Bible

Matthew

Chapter 1

¹Chitabu cha lukolo lwa Jesu Masihi, Mwana wa Daudi, Mwana wa Ibrahimu. ²Ibrahimu wekala Paba wa Isaka, Isaka achikala paba wa Jakobu, Jakobu paba wa Juda na nduguze. ³Juda wekala Paba wa Peresi na Sera kwa Tamari, Peresi paba wa Hezironi na Hezironi paba wa Ramu.⁴Ramu wekala muvyazi wa Aminadabu, Aminadabu muvyazi wa Nashoni, na Nashoni muvyazi wa Salimoni. ⁵Salimoni wekala pabaye Boazi ariye muvyela na Rahabu (mameye), Boazi pabaye Obedi ariye muvyela na Ruthu, Obedi ni pabaye Jese. ⁶Jese wekala pabaye mufalume Daudi. Daudi wekala pabaye Selemani ariye muvyela na mukaza Uriya.⁷Selemani wekala pabaye Rehoboamu, Rehoboamu ni pabaye Abiya, Abiya ni pabaye Asa. ⁸Asa wekala pabaye Jehoshafati, Jehoshafati ni pabaye Joramu, na Joramu ni pabaye Uziya.⁹Uziya wekala pabaye Jothamu, Jothamu ni pabaye Ahazi, Ahazi ni pabaye Hezekia. ¹⁰Hezekia wekala pabaye Manase, Manase ni pabaye Amoni na Amoni ni pabaye Josia. ¹¹Josia wekala pabaye Jekonia na nduguze wakati mvarihohalwa kwenda Babeli.¹²Baada ya kuhalwa mateka kwenda Babeli, Jekonia wekala ni pabaye Shatieli, Shatieli wekala tsaweye Zerubabeli. ¹³Zerubabeli wekala pabaye Abiudi, Abiudi ni pabaye Eliakimu, na Eliakimu ni pabaye Azori. ¹⁴Azori wekala pabaye Zadoki, Zadoki ni pabaye Akimu, na Akimu ni pabaye Eliudi.¹⁵Eliudi wekala pabaye Elieza, Elieza naye pabaye Matani na Matani ni pabaye Jakobu. ¹⁶Jakobu wekala pabaye Jesefu mulume wa Mariamu, ambaye ni mameye Jesu Masihi. ¹⁷Vivyazi vyosi hangu Ibrahimu mpaka Daudi vyekala kumi na vine, kula Daudi mpaka kuhalwa kwenda Babeli vyekala vivyazi kumi na vine, na kuhalwa kwenda Babeli kula kwa Masihi vyekala vivyazi kumi na vine.¹⁸Kuvyalwa kwa jesu Masihi kwekala kwa namuna ii. Mameye, Mariamu wechumbirwa ni Jesefu, ela kabila kamvadzaonana chimwiri, wegundua kukala ama mimba kula kwa nguvu za Roho Mtakatifu. ¹⁹Ela Yusufu, mulumewe, wekala mutu wa hachi na kahenzere gamanyikane lwazu kukala wamala kumuricha. Wemala kumuricha chisiri.²⁰Arihokala kahi ya maazo dzulu ya mambo gago, malaika wa Bwana achimomborera kahi za ndoho, achimwamba, "Yusufu mwana wa Daudi, usogohe kumuhela Mariamu here mucheo kwa kukala mimba ariyo nayo ni kwa uwezo wa Roho Mtakatifu. ²¹Mucheo andadzifugula mwana wa chilume naye undamweha Jesu, kwa kukala andamvokola atue dambi zao."²²Gosi gaga geombolera kutimiza chiratu chiricho nenwa ni Bwana kwa njira ya Nabii, achamba, ²³"Lola, Mwanamwali (bikira) andatsukula mimba na kuvyela mwana wa chilume na mvandamweha kwa dzina; Imaniueli"-maanaye ni "Mulungu hamwenga naswi."²⁴Yusufu achilamuka kula usinzizini achitua malakizo ga malaika arigo mupa, achimuhela Mariamu here muchewe. ²⁵Ela khamumanyire paka ariho dzifugula mwana wa chilume. Achimuhadza Jesu.

Chapter 2

¹Baada ya Jesu kuvyalwa mudzi wa bethelehemu ya Uyahudi wakati wa mufalume Herode, atelamu a nyenyezi kula maombolero ga dzua ambayo ni ntsi ya kure mvefika Jerusalemu na mvachamba ²"Yuhiko ye adziyevyalwa Mufalume wa Ayahudi? Hweyona nyenyezi ye maombolero ga dzua (mashariki) naswi hukudza humwabudu." ³Mufalume Herode ariho sikira gago, weangelazika, na Jerusalemu yosi hamwenga naye.⁴Herode achimvakusanya akulu a makuhani na andishi a atu, achimvauza, "Masihi andamvyalwa rini?" ⁵Mvachimujibu, "Mudzi wa Bethelehemu ya Uyahudi, vivyo ndivyo irivyo andikwa ni Nabii, ⁶'Nawe Bethelehemu, kahi ya ntsi ii ya Juda, kumutite kahi ya vilongozi a Juda, kpwa kukala kula na kpwako kundombola mtawela andiye arinda atu angu a Izraeli."⁷Ndiho Herode achimvaeha ao ataelamu a nyenyezi kumvauza chisiri ni wakati wani haswa variho yona yo nyenyezi. ⁸Achimvahuma Bethelehemu, achimvamba, "Endani kwa makini mukamutafute iye mwana adziye vyalwa. Mundiho mona, nireherani habari ili nami niweze kwenda mwabudu."⁹Baada ya kumusikiza mufalume, mvachenderera na safari yao, na iyo nyenyezi mvarihokala mvadziyona maomborero ga dzua yenderera kumvalongoza mpaka irihoema dzulu ya hatu arihokala mwana. ¹⁰Mvariho yona iyo nyenyezi, mvachihamrwa sana.¹¹Mveenjira nyumbani na mvachimona iye mwana ariyekala yuvyalwa ni Mariamu. Mvemupigira mavindi mvachimwabudu. Mvachifugula hazina zao na mvachimombozera zawadi za dhahabu, uvumba na manemane. ¹²Mulungu achimvaonya kahi za ndoho mvasiuye na kwa Herode, namvo mvachiuka mvachuya kwao ntsini kuchirira njira injine.¹³Badaye mvariho kala mvadzuka, malaika wa Bwana achimombolera Yusufu kahi za ndoho achimwamba, "Uka, muhale mucheo na mwanao, chimbirani Misiri. Selani kuko nipaka nindiho mvaambira, kwa kukala Herode wamutafuta iye mwana amolage." ¹⁴Usiku uo, Yusufu achilamuka achimuhela mwana na mameye mvachichimbira Misiri. ¹⁵Mveishi kuko nipaka Herode arihofa. ii yetimiza chiratu Bwana aricho kala yunena kuchirira kwa Nabii kukala, " Kula Misiri nidzimweha Mwanangu."¹⁶Kisha Herode ariho ona kukala yukengwa ni ataelamu a nyenyezi, wetsikirwa sana. Achilakiza ahoho osi a chilume mvario Bethelehemu na eneo rosi a miaka miri kwendera tsini volagwe, kulingana na wakati ariwokala adziuthibitisha kwa uhakika kula kwa ao ataelamu a nyenyezi.¹⁷Ndiho ririho timizwa rira neno ririronenwa kula kwa mulomo wa Nabii Jeremia, ¹⁸"Sauti yesikiriwa Rama, chiriro na maombolezo mabomu, Raheli achiaririra anae, na achikahela kufarijiwa, kwa kukala anae kamvako keheri."¹⁹Herode arihofa, malaika wa Bwana achimombolera Yusufu ndohoni kuko Misiri achimwambira, ²⁰Uka umuhale mwana na mameye, muuye ntsi ya Iziraeli kwa kukala mvariokala mvachimutafuta kumolaga ye mwana mvefa." ²¹Jesefu achilamuka, achimuhela mwana na mameye mvachiuya ntsi ya Iziraeli.²²Ela ariho sikira kukala Arikalau ndiye atawelaye Juda baada ya kufa pabaye Herode, achogoha kuuya kuko. Baada ya Mulungu kumukanya kahi za ndoho, weuka achenda mkoa wa Galilaya ²³na achenda ishi mudzi wehewao Nazareti. Richitimira neno ra Manabii, kukala dzinare andaehewa Munazareti.

Chapter 3

¹Siku zizo Johana Mubatizaji wekudza achihubiri kahi za nyika ya Juda na kuamba ²"Tubuni kwa kukala ufalume wa Mulunguni u hehi." ³Kwa kukala yuyu ndiye ariye ambwa ni Nabii Isaya kukala, "Sauti ya mutu ya eha kula nyikani, yikeni tayari njira ya Bwana kwa kuganyosha machiriroge."⁴Johana wevela vazi ra mbui za ngamia na ukanda wa chingo chinuni mwakpwe. Chakuryache chichikala nzije na asali mwitu. ⁵Ndiho Jerusalemu, Juda yosi, na eneo rosi rizungulukaro muho Joridani mvachenda kwakwe. ⁶Mvekala mvachibatizwa ni iye kahi ya muho wa Joridani kuno mvachitubu dambi zao.⁷Ariho mvona Mafarisayo na Masadukayo mvachidza baputizwa kwa unji, wemvamba, "Mwi chivyazi cha nyoka enye sumu nani ariye mvaonya kuichimbira koro ya Mulungu idzayo? ⁸Mvyelani matunda gasitahiligo toba. ⁹Wela musiaze mwenu mioyoni, "kala hunaye Ibrahimu paba yehu," kwa maana namvaambira Mulungu waweza kumwinulira ahoho Iburahimu hata kula kwa gaga mawe.¹⁰Tsoka ridziikwa tayari katika masina ga mihi. Chila muhi usiovyela matunda gastahiligo toba, undakatwa na kutsuhiwa mohoni. ¹¹Namubatiza kwa madzi kwa ajili ya toba. Ela iye adzaye baada ya mimi ni mkulu kuriko hata sisitahili kuvihela virahuvye. Iye andamva batiza kwa nguvu za Roho Mtakatifu na kwa moho. ¹²Na pepetore ri mukononi mwakpwe ili asafishe kabisa uwanjawe na kukusanya ngano pelani. Na andaocha makapi kwa moho usio weza kuzimika kamare (wa milele).¹³Kisha Jesu achidza kula Galilaya mpaka muho Joridani kubatizwa ni Johana. ¹⁴Ela Johana achimala kumukahaza kwa kuamba, "Mimi namala kubaputizwa ni uwe, nawe wadza kwangu?" ¹⁵Jesu achimujibu, "Ruhusu vikale vivi sasa, kwa kukala ndivyo ihupasavyo kuitimiza hachi yosi." Kisha Johana achimu ruhusu.¹⁶Baada ya kubatizwa, Jesu achombola kula kwa madzi, mara mbingu zichifuguka kpwakpwe. Achimona Roho Mtakatifu wa Mulungu achitima here mufano wa gia naye achema dzulu ya chitswache. ¹⁷Sauti ichombola kula Mulunguni ichamba, "Yuyu ndiye Mwanangu muhenzwa. Ariyenahamirwa naye."

Chapter 4

¹Kisha Jesu achilongozwa ni Roho mpaka jangwani(nyikani) ili ajezwe ni Shetani. ²Arihokala yufunga kwa siku arubaini usiku na mutsana, achihisi nzela. ³Mujezi Ibilisi achidza achimwambira, "Chikala uwe u mwana wa Mulungu, amuru mawe gaga gakagaluke mikahe." ⁴Ela Jesu achimujibu achimwambira, "Yeandikwa, ' Mutu kaishi kwa mukahe hacheye, isihokala chila neno riombolaro mulomoni mwa Mulungu."⁵Kisha Ibilisi achimuhirika kahi ya mudzi mutakatifu achimwika dzulu chirereni cha jengo ra hekalu, ⁶achimwamba, "Chikala uwe u mwana wa Mulungu, dzirushe tsi, kwa here yeandikpwa, 'Anda amuru malaikae mvadze mvakudake; mvanda kpwenula kwa mikono yao, ili usidzikwale chigulucho kahi ya dziwe."⁷Jesu achimwamba, "Keheri yeandikwa, 'Usimujeze Bwana Mulunguo." ⁸Kisha, Ibilisi achimuhela achimuhirika sehemu ya dzulu zaidi achimonyesa falume zosi za urimwenguni na faharize zosi. ⁹Achimwambira, "Nindakupa vitu vivi vyosi uchinipigira tu mavindi na kunabudu."¹⁰Ndiho Jesu achimwambira, "Enenda zako pepo! Kwa here yeandikwa, 'Yakupasa kumwabudu Bwana Mulungu hacheye, na kumuhumikira iye hacheye.' ¹¹Ndiho Ibilisi ariho muricha, malaika mvachidza mvachimu humikira.¹²Jesu arihosikiraa kukala Johana agwirwa na kufungwa jela, weuka achenda Galilaya. ¹³Wekulaa Nazareti achenda ishi Kaperanaumu iriyowo kandakanda ya bahari ya Galilaya, mihakani mwa majimbo ga Zabuloni na Nafutali.¹⁴iri yeombola kutimiza chiratu chirichonenwa ni Nabii Isaya, ¹⁵"Kahi za mudzi wa Zabuloni na mudzi wa Nafutali, kwelekea baharini, ng'amboya joridani, Galilaya ya mataifa! ¹⁶Atu mvario sagela chizani mvadziwona mulangaza munji muno na mvaratu mvariokala mvasagela kahi za maeneo na chivuri cha mauti, nuru idzimvang'azira dzulu yao."¹⁷Kula na wakati uo, Jesu weanza kuhubiri na kumvaambira, "Tubuni, kwa kukala ufalume wa Mulunguni uhehi."¹⁸Arihokala achitsembera kandakanda ya bahari ya Galilaya, wemvaona ndugu eri, Simioni ariyekala achehewa petero na Andrea nduguye, mvahega nyavu baharini, kwa kukala ni avuvi a samaki. ¹⁹Jesu achimvaambira, "Nzoni, nituani nami nindamuhenda avuvi a atu." ²⁰Mara mwenga mvachiziricha nyavu zao mvachimutua.²¹Jesu ariho enenda mbere chidogo, achimvaona ndugu anjine eri, Jakobo mwana wa Zebedayo, na Johana nduguye. Mvekala kahi ya mashua hamwenga na Paba yao Zebedayo mvashona nyavu zao. Achimveha, ²²nao mvachiricha mashua na paba yao, mvachimutua Jesu.²³Jesu arihokala achizunguluka Galilaya yosi, achifundisha kahi za masinagogi gao achihubiri ijili ya ufalume, achihoza chila aina ya maradhi na makongo ga atu. ²⁴habari zizo zetawanyika Siria yosi, na atu mvachimurehera atu osi mvariokala mvachilumwa makongo tofauti tofauti na mavune, mvariokala na pepo, enye chifafa na mvario holoza. Jesu wemvahoza. ²⁵Kundi bomu ra atu mvemutua kula Galilaya na Dekapoli na Jerusalemu na Uyahudi na kula ng'ambo ya Joridani.

Chapter 5

¹Jesu arihoona kundi, weuka achenda mrimani arihokala asegere hotsi anafunzie mvachidza kpwakpwe. ²Wefugula kanware na achimvafundisha , achamba . ³'' Baha mvario maskini a roho kpwa here ufalme wa Mulunguni ni wao. ⁴Baha mvario na sumazi , kpwa here mvandafarijiwa .⁵Baha mvenye upore , kpwa here mvandarithi ntsi. ⁶Baha mvenye nzela na chihu ya hachi, kpwa here ao mvandekushwa. ⁷Baha mvenye rehema kpwa here ao mvandapata Rehema . ⁸Baha mvenye moyo musafi kpwa here mvandamona Mulungu.⁹Baha apatanishi ,kpwa here ao mvandehewa ana a Mulungu. ¹⁰Baha mvaratu mvateswao kwa ajili ya hachi, mana ufalme wa Mulunguni ni wao .¹¹Baha mwimwi murio atu mvandaahukana na kumvatesa , au kugomba ui dhidi yenu kwa ulongo kwa ajili yangu. ¹²Furahikiani na kushangilia kpwa here thawabu yenu ni bomu dzulu Mulunguni , Kwa kukala vivi ndivyo atu mvarivyo mvatesa manabii mvaroishi kabla yenu .¹³Mwimwi mu munyu wa dunia, Chikala munyu udzangamiza ladhaye indawezadze kuhenda munyu halisi keheri? kamwe kaiweza kukala mbidzo kwa chitu chochosi keheri. isihokala ni kutsuhiwa konze na kufyogwa ni magulu ga atu. ¹⁴Mwimwi mu nuru ya urimwengu mudzi uriojengwa dzulu ya mrima kaufitsika.¹⁵Wela atu kamvasha taa na kurika tsini ya meza, bali kwenye chango nayo yamvaangazira osi mvario ndani ya nyumba . ¹⁶Richani nuru yenu ilangaze mbere za atu kwa namuna ambayo kwamba mvagone mahendo genu madzo na kumutukuza Paba wenu ariye Mulunguni.¹⁷Msifikiri nikudza nibanange sheria wela manabii , sidzadza kubananga bali kutimiza. ¹⁸Kwa jeri namvambira kukala nipaka mbingu na dunia zoi zichire kahana yadi mwenga wela nukuta mwenga ya sheria indauswa kahi ya sheria hadi haho chila chitu chindihokala chisira kutimizwa.¹⁹Vivyo yeyosi avunzaye amuri mwengayaho ya amuri zizi na kumvafundish anjine kuhenda vivyo andehewa mtite kahi za ufalme wa Mulunguni. ²⁰Kwa mana namvambira hachi isihozidi hachi ya andishi na Mafarisayo , Kwa vyovyosi viraa kamndenjira kahi za ufalme wa Mulunguni.²¹Mdzisikira genenwa kapindi kala '' usolage''na yoyosi olagaye yu kwenye kahi za hukumu; ²²ela namvambira yeyosi amutsukirwarwe nduguye andakala kahi za hatari ya baraza. Na yoyosi agombaye, We mjinga! andakala kahi za hatari ya moho wa Jehenamu.²³Vivyo kala womboza sadakayo kahi za madhabahu na wakumbuka kukala nduguyo ana jambo rorosi dhidiyo. ²⁴Iriche sadaka mbere ya madhabahu, kisha gwira njirayo, Kapatane kwanza na nduguyo, kisha udze womboze sadakayo.²⁵Gwirana na mushitakio upesi uchikala hamwenga naye njirani kwelekea mahakamani , Vinjinevyo mushitakio waweza kukuricha mikononi mwa hakimu, na hakimu akuriche mikononi mwa askari na undarushwa jela ²⁶Aminini namvambira , kamwe kundaikwa huru hadi urihe senti ya mwisho ya pesa udaiwayo.²⁷Musikiraa 'musizini'! genenwa ²⁸ela namvambira yeyosi amulolaye mwanamuche kpwa kumutamani asira kuzini naye moyonimwe.²⁹Nakala dzitsoro ra kulume rinakusababishira vkudzikwela , ring'ole uritsuhe kure nawe. Kpwa kala baha chilungo chimwenga mwirinimo chibanangike kuriko mwiri ,mzima utsuhiwe Jehanamu. ³⁰Na chamba mkonoo wa kulume wakusababisha kudzikwela ukate uutsuhe kure nawe. Kpwa here baha chilungo chimwenga kahi za mwirio chibanangike kuriko mwiri mzima kutsuhiwa Jehanamu.³¹Genenwa pia , yoyosi amwingaye mchewe , na amupe hati ya telaka . ³²ela mimi namvambira yoyosi arichaye mchewe , isihokala kwa sababu ya zinaa amuhenda here mzinzi na yoyosi amuhelaye bada ya kupewa telaka ahenda uzinzi.³³Kisha, musikira genenwa kwa aratu a kapindi , ' Musilahe kwa ulongo bali hirikani viraho vyenu kwa Bwana . ³⁴ela namvambira musilahe hata chidogo, kwa mbingu kwa sababu ni enzi ya Mulungu. ³⁵Wela kwa dunia, mana ni hatu hakpwika chihi cha kufyogera nyayoze ama Jerusalemu , mana ni mdzi wa Mufalme.³⁶Mukulu wela usilahe kwa chitswacho mana kuweza kuhenda nyere mwenga kukala nyeruhe au nyiru. ³⁷Ela maneno genu gakale , ' Ndiyo , ndiyo , kahana , kahana ; kwa kukala gazidigo gago gombola kwa mutu mui.³⁸Musikira genenwa kukala , ' dzitso kwa dzitso , dzino kwa dzino. ³⁹ela mimi namvambira , msishindane na mutu mui ; ela mutu achikupiga tsavu ra kulume mgaluzire na rinjine pia.⁴⁰Na chikala yoyosi watamani kwenda nawe mahakamani na akuhoke kanzu ( zurungi) yo murichire na johoro pia. ⁴¹Na yoyosi akulazimishaye kwenda naye maili mwengi , Enda naye maili mbiri. ⁴²Kwa yoyosi akuvoyaye mpatane , na usimwepuke yoyosi amalaye kukopa⁴³Mdzisikira gadzinenwa , ' Umuhenze jiraniyo na umutsukirirwe aduiyo . ⁴⁴ela namvambira , mmvahenze hadui zenu , mvavoyereni mvamvaudhio . ⁴⁵Ili kwamba mukale ana aa Paba yenu ariye mulunguni kwakala wahenda dzua riangalire ai na adzo na wamvamwagira mvula ai na adzo.⁴⁶Chamba mchimvahenza mvaqmvahenzao mwimwi, mwapata thawabu hiyo? Kwani mvatozao ushuru kamvahenda vivyo? ⁴⁷Na chamba mchimvelamusa nduguzenu hacheye mwapatani zaidi ya anjine? Je! Atu a mataifa kamvahenda vivyo vivyo? ⁴⁸Kwa vivyo kukala akamalifu , here Paba yenu wa Mulunguni arivyo.

Chapter 6

¹Zingatia mambo ga hachi mbere za atu ili kudzonyesa vinjinevyo kundapata thawabu kwa Paba ariye Mulunguni. ²Vivyo bai wombozaho usipige chinanda na kudzisifu mwenye here anafiki mvahendavyo kahi za masinagogi na kahi za mitaa, ili kukala atu mvamvasifu. Jeri namvambira mvamarikiza kuhochera thawabu yao.³ela uwe wombozaye mkonoo wa kumotso usimanye chihendwacho ni mkono wa kurya. ⁴Ili kwamba zawadiyo yombozwe kwa siri. Ndiho Pabayo onaye sirini andakupa thawabuyo⁵Na uvoyaho , usikale here anafiki ,kuhenza kpwema na kuvoya kwenye masinagogi na kwenye kona za mitaani ili atu mvamvalole .Jeri namvambira mvamarikiza kuhochera thawabu yao. ⁶ela uwe uvoyaho enjira chumbani . Funga muyango na uvoyaho kwa pabayo ariye sirini. Ndiho Pabayo onaye sirini andakupa thawabu. ⁷Na uvoyaho , usuyire uyire maneno gasiko kala na maana here mataifa mvahendavyo kwa kukale mvafikiri mvandasikika kwa sababu ya maneno manji mvagagombago.⁸Kwa vivyo usikale here ao kwa kukala pabayo wamanya mahitajigo hata kabla kudzavoya kpwakwe' ⁹Vivyo bai voya vivi; Paba wehu uriye Mulunguni , ritukuzwe dzinaro. ¹⁰Ufalmeo udze , mapenzigo gahendeke haha dunia here kuko Mulunguni.¹¹Uhupe rero mkahe wehu wa chila siku. ¹²Uhusamehe madeni gehu here naswi humvasamehevyo adeni ehu. ¹³Na usihurehe kahi za majiribu , ela uwhepushe kombola kwa yuyahu mui.¹⁴Chikala mndamvasamehe atu makosa gao Pabayo ariye Mulunguni pia andamvasamehe . ¹⁵ela chamba kamundamvasamehe makosa genu.¹⁶Zaidi ya gosi ukalaho ufunga usonyese uso wa sumazi here anafiki mvahendavyo kwa kukunza nyuso zao ili kwamba atu mvatambue mvafunga .Jeri nakwambira mvasira kuhochera thawabu yao ¹⁷ela uwe ufungaho , haka mafua chitwanimo na wojese usoo. ¹⁸Vivyo kaindakonyesa mbere ya atu kukala ufunga , ela indakala kwa Pabayo ariye sirini .Na Pabayo aonaye andakupa thawabuyo.¹⁹Usidzitunzire hazinayo mwenye haha urimwenguni ambaho nondo na kutu ni kubanaga , ambacho ni kuvunza na kpweya . ²⁰Ela dzikireni hazina Mulunguni , kuso banangika chitu kwa nondo wela kutu , wela evi kamvavunza wela kweya ²¹Kwa kukala hazinayo iriho, ndiho undakala moyoo.²²Taa ya mwiri na dzitso. Be dzitsoro richikala safi mwirio wosi undakala na nuru ²³ela ichikala dzitsoro ni kongo, mwiriwo wosi udzela chiza. kwavivyo, ichikala mulangaza umo ndaniyo ni chiza hasa, ni chiza chibomu chasi chani! ²⁴Kakuna mutu awezaye kuhumikira alume eri; Kwa here andamutsuhiriwa yuyu na kumuhenza yuyatu ; ama andagwirikana na yuyu na kumudharau yuyatu Kamuweza kumuhumikira Mulungu na mali.²⁵Kwa here iyo namvambira musisumbukire maisha genu , muryeni ama munweni . wela miri yenu muvaleni . Maisha je ! Si zaidi ya chakurya, na mwiri zaidi ya mavazi. ²⁶Mvaloleni tsongo mva angani kukala kamvanyela , wela kamvavuna , wela kamvakusanya pelani ; na paba yenu wa Mulunguni wamvarisa ao mwino je! Si bora kuriko ao.²⁷Ni hiye kwenu ariye achidzisumbua aweze kudzonjeza chimoche hata mkono mumwenga? ²⁸Na mavazi , ga noni kugasumbukira ? Fikiriani malua ga mundani , jinsi gameravyo ; kagahenda kazi , wela kagasokota. ²⁹Nami namwambira kukala hata Sulemani kahi za fahariye yosi kavikwireto here mumwenga wa ao .³⁰Bai, chikala Mulungu ni kugavika vivi makodza ga kondeni ,garigo rero, na machero kutsuhiwa kalibuni , je!Kandazidi sana kumvavisha mwimwi ,mvenye imani haba? ³¹Musiyugike , be mchinena , Huryeni Au Hunweni ?Au Huvaleni ?³²Kwa mana gaga gosi Mataifa ni gugatafuta ; kwa sababu Paba wa Mulunguni anamanya mahitaji gosi. ³³Bali utafuteni kwanza ufalmewe , na hachiye(haki); na gago gosi mndazidishirwa . ³⁴Be msisumbukire ga machero ; kwakala machero indadzisumbukira yenye . Yatosha kwa siku maovuge.

Chapter 7

¹Usichize hukumu, sidze nawe ukahukumiwa. ²Hukumu iyo uichizayo, nawe undahukumumiwa vivyo. Na kwa chipimo umupimiracho munzio, nawe undapimirwa chicho.³Kwanoni bai uone chifusi chiricho dzitsoni mwa munzio hali kutambua chikogo chizima dzitsoni kwako? ⁴Waanzadze kumushauri munzio; "Hurira nikomboze chifusi mwako dzitsoni." hali chikogo chizima chi dzitsoni mwako? ⁵Munafiki; omboza kwanza chikogo chiricho mwako dzitsoni ili uweze konato, helafu uweze komboza chifusi chiricho dzitsoni mwa munzio.⁶Usiape kuro chiricho chitakatifu, na usiarushire nguluwe lulu mbere yao. Vinjine vandavibananga kwa kuvi fyogafyoga kisha vakugalukire vakukate vipande vipande.⁷Voya, nawe undapewa. Tafuta, nawe undapata. Bisha, nawe undafugulirwa. ⁸Kwa yoyosi avoyaye, nikuhochera. Yoyosi atafutaye, nikupata. Na yoyosi abishaye, andafugulirwa. ⁹Ama, kunaye kahi yenu mumwenga ambaye mwanawe achimuvoya chipande cha mukahe andamupa iwe? ¹⁰Ama, mwana achimuvoya samaki ye andamupa nyoka?¹¹Kwa vivyo, ichikala nyinyi adamu enye dambi mwamanya kuapa ana enu zawadi mbidzo mbidzo, Je! ni kwa chasi chani Paba ariye Mulunguni andavapa vidzo vidzo vamuvoyao? ¹²Kwa vivyo bai, uchimala kuhenderwa chitu chochosi ni anzio, indakulazimu uvahendere dza vivyo nao. Maana ndiyo sheria ya Manabii.¹³Enjirani kuchirira lango rembamba. Sababu, lango ni relamu na njira nayo ninyelamu yangamizayo, na ni anji vaichirirayo njira iyo. ¹⁴Njira ni nyembamba, njira ilongozayo achache kwenye uzima, na ni achache vawezao kuyona.¹⁵Dzihadharini na Manabii a ulongo, nikudza vadzivalia chingo ya ng'onzi ela ndani ni makuro makali ga tsakani. ¹⁶Kwa chivyazi chao, (Matunda gao) mundavamanya. Je, atu vaweza kuvuna matunda kahi za miya ama muhini kwenye mbeyu ya Mabaruti? ¹⁷Kwa hali iyo,chila muhi mudzo nikuvyela matunda madzo, ela muhi mui nikuvyela matunda mai.¹⁸Muhi mudzo kauweza ukavyela matunda mai, wela muhi mui kauweza kuvyela matunda madzo. ¹⁹Chila muhi usovyela matunda madzo undakatwa utsuhiwe mohoni. ²⁰Kwa vivyo, undavamanya kwa matunda gao.²¹Si vosi vanambao, "Bwana Bwana vandenjira kahi za ufalume wa Mulungu, isokala varahu vahendao mahenzo ga Paba Mulungu ariye Mulunguni. ²²Anji siku iyo vandanambira; "Bwana, Bwana, kahombozere unabii kwa dzinaro, kahuchemerere na komboza Mapepo kuhumira dzinaro na kwa dzinaro, hegahenda manji sana mabomu? ²³Ndiho nindovambira wazi, "Sivamanyire nyinyi! Haukeni ahenzi maovu!²⁴Kwa vivyo, chila andesikira maneno gangu, na kugatua andafanana na mutu ariye na hekima arejenga nyumbaye dzulu ya musingi wa iwe. ²⁵Mvula ichinya, mafuriko gachidza na kukuzi richipiga nyumbaye ela kaigwire. Kwa kukala yekala ijengwa dzulu ya iwe.²⁶ela chila mutu asikiraye neno rangu na kuripuuza(Kusa ramini), anda linganishwa na mutu mupumbavu ariye jenga nyumbaye dzulu ya mutsanga. ²⁷Mvula ichidza, mafuriko gachidza, kukuzi richipiga nyumbaye ichigwa na kubanangika yosi.²⁸Wefika wakati ambao Jesu ariho marikiza kunena gaga, atu vachishangazwa sana kwa mafundishoge. ²⁹Sababu, wefundisha here mutu ariye na mamulaka bali si mwandishi.

Chapter 8

¹Jesu Masihi ariho teremuka kula dzulu murimani, kundi bomu ra atu vachimutua. ²Mutu mumwenga arekala na ukongo wa ukoma, achimutua achisujudu mbereze achamba " Bwana, kala u radhi nihenda nami nikale musafi." ³Jesu achinyosha mukono, achimuguta achamba, "Ni tayari. kala musafi!" Haho kwa haho mukongo wa ukoma achitakasika.⁴Jesu achimwamba, Hakikisha kala kumwambira mutu yoyosi. Gwira njira mwenga kwa mwenga mpaka kwa kuhani wa kanisa ukomboze zawadi ambayo Musa, welakiza kwa ajili ya ushuhuda kwao.⁵Jesu Masihi arihokala wenjira Kapenaumu, Jemedari mumwenga achimmuza ⁶achamba, "Bwana, muhenzi kazi wangu yurere nyumbani, yupooza na walumwa vya kwangelaza" ⁷Jesu achimwamba, "Ni ndadza nimuhoze"⁸Jemedari achimujibu achimwamba, "Bwana, mimi sina thamani wela si muhimu kukala ta udze na wenjire mwangu nyumbani, nena tu jambo naye muhenzi kazi wangu andahola. ⁹Kwa kukala mimi pia ni mutu niriye na mamulaka, na ninao shikari tsini yangu. Nichimwamurisha yuno, "Enda" wenenda. Na yuya nichimwamurisha "Nzo" wadza, na kwa muhenzi kazi wangu, "Henda vino" wahenda." ¹⁰Jesu ariho gasikira gago, weshangaa achiva ambira vario kala vamutua, "Ujeri nava ambira, sidzangwe kona mutu mwenye imani here yuyu ntsi ii ya Israel.¹¹Navaamba vivi, anji vandadza kula momborero ga dzua na matswero ga dzua, vandasagela meza mwenga na Abrahamu, Isaka na Jakobo, kahi za ufalume wa Mulunguni. ¹²ela, vo ana a ufalume vandatsuhiwa nze chizani ambako kundakala na viriro na kusaga (Kuluma) meno." ¹³Jesu achimwambira ye Jemedari, "Uya kwako mudzini, here udzivyo amini, na vikakale vivyo kwako." Muhenzi kaziwe achihola dakika iyo.¹⁴Jesu Masihi arihofika nyumbani kwa ani Petero, wemona mutsedza wao wa chiche arere na homa. ¹⁵Jesu achimuguta mukono, homa richimuricha. Naye achilamuka achanza kumuhudumia.¹⁶Irihofika dziloni, atu vachimurehera Jesu Masihi akongo anji varokala vatawalwa ni mapepo. Jesu achivomboza mapepo na akongo achiahoza. ¹⁷Kwa hali ii, gachitimira maandiko ga Nabii Isaya, "Iye mwenye wegahela makongo gehu na achigabeba maradhi gehu"¹⁸Chisha Jesu ariho ona kusanyiko ra atu vadzimuzunguluka, achomboza maerekezo ga kwenda upande munjine wa bahari ya Galilaya. ¹⁹Haho kare, mwandishi mumwenga achimutua na kumwamba, "Mwalimu, nindakutua hohosi undekwenda." ²⁰Jesu achimwamba, "Kuro a tsakani vana maina (Mashimo), na tsongo a angani vana vitsunzi, ela mwana wa Adamu kana hatu ha kulaza chitswa"²¹Mumwenga kahi za anafunzie achimwambira, "Bwana, niruhusu kwanza nende nikamuzike Paba muvyazi wangu" ²²ela Jesu achimwamba, " Nitua, richa afadzi vazike afadzi anzao" (Nyufu zizikane).²³Jesu ariho enjira kwenye mashua (Mutumbwi), anafunzie vachimutua kuko. ²⁴Ghafla, chichidza chikukuzi chikali baharini chasi kwamba mashua ichifinikwa ni mawimbi. ela Jesu achikala yurere (adzidzihuriza). ²⁵Anafunzi vachimutua vachimulamusa, "Bwana hokole, hwafa!"²⁶Jesu achivaambira, "Kwanoni mwaogoha mwi enye imani chache?" Achilamuka, achichemera chikukuzi baharini. Kuchikala na uhurivu mubomu sana. ²⁷Anafunzi vachipatwa ni mushangao vachamba, "Yuno ni mutu wadze, kala ta peho na bahari zamusikira na kumutii?"²⁸Jesu Masihi arihofika upande munjine wa ntsi ya Magadela, alume airi varokala vatawalwa ni mapepo vachonana naye. Vekala vaishi sehemu za makaburi na enye fujo kuko chasi cha kukala kakuna musafiri andeweza kutsupa na iyo njira ya makaburini. ²⁹Kwa haraka vachipaza sauti zao vachamba, "Huna hiro ra kukuhendera Mwana wa Mulungu? Ukudza uhutese kabila siku zehu kufika?"³⁰Hehi na haho varokala, hekala na kundi bomu sana ra nguluwe varisa. ³¹Mapepo vachenderera kumurai Jesu Masihi vachamba, "kala undahuamuru kombola, be huruhusu hwende kahi za rira kundi ra nguluwe." ³²Jesu achivamba, "Endani!" Mapepo gachombola vachishambulia o nguluwe na ghafla, nguluwe osi vachuka malo vachiteremuka mirima vachidzi tumbukiza baharini vachifa.³³Arisa a nguluwe vachichimbira varihogona gago. Varihofika midzini vacheleza chila chitu chiricho kala kwa ara alume airi enye mapepo. ³⁴Mudzi muzima vachombola vachenda onana na Jesu. Variho mona, vachimuvoya kala avaukire ende zakwe.

Chapter 9

¹Jesu achenjira kwenya mashua, achivuka achenda ariko kala achiishi. ²Mvachimu hirikira mutu ariyekala yuholoza elazwa tandikoni (chitsekani). Ariho ona imani yao, Jesu achimwambira ye mukongo, "Mwanangu, ukale na furaha, dambizo zisamehewa."³Kahi za alimu a sheria vachigombezana enye kwa enye, "Yuyu mutu wakufuru." ⁴Jesu achimanya maazo gao achuza, "Kwa noni mwaaza mai mwenu mioyeni mwenu?" ⁵Nihicho chiricho rahisi kuchinena, " dambizo zisamehewa' ama, 'Uka, wenende?" ⁶Ela kwa mumanye kala Mwana wa Adamu anao uwezo wa kusamehe dambi..." Achimwamba (ye mukongo), "Uka, hela tandikozo (chitsekacho) wenende kwako nyumbani."⁷Ndiho yuya mukongo achuka, achenenda kwakwe. ⁸Makutano variho ona gago, vachishangaa na vachimusifu Mulungu, arevapa uwezo uwo atu. ⁹Jesu arihokala wachira kula haho, achona mutu wehewa Mathayo yusegere kwenye hema ya mtoza ushuru. Achimwamba, "Nitua." Achuka, achimutua.¹⁰Jesu ariho sagela kuhumira chakurya nyumbani, mvachidza atoza ushuru hamwenga na enye dambi vachishiriki hamwenga kwa chakurya. ¹¹Mafarisayo vario ona gaga, vachiambira anafunzi, "Kwa noni mwalimu wenu warya hamwenga na atoza ushuru na enye dambi?"¹²Jesu ariho gasikira gago, achamba, "Atu vario na afya mbidzo kavamuhitaji muganga, isihokala vario akongo. ¹³Yamupasa mwende mukadzifunze maanaye: "nahenza rehema wela si dhabihu." Kwa kukala nekudza, si kwa enye haki vatubu, ela kwa enye dambi."¹⁴Ndiho anafunzi a Johana mubatizaji vachimutua, vachimwamba "Mbona sino na Mafarisayo hafunga saumu, ela anafunzio kaafunga?" ¹⁵Jesu achivamba, "Je asindikizi a muharusi vaweza kukala na huzuni pindi Bwana harusi akalaho hamwenga nao? ela siku zadza ambazo Bwana Harusi andahalwa, haho ndiho mvandafunga.¹⁶Kakuna mutu ashonaye chiraka cha nguo mbisha henye nguo ya kapindi, chiraka chicho chinda tarura zaidi iyo nguo ya kapindi.¹⁷Uchi musha kawikwa kwenye ngabe ya kapindi. uchiikwa, unda ahula iyo ngabe ya kapindi na uchi undamwagika. Badelaye, uchi musha ni wikwe ngabe mbisha, ndo uchi na ngabe zikale selama.¹⁸Jesu arihokala achivambira maneno gago, afisa mumwenga achidza achimu sujudia. Achimwamba,"Mwanangu wa chiche adzefa sasa vivi kare. ela nzo umwikire mukono naye andaishi keheri." ¹⁹Ndiho Jesu achuka achimutua, hamwenga na anafunzie²⁰Mwanamuche ambaye wekala achifudza mulatso kwa muda wa miaka kumi na miiri, achidza hehi na Jesu achiguta pindo ra vazire. ²¹Kwa kukala weamba, "Endaho nichiguta vazire nami nindapata kuhola. ²²Jesu achigaluka achimulola, achimwambira, "Mwanangu, dzipe moyo, imaniyo idzikuhoza." Haho kare, Mwanamuche achihochera uzima.²³Jesu arihofika ya yuyatu afisaa, naye wemvaona apigaji tarumbeta na umati wa atu variokala vachipiga kululu. ²⁴Jesu achamba, "Ombolani mumu (haha) kwakukala yuyu mwana kadzafa bali yurere tu. Ela, mvachimutseka na kumukejeli.²⁵Umati wa atu variho ombozwanze, Jesu achenjira chumbani, achimugwira mukono naye Msichana achilamuka. ²⁶Habari zizi zeenera mudzi muzima.²⁷Jesu arihokala yudzombola kuko, vipofu airi ana alume vachimutua. Vachitua kupiga kululu vachamba, " Hakuvoya uhurehemu, Mwana wa Daudi." ²⁸Chipindi Jesu arihokala afika kwa nyumba ya o vipofu varekudza kwakwe, Jesu achivauza, "Mwa amini kwamba naweza kugahenda gano?" Vachimujibu, " Ndio, Bwana."²⁹Ndiho Jesu achivaguta matso na kwamba, "Navikale vivyo kwenu here imani yenu irivyo." ³⁰Nao matso gachifuguka. Ndiho Jesu achisisitiza na achiva amuru, "Hakikishani mutu yoyosi asirimanye jambo riri rihendeka." ³¹Ela, atu aa airi vachuka na vachitangaza habari zizo mudzi muzima.³²Ndiho aratu ana alume eri varihokala venenda zao, mutu mumwenga bubu ariyekala apagawa ni pepo achirehewa kwa Jesu. ³³Pepo mvariho mombola yuyatu mutu bubu weanza kunena. Umati vachishangaa na kwamba, "Vivi kavidzawahi kuhendeka kahi za mudzi wa Iziraeli. ³⁴ela mafarisayo vachamba, "Kwa mubomu a pepo, wavainga pepo"³⁵Jesu achizunguluka kwenye midzi na vijiji vyosi. Achenderera kufundisha atu kahi ya Masinagogi achihubiri Injili ya ufalume na kuhoza makongo ga chila namuna. ³⁶Wakati ariholola umati, naye achimvonera mbazi kwa sababu vesumbuka na kuvunzika mioyo. Mvekala here ng'onzi zisizo na murisa (mchungaji)³⁷Naye achimvambira anafunzie, "Mavuno ni manji, ela ahenzi kazi ni achache." ³⁸Vivyo bai, upesini mumuvoye Bwana wa mavuno, ili aweze kuhuma ahenzi kazi kwa ajili ya mavuno.

Chapter 10

¹Jesu achiveha anafunzie kumi na airi hamwenga, achiapa mamulaka dzulu ya pepo achafu, kuachemera na kuomboza, na kuhoza aina yosi ya makongo.²Madzina ga mitume ao kumi na airi ni gaga; Ra kwanza ni Simioni (ariye pia weehewa Petero), na Andrea nduguye, Jakobo mwana wa Zebedayo na Johana nduguye. ³Filipo na Batholomayo, Thomasi na Mathayo mutoza ushuru, Jakobo mwana wa Alifayo, na Tadeo; ⁴Simioni Mkananayo na Judasi Isikariyot ariye musaliti.⁵Mvamva kumi na airi Jesu wevahuma. Na iye achimvelekeza achiamba, "Msendeni sehemu mvaishio mataifa na musenjireni kahi ya midzi ya Asamaria. ⁶Badelaye enendani kwa ng'onzi zirizo angamika za nyumba ya Iziraeli; ⁷Na vyo mwendavyo, hubirini mwambe, "Ufalume wa Mulunguni uhehi.⁸Hozani akongo, fufulani afadzi, asafisheni enye mahana, chemerani na kuinga pepo. Mwepewa bule, namwi lavyani bule. ⁹Musihaleni dhahabu, alimasi au shaba kwenye pochi zenu. ¹⁰Musihaleni mikoba kahi za safari zenu, wela nguo za akiba (kuzidi), virahu au bakora (fimbo), kwakukala muhenzi kazi wasitahili wari wa kwakwe.¹¹Mudzi wowosi au chidzidzi mundicho enjira, kahi za nyumba, mutafuteni ambaye wastahili na musagale haho hadi mundiho uka. ¹²Mundiho enjira nyumba ya mutu, lamusani. ¹³Ichikala nyumba yastahili, amani yenu naibaki haho. Ela, ichikala nyumba kaistahili, amani yenu yuke hamwenga namwi.¹⁴Kwa mvaratu mvasio muhochera mwimwi au kumusikiza maneno genu, wakati mwauka kahi za iyo nyumba ama uwo mudzi, kutani vumbi ra magulu genu hatu haho. ¹⁵Ujeri namvambira, indakala kusitahimili muno (zaidi) midzi ya Sodoma na Gomora siku ya hukumu kuriko mudzi uwo.¹⁶Lolani, namvahuma here ng'onzi kahikahi ya kuro mwitu, kwavivyo kalani na ulachu here nyoka na upore here magia (njiwa). ¹⁷Mukale makini na atu, mvandamulavya kwenye mabaraza, na mvandamupiga kwenye masinagogi. ¹⁸Mundahirikwa mbere za abomu na afalume kwa ajili yangu here ushuhuda kwao na kwa mataifa.¹⁹Chipindi mvandiho mushutumu, musikale na wasiwasi kwa jinsi yani au kwa hiro mundiro rinena, riro ra kunena mundapewa wakati uwo. ²⁰Kwa kukala simwimwi mundio gomba bali Roho wa Paba yenu andanena ndanini mwenu.²¹Ndugu andamulavya nduguye afe, na Paba andamulavya mwanawe. Ana mvandainuka dzulu ya azazi ao na mva asababishire vifo. ²²Namwi mundachukiwa ni chila mutu kwa sababu ya dzina rangu. Ela yoyosi andiye vumirira hadi mwisho, mutu iye andaokolwa. ²³Mvachiatesa kahi za mudzi uu, chimbirirani mudzi munjine kwa ujeri namvaambira, kamundaimala midzi ya Iziraeli kabla Mwana wa Adamu kadzauya.²⁴Mwanafunzi si mubomu kuriko mwalimuwe, wela mutumwa ariye dzulu ya Bwanawe ²⁵Yatosha kwa mwanafunzi akale here mwalimuwe, na mtumishi akale here Bwanawe. Ichikala mvamweha Bwana wa nyumba Beizabuli, ni kwa chasi chani zaidi mvandamvakashifu atu a nyumbani mwakwe!²⁶Kwa vivyo bai, musimvogohe ao, kwakukala kakuna jambo ambaro karindafugulwa, na kakuna ririro fitsika ambaro karinda manyikana. ²⁷Chiratu muchisikiracho chizani, muchigombe mwangazani, na muchisikiracho kwa upore masikironi, muchitangaze ta dzulu ya nyumba.²⁸Musimvaogohe aratu ambamvo mvaolaga mwiri ela kamvana uwezo wa kolaga roho. Badelaye, mogoheni yuyatu ambaye ana uwezo wa kwangamiza (kolaga) mwiri na roho kuratu kuzimu. ²⁹Je, kasuku airi kamvakuzwa senti chache? Hata vivyo, kakuna awezaye kugwatsi bila Paba yenu kumanya. ³⁰Ela hata idadi ya nyere zenu zetalwa. ³¹Musogoheni, kwakukala muna thamani bomu kuriko mashomoro.³²Kwa vivyo, chila mumwenga andiye nikubali mbere za atu, nami pia ninda mukubali mbere za Paba yangu ariye Mulunguni. ³³Ela iye andiye nikana mbere za atu, nami pia nindamukana mbere za Paba ariye Mulunguni³⁴Musifikirini kukala nekudza reha amani duniani. Sidzire reha amani bali upanga. ³⁵Kwa kukala nekudza henda mwana aminyane na Pabaye, mwana wa chiche aminyane na mameye na mkaza mwana aminyane na Mameye vyela. ³⁶Hadui a mutu vandakala aratu a nyumbani mwakwe.³⁷Iye amuhenzaye Pabaye ama Mameye zaidi kuniriko mimi, kanisitahili. Na iye amuhenzaye chijanawe ama bintiwe zaidi kuniriko mimi pia kanisitahili. ³⁸Iye ambaye kanda utsukula muselaba na kunitua mimi, kanisitahili ³⁹Iye athaminiye maisha andaga angamiza. Ela iye andiye angamiza maishage kwa kunitua mimi andagapata.⁴⁰"Iye andiye mvakaribisha nyinyi, adzini karibisha mimi, na andiye nikaribisha mimi adzimukaribisha iye ariye nilakiza mimi. ⁴¹Na iye andiye mukaribisha nabii kwa sababu ni nabii, andahochera thawabu ya nabii. Na iye andiye mukaribisha mwenye haki kwa kukala ni mutu wa haki, andahochera thawabu ya mutu wa haki.⁴²Yoyosi andiye mupa mumwenga wa atite aa, chikombe cha madzi ga peho kunwa, kwa kukala ni Mwanafunzi wangu, hakika navaambira kandakosa thawabu."

Chapter 11

¹Jesu ariho marikiza kumvaelezera anafunzie kumi na airi, weuka achenda fundisha na kuhubiri kahi za midzi yao. ²Johana Mubatizaji ariho sikira kuhusu mahendo ga Jesu Masihi, achihuma ujumbe (Kula jela) kuchirira kpwa anafunzie, nao vachimuza, "We ndiwe udzaye ama kuna munjine ambaye yahupasa humurinde?" ³na wachimuuza, "Uwe ni iye ajaye, au kuna mwinjine tunapaswa kumtazamia?"⁴Jesu achivajibu "Endani mukamweleze na kumwambira Johana Mubatizaji gago mugonago na go musikirago. ⁵Vipofu mvaona, viwete mvenenda, enye mahana mvahola, viziwi mvasikira, afu mvafufulwa, na Injili yahubiriwa kpwa masikini. ⁶Abarikiwa mutu asiyekala na hofu dzulu yangu."⁷Atu mvariho uka, Jesu achanza kugomba na umati dzulu ya Johana, "Mwenda lolani ko jangwani-tefe zichisumbishwa ni peho? ⁸Ela ninoni murekwenda lola- mwanamulume adzevela nguo laini? kpwa ujeri, mvamvelao mavazi mororo nikusagela kahi za nyumba za afalume.⁹Ela mweuka kukola noni-Nabii? Ndio, namwambira, ga ariye zaidi ya Nabii. ¹⁰Yuyu ndiye ariye andikirwa, lola, namuhuma mujumbe wangu mbere za usowo ambaye andatengeza njira kabla uwe."¹¹Ujeri namwambira, kahi za mvariovyalwa ni ache, kakuna ambaye ni mubomu kuriko Johana Mubatizaji. Ela ariye mutite kahi za ufalume wa Mulunguni ni mubomu kuriko iye. ¹²Hangu siku za Johana mubatizaji, mpaka sasa, ufalume wa Mulunguni ni wa nguvu, na enye nguvu nikuuhela kpwa nguvu.¹³kpwa kukala Manabii osi na sheria, mvekala mvachitabiri mpaka wakati wa Johana; ¹⁴na kala mutayari kugakubali gaga, be yuyu ndiye iye Eliya arekala adze. ¹⁵Ariye na masikiro ga kusikira, na asikire.¹⁶Nichilinganishe na noni chizazi chino? Ni mufano wa ahoho mvasasigao maeneo ga sokoni, mvachehana ¹⁷na kpwamba, "Hweapigira chivoti ela kamuvinire. Hweomboleza wela kamuririre."¹⁸kpwa kukala Johana wekudza bila kurya mukahe wela kunwa muvinyo, vachamba, "Ana pepo muchafu." ¹⁹Mwana wa Adamu wekudza achirya na kunwa naye mvachamba, "Muloleni, ni mulafi na murevi, musena wa atoza ushuru na enye dambi! ela hekima yathibitishwa ni mahendo."²⁰Jesu weanza kuichemera midzi ambayo wemuhenda miujiza kpwa sababu vekala kamvadza tubu. ²¹Ole wako, kolazini! Ole wako Bethisaida! kpwa miujiza mibomu irohendeka kwenu, kalaho Miujiza iyo yehendeka Tiro na Sidoni, mvandekala mvetubu kapindi kpwa kumvela magunia na kudzihaka ivu. ²²Ela namvambira, indakala rahisi kpwa Tiro na Sidoni kusitahimili siku za hukumu kuriko mwimwi.²³Uwe Kapenaumu, wafikiria undenulwa hadi Mulunguni? Hata bule, undateremushwa mpaka tsini kuzimu. Here kpwa Sodoma, hata kundehendeka miujiza here irivyo hendeka kpwako, bado vandebaki ta rero. ²⁴Ela nanena vivi, indakala rahisi kpwa ntsi ya sodoma kwema siku za hukumu kuriko uwe."²⁵Muda uwo Jesu achamba, "Nakusifu uwe, Paba, Bwana wa Mulunguni na ntsi, kpwa sababu wemvafitsa mambo gaga enye hekima, na ufahamu, na uchigafunula kpwa ahoho atite. ²⁶Paba kpwa kukala wemvihenza matsoni mwako. ²⁷Mambo gosi gekabidhiwa kpwangu kula kpwa Paba, na kakuna amumanyaye Paba isihokala mwana, na yoyosi ambaye mwana wahenza kumufunurira.²⁸Nzoni kpwangu, mwimwi musumbukao na kuremerwa ni misigo miziho, nami nindamoyeza. ²⁹Dzenjizeni nira yangu na mudzifundishe kula kpwangu, kpwa kukala mimi ni mupore na munyenyekevu wa moyo na mundapata kuoya mioyoni mwenu. ³⁰kpwa kukala nira yangu ni nyembamba na musigo wangu wamvemva (ni mwepesi).

Chapter 12

¹Wakati uwo Jesu wekwenda siku ya sabato kuchirira na minda ya atu. Anafunzie mvachikala mvana nzela mvachanza kuvunza masuche kurya. ²Ela mafarisayo mvariho ona gago, mvachimwambira Jesu, "Lola anafunzio mvavunza sheria mvahenda gasigo ruhusiwa siku ya sabato."³Jesu achimvajibu, "Kamudza soma jinsi Daudi arivyo henda wakati arihokala ana nzela hamwenga na atue arivokala nao? ⁴arivyo enjira ndani ya nyumba ya Mulungu na kuirya mikahe iriyoikwa wakfu ambayo yekala si helali kwakwe kuirya na ariokala anao, ela helali kwa makuhani.⁵Bado kamudzasoma kahi za sheria, kwamba kahi za siku za sabato makuhani ndani ya hekalu nikubananga sabato, ela kamona makosa (hatia)? ⁶Ela navamba, ariye mubomu kuriko ro hekalu munaye haha.⁷kala mungerifahamu riri rmaanishani, "Nathamini rehema, wela si dhabihu," musinge mvahukumu mvasio na makosa. ⁸Kwa kukala Mwana wa Adamu ndiye Bwana wa sabato."⁹Kisha Jesu achuka haho achenda kahi za sinagogi. ¹⁰Kwekala na mutu ariye kala yuholoza mkono. Mafarisayo mvachimuza Jesu, mvachimwamba, "Je, ni helali kuhoza mutu siku ya sabato?" ili kwamba mvaweze kumushitaki kwa kuhenda makosa (dambi).¹¹Jesu achivaamba, "Ni hiye kahi yenu, ambaye ichikala ng'onziye mwenga, na iyo ng'onzi ichigwa ndani ya wina (dingwi) siku ya sabato, kandaigwira na kuyomboza ndani ya o wina (ro dingwi)? ¹²Je, nihicho chenye thamani zaidi, kwani mutu, si zaidi ya ng'onzi! Kwa vivyo ni helali kuhenda madzo siku ya Sabato."¹³Kisha Jesu achimwamba ye mukongo, "Hebu nyosha mukono." Achinyosha, nao uchihola uchikala here o munjine muzima. ¹⁴Ela mafarisayo mvachombola na kupanga jinsi mvandivyo mwangamiza. Mvetafuta na kupanga njira ya kumolaga.¹⁵Jesu arihomanya jambo riri, achihauka haho. Atu anji mvemutua, naye achivahoza osi. ¹⁶Wemva amuru mvasimutangaze kwa atu. ¹⁷ili ritimire, ririro nenwa ni Nabii Isaya, kwamba,¹⁸"Lola, mutumishi wangu niriye mutsagula, muhenzwi wangu, kahi za iye nafsi yangu iridhika (iradhi). Nindaika Roho wangu dzuluye naye andaitangaza haki kwa mataifa.¹⁹Kandahangaika wela kurira; wela kakuna andesikira sautiye vichochoroni. ²⁰Kandavunza mwanzi udzio pondeka; kandazima tambi yoyosi yombozayo mosi, mpaka hukumu ya haki indiho shinda, ²¹Na kwa dzinare, mataifa vandakala na tamaa.²²Mutu fulani chipofu na bubu, arekala yupagawa ni pepo achafu, achirehewa kwa Jesu. Achihozwa chiwango cha kona na kunena. ²³Umati wosi uchishangaa,vachamba, "Yawezekana mutu yuno akale ni Mwana wa Daudi?"²⁴Ela wakati mafarisayo variho sikira kuhusu uu muujiza, vachamba, "Yuyu mutu komboza pepo kwa nguvuze mwenye isiho kala kwa nguvu za Belizebuli, mubomu wa Pepo osi achafu." ²⁵Jesu achimvamanya maazo gao achivaamba, "Chila ufalume udzogavika wenye, nikubanangika, na chila mudzi ama nyumba idzo gavika kaiweza kwema.²⁶Ichikala shetani andamusa shetani, be yugavika iye mwenye. Ufalume we undemadze? ²⁷Ichikala nomboza pepo kwa nguvu za Belizebuli, afuasi enu mvandaomboza kwa njira yani? Kwa ajili ya riri be mvandakala mahakimu enu.²⁸Ela, ichikala naomboza pepo kwa Roho wa Mulungu, be ufalume wa Mulungu udziafikira. ²⁹Mutu wawezadze kwenjira nyumba ya mwenye nguvu na akaeya bila kumufunga nyugwe kwanza? ³⁰Yoyosi asekala hamwenga nami, yu chinyume nami, naye asiye kusanya hamwenga nami, watawanya.³¹Vivyo navaambira, chila dambi na kufuru vanenazo anadamu zaweza kusamehewa, ela kufuru kwa Roho wa Mulungu kainda samehewa katu. ³²Yoyosi anenaye chinyume ya Mwana wa Adamu, andasamehewa. ela andenena chinyume na Roho Mtakatifu, kanda samehewa, si urimwengu uu wela udzao.³³Uhende muhi kukala mudzo na tundare, ama uhende muhi ukale mui na tundare, maana muhi watambulika kwa tundare. ³⁴Mwi chizazi cha nyoka, kwa sababu muai, mwawezadze kutamuka madzo? Maana kula kwa manji garigo moyoni, mulomo ndo wanena. ³⁵Mutu mudzo kahi za akiba mbidzo, zirizo moyoni womboza madzo, na mutu mui kahi za akiba mbii zirizo moyoni, womboza go mai.³⁶Naamba vivi, siku ya hukumu chila mutu andelavya hesabuye kwa chila neno aroritamuka. ³⁷Kwa sababu, kwa chila neno undatalwa haki, na kwa chila neno undenjira hukumuni."³⁸Baadhi ya aandishi na Mafarisayo mvachimujibu Jesu vachamba, " Mwalimu, hwavoya kunyeswa ishara (Muujiza) kula kwako." ³⁹, Ela Jesu achivajibu achiamba, "Chizazi chii na chishenzi nikutafuta ishara (miujiza). ela kakuna ishara indo onyeswa kwao zaidi ya muujiza wa Nabii Jonah. ⁴⁰Here jinsi Nabii Jonah arivyo ishi tumboni mwa samaki siku tahu usiku na mtsana, vivyo ndivyo mwana wa Adamu andivyo kala siku tahu Mtsana na usiku kaburini.⁴¹Atu a Ninawi mvandaema mbere za hukumu hamwenga na chizazi cha atu a chizazi chichi na kumvahukumu. Sababu mvetubu wakati wa mahubiri ga Jonah; Lolani, mutu mubomu zaidi ya Jonah tiyu yuhaha.⁴²Malikia wa kusini andaenuka siku ya hukumu hamwenga na atu a chizazi chichi na kumvahukumu. Wekudza kula mwisho wa dunia kusikira hekima ya Mufalume Selemani; Lolani, mumwenga mubomu zaidi ya Selemani tiyu yuhaha.⁴³Wakati pepo muchafu amuricha mutu, nikuchirira sehemu ziso na madzi kutafuta hatu ha kuoya, ela asipate. ⁴⁴Kisha nikwamba, "Nindauya kwangu nyumbani niriko laa." Achiuya, apate nyumba ni tuhu- yesherwa na ichipangwato. ⁴⁵Be wenda, akahale anzie fungahe ai zaidi kumushinda, vadze vaishi mumo. Hali ya iye mutu sasa yakala mbii zaidi kuriko ho mwanzo. Vivyo ndivyo chindekala chizazi chichi chii."⁴⁶Jesu ariho kala bado achere kunena na kusanyiko ra atu, lola, mameye na nduguze mvachikala mvanze, mvamala kunena naye. ⁴⁷Mumwenga achimwamba, "Lola, mameyo na nduguzo achilume mvanze mvamala kunena nawe."⁴⁸Ela Jesu achimujibu achimwamba, "Mame ni hiye na ndugu zangu ni hio?" ⁴⁹Achinyosha mukono upande kuriko kala anafunzie achamba "Lola, aa ndo Mame na ndugu zangu! ⁵⁰Maana chila ahendaye mahenzo ga Paba ariye Mulunguni, iye ndiye ndugu yangu wachilume, ndugu yangu wachiche na mame."

Chapter 13

¹Siku iyo Jesu achombola nyumbani achenda sagela ufuo wa bahari. ²Kundi bomu ra atu mvachikusanyika kumuzunguluka, sasa achenjira kahi za mashua achiricha kundi ra atu ufuoni.³Kisha Jesu achimvambira mambo manji sana kwa mafumbo. Achamba, "Lolani, mukurima mumwenga wekwenda achinyela mbeyu. ⁴Hali achizinyela, mbeyu zinjine zichigwa kanda kanda ya barabara, tsongo mvachidza mvachizitota. ⁵Mbeyu zinjine zichigwa dzulu ya iwe, kazipatire mutsanga wa kutosha. Zichimera haraka sana, kwa sababu mutsanga wekala kautosha. ⁶Ela dzua ririho aka, mimeraye ichisha maana yekala kaina mizi, ichinyauka.⁷Mbeyu zinjine zichigwa kahi za mihi ya miya. Miya ichikula ichilingila mimeya ichifa. ⁸Mbeyu zinjine zichigwa kahi za mutsanga mudzo wa rotuba, ichivyela ndo mazao, manjine mara gana zaidi, manjine mara mirongo mihandahu zaidi, manjine mara mirongo mihahu zaidi. ⁹ariye na masikiro, na asikire."¹⁰Anafunzi mvachimutua Jesu mvachimuza, "Mbona wanena kwa kundi ra atu kwa mafumbo?" ¹¹Jesu achimvajibu achimvamba, "Mwimwi mudzipewa nafasi kuelewa mambo gahendekago kahi za ufalume wa Mulungu, ela mvamvo kamvapewerwe. ¹²Maana yoyosi ariye nacho andapewa vinjine, naye andakala na vinji. Ela yoyosi asekala nacho, be ta cho chichache aricho nacho andahokwa.¹³Iyo ndo sababu nanena nao kahi za mafumbo: Idzaho mvaona, kamvaona; na idzaho mvasikira, kamvasikira, wela kamvaelewa. ¹⁴Kwao mvamvo, unabii wa Isaya ukamilika, wambao, "Kusikiza, mundasikira, ela kamundaelewa; kulola, mundaona, ela kamundamanya.¹⁵Kwa kukala maroho ga mvamva atu gakala mafu, na kwa masikiro gao kamvasikira, na matso pia mvagafunga. Sevyo, mvandeona kwa matso gao, mvakasikira kwa masikiro gao na mvakaelewa na maroho gao mvaka galuka, nami nindeahoza."¹⁶Ela matso genu gabarikiwa, kwa kukala gaona; na masikiro genu, kwa kukala gasikira. ¹⁷Ujeri namvaambira kukala Manabii anji na atakatifu mvetamani kugaona gaga mugaonago ela kamvagaonere. Mvetamani mvagasikire gaga mugasikirago, ela kamvagasikirire.¹⁸Sikizani sasa fumbo ra mukurima arenyela mbeyu. ¹⁹Mutu yoyosi achisikira neno ra ufalume wa Mulungu ela asirelewe, shetani nikudza akanyakua yo mbeyu idziyo nyalwa mwakwe rohoni. Ii ndiyo mbeyu iriyonyalwa kandakanda ya barabara.²⁰Zirizo nyalwa kahi za mawe ni mutu ambaye nikusikira neno na kurihochera kwa furaha, ²¹isihokala kala mizi ndaniye kwa vivyo wakala naro muda mufuhi sana. Majezo, misukosuko ama mateso gachimupata kwa sababu ya riro neno, wauya na nyuma.²²Zirizo nyalwa kahi za mihi ya miya, yuyu ni mutu ambaye nikusikira neno, ela mambo ga duniani na ulongo wa utajiri ukamuzunguluka, naye akabaki bila chivyazi. ²³Mbeyu iriyonyalwa kahi za mutsanga wa rutuba, yuyu ni yuyatu mutu ambaye wasikira neno na kurelewa. Nikuvyela matunda na chakurya, kwa mara gana mwenga, kunjine mara mirongo mihandahu na kunjine mara mirongo mihahu zaidi ya zirizo nyalwa."²⁴Jesu achimvapa fumbo rinjine. Achimvambira, "Ufalume wa Mulunguni ni here mutu arenyela mbeyu mbidzo sana mwakwe mundani. ²⁵Ela atu mvariho kala mvarere, haduiwe achenda naye achinyela mbeyuye mbii kahi ya iyo mbeyu mbidzo kisha achihauka. ²⁶Mimeya ichimera, mazao gachipatikana, yo mbeyu mbii nayo ichonekana.²⁷Ahenzi kazi a mwenye munda mvachidza mvachimwambira, 'Bwana, kunyalire mbeyu mbidzo yenye mwako mundani we? Sasa magugu (kwekwe) gadzilaa nahi?' ²⁸"Mwenye munda achimvaambira, 'Hadui ndiye adziye gahenda gago.' Ahenzi kazi e mvachimwambira, 'Sasa wamala hwende hukaburuge?'²⁹"Mwenye munda achimvaamba, 'Hata bule. Kwa sababu hali muchiburuga, mwaweza mukarima hata iyo ngano. ³⁰Richani ngano na magugu vimere hamwenga mpaka wakati wa kuvuna. Ichifika wakati wa kuvuna, nindamvaambira avunaji, "Kwanza ombozani magugu gosi, gafungeni hamwenga mugoche, ela ngano ikusanyeni mwike mwangu pelani."³¹Kisha Jesu achimvapa fumbo rinjine. Achimvamba, " Ufalume wa Mulungu uhere tembe ya haradali ambayo mutu wekwenda inyela mundani kwakwe. ³²Tembe ya haradali ndo tite zaidi ya tembe zosi. Ela ichidzakula, muhiwe ni mubomu zaidi ya mihi yosi. Yakala muhi ambao tsongo osi angani nikujenga vitsunzi kahi za tagaaze.³³Jesu achimvaambira fumbo rinjine. "Ufalume wa Mulunguni ni here tsatsu ambayo mwanamuche wehela achiitsanganya na vipimo vihahu vya unga mpaka uchumuka."³⁴Gaga gosi Jesu wemvaambira atu kwa mafumbo; na kamvambirire chochosi isihokala kwa fumbo. ³⁵Vivi wevihenda ili gosi arigonena kuchirira Nabii gatimire, ariho amba, "Nindafugula mulomo wangu kwa mafumbo. Nindanena mambo ambago gefitswa kula mwanzo(musingi) wa dunia."³⁶Kisha Jesu achimvaricha kundi ra atu achenda nyumbani. Anafunzie mvachidza mvachimwambira, "Hwelezere fumbo ra mbeyu mundani." ³⁷Jesu achiajibu achamba, "Anyelaye mbeyu mbidzo ni Mwana wa Adamu. ³⁸Munda ni dunia; mbeyu mbidzo ni ana a ufalume. Kwekwe ni ana a muovu shetani, ³⁹na hadui ariyekudza nyela mbeyu mbii ni shetani. Mavuno ni mwisho wa dunia, na avunaji ni malaika.⁴⁰Kwa vivyo, hali kwekwe zichikusanywa na kuochwa na moho, ndivyo vindivyo kala mwisho wa dunia. ⁴¹Mwana wa Adamu andahuma malaikae, namvo mvandakusanya kula kwa ufalume wa kwakwe osi mvario vikwazo na mvasotua malakizo ga Mulungu. ⁴²Mvandamvatsuha kwenye moho, kwenye kundakala na viriro na kusaga meno. ⁴³Ndiho atakatifu mvandang'ela here dzua kahi za ufalume wa Paba yao. Mwenye masikiro, na asikire.⁴⁴"Ufalume wa Mulunguni u here chitu cha thamani bomu chirefitswa chiwanjani. Mumwenga achichipata achichifitsa hakwe. Kahi ya raha za kwakwe, achenda achikuza chila chitu chiricho chakwe, achigula riro shamba arimofitsa cho chitu. ⁴⁵Keheri, ufalume wa Mulunguni ni here mumwenga ariye na biashara atafutaye lulu yenye thamani. ⁴⁶Achipata mwenga iriyo ya thamani sana, achenda achikuza chila chitu aricho nacho achenda igula iyo lulu mwenga.⁴⁷Kisha, ufalume wa Mulunguni ni here nyavu iriyo tandwa baharini, ichigwira chila aina ya samaki. ⁴⁸Irihodzela samaki, avuvi mvachiivuha ufuoni. Kisha mvachikwatya kutsagula samaki adzo mvachenjiza kwenye pakatsa, mvara ai mvachiatsuha.⁴⁹Indakala vivyo mwisho wa dunia. malaika mvandadza mvaatenganishe atakatifu na enye dambi. ⁵⁰Mvanda atsuha enye dambi mohoni, kundiko kala na viriro na kusaga meno.⁵¹"Mudzelewa gosi gano?" Anafunzie mvachijibu, "Ndio." ⁵²Kisha Jesu achimvaambira, " Kwa vivyo chila mwandishi adziyekala mwanafunzi kwa ufalume wa Mulunguni ni here mutu mwenye nyumba, ombozaye vitu vya kapindi na visha kula kwa hazinaye." ⁵³Ndiho ichifika wakati Jesu achikala yumarikiza mafumbo ga kwakwe, achihauka haho.⁵⁴Kisha Jesu achenjira sehemu ya kwao achenda fundisha kahi za sinagogi. Mvachimushangaa sana na mvachamba, " Yuno mutu wapatahi hekima ino na wapatahi zino nguvu za kuhenda miujiza? ⁵⁵Yuno si mwana wa yuya seremala? Mameye si Maria yuno? Nduguze, si Jakobo, Jesefu, Simioni na Judasi? ⁵⁶Nduguze achiche si mvamva mvario nasi? Wegapatahi gosi gano?"⁵⁷Mvachitsukirwa sababu yakwe. Ela Jesu achimvaamba, "Nabii kana heshima kwao na kwa atue." ⁵⁸Kahendere miujiza minji kuko kwa sababu ya kutsa kwamini kwao.

Chapter 14

¹Wakati uwo, Mufalume Herode achisikira habari za Jesu. ²Achimva ambira atumishie, "Yuyu ni Johana Mubatizaji; afufuka kula kuzimu (kwa wafu). Kwa vivyo, ndo nguvu ziz zi dzulu ye."³Maana Herode wekala yumufunga Johana, achimuhirika jela kwa sababu ya Herodia, arekala mulamuwe-mukaza Filipo. ⁴Kwa kukala Johana wekala amwambira, "Si sheria na si haki uwe Herode kumuhela here mucheo." ⁵Herode wemala kumolaga, ela achogoha atu maana vemumanya Johana Mubatizaji here Nabii.⁶Siku ya sherehe ya kuvyalwa kwa Herode irihofika, mwana wa Herodia wa chiche achivina mbere za ajeni a mufalume mpaka Herode achitsamirwa. ⁷Majibuge, ichikala kumuahidi kwa kurya chiraho kukala andamupa chochosi andicho chimala kwakwe.⁸Baada ya kuelekezwa ni mameye, achamba, "Nirehera haha kwenye sahani, chitswa cha Johana Mubatizaji." ⁹Mufalume achisikitika kwa voyo riro, ela kwa sababu wekala yudzerya chiraho mbere za atu osi mvarokala hamwenga naye chakuryani, achiamurisha rihendeke jambo riro.¹⁰Achihumana na chitswa cha Johana Mubatizaji chichenda katwa kuko jela. ¹¹Chitswa chichirehewa kwenye sahani, musichana achichipewa achenda mupa mameye. ¹²Anafunzi a Johana mvachidza hela mwiri, mvachenda uzika. Baadaye, mvachenda mwambira Jesu.¹³Jesu ariho sikira, achikulaa kuko ndani ya mashua achenda sehemu za mafitsoni. Makundi ga atu variho sikira vivyo, mvachimutua kuko kwa magulu kula midzini. ¹⁴Ndiho Jesu achimvatua, achona kundi ni bomu achikala na huruma kwao achimvahoza akongo ao.¹⁵Irihofika dziloni, anafunzie mvachidza mvachimwambira, "Ii ni sehemu ya kwanda, na dzulo rifika, Mvainge ano atu, ili mvaweze kwenda vijijini mvakadzigulire chakurya."¹⁶Ela Jesu achimvaamba, "Kavana haja ya kwenda. Mvapeni chakurya mvarye." ¹⁷Mvachimwamba, "Haha huna mikahe mitsano na samaki airi." ¹⁸Jesu achamba, "Mvareheni kwangu."¹⁹Ndiho Jesu achiamuru atu mvasagale uwanjani. Achihela yo mikahe mitsano na o samaki airi. Achenula chitswa achilola Mulunguni, achibariki, achikata kata mikahe achimvapa anafunzie, anafunzi mvachiapa atu mvachirya. ²⁰Osi mverya kwekuha. Baadaye, masela gosi gachikusanywa-Kahu kumi na mbiri tele. ²¹Mvariorya mvekala here atu elifu tsano, ache na ahoho kanda.²²Upesi achilakiza anafunzi mvenjire mashua mvende mbereze upande wa hiri, hali achi atsamusa atu. ²³Baada ya kumvatsamusa, achenda dzulu ya murima hacheye achivoya. Dzulo ririho fika, wekala yukuko hacheye. ²⁴Ela mashua ichikala ikure sana na ufuo kahi ya bahari, sababu ya kusukumwa ni maimbi ga bahari, maana peho yekala yapiga upande wao (yekala mbii)²⁵Kahi za usiku wa zamu ya nne, Jesu achimvatua, kuno wenenda dzulu ya bahari (madzi). ²⁶Anafunzi mvariho mona wenenda dzulu ya madzi, mvachitatizika mvachamba, "Ni pepo!" nao mvachikwatya kupiga kululu za woga. ²⁷Ela Jesu achinena namvo achimvambira, "Dzipeni moyo, ndimi! Musogoheni."²⁸Petero achimujibu achimwamba, "Bwana, kala ndiwe niamuru nikutue dzulu ya madzi." ²⁹Jesu achimwamba, "Nzo." Petero achombola kula kwa mashua achenenda dzulu ya madzi kumutua Jesu. ³⁰Ela Petero ariho ona uziho wa maimbi, achanza kogoha. Achikwatya kuzama, acheha kwa sauti achamba, "Bwana nokola!"³¹Jesu achigoloza kare mukono, achimugwira Petero, achimwamba, "Uwe mwenye imani chache, mbona udzogoha?" ³²Jesu na Petero mvariho enjira kahi za mashua, kusi richiricha. ³³Ndiho anafunzi kahi za mashua mvachi muabudu Jesu mvachamba, "Ni jeri uwe u Mwana wa Mulungu."³⁴Mvariho kala mvadzivuka, mvachifika ntsi ya Genesareti. ³⁵Atu a sehemu iyo mvariho mutambua Jesu, mvachihuma ujumbe chila hatu jirani mvachimurehera chila mutu arekala mukongo. ³⁶Mvachimuvoya kala mvanderuhusiwa hata kuguta tu vazi ra kwakwe, na chila ariye riguta achihola.

Chapter 15

¹Ndiho mafarisayo na aandishi vachidza kwa Jesu kula Jerusalemu. Vachuza, ²"Kwa noni anafunzio vakahela kutua mila za atumia? Maana vachirya kavoga mikono." ³Achivajibu achivamba, "Be mbona mwi mwahenda chinyume na sheria za Mulungu kwa sababu ya mila zenu?⁴Kwa maana Mulungu weamba, " Muheshimu Pabayo na Mameyo,' na 'Anenaye mai kuhusu pabaye ama mameye hakika andafa.' ⁵Ela mwamba, 'Yoyosi amwambaye pabaye ama mameye, 'Msaada wowosi ambao undeuhochera kula kwangu ni zawadi kula kwa Mulungu" ⁶mutu iye kashurutishwa kumuheshimu pabaye.' Kwa njira ii, mudzi rihenda neno ra Mulungu kukosa maana (mudzirigaluza) kwa niaba ya tamaduni zenu.⁷Anafiki! Ni jeri Nabii Isaya wetabiri kuahusu ariho amba, ⁸' Kwa ndimi zao ndo atu mvamva mvaniheshimu, ela roho zao zikure sana nami. ⁹Mvaniabudu bule kwa sababu mvafundisha mafundisho garigo malakizo ga anadamu."¹⁰Kisha achieha kundi achivaamba, "Sikizani na munielewe- ¹¹Kakuna chitu chenjiracho mulomoni mwa mutu chiwezacho kumwenjiza najisi. Isihokala chombolacho mulomoni mwakwe."¹²Ndiho anafunzi vachimutua Jesu vachimwamba, "Wamanya mafarisayo vetsikirwa variho sikira manenogo?" ¹³Jesu achivajibu achivamba, "Chila muhi ambao Paba wa Mulunguni kaunyalire undang'olwa. ¹⁴Richanani nao, ni vilongozi chipofu. Chipofu achilongoza chipofu munziwe, vosi vandenjira kwenye dingwi."¹⁵Petero achijibu achimwambira Jesu, "Hwelezere maana ya fumbo rino." ¹⁶Jesu achimuza, "Bado kamudza elewa? ¹⁷Kamwelewa kala chochosi chenjiracho tumboni chombola mselani?¹⁸ela vyombolavyo mulomoni vila na moyoni. Ndo vitu vyenjizavyo mutu najisi. ¹⁹Sababu, kula kwa moyo wa mwanadamu, mawazo machafu, kolaga, uzinzi, Uasherati, wevi, ushahidi wa ulongo, na matusi. ²⁰Vivi ndo vitu vimwenjizavyo mutu najisi. ela kurya na mikono michafu kainajisi mutu."²¹Jesu achuka achenda sehemu za midzi ya Tiro na Sidoni. ²²Mara, mwanamuche mukanani achidza kula iyo sehemu. Achipiga kululu achamba, "Nonera mbazi Bwana, Mwana wa Daudi! Mwanangu wa chiche avamiwa ni pepo (apagawa)." ²³Ela Jesu kamujibire chitu. Anafunzie vachimutua vachimusihi, vachamba "Mwinge, maana wahupigira kululu."²⁴Ela Jesu achivajibu, achiamba, " Sihumirwe kwa yoyosi isihokala kwa ng'onzi zirizo angamika za Iziraeli." ²⁵Ela, mwanamuche achidza, achizama mbereze, achamba, "Bwana, nisaidia." ²⁶Achimujibu, achamba, "Si sawa kuhela mukahe wa ana kisha uatsuhire anakuro."²⁷Achamba, "Ndio Bwana, ela hata anakuro nikurya masela ga chakurya chigwacho kula kwa meza za Mabwana zao." ²⁸Kisha Jesu achimujibu, "Mwanamuche imaniyo ni bomu; na ikahendeke kwako here uhenzavyo." Mwanawe achihola kula saa iyo.²⁹Jesu achihauka haho achenda hehi na bahari ya Galilaya. Achipanda karima achenda sagela kuko. ³⁰Makusanyiko ga atu vachimutua. Vachimurehera virema, vipofu, mabubu na viwete na anjine anji akongo. Vachiaika maguluni ha Jesu, achivahoza. ³¹Vivyo, kusanyiko ra atu vachishukuru na kushangaa kona mabubu vachinena, viwete vachenenda, vario pooza vachihola na vipofu vachona. Vachimutukuza Mulungu wa Iziraeli.³²Jesu achieha anafunzie achiamba, "Naonera mbazi atu vava sababu vadzikala nami siku tahu kare na kavana cha kurya. Senzi hurichane nao bila kurya, sevyo anjine vandenda zimia njirani." ³³Anafunzie vachimuza, "Ni hiko hwaweza kupata mikahe ya kutosha nyikani kuno kuvekusha atu osi ano?" ³⁴Jesu achivauza, "Muna mikahe mingahi?" Vachamba, "Fungahe, na visamaki vichache." ³⁵Jesu achiva amuru umati vasagale uwanjani.³⁶Achihela yo mikahe fungahe na o samaki, na baada ya kushukuru, achiikata kata achivamba anafunzi. Anafunzi vachiapa umati. ³⁷Atu osi verya kwekuha. Baadaye, mvachikusanya kahu fungahe tele ya mabaki ga mikahe. ³⁸Osi varorya, mvekala atu elifu nne, kuusa ache na ahoho. ³⁹Helafu Jesu achiatsamula makusanyiko achenjira kwenye mashua achenda sehemu ya Magadani.

Chapter 16

¹Mafarisayo na Masadikayo vachimutua kumujeza. Vachimumala avahendere muujiza kula Mulunguni. ²Ela achimvajibu, achimvamba, "Wakati wa dzulo, mwaamba, 'Kundafuguka anga, maana mainguni ni kutune."³Ichifika madzacha, mwaamba, "Hali ya anga rero si mbidzo, kwa kukala anga ni tune na maingu gafinika anga rosi." Mwamanya kutambua muonekano wa anga, ela kamuweza kutabiri ishara za nyakati. ⁴Chizazi chiovu chizinzi, ndo chimalacho konyeswa ishara, ela kakuna ishara chindeonyeswa, ishihokala ishara ya Nabii Jonah." Jesu achivaricha achihauka.⁵Anafunzi mvarihofika upande wa hiri, mvachikala mvasahau kutsukula mikahe. ⁶Jesu achimvambira, "Dzimanyirireni, na mukale matso dzulu ya tsatsu ya Mafarisayo na Masadukayo." ⁷Anafunzi mvachuzana enye kwa enye, mvachamba, "Ni kwa sababu kahutsukulire mikahe." ⁸Jesu achigamanya achimvamba, "Mwino enye imani tite, mbona mwauzana na kwamba ni kwa sababu kamutsukulire mikahe?⁹Kamwelewa? Je kamukumbuka mikahe mitsano yerisa atu elfu tsano, na ni kahu ngahi mwezidzaza na mabaki? ¹⁰Ama ira mikahe fungahe irorisa atu elfu nne, na ni kahu ngahi za mabaki muriyo kusanya?¹¹Ikaledze kamudzaelewa kukala sikalire nanena dzulu ya mikahe? Dzihadharini na mumanye tsatsu ya Mafarisayo na Masadiukayo." ¹²Ndiho vachelewa kukala wekala kavambira kuhusu tsatsu ya mikahe, ela vakale makini na mafundisho ga Mafarisayo na Masadukayo.¹³Sasa Jesu arihofika sehemu za Kaiseria ya Filipi, achuza anafunzie, achamba, "Atu mvanamba Mwana wa Adamu ni ani?" ¹⁴Mvachimwamba, "Anjine mvaamba u Johana Mubatizaji; anjine mvaamba u Eliyah; Anjine, Jeremia, ama mumwenga kahi za manabii." ¹⁵Achimvaamba, "Ela mwino mwaamba mino ni ani?" ¹⁶Arihojibu Simioni Petero achamba, "U Masihi, Mwana wa Mulungu aishiye."¹⁷Jesu achimujibu, achimwamba, "Udzibarikiwa, Simioni mwana wa Jonah, sababu si damu na nyama vidzo kufugulira gago, isihokala Paba ariye dzulu Mulunguni. ¹⁸Nami pia nakwambira uwe u Petero, na dzulu ya iwe riri, nindajenga kanisa rangu. malango ga kuzimu kaganda rishinda.¹⁹Nindakupa funguo za ufalume wa Mulunguni. Chila undichofunga haha duniani, chindafungwa Mulunguni, na chila undicho ika huru, haha duniani, chindafugulwa Mulunguni." ²⁰Ndiho Jesu achiamuru anafunzie mvasimwambire yoyosi kukala iye ndiye Masihi.²¹Kula wakati uwo Jesu achanza kuambira anafunzie kukala ni lazime ende Jerusalemu, akateseke mambo manji mikononi mwa abomu a Masinagogi na Makuhani akulu na Aandishi, olagwe, kisha afufuke siku ya hahu. ²²Petero achimuvuha kanda achimuchemera, achimwamba, "Gaga nagakale kure sana nawe, Bwana! gaga nagasikupate!" ²³Ela Jesu achimugalukira achimwambra Petero, "Uya nyuma zangu, Pepo! U chikwazo kwangu, kwa kukala kufikiria mambo ga Mulungu, wafikira ga chidamu."²⁴Jesu achimvambira anafunzie, "Ichikala hana yoyosi amalaye kunitua, ni lazima adzikane (adziudhi), atsukule muselabawe, anitue. ²⁵Kwa kukala chila amalaye kuokola uhaiwe, andawangamiza, ela chila andiye angamiza uhaiwe kwa sababu yangu, undaupata. ²⁶Kwani, indamufaidi mudamu noni, apate urimwengu muzima ela akose uhaiwe? Mutu waweza kulavyani kugula uhaiwe?²⁷Kwa kukala Mwana wa Adamu, andadza kwa utukufu wa Pabaye na malaika akwakwe. Kisha andava zawadisha chila mumwenga kulingana na mahendoge. ²⁸Ujeri namvaambira, kuna anjine enu vemireo haha ambao kamvanda tata chifo hadi mvamone Mwana wa Adamu adzavyo kahi za ufalume wa kwakwe."

Chapter 17

¹Siku ya tandahu baadaye, Jesu weahela hamwenga naye, Petero, na Jakobo na Johana nduguye, na achivahela hata dzulu ya murima mure hachiyao. ²Wegaluzwa mbere zao. Usowe weng'ela here dzua, na nguozezichoneka kung'ela here mwangaza.³Mara tu, weombolera Musa na Eliya vachisumurira naye. ⁴Petero achimujibu na kumwambira, "Bwana, ni vidzo kwehu kukala haha. Chamba uchihenza, nindajenga haha vibanda vihahu-chimwenga chako, chimwenga cha Musa na chimwenga cha Eliya."⁵Bado achere kunena, ingu reruhe richivapa chivuri na ghafla ichombola sauti kula na riro ingu richamba, "Yuyu ni Mwanangu muhenzwi nihamirwaye naye. Musikizeni." ⁶Anafunzi variho sikira gago, vachigwa chifudi fudi vachenjirwa ni woga mubomu. ⁷Kisha Jesu achidza achiaguta na kuvamba, "Emani, musogohe." ⁸Variho emesa vitswa vyao, kavonere yoyosi munjine isokala Jesu Masihi hacheye.⁹Mvarokala vatima kula mrimani, Jesu achiva amuru achivamba, musomboze habari za maono gaga hadi mwana wa Adamu andiho fufuka kula kuzimu." ¹⁰Anafunzie vachimuza, vachamba, "Ni kwa noni aandishi vaamba Eliya ndiye andekudza wa kwanza?"¹¹Jesu achivajibu, achivamba, "Ndio. Eliya andakudza wa kwanza na andaudzya mambo gosi. ¹²ela navambira, Eliya wekudza kare, ela kava mumanyire. Badelaye, vemuhendera mambo vahenzago ao. Hali iyo mwenga, Mwana wa Adamu ndo andivyo teswa mikononi mwao." ¹³Ndiho anafunzi vachimanya kukala wekala achigomba habari za Johana mubatizaji.¹⁴Varihofika kpwa kundi ra atu, mutu mumwenga achimutua, achimupigira mavindi, achamba, ¹⁵"Bwana, monere mbazi mwanangu wa chilume, ana ukongo wa chifafa wateseka sana. Mara nyinji adzegwa mohoni ama madzini. ¹⁶Nemureha kpwa anafunzio, ela kavawezere kumuhoza."¹⁷Jesu achimujibu achimwamba, "Chivyazi chisicho na imani na chiricho banangika, nindakala namwi kpwa muda wani? Murehe hano." ¹⁸Jesu achichemera iye pepo, achimombola, chijana achihola saa iyo.¹⁹Anafunzi vachenda kpwa Jesu chisiri vachimwamba, "kpwa noni kahuwezere kumomboza pepo?" ²⁰Jesu achivamba, "Sababu ya imani yenu chache. Maana ujeri navaambira, ichikala mundakala na imani ndide here tembe ya haradali, mundaweza kpwambira uu murima, "Uka hano, enda hara," undasengera, na kakuna chitu chindovashinda. ²¹(Zingatia maneno ga msitari wa ishirini na mwenga) ela, aina ii ya pepo kaweza kombola ila kpwa kufunga na kuvoya.²²Wakati va Galilaya, Jesu achivambira anafunzie, "Mwana wa Adamu andenjizwa mikononi mwa atu, ²³Vandamolaga, ela siku ya hahu andafufuka." Anafunzie vesikira huzuni muno.²⁴Varihofika Kaperinaumu, atu vakusanyao kodi ya nusu shekeli vachimwendera Petero vachimwamba, "Je, mwalimu wenu ni kuriha kodi ya nusu shekeli?" ²⁵Achamba, "Ndio." Petero ariho enjira ndani ya nyumba, Jesu achigomba na Petero kpwanza achimwamba, "Wafikiria noni Simioni?" afalume a dunia, nikukusanya ushuru na kodi kula kpwa ani? Kula kpwa ara vaatawelao ama kula kpwa ajeni?²⁶"Kula kpwa ajeni," Petero achijibu. "kpwa vivyo tawalwa vahuru," Jesu achamba. ²⁷ela, ndo husiahende akusanyaji ushuru vakahenda dambi, enda baharini, tsuha ndoano, samaki undemugwira wa kpwanza momboze. Undiho ufugula mulomowe, undaona mumo shekeli mwenga. Ihale, uvape atoza ushuru kpwa ajili yehu uwe na mimi.

Chapter 18

¹Wakati uwo anafunzi mvachimutua Jesu vachimuza, "Mukulu kabisa kahi za ufalume wa Mulungu ni hiye?" ²Jesu acheha muhoho, achimwika kahi yao, ³achamba, "Ujeri namvaambira, labuda mutu ugaluke ukale here yuyu muhoho, kundaweza kwenjira kahi za ufalume wa Mulungu.⁴Kwa vivyo, yoyosi andekala munyenyekevu here yuyu chijana mutite, ndiye mubomu kahi za ufalume wa Mulungu. ⁵Yoyosi andekaribisha muhoho dza yuyu kwa dzina rangu, wanihochera mimi. ⁶Ela yoyosi andemuhenda mumwenga wa ahoho aa mvaniaminio kwenjira dambini, indakala bora zaidi kwakwe kufungwa dziwe bomu singoni, akazamiswe baharini.⁷"Ole wa dunia ii sababu ya vikwazo! Maana ni muhimu kukala vikwazo vikaleko, ela ole we mutu iye ambaye andareha vivyo vikwazo! ⁸Ichikala mukonowo ama chigulucho chindaku sababishira dambi, ukate uutsuhe. Ni vidzo sana wenjire kahi za uzima bila mukono ama chigulu kuriko kutsuhiwa kahi za moho wa jehanamu uchikala na mikono yosi miri ama magulu gosi mairi.⁹Ichikala dzitsoro rindakukosesha, romboze uritsuhe. Ni vidzo wenjire uzimani na dzitso mwenga kuriko utsuhiwe mohoni jehanamu na matso gosi mairi.¹⁰Onani kala kamuadharau aa ahoho. Maana namva ambira, Mulunguni kuna malaika ambamvo wakati wosi mvalola Paba ariye Mulunguni usoni. ¹¹(Zingatia: Maneno gonekanago here ga musitari wa kumi na mwenga. "Kwa kukala Mwana wa Adamu wekudza kuokola chiratu chirichokala chidzangamika" kagaonekanire kahi za nakala muhimu za kapindi).¹²Mwaazani? Ichikala mutu ana ng'onzi gana, na mwenga yao yangamike, je, karicha zinjine mirongo chenda na chenda mirimani akenda tafuta mwenga idze angamika? ¹³Achipata yo mwenga, ujeri namvaambira, anda sherekea zaidi kuriko zo mirongo chenda na chenda ambazo kazangamikire. ¹⁴Kwa hali iyo mwenga, si mahenzo ga Paba yenu Mulunguni kwamba mumwenga wa ahoho aa aangamike.¹⁵"Nduguyo achiku kosera, enenda ukamukanye, muchikala mwimwi airi tu. Achikusikira, udzimudzya nduguyo kahi za uhenzo. ¹⁶ela kala kakusikirire, hela mumwenga ama airi anjine mwende hamwenga ili kwa ushahidi wa airi ama ahahu, chila neno rindakala rithibitishwa.¹⁷Achikahela kuasikiza, enda ukahirike jambo riro kanisani. Achikahela kusikiza kanisa, na akale kwako here mutu wa taifa na mutoza ushuru.¹⁸Namvaambira ujeri, chila chitu muchifungacho duniani, chindafungwa Mulunguni, na chila mundicho chifugula duniani chindafugulwa mulunguni. ¹⁹Keheri navaambira, kala atu airi kahi yenu vachikubaliana kuhusu jambo vachuza, vandahenderwa ni Paba ariye Mulunguni. ²⁰Kwa kukala atu airi ama ahahu vachikusanyika hamwenga kwa dzina rangu, nami ni hamwenga nao."²¹Petero achenda kwa Jesu achimwamba, Bwana, ni mara ngahi ndugu yangu andanikosera na nimusamehe? Mara fungahe?" ²²Jesu achimujibu, "Sindakwambira mara fungahe, ela mara sabini mara fungahe.²³Kwa vivyo ufalume wa Mulunguni u sawa na mufalume aremala kufunga hesabuze na ahenzi kazie. ²⁴Ariho anza kaziye, muhenzi kazi mumwenga achidza arekala wamudai telanta elifu kumi. ²⁵ela kwa kukala wekala kana njira ya kuriha denire, Mufalume achiamuru akuzwe, iye na muchewe na anae na chila chitu aricho kala nacho, ili denire ririhike.²⁶Kwa vivyo muhenzi kazi achigwa, achimuzamira achamba, 'Bwana, nivumirira, nindakuriha chila chitu.' ²⁷, Mufalume ariho sikira huruma kwa muhenzi kaziwe, achimurichira na kumusamehe denire.²⁸ela mutumwa iye weuka achimupata mumwenga wa atumwa anzie, arekala naye wamudai dinari gana. Achimugwira, achimushongola, achimwamba ' Niriha deni rangu.' ²⁹Ela, mutumwa munziwe achimuzamira na achimusihi achamba, 'kala muvumirivu, nami, nindakuriha.'³⁰Ela Mutumwa wa kwanza wekahela. Badelaye, achenda achimwenjiza chifungoni ili mpaka amurihe denire. ³¹Atumwa anzie variho ona vivyo, vachitsikirwa muno. Mvachenda kwa tajiri wao mvachimwelezera chila chitu chirehendeka.³²Tajiri iye achimweha iye mutumwawe achimwamba, 'Uwe Mutumwa katili, nekusamehe deniro rosi kwa kukala wenivoya nikusamehe. ³³Wekala kuweza kumusamehe mutumwa munzio, jinsi mino nirivyo kusamehe?'³⁴Bwana iye achitsikirwa sana achimulavya kwa atesi mpaka andiho riha denire. ³⁵Vivyo, Paba wangu ariye Mulunguni naye andavahendera dza vivyo kala kamunda kala na musamaha kwa ndugu zenu kula kwa roho zenu."

Chapter 19

¹Wakati Jesu ariho marikiza maneno gaga, achuka Galilaya achenda sehemu za Juda ambayo i mbere ya muho wa Joridani. ²Makundi mabomu vachimutua naye achivatibu.³Mafarisayo vachimutua, vachimuza, "Je, ni sawa (helali) mutu kutaliki muchewe kwa sababu yoyosi?" ⁴Jesu achimvajibu achimvaamba, "Kamudzasoma mwi kukala ye ariye mvaumba kula mwanzo wemvaumba muche na mulume?⁵Ariye mvaumba pia achamba, ' Kwa sababu ii, mulume andamvaricha pabaye na mameye adziunge (agwirane) na muchewe, na airi ao vandakala mwiri mumwenga.' ⁶Kwa vivyo si atu airi keheri, ela ni mwiri mumwenga. Kwa vivyo, chidzicho unganishwa ni Mulungu, yoyosi asitenganishe."⁷Vachimwambira, "Mbona be, Musa wehuamuru huvape cheti cha telaka na huvainge?" ⁸Jesu achimvamba, "Kwa ugumu wenu mioyoni, Musa wemvaruhusu kutaliki ache enu, ela kula mwanzo yekala sevyo. ⁹Namvaambira, yoyosi atalikiye muchewe, isokala kwa sababu za uzinzi na ahale muche munjine, wazini."¹⁰Anafunzi mvachimwambira Jesu, "Ichikala iyo ndo hali irivyo kahi ya mutu na muchewe, be si tototo mutu kuhela.' ¹¹Ela Jesu achimvamba, "Si chila mutu waweza kukubali neno riri, isihokala mvo mvaro ripewa. ¹²Sababu kuna Matoashi mvaro vyalwa vivyo kula kwa mamezao na kuna Matoashi mvaro hendwa Matoashi ni anadamu, na pia kuna Matoashi mvaro dzihenda enye Matoashi kwa sababu ya ufalume wa Mulungu. Awezaye kukubali fundisho riri, arikubali."¹³Kisha Jesu achireherwa ahoho atite ili aweze kuvaikira mikono amvavoyere, ela anafunzie mvachimvachemera. ¹⁴Ela Jesu achamba, "Mvaruhusuni ao ahoho mvadze kwangu, wela musiazuiliye, sababu ufalume wa Mulunguni ni wa atu dza mvamvo." ¹⁵Achimvaikira mikono ahoho, helafu achihauka haho.¹⁶Mutu mumwenga achimutua Jesu achimuza, "Mwalimu, ni hicho chidzo lazima nichihende ili nikaweze kurithi uzima wa milele?" ¹⁷Jesu achimujibu, " Mbona wanuza nihicho chidzo? Mumwenga hacheye ndiye mudzo, ela kala wamala upate uzima wa milele, tua malakizo ga Mulungu.(sheria za Mulungu)"¹⁸Achimuza keheri, "Ni malakizo higo?" Jesu achimujibu achimwamba, " Usolage, usizini, useye, usikenge, ¹⁹muheshimu pabayo na mameyo, muhenze jirani wa kwako here uwe mwenye."²⁰Chijana achimwamba, "Gago gosi nikala nichigahenda. Ni hicho keheri chinjine?" ²¹Jesu achimwambira, "Uchimala ukale mukamilifu, enda, kakuze chila chiricho chako, gavira masikini, nawe undakala na mali(hazina) Mulunguni; helafu udze unitue." ²²Ela Chijana ariho sikira maneno ga Jesu, Achuka achenenda na huzuni, maana wekala ana mali nyinji.²³Jesu achiambira anafunzie, "Ujeri namva ambira, ni vigumu sana kwa tajiri kwenjira kahi za ufalume wa Mulunguni. ²⁴Keheri namva ambira, ni rahisi kwa ngamia kuchirira tundu ya sindano kuriko mutu tajiri kwenjira kahi za ufalume wa Mulungu."²⁵Anafunzi mvariho sikira vivyo, mvachi shangaa sana mvachiuza, "Be nani andeokoka?" ²⁶Jesu achialola achamba, "Kwa anadamu, kaiwezekana, ela kwa Mulungu, vyosi vyawezekana." ²⁷Petero achimuza, "Lola Bwana, hudziricha chila chitu kwa kukutua uwe. Hundapatani?"²⁸Jesu achimvambira, "Ujeri namva ambira, iye anituaye mimi kahi ya chivyazi chichi chisha, wakati Mwana wa Adamu andiho sagela kahi za chihi cha enzi, mwimwi ambao mukala muchinitua namwi mundasagela kahi ya vihi kumi na mbiri vya enzi, kuhukumu makabila kumi na mairi ga Iziraeli.²⁹Chila ariye richa nyumbaye, nduguze achilume na achiche, pabaye, mameye, ana, ama shambaye kwa ajili yangu andahochera mara gana zaidi na andaurithi uzima wa milele. ³⁰Ela anji mvario ni a kwanza mvandakala a mwisho, na amwisho mvandakala a kwanza.

Chapter 20

¹"Kwa kukala ufalume wa Mulunguni ufanana na mwenye munda wa mizabibu arelamuka madzacha sana kukodisha ahenzi kazi mwakwe mundani. ²Baada ya kukubaliana na ahenzi kazie mushahara wa denari mwenga, achivahuma mwakwe mundani.³Achombola keheri masaa mahahu baadaye achona ahenzi kazi anjine vemire bule sokoni. ⁴Achimvamba, "Mwimwi namwi, endani mundani kwangu kwenye mizabibu, nami nindamvapa chiricho haki." Namvo pa mvachenda henda kazi.⁵Baada ya masaa sita, achombola keheri na pia baada ya masaa chenda achihenda dza vivyo. ⁶Mara injine keheri baada ya masaa kumi na mwenga achombola achenda ona anjine vemire bule bila kazi. Achimvamba, 'Mbona mwemire tu haha bule siku nzima?' ⁷"Mvachimwamba, "Kwa sababu kakuna adzehwajiri.' Achimvamba, "Mwimwi namwi endani kwenye munda wa mizabibu."⁸Dziloni irihofika, mwenye munda achimwambira munyaparawe, 'Aehe ahenzi kazi osi umvarihe kwanzira arekudza mwisho mpaka arekudza wa kwanza.' ⁹"Ahenzi kazi mvarihokudza saa kumi na mwenga, chila mumwenga wao achihochera dinari mwenga. ¹⁰Mvarihofika mvara mvario ajiriwa a kwanza, mvachifikiria mvandarihiwa zaidi, ela mvamvo namvo mvachirihiwa iyo dinari mwenga chila mutu.¹¹Mvariho hochera pesa zao, mvachimulelamira mwenye munda. ¹²Mvachamba, ' Mvamva mvadziokudza mwisho mvahenda kazi kwa saa mwenga hacheye, ela udzimvahenda hukale sawa, sisi hudzio henda kazi ya siku nzima tsini ya dzoho kali."¹³"ela mwenye munda achimvajibu achimvamba, 'Musena, sidzakukosera. Je kahukubalianire mariho ni dinari mwenga kwa kazi undiyo henda? ¹⁴Hela cho chiricho chako na uhauke. Nitsagula mwenye kuapa mvamva ahenzi kazi mvadziokudza mwisho mushahara sawa na mwimwi.¹⁵Je si haki na sheria kwangu kuhenda vyo nimalavyo na changu? Ama una wivu kwa kukala nina mbazi?' ¹⁶Kwa vivyo wa mwisho andakala wa kwanza, na wa kwanza andakala wa mwisho." (Chitabu cha kare kachina, 'anji vehewa, ela achache mvachitsagulwa').¹⁷Jesu arihokala waambuka Jerusalemu, achiahela anafunzie kumi na airi kanda, njirani achimvaambira, ¹⁸"Lolani, hwenenda Jerusalemu, na Mwana wa Adamu andelaviwa kwa Makuhani akulu na Aandishi. Mvandamuhukumu chifo ¹⁹na mvandamulavya kwa mataifa mvamudhihaki na kumuchapa, kisha mvamusulubishe. Ela siku ya hahu andafufulwa."²⁰Mameye ana a Zebedayo mvachimutua Jesu hamwenga na anae. Achimupigira mavindi mbereze, achimuvoya. ²¹Jesu achimuuza, "Wamaladze?" Achimujibu, "Amuru mvamva anangu airi, mvakasagale, mumwenga mukono wo wa kurya, mumwenga mukonowo wa kumotso, kahi za ufalume wa kwako."²²Ela Jesu achimujibu achimwamba, "Kumanya uwe cho uchivoyacho. Je, una uwezo wa kunwa cho chikombe ambacho si kure kuchinwa?" Mvachimwamba, "Hundaweza." ²³Achimvamba, "Chikombe changu ndio mundachinwa. ela kusagela mumwenga mukono wa kurya, mumwenga mukono kumotso, si gangu kuamua, ela ni kwa mvaratu ambavo mvadzitengezerwa ni Paba." ²⁴Mvara anafunzi anjine kumi mvariho sikira vivyo, mvachiatsikirirwa mvo ndugu airi.²⁵Ela Jesu achimveha kwakwe achimvamba, "Mwamanya kukala atawela a mataifa nikuatisha na akulu ao nikuhenda mamulaka dzulu yao. ²⁶Ela ni isikale vivyo kahi yenu. Badelaye, Yoyosi amalaye kukala mubomu kahi yenu lazima akale muhumiki wenu, ²⁷na yoyosi ahenzaye kukala wa kwanza kahi yenu lazima akale muhumiki wenu, ²⁸Dza here vyo Mwana wa Adamu kadzire kuhumikirwa, bali kuahumikira, na kuulavya uhaiwe here sadaka kwa anji."²⁹Varihokala vombola Jeriko, kundi ra atu mvachimutua. ³⁰Hekala hana vipofu airi mvasegere kandakanda ya barabara. Mvariho sikira Jesu wachira, mvachipiga kululu, "Bwana, Mwana wa Daudi, honere mbazi." ³¹Kundi ra atu mvachia chemera, mvachiamba mvanyamale, ela mvezidi kupiga kululu zaidi, "Bwana, Mwana wa Daudi, honere mbazi."³²Jesu achema, achimveha achamba, "Mwamala nimvahenderedze?" ³³Mvachimwamba, "Bwana, havoya kala matso gehu gafuguke." ³⁴Jesu, achidzalwa ni huruma, aciaguta matso. Dakika iyo mvachipata kona nao mvachimutua.

Chapter 21

¹Jesu hamwenga na anafunzie mvachifika hehi na Jerusalemu na achenda mpaka Bethifage, kwenye mirima ya mizeituni, kisha Jesu achihuma anafunzie airi, ²achimvambira, "Eendani chijiji chiricho hehi, haho mundaona punda yufungwa na mwanapunda hamwenga naye. Afuguleni muarahe kwangu. ³Ichikala mutu yoyosi andanena rorosi kuhusu riro, mundamwamba, 'Bwana ana mahitaji nao,' na iye mutu andamvarichira mudze namvo.⁴Sasa gaga gehendeka ili kuritimiza neno rironenwa ni Nabii, achamba, ⁵"Mwambire binti sayuni, 'Lola, mufalume wa kwako wadza kwako, munyenyekevu dzulu ya punda-mwana punda⁶Kisha ananfunzie mvachenda mvachihenda here Jesu arivyo amuru. ⁷Mvachimureha punda na mwana punda, mvachiika nguo zao, Jesu achizisagalira. ⁸Anji kahi za kundi mvepanga nguo zao njirani, anjine mvachikata matsanzu mvachiga handika njirani.⁹Ndiho makundi ga atu mvachenda kwa Jesu na mvosi mvaremutua mvekwenda mvachipiga kululu mvachamba, "Hosana kwa Mwana wa Daudi! Adzibarikiwa adzaye kwa dzina ra Bwana! Hosana kwa ariye dzulu!" ¹⁰Jesu arihofika Jerusalemu, mudzi muzima weondoka, uchuza, "Nani yuno?" ¹¹Makundi mvachamba, "Yuyu ni Jesu, Nabii kula Nazareti Galilaya."¹²Helafu Jesu achenjira hekaluni. Achimvainga osi mvarokala mvaenjiza biashara mumo,achenula na kupindua meza za mvarokala mvabadilishana pesa na vihi vya mvariokala mvakuza magia. ¹³Achimvambira, "Yeandikwa, 'Nyumba yangu indehewa nyumba ya mavoyo, ela muihenda pango ra anyang'anyi." ¹⁴Kisha vipofu na virema mvachirehewa kwakwe mo hekaluni, naye achimvahoza.¹⁵Ela abomu a Makuhani na andishi mvariho ona mambo ga ajabu arigohenda, na mvariho sikira ahoho mvachipiga kululu hekaluni mvachamba, "Hisana kwa Mwana wa Daudi," mvachitsukirwa. ¹⁶Mvachimwambira, "Wasikira go mvanenago?" Jesu achimvaamba, "Ndio! Ela kwani kamudzasoma mwi, 'Kahi za milomo ya ahoho na ana mvamwao udzitayarisha sifa'?" ¹⁷Jesu achimvaricha achenda nze ya mudzi wa Bethani achilela kuko.¹⁸Sasa, madzacha arihokala wauya mudzini, wekala wahisi nzela. ¹⁹Arihoona mutini kanda ya barabara, achiutua ela kapatire chochosi isihokala makodza. Achiwambira, "Musipatikane keheri matunda keheri kwako," dakika iyo uchinyauka uchifa²⁰Anafunzi mvario ona vivyo, mvachisitaajabu mvachuza, " Ikaladze mutini ukanyauka?" ²¹Jesu achimvajibu achimvaamba, "Ujeri namvaambira, muchikala na imani bila kushuku, kamundahenda tu gaga nidzigohendera uu mutini, ela mundaweza hata kuamuru uu murima, "Enulwa dzulu ukakanywe baharini,' na vindahendeka. ²²Chila muvoyacho, kwa imani, mundachipata."²³Jesu ariho enjira hekaluni, makuhani abomu na vilongozi a atu mvachimutua hali achifundisha mvachimwamba, "Ni kwa nguvu hizo uhendago gano, na arekupa mamulaka (uwezo) uno nani?" ²⁴Jesu achiajibu achimvamba, "Nami nindamvauza swali mwenga. Muchinambira, nami nindamvambira nahumira mamulaka higo kugahenda gaga.²⁵Ubatizo wa Johana- wekala ulaa nahi? Kula Mulunguni ama kula kwa anadamu?" Mvachisumurira enye kwa enye, mvachamba, 'Huchamba, 'Kula Mulunguni,' andahwambira, ' Mbona bee kamumwaminire?' ²⁶Ela huchamba, 'Kula kwa anadamu,' hogoha riri kundi ra atu, maana atu osi mvemumanya Johana here Nabii." ²⁷Ndiho mvachimujibu Jesu mvachimwamba, "Kahumanya." Naye achimvamba, "Hata mimi sindamwambira nahenda gaga kwa uwezo wa ani.²⁸ela maazo genu ni higo? Mumwenga wekala na anae airi achilume. Achimwendera wa kwanza achimwamba, ' Mwanangu, enda rero ukarime mundani.' ²⁹"Yuya chijana achimujibu achimwamba, "Sindavihenda,' ela baadaye achigairi achendarima. ³⁰Achenda kwa yuya mwanawe wa hiri, achimwambira neno riro mwenga. Ye achimujibu achimwamba,"Sawa nindenenda, Bwana,' ela kendere.³¹Kahi ya o airi nani arehenda malakizo ga pabaye?" Mvachamba, "Ye wa kwanza." Jesu achimvaambira, "Ujeri namvaambira, akusanyaji ushuru na kodi, na azinzi mvandenjira kahi za ufalume wa Mulungu kabila mwimwi mwenjire. ³²Maana Johana wekudza kwenu kwa njira ya utakatifu, ela kamumwaminire. Ela akusanyaji ushuru na azinzi mvachimwamini. Mwimwi, hata muriho gaona gago, kamutubire baadaye na kumwamini.³³"Sikizani fumbo rinjine. Hekala na mumwenga, mwenye munda. Achinyela mizabibu, achiizungulushira ulingo, achitsimba na achitengeza sehemu ya kukamulira divai, achihajenga munara wa arinzie, achimva kodishira atunza mizabibu. Achisafiri achenda ntsi injine. ³⁴Irihofika wakati wa kuvuna matunda, achihuma ahenzi kazie mundani mvakavune matunda.³⁵Ela akurima a mizabibu mvachi ahela o ahenzi kaziye, mvachimupiga mumwenga, mvachimolaga mumwenga, na munjine mvachimupiga mawe. ³⁶Kwa mara injine, mwenye shamba achihuma atumishi anjine, zaidi ya o a kwanza, ela akurima a mizabibu mvachiahenda dza vivyo vya ao mvaretangulia. ³⁷Baada ya gago, Mwenye munda achimuhuma mwanawe mwenye, achamba, 'Mvandamuheshimu mwanangu bila tabu.'³⁸"Ela mvariho mona iye mwanawe, mvachambirana, 'Tiyu mwanawe, nzoni, nahumolageni huhale urithi." ³⁹Ndiho mvachimuhela, mvachimutsuha nze ya munda mvachimolaga.⁴⁰Sasa, mwenye munda wa mizabibu achifika, andamvahendadze o akurima a mizabibu?" ⁴¹Mvachimwambira, "Andamvolaga ao atu aovu kwa hasira, helafu aulavye uwo munda kwa akurima anjine, atu ambao mvandamupa hakiye sawa wakati wa mavuno."⁴²Jesu achimvambira, "Kamusomere kahi za maandiko, 'Iwe ririro kahalwa ni ajenzi rikala dziwe ra pembeni. Riri relaa kwa Bwana, na rahenzeza matsoni mwehu'?⁴³Kwa vivyo namvambira, ufalume wa Mulungu mundahokwa na undapewa taifa ambaro rindawombozera matunda. ⁴⁴Yoyosi andiyegwa dzulu ya iwe riri andavunzika vipande vipande. Ela yoyosi ambaye andagwererwa ni iwe riri, andasagika."⁴⁵Makuhani abomu na Mafarisayo mvariho sikira mafumbo gago, mvachielewa kala wekala wanena kuahusu. ⁴⁶Mvachimala kumugwira mvamufunge, ela mvachogoha makusanyiko ga atu, maana atu mvemuhalira kukala iye ni Nabii.

Chapter 22

¹Jesu achinena nao keheri kwa mafumbo, achamba, ²ufalume wa Mulunguni ni here mufalume mumwenga areandaa karamu ya harusi ya mwanawe. ³Achihuma ahenzi kazie mvakaehe ajeni osi mvarokala mvadzalikwa kudza harusini, ela mvachikosa kufika.⁴Mara ya hiri, mufalume achihuma ahenzi kazi anjine kwao, achimvamba, "Mvaambireni aalikwa, ' Lolani, nidzi andaa chakurya cha dziloni. Nitsinza nzao na ndama za kunona, na vyosi vitayari. Nzoni harusini murye."⁵Ela kamvashuhulikire na mvachitua shuhuli zao, mumwenga achenda kpwakwe mundani, munjine kpwa biashara ze. ⁶O anjine mvachia tangila o ahenzi kaazi a mufalume, mvachia aibisha na kumvolaga. ⁷Mufalume achitsikirwa, achihuma Shikari mvachiolaga o ahenzi a gago na mvachiocha mudzi wao.⁸Kisha achiambira ahenzi kazie, 'Sherehe ya harusi i tayari, ela mvo mvarealikwa mvekala kamva sitahili. ⁹Kwa vivyo endani ko matano ga barabara bomu muka alike atu anji iwezekanavyo' ¹⁰Ahenzi kazie mvachenda kuko barabara bomu mvachikusanya atu osi mvariopata, adzo kwa ai. Kwa vivyo ukumbi wa harusi uchidzela ajeni.¹¹Ela mufalume ariho fika kulola ajenie, achona mumwenga kamvalire mvazi ra harusi. ¹²Mufalume achimwambira, 'Musenangu, udzenjiradze muno bila vazi ra harusi?' Ela mwanamulume iye achimunyamalira.¹³Ndiho mufalume achimvamba atumishie, 'Mufungeni yuyu mikono na magulu, mukamutsuhe kuko nze chizani, kundiko kala na viriro na kusaga meno.' ¹⁴Kwa kukala anji mveehewa ela achache ndo mvatsagulwao."¹⁵Ndiho mafarisayo mvachombola mvachenda panga jinsi mvandomuhega na kumugwira Jesu kahi ya manenoge mwenye. ¹⁶Ndiho mvachimuhumira, anafunzi ao, hamwenga na Maherode. Mvachimwambira Jesu, "Mwalimu, hwamanya uwe umujeri, na wafundisha njira za Mulungu chi-ujeri. Kujali maoni wela mahenzekezi ga anjine, wela konyesa upendeleo kahi za atu. ¹⁷Sasa hambire, wafikiria dze? Ni haki kuriha ushuru (kodi) kwa Kaisare ama sevyo?"¹⁸Ela Jesu achelewa unyonge wao achamba, "Mbona mwanijeza, mwi anafiki? ¹⁹Nonyesani yo pesa ihumikayo kuriha kodi (ushuru)." Mvachimurehera dinari kwakwe.²⁰Jesu achimvaambira, "Sura muyonayo na dzina muronaro ho ni vya ani?" ²¹Mvachimwambira, "Ni vya Kaisari." Ndiho Jesu achimvaambira, "Bai mupeni Kaisari chiricho cha Kaisari, na Mulungu, chiricho chakwe." ²²Mvariho sikira vivyo, mvachishangaa. Mvachimuricha mvachihauka mvachenda zao.²³Siku iyo baadhi ya Masadukayo, ambavo nikwamba kakuna ufufuo, mvachimutua. Mvachimuza, ²⁴mvachamba, "Mwalimu, Musa weamba, "Mutu achifa, bila mwana, nduguye lazima amuhale iye muche na mvapate ana kwa niaba ya nduguye.'²⁵Kwekala ndugu afungahe. Wa kwanza achihela baadaye achifa. Kwa sababu karichire mwana, achimurichira muche nduguye. ²⁶Nduguye wa hiri naye karichire mwana, achipewa wa hahu, vekwenda vivyo mpaka ndugu wa fungahe. ²⁷Baada ya osi ao, iye muche achifa. ²⁸Sasa, siku ya ufufulo, yuno muche andakala wa hiye kahi ya mvo fungahe? Maana osi mvekala mvamuhela."²⁹Ela Jesu achimvajibu achamba, "Mwakosera maana kamumanya maandiko na nguvu za Mulungu. ³⁰Kwa kukala kahi za ufufulo, atu kamvahela wela kulozwa. Badelaye, ni here malaika Mulunguni.³¹Ela kuhusu ufufulo wa afadzi, kamudzasoma garigo nenwa kwenu ni Mulungu, achiamba, ³²' Mimi ndiye Mulungu wa Iburahimu, Mulungu wa Isaka, na wa Jakobu?' Mulungu si Mulungu wa afadzi, bali mvaishio. ³³Makundi ga atu mvariho sikira vivyo, mvachimushangaa sana mafundishoge.³⁴Ela Mafarisayo mvariho sikira kukala Jesu amvanyamazisha Masadukayo, mvachikusanyana hamwenga. ³⁵Mumwenga wao, mujuzi (musomi) sheria, achimuza swali, kumujeza- ³⁶"Mwalimu, sheria iriyo bomu zaidi ya zosi ni hiyo?"³⁷Jesu achimwamba, "Muhenze Mulunguo kwa rohoyo yosi, moyowo wosi, na akilizo zosi.' ³⁸Iyo ndiyo sheria bomu zaidi na ya kwanza kahi za sheria (Amuri)³⁹Na sheria ya hiri yahelana na iyo ya kwanza- 'Muhenze jiraniwo here udzihenzavyo uwe mwenye.' ⁴⁰Kahi ya zosi za Manabii zaegemea zizi mbiri."⁴¹Sasa, hali Mafarisayo mvachere kusanyika hamwenga, Jesu achimvauza swali. ⁴²Achuza, "Mwaazani kuhusu Masihi? ni mwana wa ani?" Mvachimwamba, "Ni Mwana wa Daudi."⁴³Jesu achimvaambira, "Yakaladze bee Daudi kahi za Roho wamweha Bwana, achamba, ⁴⁴' Bwana achimwamba Bwana wangu, "Sagela mukono wangu wa kulume, mpaka niahende mahadui o mvaikwe tsini ya magulugo"?⁴⁵Sasa kala Daudi wamweha Masihi 'Bwana' wakaladze bee Mwana wa Daudi?" ⁴⁶Kahana ariye weza kujibu swali riro keheri, na kakuna mutu arejeza kumuza swali rinjine kula na siku iyo.

Chapter 23

¹Kisha Jesu achinena na kundi na anafunzie. ²Achamba, Andishi na Mafarisayo mvasagarira chihi cha Musa. ³Sasa, chochosi mvachiamuruo muhende, chihendeni muchiachunguza. Ela musimvege mahendo gao, maana mvanenago sigo mvahendago.⁴Ndio, mvafunga misigo miziho kutsukula, helafu mvakatsukuza anzao vituroni. Ela mvamvo enye kamvandatsukula. ⁵Mvahenda mambo gao ili tu mvaonewe ni atu. Maana, nikupanula masanduku gao na konjeza ubomu wa mapindo ga mavazi gao.⁶Mvo nikuhenza kusagela kwenye sehemu za chifahari kahi za sherehe na kahi za vihi vya heshima ndani ya masinagogi, ⁷na kulamuswa kwa heshima maeneo ga sokoni, na kwehewa 'alimu' ni atu.⁸Ela, mwimwi kamupaswa kwehewa 'alimu" kwa kukala muna mwalimu mumwenga tu, anjine nyosi mu-ndugu. ⁹Musimwehe mutu yoyosi haha duniani Paba yenu, kwa kukala muna Paba mumwenga hacheye, na yu Mulunguni. ¹⁰Wela musikubali kwehewa 'alimu' maana muna mwalimu mumwenga, Jesu.¹¹Ela iye ariye mubomu kahi yenu ndiye andekala mutumishi wenu. ¹²Chila adzenulaye andaudzwa tsini na yoyosi ariye tsini andenulwa.¹³Ela ole wenu, andishi na mafarisayo, anafiki! Mwafungira atu ufalume wa Mulunguni. Sababu kamwenjira mwimwi na kamwenzi pia mvario hehi mvenjire. ¹⁴(Zingatia; musitari wa 14 kawonekana kahi za nakala bora za kapindi. Baadhi ya nakala nikonjeza musitari uu baada ya musitari wa 12 musitari wa 14). ¹⁵Ole wenu, aandishi na mafarisayo, anafiki! Kwa maana mwavuka ng'ambo ya bahari na kumuhenda mutu mumwenga aamini, ela wakati achidza amini, mwamugaluza kukala mwana wa jehanamu mara mbiri here mwimwi.¹⁶"Ole wenu, vilongozi vipofu, mwimwi mwambao, 'Chila andelaha kwa hekalu, si chitu (Kavina tabu). Ela andelaha kwa dzina ra dhahabu ya hekalu, andafungwa kwa chirahoche.' ¹⁷Mwino vipofu apumbavu! Ni hicho chiricho chibomu, dhahabu ama hekalu rihendaro iyo dhahabu takatifu?¹⁸Na, "Yoyosi andelaha kwa madhabahu, si chitu (Kavina tabu). Ela yoyosi elahaye kwa zawadi iriyo dzulu ya madhabahu, wafungwa ni chirahoche.' ¹⁹Mwino vipofu! chiricho chibomu zaidi ni hicho, zawadi ama madhabahu gaihendayo yo zawadi takatifu?²⁰Kwa vivyo, yoyosi elahaye kwa madhabahu, welaha kwa madhabahu na chila chitu chiricho haho. ²¹elahaye kwa hekalu naye welaha kwa hekalu na chila mutu aishiye mumo. ²²Na ye elahaye Mulunguni, welaha kwa chihi cha enzi ya Mulungu na iye achisagaliraye.²³Ole wenu, andishi na mafarisayo, anafiki! Maana mwelavya fungu ra kumi bizali, mnaana na muchicha, ela mwaricha mambo maziho ga sheria-haki, rehema na imani. Ela gaga, ni mukale mwagahenda na si kuricha manjine kagahendekere. ²⁴Mwino vilongozi vipofu, mwatsulusa adudu atite ela mwamiza ngamia!"²⁵"Ole wenu, andishi na mafarisayo, anafiki! Maana mwojesa chikombe na sahani nze, ela ndani mutele dhuluma na kukosa chipimo. ²⁶Mwino vipofu mafarisayo, ojesani kwanza chikombe na sahani ndani, ili upande wanze ukale musafi nao.²⁷"Ole wenu, andishi na mafarisayo, anafiki! Kwa maana muhere makaburi gadzohakwa rangi, nze goneka madzo, ela ndani gatele misoza ya atu varofa kapindi na chila chitu chichafu. ²⁸Kwa hali iyo, nze mwaonekana atakatifu, ela ndani mutele unafiki na kutsatua sheria.²⁹"Ole wenu, andishi na mafarisayo, anafiki! Maana mwajenga makaburi ga Manabii na kurembesha makaburi ga atakatifu. ³⁰Mwamba, "kala hweishi siku za Paba zehu, hundekala kahugwiranire hamwenga nao kolaga Manabii.' ³¹Kwa vivyo, mwadzishuhudia enye kukala mu ana a mvamvo mvaro olaga Manabii.³²Mwadzarikiza pia vipimo vya dambi za Paba zenu. ³³Mwino nyoka, ana a nyoka, munda epukadze hukumu ya jehanamu?³⁴Kwa vivyo lolani, namvahumira manabii na atu mvenye hekima na aandishi. Anjine ao munda mvolaga na muasulubishe, anjine mundamva chapa kahi za mahekalu na mumvainge kula mudzi mumwenga hadi munjine. ³⁵Jibure ni kwamba dzulu yenu undadza mulatso wosi wa atakatifu murio umwaga dzulu ya ntsi kula kwa Habeli mpaka mulatso wa Zakariya mwana wa Berekiya, muriye molaga kahikahi ya hatakatifu na madhabahu. ³⁶Ujeri namvambira, gaga gosi gandadza kahi za chivyazi chichi.³⁷Jerusalemu, Jerusalemu, mwimwi molagao manabii na kupiga mawe mvo mvahumwao kwenu! Mara ngahi nidzimvakusanya ana enu hamwenga, here kuku akusanyavyo vitsinyevye tsini ya mamvamvage, ela kukubalire. ³⁸Lola bai, nyumbayo urichirwa uwe iganzo. ³⁹Maana nakwambira, kundanona keheri kwanzira vivi mpaka wambe, " Abarikiwa adzaye kwa dzina ra Bwana."

