereeire n'abandi eikumi n;omwei, nabazira aiguru nakoba nti abasaiza Abayudaaya nebaikala omu Yerusalemi nyweena, mwetegye kini muntegere amatwi ebigamboo byange ¹⁵Kubba bbani tebatamiire, nkanwe bwe mu kulowooza; kubba niyo nssawo eyakasatu eyakyamisana.¹⁶Naye bbini nibyo byabaziibwe onnabbi Yoweeri nga akoba, ¹⁷Olwiika omunaku za luzwanyuma, Nabooja banywe bbalibona okwolesebwa, Nabakaaire bbanywe bbaliroota ebirooto;¹⁸Wewaawo n'oku bairu baange nabakali baange omu nnaku ziddi ndibasukira oku mwoyo gwange, baliranga. ¹⁹Ndireeta ebyakitalo omwiguru aigguru n'obumanyisyo omunsi ansi, omussaayi n'omuuro n'kunyoonka kwa mwiika. .²⁰Eyisana lyalifuuka omwiirima n'okweezi okubba omusaayi, okulunaku olwa Nnyamwanga olukulu olulijaganyizibwa nga lukyaali kwiiza. ²¹Bweluliika bbuli alisaba eibara lya Nnamwanga alirokoka.²²Abasaiza abaisraeri, muwuliirye ebigaambo bbini, OYesu omunazaalesi; omuntu eyabalangiibwe ONnmwanga omu bigambo ebyamaani ne byamagero n'obumanyisyo,ONyamwanga bwe yamukolesyanga akati omunywe, nga nga nywe bwe mumaite; ²³Oyoo bwe yaweebweyo nga ONnyamwanga bwe yasookere okuteesa n'okumanya, jjakumutwaala nemumukomerera nemikono gyabantu ababbi, ne mumwiita. ²⁴Naye oyoo Nyamwanga yamuyimboire bwe yamusindabwiire okulumwa okwa kufa; kubba tekyasobooyire kumugumya.²⁵Kubba ODawudi akuaku nti nabwoine omukama ebiro byoona omu maiso gaamwe; kubba ali ku mukono gwange ogwa bulyoo ndeke okusagasagana. ²⁶Omutima gwange nikyo gwazwiire gwesiima, olulimi lwange ne lusemer; Era n'omubiri gwange gwabbangamu okusuubira.²⁷Kubba tolireka bwomi bwange omu magoombe, era taliwaayo mwiikiiri waamwe kujjunda. ²⁸Wanyegeserye amazira ga bwoomi; olinyizulya amasanyu n'amaiso gaamu.²⁹Abasaiza abaluganda,nyinza okubazira obugumu amaiso gaamwe ebyo oziizawaiswe omukulu ODawudi nti yaffiire n'azikibwa,n'amalaalo gaamwe gaali waiswe taati. ³⁰Alee bwe yaali Onnabbi, nti omubaizukuli abamuntumbwe zzamwe alikaryaku omuntu oku ntebe yaamwe; ³¹Bweyabooine omu kweekera,nabaza oku yiombooka kwa kurisitonga tiyalekeibwemu omu magoombe era nga n'omubiri gwaamwe tegwajundire.³²OYesu oyoo ONnyamwanga yamuyimboire, iswenaswena niiswe bajuurwa. ³³Awoo niyaninisiibwe okumukono ogulyo ogwa Nyamwanga nibamuweerya okusubizibwa okwa mooyo ogwikiiri eddi oitewaamwe;affukire kini kyemubooine atti kyemuwuliire.³⁴kubba ODawudi teyalinaye omwiguru, naye yabazire ye omwenyini nti omukama yakobere omukama wange ni ikala oku mukono gwange ogulyo. ³⁵Okwikya lwe ndikiirya abalabe baamu okubba n'entebe ya magulu gaamu. ³⁶kamazima bamanye enyumba yoona eya israeri nti ONnamwanga yamwundwire omukama era okurisito, OYesu oyoo gwe mwakomereeire,³⁷Awoo ne baawuulire ebyo emitima gyaabwe ne gibaluma, ne bakoba OPeetero n'abakwenda abandi nti abaluganda, twakolatutyei? ³⁸OPeetero nakoba nti mwenenye, mubatizibwe bbuli muntu omu nywe akwingira omwibara lya Yesu kurisito okwiyibwaku ebibbi byanwe, mukwiza okuweebwa ekirabo nga nigwo omwoyo omwikiiri. ³⁹kubba okusubizibwa kwanwe era kw'abaana baanwe. naabo boonaboona abbali alai bboona abalyetebwa omukama ONnamwanga waiswe.⁴⁰Era nabakoba omu bigambo ebiindi biingi nababuulira nga akubakoba nti mulokolebwe omu mireembe gyini egyakaama. ⁴¹Awoo abaikiriize ekigaambo kyamwei ne babatizibwa. ⁴²Ne babba nga banyinkivu okwegesebwa kwa bakweenda, n'omwikiriza, n'omukumenya emigaati n'omukuramya.⁴³Bbuli muntu natiina; ebyamagero biingi n'obumanyisyo ne ne bikolebwaanga abakweenda. ⁴⁴Bboona abaikiriire bbaali amwei, ne babbanga bakwikiriza kimwei omu boona; ⁴⁵ebyabuggaige byaabwe n'ebintu bye baali nabyo ne babituunda ne bagabiraanga boona nga bbuli muntu bwe yaali akweendya.⁴⁶Bboona nga bakwetabamu bbuiizo n'omwoyo gumwei omu yekaalu, nga bakweendya emigaati omu nnyumba ekka,ne balya emmere ne ssanyu n'omutima ogutali mukupya. ⁴⁷nga bakulamyaanga ONnamwanga, nga bakusimiibwanga abantuboona omukama nabongerangaku buliizo abalokokaanga

¹Awo O'Peetero n'oYokaana ne beema eisabiro omu saawa eyakusabiramu, esaawa eya mwenda. ²Waliwo omuntu omulema akuzwa omunda ya nyina yaali agingiibwe, gwe batekaanga buliizo oku lwiige lwa isabiro olwayetebwanga olusai, okusanga efeeza beingiranga omwisabibo. ³Awo ne yabooine O'Peetero n'oYokaana nga bakwaabaokwingira omwisabiro, nakoba okumuwa efeeza.⁴O'Peetero n'oYokaana ne bamuloleerya amaiso O'Peetero namukoba tuloleere. ⁵Nabawuura nga akulowooza nti bamuwa ekintu ⁶Naye O'Peetero nabakoba nti ofeeza n'ozaabbu tembirina naye kyenina nikyo nkuwa eibara lya Yesu kurisito omunazaleesi, tambuula.⁷Namukwatta okumukono ogulyo namwemeerya.Amangu ago amggulu gamwe n'obukongovule n'ebifuna amaani. ⁸Nagolokoka mangu nayemeera natambula, nayingira nabo omwisabiro nga akutambula nga akuguluka nga akutendereza ONyamwanga.⁹Abantu boonaboona ne bamubona nga akutendereza ONnyamwanga. ¹⁰Nebamutegeera nga niye oyo eeikalanga okwiliige lwaisabiro nga akusabiira efeeza,nebewuunya muno olwekyo ekimukoleeibweku.¹¹Niyaali nga akyekweite O'Peetero n'OYokaana, ekibiina kyoona nebairuka gyebaali nga bakweewunya muno, ¹²Awo neyabooine nairamu ekibiina nti abasaiza abaisraeri kiki ekibewuunyisya bbini? Mutulemeryaaku amaiso gaaki nga amaani gaiswe oba kutiina kwaiswe kwa Nnamwanga nibyo bimutambulisirye oyo.¹³ONnamwanga wa Ibrayimu no Isaaka era owa Yakobo, ONnyamwanga wa baziiza baaisye, niye agulumiza omuweereza Yesu,gwe mwaweeireyo, ne mumweganira omu maiso ga Pilaato, niyamaliriirye okumwiitta. ¹⁴Naye nywe nemwegaana aikiriire era omwikiiri nimwendya okuweebwa omwiitti.¹⁵Nimwiitta omukulu wa bwoomi, oyo ONnamwanga yamuzukiirye omu baafiire niiswe bajjuurwa baakyo. ¹⁶Era olwa kwikiriza eibara lyaamwe oyo gwe mukubona gwe mumaite eibara lyamwei limuwaaire amaani n'okwikiriza okuli mu ye kumuweeire obwoomi bbuni obwikiriire omumaiso gaanywe nyweena.¹⁷Kale ati, bbuni abamukaggo, mumaaite nga mwakoore nga temukumanya, nga nka'abakulu bbaiswe. ¹⁸Naye ONnamwanga bye yawuuliire omu minwa gya bannabbibbona nti okurisiti wamwei alibonyabonyezebwa, nabikirya atyo.¹⁹Kaale mwenenye,mukyuuke, ebibbi byamwe bisangulibwe ebiro ebyakawulibwa, yabikiriirye atyo. ²⁰Naye atume okurisito eyabuliire eire, ye OYesu.²¹Eyagwaaniire okutwalibwa omwiguru okwiicca omu biro ebyakulongosebwaamu byoona ONnyamwanga bye yabalizaanga oku minwa gya bannabbi baamwei abeikiriire abaaliwo okuzwa okuluberyeberye. ²²O'Mussa yakobere nti O'Nnyamwanga omukama alibemereerya onabbi alizwa omu baganda baamwei nkangye oyo mumuwuuranga byoona bbyali bakoba. ²³Olwaaliika bbuli mwooyo ogutawuura O'nnabbi oddi gulizikirizibwa omu gwanga.²⁴Wewaawo, na bannabbi bboona okuzwa omu Samwiiri naabo abamwiiririire, bboona ababazaanga, bbabuliraanga eby'annaku zzini. ²⁵Nnywe mulibona abannabi, era abandaggano O'Nnyamwanga gye yalagaine n'abaziiza bbbanywe nga akukoba nti O'Ibulayimu nti omwiibyeeire lyaamu ebikka bbyoona ebya nsi nywe bbiriweebwa omukisa. ²⁶Okusooka gyemuli, O'Nnyamwanga, niyamaare okuyiimboola omwoojjo waamwei namutuma gye muli abawe omukisa nga, akukyuusa bbuli muntu ebibbi bbyaamwe

¹Bwebaali bakubaza ne ibiina, nebaiza gyebali abakabona n'omukulu wakanisa nabasadukayo. ²Nga banakuwaaire muno, kubba abegesya ekibiina naga bakusomesya olwa Yesu okuzukira omu baffu. ³Ne babatekaku emikono ne babateeka omunkomyo okwiikya emaambya; kubba bbwaali bbuswekereeirye. ⁴Naye abamwei bbaingi abawuliire ekigambo ne baikiriza,enamba ya basaiza nebbanga enkum'itaanu.⁵Awo nebwaakeire emaambya abakulu n'abakeeire n'abawandiiki ne bakumbaana omu Yerusaalemi. ⁶No Anna okabona asiinga obukulu n'okayaafa n'oYowaana n'Alegeezanda naaabo boona abakikka kya kabona asinga obukulu. ⁷Nebabateeka akati ne bababuulya nti omaiteki oba ibaraki erikuboonbya mutyi nywe,⁸Awo O'Peetero neyaizwiire omwoyo akweera nabakoba abakulu abasatu, n'abakaire. ⁹Bwe tubulirwaanga eleero olwa kukola okusai omuntu omulwaire, kimuwonyerye. ¹⁰Mutegeere nyweena n'ekibiina kyoona ekya baisraeri, nti omwibara lya Yesu kurisito omunazaalesi gwe mwakomerye omu baffu, kulwooyo eyemereeire nk'omwami omumaiso ganywe.¹¹Rini niryo eibara eryanyomaaibwe nywe abomboki erufuukire erikulu okunsonda. ¹²Naye ndowo woondi awali obukolozi kubba ndowo ibara rindi ansa waiguru eryaweebwa abantu erigwaaniire okutulokola.¹³Awo nebamaare obugumu bwa Peetero n'oYowaana ne babategeera okubba abantu abatamaaite kusoma era abatasomeseeibwemunno, bbewuunyire era nebabetegereza nga bbali amwei n'OYesu. ¹⁴Era nebamaare nga omuntu eyawonere nga ayemereeirenabo naabo abalina ekyakwiiramu.¹⁵Naye abakabona okuzwa omulukiiko ne basala amagezi bbonkai nga bakukoba nti, ¹⁶twakola tutyei abantu abo? kubba bbakoore akamanyisyo akakaliriirye ekigambo kyamu ekimaitiibweabantu bboona abaikala omu Yerusaalemi,naye tetuyiinza kukyegaana. ¹⁷Naye kireke okweyongeranga omu baantu, tubakaanje bbalekeenge okubaza omwibararyamu n'omuntu yeenayeena. ¹⁸Nebabeeta ne babalagira bbalekeenge okubaza n'akadyooli newankubbaire okwegesyanga okw'ibara lya Yesu.¹⁹Naye O'Peetero n'OYowaana e bairamu ne bakoba nti obbanga musai omu maiso ga Nnyamwanga omu bazeeyi. ²⁰Kubba iswe tetuyiinza kulemwa kubaza bye twabwooine bye twawuliire.²¹Boona nga bbamaare okubaza obubaka, bbabaitire nga tebakubona kye bbabakoba okubabonereza olwa kibiina kubba bboona bbali bbakutendereza O'Nyamwanga olwekyo ekikoleeibwe. ²²kubba obukulu bbweyali ayakaairemu omu myaka amkumi anai omuntu eyakolomiirwe,akamanyisyo kani kakumuwonya.²³Bwe baabataisirye nebaaba omu kibiina kyaabwe ne babaza bbyoona bye babakobere. ²⁴Bboona ne baawuliire ne baimula edoboozi lyaabwe n'omwoyo gumwei eddi O'Nyamwanga nabakoba nti omukama eyakoore eiguru n'ensi n'enyanja n'ebirimu bbyoonbyoona. ²⁵We eyabazire okubba omwoyo omwikiiri omu munwa gwa jeeja waiswe O'Dawudi omwojo wamu nti oba mawaanga kiki ekibasalisirye akajjegere n'ebika nebirowooza ebitalimu?²⁶Abakama bansi bbasiimba elaini n'abakulu ne bakumbanira amwei oku mukama n'okurisito.²⁷Kubba amazima nkubakoba omu tawuni muni oku mwojjo waamu omwikiiri O'Yesu gwe yasukireku amafuta okerode n'opontio piraato amwei n'amawanga n'ebikka bbyansiebya israeri. ²⁸Bbakole bbyoona omukono gwamu n'okuteesa kwamu nibyo ebyakobeeibwe eirai okubbaawo,²⁹Kale ati omukama,bboona okukuunga kwaabwe,okwa bapakasi bbo bagume munno okubazaanga ekigambo ekyo. ³⁰Nogolola omukono gwamu owonyeenge n'obumanyisyo n'ebyamagero bbikolweenge omwibara lya mwojo wamu omwikiiri O'Yesu. ³¹Bwe bamaare okusaba, omu kifo we bakumbaaniire ne wakankana bboona ne baizula omwoyo akweera ne babaza ekigambo namaani.³²Nekibiina kyabwe abaikiriize bbalina omutima gumwei ne mmeeme emwei; naye tewalibbaayo n'omwei eyabazanga nti ekintu kyalina nikyo ekyamwei yenkai naye bbyona babbanga nabyo mu bumwei . ³³Namaani gaingi abatimwa ne bongeranga okutegeera kwaabwe okwa kuzukira kwa mukama waiswe O'Yesu ne kisa kingi nekibbanga okubbo boona.³⁴Kubba ndoowo omu bbo eyendyaanga ,kubba boona abalina ensuku oba enyumba bazitunda ne baleeta omuweendo gwazo ezatundibwaanga. ³⁵Ne baguteka oku magulu ga batumwa ne babagabirangabbuli muntu nka bwa kwetaagga.³⁶No Yusufu abatumwa gwe bayetere O'Balunabba [erikutegeeza nti] omwana wa Sanyu omuleevi eyabyaliibwe e Kupulo. ³⁷Yayina emisiri nazituunda naleeta efeeza na ziteeka oku magulu ga batumwa.

