Bible

Matthew

Chapter 1

¹Kitab titis Yesus Kristus, anak Daud, anak Abraham. ²Abraham anilah sama' Ishak, Ishak anilah sama' Yakub. Yakub anilah sama' Yehuda ge' age-age'a. Yakub anilah sama' Yehuda ge' age-age'a. ³ Yehuda anilah sama' Peres ge' Zerah, sino' ayoa' anilah Tamar. Peres anilah sama' Hezron. Hezron anilah sama' Ram.⁴Ram anilah sama' Aminadab. Aminadab anilah sama' Nahason. Nahason anilah sama' Salmon.⁵Salmon anilah sama' Boas, sino'a anilah Rahab. Boas anilah sama' Obed, sino'a anilah Rut, Obe anilah sama' Isai.⁶Isai anilah sa' Raja Daud, Daud anilah sama' Salomo, sino'a anilah tawatn sautn Uria.⁷Salomo anilah sama' Rehabeam. Rehabeam anilah sama' Abia' Abia anilah sama' Asa. ⁸Asa anilah sama' Yosafat. Yosafat anilah sama' Yoram. Yoram anilah sama' Uzia.⁹Uzia anilah sama' Yotam. Yotam anilah sama' Ahas. Ahas anilah sama' Hizkia.¹⁰Hizkia anilah sama' Manasye. Manasye anilah sama' Amon. Amon anilah sama' Yosia.¹¹Yosia anilah sama' Yekhonya ge' age-age'a, jangkah pambuangan ka Babel.¹²Ngalaka pambuangan ka Babel, Yekhonya anilah sama' Sealtiel. Sealtiel anilah sama' Zerubabel. ¹³Zerubabel anilah sama' Abihud. Abihud anilah sama' Elyakim. Elyakim anilah sama' Azor. ¹⁴Azor anilah sama Zadok. Zadok anilah sama' Akhim. Akhim anilah sama' Eliud.¹⁵Eliud anilah sama' Eleazar. Eleazar anilah sama' Matan. Matan anilah sama' Yakub.¹⁶ Yakub anilah sama' Yusuf, banun Maria. Umpatn Maria gatn baranak Yesus, da gatn muji' Kristus.¹⁷ Jadi, saman katurunan umpatn Abraham sampe Daud ani ampat balas katurunan, ge' umpatn Daud sampe pambuangan ka Babel ani ampat balas katurunan, ge' umpatn pambuangan ka Babel sampe Kristus ani ampat balas katurunan. Yesus Kristus Gatn beranak¹⁸Mati', Yesus Kristus gatnberanak anilah samu' diah. Jangkah Maria, sino'-A laka batunang nige' Yusuf, katinga ayoa' idup bariuh, nyata ini' batahi' umpatn Roh Kudus. ¹⁹Namun, karna Yusuf banun'a, anilah sok da taman ge' kati' ituh manyangun Maria ka tura umum, Yusuf bamaksud ya' ngabebas Maria ge' cara tunguh-tunguh.²⁰ Ao'a, jangkah Yusuf agi' nimbang hal diah, mile' ta, malaikat Tuhan tile' ka ini' sadatn samangat ge' nyansana "Yusuf, anak Daud, iya' buut nangkap Maria sabage sautnmu' karna Anak da gatn ni nahi' anilah umpatn Roh Kudus.²¹Ini' ao' baranak nyungan anak are ge' imu' ao' muji gaatn Na Yesus karna Ini' ao' nyalamat umat-A umpatn duse-duse ayoa'."²² Samaan hal diah tajadi ya' ngagenap da gatn Tuhan Firman nabo nabi-nabia'.²³"Mile' mih, nyungan parawan ao' batahi ge' ao' baranak nyungan anak are. Ayoa' ao' muji' gaatn-A Imanuel, " da gatn tarjamah ratia: "Jabata bariuh ge' ite'."²⁴Jangkah Yusuf umpat umpatn buus'a, ini' umas samu da malaikat Tuhan muji' ka ini', ge' ini' ao' nangkap sautn'a, Maria, ²⁵tapi kati' baranun nige' ini' sampe ini' baranak anak are'a. Ge', Yusuf muji gaat-A, Yesus.

Chapter 2

¹Mati', ngalaka Yesus gat'n baranak wak Betlehem, wak Yudea, pas zaman Raja Herodes, ilelah, ayo-sok Majus umpat'n timur utukng ka Yerusalem. ²Ayo'a mansikat'n, "Ka dume ta Ini', da gat'n baranak, Raja sok Yahudi dakoh? Barang, kai' laka mile bintakng-A wak timur ge' kai' utukng yak nyambah-A." ³Jangkah Raja Herodes dangah hal diah, galisahlah ini' ge' samaan Yerusalem samahu'a.⁴ Lalu, ini ngumpul samaan imam kapala ge' ahli-ahli Taurat bangsa dakoh. Ini' ngurek katarangan umpat'n ayo'a, tampat Yesus gat'n baranak. ⁵ Ayo'a nyansana ka ini', "Wak Betlehem, rapo Yudea, barang ladiahlah da gat'n nulis uleh nabi: ⁶ Ge', akup'm Betlehem, wak tana Yehuda, samu sakali inyalah da paling inek wak antara ayo panguasa Yehuda, barang umpat'nmu' muncol sook pamimpin, da aok mangambala umat-Ko', Israel."'⁷ Laka dakoh, Herodes tunguh-tunguh maba ayo-sok Majus dakoh, mahi kapastian umpat'n ayo'a tentang waktu basinar'a bintakng dakoh. ⁸ Lalu, ini' ngadu ayo'a ka Betlehem ge' nyansana, "Anu ge' nyalidiknih nige taliti tentang Kangot dakoh. Ge', kalo imu' laka amput'-A, ngalapor ka iko' supaya iko' uga nyambah-A."

¹⁰ Jangkah mile bintakng dakoh, ayo'a basukacita da aru aihyo.¹¹ Ngalaka maruh ka sadat'n ramin, ayo'a amput Kangot dakoh samahu Maria, sino-A. Lalu, ayo'a tasungkap'm ge' nyambah-A. Laka dakoh, ayo'a muka tampat-tampat harta'a ge' mampersambah hadiah-hadiah ka-Ini', diu'ta barawat'n, kamanyan, ge' mur. ¹² Barang gat'n mamparingat ka sadat'n samangat supaya iya' malik ka Herodes, ayo'a malik ka negeri'a nabo pagala lait'n. Parintah yak talama ka Mesir¹³ Ngalaka ayo-sok Majus dakoh anu, ilelah, malaikat Tuhan nampak ka Yusuf ka sadat'n samangat ge' nyansana, "Umpatlah, minsakng Kangot dakoh samahu sino-A ge' talamalah ka Mesir. Madilah wak teet'n sampe Iko' nyansana ka imu' barang Herodes ngate najo Kangot dakoh yak mambinasa-A." ¹⁴ Laka dakoh, Yusuf umpat ge' minsakng Kangot dakoh nige sino-A pas waktu ngarum yak anu jauh ka Mesir, ¹⁵ ge' madi wak teet'n sampe Herodes kabis supaya gat'n nganganap da gat'n forman Tuhan nabo nabi: "Umpat'n Mesir Ko'maba Anak-Ko'." Pangamis Samaan Kangot Ayo-are wak Betlehem¹⁶ Laka dakoh, jangkah Herodes mile kalo ini' laka gat'n mampardaya uleh ayo-sok Majus, ini' aru murka ge' marintah yak ngamis samaan kangot are-are wak Betlehem ge' samaan rapo wak sakitar'a, da baumur dua taun ka saroh, sasuei nige waktu da laka ini' pastikan umpat'n ayo-sok Majus.¹⁷ Maka, ganaplah da gat'n nyampe uleh Nabi Yeremia: ¹⁸ "suatu sarat gat'n dangah di Rama, munse ge' ngaratap da aru sedih. Rahel ngawang anak-anak'a, ge' kati ituh gat'n ngahibur barang ayo'a laka ti'ani." Parintah yak kambali ka Israel¹⁹ Tapi, jangkah Herodes kabis, ilelah, malaikat Tuhan nyua adup'a ka sadat'n samangat ka Yusuf wak Mesir, ²⁰ ge' nyansana, "Umpat'lah, minsakng Kangot dakoh nige sino'-A ka tana Israel barang ayo-sok da barusaha ngamis singat Kangot dakoh laka kabis." ²¹ Lalu, ini' umpat ge' minsakng Kangot dakoh nige sino'-A kambali ka tana Israel.²² Tapi aok'a, jangkah ini' dangah kalo Arkhelaus marintah wak Yudea nganti Herodes, sama'a, Yusuf buut anu ka teet'n. ngalaka gat'n mamparingat ka sadat'n samangat, ini' anu ka rapo Galilea. ²³ Yusuf utukng ge' madi wak nyabuah kota da bagaat'n Nazaret supaya ganaplah da gat'n nyampe ayo nabi, "Ini' aok gat'n nyabut 'Sok Nazaret'."

Chapter 3

¹Ka ano-ano dakoh, muncol ta Yohanes Pembaptis, bakotbah ka taya udu Yudea. ²Ini' muji', "Batobat mih karna Karajaan surga agi jiket." ³ Sabab, ini; ta da nabi Yesaya muji' waktu ni' nyansana, " Saratn nyungan sok da ngampak-ngampak ka taya udu, ' Da nyiap ta gala ya' Tuhan, umas ta gala'-A tamut."⁴Ge', adup Yohanes ngiak pangiak umpatn burut unta ge' pantingo apakng umpan kurit gatn ngakilik apakng'a. Pangkuman'a anita buntak ge' madu tuatn. ⁵Laka dakoh, ayo sok Yerusalem utukng wa ini' ge' samaan Yudea, ge' samaan rapo ka bagian Yordan. ⁶ Lalu , ayoa gatn ngabaptis ya' Yohanes ka Yordan, gae ngako duse-duse ayoa.⁷Malah, waktu Yohanes mile' karah ayo sok farisi ge' Saduki utukng wa' baptisan'a, ini' nyansana ka ayoa', "Imu' katuunan nipa babisa, asi da mamparingatmu' ya' boho umpatn pabaji' da ao' utukng? ⁸Karna dakoh, ngasil ta buah da nyabanding nige' partobatan, ⁹ge' iya' bapikir ge' muji' ka adupmu' sadik , kai nga ani Abraham, sama' leluhur kai, karna iko' muji' ka imu', bahwa umpatn batu-batu diah Jabata abak mangkidup anak-anak ya' Abraham!¹⁰Bahkan, mati' diah, kapak gatn ngamana' ka uhat pu'utn-pu'utn, ge' satiap pu'utn kayu' da kati' ngasil buah da bait gatn nabut ge' gatn nyangkahatn ka sadatn api.¹¹Sasungguh'a iko' mambaptis imu' nige' paitn ya' batobat, tapi Ini' da ao' utukng ngalaka iko' anilah da labih bakuasa daripada iko', da sandal'a pun iko' kati' patut minsakng'a. Ini' ao' mambaptis imu' nige' Roh Kudus ge' nige' api.¹²Alat panayap ani ka barekng'a, ge' Ini' ao' marasih tampat pangihik-A, ge' ao' ngubu gandum'a ka sadatn langko. Tapi, Ini' ao' nyahung kalipe'a nige' api da kati' kaat gatn ngamis. Yesus Gatn Baptis ya' Yohanes Pembabtis¹³ Laka dakoh, Yesus utukng umpatn Galilea ka Yordan wa' Yohanes ya' Yohanes baptis'a.¹⁴ Tapi, Yohanes barusaha mancegah-A ge' nyansana, "Iko' ta da parlu gatn Mu' baptis , tapi justru da utukng wa' iko'.¹⁵Lalu Yesus naham ge' nyansana wa ' ini', "Mati', biar ta karna ladiah ta da saharus'a tajadi ka ite' ya' manggenap samaan kabenaran," Ge', Yohanes pun mambiar-A.¹⁶Ngalaka gatn baptis, Yesus lansong mungkas umpatn paitn, ge' mile' mih, surga tabuka ge' Ini' mile' Roh Jabata disah samu ge' manuk acang utukng ka samo-A.¹⁷Ge', dangah ta saratn umpatn surga da nyansana," Diah ta Anak-Ko da Ko nyayang, ka Ini'ta Iko bakenan.

Chapter 4

¹Laka dakoh, Yesus gat'n mimpin uleh Roh ka padakng balantara yak gat'n nyoba uleh Iblis. ²Ge', Ini' bapuasa ampat puluh ano ge' ampat puluh ngarum, ngalaka dakoh Ini' jadi saburuk. ³Lalu, utuknglah ini', da nyoba dakoh, ge' nyansana ka Yesus, "Sa' Akup'm diu'ta Anak Jabata, marintahlah supaya batu-batu diah jadi roti." ⁴Tapi, Ini' naham ge' nyansana, "Ani gat'n nulis, 'inya uleh roti saja talino idup, tapi uleh satiap firman da mungkas nabo baba Jabata.'"⁵Laka koh, Iblis nabat-A' wak kota suci ge mana-A' ka puncak Bait Jabata, ⁶ge nyansana ka-A', "Jika Akump Anak Jabata, matat a' lah adup-mu' ka saroh karna ani ta tulis: 'Tentang Akump, Jabata ao' marintah a' malaikat-malaikat-A' ge ngantat Akump ka samo barekng ayo' a' supaya kaja-Mu' kati ta singkak ka batu."⁷Yesus nyansana ka ini', " Sakali agi, ani gat'n nulis, 'Imu' iya' nyoba Tuhan Jabatamu."' ⁸Sakali agi, Iblis minsakng Yesus ka samo gunung da aru nyamo ge' nyua'a ka-Ini' samaan karajaan dunia nige kamegahan'a, ⁹ge' nyansana ka-Ini', "Samaan'a ini' aok Ko'mangkat'n ka-Imu', sa' Akup'm tasungkap'm ge' nyambahko."¹⁰Laka dakoh, Yesus nyansana ka ini', "Enyahlah Iblis! Ani tatulis, 'Imu' arus nyambah Tuhan Jabatamu' ge' ka-Ini' saja imu' sambayang."' ¹¹Ngalaka dakoh, Iblis ngagat'n Ini', ge' milelah, malaikat-malaikat utukng yak malayani Ini'. Yesus Mule Palayanan-A wak Galilea¹²Alu, waktu Yesus dangah bahwa Yohanes laka gatn nangkap, Ni' nyingkir ka Galilea. ¹³Ni' ngagatn Nazaret ge utukng gae madi ka Kapernaum, ka tabikng danau, ka perbatasan Zebulon ge Naftali,¹⁴Supaya gatn genapi jai da gatn ngata lewat nabi Yesaya: ¹⁵"Tana Zebulon ge tana Naftali, gala danau, ka pajah Yordan, Galilea, wilayah ayo' sok inya Yahudi, ¹⁶bangsa da madi' sadatn kagalapan mile Tarakng da ahyo, ge bagi ayo' a' da madi ka nagari ge sadatn bayang-bayang pangkabih a', Tarakng dakoh laka tusak.¹⁷Singga waktu dakoh, Yesus mule ba khotbah ge nyansana, "Ba tobatlah karna Kerajaan Surga nga jeket!" Yesus maba' Apat murid-Ni' ta da Pamule¹⁸Jangkah Yesus bajalatn ka tabik danau Galilea, Ni' mile dua ba baradi, kohta Simon da gatn muji Petrus, ge Andreas, age a', sadang nga jale ka danau sabab ayo' a' anilah panjale ikatn. ¹⁹Ge, Ni' nyansana wak ayo' a', "Kaehlah nganang Iko' ge Iko ao' ngadumu' npanjale talino." ²⁰Ayo' a' langsung nga gatn a' ta jale-jale a' ge ngadukng Ini'.²¹Ge, waktu ngakab umpatn teetn, Ni' mile dua baradi da laitn, Yakobus anak Zebedeus ge Yohanes, age a'. Ayo' a' ani ka sadatn parahu samahu Zebedeus, sama ayo' a' sadang ngangkalamus jale-jale a'. Ge, Ni' maba' ayo' a'. ²²Ge, ayo' a' langsung nga gatn parahu ge sama' ayo' a', alu nganang Yesus. Yesus Nagajar ge ngobat karah sok.²³Laka koh, Yesus nga liling ka samaan daerah Galilea, ngajar ka sinagoge-sinagoge ge ngobat sagale macam panyakit, ge sagale macam pangkanap ka antara karah sok. ²⁴Ge, agah tentang-Ni' ta ta sebar sampe Siria. Ge, ayo' a' minsakng wak-Ini' ta samaan sok anap da mandarita sagale macam panyakit ge rase anap, ge da kerasukan setan, da anap lelap, ge da lumpuh, ge Ni' mangkhawhat a' ayo' a'. ²⁵Kerumunan ahyo sok Galilea, Dekapolis, Yerusalem, Yudea, ge umpatn pajah Yordqan nganang Ini'.

Chapter 5

¹Jangkah mile' sok karah dakoh, Yesus makka ka tumukng talidi. Ge', ngalaka Ini' unyung, ayo murid utukng wa'-Ini'. ²Ge', Ini' muka' baba'-A ge' ngajar ayoa', waat-Na, ³'Gatnberkatita sok papa sadatn roh sabab ayoa' da umpu' Karajaan Surga. ⁴Gatnberkatita ayoa' da badukacita sabab ayoa' ao' gatnhibur.⁵Gatnberkatita sok da ba ate lembut sabab ayoa' ao' mawarisi bumi. ⁶Gatnberkatita ayoa' da saburuk ge' da aus wa' kabenaran sabab ayoa ao' gatn ngangkabasoh. ⁷Gatnberkatita ayoa' da mangkatn pamase' sabab ayoa' ao' kaatn pamase'. ⁸Gatnberkatita ayoa' da barasih ate sadatn a' sabab ayoa' ao' mile' Jabata.⁹Gatnberkatita ayoa' da minsakng damai sabab ayoa' ao' gatnmuji' anak-anak Jabata. ¹⁰Gatnberkatita ayoa' da gatnnyaya demi kabenaran sabab ayoa' ao' umpu' Karajaan Surga.¹¹Gatnberkatita imu' sa' sok ngarandahmu ge' nganyayamu, ge' muji' bamacam saratn da jahe' wa'imu' nige' fitnah karna Iko'. ¹²Basukacita ge' bargembiramih karna ahyo upahmu ka surga karna ladakohta ayoa' nganyaya ayo nabi uru umpatn imu'."Sia' ge' Tarakng Dunia¹³"Imu' anilah sia' dunia, tapi sa; sia' dakoh ngajadi hambar, ge' jai ini' ao' gatnngansia? Ini' ti' bagune sama sekali salaitn ya' gatnmatatn ge' gatntalino nginyak-inyak." ¹⁴"Imu' anilah tarakng dunia. Kota da madi' ka tumukng talidi ti' aba' gatnnyukatn.¹⁵Ayo sok uga' ti' ngangkidup pelita ge' mana' a' ka saroh gantang, malahan wa' tumukng tiang pelita, ge' ini' ao' nugo smaan da ani ka sadatn ramin. ¹⁶Tea'lah tarakngmu uga babalo lah dakoh uga supaya ayoa' kaatn mile' parbuatan-parbuatanmu' da bait ge' ngarania' Sama'mu da ka surga." Pangganapan Hukum ge' Taurat ge' Kitab Ayo Nabi¹⁷"Iya' bapikir bahwa Iko' utukng ya' ngangkilang Hukum Taurat ato kitab ayo nabi. Iko' utukng inya ya' ngangkilang a' malahan ya' malaksana a'. ¹⁸Iko' muji' da sabatola wa'imu', sampe rangit ge' tana'paitn lanyap, ti ani nya iota ato nya coret pun da ao' hilang umpatn Hukum Taurat sampe samaan gatnmalaksana.¹⁹ Karna dakoh, asi da ngangkhilakng salah satu umpatn perintah-perintah da paling inek diah ge' ngajar sok laitn ya' umas hal da samu dakoh, ini' ao' gatnmuji' da paling inek sadatn Karajaan Surga. Namun, asi da malaksana perintah-perintah dakoh ge' ngajara' ao' gatnmuji' ahyo sadatn Karajaan Surga.²⁰ Sabab, Iko' muji' wa'imu' bahwa sak kabenaranmu' ti' labih bait daripada kabenaran ayo ahli Taurat ge' ayo sok Farisi, imu' sama sekali ti' ao' maruh ka sadatn Karajaan Surga. Manganai Sok da Baji' wa Agea'²¹Imu' ngalaka dangah da ngagatnmuji' wa nenek moyang te', 'Iya' ngamis,' ge' 'Asi da ngamis pantas gatnminsakng wa' pangadilan.' ²²Tapi, Iko' muji' wa'imu' bahwa asi pun da baji' wa' agea' pantas madi ka sadatn hukuman, ge' asi pun da muji' wa agea', 'Imu' gila,' pantas madi' ka hadapan Mahkamah Agama, ge' asi pun da nyansana, 'Imu' baga', pantas madi ka api naraka.²³Karna dakoh. sak imu' mamparsambah parsambahanmu' ka tumukng altar, ge' ka teetn mu' sanuut bahwa agemu ani jai-jai tarhadapmu, ²⁴Ngagatnmih parsambahanmu dakoh ka tura altar ge' anumih ya' uru' badamai nige' agemu. ngalaka dakoh urelah agi ge' mangkatlah parsambahanmu.²⁵Sacapat mungkin, badamaimih nige' sok da nuduhmu selagi imu' samahua sadatn pajalatnmu supaya iya' sampe sok da nuduhmu dakoh nyarah imu' wa' pagawaia', ge' imu' gatn nyese' wa' panjara. ²⁶Iko' muji' da sabanara wa' imu', imu' ti' ao' bisa mungkas umpatn teetn sampe imu' nga mayar sampe sen da pangkabas. Sok Da Babayu²⁷"Imu' ngalaka dangah bahwa ngagatnmuji, 'Iya' Babayu.' ²⁸Tapi, Iko' muji' wa'imu' bahwa satiap sok da nyantunung nyungan mahu ge' ngattea', ini' nga babayu nige' mahu dakoh ka sadatn atea.²⁹Sa' matu' sentao'mu' umasmu baduse, nyungkelta matumu' dakoh ge' matatnmih. Sabab, labih bait imu' kahilangan salah satu aggota unganmu' daripada smaan-mana unganmu gatn matatn ka sadatn neraka. ³⁰Ge', sa' barekngmu umasmu' baduse, nyantak ge' matatnmih barekngmu dakoh karna labih bait imu' kahilangan salah satu anggota unganmu' daripada smaan-mana unganmu gatnmatatn ka sadatn naraka. Aturan manganai Parcarean³¹Nga gatnmuji': Asi da nyarai sautna' arus mangkatn surat care wa' sautna' dakoh. ³²Tapi, Iko' muji' wa imu' bahwa asi da nyarai sautna', kacuali karna babayu, ini' umas sautna' babayu. Ge', asi da bainyha' nige' mahu da nga gatnnyare dakoh, ini' uga babayu. Manganai Sumpah³³Nyakali agi', imu' nga dangah da gatnmuji' wa' nenek moyang ite', 'Iya' basumpah palsu, tatapi malaksanamih sumpahmu dakoh ka hadapan Tuhan.' ³⁴Namun, Iko' nyansana wa'imu': Iya' nyakali-kali imu' basumpah, antah demi surga karna surga anilah takhta Jabata, ³⁵atopun demi tana'paitn karna tana'paitn anilah tumpuan kaja'-A, atopun demi Yerusalem karna dakoh anilah kota Sang Raja Ahyo.³⁶Iya' uga imu' basumpah demi abakmu' karna imu' ti' kaatn umas nyatangke abok pun, ranakng ato sungut, ³⁷Namun, saharusa saratmu', ae' sa' ae', kati' sa' kati', karna diluar dakoh utukng umpatn si jahat. Manganai Pambalasan³⁸Imu' ngalaka dangah jai da nga gatnmuji', 'Matu' ganti matu' ge' japu' ganti japu'. ³⁹Namun, iko' muji' wa'imu' iya' malawan da jahe', malah asi da namparmu' wa' kuko' sentao', nyarah uga wa'ini' kuko'mu da laitn uga'.⁴⁰Ge', sa' sook ngana' nuntutmu' ge' naap pangiakmu', mangkatn uga jubahmu' wa'ini'. ⁴¹Ge', asi da maksemu' bajalatn 1 mil, bajalatnmih samahua 2 mil jauha'. ⁴²Mangkatta wa' sok da mahi wa'imu' ge' iya' nolak sok da ngatte nginyam umpatnimu'." Kasihimih Munsuhmu⁴³"Imu' ngalaka dangah firman da muji', 'Kasihimih sesamamu', ge' 'Bencimih munsuhmu'. ⁴⁴Namun, Iko' muji kimu', kasihimih ayo munsuhmu ge' badoamih bagi ayo sok da nganyaya imu', ⁴⁵nige ladakoh imu' kaatn jadi anak-anak Sama'mu' da ka surga karna Ini' mangkatn matuano-A ya' sok da jahe' ge' da bait, ge' nyusor ujatn ya' da benar ge' da kati' benar.⁴⁶Sabab, kalo imu' duhutn mangasihi ayo sok da mangasihimu', upah jai da imu' kaatn? Inyata pangumpur sewa ug umas hal da samu'? ⁴⁷Ge', sa' imu' mangkatn salam duhutn wa ayo agemu, jai rabeha parbuatanmu? Inyata ayo sok da kati' kanal wa Jabata uga' umas ulah dakoh? ⁴⁸Karna dakoh, imu' arus jadi sempurna, ulah Sama'mu' da ka surga anilah sempurna."

Chapter 6

¹ "Waspada ta sadatn umas kawajiban agamamu' ka tura' talino, iya' nige' maksud ya' ayoa' mile'. Sa' ladakoh, imu' kati' ao' kaatn upah umpatn Samamu' da ka surga.² Karna dakoh, waktu imu' mangkatn sadakah, iya' mihu tarumpet ka tura' mu' samu ge' ayo sok munafik umas ka sinagoge-sinagoge ge' gala'-gala' supaya ayoa gatn sok laitn ngarania. Iko muji' da sabanar'a ka imu' bahwa ayoa ngalaka kaatn upah'a.³ Tapi ao'a, waktu imu' mangkatn sadakah, iya' ta mambiar barekng sengkirimu' panane ja da barekng sentao'mu' umas.⁴ supaya sadakahmu' dakoh kati' tile' ge' Samamu' da mile' da kati' tile' dakoh ao' mangkatn upah ka imu'." Ajaran manganai Badoa⁵ " Ge', waktu imu' badoa, iya' samu ge ayo sok munafik karna ayo'a suka agutn ge' badoa ka sinagoge-sinagoge ge' pitok-pitok gala' supaya sok laitn mile'. Iko muji da sasungguh'a ka imu', ayo'a ngalaka narima upah'a.⁶ Tapi ao'a, waktumu' badoa, maruh mih kasadatn uhakngmu' ge' ngabut mih pintu'a , ge' badoa mih ka Samamu' da ani ka tampat da kati tile',maka Samamu' da mile' da kati' tile' dakoh ao' mangkatn upah ka imu'.⁷ Ge', waktumu' badoa, iya' manggune saratn-saratn da kati' ani rati'a,samu ge' da ayo sok da kati' nganal Jabata, sabab ayo'a ngira nige' karah'a saratn-saratn, ayo'a ao' gatn da dangah.⁸ Karna dakoh, iya' samu' ge' ayoa karna Samamu' panane jai da imu' palalu katinga imu' mahi'a ka Ini'. ⁹Badoa ta samu diah, "Sama' kai da ka surga, Da ngudus ta gaatn-Mu'.¹⁰ Utukng ta Karajan-Mu', Jadi ta kahandak-Mu' ka tana paitn samu ge' da ka surga.¹¹ Mangkatn ta kai, ka ano diah, pangkuman kai da sacukup'a.¹² Ge', ngampun ta sara'-sara' kai, samu' kai uga ngampun ayo sok da basara ka kai.¹³Ge', iya' ta minsak kai ka sadatn pancobaan, tapi ngarapas ta kai umpatn da jahat. Karna Akupm ta Sang Umpu' Karajaan, ge' kuasa, ge' kamuliaan sampe salama-lama'a. Amin.¹⁴Karna sak imu' ngampun sara'-sara' sok laitn, Sama' surgawimu' uga ao' ngampunmu'. ¹⁵ Tapi ao'a, sak imu' kati' ngampun sara'-sara' sok laitn, Samamu' uga kati' ao' ngampun sara'-sara'mu'." Sikap waktu Bapuasa¹⁶"Ge', waktu imu' bapuasa, iya' sirum-sirum samu ge' sok munafik karna ayoa ngubah bahas'a supaya sok laitn mile' ni' agi bapuasa. Iko' muji' da sabanar'a ka imu' bahwa ayo'a laka kaatn upah'a.¹⁷ Tapi ao'a, imu', sak bapuasa, gatn mangkabinyak ta abakmu' ge' me'et ta bahasmu'¹⁸ supaya puasamu' kati' sok mile', tapi yak Samamu' da ani ka tampat da kati' tile'. Ge', Samamu' da mile' parbuatanmu' da kati tile' dakoh ao' mambalas'a ka imu'." Ngubu' ta Harta ka Surga¹⁹ " Iya' nimbun ya' da adupmu' sadi' harta ka tana paitn, tampat bubuk ge' gagat marusak, ge' tampat parangko mambungkar sarta nangko. ²⁰ Tapi ao'a, ngubu' ta ya' dimu' sadi' harta ka surga, tampat bubuk ge' gagat kati' marusak ge' tampat parangko kati' mambungkar sarta nangko. ²¹Karna ka dume hartamu madi', ka dakoh uga atemu' madi'.²²" Matu anita palita ungan. Jadi, sak matumu' lamus, samaan unganmu' ao' jadi tarakng. ²³Tapi ao'a, sak matumu' jahe, samaan unganmu' ao' panhu kagalapan. Jadi, sak tarakng da saharus'a ani ka imu' anita kagalapan, batapa kuat ata kagalapan dakoh."²⁴" Kati' ani sok da abak malayan dua tuan karna ini' ao' rusi' ka tuan da nyungan ge' sayang ka tuan da laitn, ato ini' ao' setia ka tuan da nyungan ge' ngaremeh da laitn'a. Imu' kati bisa malayan Jabata ge' mamon. "Iya' Imu' Kuater²⁵" Sabab dakoh ta Iko muji'ka imu', Iya' kuater manganai idupmu', jai da ao' imu' uman ato jai da imu' nyucur. Ladakoh uga manganai unganmu', jai da ao' imu' ngiak. Inya ta idup labih penting daripada pangkuman, ge' ungan daripada pangiak?²⁶Milek mih manuk-manuk da ka rangit da kati' mura, kati' manen, ge' kati' ngubu'a ka sadatn langko, tapi Sama surgawimu' mangkatn ayoa uman. Inya ta imu' labih bararga daripada ayoa?²⁷Asilah ka antara imu' da karna kuater abak nambah nyahasta ka umur'a?²⁸Ge', manganai pangiak, jailah imu' kuater? mampratilah bunga bakung ka taya udu, langkina ayoa makkat, ayoa kati' bakaraje ge' uga' kati' mamintal, ²⁹ tapi Iko muji' ka imu' bahwa Salomo sadatn samaan kamuliaan'a pun kati' bapangiak samu ge' salah satu umpatn bunga-bunga dakoh.³⁰Jadi, sak udu' ka taya udu', da ano diah ani ge' jakkap gatn nyangkahatn ka sadatn tungko api, Jabata ngadandan'a ladakoh tao', inyata imu' labih agi', hei imu' da kurang iman?³¹ Karna dakoh, iya' imu' kuater nige' muji', 'Jai da ao' kai uman?', ato 'Jai da ao' kai nyucur?', ato 'Jai da ao' kai ngiak?'

³³Tapi ao'a, najota uru Karajaan ge' kabanaran-A, ge' samaan dakoh ao' gatn nambah'a ka imu'. ³⁴Jadi, iya' kuater manganai ano da ao'a karna ano da ao'a ao' umpu kuater adup'a. Nyukup ta nyano nige' kasusahana sadi'.

Chapter 7

¹"Iya' manghakimi biar imu' kati gat'n manghakim. ²Barang nige panghakiman da imu' gune ya' manghakimi, imu' aok gat'n manghakim, ge' nige ukuran da imu' ngukur aok gat'n ngukur ka imu'.³Ge', jai imu' mile uras kayu wak matu agemu', tapi kati pane balok da ani wak matumu' sandiri? ⁴Ato, langkina bisa imu' muji' ka agemu', 'Kate iko' ngaluar uras kayu dakoh umpatn matumu',' tapi ile, ani balok wak matumu' sandiri? ⁵Hei, sok munafik, kaluar uru balok dakoh umpat'n matumu', ge' lakadakoh imu' aok mile nige jelas ya' ngaluar uras kayu umpat'n matu agemu'.⁶Iya' mangkatn barang da kudus wa' ayo kasu', iya' uga' nyangkahatn mutiaramu' ka tura' babi supaya ayoa' kati' nginyak-nginyak dakoh nige' kaja' a' ge' malik ngarantak-rantak imu'." Mahimih, najomih, ge' ngatokmih⁷"Mahilah, ge' hal dakoh aok gat'n mangkat'n ka imu'. Najolah, ge' imu' aok kaat'n. Ngatoklah, ge' hal dakoh aok gat'n muka bagimu'. ⁸Barang, satiap sok mahi, ini' narima, ge' sok da najo aok kaat'n, ge' bagi ini' da ngatok aok gat'n muka'. ⁹Ato, asi umpat'n antara imu', da ani anak'a mahi roti aok mangkat'n batu ka anak'a dakoh? ¹⁰Ato, sa' anak'a mahi ikat'n, ini' kati aok mangkat'n nipa ka anak'a dakoh, inya?¹¹Jadi, sa' imu' da jahe pane langkina mangkat'n anak-anakmu pamberian-pamberian da bait, talabih agi Samamu' da wak saruga, Ini' aok mangkat'n da bait ka ayo'a da mahi ka-Ini." Hukum da Tarutama ¹²"Barang dakoh, sagala tarut'n imu' ngate sok bulah ka imu', lakoh uga imu' bulah ka ayo'a barang diahlah isi Hukum Taurat ge' kitab ayo nabi." Jalat'n Nuju Kahidupan¹³"Maruhlah nabo garbang da sampit barang lebarlah garbang ge' luaslah pagala da nuju ka kabinasaan, ge' ani karah da maruh nabo'a. ¹⁴Sa', sampitlah gerbang ge' sesaklah pagala da nuju ka kahidupan, ge' iget da amput'a." Paringatan tentang Nabi-Nabi Palsu¹⁵"arus, waspadalah tradap nabi-nabi palsu da utukng ka imu' tapangiak domba, tapi sabanar'a ayo'a ani ta serigala da garang. ¹⁶Umpat'n buah'a imu' aok nganal ayo'a kaat'n sok ngubu buah-buah anggur umpat'n rumpo unak ge' buah-buah ara umpat'n puut'n da ba unak? ¹⁷Lakoh uga, satiap puut'n da bait ngasil buah da bait, tapi puut'n da kati bait ngasil buah da kati bait.¹⁸Puut'n da bait kati mungkin ngasil buah da kati bait, ge' puut'n da kati bait kati mungkin ngasil buah da bait. ¹⁹Satiap puut'n da kati ngasil buah da bait aok gat'n nabakng ge' gat'n matat'n ka sadat'n api. ²⁰Jadi, umpat'n buah-buah'a imu' aok nganal ayo'a.²¹Kati samaan sok da nyansana ka-Ko', 'Tuhan, Tuhan,' aok maruh ka sadat'n krajaan saruga, malait'nkan ini' da bulah kahendak Sama'ko' da wak saruga. ²²Pas ano dakoh, karah sok aok nyansana ka-Iko', 'Tuhan, Tuhan, inya ta kai' banubuat ka sadat'n gaat'n-Mu', da nguser Roh-Roh jah ka sadat'n gaat'n-Mu'? ²³Lalu, iko' aok muji'a ka ayo'a iko' parnah nganal mu'! lalu umpat'n ko', imu' da ngaraje da sara'!'" Dangah nige da Bulah²⁴"Sa', lakoh, samaan sok da dangah sarat'n-Ko' diah ge' bulah'a aok jadi ulah sok bijaksana da mambangun ramin'a wak samo batu. ²⁵Lalu, disahlah ujat'n ge' utuknglah banjir, ge' nyaru batiup narajakng ramin dakoh kati ruboh barang gat'n mantagut'n wak samo batu.²⁶Ge', satiap sok da dangah sarat'n-Ko' diah ge' kati bulah'a aok jadi ulah sok baga da mantagut'n ramin'a wak samo pasir. ²⁷Lalu, disahlah ujat'n ge' utuknglah banjir, ge' nyaru batiup narajakng ramin dakoh, ge' ramin dakoh ruboh, ge' aru aihyo rusak'a."²⁸Jangkah Yesus salesai muji' hal-hal diah, sok karah taheran-heran ka pangajaran-A, ²⁹Barang Ini' ngajar ayo'a sabage sok da bakuasa, ge' kati ulah ahli-ahli Taurat ayo'a.

Chapter 8

¹Jangkah Yesus disah umpat'n mungu dakoh, kumpur sok karah nganang-A. ²Ge', mile, sook da anap'm kusta utukng ka-Ini' ge' sujud wak tura-A, ge' nyansana, "Tuan, kalo Akup'm ituh, Akup'm kaat'n baranakko'." ³Ge', Yesus nyulo barekng-A gae nyangkam'a, wat'n-A, "Iko' ituh, awhat'nlah." angkah dakoh uga, gat'n ngangkawhant'nlah kusta sok dakoh.⁴Ge', Yesus nyansana ka ini, "mampratilah, iyak imu' nyarita jai-jai ka sook, tapi anulah, pratikanlah adupmu' ka imam, ge' parsambahkanlah parsembahan da gat'n marintah Musa sabage kasaksian yak ayo'a. "Sook Palayan Parwira Romawi Gat'n nyambuh⁵Jangkah Yesus maruh ka Kapernaum, sook parwira utukng ka-Ini', mahi ka-Ini', ⁶ge' nyansana, "Tuan, hambako' sadakng gurikng lumpuh wak ramin, aru manderita." ⁷Ge', Yesus nyansana ka ini', "Iko' aok utukng ge' nyambuh ini'."⁸Tapi aok'a, parwira dakoh naham ge' nyansana, "Tuan, iko' kati layak yak Akup'm maruh ka saroh aro ko', tapi muji'lah nyapatah sarat'n sadi ge' hambako' aok gat'n ngangkawhat'n. ⁹Barang, iko' uga diu'ta sok da ani ka saroh kakuasaan, nige tantara-tantara wak sarohko'. Ge', iko' nyansana ka da nyungan, 'Anulah,' ini' pun anu, ge' ka da lait'n, 'Utukngnih,' ge' ini' pun utukng, ge' ka hambako', 'Umas diah,' ge' ini' pun umas'a." ¹⁰Jangkah Yesus dangah hal diah, Ini' kagum ge' nyansana ka ayo-sok da nganang-A, "Iko' nyansana da sbanar'a ka imu', Iko' ti'nga amput imam da aihyo diah wak antara sok Israel.¹¹Iko' nyansana ka imu' saroh karah da aok utukng umpat'n timur ge' barat, ge' unyung uman nige Abraham, Ishak, ge' Yakub ka sadat'n Krajaan Surga, ¹²tapi anak-anak krajaan dakoh aok gat'n matat'n ka sadat'n patakng da paling patakng. Wak teet'n aok ani rahu-rahu ge' bagaret japu." ¹³Ge', Yesus nyansana ka parwira dakoh, "Anulah, kate'alah tarjadi ka imu' ulah da imu' macaya." Ge', pas angkah dakoh uga, hamba'a gat'n ngangkawhat'n. Sino Martua Petrus ge' Sok Karah Gat'n ngangkawhat'n¹⁴Jangkah Yesus utukng ka ramin Petrus, Ini' mile sino martua Petrus sadakng gurikng ge' sanguh. ¹⁵Lalu, Yeus nyangkam barekng sino dakoh ge' sanguh'a ilang. Laka dakoh, ini' umpat ge' malayani Yesus.¹⁶Jangkah ngarami ano, ayo'a minsakng ka-Ini' karah sok da karasukan roh jahe, ge' Ini' nguser roh-roh dakoh nige nyiteng sarat'n, ge' ngangkawhat'n samaan sok da anap'm, ¹⁷supaya gat'n nganganap jai da gat'n nyansana uleh Nabi Yesaya: "Ini'lah da naap kalamahan-kalamahan ite ge' nanggong panyakit-panyakit ite." Manjadi Pangikut Yesus¹⁸Mati', jangkah Yesus mile sok karah ngangkalilikng-A, Ini' mangkat'n parintah yak batolak ka pajah. ¹⁹Laka dakoh, sook ahli Taurat utukng ge' nyansana ka-Ini', "Guru, iko' aok nganang-Mu' ka ume pun Akup'm anu." ²⁰Ge', Yesus nyansana ka ini', "Ayo rubah umpu liang ge' manuk-manuk wak rangit umpu sare-sare. Tapi aok'a, Anak Talino kati umpu tampat yak mana' abak-A."²¹Nyungan umpat'n ayo murid nyansana ka-Ini', "Tuhan, izinkanlah iko' yak talabih uru anu ge' ngubur sama'ko'." ²²Tapi aok'a, Yesus nyansana ka ini', "Ngananglah Iko', ge' kate'alah sok kabis ngubur sok kabis ayo'a sadi." Yesus Maredakan Badei²⁵²³Ge', jangkah Yesus maka' ka parahu, murid-murid-A nganang Ini'. ²⁴Ge', ilelah, tarjadi badei aihyo wak timu' sahingga parahu dakoh tatutup ombak. Tapi aok'a, Yesus ge' ngias-A, wat'n'a, "Tuhan, salamatkan kai'! Ite sadakng binasa!"²⁶ Ge', Ini' nyansana ka ayo'a, "Nyai imu' buut, hei imu' da kurang baiman?" Lalu, Ini' agut'n ge' nguser nyaru gae timu' dakoh, ge' manjadi tanang sakali. ²⁷ Maka, ayo-sok dakoh taheran-heran ge' nyansana, "Sok samu jailah Ini' diah, bahkan nyaru ge' timu' pun nurut-A?" Dua Ungan Gadara Karasukan Roh Jahe²⁸ Jangkah Yesus utukng wak pajah timu', wak daerah sok Gadara, dua ungan da karasukan roh jahe amput-A. Ayo'a mungkas umpat'n kuburan nige aru garang sahingga kati ani sok da kaat'n nabo pagala dakoh. ²⁹ Ge', ilehlah, ayo'a ngampak, wat'n'a, "Jai urusan antara Akup'm nige kai', hei Anak Jabata? Jai Akup'm utukng yak nyiksa kai' kati'nga waktu'a?"³⁰ Ge', agak jauh umpat'n ayo'a ani sakawanan aihyo uwe da sadakng najo pangkuman. ³¹ Sitan-sitan dakoh mahi ka-Ini' ge' nyansana, "Sa' Akup'm ngate nguser kai' pindah ka sadat'n kawanan uwe dakoh." ³² Ge', Yesus nyansana ka ayo'a, "Anulah!" Lalu, ayo'a mungkas ge' maruh ka sadat'n uwe-uwe dakoh. Laka dakoh, samaan kawanan uwe dakoh pun nyangukng umpat'n tabikng timu' ge' kabis wak sadat'n pait'n.³³ Ayo-sok da mangambala kawanan uwe dakoh boho adup'a, ge' maruh ka sadat'n kota, ge' nyarita samaan'a, tarmasuk jai da tarjadi nige ayo-sok da gat'n ngarasuk sitan dakoh. ³⁴ Ge', ilelah, samaan kota mungkas yak badaput nige Yesus. Jangkah mile Yesus, ayo'a mahi-A yak ngagat'n wilayah ayo'a.

Chapter 9

¹ Ngalaka maruh ka parahu, Yesus ngalangkah tahuu' ge' tiba wak kota-A sadi ² ge' mile, ayo'a minsakng ka ini' sok lumpuh da gurikng ka tampat pabuus waktu mile iman ayo'a. Yesus nyansana ka sok lumpuh dakoh "teguhkanlah ate mu' anak-Ko', duse mu' gat'n ngampun."³ Laka dakoh, mani ungan ahli Taurat nyansana ka sadat'n ate'a, "Sok diah manhujat!" ⁴ Tapi, Yesus pane pikiran ayo'a, wat'n-A, "Nyai ayo kup'm mikir da jahe ka sadat'n atemu'? ⁵ Dumelah da labih mudah, nyansana 'Duse-dusemu' gat'n ngampun,' ato nyansana, 'Umpatlah ge' bajalat'nlah'? ⁶ Tapi aok'a, supaya imu' kaat'n pane kalo wak bumi Anak Talino bakuasa ya' mangampuni duse. "Laka dakoh, Yesus nyansana ka sok lumpuh dakoh, "Umpatlah, ngantat'nlah tampat pabuusmu', ge' urelah!"⁷ Maka, ini' umpat ge' ure. ⁸ Barang, pas sok karah mile hal diah, ayo'a jadi takjub ge' mamuliakan Jabata da mangkat'n kuasa ulah dakoh ka talino. Matius Pangumpul Pajak Nganang Yesus ⁹ Pas Yesus anu umpat'n situ, Ini' mile sok da gat'n maba Matius sadakng unyung wak tampat pangumpulan pajak. Lalu, Yesus nyansana ka ini', "Ngananglah Iko'." Ge', Matius agut'n ge' nganang Yesus.¹⁰ Pas waktu Yesus unyung uman wak sadat'n ramin dakoh, mile, karah pangumpul pajak ge' ayo-sok baduse utukng, lalu unyung uman samahu Yesus ge' murid-murid-A. ¹¹ Ge', pas ayo-sok Farisi mile hal diah, ayo'a nyansana ka murid-murid-A, "Nyai Gurumu' uman samahu para pangumpul pajak ge' ayo-sok baduse?"¹² Tapi aok'a pas Yesus dangah hal dakoh, Ini' nyansana, "Ayo'a da sehat kati mambutuhkan tabib, malait'nkan ayo'a da anap'm. ¹³ Tapi, anulah ge' palajari jai arti'a diah, 'Iko' manghendaki pamase'a,' inya parsembahan,' sa' Iko' utukng inya ya' maba da taman, malait'nkan ayo-sok baduse." Partanyaan tentang Bapuasa¹⁴ Laka dakoh, murid-murid Yohanes utukng ka Yesus ge' mansikat'n, "Nyai kai' ge' ayo-sok Farisi bulah puasa, tapi murid-murid-Mu kati bapuasa?" ¹⁵ Ge', Yesus nyansana ka ayo'a, "Kaat'nkah para pangrikng pangantin badukacita salama pangantin are-are masih samahu-mahu nige ayo'a? Tapi aok'a, aok tiba waktu'a pas pangantin are-are dakoh gat'n naap umpat'n ayo'a, ge' laka dakoh ayo'a aok bapuasa."¹⁶ Kati ani sook pun da namal saput da bahu ka pangiak da tuhi, barang namal dakoh rubek pangiak da tuhi ge' makin aihyolah rubek'a.¹⁷ Uga, kati ani sok da nuntokng anggur bahu ka sadat'n kantong kurit da tuhi. Sa ladakoh, kantong kurit dakoh aok rubek, ge' anggur'a aok tuntokng, ge' kurit'a ancur. Tapi aok'a, ayo'a mana' anggur da bahu ka kantong kurit da bahu pula sahingga kadua'a tarpelihara." Yesus ngabangkit ge' ngangkawhat'n'a¹⁸ Samantara Yesus muji' hal-hal diah ka ayo'a, mile, sook pamimpin ramin sambahyang utukng ge' manyembah-A, ge' nyansana, "Anak mahuko' baru ta kabis. Tapi aok'a, utukng ge' mana'lah barekng-Mu' ka samo'a, maka ini' aok idup." ¹⁹ Lalu, Yesus umpat ge' nganang sok dakoh, lakoh uga nige murid-murid-A.²⁰ Ge', milelah, sook mahu da laka manderita pandarahan salama dua balas taun ngariket Yesus umpat'n balakang ge' manjamah ujukng jubah-A, ²¹ sa' mahu dakoh nyansana ka adup'a sadi, "Sa' iko' marap jubah-A saja, iko' aok awhat'n ²² Tapi aok'a, Yesus malik ge' mamandang mahu dakoh, lalu nyansana, "Teguhkanlah atemu', hei anak-Ko', imanmu' laka ngangkawhat'nmu'. "Pas no' dakoh uga, awhat'n'ta mahu dakoh.²³ Pas Yesus tiba wak ramin kapala ramin sambayang dakoh ge' mile para paniup suling ge' karumunan sok da manyababkan kabisingan, ²⁴ Ini' nyansana ka ayo-sok dakoh, "Anulah, barang anak mahu dakoh kati kabis, malait'nkan sadakng buus." Ge', ayo'a ngalukat'n Yesus.²⁵ Barang, pas sok karah dakoh laka gat'n ngusir mungkas, Yesus maruh lalu nyinte barekng kangot dakoh, ge kangot mahu dakoh pun umpat. ²⁶ Barita diah tarsabar ka saluruh daerah dakoh. Yesus ngangkawhat'n dua ungan sok Buta²⁷ Pas Yesus anu umpat'n dakoh, dua ungan buta nganang Ini' sambil kaekng-kaekng, "Maselah ka kai', Anak Daud." ²⁸ Ngalaka Ini' maruh ramin dakoh, kadua ungan buta dakoh ngariket'-A ge' mansikat'n ka ayo'a, "Diu'ta imu' pacaya kalo Iko' kaat'n bulah hal diah?" Ayo'a nyansana ka-Ini', "Ai, Tuhan!"²⁹ Laka dakoh, Yesus manjamah matu ayo'a, wat'n-A, "Jadilah ka imu' manurut imanmu'." ³⁰ Ge', tabukalah matu ayo'a. Yesus nige tegas mamparingatkan ayo'a, "Pratikanlah, iya' ani sook pun pane hal diah." ³¹ Tapi aok'a, ayo'a mungkas ge' manyabarkan barita tentang Yesus ka saluruh daerah dakoh. Yesus Manyembuhkan Sok Bisu³² Ngalaka kadua sok dakoh mungkas, ilelah, ayo-sok minsakng sook awa' dakoh gat'n ngarasuk roh da jahe ka Yesus. ³³ Ngalaka roh da jahe dakoh gat'n nguser, sok awa' dakoh pun nyansana. Sok karah dakoh jadi heran ge' muji', "Hal ulah diah ti'nga parnah gat'n mile wak Israel." ³⁴ Tapi aok'a, ayo-sok Farisi muji', "Ini' nguser roh-roh da jahe nige panguasa roh-roh da jahe." Karah Panenan Iget Pangaraje³⁵ Ge', Yesus anu kalilikng samaan kota ge' desa sambil ngajar wak sinagoge-sinagoge ayo'a, ge' nyarita Injil krajaan, gae ngangkawhat'n sagala panyakit ge' anap'm. ³⁶ Pas Yesus mile sok karah dakoh, Ini' marasa mase ka ayo'a barang ayo'a lalah ge' talantar ulah domba-domba tanpa gambala.³⁷ Laka dakoh, Ini' nyansana ka murid-murid-A, "Sasungguh'a, panenan karah, tapi pangaraje-pangaraje'a iget." ³⁸ Barang dakoh, mahilah ka Tuhan da umpu panenan, ya' ngirim pangaraje-pangaraje ka sadat'n panenan-A."

