Bible

Romans

Chapter 1

¹Paulus hamba Yesus Kristus, si tinowa mamuali rasul, nyai sandiri mako witu ninjul Empung. ²Si nyai nong kawar ni Empung katare-tare, limalan witu senabi-nabina witu buk suci, ³kumura si okiina, sa kumiit leo na mina tou witu taranak ni Daud.⁴wo nyai nyata, tanu oki ni Empung si makuasa limalan witu katotouran na witu nantara ne tou minate, kiit Roh Kakudusan, siamong Yesus Kristus Empung eta. ⁵Lumalan witu nisia, nikai makaindo anugerah wo jabatan karasulan maali kataatan iman, witu nantara se bangsa-bangsa raai Yahudi ka ngaran-Ena, ⁶kauntep nikau si tinowa mamuali taintu ni Kristus Yesus.⁷Wia nikau waya wia Roma yaai, kaupus ni Empung, wo tinowa mamuali tou-tou kudus. Anugerah wo damai sejahtera, wia nikau witu si Empung Bapa-ata, wo wia si Empung Yesus Kristus.Paulus Paar Maako Witu Se Jemaat Witu Roma ⁸Katare-tare nyaku mehe syukur witu si Empung-Eku lumalan witu Kristus Yesus witu nikau waya ka iman niu nyaimong nyata wia pakasaan kaoatan. ⁹Ka si Empung palayanengku, kaampit Roh-Eku, tunggorem ninjil okiina mina muali saksi wia nyaku ka nyaku, ku raai mena' magenang nikau, ¹⁰witu gorem sombayangeku, nyaku raai mena maki wehe, satoro tarekan yaai, witu kapaarante ni Empung, nyaku toro mai wia nikau.¹¹Nyaku, ku paar karengan mahilekan o nikau, rior nyaku toro mehe karunia rohani maente nikau. ¹²Niitu rior tatoro enteen mawali-wali tu imaneta sandiri-sandiri, leos witu imanemu kaapa iman-eku.¹³Patuari-patuari, rior tu kailekan niu, ka nyaku makapiramong marencana maai wia nikau, taan wehane mahape makar tarekan, rior nyaku kahai toro mupu wia nantara niu, tanukan kahai tu nantara ne bangsa-bangsa Yahudi walina. ¹⁴Nyaku, ku wewehan nutang witu setou Yunani, wo witu setou bar-bar, wo witu setou pande kaapa witu setou wengel. ¹⁵Niitumong ku paar karengan mahabar ninjil, wia nikau, kau wia Roma yaai.¹⁶Nyaku, ku raai mairang witu ninjil, ka ninjil tiin niitumong kuasa Empung, tu kalempotan ni tou mapercaya, katare-tare setou Yahudi, wo mako witu setou Yunani. ¹⁷Ka witu goremena, kaulitan ni Empung nyai nyata witu iman mako tu iman, tanu nyai patik, "Tou makiit nulit si tumou wia iman."Kinaupian Ni Empung Witu Pasiwon Dosa Ne Tou¹⁸Ka, nupi ni Empung, palohomei na surga witu pakasaan lewo pasiwon, wo kalewoan ne tou, se matekan kaulitan, kaampit kalewoan nea. ¹⁹Niitumong, sapa toro kailekan kumura si Empung, terangou wia nisea ka si Empung si nyatamong wia nisea, ka si Empung si timuruumong wia nisea.²⁰Tumuureemei siniwo kaoatan yaai, kumura si Empung ndaai kalohoan, niitu kuasa-na, ndaai si kaakaran wo kumura kailahian-na, palolohonong tu kailekan nyu mata witu pakasaan siniwo na makar nisea raai toro maindo nalasan. ²¹Taan, maane sea kumenalou si Empung, taan ndaai maormat nisia, tanu sia Empung kaapa mawehe syukur wia nisia, putarei, gegenangan nea mamuali raai si kaaraan, wo nate nea wengel tiin minamuali rimbun.²²Se mengila-ngila tou pande taan se wengel, ²³wo sumawel pa asa-asaran ni Empung ndaai wana si resik, kaampit gambar-gambar ne tou fana, burung-burung, tayapo nae epat, kaapa se tayapo raai si nae.²⁴Niitumong si Empung sumerakan nisea witu kapaaran nate nea si mapaar kacemaran makar nisea macemar nawak nea sandiri-sandiri. ²⁵Ka nisea se si mawel kaulitan ni Empung kaampit katowoan, wo sea matuutuk wo masembah se makluk siniwo, ndaai si simiwo si palooren makaure-ure, nulit.²⁶Niitumong, Empung sumerakan nako nisea witu kapaaran-kapaaran gelewo ka se wewene-wewene nea masawel nubungan wajar wo ndaai wajar. ²⁷Taintukan kahai se tuama, sea kahai tumelaau nubungan wajar o si wewene taan malaya-layas tu gorem kapaaran tu sinaru ni esa wo se walina, tuama o si tuama masiwo paayangen makairangen wo witu gorem nawak nea sandiri, nisea se tumerima nukuman witu dosa-dosa nea.²⁸Wo ka nisea setia ma aku si Empung witu kapandean nea, wo si Empung sumerakan nako nisia witu magena-genang gelewo makar sea sumiwo sapa-sapa, nulitena ndaai toro siwon nea.²⁹Nisea se wuta o segala macam ndaai ulit, kalewoan, sorookep, kasesoan, wuta o dengku, mawunu, matotokol, ma loho, nisea se mahabar towo, ³⁰mafitna, maseso si Empung, kasar, penombongan, laker suma, masero kalewoan, raai malinga se tu'a sandiri, ³¹wengel, raai setia, raai si perasaan, wo kejam.³²Wo maan tu kailekan nea natoran ni Empung limila, ka setou masiwo tanu nyaai waya, sea se pantas mate, nisea ndaai te meniwo-niwo niitu taan kahai se maruur setou masiwo taintu.

Chapter 2Maanong Si Empung Si Mamuali Hakim

¹Niitumong nikau ndaai mong toro lumila sapa, kauntou, sei te si mahakim si tou walina, ka witu kou mahakim nisia, kou kahai mahukum nawak-Emu, ka, nikau si mahakim tiin kahai masiwo sapa-sapa masuat. ²Kailekan ta pahakiman ni Empung, nyai nawu kaampit nadil witu natas pakasaan setou, se masiwo waya-waya tanu niitu.³Taan, sapa kau mailape torope kaweta witu pahakimen ni Empung, ei kauntou niitu nikau si minakim nisea, se masiwo waya tanu niitu, taan kahai masiwo masuat. ⁴Kaapa, sapa kau maanggap porar kakayaan kamurahan na, kasabaran na, ka selaan natena, wo raai makailek ka kaleosan ni Empung, matoro witu nisia mapimpin nikau mako witu patobatan?⁵Taan ka kaketean rookos niu, wo nate niu, taak matobat, nikau simimpangou nupi lewo tu natas nawak-emu sandiri, witu nendo kamurkaan sa itu pahakiman nulit wia si Empung nyata mei. ⁶Nisia si maer pakasaan setou, kiit peniwo-niwon nea sandiri, ⁷niitumong katotouan ndaai si kaapuan, witu nisea sekaampit katahangan nea masiwo leos masero pengasa-ngasaran wo kaormatan,⁸taan nupi wo karanguan wia nisea se paarete mawewesu nawak sandiri wo raai makiit nulit, se paarete masiwo ndaai kaulitan, ⁹se makaindo kasusaan, wo kasiksaan tu natas pakasaan mukur nea se masiwo lewo, katare-tare witu setou-tou Yahudi wo setou kahai Yunani.¹⁰Taan pengasa-ngasaran, kaormatan wo damai sejahtera, niitu wehe witu setou masiwo leos, katare-tare wehe witu setou-tou Yahudi, tumondongako setou Yunani. ¹¹Ka si Empung si raai menisir tou. ¹²Wehe witu setou-tou masiwo ndosa, ndaai kumenal Nukum Taurat, sea semaapu ndaai make Nukum Taurat. Taan masiwo dosa tumbawa Nukum Taurat se akimen kiit Nukum Taurat.¹³Ka ndaai se melinga nukum taurat se uliten, tu sinaru ni Empung, taan setou makiit nulit nukum tiin senyata mako ulit. ¹⁴Ka witu sea setou raai Yahudi, se raai si Nukum Taurat se makelangete makiit kailekan nea sapa patuntuten Nukum Taurat tiin, witu nisea, se raai wana Nukum Taurat sea se wewehan Nukum Taurat wia nawak sandiri.¹⁵Nyaai waya timuru ka pasiwo-siwoan Nukum Taurat tiin nyai kapatik witu nate nea sandiri, wo witu gorem nate nea mawehe kasaksian, wo genang nea, sea mokan sematutuduan kaapa mabela nisea. ¹⁶Witu nendo si Empung mahakim genang-genang ne tou nyai kasindek, lumalan si Yesus Kristus kiit kaampit ninjil-Eku.Tou Yahudi Wo Nukum Taurat¹⁷Taan sakau, maila nawak-emu tou Yahudi, wo gimantong witu Nukum Taurat wo gumeleos tu gorem ni Empung, ¹⁸makailek kapaaran na, wo mapaar kaleosan niajarou Nukum Taurat. ¹⁹Wo parcaya ka nawak-emu mamuali penuntun wia nisea se letok, wo mamuali terang wia nisea se witu pe karimbunan, ²⁰pengajar witu setou-tou wengel, guru witu setou-tou raaipe tu'a, wo ka wewehan kapandean, wo laker kailekan kaampit kaulitan tunggorem Nukum Taurat.²¹Wo ei kau, se mahajar setou walina, kaa kau raai mahajar nawak niu sandiri? Nikau mahajar nisea raai toro marongkit, ndaai reen maan nikau marongkit? ²²Nikau malarang setou masiwo zina, ndaai reen maan nikau masiwo zina?²³Nikau meloor-loor Nukum Taurat, taan mawehe makairangen si Empung, nikau malawet nukum-ena! ²⁴Ka tanu nyai patik: "Ngaran ni Empung pahujaten ne bangsa-bangsa walina ka nikau."²⁵Sunat tiin wewehan nargana, sakau makiit nulit Nukum Taurat, taan sa kou tou melawet Nukum Taurat, sunatemu tiin mamuali raai sinunat. ²⁶Niitumong sa si raai sinunat sumiwo prentah-prentah tu gorem Nukum Taurat, ndaai reen si tou raai sinunat tiin si rekenong sinunatou? ²⁷Wo kaapa raai si tou raai sinunat witu nawakena, sa sia makiit Nukum Taurat sia si maakim nikau, si tou maan sia makataintu Nukum Taurat wo sinunat, taan si malawetekan nukum?²⁸Ka si pailaan Yahudi karengan, ndaai si tou palolohon wia luar nate, wo sunat makiit karengan nulit ndaai sunat witu nawak-ena te. ²⁹Si tou Yahudi karengan sia mong si tou witu gorem natena ulit karengan Yahudi, wo sunat nulit karengan niitumong sunat witu gorem nate pakelang ni Roh, ndaai nukum nyai patik. Palooran witu si tou tanu nyaai, ndaai minai wia si tou, taan minai wana si Empung sandiri.

Chapter 3

¹Sa taintu, sapa reen lembena setou Yahudi? Kaapa sapa nuntungena sa si nunatou? ²Laker karengan witu laker mamuali, wia nisea te se pinercaya firman Empung.³Wo sa se pira tou se raai mapercaya, sapa itu ka ndaai percaya nea matal kasetiaan ni Empung? ⁴Niitu kasa raai! Si Empung tiin si ulit, maane setou se towo tanu nyai patik: "Nikau ulit tunggorem pailaamu, nikou-kou muntung sa setou mahakim nikou,"⁵Taan, sa ndaai ulit-eta, niitu tumuru kaulitan ni Empung, sapa lilaata? Torokan kita lumila ka si Empung raai adil, ka si minehemong nukuman wia nikita? (Nyaku maila taintu, kutanu setou-te) ⁶Ndaai karengan niitu! Sa taintu kumura si Empung mahakim kaoatan?⁷Taan sa limalan witu katowoangku, kaulitan ni Empung mako makaasar nisia, kaaku torope hakimen tanu si tou masiwo dosa? ⁸Wo, (Tanu fitna ne tou wia nikai) kaa raai lumila, "Maimong ta sumiwo lewo, rior pailaan gelewo mai witu kalewoan tiin." Se maila taintu se war hukumen.Pakasaan Setou Se Kinuasa Dosa⁹Wo sapa? Sapa talebe geleos taan setou walina? Niitu ndaai karengan, ka nikai limilaamong katare, ka leos sia tou Yahudi kaapa si tou raai Yahudi pakasaan se witu waya mbawa ndosa. ¹⁰Tanu nyai patik: "Ndaai wana si tou maan esate, si masiwo nulit, esate tou ndaai wana.¹¹Ndaai wana si esa tou si wewehan akal budi. Ndaai wana si esa tou si masero Empung. ¹²Pakasaan setou se minutaroumei wia nisia, nisea mawali-wali mamuali raai si kaaraan. Ndaai wana si esa tou masiwo geleos, ndaai wana si esa tou."¹³Keroan nea tanu boang kubur ngimanga lila nea makiupus, mbisa ni loloi witu wihimi nea. ¹⁴Suma nea minawuta kutuk wo pait.¹⁵Nae nea repet matitia ndaha. ¹⁶Kapeendisan, kakemuan witu lalan nea. ¹⁷Wo se raai makailek sakumura matou-tou witu gorem damai. ¹⁸Ninde wia si Empung ndaai witu riorako weren nea.¹⁹Tarekan ta makailek, ka sapa te nyai lila ni Nukum Taurat, nyai wehe wia nisea, se witu bawa Nukum Taurat, makar tu mapenet suma nea, wo kaoatan witu bawa pahakiman ni Empung. ²⁰Ndaai wana si tou si uliten tu sinaru ni Empung, kaampit makiit Nukum Taurat, ka witu makiit Nukum Taurat, mai kumenal dosa.Si Empung Si Mulit Setou, Lumalan Tu Iman²¹Taan tarekan maan raai wana Nukum Taurat, kalilitan Empung nyainong nyata, wo nyai saksi witu buk taurat, wo se nabi-nabi. ²²Ndaai te niitu, taan kaulitan Empung limalan witu iman wia si Kristus Yesus, nyai wehe witu se pakasaan tou percaya ka ndaai wana si minalaengan.²³Ka pakasaan setou se mina berdosamong wo se kinalionganong pengasa-ngasaran ni Empung. ²⁴Wo sea uliten kaampit leos karunia-Na, nyai nate wehemei taintu, lumalan witu tinubus tunggorem Yesus Kristus;²⁵Nyaimong nyata ni Empung kalolohoan karengan mamuali lalan maleleosan tunggorem ndahana witu iman. Nyaai timuru witu kaadilan-Na ka witu te kasabaran-Na, si Empung si minayamong dosa-dosa timuur reemei rior pinasiwo-siwo. ²⁶Nyaai waya kahai patoro matuturu kaadilan-Na wia no ras yaai rior nisia mamuali bukti ulit wo maulit setou ma-iman wia si Yesus.²⁷Sataintu, wisape peloo-loor nawak-eta? Nyainong rou-roume nukum sapa? Kaapa nukum peniwo-niwonta? Ndaai, taan niitu nukum iman! ²⁸Niitumong, nyaai mong percayanta, ka si tou si uliten te witu sinaru ni Empung ka iman, ndaai witu peniwo-niwonta dumasar witu Nukum Taurat.²⁹Kaapa, sapa si Empung tiin si Empungete ne tou Yahudi? Ndaai reen nisia kahai si Empung ne tou raai Yahudi? En! Sia kahai si Empung ne bangsa raai Yahudi, ³⁰ka si Empung tiin si eta te, wo sia si mulit setou-tou se sinunat tu iman, wo se raai sinunat limalan witu iman.³¹Wo, sapa kai mararai Nukum Taurat lumalan witu iman? Ndaai karengan, putarei, nikai kai maente Nukum Taurat tiin.

Chapter 4Pasal 5

⁴Witu setou mapaayang, gaji pa wehe nisea niitu ndaai pereseng, taan niitu hak nea. ⁵Wo witu se raai mapaayang, taan se mapercaya si Empung, si maulit setou raai wana si iman, iman ne rekenako mamuali kaulitan.⁶Daud-ete si limila, si kasa kinamangei si tou witu si Empung si rimeken kaulitan wia nisia, ndaai mong linoho sapa-sapa pinasiwona. ⁷"Mapela-pela-among sitou seminakaindo ampungan witu sapa-sapa linawetena, pinempen dosa-dosa na. ⁸Mapela-pela-among setou, saitu dosa na ndaai nyai kauntep witu rerekenan, ni Empung!"⁹Sapa itu kamang tiin wehete setou-tou sinunat? Kaapa kahai wehe setou-tou raai sinunat? Ka nikai lumilaamong ka iman ni Abraham nyai reken witu kaulitan. ¹⁰Wo kumura niitu nyai reken wia nisia? Ndaaipe kaapa ndaaimong sia sinunat? Ndaai witu ka sia sinunatou, taan sia ndaaipe sinunat.¹¹Si Abraham si timerima tanda nisia sinunatou minamuali meterai kaulitan iman, nisia ndaaipe sinunat, rior sia toro mamuali Bapa wia se pakasaan tou mapercaya raai sinunat makar kaulitan tiin, niitu kahai rerekenan wia nisea. ¹²Kaampit mamuali Bapa witu setou-tou sinunat, sea se raai te sinunat taan kahai makelang witu iman, tanu kinelanganei ni Bapa-ta, Abraham, sia ndaape sinunat.Abraham Timerima Nyai Kawar Ni Empung Lumalan Witu Iman-Ena¹³Nyai kawar witu si Abraham, wo makar witu setaranak-ena ka nisea se makataintu pakasaan kaoatan, ndaai mawuta kaampit Nukum Taurat, taan witu te kaulitan iman. ¹⁴Ka, sa se witu Nukum Taurat o mai, toro mamuali ahli waris, iman tiin mamuali raai si kaaraan, wo nyai kawar ni Empung batalen. ¹⁵Ka Nukum Taurat tiin mahalimei kaupian, taan sa raai wana Nukum Taurat, witu niitu kahai ndaai wana palangkoien.¹⁶Nyaaimong, kaitu kawar tiin tu iman, o mai, rior kawar tiin dimasar witu leos karunia, makar kawar tiin mako makar witu pakasaan pataranakan ni Abraham, ndaai te se witu Nukum Taurat o mai, taan kahai, sewitu iman ni Abraham o mai, si Bapa-eta waya. ¹⁷(Tanu nyai patik: "Nyaku ku simiwomong nikou Bapa wia se kalakeran bangsa") Tu sinaru ni Empung, se percayan na, siamong si mawehemei katotouan witu setou minate, wo se maila sapa niitu ndaaipe wia mamuali wewehan.¹⁸Witu pangharapan, tu natas pangharapan sia mapercaya, makar nisia minamuali Bapa witu se laker bangsa, tanumong nyai lila: "Mamuali taintu setaranak-emu." ¹⁹Wo witu ndaai mamuali lemah tunggorem iman, maanesia makailek nawakena sandiri taite mate, ka numurena minakomong maatus ngata'un, wo tampanioki nisara minatemong,²⁰nisia si raai siniwo bimbang witu nyai kawar ni Empung witu ndaai mapercaya na, putarei, iman-ena ni ente, makar nisia winehanei pengasaran witu si Empung. ²¹Wo si percaya karengan, ka si Empung, si makuasa masiwo sasapa nyai namong kawar. ²²Niitumong, iman-ena rineken mamuali kaulitan.²³Taan nyaai ndaai te nyai patik ka kapentingan ni Abraham-ete. ²⁴Taan kahai wia nikita, nyaai waya mamuali rerekenan wia nisea se mapercaya wia nisia, si timoorei si Yesus, Empung-eta, witu nantara ne tou minate. ²⁵Siamong si Yesus, nyainong serahkan, makar sia mate ka dosa ta, wo si nyai toorei, ka maulit nikita.

Chapter 5Tou Niulit Ni Empung Kaampit Kinorbanan Ni Yesus Kristus

¹Niitumong ka nikita ni-ulitou o iman, kita minadamea nong o si Empung limalan witu si Empung eta Yesus Kristus, ²Linala nan-na, kita makaind lalan matoro iman anugerah ni Empung, tarekan yaai, minamuali dasar-eta timoor, wo kita toro mapela-pela, tunggorem pengharapan kamuliaan ni Empung.³Ndaai te niitu , nikita kahai mapela-pela tunggorem kasusaan pinendam ta momei ka kailekan ta kasusaan tiin mua katekunan, ⁴katekunan tiin mua penou-nouan ndaai kaleeleran wo penou-nouan ndaai kaleeleran mua pengharapan, ⁵wo pengharapan tiin ndaai mehe kasusaan, ka nupus ni Empung nyainong palusei witu nate-ta lumalan witu si Roh Kudus nyai karuniamei wia nikita.⁶Witu kita witupe kalemahan, Kristus minate wehe setou durhaka, witu nendo nulit. ⁷Ka, telang karengan wewehan tou paar mate ka si tou ulit, maan wewehan te si tou paar mate ka si tou leos.⁸Taan si Empung minapaloho kaupusan na wia nikita, ka ta witu pe meniwo-niwo dosa, Kristus minate, ka wehe nikita. ⁹Lembe mako niitu, ta niulitou on daha-ena, kita ta nyaimong lempot witu nupi ni Empung wia nikita, lumalan wia nisia.¹⁰Ka witu kita minamuali pe musuh ni Empung, kita dinamenamong o si Empung witu kapapate ni okiina, lumembe niitu tarekan, ka kita dinamenamong o si Empung, o kita kahai lempotena witu nisia timoorei sumaup. ¹¹Ndaai te niitu, kita kahai toro memela-mela tunggorem ni Empung, linalanan ni Empungeta Yesus Kristus, kawitute nisia kita tarekan timerima kadamean wia si Empung.Mate Limalan Witu Si Adam, Nidop Limalan Witu Si Kristus

¹³Ka ndosa tiin wia mong kaoatan ndaape wia Nukum Taurat ni Musa, taan dosa tiin ndaai rineken ni Empung kaurean ndaai pe wana si Nukum Taurat.¹⁴Maan taintu, patean kimuasamong timuureemei witu si Adam makar si Musa, wo witu natas ne tou raai simiwo dosa, tanu siniwo ni Adam, wo niitu tanu bayang-bayang nisia si mange mai. ¹⁵Taan pawehemei ni Empung ndaai masuat o dosa, ka saitu dosa ni esa tou, lakerou setou minate, wo lebe-lebe karunia ni Empung wo pawehe namei lumalan witu si esa tou, nisia si Kristus Yesus.¹⁶Wo karunia tiin ndaai tanu ka ndosa ni esa tou tiin. Ka pahakimen witu nesa linangkoy niitu mali nukuman, taan anugerah witu laker palangkoyen mahali pauliten. ¹⁷Saitu ndosa ni esa tou, maut si kimuasa tu natas si esa tou tiin, lebe kahai setou-tou se timerima anugerah kalimpahan anugerah wo karunia kaulitan, se merentan witu gorem penou-nouan lumalan witu si esa tou siamong si Yesus Kristus.¹⁸Niitumong, masuat simiwo nesa linangkoi, pakasaan setou se tumerima nukuman, taintukan kahai witu masiwo kaulitan ni esa tou, wo pakasaan setou tumerima katotowan wo kaulitan. ¹⁹Ka karaai palinga-lingaan ni esa tou, laker tou se minamuali masiwo dosa, taan ka palinga-lingaan ni esa tou, selaker tou se niulit.²⁰Nukum Taurat nyai awes sumiwo dosa makalaker-ete. Taan witu tampa, dosa makalaker, anugerah ni Empung mako maka awes. ²¹Rior masuat tanu dosa, makuasa witu patean, leos karunia kahai makuasa lumalan witu kaulitan, mapimpin mako witu penou-nouan ndaai si kaapuan, tunggorem ni Kristus Yesus Empung-eta

Chapter 6Mate Tu Sinaru Dosa, Nidop Tunggorem Ni Kristus

¹Niitumong sapa pe lila-ata? Sapa kita memehe-mehe masiwo ndosa rior anugerah mako mahawes? ²Tantu niitu ndaai! Kumurapa sakita minatemong witu dosa tu toro kita tumou tunggorem niitu? ³Kaapa sapa raai kailekan niu, ka kita waya ta nyaimong lendem tunggorem Yesus Kristus, wo ta nyainong lendem witu kapapate na?⁴Niitumong nikita ta kinuburou mawali-wali nisia, witu nikita nyai lendem, witu gorem kapapatena, rior masuat tanu si Yesus si nyai toorei witu nantara ne tou minate, limalan witu kamuliaan ni Bapa, nikita kahai toro kumelang tunggorem kaweruan penou-nouan. ⁵Ka, sakita, ni esa mong mawali-wali nisia, tunggorem kasusuatan kapapatena, nikita nulit kahai ta esan tunggorem kasusuat katotoornamei.⁶Kailekanta ka, tou ureta sinalipou mawali si Kristus, wo nawak dosa ta ndaai nyai liong, makar nikita raai mahamba pe witu dosa. ⁷Ka, si tou sa sia minatemong sia si binebasou witu dosa.⁸Tarekan, sakita minatemong mawali si Kristus, ta mapercaya ka nikita ta tumou mawali-wali nisia. ⁹Kailekan tamong, ka si Kristus si nyai toorei witu nantara ne tou minate, si raaimong mate sumaup, si patean tiin si raaimong wana si kuasa wia nisia.¹⁰Ka witu kumura sia minate, nisia minate sinaru dosa makasa te makar kaure-ure, taan witu kumura sia tumou, nisia timou wehe si Empung. ¹¹Taintukan kahai nawak-emu, nikou kou pakiwehen sumadar, ka nawak-emu minatemong witu dosa, wo tumou wehe si Empung tunggorem Kristus Yesus.¹²Niitumong, tia mawaya dosa tiin kumuasa nawak-emu, kaayo kau mataat witu kapaaran na. ¹³Wo tia maseserakan pakasaan wia nawak-emu tiin witu dosa, mamuali alat masiwo lewo, taan serakanako nawak-emu witu si Empung, sia si timoumei sumaup witu nantara ne minate, wo nanggota-nanggota nawak-emu mamuali alat kaulitan ni Empung. ¹⁴Ka dosa ndaai kumuasa tu natas-emu ka nikou ndaaimong tumou witu bawa Nukum Taurat, taan witu bawa anugerahHamba Kaulitan¹⁵Niitumong sapa siwonta? Sapa nikita sumiwope dosa ka nikita raaimong menou-nou tumbawa Nukum Taurat, taan witu mbawa anugerah? "Niitu daai karengan! ¹⁶Nikau toro makailek, ka witu kau sumerakan nawak niu mamuali budak malinga-linga witu sapate niitu, kaapa si tou niko mamuali budak si palilingaan nu tiin, leositu witu dosa si mahali nikou witu patean, kaapa witu si palinga-lingaanu si mimpin nikou tumoro kaulitan.¹⁷Taan, mawehe syukur wana si Empung, ka nikau rior kau budak dosa, tarekan kau malinga-lingamong kawutaan nate, witu pokok-pokok pahajaran nyai ajar wia nikau. ¹⁸Ka nikau, binebasou witu ndosa, nikau tarekan mamuali budak kaulitan.¹⁹Nyaku maila mapake nistilah, setou ka kalemahan leo na niu. Ka tanu rior, nikau maserakanako nanggota nawak niu mamuali budak kanajisan wo kalewoan, sumampet witu kalewoan lebe roou, tarekan serahkanomako nanggota-nanggotamu mamuali hamba kaulitan, sumampet witu pengudusan. ²⁰Ka kau witu pe minamuali budak dosa, nikou bebasete witu kaulitan. ²¹Taan sapa kauntungan niu kinaindoan niu, witu pakasaan siniwo niu, wo tarekan sumiwo nikau mairang. Ka kamurian pakasaan nyaai niitumong patean.²²Taan tarekan, kabebebasete witu ndosa, wo nihambamong ni Empung, nikau makaindo wu'a na tu natas kasucian kamurian penou-nouan raai si kaapuan. ²³Ka gaji dosa niitumong patean , taan karunia ni Empung niitu penou-nouan ndaai si kaapuan tunggorem ni Yesus Kristus Empung-eta.