Chapter 24

¹Jesu achombola kahi ya sinagogi achikala wenenda zakwe. Anafunzie mvachimutua mvachimonyesa majengo ga sinagogi (hekalu). ²Ela achimvajibu achimvambira, "Kamona gano gosi? Ujeri namvaambira, kakuna iwe hata mwenga rindosela kuremera rinjine, gosi gandavunzika vunzika gagwe."³Hali yusegere dzulu ya murima wa mizeituni, anafunzie mvachimutua chisiri mvachimuza, "Tafadhali hwambire, gano gosi gandahendeka rini? Ishara ya kudza kwa kwako na mwisho wa dunia ni noni?" ⁴Jesu achimvajibu achimvaamba, "kalani makini mutu asimvalongoze vii. ⁵Maana anji mvandakudza kwa dzina rangu. mvandaamba, 'Ndimi Masihi,' nao mvandalongoza anji vii.⁶Mundasikira viha na fununu za viha. Hakikishani kamuyugwa ni gago, maana ni lazima mambo gago gakale; ela siku ya mwisho indakala bado. ⁷Maana, ntsi indapigana na injine, ufalume mumwenga undapigana na unjine. Kundakala na nzela kumo na kusumba kwa dunia sehemu nyinji. ⁸Ela gaga gosi indakala ni mwanzo tu wa utsungu wa uvyazi.⁹Helafu mvandamvachiza kwa mateso makali na mvaolage. Mundatsukirirwa ni mataifa kwa sababu ya dzina rangu. ¹⁰Helafu anji mvandauya nyuma, na ku salitiana na kutsukirirwana. ¹¹Manabii a ulongo mvandaombolera na mvalongoze anji vii.¹²Kwa sababu atu anji kamvandajali sheria, uhenzo kwa anji undasira. ¹³Ela andiye vumirira ta mwisho andaokolwa. ¹⁴Injili ya ufalume indahubiriwa dunia nzima here ushuhuda kwa mataifa gosi. Helafu mwisho wa dunia undafika.¹⁵"Kwa vivyo, muchidzaona tsukizo banangi, ririro tabiriwa ni Nabii Danieli, ridzema kahi za utakatifu" ¹⁶"Mvario Uyahudi namvachimbirire mirimani, ¹⁷"ariye dzulu ya nyumba na asitime kuhela chochosi mwakwe nyumbani, ¹⁸na ariye chiwanjani na asuye nyumbani kuhela nguoze.¹⁹Ela ole wao mvario na mimba na mvaamwisao ana siku zizo! ²⁰Voyani kukala hali zizi kazindamvapata wakati wa mvula ama siku ya sabato. ²¹Maana kundakala na mateso mabomu, ambago kagadzawahi kukalako kula mwanzo wa dunia mpaka sasa na kagandawahi kukalako keheri. ²²Labuda siku zizo zikale zefupishwa, kakuna mwiri wa nyama undeokolewa. Ela kwa sababu ya mvariotsagulwa, siku zizo zindafupishwa.²³Mutu yoyosi andemvamba, "Lola, yuyu ndiye Masihi!' ama, ' Tiyuya Masihi!' musimwamini. ²⁴Maana 'masihi' a ulongo na manabii a ulongo mvandadza na mvandamonyesa ishara za ajabu na miujiza, ili mvaalongoze vii, hata ichiwezekana ta atsagulwa. ²⁵Lolani, nidzimvambira kabla ya wakati uwo kufika.²⁶Kwa vivyo, mvachiambira, ' Lolani, yu nyikani,' musende. Ama, 'Lolani, yu ndani vyumbani,' musimva amini. ²⁷Kwa kukala here mwangaza ung'elavyo kulaa mashariki (mombolero ga dzua) mpaka mangaribi (kutswa kwa dzua), vivyo ndivyo indivyokala Mwana wa Adamu achidza. ²⁸Hariho na muzhoga, ndiho hakusanyikaho tai.²⁹Ela baada ya gago mateso ga siku zizo, dzua rindazizwa chiza chitande, mwezi nao kaunda ng'ela, nyenyezi zindagwa kula Mulunguni, na nguvu za mulunguni zindachukwachukwa.³⁰Ndiho ishara ya Mwana wa Adamu indonekana Mulunguni, na kabila zosi za ntsi zinda omboreza. Mvandamona Mwana wa Adamu achitima dzulu ya maingu Mulunguni na nguvu na utukufu mubomu. ³¹Andahuma malaikae na sauti bomu sana ya tarumbeta, nao mvanda akusanya hamwenga mvariotsagulwa kula kwa sehemu zosi ne za peho, kula mwisho wa Mulunguni hadi munjine.³²Dzifundisheni kula kwa mtini mufano uu: tagaa za kwakwe zichanza kukala laini na kugwaga makodza, mwamanya kala wakati wa mavuno uhehi. ³³Sasa pia, muchona ishara zizi, mumanye Masihi yuhehi na kudza, yukwenye malango.³⁴Ujeri namvaambira, chizazi chichi kachindachira mpaka gaga gosi gakale gahendeka. ³⁵Mulunguni na duniani vindachira, ela neno rangu karindachira.³⁶Ela kuhusiana na siku iyo na masaa kakuna amanyaye, hata malaika a Mulunguni, hata Mwana wa Mulungu, isihokala iye Paba hacheye.³⁷Here siku za Nuhu zirivyokala, ndivyo indivyo kala kudza kwa Mwana wa Adamu. ³⁸Kwa kukala here siku zizo zirivyo kala kabla ya mafuriko mvekala mvachirya na kunwa, kuhelana na kulozana mpaka Nuhu ariho enjira kwenye safina, ³⁹na kamvamanyire chochosi mpaka mafuriko gariho kudza gachimvahela-ndivyo indovyokala kudzakwe Mwana wa Adamu.⁴⁰Helafu atu airi mvandakala uwanjani- mumwenga andahalwa, munjine arichwe. ⁴¹Anaache airi mvandakala mvachisaga- mumwenga andahalwa, munjine arichwe. ⁴²Kwa vivyo kalani matso, kwa kamumanya siku Bwana andiho kudza.⁴³Ela manyani vivi, kala mwenye nyumba wemanya saa mwevi andiokudzira, andekala wechesa kurinda nyumbaye na kandekubali mwevi amweyere. ⁴⁴Kwa vivyo ni lazima mukale tayari, maana Mwana wa Adamu andadza saa ambayo kamutarajiya.⁴⁵"Sasa ni mujakazi hiye mwaminifu na mwenye hekima ambaye bwanawe wemurichira nyumbaye amvape chakurya chao wakati ufaao? ⁴⁶Abarikiwa mujakazi ambaye bwanawe andamupata wahenda vivyo wakati andihouya. ⁴⁷Ujeri namnvaambira, iye bwanawe andamupa mamulaka dzulu ya vyosi arivyo navyo.⁴⁸Ela ichikala mujakazi muovu wadzambira rohoni, ' Bwana wangu yuchelewa,' ⁴⁹na aanze kuapiga ahenzi kazi anzie, arye na anwe na arevi, ⁵⁰helafu tajiriwe andadza siku asiyo tazamia na wakati asio umanya. ⁵¹Tajiriwe andamukata kata vipande na amwike hamwenga kuriko na anafiki, ambao kundakala na viriro na kusaga meno.

Chapter 25

¹"Sasa ufalume wa Mulungu undakala here anamwali kumi mvarohela taa zao kwenda onana na mulume. ²Atsano ao mvachikala ajinga na atsano mvachikala enye hekima. ³Maana mvara anamwali ajinga mvariho hela taa zao, kamvatsukulire mafuha. ⁴Ela mvara enye hekima, mvachitsukula mafuha vyomboni.⁵Sasa, mulume ariho chelewa kufika, osi mvachinyekererwa mvachilela. ⁶Usiku wa manane kuchisikika njerejere, 'Lamukani, Muharusi yufika! Ombolani mukamutsangire.'⁷Ndiho anamwali osi mvachilamuka na mvachasha taa zao. ⁸Mvara ajinga mvachiambira mvara enye hekima, 'Hupeni mafuha chidogo manake taa zehu zazimika.' ⁹Ela mvara enye hekima mvachiajibu mvachiamba, "Kwa kukala kahuna mafuha gakuhutosha sisi na mwimwi, endani kwa akuzaji a mafuha mukagule.'¹⁰Mvariho ombola kwenda gula mafuha, mulume achifika, mvario kala tayari mvachenda kahi za sherehe ya ndoa, muryango uchifungwa. ¹¹" Baada ya haho, mvara anamwali anjine mvachifika, mvachamba, 'Bwana, Bwana hufugulire.' ¹²"Ela achimvajibu achimvaamba, ' Ujeri namvaambira, simvamanya mino.' ¹³kalani matso bai, kwa kukala kamumanya siku wela saa.¹⁴" Maana ni here mutu mumwenga arihomala kwenda ntsi injine. Wemveha ahenzi kazie achimvapa maliye. ¹⁵Mumwenga achimupa telanta tsavo, mumwenga achimupa mbiri, na munjine achimupa telanta mwenga. Chila mumwenga wepewa kulingana na uwezowe, kisha mwenye mali achenda safarize. ¹⁶Yuya ariye hochera telanta tsano achenda achizihendera kazi achipata zinjine tsano.¹⁷Hali iyo mwenga, ariye pewa telanta mbiri naye achenda achipata zinjine mbiri. ¹⁸Ela yuya arehochera telanta mwenga, wekwenda achitsimba wina mutsangani, achifitsa iyo telanta.¹⁹Sasa, baada ya muda mure yuya tajiri achiuya kuhenda hesabu na ahenzi kazie. ²⁰Yuya arehochera telanta tsano, achimutua achimupa telanta tsano zinjine zaidi. Achimwamba, 'Bwana, wenipa telanta tsano. Lola, nipata zinjine tsano.' ²¹"Tajiri achimwambira, "Hongera, muhenzi kazi mudzo, mwaminifu! Ukala mwaminifu kwa vichache. Nindakupa mamulaka dzulu ya vinji. Enjira kahi za furaha ya Tajiriwo.'²²" Muhenzi kazi ariye hochera telanta mbiri naye achifika achimwamba, 'Bwana, wenipa telanta mbiri. Lola, nipata zinjine mbiri zaidi.' ²³"Tajiriwe achimwamba, "Kazi mbidzo, muhenzi kazi mudzo na mwaminifu!" Ukala mwaminifu kwa vichache. Nindakupa mamulaka dzulu ya vitu vinji. Enjira kahi za raha ya tajiriwo.'²⁴"Helafu achidza yuya muhenzi kazi ariye hochera telanta mwenga achimwamba, "Bwana, Namanya u mutu mufu. Wavuna ambaho kunyalire na wakusanya ambaho kutawanyire. ²⁵Neogoha mino, kwa vivyo nichenda nichiifitsa yo telantayo mwenga mutsangani. Lola, telantayo mwenga tiino.'²⁶"Ela tajiriwe achijibu achimwambira, 'Uwe u muhenzi kazi muovu na mukaha, wemanya kukala mimi navuna ambaho sinyalire, na nakusanya ambaho sitawanyire. ²⁷Kwa vivyo undekala wehela pesa zangu kwa enye bengi, wakati nidzuya nindezipata na faida dzulu.²⁸Kwa vivyo muhokeni iyo telanta mumupe iye ariye na kumi. ²⁹Kwa maana ariye na nyinji ndiye andiye onjezerwa, na andakala na nyinji zaidi. Ela ariye kana chitu, hata chichache aricho nacho andahokwa. ³⁰Mutsuheni iye muhenzi kazi asiye na faida nze chizani, kundiko kala na viriro na kusaga meno.'³¹"Mwana wa Adamu andiho kudza na utukufuwe hamwenga na malaikae, ndiho andasagela kwenye chihiche cha utukufu. ³²Mbereze mvandakusanywa mataifa gosi, naye andatenganisha atu, here murisa andenganishavyo ng'onzi na mbuzi. ³³Andaika ng'onzi mukonowe wa kulume, ela ngonzi andamvaika mukonowe wa kumotso.³⁴Helafu mufalume andamvaambira mvario mukono wa kulume, 'Nzoni, mwi mudzio barikiwa ni Paba, rithini ufalume urio tayarishwa kwenu kula hangu dunia yumbwe. ³⁵Kwa kukala nekala nina nzela muchinipa chakurya; Nekala nina chihu muchinipa chinywaji; Nekala mujeni, muchinikaribisha; ³⁶Nekala nihuhu muchinivisha nguo; Nekala ni mukongo muchini rarisi; Nekala mufungwa jela muchini tsemberera.'³⁷"Ndiho atakatifu mvandajibu mvaambe, "Bwana, ni rini huriho kona una nzela huchikurisa? Ama una chihu huchikupa chinywaji? ³⁸Ni rini hurekona umujeni huchiku karibisha? Ama uhuhu ela huchikuvisha? ³⁹Ni rini hurekona walumwa ama u jela huchidza kulola?' ⁴⁰"Ndiho mufalume andajibu amvambe, 'Ujeri namvaambira, chila muricho ahendera yoyosi kahi za mvamva ndugu zangu atite, wenihendera mimi.'⁴¹Kisha andamvaambira mvario mukono wa kumotso, "Haukeni, mwi murio laaniwa, enjirani kahi za moho wa milele urio tayarishirwa shetani na malaikae, ⁴²Maana nekala nina nzela, kamunipire chakurya; Nekala na chihu, ela kamunipire chinywaji; ⁴³Nekala mujeni wenu, ela kamuni karibishire; nekala huhu, ela kamunivishire nguo; Nekala nalumwa na jela, ela kamudzire nilola wela kunirarisi.'⁴⁴"Namvo mvandajibu mvaambe, "Bwana, ni rini huriho kona unanzela kahukupire chakurya? Ama una chihu, ama umujeni, ama uhuhu, ama mukongo, ama u jela ela kahukusaidiire?' ⁴⁵"Ndiho andamvajibu amvaambire, "Ujeri namvaambira, murivyo kosa kumvahendera kahi ya atite aa, kamunihenderere mimi.' ⁴⁶Mvamva mvandaenjira kahi za adhabu ya milele, ela atakatifu mvandenjira kahi za uzima wa milele."

Chapter 26

¹Wakati Jesu ariho marikiza kunena, achimvamba anafunzie, ²"Mwamanya kukala baada ya siku mbiri sikukuu ya pasaka indakala ifika, na Mwana wa Adamu andelaviwa asulubiwe."³Ndiho, kuhani mukulu na vilongozi mvachikutana hamwenga kwa kuhani mukulu ariye ehewa Kayafa. ⁴Mvachipanga hamwenga kumugwira Jesu chisiri na kumolaga. ⁵Kwa kukala mvekala mvaamba, " Husivihende wakati wa sherehe, ili kusizuke fujo kahi ya atu."⁶Sasa, Jesu arihokala bado yuchere Bathania kahi za nyumba ya Simioni mwenye mahana, ⁷arihokala adzidzigoloza mezani, mwanamuche mumwenga achidza kwakwe yutsukula jagi ra mafuha ga thamani ya gali muno, achimumwagira chitswani. ⁸Ela anafunzie mvariho ona vivyo, mvachitsikirwa mvachamba, "Sababu ya kwangamiza mafuha gali vino ni noni? ⁹Mafuha gaga gandekuzwa kwa bei ya dzulu sana na pesa zikapewa achiya (masikini)."¹⁰Ela Jesu, arihomanya vivyo, achimvaamba, "Mbona mwamuyuga yuno mwanamuche? Maana yuhenda chitu chidzo sana kwangu. ¹¹Siku zosi munao ao achiya, ela si siku zosi mundakala hamwenga nami.¹²Maana adziho nimwagira mafuha gaga mwirini, yuhenda vivyo kwa ajili ya mazikwa gangu. ¹³Ujeri namvaambira, kokosi ambako Injili ii indafika duniani, chidzicho hendwa ni mwanamuche yuyu chindanenwa kwa kumukumbukira."¹⁴Ndiho mumwenga wa ara kumi na airi, ariye ehewa Judasi Isikariote, achenda kwa makuhani abomu ¹⁵achimvamba, "Mundanipani nichimwenjiza mikononi mwenu (nichimu saliti)?" Mvachimupimira vihande mirongo mihahu vya fedha mvachimupa. ¹⁶Kula wakati uwo, Judasi achitafuta nafasi kumusaliti Jesu.¹⁷Sasa, siku ya kwanza ya mikahe isiyo enjizwa tsatsu, anafunzie mvachimutua Jesu mvachimwamba, " Wamala hukatayarishe pasaka hiko?" ¹⁸Achamba, "Enjirani mudzini kwa mutu fulani na mumwambe, 'Mwalimu yudzaamba, "Wakati wangu ufika. Nindaitimiza pasaka hamwenga na anafunzi angu mwako nyumbani." ¹⁹Anafunzi mvachihenda here mvarivyo longozwa, nao mvachitayarisha chakurya cha pasaka.²⁰Dziloni irihofika, achisagela kurya hamwenga na anafunzie. ²¹Mvarihokala mvarya, Jesu achamba, "Ujeri namvaambira, mumwenga wenu andanisaliti." ²²Mvachigwirwa ni huzuni bomu, chila mutu achanza kumuuza, "Si mimi, Bwana?"²³Achiajibu, "Iye ambaye andenjiza mukonowe sawa nami kahi za bakuli mwenga ndiye andenisaliti. ²⁴Mwana wa Adamu andenda, here irivyo andikwa dzulu ya kwakwe. Ela, shakare (Shoriye) iye andemusaliti! Indekala tototo kala iye mutu kavyalirwe." ²⁵Judasi, ariye musaliti achuza, "Je ndimi, Mwalimu?" Jesu achimwamba, "Udzinena mwenye."²⁶Hali vachirya, Jesu achihela mukahe, achiubariki, na achiukata. Achiapa anafunzie achamba, "Helani, murye. Uu ndio mwiri wangu."²⁷Achihela chikombe achilavya mvera, na achimvapa achamba, "Nwani, mosini. ²⁸Maana ii ni damu ya malagano ambayo yamwagwa kwa anji kwa musamaha wa dambi. ²⁹Ela namvaambira, sindanwa keheri matunda ga muzabibu uu, mpaka iyo siku nindiho nwa keheri lusha namwi kahi za ufalume wa Paba."³⁰Baada ya kwemba, mvachombola mvachenda murima wa mizeituni. ³¹Ndiho Jesu achimvaambira, "Mosini mundatawanyika usiku wa rero sababu yangu, maana yeandikwa, ' Nindamupiga murisa, nao ng'onzi osi mvandatawanyika.' ³²Ela baada ya mimi kufufulwa, nindamva tangulia Galilaya."³³Ela Petero achimwamba, "Hata chamba osini mvandatawanyika sababu yako uwe Bwana, mino nindasela." ³⁴Jesu achimwamba, "Ujeri nakwambira, usiku uu wa rero, kabla jogolo riike, undakala udzinikana mara tahu." ³⁵Petero achimwamba, " Hata kala nikufa nawe, Bwana sindakukana." Anafunzi anjine osi mvachamba vivyo.³⁶Helafu Jesu achenda namvo hatu hehewaho Getisemane achimvaambira anafunzie, "Sagelani haha nenda kanda nikavoye." ³⁷Achimuhela Petero na ana airi a Zebedayo achanza kwenjirwa ni huzuni(kusononeka) na kutatizika akilini. ³⁸Helafu achiambira, "Moyo wangu una huzuni bomu sana, hata kufa. Bakini haha muchese hamwenga nami."³⁹Achenda mbere zaidi, achilalira usowe, achivoya. Achamba, " Paba, kala yawezekana, nusira chikombe chichi. Ela, si kwa kuhenza kwangu mimi, ela kwa mahenzogo mwenye." ⁴⁰Achiuya kwa anafunzie achimvapata mvarere, achimwambira Petero " Kwanoni kamuwezere kukala matso ta risaa rimwenga? ⁴¹Chesani na mavoyo, kwamba musenjire kahi za majezo. Roho yahenza ndio, ela mwiri ni mudhaifu."⁴²Achuka keheri mara ya hiri achivoya. Achamba, "Paba, ichikala chikombe chichi kachiweza kunitsupa mpaka nichinwe, mahenzogo nagatimire." ⁴³Achuya keheri achiapata anafunzie mvarere, maana matso gao gekala ni maziho muno. ⁴⁴Achimvaricha keheri, achenda voya mara ya hahu, manenoge gachikala gago.⁴⁵Helafu Jesu achuya kwa anafunzie achimvamba, "Bado muchere rere mwaoya? Lolani, wakati ufika, Mwana wa Adamu wasalitiwa mikononi mwa enye dambi. ⁴⁶Lamukani, hendeni. Lolani, musaliti wangu yuhehi."⁴⁷Hali yuchere kunena, Judasi, mumwenga wa ara kumi na airi, achidza. Kundi ra atu mvachidza naye kula kwa makuhani abomu na vilongozi a atu. Mvekudza na mapanga na marungu. ⁴⁸Sasa, ariye kala wamusaliti Jesu wekala amvapa ishara achimvamba "Iye nindiye mubusu ndeye, mugwireni."⁴⁹Mara tu arihofika kwa Jesu, achamba, "Nakulamusa, Mwalimu!" achimubusu. ⁵⁰Jesu achimwamba, "Musena, henda vyo udzivyokudza henda." Mvachidza, mvachimugwira, mvachenda naye.⁵¹Mwana wa mvo mvarokala na Jesu wegoloza mukono, achomboza upanga, achimukata mutumishi wa kuhani Mubomu sikiro. ⁵²Jesu achimwambira "Udzya upangawo, maana osi mvahumirao upanga mvandafa kwa upanga. ⁵³Wafikiria siweza kumweha Paba, naye akanihumira zaidi ya makundi kumi na mairi ga malaika? ⁵⁴Ela je, maandiko gandetimiradze, ni gaga gahendeke.⁵⁵Wakati uwo, Jesu achiambira ro kundi ra atu, "Mukudza na mapanga na marungu kudza nigwira here ni mwevi? Chila siku nesagela nichiafundisha hekaluni, kamunigwirire. ⁵⁶Ela gaga gahendeka ili maandiko ga Manabii gatimire." Anafunzie mvachimuricha mvachichimbira.⁵⁷Ao mvario mugwira Jesu mvachimulongoza kwa Kayafa kuhani mukulu, haho andishi na vilongozi anjine mvekala mvakusanyika. ⁵⁸Ela Petero wemutua nyumanyuma mpaka kwenye ukumbi wa kuhani mubomu. Achenjira ndani naye achisagela hamwenga nao ili alole chindicho ombolera.⁵⁹Sasa makuhani abomu na anjine osi mvekala mvatafuta ushahidi wa ulongo kumuhusu Jesu ili mvamolage. ⁶⁰Kamvapatire chochosi, idzaho mashahidi a ulongo anji mvedzombzera. Ela baadaye, airi mvachombolera ⁶¹mvachamba, "Yuyu mwanamulume weamba, 'Nina uwezo wa kuvunza hekalu riri ra Mulungu na nirijenge kwa siku tahu."⁶²Kuhani mubomu achema achamba, "Kuna jibu ra komboza? Ni ushuhuda wani uno unenwao dzuluyo?" ⁶³Ela Jesu wenyamala. Kuhani mubomu achimwamba, "Nakuamuru kwa dzina ra Mulungu aishiye, hwambire kala ndiwe Masihi, Mwana wa Mulungu." ⁶⁴Jesu achimujibu, "Udzirinena uwe mwenye. Ela nakwambira, kula wakati uu undamona Mwana wa Adamu yusegere mukono wa kulume wa ufalume achidza kwenye maingu ga Mulunguni."⁶⁵Kuhani mubomu achitarura vazire achamba, "Adzinena kufuru! Hwangoja mashahidi anoni keheri? Lolani, sasa mudzisikira enye kufuru. ⁶⁶Mwaazani?" Mvachijibu mvachamba, "Chifo ni hakiye (Wasitahili kufa)."⁶⁷Ndiho mvachimu tsitsira mahe usoni na mvachimupiga ngumi, anjine mvachimupiga makofi ⁶⁸mvachamba, "Hupe unabii, we Masihi. Adzekupiga ni hiye (nani)?"⁶⁹Sasa Petero achikala asegere nze ya ukumbi, chijakazi mumwenga achimutua achimwamba, "Mwekala hamwenga na Jesu wa Galilaya." ⁷⁰Ela Jesu achikana mbere zao osi, achamba, "Simanya wanenani."⁷¹Ariho ombola sehemu za lango, chijakazi munjine achimona achimvaambira mvariokala hehi naye, " Yuyu mwanamulume wekala hamwenga na Jesu wa Nazareti." ⁷²Achikana keheri na chiraho, "Simumanya mutu iye mino!"⁷³Baada ya muda mufuhi, mvariokala mvadzema hehi mvachimwambira Petero, "Hakika u mumwenga wao uwe, maana vyo unenavyo vyakusaliti." ⁷⁴Petero achikwatya kulaani na kuapa, "Simumanya mino iye," mara jogolo richiika. ⁷⁵Petero wekumbuka maneno ambago Jesu wekala yunena, "Kabla jogolo riike undakala unikana mara tahu." Achombola nze achenda rira kwa utsungu.

Chapter 27

¹Sasa madzacha garihofika, abomu a makuhani osi na vilongozi a atu mvachipanga jinsi mvandivyo molaga Jesu. ²Mvachimufunga, mvachimulongoza na mvachimuhirika kwa Pilato mubomu wa Mukoa.³Ndiho Judasi, ariye musaliti, ariho ona kwamba Jesu ahukumiwa, achitubu na achudzya pesa arizopewa kwa makuhani abomu na vilongozi, ⁴achimvamba, "Nidzihenda dambi kwa kusaliti damu isiyokala na hatia." Ela mvachimwamba, "Vyo be ni noni kwehu? Undamanya mwenye." ⁵Achizitsuhatsi zo pesa mumo hekaluni, achombola, achenda dzifunga lugwe achifa.⁶Abomu wa makuhani mvachihela zo pesa mvachamba, "Si helali kuzitsanganya zizi pesa hamwenga na sadaka kwa kukala ni garama ya mulatso wa mutu." ⁷Baada ya kujadiliana, mvachielewana, kuzihumira zizo pesa kugula munda wa mutengeza vyungu ili ikale hatu ha makaburi ga kuzikira ajeni. ⁸Kwa sababu iyo, haho hatu hachehewa "Munda wa mulatso" mpaka rero ii.⁹Ndiho maandiko ga Nabii gariho timira, kwamba, "Mvehela vyo vipande mirongo mihahu vya fedha, garama iroikwa dzulu ya maishage ni ana a Iziraeli, ¹⁰mvachizilavya mutengeza vyungu, here Bwana arivyo nilongoza."¹¹Sasa, Jesu achema mbere za Pilato, Pilato achimuuza, "We ndiwe mufalume wa Ayahudi?" Jesu achimujibu, "Unena." ¹²Ela ariho ikirwa mashitaka ga ulongo ni makuhani abomu na vilongozi, kajibire chitu. ¹³Ndiho Pilato achimwambira, "Yaani kusikira go mashitaka gosi mvakushitakigo nago?" ¹⁴Ela kajibire hata neno mwenga, hata mubomu wa mukoa achibaki kushangaa.¹⁵Sasa, kahi za sherehe za chiyahudi, yekala ni mila mubomu wa mukoa kurichira huru muhalifu mumwenga andiye tsagulwa ni kundi ra atu. ¹⁶Wakati uwo mvekala mvana jambazi mumwenga mufungwa arekala achehewa Jesu Barabasi.(Vitabu vinji vya kapindi kavina dzina Jesu kwa Barabasi)¹⁷Sasa mvarihokala mvakusanyana hamwenga, Pilato achimvauza, "Mundehenza nimvarichire hiye? Barabasi, ama Jesu ehewaye Masihi?" ¹⁸Wemanya mvekala mvadzimufisha Jesu kwakwe kwa sababu tu ya wivu. ¹⁹Arihokala bado achere segere kahi za chihi cha hukumu, muchewe wemuhumira ujumbe achimwamba, "Richana na iye mutu asiye na hatia yoyosi. Kwa kukala nidziyugika sana rero kwa sababu ya ndoho niriyo loha kumuhusu."²⁰Makuhani abomu na vilongozi mvachishurutisha atu kukala mvamumale Barabasi arichirwe ela Jesu ahukumiwe kolagwa. ²¹Mubomu wa mukoa achimvauza, "Kahi ya ano airi mwamala hiye nimurichire akale huru?" mvachijibu, "Barabasi." ²²Pilato achimvajibu, "Na yuno Jesu ehewaye Masihi nimuhendedze?" Mvachimujibu, "Musulubishe!"²³Ndiho achimvauza, "Kwa noni, ahendadze chibomu?" Ela mvachipiga kululu zaidi, "Musulubishe." ²⁴Sasa Pilato ariho ona kukala kapanda njira yoyosi kumusaidia Jesu, hata vurugu raanza, achihela madzi, achoga mikono mbere ya kundi ra atu, achiamba,"Sina hatia dzulu ya mulatso wa yuyu mutu. Munda amua mwimwi."²⁵Atu mvosi mvachamba, "Mulatsowe naukale dzulu yehu na ana ehu." ²⁶Achimvarichira Barabasi, ela achimvapa Jesu mvakamusulubishe.²⁷Ndiho shikari a mubomu wa mukoa mvachimuhela Jesu mvachimuhirika makalo makulu ga serikali na mvachikusanya shikari osi. ²⁸Mvachimuvula nguo mvachimuvisha kanzu tune. ²⁹Mvachimutengezera kofia ya miya mvachimuvisha chitswani, na mvachimugwizya bakora ya mwanzi mukonowe wa kulume. Mvachipiga mavindi mbereze kumutsea, mvachimwamba, "Selamu za heshima mufalume wa Ayahudi!"³⁰Mvachimutsitsira mahe, mvachimuhoka iyo fimbo ya mwanzi na mvachimupiga chitswani. ³¹Baada ya kumutsea, mvachimuvula yo kanzu mvachimuvisha nguoze, helafu mvachimulongoza njira ya kwenda sulubiwa.³²Mvariho ombola, mvachionana na mutu wa Kirene ariye ehewa Simioni, mvariye mulazimisha kwenda hamwenga nao ili amvasaidie kubeba muselaba. ³³Mvachifika hatu hehewa Gologota, maanaye "Vuvu ya chitswa." ³⁴Mvachimupa uchi uretsanganywa na nyongo. Ela ariho utata, uchimushinda.³⁵Baada ya kumusulubisha, mvachigavya mavazige kwa kuzipigira kura. ³⁶na mvachisagela mvachimurinda. ³⁷Dzulu ya chitswache, mvachiika hukumu mvario ichiza kwakwe, ichamba, "Yuyu ni Jesu, mufalume wa ayahudi."³⁸Anyang'anyi airi mvekala mvasulubiwa hamwenga naye, mumwenga mukono wa kulume munjine mukono kumotso. ³⁹Mvariotsupa na haho mvemuhukana, kuno mvandingisha vitswa ⁴⁰mvachamba, " Uwe urekala uvunze hekalu na urijenge kahi za siku tahu, dzokole! Ichikala u mwana wa Mulungu, tima kula ho muselabani!"⁴¹Hali iyo, makuhani abomu mvekala kahi za mvario mudhihaki (kumutania), hamwenga na aandishi na vilongozi, mvachamba, ⁴²"Weokola anji, ela kaweza kudzokola mwenye. Ni mufalume wa Iziraeli. Na atime kula kwa muselaba, ndiho hundamwamini.⁴³Wamwamini Mulungu, Mulungu na amokole sasa, ichikala Mulungu andakubali kumurichira. Maana ta weamba, 'Mimi ni Mwana wa Mulungu." ⁴⁴Hali iyo mwenga, anyang'anyi mvarokala mvasulubishwa hamwenga naye mvachimuhukana.⁴⁵Sasa kula kwa saa ya handahu, chiza chichitanda ntsi yosi mpaka saa ya chenda. ⁴⁶Wakati wa saa ya chenda, Jesu achirira kwa sauti bomu sana achamba, " Eli, Eli, lama sabakthani?" kumaanisha, "Mulungu wangu, Mulungu wangu, mbona udziniricha?" ⁴⁷Mvariokala mvadzema haho hehi naye mvariho sikira, mvachamba, "Wamweha Eliya."⁴⁸Mumwenga waho achuka malo achenda hela sponji, achiidzaza uchi mukali, achiuchiza kahi za mwanzi, achimupa anwe. ⁴⁹Anjine o mvachamba, "Muriche. Richa hulole kala Eliyah andadza mokola." ⁵⁰Ndiho Jesu achirira keheri kwa sauti bomu achiilavya rohoye.⁵¹Ajabu, pazia ya hekalu ichigavika mara mbiri kula dzulu mpaka tsini, dunia nayo ichitetemeka, na miamba ya mawe ichigavika mara mbiri. ⁵²Makaburi gachifuguka, miiri ya atu mvarofa ichifufulwa. ⁵³Mveombola makaburini baada ya ufufulowe, mvachenjira mudzi mutakatifu, na mvachonewa ni anji.⁵⁴Sasa Jemedari mumwenga na mvariokala mvachimulola Jesu mvariho ona mutetemo wa ntsi na go garigo hendeka, mvachiogoha sana na mvachamba, "Jeri, yuyu wekala Mwana wa Mulungu." ⁵⁵Ana ache anji mvariokala mvamutua Jesu kula Galilaya kumuhudumia mahitajige mvekala mvahaho mvalola kula hatua. ⁵⁶Hamwenga nao wekala ni Maria Magdalena, Maria mameye Jakobo na Josefu, na mameye ana a Zebedayo.⁵⁷Irihofika dziloni, achidza mutu tajiri kula Arimatheyo, dzinare Josefu, ambaye pia wekala mwanafunzi wa Jesu. ⁵⁸Wemutua Pilato achimuvoya kala apewe mwiri wa Jesu. Pilato achomboza amuri kukala aupewe.⁵⁹Josefu achiuhela wo mwiri, achiufungato kahi ya nguo safi, ⁶⁰na achiulaza kwenye kaburi mbisha ariyokala mwenye adziikata kahi za mawe. Helafu achiifinika na iwe bomu muryangoni achuka. ⁶¹Maria Magdalena na Maria yuya munjine mvekala haho, mvasegere upande upande kaburini.⁶²Siku ya hiri, iriyokala ndo siku baada ya matayarisho, makuhani abomu na mafarisayo mvachikusanyana hamwenga na Pilato. ⁶³Mvachimwamba, "Bwana, hwakumbuka wakati yuyatu mulongo arihokala yu moyo, weamba, 'Baada ya siku tahu nindafufuka.' ⁶⁴Kwa vivyo amuru kaburiye ikale tsini ya urinzi mpaka siku ya hahu, bila vivyo anafunzie mvaweza mvakadza mvakamweya kisha mvaambire atu, ' Afufuka kula kwa wafu,' na ulongo wa mwisho be undakala mui zaidi ya wa kwanza."⁶⁵Pilato achimvambira, " Helani murinzi. Endani mukahakikishe hana urinzi mukali here mumanyavyo." ⁶⁶Kwa vivyo vachenda na mvachihakikisha kaburini hana urinzi, mvachifinika na iwe na mvachiika shikari(murinzi).

Chapter 28

¹Baadaye siku ya sabato, kwa dzua rekala ratswa, siku ya kwanza ya wiki, Maria Magidalena na Maria yuya munjine mvachenda kaburini. ²Kuchikala na mutetemeko mubomu wa ntsi, maana malaika wa Bwana wetima kula Mulunguni, achiripingilisha ro iwe ririrokala rifinika kaburi ya Jesu achirisagalira.³Muonekanowe wekala here mwangaza mukali na nguoze zekala nyeruhe here theluji. ⁴Shikari mvaroikwa mvetetema kwa woga na mvachilela here atu a kufa.⁵malaika achimvanenera o ana ache achimvamba, "Musogoheni, maana namanya mwamutafuta Jesu, ariye sulubishwa. ⁶Kaho haha, afufuka, here arivyo gomba iye mwenye. Nzoni mulole ho hatu mvariho ulaza mwiriwe. ⁷Endani haraka mukamvaambire anafunzie, 'Afufuka kula kwa wafu. Lolani, atangulia mbere zenu akwenda Galilaya. Kuko ndiko mundiko mona.' Nidzimvaambira."⁸Anaache kwa haraka sana mvachikulaa malo kaburini kwa woga na raha, malo mvachenda ambira anafunzie. ⁹Njirani, Jesu achikutana namvo achimvelamusa, "Selamu?!" Mvachimutua Jesu, mvachimugwira magulu mvachimuabudu. ¹⁰Ndiho Jesu achimvaamba, "Musogoheni. Endani mukamvaambire ndugu zangu mvanitue Galilaya. Mvandanona kuko."¹¹Sasa mvariho kala mvenenda, baadhi ya arinzi a kaburini mvachenda mpaka mudzini mvachiambira abomu a makuhani mambo gosi mvarigo gaona. ¹²Makuhani mvariho onana na vilongozi a hekalu, na kusumurira mambo gago, mvachiapa ao shikari pesa nyinji sana ¹³na mvachiambira, "Mvaambireni anjine, 'Anafunzi a Jesu mvekudza usiku mvachiweya o mwiri huriho kala hurere.'¹⁴Ujumbe uu uchiafikira chilongozi wa mukoa, hundamushawishi, mwimwi musihende wasiwasi." ¹⁵Sasa shikari mvachihela zo pesa na mvachihenda here mvarivyo lakizwa. Ujumbe uu wetapakaa sana kahi ya Ayahudi na hata mpaka rero ii wenderera.¹⁶Ela mvara anafunzi kumi na mumwenga mvachenda Galilaya, kahi za murima ambao Jesu wekala adzimva erekeza. ¹⁷Mvariho mona, mvachimwabudu, ela anjine kamvaaminire.¹⁸Jesu achimvatua achinena namvo achimvaambira, "Mamulaka gosi nipewa kula Mulunguni kahi za dunia. ¹⁹Endani bee mukahende mataifa gosini mvakale anafunzi. Mvabatizeni kwa dzina ra Paba, na ra Mwana na ra Roho Mutakatifu.²⁰Mvafundisheni mvaheshimu mambo gosi ambago nemvelakiza. Lolani, ni hamwenga namwi wakati wosi, hata mwisho wa dunia."

Mark

Chapter 1

¹Uu ndio mwanzo wa injili ya Jesu Masihi, mwana wa Mulungu. ²Here irivyo andikpwakahi ya maandiko ga Nabii Isaya, "Lolani, nahuma Mutu usoni mwenu, mutu ambaye andavatengezera njira. ³Sauti ya mutu ariye nyikani, "Tengezani njira tayari kpwaajili ya Bwana; zihendeni njira zikale safi."⁴Johana wekudza, achivabatiza nyikani na kuhubiri ubatizo wa toba na msamaha wa dambi. ⁵Ntsi yosi ya Juda na atu osi a Jerusalemu vachombola kwenda onana naye. Vachibatizwa muho Joridani, vachikiri dambi zao. ⁶Johana wevela koti ra nyoga za Ngamiya na ukanda wa chingo chinuni mwakwe, na werya tu nzije na asali nyikani.⁷Wehubiri achamba, "Mumwenga andadza baada yangu ariye na nguvu kunishinda; ariye hata kanda za virahu vya kpwakwe si sitahili kupiga magoti kuzifugula. ⁸Mimi nevabatiza kpwamadzi, ela iye andavabatiza kpwaRoho Mtakatifu."⁹Vyehendeka siku zizo, Jesu Masihi wekudza kula Nazareti Galilaya, naye achibatizwa ni Johana muho uwo wa Joridani. ¹⁰Jesu arihokala wombola madzini, achona mbingu zifuguka na Roho wa Bwana achikala watima here giya. ¹¹Sauti ichisikirika kula Mulunguni ichamba, "Uwe ndiwe Mwanangu Muhenzwa. Roho yangu iridhika nawe"¹²Kula haho Roho wa Bwana achimushurutisha kwenda nyikani. ¹³Achikala nyikani kpwasiku mirongo mine, kuno wajezwa ni Ibilisi (Shetani). Wekala na anyama a tsakani, na malaika vachimuhumikira.¹⁴Baada ya Johana kugwirwa kwenjizwa chizimbani, Jesu achidza Galilaya kuhubiri neno ra Mulungu. ¹⁵Achamba, "Wakati ufika (utimira), na ufalume wa Mulungu uhehi. Tubuni na muka amini maandiko ga injili."¹⁶Arihokala watsembera ufuo wa bahari ya Galilaya, achimona Simioni na Andrea nduguye varusha nyavu baharini, ao vekala ni avuvi. ¹⁷Jesu achiamba, " Nzoni, nituani nami nindavagaluza avuvi a atu." ¹⁸Navo vachigwaga nyavu zao vachimutua Jesu Masihi.¹⁹Jesu arihokala wenenda mbere, chidogo achimona Jakobo mwana wa Zebedayo na Johana nduguye; vekala vakwenye mashua vatengeza nyavu zao. ²⁰Achiveha nao vachimuricha Paba yao Zebedayo ndani ya mashua hamwenga na ahenzi kazi, vo vachimutua Jesu.²¹Kula haho vachenjira Kapenaumu, irihofika siku ya sabato, Jesu achenda enjira hekaluni achifundisha. ²²Vachimushangaa sana mafundishoge, maana wekala wavafundisha here mutu mwenye mamulaka wela si mwandishi.²³Mara, mwanamulume mumwenga kahi za Hekalu arekala yupagawa ni mapepo achikpwatya kurira, ²⁴achamba, "Huna hiro ra kukuhendera we Jesu wa Nazareti? Ukudza uhumarikize? Nakumanya uwe u ani. Umutakatifu wa hacheye wa Mulungu!" ²⁵Jesu achichemera iye pepo na achimwamba, " Nyamala na umombole iye Mwanamulume!" ²⁶Pepo achimugwaga ye Mwanamulume tsi na achombola kuno warira kpwasauti ya dzulu.²⁷Atu osi vachishangaa, vachuzana, "Ni higo gano? Mafundisho masha genye mamulaka! Hata mapepo nago gamu heshimu!" ²⁸Habari zizo kumuhusu zichenera Galilaya nzima.²⁹Baada ya kombola hekaluni, vachidza nyumbani mwa Simioni na Andrea, hamwenga na Jakobo na Johana. ³⁰Sasa, mutsedza wa Simioni wa chiche achikala adzidzihuriza ana mwiri moho, vachimwelezera Jesu kumuhusu. ³¹Jesu achimusengerera, achimugwira mukono, achimwenula; mwiri moho uchimuricha naye achanza kuvahudumia.³²Dzulo riro, vachimurehera akongo na atu varokala vagwagwa ni pepo. ³³Lalo zima vachikusanyika ho langoni. ³⁴Achihoza anji akongo a makongo tofauti na achomboza pepo, ela karuhusire pepo vanene sababu vekala vamumanya.³⁵Achilamuka mapema sana, peho za kucha, achuka achenda hatu ha siri achivoya. ³⁶Simioni na anjine varokala osi vachimutafuta. ³⁷Variho mupata vachimwamba, "Chila mutu wakutafuta."³⁸Achivamba, " Hindeni kunjine, nze kpwamidzi jirani, ili nikahubiri kuko nako. Ndo sababu nikudza kuku nze." ³⁹Wekwenda kosi nze ya Galilaya, achihubiri kahi ya mahekalu na komboza pepo.⁴⁰Mumwenga arekala na ukongo wa mahana achimutua. Achimuvoya kpwakupiga mavindi achimwamba, "kala ni mahenzogo, waweza kunitakasa." ⁴¹kpwaroho ra mbazi, Jesu achinyosha mukono achimuguta, achimwamba, "Nahenza, kala mudzo." ⁴²Mahana gachimuricha achikala mudzo.⁴³Jesu achimukanya na achimurichira achenda. ⁴⁴Achimwamba, "Hakichisha kumwambira mutu jambo riri, ela enda ukadzonyese kpwaKuhani, na womboze sadaka iratu ambayo Nabii Musa weamuru, here ushuhuda wa kpwako kpwao."⁴⁵Chinyume na gago, wekwenda achanza kunena waziwazi kpwauhuru achieneza neno ra Bwana sana ta Jesu achikala kaweza keheri kwenjira hohosi waziwazi; wekala sehemu za kudzifitsafitsa. ela bado atu vekala vamutua kula chila hatu.

Chapter 2

¹Jesu arihouya kula Kapenaumu baada ya siku chache, atu vachisikira kala yu nyumbani. ²Anji vachikusanyika haho mpaka hachikoseka nafasi, langoni, Jesu achiva hubiria.³Ana alume kadhaa vachimurehera mwanamulume ariye pooza; atu anne vekala vamutsukula. ⁴Variho ona kavaweza kumufikira sababu ya kusanyiko, vachibomola dari arihokala yudzema Jesu, variho pata mwanya, vachimuteremusha ye mkongo arekala yulazwa chitsekani.⁵Ariho ona imani yao, Jesu achimwamba ye mkongo, " Mwanangu, dambizo zisamehewa." ⁶Sasa, hekala miongoni mwa atu vasegereo haho, hana aandishi nao vachanza kudzuza, ⁷"Yuno mutu mbona wanena vino? Wakufuru! Nani awezaye kusamehe dambi kala si Mulungu hacheye?"⁸Haho kare Jesu achiamanya maazo gao. Achivauza, "Mbona muna mawazo aina yo mioyoni mwenu? ⁹Rahisi kahi ya gano ni hiyo? kumwambira yuno mukongo are pooza, "dambizo zisamehewa" au kumwamba, "Uka, hela chitsekacho utsembere(wenende)?"¹⁰ela, ili mumanye kala Mwana wa Mulungu ana uwezo haha duniani kusamehe dambi" Achimwamba ye Mkongo, ¹¹"Nakutamukira, ema, hela chitsekacho wende kpwako nyumbani." ¹²Mkongo dakika iyo achema, achihela chitsekache, na achombola mbere ya matso ga chila mutu, achivaricha na mushangao navo vachimutukuza Mulungu kpwakuamba, "Kahudza wahi kona jambo dza riri."¹³Achombola keheri achenda ufuoni atu vachimutua, naye achimva fundisha. ¹⁴Arihokala wachira, achimona Levi mwana wa Alphasi yusegere kwenye hema ra mutoza ushuru achimwamba, "Nitua." Naye, achema achimutua.¹⁵Jesu wekala wahumira chakurya nyumbani kpwaLevi hamwenga na atoza ushuru na enye dambi mvachikala varya naye hamwenga na anafunzie, maana kwekala na anji mvaromutua. ¹⁶Aandishi, ambao mvekala ni Mafarisayo mvariho ona kukala Jesu wekala warya na enye dambi na atoza ushuru, mvachiauza anafunzie "kpwanoni warya hamwenga na atoza ushuru na enye dambi?"¹⁷Jesu ariho gasikira achimvamba, " Atu mvario azima mwirini kamvahitaji tabibu; isihokala akongo hacheye. Sidzire kpwaajili ya atakatifu bali enye dambi."¹⁸Sasa, anafunzi a Johana Mubatizaji mvachikala mvafunga (Saumu). Anjine mvachenda kpwaJesu mvachimuza, "Mbona anafunzi a Johana Mubatizaji, na anafunzi a Mafarisayo vafunga Saumu, ela anafunzio kamvafunga Saumu?" ¹⁹Jesu achimvamba, "Yawezekana asimamizi a harusi kufunga saumu wakati ye bwana harusi achere nao? Kamvaweza kufunga maana iye Bwana harusi yuchere hamwenga nao. '²⁰ela zindafika siku iye Bwana harusi andahalwa, haho mvandafunga Saumu. ²¹Kakuna ashonaye chiraka chisha kpwanguo idzetsakala. Chiraka chinda taruka chirichane na iyo nguo ya kutsakala na uwo mutaruko undonjezeka.²²Kakuna enjizaye uchi musha kwenye ngabe ya kapindi. Ngabe inda ahuka na vyosi vindakoseka-O uchi na iyo ngabe. Uchi musha, wenjizwe kpwangabe mbisha.²³Siku ya sabato, Jesu achichira kahi ya minda yenye mazao, anafunzie mvachikpwatya kutsola tsola tembe tembe za mavuno garesela. ²⁴Mafarisayo mvachimwamba Jesu, " Lola Bwana, mbona anafunzio mvahenda mambo ambago sisawa kulingana na sheria za sabato?"²⁵Achimvamba, " Kamudzasoma Mfalume Daudi wehendadze arihokala na nzela na uhitaji-iye na atue mvarokala naye- ²⁶jinsi arivyo kwenda enjira Hekaluni wakati Abiatha wekala ndiye kuhani Mubomu na achirya mukahe wa maonyeso, ambao ni hatia kuurya isokala makuhani, na achivapa pia vo ario kala naye?²⁷Jesu achamba, "Sabato yeikpwakpwamwanadamu, si mwanadamu kpwasabato. ²⁸kpwavivyo, Mwana wa Adamu ni Bwana hata wa iyo Sabato."

Chapter 3

¹Keheri, Jesu achenjira kwenye sinagogi, muchikala muna mumwenga mukonowe weholoza. ²Anji mvemulola Jesu kala andamuhoza siku ya sabato ili mvamushitaki.³Jesu achimwambira, "Lamuka weme haha kahikahi ya chila mutu." ⁴Ndiho achimvambira o atu, "Je ni vidzo siku ya sababto kuhenda ridzo ama rii; kuokola maisha ama kolaga?" Ela mvachimyamala.⁵Achizunguluka kumvalola na hasira, na achitsukizwa na ugumu wa roho zao, achimwambira yuya mutu, "Goloza mukonowo." Achiugoloza, nao mukono uchuya. ⁶Mafarisayo kula haho mvachikpwatya kupanga njama na Maherodi ili mvamolage.⁷Ndiho Jesu, hamwenga na anafunzie, achenda baharini, na kundi bomu ra atu mvachimutua kula Galilaya na Uyahudi ⁸na kula Jerusalemu na kula Idumaya na hata zaidi ya Joridani na sehemu jirani ya Tiro na Sidoni. Mvarihosikira mambo arigokala achigahenda, kundi bomu ra atu mvachimutua.⁹Achimvauza anafunzie mvatayarishe mashua tite yakwe kpwasababu ya kundi ra atu, ili mvasimukukume. ¹⁰kpwakukala weahoza anji, hata chila ariyekala na mateso wekala na shaka ya kumusongerera ili amugute tu angaa, ahole.¹¹Chila wakati roho chafu mvemona, mvegwa mbereze mvachirira sana, na kpwamba, "Uwe u Mwana wa Mulungu." ¹²Wemvasisitiza sana mvasimuhende akamanyikana.¹³Achenda dzulu murimani, acheha mvo arekala wamvamala, nao mvachimutua. ¹⁴Achitsagula mvo kumi na airi (Aromveha mitume) ili mvakale naye naye andemvahuma mvakahubiri neno, ¹⁵na kupata mamulaka ga komboza pepo achafu. ¹⁶Achitsagula o kumi na airi: Simioni, ariyekudza ehewa Petero;¹⁷Jakobo mwana wa Zebedayo, na Johana nduguye Jakobo ariyemupa dzina ra Bonagesi, kumaanisha, ana a chigwaragwara(Ngurumo); ¹⁸na Andrea, Filipo, Batholomayo, Mathayo, Tomaso,Jakobo mwana wa Alfayo, Thadayo, Simioni Mkananayo, ¹⁹na Judasi Iskariote, ambaye andemusaliti.²⁰Chisha achenda nyumbani, naro kundi ra atu mvachikusanyikana mvachimutua keheri, ichikala vigumu hata kurya mkahe. ²¹Familiaye mvarihosikira vivyo, mvachenda mugwira, kpwakukala mveamba, "Arukpwani akili." ²²Andishi mvariolaa Jerusalemu mvachamba, "Yupagawa ni pepo Belizebuli" na "Mutawela wa mapepo, na waomboza mapepo."²³Jesu achimveha na achimvanenera kpwamafumbo, "Yawezekanadze pepo omboze pepo munziwe? ²⁴Ichikala ufalume ugavika, uwo ufalume kauweza kwema. ²⁵Nyumba ichigavika, kaiweza kwema.²⁶Ichikala shetani yudzema kudzipinga mwenye, na yugavika, be kaweza kwema, bali yufika mwisho. ²⁷Ela kakuna awezaye kwenjira nyumba ya mutu mwenye nguvu akaeya vituvye kabila kumufunga iye mutu mwenye nguvu, ndiho akaeya²⁸Ujeri namvambira, dambi zosi za anadamu zindasamehewa, hata za kukufuru mvanenazo, ²⁹ela yoyosi andiye mkufuru Roho Mtakatifu, kandawahi kusamehewa, bali yukahi za dambi ya milele." ³⁰Jesu wenena gago kpwakukala mvekala mvaamba, "Ana pepo muchafu."³¹Ndiho mameye na nduguze mvachidza mvachema nze. Mvachihumana akehewe. ³²Kundi ra atu mvakala mvasegere kumuzunguluka na kumwambira, "Mameyo na nduguzo achiche na achilume mvanze, mvakutafuta."³³Achimvajibu, "Mame na ndugu zangu ni himvo?" ³⁴Achizunguluka kulola mvariokala mvasegere kahi za muduara achimvamba, "Lolani, mvamva ndimvo mame zangu na ndugu zangu! ³⁵kpwakukala chila ahendaye mahenzo ga Mulungu, mutu iye ndiye ndugu yangu wa chilume, wa chiche na mame."

Chapter 4

¹Keheri achanza kufundisha kanda ya bahari, na kundi bomu richimuzunguluka. Achenjira kahi za mashua iriyokala ufuo wa bahari, achisagela. Kundizima ra atu richibaki ufuoni. ²Achimvafundisha manji kpwamafumbo, na kahi ya mafundishoge, gaga ndigo arigo mvambira.³"Sikizani! Mukurima wekwenda nyela mbeyu. ⁴Hai achinyela, mbeyu zinjine zegwa kanda ya barabara, tsongo mvachifika mvachizitota. ⁵Zinjine zichigwa dzulu ya mawe, kazipatire mutsanga wa kutosha kpwavivyo zichimera haraka sana.⁶Ela dzua ririho chomoza, yo mimera ichisha na dzua, na kpwakukala kaikalire na mizi, mimera yosi ichoma. ⁷Zinjine zichigwa kahi ya miya. Miya ichimera haraka ichizonga yo mimera, wela kaivyalire.⁸Mbeyu zinjine zichigwa kahi ya mutsanga mudzo sana, zichivyela mazao madzo gachonjezeka mara mirongo mihahu, handahu hata mara gana." ⁹chisha achimvamba, " Mwenye masikiro, na asikire!"¹⁰Jesu arihokala hacheye, Mvariokala naye hamwenga na anafunzi mvachimuza kuhusu gago mafumbo. ¹¹Achimvambira, "Kwenu mwimwi, mupewa ufafanuzi wa mambo ga ufalume wa Mulungu. Ela kpwamvario nze, chila chitu ni mafumbo, ¹²ili mvachilola, ela kamvaona, na mvachisikira, ndio mvasikira, ela kamvaelewa, sevyo mvandegaluka na Mulungu andemvasamehe."¹³Achimvambira, "Je, kamwelewa rino fumbo? Sasa mundawezadze kwelewa mafumbo manjine gosi?" ¹⁴Anyelaye mbeyu wanyela neno. ¹⁵Mvamva nimvaratu mvario kandakanda ya barabara, kwenye neno nikunyalwa. Mvachirisikira, shetani haho kpwahaho wadza na kurihela riro neno ridziro nyalwa ndani yao.¹⁶Na zizi ndizo mbeyu zirenyalwa kwenye mutsanga wa mawe; mvamva, mvachisikira neno mvarihochera kare na furaha. ¹⁷Ela kamvana mizi ndani yao, mvakala na imani kpwamuda mufuhi. Kula haho, matatizo na mateso gachombolera kpwaajili ya neno, haho kpwahaho mvarichira imani yao.¹⁸Na zira zirizonyalwa miyani, ni mvara mvasikirao neno, ¹⁹ela mambo ga urimwengu na ulongo wa mali na matamanio ga mambo manjine gamvenjira na kumvazongazonga ro neno rikatsavyela matunda. ²⁰Zira zirizogwa mutsanga mudzo, ni varatu ambamvo nikusikira neno, mvakarikubali na mvakavyela matunda, mara mirongo mihahu, handahu, na hata mara gana zaidi.²¹Jesu achimvambira, "Je nikpwasha taa ndani ya nyumba chisha ukarika tsini ya chikahana ama tsini ya chitsanda? Samba nikurika dzulu ya chango. ²²Maana kakuna chifitswacho ambacho kachindaikpwahelamu. ²³Ariye na masikiro na asikire!"²⁴Achimvambira, "kalani makini na musikirago, kpwamaana chipimo mupimiracho anjine namwi mundapimirwa chicho na hata zaidi mundonjezerwa. ²⁵kpwakukala ariye nacho, kpwakwe andaonjezerwa, naye asiyekala nacho, cho chichache aricho nacho andahokpwa."²⁶Pia achamba, "Ufalume wa Mulungu ni here mutu anyelaye mbeyu mutsangani. ²⁷Welala usiku elamuke kuchicha, mbeyu nayo yamera na kukula, idzaho iye kamanya chidze. ²⁸Ntsi nikumeza nafaka yenye: kpwanza ni makodza, helafu malua, helafu misuche na mwisho ni ngano idziyo komala. ²⁹Wakati nafaka ikomala, mkurima nikuhuma miundu kpwakukala mavuno gadziiva."³⁰Keheri achamba, "Ufalume wa Mulungu hwaweza kuuhelanisha na noni, ama ni fumbo rani hwaweza kurihumira kuwelezera? ³¹Ni here mbeyu ya haradali ambayo nikunyalwa ichikala tite sana kahi za mbeyu zosi urimwenguni. ³²Idzaho, ichidza nyalwa, nikukula na kukala muhi mubomu zaidi ya mimera yosi kahi za bustani, na ukakala na panda nyelamu sana, hata tsongo mvakatengeza vitsunzi vyao.³³Kuhumira mafumbo here gago, achimvahubiria neno, kpwakadiri ya uwezo wao wa kwelewa, ³⁴naye kawahire kunena namvo isihokala kpwamafumbo. Ela arihokala hacheye na anafunzie, wemvaelezera chila chitu.³⁵Siku iyo, dzulo ririho enjira, achimvambira, "Hindeni ng'ambo ira injine." ³⁶kpwavivyo mvachiukira kundi ra atu, hamwenga na Jesu, here arivyokala, kwenye mashua. Hekala hana mashua zinjine zirizokala zasafiri hamwenga nao. ³⁷Ghafula, kuchombolera chimbunga cha peho, na maimbi gachivunza mashua hata ichidzela madzi.³⁸Ela Jesu mwenye wekala yu nyuma yurere kwenye muto. Mvachimulamusa mvachamba, "Mwalimu, kujali kpwamba sino hafa?" ³⁹Achilamuka, achichemera peho na bahari, "Amani! Hurirani!" Ndiho peho ichihurira, na kuchikala na uhurivu mubomu sana.⁴⁰chisha achimvambira, "Mbona mwaogoha? Muchere na imani chache?" ⁴¹Mvachidzalwa ni woga munji, mvachinong'onezana, "Yuno sasa nani, maana hata peho na bahari zamogoha?"

Chapter 5

¹Mvachifika ng'ambo ya hiri ya bahari, sehemu ya mkoa wa Gerasi. ²Wakati Jesu arihokala achombola kula kpwamashua, mwanamulume mwenye pepo muchafu achimutua kula mbirani.³Mutu iye weishi sehemu iyo ya mbira. Kakuna ariyeweza kumuzuliya keheri, hata kpwakufungwa minyororo. ⁴Wekala yufungwa mara nyinji na pingu zosi achizivunza. Kakuna ariyekala na mkotse kumushinda.⁵Chila mutsana na usiku mbirani na hata mirimani wepiga kululu na kudzikata kata na mawe ga nyomba. ⁶Arihomona Jesu kula kure, achimwingira malo, achimushutamira.⁷Achirira kpwasauti bomu, "Nina hiro nawe, Jesu, Mwana wa Mulungu ariye dzulu? Nakuvoya kpwadzina ra Mulungu mwenye, usinitese. ⁸kpwakukala wekala achimwambira, "Hebu mombole we roho muchafu."⁹Achimuza, "Ndiwe ani dzinaro?" Achimujibu, "Ndimi Lejoni (Tafsiriye 'jeshi'), maana hu anji." ¹⁰Achimuvoya keheri na keheri kukala asimvaomboze sehemu iyo.¹¹Sasa kundi bomu ra nguluwe rekala rarisa haho karimani, ¹²namvo mvachimusihi, mvachimwamba, "Huhume kpwamvara nguluwe; huruhusu humvenjire." ¹³Ndiho achimvaruhusu; pepo achafu mvachimombola yuya mutu mvachenjira kundi ra nguluwe, ro kundi ra nguluwe richiteremuka malo ko karima mvachenjira baharini, mvekala nguluwe here elifu mbiri na mvosi mvezama baharini.¹⁴Ndiho mvo arisa a nguluwe mvachichimbira mvachenda shitaki go mvarigo gaona mudzini na vijijini, atu mvachuka malo mvachenda lola go garigokala gahendeka. ¹⁵chisha mvachimutua Jesu mvachimona iye arekala yuvamiwa ni pepo achafu, iye arekala avamiwa ni jeshi ra pepo achafu, yusegere, avelato na akili zimuhurira; mvachimogoha.¹⁶Mvariokala mvadzona gago mambo garigo muhendekera iye mwanamulume ariyekala yupagawa ni mapepo mvachimvelezera chila chitu, na mvachimvelezera kuhusu o ngulue. ¹⁷Ndiho mvachanza kumuvoya aruke lalo riro.¹⁸Arihokala wenjira kwenye mashua, ye mwanamulume achimuvoya Jesu kukala mvenende hamwenga. ¹⁹Ela Jesu kamukubalire, badelaye achimwambira, "Enenda kpwako nyumbani na kpwaatuo, na ukamveleze go Bwana adzigo kuhendera, na vyo adzivyo konyesa roho ra mbazi." ²⁰kpwavivyo achuka naye achanza kutangaza mambo mabomu ambago Jesu wekala adzimuhendera, na chila mutu vichimwangelaza.²¹Sasa, Jesu arihokala yuvuka keheri ng'ambo injine na mashua, kundi bomu richimuzunguluka, kpwakukala wekala yu ufuo wa bahari. ²²Ndiho mumwenga wa vilongozi a sinagogi ariye ehewa Jairo achidza, na ariho mona, achimugwerera maguluni. ²³Achimuvoya keheri na keheri, achimwamba, "Mwanangu mtite wa chiche yuhehi kufa. Nakuvoya, nzo umwikire mikono ili ahole aishi." ²⁴kpwavivyo achenda naye, na kundi bomu ra atu richimutua mvachidzisukuma hehi naye.²⁵Sasa, hekala hana mwanamuche haho ambaye wekala wamwagikpwani mulatso kpwamiaka kumi na miiri. ²⁶Wekala ateseka sana kula kpwamadaktari na wekala adzihumira chila arichokala nacho, ela badela ya kuhola achilumwa zaidi. ²⁷Arihokala yusikira kuhusu Jesu, achimutua nyuma kahi za kundi achimuguta vazire.²⁸kpwakukala wefikiria, "Nichiguta tu vazire, nami ndahozwa." ²⁹Ariho muguta, mulatso uchiricha kombola, naye achidzisikira yuhola.³⁰Jesu haho kpwahaho, achigundua kukala adzangamiza nguvu mwirini mwakwe. Achigaluka achamba, "Adziyeguta vazi rangu nani?" ³¹Anafunzie mvachimwambira, "Waona atu vyo mvarivyo tele mvadziku zunguluka, chisha wamba, 'Adziyeniguta nani?"" ³²Ela Jesu achiriaria amumanye adziyemuguta.³³Ye mwanamuche, kpwakukala wekala wamanya garigo kala gahendeka kpwakwe, achogoha na achitetemeka. Achimutua Jesu achimugwerera maguluni achimwambira ujeriwe wosi. ³⁴Achimwambira, "Mwanangu, imaniyo idzikuhoza. Enenda kpwaamani na uhozwe mateso gosi."³⁵Arihokala bado achere kunena, anjine mvachidza kula kpwachilongozi wa sinagogi, mvachamba, "Mwanao wa chiche yudzefa. Mbona wamuyuga mwalimu zaidi?"³⁶Ela Jesu ariho usikira uwo ujumbe, achimwambira ye chilongozi wa sinagogi, "Usogohe, amini tu." ³⁷Karuhusire mutu yeyosi kumutua isihokala Petero, Jakobo na Johana, nduguye Jakobo. ³⁸Mvachenda nyumbani kpwaiye chilongozi wa sinagogi na mvachiona kundi ra atu kahi za nyumba ya iye chilongozi wa sinagogi mvachipiga kululu; mvekala mvachirira na kuomboleza.³⁹Ariho enjira mo nyumbani, achimvambira, "Mbona mutsukirwe na kpwanoni mwarira? Mwana kadzafa yurere." ⁴⁰Mvachikpwatya kumutseka. Ela ye achimvomboza mvosi nze, achimuhela ye pabaye mwana na mameye hamwenga namvo arimvokala namvo, achenda ko mwana arikokala yulazwa.⁴¹Achihela mukono wa iye mwana achimwambira, "Talitha, koum!" tafsiriye ni, "Msichana, nakpwamba, lamuka." ⁴²Haho kpwahaho, msichana achilamuka na achitsembera (kpwakukala wekala na umuri wa miaka kumi na miri). Mara iyo, mvachigwirwa na mushangao mubomu. ⁴³Achimvapa onyo kali kukala mutu yoyosi asigamanye gago. Helafu achimvambira mvamupe chakurya.

Chapter 6

¹Weombola kula haho achenda kpwao mudzini hamwenga ana anafunzie. ²Sabato irihofika, achifundisha kwenye sinagogi. Anji mvachimusikira nao mvachimushangaa. Mvachamba, "Wegapatahi mafundisho gano?" "Ni hekima yadze ariyopewa yuno?" "Ni miujiza yadze ino aihendayo na mikonoye?" ³"Yuno seye yuya seremala, mwana wa Mariamu na nduguze ni Jakobo na Jose na Judasi na Simioni? Nduguze a chiche si mvahamwenga nasi?" Kamvahamirirwe.⁴Ndiho Jesu achimvambira, "Mufalume kana heshima kpwao na kahi ya lukolo lwa kpwakwe na atu a nyumbaye." ⁵Kawezere kuhenda kazi bomu yoyosi, isihokala kumvaikira mikono achache mvariokala kamvasikirato na kumvahoza. ⁶Wemvashangaa kpwakutsa amini kpwao. Kula haho achizunguluka laloni achifundisha.⁷Ndiho achimveha o kumi na airi na kumvahuma airi airi, na achimvapa uwezo dzulu ya pepo achafu, ⁸na kumva amuru mvasitsukule chochosi safarini, isihokala fimbo tu-bila mukahe, bila mukoba, bila pesa mapochini mwao- ⁹ela mvavale virahu na kanzu mwenga mwenga tu.¹⁰Achimvambira, "Hohosi mundiho enjira nyumbani, bakini haho mpaka siku ya kuuka mudzi uwo. ¹¹kala kuna mudzi wowosi kamunda hocherwa wela kusikizwa, muukaho mudzi uwo, kukutani vumbi ra maguluni here ushuhuda kpwao."¹²Mvachenda na mvachihubiri kukala atu mvatubu. ¹³Mvachomboza pepo anji, na mvachiahaka mafuha akongo anji mvachiahoza.¹⁴Mufalume Herode achigasikira, kpwakukala dzina ra Jesu rekala rimanyikana sana. Anjine Mveamba, "Johana mubatizaji afufulwa kula kpwawafu, na ndio sababu nguvu za miujiza zamuhendera kazi." ¹⁵Anjine mvachamba, "Ni Eliya." na anjine mvachamba, "Ni nabii, here mumwenga kahi za Manabii a kapindi."¹⁶Ela Herode ariho sikira gago achamba, "Johana, niriye mukata chitswa, yufufuka." ¹⁷kpwakukala Herode weamuru Johana agwirwe na afungwe jela kpwaajili ya Herodia (Mkaza nduguye Filipo), kpwakukala wekala yumuhela.¹⁸Maana Johana wemwambira Herode, "Si sheria na si haki umuhale mkaza nduguyo." ¹⁹Ela Herodia achibaki kumuchukiya na achimala kumolaga, ela kawezere, ²⁰kpwakukala Herode wemogoha Johana; wemanya wekala ni hachi na mutakatifu, na wemwika selama. Ariho musikiza wehuzunika, ela wehamirwa ni manenoge.²¹Ndiho nafasi ichipatikana wakati Herode wekala washerekea sikuye ya kuvyalwa na achimvatayarishira ajenie chakurya cha dzulo, ma afisa akpwakwe, makamanda na vilongozi a Galilaya. ²²Mwana wa chiche wa herodia mwenye ndiye ariye tumbuiza ajeni kpwakumvavinira naye achimufurahisha sana Herode na mvo ajeni. Mufalume achimuza, "Nambira chochosi uchimalacho nami nindakupa."²³Achirya chiraho kpwakwe achamba, "Chochosi undochomala kpwangu, nindakupa, hata nusu ya ufalume wangu." ²⁴Achombola achenda muza mameye, "Nimuvoye noni?" Mameye achimujibu, "Chitswa cha Johana Mubatizaji." ²⁵Achiuya malo kare kpwamufalume, achimuvoya achamba, "Nachimala chitswa cha Johana Mubatizaji, vivi kare, chitswa cha Johana Mubatizaji kwenye sahani ya mbao."²⁶Idzaho neno riro remuhuzunisha sana mufalume, wekala kaweza kumukahalira kpwakukala wekala adzerya chiraho mbere ya ajenie. ²⁷kpwavivyo mufalume achihuma shikari mumwenga kahi za arinzie na achimwamuru akachihale chitswa cha Johana. Shikari achenda achimukata chitswa kuko jela. ²⁸Achichireha cho chitswa kwenye sahani naye achimupa ye msichana, msichana naye achimupa mameye. ²⁹Anafunzie mvariho sikira gago, mvachenda uhela mwiriwe mvachenda uzika mbirani.³⁰Anafunzie mvachionana na Jesu mvachimwelezera gosi mvarigokala mvadzigahenda na kufundisha. ³¹chisha achimva ambira, "Endani sehemu idziyo dzitenga moye vichache." kpwakukala anji mvekala mvadza mvachenda, kamvakalire na wakati hata wa kurya. ³²Ndiho mvachuka kpwamashua mvachenda sehemu ya kanda.³³Ela mveona mvariho kala mvenenda na mvachimvamanya, nao mvachiatua hamwenga kpwamagulu kula kpwamidzi yosi, ta mvefika kuko mbere zao. ³⁴Mvarihofika ufuoni, achona kundi bomu ra atu, naye achimvonera mbazi kpwakukala mvekala here ng'onzi mvasio na murisa. kpwavivyo achanza kumvafundisha mambo manji.³⁵Dzulo ririhofika, anafunzie mvachimutua mvachimwamba, "Ii ni sehemu ya hacheye na dzulo rifika. ³⁶Mvariche mvauye madzumbani kpwao ili nasi hwenende mudzi wa hehi na vijiji ili mvakapate kugula citu cha kurya."³⁷Ela achijibu achimvambira, "Mvapeni utu wa kurya." Mvachimwamba, "Je hwaweza kwenda hukagula mikahe ya dinari magana mairi hukamvapa mvakarya?" ³⁸Achimvambira, "Muna mikahe mingahi? Endani mukalole." Mvarihokwenda lola, mvachimwamba, "Mikahe mitsano na samaki airi."³⁹Achimva amuru mvosi mvasagale kpwamakundi kwenye nyasi. ⁴⁰Mvachisagela kpwavikundi vya atu gana gana na mirongo mitsano mitsano. ⁴¹Achihela yo mikahe mitsano na mvo samaki airi, achiloa dzulu mulunguni achiibariki na kumva katira katira helafu achimvapa o anafunzi kumva andalira atu. Achiagavya mvo samaki airi namvo kahi yao mvosi.⁴²Mvosi mvachirya mpaka mvachekuha. ⁴³Mvachitsola vipande virivyo sela mpaka mvachidzaza kahu kumi na mbiri, na pia vipande vya samaki. ⁴⁴Hekala hasegere atu elifu tsano mvariorya yo mikahe.⁴⁵Haraka sana achimvenjiza anafunzie kahi za mashua ili mvamutangulie ng'ambo ya hiri, Bethsaida, hali achimvainga makundi ga atu. ⁴⁶Baada ya kumvarichira makundi mvahauke, achambuka murimani kuvoya. ⁴⁷Dzulo richifika, na mashua nayo ichikala i kahi ya bahari, ye achikala hacheye ufuoni.⁴⁸Achimvona mvatabika kupiga makasia, kpwakukala peho yekala yamvazuiliya. Iriho fika peho za kucha, achimvatua, kuno wenenda dzulu ya bahari, achimala kumvatsupa. ⁴⁹Ela mvariho mona wenenda dzulu ya madzi, mvachifikiria wekala ni pepo mvachipiga kululu, ⁵⁰kpwakukala mvemona mvachisumbuka. Haho kpwahaho achinena namvo achimvambira, "kalani na ujasiri! Ni mimi! Musogoheni!"⁵¹Achenjira kwenye mashua hamwenga namvo, nayo peho ichiricha. Vichimvashangaza sana. ⁵²kpwakukala kamvaelewere mikahe yemaanisha noni. Badelaye, maroho gao gachihendwa mafu.⁵³Mvariho vuka, mvachifika ntsi ya Genesareti mvachigwaga nanga. ⁵⁴Mvariho ombola kwenye mashua, atu mvachimumanya kare, ⁵⁵mvachizunguluka mudzi wosi kuareha akongo vitsekani kpwakwe hohosi mvariho sikira yuhaho.⁵⁶Chila ariho enjira vijijini, ama midzini, ama ntsi yoyosi, mvandemuhirikira akongo masokoni. Mvemuvoya amvaruhusu mvagute tu mapindo ga nguoze, na anji mvehozwa kpwanjira iyo.

Chapter 7

¹Mafarisayo na andishi anjine mvariokala mvafunga charo kula Jerusalemu mvachikusanyika kumuzunguluka.²Mvachimvona baadhi ya anafunzi mvarya mikahe bila koga mikono, yaani mikono michafu. ³(Maana Mafarisayo na Ayahudi mvosi kamvarya bila koga mikono kpwamakini, kpwakukala mvatua tamaduni za akare ao. ⁴Mafarisayo mvachilaa sokoni, kamvarya mpaka mvaoge, na pia mvatua manji ambago mvega kula kpwaakare ao, here kojesa vikombe, vyungu, viya virivyo tengezwa na shaba, na hata vihi mvatumiavyo wakati wa kurya.)⁵Mafarisayo na alimu mvachimuza Jesu, "kpwanoni anafunzio kamvatua tamaduni za akare ehu, bali mvarya mikahe bila koga mikono?"⁶Ela achimvamba, "Nabii Isiah wetabirito kumvahusu mwimwi anafiki. Here irivyo andikpwa, 'Mvamva atu mvaniheshimu kpwandimi zao, ela roho zao zikure nami. ⁷Mvanihendera ibada zisizokala na maana, mvachifundisha amuri za anadamu here mahochero gao.'⁸Mwaricha sheria za Mulungu mwatua tamaduni za anadamu." ⁹Achimvambira pia, "Mwawezadze kukahela sheria za Mulungu ili mutue za tamaduni zenu! ¹⁰kpwamaana Musa weamba, 'Muheshimu pabayo na mameyo,' na, 'Anenaye mai kumuhusu pabaye ama mameye hakika andaolagwa.'¹¹Ela mwamba, 'Mutu achimwamba pabaye ama mameye, "Musaada wowosi nindemvapa mimi ni zawadi" ¹²helafu kamumuruhusu keheri kuhenda chochosi kpwapabaye ama mameye. ¹³Mwarihenda neno ra Mulungu kukosa maana kpwatamaduni zenu mumvafundishazo vizazi vyenu. Na manji mugahendago."¹⁴Acheha ro kundi keheri, achimvambira, "Nisikizani, nyosini muelewe. ¹⁵Kakuna chitu chiriwacho ni mwanadamu chiwezacho kumuchafua achenjizaho mwirini. Ni chiratu chombolacho kula kpwamutu ndicho chimuchafuacho." ¹⁶Mwenye masikiro, na asikire.¹⁷Sasa Jesu arihorichana na kundi ra atu achenjira nyumbani, anafunzie mvachimuza kuhusu riro fumbo. ¹⁸Jesu achimvajibu, "Bado kamudza elewa? Kamumanya kukala chenjiracho ndani ya mwanadamu kachimuchafua, ¹⁹kpwakukala kachiweza kwenda rohoni mwakwe, bali chenda mwakwe tumboni, helafu chombozwe chende muselani?" kpwamusemo uu, Jesu achitangaza kukala vyakurya vyosi ni visafi.²⁰Achimvamba, "Ni chiratu chombolacho nze ya mutu ndicho nikumuchafua. ²¹kpwakukala kula kpwandani ya mutu, kula kpwaroho ya mutu, kombola maazo mai, usherati, wevi, wolagi, ²²uzembe, tamaa mbii, ukatili, ulongo, ufisadi, wivu, kusingizirana, madzivuno, ujinga. ²³Mai gosi gaga gombola kula ndani ya mutu, na ndigo gachafuago mutu."²⁴Achuka kula haho achenda lalo ra Tiro na Sidoni. Kuko achenda kwenye nyumba, na kahenzere yoyosi amanye arikokala, idzaho wekala kafitsika. ²⁵Ela mwanamuche ambaye mwanawe mutite wa chiche wekala yupagawa ni pepo muchafu achisikira kumuhusu Jesu achimufikira Jesu achimugwerera maguluni. ²⁶Sasa iye mwanamuche wekala ni Muyunani, wa kabila ra Kifoenike. Achimusihi kumomboza pepo mwanawe.²⁷Achimwambira, "Richa ana kpwanza mvariswe. Maana si sawa kulavya chakurya cha ana kuapa kuro." ²⁸Ela achimujibu achimwambira, "Ni jeri Bwana, ela hata kuro chisha nikurya makombo ga mvamvo ana."²⁹Achimwamba, "kpwamaneno udzigonena, uhuru kwenenda. Pepo yurichana na mwanao." ³⁰Achuya kpwakwe nyumbani achimupata mwanawe yurere chitandani, muzima pepo yumombola.³¹Ndiho achikulaa keheri mkoa wa Tira, achenda lalo ra Dekapoli kutsupira na Sidoni chisha kpwabahari ya Galilaya. ³²Mvachimurehera mutu ariyekala chiziwi na achikala pia ana tabu kugomba, mvachimuvoya amwikire mukono ahole.³³Jesu achimuhela achimwika kanda na kundi ra atu, achimwenjiza mala masikironi, helafu achitsitsitsa mahe achimuguta lulimi. ³⁴chisha achirungarara achilola Mulunguni, achivuha pumuzi, achimwambira, "Ephphatha," iyo ni kpwamba, "Fugula!" ³⁵Haho kpwahaho, masikiroge gachifuguka, chirichokala chifunga lulimi chichifuguka, naye achanza kunena tototo.³⁶Jesu achimvelakiza mvasimwambire mutu. ELa kadri arivyo sisitiza mvasinene, ndivyo mvarivyo zidi kutangaza. ³⁷Mvestaajabu sana, na kpwamba, "Adzigahenda gosi tototo. Hata ana uwezo wa kumvahenda mabubu mvanene na viziwi kusikira."

Chapter 8

¹Siku zizo, kwekala na kundi bomu, ela mvekala kamvana utu wa kurya. Jesu achimveha anafunzie achimvamba, ²"Namvonera mbazi kundi riri ra atu kpwakukala mvenderera kukala nami na kare siku ya rero ni ya hahu na kamvana utu wa kurya. ³Nichimvainga mvauye kpwao madzumbani bila kurya, nikwenda mvakazimia njirani. Anjine ao mvela na kure sana." ⁴Anafunzie mvachimujibu, "Ni hiko ambako hwaweza kupata mikahe ya kutosha lalo ridziro dzitenga rino ta atu mvarye mvekuhe?"⁵Achimvauza, "Muna mikahe mingahi?" Mvachijibu, "Mifungahe." ⁶Achimvaamuru kundi ra atu mvasagale uwanjani. Achihela yo mikahe mifungahe, baada ya kushukuru, achiivunza vunza. Achimvapa o anafunzi, namvo mvachiagavira atu.⁷Mvekala pia mvana samaki achache atite atite, na baada ya kulavya shukurani, achimvaamuru anafunzie mvaagavire namvo. ⁸Mverya mvachekuha, na mvachitsola tsola masalo, mvachidzaza kahu fungahe bomu. ⁹Haho hekala na atu mvasio pungua elifu nne. Helafu achimvarichira mvachuya kpwao madzumbani. ¹⁰Kula haho naye achipanda kwenye mashua na anafunzie, mvachenda lalo ra Dalmanutha.¹¹Ndiho mafarisayo mvachombola mvachanza kunenezana naye. Mvemala konyeswa muujiza, kpwakumujeza. ¹²Achivuha hewa ndani rohoni achimvambira, "Mbona rika rino ramala miujiza? Jeri namvambira, kakuna muujiza munjine undiwo onyeswa rika riri." ¹³chisha achimvaricha, achenjira kpwamashua, achivuka ng'ambo ya hiri.¹⁴Sasa, anafunzi mvachikala mvasahau kutsukula mikahe. Mvekala kamvana zaidi ya mukahe mumwenga ndani ya mashua. ¹⁵Achimvaeleza, achimvamba, "kalani matso na mudzirinde na chachu ya mafarisayo na Herode."¹⁶Anafunzi mvachikpwatya kuuzana kuhusu kukosa mikahe. ¹⁷Jesu ariho mvaelewa, achimvauza, "kpwanoni mwauzana kuhusu kukosa mikahe? Bado kamona wela kwelewa? Bado muchere na miyo mifu?¹⁸Muna matso, je kamona? Muna masikiro, je kamusikira? Kamukumbuka? ¹⁹Niriho katakata mikahe mitsano tu kurisa atu elifu tsano, mwetsola kahu ngahi za masaliro?" Mvachimujibu, "Kumi na mbiri."²⁰"Niriho katakata yo mikahe mifungahe iriyorisa atu elifu nne, ni kahu ngahi murizo tsola za masaliro?" Mvachimujibu, "Fungahe." ²¹Achimvamba, "Bado kamudzaelewa?"²²Mvachifika Bethisaida. Atu a kuko mvachimuhirikira chipofu mvachimuvoya amugute ahole. ²³Jesu achimuhela, achimugwira mukono achimulongoza nze ya chicho chijiji. Ariho mutsitsira mahe matsoni na kumwikira mikono, achimuza, "Waona chochosi?"²⁴Achirungarara, achamba, "Naona atu mvaonekana here mihi yenenda." ²⁵Achimwikira keheri mikono matsoni, naye achifugula matso, matsoge gachifugulwa, naye achona chila chitu tototo. ²⁶Jesu achimwambira ende kpwakwe nyumbani, na malakizo, "Usenjire chijijini."²⁷Jesu achombola na anafunzie achenjira vijiji vya Kaisaria ya Filipi. Njirani, achimvauza anafunzie, "Atu nikpwamba mino ni ani?" ²⁸Mvachimujibu mvachimwamba, "Johana mubatizaji. Anjine mvamba, 'Eliya.' na anjine, 'Mumwenga kahi ya Manabii.""²⁹Achimvauza, "Ela mwino mwamba mino ni ani?" Petero achimujibu, "U Masihi." ³⁰Jesu achimvelakiza mvasimwambire mutu kumuhusu.³¹Achanza kumvafundisha kukala Mwana wa Adamu lazima andateseka kpwamambo manji, na andakahalwa ni vilongozi na Abomu a makuhani, na andishi, na andolagwa, chisha baada ya siku tahu andafufuka. ³²Weunena ujumbe uwo lwazu. chisha Petero achimweha kanda achimuchemera.³³Ela Jesu achigaluka achimvalola anafunzie chisha achimuchemera Petero achimwamba, "Uya nyuma, shetani! Akilizo kazifikiria mambo ga Mulungu ela ga anadamu." ³⁴chisha achimveha kundi ra atu na anafunzie hamwenga, achimvamba, "Ichikala kuna yoyosi ahenzaye kunitua, ni lazima adzikane iye mwenye, atsukule muselabawe, anitue.³⁵Maana yoyosi amalaye kokola uzimawe, andawangamiza, na yoyosi angamizaye uzimawe kpwaajili yangu na injili andawokola. ³⁶Indamufaidi noni mutu kupata urimwengu muzima chisha angamize maishage gosi? ³⁷Ni noni mutu awezacho kulavya kurihira maishage?³⁸Yoyosi anoneraye haya maneno gangu chivyazi chichi cha uzinzi na dambi chila aina, Mwana wa Adamu andamonera haya andiho fika kwenye utukufu wa Pabaye na malaika atakatifu.

Chapter 9

¹Achimvambira, "Jeri namvambira, kuna anjine enu mvemireo haha ambao kamvanda tata chifo kabla mvawone utukufu wa Mulungu undihotima na nguvuze." ²Siku tandahu baadaye, Jesu achimuhela Petero na Jakobo na Johana mvachambuka dzulu ya murima, hachiyao. Ndiho achigaluzwa uso mbere yao. ³Nguoze ziching'ela sana, zichikala na weruhe wa ajabu, weruhe ambao kakuna awezaye kuzing'arisha urimwenguni.⁴chisha Eliya hamwenga na Musa mvachomvombolera, mvachikala na masumuriro na Jesu. ⁵Petero achimwambira Jesu,"Mwalimu, ni vidzo kwehu kukala haha, kpwavivyo nahujenge vibanda vihahu, chimwenga chako, chimwenga cha Musa na chimwenga cha Eliya." ⁶(Maana kamanyire ra kunena kpwamvekala mvadzenjirwa ni woga)⁷Ingu richitima richimvafinika. Helafu sauti ichombola kula kpwaro ingu ichamba, "Yuyu ni mwanangu muhenzwi. Musikizeni." ⁸Gafula, mvariho riaria, kamvamonere yoyosi keheri isihokala Jesu.⁹Mvarihokala mvatia kula dzulu ya murima, achimva amuru mvasimwambire yoyosi mvarigo gaona mpaka Mwana wa Adamu andihokala yufufuka kula kpwaafu. ¹⁰kpwavivyo mvachirinyamalira jambo riro, ela mvekala mvambirana enye jambo, "kufufuka kula kpwaafu" yaweza kukala maanaye ni noni.¹¹Mvachimuza, "Mbona andishi mvamba Eliya lazima adze wa kpwanza?" ¹²Achimvambira, "Eliya kadza wa kpwanza kuudzya mambo. Mbona be yeandikpwakukala Mwana wa Adamu lazima andateseka mambo manji na kudharauliwa? ¹³Ela namvambira, Eliya wekudza kare, na mvachimuhendera chila mvariromala kumuhendera, here tu irivyo andikpwakumuhusu."¹⁴Mvarihouya kpwaanafunzi, mvachona kundi bomu rimvazunguluka, na andishi mvachikala mvanenezana namvo. ¹⁵Mara tu mvarihomona Jesu, kundi rosi richishangaa mvachimwingira malo kwenda mulamusa. ¹⁶Achimvauza anafunzi, "Mukala mwanenezana kpwanoni?"¹⁷Mumwenga haho kundini achimujibu, "Mwalimu, nidzimureha mwanangu wa chilume kpwako. Ana pepo muchafu adzemufunga kanwa kaweza kunena. ¹⁸Nikukala wamugwaga, chisha wombola povu ra mulomo, waluma meno, helafu waomalala. Nidzimvauza anafunzio mvamomboze iye pepo, ela mvashindwa." ¹⁹Achimvauza anafunzie, "Chizazi chisicho amini, nindakala namwi mpaka rini? Nindamvavumirira mpaka rini? Mureheni hano."²⁰Mvachimuhirikira ye barobaro. Pepo arihomona Jesu, achimugwaga ye chijana. Achigwa achombola povu ra mulomo. ²¹Jesu achimuza pabaye, "kpwamuda wani yukala hali ino?" Pabaye achimujibu, "Kula uhohowe. ²²Mara kpwamara nikumugwaga mohoni ama madzini kujeza kumolaga. kala waweza kuhenda rorosi, honere mbazi uhusaidie."²³Jesu achimuza, "Ichikala naweza'? Chochosi chawezekana kpwaye aaminiye." ²⁴kpwaupesi, ye pabaye mwana achipiga kululu achamba, "Naamini! nisaidie upungufu wangu wa imani!" ²⁵Jesu ariho ona kundi ra atu mvamutua, achichemera iye pepo muchafu achimwamba, "We pepo wa ububu na uziwi, nakuamuru, ombola, na usimuuyire keheri yuyu."²⁶Pepo achimombola kpwakululu na kumuhangaisha chijana. Chijana weonekana here mutu ariyekala yudzefa, ta anji mvachamba, "Yudzefa." ²⁷Ela Jesu achimwenula, naye achema.²⁸Jesu arihouya nyumbani, anafunzie mvachimuza chisiri, "Mbona sino hudzishindwa kumomboza?" ²⁹Achimvamba, "Pepo namuna ii kaweza kombozwa bila mavoyo."³⁰Mvachihauka haho mvachichirira Galilaya. Kahenzere yoyosi amanye mvarikokala, ³¹kpwakukala wekala wamvafundisha anafunzie. Achimvambira, "Mwana wa Adamu andelaviwa kpwamataifa, na mvandamolaga. Baada ya kufa, na baada ya siku tahu, andafufuka keheri." ³²Ela kamvamwelewere, na mvachogoha kumuza.³³chisha mvachifika Kapernaumu. Ariho enjira nyumbani, achimvauza, "Mukala mwasumurirani hudzihokala njirani hwadza?" ³⁴Ela mvachinyamala. kpwakukala mvekala mvanenezana kuhusiana na nani mubomu kahi yao. ³⁵Mvariho sagela, achimveha mvo kumi na mbiri hamwenga achimvambira, "Ichikala kuna mumwenga wenu ahenzaye kukala wa kpwanza be ni lazima akale wa mwisho na kuahumikira anjine mvosi."³⁶Achimuhela muhoho mutite achimwika kahi yao mvosi. Achimukumbatia chisha achimvambira, ³⁷"Yoyosi andiye muhochera muhoho mutite kpwadzina rangu, wanihochera mimi; yoyosi anihocheraye mimi, kanihochera mimi bali wamuhochera iye ariye nihuma."³⁸Johana achimwambira, "Mwalimu, hudzona mutu wainga mapepo kuhumira dzinaro hukamukahaza, kpwakukala kahamwenga nasi." ³⁹Ela Jesu achimvamba, "Musimukahaze, kpwakukala kakuna mutu awezaye kuhenda jambo bomu kpwadzina rangu, chisha baada ya haho aninene vii.⁴⁰Yoyosi asiye hupinga, yuhamwenga nasi. ⁴¹Yoyosi akupaye chikombe cha madzi unwe kpwadzina rangu kpwakukala u wa Masihi, jeri namvambira, kandangamiza marihoge.⁴²Yoyosi andiye sababisha yoyosi kahi ya atite aa mvaniaminio kuuya nyuma, indakala bora afungwe iwe bomu ra singo akatsuhiwe baharini. ⁴³Ichikala mukonowo undakusababisha kuhenda dambi, ukate. Ni baha wenjire uzimani bila mukono kuriko wenjire mohoni na mikonoyo yosi miri. ⁴⁴kuriko mabuluge kagafa wela mohowe kauzimika.⁴⁵Ichikala chigulucho chindakusababishira wenjire dambini, chikate. Indakala baha kpwako kwenjira uzimani na chigulu chimwenga kuriko wenjire mohoni na magulu gosi mairi. ⁴⁶ambako mabuluge kagafa na mohowe kauzimika.⁴⁷Ichikala dzitsoro mwenga rindakuhenda wenjire dambini, romboze. Ni baha wenjire uzimani na dzitso mwenga kuriko wenjire mohoni na matso gosi mairi, ⁴⁸ambako mabuluge kagafa na mohowe kauzimika.⁴⁹kpwakukala chila mutu andenjizwa mohoni. ⁵⁰Munyu ni mudzo, ela uchikosa ladhaye, undauhendadze keheri upate ladha? Mukale na munyu mwimwi kpwamwimwi, na mukale na amani kahi yenu."

Chapter 10

¹Jesu achihauka achenda mkoa wa Judea lalo ra ng'ambo ya muho wa Joridani, naro kundi richimutua keheri. Achikala wamvafundisha keheri, here irivyokala kawaidaye. ²Mafarisayo nao mvachidza kumujeza, mvachimuza, "Ni haki chisheria mutu kumuricha muchewe?" ³Achimvauza kumvajibu, "Musa wemva amurudze?" ⁴Mvachijibu, "Musa wehuruhusu mwanamulume waweza kumwandikira telaka muchewe na kumuricha."⁵"Yekala kpwamaroho genu momu ndiho achimvandikira sheria iyo," ⁶"Ela kula mwanzo wa uumbaji, 'Mulungu wemvaumba muche na mulume.'⁷'Na kpwasababu iyo, mulume andaricha pabaye na mameye adziunge na muchewe, ⁸na ao airi mvandakala mwiri mumwenga.' ⁹kpwavivyo, chidzicho unganishwa ni Mulungu, mwanadamu asichi tenganishe."¹⁰Mvarihokala mvandani ya nyumba, anafunzi mvachimuza keheri kuhusu riro. ¹¹Achimvajibu, "Yoyosi arichanaye na muchewe ahale munjine wazini. ¹²Ichikala mwanamuche anda taliki mulumewe na ahalwe ni mulume munjine, wazini."¹³Ndiho mvachimurehera ahoho atite ili amvabariki, ela anafunzie mvachiachemera. ¹⁴Ela Jesu ariho gundua, achitsukirwa achimvambira."Mvaruhusuni mvadze kpwangu ao ahoho, wela musiazuiliye, kpwamaana ufalume wa Mulungu ni wa mvario dza ao.¹⁵Ujeri namvambira, yoyosi ambaye kandauhochera ufalume wa Mulungu utiteni dza mvamva, kandawenjira ufalume wa Mulungu." ¹⁶Ndiho achimvahela achimvenjiza mikononi mwakwe achimvabariki kpwakumvaikira mikono.¹⁷Arihoanza safariye, mumwenga achimwingira malo na achipiga mavindi mbere za Jesu na achimuza, "Mwalimu mudzo, nihendedze ili nami niurithi uzima wa milele?" ¹⁸Jesu achimujibu, "kpwanoni waneha mudzo? Kakuna ariye mudzo kuriko Mulungu hacheye. ¹⁹Uwe wamanya amuri: 'Usolage, usizini, useye, usishuhudie ulongo, usikenge, muheshimu pabayo na mameyo."²⁰Ye bwana achimujibu, "Mwalimu, gago gosi nidzigahenda na kugaheshimu kula hangu ni barubaru." ²¹Jesu achimulola naye achimuhenza. Acimwambira, "Chitu chimwenga kudzachihenda. Lazima ukuze chila uricho nacho umvape achiya, nawe undakala na hazina mulunguni. Helafu nzo unitue." ²²Ela kpwakukala wekala amwambira habari iyo, achimvunzika moyo achihauka na huzuni, kpwakukala wekala ana utajiri munji sana.²³Jesu achiriaria achimwabira anafunzie, "Ni vikomudze kpwaatu matajiri kwenjira kahi za ufalume wa Mulungu!" ²⁴Anafunzie mvachimushangaa kpwamaneno gago. Ela Jesu achimvambira keheri, "Anangu, ni vikomudze kwenjira kahi za ufalume wa Mulungu! ²⁵Ni rahisi kpwangambia kuchira kahi ya tundu ya sindano kuriko mutu tajiri kwenjira kahi za ufalume wa Mulungu."²⁶Mvachimushangaa muno mvachinong'onezana, "Sasa, nani andiye okolwa?" ²⁷Jesu achimvalola achamba, "kpwaanadamu kagahendeka, ela kpwaMulungu. Maana chila chitu chawezekana kpwaMulungu." ²⁸Petero achanza kumudadisi, "Lola, huricha chila chitu hwakutua uwe."²⁹Jesu achamba, "Ujeri namvambira, kakuna ariyericha nyumbaye ama nduguze a chilume ama mameye ama pabaye ama anae ama minda kpwaajili yangu na injili ³⁰ambaye kandapata mara gana zaidi: nyumba na ndugu a chilume na achiche na ani mame, na ana na minda, hamwenga na mateso, na urimwengu udzao, uzima wa milele. ³¹Ela anji mvario a kpwanza mvandakala a mwisho, na a mwisho mvandakala a kpwanza."³²Mvekala mva barabarani mvaelekea Jerusalemu, naye Jesu wekala amvatangulia. Anafunzi mvachishangaa, na mvariokala mvachiatua mveogoha. Ndiho Jesu achimvahela mvo kumi na airi kanda keheri achanza gandigo mupata karibuni. ³³"Lolani, hwapanda dzulu Jerusalemu, na Mwana wa Adamu andelaviwa kpwaabomu a makuhani na andishi. Mvandamuhukumu chifo na mvamulavye kpwamataifa. ³⁴Mvandamutseka, mvamutsitsire mahe, mvamuchape, na mvamolage. Ela baada ya siku tahu, andafufuka."³⁵Jakobo na Johana, ana a Zebedayo, mvachimutua mvachimwambira, "Mwalimu, hwavoya uhuhendere chila hundicho kuvoya uhuhendere." ³⁶Achimvauza, "Mwahenza nimvahenderedze?" ³⁷Mvachimwamba, "Huruhusu, kahi ya utukufu wa kpwako, mumwenga asagale mukono kulume mumwenga mukono kumotso."³⁸Ela Jesu achimvajibu, "Kamumanya cho muvoyacho. Je mu tayari kuchinwa cho chikombe nindicho chinwa ama kubatizwa na ubatizo nindiwo batizwa mimi?" ³⁹Mvachimwambira, "Hundaweza." Jesu achimvambira, "Chikombe nindicho chinwa, mundachinwa, na ubatizo nindiwo baputirizirwa namwi munda batizwa. ⁴⁰Ela andiye sagela mukono kulume ama kumotso si gangu kuchiza, ela ni kpwamvo mvario tayarishirwa."⁴¹Mvara anafunzi anjine kumi mvariho gasikira, mvachia tsukirirwa Jakobo na Johana. ⁴²Jesu achimveha achimvamba, "Mwamanya mvo mvatambulikanao here vilongozi a mataifa, nikutawela na abomu ao nikuhumira nguvu kpwao.⁴³Ela si vivyo kahi yenu. Yoyosi amalaye kukala mubomu wa anziye lazima akale mutumishi wa anzie, ⁴⁴na yoyosi amalaye kukala wa kpwanza kahi yenu lazima akale mutumwa wa anjine nyosi. ⁴⁵kpwakukala Mwana wa Adamu kadzire ili ahumikirwe, bali ahumikire, na elavye uzimawe here fidia kpwaanji."⁴⁶Mvachifika Jeriko. Mvarihokala mvauka Jeriko na anafunzie hamwenga na kundi bomu ra atu, mwana wa Timayo, Batimayo, chipofu masikini, achikala yusegere kandakanda ya barabara. ⁴⁷Ariho sikira kukala Jesu Mnazareti, ndiye achiraye achikpwatya kupiga kululu kuno wamba, "Jesu, Mwana wa Daudi, nonera mbazi!" ⁴⁸Anji mvachimuchemera, kuno mvamwambira anyamale. Ela achizidi kupiga kululu, "Mwana wa Daudi, nonera mbazi!"⁴⁹Jesu achema achiamuru arehewe. Mbvachimweha mvachimwamba, "kala na ujasiri, lamuka! Wakweha." ⁵⁰Achitsuha kotire kanda, achiruka, achenda kpwaJesu.⁵¹Jesu achimujibu achimuza, "Wamala nikuhnderedze?" Ye chipofu achijibu, " Mwalimu, namala niweze kona." ⁵²Ndiho Jesu achimwambira, "Enenda. Imaniyo idzikuhoza." Haho kpwahaho, achipata uwezo wa kona, naye achimutua.

Chapter 11

¹Sasa mvarihokala mvenjira Jerusalemu, mvekala hehi na Bethfage na Bethania murima wa mzeituni, na Jesu achimvambira airi kahi ya anafunzie ²achimvambira, "Endani chijiji jirani chilolanacho nasi. Muchidza enjira tu, mundamona mwana punda ambaye kadzawahi kubeba mutu. Mufuguleni munirehere. ³Ichikala kuna yoyosi andiye mvauza, 'Mbona mwahenda vyo?' mwambireni, 'Bwana ana haja naye, namwi munirehere.""⁴Mvachenda mvachimupata ye mwanapunda afungwa muyangoni chichochoroni, mvachimufugula. ⁵Atu anjine mvekala mvemire hehi naye mvachiauza, "Mwahendani ho, mwamufugula mwanapunda?" ⁶Mvachiajibu here Jesu arivyo mvambira, nao mvachirichwa.⁷Mvachimuhirikira Jesu mwanapunda mvachihandika nguo zao, naye Jesu achimusagalira. ⁸Anji mvachimuhandikira nguo zao njirani, na anjine mvachihandika makodza ga mihi mvarigo gakata mindani. ⁹Mvario mvatangulia, na mvario atua nyuma osi mvachipiga kululu kpwamba, "Hosana! Mubarikiwa ni iye adzaye kpwadzina ra Bwana. ¹⁰Ubarikiwa ufalume udzao wa Daudi! Hosana dzulu Mulunguni!"¹¹Ndiho Jesu achenjira Jerusalemu na achenda hekaluni achiriaria chila hatu. Ela kpwakukala wakati wekala udzenda sana, achombola achenda Bethania hamwenga na mvara kumi na airi. ¹²Siku ya hiri mvarihokala mvombola Bathania, achikala ana nzela.¹³kpwakure achona mutini urekala unawiri makodza, achenda lola kala andepata matunda, ela arihofika, kapatire chitu zaidi ya makodza, kpwakukala yekala si musimu wa tini. ¹⁴Achiwambira, "Kakuna andiyerya tini kula kpwako keheri." Anafunzi mvachigasikira gago maneno.¹⁵Mvachifika Jerusalemu, achenjira hekaluni na achanza kwinga akuzaji na aguli. Achipindua meza za agaluzaji pesa na akuzaji a magia. ¹⁶Kamvapire ruhusa yoyosi kutsukula chochosi kula kpwahekalu ambacho chaweza chikakuzika.¹⁷Achimvafundisha achimvauza, "Je kayandikirwe, 'Nyumba yangu indehewa nyumba ya mavoyo kpwamataifa gosi'? ¹⁸Makuhani abomu na andishi mvachimusikira arigo nena, mvachitafuta njira ya kumolaga. Mana kukala mvemogoha kpwakukala kundi rosi ra atu mvemushangaa kpwamafundishoge. ¹⁹Dzulo ririho enjira, mvachikulaa.²⁰Mvarihokala mvatsembera madzacha, mvachiwona wo mutini unyauka ta mizi. ²¹Petero achikumbuka achamba, "Mwalimu, lola! Mtini uriwo ulaani unyauka."²²Jesu achimvajibu, "kalani na imani kpwaMulungu. ²³Ujeri namvaambira, mumwenga wenu achiwambira uu murima, ' Ng'oka ukadzenjize baharini; wela kana shaka mwakwe moyoni ela a amini, vivyo ndivyo Mulungu andivyohenda.²⁴kpwavivyo namvambira: Chila chitu muchivoyacho na kumuuza Mulungu, chicho ndicho mundicho hochera kala munda amini, nacho chindakala chenu. ²⁵Muchema na kuvoya, ni lazima musamehe anzenu chila chitu, ili Paba yenu ariye Mulunguni naye andamvasamehe makosa genu." ²⁶Ela kala kamunda samehe, hata Paba yenu ariye Mulunguni, kandamvasamehe.²⁷Mvachifika keheri Jerusalemu. Hali Jesu achitsembera hekaluni, Makuhani abomu, andishi, na vilongozi mvachimutua. ²⁸Mvachimwambira, "Ni kpwanguvu zani wagahenda gano mambo, na ariyekupa uwezo wa kugahenda nani?"²⁹Jesu achimvambira, "Nindamvauza swali mwenga. Nijibuni nami nindamvambira ni kpwanguvu zani nagahenda gaga mambo. ³⁰Ubatizo wa Johana, je welaa Mulunguni ama kula kpwaanadamu? Nijibuni."³¹Mvachinong'onezana, mvachifikiria mvachamba, "Huchamba, 'Ubatizo wa Johana welaa Mulunguni,' andamba, 'Andauza be mbona kamumwaminire?' ³²Ela huchamba, 'Kula kpwaanadamu,'...." Mvachogoha atu, kpwakukala chila mutu wekala yudziamini Johana ni Nabii. ³³Ndiho mvachimujibu Jesu mvachimwamba, "Kahumanya." Naye Jesu achimvamba, "Nami sindamvambira ni kpwanguvu za ani nagahenda gaga mambo."

Chapter 12

¹Ndiho Jesu achanza mvafundisha kpwamafumbo. Achamba, "Mumwenga wekwenda nyela mbeyu kpwakwe mundawe wa mizabibu, achiuzungulushira boma, na achitsimba shimo ra divai. Achijenga munara chisha achikodisha shambare ra mizabibu kpwaakurima a mizabibu. Helafu achisafiri kure. ²kpwawakati wa sawa, achihuma mutumishi mumwenga kpwamvo akurima ili akarihiwe chochosi kula kpwamavuno ga shambare. ³Ela mvachimuhela, mvachimupiga, chisha mvachimwinga bila chochosi.⁴Mara ya hiri achihuma keheri mutumishi munjine, iye naye mvachimwenjiza majeraha chitswani na mvachimwika hali ya aibu. ⁵Achihuma wa hahu, iye ta mvachimolaga. Mveahendera anji mvario humwa hali iyo, kumvapiga anjine ta kumvolaga.⁶Achisela na mumwenga tu wa kuhuma, mwanawe mwenye muhenzwi. Ndiye wa mwisho ariye muhuma. Achamba, 'Mvandamuheshimu mwanangu.' ⁷"Ela akurima mvachinong'onezana, 'Yuyu ndiye murithi. Nahumolageni, urithi ubaki wehu.'⁸Mvachimutangila, mvachimolaga, chisha mvachimutsuha nze ya shamba. ⁹Jee ho, ye mwenye shamba ya mizabibu andehendadze? Andadza amvolage mvo akurima a mizabibu na ahale yo shamba amvape anjine.¹⁰Kamudzasoma gano maandiko? 'Ro dziwe rirokahalwa ni ajengi, vivi ndo rikala ra pembeni. ¹¹Riri reombola kpwaPaba, na rahenzeza matsoni mwehu."' ¹²Baada ya gago, vilongozi achiyahudi mvachitafuta njira ya kumugwira Jesu kpwakukala mveelewa kukala wenena mafumbo dzulu yao. Ela mvachikala mvaogoha kundi ra atu. kpwavivyo mvachimuricha mvachimuukira.¹³Ndiho mvachihuma baadhi ya Mafarisayo na Maherodia kpwakwe ili kumuhega na manenoge mwenye. ¹⁴Mvarihofika, mvachimuza, "Mwalimu, mvaga fikiriago atu kagakuyuga kpwakukala kuonyesa upendeleo kpwamutu yoyosi. Wafundisha ujeri kuhusu njira za Mulunguni. Je, ni sheria kuriha kodi kpwaKaisare ama sevyo? Hurihe ama husirihe?" ¹⁵Ela Jesu wemanya unafiki wao achimvauza, "kpwanoni kunijeza? Hebu nireherani dinari ili niilole."¹⁶Mvachimurehera mwenga. Achimvamba, "Ni sura ya ani na maandishi ga ani garigo hano?" Mvachimujibu, "Ni ga Kaisare." ¹⁷Jesu achamba, "Mupeni Kaisare virivyo vya Kaisare, na Mulungu naye virivyo vyakwe." Mvachimushangaa.¹⁸chisha Masadukayo, ambamvo ni kpwamba kakuna ufufulo, mvachimudzira. Mvachimuza, mvachamba, ¹⁹"Mwalimu, Musa wehwandikira, 'Ichikala mutu yudzefa na yuricha muchewe, ela kapatire mwana, nduguye wa chilume ni amuhale iye muche, ili amuvyalire nduguye ana.'²⁰Sasa, kwekala na ndugu afungahe; wa kpwanza achihela muche achifa, bila kupata mwana. ²¹Wa hiri achimuhela ye mukaza nduguye, naye achifa bila kumuvyalusa, wa hahu naye hali ichikala iyo. ²²Hata wa fungahe naye chisha kamuvyalusire hata iye muche naye achifa. ²³Sasa siku ya ufufulo, mvandiho fufuka, yuno muche andakala ni wa ani? Maana alume osi afungahe mvekala alumeze."²⁴Jesu achamba, "Je ino siyo sababu mwakosera, kpwasababu kamumanya maandiko wela nguvu za Mulungu? ²⁵Maana mvandiho fufuka kula kpwaafu, kamvandahela wela kuhalwa, bali mvandakala here malaika a Mulunguni.²⁶Ela kuhusiana na afu mvafufulwao, kamudzasoma maandiko kahi ya chitabu cha Musa, kuhusiana na tsaka ra moho, jinsi Mulungu arivyonena naye achimwamba, 'Ni Mulungu wa Iburahimu, na Mulungu wa Izaka na Mulungu wa Jakobo'? ²⁷kpwavivyo iye si Mulungu wa afadzi, bali mvaishio. Mukosera kabisa."²⁸Mumwenga kahi ya mvo andishi achidza achisikira go mazungumuzo gao; achimona Jesu wemvajibu tototo. Achimuza, "Ni amuri hiyo iriyo ya maana kuriko zinjine zosi?" ²⁹Jesu achijibu, "Ya maana sana ni, 'Sikizani Iziraeli, 'Sikizani Iziraeli, Mulungu Bwana wehu, Bwana Mulungu ni mumwenga. ³⁰Lazima umuhenze Bwana Mulunguo kpwarohoyo yosi, na moyowo wosi, na akilizo zosi, na nguvuzo zosi.' ³¹Amuri ya hiri ni, 'Lazima umuhenze jiraniwo here udzihenzavyo mwenye.' Kakuna amuri bomu zaidi ya zizo."³²Ye mwandishi achamba, "Mwalimu, mudzo! unena ujeri kukala Mulungu ni mumwenga, na kukala kakuna Mulungu munjine zaidi yakwe. ³³Kumuhenza kpwaroho yosi na kuelewa kosi na nguvu zosi, na kumuhenza jirani here kudzihenza mwenye ni zaidi ya dhabihu na sadaka zosi za kochwa." ³⁴Jesu ariho ona yudzomboza jibu ra hekima, achimwamba, "Uwe kukure na ufalume wa Mulungu." Baada ya gago, kakuna ariye subutu kumuuza Jesu swali rinjine.³⁵Jesu arihokala achifundisha hekaluni, achamba, "Mbona andishi nikpwamba kukala Masihi ni mwana wa Daudi? ³⁶Daudi mwenye, kahi za Roho Mtakatifu, weamba, 'Bwana achimwamba Bwana wangu, "Sagela upande wangu wa kulume mpaka nimvaike mahadui za kpwako tsini ya magulugo."" ³⁷Daudi mwenye nikumweha 'Bwana,' sasa yawezekanadze Masihi kukala mwana wa Daudi?" Kundi rosi mvachimusikiza kpwafuraha.³⁸Kahi ya mafundisho ga kpwakwe Jesu achamba, "kalani matso kpwaandishi, mvahenzao kutsembera kuno mvavela kanzu nyire na mvelamuswe masokoni, ³⁹na mvasagalire vihi vya maana sana kwenye masinagogi na sehemu za heshima sana kwenye sherehe. ⁴⁰Nikwenjira na kurya kahi za nyumba za magungu, na kuvoya mavoyo maremare ili atu mvaone. Atu mvamva mvandahochera hukumu bomu.⁴¹Ndiho Jesu achisagela hehi na sanduku ra sadaka ndani ya hekalu; wekala walola atu kadri mvarivyokala mvachilavya sadaka ndani ya sanduku. Matajiri anji mvekala mvachenjiza pesa nyinji nyinji. ⁴²Helafu gungu mumwenga maskini achifika achenjiza sarafu mbiri, za thamani ya senti mwenga.⁴³Achimveha anafunzie achimvambira, "Jeri namvambira, yuyu gungu maskini adzenjiza pesa nyinji zaidi ya mvosi mvadzio enjiza pesa zao mumu mwenye sanduku ra sadaka. ⁴⁴kpwakukala mvosi mvadzilavya kula kpwautajiri wao. Ela yuyu gungu, kula kpwaumasikini wa kpwakwe, adzenjiza pesaze zosi adzizo zitegemea kuishi."

Chapter 13

¹Jesu arihokala watsembera yula hekaluni, mumwenga kahi ya mitume a kpwakwe mvachimwamba, "Mwalimu, lola go mawe madzo na mijengo!" ²Jesu achimwamba, "Mwayona ino mijengo mibomu? Kahana hata dziwe mwenga rindema dzulu ya munziwe ambaro karindabomolwa."³Arihokala yusegere murima wa mizeituni dzulu upande wa hiri wa hekalu, Petero, Jakobo, Johana na Andrea mvachimuza chisiri, ⁴"Hwambire, gano mambo gandakala rini? Hundona ishara yani ya kuhonyesa kukala mambo gano gahehi kuhendeka?"⁵Jesu achanza kumvambira, "kalani makini mutu asimvakenge. ⁶Anji mvandadza kpwadzina rangu mvambe, 'Ndiye mimi Masihi,' na mvandangamiza anji.⁷Mundihosikira viha na nyambo kuhusu viha, musogoheni; gago lazima gahendeke, ela mwisho undakala bado. ⁸Maana taifa rindapigana na rinjine, na ufalume upigane na ufalume munjine. Kundakala na mitetemeko ya ntsi sehemu nyinji, na nzela nyinji. Zizo zindakala ni dalili tu ya uvyazi.⁹"kalani matso. Mvandamulavya mabarazani, na mundapigwa kwenye masinagogi. Mundemiswa mbere ya abomu a mikoa na afalume kpwaajili yangu, here ushuhuda kpwao. ¹⁰Ela injili lazima kpwanza ihubiriwe kahi za mataifa gosi.¹¹Mvandiho mvagwira na kumvelavya, musijalini mundamvambirani. kpwamaana wakati uwo, ga kunena mundagapewa; kaindakala ndimwi munenao, bali ni Roho Mtakatifu. ¹²Ndugu andamulavya nduguye olagwe, na paba andamulavya mwanawe. Ana mvandakosana na azazi ao na mvaelavye mvolagwe. ¹³Mundatsukirirwa ni chila mutu kpwadzina rangu. Ela andiye vumirira ta mwisho andaokolwa.¹⁴"Mundiho ona tsukizo ra ubatili ridzema hatu risihostahili kwema," (asomaye na-aelewe) "Mvamvo mvario Judea namvachimbirire mirimani, ¹⁵ariye dzulu ya nyumba na asitime akenjira nyumbani ama kuhela chochosi, ¹⁶na yoyosi ariye mundani asuye nyumbani kuhela nguoye.¹⁷Ela ole wao mvandiokala mvatsukule na mvawamwisao siku zizo! ¹⁸Voyani hali iyo isimvapate wakati wa mvula ya mwaka. ¹⁹Maana siku zizo zindakala siku za mateso manji, kaidzawahi kombolera hangu urimwengu wumbwe, ambao ni Mulungu ariye wumba mpaka rero, bado, na kaindakalako keheri. ²⁰Labda Mulungu akale wefupisha siku zizo, kakuna mwiri undiwo okolwa. Ela kpwaniaba ya mvarau mvaretsagulwa, mvo Mulungu arimvo atsagula, wezihunguza zizo siku.²¹Helafu yoyosi andiyemwamba, 'Lolani, tiyu Masihi!' ama 'Lolani, tiyuya Masihi!' musiaminini. ²²kpwakukala masihi na manabii a ulongo mvandombolera na mvandaonyesa ishara na maajabu ili kumvakenga, na ichiwezekana, hata mvo atsagulwa. ²³kalani matso! Nidzimvambira mambo gaga kabla kahendeke.²⁴"Ela baada ya mateso ga siku zizo, 'dzua rindafungirwa chiza, mwezi nao kaundang'ela, ²⁵nyenyezi nazo zindagwa kula mainguni, na nguvu zirizo Mulunguni zindatetemeshwa.' ²⁶Ndiho mvandamona Mwana wa Adamu achitima kahi ya maingu na nguvu bomu na utukufu. ²⁷Helafu andahuma malaikae chisha amvakusanye atsagulwa kula kpwamismu yosi minne, kula mwisho wa urimwengu na maingu.²⁸Dzifundisheni kula kpwaMtini. Lipanda lichidzakala laini na makodza gachigwa tu, mwamanya kare msimu wa dzua kali ufika hehi. ²⁹kpwavivyo namwi muchona mambo gaga gachihendeka, mumanye kare yuhehi kudza, hehi sana na lango.³⁰Jeri namvambira, chizazi chichi kachindatsupa mpaka gaga gosi gahendeke. ³¹Mulunguni na Dunia mvindatsupa, ela maneno gangu kagandawahi kutsupa. ³²Ela kuhusu siku iyo ama wakati uwo, kakuna amanyaye, sio hata malaika mulunguni, hata mwana, isihokala iye Paba hacheye.³³"kalani matso! Chesani, kpwakukala kamumanya ni wakati wani. ³⁴Ni here mutu enendaye safari nyire- waricha nyumbaye chisha aike ahenzi kazie mvemerere nyumbaye, chila mumwenga na kaziye, na kuamuru murinzi wa muyango kukala matso.³⁵kpwavivyo kalani matso kpwakukala kamumanya hata ni wakati wani mwenye nyumba andauya nyumbani; yaweza kala ni dziloni, usiku wa manane, peho za kucha majimbi ga kwika, ama madzacha. ³⁶Achidza gafla, asimvapate murere. ³⁷Nimvambirago mwimwi, namvambira chila mutu: kalani matso!"

Chapter 14

¹Yekala zisere siku mbiri sikukuu ya pasaka na sherehe ya mikahe iriwayo isiyo enjizwa tsatsu. Makuhani abomu na andishi mvekala mvatafuta njira za kumugwira Jesu mvamolage. ²Maana mvekala mvamba, "Husimugwire wakati wa sherehe, ili sidze kukakala na fujo."³Jesu arihokala bado yuchere Bethani, nyumbani kpwaSimioni yuya wa ukoma, kadri achirya, mwanamuche mumwenga achimutua na chupa ya manukato, halisi. Achivunza iyo chupa achimumwagira chitswani. ⁴Ela kweombola anjine mvachitsukirwa. Mvachinong'onezana mvachamba, "Kuna sababu yani kpwangamiza gano manukato? ⁵Manukato gaga gandekala gekuzwa kpwabei ya zaidi ya dinari gana mwenga, chisha mvapewe masikini." chisha mvachimuchemera.⁶Ela Jesu achimvamba, "Muricheni. kpwanoni mwamuyuga? Adzihenda jambo ridzo sana kpwangu. ⁷Siku zosi muhamwenga na masikini, na wakati wowosi muchihenza mwaweza mukamvahendera madzo, ela kamundakala nami siku zosi. ⁸Ahenda adzichoweza. Adziuhaka mwiri wangu mafuha ku utayarisha kpwamaziko. ⁹Jeri namvambira, kokosi injili ii indiko hubiriwa urimwenguni mosi, cho adzicho chihenda mwanamuche yuyu chindahadzwa, ili kumukumbuka."¹⁰Ndiho Juda Iskariote, mumwenga wa ao kumi na mbiri, achenda kpwamakuhani abomu ili amusaliti Jesu kpwao. ¹¹Makuhani abomu mvariho gasikira, gachimva hamira mvachimwahidi pesa. Achanza kutafuta nafasi kumusaliti.¹²Siku ya kpwanza ya kurya mikahe isiyo enjizwa tsatsu, mvariho tsinza ng'onzi ya pasaka, anafunzie mvachimuza, "Wamala hukutayarishire pasaka hiko?" ¹³Achihuma anafunzie airi, achimvambira, "Enjirani mudzini, mundaona mutu atsukula mtungi wa madzi. Mutueni. ¹⁴Andiho enjira nyumbani, mutueni ndani mumwambe ye mwenye nyumba, 'Mwalimu wamba, "Navoya unonyese cho chumba cha ajeni ili nidze nirye pasaka hamwenga na anafunzi angu?'"¹⁵Andamvonyesa chumba chimwenga chibomu chiricho gorofani chiricho tayari. Chitayarisheni kpwaajili yehu." ¹⁶Anafunzi mvachihauka mvachenda. Mvachipata chila chitu here arivyokala adzimvelakiza, namvo mvachitayarisha pasaka.¹⁷Irihofika dziloni, achenda na mvo kumi na airi. ¹⁸Mvarihokala mvasegere mvarya, Jesu achimvamba, "Ujeri namvambira, mumwenga wenu aryaye hamwenga nami andanisaliti." ¹⁹Mvosi mvachenjirwa ni huzuni, na mumwenga baada ya munjine mvachimuza, "Si mimi ela?"²⁰Jesu achimvajibu achimvambira, "Ni mumwenga kahi ya mwimwi kumi na airi, iye enjizaye mukono chibakulini hamwenga nami. ²¹Maana Mwana wa Adamu andenda here irivyo andikpwakumuhusu. Ela shakare mutu iye andiye musaliti Mwana wa Adamu! Indakalato mutu iye asindevyalwa kamare."²²Mvarihokala mvachirya Jesu achihela mukahe, achiubariki, na achiumega vipande vipande. Achimvapa anafunzie achamba, "Aryani. Uu ni mwiri wangu." ²³Achihela chikombe, achishukuru, na baadaye achimvapa, na mvosi mvachinwa. ²⁴Achimvamba, "Uu ni mulatso wangu wa malagano, mulatso umwagikawo kpwaajili ya anji. ²⁵Ujeri namvambira, sindanwa keheri tunda riri mpaka siku ambayo nindanwa lusha kahi ya ufalume musha wa Mulungu."²⁶Baada ya kwemba tenzi, mvachombola mvachenda murima wa mizeituni. ²⁷Jesu achimvambira, "Nyosini mundatawanyika, kpwakukala yeandikpwa, 'Nindamupiga murisa, namvo ng'onzi mvandatawanyika.'²⁸Ela baada ya mimi kufufulwa, nindamvatangulia Galilaya." ²⁹Petero achimwambira, "Hata chila mutu achitawanyika, mino nindakala hamwenga nawe."³⁰Jesu ndio, "Ujeri namvambira. rero ii-ndio, usiku uu- kabla jogolo kwika mara mbiri, undakala unikana mara tahu." ³¹Ela Petero achigomba na ushujaa, "kala ni lazima nife na uwe, ni sawa ela sindakukana." Mvosi mveahidi vivyo.³²Mvachifika hatu hehewaho Gethisamane, Jesu achimvambira anafunzie, "Sagelani hano nenda nikavoye." ³³Achimuhela Petero, Jakobo na Johana na achonyesa ishara za kusumbuka na kutaabika sana. ³⁴Achimvamba, "Roho yangu ina huzuni sana, mpaka nasikira kufa. Hurirani haha na muchivoya"³⁵Ariho kwenda mbere zaidi, Jesu achidzilaza uwanjani achivoya kukala ichikala yawezekana, chikombe chicho chimuukire. ³⁶Achamba, "Paba, Mulungu, vyosi vyawezekana kpwako. Nusira chikombe chichi. Ela si kpwamahenzo kpwangu, bali gako."³⁷Achuya achimvapata mvanyekererwa, achimwambira Petero, "Simioni, urere? Ushindwa nikukala matso ta risaa rimwenga? ³⁸Lamuka uvoye usidze ukenjira kpwamajezo. Roho yahenza, ela mwiri ni mudhaifu." ³⁹Achuya mara ya hiri, kwenda voya, achihumira maneno gago gago.⁴⁰Arihouya kpwamara nyinjine, achimvapata mvanyekererwa, maana matso gao gekala ni maziho muno. Mvachikosa ra kumwambira. ⁴¹Achuya mara ya hahu achimvambira, "Muchere rere mwaoya? Tosha sasa! Wakati ufika. Lolani! Mwana wa Adamu wasalitiwa mikononi mwa enye dambi. ⁴²Ukani; hindeni. Lolani, musailiti wangu yuhehi."⁴³Yuchere kunena, Juda, mumwenga wa ara kumi na eri, achifika, na kundi bomu mvariokala mvadzidzihami na vishu na marungu, kula kpwamakuhani abomu, andishi, na vilongozi. ⁴⁴Sasa musalitiwe achikala yumvapa ishara, achamba, "Nindiye mubusu ndiye iye. Mugwireni mumuhale tsini ya urinzi." ⁴⁵Juda arihofika, achifululiza mpaka kpwaJesu achimweha, "Mwalimu," chisha achimubusu. ⁴⁶Ndiho mvachimugwira mvachenda naye.⁴⁷Ela mumwenga wao ariyekala yudzema hehi namvo, achomboza chifyu achimukata mutumishi mumwenga wa Kuhani mubomu achimukata sikiro. ⁴⁸Jesu achimvauza, "Je mwadza nigwira here jambazi, kuno mudzigwira vifyu na marungu? ⁴⁹Nirihokala nanyi chila siku, nichifundisha hekaluni, kamuwahire kunigwira. Ela gosi gehendwa ili mandiko gaweze kutimira." ⁵⁰Mvosi mvariokala na Jesu mvemuricha mvachichimbira.⁵¹Chijana, ariyekala yuvela vazi ra kitani, vazi arirodzifunga, achikala wamutua Jesu. Wakati arihogwirwa, ⁵²weriricha ro vazi ra kitani achichimbira huhu.⁵³Mvachimulongoza Jesu kpwakuhani mubomu. Mvkala mvazungulukpwani makuhani osi abomu, vilongozi, na andishi. ⁵⁴Petero achimvatua kpwahatua, achikala yunze ya sehemu ya ua ra kuhani mubomu. Achisagela hamwenga na ma ofisa anjine, hehi na moho ili apate teri ra moho.⁵⁵Sasa kuhani abomu na kamati yosi ya Chiyahudi mvachikala mvatafuta ushuhuda wa kumushitakira Jesu ili mvamolage. ELa kamvapatire njira. ⁵⁶kpwakukala anji mvereha shuhuda za ulongo, ela kakuna hata mwenga iriyomwika Jesu matatani.⁵⁷Anjine mvachema mvachireha shuhuda za ulongo; mvachamba, ⁵⁸"Hwemusikira achamba, 'Nindarigwaga riri hekalu ririrojengwa kpwamikono, na nirijenge kpwasiku tahu tu bila mikono"" ⁵⁹Wela ushuhuda wa kpwao kaugwiranire na go mashtaka gao.⁶⁰Kuhani mubomu achema kahi yao achimuza Jesu, "Kuna jibu? Ni higo gano mvano atu mvanenago kukuhusu?" ⁶¹Ela achinyamala kajibire chitu. Keheri ye kuhani mubomu achimuza achimwamba, "We ndiwe Masihi, Mwana wa Mubarikiwa?" ⁶²Jesu achijibu, "Ndimi; namwi mundamona Mwana wa Adamu, andiho sagela mukono wa kulume wa nguvu za Mulungu na andihouya kahi za maingu mulunguni."⁶³Ye kuhani mubomu achitarura mavazige achamba, "Je hwahitaji mashahidi? ⁶⁴Mudzisikira yo kufuru. Uamuzi wenu ni hiwo?" Mvosi mvachimuchizira hukumu kukala westahili kolagwa. ⁶⁵Anjine mvachanza kumutsitsira mahe na kuziza uso wao na kumupiga ngumi kuno mvamwamba, "Tabiri!" Ma ofisa mvachimuhela mvachimupiga.⁶⁶Hali Petero yu tsini muhelani, mumwenga kahi ya ahenzi kazi a kuhani mubomu achimutua. ⁶⁷Achimona Petero waoha moho, achimulolato achimwamba, "Wekala hamwenga na yuno Jesu ,Mnazareti." ⁶⁸Ela achikana, achamba, "Simumanya wela selewa mwanena kuhusu noni." chisha achombola achenda nze langoni. Naro jimbi richiika.⁶⁹Ela ye msichana achimona na achanza kunena keheri kumvambira mvariokala mvadzema haho, "Yuyu mwanamulume ni mumwenga wao!" ⁷⁰Ela achikana keheri. Baada ya muda mufuhi, mvariokala mvadzema haho mvachikala mvamwambira Petero, "jeri uwe wekala mumwenga wao, maana hata uwe umugalilaya."⁷¹Ela achanza kudzenjiza kwenye kurya viraho na kulaha kpwamba, "Mino simumanya yuyu mutu munambiraye kumuhusu." ⁷²Jimbi mara richiika mara ya hiri. Ndiho Petero achikumbuka maneno ga Jesu arigo mwambira: "Kabla jimbi riike mara mbiri, undakala udzinikana mara tahu," achihuzunika achirira.