¹Omuntu nga eibara lyamwe nga niye o Anna, niye n'OSafira omukali waamwe natuunda ebyaamwe, ²ne yebikiraku oku muwendo, omukali wamwe nga yena amaite, naleetaku kitundu oku bitundu nabikira oku magulu ga batumiibwe.³Naye O'Peetero nakoba ntiAnayina,Sitaani okwizula omutima gwa bubeyegi omwoyo omutukuvu, ni weebikiraku oku muwendo gwa musiri? ⁴Niyaali eyo tiyaali yaamu? Era bbweyamaare okutuundwa,tiyaali mu buyiinza bwaamu? kiki ekikubikisirye omu mutima okukola otyo?Tobeyegere bantu naye Nnyamwanga. ⁵O Anayina niyawuliire ebigambo ebyo, naggwa eibbano jjingi eyakweite abo abawuliire ebyo. ⁶Aboojo ne bbaimuka ne ba muziinga, ne bamutwaala ne bamuziika.⁷Awo olwaikire waali waakairewo essaawa isatu omukali waamwe yeena naingira nga tamaaite nibibbaire. ⁸O'Peetero namwiramu nti nkobere,mwatundire omusiri omuweendo gutyo?nakoba nti nimwo,gutti?⁹Naye O'Peetero nabakoba kiki ekibatabageinye okukemebwa omwoyo gwa mukama?bbona, amagulu gaabo abazikire oibawaamwe gali ku lwiigi bbakutwaala weena. ¹⁰Amangu ago nagwa omu magulu gaamwe,natiduka;aboojo nebayingiire bbasangire afiire, nibamutwaala ni bamuziika amwe n'oibawaamwe. ¹¹Eibbano eryamaani nerikwaata ekanisa yoona na boona abawuliire ebyo.¹²Obumanyisyo n'ebyamagero bbiingi ni bikolebwaanga n'emikono gya batumiibwe omu bantu,bboona bbaali mu kisaasi kya Sulayimani n'omwoyo gumwei. ¹³Era nabaandi ndoowo n'omweieyagezangaku okwegaita naabo naye abantu ni bagumizaanga.¹⁴Abeikiriza nibeyongeranga okwegaita n'omukama waiswe,bbaingi abasaiza n'abakali. ¹⁵n'okuleeta ni baleetangaomu mazira abalwaire ni babateekanga oku mikeeka n'kubitabu, O'Peetero naiza ekituuru kyamwe kiike okubba amwei. ¹⁶Era ebibiina ni byakumbanaanga nga bbikwiiza omu bibugga e biriraine e Yerusaalemi, nga bakuleeta abalwaire nababonyabonyezebwanga o dayimooni,ni bawonnyezebwa.¹⁷Naye okabona akusingayo obukulu na boona ababbaire naye [nikyo kititundu kya basaddukayo], nibaizula obwiiya. ¹⁸nibakwaata abatumiibwe ni babateeka omu nkomyo ya bantu boona.¹⁹Naye omalayika wa mukama obwiire naigulawo ennyiige za nkmyo,nabawulukya nabakoba nti ²⁰mwaabe,mwemeere,mubulire omu kanisa abantu ebigambo ebya bwoomi buni. ²¹Nibawuliire nibaaba omu kanisa okumambyamaambyanebegesya.Naye okabona asinga obukulu,naiza ne bayaalina,nayeta olukiiko n'abakaire boona abaana ba israeri,natuma omu nkomyo okubaleeta.²²Naye abasaiza abayabire tibasangire munkomyo, nibaaira ni babaza. ²³nga bakoba nti enkomyo tusangire nga ebweebweeibwe kusai nga n'abakuumi nga bemereeire oku nyiige, naye netweiguurawo,tetusangiremu muntu.²⁴Nibawuliire ebigambo ebyo,omukulu wa kanisa n'abakabona abakulu,ni basoberwa omubweraliikirivu bwaabwe ekigambo kini nka nikikwiiza okusansaana. ²⁵Omuntu naiza nababuuliira nti bbona, abantu bani be mwatweire omu nkomyo bbali mu kanisa, bemereeire nga bakwegesya abantu.²⁶Awo omukulu n'abasaiza ni baaba ni baleeta,tilwamaani kubba bbatinaanga abantu bbbaleme okubakubba amabbaale. ²⁷Nibabaleeta ni babateeka omu maiso ga lukiiko okabona asinga obukulu nabuulya ²⁸nakoba nti okubalagira twabalagiire omwibara eryo,era,bbona,mwizwiire OYerusaalemi okwegesebwa kwanywe,nimweendya okuleeta okwiswe omusaayi gwa muntu oyo.²⁹Naye O'Peetero n'abatumiibwe nibairamu ne bakoba nti kisaniire okuura O'Nnyamwangaokusiinga abantu. ³⁰O'Nnyamwanga wa bazeeiza baiswe yazuukize O'Yesu gwe mwaitire nywe ni mwamuwanikire oku musaale. ³¹Oyo O'Nyamwanga ya mwimukirye oku mukono gwamwe ogulyo okubba omukulu era omulokozi,okumwiryaayo eddi israeri okwenenya n'okuyiibwaku ebibbi. ³²naiswe niiswe bbajuurwa bbabigambo ebyo,era n'omwooyo omwikiiri, O'Nnyamwanga gwe yawaire abamugondera.³³Naye bboo nibawuliire ni balumwa muno,nibendya okubaita, ³⁴Naye omuntu nayemeera omu lukiiko,omufalisaayo eibara lwamwe Gamalyeri, omwegesya wa mateeka alina ekitinisya omu bantu boona, nalagira beiye abasaiza enzai akabbaanga.³⁵nabakoba nti abasaiza abaisraeri,mwekuume ebya bantu bani, kyemukwaaba okubakolaku. ³⁶kubba eirai omu biro ebyayakaaire O'Syuda yaimukire nakoba nti niye omuntu omukulu, abantu nk'ebikumi bbinai ni beegaita naye ni bamwiita, bboona abamuwuliire ni basansaana emireembe ni jikaanga. ³⁷oluvanyuma ninaimukire o Yuda omugaliraaya omu nnaku za ku wandiikibwa,natwaala ekibiina oku musengeery;nooyo nabula, boona abamuwuliire ni basaasaana.³⁸Era nkubakoba nti mwewale abantu banimubaleke;kubba okuteesa kuni n'omulimu guni buzwiire omu bantu,bbalizikiira. ³⁹Naye nibyabbanga bya Nnamwanga,timuyiinza ku birikirya,muleke okuboneka nk'abakulwaana nO'Nyamwanga.⁴⁰Nibamuwuura,ni beeta abatumiibwe,ni babakubba,ni balagira obutabazanga omwibara lya Yesu,nibabataaisya. ⁴¹Awo nibazwa omu maiso ga lukiiko nga bakusemeerwa kubba basanyiziibwe okukwatibwa ansoni olwaibara. ⁴²Bbuli lunaku omu kanisa n'omunnyumba eka tibayosaanga kwegesyanga n'okubuliraanga Yesu nga niye kurisito.

¹Awoo omu biro abegesya bwe beyongaire obwiingi ne wabbaawo okwemulugunya omu Bakeberenisiti oku Babbulaniya,abanamwandu baabwe bbabafisaanga omu kuwereza okwa buliizo.²Ikumi nababiri ne beeta ekibiina kya begesya nebakoba nti tekikuwooma iswe okuleka ekigambo kya Nyamwanga okuweereza oku meenza. ³Kale abaluganda mukomye abantu mu nywe abasimiibwe musanju,abaizwiire omwooyo akweera n'amagezi nibo twateeka omu mulimu guni. ⁴naye iswe twenyigiranga mu kuramya n'okuweereza ekigambo.⁵ekimbo ekyo ne kikirizibwa omu maiso ga kibiina kyoona ne bakomya Suteefano omuntu aizwiire omwoyo akweera,n'oFiripo n'oPulokolo,n'oNikanali n'oTimooni n'oPammena n'oNikolawo,omukyufu owe Atiyokiya; ⁶nibabateeka omu maiso ga batume,ne basaba ne babateekaku omikono.⁷Ekigambo kya Nnamwanga ne kisaasaana n'omwendo gwa begesya omu Yerusaalemi ne gweyongeraku muno;ekibiina kikooto ekya bakabona ne bagondera okwikiriza.⁸Suteefano niyaizwiize ekisa n'amaani nakolanga ebyewunyisya n'obumanyisyo bkooto omu bantu, ⁹naye nibaimuka abantu abamwei abe kumbbaniro elyetebwa eryabalibettino,ne ryabakuleenene ryabalegezanderiya ne ryabairukiya ne ryabasiysa nga bbakuwakana n'osuteefano.¹⁰N'olwekyo tebayiinza kusobola mwoyo n'amagezi bye yabazisirye. ¹¹Awo ne basindika abantu abakobanga nti twawuliire oyo nga akubaza ebigambo ebya kuzuma OMusa n'oNnamwanga,¹²Ne bakubiriza abantu abakaire n'abawandiiki ne baiza gyaali ne ba mukwaata, ne ba mutwaala omu lukiiko. ¹³ne bemeerya abajuurwa ababubeyegi n'abakabona nti omuntu oyo taleka kubaza bigambo oku kifo kini ekikiriire ebiragiro. ¹⁴kubba temwawuraanga nti o'Yesu omunazaleesi oyo alisaanyawo ekitundu kini alikyusa empisaezatuweeweibwe oMusa ¹⁵Bwamukaareeku amaiso,boona bbaali bbakaire omu lukiiko ne mubona amaiso,gamweinga gakwisana nka ga malayika.

¹Okabona asiinga obukulu babaza nti ebyo nimwo bbiri bityo? ²O Suteefano nakoba nti abasaiza abaluganda era bassebo, muwure,ONnyamwanga owakitinisya yabonekeeire abaseiza baiswe Ibulayimu nga Ali e Mesopotamiya,nga akyaali kubba muwandiiki, ³namukoba nti nzwa omunsi yanwe n'omukika mukika kyaamu,oyabe omunsi gye ndi kulaanga.⁴Awo nazwa omu nsi ya bakaludaya, nabba omukalani: Oluvanyuma, oitte waamwe niyamaare afiire, namwiyayo,namuleeta omu nsi muni gye mwikairemu nywe atti. ⁵Era teyamuwaire bwikali muni yadde awakwemebwa okugulu nosubiza okugimuwa okugirya, ne zadde lyamwei Oluvanyuma, nga akyaali nakumuweerya bbaana.⁶O'Nnyamwanga nabaza nti ezadde lyamwe liribba bbugenyi omunsi yabaandi alibayindula okubba abairu,bbalibakora obubbi emyaka ebikumi bbinai. ⁷Neiyanga eribafuulaokubba abairunje ndisaara omusango gwa lyo, nimwo yabazire o'Nnyamwanga oluvanyuma bbali luggayo, bbaliramirya omu kifo ekyo. ⁸Namuweerya engagaano ya kukomola;Awo o'Ibulayimu nabyaala o'Isaaka,namukomola okulunaku olwa munanai; n'oIsaaka nabyaala o'yakobo; n'oyakobo nabyaala abasaiza abakulu eikumi n'ababiri.⁹Abazeiza abakulu ni bakwatiibwe o'Yusufu obwiiya ni bamutunda omu misiri o'Nnamwanga nabba naye. ¹⁰Namukora omu biro byamwei byona, namuwa obuganzi n'amagezi omu maiso ga falawo omukama wa misiri n'amwindula okubba omufuzi omu misiri,no'omunyumba yamwe yonna.¹¹Enzala negwa oku nsi yoona e ya Misiri ne ya Kanani ennaku ziingi,era ne batabona emmere abazeiza baiswe. ¹²Naye O'Yakobo ni yawuliire nga emmere egikalu nga eri misiri,natuma abazeiza baiswe omulundi ogu kusooka. ¹³N'omulundi ogwa kabirio'Yusufu abaganda bamwe ni bamutegeera e kikka kya Yusufu nikimanyibwa o'Falawo¹⁴Yusufu nayeta o'Yakobo oitewamwe n'abaganda bamwe boona,abantu insanju na battanu, ¹⁵O'Yakobo nayaba e misiri na ferayo,ye n'abazeiza bamwei; ¹⁶Nibatwalibwa e Sekemu;ni bazikibwa omu ntaana Ibulayimu gye yaguure omuwendo gwa feeza oku baana ba kamoli omu Sekemu.¹⁷Naye nga ebiseera bya ku subiira ni byaali ampi,o'Nnyamwanga kwe ya tuulire Ibulayimu, abantu nibeyongera ni babba omu misiri. ¹⁸Okwicca omukama owondi lwe yalowo omu misiri atamaite Yusufu. ¹⁹oYo niye yasaliire amagezi eiyanga lyaiswe,nga bakusulisyanga abaana abankereemba bbaleke kubba boomi.²⁰Omu biro ebyo o'Musa nabyalibwa,nabba musai eddi o'Nnyamwanga,ni bamulisirya emyezi itaanu omu nnyumba ya itewaamwe. ²¹Ni yanagiibwe,omwana wa Falawo namulera nk'omwana wamwe.²²O'Musa nayegesebwa omu magezi goona aga Misiri nabba wa maani omu bigambo byamwei n'omu bikolwa byamwei. ²³Naye obukulu bweyaali butaisirya emyaka amkumi anai nalowooza omu mutima gwamwe okubona abagande aba israeri. ²⁴Niyaboine omuntu akola ekibbi na mujuna namwiriirya omuntu eyali akola okubbi, nakubba o misiri. ²⁵Nalowooza nti abagande bbategeire nti o'Nnyamwanga akwaaba okubbaawo obulokozi omu mikono gyabwei.²⁶Era oku lunaku owa kabiri nibaiza nga bakulwaana nagezaaku okubatabaganya,nga akoba nti abasaiza,nye muli balunda ki ekikubakolesya okubbi nywenkai na nywenkai? ²⁷"Naye oddi eyaali atandikire okukola omwirawamwe okubbi,namusindika eddi, nga akoba nti 'naani yakufiire we omukulu n'omulamuzi waiswe? ²⁸okwendya kunyitta nje nka buwaitire omisiri eizo?'²⁹O'Musa nairuka olwa kuura ekimbo ekyo nabba mugenyi omu nsi e ya Midiyaana,gye yabyaliire abaana babiri abbwoojo. ³⁰Awo emyaka amakumi anai ni ggaikire,omalaika wa Nnamwanga namubonekera omu ndimi za muuro nga gukwaaka omu isaaka,niyaali omwirungu oku lusozi sinayi.³¹O'Musa niyabwooine ni yewuunya kye yabooine.niyasembeire okwegendereza,ni wabbaawo edoboozi lya Nyamwanga nti ³²Ninje o Nnyamwaanga wa bazeiza baamu . O'Nnamwanga wa Ibulayimu, era owa isaaka era owa Yakobo. o musa na kaakana, so tiyagumire ku tereera.³³O'Nnamwanga namukoba nti,sandabula enkaitto eziri omu magulu gaamu olwakubba omu kifo anni woyemereeire wakiri. ³⁴Okubona mbonerye okolwa okubbi abantu bange abaali omu misiri,kwabwe ninyiza oku bawonya kale atibuni izza, nnakutuma e miisiri.³⁵Oyo o'Musa gwe bagaine nga bakoba nti naani eykufiire omukulu era omulamuzi? oyo o'nnyamwanga gwe yatumire okubba omukulu era omununuli wa mukono gwa malaika. ³⁶Oyo nabaiyayo ni yamaare okola e byamagero n'obubonesya omu misiri,n'omu nnyanja egimyunki n'omwirungu emyaka amakumi annai. ³⁷Oyo niye Musa oddi eyakobere abaana ba israeri nti o'Nnyamwanga ali baletera omulangi alizwa omu baganda banywe nka ye.³⁸Oyo niye yaali omu kanisa omwirungu amwe n'omalaika eyabazire naye oku lusozi sinayi era amwe nabazeiza baiswe eya weweibwe ebigambo ebya bwoomi okutuwa iswe. ³⁹Abazeiza baiswe gwe batatakire kuura, naye bamusindikire eddi ni bairayo e misiri omitima gyaabwe. ⁴⁰Nga bbakoba Alooni nti tukoleere aba Nnyamwanga abalitwebembera; okubba o'Musa oyo, eyatwaire omu nsi eya Misiri, tetumaite kyabbaire.⁴¹Ni bekoora onyana omu nnaku ziddi ekisai nibakiretera asaddaka ni basanyukira e mirimu gya mikono gyabwe. ⁴²Naye o'Nnyamwanga nakyuka,nabaweerya okuramyaanga amajje ga mwiguru nka nikyawandikiibwe omu kitabu kya balangi nti mwamperyanga nje ebisolo ebyaitibwanga ne sanduuko emyaka amakumi annai omwirungu, Ennyumba ya Israeri.⁴³Nimwimula e weema ya Moloki n'akanyenyezi ka Nnyamwanga lefani, ebissani bye mwakoore okubiramyaanga, njeena ndibatwaala emabegga wa Babbuloni.'⁴⁴Neweena eya bujuurwa yaali n'abazeiza baiswe omwirungu ,nka ne yalagiire yakobere o Musa okukikola nk'engeri gye yabona gye yaali; ⁴⁵Abazeiza baiswe ni baweweibwe ni bagireeta amwe n'oYoswa ni babiire amatwaale ga bamawaanga o'Nnyamwanga nga beyapeekanga omu maiso ga bazeiza baiswe okwikya omu nnaku za Dawudi. ⁴⁶Eyasimiibwe omu maiso ga Nnyamwanga nasaba okumuswagira owakwikalisyaku o'Nnyamwanga wa Yakobo.⁴⁷Naye o'Sulayimani namwombokera e nnyumba. ⁴⁸Naye ali aiguru omuno aikala omu nyumba eyakoleibwe n'emikono; nk'omulangi bwa baza nti ⁴⁹Eiguru nigyo ntebe yange, n'ensi nijjo ntebe ya magulu gange; nyumba ki muli nnyombokera? nimwo abaza o Nnyamwanga; oba kifo ki mwendiwumuura ⁵⁰omukono gwange tinigwo gwabikoore ebyo byoona?⁵¹Nnywe abalina amakooti agakakanyali abatakomoleibwe mu mititima n'omu matwi nywe muziiza buliizo omwooyo akweera; nk'abazeiza baanywe, nanywe mutyo. ⁵²Mulangi ki abazeiza banywe gwe batayasayasainye, bbaitanga abasokere okubulira ebigambo ebya kwikiriza kwamwe omwikiiri, gwe mu maare okuweryaayo ati okumwiita; ⁵³nywe abaweweibwe amateeka nka ni galagiibwe abamalaika naye ti mwagakwaite.⁵⁴Awo nibawuliire ebyo nibalumwa omu myooyo gyabwe ni balumwa obujiji. ⁵⁵Naye niyaizwiire omwoyo akwera niyeikalilya amaiso omwiguru nabona ekitinisya kya Nnyamwanga n'oYesu nga ayemereire oku mukono ogulyo ogwa Nnyamwanga. ⁵⁶Nakoba nti bona ndolereire eiguru nga liswekukire omwana wa muntu nga ayemereeire oku mukono ogulyo ogwa Nnyamwanga.⁵⁷Ni batokota n'amaraka agakooto, nabaigala amatwi gaabwe, ni bamwesikaku n'omwoyo gumwei. ⁵⁸ni bamusindikiirya enzai wa kyangabuga,ni bamukubba amabbaale. Abajuurwa ni bateeka engoye zaabwe oku magulu ga mwoojo, eibara lyamwei Sawulo.⁵⁹Ni bakubba amabbaale o sutefano niyasabire nga akoba mukama wange o Yesu twaala omwoyo gwange. ⁶⁰Nafukamira nakuunga amaraka agakooto nti mukama waange tobabaara kibbi kini. niyamiyamaare okubaza ebyo nabbasya.