Chapter 7Binebas Witu Nukum Taurat, Lumalan Tu Nawak Ni Kristus

¹Sapa tu raai kailekan niu, ei kau patuari-patuariku (Ka nyaku maila wia nisea se makailek Nukum Taurat), Ka Nukum Taurat makuasa witu natas nawak nitou kaurean nisia menou-noupe?²Niitumong, si wewene si kimawengou, nyai kawaakes witu nukum wia si kaawuna, kaurean sia menou-noupe, taan sa sia minatemong si kaawuna tiin, nisia si bebasen witu nukum kinawengan. ³Wo sa si wewene tiin mamuali kaawu ni tuama walina, taan si kaawuna karengan si raaipe minate, nisiamong si pailaan simiwo sina, sa sia kumaweng o si tuama walina.⁴Niitumong, patuari-patuariku, nikau kahai, kau minatemong witu Nukum Taurat, limalan witu nawak ni Kristus, rior kau mamuali taintu newalina, nisiamong si Yesus nyai toorei witu patean, makar nikita toro mehe wua wia si Empung. ⁵Ka witu kita menou-noupe, witu kapaaran leona, kapaaran dosa rinangsang ni Nukum Taurat, mapaayang witu gorem nawak-eta, mehe wu'ana witu patean.⁶Taan, tarekan ta binebasou witu Nukum Taurat, minatemong tu sinaru sapa minaakes nikita, makar tarekan kita toro malayani, witu kaadaan weru, kumiit si Roh, ndaaimong kumiit nukum nure nyai patik.Dosa Wo Nukum Taurat⁷Sa taintu, sapape lilaata? Sapa Nukum Taurat tiin, dosa? Niitu ndaai karengan, saitu putarei, nyaku ku raaimong kumenal ndosa, kacuali kumiit Nukum Taurat, ka nyaku ku raai mangarti sapa niitu mapaar taintu ne tou walina, saitu Nukum Taurat raai limila: "Tia mapaar." ⁸Taan, dosa minindomong kasempatan limalan witu prenta tiin, rior mehe wu'ana, waya-waya kapaaran witu nawak-eku, ka sa raai wana Nukum Taurat ndosa tiin mate.⁹Rior nyaku matou-tou ndaai wana si Nukum Taurat, taan mangmai nukum tiin, dosa timou wo nyaku mate. ¹⁰Wo prentah yaai, pinaindo mali witu penou-nouan, taan si minalite nyaku witu patean.¹¹Ka ndosa tiin minindo kesempatan witu nukum tiin, limoho nyaku wo minate nyaku. ¹²Niitumong Nukum Taurat tiin niitu kudus, wo nukum tiin kudus, nulit wo leos.¹³Sa taintu, sapa geleos tiin mahalimei patean wia nyaku? Niitu ndaai! Ndosa tiin mawua patean, wia goremeku limalan sapa geleos, rior nyumata dosa tiin niitu dosa, wo kaampit nukum tiin dosa mako palolohon kabardosaan na.Mengindo-ngindoan Tunggorem Nawak-Eta¹⁴Ka kailekanta ka Nukum Taurat tiin niitu rohani, taan sa nyaku, ku jasmani kawangker witu mbawa dosa.¹⁵Ka nyaku ku raai mangarti, sapa pasiwongku, ka nyaku ku raai masiwo sapa kapaareku, taan nyaku masiwo sapa kasesooku. ¹⁶Taan sa nyaku masisiwo sapa-sapa ndaai kapaareku, nyaku masetuju Nukum Taurat tiin geleos.¹⁷Niitumong tarekan, ndaaimong nyaku si masiwo, taan ndosa si tumou wia goremeku. ¹⁸Ka kailekangku, ndaai wana si geleos wia gorem nawak-eku, niitu tunggorem leonaku, ka kapaaran tiin, wia goremeku, taan samasiwo geleos niitu ndaai.¹⁹Ka nyaku raai masiwo geleos, witu kapaarangku, taan nyaku masiwo lewo ndaai kapaareku. ²⁰Niitumong sa aku masiwo sapa-sapa ndaai kapaareku, niitu ndaaimong nyaku si masiwo niitu, taan dosa si tumou wia gorem nawak-eku. ²¹Wo nyaku minakaindo nukum yaai, niitu: Witu nyaku paar masisiwo sapa niitu geleos, kalewoan kahai mawali-wali nyaku.²²Ka nyaku mapaar nukum ni Empung, tunggorem nateku, ²³taan ku nyai kaloho nukum walina, witu gorem anggota-anggota nawak-eku maberjuang, masaru nakal budiku, wo tumawan nyaku, witu gorem nukum dosa witu gorem anggota-anggota nawak-eku.²⁴Nyaku ku tou silaka! Sei si toro lumempot nyaku witu nawak patean yaai? ²⁵Syukur wia si Empung, lumalan witu si Yesus Kristus! ²⁶Niitumong kaampit nakal budiku, nyaku malayan nukum ni Empung taan witu nawak-eku jasmani nyaku kahai malayani nukum dosa.

Chapter 8Timou Ka Roh Empung

¹Niitumong ka ndaai mong wana pahukumen wia setou witu gorem ni Yesus Kristus, ²ka nukum Roh penou-nouan tunggorem Yesus Kristus minerdekamong nikau witu nukum dosa wo patean.³Ka sapa ndaai toro siwon ni Nukum Taurat, ka siniwo lemah o leona, siniwomong ni Empung kaampit nisia rumehomei si oki ina sandiri, mamuali masuat ose tou, seberdosa, kaapa masiwo tanu matoro ndosa, sia mehe nukuman witu dosa tunggorem leona, ⁴rior patuntuten Nukum Taurat lekepen, wia nikita, ndaai tumou kumiit leona, taan makiit si Roh. ⁵Ka wia nisea timou makiit leona, se magenangete tumou kumiit leona, taan wia nisea se timou makiit Roh, se magenangete tumou witu Roh.⁶Ka sa magenangete patoro witu leona niitu patean, taan gegenang patoro witu Roh, niitu nidop wo dame sejahtera. ⁷Ka gegenang matoro witu leona, matantang si Empung, ka si raai tumuutuk witu nukum si Empung, makar nisia si raai masiwo niitu. ⁸Wo nisea se tumou tunggorem daging seraai sumenang nate ni Empung.⁹Mako taintu nikau raai timou tunggorem leona, taan tunggorem Roh, saitu mena ulit wia nikau. Ka sa si tou raai wana si Roh Kristus, sia si raai taintuna. ¹⁰Taan, sa si Kristus wia gorem niu, maan nawak-emu minatemong ka dosa, taan si Roh matou-tou ka kaulitan.¹¹Taan saitu Roh Empung si timoorei si Yesus witu patean, mena wia gorem-emu, nisia si timoorei si Yesus witu patean tiin si mehe katotouan witu nawak-emu fana tiin, lumalan witu Roh-Ena si minena witu gorem niu.¹²Niitumong patuari-patuariku, nikita ta tou wewehan nutang, taan ndaai witu leona, rior penouan kumiit leona. ¹³Ka sa nikau timou makiit leona, nikau, kau mate, taan sa wia Roh nikau mate peniwo-niwon nawak-emu, nikau, kau tumou.¹⁴Ka pakasaan setou se pinimpin ni Roh Empung seamong se oki-oki ni Empung. ¹⁵Ka nikau raai timerima Roh pabudaken kahai masiwo kaindean, taan nikau timerimamong Roh, si minangkatomei nikau, mamuali oki-oki ni Empung, ka limalalan witu si Roh tiin nikita matowa: "Abba, Bapa!"¹⁶Roh tiin si maksi mawali si Roh-ta, ka nikita ta oki-oki ni Empung, ¹⁷sa nikita pailaan oki, nikita kahai ta pawaris-pawaris ni Empung, wo masuat pawaris kaampit si Kristus, sa kita ulit-ulit mapeendis mawali nisia, kita kahai mamuali pengasa-ngasaran mawali-wali nisia.Se Oki-Oki Ni Empung Se Tumerima Pengasa-Ngasaran¹⁸Ka nyaku maanggap, ka kasusaan-kasusaan tarekan yaai, ndaai pemasuatanong kamuliaan, nyatamei wia nikita. ¹⁹Ka pakasaan siniwo, niitu mengena-ngena kampat lelo witu se oki-oki ni Empung nyata mei.²⁰Ka pakasaan siniwo nyai nong katuutuk witu ndaai wana si kaaraan ndaai witu kapaaran sandiri, taan kumiit kapaaran ni Empung si kimalamong niitu, tu dasar pangharapan. ²¹Rior witu pakasaan siniwo tiin sandiri, niitu kahai siwon merdeka witu pabudaken kapapatean, tumoro witu kamardekaan ne oki-oki ni Empung wuta kamuliaan. ²²Ka kailekanta, ka pakasaan siniwo, masuat memao-maos, wo mapendam rumara, matotou mei si oki makar tarekan.²³Wo ndaai te niitu, taan nikita sandiri kahai tatimerima mbuana katare, Roh kahai mapaos, witu gorem nawaketa sandiri, witu ta maana angkaten mamuali oki, niitumong tumubus nawaketa. ²⁴Ka nikita nyai kalempot witu pangharapan. Taan pangharapan palolohon ndaai pailaan pangharapan, ka sei si maarap witu sapate niitu, wo kina lohoanamong? ²⁵Taan nikita, sa kita maarap witu sapa-sapa, ndaaipe linohota, kita maana niitu kaampit katekunan.²⁶Taintukan kahai, Roh masawang nikita witu kalemahanta, ka ndaai kailekanta, kumura sa masombayang, taan si Roh sandiri si makiupus ka nikita, kaampit paos-paoseta, ndaai toro lilaata. ²⁷Wo nisia si maselidik nate, makailek sapa kapaar Roh tiin ka nisia, si makiupus wia setou-tou kudus masuat kapaaran ni Empung.²⁸Ka sea se kenalenamong katarepe, sea kahai tinantumong katare-tare mamuali masuat wo gambar ni oki ina, rior nisia mamuali anak tu'a witu nantare selaker patuari. ²⁹Nisea se tinantunamong witu katare-tare sea se towaan na wo se tinowaa na, se uliten na, wo nisea se niulitena, sea semulian na. ³⁰Nupus Ni Empung Tunggorem Kristus Yesus ³¹Niitumong sapape lilaata tu pakasaan yaai? Sa si Empung wia pihak eta, sei si sumaru nikita? ³²Nisia si raai maupus si oki ina sandiri, taan si merakanako nisia ka wehe nikita waya, kumurape nisia mawali-wali kaampit nisia, o raai kumaru nyamei sapa-sapa wia nikita?³³Sei si toro dumawa se tou-tou sinisir ni Empung? Si Empung si mulit nisea. ³⁴Sei si mehe nukuman? Yesus Kristus si minatemong, o sia nyai toorei witu patean, rimuhumun witu sangaweka leleos ni Empung, sia si makiupus nikita.³⁵Sei si toro rumoume nikita witu nupus ni Kristus? Sapa niitu patindasen, kaapa kasusaan, kaapa pawantian, kaapa naharem, kaapa kapotayan, kaapa bahaya sambel? ³⁶Tanu nyai patik: "Ka nikou, wo kai witu gorem silaka patean, kalambotan nendo, nikai tanu se domba-domba pa reretan."³⁷Taan witu pakasaan nyaai, nikita lembe witu se minuntung, wia nisia maupus nikita. ³⁸Ka nyaku, kinapercayaan ka ndaai patean kaapa katotouan, ndaai kan kahai malaikat-malaikat kaapa pamarentah-pamarentah, ndaai kan kahai witu sapa-sapa tarekan yaai, kaapa sapa mange mai, kakuasaan, ³⁹ndaai kan kahai se witu natas kaapa se witu bawah, kaapa se siniwo walina, se mampu o toro rumoumei nikita witu nupus ni Empung witu gorem ni Yesus Kristus Empung eta.

Chapter 9Setou Sinisir Ni Empung

¹Nyaku maila kaulitan tunggorem Kristus, nyaku ku raai matowo, wo suara nateku masaksi mawali-wali Roh Kudus, ²ka kasusaangku sela karengan wo ndaai mena masusa tunggorem nateku.³Ka nyaku maarap nawak-eku yaai kutuken, karooumei witu si Kristus ka nikau patuari-patuariku, nikau kabangsaku witu jasmani ⁴niitu tou-tou Israel, makataintu hak maangkat mamuali oki-oki ni Empung. Tumerima kamuliaan, kakawaren-kakawaren, tumerima pawehemei Nukum Taurat, Ibadah, wo kawar-kawar. ⁵Niseamong se taranak-taranak ne bapa-bapa ata rior, wo witu nantara neate Kristus nyai toumei kumiit leona, nisia, siamong si Empung witu natas pakasaan, wo si palooren makar kaure-ure. Nulit!⁶Taan Firman ni Empung ndaai gagal. Ka ndaai pakasaan witu setou Israel setou Israel karengan, ⁷wo ndaai pakasaan se taranak ni Abraham se oki-oki ina, taan, se pailaan taranakemu, sea se taranak ni Ishak.⁸Nyaai waya nartina, ka ndaai oki-oki kumiit leona, se rineken tanu oki-oki ni Empung, taan oki-oki kakawaren te se rineken mamuali taranak. ⁹Ka nyaaimong limila witu kawar tiin: "Witu mong nendo yaai nyaku ku mai, wo si Sara si makaindo oki tuama."¹⁰Ndaai te nyaai, taan witu si Ribka, si mahali-alimong nawak se oki-oki witu si esa tou, sia si Ishak tu'a ta rior, ¹¹ka se raaipe nyai tou mei se oki-oki tiin, wo se raaipe masiwo sapa niitu leos kaapa lewo, rior kapaaran ni Empung kumura se si siren na wo se ketena, ndaai ka peniwo-niwon, taan ka nisia si matowa, ¹²lilaana witu si Ribka: "Si oki tu'a si sumelewir se tuarina." ¹³Tanu nyai patik: "Nyaku ku maupus si Yakub taan nyaku maseso si Esau."¹⁴Niitumong sapa lilaata? Sapa si Empung raai adil? Niitu ndaai karengan! ¹⁵Ka nisia lumila witu si Musa: "Nyaku kumehe nupus witu si sei si kapaareku, mawewehe nupus, wo nyaku ku kumura ate witu sei sei si kapaareku muraan nate." ¹⁶Niitumong nyaai ndaai gimantong witu kapaaran, kaapa paayangen wuter ne tou, taan wia si Empung si timurumei kamurahan na.¹⁷Ka witu buk suci limila witu si Firaun: "Ka witu nalasan yaai nyaku mangkat nikou, rior nyaku tumuru mako kuasaku witu gorem-emu, wo ngaran-eku, nahabarako witu pakasaan kaoatan." ¹⁸Niitumong si Empung mehe nupus ena wia si sei te sia si kapaarena, wo kumete nate wia si sei si kapaarena.¹⁹Niitumong nikau lumila wia nyaku, "Kaa sia si pasoleken ne? Ka sei si paar tumantang kapaaran na? ²⁰Putarei, sei reen nikau, kaun tou? Wo kau mabanta si Empung? Sapa itu siniwomong, wo lumila witu si simiwo, kaakou sumiwo nyaku tanu nyaai?" ²¹Sapa si meniwo kure si raai wana si hak witu tana pulut tiin, ka masisiwo witu sangaerur tana masuat, tanu bejana papaken witu pailaan mulia, wo bejana walina siwon papaken witu kahinaan?²²Kumura sa si Empung maan sia mapaar matuturu ka pengupian na wo nyumata kuasa na, wo timanggongou kasabaran sela tu sinaru bejana-bejana kapengupian na siniapou witu kabinasaan? ²³Nisia si sumiwo niitu mapailek kakayaan kamuliaan na tu natas bejana-bejana kaleosan na, siniapnamong witu kamuliaan. ²⁴Niitu nikita tinowa namei, ndaai te witu nantara ne tou Yahudi, taan kahai se witu nantara ne bangsa-bangsa walina.²⁵Tanuakan kahai nyai na firman witu gorem buk Hosea: "Nisea se raai umateku, se lilaangku umateku, wo se raai kaupuseku se lilaangku witu leos." ²⁶Wo witu tampa ni Empung limila rior karengan: "Nikau raai umateku, witu tampa tiin nisea pailaan oki-oki ni Empung se matou-tou."²⁷Wo si Yesaya mahame se Israel: "Maane se oki-oki ne Israel kalakeran nea tanu resak witu laut, taan se telaau-telaau neate se kalempot, ²⁸ka si Empung si sumiwo firman-Eta witu natas kaoatan, sempurna wo segera." ²⁹Tanu nyai nubuat ni Yesaya: "Sa si Empung pakasaan kaoatan, raai tumelaaume taranak wia nikita, nikita minamulimong tanu Sodom wo mengasuatan o Gomora."³⁰Niitumong sapape lilaata? Ka se bangsa-bangsa raai Yahudi se raai makiit kaulitan, se minakaindomong kaulitan, niitu kaulitan witu iman o mai, ³¹taan, bangsa Israel se maulit karengan makikiit kaulitan Nukum Taurat, taan simiwo nisea raai nyai kaayo witu Nukum tiin?³²Kaa? Ka nisea se raai rimawoi kaampit iman, taan kaampite te perbuatan. Nisea se nyai kasuusu witu mbatu kasuusuan. ³³Tanu nyai patik: "Lohone nyaku kumeta mako witu Sion nesa watu kasuusuan, wo nesa watu karang, wo seite si mapercaya nisia, si raai papairang."

Chapter 10Kalempotan Witu Te Gorem Iman Wia Si Yesus Kristus

¹Patuari-patuari, kapaaran nateku wo sombayangeku, wana si Empung wehe mako tu nisea, sea waya toro kalempot. ²Ka, nyaku toro sumaksi kumura sea, ka nisea se wewehan semangat wia si Empung, taan raai mahalas witu pangatahuan nulit. ³Ka nisea raai makailek kaulitan ni Empung wo maulit matotoor kaulitan neate sandiri, nisea raai tuutuk witu kaulitan ni Empung.⁴Ka si Kristus siamong si limekep Nukum Taurat mina muali kaulitan witu si tou percaya. ⁵Musa minatik kumura kaulitan minalas witu Nukum si tumou ka niitu.⁶Taan, kaulitan minalas witu iman limila tanai: "Tia maila tunggorem natemu, sei sia si sumeret na sorga?" Nartina, maali mei si Kristus tumumpa. ⁷Kaapa "Sei si tumumpa witu jurang kapatean?" Nartina, maali si Kristus sumeret witu nantara ne tou minate.⁸Taan sapa pailaana? "Firman witu te ntawimu, niitu witu gorem sumamu, wo tunggorem natemu." Niitumong pailaan imam pahabar nai. ⁹Sa kaampit sumamu, nikau mangaku ka si Yesus tiin si Empung, wo mapercaya witu gorem natemu, ka si Empung timoorei nisia tu nantara ne tou minate, nikau kalempot. ¹⁰Ka kaampit nate, si tou mamuali percaya, makar sia makaindo kaulitan, wo kaampit suma, si tou mangaku makar sia toro kalempot.¹¹Ka buk suci limila: "Sei te si mapercaya wia nisia, si raai ako pairangen." ¹²Ka ndaai wana pabedaan witu nantara ne tou-tou Yahudi wo setou-tou Yunani, Empung si esa, sia si Empung ne pakasaan, wo mahawes karengan kakayaan witu pakasaan setou matowa nisia. ¹³Ka, "Pakasaan tou se matowa tunggorem ni Empung sea se lempot."¹⁴Taan, kumura nisea matowa nisia si raaipe papercayan nea? Wo kumura sea toro mercaya nisia, si raaipe pinalinga-linga nea mako? Wo kumura sea malilinga sa raai wana si mahabar nisia? ¹⁵Wo kumura sea toro mahabar nisia sa sea raai reho? Tanu nyai patik: "Kasa geleos karengan nae-nae ne, mahalimei nahabar leos!"¹⁶Taan ndaai pakasaan setou makiit nahabar leos tiin, ka si nabi Yesaya limila: "Empung, seimong si minercaya witu nahabar lininga nea wia nikai?" ¹⁷Niitumong, iman tiin mondolei witu sapa liningata, wo palinganta witu Firman Kristus.¹⁸Taan nyaku moi: "Sapa setou tiin raai liminga?" Niitu lininga nea ka, "Suara nea palilingan wia pakasaan kaoatan, wo pengila-ngila nea palilingan makar tempok kaoatan."¹⁹Taan nyaku lumila: "Sapa se bangsa Israel raai mangarti niitu?" Katare, Musa limila: "Nyaku ku tumoorei teir-emu, wia nisea se raai esa bangsa, wo tumoorei nupi niu, witu se bangsa wengel."²⁰Wo kaampit berani, Yesaya limila: "Nyaku ku kinaindoan ne tou, raai maser nyaku; Nyaku ku mapaloloho nawak eku wia nisea, se raai mawoi nyaku. ²¹Taan, kumura se bangsa Israel, sia lumila: "Kalambotan nendo nyaku ku timempango mako lawaseku witu se bangsa raai malinga-linga wo mababantah te."

Chapter 11Si Empung Si Raai Lumiur Seumat-Ena

¹Wo nyaku moi, "Sapa si Empung timolakou seumat-Ena?" Ndaai karengan, ka nyaku sandiri ku tou Israel, taranak ni Abraham witu suku Benyamin. ²Si Empung si raai timolak seumat-Ena, se sinisirnamong witu katare-tare. Sapa raaipe kailekan niu, sapa nyai lila witu buk suci kumura si Elia, niitu sia dumawa se Israel witu si Empung? ³"Empung, nisea se minunu'umong se nabi-nabi mu, sea se rimombe-emong mezbah-mezbahmu, wo nyaku mokan sandiri si menou-nou, wo nisea se paar karengan mawuwunu nyaku."⁴Taan, sapa tanggapan ni Empung witu nyai lilaame wia nisia? "Nyaku wewehane pitu ngariwu 7.000 tou se wia nyaku, se raai mina kundu-kundu mako witu si Baal. ⁵Taintukan kahai tarekan, wewehane esa si sinisir, minalas witu anugerah.⁶Taan sa minalas witu anugerah, tiin ndaai mong kahai minalas witu peniwo-niwon, ka sa taintu, anugerah tiin ndaaimong pailaan anugerah. ⁷Wo kumura? Se bangsa Israel, minagagal minakaindo peneron nea, taan nisea sesinisir, se minakaindo niitu, wo se walina kahai se kimete nate nea. ⁸Tanu nyai patik: "Nisea winehan ni Empung Roh mapepereng beren, se raai toro lumoho, wo lunteng ndaai malilinga, makar tarekan."⁹Wo si Daud lumila: "Waya momako meja perjamuan nea, mamuali paan wo papaan, mamuali watu kasuusuan, wo mawawaer nisea. ¹⁰Maanong beren nea rimbunen, rior nisea raai maloloho, wo ruur nea reko mako memehe-mehe."¹¹Wo nyaku moi, sapa sea kasuusu makar kanawu? Niitu ndaai karengan, taan witu palangkoi nea kalempotan minai witu se bangsa-bangsa raai Yahudi rior sea matiir. ¹²Ka, saitu palanggaran nea mamuali kakayaan wia kaoatan wo kagagalan nea mamuali kakayaan ne bangsa-bangsa raai Yahudi, lumembe mako niitu kasempurnaan nea!¹³Tarekan nyaku lumila wia nikau, ei bangsa-bangsa raai Yahudi, ka nyaku, ku rasul wia se bangsa-bangsa raai Yahudi, nyaku mamulia palayanangku, ¹⁴rior nyaku toro sumiwo se patuari bangsaku, matiir, wo lumempotei pira tou wia nisea.¹⁵Ka witu tinondoan nea tiin, nartina pandamean wia natas kaoatan, sapa nartina tumerima nisea lumaengko witu tumou tu nantara ne tou minate? ¹⁶Saitu roti katare niitu kudus, pakasaan nyai sembor kudus. Wo saitu kalatena kudus, saang-saangena kahai kudus.¹⁷Taan, saitu pira saang, rinepuumong, wo nikou, ka sengeemei sumurumei saang walina, nyai cangkok, tu nantara nea, wo makaindo wewetengan witu kalat, wo seringena kayu zaitun tiin. ¹⁸Tia nikou mamuali sombong witu saang-saang tiin. Taan sa nikou sombong, gena-genangen, ka ndaai nikau si timongka kalat, taan kalat timongka nikau.¹⁹Nikou wona woo lumila: "Saang-saang tiin repuun, rior nyaku toro cangkok witu." ²⁰Nulit niitu, sea se rinepu ka ndaai kapercayaan nea. Taan nikau tumoor rendai ka iman. Tia nikou masombong, taan maindeemong. ²¹Ka sa si Empung raai maupus saang-saang asli, nisia kahai si raai maupus nikau.²²Niitumong, gena-genangen, kaleosan wo kakarasan ni Empung, kakarasan wia nisea se nyainong kanawu, taan kaleosan na wia nikau, sa kau menaate tunggorem kaleosana, sa raai, nikau kahai, kau ketoren.²³Wo nisea kahai, sa sea memehe-mehete witu ndaai mapercaya nea, nisea kahai se cangkokako, ka si Empung makuasa cumangkokako sumaup nisea. ²⁴Ka sa kau kinetorou witu sapa timou mei sandiri niitu kayu zaitun liar wo nyai cangkok witu kayu zaitun nyai tanem, minalaengan o sifat emu lebe-lebe nisea se saang karengan, cangkokako witu kayu zaitun nea sandiri?²⁵Ka patuari-patuari, nyaku ku raai mapaar, makailek rahasia yaai, rior nikau raai maanggap nawak niu bijaksana, ka witu kaketean rookos nimawu nomei witu se pira bangsa Israel makar witu palelekepan ne bangsa-bangsa walina mai.²⁶Mako taintu, pakasaan setou Israel se lempot waya. Tanu nyai patik: "Si matutubus si minai witu Sion, wo nisia si sumingkirako kalewoan witu si Yakub. ²⁷Wo nyaaimong kakawaren-kakawarengku o nisea, witu nyaku mangkatei dosa-dosa nea."²⁸Kumiit ninjil, nisea se musuh ka ni nikau, taan kumiit pasisiran nea, nisea setou-tou se kaupus ka se tu'a-tu'a nea rior. ²⁹Ka anugerah wo patowaan ni Empung ndaai toro batalen.³⁰Ka masuat o nikau, riorako kau raai malinga si Empung taan tarekan, timerimamong kaupusan wo kaleosan witu ndaai malinga-linga nea. ³¹Taintukan kahai nisea tarekan se raai taat, rior witu nupus ni Empung, nyai nyata wia nikau, nisea kahai, se makaindo kaupusan wo kaleosan. ³²Ka si Empung timampa momako nisea waya witu gorem ndaai malilinga nea rior nisia toru tumuru mako kaupusan, kaleosan witu pakasaan ne tou.Lolooren Tu Si Empung³³Oh nurep karengan kakayaan wo kabijaksanaan wo pengetahuan ni Empung! Ndaai kaselidikan kaputusan-kaputusan na, wo ndaai kadugaan lalan-lalan na! ³⁴Ka se si makailek pikiran ni Empung? Kaapa seimong si toro mehe mako tuturu?³⁵"Kaapa seimong si tou si minehemomako sapa-sapa wia nisia tumuurei rior, wo tu waeran namei?" ³⁶Ka pakasaan mbia witu nisia o mai, wo wia nisia, wehe nisia kamuliaan makar raai si kaapuan! Nulit.

Chapter 12Wehe mako Penou-Nouanu Witu Si Empung

¹Niitumong witu te kamurahan ni Empung, nyaku tumondo nikau, patuari-patuari, rior nikau sumembah mako nawak niu mamuali pasembahan matou-tou, kudus wo makapaaren si Empung, niitumong ibadahmu karengan. ²Tia kau mamuali masuat o kaoatan yaai, taan rumobamong witu parobaan akal budimu, makar nikau toro mabebedamako witu sapa kapaaran ni Empung, sapa niitu geleos kapaar ni Empung wo sempurna.³Ka lumalan witu anugerah nyai wehemei wia nyaku, wo nyaku maila witu setou wia nantara niu, rior tia magena-genang witu karakekan, taan genangene lumeo-leos masuat nukuran iman, nyai wehemei ni Empung wia nikita sandiri-sandiri.⁴Ka masuat nesa awak, kita wewehan anggota, taan sandiri-sandiri ndaai masuat paayangen. ⁵Taintukan kahai kita, maan laker taan kita wia esa awak, witu si Kristus. Wo sandiri-sandiri kita ta anggota wia si walina.Karunia-Karunia Rohani⁶Nikita ta wewehan, karunia-karunia minalae-laengan, kumiit kasih karunia nyai wehemei wia nikita. Sa manubuat leosou kita sumiwo niitu masuat kaampit wewetengan iman eta. ⁷Sa kita malayani, leosou sia malayani, kaapa sa sia mahajar leosou sia mahajar. ⁸Wo sa sia maibor, leosou sia mehe pengiboran, sa mawewehe, leosou sia mawehe kaampit murah ate, sa witu sia mapimpin, leosou sia mapimpin kaampit nulit karengan, sa matuturu kaleosan, leosou sia sumiwo niitu kaampit mapaa-paar.Tuturu Kumura Tumou Tunggorem Nupus⁹Paindon nupus tiin ndaai tanu menowo-nowo. Kaseso mako lewo, wo tumimboi witu sapa geleos. ¹⁰Paindon nikau o maleo-leosan witu nupus mapapatuarian, wo mario-rioran mawehe ormat.¹¹Tia karajinganu, mamuali maliong, wo pakiwehen nikau malaya-layas tunggorem Roh wo malayani si Empung. ¹²Mapela-pela tu gorem pengharapan, tabah witu kapeendisan rai toro mahena masombayang! ¹³Kumiit mindomei wewetengan tunggorem malelekepako kaperluan tou-tou kudus, wo maulit maturu mako kou tou leos.¹⁴Kamangenako sea se mawanti nikau, kanangenomako, tia kou makutuk! ¹⁵Mapela-pelaamong nikou o se nisea se mapela-pela, wo mame kaampit nisea se mahame. ¹⁶Genangenako sapate niitu witu siesa wo siesa. Tia magena-genang ndaai kaayoan, taan lumohomako witu setou paanggapen witu bawa. Tia kou maanggap nikou, kou bijaksana!¹⁷Tia kou mawawaer kalenoan witu si tou ong kalewoan siwonako wisa geleos witu si kasuat tou, kaapa pakasaan setou. ¹⁸Satoro saitu paila tiin, mamuali te wia nikou, tumou mong madamean kaampit pakasaan setou.¹⁹Patuari-patuari, kau kaupus eku, tiamong nikau sandiri, matuntut mawawaer. Taan wehanako tampa witu nupi ni Empung, ka nyai patik: "Mawawaer tiin niitu hak-Eku, nyaku kumaer niitu," firman Empung. ²⁰Taan sa sia maharem si musuh-mu, wehanako ku-man sia, wo sa si musuh-mu mareo wehanako sia noonoten. Kaampit sumiwo nyaai, nikau merur bara baha tu natas rookosemu. ²¹Tia kau makalah witu kalewoan, taan kalah nako kalewoan tiin o kaleosan.