Chapter 10

¹ Ge', Yesus maba kadua balas murid-A ge' mangkat'n ayo'a kuasa ka samo roh-roh najis ya' nguser roh-roh dakoh ge' ya' ngangkawhat'n sagala macam panyakit maupun sagala macam pangkanap.² Diahlah gaat'n-gaat'n kadua balas rasul dakoh: da partama, Simon da gat'n nyebut Petrus, ge' Andreas age'a, ge' Yakobus anak Zebedius, ge' Yohanes age'a, ³ Filipus, ge' Bartolomeus, Tomas, ge' Matius si pamungut pajak, ge' Yakobus anak Alfeus, ge' Tadeus, ⁴ Simon sok Zelot, ge' Yudas Iskariot da mangkhianati Yesus.⁵ Yesus mangutus kadua balas rasul dakoh ge' marintah ayo'a, "Iya' anu ka pagala bangsa-bangsa lait'n ato maruh ka sadat'n kota sok Samaria, ⁶ malait'nkan anulah ka domba-domba da sasat umpat'n antara umat Israel. ⁷ ge', salama imu' anu, nyaritalah nige nyansana, 'karajaan Saruga agi riket.'⁸ nyembuhkanlah da anap, ngiduplah da kabis, tahirkanlah da kusta, ge' nguserlah roh-roh da jahe. Imu' narima nige cuma-cuma, mangkat'nlah nige cuma-cuma. ⁹ Iya' imu' minsakng barawat'n, ato parak, ato tambaga ka sadat'n ikat pinggangmu', ¹⁰ ato tas ya' pajalat'n, ato dua halai baju, ato sandal, ato tongkat barang sok pangaraje pantas ya' pangkuman'a.¹¹ Ge', wak kota ato desa dume pun da imu maruh, da nyalidik asi da layak wak sadat'n'a ge' madilah wak teet'n sampe imu' barangkat. ¹² Pas imu' maruh ramin dakoh, mangkat'nlah salam. ¹³ Ge', sa' ramin dakoh layak, kate'a dame sejahteramu' disah ka samo'a, tapi sa' kati, kate'alah dame sejahteramu' malik ka imu'.¹⁴ Ge', asi saja da kati narima imu' ato kati ituh dangah parkataanmu', pas imu' mungkas umpat'n ramin ato kota dakoh, ngibaslah dabu kajamu'. ¹⁵ Iko' muji' da sabanar'a ka imu' kalo pas ano panghakiman, tana Sodom ge' Gomora aok labih bisa mananggong'a dari pada kota diah." Kasulitan-kasulitan da aok gat'n manghadap para Murid¹⁶ "Ile, Iko' mangutus imu' ulah domba ka tuda-uda sarigala. Barang dakoh, jadilah cerdik ulah nipa ge' tulus ulah manuk marpati. ¹⁷ Tapi aok'a ati-atilah tradap ayo-sok barang ayo'a aok nyarahmu' ka Sanhedrin ge' aok nyambukmu' wak sinagoge-sinagoge ayo'a. ¹⁸ Ge', imu' aok minsakng ka tura para panguasa ge' para raja demi Iko', sabage kasaksian ya' ayo'a ge' ya' bangsa-bangsa lait'n.¹⁹ Tapi, pas ayo'a nyarah imu', ikya' khawatir tentang langkina ato jai da imu' muji' barang saat dakoh uga aok mangkat'n ka imu' jai da harus imu' muji'. ²⁰ Sa', inya imu' da nyansana, tapi dakoh diu'ta Roh Bapamu' da nyansana wak sadat'n imu'.²¹ Ayo age aok nyarah age'a ka sok da kabis, ge' sama' tradap anak'a. Ge', anak-anak aok malawan ayo sok dama ge' ngamis ayo'a ²² Imu' aok gat'n ngajahe uleh samaan'a barang gaat'n-Ko, tapi sok da batahan sampe akhir aok gat'n nyalamat. v 23 Pas ayo'a nganiaya imu' ka sadat'n sok kota, talamalah ka kota da lait'n. Iko' muji' da sabanar'a ka imu' kalo imu' kati aok salesai melewati kota Israel sampe Anak talino utukng.²⁴ Murid kati malabihi guru'a, ladakoh uga hamba kati malabihi tuan'a. ²⁵ Cukuplah sa' murid jadi ulah guru'a, ge' hamba jadi ulah tuan'a. Sa' ayo'a nyebut tuan'a ramin dakoh Beelzebul, labih buruk agi ka angota kaluarga'a." Buutlah ka Jabata Inya ka Talino²⁶ "Barang dakoh, iya' imu' buut tradap ayo'a sa' kati ani jai pun da tartutup da kati aok gat'n ngungkap, ato da basukat'n da kati aok gat'n pane. ²⁷ Jai da Iko' muji' ka imu' ka sadat'n patakng, muji'lah dakoh ka sadat'n tarakng. Ge', jai da imu' dangah barukup'm wak rajakmu', nyarita ta lah wak samo aro ramin.²⁸ Iya' buut ka ayo'a da ngamis ungan, tapi kati kaat'n ngamis jiwa, malait'nkan tarlabih buutlah ka Ini' da kaat'n memusnahkan jiwa maupun ungan wak naraka. ²⁹ Inya'ta dua ungan manuk pipit gat'n nyual ya' nyiteng uang ? Ge', kati ani nyungan pun umpat'n ayo'a aok jantu ka tana wak sato kahendak Bapamu. ³⁰ Bahkan, abok ka abakmu' samaan'a taritong. ³¹ Barang dakoh, iya' buut, imu' labih banilai daripada karah manuk pipit." Ngako Yesus wak tura Sok Lait'n³² "Jadi, satiap sok da ngako Iko' wak tura talino, Iko' uga aok ngako'a wak tura Bapa-Ko' da ani wak saruga. ³³ Tapi aok'a, asi da nyangkal Iko' wak tura talino, Iko' uga aok manyangkal'a wak tura Bapa-Ko' da ani wak saruga." Tujuan Pajutukng Yesus³⁴ "Iya' bapikir kalo Iko' utukng ya' minsakng pardamean wak bumi. Iko' utukng inya ya' minsakng pardamean, malait'nkan padang. ³⁵ Sa', Iko' utukng ya' misah are-are umpat'n sama'a, kangot mahu umpat'n sino'a, ibat'n mahu umpat'n sino datu'a, ³⁶ ge' musuh sook diu'ta umpat'n angota kaluarga'a.³⁷ Asi da labih nganyayang sama' ato sino'a daripada Iko'. kati layak bagi-Ko'. Ge', asi da labih nganyayang kangot are-are ato anak'a da mahu daripada Iko', kati layak bagi-Ko'. ³⁸ Ge', asi da kati maha salib'a ge' nganang Iko', kati layak bagi-Ko. ³⁹ Asi da mampartahankan nyawa'a aok kahilangan nyawa'a, demi Iko' aok kaat'a." Upah umpat'n Jabata⁴⁰ "Asi da narima imu', narima Iko'. Ge', asi da narima Iko', narima Ini' da ngutus Iko'. ⁴¹ Asi da narima nabi ka sadat'n gaat'n nabi aok narima upah nabi. Ge', asi da narima sok taman ka sadat'n gaat'n sok taman aok narima upah sok taman.⁴² Ge', asi da mangkat'n nyucur ka sara' nyungan umpat'n ayo-sok da inek diah maskipun hanya sacangkir pait'n panut ka sadat'n gaat'n sook murid, Iko' muji' da sabanar'a ka imu', ini' kati aok kahilangan upah'a."

Chapter 11

¹Pas Yesus ngalaka mangkatn parintah ka dua belas murid-A', Ni' ano umpatn teetn yak ngajar ge berkhotbah ka kota-kota ayo' a'. Yesus Ge Yohanes Pembaptis ²Mati', pas Yohanes, da ani ka panjara, dangah pangaraje-pangaraje Kristus, ni' ngirim pasan lewat murid-murid a'. ³ge mansikatn ka-Ini', "Diuta imu' da ao' utukng dakoh, ato arusbak kai nunggu da lait a'?"⁴Yesus naham ge nyansana ka ayo', "Anolah ge muji a' ka Yohanes jai da imu' dangah ge da ni mile, ⁵da buta mile, da lumpuh bajalant, da kusta gatn nahir a', da banggal danggah, da kabis gatn mangkidup, ge ka da papa' gatn ngabar Injil. ⁶Ge, gatn berkatilah sok da kati tasingkak kat-Ko'."⁷Ge, ngalaka ayo ano, Yesus mule nyansana ka sok karah tentang Yohanes, "Jai da nagte imu' mile ka tarut tuat? nyabatakng buro' da gatn ngule nyaru? ⁸Imu' ano yak mile jai? sook da bapangiak halus? Ayo' a' da ba pangiak halus dakoh ani ka istana-istana raja.⁹Yak mile ano bak imu'? nyungan nabi? Ae', Iko' muji ka imu, ni' bahkan lebih ahyo daripada nyungan nabi. ¹⁰Sabab, ini'lah sok da tentang a' laka gatn nulis:'ile! Iko' ngirim utusan-Ko' ngalewat a' -Mu'."¹¹Iko' muji a' da sebenar a' ka imu', ka antara ayo' a' da gatn nusak a' kat mahung, kati suah tampalak sok da labih ahyo daripada Yohanes Pembaptis. Ao' tapi, da paling inek sadatn kerajaan surga, labih ahyo daripada ini'. ¹²Sejak zaman Yohanes Pembaptis sampe mati', Kerajaan Surga mandarita kakakarasan, ge ayo' sok da kejam dakoh umas a' nige' paksa.¹³Sabab, samaan nabi ge Hukum Taurat bernubuat sampe zaman Yohanes. ¹⁴Ge, Jika imu' ituh narima a', ini'lah Elia da ao' utukng dakoh. ¹⁵Asi da ani rajak yak dangah, haruslah ni' dangah a'!¹⁶Namun, nige' jai bah ao' ko' banding a' generasi diah? ayo' a' dakoh samu kangod-kangod inek da unyung ka tampat-tampat sok karah, da maba kawan-kawan a'. ¹⁷ge nyansana, 'kai mihu suling yak mu, tapi kati joget, kai ngado lagu dukacita, tapi imu' kati berduka.¹⁸Karna Yohanes utukng tanpa uman, uga kati nyucur, ge ayo' a' nyansana, 'Ni' kerasukan roh jahe'.' ¹⁹Ao' tapi, pas anak Talino utukng lalu uman ge nyucur, ge ayo' a' nyansana, 'mile, sook da rangka ge pemabuk, kawan ayo pangumpul pajak ge ayo' sok baduse.' Ao' tapi, hikmat gatn benar a' kat perbuatan a." peringatan yak sok da kati tuh Pacaya²⁰Lakadakoh Yesus mule manyangun kota-kota tampat Ni' umas a' paling karah mukjizat karna ayo' a' kati batobat. ²¹"Celakalah imu, Khorazim! celakalah imu, Brtsaida! Sabab, jika mukjizat-mukjizat da laka tajadi ka antara imu' uga tajadi ka Tirus ge Sidon, ayo' a' nga tuhi ba toobat nige ba pangiak kabung ge abu. ²²Ao tapi, Iko' muji a' ka imu' bahwa ka ano penghakiman a' daripada imu'.²³Ge, imu, Kaparnaum, ao' kah imu' gatn ngagat a' sampe ka rangit? kati, imu ao' gatn nyosor a' ka dunia sok kabis, sabab jika mukjizat-mukjizat da laka tajadi ka antara imu' dakoh ta jadi ka Sodom, kota dakoh ao' tatap ani sampe ano diah. ²⁴Ao' tapi, Ako' muji a' ka imu' bahwa ka ano penghakiman, tana Sodom ao' labih bisa nanggung a' daripada imu'." kelegaan ka sok da Utukng ka Yesus²⁵Pas waktu dakoh Yesus nyansana, "Iko memuliakan Akupm, Bapa, Tuhan samo' rangit ge tana paitn, bahwa Akupm nyukatn samaan diah umpatn ayo' sok dabijaksana ge pande, ge mengungkap a' ka kangod-kangod inek. ²⁶Ae, Bapa, karna samu' dakohlah da berkenan ka hadapan-Mu. ²⁷Segale hal laka gatn nyerah a' ka-ko' kat Bapa-Ko'. Ge, kati nyungan pun da ngenal Anak, selain Bapa; kati nyungan pun ngenal Bapa selain Anak ge setiap sok da gatn kehendaki Sang Anak yak mengungkap a'.²⁸Utuknglah ka-Ko', samaan da latih lesu ge berbeban bahat, ge Iko' ao' mangkatnmu' kelegaan. ²⁹Umit ta kuk da ko masang, ge belajarta umpatn-Ko' karna Iko' lemah lembut ge rendah ate, ge imu' ao' kaatn ketenangan sadatn jiwamu'. ³⁰Sabab, kuk da Ko'masang dakoh mudah ge beban-Ko' nyahan.

Chapter 12

¹Jangkah dakoh, Yesus bajalatn nabo' uma' gandum wa' ano Sabat, ge' ayo murid-A saburuk, ge' ayoa' mulei ngutupm iteng-iteng gandum, umana.² Tapi, jangkah ayo sok Farisi mile' a', ayoa' muji' wa'-Ini', "Ile', ayo murid-Mu umas jai da ti boleh gatnumas wa' ano Sabat."³ Namun, Yesus muji' wa' ayoa', "Tinga suaha' imu' maca jai da Daud umas jangkah ini' ge' ayo pangananga saburuk, ⁴ langkina ini' maruh ka sadatn ramin Jabata ge' uman roti parsambahan da ti' boleh bagi ini' umana', ladakoh uga' ge' ayo sok da samahua', kacuali duhutn ayo imam?⁵ Ato, tinga suaha' imu' maca sadatn Hukum Taurat, bahwa wa' ano Sabat, ayo imam ka Bait Jabata malanggar Sabat ge' ayoa' kati' basara'?⁶ Tapi, Iko' muji' kimu' bahwa da labih ahyo daripada Bait Jabata ani ka diah.⁷ Namun, sa' imu' nga pane rati diah: 'Iko' ngatte pamase' ge' inya paarsambahan.' imu' ti' ao' suah ngukum da ti' basara.⁸ Sabab, Anak Talino anilah Tuhan wa' ano Sabat." Yesus Ngangkauhatn wa' Ano Sabat⁹ Ngalaka barangkat umpatn teetn, Yesus utukng ka sinagoge ayoa'.¹⁰ Ile', ani nyungan are da lumpuh ka nyararap barekng a'. Ge', ayoa' mansikatn wa' Yesus, waatn ayoa', "Anita gatnngijin ngangkauhatn wa' ano Sabat?" supaya ayoa' kaatn mansara' Yesus.¹¹ Ge', Ini' nyansana wa' ayoa', "Asi oranga ka antara kupm da umpu' nyungan domba, ge' sa' domba dakoh jantu ka sadatn rubakng wa ano Sabat, kati' ah ini' ao' narik a' ge' ngarapasa'?¹²Betapa jauh labih bararga ta talino daripada domba! Karna dakoh, gatnijin umas da bait wa' ano Sabat."¹³ Lakadakoh, Yesus nyansana wa' sok dakoh, "Nyulo' barekngmu'." Sok dakoh nyulo' barekng a' ge' gatnngangkauhatn sempurna ulah barekng a' da laitn.¹⁴ Tapi, ayo sok Farisi boho umpatn dakoh ge' bapakat malawan Ini', langkina ayoa' kaatn ngamis-A. Yesus, Hamba Pilihan Jabata¹⁵ Namun, Yesus, jangkah panane hal dakoh, boho umpatn dakoh. Karah da nganang-A ge' Ini' ngangkauhatn ayoa' smaan,¹⁶ ge' mamparingatkan ayoa' supaya ayoa ti' muji' ka sok laitn asi Ini'.¹⁷ Hal diah tarjadi ya' manggenapi jai da gatnnyampe nabo' Nabi Yesaya:¹⁸ "Ile'mih, hamba-Ko' da nga Ko'milih, da Ko'ngasihi, da wa'-Ini' jiwa-Ko' berkenan. Iko' ao' mana'roh-Ko' ka tumukng-A, ge' Ini' ao' manyatakan kaadilan wa' bangsa-bangsa laitn.¹⁹ Ini' kati' ao' malawan, ato ngampak, ge' kati' ao' ani nyungan pun da dangah saratn-Na ka gala'-gala'.²⁰ Buro' da pata' ti ao' gatn-Na mutus, ge' sumbu da ngana' kabis ti ao' gatn-Na ngamis, sampe Ini' umas kaadilan manang,²¹ ge' sadatn gaatn-Na, bangsa-bangsa laitn ao' barharap."Kuasa Yesus Utukng Umpatn Roh Jabata²² Lakadakoh nyungan da karasukan roh jahat, da buta, ge' awa', gatnminsakng wa' Yesus. Ge', Yesus ngangkauhatna singge sok da buta ge' da awa' dakoh nyansana ge' mile'.²³ Smaan sok jadi terheran-heran ge' mansikatn, "Mungkintalah Ini' diah Anak Daud?"²⁴Tapi, jangkah ayo sok Farisi dangaha' ayoa' nyansana, "Sok diah ti' mungkin nguser roh-roh jahat sa' ti' nige' Beelzebul, pamimpin roh-roh jahat."²⁵ Yesus panane pikiran ayoa' ge' nyansana wa' ayoa', "Satiap karajaan da tarbagi-bagi malawan adup a', gatnngagatn. Ge', satiap kota ato ramin da tarbagi-bagi malawan adup a', ti' ao' bartahan.²⁶ Ge', kalo Balis nguser Balis, ini' tarbagi-bagi malawan adupa'. Sa' ladakoh, langkina karajaana' ao' bartahan?²⁷ Ge', sa' Iko, nguser roh-roh jahat nige' Beelzebul, nige' asilah anak-anakmu nguser ayoa? Karna dakoh ayoa' ao' jadi hakimmu'.²⁸ Tapi, sa' nige' Roh Jabata, Iko' nguser roh-roh jahat, Karajaan Jabata nga utukng ka imu'.²⁹Ato, langkina sook kaatn maruh ka ramin sok da kuat ge' ngarampas barang-barang a' sa' ini' ti' uru' ningo' sok kuat dakoh? Lakadakoh, ini' baru kaatn marampok ramin dakoh.³⁰ Asi saja da kati' samahu Iko', malawan Iko'. Ge', asi saja da kati ngubu' samaahu Iko', mencerai-beraikan.³¹ Karna dakoh, Iko' muji' kimu' bahwa tiap duse ge' hujatan talino ao' gatnngampun, tapi hujatan tarhadap Roh ti' ao gatnngampun.³² Ge', asi saja da muji' tarutn da malawan Anak Talino ao' gatnngampun, tapi asi saja da nyansana malawan Roh Kudus kati' ao' gatnngampun, bait wa masa diah atopun wa' masa da ao' utukng." Puutn Gatnkanal umpatn Buaha'³³ "Sa' puutn dakoh lamus, buaha' uga' ao' lamus. Ato, sa' puutn dakoh kati' lamus, buaha' uga' kati' ao' lamus. Sabab, puutn gatnkanal umpatn buaha'.³⁴ He, katurunan nipa' bisa, langkina mungkin imu' da jahat muji' hal-hal da bait? Karna umpatn sadatn ate, baba nyansana,³⁵ Sok bait ngaruah hal-hal da bait, ge' sok da jahat ngaruah hal-hal da jahat umpatn kakayaana' da jahat.³⁶ Namun, Iko' muji' wa'imu' bahwa satiap saratn sia-sia, da gatn sok muji', ayoa' ao' mampartanggung-jawab a' wa' ano panghakiman.³⁷ Karna oleh saratnmu, imu' ao' gatnbenarkan, ge' oleh saratnmu', imu' ao' gatnngukum. Sok Farisi ge' Ahli Taurat Mahi Tande³⁸ Lakadakoh, nyamani ahli Taurat ge' sok Farisi nyansana wa' Yesus, "Guru, kai ngatte mile' tande umpatn-Imu'."³⁹ Namun, Yesus naham ge' nyansana wa' ayoa', "Generasi da jahat ge' babayu diah nuntut nyabuah tande. Ge', kati' ao' ani tande da gatnmangkatn wa' ayoa' kacuali tande Nabi Yunus.⁴⁰ Sabab, ulah Yunus da madi ka sadatn putukng ikatn ahyo salama taru ano ge' taru ngarum, ladakoh uga' Anak Talino ao' madi salama taru ano ge' taru ngarum sadatn putukng bumi.⁴¹ Ayo sok Niniwe ao' agutn samahu-mahu nige' generasi diah wa' panghakiman ge' ao' ngukuma' sabab ayoa' bartobat ngalaka dangah khotbah Yunus. Ge', ile', da labih ahyo daripada Yunus ani ka diah.⁴² Ratu umpatn selatan ao' bangkit samahu-mahu generasi diah wa' ano panghakiman ge' ao' ngukuma' karna ini' utukng umpatn ujung bumi ya' ngadangah hikmat Salomo. Ge', ile', da labih ahyo daripada Salomo ani ka diah. Bahaya umpatn kakusongan⁴³ 'Jangkah roh jahat mungkas umpatn talino, ini' nabo' tampat-tampat da ti' bapaitn ya' najo tampat istirahat, tapi kati' amput a'.⁴⁴ Lalu , ini' nyansana, 'Iko' ao' ure' ka raminko', tampat iko' mungkas. Ge', jangkah utukng, ini' amput ramin dakoh kusong, nga gatnnyapu, ge' tarator.⁴⁵ Lakadakoh, roh jahat dakoh anu ge' minsakng ijo' roh laitn da labih jahat dari ini', ge' ayoa' maruh ge' madi' ka teetn. Akhira', kaadaan ao' jadi mangkin parah daripada katinga a'. Demikian uga' da ao' tarjadi nige' generasi da jahat diah, Kaluarga Yesus da Sabanara⁴⁶ Samantara Yesus maseh nyansana nige' sok karah, ile', sino' ge' ayo age-A agutn ka sato, barusaha ya' nyansana nige' Ini'.⁴⁷ Nyungan sok nyansana wa'-Ini', "Ile', sino' ge' ayo agemu' agutn ka sato, barusaha nyansana nige' Akupm."⁴⁸ Namun, Yesus naham sok da muji' Wa'-Ini' dakoh ge' nyansana, "Asilah sino'-Ko' ge' asilah ayo age-Ko'?"⁴⁹ Ge', gae muka barekng-A ka arah ayo murid-A, Yesus nyansana, 'Diahtalah sino'-Ko ge' ayo age-Ko!⁵⁰ Karna asi saja da umas kahandak sama'-Ko' da ani ka surga, ini'talah age'-Ko, age-Ko da mahu, ge' sino'-Ko'."

Chapter 13

¹Wa' ano dakoh, Yesus mungkas umpatn ramin ge' unyung ka pihikng timu'.² Ge', sok karah ngabakumpur wa'-Ini'. Karna dakoh, Ini' makka ka parahu ge' unyung, ge' smaan sok karah dakoh agut ka pihikng timu'.³ Ge', Ini' muji' karah hal wa' ayoa' sadatn parumpamaan, waat-Na, "Ani nyungan pangambhur anu ya' ngambhur, ⁴ ge' waktu ini' ngambhur, nyabagi bane' jantu ka pihikng gala', ayo manuk utukng ge' umana' sampe abas.⁵ Bane' da laitn jantu ka tampat da babatu, da ti' karah mangandung tana', ge' capat idup karna ti' nyamani darupm tana a'.⁶ Tapi, ngalaka matuano tusak, pamura' dakoh jarah nganhakng. Ge', karna ti' ani uhat, pamura' dakoh ngajadi karikng.⁷ Bane' da laitn jantu ka sawakng rumpo' unak, ge' rumpo' unak dakoh mangkin ahyo, ge' ngapit a'.⁸ Namun, bane' da laitn jantu' ka tana' da bait ge' ngasel buah, ani da saratus kali lipat, ani da inum puluh kali lipat, ge' ani da taru puluh kali lipat.⁹ Asi da barajak, tea'lah ini' ngadangah."Yesus Mangajar nige' Parumpamaan¹⁰ Ge', ayo murid Yesus utukng ge' mansikatn wa'-Ini', "Jailah Akup nyansana waa' ayoa' sadatn parumpamaan?"¹¹ Yesus naham ayoa', "Wa'imu' ngalaka gatnngarunia pangatahuan rahasia Karajaan Surga, tapi wa' ayoa' ti' gatnngarunia.¹² Sabab, sok da ngaani, wa'ini' ao' gatnmangkatn ge' ini' ao' marabeh-abeh. Namun, asi da ti' ani, malah jai da ani dini' ao' gatnnaap umpatn ini'.¹³ Karna dakohta, iko' nyansana wa' ayoa' sadatn parumpaman karna jangkah mile', ayoa' ti' mile', ge' jangkah ngadangah, ayoa' ti' mgadangah , ge' ti' ngarati. ¹⁴ Manganai ayoa', ganapta nubuatan Yesaya da muji', "Nige' pangadangah, imu' ao' ngadangah, tapi kati' ao' suah ngarati. Ge', nige' mile', imu' ao' mile, tapi kati' ao' paham.'¹⁵ Karna ate bangsa diah nga mangkin tabal, rajak ayoa' malas ya' ngadangah, ge' ayoa' nutup matu' ayoa'. Sa' kati', pasti ayoa' kaatn mile' nige' matu', dangah nige' rajak ayoa', ge' ngarati nige' ate ayoa', lalu malik wa'-Iko' ge' gatnngangkauhatn.'¹⁶ Tapi, gatnberkatilah matu'mu' karna mile' ge' rajakmu' karna ngadangah.¹⁷ Iko' muji' da sabanara wa'imu' bahwa karah nabi ge' ayo sok da benar da ngatte mile' jai da imu' ile', tapi kati' mile' a', ge' ngatte dangah jai da imu' dangah, tapi ti' dangaha'."Panjelasan manganai Parumpamaan Pangambhur¹⁸ "Oleh karna dakoh, dangahtalah rati parumpamaan manganai pangambhur.¹⁹ Jangkah sok ngadangah firman Karajaan ge' ti' mamahamia', si jahat utukng ge' ngarampas jai da nga gatnngambhur sadatn ate sok dakoh. Dishta sok da bane' a' jantu' wa' pihikng gala'.²⁰ Anipun da tarhambhur ka tampat-tampat da babatu', diata sok da ngadangah firman ge' lansong nyamut a' nige' sukacita, ²¹ tatapi ini' ti' ani uhat sadatn adup a' ge' bartahan sabantar ja'. Ge', jangkah panindasan ge' panganyayaaan utukng karna firman dakoh, ini' lansong tajantu.²² Bane' da jantu' ka rumpo'-rumpo' unak anilah sok da ngadangah firman dakoh, lakadakoh kakawateran dunia ge' tipu daya dunia ge' tipu daya kakayaan ngaraccet firman dakoh singge ti' babuah.²³ Namun, sok da bane' a' jantu ka tana' da bait, diahta sok da ngadangah firman dakoh ge' memahamia'. Ini'talah da batol-batol babuah ge' ani ngasel, ani da 100 kali lipat, ani da 60 kali lipat, ge' ani da 30 kali lipat."Parumpamaan manganai Udu' Liar ge' Gandum²⁴ Yesus nyampe parumpamaan da laitn a' wa' ayoa', waatn-A, "Karajaan Surga dakoh kaatn gatnumpama ulah sok da ngambhur bane' da bait ka uma a'.²⁵ Tapi, samantara sok buus, munsuha' utukng ge' ngambhur bane' padakng ka sawang bane gandum, ge' anu. ²⁶ Jangkah pamura' batunas ge' babuah, lakadakoh padakng dakoh tile' uga'.²⁷ Maka, hamba-hamba umpat umpu' uma dakoh utukng ge' mansikatn wa'ini', 'Tuan, inyata akupm ngambhur bane da bait ka uma'mu'? Lalu, umpatn dumelah utukng padakng dakoh?'²⁸ Ini' nyansana wa' ayoa', 'Nyungan munsuh da umasa'. Lalu, hamba-hamba dakoh nyansana wa'ini', 'Apakah akupm ittuh kai anu ge' ngubu'a'?'²⁹ Tapi, tuan dakoh nyansana, 'Iya'! Sabab, jangkah imu' ngubu' padakng-padakng dakoh, bisa-bisa imu' uga' ao' nubut gandum dakoh samahua'.³⁰ Tea'lah dua-dua a' idup samahu sampe' musim panen. Ge', pas panen, iko' ao' muji' wa' ayo pangambhur, "Pamule-mule, ngubu'talah padakng-padakng dakoh ge' ningo'talah sadatn kubu'-kubu' ya' nyahunga'. Namun, ngubu'talah gandum a' ka sadatn langkoko'."Karajaan Jabata Ulah Igi' Sesawi ge' Ragi³¹ Lakadakoh Yesus nyarita parumpamaan da laitn wa' ayoa', waatn-A, "Karajaan Surga dakoh ulah igi'sesawi da gatn sok naap ge' gatnngambhur ka uma a'.³² Igi' dakoh anilah da paling innek umpatn smaan jenis bane', tapi jangkah idup, ini' ao' labih ahyo umpatn smaan jenis apu, malah jadi puutn singge ayo manuk ka rangit utukng ge' basare ka daatn-daatna'."³³ Lakadakoh Yesus nyarita nyabuah parumpamaan da laitn wa' ayoa', "Karajaan Surga dakoh ulah ragi, da kat nyungan mahu gatnnaap ge' gatnnyese' ka sadatn adonan tapukng terigu karaaha taru sukat sampe smaan adonan tacampur ragi.³⁴ Smaan hal diah Yesus muji' wa' sok karah sadatn parumpamaan-parumpamaan, ge' Ini' ti' nyansana wa' ayoa' tampa parumpamaan.³⁵ Nige' ladakoh, ganaptalah jai da gatnnyampe nabo' nabi, "Iko' ao' muka' babako' sadatn parumpamaan-parumpamaan, Iko' ao' muji' hal-hal da tasukatn pamule dunia gatnumas."Parumpamaan manganai Udu Liar ka Uma'³⁶ Lakadakoh, Yesus ngagatn sok karah dakoh lalu maruh ka ramin. Ge', ayo murin-A utukng wa'-Ini' ge' nyansana, "Manjelas wa' kai parumpamaan manganai padakng-padakng ka uma'."³⁷ Ge', Ni' naham, "Sok da ngambhur bane' da bait anilah Anak Talino, ³⁸ ge' uma' dakoh anilah dunia diah. Bane' da bait anilah anak-anak Karajaan, ge' padakng anilah anak-anak si jahat,³⁹ ge' munsuh da ngambhura' anilah Balis, ge' musim panen anilah pangkabas zaman, ge' ayo pamanen dakoh anilah ayo malaikat.⁴⁰ Jadi, samu' ulah padakng da gatnngubu' ge' gatnnyahung sadatn api, ladakohtalah da ao' tarjadi wa' pangkabas zaman.⁴¹ Anak Talino ao' ngutus ayo malaikat-A, ge' ayoa' ao' ngubu' smaan batu' singkak ge' ayo sok da umas kajahatan umpatn karajaan-A,⁴² ge' ao' nyangkahatna' ka sadatn tungko api. Ka tampat dakoh ao' ani kaung ge' garet japu'.⁴³ Lakadakoh, ayo sok da taman ao' babalo ulah matuano sadatn Karajaan Sama' ayoa'. Asi da barajak, tea'lah ini' ngadangah."Karajaan Surga ulah Harta da Gatnpendam ge' Mutiara⁴⁴ "Karajaan Surga anilah ulah harta da gatnpendam ka uma', da gatn sok amput, lalu gatnnyukatn agi'. Ge', karna auhatn atea', ini' anu, nyual smaan da ni' umpu', ge' mari uma' dakoh.⁴⁵ Nyasidah agi', Karajaan Surga anilah ulah nyungan padagang da najo mutiara da lamus.⁴⁶ Jangkah ini' amput nyabuah mutiara da raga a' tinggi, ini' anu ge' nyual smaan da ni' umpu', lalu mari uma' dakoh."Karajaan Surga ulah Jala da Panhu' Ikatn⁴⁷ "Ulah dakoh uga', Karajaan Surga anilah ulah jala da gatnngampar ka sdatan laut, ge' ngubu' bamacam jenis ikatn.⁴⁸ Jangkah jala dakoh panhu', ayoa' ngarihita' ka pantai ge' unyung, lalu ngubu' ikatn-ikatn da lamus ka sadatn garanjang-garanjang ahyo, tapi matatn da ti' lamus.⁴⁹ Jadi, dakohtalah da ao' tarjadi wa' pangkabas zaman. Ayo malaikat ao' mungkas ge' misah da jahat umpatn sok da benar,⁵⁰ ge' nyangkahatn ayo sok jahat dakoh ka sadatn tungko api. Ka tampat dakoh ao' ani kaung ge' garet japu'.⁵¹ Laka a' imu' ngarati smaana diah?" Ayoa' muji' Kini', "Ai'."⁵² Ge', Yesus nyansana wa' ayoa', "Karna dakoh, satiap ahli Taurat ngajadi murid Karajaan Surga, ini' ulah tuan ramin da ngaruah harta da bahu ge' da ama umpatn kakayaana'." Yesus Gatnnolak ka Kota Asal-A⁵³ Jangkah Yesus ngalaka nyelesai parumpamaan-parumpamaan dakoh, Ini' boho umpatn teetn.⁵⁴ Ge', Jangkah Ini' utukng ka kota asal-A, Ini' mangajar ka sinagoge-sinagoge ayoa' singge ayoa' heran ge' nyansana,"Umpatn dume Sok diah kaatn kebijaksanaan ge' mukjizat-mukjizat diah?⁵⁵ Inyata Ini' diah anak nyungan tukang kayu'? Inyata ama-A gatnmuji' Maria, ge' ayo age-A anilah Yakobus, Yusuf, Simon, ge' Yudas?⁵⁶ Inyata ayo age-A da mahu ani ka antara ite'? Lalu, umpatn dume Sok diah kaatn smaan hal diah?"⁵⁷Ge', ayoa' tarsinggung katn-A. Namun, Yesus nyansana wa' ayoa', "Nyungan nabi inya kati' gatnhormati, kacuali ka tampat asala' ge' ka ramin adup a'."⁵⁸ Ge', Ini' ti' umas karah mukjizat ka teetn karna ayoa' kati' pacaya.

Chapter 14

¹ Waktu dakoh, Herodes, raja rappo ngadangah agah manganai Yesus.² Ge', ini' nyansana wa' hamba-hamba a', "Diahtalah Yohanes Pambaptis. Ini' nga umpat umpatn antara sok kabis ge' karna dakohtalah mukjizat-mukjizat diah bakaraje ka sadatn-A."Peristiwa Pangkabis Yohanes Pambaptis³ Sabab, Herodes nga nangkap Yohanes, ningo'a', ge' nyese'a' ka panjara karna Herodias, sautn Filipus, age Herodes.⁴ Karna Yohanes suah nyansana wa'ini', "Kati' samanggah sa' imu' umpu' Herodias."⁵ Ge', walopun Herodes ngatte ngamis Yohanes, ini' buut wa' sok karah karna ayoa' manganggap Yohanes sebage nabi.⁶ Tapi, jangkah ano ulang tahun Herodes utukng, anak mahu Herodias batari ka tura' ayoa', ge' dakoh ngangkauhatn ate Herodes,⁷ singge ini' basumpah ao' mangkatn jai saja da dara dakoh mahi'.⁸ Maka, karna ama a' ngalabak a', "Mangkatnmih wa' iko' ka diah, abak Yohannes Pambaptis ka tumukng talam."⁹ Waloupun raja sedih, tapi karna sumpaha' ge' karna ayo sok da uman samahua', ini' pun ngadu mangkatn a' tao'.¹⁰ Ini' ngadu ya' nyantak abak Yohanes ka panjara.¹¹ Ge', abak Yohanes gatnminsakng wa' dara dakoh ge' ini' minsakng a' wa' ama a'.¹² Lakadakoh, ayo muid Yohanes utukng, naap bangke a', ge' nyibura'. Lalu, ayoa' anu ge' muji' wa' Yesus. Rima Roti ge' dua Ikatn ya' Rima Ribu Ungan¹³ Jangkah Yesus ngadangah hal diah, Ini' nyingah adup-A umpatn teetn nige' parahu, ka tampat da sunyi adup-adup. Ge', jangkah ayo sok ngadangah diah, ayoa' nganang-A nige' bajalatn kaja' umpatn kota-kota,¹⁴ Jangkah Yesus mungkas, Ini' mile' sok karah bakumpur, ge' mangkatn pamase' ka ayoa', ge' ngangkauhatn pangkanapm ayoa'.¹⁵ Jangkan ano ngana' ngarum, ayo murid utukng wa' Yesus ge' nyansana, "Tampat diah sunyi' ge' ano' ngana ngarum. Ngadulah sok karah dakoh anu ka desa-desa ge' mari pangkuman ya' da adup a'."¹⁶ Tapi, Yesus muji' wa' ayoa', "Ayoa' ti' palalu anu. Imu', mangkatnmih ayoa' pangkuman."¹⁷ Ayoa' nyansana wa'-Ini', "Ka diah ti' ani jai-jai, kacuali 5 roti ge' 2 ikatn."¹⁸ Ge', Ini' nyansana, "Minsakng dakoh kadiah, wa'-Iko'."¹⁹ Lakadakoh, Ini' ngadu sok karah dakoh unyung ka udu', ge' Ini' naap 5 roti ge' 2 ikatn dakoh, lalu gae nyantunung ka rangit, ini' ngucap syukur ge' mata'-mata' roti dakoh. Ngalaka dakoh, Ini' mangkatn a' wa' ayo murid-murid-A, ge' ayo murid-A wa' sok karah.²⁰ Ge', ayoa' smaan uman ge' gatnngabasoh. Lalu, ayoa' naap kaba santak-santak a', ani dua balas garanjang panhu.²¹ Ge', ayoa' da uman kira-kira ani 5.000 are, tinga tarmasok mahu ge' ayo kangot. Yesus Bajalatn ka Tumukng Paitn²² Yesus capat-capat ngalabak ayo murid-A maruh ka parahu lalu anu nyantulu-A ka seberang, samantara Ini' ngadu sok karah dakoh ure'.²³ Ge', ngalaka Yesus ngadu sok karah dakoh ure', Ini' makka ka samo gunung adup-adup a' ge' badoa'. Jangkah ngana ngarum, Ini' adup-adup ata ka teetn.²⁴ Tapi, parahu dakoh nga jauh umpatn daratan, gatn galombang ombang-ambing karna balawan ge' nyaru.²⁵Ge', pas jam ampat ngarum dakoh, Ini' utukng wa' ayoa', bajalatn ka tumukng paitn. ²⁶Jangkah ayo murid mile'-A bajalatn ka tumukng paitn, ayoa' batol buut ge' ngampak, "Dakoh amot!" Lalu, ayoa', kaekng-kaekng karna buut. ²⁷Tapi, Yesus lansong nyansana wa' ayoa', waatn-A, "Nguattalah atemu! Diah Iko, iya' buut."²⁸ Ge', Petrus nyansana wa'-Ini', "Tuhan, sa' dakoh Akupm, ngadumih iko' utukng kimu' ka tumukng paitn."²⁹ Yesus nyansana, "Utukngtalah!" Maka Petrus mungkas umpatn parahu, ge' bajalayn ka tumukng paitn, ge' utukng wa' Yesus.³⁰ Namun, jangkah mile' nyaru, ini' buut ge' mule tanggulupm, Ini' ngampak, "Tuhan, nyalamatmih iko'!"³¹ Yesus lansong nyulo' barekng-A, minte Petrus, ge' nyansana, "Imu' da kurang baiman, kajai imu' ragu-ragu?"³² Jangkah ayoa' maruh ka sadatn parahu, nyaru pun baranti.³³ Lakadakoh, ayoa' da ani ka parahu manyambah Yesus ge' nyansana, "Sasungguha', Akupm anilah Anak Jabata!" Yesus Ngangkauhatn Ayo Sok Anapm³⁴ Ngalaka nyambarang, ayoa' sampe' ka tana' Genesaret.³⁵ Jangkah ayo sok ka tampat dakoh panane-A, ayoa' ngagaha' ka smaan daerah dakoh ge' minsakng sok da anapm wa' Yesus.³⁶ Ayoa' mahi' wa' Yesus supaya buleh minte jubah-A, ge' smaan sok da minte'a' ngajadi auhatn.

Chapter 15

¹ Lakadakoh, nyamani sok Farisi ge' ayo ahli Taurat umpatn Yerusalem utukng wa' Yesus ge' nyansana,² "Jailah ayo murid-Mu malanggar tradisi nenek moyang? Sabab, ayoa' ti' meetn barekng jangkah uman roti!"³ Ge', Yesus naham ge' nyansana wa' ayoa', "Ge', jailah imu' uga' malanggar parintah Jabata demi tradisimu'?⁴ Karna Jabata bafirman, 'Hormatimih sama' ge' sino'mu', ge', 'Asi da ngutuk sama' ato sino'a', arus gatnngukum kabis.⁵ Namun, imu' nyansana, "Asi saja da nyansana wa' sama' ato sino'a', 'Jai pun da palalu kimu' nga gatnparsambah wa' Jabata,"⁶ ini' kati' palalu manghormati sama' ato sino'a'. Nige' ladakoh, imu mambatal firman Jabata demi tradisimu.⁷ Imu', sok-sok da munafik, memang taman nubuatan Yesaya manganai imu:⁸ 'Bangsa diah manghormati Iko' nige' baba' ayoa', tapi ate ayoa' jauh umpatn Iko.⁹ Ge', sia-sia ayoa' manyambah-Ko nige' perintah-perintah talino."¹⁰ Ge', Yesus maba' sok karah ge' nyansana, "Dangah ge' pahamilah!¹¹ Inya jai da maruh ka sadatn baba' da ngutor sok, tapi jai da mungkas umpatn baba'a', diata da ngutor sok"¹² Lakadakoh, ayo murid Yesus utukng ge' mansikatn wa'-Ini', "Panea Akupm bahwa ayo sok Farisi tersinggung jangkah ngadangah pansikatn diah?"¹³ Namun, Yesus naham ge' nyansana, "Satiap pamura' da ti' gatnmura' kat Sama'-Ko' da ka surga ao' gatnnubut sampe' ka uhat-uhat a'.¹⁴ Tea'lah ayoa'. Ayoa' anilah pangirikng-pangirikng buta umpatn ayo sok buta. Ge', sa' sok buta ngirikng sok buta, dua-dua a' ao' jantu' ka sadatn rubakng."¹⁵ Petrus nyansana wa-Ini', "Manjelasmih parumpamaan dakoh wa' kai."¹⁶ Yesus nyansana, "Anita kupm tinga paham uga'?¹⁷ Anita kupm tinga ngarati bahwa jai tarutn da maruh ka sadatn baba' ao sosor ka putukng ge' gatnmatatn ka sadatn jammatn?¹⁸ Tapi, jai da mungkas umpatn baba' timbul umpatn ate, ge' dakohlah da ngutor sok.¹⁹ Karna umpatn ate timbul pikiran-pikiran da jahe', pangamis, babayu', duse-duse seksual, parangko, saksi palsu ge' fitnah. ²⁰ Hal-hal diahta da ngutor sok, tapi uman tampa meetn barekng kati' ngutor sok."Yesus Nulong Mahu Kanaan²¹ Lakadakoh, Yesus anu umpatn teetn ge' nyingkir ka daerah Tirus ge' Sidon. ²² Ge', nyungan mahu Kanaan da barasal umpatn daerah dakoh utukng ge' ngampak, "Maseklah wa' iko', Tuhan, Anak Daud! Anak mahuko' kuat parah karasukan roh jahat ."²³ Tapi, Yesus kati' naham mahu dakoh, nyapatah sarat pun. Ge', ayo murid-A utukng ge' ngalabak-A, "Ngadulah ini' boho karna ini' ti' madi'-madi' ngampak ka buntot ite'."²⁴ Lalu, Ini' naham ge' nyansana, "Iko' duhutn gatnutus wa' domba-domba da ilakng umpatn umat Israel."²⁵ Lakadakoh, mahu dakoh utukng ge' sujud ka tura Yesus, waatna', "Tuhan, nulonglah iko'!"²⁶ Namun, Yesus naham ge' nyansana, "Ti' bait naap roti da ya' ayo kangot ge' nyangkahatna' wa' ayo kasu'."²⁷ Mahu dakoh naham, "Taman, Tuhan, tapi kasu-kasu dakoh uman bara'-bara' da jantu umpatn meja tuana'."²⁸ Lakadakoh, Yesus nyansana wa'ini', "He mahu, imanmu ahyo! Jadilah ka imu' ulah da imu ngatte." Wa' ano dakoh uga', anak mahu a' gatnngangkauhatn. Yesus Ngangkauhatn Karah Sok²⁹ Yesus boho umpatn teetn, ngaduk pihikng timu' Galilea. Ge', ngalaka namaat ka samo talidi, Ini' unyung ka teetn.³⁰ Lakadakoh, karah sok utukng wa'-Ini', minsakng ayo sok da lumpuh, cacat, buta, awa', ge' sok karah laitn a'. Lalu, ayoa' magurikng ayo sok dakoh ka kaja' Yesus ge' Ini' ngangkauhatn ayoa',³¹singge sok karah dakoh terheran-heran jangkah ayoa' mile' da awa' nyansana, da cacat gatnngangkauhatn, da lumpuh bajalatn ge' da buta mile'. Ge', ayoa' muji Jabata Israel.Yesus Mangkatn Pangkuman Wa' Labih Ampat Ribu Ungan³² Lalu, Yesus maba' ayo murid-A ge' nyansana, "Iko' ani pamase' wa' ayo sok dakoh karna ayoa' nga samahu nige' Iko' salama taru ano ge' kati' ani umpu' pangkuman. Ge', Iko' kati' ittuh ngadu ayoa' ure' saburuk supaya ayoa' kati' pingsan sadatn pajalatna'."³³ Lakadakoh, ayo murid nyansana wa'-Ini', "Umpatn dume ite' ao' kaatn roti da karah ka tampat sunyi' diah ya' ngangkabasoh sok da karah samu' diah."³⁴ Yesus mansikatn wa' ayoa', "Nyamani karah roti da mu' umpu'?" Ayoa' naham, "Ijo, ge' nyamani ikatn inek."³⁵ Lalu, Yesus merintah sok karah dakoh unyung ka tana'.³⁶ Lakadakoh, Ini' naap ijo roti ge' ikatn-ikatn dakoh. Ge', gae mangucap syukur Ini' mata'-mata'a', ge' mangkatn a' wa ayo murid-A, ge' mangkatn a' wa' sok karah dakoh.³⁷ Ayoa' smaana uman ge' gatnngabasoh. Lalu, ayoa' naap santak-santak da kaba, ani ijo' garanjang panhu. ³⁸ Ayoa' da uman ani ampat ribu ungan are, kati tarmasok mahu ge' ayo kangot.³⁹ ngalaka ngadu sok karah dakoh ure', Yesus maruh ka parahu ge' anu ka daerah Magadan.

Chapter 16

¹ Lakadakoh, ayo sok Farisi ge' Saduki utukng ya' mancobai Yesus. Ayoa' mahi sak Yesus nyuak ka ayoa' nyabuah tande umpatn surga.² Tapi ao'a, Yesus naham, "Waktu ngana ngarum, imu' muji', 'cuaca calikng karna rangit taransak.'³Ge', ka ngakkap ano, 'Ano diah ao' ani nyaru kuat karna rangit taransak ge' patakng.' Imuk pane mambeda rupa rangit tapi kati'mampu mambeda tande-tande zaman.⁴ Nyiteng katurunan da jahe' ge' penzina diah nuntut nyabuah tande. tapi nyiteng tande pun kati' ao' gatn mangkatn kaini', kacuali tande Nabi Yunus. "Lalu, Ini' ngagatn ayoa' ge' anu. Panjelasan manganai Bunyu Sok Farisi ge' Saduki⁵ Jangkah murid-murid utukng ka sambarang tamu', ayoa' karimut minsakng roti. ⁶ Ge' Yesus nyansana wa' ayoa', " Mamprati ta ge' waspada ta tarhadap bunyu ayo sok Farisi ge' ayo Saduki."⁷Ge' ayoa' mule nyarita hal diah ka antara ayoa' sadi' ge' nyansana, "diah karna ite' kati' minsakng roti."⁸Tapi ao'a, Yesus pane hal diah ge' nyansana, "He, sok da kurang iman, jailah imu' nyarita ka antaramu' sadi' manganai kati' ani roti?⁹Jailah imu' masih katinga ngarati ge' uga kati' ingat ao' rima rori ya' rima ribu sok, ge' nyamani karah kabaa damu' ngubu' ka karanjang?¹⁰Ato, ijo roti ya' ampat ribu sok, ge' nyamani karah kabaa damu' ngubu' ka karanjang?¹¹Langkinatalah imu' kati' ngarati bahwa Iko' kati' sadang nyansana kaimu' manganai roti? Tapi ao'a, waspada ta tarhadap bunyu' ayo sok Farisi ge' sok Saduki."¹² Lakadakoh, ayoa' ngarati bahwa Ini' kati' muji' ya' waspada tarhadap bunyu' roti, tapi tarhadap ajaran ayo sok Farisi ge' ayo Saduki. Yesus anitalah Mesias¹³Jangkah Yesus sampe ka daerah Kaisarea Filipi, Ini' mansikatn ayo murin-A, "Manurut saratn sok, asilah Anak Talino?"¹⁴Ayoa' naham, "Mani ungan magaatn Yohanes Pambaptis, da laitn magaatn Elia, ge' da laitn agi' magaatn Yeremia, ato salah satu umpatn ayo sok nabi."¹⁵Lalu, Yesus mansikatn ka ayoa, "Tapi ao'a, manurutmu', asilah Iko' diah?"¹⁶Simon Petrus naham, "Imu' anitalah Mesias, Anak Jabata da idup!"¹⁷Yesus nyansana ka ini', " Gatn berkat ta mu' Simon anak Yunus. sabab inya dagin ge' daya' da muji' diah kaimu', tapi Samak-Ko da ka surga. ¹⁸Ge', iko' uga muji' kaimu' bahwa imu' anilah Petrus. Ge' ka tummukng batu diah, Iko' ao' mantagutn jemaat-Ko' ge' gerbang-gerbang Hades kati' ao' nguasa'a.¹⁹Iko' ao' mangkatnmu' kunci-kunci Karajaan Surga. Ge', jai pun da mu' ningo' ka bumi ao' tatingo' ka surga. Ge, jaipun da mu' ngarapas ka bumi ao' tarapas ga ka surga."²⁰Lalu, Yesus mamparingat murid-murid supaya kati' muji' ka asi-asi bahwa Ini' talah Mesias. Yesus mangkatn pane manganai Pangkabis-A²¹Mule dakoh ta, Yesus ngamule nujo' ka ayo murid-A bahwa Ini' harus anu ka Yerusalem ge' manderita karah hal umpatn ama-ama, imam-imam, atopun ahli -ahli Taurat, lalu gatn ngamis ge' gatn ngangkidup pas ano da kataru'a.²²Lakadakoh, Petrus narik Yesus ka samping, nagor-A, ge' nyansana, "Tuhan kiraa Jabata ngajauh hal dakoh umpatn imu! Hal diah kati' ao' suah tajadi wa' Imu'."²³Tapi ao'a, Yesus babalik ge' nyansana ka Petrus, "Bohomih umpatn hadapan-Ko, he Balis! Imutalah batu sandungan ka-Iko sabab imu' kati' nganatap pikiranmu' ka hal-hal da umpatn Jabata, tapi ka hal-hal da umpatn talino."²⁴ Lakadakoh Yesus nyansana ka ayo murid-A, "Sak ani da ituh nganang Iko', ini' harus ngayum adup'a, maha salib'a ge' nganang Iko'.²⁵Karna asi da ngate nyalamat nyawa'a ao' kahilangan nyawa'a. tTatapi asi da kahilangan nyawa'a karna Iko, ini' ao' kaatna agi'.²⁶Jailah untonga sak sook aba' kaatn nyamanman isi dunia diah, tapi ni' kahilangan nyawaa'? Ato, jailah da bisa sook mangkatn sabage ganti nyawaa?²⁷Sabab, Anak Talino ao' utukng sadatn kamuliaan Sama-A samahu ge' ayo Malaikat-A ge' lakadakoh ao' mambalas satiap sok sasuei ge' parbuatan'a.²⁸Iko' muji' da sabanara kaimu', ani mani ungan sok da agutn kadiah da kati' ao' misa pangkabis sampe ayoa mile' Anak Talino utukng sadatn Karajaan-A."

Chapter 17

¹Inum ano ngalaka dakoh, Yesus minsakng Petrus, Yakobus, uga Yohanes age Yakobus, ge' minsakng ayoa' makka ka gunung da nyamo nige' cara adup-A. ² Lalu, Yesus barubah rupa ka tura ayoa'. Bahas-A babalo samu ge' matuano ge' pangiak-A jadi ranakng ulah balo.³ Ge', ile', tile' ta ka ayoa' Musa ge' Elia, agi' basarita nige' Yesus.⁴Petrus nyansana ka Yesus, "Tuhan, bait ta ite' madi' kadiah, iko' ao' mantagut taru dio kadiah, nyiteng ya' di-Mu', nyiteng ya' da Musa, nyiteng ya' da Elia."⁵Jangkah Petrus masih nyansana, nyabuah rahu da tarakng nuno' ayoa', ge' mile', ani saratn da umpatn sadatn rahu dakoh da muji', "Diah ta Anak-Ko da gatn Konyayang, ka Ini'talah Iko berkenan, Da dangah ta ka-Ini'."⁶Jangkah ayo murid ngadangah diah, ayoa' maramuup nige' bahas'a sampe ka tana ge' aru buut.⁷Namun, Yesus utukng ge' nyintuh ayoa', waat-Na, " Umpat mih ge' iya' buut."⁸Jangkah ayoa' nika matu ayoa', ayoa' kati' milek asi pun, kacuali Yesus sadi'.⁹ Jangkah ayoa' disah umpatn gunung, Yesus ngadu ayoa', waat-Na, "iya' nyarita pamile' dakoh ka asipun sampe Anak Talino gatn ngangkidup umpatn antara sok kabis."¹⁰ Ge' ayo murid mansikatn ka- Ini', " Lalu, jailah ayo ahli-ahli Taurat nyansana bahwa Elia harus da uru utukng.¹¹Yesus naham, "Elia memang da uru utukng ge' ngangkabait segala jaipun.¹²Namun, Iko muji' ka kaimu' bahwa Elia nga utukng, tapi ayoa' kati nganal'a ge' mamparlakua ulah da ayoa' ngate. Ladakoh uga Anak Talino ya' mandarita ka barekng ayoa'.¹³ Laka dakoh, ayo murid ngarati bahwa Ini' nyansana ka ayoa' manganai Yohanes Pambaptis. Nyungan kangot gatn ngarapas umpatn Roh da jahe¹⁴Jangkah Yesus ge' ayo murid malik ka sok da karah, nyungan are utukng ka Yesus nige' basujut ka hadapan-A gae muji', ¹⁵ " Tuhan, mahi pamase' ya' anakko sabab ni' anapm gila babi ge' aru tao manderita. Ini' sering jantu ka sadatn api ge' sadatn paitn. ¹⁶Iko ngalaka minsakng'a ka ayo murid-Mu', tapi ayoa' kati' aba' ngangkauhatn'a".¹⁷Yesus naham, "He, imu' katurunan da kati' pacaya ge' da sasat! Mani tuhi agi' Iko ao' madi' samahu imu? Mani tuhi agi Iko harus basabar tarhadap imu'? Minsakng mih kangot dakoh ka-Iko'."¹⁸Maka Yesus ngarato' roh da jahe' dakoh singga kaluar umpatn kangot are dakoh, ge' kangot dakoh auhatn waktu dakoh uga.¹⁹Lakadakoh ayo murid utukng ka Yesus, jangkah ayoa adup-adup ge' Ini' ge' mansikatn, "Jailah kai kati kaatn nguser roh da jahe' dakoh?"²⁰ Waat-Na ka ayoa', "Karna imanmu' inek. Iko muji' da sabanara kaimu', sak imu' ani umpu' iman ahyo ulah igi' sansabi sadi', maka imu' aba' muji' ka gunung diah, 'Pinda mih umpatn tampat diah ka teetn!' ge' gunung diah ao' pindah. Kati' ani da mustahil bagi imu'.²¹[Tapi ao'a, roh da jahe' jenis diah hanya kaat gatn nguser nige' doa ge' puasa."] Yesus Nyansana manganai Pangkabis-A²²Jangkah Yesus ge' ayo murid-A agi bakumpur ka rapo Galilea, Ini' nyansana ka ayoa', "Anak Talino ao' gatn nyarah ka sadatn barekng talino, ²³ge' ayoa' ao' ngamis-A, ge' Ini' ao' ngangkidup-A pas ano ka taru'a." Ge', ayo murid-A aru sedih'a. Pangajaran manganai Mayar Pajak²⁴Jangkah ayoa' utukng ka Kapernaum, ayo panageh pajak 2 dirhsm utukng ka Petrus ge' mansikatn, "Anita gurumu' kati' mayar pajak 2 dirham?"²⁵Petrus naham, "ai". Jangkah ini' maruh ka sadatn ramin, Yesus nga uru nyansana kaini', "Langkina manurutmu' , Simon? Umpatn asilah raja-raja dunia diah nageh bea ge' pajak? Umpatn anak-anak'a ato sok laitn?"²⁶Jangkah Petrus naham, "Umpatn sok laitn," Yesus nyansana kaini', "Kalo lakoh, anak-anak'a bebas. ²⁷Tapi ao'a, supaya ite' kati' nyinggung ayoa', anu mih ka tamu' ge' nyangkahatn kail. Naap ta ikatn da partama muncol ge' jangkah imu' nika baba'a, imu' ao' amput nyakaping uang da nilaia 4 dirham. Naap ta uang dakoh ge' mangkatn ka ayoa', ya' di-Ko ge' ya' dimu'."