¹N'oSawulo yasimiire okwetebwa kwaamwe niwabbaawo olunaku olwa kwasayasinizibwa okukooto oku kanisa eyali omu Yerusaalemi. bona nibasaasanira omu nsi eyo eya Buyudaaya ne Samaliya, wabula abatumwa, ²abantu bbatiniire o'Nnyamwanga ni baziika o Sitefano ne ba mukungira munoo. ³Naye o'Sawulo nakoora e kanisa e ekitiggi kiingi nga akwingira omu buli nnyumba nga akuruundya abakazi n'abasaiza nabateeka omu komera.⁴Abo abasasanire ne babba nga bakubulira ekigaambo. ⁵O'Filipo naserengeta omu kibugga kya Samaliya, nabakobera okurisito.⁶Ebibiina ne biwuura n'omwoyo gumwe ebigambo o'Filipo bye yabalize, niyawuliire ne babona ebyewunyisya bye yakolaanga. ⁷kubba bbaingi okwaabo abaliku edayimooni, nizibazwaaku nk'abakama n'eiraka erikooto; ni bakokooma baingi abaali abaalwaire obulweure bwa kukenena, n'abalema. ⁸Okusomeerwa ni kwiiza ni kubba omu kibugga omwo.⁹naye waliwo omuntu omwei, eibara lyamwe Simooni eyakolaanga eirogo eire omu kibugga omwo nawunaikyanga eiyanga lya Samaliya okubba nti mukulu. ¹⁰Nibawuraanga boona okuzwa oku muto oni niye maani ga Nnyamwanga agakwetebwa againgi. ¹¹nibamuwuraanga, kubaanga ennaku zingi nabawunaikyanga muno n'obulogo bwamwe.¹²naye nibaikiriize o Filipo nga akubabuulira enjiri ya bwa bukama bwa Nnyamwanga n'eibara lya Yesu kurisito ni babatizibwa abasaiza n'abakazi. ¹³Eran'oSimooni omwenyini naikiriza; niyamaare okubatizibwa nabbanga amwei n'ofilipo, niybonanga ebyamagero n'obumanyisyo obukooto obwakolwaanga niyawunaicca.¹⁴Awo abakwenda abaali omu Yerusaalemi ni bawuliire nga e Samaliya baikiriize ekigambo kya Nnyamwanga ni babatumira oPeetero n'oYokaana. ¹⁵Bona nibaikire nebabasabira bbaweebwe omwoyo akweera. ¹⁶kubba wali waccaali kubbaku n'omwei oku bbo naye bbaabatizibwembe okwingira omwibara rya mukama waiswe o'Yesu. ¹⁷Awo ni babatekaku emikono ni baweerwa omwoyo akweera¹⁸Naye oSimooni ni yabooine nga olwakutekebwaaku emikono gya batumwa bbaweweibwe omwoyo akweera nabaletera efeeza. ¹⁹nakoba nti mumpeerye njeena obuyiinza buni, bbuli gwe natekaangaku emikono awebwenge omwoyo akweera.²⁰Naye oPeetero namukoba nti efeeza eyo ngikiriize naawe, kubba olowozere okufuna ebiseembo bya Nnyamwanga n'ebintu. ²¹Tolina mugabo wadde okugabana omu kigambo kini. kubba omwoyo gwamu ti gugolokoki omu maiso ga Nnyamwanga. ²²Kale wenenye obubbi bwamu obwo osabe omukama waiswe, mpozi oliganyirwa ekirowoozo kya mwoyo gwamu. ²³kubba nkukoba nti oli nka omugusa²⁴O'Simooni nairamu nakoba nti munsabire nnywe eddi o Nnyamwanga ebigambo ebyo bye mubalize bbireke kumbaaku ne kimwe.²⁵Awo ni bamaare okwetejja n'okubuulira ekigambo kya mukama waiswe ni bairayo e Yerusaalemi ni babulira enjiri omu mbuga zingi eza basamaliya.²⁶Naye omalaika wa Nnyamwanga nakoba o Filipo nga akusimoora nti imuka oyabe e bulyo omumuwaanda ogukusereengeta okuzwa omu Yerusaalemi okwiika Egaaza; omuwaanda ogwo gwairungu. ²⁷Naimuka nayaba, kale, bona, omuntu om'Isopiya omulaawe omukukunali wa Kandeke omukama omukazi owa baisopiya eyaali omibiiki wa bintu byaamwe byoona, yaali aizire e Yerusaalemi okuramya. ²⁸yaali akwirayo naikaara omu gaali yaamwe nasoma omulangi o'Isaaya.²⁹Omwoyo nakoba o Filipo nti igeera wegaite ne gaali eyo. ³⁰Nairukayo oFilipo nawuliirya nga akusoma omulangi oIsaaya nakoba nti otegeeire byokusoma? ³¹Nakoba nti nnyinzantyei, wabula nga waliwo eyandagiraanga? niyegayiira oFilipo aniine aikale naye.³²Omu kifo awawandiikirwe weyaali akusoma niwo wakoba nti yatwaliibwe okwiitibwa nk'ontaama era nk'omwana wa ntaama omu maiso ga musali wabyooya nimwo gusirika, nimwo otyo yayasaimye omunwa gwaamwe. ³³Omukwetowaza kwamwe, omusango gwamwe gwamwiyibweku; ekika kyamwe naani ali kinyonyola? kubba obwoomi bwaamwe bbukwiyibwa omu nsi.³⁴Omulaawe nairamu o Filipo nakoba nti nwegayiriire mulangi okubaza ku naani ebigambo bbini? byaamwe yenkai oba bbaya bantu boona? ³⁵OFilipo nayasamula omunwa gwamwe nasokera okukyawandikiibwe kini namukobera oYesu³⁶Awo ni baali bakutambula omu muwaanda nibaika awaali amaaizzi omulaawe nakoba nti bona amaizzi, kiki ekikugaana okubatizibwa? ³⁷OFilipo nakoba nti niwaabba okwikiriza n'omwoyo gwamu gwoonagwona kisai n'oiramu nokobaanti inyikiriize oYesu kurisiti nga niye mwana wa Nnyamwanga. ³⁸Nalagira eggaali okwemeera ni baniina omu maizzi boona; oFilipo n'omulaawe namubatiza.³⁹Ni baazwiire omu maizzi, omwoyo wa nyamwanga natwaala oFilipo, omulaawe natamubona atekubba yabbaire nga akusemeerwa. ⁴⁰Naye o Filipo yabonekeire omu Azato niyaali akwakala omu bibugga byoono okwiikka e Kayisaaliya.

¹Naye o'Sawulo niyabbaire nga akyasimoora ebigambo bya kutinisya n'okwiita abaigirizwa bba mukama waiswe, nayaba eddi okabona akusiinga obukulu, ²namusaba e bbaluwa eza kwaaba e Ddamasiko eddi amakumbaniro, nalisangayo aba muwanda oba basaiza oba bakazi ababbwe abaleete e Yerusaalemi.³Awo niyabbaire nga akutambula, nga alyampi okwika e Ddamasiko amangu ago eisana okuzwa omwiguru nerimwakira okumwetoloola. ⁴Nagwa ansi nawuura eiraka nga likumukoba nti Sawulo, Sawulo, okunyasayasamizaki?⁵Nakoba nti niiwe naani; omukama wange? Ye namukoba ntininje Yesu gw'okwasayasanya we; ⁶Naye imuka oyingire ekibuga,okwakoberwa ekikusaine okukola. ⁷Naye abaali bakutambula naye ni bemeera nga bakwewunaicca, kubba bbawuliire eiraka ate ne batabona muntu.⁸OSawulo naimuka ansi, amaiso gaamwe ni gaigulwa natabona kintu; ne bamukwaata omukono ni bamuleeta e Ddamasiko. ⁹Namala ebiro bisatu nga takubona era nga takulya yade nga takunywa.¹⁰Yaliyo omuyigirizwa omu Ddamasiko, eibara ryamwe Ananiya, omukama waiswe namukoba omu kubonekerwa nti Ananiya nakoba nti, ninje ngoni, mukama wange. ¹¹Omukama waiswe namukoba nti imuka oyabe omu mwanda ogwetebwe Erigolokoki; obuulirye omu nyumba ya Yuda omuntu eibara ryamwei Sawulo owa Taluso, kubba, bona, akusaba ¹²era abooine omuntu, eibara ryamwei Ananiya, nga akwingira nga akumuteekaku emikono abone.¹³Naye o Ananiya nairamu nti mukama wange omuntu oyo namuwuliire ebigambo byamwe omu baingi, obubbi bweyakolanga abaikiiri baamwe e Yerusaalemi ne buli obwiingi ¹⁴naye ani alina obuyiinza okuzwa eddi abakabona abakulu okubbwa boona abakusaba eibara ryamu. ¹⁵Naye omukama waiswe namukoba nti yabanga oyo niye kigwaata ekiroonde jendi, okutwalaanga eibara ryange omu maiso ga manga n'abakama n'abaana aba Israeri kubba. ¹⁶Ndi mulanga ebigambo ne biri ebiingi ebimusaine okubonerezebwa olwaibara ryange¹⁷Anamiya nayaba naingira omu nyumba namutekaku emikono nti owaluganda oSawulo omukama waiswe antumire, o'Yesu yakubonekere omu wanda gwaamwei gwe wawulukiiremu, oboniye, oizulibwe omwoyo akweera. ¹⁸Amangu ago amaiso gaamwei nikubbanga kuzwiireku ekikakaampa, naboniya, nayemeera nabatizibwa. ¹⁹Bwe yaliire emmere nafuna amaani. Nabba nabayigirizwa abaali omu Ddamasiko ebiro bbingiku.²⁰Amangu ago nabuliira oYesu omu makumbaniro nga oyo niye omwana wa Nnyamwanga. ²¹Boona abawuliire nibewunaincca ni bakoba nti tiniye oni eyanyakulanga amasabaanga omu Yerusaalemi abasabaanga omwibara eryo? nikyo kyamuletere ani ababbwe abatwaale eddi abakabona abakulu. ²²Naye o'Sawulo neyeyongera nga akubba n'amaani nakwatisyanga ensoni Abayudaaya abaali bakwikaara e Ddamasiko, nga akumanyisya ddala nti oyo niye kurisito.²³Awo niwayaairewo ebiro ebiingi, Abayudaaya ne bateesa okumwiita. ²⁴Naye amagezi gaabwe o'Sawulonagetejja ne bategaanga oku nyiige emisana n'obwiire. ²⁵Naye abayigirizwa baamwei ne bamutwaire omwituumbi ne bamunagga omu kiina nga bbamubbweere omu kigegga omu kiseenge.²⁶Bwe yaikire e Yerusaalemi, nagazaaku okwegaita n'abayigirizwa, ni bamutiina boona, nga bakyaali kwikiriza nti yeena muyigirizwa. ²⁷Naye oBalunabba namutwaala namuleeta eddi abatumwa, nabanyonyola nti aboine omukama waiswe omu mwanda nti yasimooire naye era ne ya buuliire n'obuggumu omu Ddamasiko omwibara rya Yesu.²⁸Nabbanga nabo nga akwingiranga era nga akulukaanga omu Yerusaalemi. ²⁹Nga akubuliranga n'obugumu omukama waiswe, nasimooranga nawakananga na Abakenenisiti naye bbagezereku okumwiita. ³⁰Abaluganda ni bategaire ni bamutwaala e Kalisaliya ne bamugaadiika e Talusa.³¹Awo ekanisa eyaali omu Buyudaaya bwoona n'omu Ggaliraaya n'omu Samaliya nebba ne mirembe, nganga ekwombokebwanga, era nga e kutambuuranga mu kutiina omukama waiswe n'okusemerwa okwa mwoyo akweera yeyoongera. ³²Awo olwaikire O'peetero ni yabbaire nga akutambula woona woona, naserengeta eddi abaikiiri abaali ba kwikala omu ludda;³³naitiranayo omusaiza eibara ryamwei niye Ayineya eyaali yakamala oku kitaanda emyaka munaanai, olwandwaire ya ku konziba. ³⁴O'Peetero namukoba nti Ayineya, Yesu kurisito akutamba. yemeera weyaare; ³⁵bboona baali bbaikala mu luda n'omu salori ne bamubona ne bagadukira omukama waiswe.³⁶Awo waaliwo omu Yopa omukazi omuyigirizwa, eibara ryamwe niye Tabbisa [okumanyisya kwaryo ayetebwa Doluka]; omukazi oyo yaali aizwiire ebikkolwa ebinyakasai n'ebintu byaamwe yakobera. ³⁷Olwaikire omu biro ebyo nalwaala naffa; ni bamaare okumunaabya ni bamuteeka omu kiseenge ekaiguru.³⁸Era kubba o'Yuda yabbaire ampi n'oYopa, abayigirizwa ni bawuliire nti o'Oeetero aliyo, ni bamutumira abantu babiri nga bakumwegeseerya nti Ttolwa, ikiira je tuli. ³⁹O'Peetero naimuka nayaba nabo. Ne yaikire nebamutwaala omu kiseenge ekyaiguru, nabanamwandu ni bemeera ampi naye, nga ba kukuunga nga bakulanga ebizibawo n'ebizwaaro o'Doluka bye yakolaanga nga akyaali nabo.⁴⁰Naye o'Peetero nabawulukya boona n'abaali ansi amajwi nasaba, nagadukira omulambo n'okusimoora nti; Tabisa, yemeera. Nalubulya amaiso gaamwei, awo ne yaboine o'Peetero, naimuka naikaara. ⁴¹Namuwa omukono namwimula, awo ni yamaare okweeta abaikiiri nabanamwandu, namuleeta, nga mwoomi. ⁴²Ne kimanyibwa omu Yopa woona, baingi ne baikiriza omukama waiswe. ⁴³Awo olwaikire nalwaayo ebiro biingi omu Yopa omu nyumba ya simooni omuleegi wa byazo.