Chapter 13Malinga-Linga Witu Natoran Ne Pemerentah

¹Pakiwehen si tou tuutuk witu se pemerentah, se makuasa tu natas, ka ndaai wana pemerentah se raai wana si Empung o mai, ka nisea tinetapou ni Empung. ²Niitumong sei si matantang se pemerentah, sia si matantang katetapan ni Empung, wo nisea se matantang, se makaindo nukuman wia nisia.³Ka se pemerentah raai masiwo kaindean witu setou masiwo leos, taan witu te se masiwo lewo. Sapa kau paar tumou witu ndaai mainde witu se pemerentah? Sumiwo mako geleos rior kou makaindo loor wia nisea ⁴ka nisea se palayan Empung, se matuntut waer witu se makelang kaupi ni Empung, witu setou masiwo lewo. ⁵Niitumong, nikau malinga-linga, ndaaite ka witu kaupi ni Empung, taan kahai ka witu gorem nate karengan.⁶Niitumong nikau kahai mawaer pajak, ka nisea, seamong se pelayan ni Empung, se minehe nawak nea witu niitu. ⁷Wehemako witu, pakasaan pawewehemu, pajak witu se wehan hak mateterima niitu, cukai witu sewewehan hak tumerima cukai, mainde witu setou se wewehak hak tumerima ninde, wo nohormat witu sewewehan hak tumerima kaormatan.Maupus Sitou Walina, Niitu Nukum Kasa Atas⁸Tia, kou ma utang wia si sei te, taan kaupusako siesa wo siesa, ka sitou, maupus si kasuatena, si minutamong Nukum Taurat. ⁹Ka, "Tia ma bersinah, tia mawunu, tia marongkit, tia mapaar, wo sa wewehane prenta walina, pakasaan nyainong kapumpun witu nyai lila tiin, "Kaupusako sitou tanu nawakemu sandiri." ¹⁰Nupus tiin ndaai masiwo kalewoan wia kasuat tou. Niitumong kasih tiin palelekep Nukum Taurat.¹¹Taintukan kahai, nikau makailek nendona wia nikou tarekan, mawong kemei witu tetekelan ka tarekan kalempotan tawimong wia nikita, taan witu nendo katare kita mapercaya. ¹²Bengi minangemong, nendo makatawimong, niitumong maimong tu tia'tamong meniwo-niwo karimbunan malambung lalambungan perlengkapan senjata terang.¹³Maimong kita tumou kaampit sopan tanu witu nendo ndaai witu karamean, wo matelewen, ndaai witu kasamekan wo kapaaran nate, wo ndaai witu penoko-nokolan wo kadengkian. ¹⁴Taan, lambungenako si Empung Yesus Kristus, wo tia kou marawat nawakemu, mawewesu kapaaran nu.

Chapter 14Tia Maanggap Nawak Lebe Geleos Witu Si Patuarimu

¹Terimanako sitou, imanena lemah, taan ndaai mabanta sapa pailaana, ²wehan sitou si mapercaya, ka nisia toro kuman witu pakasaan patikohon, taan sa sitou lemah iman, matikohote lalaina.³Tinou sa sia matikoho, tia ko mahina nisia si raai matikoho, wo setou raai matikoho, tia mahakim setou matikoho, ka si Empung timerimamong nisia. ⁴Sei ree nikau makar kau mahakim hamba tou walina? Leos timoor kaapa kanawu, niitu nurusan ni tuan-ena sandiri. Wo nisia si tumoorei ka si Empung toro mangkatei nisia tumoor.⁵Wehan setou maanggap sangando lebe penting, taan nendo-nendo walina, wo se walina maila pakasaan nendo masuat. Setou ulit-ulit percaya witu natena sandiri. ⁶Nisea se mapentingeta nendo tinantu, mapenting ka si Empung. Wo nisea se matikoho, matikoho wehe si Empung, ka nisia mawehe syukur wia si Empung. Taintukan kahai nisea se raai matikoho, nisea se raai makan ka si Empung wo mawehe syukur wia si Empung.⁷Ka ndaai wana sitou wia nikita, si tumou wehe nawak sandiri, wo ndaai wana si esa tou si mate wehe nawak sandiri. ⁸Ka, sa kita tumou, ta tumou wehe si Empung, kaapa sa kita mate, ta mate wehe si Empung. Niitumong leos kita tumou kaapa mate nikita taintu ni Empung. ⁹Ka niitumong, Kristus mate wo tumou mei sumaup, rior nisia mamuali Empung, leos witu setou minate kaapa se matou-tou.¹⁰Taan, kaa kau mahakim patuarimu? Kaapa kaa kau maloho si wawaape si patuarimu kaampit mahina nisia? Ka nikita waya kita toor tu sinaru tahta pengadilan Empung. ¹¹Ka nyai patik: "Ka nyaku matou-tou, firman Empung, pakasaan kundu sumembah nyaku, wo pakasa lila mangaku wia si Empung."¹²Niitumong, witu kita mehe tanggong jawab kumura nawakena sandiri witu si Empung.Tia Masiwo Setou Walina Maberdosa¹³Niitumong, nikita tia kita wo nikita mahakim, taan kasa geleos sa nantarata raai mehe pahape kaapa mehe watu kasuusuan witu se patuarita.¹⁴Nyaku makailek wo pinercayamong witu gorem Empung Yesus, ka ndaai wana sapa-sapa pailaan najis witu pakasaan tiin, taan witu sitou si maanggap ka sapate niitu najis, niitu najis wia nawakena sandiri. ¹⁵Ka, saitu nate ni patuarimu, kapelaan, ka kou kiman sapa-sapa, nikau ndaaimong timou witu nupus. Tia kou mapapate nisia ka tikohon tiin, ka si Kristus tiin kahai si minate wehe nisia.¹⁶Niitumong, tia pawaya sapa palolohon niu geleos pafitnah tanu sapa itu geleos. ¹⁷Ka karajaan ni Empung ndaai kumura matikoho kaapa manoonot, taan kumura kaulitan, dame sejahtera, sukacita tunggorem Roh Kudus.¹⁸Ka sei te si maselewir si Kristus tanu nyaai, sia kaupus ni Empung, wo si paormatan ne tou. ¹⁹Niitumong, maimong nikita rumawoi sapa-sapa niitu mehemei dame sejahtera wo mawangun si esa o se walina.²⁰Tiak malewo paayangen ni Empung, katikoho nete tiin pakasaan halal, taan lewo wia nisia si tumi koho wo mamuali setou walina maberdosa. ²¹Taimong ndaai kuman leona, kaapa nu moonot nanggor kaapa sumiwo walina, o niitu sumiwo si patuarimu kasuusu.²²Timboyan kapercayaan wia mong nikau sandiri tu sinaru ni Empung. Mapela-pelaamong sitou si raai manakim nawakena sandiri, witu sinaru paanggapena geleos. ²³Taan sitou bimbang si hukumen sa si tumikoho ka nisia si matikoho raai minalas witu iman, wo pakasaan ndaai witu iman o mai niitu dosa.

Chapter 15Sawangan Si Patuarimu Mamuali Ente Tunggorem Iman

¹Ka nikita ente ta tumanggong kelemahan ne tou raai ente, wo raai masesenangete nawak sandiri. ²Pakiwehen sei si wia nantara ta sumenang se kasuat-ena ka kaleosanna mawawangun rohani-na.³Ka si Kristus raai simenang nawak-ena sandiri, taan tanu nyai patik, "Pengila-ngila nea, wo masesero nea se masesero' o kan nikou minaimong muter nyaku. ⁴Ka sapate nyai patik rior, nyainong patik ka pahajar nikita rior lumalan witu kapaulitan wo pengiboran, nyai wehemei witu buk suci, kito toro makaindo pengharapan.⁵Satoro si Empung, si makataintu kasabaran wo pangiboran mehemei wia nikou anugerah witu toro tumou tunggorem esa ate esa wo si esa, masuat tanu si Kristus, ⁶ka witu maesaan ate wo esa te suara nikau mamulia si Empung wo si Bapa Empung-Eta Yesus Kristus. ⁷Niitumong terimanako esa wo si esa, tanu si Kristus timerimamong nikita ka kamuliaan ni Empung.⁸Nyaku maila wia nikau, ka si Kristus si minamuali mong pelayan, witu setou-tou sinunat ka kaulitan ni Empung, niitumong maente kawar nyai wehe witu se tu'a-tu'a ta rior, ⁹wo witu se bangsa-bangsa raai Yahudi, rior nisea toro mamuali si Empung tu natas kaupusan na. Tanu nyai patik, "Niitumong, nyaku ku meloo-loor nikou tu nantara bangsa-bangsa raai Yahudi, wo nyaku ku kumantar Mazmur witu ngaran-Emu."Wo kahai sia lumila, "Mapela-pelaamong ei kau bangsa-bangsa mawali-wali o se umat ni Empung!" ¹¹Wo kahai, "Pujin si Empung e nikau bangsa-bangsa! Maanong se pakasaan bangsa, wo se umatemu mapuji si Empung."¹²Wo si Yesaya limila kahai, "Si mai witu se taranak ni Isai, wo sia si tumoor maperentah se bangsa-bangsa, wo witu gorem ena se bangsa-bangsa se ma-arap.¹³Satoro si Empung makataintu pangharapan, muta nikou pakasaan sukacita, wo dame sejahtera tunggorem iman-emu makar nikau limpa tunggorem pangharapan tu kuasa ni Roh Kudus.Palayanan Ni Paulus Witu Setou-Tou Raai Yahudi ¹⁴Patuari-patuariku, nyaku sandiri pinercayaan kumura nikau, ka nikau, kau wuta o kaleosan, limpa witu pangatahuan, wo paar mawehe tuturu witu siesa wo siesa.¹⁵Taan nyaku, ku minatikou, witu kaberaniangku wia nikau, witu pira hal, ka magegenang sumaup ka anugerah nyai wehemei ni Empung wia nyaku, ¹⁶nyaku minamuali pelayan Yesus Kristus wehe se bangsa-bangsa raai Yahudi mamuali imam witu ninjil Empung, makar se bangsa-bangsa raai Yahudi mamuali parsembahan kapaar-ena, se kudusen ni Roh Kudus.¹⁷Niitumong, tunggorem Yesus Kristus, nyaku kutoro tumoor, niitu sapa pasiwongku ka si Empung. ¹⁸Ka nyaku ku raai berani maila witu sapa-sapa minalaengan, kacuali niitu siniwomong ni Kristus limalan wia nyaku, masisiwo se bangsa-bangsa raai Yahudi, sea taat witu paila wo pasiwon, ¹⁹lumalan witu kuasa, tanda makaerangen wo mukjisat-mukjisat limalanei kuasa Roh Kudus makar, witu Kota Yerusalem wo limendong kota makar witu Ilirikum nyaku minahabarou pakasaan Ninjil Kristus.²⁰Taintumong nyaku minikirou leos mahabar Ninjil witu tampa si Kristus raaipe kinenal rior nyaku raai mawawangun tu natas dasar nyainong weta ne tou walina. ²¹Tanu nyai patik: "Nisea se raaipe timerima nahabar kumura sia, toro lumoho, wo sea se raai minalinga-linga mako mamuali mangarti."Paulus Magenang Maako Witu Kota Roma²²Nyaaimong sebabena nyaku satorona ku niape maai wia nikau. ²³Taan tarekan, ka ndaai mong si tampa wia banua yaai, wo ka nyaku, ku ta'onenong paar mako mahilekan o nikau,²⁴wo mako aku tu Spanyol nyaku maarap toro tumuli, wo mahilekan o nikau, wo kau toro sumawang nyaku waname, taan katare nyaku mapaa-paar karengan mawali-wali nikau maan ndaai ure. ²⁵Taan tarekan nyaku ku minako witu Kota Yerusalem, mako malalayani setou-tou kudus,²⁶ka Makedonia o Akhaya kaampit kasumenangan nea se minehemei sumbangan witu setou miskin, tu nantara setou-tou kudus tu Yerusalem. ²⁷Nisea se senang karengan, simiwo niitu, ka niitu minamuali kawajiban nea. Ka sa se bangsa-bangsa raai Yahudi se timerimamong wewetengan witu hal-hal rohani taintu ne tou Yahudi, nisea kahai mako malayani setou Yahudi witu kabutuhan jasmani nea.²⁸Niitumong, witu nyaku limekepo mako tugas yaai wo tu meteraikumako nyaai witu nisea, nyaku ku mako tu Spanyol lumawet witu kota niu. ²⁹Kailekangku ka witu nyaku mai wia nikau, nyaku ku mai witu kapenuhan berkat Kristus.³⁰Tarekan nyaku kumiwehe wia nikau, patuari-patuari, witu ngaran ni Empung Eta Yesus Kristus wo witu kasih Roh ku magumul mawali-wali o nyaku tunggorem sombayang wana si Empung ka nawak eku. ³¹Rior nyaku kaweta witu setou-tou se raai taat tu Yudea wo pelayananku ka Yerusalem kapaar ne tou-tou kudus. ³²Wo witu te kapaaran ni Empung nyaku toro mai wia nikau, kaampit sukacitaku, kaampit makaindo kesegaran tu nantara niu.³³Satoro dame sejahtera Empung mawali-wali nikau waya. Nulit.

Chapter 16Noormat Wo Tuturu Ni Paulus

¹Nyaku sumerakan nako wia nikou Febe, patuari wewene nisia si palayan jamaat. ²Teriman nako sia tunggorem ni Empung, tanu nisia si tou kudus, wo sawangan nako sia, witu pakasaan paperluna wia nikau, ka nisia sandiri si simawangou wia se laker tou wo wia nyaku.³Wehe mako noormat-eku witu si Priskila wo si Akwila, kaampit-kaampit eku witu pelayanan-ku tu gorem Kristus Yesus, ⁴se menehemong nawak nea ka katotoan-ku witu nisea, ndaai te nyaku si mawehe syukur, taan pakasaan se jamaat raai tou Yahudi. ⁵Wehe mako kahai noormat-eku witu se jamaat tumbalenea, wo noormat-eku witu si Epenetus si kaupus-eku sia si tou katare tu Asia si timerima si Kristus.⁶Noormat witu si Maria, si minaayangou leos wia nikau. ⁷Noormat witu si Andronikus wo si Yunias, patuari-patuari esa bangsa o nyaku, wo mawali-wali patahangen, wo si kenalen tu nantara ne rasul, wo sea kahai sewitu mong gorem ni Yesus Kristus rimior nyaku. ⁸Noormat witu si Ampliatus, kaupuseku tunggorem ni Empung.⁹Noormat witu si Urbanus, kaampit pelayanangku witu gorem Kristus wo witu si Stakhis kaupuseku. ¹⁰Noormat witu si Apeles, si menehe bukti ka nisia si tahang uji, tunggorem Kristus, wo wehemako noormat-eku witu se sangawale Aristobulus. ¹¹Wehemako noormat-eku witu si Herodion, patuari esa bangsa ku. Noormat witu pakasaan sangawale ni Narkisus, si witu gorem ni Empung.¹²Wehemako noormat-eku witu si Trifena wo si Trifosa, se mina ulit karengan mapaayang tu gorem ni Empung. ¹³Noormat kahai witu si Rufus, tou sinisir tunggorem ni Empung, wo kahai tu si mamana, si minamuali mama'ku kahai. ¹⁴Noormat witu si Asin Kristus, Flegon, Hermes, Patrobas, Hermas wo se patuari-patuari mawali-wali nisea.¹⁵Noormat witu si Filologus wo si Yulia, Nereus wo si patuarina wewene, wo si Olimpas, wo setou-tou kudus mawali-wali nisea. ¹⁶Wehemako noormat esa wo siesa, kaampit sumiong kudus. Pakasaan se jamaat Kristus se minehemei noormat nea wia nikou.¹⁷Tarekan nyaku tumondo nikau, patuari-patuari, palohonako leos sea se masisiwo kapetean wo maliliong lalan wo mapapasui pangajaran tinerima niumong, rumoumei witu nisea. ¹⁸Ka setou-tou tanu nisea, se raai malayani si Empung eta Yesus Kristus, taan se malayani te kapaaran nea sandiri, wo se maila nalus karengan, wo mengila-ngila maloloor, nisea se loho wia setou, se raai macuriga.¹⁹Ka kataatan niu kailekanong pakasaan ne tou, niitumong nyaku mapaa-paar ka nikau. Taan kapaareku nikau mamuali bijaksana witu sapa geleos wo weresi witu sapa pailaan lewo. ²⁰Si Empung si sumber dame sejahtera, sia si kumemu si Iblis witu bawa nae niu. Anugerah ni Yesus Empung eta mawali-wali nikau.²¹Timotius, si kaampiteku witu palayanan, noormateku wia nikou, wo kahai witu si Lukius, Yason wo si Sosipater patuari esa bangsa o nyaku. ²²Nyaku Tertius, si minatik surat yaai, mehemako noormateku wia nikou tunggorem ni Empung.²³Gayus si mineta lawas wia rookoseku wo witu se pakasaan jamaat mehe noormat wia nikou. Erastus si bendahara kota, wo si Kwartus patuari ta, mehemei noormat wia nikou. ²⁴(Anugerah Yesus Kristus, Empung eta mawali-wali nikau waya! Nulit.)²⁵Wia nisia si toro mente nikau suat o minuku rahasia nyai kasindek kaurean maatus-maatus ngata'un. ²⁶Taan tarekan nyainong papaloho lumalan witu buk-buk ne nabi-nabi, kiit prentah ni Empung si raai si kaapuan nyai pengila-ngila witu pakasaan bangsa, mahali matoro kataatan iman,²⁷witu te si esa Empung si wuta hikmat limalan witu Yesus Kristus, pengasa-ngasaran makar kaure-ure! Nulit.

2 Corinthians

Chapter 1Sigiti Ni Paulus

¹Paulus si esa witu se rasul Kristus witu kapaaran witu se jemaat ni Empung sewaname Korintus mawali-wali se pakasaan tou kudus se witu pakasaan Akhaya. ²Anugerah wia nikau waya wo dame sejahtera wia si Empung Bapa-ata wo si Empung Yesus Kristus.Nucapan Syukur Witu Penghiburan Ni Empung³Kinamangomei ni Empung wo Bapa-ata si Empung-eta Yesus Kristus, si Bapa wuta o kaleosan wo penghiburan, ⁴si mahibur nikai witu pakasaan kasusaan papendamenai makar nikai toro mahibur nisea se witu memendamendam pakasaan kasusaan kaampit penghiburan, witu nikai kahai kai pahiburen ni Empung.⁵Ka masuat tanu kasusaan-kasusaan ni Kristus, limimpa wia nikai, taintukan kahai penghiburan nai lumimpa lumalan witu Kristus. ⁶Sa kai witu kasusaan, nyaai waya niitu mamuali penghiburan wo kelempotan niu. Kaapa sa nikai pahiburen, niitu kahai penghiburan wia nikau, witu mapaayang tunggorem nikau tumahang witu kasusaan-kasusaan masuat, papendameh nai. ⁷Pengharapan nai wia nikau witu niitu kau tumahang, ka kailekanai ka kumura nikau mindo wewetengan witu kasusaan-kasusaan nai, taintukan kahai nikai mindo wewetengan witu panghiburan nai.⁸Patuari-patuari kai raai mapaar nikau makailek kumura kasusaan pinendam nai witu Asia. Nikai winuteran karengan limembe kaketeran nai makar nikai tatu kinalionganong semangat matotou. ⁹Makar nikai wewehan nukuman minate witu nawak nai sandiri rior nikai ndaaimong wana si kayakinan witu nawak nai sandiri, taan wia si Empung si minong kemei si tou minate. ¹⁰Nisia si mineta nikai witu patean makaindeen tiin wo si meta nikai kahai, wia te nisia nikai maarap ka nisia si lumempot nikai kahai.¹¹Nikau kahai kumiit mako sumawang nikai witu sombayang-sombayang niu, makar se laker tou mawehe syukur tungaran nai ka witu kaleosan wo karunia nyai wehemei wia nikai witu sombayang-sombayang ne leker tou.Simaup Rencana Ni Paulus ¹²Nyaaimong kalembean nai, niitu kasaksian sapa witu nate nai wi penou-nouan wia kaoatan yaai, ka maloho nikau, kaampit katulusan wo kamurnian ni Empung, ndaai witu hikmat kaoatan, taan witu te gorem anugerah ni Empung. ¹³Ka nikai ndaai mapatik sapa-sapa te mbalina, wia nikau, rior tu toro tondeian niu wo toro pangartian niu. Nyaku maarap nikau toro pangartian niu waya. ¹⁴Tanuakan nikau makailekou kumura nikai, ka nikai minamuali paasa-asaran niu, taintukan kahai nikau paasa-aran nai witu nendo ni Empung Yesus.¹⁵Witu gorem kayakinan yaai, nyaku mapaar rumiorei mai tum tampa niu, rior nikau makaindo anugerah makaruape kahai. ¹⁶Nyaku paar mai wia nikau witu pakelangku tu Makedonia, wo marengei sumaup wia nikau, tu Makedonia rior nikau toro sumawang nyaku witu nyaku kumelang mako tu Yudea.¹⁷Niitumong, sapa nyaku mapendam bimbang marencana nyaai waya? Kaapa sapa parencanangku sa kumiit paar kaoatan, makar wia nyaku lumila mawali-wali "en, en" wo "ndaai, ndaai"? ¹⁸Tanu si Empung si setia, paila nai wia nikau ndaai "en" wo "ndaai".¹⁹Ka, si oki ni Empung Yesus Kristus, si nyai habar tu nantara niu nikai, siamonog wia nyaku, Silas, wo si Timotius, ndaai witu "en" wo "ndaai" taan witu "en" tunggorem en. ²⁰Ka pakasaan nyai kawar ni Empung niitu "en" tunggorem Yesus Kristus. Niitumong witu te nisia nikai lumila "Ulit" nikai mamulia si Empung.²¹Wo si Empung si kimete nikai, mawali-wali kaampit nikau tunggorem Kristus, wo si minurapou nikita. ²²Wo si minehemong meterai wia nikita, wo wehemei Roh-ena tunggorem nateta minamuali petaruh.²³Taan nyaku tumowa si Empung mamuali sairi wia si mukur-eku ka witu nyaku matahang nawak tu natas niu, wo nyaku raaipe minako witu Korintus. ²⁴Ndaai ka nikai mapeperentah iman niu, taan nikai mapaayang mawali-wali nikau tu kapaaran niu, ka witu gorem iman niu, nikau tumoor rendai.

Chapter 2

¹Wo nyaku minutusou wia nawak-eku sandiri nyaku raimong mai sumaup wia nikau witu kasusaan. ²Saaku sumiwope nikau masusa, sei si sumiwo nikau mapaapaar, tampasako se siniwoanku masusa tiin?³Nyaku minatik tanuamong siniwoku, rior saaku mai ku raaimong lumoho nikau witu pe kasusaan witu nisea se simiwo nyaku mapaa-paar. Ka witu genangeku wia nikau waya ka sapa pinendameku mapaa-paar niitu kahai minimuali kapaaran nikau waya. ⁴Witu kalakeran kasusaan wo sumakit nate, nyaku matik wia nikau pakaampiten lue'mberen, ndaai masiwo nikau maame, taan sumiwo nikau makailek kaleosan wia nyaku wehe nikau.Ma-Ampungako Se Kasuat Tou Se Menelok⁵Maane, wewehan tou se simiwo nikau masusa, sia si raai simusa nyaku, taan witu kinaakaran, rior nyaku raai melembe-lembe wia nikau waya. ⁶Witu setou taintu, tegoren ne tou laker wia nikau toromong wia nisea. ⁷Niitumong, warengo mei wia nikau, taimong sea ampungano mako wo niborenako rior setou tanu nisea se raai katenem tu kasusaan karengan.⁸Wo nyaku matondo nikau lembe mako kaleosan niu wia nisea. ⁹Ka, wia mong nyaai nyaku matike wia nikau, niitu rior nyaku toro makaindo wo makailek saulit wewehan bukti nikau malinga-linga witu pakasaan nyai lila.¹⁰Seite si tou ampungan niu, nyaku kahai mampungako. Ka sapate si niampungangku, sa wewehane si ampungangku, si ampungangku, nyaku sumiwo tiin ka nikau tu sinaru ni Kristus. ¹¹Mako taintu, si Iblis si raai untungen wia nikita ka nikita makailek sapa kapaarena.Merara Nate Wo Makapaaren Ni Paulus ¹²Kaayo ku te mako witu Troas mahabar Injil Kristus wo kawuka temei pepenet wia nyaku tunggorem ni Empung. ¹³Ku raaipe wana si katantuan mbia nateku we si roh-eku ka ku raaipe limoho si Titus, patuariku. Niitumong ku lumila mako tu nisea, wo mange tu Makedonia.¹⁴Taan, syukur wia si Empung, si salalu mahali-ali nikai witu muntung tunggorem ni Kristus wo sumiwo wo wouen leos witu kasa makailek nisia witu tampa-tampa limalan wia nikai. ¹⁵Ka nikai, kai mawou leos Kristus wehe si Empung tu nantara nea se nyai lempot wo tu nantara nea se mako mate.¹⁶Witu si esa, nikai kai mawou patean wehe patean, wo witu se walina mawou katotouan witu katotouan, taan sei si toro wia pakasaan yaai? ¹⁷Ka nikai, kai raai masuat wo se kalakeran tou se mawangker firman ni Empung. Warengei, tunggorem Kristus, kai mengila-ngila tu sinaru ni Empung kaampit katulusan tanua pereho-reho ni Empung.

Chapter 3Pelayan-Pelayan Kakawaren Weru Ni Empung

¹Sapa nikai matuurou meloo-loor nawak sandiri? Kaapa tanu se piratou, sapa nikai masero surat lolooren wia nikau kaapa tu nikau? ²Nikaumong kau surat nai, kau nyai patik tu nate nai, kaile-ilekan, wo patondeian ne pakasaan tou. ³Nikau mapaturu ka nikau mong si surat Kristus kau pelayanen nai, nyai patik ndaai wo tinta, taan kaampit Roh ni Empung si matou-tou, ndaai nyai patik witu loh-loh mbatu, taan witu loh-loh nate ne tou.⁴Kayakinan tanu nyaai, mbia nikai, pawehe si Empung limalan witu si Kristus. ⁵Ndaai pailaan nikai tu nawak nikai sandiri toro lumila sapate niitu wia nawak nai o mai, taan kamampuan nai wia si Empung o mai, ⁶simiwo nikai toro mamuali pelayan-pelayan kakawaren weru, ndaai makiit hurup taan makiit Roh. Ka hurup tiin memate, taan Roh katotouan.Kamuliaan Sela Witu Pelayanan Roh ⁷Taan, sa pelayanan saitu mahali witu patean, wo witu hurup-hurup nyai patik tu loh batu tiin, mangemai kaampit kamuliaan, makar se bangsa Israel se raai toro tumuus gio ni Musa ka kamuliaana tiin, padahan niitu kamuliaan na ndaai mong kasa, kimewurou. ⁸Ndaai ree witu pelayanan Roh tiin wewehan kamuliaan, wo limembe mako kaselaan na?⁹Ka, sa pelayanan mahali witu nukuman, makaindo kamuliaan, lebe-lebe pelayanan kaulitan tiin, lumimpa tunggorem kamuliaan. ¹⁰Nulit karengan, sa riorako pailaan mulia, wo nyaai ndaaimong pailaan mulia ka kamuliaan limpah tiin. ¹¹Ka, saitu kimewurou tiin tu mai kaampit kamuliaan, lebe-lebe kekal tiin tu witu gorem kamuliaan.¹²Ka wewehan pengharapan tanu nyaai, wo nikai make keberanian sela, ¹³wo ndaai tanu si Musa, si simaputokan giona rior se oki-oki Israel raai lumoho kamurian witu kimewurou tiin.¹⁴Taan nutek nea kimetemong. Makar tarekan witu ma tondei kakawaren ure, sasaput masuat ndaai niangkat ka witu te gorem ni Kristus sasaput tiin toro angkaten. ¹⁵Makar tarekan, witu buk Musa pabalan, nesa sasaput simaput nate nea. ¹⁶Taan, witu si esa tou marengei witu si Empung, sasaput tiin nangkaten.¹⁷Si Empung si Roh, wo witu tampa Roh, si Empung si witu, tu niitu wewehan kamardekaan. ¹⁸Wo nikita waya, kaampit gio raai sinaputan paseremingan kamuliaan ni Empung, pasiwon witu gambar masuat ong kamuliaan witu kamuliaan, masuat wo si Empung, si Roh tiin.

Chapter 4Katahangan Ni Paulus Witu Pelayanan

¹Niitumong, witu nikai makaindo pelayanan yaai, tanuamong nikai makaindo kaupusan ni Empung, nikai raai oki ate. ²Taan, nikai timolak sapa-sapa nyai kasindek wo makai rangen, ndaai makelang witu gorem kapandean nai, kaapa mapuputar firman ni Empung, taan witu te kanyataan kaulitan, nikai tumuru nawak nai sandiri tu nate nurani ne tou tu sinaru ni Empung.³Maane, saitu Injil nai kinapenetane, Injil tiin kinapenetan wia nisea se mako mate, ⁴wo witu nantara nea, ma-ilah kaoatan limetokou nutek nea se raai mapercaya, makar nisea se raai kaloho nterang kamuliaan Injil Kristus, wo niitu gambaran ni Empung.⁵Ka nikai raai mahabar kumura nawak nai sandiri, taan Kristus Yesus sia si Empung, wo nawak nai sandiri minamuali pelayan-pelayan niu ka si Yesus. ⁶Ka si Empung si minehemei firman: "Maanong nterang tumerangei witu karimbunan," timerangou witu gorem nate-ta, ka mawewehe terang pangatahuan kumura kamuliaan ni Empung, witu gio ni Kristus Yesus.⁷Maan harta yaai indonaimei, tu gorem kure tana pulut rior kalimpahan kuasa tiin witu si Empung wo mai ndaai minai tu nawak nai sandiri. ⁸Nikai paleelep witu pakasaan liilik taan ndaai kalompitan, nikai malikoko taa ndaai marangkut harapan nai. ⁹Nikai pasiksan taan ndaai patelaau. Nikai ako paterek taan ndaai pinate nea. ¹⁰Nikai, kai mahali-ali patean ni Yesus tu nawak nai rior katotouan ni Yesus kahai lohomei wia nikai.¹¹Ka nikai, penou-nouan nai nyaite serahkan witu patean ka si Yesus rior katotouan ni Yesus kahai nyatamei witu nawak nai fana yaai. ¹²Taintumong patean mapaayang tunggorem nai, taan katotouan mapaayang tunggorem niu.¹³Taan witu nikai wewehan roh iman masuat, masuat tu nyai patik, "Mapercaya, niitumong nyaku lumila," nikai kahai mapercaya, niitumong nikai maila. ¹⁴Ka kailekanai nisia si timooromei si Empung Yesus si tumoorei nikai kahai mawali-wali si Kristus wo mali nikai mawali nikau tu sinaru-na. ¹⁵Ka pakasaan yaai mamuali witu kapaaran niu rior anugerah toro makar setou laker, wo toro lumaker ucapan syukur witu kamuliaan ni Empung.Tumou Witu Iman ¹⁶Niitumong, nikai kai raai moki-ate, maane nawak nai maka kurangou kaadaana, taan tou batina nikai pawerun nendo mako endo. ¹⁷Ka, kasusaan porak tarekan yaai, minaayang wia nikai mako witu kalimpahan, ndaai si kaakaran lumembe pakasaan nyaai. ¹⁸Ka nikai ndaai maloho sapate niitu kalohoan, taan sapa-sapate ndaai palolohon. Ka, sapa-sapa ndaai palolohon niitumong ndaai si kaakaran.