Chapter 15

¹Madzacha, Abomu a makuhani, hamwenga na vilongozi na andishi na hamwenga na baraza zima ra Ayahudi mvachehana kushauriana. chisha mvachimufunga Jesu mvachenda naye. Mvachimulavya kpwaPilato. ²Pilato achimuza, "We ndiwe mufalume wa Ayahudi?" Achimujibu, "Unena." ³Abomu a makuhani mvekala mvamushitaki kpwamambo manji.⁴Pilato achimuza keheri, "Kujibu? Sikiza go mvakushitakirago!" ⁵Ela Jesu kamujibire keheri Pilato, na riro remushangaza.⁶Sasa ichifika wakati wa sherehe, Pilato za pasaka, Pilato kpwakawaida wekala achirichira mufungwa mumwenga, mufungwa mvandiye mutsagula enye. ⁷Hekala hana mumwenga ndiye Baraba kahi za afungwa aasi ariyekala yudzolaga wakati wa uasi. ⁸Kundi ra atu richimutua Pilato na kpwanza kumuza amvahendere here iriyokala kawaida ya kpwakwe.⁹Pilato achimvajibu achimwamba, "Mwamala nimurichire ye mufalume wa Ayahudi?" ¹⁰kpwakukala naye wemanya ni kpwasababu ya wivu tu ndiho abomu a makuhani mvekala mvadzimulavya Jesu kpwakwe. ¹¹Ela mvo abomu a makuhani mvachiachochea kundi rosi ra atu mvamumale Baraba arichirwe badela ya Jesu.¹²Pilato achimvauza keheri achimvamba, "Sasa nimuhendedze mino yuno mufalume wa Ayahudi?" ¹³Mvachipiga kululu mvachimujibu, "Musulubishe!"¹⁴Pilato achimvamba, "Ahenda ubaya wani?" Ela mvachipiga kululu zaidi na zaidi, "Musulubishe." ¹⁵Pilato wemala kuaridhisha kundi, kpwavivyo achimurichira Baraba. Achimuchapa Jesu mijeledi chisha achimvarichira mvakamusulubishe.¹⁶Shikari mvachimulongoza ndani ya uwa (Iriyokala ni makalo makulu), mvachehana shikari mvosi. ¹⁷Mvachimuvisha Jesu kanzu ya rangi ya zambarau, chisha mvachisuka taji ya miya mvachimuvisha chitswani. ¹⁸Mvachanza kumupigira saluti mvachimwamba, "Selamu, mufalume wa Ayahudi!"¹⁹Mvekala mvachimupiga chitswa na fimbo ya mwanzi na kumutsitsira mahe. Mvachimupigira mavindi, mvachishutama. ²⁰Baada ya kumutseka, mvachimuvula yo kanzu ya zambarau mvachumudzirya nguoze, chisha mvachimulongoza kwenda musulubisha. ²¹Mutu mumwenga kpwadzina Simioni, Mukirene, wekala yula mundani (wekala ndiye pabaye Aleksanda na Rofa), nao mvachimulazimisha kuwereka muselaba wa Jesu.²²Shikari mvachimuhirika Jesu hatu hehewaho Gologotha (Tafusiriye ni "fuvu ra chitswa"). ²³Mvachimupa uchi uriwo tsanganywa na manemane, ela kaunirwe. ²⁴Mvachimusulubisha chisha mvachigavya nguoze kpwakuzipigira kura kutsaguzana ni shikari hiye andehela chipande hicho.²⁵Yekala ni saa ra hahu mvariho musulubisha. ²⁶Kwenye chibao mvachandika kosa mvariro muhukumira, "Mufalume wa Ayahudi." ²⁷Hamwenga naye, mveasulubisha majambazi airi, mumwenga mukono wa kulume munjine mukono kumotso. ²⁸Neno richitimira kpwamba "Wetalwa hamwenga na aasi."²⁹Mvario tsupa na haho mvachimu fyolera, kuno mvatingisha vitswa vyao na kpwamba, "Aha! Uwe uvunzaye hekalu na kurijenga kpwasiku tahu, ³⁰dzokole mwenye na utime kula ho mselabani!"³¹Hali iyo abomu a makuhani mvachimutseka kpwachinaya, hamwenga na andishi, mvachimwamba, "Weokola anjine, ela kaweza kudzokola mwenye. ³²Masihi, mufalume wa Izrael, tima sasa kula kpwamuselaba, ili nasi hone na huamini." Mvario sulubishwa naye pia namvo mvachimufyolera.³³Saa ya handahu, chiza chichitanda urimwenguni mpaka saa ra chenda. ³⁴Irihofika risaa ra chenda, Jesu achirira kpwasauti, "Eloi, Eloi, lama sabachthani?" ambayo tafsiriye ni, "Mulungu wangu, Mulungu wangu, mbona udziniricha?" ³⁵Anjine mvariokala mvahehi mvariho sikira go maneno mvachamba, "Sikizani, wamweha Eliya."³⁶Mumwenga achenda, achitengeza divai ya sichi kwenye sponji, chisha achiyenjiza kwenye fimbo nyire ya mwanzi, achimunyoshera anwe. Achamba, "Richa hulole kala Eliya andadza mutimisha." ³⁷chisha Jesu achirira kpwasauti bomu achikata roho. ³⁸Pazia ya hekalu ichikatika mara mbiri kula dzulu mpaka tsini.³⁹Yuya jemedari ariyekwenda mona Jesu ariho mona yudzefa kpwahali iyo, achamba, "Jeri yuyu mutu wekala ni Mwana wa Mulungu." ⁴⁰Hekala pia hana anache mvariokala mvalola kula hatua. Hamwenga namvo mvekala ni Mariamu Magdalena, Mariamu (Mameye Jakobo na Jose), na Salome. ⁴¹Arihokala yu Galilaya mvachimutua mvachimuhudumia. Anache anjine mvachimutua mpaka Jerusalemu.⁴²Dzulo ririhofika, kpwakukala yekala ni siku ya matayarisho, yaani siku mwenga kabla sabato, ⁴³Josefu wa Arimathea achenda. Wekala ni mutu wa kuheshimika kahi ya baraza ra Ayahudi ariyekala wangoja ufalume wa Mulungu. kpwaujasiri, wekwenda kpwaPilato achenda voya mwiri wa Jesu. ⁴⁴Pilato achishangaa kukala Jesu kare wekala yudzefa; achimweha iye jemedari kumuza kala Jesu wekala yudzefa.⁴⁵Pilato achimanya kula kpwajemedari kukala Jesu wekala yudzefa, achiulavya mwiri wa Jesu kpwaJosefu. ⁴⁶Josefu achikala yugula chitambara cha tsanza. Achimutimisha kula kpwamuselaba, achimufunga na yo tsanza, na achimulaza mbirani, mbira ambayo yekala ikatwa kula kpwadziwe. chisha achibingirisa dziwe achifinika muyangoni. ⁴⁷Mariamu Magdalena na Mariamu mameye Jose mvachihaona ho arihozikpwaJesu.

Chapter 16

¹Siku ya sabato iriho sira, Mariamu Magdalena, Mariamu mameye Jakobo, na Salome mvachigula manukato ili mvaweze kudza mvauhake mwiri wa Jesu. ²Madzacha sana siku ya kpwanza ya juma, mvachenda mbirani dzua ririho ombola.³Mvachikala mvachinong'onezana, "Andiye hubingirisira rira dziwe ririro binikizirwa yo mbira nani?" ⁴Mvariho rungarara, mvachona ro dziwe rekala ribingiriswa kare, maana rekala bomu muno.⁵Mvachenjira mo mbirani na mvachona barobaro adzevela gwanda reruhe, yusegere mukono wa kulume, mvachondoka. ⁶Achimvambira, "Musogoheni. Mwamutafuta Jesu, Munazareti, ariye sulubishwa. Yufufuka! Kaho haha. Lolani ho mvarihokala mvamulaza. ⁷Ela endani, kamvambireni anafunzie na Petero, 'Wamvatangulia Galilaya. Kuko ndiko mundiko mona, here arivyo mvambira."⁸Mvachombola malo; kuno mvatetemwa ni miri na mushangao. Kamvamwambirire yoyosi chochosi kpwakukala mvekala mvogoha.⁹(Mapema siku ya kpwanza ya wiki, baada ya kufufuka, achimombolera kpwanza Mariamu Mgdalena, ariyekala yumomboza pepo afungahe. ¹⁰Achenda achimvambira mvo mvariokala hamwenga naye, mvarihokala mvarira na kuomboleza. ¹¹Mvachisikira kukala yufufuka na yudzonana na Mariamu, ela kamva aminire.¹²Baada ya gago, achimvombolera kpwahali injine airi ao mvarihokala mvatsembera mvenenda nze ya ntsi. ¹³Mvachuya mvachiambira anjine, ela kamva aminire.¹⁴Jesu baadaye achimvombolera mvo kumi na mumwenga mvarihokala mezani, naye achimvachemera kpwakukosa kpwamini na ufu wa mioyo yao, kpwakukala kamva aminire mvo mvariotangulia konana naye baada ya kufufuka. ¹⁵Achimvambira, "Endani urimwenguni kosi, mukahubiri injili kpwachivyazi chosi. ¹⁶Andiye amini na kubatizwa andaokoka, ambaye kanda amini, andahukumiwa.¹⁷Ishara zizi zindamvafikira mvo mvandio amini: kpwadzina rangu, mvandachemera mapepo na mvandombola. Mvandanena kpwaluga mbisha. ¹⁸Mvandagwira nyoka na mikono yao, hata mvachinwa sumu, chisha kaindamva dhuru. Mvandaikira atu mikono mvario akongo, namvo mvandahola."¹⁹Baada ya Jesu kunena gago kpwao, achihalwa achenulwa dzulu Mulunguni achisagela mukono wa kulume wa Mulungu. ²⁰Anafunzie mvachuka mvachenda ihubiri injili chila hatu, Bwana achihenda kazi namvo na kuthibitisha neno kpwaishara zirizo enenda namvo.)

Luke

Chapter 1

¹Anji mvadzidzitahidi kpwika mupangilio kuhusu mambo garigo gatimizwa kahi yehu, ²here mvarivyo hupatira siswi, hurio hangu mwanzo ni mashahidi mvario ona kpwa matso gao na kula kpwa atumishi a ujumbe. ³Vivyo, nami pia, baada ya kuchunguza kpwa makini chanzo cha mambo gaga gosi kula mwanzo-nidzona ni vidzo kpwangu pia kukpwandikira kahi za mupangiliowe-muheshimiwa hasa Theofilo. ⁴ili nawe uweze kumanya ujeri wa mambo urigo fundishwa.⁵Kula siku za Herode, mufalume wa Juda, kpwekela na kuhani fulani ariye ehewa Zakaria, wa inkololwa Abiya. Muchewe weombola kahi za ana achiche a Haruni, na dzinare we-ehewa Elizabeti. ⁶Mvosi mvekela enye hachi mbere za Mulungu. Mvetsembera bila lawama kahi za amuri zosi na melakizo ga Bwana. ⁷Ela mvekela khamvana mwana kpwa kukala Elizabeti wekala ni tasa, na kpwa wakati uu mvosi eri mvekela ni atumia sana.⁸Sasa ichombolera kukala Zakaria wekala kahi za utukufu wa mulungu, achenderera na wajibu wa kpwakpwe wa chikuhani kahi za utaratibu wa zamu ye. ⁹Kulingana na desturi za kutsagula ni kuhani hiye andiye hudumu, wekala adzitsagulwa kpwa kura kpwenjira kahi za hekalu ra Bwana, vivyo angefukiza uvumba. ¹⁰Kundi rosi ra atu rekela richivoyanze wakati wa kufukizwa kpwa uvumba.¹¹Sasa melaika wa Bwana wemombolera na achimwemera upande wa mkonowe wa kulume wa madhabahu ga kufukizira. ¹²Zakaria weondoka ariho mona; woga uchimwenjira. ¹³Ela melaika achimwambira, "Usogohe Zakaria, kpwa kukala mavoyogo gasikika. Mucheo Elizabeti andakuvyalira mwana. Dzinare undamweha Johana.¹⁴Undakela na furaha na uchangamufu, na anji mvandafura hiu kuvyalwakpwe. ¹⁵kpwa kukala andakela mubomu mbere za matso ga Bwana. Ni asinwe divai wela chileo chikali, andakela adzotsazwa na Roho Mutakatifu hangu tumboni mwa mameye.¹⁶Atu anji Iziraeli mvandagaluzwa kpwa Bwana Mulungu wao. ¹⁷Andakpwenda mbere za uso wa Bwana kahi za Roho na nguvu za Eliya. Andahenda vivi ili audzye mioyo ya Paba kpwa anae, ili kukala mvasio tii mvandaishi kpwa hekima za enye hachi. Andahenda vivi kpwika tayari kpwa Bwana atu vario mvadzitayarishwa kpwa ajili ye."¹⁸Zakaria achimwambira melaika,"Nindawezadze kurimanya rino? Kpwa here, mino ni mutumia na mchangu miakaye ivuha muno." ¹⁹Malaika achimujibu achimwambira, "Mimi ni Gabrieli, ariye nikpwema mbere za Mulungu. Nehumwa nikurehere habari zizi mbidzo. ²⁰Lola, kundanena, undasala chimya, nipaka siku gaga gandiho timira. Riri kpwa kukala kpwaminire maneno gangu, gandigo timira kpwa wakati wa sawa."²¹Sasa atu mvekela mvachimurinda Zakaria. Mveangelazwa kpwa kukala wehela muda mure hekaluni. ²²Ela ariho uya, kawezere kugomba nao. Mvachimanya wekala yupata maono arihokela hekaluni. Weenderera kumvonyesa kpwa ishara kuno yuchimya. ²³Irihofika siku ambazo yumarikiza huduma ye, achiuya nyumbani kpwakpwe.²⁴Baada ya Zakaria kuuya nyumbani kula kpwa huduma hekaluni, muchewe achipata mimba. kpwa miezi mitsano kombolere nyumbani. Achamba, ²⁵"Riri ndiro Bwana adziro nihendera ariho nilola kpwa upendeleo ili kuyusa aibu yangu mbere za atu."²⁶Irihofika mwezi wa sita, melaika Gabriel achihumwa kula Mulunguni kpwenda Galilaya mudzi wehewao Nazareti, ²⁷kpwa mwanamwali ariyekala yuposwa ni mwanamulume ehewaye Josefu, ariyekala wa lukolo lwa Daudi, dzina ra mwanamwali iye ni Mariamu. ²⁸Achimutua achimwamba, "Selamu, udziye pendeleewe kpwa hali ya dzulu! Bwana yuhamwenga nawe." ²⁹Ela achikela yutsanganyikirwa sana kpwa maneno gago na kelewerwe ni selamu aina yani zizo.³⁰Melaika achimwambira, "Usogohe, Mariamu, kpwa kukala udzipata neema kula kpwa Mulungu. ³¹Lola, undapata mimba na undavyela mwana wa chilume. Undamuhadza dzina 'Jesu.' ³²Andakela mubomu na andehewa mwana wa Ariye dzulu sana. Bwana Mulungu andamupa chihi cha enzi cha Daudi pabaye. ³³Andatawela lukolo lwa Jakobu na ufalume wa kpwakpwe kaundakela na mwisho."³⁴Mariamu achimwambira melaika, "Rino rindatimiradze, nami ta sidzamanya mulume yoyosi?" ³⁵Melaika achimujibu achimwambira, "Roho mutakatifu andakudzira dzuluyo, na nguvu za ariye dzulu yo. kpwa vivyo, mutakatifu undiye muvyela andehewa Mwana wa Mulungu.³⁶Lola, nduguyo Elizabeti naye ana mimba ya mwana wa chilume idzaho umuriwe utsupa sana. Uu ni mweziwe wa sita, iye ariye ehewa tasa. ³⁷kpwa kukala kakuna chisicho wezekana kpwa Mulungu." ³⁸Mariamu achamba, "Lola, mimi ni mutumishi wa chiche wa Bwana. Navikale kpwangu here udzivyo nambira." Melaika achimukira.³⁹Ndiho kahi ya siku zizo Mariamu achuka achenda kpwa haraka handahu ya virima, mudzi wa Judea. ⁴⁰Achenda kahi za nyumba ya Zakaria achenda mulamusa Elizabeti. ⁴¹Sasa, ichombolera kukela, Elizabeti ariho sikira selamu za Mariamu, mwana achiruka ndani ya tumboye, na Elizabeti achotsazwa ni Roho Mutakatifu.⁴²Achipaza sauti achamba, "Mubarikiwa ndiwe kahi ya ana ache, na mwana ariye tumboni mwako achikpweza. ⁴³Ikeladze ta mameye Bwana wangu anidzire? ⁴⁴Kpwa here, lola, sauti ya selamuzo idzihonenjira masikironi, mwana mwangu tumboni yuruka kpwa furaha. ⁴⁵Abarikiwa mwanamuche aaminiye kukala kundakela na utimizo wa chila jambo ariro ambirwa kula kpwa Bwana."⁴⁶Mariamu achamba, "Moyo wangu wamutukuza Bwana, ⁴⁷na roho yangu ifurahia kahi za Mulungu mokoli wangu.⁴⁸Kpwa here yudzilola hali ya tsini ya mutumishiwe wa chiche. Lola, kula wakati uu vizazi vyosi vindaneha mubarikiwa. ⁴⁹kpwa kukala mwenye nguvu adzinihendera mabomu, dzinare ni takatifu.⁵⁰Neema ya kpwakpwe yaishi kula kpwa chivyazi na chivyazi kpwa mvamogohao. ⁵¹Adzonyesa nguvu kpwa mkonowe; akavatawanya mvario mvadzidai dzulu ya maazo garigo rohoni mwao.⁵²Adzimva teremusha ana a afalume kula kpwa vihi vyao vya enzi na kumvenula mvario hali za tsini. ⁵³Adzimvekusha mvario na nzela na vyakurya vidzo, ela matajiri adzimvaricha mikono mihuhu.⁵⁴Adzimvapa musaada Iziraeli mutumishiwe, ili akumbukire konyesa mbazi ⁵⁵(here arivyo chikala achimvaambira paba zehu) kpwa Abrahamu na lukolo lwe milele."⁵⁶Mariamu achikela na Elizabeti chasi cha miezi mihahu helafu achuya kpwakpwe nyumbani. ⁵⁷Sasa wakati wekala ufika kpwa Elizabeti kudzifugula mwanawe naye achivyela mwana wa chilume. ⁵⁸Majiranige na familia mvachisikira kukala Bwana adzimonyesa neema bomu, namvo mvachisherehekea naye.⁵⁹Sasa irihofika siku ya nane, mvachimwenjiza jandoni mwana. Mvandekela mvemweha "Zakaria," dzina ra pabaye. ⁶⁰Ela mameye achijibu achamba, "Hata. Andehewa Johana." ⁶¹Mvachimwambira, "khahana hata mumwenga kahi za luloko lwehu ehewaye kpwa dzina riro."⁶²Mvachihenda ishara kpwa pabaye ili a aashirie mwana ehewe dzina rani. ⁶³Pabaye achimela chibao cha kpwandikira, achandika, "Dzinare ni Johana." Mvosi mvangalazika.⁶⁴Ghafula, mulomowe uchifuguka na lilimilelichiikpwa huru. Achinena na achimulika Mulungu. ⁶⁵Woga uchimvenjira osi mvaishio hamwenga nao laloni. Gosi gago gachienera kahi ya intsi na virima vya Juda. ⁶⁶Mvosi mvario gasikira mvegatunza mioyoni mwao, mvachamba, "Mwana yuno andakela wa namuna yani?" kpwa kukala mukono wa Bwana wekala hamwenga naye.⁶⁷Pabaye Zakaria achotsazwa ni Roho mutakatifu achitabiri, achamba, ⁶⁸"Alikpwe Bwana, Mulungu wa Iziraeli, kpwa kukala yukudza saidia, naye yutimiza ukombozi wa atue.⁶⁹Adzihwenulira pembe ya wokofu kahi za nyumba ya mutumishiwe Daudi, kula miongoni mwa lukolo la mutumishiwe Daudi, ⁷⁰(here arivyo gomba kpwa mulomo wa manabiie mvariokelako nyakati za kapindi), ⁷¹andahokola kula kpwa mahadui gehu na kula mikononi mwa osi mvahutsukirirwao.⁷²Andahenda vivi kuonyesa rehema kpwa paba zehu, na kukumbukira laganore takatifu, ⁷³Chiraho aricho chilaha kpwa Abrahamu paba yehu. ⁷⁴Welaha kuchomboza kpwehu ili kukala indewezekana kumuhumikira, iye bila wasiwasi baada ya kuokolwa kula mikononi mwa hadui zehu. ⁷⁵Kula utakatifu na hachi mbereze siku zehu zosi.⁷⁶Ndivyo, na uwe, mwana, undehewa nabii wa ariye dzulu sana, kpwa kukala undaenenda mbere za uso wa Bwana ili kumutengezera njira, kumvatayarisha atu kpwa ajili ya kudza kpwakpwe, ⁷⁷Kumvamanyisa atue kpwamba, mvandaokolwa kpwa njira ya kusamehewa dambi zao.⁷⁸Riri rindaombolera kpwa sababu ya mbazi za Mulungu wehu, sababu ya dzua kula dzulu rindamudzira, ⁷⁹Kuang'alira kpwa mvario mvakela chizani na kahi ya chivurivuri cha mauti. Andahenda vivi kuhulongoza nyayo zehu kpwenye njira ya amani."⁸⁰Sasa, yuya mwana wekula na achikela mwenye nguvu chiroho, na achikela nyikani mpaka siku ya kudzombozakpwe kpwa Izraeli.

Chapter 2

¹Sasa kahi za siku zizo, ichombolera kukala Kaisari Agusto weomboza lakizo kpwamba ihalwe hesabu ya atu osi mvaishio duniani. ²ii yekela hesabu ya kpwanza kpwa atu, wakati Krenio wekala ndiye mubomu wa mukoa wa Siria. ³kpwa vivyo chila mutu achenda mudzini kpwakpwe ili atalwe.⁴Josefu naye achenda kpwao Bethelehemu ya Judea kula mudzi wa Nazareti kuko Galilaya, kpwa kukala wekala ni wa nyumba na familia ya Daudi. ⁵Wekpwenda kuko kutalwa hamwenga na Mariamu, ariye wekala amuposa ni muchumbawe na wekala ana mimba.⁶Sasa ichombolera kukala mvarihokela kuko, wakati uchifika wa Mariamu kudzifugula. ⁷Achipata mwana wa chilume, mwanawe wa kpwanza, naye achimufungato kahi za nguo nyire mwirini kumuchinga peho, achimwika kenye hori ya kurisira anyama, kpwa kukala kpwekela kakuna nafasi kpwenye nyumba ya ajeni.⁸kpwekela na arisa sehemu iyo mvariokela mvaishi kahi za minda, mvachirinda mifugo yao usiku. ⁹Melaika wa Bwana achimvombolera, na utukufu wa Bwana uching'ela kumvazunguluka, namvo mvachenjirwa ni woga mubomu sana.¹⁰Ndiho melaika achimvambira, "Musogoheni, kpwa sababu namvarehera ujumbe mudzo undio mvarehera furaha bomu atu osi. ¹¹Rero mwokoli wenu yudzivyalwa mudzini kpwa Daudi! Iye ndiye Masihi Bwana. ¹²Ii ndiyo ishara mundiyo pewa: Mundaona mwana yufungwa nguo nyire na yulazwa kahi za hori ya kurisira anyama."¹³Ghafula, kuchikela na jeshi bomu ra Mulunguni richiungana na melaika mvachimusifu Mulungu na kpwamba, ¹⁴"Utukufu kpwa Mulungu ariye dzulu sana, na amani ikaleko duniani kpwa mvosi ambamvo mvakubalika."¹⁵Ichikela kpwamba melaika mvarihokela mvadzenda Mulunguni, arisa mvachambirana, "Hindeni sasa Bethelehemu hukagone go gadzigo hendeka, ambago Bwana adzihwambira." ¹⁶Mvachenenda upesi kuko mvachimona Mariamu, Josefu, na mwana mtsanga, ariyekela yulazwa horini mwa kurisa anyama.¹⁷Baada ya kumona, mvachimvambira atu go mvarigokela mvadzambirwa ni melaika kumuhusu iye mwana. ¹⁸Mvosi mvario gasikira gachimva angelaza garigonewna ni mvo arisa. ¹⁹Ela Mariamu wetua kugaaza gosi arigo gasikira, achigaika mwakpwe moyoni. ²⁰Arisa mvachiuya, kuno mvamutukuza na kumusifu Mulungu kpwa gosi mvarigo gasikira na kugaona, here vyo mvarivyo chikala mvadziga ambirwa.²¹Irihofika siku ya nane mwisho wa siku, arihokela yugwagwatsi, achehewa Jesu, dzina arirokela yupewa ni melaika kabla mimbaye yekela kaidzatungwa tumboni.²²Siku za utakaso zirihosira, kulingana na sheria za Musa, mvachimuhirika dzulu hekaluni Jerusalemu kumwika mbere za Bwana. ²³Here irivyo andikpwa kahi za sheria ya Bwana, "Chila mwana mulume afugulaye chivyazi cha mameye, andelaviwa kpwa Bwana." ²⁴kpwa vivyo mvachilavya sadaka kulingana na maandiko ganenavyo kahi ya sheria za Bwana, " magia mairi ama makinda mairi ga magia."²⁵Lola, kpwekela na mutu Jerusalemu dzinare wekala ni Simioni, na mutu iye wekala mutakatifu na mwenye kumcha Mulungu. wekala achingojera mufariji wa Iziraeli, na Roho mutakatifu wekala dzulu ye. ²⁶Yekela adzonyeswa ni Roho mutakatifu kukala kandafa kabla amone Bwana Masihi.²⁷kpwa kulongozwa ni Roho, Simioni achenjira hekaluni. Josefu na Mariamu mvariho mureha mwana Jesu, ili mvamwike wakfu here tamaduni za chisheria, ²⁸achimuhochera mwana mikononi na achimulika Mulungu, achamba, ²⁹"Sasa muruhusu mutumishi wa kpwako, akaoye kpwa amani, Bwana, kulingana na neno ra kpwako.³⁰kpwa kukala matso gangu gadziwona wokoli, ³¹ambao udzonekana matsoni mwa atu osi: ³²Mwangaza wa ufunuo kpwa mataifa na utukufu kpwa atuo Iziraeli."³³Pabaye na mameye mvachangelazwa ni gosi garigo nenwa kumuhusu. ³⁴Simioni achimvabariki na achimwambira Mariamu mameye, "Lola, yuyu mwana andakela sababu ya kugwa na kpwenuka kpwa atu anji sana kahi za Iziraeli na ni ishara iriyo atu anji mvandaipinga- ³⁵pia ni upanga undio ocha nafsi yo-Ili maazo ga myoyo ya anji gakale lwazu."³⁶Nabii wa chiche ariye ehewa Ana pia wekala haho hekaluni. Iye wekala mwana wa chiche wa Fanueli kula kpwa kabila ra Asheri. wekala miaka minji sana. Naye weishi na mulumewe kpwa miaka mifungahe baada ya kuhelana, ³⁷na ndiho achikela gungu kpwa miaka mirongo minane na nne. Naye kawahire kombola hekaluni na wekala achenderera kumwabudu Mulungu hamwenga na kufunga na kuvoya, usiku na mutsana. ³⁸kpwa wakati uwo, wekudza haho mvariho achanza kumulika Mulungu. Achamba kumuhusu mwana kpwa chila mutu ambaye wekala achiurindira ukombozi wa Jerusalemu.³⁹Mvarihokela mvamarikiza chila chitu mvaricho chimala kuhenda kulingana na sheria za Bwana, mvachiuya Galilaya, mudzini kpwao Nazareti. ⁴⁰Mwana achikula na achikela na nguvu; wekala na unji wa hekima, maana neema ya Bwana yekela naye.⁴¹Avyazie chila mwaka mvekpwenda Jerusalemu kpwa ajili ya sherehe za pasaka. ⁴²Arihofika miaka kumi na miiri, mvachenda keheri here desturi Jerusalemu kpwa sherehe . ⁴³Baada ya kusagela muda kamili wa sherehe iyo, mvachanza kuuya nyumbani. Ela chijana Jesu achisala kpwenye hekalu wela avyazie kamvamanyire. ⁴⁴Mvachihalira kukala mvahamwenga kahi za kundi ririrokela mvasafiri hamwenga, be mvachisafiri safari ya siku nzima. Ndiho mvachikpwatya kumubuga kpwa makini kahi za ndugu na asena ao.⁴⁵Mvariho mukosa, mvachiuya Jerusalemu mvachanza kumutafuta kpwa makini kuko. ⁴⁶Baada ya siku tahu mvachimupata ndani ya hekalu, yusegere kahikahi ya aandishi, achimvasikiza na kumvauza maswali. ⁴⁷Mvosi mvario musikira veangalazika jinzi aelewavyo mambo na majibu ga kpwakpwe.⁴⁸Mvarihomona, vachangalazika. Mameye achimuza, "Mwanangu, mbona ukahuhendera vino? Lola, mimi na pabayo hudzikubuga sana." ⁴⁹Achimvambira, "kpwanoni kunibuga? Kamumanyire kukala mino nahenzekana nikale nyumbani mwa Paba? ⁵⁰Ela kamvelewere wemaanisha noni kpwa kpwamba vivyo.⁵¹Ndiho achiuya nao Nazareti na achimvaheshimu avywazie. Mameye wedzivunira sana mambo gosi gaga mwakpwe moyoni. ⁵²Ela Jesu weenderera kukula kpwa hekima na chimo, na achizidi kuhenzwa ni Mulungu na atu.

Chapter 3

¹Irihofika mwaka wa kumi na tsano kahi za utawela wa Kaisari Tiberia-Wakati Pontio Pilato wekala mubomu wa mukoa wa Judea, Herode wekala mubomu wa mukoa Galilaya, na Filipo nduguye wekala mubomu wa mukoa wa Iturea na Trakoniti, na Lisania wekala mubomu wa mukoa wa Abilene. ²na wakatiwa kuhani mubomu Anasi na Kayafa-neno ra Mulungu remudzira Johana mwana Zakaria nyikani.³Achenenda sehemu yosi ya Joridani, achihubiri ubatizo wa toba kpwa musamaha wa dambi.⁴Here irivyoandikpwa kahi ya chitabu cha Nabii Isaya, "Sauti yarira kula nyikani, 'Tengezani njira ya Bwana, machiriroge naganyoke.⁵Chila bonde rindadzazwa, chila murima na tsulu zindateremushwa, barabara za kupinda zindanyoshwa, na sehemu zirizo dzulu na tsini zindagaluzwa kukala barabara, ⁶na miiri yosi indaona wokofu wa mulungu."⁷Sasa Johana achiambira makundi mvariokela mvenenda kpwakpwe kpwa ubatizo, "Chizazi cha nyoka! Nani aremvaonya kuchimbira hukumu ya Mulungu idzayo?⁸kpwa vivyo, vyelani matunda gasitahiligo toba, wela musanze kudzuza enye kpwa enye, ' Huna paba Ibrahimu,' maana namvaambira, Mulungu waweza kpwenula chivyazi chisha cha Ibrahimu kula kpwa gaga mawe.⁹Vivi tsoka ridzikpwa tayari kutema mizi ya mihi. kpwa vivyo chila muhi usio vyela matunda madzo undatemwa na utsuhiwe mohoni."¹⁰Ndiho makundi ga atu mvachisisitiza kumuza, mvachamba, "Sasa be ni huhendedze?" ¹¹Achimvajibu achimvaamba, "Kukala mutu ana kanzu mbiri, na amugavire mwenga ariye kana, na ariye na chakurya pia ahende vivyo."¹²Atoza ushuru namvo mvachenda batizwa, mvachimwamba, "Mwalimu, huhendedze?" ¹³Achimvaambira, " Musikusanyeni pesa zaidi ya viwango murivyopewa."¹⁴Anajeshi anjine namvo mvachimuza, mvachimwamba, "Na je sino? Ni huhendedze?" Achimvamba, "Musihale pesa kula kpwa yoyosi kpwa chibavu, na musihukumu mutu asekela na hatia. Toshekani na mushahara wenu."¹⁵Sasa, kpwa kukala atu mvekela mvarinda kudza kpwa Masihi sana, chila mutu wekala wadzuza mwakpwe moyoni kuhusu Johana, chikala pengine andakela ndeye. ¹⁶Johana achimvajibu kpwa kumvambira, "Mino namvabatiza kpwa madzi, ela mumwenga wadza ariye na uwezo mubomu kuniriko mimi, na sifaa hata kufugula kambaa za virahuvye. Iye andamvabatiza kpwa Roho mutakatifu na moho.¹⁷Pepetore ri mukononi mwakpwe ili asafisheto sakafu na akusanye ngano lutsagani mwakpwe. Ela andagaocha mafuyeye kpwa moho usiozimika."¹⁸Na kpwa kulavya maonyo manjine manji pia, Johana wehubiri injili kpwa atu. ¹⁹Herode pia wechemerwa kpwa kumuhela Herodia, mukaza nduguye na kpwa mabaya manjine manji. ²⁰Ela baadaye Herode achihenda vii muno achimufunga Johana jela.²¹Sasa, atu mvosi mvariho baputizwa, Jesu naye achibaputizwa, na arihokela wavoya, Mulunguni kuchifuguka, ²²Roho mutakatifu achilimumira mufano wa gia, helafu sauti ichisikirika kula Mulunguni, "Ndiwe mwanangu muhenzwa. Naridhika nawe."²³Jesu arihoanza hudumaye, wekala atimiza miaka here mirongo mihahu. wekala mwana (here irivyo halirwa) wa Joseph, mwana wa Eli, ²⁴mwana wa Mathati, ariye mwana wa Lawi, mwana wa Melki, mwana wa Yana, mwana wa Josefu,²⁵Josefu wekala mwana wa Mathatia, mwana wa Amosi, mwana wa Nahumu, mwana wa Esli, mwana wa Nagai, ²⁶mwana wa Maati,mwana wa Matathia, mwana wa Semeini, mwana wa Joseki, mwana wa Joda.²⁷Joda wekala mwana wa Joanani, mwana wa Resa, mwana wa Zerubabeli, mwana wa Selatheli, mwana wa Neri, ²⁸mwana wa Melki, mwana wa Adi, mwana wa Kosamu, mwana wa Elmadamu, mwana wa Eri, ²⁹mwana wa Joshua, mwana wa Eliezeri, mwana wa Jorimu, mwana wa Mathati, mwana wa Lawi.³⁰Lawi wekala ni mwana wa Simioni, mwana wa Judah, mwana wa Jesefu, mwana wa Jonami, mwana wa Eliakimu, ³¹mwana wa Melea, mwana wa Obedi, mwana wa Matatha, mwana wa Nathani, mwana wa Daudi, ³²mwana wa Jese, mwana wa obedi, mwana wa Boazi, mwana wa Salmoni, mwana wa Nashoni.³³Nahashoni wekala mwana wa Aminadabu, mwana wa Adimi, mwana wa Aramu, mwana wa Hezroni, mwana wa perezi, mwana wa Judah, ³⁴mwana wa Jakobu, mwana wa Isaka, mwana wa ibrahimu, mwana wa Terah, mwana wa nahori, ³⁵mwana wa Serugi, mwana wa Regau, mwana wa Pelegi, mwana wa Eberi, mwana wa Sela.³⁶Sela wekala mwana wa Kenani, mwana wa Arfaksadi, mwana wa Shemu, mwana wa Nuhu, mwana wa Lameki, ³⁷mwana wa Methusela, mwana wa Enoko, mwana wa Jaredi, mwana wa Mahelaleli, mwana wa Kenani, ³⁸mwana wa Enosi, mwana wa Sethi, mwana wa Adamu, mwana wa Mulungu.

Chapter 4

¹Ndiho Jesu, ambaye yudzazywa na roho mutakatifu, achuya kula muho wa Jorodani na achilongozwa ni roho jangwani, ²Kuriko kpwa siku mirongo miine wejaribiwa ni pepo. Kharirye chitu siku zosi na mwisho wa wakatiwe achisikira nzela.³Pepo achimwamba, "chikala uwe umwana wa Mulungu, amuru dziwe riri rigaluke kukala mkahe." ⁴Jesu achimujibu, Idzandikpwa, "Mutu khandaishi kpwa mkahe hacheye."⁵Kisha Pepo achimulongoza Jesu paka kpwenye murima, achimonyesa falume za dunia kpwa muda mchache. ⁶Pepo achimwamba, " Nindakupatira mamulaka na utukufu we, kpwakukala vidzipewa mimi, na naweza kumupa yoyosi nihenzaye. ⁷kpwa vivyo, chikala undanisujudia na kuniabudu, vindakela vyako."⁸Ela Jesu achimujibu na achimwamba, " Idzandikpwa, ' Undamwabudu Bwana Mulungu wo, na undamuhumikira iye hacheye."⁹Ndiho pepo achimulongoza mupaka Jerusalemu na achimwika dzulu ya dzumba ra hekalu, na achimwamba, " uchikala umwana wa Mulungu, dzitsuhe hotsi kulaa haha. ¹⁰kpwakukela idzandikpwa, andaelakiza melaika ee mvakutunze nakukuhudumia,' ¹¹na, mvandakpwenula dzulu mikononi mwao, ili kukala usidze ukadzikpwala chigulucho kpwenye dziwe."¹²Jesu achimujibu na achimwambira, "Idzandikpwa,"usimujeze Bwana Mulungu oo." ¹³Shetani ariho mela kumujaribu Jesu, wekpwenda zakpwe na achimuricha mpaka wakati munjine.¹⁴Kisha Jesu weuya Galilaya kpwa nguvu za Roho, na habari kumuhusu iye zeonera zichienera kahiza mikoa jirani yosi. ¹⁵Wefundisha kahiza masinagogi gao, na chila mumwenga wemulika.¹⁶Wekpwenda Nazareti, arikorerwa na here desturiye, achenjira kpwa sinagogi siku ya sabato na achema iliasome kpwa sauti. ¹⁷Wegwizwa chitabu cha nabii Isaya, vivyo achichifugula chitabu na achitafuta sehemu iriyoandikpwa,¹⁸Roho wa Bwana yu dzulu yangu, kpwasababu adzinenjiza mafuha kuhubiri habari mbidzo kpwa masikini. Adzinihuma kutangaza uhuru kpwa afungwa, na kuahenda asioona mvaratu a agandamizwao, ¹⁹kuutangaza mwaka wa Bwana andaonyesa udzo we."²⁰Kisha achirifunga gombo ra Chuo, achimudzirya Chilongozi wa sinagogi, na achisagela tsi. Matso ga atu osi mvariokela kahi ya sinagogi gemulola iye. ²¹Achianza kuzungumza nao achigomba, " Rero andiko riri ritimira masikironi mwenu." ²²Chila mumwenga haho weshuhudia chiratu arichochigomba Jesu, na anji miongoni mwao mveangalazwa na maneno ga hekima garigokela gachiombola kahiza mulomo we. Mvekela mvachigomba, " Yuyu ni chijana tu wa Yusufu, sinivivyo?"²³Jesu achimvambira, " Hakika mundagomba methali ii kpwangu, ' Tabibu dzihoze mwenye. Chochosi hurichosikira uchihenda kapernaumu, chihende haha pia chidzidzini hako. ²⁴" Ela achamba, " hachika namvambira ninwi kakuna nabiiakubaliwaye kahiza ntsi ye."²⁵Ela namvambira ninwi ujeri chikala kpwekela na magungu anji israeli kahi ya chipindi cha Eliya, wakati milungu irihofungwa kusikale na mvula kpwa myaka mihahu na nusu, wakati kurihokela na nzela bomu kahi ya ntsi yosi. ²⁶Ela Eliya kahumirwe kpwa yoyosi mumwenga wao, ela kpwa gungu mwenga tuariyekela sarepta hehi na mudzi wa Sidoni. ²⁷kpwekela na aukoma anji Israeli kahiza chipindi cha Elisha nabii ela kakuna hata mumwenga wao ariyehozwa isihokela Naamani mutu wa Siria.²⁸Atu osi a Sinagogi mvedzalwa ni hasira mvarihogasikira gaga gosi. ²⁹Mveema na mvachimusukuma konze ya mudzi na kumulongoza mupaka kpwenye kingo ya murima ambaho mudzi wao wejengwa dzulu ye, ili mvaweze kumutsuha tsini. ³⁰Ela achichira khahi zao na achenda khutu kunjine.³¹Kisha achitima Kapernaumu, kahi ya mudzi wa Galilaya. Sabato mwenga wekala achifundisha atu ndani ya sinagogi. ³²Mveangalazwa na mafundisho ge, kpwasababu wefundishwa kpwa mamulaka.³³Sasa siku iyo ndani ya Sinagogi, kpwekela na roho ya pepo muchafu, na werira kpwa sauti ya dzulu, ³⁴huna noni nawe, Jesu wa Nazareti? Udzikudza kuhuangamiza? Namanya uwe uani! Uwe u mutakatifu wa Mulungu."³⁵Jesu achimuchemera ye pepo achimwamba, " Nyamela chimya, na umuombole mutu yuyu!" Pepo iye wemutsuha mutu iye tsini kahi kahi yao, achimombola iye mutu bila ya kumusababishira maumivu gogosi. ³⁶Atu osi mveshangaa na achienderera kusumurira jambo riro chila mumwenga na munziwe. Mvachigomba, " Ni maneno ga aina yani gano?' Waamuru roho chafu kpwa mamulaka na nguvu na aombole." ³⁷Vivyo, habari dzulu ya Jesu zeenera chila sehemu kahi ya maeneo gazungulukago mukoa uo.³⁸Chisha Jesu wehauka kahi ya mudzi uo na achenjira nyumba ya Simoni. Sasa, mutsedza wa chiche wa Simoni wekala na homa kali, na mvachimuvoya kpwa niaba ye. ³⁹Vivyo, Jesu wemusongerera, achiichemera iyo homa na ichimuricha. Gafula we weza kpwema na achianza kuahudumia.⁴⁰Dzua ririhotswa atu mvemureheraJesu chila mumwenga ariyekela mukongo wa makongo ga aina nyinji weika mikonoye dzulu ya chila mukongo na achiahoza osi. ⁴¹Mapepo pia geombola anji ao gerira kpwa sauti na kunena, "Uwe u mwana wa Mulungu!" Jesu weachemeramapepo na kaaruhusire asumurire kpwa sababu emanya chikala iye wekala ni Masihi.⁴²Hata kurihocha, wekpwenda eneo risiro na atu. Makutano ga atu ekela achimubuga na achidza sehemu ariyokela. Mvejaribu kumuzulia asende kure nao. ⁴³Ela achiambira, " Lazima pia nihubiri habari mbidzo za ufalume wa Mulungu kahi ya midzi minjine minji, kpwa kukala ii ndiyo sababu nehumwa haha. ⁴⁴"Kisha weenderera kuhubiri ndani ya masinagogi kahi za uyahudi.

Chapter 5

¹Ichombolera chikala mvarihokela mvadzimuzunguluka Jesu na kurisikiza neno ra Mulungu, iye wekala adzema kandakanda ya zia ra Genesareti. ²Achona mashua mbiri zigwagwa nanga pembeni mwa zia. Avuvi mvekela mvadzombola na kuzojesa nyavu zao. ³Jesu achenjira kahi za mwenga ya mashua, ambayo yekela ni ya Simioni na achimuvoya aihirike madzini kure vichache na ntsi kavu. Kisha achisagela na kufundisha kula kpwenye mashua.⁴Arihokela yumarikiza kunena, achimwambira Simioni, "Ihirike mashua mpaka kpwenye china cha madzi manji kisha muzamishe nyavu zenu muvuhe." ⁵Simioni achimujibu achimwambira, "Bwana, hudzichesa kuvuha usiku wosi kahupatire chitu, ela kpwa ni uwe udzihwambira, nindatimisha nyavu keheri." ⁶Mvariho henda vivyo, mvachigwira samaki anji sana hata nyavu zao zichitoka. ⁷Mvachiambira anziao kahi za mashua injine mvadze mvaasaidie. Mvachidza nao mvachotsaza mashua zao, mpaka zichikela nazo zazama.⁸Ela Simioni Petero, ariho ona vivyo, achimugwerera Jesu magotini, achimwamba, " Nukira Bwana, mino ni mwenye dambi." ⁹kpwa kukala iye na osi mvariokela haho hamwenga naye mveangelazwa, ni samaki anji mvariokela mvaagwira. ¹⁰Na pia Jakobo na Johana, ana a Zebedayo, mvariokela mvahenda kazi na Simioni. Jesu achimwambira Simioni, "Usogohe, kpwa kukala kula dakika ii mundagwira atu." ¹¹Mvarihokela mvadzomboza mashua zao kula baharini, mvachiricha chila chitu mvachimutua.¹²Ichombolera kukala arihokela bado achere kahi za mwenga kahi za iyo midzi, mwanamulume mumwenga ariyekala na mahana achikela haho. Arihomona Jesu, achigwa chinabunabu achimuvoya, achamba, "Bwana, chikala wahenza, nisafisha." ¹³Ndiho Jesu achigolosa mukono achimuguta, achimwamba, "Ndio nahenza. chikala musafi." Haho kpwa haho mahana gachimombola.¹⁴"Achimulakiza asambire mutu ela achimwamba, "Enenda ukadzonyese kpwa kuhani na womboze sadaka kudzitsusa, kulingana na amuri za Musa, ili ikale ushuhuda kpwao."¹⁵Ela ujumbe kumuhusu uchienera zaidi, na kundi ra atu mvachikusanyana hamwenga kumusikiza achifundisha na kuhozwa makongo. ¹⁶Ela mara kpwa mara wekala achidzitenga kuvoya.¹⁷Siku dza ira achikela wafundisha, na kuchikela na mafarisayo na alimu a sheria mvasegere haho mvariokela mvakudza kula chila chijiji cha Galilaya, Judea na Jerusalemu. Nguvu za Bwana zekela hamwenga naye za kuhoza.¹⁸Sasa atu anjine mvekudza mvatsukula kpwenye chitseka mutu arekela yuholoza, na mvetafuta njira za kumufikisha mbere za Jesu. ¹⁹Mvekosa njira ya kumuchiza kpwa sababu ya kundi ra atu, ndiho mvachipanda dzulu ya dari mvachimuteremusha, dzulu ya chitseka kahikahi ya atu, haho mbere za Jesu.²⁰Ariho lola imani yao, Jesu achimvamba, "Msenangu, dambizo zisamehewa." ²¹Aandishi na mafarisayo mvachianza kudzuza, mvachiamba, "Ni mutu wadze yuno anenaye kufuru? Nani awezaye kusamehe dambi isihokela Mulungu hacheye?"²²Ela Jesu kpwa wekala wamanya mvaazani, achimvajibu achimvamba, "kpwa noni mwadzuza mwenu marohoni? ²³Ni hiye ariye rahisi kunena, 'dambizo zisamehewa' ama kpwamba 'Uka wenende'? ²⁴Ela tu ni kpwa mumanye kukala Mwana wa Adamu anao uwezo duniani kusamehe dambi,"-achimwambira ye ariye pooza-"Nakpwamba, lamuka, tsola chitsekacho na wende kpwako nyumbani."²⁵Haho kpwa haho, achilamuka mbere zao achihela chitsekache arichokela yulalira. Achenda nyumbani kpwakpwe, kuno wamulika Mulungu. ²⁶Chila mutu weshangaa na achanza kumulika Mulungu. Mvedzalwa ni woga, mvachamba, "Hudzona maajabu rero."²⁷Baada ya gago kuhendeka, Jesu weombola haho achonana na mutoza ushuru kpwa dzina ra Lawi asegere kahi za ofisi ya atoza ushuru. Achimwambira, "Nitua." ²⁸Lawi achuka achimutua, achiricha chila chitu.²⁹Ndiho Lawi achipanga sherehe nyumbani kpwakpwe kpwa ajili ya Jesu. Hekela na atoza ushuru anji haho na anjine mvariokela mvasegere hamwenga, mvarya. ³⁰Ela Mafarisayo na aandishi mvachikela mvachilelamika kpwa anafunzie, mvachamba, "Mbona warya na kunwa hamwenga na atoza ushuru na enye dambi?" ³¹Jesu achimvajibu, "Atu mvario azima kamvahitaji muganga; ni mvava mvalumwao. ³²Sidzire kpwa mvario atakatifu, ela enye dambi mvatubu."³³Mvachimwambira, "Anafunzi a Johana mara kpwa mara mvafunga saumu na kuvoya, na pia anafunzi a mafarisayo pia. Ela mvano ako mvarya na kunwa kamvafunga." ³⁴Jesu achimvambira, "Kunaye awezaye kumvahenda asimamizi a harusi mvafunge wakati Bwana harusi yuchere namvo? ³⁵Ela siku indafika Bwana harusi kandakela hamwenga nao andahalwa, be siku zizo mvandafunga saumu."³⁶Ndiho Jesu achimvanenera kpwa fumbo. "Kakuna aikaye chiraka cha nguo mbisha kpwa nguo ya kapindi. Achihenda vivyo, andatarura iyo nguo mbisha, na cho chiraka kachindagwira yo nguo ya kapindi.³⁷Kakuna enjizaye uchi musha kpwenye chirenje cha kapindi. Achihenda vivyo, uwo uchi musha undavunza chicho chirenje cha kapindi, uchi undamwagika, na cho chirenje chindabanangika. ³⁸Ela uchi musha ni wenjizwe kpwenye chirenje chisha. ³⁹Kakuna andehenza kunwa uchi musha baada ya kunwa wa kapindi, maana kpwahere, "Wa kapindi ni mudzo zaidi."

Chapter 6

¹Sabato mwenga Jesu arihokela wachira kahikahi ya minda, anafunzie mvachikela mvahunda tembe za nafaka, mvazifyeketsa maganzani na kuzirya ²Ela mafarisayo anjine mvachiuza, "Mbona mwahenda mambo chinyume na sheria gasigofaa kuhendwa siku ya sabato?"³Jesu achimvajibu, achimvamba, "Kamudzasoma Daudi wehendadze arihokela na nzela, iye hamwenga na anjine mvariokela osi? ⁴Wekpwenda kahi za nyumba ya Mulungu na achihela mukahe mutakatifu achiurya sehemu, sehemu injine achimvapa anzie namvo mvachirya, idzaho yekela ni sawa tu mukahe uo uriwe ni makuhani." ⁵Ndiho achimvambira, "Mwana wa Adamu ndiye bwana wa sabato."⁶Siku injine ya sabato achenda fundisha atu kpwenye sinagogi. Mumwenga achikela mumo ela mukonowe wa kulume weholoza. ⁷Alimu na mafarisayo mvachikela mvamulolato chikala andehoza mutu siku ya sabato, ili mvapate sababu ya kumushitaki. ⁸Ela achigamanya maazo gao achimwamba ye mwanamulume ariyekela mukonowe uholoza, "Uka weme hano kahikahi ya atu." Ye mwanamulume achema ho kahikahi.⁹Jesu achimvaambira, "Namvauza, ni vidzo siku ya sabato kuhenda madzo ama mai, kuokola maisha ama kugaangamiza?" ¹⁰Achimvalola osini mvariokala mvadzimuzunguluka kisha achimwambira ye mutu, "Ugoloze wo mukono." Achihenda vivyo, nawo mukono uchuya muzima. ¹¹Ela mvachodzalwa ni koro, mvachikpwatya kuuzana mvandiro muhenda Jesu.¹²Siku zizo Jesu wekpwenda murimani mavoyo. Wechesa kuvoya Mulungu. ¹³Kurihocha, achimveha anafunzie, achitsagula kumi na eri, ambamvo pia wemveha mitume.¹⁴Madzina ga mvamvo mitume ni Simioni (Ariyemweha pia Petero) na nduguye Andrea, Jakobu, Johana, Filipo, Batholomayo, ¹⁵Mathayo, Tomasi, Jakobu mwana wa Alifayo, Simioni ariye pia weehewa Zelote, ¹⁶Judasi mwana wa Jakobu, na Judasi Isikariote, ariye kudza chikala musaliti.¹⁷Jesu achitima kula murimani nao achema hatu tambarare na kundi bomu ra anafunzie hamwenga na anji a kula Uyahudi na Jerusalemu na pwani mwa Tiro na Sidoni. ¹⁸Mvekela mvakudza musikiza na mvahozwe makongo gao. Mvariokela mvayugwa ni pepo achafu pia mvachihozwa. ¹⁹Chila mumwenga kahi za kundi wejeza kumuguta kpwa kukala nguvu za kuhoza zekela zombola kula kpwakpwe, naye achimvahoza osini.²⁰Achimvalola anafunzie achamba, "mudzihaswa ninwi murio achia, maana ufalume wa Mulungu ni wenu. ²¹mudzihaswa ninwi musirimao na nzela vivi, maana mundekushwa. mudzihaswa ninwi murirao vivi, maana mundatseka.²²mudzihaswa ninwi atu mvachiatsukirirwa, na mvachiatenga na kuahukana na kukahela madzina genu kpwamba muai, kpwa sababu ya Mwana wa Adamu. ²³Furahini siku iyo na mukilekile kpwa furaha, kpwa kukala mundapewa zawadi bomu Mulunguni, maana here akare ao mveahenda vivyo manabii.²⁴Ela ole wenu murio matajiri, maana mupata kare sehemu yenu ya raha. ²⁵Ole wenu murio mudzekuha vivi, maana mundagwirwa ni nzela baadaye. Ole wenu mutsekao vivi, maana mundarira na kuhuzunika baadaye.²⁶Ole wenu munenwao to vivi, maana vivyo ndivyo akare ao mvarivyo mvahenda manabii a ulongo.²⁷"Ela namvaambira ninwi musikizao, mvahenzeni maadui genu na muahendere madzo mvasomuhenza. ²⁸Barikini osi mvaelanio na mvavoyereni mvaatesao.²⁹Andiyekupiga kofi tsavuni, mugaluzire na ro rinjine. Mutu achikuhoka joho, mupe na kanzu pia. ³⁰Musaidie chila akuvoyaye. Mutu achihela chako, usichimale achudzye.³¹Mumelago kuhenderwa ni anjine, namwi pia muahendere. ³²Ichikela mundahenza atu mvamuhenzao, mundapata thawabu yani? Maana hata enye dambi nao mvahenza atu mvamvahenzao. ³³Muchihenda madzo kpwa mvamvahenderao madzo, mundapata thawabu yani? maana enye dambi nao mvahenda vivyo. ³⁴Ichikela mundakopesha tu atu mutazamiao mvandariha, mundapata thawabu yani? Hata enye dambi pia mvaakopesha enye dambi anzao, ili mvarihiwe.³⁵Ela mvahenzeni mahadui zenu na mumvahendere madzo. Kopeshani bila matarajio ga kurihwa, na thawabu zenu zindakela bomu, na mundakela ana a ye ariye dzulu sana, maana iye mwenye ni mudzo kpwa atu mvasiokela na mumvera na ai. ³⁶Kelani na mbazi, here paba yenu arivyo na mbazi.³⁷Musihukumuni, namwi kamundahukumiwa. Musilaani, namwi kamunda laaniwa. Sameheni anzenu, namwi munda samehewa.³⁸Lavyani, namwi mundapewa. Chasi cha kutosha- chidzichoshindiliwa, kusukpwasukpwa hata kumwagika-chindamwagika maguluni mwenu. kpwa chipimo mundicho pimira anzenu, namwi mundapimirwa chicho."³⁹Ndiho achimvaambira fumbo. "Je, chipofu waweza kulongoza njira chipofu munziwe? Achimulongoza, mvosi mvandenjira dingwini, sevyo? ⁴⁰Mwanafunzi si mubomu kuriko mwalimuwe, ela mutu yoyosi achifundishwa achihitimu wakela here mwalimuwe.⁴¹Mbona mutu wone chifusi dzitsoni kpwa munzio, ela usone chikogo dzitsoni kpwako? ⁴²Wawezadze kumwambira munzio, 'Ndugu, richa nikomboze chifusi mwako dzitsoni,' wakati uwe mwenye ta kuchona cho chikogo mwako dzitsoni? Mwafikiri! kpwanda, omboza cho chikogo mwako dzitsoni ndiho undaonato cho chifusi dzitsoni mwa munzio.⁴³Kakuna muhi mudzo uvyelao matunda mai, na kakuna muhi mui uvyelao matunda madzo. ⁴⁴Maana chila muhi wamanyikana kpwa matundage. Atu kavahunda tini kula kpwa miya, wela kavahunda zabibu kula kpwa muchongoma.⁴⁵Mutu mudzo mwenye roho mbidzo nikomboza madzo, mutu mui naye kula kpwa rohoye mbii nikomboza mai. Maana kahi za unji wa rohoni, ndiho mulomo nikunena⁴⁶"kpwanoni mwaneha, 'Bwana, Bwana,' wela kamugaheda nimvaamurugo kuhenda? ⁴⁷Chila mutu adzaye kpwangu na asikire maneno gangu na agatue, nindamvaambira adzihelana na noni. ⁴⁸Yuhere mutu ajengaye nyumbaye, ariyetsimba tsini sana na achijenga musingi wa nyumbaye dzulu ya iwe. Mafuriko gachidza, madzi gachiipiga nyumba ela kaitingishikire, maana yekela ijengwato.⁴⁹Ela mutu anisikiraye maneno gangu, na asigatue, yuhere mutu ariyejenga nyumbaye dzulu ya mutsanga bila musinji. Mafuriko gariho kudza, nyumba ichigwa, na ichibanangika kamare."

Chapter 7

¹Jesu ariho marikiza manenoge arigokela achiambira atu, achenjira Kaperinaumu.²Mutumwa mumwenga wa akida, ariyemuthamini sana achikela walumwa yuhehi na kufa. ³Arihosikira kumuhusu Jesu, achimuhumira vilongozi a Ayahudi, kumuvoya enende kpwakpwe mudzini akamuhose mutumishiwe. ⁴Mvarihofika kpwa Jesu, mvachimuvoya mvachimwamba, "Wastahili kukala wende ukamuhozere mutumishiwe, ⁵kpwakukala warihenza sana taifa rehu, hata ndiye ariye hujengera sinagogi."⁶Jesu achenderera na safarize hamwenga namvo. Ela arihokela waratira hakpwe nyumbani, mumwenga wa ma afisa achihuma asenae mvakamwambire Jesu, "Bwana, usidziyuge kudza mpaka kpwangu, kpwakukala sisitahili kukuhochera tsini ya dari ra nyumba yangu. ⁷kpwa sababu ii, hata mimi mwenye kisha nidzona sisitahili kudza kpwako, ela, nena tu jambo naye mutumishi wangu andahola. ⁸Kpwahere mimi nami ni mutu niriye tsini ya mamulaka, na shikari tsini yangu. Nichimwambira yoyosi 'Enda' wenenda, na kpwa munjine naye 'Nzo' wadza, na kpwa muhenzi kazi wangu nichimwamba 'Henda vino,' wahenda."⁹Jesu arihosikira vivyo, achangalazika, achigalukira kundi, achamba, "Namvambira, sidzaona imani dza ii Iziraeli nzima." ¹⁰Mvariho uya nyumbani mva ahumwa mvemupata ye mukongo yuhola.¹¹Baada ya haho, Jesu wekpwenda mudzi wehewao Naini, anafunzie na kundi bomu ra atu mvachimutua. ¹²Arihokela achirotera lango ra mudzi, lola, lufu luchikala lwatsukulwa lwa mwana wa hacheye wa chilume kpwa mameye (Ariyekela ni gungu), na kundi chasi ra atu mvariokela mvaomboleza hamwenga naye. ¹³Bwana ariho mvona, achimonera mbazi sana, achimwambira, "Usirire." ¹⁴Achambuka achiguta ro jeneza mvarirokela mvadziutsukulira mwiri, mvariokela mvautsukula mvachema. Achamba, "Chijana, nakpwambira lamuka." ¹⁵Ye mufu achilamuka achisagela achanza kunena, naye Jesu achimulavya kpwa mameye.¹⁶Ndiho osi mvachenjirwa ni woga, mvachikpwatya kumulika Mulungu, mvachamba, "Nabii mubomu adzombolera kahi yehu" na "Mulungu yudzonera mbazi atue." ¹⁷Habari zizi za Jesu zeenera kahi ya Judea na sehemu zosi jirani.¹⁸Anafunzi a Johana mvemwambira gago gosi. isha Johana acheha anafunzie eri ¹⁹achimvahuma kpwa Bwana kumuza, "We ndiwe huriyekela hwakutariza udze, hebu kuna munjine?" ²⁰Mvarihofika, mvachimuza, 'We ndiwe huriyekala hwakutariza, hebu kuna munjine?"²¹Muda uo weahoza anji makongo na kumvomboza pepo achafu, na kpwa mvario chikala vipofu achimva fugula matso. ²²Jesu achijibu achimvambira, "Muchidzauya kpwa Johana, mwambeni go mudzigo gaona na kugasikira. Vipofu mvaona, vidende mvenenda, enye mahana mvasafishwa, viziwi mvasikira, afu mvafufulwa, na achia mvapewa habari mbidzo. ²³Ariye kandaricha kuniamini kpwa kukala ya mahendo gangu yuhaswa."²⁴Baada ya ahumwa a Johana kuuka, Jesu achikpwatya kunena na makundi ga atu kumuhusu Johana. "Wekpwenda nyikani uchonani? mwanzi uyumbao kpwa kukala ya peho? ²⁵Ama wekpwenda uchonani? Mutu yuvela nguo? Lolani, mvaratu mvavelao nadhifu na mvaishio maisha ga raha, ni mvaraa mvario kahi za madzumba ga chifalume. ²⁶Ela mweonani ko nyikani? Nabii? Ndio, namvaambira, na zaidi ya Nabii.²⁷Yuyu ndeye ariye andikpwa, 'Lolani, namuhuma muhumwa wangu kpwenu, andiye tayarisha njira mberezo.' ²⁸Namvambira, kahi ya o mvariovyalwa ni ana ache, khahana ariye mubomu kuriko Johana. Ela ariye mutite kahi za ufalume wa Mulungu, ndiye mubomu kuriko arivyo."²⁹(Atu mvosi mvariho sikira gago, hamwenga na atoza ushuru, mvachi amua Mulungu ndiye mutakatifu, kpwakukala mvekela mvadzibatizwa ni Johana. ³⁰Ela Mafarisayo na alimu a sheria mvachikahela malengo ga Mulungu kpwao, kpwa kukala mvekela kamvadza batizwa ni Johana.)³¹"Chivyazi chino be nachihelanisha na noni? mvahelana na noni? ³²Mvahere ahoho mvasasigao sokoni, mvasagelao na kpwehana kuno mvaamba, 'Humvapigira chivoti, ela kamuvinire. Huchemba wira wa kuomboleza, ela kamuririre."³³Maana Johana mubatizaji wekudza karya mikahe wela kunwa divai, muchamba, 'Ana pepo muchafu.' ³⁴Mwana wa Adamu achidza, warya na kunwa, mwaamba, 'Lolani, ni mulafi kisha ni murevi, musena wa atoza ushuru na masikini!' ³⁵Ela hekima imanyikana ina sala kpwa anae osi."³⁶Mumwenga kahi ya mafarisayo achimukaribisha Jesu chakurya. Jesu baada ya kpwenjira kpwakpwe nyumbani, achisagela mezani kurya. ³⁷kpwekela kuna mwanamuche mudzi uo ariyekela mwenye dambi. Ariho manya kukala Jesu yusegere chihini nyumbani mwa mufarisayo, achimurehera tupa mwenga tele ya mafuha garigokela na manukato. ³⁸Arihokela yudzema nyumaze hehi na maguluge, kuno warira, achikpwatya kugalovya na matsozige, achigafuta na nyereze na kugabusu kisha achigamwagira go mafuha ga manukato.³⁹Mufarisayo ariyekela ndiye ariye mwalika Jesu arihogaona gago, achifikiria, achamba, "Kelaho mutu yuyu ni nabii, andemanya yuyu mwanamuche amugutaye ni wa aina yani, ni mwenye dambi." ⁴⁰Jesu achimujibu achimwambira, "Simioni, kuna chitu namela nikpwambire." Achimwamba "Nambira, Mwalimu!"⁴¹Jesu achamba, "Mutu mumwenga wekala na adeni eri. Mumwenga achikela wamudai dinari magana matsano, mumwenga hamusini. ⁴²Mvarihoshindwa kumuriha, achimvasamehe mvosi. Sasa, kahi ya mvo eri, ni hiye andiyemuhenza muno?" ⁴³Simioni achimujibu achamba, "Nashuku iye ariye na deni bomu." Jesu achimwamba, "Udzinena sawa."⁴⁴Jesu achimugalukira iye mwnamuche kisha achimwambira Simioni, "Wamona yuno mwanamuche. Nidzenjira mwako nyumbani. Kunipire madzi nikaoga magulu, ela ye yudzojesa magulu gangu na matsozige na akagafuta na nyereze. ⁴⁵Kunipire busu, ela hangu nenjire mumu kadzaricha kunibusu maguluni.⁴⁶Kunihachire mafuha chitswani mwangu, ela ye adzihaga magulu gangu mafuha genye manukato. ⁴⁷kpwa kukala iyo nakpwambira, dambize, zirizokela nyinji, zisamehewa-kwahere wehenza muno. Ela yuyatu asamehewaye kpwa tite, pia naye nikuudzya uhenzo muchache."⁴⁸Helafu achimwambira, "dambizo zisamehewa." ⁴⁹Mvariokela mvasegere hamwenga mvachanza kuuzana, "Nani yuno ariye hata dambi wasamahe?" ⁵⁰Jesu achimwambira ye mwanamuche, "Imani ya kpwako idzikokola. Enda na amani."

Chapter 8

¹Chikala baada ya gago Jesu achanza kpwenenda kuno na kuno kahi za midzi tofauti tofauti na vijiji, achihubiri na kutangaza umvoro mudzo wa ufalume wa Mulungu. Anafunzie kumi na eri mvekela hamwenga naye, ²hamwenga na ana ache anjine mvariokela mvehozwa kula kpwa pepo achafu na makongo: Mariamu ariyekala achehewa Magidalena, ariyekala mapepo achafu fungahe mvekela mvachemerwa mvachombozwa; ³Joana, mkaza Kuza, munyapara wa Herode; Susana; na anjine anji, ambavyo kahi ya mali zao, mvearisa.⁴Wakati kundi bomu ra atu mvekela mvakusanyika, na atu mvekela mvadza kpwakpwe kula chila sehemu, achimvaambira fumbo: ⁵"Mukurima mumwenga wekpwenda achinyela mbeyu. Arihokela achinyela, mbeyu nyinjine zegwa kandakanda ya njira, zichifyogwafyogwa, tsongo mvachizitota. ⁶Nyinjine zichigwa dzulu ya iwe, zirihomera tu, zichinyauka, maana zekela kazipata unyevu.⁷Nyinjine zichigwa kahi ya miya, miya na mbeyu zichikula hamwenga sasa zichizongwa zichifa. ⁸Ela nyinjine zichigwa kahi ya mutsanga wa rotuba, zichivyela mazao manji mara gana zaidi." Jesu arihokela yunena gago, achamba, "Ariye na masikiro ga kusikira, na asikire."⁹Anafunzie mvachimuza maana ya fumbo riro. ¹⁰Achimvamba, "Elimu ya siri za ufalume wa Mulungu mudziipewa, ela kpwa anjine nanena kpwa mafumbo, ili 'Kuona mvasikale na uwezo wa kuona, na kusikira mvasiweze kpwelewa.'¹¹Sasa ii ndiyo maana ya fumbo riro: Mbeyu ni neno ra Mulungu. ¹²Zirizogwa kandakanda ya njira ni mvaratu mvadziosikira neno ra Mulungu, ela shetani wadza rihela kula kpwa roho zao ili mvasiramini sidze mvakaokoka. ¹³Zirizogwa iweni, ni mvaratu ambamvo, baada ya kusikira neno ra Mulungu, mvarihochera na raha. Ela khamvana mizi; kpwa vivyo mvaamini kpwa muda mufuhi tu, wakati wa majezo mvauya na nyuma.¹⁴Mbeyu zirizogwa kahi za miya, ni mvaratu mvarisikirao neno, ela mvachuka haho, mvazongwa ni mambo ga dunia, utajiri na starehe za maisha, na matunda gao kagakomela. ¹⁵Ela mbeyu zirizogwa kahi za mutsanga wa rutuba, mvamvo ni mvaratu ambamvo nikurisikira neno kpwa moyo mwaminifu na roho mbidzo, mvakaririnda to na rikavyela matunda madzo ga uvumirivu na kustahimili.¹⁶"Kakuna aashaye taa kisha akarizia na chibakuli ama akarika tsini ya chitanda. Andiye asha taa andarika dzulu ili chila mutu enjiraye aone mulangaza. ¹⁷kpwa kukala kakuna chidzicho fitswa chiricho kachindamanyikana, wela chiricho cha siri chiricho kachindaikpwa mulangazani. ¹⁸kpwa vivyo sikizani kpwa makini, kpwa kukala ariye na vinji, vinji andapewa, ela asiyekela nacho, hata cho afikiriacho anacho andahokpwa."¹⁹Ndiho mameye na nduguze mvachimutua, ela mvachishindwa kumufikira hehi kpwakukala ya kundi ra atu. ²⁰Achambirwa, "Mameyo na nduguzo mvemire ko konze, mvamela kukona." ²¹Ela Jesu achijibu na achimvaamba, "Mame na ndugu zangu ni mvo mvarisikirao neno ra Mulungu na kuritua."²²Siku mwenga achenjira kahi za mashua na anafunzie, achimvamba, "Huvukeni ng'ambo ya hiri ya zia." Mvaching'ola nanga. ²³Ela mvarihokela kahi za zia, achigwirwa ni usinzizi achilela. Peho kali ichipiga, mashua yao ichodzala madzi, mvachikela mva hatarini.²⁴Ndiho anafunzi a Jesu mvachimulamusa, mvachimwamba, "Bwana! Bwana! hwafa!" Achilamuka achichemera peho na machafuko ga maimbi ga madzi, gachihurira kuchikela na uhurivu. ²⁵Ndiho achimvauza, "Imani yenu ihiko?" Ela mvachikela niaoga na mvangalazira, mvachuzana enye kpwa enye, "Yuno nani, hata peho na bahari waweza akaviamuru na vikamusikiza?"²⁶Mvachipiga kasi mpaka mvachifika Gerasini sehemu ya chivuko kula Galilaya. ²⁷Jesu arihofyoga ntsi iyo, achonana na mutu mumwenga kula mudzi uo ariyekala yupagawa ni mapepo. kpwa muda mure wekala kavala nguo, kaishire nyumbani ela wekala waishi mbirani.²⁸Arihomona Jesu, achirira kpwa sauti bomu achimugwerera na kpwa sauti ya dzulu achimuza, "Wanimelani, Jesu, Mwana wa Mulungu ariye dzulu? Nakusihi, tafadhali usiniadhibu." ²⁹Kpwahere Jesu wekala adzimwamuru ye pepo muchafu ombole arichane naye. kpwa kukala mara nyinji wekala adzimugwaga, na idzaho wekala afungwa nyugwe, na kuikpwa tsini ya urinzi, wekala yuvunza minyororo yosi na kuhirikpwa nyikani.³⁰Ndiho Jesu achimuza, "Dzinaro we ndiwe ani?" Achamba,"Lijoni," kpwahere yekela ni pepo anji. ³¹Mvachitua kumurai amvariche, asimva amuru mvenjire shimoni.³²Upande wa virimani, kuchikela kuna kundi bomu ra ngulue. Mapepo mvachimuvoya amvarichire mvenjire kahi za mvo ngulue, achimvapa ruhusa. ³³Mapepo mvachimombola iye mutu mvachienjira o ngulue, kundi rosi richiteremuka malo mvachenjira kahi za zia mvachizama.³⁴Arisa a ngulue mvariho ona vivyo, mvachichimbira mvachenda sema midzini mosi. ³⁵Ndiho atu mvachombola kpwa unji kpwenda ona garigo hendeka, mvarihofika kpwa Jesu mvachimona ye mwanamulume ariyehozwa, ni muzima pepo mvamuricha. wekala yusegere maguluni ha Jesu, yuvela nguoze na ana akili mbidzo; mvachogoha.³⁶Mvariokela mvadzigaona na matso gao mvachimvambira anzao kuhusu go mvarigokela mvadzigaona na mutu iye wehozwadze. ³⁷Ndiho atu mvosi a sehemu ya Gerasene mvachimuza Jesu amvaukire, kpwa kukala mvekela mvadzangalazwa na mvana woga munji. Ndiho achipanda mashuani achuya.³⁸Ye mwanamulume ariyehozwa mapepo achimusihi amuruhusu amutue, ela Jesu achimwinga, achimwamba, ³⁹"Uya kpwako nyumbani na ukelavye ushuhuda wa gosi Mulungu adzigo kuhendera." Achimuricha achuya, achitangaza madzo arigo henderwa ni Jesu mudzi muzima.⁴⁰Sasa Jesu arihouya, kundi ra atu richimukaribisha, maana mvosi mvekela mvamutariza. ⁴¹Mutu mumwenga ehewaye Jairo, ariyekela mumwenga kahi ya vilongozi a sinagogi, achimutua Jesu achimugwerera maguluni, na kumusihi amutue kpwakpwe nyumbani ⁴²kpwakukala, mwanawe wa hacheye wa chiche, umuriwe miaka here kumi na miri, wekala wafa. Jesu arihokela wenenda, makundi ga atu mvachikela mvahofyana kumulagula.⁴³Sasa hekela hana mwanamuche mumwenga haho ariyekela achiombola milatsa kpwa miaka kumi na miiri na aganga anji mveshindwa kumutibu. ⁴⁴Achidza nyuma ya Jesu achiguta pindo ra vazire , haho kpwa haho achihola milatsa ichiricha kombola.⁴⁵Jesu achuza, "Adzeniguta nani?" Mvariho kahela osi, Petero achimwamba, "Bwana, hudzitangilwa ni atu anji sana na mvadzihofya na mwiriwo." ⁴⁶Ela Jesu achamba, "Mumwenga yadziniguta, kpwahere namanya kuna nguvu zidzinombola."⁴⁷Yuya mwanamuche ariho ona kukala kaweza kudzifitsa, achombola na kutetema achigwa mbere za Jesu. Mbere ya chila mutu, achisema kpwa noni wekala adzimuguta na vyo arivyo hola haho kpwa haho. ⁴⁸Ndiho achimwambira, "Mwanangu, imaniyo idzikuhoza. Enda kpwa amani."⁴⁹Bado achere kunena, mumwenga achombola kula kpwa mubomu wa sinagogi, achamba, "Mwanao wa chiche yudzefa. Usimuyuge mwalimu zaidi." ⁵⁰Ela Jesu arihosikira vivyo, achimwambira Jairo, "Usogohe; amini tu, naye andahozwa."⁵¹Arihofika nyumbani, karuhusire mutu munjine yoyosi kpwenjira mo nyumbani naye, isihokela Petero, Johana na Jakobo, na ye pabaye mwana na mameye. ⁵²Sasa chila mutu wekala warira na kuhuzunika kpwa sababuye, ela achamba, "Musirireni; kadzangwekufu ela yurere." ⁵³Ela mvachanza kumudhihachi, mvachimanya wekala yudzefa.⁵⁴Ela achimugwira mukono achimweha, achamba, "Mwanangu, lamuka!" ⁵⁵Rohoye ichuya, achema haho kpwa haho. Achimvaamuru kumurehera utu wa kurya. ⁵⁶Avyazie mvachangalaziwa, ela achimvaamuru mvasimwambire mutu yoyosi go garigo hendeka.

Chapter 9

¹Achimveha anafunzie kumi na eri hamwenga na achimvapa nguvu na mamulaka kuchemera na kuinga mapepo achafu na kuhoza makongo. ²Achimvahuma kpwenda hubiri ufalume wa Mulungu na kuhoza makongo.³Achimvambira, "Musitsukuleni chochosi kpwa safari ii-bakora, pochi za pesa, mikahe, pesa, wela kanzu zaidi ya mwenga. ⁴Nyumba yoyosi mundiyo enjira, kelani mumo mpaka mundiho uka mudzi uwo.⁵Ichikela kamukaribishirwe, wakati mwauka mudzi uwo, kukutani vumbi ra magulu here ushuhuda kpwao." ⁶Mvachuka mvachenda vijijini, kuihubiri injili na kuahoza akongo chila hatu.⁷Sasa Herode, mutawela wegasikira garigokela gachihendeka, gachimuyuga sana, kpwa kukala gekela gachineneka kukala Johana mubatizaji yufufuka kula kpwa afu, ⁸anjine mvachamba Eliya adzimvaombolera, na anjine mvachamba ni mumwenga tu kahi za manabii mvariofa kapindi yufufuka. ⁹Herode achamba, "Nemukata chitswa Johana. Yuno ambwaye ni hiye?" Achijeza kumutafuta amone.¹⁰Mitume mvarihouya, mvachimwelezera gosi mvarigo henda. Achimvahela, mvachenda Bethdsaida chisiri. ¹¹Ela makundi mvarihosikira, mvachimutua. Achimvakaribisha na achimvafundisha kuhusu ufalume wa Mulungu, na achimvahosa mvariokela akongo.¹²Sasa, siku yekela isira, mvara kumi na eri mvachimutua mvachimwamba, "Mvainge mvamva atu ili mvenjire midzi iriyo hehi mvakatafute vyakurya na melazi, kpwa kukala kuku huriko be hudzidzitenga muno." ¹³Ela achimvamba, "Mvapeni utu wa kurya varye." Mvachimwamba, "Kahuna zaidi ya mikahe mitsano na samaki eri- labuda hukamvagulire chakurya mvamva atu osi." ¹⁴(Hekela na atu mvasio puungua elifu tsano.) Achimvambira anafunzie, "Mvasagazyeni makundi ga atu hamusini chila kundi."¹⁵Mvachihenda mvarivyo ambirwa, mvachiasagaza. ¹⁶Jesu achihela yo mikahe mitsano na samaki eri, achilola dzulu Mulunguni, achibariki na achikatakata visiku visiku, kisha achimvapa anafunzie mvaagavire atu. ¹⁷Mvosi mvachirya mvachekuha, pukupuku zirizosela zichitsolwa-kahu kumi na viri zichidzela.¹⁸Jesu arihokela wamvoya hacheye, anafunzi mvekela hamwenga naye. Achimvauza, achamba, "Makundi mvaamba mino ni ani?" ¹⁹Mvachimujibu, "Johana mubatizaji. Ela anjine mvaamba U Eliya, na anjine o mvaamba u mumwenga kahi za Manabii a kapindi yufufuka."²⁰Helafu achimvauza, "Ela mwino mwamba mino ni ani?" Petero achijibu, "Masihi, wa Mulungu." ²¹Ela achimvaamuru mvasambire mutu yoyosi, ²²achamba, "Mwana wa Adamu lazima achirire mateso na akahalwe ni vilongozi na abomu kahi za makuhani na andishi, andaolagwa na siku ya hahu andafufulwa."²³Helafu achimvaambira osi, "Ichikela hana mumwenga wenu wamela kunitua, be ni lazima adzikane na atsukule muselabawe chila siku anitue. ²⁴Yoyosi ahenzaye kokola maishage andagangamiza, ela yoyosi andeangamiza maishage dzulu yangu andagaokola. ²⁵Kuna faida yani mutu kuupata urimwengu muzima ela kpwangamiza uzimawe?²⁶Yoyosi asikiraye waibu nami na maneno gangu, Mwana wa Adamu naye andasikira waibu dzuluye andiho enjira kahi za utukufuwe na utukufu wa Paba na melaika atakatifu. ²⁷Ela ujeri namvaambira, kunamvo anjine haha kamvandafa kabla mvawone utukufu wa Mulungu."²⁸Zirihosira here siku nane, baada ya Jesu kunena maneno gaga, achimuhela Petero na Johana na Jakobo mvachenda dzulu murimani kuvoya. ²⁹Arihokela achivoya, usowe uchigaluka, na nguoze zichikela nyeruhe tsetsetse.³⁰Kushangaza, atu eri mveonekana mvachinena na Jesu, Musa na Eliya, ³¹mveonekana mva kahi za utukufu, mvanena naye kuhusu safariye, iriyokela ihehi kufika Jerusalemu.³²Sasa Petero na anzie mvekela mvakuka, ela mvariho vumbuluka, mvachiwona utukufu na mvamvo eri mvariokela mvadzema naye. ³³Mvarihokela mvauka, Petero achimwambira Jesu, "Bwana, ni vidzo hubaki haha. Nahujengeni nyumba tahu, mwenga yako, mwenga ya Musa na mwenga ya Eliya." (Kamanyire wanenani.)³⁴Arihokela wanena gago, ingu richimvafinika, mvachogoha mvarihoona mvazungulukpwa ni riro ingu mvandani. ³⁵Sauti ichombola kula kpwa riro ingu, ichamba, "Yuyu ni mwanangu, niriye mutsagula; musikizeni." ³⁶Baada ya sauti iyo kusikirika, Jesu weonekana hacheye. Mvachinyamela kamvamwambirire mutu siku zizo kuhusu gago mvarigo gaona.³⁷Sasa siku iriyotuira, mvarihouya kula murimani, kundi bomu richikutana naye. ³⁸Mumwenga kahi ya kundi achipiga kululu, achamba, "Mwalimu, nakuvoya umulole mwanangu wa chilume, kpwa kukala ndiye mwanangu wa hacheye. ³⁹Waona, ana pepo muchafu na wakati munji nikupiga kululu; yamuhendesha komboza povu mulomoni. Kenzi kombola na nikumusababishira vironda na ustungu munji. ⁴⁰Nidzimvavoya anafunzio kumuchemera ombole, ela mvashindwa."⁴¹Jesu achijibu achamba, "Chizazi chichi chii chisicho amini, nindakela namwi muda wani? Murehe ye chijanao hano." ⁴²Wakati ye chijana wadza, ye pepo achimutsuhatsi na achimutetemesha na chifafa. Ela Jesu achimuchemera yuyatu pepo muchafu achimuhoza ye chijana, achimulavya kpwa pabaye.⁴³Mvosi mvachishangaaa jinsi Mulungu arivyo mubomu. Wakati osi mvastaajabia chila chitu arichokela achichihenda, achimvaambira anafunzie, ⁴⁴"Gaga ninenago namela gavenjire masikironi mwenu tototo: Mwana wa Adamu andasalitiwa kpwa mikono ya mataifa." ⁴⁵Ela kamvaelewere maneno gago. Gemvitswa kpwa ufahamu wao sasa kamvandeweza kpwelewa maanaye, na mveogoha kuuza maanaye.⁴⁶Mvachanza kushindana nani kahi yao ndiye andiyekela mubomu. ⁴⁷Ela Jesu, kpwa wekala wamanya maazo gao marohoni, achihela muhoho achimwika lwavuni kpwakpwe ⁴⁸achimvaambira, "Andiye mukaribisha yuyu muhoho kpwa dzina rangu, wanikaribisha mimi; na anikaribishaye mimi, wamukaribisha iye ariye nihuma mimi. Maana ariye wa tsini kamare kahi yenu ndiye ariye mukulu."⁴⁹Johana achimujibu. "Bwana, hweona mumwenga wachemera pepo muchafu kpwa kuhumira dzinaro huchimukahaza, kpwa kukala ka hamwenga nasi." ⁵⁰Jesu achimvambira "Musimukahaze, kpwa kukala ariye kamupinga be yunamwi."⁵¹Siku zirivyo zidi kufika ili apae Mulunguni, achiloza usowe kpwenda Jerusalemu. ⁵²Achihuma atu mbereze, mvachenda mvachenjira chijiji cha asamaria kutayarisha chila chitu kpwa ajiliye. ⁵³Ela enye kamvamuhocherere kpwa sababu wekala yudziloza usowe kpwenda Jerusalemu.⁵⁴Anafunzie Jakobu na Johana mvariho ona vivyo, mvachimwamba, "Bwana, undehenza huamuru moho kula Mulunguni udze umvamarikize ano?" ⁵⁵Ela achigaluka achiachemera, ⁵⁶mvachitua kpwenda chijiji chinjine.⁵⁷Mvarihokela mvenenda, barabarani mumwenga achimwambira, "Nindakutua hohosi undiho kpwenda." ⁵⁸Jesu achimwambira, "Makela gana wina, tsongo mvana vitsunzi, ela Mwana wa Adamu kana makalo."⁵⁹Kisha achimwambira munjine, "Nitua." Ela achamba, "Bwana, nakuvoya unriche nikamuzike Paba kpwanza." ⁶⁰Jesu achimwamba, "Richana na afadzi mvazikane enye. Ela uwe, enda ukahubiri habari mbidzo za utukufu ufalume wa Mulungu."⁶¹Kisha mumwenga naye achimwamba, "Nindakutua Bwana, ela navoya nikelage atu angu." ⁶²Jesu achimujibu, "Kakuna arimaye na kulola nyuma afaaye kahi za ufalume wa Mulungu."

Chapter 10

¹Sasa baada ya gago, Bwana achitsagula atu mirongo mifungahe anjine, achimvahuma eri eri, kumutangulia kpwenda kahi za chila mudzi na sehemu ambazo wekala yudhamiria kpwenenda. ²Achimvamba, "Mavuno ni manji, ela ahenzi kazi ni achache. kpwa vivyo, muvoyeni Bwana wa mavuno ahume ahenzi kazi.³Haya enendani. Namvahuma here ng'onzi kahi za mbwa mwitu. ⁴Musitsukuleni mifuko ya pesa, ama mikoba, ama virahu, wela musimulamuseni yoyosi njirani.⁵Nyumba yoyosi mundiyo yenjira, kpwanza ambani, 'Amani ya Bwana ikale hamwenga nanyi!' ⁶chikala munaye wa amani, amani yenu indakela dzuluye, chikala kamuna, indamuuyira mwenye. ⁷Bakini kahi za nyumba iyo, murye na kunwa cho mvandicho mupa, kpwa kukala ahendaye kazi wastahili mariho. Musizunguluke nyumba baada ya nyumba.⁸Mudzi wowosi mundiwo wenjira, mvachimuhochera, ryani cho mundichopewa ⁹mvahozeni akongo mvarioko. Mvaambireni, 'Ufalume wa Mulungu ukudza hehi namwi.'¹⁰Chila muchenjira mudzi musha na mvasiahochere, endani kahi za vichochoro vya uwo mudzi mwambe, ¹¹'Hata vumbi ra mudzi uu hwarikukuta maguluni mwehu dzulu yenu! Ela mumanye vivi: Ufalume wa Mulungu uhehi.' ¹²Namvambira kukala siku iyo indakela baha kpwa mudzi wa Sodoma kuriko mudzi uwo.¹³Ole kpwako Korazini, Ole kpwako, Bethsaida! Kelaho kazi ii bomu iriyohendwa kpwenu yehendeka tiro na Sidoni, mvandekela mvetubu kapindi sana, mvandekela mvesagela kuno mvavela magunia na ivu. ¹⁴Ela indakela baha ridzo kpwa Tira na Sidoni siku ya hukumu kuriko mwimwi. ¹⁵Mwino, Kapernaumu, mwafikiria kukala mundenulwa Mulunguni? Apana, mundatimishwa tsini mpaka kuzimu.¹⁶Iye andemvasikiza ninwi wanisikiza mimi, andiye mvakahela wanikahela mimi, na anikahelaye mimi wamukahela iye ariyenihuma mimi."¹⁷Mvara mirongo mifungahe mveuya na furaha, mvachamba, "Bwana, hata pepo achafu mvetii kpwa kuhumira dzinaro." ¹⁸Jesu achimvaambira, "Nemona pepo achitima kula Mulunguni here mwangaza. ¹⁹Lolani, nidzimvapa uwezo wa kufyoga ya nyoka na mainjeinje, na kahi za nguvu zosi za mahadui, wela kakuna chindicho mvadhuru. ²⁰Hata vivyo, musifurahiye tu gaga hacheye, kukala maroho gamvatii, ela furahini zaidi kukala madzina genu gadzandikpwa Mulunguni."²¹Wakati uwo uwo, achifurahia sana kahi za Roho mutakatifu achamba, "Nakutukuza, Paba, Bwana wa Mulunguni na duniani, kpwa kukala wegafitsa gaga mambo kpwa atu enye akili na hekima ela uchigafugulira mvasiosoma here ahoho atite. Ndio, Paba, maana vyekutsamira matsoni kpwako.²²"Mambo gosi nidziga kabidhiwa ni Paba, na kakuna amanyaye Mwana ni hiye isihokela Paba, na kakuna amumanyaye Paba ni hiye isihokela ye Mwana na yoyosi ambaye iye mwana andamutsagula kumonyesa gago."²³Ndiho achigaluka kpwa anafunzie achimvambira chisiri, " Abarikiwa ni mvo mvonao go mugonago ninwi. ²⁴Namvaambira, Manabii na Afalume mvetamani sana kugaona gaga, ela kamvagonere, wela go mugasikirago ninwi ao kugasikira, ela kamvagasikirire."²⁵Mutu mumwenga musomi wa sheria achema ili amujeze Jesu, achamba, "Mwalimu, nilazima nihendedze ili niurithi uzima wa milele?" ²⁶Jesu achimwambira, "Ni noni chiricho andikpwa kahi za sheria? Wachisomadze?" ²⁷Achimujibu achamba, "Muhenze Bwana Mulunguo kpwa rohoyo yosi, moyowo wosi, nguvuzo zosi, na akilizo zosi, na umuhenze jiraniwo here udzihenzavyo mwenye." ²⁸Jesu achimwambira, "Udzijibu sawa, Henda gago nawe undaishi."²⁹Ela ye kpwa kumela kudziika mwenye hachi, achimuza Jesu, "Jirani wangu sasa nani?" ³⁰Jesu achimujibu achimwamba, "Mutu mumwenga wekala yula Jerusalemu wenda Jeriko. Achipatana na majambazi, mvachimupiga, mvachimweyera chila arichokela nacho, mvachimuricha yuzimia.³¹kpwa bahati mbidzo, kuhani mumwenga achikela yunjira iyo mwenga, ariho mona, achimuchira na upande munjine. ³²Hali iyo mwenga, mulawi naye, achimuchira na upande munjine wa njira.³³Ela Musamaria mumwenga, wakati wa safari ya kpwakpwe, achimufikira. Arihomona, achihuzunika sana kpwa hali ariyo mona. ³⁴Achimutua, achimufunga vironda vyosi, achimumwagira mafuha na divai kahi za vironda. Achimukpweza dzulu ya munyamawe, achenda naye kpwenye hoteli ariyokela adziikodisha, achimurarisa. ³⁵Siku ya hiri achomboza dinari mbiri, achimupa mwenye hoteli, achimwamba, 'Nilolera mukongo wangu, na undicho humira zaidi kpwa ajiliye, nichuya nindakuriha.'³⁶Kahi za mvo ahahu, wafikiria jiraniwe ni hiye yuno mutu ariyelumizwa na kpweyerwa ni majambazi?" ³⁷Achamba, "Iye aryemonyesa mbazi achumurarisa." Jesu achimwambira, "Enda nawe ukahende dza vivyo."³⁸Sasa, mvarihokela mvachisafiri, achenjira chijiji chimwenga, na mwanamuche mumwenga dzinare Matha achimukaribisha mwakpwe nyumbani. ³⁹wekala na nduguye kpwa dzina Mariamu, ariyesagela maguluni mwa Bwana na chisikira nenore.⁴⁰Ela Matha achikela washuhulika sana kumutengezera chakurya Jesu. Achenda kpwa Jesu achimwambira, "Bwana, kujali musena wanirichira chila kazi ili upate kurya? Nakuvoya umwambire anisaidie." ⁴¹Ela Jesu achimujibu achimwambira, "Matha, Matha, una wasiwasi na wayugika kpwa mambo manji, ⁴²ela chitu chimwenga tu ndicho muhimu, Mariamu yutsagula chiricho bora zaidi, ambacho kandawahi kuhokpwa."

Chapter 11

¹Siku mwenga Jesu wekala sehemu fulani achivoya. Ariho marikiza, mwanafunziwe mumwenga achimwamba, "Bwana, hufundishe kuvoya here Johana arivyo afundisha anafunzie."²Jesu achimvambira, "Muchivoya ambani, 'Paba, dzinaro naritukuzwe ririvyo takatifu. Ufalume wa kpwako naudze.³Hupe chakurya chehu cha chila siku. ⁴Husamehe dambi zehu, here husamehevyo chila mutu humudaiye. Husihulongoze kahi ya majezo."⁵Jesu achimvambira, "Nani kahi yenu waweza akakela na musena, usiku wa manane ende kpwakpwe amwambe, 'Musenangu, nisaidia na mikahe mihahu, ⁶kpwa kukala musenangu wenjira kula safari nami sina chochosi cha kumupa'? ⁷Ela ye amujibu amwambe, 'Usiniyuge. Nifunga kare muyango wangu, mimi na anangu hudzidzihuriza. Sindaweza kulamuka kukupa mikahe.' ⁸Namvambira, hata chikala kandauka ho chitandani akakupa mikahe kpwa kukala muasena, ela kpwa kukala undasisitiza bila aibu, andelamuka na akupe mikahe uhenzayo.⁹Nami pia namwambira, voyani, mundapewa; tafutani namwi mundapata; bishani mundafugulirwa. ¹⁰kpwa chila avoyaye, nikuhochera; na atafutaye nikona; na kpwa yuya abishaye, nikufugulirwa.¹¹Nani kahi yenu ariye ni Paba ela mwanawe achimuvoya samaki andamuka nyoka? ¹²Ama achimela tumbi, andamupa inje? ¹³kpwa vivyo, ichikela ninwi enye dambi mwamanya kuapa ana enu zawadi mbidzo mbidzo, je ni mara ngahi Paba yenu wa Mulunguni andamvapa Roho Mutakatifu kpwa mvamuvoyao?"¹⁴Jesu ariho chikala wachemera na komboza pepo ariyekela bubu. Pepo ariho ombola, ye mutu ariyekela bubu achinena kundi ra atu mvachi sitaajabu. ¹⁵Ela anjine mvachamba, "Wahumira nguvu za Beelzebuli, chilongozi wa mapepo achafu kuomboza mapepo anjine."¹⁶Anjine mvachimujeza na kumumela amvonyese ishara kula Mulunguni. ¹⁷Ela Jesu achimanya fikira zao achimvamba, "Chila ufalume ugavikao nikubaki muchia, na nyumba igavikayo nikugwa.¹⁸Shetani achigavika kahi za ufalume wa kpwakpwe, wo ufalumewe undaemadze? Maana mwamba nomboza mapepo kuhumira uwezo wa Beelzebuli. ¹⁹Ichikela nahumira nguvu za Beelzebuli, je afuasi enu mvahumira nguvu za ani? kpwa gaga, mvandakela mahachimu enu. ²⁰Ela chikala nahumira nguvu za Mulungu, be ufalume wa Mulungu umvadzira.²¹Mutu ariye na vifaa vya kutosha achirinda mudziwe, maliye i selama, ²²ela mutu mwenye nguvu achimushinda, yuya mutu wa nguvu andamuhoka zo silaha zo arizodzamini nazo helafu amuhoke chila chitu. ²³Asiyekela hamwenga nami ni mupinzani wangu, na ariye kakusanya hamwenga nami watawanya.²⁴Roho chafu ichidzaombola mutu, nikpwenda sehemu za jangwani kutafuta kudzoyeza. Isihopata, yaamba, "Nindauya kpwangu nyumbani nirikoombola.' ²⁵Ichuya, ipate nyumba yesherwa ni safi na ipangwato, ²⁶Ichuya, ihamwenga na fungahe na roho zinjine mbii zaidi kushinda iye mwenye mvenjire mvaishi mumo. Sasa iyo hali indakela mbii zaidi kuriko ho mwanzo."²⁷Arihokela wanena gago, mwanamuche mumwenga achipandisha sautiye kahi za kundi ra atu achimwamba, "Ribarikiwa vyalo ririro kuvyela na mahombo garigo kpwamwisa." ²⁸Ela achamba, "Abarikiwa ni mvo mvasikirao neno ra Mulungu na kuritunza."²⁹Kadri kundi ra atu ririvyo chikala raonjezeka, Jesu achanza kpwamba, "Chizazi chichi ni cha pepo. Chatafuta ishara, idzaho kakuna ishara chindicho onyeswa isihokela ishara ya Jona. ³⁰Maana here Jonah arivyokela ishara ya atu a Ninawi, ndivyo Mwana wa Adamu andivyokela ishara ya chizazi chichi.³¹Malkia wa kusini andelamuka siku iyo ya hukumu na ana atu a chizazi chichi na amvahukumu, sababu wekudza kula chila pembe ya ntsi kusikiza hekima ya Sulemani, ela mutu mubomu kumushinda Sulemani yuhaha.³²Atu a Ninawi mvandema siku ya hukumu ya chizazi chichi na kuchihukumu, maana ao vetubu kpwa mahubiri ga Jona, ela mutu mubomu kumuriko Jona yuhaha.³³Kakuna ambaye, baada ya kpwasha taa ye, nikuyika nyuma ya pazia ama tsini ya chikhahana, ela dzulu ya chitu ili chila mutu andiye enjira ayone. ³⁴Dzitsoro ndo taa ya mwiri. Dzitsoro richikela ridzo, mwiriwo wosi undakela na mwangaza. Ela, richikela rii, mwiriwo undadzela chiza. ³⁵kpwa vivyo, Dzirindeni mwangaza urio ndani yenu isikale chiza. ³⁶chikala be mwiriwo wosi udzela mwangaza, bila sehemu yoyosi kukala chizani, be mwiriwo wosi undakela here wakati dzua richikung'alira mwangazawe kpwako."³⁷Arihomarikiza kunena gago, Mufarisayo mumwenga achimuvoya akarye kpwakpwe nyumbani, Jesu achenjira achisagela. ³⁸Mufarisayo achishangaa ni kpwanoni Jesu kaogere mukono kabla kurya.³⁹Ela Jesu achimwamba, "Sasa, mwi Mafarisayo nikojesa vikombe na vibakuli kpwa nze, ela ndani mudzela unyang'anyi na ui. ⁴⁰Ninwi musio humira akili! Ye aretengezanze katengezere ta ndani? ⁴¹Ombozani virivyo ndani kpwa masikini na chila chitu chindakela sawa kpwenu.⁴²"Ela ole wenu Mafarisayo, kpwa sababu mwomboza zaka ya munana na muchicha na mihi yosi ya bustani, ela muricha mambo ga hachi na mahenzo ga Mulungu. Ni muhimu kuhenda hachi na mahenzo ga Mulungu, bila kushindwa kuhenda mambo manjine pia.⁴³Ole wenu Mafarisayo, maana mwahenza sana kusagalira vihi vya mbere kahi za masinagogi na kuhochera selamu za heshima masokoni. ⁴⁴Ole wenu, maana muhere makaburi gasigokela na elama atu mvagavyoga mvasigamanye enye."⁴⁵Mumwenga wa asomi a sheria achimwambira, "Mwalimu, go unenago ni matusi kpwehu pia." ⁴⁶Jesu achamba, "Ole wenu, alimu a sheria! Maana mwahika anzenu misigo miziho kutsukula, ela ninwi enye kamuiguta iyo misigo hata kpwachela chimwenga kahi ya mela genu.⁴⁷Ole wenu, kpwa sababu, mwajenga makaburi ga Manabii, na ni akare enu mvario mvaolaga. ⁴⁸kpwa vivyo mumashahidi na mwapongeza kazi za akare enu, maana ndio mvario mvolaga namwi muchijenga makaburi gao.⁴⁹kpwa sababu ii pia, hekima ya Mulungu yaamba, "Nindamvahumira manabii na anafunzi, nao mvanda atesa na mvaolage.' ⁵⁰kpwa sababu iyo, chizazi chichi chindahukumiwa dzulu ya mulatso wa Manabii kula hangu urimwengu uumbwe, ⁵¹kula kpwa mulatso wa Abeli mpaka mulatso wa Zakaria, ariye olagwa kahi za madhabahu na hekalu. Ndio, namvaambira, chizazi chichi chindawajibika.⁵²Ole wao alimu a sheria, kpwa sababu mudzihela funguo za ufahamu; ninwi enye kamundenjira ela mwazuiliya mvamelao kpwenjira."⁵³Jesu ariho hauka haho, aandishi na mafarisayo mvachimupinga na kujibishana kuhusu mambo manji, ⁵⁴mvachimotea siku mvandiyo mugwira na kumushitaki kpwa rorosi rii andironena.

Chapter 12

¹kpwa wakati uwo, maelfu ga atu mvekusanyika hamwenga, chasi cha kpwanza kufyogana, achanza kunena na anafunzie kpwanza, "Dzimenyirireni na tsatsu ya Mafarisayo, iriyo ni unafiki."²Ela kakuna chidzicho fitsika ambacho kachindaikpwa lwazi, na kakuna chiricho sirini ambacho kachinda manyikana. ³kpwa vivyo, gosi munenago chizani gandasikirika mwangani, na gosi munenago kahi za chumba cha sirini, chindasemwa kahi za mapaa ga nyumba.⁴Asenangu namvaambira, musogohe yoyosi olagaye uu mwiri tu, na baada ya haho khamvana cha kuhenda zaidi. ⁵Ela nindamvaonya ni hiye wa kumogoha, Mogoheni yuyatu ambaye, baada ya kuvolaga mwiri, ana uwezo wa kukpwenjiza hukumuni. Jeri, namvambira, mogoheni.⁶Je bei ya shomoro atsano si sarafu mbiri? Ela, Mulungu kasahau ta mumwenga wao matsoni mwakpwe. ⁷Mumanye hata nyere zenu enye kisha zina hesabuye. Musogoheni. Thamani yenu ni bomu kuriko shomoro anji enye.⁸Namvambira, chila anikiriye mbere ya anadamu, Mwana wa Adamu naye andamukiri mbere ya melaika a Mulungu. ⁹ela iye andiye nikahela mbere ya anadamu, naye andakahalwa mbere za melaika a Mulungu. ¹⁰Yoyosi anenaye jambo chinyume na Mwana wa Adamu, andasamehewa, ela yoyosi andiye mukufuru Roho mutakatifu, kandasamehewa.¹¹Mvachimureha mbere ya masinagogi, vilongozi, na mamulaka, musijalini mundanenadze kudzihehera, ama mundambadze, ¹²maana Roho mutakatifu andamva fundisha wakati uwo go mundegonena."¹³Mumwenga kahi za kundi ra atu achimwamba, "Mwalimu, mwambire ndugu yangu anigavire urithi wangu." ¹⁴Jesu achimwambira, "Ariye nitsagula hachimu na mupatanishi wenu?" ¹⁵Achimvambira, "Dzikeni makini kpwamba mwadzitenga na tamaa za chibinadamu, kpwa kukala maisha ga mutu kagamo kahi za unji wa vitu arivyo navyo."¹⁶Ndiho Jesu achomboza fumbo, achimvamba, "Munda wa mutu mumwenga tajiri wevyalusa mazao manji sana, ¹⁷achanza kudzuza, achamba, 'Nindahendadze na sina hatu ha kpwika mazao gano gosi?' ¹⁸Achamba, 'Nindahenda vivi. Nindavunza pela rangu nijenge bomu, niike mazao gangu gosi na vitu vinjine. ¹⁹Kisha nambire moyo wangu, "Una mazao manji gadzeikpwa pelani gatoshago kuriwa miaka minji sana. Oya sasa, arya, unwe na usherehekee."²⁰Ela Mulungu achimwamba, "U mutu mujinga, rero ii rohoyo yamalwa, na vyo vitu udzivyo tayarisha, vindakela vya ani?" ²¹Vivyo ndio mutu adziikiraye mali duniani arivyo maskini kpwa Mulungu."²²Jesu achambira anafunzie, "kpwa vivyo namvaambira, musijalini kuhusu maisha genu, mundaryani; ama miiri yenu, mundavelani. ²³kpwa maana maisha ni zaidi ya chakurya, na mwiri u zaidi ya nguo.²⁴Hebu fikiriani makunguru, kamvarima wela kamvavuna, khamvana mapela, ela Mulungu wamvarisa. Thamani yenu si bomu kuriko tsongo! ²⁵Nani kahi yenu waweza konjeza mwenye sehemu ya maishage? ²⁶Na chikala je kamuweza kuhenda jambo tite namuna iyo, kpwa noni mwadzisumbua na mabomu?²⁷Fikiriani malua-gakuladze. Kagahenda kazi wela kagasokota. Ela namvaambira, hata mufalume Sulemani kahi za utukufu wa kpwakpwe kawahire kuvishwa dza gago. ²⁸Be ichikela Mulungu wavisha nyasi mindani, zirizo na maisha rero, machero zakatwa zochwa, ni zaidi andemvavisha ninwi,Atu a imani tite!²⁹Musidziyuge na mundichorya wela kunwa, wela musikale na wasiwasi. ³⁰kpwa kukala mataifa ndo mvayugikao na gago, na Paba yenu Mulunguni wagamanya gosi gago kukala mwagahitaji.³¹Ela sumbukirani sana ufalume wa Mulungu, manjine gosi munda onjezerwa. ³²Musogoheni, kpwa kukala Paba yenu waridhika kumvapa ufalume wosi.³³Kuzani muricho nacho mumvape masikini. Dzitengezerani mifuko isiyo humbuka- hazina ya Mulunguni isiyo sira, ambako hata mwevi kaisengerera, wela kubanangwa ni nondo. ³⁴kpwa kukala hariho na hazina ya kpwako, haho ndiho henye roho ya kpwako.³⁵"Fungani mikanda na taa zenu zake, ³⁶na mukale here atu mvangojao kpwa hamu Bwana wao auye kula kpwa sherehe ya ndoa, ili andihouya achigonga tu, upesi mvamufugulire muyango.³⁷Mvabarikiwa atumishi ambamvo Bwana wao andamvapata mvamurinda. Ujeri namvaambira, andafunga mukandawe tototo kumvahumikira na amvasagazye mezani, kisha adze amvahudumie. ³⁸Bwana achidza kpwa zamu ya hiri usiku ama ya hahu, na amvapate mvatayari, atumishi mvamvo mvabarikiwa.³⁹Ela elewani vivi, kelaho Bwana mwenye nyumba nikumanya mwevi andadza saa ngahi, kandekubali nyumbaye ivunzwe yeywe. ⁴⁰Ninwi namwi ni mukale tayari, kpwa kukala Mwana wa Adamu andadza wakati musiokuluhira."⁴¹Petero achimwamba, "Bwana, rino fumbo ni rehu tu ama chila mutu?" ⁴²Bwana achimwamba, "Ni mwemerezi mwaminifu hiye mwenye hekima, ambaye Bwanawe andamwika mwemerezi wa anzie, andiye mvapa chakurya kpwa wakati ufaao? ⁴³Adzibarikiwa mutumishi iye ambaye Bwanawe andamupata achihenda gago wakati andihouya. ⁴⁴Jeri namvambira andamwika mwemerezi wa maliye yosi.⁴⁵Ela mutumishi iye achidzambira rohoni, 'Bwana wangu wachelewa; na akpwatye kumvapiga ahenzi kazi osi, kurya na kunwa hata aree, ⁴⁶bwanawe andauya wakati ambao kakuluhira na saa asiyo imanya amukate vipande vipande kisha amwike hatu na anzie mvasiokela aaminifu.⁴⁷Mutumishi iye, kpwa kukala wamanya mahenzo ga bwanawe, na kadzitayarishire ama kuhenda kulingana na gago mahenzoge, andapigwa mapigo manji. ⁴⁸Ela yuya asiyemanya mahenzoge kisha ahikosera, andapigwa vichache. Ela chila mumwenga andiyepewa vinji, kula kpwao vinji vindamalwa, na andiye aminiwa na vinji, vinji zaidi vindamalwa kula kpwakpwe.⁴⁹"Nekudza asha moho duniani, na natamani moho uwo ukale waaka kare. ⁵⁰Ela nina ubatizo nindiwo batizwa, na nindakela na huzuni mpaka ho undiho hendeka!⁵¹Mwafikiria nekudza duniani nirehe amani? Hapana, namvambira, nekudza reha magaviko. ⁵²Maana kula sasa, kundakela na atsano nyumba mumwenga mvagavika-ahahu mvandakela chinyume na eri, na eri mvandakela chinyume na ahahu. ⁵³Hata paba na chijanawe pia mvandagavika, mame na msichanawe pia mvandagavika, mevyela na mkaza mwanawe mvandagavika, mkaza mwana akale chinyume na mevyelawe na mevyela akale chinyume na mkaza mwanawe."⁵⁴Jesu wekala wamva ambira makusanyiko pia, "Muchona ingu rapanda kula matserero ga dzua, kare mwaamba, 'Mvula yadza,' nayo jeri yanya. ⁵⁵peho ichivuma kula mwakani mwaamba, 'Kundakela na dzua kali sana,' na jeri raaka. ⁵⁶Anafiki, mwamanya kutabiri maonekano ga dunia na Mulunguni, ela mbona kamumanya kutabiri garigo ga rero?⁵⁷kpwa noni kamuweza kuhenda maamuzi mwino enye garigo ga sawa kpwenu? ⁵⁸Maana uchenda na adui wa kpwako mbere za hachimu, mumo njirani jaribu musameheane ili asikufishe kpwa iye hachimu, ili jaji naye asikuhirike chifungoni. ⁵⁹Namvaambira, kundaombola jela mpaka ukale udziriha senti ya mwisho."

Chapter 13

¹Wakati uwo,anjine mvachimwambira kuhusu agalilaya ambamvo Pilato wemvolaga achitsanganya mulatso wao kahi za sadaka zao. ²Jesu achimvajibu achamba, "Mwi mwafikiria kukala ano agalilaya mvekela enye dambi zaidi kuriko agalilaya anjine kpwa kukala mvechirira mateso namuna iyo? ³Hapana, namvaambira. Ela ichikela kamundatubu, mosini mundangamika hali iyo.⁴Ama mvara atu kumi na anane Siloam ambamvo mvegwererwa ni munara mvachifa, mwafikiria mvekela na dambi zaidi kuriko anjine Jerusalemu? ⁵Apana, namvambira, Ela chikala kamundatubu, nyosi mundangamika."⁶Jesu achimvambira fumbo riri, " Mumwenga wekala na mutini unyalwa mwakpwe mundani. Achenda achilola chikala andepata tundare ela kapatire. ⁷Achimwamba mukurimawe, 'Lola, kpwa miaka mihahu nikela nichidzalola chikala nindapata tunda kahi za uu muhi ela sidzapata. Ukate. Mbona wauricha ubanange munda?'⁸"Ye mukurima achimujibu achamba, 'Bwana, uriche mwaka uu naurimira niwonjezere mbolea. ⁹Uchivyela matunda mwaka udzao, sawa; ela usihovyela, ukate!"¹⁰Sasa Jesu, achikela wafundisha kahi ya sinagogi mwenga wakati wa sabato. ¹¹Haho, mwanamuche mumwenga arekela zaidi ya miaka kumi na minane ana upinde. wekala kaweza kurungarara kamare.¹²Jesu arihomona, achimweha achimwamba, "Mame, u huru na manyonge." ¹³Achigoloza mikonoye achimwikira, na ghafula achigoloka na achimutukuza Mulungu. ¹⁴Ela chilongozi wa sinagogi achitsukirwa kpwa sababu Jesu wekala yuhoza mutu siku ya sabato. kpwa vivyo ye chilongozi achimvajibu, achimvambira "Kuna siku handahu ambazo mutu ni muhimu kuhenda kazi. Nzoni mupate matibabu be, ela si siku ya sabato."¹⁵Bwana achimujibu achimwamba, "Anafiki! Kunaye mumwenga wenu ambaye kafugula ng'ombeye ama pundawe kpwenda nwa madzi siku ya sabato? ¹⁶Sasa kpwa yuno mwana wa Ibrahimu, ambaye shetani adzimufunga na kumutesa kpwa miaka kumi na minane, asifugulwe chifungoche siku ya sabato?"¹⁷Arihokela achigomba maneno gago, mvosi mvariokela apinzani mvachiaibika, ela kundi rosi mvachisherekea kpwa gosi madzo arekela yugahenda.¹⁸Ndiho Jesu achamba, " Ufalume wa Mulunguni udze, na naweza ku uhelanisha na noni? ¹⁹Ni here mbeyu ya haradali ambayo mutu weitsuha mundani, ichikula kukala muhi mubomu sana, tsongo a angani mvachijenga vitsunzi dzulu ya tagaa za kpwakpwe."²⁰Keheri achimvamba, "Ufalume wa Mulunguni ni uhelanishedze? ²¹Uhere tsatsu ambayo mwanamuche weihela achiitsanganya na vipimo vihahu vya ngano mpaka unga wosi uchikela upata tsatsu."²²Ndiho Jesu achisafiri kahi ya midzi na vijiji, achifundisha na kuratira Jerusalemu. ²³Mumwenga achimwamba, "Bwana, ni achache sana a kuokoka?" Achimvaamba, ²⁴"Ng'ang'anani kpwenjira kuchirira muyango mwembamba, kpwa sababu, namvaambira, anji mvandajeza kpwenjira, ela kamvandaweza kpwenjira.²⁵Mwenye nyumba achilamuka na kufunga muyangowe, be mundaema nze na kupiga muyango muchamba, 'Bwana, Bwana, hufugulire.' " Andajibu aambe, "Simvamanya ninwi wela ko mulako.' ²⁶"Ndiho mundaamba, 'Hwerya na kunwa mberezo na uchifundisha kahi ya vichochoro vyehu.' ²⁷" Ela andajibu, ' Namvaambira, Simanya mulako. Haukeni mbere zangu, chivyazi cha pepo!'²⁸Kundakela na viriro na kusaga meno mundihomona Ibrahimu, Izaka na jakobu, na manabii osi kahi za ufalume wa Mulungu, ela mutsuhiwanze. ²⁹Mvandakudza kula mombolero ga dzua, matsweo, kula mwakani na vurini, na mvandasagela kahi za meza ya ufalume wa Mulunguni. ³⁰Mumanye gaga, Mvario atite kahi za umuhimu ndo mvandekela a kpwanza, na mvaonekanao kukala a muhimu sana mvandakela a mwisho."³¹Wakati uwo mumwenga, mafarisayo anjine mvachidza mvachimusihi "Hauke haha Herode wamela kukolaga." ³²Jesu achamba, "Enda mukamwambire iye mbweha, 'Naomboza mapepo na kuhoza rero na machero, ichifika siku ya hahu nindakela nitimiza malengo gangu.' ³³Isitoshe, ni muhimu kpwangu kpwenderera rero, machero, na muhondo, madamu kaikubalika Nabii aolagwe nze ya Jerusalemu.³⁴Jerusalemu, Jerusalemu, nani olagaye manabii kpwa mawe mvarohumwa kpwako. Mara nyingahi netamani kumvakusanya anao dza here kuku akusanyavyo vitsinyevye tsini ya mamvamvage, ela gago kamugatamani. ³⁵Lola, nyumbayo ikela ganzo. Nakpwambira, kundanona keheri mpaka wambe, 'Mubarikiwa ni iye adzaye kpwa dzina ra Bwana."

Chapter 14

¹Wakati mumwenga siku ya sabato, ariho kpwenda kahi za nyumba ya mumwenga wa mubomu wa mafarisayo kurya mukahe, mvachikela mvamulolato. ²Lola, mbereze kuchikela kuna mwanamulume ariyekela walumwa, ana uvimbe. ³Jesu achiauza mvariokela ni atelamu kpwa sheria za chiyahudi na mafarisayo, "Je ni sawa kutibu mutu siku ya sabato, ama sevyo?"⁴Ela mvachinyamela. Ndiho Jesu achimugwira, achimuhoza, achimuruhusu enende. ⁵Achimvambira, "Nani kahi yenu mwanawe ama ng'ombeye ichenjira winani siku ya sabato kandamomboza?" ⁶Kavawezere kujibu rorosi kuhusiana na gago.⁷Jesu arihomanya mvario alikpwa mvesagalira vihi vya ajeni aheshimiwa, achinena kpwa mafumbo, achamba, ⁸"Muchalikpwa ni mutu kahi za harusi, musisagale nafasi za ajeni a heshima, maana nikpwenda hakakela hana mutu ariye alikpwa ariye wa heshima kumushinda. ⁹Andihofika mujeni iye, mwenye sherehe andakpwamba, 'Mupe yuya mujeni nafasi iyo,' na kpwa aibu undahela sehemu ya nafasi idzosela.¹⁰Ela muchialikpwa sherehe, sagalirani nafasi za tsini, ili achidza ye aremwalika, waweza akaamba, 'Musenangu, sagela nafasi ya dzulu.' Ndiho undaheshimiwa ni osi mvandekela mvasegere mezani nawe. ¹¹Maana chila mutu adzenulaye andatimishwa, na anyenyekeaye andenulwa."¹²Jesu kisha achimwambira ye mutu arekela yumwalika, "Uchialika anzio sherehe, usalike asenao ama nduguzo ama familia ama majiranizo matajiri, maana mvamvo namvo mvandakpwalika, mvaudzye mukono.¹³Ela muchalika atu sherehe, alikani maskini, virema, viwete na vipofu, ¹⁴namwi munda barikiwa, sababu kamvaweza kumvaudzirya mukono. Maana mundarihiwa siku ya ufufulo wa atakatifu."¹⁵Mumwenga wao mvariokela mvasegere na Jesu mezani ariho sikira mambo gago, achimwambira, "Mubarikiwa ni iye anderya mukahe kahi za ufalume wa Mulungu!" ¹⁶Ela Jesu achimwambira, "Mumwenga weandaa chakurya cha dziloni na achialika anji. ¹⁷Wakati urihofika wa chakurya, achihuma muhenzi kaziwe akamvehe na kuambira, 'Nzoni, maana chila chitu chi tayari.'¹⁸Mvosini mvachomboza visababu. Wa kpwanza achamba, 'Nidzigula munda musha, lazima nenende nikaulole. Tafadhali nisamehe.' ¹⁹"Munjine achamba, ' Nidzigula ng'ombe kumi za kurimira, namela nikazijeze. Tafadhali nisamehe.' ²⁰"Munjine achamba, 'Nihela muche, sindaweza kudza.'²¹"Muhenzi kazi ariho uya achimwelezera tajiriwe gago mambo. Ndiho tajiri mwenye nyumba achitsukirwa sana achimwambira, 'Ombola haraka enda kahi za vichochoro na barabara vya lalo riri umvarehe maskini, viwete, vipofu na virema.' ²²"Ye muhenzi kazi achamba, 'Bwana, amuri udziyonipa nidzitimiza ela kisha bado kuna nafasi ya anjine.'²³" Tajiri achimwamba muhenzi kaziwe, 'Enda kahi za barabara bomu na vichochoro ukamvashurutishe osi mvadze nyumba yangu idzale. ²⁴Maana namvambira, kakuna kahi za nirimvo mvaalika mvandio chitata chichi chakurya."²⁵Sasa, makundi mabomu mvekela mvenenda naye, naye achigaluka achimvambira, ²⁶"Ichikela mutu yoyosi andanitua, na asitsukirirwe pabaye mwenye, mameye, muchewe, anae, nduguze achilume na achiche, na hata uhaiwe, kaweza kukala mwanafunzi wangu. ²⁷Yoyosi asiye tsukula muselabawe na kunitua kaweza kukala mwanafunzi wangu.²⁸kpwani nani kahi yenu kahenda mahesabu ga garama ya kujenga kabla ayanze ili akamanya chikala garamaye andaiweza? ²⁹Sevyo, achidzajenga musingi, jengo rindamushinda na chila andemona andamutseka. ³⁰kuno wamba, 'Yuno mutu weanza mujengo uchimushinda.'³¹Ama ni mufalume hiye endaye vihani na mufalume munziwe, asesagela kpwanza kabla ende vihani akauza mashauri chikala kpwa shikari elifu kumi mvandaweza kupigana na shikari elifu ishirini a aduiwe? ³²chikala sevyo, be achidzaona jeshi ra munziwe kpwa kure, andahuma ujumbe wa amani. ³³kpwa vivyo be, yoyosi kahi yenu ambaye kandelavya chila aricho nacho kaweza kukala mwanafunzi wangu.³⁴Munyu ni mudzo, ela chikala udzangamiza ladha, undakeladze munyu keheri? ³⁵Kauna mahumii kpwa mutsanga wela kpwa mbolea. Nikutsuhiwa. Ariye na masikiro ga kusikira, na asikire."

Chapter 15

¹Sasa atoza ushuru na enye dambi anjine mvekudza kpwa Jesu kumusikiza. ²Mafarisayo hamwenga na aandishi mvachinung'unika mvachamba, "Yuyu mwanamulume nkukaribisha enye dambi nakurya hamwenga nao."³Jesu wenena fumbo kpwao, achamba, ⁴Nani khahi yenu, mwenye ng'onzi ganamwenga helafu angamikirwe ni mumwenga waho, khandaricha mirongo chenda na chenda kuko nyikani na ende akatafute iye ariyeangamika mpaka akamone? ⁵ndiho, achimona, nikumulaza mabegani nakufurahi.⁶Achifika nyumbani, weha hamwenga asenae na majiranie, achimvambira, 'Furahikani hamwenga nami, kpwakukela nidzimupata ng'onzi wangu ariyeangamika.' ⁷Namvambira hamwenga na gago, kundakela na furaha Mulunguni chikala mwenye dambi mumwenga yutubu, kushinda mirongo chenda na chenda atu akamilifu asiohenza kutubu.⁸Ama ni mwanamuche hiye mwenye sarafu kumi za fedha, achangamiza sarafu mwenga, khandalumika mwangaza, afagie nyumba na kutafuta kpwa makini paka ayone? ⁹Achiyona, khandaeha asenae na majirani, achiambira, ' Furahini hamwenga nami, mana nidziyona fedha nidziyoyangamiza.' ¹⁰Hamwenga na gago, namvambira, kunafuraha matsoni mwa melaika a Mulungu kpwa ajili ya mwenye dambi mumwenga achitubu."¹¹Ndiho Jesu achamba, " Mwanamulume mumwenga wekala na anaachilume airi, ¹²na yemuvaha wa osi achimwambira pabaye, ' Paba, nipa sehemu ya utajiri wo nistahiliyo kurithi.' kpwavivyo achigavya mali ye kahi zao.¹³Si siku nyinji, mwana wachilume mvaha wekusanya vyosi avimilikivyo na achenda intsi ya kure, na kuko achifuja utajiri we kpwakuishi chistarehe. ¹⁴Sasa ariho chikala yumarikiza kuhumira chila chitu, janga bomuu richitawanyika intsini, na achanza kukala mhitaji.¹⁵Wekpwenda achidziajiri mwenye kpwa raia mumwenga wa intsi iyo, na achimuhirika mundani kpwakpwe kurisa nguluwe. ¹⁶wekala achitamani kurya makanda ga chakurya cha nguluwe kpwakukela khakuna ariye mupa chitu.¹⁷Ela ye mwana wachilume mvaha ariho mkudzira, achamba, ' Niahenzi akazi angahi a Paba anachakurya chakutosha, na nihaha, nangamika na nzela! ¹⁸Nindauka na nihauke haha na nende kpwa Paba, nkamwambe, " Paba, nidzikukosa kahi za mbingu na kpwako uwe. ¹⁹Sifaha kpwehewa mwanao; nihende mumwenga wa ahenzi kazio."²⁰Ndiho mwana mvaha achuka na achenda kpwa Pabaye. Ariho chikala yuchere kure, Pabaye achimona na achimonera mbazi, achimchimbirira na achimukumbatira nakumubusu. ²¹Mwana wachilume achimwambira, ' Paba, nidzikukosa mbere za mbingu na kpwako. Sifaha kpwehewa mwanao.'²²Pabaye achimvambira ahenzi kazi e, 'Rehani haraka vazi ririro bora mumuvalishe, mvikeni pehe chelani na virahu maguluni. ²³Helafu rehani ndama adziye nona na mumutsinze. Nahusherehekeni na kushangilia. ²⁴kpwakukela mwanangu wefa naye yumoyo. Weangamika na sasa yupatikana.' Mvachanza kushangilia.²⁵Sasa mwanawe mkulu wekala mbugani. Ariho chikala wadza nakufikira nyumba, achiskira maira na kuvina. ²⁶Acheha mumwenga wa ahenzikazi na achimuza maana ya mambo gago. ²⁷Mhenzi wa kazi achimujibu, ' Nduguyo yudzuya mudzini na Pabayo yutsinza ndama adziyenona kpwamana yumuhochera kpwa afya mbidzo.'²⁸" Mwana mkulu achitsukirwa na khahenzere kpwenjira ndani, Pabaye achombola na kudza murai. ²⁹Ela mwana mkulu achimujibu na kumwambira Pabaye, 'Lola, miaka yosi nikela mtumishi kpwako na sikhahalire kuhumwa niuwe na khuwezere kunipa mwana mbuzi ilinifurahikie na asenangu, ³⁰ela mwanao adzihokudza, ariyefuja maliyo hamwenga na melaya, umutsinzira ndama adziyenona.'³¹"Bemutu achimwamba, ' Mwanangu, uhamwenga nami chila wakati, na vyosi virivyo nivyangu nivyako nawe. ³²Ela ikela nisawa kpwehu kusherekea na kufurahia, kpwakukela nduguyo wekala yudzefa na yumoyo; weangamika na yupatikana."

Chapter 16

¹Jesu keheri achiambira anafunzie, "kpwekela na mutu mumwenga tajiri ariyekela na mwemerezi, na ujumbe uchimufikira kukala mwemereziwe wabananga malize. ²Ndiho iye tajiri achimweha na achimwambira, 'Ni higo gano nisikirago kukuhusu? Nipa hesabu za kaziyo, maana kuweza keheri kukala mwemerezi wa kazi yangu.'³"Yuyatu mwemerezi achidzuza. 'Nihendedze, maana tajiri wangu wanihoka kazi? Sina nguvu za kurima, na naona haya kuvoya. ⁴Namanya nindichohenda, ili nichifutwa kazi, atu mvandanikaribisha mwao nyumbani.'⁵Helafu achimveha adeni osi a tajiriwe, achimuza wa kpwanza, 'Tajiri wangu wakudai nyingahi?' ⁶"Achimujibu, 'Vipimo gana vya mafuha.' "Achimwamba, 'Hela karatasiro ra deni, sagela haraka wandike hamsini' ⁷"Kisha achimuza munjine, 'Nawe wadaiwa nyingahi?' "Achimujibu, 'Vipimo gana vya unga.' Naye achimwambira, 'Hela karatasiro ra madeni, andika mirongo minane.'⁸Yuyatu tajiri sasa achimusifu ye mwemerezi asiyekela mwaminifu kpwa ulachu ariwo uhenda. kpwa kukala avyalwa a urimwengu uu ni elachu kpwa anzao kuriko ana a mwangazani. ⁹Namvambira, dzitengezereni asena kpwa njira za mali za chikate ili mali ichisira, mvandamukaribisha kahi za makalo ga milele.¹⁰Ariye mwaminifu kahi za chichache ni mwaminifu pia kpwa chinji, na ariye dhalimu kpwa chichache pia ni dhalimu kpwa chinji. ¹¹Chikala udhikala mwaminifu kahi za kuhumira mali ya udhalimu, andiye kpwamini na mali ya hachi nani? ¹²Chikala udhikala mwaminifu kuhumira vitu vya anjine, andiye kupa pesa zako mwenye nani?¹³Kakuna mutumishi awezaye kuhumikira mabwana eri, haho ni aidha atsukirirwe mumwenga ahenze mumwenga, ama ahumikire mumwenga kpwa waminifu mumwenga amudharau. Kuweza kuhumikira Mulungu na utajiri."¹⁴Sasa mafarisayo, mvariokela ni ahenza pesa sana, mvachisikira gago mambo, nao mvachimukejeli. ¹⁵Achimvaambira, "Mwadzihenzekeza mbere za atu, ela Mulungu wamanya maroho genu. Chiratu ambacho anadamu mvachenula kpwa mulungu ni tsukizo matsoni kpwakpwe.¹⁶Sheria na manabii mvekela na nguvu mpaka Johana arihokudza. Baada ya wakati uwo, injili ya ufalume wa Mulungu yahubiriwa, na chila mutu wajeza kudzenjiza. ¹⁷Ela ni rahisi kpwa mbingu na ntsi kuchira kuriko herufi mwenga kahi za sheria ikose maana.¹⁸Chila andiyerichana na muchewe wa ndoa na ahale munjine wazini, na yoyosi andemuhela muche adziyerichwa ni mulumewe wa ndoa naye wazini.¹⁹"Sasa kpwekela na mutu mumwenga tajiri ariyekela wavela nguo za rangi ya zambarau na chitani chisafi na wekala achihamirwa sana chila siku ya utajiriwe. ²⁰Mutu mumwenga ariye chikala masikini wa kuvoyavoya kpwa dzina Lazaro weikpwa hakpwe langoni, mwiriwe utele vironda. ²¹achitamani sana kurya ijapo makombo gagwago kula mezani kpwa mutu iye tajiri. Hata kuro mvekela mvakadza mulambelamba vyo vironda.²²Siku mwenga masikini achifa achitsukulwa ni melaika mvachenda mwika upande wa Ibrahimu. Ye tajiri naye achifa na achizikpwa, ²³kuko kuzimu, kahi za mateso, achenula matso achimona Ibrahimu kpwa kure na Lazaro upande wa kpwakpwe.²⁴Ndiho achipiga kululu achamba, ' Paba Ibrahimu, nihurumia umuhume Lazaro, ili atsatse chela kpwenye madzi aburudishe lulimi lwangu, maana nelaha na uu moho.'²⁵"Ela Ibrahimu achimwamba, "Mwanangu, kumbuka kahi za maishago wepata mambo madzo madzo, wakati Lazaro ye wepata mambo mai mai. Ela sasa wafarijiwa haha, nawe wateseka. ²⁶Hamwenga na gago gosi, heikpwa wina mubomu muno kahikahi yehu, ili mvamelao kuvuka kula kuku kudza kuko kamvaweza, na mvario kuko kamvaweza kuhufikira kuku.'²⁷"Tajiri achimuvoya, 'Nakuvoya, Paba Ibrahimu, kpwamba umuhume Lazaro nyumbani kpwa Paba- ²⁸maana nina ndugu atsano- ili akavakanye, namvo mvasiweze kudza kuku niriko kpwenye dhiki.'²⁹"Ela Ibrahimu achimwamba, ' Mvanao Musa na manabii; namvamvasikize ao.' ³⁰"Tajiri achimujibu, 'Apana, Paba Ibrahimu, ichikela kunaye andemvendera kula kuzimu, mvandatubu.' ³¹"Ela, Ibrahimu achimwambira, 'Kela kamvandamusikira Musa na Manabii, kamvandaweza kushurutishwa ni mutu afufukaye kula kuzimu."