¹Waliwo omuntu omu Kayisaliya, lyamwei Kaluneeriro, omwami wa kitongole ekyayetebwaanga Ekitaliano, ²Omwetejeerya atiina o'Nnyamwanga amwei n'enyumba yamwe yoona, eyagabaanga ebintu ebinyamwiingi omu bantu naramyanga o'Nnyamwanga ebiro byoona.³Oyo nabona omu kubonekerwa okwa lwaatu nk'omusaawa omweenda eza misana, omalaika wa Nnyamwanga nga akumwingiriira nga akumukoba nti Koloneeriyo, ⁴namwegendereza n;amaiso gaamwe natiina, namukoba nti kiki mukama wange? okuramya kwaamu n'okwewaayo kwaamu bbininire olwakwizukirya amaiso ga Nnyamwanga. ⁵Era atti ttuma omuntu e Yopa, oyeteyo omuntu o'Simooni eibara ryamwe erya kabiri Peetero. ⁶Yo yakyaliibwe omuntu o'Simooni omubaagi wa bisaato ne nyumba yamwe eriraine oku nyanja.⁷Omalaika yabazire naye niyaabire, nayeta abiru baamwe babiri abamunyumba n'omusirikale akutiina o'Nnyamwanga omw'abo abamuwerezanga bbuli kiro; ⁸niyamaare okubakobera ebigambo byoona, nabatuma e Yopa.⁹Awo omu kiro ekya kabiri, nibaali nga bakutambula bbo nga bbalyampi okwiika oku kibugga, o'Peetero naniina aiguru oku nyumba okuramya omu ssaawa omukaaga. ¹⁰Nalumwa enzala nayendya okulya, naye ni baali ba kwibula, omwoyo gwamwe ne guyindulwa, ¹¹nabona eiguru nga lyeswekwiire, ekitundu nikimuninukira nga kikwisana eisukka erikooto nga likwatiibwen oku bireenge binai okuninuka, ndi ninuka ansi. ¹²Omwaali ebisolo byoona ebirina amagulu annai ni byekuruundya ebya kunsi nebinyonyi ebyamwiibbanga.¹³Eiraka neriiza eddi jaali nti imuka, Peetero osale oolye. ¹⁴Naye o'Peetero nakoba bbe mukama wange; kubba tendyanga kya muziro kaabbe ekibbi. ¹⁵Eiraka ate neriza jaali omulundi gwa kabiri nti o'Nnyamwanga bye yasayiriirrye tobifuulanga kubba bya miziro. ¹⁶Nikyibba kityo emirundi esaata; amangu ago ekintu ne kitwalibwa omwiguru.¹⁷Awo o'Peetero niyebwiirye bwiirye omunda yaamwe amakulu gakubonekerwa kwaboine ne kuli, bbona, abantu abatumiibwe o Koluneeriyo, nibamaare okubuulya enyumba ya simooni, ni bemeera oku lwiige, ¹⁸nibeete ni babuulyanga o Simooni neibara ryamwe aryakabiri Peetero, yakyalisiibwe omwo.¹⁹Awo o'Peetero niyaali nga akulowooza okukubonekebwa, omwoyo namukoba nti, bona abantu bassatu bbakuswaagana. ²⁰Naye imuka oninuke oyabe nabo nga nga tokwebuulyabuulya kubba ninje mbasindikire. ²¹o'Peetero naninukka eddi abantu nabakoba ntibona ninje gwe mukutoolya; kiki ekibaletere?²²Nebakoba nti o'Koloneeriyo omwami, omuntu omwikiiri, atiina o'Nnyamwanga eyasimirwe omwiyanga ryoona ery Bayudaaya yalabwiirwe omalaika omweruki okukutumira okukwiiza omu nyumba yamwe, owure egambo ebikuzwa omu we. ²³Awo nabaingirya nabaaniriza. Awo oku kiro kya kabiri OPeetero naimuka naimula omwei nabo nabaluganga abaamwe aba mu Yopa ne baaba naye.²⁴Awo ekiro kya lwa kabiri nibaingira omu Kaisaliya oKoloneeriyo yaali nga akubalindiirya nga akumbainiye abakika kyaamwe nabaali abnwaani baamwe omuno.²⁵Awo o'Peetero niyaali alaampi okwingira, o'Koloneeriyo namwaaja, namufukaamiira oku magulu namusiinza. ²⁶Naye o'Peetero namwimukya nga akoba nti yemeera; nanje ndi muntu buuntu.²⁷Nga akubaza naye naingira nayajja baingi nga bakumbaine, ²⁸nabakoba nti mumaite nga tikise omuntu o'Muyudaaya okweegaita noweiyanga erindi oba okwiiza gyaali; era o'Nnyamwanga yandangire ndemenge okweeta omuntu yeena owa muziro oba omubbi. ²⁹Nikyo nzwiire nnyiza ni ntagaana ni neteeibwe. Nikyo nzwa mbuulya nti kiki ekinyeteserye?³⁰Awo o'Koloneeriyo nakoba nti ati wakakalawo ebiro binnainaali nga nkuramya, okwiicca omu ssaawa eya mweenda omunyumba yaange; bbona, omuntu nayemeera omu maiso gaange nga ayina engoye ezikupirikita. ³¹Nakoba nti, Koloneeriyo, okuramya kwaamu kwawuliirwe, okweweryaayo kwamu ni kwizukirya amaiso ga Nnyamwanga. ³²Ale tuma e Yopa oyete oSimooni eibara ryamwe eryakabiri Peetero; eya kyalisiibwe omu nyumba ya Simooni omubaagi wa bisaato eddi ampi ne nnyanja; ³³Awo amangu ago ni nkwetesya nokola kusai noizire. kale ati tulyaani isweena omu maiso ga Nnyamwanga tuwuliire bbyoona byolagiirwe omukama.³⁴Awo o'Peetero nayasamya omwoyo gwaamwe nakoba nti mazima ntegaire nga o'Nnamwanga tasoroora mu baantu; ³⁵Naye omwiyanga ryoona ryoona amutiina nakola obwikiiri amwikiriza.³⁶Ekigambo kye yatumiire abaana ba Israeri nga akubuuliira emirembe omu Yesu kurisito [niye omukama wa bintu byoona]. ³⁷Nywe mukimaite, ekyabaziibwe ekyaali omu Buyudaayabwoona, ekyasookeire omu Ggaliraaya oluzwanyuma lwakubatiza kwe yakobeeire o'Yokaana, ³⁸O'Yesu omu Nazaleesi o'Nyamwanga ni yamusukireku amafuta nomwoyo akweera namaani; eyatambulaanga nga akukola kusai.Nga akuwonya boona abajjogwaanga o sitani, kubba o'Nnyamwanga yaali naye.³⁹Naiswe tuli bajuurwa ababigambo byona bye yakoore omu nsi ya ba Yudaaya nomu Yerusaalemi; oyo nibamwiita ni bamuwanikire oku musaale. ⁴⁰O'Nnyamwanga namuyiimboola oku kiro ekya kassatu namukoba mu lwaatu, ⁴¹ti buli muntu nti yeena abba mujuurwa, o'Nnyamwanga be yakomerye oku lwekereeirye, niiswe abaliire ni tunywa naye ni yamaare okuyiimbooka omu bafu⁴²Natulagira okukobera abantu nokutegeeza nka oyo o'Nnyamwanga gwe yalagiire okubba omusali wa musango ogwa boomi nabaffu. ⁴³Oyo abba mulangi, boona bamulangirireku nga bbuli akumwikiriza akwiyibwaku ekibbi olwaibara ryamwe.⁴⁴Awo o'Peetero niyaali akyabaza ebigambo ebyo omwoyo akweera nabagwaaku boona abawuliire ekigambo. ⁴⁵Ne basamaalirira abaikiriza abakomole, boona abaizire noPeetero, kubba nomumawaanga ekisembo kya mwoyo ogwikiiri kisukiibwe.⁴⁶Kubba abawuliire nga bakubaza endimi ne bagulumiza o'Nnyamwanga. Awo o'Peetero nairamu nti, ⁴⁷omuntu ayiinza kugaana amaizzi bbai ni batabatizibwa, bbani bbawereibwe omwoyo akweera nkaiswe? ⁴⁸Nalagira ababatiziibwe okwingira omwibara rya Yesu okurisito. Oluzwanyuma nibamwegayiira okumalayo ebiro biingi.

¹Abatumwa nabaluganda abaali omu Buyudaaya ni bawuura nga amawanga goona gaikirize ekigambo cca Nnyamwanga. ²awoo oPeetero niyaniinire e Yerusaalemi, baddi abakomole ni ba wakana naye. ³nga bakukoba nti waabire nabantu abatali bakomole no lya nabo.⁴Naye o Peetero naloleera naba nyonyola kimweikumwei nga akukoba nti, ⁵nje naali omukibuga Yopa nga akusaba omwoyo gwange negwingisibwa, nabona omukwoleesebwa ekintu nga kikka nkeisuuka erikooto nga kikwaatibwe okunsonda einnai oweebwa nga kikuzwa mwiiguru, ne kinyizira. ⁶Bwekaare amaiso nendowooza nembona ebisolo ebyakunsi ebirina amagulu nebisolo ebyamukisiko. nebyewulula nebinyonyi ebyamwiibbanga.⁷Era nempura eddobozi nga rikoba nti Peetero, yeemera osale oolye. ⁸Naye nenkoba nti mbe, mukama wange; kubbanga ekintu kya muziro newankubaire ekibbi tekiingiranga mu munwa gwange nakadooli. ⁹naye eirka neri nyiramu omurundi ogwakabiri nga rikuzwa omwiiguru nti Nyamwanga byewalongoseere tobifuula nga we byamuziro. ¹⁰Nekibba kityo emirundi essatu; byoona ne biniinisibwa omwiiguru.¹¹Kale, bona, amngu ago abantu bassatu baali nga beemereire omumaiso ga nyumba mwe twaali, abaatumibwe jjendi okuzwa e Kayisaliya. ¹²omwoyo nankoba okwaba nabo, obutayawula. bbani abaluganda mukaaga ne baaba nanje, netwiingira omunyumba yooddi. ¹³Natukoba bwe yaboine omalaika omumba yaamwei nga ayemereire nga akukoba nti ttuma e Yopa oyette o Simooni neibara ryamwei eryakabiri Peetero. ¹⁴Alikoba ebigambo ebikulokola we ne nyumba yaamu yoona.¹⁵Ninaali ntandkire okubaza, omwoyo okweera naba gwaaku era nka bweyasookere okwiiswe. ¹⁶Nenyizukira ekigambo kya mukama waiswe niyakobere nti Yokaana yabatiziibwe namaizzi, naye nywe mulibatizibwa nomwoyo akweera.¹⁷Kale Nyamwanga oba nga obaweire ekisembo ekyo nga iswe tukwenkankana, bwetwaiikirize omukama waiswe Yesu kurisito, nje naali nani akusobola okulemesya. ¹⁸nibaawuliire ebyo niba sirika, ne baggulumizza o Nnyamwanga nga bakukoba nti kale Nyamwanga; awaire nabamawanga okwenenya okwiika okubwoomi.¹⁹Naabo abasaansaine omu ku yiganyizibwa okwaliwo oku Suteefano ne bataambula okwiika e Foyiniiki n'oKupulo ne Antiyokiya, nebatakobera kigambo muntu woondi wabula Abayudaaya bonkai. ²⁰Naye waaliwo abantu omu bbo abakupulo nabakuleene, abo bwe baikire omu Antiyokiya bbo ne babaza Abayonaani nga bbakukoora omukama waiswe o'Yesu kurisito. ²¹Nomukono gwa mukama waiswe gwali nabo ekibiina kikooto ekyabaikirizisyanga ni baccukira omukama waiswe.²²Ekigambo ekyo nekiwulikika okwiika omu matwi ga kanisa eyaali omu Yerusaalemi ne basindika oBalunabba okwiika omu Antiyokiya. ²³Naye bwe yamaare okwiika nabona e kisa cca Nnyamwanga nasemeerwa nakobera boonaboona nti mumaare omwooyo okweeta oku mukama waiswe. ²⁴kubba yaali muntu musai naizula omwoyo akweera nokwikiriza ekibiina ekikooto ne kiretebwa eddi omukama waiswe.²⁵Nazwaayo okwaaba e Talusu okutoolya o Sawulo ²⁶bweyamaare okumubona namuleeta omu Antiyokiyo awo olwaikire nibamala omwaka ogumwei nga bakukumbaana ne kanisa ne begesya e kibiina ekikooto abegesya ne basooka okwetebwa aba kirisitaayo omu Antiyokiya,²⁷Omu biro ebyo abanabi ni bazwa e Yerusaalemi okwika Antiyokiya. ²⁸Nayemeerya omwe oku bbo, eibara ryamwe Agabo natukobera oku bwamwoyo nti walibbaawo enzala yiingi omu nsi zoona. Yoona walibbaawo oku mireembe gya Kulawudiyo.²⁹Abegesya, bbuli muntu nga bbwe yaalina ebiintu ne bateesa okuweereza abaluganda abaali bbaikaara e Buyudaaya. ³⁰Nakola ni bakola nimwo batyo ne baweereza abakaire omu mukono gwa Balunabba n'oSawulo.

¹Omu biro ebyo omukama Kerode yagooloire emikono okola okubbi abamwei abamukanisa. ²Naitta ne mpirima o'Yakobo omuganda wa Yokkaana.³Awoo niyaboine nga Abayudaaya nga bakisiimire, niyeyongera okukwaata n'oPeetero nizo ennaku aza migaatti ezitazimbulukusiibwe. ⁴Niyamaare okumukwaata, namuteeka omu nkomyo namuwaayo eddi abaseruukale eikumi n'omukaaga okumukuuma kinnabane nga akweendya oku mutwaala omu maiso ga baantu okuyaku nga kuweeire.⁵Awoo o'Peetero nakumibwa omu nkomyo, naye aba kanijsa ni bekaamba okumuwoya eddi o'Nnyamwanga. ⁶Okulunaku o'Kerode lwe yabbaire akwendya okumutwaalayo, omu kiro ekyo o'Peetero yabbaire nga abbasibrye akati omu basirikale bbabiri nga asibiibwe ne njegere ibiri, babbaire ku lwiige nga bakuuma enkomyo.⁷Bbona omalaika wa mukama nayemeera ggyali, akutangaala ne kwizula e kiseenge, nakubba o'Peetero omu mbiriizi namwimula nga akoba nti imuka mangu. enjegere ne zizwwa oku mukono ne zigwa. ⁸Omalaika namukoba nti ni wesibe ozwaale enkaito zaamu nakola atyo. Namukoba nti ni zwaala ekizwaalo kyaamu onsengeerye.⁹Nawuluka, namuseengerya, nolwekyo tiyamanyanga mananu o malaika byaakore, naye yaloweeze nti ni yabweeine okwolesebwa. ¹⁰Nebayakaire oku bakuumi abasookeirweku nabakabiri ne baika oku lwiige lwa kyooma nilwakalwaaku okwiika omu kyangabuga, nilwiguka lwonkai; nibawuluka ne bakala omu nzira amwe amangu ago omalaika namuleka.¹¹O'Peetero nairamu nakoba nti ni ati ni ntegeeire amananu nga omukama waiswe atumire omalaika nanyiya omu mukono gwa Kerode nokusubira kwoonakwona okwaiyanga lya Bayudaaya. ¹²Niyalowoozere naiza omu nyumba eya malyaamu eyali omaama wa Yokaana eiibara ryamwe eryakabiri Mako, mwebabbaire bbakumbaniire abaingi nga bbakuramya.¹³O'Peetero niyakonkoine oku lwiige lwa mulyaango omuzaana naiza okwetebuka, eyibara ryamwe niye Looda. ¹⁴Niyategeeire eiraka rya Peetero nataigulawo lwiige olwa sanyu, naye nangira mbiro nakoba nti ni o'Peetero ayemereeire enzai oku lwiige. ¹⁵Nibamukoba nti ni olalukire. yeena nakatiriza nti nimwo. nibamukoba nti ni niye malaika waamwe.¹⁶Naye o'Peetero niyeyoongera okonkona, awo nibaigwiirewo nibamubona ni basamaalirira. ¹⁷Naye niyasimire nomukono oku sirika, namukoba omukama waiswe namwiyiire omu nkomyo. Namukoba nti ni imukobere ebyo o'Yakobo nabaluganda nazwaayo nayaba omu kifo ekiindi.¹⁸Awoo nibwaakaire emaambya, abasirikale nibeegugumula muno nti o'Peetero abbaire ki? ¹⁹O'Kerode ni yamutolereeirye natamubona nabuulya abakuumi nalagira okubataaisya. Nazwa omu Buyudaaya okubba e Kaisaaliya naikaara eyo²⁰Nasunguwala muno aba Ttuulo naba Sidoni; nebaiza jjaali nomwooyo gumwe nebakwanagana na Bulasito omukulu wa mu nyumba ya mukama, nibasaba okubawa bya munsi ya mukama. ²¹Awoo oku lunaku olwalaganisiibwe O'Kerode nazwaala e bizwaalo bya bukama naikaara oku ntebe, nabaza ebigambo.²²Abantu boona nibabazira aiguru nti ni eryo iraka rya mukama, ti rya muntu. ²³Amangu omalaika wa mukama namukubba kubba tawaaire Nnyamwanga kitinisya naliibwa abagino naffa.²⁴Naye ekigambo kya Nnyamwanga ne kikula nekyeyongeranga. ²⁵Balunabba no Sawulo nebaira okuzwa e Yerusaalemi, ne bamaare okwikiirya okuweereza kwaabwe, ne baleeta o'Yokaana eibara ryamwe e ryakabiri nga niye Mako.