Chapter 5

¹Ka kailekan nai saitu kemah pahanaan nai wia kaoatan yaai rombeen, nikita wewehan bangunan wia si Empung, nesa wale ndaai siniwo lawas, na surga. ²Witu kaurean kita mahana tu kemah tiin, nikita mapaos ka nikita mapaar mena tu tampa pahanaan na surga-ta. ³Ka sakita mapakemong niitu, nikita raaimong kaindoan nea minotai.⁴Kaurean nikita mena witu kemah tiin, nikita mapaos wo kinawuteran ka nikita ndaai mapaar pinotaian taan limambung rior fana tiin loomboten ni matou-tou. ⁵Tarekan nisia simiap nikita matoro tu si Empung, si minehemei Roh wia nikita mamuali jaminan.⁶Niitumong, nikai tumahangete wo masadar ka witu nikai witu mbale tunggorem nawak yaai, nikai kai witu luar ni Empung. ⁷Ka nikai tumou te witu iman, ndaai witu kalohoan. ⁸Taan nikai, kai tumahang wo paarete mena witu luar nawak yaai wo mako mena mawali si Empung.⁹Niitumong, nikai maulit rior nikai mako witu nisia, sapa nikai mena wia mbale yaai kaapa witu luar. ¹⁰Ka nikita waya ta ako saru witu kadera pengadilan Kristus rior setou toro mako tumerima sapa-sapa siniwona tunggorem nawak-ena, masuat sapa pineniwo niwonamei sapa niitu geleos kaapa lewo.Palayanan Pendamaian Wia Si Empung ¹¹Ka kailekan nai kaakoan mainde si Empung, wo kai mako mayayakin setou walina. Taan, nikai nyimatamong wia si Empung wo nyaku maarap kalohoan witu nate niu. ¹²Nikai ndaai maulipe meloo-loor nawak nai wia nikau, taan nikai mawewehe nikau kasempatan maloloor nikai. Mako taintu nikau wewehan wiwingkot wia nisea se meloo-loor lahiriah wo ndaai tu natas sapa tunggorem nate.¹³Sa kai raai mamuali awar nai sandiri, niitu pawewehe si Empung, sa kai mamuali awar nai, niitu paweweha kapaaran niu. ¹⁴Ka witu kaleosan ni Kristus kimuasa nikai, witu kai mindo kasimpulan ka sa si esa-tou minate ka wehe se pakasaan, nisea se mate waya. ¹⁵Wo, nisia mate ka se pakasaan rior nisea se matou-toupe se raaimong tumou witu nawak sandiri, taan pawehe nisia si minatemong wo si nyai toorei ka nisea.¹⁶Niitumong, tumuur tarekan nikai raai katuus si tou maan esa te kumiit kaadaan lahiriah, maane nikai kimenalou si Kristus witu lahiriah, taan tarekan nikai ndaaimong numilai nisia tanu niitu. ¹⁷Niitumong, seimong sia si witu gorem ni Kristus nisia si siniwo weru. Sapa-sapate nure nyainong telaau, lohone, sapa-sapate mberu minki mong.¹⁸Pakasaan nyai mbia si Empung o mai, si dimame nikita kaampit nisia limalan tu Kristus wo mehe nikita pelayanan pendamaian tiin. ¹⁹Niitu tunggorem Kristus, si Empung dumame kaoatan wo nawak-Ena sandiri, wo ndaai rimeken pelangko-langkoyen nea wo minercaya momako nahabar pendamaian wia nikita.²⁰Niitumong, nikai minamualimong duta-duta ni Kristus. Si Empung timuru momei totowaana limalan wia nikai. Nikai maila wia nikau ka si Kristus, wehemong nawak niu madamean wo si Empung. ²¹Nisia si raai kumenal ndosa siniwona mamuali dosa ka nikita rior nikita uliten ni Empung tunggorem-Ena.

Chapter 6

¹Kaampit mawali-wali o nisia, nikai kahai matondo nikau raai tumerima anugerah ni Empung tu ndaai si kaakaran. ²Ka nisia si minehemei firman: "Witu nyaku torope luminga nikau, wo witu nendo kalempotan, nyaku sumawang nikau," Lohonako leos, tarekan nendona kutorope, wehe tu genang, tarekanong nendo kalempotan tiin. ³Nikai raai mehe pahape wia si seite sia rior palayanan nai ndaai wana si mahape,⁴taan witu pakasa cara nikai tumuru nawak nai, ka nikai pelayan-pelayan ni Empung, witu katabahan nai witu pakasaan kasusaan, kapeendisan, kasiksaan, ⁵paweewelen, papenjaran, karusuhan, kawenduan, ndaai matekel, matahang naharem, ⁶witu wuta kamurnian, pengetahuan, kasabaran, kamurahan Roh Kudus, kaleosan karengan, ⁷maila kaulitan, kuasa ni Empung, lulutam kaulitan witu lawas leleos wo lawas kawihi,⁸kamuliaan wo kahinaan, nahawit wo paloor, paanggapen panipu-panipu padahal nikai makiit nulit. ⁹Nikai tanu raai kenalen, taan nikai pakenalen, tanu tai te mate, taan lohonomei, nikai matou-tou, tanu niajar, taan ndaai pinate, ¹⁰tanu setou pinatean taan nikai mapaa-paar, kai raai si sapa-sapa taan sumiwo setou makaya, tou raai wana taan nikai makataintu sapa-sapa te niitu.¹¹Nikai minukaamong suma, nai wia nikau ei kau tou Korintus nate nai minuka lempar. ¹²Nikau raai binatasan nai, taan nikau binatasan nate niu sandiri. ¹³Tarekan witu wawaer masuat, nyaku maila tanu se oki-okiiku wukaanei nate niu lumempa-lempar.Pasangan Raai Masuat ¹⁴Tia kau mamuali pasangan raai seimbang wo setou-tou raai percaya. Ka, pemasuatan sapa tu nantara kaulitan wo kalewoan? Kaapa pemasuatan sapa witu nantara terang wo rimbun? ¹⁵Pinahilekan sapa witu taintu ni Kristus wo si Bilial? Kaapa wewetengan sapa mbitu nantara setou mapercaya wo setou raai mapercaya? ¹⁶Wo kasepakatan sapa mbitu nantara Bait ni Empung wo witu se berhala-berhala tiin? Ka nikita, ta Bait ni Empung, ta matou-tou tanu firman ni Empung, "Nyaku ku mena tunggorem nisea wo kumelang tu nantara nea, wo nyaku mamuali Empung nea wo nisea se mamuali umat-Eku."¹⁷"Niitumong mondolei nikau witu nuner nea, wo matampasan," paila ni Empung, "Wo tia mapendam sapa niitu najis, wo nyaku tumerima nikau." ¹⁸"Wo nyaku, ku mamuali Bapa niu, wo nikau mamuali oki-okiiku tuama wo oki-okiiku wewene," taintu firman ni Empung, si Mahakuasa.

Chapter 7

¹Ka nikita makataintu kawar-kawar tiin, ka patuariku, maimong kita meresi nawak eta witu pakasaan kimeremos nawak eta wo roh kita meresi karengan kakudusan witu mainde si Empung.Kapaa-Paaran Ni Paulus²Wehenako tampa nikai tu nate niu, nikai raai wana si selok witu si kasuatou, raai limewo si kasuat tou, wo raai menero untung witu si sei te sia. ³Nyaku maila nyaai ndaai maseselok nikau, ka riorako nyaku limilaamong wia nikau ka nikau waya kau wia gorem nate nai, mako mate mawali-wali wo tumou mawali. ⁴Kayakinan ku sela wia nikau, paasa-asarangku sela wia nikau, nyaku kuwinutamei o penghiburan, nyaku laker mapaa-paar witu pakasaan kasusaan nai.⁵Witu nikai kaayo mako tu Makedonia, nawak nai ndaai wana si kapenesan, taan mapendam kasiksaan witu makalendong, niitu patotokolan tu luar, wo kaindean wia gorem. ⁶Taan si Empung, si mahibur setou witu kasusaan, minibur nikai witu mangemai si Titus. ⁷Ndaaite ka witu mangemai sia, taan kahai panghiburan simiwo nisia kinahiburan tunggorem niu, tanu nyaina sirita wia nikai, kumura kaleloan niu, kasusaan niu, semangat-emu wia nyaku, sumiwo nyaku makapaa-paar.⁸Niitumong, maan nyaku simiwomong susah kasurat-eku tiin, nyaku raai menesel. Maane nyaku menesel niitu ka nyaku limoho surat tiin makasusan nate niu maane ndaai ure. ⁹Tarekan nyaku mapaa-paar, ndaai ka nikau masusa, taan masusa witu pertobatan wo nikau masusa tanu kapaaran ni Empung, makar nikau raai mendam rugi, witu sapa-sapate wia nikai. ¹⁰Ka, kasusaan tanu kapaaran ni Empung mehe hasil pertobatan raai peneselen wo mimpin mako witu kalempotan. Taan kasusaan kaoatan makaindo patean.¹¹Ka lohon niu me, sa wia nikau, laker karengan kasusaan tanu kapaaran ni Empung tiin, maayang wia nikau kapauliten sela, minamuali bukti ka nikau raai simelok, kaupian, kaindean, palelon, semangat wo pembalasan. Witu sapa-sapate, nikau minehemong bukti, ka nikau raai si selok wia nyaai waya. ¹²Niitumong, maane nyaku matik surat yaai wia nikau, nyaai ndaai wana si kapentingan ne tou simiwo selok wo ndaai kan kahai kapentingan setou niindo selok. Taan rior kapaaran niu wia nikai, nyatamako tu nikau tu sinaru ni Empung.¹³Ka niitumong, nikai kinahiburan. Timampasako penghiburan nikai tiin, nikai kasa mapaa-paar karengan witu kapaaran ni Titus, ka roh-ena sinegar niumong waya. ¹⁴Ka, saaku mineloo-loor nikau witu si Titus, nyaku ku raai papairangen. Taan tanu nikai maila mako pakasaan sapate niitu wia nikau, witu kaulitan, taintukan kahai kapaaran nai tu sinaru ni Titus nulit.¹⁵Wo kaleosan na wia nikau mako maka sela, sa sia gumenang palinga-lingaan niu waya, kumura nikau sumungkul ka paai na kaampit ninde wo magoogo. ¹⁶Nyaku mapaa-paar karengan ka witu pakasaan sapa-sapate niitu, nyaku wewehan kayakinan tunggorem niu.

Chapter 8Paharuran Parsembahan Leos Wia Se Tou-Tou Kudus

¹Tarekan patuari-patuari, nikai mapaar nikau makailek kumura anugerah ni Empung, nyai wehemei tu se jemaat-jemaat tu Makedonia, ²ka witu kalakeran kasusaan niitu nujian, kalakeran kapaaran wo kawangkoan kamiskinan, nisea selinakerou karengan tunggorem kakayaan kaulitan nate nea.³Nyaku masairi ka nisea mawehe kumiit kamampuan nea, wo lembe kamampuan nea witu karelaan nea te sandiri. ⁴Nisea makiupus karengan wia nikai tu anugerah ka paar maindo wewetengan tunggorem palayanan tou-tou kudus. ⁵Wo nyaaimong pasisiwon nea, ndaai tanu paarapen nai, katare-tare nisea mehe nawak nea sandiri wia si Empung, wo wia nikai witu kapaaran ni Empung.⁶Niitumong nikai dumesak si Titus, tanu nisia timuurou, taintukan kahai nisia sumampet paayangen anugerah yaai wia nantara niu. ⁷Taan, masuat tanu nikau, makataintu laker witu pakasaan hal tanu tunggorem iman, mengila-ngila, kapandean, pakasa paayangen, wo tunggorem kaleosan wia nikai, pakiwehen wia nikau kahai lumaker karengan tunggorem anugerah yaai.⁸Nyaku raai maila nyaai tanu prentah, taan mauji kumura kaulitan ne tou walina kumura kaiklasan kaleosan niu. ⁹Ka nikau makailek anugerah ni Empung-eta Yesus Kristus, ka maane sia kaya, nisia si paar mamuali miskin ka nikau, rior tu kamiskinan-na nikau mamuali kaya.¹⁰Wo witu pakasaan yaai, nyaku meheme pendapat-eku, nyaai ka minamuali kauntunganu, witu tanu nesa, nikau ndaaite simiwo niitu, taan kahai mapaar masisiwo niitu. ¹¹Niitumong tarekan, sampetako paayangen tiin rior masuat wo kapaarannu masasampet sapa mbia nikau. ¹²Ka sa wewehan kapaaran mawewehe, pa wehemei tiin teriman, dumasar witu sapa-sapa taintu ni tou tiin, wo ndaai dimasar witu sapa ndaai tu nisia.¹³Nyaai ndaai mapoporak si tou tiin, wo muter nikau, taan rior wewehan titimbangen. ¹⁴Maanong sapa limembe wia nikau, tarekan mako mawes sapa kakurangan nea rior sapa limembe wia nisea mako lumekep kakurangan nea rior limembe wia nisea, mako lumekep kakurangan niu. Wo mako taintu wewehan pemasuatan. ¹⁵Tanu nyai patik witu buk suci: "Si tou minerur laker, si raai si limembe, wo si tou minerur nokiite si raai kakurangan."Pengutusan Si Titus ¹⁶Wo syukur wia si Empung si minehe tunggorem nate ni Titus kapaulitan masuat tanu wia nyaku wia nikau. ¹⁷Ka nisia si raaite materima nanjuran nai, taan kaampit kapaulitan sela nisia mai wia nikau witu kapaarana sandiri.¹⁸Mawali si Titus, nikai rumeho si patuari si peloo-looren witu nantara se jemaat witu kumura mahabar Injil. ¹⁹Ndaaite niitu, sia kahai si tinuru ne jemaat-jemaat, mako mawali nikai tu palayanan anugerah yaai, pasiwon nai ka mawehe kamuliaan wia si Empung wo matuturu kapaaran nai.²⁰Nikai, kai mile-ilek karengan rior ndaai wana si esa tou, si raai masesero nikai witu pawehemei sela tiin pahatoren nai. ²¹Nikai maulit masiwo kaulitan, ndaaite witu palohonei ni Empung, taan kahai witu palohonei ne tou.²²Wo mawali-wali nisea, nikai rumeho si patuari nai, si pinenguji-nguji naimong wo si palohon rajing witu waya-waya te pasiwon, lumembe niitu tarekan sia si mina rajingou, ka nisia si wewehan kayakinan sela kumura nikau. ²³Tarekan kumura si Titus tiin, nisia si par-eku wo kaampiteku mapaayang si kaaraan wia nikau, wo se patuari-patuarita walina nisea se pareho-reho ne jemaat-jemaat, mamuali kamuliaan wia si Kristus. ²⁴Niitumong turumako witu nisea, tu sinaru ne jemaat-jemaat, bukti kaleosan niu wo paasa-asaran nai wia nikau.

Chapter 9Mawehe Witu Karelaan

¹Wia nyaku, limembe karengan mapapatik wia nikau sa kumura pelayanan witu setou-tou kudus yaai. ²Ka nyaku makailek karelaan niu, pengasa-ngasaranku kumura nikau witu setou-tou Makedonia, nisea si Akhaya si simadiamong witu pe taon nesa wo semangatemu minohoge se laker tou wia nisea.³Taan nyaku rumeho se patuari-patuari yaai rior paasa-asaran nai kumura nikau ndaai pailaan ndaai si kaaraan, witu pakasaan nyaai. Mako taintu nikau simadiamong, tanu pailaaku wia nikau. ⁴Ka sa wewehan pira tou Makedonia, mai mawali-wali o nyaku wo kailekan nea mako nikou ndaaipe simadia, nikai kai paira-irang nea ka kayakinan yaai. ⁵Niitumong, nyaku magenang, kasa pakiwehen wia se patuari-patuari yaai mange rior wana nikau, wo sumadiamako pawewehe, tanu nyai mong kawar katare-tare, mako taintu pawewehe tiin siapou mamuali pawehe tung karelaan wo ndaai ka papaksan.⁶Nyaku maila nyaai, sei si matanem okiite, sia kahai si mupu nokiite, wo si tou tumanem laker si mupu laker kahai. ⁷Seite sitou mawehe tanuate pinutus namong tu natena ndaai witu dukacita kaapa ka papaksan, ka si Empung si maupus sitou si maweha kaampit mapaa-paar.⁸Wo si Empung si toro lumimpah mei pakasaan anugerah wia nikau rior nikau, toro makataintu pakasaan pemandungen witu pakasaan hal wo lumimpah witu pakasaan paayangen leos. ⁹Tanu nyai patik: "Nisia si mine mete-metengou nisia si minehemong setou lengei, kaulitan makar witu ka ure-ure."¹⁰Tarekan si simadiamong koloko witu si menanem wo roti mamuali kakanen, si sumadia wo lumepet koloko niu patatanem wo mehe laker witu kaindoan niu tu kaulitan. ¹¹Nikau kau kayan witu natas kamurahan nate niu lumalan wia nikai timoor nucapan syukur wia si Empung.¹²Ka sasawangen pelayanan yaai ndaaite maawes sapa pemandungen ne tou-tou kudus, taan kahai mahawes ucapan syukur wia si Empung lumalan witu se laker tou. ¹³Lumalan witu bukti pelayanan yaai, nisea se mako mamulia si Empung ka witu palinga-lingaan niu mako witu pangakuan niu witu Injil Kristus wo witu pakasaan kaleosan nate niu witu kau metengako witu nisea wo se pakasaan tou. ¹⁴Wo witu sombayang-sombayang nea wia nikau, nisea melelo-lelo nikau ka kaleosan karunia ni Empung limimpah wia natas-emu. ¹⁵Syukur wia si Empung tu natas pawehe namei ndaai mong toro lila!

Chapter 10Kakuasaan Ni Paulus Niitu

¹Nyaku Paulus, nawak-eku sandiri makiupus wia nikou kaampit kalembutan wo kamurahan kristus, nyaku ku raai berani saaku mahilekan gio o nikou, taan beranite saku roou wia nikou! ²Nyaku makiwehe wia nikau rior saaku mai mong, nyaku kuraai mapaim brani masaru se piratou se mengila nikai menou-nou witu kadagingan.³Nulit nikai menou-noupe witu kadagingan, taan nikai raai maberjuang makiit kadagingan. ⁴Ka lulutam-lulutam paperangan nai ndaai witu leona, taan witu kaketeran ni Empung, makekemu benteng-benteng.⁵Nikai timonga kagenangan-kagenangan, wo pakasaan paila nea rakek, siniwo witu kasombongan ni tou ka se matantang kakenalan wia si Empung, nikai matawan pakasaan gegenangen wo kalanako witu si Kristus. ⁶Wo nikai siap mahukum pakasaan ndaai malinga-linga, witu kataatanu tiin ako uliten.⁷Lohone wana sapa tu sinarumu. sa wewehan se mayakin nawak ena taintu ni Kristus, maanong tu genang enape makaleos niitu, tanu kumura nisia si maila taintu ni Kristus, nikai kahai taintu. ⁸Wo sanyaku kahai tanu mong nyai kalembe mako maere-ere kakuasaan, nyai wehemei ni Empung wia nikai mawawangun nikau, ndaai makekemu nikau, nyaku ku raai mairang.⁹Nyaku ku raai mapaar palolohoniu tanu menginde-nginde nikau kaampit surat-surat eku. ¹⁰Ka, nisea maila: "Surat-surat ena kasa tegas wo kete, taan sa witu mapailek nawak, nisia si leme wo pengila-ngilaana ndaai si katoroan."¹¹Maanong setou taintu magenang nyaai, niitu sapa paila nai kaampit surat witu nikai raai mawali-wali nikau, tanu pasiwon nai nikita mawali-wali. ¹²Ka nikai, kai raai berani masisiwo kelompok, mapasusuat nawak nai o setou-tou meloo-loor nawak nea sandiri. Taan witu sea mukur nawak nea o nawak nea sandiri, wo masusuat nawak nea kaampit nawak neakan sandiri wo masusuat nawak nea kaampit nawak neakan sandiri, nisea se raai paham witu niitu.¹³Taan nikai kai raai maloor nawak witu maloho sapa-sapa limawetou batasan nai, taan sa kumiit batasan witu katetapan ni Empung, nyai namong weteng wia nikai, niitu batasan ka maayo makar wia nikau waya. ¹⁴Ka nikai ndaai malalawet batasan nai, tanu nikai raai minayo makar wia nikau. Nikaimong si katare minakar wia nikau kaampit Injil Kristus.¹⁵Nikai kahai raai maloor nawak, limawet batasan nai kaampit maloor witu pinaayangan ne tou walina, taan kaampit pengharapan ka tanu iman-emu matou, wilayah papaayangan nai tu nantara niu mako makalempar. ¹⁶Rior nikai toro mahabar Injil makar tu wilayah-wilayah luar niu, wo raai maloor witu sapa sinampetan tu wilayah papaayangan ne tou walina.¹⁷Sei si paar meloo-loor, maanong nisia meloo-loor tunggorem ni Empung. ¹⁸Ka ndaai si tou meloo-loor nawak-ena sandiri si tahang uji, taan si tou palooren ni Empung.

Chapter 11

¹Nyaku maharap, nikau sumabar wia nyaku, witu noki kalengeiangku wia nikau, kau simabarou wia nyaku. ²Ka nyaku mapendam mateir wia nikau witu teir ilahi ka nyaku timunangngou nikau o si esa kaawu tuama nisia si simembah mako nikau, tanu si wewene pocipe wo sucipe witu si Kristus.³Maan nyaku mainde katia masuat o si loloi witu kalicikanna timowo witu si Hawa, taintukan kahai gegenang niu ka liongena witu katulusan wo kaberesian mengiit tunggorem ni Kristus. ⁴Ka nikau sabarete witu si tou mai wo mahabar sa kumura si Yesus, walina, minalaengan tu pahabar nai kaapa nikau makaindo roh walina, ndaaipe pina terima-terima niu, kaapa Injil walina ndaaipe pinalinga-linga niu.⁵Sa kumiit nyaku, nyaku ku raai si kurang witu se rasul makaerangen tiin. ⁶Maan nyaku raai tou pande witu mengila-ngila, taan ndaai taintu witu pengetahuan, ka witu sapa-sapa toro siwon, nikai timuruumong wia nikau witu pakasaan hal.⁷Kaapa sapa nyaku simiwomong ndosa, witu nyaku minawa nawak eku sandiri rior nikau toro rakek-ako, ka nyaku mahabar Injil ni Empung wia nikau tu ndaai pawaeran? ⁸Nyaku marampok jemaat-jemaat walina, kaampit tumerima gaji wia nisea ka malayani nikau. ⁹Wo witu nyaku mawali-wali nikau, wo masusa karengan nyaku ku raai minuter si sei te sia, ka se patuari-patuari se minai tu Makedonia se mawehemei pemandungengku. Wo witu waya-waya, nyaku mayahagha nawak eku rior ku raai mamuali kawuteran wia nikau, wo nyaku memehe-mehe masiwo taintu.¹⁰Tanuakan kaulitan Kristus wia gorem-eku, paasa-asarangku yaai ndaai kaapean witu wilayah Akhaya. ¹¹Kaa? Sapa ka nyaku raai maupus nikau? Si Empung ete si makailek niitu!¹²Taan, nyaku ku memehe-mehete masiwo sapa itu toro siwongku makar nyaku toro, rumangkutako kasempatan wia nisea mapaar kasempatan ka kinaindoan masuat o nikai witu sapa-sapate, paasa-asaran nea. ¹³Ka setou-tou tanu niitu seamong se rasul-rasul towo se memaayang ruci, se timowo masar se rasul-rasul Kristus.¹⁴Taan nyaai ndaas simiwo nisea kasenge, ka si Iblis kahai si timowo minamuali tanu se malaikat terang. ¹⁵Niitumong, ndaai mamuali nyaku kasenge, sa pakasaan se pelayanan kahai se tumowo masar tanu se pelayan kaulitan, wo witu kamurian nisea tiin se makaindo masuat wo pineniwo-niwo nea mei sandiri.Kasusaan Pinendamei Ni Paulus Wia Si Yesus Kristus¹⁶Makasape nyaku lumila, tia wewehane si esa tou maanggap nyaku yaai tou lengei. Maane taintu terimanome nyaku tanu si tou lengei rior nyaku kahai toro mabangga maan okiite. ¹⁷Sapa pailaaku witu gorem kumura kayakinan witu paasa-asaran yaai, nyaku raai maila tanu kapaaran ni Empung, taan tanuate tunggorem kalengeiyan. ¹⁸Laker tou se menombo-nombong witu leona. Wo nyaku kahai ku menombo-nombong.¹⁹Ka nikau taulousou bijaksana makar kaampit sumenang nate niu, sumabar witu setou lengei! ²⁰Nikau sumabarou, sa wewehan tou se mahamba nikau, lumoombot nikau, mahindo untung wia nikau, masosombong nawak, kaapa sumepe gio niu. ²¹Kaampit makairangen karengan nyaku lumila ame ka nikai talousou weles witu niitu! Taan sapate niitu sumiwo setou walina brani menombo-nombong. Nyaku maila tanu setou lengei, nyaku kahai berani.²²Sapa nisea tiin tou Ibrani? Nyaku kahai. Sapa sea tou Israel? Nyaku kahai. Sapa nisea taranak ni Abraham? Nyaku kahai. ²³Sapa se malayani si Kristus? Nyaku lumembe niitu. Nyaku ku mengila-ngila tanu si tou seno, kawenduangku kasa laker, limembe nyaku witu penjara. Pemewe-meewelen ndaaimong karekenan, tai-taimong witu bahaya patean.²⁴Witu setou-tou Yahudi, minakalima nyaku tumerima epat ngapulu inaanei esa pasamboken. ²⁵Makatelu nyaku weewelen nea o pondos, makasa nyaku linahawa mbatu, makatelu nyaku wehe nea tu natas kapal kimandas, esa ngawengi wo sangaendo, ku pelonta-lontai balolong witu laut. ²⁶Makalaker nyaku tunggorem pakelangang-ku ku masaru bahaya, witu salu, ne parampok, witu pihak setou Yahudi wo witu setou-tou raau Yahudi. Nyaku paancamen mbahaya witu kota, witu padang belantara, witu laut, wo kahai bahaya witu se patuari-patuari towo.²⁷Nyaku ku memendu-mendu wo mapaayangwuter, tetap pajagan, matahang naharem wo reo, satoro na ndaai wana si tikohon, matahang nemel wo ndaai wana si lalambungen. ²⁸Wo lumaengako niitu, wewehan kan kahai masala susur nendo minamuali tanggong jawab-eku witu mapipiara se jemaat-jemaat. ²⁹Sei si weles, taan nyaku ku raai weles? Sei si kanawu, wo nyaku raai masusah?³⁰Saaku toro masosombonge, nyaku ku masombong witu sapa-sapa maturu witu kalengeianku. ³¹Empung wo Bapa Empung Yesus si peloo-looren makar kaure-ure, makailek ka nyaku raai matowo.³²Witu Damaskus si gubernur tumibawa ni Raja Aretas si maawas kota Damaskus ka matitimboi nyaku. ³³Taan nyaku nyai tumpamei, witu nesa karanjang witu tetemboan, beton, makar nyaku kaweta tu lawas-ena.