Chapter 17

¹Jesu achimvambira anafunzie, "Majezo kagana budi kudza, ela shauriye iye andegareha! ²indakela baha andefungwa dziwe ra kusagira singoni, na kustuhiwa baharini kuriko kusababishira dambi mumwenga wa aa atite.³Dzirindeni. chikala nduguyo ahenda dambi, mukanye, achitubu, musamehe. ⁴Achikuhendera uwe dambi mara fungahe kahi za siku mwenga, na mara fungahe akuuyire achamba, 'Natubu,' lazima umusamehe!"⁵Mitume mvachimwambira Bwana, "Havoya uhonjeze imani." ⁶Bwana achimvamba, "Muchikela na imani hata tite tu here mbeyu ya haradali, mundeweza kuwamba uu mukuyu, 'Ng'oka ukamere baharini,' nawo undemutii.⁷Ela ni ani kahi yenu, andiyekela na muhenzi kaziwe mundani warima ama warisa ng'onzize, achifika tu nyumbani kula kazini andamwamba, 'Nzo upesi usagale urye'? ⁸Je, kandamwamba, 'Nitengezera utu nirye, kisha funga ukanda chinuni unihumikire mpaka nimarikize kurya na kunwa. Be kula haho, nawe undarya na kunwa'?⁹Khandamushukuru ye muhenzi kazi kpwa kukala yuhenda kulingana na melakizo arigopewa, sevyo? ¹⁰Be ninwi namwi, chikala muhenda chila muriro lakizwa kurihenda, ni mwambe, 'Sisi hu atumishi tu kpwako husio stahili, huhenda go hustahiligo kuhenda."¹¹Arihokela achenenda Jerusalemu, wechirira mihaka ya Samaria na Galilaya. ¹²Arihokela wenjira boma fulani, achonana na atu kumi enye mahana. Mvachema kure naye ¹³Mvachikpweza sauti zao, mvachamba, "Bwana, Jesu, honere mbazi."¹⁴Ariho mvona, achimvamba, "Endani mukadzonyese kpwa makuhani." Mvariho uka mvachihozwa. ¹⁵Mumwenga wao ariho ona yuhola, achiuya, kpwa sauti ya dzulu achimutukuza Mulungu. ¹⁶Achigwa chinabunabu maguluni ha Jesu, kpwa kumushukuru. Sasa yuyu wekala ni musamaria.¹⁷Ndiho Jesu achamba, " Kamvahozerwe kumi ano? Vino mvahiko o anjine chenda? ¹⁸Kakuna anjine mvario uya kulavya mumvera kpwa Mulungu, isihokela yuyu mujeni?" ¹⁹Achimwambira, "Lamuka wenende. Imaniyo ikuhoza."²⁰Ariho uzwa ni mafarisayo kuhusu kudza kpwa ufalume wa mulungu, Jesu achimvajibu achimvamba, " Ufalume wa Mulungu kaudza kpwa ujuzi wa chidamu. ²¹Wela kakuna andiye amba, 'Lolani, tiu ufalume wa Mulungu ufika!' ama, "Tiura wadza!' kpwa maana, ufalume wa Mulungu munao kare."²²Achimvambira anafunzi, "Siku zadza mundiho tamani kumona Mwana wa Adamu, ela kamundamona. ²³Kisha mvandamwambira, 'Lolani kura! Lolani kuno!' Ela musomboleni nze ama kumvaingira malo, ²⁴Here nyenyezi zombozavyo mwanga kula sehemu mwenga mpaka injine mainguni, ndivyo Mwana wa Adamu andivyokela siku iyo.²⁵Ela kpwanza mpaka ateseke manji na akahalwe ni chivyazi chichi. ²⁶Here irivyokela siku za Nuhu, ndivyo vindivyo chikala siku ya Mwana wa Adamu. ²⁷Mvachirya, mvachinwa, mvachihela na kulozwa mpaka siku Nuhu ariho enjira kpwenye safina-na mafuriko gachidza gachiamarikiza osi.²⁸Hali iyo mwenga, here irivyokela siku za Lutu-mverya na kunwa, mvachikuza na kugula, kunyela na kujenga. ²⁹Ela siku Lutu arihotsama Sodoma, moho wa ajabu uchilaa Mulunguni na uchimvangamiza osi.³⁰Hali iyo mwenga, ndivyo siku iyo ya Mwana wa Adamu idzivyo fananishwa. ³¹Siku iyo, ariye dzulu ya paa ra nyumba na asitime kokola chochosi nyumbani mwakpwe, na ariye mundani asuye nyumbani.³²Kumbukani mukaza Lutu. ³³Yoyosi ahenzaye uhaiwe andawangamiza, ela yoyosi aangamizaye uhaiwe andawokola.³⁴Namvambira, usiku uwo kundakela na atu eri varere chitanda chimwenga. Mumwenga andahalwa, ye munjine andarichwa. ³⁵Kundakela na anache eri vasaga, mumwenga andahalwa munjine arichwe." Atu eri mvandakela mundani, mumwenga andahalwa munjine arichwe. (Ii Kaimo kahi za vitabu vya kapindi) Mvachimuza, "Hiko Bwana?" Achimvajibu, "Hariho na mzoga, lazima tai mvandakelaho." ³⁷Mvachimuza, "Hiko, Mulungu?" Achimvambira, "Haratu haroiho na muzoga, ndiho tai nikukusanyika kpwa hamwenga.³⁷Mvachimuza, "Hiko, Mulungu?" Achimvambira, "Haratu haroiho na muzoga, ndiho tai nikukusanyika kpwa hamwenga.

Chapter 18

¹Kisha achimvambira fumbo ra namuna ambavyo mvamalikana mvavoye na mvasivunzike mioyo, ²achamba, "Kahi ya mudzi fulani kpwekela na hachimu arekela kamogoha Mulungu na kavaheshimire atu.³Sasa kahi yao kpwekela na gungu aremutua, achimwamba, 'Nisaidia nipate hachi kahi za kesi na adui wangu.' ⁴kpwa muda mure sana kahenzere kumusaidia, ela baada ya muda achidzihukumu, 'Idzaho simogoha Mulungu wela siheshimu mutu, ⁵ela kpwa sababu yuyu gungu waniyuga, nindamusaidia kupata hachiye, ili asinitsose kpwa kudza kpwangu chila saa."⁶Ndiho Bwana achamba, "Musikizeni arivyo gomba ye hachimu mukorofi. ⁷Sasa je, Mulungu kandamvapa hachi kpwa atue arimvo atsagula mvamuririrao usiku na mutsana? Andamvatoeza? ⁸Namvaambira andamvapa hachi yao kpwa upesi. Na hata vivyo, Mwana wa Adamu achidza, andayona imani duniani?"⁹Ndiho achimvaambira fumbo riri kpwa atu achache mvadzonao ni atakatifu na kuadharau anjine, ¹⁰"Atu eri mvepanda hekaluni kpwenda voya- mumwenga mufarisayo ye munjine wekala ni mutoza ushuru.¹¹Yuya mufarisayo achema achivoya, ' Mulungu, nakushukuru mino sidzahere atu anjine-anyang'anyi, enye dambi, azinzi-ama ta here yuyu mutoza ushuru. ¹²Mino nafunga saumu mara mbiri chila wiki. Nelavya fungu ra kumi kpwa chila nipatacho.'¹³Ela yuya mutoza ushuru, achema hatu kanda, asiweze ta kpwenula usowe kulola Mulunguni, achidzipiga chifua kpwa utsungu achamba, 'Mulungu, nonera mbazi, ni mwenye dambi.' ¹⁴Namvaambira, yuyu mutoza ushuru wekpwenda kpwakpwe nyumbani yutakasika kuriko yuya Mufarisayo, kpwa sababu chila adzitukuzaye andaudzwa tsini, ela chila mutu andiye nyenyekea, andaenulwa."¹⁵Atu mvachikela mvamurehera ahoho ili amvabariki, ela anafunzie mvariho mvona, mvachiachemera. ¹⁶Ela Jesu achimveha, achamba, "Mvaruhusuni ahoho mvadze kpwangu, wela musimvazuiliye. Maana ufalume wa Mulungu ni wao. ¹⁷Ujeri namvaambira, yoyosi ambaye kandauhochera ufalume wa Mulungu dza here mvamva ahoho be kandawenjira."¹⁸Chilongozi wa atu mumwenga achimuza, achamba, "Mwalimu mudzo, nihendedze ndo niurithi uzima wa kare na kare?" ¹⁹Jesu achimwamba, "kpwa noni waneha mudzo? Kakuna ariye mudzo, isihokela Mulungu hacheye. ²⁰Wamanya amuri zosi-usizini, usolage, useye, usinene ulongo, heshimu pabayo na mameyo." ²¹Yuya chilongozi wa atu achamba, "Gosi gago nidzigahenda hangu ni chijana."²²Jesu arihosikira vivyo, achimwambira, "Chitu chimwenga kudzachihenda. Lazima ukuze chila chitu uricho nacho uvagavire maskini, nawe undakela na hazina Mulunguni-helafu udze, unitue." ²³Ela chilongozi ariho sikira gago, achihuzunika sana, kpwa kukala wekala ni mutu tajiri sana.²⁴Helafu Jesu, ariho mona na huzuni achamba, "Ni vigumu sana kpwa mutu tajiri kpwenjira kahi za ufalume wa Mulungu! ²⁵Maana ni rahisi kpwa ngamia kuchirira tundu ya sindano, kuriko mutu tajiri kpwenjira kahi za ufalume wa Mulungu."²⁶Mvariosikira gago maneno mvachamba, "Be andeyeokolwa nani?" ²⁷Jesu achijibu, "Mambo garigo mafu kpwa mwanadamu ni rahisi kpwa Mulungu."²⁸Petero achamba, "Sasa, sino hudziricha chila chitu na hwakutua uwe." ²⁹Jesu achimvambira, "Ujeri, namvaambira kukala kakuna ariyericha nyumbaye, ama muchewe, ama nduguze achilume, ama avyazi, ama anae, kpwa ajili ya utukufu wa Mulungu, ³⁰ambaye kandahochera zaidi wakati uu, na kpwa chivyazi chidzacho, uzima wa kare na kare."³¹Baada ya kumvakusanya anafunzie kumi na airi. achimvambira, "Lolani, hwenenda dzulu Jerusalemu, na gosi garigo andikpwa ni manabii kuhusu Mwana wa Adamu gandatimira. ³²Maana andelaviwa kpwa mataifa, naye andadharauliwa, na andahenderwa manji ga aibu, na kutsitsirwa mahe. ³³Baada ya kuchapwa mijeledi, mvandamolaga, na siku ya hahu andafufuka."³⁴Khamvaelewere chochosi kuhusu gago maneno, na manenoge gefitswa kpwao, wela kamvaelewere maneno mvarigo ambirwa.³⁵Ichombolera kukela, hali Jesu ariho chikala waratira Jeriko, mutu mumwenga chipofu wekala yusegere khandakhanda ya barabara wavoya, ³⁶na ariho sikira kundi ra atu venenda, achuza kpwendererani. ³⁷Mvachimwambira kukala ni Jesu wa Nazareti wachira.³⁸Ndiho yuya chipofu achirira kpwa sauti, achamba, "Jesu, Mwana wa Daudi, nonera mbazi." ³⁹Mvariokela mvenenda mbereze mvachimuchemera ye chipofu mvachimwamba anyamale. Ela, achizidi kupiga kululu zaidi, "Mwana wa Daudi, nonera mbazi."⁴⁰Jesu achema achiamuru iye mwanamulume arehehwe. Ndiho ye chipofu arihokela hehi, Jesu achimuza, ⁴¹"Wamela nikuhenderedze?" Achamba, "Bwana, namela niweze kona keheri."⁴²Jesu achimwambira, "Pata uwezo wa kona. Imaniyo idzikuhoza." ⁴³Haho kpwa haho, achipata uwezo wa kona naye achimutua, kuno wamutukuza Mulungu. Atu osi, mvariho ona vivyo, mvachimutukuza Mulungu.

Chapter 19

¹Jesu wenjira kuchirira Jeriko. ²Lola, kpwekela na mutu wehewa Zakayo. Arekela mubomu wa akusanyaji ushuru na tajiri.³wekala wajeza kumona Jesu amumanye, ela khawezere sababu ya unji wa atu, wekala ni mufuhi. ⁴Sasa, achiinga malo mbere zao, achipanda mukuyu ili amone, kpwa kukala Jesu wekala hehi kuchirira njira iyo.⁵Jesu arihofika, achilola dzulu achimwambira, "Zakayo, tima upesi, maana rero nindakala kpwako nyumbani." ⁶Naye achitima kpwa haraka na achimukaribisha kpwa furaha. ⁷Chila mutu ariho ona vivyo, mvachilelama, mvachamba, "Adzenda nyumbani kpwa mwenye dambi."⁸Zakayo achema achimwambira Bwana, "Lola, Bwana, nusu ya utajiri wangu nindamvapa masikini, na chikala nemweyera mutu yoyosi chitu, nindamudzirya mara nne." ⁹Jesu achimwambira, "Rero wokofu ukudza mwako nyumbani, kpwa kukala iye naye ni mwana wa Ibrahamu. ¹⁰Kpwa maana Mwana wa Adamu wekudza kuatafutana kumvokola atu mvario angamika."¹¹Hali mvachiaasikira gago, achenderera kunena achimvambira fumbo, kpwa kukala wekala yuhehi na Jerusalemu, nao mvachifikiria kukala ufalume wa Mulungu wekala uhehi konekana wakati wowosi. ¹²Ndiho achimvambira, "Mutu mumwenga wa kuheshimika wekpwenda ntsi ya kure kuhochera ufalume kisha auye.¹³Achimveha kumi kahi ya atumishie na achimvapa mafungu kumi ga pesa achimvaambira, 'Hendani biashara mpaka niuye.' ¹⁴"Ela atue mvachimutsukirirwa na mvachimuhumira atu, mvachamba, 'Khahundakubali yuyu mutu ahutawale.' ¹⁵Ichikela ariho uya, baada ya kuhochera ufalume, achiamuru o atumishie arimvokela avapa zo pesa mvadze kpwakpwe, ili amanye mvetengeza faida chasi chani kpwa biashara mvariyo ihenda.¹⁶"Wa kpwanza achidza, achimwamba, "Bwana, pesazo zetengeza kumi zaidi.' ¹⁷"Yuya mheshimiwa achimwambira, 'Kazi mbidzo sana, mutumishi mudzo. kpwa kukala ukela mwaminifu kpwa chichache, undakela na mamulaka kahi ya midzi kumi.'¹⁸"Wa hiri achidza, achamba, "Pesazo Bwana, zetengeza tsano zinjine.' ¹⁹"Muheshimiwa achimwamba, 'Emerera midzi mitsano.'²⁰"Munjine achidza, achamba, 'Bwana, pesazo tizi, nezikato sana kahi za nguo, ²¹maana nekela nakogoha, kpwa kukala umutu mukali sana. Wahela usihoika, na wavuna usiho nyela.'²²"Yuya muheshimiwa achimwambira, 'kpwa manenogo, nindakuhukumu, uwe u mutumishi mui. Wemanya ni mutu mukali, nahela nisihoika, na kuvuna nisiho nyela. ²³Be mbona kuikire pesa zangu kahi za benki, ili mwenye nichuya nikenda zihela na faida?'²⁴Yuya muheshimiwa achimvambira atu mvariokela hehi naye, 'Muhokeni zo pesa, na mumupe yuya mwenye mafungu kumi.' ²⁵"Mvachimwambira, 'Bwana, ana kumi kare.'²⁶"Namvaambira, chila mutu mwenye nazo, andonjezerwa nyinji zaidi, ela ariye kana kamare, hata cho aricho nacho andahokpwa. ²⁷Ela mvamva mahadui zangu, mvaratu ambamvo kamvahenzere nimvatawale, mvareheni na mumvolage mbere zangu."²⁸Baada ya kunena gago, achenderera mbere, achipanda kpwenda dzulu Jerusalemu.²⁹Arihokela waratira Bethifage na Bethania, kahi za murima wehewao wa mizaituni, achihuma anafunzie airi, ³⁰achimvaamba, "Endani mudzi jirani. Hali mwenjiravyo, mundaonana na mwana punda ambaye kadzawahi kutsukula mutu yoyosi. Mufuguleni munirehere. ³¹chikala kuna mutu yoyosi andiye vauza, 'Mwamufugulirani?' mwambeni, "Bwana ana haja naye."³²Mvario humwa mvachenda mvachimona ye mwanapunda here Jesu arivyokela yumvambira. ³³Mvarihokela mvamufugula, enye mvachuza, "Mbona mwamufugula ye mwanapunda?" ³⁴Mvachiambira, "Bwana ana haja naye." ³⁵Mvachimurehera Jesu, mvachihadika nguo zao dzulu na mvachimupandisha Jesu dzulu. ³⁶Arihokela wenenda, mvachihandika nguo zao njirani.³⁷Arihokela sasa waratira muteremuko wa murima wa Mizeituni, makundi gosi ga atu na anafunzi mvachanza kushangilia na kumutukuza Mulungu na sauti za dzulu kpwa mambo mabomu mvariokela mvadzigona. ³⁸mvachamba, "Mubarikiwa ndiye mufalume adzaye kpwa dzina ra Bwana! Amani Mulunguni na utukufu dzulu!"³⁹Kahi za mafarisayo kpwenye kundi ra atu mvachimwamba, "Mwalimu, mvachemere anafunzio." ⁴⁰Jesu achimvajibu achimvamba, "Namvaambira, chikala mvamva mvandenyamela, mawe gandenena."⁴¹Jesu arihokela waratira uwo mudzi, achiuririra, ⁴²achamba, "Kelaho undemanya hata uwe, kahi ya siku zizi mambo ambago gakurehera amani! Ela sasa gadzifitswa matsoni mwako.⁴³Maana siku zindadza ambazo mahadui a kpwako mvandajenga boma hehi nawe na kukuzunguluka na kukukandamiza chila upande. ⁴⁴Mvandakugwaga tsi, mtsangani uwe na anao. Khamvandaricha iwe ta mwenga dzulu ya rinjine kpwa kukala kumanyire wakati wa kufikirwa."⁴⁵Jesu achenjira kahi za hekalu na achanza kpwinga mvariokela mvahenda biashara, ⁴⁶achimvambira, "Yeandikpwa, 'Nyumba yangu indakela nyumba ya mavoyo,' ela mudziihenda kukala pango ya anyang'anyi."⁴⁷kpwa vivyo Jesu achikela achifundisha chila siku mumo hekaluni. Mubomu wa makuhani na aandishi mvachitafuta njama za kumolaga, hamwenga na vilongozi a atu, ⁴⁸ela khamvawezere kupata njira ya kuvihenda, kpwa kukala atu mvosi mvekela mvamusikiza kpwa makini.

Chapter 20

¹Siku dza ira, Jesu achikela achifundisha atu kpwenye hekalu na kuhubiri injili, abomu a makuhani na aandishi mvachimutua hamwenga na vilongozi. ²Mvachinena, mvachimwamba, "Hwambire ni kpwa nguvu za ani uhumirazo kugahenda gano, ama nani arekupa zino nguvu."³Achijibu achimvaamba, "Mimi nami nindamvauza swali, namwi munambire. ⁴Ubatizo wa Johana; Welaa Mulunguni ama kpwa anadamu?"⁵Mvachiuzana enye kpwa enye, mvachamba, "Huchimwamba, 'Kula Mulunguni,' naye andamba, 'Be mbona kamumwaminire?' ⁶Ela huchamba, 'Kula kpwa anadamu.' atu mvosi mvandahupiga mawe, maana mvashawishika kukala Johana wekala Nabii."⁷kpwa vivyo mvachimujibu kukala kamvamanyire welaa nahi. ⁸Jesu achimvaambira, "Hata mimi nami sindamvaambira ni kpwa nguvu zani nagahenda gaga."⁹Achimvaambira atu riri fumbo, "Mumwenga werima na kunyela munda wa mizabibu, kisha achiukodishira akurima a mizabibu, naye achisafiri ntsi injine kpwa muda mure. ¹⁰Wakati urihofika achihuma mutumishiwe kpwa akurima a mizabibu, ili mvakamupe mazao ga mizabibu. Ela mvo akurima mvachimupiga, na mvachimwinga achuya mikono mihuhu.¹¹Achihuma mutumishi munjine, iye naye mvachimupiga, mvachimuhendera mambo ga aibu, mvachimwinga naye mikono mihuhu. ¹²Achihuma munjine wa hahu, iye naye mvachimu lumiza, naye mvachimwinga.¹³kpwa vivyo Bwana wa munda achamba, 'Nindahendadze? Nindamuhuma mwanangu. Hanjine iye mvandamu heshimu.' ¹⁴"Ela akurima a mizabibu mvariho mona, mvachisumurira enye kpwa enye, mvachamba, 'Yuyu ndiye mwanawe. Nahumolageni, ili urathi ukale wehu.'¹⁵Mvachimwinga mumo mundani na mvachimolaga. Jee, mwenye munda wa mizabibu andamvahendadze? ¹⁶Andadza na amvolage o akurima, na munda amvape akurima anjine." Mvariho sikira, mvachamba, "Navisikale vivyo!"¹⁷Ela Jesu achimvalola, achamba, "Maana ya maandiko gambago: 'Dziwe ririro kahalwa ni ajenzi, rikela dziwe ra pembeni'? ¹⁸Chila mutu andegwa dzulu ya dziwe riro andavunzika vipande vipande, na yoyosi andiye gwererwa ni dziwe riro andasagika."¹⁹Ndiho aandishi na abomu a makuhani mvachitafuta njira ya kumugwira dakika iyo, kpwa kukala mvemanya wekala yunena fumbo riro kumvahusu. Ela mvachogoha umati wa atu. ²⁰Ndiho mvasimwangamize matsoni, mvachihuma majasusi mvario dzihenda ni atakatifu, ili mvapate makosa kahi za maneno ga kpwakpwe, ili mvaweze kumwenjiza hukumuni mikononi mwa mukulu wa mukoa.²¹Mvachimuza, mvachimwamba, "Mwalimu, hwamanya kukala wanena na kufundisha ujeri, na kuna ubaguzi kpwa yoyosi, ela wafundisha ujeri kuhusu mambo ga Mulungu. ²²Je ni chisheria kpwehu kuriha kodi kpwa Kaisari, ama sevyo?"²³Ela Jesu achimvaelewa ulachu wao, naye achimvaamba, ²⁴Nonyesani denari. Uso na dzina ronekanaro henye dinari ni za ani?" Mvachamba, " Ni vya Kaisari."²⁵Achimvaambira, "Be mupeni Kaisari vitu virivyo vyakpwe, na mumupe Mulungu virivyo vyakpwe." ²⁶Mvachikosa makosa kahi ya maneno arigo gomba mbere za atu, ela mvachangelazwa ni majibuge, mvachinyamela.²⁷Mvarihokudza sehemu ya masadukayo kpwakpwe, mvara mvambao kakuna ufufulo wa afu, ²⁸mvachimuza, mvachamba, "Mwalimu, Musa wehwandikira kukala chikala ndugu wa mutu adzefa, na yuricha muche, na khadzavyela, nduguye ni amuhale iye mukaza nduguye, amuvyaluze na arere ana kpwa niaba ya nduguye.²⁹kpwelela na ndugu afungahe na wa kpwanza achihela muche, achifa bila mwana, ³⁰wa hiri naye dza vivyo. ³¹Wa hahu achimuhela, na hali iyo mwenga mvosi fungahe mvachifa bila ana. ³²Kula haho, ye muche naye achifa. ³³Siku ya ufufulo, ye muche andakela ni wa hiye? Maana osi afungahe wekala nao here alumeze.³⁴Jesu achimvaambira, "Ana a chizazi chichi mvahela na mvalozwa ndoa. ³⁵Ela mvaratu mvatalwao kukala a hachi chizazi chicho kuupata ufufulo kula kpwa wafu kamvandahela wela kulozwa ndoa. ³⁶Wela kamvandafa keheri, maana mvandakela sawa na melaika na mvandakela ana a Mulungu, kpwa kukala mvafufuka.³⁷Ela kukala afu mvafufulwa, hata Musa weonyesa, sehemu ira ihusikanayo na tsaka, sehemu amwehayo Bwana Mulungu wa Ibrahimu na Mulungu wa Izaka, na Mulungu wa Jakobu. ³⁸Sasa iye si Mulungu wa afu, bali mvario hai, kpwa kukala osi mvaishi kpwakpwe."³⁹Aandishi anjine mvachijibu, "Mwalimu, udzijibu tototo." ⁴⁰kpwa kukala kamvamuuzire swali rinjine.⁴¹Jesu achimvaambira, " Mvaambadze kukala Masihi ni mwana wa Daudi? ⁴²Maana Daudi mwenye waamba kahi za chitabuche cha zaburi, Bwana achimwambira Bwana wangu, 'Sagela mukono wangu wa kulume, ⁴³mpaka nimvaike mahadui a kpwako tsini ya magulugo.' ⁴⁴Daudi kpwa vivyo wamweha Masihi 'Bwana,' sasa wakeladze Mwana wa Daudi?"⁴⁵Kahi ya kusikira kpwa atu osi, achimvaambira anafunzie, ⁴⁶"Dzihadharini na aandishi, ambamvo mvahenza kutsembera kuno mvavela majoho mare na mvahenza kulamuswa chiheshima kpwenye masoko na kusagalira vihi vibomu kpwenye masinagogi na sehemu za heshima kahi za sherehe. ⁴⁷Nikurya kahi za nyumba za magungu, na kpwa kudzonyesa mvakahenda mavoyo mare. Alume namuna ii mvandahochera hukumu bomu sana."

Chapter 21

¹Jesu ariho rungarara achimvona matajiri mvachiika zawadi zao kahi ya hazina. ²Achona gungu mumwenga masikini naye achiika mapeni mairi. ³Achamba, "Jeri namvambira, yuyu gungu masikini adziika zaidi ya atu osi. ⁴Chila mumwenga wa mvamva yulavya zawadi kulingana na unji wa mali zao. Ela yuyu gungu yulavya, kula kpwa uchiawe, na adzilavya cho arichokela yusela nacho maishani mwakpwe."⁵Wakati anjine mvarihokela mvanena kuhusiana na hekalu, jinsi irivyo pambwa na mawe madzomadzo na sadaka, achamba, ⁶"kpwa vivi vitu muvyonavyo, siku indafika kamundaona dziwe hata mwenga riremera rinjine ambaro karinda gwagwa."⁷Ndiho mvachimuuza, mvachamba, "Mwalimu, gano gandahendeka rini? Ishara indakela noni chikala vihehi kuhendeka?" ⁸Jesu achijibu, "Kelani makini musikengwe. Maana anji mvandadza kpwa dzina rangu, mvachamba, 'Mimi ndiye iye,' na 'Wakati uhehi.' Musiatue. ⁹Mundihosikira viha na fujo, musitishike, maana vivyo vindahendeka kpwanza, ela mwisho wa dunia kaindakela ufika."¹⁰Baadaye achimvambira, "Taifa mwenga rindapigana na rinjine, ufalume upigane na ufalume munjine. ¹¹Kundakela na mutetemeko mubomu wa ntsi, na sehemu zinjine nzela kali na makongo. Kundombola matukio ga kutisha na ishara bomu bomu kula Mulunguni.¹²Ela kabla gosi, mvandamvagwira na kumvatesa, mvaafishe kenye masinagogi na jela, mvaahirike mbere ya afalume na abomu a mikoa kpwa ajili yangu. ¹³kpwa hali iyo mundapata ushuhuda.¹⁴kpwa vivyo, musidziyugeni marohoni mwenu kudzitayarisha kudzihehera, ¹⁵maana nindamupa maneno na hekima muhitajiyo ambayo maadui genu mvandakela kamvaweza kumupinga wela kugakahela.¹⁶Hata avyazi enu mvandamvalavya, ndugu zenu achilume, familia zenu, asena enu na anjine enu mvandamolaga. ¹⁷Chila mumwenga andamvatsukirirwa kpwa sababu ya dzina rangu. ¹⁸Ela khakuna ta lujere lumwenga lundilo dhurika vitswani mwenu. ¹⁹kpwa uvumirivu wenu, mundapata uzima.²⁰"Mundiho ona Jerusalemu izungulukpwa ni shikari, be mumanye ubanangikaji wa kpwakpwe uhehi muno. ²¹Haho, mvario Judea namvachimbirire mirimani, mvario mudzini mvachimbire, mvario nze ya mudzi namvasuye mudzini. ²²Maana zizo indakela ni siku za mariho, ili chila andiko rikatimire.²³Ole wao mvario na mimba na mvaamwisao siku zizo! Maana kundakela na shida bomu dzulu ya ntsi, na ghadhabu kpwa atu. ²⁴Mvandadzidunga vifwu, na mvandahalwa mateka kahi za mataifa, na Jerusalemu inda fyogwafyogwa ni mataifa mpaka wakati wao utimire.²⁵"Kundakela na ishara kahi ya dzua, kahi ya mwezi, kahi ya nyenyezi, na dzulu ya ntsi. Mataifa gandakela na shida, kukata tamaa kpwa sababu ya ngurumo ya bahari na maimbi. ²⁶Kundakela na atu mvazimwao kpwa woga na matarajio ga mambo gandigo chikala duniani. Maana nguvu za Mulunguni zindatingiswa.²⁷Ndiho mvandiho mona Mwana wa Adamu, achitima kahi za ingu na nguvu na utukufu mubomu. ²⁸Ela mambo gaga gachanza kuhendeka,rungararani mwenule vitswa vyenu, kpwa sababu kukombolwa kpwenu kufika hehi."²⁹Jesu achimvambira fumbo, "Lolani mutini, na mihi minjine. ³⁰Ichomboza makodza, mwadzonera ninwi enye kukala wakati wa chilangazi uhehi. ³¹Sasa pia, mundiho ona gaga gachihendeka, mumanye pia ufalume wa Mulungu uhehi.³²Jeri namvaambira, chizazi chichi kachindatsupa mpaka gaga gahendeke. ³³Mulunguni na dunia vindatsupa, ela neno rangu karindatsupa.³⁴" Ela dzirindeni, ili roho zenu zisitsukuzwe misigo ya maazo, na urevi, na matatizo ga maisha, na siku iyo kaindafungika kpwenu ghafla ³⁵here muhego. Maana indakela kpwa chila mutu aishiye dunia nzima.³⁶Ela kelani matso chila wakati, muchivoya kukala na nguvu zaidi kuepuka mambo gaga gosi gandigo kela, na kpwema mbere za Mwana wa Adamu."³⁷Sasa, wakati wa mutsana wekala achifundisha kahi za hekalu, na usiku weombola, achikela murimani wehewao wa Mizeituni. ³⁸Atu osi mvekudza mapema sana madzacha kumusikiza hekaluni.

Chapter 22

¹Sherehe ya mikahe ijitwayo bila tsatsu ichikela yaratira, iriyo yehewa pasaka. ²Abomu a makuhani na alimu mvachikela mvatafuta njira ya kumolaga Jesu, maana mvekela mvaogoha makundi ga atu.³Ndiho ibilisi achimwenjira Judasi, ariye ehewa Isikariote, ariyekela mumwenga kahi za ara kumi na airi. ⁴Judasi achenda kpwa makuhani abomu na manahodha na mvachisumurira ni njira yani andiyoweza kumusaliti Jesu kpwao.⁵Mvachitsamirwa na mvachikubaliana kumupa pesa. ⁶Achikubali naye kula dakika iyo achikela watafuta njira ya kumulavya kpwao kula kpwa kundi.⁷Ichifika yo siku ya mikahe isiyo na tsatsu, ambayo ng'onzi ya pasaka yekela yelaviwa sadaka. ⁸Jesu achimuhuma Petero na Johana, achimvambira, "Enendani mukahu tayarishire chakurya cha pasaka, ili hurye." ⁹Mvachimwamba, "Wamela hukachi tayarishire hiko?"¹⁰Achimvajibu, "Lolani, mundiho enjira mudzini, mutu mumwenga andiyekela atsukula diramu ra madzi andamvatua. Mutueni mpaka kpwakpwe nyumbani. ¹¹Muchenjira, mwambeni mwenye iyo nyumba, 'Mwalimu wauza, "Chumba cha ajeni chihiko, namela nirye pasaka na anafunzi angu?"¹²Andamvaonyesa chumba chelamu cha dzulu. Hendani matayarisho kuko." ¹³Ndiho mvachenda, mvachipata chila chitu chi here mvarivyo ambirwa. Mvachitayarisha chakurya cha pasaka.¹⁴Saa irihofika, achisagela na mitume. ¹⁵Achimvambira, "Nidzitamani sana nirye chakurya cha pasaka namwi kabla niteseke. ¹⁶Maana namvambira, sindarya keheri pasaka mpaka itimire kahi ya ufalume wa Mulungu."¹⁷Jesu achihela chikombe, baada ya kulavya mumvera, achamba, "Helani munwe. ¹⁸Maana namvambira, sindanwa keheri kahi ya chikombe chichi mpaka ufalume wa Mulungu ufike."¹⁹Kisha achihela mukahe, ariho lavya mumvera, achiukatakata, achimvapa, achamba, "Uu ni mwiri wangu, mupewao. Hendani vivi kpwa ukumbusho wangu." ²⁰Achihela chikombe hali iyo baada ya chakurya cha dziloni, achamba, "Chikombe chichi ni melagano masha kahi za mulatso wangu, ambayo yemwagwa kpwa ajili yenu.²¹Ela kelani makini. Mukono wa yuya musaliti wangu u hamwenga nami haha mezani. ²²Maana Mwana wa Adamu wenenda here irivyo pangwa. Ela, olewe iye ariye kuchirira kpwakpwe andasalitiwa!" ²³Mvachanza kuuzana enye kpwa enye nani kahi yao waweza kukala ndiye musaliti.²⁴Hachizuka magombano kahi yao kuhusu ni ani andekela mubomu wa anzie. ²⁵Achimvambira, "Afalume a mataifa ndio mabwana ao, na enye mamulaka dzulu yao nikpwehewa ahendi a madzo.²⁶Ela isikale vivyo kahi yenu. Badelaye, richani ye mubomu kahi yenu akale here ndiye mutite na alongozaye akale here ndiye ahumikiraye anzie. ²⁷Maana ariye mubomu ni hiye, asagelaye mezani ama amuuandaliraye? Je, si iye asagelaye mezani? Ela, ni mumwenga wenu here mutumishi.²⁸Ela ninwi mukela nami kahi za majezo. ²⁹Namvaika dzulu ya ufalume, here Paba arivyo nika mimi dzulu ya ufalume, ³⁰ili namwi muweze kurya na kunwa meza mwenga nami kahi za ufalume wangu, na musagalire vihi vya hukumu ya kabila kumi na mbiri za Iziraeli.³¹"Simioni, Simioni, manya, shetani yuvoya ruhusa akuhehete here muhama. ³²Ela nidzikuvoyera, kpwamba imaniyo ikale thabiti. Baada ya kuuyira imaniyo, mvenjize moyo nduguzo."³³Petero achimwamba, "Bwana, ni tayari kpwenda nawe jela hata kufa." ³⁴Jesu achimujibu, "Nakpwambira, Petero, jimbi karindaika rero ii, kabla kudza nikana mara tahu chikala kunimanya."³⁵Jesu achimvambira, "Niriho mvahuma bila mapochi ga pesa, chakurya, ama virahu, je, mwehungukirwa ni chochosi?" Mvachijibu, "Kahukosere chitu." ³⁶Ndiho achimvambira, "Ela sasa, mwenye pochi, na atsukule, hamwenga na chakurya. Ariye kana chifyu, na akuze nguoze agule.³⁷Maana namvambira, chila ririro andikpwa dzulu yangu ni lazima ritimire, 'Wetalwa hamwenga na avunzaji sheria.' Maana chila chitabiriwacho kunihusu chatimira." ³⁸Ndiho mvachamba, "Bwana, lola huna vifwu viiri haha." Achimvambira, "Vyatosha."³⁹Jesu wekpwenda, here kawaidaye, dzulu ya murima wa mizeituni, nao anafunzie mvachimutua. ⁴⁰Mvarihofika, achimvamba, "Voyani ili musenjire kahi za majezo."⁴¹Achimvaukira achidzitenga kanda vichache, achipiga mavindi achimvoya, ⁴²achamba, "Paba, chikala ni mahenzogo, nusira chikombe chichi. Ela, si kpwa kuhenza kpwangu, ikale ni kuhenzako."⁴³Ndiho melaika kula mulunguni achimombolera, achimwenjiza nguvu. ⁴⁴kpwa kuhuzunika, achivoya zaidi, jashore richikela here mulatso richitiririka mutsangani.⁴⁵Ariho rungarara kula kpwa mavoyo, achuya mvarihokela anafunzie achimvapata mvarere kpwa sababu ya huzuni mvariokela nayo. ⁴⁶achimvauza, "Mbona murere? Lamukani muvoye, ili musenjire kahi za majezo."⁴⁷Bado yuchere kunena, kundi ra atu richombolera, hamwenga na Judasi, mumwenga kahi ya o kumi na airi, achimvalongoza. Achimusengerera Jesu achimu busu, ⁴⁸ela Jesu achimuza, "Judasi, wamusaliti Mwana wa Adamu, kpwa busu?"⁴⁹Mvariho ona vivyo, mvariokela na Jesu mvachimuuza, "Bwana, huhumire vifwu?" ⁵⁰Ndiho mumwenga wao achimukata mutumishi mumwenga wa kuhani mubomu sikiro ra mukono kulume. ⁵¹Jesu achamba, "Iyo yatosha!" Achimuguta sikirore, achimuhoza.⁵²Jesu achimvambira makuhani abomu, manahodha kahi ya hekalu, na vilongozi mvario mugalukira, "Je, mwadza na mapanga na marungu here mwadza gwira mwevi? ⁵³Nirihokela namwi chila siku hekaluni, kamunigutire. Ela sasa ni wakati wenu, na nguvu za chiza."⁵⁴Mvariho mugwira, mvachimulongoza nyumbani kpwa kuhani mubomu. Ela Petero achimvatua kpwa hatua. ⁵⁵Baada ya kpwasha moho kahikahi ya mahakama, mvesagela tsi osi, Petero achikela kahi yao.⁵⁶Chijakazi mumwenga achimona arihokela naye wasagela ho mohoni, achimulola usoni achamba, "Yuyu mwanamulume naye wekala hamwenga naye." ⁵⁷Ela Petero achikana, achamba, "Mwanamuche, mino simumanya yuyatu." ⁵⁸Baada ya muda mufuhi, muwenga keheri achimona, achimwamba, "Uwe nawe u mumwenga wao." Ela Petero achimwamba, "We Bwana, mino simumwenga wao."⁵⁹Baada ya here risaa rimwenga, munjine naye achisistiza achamba, "Ujeri yuyu bwana wekala hamwenga naye, maana ta nimugalilaya." ⁶⁰Ela Petero achimwamba "Bwana, hata simanya wanena kuhusu noni." Haho kpwa haho, jimbi richiika.⁶¹Ariho galuka, Bwana achimulola Petero, naye achigakumbuka maneno ga Bwana, ariho mwambira, "Kabla jimbi kuika rero undakela udzinikana mara tahu." ⁶²Petero achombola nze achenda rira kpwa utsungu.⁶³Ndiho atu mvariokela mvadzimuzuiliya Jesu, mvachimutseka na kumupiga. ⁶⁴Mvachimufunga chizuzu kisha mvachimuza, mvachamba "Tabiri! Adziye kupiga nani?" ⁶⁵Mvachinena manji mai kuhusu Jesu, ga kumu kufuru.⁶⁶Kurihocha, vilongozi a atu mvachikusanyika hamwenga, abomu a makuhani na aandishi pia. Mvachimulongoza kpwa mahachimu ⁶⁷mvachamba, "Kela ndiwe uriye Masihi, hwambire," Ela achimvamba, "Nichimvambira, kamunda amini, ⁶⁸na nichimvauza, kamundajibu.⁶⁹Ela kula dakika ii, Mwana wa Adamu andasagela mukono wa kulume kahi za nguvu za Mulungu." ⁷⁰Mvosi mvachuza, "kpwa vivyo u Mwana wa Mulungu?" Jesu achimvamba, "Mwamba ndimi." ⁷¹Mvachamba, "Sasa vino bado hwahitaji shahidi? Samba hudzigasikira enye kula kpwa mulumowe."

Chapter 23

¹Mukutano wosi weema, mvachimuhirika Jesu mbere za pilato. ²Mvachanza kumusingizira kpwakugomba, " Hudzimona mutu yuyu achangamiza taifa rehu, kpwa kumvakahaza mvasilavye kodi kpwa Kaisari, na wegomba kukala iye ni Masihi, Mufalume."³Pilato achimuza ,achigomba," Je we ndiwe mufalume wa Ayahudi?" Jesu achimujibu na achimwamba, " Uwe ndiwe wambaye vivyo." ⁴Pilato achimwambira Kuhani mubomu na makutano, "Sona kosa kpwa mutu yuyu." ⁵ela vavo vachisisitiza, vachamba, " Adzikela achiapambaniza atu, achiafundisha kosini Judea, kpwanzira Galilaya na hata pia haha."⁶Pilato ariho gasikira gago,achuza chikala mutu yuyu nimgalilaya. ⁷Arihogundua kukala wekala tsini ya uongozi wa Herode, achimuhirika Jesu kpwa Herode, ariyewekela Jerusalemu siku zizo.⁸Herode arihomona Jesu, wehamirwa sana, kpwa sababu wekala yudzihenza kumona kpwa muda mure sana. Wesikira habarize na wetamani kona ishara zichihendwa ni iye. ⁹Herode wemuhoji Jesu kpwa maneno manji lakin Jesu khamujibire chochosi. ¹⁰Makuhani abomu hamwenga na aandishi achiema kpwa ukali achimushutumu vikali.¹¹Herode hamwenga na askari ee mvemudhaarau Jesu na kumuhukana.elafu mvachimuvika mavazi madzo na kumudzya kpwa Pilato. ¹²Herode na Pilato mvachikela asena siku naiyo kpwakukela kabula haho mvekela mahadui.¹³Pilato achiaeha hamwenga Makuhani abomu na atawela na kundi ra atu. ¹⁴Na achiambira, " Mudzinirehera mwanamulume yuyu here mwanamulume apotoshaye atu na mwona mimi nimuhojivyo mbere yenu, neona khana makosa kuhusiana na mashitaka ge.¹⁵Khahana, wela Herode, kpwakukela yumudzya kpwehu na khona, sonere chochosi aricho chihenda chakumhukumu chifo. ¹⁶Nindamwadhibu na nimurichire. ¹⁷(Vivi, Pilato welazimika kurichira mufungwa mumwenga kpwa Ayahudi wakati wa sikukuu.)¹⁸Ela mvachirira mvosi hamwenga, mvachamba, " Muuse iye na hufugulire Baraba!" ¹⁹Baraba wekala yufungwa kpwasababu ya maasi fulani kahiza dzidzi na kpwa kuolaga.²⁰Pilato achiambira keheri, achitamani kumurichira Jesu. ²¹Ela mvachipiga kululu, na kpwamba "Musulubisheni, musulubisheni." ²²Achivambira kpwa mara ya hahu, " Nikpwanoni, kpwani yuhenda baya rani? Sidzaona ubaya wowosi wakusababisha ta apate adhabu ya chifo. kpwavivyo nindiho marikiza kumuadhibu, nindamurichira."²³Ela mvachisisitiza kpwa sauti ya dzulu, mvachihenza asulubishwe. Sauti zao zichimuridhisha Pilato. ²⁴Ndo Pilato achamua kuvapatira kulingana na mahenzo gao. ²⁵Achimurichira yuyatu mvamumelaye arichirwe kulaa jela ariyekela yufungwa kpwa kosa ra kolaga namaasi ela achimurichira Jesu kpwao kulingana na mahenzo gao.²⁶Mvarihokela mvamhirika, mvachimugwira mutu mumwenga ehewaye Simoni wa Mukurene, aombolaye kulaa kpwa intsi iyo, na mvachimubebesha muselaba kumutuizira Jesu.²⁷Kundi bomu ra atu na anaache ahuzunika na kuomboleza kpwa ajili ye mvachimutua, mvachimutua. ²⁸Ela achiagalukira, Jesu achamba, " Ana achiche a Jerusalemu, musiniririre mimi, ela ririrani nafusi zenu na anaenu.²⁹Lolani, siku zadza ambazo mvandanena, ' Ebarikiwa ario tasa na tumbo zisizovyela, na mahombo gasigo amwiwa.' ³⁰Ndiho mvandambira mirima,' Hugwerere,' na kpwa virima, ' Hufunike.' ³¹kpwakukela mvachihenda gaga wakati muhi uchijani, vindakeladze uchikela udzoma?"³²Anaalume anjine, eri ahuni, mvachilongozwa hamwenga naye mvakaolagwe.³³Mvariho kudza hatu hehewaho "Fuvu ra chitswa," haho ndiho mvariho msulubisha hamwenga na ahalifu - mumwenga upande wa kulume na munjine upande wa kumotso. ³⁴Jesu achamba, " Paba, mvasamehe, maana khavamanya vahendaro." Mvachipiga kura nakugavya mavazi ge.³⁵Atu mvachema mvachilola kuno atawela mvachimudhihachi, mvachamba, " Weokola anjine. naadzokole, chikala jeri ndiye masihi wa Mulungu, mutsagulwa."³⁶Askari nao emudharau , vachimusongerera, vachimupa sichi, ³⁷na vachamba, " chikala umufalume wa Ayahudi, dziokole." ³⁸kpwekela na ishara dzulu ye, " Yuyu ndiye Mufalume wa Ayahudi."³⁹Mumwenga wa aratu ahuni wemuhukana achamba, " We siwe Masihi? dzokole na uhokole nasi." ⁴⁰Ela munjine achimuchemera munziwe achamba, " Khumogoha Mulungu, na hata ukpwenye mashtaka sawa? ⁴¹Sisi huhaha kpwa hachi, maana hwahochera chihupasacho kulingana na mahendo gehu. Ela yuyu mwanamulume kahendere kosa rohosi"⁴²Ndiho achamba, " Jesu nikumbukira nami uchuya kpwa ufalume wo." ⁴³Jesu achimwamba, " Ujeri nakpwambira, rero undakela nami Paradiso."⁴⁴Yakaribia saa tandahu, chiza chichitanda aridhini kosi hata saa chenda ⁴⁵Dzua richibadilika chiza. Ndiho pazia ra hekalu richigavika mara mbiri.⁴⁶Achirira kpwa sauti ya dzulu, Jesu Achamba, " Paba, mikononi mwako nayika roho yangu." Arihonena gago achifa. ⁴⁷Wakati Akida arihoona garigo hendeka, achimukutukuza Mulungu, achamba, " hachika yuyu wekala mwanamulume mwenye Hachi."⁴⁸Wakati makutano ga atu mvariokudza hamwenga kushuhudia, arihoona mambo gadzigohendeka, euya kuno adzipiga vifua vyao. ⁴⁹Ela ao osi ariomumanya naanaache ariomutua kulaa Galilaya, mveema kulaa kure, mvachilola gaga mambo.⁵⁰Lola, kpwekela na mwanamulume ehewaye Yusufu, ariyekela nimumwenga wa baraza.wekela mudzo na mwenye hachi. ⁵¹Mwanamulume yuyu wekala khakubaliana na mipangilio yao na mahendo. wekala yula Armathaya, mudzi wachiyahudi, ambaho wekala walolera ufalume wa Mulungu.⁵²Mwanamulume yuyu, wemusongereraya Pilato, kuuzira mwiri wa Jesu. ⁵³Weutimisha na kuuvisha sanza ya thamani, nakuwika mbirani iriyotsongwa kulaa kpwa dziwe, ambaro kharidzazikirwa mutu munjine.⁵⁴Yekela siku ya matayarisho, na sabato yekela yakaribia kpwanza. ⁵⁵Anaache ariokudza na Jesu kulaa Galilaya emutua , na mvachona yo mbira na mwiri urivyo lazwa. ⁵⁶Mveuya na kutayarisha manukhato na marashi. Ndiho siku ya sabato mvachoya dzahere irivyoamuriwa chisheria.

Chapter 24

¹Mapema sana siku ya kpwanza ya juma, ekpwenda mbirani, kuhurika manukhato ambago mvekela mvadzigatayarisha. ²Mverona dziwe ridzibingirishwa kure na mbira. ³Mvachenjira ndani, ela khavaonere mwiri wa Bwana Jesu.⁴Yeombolera kukela, kuno mvatsanganyikirwa dzulu ya gaga, mara iyo, atu aeri mveema kahi khai yao adzivela mavazi ga khung'ela. ⁵Kuno anaache ekelaadzidzalwa ni woga achizamisha nyuso zao tsini, mvachambira anaache, "kpwanoni mwatafuta ariye moyomyongoni mwa ariofa?⁶Khaho haha, ela adzifufuka! kumbukirani arivyogomba namwi arihokela achere Galilaya, ⁷Achamba mwana wa Adamu lazima aombozwe kpwenye mikono ya atu enye dambi naasulubishwe, na siku ya hahu, afufuke keheri."⁸Mvaratu anaache achigakumbuka maneno ge. ⁹Na mvachuya kulaako mbirani na achiambira maneno gaga gosi aratu kumi na mumwenga osi. ¹⁰Sasa Mary Magdalena, Joana, Maria mameye Yakobo, na anaache anjine hamwenga nao achiomboza habari zizi kpwa mitume.¹¹Ela habari zizizeonekana here matani tu kpwaao mitume, na khamvaaminire ao anaache. ¹²Hata vivyo Petero weenuka na achichimbira achielekea kuko mbirani, na achiuka achenda nyumbani kpwakpwe, hali achishangaa ni noni ambacho chidziombolera.¹³Na lola, eri myongoni mwao akela achenda siku iyoiyo kahiza chijiji chimwenga chehewacho Emmau, ambacho chekela maili mirongo mihandahu (sitini) kulaa Jerusalemu. ¹⁴Achenda achisumurira ao kpwa ao kuhusu mambo gosi garigo ombolera.¹⁵Ichiombolera kpwamba, wakati ariho chikala achisumurira na kuuzana maswali, Jesu achiasongerera hehi achigwirana nao. ¹⁶Ela matso gao gachizuliwa kumumanya.¹⁷Jesu achiambira, "Ninoni ambacho mwino eri mwachisumurira wakati mwatsembera?" Acheema haratu achionekana ana huzuni. ¹⁸Mumwenga wao, dzinare Cleopa, achijibu, "Je we ndiwe mutu hacheye haha Jerusalemu ambaye kumanya mambo garigo ombola kuku siku zizi?"¹⁹Jesu achiambira," Mambo higo?" Achimujibu, "Mambo kuhusu Jesu Munazareti, ambaye wekala nabii, muweza kahiza mahendo na maneno mbere za Mulungu na atu osi, ²⁰Na kpwa jinsi ambavyo abomu a makuhani na viongozi ehu arivyomomboza kuhukumiwa chifo na kusulubishwa.²¹Ela hwetumaini chikala iye ndiye andeaika huru Israeli. Ndiyo kure na gaga gosi, sasa ni siku ya hahu hangu mambo gaga gaombole.²²Ela pia, baadhi ya anaache kula kahi ya kundi rehu ehushangaza, baada ya kula ko nbirani na madzacha ga mapema. ²³Mvariho ukosa nwiri we, achidza gomba chikala eona pia maono ga melaika ario gomba chikala yu moyo. ²⁴Baadhi ya anaalume ambao ekela hamwenga nasi eenda mbirani na achikuta ni here viratu anaache arivyonena. Ela khamvamuwene iye.²⁵Jesu achimvambira, "Ninwi atu ajinga na enye myoyo miziho ya kuamini gosi ambago manabii arigonena! ²⁶Je kaikalire lazima Jesu kuteseka kpwa mambo gaga, na kpwenjira kahiza utukufu we?" ²⁷Ndiho mwanzoni kulaa kpwa Musa na manabii osi, Jesu achiatafusiria mambo gamuhusugo iye kahiza maandiko gosi.²⁸Mvarihochikaribia chira chijiji, aricho chikala mvaenda, Jesu achihenda here wa enderera mbere. ²⁹Ela achimulazimisha, achigomba, "Kela hamwenga nasi, maana yaelekea dziloni na siku ni here isira." Vivyo Jesu achienjira kpwenda kukala nao.³⁰Yeombolera chikala wakati adzisagela nao kuhumira kuhumira chakurya, wehela mukahe, achiumega, achiapa. ³¹Kisha matso gao gachifuguka, achimumanya, na achiangamika gafula mbere ya matso gao. ³²Mvachigombezana ao kpwa ao, " vino mioyo yehu kaiwezere kpwaka ndani mwehu, wakati arihosumurira nasi njirani, wakati arihohufunurira maandiko?"³³Mveema wakati uwo uwo navachiuya Jerusalemu. Mvachiaona ara kumi na mumwenga adzikusanyika hamwenga na aratu ariokela hamwenga nao, ³⁴Mvachiamba, " Bwana yufufuka jeri, na yumombolera Simon." ³⁵Ndiho achiambira mambo gadzigoaombolera njirani, na namuna Jesu adzivyodzionyesa kpwao kahiza kuumega mukahe,³⁶Wakati mvarihokela mvachinena gago, Jesu mwenye achema kahi kahi yao na achimvamba, " Amani naikale namwi." ³⁷Ela mveogoha na kpwenjirwa ni woga, na achifikiri chikala adzona roho.³⁸Jesu achimvambira, " Mbone mwanonera shaka? mbone maswali gavadzira myoyoni mwenu? ³⁹lolani mikononi mwangu na maguluni mwangu chikala ni mimi mwenye. Nigutani na mwone. kpwakukela roho khaina nyama na mifupa, here munonavyo." ⁴⁰Arihomarikiza kugagomba gago, achionyesa mikono na magulu ge.⁴¹Mvariho chikala khavadzaamini kpwasababu ya furaha iriyotsanganyika na kustaajabu, Jesu achiambira, "Je muna chitu chochosi cha kurya?" ⁴²Mvachimupa chipande cha samaki wa kochwa, ⁴³na achihela achirya mbere yao.⁴⁴Achimvamba, " Gaga ni maneno gangu nirigo mvambira nirihokela namwi, kpwamba gosi gaga geandikpwa kahi za sheria za Musa, manabii na Zaburi kpwamba gandahendeka."⁴⁵Ndiho achimvafugula akili zao, ili mvaelewe maandiko. ⁴⁶Achimvambira, " chikala idzandikpwa, Masihi lazima ateseke, na kufufuka keheri kula kpwa afu baada ya siku ya hahu. ⁴⁷Toba na Msamaha wa dambi ihubiriwe kpwa dzinare kpwa mataifa gosi, kuanzira Jerusalemu.⁴⁸ninwi mumashahidi a gaga mambo. ⁴⁹Lolani, namvahuma genye Paba weahidi. Ela bakini kpwenye jiji riri mupaka mundihovishwa mavazi ga nguvu kulaa dzulu."⁵⁰Ndiho Jesu achimvalomgoza mupaka hehi na Bethania. Achienula mikono ye dzulu, na achiabariki. ⁵¹Ichiombolera kela, wakati arihokela achiabariki, wearicha na achienulwa dzulu kpwelekea Mulunguni.⁵²Mwisho achimwabudu, na achuya Jerusalemu na furaha bomu. ⁵³Eenderera kukala hekaluni, achimusifu Mulungu.

John

Chapter 1

¹Haho mwanzo kpwekalana neno, naye neno wekalahamwenga na Mulungu, na iye neno wekalaMulungu. ²Iye, neno wekalahamwenga na Mulungu. ³Vitu vyosi vyekalavyahendeka kuchirira iye, na hasiho iye khakuna hata chitu chimwenga chirichohendeka.⁴Ndaniye kpwekalauzima, na uo uzima wekalamulongaza wa anadamu osi. ⁵Mulangaza welumika chizani, ela chiza khachiushindire.⁶kpwe na mutu ariyehumwa kpwa Mulungu dzinare Johana. ⁷Wekudza here shahidi kushuhudia kuhusu uo mulangaza, ili kukalaosi aweze kpwamini kuchirira iye. ⁸Johana khakalire uo mulangaza, ela wekudza ili ashuhudie kuhusu wo mulangaza.⁹Iye ariye mulangaza wa jeri na ariye nikuapa anadamu osi mulangaza wekalawadza duniani.¹⁰Wekudza duniani, na dunia yeumbwa kuchirira iye, ala dunia khaimumanyire. ¹¹Wekudza kpwa atue, na atue khamvamuhocherere.¹²Ela kpwa ao osi ariomuhochera, mvarioamini dzinare, weapa uwezo wakuhendeka ana a Mulungu. ¹³Aa evyalwa, si kpwa milatso, au kpwa mahenzo ga mwiri, wala kpwa mahenzo ga mutu, aa kpwa Mulungu mwenye.¹⁴Neno wehendeka mwiri na kuishi kahi yehu. hudzona utukufu we, utukufu here wa iye ariyekudza kalakpwa paba, wekalaadzodzala neema ya jeri. ¹⁵Johana weshughudia kumuhusu, na achikpweza sauti achamba, "Yuyu ndiye niriyegomba habarize, adzaye baada ya mimi ni mubomu kuriko mimi, kpwa kukalawekalako kabila yangu.¹⁶kpwa kukalakula kahi za utimilifu wa siswi hosi hudzihochera neema. ¹⁷kpwekukalatorati yerehwa kuchirira Musa. Neema na jeri vyekudza kuchirira Jesu Masihi. ¹⁸Khakuna mwanadamu yoyosi ariyewahi kumena Mulungu wakatiwowosi. Mulungu mwana hacheye, ariye kahi za upande wa paba, adzimuhenda iye amanyikane.¹⁹Na uo ndio ushuhuda wa Johana wakati makuhani na alawi ariohumwa kpwakpwe na ayahudi kumuza, "We ni iye?" ²⁰Naye wekiri, wala kakanizire, ala weungama, Mimi si Masihi." ²¹kpwa vivyo achimuza, "kpwa vivyo we uani sasa?"We u Eliya? Achamba, "Mimi simi."Achamba, We unabii"Apana.²²chisha achimwambira, "We uani, ili kukalahuape jibu adzio huhuma?"Wadzishuhudiadze mwenye?" ²³Achamba, "Mimi ni sautiye ariraye nyikani: inyosheni njira ya Bwana, here nabii Isaya arivyo gomba.²⁴Sasa kpwekalana atu adzihumwa haho kalakulaa kpwa mafarisayo. Achimuza na kpwamba ²⁵kpwa noni wabatiza be chikalakumasihi wala Eliya wala nabii?"²⁶Johana weajibu achamba, "Nabatiza kpwa madzi hata vivyo, miongoni mwenu waema mutu msiyemutambua. ²⁷Yuyu ndiye adzaye badala yangu. Mimi sistahili kulegeza kambaa za virahuvye." ²⁸Mambo gaga gehendeka kuko Bethania, ng'ambo ya Jordani, hatu ambaho Johana wekalaachibatiza.²⁹Siku iriyotuira Johana wemona Jesu achidza kpwakpwe achamba, "Lola mwanang'zi wa Mulungu aihalaye dambi ya urimwengu! ³⁰Yuyu ndiye niriyenena habarize, "Iye adzaye nyuma yangu ni mubomu kuriko mimi, kpwa kukalakabila yangu' ³¹Simutambuire iye, ala vyehendeka vivyo ili kukalaafunulwe kahi ya Israeli, ndiho nichidza nichibatiza kpwa madzi.³²Johana weshuhudia, neona roho achitima kula Mulunguni mufano wa gia na wesala dzuluye. ³³Mimi simutambuire ala iye wenitambua ili ni batize kpwa madzi wenambira, yuya ariye undaona roho achitima na kukaladzuluye, iye ndiye abatizaye kpwa roho mutakatifu.' ³⁴Nidzona na nidzishughudia kukalani mwana wa Mulungu."³⁵chisha siku iriyotua Johana wekalaadzema hamwenga na anafunzie eri. ³⁶Emona Jesu achitsembera na Johana achamba, "Lola, Mwana ng'onzi wa Mulungu."³⁷Anafunzi eri achimusikira Johana achinena gaga mvachimutua Jesu. ³⁸Haho Jesu wegaluka na kuaona anafunzi achimutua na achiauza, "Mwamala noni?"Achijibu "Rabi,"(maanaye "mwalimu") waishihi ? ³⁹Achamba, "Nzoni mone"chisha achenda na kona hatu arihokalaachiishi, ekalahamwenga naye siku iyo, kpwa kukalayekalahere saa kumi vivi.⁴⁰Mumwenga wa aratu eri wemusikira Johana achigomba na chisha kumutua Jesu wekalani Andrea, nduguye Simoni Petero. ⁴¹Achimona nduguye Simoni na achimwambira, "Hudzimupata Masihi."(ambayo ya tafsiriwa Masihi ). ⁴²Achimureha kpwa Jesu. Jesu achinulola na kpwamba, "Uwe u Simoni wa Johana"undeehewa Kefa,"( kpwa here ye "Petero")⁴³Siku iriyotuira wakati Jesu arihomala kuka kpwenda Galilaya, wemupata Filipo na achimwambira, "Nitua mimi." ⁴⁴Filipo wekalani mwenyeji wa Bethsaida, Mudzi wa Adrea na Petero. ⁴⁵Filipo wemupata Nathanieli na kumwambira, hudzimupata iye ariye Musa weandika habarize katika sheria na manabii. Jesu mwana wa Yusufu, kula Nazareti.⁴⁶Nathanieli achimwambira, "Je chitu chidzo chaweza kombola Nazareti?"Filipo achimwamba "achimwambiraa, nzo na wone ⁴⁷Jesu achimona Nathanieli achidza kpwakpwe na achamba, "' Lola, Muisraeli kamili asiye na ulongo ndaniye." ⁴⁸Nthanieli achimwambira, "wanifahamudze mino?"Jesu achijibu na kumwambira, "Kabila Filipo khadzangwe kukpweha urihokalatsini ya mihi, nidzikona.⁴⁹Nathanieli achijibu, "Rabi uwe umwana wa Mulungu! uwe mufalume wa Isiraeli!" ⁵⁰Jesu achijibu achimwambira, kpwa kukalanidzikpwambira nekona tsini ya muhi Je waamini? undaona mahendo mabomu kuriko gaga." ⁵¹Jesu achamba, "Amini, Amini naambira mundazona mbingu zichifuguka, na kuaona malaika achikpwera na kutima dzulu ya mwana wa Adamu."

Chapter 2

¹Siku tahu baadaye, kpwekalana harusi kuko kana ya Galilaya, na mameye Jesu wekalako. ²Jesu na anafunzie ekalaadzalikpwa harusini.³Wakati mvarihosirirwa ni divai, mameye Jesu achimwamba, "Kahana divai." ⁴Jesu achijibu, "Mwanamuche kpwanoni wanidzira mimi? Muda wangu mimi kaudzangwe kulimire." ⁵Mameye achiambira atumishi, "chochosi andichoambira hendani."⁶Sasa kpwekalana mitungi sita ya mawe haho iriyoikpwa kpwa ajili ya koga mikono katika sikukuu za Ayahudi, chila mumwenga wekalana ujazo wa nzio mbiri tahu. ⁷Jesu achimvambira, "Otsazani madzi fuko za mawe,"Achatsaza hadi dzulu. ⁸chisha achiambira aratu atumishi "Halani chasi sasa na mumuhirikire muhudumu mubomu wa meza."Achihenda here arivyolakizwa.⁹Muhudumu mubomu wegatata garatu madzi garigokalagadzigaluzwa na kukaladivai, ala kamanyire gadzikoombola (ala, atumishi ariogareha emanya galako). chisha achimweha bwana harusi ¹⁰Nakumwambira, "Chila mumwenga nikpwanza kuahudumia atu divai mbii na achikalaadzirea ni kuapa divai mbidzo hadi sasa."¹¹Ishara ii ya kpwanza Jesu wehenda khana ya Galilaya, na Jesu achifunula utukufuwe, vivyo anafunzie achimwamini¹²Baada ya gaga, Jesu, mameye, nduguze na anafunzie ekpwenda kahi za mudzi wa Kapernaum na achikalakuko kpwa siku chache.¹³Sasa pasaka ya ayahudi yekalaidzikaribiaa, kpwa vivyo Jesu achenda Jerusalemu. ¹⁴Achona akuzaji a ng'ombe, ng'onzi na magia ndani ya hekalu, na abadilishaji fedha ekalaadzisagala ndani ya hekalu.¹⁵Jesu achitengeza mujeledi wenye vifundo, achiomboza josi ekalamo katika hekalu, ichijumulisha ng'ombe na ng'onzi. Achimwaga fedha za abadilishao fedha na kuzipendua meza zao. ¹⁶kpwa akuzaji a magia gachichimbira, "Omboza ni vitu vivi kare na hatu haha, richani kuhenda nyumba ya Paba yangu kukalahatu ha soko."¹⁷Anafunzie achikumbukira kukalayeandikpwa, "Wivu wa nyumbayo undanirya." ¹⁸Akuu a Ayahudi achijibu, achimwambira, ni ishara hiyo undiyoyonyesa kpwa kukalawahenda mambo gaga?" ¹⁹Jesu achijibu, "Ribomoleni hekalu riri nami nindarijenga baada ya siku tahu."²⁰chisha abomu a Ayahudi achamba, "Hekalu riri rejengwa kpwa miaka mirongo mine na tandahu, na undarijenga kpwa siku tahu?" ²¹Idzaho, iye wegomba hekalu achimaanisha mwiriwe. ²²Vivyo baadaye baada ya kufufuka kpwakpwe kula kpwa afu anafunzie achikumbukira kukalawegomba vivyo, achiamini maandiko na kauli ii iriyo Jesu wekalaadziambira kare.²³Sasa arihokalaJerusalemu wakati wa usiku wa pasaka, atuanji eamini dzinare, arihoona ishara ya miujiza ariyoihenda. ²⁴ala Jesu khakalire na imani nao kpwa kukalaweamanya anadamu. ²⁵kpwa kukalakhahitajire mutu yoyosi kumushuhudira dzulu yamwana damu, maanaye wemanya ririromo mwa mwanadamu.

Chapter 3

¹Sasa kpwekalana mfarisayo mumwenga dzinare Nkodemo, na chilongozi wa chiyahudi. ²Mutu yuyu wemudzira Jesu wakati wa usiku na kumwambira, "Rabi hwamanya uwe umwalimu alaye kpwa Mulungu kpwahere khakuna mutu yoyosi awezaye kuhenda ishara zizi uzihendazo isihokalaMulungu yu hamwenga naye"³Jesu achimujibu, "Amini, amini, mutukhaweza kpwenjira katika ufalume wa Mulungu asihovyalwa mara ya hiri." ⁴Nikodemo achamba, "Mutu wawezadze kuvyalwa achikalamutumia? kaweza kpwenjira tumboni mwa mameye mara ya hiri na kuvyalwa, je waweza?"⁵Jesu achijibu, "Amini, amini mutu asihovyalwa kpwa madzi na kpwa roho, khaweza kpwenjira katika ufalume wa Mulungu. ⁶Chiricho vyalwa kpwamwiri ni mwiri, na chiricho vyalwa ni Roho ni roho.⁷Usangalazike kpwa kukalanakpwambira, 'Lazima uvyalwe mara ya hiri.' ⁸Peho ni kuvuma hohosi ihenzaho na sauti ye mwaisikira, ala kamumanya ulako wala yendako. Ndivyo irivyo hali ya chila ariyevywalwa na Roho."⁹Nikodemo achijibu, kpwamba, "Mambo gano gawezekanadze?" ¹⁰Jesu achijibu, "Uwe u mwalimu wa Israeli, ala kumanya mambo gaga? ¹¹Amini, amini, nakpwambira, hwagomba chira huchimanyacho na hwachishuhudia chira hudzichochona ela kamuhochera ushuhuda wehu.¹²Chikalanidziambira mambo ga haha duniani na khamwamini, mundawezadze kpwamini chikalanindaambira mambo ga Mulunguni? ¹³Khakuna adziyeweza kupaa kpwenjira Mulunguni isihokalaiye atimaye kulaa mulunguni - Mwana wa mwanamulume.¹⁴Here vira Musa arivyomwenula nyoka kuka jangwani,vivyo ndivyomwana wa Adamu lazima aenulwe. ¹⁵Ili kukala osi andiomwamini apate uzima wa kare na kare.¹⁶kpwakukalaMulungu weuhenza urimwengu, hata achimomboza mwanawe wa hacheye, ili kukalamutu yoyosi amwaminiye asiangamike akale na uzima wa kare na kare. ¹⁷kpwakukalaMulungu khamuhumire mwanawe kpwa dunia ili auhukumu urimwengu, ela urimwengu wokolwe kahi za iye. ¹⁸Amwaminiye iye khandahukumiwa iye asiyemwamini tayari adzihukumiwa kpwa kukalakhadzaramini dzina ra mwana hacheye wa Mulungu.¹⁹Chichi ndicho chosa cha hukumu ya kukalamulangaza wekudza urimwenguni, lakini anadamu achihenza chiza muno kuriko mulangaza kpwakukalamahendo gao gekalamai. ²⁰kpwa kukalachila mutu ahendaye mai nikutsukirirwa mulangaza, na khadza kpwa mulangaza, ili mahendoge gasikpwe halamu. ²¹Hata vivyo, iye ahendaye jeri nikudza kpwa mulangazaza ili gaonekane mahendoge gahendwa ni Mulungu."²²Baada ya gaga, Jesu na anafunzie mvachenda mudzi wa Judea. Kuko achihumira wakatiwe nao na achivabaptiza. ²³Sasa Johana naye wekalawabaptiza Ainoni hehi na Salimu kpwa kukalakuna madzi manji kuko. Atu ekalavachidza na ekalavachibaptizwa, ²⁴kpwa kukalaJohana wekalakhadzangwe kufungwa jala.²⁵chisha kpweombola kunenezana kahi za anafunzi a Johana na muyahudi kuhusu shuhuli za utakaso. ²⁶Achenda kpwa Johana achimwambira, "Rabi iye uriyekalanaye ng'ambo ya muho Yorodani, iye uriyeshughudia habarize, lola, wabaptiza na osi enenda amutua."²⁷Johana achimujibu, "Mwana Adamu khaweza kuhochera chochosi isihokalayupewa kulaamulunguni. ²⁸Uwe mwenye waweza kushughudia gaga nidzigonena, 'Simi Masihi,' isihokala, 'Nidzihumwa wabila.'²⁹Bibi harusi niwa Bwana harusi. Sasa msena wa bwana harusi, emaye nikumusikiza, nkufurahia zaidi kpwa kukala ya sauti ya bwana harusi. Vivi, badaye, ni furaha yangu idzihendwa itimire. ³⁰Wapaswa kuzidisha, ila ni lazima nihunguke.³¹Iye alaye dzulu yudzulu zaidi ya osi. alaye urimwenguni yula urimwenguni na wagomba ga urimwenguni. alaye mulunguni yuzidi ya osi. ³²Iye nikushuhudia garatu arigogona na kugasikira, ala khakuna akubaliye shuhudaze. ³³Iye ahocheraye shuhudaze adzihakichisha kukalaMulungu nimujeri.³⁴kpwa kukalaiye ahumwaye ni Mulungu wanena maneno ga Mulungu. kpwa kukalakhalavya roho kpwa chipimo. ³⁵Paba wamuhenza mwana na yumupa gosi kpwenye mikonoye. ³⁶Iye aminiye mwana anamaisha ga milele, ala iye asiye mutii iye mwana khandawona uzima, ala koro za Mulungu nikukaladzuluye.

Chapter 4

¹Sasa Jesu arihomanya kukalaMafarisayo mvasikira kukalaiye yuhenda na kumvabatiza anafunzi anji kuriko Johana ²(Idzaho Jesu mwenye wekalakabatiza, ala anafunzie mvekalamvakabatiza), ³Achuka Judea achenda Galilaya keheri.⁴ala yekalabora achirire Samaria. ⁵Kpwa vivyo achifika mudzi mumwenga wehewao Sikari, iriyo Samaria hehi na sehemu ya panga ario Jakobo wemupa mwanawe Josefu.⁶Chisima cha Jakobo chekalachihaho. Jesu wekalayutsoka na safari achisagala kanda ya chicho chisima. Yekalamuda wa saa sita. ⁷Mwanamuche musamaria achenda ili aheke madzi chisimani, Jesu achimuvoya, "Nipa madzi ninwe." ⁸Kpwa kukalaanafunzie mvekalamvadzenda mudzini kugula chakurya.⁹Ndiho iye mwanamuche musamaria achimuza, "Ikaladze we Muyahudi kunivoya mimi madzi ga kunwa nami ni Musamaria?"Kpwa here Ayahudi kamvatsanganyikana na Asamaria. ¹⁰Jesu achimujibu achimwamba, "Undemanya zawadi ya Mulungu, na nani akpwambiraye, "Nipa madzi,' undekalawamuvoya akakupa madzi ga uzima."¹¹Ye mwanamuche achimwambira, "Bwana, kuna ndoo na chisima chitsini sana. Madzi ga uzima wagapatahi? ¹²Kumubomu uwe here Paba Jakobo, ariyehupa chichi chisima na hata iye mwenye chisha wenwa madzi ga kula chisima chichi, hamwenga na anae na hata mifugoye?"¹³Jesu achijibu achimwambira, "Chila andiyenwa madzi gaga andagwirwa ni chihu keheri, ¹⁴ala anwaye madzi nindigo mupa mimi kandagwirwa ni chihu keheri. Isihokala, madzi nindigo mupa gandakalachemichemi, ibubujikayo uzima wa milele."¹⁵Mwanamuche achimwambira, "Bwana, nipa gago madzi ili nisigwirwe ni chihu keheri nikadza haha chisimani kuheka madzi." ¹⁶Jesu achimwamba, "Enda ukamwehe mulumeo udze naye haha."¹⁷Mwanamuche achimujibu achimwamba, "Sina mulume."Jesu achimujibu, "Unena ujeri, 'Sina mulume,' ¹⁸kpwa kukala ukalana alume atsano, na hata ye uriye naye vivi chisha si mulumeo. Unena ujeri."¹⁹Mwanamuche achimwambira, "Bwana, naona u Nabii. ²⁰Paba zehu mveabudu dzulu ya murima uu, ala we waamba Jerusalemu ndo hatu hwahenzekana huabudu."²¹Jesu achimwambira, "Niamini mimi mwanamuche, wakati undafika ambao kamunda mwabudu Paba dzulu ya murima uu wala Jerusalemu. ²²Mwaabudu musicho chimanya. Hwaabudu humumanyaye, here wokofu u kpwa Ayahudi.²³Hata vivyo, wakati undafika, na uhaha kare, urio aabudu a jeri mvandamwabudu Paba kpwa roho na jeri, kpwa here Paba watafuta atu dza mvamvo mvakale akpwe. ²⁴Mulungu ni Roho, na mvamwabuduo lazima mvamwabudu kahi za roho na ujeri."²⁵Mwanamuche achimwambira, "Namanya kukalaMasihi wadza (Ehewaye Masihi ). Andiho kudza, andahwambira chila chitu." ²⁶Jesu achimwambira, "Ndiye mimi, ninenaye nawe."²⁷Kufikira haho anafunzie mvachidza. Sasa mvachikalamvadzuza, kpwa noni Jesu wekalawasumurira na iye mwanamuche, ala kakuna ariye uza, "Watafutani?"wala "kpwa noni wasumurira naye?"²⁸Ndiho ye mwanamuche achiricha chidzunguche cha madzi, achuya malo mudzini, achimvambira atu, ²⁹Nzoni, mumone mutu adziye nambira chila chitu nirichohenda maishani. Waweza kukalandiye Masihi?" ³⁰Mvachombola malo mudzini mvachimutua.³¹Wakati uo uo, anafunzi mvekalamvamurai Jesu, mvachimwambira, "Mwalimu, arya." ³²ala achimvamba, "Nina chakurya nirye ambacho mwimwi kamuchimanya." ³³Anafunzi mvachiuzana, "Kukale kuna mumwenga adzemupa utu wa kurya?"³⁴Jesu achimvambira, "Chakurya changu ni kuhenda mahenzo ga iye ariye nilakiza na nimarikize kaziye. ³⁵Je kamwamba, 'Kuna miezi minne zaidi itsupe ndo hukpwatye kuvuna?' Namvambira, rungararani mulole yo minda, kpwahere itayari kpwa mavuno! ³⁶Iye avunaye nikuhochera mushahara na kukusanya matunda ga maisha ga milele, ili iye anyalaye na iye avunaye mvakasherehekea hamwenga.³⁷kpwa here kahi ya msemo, 'Mumwenga wanyala, munjine wavuna,' ni ujeri. ³⁸Nemvahuma mukavune ambaho kamunyalire. Anjine mvehenda kazi, namwi mudzenda arya jasho rao."³⁹Anji kahi ya Asamaria mudzini mumo mvachimwamini kpwa kukala ya ujumbe wa ushuhuda wa yuya mwanamuche wa kpwamba, "Adzinambira chila chitu nirichohenda." ⁴⁰Sasa Asamaria mvarihomona, mvachimuvoya akale hamwenga namvo, naye achikalanamvo siku mbiri.⁴¹Anjine anji mvachiamini kpwa nenore. ⁴²Mvachimwambira iye mwanamuche, "Kahwamini keheri kpwa ushuhudaoo, kpwa kukalahudzigasikira enye, na hudzimanya kukalajeri yuyu ndiye Masihi mokoli wa urimwengu."⁴³Baada ya siku zizo mbiri, achikulaa achenda Galilaya. ⁴⁴kpwa kukalaJesu mwenye weika lwazu kukalaNabii kana heshima kahi za ntsi ya kpwakpwe. ⁴⁵Arihofika Galilaya, Agalilaya mvachimukaribisha. Mvekalamvadzigona gosi arigokalaadzigahenda Jerusalemu kpwenye sherehe, kpwa here ao namvo mvekalakahi za sherehe.⁴⁶Sasa, achuya keheri Kana ya Galilaya, ariko galuza madzi kukaladivai. Hekalana mumwenga kahi ya ma afisa a ufalume ariye mwanawe wekalawalumwa kuko Kapernaumu. ⁴⁷Ariho sikira kukalaJesu yukudza Galilaya kula Judea, achimutua Jesu achumuza afike kpwakpwe nyumbani akamuhoze mwanawe wa chilume, ariyekalayuhehi na kufa.⁴⁸Jesu achimwambira, "Isihokalakpwa kona ishara na miujiza, kunda amini." ⁴⁹Ye afisa achimwamba, "Bwana, hinde kabla mwanangu kadzangwe." ⁵⁰Jesu achimwambira, "Enenda. Mwanao ni muzima."Achimwamini maneno arigokalaJesu amwambira, naye achenenda.⁵¹Arihokalawenenda, ahenzi kazi a kpwakpwe, mvachimutua mvachimwambira mwanawe yuhola ni muzima. ⁵²Ndiho achimvauza wakati arihoanza kupata baha. Mvachimujibu, "Dzana saa fungahe, homa remombola."⁵³Ndiho ye Pabaye mwana achikumbukira kukalayekalawakati uo Jesu arihomwambira, "Mwanao ni muzima."kpwa vivyo, iye na nyumbaye osi mvachiamini. ⁵⁴Ii yekalaishara ya hiri Jesu ariyo ihenda ariho ombola Judea kpwenda Galilaya.

Chapter 5

¹Baada ya haho, kpwekalakuna sikukuu ya Ayahudi, Jesu achenda Jerusalemu. ²Sasa Jerusalemu kpwekalana birika kahi za lango ra ng'onzi ririro kalarichehewa kpwa chiryomo cha Chiaramu Bethzatha, naro rina matao matsano. ³Atu anji mvariokalaakongo, vipofu, virema na mvario pooza mvekalamvarere haho. (Mvachizariza madzi gatibuliwe) ⁴kpwa kukalamara kpwa mara kuna malaika wa Mulungu wekalaachifika birikani na kutibula madzi, mukongo andiye enjira birikani wa kpwanza wahochera wehola.⁵Mutu mumwenga wekalahaho ariyekalamukongo kpwa miaka mirongo mihahu na minane. ⁶Jesu ariho mona yurere haho, na baada ya kugundua kukalawekalayudziishi haho miaka minji, achimuza, "Wamala uhole?"⁷Ye mukongo achimujibu, "Bwana, sina mutu wa kunenjiza kahi za birika wakati madzi gatibuliwa. Nichifika, munzangu wenjira kabla mimi." ⁸Jesu achimwamba, "Uka, hala tandikozo, wenende."⁹Haho kpwa haho, achihozwa, achihala tandikoze achenenda. Sasa yekalani siku ya Sabato.¹⁰Ndiho Ayahudi mvachimwambira iye ariye hozwa, "Ni sabato, kuruhusiwa kutsukula chitseka." ¹¹Achimvajibu. "Iye adziyenihoza yunamba, 'Hala chitsekacho wenende."¹²Mvachimuza, "Nani ye adziyekpwambira, 'Hala chitsekacho wenende'?" ¹³ala, iye ariyehozwa wekalakadzangwekumumanya iye ariyemuhoza kpwa kukalaJesu wekalayuhauka chisiri, kpwa here hekalahana kundi bomu hatu haho.¹⁴Kula haho, Jesu achimona ndani ya hekalu achimwambira, "Lola, uhola! Usihende keheri dambi, ili bomu zaidi risikupate." ¹⁵Ye mutu achuka achenda ambira Ayahudi kukalani Jesu ariye muhoza.¹⁶Sasa kpwa kukala ya gago, Ayahudi mvachimutesa Jesu, kpwa kukalawegahenda siku ya sabato. ¹⁷Jesu achimvajibu, "Paba wahenda kazi hata saa ii, na hata mimi chisha ni kazini." ¹⁸kpwa kukala iyo, Ayahudi mvetafuta chila njira mvamolage kpwa kukalakamvunzire sheria za sabato tu, ala pia wemweha Mulungu Pabaye, kudzihenda yusawa na mulungu.¹⁹Jesu achimvajibu, "Ujeri namvambira, Mwana wa Adamu kaweza kuhenda rorosi chivyakpwe, isihokalaaonacho chahendwa ni Pabaye, kpwa kukalavyo aonavyo Pabaye achihenda naye wahenda vivyo. ²⁰kpwa kukalaPaba wamuhenza Mwanawe na wamonyesa chila chitu ahendacho, na andamonyesa manji mabomu zaidi ya gaga ili mwangalazike.²¹Here vyo Paba afufulavyo afadzi na kuapa maisha, vivyo ndivyo Mwana alavyavyo uzima kpwa ahenzaye. ²²kpwa here Paba kahukumu mutu, ala wamupa hukumu yosi kpwa Mwanawe ²³ili chila mutu amuheshimu Mwana jinsi amuheshimuvyo Paba. Asiye muheshimu mwana kamuheshimu pia iye Paba ariye muhuma.²⁴Ujeri namvambira, andiye sikira neno rangu na kumwamini iye ariye nihuma ana uzima wa milele na kandahukumiwa, ala yuvuka kula kpwa wafu mpaka uzimani.²⁵Ujeri namvambira wakati wadza, na ufika, afadzi mvandasikira sauti ya Mwana wa Mulungu, na mvandio sikira mvandaishi.²⁶kpwa kukalavyo arivyo Paba ana uzima ndaniye, ndivyo arivyo mupa Mwanawe ili naye akale na uzima ndaniye, ²⁷na ndivyo Paba arivyo mupa uwezo wa kuhukumu kpwa kukalani Mwana wa Adamu.²⁸Musangalazwe ni gaga, kpwa kukalakuna wakati undadza urio chila mumwenga ariye mbirani andasikira sautiye. ²⁹na mvandaombola: mvariohenda madzo mvandafufulwa mvaishi na mvario henda mai mvandafufulwa mvahukumiwe.³⁰Siweza kuhenda chitu kula kpwa amuri yangu. Here nisikiravyo, nahukumu, na hukumu yangu ni takatifu kpwa kukalasitafuta mahenzo gangu ela ga iye ariyenilakiza. ³¹Chikalanindaomboza ushuhuda kpwa ajili yangu, be undakalaushuhuda wa ulongo. ³²Kuna munjine ashuhudiaye kunihusu, na namanya ushuhuda uwo ni wa ujeri.³³Mudzilakiza kpwa Johana, na yulavya ushuhuda wa ujeri. ³⁴ala ushuhuda urio nauhochera mimi kaula kpwa mudamu. Nanena gaga ili muweze kuokaoka. ³⁵Johana wekalataa iriyo ng'ala, na mwekalaradhi kushangilia kahi za mulangazazawe kpwa muda.³⁶Ushuhuda niriwo nao ni mubomu kuriko wa Johana, kpwa kukala ya kazi ambazo Paba wenipa nizihende, kazi nizihendazo, zashuhudia vyo Paba arivyo nilakiza. ³⁷Paba ariye nilakiza ndiye adziye shuhudia kunihusu. Kamudzangwesikira sautiye wala kumona arivyo. ³⁸Kamuna nenore ridzo sala ndani yenu, kpwa kukalakamumwamini iye ariye mulakiza.³⁹Mwatafuta sana maandiko kpwa kukalamwaona kahi za maandiko ndiho mundapata uzima wa milele, na gago maandiko genye ganishuhudia mimi, ⁴⁰na kamutayari kunitua ili muupate uo uzima.⁴¹Sihochera utukufu kula kpwa anadamu, ⁴²ala namanya kukalakamuna uhenzo wa Mulungu ndanini mwenu.⁴³Nekudza kpwa dzina ra Paba, kamunihocherere. Munjine andekudza kpwa dzinare mwenye, mundemuhochera. ⁴⁴Mundaaminidze, mwino muhocherao utukufu kula kpwa anjine wakati kamushuhulika kutafuta utukufu kula kpwa Mulungu wa hacheye?⁴⁵Musifikiri kukalamimi nindamvashitaki kpwa Paba. Amvashitakiye mwimwi ni Musa, muriye muna matumaini naye. ⁴⁶kalamwemwamini Musa, mundenamini hata mimi, kpwa kukalaweandika kunihusu. ⁴⁷Chikalakamwamini maandikoge, mundaaminidze maneno gangu?"

Chapter 6

¹Bada ya mambo gago, Jesu achihauka achenda ng'ambo ya hiri ya bahari ya Galilaya, dzina rinjine bahari ya Tiberia. ²Kundi bomu ra atu richikalaramutua kpwa kukalamveona miujiza ariyokalaachimvahendera akongo. ³Jesu achambuka dzulu murimani achisagala na anafunzie.⁴(Sasa, pasaka, sikukuu ya Ayahudi, ichikalayaratira.) ⁵Jesu ariho rungarara na kuona kundi bomu ra atu mvachimutua, achimwambira Filipo, "Ni hiko hundiko gula mikahe hukamvarisa atu mvano mvosi?" ⁶(ala Jesu wenena gago tu kumujeza Filipo, kpwa here iye mwenye wemanya ro andirohenda.)⁷Filipo achijibu, "Mikahe chasi cha dinari magana meri ndiyo indiyoweza hanjine chila mumwenga apate chidogo." ⁸Mumwenga kahi za anafunzi, Andrea, nduguye Simioni Petero, achimwambira Jesu, ⁹"Hana chijana haha ariye na mikahe mitsano na samaki airi, ala ni noni kahi ya atu mvano mvosi?"¹⁰Jesu achamba, "Mvasagikeni."Sasa, hekalahana nyasi za kutosha sehemu iyo. kpwa vivyo chila mutu achisagala, kosekoseye mvekalaatu elifu tsano. ¹¹Ndiho Jesu achihala yo mikahe na baada ya kulavya mumvera, achimvapa mvariokalamvasegere. Achihenda vivyo keheri kpwa ara samaki. ¹²Atu mvariho ekuha, achimvambira anafunzie, "Kusanyani masaza gosi, chochosi chisitsuhike."¹³Mvachikusanya masaza gosi mvachipata kahu kumi na mbiri ya masaza kula kpwa yo mikahe mitsano mvariyo gavirwa varye. ¹⁴Atu mvariho ona uo muujiza ario mvahendera, mvachamba, "Jeri yuyu ndiye Nabii ariye wekalaadze urimwenguni." ¹⁵Jesu ariho manya kukalamvamala kudza mugwira chilazima mvamuhende mufalume, achuya dzulu murimani.¹⁶Irihofika dziloni, anafunzie mvachiteremuka baharini. ¹⁷Mvachenjira kahi za mashua, mvachikalamvenenda bahari ya Kapernaumu. Chiza chekalachidzenjira, ¹⁸Wakati uo, chika chiukuzi cha peho chekalachapiga, bahari ichichafuka.¹⁹Baada ya anafunzi kupiga makasia here mirongo miiri na tsano ama mirongo mihahu, mvachimona Jesu wenenda dzulu ya bahari achimvaratira kahi za mashiua yao, nao mvachenjirwa ni woga. ²⁰ala achimvambira, "Ndimi musogoheni." ²¹ndiho mvachimukubalia kpwenjira kahi za mashua, nayo mashua ichifika ufuoni mvarikokalamvenenda.²²Siku iriyo tuira, ro kundi ra atu ririrokalaremire ng'ambo ya hiri ya bahari mvachona kukalamashua iriyokalaidzuka na anafunzie ndiyo mashua hacheye iriyokalahaho, wala Jesu kaihumirire kpwa kukalaanafunzi mveuka hachiyao. ²³Idzaho, kpwekalana mashua zirizo ombola Tiberia hehi na mvariho arya mikahe bada ya Bwana kuivoyera na kulavya mumvera.²⁴Mukutano mvariho gundua kukalaJesu na anafunzie kamvaho, mvachipanda kpwenye mashua zao mvachenda Kapernaumu kumutafuta Jesu. ²⁵Mvariho mupata ng'ambo ya hiri ya bahari, mvachimuza, "Mwalimu, wekudza rini kuno?"²⁶Jesu achimvajibu, achamba, "Jeri namvaambira, mwanitafuta, si kpwa kukala ya kuona miujiza, ala kpwa kukalamwerya mikahe muchekuha. ²⁷Musitsumeni kpwa kutafuta chakurya chibanangikacho, ala tsumani chakurya cha uzima wa milele ambacho Mwana wa Adamu andamvapa, kpwa here Paba Mulungu adzimwikira muhuri.²⁸Ndiho mvachimwambira, "Ni huhendedze ili huhende kazi ya Mulungu?" ²⁹Jesu achijibu chiricho, "Ii ni kazi ya Mulungu: Kukalamumwamini iye ariye humwa."³⁰Ndiho mvachimwambira, "Undahuhendera muujiza wani ili huwone na hukpwamini? Undahuhenderadze? ³¹Paba zehu mverya mana nyikani, here irivyo andikpwa, 'Wemvapa mikahe kula mulunguni mvarye."³²Ndiho Jesu achimvajibu, "Jeri namvaambira, kaikalire Musa ariye mvapa mikahe kula dzulu Mulunguni, ala wekalani Paba amvapaye mikahe ya jeri kula mulunguni. ³³kpwa here mukahe wa Mulungu ni uratu ulao mulunguni na kuupa uzima urimwengu." ³⁴Ndiho mvachimwambira, "Bwana, hupe uo mukahe siku zosi."³⁵Jesu achimvaambira, "Mimi ndimi mukahe wa uzima, adzaye kpwangu kandagwirwa ni nzala, na chila aniaminiye kandagwirwa ni chihu. ³⁶ala nemvambira, mudzinona na kamudza niamini ³⁷Chila nimupewaye ni Paba andanitua, na chila anituaye sindamwinga.³⁸kpwa here nekudza kula Mulunguni, si kpwa kuhenda mahenzo gangu, ala mahenzo ga iye ariye nilakiza. ³⁹Gaga ndigo mahenzo ga iye ariye nihuma, kukalanisitsuhe yoyosi ariye nipa ala niarere mpaka siku ya mwisho. ⁴⁰kpwa here gago ndigo mahenzo ga Paba, kukalachila andiyemona Mwanawe na amwamini apate uzima wa milele nami nindamufufula siku ya mwisho."⁴¹Ndiho Ayahudi mvachikpwatya kunung'unika kpwa kukalawekalaadzamba, "Mimi ndimi mukahe uriolaviwa kula mulunguni." ⁴²Mvachamba, "Yuno si Jesu mwana wa Josefu, ariye pabaye na mamaye hwamumanya? Ikaledze waamba, 'nekudza kula mulunguni'?"⁴³Jesu achijibu achimvamba, "Richani kunung'unika kahi yenu. ⁴⁴Kakuna awezaye kudza kpwangu labuda akale yuhumwa ni Paba, naye nindamufufula siku ya mwisho. ⁴⁵Yeandikpwa kahi za manabii, 'Chila mutu andafundishwa ni Mulungu.' Chila mumwenga ariye andasikira na kudzifundisha kula kpwa Paba andanitua.⁴⁶Sio kukalakuna yoyosi ariye wemona Paba, isihokalaalaaye kpwa Mulungu-wemona paba. ⁴⁷Ujeri wenye, chila amwaminiye ana uzima wa milele.⁴⁸Mimi ndiye mukahe wa maisha. ⁴⁹Paba zenu mverya yo mana nyikani, na mvefa.⁵⁰Uu ndio mukahe ulao kula mulunguni, ili mutu waweza akarya hata chidogo na asife. ⁵¹Ndimi mukahe uishio urioombola mulunguni. Andiye urya mukahe uu andaishi milele. Mukahe nindio ulavya ni mwiri wangu kpwa maisha ga urimwengu."⁵²Ayahudi mvachipandwa ni more mvachanza kujibizana, mvachamba, "Yuno mutu andahupadze nyama za mwiriwe hurye?" ⁵³Ndiho Jesu achimvambira, "Jeri namvambira, isihokalakpwa kuurya mwiri wa Mwana wa Adamu na munwe mulatsowe, kamundakalana uzima kahi yenu.⁵⁴Yoyosi aryaye mwiri wangu na kuunwa mulatso wangu andakalana uzima wa milele, nami nindamu fufula siku ya mwisho. ⁵⁵kpwa kukalamwiri wangu ndio chakurya cha jeri, na mulatso wangu ni chinywaji cha jeri. ⁵⁶Yoyosi aryaye mwiri wangu na kunwa mulatso wangu wasala ndani yangu, nami ndani ye.⁵⁷Here Paba aishiye arivyo nihuma, na here vyo ambavyo naishi kpwa kukala ya Paba, kpwa vivyo aryaye mwiri wangu, andaishi kpwa kukala yangu mimi. ⁵⁸Uu ndio mukahe urio wekudza kula mulunguni, si here urio riwa ni paba zehu mvariorya na mvachifa. Andiyerya mukahe uu andaishi milele." ⁵⁹ala Jesu wenena gaga kahi ya sinagogi arihokalaachifundisha Kapernaumu.⁶⁰Ndiho anji a anafunzi mvariho sikira gago mvachamba, "Riri ni fumbo rifu; nani awezaye kurifumbula?" ⁶¹Jesu, kpwa kukalawemanya anafunzie vanong'onezana kuhusiana na gago, achimvauza, "Rino ravatsukiza?⁶²Je muchimona Mwana wa Adamu apaavyo kuuya ko ariko kalakabla? ⁶³Ni Roho ilavyayo uzima; mwiri kauna faida yoyosi. Maneno nidzigonena ni Roho, na ni uzima.⁶⁴chisha bado kuna anjine enu kamva amini."kpwa kukalaJesu wemanya kula hangu mwanzo ni himvo kamvandamwamini na ni hiye andiye musaliti. ⁶⁵Achamba, "Na ni kpwa kukala ii ndiho nichimvamba kakuna awezaye kunitua isihokalaakale yukubaliwa ni Paba."⁶⁶kpwa kukala ya gago, afuasie anjine mvemuricha na kamvamutuire keheri. ⁶⁷Ndiho Jesu achimvaambira ara kumi na eri, "Namwi mwamala kuatua?" ⁶⁸Simioni Petero achimujibu, "Bwana, hwende kpwa ani? Una maneno ga uzima wa milele, ⁶⁹na hudzigamini na hwamanya kukalandiwe mutakatifu wa Mulungu."⁷⁰Jesu achimvambira, "Simvatsagulire mwi kumi na airi, na mumwenga wenu ni shetani?" ⁷¹Sasa iye wenena kumuhusu Judasi mwana wa Simioni Iskariote, kpwa here wekalandeye, kahi za mvara kumi na eri, ariye andemusaliti Jesu.

Chapter 7

¹Baada ya gago Jesu achisafiri sehemu tafauti kahi ya Galilaya, kpwa kukalakahenzere kpwenda Judea kpwa kukala Ayahudi mvekalamvamutafuta mvamolage. ²Sasa, sherehe ya Ayahudi yekalayaratira.³Nduguze mvachimwambira, "Kulae kuku, enda Judea, ili anafunzio mvayone kazi uhendayo. ⁴Kakuna ahendaye chochosi kpwa siri chikalawatafuta kumanyikana lwazu. Uchihenda mambo gaga, dzike lwazu kpwa urimwengu."⁵kpwa kukalahata nduguze achilume kamvamwaminire. ⁶kpwa vivyo Jesu achimvambira, "Wakati wangu kaudzangwe, ala wakati wenu wakati wowosi u tayari. ⁷Urimwengu kauweza kumvatsukirirwa, ala wanitsukirira mimi kpwa kukalanashuhudia kuuhusu kpwamba mahendoge ni mai.⁸Enendani kpwenye sherehe; mino sindenenda kahi za sherehe ii kpwa kukalawakati wangu kaudzangwe ku timira." ⁹Bada ya kumvambira maneno gago, achisala Galilaya.¹⁰ala nduguze mvarihokalamvadzenda kahi za sherehe, naye achikpwera kuko chisiri. ¹¹Ayahudi mvekalamvamutafuta kahi za iyo sherehe mvachamba, "Yuhiko yuno?"¹²kpwekalana masumuriro manji sana kahi ya makundi kumuhusu. Anjine mveamba, "Ni mutu mudzo."Anjine mvachamba, "Hata, watsuha atu." ¹³Idzaho kakuna ariye munena hadharani kpwa kogoha Ayahudi.¹⁴Sherehe irihokalaihehi kusira, Jesu achikpwera hekaluni achikpwatya kufundisha. ¹⁵Ndiho vichimvaangalaza Ayahudi, mvachamba, "Yuno mutu wamanyadze manji vino? Kasomere." ¹⁶Jesu achimvajibu achimvamba, "Mafundisho nimvapago si gangu, ni ga iye ariye nilakiza.¹⁷Chikalakuna mutu wahenza kuhenda mahendoge, andamanya mafundishoge, kalagala Mulunguni, ama nanena gangu. ¹⁸Yoyosi anenaye gakpwe, wadzitafutira utukufu, ala yoyosi atafutaye utukufu wa iye ariyemuhuma, mutu iye ni mujeri, wala kakosa utukufu ndaniye.¹⁹Musa kamvapire sheria? Idzaho kahana ta mumwenga wenu atuwaye zizo sheria. kpwa noni mwanitafuta munolage?" ²⁰Kundi mvachijibu, "Una pepo muchafu. Amalaye kukolaga nani?"²¹Jesu achijibu achimvamba, "Nehenda kazi mwenga, na nyosi mweangalazika. ²²Musa wemvapa kuhinwa (Sio kpwaamba yalaa kpwa Musa, ala yalaa kpwa akare enu), na siku ya sabato mwahineri mutu.²³Chikalamutu andapashwa kuhinwa siku ya sabato ili sheria ya Musa isenderwe chinyume, sasa mbona mwatsukirwa kpwa kukalamino nehoza mutu siku ya sabato? ²⁴Musihukumuni kulingana na muonekano wa mutu, hukumuni kpwa hachi."²⁵Anjine ao kula Jerusalemu mvachamba, "Yuno seye mvamutafutaye kumolaga? ²⁶Lolani, wanena lwazu, wala kamvamujibu chitu. Ikale hata atawala mvamanya kukalandiye Masihi, yawezekana? ²⁷Idzaho hwamanya yuyu yulaa nahi. masihi Masihi achidza, kahundamanya ko alako."²⁸Ndiho Jesu achomboza sauti kula kpwa hekalu, achifundisha na kpwamba, "Nyosi mwanimanya na mwamanya nilako. Sidzire kpwa kudzihuma mwenye ela kpwa iye ariye nihuma ni wa jeri, na kamumumanya. ²⁹Namwamanya kpwa kukalanila kpwakpwe na ndiye ariye nihuma.³⁰Mvachijeza kumugwira, ala kakuna ariyeweza kpwa kukala wakatiwe wekalakaudzangwekufika. ³¹ala anji kahi ya riro kundi mvachimwamini, na mvachamba, "Masihi achidza, je andahenda miujiza minji kushinda yo ahendayo yuno?" ³²Mafarisayo mvachisikira makundi ga atu mvachinong'onezana kuhusu Jesu, na abomu a Makuhani na Mafarisayo mvachihuma askari akagwirwe.³³Jesu ndiho achimvamba, "Nihamwenga namwi kpwa muda mufuhi, chisha niuye kpwa iye ariye nihuma. ³⁴Mundanitafuta ala kamunda nona; ko nendako, kamundaweza kudza."³⁵kpwa vivyo Ayahudi mvachinong'onezana, "Ni hiko endako yuno, ambako kahundaweza kumupata? Andenda kpwa mvario tsamukana kahi za Ayunani akamvafundishe ao? ³⁶Ni neno rani rino anenaro kpwamba, 'Mundanitafuta ala kamundanona; nendako kamundaweza kudza'?"³⁷Sasa, siku ya mwisho ambayo ndo nikukalabomu zaidi ya sherehe, Jesu achema na kpwa sauti bomu sana achamba, "chikalakuna yoyosi ariye na chihu, na adze kpwangu anwe. ³⁸Aniaminiye mimi, here maandiko gambavyo, miho ya madzi ga uzima gandajera kula mwakpwe tumboni."³⁹ala wegomba gago kuhusu Roho, ariye chila andiye mwamini mvandehochera; Roho wekalakadza laviwa kpwa kukalaJesu wekala kadzangwekutukuzwa .⁴⁰Anjine kahi za kundi, mvariho sikira maneno gago, mvachamba, "Hakika yuyu ndiye Nabii." ⁴¹Anjine mvachamba, "Yuyu ndiye Masihi."ala anjine mvachamba, "kpwani Masihi yula Galilaya? ⁴²Maandiko kagambakukala Masihi andakudza kula kpwa lukolo lwa Daudi na kula Bethelehemu, Daudi ariko kala?"⁴³kpwa vivyo atu mvachigavikana haho kpwa sababuye. ⁴⁴Anjine ao mvandekalamvemugwira, ala kakuna ta mumwenga ariye goloza mukono kumugwira.⁴⁵Ndiho mvo askari mvachuya kpwa o makuhani abomu, na Mafarisayo mvachuzwa, "Mbona kamudzangwekumureha?" ⁴⁶Mvachijibu, "Kakuna ta mumwenga ariyewahi kunena dza vivi"⁴⁷kpwa vivyo Mafarisayo mvachimvauza, "Namwi mukengwa? ⁴⁸Je kuna yoyosi kahi ya atawala ama Mafarisayo adziye mwamini? ⁴⁹Isihokalakundi riri ambaro kamvamanya sheria, mvalaaniwa."⁵⁰Nikodemo (Mumwenga wa Mafarisayo ariyekudza kpwakpwe mapema) achimvambira, ⁵¹"Je sheria yehu yahukumu mutu kabla umusikiza na kumanya ahendacho?" ⁵²Mvachimujibu mvachimwamba, "We nawe ula Galilaya? Tafuta na undamanya kakuna Nabii ariyeombola Galilaya."⁵³chisha chila mumwenga achenda kpwakpwe nyumbani, Jesu achenda mpaka murima wa Mizeituni.

Chapter 8

¹Jesu achenda murima wa mizeituni. ²Madzacha sana, achuya hekaluni keheri, na atu mvosi mvachidza; achisagala achimvafundisha. ³Andishi na Mafarisayo mvachimurehera mwanamuche ariyekala yugwirwa uzinzini. Mvachimwika kahikahi.⁴Ndiho mvachimwambira, "Mwalimu, yuyu mwanamuche agwirwa wazini. ⁵Sasa, kahi za sheria, Musa wehwamuru humvapigee mawe atu dza mvamva; we wambadze chivyako?" ⁶Mvemwambira vivyo ili kumuhega ndio mvapate jambo ra kumuhukumu, ala Jesu weshutama achandika mutsangani na chala.⁷Mvarihokalamvenderera kumudadisi, achema achimvauza, "Iye asiye na dambi kahi yenu akale wa kpwanza kutsuha iwe amupige." ⁸Achuya kushutama, na kpwandika mutsangani na chalache.⁹Mvarihosikira maneno gago, mvachuka mumwenga baada ya munjine, kpwanzira ariyekalamukomu zaidi ya osi. chisha Jesu ashisala hacheye, na ye mwanamuche ariyekalayukahi kahi. ¹⁰Jesu achema achimwambira, "Mwanamuche, mvahiko mvadzokushitaki? Kakuna hata mumwenga adziye kuhukumu?" ¹¹Achimwamba, "Kakuna, Bwana."Jesu achimwamba, "Hata mimi sinda kuhukumu. Enenda na usihende dambi keheri."¹²Keheri, Jesu achimvanenera, achimvamba, "Mimi ndimi mulangaza wa urimwengu; anituaye mimi kandatsembera chizani ela andapata mulangaza wa maisha." ¹³Mafarisayo mvachimwamba, "Wadzishuhudia mwenye; ushuhudao si wa jeri."¹⁴Jesu achimvajibu achimvamba, "Hata nichidzi shuhudia mwenye, ushuhuda wangu ni wa jeri. Namanya nilako na nendako, ala mwimwi kamunimanya nilako ama nendako. ¹⁵Mwahukumu kulinganan na mwiri; mino sihukumu mutu. ¹⁶ala nichihukumu, hukumu yangu ni ya jeri kpwa kukalasi hachiyangu, ela ni hamwenga na Paba ariye nihuma mimi.¹⁷Ndio, na kahi za sheria yenu yamba ushuhuda wa atu eri ni wa jeri. ¹⁸Ndimi nishuhudiaye kunihusu, na Paba ariyenihuma washuhudia kunihusu."¹⁹Mvachimwamba, "Yuhiko ye Pabayo?"Jesu achimvajibu, "Kamunimanya mimi wala iye Paba; kalaho mundenimanya mimi, mundemumanya hata iye Paba naye." ²⁰Wenena gaga maneno arihokalayuhehi na hazina, arihokalawafundisha hekaluni, ala kakuna ariyemugwira kpwa here wakatiwe wekala kaudzangwekufika.²¹kpwa vivyo achimvambira keheri, "Mino nenenda; mundanitafuta na mundafa dambini. Nendako mimi, kamuweza kudza." ²²Ayahudi mvachuzana, "Andadzolaga? Iyo ndio kukala wamba, 'Nendako kamuweza kudza'?"²³Jesu achimvambira, "Mula na tsini; mino nila na dzulu. Mu a urimwengu uu; mino si wa urimwengu uu. ²⁴kpwa vivyo, Nemvambira kukalamundafa kahi ya dambi zenu. Labda muamini kukala ndimi, mundafa dambini."²⁵Ndiho mvachimuza, "kpwani we uani?"Jesu achimvajibu, "Vivyo nidzivyo mvaambira kula mwanzo. ²⁶Nina manji ga kunena na kuhukumu kuahusu. ala, iye ariye nihuma ni mujeri; na go nirigo sikira kula kpwakpwe, ndigo niambirago urimwengu." ²⁷Kamvaelewere wekalawanena kuhusu ye Paba.²⁸Jesu achamba, "Muchidza mwenula Mwana wa Adamu, ndiho mundiho manya kukala ndimi, na kukala sihenda chochosi mimi mwenye. Here Paba arivyo nifundisha, nanena gaga. ²⁹Ariyenihuma huhosi, na kadzangwekuniricha hachi yangu, kpwa kukala siku zosi nahenda go gamu hamirago." ³⁰Hali Jesu achinena gago, anji mvachimwamini.³¹Jesu achimvambira ao Ayahudi mvarokalamvadzimwamini, "Muchisala kahi za neno rangu, be mundakalaanafunzi angu a jeri; ³²na mundaumanya ujeri na ujeri undamvaika huru." ³³Mvachimujibu, "Sino hu lukolo lwa Ibrahimu, na kahudzakala atumwa wa yoyosi; wawezadze kpwamba, 'Mundaikpwa huru'?"³⁴Jesu achimvajibu, "Jeri, jeri, namvambira, yoyosi ahendaye dambi, ni mutumwa wa dambi. ³⁵Mutumwa kasala nyumbani milele; isihokalamwana. ³⁶kpwa vivyo, Mwana achimvaika huru, be mundakalahuru jeri.³⁷Namanya kukalamu lukolo lwa Ibrahimu; mwatafuta nafasi munolage kpwa kukalaneno rangu karina nafasi mwenu. ³⁸Nanena nidzigo gaona na Paba, namwi hendani go murigo gasikira kula kpwa Paba yenu."³⁹Mvachimujibu mvachimwamba, "Paba yehu ni Ibrahimu."Jesu achimvambira, "kalaho mu ana a Ibrahimu, mundehenda ga Ibrahimu. ⁴⁰ala mwi, sasa mwatafuta kunolaga, mutu nidziyemwambira ujeri nidziosikira kpwa Mulungu. Ibrahimu kagahendere gaga. ⁴¹Mwahenda go gahendwago ni Paba yenu."Mvachimwambira, "Kahuvyalirwe kahi za uzembe na uzinzi; huna Paba mumwenga: Mulungu."⁴²Jesu achimvambira, "kalaho Mulungu wekala Paba yenu, mundenihenza, kpwa here nalaa kuko kpwa Mulungu na nihaha; kpwa here sidzirehere mwenye, isohala wenihuma. ⁴³Mbona kamwelewa maneno gangu? Je ni kpwa kukala kamunisikira. ⁴⁴Mwimwi mu a iye Paba yenu, shetani, na mutayari kuhenda go ahenzago iye. Wekalamolagi hangu kula mwanzo na kaweza kpwema na ujeri kpwa kukalakana ujeri ndaniye. Achinena ulongo, waunena kula kpwa haliye kpwa kukalani mulongo na ndiye Paba wa ulongo.⁴⁵ala, kpwa kukalananena ujeri, kamunamini. ⁴⁶Nani kahi yenu anishuhudiaye kukalana dambi? Nichinena ujeri, kpwanoni kamunamini? ⁴⁷Iye ariye ni wa Mulungu wasikira maneno ga Mulungu; kamumvasikira kpwa kukalakamua Mulungu."⁴⁸Ayahudi mvachijibu mvachimwamba, "Kahunena ujeri kukalawe u Musamaria na una pepo muchafu?" ⁴⁹Jesu achimvajibu, "Sina pepo, ala namuheshimu Paba, namwi kamuniheshimu.⁵⁰Sitafuta kutukuka; kunaye atafutaye na kuhukumu. ⁵¹Amini, Amini namvambira, yoyosi andiye tii neno rangu, kandafa."⁵²Ayahudi mvachimwambira, "Sasa humanya jeri una pepo. Ibrahimu na Manabii mvefa; ala we wamba, 'Yoyosi andiye tii neno rangu, kandafa.' ⁵³Uwe kumubomu kumushinda Paba yehu Ibrahimu ariyefa, umubomu? Manabii nao mvachifa. We wadzihenda u ani sana?"⁵⁴Jesu achimvajibu, "Nichidzitukuza, utukufu wangu sichitu; ni Paba anitukuzaye-iye mumwariye ni Mulungu wenu. ⁵⁵Kamudzangwekumumanya, ela mino namumanya. chikala nindamba, 'Simumanya,' Nindakaladza mwimwi, mulongo. ala, Namumanya na natii nenore. ⁵⁶Paba yenu Ibrahimu wesherehekea ariho ona siku yangu; weyona na achifurahi."⁵⁷Ayahudi mvachimwambira, "Hata kudzangwekufika miaka hamusini ala wamba wemona Ibrahimu?" ⁵⁸Jesu achimvamba, "Amini Amini namvaambira, kabla Ibrahimu akaleko,ni mimi." ⁵⁹Ndiho mvachitsola mawe mvachimutsuhira, ala Jesu wedzifitsa na achombola hekaluni.

Chapter 9

¹Sasa Jesu arihokala watsupa, achimona mwanamulume ariyekala chipofu hangu kuvyalwakpwe. ²Anafunzie mvachimuza, "Mwalimu, nani ariye henda dambi kahi ya yuno na avyazie, ta ichimufisha yuno kuvyalwa chipofu?"³Jesu achimvajibu, "kahana ariyehenda dambi kahi yao, ala kpwa kazi ya Mulungu yonekane kpwa haliye. ⁴Ni lazima huhende kazi ya iye ariye nihuma mutsana. Usiku wadza kakuna mutu andiyeweza kuhenda kazi. ⁵Nichikalabado ni urimwenguni, ndimi mulangaza wa urimwengu."⁶Bada ya Jesu kunena gago, achitsitsa mahe mutsangani, achitengeza udongo na mahege, achimuhaka matsoni. ⁷Achimwambira, "Enda ukaoge uso chisima cha Siloamu"(Tafsiriye ni "adziyehumwa"). kpwa vivyo ye mwanamulume achenda, achoga, achuya waona.⁸Ndiho majiranie na anjine mvariokalamvamona kabla achikalawavoyavoya mvachuza, "Yuno mutu seye arekalo achisagala na kuvoyavoya?" ⁹Anjine mvachamba, "Ndeye."Anjine mvachamba, "Seye ala mvahalana."ala mwenye achamba, "Ndimi."¹⁰Mvachimwambira, "Sasa matsogo gefugulwadze?" ¹¹Achimvajibu, "Mwanamulume ehewaye Jesu wetengeza udongo achinihaka matsoni chisha achinamba, 'Enda Siloamu ukaoge.' Ndiho nichenda nichoga, nami nichipata uwezo wa kona." ¹²Mvachimuza, "Yuhiko?"Achimvajibu, "Simanya."¹³Mvachimuhirika kpwa Mafarisayo. ¹⁴Sasa yekalani siku ya sabato Jesu ariho muhaka tohe na kumuhoza. ¹⁵Mafarisayo kpwa mara ya hiri mvachimudadisi wepatadze kona. Achimvambira, "Wenipatikira tohe matsoni, nichenda oga, na sasa naona."¹⁶Mafarisayo anjine mvachamba, "Yuyu mwanamulume koe kpwa Mulungu kpwa kukala kaheshimu Sabato."Anjine mvachamba, "Yawezekanadze mutu mwenye dambi kuhenda mambo dza gago?"kpwa vivyo kuchikalana mugaviko kahi yao. ¹⁷Ndiho mvachimuza ye chipofu, "We wambadze kumuhusu mbolereye mutu, kpwa kukala wekufugula matso?"Achimvamba, "Ni Nabii." ¹⁸Ayahudi bado kamvaaminire kukalaeti wekalani chipofu vino waona mpaka mvachieha avyazie.¹⁹Mvachiauza avyazie, "Yuno ni mwana wenu mwariye wekalani chipofu? Ikaledze sasa waona?" ²⁰Avyazie mvachiajibu, "Hwamanya kukalayuyu ni mwanawehu na wevyalwa chipofu. ²¹ala vyekaladze hata vino waona, kahumanya, na nani ariye mufugula matso, pia kahumumanya. Muzeni mwenye, ni mutu muzima. Waweza kudzeleza."²²Azazie mvemvajibu vivyo, kpwa kumvogoha Ayahudi. kpwa here mvekalamvakubaliana kukalayoyosi andamukiri kukalandiye Masihi mvandamumutsuhakanze ya sinagogi. ²³kpwa kukala ya vivyo, avyazie mvachamba, "Ni mutu muzima, muzeni."²⁴kpwa vivyo, mara ya hiri, mvachimweha keheri iye ariyekalachipofu mvachimwamba, "Mupe utukufu Mulungu. Hwamanya iye ariye kuhoza ni mwenye dambi." ²⁵Ndiho ye mutu achimvajibu, "Simanya chikala ni mwenye dambi. Chitu nimanyacho ni kukala: Nekalachipofu, vino naona."²⁶Ndiho mvachimuza, "Wekuhendadze? Wegafuguladze go matso?" ²⁷Achimvajibu, "Nidzimvambira kare, kamusikizire! kpwa noni mwamala mugasikire keheri? Namwi kamumala kukalaanafunzie. Sevyo?" ²⁸Mvachimuhutu mvachimwamba, "Mwanafunziwe ni uwe, fino hu anafunzi a Musa. ²⁹Hwamanya kukalaMulungu wenena na Musa, ala kahumumanya yula nahi yuyu."³⁰Ye mwanamulume achimvajibu achimvamba, "kpwa noni rino jambo ni ra kpwashangaza, kukalamwimwi be kamumanya yuyu mutu yula nahi, na ndiye ariye nifugula matso. ³¹Hwamanya kukalaMulungu kasikiza enye dambi, ala mutu achimwabudu Mulungu na kuhenda mahenzoge, wamusikiza.³²Hangu urimwengu wanze, kaidzawahi kusikika kukalamutu wefugula matso ga munjine ariyevyalwa chipofu. ³³kalaho yuyu mutu kombolere kpwa Mulungu, kandeweza kuhenda rorosi." ³⁴Mvachimujibu mvachimwamba, "Wevyalwa kahi ya dambi, chisha wahufundisha?"Mvachimomboza nze.³⁵Jesu achisikira yudzombozwa kahi ya sinagogi. Achimutafuta achimuza, "Je, wamwamini Mwana wa Adamu?" ³⁶Achimujibu achimuza, "Ni hiye ye, Bwana, ili nimwamini?" ³⁷Jesu achimwamba, "Udzimona, na ndiye anenaye nawe vivi." ³⁸Ye mutu achijibu, "Bwana, naamini,"achimwabudu.³⁹Jesu achamba, "kpwa ajili ya hukumu, nekudza urimwenguni ili mvario kamvaona, mvapate kona, na mvaonao mvakale vipofu." ⁴⁰Mafarisayo anjine mvariokalahehi naye mvachigasikira maneno gago mvachimuza, "fino naswi hu vipofu?" ⁴¹Jesu achimvajibu, "chikala mu vipofu kamundekalana dambi, ala sasa mwamba, 'Hwaona,' ndiho dambi zenu munazo.

Chapter 10

¹"Amini, Amini, namvambira, iye asiye enjira kuchirira lango ra chaa cha ng'onzi, ala wakpwera kpwa njira nyinjine, iye mutu ni mwevi na munyang'anyi. ²Enjiraye kuchirira lango ndiye murisa wa ng'onzi.³Murinda lango nikumu fugulira. Ng'onzi mvakamusikira sauti, na nikumveha ng'onzi chila mwenga kpwa dzinare na kumvalongoza nze. ⁴Achidza mvombozanze osi, nikuchira mbere kukumvalongoza, nao ng'onzi nikumutua nyuma, kpwa kukalamvamumanya sautiye.⁵Kamvandawahi kumutua mutu mvasemumanya ela mvandamwepuka, kpwa here kamvamanya sauti ya atu ajeni." ⁶Jesu wenena gago chimafumbo, ala kamvelewere go arigokalaachimvambira.⁷Ndiho Jesu achimvambira keheri, "Amini, Amini namvambira, ndimi lango ra ao ng'onzi. ⁸Mvosi mvariokudza mbere yangu ni evi na munyang'anyi, ala ng'onzi angu kamvamvasikizire.⁹Mimi ndimi riro lango. Chila andiye enjira kuchirira mimi, andaokolwa; andenjira na kombola na andapata mariso ¹⁰Mwevi kadza isihokalaadze aeye na olage na kubananga. Mino nekudza ili mvapate uzima na mvakale nawo tele.¹¹Mimi ndiye murisa mudzo. Murisa mudzo nikulavya maishage kpwa ajili ya ng'onzize. ¹²Murisa wa kpwajiriwa si murisa mudzo na ng'onzi simaliye. Achona kuro mwatsakani wadza, waricha ng'onzi ye wachimbira, kuro watsakani wavagwira na kumvatawanya ng'onzi. ¹³Wachimbira kpwa kukala iye ni mwajiriwa kpwa vivyo kamvajali ng'onzi.¹⁴Ndimi murisa mudzo, na ng'onzi angu namvamanya, namvo mvanimanya. ¹⁵Paba wanimanya, nami namumanya, nami naulavya uzima wangu kpwa ajili ya ng'onzi. ¹⁶Nina ng'onzi anjine ambamvo si a chaa chichi. Ni lazima pia niarehe, namvo mvandanisikira sauti yangu pia ili mvakale kundi mwenga tsini ya murisa mumwenga.¹⁷ii ndio kukala Paba wanihenza: Nalavya uzima wangu ili niupate keheri. ¹⁸Kakuna awezaye kuuhala kula kpwangu, isihokalamimi mwenye naulavya uzima wangu. Nina uwezo wa kuulavya, na nina uwezo wa kuuhala keheri. Nihochera amuri ii kula kpwa Paba."¹⁹kpwa mara injine, Ayahudi mvachigavikana kpwa kukala ya maneno gago. ²⁰Anji ao mvachamba, "Ana pepo muchafu na akilize kazi tototo. Mbona mwamusikiza? ²¹Anjine mvachidadisi, "Gaga si maneno ga mutu adziyepagawa ni pepo. Shetani waweza akafugula chipofu matso?"²²Wakati wa sherehe ya kpwikpwa wakfu kpwa Jerusalemu. Yekalamusimu wa mvula, ²³naye Jesu wekalawenda kuno na kura ndani ya hekalu ukumbi wa Sulemani. ²⁴Ndiho Ayahudi mvachimuzunguluka mvachimwambira, "kpwa muda wani undahuricha kahi za shauku? kalandiwe Masihi, be hwambire kare lwazu lwazu."²⁵Jesu achimvajibu, "Nemvambira, ala kamwamini. Kazi nizihendazo kpwa dzina ra paba, zanishuhudia mimi. ²⁶Ela kamwamini kpwa kukalakamu kahi za ng'onzi angu.²⁷Ng'onzi angu mvasikira sauti yangu; Namvamanya, namvo mvaitua. ²⁸Namvapa uzima wa milele; kamvandafa wala kakuna andenihoka mikononi.²⁹Paba, ariyenipa, ni mubomu kuriko anjine osi, na kakuna awezaye kumuhoka mikononi mwakpwe. ³⁰Mimi na iye Paba hu umumwenga." ³¹Ndiho Ayahudi mvachitsola mawe keheri kumala kumupiga.³²Jesu achimvajibu, "Nidzimvonyesa kazi nyinji mbidzo kula kpwa iye Paba. Ni hiyo kahi ya zo imvahendayo munipige mawe?" ³³Ayahudi mvachimujibu, "Kahukupiga mawe kpwa ajili ya kaziyo yoyosi mbidzo, isihokalakufuru, kpwa kukalauwe, uriye mwanadamu, wadzihenda kukalau Mulungu."³⁴Jesu achimvajibu, "Je, kaidza andikpwa kahi za sheria zenu, 'Nichamba, "Mwimwi mu milungu""? ³⁵Chikala wemveha milungu, neno ra Mulungu rekudza kpwa ani (na neno kariweza rikavunzwa), ³⁶Mwamwambira iye ariye tenganishwa ni Mulungu ndio achimuhuma urimwenguni, 'wakufuru,' kpwa kukalanidzamba, 'Mimi ni mwana wa Mulungu'?³⁷Chikala mimi sihenda kazi ya Paba, musiniamini. ³⁸Ela ichikala nahenda, hata musiho namini, be aminini kahi za zizo kazi nizihendazo ili mumanye na kpwelewa kukala iye Paba yundani yangu nami ni ndaniye." ³⁹Mvachijeza kumugwira, ala achimva honyoka mikononi mwao.⁴⁰Achenda zakpwe keheri mbere ya Jordani mpaka hatu ambaho Johana wekalaachibatiza mwanzo, achikalakuko. ⁴¹Anji mvachimutua mvachimwamba, "Johana jeri kahendere ishara, ala gosi Johana arigoamba kumuhusu yuyu mutu ni ga jeri." ⁴²Anji mvemwamini kuko.