Chapter 18

¹Pas waktu no dakoh, murid-murid utukng ka Yesus ge' mansikat'n, "Asi ta da paling aihyo ka sadat'n Karajaan Saruga?" ²Lalu, Yesus maba sook kangot inek ka-Ini', ge' mana' kangot inek dakoh wak tauda-uda ayo'a, ³ge' nyansana, "Iko' muji' da subanar'a ka imu', kacuali imu' batobat ge' jadi ulah ayo-kangot, imu' kati aok maruh ka sadat'n Karajaan Saruga.⁴Asi da ngarendah adup'a ulah kangot diah diu'ta da paling aihyo ka sadat'n Karajaan Saruga. ⁵Ge', asi da narima kangot inek ulah da nyungan diah ka sadat'n gaat'n-Ko', ini' narima Iko'." Paringatan tentang Panyabab Duse ⁶"Tapi aok'a, asi da manyasat salah satu umpat'n ayo-kangot inek da pacaya ka-Iko' diah, labih bait bagi'a sa nyabuah batu kilangan gat'n ngantukng ka jangok'a ge' gat'n nanggulup'm ka laut da paling sadat'n.⁷Calakalah dunia barang panyasat-panyasat da ani wak sadat'n'a! Sa', panyasatan memang arus tajadi, tapi calakalah sok da majaka'a. ⁸Sa' barekng ato kajamu' umasmu' baduse, nyantak ge' matat'n ta dakoh. Labih bait bagimu' maruh ka sadat'n idup nige barekng da pugot ato pincang daripada umpu dua barekng ge' dua kaja, tapi gat'n matat'n ka sadat'n api kekal.⁹ Sa' matu'mu' umasmu' baduse, nyungkil ge' matatnlah dakoh, labih bait imu' maruh ka sadatn idup nige' nyiteng matu', daripada umpu' dua matu' tapi gatnmatatn ka sadatn api naraka."¹⁰ "Memperhatimih, iya' imu' ngaremeh nyungan umpatn ayo kangot diah. Sabab, Iko' muji' wa'imu' bahwa malaikat- malaikat ayoa' ka surga salalu nyantunung muka Sama'-Ko da ka surga.¹¹ [Sabab, Anak Talino nga utukng ya' nyalamat sok da ilakng.]Parumpamaan manganai Domba da Ilakng¹² Langkina manurutmu'? Sa' sook ani 100 ungan domba, tapi da nyungan umpatn ayoa' layo, kati'a' sok dakoh ngagatn da 99 ungan ka gunung ge' anu ya' najo da nyungan da layo dakoh?¹³ Ge', sa' ini' amput a', sasungguha' Iko muji' kimu', ini labih basukacita karna nyungan da layo dakoh daripada 99 da ti layo.¹⁴ Ladakoh uga', inyatalah kahendak Sama'mu' da ka surga sa' nyungan umpatn ayo kangot diah binasa."Manasihati Sok da Basara¹⁵ "Sa' agemu baduse, anu ge' nyua' sara a', antara imu' ge' ini' sadi' ja'. Sa' ini ngadangahmu', imu' nga kaatn agemu.¹⁶ Tapi, sa' ini' kati ngadangahmu, minsaknglah nyungan ato dua ungan agi' samahumu' supaya nige' saratn umpatn dua ato taru ungan saksi, satiap saratn gatnnatap.¹⁷ Sa' ini' nulak ya' ngadangah ayoa', mujitalah hal dakoh wa' jemaat. Ge', sa' ini' malah nulak ya' ngadangah jemaat, biartalah ini' jadi ulah bangsa-bangsa laitn ge' pangubu' sewa.¹⁸ Iko' muji' da sabanara wa'imu' bahwa jai da mu' ningo' ka bumi ao' tatingo' ka surga. Ge', jai da mu' ngarapas ka bumi ao' gatnngarapas ka surga."¹⁹ Nyakali agi', Iko' muji' kimu' bahwa sa' dua ungan ka antaramu' sapakat ka bumi mahi tarutn, hal dakoh ao' tarjadi bagi ayoa' kat Sama'-Ko' da ani ka surga.²⁰ Sabab, ka tampat dua ato taru ungan samahu bakumpur sadatn Gaatn-Ko', Iko' ani ka tuda'-tuda' ayoa'.Parumpamaan manganai Pangampunan²¹ Lakadakoh, Petrus utukng wa' Yesus ge' mansikatn, "Tuhan, nyamani sering saharus a' iko' ngampun ageko' da baduse tarhadapko'? Sampai 7 sidah?"²² Yesus muji' wa'ini', "Iko ti' muji' wa'imu' 7 sidah tapi sampe 70 sidah kali 7 sidah.²³ Karna dakohlah, Karajaan Surga gatnumpama ulah nyungan raja da umas paritongan nige' ayo hamba a'.²⁴ Jangkah ni' mule baritong, sok da barutang 10.000 talenta gatnminsakng wa'ini'. ²⁵ Karna ini' dakoh ti' mampu mayar, tuana' ngadu supaya ini' gatnnyual, samahu sautn a' ge' ayo anak a', uga' smaan da ini' umpu', ge' nige'dakohta ni' umas pambayaran.²⁶ Maka, hamba dakoh maramuup ge' nyambah tuana', waatna', 'Basabarlah wa'iko' ge' iko' ao' mayar smaana wa' imu'.'²⁷ Lakadakoh, tuan umpatn hamba dakoh ani rasa mase, ge' ngarapasa' ge' mangkatn a' ampun atas utanga' dakoh.²⁸ Tapi, jangkah hamba dakoh mungkas ge' badaput nige' hamba laitn da barutang 100 dinar wa'ini', ini' nangkap gae nyikel hamba dakoh, ge' nyansana, 'Mayar agi' uang da imu' nginyapm unpatnko!'²⁹ Maka, hamba da barutang dakohsujud ge' mamuhon wa'ini', waatna', 'Basabarlah wa'iko' ge' iko' ao' mayar smaana wa'imu'.'³⁰ Tapi, ini' nulak a' ge' nyese' kawana' dakoh ka panjara sampe ini dakohaba' malunasi smaan utanga'.³¹ Jangkah hamba-hamba da laitn mile' kejadian dakoh, ayoa' jadi mangkin sedih lalu utukng ge' malapor wa' tuana' manganai smaan da nga terjadi.³² Lakadakoh, tuana maba' hamba da pamule dakoh ge' nyansana wa'ini', 'Imu' hamba da jahat. Iko' nga mengampuni smaan utangmu' karna imu' mamuhon wa'iko'.³³Inyata saharus a' imu' ani pamase' wa' samu ka adupmu' hamba, ulah iko' uga' nga nyua' pamase' wa'imu'?'³⁴ Ge', tuana, ngabato-batol baji', nyaraha' wa ayo panyiksa sampe ini' kaatn mayar agi' smaan da ngagatnnginyapm wa' ini'.³⁵ Sama'-Ko' ka surga uga' ao' umas hal da samu' wa'imu', sa' imu' ti' mangampuni agemu' umpatn sadatn atemu'."

Chapter 19

¹ Jangkah Yesus nga ngangkabas saratn-saratn diah, Ini' barangkat umpatn Galilea ge' utukng ka rappo Yudea, ka sabarang sungi Yordan.² Ge', Kumpur ahyo sok karah nganang-A, ge' Ini' ngangkauhatn ayoa' ka teetn.³ Nyamani sok Farisi utukng wa' Yesus ya' nguji Ini' ge' mansikatn, "Anita gatnngadu bagi are ya' mancare sautn a' nige' bamacam alasan?"⁴ Lalu, Yesus naham ge' nyansana, "Kati'ah imu' maca bahwa Ini', da nyipta ayoa' umpatn mulea', umas ayoa' are ge' mahu,⁵ ge' Ini' berfirman, "Karna dakoh, arus ngagatn sama'a' ge' sino'a' ge' nyatu nige' sautna', ge' kadua a' dakoh ao' jadi nyiteng ungan?⁶ Jadi ayoa' inya agi' dua, tapi nyiteng ungan. Karna dakoh, jai da nga gatn Jabata nyatu, kati' buleh talino misah a'."⁷ Ayoa' nyansana wa' Yesus, "Lalu, jailah Musa mangkatn perintah ya' mangkatn surat care ge' mancare sautn?"⁸ Yesus nyansana wa' ayoa', "Karna kakarasan atemu', Musa mangkatn ijin kimu' mancare sautnmu'. Tapi, wa' pamulea ti'ta samu dakoh.⁹ Ge', Iko' muji' kimu' bahwaasi da mancare sautn a', kacuali karna babayu, lalu bainyha' nige' mahu da laitn, ini' babayu."¹⁰ Ayo murid muji' wa'-Ini', "Sa' ulah diah hal a' banun nige' sautn a', labih bait kati' bainyha'."¹¹ Namun, Yesus nyansana wa' ayoa', "Kati' smaan sok kaatn narima sarat diah, kacuali ayoa' gatn mangkatn karunia.¹² Sabab, ani sok da kati' bainyha' karna memang umpatn gatnbaranak ladakoh umpatn putukng sino'a', ge' ani sok da kati' bainyha' karna sok lain ngadu, ge' ani uga da umas adup a' ladakoh umpatn adup a' sendiri demi Karajaan Surga. Barang asi da kaatn narima hal diah, teaklah ini' manarimaa'."Yesus ge' Ayo Kangot Innek¹³ Lakadakoh, nyamani kangot innek gatnminsakng wa'-Ini' supaya Ini' kaatn mana' barekng-A ka tumukng ayo kangot dakoh ge' ngadoa ayoa'. Tapi, ayo murid mingat ayo sok dakoh.¹⁴ Namun, Yesus nyansana, "Iya'mingat ayo kangot innek dakoh. Iya' manghalang-halangi ayoa' utukng wa'-Iko' sabab Karajaan Surga ao' gatn umpu' ayo kangot innek da ulah ayoa'. ¹⁵ Ngalaka Yesus mana' barekng-A ka tumukng ayo kangot dakoh, Ini' boho umpatn dakoh.Langkina Kaatn Idup Kekal?¹⁶ Lakadakoh, utukngtalah sook wa' Yesus ge' mansikatn, "Guru, hal bait jai da arus ko' umas supaya kaatn idup da kekal?"¹⁷ Ge', Yesus nyansana wa' sok dakoh, "Jailah imu' mansikatn wa'-Iko' manganai jai da bait? Duhutn Nyiteng ta da bait. Namun, sa' imu' ittuh maruh ka sadatn idup, taati ja' parintah-parintah dakoh."¹⁸ Sok dakoh mansikatn wa' Yesus, "Parintah da dume?"Yesus nahama, "Iya' ngamis, iya' babayu, iya' nangko, iya' mangkatn kesaksian palsu,¹⁹ manghormatlah sama' ge' sino'mu' ge' kasihilah samu adupmu' talino ulah adupmu' sendiri."²⁰ Sok bujakng dakoh nyansana wa'-Ini', "Smaan hal dakoh nga ko' taati, jai agi da masih kurang?"²¹ Yesus nyansana wa'ini', "Sa' imu' ngatte sempurna, anu ge' nyualtalah smaan da mu' umpu'. Lalu, mangkatnlah wa' sok papa, ge' imu ao' umpu' harta ka surga, ge' kaeh ngananglah Iko."²² Namun, Jangkah sok bujakng dakoh ngadangah saratn diah, ini' boho nige' sedih sabab ini batol kaya.²³ Lalu, Yesus nyansana wa ayo murid-A, "Iko' muji' da sabanara wa'imu, susah bagi sok da kaya ya' maruh ka sadatn Karajaan Surga.²⁴ Nyasidah agi', Iko' muji' wa'imu' bahwa labih mudah bagi nyungan unta ya' nabo rubakng atos daripada sok kaya maruh ka sadatn Karajaan Jabata."²⁵ Jangkah ayo murid ngadangah sarat dakoh, ayoa' jadi aru heran, ge' nyansana, "Kalo ladakoh, asilah da kaatn gatn nyalamat?"²⁶ Gae nyantunung ayoa, Yesus nyansana, "Samahu talino, hal diah mustahil, tapi samahu Jabata, smaan hal dakoh mungkin."²⁷ Lakadakoh, Petrus nyansana wa'-Ini', "Ilekmih, kai nga ngagatn smaana ge' nganang Akupm. Jadi jai da ao' kai narima?"²⁸ Ge', Yesus nyansana wa' ayoa', "Iko' muji da sabanara wa'imu' bahwa imu', da nganang Iko' sadatn dunia da bahu, jangkah Anak Talino unyung ka takhta kabesaran-A imu' uga' ao' unyung ka tumukng dua balas takhta ya' manghakimi kadua balas suku Israel.²⁹ Ge', satiap sok da laka ngagatn ramin, agea' da are, agea' da mahu, sama', sino', anak-anak, ato uma a' karna gaatn-Ko ao' narima saratus kali lipat ge' ao' mawarisi idup da kekal.³⁰ Tapi, karah sok da pamule ao' jadi da unyhi', ge' da unyhi' jadi da pamule."

Chapter 20

¹ "Sabab , Karajaan Surga anilah ulah umpu' kabon da baru ngakkap ano anu ya' najo pakaraje-pakaraje ya' kabon anggur a'.² Jangkah ini' nga sapakat nige' ayo' pakaraje dakoh ya' nyadinar nyano, ini' ngadu ayoa' ka kabon anggur a'.³ Ge', kira-kira kitar taru jam ini' anu ge' mile' da laitn a' agi' agutn nganggur ka tampat umum. Lalu, ini' nyansana wa' ayoa', 'Imu', anulah uga ka kabon anggur ge' jai da pantas ao' ko' mangkatn wa'imu'. Ge', ayoa pun anu.⁵ Nyasidah agi', kitar jam kainum ge' jam ka pire ini' anu ge' umas hal da samu'.⁶ Ge', kira-kira wa' jam kasabalas, ini' anu ge' amput da laitn a' agi' agutn ge' ini' nyansana wa' ayoa', 'Jailah imu' agutn ka diah manganggur nyano-ano?'⁷ Ayoa' nyansana wa'ini', 'Karna tinga ani da ngadu kai karaje.' Umpu' kabon dakoh nyansana wa' ayoa', 'Imu', anulah uga' ka kabon anggurko'.⁸ Jangkah ano nga mule ngarum, umpu' kabon dakoh nyansana wa mandor a', 'Maba'talah ayo pakaraje ge' mayartalah wa' ayoa' upaha', gatnmule umpatn da paling unyhi' sampe da pamule.'⁹ Jangkah ayoa' da gatn ngadu karaje wa' jam ka sabalas, utukng, masing-masing sok kaatn 1 dinar.¹⁰ Jangkah ayoa' da gatn ngadu pamule bakaraje utukng ayoa' ngira ao' narima labih karah. Namun, ayoa' masing-masing uga' kaatn 1 dinar.¹¹ Jangfkah narima a', ayoa' mamprotes wa' umpu' kabon.¹² Ayoa' nyansana, 'Ayo sok da maruh paling unyhi' duhutn bakaraje 1 jam tuhi a', ge' akupm umas ayoa' samu' nige' kai, da nga nanggong beban ge' paras kuat nyano-ano.'¹³ Tapi, umpu' kabon dakoh naham ge' nyansana wa' nyungan umpatn ayoa', 'Age, iko' ti' basara' wa'imu'. Inyata imu' laka sapakat nige' iko' ya' nyadinar?¹⁴ Naaplah bagianmu' ge' anulah, tapi iko' mangkatn wa' da unyhi' diah, samu' ulah wa'dimu.¹⁵ Aniah iko ti' gatnngijin umas jai pun da ko'ngatte wa' hartako sendiri? Ato, anita matu'mu' jahat karna iko' bait?"¹⁶ Jadi, da unyhi ao' jadi da pamule, ge' da pamule ao' jadi da unyhi." Yesus Nyansana Agi' manganai Pangkabis-A¹⁷ Jangkah Yesus ao' anu ka Yerusalem, Ini' minsakng dua balas murid-A nige' cara tarpisah. Sadatn pajalatna', Ini' nyansana wa' ayoa',¹⁸ "Ile'mih, ite' agi nuju Yerusalem ge' Anak Talino ao' gatnnyarah wa' imam-imam kapala ge' ahli-ahli Taurat. Ayoa' ao' manghukum-A nige' pangkabis. ¹⁹ Lalu, ayoa' ao' nyarah Ini' wa' pangijek, nyambuk ge' nyalib-A. Ge', ano da kataru Ini' ao' gatnngabangkit."Pamahi Sino' umpatn Anak-Anak Zebedeus²⁰ Lakadakoh sino' umpatn anak-anak Zebedeus samahu ayo anak a' utukng wa' Yesus ge' basujud ya' mahi tarutn wa Yesus.²¹ Ge', Yesus nyansana waini', "Jai da imu' ngatte?" Sino' dakoh naham, "Ngadulah supaya kadua anakko' buleh unyung sadatn Karajaan-Mu, nyungan ka rarap sentao'-Mu ge' da nyungan ka rarap sengkiri'-Mu'."²² Tapi, Yesus naham, "Imu' kati' ngarati jai da imu' mahi. Anita imu' sanggup nyucur cawan da arus Ko'nyucur?" Ayoa' nyansana wa' Yesus, "Ai', kai sanggup."²³ Yesus nyansana wa' ayoa', "Imu' memang ao' nyucur umpatn cawan-Ko, tapi ya' unyung ka sentao'-Ko ato sengkiri'-Ko, inyalah hak-Ko mangkatn a', tapi bagi ayoa' da nga Sama-Ko nyadia."²⁴ Jangkah sapuluh murid laitn ngadangah a', ayoa' baji' wa kadua agea' dakoh.²⁵ Namun, Yesus maba' ayoa' ge' nyansana, "Imu' pane bahwa ayo panguasa bangsa-bangsa laitn mamarintah atas ayoa', ge' sok ayoa' da kuat ao' manjalan wewenang atas ayoa'.²⁶ Saharus a' kati' ladakoh ka antara imu', tapi asi da ngatte jadi da paling ahyo ka antara imu', ini' arus jadi palayanmu. ²⁷ Ge', asi saja da ngatte jadi da pamule ka antara imu', ini' arus jadi hambamu',²⁸ samu' ulah Anak Talino da utukng inya ya' gatnngalayan, tapi ya' malayani ge' mangkatn nyawa-A sebage tabusan bagi sok da karah. " Dua Sok Buta Gatnngangkauhatn²⁹ Ge', jangkah ayoa' ngagatn Yerikho, kumpur sok karah nganang-A.³⁰ Ge', dua sok buta da agi' unyung ka pihik gala', jangkah ngadangah agah Yesus lewat, ayoa' ngampak, "Tuhan, Anak Daud, maseklah wa' kai!"³¹ Sok karah nagor ayoa' supaya ayoa' madi'. Tapi malah, semangkin kuat ayoa' ngampak, "Tuhan, Anak Daud, maseklah wa' kai!"³² Lalu Yesus baranti ge' maba' ayoa'. Ini' nyansana, "Jai da mu' ngatte Iko' umas ya' dimu?"³³ Ayoa' nyansana wa'-Ini', "Tuhan, kai ngatte matu' kai gatnmuka'."³⁴Yesus targerak kat pamase' wa' ayoa', ge' minte matu' ayoa'. wa' jangkaha dakoh uga' ayoa' narima pamile a' agi', ge' nganang Yesus.

Chapter 21

¹ Jangkah ayoa' laka riket ge' Yerusalem ge' laka utukng ka Betfage, ka bukit Zaitun, Yesus ngutus dua ungan murid-A.² Waat-A wa' ayoa', "Anuteetn ka desa da ani ka depanmu', ge' imu' ao' lansong amput nyungan keledai da gatnningo' ge' nyungan anak keledai samahu a'. Muhu mih pantingo' ayoa' ge' minsakng ta kadua a' wa'-Iko'.³ Sak ani sok da muji' tarutn ka imu', imu' arus muji', Tuhan palalu a'', ge' Ini' ao' capat mangkure' a'."⁴ Hal diah tajadi supaya ya' manggenapi jai da gatn nabi muji':⁵ "Muji'lah wa' mahu Sion, mile'lah, Rajamu' utukng ka imu', rendah ate, ge' makka nyungan keledai nige' nyungan keledai angot, anak umpatn keledai beban.⁶ Murid-murid anu ge' umas ulah da nga Yesus perintah wa' ayoa'.⁷ Ayoa' minsakng keledai samahu ge' anak keledai dakoh, ge' mana' jubah-jubah ayoa' ka tumukng keledai-keledai dakoh. ge' Yesus unyung ka tumukng a'. ⁸ Nyabagi ahyo umpatn sok karah dakoh malampar jubah-jubah ayoa' ka gala', ge' da laitn a' nyantak daatn-daatn puutn, lalu nyarak a' ka gala'.⁹ Karah sok bajalatn ka tura'-A ge' ayoa' da nganang a' ngampak, "Hosana bagi Anak Daud! 'Gatnberkatlah Ini' da utukng sadatn gaatn Tuhan.' Hosana ka tampat da paling nyamo!"¹⁰ Jangkah Yesus maruh ka Yerusalem, smaan kota jadi bago. Ayoa' mansikatn, "Asilah Ini' diah?"¹¹ Ge', sok da karah naham, "Ini' anilah Nabi Yesus, umpatn Nazaret ka Galilea." Yesus Nyuci Bait Jabata¹² Lalu, Yesus maruh ka Bait Jabata ge' nguser ayo sok da agi' bajual ka Bait Jabata, lalu nyungkir balik meja-meja da ya' nukar uang ge' pangkeng-pangkeng ayoa' da nyual manuk-manuk acang.¹³ Ini' nyansana wa' ayoa', "Ani tatulis, 'Ramin-Ko' ao' gatnmuji' ramin doa' tapi imu' umas jadi sarang ayo parampok."¹⁴ Ge', sok da buta ge' uga da lumpuh utukng wa'-Ini' ka Bait Jabata, Lalu Ini' Ngangkauhatn ayoa'.¹⁵ Tapi, jangkah ayo imam kapala ge' ahli-ahli Taurat mile' mujizat-mujizat da nga laka gatn Yesus umas ge' mile' anak-anak da ngampak sadatn Bait Jabata, "Hosana bagi Anak Daud," ayoa' jadi baji'.¹⁶ Lalu, ayoa' mansikatn wa' Yesus, "Anita Akupm ani dangah da da gatn anak-anak muji'?" ge', Yesus naham ayoa', "Ai'. Tinga suah a' imu' maca', 'Umpatn baba' kangot bayi ge' kagot-kangot da nyusu', Akupm nga nyiap pujian ya' adup-Mu sadi'?"¹⁷ Lakadakoh, Yesus ngagatn ayoa' ge' mungkas umpatn kota dakoh ka Betania ge' bangarum ka teetn. Yesus Nyua' Kuasa Iman¹⁸ Mati, wa' ano asat , jangkah Yesus malik ka kota, Ini' jadi siburuk.¹⁹ Ge', jangkah mile' puutn ara ka pinggir gala', Ini' nutok a' ge' kati' ani amput jai-jai, kacuali dautn-dautn ja'. Ge', Ini' nyansana wa' puutn dakoh, "Kati' ao' suah agi' ani buah umpatn imu' sampe salama-lama a'!" Ano dakoh uga', puutn ara dakoh ngajadi karikng.²⁰ Jangkah murid-murid mile' hal diah, ayo murid terheran-heran ge' mansikatn, "Langkina puutn ara dakoh karikng tiba-tiba?"²¹ Ge', Yesus naham ayoa', "Sasungguh a' iko' muji' wa'imu', sa' imu' umpu' iman ge' kati bimbang, imu' inya hanya ao' umas jai da gatnumas tarhadap puutn ara diah, bahkan sak imu' nyansana wa' gunung diah, 'Tarantatnlah ge' tacampaklah ka sadatn laut,' hal dakoh ao' tajadi.²² Ge', tarutn jai pun da imu' mahi sadatn doa, pacayalah, imu' ao' kaatn a'. Pamimpin Yahudi Ragu wa' Kuasa Yesus.²³ Jangkah Yesus maruh ka Bait Jabata, ayo imam kapala ge' ayo ama-ama bangsa Yahudi utukng wa'-Ini' samantara Ini' agi' ngajar ge' mansikatn, "Nige' kuasa jailah Akupm umas hal-hal diah?Ge', asilah da mangkatn-Mu' kuasa diah?"²⁴ Yesus naham ayoa', "Iko' uga' ao' mansikatn nyiteng hal wa'imu', da sak imu' bisa naham a', Iko' uga' ao' muji'kaimu' nige' kuasa jai Iko' umas smaan hal diah.²⁵ Umpatn umelah baptisan Yohanes? Umpatn surga ato umpatn talino?" Ge' ayoa' mule nyarita a' ka antara samu adup ayoa', waatn a', "Sak ite' muji', 'Umpatn Surga,' Ini' ao' muji' 'Kalo ladakoh, jai imu' kati' pacaya wa' Yohanes?'²⁶ Tapi ao'a, sak ite' naham, 'Baasal umpatn talino.' Ite' buut wa' sok karah karna ayoa' smaan muji' bahwa Yohanes anilah nabi."²⁷ Maka ayoa' naham Yesus, "Kai kati' pane."Ge', kalo ladakoh, Iko' uga kati' ao' muji' ka imu' nige' kuasa jai Iko' umas hal-hal diah." Parumpamaan manganai Dua Sok Anak²⁸ 'Tapi, jai pandapatmu? ani sok da umpu' dua anak are, ge' ini' utukng wa' da ama ge' nayansana, 'Anakko, anu ge' bakarajelah ano diah ka kabon anggur.'²⁹Ge', ini' naham, 'Ai', Sama', tapi ngalaka dakoh ini' kati' anu.³⁰ Lakadakoh sama' dakoh anu wa' da kadua ge' muji hal da samu'. Anak dakoh naham, 'Kati' tuh', tapi ni' nyasal ge' anu.³¹ Asilah umpatn kadua anak dakoh da nurut wa' sama' a? Ayoa' muji', "Da tarakhir." Yesus nyansana wa' ayoa', "Sasungguh a', iko' muji' wa'imu' bahwa ayo pangumpur pajak ge' lonte-lonte ao' maruh ka sadatn Karajaan Jabata nyantulu imu'.³² Sabab, Yohanes utukng wa'imu' sadatn gala' da taman ge' imu' kati' tuh pacaya, tapi, ayo pangumpur pajak ge' lonte-lonte tuh pacaya. Ge', imu', jangkah mile' hal diah bahka kati' nyasal ngalaka a' singge imu' kaatn macaya a'.' Parumpamaan manganai Daumpu' ge' Danyewa Kabon Anggur³³ "Dangahlah Parumpamaan da laitn. Ani daumpu' kabon da mura' nyabuah kabon anggur, ge' masang paga ka kalilikng a', ge' ngari' tampat ngaccet anggur, ge' mantagutn menara. Lakadakoh, ini' nyewa kabon anggur a' wa' ani mani petani, ge' ini' barangkat ka luar negeri.³⁴ Jangkah musim buah hampir utukng, ini' ngutus panyangu-panyangu a' wa' petani-petani dakoh ya'nyamut buah a'.³⁵ Ge', ayo petani nangkap ayo palayan dakoh ge' mangkukng da nyungan, ge' ngamis da nyungan, ge' munu' da laitn a' nige' batu. ³⁶ Nyakali agi', daumpu' kabon dakoh ngadu panyangu-panyangu da laitn, da labih karah daripada da katinga a'. Ge', ayo petani dakoh umas hal da samu' tarhadap ayoa'. ³⁷ Pangkabas a', daumpu' kabon dakoh ngutus anak a' wa ayoa', waatn a', 'Ayoa' ao' manghormat anakko.'³⁸ Tapi, jangkah ayo petani dakoh mile' anak a', ayoa' nyansana ka antara ayo samu adup, 'Ini' anilah ahli waris, kaeh ite' ngamis ini' ge' ngarampas warisan a'.'³⁹ Lalu, ayoa' nangkap anak daumpu' kabon dakoh, nyangkahatn ka sato kabon anggur, ge' ngamis a'.⁴⁰ Karna dakoh, jangkah daumpu' kabon anggur dakoh utukng, jai da ao' ini' umas wa' petani-petani dakoh?"⁴¹ Ayoa' nyansana wa'-Ini', "Ini' ao' mambinasa ayo sok jahe'. ge' ao' ngadu nyewa kabon anggur a' wa' petani-petani da laitn, da ao' nyarah wa'ini' buah-buah wa' musim a'."⁴² Yesus nyansana wa' ayoa', "Anita imu' ti' suah maca sadatn Kitab Suci:'Batu da gatnulak ya' tukang-tukang bangunan nga jadi batu penjuru. Hal diah tajadi umpatn pihak Tuhan, ge' hal diah ajaib ka matu' ite'?⁴³ Karna dakoh, Iko nyansana wa' imu', Karajaan Jabata ao' naap umpatnimu' ge' ao' mangkatn wa' ayo sok da ngasel buah umpatn a'.⁴⁴ Ge', asi da jantu' ka tumukng batu diah ao' gatnmucuh bakaping-kaping; ge' asipun da gatn batu ngantuk ao' ancur."⁴⁵ Jangkah imam-imam kapala ge' ayo sok Farisi dangah parumpamaan-parumpamaan-A, ayoa' ngarati bahwa Yesus agi' nyansana manganai ayoa'.⁴⁶ Tapi, jangkah ayoa barusaha ya' nangkap Yesus, ayoa' buut wa' sok karah dakoh da nganggap Yesus anilah nabi.

Chapter 22

¹Yesus nyansana agi' ka ayoa' sadatn parumpamaan-parumpamaan, waat-Na, ² "Karajaan Surga bisa gatn ngumpama ulah nyungan raja da umas pesta bainyha' ya' anak are'a. ³Ge' ini' ngadu ayo panyagu'a ya' maba' ayo sok da laka gatn ngundang ka pesta dakoh, tapi ayoa' kati' ituh utukng.⁴Lalu, raja ngadu agi' ayo panyangu da laitn, waatna, 'Mujiatalah ka ayo sok da ngagatn ngundang. Ile', iko laka nyiap pangkumanko'. Lembu-lembu are ge' tarnak-tarnak da gatn ngamanu' samaana nga siap ta. Utuknglah ka paruman bainyha' diah.'⁵Tapi , ayoa' kati' padulia' ge' boho, da nyungan ka uma'a, da laitn ka usaha'a, ⁶ge' da laitn'a nangkap ayo panyangu raja dakoh, nyiksa'a ge' ngamis'a.⁷Maka, sang raja baji', ge' ngutus tantara-tantara'a, mambinasa pangamis-pangamis dakoh, ge' nyahung kota ayoa'.⁸Lakadakoh, ini' nyansana ka ayo panyangua, 'Gawe bainyha' nga siap, tapi ayo sok da gatn ngundang dakoh kati' layak. ⁹Ya' karna dakoh, anu mih ka gala'-gala' da ayho ge' ngundang mih nyamani karah sok da kaatn imu' amput ka gawe bainyhak diah.¹⁰Maka, panyangu-panyangu dakoh anu ka gala'-gala' ge' ngumpur samaan sok da ayo amput, da bait ge' da jahe'. Ge', tampat bainyha' dakoh panhu ge' ayo tamu.¹¹Ao' ta, jangkah raja maruh ya' badaput nige' ayo tamui a', ini' mile' nyungan sok ka teetn, da kati' ngiak pangiak ya' gawe bainyha'.¹² Ini' nyansana wa' ini', 'Age,langkina imu' kaatn maruh ka diah tampa ngiak pangiak ya' gawe bainyha'? Ge',sok dakoh tatunguh.¹³Lakadakoh raja dakoh nyansana wa' panyangu-panyangu a', 'Ningo' barekng ge' kaja'a', ge' nyangkahatnta ini' ka sadatn tampat da galap da paling sato. Ka teetn, ao' ani unse' ge' karatok japu'.¹⁴ Sabab, karah da gatnmaba', tapi iget da gatnmilih." Usaha Pamimpin Yahudi ya' Ngajerat Yesus¹⁵ Lakadakoh, ayo Farisi anu ge' bapakat supaya ayoa' kaatn ngajerat Yesus nige' saratn-A.¹⁶ Ge', ayoa' ngutus ayo murid ayoa' wa' Yesus samahu nige' ayo sok Herodian. Ayoa' nyansana, "Guru, kai pane bahwa Akupm jujur ge' ngajar gala' Jabata sadatn da taman. Akupm ti' buut wa' asi pun sabab Akupm kati' mile' muka'.¹⁷Kalo ladakoh,muji'ta pandapat-Mu wa' kai' Anita gatn ngataman ya' mayar pajak wa' kaisar ato kati'?¹⁸Ao'a ta, Yesus panane kajahatan ayoa' ge' nyansana, "Jailah imu' nyuba Iko', he munapik?¹⁹Nampilta wa' -Iko uang ya' pajak dakoh." Lalu, ayoa' nyarah nyakapikng dinar ka-Ini'.²⁰ Ge', Ini' nyansana wa'ayoa', "Gambar ge' tulisan asi diah?"²¹Ayoa' naham, "Kaisar." Lakadakoh, Yesus nyansana wa' ayoa', "Oleh karna dakoh, mayarlah wa' kaisar hal-hal da kaisar umpu', ge' wa' Jabata hal-hal da anilah Jabata umpu'."²² Jangkah dangah a', ayoa' aru herana', ge' ngagatn-A ge' anu. Usaha Sok Saduki ya' Ngajebak Yesus²³ Wa' ano da samu, ayo sok saduki, da nyansana bahwa kati' ani kabangkitan, utukng wa' Yesus ge' mansikatn wa'-Ini'.²⁴ Ayoa' muji', "Guru, Musa muji' bahwa sa' nyungan are kabis ge' kati umpu' anak, age da are harus kawin gek sautna ge' nyambung katurunan wa' age a' da kabis dakoh.²⁵Mati', ani ijo' badadik ka antara kai. Da ama bainyha', ge' kabis tampa ani umpu' anak, ge' ngagatn sautn a' wa' agea.²⁶Ladakoh uga nige' da kadua, da kataru, sampe da kaijo'.²⁷ Pangkabas umpatn samana', mahung dakoh kabis uga'.²⁸ Wa' ano kabangkitan, mahung dakoh jadi sautn asilah umpatn da ijo badadi' dakoh? Sabab, ayoa ' samaan laka kawin ge' ini'."²⁹Ao'ata, Yesus naham ge' nyansana wa' ayoa', "Imu' ngasasat, kati' ngarati Kitab Suci atopun kuasa Jabata.³⁰Sabab, wa' ano kabangkitan, ayoa' kati' kawin atopun gatnngawin, tapi ulah malaikat-malaikat ka surga.³¹Namun, manganai kabangkitan ayo sok kabis, tinga bah mu' maca jai da gatn muji' wa'imu' uleh Jabata,³²'Iko'ta Jabata Abraham, Jabata Ishak, ge' Jabata Yakub'? Ini' inya Jabata sok kabis tapi Jabata sok da idup."³³ Jangkah ayo sok da karah dangah hal diah, ayoa' batol-batol heran wa' pangajaran-A. Hukum Dadumelah da Paling Penting?³⁴ Namun, jangkah ayo sok Farisi ngadangah bahwa Yesus laka umas ayo sok Saduki karatunguh, bakumpurta ayoa'.³⁵Lakadakoh, nyiteng umpatn ayoa', nyungan ahli Hukum Taurat, mansikatn wa' Yesus ya' nguji-A,³⁶"Guru, parintah dadume da paling penting sadatn Hukum Taurat?"³⁷Ge', Yesus nyansana wa'ini', "Imu' harus nyayang Tuhan Jabatamu' nige' sapanhu atemu', ge' nige' sapanhu jiwamu', ge' nige'sapanhu pikiranmu'.³⁸Diah anilah parintah da paling ayho ge' da uru.³⁹Da kadua anilah ulah diah, 'Imu' harus nyayang samuadup kupm ulah adupmu.'⁴⁰Sadatn kadua parintah diah, bagantong samaan Hukum Taurat ge' kitab ayo nabi." Mansikatn manganai Mesias⁴¹Mati', samantara ayo sok Farisi bakumpur samahu, Yesus mansikatn wa' ayoa',⁴²"Langkina pandapatmu' manganai Kristus? Anak asilah Ini'?" Ayoa' muji' wa'-Ini'. "Anak Daud."⁴³ Ini' muji' wa' ayoa', "Kalo ladakoh, langkinalah Daud, sadatn Roh, maba'-A 'Tuan', waatna,⁴⁴Tuhan bafirman wa' Tuanko, "Uyungta ka suutn sentao'-Ko', sampe Iko' mana' ayo musuh-Mu ka saroh kaja'-Mu'.?⁴⁵Sak Daud maba' Kristus jadi 'Tuan', langkina mungkin Ini' anilah anak Daud?"⁴⁶Kati' nyunganpun da kaatn naham nyapatah kata pun wa'-Ini'. Ge', mule no dakoh, kati' ani sok da pagatn mansikatn partanyaan-partanyaan agi wa'-Ini'.

Chapter 23

¹Laka dakoh, Yesus nyansana ka ayo' sok dakarah ge murid-murid-A', ²Ayo' ahli Taurat ge ayo' sok Farisimunyung ka samo' pankeng Musa. ³Kat karna dakoh, sagale hal, dakarah da ayo' muji ka imu' umas ta lah ge memperhatilah. Ao' tapi, usah umsa a' parabuatan-parabuatan a' karna ayo' a' muji a', tapi kati umas a'.⁴Ayo' a' ninggo beban-beban da bahat ge' mana a' ka samo' kae' sok laitn. Ao' tapi, ayo' adup a' kati ituh nginsit a' nige taringgo' ayo' a'. ⁵Ayo' a' umas a' samaan parabuatan ayo' a' sapaya gatn ayo' sok mile. Ayo' a' mampalabar tari-tari sembahyang a' ge mangkahyo rinde-rinde ujung jubah ayo' a'.⁶Ayo' a' suke tampat ta hormat sadatn perjamuan, tampat pantunjung ka tura ka sadatn sinagoge-sinagoge. ⁷salam penghormatan ka tampat-tampat umum, ge gatn magaatn Rabi kat ayo' sok.⁸Ao tapi, usah gatn magaatn rabi karna hanya nyungan Gurumu', ge imu samaan nya age. ⁹Iya gaatn magaatn asi saja sabage samma' mu' ka dunia diah karna nyungan sadi samma'mu', ai' dakoh Ini' da ka surga. ¹⁰Iya uga imu' gatn magaatn pamimpin karna nyungan sadi Pamimpinmu', dakoh ta Kristus.¹¹Namun, da paling ahyo ka antra imu' arus ta ini' jadi palayanmu'. ¹²Asi da ngangkanyamo' adup a' ao' a' gatn randah a' adup a' ao' gatn ngannyamo a'.¹³Celakalah imu' ahli-ahli Taurat ge Ayo' sok Farisi, ayo' sok munafik! Imu' ngabut pintu Kerajaan Surga ka tura sok karna imu' sadi kati ngamaruh a' ge uga kati mengizinkan ayo' a' da sadang maruh yak ngamaruh a'. ¹⁴Celakalah imu', he ahli-ahli Taurat ge ayo' sok Farisi, ayo' sok munafik! imu' melahap ramin ayo' janda ge yak pura-pura imu' umas doa-doa da angho'. Karna dakoh, imu' ao' narima hukuman da labih bahat. ¹⁵Celakalah imu' he ahli-ahli Taurat ge ayo' sok Farisi, ayo' sok munafik! imu' menjelajahi lautan ka sadatn ge ka dayu yak minsakng ayo' sok maruh ka sadatn agamamu'. Ge, ketika ni' laka jadi salah satu a', imu' gatn jadi a' anak neraka, dua kali lipat daripada imu' sadi.¹⁶Calakalah imu', hei ayo' pamimpin buta, da nyansana, 'Asi da ba sumpah demi Bait Jabata, hal dakoh kati ani arti a'. Ao' tapi, asi da ba sumpah dakoh.' ¹⁷Imu' da baga ge da buta! ume da paling ahyo, barawatn ato Bait Jabata da mengudus a' barawatn dakoh?¹⁸Ge, 'Asi da ba sumpah demi papante, sumpah dakoh kati ani arti a'. Ao' tapi, asi da ba sumpah demi parsambah ka sammo' papante dakoh, ini' ta tinggo kat sumpah a' dakoh.' ¹⁹He imu' ayo' sok buta! ume da paling ahyo, parsambahan ato papante da ngudus a' parsambahan dakoh?²⁰Karna dakoh, asi da ba sumpah demi papante, ba sumpah demi papante ge samaan da ani ka samo a'. ²¹Ge, asi da ba sumpah demi Bait Jabata, ba sumpah demi bait Jabata ge demi Ini' da madi ka sadatn a'. ²²Ge, asi da ba sumpah demi surga, ba sumpah demi tahta Jabata, ge demi Ini' da munyung ka sammo' a'.²³Calakalah imu, he ahli-ahli Taurat ge ayo' sok Farisi, Ayo' sok munafik! imu' mangkatn' parsepuluhanmu' umpat selasih, adas manis, ge jinta, tapi ngalaka nyapile hal-hal da labih bahatn umpatn Hukum Taurat, kohlah ka adilan, pamase, ge iman. Hal-hal diahlah da saharus a' laka imu' umas tanpa nyapile hal-hal da laitn. ²⁴Imu' pamimpin-pamimpin buta, da ma nyaring pantujok ge nalatn nyungan unta!.²⁵Calakalah imu', he ahli-ahli Taurat ge ayo' sok Farisi, ayo' sok munafik! Sabab, imu' marasih bagian satto' galas ge pingatn mu', tapi bagian sadatn a' panhu rampasan ge keserakahan. ²⁶Imu' ayo' sok Farisi da buta! Marasih a' uru bagian sadatn galas ge pingatn, maka bagian satto' a' uga bisa jadi bersih.²⁷Calakalah imu' ahli-ahli Taurat ge ayo' sok Farisi, ayo' sok munafik! Sabab, imu' samu nige' sibur da gatn ngecat ranak, wa bagian satto' a' gatn mile ulah lamus, tapi bagian sadatn a' panhu nige' turakng-turakng sok kabis ge samaan nabis ta. ²⁸Lahdakoh uge nige' imu', wa bagian satto' imu' tile taman bagi talino. Ao' tapi, wa bagian sadatn' imu' panhu kemunafikan ge kajahatan.²⁹Calakalah imu', ahli-ahli Taurat ge ayo' sok Farisi, ayo' sok munafik! Sabab, imu' umas sibur-sibur ayo' nabi ge ngangkalamus tande-tande ayo' sok saleh, ³⁰ge nyansana, 'Jika kai laka idup wa masa samma moyang kai, kai kati ao' nangkap bagian nige' ayo' a' sadatn dayya ayo' nabi.' ³¹Nige' lahdakohlah, imu' ba saksi tahadap adupmu' sadi bahwa imu' anilah kangod-kangod ayo' a' da ngamis ayo' nabi.³²Jadi, nyukup ta lah ukuran ayo' samma moyangmu'. ³³Imu' nipa-nipa, katurunan nipa-nipa beludak, langkina imu' ao' ngarapas a' adup umpatn neraka?³⁴Karna dakoh, mile mih, Iko' ngutus nabi-nabi, ayo' sok bijak, ge ahli-ahli Taurat wa imu'. nyamani umpatn ayo' a' ao' imu' ngamis ge nyalib a', nyamani ao' mangkung a' ka sinagoge-sinagogemu', ge imu' aniaya umpatn' kota ka kota. ³⁵supaya samaan dayya ayo' sok benar da gatn nuntokng a' ka tana paitn ao' utukng ka imu', mule umpatn' dayya Habel, sok da benar dakoh, sampe ka dayya Zakharia, kangod Berekhya, da imu' ngamis ka antara Bait Jabata ge papante. ³⁶Sesungguh a', iko' muji a' ka imu' bahwa samaan hal-hal diah ao' utukng samo generasi diah." Hukuman bagi Yerusalem³⁷"Oh Yerusalem, Yerusalem, da ngamis ayo' nabi ge mono nige' batu ayo' a' da gatn ngutus ka a'. Betapa saring a' Iko' ngate ngumpul a' kangod-kangodmu' samahu, samu nige indo' siap ngumpul a' anak-anak a' ka saroh arad a', tapi imu' kati tuh. ³⁸Mile mih, raminmu gatn ngagatn ta bagimu' ge jadi sunyi. ³⁹Sabab, Iko' muji a' ka imu' bahwa mule mati', imu' kati ao' mile Iko' agi sampe imu' nyansana, 'Gatn berkatilah Ni' da utukng sadatn gaatn Tuhan.'"

Chapter 24

Khotbah Yesus Tentang Abas ZamanBait Jabata Ao' gantn Ngaruruh ¹Yesus mungkas umpatn Bait Jabata lalu ano waktu ayo' murid-A' utukng nujo a' bangunan-bangunan Bait Jabata wak'-A'. ²Ge, Ni' mansikatn wak' ayo' a', "Kati' bak imu' milesamaan hal diah? Iko' magaatn a' da sebenar a' wak'mu' bahwa kati ani nyitengpun batu ka diah ao' gatn ngabiar a' ani ka sammo' batu da laitn, da kati ao' gatn ngaruruh a'." Mule Penderitaan³Ge, waktu Yesus munyung ka sammo' apar Zaitun, murid-murid utukng wak'-A' secara adup-adup a' ge nyansana, "magaatn ta lah wak' kai, ngina hal-hal dakoh ao' tajadi ge ani bak da ao' jadi tande pangkutukng-Mu' ge pangkabis zaman diah?" ⁴Yesus naham ayo' a', "Perhatikanlah supaya usah ani sok da menyesat a' imu'. ⁵Sabab, karah da ao' utukng sadatn gaatn-Ko' ge nyansana, 'Iko' anilah Kristus,' ge ayo' a' ao' menyesat a' karah sok.⁶Imu' ao' dangah peperangan ge agah-agah tentang perang. Perhatikanlah supaya imu' kati buut karna ha-hal diah harus ta jadi, tapi diah tinga pangkabas a'. ⁷Sabab, bangsa ao' umpatn melawan bangsa, ge kerajaan ao' melawan kerajaan, ge ka berbagai tampat ao' ani saburuk ge gempa tana paitn. ⁸Samaan hal diah anilah awal umpatn panderitaan anap baranak.⁹Laka dakoh, ayo' a' ao' mangkatn a' imu' wak' panganiaanyaan, ge ao' ngamismu, ge imu' ao' gatn ngarusi kat seluruh bangsa karna gaatn-Ko'. ¹⁰Ka waktu dakoh, karah da ao' ta singkak, ge ao' saling mangkatn a', ge rusi nyungan samu laitn. ¹¹Karah nabi palsu ao' mampuang ge' nyesat a' karah sok.¹²Sabab, pelanggaran semakin ba tambah, kasih sok da karah ao' jadi pannud. ¹³Ao' tapi, sok da ba tahan sampe abas ao' gatn nyelamat. ¹⁴Ge, Injil Kerajaan diah ao' gatn ngagah ka samaan dunia sebagai kesaksian bagi samaan bangsa, ge laka dakoh pangkabas ao' utukng. Pandaritaan Ahyo ge Kristus-Kristus Palsu¹⁵"Jadi, jangkah imu' mile pembinasa keji, samu da gatn nabi Daniel muji, agutn ka tampat suci, arus ta lah ayo' da maca mamahami a'. ¹⁶maka ayo' a' da ani ka Yehuda arus buho ka pengunungan. ¹⁷Asi da ani ka samo seng ramin, iya lah ni' tusor yak nangkap jai pun umpatn sadatn ramin a'. ¹⁸Asi da ani ka uma, iya ure yak nangkap jubah a'.¹⁹Namun, calakalah ayo' a' da sadang batahi ge ayo' a' da jangkah nyusu kangod a' ka ano-ano dakoh. ²⁰Badoa nih supaya pabohomu' iya ka musim pannud ato ka ano sabat. ²¹Karna laka dakoh ao' ta jadi masa panderitaan ahyo, samu da tinga pernah ta jadi sajak pamule dunia sampe mati', ge kati ao' pernah ta jadi agi. ²²Ge, jika ano-ano dakoh kati gant ngankunok, kati ani idup da ao' gatn nyalamat a'. Namun, demi ayo' a' da gatn milih, ano-ano dakoh gant ngangkunok.²³Laka dakoh, Jika anisok nyansana wak' imu', 'mile, Kristus ani ka diah,' ato 'Ni' ani ka teetn,' iya lah pacaya wak' a'. ²⁴Sabab, kristus-kristus palsu ge nabi-nabi palsu ao' muncul ge ao' bulah tande-tande mukjizat-mukjizat sehingga menyesatkan, jika mungkin , bahkan ayo' a'da gatn milih. ²⁵Perhatikanlah, Iko' laka muji a' wak'imu' katinga dakoh a'.²⁶Jadi, jika ayo' a' nyansana wak' imu, 'mile, Ni' ani ka padang balantara,' iya ano ka teetn, ato 'mile, Ni' ani ka sadatn kamar dakoh,'iya pacaya ka ini'. ²⁷Sabab, samu ulah kilat da mancar umpatn timur ge babalo sampe ka barat, pangkoh uge pangkutukng anak talino ao' ta jadi. ²⁸Ka tampatn da ani bangke, ka dakohlah manuk nasar ao' ba kumpul." Pangkutukng Anak Talino.²⁹"segera, ngalaka masa panderitaan dakoh, 'Matu ano ao' gatn jadi galap, ge buratn kati ao' mangkatn balo a', Bintakng-bintakng ao' ruruh umpatn rangit, ge kuasa-kuasa ka rangit ao' gatn ngoncang a'.³⁰Lalu, tande Anak Talino ao' muncul ka rangit ge suku-suku ka tana paitn ao' sabal ate. Ayo' a' ao' mile Anak Talino utukng sadatn rahu-rahu ka rangit, nige' kuasa ge kamuliaan da ahyo. ³¹Ge, Ni' ao' ngutus malaikat-malaikat-A' nige' saratn trompet da karas, ge ayo' a' ao' ngumpul a' umat pilihan-A' umpatn ke ampat penjuru tana paitn, umpatn ujung rangit da nyeteng ke ujung a' da laitn.³²Mati', pelajarilah perumpamaan umpatn pu'ut ara jangkah da' at a' jadi lembut ge daut-daut a' narok, imu' nga panane bahwa musim paras nga jeket. ³³Lahkoh uga jangkah imu' mile samaan hal diah, imu' nga panane bahwa Ni' nga jeket, ka talubo pintu.³⁴Sasungguh a', Iko' muji a' wak' imu' bahwa generasi diah kati ao' mua sampe samaan hal diah ta jadi. ³⁵Rabgit ge tana paitn ao' a' lanyap, tapi Firman-firman-Ko' kati ao' lanyap." Masa Pa jutukng Anak Talino³⁶Ao' tapi, tentang ano ge waktu a', kati ani nyunganpun da pane, malaikat-malaikat ka surga uga kati, Sang Anak pun kati, tapi sang Bapa sadi.³⁷Samu ulah da ta jadi ka zaman Nuh, lah dakoh uga pajutukng Anak Manusia ao' ta jadi. ³⁸Sabab, ulah ka ano-ano tinga paitn bah, ayo' a' uman ge nyucur , basautn ge gatn basaut a', sampe ka ano Nuh maruh ka sadatn Bahtera. ³⁹Ge, ayo' a' kati paham a' sampe paitn bah utukng ge me lanyap a' ayo' a' samaan; lah dakoh ugalah pa jutukng Anak Talino ao' a' ta jadi.⁴⁰Laka dakoh, ao' ani dua sok ka uma; da nyungan ao' gatn naaf ge da nyungan ao' gatn nanggalatn. ⁴¹Dua mahung ao' giling ka batu kilangan, da nyungan ao' gatn naaf ge da nyungan ao' gatn nganggat a'. ⁴²Karna dakoh, ba jage-jagelah karna imu' kati pane ka ano jai Tuhanmu' ao' utukng.⁴³Namun, ngapananelah diah bahwa jika tuan ramin laka panane ngina, ka waktu ngarum, si parangko ao' utukng, ni' ao' ba jage-jage ge kati ao' ngabiar a' ramin a' gatn bongkar. ⁴⁴Kat karna dakoh, imu' uga arus siap sedia karna Anak talino utukng ka waktu da imu' kati nga duga a'. Hamba da Setia ge Hamba da Jahe'⁴⁵"Lalu, asi duk hamba da setia ge bijaksana, da tuan a' ngankat sammo' samaan ramin a' yak mangkatn ayo' a' pangkuman ka waktu da tapat? ⁴⁶Gatn berkatilah hamba dakoh, da jangkah tuan a' utukng, tuan a' dakoh amputn ini' jangkah karaje la dakoh rupa. ⁴⁷Sa sungguh a', Iko' nyansana wak' imu' bahwa tuan dakoh ao' ngangkat hamba a' dakoh sammo' samaan pangumpu a'.⁴⁸Namun, jika hamba da jahe' dakoh nyansana sadatn ate a', Tuanko' nunda utukng,' ⁴⁹Lalu ni' mule mangkung a' hamba-hamba da laitn, lalu uman serta nyucur samahu nige' da abok; ⁵⁰tuan umpatn hamba dakoh ao' utukng ka ano jangkah ni' kati harapkan a' ge ka waktu da kati ni' panane, ⁵¹ge ao' nyangkalatn a' ge mana a' ni' samahu-mahu ayo' sok munafik. Ka tampatn dakoh, ao' ani unse ge kertak japu.