Chapter 12Tutuek Witu Gorem Leona Ni Paulus

¹Nyaku, ku meloor nawak maane niitu ndaai se kauntungan. Nyaku ku memehe-mehe mako peloho-lohon wo pernyataan-pernyataan wia si Empung. ²Nyaku makailek si tou tunggorem Kristus, niitu witu maplo epat ngataun limangkoimong mong si nialimong na surga tingkat katelu, sapa mbitu gorem nawak-ena ndaai kailekangku, kaapa mbitu luar nawak-ena, ndaai kailekangku, si Empung-ete si makailek.³Wo kailekangku kumura si tou yaai, sapa sia tunggorem kaapa witu luar nawak-ena, ndaai kailekangku si Empung-ete si makailek. ⁴Sia niangkat na Firdaus wo liminga paila ndaai palilingan, ndaai toro lila ni tou. ⁵Wia si tou tiin nyaku meloo-loor, taan wia nawak-eku sandiri nyaku raai maloo-loor, waya te witu kalemahan-kalemahangku ndaai.⁶Taan saaku paar meloo-loor, nyaku ku raai mamuali tou lengei, ka nyaku mako lumila, kaulitan. Taan nyaku matatahang rior ndaai si tou lumoho nyaku lumembe witu linoho nea kaapa kumura nisea liminga nyaku. ⁷Ka mategham rior nyaku raai kasa meloo-loor witu pernyataan-pernyataan makaerangen tiin, wo nesa tutuek nyai wehemei witu leonaku, niitu pereho ni Iblis, mai masususa nyaku rior nyaku raai meloo-loor nawak.⁸Witu nyaai waya nyaku makiwehe wia si Empung minakatelu, rior hal niitu tumelaaume nyaku. ⁹Taan nisia lumila wia nyaku, "Anugerah ku minakarou wia nikou, ka kuasaku sinempurna tunggorem kalemahanu." Niitumong nyaku ku kasa senang maloor kalemahangku, rior kuasa ni Kristus mena wia goremeku. ¹⁰Niitumong, nyaku mapendam senang tu kalemahangku tunggorem kasiksaan, tunggorem kaapeendisan, tunggorem peleo-leongan, wo tunggorem kaapeendisan wo si Kristus. Ka witu nyaku raai si keter, witu nyaku mapendam ente.Kaleosan Ni Paulus Witu Se Jemaat Tu Korintus¹¹Nyaku ku minamualimong tou lengei, ka nikau mapaksa wia niitu, sa indonei nulit nyaku woan ku looren niu. Ka nyaku raai kimurang sapa-sapa bandingenei se rasul-rasul se luar biasa tiin maane nyaku raai si sapa-sapa. ¹²Tanda-tanda mabubukti niitu wia si rasul nyainong papaloho wia nikau witu pakasaan katabahan niu tu gorem tanda-tanda, mujisat-mujisat, wo makaerangen-makaerangen. ¹³Ka witu gorem sapa nikau pemawa-mawa ne jemaat-jemaat walina, kacuali nyaku ndaai minuter wia nikau? Ampungan o mei witu raai si kaadilan wia nyaku.¹⁴Tarekan nyaku simiapou mako tu nikau witu katelu yaai wo nyaku raai mamuali wuter wia nikau, ka nyaku raai menero sapa-sapa witu taintu niu, taan nikau te. Ka se oki-oki se raai wajib maharur harta witu se tu'a nea, taan se tu'a merur wehe se oki-oki nea. ¹⁵Wo nyaku kaampit kasenangan nateku, mehe taintuku wo nawak-eku wia nikau. Saaku kasa maupus nikau sapa nikau raai maupus nyaku?¹⁶Taan, maane nyaku raai muter nikau, nikau mailaate ka nyaku tou lihu wo timaan weetes kaampit katowoan. ¹⁷Sapa nyaku minindomong untung wia nikau lumalan witu setou-tou nyai ku rehomei mai tu nikau? ¹⁸Nyaku dimesar si Titus mangemong, wo rumeho si patuari nai mange mawali nisia. Sapa si Titus minindo untung wia nikau? Sapa nikai raai makelang tunggorem roh masuat wo makelangete witu gorem tanda nae masuat?¹⁹Wo, sapa nikau uremo memiki-mikir ka nikai mabela nawak sandiri wia nikau? Nikai masirita tu sinaru ni Empung tunggorem Kristus, taan nyaai waya, nikau kau kaupuseku ka mawawangun nikau.²⁰Ka ku mainde, sa witu nyaku mai, nyaku kumako sumero nikau ndaai tanu paarapengku, wo nikau raai kasumpak nyaku tanu paarapen niu. Tia-tia wewehan patotokolan, madedengkian kaupian, paarete nawak sandiri, mafitna, desas-desus, kasombongan wo kakacauan. ²¹Nyaku mainde, saaku mai sumaup, si Empung-Eku si mehemako nyaku tumbawa tu sinaru niu, wo nyaku masusa karengan witu se laker tou, riorako se minaberdosa mong akar tarekan se tia mabertobat witu kanajisan, percabulan, hawa nafsu siniwo nea waya.

Chapter 13Pahakoan Ni Paulus Katelu

¹Nyaai katelumong nyaku mai wia nikau. Nyaai paindoan katerangan witu se rua kaapa telu sairi wo itu perkara mamualisah. ²Riorako nyaikumong ngeenge tu nisea tou berdosa wo setou walina. Tarekan maane ku raai mawali-wali nikau, nyaku ngumeenge nisea tanu siniwoku witu karua nyaku minai, niitu saaku mai sumaup nyaku ku raaimong mehe nupus wia nisea.³Ka nikau matuntut bukti kumura si Kristus, si mailaamei tunggorem-eku, wo si raai weles wia nikau, taan si makuasa tunggorem niu. ⁴Nulit karengan, Kristus si witupe kalemahan, taan nisia si timou, witu kuasa ni Empung. Ka nikai kahai kai weles tunggorem ena, taan nikai mako tumou mawali-wali nisia ka kuasa ni Empung wia nikau.⁵Ujinako nawak-emu sandiri, mako maloloho, sapa nikau witupe gorem iman niu. Priksanako nawak niu sandiri, kaapa sapa nikau raai kumenal nawak niu sandiri, ka si Kristus Yesus si witu gorem niu kacuali kau magagal witu nujian. ⁶Nyaku maarap nikau mako makailek ka nikai ndaai tou raai tahang uji.⁷Taan nikai masombayang tu si Empung, rior nikau raai sumiwo kasumelokan, ndaai rior nikai palolohon tahan uji, taan rior nikau sumiwo sapate witu kaulitan maane palolohon nikai minagagalou tu ujian. ⁸Nikai raai toro sumiwo sapa-sapate minapasuian wo kaulitan, taan witu te kaulitan.⁹Nikai senang, witu kai raai si keter wo nikau ente sombayang nai rior nikau mamuali sempurna. ¹⁰Niitumong kutumulis nyaai waya, witu nyaku ku roou wia nikau rior saaku mai, nyaku ku raaimong mapake kakarasan, kuasa nyai wehemei ni Empung wia nyaku mawawangun nikau, wo ndaai mananawu nikau.¹¹Esa ate, esa genangou, wo tumou tunggorem kadamaian, wo si Empung si makataintu kaleosan wo damai sejahtera, si mawali-wali nikau. ¹²Wehanako sighi esa wo si esa, kaampit sumiong kudus.¹³Pakasaan setou-tou kudus minehemei sighi wia nikau. Anugerah Empung Yesus Kristus wo kaleosan ni Empung wo persekutuan wia si Roh Kudus mawali-wali nikau waya.

Ephesians

Chapter 1

¹Wia si Paulus, Rasul ni Yesus Kristus tung kapaaran ni Empung, witu se tou-tou kudus tu Epesus, tou-tou wewehan iman, tunggorem ni Yesus Kristus. ² Kasenangan wo kaleosan wia nikau tu si Empung oman, Bapa-ata wo wia si Empung Yesus Kristus.³ Peloo-looren si Empung, wo Bapa wia si Empung eta Kristus Yesus si kimamangou nikita tunggorem ni Kristus, wo sapate niitu kamang rohani wana tampa surga. ⁴ Ka nisia simisir nikita tunggorem ni Kristus, ndaaipe witu katare-tare kaoatan, rior nikita mamuali kudus, wo raaiwana si pela tusinaru na, tunggorem kaleosan,⁵ Sia si timetapou nikita tuureemei katare ka paangkaten mamuali oki-oki ina lumalan witu si Kristus Yesus, kiit kapaaran na. ⁶ Sia simiwo niitu, wehe maloor kamuliaan witu anugerahna nyaina karuniamei tanu peresengei, wia nikita tunggorem nioki-ina sikaupus ena.⁷ Tunggorem nisia, nikita tinubus witu ndaha na, niitumong niampungan witu kasumelokan peniwo-nowon ta kiit witu kakayaan anugerah na. ⁸ Nyai wehemei ni Empung wia nikita witu pakasaan hikmat wo pangartian⁹ Sia si limila momei wia nikita sapa rahasia kapaaran na, kiit witu kaleosan na, rinenencana tunggorem ni Yesus Kristus ¹⁰ Niitu tumuur kelang, saitu nendo kawutaan-na mbiamong, wo maesa pakasaan tunggorem ni Kristus, siwaname surga wo sapate wia kaoatan,¹¹ Tunggorem ni Kristus, nikita ta minamualimong wewetengan witu warisan tinetap-namong katare-tare kiit kapaaran na si minaayang pakasaan witu gorem kaputusan kapaaran na. ¹² Rior nikita katare-tare minehe narapan witu si Kristus mamuali peloo-looren tu kamuliaan na.¹³ Witu gorem ena, nikau kahai, sakau limingamong firman kaulitan, niitumong injil malelempot nikau, wo mapercaya nisia, kau meterai-yen kaampit Roh kudus, nyai kawar tiin, ¹⁴ Roh kudus tiin si minamuali jaminan witu warisanta, makar mamuali tinubus witu nisea se minamualimong milik taintu ni Empung sandiri, wo looren kamuliaan na.¹⁵ Niitumong, witu nyaku luminga kumura iman emu tunggorem ni Yesus Kristus wo kaleosan niu witu se tou-tou kudus. ¹⁶ Nyaku kuraai mena mawehe syukur wia nikau, saku kagenang nikau witu sombayang eku.¹⁷ Nyaku masombayang rior si Empung, witu si Empung eta Yesus Kristus, Bapa wo si kamuliaan, mehe nikau Roh hikmat wo panyartaan witu gorem kailekana wia nisia. ¹⁸ Nyaku masombayang, rior mberen nateniu terangenei, makar nikau toro makailer sasapa pangharapan tiin, wo nyai kauntep witu patowaan na, kakayaan nyai kauntep witu warisan na mulia witu se tou-tou kudus.¹⁹ Wo kaketeran sela ndaai kaukuran wia nikita tou percaya tanu nyai namong turuumei witu gorem kasela-selaan wo kaentean na. ²⁰ Ka sela-selaan kaentean na tiin nyai na palolohomei witu sia timoorei si Kristus tu nuner ne tou minate wo rimuhumun nisia witu sangaweka leleos wana sorga. ²¹ Wo roow, kasarekek witu pakasaan natoran, kakuasaan kaketeran, pemerentahan, wo lemberakek witu pakasaan ngaran mbia tarekan, wo ndaai te witu nendo tarekan, taan makar kahai tu nendo mangemai.²² Sia si kimalah se pakasaan witu mbawa nae na wo wehe nawak ena mamuali rookos witu pakasaan jemaat. ²³ Ka niitu nawak ena, wisa niitu kawutaan na, muta pakasaan sapate niitu.

Chapter 2

¹ Rior, nikau mate witu gorem pelangkoi-langkoi yen wo dosa-dosa niu, ² Ka witu nendo niitu makelang makiit ete lalan kaoatan, makiit se makuasa karajaan na langit, taan Roh tarekan, mapaayang tu nantara ne oki-oki tia malinga. ³ Witu nantara nea, nikita waya riorako kahai matou tunggorem kapaaran leona nikita, ta matou tu kapaaran leona ta wo gegenang anta. nikita ta witu nyai alasei witu oki-oki durhaka, tanu setou walina.⁴ Taan, si Empung si kaya kaleosan, wo ka kaleosan na sela, tiin sia si maupus nikita. ⁵ Wo witu kita mate, tunggorem peniwo-niwonta gelewo, sia si tumou nikita mawali si Kristus witu anugerah niu kau nyai ka lempot. ⁶ Wo sia si tumoorei nikita mawali nisia, wo rumuhumun nikita mawali nisia tu tampa surga tunggorem ni Yesus Kristus. ⁷ Rior tu nendo mange mai, sia toro tumuruumei kakayaan anugerahna, ndaai kaukuren witu kaleosanna wia nikita tunggorem ni Yesus Kristus,⁸ Ka witu anugerah nikau kalempot limalan witu iman, wo nyaai ndaai witu nawak emu sandiri, taan ka karunia ni Empung. ⁹ Ndaai ka paayangen nu, rior ndaai wana siesa tou si masosombong nawak ena. ¹⁰ Nikita yaai ta siniwo ni Empung, siniwo tunggorem ni Yesus Kristus ka masisiwo paayangen geleos, sinadia ni Empung, riorako, rior tatoro tumou tunggorem ena.¹¹ Niitumong, genangan leos, ka nikau riorako kau kafir, kau pailaan raai sinunat, nisea semaila nawal nea sinunat, niitu sunat siniwo wia nawak, minake lawas ni tou. ¹² Genangen, nendo niitu nikau, ndaaipe witu gorem ni Kristus, nyaipe roo mei witu kawargaan israel, wo se tou-tou asing se winaakese kakawaren nyai wehemei, se raaiwana si pangharapan, ndaai wana si Empung wia kaoatan yaai.¹³ Taan tarekan, tunggorem ni Yesus KRistus, nikau riorako kau roow karengan, kau niali momei mamuali tawi witu ndaha ni Kristus. ¹⁴ Ka nisiate sandiri, si kaleosan wo kasenanganta si simiwo se ruamamuali esa, wo si kimemu mong beton, mamusuan wo mawetengan. ¹⁵ Wo rimaai mamusuan witu leona ta, niitu mong hukum taurat minumpun, prenta-prenta wa natoran-natoran, makar witu gorem nawak ena, sia simiwo se rua tiin mamuali esa, tou weru, makar mamuali kadamaien. ¹⁶ Wo dumame se ruatiin kaampit si Empung witu esa awak limalan witu salib, makar mate kawalian nea.¹⁷ Sia siminai wo mahabar dame wo sejahtera, wia nikau, roou karengan, wo dame sejahtera witu se tou tawi. ¹⁸ Ka limalan witu nisia, nikita rua makaindo lalan muntep witu si Bapa ta, witu nesa Roh.¹⁹ Niitumong, kau raaimong pailaan tou-tou asing, wo tou minai, taan masuat warga o se tou-tou kudus, wo se tou-tou kaluarga ni Empung. ²⁰ Se winangun witu dasar ne rasul-rasul wo se nabi-nabi kaampit si Yesus Kristus sandiri si minamuali watu penjuruna. ²¹ Tunggorem ni Kristus pakasaan bangunan pa esan, mawali-wali, wo tumou mamuali bait suci, tunggorem ni Empung. ²² Witu gorem ena, nkai kahai kau pawangunen mawali-wali, mamuali tampa pahenaan ni Empung tunggorem Roh.

Chapter 3

¹ Ka nyaaimong, wo nyaku paulus pinenjara ka si Yesus Kristus, wo ka magenang nikau, tou-tou kafir. ² Nikau, kau limingamong sa kumura paayangen malalayan anugerah ni Empung, nyai wehemei wia nyaku ka nikau.³ Ka kaampit penyataan, rahasia tiin nyai lilaamei wanyaku tanu nyaiku patik maantu pokol ete riorako. ⁴ Witu nikau tumembo nyaai, nikau toro makailek pengartianku sa kumura rahasia ni Kristus. ⁵ Niitu ndaai nyai lila witu tou-tou walina, taan tarekan nyaimong nyata witu se rasul-rasul wo se nabi-nabi na kudus ni Roh Kudus.⁶ Rahasia tiin niitu ka lumalan witu injil, se tou-tou kafir mamuali masuat ahli waris, masuat anggota wia esa awak, wo mawali-wali mindo wewetengan witu nyai kawar tunggorem ni Yesus Kristus. ⁷ Nyaku ku minamuali palayen injil, kiit wo karunia witu anugerah ni Empung, nyai wehemei wia nyaku kumiit paayangen kuasa na.⁸ Wia nyaku, ku kasa oki witu nuner ne tou-tou kudus, anugerah yaai nyai wehemei mahabar witu se tou kafir kumura kakayaan ni Kristus ndaai si kaararan. ⁹ Wo mali terang witu se tou-tou, kumura rahasia nyai kasindek maabad-abad tunggorem ni Empung, si simiwo pakasaan mbia.¹⁰ Mako taintu, lumalan witu se jemaat pakasa hikmat ni Empung tarekan, paila witu se pemerentah, wo se makuasa witu tampa sorgawi. ¹¹ Nyaai masuat wo rencana ndaai si kaapuan, nyai yuruumei tunggorem ni Yesus Kristus, Empung eta.¹² Tunggorem nisia, kita makaindo kaberahanian wo lalan mauntep mako witu si Empung, kaampit kayakinan kapalinga-lingaan. ¹³ Niitumong, nyaku makiwehe wia nikau, tia mainde maloho kasusaan, kasusaan pinendam kumei, ka mangenang nikau sapa kasusaan pinendam kumei niitu mamuali kamuliaan niu.¹⁴ Nyaaimong minamuali alasanku, nyaku kimundu tu sinaru ni Bapa aku. ¹⁵ Witute nisia se keluarga na surga wo sewia kaoatan tumerima ngaran ena. ¹⁶ Nyaku ma sombayang rior masuat kakayaan na wana sorga kamuliaan na, sia toro kumaruniamei wia nikau kaketeran, tunggorem nawak emu kaampit kuasa lumalan witu roh ena.¹⁷ Makar si Kristus toro mena tunggorem natemu lumalan tu iman makar kau kumalat wo dumasar witu kaleosan. ¹⁸ Wo rior nikau toro mawali-wali se tou kudus toro makailek kumura kalemparan wo kalambotan wo karekekan karareman kaupusan ni Kristus. ¹⁹ Mako taintu, kau toro kumenal kaleosan wo kaupusan ni Kristus si limawet kapandean makar kau wutan, kaampit pakasaan mbuwuta ni Empung.²⁰ Wiate nisia, si toro sumiwo kasa kaawesan, witu pakasa pakiwehenta kapa genangen, suat wo kuasa mapaayang tunggorem nikita. ²¹ Wiate nisia kamuliaan tunggorem jeamaat wo tunggorem ni Yesus Kristus wehe se pakasaan taranak makar kaure-ure nulit.

Chapter 4

¹ Niitumong, nyaku, si tou pinenjara ka si Empung, tumondo nikau. Menou-nou kiniit wo totowa kinaindoan niu mong ² Wo witu kaampit mengoki nate wo karindaan, kasabaran, ³ Maulit kasa karengan mamiara kinaesaan Roh witu wawaakes dame wo sejahtera⁴ Wayate nesa nawak, wo esa Roh, masuat ete nikau tinowa witu nesa arapan wo totowaan nu, ⁵ Esa Empung, esa iman wo ese lelelean. ⁶ Esa Empung wo si Bapa wia pakasaan, wo tunatas niitu waya lumalan witu pakasaan, wo tunggorem pakasaan.⁷ Taan wia nikita esa wo si esa winehanei anugerah, kiit nukuran karunia ni Kristus, ⁸ Niitumong, nyai lila witu sia sumeret witu tampa rakek, sia tumimboi se tou-tou tinawan, wo mehe karunia wia nisea tou.⁹ Witu nyailila, nisia "si meret" ndaai reen niitu nartina sia kahai si timumpa momei makar turarem karengan kaoatan? ¹⁰ Sia si timumpa momei, sia kan kahai si sumeret tu karakekan pakasaan langit rior sia mawuwutul pakasaan mbia.¹¹ Siamong si minehemei, leos tu rasul-rasul, nabi-nabi, se mahabar injil, gembala-gembala, kaapa se mahajar-mahajar. ¹² Tu nisia maator se tou-tou kudus, tunggorem paayangen maselewir witu mawangun nawak ni Kristus ¹³ Makar nikita waya kaayo witu pinaesaan iman, wo pengailakan si anak ni Empung, nisea se tou-toumong tu'a kiit nukuran katotouan nawak, makiit kaampit kinawutaan ni Kristus.¹⁴ Mako tainju, nikita raaimong oki-oki peleo-leong mbalolong, wo pahalin wayaante toroan, wo reges pahajaran, wo katowoan ne tou, kaampit kalihuan, nea. ¹⁵ Putarei, witu kaulitan wo witu gorem kaleosan, nikita ta tumou witu pakasaan hal wia nisia, si minamuali rookos siamong si Kristus. ¹⁶ Wiamong nisia pakasaan nawak sinusung, wo winaakes mawali-wali, mamuali esa tinongka pakasaan kukusian wia nawak. Sa esa wo si esa wia kukusian nawak maayang mbewetengana, nawak tumou makar mangun nawakena tunggorem kaleosan.¹⁷ Niitumong lila kume, wo pakalila kume karengan, tunggorem ni Empung tia' kahai nikau tumou tanu se tou-tou raai mapercaya se matou te witu gegenangan raai si kaaraan. ¹⁸ Pangartian nea minamualimong rimbun, wo nyai karooumei witu penou-nouan ni Empung ka kabodokan witu gorem nawak nea pahange-angean kaketean nate nea. ¹⁹ Pemendamen nea, mina sumbengou wo sea sumerakan nawak nea witu kapaaran masisiwo wayaante makairangen wo karakusan nea.²⁰ Taan ndaai witu peniwo-niwon nea tiin nikau mahajar kumura si Kristus ²¹ Saandena kau lumingamong karengan kumura nisia wo niajar tunggorem ena kumura kauitan tunggorem ni Yesus. ²² Tia mako katotouan nuremu, kinaindoan niu kaampit katotoan niu nure, palewoon tarekan ni kapaaran maloloho.²³ Werun Roh gegenangan nu. ²⁴ Lambungen tou mong weru, siniwo tunggorem kumura si Empung witu kaadilan wo kakudusan karengan.²⁵ Niitumong, kaampit tumia katowoan, maimong nikau waya malilaamong kumura kaulitan witu se kasuatemu tou ka nikita masuat ta witu niesa awak. ²⁶ Toro maupi taan tia' masiwo ndosa, tia' pawaya si endo muntep ou witu nikau maupi pe. ²⁷ Tia mawehe lalan witu si setang.²⁸ Si tou rimongkittou tiamong mako rumongkit sumaup, tia sia maayang wuter wo sumiwo paayangen geleos kaampit lawasenate makar nisia makaindo sapa-sapa wo wetengako witu se tou-tou mapandung. ²⁹ Tia kau mawaya mengila-ngila saparuni mondolei witu sumamu, taan wayate maila geleos mangun si tou si mapandung makar pengila-ngilaamu tiin mehe kakamangen wia nisea se luminga. ³⁰ Tia masususa si Roh Kudus ni Empung, ka witute nisia nikau meterai en witu nendo patubusan.³¹ Tia momako pakasaan kapaitan, raranguan, kaupian, patotokolan, wo masesero wo pakasaan kalewoan, roou-roou, wo niitu waya wia nikau. ³² Marinda-rindamong witu se pakasaan tou, paindon nate geleos, wo maampung-ampungan, tanu si Empung tunggorem ni Kristus minaampungei nikau.

Chapter 5

¹ Niitumong, mamualimong mengiit si Empung tanu se oki-oki makaupusen. ² Tumoumong witu maleoleosan, tanu si Kristus maupus nikita wo mehe nawak ena wia nikita mamuali persembahan wo korman mawow geleos wia si Empung.³ Taan ndaai wana si makakaawuan kaapa sapate niitu makairangen kaapa paarete baya-waya, wo papakasaan pailaan sapa-sapa tia niitu, kaniitu ndaai toro wia nikau tou-tou kudus. ⁴ Tia wo ndaai wana si mengila-ngila saparuni, maila ka kabodokan, kaapa mauwal tau lousou ndaai si kaaraan taan mahemong syukur.⁵ Ka kailekan niumong karengan ka se tou saparuni, wo setou raai suci, kaapa setou magenang nawak neate sandiri, wo se masembah se opo-opo se raai makaindo warisan witu karajaan ni Kristus wo ni Empung. ⁶ Tia wewehan tou si maloloho nikau, kaampit maila ndaai si kaaraan ka witumong sea maila niitu, sumiwo si Empung maupi karengan witu se oki-oki durhaka. ⁷ Niitumong tia mabergaul o nisea.⁸ Rior, nikau kau witu karimbunan, taan tarekan nikau minamualimong terang, tumoumong mamuali oki-oki terang. ⁹ Ka mbuana terang niitumong kaleosan, kaadilan wo kaulitan. ¹⁰ Wo mawaawa masero kaulitan sapa masesenang si Empung ¹¹ Tia makikiit maaindo wewetengan, witu gorem masiwo karimbunan ndaai mawehe wu ana, putarei potaiyan peniwo-niwon tiin ¹² Ka, malilila nitu pasiwon nea memenes-menes, makairangen.¹³ Taan, pakasaan, pinotaian, ni terang mamuali palolohon ¹⁴ Ka pakasaan tiin mamuali palolohon, niitumong nyai lila tumoor ei kau peperengen, tumoorei witu nuner ne tou minate, ka si Kristus tumerang witu natas emu.¹⁵ Niitumong, lohonako makaleos kumura nikau mwnou-nou, tia tanusetou kabal, mamualimong bijak, ¹⁶ Paken leos nendo, wia kaampit maleos-leos, ka nendo-nendo yaai niitu lewo karengan. ¹⁷ Niitumong, tia ma bodo-bodok, taan pangartian nako leos sapa kapaaran ni Empung.¹⁸ Tia tetelewen, ka nanggor, ka niitu ndaai pantas, taan putarei wutan o Roh. ¹⁹ Sumiritamong kau wo nikau, witu mazmur, kakanitaren pujian, wo kakantaren rohani, kumantarou, wo siwonako kakantaren maloor si Empung kaampit pakasaan nate mu. ²⁰ Mehemako syukur witu pakasaan minamuali, witu si Empung Bapa ata tunggorem ngaran ni Empung eta Kristus Yesus. ²¹ Tumuutuk si tou witu se walina witu mainde si Kristus.²² Kaawu-kaawu wewene, malinga-linga nitu si kaawumu tanu wia si Empung. ²³ Ka si kaawu tuama si kapala ni kaawu wewene, tanusi Kristus si kapala ne jemaat niitumong nawak ena wo nisia sandiri si juru slamat ena. ²⁴ Taan tanu se jamaat malinga-linga wia si kaawu tuama, witu pakasaan mamuali.²⁵ Tuama-tuama, kaupusan si kaawumu tanu si Kristus maupus se jamaat wo minehe nawak ena witu se jamaat. ²⁶ Ka maha kudus nisea kaampit mabeberesi nisea kaampit malelele ndano kaampit firman. ²⁷ Mako taintu, si Kristus sumembah mako se jamaat witu nawak ena tunggorem kamuliaan, ndaai si sering, kaapa limepet kaapa masuat niitu, makar se jamaat mamuali kudus raai wana si kurang.²⁸ Taintukan kahan kaawu-kaawu tuama, pakiwehen kau maupus si kaawumu tanu nawak emu sandiri, sisa si maupus si kaawu wewene nam tanua si maupus nawak ena sandiri ²⁹ Ka ndaai wana si tou si maseso nawak ena sandiri, taan nisia si maurus nawak ena. Taintukan kahai si Kristus masiwo tu se jamaat, ³⁰ Ka kita ta anggota-anggota nawak ena.³¹ Niitumong, si esa tuama si tumelau mako se papa wo si mamana wo maesaan wo si kaawuna wewene makar se rua tiin mamuali esa awak. ³² Rahasia yaai sela, wo nyaku lumila nyaai, ka wewehan hubungan nantara ni Kristus wo se jamaat. ³³ Taan maanong nikau esa wo siesa maupus si kaawu wewene tanu nawak emu sandiri wo si kaawu wewene maormat wia si kaawumu tuama.

Chapter 6

¹ Oki-oki, kiiten wo malinga-linga wia se tua niu tunggorem ni Empung, ka niitu nulit, ² Paormatan si papa wo si mama niu, nyaai prenta katare pakaampiten wong kawar ³ Rior penou-nouan geleos wo nikau numur lambot wia kaoatan.⁴ Wo nikou Bapa papa tia nikau mapaso seoki niu mamuali maupi, taan selanako nisea tunggorem disiplin wo tuturu ni Empung.⁵ Babu-babu, kiiten si tuan emu si wia kaoatan yaai kaampit nohormat wa mainde wo ampiten kaampit nate leos tanuwehe si Kristus. ⁶ Tia tanu se tou-tou mapaayang paayangen ka paloloho se tou, masesenang se tou taan tanu se hamba-hamba ni Kristus se masiwo kapaaranna tunggorem nate. ⁷ Malayan witu pakasaan nate tanu pawewehe si Empung ndaai pawewehe setou ⁸ Ka kailekan niu, sapa sia budak kaapa tou merdeka, sasia sumiwo geleos, si Empung si mehemei perseng wia nisia.⁹ Tuan-tuan siwonako kahai witu se babu-babumu, menaamong maindek nisea ka rior kailekan niu si tuan emu kaapa tuan nea masuat waname waya surga, wo nisia si raai masisir kaleosan.¹⁰ Kamurian, meente-ente tunggorem ni Empung, wo witu kaketeran kuasa na. ¹¹ Paken waya pakasaan pakakas lulutam ni Empung, rior nikau toro tumoor masaru ka liniuan ni iblis¹² Ka parjuangan ta ndaai masaru leona wo ndaha, taan masaru se pemerentah-pemerentah, se penguasa-penguasa, kaketeran-kaketeran kaoatan karimbunan yaai, wo masaru kaketeran ne Roh-roh lewo wia langit, ¹³ Niitumong, lambungen pakasaan pakakas lulutan ni Empung rior nikau toro tumahang makar nendo lewo mai, wo saitu pakasaan yaai minaapumong, nikai timoor ete.¹⁴ Niitu kau tomoor rendai, wo rumembet ba ban nan kaulitan tu limendong ba ban nan nu wo paken lambung patangkis kaadilan. ¹⁵ Wo paken sapatumu kaampit sumiap injil damai wo sejahtera. ¹⁶ Witu pakasaan indonei kelung emu iman, wo kau toro mate pakasaan panah waha witu si lewo¹⁷ Indonei pa yahaga kalempotan wo sambel Roh niitumong firman ni Empung. ¹⁸ Witu masombayang tunggorem Roh witu pakasaan sombayang kaampit pakiwehen wia se tou-tou kudus¹⁹Sumombayang ekan kahai wehe nyaku rior nyaku mukaamei sumaku, paila karunyamei wia nyaku makar nyaku mamuali brani mahabar rahasia injil. ²⁰Ka injilou tiin nyaku mamuali rerehoan kinawaakesan, sombayanggei rior nyaku toro mahabarrako niitu kaampit kaberanian kumura nyaku maila.²¹ Tikhikus, patuari, esa imaneku kaupuseku wo si pelayan setia tunggorem ni Empung si lumilaame pakasaan wia nikau rior nikau kahai toro makailek kumura kaadaangku wo sapa pasiwongku ²² Nyaku ku rimeho nisia mai wia nikau, ka paayangen yaai, niitu rior nikau makailek nahabar nai wo sia toro mehehiboran nate niu.²³ Damai wo sejahtera witu se patuari-patuari esa iman wo kelosan kaampit iman wia si Empung, Bapa wo se Empung Yesus Kristus. ²⁴ Anugerah mawali-wali sepakasaan tou se maupus se Empung eta Kristus Yesus, witu kaleosan ndaai mabinasa.