Chapter 11

¹Mutu mumwenga kpwa dzina wekala mukongo. Wekala yula Bethania, chidzidzi chiricho ombolera Mariamu na nduguye Matha. ²Ni Mariamu ni iye ariye muhaka Bwana mafuha chisha achimufuta na nyereze, ariye nduguye, Lazaro wekalawalumwa.³Ao madada eri mvachihuma ujumbe kpwa Jesu, wa kpwamba, "Bwana, lola, ye umuhenzaye be nimukongo." ⁴Jesu ariho sikira vivyo, achamba, "Uo ukongo si wa kumolaga ela ni kpwa utukufu wa Mulungu ili Mwana wa mulungu akaweze kutukuzwa kpwa uwo ukongo."⁵Sasa Jesu wemuhenza Matha, dadawe na Lazaro. ⁶kpwa vivyo arihosikira kukalaLazaro ni mukongo, Jesu wekalasiku mbiri zaidi hahorihokala. ⁷Kisha bada ya vivyo, achimvambira anafunzie, "Hindeni Judea keheri."⁸Anafunzie mvachimwambira, "Mwalimu, Ayahudi mvejeza kukupiga mawe, vino wamala kuuya kuko keheri?" ⁹Jesu achimvajibu, "Mutsana kauna masaa kumi na meri? Mutu achenenda mutsana kadzikpwala, kpwa kukalawaona kpwa mulangaza wa urimwengu.¹⁰Hata vivyo, achenenda usiku, andadzikpwala kpwa kukala mulangaza manawo." ¹¹Wenena gaga maneno, naye bada ya gago, achimvamba, "Musena wehu Lazaro yurere, ala nenenda ili nikamulamuse."¹²Anafunzie ndiho mvachimwambira, "Bwana, kalayurere, andalamuka." ¹³Sasa Jesu wekala wagomba kuhusu chifoche Lazaro, ala mvachifikiria wanena kuhusu kulala koya. ¹⁴Ndiho Jesu achimvambira lwazu, "Lazaro yudzefa.¹⁵Nina raha, kpwa ajili yenu, kukala sikalireho ili muweze kpwamini. Hindeni kpwakpwe." ¹⁶Tomaso, ariyekalaachehewa Pacha, achimvambira anafunzi anzie, "Nahendeni naswi, hukafe naye Jesu."¹⁷Jesu arihofika, achimupata Lazaro kare yukala mbiriani kpwa siku nne. ¹⁸Sasa Bethania yekalani hehi na Jerusalemu, here kilomita mbiri vivi. ¹⁹Ayahudi anji mvekalamvadzimutua Matha na Mariamu, kumufariji kpwa kukala ya chifo cha ndugu yao. ²⁰Ndiho Matha, arihosikira Jesu wadza, achombola kpwenda muhochera, ala mariamu achisala nyumbani.²¹Matha achimwambira Jesu, "Bwana, kalaho wekalauhaha, ndugu yangu asindefa. ²²Hata vivi, chisha namanya chochosi undicho muvoya Mulungu, andakupa." ²³Jesu achimwambira, "Nduguyo andalamuka keheri."²⁴Matha achimwambira, "Namanya kukalaandalamuka siku ya mwisho ya ufufulo." ²⁵Jesu achimwambira, "Mimi ndiye uo ufufulo na uzima; yoyosi andiye niamini, hata achifa, chisha andaishi; ²⁶na yoyosi aishiye na kuniamini, kandafa. Je wagaaminigo?"²⁷Achimwambira Jesu, "Ndio, Bwana, naamini kukalandiwe Masihi, Mwana wa Mulungu ariyekudza urimwenguni." ²⁸Arihokalayugomba gago, achenda achimweha nduguye Mariamu kanda. Achimwamba, "Mwalimu yukudza wakpweha." ²⁹Arihosikira gago, Mariamu achema haraka achenda.³⁰Sasa Jesu wekala kadzangwekufika kahi ya chidzidzi chao wekalabado achere ho mvariho onana na Matha. ³¹Sasa Ayahudi, mvariokalamvahamwenga naye kumufariji, mvariho mona Mariamu kpwa upesi yudzuka yudzombola, mvachimutua, mvachifikiria wekalawenda ko mbirani akarire. ³²Mariamu arihofika ho hatu arihokalaJesu na kumona, achigwa maguluni hakpwe na kumwambira, "Bwana, kalaho wekalauhaha, ndugu yangu asindefa."³³Jesu arihomona warira kpwa utsungu, hamwenga na Ayahudi mvariokalamvadzenda naye, achitaabika sana rohoni na kufadhaika; ³⁴achimvauza, "Mudzimulazahi?"Mvachimujibu, "Bwana, nzo ulole." ³⁵Jesu achirira.³⁶Ndiho Ayahudi mvachamba, "Lolani jinsi arivyo muhenza Lazaro!" ³⁷ala anjine mvachamba, "kpwani yuno mutu ariyekalaachihoza vipofu, wekalakaweza kumuhoza yuno Lazaro asife?"³⁸Ndiho Jesu keheri, kpwa mbazi nyinji ndaniye, achenda hadi mbirani. Sasa yekalani pango, na iwe bomu rifinikpwa. ³⁹Jesu achamba, "Ruseni ro dziwe."Matha, nduguye ariyefa Lazaro, achimwambira Jesu, "Bwana, kufikira sasa mwiriwe ukpwatya kola, kpwa here wefa siku nne zidzizo tsupa." ⁴⁰Jesu achimwambira, "Simvambirire kukala chikala mundaamini mundona utukufu wa Mulungu?"⁴¹kpwa vivyo mvachusa ro iwe. Jesu achenula matso dzulu achamba, "Paba, namumvera kpwa kunisikiza. ⁴²Namanya siku zosi wanisikiza, ala ni kpwa kukala ya kundi ra atu mvadzionizunguluka haha ndiho nanena gaga, ili mvakaamini kukalandiwe uriye nihuma."⁴³Ariho marikiza kunena gago, achimweha kpwa sauti ya dzulu, "Lazaro, ombola!" ⁴⁴Lazaro achombola; mikono na magulu ifungwa na nguo, na usowe ufungwa na nguo. Jesu achimvambira, "Mufuguleni mumuriche enende."⁴⁵Ndiho anji a Ayahudi mvariokalamvakudza kpwa Mariamu mvachona go Jesu arigo gahenda, mvachimwamini. ⁴⁶ala anjine ao mvachenda kpwa Mafarisayo kumvaambira mambo Jesu arigo gahenda.⁴⁷Ndiho makuhani abomu na mafarisayo mvachikusanyika hamwenga mvachuzana, "Hundahendadze? yuyu mutu wahenda miujiza minji. ⁴⁸Huchimuricha vivi, atu mvosi mvandamwamini; Arumi mvandadza mvahale midzi yehu na taifa rehu."⁴⁹Hata vivyo, mumwenga kahi yao, Kayafa, ariyekalandiye kuhani mubomu mwaka uo, wemvambira, "Kamumanya chitu. ⁵⁰Yaani kamona ni baha mutu mumwenga kufa kpwa ajili ya anjine kuriko taifa zima rangamike."⁵¹Sasa gaga kaganenere kula ndaniye. Chinyumeche, kpwa kukalandiye ariyekalakuhani mubomu mwaka uo, wekalawatabiri kukalaJesu andafa kpwa ajili ya taifa zima; ⁵²na si kpwa taifa tu, ala kpwa ana a Mulungu ambamvo mvatawanyika, kukusanywa keheri hamwenga. ⁵³kpwa vivyo kula siku iyo, mvachipanga kumolaga Jesu.⁵⁴Jesu kawahire kpwenenda lwazulwazu keheri kahi ya Ayahudi, ala wedzitenga achenda intsi hehi na nyika mudzi wehewao Efraimu. Achiishi na anafunzie haho. ⁵⁵Sasa pasaka ya Ayahudi ichikalayaratira, anji mvachikalamvenda dzulu Jerusalemu kabla iyo siku ya Pasaka ili mvakadzitakase.⁵⁶Mvekalamvamutafuta Jesu, kuno mvachinong'onezana kuno mvemire kpwenye hekalu, "Mwafikiriani? Mwadhani kandadza kahi za sherehe?" ⁵⁷Sasa makuhani abomu na mafarisayo mvekalamvalavya amuri kukalayoyosi ariyewamanya ariko Jesu, akamvambire ili mvamugwire.

Chapter 12

¹Siku tandahu kabila ya pasaka, Jesu wekpwenda Bethania, arikokalaLazaro, iye ariye mufufula kulaa kahi za afu. ²Be mvachimwandarira chakurya cha dziloni kuko na Martha achihumikiira, wakati uo Lazaro wekalamumwenga wao wa ao mvariosagala mezani hamwenga na Jesu. ³chisha Mariamu achihala ratili ya manukato gariyotengenezwa kpwa nardo safi, yenye thamani bomu, achimuhaka Jesu maguluni, na kumufuta magulu kpwa nyereze, nyumba yosi yeodzala khungu ya manukhato.⁴Yuda Iskariote, mumwenga wa aratu anafunzie, ariye ndiye angemusaliti Jesu, achamba, ⁵"kpwanoni manukato gano gasingekuzwa kpwa dinari magana mahahu na mvakapewa muchia. ⁶Naye wegagomba gaga, si kpwa kukalawahurumia achia, ala kpwa kukala wekalamwevi, iye ndiye ariyebwira mufuko wa pesa na wekalaachihala baadhi ya virivyoikpwa mumo kpwa ajiliye mwenye.⁷Jesu achamba, "Muriche aike aricho nacho kpwa ajili ya siku yangu ya mazishi. ⁸Achia mundakalanao siku zosi, ala kamundakalanami siku zosi."⁹Be umati mubomu wa ayahudi mvepata kumanya kukalaJesu yu kuko, nao mvachidza, si kpwa ajili ya Jesu tu, ala mvamone lazaro ariye Jesu wemufufula kulaa kpwa afu. ¹⁰Nao abomu a makuhanimvachihenda mashauri ili mvamolage Lazaro, ¹¹kpwa kukalakpwa ajiliye anji kahi za ayahudi mvekpwenda zao na mvachimwamini Jesu.¹²Na siku iriyotuiriza umati mubomu mvekudza kpwenye sikukuu, mvarihosikira kpwamba Jesu andadza Yerusalemu, ¹³Mvehala mamvungo ga mihi ya kumulaki na kupiga kululu, "Hosana! adzibarikiwa iye adzayekpwa dzina ra Bwana, Mfalme wa Israeli."¹⁴Jesu wemupata mwanapunda achimupanda: here viratu arivyo andikpwa. ¹⁵Usogohe binti Sayuni, lola, Mfalumeo wadza adzipanda mwana punda."¹⁶Anafunzie kamvagaelewere mambo gaga haho mwanzo, ala Jesu arihotukuzwa, ndiho mvarihokumbuka kukalamambo gaga geandikirwa iye na kpwamba mvehenda mambo gaga kpwakpwe.¹⁷Be riratu khundi ra atu mvariokalahamwenga na Jesuwakati arihomweha Lazaro kula mbirani, mvachishuhudia kpwa anjine. ¹⁸Na yekalakpwa kukala ili pia kpwamba kundi ra atu vekpwenda kumulaki kpwa kukalamvesikira kukalaadziihenda ishara iyo. ¹⁹Mafarisayo mvachinenezana ao kpwa ao, "Lola, vivi kamuwezakuhenda rorosi; lola, urimwenga ukpwenda kpwakpwe."²⁰Vivi baadhi ya ayahudi mvekalamiongoni mwa aratu mvariokalamvachenda kuabudu kpwenye sikukuu. ²¹Aa mvenwebdera Filipo, ariye weombola Bethsaida ya Galilaya, mvachimuvoya mvachamba, "Bwana, sisi hwatamani kumwona Jesu." ²²Filipo achenenda mwambira Andrea. Adrea na Filipo mvachenda na kumwambira Jesu.²³Jesu achiajibu, achamba, "saa idzifika kpwa mwana wa Adamu kutukuzwa. ²⁴Amini amini namvaambira tembe ya ngano isihogwa kahi za itsi ikafa, nikukalavivyo vivyo hachete, ala ichifa, indavyala mazao manji.²⁵Iye ahenzaye uzimawe andamvaangamiza ala iye atsukirirwaye uzimawe kahi za urimwengu uu andausalimisha hata uzima wa kaare na kare. ²⁶Mutu yoyosi achinihumikira mimi na anitue, nami niriho, ndiho na mtumishi wangu andakalaho, mutu yoyosi achinihumikira, paba andamutala.²⁷Sasa roho yangu idzifadhaika: nami nineneni? Paba, uniokole kahi za saa ii?ala ni kpwa kusudi ii nidziifikira saa ii. ²⁸Paba, ritukuze dzinaro, "chisha sauti ichidza kulaa Mulunguni na kugomba, "Nidziritukuza na nindaritukuza keheri." ²⁹Be mkutano urioema hehi naye mvachisikira, achinena kukalakudzikalangurumo, anjine mvegomba, "malaika adzinena naye."³⁰Jesu achijibu na kpwamba, "Sauti ii kaidzire kpwa kukala yangu, ala kpwa kukala yenu. ³¹Sasa hukumu ya urimwengu uu ihaho; sasa mubomu wa urimwengu uu andatsuhiwa konze.³²Nami nichenulwa dzulu ya tsi, nindamvavuha vosi kpwangu. ³³Weganena gaga gosi kuonyesa andivyo fa.³⁴Makutano mvachimujibu, "Sisi hudzisikira kahi za sheria ya kpwamba masihi andadumu mpaka milele. Nawe wambadze "Mwana wa Adamu lazima enulwe dzulu yuno mwana wa mutuni hiye? ³⁵Be Jesu achimvambira, "mulangazaza uchereko hamwenga namwi muda muchache tsemberani kpwa kukalamunao mulangazaza, ili kpwamba chiza chisidze chikavaweza. iye aendaye chizani kamanya endako. ³⁶Bado munao mulangazaza, uaminini mulangazaza uo ili mupate kukalaana a mulangazaza. "Jesu weganena gaga na chisha achenda zakpwe achidzifitsa mvasimone.³⁷Idzaho Jesu wehenda ishara nyinji namna iyo mbere yao, bado khamvamwaminire. ³⁸Richitimira neno ra nabiiIsaya, arironena, "Bwana nani ariyesadiki habari zehu? Na mukono wa Bwana wefunurira ani?"³⁹Ndio kukala ao kamvaminire, kpwa here Isaya wenena keheri. ⁴⁰Adziapofusha matso, na adziihenda mioyo yao kalamigumu, Vasidze mvakaona na matso gao na mvakafahamu kpwa mioyo yao na vakagaluka nami nikamvahoza."⁴¹Isaya wenena maneno gago kpwa kukalawewona utukufu wa Jesu na achinena habarize. ⁴²ala hata abomu anji mvemwamini Jesu, ala kpwa kukala ya mafarisayo, kavakirire ili mvasidze mvakaingwa kulaa kpwa masinagogi. ⁴³Mvehenza nguma za anadamu kuriko nguma zombolazo kpwa Mulungu.⁴⁴Jesu achomboza sautina kugomba, "iye anaminiye mimi, kanamini mimi hacheye ala na iye ariyenihuma mimi. ⁴⁵Naye anonaye mimi wamona iye ariyenihuma.⁴⁶Mimi nidzikudza here mulangazaza urimwenguni ili chila mutu aniaminiye mimi, asikale chizani. ⁴⁷Chikalamutu yoyosi andagasikira maneno gangu ala asigagwire, mimi simuhukumu, kpwa here sidzire ili niuhukumu urimwengu, ala niwokole urimwengu.⁴⁸Iye anikahalaye mimi na kagakubalire manneno gangu, annaye amuhukumuye neno riro nirirorinenna ndiro ringeromuhukumu siku ya mwisho. ⁴⁹kpwa here mimi sinenere kpwa nafsi yangu tu,ala ni paba ariyenihuma, iye mwenye adzinihuma ningagonena ningegomba. ⁵⁰Nami namanya kukalalakizore ni uzima wa kare na kare be gago ninenago mimi-here paba arivyonambira ndivyo ninenavyo.

Chapter 13

¹Sasa kabla ya sikukuu ya pasaka, kpwa kukala Jesu wefahamu kukalasaa ye ifika ambayo andaombola kahi za dunia ii kpwenda kpwa paba, achikalaadzimvahenza atue ambao mvekaladuniani wemvahenza mpaka mwisho. ²Ichikalatayari ibilisi wekalaadzika mwanzo kahi za moyo wa Yuda isikariote, mwana wa Simoni, kumusaliti Jesu.³Jesu wefahamu kukalapaba adzika vitu vyosi kahi za mukonowe na kpwamba adzombola kpwa Mulungu na wekalaanenenda keheri kpwa Mulungu. ⁴Weuka chakuryani na achihandkika tsi vazire ra konze. chisha achihala taulo achidzifunga. ⁵chisha achenjiza madzi kahi za bakuli na achanza kuojesa magulu anafunzie na kuafuta na taulo ambayo wedzifunga.⁶Achidza kpwa Simoni Petero, na Petero achimvambira, "Bwana, unahenza kunojesa magulu gangu?" ⁷Jesu achijibu na kuambira, "Muhendaro kamurimanya sasa, ala mundaelewa baadaye" ⁸Petero achimwambira, "Kundanojesa magulu gangu kamare"Jesu achijibu, "Ichikalasindakojesa, kundakalana sehemu hamwenga na mimi." ⁹Simoni Petero achimwambira, "Bwana usinojese magulu gangu tu ala hata na mikono na chitswa changu."¹⁰Jesu achimwambira, "Yoyosi ariye adzoga kare kamala koga isihokalamaguluge na akalasafi mwiriwe wosi, mwimwi mudzikalasafi, ala si mwosi." ¹¹(kpwa kukalaJesu wemanya yuyatu angemusaliti ii ndiyo kukala weamba, "si nyosi mudziokalasafi.")¹²Wakati Jesu arihokalaadzivojesa magulu gao na chisha kurihala vazire na kuvala keheri, weambira, "Je mwaelewa chira ambacho nidzivahendera? ¹³Mwaneha mimi, "Mwalimu"na Bwana ii ananena jeri kpwa here ndivyo nirevyo. ¹⁴Ichikalamimi bwana mwalimu, nidzivojesa magulu genu, mwimwi pia idzimvapasa kumvojesa anzenu magulu. ¹⁵kpwa kukalanidzimvapa mfano ili kpwamba mwimwi pia muhende here mimi nirivyohenda kpwenu.¹⁶Aminini amini navambira, mtumwa si mubomu kuriko bwanawe; wala yuyatu ariye adzihumwa si mubomu kuriko yuyatu adziyemuhuma. ¹⁷Ichikalaunafahamu mambo gaga, udzibarikiwa uchigahenda. ¹⁸Sigomba kuhusu mwimwi nyosi, kpwa kukalanamvamanya aratu ambao nidzivatsagula ala nagomba gaga ili kpwamba maandiko gaweze kutimira; "iye aryaye mukahe wangu adzienula chisiginoche."¹⁹Namvambira riri sasa kabila karidzaombolera ili kpwamba ringeombolera, muweze kpwamini kukalamimi ni iye." ²⁰Amini, amini, namvaambira, anihocheraye mimi nikumuhochera ariye nina muhuma na yuyaru anihocheraye mimi nikumuhochera yuyatu adziye nihuma."²¹Wakati Jesu arrihogomba gaga, wesumbuka rohoni, weshuhudia na kugomba, "Amini, amini namvambira kukalamumwenga wenu andanisaliti." ²²Anafunzie mvachilolana, mvachishangaa ni kpwa ajili ya hiye wezungumuza.²³Mumwenga wa anafunzie, ariye Jesu wemuhenza, wekalayudzijemera dzulu ya meza upande wa Jesu. ²⁴Simoni Petero achimuza mwanafunzi yuyu na kugomba, "Hambire ni hiye ariye kpwakpwe anamuzungumzira. ²⁵Mwanafunzi yuyatu achienuka na achimwamba Jesu, "Bwana, nihiye?"²⁶chisha Jesu achijibu, "Ni kpwakpwe yuyatu nindiye mchovyera mkahe na kumupa."vivyo arihochovya mukahe, wemupa Yuda mwana wa Simoni Iskarioti. ²⁷Baada ya mkahe shetani wemwenjira chisha Jesu achimwambira, "Chiratu ambacho unahenza kuhenda uchihende haraka."²⁸Sasa kakuna mutu kahi za meza wemanya kukala ya Jesu kugomba jambo riri kpwakpwe. ²⁹Baadhi yao mvedhani kpwamba kpwa kukala Yuda wegwira mufuko wa fedha Jesu achimwambira "Gula vitu huvihenzavyo kpwa ajili ya sikukuu."au kpwamba anahitajika kulavya chitu kpwa masikini. ³⁰Baada ya Yuda kuhochera mkahe, wembolanze haraka; na yekalausiku.³¹Wakati Yuda arihokalayudzuka, Jesu wegomba "Sasa mwana wa adamu adzitukuzwa, na Mulungu adzitukuzwa kahi za iye. ³²Mulungu andamutukuza kahi za iye mwenye na andamutukuza maramwenga. ³³Ahoho atite, ni hamwenga namwi kpwa muda mchache. Mundanitafuta na here nirivyo mvaambira ayahudi. Nendako, kamuweza kudza. sasa namvambira mwimwi pia.³⁴Navapa sheria mbisha, kukalamuhenzane here mimi nirivyo mvahenza mvamvahenzao mwimwi, vivyo vyoivyo mwimwi pia idzimvapasa kuhenzana mwimwi kpwa mwimwi. ³⁵kpwa ajili ya riri atu mvandamanya kukalamwimwi ni anafunzi angu, ichikalamuna uhenzo kpwa chila mumwenga na munjine.³⁶Simoni Petero achimwambira, "Bwana, wendahi?"Jesu achijibu "Hatu nendaho kpwa sasa kundaweza kunitua, ala undanitua baadaye." ³⁷Petero, achimwambira,"Bwana, kpwa noni nisikutue hata sasa? Mimi nindagomboza maisha gangu kpwa ajiliyo." ³⁸Jesu achimujibu, "Je undagomboza maishago kpwa ajili yangu? Amini amini nakpwambira jimbi karindaika kabila kudzanikana mara tahu.

Chapter 14

¹"Usiuriche moyowo kuyugika. Wamwamini Mulungu; niamini namimi. ²Kahi za nyumba ya Paba, muna vyumba vinji. kalaho si vivyo, nindemvambira, kpwa here nenenda nikamvatayaerishire hatu. ³Nichenenda tayarisha hatu kpwa ajili yenu, nindauya keheri nidze nimvahochere, ili ho nindihokalanamwi mundakalahaho.⁴Mwaimanya njira ya ko nendako mwimwi." ⁵Tomaso achimwambira Jesu, "Bwana, kahukumanya wendako; hundamanyadze njira?" ⁶Jesu achimwambira, "Mimi ndimi njira, ujeri, na uzima; kakuna afikaye kpwa Paba isihokalakpwa kuchirira kpwangu. ⁷kalaho mwenimanya mimi, mundekalamwemumanya na Paba naye. Kula wakati uu, mudzimumanya na mudzimona."⁸Filipo achimwambira Jesu, "Bwana, honyese ye Paba, riro rindahutosha sisi." ⁹Jesu achimwambira, "Nidzikalanamwi muda wosi ala bado kamudza nimanya, Filipo? Yoyosi ariye adzinona mimi yumona Paba. Mwawezadze kunamba, 'Honyese ye Paba'?¹⁰Je mwamini kukalani kahi za iye Paba na ye Paba yukahi zangu? Maneno nimwambirago mwimwi siganena kpwa amuri yangu, ala iye Paba aishiye ndani yangu wahenda kaziye. ¹¹Aminini kukalani ndani ya iye Paba, na iye Paba yundani yangu, sevyo aminini kpwa go mahendo genye.¹²Ujeri namvambira, aniaminiye mimi andahenda mahendo gangu nigahendago, na andahenda mambo mabomu zaidi ya gaga kpwa kukala nenenda kpwa Paba. ¹³Chochosi muvoyacho kpwa dzina rangu, nindachihenda ili Paba atukuke kahi za Mwanawe. ¹⁴Mundichovoya kpwa dzina rangu, nindachihenda.¹⁵kalamwanihenza, mundatua sheria zangu, ¹⁶nami nindamuvoya Paba, naye andamvapa munjine wa kumvasaidia andekalanamwi siku zosi- ¹⁷Roho wa ujeri. Urimwengu kauweza kumuhochera kpwa kukalakaudzamona wala kumumanya. ala mwimwi mwamumanya, kpwa here waishi namwi na andakalandanini mwenu.¹⁸Sindamvaricha here mayatima; nindamvauyira. ¹⁹kpwa muda muchache, urimwengu kaundanona, ala mundanona. kpwa kukala naishi, namwi pia mundaishi. ²⁰Siku iyo mundamanya kukalanindani ya Paba, na kukalamu ndani yangu, na kukalani ndani yenu.²¹Ye ariye ana malakizo gangu na kugatua ndiye anihenzaye, na ye anihenzaye andahenzwa ni Paba, nami nindamuhenza na nindadzonyesa kpwakpwe." ²²Judasi (seye Iskariote) achimwambira Jesu, "Bwana, kpwadze udzonyese kpwehu hacheye na si kpwa urimwengu?"²³Jesu achimujibu achimwamba, "Yoyosi anihenzaye, andagwira neno rangu. Paba wangu andamuhenza, hundamutua na hundahenda makalo naye. ²⁴Yoyosi asiyenihenza kagwira maneno gangu. Neno murisikiraro karila kpwangu ala rila kpwa Paba arenihuma.²⁵Nidzimvaambira gaga, nichere nanyi. ²⁶Idzaho, ye Mufariji-Roho Mtakatifu ariye andahumwa kpwenu ni Paba kpwa dzina rangu- andamvafundisha chila chitu na andamvakumbusha chila nimvamboracho. ²⁷Namvaricha kpwa amani; namvapa amani yangu. Siilavya here urimwengu ilavyavyo. Musitaabike rohoni, wala musogoheni.²⁸Mwesikira nichimvamba, ' Nenenda, ala nindamvauyira.' kalaho mundenihenza, mundekalamuna raha kpwa kukalanenenda kpwa Paba, kpwa here iye Paba ni mubomu kunishinda mimi. ²⁹Sasa nidzimvambira kabla gahendeke ili, gachihendeka, mundaamini. ³⁰Sindanena manji namwi keheri, kpwa here mutawala wa urimwengu wadza. Kana nguvu dzulu yangu, ³¹ala ndiho urimwengu umanye kukalanamuhenza iye Paba, nahenda here Paba arivyo niamuru. Nahuhaukeni haha hwenende."

Chapter 15

¹Mimi ni mzabibu wa jeri, na paba wangu ndiye mukurima. ²Chila tagaa ndani yangu ambaro kaivyala tunda, nikurusa na kusafisha chila tagaa ambayo ni kuvyala ili kpwamba riweze kuvyala matunda muno.³Mwimwi kare mudzikalasafi kpwa kukala ya ujumbe ambao nidzimvambira kare. ⁴Mukale ndani yangu na mimi ndani yenu. Here tagaa isihoweza kuvyala hacheye isihokalakahi za mzabibu, vivyo na nyinyi musihokalandani yangu⁵Mimi ni mzabibu, mwimwi mu tagaa. yoyosi adumuye ndani yangu na mimi ndani ye iye nikuvyala matunda manji, kpwa kukalahasiho mimi kamuweza kuhenda dzambo rorosi. ⁶Chikalamutu yoyosi kandabaki ndani yangu, nikutsuhiwa here tagaa na kunyauka, atu nikukusanya tagaa na kuzitsuha kahi za moho na kusha. ⁷Chikalamundadumu ndani yangu, na chikalamaneno gangu gachidumu ndani yenu, voyani rorosi mumalavyo namwi mundahenderwa.⁸Kahi za riri paba wangu adzitukuzwa, kukalamwavyala matunda manji na kpwa riri vaonyesa kukalani anafunzi angu. ⁹Baha paba arivyonihenza mimi, mimi nami nidzivahenza mwimwi, dumuni kahi za henzo rangu.¹⁰Chikalamundagwira sheria zangu, mundadumu kahi za henzo rangu here nirivyogwira sheria za paba na kudumu kahi za henzore. ¹¹Nidzinena mambo gaga kpwenu ili kukalafuraha yangu ikale ndani yenu na ili kpwamba furaha yenu ihendeke kukalatimilifu.¹²Ii ndiyo amri yangu kukalamuhenzane mwimwi kpwa mwimwi here nirivyo ahenza mwimwi. ¹³Kakuna mutu ariye na uhenzo mubomu kuriko iye ombozaye maishage kpwa ajili ya asenae.¹⁴Mwimwi mu asenangu chikalamundahenda garatu nialakizago ¹⁵Simveha atumwa, kpwa kukalamtumwa kamanya ahendacho bwanawe. Nidzimveha mwimwi asenangu, kpwa kukala nidzimvamanyisa mambo gosi ambago nidzigasikira kulaa kpwa paba.¹⁶Khamunitsagulire mimi, ala mimi nemvatsgula mwimwi na kumvaika mwende mukavyale matunda, na tunda renu ripate kukalariri vivi ili kpwamba chochosi muvoyacho kpwa paba kpwa dzina rangu, andavapa. ¹⁷Mambo gaga navalakiza kukalamuhenzane chila mutu na munziwe.¹⁸Chikalaurimwengu undavatsukirirwa, mumanye kukalaenitsukirirwa mimi kabila kuvatsukirirwa mwimwi. ¹⁹Chikalamungekalaa urimwengu, urimwengu ungevahenza here akpwao, ala kpwa kukalamwimwi si a urimwengu na kpwa kukalanemvatsagula kula kahi za urimwengu, na kpwa ajili ii urimwengu ni kumvatsukirira.²⁰Kumbukani neno ambaro nevaambira, "Mtumwa ni mubomu kuriko bwanawe."Ichikalamvenitesa mimi,mvandavatesa na mwimwi ichikalamugwira neno rangu, mvandarigwira na renu namwi. ²¹Mvandamvahenda mambo gaga gosi kpwa ajili ya dzina rangu kpwa kukalakhamvamumanya iye ariye nihuma. ²²kalasindekudza na kumvaambira, kavangekalana dambi, ala sasa kamvana udhuru kpwa dhambi yao.²³Anitsukiriraye mimi ni kumutsukirirwa papa wangu naye. ²⁴Chikalasidzangwe kuhenda kazi miongoni mwao ambayo kahana mumwenga ariye ihenda, mvangekalakamvana dambi ala sasa mvehenda gosi meri mvadzona na mvadzinitsukirirwa mimi na paba wangu. ²⁵Riri rombola ili kukalanone ritimire ambaro reandikpwa kahi za sheria zao, "Mvananitsukirirwa mimi bila chosa."²⁶Wakati mufariji akudza, ariye nindamuhuma kpwenu kulaa kpwa paba yuyu ndiye Roho wa jeri, ariye waombola kpwa paba, andanishuhudia. ²⁷Mwimwi pia mwamshughudia kpwa kukalahamwenga nami hangu mwanzo.

Chapter 16

¹"Nidzimvambira mambo gaga ili musidze mukakpwazika. ²Mvandamvainga nze ya masinagogi. ala wakati undafika ambao chila mutu andeolaga mumwenga wenu andafikiria wahenda kazi mbidzo kpwa ajili ya Mulungu.³Mvandagahenda gaga kpwa kukalakamvadza mumanya Paba wala kamvadza nimanya mimi. ⁴Nidziganena gaga kpwenu ili wakati wao uchifika, mundakumbuka kukalanemvambira kuahusu. Simvambirire kuhusu gaga kula ho mwanzo, kpwa kukala nekalanihamwenga namwi.⁵ala sasa nenenda kpwa iye arenihuma, ala kahana mumwenga wenu anuzaye, 'Wendahi?' ⁶ala kpwa kukalanidzimvambira maneno gaga, huzuni idzimvadzala mioyoni mwenu. ⁷ala ujeri namvambira, ni bora kpwenu nenenda. kpwa here kalasindenenda, iye mufariji wenu kandakudza, ala nichenda, nindamuhuma adze.⁸Achidza, iye mufariji andauthibitishira urimwengu kukalawakosera kuhusu dambi, kuhusu utauwa, na hukumu- ⁹kuhusu dambi, kpwa kukalakamvanamini; ¹⁰kuhusu utauwa, kpwa kukalanenda kpwa Paba nanyi kamundanona keheri; ¹¹na kuhusu hukumu, kpwa kukalamutawala wa urimwengu yuhukumiwa.¹²Nina manji ga kumvambira, ala kamundaweza kugaelewa kpwa sasa. ¹³ala iye Roho wa Ujeri achidza, andamvalongoza kahi za ujeri wosi kpwa kukalakandanena gakpwe iye mwenye. ela andanena chila achisikiracho, na andamvambira mambo gadzago. ¹⁴Andanitukuza mimi, kpwa kukalaandahala chilacho kpwangu naye andamvambira.¹⁵Chila chitu chiricho cha Paba ni changu. kpwa vivyo, nidzamba iye Roho andahala chila chiricho changu naye andamvambira. ¹⁶kpwa wakati mufuhi kamundanona, na kpwa wakati mufuhi mundanona."¹⁷Ndiho anafunzi anjine mvachinong'onezana, "Ni maneno gani ahwambirago, 'kpwa wakati mufuhi kamundanona, na kpwa wakati mufuhi mundanona,' na 'kpwa kukalanenda kpwa Paba'?" ¹⁸kpwa vivyo mvachamba, "Ni noni ino ambaro, 'Wakati mufuhi'? Kahumanya wanena kuhusu noni."¹⁹Jesu achona mvamala kumuza, naye achitangulia kumvauza, "Gano ndo munong'onezanago kpwamba nidzimaanishani nidzihoamba, 'kpwa wakati mufuhi kamundanona na kpwa wakati mufuhi mundanona'? ²⁰Ujeri, ujeri namvambira, mundarira na kuomboleza, ala urimwengu undasherekea. Mundahuzunika, ala huzuni yenu indagaluzwa kukalafuraha. ²¹Mwanamuche achidzifugula, wahuzunika kpwa kukalawakatiwe ufika, ala baada ya kudzifugula mwana, kakumbuka keheri mateso kpwa kukalawasherekea kukalayureha mwana wa chilume urimwenguni.²²kpwa vivyo muna huzuni saa ii, ala nindamvona keheri, namwi mundakalana raha, na kakuna andeweza kumvahoka raha iyo. ²³Siku iyo kamundanuza chochosi. Amini, Amini namvambira, chochosi mundicho chimala kpwa Paba kuchirira dzina rangu, andamvapa. ²⁴Mpaka sasa kamudzamala chochosi kpwa dzina rangu. Voyani, namwi mundapewa, ili furaha yenu itimire.²⁵"Nidzimvambira gaga mambo kpwa mafumbo, ala wakati undafika ambao sindamvanenera kpwa mafumbo, ala badalaye nindamvambira lwazu lwazu kuhusu iye Paba.²⁶Siku iyo mundamala chochosi kpwa dzina rangu, na sidza amba kukalanindamvavoyera kpwa Paba kpwa ajili yenu, ²⁷kpwa kukalaiye Paba mwenye wamvahenza kpwa kukalamudzinihenza na kpwa kukalamwa amini kukalanala kpwa Mulungu. ²⁸Nalaa kpwa Paba, na nikudza urimwenguni. Keheri, nauricha urimwengu na nenenda kpwa iye Paba."²⁹Anafunzie mvachamba, "Lola, vivi sasa wanena lwazu lwazu wala kuhumira mafumbo. ³⁰Sasa humanya kukalawamanya mambo gosi, na kumala mutu yoyosi kukuuza maswali. kpwa kukala ii, hwaamini kukalawekudza kula Mulunguni." ³¹Jesu achimvauza, "Mwa amini sasa?³²Lolani, wakati undafika, ndio, na ufika, mundatawanyika, chila mutu ende kpwakpwe, na mundaniricha hachiyangu. ela si hachi yangu kpwa kukalaPaba yuhamwenga nami. ³³Nidzinena maneno gaga kpwenu ili mupate amani ndani yangu. Kahi za urimwengu uu muna mateso, ala dzipeni moyo, nidziushinda urimwengu."

Chapter 17

¹Jesu arihogomba mambo gago, weenula matso kpwelekeza Mulunguni, achamba, "Paba saa ifika ya kumutukuza mwanao ili na mwana naye akutukuze uwe. ²Here viratu urivyomupa mamulaka dzulu ya vyosi virivyo na mwiri ili amvape uzima wa kare na kare vavo osi uriomupa.³Uo ndio uzima wa kare na kare: kukalamvakumanye uwe, Mulungu wa jeri na wa hacheyo, na iye uriyemuhuma, Jesu masihi. ⁴Nidzikutukuza haha duniani na kuimarikiza kazi uriyonipa niihende. ⁵Bai Paba unitukuze mimi hamwenga nawe kpwa utukufu uratu niriokalanao hamwenga nawe kabila ya urimwengu kuumbwa.⁶Nerika wazi dzinaro kpwa atu urionipa haha duniani mvekalaatuo ala uchinikabidhi mimi, naomvadziribwira neno ra kpwako. ⁷Vivi mvanamanya kukalachila chitu urichonipa mimi chilaacho kpwako. ⁸kpwakukala nidzivapa maneno garatu gosi urigonipa mimi. Mvegahochera kpwa jeri mvachimanya kukalamimi nidzombola kpwako mvachiamini kukalauwe ndiwe uriyenihuma.⁹Ninamvoyera mvanvo siumvoyeraurimwengu ela mvamvo urionipa kpwakukala ao ni ako. ¹⁰Vitu vyosi ambavyo ni vyangu ni vyako na viratu urivyonavyo uwe ni vyangu, nami ninatukuzwa kahi za vivyo. ¹¹Mimi simo keheri urimwenguni, ala mvamvo bado vya urimwenguni nami sasa nadza kpwako. Paba mtukufu, mvafunze kpwa dzinaro urironipa mimi ili mvamvo nao mvakale chitu chimwenga, here viratu mim nauwe huchitu chimwenga.¹²Nirihokalanao, nemvarinda kpwa dzina urironipa; nemvarinda na kakuna hata mumwenga wao ariyeangamika isihokalamwana mulangazamiki ili kpwamba maandiko gatimire. ¹³Vivi nadza kpwako, ala nagagomba gaga urimwenguni ili kalafuraha yangu itimire ndani yao enye. ¹⁴Nidzimvapa neno ra kpwako, dunia idzimvatsukirirwa kpwa kukalamvamvo si a urimwengu, here viratu ambavyo mimi siwaurimwenguni.¹⁵Simvavoyera kukalauvaomboze urimwenguni ela uvarinde na yuyatu mwovu. ¹⁶Mvamvo si a dunia here viratu ambavyo mimi nisivyokalawa urimwenguni. ¹⁷Umvatenge kpwa ajili ya kpwako mwenye katika ujeri, neno ra kpwako ndio ujeri.¹⁸Here urivyonihuma urimwenguni nami ninamvahuma urimwenguni. ¹⁹kpwa ajili yao mimi mwenye ninadzomboza kpwako ili kpwamba na mvamvo mvadziomboze kpwa iyo jeri.²⁰Si mvamvo tu nivavoyerao, ala na mvamvo mvandioamini kuchirira neno rao ili mvamvo nao mvakale chitu chimwenga here mviratu uwe Paba urivyo ndani yangu nami ndaniyo. ²¹Namvavoyera mvamvo pia mvaweze kukalandani yehu ili urimwengu uweze kuamini kukalauwe ndiwe uriyenihuma.²²Utukufu uratu urionipa mimi nami namvapa mvamvo kpwamba mvaweze kukalachitu chimwenga, here viratu sisi hurivyo chitu chimwenga. ²³Mimi ndani yao, nawe ndanni yangu, ili mvaweze kukamilishwa kahi za umwenga ili urimwengu umanye kukalakpwa jeri ndiwe uriyenihuma, na kuvahenza, here uwe urivyonihenza mimi.²⁴Paba, natamani kukalamvamvo nao vaweze kukalahamwenga nami hatu haha niriho ili mvaweze kona utukufu wangu, uratu urionipa kpwa kukalauwe wenihenza mimi kabila ya kuumbwa kpwa misingi ya urimwengu.²⁵Paba uriye na hachi, urimwengu kaukumanyire uwe, ala mimi nakumanya uwe na mvamvo mvanamanya kukalawenihuma. ²⁶Nerihenda dzinaro rimanyikane kpwao na nindarihenda rimanyikane ili kukalariratu henzo ambaro kpwa riro udzinihenza mimi riweze kukalandani yao na mimi niweze kukalandani yao."

Chapter 18

¹Baada ya Jesu kugomba gago maneno, achombola na anafunzie achenda upande wa hiri wa Kidroni, ambako kpwekalana bustani ambako iye na na anafunzie mvenjira. ²Sasa Judasi, aretarajiwa kumusaliti, pia wehamanya, kpwa kukalaJesu wakati munji wekutana na anafunzie haho. ³Ndiho Judasi, achimvalongoza kundi ra askari na ma afisa kula kpwa makuhani abomu na mafarisayo, mvachenda na vyenze, mataa na silaha.⁴Ndiho Jesu, ariyekalawamanya gosi garigokalagamufika, achenda mbere achiauza, "Mwamutafuta ani?" ⁵Mvachimujibu, "Jesu wa Nazareti."Jesu achimvamba, "Ndimi."Judasi, ariye musaliti, naye wekalaadzema hamwenga na o Shikari.⁶Sasa ariho mvambira, "Ndimi,"mvachuya na nyuma mvachigwa. ⁷Achimvauza keheri, "Mwamutafuta ani?"kpwa mara injine mvachimujibu, "Jesu wa Nazareti."⁸Jesu achimvajibu, "Nidzimvambira ndimi. Sasa kalamwanitafuta mimi, richani ano anjine venende." ⁹Ii yekalani kpwa kukala ya kutimiza andiko ariro amba: "Kahi ya mvo urionipa, sitsuhire ta mumwenga."¹⁰Ndiho Simioni Petero, ariyekalaana panga, achiwomboza achimukata mutumishi wa kuhani mubomu sikiro ra mukono kulume. Dzina ra iye ariye katwa sikiro ni Maliko. ¹¹Jesu achimwambira Petero, "Udzya ro panga choani. kpwa noni nisinwe chikombe Paba arichonipa?¹²kpwa vivyo kundi ra askari na chilongozi wao, na ahenzi kazi a Ayahudi, mvachimugwira Jesu na kumufunga. ¹³Mvachimulongoza kpwa Anania, kpwa kpwa here wekalawekalamutsedza wa Kayafa, arekalakuhani mubomu mwaka uwo. ¹⁴Sasa Kayafa ndiye arekalaalavya mawaidha kpwa Ayahudi kukalaindekalanafuu mutu mumwenga afe kpwa ajili ya atu anji.¹⁵Simioni Petero achimutua Jesu, hamwenga na mwanafunzi munjine. Sasa iye mwanafunzi wekalawamanyikana ni Kuhani mubomu, naye achenjira hamwenga na Jesu kahi za mahakama ga kuhani mubomu; ¹⁶ala Petero wekalawemire muyangoni nze. kpwa vivyo yua mwananfunzi munjine, arekalawamanyikana ni kuhani mubomu, achombola achenda nena na murinzi wa ryango, achimureha Petero ndani.¹⁷Ndiho yuya chijakazi wa chiche, murinzi wa lango, achimuza Petero, "We kumumwwenga kahi za anafunzi a yuno mutu?"Achimujibu, "Hata simi." ¹⁸Sasa ao vijakazi na ma afisa mvekalamvemire haho, na mvekalamvatengeza moho mvaoha, kpwa kukalakpwekalakuna peho nyinji. Petero wekalahamwenga namvo, adzema waoha moho.¹⁹Kuhani mubomu ndiho achimuza Jesu kuhusu anafunzie na mafundishoge. ²⁰Jesu achimujibu, "Nidzikalanichinena lwazu kpwa urimwengu. Nekalanichifundisha kahi za masinagogi na kpwenye mahekalu kpwenye Ayahudi osi nikukusanyika. Siwahire kunena rorosi ra siri. ²¹Mbona be mwanuza? Mvauzeni ao mvarenisikira ninenago. Lolani, mvamvo atu mvamanya nenenani."²²Jesu arihokalaanena gago, mumwenga kahi ya ma afisa arekalawemire haho achimupiga Jesu achimwamba, "Vyo ndo ujibuvyo kuhani mubomu?" ²³Jesu achimujibu, "kalaninena mai, shuhudia mai gangu, ala kalaninena ujeri, be kpwa noni wanipiga?" ²⁴Ndiho Anania achiamuru ahirikpwe kpwa Kayafa, kuhani mubomu achikalayufungwa.²⁵Sasa Simioni Petero wekalawemire waoha moho. Atu mvachimuza, "We kumumwenga kahi za anafunzie?"Achikahala achamba, "Simumwenga wao." ²⁶Mumwenga kahi za atumishi a kuhani mubomu, arekalamvahusiana na yuya arekatwa sikiro ni Petero, achamba, "Siwe nirekona kahi za Bustani naye we?" ²⁷Petero achikana keheri; na jogolo haho kpwa ho richiika.²⁸Kula haho mvachimulongoza Jesu kula kpwa Kayafa mpaka makalo makulu ga serikali. Yekla madzacha sana, nao kamvenjirire makalo gago makulu ili mvasenjizwe najisi ela mvaweze kurya pasaka. ²⁹kpwa vivyo Pilato achombola achenda mvauza, "Ni mashitaka gani mumushitakigo yuno mutu?" ³⁰Mvachijibu mvachimwambira, "kalaho mutu yuyu si muhenda mai, kahundemureha kpwako."³¹Pilato ndiho achimvambira, "Muhaleni enye be mumuhukumu kulingana na sheria zenu."Ayahudi mvachimwamba, "Si kahi za sheria zenu kolaga mutu yoyosi." ³²Mvenena gago ili neno ra Jesu ritimire ariro rinena kuonyesa ishara ya chifo cha kpwakpwe chindivyo kala.³³Ndiho Pilato achenjira makalo makulu ga serikali na achimweha Jesu achimuuza, "We umufalume wa Ayahudi?" ³⁴Jesu achimvajibu, "Je, mwajibu kula rohoni mwenu, ama anjine mvealezera kunihusu?" ³⁵Pilato achamba, "Mino si Muyahudi, mwanona ni Muyahudi? Atu enu enye na kuhani wenu mubomu mvekureha kpwangu. Wehendadze kpwani we?"³⁶Jesu achimujibu, "Ufalume wangu si wa urimwengu uu. kalaho ufalume wangu wekalau sehemu ya urimwengu uu, be atu angu mvandepigana ili nisilaviwe kpwa Ayahudi. ala, ufalume wangu kaula na haha." ³⁷Pilato achimuza, "Sasa we umufalume?"Jesu achimujibu, "Udzamba mimi ni mufalume. kpwa kukala iyo, nevyalwa nevyalwa, na kpwa kukala iyo, nekudza urimwengu uu, kushuhudia ujeri. Chila ahusianaye na ujeri, wanisikiza mimi sauti yangu."³⁸Pilato achimuza, "Sasa ujeri ni hio?"Arihonena gago, achenda keheri kpwa ao Ayahudi achimvamba, "Sona kosa rorosi kpwa yuyu Mutu mino. ³⁹ala muna mila ya kpwamba nirichire mutu mumwenga siku ya pasaka. Sasa, mwamala niarichire yuno mufalume wa Ayahudi?" ⁴⁰Ndiho mvachipga kululu mvachamba, "Apana, si iye, hwamumala Baraba."Baraba wekalamunyang'anyi.

Chapter 19

¹chisha Pilato achimuhala Jesu achiamuru apigwe mijeledi. ²askari mvachisuka kofia ya miya. Mvachimuvalisha Jesu chitswani chisha mvachimuvalisha gwanda ra rangi ya zambarau. ³Mvachimutua mvachimwamba, "Salamu za heko kpwa mufalume wa Ayahudi!"chisha mvachimuchapa.⁴chisha Pilato achombola nze keheri achimvamba, "Lolani namomboza nze kpwenu keheri ili mumanye sidzamupata na kosa rorosi." ⁵kpwa vivyo Jesu achombola kuno yuvishwa yo kofia ya miya na gwanda ra rangi ya zambarau.Pilato achimvambira, "Lolani, tiyuno ye mutu!" ⁶Abomu a makuhani na mafarisayo mvarihomona, mvachipiga kululu mvachamba, "Musulubishe, musulubishe!"Pilato achimvamba, "Muhaleni mukamusulubishe enye, kpwa kukalasona kosa rorosi kpwakpwe."⁷Ayahudi mvachimujibu, "Huna sheria zehu, na kulingana na zizo sheria, ni lazima afe kpwa kukalawedzenula kukalaMwana wa Mulungu." ⁸Pilato arihosikira gago, achizidi kpwenjirwa ni woga, ⁹achenjira makao makulu ga serikali keheri achimuza Jesu, "kpwani we ulaa nahi?"ala Jesu kamujibire.¹⁰Ndiho Pilato achimwambira, "Kunda nijibu? kpwani we kumanya kukalamino nina uwezo wa kukurichira, na uwezo wa kukusulubisha?" ¹¹Jesu achimujibu, "Kuna uwezo wowsi dzulu yangu isihokalacho uricho chipewa kula dzulu. kpwa vivyo, iye arenilavya kpwako ana dambi bomu zaidi."¹²kpwa jibu riro, Pilato achijeza kumurichira, ala Ayahudi mvachipiga kululu na kpwamba, "Uchimurichira mutu iye, kuna usena na Kaisari. Chila adzihendaye kukalamufalume wanena chinyume na Kaisari." ¹³Pilato arihosikira gago maneno, achimureha Jesu nze na achisagalira chihi cha hukumu hatu hehewaho "Sakafu"ala kpwa luga ya Ebrania, "Gabatha"¹⁴Sasa yekalani siku ya matayarisho ga pasaka, mwendo wa saa handahu. Pilato achimvambira Ayahudi, "Lolani, mufalume wenu tiyu!" ¹⁵Mvachipiga kululu na kpwamba, "Kahumwenzi, kahumwenzi; musulubishe!"Pilato achimvambira, "Nimusulubishe mufalume wenu?"Makuhani abomu mvachimujibu, "Kahuna mufalume isihokalaKaisari." ¹⁶Ndiho Pilato achimvapa Jesu enye mvakamusulubishe.¹⁷Ndiho mvachimuhala Jesu, achibebeshwa musalabawe mwenye, mpaka hatu hehewaho "Vuvu ra chitswa"ambaho kpwa luga ya Ebrania "Gologotha." ¹⁸Mvachimusulubisha Jesu kuko, hamwenga na atu anjine airi, mumwenga chila upande wa Jesu, Jesu achiikpwa kahikahi.¹⁹Pilato pia achandika chibao achichigonga ho dzulu ya musalaba. Chibao cheandikpwa: JESU WA NAZARETI, MUFALUME WA AYAHUDI. ²⁰Anji kahi za Ayahudi mvachisoma chicho chibao kpwa kukalahatu ariho sulubishwa Jesu hekalahehi na mudzi mubomu Chibao cheandikpwa kpwa luga ya chi Ebrania, Rumi na kpwa Chiyunani.²¹Ndiho makuhani abomu a Ayahudi mvachimwambira Pilato, "Usandike, 'Mufalume wa Ayahudi,' undeandika, 'Yuyu weamba, "Mimi ni mufalume wa Ayahudi"" ²²Pilato achimvajibu, "Nidzicho andika nidzandika kare."²³askari mvariho musulubisha Jesu, mvehala nguoze, mvachigavirana mara nne, chila mumwenga yakpwe; vivyo vivyo hata kanzu. Sasa iyo kanzu yekalakaidzashonwa, ala yekalaifumwa yosi kula dzulu. ²⁴Ndiho mvachambirana ao kpwa ao, "Nahuziitarure, ela nahuipigire kura indaamua nani andiye ipata."Gaga gehendeka ili maandiko gakatimire garigo amba, "Mvegavirana vazi rangu na mvachipigira kura nguo zangu."²⁵Mameye Jesu, Ndugu wa Jesu wa chiche, Mariamu mukaza Kileopa na Mariamu Magdalena mvekalamvadzema hehi na musalaba wa Jesu. ²⁶Jesu ariho mona mameye na mwanafunzi aremuhenza mvadzema hehi naye, achimwambira mameye, "Mame, mulole mwanao!" ²⁷Halafu achimwambira ye mwanafunzi, "Mulole mameyo!"Kula dakika iyo ye mwanafunzi achimuhala Mameye achenda naye kpwakpwe.²⁸Baada ya gago, Jesu arihomanya kukalasasa chikamilika kulingana na maandiko, achamba, "Nina chihu." ²⁹Chombo chirichokalatele sichi chekalachidzikpwa haho, mvachika sifongo iriyodzala riro sichi dzulu ya lufiho lwa mhisopo, mvachimuneswa. ³⁰Jesu ariho neswa ro sichi, achamba, "Gasira."Achizamisha chitswa, achisalimisha rohoye achifa.³¹Ndiho Ayahudi, kpwa kukalayekalani siku ya matayarisho, na miiri kaindeweza kubaki dzulu ya misalaba siku ya sabato (Sabato yekalasiku muhimu sana), mvachimuza Pilato amvaruhusu mvavnze yo miri magulu mvayuse. ³²Ndiho askari mvachifika, mvachiavunza magulu yuya mutu wa kpwanza na wa hiri mvariokalamvasulubishwa hamwenga na Jesu. ³³Mvarihofika kpwa Jesu, mvachona kukalakare yudzefa, sasa kamvamuvunzire magulu.³⁴Hata vivyo, mumwenga kahi ya askari achimudunga lwavuni na fumo, naye damu na madzi gachimombola. ³⁵Aregaona gago alavya ushuhuda, na ushuhudawe ni wa jeri. Wamanya go adzigo gomba ni ga jeri ili namwi muweze kpwamini.³⁶kpwa here gaga mambo gehendeka ili kutimiza maandiko, "Kandavunzika mufupa hata mumwenga." ³⁷Neno rinjine naro ramba, "Mvandamulola iye mvande mudunga fumo."³⁸Baada ya gago, Josefu wa Arimathayo kpwa viratu wekalamwanafunzi wa Jesu (Chisiri kpwa kumvogoha Ayahudi), achimuza Pilato kalawaweza kuuhala mwiri wa Jesu. Pilato achimu ruhusu. kpwa vivyo Josefu achenda achiuhala wo mwiri. ³⁹Nikodemo naye achenda, yuya arekpwenda kpwa Jesu usiku chisiri. Achihirika mutsanganyiko wa manemane na udi, yapata chasi cha uziho wa ratili gana mwenga.⁴⁰Mvachiuhala mwiri wa Jesu na kuufunga na mvachiubinikiza sanza ya chitani, kulingana na tamaduni za Ayahudi za kuzika miri. ⁴¹Sasa hatu ariho sulubiwa, hekalana bustani; na kahi ya iyo bustani hekalana mbira mbisha ambayo yekalakaidzazikirwa mutu. ⁴²kpwa kukalayekalani siku ya matayarisho ga pasaka, kpwa kpwa kukalani mbira iriyokalahehi, mvachimulaza Jesu mumo.

Chapter 20

¹Sasa, siku ya kpwanza ya wiki madzacha genye bado kuchere chiza, Mariamu Magdalena achenda ko mbirani achona ro iwe ribingirishwa kula ho mbirani. ²kpwa vivyo achihauka malo achenda kpwa Simioni Petero na kpwa ye mwanafunzi munjine ariyehenzwa ni Jesu, achimvambira, "Mvemomboza ye Bwana mo mbirani, na kahumanya mwekpwenda muzikirahi."³Ndiho Petero na ye mwanafunzi munjine mvachombola, mvachenda ko mbirani. ⁴Mvosi eri mvekpwenda malo, na ye mwanafunzi munjine wekalambere ya Petero achifika wa kpwanza ko mbirani. ⁵Ariho ema na kulola mo mbirani, achiyona yo sanza ihandikpwa mumo, ala kenjirire mumo.⁶Simioni Petero naye achifika, achenjira mo mbirani. Achiyona yo sanza ihandikpwa mumo. ⁷ala leso ariyokalayufungwa chitswani, ichikalakaihamwenga na sanza ela i pembeni hucheye.⁸Ndiho yuya mwanafunzi munjine, ye arefika wa kpwanza kaburini, naye achenjira, achivyona naye achiamini. ⁹kpwa kukalampaka wakati uwo, mvekalabado kavadzangwe kumanya maandiko kukalayemulazimu Jesu afufuke kahi za wafu. ¹⁰Anafunzi mvachiuya nyumbani.¹¹ala Mariamu wekalayudzema nze ya mbira warira. Hali achirira, achishutama achilola ndani ya iyo mbira. ¹²Achona malaika eri enye nyuso nyeruhe tsetsetse mvariokalamvavala mavazi meruhe, mumwenga yusegere chitswani, munjine maguluni ariho kalayulazwa Jesu. ¹³Mvachimuza Mariamu, "Mwanamuche, kpwanoni warira?"Achimvajibu, "kpwa kukalamvemweya Bwana wangu, simanya mvemuhirikahi."¹⁴Arihogomba gago, achigaluka achimona Jesu yudzema nyumaze, ala kamanyire wekalani Jesu. ¹⁵Jesu achimuza, "Mwanamuche, mbona warira? Wamutafuta ani?"Achifikiria kukalawekalani mutunza bustani, sasa achimujibu, "Bwana, kalaudzimuhala, nambira mudzimwikahi, ili nimuhale."¹⁶Jesu achimwambira, "Mariamu."Achigaluka achimweha kpwa luga ya chi ebrania, "Raboni"(Ni sawa na kpwamba, "Mwalimu"). ¹⁷Jesu achimwamba, "Usinigute, kpwa kukalabado sidza paa kpwenda kpwa Paba, ala enda kpwa nduguzangu ukamvambe nindapaa nende kpwa Paba ariye Paba yenu pia, Mulungu wangu ariye Mulungu wenu pia." ¹⁸Mariamu Magdalena achenda achimvambira anafunzi, "Nidzimona Bwana,"na achimvambira go Jesu arigo mwambira.¹⁹Dzulo ra siku iyo, siku ya kpwanza ya wiki, anafunzi mvachikalamvadzidzifungira kpwa kumvogoha Ayahudi. Jesu achimvombolera na achema kahikahi yao achimvambira, "Amani ikale nanyi." ²⁰Arihonena gago, achimvonyesa mikonoye na lwavuni. Anafunzi mvachi sherekea mvariho mona Bwana.²¹Jesu achimvambira keheri, "Amani ikale namwi. Here vyo paba arivyo nilakiza, namwi namvalakiza." ²²Jesu ariho nena gaga, achimva vivira achimvambira, "Hocherani Roho Mtakatifu. ²³Yoyosi mundiye musamehe dambi, mvandasamehewa; yoyosi mundekosa kumusamehe dambi, kandasamehewa."²⁴Tomaso, mumwenga kahi ya o kumi na airi, ariye ehewa Didimasi, kakalire hamwenga na anjine wakati Jesu arihokudza. ²⁵Ara anafunzi anjine baadaye mvachimwambira, "Hudzimona Bwana."Achimvajibu, "Labuda nimone mikonoye iriyo na alama za misumari, na nimwenjize chala changu kahi ya zo tundu za makovu ga misumari, na nimwenjize mukono lwavuni, sindamvamini."²⁶Baada ya siku nane, anafunzie mvachikalamvadzidzifungira keheri, na Tomaso wekalayu hamwenga namvo. Jesu achidza hali miyango ifungwa, na achema hamwenga namvo, achamba, "Amani ikale namwi." ²⁷Halafu achimwambira Tomasi, "Sengera hano na chalacho na wone mikono yangu. Sengera na mukonowo uwike lwavuni mwangu. Usikale mutu wa kutsa amini, ala wamini."²⁸Tomaso achimujibu achamba, "Bwana wangu na Mulungu wangu." ²⁹Jesu achimwambira, "kpwa kukalaudzinona ndo udzamini. Mvabarikiwa ao mvaaminio, kabla kamvadzaona."³⁰Sasa Jesu wehenda ishara nyinji mbere za anafunzi, ishara ambazo kazidza andikpwa kahi ya chichi chitabu. ³¹ala zizi zandikpwa kpwenu ili muweze kpwamini kukalaJesu ndiye Masihi, Mwana wa Mulungu, na ndiho kahi za kuamini, mundakalana maisha kahi za dzinare.

Chapter 21

¹Baada ya gago Jesu achidzomboza keheri kpwa anafunzi bahari ya Tiberia. Vivi ndivyo arivyo dzombozera: ²Simioni Petero wekalahamwenga na Tomaso ariye ehewa Didimas, Nathanieli wa Kana Galilaya, ana a Zebedayo, na o anafunzi eri anjine a Jesu. ³Simioni Petero achimvambira, "Nenda nikavuhe samaki."Mvachimwambira, "Hata sisi hwadza."Mvachenda mvachipanda mashua, ala kamvapatire chitu usiku wosi.⁴Sasa, irihofika madzacha sana, Jesu achema ufuoni, ala anafunzi kamvamumanyire. ⁵kpwa vivyo Jesu achimvambira, "Vijana, mudzipata chochosi cha kurya?"Mvachimujibu, "Hata." ⁶Achimvamba, "Rushani nyavu mukono wa kurya wa dau, mundapata chochosi."Mvachihenda here mvarivyo lakizwa nao mveshindwa ta nikpwenula nyavu zao kpwa unji wa samaki mvariogwira.⁷Ndiho yuya mwanafunzi ariye henzwa ni Jesu achimwamba Petero, "Ni Bwana."Simioni Petero ariho sikira kukalawekalani Bwana, achifunga vazire (kpwa here wekalakarivalire), achidzitsuha ndani ya bahari. ⁸Mvara anafunzi anjine mvachenjira kpwa mashua (kpwa here mvekalakamvakure na ntsi kavu, here mita mwenga kula ufuoni), na mvekalamvavuha nyavu iriyokalatele samaki. ⁹Mvariho ombola ufuoni, mvachona moho, mvachiatandaza o samaki mohoni, na mikahe.¹⁰Jesu achimvambira, "Rehani samaki achache mudziogwira." ¹¹Simioni Petero ndiho achenda achivuha yo nyavu kuireha ntsi kavu, itele samaki abomu abomu, gana mwenga na hamusini na ahahu, ala hata kpwa hali iyo bado nyavu kaikatikire.¹²Jesu achimvaambira, "Nzoni mufungule."Kakuna kahi ya anafunzi ariye subutu kumuza, "U ani we?"Mvemanya wekalani Bwana. ¹³Jesu achidza, achihala o mukahe, achimvapa, hamwenga na o samaki. ¹⁴Ii yekalamara ya hahu Jesu kudzombozera kpwa anafunzi baada ya kufufka kula kpwa wafu.¹⁵Baada ya kufungula, Jesu achimwambira Simioni Petero, "Simioni mwana wa Johana, wanihenza kuashinda mvano anzio?"Petero achijibu, "Ndio Bwana, wamanya kukalanakuhenza."Jesu achimwamba, "Risa ng'onzi zangu." ¹⁶Achimwambira keheri mara ya hiri, "Simioni mwana wa Johana, wanihenza?"Petero achimujibu, "Ndio Bwana, wamanya kukalanakuhenza."Jesu achimwambira, "Rinda ng'onzi zangu."¹⁷Achimuza keheri mara ya hahu, "Simioni mwana wa Johana, wanihenza?"Petero wehuzunika kpwa here Jesu wekalaamuza kpwa mara ya hahu, "Je wanihenza?"Achimujibu, "Bwana, wamanya chila chitu uwe, wamanya mimi nakuhenza."Jesu achimwambira, "Risa ng'onzi zangu. ¹⁸Amini, Amini namvambira, murihokalaatite, mwekalamukadzivisha enye nguo na kpwenenda muhenzako, ala mudihokalaatumia, mundagoloza mikono yenu anjine mvaavishe na kumvafisha kokosi muhenzako kpwenenda."¹⁹Sasa Jesu wenena gago ili kudzionyesa ni aina yani ya chifo ambacho Petero andemutukuza Mulungu. Baada ya kuganena gago, achimwambira Petero, "Nitua."²⁰Petero achigaluka achimona ye mwanafunzi ariye Jesu wemuhenza wamvatua, iye ariyekalapia wedziremeza upande wa Jesu wakati wa chakurya cha dzulo ariye weamba, "Bwana, nani andiye kusaliti?" ²¹Petero achimona achimuza Jesu, "Bwana, yuno andahendani?"²²Jesu achimwambira, "Hata nichimala asale mpaka nindiho uya, yakuhusuni? Nitua." ²³Sasa musemo uwo uchienera kahi za andugu, kukalakandafa iye mwanafunzi mumwenga. ala Jesu kamwambirire Petero kukalaiye mwanafunzi munjine kandafa, bali, "Nichimala asale mpaka nindiho uya, yakuhusuni?"²⁴Yuyu ndiye mwanafunzi ashuhudiaye kuhusiana na gago, na ariye gaandika, na hwamanya ushuhudawe ni wa jeri. ²⁵Kuna manjine manji Jesu arigo gahenda. kalaho chila arirorihenda reandikpwa, Sidhani kalahata urimwengu ungetosha kuviika vitabu ambavyo vingeandikpwa.

Acts

Chapter 1

¹Kahi za chitabu cha kpwanza, ndugu Theofilo, neandika nichinena gosi Jesu arigoanza kugahenda na kugafundisha, ²mpaka siku ariho hocherwa dzulu, baada ya kulavya amuri kuchirira kpwa Roho Mtakatifu kpwa mitume arimvo kala uatsagula. ³Baada ya kuteseka, achidzomboza waziwazi achikala ni muzima kpwao na ushahidi munji. kpwa siku mirongo minne, wemvombolera, na achimvaeleza kuhusu ufalume wa Mulungu.⁴Ariho onana nao, achimva amuru mvasuke Jerusalemu, ela mvangojere ahadi ambayo yeikpwa ni Paba, ariyo amba, "Mwesikira kula kpwangu ⁵kukala Johana jeri webatiza na madzi, ela mundabatizwa kpwa Roho Mtakatifu siku chache zidzazo."⁶Mvariho onana hamwenga mvachimuza, "Bwana, je uno ndio wakati undiho udzya ufalume wa Israel?" ⁷Achimvamba, "Si jukumu renu kumanya wakati ama majira ambago Paba yupanga kpwa uwezowe. ⁸Ela mundahochera nguvu wakati Roho Mtakatifu andiho mvakudzira, namwi mundakala mashahidi angu kahi ya Jerusalemu na Judea yosi hata Samaria, na mwisho wa urimwengu."⁹Bwana Jesu baada ya kuganena gago, mvarihokala mvalola dzulu, achenulwa, na ingu richimvaziza nyuso zao. ¹⁰Mvarihokala bado mvalola dzulu kpwa makini, mara, ana alume airi mvachikala mvaemire hamwenga namvo mvavela nguo nyeruhe. ¹¹Mvachamba, "Mwi atu a Galilaya, mbona mwemire hano kuno mwalola Mulunguni? Iye Jesu adzehalwa dzulu kpwenda Mulunguni, andauya kpwa hali iyo mudzivyo mona ambukavyo Mulunguni."¹²Ndiho mvachuya Jerusalemu kula kpwa murima wa mizeituni, urio hehi na Jerusalemu, safari ya siku nzima ya sabato. ¹³Mvarihofika, mvachambuka dzulu chumba cha hacheye gorofani mvarihokala mvachikala. Mvekala ni Petero, Johana, Jakobo, Andrea, Filipo, Tomaso, Batholomayo, Mathayo, Jakobo mwana wa Alfayo, Simioni Zelote, na Juda mwana wa Jakobo. ¹⁴Mvekala mvosi mvadzidzitolea kpwa mavoyo, hamwenga na ara anache, Mariamu mameye Jesu, hamwenga na nduguze.¹⁵Siku zizo Petero achema kahi yao, ndugu mvasio pungua gana na mirongo miri, achimvamba, ¹⁶"Ndugu, yekala muhimu kukala neno rikaweze kutimira, kukala Roho Mtakatifu wenena kpwa mulomo wa Daudi kuhusiana na Juda, ariye mvalongoza mvario mugwira Jesu.¹⁷kpwa maana wekala ni mumwenga wehu na achihochera fungu ra huduma ii." ¹⁸(Sasa yuyu mutu wegula munda na mariho arigopata kpwa uiwe, na haho achigwa na chitswa, na mwiriwe uchahuka, na mahumboge gachimwagika. ¹⁹Mvosi mvaishio Jerusalemu mvegasikira gaga, kpwa vivyo mvachiweha munda uwo kpwa luga ya kpwao "Akeldama" yaani, "Munda wa mulatso.")²⁰"kpwa maana yeandikpwa kahi ya chitabu cha zaburi, 'Richa munda uu ukale ganzo, wela musikubali mutu yoyosi kuishi haho'; 'Muruhusuni munjine ahale nafasiye ya ulongozi.'²¹Ni muhimu, kpwa vivyo, mumwenga wa mvara mvadzekala hamwenga nasi siku zosi hurihokala na Jesu nasi, ²²kula kpwa ubatizo wa Johana mpaka siku ariho halwa achipaa dzulu, akale mumwenga kahi ya mashahidi nasi kahi ya ufufulo wa Jesu." ²³Mvachitsagula ana alume eri, Josefu ariye ehewa Barisaba, ambaye pia weehewa Yusto, na Mathia.²⁴Mvachivoya mvachamba, "Uwe, Bwana, wamanya maroho ga atu mvosi, be vivi honyese kahi ya mvamva airi, ni hiye udzemutsagula ²⁵kuhela nafsi ii kahi ya huduma na utume ambayo Juda weiricha kpwenda ko ariko tsagula." ²⁶Mvachipiga kura, kura ichimugwerera Mathia, naye achenjizwa hesabu na mvo kumi na mumwenga.

Chapter 2

¹Siku ya Pentekoste irihofika, mvekala mvahamwenga osi haho gorofani. ²Mara sauti here ya chikukuzi, ichitima kula mulunguni, nayo ichidzaza nyumba nzima mvarimokala mvasegere. ³Zichombolera mufano wa ndimi za moho, zichigavika chila mwenga ichema dzulu ya chitswa kpwa chila mumwenga wao. ⁴Mvosi mvachidzazwa na Roho Mtakatifu na achanza kunena kpwa luga tafauti, here Roho arivyo mupa uwezo.⁵Sasa hekala hana Ayahudi mvariokala mvachiishi Jerusalemu, acha Mulungu, kula kpwa chila taifa tsini ya urimwengu. ⁶Sauti iyo irihosikirika, makundi ga atu mvachidza hamwenga mvachitsanganyikirwa kpwa kukala chila ariye mvasikira, wesikira mvachinena kpwa luga ya kpwakpwe. ⁷Mvachishangaa na kustaajabu; mvachamba, "Jeri, ano mvosi si Agalilaya?"⁸Be mbona hwamvasikira, chila mumwenga kpwa luga yehu asili huriyo vyalwa nayo? ⁹Apatha na Amedi na Aelimu, na mvaishio Mesopotamia, Uyahudi na Kapadokia, na kahi Ponto na Asia. ¹⁰Frigia na Pamfilia, Misri na sehemu za Libya kpwelekea Kirene na ajeni kula Roma. ¹¹Ayahudi naOngofu, Akrete na Arabu, hwamvasikira mvachinena luga zehu kuhusu kazi bomu za Mulungu."¹²mvosi mveshangaa na kustaajabu; mvachuzana, "Ino yamaanisha noni?" ¹³Ela anjine mvachitseka na kamvurye mvachamba, "Mvarea uchi musha."¹⁴Ela Petero achema hamwenga na o kumi na mumwenga, achpandisha sauti, achimvatangazira, "Atu a Judea na anjine nyosi muishio Jerusalemu, riri narimanyikane kpwenu; sikizani kpwa makini maneno nindigo mvambira. ¹⁵kpwa maana mvamva atu kamvadzarea here mufikiriavyo, kpwa mana ni saa tahu vivi.¹⁶Ela gaga ni here arivyoandika Nabii Joel: ¹⁷'Indakala siku za mwisho,' Mulungu waamba, 'Nindamwaga Roho wangu dzulu ya adamu. Ana enu a chilume na achiche mvandatabiri, mabarobaro enu mvandaona maono, na atumia enu mvandaloha ndoho.¹⁸kpwa atumishi angu mvosi siku zizo, nindamvamwagira Roho wangu, namvo mvandatabiri. ¹⁹Nindamvaonyesa mabomu ga ajabu dzulu Mulunguni na ishara duniani tsini, mulatso, moho, na muvuche wa mosi.²⁰Dzua rindagaluzwa chiza, na mwezi indakala milatso kabla siku iyo bomu ya ajabu ya Bwana. ²¹Indakala kpwamba, chila mutu andiye eha dzina ra Bwana andaokolwa.'²²Atu a Israel, sikizani gano maneno" Jesu wa Nazareti wekala mutu ariyehumwa kpwenu ni Mulungu na mambo mabomu na miujiza na ishara za ajabu ambazo Mulungu weihenda kuchirira kpwakpwe kpwenu, here mwimwi enye mumanyavyo. ²³Mutu yuyu welaviwa ni Mulungu kpwa mipango ambayo yekala ipangwa kare kabla na maarifa ga urimwengu; namwi, kpwa kuhumira mikono ya mvasomanya sheria, muchimolaga kpwa kumusulubisha na misumari mselabani. ²⁴Ela Mulungu achimufufula, achimwika huru kula kpwa mateso ga chifo, kpwa kukala yekala kaiwezekana chifo chimuzuliye.²⁵kpwa kukala Daudi wamba vivi kumuhusu, 'Nichimona Bwana siku zosi usoni mwangu, maana yu upande wangu wa kulume ili nisiyugike. ²⁶kpwa vivyo roho yangu ichikala na raha na lulimi lwangu luchisherekea. Na pia, mwiri wangu undaishi na matarajio.²⁷kpwa kukala kundairicha nafsi yangu yende kuzimu wela kundaruhusumutakatifuo akaola. ²⁸Udzinimanyisa njira za uzima, undanihenda nimanye raha mbere ya uso.'²⁹Ndugu, ni sawa mimi kumvelezera kpwa ujasiri kumuhusu paba yehu Daudi, kukala iye wefa na achizikpwa, na mbiraye hunayo ta rero. ³⁰kpwa vivyo, wekala Nabii na wemanya kukala Mulungu wekala yudzerya chiraho kpwakpwe kukala andahenda mumwenga kahi ya lukolo lwa kpwakpwe asagalire chihiche cha enzi. ³¹Wekala adzigona go gandehendeka siku zidzazo na achinena kuhusu ufuflo wa Jesu, kukala karichirwe kuzimu wela mwiriwe kola.³²Jesu iye-Mulungu wemufufula, na hosini hu mashahidi. ³³kpwa vivyo, ichikala yudzenulwa kahi za mukono wa kulume wa Mulungu, na achikala adzihochera ahadi ya Roho Mutakatifu kula kpwa Paba, iye adzimimina ii ahadi iriyo mwimwi mwayona na kuisikira.³⁴kpwa kukala Daudi kapandire dzulu Mulunguni, ela wamba, 'Bwana achimwamba Bwana wangu, "Sagela mukono wangu wa kurya ³⁵mpaka ho nindeahenda mahaduizo kukala chigoda maguluni hako." ³⁶kpwa vivyo, nyumba yosi ya Israel naimanye kukala Mulungu wemuhenda kukala Bwana na Masihi, yuyu Jesu muriye musulubisha."³⁷Sasa mvariho gasikira gaga, mvachidungwa ni miya ya rohoni, mvachimwambira Petero na mitume anjine, "Ndugu, sasa huhendedze?" ³⁸Ndiho Petero achimvamba, "Tubuni na mubatizwe, chila mumwenga wenu, kpwa dzina ra Jesu Masihi ili musamehewe dambi zenu, namwi mundahochera zawadi ya Roho Mtakatifu. ³⁹kpwa kukala ahadi ni yenu na ana enu na mvosi mvario kure, anji here ambamvo Bwana Mulungu wehu andamvaeha."⁴⁰kpwa maneno manji manjine, weshuhudia na kumvasihi, achimvamba, "Okolwani kula kpwa chizazi chichi chii." ⁴¹Ndiho mvachirihochera neno na mvachibatizwa, siku iyo mvachonjezeka atu karibu elifu tahu. ⁴²Mvachidzitolea kpwa mafundisho ga mitume na ushirika, kahi za ushirika wa kurya mukahe na mavoyo.⁴³Woga wemvenjira chila roho, na miujiza minji na ishara mitume mveihenda. ⁴⁴Mvosi mvario amini, mvekala hamwenga na mvekala na manji ga kuhelana, ⁴⁵pia mvekuza mali zao na mvarizo kala zi tsini ya ulolezi wa kpwao, mvachigavya mvozi, kulingana na mahitaji ga chila mumwenga.⁴⁶kpwa vivyo siku baada ya siku, mvedzombozera kpwa lengo mwenga hekaluni. Pia mvekala na ushirika wa kumega mikahe madzumbani, na mvachihumira chakurya hamwenga na roho za furaha na kuhenzana, ⁴⁷mvachimupa nguma Mulungu na mvachikala na chibali mbere za atu, na chila siku Bwana wemvonjeza hesabu yao kpwa mvario okoka.

Chapter 3

¹Sasa Petero na Johana mvekala mvaambuka kpwenye hekalu masaa ga mavoyo, saa chenda. ²Mwanamulume ariyekala chirema hangu tumboni mwa mameyewekala wenulwa kuhirikpwa lango ra hekalu urekala uchehewa mudzo. Mvandemwika haho chila siku kuvoya voya mvariokala mvenjira hekaluni. ³Arihomvona Petero na Johana mvaratira lango kpwenjira hekaluni, achimvavoya sadaka.⁴Petero, achimufinyira matso, hamenga na Johana, mvachimwamba, "Hulole." ⁵Ye chirema achimvalola, kpwa wekala watazamia andapewa chochosi. ⁶Ela Petero achimwamba, "Fedha na dhahabu sina, ela cho niricho nacho, nindakupa. Kpwa dzina ra Jesu Masihi wa Nazareti, tsembera."⁷Achimugwira mukono wa kulume, Petero achimwenula, naye haho kpwa haho magulu na vifundo vya maguluge vichipata mukotse. ⁸achiruka dzulu, achema naye achanza kpwenenda; chisha achenjira hamwenga na Petero na Johana hekaluni, kuno wenenda, warukaruka, na kumupa nguma Mulungu.⁹Atu mvosi mvachimona wenenda na kumupa nguma Mulungu. ¹⁰Mvachigundua kukala wekala ni iye mwanamulume ariyekala achivoya voya lango ridzo ra hekalu; mvachidzazwa ni mushangao kpwa go garigokala gahendeka kpwakpwe.¹¹Arihokala bado yuhamwenga na Petero na Johana, atu mvosi mvachiatua kahi za sehemu yehewayo ya Sulemani, kuno mvamushangaa. ¹²Petero ariho gaona, achimvambira atu, "Mwi atu a Israeli, mbona mwashangaa? Mbona mwahulola, here ndisi hudzio muhenda atsembere kpwa nguvu zehu na utakatifu wehu?¹³Iye Mulungu wa Ibrahimu, na Isaka, na wa Jakobo, Mulungu wa pabazehu, adzimutukuza mutumishiwe Jesu. Ndiye muriye mulavya na muchimukahela mbere ya Pilato, arihokala yudziamua kumurichira. ¹⁴Mwemukahela iye mutakatifu na mwenye hachi, badelaye muchimala murichirwe molagi.¹⁵Mwemolaga iye mwanzilishi wa maisha, ambaye Mulungu wemufufula kula kpwa wafu-na sisi hu mashahidi wa gago. ¹⁶kpwa imani kahi za dzinare, dzinare richimutengeza yuyu mutu, mumonaye na kumumanya, akale na afya na nguvu. Imani iyo kuchirira kpwa Jesu, ndiyo idziyomupa iye afya mbere yenu nyosi.¹⁷Sasa, ndugu, Namanya kukala mwegahenda manji kahi ya ujinga, here vilongozi enu mvarivyohenda. ¹⁸Ela mambo ambago Mulungu wegatabiri kpwenu kahi za makanwa ga Manabii, kukala Jesu andateseka, sasa adzigatimiza.¹⁹Tubuni, bai, na mugaluke, ili dambi zenu zisamehewe, ²⁰ili wakati wa kuburudika udze kula kpwa uwepo wa Bwana; naye aweze kumuhuma Masihi ariye tsagulwa kpwenu, Jesu.²¹Ndiye ambaye Mulunguni ni lazima ahocherwe mpaka wakati gosi gandiho galuzwa, ambago Mulungu weganena kula nyakati za kare kuchirira kpwa makanwa ga Manabii atakatifu. ²²Ndio Musa weamba, 'Bwana Mulungu andamwenula Nabii mumwenga here mimi kahi ya ndugu zenu. Ni lazima mumusikize iye chila andicho mvambira. ²³Indombolera kukala, chila mutu asiyemusikiza Nabii iye andangamizwa kamare kahi ya atu.'²⁴Ndio, na pia Manabii osi kula kpwa Samweli na mvo mvarekudza baada yakpwe, mvenena na mvachiatangazira zizo siku. ²⁵Mwimwi mu ana a Manabii na malagano ambago Mulungu wegaika na akare enu, here arivyo mwambira Ibrahimu, 'Kahi ya mbeyu ya kpwako, familia zosi za urimwengu zindabarikiwa.' ²⁶Baada ya Mulungu kumwenula mutumishiwe, achimuhuma kpwenu kpwanza, ili kumvabariki kpwa kumvagaluza nyinyi nyosi kula kpwa uii wenu."

Chapter 4

¹Hali Petero na Johana mvarivyo kala mvanena, Makuhani na chilongozi wa hekalu na masadukayo mvachiatua. ²Mvesumbuka sana kpwa kukala Petero na Johana mvekala mvafundisha atu na kuhubiri ufufulo wa Jesu kula kpwa wafu. ³Mvachimvaikira mikono, na mvachiafunga mpaka siku ya hiri madzacha, kpwa kukala yekala ifika kare dziloni. ⁴Ela anji ao mvariokala mvahochera uwo ujumbe na kuwamini; hesabu ya atu mvario amini siku iyo yefika here elifu tsano.⁵Hata irihofika siku ya hiri, vilongozi ao, atumia na andishi mvachikusanyika hamwenga Jerusalemu. ⁶Anasi, kuhani mubomu wekala haho, na Kaifa, na Johana, na Alekizanda, na mvosi mvariokala na uhusiano wa hehi na kuhani mubomu. ⁷Mvariho mwika Petero na Johana kahi yao, mvachimvauza, "Ni kpwa nguvu zani, ama ni dzina rani mudzerihumira, kuhenda gano?"⁸Ndiho Petero, ariyekala yudzazwa ni Roho Mutakatifu, achimvambira, "Mwimwi vilongozi a atu, na atawela, ⁹kala hu kahi ya mahojiano rero kuhusu mahendo madzo garigo henderwa mutu alumwaye, na ni njira yani mutu yuyu wehozwa, ¹⁰naimanyikane kpwenu hamwenga na atu osi a Israeli kukala mutu yuyu emireye mbere yenu yuhola na ni muzima wa afya, kpwa dzina ra Jesu Masihi wa Nazareti, ambaye mwemusaliti, ela Mulungu achimufufula kula kpwa wafu.¹¹Jesu Masihi ni dziwe ambaro mwimwi ajenzi mwerikahela, ela ndiro ririrohendwa dziwe bomu ra pembeni. ¹²Kakuna wokovu kula kpwa munjine yoyosi, kpwa maana kakuna dzina rinjine tsini ya Mulunguni kahi ya anadamu, ambaro ni lazima rihokole."¹³Sasa, mvariho ona ujasiri wa Petero na Johana, mvachigundua kukala si a kawaida, atu ambamvo kamvasomere, mveashangaa, kpwa kukumbuka kukala Petero na Johana mvekala hamwenga na Jesu. ¹⁴Kpwa kukala mvemona iye mutu ambaye wekala yuhozwa yudzema hamwenga namvo, mvachikosa ra kunena chinyume namvo.¹⁵Ela baada ya kumva amuru mvo mitume mvauke kahi ya riro baraza, mvachuzana. ¹⁶Mvachamba, "Humvahendedze mvano atu? Maana ishara bomu mvadziihenda, na uu ni ushuhuda kpwa chila mumwenga aishiye Jerusalemu, kahuweza kuupinga. ¹⁷Ela kpwa kuuzuiliya usimanyikane sana kahi ya atu, nahumvaonye mvasambire mutu yoyosi kuhusiana na dzina riro." ¹⁸Ndiho mvachimveha keheri ndani na mvachimva amuru mvasinene wela kufundisha kamare kuhusu dzina ra Jesu.¹⁹Ela Petero na Johana amvachimvajibu mvachimvambira, "kala ni hachi mbere za Mulungu kumvaheshimu mwimwi bali si iye, hukumuni mwimwi. ²⁰Kahuweza kunyamalira mambo hurigo gaona na kugasikira."²¹Baada ya onyo zaidi kpwa Petero na johana, mvachiarichira mvachenda. Kamvapatire sababu ya kumva adhibu, kpwa kukala chila mutu wakati uwo wekala wamupa nguma Mulungu kpwa go garigo kala gahendeka. ²²Iye mutu ariyekala yuhozwa wekala yu zaidi ya miaka mirongo minne.²³Baada ya kuikpwa huru, Petero na Johana mvachenda kpwa atu ao mvachiashitakira gosi mvarigo ambirwa ni makuhani abomu na vilongozi a hekaluni. ²⁴Mvariho sikira, mvachenula sauti zao hamwenga kumuririra Mulungu mvachamba, "Bwana, weumba Mulunguni na ntsi na bahari, na vyosi virivyomo. ²⁵Wenena kuchirira Roho Mtakatifu kuchirira kpwa kanwa ra mtumishiwo, paba yehu Daudi, 'kpwa noni atu a mataifa mvahende gasia na atu mvafikirie mambo gasigo faa?'²⁶Weamba, 'Afalume a duniani mvakusanyana hamwenga, na vilongozi pia mvakusanyana hamwenga kumupinga Bwana, na chinyume na Masihi.'²⁷Jeri, Herode na Pilato, hamwenga na a mataifa na atu a Israel, mvekusanyana hamwenga mudzi uu chinyume na Mutumishiwo Mtakatifu Jesu, ambaye uwe wemutsagula uchimuhaka mafuha. ²⁸Mvachikusanyana hamwenga kugahenda gosi ambago mukonowo na mipangoyo yekala idzamua mapema gandigo kala.²⁹Sasa, Bwana, lola vitisho vyao na umvape uwezo atumishio kurihubiri nenoro na ujasiri wosi. ³⁰Goloza mukonowo uhoze na womboze ishara na miujiza kuchirira kpwa dzina ra Mutumishiwo mutakatifu Jesu." ³¹Baada ya kuvoya, hatu mvarihokala mvakusanyika hamwenga hachitetema, na mvosi mvachidzazwa ni Roho Mtakatifu namvo mvachihubiri neno ra Mulungu na ujasiri.³²Kundi rosi bomu ra mvario amini mvachikala amwenga chiroho na moyo. Kakuna ariye amba chochosi aricho nacho ni chakpwe, bali mvekala na chila chitu kpwa hamwenga. ³³kpwa nguvu mitume mveshuhudia kuhusu kufufuka kpwa Bwana Jesu, na neema bomu yekala dzulu yao osi.³⁴Kakuna ariyekosa chochosi kahi yao, kpwa mvariokala na vyeti vya mashamba ama nyumba, mvekuza mvachireha pesa hamwenga ³⁵mvachimvaikira maguluni mitume, chisha zichigaviwa kpwa chila mumwenga kulingana na mahitajige.³⁶Josefu, ambaye Mitume mvemweha Barinaba (Tafsiriye ni mwana wa faraja), mulawi, mutu kula Kipro, ³⁷wekuza mundawe achireha pesa na achimvaikira mitume maguluni.

Chapter 5

¹Sasa, kuna mutu mumwenga ariyekala wehewa Anania, iye na muchewe, mvachikuza chipande cha munda, ²achifitsa sehemu ya pesa arizo kuzira uwo munda (na muchewe wegamanya gago), chisha achireha yo sehemu ya zo pesa achimvaikira mitume maguluni.³Ela Petero achimwamba, "Anania, mbona shetani adzikudzela moyoni umukenge Roho Mtakatifu ukafitsa sehemu ya pesa udziyo ikuzira munda? ⁴Wakati kudza ukuza, wekala ni wako, na hata baada ya kuukuza, kawekala bado uchere tsini ya maamuzi ga kpwako? Mbona be kugaluka ta kuhenda gano? Be kukengere anadamu, umukenga Mulungu." ⁵Ariho gasikira gago, Anania wegwa achivuha pumuzi ya mwisho, achifa na woga uchimvenjira mvosi mvario gasikira gago. ⁶Ma barubaru mvachema mvachiufunika mwiriwe, mvachimutsukula kpwenda muzika.⁷Baada ya masaa here mahahu, muchewe naye achenjira, asimanye kpwekala kuhendeka noni. ⁸Petero achimwamba, "Nambira kala mwekuza munda kpwa bei kadha." Naye achimujibu, "Vivyo vyenye, hweukuza kpwa bei iyo."⁹Petero achimwamba,"Ni kpwa noni mudzikubaliana kumujeza Roho wa Bwana? Lola, nyayo za mabarubaru mvadzio kpwenda muzika mulumeo zichereko ho muyangoni, nawe mvandakutsukula dza vivyo." ¹⁰Naye achigwa, achifa. Mabarubaru mvariho uya, mvachimupata naye yudzefa, mvachimutsukula naye mvachenda muzika lwavuni ha mulumewe. ¹¹Woga mubomu uchimvenjira kanisa rosi na mvosi mvario gasikira maneno gago.¹²Ishara nyinji na miujiza yekala ichihendeka kahi za atu kuchirira kpwa mikono ya mitume. Mvosi mvekala hamwenga kpwenye ukumbi wa Selemani. ¹³Ela kakuna mumwenga kahi ya mvo anjine ariyekala na ujasiri wa kudziunga namvo; hata vivyo, mveheshimiwa sana ni atu.¹⁴Bado anji mveonjezwa kahi ya hesabu ya Bwana mvario amini, makundi ga ache na alume. ¹⁵chasi kpwamba mvetsukula akongo vichochoroni mvachielaza vitandani na makochini, ili Petero wakati achitsupa, chivurivuriche chimvagwerere anjine ao. ¹⁶Pia mvekudza atu anji kula midzi iriyo hehi na Jerusalemu, kumvareha akongo na mvariokala mvapagawa ni pepo achafu, nao mvosi mvehozwa.¹⁷Ela mubomu wa makuhani achema, hamwenga na anjine mvariokala mvagwirana naye (ambamvo ni sehemu ya masadukayo); mvachidzalwa ni wivu ¹⁸mvachiagwira mitume, mvachiafungira jela.¹⁹Idzaho usiku, malaika wa Bwana wekudza achiifugula miyango yosi ya jela achimvomboza, na achimvamba, ²⁰"Endani, emani kahi za atu hekaluni na mumvambire habari ii mbidzo ya uzima." ²¹Mvariho gasikira gago, mvachenjira hekaluni mombolero ga dzua na mvachifundisha. Ela ye kuhani mubomu, na mvariokala hamwenga naye, mvacheha baraza hamwenga, na vilongozi osi a atu a Israel, mvachihumana kukala mitume mvakarehewe kula jela.²²Ela ahumwa mvariohofika kamva apatire mumo jela, mvachuya mvachielezera, ²³"Hudzipata muyango wa jela ufungwato kamare na arinzi mvemire ho muyangoni, ela hudziho ufugula, kahumupatire yoyosi ndani."²⁴Sasa chilongozi wa hekalu na makuhani abomu mvariho sikira gago maneno, mvachishangaa sana kuhusu mitume kpwa kamvamanyire kuhendekani. ²⁵Ndiho mumwenga achidza achimvambira, "Mvo atu murimvo mvafungira jela vivi mva hekaluni mvafundisha atu."²⁶Ndiho chilongozi wao achuka hamwenga na ma afisa mvachenda mvareha, ela bila fujo, kpwa kukala mveogoha atu, kpwamba mvaweza mvakapigwa mawe. ²⁷Mvariho mvareha, mvachiasagazya mbere ya baraza ra vilongozi. Kuhani mubomu achimva dadisi, ²⁸achimvauza, "Hwemuamuru musifundishe kpwa dzinare, namwi kamudzaricha hata mudzidzaza mudzi wosi wa Jerusalemu na mafundisho genu na hamu ya kuhurehera hukumu ya mulatsowe kpwehu."²⁹Ela Petero na mitume mvachimujibu, "Ni lazima huheshimu Mulungu kuriko anadamu. ³⁰Mulungu wa paba zehu wehurehera Jesu, muriye molaga kpwa kumusulubisha muselabani. ³¹Mulungu achimutukuza mukonowe wa kulume achimuhenda kukala mwana wa chifalume na mokoli, kuhupa toba na musamaha wa dambi kpwa Israeli. ³²Hosini hu mashahidi wa gago, na pia Roho Mutakatifu, ambaye Mulungu wemvapa mvamuheshimuo."³³Mvariokala kpwa baraza mvarihosikira gago, mvachipandwa ni more wa hasira, mvachimala kumvolaga mitume. ³⁴Ela Mufarisayo mumwenga ehewaye Gamaleli, mwalimu wa sheria ariye heshimiwa ni atu mvosi, achema kahi ya mkutano na achilavya amuri kumvomboza mitume nze kpwa muda.³⁵Chisha achimvamba, "Atu a Israeli, dzikeni makini sana na mumalago kumvahenda mvamva atu. ³⁶kpwa kukala kapindi, Theuda we enuka achidzidai kukala ni mutu mubomu, na anji, chiwango cha magana mane, mvachidziunga naye. Acholagwa, namvo mvosi mvariokala hamwenga naye mvachitawanyika na kusambaratika. ³⁷Baada ya iye, Juda wa Galilaya naye achilamuka siku za kutalwa naye anji mvachidziunga naye. Iye naye wefa, na mvariokala mvachimutua mvachitawanyika.³⁸Sasa namvambira, kalani kure sana na mvamva atu, mvaricheni, kpwa kukala ichikala ii kazi mvaihendayo ni ya mudamu, indagwa. ³⁹Ela kala ni ya Mulungu, kamundaweza kumvasambaratisha; nikpwenda mukadzipata mwapigana na Mulungu." namvo mvachimusikira.⁴⁰Ndiho mvachimveha mvo mitume ndani, mvachiapiga chisha mvachimva amuru mvasihubiri dzina ra Jesu, na mvachiarichira. ⁴¹Mvachihauka kuno mvasherekea kukala mvetalwa kuteseka kpwa ajili ya dzina ra Jesu. ⁴²Baada ya haho, chila siku, ndani ya hekalu na nyumba kpwa nyumba, mvachenderera kufundisha na kuhubiri habari mbidzo kukala Jesu ndiye Masihi.

Chapter 6

¹Sasa siku zizo, hesabu ya anafunzi irihokala yonjezeka, lelamiko kula kpwa Ayahudi a chiyunani richanza kuhusu Waebrania, kpwa kukala magungu a kpwao mvekala kamvajumulishwa kahi za ugavyaji wa misaada ya chila siku.²Mvo kumi na airi mvacheha ro kundi ra anafunzi chisha mvachiauza, "Si sawa kurichana na kuhubiri neno ra Mulungu ili hwandalire atu vyakurya. ³Ni mwimwi sasa mutsagule, ndugu, atu afungahe kahi yenu, atu enye sifa mbidzo, atu enye hekima ya kutosha, atu ambamvo hwaweza hukamvapa ii kazi mvayemerere. ⁴Upande wehu, hundenderera kpwa mavoyo na huduma ya neno.⁵Maneno gao gachifurahisha kundi rosi. Mvachimutsagula Stefani, mwanamulume ariye na imani ya kutosha na Roho Mtakatifu, na Filipo, Prokoro, Mikanoni, Timoni, Parmena, Nikolao, mokofu kula Antioki. ⁶Mvaaminio mvachiareha atu ao mbere ya mitume, mvario mvavoyera chisha mvachiaikira mikono.⁷kpwa vivyo neno ra Mulungu richenderera kutangazwa, na hesabu ya anafunzi Jerusalemu ichonjezeka habomu, na hesabu bomu ya makuhani mvachikala atiifu kpwa imani.⁸Sasa, Stefano, ariyedzalwa ni neema na nguvu, achikala wahenda miujiza mibomu na ishara kahi ya atu. ⁹Ela kpweombolera anjine ambamvo mvekala ni a sinagogi ririro ehewa sinagogi ya mvario ikpwa huru, ra Akirene na aekandria, na baadhi kula Kilikia na Asia. Mvamva atu mvekala mvachijadiliana na Stefano.¹⁰Ela mvekala kamvamuweza Stefano kpwa hekima na Roho ambaye wemuwezesha Stefano kunena. ¹¹chisha mvachihonga atu fulani mvambe, "Hudzimusikira Stefano achinena maneno ga kufuru kumuhusu Musa na Mulungu."¹²Mvachiachochea atu, vilongozi, andihsi, chisha mvachimutua Stefano mvachimugwira na mvachimuhirika mbere ya baraza. ¹³Mvachimurehera mashahidi a ulongo, mvario amba, "Yuyu mutu kadzaricha kunena maneno ga kufuru kuhusu ii sehemu takatifu na sheria zehu. ¹⁴Maana hudzimusikira achamba iye Jesu wa Nazareti andahabananga haha na agaluze tamaduni Musa arizohupa." ¹⁵Chila ariyekala yusegere kpwenye baraza iyo achimulola Stefano mvachimona usowe ugaluka ukala here wa malaika.

Chapter 7

¹Mubomu wa makuhani achimuza, "Gano maneno ni ga jeri?" ²Stefano achimvamba, "Ndugu zangu na Paba zangu, nisikizani: Iye Mulungu wa utukufu wemombolera Pabayehu Ibrahimu arihokala Mesopotamia, kabla aishi Harani; ³achimwambira, 'Mvariche atuo na mundawo, hinde kpwenye nindakonyesa munda.'⁴"Ndiho achihauka ntsi ya Ukaldayo achenda ishi Harani; kula kuko, pabaye arihofa, Mulungu achimureha haha, muishiho mpaka rero. ⁵Kaulavire hohosi kukala urithi kpwakpwe, hata, kahakalire hata na hatite ha kuika chigulu. Ela Ibrahimu achiahidiwa-idzaho Ibrahimu wekala kadzapata mwana bado- kukala andepewa ntsi ii here mumiliki hamwenga na lukololwe.⁶Mulungu wenena naye vivi, kukala lukololwe mvandeishi kpwa muda ntsi ya ujenini, na pia enyeji a kuko mvandeahenda kukala atumwa na kumvatesa kpwa miaka magana mane. ⁷'Ela nindamvahukumu taifa ambaro mvandarihumikira,' Mulungu achamba, 'na baada ya haho mvandombola nze, mvaniabudu hatu haha.' ⁸Ndiho Mulungu achimupa Ibrahimu malagano ga kugwagwatsi, hinwa vivyo Ibrahimu achikala pabaye Isaka achimu gwagatsi siku ya nane; Isaka achikala pabaye Jakobo, Jakobo naye achikala paba wa mvara pabazehu kumi na airi.⁹"Na kpwa kukala Pabazehu mvemonera wivu Josefu, mvachimukuza tsi ya Misri; ela Mulungu kamurichire ¹⁰achimukombola kula kpwa mateso gosi. Achimupa Josefu fadhila na hekima mbere ya Farao, mufalume wa Misri, ariye mutsagula kukala mutawela Misri na hata nyumbaye yosi.¹¹"Sasa, nzela na mateso mabomu gachipata ntsi ya Misri na Kanani, paba zehu mvachishindwa kupata chakurya. ¹²Ela Jakobo ariho sikira kukala kuna chakurya Misri, achimvahuma paba zehu mara ya kpwanza. ¹³Mara ya hiri, Josefu achidzimanyisa kpwao nduguze, na familia ya Josefu ichimanyikana ni Farao.¹⁴Josefu achimvahuma nduguze kpwenda mwalika paba yao naye ende Misri, hamwenga na lukolo losi mvariokala mvamoyo, atu mirongo mifungahe na tsano. ¹⁵kpwa vivyo Jakobo achenda Misri, naye achifa kuko, iye na paba zehu. ¹⁶Mvachitsukulwa mpaka Shekemu mvachizikpwa kuko kpwenye mbira ambayo Ibrahimu wekala adziigula kpwa pesa kula kpwa ana a Hamori kuko Shekemu.¹⁷"Wakati wa ahadi urihokala waratira, ahadi ya Mulungu ariyo yika kpwa Ibrahimu, atu mvekula na mvachonjezeka Misri, ¹⁸mpaka kuchikala na mufalume munjine Misri, mufalume ariyekala kamanya kuhusu Josefu. ¹⁹Achimvakenga atu ehu na achimvatesa paba zehu, achimvelazimisha kumvomboza ana ao atsanga ili mvolagwe.²⁰"Wakati uwo Musa achivyalwa; wekala mutana mbere za Mulungu naye kpwa miezi mihahu wererwa nyumbani mwa pabaye. ²¹Ariho tsuhiwa, mwana wa Farao achimuhenda wakpwe naye achimurera here mwanawe wa kumuvyela.²²Musa wererwa kpwa mafundisho ga hekima ya a Misri, na achikala mubomu kahi ya manenoge na mahendoge. ²³"Ela ariho ratira miaka mirongo mine, ichimudzira maazo ga rohoye kukala akamvatsemberere nduguze, lukolo lwa Israeli. ²⁴Arihomona mumwenga wa Israeli wateswa, Musa achimuhehera naye kpwa kurihiza kpwa niabaye, achimupiga ye mumisri: ²⁵wefikiria nduguze mvandaelewa kukala Mulungu, kpwa mukonowe, wekala wamvokola, ela kamvelewere.²⁶Siku ya hiri, achimvombolera mvariho kala mvapigana, naye achijeza kumvagwiranisha, kpwa kumvamba, 'Asena, mundugu; mbona mwaheha?' ²⁷"Ela ariyekala yumukosera munziwe achimusukuma, achimwamba, 'Ariyekutsagula mutawela na hachimu wehu nani? ²⁸Ama wamala unolage dza vyo urivyo molaga mumisiri dzana?'²⁹Musa achichimbira arihosikira maneno gago; achenda ishi ntsi ya Midiani, arikokpwenda pata ana airi a chilume. ³⁰"Miaka mirongo mine irihosira, malaika achimombolera nyikani mwa murima Sinai, kpwa mufano wa moho tsakani.³¹Musa ariho ona wo moho, achiushangaa; na ariho usongerera kuulolato, sauti ya Bwana ichisikika, ichamba, ³²'Ndimi Mulungu wa pabazenu, Mulungu wa Ibrahimu, na wa Isaka, na wa Jacob.' Musa wetetemeka na kasubutire kuulola keheri.³³"Bwana achimwambira, 'Vula vyo virahu kula nyayoni mwako, kpwa kukala ho wemireho ni hatu hatakatifu. ³⁴Nidzigona mateso ga atu angu mvario Misri; Nidzigasikira malalamiko gao, nami nidzitima kumvokola; sasa nzo, nindakuhuma Misri.'³⁵"Musa iye mvariye mukahela, mvariho mwamba, 'Ariye kutsagula mutawela ama hachimu nani?'- ndiye iye ariye humwa ni Mulungu here mutawela na mukombozi. Mulungu wemuhuma kpwa mukono wa malaika ariye mombolera Musa tsakani. ³⁶Musa achimvalongoza kombola Misri, baada ya kuhenda miujiza na ishara Misri na bahari ya shamu, na kahi za miaka mirongo mine jangwani. ³⁷"Ni Musa iye mumwenga, ariye mvamba atu a Israel, 'Mulungu andenula kahi yenu Nabii here mimi, kula kpwa ndugu.³⁸Yuyu ni mutu ariyekala kahi za mkutano jangwani na ye malaika ariye nena naye murima Sinai, ariyekala na paba zehu, na ariye hochera go maneno ga kuhwambira sisi. ³⁹"Ela paba zehu mvekahela kumuheshimu; mvachimusukuma kure namvo, na mioyoni mwao mvachigaluka kuuya Misri. ⁴⁰Wakati uwo mvachimwamba Haruni, 'Hutengezere milungu mvandio hulongoza. kpwa upande wa Musa, ariye hulongoza kula ntsi ya Misri, kahumanya yupatwa nini kuko ariko kpwenda.'⁴¹Siku zizo mvachitengeza sanamu ya ng'ombe chisha mvachihirika sadaka zao na kusherekea kpwa kazi za mikono yao. ⁴²Ela Mulungu achigaluka naye achimvahenda kuabudu nyenyezi mulunguni, here irivyo andikpwa kahi za chitabu cha manabii, 'Je mwenirehera sadaka na dhabihu yo miaka mirongo minne jangwani, nyumba ya Israel?⁴³Mweikubali hema ya maonano ya Moleki na nyenyezi ya mulungu refani, hamwenga na sanamu murizo zitengeza kuziabudu: nami nindamvahirika kure zaidi ya Babeli.'⁴⁴"Paba zehu mvekala na hema ra ushuhuda jangwani, here Mulungu arivyo amuru arihonena na Musa, kukala rihendwe kpwa mufano wa muundo ariwo wona. ⁴⁵Baadaye, paba zehu, tsini ya Joshua, wehochera iyo hema na achiireha hamwenga namvo mvarihohela iyo ntsi. Mulungu achihela iyo ntsi kula kpwa mataifa manjine na achimvomboza mbere ya nyuso za paba zehu. Hema richibaki mumo ntsini mpaka wakati wa Daudi, ⁴⁶ariye pewa chibali matsoni mwa Mulungu, chisha achuza kutafuta makalo ga Mulungu wa Jakobo.⁴⁷Ela wekala ni Sulemani ariye jenga iyo nyumba ya Mulungu. ⁴⁸"Hata vivyo, Mulungu ariye dzulu kaishi kpwenye nyumba zirizo jengwa na mikono, here Nabii ambavyo, ⁴⁹'Mulunguni ndiko chihi changu cha enzi, na duniani ni sehemu ya kwikira magulu gangu. Ni nyumba aina yani muwezayo kunijengera mimi? ambavyo Bwana, ama hatu hangu ha kuoya ni hiho? ⁵⁰Vyosi vino, sivitengezere kpwa mkono wangu?'⁵¹"Atu murio na singo mbifu, muriokosa tohara rohoni na masikironi, musita kumukahela Roho Mtakatifu; mwaishi here paba zenu mvarivyo ishi. ⁵²Ni Nabii hiye ambaye paba zenu kamvamutesere? Mveolaga Manabii mvario mutangulia ye mutakatifu; na sasa mudzikala asaliti na olagajie pia, ⁵³mwimwi, atu murio hochera sheria ambazo malaika wezitakasa, ela kamuzituire."⁵⁴Sasa, baraza ra atu mvariokalaho mvariho sikira gago, mvachitsukirwa mioyoni mwao, mvachimulumira meno Stefano. ⁵⁵Ela ye, kpwa wekala yudzalwa ni Roho Mtakatifu, achilola dzulu Mulunguni kpwa makini na achona utukufu wa Mulungu; achimona Jesu wemire mukono wa kulume wa Mulungu. ⁵⁶Stefano achamba, "Lolani, naona Mulunguni kufuguka, na Mwana wa Daudi yudzema mukono kulume wa Mulungu."⁵⁷Yafikira haho, mvario kala kpwa baraza mvachifunga masikiro, na kupiga kululu kpwa sauti ya dzulu, mvachimutua kpwa nia mwenga. ⁵⁸Mvachimusukuma kpwa nguvu nze ya mudzi na mvachanza kumupiga mawe. Mashahidi mvachimuhandikira nguo zao maguluni chijana ariye ehewa Sauli.⁵⁹Mvarihokala mvamupiga mawe Stefano, wekala achimweha Bwana achamba, "Bwana Jesu, hochera roho yangu." ⁶⁰Achipiga mavindi naye acheha kpwa sauti ya dzulu sana, "Bwana, usimvahukumu kpwa ajili ya dambi ii." Baada ya kunena gago, achifa.

Chapter 8

¹Sauli wekubaliana na chifoche. Hangu siku iyo bai kuchanza mateso mabomu sana kpwa kanisa ririrokala Jerusalemu; namvo aumini mvachitawanyika sehemu za Judea na Samaria, isihokala mitume. ²Atu mvamwaminio Mulungu mvachimuzika Stefano na maombolezo mabomu. ³Ela Sauli achijeza kurivunza kanisa. Wekala akenjira nyumba baada ya nyumba, kumvaburuta ache na alume, na kumvafungira jela.⁴Idzaho aumini mvario tawanyika mveenderera kurihubiri neno. ⁵Filipo achenda tsini mudzi wa Samaria achenda mvahubiria kuhusu Masihi.⁶Makundi ga atu mvekala mvasikiza kpwa makini garigo kala gachinenwa ni Filipo; kpwa akili mwenga, mvemusikiza, na mvachona ishara arizo zihenda. ⁷Pepo achafu mvearicha anji mvariokala mvapagawa, kuno mvachipiga kululu kpwa sauti bomu, nao mvariokala viwete na virema mvachihozwa. ⁸kpwa vivyo kuchikala na furaha bomu sana mudzini mumo.⁹Ela mwekala muna mwanamulume mumwenga mudzini mumo kpwa dzina ra Simioni, ambaye wekala achishiriki utsai haho chaho; wekala achiashangaza atu mudzini Samaria kuno achidziika kukala mutu wa maana sana. ¹⁰Asamaria osi, kula mutite mpaka mubomu, mvekala mvachimusikiza; mvachamba, "Mutu yuyu ni zira nguvu za Mulungu zehewazo bomu." ¹¹Mvemusikiza kpwa kukala wekala adzimvonyesa miujiza ya chitsai kpwa muda mure.¹²Ela mvariho mwamini Filipo hali achihubiri injili kuhusu ufalume wa Mulungu na dzina ra Jesu Masihi, mvachibatizwa, ache kpwa alume. ¹³hata Simioni mwenye weamini, na baada ya kubatizwa achibaki na Filipo kumutua lunyolunyo. Ariho zona ishara na kazi bomu zihendekazo, achishangaa.¹⁴Sasa mitume mvariobaki Jerusalemu mvariho sikira kukala Samaria mvadzirihochera neno ra Mulungu, mvachimuhuma Petero na Johana kuko. ¹⁵Mvarihofika, mvachiavoyera, ili mvahochere Roho Mtakatifu. ¹⁶kpwa kukala mpaka wakati uwo, Roho Mtakatifu wekala kadza mvafikira; mvekala mvadzibatizwa tu kpwa dzina ra Jesu Masihi. ¹⁷Ndiho Petero na Johana mvachimvaikira mikono, namvo mvachihochera Roho Mtakatifu.¹⁸Sasa Simioni ariho ona Roho Mtakatifu wekala welaviwa kuchirira kpwa kwikirwa mikono ni Mitume, achomboza pesa kumvapa Mitume. ¹⁹Achimvamba, "Nipani nami uwezo uu wa kukala chila nindiye mwikira mikono ahochere Roho Mtakatifu."²⁰Ela Petero achimwamba, "Angamika hamwenga na zo pesazo, kpwa kukala wafikiria kugula karama za Mulungu na pesa. ²¹Kuhusika wela kuna nafasi yoyosi kpwa jambo riri, kpwa kukala rohoyo kaihamwenga na Mulungu. ²²kpwa vivyo, tubu kpwa jambo riri, na uvoye Mulungu, ili hanjine waweza akakusamehe kpwa mawazogo ga rohoni. ²³kpwa maana naona ukahi za utsungu wa sumu na kahi ya vifungo vya dambi."²⁴Simioni achimujibu achamba, "Nivoyera kpwa Bwana, ili gosi udzigonena gasinipate."²⁵Mvariho marikiza kushuhudia na kurinena neno ra Bwana, Petero na Johana mvachuya Jerusalemu, kuhubiri injili kpwa vidzidzi vinji vya Asamaria.²⁶Sasa malaika wa Bwana achinena na Filipo achimwamba, "Lamuka wenende upande wa kusini kahi ya njira yendayo Gaza kula Jerusalemu." (Barabara ii i kahi ya jangwa.) ²⁷Achilamuka achenda. Haho, hachikala na mutu kula Ethiopia, towashi ariyekala na cheo chibomu tsini ya Kandasai, malkia wa Ethiopia. Ariyekala mwemerezi wa hazina zosi. Wekala akudza Jerusalemu kuabudu. ²⁸Wekala wauya yusegere garini mwakpwe kuno wasoma chitabu cha Nabii Isaya.²⁹Roho wa Bwana achimwambira Filipo, "Enda ukeme hehi na gariye." ³⁰Ndiho Filipo achenda malo, achimusikira wasoma chitabu cha Nabii Isaya, achimuza, "Je, waelewa go ugasomago?" ³¹Achimujibu, "Siweza kpwelewa, labda mutu anierekeze?" Achimwalika Filipo asagale naye garini.³²Sasa iye mu Ethiopia wekala wasoma chifungu chambacho, "Welongozwa here ng'onzi ihirikpwayo ikatsinzwe, na here mwana ng'onzi mbere ya chinyoziwe anyamalavyo, ndivyo iye kavugulire kanware. ³³kpwa kuhuzunishwakpwe, hachiye achihokpwa. Nani andiyeweza kumveleza chivyaziche? Maana maishage geuswa duniani."³⁴Ndiho ye towashi achimuza Filipo, achimwamba, "Nakuvoya, unelezere yuno ambaye Nabii wamwamba, ni iye mwenye ama munziwe?" ³⁵Filipo achanza kunena, naye mwanzo kula kpwa gago maandiko achimu hubiria injili ya Jesu kpwakpwe.³⁶Mvarihokala bado mvenenda njirani, mvachifika hatu mvachona madzi naye towashi achimuza, "Lola, hana madzi haha. Chinizuiliacho nisibatizwe ni noni?" ³⁷Filipo achimwamba, "Ichikala waamini waweza ukabatizwa." Naye towashi achimwamba "Naamini kukala Jesu Masihi ni mwana wa Mulungu." ³⁸Naye achiamuru gari yemeswe. Mvachiteremuka kpwenye go madzi, Filipo na iye towashi, naye Filipo achimubatiza.³⁹Mvariho ombola madzini, ye Roho wa Bwana achimuhela Filipo, naye towashi kamonere keheri, ela achenda na furaha. ⁴⁰Ela Filipo achonekana Azoto, wechira kahi ya mkoa uratu, achihubiri injili kpwa midzi yosi mpaka achifika Kaisaria.

Chapter 9

¹Ela Sauli, bado achenderera kumvatisha na maneno makali na kumvolaga anafunzi a Bwana, achenda kpwa kuhani mubomu ²achimuvoya andikirwe barua za sinagogi ririro Dameski, ili achenda pata yoyosi ariye kahi ya njira iyo, muche ama mulume, amurehe Jerusalemu amufunge.³Hali achisafiri, ichombolera kpwamba arihokala waratira Dameski, achimulikpwa ni mwanga mukali sana kula Mulunguni; ⁴naye achigwa tsi sauti ichisikika ichimuza, "Sauli, Sauli, mbona wanitesa?"⁵Sauli achijibu, "U ani, Bwana?" Naye Bwana achimwamba, "Ni mimi Jesu, ambaye uwe wanitesa; ⁶ela lamuka, enjira mudzini, undambirwa ni lazima uhendedze." ⁷Atu mvariokala charoni na Sauli mvachema kudangana, sauti mveisikira, ela ariyekala wanena kamvamonere.⁸Sauli achema, ariho jeza kufugula matso, achikala kaona chitu; ndiho mvachimulongoza kpwa kumugwira mukono mvachimuhirika Dameski. ⁹kpwa siku tahu wekala chipofu, chisha karirye chitu wela kunwa chitu.¹⁰Sasa, kpwekala na mwanafunzi mumwenga Dameski ariyekala wehewa Anania. Bwana achinena naye kahi za maono, "Anania!" Naye achimujibu, "Lola, nihaha, Bwana." ¹¹Bwana achimwambira, "Lamuka, enda chichochoro chehewacho Nyofu, kahi za nyumba ya mutu ehewaye Juda, uzira mutu ehewaye Sauli kula Taso, kpwa yukahi za mavoyo. ¹²Iye naye yudzona kahi za maono, mutu ehewaye Anania yudzenda akamwikira mikono, ili aweze kona keheri."¹³Ela Anania achijibu, "Bwana, nidzisikira manji kumuhusu mutu iye, ni mabomu mai adzigo gahendera atuo atakatifu Jerusalemu. ¹⁴Wepewa uwezo ni makuhani abomu kumufunga yoyosi haha arehaye dzinaro." ¹⁵Ela Bwana achimwambira, "Enda, maana yutsagulwa ni mimi kukala chifaa chimwenga chaho, kuhirika dzina rangu mbere ya mataifa na afalume na ana a Israeli; ¹⁶maana nindamonyesa ni mangahi mateso andigo gatsupira kpwa ajili ya dzina rangu."¹⁷Anania achuka, achifika nyumbani ariko lakizwa. Achimwikira mikono, achimwamba, "Ndugu Sauli, Bwana Jesu, ariye kombolera njirani wakati wadza kuku, adzinihuma kpwako ili ukale undaweza kona keheri na udzazwe ni Roho Mtakatifu." ¹⁸Haho kpwa haho, chitu chiricho onekala na here mabambu chichigwa kula kpwa matso ga Sauli, naye achipata uwezo wa kona; achuka naye achibatizwa; ¹⁹naye achirya na achipata nguvu. Achikala na anafunzi Dameski siku za kutosha.²⁰Haho kare achanza kumuhubiri Jesu kahi za masinagogi, achamba ni Mwana wa Mulungu. ²¹Mvosi mvario musikira mvachimushangaa mvachamba, "Yuno seye ariyeolaga anjine Jerusalemu kpwa kurihadza dzina riro? Akudza kuku amvahele amvafunge amvahirike kpwa makuhani abomu." ²²Ela Sauli achizidi kukala na nguvu zaidi, naye achisababisha taabu kahi za Ayahudi mvarioishi Dameski kpwa kuthibitisha kpwao kukala Jesu ndiye Masihi.²³Baada ya siku nyinji, Ayahudi kpwa hamwenga mvachipanga kumolaga. ²⁴Ela Sauli achiumanya uwo mupango wao. Mvachimutafuta usiku na mutsana ili mvamolage. ²⁵Ela anafunzie mvachimomboza na usiku mvachimuteremusha ukutani na lugwe, ndani ya chikahana.²⁶Arihofika Jerusalemu, Sauli achijeza kudziunga na anafunzi, ela mvosi mvachikala mvamogoha, kamvaaminire kukala naye yukala mumwenga wao. ²⁷Ela Baraba achimuhela achimuhirika kpwa Mitume, na achimvelezera Sauli arivyo mona Bwana barabarani arihokala wasafiri Dameski naye achimunenera, na jinsi Sauli arivyo hubiri Dameski kpwa dzina ra Jesu.²⁸Achikala hamwenga namvo, achenjira na kombola mudzi wa Jerusalemu. Werihubiri kpwa ujasiri kpwa dzina ra Bwana Jesu ²⁹kuno achijadiliana na Ayahudi a achiyunani; ela kamvarichire kumutafuta mvamolage. ³⁰Ndugu mvariho manya gago, mvachimuhirika Kaisari chisha mvachimuhuma Taso.³¹Ndiho kanisa rosi kahi za Uyahudi, Galilaya na Samaria, richikala na amani na richijengwa; na, kutsembera kpwa kumogoha Bwana na kuishi kpwa faraja ya Roho Mtakatifu, kanisa richikula kpwa idadi ya aumini. ³²chisha ichombolera kukala, hali Petero wazunguluka chila hatu sehemu iyo, achenda mpaka kpwa atu atakatifu a Mulungu mvario ishi mudzi wa Lida.³³Arihofika achimona mutu mumwenga ariye ehewa Ainea, ariyekala yukala chitandani kpwa miaka minane, kpwa wekala yupoza. ³⁴Petero achimwamba, "Ainea, Jesu Masihi akuhoze. Ema uhandike chitandacho," naye achema. ³⁵kpwa vivyo chila mutu ariyekala achiishi Lida, na Sharoni mvachimona iye mutu nao mvachimugalukira Bwana.³⁶kpwekala na mwanafunzi mumwenga Yafa ariyekala achehewa Tabitha (Tafsiriye ni "Dokasi"). Mwanamuche iye wekala wahenda madzo na roho ra mbazi kpwa go arigo mvahendera maskini. ³⁷Ichikala siku zizo, kpwamba wekala mukongo na achifa; mvarihokala mvadzojesa mwiriwe, mvachimulaza chumba cha dzulu.³⁸kpwa kukala Lida yekala hehi na Yafa, na anafunzi mvekala mvasikira kukala Petero wekala yukuko, mvachihuma atu airi kpwakpwe, kumurai, "Hakuvoya hwenende upesi." ³⁹Petero achuka achimvatua. Arihofika, mvachimuhirika ko chumba cha dzulu, afererwa mvosi mvachema hehi naye kuno mvarira, na kumonyesa kanzu na nguo ambazo Dokas wekala adzizishona wakati yuhai.⁴⁰Petero achimvomboza mvosi mumo chumbani, achipiga mavindi, achivoya; helafu, achiugalukira wo mwiri, achamba, "Tabitha, lamuka." Naye achifugula matso, arihomona Petero achisagela. ⁴¹Petero achimugolozera mukono, achimwenula; helafu achimveha atakatifu a Mulungu na afererwa mvosi, achimulavya kpwao wa moyo. ⁴²Jambo riro richimanyikana Yafa yosi, na anji mvachimwamini Bwana. ⁴³Petero achibaki Yafa siku nyinji na mutu ehewaye Simioni, mutengezi wa chingo.

Chapter 10

¹Sasa kpwekala na mutu mumwenga mudzi wa Kaisaria, kpwa dzina weehewa Kornelio, wekala ni mubomu wa chikosi cha shikari chikosi cha chiitaliano. ²Wekala mutu mucha Mulungu, ariye mogoha Mulungu hamwenga na nyumbaye yosi, wekala achilavya sadaka nyinji kpwa atu, na kumuvoya Mulungu chila wakati.³Irihofika wakati wa saa chenda za mtsana, achona kpwa uwazi maono ga malaika wa Mulungu achimutua. malaika achimwamba, "Kornelio!" ⁴Kornelio achimulola ye malaika kpwa woga munji achimujibu, "Kunani, Bwana?" Ye malaika achimwamba, "Mavoyogo na sadakazo kpwa achia zikpwenda dzulu mbere za Mulungu here ukumbusho. ⁵Sasa huma atu kahi za mudzi wa Yafa mvakamuhale mutu ehewaye Simioni ambaye pia wehewa Petero. ⁶Kuko waishi na mutengezaji chingo ehewaye Simioni, ambaye nyumbaye i ufuoni mwa bahari."⁷malaika arihouka, Kornelio achimveha atu airi mvamuhumikirao, hamwenga na shikari mucha Mulungu, kahi ya mvara mvariokala mvachimuhumikira. ⁸Kornelio achimvelezera gosi garigokala gamombolera chisha achimvahuma Yafa.⁹Siku ya hiri mwendo wa saa sita, mvarihokala mvakahi za charo na mvaratira mudzi, Petero achambuka chumba cha dzulu kpwenda hela mavoyo. ¹⁰Achigwirwa ni nzela achimala utu wa kurya, ela hali ajiti mvarihokala mvajita, achonyeswa maono, ¹¹achona Mulunguni kufuguka, na kuna chia chatimishwa, chitu mufano wa bamba relamu ratimishwa urimwenguni, kpwa pembeze zosi nne. ¹²Dzuluze, rekala ritsikula anyama osi a magulu manne na anyama mvahambalao kpwa chifua duniani, na tsongo a angani.¹³chisha sauti ichimunenera: "Lamuka, Petero, tsinza urye." ¹⁴Ela Petero achamba, "Hata bule, Bwana; maana sidzangwe kurya chochosi chiricho najisiwa na chichafu." ¹⁵Ela yo sauti ichimudzira keheri mara ya hiri: "Chidzicho takaswa ni Mulungu usichehe najisi." ¹⁶gaga gehendeka mara tahu; helafu ro bamba richambushwa dzulu Mulunguni.¹⁷Bado Petero achere yutsanganyikirwa kaelewa maono maanaye ni noni, mvo ahumwa a Kornelio mvachikala mvemire mbere ya lango, baada ya kuuzira na kulongozwa njira ya kuifikira iyo nyumba. ¹⁸Mvachibisha na kuuza kala Simioni, ariyekala pia wehewa Petero, wekala waishi haho.¹⁹Wakati bado Petero achere kpwaza kuhusu maono gago, Roho achimunenera achimwamba, "Lola, atu ahahu mvakutafuta. ²⁰Lamuka wende ko tsini na umvatue. Usisite kpwenda namvo, kpwa kukala ndimi nidziye mvahuma." ²¹kpwa vivyo Petero achitima achikutana namvo achimvamba, "Ndimi iye mumutafutaye. Mudzirehewa ni noni?"²²Mvachamba, "Akida mumwenga ehewaye Kornelio, mutu mwenye hachi na amogohaye Mulungu, na ariye na nguma mbidzo kahi ya taifa ra Ayahudi, weamuriwa ni malaika mtakatifu akpwehe wende kpwakpwe nyumbani, ili asikize ujumbe kula kpwako." ²³kpwa vivyo Petero achimvakaribisha, mvachilela haho. Siku ya hiri madzacha, achuka achenda namvo, hamwenga na nduguze Yafa.²⁴Siku ya hiri, mvachifika Kaisaria. Kornelio wekala wamvarinda; wekala adzimveha familiaye na asenae a hehi.²⁵Petero ariho enjira, Kornelio achimugwerera maguluni ariho mona kumuabudu. ²⁶Ela Petero achimwenula, achimwamba, "Ema! Hata mimi ni mwanadamu dza uwe."²⁷Petero arihokala achinena naye bado, achenjira ndani achona kundi ra atu. ²⁸Achimvambira, " Mwamanya kare kukala si sheria Muyahudi kushirikiana wela kutsemberera mutu mujeni asiye wa taifare. Ela Mulungu yunonyesa kukala nisehe mutu yoyosi najisi ama muchafu. ²⁹Ndio sababu nikudza bila pingamizi yoyosi, nidziho ehewa. kpwa vivyo, nauza ni kpwanoni udzineha."³⁰Kornelio achimwamba, "Siku nne zidzotsupa wakati dza uu, nekala nichivoya saa chenda mwangu nymbani; nichona mutu yudzema mbere zangu avela nguo za kung'ela. ³¹Achinamba, 'Kornelio, mavoyogo gasikika ni Mulungu, na sadakazo zimukumbukizya Mulungu kukuhusu. ³²kpwa vivyo huma atu Yafa, na mvakamutafute mutu ehewaye Simioni ambaye pia wehewa Petero. Wakala nyumba ya mutu mumwenga mutengezi wa chingo ehewaye Simioni, ufuoni mwa bahari.' Andihokudza andanena nawe. ³³Nami nichihuma kare atu mvadze mvakutafute. Una roho ridzo ukudza. Sasa be, hosini huhaha mbere za uso wa Mulungu husikize gosi Bwana adzigo kpwamuru kudza hwambira."³⁴Ndiho Petero achifugula kanware achimwamba, "Ujeri naelewa Mulungu kana ubaguzi. ³⁵Badelaye, kpwa chila taifa, chila andiye mogoha na ahende hachi, wakubalika kpwakpwe.³⁶Mwaumanya ujumbe ario mvahumira atu a Israeli, arihotangaza habari mbidzo kuhusu amani kuchirira kpwa Jesu Masihi, ariye Bwana wa osi- ³⁷mwimwi enye mwamanya garigo hendeka, Judea yosi, kpwanzira Galilaya, baada ya ubatizo uriotangazwa ni Johana; ³⁸Matukio gamuhusugo Jesu wa Nazareti, jinsi Mulungu arivyo mubatiza na Roho Mtakatifu na nguvu. Achenderera kuhenda madzo na kuhoza mvosi mvariokala mvakandamizwa ni shetani, kpwa kukala Mulungu wekala yuhamwenga naye.³⁹Hosini humashahidi wa gosi garigohendwa ni Jesu, ntsini mwa Ayahudi na hata Jerusalemu. Mvachimolaga kpwa kumusulubisha muselabani, ⁴⁰ela Mulungu achimufufula siku ya hahu na achimusababishira konewa, ⁴¹si kpwa mvosi, bali kpwa mashahidi mvariotsagulwa kabla ni Mulungu-sisi hurio rya na kunwa naye baada ya kufufuka kula kpwa afu.⁴²Achihuamuru kumvatangazira atu na kushuhudia kpwamba iye ndiye ariye tsagulwa ni Mulungu akale hachimu wa mvario hai na mvariofa. ⁴³Kumuhusu iye, Manabii osi mvashuhudia, kukala chila andiye mwamini wahochera musamaha wa dambi kuchirira dzinare."⁴⁴Wakati Petero bado achere kuganena gago, Roho Mtakatifu achimvafikira mvosi mvariokala mvachimusikiza. ⁴⁵Atu mvariokala ni kundi ra mvaaminio kuhusu tohara- mvariokala mvadzenda na Petero- mvachishangaa, kpwa kukala zawadi ya roho Mtakatifu yekala imvafikira mpaka Mataifa.⁴⁶Maana mveasikira Mataifa pia mvachinena kpwa ndimi na kumutukuza Mulungu. Ndiho Petero achamba, ⁴⁷"Je kunaye ambaye waweza kumvazuiliya atu mvano mvasibatizwe, mvamva atu mvahochera Roho Mtakatifu dza sisi?" ⁴⁸Ndiho achiamuru mvabatizwe kpwa dzina ra Jesu Masihi. Namvo mvachimuvoya akale namvo kpwa siku chache.

Chapter 11

¹Sasa, mitume na ndugu mvariokala Judea mvachisikira kukala hata Mataifa nao mvahochera neno ra Mulungu. ²Petero arihokala yudzenda Jerusalemu, mvo mvariokala ni kundi ra atahiriwa, mvachimukashifu; ³Mvachimwamba, "Udzishiriki na atu mvasio pashwa tohara ta ukarya namvo!"⁴Ela Petero achanza kumvelezera riro jambo chiundani, achimvamba, ⁵"Nekala navoya mudzini Yafa, nami nichona maono ga chombo chitimishwacho kula dzulu mulunguni, mufano wa bati pana sana renye pebeze nne. Nichitimishirwa mimi. ⁶Nerilola nichirifikiria sana. Neona aina yosi ya anayama a magulu manne duniani, mva tsakani na mvahambalao, na tsongo mvosi a dzulu angani.⁷chisha nichisikira sauti yanambira, 'Lamuka, Petero, tsinza urye!' ⁸Nichijibu, 'Hata bule, Bwana; kpwa maana kakuna chitu najisi ama chichafu ambacho chewahi kpwenjira mwangu kanwani.' ⁹Ela sauti ichinijibu kula Mulunguni, 'Ambacho Mulungu yudzichi takasa, kuna hachi ya kucheha najisi ama chichafu.' ¹⁰Gago gehendeka mara tahu, helafu chila chitu chichudzwa Mulunguni keheri.¹¹"Lolani, haho kpwa haho kare kuchikala kuna analume ahahu mvemire mbere ya yo nyumba huriyokala; mvekala mvahumwa kula Kaisaria kpwangu. ¹²Roho achiniamuru nende namvo, wela nisidzitenge namvo. Mvamva ndugu sita nekpwenda namvo, na huchenjira nyumba ya iye Mutu. ¹³Achihwambira jinsi arivyo ona malaika wemire nyumbani mwakpwe naye achimwamba, 'Nihumira atu Yafa mvakamuhale Simioni ambaye pia nikpwehewa Petero. ¹⁴Andakunenera ujumbe ambao undamvokola- uwe na nyumbayo yosi.'¹⁵Nirihoanza kunena namvo, Roho Mtakatifu achimvatimira, here tu mviratu arivyo hutimira ho mwanzo. ¹⁶Nichikumbuka maneno ga Bwana, arivyo amba, 'Ni jeri Johana wemvabatiza na madzi; ela vivi mundabatizwa na Roho Mtakatifu.'¹⁷Sasa kala Mulungu wemvapa zawadi iyo mwenga here arivyo hupa huriho mwamini Bwana Jesu Masihi, mino nekala ni ani sasa hata nimupinge Mulungu?" ¹⁸Mvarihogasikira gago, kamvanenere chitu keheri kumujibu, isihokala kumutukuza Mulungu na kpwamba, "Be Mulungu adzimvapa musamaha wa dambi kpwa a Mataifa pia."¹⁹Sasa mvariokala mvatawanyika kpwa mateso garigo mupata Stefano mvachitawanyika mpaka Foinike, Kipro na Antiokia, mvachihubiri kpwa Ayahudi hacheye. ²⁰Ela anjine ao, atu kula Kipro na Krene, mvachenda Antokia mvachiahubiria Ayunani namvo, injili ya Jesu Masihi. ²¹Mukono wa Bwana wekala hamwenga namvo; hesabu bomu ya atu mvachiamini mvachimugalukira Bwana.²²Habari kumvahusu zichimvafikira kanisa ra Jerusalemu, na mvachimuhuma Barnaba ende mpaka Antiokia. ²³Arihofika na kona neema ya Mulungu, wefurahi naye achimvahimiza mvasale na Bwana kpwa kukusudia rohoni. ²⁴kpwa kukala wekala ni mutu mudzo na yudzazwa ni Roho Mtakatifu na imani, na atu anji mvachonjezeka kpwa Bwana.²⁵Barnaba achenda Tarso naye baadaye kumutafuta kpwa makini Sauli. ²⁶Ariho mupata, achimuhirika Antiokia. kpwa mwaka muzima, mvekusanyana hamwenga na kanisa na mvachiafundisha anji. Mitume kpwa mara ya kpwanza mvachehewa Akristo kuko Antiokia.²⁷Sasa, siku zizo manabii anjine mvachilaa Jerusalemu mvachenda Antiokia. ²⁸Mumwenga wao kpwa dzina ni Agabo, achema achimvatangazira nzela bomu sana ambayo indepata urimwengu muzima kuchirira Roho wa Bwana. Gago gehendeka siku za Klaudio.²⁹kpwa vivyo anafunzi, here chila mutu uwezowe ariwo kala nawo, achihirika musada kpwa ndugu mvariokala Judea. ³⁰Mvehenda vivi; mvehuma pesa kpwa vilongozi kuchirira mukono wa Barnaba na Sauli.