¹Omu Antiyokiya omu kanisa eyaliyo waabaireyo abalangi nabayigirizwa, Balunabba no Simyoni eyaali ayetebwa Niga, n'oLukiyo owa Kuleene no manaeni eyayonkeibwe amwei n'okerode oweisaza, n'osawulo. ²Nga bakukoora oNyamwanga waiswe n'okusiiba, omwoyoomwikiiri naisimoora nti munkomeryeku oBalunabba n'oSawulo bakole omulimu gwe mbeeteire. ³Awo ne basiiba n'okusaba ne babatekaku emikono ne babatuma.⁴Awo aabo batumimiibwe omwoyo akweera ne baserengeta e Serukiya, ne bazwaayo ne baanika amatanga okwiika e Kapulo. ⁵Nebaali e Salamini ne babuliira ekigambo kya Nyamwanga omu makumbaaniro ga Bayudaaya. Nebabba n'oYokaana okubaweereza.⁶Nibayakaire okukiziinga kyoona okwiika e Pafo, ne babana omuntu omuloggo, omulangi owabubeyegi, omuyudaaya, eibara lyamwei Balisa, ⁷eyaali amwei n'owaisaza omuruumi Serugiyo Pawulo, omuntu owamagezi oyo nayeta o Balunabba n'oSawulo, nayeendya okuwuura ekigambo kya Nnyamwanga. ⁸Naye eruma omuloggo [kubba eibara ryamwei nimwarindurwa] nawakana nabo, nga'akwendya okukyaamya owaisaza omu kwikiriza.⁹Naye oSawulo, era nga niye oPawulo neyazwiire omwoyo akweera namukaryaaku amaiso. ¹⁰namukoba nti wwe oizwiire obukupya bwoona n'okukola obubbi woona, omwaana wa sitani, omunyanzugu wa bwikiiri yalilekeraawo okubulya e myanda ja mukama waiswe agagolokoki?¹¹Aatibuni, bbona, omukono gwa mukama waiswe gguli ku niiwe, okwakubba mwigali wa maiso nga tokubona iisana ebiro bingiku, Amangu ago ekyoowa ne nekimugwaaku nekiiruma; natandika okupampaata n'okutoolya abantu abakumukwaata okumukono. ¹²awo oweisaza yeena aboine ne kibaaire naiikirizanga okwewunaikya omunno okwegasya kwa mukama waiswe,¹³Awo oPawulo nabairabaamwe ne vawanika amatanga okuzwa omu Pafo, ne baika e Peruga ekya Panfuliya; oYokaana nabalekayo nairayo e Yerusaalemi. ¹⁴Naye bbo nebayakaaire okuzwa omu Peruga ne baika omu antiyokiya ekya Pisidiya ne baingira omwii kunganiro oku kiro kya saabbiiti ne baikala; ¹⁵Nebamaare okusoma ebiragiro nebya balangi abakulu bbaikunganiro, ne babatumira nga bbakoba nti abasaiza abaluganda, oba mulina ekigambo kya kubuulira abantu, musimoore.¹⁶oPawulo nayemeera nawuuba omukono nakoba nti abasaiza abaisiraeri, naanwe abatiina oNnamwanga, muwuure. ¹⁷ONnyamwanga wa bantu bbani abaisiraeri yalondere abaziiza bbaiswe, natumbiirya abantu ne babbaire abagennyi omu nsi ya misiri, nabaiyayo n'omukono ogwatuumbiibwe. ¹⁸Nabaguminkiriza omwiguru okumala emyaka nk'amakumi anai.¹⁹Ne yazikiriize amawaanga musaanju omunsiya Kanani nabawa ensi yaabwe okubba obuttaka okwiika emyaka ebikumi bbinai mwataanu. ²⁰Oluvanyuma lweekyo nabawa abalamuzi okwiikyo oku mulangi OSamwiiri.²¹Oluvanyuma bebeendya omukama; ONnyamwanga nabawa OSaawulo omwaana wa kiisi owa kikka kya Banyamini, namala emyaaka amakumi anai, ²²Ne yamuyiirewo eyo, nayemeerya ODawudi okubba nti mboine ODawudi omwana wa Yesu, omuntu alinka omutima gwange ne gwendya, akwakolaanga byenyendya byoona.²³Oyo omulubyaalo lwaamwe nk'ONnyamwanga neyasuubize, aleeteire isiraeri omununuli OYesu. ²⁴OYokaana ne yasooke okubulira nga akyaali okwiza okubatizibwa eddi abantu bboona Abaisiraeri. ²⁵Naye OYokaana neyabbaire nga alaampi okukaanja olugeendo lwaamwei, nakoba nti mukundowoleza kubba naani? Nje tendi ye. Naye, bbona, waliwo akwiiza emabegga wange, gwe ntasaanire kusindabula enkaito ya mukugulu kwamwei.²⁶Abalugaanda, abaana ba kika kya Ibulayimu, naanywe yweena abatiina ONnamwanga, ekigambo kya bulokozi bbuni kyasindikiibwe eddi iswe. ²⁷Kubba abaikala e Yerisaalemi n'abakulu baabwe ne batamutegeire oyo wadde amaraka ga Balangi agasomeeibwe bbuli saabbiiti, kyebazwiire bbabikirya ne bamusaara omusaango.²⁸Nebatabooine ensonga ekumwiitta, ne basalawo OPiraato okumwiitta. ²⁹Awo ne baamaare okwikiirya byoona, ebyamuwandikiibweku ne bamuwanula oku musaale ne bamuteeka omu ntaana.³⁰Naye ONnyamwanga namuyiimboola omu baffu. ³¹Nababonekera ebiro biingi abayambukire naye okuzwa e Ggaliraaya okwiika e Yerusaalemi, nibo bbajjurwa baamwe anti eddi abantu.³²Iswe tukubakobera ebigambo ebinyakasai, ebyakusubiza ebyasubiziibwe abajjajja nti , ³³ONnnyamwanga okwiikiirya eddi abaana baiswe ne yeyimbooire OYesu, era nka bwe kyawandikiibwe omu zabbuli eyakabiri nti we omwaana wange, nkubyaire eleero. ³⁴Era kubba ya muyimboire ate omu baffu atenga takwaaba ate okwiierayo omu kujjuunda, yasimoire ati nti ndibawa emikisa ejikweera ejjenkalakalira ejja Dawudi.³⁵Kubba yasimoire omu zabbuli ejindi nti toliwaayo mwikiiri waamu kujuunda. ³⁶Kubba ODawudi neyamaare okuweereza omu biro byaamwe nga ONnyamwanga ne yatesere, nabbasya nateekebwa eddi abaseiza baamwei, najjuunda. ³⁷naye oyo ONnamwanga gwe yayiimboire teyajjundire.³⁸Kale, abasaiza abaluganda mumanye nti oku bwoyo okwiyibwaku ebibbi kubuliibwe, ³⁹byoona byemutandiyinzire kuyiibwaku omu biragiro bya Musa, oku bwoyo bbuli aikiriiza abiyibwaku,⁴⁰kale mweekuume kireme okwiiza okunywe ekya simooire abalaangi nti , ⁴¹bona, nywe abanyooma, mwewunaikya, mubule kunga nje nkola omulimu omu biro bya nywe omulimu gwe mutaliikiriza wadde omuntu agubakobaire muno.⁴²Nebawulukire ne babeegayiira okubakobera ebigambo bbini oku saabbitti eyakabiri, ⁴³Ekibiina ne kyesasaine bbaingi oku Buyudaaya nabakyufu abegendereza ne basengeerya OPawulo n'OBalunabba; boonna ne basimoora nabo ne babasendaanga okugumira omikisa gwa Nnyamwanga.⁴⁴Awo oku saabbitti eyakabiri nebakumbanaanga ekibugga kyoona kikuwuura ekigambo ekya Nyamwanga. ⁴⁵Naye Abayudaaya ne booinne ekibiina, ne baizula obwiiya, ne bawakanya ebya simwooirwe OPawulo nga bakubizuma.⁴⁶OPawulo n'OBalunabba ne basimoora nti kyagwanaanga okusooka okubuulirwa ekigambo kya Nnyamwanga omu nywe kubba mukisindikiirya so temwebona okugwanira obwoomi obutakuwaawo, bbona, tugadukire eddi abamawaanga. ⁴⁷kubba omukama yatulagiire ati nti Nkutekerewo okubba eisana lya mawaanga, oobeenge n'obulokozi okwiikaya okunkaanga ya nsi.⁴⁸Abamawaanga ne bawuliire ne basemeerwa ne batumbya ekigambo kya Nnamwanga; bboona ne baikiriza abaali bbabikiibwe obwoomi obutakuwaawo. ⁴⁹Ekigambo kya mukama waiswe ne kisansaana omunsi eddi yoona.⁵⁰Naye Abayudaaya ne babawereza abakazi abegendereza abatinibwa , n'abakulu aba mukibuga, ne basayasanya OPawulo n'OBalunabba, ne babapeka omu mbibi zaabwe. ⁵¹Naye ne babakunkumuura occuuccu eya mumagulu ne baaiza okwiika e Inkoniyo. ⁵²Abayigirizwa ne baizula omwooyo akweera.

¹Awoo olwaikire omu Ikonio bbaingiriire amwe omwikumbbaniro erya Bayudaaya, nibabaza batyo ekibiina kikooto nokwikiriza ne kikiriza, Abayudaaya naba Yonani. ²Naye Abayudaaya abatagondere ne bawerera amawaanga ne bafuula emeeme zaabwe okubba eziindi eddi abaluganda.³Awoo ni bamala eibbanga nga bakubulira enjiri nobumanyirivu nomukama waiswe eyategeize ekigambo kyaamwe e kya kisa, na bawa obumanyisyo ne bya magero okukolebwanga omu mikono gyabwe. ⁴Naye ekibiina kya mu kibuga ni kyawukanamu abamwe nebabba oku ludda lwa Bayudaaya abaandi ku ludda lwa batume.⁵Abamawaanga nabayudaaya amwei nabakulu baabwe nibabalumbire okubakoora ekyejjo, nokubakubba amabbaale, ⁶nibetegerye nibairukira omu kibuga kya Likaoniya, Lusitula No delubba ne nsi ezirirainewo. ⁷Nibabba eyo nga bakubuulira enjiri.⁸Omu Lusitula waaliyo omuntu nga talina maani omu magulu nabbangawo mulema okuzwa omunda yamaamwe nga tatambulangaku nakadooli. ⁹Niyamaare namuwa o'Pawulo nga akuba yeena niyamaare namulemeryaaku amaiso nabona nga akwikiriza okulokoka. ¹⁰Nabazira omu doboozi erikooto nti yemeera oku magulu gaamu, wegolole naguluka. Naguluka natambula.¹¹Ebibiina ni byabooine o'Pawulo kyakoore ni baimula amaloboozi gaabwe nga bakubaza omu lulimi olulukaoniya nti bbaninuke gye tuli nga bakwisana bantu. ¹²Balunabba ne bamweeta Zewu, o'Pawulo nibamweeta Kerume kubba niye akusiinga okubaza. ¹³Okabona wa Zewu,eyaali omu maiso ga kibuga naleeta enta ne ngule eza bimuli okwiika oku lwiige nga akweendya okuwaayo e saddaka ne bibiina.¹⁴Naye abatumwa bba Balunabba no Pawulo nibawuliire, nibonola engoye zaabwe ni bajumbutuka nibabba omu kibiina, nga bakubazira eiguru. ¹⁵Nga bakoba nti abasaiza, kiki ekikubakolesya ebyo? iswe tuli baantu abakwatibwa byoona nka nywe era tubakobera ebigambo ebisai mulekee ebyo ebitalimu, mukyukire o'Nnyamwanga omwoomi eyakoore eiguru ne nsi, ne nyanja ne bitoonde bbyoona ebirimu. ¹⁶Emirembe ejjayakaire yaalekere amawanga goona okutambuuranga omu mazira gaazo.¹⁷Naye teyamaareyo nga talina mujuurwa kubaanga yakolaanga kusai nga akubatonyeserya oikeendi okuzwa omwiguru nebiro ebya kweryangamu emmere, nga akwizulya emyoyo gyabwe emmere ya sanyu. ¹⁸Nibabazire ebyo, nibataangira ebibiina ku mpaka okuwaayo okuwoonga.¹⁹Naye Abayudaaya zibazwa omu Antiyokiya ne beyayiira mu bibiina ni bakubba o'Pawulo amabbaale, nibamuwalula enzai wa kibugga nga bakulowooza nti afiire. ²⁰Naye abegesya ni bamwetolooire nayemeera naingira omu kibugga; oku lunaku lwa kabiri nayaba no Balunabba okwiika e Delude.²¹Nibamaare oku bulira enjiri omu kibugga ekyo nokufuula abegesya abaingi, nebaira omu Lusitula ne Nkaonio ne Antiyokiyo. ²²Nga bagumya e meeme za begesya, nga bakukoba okugumiranga obwikiriza, era okabona ennaku eziingi tekigwaanire kwingira mu bwa mukama bwa Nnyamwanga.²³Awoo nga amaare okulondera abakaire omu buli kanisa, nokusaba nokusiiba, ni babikisya omukama waiswe gwe baikiriza. ²⁴Nibakala omu Pisidiya nibaika e Panfuliya. ²⁵Nibamaare okubuliira ebigambo omu Peruga ni baserengeta omu Ataliya. ²⁶Nibazwiireyo nibanika amataanga okwiika Antiyokiya; abeeyo nebabasigamu e kisa kya Nnyamwanga olwa mulimu gwa bwikiiri.²⁷Nibaikire nibakumbaaniya e kanisa, nibabakobera byoonabyoona o'Nnyamwanga bye yakolaanga amwe nabo era nti yaigulirewo abamawaanga olwiige lwa kwikiriza. ²⁸Nebamalayo e biro bingi na begesya.

¹Awo abantu nebazwa Ebuyudaaya nebegesya abaluganda nti nimutakomoleibwe nka empisa ya Musa bweeri, temukusobola kulokoka. ²Niwaali empaka e ziingi nokwaawukana kwa ndowooza mu makati ga Pawulo no Balunabba oku ludda olumwei, naabo abaazwiire e Buyudaaya, ne balagira o'Pawulo no Balunabba nabaandi oku bbo okwaaba e Yerusaalemi eddi abalangi ababbaire okulwampaka ezo.³Awo abo nibamaare okusubiirwaabakanisa ni baakala omu Foyiniiki ne Samaaliya nga bakunyonyoora kyarumwe okuyimbuluka kwa mawaanga ne basemeerya kyarumwei abaluganda boona. ⁴Nibaikire e Yerusaalemi, aba kanisa nabalangi nabakaire nebabasemberya, nibasubiira byoona o'Nnyamwanga bbye yakolanga amwei naawe.⁵Abamwei nibagolokoka abamwei aba mukitundu kya Bafalisaayo abaikiriize nga bakukoba nti okubakomolanga nokubaalangiira okukwatagana amateeka ga musa. ⁶Abalangi nabakaire nibakumbaana okwetegereza ekigambo ekyo.⁷Niwaali okwawukana okwandowooza okwiingi, o'Peetero nayemeera nakoba nti abasaiza abaluganda nnywe mumaite nti okuzwa omu nnaku ezaire o'Nnyamwanga yalonderemu nnywe abamawanga bbawure bbawure omu munwa gwange ekigambo kya njirinabaiyikiriza. ⁸No Nnyamwanga amaite emitima nabategeeza niyabawaire omwoyo omwiikiiri era nkaiswe. ⁹Natayawula isswe nabo, niyalengeire emitima gyabwe olwa kwikiriza.¹⁰Ale ati mukukemeraki o'Nnyamwanga okuteeka ekikoligo okwikoti lya abegesya abazeiza bbaiswe bye batasobwoire kutwaala newankubbaire isswe. ¹¹Naye tukwikiriza okukolebwa kwa mukama waiswe Yesu era boona batyo.¹²Ekibiina kyoona ne kisirika nibawura o Balunabba no Pawulo nga ba kurunguura obumanyisyo ne bamagero byoona o'Nnyamwanga bbye yabakolesyanga omumawanga.¹³Awo nibamaare okusirika o'Yakobo nairamu nakoba nti abasaza baluganda, mumpuliirye, ¹⁴o'Siimyooni arunguure o'Nnyamwanga niyasookere okubona amawanga okwiziramu eibara ryamwe abantu¹⁵Ebigambo bya nnabbi bbikwisana neebyo nka bwe byawandiikibwe, ¹⁶Oluvanyuma lwebyo ndikyuuka, ndi yomboka neera e Wema ya Dawudi eyagwiire omu kumenyeka kwaayo ndi kwomboka neera, era nkwiiza kugiroongosa. ¹⁷Abantu abakusigalawo abakusigalawo bbatoolye omukama, namawanga goona agetebwa eibara ryange oku bbo, ¹⁸Nimwababa omukama, okutegeeza ebyo byoona ebyo byoona okuzwa omu kusooka kwa nsi.¹⁹Nikyo nzwa nsalawo tuleme kuteganya aboo abazwa omu mawanga okukyukira o'Nnyamwanga; ²⁰naye tubawandikire bewaalenge obugwaagwa obwa bifananyi, nobweenzi, nebinigiibwe, nomusaayi. ²¹Kubba okuzwa eire neire o'Musa alina mu buli kibugga abamukobera, nga asomesebwa mumakumbaniro bbuli ssaabitti.²²Awo nebakikiriza abatumwanabakaire amwei nekanisa yoona okulonda abantumu bbo okubatuma omu Antiyokiya no Pawulo no Balunabba; Yuda ayetebwa Balusaba no Siira, abantu abakulu omu baluganda; ²³nibawaandiika nibagikwatisya omu mikono gyaabwe nti abalaangi nabaluganda, Abakaire, tulamukirye abaluganda abali omu Antiyokiya nomu Busuuli nomu Kirukiya abaali omu mawanga;²⁴Kubba tuliire nti abantu abazwiire awaiswe bbabasasamaize nebigambo nga bikwindula emyoyo zaabwe, bbe tulagiranga; ²⁵tusiime, nitutegaite nomwoyo gumwei, okulonda abantu okubatuma jjemuli amwei nabamikwaano jjaiswe Balunabba no Pawulo, ²⁶abantu abakusinga obulamu bbwabwe olweibara rya mukama waiswe o'Yesu kurisito.²⁷Nikyo tuzwiire tutuma o'Yuda noSiira era abaali bakobera obumwei bbwenyini nomunwa. ²⁸kubba omwoyo ogwikiiri gwasimire naiswe tuleme okubatiika omugugu ogukooto gwoona wabula bbini ebikusaana, ²⁹okwewalaanga ebiweebwa eddi ebifananyi, nomusaayi, nebinigiibwe, nobweenzi; nimwalyekumaanga ebyo, mukwiiza kubbanga kusai. mweraba.³⁰Awo bbo, nibasindikibwaanga nibaiza e Antiyokiya, ne bakumbaniya e kibiina ne babakwatisya e bbaluwa. ³¹Ni baasomere ni basemeerwa olwakubulirirwa okwo. ³²O'Yuda no Siira, kubba bbaali bba nnabbi, ne babuliira abaluganda omu bigambo bingi, nibabagumya.³³Nibamaareyo e biro, nibabasibula abaluganda na mirembe okwirayo eddi abatumire. ³⁴Naye o'Siira yaikiriize okusigalayo. ³⁵Naye o'Pawulo no Balunabba ne balwaayo omu Antiyokiya nga begesya nga era bbabulira ekigambo kya mukama waiswe amwei nabaandi baingi era,³⁶Ennaku nizayakairewo o'Pawulo nakoba nti Balunabba kale tulambule abaluganda mu buli kibugga gye twabuliraanga e kigambo kya mukama waiswe, tubone nka bwe baali. ³⁷O'Balunabba era nayeenda okutwaala o'Yokaana eribara ryamwe eryakabiri Makko; ³⁸naye o'Pawulo teyasiimire kumutwaala oyo eyabalekere omu Panfuliya natayaba nabo oku mulimu.³⁹Newabbaawo empaka ziingi no kwawukana ne bawukana, Balunabba natwaala o'Makko nawanika amanga okwaaba e Kupulo; ⁴⁰naye o'Pawulo nalonda Siira, nazwaayo, abaluganda ni bamusigiire e kisa kya mukama waiswe. ⁴¹Nayakala omu Busuuli nomu Kirukiya nga akugumya e kanisa.