Colossians

Chapter 1

¹Wia si Paulus, si minamuali Rasul Yesus Kristus tu kapaaran ni Empung, wo witu si Timotius patuari Esa iman eta. ²Witu se tou Kudus wo se Patuari-patuari Esa iman se setia tunggoren Kristus tung Kolose. Anugerah wia nikau wo Damai Sejahtera wia Si Empung Bapa-ata. ³Witu nyaku masombayang nikau, nikau raai mena' mawehe Syukur wia si Empung, Bapa wia Si Empung eta Kristus Yesus,⁴ Ka kai liminga kumura iman-emu tunggorem Yesus Kristus wo kaleosan wia nikau pawehe se pakasaan tou Kudus. ⁵ Iman wo kaleosan tiin minondolei ka pengharapan nyai sadia wia nikau na surga, niitu lininga niumong tunggorem Firman kaulitan, nitumong Injil. ⁶ Injil tiin nyaimong kaayo wia ni kau makar tu pakasaan kadatan wo Injil yaai minehemong wu'a na wo kasa lumaker, masuat tanu minamuali tu nantara niu, timuurei nendo nikau liminga wo mangarti anugerah ni Empung witu kaulitan.⁷ Nikau minajarou nyaai waya witu Eprafras, si kaampit nai witu Pelayanan nai si kaupus, si minamuali pelayan Kristus setia karengan wia nikau. ⁸ Siamong si minai lumila wia nikau, kumura kaleosan niu witu Roh.⁹ Niitumong tumuturei tu nendo kai liminga, nikai raai mina-ena-ena mako masombayang nikau wo makiwehe rior si Empung muta mei nikau kaampit pengetahuan witu kapaaran-na tunggorem pakasaan hikmat wo pengertian rohani. ¹⁰ Mako taintu, nikau toro tumou kaampit kalayakan tu sinaru ni Empung, masesenang nisia, witu pakasaan mamuali, toro mehewu'ana witu sapate paayangen geleos, wo tumou witu gorem pengetahuan ni Empung.¹¹ Satoro nikau ente-enei witu pakasa keketeran tanu kemuliaan kuasana rior nikau makaindo pakasaan katekunan wo kasabaran kaampit memaa-maar. ¹² Mehe syukuriou wia si Bapa sisimiwomong nikau toro makaindo wewetengan witu warisan ne tou-tou kudus tunggorem terang.¹³ Sia siminetaamong nikita witu kuasa karimbunan wo merah nikita witu karajaan okiina si kaupuseta. ¹⁴ Tunggorem-ena, nikita makaindo penebusan, pangampunan witu ndosa-dosa ta.¹⁵ Nisiasi gambaran wia si Empung, si raai palolohon, si tu'a witu pakasaan siniwo. ¹⁶ Ka wia nisia, pakasaan mbia, leos niitu waname surga kaapa wia kadatan siniwo, palolohon wo ndaai palolohon, leos niitu tahta, kakuasaan, pamarentah, kaapa se mahakuasa. ¹⁷ Nisia si wiamong witu ndaaipe wia walina-walina, wo sapate niitu tinopang mawali-wali tunggorem-ena.¹⁸ Nisia si rookos wia nawak, seamong se jemaat. Nisiakan kahai si katare si tu'a witu nantara se tou minatemong rior nisia mamuali si utama wia pakasaan minamuali mong. ¹⁹ Ka si Empung mapaar rior pakasa kawuitaan na mena witu gorem ena, ²⁰ Lumalan witu nisia, pakasaan padamaien kaampit nawak-ena leos se wia kadatan kaapa se waname surga niitu padamaien lumalan witu ndahana nyai ka serah tunatas kayu salib.²¹ Kau riorako nyai ka asing, mamusuh si Empung tu nutek-emu wo masiwo paayangen lewo, ²² Tarekan nikau nyainong dame wo nawak jasmani Kristus witu pinatean-na ka masesembah nikau manuali persembahan kudus, ndaai wana si cacat, ente' wo raaiwana si cela tu sinaru ni Empung. ²³ Niitumong, menaamong nikau tunggorem iman, ente wo teguh ndaai hogen witu pangharapan injil lininga niu, nyainong habar wituse pakasaan si niwo wia bawa' langit, wo witu nisia nyaku Paulus mamuali pelayan²⁴ Tarekan nyaku mapaa-paarete tunggorem kasusaanku ka nikau, ka witu gorem leonaku nyaku simafiamong sapape ndaai wia witu gorem pinendamei ni Kristus, ka nawak-ena seamong se jemaat. ²⁵ Nyaku kuminamuali pelayan jemaat ka kumakiit tugas maator pelayanan wia si Empung nyai wehemei wia nyaku maako witu nikau rior nyaku toro mahabarako firman ni Empung wuta karengan. ²⁶ Nyaaimong rahasia nyai rasindek witu saman mako tu saman wo witu taranak mako witu se taranak, taan witu tarekan nyai nong papalohomei, witu se tou-tou kudus-ena. ²⁷ Si Empung si paar mapaloloho wia nisea ka sia si kaya karengan rahasia mulia yaai, tu nuner ne bangsa-bangsa walina, ka si Kristus si witu gorem niu, niitumong pengharapan tu kemuliaan.²⁸ Nikai mahabar kumura nisia kaampit mategor wo mahajar si tou wo si tou witu pakasaan hikmat, makar nikai toro maali sei te si tou mamuali sela tunggorem ni Kristus. ²⁹ Niitumong, nyaku memendu-mendu, maberjuang kiit wo kuasana mapaayang rimber tunggorem-eku.

Chapter 2

¹ Ka nyaku mapaar tu kailekanniu mako kawuteran perjuangan siniwoku wia nikau, wo wia nikau wo wia nisea se witu Laodikia, wo witu se pakasaan tou se raaipe minahile-helekanako onyaku. ² Patoroangku niitu rior nate nea kahiburan wo ni esa witu leos makar nisea makaindo pakasaan karayaan minai witu jaminan pangartian wo pangatahuan tu rahasia ni Empung, nisia si Kristus sandiri. ³ Witu gorem ena nyai kasinder pakasaan harta wo hikmat kaampit pengetahuan.⁴ Nyaku mailaame wia nikau nyaai waya rior ndaai wana si tou raai lumihu nikau o pengindo-ngindoaai saitu palilingaan muntep witu akal. ⁵ Ka maane nawak eku ndaai mawali-wali nikau, taan nyaku mawali-wali nikau tunggorem Roh, wo nyaku mapaa-paar karengan maloho palinga-lingaan niu geleos karengan wo kaketean iman niu tunggorem ni Kristus.⁶ Niitumong, ka nikau timerimamong si Yesus Kristus si Empung, tumoumong memehe-mehe tunggorem-ena. ⁷ Kumalat wo wongken nawak-emu tunggorem-ena, enteen iman-emu, tanumong nyai ajar wia nikau, wo wuta-wutan kaampit mawehe ucapan syukur.⁸ Tu megha-tegham rior ndaai wana si tou si mehe paan wia nikau kaampit najaran-najaran raai si isina, wo malilong, tu kanaramen netou omai, wo asas-asas roh kadatan, wo ndaai najaran leos wia si Kristus ⁹ Ka witute gorm nisia minena pakasaan kawutaan kailahian, si menou-nou witu bentuk jasmani.¹⁰ Nikau, kau minawutamong tunggorem-ena, sia si kapala witu natas pakasaan pemerintah wo se mahakuasa. ¹¹ Tunggoremena nikau kahai si nunat, ndaai sunat siniwo taan kaampit sunat siniwo ni Kristus, niitu kumetorei noki leona berdosa. ¹² Witu kau leleen, nikau kinubur mawali-wali si Kristus, wo kahai nyai toorei mawali-wali nisia lumalan witu iman niu tunggorem kuasa ni Empung, si timoorei nisia tu nuner ne tou minate.¹³ Maan rioraku nikau minatemong witu peniwo niwon niu ndosa, wo witu kadagingan niu, raai sinunat, si Empung sumiwo nikau tumou mawali-wali nisia, sa sia minampungo mako pakasaan palanggaran ta. ¹⁴ Sia si minatalou surat nutang wo natoran-natoran patuntuten mahape hubungan nantara si Empung wo nikita. sia si minindomomei niitu, wo tu paku namako witu kayu salib. ¹⁵ Sia si limukutou mako se pemerentah wo se penguasa, wo sumiwo nisea mamuali pengileken ne tou makairangen ka minunitungou nisia tu nafas kayu salib.¹⁶ Niitumong, tia pawawaya se tou mahakim nikau witu kumurareen tikohon wo panoonoten kaapa nendo raya agama, maraya serap weru kaapa nari sabat. ¹⁷ Pakasaan tiin minamualite bayangan kumura mamuali witu nendo maitaan kaulitan na siamong si Kristus.¹⁸ Tia pawaya si tou si paarete karendahan nate palsu, wo penyembahan witu se malaikat-malaikat mahakim nikau, nisea se tou-tou paarete maloloho hal-hal nulit, makar sumiwo gegenangan nea mamuali sombong ka gagasan-gagasan kaoatan. ¹⁹ Se tou taintu, seraai timimboi rembet witu si kapala. Si kepala tiin si mahali-ali nawak, wo pakasaan nawak niesa o sendi-sendi wo nohat-nohat, pakasaan tiin tumou wo sumela wia si Empung o mai.²⁰ Sa mawali-wali si Kristus nikau minatemong witu asas-asas kaoatan, kaa kau maasa-asare tanu nikau taintupa kaoatan, wo makiit natoran tanu ²¹Tia mapendam, tia mananam, tia patempungan, ²² Natoran-natoran yaai maapu saitu kiniitou, ka natoran-natoran tiin siniwo nyai dasar tu prenta wo najaran nitou. ²³ Natoran-natoran tanu nyaao palolohon tanu bijaksana kaampit mapaloloho ibadah, nyai pusat witu nawak wo karendahan nate palsu wo malewo nawak. Taan pakasaan nyaai ndaai wana si nilai wayate mawewesu leo na.

Chapter 3

¹ Sakau nyainong toorei mawali si Kristus, seron sapa-sapa wana natas, tampa ni Kristus witu sinyai ruhumun witu leleos ni Empung ² Genangen leos sapa-sapa mbana natas, ndaai sapa-sapa mbia kaoatan. ³ Ka, nikau minatemong wo penou-nouan niu nyai kasindek mawali-wali si Kristus tunggorem ni Empung. ⁴ Witu si Yesus, nisia si katotouan niu, mapaloho nawak-ena nikau kahai kau paloloho tunggorem kemuliaan mawali-wali o nisia.⁵ Niitumong patenako sifat-sifat sapate niitu tu kaoatan o mai niitu waya tanu makakaauwuan, kecemaran, hawa nafsu, paar malelewo, wo sorookep, niitu masembah wia se opo-opo. ⁶ Nyaaimong waya mamuali kaupian karengan ni Empung, tarekan mahaimong. ⁷ Riorako nikau masiwo niitu, witu nikau menou-noupe tunggorem-ena ⁸ taatarekan, tia momako waya pakasaan niitu, mengupi, maupi karengan, maseso, mafitnah, mengila-ngila saparua wia wihiwimu,⁹ Tia kau matotowoan kanikau timelaaumong katotouan ure mawali-wali peniwo-niwon gelewo niu, ¹⁰ Lambungenong lambung weru,wo pawerus memehe-mehe witu pangatahuan masuat wo gambar wia si simiwo niitu. ¹¹ Tum pakasaan nyaai, ndaai mong wana si pailaaan tou Yunani, kaapa tou Yahudi. Tou sinunat kaapa tou raai sinunat, tou bar-bar kaapa tou skit (sea se tou raai makailek nahandat), tou budak kaapa tou merdeka, taan si Kristus siamong si pakasaan tunggorem pakasaan mbia.¹² Niitumong ka minamualimong tou-tou sinisir ni Empung, si kudus wo si paleosen, lambungenako wia nikau kaleosan, karindaan, ateleos, kalembutan, wo kasabaran. ¹³ Sumabar sitou witu setou walina, wo makaampungan sa wewehan tou simeleko mako si tou walina. Masuat tanu si Empung, si minampungomei nikou, wo nikau kahai maamung-ampungan. ¹⁴ Tunatas pakasaan nyaai lambungenako kaleosan, niitu minamuali wawaakes sempurna karengan.¹⁵ Maanong damai wo sejahtera Kristus, mali nate niu ka niitumong nikau tinowa mamuali esa awak wo mawehe syukur. ¹⁶ Maanong, paila ni Kristus mena'wia gorem niu kaampit kalimpahan, witu pakasa hikmat nikau mahajar wo mengenge esa wo si esa tou kumantar mazmur, kakantaren pujian wo kakantaren rohani, pakasaan wuta o mawehe syukur, tunggorem natemu wia si Empung. ¹⁷ Sapate papa paayangen niu witu paila kaapa pasiwon-siwon waya tiin witu ngaran ni Tuhan Yesus, wo mawehe syukur witu si Empung, Bapa ata lumalan witu ni sia.¹⁸ Kaawu-kaawu wewene lingan si kaawumu, kumura taintu tunggorem ni Empung. ¹⁹ Kaawu-kaawu tuama, kaupus ako si kaawumu, tia pa kasa-kasaren nisia. ²⁰ Se oki-oki, palinga-lingaan se tuamu witu sapate paila nea ka niitu masenang si Empung. ²¹ Ei kau papa-papa, tia masiwo ndaai kapaar ne oki makar sea maupi rior nisea raai marepu semangat nea.²² Budak-budak, malinga-linga wia si tuan emu wia kaoatan yaai witu pakasaan, siwon niitu ndaaite kase limohomong nikou, wo kaampit maseseng nisea taan kaampit tulus ate kamainde si Empung. ²³ Sapate siwon niu, siwonako lumeo leos tu pakasaan nate tanu kapaaran ni Empung ndaai pawewehe se tou, ²⁴ Ka kailekan niu ka witu si Empung nikau kau tumerima warisan mamuali gajimu, Kristus Empungou si tarekan palayanen niu. ²⁵ Ka si tou simiwo lewo si makaindo wawaer, witu kasumelokan siniwona wo raaiwana si toro kalempot.

Chapter 4

¹ Tuan-tuan siwonako se budak-budak emu tu kaulitan wo kaadilan ka kailekan niu kau kahai wewehan tuan na sorga.² Tumekun witu sombayang, wo jumaga-jaga kaampit mawehe syukur. ³ Masombayang kahai wia nikai, rior si Empung muka-amei pepenet witu firman makar nikai toro mahabarako leos rahasia ni Kristus, ka nisia nyaku nyai untep tu panjara. ⁴ Sombayangei rior ku toro lumilaame nterang sakumura nyaku mengila-ngila.⁵ Sumikapou mabijaksana witu se tou-tou luar, kaampit make kesempatan lumeo leos, ⁶ Maanong pailaamu wiita o kaleosan, winehan wuras rior tu kailekan niu kumura mawiwingkot se tou.⁷ Tikhirus si sumirita pakasaan nahabar kumura nyaku. Nisia si patuari esa iman eta si kaupus, si pelayan setia wo kaampit mapaayang tunggorem ni Empung. ⁸ Nyaku ku rimeho nisia wia nikau, kaampit malilila nikau makailek sa kumura nikau, wo sia toro mente nate niu. ⁹ Sia si mai kaampitenei ni Onesimus, nisea se mange lumila wia nikau sapate minamuali wiai.¹⁰ Kaampiteku pinenjara, Aristarkhus, kumirime sighi wia nikau, taitukan kahai si Markus pahanaken ni Barnabas, sakumura nisia, nikau makailekou tuturu, sungkulani sia sa sia maimong wia nikau. ¹¹ Wo sighi ni Yesus si patowaan Yustus. Tu nantaria se kaampit palayanenku wehe karajaan ni Empung, niseate waya se witu tou-tou sinunat o mai, wo nisea simiwo nyaku kahiburan.¹² Si Epafras, patuari esa iman niu, si hamba Kristus Yesus, kahai minehemei sighi wia nikau nisia si salalu masombayang nikau rior kau toro tumoorrendai wo wuta ongkayakinan witu pakasaan kapaaran ni Empung. ¹³ Nyaku toro mehemai kasaksian kumura nisia siminenoan kasusaan wia nikau, wo wia nisea sewitu laodikia wo hiera polis, ¹⁴ Si Lukas, dokter leos wo si demas mineheme sighi wia nikau.¹⁵ Weheme sighi-iku wia nisea patuari esa iman witu Laodikia wo witu Nimfa, wo se jemaat se witu bale nea. ¹⁶ Saitu surat yaai nyainong baca mako wia nikau bacanako kahai witu se jemaat ntu laodikia. Putarei bacanako witu se jemaat ntu laodikia. ¹⁷ Lilamako witu si Arkhipus, "Genangen leos rior nikau sampetako paayangen tugas palayanen tinerima niumong wia si Empung.¹⁸ Nyaku, Paulus, timulis salam yaai kaampit lawaseku sandiri. Genangen mbawaakeseku. Anugerah ni Empung mawali-wali nikau.

1 Thessalonians

Chapter 1

¹Wia si Paulus, Silwanus, wo si Timotius witu se jemaat tu Tesalonika witu gorem ni Empung wo witu gorem ni Empung Yesus Kristus. Anugerah wo kaleosan mawali nikau.²Nikai raai mena mawehe syukur wia si Empung ka nikau waya, ³wo mengila-ngila nikau witu sombayang nai, wo magenang paayangen iman, kaleosan, wo mengulit witu paarapen tunggorem ni Empung eta Yesus Kristus, tusinaru ni Empung wo Bapa Ata.⁴Patuari waya, kau kaupus ni Empung, rior tu kailekan niu, ka nisia si simisir nikau. ⁵Ka Ninjil nai ndaai minai wia nikau, witu gorem mengila-ngilaate, taan witu gorem kuasa, wo witu gorem Roh Kudus kaampit mapercaya karengan, tanu kailekan niu, nyaai waya ka pemandungen niu.⁶Nikau, kau minamuali'mong tou-tou mawehe tuturu wia nikai wo si Empung, ka nikau minakaindo'mong firman witu laker kapeendisan, kaampit kapaaran wia si Roh Kudus, ⁷rior nikau mamuali kikiitan, wia se pakasaan tou mapercaya tu Makedonia wo Akhaya.⁸Ka wia nikou firman ni Empung kinalingaan ndaai te witu Makedonia wo Akhaya, taan kahai witu pakasaan tampa imanemu wia si Empung nyai nong karangket, makar nikai raai mong toro lumila sapa-sapa. ⁹Ka, nisea te se masiritamong sa kumura nikai, kumura nikau timando nikai, wo kumura nikau minareng sumaup witu si Empung, rimoou mei witu opo-opo, ka maselewir si Empung si matou-tou wo nulit. ¹⁰Wo kaampit maana si Anak-Ena mangemai, na sorga, si nyai na toorei witu nantara ne tou minate, siamong si Yesus, si limempot nikita witu nupi karengan mangemai.

Chapter 2Paayangen Ni Paulus Witu Se Jemaat Tu Tesalonika

¹Patuari waya, nikau waya makailek, ka nikau minai wia nikau pailaan ndaai si kaara'an taan kaaraan karengan. ²Maan taintu nikai minendamong, kapeendisan, tanu kailekan niu, pa weewelen wo paseseroan nea witu Pilipi, wo nikai wewehan kaberanian tung gorem ni Empung masikita Ninjil ni Empung wia nikau, witu nuner ne tou masaru.³Ka tuturu nai ndaai witu lewo o mai, ndaai kahai pailaan ndaai ulit kaapa si melok. ⁴Taan, tanu nikai tinuru umong ni Empung, mapercaya ninjil, taintukan kahai kai maila; ndaai masesenang se tou, taan nikai masesenang si Empung si mauji nate nai.⁵Nikai kai raai minai minali temei mengila-ngila, maalur nikau, tanu kailekan niu, kaapa mahalimei mawewehe sapa-sapa wia nikai, kaapa nikai makiwehe sapa wia nikau. Si Empung si minamuali sairi nai. ⁶Nikai kahai, kai raai masero lolooren, wase tou, lolooren wia nikau kaapa tou walina, maane kai minamuali'mong rasul-rasul ni Kristus, nikai toro tumuntut niitu. Wia nikau.⁷Pasui mei, nikai minai kaampit kaleosan, wia nikau, tanu si mama maurus wo masesela se oki-oki na sandiri. ⁸Niitumong witu gorem nupus wo leos sela wia nikau, nikai paar mawewehe nikau, ndaate ninjil ni Empung, taai kinaampit penou-nouan nai te, ka nikau, kau kiwehean nupus nai. ⁹Ka nyaai toro genangen niu, patuari waya, pakasaan paayangen wuter nai, kumura nikai mapaayang nendo wo weng rior nikai raai mamuali kawuteran wia nikau, witu nikai mawehe nahabar ninjil ni Empung nikau.¹⁰Nikau waya minamuali sairi-sairi, kaampit si Empung si suci karengan, ulit wo si raai wana si kasumelokan, nikau toro tumou wia nantara niu tou mapercaya. ¹¹Tanu kailekan niu, nikai mangeenge, mahibur, mareho nikau esa wo si esa, tanu si papa witu si oki-oki ina sandiri. ¹²Rior nikau, penou-nouan niu, makiit kapaaran ni Empung, si timowa nikau muntep witu karajaan wo kamulyaan Na sandiri.¹³Nikai kahai maila temako syukur witu si Empung, witu pakasaan nyaai, ka witu nikai makaindo firman ni Empung, lininga niumong wia nikai, kinalingan niumong waya ndaai paila ni tou, taan nulitena niitu waya nyai lila ni Empung, si mailaame wia nantara niu, tou-tou mapercaya.¹⁴Patuari waya, nikau minamuali mong tou-tou pakiitan ne jemaat-jemaat ni Empung tunggorem ni Kristus siwitume Yudea. Ka nikau kahai kau minendamo mei kasusaan masuat, witu setou-tou kawanua kan, tanu pinendam nea mei witu se tou-tou Yahudi. ¹⁵Se mi nunu' si Empung Yesus kaampit se nabi-nabi, kaampit nisea mahure nikai. Nisea se raai masesenang si Empung, sea paarete mamuali musu wia pakasaan setou. ¹⁶Nisea se mahape nikai, mako malilila witu setou-tou raai Yahudi, rior nisea toro kalempot. Taintumong nisea paar mawuwuta ndosa nea, taan rangu timumpa momei, tu natas nea wuta karengan.Kapaaran Ni Paulus Mako Mahilekan Sumaup Wo Se Jemaat Witu Tesalonika ¹⁷Patuari waya, ndaai te ure, nikai sumeengketei wia nikau, nawak nai te ndaai si mukur nai, nikai malelo karengan wo paar mahilekan o nikau waya. ¹⁸Ka nikai paar mai wia nikau, nyaku temei Paulus, woomong minakapira, taan se iblis-iblis se mahape nikai. ¹⁹Ka sei si minamuali, paarapen, kapaa-paaren, kaapa makota paasa-asaren, nai tu sinaru ni Empung, witu nisia si mangemong mai? Ndaai reen nikau waya? ²⁰Nikau mong waya si minamuali paasa-asaren wo kapaa-paaren nai.

Chapter 3Nahabar Leos Wia Si Timotius, Kumura Se Jemaat Witu Tesalonika

¹Niitumong, witu kai raaimong makatahang, nikai maesaan nate mena' mataasaan witu atena, ²wo kai rumeho si Timotius, patuari nai wo sia si pelayan ni Empung, wo si kaampit nai mapaayang, witu ninjil ni Kristus, wia nikau, ma-ente wo mawehe tuturu, wia nikau, sakumura iman niu, ³rior ndaai wana sitou mohoge, witu kasusaan-kasusaan yaai. Ka kailekan niu mong, nikita tinantu momei mendam niitu.⁴Wo witu nikai mawali-walipe nikau, kai raai mena maila nikau ka nikita ta mendam kapeendisan, wo niitu minamuali mong tanu kaikan niu mong. ⁵Niitumong, witu nyaku raai'mong tumahang, nyaku rumeho, mako mailek iman niu, kumaide katia se magoda se minai'mong magogoda nikau, wo pinaayanganai mamuali raai si kaaraan.⁶Taan tarekan, si Timotius si minarengo mei wia nikai witu tampa niu, wo si minahali momei nahabar leos sakumura iman wo kaleosan niu wia nikai, ka nikau, kau simimpangou gegenangen geleos wia nikai wo melelo-lelo nikai, tanua kau kahai nikai malelo wo paar mahilekan o nikau. ⁷Niitumong patuari waya, witu pakasaan kasusaan wo kapeendisan, yaai, nikai ni hibur niu witu iman niu.⁸Tarekan, nikai toro tumou sakau tumoor karengan tunggorem ni Empung. ⁹Ka lumila syukur sapa, toro wehe nai persembahan witu si Empung ka nikau, sawel pailasaan kasenangan papendamenai tu sinaru ni Empung, ka nikau? ¹⁰Nendo wo wengi nikai masombayang maulit, ka nikai paar mahilekan o nikau, wo lumengkap sapa pe ndaai wia, witu iman niu.¹¹Tarekan, maanong si Empung si Bapa-ata sandiri, wo si Yesus Empung eta, si tumuru lalan nai mai wia nikau. ¹²Satoro si Empung sumiwo nikau tumou wo kaawesan witu kaleosan wa sitou mako setou walina, wo pakasaan se tou tanu siniwo nai wia nikau. ¹³Satoro nisia si mente nate niu, weresi wo suci tu sinaru ni Empung wo bapa-ata witu si mangemai si Empung eta Yesus mawali-wali se tou-tou kudus-ena.

Chapter 4Penou-nouan Witu Makapaaren Wia Si Empung

¹Kamurian, patuari waya, nikai makiwehe wo ngumeenge wia nikau tunggorem Yesus Kristus rior tanu sapa kinaindoan niumong wia nikai sakumura nikau tumou wo makapaaren wia si Empung siwonako niitu makaleos. ²Rior tu kailekan niu prenta-prenta sapa nyai nai lila wia nikau, lumalan witu kuasa ni Tuhan Yesus.³Ka nyaai mong kapaar ni Empung: kakudusan niu, ka nikau sumeengketako witu maka kaawuan; ⁴Ka nikau esa wo si esa makailekou kumura makukuasa nawak emu sandiri witu gorem kakudusan wo ngaran leos, ⁵ndaai witu gorem mapaar wo wuta pemendamen ndaai mong katahangan tanuate se tou-tou raai kemenal si Empung, ⁶rior tiak wewehan tou si lumawet wo malilihu si patuarina wia tanu nyaai. Ka si Empung, nisia si maer wia pakasaan nyaai, tanu nyai niu lila katare-tare wo tu ngeenge nai me leos wia nikau.⁷Si Empung si timowo nikita ndaai nikita mamuali ndaai wana si kakudusan taan mako witu kakudusan. ⁸Niitumong, sei te sia si tiak tumerima najaran yaai, sia si raai timolak si tou, taan nisia timolak si Empung, si minehemei Roh Kudus Ena wia nikau.⁹Taan witu kaleosan papatuarian, nikau ndaai paar wewehan sitou mai mapapatik wia nikau, ka nikau te kau nia jarou ni Empung, witu maleo-leosan esa wo si esa. ¹⁰Wo kahai, nikau simiwomong niitu witu se patuari-patuari tu Makedonia, taan nikau patuari-patuari, nikai makiwehe wia nikau, siwone niitu makaleos, ¹¹wo maulid, rior penou-nouan niu, ndaai wana si karaungan, nurusan sasapa nurusan niu te wo maayang kaampit lawas niu te tanu nyai turu'wia nikau. ¹²Rior nikau tou kumelang katotowan niu mamuali geleos tu sinaru ne tou wia luar wo raai wana si kakurangen sapa-sapa.¹³Patuari waya, nikai raai mapaar sa wewehan wia nikau raai makailek sa kumura se tou-tou minatemong, rior nikau raai masusa tanu se tou-tou raai wana si paarapan. ¹⁴Ka, sa kita mapercaya kasi Yesus si minatemong wo si nyai toorei sumaup, nikita kahai mapercaya kasi Empung, si merur nisea se minatemong, tunggorem ni Yesus mako mawali-wali wo nisia. ¹⁵Nyaai paila nai me wia nikau, kaampit firman ni Empung ka nikita menou-noupe, wiape makar si Empung mai, raai rumior nisea se minatemong.¹⁶Si Empung sandiri si tumumpamei na surga kaampit mailaamei, wewehan pengilaamei ne malaikat-malaikat kaampit lengku una tromopet ni Empung, wo se tou-tou minate tunggorem ni Kristus se rumiorei mawongke. ¹⁷Tumondong niitu nikita matou-toupe, nyai pe katelaan, ta popone mawali-wali mange waname u nahak kaampit nisea mako mahilekan si Empung wana natas, wo mako taintu, nikita mawali-wali wo si Empung. ¹⁸Niitumong, ako iboren si esa wo si esa witu sapa nyai nong lila yaai.