Chapter 25

¹ "Lakadakoh, Karajaan Surga gatnumpama ulah sapulu dara da minsakng pelita-pelita a' ge' anu ya' nyamut penganten are.² Rima ka antara a' anilah baga, ge' rima da laitn a' anilah bijaksana.³ Jangkah da baga dakoh minsakng pelita-pelita a', ayoa' kati' minsakng binyak samahu a'.⁴ Tapi, da bijaksana minsakng binyak sadatn butol inek samahu nige' pelita-pelita ayoa'.⁵ Mati', jangkah penganten are dakoh nunda pajutukng a', ayoa' smaan ngantuk ge' buus.⁶ Tapi, wa' tuda' ngarum ani kampak, 'Penganten are utukng! Mungkaslah ya' nyamut a'!⁷ Lakadakoh, smaan dara dakoh umpat ge' ngamas pelit-pelita ayoa'.⁸ Ge', da baga nyansana wa' da bijaksana, 'Mangkatnlah wa' kai iget-iget binyakmu' karna pelita-pelita kai ampir kabis.'⁹ Tapi, da bijaksana naham, 'Kati', ti' ao' cukup jana ya' kai ge' imu'. Labih bait, anulah wa' sok da nyual binyak ge' marilah ya' da adupmu'.'¹⁰ Samantara ayoa' anu ya' mari, penganten are dakoh utukng, ge' ayoa' da siap, maruh samahu-mahu nige' ini' ka paruman gawe inyha', ge' pintu gatnngabut.¹¹ Ngalaka dakoh, utukng uga' dara-dara da laitna' ge' nyansana, 'Tuan, tuan! Nukas pintu bagi kai.'¹² Tapi, ini' naham a', 'Sasungguh a', iko' muji' kimu', iko' kati' kanalmu'.'¹³ Uleh karna dakoh, bajaga-jagalah karna imu' ti' pane ano ato waktu a'." Parumpamaan tentang Taru Palayan¹⁴ "Sabab, Karajaan Surga samu' ulah sook da ao' anu ka luar nagari, da maba' panyangu-panyangu a' ge' nyarah harta a' wa' ayoa'.¹⁵ Wa' da nyungan, ini' mangkatn 5 talenta. Wa' da laitn a', 2 talenta, ge' wa' da laitn a' agi', 1 talentaa. Masing-masing sasue kamampuan a'. Lakadakoh, ini' anu.¹⁶ Sok da narima 5 talenta dakoh lansong anu, ge' manjalan talenta dakoh, ge' ngasel 5 talenta agi'.¹⁷ Ladakoh uga' da narima 2 talenta, ini' ngasel 2 talenta agi'.¹⁸ Tapi, sok da narima 1 talenta dakoh anu, ngari' rubakng ka tana, ge' nyukatn uang tuan a'.¹⁹ Tuhi' ngalaka dakoh, tuan umpatn panyangu-panyangu dakoh utukng ge' umas paritungan nige' ayoa'.²⁰ Sok da nga narima 5 talenta dakoh ngadap ge' minsakng 5 talenta agi', waat na', 'Tuan, akupm nyarah 5 talenta wa'iko'. Mile'lah, iko' nga ngasel 5 talenta agi'.'²¹ Tuan a' muji' wa' ini', 'Lamus tao', panyangu da bait ge' da setia. Imu' setia nige' hal-hal da inek, iko' ao' ngangkat imu' wa' karah hal, maruhlah ka sadatn sukacita tuanmu'.'²² Ge', sok da narima 2 talenta uga' manghadap ge' nyansana, 'Tuan, akupm nyarah 2 talenta wa'iko'. Mile', iko' nga ngasel dua talenta agi'.'²³ Tuan a' naham, 'Lamus tao', panyangu da bait ge' setia. Imu' nga setia nige' hal-hal inek, iko' ao' ngangkat imu' wa' karah hal, maruhlah ka sadatn sukacita tuanmu'.'²⁴Lakadakoh, sok da narima 1 talenta uga' manghadap ge' nyansana, 'Tuan, iko' pane akupm sok da kejam, manen ka tampat da akupm ti' mura', ge' ngumpur ka tampat da akupm ti' ngamhur bane.²⁵ Karna dakoh, iko' buut, ge' anu ge' nyukatn a' talentamu' ka sadatn tana. Mile', akupm umpu'lah jai da jadi hartamu'.²⁶ Tapi, tuan a' naham ge' nyansana wa'ini', 'Imu' panyangu da jahe' ge' lansi! Imu' pane bahwa iko' manen ka tampat da iko' kati' mura' ge' ngubu' ka tampat da iko' kati' ngamhur bane'.²⁷Karna dakoh, saharua a' imu' mana' uangko' ka bank ge' jangkah iko' ure', iko' ao' narima hartako' agi' nige' bunga a'.²⁸ Naaplah 1 talenta dakoh umpatn ini' ge' mangkatnlah wa' ini', da umpu' 10 talenta dakoh.²⁹ Sabab, satiap sok da ani umpu' ao' gatnmangkatn agi', ge' ini' ao' bakalimpahan. Tapi, umpatn sok da kati' ani umpu', bahkan jai da ini' umpu' ao' gatnnaap.³⁰ Nyangkahatnlah panyangu dakoh ka sadatn kagalapan da paling galap. Ka tampat dakoh ao' ani unse' ge' garet japu'." Panghakiman kat nak Talino³¹ "Jangkah Anak Talino utukng sadatn kamuliaan-A, ge' ayo malaikat samahu-A, lalu Ini' ao' unyung ka takhta kamuliaan-A.³² Smaan bangsa ao' gatnngubu' ka hadapan-A, ge' Ini' ao' misah ayoa' nyungan umpatn laitn a', ulah gembala da misah domba umpatn kambing-kambing,³³ Ge', Ini' ao' mana' domba-domba ka sabalah sentao'-A, ge' kambing-kambing ka sabalah kiri.³⁴ Lakadakoh Raja ao' muji' wa' ayoa' da ka sabalah sentao'-A, ' Kaeh , imu' da gatn Sama-Ko' memberkat, warisilah Karajaan da gatnnyiap ya' dimu' umpatn pamule dunia.³⁵ Karna jangkah Iko' saburuk, imu' mangkatn Iko' uman. Iko' aus ge' imu' mangkatn Iko' nyucur. Iko' jadi sok asing, ge' imu' ngadu Iko' maruh. ³⁶ Iko' ugakng ge' imu' nakat Iko' pangiak. Iko' anapm ge' imu' mile' Iko'. Iko' ka panjara ge' imu' utukng wa'Iko'.'³⁷ Lalu, ayo sok taman dakoh naham -A, 'Tuan, ngina kai mile' Akupm saburuk ge' mangkatn-Mu' uman, ato aus ge' mangkat-Mu' nyucur?³⁸ Ngina kai mile' Akupm sook asing gen ngadu Akupm maruh, ato ugakng ge' nakat pangiak wa' Akupm?³⁹ Ngina kai mile' Akupm anapm ato ka panjara ge' kai utukng wa'- Akupm?'⁴⁰ Raja dakoh naham, 'Iko' muji' da sabatol a' wa'imu', samu ulah da imu' umas wa' nyungan umpatn age-age-Ko' da paling inek diah, imu' umas a' ya'-Diko'.'⁴¹ Lakadakoh, Ini' ao' muji' uga' wa' ayoa' da ka sengkiri-A, 'Boholah umpat hadapan-Ko', imu' da tarkutuk, ka sadatn api kekal da nga gatnnyiap ya' Balis ge' malaikat-malaikat a'.⁴² Sabab, Iko saburuk ge' imu' kati' mangkatn-Ko' uman. Iko' aus ge' imu' ti' mangkatn-Ko' nyucur.⁴³Iko' sok asing ge' imu' ti' ngundang-Ko' maruh; ugakng ge' imu' ti' nakat Iko' pangiak; anapm ge' ka panjara, ge' imu' ti' mile' Iko'.'⁴⁴ Lakadakoh, ayoa' naham, 'Tuan, ngina kai mile' Akupm saburuk ato aus, ato sok asing, ato anapm, ato ugakng, ato ka panjara, ge' kati' malayan-Mu'?'⁴⁵ Lakadakoh, Ini' ao' naham ayoa', "Iko' muji' wa'imu'. ulah kina imu' ti' umas tarhadap nyungan umpatn ayoa' da paling inek diah, imu' kati' umas a' wa'-Iko'.'⁴⁶ Ge', ayoa' diah ao' anu ka sadatn panghukuman kekal, tatapi ayo sok da taman ka sadatn kahidupan kekal."

Chapter 26

¹ Jangkah Yesus laka muji' smaan saratn-saratn diah, Ini' nyansana wa' ayo murid-A,² "Imu' pane bahwa dua ano agi' Paskah utukng ge' Anak Talino ao' gatnnyarah ya' gatnnyalib.³ Lakadakoh, ayo imam kapala ge' ama-ama bangsa dakoh ao' gatnngumpur samahu ka istana Imam Ahyo, da bagaatn Kayafas.⁴ Ge', ayoa' bapakat ya' nangkap Yesus nige' tipu daya ge' ngamis-A.⁵ Tapi ayoa' muji', "Iya' pas parayaan supaya kati' ani karusuhan ka antara sok karah." Yesus Gatnngangkabinyak ya' Nyungan Mahu⁶ Mati', jangkah Yesus ani ka Betania, ka ramin Simon si Kusta, ⁷ nyungan mahu utukng wa'-Ini' nige' nyabutol guci pualam ine' dabiatn binyak wangi da batol mahal, ge' mahu dakoh nuntokng a' ka tumukng abak Yesus jangkah Ini' agi' unyung uman.⁸ Jangkah murid-murid mile' a', ayoa' baji' ge' nyansana, "Jai pemborosan diah?⁹ Sabab, binyak wangi dakoh bisa gatn nyual nige' raga da mahal ge' gatnmangkatn wa' da papa."¹⁰ Tapi, Yesus, panane hal diah, nyansana wa' ayoa', "Jai imu' nyusah mahu diah? Sabab, ini' umas parbuatan bait wa'-Iko'.¹¹ Sabab, imu' salalu umpu' ayo sok papa samahumu', tapi imu' kati' ao' selalu umpu' Iko'.¹² Jangkah mahu diah mubuh binyak wangi ka ungan-Ko', ini' umas a' ya' nyiap ano-Ko' gatnnyibur.¹³ Iko' muji' da sabatol a' wa'imu' bahwa ka dume saja Injil diah gatnngabar ka smaan dunia diah, jai da nga gatn mahu diah umas ao' gatn nyarita uga' sebage peringatan ao' ini'." Rencana ya' Menghianati Yesus¹⁴ Lakadakoh, nyungan umpatn kadua balas murid, da bagaatn Yudas Iskariot, anu wa' imam-imam kapala,¹⁵ ge' nyansana, "Imu' ao' mangkatnko jai sak iko' nyarah Ini' wa'imu'?" Ge', ayoa' natap 30 kapikng perak ya' dini'.¹⁶ Ge', mule dakoh, ini' najo kasampatan bait ya' nyarah Yesus. Paruman Paskah¹⁷ Mati', wa' ano partama Roti Kati' Baragi, ayo murid utukng ka Yesus ge' mansikatn, ka ume Akupm ngate kai nyiap uman Paskah bagi-Mu'?"¹⁸ Yesus naham, "Maruhlah ka kota, ka sook, ge' muji' wa'ini', 'Guru muji' "Waktu-Ko' nga jiket. Iko' ao' meraya Paskah ka raminmu' samahu murid-murid-Ko'.¹⁹ Ayo murid umas samu da Yesus laka bapesan ka ayoa' ge' nyiap Paskah dakoh.²⁰ Mati', jangkah mule ngarum, Yesus unyung uman samahu nige' kadua balas murid.²¹ Ge', waktu ayoa' agi' uman, Ini' nyansana, "Iko muji' da sabatol a' wa'imu' bahwa salah satu umpatn imu' ao' manghianati Iko'."²² Ayoa' batol susah ge' masing-masing sok mule nyansana wa'-Ini', "Da pasti a', inya iko' Tuhan?"²³ Ge', Ini' naham, "Ini', da nyihup barekng a' ka sadatn mangkok samahu-mahu Iko', ini'talah da ao' manghianati Iko'.²⁴ Anak Talino ao' anu ulah da tatulis manganai Ini'. Tapi, celakata sok dakoh, da karna a' Anak Talino gatnhianati! Ao' labih bait bagi sok dakoh sak ini' kati' suah gatnbaranak."²⁵ Lakadakoh Yudas, da ao' nyarah Yesus, nyansana wa'-Ini', "Pasti inya iko', Rabi?" Yesus nyansana wa'ini', "Imu' ngalaka muji' a'." Peringatan ao' Ungan ge' Daya' Kristus²⁶ Jangkah ayoa' agi' uman, Yesus naap roti. Ge', ngalaka memberkat a', Yesus matah-matah a' ge' mangkatn a' wa' ayo murid nige' nyansana, "Naaplah ge' umanlah, diah anilah ungan-Ko'."²⁷ Lakadakoh, Ini' naap cawan, ngucap syukur, ge' mangkatn a' wa' ayoa', waat-A, "Imu' smaan, nyucurtalah umpatn diah.²⁸ Sabab, diah anilah daya'-Ko', daya' perjanjian, da gatn nuntokng ya' sok karah ya' ngampun duse-duse.²⁹ Iko' muji' wa' imu' bahwa Iko' kati' ao' nyucur asil puutn anggur diah, umpatn mati' sampe ano dakoh , jangkah Iko' nyucur anggur da bahu samahu imu' sadatn karajaan Sama'-Ko'."³⁰ Ngalaka ngado nyabuah lagu, ayoa' anu ka bukit Zaitun. Petrus Ao' Nyangkal Yesus³¹ Lakadakoh Yesus nyansana wa' murid-murid-A, "Imu' smaan ao' tasingkak karna Iko' ngarum diah. Karna ani tatulis, 'Iko' ao' mangkukng gembala, ge' domba-domba umpatn kalumpok dakoh ao' tacire -bare.'³² Tapi ngalaka Iko' bangkit, Iko' ao' nyantulu' imu' ka Galilea."³³ Petrus nyansana, "Biarpun smaan tasingkak karna-Mu', iko' kati' ao' suah tasingkak."³⁴ Waat Yesus kaini', "Iko' muji' da sabanara kaimu' bahwa wa' ngarum diah, katinga siap ngangkuak, imu' ao' nyangkal Iko' taru kali."³⁵ Petrus nyansana wa'-Ini', "Sekalipun Iko' arus kabis samahu-Mu', Iko' kati' ao'nyangkal-Mu!" Smaan murid da laitn uga' muji' hal da samu'. Yesus Badoa ka Getsemani³⁶ Lakadakoh Yesus utukng samahu ayo murid-A ka tampat da bagaatn Getsemani ge' Ini' nyansana wa' ayo murid-A, "Unyunglah ka diah, samantara Iko' ka teetn ya' badoa."³⁷ Ge', Ini' minsakng Petrus ge' kadua anak Zebedeus samahu-A, ge' Ini' mule baduka ge' susah ate.³⁸ Lakadakoh, Ini' nyansana wa' ayoa', "Ate-Ko' aru tao sedih, bahkan ulah ngate kabis sa' a'. Madi'lah ka diah ge' tatapta bajaga-jaga samahu-Ko."³⁹ Ge', Ini' agak ngajauh, lalu sujud nige' muka-A sampe ka tana ge' badoa, waat-A, "Sama'-Ko', sak mungkin, teak'lah cawan diah gatnngalewat umpatn-Ko'. Tapi, iyak ulah da gatn Iko' ngate, tapi da ulah Imu' ngate."⁴⁰ Lakadakoh, Ini' utukng wa' murid-murid-A ge' amput ayoa' agi' buus. Lalu, Ini' nyansana wa' Petrus, "Jadi, imu' kati' sanggup bajaga-jaga samahu Iko' salama 1 jam?⁴¹ Bajaga-jaga ge' badoalah supaya imu' iya' jantu ka sadatn pancobaan. Roh memang panurut tapi dagin lamah."⁴² Yesus anu agi' ya' kadua kalia' ge' badoa, waat-A, "Sama'-Ko', sak diah kati' kaatn gatnngalewat kacuali Iko' nyucura, kahandak-Mulah da ao' tajadi."⁴³ Nyasidah agi', Ini' utukng ge' amput ayoa' buus karna matu' ayoa' rasa bahat.⁴⁴ Maka, Ini' ngagatn ayoa', ge' Ini anu agi', lalu badoa ya' kataru sidah a', ngucap saratn-saratn da samu'.⁴⁵ Lakadakoh Yesus malik wa' murid-murid ge' nyansana, "Buusmih mati' ge' istirahat ta. Mile', waktua' mangkin jiket ge' Anak Talino ao' gatn nyarah ka barekng ayo sok baduse.⁴⁶ Umpatlah, kaeh ite' anu. Mile', sok da nyarah Iko' nga jiket." Yesus gatn Nangkap⁴⁷ Samantara Yesus maseh nyansana, Yudas, nyungan umpatn kadua balas murid dakoh utukng. Samahu-mahu nige' ini', kubu' ahyo sok karah nige' padang ge' pamukol, umpatn imam-imam kapala ge' ama-ama bangsa dakoh.⁴⁸ Mati', ini' da nyarah Yesus mangkatn ayoa' tande, waat a', "Asi da ko' nyium, kohtalah Ini', nangkaplah Ini'."⁴⁹ Yudas capat-capat ngariket Yesus ge' nyansana, "Salam, Rabi! Ge', Yudas nyium-A.⁵⁰ Yesus nyansana wa'ini', "Kawan, umaslah maksud pajutukngmu." Lakadakoh sok karah dakoh ngariket, mana' barekng wa' Yesus, ge' nangkap-A.⁵¹ Ge', mile', nyungan umpatn ayoa' da samahu Yesus nyulok barekng a', narik padang a', ge' nyarang hamba imam ahyo dakoh, ge' mutong rajak a'.⁵² Lakadakoh, Yesus nyansana wa'ini', "Mangkure' padangmu' ka tampat a', karna smaan da manggune padang ao' binasa gatn padang.⁵³ Ato, imu' ngira iko' ti' aba' mahi wa' Sama'-Ko', ge' Ini', mati' uga', ao' mangkatn rabeh dua balas pasukan malaikat ya'-Iko'? ⁵⁴ Tapi, langkina lakadakoh Kitab Suci ao' gatnganap da muji' bahwa arus tajadi ladakoh?⁵⁵ Waktu dakoh ta, Yesus nyansana wa' sok karah dakoh, "Anita ulah malawan parampok imu' mungkas nige' padang ge' pamukol ya' nangkap Iko'? Bilakng kano, Iko' unyung ngajar ka Bait Jabata ge' imu' kati' nangkap Iko'.⁵⁶ Tapi ao' a, smaan diah tajadi supaya kitab-kitab ayo nabi gatngenap."Lakadakoh, smaan murid ngagatn-A ge' boho. Ayo Pamimpin Yahudi Manghakimi Yesus⁵⁷ Ayoa' da nangkap Yesus minsakng-A wa' Kayafas, sang Imam Ahyo, tampat ayo ahli-ahli Taurat ge' ayo ama-ama bakumpur samahu.⁵⁸ Lalu, Petrus nganang Yesus umpatn jauh sampe ka kalangan ramin imam ahyo. Ge', Petrus maruh, unyung samahu ayo pangawal ya' mile' pangkabas a'.⁵⁹ Mati', ayo imam kapala ge' smaan Sanhedrin najo kesaksian palsu tarhadap Yesus supaya kaatn ngukum kabis Ini'.⁶⁰ Tapi, ayoa' kati' kaatn amput a' biarpun karah saksi laceh da utukng. Lakadakoh, ani dua sok da muncol,⁶¹ ge' nyansana, "Sok diah nyansana,'Iko' aba' ngaruboh Bait Jabata ge' mantagutn a' agi' sadatn taru ano."⁶²Lakadakoh, Imam Ahyo agutn ge' nyansana wa' Yesus, "Kati a' Akupm ani jawaban? Jai da ayo sok diah nyaksi tarhadap-Mu'?"⁶³ Tapi, Yesus tatap tunguh. Ge', Imam Ahyo dakoh nyansana wa' Yesus, "Iko' nyumpah-Mu dmi Jabata da idup biar Akupm muji' ka kai, anita Akupm anilah Mesias, Anak Jabata?"⁶⁴ Yesus nyansana wa'ini', "Imu' sadi' nga muji' a'. Tapi, Iko' muji' wa'imu' bahwa mule umpatn mati' imu'ao' mile' Anak Talino unyung ka sabalah sentao' Da Mahakuasa, ge' utukng ka tumukng rahu'-rahu' ka rangit."⁶⁵ Lakadakoh, Imam Ahyo ngarantak pangiak a' ge' nyansana, "Ini' nga manghujat! jailah agi' palalu saksi? Mile', mati' imu' nga dangah hujatan-hujatan-A.⁶⁶ Langkina pamimpin Yahudi dakoh naham, "Ini' pantas gatnhukum kabis."⁶⁷ Lakadakoh, ayoa' ngaruja' muka-A ge' ninggu-A. Ge', da laitn nampar-A.⁶⁸ Ayoa' nyansana, "Banubuatmih tarhadap kai, he Mesias; asilah da mukol Akupm?" Petrus Kati' Ngako Yesus⁶⁹ Mati', Petrus unyung ka sato kalangan ge' nyungan palayan mahu utukng wa'ini' ge' nyansana, "Imu' uga samahu nige' Yesus, sok Galilea dakoh."⁷⁰Tapi, Petrus nyangkal a' ka tura' ayoa' smaan, waat a', "Iko' kati' pane jai da imu' nyarita."⁷¹ Jangkah Petrus mungkas ka pintu gerbang, palayan mahu da laitn a' mile' ini' ge' nyansana wa' ayo sok da ani ka teetn, "Sok diah samahu-mahu nige' Yesus umpatn Nazaret dakoh."⁷² Ge', nyasidah agi' Petrus nyangkal a' nige' sumpah, 'Iko' ti' kanal Sok dakoh."⁷³ Kati' tuhi' lakadakoh, ayo sok da agutn ka dakoh ngariket Petrus ge' nyansana, "Pasti imu' uga' anilah salah satu umpatn ayoa' karna logatmu' jelas nandemu'.⁷⁴ Lakadakoh, Petrus mule ngutuk ge' basumpah, waat a', "Iko' kati' kanal Sok dakoh." Ge', tiba-tiba, siap abakng ngangkua'.⁷⁵ Ge' Petrus teringat ka saratn Yesus, "Katinga siap abakng ngangkua', imu' ao' nyangkal Iko' taru sidah." Lakadakoh, Petrus mungkas ge' munse' nige' aru sedih.

Chapter 27

¹ Mati', jangkah asat utukng, smaan imam kapala ge' ayo ama-ama bangsa dakoh naap kaputusan samahu tentang Yesus ya' ngukum kabis Ini'.² Ge', ayoa' ningo' Yesus, lalu minsakng ge' nyarah-A wa' gubernur Pilatus. Yudas Ngamis Adup³ Jangkah Yudas, da nyarah Yesus, mile' bahwa Yesus gatnangkatn hukuman, ini' rasa nyesal ge' mangkure' 30 kapikng pirak wa' imam-imam kapala ge' ayo ama-ama,⁴ waatn a', "Iko' nga baduse karna nyarah daya' da ti' basara." Tapi, ayoa muji', "Jai urusan a' nige' kai? Dakoh urusanmu'!"⁵ Ge', Yudas nyangkahatn kapikng-kapikng pirak dakoh ka Bait Jabata ge' ngagatn a'. Lalu, ini' anu ge' gantong adup a'.⁶ Tapi, imam-imam kapala naap kapikng-kapikng pirak dakoh ge' muji', "Kati' gatnmurokng ya' mana' a' ka sadatn kas karna diah anilah raga daya'."⁷ Maka, ayoa' naap kaputusan samahu ge' nige' uang dakoh, ayoa' mari tana tukang pariok sebage tampat sibur ya' ayo sok asing.⁸ Kohtalah sabab a', tana' dakoh gatnmuji' 'Tana Daya' sampe no diah,⁹ Nige' ladakoh, ganaplah jai da gatn Nabi Yeremia muji':¹⁰ Ayoa' manggune 30 kapikng pirak ya' mari tana tukang pariok, ulah da nga Tuhan parintah wa'iko'." Yesus ge; Gubernur Pilatus¹¹ Mati', Yesus agutn ka tura' Gubernur ge' Gubernur mansikatn wa'-Ini', "Diu'ta Akupm Raja sok Yahudi?" Waat Yesus, "Ai', ulah da imu ngamuji."¹² Tapi, jangkah Ini' gatn imam-imam kapala ge' ayo ama-ama nuduh, Ini' ti' naham jai pun.¹³ Lakadakoh, Pilatus nyansana wa'-Ini', "Anita Akupm ti' dangah batol karah ayoa' da nuduh Akupm?"¹⁴ Tapi, Yesus ti' naham Pilatus, biar ya' nyiteng tuduhan pun singge gubernur dakoh aru heran. Pilatus Gagal Ngarapas Yesus¹⁵ Mati', wa' satiap ari raya, Gubernur biasa ngarapas bagi sok karah, nyungan tahanan da gatn ayoa' ngatte.¹⁶ Wa' ano dakoh, Ayoa' ani umpu' tahanan da terkenal, da gatnmuji' Barabas.¹⁷ Jadi, jangkah sok karah bakumpur, Pilatus mansikatn wa' ayoa', "Asilah da mu' ngatte ya' gatnngarapas, Barabas ato Yesus, da gatnmuji' Kristus?"¹⁸ Sabab, Pilatus pane bahwa karna iri, ayoa' nga nyarah Yesus wa'ini'.¹⁹ jangkah Pilatus agi' unyung ka karusi pangadilan, sautn a' ngirim pusutn wa'ini', "Iya' umas jai pun tarhadap Sok tsmsn dskoh. Sabab, iko nga menderita karah macam ano diah sadatn mimpi karna Ini'."²⁰ Tapi, ayo imam kapala ge' ayo ama-ama nganjong sok karah ya' mahi Barabas ge' ngamis Yesus.²¹ Gubernur mansikatn wa' ayoa', "Da dume umpatn kadua sok dakoh da imu' ngatte ya' iko' ngarapas bagimu? ge', ayoa' nyansana, "Barabas!"²² Pilatus nyansana wa' ayoa', "Kalo daladakoh, jailah da arus ko'umas nige' Yesus da gatb muji' Kristus?" Ayoa' smaan muji', "Nyalib Kini'!"²³ Ge', Pilatus mansikatn, "Kajai? Ini' nga umas kajahatan jai?' Tapi, ayoa' ngampak labih kuat agi', "Nyalib Kini!"²⁴ Jangkah Pilatus mile' bahwa ini' ti' aba' nyelesai jai pun, malah karusuhan mule tajadi, ini' naap paitn ge' nyuci barekng a' ka tura' sok karah dakoh ge' nyansana, "Iko' ti' basara tumukng daya' Sok diah. Dakoh urusan adupmu!"²⁵ Ge', smaan sok dakoh naham, "Daya'-A ani atas kai ge' anak-anak kai!"²⁶ Lakadakoh, Pilatus ngarapas Barabas bagi ayoa' ge' ngalaka nyambuk Yesus, Pilatus nyarah Ini' ya' gatnnyalib. Sardadu Pilatus Mangolo'-olo' Yesus²⁷ Lakadakoh, ayo sardadu gubernur minsakng Yesus ka markas pamadi' gubernur ge' ngumpur smaan pasukan Romawi ngangkalilikng Ini'.²⁸ Ayoa' muka' baju Yesus ge' nakkat jubah ungu wa-Ini'.²⁹ Ge', ngalaka manganyam nyabuah mahkota dabaunak samahu-mahu, ayoa' nakkat a' ka abak Yesus, nyasantak buro' wa' barekng sentao'-A, ge' basujud ka tura'-A, ge' mangijek Ini',waat ayoa', "Salam, Raja sok Yahudi!"³⁰ Ayoa' ngaruja'-A, naap buro' dakoh, lalu mantokng a' ka abak-A.³¹ Ngalaka ayoa' mangejek Ini', ayoa' muka jubah ungu dakoh umpatn Yesus, ge' agi' nakkat pangiak -A sendiri, ge' minsakng-A anu ya' nyalib-A. Yesus Gatnnyalib³² Jangkah ayo sardadu dakoh mungkas, ayoa' amput nyungan are umpatn Kirene da bagaatn Simon. Ayoa' makse Simon ya' mikul salib Yesus.³³ Ge', jangkah utukng ka nyabuah tampat da bagaatn Golgota, da bararti "Tampat Tengkorak", ³⁴ ayoa' mangkatn-A anggur ya' gatnnyucur da gatnnyampur nige' ampadu, ge' ngalaka nyacap a', Ini' kati' ittuh nyucura'.³⁵ Jangkah ayoa' manyalib Yesus, ayoa' magi-magi pangiak-A ka antara ayoa' nige' matatn undi.³⁶ Lakadakoh, ayoa' unyung ge' mangawasi-A ka dakoh.³⁷ Ge', ka tumukng abak-A ayoa' masang tuduhan tarhadap-A, "DIAHTALAH YESUS, RAJA SOK YAHUDI.'³⁸ Jangkaha dakoh, ani dua panjahat da gatnnyalib samahu nige' Yesus. Nyungan ka suutn sentao' ge' da nyungan ka suutn sengkiri.³⁹ Ge', ayo sok da nabo', manghujat Ini gae gileng-gileng abak,⁴⁰ge' nyansana, "Akupm da ao' ngaruboh Bait Jabata ge' mantagut a' agi' sadatn taru ano, nyalamatmih adup-Mu sendiri! Sa' Akupn Anak Jabata, susor umpatn salib dakoh!".⁴¹ Ladakoh uga' imam-imam kapala, samahu ayo ahli Taurat, ge' ayo ama-ama ngijek Yesus, waat ayoa,⁴² "Ini' nyalamat sok laitn, tapi Ini' ti' kaatn nyalamat Adup-A sendiri. Sa' Ini' anilah Raja Israel, tea'lah Ini' susor umpatn salib mati' diah ge' ite' ao' pacaya wa'-Ini.⁴³ Ini' pacaya wa' Jabata, maka tea'lah Jabata da nyalamat-A mati', sa' Jabata manghendaki-A. Karna Adup-A ta da muji', 'Iko anilah Anak Jabata."⁴⁴ Ayo panjahat gatn nyalib samahu' nige' Ini' uga' ngijek-A. Pangkabis Yesus⁴⁵ Mati', umpatn jam kainum, kagalapan tumukng smaan tana' dakoh, sampe jam kapire.⁴⁶ Kira-kira, wa' jam kapire, Yesus ngampak nige' saratn da kuat, waatn-A, "Eli, Eli, lama sabakhtani?" da ratia, "Jabata-Kom Jabata-Ko, jailah Akupm ngagatn Iko'?"⁴⁷ Ge', nyamani umpatn ayoa' da agutn ka teetn, jangkah ayoa' ngadangah dakoh, ayoa' nyansana, "Sok diah agi' maba' Elia."⁴⁸ Tiba-tiba, nyungan umpatn ayoa' talama', ge' naap bunga karang, masa a' nige' paitn anggur masum, ge' ninggo'a' wa' nyabuah buro', ge' mangkatn a' wa' Yesus ya' gatnnyucur.⁴⁹ Tapi, da laitn a' nyansana, "Kaeh ite' ile', diu'ta Elia ao' utukng nyalamat-A."⁵⁰ Ge', Yesus ngampak nyasidah agi' nige' sarat da kuat ge' nyarah Roh-A.⁵¹ Ge', ile', saput sadatn Bait Jabata rarak jadi dua bagian, umpatn samoo sampe ka saroh, ge' bumi baguncang, ge' batu'-batu' tabatah.⁵² Sibur-sibur tabuka, ge' karah ungan ayo sok da suci da laka kabis gatnngabangkit.⁵³ Ge', ngalaka mungkas umpatn sibur-sibur a', ngalaka kabangkitan Yesus, ayoa' maruh ka kota suci ge' nyua' adup a' wa' sok karah.⁵⁴ Mati', kapala pasukan, ge' ayoa' da samahu nige'a' mangawasi Yesus, jangkah ayoa' mile' gempa bumi ge' smaan hal da tarjadi diah, ngajadi aru buut a' ge' nyansana, "Taman, Ini' anilah Anak Jabata!"⁵⁵ Ka teetn, ani karah mahu da mile' umpatn jauh, da nganang Yesus umpatn Galilea ya' malayan Ini'. ⁵⁶ Ka antara ayoa' ani Maria Magdalena, Maria sino' Yakobus ge' Yusuf, uga' sino' umpatn anak-anak Zebedeus.Yesus Gatnnyibur⁵⁷ Jangkah ano mule ngarum, utukngta nyungan da kaya umpatn Arimatea da bagaatn Yusuf, da uga' nga jadi murid Yesus. ⁵⁸ Ini' anu wa' Pilatus ge' mahi ungan Yesus. Lalu, Pilatus mangkatn parintah ngadu mangkatn ungan Yesus wa' Yusuf.⁵⁹ Ge, Yusuf naap ungan Yesus, ge' mungkus-A nige' saput blacu da barasih, ⁶⁰ ge' magurikng-A sadatn sibur da bahu, da adup a', da laka gatn ngari' wa' talidi batu'. Lalu, Yusuf mangguling nyabuah batu' ahyo ka pintu sibur dakoh ge' anu.⁶¹ Ge', ka teetn, ani Maria Magdalena ge' Maria da lain agi' unyung ka tura' sibur dakoh. Kubur Yesus Gatnjaga⁶² Wa' jakkap anoa', kohta ano ngalaka parsiapan ya' Sabat, imam-imam kapala ge' ayo sok Farisi gatnngumpur ka hadapan Pilatus.⁶³ Ayoa' nyansana, "Tuan, kai sanuut bahwa jangkah si lacceh dakoh maseh idup, Ini' suah nyansana, "Ngalaka taru ano, Iko' ao' bangkit agi'.'⁶⁴ Karna dakoh, marintahmih supaya sibur dakoh gatnngajaga sampe ano da kataru, asi pane ayo murid-A mungkin utukng ge' nangko-A, ge' nyansana, "Ngalaka taru ano, Iko' ao' bangkit agi','Ge', panipuan da unyhi' ao' labih jahe' daripada da pamule a'."⁶⁵ Pilatus nyansana wa' ayoa', "Imu' ani umpu' panjaga. Anu, jagamih ulah jai da imu' pane."⁶⁶ Lalu, ayoa' anu ge' ngaman sibur dakoh samahu nige' regu panjaga, ge' nyigel batu' panutup sibur.

Chapter 28

¹ Mati', ngalaka Sabat jangkah ngana' asat, wa' ano pamule minggu dakoh, Maria Magdalena ge' Maria da laitn anu mile' sibur dakoh.² Ge, mile', tajadi gempa bumi da ahyo karna Malaikat Tuhan disah umpatn surga, utukng mambarikng batu dakoh, lakadakoh unyung ka tumukng a'.³ Bahas a' ulah kilat ge' pangiak a' ranakng ulah salju.⁴ Karna rasa buut wa' ini', ayoa' da ngajaga dakoh taguncang ge' ngajadi ulah sok da kabis.⁵ Ge', malaikat dakoh nyansana wa' mahu-mahu dakoh, "Iya' buut karna iko' pane kalo imu' najo Yesus da nga gatnnyalib.⁶ Ini' ti' ani ka diah karna Ini' nga bangkit ulah da gatn-Na' muji'. Kaeh, ile'lah tampat Ini' gurikng.⁷ Capatlah anu ge' muji' ka ayo murid-A bahwa Ini' nga bangkit umpatn antara sok kabis, ge' ile', Ini' nyantulu' imu' ka Galilea. Ka teetn, imu' ao' mile' Ini'. Mamparhatita, iko' nga muji' a' wa'imu'."⁸ Ge', ayoa' galabak- abak ngagatn sibur dakoh nige' rasa buut ge' sukacita ahyo; ge' talama' ya' mangkatn pane wa' ayo murid-A.⁹ Ge', ile', Yesus amput ayoa' ge' nyansana, "Salam!" Lalu, ayoa' utukng wa' Yesus, minte kaja'-A, ge' nyambah-A.¹⁰ Lakadakoh, Yesus nyansana wa' ayoa', "Iya' buut; anu ge' muji'lah wa' age-age-Ko' ya' anu ka Galilea, ge' ka teetn ayoa' ao' mile' Iko'." Ayo Panjaga Sibur Gatnmayar ya' ya' Ngalaceh¹¹ Samantara ayoa' anu, bamani panjaga dakoh anu ka kota ge' muji wa' imam-imam kapala tentang smaan hal da nga tajadi.¹² Ge', jangkah ayoa' gatnngumpul samahu ayo tua-tua. Ngalaka barunding, lalu ayoa' mangkatn uang karah wa' ayo panjaga dakoh,¹³ge' muji', "Muji' alah, 'Murid-murid Yesus utukng wa' ngarum ano ge' nangko-A waktu kai buus.'¹⁴ Ge', sak hal diah tadangah ka gubernur, kai ao' ngayakin a' ge' ngadumu' kati camas."¹⁵ Maka, ayoa' nyamut uang dakoh ge' umas ulah da gatnngadu wa' ayoa'; ge' saratn dakoh maseh tarsebar ka antara sok Yahudi sampe ano diah. Amanat Agung Yesus¹⁶ Lakadakoh, kasabalas murid anu ka Galilea, ka bukit da nga gatn Yesus nujo' wa' ayoa'.¹⁷ Jangkah ayoa' mile' a', ayoa' nyambah-A, bamani ani da ragu.¹⁸ Lalu, Yesus utukng ge' muji' wa' ayoa', "Smaan kuasa nga gatnmangkatn wa'-Iko', ka surga atopun ka bumi.¹⁹ Karna dakoh, anulah ge' umaslah smaan bangsa jadi murid, baptislah ayoa' sadatn gaatn Sama', Anak, ge' Roh Kudus,²⁰jarlah ayoa' ya' nganang smaan da Iko' merintah wa' imu'; ge' mile'ta, Iko' salalu samahumu', bahkan sampe wa' pangkabas zaman."

Mark

Chapter 1

¹ Diahta pamule Injil tentang Yesus Kristus, Anak Jabata. ² Ulah ani gatnnulis sadatn kitab nabi Yesaya: "Mile'mih, Iko' ngadu utusan-Ko nyantulu Akupm, Ini' ao' nyadia pagala' ya' di-Mu;³ ani saratn sok da ngampak-ngampak ka taya udu':nyadiamih gala' ya' Tuhan, ngatamutmih gala' ya' Dini',⁴ Jadi Yohanes ngabaptis ayo sok ka taya udu' ge' bakotbah tentang baptisan ya' ngampun duse.⁵ Ge', smaan panduduk Yudea ge' smaan sok Yerusalem utukng wa' Yohanes. Ini' mambaptis ayoa' ka sungi Yordan, gae ayoa' ngako' duse-dusea'.⁶ Yohanes ngiak abok unta ge' pantingo' apakng kurit ka kalilikng apakng a'. Ini' uman buntak ge' madu utan.⁷Yohanes bakotbah ge nyansana, "Ngalaka iko' ao' utukng Nyungan da labih bakuasa daripada iko'. Iko' kati layak ngabungkok ge' ngarapas tari sandal-A ⁸ Iko' mambaptis imu' nige' paitn, tatapi Ini' ao' mambaptis imu' nige' Roh Kudus. Yohanes Mambaptis Yesus⁹ Ge', tajadilah ka ano-ano dakoh, Yesus utukng umpatn Nazaret, rappo Galilea, ge' gatnbaptis ya' Yohanes ka sungi Yordan.¹⁰ Segra ngalaka mungkas umpatn paitn, Yesus mile' rangit tabatah ge' Roh ulah manuk acang disah ka tumukng-A.¹¹ Ge', ani saratn utukng umpatn surga, "Imu' anilah Anak da Ko'nyayang. Wa'-Imu Iko' barkenan." Yesus Gatn Balis Cubai¹² Segra ngalaka dakoh, Roh minsakng Yesus ka taya' udu'.¹³ Ini' madi' ka taya'udu' salama apat puluh ano ge' gatn Balis cubai. Yesus madi' ka antara binatang-binatang liar ge' ayo malaikat malayan Ini'. Yesus Ngabar Injil Jabata ka Galilea¹⁴ Ngalaka Yohanes gatnmanjara, Yesus anu ka rappo Galilea ge' ngabar Injil Jabata.¹⁵ Ini' nyansana, "Ganapta waktu a', Karajaan Jabata nga jiket. Batobatmih ge' pacayamih wa' Injil!" Yesus milih Nyamani Murid¹⁶ Jangkah Yesus agi' ngarinsi' tapi timu' Galilea, Ini' mile' Simon ge' Andreas agea', agi' ngampar jala ka timu' karna ayoa' anilah panjala ikatn.¹⁷ Lalu, Yesus nyansana wa' ayoa', "Nganangmih Iko', ge' Iko' ao ngajadi imu' panjala talino."¹⁸ Simon ge' Andreas segra ngagatn jala ayoa' ge' nganang-A.¹⁹ Jangkah Ini' anu labih jauh agi', Ini' mile' Yakobus, anak Zebedeus, ge' Yohanes, agea', da madi' ka parahu ge' agi umas jala.²⁰ Lakadakoh, Yesus segra maba' ayoa' ge' ayoa' ngagatn apa a', Zebedeus, ka parahu samahu nige' ayo pakaraje bayarana', lalu anu nganang Yesus. Yesus Mangajar nige' Panhu Kuasa²¹ Lalu, ayoa' sampe ka Kapernaum ge' segra wa' ano Sabat, Yesus maruh ka sinagoge. Tampat sambayang sok Yahudi ge' mangajar.²²Ayoa' heran dangah ajaran-A, karna Ini' mangajar ulah nyungan da ani umpu' kuasa, kati' ulah ayo ahli Taurat.²³ Wa' ano dakoh, ka sinagoge ani nyungan are da karasukan roh jahat ge' ini' ngampak, ²⁴ waatna', "Jai urusan antara Akupm nige' kai, Yesus umpatn Nazare? Ania Akupm utukng ya' ngamis kai? Iko' pane asi Akupm. Akupm anilah Da Kudus umpatn Jabata!"²⁵ Namun, Yesus ngarato' ini', waatn-A, "Madi! Mungkas umpatn sok diah!"²⁶ Ngalaka roh najis dakoh nguncang-nguncang ini' gae ngampak nige' saratn da nyarekng, mungkasta roh dakoh umpatn ini'.²⁷Ayoa' smaan heran singge mansikatn nyungan ge' da laitna', waatna',"Jailah diah? Nyabuah ajaran bahu nige' kuasa! Ini' malahan mamarintah roh-roh najis dakoh ge' ayoa' taat wa'-Ini'."²⁸ Lalu, nige' capat kabar mangani Ini' manyabar ka dume-dume sampe ka smaan rappo Galilea. Ama Martua Simon ge' Sok Karah Gatnngangkauhatn²⁹ Segra ngalaka Yesus ge' ayo murid-A ngagatn sinagoge, ayoa' maruh ka ramin Simon ge' Andreas, samahu Yakobus ge' Yohanes.³⁰ Namun, Ama martua Simon agi' gurikng karna sanguh, maka ayoa' segra muji' kaadaana' ka Yesus.³¹ Yesus pun anu kini' ge' minte barekng a' gae nulonga' agutn. Jangkah dakoh uga' sanguh a' tigi' ge' mahu dakoh mule malayan ayoa'.³² Jangkah ngarum utukng, ngalaka matuano maruh, ayoa' minsakng wa Yesus smaan sok da anapm ge' da karasukan roh jahat.³³Lakadakoh, smaan panduduk kota bakumpur ka tura' pintu ramin dakoh.³⁴ Yesus ngangkauhatn karah sok anapm nige' bamacam pangkanapm ge' uga' nguser sitan. Tapi, Ini' mingat sitan-sitan dakoh nyansana, karna ayoa' kanal Kini'. Yesus Badoa ge' Ngabar Firman³⁵ Baru buka asat, jangkah ano maseh patakng, Yesus umpatn ge' anu ka tampat da sunyi', lalu Ini' badoa ka teetn.³⁶ Lakadakoh, Simon ge' ayo sok da samahua' najo Yesus.³⁷ Jangkah ayoa' amput Yesus, ayoa' nyansana, "Smaan sok najo Akupm!"³⁸ Ge', Yesus nyansana, "Kai te' anu ka kota-kota da jiket sapaya Iko' uga' bisa bakotbah wa' ayo sok ka teetn. Sabab, diahta alasan Iko' utukng."³⁹ Karna dakoh, Yesus anu ngaranto smaan rappo Galilea. Ini' ngabar firman ka sinagoge-sinagoge ayoa' ge' nguser sitan-sitan. Sok Kusta Gatnngangkauhatn⁴⁰ Lalu, ani nyungan da anapm kusta utukng wa' Yesus. Ini' bamuhon ge' nyambah Kini' ge' nyansana, "Sa' Akupm ituh, Akupm kaatn ngangkauhatn iko'."⁴¹ Tagarak kat pamase', Yesus nyulo' barekng-A ge' nyangkam sok dakoh gae nyansana, "Iko' ituh, auhatnmih!"⁴²Jangkah dakoh uga' anapm kusta a' auhatn ge' sok dakoh jadi barasih.⁴³ Yesus segra ngadu sok dakoh boho ge' mamparingat a' nige' tagas. ⁴⁴ Ini' nyansana kini', "Iya' muji' jai-jai wa' asi pun tentang hal diah. Namun, anumih, ngadu ayo imam mile' adupmu', ge' parsambahlah korban karna mu'nga auhatn ulah da Musa ngadu ya' jadi kasaksian wa' ayoa'."⁴⁵ Tapi, sok dakoh anu ge' mule ngabar terus tarang ge' nyabar kabar dakoh sampe luas. Karna dakohta, Yesus kati' kaatn agi' maruh ka kota, tatapi madi' ka sato, ka rappo da sunyi'. Namun, ayo sok umpatn sagala tampat tatap utukng Kini'.

Chapter 2

¹ Laka dakoh mani ano, jangkah Yesus malik ka Kapernaum, dangahlah barita kalo Ini' madi wak ramin. ² Lalu, karah sok bakubu sampe kati ani ruangan agi, bahkan wak suut'n pintu sakalipun, ge' firman ka ayo'a.³ Lalu, ayo'a utukng ka Ini', minsakng sook da lumpuh da gat'n ngusung uleh ampat ungan. ⁴ Jangkah ayo'a kati kaat'n minsakng sok dakoh ka riket Yesus barang sok karah, ayo'a pun muka aro wak samo Yesus. Ngalaka muka'a, ayo'a ngadisah tilam tampat sok lumpuh dakoh gurikng.⁵ Jangkah Yesus mile iman ayo'a, Ini' nyansana ka sok lumpuh dakoh, "Hei anak-Ko', duse-dusemu' laka gat'n ngampun." ⁶ Barang, mani ungan ahli Taurat da unyung wak teet'n mule bapikir ka sadat'n ate ayo'a, ⁷ "Nyai Sok diah nyansana ulah dakoh? Ini' sadakng manghujat! Asi da kaat'n ngampun duse-duse kacuali Jabata sandiri?"⁸ Yesus langsung pane umpat'n sadat'n Roh-A kalo ayo'a bapikir-pikir ka sadat'n ate ayo'a, "Nyai imu' bapikir ulah dakoh ka sadat'n ate mu'? ⁹ Ume ta da labih mudah, muji' ka sok lumpuh dakoh, 'Duse-dusemu' gat'n ngampun ', ato muji', 'Umpatlah, ngantat'nlah kasormu' ge' bajalat'nlah'?¹⁰ Tapi aok'a, panelah kalo Anak Talino umpu kuasa wak bumi ya' ngampun duse-dusemu'." Yesus nyansana ka sok lumpuh dakoh, ¹¹ Iko' nyansana ka imu': umpat, ngantat'n kasormu', ge' urelah ka raminmu'." ¹² Sok lumpuh dakoh sagera agut'n, naap kasor'a, ge' anu mungkas, wak tura samaan sok. Ayo'a samaan takjub ge' mamuliakan Jabata, gae nyansana, "Kai' ti'nga parnah mile hal da ulah diah!" Lewi Nganang Yesus¹³ Yesus anu agi ka tabikng timu', ge' samaan sok bajujut-jujut utukng ka-Ini', ge' Ini' ngajar ayo'a. ¹⁴ jangkah Ini' lewat, Ini' mile Lewi, sadakng unyung wak tampat pambayaran pajak. Lalu, Yesus nyansana ka Ini', "Ngananglah Iko'." Lalu, Lewi pun agut'n ge' nganang-A.¹⁵ Ge', samantara Yesus unyung uman wak ramin sok Lewi dakoh, ani karah pangumpul pajak ge' ayo-sok baduse da uga uman samahu nige Yesus gae murid-murid-A, barang wak teet'n ani karah sok, ge' ayo'a nganang Yesus. ¹⁶ Jangkah mani ungan ahli Taurat umpat'n kalumpok Farisi mile Yesus sadakng uman samahu nige ayo-sok baduse, ge' pangumpul-pangumpul pajak, ayo'a mansikat'n ka murid-murid-A, "Nyai Ini' uman samahu ayo panagih pajak ge' ayo-sok baduse?"¹⁷ Jangkah Yesus dangah'a, Ini' nyansana ka ayo'a, "Ayo'a da sehat kati marlu dokter, malait'nkan ayo'a da anap'm. Iko' utukng inya yak maba ayo-sok taman, malait'nkan ayo-sok baduse." Partanyaan tentang Bapuasa¹⁸ Murid-murid Yohanes ge' ayo-sok Farisi sadakng bapuasa. Mani ungan sok utukng ge' mansikat'n ka-Ini', "Nyai murid-murid Yohanes ge' murid-murid sok Farisi bapuasa, tapi murid-murid-Mu' kati bapuasa?" ¹⁹ Lalu, Yesus nyansana ka ayo'a, "Kaat'n ta ayo'a pangirikng panganten bapuasa samantara panganten ayo-are masih samahu ayo'a? Salama panganten ayo-are dakoh masih samahu-mahu nige ayo'a, ayo'a kati kaat'n bapuasa.²⁰ Sa', ano'a aok utukng jangkah panganten ayo-are gat'n naap umpat'n ayo'a, ge' pas ano dakohlah ayo'a aok bapuasa. ²¹ Kati ani sok da namal pangiak ama da rujet nige saput da bahu. Kalo ladakoh, tamal saput da bahu aok rujet pangiak da ama, ge' rujet'a aok batambah aihyo.²² Ge', kati ani sok da nuntokng anggur da bahu ka sadat'n kantong kurit da ama. Sa' ladakoh, anggur dakoh aokngarujet kantong kurit dakoh sahingga bait anggur maupun kantong'a aok rusak. Sabalik'a, anggur da bahu gat'n mana' wak sadat'n kantong kurit da bahu." Yesus diu'ta Tuhan ka samo Ano Sabat²³ Ge', pas ano Sabat, Yesus nabo uma gandum, ge' ka sadat'n pajalat'n'a, murid-murid-A mule ngutup'm iteng-iteng gandum. ²⁴ Lalu, aso-sok Farisi nyansana ka-Ini', "Ile, nyai ayo'a umas jai da malanggar hukum ano Sabat?"²⁵ Lalu, Ini' nyansana ka ayo'a, "Ti'nga suah imu' maca jai da gat'n Daud umas jangkah ini' ge' ayo-sok samahu'a sadakng kakurangan ge' saburuk? ²⁶ Langkina ini' maruh ka Ramin Jabata ka masa Abyatar manjabat sabage Imam da Aihyo, ge' uman roti parsembahan, da hanya buleh gat'n uman uleh ayo imam, ge' uga mangkat'n roti dakoh ka ayo-sok da samahu'a?"²⁷ Lakadakoh, Yesus nyansana ka ayo-sok Farisi dakoh, "Ano Sabat gat'n bulah yak talino, inya talino yak ano Sabat. ²⁸ Jadi, Anak Talino diu'ta Tuhan, uga ka samo ano Sabat."

Chapter 3

¹ Ge', Yesus maruh agi ka sinagoge, ge' wak teet'n ani sook da barekng'a lumpuh sabalah. ² Ayo'a namparu Yesus yak mile diu'ta Ini' aok ngangkawhat'n sok dakoh pas ano Sabat sahingga ayo'a kaat'n kaat'n nuduh Ini'.³ Lalu, Yesus nyansana ka ayo da barekng'a lumpuh nyiteng dakoh, "Agut'nlah wak tauda-uda." ⁴ Ge', Yesus nyansana ka ayo'a, "Diu'ta buleh babuat bait ato babuat jahe pas ano Sabat? Nyalamat singat ato ngamis?" Tapi, ayo'a diam.⁵ Laka dakoh, Yesus mile kalilikng'a ayo'a nige baji. Ini' aru sedih ka samo ate ayo'a da karas. Lalu, Yesus nyansana ka sok da barekng'a lumpuh nyiteng dakoh, "Mana' barekngmu'."Ge', sok dakoh mana' barekng'a, ge' barekng'a jadi awhat'n. ⁶ Barang dakoh, ayo-sok Farisi japat anu, ge' mule basakongkol nige ayo-sok Herodian da ngalawan'a tentang langkina ngamis'-A. Karah Sok Nganang Yesus⁷ Tapi, Yesus ngajauh adup nige murid-murid-A ka timu', ge' sajumlah aihyo sok umpat'n rapo Galilea nganang INi', ge' umpat'n Yudea, ⁸ umpat'n Yerusalem, Idumea, rapo pajah sungi Yordan, ge' uga umpat'n sakita Tirus ge' Sidon, karah sok jangkah dangah samaan da Yesus umas, utukng ka Ini'.⁹ Barang sok karah dakoh, Yesus nyansana ka murid-murid-A supaya nyiap nyabuah parahu bagi-A sahingga ayo'a kati ngalabak Ini'. ¹⁰ Barang Yesus laka ngangkawhat'n karah sok, maka samaan sokda umpu panyakit malar ngalabak-ngalabak supaya kaat'n aboh-A.¹¹ Ge', jangkah roh-roh najis mile Yesus, ayo'a basujud wak tura-A ge' ngampak, "Akup'm diu'ta Anak Jabata!" ¹² Tapi, Yesus mingat karas ayo'a yak muji' asi Ini'. Yesus mile dua balas Murid-A¹³ Lalu, Yesus maka' ka bukit ge' ngundang ayo-sok da Ini' kahendaki yak samahu-A, ge' ayo'a pun utukng ka-Ini'. ¹⁴ Ini' mile dua balas sok sahingga ayo'a kaat'n samahu nige-A ge' Ini' kaat'n ngutus ayo'a yak bakhotbah, ¹⁵ ge' mangkat'n kuasa yak nguser sitan-sitan. ¹⁶ Yesus mile kadua balas sok dakoh: Simon (da ka ini' Yesus mangkat'n gaat'n Petrus),¹⁷ Yakobus, anak Zebedeus, ge' Yohanes, age Yakobus (da ka ini' Yesus mangkat'n ayo'a gaat'n Boanerges, arti'a "Anak-anak Guruh"), ¹⁸ Andreas, Filipus, Bartolomeus, Matius, Tomas, Yakobus, anak Alfeus, Tadeus, Simon sok Zelot, ¹⁹ ge' Yudas Iskariot, da mangkhianati Ini'. Kuasa Yesus Barasal umpat'n Jabata²⁰ Laka dakoh, Yesus maruh ka nyabuah ramin, ge' bakumpur ka teet'n sahingga Yesus ge' murid-murid-A bahkan kati bisa uman roti. ²¹ Jangkah kaluarga-A dangah hal diah, ayo'a utukng yak minsakng Yesus kambali barang ayo'a nyansana kalo Ini' laka kati waras agi. ²² Ge', Ahli-ahli Taurat da disah umpat'n Yerusalem muji'a, "Ini' karasukan Beelzebul! "Ge' Ini' nguser sitan nige kuasa pamimpin sitan."²³ Lalu, Yesus maba ayo'a utukng ka-Ini', ge' nyansana nige manggune parumpamaan, "Langkina bisa Iblis nguser Iblis? ²⁴ Sa' nyabuah karajaan ba pucuh-pucuh malawan adup'a sandiri, karajaan dakoh kati kaat'n batahan. ²⁵ Ge', sa' nyabuah ramin bapucuh-pucuh malawan adup'a sandiri, ramin dakoh kati aok kaat'n batahan.²⁶ Sa' Iblis bangkit malawan adup'a sandiri ge' bapucuhupucuh, ini' kati kaat'n batahan, tapi barakhir riwayat'a. ²⁷ Kati ani sook pun kaat'n maruh ka ramin sok da kuat ge' ngarampok harta benda'a, kacuali talabih uru ini' ningo sok kuat dakoh, maka barulah ini' kaat'n ngarampok ramin'a."²⁸ "Iko' muji' da subanar'a ka imu', samaan duse ayo-kangot talino kaat'n gat'n ngampun, ge sagala mahujat da ayo'a ngucap. ²⁹ Tapi aok'a, asi da manghujat Roh Kudus kati aok gat'n ngampun, malait'nkan basara barang duse kekal." ³⁰ Sa', ahli-ahli Taurat dakoh nyansana, "Ini' karasukan roh najis." kaluarga Yesus da sasungguh'a³¹ Laka dakoh, sino' ge' ayo-age Yesus utukng ge' agut'n wak sato ramin. Ayo'a ngadu sok ka-Ini'. ³² Bakubu sok sadakng unyung kalilikng Yesus ge' ayo'a nyansana ka-Ini', "Mile, sino'-Mu' ge' ayo-ageMu' ani wak sato sadakng najo Akup'm."³³ Ge', Yesus naham ayo'a ge' nyansana, "Asi sino'-Ko' ge' ayo-age-Ko'?" ³⁴ Laka dakoh, Ini' namparu ayo-sok da unyung ngangkalilikng-A ge' nyansana, "Milelah, diah sino'-Ko' ge' ayo-age-Ko'! ³⁵ Sa', asi saja da bulah kahendak Jabata diu'ta age are-are-Ko', ge' age da mahu-Ko', ge' sino-Ko'."