Chapter 12

¹Wakati uwo, mufalume Herode wemvagwira aumini fulani a kanisa ili amvatese. ²Achimolaga Jakobo nduguye Johana kpwa upanga.³Ariho ona arigo gahenda gemvatsamira Ayahudi, achenderera kumugwira Petero naye. Siku zizo yekala ni za kurya mikahe isiyo enjizwa tsatsu. ⁴Baada ya kumugwira, achimwenjiza jela, kuno wemererwa ni makundi manne ga shikari; kpwa nia ya kumonyesa atu baada ya pasaka.⁵kpwa vivyo Petero achiikpwa jela, ela mavoyo gachihendwa kpwa Mulungu kpwakpwe ni mvariokala kanisani. ⁶Usiku uwo kabla Herode amomboze amuhirike kpwa mahojiano, Petero wekala yurere kahikahi ya shikari airi, yufungwa mara mbiri, hali shikari muyango wa jela wa mbere mvekala namvo mvachesa kurinda jela.⁷Lola, malaika wa Bwana ghafla achombolera upandewe, na mwangaza mukali uchimulika chumba chosi cha jela. Achimupiga Petero lavuni achimulamusa achimwamba, "Lamuka haraka," nyororo arizokala afungirwa zichigwa kula mwakpwe mikononi. ⁸malaika achimwambira, "Vela nguozo na virahu." Petero achihenda vivyo. Ye malaika achimwamba, "Vela kotiro unitue."⁹Ndiho Petero achimutua ye malaika mvachombola. Kamanyire go garigo hendwa ni ye malaika gekala ga jeri. Wefikiria wekala waona maono. ¹⁰Baada ya kumuchira shikari wa kpwanza na wahiri, mvachifika kpwenye lango ra chuma ririrokala ramvalongoza mudzini; riro redzifugula renye. Mvachombola mvachitua chichochoro, ye malaika achimuricha achenenda zakpwe.¹¹Petero arihong'aza matso, achamba, "Sasa hachika nidzimanya kukala Bwana adzinihumira malaikawe naye akanikombola kula mikononi mwa Herode, na vyosi Ayahudi mvarivyokala mvatazamia." ¹²Ariho gundua, achenda nyumbani kpwa Mariamu mameye Johana, na pia achimweha Mariko, kurikokala atu anji mvakusanyika mvavoya.¹³Ariho gonga muyango wa lango, chijakazi msichana ariye kala achehewa Roda achidza mufugulira muyango. ¹⁴Arihomanya ni sauti ya Petero, kpwa unji wa raha kamufugulirire; badelaye, achuya malo chumbani mvariko kala mvavoya; achimvapa ujumbe kpwamba Petero ndiye arekala wemire muyangoni wabisha. ¹⁵kpwa vivyo mvachimwambira, "Una upungufu wa akili." Ela achisisitiza kukala ndeye. Mvachamba, "Ni malaikawe."¹⁶Ela Petero achenderera kugonga, mvariho fugula muyango, mvacimona nao mvachishangaa. ¹⁷Petero achimva ashiria na mokonowe kukala mvanyamale,achimvelezera jinsi Bwana arivyo momboza jela. Achamba, "Mvapeni habari zizi Jakobo na ndugu anjine." chisha achuka achenda kunjine.¹⁸Irihofika mtsana, shikari mvachiyugika sana kpwa go garigo hendeka dzulu ya Petero. ¹⁹Baada ya Herode kumutafuta bila kumupata, achimvahoji shikari na achiamuru mvolagwe. Helafu Herode achenda Judea na Kaisaria achenda kala kuko.²⁰Sasa Herode achikala na hasira na atu a Tira na Sidoni. Mvachimutua na lengo mwenga, na baada ya kumushawishi Blasto, ariyekala musaidizi wa mufalume, amvasaidie, mvevoya kukale na amani kpwa kukala ntsi iyo yekala yapata musaada wa chakurya kula kpwa ntsiye. ²¹Siku dza ira, Herode achivaa mavazi ga chifalume achisagela hakpwe chihini, achomboza hotuba kpwao.²²Atu mvachipiga kululu, "Ii ni sauti ya mulungu, si ya mutu!" ²³Mara iyo malaika wa Bwana achimupiga, kpwa kukala kamupire Mulungu utukufu; weriwa ni minyolo achifa.²⁴Ela neno ra Mulungu richenderera na kupanuka. ²⁵kpwa vivyo Barnaba na Sauli mvariho marikiza huduma yao, mvachuya Jerusalemu. Mvachuya na Johana ariye ehewa Mariko pia.

Chapter 13

¹Sasa kanisa ra Antiokia, kpwekala na Manabii na Alimu. Namvo mvekala ni Baraba, Simioni (Ambaye pia wehewa mwiru), Lukio Mkirene, Manaeni (ariyererwa hamwenga na mufalme Herode) na Sauli. ²Wakati mvachimwabudu Mulungu na kufunga, roho Mtakatifu achimvamba, "Nitengerani Baraba na Sauli, mvahende kazi ambayo nemvaehera." ³Baada ya kufunga, na kuvoya, na kumvaikira mikono, mvachiarichira.⁴kpwa vivyo Baraba na Sauli, baada ya kuhumwa ni Roho Mtakatifu, mvachenda Seleukia; kula haho mvachisafiri chisiwa cha Kipro kuhumira mashua. ⁵Wakati mvakuko, mudzi wa Selami, mvachihubiri neno ra Mulungu kpwenye masinagogi ga Ayahudi. Mvekala hamwenga na Johana here musaidizi.⁶Mvarihomarikiza chisiwa chosi mpaka Pafo, mvachimupata mutsai mumwenga, nabii wa ulongo muyahudi, dzinare weehewa BariJesu. ⁷Mutsai iye weshirikiana sana na SajioPaulo, ariyekala ni mutu mulachu. Mutu yuyu wemweha Barnaba na Sauli, kpwa kukala wetamani kusikira neno ra Mulungu. ⁸Ela Elima "Yuya mutsai" (Iyo ndiyo tafusiri ya dzinare) achimvapinga; wejeza kumugaluza ye Liwali adzitenge kahi za imani iyo.⁹Ela Sauli, ariyekala naye wehewa Paulo, kpwa kudzazwa ni Roho Mtakatifu, achimulolato ¹⁰achimwamba, "Uwe mwana wa Shetani, utele chila aina ya ulongo na maovu. U adui wa chila aina ya utukufu. Udzamua kundaricha kuzigaluza njira za Bwana zidzizo nyoka?¹¹Sasa lola, mukono wa Bwana u hamwenga nawe, nawe undakala chipofu. Kundarona dzua kpwa muda." Haho kare matsoni mwa Elima muchenjira kunje na chiza; achanza kuzunguluka kuvoya atu mvamugwire mukono mvamulongoze. ¹²Liwali ariho ona go garigo hendeka, achamini, kpwa kukala weshangaa kpwa mafundisho kumuhusu Bwana.¹³Sasa Paulo na asenae mvachidzipanga kusafiri kpwa njira ya bahari kula Pafo mpaka Perge lalo ra Pamfilia. Ela Johana achimvaricha achuya Jerusalemu. ¹⁴Paulo na asenae mvachisafiri kula Perge mvachenda Antiokia mudzi wa Pisidia. Kuko, mvachenjira kpwenye sinagogi siku ya sabato mvachisagela. ¹⁵Baada ya kusoma sheria na manabii, vilongozi a sinagogi mvachiahumira ujumbe, mvachamba, "Ndugu, kala muna ujumbe wowosi wa kpwenjiza moyo atu mvario kuku, uneneni."¹⁶kpwa vivyo Pauli achema achiashiria kpwa mikonoye; achamba, "Atu a Israel na nyosi mumogohao Mulungu, nisikizani. ¹⁷Mulungu wa mvamva atu a Israel wemvatsagula paba zehu na achimvenula sana mvarihokala mvaishi Misri, na kpwa mukono uriwo enulwa achimvalongoza kombola Misri. ¹⁸kpwa miaka isiyo hunguka mirongo minne, achimvarinda jangwani.¹⁹Baada ya kubananga midzi mifungahe ntsi ya Kanani, achimvapa atu ehu ntsi yao here urithi. ²⁰Gosi gaga gehendeka zaidi ya miaka magana manne na hamusini iriyotsupa. Baada ya gago, Mulungu achimvapa aamuzi mpaka wakati wa Nabii Samweli.²¹Helafu atu mvachimala kukala na mufalume, naye Mulungu achimvapa Sauli mwana wa Kishi, mutu kula kpwa lukolo lwa Benjamini, ili akale mufalume kpwa miaka mirongo minne. ²²Baada ya Mulungu kumusa kula kpwa ulongozi, achimwenula Daudi kukala mufalume wao. Ni wakati uwo wa Daudi ndiho Mulungu ariho shuhudia, achamba, 'Nidzimupata Daudi mwana wa Jese kukala ndiye mutu adziye tsagulwa ni roho rangu, ahendaye gosi nimumalago agahende.'²³Kula kpwa lukolo lwa yuyu mutu, Mulungu achimvahumira Israel mkombozi, Jesu, here arivyokala yudzahidi. ²⁴Kabla Jesu afike, Johana wehubiri ubatizo wa toba kpwa atu mvosi Israel. ²⁵Hali Johana achimarikiza kaziye, achamba, 'Mwi mwafikiria mino ni ani? Siye ariye ahidiwa mino. Ela sikizani, munjine andadza baada yangu, sistahili hata kufugula kambaa za virahu maguluni mwakpwe.'²⁶Ndugu, chivyazi cha Ibrahimu na anjine enu mumogohao Mulungu, nikpwehu ujumbe uu wa wokofu werehewa. ²⁷kpwa kukala mvamvo mvaishio Jerusalemu na atawela ao kamvamumanyire iye kpwa uhachika, wela kamvarihenzere neno ra manabii ambaro ni kusomwa chila siku ya sabato; kpwa vivyo, mvachitimiza neno ra manabii kpwa kumuhukumu chifo Jesu.²⁸Idzahokala kamvapatire sababu yoyosi kpwa kumuhukumu chifo, mvemushawishi Pilato amolage. ²⁹Mvariho marikiza gosi garigo andikpwa kumuhusu, mvachimutimisha kula mselabani mvachimulaza mbirani.³⁰Ela Mulungu achimu fufula kula kpwa afu. ³¹Achonekana kpwa siku nyinji ni mvo mvariokala mvamutua kula Galilaya mpaka Jerusalemu. Atu mvamvo vivi sasa ndimvo mashahidie kpwa atu.³²kpwa vivyo hwamvambira habari mbidzo: Iyo ahadi iriyo pewa paba zehu ³³Mulungu wehutimizira, anae, kpwa kumufufula Jesu. Here irivyo andikpwa kahi ya chitabu cha zaburi ya hiri: 'U mwanangu wa chilume, rero nikala pabayo.' ³⁴Ndiho kuhusu kumfufula, ni kpwamba mwiriwe usole; achamba vivi: ' Nindakupa baraka halisi na takatifu za Daudi.'³⁵Iyo ndio sababu wanena keheri kahi ya zaburi injine, 'Kundamuruhusu mutakatifu wa kpwako kola.' ³⁶kpwa maana Daudi arihokala yutimiza lengo ra Mulungu wakatiwe, welela; achizikpwa na pabaze na mwiriwe uchola. ³⁷Ela yuyu ambaye Mulungu wemulavya kaolere.³⁸kpwa vivyo naimanyikane kpwenu, ndugu, kukala kuchirira yuyu mutu, musamaha wa dambi utangazwa kpwenu. Sheria ya Musa yekala kaiweza kumvahenda atakatifu. ³⁹Ela kpwa yuyu mutu, Mulungu wamvahenda mvosi mvaaminio kukala atakatifu.⁴⁰kpwa vivyo bai, kalani makini garigo nenwa ni manabii gasimva hendekere: ⁴¹'Lolani, mwi atu a kamvurye, na mushangae na mufe; kpwa kukala nahenda kazi siku zenu, kazi iriyo kamunda amini, hata mutu achimvatangazira."⁴²Hali Paulo na Barnaba mvenenda, atu mvachiavoya kukala mvauye mvahubiri maneno gago keheri sabato iriyo tuira. ⁴³Mkutano wa sinagogi urihosira, anji kahi ya Ayahudi na mvario amini mvachimutua Paulo na Barnaba, mvariokala mva ahubiria na kumvasihi mvenderere kahi za neema ya Mulungu.⁴⁴Sabato iriyo tuira, karibu mudzi muzima mvekala mvakusanyika hamwenga kusikiza neno ra Bwana. ⁴⁵Ayahudi mvariho ona makundi ga atu, mvachenjirwa ni wivu mvachikpwatya kunena chinyume cha maneno garigo nenwa ni Paulo, mvachimuhukana.⁴⁶Ela Paulo na Barnaba mvachinena kpwa ujasiri mvachamba, "Yekala muhimu neno ra Mulungu rinenwe kpwenu kpwanza. Kumvona mwarikahela, mwarisukuma na kudzitela musio na hachi ya uzima wa milele, lolani, hundenda kpwa a Mataifa. ⁴⁷kpwa maana Mulungu wehuamuru, achamba, "Nidzimva tsagula mwimwi here mwanga wa Mataifa, ili mumvahirikire wokofu urimwenguni kosi."⁴⁸Mataifa mvariho sikira vivyo, mvefurahi na kuritukuza neno ra Bwana. kpwa anji mvario tsagulwa kuupata uzima wa milele, mveamini. ⁴⁹Neno ra Bwana richi tapakaa lalo rosi riro.⁵⁰Ela Ayahudi mvachiachochea anaache osi alokole hamwenga na vilongozi a chilume mudzini. Mvachichochea mateso mabomu kpwa Paulo na Barnaba na kumvainga lalo rao. ⁵¹Ela Paulo na Barnaba mvachikuta vumbi ra magulu gao kumvelani. Helafu mvachenda mudzi wa Ikonia. ⁵²Namvo anafunzi mvachidzazwa ni furaha na Roho Mtakatifu.

Chapter 14

¹Paulo na Barnaba mvarihokala Ikonio, mvachenjira ndani ya sinagogi ya Ayahudi mvachinena hali kpwamba hata makundi mabomu ga atu Ayahudi hamwenga na Ayunani mvachiamini. ²Ela Ayahudi mvariokosa kutii mvachichochea akili za a Mataifa mvachimvahenda kumvatsukirirwa mvo ndugu.³kpwa vivyo mvachikala kuko muda mure, mvachinena kpwa ujasiri na nguvu za Mulungu, hali achimvamba ushahidi kuhusu ujumbe wa neema ya kpwakpwe. Wehenda gago kpwa kumvakubalira ishara na miujiza kuhendeka mikononi mwa Paulo na Barnaba. ⁴Ela atu haho laloni mvekala mvagavika; anjine mvachuya upande wa Ayahudi na anjine upande wa mitume.⁵Mvosi a Mataifa na Ayahudi (hamwenga na vilongozi ao) mvejeza kumvatesa na kumvapiga mawe, ⁶ela chila mvariho manya, mvechimbira mvachenda midzi ya Likaonia, Listra, Derbe na midzi izungulukayo lalo riro, ⁷ambako mveenderera kuhubiri injili.⁸Kuko Listra, mutu mumwenga wesagela, maguluge gekosa nguvu, chiwete kula yu tumboni mwa mameye, ambaye wekala kadzawahi kpwenenda. ⁹Mutu yuyu wemusikira Paulo achinena. Paulo achimulola kpwa matso ga ndani achimona kukala anayo imani ya kuhozwa. ¹⁰Sasa achimwambira kpwa sauti ya dzulu, "Ema kpwa magulugo." Ye mutu achiruka na achanza kpwenenda.¹¹Makundi mvariho ona go arigo gahenda Paulo, mvachipandisha sauti zao, mvachinena luga ya chi likanio, "milungu idzihudzira kpwa here adamu." ¹²Mvachimweha Barnaba "Zeu" na Paulo "Hame" kpwa kukala ndiye ariyekala munenaji zaidi. ¹³Kuhani wa Zeu, ambaye hekalure rekala muhakani wa mudzi, achireha ng'ombe na mutungo wa malua mpaka malangoni; iye na makundige ga atu mvekala mvamala komboza sadaka.¹⁴Ela mitume, Barnaba na Paulo, mvariho gasikira gago, mvachitarura nguo zao na haraka mvachenda kahi za riro kundi, mvachiachemera, ¹⁵"Mbona mwi mwahenda mambo gano? Sisi nasi hu binadamu, dza mwimwi. Hwamvapa tu habari mbidzo kukala murichane na gaga mambo gasigo kala na maana ili mumutue Mulungu aishiye, ariye umba Mulunguni, Dunia, Bahari na chila chitu chiricho ndaniye. ¹⁶Haho kare, weruhusu Mataifa gahende mvahenzavyo.¹⁷Ela bado, kavirichire here kana shahidi, kpwa vivyo wehenda jambo ridzo achimvapa mvula kula Mulunguni na majuma ga mazao, kpwa kudzaza mioyo zenu chakurya na raha." ¹⁸Na hata kpwa maneno gago, Paulo na Barnaba, hachache mvandeshindwa kumvazulia mvasiombozere sadaka.¹⁹Ela Ayahudi anjine mvariolaa Antioki na Ikonia mvefika mvachiachochea makundi. Mvachimupiga mawe Paulo na mvachimu buruta nze ya mudzi, kuno mvafikiria yudzefa. ²⁰Bali, hata anafunzi anjine mvarihokala mvadzimu tengeleka, wema na achenjira mudzini. Siku ya hiri, achenda Dabe na Barnaba.²¹Baada ya kuhubiri injili mudzi uwo na konjeza anafunzi, mvachuya Listra, Ikonia na Antioki. ²²Mvetua kpwenjiza anafunzi mioyo na kumvahimiza mvabaki kpwa imani, kpwa kumvamba, "Lazima hwenjire ufalume wa Mulunguni kpwa kuchirira mateso manji."²³Mvariho tsagula vilongozi kpwa chila kanisa, na kufunga na kuvoya, mvachielavya kpwa Mulungu, ambaye mvekala mvamwamini. ²⁴chisha mvachitsupa kuchirira Pisidia mvachenda Pamfilia. ²⁵Mvarihokala mvadzirinena kare neno Paga, mvachenda Atalia. ²⁶Kula na haho mvachenda Antiokia kpwa mashua, ambako mvekala mvadzombozwa kpwa Neema ya Mulungu kpwa ajili ya kazi mvariyokala sasa mvadziimala.²⁷Mvarihofika Antiokia na kukusanya kanisa hamwenga, mvachilavya hesabu ya kazi yosi Mulungu ariyo ihenda kuchirira kpwao, na jinsi arivyo fugula muyango wa imani kpwa a Mataifa. ²⁸Mvachikala muda mure na anafunzi.

Chapter 15

¹Anjine mvelaa Judea mvachenda Antokia na kufundisha ndugu, kpwa kumvamba, "Labda ukale wegwagwa tsi kpwa sheria ya Musa, kuweza ukaokolwa." ²Mafundisho gago gachimvapa Barnaba na na Paulo malumbano na majadiliano makali namvo. Ndiho Paulo na Barnaba, hamwenga na anjine kahi yao mvachitsagulwa kpwenda Jerusalemu kuonana na mitume na vilongozi kuhusu riro jambo.³Ndiho sasa namvo, kpwa kukala mvehumwa ni kanisa, mvachichirira Foinike na Samaria na kutangaza kugaluka kpwa a Mataifa. Mvachihirika furaha bomu sana kpwa ndugu osi. ⁴Mvarihofika Jerusalemu, mvachikaribishwa ni kanisa na mitume na vilongozi, chisha mvachiapa habari ya mambo gosi ambago Mulungu wekala yugahenda kuchirira kpwao.⁵Ela atu fulani, mvariokala upande wa mafarisayo, mvachema mvachamba, "Ni muhimu kumvatairi na kumvaamuru mvatii sheria ya Musa." ⁶Sasa mitume na vilongozi mvachikusanyana hamwenga kurijadili riro jambo.⁷Baada ya majadiliano mare, Petero achema na achimvambira, "Ndugu, mwamanya kukala muda wa baha udzio tsupa Mulungu wehenda uwamuzi kahi yenu, kukala kuchirira kanwa rangu a Mataifa mvandesikira neno ra injili, na kuriamini. ⁸Mulungu, amanyaye garigo rohoni, adzimvashuhudia kpwa kumvapa Roho Mtakatifu, here tu arivyo huhendera. ⁹Kahubaguire kahi yehu na mvamvo, kpwa kumvasafisha maroho gao kpwa imani.¹⁰Sasa bai, mbona mwamujeza Mulungu, kukala mumvaike minyororo singoni anafunzi ambamvo si pabazehu hata si sisi kahuwezere kumvarera? ¹¹Ela hwa amini kukala hundaokolwa kuchirira kpwa neema ya Bwana Jesu, here tu mvarivyo okolwa."¹²Atu mvosi mvachinyamala wakati mvmusikiza Barnaba na Paulo mvariho omboza ujumbe wa ishara na miujiza Mulungu ariyokala yuihenda kpwa a Mataifa kuchirira kpwao.¹³Mvariho nyamala, Jakobo achimvajibu, achamba, "Ndugu, nisikizani. ¹⁴Simioni yudzimvambira vyo Mulungu kpwa mara ya kpwanza arivyo mvasaidia kpwa neema a Mataifa ili kpwamba aweze kudzipatira atu kpwa ajili ya dzinare.¹⁵Maneno ga manabii gakubaliana na gaga, here irivyo andikpwa, ¹⁶'Baada ya mambo gaga, nindauya, na nindarijenga hema ra Daudi, ambaro regwa; Nindadza renula rijengeto na kurudzirya utukufuwe keheri, ¹⁷ili mvadnokala mvasere mvaweze kumutafuta Mulungu, hata a Mataifa mvario ehewa kpwa madzina gao.' ¹⁸Vivi ndivyo Bwana ambavyo, ambaye yugahenda gaga garigo manyikana hangu kare.¹⁹kpwa vivyo, nidzona husimvayuge mvamvo a Mataifa mvamugalukirao Mulungu. ²⁰Ela hundamvandikira kukala ni lazima mvadzitenge na kuabudu sanamu, uzinzi, nyama za anyama a kushongolwa, na mulatso. ²¹kpwa maana Musa yuhubiriwa chila mudzi kula kpwa vizazi vya kare na wahubiriwa kpwenye masinagogi chila sabato."²²chisha ichonekanato kpwa mitume na vilongozi, hamwenga na kanisa rosi, kumutsagula Juda ariye ehewa Barsaba, na Sila, mvariokala vilongozi a ndugu, mvachiahuma Antokia hamwenga na Paulo na Barnaba. ²³Mvachiandiga gaga kpwa mikono yao, " Kula kpwa mitume na vilongozi, ndugu zenu, kpwenu ndugu a chi mataifa Antokia, Shamu na Kilikia: Selamu!²⁴kpwa kukala hudzisikira kukala anjine enu mvadzidzitenga nasi, bila amuri kula kpwehu, na mvadziayuga sana na maneno gatsukizyago mioyo yenu, ²⁵yeonekana kukalato kpwehu, hudze hamwenga na mawazo mamwenga, kutsagula atu na humvahume kpwenu hamwenga na ahenzwi Barnaba na Paulo, ²⁶ahenzwi ambamvo mvedzombozera hata maisha gao kpwa ajili ya dzina ra Bwana wehu Jesu Masihi.²⁷kpwa vivyo hudzimuhuma Juda na Sila, ambamvo mvandamvapa ujumbe wa maneno gaga kpwa makanwa gao enye. ²⁸Maana Roho Mtakatifu weona ni vidzo na pia sisi, husimvape misigo mibomu zaidi ya gaga mambo ambago ni muhimu sana: ²⁹kukala mudzitenge na vyakurya vidzivyo laviwa sadaka kpwa masanamu, mulatso, nyama za kushongolwa, na uzinzi. Muchidzitenga na gaga, mundenenda tototo. Mukaleto."³⁰Ndiho namvo, mvariho richirwa, mvachenda Antokia; baada ya kumvakusanya atu hamwenga, mvachiapa yo barua. ³¹Mvariho isoma, mvefurahia kpwa kupata maneno ga kumvenjiza moyo. ³²Juda na Sila, na manabii, mvachimvenjiza nguvu mvo ndugu kpwa maneno manji madzo garigo mvenjiza nguvu.³³Baada kusagela namvo kpwa muda, mvachiafumula kpwa neno ra amani kula kpwa mvo ndugu kpwao mvamvo mvario humwa. ³⁴Ela ichikalato Sila abaki namvo. ³⁵Ela Paulo na Barnaba mvebaki Antokia, mvachifundisha na kuhubiri (hamwenga na anjine anji) neno ra Bwana.³⁶Baada ya siku chache Paulo achimwamba Barnaba, "Nahuuye sasa hukamva tsemberere ndugu a chila mudzi huriko hubiri neno ra Bwana, hukamvaone mvendereravyo." ³⁷Barnaba wemala mvamuhale na Mariko ariyekala achehewa Mariko. ³⁸Ela Paulo achikala na mawazo tafauti, weona mvasende na Mariko ariyekala adzimvaricha Pamfilia, kendererere na kazi hamwenga namvo.³⁹Kuchombolera makosano makali, mpaka mvachigavika, Barnaba achimuhela Mariko mvachenda Kipro kuchirira bahari. ⁴⁰Ela Paulo achimutsagula Sila mvachuka, baada ya kuvoyerwa neema ya Bwana ni ndugu. ⁴¹Achichirira Shamu na Kilikia, kuimarisha makanisa.

Chapter 16

¹Paulo achenda pia Derbe na Lista, kuko, mwanafunzi mumwenga ariye ehewa Timotheo wekala yukuko, yuya mwana wa mwanamuche Muyahudi ariyekala muumini, ela pabaye wekala mugiriki. ²Wekala achilikpwa ni mvo ndugu mvariokala Lista na Ikonia. ³Paulo wemala asafiri naye, sasa achimuhela achimugwagatsi kpwa sababu ya Ayahudi mvariokala kuko, maana mvosi mvemanya kukala pabaye wekala mugiriki.⁴Mvarihokala mvachenenda kuchirira midzini, mvekala mvachirira kuno mvomboza malakizo kpwa makanisa ili kugatii malakizo garigokala gadzandikpwa ni mitume na vilongozi mvariokala Jerusalemu. ⁵kpwa vivyo makanisa gachi imarishwa chi imani na hesabu ichonjezeka chila siku.⁶Paulo na anzie mvachichirira sehemu za Firigia na Gelatia, kpwa kukala mvekala mvakahazwa ni Roho Mtakatifu kuhubiri neno mkoa wa Asia. ⁷Mvarihokala mvaratira Misia, mvachijeza kpwenda Bithania, ela Roho ya Jesu ichimva kahaza. ⁸kpwa viivyo kpwa kuchira na Misia, mvachenda mpaka mudzi wa Troa.⁹Paulo achonyeswa maono usiku: Mutu wa Makedonia wekala wemire wamuvoya achamba, "Nzo Makedonia udze uhusaidie." ¹⁰Paulo bada ya kona maono gago, achimala kare kusafiri kpwenda Makedonia, achimanya kare ni Mulungu arekala yuhweha hukaihubiri injili kpwao.¹¹Huchidzitayarisha na charo bai kula Troa, huchenda mwenga kpwa mwenga mpaka Samotrake, siku ya hiri huchifika Neapoli. ¹²Kula haho huchenda Filipi, ambako ni mudzi mubomu wa Makedonia, mudzi urio wa maana sana kahi za wilaya ya utawela wa Chirumi, kuko huchikala siku za kutela. ¹³Siku ya Sabato, huchombola lango mpaka kandakanda ya muho, huriko fikiria kukala hundapata hatu ha mavoyo. Huchisagela huchiahubiria ana ache mvario kusanyana kuko.¹⁴Mwanamuche mumwenga ariye ehewa Lidiya, mukuzaji wa zambarau kula mudzi wa Thiatira, ariye kala achimwabudu Mulungu, achihusikiza. Bwana achimufugula rohoye achisikiza kpwa makini arigokala achiganena Paulo. ¹⁵Mvariho batizwa na nyumbaye, achihusihi achihwamba, "Ichikala mudziniika fungu ra mvamwaminio Bwana, nzoni muishi mwangu nyumbani." Nasi huchimukubalia.¹⁶Ichombolera kpwamba hurihokala hwenenda sehemu ya mavoyo, chijakazi mumwenga musichana ariyekala na roho ya utambuzi, achihumanya. Wekala achimupa tajiriwe faida nyinji kpwa kutabiri. ¹⁷Yuyu mwanamuche wemutua Paulo nasi kuno wapiga kululu, achamba, "Atu mvamva ni atumishi a Mulungu ariye dzulu. Mvamvahubiria njira ya wokofu." ¹⁸Wehenda vivyo kpwa siku nyinji. Ela Paulo, kpwa wekala yutsukirwa, achimugalukira achimwambira iye roho, "Nakuamuru kpwa dzina ra Jesu Masihi, umombole." Achimombola saa iyo iyo.¹⁹Matajirie mvariho ona kukala matumani gao ga faida gasira, mvachimugwira Paulo na Sila, mvachiaburuta sehemu ya soko na mbere ya enye mamulaka. ²⁰Mvariho afisha kpwa mahachimu, mvachimvamba, "Mvamva atu mvareha tabu mudzi uu. Ni Ayahudi. ²¹Mvahubiri tamaduni za kpwao ambazo kazenda sawa na Arumi kuzikubali wela kuzitua."²²Ndiho kundi richema chinyume na Paulo na Sila; mahachimu mvachitarura nguo zao na kuamuru mvapigwe na bakora. ²³Baada ya kumvapiga sana, mvachiafungira jela chisha mvachiamuru shikari mvaarinde usiku na mutsana. ²⁴Baada ya kupata amuri iyo, shikari achimvenjiza jela na kumvafunga magulu.²⁵Usiku wa manane, Paulo na Sila mvachikala mvavoya na kpwemba tenzi kpwa Mulungu, na afungwa anjine mvachikala mvaasikiza. ²⁶Mara kuchombolera utetemeko mubomu wa ntsi, mpaka misingi ya iyo jela ichitetema; miryango ichifuguka, na chila mufungwa minyororo ariyo fungirwa ichifuguka.²⁷Shikari wa jela wevumbuluka achona miyango ya jela i lwazu; achomboza upanga achimala kudzolaga, kpwa kukala wefikiria afungwa mvosi mvachimbira. ²⁸Ela Paulo achimuchemera kpwa sauti ya dzulu, achimwamba, "Usidzodhuru, hosini humumu."²⁹Shikari wa jela achimala taa, chisha achenjira malo ndani kuno watetemeka, achimvapigira mavindi Paulo na Sila, ³⁰achimvomboza achimvamba, "Ma bwana, nihendedze ili nami nipate kukolwa?" ³¹Mvachimwamba, "Mwamini Bwana Jesu, nawe undaokolwa, uwe na nyumbayo yosi."³²Mvachimuhubiria neno ra Bwana, hamwenga na chila mutu mwakpwe nyumbani. ³³chisha ye Shikari achimvahela usiku uwo uwo, achimvojesa vironda vyao, namvo mvachihochera ubatizo haho kpwa haho. ³⁴Wakati wamvahirika Paulo na Sila kpwakpwe nyumbani na kumvapa chakurya, achifurahi hamwenga na atue kpwa kumwamini Mulungu.³⁵Irihofika siku ya hiri mtsana, mahachimu mvachimvahumira ujumbe mvo shikari, wakpwamba, "Mvarichireni ao atu mvenende." ³⁶Ye shikari achimupa uwo ujumbe Paulo, achimwamba, "Mahachimu mvadzihuma ujumbe kpwangu nimvarichire mwenende. Sasa bai, ombolani mwenende kpwa amani."³⁷Ela Paulo achimvamba, "Hadharani mvehupiga bila makosa, idzaho hata sisi hua rumi-chisha mvachihwenjiza jela. Je, sasa mvamala kuhurichira chisiri? Hata! Namvadze enye mvahomboze." ³⁸Mvo shikari mvachiuhirika ujumbe uu kpwa mahachimu, namvo mvariho sikira kukala Paulo na Sila ni Arumi, mvachogoha. ³⁹Mvachiatua mvachenda mvavoya musamaha chisha mvachiomboza, na kumvasihi mvombole kamare mudzi uwo.⁴⁰kpwa vivyo Paulo na Sila mvachombola jela mvachenda nyumbani kpwa Lidiya. Paulo na Sila mvariho mvona anzao, mvachimvenjiza moyo chisha mvachiwombola uwo mudzi.

Chapter 17

¹Baada ya kuchirira midzi ya Amfipoli na Apolonia, mvachenjira mudzi wa Thesalonike, ambako kpwekala na sinagogi ra Ayahudi. ²Paulo, here kawaidaye, achimvatua, naye kpwa sabato tahu mufululizo, mvachijadiliana kuhusu maandiko.³Wekala wafugula maandiko na kumvaelezera kukala kpwekala kuna umuhimu wa Masihi kuteseka, kufa na kufufuka. Achamba, "Yuyu Jesu nimuhubiriye mimi ndiye Masihi." ⁴Ayahudi anjine mvachamini mvachidziunga na Paulo na Sila, hamwenga na hesabu bomu ya Agiriki, na vilongozi achache a ani Mame.⁵Ela Ayahudi mvasio na imani, kpwa unji wa wivu, mvachihela atu achache ai kula sokoni, mvachiakusanya hamwenga, mvachanza fujo mudzini. Mvachivamia nyumba ya Jasoni, kumala kumvomboza Paulo na Sila mbere za atu. ⁶Mvariho mvakosa, mvachimuburuta Jasoni na ndugu anjine mbere ya vilongozi a mudzi, na kulelama, "Mvano atu mvadzio pindula urimwengu dzulu tsini mvahufikira nasi. ⁷Mvamva atu, ajeni a Jasoni mvahenda mambo chinyume na sheria za Kaisari; mvamba kuna mufalume munjine-Jesu."⁸Mvachiyuga kundi ra atu, hamwenga na mvo vilongozi a mudzi mvario gasikira gago. ⁹Ela baada ya kuhela pesa ya thamani za urinzi kula kpwa Jasoni na anjine, mvachiarichira mvachenda.¹⁰Usiku uwo ndugu mvachimuhuma Paulo na Sila mvende Berea. Mvarihofika, mvachenjira kpwenye sinagogi ra Ayahudi. ¹¹Sasa atu mvamvo mvekala elachu kuriko atu a Thasalonike, kpwa kukala mverihochera neno kpwa akili za kpwelewa, mvachichunguza chila neno chila siku kumanya kala mafundisho mvagapewago gekala sawa. ¹²kpwa vivyo anji ao mvachiamini, hamwenga na agiriki achache ache kpwa alume mvariokala na ushawishi mubomu kpwa anjine.¹³Ela Ayahudi a Thesalonika mvariho manya kukala Paulo naye wekala wahubiri neno ra Mulungu Berea, mvachenda kuko namvo mvachiachochea makundi ga atu. ¹⁴Ndiho, kpwa upesi, ndugu mvachimuhuma Paulo kpwenda baharini, isihokala Sila na Timotheo ndo mvariosela. ¹⁵Mvariokala mvamulongoza Paulo mvemuhirika mudzi wa kure Athene. Mvarihokala mvakulaa na kumurichaa Paulo kuko, Paulo achimvahuma na ujumbe kpwamba Sila na Timotheo mvenende upesi iwezekanavyo.¹⁶Sasa, wakati Paulo wamvangoja Athene, rohoye ichiyugika kona mudzi urio tele masanamu. ¹⁷Sasa achijadiliana na Ayahudi chila kuchicha ndani ya sinagogi hamwenga na anjine mvamu abuduo Mulungu, hata kpwenye masoko na mvariokala sehemu zizo.¹⁸Ela pia sehemu ya anafalsafa a Aepukirao na Astoiko mvachimukabili. Anjine mvachamba, "Wambadze yuno muhoho mutsanga?" Anjine mvachamba, " Wonekana here mumwenga kahi ya mvaehao atu mvatue milungu misha," kpwa kukala adzikala achihubiri injili kumuhusu Jesu na ufufulo.¹⁹Mvachimuhela Paulo mvachimuhirika kpwa mvo anafalsafa, mvachimvamba, "Hwaweza hukamanya kuhusu gano mafundisho masha ugafundishago? ²⁰kpwa maana wareha mafundisho masha masikironi mwehu. kpwa vivyo, hwamala humanye maanaye ni noni." ²¹(Sasa atu mvosi Athene na ajeni mvaishio sehemu iyo mvehumira wakati wao aitha kpwelezera ama kusikiza jambo risha.)²²kpwa vivyo Paulo achema kahi yao achamba, "Mwi atu a Athene, namvona mu atu a dini kpwa chila njira. ²³kpwa maana nidzihokala nachira na kuchunguza hali zenu za kuabudu, nidzona madhabau genye maandishi, "kpwa Mulungu asiye manyikana." Ambaye bai, mwamuabudu kahi za kutsamanya, riri namvatangazira.²⁴Mulungu iye ariyeumba urimwengu na chila chitu chirichomo, kpwa maana ndiye Bwana wa Mulunguni na duniani, kaishi kpwenye mahekalu garigo jengwa ni mikono. ²⁵Na pia kahumikirwa kpwa mikono ya atu, here kpwamba wahitaji chochosi kpwehu, maana iye mwenye welavya uzima kpwa anadamu na pumzi na chila chitu chochosi.²⁶Kula kpwa mutu mumwenga, wetengeza chila taifa ra atu ili mvaishi urimwenguni, baada ya iye kumvapangira nyakati na mihaka ya sehemu zao za kuishi, ²⁷ili mvamutafute Mulungu na labuda mvaweza kumanya njira mbidzo kumufikira na kumona. Idzaho kakure na chila mumwenga wehu.²⁸Kpwa kukala ndaniye, hwaishi na kpwenenda na kupata uzima wehu, here tu mushairi wenu mumwenga arivyo amba, 'kpwa kukala hata sisi hu chizaziche.' ²⁹" Ndiho bai, kala hata sisi hu chizazi cha Mulungu, kahufaa kufikiria kpwamba, thamani yehu ihere dhahabu, ama fedha, ama iwe-sanamu ziumbwazo ni achoraji na fikira za chidamu.³⁰kpwa vivyo, Mulungu wenyamalira nyakati za ujinga, ela sasa waamuru chila mutu chila hatu atubu. ³¹Ii ni kpwa kukala wetengeza siku ambayo andahukumu urimwengu kahi za utakatifuwe mutu ariye mutsagula iye mwenye. Mulungu weomboza uhachika wa mutu iye ariye mutsagula kpwa chila mutu kpwa kumufufula kula kpwa afu."³²Sasa Athene mvariho sikira kuhusu ufufulo wa afu, anjine mvachimukejeli Paulo; ela anjine mvachamba, "Hundakusikiza keheri kuhusu jambo riri." ³³Baada ya haho, Paulo achirichana namvo. ³⁴Ela anjine mvachiungana naye mvachiamini, hamwenga na Dionisio mu areupaga, mwanamuche mumwenga ariye ehewa Damaris, na anjine mvariokala hamwenga namvo.

Chapter 18

¹Baada ya gago Paulo achitsama Athene achenda Korintho. ²Kuko, achonana na Muyahudi kpwa dzina Akwila, muvyalwa wa Ponto, ariyelaa Roma na muchewe Prisila, kpwa kukala Klaudia wekala yulavya amuri kpwa Ayahudi kuyombola ntsi ya Roma. Paulo achimvatua, ³na kpwa kukala wehenda kazi mwenga namvo, weishi namvo na kuhenda kazi namvo, kpwa maana mvekala ni ajenzi a mahema.⁴Ndiho Paulo achijadiliana namvo chila siku ya Sabato, kujaribu kumvarai Ayahudi na Agiriki. ⁵Sasa Sila na Timotheo mvariho enda Makedonia, Paulo achidzombozera kpwa neno, kumvashuduhudia Jesu kukala ndiye Masihi kpwa Ayahudi. ⁶Ela Ayahudi mvariho kala chinyume na kumuhukana, Paulo achikutakuta vazire kpwao na achimvamba, "Mulatso wenu ukale dzulu ya vitswa vyenu enye; mino ni musafi. Kula rero, nindenda kpwa a Mataifa."⁷chisha achihauka haho achenda kpwa nyumba ya mutu ariye ehewa Tito Yusto, mutu ariye mwabudu Mulungu. Nyumbaye yekala hehi na Sinagogi. ⁸Krispo, chilongozi wa sinagogi, wemwamini Bwana, hamwenga na nyumbaye; na anji kahi za Akorintho mvariosikira kuhusu injili ya Jesu mveamini mvachibatizwa.⁹Bwana achimwambira Paulo usiku kahi za maono, "Usogohe, bali nena wela usinyamale. ¹⁰kpwa kukala ni hamwenga nawe, na kakuna andiyejeza kukudhuru, kpwa maana nina atu anji sana mudzi uu." ¹¹Paulo achiishi mudzi uwo kpwa mwaka mumwenga na miezi sita, achifundisha neno ra Mulungu kahi yao.¹²Ela Galio arihohendwa mutawela wa mukoa wa Akaya, Ayahudi mvachikala na makubaliano chinyume na Paulo mvachimuhirika mbere ya chihi cha hukumu; ¹³mvachimushitaki na kpwamba, "Mutu yuyu washawishi atu kumwabudu Mulungu chinyume na sheria."¹⁴Ela Paulo arihomala kunena, Galio achimvambira Ayahudi, "Mwi Ayahudi, kalaho jeri yekala riri ni jambo ra ulongo ama kosa ra uhalifu, indekala ni sawa kumvashuhulikira. ¹⁵ELa kpwa kukala gaga ni maswali tu kuhusiana na maneno na madzina na sheria zenu, gamarikizeni enye. Senzi kukala hachimu wa mambo gaga."¹⁶Galio achimvainga mvahauke mbere za chihi cha hukumu. ¹⁷Ndiho mvosi mvachimugwira Sosthene, chilongozi wa sinagogi, mvachimupiga mbere ya cho chihi cha hukumu. ELa Galio kajalire mvarigo gahenda.¹⁸Paulo, baada ya kukala haho kpwa siku zinjine zaidi. achimvaricha ndugu a haho achisafiri kpwa mashua kpwenda Shamu hamwenga na Prisila na Akwila. Ela kabla auke bandarini, achinyola nyereze kpwa kukala wekala adziika nariri. ¹⁹Mvarihofika Efeso, Paulo achimvaricha Prisila na Akwila haho, ela mwenye achenda kpwenye sinagogi kpwenda jadiliana na Ayahudi.²⁰Mvarihomuza Paulo akale namvo kpwa muda, achikahela. ²¹Ela arihokala wauka, achimvamba, "Nindauya keheri kpwenu, kala Mulungu andakala yuhenza." Naye achuka kula Efeso.²²Paulo arihofika Kaisaria, achenda dzulu Jerusalemu kumvelamusa kanisa chisha achenda Antokia. ²³Baada ya kukala kuko kpwa muda, Paulo achuka kuchirira Gelatia na Frigia, kuno hali achimvenjiza nguvu anafunzi mvosi.²⁴Sasa, Muyahudi mumwenga ariye ehewa Apolo, muvyalwa wa Alegzandria, achenda Efeso. Wekala munenaji mudzo chisha wemanya sana sana maandiko. ²⁵Apolo wekala yudzelewa mafundisho kahi ya maandiko ga Bwana. kpwa arivyokala na bidii kahi za roho, wenena na kufundisha kpwa ufasaha mambo kumuhusu Jesu, ela wemanya tu mafundisho ga Johana. ²⁶Apolo achanza kunena kpwa ujasiri ndani ya sinagogi. Ela Prisila na Akwila mvariho musikira, mvachimuvuha kanda mvachimwelezera njira za Mulungu tototo zaidi.²⁷Ariho aza kuvuka kpwenda Akaya, mvo ndugu mvachimwenjiza moyo chisha mvachimvandikira mvo anafunzi Akaya ili mvamukaribishe. Arihofika, achimvasaidia sana mvario amini kpwa neema. ²⁸Apolo, wemvazidi Ayahudi kahi ya majadiliano ga hadharani, kpwa kumvonyesa kpwa maandiko kukala Jesu ndiye Masihi.

Chapter 19

¹Apolo arihokala Korintho, Paulo wechirira ntsi ya dzulu mpaka achifika Efeso, achimvapata anafunzi anjine kuko. ²Paulo achimvauza, "Je, mwehochera Roho Mtakatifu muriho amini?" Mvachimujibu, "Hata, kusikira kumuhusu kahusikirire."³Paulo achimvauza, "Sasa mwebatizwa dze?" Mvachimujibu, "kpwa ubatizo wa Johana." ⁴Ndiho Paulo achimvajibu, "Johana webatiza ubatizo wa toba. Weambira atu kukala ni mvamwamini iye andiyekudza badelaye, yaani, Jesu."⁵Atu mvariho gasikira gago, mvachibatizwa kpwa dzina ra Bwana Jesu. ⁶Ndiho Paulo ariho mvaikira mikono, Roho Mtakatifu achimvafikira namvo mvachinena kpwa luga tafauti na kutabiri. ⁷kpwa jumula mvekala here atu kumi na airi.⁸Paulo wekpwenda kpwenye masinagogi achinena kpwa ujasiri kpwa miezi mihahu, mvachijadiliana na kumvashawishi kuhusu ufalume wa Mulungu. ⁹Ela Ayahudi anjine mvarihokala na nyoyo mbifu na kukosa heshima, mvachikpwatya kunena mai kuhusu yo njira ya Masihi mbere ya kundi ra atu. kpwa vivyo Paulo achimvaricha hamwenga na anafunzi, mvachibaki kufundishana na kujadiliana enye kpwa enye chila siku kpwenye ukumbi wa Tirano. ¹⁰Gago geenderera kpwa miaka miri, chasi kpwamba mvosi mvario ishi Asia mvesikira neno ra Bwana, Ayahudi na Agiriki.¹¹Mulungu wekala wahenda miujiza ya ajabu kuchirira mikono ya Paulo. ¹²chasi kpwamba hata vitambara vya mikono na nguo zirizokala zimuguta Paulo, zehirikirwa akongo namvo mvachihola na pepo mvachiombola.¹³Ela kpwekala na Ayahudi apungaji a pepo mvariokala mvachizunguluka sana lalo riro. Namvo mvachireha dzina ra Bwana Jesu ili mvapate nguvu za kuchemera na komboza pepo, mvachamba, "kpwa dzina ra Jesu yuyatu ahubiriwaye ni Paulo, nakpwamuru wombole." ¹⁴Mubomu wa makuhani, ehewaye Skava, wekala na ana afungahe, mvamvo ndio ahenzi a gago.¹⁵Pepo muchafu achimvamba, "Jesu namumanya, na Paulo naye namumanya; je mwino muani?" ¹⁶Ye pepo achimvarukira mvo apungaji pepo, achimvashinda nguvu na kumvapiga. Mvachichimbiranze malo kuno mvahuhu na mvapata majeraha. ¹⁷Gaga gemanyikana ni atu mvosi, Ayahudi na Agiriki, mvarioishi Efeso. Mvachogoha sana na neno ra Bwana Jesu richiheshimiwa.¹⁸Pia, anji mvario amini mvachimutua na mvachiungama dambi zao zosi. ¹⁹Anji mvariokala mvachihenda vilinge mvereha vitabu vyao vachivyocha mbere ya chila mutu. Mvariho vihendera hesabu, vyegarimu vipande hamsini vya fedha. ²⁰kpwa vivyo neno ra Bwana richenera kunji kpwa njira za nguvu.²¹Sasa, baada ya gaga kukamilika, Paulo achamua kahi za roho achirire Makedoni na Achaya hali welekea Jerusalemu; achamba, "Nichilaa kuko, lazima nikalole pia Rumi." ²²Paulo achimvahuma atumishie airi Makedoni, Timotheo na Erasto. Ela iye mwenye achisela Asia kpwa muda.²³Wakati uwo, kuchombola fujo bomu Efeso kuhusiana na njira ya wokofu. ²⁴Sonara mumwenga ariye ehewa Demerio, ariyetengeza visanamu vya fedha vya chiche vya mulungu mvariyemweha Atemis, wereha biashara bomu kpwa atengezi sanamu. ²⁵kpwa vivyo achimvakusanya hamwenga ahenzi kazi a kazi iyo achimvamba, "Asena, mwamanya kahi za biashara ii hwatengeza pesa nyinji.²⁶Mwasikira na pia mwadzonera mwimwi enye, si Efeso hacheye bali karache Asia nzima, yuyu Paulo yushawishi na kumvagaluza anji. Wamba milungu itengezwayo kpwa mikono si milungu. ²⁷Sasa si hatari kpwamba biashara yehu inda dharaulika ela hata ro hekalu ra mulungu wehu wa chiche Atamisi pia rindahendwa karina maana, na heshimaye indatima sana, iye ambaye Asia nzima na urimwengu wosi wamuabudu."²⁸Mvariho gasikira gago, mvachidzalwa ni hasira mvachipiga kululu, mvachamba, "Atemisi ni mulungu mubomu wa Aefeso." ²⁹Mudzi wosi uchidzalwa ni kutsanganyikirwa, atu mvachenjira malo ndani ya ukumbi na nia mwenga. Mvekala kare mvadziagwira mvario safiri hamwenga na Paulo, Gayao na Aristariko, mvariolaa Makedoni.³⁰Paulo wemala kpwenjira ndani hamwenga na ro kundi ra atu ela anafunzi mvachimuzuiliya. ³¹Vilongozi fulani a mukoa wa Asia namvo mvekala ni asenae, mvachimurai pia kukala asenjire mumo ndani. ³²Anjine mvekala mvapiga kululu kpwa jambo mwenga anjine jambo rinjine, maana kundi ra atu rekala ritsanganyikirwa. Anji ao ta kamvamanyire chirichokala chimvahenda mvakusanyane.³³Anjine kahi ya riro kundi mvemwara Alegzanda, ambaye Ayahudi mvekala mvasukuma ende mbere. ndiho Alekzanda achimva ashiria kpwa mukonowe, kujeza kumvahehera. ³⁴Ela mvariho gundua kukala wekala ni Muyahudi, mvachipiga kululu kpwa masaa gasigo pungua mairi kpwa sauti mwenga mvachamba, "Atimisi ni mulungu mubomu wa Aefeso."³⁵Karani wa mudzi arihoweza kunyamazisha kundi, achimvamba, "Mwi atu a Efeso, ni ani asiyemanya kukala mudzi wa Efeso ndio wenye hekalu rimuhifadhiro mulungu mubomu Atemisi na sanamu iriyogwa kula mulunguni? ³⁶Sasa kala mambo gago kaga pingika, kamuna haja ya kupiga kululu wela musihende rorosi kpwa maruru. ³⁷kpwa kukala mudzimvareha atu mvamva kahi za mahakama ii ambamvo sievi kahi za mahekalu gehu wela akufuru a mulungu wehu wa chiche.³⁸kpwa vivyo bai, kala Demetrio na mafundi mvario hamwenga naye mvana mashitaka kuhusu yoyosi, mahakama zi lwazu na maliwali mvako. Namvarehewe mbere za ashauri. ³⁹Ela kala mwamala manji zaidi, ni gasuluhishwe kpwa njira za kawaida za vikao. ⁴⁰kpwa kukala vivi hu hatarini kushitakiwa na kosa ra fujo, na kahuna sababu ya kulavya kpwa jambo riri ra kululu." Baada ya kugomba gago, achimvatawanya.

Chapter 20

¹Baada ya fujo kuhurira, Paulo achi lakizira anafunzi naye baada ya kunena namvo kumvenjiza moyo, achilagana namvo chisha achimvaricha achenda Makedonia. ²Arihokala yuchira sehemu zizo zosi na wekala yunena maneno manji ga kumvenjiza moyo, achenda Uyunani. ³Baada ya kukala namvo miezi mihahu, mvachimwendera njama Ayahudi arihokala yupanga kusafiri kpwa mashua kpwenda Shamu, kpwa vivyo achamua kuuya kuchirira Makedonia.⁴Sopatro mwana wa Piro kula Berea, Aristariko na Sekundo, osi kula kundi ra aumini a Thesalonike; Gayo kula Derbe; Timotheo; Tikiko na Trofimo kula Asia, mveandamana naye mvachenda mpaka Asia. ⁵Ela mvamva atu mvekala kare mvadzihutangulia mvachikala mvahutariza Troa. ⁶Huchisafiri kula Filipi baada ya siku za kurya mikahe isiyo enjizwa tsatsu, na kpwa siku tsano, huchiafikira Troa. Kuko huchisagela siku fungahe.⁷Siku ya kpwanza ya juma, hurihokala hukusanyika hamwenga kumega mukahe, Paulo wenena na aumini mvosi. Wekala yupanga siku ya hiri ahuriche, kpwa vivyo achenderera mazungumuzoge mpaka usiku wa manane. ⁸kpwekala kuna mataa gakutosha chumba cha dzulu huricho kala hukusanyika.⁹kpwenye dirisha, hekala hasegere chijana ariye ehewa Utiko, ariye gwirwa ni usinzizi mukali. Paulo wekala achere kuhubiri chijana achinyekererwa achigwa kula kpwa gorofa ya hahu, ariho tsolwa achikala yudzefa. ¹⁰Ela Paulo achitima ngazi, achidzigoloza dzuluye, chisha achimu kumbatia. chisha achamba, "Musiyugike keheri, yumoyo."¹¹chisha achambuka dzulu na kumega mukahe, achirya. Baada ya kunena namvo usiku wosi, achenenda. ¹²Mvachimudzya iye chijana yumoyo namvo mvachi farijika sana.¹³Sino nasi huchimutangulia Paulo huchenda Aso kpwa mashua, ambako hwepanga kumuhela Paulo. Wehenza iye mwenye vivyo, kpwa kukala iye wepanga kusafiri nsi kavu. ¹⁴Ariho onana nasi Aso, huchimuhela huchenda naye Mitilene kpwa njira ya mashua.¹⁵chisha huchisafiri kula haho nasi huchifika siku ya hiri upande wa hiri wa chisiwa cha Kio. Siku iriyo tuizira huchifika chisiwa cha Samo, na siku ya hiriye huchifika mudzi wa Mileto. ¹⁶kpwa kukala Paulo wekala yuamua kuchira kpwa njira ya mashua Efeso, ili asihumire muda Asia; Maana wekala wawania kufika Jerusalemu kpwa ajili ya siku ya Pentekote, kala indewezekana,¹⁷Kula Mileto, achihuma atu Efeso chisha acheha vilongozi a kanisa kpwenda kpwakpwe. ¹⁸Mvarihofika, achimvambira, "Nyinyi enye mwamanya, kula siku ya kpwanza niriho fyoga haha Asia, jinsi nidzivyoakal namwi chila wakati. ¹⁹Nidzenderera kumuhumikira Bwana idzaho kpwa unyenyekevu na matsozi, na kahi ya mateso gadzigokala gachinipata kpwa sababu ya njama za Ayahudi kunangamiza. ²⁰Mwamanya jinsi ambavyo simvafitsire jambo rorosi na kumvambira lwazu chila ririro kala ra maana, na jinsi nirivyo mvafundisha hadharani na kahi za nyumba baada ya nyumba, ²¹nichishuhudia kpwenu Ayahudi na Ayunani kuhusu toba kpwa Mulungu na kpwa imani kahi za Bwana Jesu.²²Sasa lolani bai, nenenda Jerusalemu, kpwa kushurutishwa ni Roho, bila mimi mwenye kumanya chindicho nipata kuko, ²³isihokala Roho Mtakatifu wanishuhudia chila mudzi kukala minyororo na mateso ganirinda kuko. ²⁴Ela sithamini maisha gangu kukala ga maana zaidi kpwangu, mahenzo gangu ni nimarikize safari ii na nikamilishe huduma niriyo ihochera kula kpwa Bwana Jesu, kushuhudia injili ya neema ya Mulungu.²⁵Sasa lolani, Namanya kukala mwimwi mosi, ambao nikala nichimvahubiria kuhusu ufalume wa Mulungu, kamundanona keheri. ²⁶kpwa vivyo, namvashuhudia gaga vivi rero, kukala sina hatia kahi za mulatso wa mutu yoyosi. ²⁷kpwa kukala siwahire kumvafitsa rorosi ririro ra mahenzo ga Mulungu.²⁸kpwa vivyo bai, dzirindeni imani mwimwi enye, na pia anafunzi ambao Roho Mtakatifu wemvatsagulira mumvarinde. kalani makini kuririnda kanisa ra Mulungu, ariro rigula kpwa mulatsowe mwenye. ²⁹Namanya baada ya mimi kuuka, Mbwa mwitu mvandamvenjirira na kamvandamvahurumia. ³⁰Hata kahi yenu mwimwi enye, anjine mvandombola mvaugaluze uwo ujeri ili mvapate anafunzi afuasi mvamvatue.³¹kpwa vivyo kalani matso. Kumbukani kpwa miaka mihahu siwahire kuricha kumvaonya usiku na mutsana na matsozi. ³²Sasa namvelavya kpwa Mulungu na kpwa neno ra neema ya Mulungu, ambayo yaweza kumvajenga na kumvapa urathi kahi yenu nyosi murio ikpwa wakfu.³³Sitamanire cha mutu yoyosi ikale ni fedha, dhahabu, ama mavazi. ³⁴Mwimwi enye mwamanya mikono ii yetimiza mahitaji gangu na mvario kala hamwenga nami. ³⁵Kahi ya gosi, nemvonyesa mufano jinsi mwahenzekana mumvasaidie mvario anyonge kpwa kuhenda kazi, na jinsi mwahenzekana mukumbuke maneno ga Bwana Jesu, maneno arigo ganena iye mwenye kpwamba: 'Ni bora kulavya kuriko kuhochera""³⁶Baada ya kunena vivyo, achipiga mavindi achimvoya hamwenga namvo mvosi. ³⁷Hekala na viriro vinji, mvachimukumbatia Paulo na kumubusu. ³⁸Mvekala mvaungulika anji ao kpwa maneno arigo ganena kpwamba kamvandamona keheri. chisha mvachimomboza mpaka kpwenye mashua.

Chapter 21

¹Hurihorichana namvo, huchitua kpwenda, hwehela njira ya mwenga kpwa mwenga kpwenda mudzi wa Kosi, nasi siku ya hiri huchifika mudzi wehewao Roda, kula haho huchenda mudzi wa Patara. ²Huriho ona mashua yavuka kpwenda Foinike, huchipanda huchenda.³Huriho ona mudzi wa Kipro hudziwika mukono kumotso, huchenda Siria nasi huchitima Tiro, mudzi ambao mahsua yekala itimishe musigo. ⁴Huriho mvaona anafunzi, huchikala namvo kpwa siku fungahe. Kuchirira kpwa Roho, mvachimusihi sana Paulo asende Jerusalemu.⁵Siku zehu za kukala haho zirihosira, huchuka huchenda, namvo mvosi, hamwenga na ache ao na ana ao, mvachihutua kpwenda mudzini. chisha huchipiga mavindi ufuoni, huchivoya, ⁶huchilagana. chisha huchenda enjira kahi za mashua, hali mvo mvachuya kpwao madzumbani.⁷Huriho marikiza charo kula Tiro, huchifika Tolemai. Kuko, hichilamusana na ndugu ela huchikala namvo siku mwenga. ⁸Siku ya hiri huchuka kpwenda Kaisaria. Huchenjira nyumba ya Filipo, yuya muinjilisti, ariyekala mumwenga wa mvara fungahe, huchikala naye. ⁹Sasa yuyu mutu wekala ana anamwali anne mvariokala mvachitabiri.¹⁰Hurihokala namvo haho kpwa siku kadha, Nabii mumwenga kpwa dzina Agabo, achidza kula Uyahudi. ¹¹Achidza hurihokala chisha achihela ukanda wa Paulo. Achidzifunga magulu na mikono chisha achamba, "Viv ndivyo ambavyo Roho wa Bwana, 'Vivi ndivyo Ayahudi Jerusalemu mvandivyo mufunga mwenye ukanda uu, chisha mvamulavye mikononi mwa atu a Mataifa.¹²Hurihosikira mambo gaga, sisi hamwenga na mvo atu mvariokala mvaishi lalo riro huchimusihi Paulo asende Jerusalemu. ¹³chisha Paulo achihujibu, "Mwahendadze mwino atu, kurira na kunivunza moyo? Mino ni tayari, sikufungwa tu hacheye bali hata kufa Jerusalemu kpwa dzina ra Bwana Jesu." ¹⁴kpwa kukala Paulo kakalire murahisi wa kushawishika, huchisela kufunga makanwa chisha huchimwamba, "Mahenzo ga Mulungu nagahendeke."¹⁵Baada ya siku zizo, huchitsola mikoba yehu huchenda Jerusalemu. ¹⁶Anafunzi achache kula Kaisaria pia hwekpwenda namvo. Mvachidza na mutu ehewaye Mnasoni, kula Kipro, mwanafunzi wa siku za kpwanza, ambaye hundekala naye.¹⁷Hurihofika Jerusalemu, ndugu mvachihukaribisha kpwa furaha. ¹⁸Siku ya hiri Paulo achuka nasi huchenda kpwa Jakobo, na vilongozi odi mvekala mvahaho. ¹⁹Ariho mvelamusa, achimvashitakira mumwenga baada ya munjine mambo ambago Mulungu wekala adzimvahendera kahi ya a Mataifa kuchirira hudumaye.²⁰Mvariho gasikira, mvachimutukuza Mulungu, chisha mvachimwambira, "Waona ndugu, ni angahi maelfu mvaaminio sasa kahi ya Ayahudi. Mvosi mvana nia ya kugwira sheria. ²¹Mvadzambirwa kukuhusu, kukala wamvafundisha Ayahudi osi mvaishio na a Mataifa kukala mvarichane na Musa, na kpwamba wamvamba mvasigwagetsi ana ao, wela mvasihende mambo gao kpwa tamaduni za chiyahudi.²²Huhendedze? Bila shaka mvandasikira kukala ukudza. ²³kpwa vivyo sikiza go hukpwambirago. Huna atu anne mvariorya chiraho. ²⁴Mvahale ao udzitakase namvo, chisha umvarihire garama zao, ili mvanyole vitswa vyao. Ili mvamanye kukala maneno gosi mvarigo ambirwa kukuhusu ni ga ulongo. Mvandamanya kukala hata uwe waishi sawa, waheshimu sheria.²⁵Ela kuhusu a Mataifa mvario amini, hwekala humvandikira kare kuhusu maamuzi gehu kukala ni mvakale kure na vitu vilavyavyo sadaka kpwa sanamu, kula kpwa mulatso, kula kpwa vitu virivyo shongolwa, na kure na uzinzi." ²⁶Ndiho Paulo achimvahela o atu, naye siku ya hiri achidzitakasa hamwenga namvo. chisha mvachenda kpwenye hekalu, kpwa kutanguliza ilani kukala siku za kutakaswa zindatimizwa na sadaka indelaviwa kpwa ajili ya chila mumwenga wao.²⁷Siku fungahe zirihokala hehi kusira, Ayahudi anjine kula Asia, mvariho mona Paulo hekaluni, mvachichochea kundi zima ra atu mvachimugwira Paulo. ²⁸Kuno mvapiga kululu kpwamba, "Atu a Israel, husaidieni. Yuyu ndiye mutu afundishaye chila mutu chila hatu mambo ambago ga chinyume na atu, sheria, na hatu haha. Isitoshe, adzimvareha Ayunani ndani ya hekalu kpwa vivyo adzinajisi haha hatu hatakatifu." ²⁹kpwa kukala siku za nyuma wekala amona Trofimo Muefeso hamwenga naye mudzini, kpwa vivyo mvachona Paulo amureha hekaluni.³⁰Mudzi wosi uchipandwa no more, atu mvachenda malo mvachimugwira Paulo. Mvachimomboza hekaluni, na miryango ichifungwa. ³¹Mvarihokala mvajeza kumolaga, habari zichimufikira jemedari wa jeshi, kukala Jerusalemu yosi kuna fujo.³²Haho kpwa haho achikusanya shikarie na jemedariwe mvachiwania kukabiliana na ro kundi ra atu. Atu mvariho mvaona, mvachiricha kumupiga Paulo. ³³chisha ye mubomu wa jeshi achimuratira na achimugwira Paulo, na achimwamuru afungwe na minyororo miri. chisha achimuza ye nani na wekala yuhendadze ta wapigwa.³⁴Anjine kahi ya kundi mvachikala mvapiga kululu kpwamba jambo mwenga, anjine nao mvanena gao. kpwa kukala ye mubomu wekala kelewa kpwa zo kululu, achamuru Paulo ahirikpwe kpwenye ngome. ³⁵Arihofika kpwenye ngazi, achinulwa ni shikari kuzulia kundi ra atu mvasimudhuru. ³⁶kpwa kukala kundi ra atu mvekala mvamutua na kupiga kululu kpwamba, "Naolagwe!"³⁷Paulo arihokala yuhehi kuhirikpwa ngomeni, achimuza ye mubomu wa shikari, "Naruhusiwa kukpwambira jambo?" Ye mubomu achimwamba, "Wamanya kunena chiyunani? ³⁸We seye yuya Mumisri ambaye siku chache zirizo tsupa weanza fujo na kulongoza mvara atu elifu nne olagi mvachenda nyikani?"³⁹Paulo achimujibu, "Mino ni Muyahudi kula Taso ya Kilikia. Ni raia wa mudzi maarufu. Nakuvoya uniruhusu ninene na mvamva atu." ⁴⁰Mubomu wa Jeshi arihomupa ruhusa, Paulo achema ho henye ngazi chisha achimva ashiria mvanyamale. Mvariho nyamala, achimvanenera chi Ibraniya. Achimvamba,

Chapter 22

¹"Ndugu na Paba zangu, nisikizani kudzihehera kpwangu kpwenu." ²Kundi ra atu mvariho musikira Paulo wanena namvo chi Ibraniya, mvachinyamala. Achimvamba,³"Mino ni Muyahudi, muvyalwa wa Taso mudziwa wa Kilika, ela nererwa na kusomeshwa mudzi uu, maguluni mwa Gamaleli. Nemvundishwa sheria za Paba zehu kpwa usahihi. Nichikala mutu wa bidii kpwa Mulungu, here anjine enu mosi murivyo rero ii. ⁴Nemvatesa na hata kumvolaga, kufunga na kumvaika jela ache kpwa alume, ⁵gaga Makuhani abomu na hata vilongozi mvaweza kugashuhudia. Nekala nichihochera barua kula kpwao kpwa ajili ya ndugu mvario Dameski, nami nekpwenda kuko kumvafunga ili nimvaudzye Jerusalemu mva-adhibiwe.⁶Ichombolera wakati nasafiri nirihokala naratira Dameski, mwenda wa saa sita mutsana, mwangaza mukali sana kula mulunguni uchinimulika kunizunguluka. ⁷Negwa tsi chisha nichisikira sauti yanambira, 'Sauli, Sauli, mbona wanitesa?' ⁸Nami nichimuza, 'kpwani we uani Bwana?' Naye achinijibu, 'Ni mimi Jesu wa Nazareti, ambaye uwe wanitesa.'⁹Mvariokala hamwenga nami mwanga uwo mvewona, ela kamvaimanyire sauti ya iye ariyekalawanena nami. ¹⁰Nichamba, 'Nihendedze Bwana?' Bwana achinambira, 'Lamuka chisha wende Dameski. Kuko, undelezerwa chila chitu umalikanchokuhenda.' ¹¹Nekala siweza kona keheri kpwa sababu ya mwangaza mubomu, nichigwirwa mukono nichilongozwa ni mvo hurimvokala hosini mpaka Dameski.¹²Kuko, nichonana na mutu ehewaye Anania kpwa dzina, mutu wa Mulungu amanyaye sheria na anwenwayeto ni Ayahudi osi mvariokala mvachiishi kuko. ¹³Achinitua, achemahehi nami, chisha achinamba, ' Ndugu Sauli, hochera nuru ya matsogo keheri.' Wakati uwo kare, nichimona.¹⁴chisha achinamba, 'Mulungu wa Paba zehu adzikutsagula ili umanye mahenzoge, umone iye mutakatifu, napia usikire sautiye yombolayo kula kanwani mwakpwe. ¹⁵kpwa maana undakala shahidiwe kpwa atu osi, kpwa gago udzigogaona na kugasikira. ¹⁶Sasa wangojani bai? Rungarara, batizwa, na wojeswe dambizo zosi, kpwa kpweha dzinare.'¹⁷Niriho kala nidzuya Jerusalemu, na wakati navoya hekaluni, nichigwirwa ni hali ya kuzimia rohoni mwangu. ¹⁸Nichimona wanambira, 'Upesi kulae Jerusalemu, kpwa kukala kamvandakubali ushuhudawo kunihusu mimi.'¹⁹Nichamba, 'Bwana, hata mvamvo mvamanya kukala nemvapiga na kumvafunga mvario kpwamini kahi ya chilasinagogi. ²⁰Mulatsowa Stefano shahidiwo uriho mwagwa, mimi nami nekala hahona nichikubaliana namvo, na nichirinda mavazi ga mvamvo mvariomolaga.' ²¹Ela achinamba, 'Hauke, maana nindakuhuma kure kpwa a Mataifa.""²²Mvemusikiza mpaka haho. chisha mvachipandisha sauti zao mvachamba, "Auswe yuyu duniani, maana si hachi kukala enderere kuishi." ²³Hali mvachipiga kululu, kuno mvatsuha mavazi gao, kugapeperusha hewani, ²⁴Jemedari wao achiamuru Paulo ahirikpwe kpwenye ngome. Achiamuru kukala auzwe tsini ya mateso ga kupigwa mijeledi, ili amanye ni kpwa noni atu mvakala mvachimupigira kululu namunaiyo.²⁵Mvarihokala mvadzimufunga minyororo, Paulo achimuza Jemedari wao ariyekala wemire hehi naye, "Ni hachi chisheria kupiga murumi ambaye kadza dadisiwa na kuhukumiwa mijeledi?" ²⁶Ye Jemedari ariho gasikira gago, achenda kpwa iye chilongozi wao mubomu achimuza, "Wamala uhendedze we? Maana yuyu mutu be ni murumi."²⁷Ye Jemedari achimutua achimwamba, "Nambira, we U Murumi?" Paulo achimujibu, "Ndio." ²⁸Jemedari achimwamba, "Mino negula wenyeji wa ntsi ii kpwa pesa nyinji sana." Ela Paulo achimujibu, "Mino ni Murumi wa kuvyalwa." ²⁹Ndiho mvo atu mvariokala mvatsagulwa kpwenda mudadisi mvachimukira. Jemedari naye achimogoha, kpwa kumanya Paulo ni Murumi, kpwa kukala wekala adzimufunga minyororo.³⁰Siku ya hiri, ye Jemedari achimala kumanya bila mashitaka ga Ayahudi kumuhusu Paulo. kpwa vivyo achimufugula yo minyororo na achiamuru abomu a makuhanina baraza zima kukutana. chisha achimomboza Paulo achimusagazya kahi yao.

Chapter 23

¹Paulo achimvalola mvariokala kpwenye baraza chisha achimvamba, "Ndugu, nidziishi kpwa hachi mbere za Mulungu mpaka rero ii." ²Kuhani mubomu Anania achimvaamuru mvariokala mvadzema hehi naye kumupiga mulomoni. ³chisha Paulo achimwamba, "Mulungu andakpwadhibu uwe ukuta udziofitsa uchafu. Usegere kunihukumu mimi tsini ya sheria, ela welavya amuri nipigwe mulomo, chinyume na sheria?"⁴Mvariokala mvadzema hehi naye mvachamba,"Vino ndivyo uhukananyo makuhani abomu a Mulungu?" ⁵Paulo achamba, "Simanyire ndugu, kukala ni Kuhani mubomu. Maana yeandikpwa, 'Usinene mai dzulu ya chilongozi wa atu,""⁶Paulo arihomvona kukala sehemu ya mvariokala mvasegere kahi za baraza ni Masadukayo, achinena kpwa sauti ya dzulu zaidi, "Ndugu, mimi ni Mufarisayo, mwana wa Afarisayo. Ni kpwa kukala tu mino nina tamaa ya ufufulo ndio nahukumiwa." ⁷Arihonena gago, mahojiano gachanza kahi ya Mafarisayo na Masadukayo, kundi richigavika. ⁸Maana Masadukayo nikpwamba kakuna ufuflo, kakuna malaika, kakuna roho, ela Mafarisayo mva amini vyosi vivyo na kukubali.⁹kpwa vivyo hachikala na kululu za fujo, namvo andishi anjine mvariokala ni mva upande wa Mafarisayo mvachema mvachamba, "Kahona kosa rorosi kpwa mutu yuyu. Hwamanyadze kala ni roho ama malaika ariyenena naye?" ¹⁰Mahojiano garihokala mafu, ye Mubomu wa jeshi achogoha kukala Paulo waweza akakatwa vipande vipande, kpwa vivyo achimva amuru shikari mvakamuse kpwa nguvu kula kpwa baraza, audzwe ngomeni.¹¹Usiku uriwo tuira Bwana achema lwavuni mwakpwe achimwamba, "kala na ujasiri, kpwa kukala udzinishuhudia Jerusalemu, vivyo ndivyo undivyo nishuhudia Roma."¹²Irihofika mutsana, Ayahudi anjine mvachipanga njama mvachirya viraho, mvachamba kamvandarya wela kunwa chochosi mpaka mvamolage Paulo. ¹³Atu mvamvo mvekala zaidi ya mirongo mine.¹⁴Mvachenda kpwa makuhani abomu na vilongozi mvachimvamba, "Hudzerya chiraho chibomu husirye chitu mpaka humolage Paulo. ¹⁵Sasa, bai, amuru baraza rimuvoye mubomu wa jeshi amuhume Paulo adze kpwako, here kpwamba uwe ndiwe undiye muhukumu kpwa hachi zaidi. Sino hutayari kumolaga kabla akufikire haha."¹⁶Ela mufa wa Paulo achigasikira kukala mvamungoja mvamolage, kpwa vivyo achenda ngomeni achenda mwambira ahuye; Paulo. ¹⁷Paulo achimweha mumwenga wa majemedari achimwamba, "Muhale yuyu barobaro umuhirike kpwa mubomu, ana jambo wamala kumwambira."¹⁸kpwa vivyo ye Jemedari achimuhela ye barobaro achimuhirika kpwa mubomu wa jeshi achimwamba, "Paulo ye mufungwa adzineha, akanipa yuyu barobaro nimurehe kpwako. Ana jambo wamala kukpwambira." ¹⁹Ye mubomu wa jeshi achimugwira mukono achimulongoza sehemu ya kanda achimuza, "Ukala unambireni?"²⁰Ye barobaro achimwamba, "Ayahudi mvadzikubaliana kudza kuvoya Paulo umuhirike kpwa baraza, here kpwamba mvamala kumudadisi zaidi kuhusiana na ii kesiye. ²¹Ela mvasikukenge, kpwa kukala kuna atu zaidi ya mirongo mine mvamungojerao njirani. Mvadzerya chiraho kukala mvasirye wela kunwa mpaka mvakale mvadzimolaga Paulo. Hata vivi bai, mvatayari mvangoja tu ruhusayo."²²kpwa vivyo ye mubomu wa jeshi achimurichira ye barobaro enende baada ya kumushauri, na kumwamba, "Usambire yoyosi kukala ukudza nambira maneno gago." ²³chisha achimveha airi kahi ya majemedarie achimvamba, "Nireherani shikari magana mairi mvario tayari kpwenda mpaka ntsi ya Kaisaria hamwenga na endeshaji ya farasi mirongo mifungahe, na ahumiraji ya mafumo magana mairi. Mundauka mwendo wa risaa ra hahu usiku kula haha." ²⁴Achilakizira pia anyama ambamvo mvandemutsukula Paulo mvamufishe selama mikononi mwa Feli mubomu wa mukoa.²⁵chisha achandika barua ya kpwamba: ²⁶"Kilaudia Lisia kpwa mubomu wa mukoa Feli, nakulamusa. ²⁷Mutu yuyu wegwirwa ni Ayahudi na mvekala mvahehi kumolaga nirihofika hamwenga na shikari angu na kumuhehera, kpwa kukala nemanya kukala ni mu Rumi.²⁸Nichimala kumanya makosage yekala ni noni, kpwa vivyo nichimuhirika kahi za baraza rao kumvadadisi. ²⁹Nichigundua mvekala mvamushitaki kpwa maswali gahusugo mambo ga sheria zao, ela kahi ya mashtaka gao kakuna ririro muhukumu chifo wela kufungwa. ³⁰chisha nichireherwa habari kukala mvamupangira njama ya kumolaga, kpwa vivyo nami nichimuhuma arehewe kpwako na kuamuru mvamushitakio pia mvarehe mashitaka gao kpwako. kalato."³¹kpwa vivyo shikari mvachimutii. Mvachimuhela Paulo mvachimuhirika Antipatra usiku. ³²Siku ya hiri, shikari anji mvearichira endeshaji farasi kumuhirika namvo mvachuya ngomeni. ³³endeshaji farasi mvarihofika Kaisaria na kuilavya barua mvariyo humwa kpwa mubomu wa mukoa, mvachimulavya na Paulo kpwao.³⁴Mubomu wa mukoa arihoisoma iyo barua, achuza kala Paulo welaa mukoa hiwo. Arihosikira kukala welaa Kilikia, ³⁵achamba, "Nindakusikiza chikamilifu, ashitaki a kpwako mvandihofika." chisha achiamuru akaikpwe makalo mabomu ga chiserikkali ga Herode.

Chapter 24

¹Baada ya siku tsano, Anania kuhani mubomu, baadhi ya azee na munenaji mumwenga eehewa Tertulo mvekpwenda hatu haho. Atu mvamva vereha mashitaka dzulu ya Paulo kpwa gavana. ²Paulo arihoema mbere za gavana, Tertulo achanza kumushitaki kpwa gavana achamba, "kpwa sababu ya uwe huna amani bomu, na maoni ga kpwako gadzireha magaluzo madzo kahi za Taifa rehu. ³kpwashukurani yosi hunahochera chila chitu uchihendacho, mutukufu muheshimiwa Feliki.⁴Ela nisikutsosye sana, nakuvoya unisikize mambo machache kpwa huruma za kpwako. ⁵kpwa kukala hudzimupata mutu yuyu mukorofi asababishaye ayahudi osi duniani kuhenda maovu chisha ni chilongozi wa madhehebu ga anazarene. ⁶Chisha wejeza kurenjiza uchafu kpwa vivyo hukamubwire.⁷Lisiasi, atisau, wekudza achimuhela kpwa nguvu mikononi mwehu. ⁸Uchimuza Paulo dzulu ya mambo gaga ndiho undihomanya ni kpwa noni hudzimushitaki. ⁹Ayahudi nao mvachimushitaki mvachamba mambo gaga ni ga jeri.¹⁰Liwali arihomugolozera mukono Paulo ili anene, Paulo wejibu, " Ninamanya kukala kpwa miaka minji udzikala mwamuzi wa Taifa riri na ninaraha kpwa kudzieleza mwenye kpwako. ¹¹Waweza kuhachichisha kukala khazidzachira siku zaidi ya kumi na mbiri hangu nirihochira kpwenda Jerusalemu kuabudu. ¹²Na mvarihonipata hekaluni, sishindanire na mutu yeyosi na sihendere fujo kahi za mukutano, wela kahi za masinagogi wela ndani ya mudzi. ¹³Na khavaweza kuhachichisha kpwako mashitaka gaga dzulu yangu.¹⁴Ela nakpwambira kpwamulomo wangu kukalakpwa njira ii ambayo mvanayeha dhehebu, kpwa njira iyoninamuhumikira Mulungu wa Paba zehu. Mimi ni mwaminifu kpwa garigo kpwenye sheria na maandiko ga manabii. ¹⁵Nina ujasiri uo uo kpwa Mulungu ambao hata mvamvo pia mvanautariza, kudza kpwa utukufu wa atu akufa, kpwa osi enye hachi na mvasio hachi pia, ¹⁶na vivi ninadzitahidi ili nikale na dhamira isiyo na kosa mbere za Mulungu na mbere za atu kuchirira mambo gosi.¹⁷Vino baada ya miaka minji nidzikudza kureha musaada kpwa taifa rangu kpwa zawadi na pesa. ¹⁸Niriho henda vivi ayahudi kula Asia mvachinipata ndani ya sherehe ya utakaso ndani ya hekalu, bila kundi ra atu ama fujo. ¹⁹Atu mvamva mvario mberezo sasa vivi namvagombe chiratu mvarichonacho dzulu yangu chikala mvana neno rorosi.²⁰Ama atu aa navagombe ni kosa rani mvariro rona dzulu yangu nirihoema mbere za mukutano wa Ayahudi. ²¹Isihokala kpwa ajili ya chitu chimwenga nirichonena kpwa sauti nirihonena kahi kahi yao, ni kpwa sababu ya ufufulo wa atu akufa ndiosababu nidzishitakiwa mberezo rero."²²Baadaye Feliki ariyepewa tarifa tototo kuhusu njira achiuvunza mukutano, achamba, "Lisia jemedari andihotima kuku Jerusalemu nindaomboza wamuzi dzulu ya mashitaka genu." ²³Ndiho achimwamurisha akida amurinde Paulo ili akale hurukusikale na mutu wa kumvakahaza asenae kumusaidia ama kumutsemberera.²⁴Baada ya sikuza kutela, Feliki achiuya na muchewe ariyekala muyahudi, achihuma Petro aehewe ili asikize kala kpwakpwe habari za amani dzulu ya masihi Jesu ²⁵Paulo arihokala achijadiliana naye kuhusu hachi, kukala na chasi na hukumu idzayo, Feliki achenjirwa ni wasiwasi achimujibu, "enda kure kpwa sasa, nichipata muda munjine nindakpweha."²⁶Wakai uo uo wetarajiakukala Paulo andamupa pesa kpwa vivyo achimweha mara nyinjine mvazungumuze. ²⁷Miaka miri irihochira, parkio Festo achikala Liwali baada ya Feliki, ela Feliki achimala kudzipendekeza kpwa Ayahudi wemuricha Paulo Jela.

Chapter 25

¹Ndiho Festo arihoenjira kahi za jambo riro na baada ya siku tahu achenda kulaakaisaria mpaka Jerusalemu. ²Kuhani mubomu na Ayahudi mashuhuri mvachireha malalamishi dzulu ya Paulo kpwa Festo mvezungumza kpwa kusisitiza kpwa Festo. ³Mvemuvoya Festo avahurumie dzulu ya Paulo aweze kumweha Jerusalemu ili mvamolage achikala njirani.⁴ela Festo achimvajibu achamba Paulo wekala mufungwa wa kaisaria na kpwamba iye mwenye andauya kuko haraka. ⁵Achamba "kpwavivyo mvaratu ambao mvandaweza mvaweza kpwenda kuko nasi chikala kuna chitu chibaya kpwa mutu yuyu mvanahitajika kumushitaki."⁶Baada ya kusagela siku nane au kumi zaidi achiuya kaisaria na siku iriyotuiriza achisagela kahi za chihi cha hukumu na achiamua Paulo ahirikpwe kpwakpwe. ⁷Arihofika, ayahudi kula Jerusalemu mveima hehi mvachomboza mashitaka manji maziho gasigokala na ushahidi. ⁸Paulo achidzihehera achamba,sikpwa ajili ya dzima ra ayahudi, si dzulu ya hekalu na si dzulu ya kaisari nidzihenda gaga mai?⁹Ela Festo ariyehenza aonekane mujerikpwa ayahudi ndo achimujibuPaulo na kumwambira, je unamala kpwenda Jerusalemu nikakuhukumu dzulu ya mambo gaga? ¹⁰Paulo achamba, ninema mbere za chihi cha hukumu cha kaisari ninasitahili kuhukumiwa. sidzamvakosera Ayahudi here uwe umanyavyo.¹¹Ichikala nidzikosera na nidzihenda kosa ambaro nasitahili kufa sikahela kufa ela chikala ni kusingizirwa kpwao si chitu, khakuna mutu awezaye kunikabidhi kpwao navoya na kukata rufaa kpwa kaisari. ¹²Baaada ya Festo kugomba na baraza achijibu, "Udzivoya rufaa kpwa kaisari undenda kpwa kaisari."¹³Baada ya siku za kutela, mufalume Agripa na Bernike mvefika kaisaria kpwa safari maalumu kpwa Festo. ¹⁴Baada ya kusagela haho kpwa siku nyini, Festo wemwelezera mufalume dzulu ya kesi ya Paulo achamba, 'mutu mumwenga werichwa haha ni Feliki here mufungwa.' ¹⁵Niriho kala Jerusalemu makuhani abomu na azee a uyahudi mvereha mashitaka kumuhusu mutu yuyu kpwangu, na mvachiuza hukumu dzuluye. ¹⁶kpwa vivi mimi nevajibu kukalasi kawaida ya aroma kumomboza mutu kpwa kumuhedzera ila mushitakiwa anasitahili apewe nafasi ya kukutana na ashitakie apate kudzihehera dzulu ya mashitaka adzigopewa.¹⁷kpwa vivyo mvarihokudza hamwenga haha siwezere kutariza, bali siku iriyotuiririza nesagela kahi za chihi cha hukumu na kulagirizira mutu yuyu arehewe ndani. ¹⁸Wakati ashitaki mvariho ema na komboza mashitaka nefikiria kukala kakuna mashitaka mabomu garigorehewa dzuluye. ¹⁹Badelaye mvekala na kushindana naye kuhusu dini yao na kuhusu Jesu ambaye wekala adzefa ila Paulo wadai kukala yumoyo. ²⁰Sionere ni jinsi yani ya kuchunguza jambo riri na nichimuza chikala andekpwenda Jerusalemu kuhukumiwa dzulu ya jambo riri.²¹Laikini Paulo arihoikpwa akale tsini ya urinzi achirinda wamuzi wa mufalume, nelakiza ekpwe paka nindiho muhirika kpwa kaisari. ²²Agripa wezungumuza na Festo, "Ningehenza pia kumusikiza mutu yuyu," Festo achamba, " machero undamusikiza."²³Macheroye, Agripa na Bernike mvefika na sherehe nyinji barazani murimokala na maafisa a jeshi na atu anjine mashuhuri a mudzi. Festo achomboza ruhusa Paulo arehewe kpwao. ²⁴Festo achamba, "Mufalume Agripa na atu osi ambao muhamwenga nasi, mwamona mutu yuno; Ayahudi osi a Jerusalemu mvadzimala ushauri kulaa kpwangu, mvachipiga kululu kpwangu kukala mutu yuyu asiishi.²⁵Neona kukala kahendere kosa rorosi ambaro wasitahili chifo ela kpwa kukala adziimweha mufalume nichiamua kumuhirika kpwakpwe. ²⁶ela sina chitu chiricho wazi cha kuandika kpwa mufalume kpwasababu ii nidzimureha kpwako hasa uwe mufalume, Agripa ili nipate chitu cha kpwandika dzulu ya ii kesi. ²⁷kpwa kukala naona khaina maana kuhirika mufungwa bila konyesa mashitaka arigoshitakirwa.

Chapter 26

¹kpwavivyo agripa achimwambira Paulo, " Unaruhusiwa kudzihehera." Ndiho Paulo achinyosha mukono na kudzihehera vivi. ²"Ninadzona mwenye raha mufalume Agripa, kuhenda kesi yangu mberezo vivi rero dzulu ya mashitaka gosi ga ayahudi. ³Hasa kpwa kukala uwe unafahamu desturi za Ayahudi na maswali kpwa vivyo unisikize kpwa uvumirivu.⁴kpwa ujeri Ayahudi osi mvamanya jinsi nirivyoishi hangu uhoho wangu kula taifa kuko Jerusalemu. ⁵Mvamanya hangu mwanzo na mvamalikana kukubali kpwamba neishi heere mufarisayo, dhehebu renye musimamo mukali kpwenye dini yehu.⁶Sasa nidzema haha ili nihukumiwe kpwa kukala neshuhulikira ahadi ambayo Mulungu weika na Paba zehu. ⁷Ii ina ahadi ambayo kabila zehu kumi na mbiri hunatumaini kuhochera chikala hundamwabudu Mulungu kpwa bidii usiku na mutsana. Ni kpwa ajili ya tumaini riri, mufalume Agripa ndo sababu Ayahudi mvanishitaki. ⁸kpwa noni yoyosi kahi yenu fikiri kukala ni ajabu Mulungu kufufula atu akufa?⁹Wakati mumwenga fikiri naweza kuhenda mambo manji kpwa dzina ra Jesu wa Nazareti. ¹⁰Nehenda gaga Jerusalemu Nefunga aamini anji Jela nichikala na mamulaka kula kpwa kuhani mubomu na wakati mvaolagwa nepiga kura dzulu yao. ¹¹Mara nyinji nevadhibu katika masinagogi gosi na kuvahenda mvaikane imani yao. Nekala na hasira sana dhulu yao na kumvenga mpaka midzi ya ujenini.¹²Wakati nichihenda gaga nekpwenda Dameski nichikala na mamulaka na malagizo kula kpwa makuhani abomu. ¹³Niriihokala njirani masaa ga mutsana, mufalume neona mulangaza mukali kuriko dzua kulaa Mulunguni uchilangaza kunizunguluka mimi na atu ariokala achenda hamwenga nami. ¹⁴Sisi hosi hwegwa hotsi chisha nichisikira sauti ichigomba nami kpwa lugha ya chiebrania ichamba Sauli Sauli mbona unanitesa? Nivigumu kpwako kuupiga teke muchokoo.¹⁵Ndiho nichiuza, Bwana wangu we uani? Bwana achijibu, mimi ni Jesu ambaye uwe unanitesa. ¹⁶Sasa enuka weme kpwa sababu ii nidzionekana kpwako, nidzikutsagula ukale muhuumiki na shahidi dzulu ya mambo ambago wagamanya dzulu yangu na garatu nindigokonyesa badaye; ¹⁷Na nindakokola kula na atu na vavo a mataifa ambao nakuhuma. ¹⁸Kumvafugula matso na kumvomboza kpwenye chiza na kumvareha kpwenye mulangaza, kula kpwenye nguvu za shetani mvamugalukire Mulungu, ili mvahochere kula kpwa Mulungu musamaha wa dambi na urithi ambao nemvapa mvaratu nirioatenga a imani yangu.¹⁹kpwavivyo mufalume Agripa siwezere kuasi maono ga Mulunguni ²⁰Ila kpwa mvaratu mvario Damaski kpwanza na badaye Jerusalemu na itsi yosi ya Yudea na pia kpwa atu a mataifa manjine, nemvahubiria kukala mvatubu na kumugalukira Mulungu mvahende mahendo gasitahiligo toba. ²¹kpwa sababu iyo Ayahudi mvenigwira hekaluni na mvachimala kunolaga.²²Mulungu adzinisaidia mpaka sasa vivyo nema kushuhudia kpwa atu a kawaida na kpwa abomu dzulu ya mambo ambago manabii na Musa mvegomba gandatukia na simanjine ²³kpwamba masihi lazima ateseke na akale wa kpwanza kufufuka kulaa kpwa atu a kufa na kutangaza mulangaza kpwa ayahudi na atu amataifa.²⁴Paulo arihomala kudzihehera, Petro wegomba kpwa sauti bomu, Paulo, uwe unavitsa masomogo gadzikuhenda ukale na vitswa. ²⁵Ela Paulo achamba, mino sina vitswa, muheshimiwa Festo, ela nanena bila hofu maneno ga ujeri muhuhu. ²⁶Uwe Kukala mufalume wamanya kuhusu mambo gaga, kpwavivyo nigomba kpwa uhuru kpwakpwe kpwa mana kakuna rorosi ridzirofitswa kpwakpwe kpwakukala riri karidzahendwa kpwa siri.²⁷Je, unaamini manabii, mufalume Agripa? namanya kukala unaamini. ²⁸Agripa achimwambira Paulo, kpwa muda mufuhi unaweza kunibembeleza kunihenda mukristo? ²⁹Paulo achamba, namuvoya Mulungu kpwamba kpwe muda mufuhi ama mure, si uwe tu ela na aosi mvanisikirao rero mukale here mimi ela bila ii minyororo ya Jela."³⁰Ndiho Mufalume arihoema hamwenga na liwali na bernike na mvaratu variokalahamwenga nao. ³¹Mvarihouka barazani, mvegomba mvavo kpwa mvamvo mvachamba, mutu yuyu kastahili chifo ama chifungo; ³²Agripa achimwambira Festo, mutu yuyu angeikpwa huru kalaho asingekala kaenjizire pili, kpwa kaisaria.

Chapter 27

¹Iriho amuriwa kukala hunamalwa husafiri kpwa madzi kpwenda italia, mvemukabidhi Paulo na afungwa anjine kpwa afisa mumwenga wa Jeshi ra chiroma ariyehewa Julio,wa chikosi cha Agustani. ²Hepanda Meli kula Adramitama, ambayo yekala inasafiri kandakanda ya pwani ya Asia vivyo huchiinjirabandarini, Aristaka kula Thesolanike ya makedonia achenenda hamwenga nasi.³Siku iriyotuiriza huchitimisha nanga kahi za mudzi wa Sidoni, ambaho Julio wemuhendera Paulo kpwa ukarimu na achimuruhusu kpwenda kpwa asenae kuhochera ukarimu wao. ⁴Kulaa haho huchenda baharini huchisafiri kuzungulika chisiwa cha kupro ambacho chekala chidziuchinga upepo, kpwa kukala upepo wekala uchihukabili. ⁵Baada ya kukala hudzisafiri kahi za madzi garigo hehi na kilikia na Pamfilia huchidza mira, mudzi wa lisia. ⁶Haratu yuyatu afisaa wa jeshi ra chiroma achiipata Meli kulaa Alexandria ambayo yekala ichisafiri kpwenda Alexandria ambayo yekala ichisafiri kpwenda Italia. Achihupandisha ndaniye.⁷Baada ya kukala hudzisafiri pore pore kpwa siku nyinji na baadaye huchikala hufika kpwa taabu hehi na Nido, upepo kauruhusire keheri kugwira njira iyo vivyo huchisafiri kandakanda ya chivuri cha Krete uchiuchinga upepo hehi na salmone. ⁸Huchisafiri kandakanda ya pwani kpwa ugumu mpaka huchifika hatu harihohewa Bandari ridzo ambayo ihehi na mudzi wa Lasi.⁹Hekala hudzihela mudamunji sana, na muda wa mfungo wa chiyahudi wekala udzichira pia na sasa yekala ni hatari kpwenderera na kusafiri vivyo Palo achihuonya ¹⁰Na kunena " Mabwana, naona safari ambayo hunamala huihale indakala na madhara na hasara nyinji, si kpwa misigo na meli ela na maisha gehu." ¹¹Ela afisaa wa jeshi ra chiroma achimusikiza sana bwanawe na mumiliki wa meli, kuriko mambo garatu ambago garigozungumzwa na Paulo.¹²kpwa kukala bandari kaikalire sehemu rahisi kukala wakati wa peho mabaharia anji mvachishauri husafiri kula haratu, ili kpwa namna yoyosi huchiweza kuufikira mudzi wa Foinike, hukale haratu wakati wa peho, Foinike ni bandari kuko krete, na inalola kaskazini, Mombolero wadzua na kusini, mombolero wadzua. ¹³Upepo wa kusini urihoanza kuvuma porepore, mabaharia mvachifikiri vapata chiratu ambacho mvekala mvanachihitaji, mvaching'ola nanga nakusafiri kandakanda ya krete hehi na pwani.¹⁴Ela baada ye muda mfuhi upepo mkali, uriohewa na kaskazini mombolero wa dzua, uchanza kuhupiga kulaa ng'ambo ya chisiwa. ¹⁵Wakati meli irihoremerwa na kushindwa kuukabili upepo, huchikabiliana na hali iyo, huchisafirishwa nao. ¹⁶Huchichimbira kuchirira uratu upande uriokala unauchinga upepo wa chisiwa chihewacho kauda: na kpwa taabu sana hefanikiwa kuwokola mtumbwi.¹⁷Baada ya kukalamvadziivuha, mvehumirakambaa kuifunga meli. mveogoha kukala hungeweza kpwenda kpwenye eneo ra muchanga munji na syiti, vivyo mvachitimisha nanga na mvachihirikpwa kanda kanda. ¹⁸Hepigwa kpwa nguvu sana na dhoruba, iyo siku iriyotuira mabaharia mvachanzakutsuha misigo kulaa melini.¹⁹Siku yahahu mabaharia mvachanza kugomboza madzi kpwa mikono yao enye. ²⁰Wakati ambaho dzua na nyenyezi kuzihuangazire kpwa siku nyinji, bado dhoruba hungeokolwa gehombola.²¹Baada ya kukala mvadzenenda muda murebila chakurya, haho Paulo achema kahi za mabaharia achamba, "nyino mwemalikana munisikize, na kahungeng'ola nanga kulaa kret, ili kupata gago madhara na hasara. ²²Na vivi namvafariji mudzenjize moyo, kpwa kukala kakundakala na uangamivu maishani kahi zenu, isihokala hasara ya meli tu.²³kpwa kukala siku uriochira malaika wa Mulungu, ambaye mimi ni wakpwe, na ambaye ninamwabudu pia. malaikawe wema pembeni mwangu. ²⁴Na kpwamba, " usogohe Paulo lazima weme mbere ya kaisari na lola Mulungu kahi za wemawe akupa aa osi ambao mvanasafiri hamwenga nawe. ²⁵Vivyo, nyino atu dzipeni moyo kpwa kukala namwamini Mulungu, kukala indakala here nirivyoambirwa. ²⁶Ela lazima meli yehu indakpwama kahi za chisiwa fulani.²⁷Urihofika usiku wa kumi na nne, hurihokala huchendeshwa kuratu na kuratu kpwenye bahari ya Andria, here usiku wa manane vivi mabaharia mvefikiria kukala mvadzikaribia intsi kavu. ²⁸Mvehumira miriro kupima china cha madzi na mvachipata mita mirongo mihahu na sita, baada ya muda mufuhi mvachipima keheri mvachipata mita ishirini na fungahe. ²⁹mvachogoha kpwanza hunaweza kugonga mwamba vivyo mvachitimisha nanga nne kula kahi za sehemu ya kwika nanga na mvachivoya kukala kungecha haraka.³⁰Aratu mabaharia mvekala mvanatafuta namna ya kuitelekeza iratu meli na mvezitimisha madzini mashua tite za kokolera maisha na mvachidzihenda kukalavadzitsuha nanga kula sehemu ya mbere yamashua. ³¹Ela Paulo achimwambira askari wa jeshi ra chiroma na aratu askari, "kamuweza kuokoka isihokala aa atu mvandiobaki kpwenye meli. ³²chisha aratu askari mvachikata kamba za iratu mashua na ichitua ihalwe na madzi.³³Wakati mulangaza wa madzacha urihokala udzidzombozera, Paulo achimvasihi osi aratu chidogo. Achamba, " ii ni siku ya kumi nane munangoja bila kurya khamudzarya chitu. ³⁴Vivyo namuvoya muhale chakurya chidogo, kpwa kukala ii ni kpwa ajili ya kuishi kpwenu: na kakuna hata lunyere lumwenga wa vitswa vyenu ungeoangamika. ³⁵Arihomala kugomba gago, achihela mukahe achimushukuru Mulungu mbere ya matso ga chila mutu, chisha achiumega mukahe achanza kurya.³⁶chisha osimvachenjizwa moyo na ao mvachihela chakurya. ³⁷hwekala atu 276 ndani ya meli. ³⁸Varihomala kuryavyakutosha, mveihenda meli nyepesikpwa kutsuha ngano ndani ya bahari.³⁹Irihokala mtsan, khamvaimanyire intsi iratu, ela mvachona sehemu ya intsi khavu iriyoenjira madziniiriyokalana mutsanga munjimvachijadiliana kala mvangeweza kuihirikameli kufikira haho. ⁴⁰Vivyo mvachizilegeza nanga mvachiziricha baharini kahi zaa muda uo uomvachizilegeza kambaa za nanga na mvachiinula sehemu yambere kuelekeza kpwenye upepo, vivyo mvachiulegeza kpwenye iyo sehemu ya mtsanga munji. ⁴¹Ela mvachidza hatu ambaho mikondo miri ya madzi inakutana na meli ichenenda mutsangani na iratu sehemu ya mbere yameli ichanza kuzzizika kpwa sababu ya ukali wa mawimbi.⁴²Mpango wa aratu asikari wekala ni kumvolaga afungwa ili kpwamba kusikale na mutu ambaye angeojerera na kuchimbira. ⁴³Ela yuyatu askari wa jeshi ra chiroma wemala kumokola Paulo vivyo achiwemisa mpango wao na achinvelagiza aratu ambao mvanaweza kojerera mvarukhe kula melini kpwanza na mvenende intsi kavu. ⁴⁴chisha aratu anjine mvandatuiriza injine dzulu ya vipande vya mbao na anjine dzulu yavitu vinjine kula kpwenye meli kpwa njira ii indaombolera kukala osi hefika selama.

Chapter 28

¹Hurihofikishwa selama, hemanya kukala chisiwa chinapewa Melta. ²Atu enyeji a haratu si tu kpwamba mvehupa ukarimu wa kawaida, bali mveasha moho na kuhukaribisha hosi, kpwa sababu mvula na peho iriyokala ichenderera.³Ela Paulo arihokala achikusanya msigo wa kuni na kuwika mohoni, nyoka mwenye sumu achombolera kpwenye ziratu kuni kpwa sababu ya riratu dzoho, na achidzizungusha kpwenye mkonowe. ⁴Wakati enyeji a haratu mvarihoona mnyama ananing'inia kula kpwenye mkonowe, mvachinena ao kpwa ao, " Mtu yuyu hachika ni molagi ambaye adzichimbira baharini, ela hachi khaimuruhusu kwishi."⁵Ela iye achimukukuta nyoka kahi za moho na kapatire madhara gogosi. ⁶Ao mvemungoja avimbe kpwa homa au angwegafla na afe ela baada ya kumulola kpwa muda mure na kona kukala kuna jambo ambaro si ra kawaida kpwakpwe, mvebadilisha mawazo gao na kpwamba wekala Mulungu.⁷Be hatu haratu hehi hekala na ardhi ambayo yekala mali ya mukuu wa chisiwa, mutu ariyehewa pablio. Wehukaribisha na achihukarimu kpwa siku tahu. ⁸Mvembolera kukala paba wa pablo wegwira na homa na ukongo wa kuhara. Na Paulo arihomwendera, wemvoya, achika mikono dzuluye, na kumuhoza. ⁹Baada ya riri kumbolera, atu anjine haratu chisiwani mvariokala mvanalumwa pia mvekpwenda na mvehozwa. ¹⁰Atu mvachihuheshimu kpwa heshima nyinji. hurihokala hunadzitayarisha kusafiri, mvehupa viratu huruvyovihitaji.¹¹Baada ya miezi mihahu, hesafiri ndani ya meli ya Iskanda yehewayo Milungu patsa ambayo yekala idzenjiza nanga haho chisiwani wakati wosi wa peho. ¹²Baada ya kukala hudzitua kahi za mudzi wa sirakusa, hekala haho siku tahu.¹³Kula haho baada ya siku mbiri huchifika kahi za mudzi wa Regio. Baada ya siku mwenga upepo wa kusini wembolera gafla na baada ya siku mbiri huchifika kahi mudzi wa Putoli. ¹⁴Kuko hemvakuta baadhi ya ndugu na hekaribisha kukala nao kpwa siku fungahe kpwa njira ii huchidza Rumi. ¹⁵Kula kuko aratu ndugu, baada ya kukala vadzisikira habari zehu, mvekudza mvachihuhochera kuko soko ra Apia na Hoteli tahu. Paulo arihoona aratu ndugu wemushukuru Mulungu achidzenjiza ujasiri.¹⁶Hurihoinjira Romo, Paulo weruhusiwa kuishi hacheye hamwenga na yuyatu askari ariyekala achimurinda. ¹⁷Bai yekala baada ya siku tahu weeha hamwenga aratu atu mvariokala vilongozi kahi ya ayahudi. Mvekudza hamwenga, achinena kpwao, " Ndugu, hamwenga na kpwamba sidzangwe kuhenda kosa rorosi kpwa atu aa au kuhenda chinyume na taratibu za twawe zehu mvariohutangulia, neombozwa here mfungwa kula yerusalemu paka kpwenye mikono ya arumi. ¹⁸Baada ya kuniihoji, mvetamani kuniricha huru, kpwa kukala kpwekala kakuna sababu kpwangu mimi ya kusitali adhabu ya chifo.¹⁹Ela aratu ayahudi mvarihonena chinyume cha shauku yao, yenilazimu kukata rufaa kpwa kaisaria, idzahokala kaikalire here kpwamba narehe mashtaka dzulu ya taifa rangu. ²⁰kpwa sababu ya kukata rufaa, iyo nevoya kuvona na kunena nanyi. Ni kpwa sababu ya chiratu ambacho Israeli ujasiri kpwa chicho, nidzifungwa na chifungo chichi.²¹chisha mvachimwambira," Kahudzangwe kuhochera barua kula Yuda Kuhusu uwe, wela kahanandugu ariyekudza na komboza taarifa au kunena neno rorosi baya kuhusu uwe. ²²Ela hunahenza kusikira kula kpwako unafikiria noni kuhusu riro kundi ra atu ano, kpwa kukala inamanyikana kpwehu kukala rinasumulira chinyume chilahatu."²³Mvarihokalamvadzitenga siku kpwa ajilye, atuanji zaidi mvemudzira hatu arihokala anaishi wenena riratu jambo kpwao na kushuhudia kuhusu ufalume wa Mulungu. wejeza kuashurutisha kuhusu Jesu, kpwa namna zosi mbiri kula kahi za sheria za Musa na kula kpwa manabii, kula madzacha hata dziloni. ²⁴Baadhi yao veshawishika kuhusu mambogaratu garigonenwa, wakati anjine kavaminire.²⁵Mvarihoshindwa kukubaliana ao kpwa ao mveuka baadhi ya Paulo kurinena jambo riri mwenga, " Roho mtakatifu wenena vidzo kuchirira Isaya nabii kpwa Paba zenu. ²⁶Wenena, " Enenda kpwa atu ao unene kpwa masikiro genu mundasikira, ela kamundaelewa, Na kpwa matso genu mundona ela kamundamanya.²⁷kpwa ajili ya mioyo ya atu ao idzikala dhaifu, masikiro gao gasikira kpwa taabu, mvadzifunga matso gao, ili kpwamba mvasidze kumanya kpwa matso gao, na kuelewa kpwa mioyo yao na kugaluka tena, na nikumvahoza."²⁸kpwa vivyo, munahinza kumanya kukala uu wokoli wa Mulungu udzihirikpwa kpwa atu a mataifa na mvandasikiza." ²⁹Wakati arihokala anena mambo gaga, ayahudi mveuka, mvachikala na mashindano mabomu kahi yao,"³⁰Paulo wekala kahi za nyumbaye ya kupanga kpwa miaka yosi miri, na weakaribisha osi variokudza kpwakpwe. ³¹Wekala achihubiri ufalume wa Mulungu na wekala achifundisha mambo dzulu ya bwana Jesu masihi kpwa ujasiri wosi kahana.

Romans

Chapter 1

¹Paulo, mutumishi wa Jesu Masihi, ariye ehewa kukala Mutume na kutengwa kpwa ajili ya injili ya Mulungu, ²ambayo weahidi kapindi kuchirira Manabii kahi ya mandiko matakatifu, ³kumuhusu mwanawe ariyekala wa lukolo lwa Daudi chimwiri.⁴Wetangazwa kukala mwana wa Mulungu kpwa nguvu ya Roho mutakatifu kuchirira ufufulo kula kpwa afu, Jesu Masihi Bwana wehu. ⁵Kuchirira kpwakpwe, hwahochera neema na utume kpwa utiifu wa imani kahi za mataifa, kpwa niaba ya dzinare. ⁶Kahi ya mataifa gaga, mwimwi namwi mudzehewa mukale a Jesu Masihi.⁷Kpwenu nyosi murio Rumi murio ahenzwi a Mulungu na murio ehewa kukala atakatifue: Neema ikale kpwenu na amani kula kpwa Mulungu Paba yehu na Bwana Jesu Masihi.⁸kpwanza, Namushukuru Mulungu wangu kuchirira Jesu Masihi kpwa ajili yenu mosi, kpwa kukala imani yenu yatangazwa urimwengu muzima. ⁹Mulungu ni shahidi wangu, nimuhumikiraye kahi ya roho yangu kpwenye injili ya Mwanawe, jinsi nimuhadzavyo chila wakati. ¹⁰Chila wakati nikumuvoya kukala kpwa hali zozosi, mwisho nifaulu kpwa mahenzo ga Mulungu kumvafikira.¹¹Maana natamani kumvaona. ili nimvape zawadi yenu ya chiroho, ili namwi imvenjize nguvu. ¹²Yaani, nalolera kpwenjizwa moyo hamenga namwi, kuchirira kpwa imani ya chila mumwenga wehu, yenu na yangu.¹³Sasa ndugu, senzi mukose kumanya kukala mara nyinji nidzikusudia kumvafikira (ela nichizuiiwa mpaka sasa), nemala vivi ili mukale matunda kpwenu here irivyo pia kahi mwa atu a mataifa. ¹⁴Naeswa mimi ni Ayunani na ajeni, kahi za elachu na ajinga. ¹⁵kpwa vivyo, chivyangu, nitayari kuitangaza injili kpwenu mwimwi murio Rumi.¹⁶kpwa kukala siyonera haya injili, maana ndiyo nguvu ya Mulungu kpwa wokofu kpwa chila mumwenga aaminiye, kpwa Ayahudi kpwanza, na kpwa Ayunani. ¹⁷Maana hachi ya Mulungu idzi dhihirishwa kula kpwa imani hadi imani, here irivyo andikpwa, "Enye hachi mvandaishi kpwa imani."¹⁸kpwa kukala koro ya Mulungu idzikpwa lwazu kula Mulunguni, dzulu ya mvosi mvario a asi na aovu mvosi ambamvo kpwa uovu wao mvafitsa ujeri. ¹⁹Ii ni kpwa kukala riro rimanyikanaro kuhusu Mulungu raonekana lwazu kpwao. Maana Mulungu yudzimva manyisa.²⁰Kpwa here mamboge gasigo onekana tototo, gakala lwazu hangu kuumbwa kpwa urimwengu. Gaeleweka kuchirira vitu virivyo umbwa. Mambo gaga ni uwezowe wa kare na kare na asili ya Mulungu. Kpwa vivyo kamvana sababu. ²¹Ii ni kpwa kukala, idzaho mvemanya kuhusu Mulungu, kamvamupire utukufuwe here Mulungu, wela kamvakalire na shukurani. Badalaye, mvachikala ajinga kahi ya mawazo gao, na roho zao zichikala chiza.²²Mvedzihenda kukala na hekima, ela mvachigaluka kukala ajinga. ²³Mvericha utukufu wa Mulungu aishiye mvachitua sanamu ya mutu ibanangikayo, na tsongo, na anyama abomu a magulu mane, na mvahambalao.²⁴kpwa vivyo bai, Mulungu wemvelavya kpwa tamaa za mioyo yao enye michafu, ndio miri yao isiheshimike kahi yao. ²⁵Ni mvamvo mvariogaluza ujeri wa Mulungu kukala ulongo, mvario abudu na kuhumikira virivyo umbwa badala ya iye ariye umba, ariye mubarikiwa milele. Amina.²⁶kpwa sababu ii, Mulungu wemvelavya kpwa tamaa zao zisizo na heshima, ache ao mvachigaluza mahusiano ga sawa mvachihenda mahusiano gasigo ga sawa. ²⁷kpwa hali iyo, alume nao mvachiricha mahusiano gao ga sawa na ache, mvachigaluka kuikirana tamaa na alume anzao. Mvamva ni alume mvariohenda mambo ga aibu na alume anzao namvo mvachihochera adhabu mvariyo stahili kpwa makosa gao.²⁸Na kpwa kukala mvekahela kukala na Mulungu kahi za fahamu zao, wemvaricha mvatue akili na maamuzi gao kpwa mambo gasigo kala ga sawa.²⁹Mvadzidzazwa na udhalimu wosi, uovu, tamaa na kusudi. Mvatele wivu, wolagi, ugomvi, ulongo na nia mbii. Mvakala atu a nyambo, ³⁰asingiziraji, kumutsukirirwa Mulungu, atu a vurugu, viburi, kutafuta njira za kuhenda maovu; mvasoheshimu ta azazi ao. ³¹Kamvana ufahamu, akosa imani, maroho mai na akosa huruma.³²Mvaelewa kanuni za Mulungu, kukala mvagahendao gago mvasitahili kufa. Ela zaidi ya mvamvo kugahenda gago, mvakubaliana pia na anjine mvagahende

Chapter 2

¹Kpwa vivyo kamuna sababu yoyosi, nyinyi atu, nyinyi murio mahakimu, kpwa kukala kahi ya mambo ambago mwagahukumu gahendwago ni anjine, mwadzihukumu enye. Kpwa kukala mwimwi mahakimu mwagahenda gago namwi. ²Ela hwamanya kukala hukumu ya Mulungu ni ya hachi na ujeri ichimvapata mvosi mvagahendao gago.³Ela ririkanani gano, nyinyi atu, nyinyi muhukumuo mahendo gago idzaho namwi mwagahenda. Je munda epuka hukumu ya Mulungu? ⁴Ama mwafikiria vichache sana kuhusu udzowe,kuchelewa kpwa adhabuye na uvumirivu we? Kamumanya kukala udzowe wapaswa kumvalongoza kpwa toba?⁵Ela ni kpwa kadiri ya ufuwo na moyowo usio kubali toba ndiho wadzi hifadhira koro kpwa siku iyo ya koro. Yaani, siku ya ufunuo wa hukumu takatifu ya Mulungu. ⁶Andamuriha chila mumwenga wehu kulingana na mahendoge: ⁷kpwa mvaratu ambamvo kulingana na uvumirivu wa kuhenda madzo, mvetafuta utukufu, heshima, kutsa banangika, andamvapa uzima wa milele.⁸Ela kpwa mvaratu ambamvo ni abinafsi, mvasio heshimu ujeri bali dhuluma, koro na hasira zindadza. ⁹Mulungu andareha mateso kpwa chila nafsi iroyo henda mai, kpwa Ayahudi kpwanza, chisha kpwa Ayunani.¹⁰Ela utukufu, na heshima, na amani indamvafikira chila mutu ariye wahenda madzo, kpwa Ayahudi kpwanza, chisha kpwa Ayunani namvo. ¹¹kpwa kukala kakuna ubaguzi kpwa Mulungu. ¹²Kpwa kukala here mvarivyo anji mvario henda dambi bila sheria, mvandangamika pia bila sheria, na here mvarivyo anji mvario henda dambi tsini ya sheria, mvamvo mvandahukumiwa ni iyo sheria.¹³Kpwa kukala sio mvasikirao na kutua sheria ndimvo atakatifu mbere za Mulungu, bali ni mvahendao madzo chisheria mvandio talwa haki. ¹⁴Kpwa kukala a mataifa, mvasiokala sheria, mvahenda gahenzekenago chisheria, mvachisheria mvamvo enye, idzaho kamvana sheria.¹⁵Kpwa kuhenda vivyo, mvaonyesa kukala sheria zeandikpwa mioyoni mwao. Nafsi zao pia zamvashuhudia, na mawazo gao gamvashitaki ama kuarinda ¹⁶Siku ambayo Mulungu andahukumu siri za atu mvosi, sawasawa na injili yangu, kpwa njira ya Jesu Masihi.¹⁷Ela uchamba uwe Umuyahudi na ukuluhira sheria na kudzisifu kahi za Mulungu, ¹⁸na kumanya mahenzoge na kuchiza garigo ga sawa kpwa kukala udzi amuriwa kula kpwa sheria; ¹⁹na uchikala udzi shawishika kukala uwe mwenye u chilongozi wa vipofu, na u mwangaza kpwa mvario chizani, ²⁰u chilongozi wa ajinga, mwalimu wa ahoho, na kukala kahi za sheria una elimu na ya ujeri, be maishago gadhurikadze?²¹Mwino mufundishao anjine, kamudzi fundisha mwino enye? Mwino mufundishao anjine mvaseye, je mwino enye mwaeya? ²²Mwino mwambao anjine mvasizini, je mwino enye mwazini? Mwino mutsukirirwao sanamu, je mwaeya mahekaluni?²³Mwino mudzisifuo kahi za sheria, je mwamukosera Mulungu heshima kpwa kuvunza sheria? ²⁴Kpwa kukala "dzina ra Mulungu rakufuriwa kahi ya Mataifa kpwa sababu yenu," here irivyo andikpwa.²⁵Kpwa maana tohara ina faida kpwenu ichikala mwaheshimu sheria, ela kala muavunzaji sheria, tohara kpwenu yakala kutsa gwagwatsi. ²⁶Ichikala bee, iye asiye gwagwatsi andatua sheria, je kandahalirwa here ariye gwagwatsi? ²⁷Na je asiye gwagwatsi kanda mvahukumu kala watimiza sheria? Ii ni kpwa sababu muna sheria ya kpwandikpwa na tohara, ela muavunzaji a iyo sheria!²⁸kpwa kukala iye si Muyahudi kpwa hali ya nze; wela kugwagwatsi kpwa chimwiri. ²⁹Ela ni Muyahudi kpwa undani, na kugwagwatsi ni kpwa rohoni, chiroho, si kpwenye makaratasi. Sifa za mutu iye kazilaa kpwa anadamu bali kula kpwa Mulungu.

Chapter 3

¹Yuno muyahudi chisha wapata faida hiyo? Na faida ya kugwagwatsi ni noni? ²Ni nyinji na bomu kpwa upande wosi. kpwanza, Ayahudi mvepewa ufunulo kula kpwa Mulungu.³Ama je indekaladze kalaho Ayahudi anjine mvekosa imani? Kutsa kpwamini kpwao kundemuhenda Mulungu kukosa waminifu? ⁴Navisikale vivyo. Isihokala, Mulungu na aonewe kukala mujeri idzaho mwanadamu yoyosi ni mulongo. Here irivyo andikpwa, "Ili monewe kukala atakatifu kahi za maneno genu, na mutalwe hachi mundiho fika hukumuni."⁵Ela kala kutsa takasika kpwehu kundonyesa utukufu wa Mulungu, be hundambadze? Je haweza kpwamba Mulungu si mutakatifu kpwa vivyo si hachi ahuadhibu na koroze? (Nahumira hekima ya chidamu) ⁶Navisikale vivyo! Maana ye Mulungu andahukumudze urimwengu?⁷Ela kala kpwa kuchirira ulongo wangu ujeri wa Mulungu undonjezeka sifa, be ni kpwanoni bado nahukumiwa here mwenye dambi ? ⁸Mbona isambwe, here hukatirwavyo, na here anjine mvathibitishavyo, "Nahuhendeni dambi, ili madzo gadze"? Hukumu kpwao ni haki.⁹Ni noni bai? Je hwadzitenga kanda? Sevyo kamare. kpwa kukala hudzia tuhumu kare Ayahudi na Ayunani, mvosi, kukala ni enye dhambi. ¹⁰Ii ni here irivyoandikwa, "khakuna mwenye hachi, hata mumwenga."¹¹kakuna elewaye; kakuna amutafutaye Mulungu. ¹²Mvosi mvadzigaluka; hamwenga mvakosa thamani. Kakuna ahendaye hachi, hata mumwenga."¹³"Makanwa gao ni mbira zirizo wazi. Ndimi zao zikengwa. Sumu ya nyoka i milomoni mwao." ¹⁴"Milomo yao idzela laana na matsungu."¹⁵"Magulu gao gana haraka sana kumwaga mulatso. ¹⁶Ubanangi na mateso ga kpwenye njira zao. ¹⁷Mvamva atu kamvadzawahi kumanya njira ya amani." ¹⁸"Kamvana woga kpwa Mulungu mbere za matso gao."¹⁹Sasa humanya kukala gosi ganenwago ni sheria, ganenwa kpwa mvaratu mvario tsini ya iyo sheria, ili chila kanwa rifungwe, na urimwengu wosi ukale tsini ya hukumu ya Mulungu. ²⁰kpwa kukala kakuna mwiri wa nyama undio talirwa hachi kpwa kazi za sheria matsoni hakpwe. kpwa kukala kuchirira sheria, ndiho elimu ya dambi idzaho.²¹Ela sasa baada ya sheria, utakatifu wa Mulungu udzonekana, ambawo sheria na Manabii mvaushuhudia- ²²atakatifu a Mulungu kuchirira kpwa imani kahi ya Jesu Masihi kpwa mvosi mvaaminio. Maana kakuna tofauti,²³maana osi mvahenda dambi na kuhungukirwa ni utukufu wa Mulungu, ²⁴na mvadzitalwa a hachi bule kpwa neema kuchirira ukombozi wa Jesu Masihi.²⁵kpwa kukala Mulungu wemomboza Jesu Masihi here sadaka kuchirira imani kahi ya mulatsowe. Achimulavya Masihi here thibitisho ya hachi, kpwa kukala kajali madambi ga kapindi ²⁶kahi za uvumirivu wa kpwakpwe. Ii yekala konyesa utakatifuwe wakati uu wa sasa, ili akale wa hachi na kumutalira hachi yoyosi ariye na imani kahi ya Jesu.²⁷Sasa kudzidai kuhiko? kakuho kamare. Kuchirira kpwa sheria hiyo? kazi hizo? Apana kakuho, ela kpwa kuchirira sheria ya imani. ²⁸Hwafungira haho be kukala mutu watalwa hachi kpwa imani bila kazi za sheria.²⁹Ama Mulungu ni Mulungu wa Ayahudi hachiyao? Je, si Mulungu wa Ayunani namvo? Ndio, ni wao pia. ³⁰Ichikala jeri, Mulungu ni mumwenga, andatela mvario gwagwatsi kukala a hachi kpwa imani, na mvasio gwagwatsi, kuchirira kpwa imani.³¹Sasa je, hundai batilisha sheria kuchirira imani? Hata navisikale vivyo! Hwaithibitsha sheria.

Chapter 4

¹Hundambadze bai kukala Abrahamu, mukare wehu wepata kulingana na mwiriwe? ²kpwa maana Abrahamu andetalwa hachi, andekala na sababu ya kudzilika, ela si mbere ya Mulungu. ³kpwani maandiko gambadze? "Abrahamu wemwamini Mulungu, riro richitalwa kpwakpwe kukala ni utakatifu."⁴Sasa kpwa iye ahendaye kazi, marihoge kagatalwa kukala ni zawadi, bali ni hakiye kurihiwa. ⁵Ela kpwa iye ambaye kandahenda kazi kpwakpwe ni kuatalira hachi atu mvasio kala ataua, imaniye yatalwa kukala takatifu.⁶Daudi naye watangaza baraka kpwa mutu ambaye Mulungu wamutela mutakatifu bila mahendo. ⁷Wamba, "Abarikiwa ni mvamvo ambamvo makosa gao gesamehewa, na madambi gao kufinikpwa. ⁸Abarikiwa iye ambaye Bwana kandamutalira dhambi."⁹Je baraka zino zatangazwa tu hacheye kpwa mvario gwagwatsi, ama hata mvario kamvadza gwagwatsi? Maan hwamba. "Imani yetalwa kpwa Abrahamu kukala utakatifu." ¹⁰Sasa yetalwadze? Je yekala kabla ama baada ya kugwagwatsi? Yekala si baadaye bali kabla!¹¹Abrahamu wehochera ishara ya tohara here makubaliano ga utakatifu ambao kpwa imani wekala nawo hata kabla agwagwetsi hinwa. Nia yekala ni kumuhenda akale Paba wa mvosi mvaaminio idzaho bado mvekala kamvadza gwagwatsi, ili utakatifu utalwe kpwao. ¹²Iye pia ni paba wa mvario gwagwatsi ambamvo si kpwa ajili ya kuko kugwagwatsi ela mvario na maenenzi ga imani kpwamba pabayehu Abrahamu wekala nayo kabla agwagwetsi ahinwe.¹³Maana ahadi ariyo hewa Abrahamu na lukolo lwe kukala andakala murithi wa urimwengu wosi kaidzire kuchirira sheria isihokala kpwa kuchirira utakatifu wa imani. ¹⁴Maana ichikala mvaishio kpwa sheria ndimvo mvandekala arithi, imani ihendwa kukala tuhu, na ahadi iyo kaihenda chitu. ¹⁵Maana sheria yareha koro, ela hasiho kala na sheria, kahana makosa.¹⁶kpwa sababu ii, ni kpwa imani, ndiho ahadi iyo ikale kpwa neema na ikubaliwe kpwa lukolo lwosi lwa Abrahamu-si kpwa mvario tsini ya sheria, bali hata kpwa mvario mvashiriki imani mwenga na Abrahamu. Ndiye paba wehu hosi, ¹⁷here irivyo andikpwa, "Nidzikutsagula uwe paba wa mataifa manji." Abrahamu wekala mbere zakpwe iye ariye mwamini, ambaye, ni Mulungu, elavyaye uhai kpwa mvariofa na kpweha na kuvipa uhai vitu visivyo ishi kuishi.¹⁸kpwa matumaini, achiamini chinyume na matumaini, kukala andakala paba wa mataifa manji, kulingana na go arigokala yudzambirwa, "Vivyo ndivyo atuo mvandivyo kala." ¹⁹Bila kukala munyonge chi imani, achiririkana mwiriwe kukala udzefa (Maana wekala yufisha miaka here gana mwenga), na utasa wa muchewe Sera.²⁰Ela kpwa kukala ahadi yekala ni ya Mulungu, Abrahamu kasitire kpwa kutsa amini. Badalaye, achipewa nguvu chi imani naye achimupa Mulungu sifa. ²¹Wekala na uhakikisho kukala vyo Mulungu arivyo mwahidi, wekala anawo uwezo wa kugatimiza. ²²kpwa vivyo, riro pia "retalwa kpwakpwe kukala ni utakatifu."²³Ela maneno "Yetalwa kpwakpwe" kagandikirwe kpwa ajiliye hacheye. ²⁴Geandikpwa pia kpwa ajili yehu, na indatalwa kpwehu sisi humuaminio iye ariye mufufula Jesu Bwana wehu kula kpwa wafu. ²⁵Yuyu ndiye ariye sulubiwa dzulu ya muhi kpwa sababu ya madambi gehu chisha achenulwa dzulu hutalwe enye haki.