Chapter 5Smiap Witu Si Empung Mai

¹Tarekan, patuari waya, kumure nendo wo kawisa, ndaai mong papa patik wi nikau. ²Ka nikau te makailekou karengan ka nendo ni Empung mai tanu si rongkit witu mbengi. ³Wo se tou-tou lumila: Leos wo penes, patean maimong, witu nisea sumenge temei, tanu si wewene matahang rumara kasi katouanomei oki, wo nisea se raai kalempot nawak.⁴Taan patuari waya, nikau ndaai tumou tunggorem karimbunan makar nendo tiin mai wia nikau tanu si tou rongkit. ⁵Nikau waya kau oki-oki terang, wo oki-oki tu kadatan nikita ta raai tumbengi o mai, kaapa witu karimbunan. ⁶Niitumong tiak nikita matetekel tanu se tou walina, taan maimong nikita tumegha-tegham. ⁷Setou timekel, witu mbengi wo si tou tetelewen, wo si tinelew witu mbengi.⁸Taan, ka nikita ta oki-oki nterang, maimong nikita masadar lumam'bung, lambung tabal, iman wo kaleosa, wo make poporong paarapan wo kalempotan. ⁹Si Empung si raai timetap nikita mendam kaupian, taan witu nikita toro kalempot ta lumalanete witu si Empungeta Empung Yesus, ¹⁰Sia si minate, ka nikita waya rior nikita wongke kaapa timekel toro mena mawali-wali nisia. ¹¹Niitumong, maentean esa wo si esa, wo mawowongkean tanu pasiwon niu tarekan.Tuturu Kamurian Wo Sighi ¹²Patuari waya, nikai makiwehe, paormatanako wia nisea se mapaayang wuter tu nantara niu wo se mahali nikau tunggorem ni Empung wo se mategor nikau. ¹³Paargan nako leos sea witu kaleosan ka paayangen nea tumoumong tu maleo-leosan esa wo si esa. ¹⁴Nikai matondo nikau patuari waya, luhu puanako nisea se tou tiak mapaayang, enteenako sea se oki ate, sawangan nako nisea se raai si keter, wo sumabar wia se pakasaan tou.¹⁵Gena-genangen rior raai wana si tou si mawawaer kalewoan o kalewoan, taan maulitako sumiwo geleos tu nantara niu wo se pakasaan tou. ¹⁶Mapaa-paarete! ¹⁷Tia mahena masombayang! ¹⁸Mawehe syukur witu pakasaan, ka niitu kapaar ni Empung wia nikau tunggorem ni Kristus Yesus.¹⁹Tia papa paten Roh!* ²⁰Tiak palolohon wawa' nubuat-nubuat!* ²¹Taan ujinako pakasaan, timboyan sapa geleos. ²²Rumoou mei witu pakasaan kalewoan.²³Mengiwehe-ngiwehe mong wia si Empung, nupus wo leos ena kumudus nikau pakasaan, satoro Roh, jiwa wo nawak niu papiaran pakasaan, ndaai wana si pela' makar mai si Empung eta Kristus Yesus. ²⁴Nisia si timowa nikau, nisia si setia nisia si sumiwo niitu.²⁵Patuari waya, sombayangei kahai nikai! ²⁶Wehanako sighi witu se pakasaan patuari, kaampit siong kudus. ²⁷Nyaku makiwehe wia nikau, witu ngaran ni Empung bacanako surat nai yaai, witu se pakasaan patuari waname. ²⁸Anugerah ni Empung eta, Kristus Yesus mawali-wali nikau.

1 Timothy

Chapter 1Sighi wia si Timotius

¹Paulus Rasul ni Yesus perenta ni Empung oh Yesus Kristus pasandaranta. ²Si Timotius si oki ni Paulus wia iman. Anugerah, belas kasih, damai sejahtera wia si Empung, Yesus Tuhan neta.Tuturu Lumawang Pahajar Raai Ulit³Sah aku mangkattou witu Makedonia, kou tetap mena wia Efesus. oh lou maturu se tou raai toro mahajar im balina, ⁴tia malinga in dongeng-dongeng kaniitu daai sikaapuan.⁵Nitu mamualite maindoan uma daai masiwo kapaar ni Empung, perentana kita masiwo waya inggeleos, tumuur wia nateta. ⁶Wewehan si tou simelok wia sirita nea. ⁷Wewehan sepaar mamuali ahli hukum Taurat, taan selengei lumila, ka daai pasiwon nea. ⁸Hukum Taurat niitu geleos, saitu pasiwon ka Hukum Taurat siniwo raai se tou benar, taan si niwo, se tou malangkoi ikabenaran,⁹se tou lewo, se tou laker dosa semawunuh, se tou mawunuh se tua, ¹⁰setou cabul, sepemburit, semasindek se tou, se matowo, se masumpah oh pakasaan daai maselak oh ajaran geleos, ¹¹oh mindo dasar wia injil wia si Empung ka niitu geleos nai percaya.Tarumakaseh Wangko wia Nupus Oh Karunia ni Empung¹²Ku matarumakaseh wia si Empung, makuat niaku, oh si Yesus Tuhan si setia minehe pelayanan wia niaku. ¹³Rior kumianiaya se tou, kulewo penghojat, taan niitu waya, pinasiwo Paulus, ka rior, raaipe makailek si Tuhan.¹⁴ Tarumakaseh kaku tinowana, oh mamuali Rasul.¹⁵Nai lila yaai nulit. Toro terimanen leos, si Yesus Kristus, minai wia kaowatan, minai sumelamat se tou berdosa, kapakasaan niaku waya si laker dosa wia se tou wia kaowatan. ¹⁶ka niitu si Tuhan Yesus timowa niaku oh se tou limoho ing kalakuanku, oh sea mabertobat. ¹⁷Si esa si Empung paormatanta makar ing kaure-ure. Amin.¹⁸Perenta yaai nai wehe si Timotius okiki oh kou mapaayang leos, oh timboyan leos iman oh nate leos, ¹⁹behehan se matolak tia masiwo, oh kakandas iman nea. ²⁰Tamu si Himeneus oh si Aleksander, senai serahkan wia si setang, oh sea mahajar tia mahojat.

Chapter 2Sumombayang Pakasaan Netou

¹Katare-tare ila kume ni kau, yayome sombayang tarumakaseh wia pakasaan ne tou. ²Wo se raja-raja wo se pakasaan ne rimuhumun wia pemerintahan, o rior kumelang wia senang o dame, wia pakasaan kaleosan wo kaormatan. ³Hal yaai geleos wia sinaru ni Empung, juru selamat'ta, ⁴Kapaar pakasaan ne tou maselamat o, kaayo witu pengetahuan kabenaran.⁵Nesate Empung o,nesate pengantara wia si empung wo se tou, siamong si Yesus Kristus, ⁶si minehe nawakena sandiri timubus se pakasaan ne tou. naina ila, witu tempo tinantuna. ⁷Ni itu mong nyaku tinantu mamuali pengkhotbah, wo mamuali Rasul, nyaku maila ulit, nyaku raai matowo wo guru wia iman, wo kaulitan wia pakasaan bangsa-bangsa walina.Kabiasaan ne tuama o se wewene wia ibadah jemaat.⁸Ni itu mong kapaareku se-tuama-tuama, wisate tampa pasombayangan wo mahangkat lawas sena lenas, raai maupi wo daai mapeipet.⁹Taintukan kahai kapaareku se wewene mapake lambung pantas, sopan mahator inawak sendiri. Peperongena endaai buuk cinako-cako, emas, mutiara, kaapa lambung makal, ¹⁰melainkan pasiwo-siwon leos, sebagaimana pantas se wewene wewehan kesalehan.¹¹Si wewene musti majar wia katenangan wo pakasaan ketaatan. ¹²Taan nyaku rai paar se wewene mahajar kaapa maperentah se tuama. Taan se wewene musti tatap tenang.¹³Ka si Adam siniwo katare, baru tumondong si Hawa, ¹⁴ndai si Adam si tinipu, taan si wewene si tinipu, o kanawu witu ndosa. ¹⁵Taan, wewene maselamat sa, maberuntung, asal trus beriman, kasih, wo kakudusan wo mahator i nawak.

Chapter 3Tuturu se mahurus se Jemaat

¹Nulit niitu, "Sitou paar mahurus se Jemaat, si paar paayangen geleos." ²Si mahurus se jemaat, sitou raai wana si cacat, kaawu esate sibijaksana sigeleos sisopan sipaar masambut setou sia mahajar setou. ³Raai manoonot raai lewo, sileos, kodame oh raai roko roit.⁴Sitou pahindoan contoh ne okina. ⁵Sasia lengei mahurus rumah tanggana, kumura sia mahurus se jemaat ni Empung?⁶Tia sitarekan mabertobat, oh sia masombong, oh sia paken ni setang. ⁷Si wewehan ngaran geleos wia se luar ne jemaat oh sia raai paseseroan.Tuturu wia se Pimpinan ne Jemaat⁸Taintumong semahurus se jemaat se paormatan se raai rua lila, se raai mahewe i anggor, raai sorookep. ⁹Taan se sia mahurus iman nea wia nate nea. ¹⁰Se njinne rior, oh sea tetapen mahurus se jemaat sa sea raai wana sicacat.¹¹Taintumong kahai sewewena, sitou paormatan, siraai toro masesero, sitoro tumahang sitoro papercayan wia pakasaan.¹²Situama mahurus se jemaat, si esate kaawu,sia mahurus seoki, sia mahurus i rumah tanggana oh geleos. ¹³Kase malayan inggeleos, makaido rurumunan geleos wia iman nea, oh semamuali terang wia pakasaan.¹⁴Kai lekanku kutoromai wia nikou, taan patikkeku wia nikou ¹⁵saaku kalat, kailekan numong kumura kau wia si Empung, oh wia si Empung kau tumou, oh maido matongka i nulit.¹⁶Kumengaku kumura kawangko ing kaleosan kesalehanna: "Nai papaloho wia daging oh ni ulit wia si Roh, linoho ne malaekat-malaekat oh nai lila tou pakasaan pinercaya wia kauowatan, niangkat witu ka geleosan."

Chapter 4Nai Ngenangei Setou Penyesat

¹Roh limila jelas kesempatan kamurian, setou walina setumelaau imanea wo sumerahkan nawakena wia se roh-roh penyesat wo ajaran-ajaran setang-setang. ²Ni sea kinapengaruan dengan cara kamenafikan ne kotowo o nate nurani nea cinapanong e besi paso.³Ni sea malarang se tou makaweng, wo malarang setou mindokakanen ciptaan ni Empung. Sapakakiiten indong kampit parumakasean nemapercaya wo makilek e kaulitan. ⁴Ka baya pakasaan ciptaan ni Empung, ni itu leos, dai wana e haram, sa terimanen wo mengucap syukur. ⁵Ka pakasaan ni itu linenas im firman ni Empung wo sombayang.Paayangen Ni Kristus Yesus geleos.⁶Samajar hal-hal niai wiase patuari-patuari se iman, kau mamuali pelayan Yesus Kristus geleos, kemurahan dinidikou wia sirita-sirita iman o ajaran sehat wia tinerima niumong. ⁷Rumo ou wia sirita-sirita naai kaulitan o dongeng-dongeng ne tua-tua, taan latinou nawakemu wia kasalehan. ⁸Latihan jasmani noki ite kagunaan, taan kasalehan laker kagunaan kabewehan janji for penounouan tarekan wo nendo wia rior.⁹Sirita yaai nulit karengan ni itumong terimanea makaleos. ¹⁰Ni itumong kita maayang leos o maberjuang. Ka kita wewehan pengharapan wia si Empung yang hidup, ka nisia semelamat pakasaan netou, lebih-lebih se tou percaya.¹¹Pakasaan niai ajarako wo perentamako. ¹²Rai wana sitou maoki nikou ka kou mudape, taan mamuali teladan wia setou percaya, wia kata-katamu, wia kalakuanmu, kasih, iman dan kesucian. ¹³Makar nyaku mai tetap mabaca alkitab wia mawehe tuturu o wia mahajar.¹⁴Tia pasiasian karunia rohani wia ni kou, eh nai wehe ni kou melalui nubuatan witu tempo se penatua timumpang tangan wia nikou. ¹⁵Marajing-rajing sumiwo pakasaan nilai, wehe pakasaan nawakemu sumioniai o pakasaan nawakemu sumiwo niai, wo pakasaan ne tou lumoho kamajuannu. ¹⁶Tarukiraan makaleos kumura kau menounou o sapa nainu ajar. Tumekun wia pakasaan ni itu kakosumelamat nawakamu, wo pakasaan neliminga ajarannu.

Chapter 5Cara Mategor Se Kasuat Tou

¹Tia kasar mategor se tuama-tuama tua, taan siwon sea tanu si papa. Se tuama-tuama mudape anggapen sea patuari. ²Se wewene tua pasuaten tanu si mama. Sa se wewene lebe muda, tanu se patuari wewene wuta kasucian.Manganai Se Para Janda³Pa ormatan se memang tanu se janda uli-ulit janda. ⁴Taan se janda wewehan oki, kaapa puyun, sea se katare majar bakti wia pakasaan ne wiambale. Ka se simiwo taintu se minaerow budi wia se tua nea. Ka niitu kapaaran ni Empung.⁵Si janda ulit-ulit sandiri, sia musti mehe harapan na wia si Empung o sumombayang terus noat ombengi. ⁶Taan si janda wayate mengela-ngelang, tanumong si tou minate maan sia menou-noupe.⁷Parenta mako wia se jemaat hal-hal yai o, rior sea raai bercela. ⁸Taan sasea raai mahurus se patuarina sandiri, berarti sia simangkolau iman nena, sia lebe soe, dari pada sitou raai percaya.⁹Si janda daftaren si wewene umur paling ngoki enam puluh taon, makawu esate. ¹⁰Ka kinenal wia pasiwo-siwona geleos, simelamei seoki, mawehe tumpangan mahowas nae netou lenas, timulung setou kapediisan, wo tumekun wia paayangen geleos.¹¹Taan se janda-janda lebe muda, tia pauntep wia daftar, ka saitu mai birahina sumiwonisia raai pandung si Kristus, ka sepaare kumaweng. ¹²Hal yaai sumiwo ni sea peendis karena mengingkari janji katare siniwonea sebelumnya. ¹³Katawi niitu sea minabiasamong mamalas-malas, meronron imbale witu nesa ombale walina. Raaite niitu sea magosip wo macampuri urusan netou walina o mengila-ngila endaai kaulitan.¹⁴Jadi kapaareku se janda-janda muda kumawenge sumaup omakaindo oki, wo murus rumahtangga nea, supaya se musuh nea raai wana sikesempatan untuk mencela nisea. ¹⁵Ka sewoomong pira tou kimiitou si setan. ¹⁶Sa wewehan wewene percaya, o wewehan patuari janda, seamong se murus si janda nea. Orior gereja mutusou se janda-janda walina se butul-butul tulungen.Tentang Penatua dan Hal-Hal Lainnya¹⁷Se penatua mahurus leos se jamaat, pa ormatan makarua. Talebe-lebe se mapaayang butul-butul, se mahajar ose mahotbah. ¹⁸Ka alkitab limila tia pakeroman suma ni sapi ka si sementara makan gandum. Si tou mapaayang pantas tumerima upah.¹⁹Tia paterimanen tuduhan naituduh se penatua kecuali wewehan bukti, osaksi rua kaapa telu tou. ²⁰Se masiwo dosa musti tegoren wia sinaru pakasaan ne tou, orior se walina mainde sumiwo dosa.²¹Wia sinaru ni Empung, Yesus Kristus, o se malaikat sinisir, nyaku milame nikau makaulit-ulit orior kumiit tuturu yaai, oraai selok masangka wo menigi weren. ²²Tia mario-rior matumpang lawas wia si seite tou kaapa tia makiit mahindo bahagian wiandosa ne tou walina. Jagan nawakemu sandiri orior kou tatap suci.²³Raaite manoonot rano puti, taan mindo mako oki anggor, ka kou mokimei sakitan o raraan tian. ²⁴Dosa ni tou walina palolohan karengan ka mali nisea makar witu pengadilan. Taan dosa ne tou walina lohon nokan kamurian. ²⁵taintukan kahai bewehan pasiwosiwon geleos, palolohon karengan taan pasiwosiwon leos raai paileken, raai trus kasindek.

Chapter 6Petunjuk Khusus untk Para Budak

¹Pakasaan se tou timanggong se babu satoro paindon si tuang nea paormatan, oh ngaran ni Empung oh pahajar eta, raai pahojaten ne tou. ²Sasituangemu paperacayaan tia painaan no hormat wia nisia ka kita matuari wia si Kristus, oh satoro sia palayanen onggoleos ka si tuang tii materima kamang wia papaaya ngena oh si patuarita oh si papercayaan.turuun oh ajaren pakasaan seamengai sumakit bersilat kata oh cinta in doit³Sasitou mahajar i ajaran laeng oh raai makiit inai lila ni Tuhan Yesus Kristus oh raai makiit i ajaran tanu ibadahta. ⁴Sia sitou mapailek sia, padahal raai makailek sapa-sapa sumakittena waya menero-nero soal oh maselok ing kata mako waya mua tu dengki maselokan fitnah macuriga, ⁵maindoan oh setou raai mapikir leos oh nai kaliong witu kauitan oh kailekan nea niitumali keuntungan.⁶Memang kebaktian niitu saitu papendameta sedap mawehe keuntungan wangko. ⁷Ka kita raai mahalimei sapa-sapa wia kaowatan taintumong kita mareng raai mahali sapa-sapa. ⁸Asal kita wewehan pakannen oh palambungen.⁹Taan sepaar kaya, kanawuh wia cobaan hawa nafsu raai siberguna oh mahali nisea witu kasilakaan, oh matenem se tou witu kebinasaan. ¹⁰Ka kalat im pakasaan indosa mahewe roit, ka mahewe roit ka mahewe roit wewehan se tou nai kana witu dosa oh iman nea nai kanawu, oh masiksa nawak nea witu rupa kasusahan.Ngeengeku Kamurian¹¹Taan kou tou ni Empung maakat witu pakasaan niitu, rawoien keadilan kaulitan ibadah kesetiaan kasih kesabaran oh kelembutan. ¹²Kita tumanding wia paemanan geleos oh seron sorga ka niitu kou tinowa oh kou jumanji janji ulit wia sinaru ne laker saiiri.¹³Sinaru ni Empung mawehemei keter oh nasengan sinaru Kristus Yesus si jimanji in janji geleos oh sinaru Pontius Pilatus kumaila wia nikou, ¹⁴kiitan perenta yaai oh raai si cacat, oh raai si cela makar Tuhan kita Yesus Kristus minopa loho nawakena.¹⁵Tinantu ni penguasa simahasahasa oh laker berkat Raja wia pakasaan raja oh Tuan wia pakasaan ne tuan. ¹⁶Sia si mahasahasa kimalakan im maut si wana natas oh terang raai toro tawin, sitou raai toro lumoho ni sia pakasaan hormat kuasa makar kaure-ure Amin.¹⁷Ngeenge wia setou kaya wia kauowatan oh sea raai sombong oh raai masandar wia pakasaan kakayaan nea taan masandar wia si Empung mawehemei pakasaan wia nikita. ¹⁸Ngeenge oh sea masiwo inggeleos oh mamuali kaya wia kebajikan, paar mawehe, setou susah, kasea mawehe. ¹⁹Oh maharur kakayaan nea wana sorga oh nange nea leken wana barengan.²⁰Timotius piaran leos sapa nai percaya nikou, oh mawaakat tei witu sirita-sirita raai siberguna daai geleos, ²¹ka bewehan se tou mahajar daai maselak.Kasih karunia menyertai kamu.

James

Chapter 1

¹Sighi ni Yakobus, pelayan ni Empung wo Empung Yesus Kristus witu se mapulu rua suku se se nyai kasera wia pakasaan banua. Nuujian Iman Makaindo Katabahan ²Patuari-patuariku, siwohong tanu kapaaran sa kau kanawu witu sapa-sapate pwmaawaan. ³Ka kailekan niu, nujian witu iman niu makaindo katabahan.⁴Maanong katabahan makaindo sapa kinapaaran wuta karengan rior kau mamuali sempurna wo wuta. Ndaai kakurangan sapa-sapa. ⁵Taan sa wewehan si wia nantara niu si wewehan kakurangan, hikmat, leosou sia kumiwehe wia si Empung, wo witu kaleosan nate si mehe wia se pakasaan tou, ndaai si kurangena, wo niitu wehemei wia nisia.⁶Taan, nisia kumiwehe pakaampiten iman wo ndaai mategham ka si tou tegham nisia si tanu mbalolong tasik, pasengonei reghes wayaante to roan. ⁷Tou tanu niitu tia maarap makaindo sapa-sapa wia si Empung. ⁸Si tou marua-rua ate si raai wana si kapenesan witu pakasaan lalan penou-nouan.Kakayaan Tu Nulit-Ena ⁹Maanong patuari se menou-nou witu kasederhanaan se mapela-pela witu sia seretako tu natas, ¹⁰wo si tou kaya witu sia tampa mako witu mbawa' ka tanu wunga ng-ena ndukut, sia si ako kaliong. ¹¹Ka si endo si mondolei kaampit kapasoan-na, mako karengan mapaso, wo kumeles ndukut, mbungang ena rumaambas, wo kageleosana maapu. Taintu kan kahai si tou kaya, si kaliong witu nuner papaayangan-na.Pemaawaan Ndaai Minai Wia Si Empung ¹²Binerkatou se tou tabah witu pemaawaan, ka witu mong nisia lohon si tahang tu nujian, sia tumerima mahkota katotowan nyai nong kawar witu nisea maupus nisia. ¹³Sa si tou pemaawaan, tia sia lumila "Nyaku ku pemaawaan ni Empung." Ka si Empung si toro waawaan ni lewo, wo siate sandiri si raai memaawa wia si sei te.¹⁴Taan, se tou-tou se pemaawaan witu sia kinehor wo ni elur kapaarana sandiri. ¹⁵Saitu kapaaran minuaamong, nisia si tumoumei ndosa wo saitu ndosa tiin minawowosou, nisia si tumdumei patean. ¹⁶Patuari-patuari kau kaupus-eku, tia kau kaliong.¹⁷Sapate pawehemei geleos, wo pawehemei kasa lekep niitu minai na natas, nyai tumpamei wia si Bapa pakasa n terang, wia nisia ndaai wana kinaselokan kaapa ka sawelan bayang-ena. ¹⁸Witu te natas kapaaran na sandiri, sia sumiwo nikita kaampit firman, kaulitan rior ta mamuali tu'a witu pakasaan siniwo na.Makinga Wo Masiwo Nyai Firman Ni Empung ¹⁹Patuari-patuari kau kaupus eku, genangen nyaai: pakiwehen se tou-tou repet malilinga, taan ngerer malilila, wo ngerer maupi. ²⁰Ka nupi ni tou ndaai masiwo kaulitan ni Empung. ²¹Niitumong terekako pakasaan ndaai suci wo kalakeran kalewoan wo termanako kaampit nate leos, firman ni Empung nyai ka tanem tunggorem-emu, si toro lumempot si mukur-emu.²²Mamuali mong, masiwo firman wo raaite mako malinga, sa raai, nikaumong kau limihu nawak sandiri. ²³Ka si tau malinga firman, taan si raai masiwo niitu nisia tanu si tou maloho giona tu sereming. ²⁴Kaloloho mako nawak-ena wo sia mange, wo kinaliuran among giona tarekan. ²⁵Taan si tou mateliti hukum sempurna, niitumong hukum mawehe merdeka wo maulit tunggorem-ena nisia si raai mamuali limiur sapa lininga, taan si masiwo sapa nyai firman. Nisia si ako kamangen tu natas sapa siniwo na.I Badah Ulit Wia Si Empung ²⁶Sa wewehan tou si maila ka nisia si malinga-linga karengan mako makiit ibadah, taan si tia tumahang lilaana, nisia si tou lihu natena sandiri. Palinga-lingaana tiin ndaai si kaaraan. ²⁷I badah berisi karengan wo raai wana si pela' tu sinaru ni Empung wo Bapa niitu mako tu se oki-oki raai mong si tu'a wo se janda-janda tunggorem kapeendisan nea, wo maya haga nawak sandiri rior raai kaseringan ong kaoatan.

Chapter 2Kaupus Ako Pakasaan Se Tou

¹Patuari-patuari-ku, tia matuturu iman niu tunggorem ni Empung-eta mulia, Yesus Kristus, kaampit menisir tou. ²Sa wewehan tou mai witu sinagogemu, si minake sisim mas wo lambung mahal, witu nendo masuat si mai si tou lengei si limambung raai weresi, ³wo kau mehe mako ate leos witu si limambung mahal tiin wo lumila wia nisia "Maimong rumuhumun witu tampa geleos tiin, taan witu si tou lengei tiin nikau lumila tumoor wanaime kaapa rumuhumun witu ntawi na-eku. ⁴Ndaai reen nikau menisi-nisirete se tou tu nantara niu wo mamuali hakim tu gegenangen lewo?⁵Patuari-patuari kaupus eku, lingane leos ndaai reen si Empung si simisirou se tou lengei tum mberen kaoatan mamuali kaya tunggorem iman wo mamuali waris karajaan ni Empung nyai namong kawar wia nisea se maupus nisia? ⁶Taan nikau, kau masesero'se tou lengei. Ndaai reen se tou kaya mong tiin se maleelep wo makehor nikau witu pengadilan? ⁷Ndaai reen se maojat ngaran leos wo kau towaan?⁸Sa kau makelang leos hukum utama kiit o Buk Suci niitu: kaupus ako se kasuatemu tou tana nawakemu sandiri, nikau simiwomong nulit. ⁹Taan sa kau menisirete tou, nikau masiwo ndosa wo kau lilaan malawet hukum-ni hukum.¹⁰Sei te sia si makiit hukum, taan si limangkoi nesa witu hukum tiin nisia si simelok witu pakasaan hukum tiin. ¹¹Ka nisia si limila: tia masiwo zinah, wo kahai maila "Tia mawunu". Niitumong sa kau raai masiwo zinah taan nikau mawunu' nikau minamualimong limangkoi hukum tiin.¹²Lumilaamong wo tumindakou tanu setou-tou seako hakimen kaampit hukum mabebebas. ¹³Ka pahakimen tiin ndaai wana si pailaan maupus witu se tou se raai tumuru kaupusan, kaupusan tiin muntung witu pahakimen.Iman Raai Kaampiten Pasiwon Niitu Minate ¹⁴Patuari-patuari ku, sapa kaaraan sitou maila ka nisia si wewehan iman taan si raai wana si pasiwon? Torokan iman tiin lumempot nisia? ¹⁵Sa si esa patuari kaapa patuari wewene si raai wana si lalambungan wo si menero kakanen susur nendo ¹⁶Wo si esa tou wia nantara niu lumila wia nisia, "Mangemong tunggorem ndame, satoro nawak-emu. Hako pasoon wo ako wesun". Taan nikau raai minehe nisia sapa paperlun nawak-ena, sapa kaaraan niitu? ¹⁷Taintukan kahai iman, sa iman raai kaampiten pasiwon niitu minate.¹⁸Taan wewehan tou wona si lumila: nikau wewehan iman, wo nyaku makataintu pasiwon. Nyaku, ku mingkot: turuumei iman niu te, ndaai pasiwon, wo nyaku tumuru mako imaneku kaampit pasiwon. ¹⁹Nikau mapercaya ka si Empung tiin si esa. Niitu nulit. Roh-roh lewo tiin se mapercaya wo sea mageeger. ²⁰Ei kau tou bodok. Sapa kau makailek ka iman raai kaampiten pasiwon niitu ndaai si kaaraan?²¹Ndaai reen si Abraham Bapa-ata si niulit ka peniwo-niwon witu sia kumorban si Ishak oki-ina tu natas altar? ²²Lohone ka iman mapaa yang mawali-wali wo peniwo-niwona wo witu peniwo-niwona tiin, imanena sinempurna. ²³Lekepou sapa nyai lila witu Buk Suci. Abraham si mapercaya si Empung wo niitu rineken wia nisia tanu kaulitan wo sia pailaan kaampit ni Empung. ²⁴Niitumong, lohon niu ka witumong peniwo-niwon tiin si tou si uliten, ndaai te witu iman tiin.²⁵Taintukan kahai, ndaai reen si rahab, si sundal tiin, si niulit ka siniwona witu sia tumerima se pereho-reho ne Israel wo masawang nisea lumenteng lumempot nawak kumelang witu lalan walina? ²⁶Niitumong masuat wo nawak ndaai wana si roh niitu minate, taintukan kahai iman ndaai kaampiten pasiwon niitu minate.

Chapter 3Yahaghan Sapa Paila Witu Pengila-ngila-ata

¹Patuari-patuari ku! Tia laker wia nikau mamuali guru, ka kailekan niu ka nikita mahajar ta ako hakimen witu nukuran lebe wuter. ²Nikita waya si melok witu caker hal. Sa wewehan tau seraai mina selo-selokako witu pengila-pengilaana, nisia si tou sempurna wo sia si manpu maator pakasaan nawak-ena.³Nikita minasako tom witu suma ni kuda, rior nisea kumiit nikita wo kita kahai tatoro merenta si kuda. ⁴Lohone kahai kapal-kapal, maane niitu sela karengan wo pakelangete reghes repet, taan kapal tiin pa kendalinte ong kamudi oki karengan wo si toro mange wisa kapaaran ni timimboi kamudi.⁵Taintukan Kahai, lila tiin noki karengan wia nawak, taan lila toro sumombong witu sapa-sapate sela. Lohone sela karengan talun, minarengis, ombaha oki karengan. ⁶Lila tiin tanu mbaha, nesa mbanua kalewoan nyai tampa mako tu nantara nawak, wo toro ku meremos pakasaan nawak. Nisia si rumengis pakasaan patoroan katotouan ta, sementara sia sandiri si rengisen om baha naraka.⁷Ka pakasaan se tayapo ntalun wo se tetewelan, se loloi, wo se tayapo witu tasik se naram wo se ninaramong ne tou, ⁸Taan ndaai wana si tou toro numaram lila. Lila tiin lewo, ndaai toro menes, minawuta lengkou, mapate tou.⁹Kaampit lila nikita maberkat si Empung wo Bapa-ata, taan kaampit lila tiin ta kumutuk si tou si siniwo masuat wo nyai kiit si Empung. ¹⁰Wia suma masuat mondolei lolooren wo kutukan. Patuari-patuari ku, niitu ndaai toro tanu niitu.¹¹Sapa niitu nesa gaagaran toro mondolei rano tombal wo rano pait witu tempo masuat? ¹²Patuari-patuari ku, toro kan kayu ara mua amei zaitun kaapa kayu nanggor muamei waana ara? Taintukan kahai, gaagaran rano teno, ndaai mehemei rano panoonoten.Rua Hikmat ¹³Sei si wia nantara niu si wewehan hikmat, wo mangarti karengan? Maanong witu sikapena geleos, sia tumuru peniwo-niwona tunggorem karindaana wo hikmat. ¹⁴Taan sa nikau wewehan teteir wuta o kapaitan wo kapaaran sandiri tunggorem natemu, tia mong nisia mapela-pela wo tia matowo masaru kaulitan.¹⁵Hikmat tanu niitu ndaai timumpamei na natas taan wia kaoatan, si raai rohani wo lewo. ¹⁶Sa wewehan si mateir wo paarete nawak sandiri, tu niitu wewehan patotokolan wo pakasaan pasiwon lewo. ¹⁷Hikmat na natas omai, katare-tare niitu murni, wo mai paar kadamean, karindaan, mawuka, wuta o kaupusan, wo wua-wua leos, raai menisir wo raai munafik. ¹⁸Mbuana kaulitan nyai serahmei tunggorem kadamean ne tou-tou madamai.