Chapter 4

Parumpamaan Mengenai Pangambhur ¹Ge, Yesus mule ngajar agi ka suut Danau. Bakumpur ta sok da karah nguram Yesus da jumlah a' karah singga Ini' makka ka sadatn nyabuah parahu ge unyung ka sammo' Danau. Samanatara, sok da karahdakoh ani ka dayyu, ka suut Danau. ²Ge, Ini' ngajar ayo' a' nyansana karah macam hal nige' parumpamaan -parumpamaan-A', Ni' nyansana wak' ayo' a'.³"Dangah mih! Ani nyungan pangambhur da anu ya' ngambhur. ⁴Maka tajadi ta, jangkah Ini' agi ngambhur, ani mani bane jantu ka suutn gala, ge manuk-manuk utukng, ya' uman a'. ⁵Nyabagi jantu ka samo' tana' da babatu da kati' karah tana' a'. bane dakoh langsung idup nige' capat karna tana' a' kati' darupm.⁶Jangkah matu ano samangkin paras, pamura' dakoh sahu ge karna kati' ba uhatn, pamura dakoh jadi karing. ⁷Nyabagian jantu ka tuda-tuda rumpo' unak. lalu, rumpo unak dakoh makhat ge' ngapit pamura dakoh sampe kabis, ge pamura dakoh kati' ngasel buah a'.⁸Namun, da nyabagi jantu ka tana' da baitn ge ngasel buah, makhat, ge samakin ahyo, ge ngasil a' taru puluh kali lipat, unum puluh kali lipat, ge saratus kali lipat." ⁹Laka dakoh, Yesus nyansana, "Asi da umpu rajak yak dangah, Tea ta ini' dangah!"¹⁰Jangkah Yesus adup-adup-A' sadi, sok ka ngaliling-A', samahu nige' kadua balas rasul, mansikatn ka Ini' mengenai parumpamanan-parumpamaan dakoh. ¹¹Lalu, Ini' naham ayo' a', "Rahasia Kerajaan Jabata laka gatn mangkat ka imu'. Ao' tapi, ka ayo' sok laitn, satiap hal gatn nyampe a' sadatn parumpamaan-parumpamaan, ¹²sapaya, 'sak kaatn mile' pun, ayo' a' mile' ge kati pane a' ge sak kaatn dangah pun, ayo' a' dangah ge' kati paham sapaya ayo' a' iyak' batobat ge gatn ngampun." Panjalasan mengenai Bane sadatn Parumpamaan Pangkhambur¹³Laka dakoh Yesus nyansana wak' ayo' a', "Kati' a' imu' pane parumpamaan diah? Langkina imu' kaatn ngarati samaan parumpamaan dakoh? ¹⁴Pangamphur dakoh ngambhur Firman. ¹⁵Ayo' a' dakoh anilah ayo' sok da jantu ka suutn gala, tampat Firman dakoh gatn gambhur a'. waktu ayo' a' dangah, nige' segera ta balis utukng ge nyiong Firman da gatn gambhur ka ayo' a'.¹⁶Lakoh uga, ayo' a' da gatn ngambhur ka tanada babatu anilah ayo' sok da dangah Firman ge langsong narima ge auhatn ate. ¹⁷Ao' tapi, ayo' a' kati' ba uhatn ka sadatn adup a' sadi' ge hanya batahan sabantar. Lakadakoh, jangkah utukng kasusahan ato panganiayaan karna Firman dakoh, ayo' a' langsong jantu.¹⁸Ge, laitn a' anilah da jantu ka tuda-tuda rumpo unak. ayo' a' anilah ayo' sok da dangah Firman, ¹⁹tapi kakuatiran ka dunia, ge hawa nafsu ka kakayaan ge pangattea ka hal-hal laitn maruh ka antara Firman dakohge ngapit a' singga ini' kati' kaatn ngasel buah. ²⁰Namun, ayo' a' da gatn ngambhur ka tana da baitn anilah ayo' a' dangah Firman, nyamutn a' ge ngasel buah taru puluh kali lipat, unum puluh kali lipat, ge saratus kali lipat.Parumpamaan mengenai Palita²¹Lalu, Yesus nyansana ka ayo' a' palita kati' gatn minsakng ya' manak a' ka saroh gantang ato ka saroh parak' pabuis? inya ta palita dakoh saharus a' gatn manak' ka sammo' kaja palita? ²²Sabab, kati' ani da tatutup da kati' gatn nyuak. La dakoh uga, kati' ani rahasia jai pun karna hal dakoh ao' gatn nyuak. ²³Sa ani sok da umpu' rajak yak dangah, tea ta ni' dangah!"²⁴Lalu, Yesus nyansana ka ayo' a', "Mamparhati ta jai da mu' dangah . ukuran da imu' ngiak ao' gatn ngukur ka imu', ge maseh ani agi da ao' gatn nambah ka imu'. ²⁵Karna asi da umpu, ini' ao' gatn mangkatn agi, tapi asi da kati umpu' jai pun uga da ani wak a' ao' gatn nangkap umpatn ini'.²⁶Laka dakoh, Yesus nyansana, "Karajaan Jabata anilah samu ge sool da ngambhur bane ka tana. ²⁷Pangambhur dakoh buus ge umpatn tana ge ngarum ge bane dakoh ngaluar tarimang a' ge makkat. pangambhur dakoh kati' pane langkina ta jadi. ²⁸Tana dakoh ngasel buah nige' cara adup a' mule-mule tarimang, laka dakoh iteng, lalu igi-igi gandum ka sadatn iteng dakoh. ²⁹Jangkah igi-igi gandum dakoh ansak, sol dakoh capat-capat ngutump a' karna musim panen nga utukng.³⁰Laka dakoh, Yesus nyansana, "Nige' jai lah ite kaatn mambanding karajaan Jabata? ato, nige' parumpamaan jailah ite kaatn mambanding a'? ³¹Karajaan Jabata dakoh samu ge igi sasawi da gatn ngambhur ka tana walopun igi dakoh anilah igi da paling inek ka antara samaan igi ka tana paitn. ³²tapi jangkah gatn ngmbhur, igi dakoh ao' idup ge jadi labih ahyo daripada samaan pamura kabon, ge ngaluar daatn-daatn ahyo singga manuk-manuk ka udara kaatn umas sare' a' ka saroh panggalook a'.³³Nige' ngiak karah parumpamaan samu dakoh, Yesus ngabar Firman ka ayo' a', sasuai ge da kaatn ayo' a' dangah. ³⁴Ni' kati' suah nyansana ka ayo' a' tampa nyabuah parumpamaan, tapi Ni' man jelas samaan nige' adup-adup ka ayo' murid-murid-A'. Yesus ngangkah Nyaru Topan³⁵Ge, ka ano dakoh, jangkah nga ngarami Yesus nyansana ka ayo' murid-A', " Kaehlah ite ano ka sa sabarang danau." ³⁶Laka dakoh ngagatn sok karah dakoh, ayo' a' minsakng Yesus samahu ayo' a' maruh ka perahu tampat Yesus madi. ge, parahu-parahu laitn a' samahu nige'-A. ³⁷Lalu, ta jadi nysru topan da dahsyat ge ombak ahyo ngampas parahu singga parahu pun akhir a' panhu ge paitn.³⁸Namun, Yesus ani ka dampah kapal, buiska samo bantal. Maka, ayo' a' ngias-A' ge nyansana wak-A', "Guru, jailah imu' kati' paduli sak ite kabis? ³⁹Laka dakoh, Yesus umpatn ge ngaratok nyaru lalu nyansana ka laut, "Madi! Tanang nih! maka, nyaru dakoh baranti ge jadi aru tanang.⁴⁰Laka dakoh, Ni' nyansana ka ayo' a', " Jailah imu' buut tao? anita imu tingga umpu iman? ⁴¹Ayo' a' jadi aru buut ge nyansana nyungan ge da laitn Asilah Ini' dakoh? bahkan nyaru a' kancang ge laut pun taat ka Ini'!

Chapter 5

¹ Utukngta ayoa' ka sabarang timu', ka rappo ayo sok Gadara.² Jangkah Yesus disah umpatn parahu, segra ta ani nyungan umpatn sibur da karasukan roh najis amput Yesus.³ Ini' madi' ka sadatn sibur-sibur. Kati' ani sok da aba' ningo' a' agi', malah ge' rante. ⁴ Sabab, ini' nga sering gatnningo' nige' masong' kaja' ge' rante, tatapi ini' aba' mutus rante a' ge' mata' masong a'. Kati' ani nyungan pun da kuat tanaga ya' ngatunuk a'.⁵ Bilakng asat ge' ngarum ini' ngampak ka sibur nige' ka talidi-talidi ge' nalih adup a' nige' batu'.⁶ Jangkah sok dakoh mile' Yesus umpatn jauh, ini' talama' ge' basujud ka tura' Yesus⁷ Lalu, gae ngampak nige' saratn da nyarekng ini' nyansana, "Jai urusan antara iko' nige' Akupm, Yesus, Anak Jabata Da Mahanyamo? Iko' muhon wa'-Imu' demi Jabata, iya' nyiksako'!"⁸ Sabab, Yesus nga muji' wa'ini', eh roh najis!"⁹ Lalu, Yesus mansikatn wa' sok dakoh, "Asi gaatnmu'?" Ge', ini' naham, "Gaatnko' Legion karna kai karah."¹⁰ Ini bakali-kali bamuhon wa' Yesus ya' kati' nguser ayoa' umpatn rappo dakoh.¹¹ Ka teetn ani kubu' ahyo uwe' agi' uman ka jiket talidi.¹² Lalu, roh-roh jahat dakoh bamuhon wa' Yesus, nige' nyansana, "Ngadumih kai wa' uwe'-uwe' dakoh singge kai maruh ka sadatn a'." ¹³ Yesus ngabula'. Karna dakoh, ro-roh najis dakoh boho' ge' maruh wa' uwe'-uwe' dakoh. Kubu' da bilakng a' kira-kira dua ribu dakoh talama' ka tapi karibet sampe ka timu', lalu tangulupm ka sadatn timu'.¹⁴ Lakadakoh, panjaga-panjaga uwe' dakoh talama' boho adup a' ge' mangkatnpane a' ka kota ge' ka kampong. Ge' ayo sok da mungkas ya' mile' jai da nga tajadi.¹⁵ Lalu, Ayo sok dakoh utukng wa' Yesus ge' mile' ini' da ijah karasukan roh jahat, da umpu' legion, agi' unyung, ge' nga bapangiak, ge' ini' nga ure' waras. Ge', ayoa' pun ngajadi buut.¹⁶ Lalu, ayoa' da nyaksi kajadian dakoh, nyarita wa' ayo sok langkina hal dakoh tajadi wa' sok da karasukan roh jahat ge' tentang uwe'-uwe' dakoh.¹⁷ Karna dakoh, ayo sok mule mahi Yesus ya' ngagatn rappo ayoa'.¹⁸ Lakadakoh, waktu Yesus agi' makka ka parahu, sok da ijaha' karasukan roh jahat dakoh bamuhon supaya ini' buleh samahu nige' Yesus.¹⁹ Tapi, Yesus kati' ngijina', malah muji' wa'ini', "Ure'mih wa' ayo agemu'. Nyarita ka ayoa' smaan hal da nga Tuhan umas wa'imu' ge' bahwa Tuhan mase' wa'imu'."²⁰ Lalu, sok daakoh anu ge' mule ngabar wa' ayo sok ka Dekapolis manganai smaan hal da nga Yesus umas wa'ini'. Ge', smaan sok ngajadi heran. Anak Yairus Gatnngangkauhatn²¹ Jangkah Yesus nyambarang agi'nige' parahu ka sabrang, sok karah bakumpur ka jiket-A, ge' Ini' madi' ka tapi timu'.²² Lalu, nyungan pamimpin sinagoge da ba gaatn Yairus utukng ge' ngalaka mile' Yesus, ini' sujud ka kaja'-A.²³ Ge', ini' bamuhon nige' batol-batol wa' Yesus, waatna', "Anak mahuko' da maseh inek hampir kabis. Utukng ge' mana'mih barekng-Mu ka tumukng a' supaya ini' kaatn ngangkauhatn ge' idup."²⁴ Lalu Yesus anu samahu Yairus. Ani ladakoh karah sok da nganang Yesus ge' ngarungun-A.²⁵ Ge', ani nyungan mahu' da pandarahan dua balas taun tuhi a'. ²⁶ Ini' ngabakali-kali manderita gatn karah dukun, ge' nga ngaruah smaan da gatna' umpu', tatapi kati' ani gune a' malah kaadaana batambah parah.²⁷ Ngalaka dangah tentang Yesus, mahu dakoh utukng wa' Yesus umpatn buntot ka tuda'-tuda' kubu' sok ge' nyangkam jubah-A.²⁸ Mahu dakoh nyansana, "Sa' iko' kaatn nyangkam jubah-A sadi', iko' ao' auhatn."²⁹ Jangkah dakoh uga' pandarahana' abaranti ge' ini' misa' ungana' nga auhatn umpatn pangkanap a'.³⁰ Yesus lansong panane umpatn adup-A sadi' bahwa ani tanaga da mungkas umpatn Ini'. Ini malik adup-A wa' kubu' dakoh ge' nyansana: "Asi da nyangkam jubah-Ko?"³¹ Lalu ayo murid Yesus muji' wa' Ini',"Akupm mile' kubu' sok nyasak-nyasakMu' ge' Akupm muji', "Asi da nyangkam jubah-Ko'?"³² Lalu, Yesus nyantunung nyakaliling ya' mile' asi palakua'.³³ Namun, ngalaka panane jai da nga tajadi ka adup a', mahu dakoh ngajadi buut ge' bakutur. Ini' utukng ge' basujud ka tura' Yesus gae muji' ka Yesus smaan kabenarana.³⁴ Lakadakoh, Yesus nyansana wa' mahu dakoh, "Anak-Ko, imanmu' nga nyalamatmu. Anulah sadatn damai sajahtra ge' auhatnmih umpatn panyakitmu."³⁵ Samantara Yesus maseh nyansana, utukngta nyamani sok umpatn ramin pamimpin sinagoge da muji', "Anakmu nga kabis. Jai agi' maseh mangganggu Guru?"³⁶ Tapi, Yesus kati' ituh dangah jai da nga gatnnamuji', Ini' muji' wa' pamimpin sinagoge dakoh, "Iya' buut, pacaya ja'."³⁷ Lalu, Yesus kati' ngijin nyungn pun nganang-A, kacuali Petrus, ge' Yakobus, ge' Yohanes, age Yakobus.³⁸ Lalu, ayoa' nyampe ka ramin kapala sinagoge dakoh, ge' Ini' mile' kaributan, ge' ayo sok da munse' uga rahu nige' saratn da kuat.³⁹ Lakadakoh, jangkah Yesus maruh, Ini' nyansana wa' ayoa', "jai imu' ribut ge' munse'? Kangot dakoh kati' kabis, tapi agi' buus."⁴⁰ Tapi ayoa' ngalukatn Yesus, Namun, Ini' ngadu ayoa' smaan mungkas ge' minsakng apa' ge' ama' kangot dakoh, ge' uga' ayoa' da samahu-A, lalu maruh ka uhakng tampat kangot dakoh madi'.⁴¹ Lakadakoh, barekng kangot dakoh gatnNa' minte ge' Ini' nyansana kini', (Ratia, "Dara inek, Iko' muji' kimu, umpatmih!")⁴² Kangot mahu dakoh pun segra agutn ge' mule bajalatn-jalatn, karna umura' nga dua balas taun, ge' segra smaan sok misa' batol-batol takjub.⁴³ Lalu, Yesus mangkatn parintah da karas wa' pangama kangot dakoh sapaya iya' ani nyungan pun da panane hal diah, ge' muji wa' ayoa' sapaya kangot dakoh gatnmangkatn uman.

Chapter 6

¹ Lakadakoh, Yesus anu umpatn teetn ge' utukng ka kota asal-A, ge' ayo murid-A nganang Ini'.² Jangkah ano Sabat utukng, Yesus mule ngajar ka sinagoge. Ge', karah sok da dangah-A misa' heran, ge' nyansana, "Umpatn ume Ini' kaatn smaan hal dakoh? Hikmat jai da gatnmangkatn wa'-Ini' ge' mujisat-mujisat ulah dakoh gatnumas nige' barekng-A? ³ Inyata Ini' tukang kayu', anak Maria, ge' age Yakobus ge' Yoses ge' Yudas ge' Simon? Inyata age-age mahu-A ani kadiah samahu ite'? Lalu, ayoa' pun tawar ate ge' nolak Ini'.⁴ Lakadakoh, Yesus nyansana wa' ayoa', "Ka ume-ume sok manghormat nyungan nabi, kacuali ka tampat asal adup a', ge' ka antara age adi' adup a', ge' ka ramin adup a'.⁵ Maka, Yesus kati' kaatn umas mujisat ka teetn, kacuali mana' barekng-A ka tumukng nyamani sok anapm ge' ngangkauhatn ayoa'.⁶ Ge', Ini' heran karna ayoa' kati tuh pacaya. Lakadakoh, Ini' anu bakalilikng ka kampong-kampong ge' ngajar. Yesus Ngutus Murid-Murid-A⁷ Lakadakoh, Yesus maba' kadua balas murid ge; mule ngutus ayoa' badua-dua, ge' mangkatn ayoa' kuasa atas roh-roh da najis. ⁸ Lalu, Ini' mangkatn parintah wa' ayoa' supaya ayoa' kati' minsakng jai-jai sadatn paranu, kacuali hanya tungkat, tampa roti, tampa tas, tampa uang sadatn paningo' apakng ayoa',⁹ tapi ngiak sandal ge' iya' ngiak dua pangiak.¹⁰ Ge', Yesus muji' ka ayoa', "Ka dume saja imu' maruh nyabuah ramin, madi' lah ka teetn sampe imu' mungkas umpatn dakoh. ¹¹ Ge', sa' ani tampat da kati' nyamut imu' ge' kati' danggah mu', jangkah imu' anu ngimhar lah dabu umpantn kaja'mu' sebage nyabuah kasaksian bagi ayoa'."

¹⁴ Ge', Raja Herodes laka dangah a' , karna gaatn Yesus nga terkenal ,ge' sok nyansana, "Yohanes Pambaptis laka umpat umpatn antara sok kabis , maka mujisat-mujisat dakoh karaje ka sadatn Ini'. ¹⁵ Nyabagi muji' Ini' anilah Elia namun, nyabagi muji' Ini' anilah sok nabi , samu nige' nyungan ayo umpatn nabi.¹⁶ Ao' ta, jangkah Herodes dangah hal dakoh, ini' nyansana, "Yohanes da laka iko' nyantak abak a', nga gatnngangkidup!" Yohanes Pambaptis Gatnngamis¹⁷ Memang Herodes sadi' da laka ngadu sok, ngadu a' ya' nangkap Yohanes, ge' mangkasokng a' ka sadatn panjara demi Herodias sautn age a' da are, Filipus, karna Herodes laka bainyha' nige' Herodias.¹⁸ Sabab, Yohanes ngamani kali muji' ka Herodes, "Kati' patut mu' naap sautn agemu'."¹⁹ Oleh karna dakoh, Herodias mana' dendam tarhadap Yohanes ge' ngate ngamis a', tapi ini' ti' bisa.²⁰ Sabab, Herodes buut wa' Yohanes ngalaka ini' pane bahwa Yohanes anilah sok taman ge' sok suci, ge' Herodes ngalinukng a'. Jangkah Herodes dangah Yohanes, ini jadi aru bingung, tapi Herodes auhatn ate dangah Yohanes.²¹ Namun, utukngta ano da tapat, jangkah Herodes wa' ano ulang taun a' umas nyabuah paruman ya' pajabat-pajabat angho a', perwira-perwira a', ge' pamimpin-pamimpin Galilea.²² Lalu jangkah anak mahu Herodias maruh ge' batari, ini' ngangkauhatn Herodes ge' ayoa' da uyung samahu a'. Ge', raja nyansana wa' mahu dakoh, "Mahimih jai saja da imu' ngate ge' iko' ao'mangkatn a' wa'imu'."²³ Ge' Herodes basumpah wa'ini', "Jai saja da imu' mahi kaiko', ao' iko' mangkatn wa'imu', bahkan sampe nyasantak umpatn karajaanko'."²⁴ Ge', dara dakoh anu ge' muji' wa' sino' a', "Iko arus mahi jai?" Sino'a naham, "Aba' Yohanes Pambaptis."²⁵ Ge', ano dakoh uga nige' galabak-labak, dara dakoh utukng ka raja ge' nyansana, "Iko ngate mati' uga' imu' mangkatn wa'iko' abak Yohanes Pambaptis ka tumukng talam."²⁶ Karna dakoh, raja jadi aru sedih, tapi karna nga basumpah ge' ayo sok da uman samahu a', ini' kati' bida nolak dara dakoh. ²⁷Lalu, raja capat-capat ngirim nyungan algojo nige parintah ya' minsakng abak Yohanes, lalu algojo dakoh anu ge' nyantak abak Yohanes ka Panjara.²⁸ Lakadakoh, ini' minsakng abak Yohanes ka tumukng talam ge' mangkatn a' wa' dara dakoh, ge' dara dakoh mangkatn a' wa' sino' a'.²⁹ Ge', jangkah ayo murid Yohanes dangah a', ayoa' utukng ge' naap ungan Yohanes ge' mana'a' ka sadatn sibur. YesusMangkatn Pangkuman wa Labih umpatn Rima Ribu Sok³⁰ Lakadakoh, ayo rasul bakumpur samahu nige' Yesus ge' muji' wa'-Ini' jai saja da laka ayoa' ngajar.³¹ Ge', Yesus muji' wa' ayoa', "Kaehlah ngasing adup te' ka tampat da sepi ge' madi' sabantar." Sabab, ani karah sok da utukng ge' anu, ge' ya' uman pun kati' sampat.³² Lalu, Yesus ge' ayo murid-A anu ngasing adup a' nige' parahu ka tampat da sepi.³³Ao' ta, sok da mile' ayoa' anu ge' kanal wa' ayoa. Ge', sok karah dakoh talama' samahu-mahu nabo' pagala' umpatn smaan kota, ge' utukng ka teetn nyantulu' Yesus ge' ayo murid-A.³⁴ Jangkah Yesus anu ka tabikng dano, Ini' mile' ladakoh karah sok, ge' Ini' misa mase' wa' ayoa' ulah domba da kati' umpu' gembala. Maka, Yesus mule ngajar karah hal wa' ayoa'.³⁵ Jangkah ano mule ngarum, ayo murid Yesus utukng wa' Yesus ge' muji', "Tampat diah tampat da sunyi' ge' nga tuhi' ngarum. ³⁶ Ngadulah ayoa' anu wa' kalilikng daerah ge' desa-desa supaya ayoa' mari tarutn ya' gatnuman.³⁷ Tapi Yesus naham, "Imu'talah da mangkatn ayoa' uman." Ge', ayoa' nyansana wa'-Ini', "Arus a' kai anu ge' mari roti da bararga 200 dinar ge' mangkatn a' ya' ayoa' uman?"³⁸ Yesus muji' wa' ayoa', "Nyamani roti da imu' umpu'? Anu ge' mile'ta!"Ngalaka ayoa' panane a', ayoa' muji', "Rima roti ge' dua ikatn."³⁹ Lalu, Yesus marintah ayoa' smaan ya' unyung bakalompok-kalompok ka tumukng udu' ijo.⁴⁰ Sok karah dakoh unyung bakalompok, ani da saratus ungan ge' ani da rima puluh ungan.⁴¹ Ngalaka dakoh, Yesus naap rima roti ge' dua ikatn dakoh, nyantunung ka rangit, Ini' ngucap sukur ge' mucuh-mucuh roti dakoh, lalu Ini' mangkatn a' wa' murid-murid-A supaya nyato a' wa' sok da karah. Ini' uga' magi-magi dua ikatn dakoh wa' smaan sok.⁴² Ge', ayoa' smaan uman sampe basoh.⁴³ Lakadakoh, ayoa' naap dua balas bakul da panhu nige' kaba-kaba roti ge' ikatn.⁴⁴ Ge', ani rima ribu are da uman roti. Yesus Bajalatn ka Tumukng Paitn⁴⁵ Lakadakoh, Yesus lansong marintah ayo murid-A makka ka parahu ge' anu nyantulu'-A ka sabarang, ka Betsaida, samantara Ini' ngadu sok karah dakoh anu.⁴⁶ Ngalaka bapamit nige' ayoa', Ini' anu ka bukit ya' badoa.⁴⁷ Jangkah ano ngana ngarum, parahu madi' ka tuda' danau, ge' Yesus adup-adup-A ka dayu'.⁴⁸ Ge', ngalaka mile' ayo murid-A mandayung nige' susah payah barang nyaru ngampoh balawan arah nige' ayoa', kira-kira wa' jam jaga ngarum kaampat, Yesus utukng wa' ayoa' nige' bajalatn ka tumukng danau ge' Ini' ngate bajalatn nabo' ayoa'.⁴⁹ Tapi jangkah ayoa' mile' Yesus bajalatn ka tumukng danau, ayoa' nyangka bahwa Ini' koh amot, lalu ayoa' ngampak,⁵⁰ karna ayoa' smaan mile' Yesus ge' buut. Namun, Yesus lansong nyansana wa ayoa', "Tananglah. Diah Iko'! Iya' buut,"⁵¹ Lalu, Ini' makka samahu ayoa' ka parahu, ge' nyaru dakoh pun madi', ge' ayoa' batol heran.⁵² Sabab, ayoa' maseh tinga paham manganai mujisat rima roti dakoh barang ate ayoa' maseh karas. Yesus Ngangkauhatn Sok Karah⁵³ Ge', ngalaka Yesus ge' ayo murid-A nyambarang, ayoa' mandarat ka dayu' Genesaret ge' barlabuh. ⁵⁴ Jangkah ayoa' disah umpatn parahu, ayo sok lansong kanal wa' Yesus,⁵⁵ ge' talama' ka saluruh daerah dakoh ge' mule minsakng ayo sok anapm ka tumukng tilam, ka dume pun ayoa' dangah ka dume Yesus madi'.⁵⁶Maka, ka dume pun Yesus maruh ka desa-desa, ato kota-kota, ato daerah-daerah ka sakitar a', ayoa' magurikng ayo sok da anapm ka tampat da rame ge' mahi ka- Ini' supaya ayoa' buleh marab ujukng jubah-A sadi'. Ge' asi pun da nyinte ujukng jubah-A jadi auhatn.

Chapter 7

Lalu, bakumpurta ayo sok Farisi ngatte badaput nige' Yesus samahu ge' ani bamani ahli Taurat da utukng umpatn Yerusalem.² Ge', ayoa' mile' ani bamani murid Yesus uman roti nige' barekng da kutor, ratia barekng da ti' na' meetn.³ Sabab, ayo sok Farisi ge' smaan sok Yahudi kati' ao' uman sa' barekng ayoa' kati' gatnmeetn same ka galakng barekng karna tradisi nenek moyang da ayoa' minte.⁴ Ge', sa' ayo sok Yahudi dakoh utukng umpatn tampat umum, ayoa' kati' ao' uman sa' tinga meetn barekng. Ge', karah agi' tradisi da laitna' da ayoa' narima ya' gatnmanjalan, ulah meetn cawan, kandi-kandi, ge' tapayatn-tapayatn tambaga.⁵ Lakadakoh, ayo sok Farisi ge' ahli-ahli Taurat mansikatn wa' Yesus, "Jailah ayo murid-Mu kati' idup nurut tradisi nenek moyang, tapi malah uman roti nige' barekng da kutor?"⁶ Yesus nyansana ka ayoa', "Yesaya banubuatvnige' taman manganai imu' da munafik, ulah da gatnnulis: 'Bangsa diah manghormat Iko' nige' bibih ayoa', tatapi ate ayoa' jauh umpatn Iko'.⁷ Ayoa' nyambah-Ko nige' sia-sia karna ngajar ajaran parintah-parintah da gatn talino umas.'⁸ Gae ngabai parintah Jabata, imu' minte kuat tradisi talino."Lalu, Yesus uga' nyansana wa' ayoa', "Nige' caradik imu' nulak parintah Jabata singge kaatn mampartahan tradisi adupmu sadi.¹⁰ Sabab, Musa muji', "Hormatimih apa'mu' ge' ama'mu' ge', 'Asi saja da ngutuk apa' a' ato ama'a' arus gatnngukum kabis.'¹¹ Namun, imu' muji' sa' ani nyungan da muji' wa' apa'a' ato ama'a', 'Jai saja kauntongan da ao' imu' kaatn umpatnko' anilah kurban, kohtalah parsambahan,'¹² lalu imu' kati' agi' ngijin ini' umas jai pun ya' apa' a' ato ama'a',¹³ nige' daladok imu' ngalaka mambatal firman Jabata nige' tradisimu' da nga turun-tamurun. Ge' imu' umas karah hal da samu' ulah dakoh."¹⁴ Lakadakoh, Yesus maba' agi; smaan sok ge' nyansana wa' ayoa', "Dangahmih Iko', imu' smaan, ge' pahami uga.¹⁵ Kati' ani tarutn jai pun umpatn sato talino daa maruh ka sadatn adup a' kaatn ngutor a', tatapi hal-hal da mungkas umpatn talinota da ngutor a'."¹⁶ Sa' ani sok da umpu' rajak ya' dangah, tea'lah ni' dangaha'!"¹⁷ Lalu, jangkah Yesus maruh ka ramin ge' ngagatn ayo sok dakoh, ayo murid-A mansikatn wa'-Ini' tentang parumpamaan dakoh,¹⁸ Ge', Ini' nyansana wa' ayoa', "Ania imu' uga' kati' ngarati? Ti' a' imu' pane bahwa jai saja da umpatn sato maruh ka sadatn talino kati' ao' ngutor a'.¹⁹ Sabab, da maruh dakoh ti' ao' maruh ka sadatn atea' tatapi putukng a', ge' lakadakoh mungkas ka sadatn jamban. (Nige' ladakoh, Yesus manyatakan bahwa smaan pangkuman halal.)²⁰ Lalu Ini' nyansana, "Jai da mungkas umpatn talinota da ngadua' kutor.²¹ Sabab, umpatn sadatn, umpatn ate talino, muncol pikiran-pikiran jahat, duse-duse seksual, parangko, pangamis,²² perzinaan, kasarakahan, kajahatan, tipu daya, hawa nafsu, iri ate, fitnah, kasumbongan, ge' kabagaan.²³ Smaan hal da jahat dakoh utukng umpatn talino, ge' dakoh ta da ngutora'." Iman Nyungan Mahu Siro Fenisia²⁴ Umpatn tampat dakoh, Yesus umpat ge' anu ka rappo Tirus ge' Sidon. Ge' Ini' maruh ka nyabuah ramin ge' ti' ituh ani nyungan pun da pane, tatapi Ini' kati' bisa rapas umpatn parhatian.²⁵ Segra ngalaka dangah manganai Yesus, nyungan mahu da anak mahua' karasukan roh najis utukng ge' sujud la kaja' Yesus.²⁶ Mahu dakoh anilah sok Yunani, lahir ka Siro Fenisia. Ini' bamuhon ka Yesus ya' nguser sitan dakoh mungkas umpatn anak a'.²⁷ Lakadakoh, Yesus nyansana w' mahu dakoh, "Tea'lah ayo kangot gatn ngadubasoh uru. Sabab, ti' bait naap roti da ya' kangot ge' nyangkahatna' ka ayo kasu'."²⁸ Tapi, mahu dakoh naham ge' muji wa' Yesus, "Taman, Tuhan. Namun, ayo kasu' da ani ka saroh meja pun uman ga' bara'-bara' ayo kangot dakoh.²⁹ Lalu, Yesus nyansana wa' mahu dakoh, "Karna imu' muji ladiah, imu' bisa boho. Sitan dakoh nga ngagatn anakmu'."³⁰ Lakadakoh, mahu dakoh malik ka ramina' ge' badaput ge' anak a' agi' gurikng ka tampat pabuus, sadakng sitan dakoh nga boho. Sok da Bangal Gatnngangkauhatn³¹ Lakadakoh, Yesus mungkas agi' umpatn wilayah Tirus ge' anu nabo' Sidon nuju ka timu' Galilea, ka wilayah Dekapolis.³² Lalu, ayoa minsakng wa' Yesus sok da bangal da susah nyansana. Ayoa' bamuhon wa' Yesus ya' mana' barekng-A ka tumukng sok dakoh.³³Lakadakoh, Yesus minsakng sok dakoh nyingah adup umpatn kubu sok da karah. Ini' nyunsukng jari-A ka sadatn rajak sok dakoh, ge' ngalaka ngaruja', Ini' nyangkam rata' sok dakoh. ³⁴Lalu, Yesus nyantunung ka samo rangit, Ini' narik singat angho ge' nyasana, Efata" ratia "Tatukasmih!" ³⁵Saat dakoh uga', raja' sok dakoh tatukas, paningo' rata'a' tarapas, ge' ini' nyansana nige jalas.³⁶ Ge', Yesus mingat ayoa' nyarita kajadian dakoh wa' asi pun. Tapi, samangkin Ini' mingat ayoa', ayoa' samangkin ngabar a'.³⁷ Ayoa' batl-batol heran ge' nyansana, "Ini' nga umas jai sagala tarutn da bait. Ini' malahan umas sok da bangal dangah ge' sok da awa' nyansana."

Chapter 8

¹ Pas nya'ano-ano dakoh, jangkah sajumlah aihyo sok bakumpul ge' kati umpu jai-jai yak gat'n uman, Yesus maba murid-murid-A ge' nyansana ka ayo'a, ² "Iko' bapamase ka sok karah dakoh barang mati' ayo'a laka samahu nige-Ko' salama taru ano, ge' kati umpu jai-jai yak gat'n uman. ³ Ge', sa' Iko' ngadu ayo'a ure ka ramin ayo'a ka sadat'n kaadaan saburuk, ayo'a aok pinsan ka sadat'n pagala barang mani ungan umpat'n ayo'a utukng umpat'n jauh." ⁴ Ge', murid-murid-A naham Ini', "Umpat'n ume sook bisa ngangkabasoh ayo'a nige roti wak tampat sepi ulah diah?"⁵ Lalu, Yesus mansikat'n ka ayo'a, "Mani roti da imu' umpu?" Ayo'a naham "Ijo roti." ⁶ Laka dakoh, Yesus marintah sok karah dakoh unyung wak tana, ge' Ini' naap ijo roti dakoh, ge' ngucap syukur, ge' Ini' mucuh-mucuh'a, ge' mangkat'n'a ka murid-murid-A yak nyato'a ka sok karah. Ayo'a pun nyato'a ka sok karah.⁷ Ge', murid-murid uga umpu iget ikat'n inek. Ngalaka ngucap syukur ka samo'a, Yesus ngadu murid-murid-A yak ngabagi'a uga ikat'n-ikat'n dakoh ka sok karah. ⁸ Sok karah dakoh uman sampe basoh, ge' ayo'a ngumpul santak pangkuman da tasisa dakoh ijo karanjang pahnu. ⁹ Ani kira-kira ampat ribu sok da uman. Ngalaka dakoh, Yesus ngadu ayo'a anu. ¹⁰ Lalu Yesus japat maruh parahu samahu murid-murid-A ge' sampe wak rapo Dalmanuta. Yesus Gat'n mahi Nujo Tande umpat'n Saruga¹¹ Ge', ayo-sok Farisi utukng ge' mule badebat nige Yesus, gae mahi Yesus nujo tande umpat'n saruga, yak nyoba-A. ¹² Ngalaka Yesus ngila napas ahngo ka sadat'n Roh-A, Ini' nyansana, "Nyai generasi diah najo tande? Iko' muji' da sabanar'a ka imu', kati ani nyiteng pun tande da aok gat'n mangkat'n ka generasi diah." ¹³ Laka dakoh, Yesus ngagat'n ayo'a, maruh malik ka sadat'n parahu, ge' anu ka pajah. Ragi Sok Farisi Ragi Herodes¹⁴ Murid-murid karimut minsakng roti, ge' hanya umpu nyasantak roti wak sadat'n parahu. ¹⁵ Ge', Yesus bapusut'n ka ayo'a, "Siap sedialah! Ba'ati-atilah tradap ragi ayo-sok Farisi ge' ragi Herodes."¹⁶ Lalu ayo'a mule badiskusi nyungan nige da lait'n soal ayo'a da kati umpu roti. ¹⁷ Ge', ngalaka pane hal diah, Yesus nyansana ka ayo'a, "Nyai imu' nyansana tentang imu' da kati umpu roti? Jai imu' ti'nga uga pane ato ngarati? Jai atemu' da karas?¹⁸ Jai ta imu' da bamatu, tapi kati mile? Ge', ba rajak, tapi kati dangah? Kati ingat ta imu', ¹⁹ Jangkah Iko' mucuh-mucuh rima roti yak rima ribu ungan, mani karah karanjang da baisi pahnu nige santak-santak pangkuman da imu' ngumpul?" Ayo'a naham, "Dua balas karanjang."²⁰ "Ge', jangkah ijo roti yak ampat ribu ungan dakoh, mani karanjang da pahnu nige santak-santak pangkuman da imu' ngumpul?" Ayo'a naham, "Ijo karanjang." ²¹ Lalu, Ini' nyansana ka ayo'a, "Diu'ta imu' masih ti'nga ngarati?" Yesus Ngangkawhat'n Sok Buta wak Betsaida²² Laka dakoh, Yesus ge' murid-murid-A utukng wak Betsaida. Ge', mani ungan sok minsakng sook buta ge' mahi ka Yesus supaya nyinte'a. ²³ Yesus pun nyinte barekng sok buta dakoh ge' minsakng'a mungkas desa. Lalu, Yesus ngaruja matu sok buta dakoh ge' mana barekng-A ka samo ini'. Ini' mansikat'n ka ini', "Diu'ta imu' mile tarut'n?"²⁴ Lalu, sok dakoh namparu ka samo ge' nyansana, "Iko' mile ayo-sok, tapi ayo'a gat'n mile ulah puut'n-puut'n da sadakng bajalat'n." ²⁵ Ngalaka dakoh, Yesus mana' barekng-A wak samo matu sok dakoh agi, lalu sok dakoh muka matu'a, pamile'a awhat'n, ge' ini' pun kaat'n mile samaan nige jelas. ²⁶ Lalu, Yesus ngadu'a ure ka ramin'a nige nyansana, "Iya' maruh ka sadat'n desa." Yesus diu'ta Kristus²⁷ Ngalaka dakoh, Yesus anu, samahu murid-murid-A, ka desa-desa wak Kaisarea Filipi. Ge', wak tuda pagala, Yesus mansikat'n ka ayo murid nige nyansana ka ayo'a, "Wat'n ayo-sok, asi Iko' diah?" ²⁸ Ayo'a naham, "Yohanes Pembaptis, da lait'n muji' Elia, ge' da lait'n'a salah satu umpat'n nabi-nabi."²⁹ Laka dakoh, Yesus mansikat'n ka ayo'a, "Tapi, manurutmu', asi Iko' diah?" Petrus naham-A, "Akup'm diu'ta Kristus." ³⁰ Ge', Yesus mamparingat ka ayo'a yak kati mangkat'n pane ka asi pun tentang adup-A. Mangkat'n pane tentang panderitaan Yesus³¹ Laka dakoh, Yesus mule ngajar murid-murid-A kalo Kangot Talino arus manderita karah hal ge' gat'n nolak uleh ama-ama Yahudi, imam-imam kapala, gae ahli-ahli Taurat, ge' gat'n ngamis, ge' ngalaka taru ano bangkit kambali. ³² Ge', Yesus nyansana hal diah sacara tabuka. Barang dakoh, Petrus narik Yesus ka suut'n ge' mule nagor-A.³³ Tapi, gae nuleh ge' mile murid-murid-A, Yesus nagor Petrus ge' nyansana, "Anulah umpat'n-Ko', hei Iblis! Sa, imu' kati mikir parkara-parkara talino." ³⁴ Ngalaka dakoh, Yesus maba sok karah, gae murid-murid-A, ge' nyansana ka ayo'a, "Sa' sook ngate nganang IKo', ini' arus nyangkal adup'a sadi, ge' maha salib'a, lalu nganang Iko'.³⁵ Sa', asi saja da ngate nyalamat singat'a aok kahilangan'a. Tapi aok'a, asi saja da ilang singat'a demi Iko' ge' Injil aok nyalamat'a. ³⁶ Sa', jai untong'a sook kaat'n samaan dunia, tapi ilang singat'a? ³⁷ Jai da kaat'n sook mangkat'n yak nabos singat'a?³⁸ Sa', asi saja da mangun barang Iko' ge' firman-Ko' wak ganerasi da kati satia ge' baduse diah, maka Kangot Talino uga aok mangun ngako sok dakoh jangkah Ini' utukng ka sadat'n kamuliaan Sama'-A samahu nige malaikat-malaikat da kudus."

Chapter 9

¹ Lakadakoh, Yesus nyansana wa' ayoa', "Iko muji' da sabanara wa'imu', ani nyamani sok da agi' agutn ka diah da kati' ao' kabis sampe ayoa' mile' Karajaan Jabata utukng nige' kuasa." Yesus Samahu Musa ge' Elia² Ge', inum ano lakadakoh, Yesus nabatn Petrus, Yakobus, ge' Yohanes, lalu minsakng ayoa' nyingahadupa' ka gunung da nyamo. Lalu, Yesus barubah rupa ka tura' ayoa'.³ Ge', pangiak-A ngajadi bakilou ge' batol ranakng. Kati' ani tukang pangaranakng saput ka dunia aba' ngaranakng ulah dakoh.⁴ Lalu, utukng ka tura' ayoa', Elia samahu nige' Musa, ge' ayoa' agi' sarita nige' Yesus.⁵ Lakadakoh, Petrus nyansana ka Yesus, "Rabi, ratia, guru. Rabi, auhatnta ate kai madi kadiah. Kaeh te' umas taru dio, nyiteng ya' Dimu', byiteng ya; da Musa, ge' nyiteng ya' da Elia."⁶ Sabab, Petrus ti' pane arus naham langkina karna ayoa' smaan buut.⁷ Lalu, utungta rahu' nuno' ayoa', ge' gatndangahta nyiteng sarat da utukng umpatn rahu' dakoh, waatn-A, "Inilsh Anak-ku da gatnnyayang. Dangahta Kini'!"⁸ Jangkah dakoh uga', ngalaka ayoa' ti' agi' mile' asi pu samahu ayoa' kacuali Yesus.⁹ Ge', samantara ayoa' disah umpatn gunung, Yesus mangkatn parintah wa' ayoa' supaya kati' muji' ka asi pun jai da nga ayoa' mile', sampe Anak Talino Bangkit dari antara sok kabis.¹⁰ Karna dakoh, ayoa' minte saratn dakoh ya' da ayoa' sadi' gae pasikatn-sikatn jai ratia kabangkitan umpatn pangkabis dakoh.¹¹ Lalu, ayoa' mansikatn wa' Yesus, "Jailah ayo ahli Taurat muji' bahwa Elia arus uru utukng?"¹² Lalu, Yesus nyansana ka ayoa', "Elia memang utukng labih uru' ya' ngangkabait sagala tarutn. Ge', langkina nige' da gatnnulis tentang Anak Talino bahwa Ini' arus manderita karah hal ge' gatnhina?¹³ Namun, Iko' muji' kimu' bahwa Elia memang nga utukng, ge' ayoa' mamparlakua' sasue nige' da ayoa' ngate, ulah da gatnnulis tentang Ini'." Ayo Murid Kati' Mampu Ngarapas Roh Jahat umpatn Sook¹⁴ Lakadakoh, jangkah Yesus, Petrus, Yakobus, ge' Yohanes ure' wa' ayo mueid, ayoa' mile' kubu' sok karah ka sakalilikng ayo murid dakoh, ge' ayo ahli Taurat agi' badabat nige' ayoa'.¹⁵ Ge', segra ngalaka smaan kubu' sok dakoh mile' Yesus, ayoa' ngajadi takajut ge' talama-ama' ya' nyamut-A.¹⁶ Lalu, Yesus mansikatn wa' ayoa', "Jai da agi' kupm dabat nige' ayo ahli Taurat dakoh?"¹⁷ Ani sook umpatn kubu' dakoh naham Ini', "Guru, iko' minsakng anak areko' wa'-Akupm karna ni' karasukan roh da umasa awa'.¹⁸ Satiap kali roh dakoh nguasa a', ini' ngampasa' ka tana ge' mungkas busa umpatn baba'a', ge' japu' a' bagaret-garet, lalu ini' jadi kejang. Iko' mahi ayo murid-Mu nguser roh dakoh, tatapi ayoa' kati' sanggup."¹⁹ Ge', Yesus naham ayoa' ge' nyansana, "Hei', katurunan da kati' baiman! Mani tuhi' agi' Iko' arus samahu' imu'? Mani tuhi' agi' Iko' ao' batahan nige' ayo kupm? Minsakmih kangot dakoh wa'-Iko'!"²⁰ Lalu, ayoa' minsakng kangot dakoh wa' Yesus. Ge', jangkah roh dakoh mile' Yesus, ini' lansong nguncang-nguncang kangot dakoh. Kangot dakoh jantu' ka tana' ge' tagulikng-gulikng nige; baba' da ngaluar busa.²¹ Lakadakoh, Yesus mansikatn wa' apa' kangot dakoh, "Nga mani tuhi' hal diah tajadi kini'?" Ni'naham, "Mule umpatn inek a'.²² Ge', roh dakoh nga sering nyangkahatn a' ka sadatn api ge' ka sadatn paitn ya' ngancur a'. Tapi', sa' Akupm kaatn umas tarutn, mase'lah wa' kai ge' nulong kai."²³ Yesus nyansana wa'ini', "Sa' Akupm kaatn? Sagala tarutn mungkin ya' ayoa' da pacaya."²⁴ Segra apa' kangot dakoh munse' ge' ngampak, "Iko pacaya! Tulonglah kakati'pacayaanko!"²⁵ Jangkah Yesus mile' bahwa sok karah utukng bakubu' nige' capat, Ini' ngarato' roh dakoh gae muji' kini', "Imu' roh awa' ge' bangal, Iko' muji' kimu' boho' umpatn kangot diah ge' iya' agi' maruh kini'!"²⁶ Ngalaka ngampak ge' nguncang-nguncang kangot dakoh sampe kuat, maka roh dakoh mungkas. Kangot dakoh ngajadi ulah sok kabis singge sok da karah dakoh nyansana, "Ini' kabis!"²⁷ Tapi, Yesus minte barekng kangot dakoh ge' ngiasa', maka kangot dakoh agutn.²⁸ Ge, jangkah Yesus maruh ka sadatan ramin, ayo murid-A mansikatn sacara pribadi, "Jai kai ti' aba' nguser a'?"²⁹ Ge', Ini' muji' ka ayoa', "Jenis diah kati' aba' mungkas kacuali hanya nige' doa." Yesus Nyansana Agi' tentang Pangkabis-A³⁰ Umpatn teetn, Yesus ge' ayo murid-A anu ge' nabo' rappo Galilea. Ge', Ini' kati' ituh ani sok da pane.³¹ Sabab, Ini' agi' ngajar ayo murid-A ge' nyansana wa' ayoa', "Anak Talino ao' gatnnyarah ka barekng talino, ge' ayoa' ao' ngamis-A. Ge', ngalaka Ini gatnngamis, taru ano lakadakoh Ini' ao' umpat idup."³² Tapi, ayo murid ti' paham saratn dakoh ge' buut mansikatn wa'-Ini'. Pardabatan tentang Asi da Paling ahyo³³ Lakadakoh, Yesus ge' ayo murid-A sampe ka Kapernaum. Ge', ngalaka Yesus ani ka sadatn ramin, Ini' mansikatn wa' ayoa', "Jai da imu' nyarita ka gala' ijah?" ³⁴ Tapi, ayoa' tunguh karna sadatn pajalatna' ayoa' badabat samu adup a' tentang asi da paling ahyo.³⁵ Lalu, Yesus unyung ge' maba' kadua balas murid. Ge', Ini' nyansana wa' ayoa', "Sa' ani nyungan ngatte jadi da uru, ini arus jadi da paling unyhi' umpatn smaana' ge' jadi palayan ya' smaana'."³⁶ Lakadakoh, Yesus naap nyungan kangot inek ge' mana'a' agutn ka antara ayoa'. Ge', gae nakulok kangot dakoh, Ini' nyansana wa' ayoa',³⁷ "Asi saja da nyamut nyungan kangot inek ulah diah sadatn gaatn-Ko, ini' nyamut Iko. Ge', asi saja da nyamut Iko', inya nyamut Iko', malainkan Ini' da ngutus Iko'." Sok da Nguser Sitan sadatn Gaatn Yesus³⁸ Yohanes muji' ka Yesus, "Guru, kai mile' sok nguser sitan-sitan sadatn gaatn-Mu, ge' kai mingat a' karna ini' kati' nganang ite'."³⁹ Tapi, Yesus nyansana, "Iya' mingat a' karna kati' ani sok da umas parbuatan ajaib sadatn gaatn-Ko, kaatn no dakoh uga' manghujat Iko'.⁴⁰ Sabab, asi da kati' malawan ite', ani ka pihak ite'.⁴¹ Sabab Iko' muji' da sabanara' kimu', asi saja da mangkatnmu' nyaucung paitn karna imu' pangikut Kristus, ti' ao' kahilangan upah a'. Tenyang Panyabab Duse⁴² "Ge', asi saja da nyabab salah satu umpatn ayo kangot inek da pacaya wa'-Iko' dakoh umas duse, labih bait bagi ini' sa' nyabuah kilangan da ahyo gatnningo' wa' jangok a' ge' matatn a' ka sadatn laut.⁴³ Ge', sa' barekngmu' ngadumu' baduse, nyantak barekngmu' dakoh. Labih bait bagi imu' maruh ka sadatn kahidupan nige' barekng da puntung daripada nige' dua barekng maruh ka naraka, ka sadatn api da ti ao' suah kabis, ⁴⁴ tampat da inokng a' ti' ao' kabis ge' api a' ti' ao' kabis,⁴⁵ Ge', sa' kaja'mu' ngadumu' baduse, nyantak ta kaja'mu dakoh. Labih bait bagi imu' maruh ka sadatn idup nige' kaja' puntung, daripada nige' dua kaja' gatnnyangkahatn ka sadatn neraka, ⁴⁶ tampat da inokng a' ti ao' kabis ge' api a' kati ao' kabis.⁴⁷ Ge', sa' matu'mu ngadumu baduse, nyongkelta matu' dakoh. Labih bait bagi imu' maruh ka Karajaan Jabata nige' nyiteng matu' daripada nige' dua matu' gatnnyangkahatn ka sadatn naraka, ⁴⁸ tampat da inokng a' ti' ao' kabis ge' api a' ti' ao' kabis.⁴⁹ Sabab, satiap sok ao' gatnngasia' nige' api.⁵⁰ Sia' memang bait, tatapi sa' sia' kahilangan rasa pade' a', langkina imu' ao' umasa' jadi pade agi'? Umpu'talah sia' ka sadatn adupmu' sadi' ge' badamailah nyungan nige' da laitn,"