Chapter 5

¹kpwa kukala hutalwa hachi kpwa imani, huna amani na Mulungu kuchirira kpwa Bwana wehu Jesu Masihi. ²Kuchirira kpwakpwe hufugulirwa kpwa imani kufikira neema ya kpwakpwe ambayo ndiyo hwemayo nayo, na hwadzivunira kpwa matumanini ga utukufu wa Mulungu.³Si vivyo hacheye, ela pia hwadzivunira kahi ya mateso gehu. Hwamanya kukala mateso ndo garehago uvumirivu. ⁴Uvumirivu ukavyela ujasiri, nao uthabiti ukavyela tumaini, ⁵nayo tumaini kaiaibisha kpwa kukala mahenzo ga Mulungu gadzimwagwa rohoni mwehu kuchirira kpwa Roho Mtakatifu, huriye mupewa.⁶kpwa kukala wakati huriho kala anyonge, kpwa wakati mudzo Masihi achihuferera. ⁷kpwa kukala kakuna afaye kpwa ajili ya mutu mutakatifu, idzaho labda mutu waweza akafa kpwa ajili ya mutu mudzo.⁸Ela Mulungu wathibitisha mahenzoge kpwehu, kpwa kukala huriho kala bado huchere enye dambi, Masihi achihu ferera. ⁹Zaidi ya gago bai, idzaho sasa hudzi takaswa kpwa mulatsowe, hundaokolwa kula kpwa koro za Mulungu.¹⁰kpwa kukala, wakati huriho kala mahadui, hweudzwa kpwa Mulungu kuchirira kpwa chifo cha Mwanawe, zaidi, baada ya kupatanishwa, hundaokolwa kpwa maishage. ¹¹Si vivyo hacheye, ela pia hwasherekea kahi za Mulungu kuchirira Bwana wehu Jesu Masihi, ambaye kuchirira kpwakpwe hwepata uu upatanisho.¹²Sasa bai, here kuchirira mutu mumwenga dambi yenjira urimwenguni, kpwa njira iyo mwenga chifo chenjira kuchirira dhambi. Na chifo chichi chienea kpwa atu mvosi, kpwa kukala mvosi mvehenda dhambi. ¹³kpwa kukala mpaka sheria irihokudza, dambi kare yekala i urimwenguni, ela kakuna hesabu ya dambi ichikala kakuna sheria.¹⁴Hata vivyo, chifo cheishi hangu enzi za Adamu mpaka Musa, hata kpwa mvaratu ambamvo kamvahendere dambi here Adamu, ariye kala mufano wa iye ariyekala ni adze. ¹⁵Ela iyo zawadi sihere dhambi. kpwa kukala kalaho kpwa dambi ya mumwenga, be anji mvefa, be ni angahi ambamvo kpwa neema ya Mulungu na zawadi kpwa neema ya mutu mumwenga, Jesu Masihi, idzivyo onjezeka kpwa anji!¹⁶kpwa kukala zawadi ya bule si here matokeo ga dambi ya mutu mumwenga. Hukumu ya makosa yekudza kpwa sababu ya kosa ra mutu mumwenga. Ela kpwa upande munjine, chipawa cha bule chilacho kpwa kahi za kutalwa hachi, chekudza baada ya makosa manji. ¹⁷Ichikala kpwa kosa ra mumwenga, chifo chetawela kuchirira kpwakpwe, ni zaidi dze kpwa mvandio hochera unji wa neema na zawadi ya utakatifu kpwa maisha kuchirira kpwa ye mumwenga Jesu Masihi.¹⁸Vivyo bai, here ambavyo kosa mwenga rehirikira hukumu kpwa atu mvosi, vivyo ndivyo kuchirira hendo mwenga ra utakatifu, ichidza utakaso na maisha kpwa atu mvosi. ¹⁹Kpwa kuchirira kosa ra mutu mumwenga, anji mvehendwa enye dambi, vivyo vivyo kuchirira jambo ridzo ra mumwenga, anji mvandatalwa kpwa hachi.²⁰Ela sheria yekudza ili konjeza go makosa. Ela hariho na dambi, ndiho neema ni nyinji zaidi. ²¹Gaga gekala ili here dambi irivyo tawela kahi za chifo, hata neema yaweza ikatawela kahi za utakaso kpwa maisha ga milele kuchirira kpwa Jesu Masihi ariye Bwana.

Chapter 6

¹Sasa vino hundambadze? Je, hundenderera kuishi kahi za dambi ili neema yonjezeke? ²Navisikale vivyo. Sisi huriofa kahi za dambi, hwawezadze kuishi kahi ya dhambi? ³Kamumanya mwi kukala here anji mvario batizwa kahi za Jesu Masihi, mvebatizwa kahi za chifoche?⁴Hwezikpwa, chisha, hamwenga naye kahi za ubatizo, kpwenye chifoche. Gaga gehendeka ili kpwamba, here Masihi arivyo enulwa kula kpwa chifo kahi za utukufu wa Paba, ili kukala nasi huweze kutsembera kahi za usha wa maisha. ⁵Kpwa kukala ichikala heunganishwa hamwenga naye kahi za mufano wa chifoche, pia hundaunganishwa kahi za kufufulwakpwe.⁶Hwamanya vivi, kukala ukare wehu wesulubishwa hamwenga naye ili mwiri wa dambi ubanangwe. Gaga gehendeka ili husikale keheri atumwa a dhambi. ⁷Iye ariyefa achihendwa mwenye hachi kulingana na dhambi.⁸Ela kala hefa na Masihi, be pia hwa amini kukala hundaishi hamwenga naye. ⁹Hwamanya kpwa kukala Masihi wefufuka kula kpwa wafu, kaweza akafa keheri; chifo kachimutawela keheri.¹⁰Maana kpwa habari za chifo arichofa kpwa dambi, wefa lumwenga kpwa ajili ya osi. Hata vivyo, maisha aishigo, waishi kpwa ajili ya Mulungu. ¹¹Hali iyo mwenga, nyinyi nanyi ni lazima mudzitale kukala afadzi kahi za dambi, ela muishio kpwa Mulungu kpwa Jesu Masihi.¹²kpwa vivyo bai, musirichire dambi kutawela miiri yenu, ili muheshimu tamaaze. ¹³Musomboze sehemu za miri yenu kpwa dambi, kukala vyombo vya kuhumika kpwa kuhenda dhambi. Ela, dzombozeni kpwa Mulungu here mvario ombozwa chifoni kupewa uzima, na momboze sehemu za miiri yenu kpwa Mulungu here vifaa vihumikavyo kpwa utakatifu. ¹⁴Musikubali dambi kumvatawela. kpwa kukala kamutsini ya sheria, bali neema.¹⁵kpwa vivyo? Huhende dambi kpwa kukala kahutsini ya sheria, bali hutsini ya neema? Navisikale vivyo. ¹⁶Kamumanya kukala muchidzomboza here atumwa, mu atumwa kpwa ye mumuheshimuye? Mundakala aitha atumwa a dambi, indo mvarehera chifo, ama atumwa a utiifu urehao utakatifu.¹⁷Ela mumvera ukale kpwa Mulungu! kpwa kukala mwekala atumwa a dambi, ela mudziheshimu kula kpwa roho zenu njira ya mafundisho murigo pewa. ¹⁸Mudzihendwa kukala huru kula kpwa dambi, na mudzihendwa atumwa a utakatifu.¹⁹Nanena chidamu kpwa sababu ya unyonge wenu wa miri. kpwa kukala here murivyo dzomboza sehemu za miiri yenu here atumwa a dambi na kukosa sheria, madharage ambago mwezidi kukala akosaji, hali iyo mwenga, sasa dzombozeni sehemu za miri yenu kukala atumwa a utakatifu musafishwe. ²⁰kpwa kukala muriho kala atumwa a dambi, mwekala huru kula kpwa utakatifu. ²¹Wakati uwo, mwevyela matunda gani kpwa mambo murigo sasa mwasikira aibu? kpwa kukala matokeoge ni chifo.²²Ela sasa kpwa kukala mudzihendwa kukala huru kula kpwa dambi na mukala atumwa a Mulungu, munaro tunda renu ra utakatifu. Madharage ni uzima wa milele. ²³kpwa kukala mushahara wa dambi ni chifo, ela zawadi ya kula kpwa Mulungu ni uzima wa milele kahi za Jesu Masihi Bwana wehu.

Chapter 7

¹Ama kamumanya, ndugu (kpwa nanena na atu mvamanyao kuhusu sheria), kukala sheria yatawela mutu kpwa maishage gosi?²kpwa muche ariye halwa, sheria ya mulumewe yamufunga maishage, ela ye mulume achifa, be yudzikpwa huru na sheria ya ndoa. ³kpwa vivyo bai, wakati mulumewe waishi, achikala na mulume munjine, andehewa muzinzi. Ela mulumewe achifa, wakala huru kula kpwa sheria, kpwa vivyo si muzinzi keheri achihalwa ni mulume munjine.⁴Haya bai, ndugu zangu, mwimwi namwi mweolagwa na sheria kuchirira kpwa mwiri wa Masihi. Gago gekala ili muunganishwe hamwenga, yaani, na iye ariye fufulwa kula kpwa wafu, ili hukavyale matunda ga Mulungu. ⁵kpwa kukala huriho kala hwaishi chimwiri, matamanio gehu, garigo sisimukpwa kpwa sheria, gekala gahenda kazi kahi za vilungo vya miiri yehu kuvyela matunda ga chifo.⁶Ela sasa hudzikpwa huru kula kpwa sheria. Hudzefa kula kpwa chicho chiricho kala chihufunga. Gago ni kpwa sababu hukale hundaweza kuhenda kazi kahi ya kufufulwa chiroho, wela si vyo hurivyo kala kapindi.⁷Sasa hundaambadze? Je, sheria yenye ni dambi? Hapana, sevyo. Idzaho, nisindekala nemanya dambi, kalaho si kuchirira na iyo sheria. kpwani nisindemanya kutamani ni noni kalaho si iyo sheria kunamba "usitamani." ⁸Ela dambi ichihela nafasi iyo kuchirira kpwa amuri nayo ichivyela chila aina ya kutamani mwangu mwirini. Maana, kala si sheria, dambi yekala idzefa.(Kaikalireko)⁹kpwa wakati fulani, nekala muzima bila iyo sheria, ela amuri ziriho kudza, dambi nayo ichifufuka ¹⁰nami nichifa. Amuri iriyokala inipe uzima ichigaluka kukala chifo kpwangu.¹¹kpwa kukala dambi yehela iyo nafasi kuchirira kpwa amuri nayo ichinikenga. Kuchirira kpwa amuri, ichinolaga. ¹²kpwa vivyo sheria ni takatifu, na amuri zenye zi takatifu, taua na mbidzo.¹³Sasa je, ni cho chiricho kala chidzo kpwangu ndicho chiricho galuka kukala chifo kpwangu? Hapana, naisikale vivyo. Ela dambi, ndiho yonyeswe kukala dambi, yereha chifo kpwangu kuchirira ya chicho chiricho kala chidzo, na kuchirira amuri, dambi iweze kukala dambi zaidi ya chipimo. ¹⁴kpwa kukala hwamanya kukala sheria i chiroho, ela ni chimwiri. Nidzilaviwa utumwani kpwa dhambi.¹⁵kpwa kukala chila nihendacho, hata mimi sichelewa. Chila nimalacho kuhenda, sichihenda, na chila nichitsukiriracho, ndicho nihendato. ¹⁶Ela nihendacho cho nisicho henza kuchihenda, nakubaliana na sheria kukala sheria ni mbidzo.¹⁷Ela sasa si mimi keheri nihendaye, ela yo dambi iishiyo ndani yangu. ¹⁸kpwa kukala namanya kukala ndani yangu, yaani mwirini mwangu, kamuishi chochosi chidzo. Maana tamaniro ra chitu chidzo ri hamwenga nami, ela siweza kuchihenda.¹⁹kpwa ro ridzo nimalaro, sirihenda, ela ro rii nisiro rihenza, riro narihenda. ²⁰Sasa kala nahenda ro nisiro henza kuhenda, be si mimi keheri nihendaye, isihokala dambi iishiyo ndani yangu. ²¹Sasa, naona ii sheria: Nichimala kuhenda ridzo, rii rihehi nami.²²kpwa kukala nasherekea kahi za sheria ya Mulungu kpwa hali yangu ya chiroho. ²³Ela naona sheria tofauti kahi ya vilungo vya mwiri wangu. Yapigana na yo sheria mbisha iriyo mwangu akilini. Yanihela mateka kpwa yo sheria ya dambi iriyo kahi ya vilungo vyangu vya mwiri.²⁴Ni mutu wa hali komu! Nani andiye nokola na uno mwiri wa chifo? ²⁵Ela nashukuru Mulungu kuchirira kpwa Jesu Masihi Bwana wehu! Ndiho hata mimi, nahumikira iyo sheria ya Mulungu na akili zangu. Idzaho, kahi za mwiri nahumikira yo sheria ya dambi.

Chapter 8

¹kpwa vivyo bai kakuna hukumu ya adabu dzulu yao mvario kahi za Masihi Jesu. ²kpwa kukala kanuni ya roho wa uzima uratu uriokahi ya Masihi Jesu idzinihenda mimi kukala huru kula na sheria ya dambi na mauti.³kpwa maana chiratu ambacho sheria yeshindwa kuhenda kpwa sababu yekala na mapungufu kahi za mwiri, Mulungu wechihenda. Wemuhuma mwanawe wahacheye kukala mfano wa mwiri wa dambi akale sadaka ya dambi na kpwa vivyo weihukumu dambi kahi ya mwiri. ⁴Wehenda vivi ili malakizo ga sheria gatimizwe ndanini mwehu, sisi husioenenda kpwa kutua mambo ga mwiri, ela kpwa kutua mambo ga roho. ⁵Aratu mvautuirao mwiri nikuanzamambo ga mwiri, ela aratu mvaituirao roho nikugaaza mamboga roho.⁶Kukala nia ya mwiri ni chifo, ela nia ya roho ni uzima na amani. ⁷Riri ni kpwa sababu ira nia ya mwiri ni uhadui dzulu ya Mulungu kpwa maana kayogoha sheria ya Mulungu, wela kaiweza kuyogoha. ⁸Aratu autuirao mwiri kaaweza kumuhamira Mulungu.⁹Hata vivyo kamuho kahi za mwiri ela mukahi za Roho, ichikala ni jeri kukala roho wa Mulungu nikusagela ndanini mwehu. Ela ichikala mtu kana roho wa Masihi, iye si wakpwe. ¹⁰Ichikala Masihi yu ndanini mwehu mwiri udzefa kpwa mambo ga dambi , ela roho i hai kpwa mambo ga hachi.¹¹Ichikala roho wa iye ariyemufufula Jesu kulera kpwa chifo wasagela ndanini mwehu, iye iye ariyemufufula Masihi kulera kahi za ariofa andaipa pia miiri yenu ya kufa uhai kpwa njira ya roho we, asagelaye ndanini mwehu.¹²kpwa vivyo bai, ndugu zangu, sisi huadeni, ela si kpwa mwiri kukala huishi kpwa jinsi ya mwiri. ¹³kpwa maana ichikala hwaishi kpwa jinsi ya mwiri, uu hehi na kufa, ela ichikala ni kpwa roho hundagaolaga mahendo ga mwiri, nasi hundaishi.¹⁴kpwa kukala osi anji ehu mvalongozwa na roho wa Mulungu, ao ni ana a Mulungu. ¹⁵kpwa kukala kahumuhocherere roho wa chitumwa ili kpwamba huuogohe. Badalaye, hwemuhochera roho wa kuhuhenda ana, ambaho kpwariro hwarira "Abba, yaani Paba."¹⁶Roho mwenye washuhudia hamwenga na roho zehu kala huana a Mulungu. ¹⁷Ichikala hu ana bai huarithi pia arithi a Mulungu. Na sisi huarithi hamwenga na masihi, ichikala kpwa ujeri hu hamwenga naye.¹⁸kpwa kukala nagatela mateso ga wakati uu kukala sichitu nichilinganisha na utukufu undiofunulwa kpwehu. ¹⁹kpwa maana viumbe vyosi pia vyarindira kpwa hamu nyinji kufunulwa kpwa ana a Mulungu.²⁰kpwa maana, uumbaji pia weikpwa hali ya kusa dziweza, si kpwa hiari ye, ila kpwa sababu ye iye ariyeviumba. Ni kahi za tumaini. ²¹kala uumbaji wenye nao undaikpwa huru na kuombozwa kula kpwa utumwa wa kubanangika, na vyeenjizwa kahi za uhuru wa utukufuwa ana a Mulungu. ²²kpwa kukala hwamanya kala uumbaji nao pia waugua na kuteseka kpwa utsungu hamwenga hata sasa.²³Si vivyo tu, ila na sisi enye hurio na malimbuko ga roho- sisi pia hwaugua kahi za nafusi zehu, huchirindira kuhendwa ana, yaani ukombolwi wa miri yehu. ²⁴kpwa maana ni kpwa kuluhiro riri hweokolwa. Ela chitu chirichorindirwa chichionekana kakuna kuluhiro keheri, kpwa maana ni ani achikuluhiracho chira achonacho? ²⁵Bai huchichirindira chitu husichochona, hundachirindira kpwa kuvumirira.²⁶kpwa jinsi iyo iyo, roho naye nikuhusaidia kahi za unyonge wehu. kpwa maana kahumanya kuvoya jinsi imarikanavyo, ela roho mwenye nikuhuvoyera kpwa matsungu gasigoweza kutamukpwa kpwa mulomo. ²⁷Na iye aipelelezaye mioyokaimanya akili ya roho, kpwa sababu nikuvoya kpwa niaba ya aratu mvarioamini kulingana na mapenzi ga Mulungu.²⁸Nasi hwamanya yakukala kpwa osi mvamuhenzao Mulungu, iye nikuhenda mambo gosi hamwenga kpwa udzo, kpwa aratu osi mvarioehewa kpwa kusudi ree. ²⁹Maana mvaratu osi arioamanya hangu asihii, pia weatsagula hangu haho jadi na mvafananishwa na mufano wa mwanawe, ili iye akale muvyalwa wa kpwanza mongoni mwa ndugu anji. ³⁰Na mvaratu arioatsagula hangu jadi, ao wemveha pia. Na aratu arioarira hachi, nao pia achiashirikiisha kahi za utukufu wee yaani achiatukuza.³¹Hugombeni bai dzulu ya mambo gaga? Mulungu achikala upande wehu, ni ani ariye dzulu yehu? ³²Iye asiyemurichira mwana wee mwenye ela wemomboza kpwa ajili yehu sisi hosi andakosadze kuhajalia mambo gosi madzo hamwenga naye.³³Ni ani andiyeashitaki atsagulwangwa a Mulungu? Mulungu ndiye mwenye kuatarira hachi. ³⁴Ni ani andiyeahukumu? kakuna Masihi Jesu ndiye ariyeefa kpwa ajili yehu, na zaidi ya gago, naye wefufuka. Naye watawela hamwenga na Mulungu hatu haheshima, na keheri ndiye ahuvoyeraye siswi.³⁵Ni ani andiyehutenga na uhenzo wa Masihi? je ni taabu, au shida au mateso au nzela, au uchi yaani kukosa nguo, au hatari, au upanga? ³⁶Here irivyoandikpwa, "kpwa faida yao hwatalirwa chifo mtsana na dziloni. hwetalirwa here ng'onzi wa kutsinzwa."³⁷Kahi za mambo gagagosi siswi huzaidi ya ashindi kahi za iye ariyehuhenza. ³⁸kpwa maana nidzimanya kpwa hakika kala mauti, wela uzima, wela malaika, wela vitu virivyoko, wela vitu vidzavyo wela nguvu, ³⁹wela garigo dzulu wela garigo tsini, wela chumbechinjine chosi, kachindaweza kuhutenga na uhenzo wa Mulungu, ambaye ni Masihi Jesu Bwana.

Chapter 9

¹Nagomba jeri kahi za Masihi. Sigomba ulongo,na niiya yangu yashughudia hamwenga nami kahi za roho mtakatifu. ²kukala kuna huzuni bomu na maumivu gasigo siri ndani ya moyo wangu.³kpwa kukala kalaho ningeweza kuvoya nikahazwe kure na Masihi kpwa ajili ya ndugu zangu, adamu angu kpwa jinsi ya mwiri. ⁴Ambao ni aisraeli mvariohendwa ana na uratu a utukufu na malagano na kupewa torati na ibada ya Mulungu na ahadize. ⁵Ambao tsawe zao ni ao na kula na mvamvo masihi wekudza kpwa jinsi ya mwiri. Ndiye dzulu ya mambo gosi, Mulungu ainulwaye kare na kare Amina.⁶Sikpwamba neno ra Mulungu karina nguvu mana siosi aisraeli mvariovyalwa israeli. ⁷Wela siosi mvario ana kpwa kuvyalwa ni Ibrahimu ila kahi za isaka uvyaloo undaihiwa.⁸Yaani si ana a mwiri mvario ana a Mulungu ila ana achilagane mvatalwa kukala avyalo a Mulungu. ⁹kpwa kukala neno ra chilagane ni riri, hariho wakati uu nindadza na sura andakala na mwana.¹⁰Wela sivivyo tu ela Rebeka naye wepata mimba kpwa mulume mumwenga, Isaka ariye paba yehu. ¹¹(kpwa kukala kabila kamvadzavyalwa ana ama khamvadzahenda neno rorosi ridzo au rii, ili kusudi ra Mulungu ritimire ra kutsagula si kpwa mahendo ela kpwa nia ya kpwakpwe mwenye kpweha) ¹²Weambwa vivi mubomu andamuhumikira mutite. ¹³Here irivyoandikpwa, nidzimuhenza jakobu, ila Esau nidzimutsukirirwa.¹⁴Hugombeni sasa? kuna uui kpwa Mulungu? Hapana! ¹⁵Maana wemwambira Musa, nindamuhurumia iye nimuhurumiye, nindakala na huruma kpwa iye nimuhurumiaye. ¹⁶Bai chikala ni vivyo si kpwa uwezo wa yuyatu ahenzaye wela yuyatu apigaye malo, bali ni kpwa yuyatu ahurumiaye, yani Mulungu.¹⁷kpwa kukala maandiko gagomba dzulu ya Furha, kukala, Nekpwemisa kpwa kusudi riri, ili nonyese nguvu zangu kpwako ili dzina rangu ritangazwe kahi za intsi yosi. ¹⁸Bai chikala ni vivyo, ahenzaye kumurehemu, nikumurehemu na ahenzaye kumuhenda mugumu ni kumuhenda mugumu.¹⁹Bai undenambira, mbona achereko kulaumu? kpwakukala nani ashindanaye na kusudi ra kpwakpwe? ²⁰La! Sivivyo, uwe mwanadamu uani umujibuye Mulungu?Je chitu chirichoambwa chimwambire mwenye kuchumba, kpwa noni uchiniumba vivi? ²¹Ama mtengenezaji wa nyungu! kana mamulaka dzulu ya udongo, kpwa ndulu mwenga ra udongo kuumba chombo chiricho na heshima na chimwenga chikose heshima?²²kpwanoni bai, ichikala Mulungu weonyesa hukumuye na kuudhihirisha uwezowe kpwa uvumurivu munji, muharirane na vyombo vya hasira bomu virivyo hendwa kpwa kubananga. ²³Chisha ili aonyese unji wa utukufuwe kpwa vyombo vya huruma wevitengeza hangu kapindi vipate utukufu. ²⁴Ndio sisi ariokhweha si ayahudi tu ila na atu a mataifa pia.²⁵Nihere arivyonenaHosea, nindaeha atu angu aratu mvario atu angu na muhenzi wangu asiyekala muhenzi wangu. ²⁶Chisha indakala hatu haratu mvarihoambwa mwimwi si atu angu haho ndiho mvandehoehewa ana a Mulungu ariye moyo.²⁷Isaya naye weomboza ushauriwe dzulu ya Israel achamba Hesabu ya ana a Israel idzaho ni here mutsanga wa bahari, mabaki gao tu mvandaokolwa. ²⁸kpwa kukala Mulungu andaritimiza nenore dzulu ya itsi achimarikiza na kuukata. ²⁹Chisha here Isaya arivyotangulia kugomba kalaho Mulungu asingemhusu huvyale, hungekala here sodoma hwengelenganishwa na Gomora.³⁰Hugombe noni bai? kukala atu a mataifa mvasiotua hachi, mvepata hachi ela si iratu ya imani. ³¹Ila Israeli ariotua sheria ya hachi khamvaitikirire iyo sheria.³²kpwa sababu yani? kpwa sababu khamvaituire kpwa njira ya imani ila here kpwamba kpwa njira ya mahendo mvachidzikpwela dzulu ya iwe riro nikpwazaro. ³³Here irivyoandikpwa, lola, ninaika dziwe sayani, iwe rikpwazaro na mwamba ubwagao, na chila amwaminiye khandaaibika.

Chapter 10

¹Ndugu, nia ya moyo wangu na voyo rangu kpwa Mulungu ni kpwa ajili yao, na kpwa ajili ya wokofu wao. ²kpwa maana na mvashuhudia kukalamvanabidii kpwa ajili ya Mulungu, ela si kpwa ajili ya maarifa ama kuelewa. ³kpwa kukala kamvamanya hachi yao enye. Kamvaakalire atiifu kpwa hachi ya Mulungu.⁴kpwa kukala masihi ndiye mwisho wa sheria kpwa ajili ya hachi ya chilamutuaaminiye. ⁵kpwa kukala Musa weandika kuhusu hachi ambayo yaombola kula na kuiheshimu sheria. "Mutu ambaye nikuhenda hachi ya sheria andaishi kula na hachi iyo ya chisheria.⁶Ela hachi ambayo ila kula kpwa Imani nikunena vivi, "Usigombe moyoni mwako, ni ani andiye kpwera kpwenda Mulunguni?" (ii ni kumureha masihi tsini.) ⁷Na usigombe, ni ani andatima ndani ya shimo? (ii ni kumureha masihi dzulukula kpwa afu)⁸Ela andiko ama neno ranenadze? Roneno ririro hehi nawe ni riroririro mulomoni mwako na ririro moyoni mwako." ⁹kpwa kukala kula kpwa mulomoni mwako wa shuhudia masihi ya kukala ni bwana, na kuamini moyoni mwako kukala Mulungu wemufufula kulaa kpwa afu, undaokoka. ¹⁰Kpwa kukala kula kpwa moyo we mtu nikuamini na kupata hachi na kpwa mulomoni nikukiri na kupata wokofu.¹¹kpwa maana andiko ranena kala, "Chila amwaminiye kanda aibika" ¹²kpwa maana kakuna tofauti kahi za muyahudi na muyunani. kpwa kukala bwana iye iye ni bwana wa osi, na ni tajiri kpwa osi mvamwehao kpwa dzinare. ¹³kpwa kukala chila mutu ambaye nikurehera dzina ra bwana andaokoka.¹⁴Basi mvamwehedze iye ambaye khamvadzamwamini? Nao mvandawezadze kumwaminiiye ambaye khamvadzamsikira? chisha mvandamsikiradze bila mutu kuahubiria? ¹⁵Na kpwa jinsi yani mvandaweza kuhubiri mvasiho hirikpwa au kuhumwa? - Here irivyoandikpwa " Ni kpwa jinsi yani garivyo madzo magulu ga aratu ambao mvatangaza habari mbidzo za Mulungu ( mvahubirio neno)¹⁶Ela bai si osi mvarioiheshimu iyo habari mbidzo(injili). kpwa maana Isaya wa nena, " Bwana, ni ani ariyeziamini habari zo mbidzo kula kpwehu? ¹⁷kpwa vivyo imani nikudza kula kusikira, na ni kusikira neno ra Masihi.¹⁸Ela nauza: Je khamvasikirire? ndiyo mvesikira; "Sauti yao idzionera kahi za ntsi yosi, na maneno gao gadzionera urimwenguni kosi.¹⁹Zaidi ya gosi, nagomba, " Je aisraeli khamvamanyire?" kpwanza Musa wenena, "Nindaachokoza na kuaenjiza wivu kpwa atu ambao si taifa ra israeli. kpwa njira ya taifa risiro na ufahamu, nindaachochea mupaka mutsukirwe"²⁰Na Isaya anao ujasiri munji na nikunena, "Nepatikana na aratu ambao khamvanitafutire.Neonekana kpwa aratu ambao khamvanitafutire" ²¹Ela kuhusu Israeli ni kunena, " Siku zosi neiinyoshha mikono yangu kpwa mvasio niheshimu na kpwa atu akaidi.

Chapter 11

¹Bai nauza, je! Mulungu weakahela atu ee? Hata chidogo kpwa kukala mimi pia ni mwiisraeli wa lukolo la Abrahamu wa kabila ra Benjamini. ²Mulungu kaakaharire atu ee, wemvamanya hangu mwanzo. Je kamumanya andiko ranena noni kuhusu Eliya, jinsi arivyomurai Mulungu dzulu ya Israeli? ³"Bwana, mvadzimvoolaga manabii oo, chisha mvadzigabomola madhabahugo. Mimi hacheye ndiye adzisela, nao mvanitafuta ili mvaniolage"⁴Je, Mulungu wemujibudze? "Nedzisazira atu elfu saba ambao khamvadzamupigira magoti kumuabudu Baali" ⁵Vivyo vivyo pia, sasa mvako masaza mvario tsagulwa kpwa neema ya Mulungu.⁶Elaichikala ni kpwa neema,si keheri kusa mahendo. vinjinevyo neema kaindakala keheri neema. ⁷Ninoni bai? dzambo ambaro Israeli mvekala mvachiribuga na kachipatire, ela ateule echipata na anjine mveinjizwa uziho au mioyo migumu. ⁸Here irivyoandikpwa Mulungu weapa usingizi au bumbuazi ra moyo, matso ili mvasone na masikiroili mvasisikire mupaka rero ii"⁹Naye Daudi wagomba, " Richa meza zao zikale muhego na tanzi, sehemu ya kudzikpwela na kurihiza chisasi dzulu yao. ¹⁰Richa matso gao genjizwe chiza ili mvasone. Nayo myongo yao ikale ya zamazama siku zosi"¹¹Bai nagomba, " Je mvadzidzikpwela hata na kugwa?" Isikale vivyo kamwe kpwa sababu ya makosa gao, wokofu udziafikira atu a mataifa ilikuahenda Aisraeli mvaone wivu. ¹²Sasa ichikala kukosa kpwao kureha utajiri kpwa urimwengu, na kala hasara yao ni utajiri kpwa mataifa, je! sindakala bora zaidi kuudzwa kpwao kundarehautajiri mubomu zaidi.¹³Nasasa nanena namwi mwiatu a mataifa kpwa kukala nidzikala mtumekpwa atu a mataifa manjine, naitukuzaau kudzivunia iihuduma yangu. ¹⁴Hanjine nindamvaenjiza wivu ao ario mwiri mumwenga na mimi. hanjine hundaokola anjine ao.¹⁵Maana ichikala kukahalwa kpwao ni kupatanishwa kpwa urimwengu, je kukubaliwa kpwao si kundakala ni uhai kula kpwa afuu? ¹⁶Ichikala malimbuko au matunda ga kpwanza ni matakatifu, ndivyo irivyo kpwa donje rosi ra unga. ichikala mizi au sina ni takatifu, matawi na goni matakatifu.¹⁷Ela ichikala matawwi manjine gekatwa na uwe u mzeituni pori uriye henda kupachikpwakahi yao, uchikala mushirika wa sina lolamuzeituni na unonowe. ¹⁸Usidzivune dzulu ya go matawi ama uchikala wadzivuna siwe uritsukularo ro sina, ela ni ro sina ndiro ambaro ra kutsukula uwe.¹⁹Bai undagomba, " Matawi gekatwa ili nipate kupatikpwa kahi ya ro sina." ²⁰Iyo ni jeri sababu ya kusaaminikpwao mvekatwa, ela uwe weema imara kpwa sababu ya imaniyoo.kpwa vivyo usidzivune au kudzidai elaema imarachii imani kuno uchiogoha. ²¹kpwa maana ichikala Mulungu kagahurumiire go matawi ga asilii, kandakuhurumia uwe pia.²²Lola, bai mahendo madzo na ukali wa Mulungu kpwa upande mumwenga ukali wekudza dzulu ya ayahudi ambao mvegwa. Ela kpwa upande munjine, udzo wa Mulungu nikudza dzulu yo, kala undadumukahi za udzowe. kala sevyo uwenaweundakatwa na ugwe hotsi.²³Na mvamvo pia, kala khamvaendererakahi za kutsaamini kpwao, mvandapachikpwa keheri.kpwamaana Mulungu anao uwezo wa kuapachika keheri. ²⁴kpwa kukalaichikala mwimwi mwekatwa inze kpwa urio wa asili ya mzeituni mwitu, na chinyumeche cha asili muchipachikpwa kahi za mzeituni urio mudzo, si zaidi muno ano ayahudi, ambao ni here matawi ga asali kuweza kupachikpwa keheri ndani ya mzeituni wao wenye?²⁵kpwa vivyo ndugu tsenzi musimanye, kuhusiana na siri ii, ili kpwamba musikale na akili kahi za kufikiria kpwenu enye. siri ii ni ugumu udziapata a israeli, mupaka idadi yaatu a mataifa mvandehoenjira itimire.²⁶kpwa vivyo Aisraeli osi mvandaokolewa here irivyoandikpwa: " Kula Sayuni andakudzamukombozi. Andawusauuii kulakpwa Yakobo. ²⁷Nariri rindakala agano rangu hamwenga nao, wakati nindihozusa dambi zao."²⁸Bai kpwa upande mumwenga kuhusu injili, mvatsukirirwa kpwa sababu yenu. kpwa upande munjine kula na tsagulo ra Mulungu, mvadzihenzwa kpwa sababu ya tsawezao na paba zao. ²⁹kpwa kukala zawadi au tuzo na mweho wa Mulungu kaubadilika kamwe.³⁰kpwa kukala hochaho mwimwi mwekala mudzikosera au kumuasi Mulungu, ela sasa mudzihochera rehema kpwa sababu ya kuasi kpwao. ³¹kpwa njira iyo iyo, Ayahudi mvadzikala aasi majibuge ni kpwamba kulaa na mbaazi muriyoajaliwa mwimwi mvaweza pia kuhochera rehema. ³²kpwa maana Mulungu adziafunga atu osi kahi za uasi ili aweze kuahurumia osi.³³Jinsi chirivyo china cha utajiri na hekima na maarifa ga Mulungu! kazichunguzika hukumuze na njiraze kazigundulika. ³⁴kpwa maana ni ani ariyemanya nia au lengo ra Bwana? Au ni ani adziikala mushauriwe?³⁵Au ni ani ariyemupa chitu chochosi Mulungu, ili audzirwe keheri? ³⁶kpwa maana vitu vyosi vila kpwakpwe na vikpwakpwe na kpwa ajiliye. kpwakpwe ukale utukufu milele! Amina.

Chapter 12

¹Kpwa vivyo namvarai, ndugu, kpwa mbazi ya Mulungu, momboze miiri yenu here sadaka takatifu ikubalikayo kpwa Mulungu. Ii ndiyo ibada ihenzekanayo. ²Musitue ga urimwengu uu, bali mugaluke muhendwe asha akilini mwenu. Hendani vivi ili muweze kupata udzo ukubalikao na mahenzo ga Mulungu.³Kpwa kuchirira neema niriyo ipewa, namvambira nyosi kahi yenu: Musidzifikirie zaidi ya ihenzekanavyo, bali fikiriani na akili za kuhurira, chila mumwenga wenu kulingana na chipimo cha imani ambacho Mulungu wemvapa.⁴Kpwa kukala huna vilungo vinji kahi ya mwiri mumwenga, ela vyahenda kazi tofauti. ⁵Vivyo, sisi hurio huanji hu mwiri mumwenga kahi za Masihi, ela hutofauti chila mutu yu chivyakpwe.⁶Huna vipawa tofauti kulingana na neema huriyopewa. kala chipawa cha mumwenga ni unabii, naihendeke kulingana na chipimoche cha imani. ⁷kala mumwenga chipawache ni kuhumikira anzie, na amvahumikire. kala mutu ana chipawa cha kufundisha, na afundishe. ⁸kala ni cha kpwenjiza anzie moyo, na avihende. kala mumwenga ana chipawa cha kulavya, na elavye kpwa roho nyeruhe. kala chipawa cha mutu ni ulongozi, na alongoze kpwa makini. kala chipawa cha mutu ni konyesa mbazi, na avihende na roho ya raha.⁹Henzo risikale ra unafiki. Tsukirirani mai; hendani garigo madzo. ¹⁰Kuhusu henzo ra ndugu, henzanani mwimwi kpwa mwimwi. Kuhusu heshima, heshimianani mwimwi kpwa mwimwi.¹¹Kuhusu bidii, musikaleni akaha. Kuhusu roho, kalani na hoofu. Kuhusu Bwana, muhumikireni. ¹²Furahini kahi ya tumaini, vumirirani mateso, kalani aminifu kahi ya mavoyo. ¹³Shirikini kahi ya mahitaji ga ataua a Mulungu. Tafutani njira zosi za konyesa urahimu.¹⁴Mvabarikini mvamvo mvaatesao; barikini wela musilaani. ¹⁵Furahini na mvafurahiao; rirani na mvarirao. ¹⁶kalani na mawazo mamwenga mwimwi kpwa mwimwi. Musazeni kpwa kudzidai, bali mvakubalini mvario tsini. Musidzihendeni kumanya kahi ya maazo genu.¹⁷Musirihe mutu mai kpwa mai. Hendani mambo madzo mbere za atu. ¹⁸Ichiwezekana, ishini kpwa amani na chila mutu.¹⁹Musidzirihizeni ahenzwi, bali richirani gosi Mulungu. kpwa kukala yeandikpwa, ""Mariho nirichirani mimi; Nindariha,' Bwana weamba." ²⁰Ela, "Haduiwo kala ana nzela, murise. Achikala na chihu, mupe madzi. kpwa kukala muchihenda gago, mundakala mwatsetsera makala dzulu ya chitswache." ²¹Musishindwe ni mai, bali gashindeni gago mai kpwa kuhenda madzo.

Chapter 13

¹Chila nafsi iheshimu mamulaka garigo dzulu, kpwa kukala kakuna mamulaka isihokala gelaago kpwa Mulungu. Mamulaka gaishigo geela kpwa Mulungu. ²kpwa vivyo bai, chila apingaye mamulaka gago wapinga amuri ya Mulungu; na mvosi mvapingao mvanda hochera hukumu.³kpwa kukala vilongozi kamvakala ai kpwa mvahendao madzo, isihokala kpwa mvahendao mai. Je, mwatamani kutsa ogoha mvario kpwa mamulaka? Be hendani madzo, namwi mundalikpwa ni mvario kahi za mamulaka. ⁴kpwa kukala iye ni mutumishi wa Mulungu kpwenu kamare. Ela muchihenda mai, be mogoheni; kpwa maana katsukula silaha bila sababu. Iye ni mutumishi wa Mulungu, murihi wa hasira kpwa iye ahendaye mai. ⁵kpwa vivyo, lazima mukale atiifu, si kpwa sababu ya zo hasira, bali kpwa sababu ya niiya zenu.⁶Kpwa sababu iyo, mwariha kodi pia. kpwa kukala mvario kpwa mamulaka ni atumishi a Mulungu, mvahendao gago. ⁷Mvapeni chila mutu chiricho chao: kodi kpwa astahiliye kurihiwa kodi, ushuru kpwa asitahiliye kurihiwa ushuru, ogohani asitahiliye kogohewa, na heshima apewe asitahiliye heshima.⁸Usidaiwe chochosi, isihokala henzanani mwimwi kpwa mwimwi. kpwa kukala amuhenzaye jiraniwe atimiza amuri. ⁹Amuri zambazo, "Usizini, Usolage, Useye, Usitamani," na kala kuna amuri injine yoyosi, be zitsanganywe kahi ya amuri ii, "Muhenze jiraniwo here udzihenzavyo mwenye." ¹⁰Henzo karidhuru jirani. kpwa vivyo, henzo ni utimizo wa sheria.¹¹kpwa sababu iyo, mwamanya wakati, kukala kare saa rifika mulamuke kula usinzizini. kpwa kukala sasa wokofu uhehi zaidi ya hurivyo amini ho mwanzo. ¹²Usiku udzenda, ni hehi kucha. Nahudzitengeni sasa na mambo ga chiza, chisha huvale silaha za mwangaza.¹³Nahwenendeni na mienendo midzo, kpwa mutsana, si kpwa sherehe za ulafi na marevi; si kpwa ufisadi na usherati, si kpwa ugomvi na wivu. ¹⁴Bali muvaleni Bwana Jesu Masihi, na muslavye nafasi kpwa mwiri kudzitukuza na tamaaze.

Chapter 14

¹Muhochereni yoyosi ariye munyonge chi imani, bila kumuhukumu kuhusu mawazoge. ²Mumwenga ana imani ya kurya chochosi, ela munjine ni munyonge warya maboga hacheye.³kpwa hali iyo be richani aryaye chila chitu asimu zarau iye asiyerya; na asiyerya chila chitu asimuhukumu yuya aryaye chila chitu. kpwa kukala Mulungu yudzimu kubali. ⁴Uani kpwani we umuhukumuye mutumishi wa munjine? Ni dzulu ya tajiriwe kala andema ama andagwa. Ela andemeswa, kpwa maana Bwana andamuwezesha kpwema.⁵Mutu mumwenga wathamini siku mwenga zaidi ya injine. Munjine yuchiza kukala siku zosi zi sawa. Richa chila mumwenga akale na mawazoge gamushawishigo. ⁶Iye athaminiye siku, waithamini kpwa ajili ya Bwana, kpwa maana nikulavya mumvera kpwa Mulungu. Iye ariye karya, wadzi zuiliya kpwa sababu ya Bwana; naye pia welavya mumvera kpwa Mulungu.⁷kpwa kukala kakuna yoyosi kahi yehu aishiye kpwa kudzamini iye mwenye, na kakuna afaye kpwa kudzipangira iye mwenye. ⁸kpwa kukala huchiishi, be hwaishi kpwa Bwana, na kala huchifa, pia hwafa kpwa Bwana. kpwa vivyo, huchifa ama huchiishi, hu mali ya Bwana. ⁹Ndiho kpwa sababu iyo, Masihi wefa na achiishi keheri, ili akale Bwana wa mvosi mvariofa na mvario moyo.¹⁰Ela mwi, mbona umuhukumu nduguyo? Nawe, mbona umuzarau nduguyo? Maana hosi hundema mbere ya chihi cha hukumu cha Mulungu. ¹¹Maana yeandikpwa, "Kadiri niishivyo," wanena Bwana, "kpwangu, chila vindi rindapigwa, na chila lulimi kuungama kpwa Mulungu."¹²kpwa vivyo bai, chila mumwenga wehu andalavya hesabuye kpwa Mulungu. ¹³Nahuriche kuhukumiana, badalaye huamue kukala kakuna andiye kala chikpwazo wela kukala muhego kpwa munjine.¹⁴Namanya na nashawishika kahi za Bwana Jesu kukala kakuna chiricho chichafu chicho chenye. Isihokala iye achitelaye kukala chichafu, kpwakpwe, ni chichafu. ¹⁵Ichikala kpwa sababu ya chakurya nduguyo andadhurika, kamutsembera keheri kahi za henzo. Usimubanange kpwa sababu ya chakurya, mutu ariye Masihi wemuferera.¹⁶Sasa musikubali muchonacho kukala chidzo chinenwe kukala chii. ¹⁷kpwa kukala ufalume wa Mulungu si wa kurya na kunwa, bali ni wa utakatifu, amani, na furaha kahi za Roho Mtakatifu.¹⁸Kpwa kukala iye amuhumikiraye Masihi kpwa njira ii yukubalika ni Mulungu na kuidhinishwa ni atu. ¹⁹Kpwa vivyo bai, nahutueni mambo garehago amani na kujenga atu.²⁰Musibanange kazi ya Mulungu kpwa ajili ya chakurya. Vitu vyosi visafi, ela ni makosa kpwa mutu kurya chochosi chindicho sababisha munjine kuuya nyuma chi imani. ²¹Ni vidzo musirye nyama, wela musinwe uchi, wela musihende chochosi chindicho muhenda munjine kuuya nyuma.²²Imani muriyo nayo, itunzeni kahi yenu na Mulungu. Mubarikiwa ni iye asiye dzihukumu kula kpwa adzicho idhinisha. ²³Adzishukuye yuhukumiwa ichikala andarya, kpwa kukala si kpwa imani ya kpwakpwe. Na chiricho kachila kpwa imani ya mutu ni dambi.

Chapter 15

¹Sasa bee sisi hurio na nguvu husaidie mvario anyonge, wela husidzi furahishe enye. ²Chila mumwenga wehu na aishito na jiraniwe na kumuhendera madzo, ili kumwenjiza nguvu kumujenga.³Kpwa kukala hata Masihi kadzi furahishire mwenye. Badalaye, yekala here irivyo andikpwa, "Matusi murigo tusiwa genipata mimi." ⁴Kpwa kukala chochosi chiricho andikpwa cheandikpwa dzulu yehu ili kuchirira kpwa uvumirivu na kpwenjizana moyo kahi za maandiko, hukale na tumaini.⁵Sasa, Mulungu wa uvumirivu na kpwenjiza moyo amvajalie mukale na akili mwenga kpwa dzina ra Jesu Masihi. ⁶Navoya ahende gaga ili kpwa akili mwenga mumutukuze kpwa sauti mwenga Mulungu ariye ni Paba wa Bwana wehu Jesu Masihi. ⁷Kpwa vivyo, hocheranani mwimwi kpwa mwimwi, here Masihi arivyo mvahochera, kpwa utukufu wa Mulungu.⁸Kpwa naamba vivi, Masihi wehendwa mtumishi wa tohara kpwa niaba ya ujeri wa Mulungu, ili atimize ahadi zirizo pewa akare, ⁹na kpwa mataifa mvamusifu Mulungu kpwa ajili ya mbazize. Here irivyo andikpwa, "Sasa bai, nindakupa sifa kahi za mataifa na nikpwembere sifa."¹⁰chisha yaamba, "Furahini, mwimwi mataifa, hamwenga na atu a Mulungu." ¹¹Kisha, "Musifuni Bwana, nyinyi Mataifa; chila mumwenga amupe sifa."¹²Nabii Isaya naye wamba, "Muzi wa Jese undadza. iye adzaye kutawela mataifa; kahi ya iye, mataifa mvandakala na tumaini."¹³Sasa Mulungu wa tumaini na amvadzaze na furaha na amani kahi ya kuamini, ili kpwa nguvu za Roho Mtakatifu, namwi muishi kpwa tumaini tele.¹⁴Mimi mwenye, nina uhimizo kumvahusu, ndugu zangu. Nina uhimizo kukala hata mwimwi mutele udzo, udzodzela mafundisho. Nahimizika kukala mwaweza kujengana mwimwi kpwa mwimwi.¹⁵Ela namvandikira na ujasiri kuhusu mambo fulani ili kumvakumbusha keheri, kpwa sababu ya neema niriyo pewa ni Mulungu. ¹⁶Neema ii ni kpwamba nikale mutumishi wa Jesu Masihi ariye humwa kpwa mataifa, komboza here kuhani injili ya Mulungu, ili sadaka ya amataifa ikubalike, na kutakaswa ni Roho Mtakatifu.¹⁷Kahi za Jesu Masihi, nina sababu ya kudzidai kpwa huduma ya Mulungu. ¹⁸Kpwa kukala sindajeza kunena chochosi isihokala ambacho Masihi wechitimiza kuchirira kpwangu kpwa heshima ya mataifa. Gaga ni mambo gahendekago kpwa neno na chitendo, ¹⁹kpwa nguvu za ishara na miujiza, na kpwa nguvu za Roho wa Mulungu. Ii yekala ili kula Jerusalemu, na sehemu zosi zirizo kure hata Iliriko, nikale nindafisha injili ii ya Masihi.²⁰Kpwa hali ii, tamaniro rangu ni kuihubiri injili, ela si kpwenye Jesu wamanyikana kpwa dzina, ili sidze nikajenga nyumba dzulu ya musingi wa munzangu. ²¹here irivyo andikpwa: "Kpwa mvamvo mvario kamvapatire habari kumuhusu iye ariye kudza, mvandamona, na mvario kamvadza musikira, mvanda elewa."²²Kpwa vivyo bai, nezuiliwa mara nyinji sana nisimvafikire. ²³Ela sasa, sina nafasi keheri sehemu zizi, idzaho nidzitamani miaka minji kudza kpwenu.²⁴Natumai nindadza mvaona wakati nichikala nenenda Spania, munisaidie kahi za safari yangu kpwenda kuko, baada ya kusagela namwi kpwa muda. ²⁵Ela sasa nenenda Jerusalemu, kumvahumikira atakatifu a Mulungu.²⁶Kpwa yekala jambo ridzo kpwa atu a Makedonia na Akaya kuhenda mutsango fulani kpwa mvario anyonge kahi za atu atakatifu a Mulungu mvario Jerusalemu. ²⁷Ndio, yekala jambo ridzo, na yekala ni jukumu rao. Kpwa kukala kalaho amataifa mveshirikiana kahi ya mambo gao ga chiroho, indekala deni kpwa Ayahudi kumva hubiria na vitu virivyo mahitaji gao ga chimwiri.²⁸Kpwa vivyo, nindihokala nimarikiza kazi ii na nihakichisha mvahochera chila chitu, nindenda Spania na nindamva tsemberera wakati nenenda. ²⁹Namanya nindiho kudza kpwenu, nindadza na baraka zosi za Masihi.³⁰Sasa namvahimiza, ndugu, kpwa dzina ra Bwana Jesu Masihi, na kpwa henzo ra Roho, kukala mukale hamwenga nami kpwa mavoyo kpwa Mulungu kpwa niaba yangu. ³¹Voyani kukala niweze kuokolwa kula kpwa mvario kamvamuheshimu Juda, na kpwamba huduma yangu kpwa Jerusalemu ikubalike kpwa atakatifu a Mulungu. ³²Voyani kukala niweze kudza nichikala nina raha kpwa mahenzo ga Mulungu, na hamwenga namwi, hupate kuburudika.³³Mulungu wa amani, akale hamwenga namwi mosi. Amina.

Chapter 16

¹Namupha kpwenu kpwenu Fibi dada wehu ambaye ni mutumishi wa kanisa ambaro riko Kenkrea, ²Ili kpwamba muweze kumuhochera kahi za Bwana. Hendani vivi kahi za chiricho na thamani ga aumini na mweme hamwenga naye kahi za jambo rorosi andirokala na uhitaji naro. Maana iye mwenye adzikala muhudumu wa anji na kpwa ajili yangu mwenye.³Selamu kpwa Priscilla na Acquilla,ahenzi kazi hamwenga nami kahi za masihi Jesu, ⁴Ambao kpwa maisha gangu mvegahatarisha maisha gao enye. Naomboza shukurani kpwao na siiyo tu mimi, bali pia kpwa makanisa gosi ga mataifa. ⁵Rilamuse kanisa ambaro ri nyumbani kpwao. Mulamuse Epanieto muhenzwa wangu, ambaye ni muvyalwa wa kpwanza wa Masihi kahi ya Asia.⁶Mulamuse Mary, ambaye adzihenda kazi kpwa bidii kpwa ajili yehu. ⁷Nilamusira Androniko na Yunia, jamaa zangu, na afungwa hamwenga nami. Niamuhimu milongoni mwa mitume, ambao pia mvemutangulia kumumanya Masihi kabula yangu. ⁸Mulamuse Ampliato, muhenzwa wangu kahi za Bwana.⁹Mulamuseni Abanasi, mutumishi msena kahi za Masihi, na Sitakisi, muhenzwi. ¹⁰Mulamuseni Apelesi, ariye thibitishwa kahi za Masihi. Mvelamuseni mvario kahi za nyumba ya Aristobulo. ¹¹Mulamuseni Herodioni, jamaa yangu. Mvelamuseni mvario kahi za nyumba ya Narikisi, mvamwaminio Bwana.¹²Mulamuseni Trifena na Trifosa, atumishi kahi za Bwana. Mulamuseni Parsisi muhenzwi, adziye henda kazi sana kahi za Bwana. ¹³Mulamuseni Rufasi, mutsagulwa kahi za Bwana, na mameye na mame. ¹⁴Mulamuseni Asinikrito, Filegoni, Harme, Patroba, na Harmas na ndugu mvosi mvario hamwenga namvo.¹⁵Mvelamuseni Filologona na Julia, Nerea na nduguye wa chiche, na Olimpa, na osi atakatifu a Mulungu mvario hamwenga namvo. ¹⁶Lamusanani kpwa busu takatifu mwimwi kpwa mwimwi. Makanisa gosi ga Masihi, namvelamusa.¹⁷Sasa namvahimiza, ndugu, mukale makini kpwa mvamvo mvasababishao magaviko na vikpwazo chinyume na mafundisho mudzigo gapata. Dzitengeni namvo. ¹⁸Kpwa kukala atu dza mvamvo, kamvamuhumikira Bwana, Masihi, bali ndani zao. Kpwa maneno gao ga ulongo matamu, mvakenga nafsi zisizokala na hatia.¹⁹Khwa mufano wenu udzimvafikira chila mumwenga. Nafurahi, bai, dzulu yenu, ela namala mukale na hekima kahi ya mambo madzo, na mukale bila hatia kpwa garigo mai. ²⁰Iye Mulungu wa amani, karibuni andamusagasaga shetani tsini ya nyayoze. Neema ya Bwana Jesu Masihi ikale hamwenga namwi.²¹Timotheo, mutumishi musena, wamvelamusa, na Lukio, Jasoni, na Sosipata, jamii yangu. ²²Mimi, Tatio, nandikaye barua ii, namvelamusa kahi za Bwana.²³Gayo, mwenyeji wangu na kanisa zima, wamvelamusa. Erasto, mwwika hazina wa mudzi uu, naye wamvelamusa, hamwenga na kpwarto nduguye. ²⁴Neema ya Bwana wehu Jesu Masihi, ikale hamwenga namwi. Amina.²⁵Sasa kpwa iye ariye na uwezo wa kumvahenda mukale na nguvu, kulingana na injili yangu na mahubiri ga Jesu Masihi, kulingana na ufunulo ambao wekala ufitsika kpwa vizazi vinji muda mure ²⁶ela sasa udzifunulwa na kuhendwa iwazu kuchirira kpwa mandishi ga chinabii kpwa mataifa gosi, kpwa amuri ya Mulungu wa kare na kare, irehe heshima ya imani-²⁷kpwa iye Mulungu hacheye ariye na hekima, kuchirira kpwa Jesu Masihi, utukufu ukale kpwakpwe milele. Amina.

1 Corinthians

Chapter 1

¹Paulo, ariye ehewa ni Jesu Masihi kukukala Mutume kpwa uhenzo wa Mulungu, na Sosthene ndugu yehu, ²Kpwa kanisa ra Mulungu Korintho, kpwa mvara mvario mvadzikpwa wakfu kahi za Jesu Masihi, ambamvyo mve ehewa kukukala atu atakatifu. Hwamvandikira pia mvaratu mvosi mvaritiiro dzina ra Bwana wehu Jesu Masihi chila mvariho, ariye ni Bwana wao naswi pia. ³Neema na amani kula kpwa Mulungu ariye Paba yehu na Bwana Jesu Masihi ikale namwi.⁴Nelavya mumvera wangu chila wakati kpwa Mulungu wangu kpwa ajili yenu kpwa sababu ya neema ya Mulungu ariyo Jesu Masihi wemvapa. ⁵Adzimvahenda ashahakpwa chila njira, kpwa kunena kpwenu na maarifa gosi. ⁶kpwa jinsi iyo ambavyo ushuhuda wenu udzithibitishwa kukukala wa jeri kahi yenu.⁷Kpwa vivyo kamudza hungukirwa ni karama za chiroho kadiri mutarizavyo ufunulo wa Bwana wehu Jesu Masihi. ⁸Andamvonjeza nguvu pia paka mwisho, ili musikale na lawama siku ya Bwana wehu Jesu Masihi. ⁹Mulungu ni mwaminifu, iye ariye mweha mwimwimwi kahi za ushirika wa mwanawe, Jesu Masihi ariye Bwana wehu.¹⁰Sasa be namva himiza mwimwi, ndugu zangu, kuchiria kpwa dzina ra Bwana wehu Jesu Masihi, kpwamba nyosi mukubaliane kukukala kakunda kukala na migaviko kahi yenu. Namvasihi kpwamba muungane hamwenga kahi za akili mwenga na lengo mwenga. ¹¹Kpwa kukukala nidzi manyiswa kuhusiana namwi, ndugu zangu, ni atu a Kloe kpwamba kuna migaviko kahi yenu.¹²Namaanisha vivi: Chila mumwenga wenu waamba, "Mino ni wa Paulo," ama "Mino ni wa Apolo," ama "Mino ni wa Kefa," ama "Mino ni wa Masihi." ¹³Je yuno Masihi yugavika? Je Paulo wesulubiwa kpwa ajili yenu? Mwebatizwa kpwa dzina ra Paulo?¹⁴Nashukuru Mulungu kpwa kukukala sibatizire yoyosi kahi yenu, isihokukala Krispo na Gayo. ¹⁵Vivi vyekukala ili kahi yenu hasikale na yoyosi andiye amba webatizwa kpwa dzina rangu. ¹⁶(Nebatiza pia nyumba ya Sitefania. Zaidi ya haho, simanya chikala nebatiza munjine yoyosi.)¹⁷Kpwa kukukala Masihi kanihumire kubatiza ela kuhubiri injili-si kpwa luga ya hekima ya chidamu, ili muselaba wa Masihi usihunguzwe nguvu.¹⁸Kpwa kukukala ujumbe wa muselaba ni upuzi kpwa mva angamikao. Ela kpwa mvara mvaokokao, ni nguvu za Mulungu. ¹⁹Kpwa kukukala yeandikpwa, "Nindabananga hekima ya enye busara. Nindafitsa ufahamu kpwao mvario na akili.²⁰Yuhiko mutu ariye na busara? ahiko musomi? Ahiko mushawishi wa urimwengu uno? Je, Mulungu kagaluzire hekima ya urimwenguni kukukala ujinga? ²¹Hangu urimwengu na busaraye kaumumanyire Mulungu, Mulungu achiridhishwa ni kukola mvamwaminio kuchirira na ujinga wa kuhubiri.²²Kpwa kukukala Ayahudi nikutafuta ishara na miujiza na Ayunani mvakamala hekima. ²³Elafino hwahubiri kusulubishwa kpwa Masihi, iriyo ni upuzi kpwa Ayahudi na ujinga kpwa Ayunani.²⁴Ela kpwa mvara ambavo Mulungu wemvaeha, Ayahudi hamwenga na Ayunani, hwamuhubiri Masihi kukukala ndiye nguvu na hekima ya Mulungu. ²⁵Kpwa kukukala ujinga wa Mulungu ni busara bomu kuriko anadamu, na mapungufu ga Mulungu ni nguvu kuriko anadamu.²⁶Lolani sana mweho wenu, ndugu. Si anji enu mvario na busara chimwiri. Si anji enu mvario na nguvu. Si anji enu mvario vyalwa kpwa ubomu. ²⁷Ela Mulungu wetsagula vitu vya ujinga vya urimwenguni ili kumva aibisha mvadzonao na busara. Mulungu wetsagula virivyo vinyonge urimwenguni kuaibisha virivyo na nguvu.²⁸Mulungu wetsagula virivyo tsini na kudharauliwa urimwenguni. Achitsagula hata vira vitu vyonewavyo kukukala si chitu, ili aonyese kukukala vithaminiwavyo si chitu. ²⁹Wehenda vivi ili kusikale na mwanadamu yoyosi ariye umbwa mwiri wa nyama kudzenula mbereze.³⁰Kpwa sababu ya gago arigo henda Mulungu, Ndiho mu kahi za Jesu Masihi, ariyekudza kpwehu na hekima kula kpwa Mulungu. Wekudza kukala hachi kpwehu, utukufu na ukombozi. ³¹Kpwa hali iyo, here irivyo andikpwa, "Adzenulaye, na adzenule kahi za Bwana."

Chapter 2

¹Niriho kudza kpwenu ndugu, sidzire na ufasaha wa maneno wela hekima wakati navahubiria garigo ga sirini kuhusu Mulungu. ²Kpwa kukukala neamua mimi mwenye nisimanye chochosi niriho kukala hamwenga namwimwi isihokukala Jesu Masihi, na kusulubishwa kpwakpwe.³Nami nekukala hamwenga namwimwi kahi za mapungufu na woga na kutetemwa ni mwiri. ⁴Nao ujumbe wangu na ushuhuda wangu kaukalire na maneno ga ushawishi ga hekima, ela geandamana na mahendo ga Roho na ga nguvu, ⁵ili imani yenu isikale kahi za hekima ya adamu, ela ikale kahi za nguvu za Mulungu.⁶Sasa be hwanena kpwa hekima kahi ya atu vadzo komala, ela si hekima ya urimwengu uu, wela ya atawela a chizazi chichi, vario vachira. ⁷Bali, hwanena hekima ya Mulungu kahi za ujeri udzedzifitsa, hekima ya siri ariyo Mulungu weyika kabla ya vizazi kpwa utukufu kpwehu.⁸Kakuna kahi ya atawela a rika riri vario elewa, kpwaherekalaho veelewa, mvandekukala kamvamu sulubishire Bwana wa utukufu. ⁹Ela yeandikpwa, "Kakuna dzitso ririro wahi kona, wela sikiro ririro sikira, kakuna roho ra mudamu ririro ririkana chiratu Mulungu adzicho chipanga kpwa aratu mvamuhenzao"-¹⁰Kpwa kukukala Mulungu yudzika lwazu mambo gaga kpwehu kuchirira Roho. Kpwa kukukala Roho yatafuta chila chitu, hata garigo ga sirini kpwa Mulungu. ¹¹Kpwa kukukala amanyaye maaazo ga mudamu isihokukala iye roho ariye ndaniye? Vivyo, kakuna amanyaye mambo ga siri ga Mulungu isihokukala iye Roho wa Mulungu.¹²Ela kahumu hocherere roho wa urimwenguni ela Roho elaaye kpwa Mulungu, ili huweze kumanya vitu vyosi hurivyo pewa bule ni Mulungu. ¹³Hwanena kuhusu vivi vitu kpwa maneno ambago kahufundishirwe kpwa hekima ya adamu,ela Roho, atafusiriye mambo ga chiroho kpwa atu vario chiroho.¹⁴Mutu asiyekukala chiroho kahochera mambo gahusianago na Roho wa Mulungu, kpwa kukukala ni upuzi kpwakpwe. Kaweza kugaelewa kpwa kukukala gombozwa chiroho. ¹⁵Ariye chiroho, nikuweza kuhukumu mambo gosi ela iye kaweza kuhukumiwa ni anjine. ¹⁶"Kpwa kukala, nani awezaye kumanya maazo ga Bwana hata amwelekeze?"

Chapter 3

¹Nami, ndugu zangu, siwezere kunena namwimwi here atu murio chiroho, ela nenena namwimwi here atu murio na miri ya nyama, here ahoho atite kahi za Masihi. ²Nemvarisa mazia, si wari, kpwa kukukala mwekukala kamudza kukala tayari nawo; na hata vivi chisha kamudzakukala tayari.³Kpwa kukukala bado muchere chimwiri. Maana, hariho wivu na madzivuno vi kahi yenu, je kamuchere mwaishi kulingana na mwiri, na je kamwenenda chidamu? ⁴Kpwa kpwaheremutu achamba, "Mino ni wa Paulo," na munjine aambe, "Mino ni wa Apolo," je mwino kamu anadamu tu? ⁵Sasa yuno Apolo nani? Na Paulo nani? Atumishi tu, kuchirira kpwa iye mumwaminiye, here Bwana arivyo mvapa majukumu chila mumwenga wehu.⁶Mino nenyela, Apolo achimwagira madzi, ela Mulungu achikuza. ⁷Sasa be, kahana mumwenga wehu kahi ya ariye nyela wela ariye mwagira madzi ariye ni chochosi. Isihokukala Mulungu akuzaye.⁸Sasa, iye anyelaye na iye amwagiraye madzi ni amwenga, na chila mumwenga wehu andarihiwa kulingana na kaziye. ⁹Kpwa kukukala huahenzi kazi a Mulungu. Mwino mu uo munda, hekalu ra Mulungu.¹⁰Kulingana na neema ya Mulungu niriyopewa here mujenzi mukulu, neika musingi na munjine wendereza ujenzi. Ela chila mumwenga na akale makini kahi ya ujenziwe. ¹¹Kpwa kukukala kakuna awezaye kuika musingi zaidi ya uo urio ikpwa kare, yaani, Jesu Masihi.¹²Sasa bai, yoyosi andiyeika musingi na dhahabu, fedha, mawe ga thamani, mbao, mihi, nyasi ama makodza, ¹³kaziye indaonekana, kpwa kukukala sikuye indafika. Kpwa kukukala indadza onyeswa kahi za moho. Moho undathibitisha kazi iriyo chila mumwenga andakukala adzihendachikwa.¹⁴kukala kuna yoyosi kaziye indaema hata bada ya moho, andarihiwa; ¹⁵ela chikala kazi ya yoyosi indasha yosi, andenjira hasara, ela iye mwenye andaokolwa, here yuchizwa kahi za moho.¹⁶Kamumanya mwimwi mu hekalu ra Mulungu na Roho wa Mulungu waishi ndani yenu? ¹⁷Yoyosi andiye vunza hekalu ra Mulungu, Mulungu naye andamwangamiza mutu iye. Kpwa kukukala hekalu ra Mulungu ni takatifu, na ndivyo murivyo.¹⁸Mutu asidzikenge. Yoyosi adzifikiriaye kukukala na hekima kahi yenu, chizazi chichi, na akale "mujinga" ili akale na hekima. ¹⁹Kpwa kukukala hekima ya urimwengu uu ni ujinga kpwa Mulungu. kpwa here yeandikpwa, "Nikumvagwira elachu kahi za ujanja wao." ²⁰Na pia, "Bwana wamanya kukukala maazo ga enye busara ni ubatili."²¹Kpwa sababu ii, mutu asidzivune mbere ya anadamu. Gosi ni genu, ²²chikala ni Paulo, ama ni Apolo, ama Kaifa, ama urimwengu, ama maisha, ama chifo, ama vitu virivyoko, ama vitu vindokudza. Vyosi ni vyenu, ²³namwimwi mu a Masihi, na Masihi ni wa Mulungu.

Chapter 4

¹kpwa vivyo hutalwe here atumishi a Masihi na mawakili a ujeri wa Mulungu. ²Sasa, kahi ya riri, chihenzwacho kpwa mawakili ni kpwamba mvakale aminifu.³Ela chivyangu, ni utu utite sana kpwamba nihukumiwe ni mwimwimwi ama kahi za mahakama ga chibinadamu. kpwahere hata mimi mwenye chisha sidzihukumu. ⁴Simanya kosa rorosi niriro shitakiwa naro, ela riro karinihenda nikale muswafi. Anihukumuye mimi ni Bwana.⁵kpwa vivyo, musihukumuni kabila wakati kufika, kabla Bwana kudza. Iye andaika kahi za mulangaza gosi garigo chizani na kuika helamu matarajio genu ga mioyoni. Helafu chila mumwenga andahochera sifa kula kpwa Mulungu.⁶Sasa, ndugu, nehumira njira zizi kpwangu na Apolo kpwa ajili yenu, ili kuchirira kpwehu mundemanya kpwahereya musemo wambao, "Musende zaidi ya maandiko." ⁷Kpwa kukala, nani aonaye tafauti yenu na anjine? Ni noni muricho nacho ambacho kamu pewerwe? Be chikala mwepewa, mbona mudzivune here kukukala kamuhendere kupewa?⁸Vivi kare muna chila chitu ambacho mwechimala! Kare mutajirika! Mukpwatya kutawela-na kpwamba mwamiliki vinji zaidi yehu! Jeri namala mumiliki ili naswi humilikihalali namwi. ⁹Kpwa kukukala nafikiri Mulungu wehuhenda kukukala mitume honekane kahi za musitari wa mwisho, here mulolongo wa atu vadzio hukumiwa chifo. Hudzikukala here tamasha urimwenguni- kpwa malaika na hata anadamu.¹⁰Hudzikukala ajinga kpwa sababu ya Masihi, ela mwimwi muelachu kahi za Masihi. Huanyonge, ela mwimwi muna nguvu. Mwaheshimika elafino hwadharaulika. ¹¹Mipaka dakika ii, huna nzela na chihu, kahuna nguo, hwapigwa, na kahuna makalo.¹²Hwahenda kazi ngumu, kazi huzihendazo kpwa mikono yehu enye. Huchidharauliwa,fino hwabariki. Huteswaho,fino hwavumirira. ¹³Huchidharauliwa,fino nikunena kpwa huruma. Hudzigaluka kukukala kudzikahalwa a dunia na uchafu kpwa mambo gosi hata wakati uu.¹⁴Sandika maneno gaga ili kumvagwizya haya, ela kumva onya here anangu ahenzwa. ¹⁵Kpwa kukukala hata ukale na emerezi elfu kumi mbere za Masihi, kuna paba anji. Kpwa kukukala nekudza nichikala Paba yenu kahi za Jesu Masihi kuchirira injili. ¹⁶Kpwa vivyo namvamvoya munege mimi.¹⁷Dosa kpwaherenichimva humira Timotheo, mwanangu nimuhenzaye ariye mwaminifu kahi za Bwana. Andamva kumbukizo njira zangu kahi za Masihi, here nifundishavyo chila hatu na kpwa chila kanisa. ¹⁸Sasa, anjine enu mvadzisifu here kpwamba sindamvafikira.¹⁹Ela nindamvafikira karibuni, Bwana achihenza. Haho ndiho nindamanya si kpwa maneno tu ga mvamvo mvadzilikao, ela hata nguvu zao. ²⁰Kpwa kukukala ufalume wa Mulungu kawonekana kahi za maneno tu ela kpwa nguvu. ²¹Mwahenzadze? Nidze na fimbo ama nidze na uhenzo na roho ya upore?

Chapter 5

¹Hudzipata habari kukukala kuna uzinifu kahi yenu, kosa ambaro hata kahi ya mvasio amini chisha kamvarikubali: Mutu be kuzinga na mesomoye! ²chisha mutu kudzilika! Badela ya kusononeka. Mutu dza ye kahenzekana auswe kahi yenu?³Kpwa kukukala idzaho sihehi namwimwi chimwiri ela chiroho huhosini. Nidzichiza kare hukumu kpwa mutu iye ariye gahenda gago here nihaho mimi mwenye. ⁴Chila wakati muchikusanyika kahi za ibada kpwa dzina ra Bwana Jesu nami nihamwenga namwimwi chiroho, na nguvu za Bwana wehu Jesu zikahi yenu, ⁵mombozeni mutu yuyu kpwa shetani mwiriwe ubanangwe ili rohoye yokolwe siku ya Bwana.⁶Madzivuno genu si madzo. Je kamumanya kukukala tsatsu chache tu nikpwevisha mukahe muzima? ⁷Dzisafisheni kahi ya tsatsu ya kapindi ili mukale donje risha ra ngano, risoro na tsatsu, here murivyo. Kpwa kukukala Masihi, ariye ng'onzi wa pasaka, adzombozwa sadaka. ⁸Vivyo be, nahusherekeeni, si kpwa tsatsu iyo ya kapindi, tsatsu ya tabia mbii na movu. Bali, nahusherekeeni na mukahe usoenjizwa tsatsu ya waminifu na ujeri.⁹Nemvandikira kahi ya barua yangu mudzishiriki na atu azinzi. ¹⁰Saminishire chivyovyosi azinzi a urimwengu uu, ama elafi, ama anyang.anyi, ama a-abudu sanamu, kpwani kukukala kure namvo indamvelazimu kombola urimwenguni.¹¹Ela vivi namvaandikira kukukala musidzi tsanganye na mutu yoyosi ehewaye ndugu aishiye kpwa zinaa, ariye ni mulafi, ama mwabudu sanamu, ama ariye na maneno ga purupuru, ama murevi, ama munyang'anyi. Hata kurya, musirye naye mutu dza iye. ¹²Kpwani mino nahusikanadze na hukumu ya atu mvario konze ya kanisa? Kpwani, kamuhenzekana muhukumu mvario kanisani? ¹³Ela Mulungu wahukumu mvario konze ya kanisa. "Mombozeni mutu mui kahi yenu."

Chapter 6

¹Mumwenga wenu achikala na tatizo na munjine, je nikureha mashitaka kpwa mvasio atakatifu, si atu atakatifu a Mulungu? ²Kamumanya kukukala atakatifu a Mulungu ndimvo mvandehukumu urimwengu? Ichikala be mundahukumu urimwengu, je kamuweza kurekebisha mambo matite? ³Kamumanya kukukala hundahukumu malaika? Ni mangahi be ambago hwaweza kugarekebisha maishani?⁴Ichikala be mwamalikana kuhukumu mambo ga maisha gano, mbona be mwavarichira arimwengu kuhukumu ambavo kavana nafasi kanisani? ⁵Namvambira gaga kpwa aibu yenu enye. Kakuna ta mumwenga wenu awezaye kusuluhisha shida kahi ya ndugu airi? ⁶Ela ndugu mumwenga wadza shitaki munziwe-mbere ya mvaso amini!⁷Riro ra kukukala mwashitakiana mwimwimwi kpwa mwimwimwi mbere ya a mataifa kare ridzivahenda monekane mushindwa. Mbona be musiamue kare kuteseka? Mbona musikuela kare kukengwa? ⁸Ela mwimwimwi enye kare mwahenda gago makosa na mwakenga, chisha mwagahenda gaga kpwa ndugu anzenu!⁹Kamumanya mwimwi kukukala mvaso atakatifu kamvanda urithi ufalume wa Mulungu? Musikengweni: si azinzi, si a-abudu sanamu, si afiraji, ¹⁰si evi, si elafi, si arevi, si anyang'anyi, si afyozi kamvanda urithi ufalume wa Mulungu. ¹¹Vivyo ndo anjine enu mvarivyo kala. Ela mudzitakaswa, na mudzikukala enye hachi kahi za dzina ra Jesu Masihi na Roho wa Mulungu wehu.¹²"Chila chitu chi helali kpwangu," ela si chila chitu chiricho cha faida. "Chila chitu chi helali kpwangu," ela sindalongozwa ni chochosi kahi ye. ¹³"Chakurya ni cha tumbo, na tumbo ni ya chakurya." ela Mulungu andavyangamiza vyosi. Mwiri wa mudamu kawu umbirwe kpwa ajili ya zinaa. Bali, mwiri ni wa Bwana, na Bwana andau shuhulikira.¹⁴Mulungu ndiye ariye mwenula Bwana, naye andahwenula kpwa nguvuze. ¹⁵Je, kamumanya miiri yenu ni sehemu ya vilungo vya Masihi? Nihalali be nichiunganisha vilungo vya Masihi na kahaba? Navisikale vivyo!¹⁶Kamumanya mwimwi kukukala adzeunganishwa na Kahaba yukukala mwiri mumwenga naye? Here neno rambavyo, "mvavo eri vandakukala mwiri mumwenga." ¹⁷Ela iye aunganishwaye na Bwana wakukala roho mwenga naye.¹⁸Chimbirani zinaa! dambi yoyosi aihendayo mudamu i nze ya mwiri, ela mutu aziniye wahenda dambi na mwiriwe mwenye.¹⁹Je kamumanya kukukala miiri yenu ni hekalu ra Roho Mtakatifu, aishiye ndani yenu, muriye pewa ni Mulungu? Kamumanya kukukala si mwimwimwi muishio? ²⁰Kpwa kukukala mwegula kpwa garama. Kpwa vivyo, mulukeni Mulungu na miiri yenu na roho zenu, mvosi ni vya Mulungu.

Chapter 7

¹Sasa, kuhusiana na gaga mambo murigonandikira: "Ni vidzo kpwa mwana mulume asilale na mwanamuche," ²Ela kpwa kukukala kuna majezo ga uzinzi, chila mwana mulume na akale na muchewe, na chila mwanamuche akale na mulumewe.³Mulume ana jukumu ra kumutosheleza muchewe, dza vivyo, muche naye amutosheleze mulumewe. ⁴Muche kana mamulaka dzulu ya mwiriwe, ni mulumewe ariye nago. Hali iyo pia, mulume kana mamulaka dzulu ya mwiriwe isihokukala muchewe.⁵Musikahazane hachi iyo, isihokukala kpwa makubaliano kpwa muda fulani. Hendani vivi ili pia mukale na wakati wa mavoyo. chisha baadaye muuyirane, ili shetani asimvenjize majezoni kpwa udhaifu wa miri yenu. ⁶Ela namvambira gaga mugahende kpwa hiari si kumva amuru mugahende. ⁷Natamani chila mumwenga wenu andekukala dza mimi. Ela chila mutu ana chipawache kula kpwa Mulungu. Mumwenga ana chipawa chino, munjine ana chira.⁸Kpwa mvasiokukala kahi za ndoa na magungu, namvamba ni tototo chikala mvandesela bila kpwenjira kahi za ndoa, here mimi. ⁹Ela chikala kamvaweza kudzirinda, be namvahale. Kpwa kukukala ni tototo kpwao kuhela kuriko mwaka tamaa.¹⁰Kpwa mvario kahi za ndoa namvapa amuri ii-si mimi, ela ni Bwana-muche asitengane na mulumewe ¹¹(ela achidzitenga na mulumewe, be asale bila kuhalwa sevyo auyire mulumewe), na mulume naye asimutaliki muchewe.¹²Ela kpwa anjine namvambara,Mimi, Bwana kpwamba chikala ndugu ana muche asiyekukala muumini, na achikala iye mwenye adziridhiya kuishi naye, be asimuriche. ¹³chikala muche naye ana mulume asiyekukala muumini, na adziridhiya kuishi naye, be asimuriche. ¹⁴Kpwa kukukala iye mulume asiyekukala muumini adzitengwa kpwa ajili ya muchewe, na muche naye dza vivyo atengwa kpwa ajili ya mulumewe. chikala si vivyo be ana enu mvandekukala achafu, ela ao namvo mvatengwa.¹⁵Ela ichikala iye asiye amini yurichana na munziwe, be naende. Kpwa hali dza zizo, iye ndugu na iye dada kamvafungika kpwa viraho vyao vya ndoa, Mulungu wahumala huishi kpwa amani. ¹⁶kpwaherewamanyadze, muche kukukala undamokola mulumeo? Ama wamanyadze, mulume kukala undamokola mucheo?¹⁷Hata vivyo, here Bwana arivyo hupa chila mumwenga wehu sehemuye, chila mumwenga na enende here Mulungu arivyo muamuru. Ii ni amuri yangu kpwa makanisa gosi. ¹⁸Je kunaye ariye hinwa ariho amini? Be na asidzihende here kadza hinwa. Je kunaye ariye kagwagirwetsi ariho enjira kahi za imani, be na asigwagwetsi. ¹⁹Kpwa kala si kuhinwa kujalishako. Ela chikala mumwenga atue amuri za Mulungu.²⁰Chila mumwenga na asale vyo arivyo chikala Mulungu ariho mweha ili akale muumini. ²¹Je wekukala umutumwa uriho okolwa? Gasikuhusu. Ela kukala waweza ukakukala huru, be humirato nafasi iyo. ²²Kpwa kukukala mutu ehewaye ni Bwana here mutumwa be yuhuru kpwa Bwana. Hali iyo, ariye kukala yu huru, yugaluka kukukala mutumwa wa Masihi. ²³Mwegulwa kpwa garama, kpwa vivyo musuye kukukala atumwa a anadamu. ²⁴Ndugu yoyosi, kpwa hali yoyosi ariyokukala ariho okoka, chila mumwenga na asale vivyo kpwa Mulungu.²⁵Sasa kuhusiana na anamwali, sina amuri yoyosi kula kpwa Mulungu. Ela namvapa maazo gangu, here mutu ariye kpwa huruma za Bwana, ni mwaminifu. ²⁶Kpwa vivyo bai, nafikiria kpwa sababu ya janga ridzaro, ni vidzo kpwa chila mutu kusela vyo arivyo.²⁷Je, ufungika kpwa muche? Usimutaliki. kukala kudzahela, be usimale muche. ²⁸Ela uchamua kuhela, kudzawaweveku dambi, na mwanamwali achenjira kahi za ndoa, kadzahenda dambi. Ela mvenjirao kahi za ndoa mvandakukala na tabu nyinji za chimwiri, nami namala kumvatenga na tabu zizo.²⁹Ela riri namvambira ndugu zangu: wakati ni muchache muno. Kula rero, namvavoya mvariohela mvaishi dzakpwamba kavahalire kamare. ³⁰Mvarirao, mvaishi here kamvarira, na mvasherekeao here kamva kahi za sherehe, na mvagulao dza kpwamba kamvana chitu kamare, ³¹na mvario mvahumira urimwengu dza kpwamba mvaihumira yosi. Kpwa kukukala urimwengu urivyo vivi sasa, wenda mwisho.³²Namala mukale huru na maaazo. Mutu asiye na muche wajali mambo ga Bwana hacheye, andamuridhishadze. ³³Ela ariye kahi za ndoa, waaza mambo ga urimwengu, andahendadze ta amuridhishe muchewe- ³⁴mawazoge gagavika. Muche asiye na mulume ama mwanamwali wajali mambo ga Bwana, andahendadze asikale na mwiri wa kawaida na chiroho. Ela ariye halwa, waaza mambo ga urimwengu uu, andahendadze hata amuridhishe mulumewe.³⁵Namvambira gaga kpwa faida yenu enye, wela si kumva fungira. Namvambira gaga kpwa ni ga ujeri na sawa, ili mudzomboze kpwa Bwana bila kuyugika.³⁶Ela chikala mumwenga wenu achidzihisi kukukala kamuheshimu mwanamwali we- na avuka umuri wa kuhalwa na ni ikale vivyo- be na ahende ahenzavyo. Kahenda dambi. Namvahelane. ³⁷Ela chikala yudzema imara kahi za rohoni mwakpwe, wela kana uhimizo waweza kudzikanya mwiriwe, na adziamua rohoni mwakpwe kuhenda gago, kusela na uana waliwe, indakukala ni vidzo wahendato. ³⁸Kpwa vivyo mutu ahelaye mwanamwaliwe wahendato, na aamuaye kutsahela wahendato zaidi.³⁹Mwanamuche yuchifungoni kpwa mulumewe aishiho. Ela mulumewe achifa, yu huru kuhalwa ni yoyosi amuhenzaye, ela kahi za Bwana. ⁴⁰Ela kpwa maazo gangu, andekukala na raha zaidi achiishi here arivyo. Na nafikiri nina Roho wa Mulungu.

Chapter 8

¹Kuhusu vyakurya vya kulaviwa sadaka kpwa koma: hwamanya kukukala hosi huna ufahamu. Ufahamu wa madzivuno, ela henzo rajenga. ²Chikala kunaye afikiriaye jambo, iye mutu kadzangwekumanya here ahenzekanavyo kumanya. ³Ela chikala kunaye amuhenzaye Mulungu, be iye Mulungu wamumanya.⁴Kpwa vivyo bai, kuhusiana na maryadzi ga vyakurya vya koma, hosi hwamanya kukukala chizuka urimwengu uu si chitu na kakuna Mulungu munjine isihokukala iye mumwenga. ⁵Kpwa kukukala hata kundekukala na milungu, kuko Mulunguni ama duniani (here kurivyo na milungu minji na mabwana anji), ⁶isihokukala kpwehu Mulungu ni mumwenga tu, Mulungu Paba, ariye chila chitu chela kpwakpwe na ndiho huchipata uzima, na mwanawe Bwana wehu Jesu Masihi, kuchirira kpwakpwe chila chitu china uzima, na kuchirira kpwakpwe hosi hwapata uzima.⁷Idzaho, elimu ii si ya chila mutu. Anjine ho hulaho mveabudu milungu, kpwavivyo varya chakurya chichi dzahere kpwamba chilaviwa sadaka kpwa koma. Nafsi yao be idzenjira najisi kpwa kukukala nianyonge.⁸Ela chakurya kachindahufisha mbere za Mulungu. Kahuna hali mbifu zaidi chikala kahurirye wela kahukukala tototo kukala hudzichirya. ⁹Ela chikala makini uhuruo usikale chisingwa cha munzio ariye munyonge chi imani kpwenjira dambini. ¹⁰Kpwa kukala, je, mutu achikona, uwe uriye na elimu ii, uchirya kahi za hekalu ra milungu, je ye kahi za unyongewe chi imani kandarya cho chidzicho lavywa sadaka kpwa milungu?¹¹Kpwa kukala ya kpwelewa kpwenu, kuhusu ujeri wa milungu, mvario anyonge chi imani, ndugu ariye Jesu Masihi wefa kpwa ajiliye, wabanangika. ¹²Kpwa vivyo, uchihenda dambi kpwa nduguyo, na uchimudhuru imani ya kpwakpwe, udzihenda dambi kpwa Masihi. ¹³Kpwa vivyo, chikala chakurya chindamusababisha ndugu yangu kuuya nyuma chi imani, be sindachirya keheri, ili nisimusababishere ndugu yangu kuuya nyuma.

Chapter 9

¹Je, mino sihuru? Je, mino si Mutume? Je, mino sidzamona Bwana wehu Jesu? mwimwi kamu kahi za kazi yangu niroihenda kahi za Bwana? ²Hata kukala mimi sionekana Mutume kpwa anjine, kpwenu mwimwimwi ni Mutume. Kpwa kukukala mwimwimwi mukukala muhuri wa kazi yangu kahi za Bwana.³Ii ndiyo shuhuda yangu kahi za ashitaki angu: ⁴Je, kahuna hachi ya kurya na kunwa? ⁵Je kahuna hachi ya kuhela muche a-amminiye here Mitume anjine, na ndugu anjine kahi za Bwana, na Kefa? ⁶Ama, ni mino na Barinaba kahuna hachi kuhenda kazi sokoni?⁷Nani ahendaye kazi here shikari bule? Nani anyelaye mizabibu ela asirye matundage? Ama nani arisaye mifugoye ela asinwe maziyage? ⁸Ela, nanena maneno gano kpwa mamulaka ga chidamu? Je, sheria kaiganena gano?⁹Kpwa kukukala yeandikpwa kahi za sheria za Musa, "Usimufunge ng'ombe mulomo, avavuraho nafaka." Je, ni ng'ombe hacheye Mulungu avajalio? ¹⁰Je, kanena kuhuhusu? Hweandikirwa, ili iye arimaye, arime na matumaini, na ye avavuraye, be avavure kpwa matumaini ga kushiriki kahi ya mavuno. ¹¹Ichikala hwenyela vitu vya chiroho kahi yenu, je, si hachi yehu kuvuna vitu vya chimwiri kpwenu?¹²Ichikala anjine veihumira hachi iyo kpwenu, jefino si zaidi? Elafino kahu imalire hachi iyo. Isihokala, hwevumirira chila chitu ili husikale chikpwazo kpwa injili ya Masihi. ¹³Kamudza manya mwino kukukala mvahendao kazi ya Mulungu ni varye nyumbani mwa Mulungu? Kamudza manya kukukala mvahumikirao madhabahu mvarya virehewavyo kpwenye madhabahu? ¹⁴Kpwa njira iyo, Bwana weamuru mvosi vahubirio injili mvapate uzima wao kahi za iyo injili.¹⁵Ela mino sidza lelama kuhusu hachi iyo. Wela sandika maneno gaga ili munihendere chochosi. Indekukala baha nife kuriko nidzivune bule! ¹⁶Kpwa kukukala nahubiri injili, be sina hachi ya kudzivuna, kpwa kukukala ni lazima nihende vivi. Na, ole wangu ichikala siihubiri injili!¹⁷Kpwa kukukala ichikala gaga nagahenda kuhenza, be nina mariho. Ela kukala sigahenda gaga kuhenza, bado nichere nina jukumu niriro pewa. ¹⁸Be mariho gangu ni noni? Mariho gangu ni kpwamba ; nichihubiri, nieneze injili bila mariho na pia nisihumire hachi zangu zosi kahi za iyo injili.¹⁹Kpwa kukukala idzaho ni huru kahi ya gosi, nekukala mutumwa wa mvosi, ili nivune anji zaidi. ²⁰Kpwa Ayahudi, nekukala Muyahudi ili niavune Ayahudi. Kpwa mvariokukala tsini ya sheria, nedzika tsini ya sheria nami, ili niavune mvario tsini ya sheria. Nehenda vivi idzaho mimi mwenye sikalire tsini ya sheria.²¹Kpwa mvario kukala nze ya sheria, nami nekukala here mumwenga wa mvasio tsini ya sheria, idzaho sikalire nze ya sheria ya Mulungu mimi mwenye, ela tsini ya sheria ya Masihi. Nehenda vivi ili niavune mvario nze ya sheria. ²²Kpwa anyonge nekukala munyonge, ili niavune anyonge. Nidzikukala chila chitu kpwa mvosi, ili niweze kuokola anji. ²³Nagahenda gosi kpwa ajili ya injili, ili nami nikale mushirika wa barakaze.²⁴Kamudza manya mwimwi kukukala kahi za malo, mvosi nikwinga malo, ela ni mumwenga tu ahocheraye tuzo? Sasa, ingani malo ga kushinda tuzo. ²⁵Chila mushirika wa malo gago nikudziudhi kahi ya mambo gosi. Mvamvo nikuhenda gago kpwa ajili ya kuhochera tuzo ibanangikayo, elafino hwahenda gago ili kuhochera tuzo isiyo banangika. ²⁶Kpwa vivyo vivi ndivyo niingavyo malo, nainga malo na matazamio; vivi ndivyo nipiganavyo, si here sina matumaini gogosi. ²⁷Ela naulavya mwiri wangu na kuuhenda utumwa, ili baada ya kuhubiria anjine, mimi nami nisitengwe.

Chapter 10

¹Senzi mukose ufahamu, ndugu, kukukala paba zehu osi mvekukala tsini ya ingu na mvachirira baharini. ²Mvosi mvebatizwa kukukala a Musa kahi za ingu na bahari, ³na mvosi mvachirya chakurya chimwenga cha chiroho. ⁴Mvosi mvachinwa chinwadzi chimwenga cha chiroho. Kpwa kukukala mvosi mvenwa kula kpwa iwe mwenga ra chiroho ririro mvatua, na iwe riro ni Masihi.⁵Ela Mulungu kakalire radhi na anji ao, na miiri yao yetawanyika matsakani. ⁶Sasa gaga yekukala ni mifano yehu, ili husikale atu a kutamani mambo ga chimwiri here mvarivyo gatamani ao.⁷Musikale atu a kuabudu milungu, here anjine ao mvarivyokala. Ii ni here irivyo andikpwa, "Ao atu mvesagela mvachirya na kunwa, na mvachilamuka kusasiga." ⁸Nahusidzihusishe na zinaa, here anji ao mvarivyo kala. Kpwa siku mwenga, atu elifu mirongo miiri na tahu mvefa kpwa sababu ya zinaa.⁹Wela husimwike Masihi kahi ya majezo, here anji ao mvemujeza mvachifa kpwa nyoka. ¹⁰chisha musi nung'unike, here anji ao mvarivyo nung'unika nao mvacholagwa ni malaika wa chifo.¹¹Sasa mambo gaga mvehenderwa here mifano kpwehu. Geandikpwa here amuri kpwehu-sisi hurio mwisho wa vivyazi ufika. ¹²Kpwa vivyo, chila mumwenga wenu adzifikiriaye kukukala wemire, na akale makini asigwe. ¹³Kakuna majezo gandzigo mushinda garigo anjine kavadza gachirira. Bali, Mulungu ni mwaminifu. Kandamvaricha mujezwe zaidi ya uwezo wenu. Kahi ya gago majezo, andamvombozera njira ya kugashinda, ili muweze kuga vumirira.¹⁴Kpwa vivyo be ahenzwi, dzitengeni kure sana na kuabudu milungu. ¹⁵Nanena namwimwi here atu murio na ufahamu, ili muweze kukata shauri kpwa go nimvambirago. ¹⁶Chikombe chicho cha baraka ambacho hwamva bariki nacho, je, si kushiriki kahi za mulatso wa Masihi? Mukahe huryao, je si ushirika wa mwiri wa Masihi? ¹⁷Kpwa kukukala kuna mukahe mumwenga tu, sisi hurio anji hu mwiri mumwenga. Na hwahumira mukahe mumwenga hosi kpwa hamwenga.¹⁸Hebu mvaloleni atu a Israeli mvaishio chimwiri. Mvara mvaryao vyakurya vya najisi, je si ashirika kahi za madhabahu? ¹⁹Nambadze be? Kukukala chizuka ni chitu cha maana? Ama chakurya cha sadaka za milungunsi chitu cha maana?²⁰Hata bule. Ela namvambira kukukala vivyo vitu mvavilavyavyo sadaka, mvavilavya kpwa kpwa pepo wela si Mulungu. Nisindehenza mwimwimwi mukale ashirika na mapepo. ²¹Kamuweza kunwa chikombe cha Bwana na chikombe cha mashetani. Kamuweza kushiriki kahi za meza ya Bwana na meza ya mapepo. ²²Ama hwamwenziza koro Bwana kpwa wivu? Je, huna nguvu kumuriko?²³"Chila chitu china sheria," ela si chila chitu chiricho na faida. "Chila chitu china sheria," ela si chila chitu chijengacho atu. ²⁴Mutu asimale madzo kpwakpwe. ela, chila mumwenga amumalire munziwe madzo.²⁵Aryani chila chitu chikuzwacho sokoni ela kudadisi kpwa ajili ya hisia. ²⁶Kpwa kukukala "Urimwengu wosi ni wa Bwana, na vyosi virivyomo." ²⁷Ichikala asiye amini andakpwalika ukarye, na uradhi wenende, karye chochosi chindicho rehewa bila kudadisi, kpwa ajili ya hisia.²⁸Ela mutu achikpwamba, "Chakurya chichi ikukala ni sadaka kpwa milungu," be usichirye. Kpwa ajili ya iye adziye kpwambira, na hisia za kpwako- ²⁹hisia ya munjine, namaanisha, wela sio yako. Maana, uhuru wangu kpwa noni bee usutwe ni hisia za munjine? ³⁰Nichirya chakurya na mumvera, mbona nihukanwe kpwa chicho niricho na mumvera?³¹Kpwa vivyo, murye ama munwe, na gosi muhendago, gahendeni kpwa utukufu wa Mulungu. ³²Ishini kpwa ukamilifu bila lawama kpwa Ayahudi na Ayunani, na kpwa kanisa rosi ra Mulungu. ³³Kpwa hali iyo, najeza sana kuishito na atu kpwa njira zosi. Sitafuta faida kpwangu, ela kpwa anji. Nahenda vivi ili mvapate kuokolwa.

Chapter 11

¹Negani mimi, here mimi nimwegavyo Masihi. ²Vivi navalika kpwa kukukala mwanikumbuka kpwa chila chitu. Namvalika kpwa kukukala mugwirira mienendo niriyo vapa. ³Sasa namala mwelewe kukukala Masihi ndiye chitswa kpwa chila mutu, na Mulume ndiye chitswa kpwa mwanamuche, na kpwamba Mulungu ndiye chitswa kpwa Masihi. ⁴Yoyosi avoyaye ama atabiriye kuno chitswa yuchifunika kaheshimu chitswache.⁵Ela mwanamuche yoyosi andiye tabiri na chitswa wazi kaheshimu chitswache. kpwahereni here chitswache chenyolwa. ⁶Kpwa kukukala ichikala mwanamuche kandafunga chitswache, be na akate nyereze pia zikale fuhi. Na ichikala ni aibu kpwa mwanamuche kukata nyereze, be na aziye chitswache.⁷Mwana mulume kahenzekana afunge chitswache, kpwa kukukala ndiye uso wa utukufu wa Mulungu. Ela mwanamuche ni utukufu wa Mwanamulume. ⁸Kpwa kukukala mwanamulume kaumbirwe kula kpwa mwanamuche. Isihokala, mwanamuche weumbwa kula kpwa mwana mulume.⁹Kpwa kukukala si mwanamulume ariye umbwa kpwa mwanamuche, ela ni mwanamuche ariye umbwa kpwa mwanamulume. ¹⁰Iyo ndio sababu mwanamuche ni akale na ishara ya mamlaka dzulu ya chitswache, kpwa sababu ya malaika.¹¹Hata vivyo, kahi za Bwana, mwanamuche wakuluhira mulume, here mwanamulume akuluhiravyo mwanamuche. ¹²Kpwa kukukala here vyo mwanamuche arivyo laa kpwa mwanamulume, kpwa hali iyo, mwanamulume naye welaa kpwa mwanamuche. Na vitu vyosi vila kpwa Mulungu.¹³Dzuzeni enye: Nihalali kpwa mwanamuche kuvoya Mulungu chitswa chi wazi? ¹⁴Je, hali halisi kaimvafundisha kukukala ichikala mwanamulume ana nyere nyire, si heshima kpwakpwe? ¹⁵Hali halisi kaimva fundisha kukukala ichikala mwanamuche achikala na nyere nyire, ni utukufu kpwakpwe? Kpwa kukukala nyere wepewa nyire kumuzulia chitswa. ¹⁶Ela kukala mutu yoyosi wamala kudadisi gaga, be kahuna tamaduni zinjine, wela hata makanisa ga Mulungu.¹⁷Ela kpwa maelezo gaga, sivalika. Kpwa kukukala muchikusanyana hamwenga, si kpwa madzo ela mai. ¹⁸Kpwa kukukala hangu mosi, nasikira kukukala muchikusanyana kanisani, mudzigavika kahi yenu, na kpwa sehemu, naga amini gago. ¹⁹Kpwa kukukala ni lazima kukale na kutsa kpwelewana kahi yenu, ili mvo akubalika mvaweze konekana wazi kahi yenu.²⁰Kpwa kukukala mukusanyikaho hamwenga, si meza ya Bwana muiryayo. ²¹Muchirya, chila mumwenga wenu wahumira chakuryache kabla ya anjine. Mumwenga ana nzela, munjine naye wakukala murevi. ²²Kpwani kamuna nyumba zenu ambamo mwaweza mukarya na kunwa? Je, mwadharau kanisa ra Mulungu na kumvadharau mvasio navyo? Nimvambedze sasa? Nimvalike? Sindamvalika kpwa gaga.²³Kpwa kukukala nehochera kula kpwa Bwana cho niricho mvapa mwimwi, kpwamba Bwana Jesu, usiku uwo ariwo salitiwa, wehela mukahe. ²⁴Baada ya kulavya mumvera, achiugavya chisha achamba, "Uu ni mwiri wangu, kpwenu. Hendani vivi kpwa ukumbusho wangu."²⁵Kpwa riri iyo, achihela chikombe baada ya chakurya cha dzulo, achamba, "Chikombe chichi ni kpwa ajili ya makubaliano masha mulatsoni mwangu. Hendani vivi chila wakati muhumiraho chikombe chichi, kpwa ukumbusho wangu." ²⁶Kpwa kukukala wakati wosi muryaho mukahe uu na kunwa chikombe chichi, mwachitanganza chifo cha Bwana mpaka andiho uya.²⁷Mutu yoyosi be, aryaye mukahe uu ama kunwa chikombe cha Bwana kpwa hali isiyo sitahili andahukumiwa ni uwo mwiri na mulatso wa Bwana. ²⁸Mutu na adzi chunguze kpwanza, na jinsi arivyo, na ahumire mukahe na chikombe cha Bwana. ²⁹Kpwa kukukala iye aryaye na kunwa bila kudzichunguza be warya na kunwa hukumuye mwenye. ³⁰Ndio sababu anji enu muanyonge na akongo, na anjine kufa.³¹Ela huchidzi chunguza, kahunda hukumiwa. ³²Ela huchi hukumiwa ni Bwana, hudzi ikpwa sawa, ili husi hukumiwehalali na urimwengu.³³Kpwa vivyo, ndugu zangu, muchikusanyana kpwa ajili ya kurya, ngojanani. ³⁴Ichikala kuna mumwenga wenu ana nzela, na arye kpwakpwe nyumbani, ili muchikusanyana kamundenjira hukumuni. Na kuhusu mambo manjine murigo nandikira, nindamvapa maelezo ho nindiho kudza.

Chapter 12

¹Kuhusu karama za chiroho ndugu zangu, senzi mukale chizani. ²Mwamanya mwimwimwi muriho kukala bila dini, mwekukala muchiabudu vizuka ambavyo ta vyekukala kavinena, kpwa njira yoyosi iratu, mwekukala mwalongozwa ni milungu. ³Kpwa vivyo namala mumanye kukukala kakuna anenaye kpwa Roho wa Mulungu awezaye kumvamba, "Jesu welaaniwa." Kakuna yoyosi awezaye kpwamba, "Jesu ni Bwana," isihokukala kpwa Roho Mtakatifu.⁴Sasa, kuna karama tafauti tafauti, ela Roho wa Bwana ni iye mumwenga. ⁵Kuna huduma tafauti tafauti, ela Bwana ni iye mumwenga; ⁶na pia kuna kazi tafauti tafauti, ela ni Mulungu iye mumwenga ahendaye gosi.⁷Sasa, chila mumwenga, wapewa karama wazi kpwa ajili ya faida kpwa mvosi. ⁸Kpwa mumwenga wapewa ni Roho wa Bwana neno ra hekima, na kpwa munjine neno ra mafunzo ni iye Roho mumwenga.⁹Kpwa munjine wapewa imani ni Roho iye mumwenga, na munjine kuhoza akongo ni iye Roho mumwenga. ¹⁰Kpwa munjine, kazi za miujiza, na munjine utabiri. Munjine wapewa uwezo wa kutofautisha roho, na munjine achipewa uwezo wa kunena ndimi tafauti, chisha munjine uwezo wa kpwelewa ndimi tafauti. ¹¹Gosi gaga ni kazi ya iye Roho mumwenga, kumupa karama chila mumwenga here ahenzavyo.¹²Kpwa kukukala vyo mwiri urivyo mumwenga na una vilungo vinji, na vyosi ni sehemu ya uwo mwiri, ndivyo virivyo na Masihi. ¹³Kpwa Roho mumwenga, hosini hebatizwa kukukala mwiri mumwenga, ukale Muyahudi ama Muyunani, ukale mutumwa ama huru, na hosi hwehendwa kunwa kula kpwa Roho mumwenga.¹⁴Kpwa uwo mwiri si chilungo chimwenga, ela vilungo vinji. ¹⁵Ichikala chigulu chindamba, "Kpwa kukukala mimi si mkono, be si sehemu ya mwiri," kaiuhenda usikale sehemu ya mwiri. ¹⁶Na pia sikiro richamba, "Kpwa kukukala mino si dzitso, si sehemu ya mwiri," bado kairihenda risikale sehemu ya mwiri. ¹⁷kalaho mwiri wosi undekukala ni dzitso, hisia za kusikira zingeombola nahi? kalaho mwiri wosi ni sikiro, hisia za kunusa zingeombolahi?¹⁸Ela Mulungu wetsagula chila chilungo, kukukala sehemu ya mwiri here arivyo henza. ¹⁹kalaho vilungo vyosi vindekukala chimwenga, wo mwiri undekalahi? ²⁰Kpwa vivyo, mwiri ni mumwenga wenye vilungo vinji.²¹Dzitso kariweza kpwambira mukono, "Sina haja nawe." Wela chitswa kachiweza kpwabira chigulu, "Sina haja nawe." ²²Ela vilungo vyonekanavyo kukukala dhaifu ndivyo muhimu, ²³na vilungo huvyonavyo kukukala duni ndivyo huvipavyo heshima zaidi, na vilungo husivyo vyonyesa helamu hwavipa heshima ya dzulu. ²⁴Sasa, vo huvapavo heshima bomu, kavai hitaji iyo heshima. Isihokala, Mulungu weumba uwo mwiri, kuvapa heshima bomu ao mvario ikosa.²⁵Wehenda vivyo ili kusikale na migaviko kahi ya vilungo vya mwiri, ela vilungo vijukumike kpwa chinjine kpwa uhenzo. ²⁶Sasa, mumwenga achipata tabu, anjine mvosi mvapata tabu hamwenga naye. Ama chilungo chimwenga chichi heshimika, anjine vosi vasherehekea hamwenga naye. ²⁷Sasa mu mwiri wa Masihi na chila mumwenga wenu ni chilungo cha uwo mwiri.²⁸Naye Mulungu atsagula kanisani Mitume a kpwanza, a hiri ni Manabii, ahahu ni Alimu, helafu mvahendao miujiza, helafu mvario na karama ya kuhoza, mvasaidiao anjine,mvahendao kazi ya utawela, na mvahumirao ndimi tafauti. ²⁹Je, mvosi ni Mitume? Je, mvosi ni manabii? Je, mvosi ni alimu? Je mvosi mvahenda miujiza?³⁰Je, mvosi mvana karama za kuhoza? Je mvosi mvanena kpwa ndimi? Je mvosi ni atafsiri a ndimi? ³¹Kpwa bidii tafutani karama zo bomu. Ela sasa nindamvonyesa njira mbidzo zaidi.

Chapter 13

¹Hata nichikala na uwezo wa kunena kpwa luga za adamu na malaika. Ela kukala sina henzo, nakukala here napiga kululu za kengele ama toazi. ²Nikakukala na karama ya kutabiri na kpwelewa mambo gosi garigo sirini na ujuzi, na kpwamba nina imani yosi hata kutsamisha mirima. Ela kukala sina henzo, sichitu. ³Nikakukala nelavya chila chiricho changu kumvapa maskini, na niulavye pia mwiri wangu wochwe. Ela, kukala sina henzo sipata chitu.⁴Henzo ni kuvumirira na utu wema. Henzo si wivu wela kudzivuna. Uhenzo si chiburi ⁵wela kukosa lau. Si kudzihenzekeza kpwa kudzimanyirira mwenye vyosi hacheyo. Uhenzo kau chokozwa, wela kutela mai urigo henderwa. ⁶Kausherekea kahi ya dambi. ela, nikusherehekea kahi ya ujeri. ⁷Uhenzo wavumirira gosi, waamini gosi, watumainira gosi, na kuvumirira gosi.⁸Uhenzo kausira. kukala kuna unabii, mvandasira. kukala kuna ndimi, zindasira. kukala kuna ujuzi, undachira. ⁹Kpwa hwamanya sehemu tu na hwatabiri sehemu pia. ¹⁰Ela andiho kudza iye mukamilifu, chiricho cha sehemu chindasira.¹¹Niriho kukala muhoho, nenena here muhoho, nefikiria here muhoho, neaza here muhoho. Niriho kukala mutu muzima, nichigaricha go ga chihoho. ¹²Kpwa sasa hwaona mambo here kpwenye chilolo, chisha sikure hundagona uso kpwa uso. Vivi naona fungu ela chisha nindaona chikamilifu dza vivyo tu nidzivyo manyikana chikamilifu. ¹³Ela gaga mambo mahahu ga msingi: imani, matumaini na uhenzo. Ela bomu kahi yao ni uhenzo.

Chapter 14

¹Tafutani henzo na vipawa vya chiroho, hasa kukukala muweze kutabiri. ²Kpwa kukukala anenaye kpwa ndimi kanena kpwa atu ela kpwa Mulungu. Kpwa kukukala kakuna amwelewaye kpwaherewanena mabomu kahi za Roho. ³Ela iye atabiriye wanena na adamu na kumvajenga, kumvaenula, na kumvenjiza moyo. ⁴Anenaye kpwa ndimi wadzijenga mwenye, ela atabiriye wajenga kanisa.⁵Sasa naaza kukala nyosi mundekukala mwanena kpwa ndimi. Ela zaidi ya riro, naaza pia kukukala mwaweza kutabiri. Atabiriye ni mukulu kumuriko anenaye kpwa ndimi (Hanjine hakale hana mumwenga awezaye kutafusiri anenago kpwa kanisa ili mvaweze kumwelewa). ⁶Ela sasa ndugu, nichidza kpwenu nanena kpwa ndimi musozelewa, nindamva faidi noni? Siweza, hanjine nimvenenere kpwa ufunulo, ama hekima, ama utabiri, ama kumvafundisha.⁷Kpwa hali iyo,wakati vyombo vya kupigira ngoma zichirira-mfano chivoti ama gita- kukala kavindaomboza miriro tafauti, andiye manya wira wembwawo nani? ⁸Wakati tarumbeta richipigwa bila muriro maalumu, andiye manya kukukala ni wakati kudzi tayarisha kpwenda vihani nani? ⁹Be ni hali iyo mwenga na mwimwimwi munenao kpwa ndimi. Muchinena ndimi ziso eleweka kpwa anzenu, mvandamanyadze ganenwago wela kugaelewa? Mundakukala mwanena na peho.¹⁰Urimwengu udzodzalaa luga nyinji, ela kakuna hata mwenga iriyo kayeleweka. ¹¹Ela kukala selewa mwenga kahi ya luga inenwayo, be nindakukala mujeni kpwa iye ainenaye, naye anenaye pia andakukala ni mujeni kpwangu.¹²Sasa ni dza mwimwi. Kpwa kukukala mwatamani sana kpwelewa mambo ga chiroho, be tafutani utafusiri kpwa kanisa ili mukale na faida kpwa kanisa. ¹³Kpwa vivyo anenaye kpwa ndimi pia na avoye aweze kutafusiria kanisa. ¹⁴Kpwa kukukala nichivoya kpwa ndimi, roho yangu nayo yavoya, ela akili yangu kaisaidia chitu.¹⁵Sasa mino nihendedze? Nindavoya na roho yangu, ela pia nindavoya na akili yangu. Nindaemba na roho yangu, na pia nindaemba na akili yangu. ¹⁶Hata vivyo, uchimubariki Mulungu kahi za roho, ariye kanda nawe andawezadze kpwamba "Amina" ulavyaho mumvera kpwa Mulungu wakati kamanya wambadze?¹⁷Kpwa kukukala chivyovyosi mwelavya mumvera kpwa Mulungu, ela sasa ariye hamwenga nawe kajengeka. ¹⁸Nashukuru Mulungu kpwamba ninawo uwezo wa kunena na ndimi tafauti zaidi yenu nyosi. ¹⁹Ela kanisani, ni baha ninene maneno matsano kpwa welewa wangu, kuriko maneno elfu kumi kpwa ndimi tafauti.²⁰Ndugu, musikale here ahoho kahi ya fikira zenu. Isihokala, kuhusiana na maovu, kalani here ahoho. Ela kahi za fikira zenu, komalani. ²¹Kahi za sheria yeandikpwa, "Kpwa anadamu mvanenao kpwa ndimi, na kpwa milomo ya ajeni, nindanena namvo. Idzaho kamvanda nelewa,"²²Kpwa vivyo be, ndimi ni ishara, si kpwa mvaaminio, ela mvasio amini. Ela unabii ni kpwa ishara, si kpwa mvasio amini, ela mvaaminio. ²³Ichikala be, kanisa rosi rinda kusanyana na mvanene kpwa ndimi, na anjine na mvasio amini mvenjire, je, kamvandamba muna vilalu?²⁴Ela kukala nyosi munda tabiri na asiye amini ama mujeni achenjira, anda hukumika na gosi andigo gasikira. ²⁵Siri zosi za mwakpwe moyoni zindaikwpwa helamu. Kpwa ajili ya gago, andagwa chifudifudi amwabudu Mulungu. Andatangaza kukukala ni jeri Mulungu yuhamwenga namwi.²⁶Chindotuira ni noni be ndugu? Muchikusanyana hamwenga, chila mumwenga wenu akale ana wira, fundisho, ufunulo, ndimi, ama tafsiri ya ndimi. Hendani rorosi rindiro jenga kanisa. ²⁷Ichikala kuna yoyosi andiye nena kpwa ndimi, nakukale na atu eri ama ahahu wela si zaidi ya ahahu, na chila mumwenga kpwa kuhochezana, helafu kukale na mutafusiri wa gandigo nenwa. ²⁸Ela kukala kakundakukala na yoyosi wa kutafusiri, be navanyamale kanisani. Chila mumwenga wao na anene hacheye na Mulungu.²⁹Nakukale na manabii eri ama ahahu mvandio nena, anjine na mvanyamale mvasikize kuhusu ganenwago. ³⁰Ela kuchikala na ufunulo kahi ya mvasegereo, be anenaye na anyamale.³¹Kpwa kukukala chila mumwenga wenu waweza akatabiri kpwa zamu ili chila mumwenga akale andaweza kudzifundisha na mvosi mva faidike. ³²Kpwa kukukala roho za manabii zajibu manabii. ³³Kpwa kukukala Mulungu si Mulungu wa kutatiza ela wa amani. Ii ni sheria kahi ya makanisa ga atakatifu a Mulungu.³⁴Ana ache namvanyamale makanisani. Kpwa kukukala kamvadza ruhusiwa kunena. Badelaye, namva nyenyekee, here sheria nayo yambavyo. ³⁵Ichikala kuna chitu mvatamanicho kudzifundisha, namvauze alume ao nyumbani. Kpwa kukukala ni aibu ache kunena makanisani. ³⁶Kpwani neno ra Mulungu rela kpwenu? Je, muhachiyenu neno ra Mulungu ririo mvafikira?³⁷Ichikala kuna yoyosi kahi yenu adzifikiriaye kukukala nabii ama chiroho, andakuela kukukala maneno gaga nimvandikirago ni amuri kula kpwa Mulungu. ³⁸Ela kukala kakuna atambuaye gaga, be naye na asitambuliwe.³⁹Kpwa vivyo be ndugu, tamanini sana unabii, wela musizuiliye yoyosi kunena kpwa ndimi. ⁴⁰Ela, mambo gosi na gahendweto na kpwa mipangiliyo.

Chapter 15

¹Sasa namala nimva manyise ndugu kukukala injili niihubiriyo, muriyo ihochera na muriyo yamini, ²na ariyo yemva okola, muchiigwirato, hanjine mukale mweyamini bule.³Kpwa kukukala nemvarehera mwimwimwi chimbere cho niricho hochera cha maana, kpwamba Masihi wefa kpwa ajili ya dambi zehu kulingana na maandiko, ⁴na kpwamba wezikpwa, naye achifufuka siku ya hahu kulingana na go maandiko.⁵Masihi wemvombolera Kefa, chisha baadaye osi kumi na airi; ⁶Baadaye achimvombolera atu zaidi ya ndugu magana matsano kpwa wakati mumwenga. Anji ao mvachere mva moyo ta rero, ela anjine mvehuricha. ⁷chisha achimombolera Jakobo, helafu mitume.⁸Mwisho, achinombolera mimi, here niriye vyalwa kabla siku zangu. ⁹Kpwa kukukala mimi ni wa mwisho kahi za mitume. Wela sisitahili kpwehewa Mtume kpwa vyo nirivyo tesa kanisa ra Mulungu.¹⁰Ela kpwa neema ya Mulungu, ni vivi nirivyo, na neema iyo iriyo ndani yangu kaikalire ya bule. Badelaye, nehenda kazi zaidi ya mvosi. Na si mimi ela ni iyo neema ya Mulungu iriyo hamwenga nami. ¹¹Kpwa vivyo be, ikale ndimi ama mvamvo, hosini hwarihubiri neno namwimwi mwariamini.¹²Be sasa ichikala Masihi wahubiriwa kukukala wefufuka kula kpwa afu, ikaledze anjine enu mwambe kakuna ufufulo wa mvariofa? ¹³Ela kukala kakuna uwo ufufulo wa mvariofa, be hata Jesu kadzawahi kufufulwa; ¹⁴na kukala Masihi kadza fufulwa, be mahubiri gehu ni ga bule, na hata yo imani yenu pia ni ya bule.¹⁵Na pia, hundakukala hu mashahidi a ulongo a Mulungu, kpwa kukala hweshuhudia kukukala Mulungu wenu fufula Masihi kula kpwa afu. Ela kamufufulire, kukala kakuna uwo ufufulo. ¹⁶Na kpwamba kukala mvafao kamvafufulwa, be hata Masihi kadza fufulwa; ¹⁷na kukala Masihi kadza fufulwa, be imani yenu ni ya bule na muchere dambini.¹⁸Na mvo mvariofa kahi za Masihi nao mveangamika. ¹⁹Na ichikala kahi ya gaga maisha be hwamu kuluhira iye Masihi, be hosini huaku sikitikirwa.²⁰Ela sasa Masihi wefufulwa kula kpwa afu here tunda ra kpwanza kahi ya mvariofa. ²¹Kpwa kukukala chifo chekudza kuchirira kpwa mwanadamu, kuchirira kpwa mwanadamu pia ufufulo ndiho uriho kudza.²²Kpwa kukukala here kuchirira kpwa Adamu anadamu mvosi nikufa, hali iyo pia kuchirira Masihi mvosi mvahendwa kukukala moyo. ²³Ela chila mutu kpwa mupangowe: Masihi, ariye ni tunda ra kpwanza, helafu anjine mvosi a Masihi mvandahendwa kukukala moyo andiho kudza.²⁴chisha indakukala mwisho, andiho lavya ufalume kpwa Mulungu ariye ni Paba, andiho marikiza utawela wosi na mamulaka na nguvu. ²⁵Kpwa kukukala ni lazima atawale hadi andiho fyoga mahaduie osi tsini ya nyayoze. ²⁶Hadui wa mwisho kumarikizwa ni chifo.²⁷Kpwa kukukala "chila chitu yuchifyoga," Ela ichimba "Chila chitu," ri wazi kpwamba kaitsanganyire iye mwenye. ²⁸Chila chitu chichikala tsiniye, be iye mwenye anda tsukula jukumu na kumujibu iye aremupa mamulaka, iye Mulungu andakukala vyosi.²⁹Ama, mvario batizwa na afu mvandahendadze? Ichikala mvafao kamvandafufulwa keheri, be mbona mvabatizwe kpwao? ³⁰Mbona be hukale hatarini chila saa?³¹Nafa chila siku! Riri ni ra uhakika here kudzivuna kpwenu niriko nakom kahi za Jesu Masihi Bwana wehu. ³²Be napatani kpwa matso ga chidamu, kukala nepigana na madzitu Efeso, ichikala mvafao kamvandakukala na ufufulo? " Nahuryeni na kunwa, kpwaheremacheroni hundafa."³³Musikengwe: "Musena mui nikubananga tabia mbidzo." ³⁴Ng'alwani ni matso! Ishini chitakatifu! Musitue kuhenda dambi kpwenda. Kpwa kukukala anjine enu kamuna ufahamu wa Mulungu. Nanena vivi kpwa aibu zenu.³⁵Ela mumwenga andamba, "Mvafao mvafufulwadze, na mvandombola na miiri iriyodze?" ³⁶Mujinga! Unyelacho kachindamera kukala kachindafa.³⁷Unyelacho kachikala na umbo ra cho chindicho mera. Ni tembe tu. Yaweza ikakukala ngano ama tembe injine yoyosi. ³⁸Ela Mulungu andaipa mwiri here andivyo amua, na kpwa chila aina ya mbeyu, mwiriwe tafauti. ³⁹Na si miiri yosi isawa. Kuna mwiri mumwenga kpwa anadamu, na kpwa anyama munjine, na kpwa tsongo munjine, na hata kpwa samaki nao munjine.⁴⁰Kuna miiri pia ya urimwenguni na kuna miiri ya chimulunguni. Ela, utukufu wa mwiri wa chimulunguni u tafauti na wa urimwenguni. ⁴¹Kuna utukufu wa dzua, na munjine wa mwezi, na wa nyenyezi. Kpwa kukukala nyenyezi mwenga i tafauti na injine kahi za utukufu.⁴²Ndiho hata urivyo ufufulo wa mvariofa. Chinyalwacho ni cha kubanangika, ela chifufulwacho kachibanangika. ⁴³Nikunyalwa hasiho na heshima; chikamera kpwa utukufu. Chanyalwa kpwa unyonge, chikamera kpwa nguvu. ⁴⁴Chanyalwa mwiri wa kawaida; chamera kpwa mwiri wa chiroho. Ichikala kuna mwiri wa kawaida, be pia kuna mwiri wa chiroho.⁴⁵Pia ichandikpwa, "Mutu wa kpwanza Adamu achikala roho iishiyo." Adamu wekukala chanzo cha uzima wa roho. ⁴⁶Ela roho kaidzire kpwanza, ni mwiri ndo wetangulia, helafu roho.⁴⁷Mutu wa kpwanza wekukala wa chidunia, areumbwa kpwa vumbi. Mutu wa hiri achila mulunguni. ⁴⁸Naye dzahere iye mutu wa kpwanza arivyokala, ndivyo mvarivyo osi mvario ombola kpwa mavumbi, na vivyo ndivyo arivyo iye ariye ombola mulunguni na anjine mvosi mvario ni a mulunguni. ⁴⁹Here hurivyo vyalwa kpwa umbo ra mutu wa kpwanza ariye ombola mavumbini, hundakukala na umbo riro ra iye ariye ombola mulunguni.⁵⁰Sasa namvamba vivi ndugu, nyama na mulatso kamvinda rithi ufalume wa Mulungu. Wela kakuna chochosi chibanangikacho chindicho rithi chisicho banangika. ⁵¹Richani nimvambire utu: Kahundafa hosi, ela hosini hundagaluzwa.⁵²Hundagaluzwa gafula tu, dzitso kupesa nayo tarumbeta indarira. Kpwa kukukala tarumbeta ichirira, afu mvandafufuka na miiri isiyofa keheri, na hosini hundagaluzwa. ⁵³Kpwa kukukala miiri ii ifayo, ni lazima igaluzwe ikale isiyofa.⁵⁴Ela miiri ii ibanangikayo ichigaluzwa kukukala isiyo banangika, na miiri ii ya kufa ichigaluzwa kukukala isiyofa, ndiho ura musemo wa kpwamba "Chifo chimizwa kpwa ushindi," undatimira. ⁵⁵"Chifo, ushindiwo uhiko? Chifo, uhiko utsunguwo?"⁵⁶Utsungu wa chifo ni dambi, na nguvu za dambi ni sheria. ⁵⁷Ela mumvera mubomu kpwa Mulungu, ahupaye ushindi kuchirira kpwa Bwana wehu Jeshu Masihi!⁵⁸Kpwa vivyo ndugu zangu ahenzwi, kalani makini na musiyugike. Siku zosi ishini muchimu humikira Mulungu, kpwa kukukala mwamanya kukukala kazi yenu kpwa Bwana si ya bule.

Chapter 16

¹Sasa kuhusiana na makusanyo ga vipawa kpwa ajili ya atu a Mulungu: here nirivyo elakiza makanisa ga Agelatia, mwimwimwi namwimwi mundahenda vivyo. ²Siku ya kpwanza ya juma, chila mumwenga wenu aike fungu kanda kadiri ya apatavyo. Hendani vivyo ili kusikale na mitsango nindiho kudza.³Nindihofika, kpwa yoyosi mundemu tsagula, nindamvapa barua ya utambulisho kpwao na nimvahume na iyo zawadi yenu Jerusalemu. ⁴Ichikala indakukala muhimu nenende pia, nindenenda namvo.⁵Ela nindamvafikira nichidza tsupa na Makedoni. Kpwa kukukala nindatsupa na Makedoni. ⁶Hanjine nindakukala nanyi ama hata nikale nanyi musimu wosi wa mvula, ili muweze kunisaidia kahi ya safari zangu, kokosi nindekpwenda.⁷Kpwa kukukala simala nimvaone kpwa sasa nichikala ni malomalo. Natamani kukukala nanyi kpwa muda wa kutosha, ichikala Mulungu andanipa chibali. ⁸Ela nindakukala Efeso mpaka pentekote, ⁹kpwa kukukala muyango wa kuhenda kazi ufugulwa kpwa ajili yangu, na kuna apinzani anji.¹⁰Sasa Timotheo andihokudza, hakichishani yu hamwenga namwimwi bila woga, kpwa kukukala wahenda kazi ya Bwana, here nihendavyo mimi. ¹¹Mutu asimu dharau. Musaidieni kahi ya mamboge kpwa amani, ili aweze kudza kpwangu. Kpwa kukukala namutazamia adze hamwenga na ndugu anjine. ¹²Kuhusiana na ndugu Apolo, nemuhimiza sana kumvatsemberera hamwenga na ndugu anjine. Ela yekukala si kuhenzakpwe kukukala adze wakati uu. Hata vivyo, wakati wahalali uchifika, iye andadza.¹³kalani makini, emani imara kahi za imani, dzikazeni chilume, kalani na nguvu. ¹⁴Gosi muhendago, gahendeni kpwa uhenzo.¹⁵Nyumba ya Sitefano mwaimanya, kpwamba mvekukala ndo matunda ga kpwanza Achia, na kpwamba mvedzitolea kumuhumikira atu atakatifu a Mulungu. Sasa, namvasihi ndugu zangu, ¹⁶mukale kahi ya kudzinyenyekeza kpwa atu dza mvamvo, na kpwa yoyosi ariye kahi ya kazi nasi.¹⁷Nafurahiya kudzakpwe Sitefano, Fotunata, na Achiaco. Mvadzidzaza pengo renu murio kamuho. ¹⁸Kpwa kukukala mvechangamusha roho yangu keheri na zenu pia. Kpwa vivyo bai, mvatambueni atu dza mvamvo kahi yenu.¹⁹Makanisa ga Asia gavelamusa. Akila na Priska mva elamusa kpwa dzina ra Bwana, hamwenga na kanisa ririro mwao nyumbani. ²⁰Ndugu mvosi mvadzielamusa. Lamusanani kpwa busu takatifu.²¹Mimi, Paulo, namvandikira gaga kpwa mukono wangu mwenye. ²²Ichikala kuna yoyosi asemuhenza Mulungu, na elaniwe. Bwana wangu, nzo! ²³Neema ya Bwana Jesu ikale hamwenga namwi. ²⁴Henzo rangu rikale hamwenga namwimwi nyosi kpwa dzina ra Jesu Masihi. Amina!

2 Corinthians

Chapter 1

¹Paulo, mutume wa Jesu Masihi kpwa uhenzo wa Mulungu, na Timotheo ndugu yehu, kpwa kanisa ra Mulungu ririro Korintho, na kpwa atakatifu osi a Mulungu kahi ya sehemu yosi ya Akia. ²Neema naikale hamwenga namwi na amani ilaayo kpwa Mulungu Paba yehu na Bwana wehu Jesu Masihi.³Mulungu ariye ndiye Paba wa Bwana wehu Jesu Masihi na alikpwe. Ndiye Paba wa neema zosi na Mulungu wa faraja zosi. ⁴Mulungu wahu fariji hosi kahi za mateso, ili huweze kuafariji mvosi mvario kahi za mateso. Hwamva fariji anzehu kpwa faraja iyo mwenga Mulungu ariyo ihumira kuhufariji sisi.⁵Ili kpwamba here vyo mateso ga Masihi garivyo kala manji kpwa ajili yehu, vivyo ndivyo faraja yehu irivyo nyinji kuchirira kpwa Jesu Masihi. ⁶Ela kala hwateswa, ni kpwa ajili ya kufarijiwa na wokofu kpwenu; na kala hwafarijiwa, ni kpwa ajili ya kufarijiwa kpwenu. Kufarijiwa kpwenu kpwahenda kazi tototo kahi za uvumirivu wenu wa mateso ambago nasi pia hwagachirira . ⁷kuluhira rehu kumvahusu mwimwi karitingisika, kpwa kukala hwamanya muchiriravyo mateso namwi, vivyo vivyo mwafarijika hamwenga nasi.⁸Kpwa maana kahwenzi kukala mukale kamugamanya, ndugu, kuhusu mateso hurigo pata Asia. Hwebagazwa misigo zaidi ya uwezo wehu, hata huchikala kahuna tamaa na maisha. ⁹Jeri, hwekala hudzihukumiwa chifo. Ela, yekala ni kpwa kuhuhenda husidzamini enye, bali humwamini Mulungu, afufulaye mvafao. ¹⁰Wehutenga na hali zosi komu, na bado andahutenga navyo bado. Kpwakpwe, hudziika kuluhira kukala andahu kombola.¹¹Andagahenda gago hali muchi husaidia kpwa mavoyo. Kisha anji mvandelavya mumvera kpwa niaba yehu kpwa ajili ya hisani huriyo ipewa kuchirira mavoyo ga anji.¹²Madzivuno gehu ni gaga: Rohoni mwehu hwakiri kukala hudzidziika chiheshima na chi ujeri wa Mulungu, bila kukuluhira hekima ya chimwiri bali kpwa neema ya Mulungu. ¹³Hwamvaandikira murigo mwaweza kugasoma na kugelewa, na nakuluhira kukala mwagaelewa gosi chikamilifu ¹⁴here murivyo hwelewa kpwa sehemu, kukala mwaweza mukadzivunira dzulu yehu siku iyo ya Bwana Jesu, here sisi hundivyo dzivunira dzulu yenu.¹⁵Kpwa kukala nekala na nguvu kuhusu riri, ndiho nekala namala nidze kpwenu kpwanza, ili muweze kuhochera hisani ya hiri. ¹⁶Nekala nipanga kumvatsemberera nindiho kala nenda Makedoni. Kisha nichimala kumva tsemberera keheri wakati nindiho laa Makedoni, kisha munifishe nindiho kala nenda Uyahudi.¹⁷Niriho kala na mawazo gago, je, negairi? Je, napanga mambo chimwiri ili nambe "Ndevyo" na "Sevyo" kpwa wakati mumwenga? ¹⁸Ela kpwa Mulungu arivyo mwaminifu, neno rehu kpwenu si "Ndevyo" wela "Sevyo"¹⁹Kpwa kukala Mwana wa Mulungu, Jesu Masihi, ambaye Silivano, Timotheo hamwenga na mimi, huriye mvahubiria, siye "Ndevyo" na "Sevyo," bali siku zosi ndiye "Ndevyo." ²⁰Kpwa kukala ahadi zosi za Mulungu ni "Ndevyo" ndaniye. Kpwa vivyo bai, kuchirira kpwakpwe, hwaamba "Amina" kpwa utukufu wa Mulungu.²¹Sasa, ni Mulungu ahulunzanaye mwimwi na sisi kahi za Jesu Masihi, na achihu hasa, ²²weika chitambulishoche kpwehu na achihupa Roho kahi za mioyo yehu here uhakika wa go gandigo kudza²³Ela namweha Mulungu here shahidi kpwa roho rangu kpwamba sababu ya mimi kukosa kudza Korintho yekala ni kpwa ajili ya kumvoyeza. ²⁴Ii si kpwa kukala hwamala hukale mabwana kahi ya imani zenu. Bali, ni kpwa kukala hosini hu ahenzi kazi hamwenga namwi kpwa furaha yenu, here mwemavyo imara kahi ya imani yenu.