Chapter 4

¹Wisa omai patotokolan wo papepeitan minamuali wia nantara niu? Ndaai reen niitu tu kapaaran nate niu ma totokol tunggorem nawak-emu? ²Nikau wewehan kapaar, taan ndaai kaindoan niu, wo kau mawunuan. Nikau mateir wo raai makaindo niitu, wo kau matotokol kaampit mapepeipet, nikau raai makaindo ka nikau raai kimiwehe. ³Kaapa kau makiwehe taan ndaai kinakiitan, ka nikau makiwehe papaken niu selok ka mawewesu kapaaran nu.⁴Ei kau tou-tou sundal sapa reen raai kailekan niu ka makaampit o kaoatan niitu masuat masiwo musuh, ni Empung? Niitumong, sei te sia si paar makaampit ong kaoatan, sia si mamuali musuh ni Empung. ⁵Sapa kau ma pikir Buk Suci, ndaai si alasan limila: si mukur nyai tampa mei ni Empung tunggorem nawak-eta kapaare na kaampiten teir?⁶Taan si Empung si minehemei anugerah limembe mako, niitumong, Buk Suci limila si Empung si masaru se tou sombong taan si mehe mako anugerah witu setou leos ate. ⁷Niitumong, serahkan nawakemu tu si Empung. Tokolen si setang, wo sia lumenteng rumoou wia nikou.⁸Tumawi si Empung, wo sia si mai tumawi wia nikou. Weresinako lawas-emu, ei kau tou-tou berdosa, wo weresinako leos nate niu, ei kau tou-tou marua-rua ate. ⁹Maupus, masusa, wo maaripou; siwonong keeke-emu lumaeng mamuali masusa wo kapaaranu mamuali maarip. ¹⁰Wawa mako nate niu tu sinaru ni Empung, wo sia si rumakek nikau.Tia Ma Sesero Wo Mahakim Si Kuasa Temu Tou ¹¹Patuari-patuari, tia kau mengila-ngila kalewoan tu nantara niu. Se tou-tou maila lewo si patuarina, kaapa mahakim si patuarina, maila masaru hukum wo mahakim hukum. Sa kau mahakim hukum nikau mong kau raai masiwo hukum taan hakin-ena. ¹²Si esa te si mawehe hukum wo hakim, nisiamong si toro lumempot wo mapapate. Taan sei reen nikau makar kau mahakin si kasuatemu?Kapaaran Ni Empung Witu Gorem Parencanan Ne Tou Tarekan lingane, ei nikau ¹³maila: nendo yaai kaapa woondo nikai mako tungkota tiin wo niitu, mena wa name sangata un, tumibo, wo makaindo kalembean. ¹⁴Taan ndaai kailekan niu sasapa mamuali woondo. Sapa narti penou-nouan niu? Penou-nouanu tiin tanu nahawun, mondolei ndaai ure, wo kaliong.¹⁵Niitumong, nikau, kau lumila, "Sa si Empung mapaar nikai toro tumou wo sumiwo nyaai wo niitu." ¹⁶Taan tarekan nikau mapela-pela tu kasombongan niu. Kabanggaan tanu niitu lewo karengan. ¹⁷Niitumong sa si tou makailek kumura masiwo leos taan ndaai masiwo niitu, nisia si berdosa.

Chapter 5Pangeenge Witu Se Tou-tou Kaya

¹Ei kau tou-tou kaya, lingane nyaai: mame wo maaripou witu kapeendisan tum pendam-emu. ²Kakayaanu mina wuulou wo lambungemu kinaapumong ne siisik. ³Mas wo perak-emu kimaratou, wo karat tiin minamuali bukti mawuwuter nikou, wo kuman leonamu tanu mbaha. Nikau minerurou kakayaan niu tu nendo-nendo muri.⁴Lingane, gaji ne memaayang se mapaayang numamu, kinatahangan niu, kaampit ka loho'an niu, se marekei masaru nikau. Wo sapa parekei ne mengupu, minakarou tu lunteng ni Empung si makataintu kaoatan yaai. ⁵Nikau, kau timoumong wia kaoatan witu kamewaan wo kasenangan nawak sandiri, nikau rimemburou nate niu witu nendo penyembelihan. ⁶Nikau, kau mi nu kumong wo minunu'mong se tou leos, wo sia si raai simaru nikau.Ente Witu Kapeendisan ⁷Niitumong patuari-patuari ku, sumabarou makar witu nendo si empung mai, lohone kumura si menguma maana mbua-na geleos, nyai wehemei ntana; maana tu kasabaran makar tumumpa mei nuran katare makar kamurian. ⁸Nikau kahai, kau sumabar, enteen natemu, ka ntawi'mong si Empung mai.⁹Patuari-patuari ku, tia kau masulu-sulu esa wo si esa rior kau raai ukumen, lohone si hakim, si timoorou tu sinaru pepenet. ¹⁰Patuari-patuari ku, minamuali kikiitan, kapeendisan wo kasabaran, lohone se nabi-nabi se maila tunggorem ngaran ni Empung. ¹¹Nikai lumila bahagia witu nisea se tabah, nikau limingamong kaenteaa ni Ayub wo lumoho kapaaran ni Empung, witu kamurian, kasi Empung tiin si wuta ong kaleosan wo si murah ate.Tia' Masumpah ¹²Taan, patuari-patuari ku, tu natas pakasaan nyaai, tia nikau masumpah, mengila-ngila langit kaapa kaoatan, kaapa ngaran sapa-sapa. lilaamong en saitu en, wo ndaai saitu ndaai rior kau raai ukumen.Kuasa Sombayang Tunggorem Iman ¹³Sapa wia nantara niu wewehan si witu kasusa-an? Maanong sia sumom bayang, sapa wewehan si memela-mela? Maanong nisia kumantar mazmur. ¹⁴Sapa wewehan tu nantara niu si sakitan? Maanong sia tumowaamei se tu'a-tu'a. ¹⁵Sombayang paserete witu gorem iman niitu lumempot si tou sakitan tiin wo si Empung si mongke nisia. Wo sasia simiwomong dosa, dosa sia si ampunganei.¹⁶Niitumong, pakiwehen nikau mangaku mong ndosa niu, wo kau masosombayangan rior nikau maleos. Sombayang ne tou ulit paserete maulit karengan, sela karengan kuasa na. ¹⁷Elia, sia si tou tanu nikita, sia si masombayang maulit karengan rior ndaai tumumpamei nuran, wo nuran ndaai timumpamei tum mbanua tiin telu ngata un, nenem ngaserap. ¹⁸Wo sia sumombayang sumaup , wo langit tumumpamei nuran wia kadatan wo tumoumei tinanem.¹⁹Patuari-patuari ku, sa wewehan si wia nantara niu si nyai kaselok lalan witu kaulitan, wo sa wewehan tou sumawang nisia mareng sumaup, ²⁰Rior tu kailekan niu, ka si tou minalimei si tou berdosa mareng witu lalan leos, si limempo tou si mukur ni tou tiin witu patean wo tumawun laker dosa.

1 Peter

Chapter 1

¹Wia si Petrus, mataasaane wia se rasul ni Yesus Kristus witu se tou-tou woo wisa omai, se nyai kasera witu mbanua ni Pontus, Galatia, Kapadokia, Asia makar witu bitinia, ²se sinisir timuurey witu katare, ni Empung, limalan witu kinudus. Ni Roh rior toro tumoi witu palinga-lingaan wia si Yesus Kristus wo makaindo karesika ndaha ana, pakiwehen anugerah wo kaleosan mutahmei tu natasemu.

Paarapen Wia Penou-nou,an

³Maloor si Empung wo si Empung wia si Yesus Kristus, wo masuat wo anugerah-na kasa sela, si timou mei nikita sumaup mareng witu gorem paaraden matou-tou, limalan witu katooran ni Yesus Kristus witu nantara ne tou minate, ⁴wo kaampit makaindo narta pusaka ndaai maapate-pate, ndaai malewo-lewo, wo ndaai makele-keles, nyai simpang na surga pawewehe nikau, ⁵Niitumong nikau, si sinawangan ni Empung limalan witu iman kalempotan sinadia makar witu kaapuan kaoatan yaai.⁶Witu Gorem nyaai nikau mapa-a-paar karengan, maan nda ure, saitu pemandungen, nikau mendam kapeendisan, witu pakasaan pemaawaan, ⁷makar iman niu, lembe penooran witu mas ndaai makar kautre-ure, maang niitu niujimong, om mbaha, wo pailaan nong murni, wo makaido lolooren, kamuliaan wo paormatan, witu nendo lohomei ni Yesus Kristus.⁸Nikau ndaaipe mina loho-loho mako nasia, taan nikau maupus nisa wo maane tarekan yaai ndanpe limoho nisia, taan nikau mapercaya nisia. Nikau mapaa-paar, karengan, ndaai mong toro lila, wo wuta kaampit kamuliaan, ⁹ka witu kamurian, patoroan iman niu, kina kiita nong, niitumong kalempotan si mukuremu. ¹⁰Kamura ka lempotan yaai, se nabi-nabi, se menehemong nubuat anugerah, mamuali taintu niu tiin niitu linoho neamong karengan¹¹nesea sepaar makailek sakumura, wo se sia, wo kawisa nendo pailaanni roh Kristus witu gorem nawak nea, witu sia mehe nubuat kadeendisan ni Kristus wo kamuliaan mangemai tumondong niitu ¹²Witu se nabi-nabi, tiin, nyyai papaloho ka nisea, ndaai maselewir nawak nea te, taan se maselewir nikau waya witu pakasaan nyaimong lila wia nikam, limalan witu se tou-tou, se mahabar ninjil wia nikau, kaampit Roh Kudus, nyai rehomei na surga, niitumong waya kapaaran pasasairi ne malaekat.

Patowa Rior Mamuali Kudus Witu Penou-nouan

¹³Niitumong, lekepenako kapandeanu, wo tumega-tegam, wetamako pakasaan paarapanu witu anugera wehemei wia nikou, witu si Kristus Yesus mapalohomei, ¹⁴Tanu se oki malinga-linga, tia kou mapaar witu kalewoannu tanu nikam menou-noupe, witu kalengei yanu.¹⁵Taan mamualimong kudus, witu pakasaan pasiwonu, tanu si Empung timowa nikou nisia si Kudus ¹⁶Ka nyai patik: "Kudusou nikau, ka nyaku, ku Kudus" ¹⁷Wo sa kau matowa nisia, Bapa, nisiamong si mamuali hakim wia paka saan se tou kiit peniwo-niwon nea, raai menisir, tumou mong witu mapendam ninde, tanu nikau mahana-ape tanu se tou-tou raai kenalen.¹⁸Kaampit makailek ka nikau tinubusou, witu penou-nouan ndaai si kaaran, tumuurei witu se tua-tua niu rior, ndaai witu barang ndaai ma lewo-lewo tanu maskaapa perak. ¹⁹Taan witu ndaha ni Kristus mulia karengan, ndaha ni oki domba ndaai wana si walulang wo si weresi karengan.²⁰Ka si Kristus sisinisirou rimiorei kaowatan, taan si nyai mokan papaloho witu kamurian nendo yaai, ka nikau. ²¹Limalan witu nisia, nikau mapercaya witu si Empung, siamong si Empung, si minongkemei nisia, witu nantara ne tou minate, wo si empung si minehe nisia kamuliaan rior iman wo paarapan nu witu te gorem ni Empung.²²Ka nikau mineresimong mukur niu, witu palinga-lingaan niu witu kaulitan, makar kau makaindo maleo-leosan witu papatuarian, wo maimong maupu-upusan, makaulit tu nate makaleos. ²³Ka nikau nyaimong tou mei sumaup, ndaai witu koloko toro mate, taan witu koloko ndaai ma pate-pate, niitumong lumalan witu firman ni Empung, matou-tou wo ndaai mapate-pate.²⁴Buk suci limila: "pakasaan matou-tou, niitu tanu ndukut, wo witu paasa-asarana niitu tanu wungangena ndukut, ndukut kumeles wo wungangena mate, ²⁵Taan Firman ni Empung, mena makar kaure-ure, wo Firman tiin, niitumong ninjil nyai wehemei wia nikau.

Chapter 2

Watu Ma Tou-tou Wo Bangsa Se Kudus

¹Niitumong, tia mako pakasan makasesoon, maloloho', pakasaan kamunafikan, pakasaan mateir wo pakasaan malelewo setou. ²Tanu si oki taremong tou mei, pakiwehen nikau mapaar ndanona toto' rohani, weresi karengan rior nikau tumou witu kalempotan niu. ³Sa kau ulit karengan minendamong ka si Empung tiin leos.⁴Witu kau mai si Kristus, watu matou-tou nyai rai ne tou taan sinisir ni Empung, wo siniwo kasa wewehan harga wia nisia, ⁵nikau kahai kanu watu-watu matou-tou siniwo mamuali wale-wale Ronahi, imamat Kudus mako mawehe persembahan kurban rohani, makapaaren wa si Empung, lumalan witu si Yesus Kristus.⁶kawitu buk suci limila: Lohone nyaku mineta esa watu witu sion, niitu watu penjuru, sinisir leos, wo mulia karengan wo sei te si mapercaya nisia, si raai pa ira-irangan.⁷Niitumong watu yaai, mulia karengan wia nikan, mapercaya, taan witu nisea se raai mapercaya, watu nyai tondo mei ne tukang masiwo bangunan, niitumong minamuali watu penjuru. ⁸Wo mamuali watu kasuusuan wo watu karang sumiwo setou kawanua. Nisea kanawu ka sea se tia luminga sapa nyai lila wi tu firman, niitumong lalan ti nantu momel wia nisea.⁹Taan nikaumong kau bangsa sinisirou, imamat tu rajani, bangsa kudus, tou taintu ni Empung, sandiri rior kau toro mahabar kaleosan-kaleosan na, si timowa mong nikau rumoou mei witu karim bunan, mako witu ni terangena makaerangen. ¹⁰Rior, nikan, kau raai umat ni Empung, taan tarekan nikan kau umat ni Empung rior nikan raai timenerima makaupunen, taan tarekan nikau timenerima mong makapunen wia si Empung.

Makekelang Tu Penou-nouan Geleos Witu Pengasa-ngasaran Ni Empung

¹¹Patuari waya kau kaupuseku, nyaku paar mawewene tuturu wia nikau, taan kau tou tare mai, wo tou raai rai lekan wia kauatan raai, rior nikau rumooumei nawak niu witu kapaaran kaoatan, peperangen nate niu. ¹²Yahagan nate niu lumeo-leos tu nantara ne tou-tou se raai pe mapercaya, rior sasea malewo ngaran niu maila nikau maniwo-niwo kalewoan ni sea setoro lumoho pasiwoan niu galeos, wo makar toro mangasar-ngasar si Empung witu neodo sia mange mai.

Malinga-linga Witu Se Makuasa

¹³witu te ng kran ni Empung makii-kiit witu se pamarentah se tinetap ne tou, leos witu si raja , si tinimboi kakuasaan natas, ¹⁴Kaap wi tu si gubernur witu si nyai reho mei ni raja si maukum se tou menou ni wo leuso, leso mehe lolooren witu se tou masiwo geleos. ¹⁵Ka taintumong kapaaran ni Empung, kaampit witu masiwo leos, nikau minempen suma ne tou lengel witu ndaai kailekan nea. ¹⁶Tumoumong witu tanu se tou-tou merdeka, taan tia pasiwoan kemerdekaan niu tiin mamuali topeng tu masiwo leoso. Putarei tumoumong mamuali hamba-hamba ni Empung. ¹⁷Paormatan pakasaan se tou, kaupusako se patuari-patuari Esa iman, kainde mako si Empung wo paormatan si Raja.Kapeendisan Ni Kristus mamuali Kikiiten Wa Penou-nouan ¹⁸Hamba-hamba malinga-malinga witu si tuan niu, witu pakasaan nohormat, ndaai adil. ¹⁹Ka mamuali tanu kasih karunia , sa witu kasadaran nea tu si Empung, si tou toro tumahang witu kapeendisan ka raai wana si kaadilan. ²⁰Ka sapa reen kaindoanu sa kou tumahang witu kou makaindo weweewel ka peniwo-niwoan nu tun ndosa, taan sa kau peendis ka masiwo leos wo kau tumenerima niitu kaampir katabahan, siniwomutiin makapaaren wia si Empung.²¹Ka niitumong, nikau tinowa, kasi Kristus kahai si minendam kapeendisan wa nikau, wo timelaan mepengasuatan wia nikau, rior nikan kumiit kinelangan na mei. ²²Sia si raai simiwo ndosa, wo maloloho 'ndai witu su mana. ²³Sasia paseseroan sia si raai mawaer kaampit masesero; witu sia tu kapeendisan, nisia si raai ma-ancam, taan sisi merakan nawa k-ena tu si Empung, si mamuali hakim adil.²⁴Sia sandiri si timanggongou ndosa ta ti nawakena tu kayu salib, riso nikita mate witu ndosa wo ta tumou tu kaulitan. Witu pela-pele-ana nikau endos. ²⁵Rior nikau tanu si domba, si nyai kaliong, taan tarekan nikau minarengomel witu si Gembalah wo mayahaga si mukuremu

Chapter 3

Kumura Pahange-hangean Ni Kawu Wewene Wo Tuama

¹Taintukan kahai nikau, kaawu-kaawu wewene, malinga-linga mong witu si kaawu mu tuama, kasa witu nantara nea raai. Malinga witu Firman, nisea toro muntung witu pahange-angean ni kaawu wewene ndaki pakaampiten lila. ²Ka nisea limoho kasa weresi wo paormatan pinaayangan-nu.³Tia karengan kageleosanu ndaaite palolohon witu luarena tanu macako mbuuk emu, mapake paperong mas, kaapa malambung geleos mahal pawangkeran. ⁴Sa putarei, pakiwehen kageleosanu witu gorem natemu omai niitu kageleosan ndaai mapate-pate, tu roh omai, kaampit karindaan, wo penes, niitu wewehanhargfa tumberen ni Empung.⁵Ka taintumong se wewene-wewene kudus, witu noras rimiorako, se mineta p karapan tu si Empung, magegeleos nawak nea, kaampir malinga-linga witu si kaawu tuama nea. ⁶Taintumong si sara, si malinga-linga witu si kaawuna Abraham kaampit nisia matoa tuan, nikaumong kau oki-oki ni sarah sakau masiwo geleos, wo raai si kaindean witu nikau masiwo sapa-sapa.⁷Taintukan kahai nikau, kaawu-kaawu tuama, mawali-walimong nikau nikau osi kaawumu wewene pakaampiten wuta wo mahile-ilekan, kanisea se tou raai si keter, paormatan nisea, tanu masuki ahu waris witu nisea tumenerima anugerah tumou, rior sosombayang niu ndaai kaapean.Mendam Kapeendisan Ka Masio Leos ⁸Kusiinako, pakiwehen wia nikau waya, wewehan nesa gegenangen, maleo-leosan, witu kaleosan papatuarian, nate leos, wo leos ate. ⁹Tia mawawaer kalewoan ong kalewoan, kaapa nahawit wo nahawiten, pasuimei, pakiwehen nikau, mehemako berkat, kaniitumong nikau tinowa, rior nikau toro mamuali waris, witu berkat.¹⁰Kawitu buk suci limila, sei tete sia si maupus penou-nouan wo paar maloloho nendo-nendo geleos, sia si yumahaga lilaana witu kalewoan, wo wiwihi nia witu katowoan. ¹¹Nisia kahai si rumooumei nawak witu kalewoan wo masiwote kaleleosan. Pakiwehen wia nisa sumero maleleosan, wo maulid rumawoi niitu. ¹²Ka mberen ni Empung, malohomei se tou-tou makiit nuuti wo luntengena malinga sosombayangen nea. taan gio na masaru se tou-tou, masiwo kalewoan.¹³Sei si toro sumilaka nikau, sakau rajing mapaayang geleos? ¹⁴Taan, sa kau toro mendam peendis, ka masiwo kaulitan nikau kau berkaten, tia mahind-indek, wo tia kau mapendam nindek tu nisea se simiwo nikau peendis.¹⁵Taan kudusenako si Kristus, kasi sia si Empung tu gorem nate niu, sadianako wiwingkot witu sei te sia se paar matutuntut nikau, witu pangharapan wiamong nikau. ¹⁶Taan siwo nomako niitu kaampit karindaan niu, wo noormat wo kaampitenako wo nate nurani weresi karengan rior sa kau sa pa seseroan nea, kaapa se tou mengawi-ngawit kumura pakelangan niu geleos, tunggorem ni Kristus, sea se mamuali mairang. ¹⁷Ka taimong lebe geleos nikau peendis, kamasiwo leos saitu niitu kapaaran ni Empung, taan nikau peendis ka masiwo lewo.¹⁸Kasih Kristus kahai, si pi neendis ka ndosa-dosa, makasa witu pakasaan se tou, se ulit minate, ka se raai ulit, makar nisia toro mali nikita mako tu si Empung, si winunu witu cara jasmani, taan si nyai toorei tu gorem roh. ¹⁹Tu ng gorem roh, sia kahai mange wo sumiwo pahabaran witu se roh-roh witu penjara. ²⁰Seamong se tou riorako setia malinga si Empung kaampit kasabaran maana nisea witu saman ni Nuh, witu pe si Nuh masiwope bahterana, lumalan tu bahtera tiin, se okiite, se uwalu te se nyai kalempot witu ndaalo bah tiin.²¹Ndano bah tiin, timuru witu linele tu tarakan limempot nikau. Linele ndara maweweri ndaki tu nawak, taan niitu minamuali kikiwehen witu si Empung, wehe tu nesa nate nurani weresi karengan lumalan witu katoorannei ni Yesus Kristus. ²²Niitumong nisia tarekan si simeretou nasurga wo siwitu leleos ni Empung, witumong pakasaan si malaikat, wo si pamarentah, wo se pakasaan se penguasa se timuutuk witu nisia.

Chapter 4

Penou-nouan Weru Limalan Witu Siro

¹Niitumong, kasih Kristus minendamong kepeendisan tu nawak-ena, mai mong sumenjata nawak niu kaampit gegenangen masuat, kasi tou minendamong kapeendisan tu nawak-ena, si mi nena among masiwo ndosa, ²makar witu sia kumelang tu penou-nouna wia kokian yaai, sia si raai mong kumiit kapaaran ne tou, taan kapaarante ni Empung.³Ka toromong kine langanei tu nendo-nendo limangkoimong witu masisiwo kana ramen ne tou-tou raai kumenal si Empung, se paarete tu nou masiwo kapaaran nea te sandiri. Tanu tetelewen, mapesta-pesta, mandono-noonoi wo masembah witu se opo-opo se wuta kalewoan. ⁴Tarekan, nisea se maerang witu sea lumoho nikau raai'mong makiit wisea witu maka liilisen pasiwon nea, nitumong nisea meniri-nirita lewo wia nikau. ⁵Taan nisea se mako mehe wiwingkot witu nisa, si mamuali hakim witu se tou matou-toupe kaapa se minatemong makar maane se nihakimong wia kaoatan yaai kiit kanaramen mamuali wia se tou, taan nisea matou-tou kiit roh tu nukuran ni Empung. ⁶

Kaaraan Nako Karunia Niu Tu Maselewir

⁷Kaapuan witu pakasaan yaai, makatawimong, niitumong, tumegha-tegham, wo jumaga-jaga mong wo sumombayang, ⁸tu natas pakasaan yaai, pemehe-mehemong wia nikau maleo-leosanong, kasa ulit, ka nupus tiin tumawun caker karengan ndosa. ⁹Turu momako karindaan niu esa wo si esa raai toro mapaos.¹⁰Ka esa wo si esa tou, timeri mamong karuni, kaaraanako niitu maselewir tu si esa wo si esa, nikau mamuali tanu si menelewir leos witu sapa-sapa te karunia ni Empung. ¹¹Sei si maila, leosou sia maila tanu si tou mawehe. Firman ni Empung, wo sei si maselewir, leosou sia maselewir tu kaketeran nyai wehemei ni Empung, marar witu pakasaan nyaai si Empung si mulian ta lumalan witu si Yesus Kristus ka wiate nisia kamuliaan wo kuasa makar kaure-ure nuut.

Papeendisen Ka Mengiit Si Kristus

¹²Patuari-patuari kau kaupuseku, ria kau kasenge, witu sapa mawaawa mengemai ma uji nikau, tanu mina muku'mong sapa-sapa makaerangen wia nikau. ¹³Taan mapaa-paarou, ka nikau minakaindomong wewetengan witu gorem kapeendisan ni Kristus, makar nikau kahai toro mapaa-paar wo memela-mela witu nendo kamuliaan na papalohomei. ¹⁴Mapela-pelaamong sa kau paseseroan ka mahali ngaran ni kristus, kasi roh kamuliaan wo roh ni Empung minenes tung gorem niu.¹⁵Taan, tia wewehan wia nantara niu si peendis ra si minate tou, marongkit, masiwo kalewoan, kaapa tanu si tou paarete masesembor paa yangen ne tou wauna. ¹⁶Taan, sei te sia si peendis, kasia si tou Kristen, tia sia mairang, taan pakiwehen nisia lumoor si Empung ka si timanggong kapeendisan tiin.¹⁷Nyaai'mong nendona pahakimen, tumuur witu kaluarga ni Empung, wo saitu pahakimen ni Empung tuurei wia nikita kumurate nasib ne tou-tou setia luminga ninjil ni Empung? ¹⁸Sa te tou saleh te se peendis palelempot, kumurate se tou-tou lewo wo se tou berdosa? ¹⁹Niitumong, maanong nisea se pineendis ka kapaaran ni Empung, mehe mako kapercayaan mukur nea witu si Empung si setia, wo kaampit mosi womong geleos.

Chapter 5

Gembala Nomako Se Domba-domba Ni Empung

¹Niitumong, nikita masuat penatua, wo sairi limoho kapeendisan ni Kristus kahai tanu se tou maindo wewetengan witu kamuliaan papalohomei, nyari lumuhupa se penatua-penatua wia nantara niu. ²Gembala nako se domba-domba ni Empung se wia lawas-emu, tia ka witu papaksan taan witu te kapaaran, tanu kapaara, tia masiwo ka makaindo kauntungan, niitu hina karengan, taan witu te karelaan nu. ³Wo tia masiwo sapa-sapa tanu se makuasa, witu nisea se pinercaya witu gorem tanggong jawab-emu, taan mamuali'mong pahasaran witu makaampit tiin. ⁴Mako taintu, witu mong si Gembala paasa-asaran mai, nikau makaindo maakota kamuliaan ndai makele-keleos.⁵Taintu kan kaai nikau, kau muda pe karengan, paormatan se tua-tua mu, wo paki wehen nikau wewehan karendahan nate, witu se tou mako se tou wau na, ka si Empung si maupi, se tou sombong, taan si mehe anugera witu se tou leos ate. ⁶Niitumong wawa'mako nawak emu, witu mbawaa lawas ni Empung, si wuta ong kuasa, wo sia si sumeret nikau witu nendo na. ⁷Serahkano mako pakasaan kai'udeanu, wia si Empung ka nisia si mapiara nikau.⁸Mile-ilek wo tu megha-tegham, si kasa rumu, si iblis makelang memuta-mutar, tanu si singa maindo tou, pa seseraana, wo paloloom botena. ⁹Sarun si iblis tiin! Tumoor rendai iman niu, ka kailekan niu, ka wia kaoatan yaai, se patuari-patuari esa iman niu, kahai se mapendam kapeendisan tanu pi nendam niu mei.¹⁰Wo witu kau mendam kapeendisan maan niitu ndaai ure, si Empung si makataintu pakasaan anugerah, si timowa nikau kumiit witu wewetengan kamuliaan na ndaai si kaakaran tunggorem ni Kristus, sia si lumeos, tumeguh, rumimber, wo mangun nikau. ¹¹. Wiate nisia, kuasa makar kaure-ure. nulit!

Noormat Kamuriaan

¹²Nyaku matik surat oki yaai wia nikau lumalan witu si siluanus, si kailekangku, tanu patuari esa iman wo si setia. Karengan nyaku paar mawehe semangat wo sasa'irian wia nikau, ka nyaai anugerah leos wia si Empung tumoorou rendai, tunggorem anugera yaai. ¹³Jemaat witu babilonia, sea kahai seumat sinisir ni Empung, minehemei sighi wia nikau, Markus, si oki iku tu gorem ni Kristus kahai si minehemei sighi wia nikau. ¹⁴Wehanako sighi si esa wo si esa, kaampit siong leos, damai wo sejahtera witu pakasaan se wia gorem ni Kristus. Nulit!

Remboken: Bible for 1 Peter, 1 Thessalonians, 1 Timothy, 2 Corinthians, 2 John, 2 Thessalonians, 2 Timothy, 3 John, Colossians, Ephesians, James, Jude, Philemon, Romans, Titus

Formatted for Translators

Romans

2 Corinthians

Ephesians

Colossians

1 Thessalonians

2 Thessalonians

1 Timothy

2 Timothy

Titus

Philemon

James

1 Peter

2 John

3 John

Jude