Chapter 10

¹ Lakadakoh, Yesus ngagatn tampat dakoh ge' anu ka rappo Yudea ge' ka sambarang sungi Yordan. Ge', sok karah bakumpur nguram Ini' agi'. Ge', ulah kabiasaan-A, Ini' agi' ngajar ayoa'.² Lakadakoh, ayo sok Farisi utukng Kini', ge' ya' nyuba Ini' ayoa' mansikatn, "Anita gatnngadu nyungan banun nyarai sautna'?"³ Yesus naham ayoa', "Jai da Musa merintah kimu'?"⁴ Ayoa' muji, "Musa ngijin nyungan banun umas surat care ge' nyaraia'."⁵ Tapi, Yesus nyansana wa' ayoa', "Karna kakarasan atemu'ta, Musa nulis parintah dakoh ka imu'.⁶ Tapi ba, umpatn mule panciptaan, 'Jabata nyipta ayoa' are ge' mahu.⁷ Karna dakohta, nyungan are ao' ngagatn apa' ge' ama' a'.⁸ Ge', kadua a' ao' ngajadi nyiteng dagin.' Nige' ladakoh, ayoa' inya agi' dua, malahan ngajadi nyiteng dagin. ⁹ Jadi, jai da nga Jabata nyatu, iya' ani talino da misaha'."¹⁰ Lakadakoh, ka saadatn ramin, ayo murid-A mansikatn agi' wa'-Ini' tentang hal dakoh.¹¹ Maka, Ini' nyansana wa' ayoa', "Asi saja da mancare sautna' ge' bainyha' agi ge' da laitn, barbuat zina tarhadap sautna'.¹² Ge', sa' sautn mancare banuna', ge' bainyha' agi' ge' da laitn, ini' barbuat zina." Yesus Mamberkat Ayo Kangot¹³ Ge', ayoa' minsakng ayo kangot inek wa' Yesus sapaya Ini' nyangkam ayo kangot dakoh, tatapi ayo murid mingat ayoa'.¹⁴ Namun, jangkah Yesus mile'a', Ini' jadi baji' ge' nyasana wa' ayo murid-A, "Tea'ta ayo kangot inek dakoh utukng wa'-Iko' ge' iya' halang-halangi ayoa' karna Karajaan Jabata anita bagian sok da ulah ayoa'.¹⁵ Iko' muji' da tamana' kimu', asi saja da kati nyamut Karajaan Jabata ulah nyungan kangot, kati' ao maruh kasadatna'."¹⁶ Lakadakoh, Yesus nakulok ayo kangot dakoh, Ini' mambarkat ayoa' ge' mana' barekng-A ka tumukng ayoa'. Sok Kaya da Manulak Nganang Yesus¹⁷ Lalu, jangkah Yesus sgi' nyiap pajalatn-Na, ani nyungan sok talama' wa'-Ini' ge' balutut ka hadapan-Na ge' mansikatn, "Guru da bait, jai da arus iko' bulah ya' kaatn warisan idup kekal?"¹⁸ Ge', Yesus muji' kini', "Jai imu' muji' Iko' bait? Kati' ani nyungan pun da bait, kacuali Jabata sadi'.¹⁹ Imu' panane parintah-parintah: 'Iya' ngamis, iya' berzina, iya' nangko, iya' mangkatn kasaksian palsu, iya' manipu, manghormatmih apa' ge' ama'mu'."²⁰ Lalu, sok dakoh muji' wa'-Ini', "Gurur, iko' nga nurut smaan dakoh dari ko' maseh angot."²¹ Namun, Yesus nyantunung wa' bujakng dakoh ge' rasa mase' kini', ge' nyansana wa'ini', "Nyiteng hal da kurang umptnmu'. Anu ge' nyualmih smaan da imu' umpu', ge' mangkatn wa' sok papa, maka imu' ao' umpu harta ka surga. Lalu, utukngkiah ge' nganang Iko'."²²Namun, saratn dakoh umasa' susah ate ge' ini' anu nige' sedih karna harta ini' karah.²³ Lakadakoh, Yesus nyantunung ka sakalilikng ge' nyansana wa' ayo murid-A, "Batapa aritnta bagi ayoa' da kaya ya' maruh Karajaan Jabata!"²⁴ Ayo murid takajut ka saratn-A. Namun, Yesus muji' agi' wa' ayoa', "He anak-anak, batapa aritnta ya' maruh Karajaan Jabata!²⁵ Labih mudah nyungan unta maruh nabo' rubakng jarum daripada sok kaya maruh Karajaan Jabata."²⁶ Ayo murid smangkin takajut ge' nyansana samu adupa', "Lalu, asi da kaatn gatnnyalamat?"²⁷ Yesus nyantunung wa' ayoa' ge' nyansana, "Bagi talino hal dakoh kati' mungkin, tatapi kati' bagi Jabata. Sabab, sagala tarutn mungkin bagi Jabata." Upah Nganang Yesus ²⁸ Petrus mule nyansana wa' Yesus, "Mile', kai nga ngagatn sagala tarutn ge' nganang Akupm!"²⁹ Yesus muji', "Iko' muji' da sabanara kimu', ti' ani nyungan pun da ngagatn ramin, ato ayo agea' da are, ato ayo agea' da mahu, ato ama', ato apa', ato anak-anak, ato uma-umaa' karna Iko' ato karna Injil,³⁰ da ka masa diah kati' ao' narima saratus kali lipat- ramin-ramin, ge' ayo agea' da are, ge' ayo agea' da mahu, ge' ama'-ama', ge' anak-anak, ge' uma'-uma', nige' panganyayaan; ge' ka masa da ao' utukng, idup da kekal.³¹ Tapi, karah sok da uru' ao jadi da unyhi', ge' da unyhi' ao' jadi da uru'." Yesus Nyansana Agi' tentang Pangkabis-A³² Ayoa' agi' sadatn pajalatn makka ka Yerusalem ge' Yesus bajalatn ka tura' ayoa'. Ge' misa' heran, samantara ayo sok da nganang-A misa' buut. Ge', Yesus malik minsakng kadua balas murid-A, Ini' mule mangkatnpane ayoa' jai da ao' tajadi wa'-Ini'.³³ Waatn-Na', "Ile', ite' agi' makka ka Yerusalem ge' Anak Talino ao' gatnnyarah wa' imam-imam kapala ge' ahli-ahli Taurat. Ayoa' ao' manghukum-A sampe kabis ge' ao' nyaraha' wa' sok da inya Yahudi.³⁴ Ayoa' ao' manghina-A, ge' ngaruja'-A, ge' manghajar-A, ge' ngamis-A. Tapi, ngalaka taru ano, Ini' ao' bangkit." Parmuhonan Yakobus ge' Yohanes³⁵ Lakadakoh, Yakobus ge' Yohanes, anak-anak Zebedeus, utukng ka Yesus ge' nyansana, "Guru, kai ngatte Akupm umas angkatn kai jai saja da kai mahi."³⁶ Ge', Yesus nyansana wa' ayoa', "Jai da imu' ngatte ya' Iko' umas angkatnmu'?"³⁷ Ayoa' muji' wa'-Ini', "Ngijinmih nyungan umpatn kai unyung ka suutn sentao'-Mu, ge' da nyungan ka suutn sengkiri'-Mu, sadatn kamuliaan-Mu."³⁸Tapi, Yesus muji' ka ayoa', "Imu' ti' pane jai da imu' mahi. Sanggup a' imu' nyucur umpatn cawan da arus Ko'nyucur ato gatnbaptis nige' baptisan da gatnngabaptis wa'-Iko'?³⁹ Ayoa' muji' wa'-Ini', "Kai sanggup!" Lalu, Yesus nyansana ka ayoa', "Cawan da Ko' nyucur memang imu' nyucur, ge' imu' ao' gatnbaptis nige' baptisan da gatnngabaptis wa'-Iko'.⁴⁰Tapi, ya' unyung ka suutn sentao'-Ko' ato ka suutn sengkiri'-Ko, inya hak-Ko' ya' mangkatn a', tatapi tampat dakoh anilah ya' ayoa' da nga gatnnyadia."⁴¹ Ngadangah dakoh, sapuluh murid da laitn ngajadi baji' wa' Yakobus ge' Yohanes.⁴² Lalu, Yesus maba' ayoa' ge' nyansana wa' ayoa', "Imu' pane da gatnanggap sebage pamarintah ayo sok da inya Yahudi barbuat ulah-ulaha' bakuasa atas ayoa'. Ge', patinggi-patinggi ayoa' ngiak kakuasaana' wa'ayoa'.⁴³ Namun, kati' saharusa' ka antara imu'. Sabalik a', asi saja da ngatte jadi ahyo ka antara imu', arus jadi palayanmu,⁴⁴ ge' asi saja da ngatte jadi da uru' ka antaramu', arus jadi palayan umpatn smaana'.⁴⁵ Sabab, Anak Talino pun utukng inya ya' gatnlayani, tatapi ya' malayani, ge' ya' sebage tabusan ya' sok da karah." Yesus Ngangkauhatn Bartimeus da Buta⁴⁶ Lakadakoh, ayoa' utukng ka Yeriko. Jangkah Yesus ngagatn Yeriko samahu nige' ayo murid-A ge' sok karah, nyungan pamahi buta dabagaatn Bartimeus, anak Timeus, agi' unyung ka pihikng gala'.⁴⁷ Jangkah ini' dangah bahwa ani Yesus umpatn Nazaret, ini' ngampak ge' nyasana, "Yesus, Anak Daud, mase'mih wa' iko'!"⁴⁸ Ge', karah sok mingat a' ge' ngadua' madi'. Namun, ini' samangkin ngampak, Anak Daud, mase'mih wa' iko'!"⁴⁹Lalu, Yesus madi' ge' nyansana, "Maba' kini'." Ge', ayoa' pun maba' sok buta dakoh ge' muji', "Nguatta atemu! Agutnmih, Ini' maba'mu."⁵⁰Gae muka' jubaha', sok buta dakoh agutn ge' utukng wa' Yesus.⁵¹ Ge', Yesus nyansana wa'ini', "Jai da imu' ngatte ya' Iko' umas ya' dimu'?" "Rabi, tea'lah iko' mile'."⁵² Lalu, Yesus nyansana kini', "Anumih. Imanmu' ngangkauhatnmu'." Jangkaha koh uga', ini' kaatn agi' pamile'a', ge' ini' nganang Yesus sapanjang pajalatn.

Chapter 11

¹ Ge', jangkah ayoa' manpir sampe ka Yerusalem, jiket Betfage ge' Betania, ka Bukit Zaitu, Yesus ngadu dua murid-A, ² ge' nyansana wa' ayoa', "Anumih wa' desa ka dapanmu, ge' segra ngalaka imu' maruh a', imu' ao' amput nyungan keledai angot da gatnningo', da tinga suah gatn sok makka. Ngarapas ta keledai dakoh ge' minsakngta.³ Sa' ani sok mansikatn kimu', 'Nyai mu' umas ladakoh?', muji'ta, 'Tuhan palalu keledai dakoh ge' ao' segra mangkure' ka diah agi'."⁴ Lalu, ayoa' anu ge' amput nyungan keledai angot da gatnningo' ka pintu, ka bagian sato, ka gala', lalu ayoa' ngrapas a'.⁵ Nyamani sok da agutn ka teetn mansikatn wa' ayoa', "Jai da mu umas nige' ngarapas keledai dakoh?"⁶ Ayoa' naham ulah da Yesus muji' wa' ayoa', ge' ayo sok dakoh mambiar ayoa' anu.⁷ Lalu, ayoa' minsakng keledai dakoh wa' Yesus, mana' jubah ayoa' ka tumukng keledai dakoh, ge' Yesus unyung ka tumukng a'.⁸ Ge', karah sok da mabat jubah ayoa' ka gala', ge' da laitna' ngampar daatn-daatn da ayoa' nyantak umpatn uma'.⁹ Sok karah da bajalatn ka tura ge' da ngananga' ngampak, "Hosana! Gatnmamberkatta Ini' da utukng sadatn gaatn Tuhan.¹⁰ Gatnmamberkatta pajutukng karajaan Daud, nenek moyang ite'! Hosana, ka tampat da mahanyamo!¹¹ Lakadakoh, Yesus maruh ka Yerusalem ge' anu ka Bait Jabata. Ge', ngalaka' mile' sagala tarutn ka sakalilikng a', Ini' anu ka Betania samahu kadua balas murid-A karna ano nga jauh ngarum. Yesus Ngutuk Puutn Ara¹² Ge', jakkap anoa', jangkah ayoa' ngagatn Betania, Yesus misa' saburuk.¹³ Ngalaka mile' nyabuah puutn ara da badautn umpatn dajauh, Ini' anu ya' mile' sa' mungkin ani tarutn da bisa Ini' amput umpatn puutn dakoh. Jangkah Ini' sampe ka puutn dakoh, Ini' kati' amput jai-jai kacuali dautn-dautna' sabab no dakoh nya musim buah ara.¹⁴ Karna dakoh, Yesus nyansana wa' puutn dakoh, "Iya' ani agi' sok da uman buah umpatn imu' ya' salama-lama a'." Ge', ayo murid-A dangaha'. Yesus Anu ka Bait Jabata¹⁵ Lakadakoh, ayoa' sampe ka Yerusalem. Ge', Yesus maruh ka Bait Jabata ge' mule nguser ayo sok da agi' bajual ka Bait Jabata. Ini' mambalik meja-meja panukar uang ge' pangkeng-pangkeng sok da nyual manuk-manuk acang,¹⁶ ge' Ini' kati' agi' ngijin sok minsakng pakarakng-pakarakng nabo' Bait Jabata.¹⁷ Lakadakoh, Yesus ngajar ayoa' ge' nyansana, "Inyata tartulis, 'Ramin-Ko ao' gatnmuji' ramin doa ya' smaan bangsa'? Tapi, imu' nga ngubah a' jadi sarang parampok."¹⁸ Ge', imam-imam kapala ge' ahli-ahli Taurat ngadangaha' ge' ayoa' najo cara langkina ngamis-A. Sabab, ayoa' buutwa'-Ini' karna sok karah dakoh kagum wa' pangajaran-A.¹⁹ Ge', jangkah ano nga mule ngarum, Yesus ge' ayo murid-A ngagatn kota dakoh. Umpu'talah Iman ka Sadatn Jabata²⁰ Lalu, ngakkap ano jangkah ayoa' lewat, ayoa' mile' puutn ara da nga karikng sampe ka uhat-uhat a'.²¹ Petrus sanuut ge' muji' wa' Yesus, "Rabi, mile'! Puutn ara da Akupm ngutuk nga jadi karikng!"²²Ge', Yesus naham ayoa', "Umpu'talah iman ka sadatn Jabata.²³ Iko' muji' da sabatola' wa'imu', asi saja da nyansana ka gunung diah, 'Tarantatnmih ge' tapalanting ka sadatn laut,' ge' kati' ani karaguan ka sadatn atea', tatapi pacaya bahwa jai da ini' muji' ao' tajadi, maka hal dakoh ao' tajadi wa'ini'.²⁴ Sabab dakoh, Iko' muji' wa'imu', jai pun da gatnmu' ngadoa ge' mahi, pacayalah bahwa imu' ao' kaatn a', maka hal dakoh ao' gatnmangkatn kimu'.²⁵ Ge', apabila imu' agutn ge' badoa, ngampunlah sak ani imu' nyimpan tarutn tarhadap sook, spaya Sama'mu' da ka surga uga' ao' ngampun kasalahan-kasalahanmu'.²⁶ Namun, sa' imu' kati' mangampuni, Sama'mu' da ka surga uga' kati' ao' mangampuni kasalahan-kasalahanmu'." Pamimpin Yahudi Mansikatn tentang Kuasa Yesus²⁷ Lakadakoh, ayoa' utukng agi' ka Yerusalem. Samantara Yesus bajalatn ka Bait Jabata, ayo imam kapala, ayo ahli Taurat, ge' ama-ama Yahudi utukng wa'-Ini'.²⁸ Ge', ayoa' nyansana wa'-Ini', "Nige' kuasa jai Akupm umas hal-hal dakoh, ato asi da mangkatn-Mu kuasa ya' umasa'?"²⁹ Yesus muji' wa' ayoa', "Iko' ao' mansikatn nyiteng partanyaan kimu'. Nahammih Iko', baru Iko' ao' muji'kimu' nige' kuasa jai Iko' umas hal-hal dakoh.³⁰ Anita baptisan Yohanes barasal umpatn surga ato umpatn talino? Nahammih Iko!"³¹ Ayoa' barukkupm ge' samu adup a' nige' nyansana, "Sa' ite' nahama', 'Umpatn surga, 'Ini' ao' muji', 'Lalu, nyai imu' ti' pacaya kini'?'³² Tapi, sa' ite' nahama', 'Umpatn talino?' Ayo pamimpin dakoh buut wa' sok karah karna ayoa' smaan manganggap bahwa Yohanes diu'ta nyungan nabi.³³ Karna dakoh, ayoa' naham Yesus, "Kai ti' pane." Lakadakoh, Yesusu nyansana wa' ayoa', "Ladakoh uga Iko', Iko' uga' ti' ao' muji' kimu' nige' kuasa jai Iko umas hal-hal dakoh."

Chapter 12

¹ Lalu, Yesus mule nyansana wa' ayoa' sadatn parumpamaan-parumpamaan." Ani sok da ngusaha nyabuah kabon anggur. Ini' mantagut paga nyangkalilikng a', ge' ngari' rubakng ya' ngaccet anggur, ge' mantagut nyabuah manara ya' jaga. Lakadakoh, ini' ngadu ayo pakaraje kabon anggur nyewa a' ge' anu ka luar nagari. ² Nga utukng musim panen, ini' ngirim nyungan palayan wa' ayo pakaraje kabon dakoh ya' naap umpatn ayoa' asil kabon anggur a'.³ Tapi, ayoa' nangkap palayan dakoh, ge' mangkukng a', lalu nguser a' nige' barekng kusong.⁴ Karna dakoh, ini' ngirim agi' palayan da laitn wa' ayoa', ge' ayoa' mangkukng abak a', ge' mamparlakua' nige' cara da manyangun. ⁵ Lalu ini' ngirim palayan laitn a' ge' ayoa' ngamis a'. Hal diah tajadi wa karah laitn a', nyabagi gatnmangkukng, ge' nyabagi gatnngamis.⁶ Da umpu' kabon dakoh maseh ani umpu' nyungan agi', kohta anak da gatn a' nyayang. Akhir a', ini' ngirim anak a' dakoh wa' ayoa' ge' nyansana, 'Ayoa' ao' manghormat anakko'.⁷Tapi, ayo pakaraje kabon dakoh nyansana nige' da laitn, 'Ini' diu' ta ahli waris a'. Kaeh, ite' ngamis ini' ge' warisan a' ao' ite' umpu'.⁸ Lalu, ayoa' nangkap a', ge' ngamis a', lalu nyangkahatn a' ka sato kabon anggur.⁹ Jai da ao' gatn umpu' kabon anggur dakoh umas? Ini' ao' utukng ge' mambinasa ayo pakaraje dakoh ge' mangkatn a' kabon anggur a' wa' da laitn.¹⁰ Ti' suah a' imu' maca ayat Kitab Suci, 'Batu' da gatnmatatn uleh tukang bangunan, laka jadi batu' penjuru'.¹¹ Diahta parbuatan Tuhan, ge' parbuatan diah ajaib ka matu' ite'.¹² Lakadakoh, ayoa' ya' nangkap-A tapi ayoa' buut ka sok da karah karna ayoa' pane bahwa Yesus nyampe parumpamaan ya' ayoa', lalu ayoa' ngagatn Yesus lalu anu. Manganai Mayar Pajak¹³ Lakadakoh, ayoa' ngadu utukng wa' Yesus ani mani sok Farisi ge' ayo sok Herodian ya' menjebak Ini' nige' saratn adup-A.¹⁴ Ayoa' utukng ge' muji' ka Yesus, "Guru, kai pane bahwa Akupm taman ge' kati' paduli nige' pandapat sok laitn. Sabab, Akupm kati' mile' panampilan sok tapi ngajar gala' Jabata da sasue nige' da taman. Ania taman mayar pajak wa' kaisar.¹⁵ Arus a' kai mayar ato arus a' kai ti' mayar? Ao'ta Yesus, ngalaka pane kamunafikan ayoa'. Ini' muji; wa' ayoa', "Jai imu'nguji Iko'? Minsakng wa'-Iko' 1 dinar biar Iko' mile' a'.¹⁶ Lalu, ayoa' minsakng a', ge' Yesus nyansana wa' ayoa', "Gambar ge' tulisan asilah diah?" Ayoa' naham-A, "Gambar ge' tulisan kaisar."¹⁷Lakadakoh Yesus nyansana wa' ayoa', "Mangkatn wa' kaisar hal-hal da kaisar umpu' ge' wa' Jabata hal-hal da Jabata umpu'." Ge', ayoa' heran wa' Yesus. Partanyaan Sok Saduki ya' Ngajebak Yesus¹⁸ Lalu, ayo sok Saduki , da muji' ti' ani kabangkitan,utukng wa' Yesus ge' mansikatn wa'-Ini', waat ayoa', ¹⁹"Guru, Musa nulis wa' ite' bahwa sa' sook, da umpu' age are, kabis ge' ngagatn nyungan sautn, tapi kati' ngagatn anak, age a' da are arus bainyha' nige' janda dakoh ge' mangkatn katurunan bagi age a'.²⁰ Ani ijo ungan da badadi'. Age da ama naap nyungan sautn, ge' jangkah ini' kabis, ini' kati' ngagatn katurunan.²¹ Lalu, age da kadua bainyha' nige' mahung dakoh, ge' kabis tampa ngagatn katurunan. Ladakoh uga' nige' age da kataru.²²Ge', kati' ani umpatn kaijo' badadi' dakoh da ngagatn anak. Pangkabas dari smaan a', mahung dakoh uga' kabis.²³ Wa' ano kabangkitan, jangkah ayoa' bangkit jadi sautn asilah mahung dakoh? Sabab, kaijo' badadi' dakoh nga umpitn a'."²⁴ Yesus naham ayoa', "Inyata diah ta alasan imu' jadi sasat, karna imu' kati' ngarati Kitab Suci atopun kuasa Jabata?²⁵ Sabab, jangkah ayoa' bangkit umpatn antara sok kabis, ayoa' kati' ani da bainyha' atopun da gatninyha', tapi ayoa' jadi ulah ayo malaikat ka surga.²⁶ Manganai sok kabis da gatnngangkidup, kati' a' imu' maca sadatn kitab Musa, wa' bagian manganai rumpo' udu , langkina Jabata nyansana wa'ini', 'Iko' anilah Jabata Abraham.²⁷ Ini' inya Jabata sok da kabis, tapi Jabata sok da idup. Imu' batol-batol sasat! Parintah da Paling Penting²⁸ Lakadakoh, nyungan umpatn ayo ahli Taurat dangah ayoa' bataham baba'. Jangkah ini' mile' bahwa Yesus nga naham ayoa' nige' bait, maka ini' mansikatn wa' Yesus, "Parintah dumelah da paling penting umpatn smaan a'?²⁹ Yesus naham, "Hukum da paling utama anilah: 'Dangah, he ayo sok Israel Tuhan Jabata ite' anilah nyungan-nyungan a' Tuhan.³⁰Ge', kasihi mih Tuhan Jabatamu' nige' saganap atemu' ge' nige' saganap jiwamu', ge' nige' saganap kakuatanmu'.³¹ Ge', da kadua anilah: "kasihimih samu adup kupm ulah adupmu' . Ti' ani hukum da labih ahyo daripada diah."³² Lalu, Ahli Taurat dakoh muji' wa' Yesus, "Akupm taman, Guru. Akupm taman nige' muji' bahwa Ini' dakoh nyungan, ge' kati' ani da laitn salaitn Ini'.³³ Ge', mangasihi-A nige' saganap ate, ge' nige' saganap pangaratian, ge' nige' saganap kakuatan, serta mangasihi samu adup ulah adup uga', memang labih penting daripada smaan kurban da gatn ninu' ge' parsambahan."³⁴ Lakadakoh, jangkah Yesus mile' bahwa sok dakoh naham nige' bijaksana, Ini' muji' wa'ini', "Akupm kati' jauh umpatn Karaan Jabata." Ngalaka dakoh, kati' ani agi' sok da pagatn mansikatn wa' Yesus. Kristus anilah Tuhan³⁵ Ge', gae ngajar ka Bait Jabata, "Langkina bisa ayo ahli Taurat nyansana bahwa Kristus anilah anak Daud?³⁶ Daud sadi' muji' ka sadatn Roh Kudus, 'Tuhan nyansana wa' Tuanko': Uyung ta ka sabalah sentao'-Ko', sampe Iko' mana' ayo munsu'-Mu' ka saroh kaja'-Mu'.'³⁷ Daud sadi' magaatn Kristus sebage 'Tuhan'. Jadi, langkina mungkin Kristus anilah anak a'?" Ge', sok da karah dangah-A nige' auhatn ate. Sikap tarhadap Ayo Ahli Taurat³⁸Sadatn pangajaran-A, Yesus nyansana, "Ati-atita tarhadap ayo ahli Taurat, da suka bajalatn-jalatn ngiak jubah angho ge' suka nyamut salam panghormatan ka tampat-tampat umum,³⁹ ge' ani umpu' tampat unyung terhormat ka sinagoge-sinagoge ge' tampat-tampat kahormatan sadatn paruman-paruman.⁴⁰ Ayoa' da ngarampas ramin-ramin ayo janda ge' sebage alasan badoa da tuhi'-tuhi'. Ayoa' ao' kaatn hukuman da labih bahat." Parsambahan Sejati⁴¹ Lakadakoh, Yesus unyung baradapan nige' kotak parsambahan ge' naliti ayo sok da nyese' uang ka sadatn kotak parsambahan dakoh. Karah sok kaya da nyese' sadatn jumlah da ahyo.⁴²Lakadakoh, nyungan sok janda papa utukng ge' nyese' dua kapikng uang logam, na nilai a' samu' nige' 1 sen.⁴³Lalu, Yesus maba' ayo murid-A ge' muji' wa' ayoa', "Iko' muji' da sabatol a' wa'imu', janda papa diah nga nyese' labih karah ka sadatn kotak parsambahan dakoh daripada smaan sok laitn a'.⁴⁴ Sabab, ayoa' smaan mangkatn umpatn kalimpahan ayoa', tapi janda papa dakoh, mangkatn umpatn kakurangan a', mangkatn smaan da ni' umpu', kohta smaan idup a'."

Chapter 13

¹ Lalu, Jangkah Yesus ngagatn Bait Jabata, nyungan umpatn murid-A muji' wa'-Ini', "Guru, mile' betapa indaha' batu'-batu' ge' betapa indaha' bangunan-bangunan diah!"² Ge', Yesus nahama', "Ania imu' mile' bangunan-bangunan da megah diah? Ti' ani nyiteng batu' pun da ao' tangalat ka tumukng batu' da laitna' da kati' ao' gatnngaruruh." Pamule-mule Panderitaan³ Ge', samantara Yesus agi' unyung ka Bukit Zaitun da nura' Bait Jabata, Petrus, ge' Yakobus, ge' Yohanes, ge' Andreas mansikatn wa' Yesus sendirian, ⁴ "Mujilah ka kai, ngina' hal-hal dakoh ao' tajadi, ge' jai da ao' jadi tande sa' smaan dakoh ao' segra barakhir?"⁵ Lalu, Yesus mule nyansana wa' ayoa', "Barati-atimih sapaya ti' ani sok da ngalayomu'.⁶ Karah sok ao' utukng sadatn gaatn-Ko, nyansana, 'Iko'ta Ini'.' Ge', ayoa' ao' ngalayo karah sok.⁷ Jangkah imu' dangah tentang paparangan ge' agah-agah tentang parang, iya' buut. Hal-hal dakoh arus tajadi, tatapi akhir umpatn smaana' tinga tajadi.⁸ Sabab, bangsa ao' bangkit malawan bangsa, ge' karajaan malawan karajaan. Ao' tajadi gampa bumi ka dume-dume tampat; ao' ani kalaparan. Diahta pamule-mule umpatn rasa anapm baranak.⁹ Namun, ngajagalah adupmu'. Sabab, ayoa' ao' nyarah imu' wa' pangadilan, ge' imu' ao' gatnmantokng ka sinagoge-sinagoge ge' imu' ao' agutn ka hadapan Sanhedrin ge' raja-raja karna Iko', sebage kasaksian ka ayoa'.¹⁰ Ge', Injil arus labih uru gatnngabar wa' smaan bangsa.¹¹ Ge', jangkah ayoa' minsakngmu' ge' nyarahmu', iya'ta kuater uru' nige' jai da arus mu' muji', tatapi muji'talah jai pun da gatnngarunia wa'imu' saat dakoh karna inya imu' da nyansana, malainkan Roh Kudus.¹² Ge', nyungan age ao' nyarah agea' ka pangkabis, ge' apa' wa' anak a'. Anak-anak ao' umpat malawan pangama ge' ngamis ayoa'.¹³ Ge', imu' ao' gatnrusi' kat smaan sok karna gaatn-Ko. Tapi, sok da tatap batahan sampe akhir ao'gatnnyalamat." Hal jahat da Nyabab Kahancuran¹⁴ "Namun, jangkah imu' mile' pambinasa keji agutn ka tampat da kati' saharusa' (ayo da maca aruslah ngarati), ayoa' da ani ka Yudea arus boho wa' pagunungan.¹⁵ Sok da madi' ka aro ramin iya' sosor ato maruh ka sadatn ramin ya' ngaluar jai pun umpatn sadatn ramina'.¹⁶ Ge', sok da madi' ka uma', iya' malik ya' naap jubaha'.¹⁷Calakata ayoa' da agi' batahi' ge' ayoa' da agi' nyusu kangot bayi a' wa' ano dakoh. ¹⁸ Badoata sapaya hal-hal diah kati' tajadi wa' musim panut.¹⁹ Sabab, wa' ano-ano dakoh ao' tajadi masa panderitaan da tinga suah tajadi umpat pamule panciptaan, da Tuhan nyipta sampe mati', ge' ti' ao' suah tajadi agi'. ²⁰ Ge', sa' Tuhan kati' nyingkat ano-ano dakoh, ti' ao' ani nyungan pun da gatnnyalamat. Tapi, ya' da gatnmilih, da nga Ni' milih, Ini' nyingkat ano-ano dakoh.²¹ Lakadakoh, sa' ani sok da nyansana wa'imu', 'Mile', Kristus ani kadiah!" Ato, 'Mile', Ini' ani ka teetn!" Iya' ta pacaya.²² Sabab, mesias-mesias palsu ge' nabi-nabi palsu ao' bangkit ge' nyua' tande-tande ge' kaajaiban-kaajaiban ya' nganyasat, sa' mungkin, bahkan ayo' sok pilihan.²³ Waspadamih! Iko' nga muji' smaan diah wa'imu' sabalum a'.²⁴ Namun, wa' ano-ano dakoh, ngalaka tajadi masa panderitaan ahyo, 'Matuano ao' jadi patakng, ge' buratn ti' ao' babalo.²⁵ Bintakng-bintakng ao' bajantu-jantu umpatn rangit, ge' kuasa-kuasa ka rangit ao' gatnna' nguncang." Pajutukng Anak Talino²⁶ "Lakadakoh, ayoa' ao' mile' Anak Talino utukng sadatn rahu' nige' kuasa ge' kamuliaan da ahyo.²⁷ Lalu, Ini' ao' ngutus malaikat-malaikat ge' ngumpur da gatnmilih umpatn apat arah matu nyaru, umpatn ujung-ujung bumi ge' ujung-ujung rangit.²⁸ "Balajarmih umpatn parumpamaan puutn ara; jangkah daatn-daatn a' nga rangut ge' dautn-dautna' mungkas, maka imu' pane bahwa musim jarah nga jiket.²⁹ Ladakoh uga' nige' imu', apabila imu' mile' hal-hal diah tajadi, pananemih bahwa Ini' nga jiket, ka muka pintu.³⁰ Iko' muji' da sabanara' wa'imu', katurunan diah ti' aobalalu sampe smaan diah tajadi.³¹ Rangit ge' bumi ao' balalu, tatapi firman-Ko ti' ao' suah balalu." Waspada ge' Bajaga-jagamih³² "Tapi, tentang ano ato jam dakoh, ti' ani nyungan pun da pane, ti' uga' malaikat-malaikat ka surga, Anak uga kati', duhutn Bapa.³³ Waspadamih, bajaga-jagata. Sabab, imu' ti' pane ngina anoa' ao' utukng.³⁴ Hal diah ulah sok da agi' anu bajalatn. Jangkah ini' ngagatn ramin ge' mangkatn kuasa ka palayan-palayana', masing-masing nige' karajea', ge' uga' ngadu panjaga pintu ya' tatap bajaga-jaga.³⁵ Karna dakoh, bajaga-jagamih karna imu' ti' pane ngina tuan ramin dakoh ao' utukng, ngarami ano, ato tuda' ngarum, ato ano siap mihu', ato pagi-pagi buta,³⁶ Iya' sampe ini' tiba-tiba utukng ge' amputmu' agi' buus.³⁷ Jai da Iko' muji' kimu' diah, Iko' muji' wa' smaan sok: 'Bajaga-jagamih!'"

Chapter 14

¹ Ari Raya Paskah ge' Ari Raya Roti Kati Baragih ao' utukng dua ano agi', imam-imam kapala ge' ahli-ahli Taurat agi' najo cara ya' naap Yesus nige' tipu muslihat ge' ngamis-A.² Sabab, ayoa' nyansana, "Iya' jangkah ari raya sapaya ti' ani kaributan ka antara rakyat." Yesus Gatnngangkabinyak nige' Narwastu³ Samantara Yesus ani ka Betania, ka ramin Simon si Kusta, jangkah agi' unyung ka meja paruman, utukngta nyungan mahu nige' nyabuah butol inek umpatn batu' pualam biatn binyak narwastu da murni ge' mahal. Ini' mucuh butol dakoh ge' nuntoknga' ka tumukng aba' Yesus.⁴ Tapi, ani bamani sok da nyansana samu ka adup a' nige' kesal, "Jailah mamburos binyak wangi ulah diah?⁵ Sabab, binyak dakoh kaatn gatnnyual 300 dinar labih ge' kaatn magia' wa' sok papa." Ge', ayoa pun baji ka mahu dakoh.⁶ Namun, Yesus nyansana, "Mambiar kini'. Jailah imu' nyusah ini'? Ini' nga umas parbuatan da bait ya'-Iko'.⁷ Sabab, sok papa ao' salalu ani samahu ayo kupm, ge' ngina pun imu' ituh, mu' kaatn umas parbuatan da bait ya' ayoa'. Tapi, imu' kati salalu samahu' nige' Iko'.⁸ Mahu diah ngalaka umas jai da ini' bisa. Ini' ngangkabinyak ungan-Ko labih uru ya' panyibur.⁹ Iko' muji' kimu' da sabanara', kadume Injil gatnngabar ka smaan-man dunia, jai da nga laka gatn mahu diah umas ao gatnmuji' sebage panyanuut wa' ini'." Rancana Yudas ya' Barhkianat¹⁰ Lakadakoh, Yudas Iskariot, salah satu umpatn kadua balas murid, anu wa' imam-imam kapala ya' nyarah Yesus ka ayoa'.¹¹ Jangkah ayoa' dangaha', ayoa' auhatn ate ge' bajanji mangkatn Yudas uang. Karna dakoh, Yudas najo kasampatan da bait ya' nyarah-A. Paruman Paskah¹² Wa' ano pamule Ari Raya Roti Kati' Baragih, jangkah ayoa' ngorban anak domba Paskah, ayo murid Yesus mansikatn wa'-Ini', "Kadumelah Akupm ngatte ngadu kai anu nyadia ya'-Dimu' paruman Paskah?"¹³ Lalu, Ini' ngadu dua ungan murid-A wa' ayoa', }Anumih ka kota, ge' nyungan are da agi' minsakng kandi da biatn paitn ao' amputmu'. Nganangta kini',¹⁴ ge' kadume saja ini' maruh, muji'lah wa' daumpu' ramin, 'Guru nyansana: Kadumelah uhakng tampatIko' kaatn uman Paskah samahu ayo murid-Ko?'¹⁵ Lalu, ini' ao' nyua' wa'imu' nyabuah uhakng ahyo ka lante samo da nga cukup alat ge' siap sadia. Nyiaptalah Paruman ya' ite' ka teetn."¹⁶ Lakadakoh, ayo murid anu ge' sampe ka kota. Ka teetn, ayoa' amput tapat ulah da Yesus muji' ka ayoa', lalu ayoa' nyiap Paskah.¹⁷ Jangkah ano ngarum, uukngta Yesus samahu ka dua balas murid.¹⁸ Ge', waktu ayoa' agi' unyung ge' uman, Yesus nyansana, "Iko' muji' da sabanara' kimu', ani nyungan umpat antara imu', da agi' uman samahu nige' Iko', ao' mangkhiati-Ko."¹⁹ Ayoa' mule gatn umas sedih ge' nyungan-nyungan muji' wa' Ini', "Pasti inya iko', kan?"²⁰ Yesus muji' wa' ayoa', "Ini' anilah salah satu umpatn dua balas murid, sok da nyihup roti samahu Iko' ka sadatn mangkok.²¹ Sabab, Anak Talino ao' anu, ulah da ngan laka tartulis tentang Ini', tatapi celakata sok da karna a' Anak Talino gatnhianati! Malah labih bait bagi sok dakoh sa' ini ti' suah gatnbaranak." Paringatan ao' Ungan ge' Daya' Kristus²² Jangkah ayoa' agi' uman, Yesus naap roti, ge' ngalaka mamberkat a', Ini' mata'-mata a' ge' mangkatna' wa' ayoa', gae nyansana, "Naapmih, diah ungan-Ko."²³ Ge', Ini' naap cawan, ge' ngucap syukur. Ini' mangkatna' wa' ayoa', ge' ayoa' smaan nyucur umpatn cawan dakoh.²⁴ Lalu, Yesus nyansana ka ayoa', "Diahta daya'-Ko', daya' parjanjian, da gaatn nuntokng ya' sok da karah.²⁵ Iko' muji' kimu' da sabanara, Iko' ti' ao' nyucur agi asel buah umpatn puutn anggur, sampe wa' ano jangkah Iko' ao' nyucur anggur da bahu wa' Karajaan Jabata."²⁶ Ngalaka ngado nyabuah lagu rohani, ayoa pun anu ka Bukit Zaitun. Murid-Murid Yesus ao' Ngagatn-Ini'²⁷ Lakadakoh, Yesus nyansana wa' ayoa', "Imu' smaan ao' ngagatn Iko', karna ani tartulis, 'Iko' ao' nyarang gambala, ge' domba-domba dakoh ao' tarcare-bare.'²⁸ Tapi, ngalaka Iko' gatnngabangkit, Iko' ao' anu ka Galilea nyantulu' imu'." ²⁹ Namun, Petrus nyansana wa'-Ini', "Sakalipun ayoa' smaan ngagatn-mu', tatapi iko' kati'."³⁰ Ge', Yesus nyansana wa'ini', "Iko' muji' da sabanara' kimu', ngarum diah, katinga siap ngankuak dua kali, imu' ao' nyangkal Iko' taru kali."³¹ Tapi, Petrus bakaras naham, "Sakalipun iko' arus kabis samahu Akupm, iko' ti' ao' nyangkal Akupm!" Ge', ayoa smaan muji' samu dakoh uga'. Yesus ka Taman Getsemani³² Lakadakoh, utukngta ayoa' ka nyabuah tampat da bagaatn Getsemani, ge' Ini' nyansana wa' ayo murid-A, "Unyungta ka diah samantara Iko' badoa."³³ Ge', Ini' minsakng Petrus, ge' Yakobus, ge' Yohanes samahu-A, ge' mule ngajadi aru buut ge' tartakan.³⁴ Lalu, waatn-A ka ayoa', "Jiwa-Ko aru tao sedih, ulah ngatte kabis. Madi'ta kadiah ge' bajaga-jagamih."³⁵ Maka, ngalaka nyingah adup-A, Ini' basujud ka tumukng tana ge' badoa, sa' mungkin, no dakoh balalu umpatn Ini'.³⁶ Ge', Ini' nyansana, "Sama', sagala tarutn mungkin bagi-Imu'. Naaplah cawan diah umpay-Iko. Namun, inya jai da Iko' ngatte, malainkan jai da Akupm ngatte."³⁷ Lakadakoh, Ini' utukng agi' ge' amput ayo murid-A agi' buus, ge' Ini' nyansana wa Petrus, "Simon. jailah imu' buus? Ti' aba' a' imu' bajaga-jaga salama nyajam?³⁸ Bajaga-jagamih ge' badoa sapaya imu' ti' jantu ka sadatn pancubaan. Roh memang panurut, tatapi dagin lamah."³⁹ Ge' agi', Ini' anu ge' badoa nige muji' sarat da samu'.⁴⁰ ge' agi, Ini' utukng ge' amput ayoa' agi buus karna matu' ayoa' bahat kuat, ge' ayoa' ti' pane arus naham langkina wa'-Ini.⁴¹ Ngalaka dakoh, Yesus utukng ya' kataru kalia' ge' nyansana wa' ayoa', "Imu' masih buus ge' baristirahat? Cukup, anoa' nga utukng. Mile', Anak Talino gatnnyarah ka barekng ayo sok baduse.⁴² Umpatmih, kai ite' anu. Mile', da nyarah Iko' nga mangkin jiket." Yesus gatnnaap⁴³ Segra ngalaka dakoh, samantara Yesus maseh nyansana, Yudas, da nyungan umpatn kadua balas murid, utukng samahu sok karah nige' padang ge' pamantokng, gatn ayo imam kapala, ayo ahli Taurat ge' ama-ama bangsa Yahudi ngutus.⁴⁴ Ini' da nyaraha' nga mangkatn ayoa' nyabuah tande, waatna', "Sok da ao' ko' nyium Ini'talah Oranga'. Nangkap Kini' ge' minsakng Ini' anu ka sadatn pangawasan."⁴⁵ Ge', jangkah Yudas sampe, ini' segra ngajiket Yesus ge' nyansana, "Rabi!" Llalu, nyium Yesus.⁴⁶ Lakadakoh, ayoa' minte Yesus ge' nangkap-A.⁴⁷ Namun, salah satu umpatn ayoa' da agutn, nubut padanga' ge' nyarang palayan Imam Ahyo, lalu nyantak rajak a'.⁴⁸ Ge', Yesus nyansana wa' ayoa', "Anita imu' utukng nige' padang ge' pamantokng ya' nangkap Iko' ulah nyungan parampok?⁴⁹ Bilakng kano, Iko' samahu nige'mu' ka Bait Jabata gae mangajar, tatapi imu' ti nangkap Iko'. Namun, hal diah tajadi sapaya Kitab Suci kaatn gatnganapi."⁵⁰ Lakadakoh, smaan ayoa' ngagatn-A ge' talama' boho.⁵¹ Ani nyungan bujakng nganang Yesus, hanya ngiak saput lenan wa' ungana'. Ge', ayoa' nangkap a', ⁵² tatapi ini' ngagatn saput lenan dakoh ge' talama' adupa' nige' ugakng. Pamimpin Yahudi Manghakimi Yesus⁵³ Lakadakoh, ayoa' minsakng Yesus wa' Imam Ahyo. Ge', smaan imam kapala, ge' ama-ama, ge' ayo ahli Taurat bakumpur samahu.⁵⁴ Ge', Petrus nganang Yesus umpatn jauh, sampe ka kalangan ramin Imam Ahyo. Ka teetn, ini' unyung samahu ayo pangawal gae ngadadakng adup ka tungko.⁵⁵Ayo' Imam Kapala ge' smaan Mahkamah Agama trus najo kasaksian ya' malawan Yesus sapaya ayoa' kaatn ngamis-A, tatapi ayoa' ti' amput jai-jai.⁵⁶ Sabab, karah sok mangkatn kasaksial palsu ya' malawan-A, tatapi kasaksian ayoa' ti' sasue nyungan ge' da laitna'.⁵⁷ Lakadakoh, nyamani sok da agutn ge' mangkatn kasaksian palsu ya' malawan Yesus, waatna', ⁵⁸ "Kai dangah Ini' nyansana, 'Iko' ao' ngaruruh Bait Jabata da barekng talino umas, ge' sadatn taru ano, Iko' ao' mantagutn da laitna', da ti' gatn barekng umas."⁵⁹ Namun, ya' hal diah pun kasaksian ayoa' ti' sasue nyungan ge' da laitna'.⁶⁰ Lalu, Imam Ahyo agutn ka tuda'-tuda' ayoa' ge' mansikatn wa' Yesus, "Ania Akupm kati' tuh naham ayo sok da basaksi malawan-Mu'?"⁶¹ Tapi, Ini' tatap tunguh ge' ti' naham. Imam Ahyo mansikatn agi' wa' Yesus ge' nyansana, "Ania Akupm Mesias, Anak Jabata da Tarpuji?"⁶² Ge;, Yesus muji', "Iko'talah Ini', ge' imu' ao' mile'vAnak Talino unyung ka suutn sentao' Da Mahakuasa ge' utukng samahu nige' rahu'-rahu' ka rangit."⁶³ Lalu, gae ngarara' jubaha', Imam Ahyo nyansana, "Jailah ite' maseh palalu saksi agi'?⁶⁴ Imu' ngalaka dangah hujatan. Jai kaputusanmu?" Ge', ayoa' smaan manghukum-A nige' hukuman kabis.⁶⁵ Nyamani sok mule ngaruja' Ini', ge' nutup muka-A, ge' ninggu-A, ge' nyansana wa'ini', "Barnubuatmih!" Ayo pangawal nyamut-A nige' nampar-A. Petrus Kati' Ngako Yesus⁶⁶ Ge', samantara Petrus maseh ani ka saroh kalangan ramin Imam Ahyo, nyungan umpatn palayan mahu Imam Ahyo utukng.⁶⁷ Ge', mile' Petrus agi' ngadadakng adupa', palayan dakoh nyantununga'ge' nyansana, "Imu' uga' samahu Yesus, Sok Nazaret dakoh."⁶⁸ Namun, Petrus nyangkal gae nyansana,"Iko' ti'pane ge' kati' ngarati jai da imu' nyana." Lalu, ini' anu ka pintu garbang, ge' siap abakng ngangkua'.⁶⁹ Palayan mahu dakoh mile' Petrus nyakali agi' ge' mule nyansana agi wa ayo sok da agutn, "Sok diah anilah salah satu umpatn ayoa'."⁷⁰ Tapi, Ini' nyangkala' agi'. Ge', ti tuhi' lakadakoh, ayo sok agutn nyansana agi' wa' Petrus, "Imu' pasti salah satu umpatn ayoa' karna imu' uga' sok Galilea."⁷¹ Namun, Ini' mule mangutul ge' basumpah, "Iko' ti' kanal Sok da Imu' muji' dakoh!⁷² Segra, siap abakng ngangkua' ya' kadua kalia ge' Petrus sanuut ao' jai da nga Yesus muji' kini', "Katinga siap abakng ngangkua' dua kali, imu' ao' nyangkal Iko' taru kali," Lalu, Petrus kati' kaatn nahan unse a'.

Chapter 15

¹ Ano maseh baru ngakkap, ayo imam kapala umas nyabuah parundingan nige' ayo ama-ama, ge' ayo ahli Taurat, ge' uga' smaan Sanhedrin. Ge' , ayoa' ningo' Yesus, minsakng-A wa' Pilatus.² Lalu, Pilatis mansikatn wa'-Ini', "Anita Akupm Raja sok Yahudi?" Ge', Ini' nahama', "Akupm da muji' a'."³ Ngalaka dakoh, ayo imam kapala ti' madi-madi manuduh Yesus.⁴ Ge', Pilatus mansikatn agi' wa'-Ini', "Anita imu' kati' nahama? Mile', mani karah tuduhan ayoa' ya' malawan-Mu'."⁵ Tapi. Yesus ti' agi' naham singge Pilatus heran. Yesus ge' Barabas⁶ Wa' ano Raya Paskah, Pilatus biasa a' ngarapas bagi ayoa' nyungan tahanan da ayoa' mahi'.⁷ Ge', ani nyungan da bagaatn Barabas nga gatnnahan samahu ayo pambarontak da ngamis sadatn pambarontakana',⁸ Sok karah utukng ge' mule mahi ka Pilatus ya' umas ulah kabiasaan da ini' umas bagi ayoa'.⁹ Ge', Pilatus naham ayoa' nige' nyansana, "Anita imu' ituh supaya iko' ngarapas ya'dimu' Raja sok Yahudi diah?"¹⁰ Sabab, ini' pane bahwa ayo imam kapala nga nyarah Yesus karna iri ate.¹¹ Tapi, ayo imam kapala malah mampangaruhi Barabas.¹² Lalu, Piltus nyansana agi' ka ayoa', "Jadi, jai da arus iko' umas nige' Sok da imu; muji' Raja sok Yahudi diah?"¹³ Ge', ayoa' ngampak-ngampak agi, "Salibkanta Kini'!"¹⁴ Lakadakoh, Pilatus nyansana wa' ayoa', "Kajai? Kajahatan jai da laka' Ini' umas?"Namun, ayoa mangkin karas agi' ngampak-ngampak, "Nyalibta Ini'!"¹⁵Karna ngatte muas ate sok karah, Pilatus ngarapas Barabas ya' ayoa', ge' ngalaka nyambuk Yesus, ini' nyarah-A ya' gatnnyalib. Yesus Gatnngolok ge' Gatnnyiksa¹⁶ Ge', ayo prajurit minsakng Yesus maruh ka istana, kohta gedung pangadilan, ge' ayoa' maba' smaan pasukan bakumpur.¹⁷ Lalu, ayoa' nakkat-A jubah ungu, ge' ngalaka nganyam nyabuah mahkota da baunak, ayoa' nakkat a' wa' Yesus.¹⁸ Lakadakoh, ayoa' mule nyampe salam wa'-Ini', "Salam, Raja sok Yahudi!"¹⁹ Ge',ayoa' mukol abak-A nige' nyabuah tarekng ge' ngaruja'-A, lalu sujud nyambah-A.²⁰ Ngalaka ayoa' ngolok-ngolok Yesus, ayoa' muka' jubah ungu Yesus, ge' nakkat pangiak Adup-A . Lalu, ayoa' minsakng Yesus mungkas ya' nyalib-A. Panyaliban Yesus²¹ Ge', ayoa' makse sok da agi lewat, Simon sok Kirene, da agi' utukng umpatn desa, apa' umpatn Aleksander ge' Rufus, ya' mikul salib-A.²² Lalu, ayoa' minsakng Yesus ka tampat da bagaatn Golgota, da ratia "Tampat Tangkorak".²³ Ayoa' mangkatn-A anggur bacampur mur, tatapi Ini' kati' naap a'.²⁴ Lakadakoh, ayoa' nyalib Ini' ge' magi-magi pangiak-A ka antara ayoa', gae nyangkahatn undi ya' nantu bagian dume da kaatn gatnnaap kat masing-masing.²⁵ Ge', no' dakoh jam kataru jangkah ayoa' nyalib-A.²⁶ Ge', tulisan manganai tuduhan tarhadap Yesus tartulis, "Raja Sok Yahudi."²⁷ Lalu, ayoa' nyalib dua sok parampok sahahu nige'-Ini', nyungan wa' suutn sentao'-A ge' da nyungan ka suutn sengkiri'-A.²⁸ Jadi, gatnngaganapta Kitab Suci da muji', "Ge', Ini' gatnngitong ka antara ayo sok durhaka."²⁹ Lakadakoh, sok da lewat manghujat Yesus gae geleng aba' ayoa' ge' nyansana, "Hei! Akupm da ao' ngaruruh Bait Jabata ge' mantagut a' agi' sadatn taru ano,³⁰ nyalamatmih adup-Mu sadi' ge' sosormih umpatn salib!"³¹ Ladakoh uga' ayo imam kapala, samahu nige' ayo' ahli Taurat,manghina Yesus nige' nyansana samu' ka adup a', "Ini' nyalamat sok laitn, tatapi nyalamat adup-A ti' aba'!³² Teaklah Mesias, Sang Raja Israel, mati' sosor umpatn salib sapaya ite' kaatn mile' ge' pacaya." Ayoa' da gatnnyalib samahu nige' Yesus uga' mancela Ini'. Pangkabis Yesus³³Ano nga jam kainum, tajadi kagalapan ka smaan tana dakoh sampe ka jam pire.³⁴ Nga jam pire Yesus ngampak nige saratn da kuat, da ratia' "Jabata-Ko, Jabata-Ko, Jai Akupm ngagatn Ko³⁵Ge', ngalaka ngadangaha', nyamani sok da agutn ka jiket~A nyansana,''Mile'! Ini' maba' Elia.''³⁶ Lalu, danyungana talama', ge' nyise' nyabuah busa nige' anggur masum, ge' mana'a' ka nyiteng tarekng, ge' mangkatna' wa' Yesus ya' nyucur, "Te' ile' ta ania Elia ao' utukng ya' nyosor-A."³⁷ Lakadakoh, Yesus ngampak nige' saratn da kuat ge' ngampoh singat tarakhir-A.³⁸ No dakoh, tirai Bait Jabata tarara' ngajadi dua, umpatn samo' sampe ka saroh.³⁹ Ge', jangkah kapala pasukan, da agutn nura' Yesus, mile' langkina Yesus ngampoh singat tarakhir-A, ini' nyansana, "Batolta, sok diah anilah Anak Jabata!"⁴⁰ Ka teetn uga' ani nyamani mahu' da mile' umpatn jauh, ka antara ayoa' ani Maria Magdalena, ge' Maria ama' Yakobus Angot ge' Yohanes, ge' uga Salome.⁴¹ Jangkah Yesus ani ka rappo Galilea, ayoa' nganang Ini' ge' malayan Ini'. Ge', ka teetn ani karah mahu laitna' da utukng samahu Yesus ka Yerusalem. Yesus Gatnnyibur⁴² Jangkah ano nga ngarum, karna hal dakoh anilah Ano Parsiapan kohta ano katinga ano Sabat, ⁴³ Yusuf sok Arematea utukng, nyungan umpatn anggota Majelis Ahyo da gatnhormati, da adup a' uga nganti-anti pajutukng Karajaan Jabata, magatn adup a' ge' anu wa' Pilatus ge' mahi' bangke Yesus.⁴⁴Pilatus takajut danga bahwa Yesus nga kabis, ini' maba' kapala pasukan ge' mansikatn kini', anita Yesus nga kabis.⁴⁵Ngalaka Pilatus pane umpatn kapala pasukan, ini' mangkatn bangke dakoh wa' Yususf.⁴⁶ Ge', Yusuf mari saput linen ge' nyosor bangke dakoh, ngalaka mungkus-A sadatn saput lenan dakoh, ini' ngagurikng-A ka sadatn sibur da gatnngari' ka talidi batu'. Ge', ini' mambarikng nyabuah batu' ka pintu maruh sibur dakoh.⁴⁷ Maria Magdalena ge' Maria ama' Yoses mile' tampat bangke Yesus gatnmagurikng.