Chapter 2

¹Ndiho nichiamua mimi mwenye kpwa upande wangu kukala sindauya kpwenu keheri na huzuni. ²Ichikala nemva sababishira huzuni, nani andiye nihenda mino kukala na raha isihokala iye niriye muhenda akale na huzuni?³Neandika here nirivyo andika ili nindiho kudza kpwenu, nisi tsukizwe ni mvamvo ambamvo mvandenihenda nikale na raha. Nina imani kahi yenu kukala furaha niriyo nayo ni sawa na yo muriyo nayo. ⁴Kpwa kukala nemvandikira niriho kala kahi za mateso manji, na chiriro mwangu moyoni, na matsozi manji. Simvandikirire ili nimvahende kukala na huzuni. Badelaye, nemala mumanye uziho wa henzo niriro naro kpwenu.⁵Ichikala kuna yoyosi adziye sababisha huzuni, yusababisha huzuni si kpwangu tu, bali kpwa chipimo chicho- asimva tsosye- nyinyi nyosi. ⁶Adhabu ii ya mutu iye kula kpwa anji yatosha. ⁷Kpwa sasa, badela ya kumuadhibu, sameheni na mumuliwaze. Hendani vivi ili asizidirwe ni huzuni nyinji.⁸Kpwa vivyo namvasihi mumonyese henzo renu kpwakpwe. ⁹Ii ndiyo sababu nemvandikira, ili niweze kumvaika kpwa majezo nimanye kala mwatua malakizo.¹⁰Muchisameheana, nami ndamva samehe. Nidzicho samehe-kala nisamehe chochosi-chisamehewa kpwa ajili yenu mbere za Masihi. ¹¹Ii ni kpwa kukala shetani asihu kenge. Kpwa maana kahu puuza ujanjawe.¹²Nefugulirwa muyango ni Bwana niriho kudza mudzi wa Tiroa kuhubiri injili ya Masihi kuko. ¹³Sikalire na amani moyoni, kpwa kukala simupatire ndugu yangu Tito kuko. Kpwa vivyo nichimvaricha nichenda Makedoni.¹⁴Ela mumvera wende kpwa Mulungu, ambaye kahi za Masihi wahulongoza kpwa furaha. Kuchirira kpwehu, wadhihirisha luchi lwa maarifa ga kumumanya chila hatu. ¹⁵Kpwa kukala kpwakpwe hu manukato ga Masihi, kahi za mvario okoka na kahi ya mvangamikao.¹⁶Kpwa atu mvangamikao, ni harufu ya vifo kpwa vifo. Kpwa mvaokolwao, ni harufu ya uzima kpwa uzima. Asitahiliye gano nani? ¹⁷Kpwa kukala kahuhere anjine anji mvarikuzaro neno ra Mulungu kpwa faida. Bali, kpwa nia mbidzo, hwahubiri kahi za Masihi, here hurivyo humwa kula kpwa Mulungu, mbere za uso wa Mulungu.

Chapter 3

¹Je hukpwatya kudzi enula enye keheri? Kahuhitaji barua za wasifu kpwenu wela kula kpwehu, here atu anjine, ni jeri? ²Nyinyi enye mu barua za wasifu kpwehu, iriyo andikpwa mwehu mioyoni, imanyikanayo na kusomwa ni chila mutu. ³Mwaonyesa kukala mwimwi mu barua kula kpwa Masihi, sababu ya ii huduma yehu. Kayandikirwe kpwa wino bali kpwa Roho wa Mulungu aishiye. Kayandikirwe kahi ya dziwe, bali kpwenye dziwe ra mioyo ya adamu.⁴Na ii ndiyo nguvu huriyo nayo kuchirira Masihi mbere ya MUlungu. ⁵Sisi enye kahustahili kpwamba kuna chochosi chiricho laa kpwehu. Isihokala, nguvu zehu zila kpwa Mulungu. ⁶Ni Mulungu ariye hu wezesha kukala atumishie kpwa makubaliano masha. Uu ni mukataba usio kala wa barua bali wa Roho. Kpwa kukala barua yolaga, ela Roho welavya uzima.⁷Sasa, huduma ya chifo- ambayo i kahi za barua zirizo dzulu ya mawe- yekudza utukufu uwo ambao ana a Israeli mvekala kamvaweza kumulola Musa uso kpwa uso. Ii ni kpwa kukala utukufu wekala u usoni mwakpwe, utukufu ambao ni kufifia. ⁸Je, huduma ya Roho indakala na utukufu wadze zaidi?⁹Kpwa kukala ichikala huduma ya kuhukumu yekala na utukufu, be huduma ya utakatifuina utukufu munji! ¹⁰Kpwa kukala jeri, chicho chiricho hendwa chitakatifu si chitakatifu keheri kpwa upande uwo, kpwa uwo utukufu uuzidio. ¹¹Kpwa maana kala cho chiricho kala chatsupa chekala na utukufu, be chino chiricho na uzima wa kare na kare kachindakala china utukufu wa kutsupa!¹²Be kpwa kukala huna kuluhira riro, huna ujasiri. ¹³Kahu here Musa, ariye dzifunga pazia kufitsa usowe ili ana a Israeli mvaweze ku ulola utukufu ambao wekala wachira.¹⁴Ela akili zao zekala zihendwa komu. Kpwa kukala hata rero ii, mvachisoma malagano ga kare, pazia iyo bado ichereko. Kaidzawahi kuuswa, kpwa sababu ni kahi za Jesu Masihi tu ndo yaweza ikauswa. ¹⁵Ela hata rero ii, Musa achisomwa hohosi, pazia yamvaziza mioyo yao. ¹⁶Ela mutu achimu galukira Mulungu, pazia iyo nikuuswa.¹⁷Sasa, Bwana ndiye Roho. Na henye Roho wa Bwana, uhuru nawo uhaho. ¹⁸Sasa sisi hosi, huchikala na nyuso zisizo zizwa pazia, hwawona utukufu wa Bwana. Hwagaluzwa kpwa utukufu uwo mumwenga kula ngazi mwenga hadi injine, here tu ahenzavyo Bwana, ariye ni Roho.

Chapter 4

¹Kpwa vivyo, kpwa kukala huna ii huduma, na here ambavyo hwehochera neema, kahu vunzika mioyo. ²Badelaye, hudzikahela siri na njira za aibu. Kahwenenda kpwa njira za chijanja, na kahu rigwira lailai neno ra Mulungu, bali kpwa kunena ujeri, hwadziika lwazu sisi enye kahi za fikira za chila mutu mbere za Mulungu.³Ela kala injili yehu hudzi ifitsa, be ifitswa kpwa mvamvo mva angamikao. ⁴Kpwa hali yao, mulungu wa urimwengu uu adzimvafumba akili zao zisizo amini. Ndio sababu, kamvaweza kuwona mwangaza wa injili ya utukufu wa Masihi, ariye ndiye uso wa Mulungu.⁵Kpwa kukala kahudzi hubiri enye, bali Jesu Masihi here Bwana, na sisi enye here atumishi enu kpwa ajili ya Jesu. ⁶Kpwa kukala ni Mulungu ariye amba, "Mwangaza undang'ela kula chizani." Adzihulangazira mioyoni mwehu, ili nasi hulangaze mwangaza wa maarifa ga utukufu wa Mulungu matsoni mwa Jesu Masihi.⁷Ela huna chitu chichi cha thamani ndani ya chungu cha udongo, ili ikale wazi kukala nguvu nyinji ni za Mulungu wela si sisi. ⁸Hudzigandamizwa kpwa chila njira, ela kahudza shindwa. Hudzi tatanishwa lakini kahudza kata tamaa,. ⁹Hwateswa lakini kahudza richwa; hupigwa lakini kahudzafa; ¹⁰kosi hwendako hutsukula mirini mwehu chifo cha Jesu, ili maisha ga Jesu gaweze kudhihirika mirini mwehu.¹¹Kpwa kukala sisi hurio hai siku zosi hulaviwa kolagwa kpwa ajili ya Jesu, ili maisha ga Jesu gaweze kudhihirika kahi ya miiri yehu, ¹²Kpwa vivyo chifo chi kazini kahi zehu, ela uzima u kazini mwenu.¹³Ela huna roho mwenga ya imani kulingana na maandiko kpwamba; "Neamini ndiho nichinena." Sisi nasi, hwa amini, ndiho huweze kunena. ¹⁴kpwa kukala hwamanya kukala iye ariye mufufula Bwana Jesu ndiye iye andiye hufufula sisi hamwenga na Jesu na ahuhirike hamwenga nanyi mbereze. ¹⁵Kpwa kukala chila chitu ni kpwa ajili yenu, ili neema ifikirayo anji isababishe mioyo ya mumvera ili konjezazeka kpwa utukufu wa Mulungu.¹⁶Kpwa vivyo kahu vunzika mioyo. Idzaho kpwa monekano wa miiri yehu hwasira, ndani yehu hwapewa uzima chila kuchicha. ¹⁷Kpwa dhiki yehu tite na ya kpwa muda, yahu tayarisha kpwa utukufu wa uzima wa kare na kare uzidiwo matatizo gaga. ¹⁸Kpwa kukala kahulola mambo gasigo onekana, bali kpwa mambo gasigo onekana. Mambo hugonago ni ga muda tu, ela go husigo gaona ni ga kare na kare.

Chapter 5

¹Hwamanya kukala ichivunzwa nyumba yehu ya dunia, hunaro jengo kula kpwa Mulungu, nyumba isiyojengwa kpwa mikono, ila ni ya milele kuko Mulunguni. ²kpwa kukala kahi za hema riri, hwaugula, huchitamani kuvikpwa kpwa kalo rehu ra Mulunguni. ³Hwatamani kpwa ajili ya riri, kpwa sababu kpwa kuivela kahundaonekana kukala hu huhu.⁴kpwa uhakika wakati uu ndani ya hema riri, hwalumwa huchiremerwa kahwenzi kuvulwa. Badelaye, hwahenza kuvishwa, ili kpwamba chira chirichofa chiweze kumezwa na uzima. ⁵Yuyatu ariyehutayarisha sisi kpwa chitu chichi ni Mulungu, ambaye wehupa sisi Roho here ahadi ya chiratu chindichokudza.⁶kpwa riro mukale na ujasiri siku zosi mukale matso kpwamba wakatiuu nyumbani kahi za mwiri uu kure na Bwana. ⁷kpwa kukala hwatsembera kpwa imani sio kpwa kuona kpwa vivyo huna ujasiri. ⁸Ni vidzo hukale kurechi mwiri na chi nyumbani ili hukale hamwenga na bwana.⁹kpwa vivyo waihenda rikale lengo rehu, kala hu nyumbani au kure, humufurahishe iye. ¹⁰kpwa kukala ni lazima hosi huonekane mbere ya chihi cha hukumu cha Masihi, ili kpwamba chila mumwenga aweze kuhochera chira chistahilicho kpwa mambo garigohendeka kahi za mwiri, ichikala ni kpwa udzo au kpwa ui.¹¹kpwa riro, kpwa kuumanya woga wa bwana, hwamvavuha atu. here hurivyo, yaonekana lwazu na Mulungu. Nakuluhira kukala yaeleweka pia kahi ya lengo renu. ¹²Kahujeza kuavuhira mwimwi keheri kuhuona siswi here ajeri. Badelaye, hwaapa mwimwi chausa cha kudzivuna kpwa ajili yehu, ili kpwamba muweze kukala na jibu kpwa aratu mvadzivunao chimwiri ela sichiratu chiricho ndani ya myoyo yao.¹³Maana ichikala hudzirukpwa na akili ni kpwa sababu ya Mulungu. Na huchikala kahi za akili zehu kamili, ni kpwa sababu yehu. ¹⁴Maana, uhenzi wa Masihi wahulazimisha, kpwa sababu huna uhakika na riri kala mutu mumwenga wefa kpwa ajili ya osi, na kpwa riro osi mvefa. ¹⁵Na Masihi weafa kpwa ajili ya osi, ili kpwamba araatu aishio mvasiishi keheri kpwa ajili yao enye. Badelaye, shuruti mvaishi kpwa ajiliye iye ambaye wefa na achifufulwa.¹⁶kpwa sababu ii, kuanzira sasa na kpwenderera kahundamuhukumu mutu kulingana na viwango vya chimwanadamu, ingawaje haho kpwanza hwemulola Masihi kahi za hali ii. Ela sasa kahumuhukumu yeyosi kpwa namna ii keheri. ¹⁷kpwa vivyo, ichikala mutu yeyosi yundani ya Masihi, iye ni chiumbe chisha. Mambo ga kare gachira. Lola, gadzikala Masha.¹⁸Vitu vyosi vivi vilaa kpwa Mulungu. Wehupatanisha siswi kpwakpwe mwenye kuchirira Masihi, na adzihupa kazi ya Upatanisho. ¹⁹Riro ni kugomba, kula na Masihi, Mulungu waupatanisha urimwengu kpwakpwe mwenye, sio kutela makosa gao dzulu yao. Wawika kpwehu ujumbe wa upatanisho.²⁰kpwa vivyo hwatsagulwa here awakilishi a Masihi, here kpwamba Mulungu wekala wahenda rufaaye kuchirira siswi. Hwaavoya mwimwi kpwa ajili ya Masihi. "Mpatanishwe na Mulungu!" ²¹Wemuhenda Masihi kukala sadaka kpwa ajili ya dambi. Wehenda vivi ili huweze kuhendeka hachi ya Mulungu kahi ya iye.

Chapter 6

¹Na kpwa riro, kuhenda kazi hamwenga, hwamvavoya mwimwi musihochere neema ya Mulungu bule. ²kpwa maana wagomba, "Wakati uriokubalika nekalika makini kpwenu, na siku ya wokofu nemvasaidia." lolani, wakati uriokubalika ndio sasa. ³Kahuweza kukala chikpwazo mbere ya mutu yeyosi, kpwa kukala kahwenzi huduma yehu imanyikane na sifa mbii.⁴Baadela ye kpwa chila njira hwadzivuna enye kala atumishi a Mulungu kahi za unji wa uvumirivu, kahi za mateso, kahi za dhiki na kahi za ugumu wa maisha, ⁵Kahi za kupigwa, vifungo, ghasia, kahi za kazi ngumu, kahi za kukosa usingizi usiku kahi za nzela, ⁶Kahi za usafi, maarifa, uvumirivu, udzo, kahi za roho mtakatifu, kahi za uhenzo halisi, ⁷kahi za neno ra jeri, kahi za nguvu za Mulungu. huna silaha za hachi kpwa ajili ya mkono wa kurya na wa kumotso.⁸Hwahenda kazi kahi za utukufu na waibu, kahi za kashifa na sifa, here hualongo na bado huajeri. ⁹Hwahenda kazi here kpwamba kahumanyikana na hwamanyikanato sana. Hwahenda kazi here mvafaao na lolani! - bado hwaishi, here kpwamba hwaenjizwa adabu kpwa mahendo gehu, ela kahudzafaa ¹⁰Hwahenda kazi here enye masikitiko, ela chila wakati huna raha, here achia, ela hwaatajirisha anji, here kpwamba kahuna chitu ela hwamiliki vitu vyosi.¹¹Hudzizungumza ujeri wosi kpwenu, Akorintho, na mioyo yenu idzifuguka muno. ¹²Kahudzaazulia, bali mwazuliwa na mioyo yenu enye. ¹³Bai, ili murihe chasi cha vira murivyopewa (nagomba namwi here ahoho), namwi pia mufugulwe mioyo yenu.¹⁴Msifungwe nira hamwenga na asioamini kpwa kukala kuna mungano wani kahi ya hachi na uasi? Na kuna ushirika wani kahi ya mwanga na chiza? ¹⁵Ni makubaliano gani Masihi waweza kukala nago na Beliali? (Beliari maanaye ni ufisadi) Au ye aaminiye ana sehemu yani hamwenga na asiyeamini? ¹⁶Na kuna makubaliano gani garigoko kahi ya hekalu ra Mulungu na sanamu? kpwa kukala siswi huhekalu ra Mulungu ariye moyo, here ambavyo Mulungu wegomba. " Nindasagela kahi kahi yao na kutsembera kahi kahi yao. Nindakala Mulungu wao, nao mvandakala atu angu."¹⁷kpwa riro, " Ukaani kahi yao, na mkadzitenge nao," Bwana wenena. " Msigute chitu chochosi chichafu, nami nindzaakaribisha. ¹⁸Nindakala Paba kpwenu, namwi mundakala anangu achilume na achiche." wanena Bwana Mwenyezi Mulungu.

Chapter 7

¹Ahenzwi, kpwa kukala huna ahadi zizi bai, nahudzi tsuleni kula kpwa uchafu wa miiri yehu na roho zehu. Nahudineni na utakatifu na kumogoha Mulungu.²Huhochereni kpwa roho safi, kahudza mukosera mutu wela kumupotosha yoyosi ama kumudhulumu yoyosi. ³Si kpwa kumva hukumu ndo nanena gaga. Kpwa kukala nidzimvambira kare mu mioyoni mwehu, chasi kpwamba huchifa hufeni hosini na kala ni kuishi huishi hosini. ⁴Nina nguvu nanyi sana, na nadzivunira sana kumvahusu. Nitele faraja. Nasikira furaha bomu hata kahi ya mateso hugapatago.⁵Huriho kudza Makedoni, miiri yehu kahupatire kuyoyeza. Badelaye, hweyugika kpwa chila njira kpwa kukala hwepata upinzani na kogoha mioyoni mwehu. ⁶Ela Mulungu, mufariji wao mvakosao amani, achihu fariji kpwa kumureha Tito. ⁷Na kaikalire tu kpwa kudzakpwe lakini pia kpwa faraja Tito ariyo ipata kula kpwenu. Wehwambira kuhusu jinsi murivyo gwirana kpwa uhenzo, huzuni kpwenu, na murivyo kala muchinaza. Kpwa vivyo nami nichihamirwa zaidi.⁸Idzaho barua yangu yemvahenda muhuzunike, sidzuta. Ela nedzuta niriho ona barua yangu imvahenda muhuzunike, idzaho kpwa muda mufuhi. ⁹Sasa nafurahi, si kpwa kukala mwehuzunika, bali ni kpwa kukala kuhuzunika kpwenu kpwemva sengeza kahi ya toba. Mwechirira huzuni ya chimulungu, kpwa vivyo kamupatire hasara kpwa sababu yehu. ¹⁰Maana huzuni ya chimulungu nikureha toba na kutimiza wokofu bila kudzuta. Huzuni ya chirimwengu, idzaho, nikureha chifo.¹¹Lolani sasa huzuni ya chimulungu irivyo mvahendera. Bidii muriyo nayo, woga wenu, kutamani kpwenu, shauku yenu na kutamani kuona haki yahendeka! Kpwa chla chitu, mudzi thibitisha kukala kamuna hatia kahi ya riri jambo. ¹²Idzaho nemvandikira, simvandikirire kpwa niaba ya muhenda makosa, wela kpwa ariye koserwa, lakini muweze kumanya nyinyi enye jinsi muhuhenzavyo mbere ya Mulungu.¹³Ni kpwa gago ndiho nasi hwapata uhimizo. Na zaidi ya faraja yehu, nasi huchi hamirwa zaidi kpwa furaha ariyo kala nayo Tito, maana moyowe weburudika kpwa ajili yenu. ¹⁴Kpwa kukala nindedzivuna kpwa ajili yenu kpwakpwe, kisha sinde aibika. Badelaye, vyo ambavyo go hurigo ganena gekala ga jeri, na kudzivuna kpwehu kpwa Tito, yethibitika kukala kpwa ujeri.¹⁵Uhenzowe kpwenu ni mubomu kpwa kukala wakumbuka utiifu wenu nyosi, jinsi murivyo mukaribisha na woga na kutetemeka. ¹⁶Nahamirwa kpwa kukala nina imani bomu kpwenu.

Chapter 8

¹Hwamala mumanye, ndugu, kuhusu iyo neema ya Mulungu ambayo yepewa makanisa garigo Makedoni. ²Wakati wa majezo ga mateso, unji wao wa furaha na umasikini wa kutsupa wevyela roho za kusaidiana.³Kpwa maana namvashuhudia kukala ao mvelavya vinji kulingana na uwezo wao, na hata zaidi, na mvelavya bila kulazimishwa ⁴mvehuvoya kpwa roho za kuhenza sana nafasi iyo mvariyo ipata ya kushiriki hamwenga kazi ya Mulungu kpwa atue atakatifu. ⁵Riri karihendekere here hurivyo kuluhira, ela kpwanza mvedzi lavya kpwa Bwana kisha baadaye kpwehu kpwa uwezo wa Mulungu.⁶Kpwa vivyo huchimusihi Tito, ambaye kare wekala yudzanza kaziye, amva kamilishire hendo riri ra neema. ⁷Ela kpwa mwino murivyo mutsupa kpwa chila chitu- kpwa imani, kpwa maneno, kpwa maarifa, kpwa bidii na kahi ya henzo renu kpwehu. Vivyo, hakikishani kukala mwafaulu kahi ya hendo riri ra neema.⁸Nagomba vivi si kpwa kukala ni amuri bali kumvajeza henzo renu kala ni ra jeri, kpwa kumva linganisha na mvatamanivyo anzenu. ⁹Kpwa kukala mwamanya neema ya Bwana wehu Jesu Masihi. Idzaho wekala tajiri, kpwa niaba yenu achikala masikini, ili kuchirira umasikiniwe muweze kukala matajiri.¹⁰Kpwa jambo riri, nindamvapa maadho gandigo musaidia. Mwaka mumwenga udzio tsupa, mweaza sana kuhenda chitu na muchichanza. ¹¹Sasa, chimarikizeni. Dza vivyo murivyo tamani na muchichanza wakati uwo, namva voya muchimarikize upesi iwezekanavyo. ¹²Kpwa maana kala muna hamu ya kuhenda jambo riri, be ni vidzo na yakubalika. Ni lazima jambo riro rihendwe kulingana na vyo mutu arivyo navyo, si chira ambacho mutu kana.¹³Kpwa maana ii siyo sababu ya kuoyeza anjine kuno mwino muchi teseka, bali kpwa usawa. ¹⁴Vinji murivyo navyo wakati uu undamvasaidia mahitaji gao. Ii pia ni kpwamba vinji varivyo navyo mvakale mvaweza kumva saidia kpwa mahitaji genu, ili kukale na usawa. ¹⁵Here irivyo andikpwa: "Ariye kala na vinji kabakire na chitu, naye ariye kala na chichache kakalire na bahati."¹⁶Ela mumvera kpwa Mulungu, ariye ika kahi za roho ya Tito uhenzo uwo wa kujali dza vivyo nirivyo mimi. ¹⁷Kpwa kukala kakubalire voyo rehu tu, bali pia wekala na tamanio bomu ra kuhenda iyo kazi. Wekudza kpwenu mwenye kuhenza.¹⁸Hwamuhuma na ndugu mumwenga alikpwaye ni makanisa gosi kpwa kaziye ya kuihubiri injili. ¹⁹Si gago tu, pia wetsagulwa ni makanisa kukala chandama chehu chila hundiho kpwenda kpwa hendo riro ra neema, ambaro rahuhumikira kpwa utukufu wa Bwana na sifa zehu mbidzo za kusaidia anjine.²⁰Hwadzitenga na uwezekano wa kpwamba yoyosi waweza kulelamika kuhusu hendo riro ra ukarimu. ²¹Humakini kuhenda ririro ridzo, si mbere ya Bwana tu, bali pia kpwa atu.²²Hwamuhuma ndugu munjine pia hamwenga namvo. Hudzimu jeza mara nyinji na hwemona kukala waweza kuhenda mambo manji. Vivi watamani sana kudza kpwa vyo amwaminivyo. ²³Kpwa ajili ya Tito, iye ni musena kahi za kazi nihendazo kpwenu. Kpwa ndugu, mvamvo ni atumishi a makanisa. Ni utukufu kpwa Masihi. ²⁴Kpa vivyo mvaonyeseni henzo renu, na mumvonyese makanisa sababu kpwa noni hwadzivuna kuhusu mwimwi.

Chapter 9

¹Kuhusu utumishi kpwa atu atakatifu a Mulungu, si muhimu kpwangu kumvandikira. ²Namanya kuhusu matamanio ga kpwenu, ambago nikala nichidzivunia mbere za atu a Makedoni. Nemvambira kukala Akaya mvakala mvachidzi tayarisha kula mwaka dzana. Juhudi zenu zikala zichi mvenjiza more anji ao kuhenda kazi.³Sasa nimvahuma ao ndugu ili kudzivuna kpwehu kumvahusu mwimwi kusikale kpwa bule, na kpwamba mukale mundakala tayari, here nirivyo mvambira. ⁴Sevyo, atu a Makedoni mvandio kudza nami mvachimupata kamudza kala tayari, hundapatwa ni aibu- Sinena kumvahusu- maana namva amini. ⁵Ndiho nichaza kukala yekala muhimu nimvahimize ndugu mvaafikire na muhende mipango na mapema kpwa ajili ya zawadi muriyo ahidi. Ii ni kpwa kukala ikale tayari here baraka, wela si mtsango wa kulazimishwa.⁶Ujumbe ni kpwamba: Anyelaye mbeyu chache pia andavuna vitepe, naye anyelaye kpwa ajili ya kubarikiwa, andabarikiwa. ⁷Chila mumwenga na elavye kulingana na adzivyo dhamiria kahi za rohoni mwakpwe, si kpwa kudzivuha ama kulazimishwa, kpwa maana Mulungu wahenza mutu elavyaye kpwa furaha.⁸Na Mulungu waweza kusababisha neema kumwagika kuchira chipimo kpwako, ili, kpwa vyosi uvihitajivyo, ukavipata. Ii ni kpwa sababu ukale uchonjeza chila ridzo urihendaro. ⁹Ihere irivyo andikpwa: "Adzigavya utajiriwe na kumvapa masikini. Utakatifuwe waishi kare na kare."¹⁰Iye elavyaye mbeyu ye kpwa mukurima anyelaye na kumupa chakurya pia andamupa mara nyinji kpwa kunyela. Andaonjeza mavuno ga kpwako kpwa ajili ya utakatifu wa kpwako. ¹¹Munda tajirishwa kpwa chila njira ili mukale na moyo wa kusaidia anjine. Ii indareha shukurani kpwa Mulungu kuchirira kpwehu.¹²Kpwa kutsukula huduma ii, kaindava timizira mahitaji ga atakatifu a Mulungu tu, bali indadzela ta kumwagika kahi ya manji ga kulavya muvyera kpwa Mulungu. ¹³Kpwa kujezwa kpwenu, na kuthibitshwa kpwa huduma ii, munda mutukuza Mulungu pia kpwa heshima ya kukiri kpwenu injili ya Masihi. Mundamutukuza Mulungu kpwa roho zenu za kumvasaidia na hata anjine. ¹⁴Mva atamani sana, na mva avoyera. Mvahenda gaga kpwa sababu ya neema iriyo izidi ya Mulungu dzulu yenu. ¹⁵Shukurani naikale kpwa Mulungu kpwa ajili ya zawadi ii isiyo elezeka!

Chapter 10

¹Mimi, Paulo, namvasihi, kpwa unyenyekevu na uhurivu wa Masihi. Nikukala mupore nichikala hamwenga namwi, bali nina ujasiri nichikala kure namwi. ²Namvavoya kukala, nichikala hamwenga namwi, sinda hitaji kukala na ujasiri na nguvu na nindahitaji kukala na nguvu zizo wakati napinga mvo ambamvo nafikiria kukala mvahenda mambo chimwiri.³Kpwa kukala idzaho hwahenda mambo chimwiri, kahupigana chimwiri. ⁴Kpwa maana silaha huhumirazo kazi chimwiri. Bali, zina nguvu za kuvunza ngome. Zareha mashindano ga kupotosha kukala ga bule.⁵Hwavunza pia chila chiricho dzulu ambacho chamupinga Mulungu. Hwahela chila mawazo mateka gakale ga kumutua Masihi. ⁶Na hwadziika tayari kuadhibu chila tendo ra kutsa heshima, heshima zenu zindiho kamilika.⁷Lolani cho chiricho wazi mbere yenu. Ichikala kuna yoyosi ashawishikaye kukala ni wa Masihi, na adzikumbushe kukala vivyo arivyo iye wa Masihi, ba hata sisi ni vivyo. ⁸Kpwa kukala hata nichamua kudzigamba zaidi kuhusu uwezo wehu, ambao Bwana wehupa kumvajenga wela si kumva bananga, Sinda aibika.⁹Senzi yonekane here namvondosa kpwa barua zaungu. ¹⁰Kpwa kukala anjine ni kpwamba, "Barua za kpwakpwe zina ukali na nguvu, ela mwiriwe u dhaifu. Manenoge kaga sitahili kugasikiza."¹¹Atu dza mvamvo namvamanye kukala vyo hurivyo kahi za maneno ga barua wakati hukure ndivyo hundivyo kala wakati hukuko. ¹²Kahuna ujasiri munji kpwa kudzikusanya ama kpwa kudzi linganisha na mvamvo mvadzi tukuzao. Ela mvachidzi pima enye mumwenga kpwa munjine na mvadzi linganishe enye kpwa enye, kamvana utambuzi.¹³Sino, hata vivyo, kahunda dzivuna kuchira mihaka. Badelaye, hundadzivuna kahi ya mihaka ambayo Mulungu wehwikira, mihaka ambayo yafika kure hata kpwenu. ¹⁴Kpwa kukala kahuzidisha mihaka iyo here kpwamba kahudza mvafikira. Hwekala a kpwanza kufika kure mpaka muriko kumvarehera injili ya Masihi.¹⁵Kahudza dzivuna kutsupa mihaka kuhusu kazi za anjine. Bali, kuluhira rehu ni kpwamba here imani yenu ikulavyo, kazi yehu kahi yenu inda panuka zaidi, ¹⁶ili huweze kuhubiri injili hata lalo zirizo mbere yenu, bila kudzivunira kazi iriyo yehendwa kare lalo zinjine.¹⁷"Ela iye andiye dzivuna, na adzivune kahi ya Bwana." ¹⁸Kpwa kukala si iye adzilikaye ambaye yukubalika, bali iye ariye yukubalika kpwa Bwana.

Chapter 11

¹Natamani mwaweza kugwirana nami kahi za ujinga. Ela jeri mwagwirana nami! ²Kpwa kukala nina wivu namwi. Nina wivu wa chilungu kpwenu, hangu nimva ahidi ndoa kpwa Mulume mumwenga. Neahidi kumvaloza here mwanamwali kpwa Masihi.³Ela naogoha kpwamba, here nyoka arivyo mukenga Eva kpwa ulachuwe, mawazo genu gaweza gaka galuzwa chinyume na ujeri na kudzitolea kpwenu kpwa Masihi. ⁴Mufano, munjine akadza kumva hubiria Jesu munjine zaidi ya yuno huriye muhubiri. Ama je, mukahochera roho munjine zaidi ya yuno muriye muhochera. Ama je, mukahochera injili injine zaidi ya yo muriyo ihochera. Ela, mwapigana na hali zizi tototo sana.⁵Kpwa maana nafikiri kukala mimi si mtite kahi ya mvo mvadzehao mitume abomu. ⁶Ela hata kala sifundishirwe kunena, sihitaji mafunzo kpwa maarifa. Kpwa chila njira na kpwa mambo gosi, riri hudzirika lwazu kpwenu.⁷Je, nehenda dambi kpwa kudzi nyenyekeza ili mwino mwenulwe? Kpwa maana nehubiri injili bule kpwenu. ⁸Nemva hoka nafasi makanisa manjine mvario nipa misaada ili niweze kudza kumvahumikira mwimwi. ⁹Niriho kala namwi nekala muhitaji, ela si bagazire yoyosi musigo. Kpwa mahitaji gangu getimizwa ni ndugu mvario Makedoni. Kpwa hali zosi, nedzi zuiliya sana kukala musigo kpwenu, na nindenderera vivyo.¹⁰Here ujeri wa Masihi urivyo nami, kuku kudzivuna kpwangu kakunda nyamazishwa lalo ra Akia. ¹¹Kpwa noni? Kpwa kukala simvenzi? Mulungu nde amanyaye.¹²Na chila nihendaro nindatua kurihenda, ili niweze kuusa iyo nafasi ya mvo mvario mvamala nafasi iyo mvaonekane here sisi kahi ya mambo mvadzi vuniago. ¹³Kpwa kukala atu dza mvamvo ni mitume a ulongo na ahenzi kazi alongo. Mvadzi tambulisha kukala mitume a Masihi.¹⁴Na ii si ajabu, maana hata shetani naye nikudzi tambulisha here malaika wa mulangaza. ¹⁵Si ajabu pia kpwa atumishie kudzi tambulisha here atumishi wa utakatifu. Majaliwa gao indakala vyo mahendo gao gastahilivyo.¹⁶Namvambira keheri: Mutu asifikirie kukala ni mujinga. Ela uchifikiria vivyo, be nihochera here mujinga ili niweze kudzivuna vichache. ¹⁷Go ninenago na madzivuno-sinena here vyo andivyo nena Bwana andekala ndiye-nanena here mutu mujinga. ¹⁸Kpwa kukala anji mvadzivuna kulingana na miiri yao, hata mimi nindadzivuna.¹⁹Kpwa kukala mwagwirana na ajinga tototo. Muelachu mwimwi! ²⁰Maana mwagwirana na mutu kala wamvaika atumwa, achimva humira apate faida, achidzi tukuza, ama achimva dhulumu. ²¹kpwa aibu nindakiri kukala hwekala adhaifu sana kuhenda vivyo. Wakati kala kuna yoyosi ariye na ujasiri-nanena here mujinga-nami pia nindakala jasiri.²²Je, mvo ni Aebrania? Hata mimi nami ni Muibrania. Je ni Aisraeli? Hata mimi ni Muisraeli. Je, ni lukolo lwa Ibrahimu? Hata mimi ni wa lukolo lwa Ibrahimu. ²³Je, ni atumishi a Masihi? (Nanena here nina vitswa.) Mino ni zaidi: kahi ya kazi ngumu, kahi ya magereza, kahi ya kupigwa zaidi ya chipimo, hahi ya kupatana na hatari bomu zaidi.²⁴Kula kpwa Ayahudi, nehochera mara tsano ya "mijeledi mirongo minne kasoro mumwenga." ²⁵Mara tahu nepigwa na mijeledi. Mara mwenga nichipigwa mawe. Mara tahu nichi vunzikirwa ni mashua. Newahi kulela na kusinda nze ufuoni mwa bahari. ²⁶Nidzikala nichi safiri, kudzi hatarisha kula kpwa miho, ahuni, atu angu mwenye, a mataifa, midzini, matsakani, baharini, hatarini pia kpwa ndugu a ulongo.²⁷Nidzi humikira chikazi na bidii, kahi ya kukosa usinzizi usiku, kahi ya chihu na nzela, siku nyinji nichikala kahi za saumu, pehoni na nichikala bila mavazi. ²⁸Kanda na manjine gosi, kuna musukumo kpwa uhenzo wangu kpwa makanisa gosi. ²⁹Adzisikiraye munyonge nani nami nidzisikire munyonge? Je, ariye kpwazwa nani nami nisi tsukirwe?³⁰kala ni lazima nidzivune, be nindadzi vuna kpwa go gaonyesago udhaifu wangu. ³¹Mulungu iye Paba wa Bwana wehu Jesu Masihi, iye mubarikiwa kare na kare, wamanya kukala sikenga!³²Kuko Dameski, mutawela ariye kala tsini ya mufalume Areta wekala achiurinda mudzi wa Dameski kunigwira. ³³Ela neteremushwa chikahanani kuchirira kpwa dirisha ra ukutani, nichimwepuka.

Chapter 12

¹Ni lazima nidzivune, hata kala kaina faida. Ela ninda tsagula maono na ufunulo kula kpwa Bwana. ²Namumanya mutu ariye kahi ya Masihi ambaye miaka murongo mumwenga na nne ambaye-akale kahi za mwiri ama nze ya mwiri, simanya, Mulungu ndiye amanyaye-ela wenyakulwa mpaka mbingu hahu.³Nami namanya kukala mutu yuyu-akale ni kahi za mwiri, ama nze ya mwiri, mimi simanya amanyaye ni Mulungu- ⁴Wenyakulwa achenda paradiso na achisikira maneno gasigo eleweka ambago atu kamvaruhusiwa kuganena. ⁵Kpwa niaba ya mutu iye, nindadzivuna. Ela kpwa niaba yangu, sindadzivuna, isihokala kpwa mapungufu gangu.⁶kala ninda tsagula kudzivuna, sindakala mujinga, kpwa kukala nindakala nanena ujeri. Ela ninda dzitenga na madzivuno, ili mutu yoyosi andafikiria zaidi kunihusu here anonavyo kuriko go agasikirago kula kpwangu. ⁷Kunihenda nisidzivune tuguke mwenye, kpwa sababu ya ukulu wa ufunulo, nichenjizwa mwiya mwirini, muhumwa kula kpwa shetani wenenjiza ili kunitesa-ili nisiweze kudzitukuza.⁸Kpwa mara tahu, nemurira Mulungu kuuhusu mwiya uwo, ili anombozere. ⁹Ela achinamba, "Neema yangu yakutosha, maana nguvu zangu zakamilishwa kahi za unyonge." Kpwa vivyo baha nidzivune kuhusu udhaifu wangu, ili nguvu za Masihi zikale hamwenga nami. ¹⁰Kpwa vivyo bai, natosheka kahi za Masihi kpwa udhaifu wangu, kahi za matusi, kahi za tabu, kahi za mateso na hali zakutatiza. Kpwa maana nichikala mudhaifu, ndiho nina nguvu.¹¹Nidzikala mujinga! Mwenihenda vivyo, maana mundekala mwanilika. Kpwa maana sikalire munyonge kpwa mvo mvadzehao mitume abomu, idzaho mimi si chitu. ¹²Dalili za ujeri za mutume mwezonyeswa lwazu, ishara na miujiza na maajabu. ¹³Kpwani mwekaladze atu mvasio kala muhimu kuriko makanisa manjine, isihokala mimi ndimi sikalire musigo kpwenu? Nisameheni kpwa kosa riri.¹⁴Lolani bai! Ni tayari nidze mara ya hahu kpwenu. Wela sindakala musigo kpwenu, kpwa kukala simala chiricho chenu. Namvamala mwimwi. Kpwa maana ana kamvahenzekana mvaikire kpwa azazi ao. Badelaye, azazi ndimvo nikpwikira ana ao. ¹⁵Ninda hamirwa kala nindahumira vyangu kpwa ajili ya roho zenu. Ichikala namvahenza sana, je nahenzekana nihenzwe vichache?¹⁶Ela here virivyo, sikalire musigo kpwenu. Ela kpwa kukala ni mulachu, ndimi niriye mvapata kpwa ulachu. ¹⁷Je nemvahumira chivyovyosi kpwa yoyosi niriye muhuma kpwenu? ¹⁸Nemusihi Tito adze kpwenu, na nichimuhuma iye ndugu munjine kpwenu hamwenga naye. Je, Tito wemvahumira vii? Je, kahutsemberere hamwenga kahi za roho? Je, kahutsemberere hamwenga nyago kpwa nyago?¹⁹Je, mwafikiria siku zosi hudzikala huchidzi hehera kpwenu? ni mbere za Mulungu hwamvaambira kahi za Masihi, na ni kpwa mwimwi ahenzwi mwenjizwe nguvu.²⁰Kpwa kukala naogoha kukala nichidza sinda mvapata here nirivyo mvaricha. Naogoha kukala kamundani pata here muhenzavyo. Naogoha kukala nikpwenda kukakala na malumbano, wivu, hasira mbii, uhadui, ulongo, kusengenyana, kudharauliyana na fujo. ²¹Naogoha kukala nindiho uya, Mulungu wangu nikpwenda akanadhibu mbere yenu. Naogoha kukala nikpwenda nikatsukizwa ni anji enu ambamvo mvenjira dambini na kamvadza tubu kpwa uchafu na uzinifu na kutamani mvariko henda.

Chapter 13

¹Ii ni mara ya hahu nindakala nadza kpwenu. "Chila dzambo lazima riikpwe lwazu mbere ya mashahidi airi ama ahahu." ²Nemvambira kare mvario enjira dambini haho mwanzo na hata anjine osi niriho kala kuko mara ya hiri, na namvambira keheri: Nichidza keheri, sindamva ngolangola.³Namvambira vivyo kpwa kukala mwatafuta ushahidi kala ni jeri Jesu wanena ndani yangu. Iye si munyonge kpwenu. Ni mwenye nguvu sana kpwenu. ⁴Kpwa kukala wesulubishwa kahi ya unyonge, ela yu moyo kpwa nguvu za Mulungu. Maana sisi nasi huanyonge kpwakpwe, ela hundaishi hamwenga naye kpwa nguvu za Mulungu kahi yenu.⁵Dzichunguzeni, mulole kala mu kahi za imani. Dzipimeni. Je, kamugatambua gano mwino enye, kukala Jesu Masihi yu ndani yenu?-labuda bai, hata vivyo mudzi ugbwa uwo mutihani. ⁶Nami naamini kukala munda tambua kukala kahudza ugbwa uwo mutihani.⁷Sasa be hwamuvoya iye Mulungu kukala musihende kosa rorosi. Sivoya riri ili honekane here hudzi utsupa uwo mutihani. Bali, navoya mukale mundahenda go garigo ga sawa, idzaho hwaweza hukonekana here hudziugbwa wo mutihani. ⁸Kpwa kukala kahuweza kuhenda rorosi chinyume na ujeri, bali kpwa uwo ujeri.⁹Kpwa kukala huna sherekeya wakati sisi huanyonge namwi muna nguvu. Hwamva voyera piye muhendwe akamilifu. ¹⁰Nagaandika gaga nichikala ni kure namwi ili wakati nichikala namwi isikale ni lazima nikale mukali kpwenu kahi za kuhumira mamulaka- ambago Bwana wenipa ili nimvajenge, bali sikumva vunza.¹¹Mwisho, ndugu zangu, furahini! Hendani kazi ya uvivio, dzipeni moyo, fikiriyani jumula, na muishi kpwa amani. Naye Mulungu wa uhenzo na amani andakala hamwenga namwi. ¹²Lamusanani kpwa busu takatifu. Atakatifu osi a Mulungu mvaelamusa.¹³Neema ya Bwana wehu Jesu Masihi, na uhenzo wa Mulungu, na ushirika wa Roho Mtakatifu akale hamwenga namwi nyosi.

Revelation

Chapter 1

¹Uu ndiwo ufunulo wa Jesu Masihi Mulungu ariwo mupa ili amvonyese atumishie go ambago ni lazima gombolere karibuni. Wehenda gamanyikane kpwa kumuhuma malaikawe kpwa mutumishiwe Johana, ²ariye shuhudia kuhusu neno ra Mulungu na ushuhuda wa Jesu Masihi, mambo gosi arigo gaona. ³Mubarikiwa ni iye andiye soma kpwa sauti unabii uu na mvamvo mvandio sikiza maneno ga unabii uu na kutii garigo andikpwa kahi za unabii uu, kpwa kukala wakati uhehi kufika.⁴Johana, kpwa makanisa gosi mafungahe Asia: Neema naikale hamwenga namwi na amani kula kpwa iye ariyeko, ariye kalako, na andiye kalako, na kula kpwa roho zizo fungahe zirizo mbere ya chihiche cha enzi, ⁵na kula kpwa Jesu Masihi, ariye ndiye shahidi mwaminifu, chifugula mimba kula kpwa mvariofwa, na mutawela wa afalume a dunia. Kpwa iye ahuhenzaye na kuhwika huru kula kpwa dambi zehu kuchirira mulatsowe- ⁶adzihu tengezera ufalume, na kuhuhenda makuhani a Pabaye Mulungu- kpwakpwe iye nakukale na utukufu na nguvu kare na kare. Amina.⁷Lolani, andadza na maingu; chila dzitso rindamona, hamwenga na mvamv mvario mudunga mishale. Kabila zosi za dunia mvanda omboleza kpwa ajiliye. ⁸"Mimi ndimi wa mosi na wa mwisho," wanena Bwana Mulungu, "Mimi niriyeko, niriye kalako na nindiye kalako, Mubomu wa vyosi."⁹Mimi, Johana-ndugu yenu na niriye shirika kahi ya mateso na ufalume na niriye muvimirivu kahi za Jesu-nekala kahi ya chisiwa chehewacho Patimo kpwa ajili ya kuhubiri neno ra Mulungu na ushuhuda kuhusu Jesu. ¹⁰Nekala kahi ya Roho siku ya Bwana. Nichisikira nyuma yangu sauti bomu here ya tarumbeta. ¹¹Ichamba, "Gaandike gaga ugonago kpwenye chitabu, na ugahume kpwa makanisa gosi mafungahe-kpwa Aefeso, kpwa Asimirna, kpwa Aperigamo, Athietira, Asadi, Afiladelifa na elaodikia.¹²Nichi galuka nilole sauti yo yekala ni ya ani, nami niriho galuka nichona minara ya mataa mifungahe ga dhahabu. ¹³Kahikahi ya minara iyo, wekala adzema mutu here Mwana wa Adamu, avela gwanda rire ririro kala rimufikira nyayoni na chifuani wekala na ngao ya dahabu.¹⁴Chitswani na nyere zekala ni nyeruhe here pamba-nyeruhe here barafu-na mtsoge gekala here miyale ya mwanga wa moho. ¹⁵Maguluge gekala here almasi iriyo chizwa kahi ya moho, na sautiye yekala here ngurumo ya madzi. ¹⁶Wekala agwirira nyenyezi fungahe ganzare ra mukono kulume, na mundu ukatawo kosikosi wekala wombola mulomoni mwakpwe. Usowe weng'ela here dzua kali.¹⁷Niriho mona, nichimu gwerera maguluni here lufu. Achiniikira mukono we wa kulume, achinamba, "Usogohe. Mimi ndimi wa mosi na wa mwisho ¹⁸na aishiye. Nefa, ela lola, naishi kare na kare! Na ndimi niriye na funguo za chifo na kuzimu.¹⁹Kpwa vivyo bai, gaandike gago udzegona, ugonago sasa na undigo gaona baada ya gaga. ²⁰Ela kpwa maana ya zo nyenyezi fungahe udzizo zona mukono wangu wa kulume, na yo minara mifungahe ya dahabu: Zo nyenyezi fungahe ni malaika a go makanisa mafungahe, na yo minara mifungahe ni gago makanisa mafungahe."

Chapter 2

¹"Kpwa malaika wa kanisa ririro Efeso andika: 'Maneno ga iye agbwiraye nyenyezi fungahe mukonowe wa kulume na enendaye kahi ya minara mifungahe ya dahabu waamba vivi, ²"Namvamanya mahendo genu, kazi zenu ngumu, na uvumirivu wenu, na kpwamba kamuweza kuvumirira atu aovu, ela mudzia jeza mvosi mvadzehao mitume bali semvo, na mudzi amanya kukala ni alongo.³Mwavumirira manji kpwa ajili yangu wela kamudza tsoka. ⁴Ela si hamwenga namwi kpwa ujeri kpwamba mudzi galuka henzo renu ra kpwanza. ⁵Kumbukani bai muriko hungukirwa ni henzo renu. Tubuni na muhende mambo murigo kala muchigahenda kula mwanzo. Musiho tubu, nindakudza nimvausire munara wenu.⁶Ela muna riri: Mwachukia mahendo ga Nikolai, ambago hata mimi sigenzi. ⁷Iye mwenye sikiro, na asikire maneno anenago Roho kpwa makanisa. Kpwa iye ashindaye, nindamupa hachi ya kurya kula kpwa muhi wa uzima wa kare, uriwo kahi ya paradiso ya Mulungu."⁸" Kpwa malaika ariye Smirna, andika: "Gaga ndigo maneno ganenwago ni iye ariye ni mosi na mwisho, iye ariye kala uyudzefa chisha achifufuka: ⁹"Namanya mateso genu na umasikini wenu, ela muma tajiri. Namanya ulongo wa mvamvo mvadzambao ni Ayahudi, bali sevyo. Ni hekalu ra shetani.¹⁰Musogohe go murigo kamukure kugaona. Lolani! Ibilisi yuhehi kumvenjiza anjine enu chifungoni ili muchirire majezo, namwi munda teseka kpwa siku kumi. kalani aaminifu hadi kufa, nami nindamvapa uzima wa kare. ¹¹Iye ariye na masikiro, na asikire go Roho ambiravyo makanisa. Iye andiye shinda, kandawahi kudhurika na chifo cha hiri.""¹²"Kpwa iye malaika ariye kanisa ra Pergemum, andika: 'Gaga ni maneno ga iye ariye na mundu ukatao kosikosi: ¹³"Namanya kuko muishiko, na kuko ndiko chihi cha shetani chiriko. Idzaho mudzirigwirira sawasawa dzina rangu. Namanya kukala kamudza teteleka chi imani kpwangu hata siku za Antipa ariye shahidi wangu na mwaminifu kpwangu, ariye olagbwa kahi yenu, kuko shetani aishiko.¹⁴Ela nina mambo machache gamvayugago: Muna mumwenga kahi yenu ariye achere kugbwira mafundisho ga balamu, iye ariye mufundisha balak kumva udzya nyuma ana a Israeli kpwa kumvelakiza kurya nyama zirizo laviwa sadaka kpwa vigango na kukala azinzi. ¹⁵Hali iyo, anjine kahi yenu mvachere kutua mafundisho ga Anikolai.¹⁶Tubuni bai! Musiho tubu, nindadza haraka sana, na ninda pigana namvo kpwa mundu uriwo mwangu kanwani. ¹⁷Iye ariye na masikiro, na asikire gago anenago Roho wa Bwana kpwa makanisa. Kpwa iye andiye shinda, nindamupa sehemu ya go madzo gadzigo fitswa, chisha nindamupa iwe reruhe renye dzina risha ridziro andikpkpwa kpwenye riro iwe, dzina ambaro kakuna arimanyaye isiho kala iye arihocheraye."¹⁸"Kpwa malaika ariye kanisa ra Thiyatira andika: ' Gaga ndigo maneno ga Mwana wa Mulungu, ariye na matso here miale ya moho na magulu here almasi idzo safishwa: ¹⁹"Namanya mahendo genu: henzo renu na imani yenu na huduma yenu na uvumirivu wenu. Namanya kukala go murigo gahenda karibuni ni zaidi ya go murigo gahenda mwanzo.²⁰Ela nina gaga kuvahusu: Mwamu karibisha Jezebeli kahi yenu, adzehaye nabii wa chiche. Kpwa mafundisho ga kpwakpwe, wamvakenga atumishi angu kuhenda zinaa na kurya vyakurya vya sadaka kpwa vigango. ²¹Nemupa muda kutubu, ela ka tayari navyo.²²Lolani! Nindamwika chitandani kpwa makongo, na mvamvo mvazinio naye mvandenjira kahi ya mateso, labda mvatubu kpwa madambige. ²³Nindamvolaga anae, na makanisa gosi mvandamanya kukala ndimi nitafutaye fikira na mawazo ga rohoni. Nindamupa chila mumwenga wenu kulingana na mahendo genu.²⁴Ela kpwa anjine enu, yoyosi ariye kagbwira mafundisho gaga na kamanya go gehewago mambo ga ndani ga shetani-kpwenu namvambira, 'Sindamvapa musigo zaidi kpwenu.' ²⁵Chivyovyosi, gwirani muricho nacho tototo, mpaka nindiho kudza.²⁶Iye andiye shinda na kuhenda mahenzo gangu, hadi mwisho, nindamupa uwezo na mamulaka dzulu ya mataifa. ²⁷Andamva tawela na mkono wa nguvu, na here vidzungu vya udongo andamva vunza vunza vipande vipande.' ²⁸Here tu vyo nirivyo hochera kula kpwa Paba, iye pia nindamupa nyenyezi ya kpwanza ya madzacha, ²⁹Iye ariye na masikiro na asikire go anenago Roho kpwa makanisa."

Chapter 3

¹"Kpwa malaika ariye kanisa ra Asadi andika: 'Gaga ndigo maneno anenago iye agwiraye zo Roho fungahe za Mulungu na nyenyezi fungahe. "Nagamanya mahendo genu. Muna dzina ra kpwambwa muhai, ela mwefa. ²Lamukani mudzipe nguvu ili mokole cho chichache chiricho moyo ambacho kachikure kufa, kpwa kukala sidzaona mambo genu kukala makamilifu mbere ya Mulungu.³Kumbukani, cho muricho hochera na kuchisikira. Chiheshimuni, na mutubu. Ela mushiho lamuka, be nindadza here mwevi, wela kamunda manya uwo wakati nindiho kudza. ⁴Ela muna madzina machache kahi yenu Asadi, ga atu ambamvo kamvadza chafua nguo zao, namvo mvadza tsembera nami, na magwanda meruhe, kpwa maana mvasitahili.⁵Iye andiye shinda andavishwa gwanda reruhe, na sindawahi kufuta dzinare kahi ya chitabu cha uzima, nami nindamukiri mbere ya Paba, na mbere ya malaika akpwakpwe. ⁶Iye ariye na masikiro, na asikire gago Roho ambavyo kpwa makanisa."⁷"Kpwa malaika wa kanisa ririro Filadelfia andika: 'Gaga ni maneno gelaago kpwa iye iye ariye mtakatifu na mujeri-agwirira fungua ya Daudi, achifugula kakuna awezaye kufunga, na achifunga kakuna mufuguli. ⁸""Namanya mahendo genu. Lolani, Nidzika mbere zenu muyango urio wazi ambao kakuna awezaye kuufunga. Namanya kukala muna nguvu chache muno, ela mudziheshimu neno rangu wela kamudzawahi kukana dzina rangu.⁹Lolani! Ninda sababisha mvamvo mvario a hekalu ra shetani, mvamvo mvadzehao Ayahudi a ulongo-Nindamvahenda mvadze mvashutame mbere zenu, chisha mvandamanya kukala namvahenza. ¹⁰Kpwa kukala mudzi tii amuri zangu, kuvumirira, nindamvatenga wakati wa majezo udzao urimwengu muzima, kumvajeza ao mvaishio duniani. ¹¹Siku zangu kudza zihehi. Gbwirani muricho nacho ili mutu asimvahoke taji zenu.¹²Andiye shinda nindamuhenda nguzo kahi ya hekalu ra Mulungu wangu. Kandawahi kombola keheri, na nindamwandika dzina ra Mulungu wangu, na dzina ra mudzi wa Mulungu wangu (Jerusalemu mbisha, indiyo tima kula mulunguni kpwa Mulungu wangu), na dzina rangu risha. ¹³Iye ariye na masikiro, asikire go anenago Roho kpwa makanisa."¹⁴"Kpwa malaika ariye Laodikia andika: 'Gaga ndigo maneno ga iye Amina, wa kutegemea na shahidi wa jeri, mutawela wa viumbe vyosi vya Mulungu. ¹⁵"Namvamanya mahendo genu na kpwamba kamu moho wela peho. Naaza mundekala mu moho ama peho! ¹⁶Sasa bai, kpwa kukala mu vuguvugu-kamu moho wela kamu peho-Nihehi kumva hahika mwangu kanwani.¹⁷Kpwa kukala mwaamba, 'Mino ni tajiri, nina mali nyinji, wela sihitaji chitu.' Ela kamumanya kukala mwimwi ndimwi achia, mustahilio huruma, vipofu na murio huhu. ¹⁸Sikizani wasia wangu: Gulani kula kpwangu dahabu idziyo chizwa kahi ya moho ili mukale matajiri, na muvishwe magwanda meruhe ili mufitse aibu ya kukala huhu, na mung'azwe ni matso ili muweze kona.¹⁹Mino niku chemera na kumwenjiza adhabu yoyosi nimuhenzaye. Kpwa vivyo kalani makini na mutubu. ²⁰Lolani, nidzema muyangoni nabisha. Yoyosi aisikiraye sauti yangu na akafugula, nindenjira mwakpwe nyumbani na kurya naye, naye arye nami.²¹Andiye shinda, nindamupa hachi kusagela nami kpwenye chihi cha enzi, dza vivyo mimi nirivyo nirivyo sagela na Paba kahi ya chihiche cha enzi. ²²Iye ariye na masikiro, na asikire go anenago Roho kpwa makanisa.""

Chapter 4

¹Baada ya gago nichilola, nichona muyango uriwo kala uwazi mulunguni. Sauti ya kpwanza niriyo isikira yekala here tarumbeta, ichamba, "Nzo kuno dzulu nikonyese go ambago ni lazima gahendeke baada ya gaga gosi." ²Mara mwenga, nichenjizwa kahi ya Roho, nami nichona chihi cha enzi chidzikpwa mulunguni, na mutu achisegerere. ³Iye ariye kala yuchisagalira wekala here iwe tune na akiki. Hekala na muzunguluko wa chisichi haho chihini. Chisichi chicho chekala here zumaridi kpwa monekanowe.⁴Hehi na chihi chicho hekala na vihi vinjine mirongo miri na nne, mvirivyo kala visegererwe ni atumia mirongo miri na nne, na mvavela magwanda meruhe, na mvavishwa viremba vya dahabu vitswani. ⁵Kula kpwa chihi cha enzi, kpweombola miyale ya mwangaza, mingurumo,na chigwaragwara. Miyale ya mataa fungahe yekala yaaka mbere ya chicho chihi cha enzi, mataa gago ndigo garigo kala ni roho fungahe za Mulungu.⁶Mbere ya chicho chihi, kpwekala chitu chiricho onekana here bahari ya vilolo, iriyo ng'ela here iwe ra chilolo. Kahikahi ya chicho chihi cha enzi na kuchizunguluka kpwekala na viumbe vinne viishivyo, vyekala vitele matso chila hatu, mbere na nyuma.⁷Chiumbe cha kpwanza cheonekana here simba, cha hiri here ng'ombe, cha hahu chekala china sura ya chidamu, nacho cha nne chichikala here tai. ⁸Viumbe vivyo vinne, chila chimwenga chekala na mamvamva sita. matso dzulu na tsini. Usiku na mutsana kamvatsokere kpwamba, "mutakatifu, mutakatifu, mutakatifu ni Bwana Mulungu, ariye kalako, ariyeko, na andiye kalako."⁹Wakati wosi viumbe mvamvo velavya utukufu, heshima na mumvera kpwa iye ariye kala yusegere kpwenye chicho chihi cha enzi, iye aishiye kare na kare, ¹⁰mvo atumia mirongo miri na nne mvagwa chinabunabu mbere za iye asegereye ho henye chihi cha enzi na kumwabudu iye aishiye kare na kare. Mvagbwaga viremba vyao mbere ya chicho chihi, mvachamba, ¹¹"Wastahili uwe, Bwana wehu na Mulungu wehu, kuhochera utukufu na heshima na nguvu, kpwa kukala ndiwe uriye umba vitu vyosi, na kpwa mahenzo ga kpwako, vichipata kuishi na kuumbwa."

Chapter 5

¹Chisha nichilola mukono wa kurya wa iye ariye kala yusegere chihi cha enzi, nichona gombo ririro andikpwa mbere na nyuma, rekala rifungbwa mafundo chisha richipigwa mihuri mifungahe. ²Nichona malaika mubomu achitangaza kpwa sauti bomu, "Astahiliye kufugula mafundo ga gombo rino nani?"³Kakukalire naye mumwenga si duniani wela mulunguni ariye weza kurifugula wela kusoma. ⁴Nichirira kpwa utsungu kpwa kukala kakupatikanire hata mumwenga ariye stahili kufugula gombo riro wela kurisoma. ⁵Ela mumwenga kahi ya mvo atumia achinamba, "Usirire. Lola! Simba wa Yuda, lukolo lwa Daudi yushinda. Waweza iye kurifugula gombo riro mafundoge mafungahe."⁶Nichona Mwana ng'onzi wemire kahikahi ya sehemu iriyo kala na chihi cha enzi na kahi ya mvo viumbe anne na mvo atumia. Wekala here yudzolagbwa. Wekala na pembe fungahe na matso mafungahe, ambayo tafsiriye ni roho fungahe za Mulungu arizo zihuma urimwenguni kosi. ⁷Achenda achirigwira riro gombo mukonowe wa kulume ariye kala yusegere ho henye chihi cha enzi.⁸Ariho kala yurihela ro gombo, mvo viumbe anne na atumia mirongo miri na nne mvachigbwa mbere za iye Mwana ng'onzi. Chila mumwenga wao wekala ana chinubi mukononi na bakuli ra dahabu ritele uvumba, ambayo ndo mavoyo ga atakatifu a Mulungu.⁹Mvachemba wira musha: "Wastahili kuhela gombo na kurifugula mafundoge. Kpwa kukala wetsinzwa, na kpwa mulatsowo, uchimva kombola atu a Mulungu kula kpwa mbari zosi, kabila zosi, atu na hata mataifa. ¹⁰Wemvahenda kukala ufalume na ahubiri atumishi a Mulungu, namvo mvanda tawela dunia."¹¹Ndiho nichilola nami nichisikira sauti ya malaika anji ambamvo mvechi zunguluka chihi cha enzi hamwenga na mvo viumbe na mvo atumia. Hesabu yao kamili mvekala elfu kumi kpwa maelfu kumi kpwa ma elfu na maelfu. ¹²Mvachamba kpwa sauti mwenga bomu, "Astahiliye ni iye Mwana ng'onzi, ambaye yutsinzwa, ili ahochere nguvu, utajiri, hekima, heshima, utukufu na sifa."¹³Nesikira chila chiumbe chiricho kala Mulunguni na duniani na tsini ya ntsi na dzulu ya bahari-chila chimwenga-chichamba, "Kpwa iye asegereye kpwenye chihi cha enzi, na kpwa Mwana ng'onzi, sifa zikale kpwao, heshima, utukufu na utawela kare na kare." ¹⁴Mvo viumbe anne mvachamba, "Amina!" namvo atumia mvachigbwa, mvachiabudu.

Chapter 6

¹Nichilola wakati Mwanang'onzi ariho kala wafugula mwenga kahi ya iyo mihuri mifungahe, nami nichisikira mumwenga kahi ya mvo viumbe anne mvaishio achinena kpwa sauti ambayo yekala here chigwaragwara, "Nzo!" ²Nichilola nichona farasi mweruhe. Ariye kala achimwendesha wekala agbwirira uha, chitswani achivishwa chiremba cha chifalume. Weombola here mushindi ariye ombola ashinde.³Mwanang'onzi ariho fugula fundo ra hiri, nichimusikira chiumbe wa hiri naye achinamba, "Nzo!" ⁴chisha farasi munjine naye achombola-mwenye rangi nziho sana tune. Ariye kala achimwendesha wepewa ruhusa kuuhoka urimwengu amani, ili atu mvatsinzane mvolagane. Yuyu wepewa mundu mubomu.⁵Mwanang'onzi ariho fugula fundo ra hahu, nesikira chiumbe wa hahu achinamba "Nzo!" Nichona farasi mwiru, na ariye kala achimwendesha wekala yugwirira mizani mikononi. ⁶Nichisikira sauti here kula kpwa viumbe mvosi anne ichamba, "Chibaba chimwenga cha ngano kpwa dinari mwenga, na vibaba vihahu vya shayiri kpwa dinari mwenga. Ela usidhuru mafua na divai."⁷Mwanang'onzi ariho fugula fundora nne, nichimusikira chiumbe cha nne achinamba "Nzo!" ⁸Nichona farasi adziye parara. Ariye kala wamwendesha wekala wehewa Chifo, na kuzimu yekala yamutua. Mvachipewa mamulaka dzulu ya robo mwenga ya ntsi, mvolage kuhumira mundu, nzela na makongo, na pia anyama a tsakani mvario duniani.⁹Mwana ng'onzi ariho fugula fundo ra tsano, nichona tsini ya madhabahu maroho ga mvario olagbwa kpwa sababu ya neno ra Mulungu na shuhuda mvarizo kala nazo. ¹⁰Mvachirira kpwa sauti bomu, "Mpaka rini mutawela wa vyosi, mutakatifu na mujeri, undiho hukumu mvario duniani na kuhurihira mulatso wehu?" ¹¹Chisha chila mumwenga wao achipewa gwanda reruhe, chisha mvachambirwa mvarinde kpwa muda mufuhi zaidi mpaka hesabu yao ikamilike ya atumishi anzao na ndugu zao mvamvo namvo mvekala ni mvolagwe, here mvamvo.¹²Mwana ng'onzi ariho fugula fundo ra sita, nichilola nako kuchikala na mutetemeko mubomu wa ntsi. Dzua richigaluka richikala riiru here gunia, na mwezi uchigaluka here mulatso. ¹³Nyenyezi za Mulunguni zichigbwa duniani, here viratu mutini ugbwagavyo matundage maitsi wakati uchi tetemeshwa ni peho nyinji. ¹⁴Mwanga uchangamika here gombo rikunzwaro. Chila murima na chisiwa vichi tsamishwa kula hatuhe.¹⁵chisha afalume a dunia na atu maarufu, na elavya amuri, na matajiri, na enye nguvu, na anjine mvosi, atumwa kpwa mvario huru, mvachidzifitsa mapangoni na kahi ya mawe mabomu na mirima. ¹⁶Mvachiambira iyo mirima na mawe, "Hugbwerere! Hufitse kula kpwa uso wa yuya adziye sagela kpwenye chihi cha enzi na kula kpwa koro za Mwanang'onzi. ¹⁷Kpwa kukala siku bomu ya koro za kpwe ifika. Aiwezaye nani?"

Chapter 7

¹Baada ya gago, nichona malaika anne mvemire kahi za pembe zosi nne za dunia, kuno mvadziugwirira kusi zosi nne za dunia kpwamba kakuna ta kusi mwenga rinde ruhusiwa kupiga dzulu ya ntsi, wela bahari, wela muhi wowosi. ²Nichona malaika munjine ariye laa upande wa mombolero ga dzua, ariye kala yugwirira muhuri wa Mulungu aishiye. Achomboza sauti bomu kpwa mvo malaika anjine mvariokala mvapewa uwezo kubananga dunia yosi na bahari: ³"Musi imarikize ntsi, wela bahari wela iyo mihi mpaka hukale hudzimvapiga mihuri viranguni atumishi a Mulungu wehu."⁴Nichisikira yo hesabu ya mvo mvario ikpwa mihuri: Elifu mwenga na mirongo minne na nne, mvario pigbwa mihuri kula kpwa chila kabila mwenga ya atu a Israel: ⁵elifu murongo mumwenga na mbiri kula kpwa kabila ra Yuda mvepigbwa muhuri, elifu murongo mumwenga na mbiri kula kpwa Rubeni, elifu murongo mumwenga na mbiri kula kpwa Gadi, ⁶elifu murongo mumwenga na mbiri kula kpwa kabila ra Asheri, elifu murongo mumwenga na mbiri kula kpwa kabila ra Naftali, elifu murongo mumwenga na mbiri kula kpwa kabila ra Manase,⁷elifu murongo mumwenga na mbiri kula kpwa Simioni, elifu murongo mumwenga na mbiri kula kpwa kabila ra Levi, elifu murongo mumwenga na mbiri kula kpwa Isaka, ⁸elifu murongo mumwenga na mbiri kula kpwa kabila ra Zebuluni, elifu murongo mumwenga na mbiri kula kpwa kabila ra Josefu na elifu murongo mumwenga na mbiri kula kpwa kabila ra Benjamini mvepigbwa muhuri.⁹Baada ya mambo gaga, nichilola keheri, nichona kundi bomu ra atu mvasio talika- kula kpwa chila taifa, kabila, atu na luga- mvadzema mbere ya ya chicho chihi cha enzi cha Mwanang'onzi. Mvekala mvavela magwanda meruhe kuno mvagwirira mitende mikononi, ¹⁰kuno mvachikala mvapiga kululu mvachamba: "Wokofu ni wa Mulungu, asegereye chihi cha enzi, na kpwa Mwanang'onzi!"¹¹malaika mvosi mvekala mvemire mvazunguluka chihi cha enzi na mvo atumia na mvo viumbe anne, chisha mvachigbwa mbere ya chihi cha enzi. Mvachi mwabudu Mulungu, ¹²kuno mvamba, "Amina! Sifa, utukufu, hekima, shukurani, heshima, uwezo na nguvu zikale kpwakpwe kare na kare! Amina!"¹³Chisha mumwenga kahi ya mvo atumia achinuza, "Mvano ni himvo, mvadzio vela magwanda meruhe, na mvela nahi?" ¹⁴Nichimwamba, "Bwana, uwe ndiwe umanyaye," naye achinijibu achinamba, "Mvamva ni mvara mvario laa kahi ya mateso manji. Mvadzifula magwanda gao na kugahenda meruhe kahi ya mulatso wa Mwanang'onzi.¹⁵Kpwa sababu ii, mvambere ya chihi cha enzi cha Mulungu, namvo ni kumwabudu usiku na mtsana kahi ya hekalure. Iye umonaye yusegere chihini cha enzi andamva tandazira hema dzulu yao. ¹⁶Kamvanda gwirwa ni nzela keheri, wela kamvanda gwirwa ni chihu. Dzua karinda mvapiga, wela gukuto rorosi. ¹⁷Kpwa kukala Mwanang'onzi ariye kahi ya chihi cha enzi andamva chunga, na kumvaerekeza kpwenye miho ya madzi ga uzima, chisha Mulungu andamva futa matsozi matsoni mwao."

Chapter 8

¹Mwanang'onzi ariho fugula muhuri wa fungahe, mlunguni kpwenyamala chasi cha nusu saa. ²chisha ndiho nichona mvo malaika afungahe mvemao mbere za Mulungu, namvo mvachipewa tarumbeta fungahe.³malaika munjine achidza kuno yugwirira bakuli ra dahabu iriyokala na uvumba, achikala yudzema kpwenye madhabahu. Uvumba munji sana weupewa ili aweze kuwomboza na mavoyo kahi ya madhabahu mbere za chihi cha enzi. ⁴Uwo mosi wa uvumba-hamwenga na mavoyo ga atakatifu a Mulungu- mvachambuka mbere za Mulungu kula kpwa mikono ya malaika. ⁵Iye malaika achihela keheri riro bakuli ra dahabu achiridzaza na moho kula kpwa chihi cha enzi. Helafu achiritsuha tsi urimwenguni, naro richivunzika vunzika kpwa kululu za chigwaragwara, ngurumo na radi hamwenga na mtetemeko kpwa ntsi.⁶Mvo malaika afungahe mvariokala na zo tarumbeta fungahe, mvachidzi tayarisha kuzi puliza. ⁷Wa kpwanza achipuliza yakpwe, kuchombolera moho na mvula ya mawe kutsanganyika na mulatso. Ichirushwa tsi duniani na sehemu tahu ya ntsi ichisha, sehemu tahu za mihi ichisha, na nyasi zosi mbitsi zichisha.⁸malaika wa hiri naye achipuliza yakpwe, chitu here murima mure sana uriokala washa na moho uchombola uchitsuhiwa baharini. Sehemu tahu za bahari zichigaluka mulatso, ⁹sehemu tahu za viumbe virivyo baharini vichifa, na sehemu tahu za mashua zichi banangwa.¹⁰malaika wa hahu achipuliza yakpwe, nyenyezi bomu sana kula mulunguni, iriyokala yang'ela here tochi ichigbwa kahi ya miho na mazia ga madzi. ¹¹Dzina ra nyenyezi iyo ni Pakanga. Sehemu tahu kahi za madzi zichigaluka pakanga, na anji mvachifa kula kpwa kunwa madzi gago kpwa kukala gegaluka utsungu muno.¹²malaika wa nne achipuliza yakpwe, nayo sehemu tahu kahi za dzua zichi banangika, hamwenga na sehemu tahu za mwezi na sehemu tahu za nyenyezi. Kpwa vivyo sehemu tahu ya zizo zichigaluka chiza; sehemu tahu za mtsana na tahu za usiku kazipatire mwanga.¹³Nichilola keheri nami nichisikira sauti ya tai ariye kala wauruka nichimusikira waeha kpwa sauti bomu achamba, "Ole wenu, ole wenu, ole wenu nyinyi muishio duniani, kpwa kukala zizo tarumbeta zirizo zindapigbwa si kapindi za malaika mvo ahahu mvasereo,"

Chapter 9

¹Chisha malaika wa tsano achipuliza tarumbetaye. Nichona nyenyezi idzegbwa kula mulunguni. Nyenyezi iyo ichipewa funguo ya kuzimu. ²Achenda achifugula kuko kuzimu, mosi uchonekana waambuka here kpwamba ni mosi urio laa kula kpwa tanuri bomu. Dzua na hewa zichigaluka kukala chiza kpwa uwo mosi uriwo laa kuzimu.³Kula kpwa mosi, nzige mvachombola mvachi vamia ntsi, namvo mvachipewa uwezo here wa inje dzulu ya ntsi. ⁴Mvachi amuriwa mvasi vamie nyasi wela muhi wowosi, wela mumera wowosi, bali mutu yoyosi asiye kala na muhuri wa Mulungu chiranguni hakpwe.⁵Kamvapewerwe ruhusa kumvolaga, bali kumvatesa kpwa miezi mitsano. Chiriro chao chindekala here sumu ya inje rilumaho mutu. ⁶Siku zizo, atu mvanda tafuta chifo bali kamvanda chipata. Mvanda tamani chifo ela chifo chindamva chimbira.⁷Nzige mveonekana na umbo ra farasi mvario mvadzidzi tayarisha kpwenda vihani. Vitswani mwao mvekala mvaonekana here mvavishwa viremba vya dhahabu, na nyuso zao zeonekana here sura za adamu. ⁸Mvekala na nyere here za ache, na meno gao gekala here ga simba. ⁹Vifuani mvekala mvadzifungwa here ngao za vyuma, na sauti ya mamvamva gao yekala here sauti yombolayo kpwa musafara wa farasi mvendao vihani.¹⁰Mvekala na michira ya kusuhira here ya inje; michirani mwao mvekala na uwezo wa kudhuru atu kpwa miezi mitsano. ¹¹Mufalume ariye kala dzulu yao wekala ni iye malaika wa kuzimu. Dzinare kpwa luga ya chi Aebrania, yekala ni Abandoni, na chi Yunani mvachimweha Apoloni. ¹²Maafa ga kpwanza gatsupa. Mara tu baada ya gago, bado kuna majanga mairi zaidi gadza.¹³malaika wa sita achipuliza tarumbetaye, nami nichisikira sauti kula kpwa pembe zo za madhabahu ga dahabu zirizo mbere ya Mulungu, ¹⁴ichimwambira iye malaika wa sita ariye kala agwira yo tarumbeta, "Mvarichire mvo malaika anne mvario kala mvafungwa muho mubomu Eufrate." ¹⁵malaika mvamvo anne mvario kala mvadzi tayarishwa wakati uwo, siku iyo, mwezi uwo, na mwaka uwo mvachirichirwa kolaga sehemu tahu ya anadamu.¹⁶Hesabu ya majeshi mvariokala mvatsukulwa ni farasi mvekala ni milioni magana mairi (200,000,000). Hesabu yao neisikira. ¹⁷Vivi ndivyo nirivyo mvaona farasi kahi ya maono gago hamwenga na mvo mvario kala mvaahumira: Ngao zao zekala rangi tune, samawati na rangi ya manjano here madini ga chiberiti. Vitswa vya farasi vyeonekana here vya simba, na makanwani mwao mweombola moho, mosi na madini ga chiberiti.¹⁸Sehemu mwenga kahi ya tahu ya atu mveolagwa chipindi chicho cha mapigo mahahu: uwo moho, mosi na chiberiti virivyo ombola makanwani mwao. ¹⁹Kpwa kukala nguvu za farasi zekala zi mwao makanwani na kahi za michirani mwao-kpwa kukala michira yao yekala here nyoka, mvario kala na vitswa virivyo kala na uwezo wa kulumiza atu na vironda.²⁰Adamu anjine mvario sela, ambamvo kamvaolagirwe ni gago mapigo mahahu, kamvatubire mahendo gao, wela kamvarichire kuabudu mapepo na vigango vya kutengezwa na dhahabu, fedha, shaba, mawe wela mihi-vitu virivyo kaviweza kona, kusikira wela kpwenenda. ²¹Wela kamvatubire kpwa kolaga, utsai, uzinzi ama mahendo gao ga kpweya.

Chapter 10

¹Chisha nichona malaika munjine mubomu achitimatsi kulaa mulunguni. Wekala adzimvela ingu na kuchikala na uha wa mvula dzulu ya chitswache usowe wekala here dzua na maguluge gekala here nguzo za moho. ²Wegwira chitabu chitite kahi za mukonowe uriokala udzifugulwa, naiye wechika chiguluche cha kurya dzulu ya bahari na chiguluche cha kumotso dzulu ya tsi kavu.³Chisha achipaza sauti ya dzulu here simba angurumaho, na wakati arihopaza sautiradi saba zenguruma. ⁴Wakati radi fungahe zirihonguruma, nekala nakaribia kpwandika, Ela nichisikira sauti kulaa mulunguni ichamba, "Tunza ikale siri chiratu chiricho radi fungahe zidzinena usizandike."⁵Chisha malaika niriyemona adzema dzulu ya bahari natsi kavu, weenula mukonowe dzulu mulunguni. ⁶Na kulaha kpwa yuyatu aishiye kare na kare - ariyeumba mbingu na vyosi virivyomo, duniani na vyosi virivyomo na bahari na vyosi virivyomo. "Kakundakalaho kutariza keheri!" ⁷Ela kahi za siku iratu, wakati malaika wa fungahe andiho kalahehi na kupiga tarumbetaye, ndiho siri ya Mulungu indihokala idzitimira, here arivyotangaza kpwa atumishie manabii."⁸Sauti niriyosikira kula Mulunguni yenambira keheri, Enda, hela chitabu chitite chirichofugulwa ambacho chi kahi za mukono wa malaika adziyeema dzulu ya bahari na dzulu ya tsi kavu." ⁹Chisha nichienenda kpwa malaika na kumwambira anipe chitabu chitite. achinambira, hela chitabu na urye. Rindarihenda tumbore rikale na utsungu, ela kahi za mulomo rindakala tamu here asali."¹⁰Nehela chitabu chitite kula mukononi mwa malaika na kuchirya chekala tamutamu here asali kahi za mulomo wangu, ela baada yakurya, tumbo yangu yekala na utsungu. ¹¹Chisha sauti nyinjine zenambira," Wapaswa kutabiri keheri kuhusu atu anji, mataifa, lugha, na afalume."

Chapter 11

¹Nichipewa mwanzi nihumire here chipimo. Nichambwa, "Lamuka upime hekalu ra Mulungu hamwenga na madhabahu ge, na mvosi mva abuduo ndani ya riro hekalu. ²ELa usipime sehemu ya mahakama nze ya hekalu kpwa maana sehemu iyo ilaviwa kare kpwa Mataifa. Mvanda ufyoga fyoga mudzi mutakatifu kpwa miezi mirongo minne na miiri.³Nindamvapa mashahidi angu airi uwezo wa kutabiri kpwa siku 1,260, mvachikala mvavela mavazi ga magunia." ⁴Mashahidi ao ni iyo mizaituni miri na minara miri ya mataa iriyo idzema mbere ya Bwana wa dunia. ⁵Chikala kuna yoyosi andiye tsagula kuidhuru, moho undombola mwao makanwani wolage mahadui ao. Yoyosi andiye henza kumva dhuru lazima olagbwe kpwa njira iyo.⁶Mashahidi ao mvana uwezo kufunga anga ili mvula isinye siku zizo mvandizo kala mva tabiri. Mvana nguvu kugaluza madzi kukala milatso na kupiga ntsi na pigo rorosi ra laana mvandiho henza. ⁷Mvandiho kala mvamarikiza ushuhuda wao, munyama iye ombolaye kula wina wa ndani anda tangaza viha namvo. Andamvashinda na amvolage.⁸miri yao indalala vichochoroni mwa mudzi mubomu (ambao watambulika here Sodoma na Misri) ambako Bwana wao wesulubiwa. ⁹Kpwa siku tahu na nusu anjine kula kpwa baadhi ya atu, mbari, makabila na mataifa mvandailola miri yao. Kamvanda kubali miri iyo izikpwe mbirani.¹⁰Mvaishio duniani mvanda sherehekea kuhusu miri yao na kufurahia. Mvandahumirana ta zawadi kpwa kukala manabii ao eri mvetesa sana mvariokala mvaishi duniani. ¹¹Ela baada ya siku tahu na nusu, pumuzi ya uzima kula kpwa Mulungu indamvenjira, namvo mvandaema kpwa magulu gao enye. Mvandio mvaona mvandenjirwa ni woga mubomu sana. ¹²chisha mvandasikira sauti bomu kula mulunguni ichimvamba, "Nzoni kuno dzulu!" chisha mvandenenda kuko dzulu mainguni kahi za ingu, kuno mahadui ao mvaalola.¹³Wakati uwo, kundakala na mutetemeko wa dunia mubomu sana, na sehemu kumi ya mudzi uo undangamika. Atu elifu fungahe mvandafa kpwa uo mutetemeko, na mvandio tia mvandenjirwa ni woga mubomu na kumupa Mulungu utukufu. ¹⁴Sehemu ya laana ya kpwanza indakala ichira. Ela, lola! sehemu ya laana ya hahu nayo yadza si kapindi.¹⁵Chisha malaika wa fungahe achipuliza tarumbetaye, nazo sauti za dzulu zichinena mulunguni zichamba, "Ufalume wa dunia ugaluka kukala ufalume wa Bwana wehu na Mwanawe Masihi, naye andatawela kare na kare."¹⁶Chisha mvo atumia mirongo miri na nne, mvasagelao kpwenye vihi vyao vya enzi mbere ya Mulungu, mvachigbwa chinabunabu mvachi mwabudu Mulungu. ¹⁷Mvachamba, "Hwelavya mumvera kpwako, Bwana Mulungu, uwe uriye uko, na uriye kalako, kpwa kukala udzihela nguvuzo nyinji na udzanza kutawela.¹⁸Mataifa mvetsikirwa, ela korozo zifika. Wakati ufika wa afu kuhukumiwa na atumishio kuzawadishwa mvachikalamo manabii na atakatifu a Mulungu, hamwenga na mvosi mvario rogoha dzinaro, mvario kamva tambulikanire na mvario ni abomu. Wakati ufika kpwako kumvangamiza mvaangamizao dunia."¹⁹Chisha hekalu ra Mulungu richifugulwa mulunguni na sanduku ra malaganogakpwe na adamu richonewa ndani ya hekalu. kpwekala na miale ya mulangaza, ngurumo, kuvunzika vunzika here miriro ya chigwaragwara, mutetemo wa ntsi, na mvula nyinji ya mawe.

Chapter 12

¹Ishara bomu ichonekana mulunguni: mwanamuche ariyekala yuvikpwa dzua, mwezi uchikala tsini ya maguluge na chiremba cha nyenyezi murongo mumwenga na mbiri chitswani mwakpwe. ²Wekala ana lutsunga, chisha wekala warira kpwa utsungu wa kudzifugula.³Chisha ishara injine ichonekana mulunguni: Kpweonewa joka bomu renye vitswa vifungahe na pembe murongo mumwenga, na wekala ana viremba vifungahe chitswani mwakpwe. ⁴Muchirawe uchishera sehemu tahu ya nyenyezi mulunguni achizibgwagatsi duniani. Joka richema mbere ya iye mwanamuche ariye kala yuhehi kudzi fugula, ili andiho dzifugula, amolage mwanawe.⁵Achidzifugula mwana wa chilume, ambaye andetawela mataifa gosi kpwa ukali. Ela mwanawe achihokpwa achihirikwa mbere ya Mulungu kpwenye chihiche cha enzi, ⁶Naye mwnamuche achichimbira achenda jangbwani, Mulungu ariko kala adzimu tengezera hatu ili atunzwe kpwa siku 1,260.⁷Sasa kpwekala na viha Mulunguni. Mikaili na malaikae mvachipigana na ro joka, joka naro na malaikae mvachudzya mukono. ⁸Ela joka richishindwa nguvu. Ndiho kuchikala kakuna keheri nafasiye mulunguni hamwenga na malaikae. ⁹Joka riro bomu- joka riro ra kapindi ririro ehewa Ibilisi ama Shetani, akengaye urimwengu muzima-wetsuhiwa tsi urimwenguni, iye hamwenga na malaikae.¹⁰Chisha nichisikira sauti bomu sana mulunguni: Ichamba, "Sasa wokofu ufika na nguvu na ufalume wa Mulungu wehu, na mamulaka ga Masihi. Kpwa kukala mushitaki wa ndugu zehu yutsuhiwa tsi, iye ariye kala achimva shitaki kpwa Mulungu usiku na mutsana.¹¹Mvemushinda kpwa mulatso wa Mwana ng'onzi na kpwa neno ra ushuhuda wao, kpwa kukala kamvahenzere maisha gao zaidi hata chifo. ¹²Kpwa vivyo, furahini nyosi murio mulunguni! Ela ole wao mvario duniani na baharini, kpwa kukala Ibilisi yutsuhiwatsi kpwenu! Yudzodzalwa ni koro na wamanya kukala ana muda muchache muno!¹³Joka ririho manya kukala ritsuhiwa duniani, achimutua iye mwanamuche ariye kala yuvyela mwana wa chilume. ¹⁴Ela ye mwanamuche achikala yupewa mamvamva ga tai achikala ana uwezo wa kupuruka kpwenda sehemu ambayo Mulungu wekala yudzimu tengezera ko jangwani. Kuko ndiko ariko tunzwa sikuze zosi-kure na riro joka.¹⁵Joka richimwaga madzi mulomoni here muho ili madzi gaweze kumuhosa iye mwanamuche. ¹⁶Ela dunia ichimusaidia. Dunia ichifugula mulomowe ichimiza madzi gosi ga uo muho wa madzi garigo kala gombola kanwani mwa riro joka. ¹⁷chisha ro joka richimu tsikirirwa iye mwanamuche naye achenda pigana na chivyaziche chosi, mvosi mvatiio amuri za Mulungu na kuurinda ushuhuda wa Jesu. ¹⁸chisha joka richenda ema kpwenye mutsanga wa bahari ufuoni.

Chapter 13

¹Chisha nichona munyama wombola kula baharini. Wekala ana pembe kumi na vitswa vifungahe. Kahi ya pembe za kpwapwe, wekala na viremba kumi, na chila chitswa chekala chidzandikpwa dzina ra kumukufuru Mulungu. ²Munyama iye niriyemona wekala mufano wa tsui. Nyayoze zekala here ni za dubu, na mulomowe here wa simba. Joka, achimupa nguvuze, chihi che, na uwezowe wa kutawela.³Chitswache chimwenga munyama iye cheonekana here chenye chironda chibomu; ambacho chekala chihola bado tu kufyu ra chironda. Dunia nzima yemutua kpwa mushangao. ⁴Joka riro pia mveriabudu, kpwa kukala rekala rimupa mamulaka iye munyama. Mvachimwabudu hata iye munyama na mvachitua kpwamba, "Mami ariye dza ye munyama?" na "Awezaye kupigana naye nani?"⁵Munyama achipewa kanwa ambaro rekala raweza kunena maneno ga madzivuno na ga kufuru. Weruhusiwa kuhumira mamulakage kpwa miezi mirongo minne na miri. ⁶Kpwa vivyo munyama aching'aza kanwa kunena maneno ga kufuru dzulu ya Mulungu, achimu kufuru dzinare hamwenga na eneo ariro kala, na mvosi mvario mulunguni.⁷Iye munyama achipewa ruhusa ya kupigana na atu atakatifu a Mulungu na kumvashinda. Pia, wepewa mamulaka dzulu ya kabila zosi, atu, mbari na mataifa. ⁸Mvosi mvaishio duniani mvanda mwabudu, chila mumwenga ambaye dzinare karandikirwe kahi ya chitabu cha uzima, chiricho ni cha Mwanang'onzi ariye tsinzwa kula hangu musingi wa urimwengu.⁹Ichikala kuna yoyosi ariye na masikiro, na asikire. ¹⁰Chikala kuna yoyosi wa kuhalwa mateka, matekani andenenda. chikala kuna yoyosi wa kolagbwa kpwa mundu, be kpwa mundu andolagbwa.¹¹Chisha nichona munyama munjine ariye ombola kula duniani. Iye wekala ana pembe mbiri here Mwana ng'onzi, na wekala wanena here joka. ¹²Wehumira mamulaka gosi here iye munyama wa kpwanza mbereze, na achihenda dunia na atu mvosi mvario ishi duniani kumwabudu iye munyama wa kpwanza-iye ariye kala na kufyu bomu ra chironda.¹³Achihenda ishara nyinji bomu za miujiza. Weweza hata kuamuru moho kula mulunguni uchitima hadi duniani mbere za atu. ¹⁴Na kpwa ishara zizo achipewa nguvu kpwa niaba ya iye munyama, wemvakenga sana mvariokala mvachiishi duniani, achimvambira mvatengeze chigango cha iye munyama- iye ariye kala na kufyu ra mundu, ela bado waishi.¹⁵Wepewa ruhusa kumwenjiza pumuzi chicho chigango ili chiweze kunena na kusababisha osi mvario kahela kumwabudu munyama mvaolagbwe. ¹⁶Achilazimisha chila mutu pia, mvario anyonge na enye nguvu, matajiri na masikini, mvario huru na atumwa, kuhochera elama mikono ya kurya ama viranguni. ¹⁷Yekala vigumu kpwa yoyosi kugula wela kukuza bila iyo elama ya munyama, yaani hesabu itimizayo dzinare.¹⁸Haha hamala hekima. chikalu kuna yoyosi ariye na ufahamu, apige hesabu iyo ya munyama. Kpwa kukala ni hesabu ya chidamu. Hesabuye ni tandahu, tandahu, tandahu (Magana mahandahu, mirongo mihandahu, na tandahu)

Chapter 14

¹Nichilola, nichimona iye Mwana ng'onzi wemire dzulu ya murima sayuni hamwenga na anzie 144,000 mvario kala na maandishi ga dzinare na Pabaye nyusoni mwao viranguni. ²Nichisikira sauti kula mulunguni iriyo sikirika here ngurumo ya madzi manji na chigwaragwara. Sauti niriyo isikira pia yekala here sauti za vinubi.³Mvachemba wira musha mbere za chihi cha enzi na mvo viumbe vinne hamwenga na mvara vilongozi atumia. Kakuna ariye weza kuwelewa o wira wela kudzifundisha isihokala ao 144,000 mvario kala mvakombolwa kula duniani. ⁴Mvamvo ni mvara ambao kamvawahire kudzenjiza najisi ya ache, maana mvedzitenga na mahendo ga zinaa. Mvamvo ndio mvamutuao iye Mwana ng'onzi chila endaho. Ao mvekombolwa kula kpwa adamu anjine here matunda ga kpwanza ga Mulungu na kpwa Mwana ng'onzi. ⁵Kamvawahire kunena ulongo; kamvana lawama.⁶Nichimona malaika munjine mapuruka kpwenye hewa, ariye kala na injili ya uzima ili aihubirie mvario duniani-kpwa chila taifa, mbari, chiryomo, na atu. ⁷Achinena kpwa sauti ya dzulu, "Mogoheni Mulungu na mumupe utukufu. Kpwa kukala masaage ga hukumu gafika. Mwabuduni, iye ariye umba mbingu na ntsi, bahari na mazia gosi ga madzi."⁸malaika munjine-wa hiri-achituizira, achamba, "Idzegwa, Babeli idzegwa, Babeli iriyo bomu, iriyo shawishi mataifa kunwa chileo cha zinaa."⁹malaika munjine-wa hahu- achituizira achinena kpwa sauti bomu achamba, "Yoyosi amwabuduye munyama na suraye andaikpwa elama chiranguni hakpwe ama mukononi mwakpwe, ¹⁰andaneswa naye chileo cha koro ya Mulungu, chileo chiricho chelaviwa bila kutsanganywa kahi ya chikombeche cha koro. Mutu iye andiyenwa chileo chicho andachirira mateso ga mohowa chibiriti mbere ya malaika a Mulungu atakatifu na mbere ya iye Mwana ng'onzi.¹¹Mosi undio ombola haho undenda dzulu kare, wela kamvandaoya mutsana na usiku-ao mvamuabuduo munyama na suraye, na yoyosi andiye pata elama ya dzinare. ¹²Mwauzwa bai, mupate kuvumirira atakatifu a Mulungu. ao mva tiio amuri za Mulungu na imani yao kahi ya Jesu."¹³Nichisikira sauti kula Mulunguni ichamba, "Andika gano: Mva barikiwa mvafao kahi za Bwana." "Ndio," Roho ndivyo ambavyo, "Ili mvakaweze koyezwa kula kpwa kazi zao, kpwa mahendo gao gandamvatua enye."¹⁴Nichilola, nichona ingu reruhe. Ariye kala yusegere dzulu ya riro ingu achikala here Mwana wa Adamu. Wekala yuvela ngao ya dahabu chitswani na mundu mukali sana mukononi mwakpwe. ¹⁵Chisha malaika munjine achombola kula hekaluni na kunena kpwa sauti bomu sana achimweha iye ariye kala yusegere dzulu ya ingu: "Hela munduo wanze kwa here. Maana wakati wa mavuno ufika, mavuno ga duniani gadziiva." ¹⁶Chisha iye ariye kala yusegere dzulu ya ingu achizungulusha munduwe dzulu ya ntsi, achivuna.¹⁷malaika munjine achombola kula kpwa hekalu mulunguni; iye naye achikala ana mundu mukali. ¹⁸Munjine naye achobola kula kpwa go madhabahu ga uvumba, iye wekala na mamulaka dzulu ya uo moho. Achimweha kpwa sauti bomu iye ariye kala na mundu, "Hela uo munduo mukali, chisha ugakusanye, go matagaa ga mizabibu ga dunia, kpwa kukala zabibu zao sasa zidziiva."¹⁹Naye malaika achizungulusha munduwe duniani achivuna zabibu ya duniani. Achizitsuha kahi ya pipa bomu ra divai ya koro za Mulungu. ²⁰Tsudziro ra divai richi bundwabundwa nze ya mudzi, nao mulatso uchimwagika kula kpwa riro pipa chasi cha chimo cha hatamu ya farasi, kpwa chipimo cha "stadia" 1,600.

Chapter 15

¹Chisha nichona ishara injine, bomu na ya kpwangelaza: Neona malaika afungahe ambamvo ndo mapigo ga mwisho, kpwa kukala kuchirira kpwao, koro za Mulungu zindakala zitimira.²Neona ishara iriyo onekana here kpwamba ni bahari ya bilauri zirizo tsanganywa na moho ichema pembeni mwa bahari iyo, mvekala mvemire mvario kala ni ashindi mvario mushinda iye munyama na hata suraye na hata hesabuye iriyo kala yasema dzinare. Mvekala mvagwirira vinubi mvarivyo kala mvapewa ni Mulungu.³Mvekala mvemba wira wa Musa, mutumishi wa Mulungu, na wira wa iye mwanang'onzi: " Mambogo ni mambomu na ga kpwangelaza, Bwana Mulungu, uriye mubomu. Njirazo ni za hachi na takatifu, Mufalume wa mataifa. ⁴Andiye richa kukogoha nani Bwana, andiye kosa kukutukuza nani? Kpwa here ni uwe tu hacheyo uriye mutakatifu. Mataifa gosi gandakusanyika na kukutukuza mberezo kpwa sababu ya mahendogo matakatifu gadzigo funulwa."⁵Baada ya gago, nelola, nichona sehemu iriyo takatifu sana, kahi ya hekalu na hema ra ushuhuda, yekala ifugulwa mulunguni. ⁶malaika mvamvo afungahe mvachombola kuno mvagwirira go mapigo mafungahe. Mvekala mvadzivala nguo safi, na za kung'ela sana mishipi ya dahabu kuzunguluka vifua vyao.⁷Mumwenga kahi ya viumbe vinne mvachimvapa ao malaika afungahe bilauri za dahabu zirizo kala tele koro za Mulungu, aishiye kare na kare. ⁸Hekalu reudzala mosi munji kula kpwa utukufu wa Mulungu na nguvuze. Kakuna ariye weza kpwenjira hekaluni mpaka gago mapigo mafungahe garigo kala gagwiriwa ni ao malaika gatimire.

Chapter 16

¹Nichisikira sauti bomu icheha kula kpwenye sehemu ya atakatifu na kpwamba kpwa mvara malaika afungahe, "Enenda ukamwage dzulu ya dunia mabakuli mafungahe ga koro ya Mulungu."²malaika wa kpwanza achenda na kumwaga bakulire kahi za dunia, majeraha mai na genye maumivu makali gekudza kpwa atu enye elama ya munyama kpwa mvaratu mvario mveabudu sanamuye.³malaika wa hiri wemwaga bakulire kahi ya bahari, ichikala here milatso ya mutu ariyefa, na chila chumbe chiricho moyo kahi za bahari chichifa.⁴malaika wa hahu achimwaga bakulire kahi za miho na kahi za chemichemi za madzi, zichikala milatso. ⁵Nichisikira malaika wa madzi achamba, "Uwe umutakatifu uriyeho na uriyekalako, mtakatifu - kpwa kukala udzizireha hukumu zizi. ⁶kpwa kukala wemwaga ya aumini na manabii, udzimvapa ao kunwa milatso, ndicho mvastahilicho." ⁷Nichisikira madhabahu gachijibu, "Ndio! bwana Mulungu mwenye kutawela dzulu ya vyosi, hukumuzo ni jeri na za hachi."⁸malaika wane achimwaga kula kpwenye bakulire dzulu ya dzua, na richipewa ruhusa kocha atu kpwa moho. ⁹Mveochwa kpwa teri renye kutisha, na mvachirikufuru neno ra Mulungu, mwenye mukotse dzulu ya mapigo gosi iye utukufu.¹⁰malaika wa tsano achimwaga kula kpwenye bakulire kahi za chihi cha enzi cha Munyama, na chiza chichiufinika ufalumewe mvasagameno kahi za maumivu makali. ¹¹Mvachimuhukana Mulungu wa Mulunguni kpwa sababu ya maumivu gao, na majeraha gao na bado mveenderera kutsatubu kpwa chira mvarichohenda.¹²malaika wa tandahu wemwaga kula kpwenye bakulire kahi za muho mubomu, Frati, na madzige gachoma ili kutayarisha njira ya afalume mvandiokudza kula mashariki.v ¹³Nichona roho tahu chafu zirizoonekana here chulwa mvambolaokonze ya mulomo wa yuyatu joka, yuyatu munyama, na yuyatu nabii wa ulongo. ¹⁴Ni roho za pepo zihendazo ishara na miujiza. mvekala mvadzenda kpwa afalume a dunia yosi ili kuweza kumvakusanya hamwenga kpwa viha kahi za siku bomu ya Mulungu mwenye mukotse wosi.¹⁵(" Lola! Nadza here mwevi! Baha iye adumuye kahi za kuchesa, atsunzaye mavazige ili asiweze kpwenda nze huhu na kona hayare") ¹⁶We mvareha hamwenga kahi za sehemu iriyoehewa kahi za chiebrania Amagedoni.¹⁷malaika wa tandahu wemwaga kula kpwenye bakulire kahi za anga. chisha sauti bomu ichisikirika kula hatakatifu na kula kpwenye chihi cha enzi, ichigomba, "Idzisira!" ¹⁸kpwekala na ngenge za mulangaza wa radi, ngurumo, visindo vya radi na tetemeko ra kutisha - tetemo bomu ra tsi ambaro karidzangwe kombolera duniani hangu anadamu mvakaleho duniani, vivyo ni tetemo bomu muno. ¹⁹Mudzi mubomu wegavika kahi za sehemu tahu na midzi ya mataifa ichigwa. Chisha Mulungu achimukumbukiza Babeli mubomu, na achiupa mudzi uo chikombe chirichokala chidzodzela divai kula kpwenye koro za iriyo khali.²⁰Chila chisiwa chichangamika na mirima khayonekanire keheri. ²¹Mvula bomu ya mawe, ichikala na uziho wa telanta, ichitima kula Mulunguni dzulu ya atu, na mvachimulaani Mulungu kpwa mapigo ga mvula ya mawe kpwa kukala riratu pigo rekala rii sana.

Chapter 17

¹Mumwenga wa malaika afungahe ariyekala yudzi mvabirira vitasa vifungahe wekudza achinambira, " Nzo!, nindakonyesa hukumu ya malaya mubomu aishiye dzulu ya madzi manji, ²Ariye afalume aintsi mvadzihenda mambo ga uzinzi naye na dzulu ya huhu ra uzinziwe mvakalao duniani mvadzirevywa.³malaika achinihela kahi za urimwengu wa roho nipaka nyikani, na nemona mwanamuche adzisagela dzulu ya munyama mutune adziyeodzela madzina ga mahukano. Munyama wekala na vitswa vifungahe na mapembe kumi. ⁴Mwanamuche wevikpwa nguo za zambarau na tune na adzipambwa kpwa dahabu, mawe ga thamani, na lulu, wekala adzigwirirwa mukononi mwakpwe chikombe cha dahabu chirichoodzela vitu vya matsukizo ga uchafu wa uasheratiwe. ⁵Dzulu ya chimangoche cha usowe ridziandikpwa dzina ra siri, "Babeli mubomu,mame wa uzinzi na ga vitu vya matsukizo ga intsi."⁶Nichona kukala mwanamuche iye wekala adzirea kpwa milatso ya aumini na milatso ya ariofa kpwa ajili ya Jesu. Wakati nirihomona, nekala na kuangelazika kubomu. ⁷Ela malaika achinambira, "kpwanoni wangelazika? Nindakpwambira maana ya mwanamuche na munyama amuhelaye (munyama iye mwenye vitswa vihandahu na zira pembe kumi).⁸Munyama uriyemona wekala, khaho keheri sasa,Ela yutayari kukpwera kula kahi za shimo risiro na mwisho. Chisha andenderera na ubananzi.Mvara mvakalao dzulu ya intsi, mvaratu mvario madzina gao khagandikirwe kpwenye chitabu cha uzima hangu kpwikpwa misinji ya urimwengu-vandangelazika mvamonaho munyama ariyekalaho,kukala khaho sasa,ela yuhehi na kudza.⁹Mweho uu ni kpwa chosa cha akili zirizo na hekima. Vitswa vihandahu ni mirima mihandahu ambaho mwanamuche wekala dzuluye. ¹⁰Nayo pia ni afalume afungahe.Afalume atsano mvadzegwa, mumwenga yuhaho na munjine kadzangwe kudza, wakati adzihokudza,andakala kpwa muda mufuhi tu.¹¹Munyama ariyekalaho, ela sasa khaho, iye pia ni mufalume wa nane, ela ni mumwenga wa aratu afalume afungahe, na mwenye wenenda kpwenye ubanangiwe.¹²Ziratu pembe kumi urizozona ni afalume kumi mvario kadzangwe kuhochera ufalume, ela mvandahochera malaika here afalume kpwa saa mwenga hamwenga na munyama. ¹³Mvamva mvashauri mwenga, na mvapata nguvu zao na mamulaka yuyatu munyama. ¹⁴Mvandahenda viha kahi yao na mwanang'onzi. Ela mwanang'onzi andavashinda kpwa kukala ni bwana wa mabwana na mufalume wa afalume- na mvario naye ni aratu ehewa, mvariotsagulwa, na mvario aaminifu."¹⁵malaika achinambira, "Garatu madzi urigogona, haho arihosagela yuya malaya ni atu, makutano, mataifa na chiryomo.¹⁶Ziratu pembe kumi urizozona - zizo ni yuyatu munyama mvandamtsukirirwa yuyatu,malaya Nao mvandamuhenda kukala mpweke na huhu, mvandamurya mwiriwe, na mvandawocha na moho. ¹⁷Kpwa here Mulungu adzika mioyoni mwao kutsukula kusudire kpwa makubaliano ga kumupa munyama mkotse wao kumtawela hadi maneno ga Mulungu gandihotimira.¹⁸Yuyatu mwanamuche uriyemona ni mudzi uratu mubomu utawelao dzulu ya afalume aintsi.

Chapter 18

¹Bada ya vitu vivi nemona malaika munjine achitimatsi kula Mulunguni iye wekala na mamulaka mabomu, na intsi yeangazwa kpwa utukufuwe. ²Werira kpwa sauti bomu, achamba, "udzegwa udzegwa, uratu mudzi mubomu Babeli! udzikala sehemu gakalaho mapepo, na sehemu ikalaho chila roho chafu na sehemu akalaho chila muchafu na tsongo atsukizaye. ³kpwa kukala mataifa gosi gadzenwa uchi wa tamaa ya usheratiwe urio nikumurehera koro. Afalume a intsi mvadzizini naye. Ahenziabiashara a intsi mvadzikala matajiri kpwa mukotse za maishage ga anasa."⁴Chisha nesikira sauti nyinjine kpwa Mulunguni ichamba, "Voyani kpwakpwe atu angu ili musidze mukashiriki kahi za dambize, na ili musidze mukahochera mapigoge gogosi. ⁵Dambize zidzirundikana dzului here mbingu, na Mulungu adzigakumbukira mahendoge movu. ⁶Muriheni here arivyoariha anjine na mukamurihe mara mbiri kpwa jinsi arivyohenda, kahi za chikombe arichochihoka, mtsanganyireni mara mbiri kpwaajiliye.⁷Here arivyodzitukuza iye mwenye, na weishi kpwa anasa, mupeni mateso manji na sumazi kpwa kukala nikugomba moyoni mwakpwe, "Nidzikala here malaika, wela gangu, na wela sindaona mombolezo." ⁸kpwa vivyo ndani ya siku mwenga mapigoge gandamurehera chifo mombolezo, na nzela. Andaochwa kpwa moho, kpwa kukala bwana Mulungu ni mwenye nguvu, na ni muhukumuwe."⁹Afalume a intsi mvariozini na kutsanganyikirwa hamwenga naye mvandarira na kuombolezera mvandikhowona mosi wa kushakpwe. ¹⁰Mvandema kure naye kpwa woga wa maumivuge mvachigomba, "Ole, ole kpwa mudzi mubomu, babeli, mudzi wenye mukotse. kpwa saa mwenga hukumuyo yadza."¹¹Ahenziabiashara aintsi rirani na komboleza kpwa ajiliye, kpwa kukala kakuna hata mumwenga agulaye bidhaaze keheri. ¹²Bidhaa za dhahabu, fedha, mawe ga thamani, lulu,kitani mbidzo, zambarau, hairi, tune, aina zosi za mihi ya kungu mbidzo, chila chombo cha pembe za nzovu chila chombo chirichotengenezwa kpwa mihi ya thamani, shaba, chuma, dziwe. ¹³Mdalasini, vilungo, uvumba, manemane, ubani, uchi, mafuha, unga mudzo, ngano, ng'ombe na chingo, farasi na magari na atumwa, na roho za atu.¹⁴Matunda urigotamani kpwa nguvuzo gadzuka kula kpwako. Anasazo zosi na mapambo gadzangamika, kagapatikana keheri.¹⁵Ahenzi a biashara a vitu vivi mvariopata utajiri kpwa mahenzoge mvandaema kure kula kpwakpwe kpwa chosa cha woya wa maunivuge, mvachirira na sauti ya mombolezo. ¹⁶Mvachamba, "Ole ole mudzi uratu mubomu uriovikpwa kitani mbidzo, zambarau, na tune, na kupambwa kpwa dahabu, na vitu vya thamani na lulu!" ¹⁷Ndani ya saa mwenga utajiri wosi uo weangamika. Chila nahodha wa meli, chila biashara, na osi anamadzi, na osi mvahendao kazi baharini, mveema kure.¹⁸Mverira mvarihowona mosi wa kushakpwe, mveamba, "Ni mudzi wani wahelana na mudzi uno mubomu?" ¹⁹Mvetsuha Bukuta dzulu ya vitswa vyao, na mverira, mvachombolwa ni matsozi na komboleza, "ole ole mudzi mubomu hatu osi mvariokala na meli zao baharini mvrkala matajiri kpwa sababu ya malize. Ndani ya saa mwenga udzangamizwa." ²⁰"Furahini dzuluye, mbingu mwimwi aumini, mitume na manabii kpwa here Mulungu adzireha hukumu yenu dzuluye."²¹malaika mwenye nguvu weenda dziwe here dziwe bomu ra kusagira na achiritsuha baharini, achamba, "kpwa njira ii, babeli, aratu mudzi mubomu, undatsuhiwa hosti kpwa ukatili na kaundaonekana keheri. ²²Sauti ya vinanda, anamuziki, apigi a firimbi, na tarumbeta kamvandasikira keheri kpwenu wela fundi wa aina yoyosi kandaonekana kpwenu wela sauti ya chinu kaindasikirika keheri kpwenu.²³Mulangaza wa taa kaundang'ela ndaniyo, sauti ya bwana harusi na bibi harusi kazindasikirwa keheri ndaniyo, kpwa here ahenzi biasharao mvekala abomu a intsi na mataifa mvadzikengwa kpwa utsai wao. ²⁴Ndaniye mulatso wa manabii na aamini yeonekana, na milatso ya osi mveolagwa intsini.

Chapter 19

¹Bada ya mambo gaga nesikira sauti ya muriro mubomu wa kundi bomu ra atu kula Mulunguni richigomba, " Haleluya wokofu, utukufu na nguvu ni za Mulungu wehu. ²Hukumuze ni za jeri naza hachi, kpwa kukala adzimuhukumu malaya mubomu ariye ibananga ntsi kpwa uzinzi we. Adzihenda chisasi kpwa mulato wa mutumwawee, ambaye weimwaga iye mwenye."³kpwa mara ya hiri mvegomba,Haleluya! M osi nikuombola kpwakpwe kare na kare . ⁴Aratu atumia ishirini na anne na vyumbe vinne virivyo moyo pia nao mvachisujudu na kumuabudu Mulungu asagelaye chihi cha enzi. Mvekala mvachigomba, Amina. Haleluya!"⁵Ndiho sauti ichiombola kahi za cho chihi cha enzi , ichigomba, "Musifuni Mulungu wehu , mwii atumwae ''osi, mwimwi mumuchao iye mvosi mvasio na umuhimu na aratu enye nguvu.''⁶Ndiho nichisikira sauti here sauti ya kundi bomu na atu, here mungurumo wa madzi manji, na here mungurumo wa chigwaragwara uchigomba, "Haleluya! kpwa maana Bwana Mulungu wehu, ni mwenye nguvu chisha ni mutawela dzulu ya osi, atawela.⁷Na hushangilie na kufurahi na chisha humupe utukufu kpwa sababu harusi na sherehe ya mwana ng'onzi ifika na bibi harusi yutayari." ⁸Weruhusiwa kuvalishwa kitani safi na chenye kung'elang'ela ( Kitani safi ni mahendo ga hachi ya aumini.)⁹malaika achigomba nami, "Gaandike gaga, mvaadzibarikiwa aratu mvadzioalikpwa kpwenye sherehe ya harusi ya mwana ng'onzi." Vivyo vivyo achiniambira, " Gaga nimaneno ga jeri ga Mulungu." ¹⁰Ndiho nichigwa chifudifudi maguluni mwakpwe ili nimwabudu ela iye achiniambira, " Usihende vivi! mimi ni mutumishi munzio na wanduguzo mvario na ushughuda wa masihi. Mwabudu Mulungu, kpwa kukala ushughuda wa Masihi ndiyo roho ya unabii."¹¹Chisha nichiona mbingu zidzifuguka, na lola kpwekala nafarasi mweruhe! Na yuyatu ariyekala adzimupanda wehewa mwaminifu na wa- ujeri. Na wa hukumu kpwa hachi na kuhenda viha. ¹²Matsoge ni here tsetse ya moho, na dzulu ya chitswache ana taji nyinji. ana dzina ririroandikpwa dzuluye asirorielewa mutu yeyosi isihokala iye mwenye. ¹³Adziivela vazi ridziro tsatswa ndani ya mulatso, na dzinare waehewa neno ra Mulungu.¹⁴Majeshi ga Mulunguni gadzikala gachimutua dzulu ya farasi mweruhe, hali mvadzivikpwa chitani chidzo, cheruhe na safi. ¹⁵Mulomoni mwakpwe nikuombola mundu wa kurya au urio na makali ambao nikuangamiza mataifa, naye andaatawela kpwa ndata ya chuma. ¹⁶Naye adziiandikpwa dzulu ya vazire na kahi za pajare dzina riri, MUFALUME WA AFALUME NA BWANA WA MABWANA.¹⁷Chisha nichiona malaika adziema kpwenye dzua. chisha achieha kpwa sauti ya dzulu tsonyo osi mapurukao dzulu." Nzoni, mosi mukusanyike hamwenga kpwenye kurya karamu ya Mulungu iriyo bomu sana. ¹⁸Nzoni murye nyama ya afalume, nyama ya atu hodari, nyama ya farasi na ya apanda farasi, na nyama ya atu osi, angwana na atumwa, abomu na atite."¹⁹Nemona munyama na afalume a ntsi hamwenga na majeshi gao. mvekala mvadzidzipanga kpwa ajili ya kuhenda viha na mumwenga ariyekala yudzipanda farasi na jeshire. ²⁰Yuya munyama wegwirwa hamwenga na nabiiwe wa ulongo ariyeihenda miujiza mbereze kpwa miujiza ii weakenga aratu mvariochihochera chapa cha munyama na mvarioipigira magoti sanamuye. Osi eri mvetsuhiwa hali achere moyo kahi kahi ya zia ra moho riakaro kpwa chibiriti.²¹Aratu mvariosela mveolagwa kpwa mundu urioombola mulomoni mwa yuya mumwenga ariyepanda dzulu ya farasi. Na tsongo osi mveirya na kpwekuha nyama zao.

Chapter 20

¹Chisha nichiona malaika achitima kumbolera Mulunguni, achigwirira ufunguo wa dingwi risiro na mwisho na kuno ana cheni bomu mukononi mwakpwe. ²Werigwira ro joka, nyoka wa kapindi, ambaye ni ibilisi au pepo na achimufunga miaka elfu. ³Wemutsuha kpwenye shimo risiro na mwisho, achirifunga na achirienjiza muhuri dzulu ye. Riri rekala vivi ili kpwamba asiakenge mataifa keheri muhaka miaka elfu indihosira. baada ya haho, andarichirwa huru kpwa muda muchache.⁴Chisha neona vihi vya enzi. mvariokala mvadzivisagalira ni aratu mvario mvadzipewa mamulaka ga kuhukumu. vivyo vyo nezona nafsi za aratu mvario mvekala mvadzikatwa vitswa kpwa ajili ya ushhuda kuhusu masihi na kpwa neno ra Mulungu. mvekala kamvadza mwabudu iye munyama au aiyo sanamuye na mvekahela kuihochera iyo elama dzulu ya vikomo vya nyuso zao au mikono yao. Nao mvachifufuka na mvachitawela hamwenga na Masihi kpwa miaka elfu.⁵Nyufu zirizosela kazifufukire muhaka myaka elfu irihokala idzisira. uu ndio ufufulo wa kpwanza. ⁶Mubarikiwa na mutakatifu ni mutu yeyosi ariye andashiriki kahi za ufufulo wa kpwanza! Mauti ga hiri kagana nguvu dzulu ya atu here mvamva. Mvandakala makuhani a Mulungu na masihi na andatawala na iye kpwa miaka elfu.⁷Wakati miaka elfu indihosira, pepo andarichirwa kula jela. ⁸Andakpwenda kuakenga mataifa kahi za pembe zosi nne za dunia. Gogu na magogu- kuareha hamwenga kpwa ajili ya viha. mvandakala anji here mutsanga wa Pwani.⁹Nao mvepanda dzulu ya ntsi, kpwenye tambararenao mvachizunguluka zungulu kambi za aumini, ndani ya mudzi uhenzwao. Ela moho weteremuka kula Mulunguni na uchimvangamiza. ¹⁰Pepo ariye weakenga, wetsuhiwa ndani ya zia riakaro chibiriti, ambamo yuyatu munyama na nabii wa ulongo mvekala mvadzitsuhiwa. mvandateswa mutsana na usiku hata kare na kare.¹¹Chisha nichiona chihi cha enzi chibomu cheruhe na yuyatuambaye adzisagela dzuluye. Dunia na mbingu zechimbira kure na uso we ela kahakalire na nafasi ya ao kuchimbira. ¹²Nemvaona mvariofa abomu kpwa atite mvadziema mbere ya chihi cha enzi, na vitabu vuchifugulwa. chisha chitabu chinjine chichifugulwa - chitabu cha uzima. Afu achihukumiwa kpwa chira chirichoandikpwa ndani ya vitabu, sawa sawa na mahendo mvarigo henda.¹³Bahari yezomboza nyufu zirizokala ndaniye. chifo na kuzimu u mbira zeomboza nyufu zirizokala ndani ye na afu mvehukumiwa kulingana na mahendo gao. ¹⁴Chifo na kuzimu zetsuhiwa ndani ya zia ra moho. Ii ni mauti ga hiri-zia ra moho. ¹⁵Na chikala dzina ra mutu yoyosi kariipatikanire ridziandikpwa ndani ya chitabu cha uzima wetsuhiwa ndani yazia ra moho.

Chapter 21

¹Chisha nichiona mbingu mbisha na dunia mbisha, kpwa kukala mbingu ya kpwanza na dunia ya kpwanza zidzichira kare na bahari nayo kayonekanire keheri. ²Newona mudzi mutakatifu Jerusalemu mbisha, ichitima tsi kulera mulunguni kpwa Mulungu, udzioandalwa here bibi harusi adziyepambwa kpwa ajili ya mulumewe.³Nichisikira sauti bomu kulera kpwenye chihi cha enzi ichigomba: Lola! Makariro ga mulungu ga hamwenga na mwanadamu, naye andaishi hamwenga nao. Mvandakala atue na Mulungu mwenye andaishi nao na andakala Mulungu wao. ⁴Andafuta chila tsozi kulira kahi za matso gao na kahandakala na chifo keheri au kuomboleza au kurira au mavune.mambo ga kapindi gadzisira nakuchira.⁵Iye ariye wekala adzisagela dzulu ya chihi cha enzi wegomba, "Lola! Nahenda mambo gosi kukala masha." wegomba " Andika riri kpwa sababu maneno gaga ni ga uhachika na ga jeri." ⁶Weniambira, "Mambo gaga gadzitimira! Mimi ni Alfa na OMega, yani mwanzo na mwisho, kpwa yoyosi asikiraye chihu nindamupatira chinwadzi cha madzi bule kulera kahi za chemi chemi za madzi ga uzima.⁷Iye aga - shindaye andagarithi mambo gaga, na nindakala Mulunguwe naye andakala mwanangu. ⁸Ela here irivyo kpwa aoga, mvasioamini mvatsukizao olagi, azinzi, atsai, abuduo vizuka au mizimu na alongo osi hatu hao indakala kahi kahi ya zia ra moho wa chibiriti uochao. iyo ndiyo mauti ya hiri."⁹Mumwenga wa malaika oa afungahe wekudza kpwangu iye ariye wekala na mabakuli mafungahe gadzigoodzala mapigo mafungahe ga mwisho na wegomba nzo haha. Nindakuonyesa bibi harusi, muche wa mwana ng'onzi." ¹⁰Chisha achinihela kure kahi za Roho kpwenye murima mubomu na mure na achinionyesa mudzi mutakatifu, Jerusalemu, uchiteremuka kulera mulunguni kpwa Mulungu.¹¹Jerusalemu yekala na utukufu wa Mulungu na udzowe, wekala here mufano wa kito cha thamani, here dziwe ring'elaro here chilolo chiricho safi cha yaspi. ¹²Wekala na ukuta mubomu, mure wenye miyango kumi na miri, hamwenga na malaika kumi na eri miyangoni. dzulu ya miyango hekala hadziandikpwa madzina ga makabila kumi na mbiri ga ana aisraeli. ¹³Upande wa mombolero gadzua hekala na miyango mihahu, upande wa kusini miyango mihahu, upande wa kaskazini miyango mihahu.¹⁴Ukuta wa mudzi wekala na misingi kumi na miri, na dzuluye hekala na madzina kumi na meri ga mitume kumi na eri a mwana ng'onzi. ¹⁵Iye ariye sumurira nami wekala na chipimo cha ndata iriyotengenezwa kpwa dahabu kpwa ajili ya kupima mudzi, miyango ye na ukutawe.¹⁶Mudzi wejengwa chimuraba: urewe wekala sawa na walamuwe. Weupima mudzi kpwa chipimo cha ndata chekala 12,000 kpwa ure,(urewe, walamuwe na chimoche vyehelana.) ¹⁷Viratu viratu wepima ukutawe uzihowe wekala dira 144 kpwa chipimo chachibinadamu (ambavyo pia nivipimo vya chimalaika.)¹⁸Ukuta wekala udzijengwa kpwa mawe madzo gakung'ela yaspi nao mudzi kpwa dahabu safi ing'elayo here chilolo yani yakumetameta. ¹⁹Misingi ya ukutayekala idzipambwa na chila aina ya dziwe ra thamani ra kpwanza rekala yaspi, ra hiri rekala yakuti samawi ra hahu rekala kalkedon, ranne zumaridi, ²⁰Ra tsano rekala sardoniki, ratandahu rekala akiki, na ra fungahe rekala krisolitho, ra nane rekala zabarajadi, ra chenda rekala yakuti ya manjano, ra kumi rekala ra krispraso ra kumi na mwenga rekala hiakintho, ra kumi na mbiri rekala amethisto.²¹Iyo miyango kumi na miri yekala lulu tuhu kumi na mbiri, na chila muyango wetengezwa kulera kpwenye iyo iyo lulu mwenga. MItaa ya mudzi yekala dahabu safi, ionekanayo here chilolo safi. ²²Sionere hekalu rorosi ndani ya mudzi kpwa kukala bwana Mulungu, ariye waatawela dzulu ya vyosi, na mwana ng'onzi ndiye hekalure.²³Mudzi kauhitajire dzua au mwezi ili kulangazirwa dzulu ye kpwa kukala utukufu wa Mulungu wang'ala dzulu ye na taa re ni mwana ng'onzi. ²⁴Mataifa mvandatsembera kulera mwangaza wa mudzi uo. Afalume a dunia mvandareha utukufu wao ndaniye. ²⁵Miyangoye kaindafungwa wakati wa mutsana na kahandakala na usiku haho.²⁶Mvandareha utukufu na heshima ya mataifa ndaniye. ²⁷Na kakuna najisi au chichafu chindichoenjira ndaniye wela yeyosi ariye wehenda dzambo rorosi rakutsukiza au ra ulongo; ela ni aratu ambao madzina gao geandikpwa kahi za chitabu cha uzima cha mwana ng'onzi.

Chapter 22

¹Chisha malaika achinonyesa muho wa madzi ga uzima, madzi gang'elago here bilauri au chilolo. Gekala gachitiririka kulera kahi kahi ya chihi cha enzi cha Mulungu na cha mwana ng'onzi. ²Gachirira kahi kahi ya mutaa wa mudzi. Kulera chila upande wa muho hekala na muhi wa uzima, uvyelao aina kumi na mbiri za matunda na nikuvyela matunda chila mwezi. Makodza ga uo muhi ni kpwa ajili ya kuahoza au kuelagula mataifa.³Wela kahandakala na laana yoyosi keheri chihi cha enzi cha Mulungu na cha mwana ng'onzi chindakalamo ndani ya mudzi, na atumishie mvandamuhumikira. ⁴Mvandamona usowe, na dzinare rindakala dzulu ya virangu vya nyuso zao. ⁵Kahandakala na usiku keheri wela kahanda kala na haja ya mwanga wa taa au mwanga wa dzua kpwa sababu bwana Mulungu andaamulika dzulu yao. nao mvandatawela kare na kare.⁶malaika achiniambira,"Maneno gaga niga kuaminika na ga ujeri. bwana Mulungu wa Roho za manabii wemuhuma malaikawe kuonyesa atumishie chindicho ombolera vivi karibuni." ⁷Na lolani! Nadza upesi! Na adzibarikiwa mutu iye agaheshimuye maneno ga unabii wa chitabu chichi."⁸Mimi Yohana, ndiye niriyegasikira na kugaona mambo gaga. Nirihogasikira na kugaona, negwatsi mbere ya magulu ga malaika ili kumuabudu, malaika ariyenionyesa mambo gaga. ⁹Achiniambira, " Usihende vivyo! mimi ni mutumishi munzio, hamwenga na nduguzo manabii, hamwenga na aratu mvagabwirago maneno ga chitabu chichi. Mwabuduni mulungu!"¹⁰Chisha achiniambira, " Usigenjize muhuri maneno ga unabii wa chitabu chichi, kpwahere wakati udzirotera. ¹¹Asiyemwenye hachi, aenderere kutsakala mwenye hachi. Ariye ni muchafu chimaadili, na enderere kukala muchafu chimaadili. mwenye hachi na aenderere kukala mwenye hachi ariye mutakatifu na aenderere kukala mutaakatifu."¹²"Lolani! Nadza upesi. ujeri wangu uu hamwenga nami, kumuriha chila mumwenga kulingana na mahendoge arigohenda. ¹³Mimi ndimi Alfa na Omega, wa kpwanza na wa mwisho, mwanzo na mwisho.¹⁴Mvadzibarikiwa aratu mvafulao nguo ili kukala mvapate hachi ya kurya kulera kahi ya muhi wa uzima na kuenjira mudzi kuchirira muyangoni mwakpwe. ¹⁵konze kuna kuro, atsai, azinzi, olagi, aabudu vinyago na chila ahenzaye na ashuhudiaye ushahidi wa ulongo.¹⁶Mimi masihi, nidzimuhuma malaika wangu kuashuhudia kuhusu mambo gaga kpwa makanisa mimi ni mudzi wauvyalo wa Daudi, nyenyezi ya madzacha ing'elayo."¹⁷Roho na bibi harusi mvagomba,"Nzo! iye asikiraye agombe, "Nzo! yoyosi ariye na chihu na adze na yoyosi agatamaniye na agapate madzi ga uzima wa bule.¹⁸Namushuhudia chila mutu asikiraye maneno gaga unabii wa chitabu chichi; chikala yeyosi andaonjeza kahi ya gago, Mulungu andamonjezera mapigo garigoandikpwa ndani ya chitabu chichi. ¹⁹Chikala mutu yeyosi andausa maneno ga chitabu chichi cha unabii, Mulungu andausa sehemu ye kahi ya muhi wa uzima na kahi ya mudzi mutakatifu, ambao habari ze zidziandikpwa ndani ya chitabu chichi.²⁰Iye ashuhudiaye mambo gaga wagomba, "Ndiyo! Nadza upesi?" Amina, Bwana Masihi! Jesu. ²¹Neema ya bwana Jesu ikale na chila mutu. Amina.

Ribe: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Colossians, Ephesians, Galatians, James, John, Jude, Luke, Mark, Matthew, Philemon, Philippians, Revelation, Romans, Titus

Formatted for Translators

Matthew

Mark

Luke

John

Acts

Romans

1 Corinthians

2 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

James

1 Peter

2 Peter

1 John

2 John

3 John

Jude

Revelation