¹Era naika e Derube nomu Lusitula; bona, waliiyo omwegesya eibara niye Timoseewoiriize, omwana wamukazi omuyudaaya eyaikiriize; naye oitamwe muyonaani. ²eyasimiibwe abaluganda abaali omu Lusitula nomu Ikonio. ³Oy'Opawulo nayendya okwaba naye; namutwaala namutayiira olw'Abayudaaya abaali omubifo ebyo; kubanga bona bamumaite nko'itaabwe eyaali omuyonaani.⁴Nibaali nga bakwaala omubibuga nibabawa okukwatagana ebyalagiirwe abatume nabakaire abaali omuyerusaaalemu. ⁵Awo ekanissa niziggumira omukwiikiriza, nezeyongeranga obwiingi buli lunaku.⁶Nebaakala omunsi ya Fulugiya ne ya Ggalatiya, kubba baganiibwe omwoyo mwiikiiri okubaza ekigambo omu Asiya; ⁷nibaikire ampii no Musiya, nebagezzaku okwaaba omu Bisuniya, nomwoyo gwa yesu natabaganya; ⁸nebekoloobya Musiya, nebaika omu Tulowa.⁹Opawulo nabona okubonekerwa obwiire, omuntu Omumakedoni nga ayemereire era nga akumwegayiira nga akoba nti wunguka oike e Makedoni otuyambe. ¹⁰Niyamaare okubona okubonekerwa, amangu ago netusala amagezi okwiimula okwaaba e Makedoni, nga tukumanya nti onyamwanga atwetere okubabuuliira ejiri.¹¹Nikyo twazwiire tutaambula okuzwa e Tulowa netukwaata enziira egigolokoki okwiika e Samoserakiya, okulunaku lwaka biri netwiika e Neyapoli; ¹²netuzwaayo okwiika e Firipi; nikyo ekibuga kya Mekadoni ekikusokerwaku okuluda olwo, ekyayombokeibwe abaruumi ; netubba omukibuga omwo netulwaamu enaaku. ¹³Awo okulunaku lwasabiiti netuwuluka omumulyango gwakibuga okwaa okumwiiga jetwalowozanga nti waliyo ekifo ekyakusabiraangamu; netwikala netubaza nabakazi abakumbaine.¹⁴Awo omukazi eibara ryamwei niye Ludiya, omutungi wangoye ezafulungu, wamkibuga Suwatira, eyasinzanga onyamwanga, natuwuura; omukama waiswe namuswekula omwoyo gwamwe okuwuliirya Opawulo byeyabalize ¹⁵mwiingire omunyuba yange mubbe omwo. natukaka.¹⁶Awo olaikire nitwaali tukwaaba waali jetwaramiryanga, omwaala eyaliku odayimooni, eyalagula natusaanga, eyafuniranga amakama baamwe ebintu ebingi olwa kulagula. ¹⁷Oyo niyasengerereirye o'Pawulo naiswe nga akubazira aiguru nga akoba nti abantu bani bbairu bba Nnyamwanga ali aiguru omuno, ababakobeire enzira eya bulokozi. ¹⁸Nakolanga ntyo ennaku ziingi. Naye o'Pawulo niyanakuwaire omuno nakyuka nakoba odayimooni nti nkulangiiranti omwibara rya Yesu kurisito muzweeku. namuzwaku omukiseera ekyo.¹⁹Naye abakama baamwe ne baaboine nga e suubi rya bintu byabwe nga riweirewo, ni bakwaata o'Pawulo neiggani ni bamuulula okumutwaala omukatale eddi abakulu, ²⁰ne baatwaala eddi abalamuzi i babakoba nti abantu bani basasamalya muno e kibuga kyaiswe, kubba Bayudaaya ²¹era bayegeserye empisa za muzizo isswe okuzikwaata niwankubbaire okuzikolanga kubba tuli Baruumi.²²ekibbina nekyibiimukiraku amwe; abalamuzi nibaboonora engoye zaabwe, nibalagira okubakuba emiigo. ²³nibabakubire emigo eziingi nebabasindika omukomera, nebalagira omukuumi okubakuuma omuno. ²⁴oyo nimwo yalagire atyo nabasindika mukomera eryomunda, nakomeera amagulu gabwe omu nvuba.²⁵Nayeobwire omwitumbi opaulo no siira nibasaba ni bembera onyamwanga, abasibe nibababa wuura; ²⁶amangu ago niwabaawo ekyikankano ekyikooto nemisiingi zakomera nizikankana; amangu ago enyiige zoona neziiguka; nebyali bibasibire byonna nebisiindabuka;²⁷Omukuumi wakomera naimuka nibweine enyige zakomera nga ziigule nasowola ekyoogi kyamwei nayaba okweita, kubanga ngakulowooza abasibe babombere. ²⁸Naye opaulo nabaziira aiguru nedoboozi erikooto nakoba nti oteekolakyibi; iswena tuli mpani.²⁹nasaba etabaaza nairuka naingira, nafukamiriira opawulo no siira, ngakukankana, ³⁰nabawulukya enzai, nabakoba bassebo, ngwanire kukola ntyai okukolebwa, ³¹nebamukoba nti ikiriza omukama waiswe oyesu, walokokawe nenyuba yaamu.³²Nebamukoba ekyigambo kyamukama waiswe oyesu naboona abali omunyuba yaamwe, ³³nabatwala omukiseera kyabwiire, nabanaabya emiggo; nasemerwa muno nenyubba yamwe neikiriza onyamwanga. ³⁴nabemeresya omunyuba yaamwe,nabaletera emenza,nasanyuka nenyuba yamwe yonna.³⁵Naye nibwakeire emambya, abalamuzi nebatuma abaserikale baabwe nga bakubakoba nti mutaisye abantu aabo. ³⁶Omukuumi wankomyo nabuulira opawulo ebigambo ebyo nti abalamuzi batumire okubasindabula; kale aati muwuuluke, mwabe mirembe.³⁷Naye opawulo nakoba nti batukubbiire mumaiso gabantu nga tukyaali kusaarwa musaango, nga tuli bantu baruumi nabatusindikiirya omunkomyo; naati bakutwiyamu kyama? mbee; naye baizire benyini nebatuwulukya. ³⁸Abaserikale nebabuulira abalamuzi ebigambo biini; nibatiina nibawuulire nti baruumi; ³⁹nebaiza nebabegayiira, nibabawulukya, nibendya bazwe omu kibuga.⁴⁰Nibawuluka omunkomyo, nibaingira omunyubba ya Ludiya, nebabona abaluganda nebasemerwa nebazwayo.

¹Nibaakala omu Anfipoli ne Apoloniya nibaika e Ssesalonika eryaali eikumbaniro lya Bayudaaya; ²awo o'Pawulo nke bwe yaali mpisa yaamwe naingira omu bbo. Omu ssabbitti eisatu, nawakana nabo omu byawandiikibwe,³Nga akuswekula nga akutegeza nti kurisito kyamusaanire okubonyabonyebwa nokuyimbokebwa omu baffu; era nti oyo Yesu nje gwe nkubakobera niye kurisito. ⁴Abamwe oku bbo nibaikiriza nibeegaita no Pawulo noSiira, nabaYonani abegeerya e kibiina ekikooto nabakyaala abakulu nabato.⁵Naye Abayudaaya nibakwaatibwe obwiiya ni batwaala abantu ababbi abakopi nibakumbanisya abantu nibasasamalya e kibugga. Nibazingiza e nnyubba ya Sooni ne beendya oku baleeta omu maiso ga bantu. ⁶Nibatabooine, ne kokotta ya Sooni nabagaanda baamwe okubatwaala omu maiso ga bakulu aba mu kibugga nga bakubazira iguru nti bbani nibo bbajumuka ensi bbaizire aani. ⁷No Yasooni yasembeirye.Bbani boona bbajemeeire ebiragiro bua Kayisaali nga bakoba nti waliwo omukama owoondi, Yesu.⁸Nebasasamalya ekibiina nabakulu aba mukibuga ne bawuliirya eby. ⁹Nebamaare okweemeerya o Yasooni nabaandi ne babaaita.¹⁰Amangu ago ni basiindika obwiire o'Pawulo no Siira okwaaba e Beroya; naabo nibaikire eyo nibaingira omwikumbaniro rya Bayudaaya. ¹¹Naye bbani baali basai okusiinga Abassessalonika kubba bbaikiriize e kigambo nomwoyo ogugumu omuno bbuli lunaku bbaswekulanga ebyawandiikibwe aboo ebyo nimwo bbiri bityo. ¹²Abamwe abaingi nikyo bazwiire baikiriza, era nabakazi abakyaala ababaYonani nabasaiza tibadooli.¹³Naye Abayudaaya aba ssessalonika nibategaire nti ekigambo kya Nnyamwanga kikobeeIbwe o'Pawulo era Beroya, nebayayo ne baweereera ebibiina ne babasasamalya. ¹⁴Awo amangu ago abaluganda nibasindika o'Pawulo okwaaba okwiika oku nnyanja;o Siira no Timosewo nebaaba eyo. ¹⁵Naye abasendekereeirye o'Pawulo ni bamuleeta omu Asene, nibalagirwa okukoba o Siira no Timosewo bbabe jaali amangu ago nka bwebakusobola, ni baaba.¹⁶Naye o'Pawulo niyaali omu Asene nga akubalinda omutima gwaamwe ne gumuluma niyabooine e kibugga kiizwiire e bifananyi. ¹⁷Awo nawakaniranga omwikumbaniro na Bayudaaya na baali bakutiina o'Nyamwanga era no mukatale bbuli lunaku aabo abasisinkananga .¹⁸Awo abantu baamwe Abafirosofa aba Epikuliyo na ba Sotayiko, ni bamutangarana. Abamwe nibakoba nti akweendya kubaza ki onni okubutabutana abamwe ni bakoba nti okwisa nkokubuulira embaandwa e zipya. Kubba yaali nga akubuulira Yesu nokuyimbooka¹⁹Nibamutwaala nibamuleeta Aleyopaago nga bakoba nti twasobola okutegeera okwiikiriza kuni okwiiza kwobazire nka bwekuli. ²⁰Kubba okuleeta ebigambo ebipya omumatwi gaiswe nikyo tukwenderya okutegeera amakulu ga bigambo bbini. ²¹Abasene bboona na bagenyi ababbangayo tebakolaanga kintu kindi wabula okubazaanga oba okuramya ekigambo e kipya.²²O'Pawulo nayemeera akati wa Aleyopaago nakoba abasaiza aba Sene mbaboine omu byoona nga mukutiina muno e mbaandwa. ²³Kubba nimbaire nkwakala nimbona bye mukusiinza era ninsaanga e kyooto ekiwandiikibweku nti KYA NNYAMWANGA AMAITIIBWE. Kale kye misiinza te mukitegeera nge kye nkubakobera.²⁴O'Nnyamwanga eyakoore ensi neiguru byoona oyo, kubba niye mukama waiguru nensi tabba mu masabo agakoleeibwe e mikono. ²⁵Ati tawerezebwa mikono gya bantu, nka bwakweendya e kintu, kubba ekyo niye abawa boona aboomi nokwiirya omwiika nebyoona.²⁶Yakoore okuzwa okwooomwei mu bbuli gwanga lya bantu okwikaraanga oku nsi oku ludda lwoona, niyalagiirye nayawulamu obwiire ne nsaro eza kwikaara kwaabwe. ²⁷Bbaswaganenge Nnyamwanga mpozii bbawamantenge okumubona, wadde nga tali alai wa bbuli omwei okwiiswe.²⁸Kubba omu oyo tubba boomi, tutambula, tubbaawo era abamwei abawaamwei bbayiiya bwe bakoba nti kubba era tuli zadde ryamwei. ²⁹Kale bwetuli e zadde rya Nnyamwanga tekitugwanira kulowooza nti o Nnyamwanga aisa zaabbu oba feeza oba ibbaale ebyolekebwa nobukama namagezi ga bantu.³⁰Kale o'Nyamwanga ebiro ebyo ebya butamanya ti yabiroleeranga naye anti bbuni alagira abantu boona abali woonwoona okwenenya, ³¹kubba yatairewo olunaku lwa kwaaba okusaaramu omusango ogwansonga ensi zoona omu bantu gwi yayawiiremu, niyamaare okuwa boona ekikwikirizisya nayamuzwiire omu baffu.³²Naye nibawuliire okuzukira kwa bafiire abamwei ne basekeera, era abandi nibakoba nti tuliwuura te olwa kigambo ekyo. ³³Nimwo bbatyo o'Pawulo nabazwaamu akati. ³⁴Naye abasaiza abamwe ne begaita naye nibaikiriza; mu aabo Diyonosiyo omwaleyopaago nomukazi eibara rya Damali nabaandi amwei nabo.