Chapter 16

¹ Ge', jangkah ano Sabat ngalaka, Maria Magdalena, Maria ama' Yakobus, ge' Salome, ngalaka mari rampah-rampah singge ayoa kaatn anu ya' mangkabinyak Yesus.² Baru muka asat, wa' ano pamule minggu dakoh, jangkah matuano muncol, ayoa' anu wa' sibur.³ Ayoa' nyansana nyungan ge' da laitn, "Asilah da nginsit batu' umpatn pintu maruh sibur dakoh?"⁴ Namun, ngalaka nyantunung ka samo, ayoa' mile' batu da diu' ahyo dakoh ngalaka gatnnginsit.⁵ Ge', ngalaka maruh ka sadatn sibur, ayoa' mile' nyungan bujakng da ngiak saput ranakng agi unyung ka suhutn sentao', ge' ayoa' takajut.⁶ Lalu, ini' nyansana wa' ayoa', "Iya' takajut, imu' najo Yesus sok Nazaret da nga gatnnyalib. Ini' nga bangkit. Ini' kati' ani kadiah. Mile' tampat ayoa' magurik-A.⁷ Tapi, anumih, muji' wa' ayo murid-A ge' wa' Petrus bahwa Ini' agi' nyantulu' imu' ka Galilea. Ka teetn, imu' ao' badaput ge' Ini', ulah da nga Ini' muji' wa imu'."⁸ Lakadakoh, ayoa' mungkas ge' talama' adup a' umpatn sibur dakoh karna ayoa' bakutur ge' heran, ge' ayoa' kati' muji' jai-jai wa' asi pun karna ayoa' batol buut. [Ge', jai pun tarutn da nga gatnngadu ya' ayoa' nyampe wa' Petrus ge' kawan-kawan a', ayoa' nyampe nige' singkat. Ngalaka dakoh, Yesus sadi'ta da ngutus ayoa' umpatn Timur sampe ka Barat, ya' nyampe agah da kudus ge' da kati' kaatn binasa manganai keselamatan kekal. Amin] Yesus Nyua' Adup-A wa' Murid-Murid-A⁹ Jangkah Yesus bangkit asat-asat wa' ano pamule minggu dakoh, Ini' partama-tama muncol wa' Maria Magdalena da umpatn ini' Yesus suah nguser ijo' roh jahat.¹⁰ Lalu, ini' anu ge' mangkatnpane wa' ayoa' da nga samahu nige' Yesus, samantara ayoa' agi' sedih ge' munse'.¹¹ Ge, jangkah ayoa' dangah bahwa Yesus idup ge' nga gatna' mile', yoa' kati' pacaya.¹² Ngalaka kajadian dakoh, Yesus uga' utukng sadatn bantuk da laitn wa' dua ungan umpatn ayoa' da agi' bajalatn nuju ka desa.¹³ Lalu, ayoa' malik ge' muji' wa' da laitna', tatapi da laitna' dakoh uga' kati' macaya ayoa'. Yesus Nyansana wa' Ayo Murid-A¹⁴ Ngalaka dakoh, Ini' sadi' muncol wa' dasabalas murid-A jangkah ayoa' agi' unyung ge' uman ge' Ini' nagor ayoa' karna kakati'pacayaan ge' kakarasan ate ayoa'. Sabab, ayoa' kati' pacaya wa' ayo sok da nga mile'-A ngalaka Ini' bangkit.¹⁵ Ge', Ini' nyansana wa' ayoa', "Anumih ka sman-man dunia ge' ngabarta Injil wa' smaan ciptaan.¹⁶ Asi da nga pacaya ge' ngalaka gatnbaptis ao' gatn nyalamat, tatapi asi da kati' pacaya ao' gatnukum.¹⁷ Ge, tande-tande diah ao' nganang ayoa' da pacaya: Sadatn gaatn-Ko ayoa' ao' nguser roh-roh jahat; ayoa ao' nyansana sadatn bahasa-bahasa bahu'; ¹⁸ ayoa' ao' minte nipa' nige' barekng ayoa'; ge' sa' ayoa' nyucur tuba da aba' ngamis, hal dakoh kati' ao' ngamisa'; ayoa' ao' mana' barekng ayoa' tumukng ayo sok da anapm, ge' ayo sok dakoh ao' auhatn." Yesus Tarantatn ka Surga¹⁹ Lalu, ngalaka Tuhan muji a' wa' ayoa', Ini' tarantatn ka surga ge' unyung ka suhutn sentao' Jabata.²⁰ Lalu, ayoa' anu ge' bakotbah ka dume-ume, samantara Tuhan bakaraje samahu ayoa' ge' nguat firman-A nabo' tande-tande da ngananga'.

Luke

Chapter 1

¹ Nga karah sok barusaha nyusun nyabuah catatan manganai peristiwa-peristiwa da nga tajadi ka tuda'-tuda' ite', ² ulah hal a' catatan da nga gatnnyampe wa' ite' kat ayo sok da umpatn mule a' nga jadi saksi matu' ge' pangabar Firman .³ Karna iko' nga mempelajari smaan a' nige' teliti umpatn mule a', baitta iko' uga' nganulis a' nige cara tarator bagimu', he Teofilus da mulia, ⁴ supaya akupm panane kebenaran manganai hal-hal da nga gatnngajar wa'imu'. Mangkatnpane manganai Yohanes Pambaptis⁵ Wa' masa pamerintahan Herodes, Raja Yudea, ani nyungan sok imam bagaatn Zakharia da baasal umpatn kalumpok imam Abia. Sautn a' barasal umpatn katurunan Harun, ge' gaatn a' Elisabet.⁶ Zakharia ge' Elisabet anilah ayo sok da taman ka matu' Jabata. Ayoa' idup ti' bacela sasue nige' smaan hukum ge' parintah Tuhan.⁷ Tapi, ayoa' kati' ani anak karna Elisabet mandul ge' kadua a' nga aru ama.⁸ Jangkah utukng giliran rombongan ya' batugas, Zakaria kaatn tugas ya' jadi imam ka hadapan Jabata.⁹ Manurut kabiasaan imam, Zakharia gatnmilih sasue nige' undian ya' maruh ka Bait Jabata ge' nyahung ukupan.¹⁰ Jangkah ukupan gatn mamparsambah, smaan umat badoa ka sato.¹¹ Tiba-tiba, Malaikat Tuhan nyua' umpua' wa' Zakharia ge' agutn ka bagian sentao' altar ukupan.¹² Jangkah mile' malaikat daloh, Zakharia jadi aru buut a'. ¹³ Tapi, malaikat dakoh nyansana wa' ini', "Iya' buut , Zakaria, sabab doa parmohonanmu' nga gatn dangah. Sautnmu', Elisabet, ao' baranak nyungan anak are bagimu' ge' imu' ao' magaatn a' Yohanes.¹⁴ Imu' ao' basukacita ge' bagembira, ge' karah sok uga' ao' nganang basukacita karna kalahiran a'.¹⁵ Ini' ao' jadi ahyo ka hadapan Tuhan ge' kati' ao' nyucur anggur ato nyucur paitn karas laitn a'. Malahan, mule umpatn sadatn putukng sino' a' ini nga gatn panhu nige' Roh Kudus.¹⁶ Ini' ao' umas karah sok Israel babalik ka Tuhan Jabata ayoa'.¹⁷ Ini' ao' nyantulu' Tuhan nige' roh ge' kuasa Elia, ya' umas ate sama'-sama' babalik wa' anak-anak ayoa'. Ini' uga ao' umas ayo sok da kati' taat ya' babalik ka hikmat ayo sok taman, nige' ladakoh, ini' nyiap umat da laka gatn nyadia bagi Tuhan."¹⁸ Zakharia nyansana wa' malaikat dakoh, "Langkina iko' ao' panane manganai hal diah? Sabab, iko' diah nga ama ge' sautnko' uga' nga lanjut usia."¹⁹ Malaikat dakoh naham, "Iko' anilah Gabriel, malaikat da agutn ka hadapan Jabata. Iko. gatnutus ya' nyansana nige'imu' ge' nyampe kabar bait diah wa'imu'. ²⁰ Namun, mati' dangahta! Imu' ao' jadi awa' ge' kati' kaatn nyansana sampe wa' ano jangkah hal-hal diah tajadi karna imu' kati' pacaya wa' saratnko', da ao' gatngenapi wa' ano a'."²¹ Samantara dakoh, umat nganti Zakharia. Ayoa' pansikatn-sikatn ka' jai Zakharia madi' tuhi' tao' ka sadatn Bait Jabata.²² Jangkah mungkas, Zakharia kati' kaatn nyansana wa' ayoa'. Ayoa' pun pane bahwa Zakharia nga kaatn pamile' ka sadatn Bait Jabata sabab ini' terus-terusan umas kode wa' ayoa', tapi kati' kaatn nyansana.²³ Ngalaka masa tugas kaimaman a' abas, ure'talah Zakharia ka ramin a'.²⁴ Ngalaka peristiwa dakoh, Elisabet batahi' ge' nyukatn umpu' a' salama rima buratn. Ini' nyansana, ²⁵ "Diahta da nga Tuhan umas wa'iko'. Ini' mamparhati iko' ge' ngapus mangunko' umpatn antara sok karah." Kabar manganai Yesus Kristus²⁶ Wa' ano umur tahi' Elisabet baumur inum buratn, Jabata ngutus malaikat Gabriel ka nyabuah kota ka wilayah Galilea, da bagaatn Nazaret.²⁷ Ini' gatnngutus ya' amput nyungan sok culong da batunang nige' nyungan sok are da bagaatn Yusuf, katurunan Daud. Gaatn culong dakoh diu'ta lah Maria.²⁸ Lalu, malaikat dakoh utukng wa' Maria ge' nyansana, "Salam, he akupm da gatnmemberkat! Tuhan samahumu'."²⁹ Dangah saratn dakoh, Maria jadi heran. Ini' pansikatn-sikatn ka sadatn ate a' manganai rati salam dakoh.³⁰ Malaikat dakoh nyansana wa'ini', "Iya' buut, Maria, karna Jabata nga mangkatn kasih karunia-A wa'imu'.³¹ Dangahmih, imu' ao' batahi' ge' ao' baranak nyungan Anak are, ge' imu' ao' magaatn-A Yesus.³² Ini' ao' jadi ahyo ge' ao' gatnmaba' Anak Jabata Da Mahanyamo. Tuhan Jabata ao' mangkatn-A tahta Daud, nenek moyang-A.³³ Ini' ao' memerintah ka samo katurunan Yakub ya' salama-lama a' ge' kerajaan-A kati' ao' suah abas."³⁴ Lalu, Maria nyansana wa' malaikat dakoh, "Langkina hal diah ao' tajadi sadangkan iko' tinga babanun?"³⁵ Malaikat dakoh naham ge' nyansana wa'ini', "Roh Kudus ao' utukng wa' imu' ge' kuasa Jabata Da Mahanyamo ao' ngalookngmu'. Kohtalah sabab a', Anak da ao' gatn baranak dakoh diu't kudus ge' ao' gatn magaatn Anak Jabata.³⁶ Ge', pananelah bahwa Elisabet, agemu dakoh, agi' ngandong uga' wa' umur a' da nga ama. Ini' da uru' gatn muji' mandul, mati' nga batahi' salama inum buratn.³⁷ Sabab, kati' ani hal da mustahil bagi Jabata."³⁸ Ge', Maria nyansana, "Sasungguh a' iko' diah hamba Tuhan. Tajadilah wa'iko' ulah da imu' muji' dakoh." Lakadakoh, malaikat dakoh anu ngagatn a'. Maria Nganto ka Elisabet³⁹ Wa' ano-ano dakoh, Maria basiap-siap ya' capat-capat anu ka daerah pagunungan, ka nyabuah kota ka Yehuda.⁴⁰ Ini' maruh ka ramin Zakaria ge' mangkatn salam wa' Elisabet.⁴¹ Jangkah Elisabet ngadangah salam umpatn Maria, anak ka sadatn kandongan a' maluncat ge' Elisabet panhu nige' Roh Kudus.⁴² Lakadakoh Elisabet ngampak nige' suara ahyo, "Gatnberkatlah imu' ka antara smaan mahu, ge' gatnberkatlah buah kandonganmu'.⁴³ Asilah iko' diah singge sino' Tuhanko utukng wa' iko'?⁴⁴ Diu', jangkah saratn salammu' sampe ka rajakko', anak sadatn kandonganko' maloncat karna auhatnate. Bahagialah ini' da pacaya wa' jai da gatn Tuhan muji' wa'ini' ao' gatngenapi." Pujian Maria ya' Jabata⁴⁶ Lalu, nyansanalah Maria, "Jiwako' mamulia Jabata, ⁴⁷ ge' Rohko' basukacita ka sadatn Jabata, Juru Salamatko'.⁴⁸ Sabab, Jabata nga mamperitong hamba-A da hina dia. Dangahlah, mule mati' ge' seterus a', smaan katurunan ao' magaatnko' babahagia.⁴⁹ Karna Ini' Da Mahakuasa nga umas hal-hal da ahyo wa'iko', ge' kuduslah gaatn-A.⁵⁰ Rahmat-A gatnmangkatn umpatn katurunan ka katurunan, wa' ayo sok da buut ka Ini'.⁵¹ Ini' nga nyua' kuasa-A nige' barekng-A. Ini' mancare-bare ayo sok da sumbong sadatn pikir ge' ate a'.⁵² Ini' nurun ayo panguasa umpatn tahta ayoa', ge' ngangkanyamo ayo sok da randah ate.⁵³ Ini' nga ngankabasoh sok da saburuk nige' da bait, tapi nguser sok kaya anu nige' barekng da kusong.⁵⁴ Jabata nga mangkatn partolongan wa' Israel, hamba-A, karna ngingat rahmat-A.⁵⁵ Samunige' da nga Ini' muji' wa' nenek moyang ite', wa' Abraham ge' katurunan a' ya'salama-lama a'.⁵⁶ Ge', Maria madi' samahu Elisabet kira-kira taru buratn tuhi a', lalu ini' ure' ka ramin a'. Yohanes Pambaptis Gatnbaranak⁵⁷ Mati' utukngta waktu a' ya' Elisabet baranak ge' ini' baranak nyungan anak are. ⁵⁸ Ayo baat ge' kalerga a' ngadangah bahwa Tuhan nga nyua' rahmat-A da ahyo wa' Elisabet, ge' ayoa' samu-samu basukacita nige' ini'.⁵⁹ Wa' ano da kamahi', ayoa' utukng ya' nganurih anak dakoh. Ayoa' ngate magaatn anak dakoh Zakaria, ulah gaatn sama' a'.⁶⁰ Tapi, sino' a nyansana, "Kati', ini' ao' gatnmagaatn Yohanes."⁶¹ Ayo sok dakoh nyansana wa' Elisabet, "Kati' ani nyungan pun ka antara ayo agemu' da gatnmagaatn nige' gaatn dakoh."⁶² Lakadakoh, Ayoa' mangkatn kode wa' Zakharia ya' mansikatn wa'ini', gaatn jai da ngate gatnmangkatn wa' anak a' dakoh.⁶³ Zakharia mahi nyabuah papan tulis, ge' nulis ulah diah:"Gaatn a' Yohanes." Ge', smaan sok jadi heran.⁶⁴ Nodakoh uga', baba' Zakharia tabuka ge' rata' a' tabebas. Ini' pun mule nyansana ge' muji Jabata.⁶⁵ Smaan baat ayoa' jadi buut ge' kajadian diah jadi bahan umongan ka smaan desa apar Yudea.⁶⁶ Ge', smaan sok da ngadangah hal diah pansikatn-sikatn sadatn ate ayoa', "Ao' jadi jailah anak dakoh jana? Sabab, barekng Tuhan samahua'. Zakharia Ngamulia Jabata⁶⁷ Zakharia, sama' Yohanes, uga' gatn panhu nige' Roh Kudus ge' banubuat waatn a',⁶⁸ "Tapujilah Tuhan, Jabata Israel sabab Ini' nga melawat ge' nabos umat-A.⁶⁹ Ini' nga ngangkanyamo tanduk kasalamatan ya' ite' umpatn katurunan Daud, hamba-A,⁷⁰ ulah firman Ini' da muji' nabo' baba' nabi-A da kudus mule dari idu' maan⁷¹ supaya ite' gatnnyalamat umpatn munsu-munsu ite', ge' umpatn barekng sok da ngarusi ite'.⁷² Ini' melaku a' ya' nyua' rahmat wa' nenek moyang ite', ge' karna Ini' ingat ao' pajanjian-A da kudus, ⁷³ kohta sumpah da Ini' muji' wa' nenek moyang ite', Abraham, ⁷⁴bahwa ite' ao' gatnmambebas umpatn barekng munsuh-munsuh ite' supaya ite' kaatn malayan-A tampa rasa buut,⁷⁵ sadatn kakudusan ge' kabenaran ka hadapan-A, seumur idup ite'.⁷⁶ Ge' imu', anakko', ao' gatnmuji' nabi Jabata Da Mahanyamo, sabab imu' ao' bajalatn nyantulu'Tuhan, ya' nyiap gala' bagi-Ini'.⁷⁷ Ya' mangkatn pangaratian tentang kaselamatan wa umat-A nabo' panganpunan atas duse-duse ayoa'.⁷⁸ Karna rahmat ge' pamase' Jabata ite', balo matu ano ao' nugo ite' umpatn tampat da nyamo⁷⁹ ya' nugo' ayoa' da madi sadatn tampat da galap ge' da madi' sadatn gaya-gaya maut, ya' ngirikng kaja' ite' ka gala' damai sejahtera."⁸⁰ Maka, kangot dakoh makkat mangkin ahyo, ge' mangkin kuat ka sadatn roh. Ini' madi' ka padang balantara sampe utukng waktu a' ya' nyua' adup wa' bangsa Israel.

Chapter 2

¹ Wa' ano dakoh, Kaisar Agustus ngaluar perintah supaya gatn umas sensus ka' smaan penduduk ka dunia.² Diahlah sensus da partama kali gatn umas jangkah Kirenius jadi gubernur ka Siria. ³ Maka, smaan sok ure' ka kota asal ayoa' masing-masing ya' mandaftar adup a'.⁴ Yusuf uga' ngagatn Nazaret, kota ka Galilea, ge' nuju' Yudea, ka kota Daud da gatnmuji' Betlehem, karna ini' baasal umpatn katurunan Daud, ⁵ supaya ini' gatndaftar samahu nige' Maria, tunangan a', da agi' batahi'.⁶ Jangkah Yusuf ge' Maria ani ka Betlehem, utukngta waktu ini' ya' baranak.⁷ Maria pun baranak Anak are da partama. Ini' mungkus -A nige' saput lampin ge' magurikng-A ka sadatn palungan karna kati' ani kamar ya' ayoa' ya' bangarum. Ayo Gembala Mile' Kangot Yesus⁸ Ka' daerah da samu', ani nyamani gembala da madi' ka padang da ngajaga kubu' domba ayoa' wa' ano ngarum.⁹ Tiba-tiba, makaikat Tuhan agutn ka tura' ayoa' ge' kamuliaan Tuhan babalo ka nyangkalilikng ayoa' singga ayoa' aru buut.¹⁰ Tapi, malaikat dakoh nyansana wa' ayoa', "Iya' buut sabab dangahnih, Iko' ngagah wa' imu' agah da bait tentang sukacita da ahyo da gatn mangkatn ya' smaan bangsa.¹¹ Wa' ano' diah, nga gatnbaranak bagimu' nyungan Juru Salamat, kohta Kristus, Tuhan, ka kota Daud.¹² Diahta tande bagi imu': Imu' ao' amput Kangot da gatn mungkus nige' saput lampin ge' da gurikng sadatn dulakng.¹³ Tiba-tiba, tile'ta samahu-mahu malaikat dakoh nyakubu' ahyo sardadu surgawi da muji Jabata ge' nyansana,¹⁴ "Kamuliaan bagi Jabata ka tampat da mahanyamo ge' damai sejahtera ka bumi, ka antara ayo sok da berkenan wa'-Ini'."¹⁵ Jangkah ayo malaikat ngagatn ayo gembala dakoh ge' ure' ka surga, ayo gembala dakoh nyansana nyungan wa' da laitn, "Kaeh ite' ka Betlehem ya' mile' hal-hal da nga tajadi diah, da nga Tuhan muji' wa' ite."¹⁶ Lalu, ayoa' talama' anu ge' amput Maria ge' Yusuf, ge' nige' Kangot da gurikng ka dulakng.¹⁷ Jangkah ayo gembala mile' Ini', ayoa' nyarita saratn da nga gatnmuji' wa' ayoa' tentang Anak dakoh.¹⁸ Ge', smaan sok da dangah hal dakoh heran atas hal-hal da gatn ayo malaikat muji' wa' ayoa'.¹⁹ Tapi, Maria mana' hal dakoh ge' ngalam a' sadatn ate a'.²⁰ Lalu, ayo gembala malik wa' dombs-domba ayoa' gae ngamulia ge' muji' Jabata kat smaan da nga ayoa' ile' ge' dangah ulah da gatn ayoa' muji'.²¹ Ge', ngalaka pas mahi' ano ya' nurih Kangot dakoh, gaatn-A gatnmuji' Yesus, ulah gaatn da gatn malaikat mangkatn katinga Ini' gatnngandong ka sadatn putukng. Kangot Yesus Gatnminsakng ka Bait Jabata²² Jangkah ano-ano penyucian sasue hukum Musa nga abas, Maria ge' Yusuf minsakng Yesus ka Yerusalem ya' nyarah-A wa' Tuhan,²³ulah da gatnnulis sadatn hukum Tuhan, "Tiap anak are da ama arus gatngudus bagi Tuhan²⁴ ge' ya' mangkatn parsambah sasue nige' jai da gatn hukum Tuhan muji', kohta nyapasang manuk dara ato dua ungan manuk acang angot." Simeon ge' Hana Mile' Yesus²⁵ Ani nyungan are dabagaatn Simeon da madi' ka Yerusalem. Ini' anilah sok da taman ge' da saleh,da nganti-anti panghiburan Jabata samo Israel, ge' Roh Kudus samahu a'.²⁶ Roh Kudus mangkatn pane a' bahwa ini' kati' ao' kabis katinga mile' Kristus da gatn Tuhan mangkabinyak.²⁷ Lalu, Simeon utukng ka Bait Jabata nige' irikng Roh Kudus, jangkah Yusuf ge' Maria minsakng Kangot Yesus ka Bait Jabata ya' melaksana wa'-Ini jai da nga gatn hukum Taurat nantu.²⁸ Lakadakoh, Simeon ngampekng Kangot dakoh ge' muji Jabata, waatna',²⁹ "Mati', o Tuhan, kira a' Akupm ngijin palan-Mu' diah anu sadatn damai, sasue nige' firman-Mu';³⁰sabab matuko' nga mile' kasalamatan-Mu',³¹ da nga Akupm nyiap ka tura' smaan bangsa;³² dakohta balo da ao' nugo bangsa-bangsa da kati' ngenal Tuhan, ge' da jadi kamuliaan bagi umat-Mu', Israel."³³ Yusuf ge' sino' Kangot dakoh jadi heran sabab jai da nga gatn Simeon muji' tentang Ini'.³⁴ Lakadakoh, Simeon mamberkat ayoa' ge' nyansana wa' Maria, sino' Yesus, "Dangah, Kangot diah ngangkajantu ge' ngangkidup karah sok ka Israel, sarta jadi tande da gatn sok karah nantakng.³⁵ (Ge', nyiteng tangkitn ao' nusuk asukng singatmu') supaya isi ate sok da karah ao' gatnnyua'."³⁶ Ka teetn uga' ani nyungan nabi mahung da bagaatn Hana, anak Fenuel umpatn suku Asyer. Ini' nga batol ama. Ini' hanya idup nige' banun a' salama ijo' sawa' ngalaka bainyha' a', ³⁷ ge' lakadakoh jadi janda sampe umur 84 sawa'. Ini' kati' suah ngagatn Bait Jabata, tapi sambahyang asat ge' ngarum nige' bapuasa ge' badoa'.³⁸ Wa' ano dakoh, utukngta Hana ge' ini' ngucap syukur wa' Jabata serta baripang tentang Yesus wa' smaan sok da nganti-anti panabosan Yerusalem. Yusuf ge' Maria Ure' ka Nazaret³⁹ Ngalaka Yusuf ge' Maria umas smaan tarutn sasue hukum Tuhan, ayoa' ure' ka Galilea, ka kota asal ayoa, dakohta Nazaret.⁴⁰ Anak dakoh pun makkat semangkin ahyo, kuat, panhu nige' hikmat, ge' Jabata mamberkat-A. Yesus ka Bait Jabata⁴¹ Tiap sawa', pangama Yesus anu ka Yerusalem wa' Ano Raya Paskah.⁴² Jangka Yesus baumur dua balas sawa', ayoa' anu ka teetn sasue kabiasaan ano raya dakoh.⁴³ Ngalaka perayaan dakoh abas, ayoa' ure'. Tapi, Yesus tatap madi' ka Yerusalem tampa pangama-A pane a'.⁴⁴Karna pangama Yesus ngira bahwa Ini' madi' ka antara rombongan, ayoa' pun laju bajalatn sampe nyano-ano. Lalu, ayoa' najo-A ka antara ayo age a' ge' ayo sok da ayoa' kenal.⁴⁵ Jangkah ayoa' kati' amput Yesus, ayoa' malik ka Yerusalem ya' najo-A.⁴⁶ Ngalaka taru ano, ayoa' amput Yesus ka Bait Jabata agi' unyung ka antara guru-guru agama, gae ngadangah ge' ngaju pansikatn wa' ayoa'.⁴⁷ Smaan sok da ngadangah-A batol-batol heran karna pangatahuan ge' taham-taham-A.⁴⁸ Jangkah pangama-A mile' Ini', ayoa' uga' heran. Lalu, sino'-A mansikatn, "Nak, jai Akupm umas diah tarhadap kai? Sama'-Mu' ge' iko' batol susah najo-Mu'."⁴⁹ Yesus naham ayoa', "Jai imu' najo Iko'? Kati' pane a' akupm bahwa Iko' pasti madi ka ramin Sama'-Ko?"⁵⁰ Tapi, ayoa kati' ngarati jai da gatn Yesus muji' wa ayoa'.⁵¹ Lalu, Yesus ure' samahu ayoa' ka Nazaret ge' nurut ayoa'. Tapi, sino'-A nyimpan saratn dakoh sadarn ate a'.⁵² Yesus pun makkat semangkin ahyo ge' semangkin bijaksana. Ini' uga' semangkin gatn Jabata ge' talino suka.

Chapter 3

¹ Wa' sawa kalima balas masa pemerintahan Kaisar Tiberius, jangkah Pontius Pilatus jadi gubernur Yudea, Herodes jadi raja Galilea, Filipus saudara Herodes jadi raja wilayah Iturea ge' Trakhonitis; da Lisanias jadi raja Abilene,² Hanas ge' Kayafas jadi Imam Agung, utukng ta Firman Allah wa' Yohanes, anak Zakharia da madi' wa tata udu'.³ Maka, anulah Yohanes ka smaan daerah kalilikng Yordan ge' ngabar baptisan pertobatan ya' ngampun duse,⁴ ulah da gatnnulis sadatn kitab Nabi Yesaya: "Diahta saratn sok da ngampak-ngampak wa' taya' udu', 'Da nyiapta gala' bagi Tuhan, ngabujurta gala' bagi-Ini'.⁵ Tiap lobok ao' gatnnimbun, ge' tiap gunung ge' bukit ao' gatnngarata. Gala' da baleko-leko' ao' gatnnamut, ge' tiap gala' da kati' lampar ao' gatnngamulus.⁶ Ge', smaan sok ao' mile' kasalamatan umpatn Jabata!"⁷ Lalu, Yohanes muji' ka sok da karah da utukng ya' gatnna'baptis, "He. kupm katurunan nipa da bisa! Asilah da muji' kimu' ya' ngajauh adupmu' umpatn pabaji' da ao' utukng?⁸ Oleh karna dakoh, ngasilmih buah-buah da jadi tande partobatanmu'. Iya' muji' wa' adupmu' sadi', Abraham anita nenek moyang kai!' Iko' muji' kimu', sasungguha' umpatn batu-batu diah Jabata bisa ngabangkit anak-anak ya' Abraham!⁹ Bahkan, mule mati' kapak nga gatnmana' ka uhat puutn. Satiap puutn da kati' ngasel buah da bait ao' gatnnabang ge' gatnnyangkahatn ka sadatn api."¹⁰ Ayo sok mansikatn wa' Yohanes, "Sak ladakoh, jai da arus kai umas?"¹¹ Ini' naham, "Satiap sok da ani umpu' dua pangiak, ini' arus mambagia' nige' sok da kati' ani. Ge', satiap sok da ani umpu pangkuman, arus umas hal da samu'."¹² Ani bamani pangumpur pajak uga' utukng ya' gatnbaptis. Ayoa' mansikatn ka Yohanes, "Guru, jai da arus kai umas?"¹³ Yohanes muji' ka ayoa', "Iya' narik pajak marabeh umpatn da ngagatnnatap wa' ayokupm."¹⁴ Ani bamani tantara mansikatn kini', "Langkina nige' kai? Jai da arus kai umas?" Yohanes muji' ka ayoa', "Iya' mahi uang umpatn asi pun nige' cara paksa ato nige' tuduhan palsu. Nyukupta adupmu' nige' gajimu'."¹⁵ Jangkah smaan sok barharap ka pajutukng Mesias, ayoa' smaan pansikatn-sikatn sadatn ate manganai Yohanes, anita ini' Kristus ato inya.¹⁶ Yohanes naham ayoa' ge' nyansana, "Iko' mambaptis imu' nige' paitn. Tapi ao'a, Sook da labih bakuasa daripada iko' ao' utukng. Ya' muka' tari sandal-A pun iko' ti' layak. Ini' ao' mambaptis imu' nige' Roh Kudus ge' api.¹⁷ Alat panampi nga ani ka barekng-A ya' marasih lante pangihik ge' ya' ngubu' gandum da bait ka sadatn langko-A. Tapi ao'a, Ini' ao' nyahung kalipe' ka sadatn api da ti' ao' suah kabis."¹⁸ Nige' karag nasehat da laitn, Yohanes ngajar Injil wa' sok karah. Yohanes Pambanptis Gatnmanjara¹⁹ Tapi, karna Yohanes nagor Herodes, raja rappo, karna hal da gatnna' umas nige Herodias, sautn age Herodes, ge' karna smaan hal jahe' da gatnnaumas,²⁰ maka Herodes nambah diah wa' smaana' nige' nyese' Yohanes ka sadatn panjara. Yesus Gatnbaptis²¹ Jangkah smaan sok gatnbaptis, Yesus uga' gatnbaptis. Ge', jangkah Ini' badoa, rangit tabuka, ²² ge' Roh Kudus disah ka tumukng-A nige' rupa manuk acang. Lalu, ani saratn umpatn rangit ge' nyansana, "Imu' anilah Anak-Ko da Kokasihi. Wa'-Imuta Iko' barkenan." Silsilah Yesus²³ Jangkah Yesus mule palayanan-A, Ini' baumur kira-kira taru puluh sawa'. Ayo sok bapandapat bahwa Yesus anilah anak Yusuf. Yusuf anak Eli.²⁴ Eli anak Matat. Matat anak Lewi. Lewi anak Malkhi. Malkhi anak Yanai. Yanai anak Yusuf.²⁵ Yusuf anak Matica. Matica anak Amos. Amos anak Nahum. Nahum anak Hesli. Hesli anak Nagai.²⁶ Nagai anak Maat. Maat anak Matica. Matica anak Simei. Simei anak Yosekh. Yosekh anak Yoda.²⁷ Yoda anak Yohanan. Yohanan anak Resa. Resa anak Zerubabel. Zerubabel anak Sealtiel. Sealtiel anak Neri.²⁸ Neri anak Malkhi. Malkhi anak Adi. Adi anak Kosam. Kosam anak Elmadam. Elmadam anak Er.²⁹ Er anak Yesua. Yesua anak Eliezer. Eliezer anak Yorim. Yorim anak Matat. Matat anak Lewi.³⁰ Lewi anak Simeon. Simeon anak Yehuda. Yehuda anak Yusuf. Yusuf anak Yonam. Yonam anak Elyakim.³¹ Elyakim anak Melea. Melea anak Mina. Mina anak Matata. Matata anak Natan. Natan anak Daud.³² Daud anak Isai. Isai anak Obed. Obed anak Boas. Boas anak Salmon. Salmon anak Nahason.Nahason anak Aminadab. Aminadab anak Admin. Admin anak Arni. Arni anak Hezron. Hezron anak Peres. Peres anak Yehuda.³⁴ Yehuda anak Yakub. Yakub anak Ishak. Ishak anak Abraham. Abraham anak Terah. Terah anak Nahor.³⁵ Nahor anak Serug. Serug anak Rehu. Rehu anak Peleg. Peleg anak Eber. Eber anak Salmon.³⁶ Salmon anak Kenan. Kenan anak Arpakhsad. Arpakhsad anak Sem. Sem anak Nuh. Nuh anak Lamekh.³⁷ Lamekh anak Metusalah.Metusalah anak Henokh. Henokh anak Yared. Yared anak Mahalaleel. Mahalaleel anak Kenan. ³⁸Kenan anak Enos. Enos anak Adam. Adam anilah anak Jabata.

Chapter 4

¹ Yesus da panhu' nige' Roh Kudus ure' umpatn Yordan. Lakadakoh, Ini' gatn Roh Kudus minsakng ka Padang balantara² salama 40 ano ya' gatn Balis ngaco. Ini' ti' uman jai pun salama ano-ano dakoh. Jangkah nga abas, Ini' ngasiburuk.³ Lalu, Balis muji' wa'-Ini', "Sa' Akupm Anak Jabata, ngadumih batu diah jadi roti."⁴ Yesus nahama', "ani tartulis, 'Talino idup inya umpatn roti sadi'."⁵ Lakadakoh, Balis minsakng Yesus ka tampat da nyamo ge' nujo wa'-Ini' sakilas smaan karajaan dunia. ⁶ Lalu, Balis nyansana wa'-Ini', "Iko' ao' mangkatn-Mu kuasa ge' kamuliaan wa' smaan tampat diah, sabab smaana nga gatnmangkatn wa'iko'. Ge', iko' ao' mangkatn a' wa' asi saja da iko' ngatte.⁷ Jadi, sa' Akupm nyambahko', dakoh smaana ao' Mu'umpu'."⁸ Lalu, Yesus naham, "Ani tartulis, 'Imu' arus nyambah Tuhan Jabatamu', ge' hanya wa'-Ini' imu' arus barbakti."⁹ Lakadakoh, Balis minsakng Yesus ka Yerusalem lalu minsakng-A ka tumukng Bait Jabata. Waat Balis ka Yesus, "Sa' Akupm Anak Jabata, matatnmih adup-Mu umpatn diah ka saroh,¹⁰ karna ani tartulis, 'Manganai Akupm, Jabata ao' ngadu ayo malaikat-A ya' ngajaga-Mu'.¹¹ Ge', 'Nige' barekng ayoa', ayoa' ao' nyamo'-Mu supaya kaja'-Mu ti' tagantak batu."¹² Yesus naham Balis dakoh, "Ani tartulis, 'Iya' mancoba Tuhan Jabatamu."¹³ Ngalaka Balis abas ngaco Yesus, ini' anu ngagatn-A ge' nganti kasampatan da laitn. Pamule Palayanan Yesus ka Galilea¹⁴ Yesus ure' ka Galilea nige' panhu' kuasa Roh, ge' agah manganai-A ngasampe ka smaan daerah ka sakitara'.¹⁵ Lalu Ini' mule mangajar ka sinagoge ge' smaan sok mamuji-A. Yesus Gatnulak ka Kota Asal-A¹⁶ Lakadakoh Yesus anu ka Nazaret, kota tampat Ini' aiho. Ulah kabiasaan-A, Yesus anu ka sinagoge wa' ano Sabat ge' agutn ya' maca.¹⁷ Kitab Nabi Yesaya gatnmangkatn wa'-Ini', lalu, Ini' muka kitab dakoh ge' amput bagian da nulis,¹⁸ "Roh Tuhan ani wa'-Iko', karna Ini' nga ngangkabinyak Iko' ya' nyampe Agah Bait wa' ayo sok papa. Ini' ngutus Iko' ya' nyampe pambebasan wa' ayo dagatn nahan, ge' ngamgkabait pamile ayo sok buta, ya' ngarapas ayo sok da gatnnindas,¹⁹ ge' ya' nyampe bahwa taun rahmat Tuhan nga utukng."²⁰ Yesus ngabut kitab dakoh lalu nyaraha' wa' pajabat ramin sambayang, ge' lakadakoh Ini' unyung. Matu' smaan sok ka sadatn sinagoge dakoh mandang wa'-Ini.²¹ Lalu, Yesus mule nyansana wa' ayoa', "Nyano diah, ganapta jai da gatnnulis ka Kitab Suci diah waktu akupm dangah a'."²² Ge', smaan sok narima-A gae terheran-heran wa' saratn da lamus da mungkas umpatn baba-A. Ayoa' muji', "Inyata Ini' diah anak Yusuf?"²³ Lakadakoh, Yesus nyansana wa' ayoa', "Imu' pasti ao' muji' paribahasa diah wa'-Iko, 'Tabib, ngangkauhatnmih adup-Mu sadi'! Kai ngalaka dangah jai-jai da Akupm umas ka Kapernaum, umaslah dakoh uga' ka diah, ka kota asal-Mu' sadi'."²⁴ Lakadakoh Ini' nyansana, "Iko' muji' wa'imu', sasungguh a' ti' ani nabi da gatnnarima ka kota asala' adup a'.²⁵ Sadatn da taman, Iko' muji' wa'imu', ani karah janda ka Israel wa' zaman Elia, jangkah rangit tatutup salama taru sawa' ge' inum buratn, jangkah kalaparan da kuat tarjadi ka saluruh nagari.²⁶ Tapi, Elia ti' gatnutus wa' asi pun kacuali wa' nyungan janda ka Sarfat, ka daerah Sidon.²⁷ Ge', ani karah panderita kusta ka Israel wa' zaman nabi Elisa, tapi ti' nyungan pun da auhatn salain Naaman, sok Siria dakoh."²⁸ Jangkah dangah hal-hal diah, smaan sok ka sadatn sinagoge dakoh panhu nige' pabaji.²⁹ Maka, agutntalah ayoa' ge' ngarihit Yesus kaluar umpatn kota dakoh, lalu minsakng-A ka tumukng bukit tampat kota ayoa' gatnmantagutn ya' matat-A umpatn tabikng.³⁰ Tapi, Yesus boho umpat tuda' ayoa' ge' anu. Nyungan Are Gatnmambebas umpatn Roh Sitan³¹ Yesus anu ka Kapernaum, nyabuah kota ka rappo Galilea, ge' mangajar sok karah wa' ano Sabat.³² Ayoa' kagum wa' pangajaran-A sabab saratn-A panhu nige' kuasa.³³ Ka sinagoge, ani nyungan are da karasukan ros sitan da najis. Sok dakoh ngampak nige' saratn da kuat, ³⁴ "Iya' ngaco kai! Jai urusan-Mu nige' kai, he Yesus, Sok Nazaret? Anita Akupm utukng ya' mambinasa kai?Iko' pane asi Akupm, Da Kudus umpatn Jabata!"³⁵ Tapi, Yesus ngarato' roh sitan dakoh, waatn-A. "Diam! mungkasmih umpatn sok diah!" Ngalaka sitan dakoh ngampas sok dakoh ka tana, ka tura smaan sok, ini' mungkas umpatn ungan sok dakoh ge' ti' ngangkanap a'.³⁶ Nige' panhu kakaguman, smaan sok da ani ka dakoh nyansana nyungan ge' da laitn, "Saratn jai diah? Karna nige' wibawa ge' kuasa, Ini' ngadu roh-roh najis dakoh ge' ayoa' mungkas."³⁷ Ge', agah tentang Yesus manyabar ka smaan tampat ka saluruh daerah dakoh. Mama Mertua Petrus ge' Sok Karah Gatnngangkauhatn³⁸ Lakadakoh, Yesus ngagatn ramin sambayang dakoh ge' anu ka ramin Simon. Waktu dakoh, mama mertua Simon agi' sanguh kuat, karna dakoh ayoa' mahi Yesus utukng ya' ngangkauhatn a'.³⁹ Lalu, agutntalah Yesus ka jiket mama mertua Simon ge' ngarato' sanguh dakoh, ge' pangkanapm a' pun auhatn. Jangkah dakoh uga', mama mertua Simon umpat ge' mule malayan ayoa'.⁴⁰ Jangkah matu ano ngamule tangulupm, smaan sok minsakng kaluarga ayoa' da menderita jai jenis pankanapm wa' Yesus. Lakadakoh Yesus mana' barekng-A ka tumukng ayoa' masing-masing ge' ngangkauhatn ayoa'.⁴¹ Sitan-sitan pun mungkas umpatn sok karah dakoh gae ngampak, "Akupm anilah Anak Jabata!" Tapi, Yesus ngarato' ayoa', Ini' ti' mambiar ayoa' nyansana karna ayoa' pane bahwa Ini' anilah Kristus. Yesus Barkotbah ka Kota-kota Laitn⁴² Jakkap anoa' Yesus anu ka nyabuah tampat da sunyi' ya' adup-adup. Sok karah najo-A, ge' jangkah ayoa' amput-A, ayoa' barusaha mingat Ini' ngagatn ayoa'.⁴³ Tapi, Ini' nyansana wa' ayoa', "Iko' arus nyampe Injil Karajaan Jabata ka kota-kota laitn uga' karna ya' diahtalah Iko' gatnngadu."⁴⁴Lalu, Yesus barkhotbah ka sinagoge-sinagoge ka Yudea.

Chapter 5

¹ Wa' jangkah a', sok karah bakumpur ka kalilikng-A ya' dangah firman Jabata. Waktu dakoh, Yesus agutn ka tabikng timu' Genesaret,² ge' mile' dua parahu da agi' nyinder ka tabikng timu' dakoh, tapi ayo nelayan nga mungkas umpatn parahu-parahu dakoh ge' jangkah meet jala ayoa'.³ Yesus makka ka da nyabuah parahu, dakohta da Simon umpu, ge' ngadu Simon ya' mandayung parahu a' inek-inek agak jauh umpatn darat. Lakadakoh Yesus unyung ge ngajar sok karah umpatn tumukng parahu.⁴ Ngalaka abas nyansana, Yesus muji' wa' Simon, "Anumih ka tampat paitn da darum ge' nyangkahatnlah jalamu' ya' nangkap ikatn."⁵ Simon naham, "Guru, kai bakaraje karas nyangarum-ngarum, tapi kati' kaatn jai-jai! Tapi ba, karna Akump da ngadu, iko' ao' nyangkahatn jala diah."⁶ Ge', jangkah ayoa malakua', ayoa' nangkap karah ata ikatn singge jala ayoa' mule rantak.⁷ Lalu, ayoa' mangkatn kode wa' kawan-kawan ayoa' ka' parahu da laitn ya' utukng ge' nulokng ayoa'. Lakadakoh utukngta kawan-kawan ayoa' ge' ngisi kadua parahu dakoh nige' ikatn sampe-sampe parahu ayoa' ngana' ngate tangulupm.⁸ Jangkah Simon Petrus mile' hal diah, ini' basujud ka tura' Yesus ge' nyansana, "Boholah umpatn iko', Tuan, sabab iko' anilah sok da baduse!"⁹ Petus nyansana ladakoh sabab ini' ge' smaan sok da samahu a' misa' takjub karna karah a' ikatn da ayoa' nangkap.¹⁰ Ladakoh uga' nige' Yakobus ge' Yohanes, anak-anak Zabedeus, da bakawan nige' Simon. Yesus muji' wa' Simon, "Iya' buut. Mule mati', imu' ao' manjala talino."¹¹ Ngalaka ayoa' narik parahu-parahu ayoa' ka dayu', ayoa' ngagatn segala jai ge' nganang Yesus. Sok da Anapm Kusta Gatnngangkauhatn¹² Da nyano, Yesus madi madi' ka nyabuah kota dakoh, ani nyungan da ungana' panhu kusta. Jangkah sok dakoh mile' Yesus, ini' basujud sampe muka a' nyintuh tana' ge' mahi' wa'-Ini'. "Tuan, sak Akupm ituh, Akupm kaatn ngangkauhatn iko'."¹³ Lalu, Yesus nyulok barekng-A ge' nyintuh sok dakoh. Waatn-A, "Iko' ituh, auhatntalah." Jangkah dakoh uga', pangkanapm kusta sok dakoh ilang.¹⁴ Tapi, Yesus ngadu sok dakoh supaya ti' muji' ka asi-asi ge' nyansana, "Anu ge' nyuaklah adupmu' wa' imam. Mamparsambahmih korban barang mu' nga auhatn ulah da nga Musa ngadu sebage bukti bagi ayoa'.¹⁵ Agah tentang Yesus mangkin meluas singge karah sok utukng bakumpur ya' ngadangah Ini' ge' ya' gatnngangkauhatn umpatn pangkanapm ayoa'.¹⁶ Tapi, Yesus mar anu batapo' ka tampat-tampat da sunyi' ya' badoa. Sok da Lumpuh Gatnngangkauhatn¹⁷ Wa' nyano a', jangkah Yesus agi' ngajar, ayo sok Farisi ge' ahli-ahli Taurat da utukng umpatn smaan kota wa rapo Galilea, Yudea, umpatn kota Yerusalem uga' unyung ka teetn. Ge', kuasa Tuhan samahu nige' Yesus singge Ini' kaatn ngangkauhatn ate sok da karah.¹⁸ Lalu, tile'lah ani mani sok nangkon nyungan da lumpuh ka tumukng tampat pabuus a', ge' ayoa' barusaha minsakng a' maruh ge' mana' sok dakoh ka tura Yesus.¹⁹ Tapi, karna ayoa' kati' amput gala' ya' minsakng sok dakoh maruh gara-gara sok karah da bakumpur, makkata ayoa' ka tumukng aro ge' ngadisah sok lumpuh dakoh samahu nige' tampat pabuus a' ka tuda'-tuda' ka tura' Yesus.²⁰ Jangkah mile' iman ayoa', Yesus nyansana, "He Age, dosemu' nga gatnngampun."²¹ Ahli-ahli Taurat ge' ayo sok Farisi mule pansikatn-sikatn, "Asilah Sok da manghujat Jabata diah? Asi da aba' ngampun duse-duse salaitn Jabata sadi'?"²² Jangkah Yesus panane pikiran ayoa', Ini' nyansana, "Jai imu' mansikatn ulah dakoh sadatn atemu'?²³ Dume da labih gampang, muji' 'Duse-dusemu' nga gatnngampun' ato 'Umpat ge' bajalatnmih'?²⁴ Tapi, supaya imu' panane bahwa Anak Talino bakuasa ya' ngampun duse," Yesus nyansana wa' sok da lumpuh dakoh, "Iko' muji' wa'imu': Umpatmih, ngantatn tampat pabuusmu' ge' urekmih."²⁵ Jangkaha dakoh uga', sok dakoh lansong agutn ka tura' smaan sok ge' naap tampat a' gurikng, lalu bajalatn ure' gae muji Jabata.²⁶ Smaan sok dakoh misa takjub ge' muji Jabata. Nige' gatnpanhu rasa buut da ahyo tarhadap kuasa Jabata, ayoa' nyansana, "Nyano diah kai mile' hal-hal da luar biasa!" Lewi Nganang Yesus²⁷ Ngalaka dakoh, Yesus mungkas ge' mile' nyungan pangumpur pajak bagaatn Lewi da agi' unyung ka tampat da ya' ngumpur pajak. Yesus nyansana wa' ini', "Ngananglah Iko'."²⁸ Maka Lewi pun agutn, ngagatn smaan a', ge' nganang Yesus.²⁹ Lakadakoh, ini' umas gawe ahyo ya' Yesus ka ramin a'. Karah sok pangumpur pajak ge' ayo sok laitn da uman samahu ayoa'.³⁰ Tapi, ayo sok Farisi ge' ahli-ahli Taurat mule bakuto wa' ayo murid Yesus, "Jai imu' uman ge' nyucur samahu ayo pangumpur pajak ge' ayo sok baduse?"³¹ Yesusu naham ge; nyansana wa' ayoa', "Inya ayo sok sehat da palalu tabib, tapi ayo sok da anapm.³² Iko' utukng inya ya' maba' sok da taman, tapi ya' maba' ayo sok da baduse supaya ayoa' batobat," Sok Farisi Ngabanding Murid Yohanes ge' Yesus³³ Ayoa' nyansana wa' Yesus, "Murid-murid Yohanes Pambaptis mar bapuasa ge' badoa, ulah dakoh uga' murid-murid sok Farisi. Tapi, murid-murid-Mu' mar uman ge' nyucur."³⁴ Yesus nyansana wa' ayoa', "Aba kati' imu' ngadu panganten are ya' bapuasa jangkah panganten are dakoh maseh ani samahu-mahu nige' ayoa'?³⁵ Namun, ano-ano dakoh ao' utukng, jangkah panganten are dakoh gatnnaap umpatn ayoa', ge' wa' ano-ano dakohta ayoa' ao' bapuasa."³⁶ Yesus uga' nyerita parumpamaan diah wa' ayoa', "Kati' nyungan pun ao' ngarantak nyaputong saput umpatn pangiak da bahu ya' nambal pangiak da nga tuhi'. karna sak ladakoh, sok dakoh ao' ngarusak pangiak da bahu, ge' saput da ya' nambal umpatn pangiak da bahu dakoh kati' ao' cocok nige' pangiak da nga tuhi'.³⁷ Ladakoh uga' kati' ani nyungan pun da ngalilih anggur bahu ka sadatn kantong kurit da nga ama. Anggur da bahu dakoh ao' ngarantak kantong kurit da nga ama singge anggur dakoh ao' tuntokng ge' kantong kurit a' ao' ancur.³⁸ Anggur da bahu arus gatnmana' ka sadatn kantong kurit da bahu.³⁹ Kati' nyungan pun da ngalaka nyucur anggur da nga tuhi', ituh nyucur anggur bahu sabab ayoa' muji', 'Anggur da nga tuhi' dakoh labih auhatn."