¹Oluvanyuma lweebyo nazwa omu Asene naika Kkolinso. ²Nabona omuntu omu Yudaaya eibara ryamwei Akula, eyabyaaliibwe o'Ponto, yaali yakazwa omu Italiya, nomukazi wamwe Pulisika, kubba o Kulwawudiyo; yalagiire Abayudaaya okuzwa omu Ruumi naiza gyebaali. ³Era kubba bbalina omulimu gumwei nabaana babbanganabo nibakkola omulimu; kubba omulimu gwaabwe bbaali bakozi bba weema.⁴Nawakaniraanga omwikumbaniro bbuli ssaabbitti nasendaseendanga aba Yudaaya naba Yonaani. ⁵Naye o Siira no Timoseewo nibaazwiire e Makedoni, nawalirizibwa ekigambo, nategeeza nko Yesu kurisito. ⁶Nibamulaangiire ni bamuzuma, nakunkumulya engoye nabakoba nti omusaayi gwaanywe gubbe oku mitwe gyaanywe; nje ndi mulongoki okutandika ati akwaaba eddi abamawaanga.⁷Nazwaayo naingira omu nyubba yamuntu eibara ryamwe Tito Yusito, atiina o'Nnyamwanga, e yubba yaaamwe eiriraine eikimbaniro. ⁸Eera okulsupo, omukulu weikumbaniro, naikiriza omukama waiswe wa nyubba yaamwe yoona; nabakkolinso baingi nibawuliire nibabatizibwa.⁹Omukama waiswe nakoba o'Pawulo obwiire omukubonekebwa nti totiina naye bazaanga, tosirikaanga, ¹⁰kubba nje ndi amwei naawe, ndoowo muntu ali kulumbaanga okukola e kibbi kubba nina abantu bbaingi omu kibugga kini. ¹¹Namalayo omwaka ne myeezi mukaaga nga akwegesyaanga ekigambo kya Nnamwanga omu bbo.¹²Naye o Galiyo niyaali nga akweewa eisaza rya Akaya, Abayudaaya ni baluumba o'Pawulo no mwoyo gumwei ni bamweeta gi basaraanga e misango. ¹³Nga bakoba nti okusendaseendanga abantu okusiinza o'Nyamwanga engeri amateeka gye gatalaagiire.¹⁴Naye o'Pawulo niyaali akwaaba okwasaba omunwa gwaamwei, o'Galiyo nakoba aba Yudaaya nti siinga wabbaawo okusobya oba okusiisa, okubbi nanywe abaYudaaya nokubaguminkiriza. ¹⁵Naye oba nga waliwo okubuulyaanga kwa bigambo namawaanga namateeka agaali omunywe nje tinyendya kusala musaango gweebyo.¹⁶Nabagoba jjebasaara omusango. ¹⁷Bboona nibakwaata o'Sossene omukulu waikumbaniro ni bamukubbira jje basaara emisaango. Era o'Ggaliyo teyafiireyo omu biigambo ebyo.¹⁸O'Pawulo namalayo ennaku zingi neera, nasiibula abaluganda nazwaayo, nawanika amatanga okwaaba e Busuuli, era amwe no Pulisikira no Akula; niyamaare okwesala eisoke omu Kekereya; kubba yerayiriire. ¹⁹Nibaika omu Efeso, bbaddi nabalekayo; naye ye omwenyini naingira omwikumbaniro nawakanya Abayudaaya.²⁰Nibamwenderye okweyongerayo okwiikaara nataikiriza. ²¹Naye nabasiibula nabakoba nti ndiira neera gyemuli omu Nnyamwanga nga ayenderye, nawanika amatanga nazwaayo omu Efeso.²²Napekka e Keisaliya, naniina nalamukya aba kanisa, naserengeta okwiika Antiyokiya. ²³Niyamaare ebiro ti biingi nazwaayo, nayaaara omu nsi eya Ggalatiya awo Fulugiya nga akuzwa kumwei, nga akugumya abegesya boona.²⁴Awo omuntu omuYudaaya eibara ryamwe rya Apolo eyabyaalibwe omu Alegezandereya, omuntu eyegeseeibwe, oyo naika omu Efeso, ²⁵oyo yaali nga abuurwe enzira ya mukama waiswe, nga akwaaka omu mwoyo nabaza nayegesya muno ebigambo bya Yesu, nga amaite kubatiza kwa Yokaana kwonkai. ²⁶Oyo natabula okubaza nobugumu omwikumbaniro. Naye oPulisikira no Akula ni bawuliire nibamutwaala gye bali, nibongera okumumanyisya enzira ya Nnyamwanga.²⁷Niyayenderye okusomoka okwiika e Kaya, abaluganda ni bamugumya nibawandiikira abegesya okumusemberyaayo nga; niyaikire nabayambanga muno abaikiriza olwa kisa. ²⁸Kubba yasiinganga abaYudaaya amaani gaingi omu maiso ga bantu, nga akutegeezanga omu byawandikiibwe nka o'Yesu

¹Awo olwaikire o'Pawulo niyaali e Kkolinso, o'Pawulo niyakaliire oku sayidi ezaiguru naika mu Efeso nasaanga abegesya abamwe; ²nabakoba nti mwabweibwe omwoyo agwikiiri nimwaikiriize?Nibamukoba nti bbee, nokuura te tuwuraanga nti waaliyo omwoyo ogwikiiri.³Nabakoba nti kale mwabatiziiibwe kwingira mu kiki? nibakoba nti omu kubatizibwa kwa yokaana. ⁴O'Pawulo nakoba nti o'Yokaana yabatiize okubatiza kwa kweenya, nga akoba abantu bbaikirize bbaabe okwiiza emabegga waamwe, ye o'Yesu.⁵Nibawuliire ni babatizibwa okwingira omwibara rya Nnyamwanga waiswe Yesu. ⁶OPawulo niyabatekereku emikono, omwoyo ogwikiiri nabaizamu, nibabaza endimi ni balagula. ⁷Abantu bboona bbaali ikumi na babiri.⁸Naingira omwikumbaniro nabazanga nobugumu okumala emyezi issatu, nga akuwakananga era nga akusendasendanga olwa bigambo ebya bukama bwa Nnyamwanga. ⁹Naye abamwe nibakakanyaire ni batawura nga kuzumaanga enzira omu maiso ga kibiinja, nazwa gye bali, nayawula abegesya, nga akuwakananga bbuli lunaku omu somero rya Tulaano. ¹⁰Ebyo nibimala emyaka ibiri, bboona abaali bakwikala omu Esiya ne bawura ekigambo kya Nnyamwanga waiswe, Abayudaaya naBayonaani.¹¹O'Nnyamwanga nakolanga ebya magero ebitakubonebwa bbuli lunaku omu mikono gya Pawulo, ¹²nabalwaire bbabaleteranga ebiremba ne ngoye eza ku mubiri gwaamwe, endwaire ni zibazwangaku, odayimooni nabazwaangaku.¹³Naye era abantu Abayudaaya abatayina waabwe, abapeka odayimooni, nebetuminkiirya okubaza eibara rya Nnyamwanga waiswe Yesu okwaabo abaalina odayimooni, nga bakoba nti mbalayiza o'Yesu o'Pawulo gwa komberwa. ¹⁴Awo waliwo abaana musanju aba Skewa omuyudaaya okabona omukulu, nga akoba nti nkubalayiza oYesu oPawulo gwa buliira.¹⁵Dayimooni nairamu nabakoba nti o'Yesu mutegeera no Pawulo mumaite; nanywe ninywe banaani. ¹⁶Omuntu eyaliku odayimooni nabagulukira nabasiiga boona nabayiinza, no kwiruka ni beiruka okuzwa omu nyubba eddi nga bali bwereere nga balina ebiwuundu. ¹⁷Ekyo ne kitegeerwa boona abayudaaya na yonaani abaikaraanga mu Efeso; entiisa ne bakwata boona, eibara rya mukama waiswe yesu ne rigulumizibwa.¹⁸Era bbaingi oku bbo bbaikiriize ni baiza ni baikaara nbategeeza ebikolwa byaabwe. ¹⁹Era bbaingi oku bbo bbakolanga ebya busumu ne bakumbaniya abitabu byaabwe, ne babyokyerya omu maiso gaabwe boona; nebabala omuwendo gwaabyo ne babona ebitundu bya feeza obukuumi budooli. ²⁰Nimwo kityo ekigamboo kya mukama waiswe nikyeyongeranga omu maani ne kiwangula.²¹Ebyo nibyawaire o'Pawulo nalowoza omu mwoyo okwakaara omu Makedoni ne Akaya, no kwaaba e Yerusaalemi, nakoba nti nindimala okubba ekyo, era kinsaaniire okubba ne Ruumi. ²²Natuma e Makedoni babiri oku bbo abamuwerezanga, Timoseewo no Erasuto, ye omwenyini nalwaayo ebiro ti biingi omu Asiya.²³Omukiseera ekyo ni wabbaawo akacwano ti kadooli olwa nzira. ²⁴Kubba omuntu eibara ryamwe Demeteriyo, omuweesi wa feeza e yakolaanga obusabo obwa feeza obwa Atemi nokufuniraanga abaweesi amagoba agatali gadooli; ²⁵nakumbaniya abo abakolanga emirimu ejjo, akoba nti abasaiza, mumaite nti omulimu ogwo obugaiggai bwaiswe nimwo buzwa;²⁶mukobona era mukuura nga ti mu Efeso wonkai nayeenga mu Asiya yoona o'Pawulo oyo era yeena asenderesendere era akyusire ebibiina bikooto, nga akoba nti abakoleibwe ne mikono ti ba Nnyamwanga. ²⁷Naye tiniswe sweenkai ababooine akabbi omu mulimu gwaiswe okunyomebwaanga, era naye ne sabo lya Atemi o'Nyamwanga omukulu omukazi okulowozebwanga nti ti muntu, oyo nokugibwa nokwiyibwa omu kitinisya kyamwei, asinzibwa Asiya yoona nensi zoona.²⁸Nibawuliire nibaizula obusuungu ni babazira aiguru nga bakoba nti Atemi wa be Efeso mukulu. ²⁹Ekbuga kyona ne kiizula oktabula kuni; nibafubutuka no mwoyo gumwei okwiika omu Teyatero, nibamaare okukwaata o'Gayo no Alisutaluuko aba Mekeddoni, aatambulanga no Pawulo.³⁰O'Pawulo niyendyanga okwingira omu baantu, abayigirizwa ni batamwikiriza. ³¹Era abakulu abamwei aba mu Asiya bbali banywani bbamwei, nibamutumira nga bakumwegayiira aleke kwewaayo mu Teyatero. ³²Abamwe ni babazira iguru buundi, nibabona buundi kubba ekibiina kyaali kyetabwiire, ate nga nabandi baingi notategeera nsoonga eyabakumbanisirye.³³Nibaiya Alegezanda omu kibiina, Abayudaaya nga bakumusindikiirya. Alegezanda nabaweenya no mukono nayeendya okwenyonyola eddi abantu. ³⁴Naye nibamutegaire nti muyudaaya, boona nibabazira aiguru ne doboozi rimwei okumala e ssawa ibiri nti Atemi wa ba Efeso mukulu.³⁵Omuwandiiki niyasirikirye e kibiina, nakoba nti abasaiza aba Efeso, timukitegeera nti e kibugga kya ba Efeso nikyo kikuuma e ssabo rya Atemi omukulu ne kifananyi ekyazwiire e Zewu. ³⁶Kale kubba ebyo tebyeganika, kibagwaniire nnywe okukakana nobutakola kintu mu kwanguyiirya. ³⁷Kubba muletere abantu bani abatanyagire bya mu ssabo tebanyomere Nnyamwanga waiswe omukazi.³⁸Kale oba nga o'Demeteriyo nabaweesi abaali naye bbalina ekigambo oku muntu, enkiiko ziriwo nabamasaza bbaliwo; bbalopengane. ³⁹Naye abo nga bakuswagana ebindi, bbikwakusaarwa mwikumbaniro eribbaawo bbuliizo. ⁴⁰Kubba ddala tuyiinza okwikibwaku akabbi olwa keguguungo kani oka lwaleero, kubba naga ndoowo nsonga gye tuliyiinza kuwoza olwa kukumbaana kuni. ⁴¹Niyabalize atyo nayabulula ekibiina.

¹Akacwaano nikamaare ogwagwaana, o'Pawulo nayeta abegesya nabawuliiri nabasiibula, nazwaayo okwaaba e Makedoni. ²Niyayakaire olubajju luddi nabakoba ebigambo biingi, naika e Buyonaani. ³Niyabbaireyo emyezi eissatu, era Abayudaaya nibabbaire bbamusaliire olukwe, niyaali akwakwakala omu nyanja okwirayo omu Makedoni⁴Nibabba naye okwiika omu Asiya o'Sopateri omubberoya omutaani wa Pawulo, naba Sessalonika Alisutaluuko no Sekuado; no Gayo omu Darubbe no Timaseewo; naba Asiya Tukiko no Tulofiimo. ⁵Bbani nibebembera nibatukuumira omu Tulowa. ⁶Iswe ne tuzwa omu Firipi nitwanika amatanga oluzwanyuma lwa biro bya migaati egitagezeseeibwe, netubaikaku omu Tulowa mu nnaku itaanu; getwamaare ebiro musanju.⁷Awo ekiro ekyakaserye omu Sabbitti, nitwakumbaine okumenya emigaati, o'Pawulo nanyumya nabo, nayeendya okwimula emambya nalwaawo omu kunyumya okwiikya omwi tuumbi. ⁸Niwabbaawo amataala gaingi omu kiseenge ekaiguru, gye twakumbaniire.⁹Omwojo eibara ryamwe Yatuko naikaara omu dirisa, nakwatibwa otulo twiingi; awo o Pawulo niyalwiirewo nga akunyumya, nga akwatiibwe otulo twiingi nazwa omu nyubba eyakasatu, nagwwa nayibwaawo nga afiire. ¹⁰O'Pawulo nainama namugwaaku namuvumbagira nakoba nti mutabba kiboobo; obwoomi bwaamwe bbulimu omunda.¹¹Naniina namenya omugaati nalyaaku nalwaawo nga akyanyumya okwicca e maambya ale nazwaayo. ¹²Nibaleeta omwoojo nga mwoomi, ne basemeerwa akatali kaddooli.¹³Naye iswe nitwebembera okwiika oku meeri nitwaaba okwiika e Aso, nga tukweendya okutwalana o'Pawulo kubba yaali nalagiire atyo, nga akweendya ye mbeye okwakala okulukalu. ¹⁴Niyatusangire omu Aso nitwabiranwa ne twiiza e Mituleene.¹⁵Nitwanika amataanga okuzwaayo oku kiro kya kabiri nitwiika omu maiso ga Kiyo; oku lwakasatu nitwiika oku Samo; oku lwakanai nitwiika omu Mireeto. ¹⁶Kubba o'Pawulo yayikriize okwakala omu Efeso omu meeri aleke okulwa omu Asiya, kubba yaali akwanguwa, nikyabba kikusoboka okubba omu Yerusaalemi okulunaku lwa pentekote.¹⁷Niyaali omu mireeto natuma omu Efeso nayeta abakaire ba kanisa , ¹⁸Nibaikire gyaali nabakoba nti nywe mumaite okuzwa oku lunaku olwekereeire ninainamire omu Asiya ninabbanga nanywe omu biro byoona. ¹⁹Nga nkuwereza omukama waiswe no buteeki bwoona na maligga nokusendebwasendebwa kwe nabwoine omu nkwe za Bayudaaya, ²⁰nintebbisaanga okubakoba ekigambo kyoona ekisaine, no kubegesyaanga omu maiso ga baantu no mu buli nyubba, ²¹nga nkukobera abayudaaya amwei nabayonaani okwiramu eddi o'Nnyamwanga nokwikiriza omukama waiswe Yesu kurisito.²²Anti, bbona, nembwebweibwe omu mwoyo okwaaba e Yerusaalemi nga timaite bye nalibonayo. ²³Wabula nga omwoyo akweera okunkoba omu buli kibugga, nga akunkoba nti okubbweebwa no kwasayasanizibwa kuundindire. ²⁴Naye obwoomi bwange tenkubulowooza nka ekintu, nga bwa bbeeyi gyendi, ndeke nyingire olugendo lwange nokuwereza kwe nawaire omukama waiswe Yesu kurisito, okukobera enjiri ya kisa kya Nnyamwanga.²⁵Anti, bbona, nje nkumanya ti mukyambona namaiso gaange nywe nyweena nenakolanga nga nkubulira obukama. ²⁶Nikyo nkubakoba ereero nti nje ndi mwikiiri okulwamusaayi gwa boona. ²⁷Kubba tinebbisaanga kubakobera kuteesa kwa Nyamwanga kwoona.²⁸Mwerindenge nywe nyweenkai noluggo omwoyo akweera gye yateekere nywe okubba abliisya, okulisyaanga e kanisa ya Nnyamwanga jjeyeguliire nnmusaayi gwaamwe okulwaanywe, ²⁹nje maite nga bwendimala okuzwaawo owaaki ezaandi ziringira omu nywe, nizaali sasira oluggo. ³⁰Era omunywe nywenkai mwalizwamu abantu nga bakubaza ebigambo ekyaami, okukulula abegesya emabegga waabwe.³¹Kale mubwaine, mwizukire tinalekaangawo kubalabula namaliga ga bbuli muntu oku myaka esaatu emisa no bwiire. ³²Era nati nkubalekera o'Nnyamwanga nekigambo kya kisa kyamwei okusobola okwomboka no kuggaba obusika omwaabo abatukuziibwe.³³Tinegoomber ku feeza ya muntu yeena ne bwewankubbaire ozaabbu ne bwewankubbaire ekizwaaro. ³⁴Nywe mumaite nga emikono gini nigyo jjakolanga bye nayeendyanga nabo ababonanga naanje. ³⁵Mbalangire omu byoona ne kikusaana okukola e mirimu mutyo okujunanga abatalina maani, nokwizukiranga ebigambo bya mukama waiswe Yesu bye yakobere ye yeenkai nti okuwa kwa mukisa kukusiinga okutwaala.³⁶Niyabazire atyo nafukamira nasabira amwei nabo boona. ³⁷Nibakuunga muno booona, nibamugwa omwikoti o'Pawulo ni bamunywegerra. ³⁸Nga banakuwaire okusingira kimwe olwakigambo kyamwei nti tibakyairayo ku mubona, nebamusendekeerya okwiika oku meeri.

¹Awo olwaikire nga tumaare okuwakana nabo nituzwayo, netukwata enzira ejigolokoki okwika ekoosi, okulunaku lwakabiri netwika Eroda, netuzwayo netwika Epatala. ²Netwasangire ekyombo nga kyikwaba Efuyiniiki, nitunina netwaaba.³Nitwalengeire Kupulo, netukireka okumukono gwakono netwaba Ebusuuli, netwiguka ettuulu; kubanga eyo ekyombo nijo kyayenderyanga okutikuura ebintu. ⁴Twabweineyo abegesya netumalayo enaaku musanju. Abo nibokoba opawulo o'mwoyo aleme aleme kunina muyerusaalemi.⁵Awoo nitwamarayo enaku ezoo nituzwayo nitwaba, boona nibatusendekeryaku nabakali nabaana abato boona okwika enzai wakyangabuuga; netufukamira okulubalama lwanyanja, netusaba : ⁶netusibulangana, netusabaala omkyombo, naye boo nibairayo.⁷Eswena nitwamare olugendo lwaiswe okuzwa eTuulo netwika : Potolemaayi: netulamukya abaluganda netumala naboo olunaku lumwei. ⁸Okulaku lwakabiiri netuzwayo netwika ekayisaliya :netwingira omunyuba yaa Firipo, omubulizi wanjiri,omwei okubaali omusanju netwikala naye. ⁹Naye oyo yaliina abaala banai abatamaite musaiza abaluganda¹⁰Nitwalwireyo enaku ezingi, Ebuyudaya newazwayo omuntu omulangi ebaira ryamwei Agabo. ¹¹Naiza jetuli nalola olukobba lwa Pawulo neyesiba amagulu nemikono jamwei nga akooba nti nimwo abaza atyo omwoyo omwikiiri nti Abayudaaya nimwo balisiba batyo omuyerusalemi omuntu omukama wa lukobba luni, balimuwayoomikono jamawanga.¹²Netwawulire ebyo, iswe nabantu bamukitundu ekyo netumwegaira aleme kweema muyerusalemi. ¹³Awoo Opawulo naramu nti, mukukola kiki ekyo? kubba nje tinetegekere kuwebwa nokufiira omuyerusalemi olweibara lyamukama waiswe oyesu kurisito. ¹⁴Niyalemere okuura netumuleka nga tukooba nti oamukama waiswe nibyo byakwendya bikolebwe.¹⁵Awoo oluzwanyuma lwanaku ezo netwimula emiggugu jaiswe netwaaba Eyerusalemi. ¹⁶Era nabegesya abazwire Akayisaliya nebaaba naiswe, nitwaikire netuba omumaka gamunasoni owa kupulo omwei okubegesya abasoka.¹⁷Netwaikire Eyerusalemi abaluganda nebatusemberya nesanyu. ¹⁸Okulanaku olwakabiri Opawulo naingira amwei naiswe omwa Yakobo; era abakakaire boona boona bbaliwo. ¹⁹Niyamaare okubalamukya nabakobera bbuli kimwei o'Nnyamwanga bye yakolanga omumawanga omu buweereza bwamwei.²⁰Bboona nibawuliiire nibagumirya o'Nyamwanga; nibamukoba nti okubona, owaluganda, enkumi za bantu omu Buyudaaya abaikiriza, booona balina okukwata amateeka. ²¹Aboo bakobeeirwe ebigambo nti niwe ayegesya aba Yudaaya abaali omu mawanga ogobeera amateeka ga musa, baleme okomola abaana abato wadde okutamburaanga omu mpisa za kiyudaaya.²²Kale kiki kini? tebaalemwe kuura ntu oizire. ²³Kale kola nka bwe tukubona; tulina abasiza bannai abalayiire ebirangiro. ²⁴Batwaale oyerukiya amwei nabo, abawe ekirita basaleku eisoke; bbona bakwiiza kutegera ebigambo byebabakoba akuume tebiriyo; naye weena omwenyini wegenderezenge okukwaata amateeka.²⁵Naye abamawaanga abaikiriza twandiikire netusala omusaango nti bekumeenge omubintu ebiweebwa edi ebisani nomusaayi nebinigiibwe nobwenzi. ²⁶aw'Opawuulo natwaala abantu, okulunaku olwakabiiri nayeerukirwa amwei naboo naingira omukanisa okulanga enaku zakwerya nezikire, okwikya ekikuwebweyo nikyawebweiyo okulwaboona bona .²⁷Awoo ebiro omusaanju nebyali birampi okwiika Abayudaaya omu Asiya nebamubona omukanisa nebasemeerwa ekiina kyona nebamukwatta. ²⁸Nga bakubazira iguuru nti abasaiza abayizirairi, mutuyambe: onii niye omuntu odii eyegesya bbona buuli kifo obbubi okubantu nomumateka nomukifo kiini: era mwona aleteere Abayonaani omuyekalu, asisire kifo ekikulu. ²⁹Kubanga baali bamare okubona Otulofiimo omuwefeso nga linaye omukibuga: nebamanya nti OPawulo emuletere omuyeekalu.³⁰Ekyangabuga kyonokyona nekigugumuka, nabantu nebakumbana omubwangu, nebakwata Opawulo nebamuwulula omuwukya enzai wakanisa: amangu ago enyigge nezigalwawo. ³¹Nebaali bakusala amagezi okumwita, ebigambo nebika okumulu wakitongele kyabasirikale nti Eyerusaalemi yoona efukukire.³²Amangu ago natwaala abasirikale nabasaiza nebaserengeta jebaali mubwangu. Bbona nibabweine abasirikale nebalerawo okuuba Opawulo. ³³Awoo nebasembera nebamukwata nalagira okumubwesya enjegere ibiiri; nabulya nti niye naani, era akoreki.³⁴Abamukibina nebabazira aiguru abandi nabandi natategeera maziima olwakubazira aiguru, nalagira okumutwaala omu kigo. ³⁵Niyaikire okumadaala, nikyo azwa aimulibwa abasirikale olwamaani gakibiina. ³⁶Kubanga ekibiina kya bantu abaali bakusengeerya nga bakubazira iguru nti mwiite.³⁷O'Pawulo niyaali alampi okwinkingira omu kigo nakoba omukulu wa baserikale nti kisai mbeeku ne byenkukoba? Nakoba nti omaite oluyonaani? ³⁸Tiniiwe mu Misiri oddi omu nnaku ezayakaaire eyaganisirye abantu enkumi einnai okubaita abaandi nabatwaala omwiguru.³⁹Naye o'Pawulo nakoba nti ndi Muyudaaya owa Talusu ekya Mukirukiya, tindi wa mu kibugga ekitali kimanyiki:era nkwegayiriire, ndeka mbaze nabantu. ⁴⁰Niyamwikiriize, o'Pawulo nayemeera oku madaala nabuulira abantu omukono: nibasirikire, nabaliza olulimi olwa Ebbulaniya nga akoba nti.

¹Abasaiza abaluganda nabasebo, muwuure ensonga gye mbalowoozera naati: ²Nebawuliire nga abalize omululimi olwebbulaniya nebeyongera okusirikira nabakabaka nti,³Nje ndi Muyudaaya eyabyaliibwe omu Ttaluso ekya Kerukiya, naye eyaleerwe mu kibugga Mukyangabugga muni okumagulu ga Gamalyeri eyayegeseeibwe muno empisa za mateeka ga bajjejja, ⁴nembanga nobwiiya bwa Nnyamwanga nka nywe ni muli ereero: nenjaguzaanga omwanda guni nokubaita, nga mbasiba era nokubateeka omunkomyo abasaiza na bakali, ⁵era nakoba Akira niye mujuurwa wanga amwei nabakaire boona: Era boona nebampa e bbaluwa eddi abaluganda ni batambula okwaaba e'Damasiko ababbeireyo bbaletibwe mu Yerusaalemi nka abasibe okubonerezebwa.⁶Awoo olwaikire ninaali nkutambula nga ndampi okwiika e'Damasiko omukaiyaangwe amangu ago akanyango akaingi kazwiire omwiguru ne kayaka era ne kanetooloola: ⁷Ningwa ansi, nempuura e doboozi nga rikunkoba nti Sawulo, onyiganyiryaki? ⁸Nje ninyiramu nti niiwe naani, mukama wange? Nankoba nti ninje Yesu omunazaleesi gwoyigganya we.⁹Abaali amwei nanje ne babona eisana, naye nebatawura eiraka ryooyo abaza nanje. ¹⁰Nenkoba nti nakola ntyai, mukama wange? Mukama waiswe nakoba nti imuka, oyabe e Damasiko, wakoberwaayo ebigambo ebyo byoona bye walagiirwe okukola. ¹¹Bbwe ntasoboire kubona olwa kitinisya kyaisana liddi, nekwatibwa oku mukono abo abaali nanje nenyika omu Damasiko.¹²Omuntu omwei eibara ryamwe Ananiya atiina o'Nnyamwanga amateeka, ayasimiibwe Abayudaaya abaikala eyo. ¹³Naiza gyendi nayemeera weendi nankoba nti waluganda Sawulo, lubulya. Mukiseera ekyo nimboniya okumuola.¹⁴Nakoba nti Nnyamwanga wa baziiza baiswe yakomerye wetejje ebyo byakweendya, era obona omwiiri oddi, era owure eiraka erikuzwa omumunwa gwaamwe. ¹⁵kubba wabbanga mujuurwa wamwwe eddi abantu boona olwa bigambo bbyoboine ne byowuliire. ¹⁶Kale naatii ekikulwiisya kiki?¹⁷Awoo olwaikire ninaire e Yerusaalemi, ninaali nkusaba omuyeekalu omwoyo gwange negwinduka. ¹⁸nimubona nankoba nti yanguwa ozwe mangu omu Yerusaalemi, kubba tebalikiriza we kubategeeza ku nje.¹⁹Nanje nimukoba nti mukama wange, bbo bbenyini bamaite nti ninje nabatekaanga omu nkomyo era nga nabakubiranga mu buli inkumbaniro abakwikiriza; ²⁰era nga nomusayi gwa mujuurwa waamu o Sitefano ni gwasensekere, njena kenyini naali nga inyemereeire awo,nga nsimiire, nga nkuuma ebizwaalo bbya bamwitire. ²¹Nankoba nti yaba: kubba nje nkwaaba kutuma alai amawanga.²²Nebamuliirya okwiicca oku kigambo kini ne baimucca amaraka gaabwe nga bakoba nti ayiibwe ayisana atyo. kubba tikise abbe mwoomi. ²³Bwebaali nga bakubaliza aiguru no kasuka engoye zaabwe, era nga bakududumula occuucu iguru. ²⁴Omusaiza omukulu nalagira okumuleeta omu kiggo, nakoba okumukemerya ne miiggo alyooke ategeere ensonga gye bamujunainiye okubaliza aiguru oku ye atyo.²⁵Nibaali bamaare okumusiba enkobba, o'Pawulo nakoba omusaiza eyaali ayemereeire ampi nti tikya muziro nnywe okubba omuruumi akyaali kusaarwa musango. ²⁶Omusaiza niyawuliire nakobera omusaiza omukulu, namukoba nti okwaaba kolaki?Kubba omuntu oni muruumi.²⁷Omusaiza omukulu nayaba gyaali, namukoba nti nkobera, we oli muruumi? nakoba nti mananu. ²⁸Omusaiza omukulu nairamu nti nje nafunire oburuumi bbuni ne biintu binyamwingi. O'Pawulo nakoba nti naye nje nimwo nabyaliirwe. ²⁹Awoo amangu ago ni bamuleka abaali bakwaaba oku mukemerya eera no musaiza omukulu natiina niyamaare okutegeera nti muruumi, kubba yaali amusibire.³⁰Naye oku kiro kya kabiri, nimwo yenderye okumanya amazima ensonga Abayudaaya gye bamulagiire okumuloopa, ne bamusindabula nalagira abakabona abakulu nolukiiko lwoona okumabbana, naleeta o'Pawulo namuteeka omu maiso gaabwe.

¹O'Pawulo niyekalirya amaiso abalukiiko nabakoba nti abasaiza abaluganda, nje netegereeize no mwoyo gwoona ogusai omu maiso ga Nnyamwanga okwiika ku lunnaku luni. ²Okaboona akusiinga obukulu Ananiya nalagira abamwemereireku okumukubba omunwa. ³O'Pawulo nalyoka namukoba nti o'Nyamwanga ali kukubba, we ekisenge ekyasigiibwe okweera; era oikaire okunsaara omusango nkamateeka ni gali, nolagira okunkubba nkamateeka ni gakulagira?⁴Abaali bamwemereireku ampi ne bakoba nti okuzuma okabona akusiinaga obukulu owa Nnyamwanga? ⁵O'Pawulo nabakoba nti mbaire ti mumaite, abaluganda nga niye kabona akusiinga obukulu: kubba kyawandiibwe nti tobazanzanga kubii kumukulu wabantu abbo.⁶Naye opawulo niyategeire ekitundu ekimwei eKyabasaddukayo nekya kabiiri eky Bafaalisaayo, nabazira aiguru omulukiiko nti abazeiza abaluganda, njje ndii mufaalisaayo mwaana wabafalisaayo: nsaarwa omusango olwa suubi nokuzuukira kwa bafu. ⁷Niyabazire atyo niwabbawo okulwaana Abafalisaayo na Saddukaayo, ekibiina nikyawuukanamu. ⁸Kubba Abasaddukaayo bakoba nti nddowo kwiizukira, wadde bamalaika, wadde mizzimu: naye Abafalisaayo baikala byona.⁹niwabawo okukayana kwingi; abawandiki abamwei abamwukitundu kya bafalisayo nebayemera nibawakana nga nga koba nti tetukubona kibi kyakore; era kyaba kityai nga omuzimu gwamwei gubalize oba omalaika. ¹⁰niwabawo okulwana okwingi, omwami omukulu nga akkutira opawulo nga bakwaba okumukutula, nalagira ekitongole okwira ansi okwiza akati omubboolwamani, okumuletakigo.¹¹Awo omukire kyakabiri, omukama waiswei nayemera nga akoba nti guuma omwoyo, kubba niwategeize ebigambo byange omuyerusalemi, era kikukwanire okutegeza otyo nomu Rumi.¹²Nebwakyeire emambya, Abayuudaaya nebendyangana nebeya obweyamo nga bakukoba nti tebakwiiza kulya wade okunywa wabula nga bamare okwita Pawulo. ¹³Abekobanire batyo nebakala omu makumi anai¹⁴Abo nibeiza edi abakabonna abakulu nabakeire nebakoba nti okwekolimira twekolimiire obutakomba kukantu wabula nga tumare okwita O' Pawulo. ¹⁵Kale ati bunni nnywe nolukiiko mukobe omuseizza omukulu amulete ansi jemuli nga bakwendya okweyongera okumanya amazima agabigambo byamwei: neiswe, yabanga akyali kusembera, twetekeretekere okumwita.¹⁶Naye omwana wa wamwanyinaze wa Pawulo nawuura olukwe luni, neiza neigira omu kiigo nakobera O'Pawulo. ¹⁷O'Pawuulo nayeta omwi okubaseiza namukoba nti "twali omwojjo oni edi omuseizza omukulu kubba alina ekigambo ekyakumukooba"¹⁸Awo odi namutwala namuleta edi omuseiza omukulu nakoba nti " Pawulo omusibe yanyetere nanegayiira okuletera omwojjo onni nga alina kyakwaba okukobera" ¹⁹Omuseiza omukulu namukwata oku mukono niyayawula omukyama namubulya nti " bigambo ki byolina okunkobera?²⁰Nabakoba nti Abayuudaaya betesere okwegayiira okuleta O'Pawulo emambya ansi wa lukiiko nga akwaba okwongera okumubulya amazima aga bigambo byamwei. ²¹Kale we tobeikiriiza, kubba abantu babwe bamutyegere okusinga amakumi anai abekolomire obutalya wade okunywa wabula nga bamare okumwita nabo ati bunni betegekere nga bakulindirya we okubasubiza.²²Awo omuseiza omukulu nasibula omwojjo, niyamare okumatiiza nti "takoberaku muntu nga onobeire ebigambo binni." ²³Nayeta babiri oku baseiza nakoba nti," mutegeke abasirikale ebikumi bibiiri okwababa e Kayisaliya, na bakumbalassi nnsanjju, nabamasuumu ebikumi bibiiri omu saawa eyakasatu obwire." ²⁴Era bababonere ebisolo leke O'Pawuulo eikaleku era bamutwale mirembe edi Ferikisi oweissaza.²⁵Nawandika ebaluwa nga eri eti: ²⁶" Kulawudiyo Lusiya almukirye oweissaza omusei munno O' Ferikisi. ²⁷Omuntu oyo niyamare okukwatibwa Abayuudaaya, nibali nga bakwaba okumwita, ne nyizza ne kitongole jje bali nemubamauakku, ninategeire nga Muruumi.²⁸Era ninatakire okutegera ensonga eyamulopeserye, nomutwala omulukiiko lwabwe. ²⁹Nebonanga alopeibwe bya kubulya ebya mu mateka gabwe, naye nga ndowo nsonga yakumwitisya wade okusibibwa. ³⁰Ninategeire nti bamulyamu olukwe, amangu ago nimuweereza jjoli era nendagiira abamulopere okumulopera omu meiso gamu.³¹Awo abasirikale nke bebalagirwe ne batwala O'Pawuulo ni bamuleta omwitumbi okwiika omu Antipatuli. ³²Naye okulunaka olwa kabiri nebaleka aba kumbalassi okwaba naye nibeirayo omu kiggo. ³³Abo nibeikire e Kayisaliya nabawa ebbaluwa oweisazza era ne bamwanjjura O'Pawuulo.³⁴Niyamare okugisoma, nabulya eisazza giyazwire, niyakobeibwe nti yazwire mu Kirukiaya. ³⁵Nakoba nti" Ndikuwuura abakulopere bonna nibalibawo, nalagira okumukumiira omu nnyuba eya Kerode.