Chapter 6

¹ Nyakali, wa' ano Sabat, Yesus bajalatn nabo' nyabuah uma gandum. Waktu dakoh, ayo murid mutik nyamani biji gandum, ngusok-ngusok a' nige' barekng ayoa', lalu umana'.² Nyamani sok Farisi mansikatn, "Jai imu' umas hal da ti buleh gatnumas wa' ano Sabat?"³ Yesus naham ayoa' nige' nyansana, "Kati' a' imu' suah maca jai da gatn Daud umas jangkah ini' ge' ayo sok da samahua' misa siburuk,⁴ manganai langkina ini' maruh ka sadatn Ramin Jabata, naap roti parsambahan, uman roti dakoh, ge' mangkatn a' wa' ayo sok da samahua', da ti buleh umana'. kacuali ayo imam ja'?"⁵ Lalu, Yesus nyansana wa' ayo sok Farisi dakoh, "Anak Talino anilah Tuhan wa Ano Sabat." Yesus Ngangkauhatn wa Ano Sabat⁶Wa' ano Sabat da laitna' Yesus anu ka sinagoge ge' mangajar. Ka tampat dakoh ani nyungan da barekng sentao'a' lumpuh.⁷ Ayo ahli Taurat ge' ayo sok Farisi mamprati Yesus ya' mile' si pane Ini' ao' ngangkauhatn wa' ano Sabat, supaya ayoa' ani alasan ya' nuduh Ini'.⁸ Tapi, Yesus pane jai da kapikiran ayoa'. Ini' nyansana wa' sok da barekng a' lumpuh dakoh, "Umpat ge' agutnmih ka tuda." Lalu, sok dakoh bangkit ge' agutn ka teetn.Yesus nyansana wa' ayoa', "Iko' mansikatn wa' ayokupm, dumelah da buleh ya' gatnumas wa' ano Sabat: umas da bait ato umas da jahe'? Nyalamat nyawa ato ngamis a'?"¹⁰ Ngalaka nyantunung sakalilikng, wa' ayoa' smaan, Yesus nyansana wa' sok da barekng a' lumpuh dakoh, "Nyulokmih barekngmu'." Lakadakoh, sok dakoh nyulok barekng a' ge' barekng a' jadi auhatn.¹¹ Tapi, ayo sok Farisis ge' ayo ahli Taurat jadi baji' kuat ge' bapakat manganai jai da ao' ayoa' umas tarhadap Yesus. Pamilihan Kadua Balas Rasul¹²Ka ano-ano dakoh, Yesus makka ka talidi ya' badoa, ge' ka teetn Ini' badoa wa' Jabata nyangarun-ngarum.¹³ Jakkap anoa', Ini' maba' ayo murid-A ge' milih dua balas umpatn antara ayoa', kohta ayo sok da gatn-Na muji' rasul:¹⁴ Simon da gatn muji "Petrus", Andreas age Petrus, Yakobus, Yohanes, Filipus, Bartolomeus,¹⁵ Matius, Tomas, Yakobus anak Alfeus, Simon da gatnmuji' sok Zelot, ¹⁶ Yudas anak Yakobus, ge' Yudas Iskariot da jadi panghianat. Pangajaran Yesus¹⁷ Ngalaka Yesus ge' ayo rasul disah, Ini' agutn ka nyabuah tampat da lampar. Lalu, utukngtalah wa-Ini' nyarumbongan ahyo ayo murid-A ge' sok karah da utukng umpatn smaan rappo Yudea, Yerusalem, ge' umpatn daerah pantai kota Tirus ge' Sidon. ¹⁸ Ayoa' smaana utukng ya' dangah Yesus ge' ya' kaatn auhatn umpatn sagala pangkanapm ayoa'. Ge', ayo sok da karasukan roh-roh jahat uga' gatnngangkauhatn.¹⁹ Smaan sok barusaha ya' minte Yesus sabab ani kuasa da mungkas umpatn Ini' ge' ngangkauhatn smaan ayoa'.²⁰ Yesus nyantunung wa' ayo murid-A ge' nyansana, "Gatnberkatilah imu' da papa sabab imu'talah da umpu' Karajaan Jabata.²¹ Gatnberkatilah imu da mati' saburuk sabab imu' ao' gatnngabasoh. Gatnberkatilah imu' da mati' diah munse' sabab imu' ao' guluk.²² Gatnberkatilah imu' sa' sok ngarusi'mu, ngalapatmu, manghinanmu, ge' uga mancamar gaatnmu' da bait.²³ Basukacitamih wa' ano imu' misa a', ge' barepomih karna upahmu' ahyo ka surga; sabab ulah dakohta nenek moyang ayoa' umas wa' ayo nabi.²⁴ Tapi, calakata he imu' da kaya sabab imu' nga kaatn idup da nyaman.²⁵ Calakata imu' da mati' kanyang sabab imu' ao' saburuk. Calakata imu' da mati' guluk sabab imu' ao' rahu-rahu ge' munse'.²⁶ Calakata imu' sa' smaan sok muji' hal-hal da bait manganai adupmu' sabab ulah dakohta nenek moyang ayoa' jangkah nyansana manganai nabi-nabi palsu." Kasihimih Munsuhmu²⁷ "Tapi, Iko muji' kimu' da dangah Iko'. Kasihimih munsuhmu' ge' umaslah da bait wa' sok da narusi'mu'.²⁸ Mamberkatlah sok da ngutuki imu' ge' badoalah ya' ayoa' da nganyaya imu'.²⁹ Sa' sok nampar kuko'mu, nawarlah uga' kuko'mu da laitn. Ge', wa' asi pun da nyarantakan jubahmu, iya' mingat a' ya' nyarantakan pangiakmu uga'.³⁰ Mangkatnta wa' satiap sok da mahi kimu', ge' sak sook naap damu'umpu', iya'ta mahia' agi' ure'.³¹ Ngalayanmih sok laitn samu' ulah da imu' ngatte sok layan kimu'.³² Sa' imu' hanya mangasihi sok da mangasihi imu', jailah pujian da gatnmangkatn wa'imu'? Sabab, sok dabaduse pun mangasihi ayo sok da mangasihi ayoa'.³³ Sa' imu' hanya umas da bait wa' sok da umas da bait wa' imu', pantas a' imu' kaatn pujian? Sabab, sok baduse pun umas hal da samu'.³⁴ Sa' imu' mangkatn sok laitn nginyam barangmu' nige' mangharap imbalan, jailah pujian da gatnmangkatn kimu'? Sabab, sok baduse pun ituh mangkatn pinjaman wa' sok baduse laitn a' supaya ayoa' kaatn ure' agi' nige' jumlah da samu'.³⁵ Tapi, kasihimih munsuhmu' ge' umasta da bait, mangkatnlah pinjaman wa' sok laitn tampa mangharap imbalan. Nige' ladakoh, imu' ao' kaatn upah da ahyo ge' imu' ao' jadi' anak-anak Da Mahanyamo, sabab Jabata dakoh bait wa' ayo sok da ti' pane batarima kasih ge' da jahe'.³⁶ Karna dakoh, barusahalah imu' mangkatn pamase', samu' ulah Sama'mu' da uga' panhu' nige' pamase'." Iya' Manghakimi Sok Laitn³⁷ "Iya' manghakimi supaya imu' ti' gatnhakimi. Iya' ngukum supaya imu' ti' gatnngukum. Ngampunmih ge' imu' ao' gatnngampun uga'.³⁸Mangkatnmih ge' ao'a imu' gatnmangkatn: nyabuah takaran da bait, da gatnmadat, da gatnnguncakng ge' da marabeh, ge' da ao' gatn nuntokng ka pangko'mu'. Karna nige' ukuran da samu da imu' ngiak ya' ngukur, hal dakoh ao' gatnngukur agi wa'imu'."³⁹ Yesus nyarita wa' ayoa' parumpamaan diah, "Kaatn a' sok buta ngirikng sok da buta? Ti' a' ayoa' badua ao' jantu ka sadatn rubakng?⁴⁰ Nyungan murid ti' labih daripada gurua'. Tapi, satiap sok da nga tarlatih ao' jadi ulah guru ayoa'.⁴¹ Jai imu' mile' parupuh kayu ka matu' agemu', tapi imu' ti' mile' balok kayu ka matu' adupmu'?⁴² Langkina imu' kaatn muji' wa' agemu', 'Age, coba ko'ngluar parupuh kayu dakoh umpatn matu'mu', sadangkan adupmu' ti' mile' balok kayu ka matu'mu? He sok munafik! Ngaluarmih uru' balok kayu dakoh umpatn matu' adupmu'. Ngalaka dakoh, imu' baru kaatn mile' jelas ya' ngaluar parupuh kayu umpatn matu' agemu'." Puutn da Bait Ngasel Buah da Bait⁴³ "Puutn da bait ti' ao' ngasel buah da jahe', ge' puutn da jahe' ti' ao' ngasel buah da bait.⁴⁴ Satiap puutn gatnpane umpatn jenis buah da na'ngasel. Sok ti' ngubu' buah ara umpatn rumpo' unak, ato mutik anggur umpatn rumpo udu'.⁴⁵ Sok da bait ngaruah hal-hal da bait umpatn atea' da bait ge' sok da jahe' ngaruah hal-hal da jahe umpatn atea' da jahe'. Jai da mungkas umpatn baba' sook barsal umpatn jai da ani ka sadatn atea'. Dua Macam Pondasi⁴⁶ "Jai imu' maba' Iko', 'Tuhan, Tuham,' tapi ti' umas jai da Iko' ngajar?⁴⁷ Iko' ao' nyua' wa' imu', ulah jai sok da utukng wa'-Iko', dangah ajaran-Ko ge' umasa'. ⁴⁸Ini' ulah sok da mantagutn nyabuah ramin, da ngari darupm-darupm, lalu mana' pondasi ka tumukng batu. Jangkah abe' utukng, paitn ngantam ramin dakoh, tapi ti' aba' ngancur a' sabab ramin dakoh gatnmantagutn nige' kuat batol.⁴⁹ Namun, sok da dangah ajaran-Ko tapi ti' nurut a', ini' ulah sok da mantagutn ramin ka tumukng tana' tampa pondasi. Jangkah abe' utukng, ramin dakoh ruboh ge' misa' karusakan da kuat,

Chapter 7

¹ Ngalaka Yesus ngangkabas smaan saratn-A ka tura' sok da karah, Ini' maruh ka Kapernaum.² Ka teetn, ani nyungan Perwira Romawi da umpu' budak da gatnna'nyayang. Budak dakoh agi' anapm kuat ge' ngana kabis.³ Jangkah perwira dakoh dangah manganai Yesus, ini' ngutus nyamani ama-ama Yahudi amput Yesus ge' mahi Ini' utukng ya' ngangkauhatn palayan a' dakoh."⁴ Jangkah ayo sok dakoh utukng wa' Yesus, ayoa' batol-batol bamuhon wa'-Ini'. Waatn ayoa', "Sok diah patut kaatn partulongan-Mu, ⁵ sabab ini' sayang ka bangsa ite' ge' ini'talah da mantagutn sinagoge ya' dite'."⁶ Barangkatta Yesus samahu ayoa'. Jangkah Ini' nga jiket ka ramin perwira dakoh, perwira dakoh ngadu nyamani kawan a' ya' muji' wa' Yesus, "Tuan, iya' Akupm nyusah adup ya' iko' sabab iko' ti' patut nyamut-Mu ka raminko'. ⁷ Dakohta sabab a', adup ko' misa ti' patut ya' utukng wa'-Imu'. Tapi, muji''mih nyapata' saratn ja', maka palayanko' pasti ao' auhatn.⁸ Sabab, iko' uga nyungan bawahan da mambawahi prajurit-prajurit. Sa' ko'muji' wa' nyungan prajurit, 'Anu!', ini' pun anu. Sa' ko' muji' wa' da laitn, utukng!', ini' pun utukng. Ge', sa' ko'muji' wa' budakko', 'Umas diah!, budakko' pun ao' umas a'."⁹ Jangkah Yesus dangah hal dakoh, Ini' misa heran ka perwira Romawi dakoh. Gae ngadap wa' sok da karah da nganag-A, Ini' nyansana, "Iko' muji' kimu', bahkan ka antara sok Israel pun Iko' tinga suah amput iman ladiah ahyo a'."¹⁰ Jangkah rombongan da gatnngutus ka Yesus ure' ka ramin perwira dakoh, ayoa' amput budak a' nga auhatn. Anak Nyungan Janda Gatnngangkidup¹¹ Wa' jakkap anoa', Yesus anu ka nyabuah kota da bagaatn Nain samahu ayo murid-A ge' rombongan sok karah da nganang Ini'.¹² Jangkah Ini' Ngajiket ka pintu garbang kota, ani bangke nyungan are da gatn nangkon mungkas. Sok d kabis dakoh anilah anak tunggal umpatn ama' a' da nga janda. Ge', ani karah sok umpatn kota dakoh da samahu-mahu mahu dakoh.¹³ Jangkah Tuhan mile' mahu dakoh, Tuhan mase' wa' ini' ge' muji', "Iya' munse'."¹⁴ Lakadakoh, Ini' ngajiket ge' minte tandu bangke dakoh. Ayo sok da nangkon tandu dakoh pun baranti. Lalu, Yesus nyansana, "He anak bujakng, Iko' muji' kimu', umpatmih!"¹⁵ Lakadakoh, sok da ijaha' kabis dakoh unyung ge' mule nyansana. Ge', Yesus mangkure'a' wa' ama' a'.¹⁶ Smaan sok da mile' hal dakoh gatnpanhu rasa buut lalu mule mamuji Jabata ge' nyansana, "Nyungan nabi ahyo nga utukng ka tuda'-tuda' ite'!" ge' "Jabata nga utukng wa' umat-A."¹⁷ Ge', agah manganai Ini' manyabar ka saluruh Yudea ge' ka smaan tampat laitn ka sakitar a'. Yohanes Pambaptis Ngutus Murid a' wa' Yesus¹⁸ Ayo murid Yohanes muji' wa' Yohanes manganai smaan hal dakoh. ¹⁹ Lalu, Yohanes maba' dua ungan murid a' ge' ngutus ayoa' wa' Tuhan ya' mansikatn, "Akup a' da ao' utukng dakoh? Ato, kai arus nganti da laitn?"²⁰ Jangkah ayoa' utukng wa' Yesus, ayoa' pun nyansana, "Yohanes Pambaptis ngadu kai ya' utukng wa'-Imu' ge' mansikatn, 'Akup a' da ao' utukng dakoh? Ato, kai arus nganti da laitn?"²¹ Wa' ano dakoh, Yesus agi' ngangkauhatn karah sok umpatn bamacam pangkanapm, wabah, ge' roh-roh jahat. Ini' uga' mangkatn pamile' wa' karah sok da buta.²² Waat Yesus wa' da dua ungan dakoh, "Anu ge' nyaritamih wa' Yohanes manganai jai da nga mu' ile' ge' dangah: sok buta kaatn mile', sok lumpuh kaatn bajalatn, sok da anapm kusta gatn ngangkauhatn, sok bangal kaatn dangah, sok kabis gatnngangkidup, ge' wa' ayo sok papa gatnmangkatn agah da bait.²³ Karna dakoh, barbahagiata ini' da ti' nulak Iko'."²⁴ Ngalaka utusan-utusan Yohanes anu, Yesus nyansana wa' sok karah manganai Yohanes, "Ya' mile' jailah ayo kupm anu ka taya' udu'? Mile' tarekng da nyaru ngampoh?²⁵ Namun, imu' anu mile' jai? Sok da bapangiak lamus? Mile'mih, sok da ngiak pangiak lamus ge' idup sadatn kamewahan ania' ka istana-istana raja.²⁶ Jadi, jai da imu' ngatte mile'? Nyungan nabi? Ai', Iko' muji' kimu', bahkan labih daripada nyungan nabi.²⁷ Ini'talah sok a', da tentang a' ani tartulis: 'Dangahmih! Iko' ngadu utusan-Ko' nyantulu' Akupm. Diahta da ao' nyiap gala' ka hadapan-Mu'.'²⁸ Iko' muji' kimu', ka antara smaan sok da suah gatnbaranak oleh mahu, ti' ani nyungan pun da labih ahyo daripada Yohanes. Tapi, da paling inek sadatn Karajaan Jabata, labih ahyo daripada ini'."²⁹ Jangkah sok karah ge' ayo pangumpur pajak dangah hal diah, ayoa' smaan ngako' kaadilan Jabata karna ayoa' nga gatnbaptis nige' baptisan Yohanes.³⁰ Tapi, ayo sok Farisi ge' ayo ahli Taurat nulak rencana Jabata tarhadap ayoa' karna ayoa' tinga gatnbaptis kat Yohanes.³¹ "Nige' jailah Iko' ngumpama ayo sok da idup wa' generasi diah? Ulah jailah ayoa' dakoh?³² Ayoa' anita ulah anak-anak da unyung ka pasar, da ngampak samu adup a', 'Kai mihu suling ya'dimu', tapi imu' ti' batari. Kai' ngado lagu da sedih, tapi imu' ti' munse'.'³³ Sabab, jangkah Yohanes Pambatis utukng ge' ti' uman roti ato nyucur anggur, imu' nyansana, 'Ini' karasukan sitan.'³⁴ Tapi, jangkah Anak Talino utukng uman ge' nyucur, imu' muji, 'Mile'mih! Ini' nyungan da rakus ge' paminum! Ini' uga' kawan ayo pangumpur pajak ge' ayo sok baduse!"³⁵ Tapi, hikmat gatnngataman kat anak-anak a'. Nyugan Mahu Baduse Mangkabinyak Yesus³⁶Nyakali, ani sook umatn golomgan Farisi da ngundang Yesus ya' uman samahu-A. Yesus anu ka ramin ayo sok Farisi dakoh ge' unyung uman.³⁷ Ka kota dakoh, ani nyungan mahu baduse. Jangkah ini' panane bahwa Yesus agi' uman ka ramin sok Farisi dakoh, ini' pun mari nyabuah butol pualam da biatn binyak wangi. ³⁸ Lalu, ini' agutn ka balakang Yesus, jiket kaja'-A, gae munse' ge' mule meetn kaja' Yesus nige' paitn matu' a' ge' ngunsut a' nige' abok a'. Ngalaka dakoh, ini' nyium kaja' Yesus ge' ngangkabinyak a' nige' binyak wangi.³⁹ Jangkah sok Farisi da ngundang Yesus mile' hal diah, ini' nyansana sadatn ate, "Sa' sok diah nyungan nabi, Ini' pasti pane asi ge' mahu da langkina da minte-A dakoh sabab mahu dakoh anilah nyungan dabaduse."⁴⁰ Yesus naham ge' nyansana, "Simon, ani da Ko' ngana muji' kimu'." Simon naham, "Muji'talah, Guru."⁴¹ Yesus nyansana, "Ani dua ungan da barutang wa' sok panjalan uang, da nyungan barutang 500 dinar ge' da laitna' barutang 50 dinar.⁴² Jangkah kadua a' ti' sanggup mayar, si panjalan uang dakoh ngapus utang ayoa' badua. Mati', asilah ka antara kadua sok dakoh da paling sayang wa' panjalan uang dakoh?"⁴³ Waat Simon, "Manurutko', sok da paling karah gatnngapus utanga'." Yesus nyansana wa' ini', "Imu' manilaia' nige' taman."⁴⁴ Gae mile' wa mahu dakoh, Yesus nyansana wa' Simon, "Ania mu' mile' mahu diah? Jangkah Iko' utukng ka raminmu', imu' ti mangkatn paitn ya' meetn kaja'-Ko nige' paitn, tapi ini meetn kaja'-Ko' nige' paitn matua' ge' ngalap a' nige' abok a'. ⁴⁵ Imu' ti' nyium Iko', tapi ini ti' baranti- anti nyium kaja'-Ko mule Iko' maruh.⁴⁶ Imu ti' ngangkabinyak aba'-Ko nige' binyak, tapi ini' mangkabinyak kaja'-Ko nige' binyak wangi.⁴⁷ Karna dakoh, Ko'muji' kimu', dusea' da karah dakoh nga gatnngampun sabab ini' nyua' kasih da ahyo. Tapi, sok da iget gatnngampun, iget uga' mangasihi"⁴⁸ Lalu Yesus nyansana wa' mahu dakoh, "Dusemu nga gatnngampun."⁴⁹ Ayo sok da unyung uman samahu Yesus mule pansikatn-sikatn sadatn ate ayoa', "Asilah Sok diah singge Ini' kaatn ngampun duse?" ⁵⁰ Yesus nyansana wa' mahu dakoh, "Imanmu' nga nyalamatmu', anulah nige' damai."

Chapter 8

¹ Wa' jakkap ano a', Yesus anu bakalilikng ka kota-kota ge' desa-desa ya' muji' ge' manyata Injil Karajaan Jabata. Kadua balas rasul ani samahu-mahu nige' Ini',² ladakoh uga' nyamani mahu da nga Yesus ngangkauhatn umpatn sagana roh-roh jahat ge' bamacam pangkanapm. Maria, da gatnmuji' Magdalena, da gatn Yesus ngarapas umpatn ijo' roh jahat.³ Ani uga' Yohana istri Khuza bendahara Herodes, Susana, ge' maseh karah mahu da laitn da manggune kakayaan adup ayoa' ya' mandukung Ini'. Parumpamaan manganai Pangambhur Bane⁴ Jangkah sok karah bakumpur ge' ayo sok umpatn kota dume-ume utukng ka Yesus, Ini' nyansana wa' ayoa' nige' nyabuah parumpamaan:⁵ "Nyungan patani anu ngambhur bane. Jangkah ini' ngambhur, ani nyabagi da jantu' ka pihik gala' ge' tanginyak-inyak, ani uga da manuk uman.⁶ Nyabagi agi' jantu' ka tumukng tampat da babatu', ge' jangkah bane dakoh mule idup, bane dakoh jadi rangke karna ti' ba paitn.⁷ Nyabagi laitna' jantu ka tuda'-tuda' rumpo' unak ge' idup samahua' singge rumpo' dakoh ngaccet a'.⁸ Kaba bane laitn a' jantu ka tana' da subur ge' makkat singge mangkatn hasel saratus kali lipat karah a'." Ngalaka nyampe parumpamaan dakoh Yesus ngampak, "Ini' da ani rajak ya' dangah, dangahmih bait-bait!"⁹ Ngalaka dakoh, ayo murid Yesus mansikatn wa'-Ini' manganai rati parumpamaan dakoh.¹⁰ Ini' muji', "Wa' imu' gatnmuji rasia Karajaan Jabata, tapi wa' sok laitn gatnmuji' nige' parumpamaan. 'Sakalipun nyantunung, ayoa' ti' mile', ge' sakalipun dangah, ayoa' ti' ngarati."Panjalasan Yesus manganai Parumpamaan Bane¹¹ Diahta rati parumpamaan dakoh: "Bane' dakoh anilah firman Jabata. ¹² Bane' da jantu ka pihik gala' dakoh anilah ayoa' da dangah firman Jabata. Lakadakoh, utukngta sitan ge' naap firman dakoh umpatn ate ayoa' supaya ayoa' iya' pacaya ge' gatnnyalamat.¹³ Bane' da jantu' ka tumukng tana' da babatu' anilah ayo sok da dangah firman Jabata ge' nyamut a' nige' auhatn ate, tapi ti' ba uhat. Ayoa' hanya pacaya sabantar, tapi jangkah utukng kasulitan, ayoa' segra ngagatn Jabata.¹⁴ Bane' da jantu' ka sawang rumpo' unak anilah ayo sok da dangah firman Jabata, tapi samantara ayoa' makkat, parasaan kuater, kakayaan, ge' kasanangan idup mule ngaccet ayoa' singge ayoa' ti' ngasel buah da ansak.¹⁵Sadangkan bane' da jantu' ka tana' da subur dakoh anilah ayo sok da dangah firman Jabata ge' mana' a' sadatn ate da jujur ge' bait, ge' babuah sadatn katakunan." Nyua' Balomu'¹⁶ "Ti ani nyungan pun da ngalaka ngangkidup pelita, lakadakoh nutup a' nige' gantang ato mana'a' ka saroh tampat pabuus. Sabalik a', ini' ao' mana' palita dakoh ka tumukng kaja' pelita supaya sok da maruh ka sadatn ramin kaatn mile' balo a'.¹⁷ Sabab, ti' ani hal da basukatn da ti' ao' gatn nyua', ge' ti' ani rasia da ti' ao' gatn muji' ge' gatnminsakng wa' tarakng.¹⁸ Karna dakoh, mamparhatimih langkina imu' dangah karna asi da umpu' ao' gatnmangkatn labih karah agi'. Tapi, asi da ti' ani umpu', umpatn ini' ao' gatnnap, ge' jai da ini' ngira ni'umpu." Kaluarga Yesus da Sabatola'¹⁹Lalu, sino' ge' ayo age Yesus utukng amput-A, tapi ayoa' ti' bisa ngajiket-A karna kubu' sok da karah.²⁰ Jadi, gatnmujitalah wa'-Ini', "Sino' ge' ayoa age-mu' agi agutn ka sato, ayoa' ngatte badaput nige' Akupm."²¹ Tapi, Yesus naham ayoa', "Sino'-Ko' ge' ayo age-Ko' anilah ayoa' da ngadangah firman Jabata ge' da umasa'" Yesus Nyatop Nyaru Ahyo²² Wa' ano dakoh, Yesus makka ka sadatn parahu samahu ayo murid-A ge' Ini' nyansana wa' ayoa', "Kaeh ite' nyambarang ka sisi laitn timu' diah." Maka, barangkatta ayoa' ka sabarang.²³ Namun, janhkah ayoa' balayar, Yesus buus. Lalu, ngampohta nyaru ahyo ka timu' dakoh ge' paitn mule maruh wa' parahu ayoa' singge ayoa' ani sadatn bahaya.²⁴ Lakadakoh, ayo murid utukng wa' Yesus ge' ngadu-A umpat gae muji, "Guru!Guru! Ite' ao' kabis!" Lalu, Yesus pun umpat ge' ngarato' nyaru ahyo ge' galombang da ngamuk dakoh. Nyaru ahyo dakoh pun baranti ge' timu' dakoh ngajadi tanang.²⁵ Ge', Ini' nyansana ka ayoa', "Kadumelah imanmu?" Ayoa' ngajadi buut ge' heran gae nyansana samu adup a', "Asilah Sok diah? Ini' malah mangkatn parintah wa' nyaru ge' paitn, ge' ayoa' taat Kini." Nyungan Gerasa Gatnngarapas umpatn Roh Jahat²⁶ Lalu nyampeta Yesus ge' ayo murid-A ka rappo sok Gerasa, ka sabarang Galilea.²⁷ Waktu Yesus disah ka darat, nyungan are umpatn kota dakoh da karasukan roh-roh jahat amput-Ini. Sok dakoh nga tuhi' ti' ngiak pangiak ge' ti' madi' ka ramin, tapi ka sibur.²⁸ Jangkah sok dakoh mile' Yesus, ini' pun ngampak ge' sujud ka hadapan-A. Nige' saratn da nyarekng ini' nyansana, "Jai urusan antara Akupm ge' iko', he Yesus, Anak Jabata Da Mahanyamo? Iko' muhon wa'-Imu', iya' nyiksa iko'!"²⁹ Hal dakoh tarjadi karna Yesus ngadu roh jahat dakoh mungkas umpatn sok dakoh. Sitan dakoh sering kali ngarihit-rihit sok dakoh singge ini' gatn ngarante, gatnborgol, ge' gatn sok jaga, tapi ini' kaatn mutus rante a' ge' sitan minsakng ka tampat-tampat da sunyi'.³⁰ Lakadakoh, Yesus mansikatn a' sok dakoh, "Asi gaatnmu?" Waat sok dakoh, "Legion" karna ani karah sitan da maruh a'.³¹ Sitan-sitan dakoh mahi' wa'-Ini' supaya Ini' iya' ngadu ayoa' anu ka jurang maut.³² Ka tampat dakoh, ani nyakubu' ahyo uwe' da agi' najo uman ka talidi. Sitan-sitan dakoh mahi wa' Yesus ya' mambiar ayoa' maruh ka kubu' uwe' dakoh, ge' Yesus ngijin ayoa'.³³ Maka, sitan-sitan dakoh pun mungkas umpatn sok dakoh ge' maruh ka sadatn uwe'-uwe', lalu kubu' uwe' dakoh talama'-ama' disah ka jurang talidi da nuju ka timu' ge' tanggulupm.³⁴ Jangkah ayo panggambala uwe' mile'a', ayoa' talama' boho ge' nyarita kajadian dakoh ka kota ge' kampong sakitara.³⁵ Jadi, sok karah utukng ya' mile' jai da tarjadi. Ayoa' utukng wa' Yesus ge' amput sok da nga gatnngarapas umpatn sitan-sitan dakoh agi' unyung ka jiket kaja' Yesus, nga bapangiak ge' nga waras pikirana'. Hal diah umas ayoa' buut kuat.³⁶ Ayoa' da mile' kajadian diah nyaritaa' wa' sok laitn langkina sok da karasukan dakoh nga gatnngangkauhatn.³⁷ Lalu, smaan sok da madi' ka daerah sakitar Gerasa mahi Yesus supaya ngagatn ayoa' sabab ayoa' batol misa buut da kuat. Karna dakoh, Yesus makka ka parahu ge' ure' ka Galilea.³⁸ Tapi, sok da nga gatnngarapas umpatn sitan-sitan dakoh bamuhon wa' Yesus supaya ini' buleh samahu-mahu nige' Yesus. Namun, Yesus ngadua' anu, waat-Na,³⁹ "Ure'mih ka raminmu' ge' nyaritalah hal-hal ahyo da nga Jabata umas kimu'." Sok dakoh pun anu ka smaan tampat ka kota ge' nyarita jai da nga Yesus umas kini'. Anak Yairus Gatnngangkidup ge' Nyungan Mahu Gatnngangkauhatn⁴⁰ Jangkah Yesus ure' ka Galilea, sok karah nyamut-A karna ayoa' smaan nga nunggu-A.⁴¹ Ka dakoh ani nyungan da bagaatn Yairus da utukng wa'-Ini', ini' anilah nyungan kapala sinagoge. Gae sujud manyambah ka kaja' Yesus, Yairus bamuhon supaya Ini' utukng ka ramina'.⁴² karna ini ani umpu' nyungan anak mahu tunggal da umur a' kira-kira dua balas sawa, ge' anak dakoh hampir kabis. Ge', jangkah Yesus nuju' ka teetn, sok karah ba sasak-sasak ka kalilikng-A.⁴³ Ka dakoh ani nyungan mahu da nga menderita pandarahan kuat dua balas sawa' tuhi a', ge' ti nyungan pun da kaatn ngangkauhatn a'.⁴⁴ Mahu dakoh ngajiket Yesus umpatn balakang ge' minte ujung jubah-A maka waktu dakoh uga; pandarahana' baranti.⁴⁵ Lalu, Yesus nyansana, "Asi da minte-Ko'?" Karna smaan sok ti' ngako', Petrus nyansana, "Guru, sok karah bakumpur ka kalilikng-Mu ge' basasak-sasak nige'-Mu!"⁴⁶ Tapi, Yesus nyansana, "Ani sook minte-Ko karna Iko' misa' ani kuasa da mungkas umpatn-Iko'."⁴⁷ Jangkah mahu dakoh mile' bahwa ini' ti' kaatn nyukatn adup a', ini' utukng wa' Yesus nige' bakutur ge' basujud ka hadapan-A. Ka tura smaan sok, ini' nyarita jai ini minte Yesus, ge' langkina ini' tiba-tiba auhtn.⁴⁸ Lakadakoh, Yesus nyansana wa'ini', "Anak-Ko, imanmu' nga ngangkauhatnmu'. Anumih sadatn damai sajahtera.⁴⁹ Jangkah Yesus maseh nyansana, nyungan umpatn ramin kapala sinagoge dakoh utukng ge' nyansana wa' Yairus, "Anak mahumu' nga kabis. Iya' agi' ngarepot Guru."⁵⁰ Tapi, ngadangah hal dakoh Yesus nyansana wa' Yairus, "Iya' buut. Pacaya anakmu' ao' salamat."⁵¹Jangkah Yesus utukng ka ramin Yairus, Ini' ti' ngijin asi pun maruh samahu-A kacuali Petrus, Yohanes, Yakobus, ge' sama' sino' anak dakoh.⁵² Smaan sok munse' ge' ngawang anak mahu dakoh, tapi Yesus nyansana, "Iya' munse', ini' ti' kabis tapi buus."⁵³ Sok karah dakoh guluk maliceh-A karna ayoa' pane anak mahu dakoh nga kabis.⁵⁴ Tapi, Yesus minte barekng anak dakoh ge' maba'a', "Umpatmih, nak!"⁵⁵ Maka, roh kangot dakoh ure' ge' waktu dakoh uga ni' agutn. Lalu Yesus ngadu supaya mangkat tarutn da bisa gatn kangot dakoh uman.⁵⁶ Kadua pangama anak dakoh takjub, tapi Yesus mingat ayoa' nyaritaa' ka asi pun manganai jai da nga tarjadi.

Chapter 9

¹ Lakadakoh, Yesus maba' kadua balas murid-A lalu mangkatn ayoa' kuasa ge' otoritas atas roh-roh jahat, ge' uga' ya' ngangkauhatn pangkanapm.² Ini' ngadu ayoa' muji' manganai Karajaan Jabata ge' ngangkauhat a'.³ Waat-Na ka ayoa', "Iya' minsakng jai pun sadantn pajalatnmu', iya' minsakng tungkat, tas, roti, uang, ato uga' dua halai baju. ⁴ Ka ramin dume pun da imu' maruh a', madi'ta ka teetn sampe imu' anu umpatn tampat dakoh.⁵ Wa' ayoa' da kati' ituh nyamut imu', ngagatnta kota dakoh ge' ngibasta dabu a' umpatn kaja'mu' sabagai paringatan wa' ayoa'."⁶ Lakadakoh barangkatta ayo rasul ge' bakalilikng ka desa-desa gae muji' Injil ge' ngangkauhatn ayo sok da anapm wa' dume-ume. Kabingungan Herodes manganai Yesus⁷ Herodes, sang raja rappo, dangah dangah smaan hal da tarjadi ge' ini' aru bingung sabab nyamani sok muji' bahwa Yohanes Pambaptis nga bangkit umpatn antara sok kabis, ⁸ sadangkan da laitn muji' bahwa Elia nga utukng agi', ge' ani pula da muji' bahwa ani nyungan umpatn antara ayo nabi da idup wa' zaman idu' nga bangkit.⁹ Herodes nyansana, "Iko' nga nyantak abak Yohanes. Jadi, asilah Sok da manganai-A ko'dangah agah da ulah diah?" Maka, Herodes batol ngatte badaput ge' Yesus.Pangkuman ya' Lima Ribu Ungan¹⁰ Jangkah ayo rasul ure', ayoa' basarita ka Yesus manganai jai sagala da nga ayoa' umas ge' Ini' minsakng ayoa' ya' manyandiri ka sabuah kota da bagaatn Betsaida.¹¹ Tapi, sok karah panane hal dakoh ge' ayoa' pun nganang-A. Maka, gae nyamut ayoa', Yesus nyansana wa' ayoa' manganai Karajaan Jabata ge' ayoa' da ngatte auhatn.¹² Jangkah ano nga mule ngarum, kadua balas murid Yesus utukng wa'-Ini' ge' nyansana, "Ngadumih ayo sok dakoh anu ka kampong-kampong ge' kadesa da ani kadiah ya' najo tampat bangarum ge' pangkuman karna ka diah ite' madi' ka tampat da jauh."¹³ Tapi, Yesus nyansana wa' ayoa', "Imutalah da mangkatn ayoa' uman." Waat ayo murid-A, "kai duhutn umpu' rima roti ge' dua ikatn, kacuali sak kai anu mari pangkuman ya' smaan sok diah."¹⁴ Ka teetn ani kira-kira rima ribu ungan sok are. Yesus nyansana wa' ayo murid-A, "Ngadumih ayoa' unyung pake bakubu'-kubu', kira-kira rima puluh ungan nyakubu'."¹⁵ Maka, ayoa' pun umas ulah da gatn Yesus muji' ge' ngadu smaan sok dakoh unyung.¹⁶ Lalu, Yesus naap rima roti ge' dua ikatn dakoh, mile' ka rangit, mamberkat a', mata'-mata' a', ge' mangkatn a' wa' ayo rasul supaya ayoa' mangkatn a' wa' sok karah.¹⁷ Ge', ayoa' smaan uman sampe basoh. Lakadakoh, kaba-kaba pata' roti da gatnngubu' ani panhu dua balas garanjang. Petrus Ngako Yesus anilah Kristus¹⁸ Nyasidah, jangkah Yesus agi badoa adup-adup-A, ayo murid-A ani samahu nige'-Ini'. Lalu, Ini' mansikatn ayoa', "Asilah Iko' diah manurut sok karah?"¹⁹ Ayoa' naham, "Yohanes Pambaptis, da laitn muji' Elia, ge' da laitn agi' muji' Akupm anilah salah satu umpatn ayo nabi da zaman idu' lalu bangkit agi'."²⁰ Lakadakoh, Yesus nyansana wa' ayoa', "Namun, manurutmu', asilah Iko'?" Petrus naham, "Akupm anilah Kristus umpatn Jabata."²¹ Tapi, Yesus mamparingatkan ayoa' nige' karas ge' muji' ka ayoa' supaya ti' muji' wa' asi pun manganai hal diah.Yesus Muji' Pangkabas-A²² Lakadakoh Yesus nyansana, "Anak Talino arus menderita karah hal ge' gatn nulak kat ama-ama, imam-imam kapala, ge' ayo ahli Taurat, lalu gatnngamis ge' ao' gatnngangkidup wa' ano da kataru."²³ Yesus nyansana wa' ayoa' smaan, "Sa' sook ngatte nganang Iko', ini arus nyangkal adup a', ge' maha salib a' bilakng kano.²⁴ Sabab, asi pun da barusaha nyalamat nyawa a', ao' kahilangan nyawa a'. Tapi, asi saja kahilangan nyawa a' karna Iko', ini' ao' nyalamat a'.²⁵ Jailah untunga sak sook kaatn smaan dunia, tapi kabis ato kahilangan nyawa adup a'?²⁶ Wa' sok da rasa mangun karna Iko' ge' saratn-Ko', Anak Talino pun ao' mangun ngako sok dakoh sa' Ini' utukng sadatn kamuliaan Sama'-A, samahu ge' ayo malaikat kudus.²⁷ Iko' muji' da sabatola' kimu', ani nyamani sok ka antara imu' da agutn ka diah da ti' ao' kabis katinga mile' Karajaan Jabata." Yesus Samahu Musa ge' Elia²⁸ Kira-kira, 8 ano ngalaka Yesus muji' pangajaran-A dakoh, Ini' minsakng Petrus, Yohanes, ge' Yakobus makka ka gunung ya' badoa.²⁹ Jangkah Yesus agi' badoa, rupa muka-A barubah ge' pangiak-A jadi ranakng bakilau.³⁰ Lakadakoh, tile'ta dua ungan da agi nyansana nige'-Ini'. Kadua ungan dakoh anilah Musa ge' Elia, ³¹ da nyua' adup a' sadatn kamuliaan ge' nyansana manganai pangkabis Yesus da ao' segra gatnnyelesai ka Yerusalem.³² Waktu koh, Petrus ge' kawan-kawana' aru tao' ngatte buus, tapi jangkah ayoa' umpat, ayoa' mile' kamuliaan Yesus ge' dua ungan da agutn samahu-mahu nige' Ini'.³³ Jangkah Musa ge' Elia ao' ngagatn Yesus, Petrus nyansana, "Guru, baitta te' tatap kadiah. Kai ao' mantagutn taru dio, nyabuah ya' da -Kupm, nyabuah ya' da Musa, ge' da nyabuah ya' da Elia." Tapi, Petrus ti' sadar jai da ni' muji' dakoh.³⁴ Jangkah Petrus agi' muji' hal dakoh, utukngta rahu' nudukng ayoa' singge Petrus, Yohanes, ge' Yakobus jadi buut jangkah ayoa' maruh ka sadatn rahu' dakoh.³⁵ Lakadakoh, tardangahta saratn umpatn rahu' dakoh, "Diahta Anak-Ko, Ini'ta da Ko'milih, dangahta Ini'."³⁶ Ngalaka saratn dakoh madi', Yesus gatnamput hanya adup-adup-A sadi'. Ayoa' marasia a' ge' ti' muji'a' wa' asi pun manganai jai da ayo mile' waktu ano dakoh. Nyungan Anak Are Gatnngarapas umpatn Roh Jahat³⁷ Jakkap anoa', jangkah ayoa' disah umpatn gunung, nyarombongan ahyo sok karah utukng wa' Yesus.³⁸ Ani nyungan umpatn sok karah dakoh ngampak, "Guru, iko' mohon wa'-Imu', milemih anakko sabab ini anilah anakko' nyungan-nyungana'.³⁹ Mile'mih, ani roh da nguasa a', ge' tiba-tiba ini' ngampak-ngampak. Roh dakoh uga' ngampas-ngampas a' singge baba a' babusa, roh dakoh tarus mangkanapm ungana ge' ti' tuh ngagatn a'.⁴⁰ Iko' nga mahi wa' ayo murid-Mu ya' nguser a', tapi ayoa' ti' kaatn ngarajea'."⁴¹ Yesus naham, "He, imu' katurunan da ti' pacaya ge' sasat! Mani tuhi' agi' Iko' arus madi' samahu imu' ge' basabar tarhadap imu'? Minsakngmih anakmu' dakoh kadiah."⁴² Jangkah anak dakoh mule ngajiket wa' Yesus, roh jahat dakoh ngampasa' ka tana' ge' nguncakng-nguncaknga'. Tapi, Yesus ngarato' roh najis dakoh, ngangkauhatn anak are dakoh, lalu mangkure' a' wa' sama' a'. Yesus Nyarita Pangkabis-A⁴³ Smaan sok misa takjub atas kuasa Jabata, tapi jangkah ayoa' maseh tarheran-heran ka smaan hal da Yesus umas, Ini' nyansana wa ayo murid-A, ⁴⁴ "Dangahtalah saratn diah bait-bait: Anak Talino ao' gatnnyarah ka barekng talino."⁴⁵ Tapi, ayo murid ti' ngarati maksud saratn dakoh, ge' hal dakoh ti' jelas bagi ayoa' singge ayoa' ti' kaatn ngaratia'. Namun, ayoa' buut mansikatn wa' Yesus manganai rati saratn dakoh. Asilah da Tarutama?⁴⁶ Waktu dakoh, nyabuah partangkaran tarjadi ka antara ayo murid Yesus manganai asi da tarutama ka antara ayoa'.⁴⁷ Tapi, Yesus panane pikiran ate ayoa', lalu Ini' naap nyungan kangot inek ge' minsaknga' agutn wa' suutn-A.⁴⁸ Lalu, Ini' nyansana wa' ayo murid, "Satiap sok da nyamut kangot inek ladiah sadatn gaatn-Ko', ini' nyamut Iko'. Ge', asi pun da nyamut Iko', ini' uga' Ini' da ngutus Iko'. Sabab, da paling hina ka antaramu, ini'talah da tarutama." Pihak da Samu⁴⁹ Yohanes naham-A ge' nyansana, "Guru, kai mile' nyungan nguser roh jahat sadatn gaatn-Mu ge' kai barusaha ngadua' madi' karna ini' inya tarmasok kalompok ite'."⁵⁰ Tapi, Yesus muji' wa' ini', "Iya' ngadua' baranti karna asi pun da ti' malawanmu', ini' kapihakmu." Yesus Gatnnulak ka Samaria⁵¹ Jangkah waktua' mangkin jiket ya' Yesus gatnninggi, Ini' nguat ate ya' anu ka Yerusalem.⁵² Ini' ngadu nyamani utusan nyantulu'-A. Lalu, utusan-utusan dakoh pun anu ge' maruh ka nyabuah desa ka daerah Samaria ya' nyiap jai tarutn ya' Ini'.⁵³ Tapi, ayo sok ka tampat dakoh ti nyamut Yesus karna Ini' agi' nuju ka kota Yerusalem.⁵⁴ Jangkah ayo murid Yesus, kohtalah Yakobus ge' Yohanes, mile' hal diah, ayoa' nyansana, "Tuhan, Anita Akupm ngatte kai ngadu api disah umpatn rangit ge' nyahung ayoa?" ⁵⁵ Tapi, Yesus mile' ka balakang ge' nagor ayoa'.⁵⁶ Lalu, Yesus ge' ayo murid-A anu ka desa da laitn. Tantangan ya' Danganang Yesus⁵⁷ Jangkah ayoa' agi sadatn paranua', ani nyungan nyansana wa' Yesus, "Iko' ao' nganang Akupm ka dume pun Akupm anu."⁵⁸ Yesus pun nyansana wa'ini', "Sarigala ani rubakng ya' madi' ge' manuk-manuk ani sarang a'. Tapi, Anak Talino ti' ani tampat ya' madi'."⁵⁹ Yesus nyansana wa' nyungan da laitn, "Nganangmih Iko'!" Tapi, sok dakoh muji', "Tuhan, ngadulah ko' anu ge' nyibur sama'ko' uru'."⁶⁰ Tapi, Yesus muji' kini', "Tea'lah sok kabis nyibur sok kabis ayoa', tapi imu' arus anu ge' ngabar tentang Karajaan Jabata."⁶¹ Ge', ani nyungan agi' nyansana, "Iko' ao' nganang Akupm, tapi ngadulah iko' mahi' ijin labih uru' nige' kaluargako'."⁶² Yesus nyansana wa'ini', "Ti' ani nyungan pun da nga mana' barekng a' wa' bajak a', tapi maseh mile' ka balakang, da pantas ya' Karajaan Jabata."

Chapter 10

¹ Ngalaka dakoh, Yesus milih ijo' puluh ungan pangikut da laitn, ge' Ini' ngadu ayoa' anu badua-dua ya' nyantulu'-A ka satiap kota ge' tampat da ao' Ni' ngunjung.² Waatn-Na' ka ayoa', "Asel panen memang diu raya, tapi pakaraje a' duhutn igetta. Maka, mahimih wa' Tuan da umpu' asel dakoh ya' ngadu pakaje-pakaraje ya' ngubu' asel panen-A."³ "Anumih! Iko' ngadumu' ulah anak domba ka tuda'-tuda' sarigala. ⁴ Iya' minsakng kantong uang, tas, ato sandal. Ge', iya' nyapa asi pun sadatn pajalatnmu'.⁵ Ka ramin dume pun mu' maruh, ngucaptalah uru', 'Damai sajahtera wa' ramin diah.'⁶ Sa' sok da ani ka dakoh cinta damai, damai sajahteramu' ao' madi' kini'. Tapi, sa' kati', damai sajahteramu dakoh ao' ure' kimu'.⁷ Maditalah ka ramin dakoh. Umanmih ge' nyucurmih jai da ayoa' nyato kimu', karna nyungan pakaraje pantas kaatn upaha'. iya' bapindah-pindah umpatn nyabuah ramin ka ramin da laitn.⁸ Satiap kali imu' maruh sabuah kota ge' ayo sok ka teetn nyamutmu', umanmih da ayoa' nyato ka hadapanmu'.⁹ Ngangkauhatta sok anapm da madi' ka teetn, ge' muji' wa' ayoa', 'Karajan Jabata nga jiket kimu'.¹⁰ Tapi ao' a', sak imu' maruh ka nyabuah desa ge' ayo sok ka teetn ti' nyamutmu', anumih ka gala'-gala' kota dakoh ge' nyansana, ¹¹ 'Malah dabu umpatn kaja' kai ao' kai ngibab ka tura'mu'. Tapi, ingattalah diah: Karajaan Jabata nga jiket.'¹² Iko' muji' kimu': wa' ano dakoh, tanggungan Sodom ao' labih ringan daripada tanggungan kota dakoh." Paringatan wa' Sok da Manulak Yesus¹³ "Calakata imu', Khorazim! Calakata imu', Betsaida! Saandaia Iko' umas mujizat da samu' ka Tirus ge' Sidon, maka ayoa' pasti nga tuhi' bartobat nige' unyung ge' ngiak saput kabung ge' kalaput.¹⁴ Tapi, wa' ano panghakiman, tanggungan Tirus ge' Sidon ao labih ringan daripada tanggunganmu'.¹⁵ Ge' imu', Kapernaum, anita imu' ao' gatnngantat a' surga? Kati', imu' ao' gatnnyangkahatn ka dunia sok kabis!¹⁶ Asi pun da dangamu', dangah Iko' uga'. Tapi, asi da manulakmu', ini' uga' manulak Iko'. Ge', asi manulak Iko', ini manulak Ini da ngutus Iko." Sitan-Sitan Tunuk wa' Pangikut Yesus¹⁷ Lakadakoh kaijo' puluh pangikut dakoh ure' nige' barepo gae nyansana, "Tuhan, sitan-sitan pun tunuk wa' kai sadatn gaatn-Mu'."¹⁸ Yesus muji' ka ayoa', "Iko' mile' Balis jantu umpatn rangit ulah kilat.¹⁹ Pananemih bahwa Iko' nga mangkatnmu' kuasa ya' nginyak kala'jengking, uga' kuasa wa' sagala kakuatan munsuh. Ti' ao' ani da ngangkanapmu'.²⁰ Tapi, iya'ta imu' barepo karna roh-roh dakoh tunuk wa'imu', malahan barepomih karna gaatmu' tartulis ka surga." Yesus Badoa wa' Sama'²¹ Waktu dakoh, Basukacitalah Yesus ka sadatn Roh Kudus ge' nyansana, "Iko' basyukur wa'-Imu' Sama',Tuhan wa' tumukng rangit ge' bumi', sabab Akup nyukatn hal-hal- diah umpatn sok bijaksana ge' cardas. Tapi, Akupm nyua' wa' bayi-bayi. Ae' Sama', karna dakohta da patut ka hadapan-Mu.²² Sama'-Ko nga nyarahta smaan tarutn wa'-Iko, ge' ti nyungan pun da kanal Anak kacuali Sama'. Ge', ti' nyungan pun da kanal Sama', kacuali Anak ge' ayo sok da wa' ayoa' Anak mangkatn karunia ya' pane a'.²³ Lakadakoh, Yesus nura' wa' ayo murid-A ge' nyansana sacara pribadi, "Bahagialah matu' da mile' jai da mu' ile',²⁴ sabab Iko' muji' kimu': karah nabi ge' raja da rindu mile' hal-hal da mu; ile' mati', tapi ayoa' ti' mile'a'. Ge', rindu dangah hal-hal da mu' dangah mati', tapi ayoa' ti ngadangah a'."Sok Samaria da Pamase²⁵ Lakadakoh, nyungan ahli Hukum Taurat agutn ya' mancuba Yesus, waatna', "Guru, jai da arus ko' umas ya' bisa kaatn idup da kekal?"²⁶ Yesus nahama', "Jai da gatnnganulis sadatn Hukum Taurat? Jai da mu' maca ka sadatn a'?"²⁷ Sok dakoh naham, "Kasihimih Tuhan, Jabatamu', nige' saganap atemu', nige' saganap jiwamu', ge' nige' saganap akal budimu'. Ge', kasihilah samu adupmu' talino ulah imu' mangasihi adupmu sendiri."²⁸ Yesus nyansana wa'ini', "Batol da mu' muji'. Umastalah dakoh, maka imu' ao' idup."²⁹ Tapi, sok dakoh ngatte ngaro' adup a', maka ini' muji' wa' Yesus, "Ge, asilah talino samu' adupko'?"³⁰ Yesus naham dakoh nige' nyansana, "Ani nyungan da disah umpatn Yerusalem ka Yeriko, ini' jantu' ka barekng ayo parampok da ngarampas pangiak a' ge' mangkukng a', lakadakoh ngagatn a' baring sadatn kaadaan ngana' kabis.³¹ Kabatulan, nyungan imam nabo' gala' dakoh. Jangkah ni' mile' sok dakoh, ini' anu melintas sadi' wa' pihik gala' da laitn.³² Ladakoh uga' da gatnumas kat nyungan Lewi, jangkah utukng ka tampat dakoh ge' mile' sok dakoh, ini nabo'a' nige bajalatn wa' teetn pagala'.³³ Tapi, ani nyungan Samaria, da agi' sadatn paranua' nabo' ka dakoh. Ge', jangkah ni' mile' sok dakoh, ini' rasa mase' kini'.³⁴ Lalu, ayo sok Samaria anu ngajiket a', ge' malut talih-talih a'. Ini' ngulesa' nige' binyak ge' anggur, lalu majjakka sok dakoh ka tumukng keledaia' ge' minsakng a' ka nyabuah panginapan, lalu marawat sok dakoh.³⁵ Wa' jakkap anoa'. sok Samaria dakoh naap uang a' 2 dinar ge' mangkatn a' wa' panjaga panginapan dakoh gae muji', 'Rawatmih sok da talih diah. Ge', nyamani pun uangmu abas ya' kini', iko' ao' mangganti a' jangkah ko' ure'."³⁶ Lalu, Yesus nyansana, "Menurutmu', asilah ka antara kataru sok dakoh da ngajadi samu ka adup talino umpatn sok da jantu' ka barekng ayo parampok dakoh?"³⁷ Ahli Taurat dakoh naham, "Sok da nyua' pamase' wa'ini'." Lalu, waatn Yesus, "Anumih, ge' umastamih hal da ladakoh. Maria ge' Marta³⁸ Jangkah Yesus ge' ayo murid-A sadatn paranu, Yesus maruh ka nyabuah desa ge' nyungan mahu da bagaatn Marta nyamut Yesus ka ramin a'.³⁹ Marta umpu' nyungan age da mahu da bagaatn Maria da unyung ka jiket kaja' Yesus ge' ngadangah pangajaran Yesus.⁴⁰ Tapi, Marta sibuk tao' ngaraje tarutn da arus na' nyelesai. Marta pun ngajiket wa' Yesus ge' muji', "Tuhan, ti' ta Kupm paduli mile' ageko' da mahu mansawatn iko' ngaraje smaan tarutn diah adup-adup? Ngadulah ni nolongko!"⁴¹ Tapi, Tuhan nahama', "Marta, Marta, imu' kuater ge' nyibuk adupmu' nige' karah hal. ⁴² Duhutn nyiteng da penting. Maria nga milih bagian da paling bait, ge' bagiana' dakoh ti' ao' suah gatnnaap umpatn ini'."

Chapter 11

¹Nyasidah ani nyano, Yesus badoa ka nyabuah tampat. jangkah Ini' ngalaka badoa, nyungan umpatn ayo murid-A muji' wa'-Ini, "Tuhan, ajarlah kai badoa samu ulah Yohanes ngajar ayo murid a'."² Lakadakoh Yesus nyansana wa' ayoa', "Jangkah imu' badoa, badoalah samu' diah: 'Sama', gatnngudustalah gaatn-Mu. Utukngtalah karajaan-Mu³ Mangkatnlah wa' kai pangkuman da sacukup a' bilakng kano,⁴ ge' ngampunlah duse-duse kai sabab kai sindiri uga' ngampun sok da basara' wa' kai. Ge', iya'lah minsakng kai ka sadatn pancubaan." Mahilah, najolah ge' ngatoklah⁵ Lakadakoh Yesus nyansana wa' ayoa', "Saandaia salah satu umpatn imu' umpu' nyungan kawan ge' imu' anu ka ramin kawanmu dakoh wa' tuda' ngarum nige' nyansana kini', 'Kawan, iko' nginyam taru roti, ⁶ karna kawanko' da agi anu bajalatn nyingkap ka raminko', tapi iko' ti' ani jai-jai ka ramin ya' nyato kini'.⁷ Mungkina kawanmu umpatn sadatn ramin naham, 'Iya' ngaco iko! Pintu nga takunci ge' iko' samahu anak-anakko nga ka tampat pabuus. Iko' ti' bisa umpat ya' mangkatn jai pun kimu'.⁸ Iko' muji' wa'imu' bahwa sakalipun kawanmu dakoh ti' umpat ge' mangkatn tarutn kimu' karna imu kawana, tapi karna imu' ti' madi mamohon, ini' pasti ao' umpat ge' mangkatn jai da imu' palalu.⁹ Jadi, Iko' muji' kimu' mahilah, imu' ao' manarima. Najolah, imu' ao' amput. Ngatoklah, pintu ao' gatnnukas ya' dimu.¹⁰ Sabab asi pun da mahi ao' narima. Asi da najo ao' kaatn. Ge' asi pun da ngatok, pintu ao' gatnnukas ya' dini'.¹¹Ania nyungan sama' ka antaramu da ao' mangkatn nipa' wa' anak a' sa' ini' mahi ikatn?¹² Ato mangkatn a' kalajengking, sak ini' mahi turah?¹³ Sa' imu' da jahe' pane langkina mangkatn da bait wa' ayo anakmu, apalagi Sama'mu' da ka surga. Ini' ao' mangkatn Roh Kudus wa' ayo sok da mahi wa'-Ini." Yesus Ngiak Kuasa Jabata¹⁴ Wa' da nyano, Yesus nguser sitan umpatn nyungan are da awa'. Ngalaka sitan dakoh mungkas, sok da ijaha' awa' dakoh kaatn nyansana ge' ayo sok da karah ngajadi heran.¹⁵ Tapi, nyamani sok muji', "Ini' nguser sitan nige' kuasa Beelzebul, pamimpin sitan."¹⁶ Nyamani sok da laitn ngana' nguji Yesus, ayoa' mahi Ini' nyua' nyabuah tande umpatn surga.¹⁷ Tapi, Yesus pane jai da kapikiran ayoa ge' nyansana wa' ayoa', "Satiap karajaan da pucuh-pucuh ge' saling nyarang ao' ancur. Ge', kaluarga da anggota-anggota a' saling bamunsuh ao' tarcare-bare.¹⁸ Jadi, sa' Balis uga' tarpucuh-pucuh ge' malawan adup a' sindiri, langkina mungkin karajaana' kaatn tatap bartahan? Iko' muji'ladakoh karna imu' muji' bahwa Iko' ngiak kuasa Beelzebul ya' nguser sitan-sitan.¹⁹ Sa' imu' nguser ayo sitan nige' kuasa Beelzebul, nige' kuasa asilah ayo anakmu nguser sitan? Karna dakoh, ayoa'talah da jadi hakimmu'.²⁰ Tapi, sa' Iko' ngiak kuasa Jabata ya' nguser sitan, Karajaan Jabata nga utukng kimu'.²¹ Sa' nyungan da kuat nige' basanjata langkap ngajaga istana a' sindiri, harta banda a' pasti sadatn kaadaan aman.²² Namun, sa' ani sok da labih kuat umpatn ini' ngana' nyarang ge' ngalaha', maka sok da labih kuat dakoh arus ngarampas sanjata-sanjata da gatn sok dakoh ngandal ge' magi-magi harta da ngagatnrampas dakoh.²³ Asi pun da ti' ani' ka pihak Iko', ini' malawan Iko'. Ge', asi pun da ti' ngubu' samahu Iko', ini' mancare-bare a'. Ure' a' Roh Najis²⁴ "Kira roh najis mungkas umpatn ungan sook, roh dakoh ao' bakalilikng nabo' tampat-tampat da karikng ya' najo tampat a' madi', tapi ini' ti amput a'. Karna dakoh, ni' muji', 'Iko' ao' ure' ka ramin da nga ko'ngagatn.'²⁵ Jangkah ni' ure, ini' amput ramin dakoh sadatn kaadaan nga gatnnyapu barasih ge' rapi tarator.²⁶ Lakadakoh, roh najis dakoh ao' anu ge' minsakng ijo' roh da labih jahat umpatn ini' ya' maruh ge' madi' ka ramin dakoh singge kaadaan sok dakoh ngajadi labih buruk daripada katinga a'."Ayo Sok da Barbahagia²⁷ Jangkah Yesus muji' hal diah, nyungan mahu da madi' ka tuda'-tuda' sok da karah ngampak, "Gatnberkatilah rahim da baranak Akupm ge' susu da nyusu Akupm."²⁸ Tapi, Yesus nyansana, "Barbahagialah ayo sok da dangah firman Jabata ge' mantaatia'."Tande Yunus²⁹ Jangkah ayo sok da bakumpur samangkin karah, Yesus nyansana, "Katurunan diah anilah katurunan da jahat; ayoa' nuntut nyabuah tande, tapi ti' nyiteng tande pun da ao' gatn nyua' wa' ayoa' salaitn tande Yunus.³⁰ Ulah Yunus da manjadi tande ya' ayo sok Niniwe, ladakohtalah Anak Talino ao' jadi tande kat katurunan diah.³¹"Wa' ano kiamat, Ratu umpatn Selatan ao' bangkit samahu ayo sok umpatn katurunan diah ge' ini' ao' manghukum ayoa' karna ini' utukng umpatn ujung bumi' ya' ngadangah Hikmat Salomo, sadangkan ka diah ani sook da labih ahyo daripada Salomo.³² Wa' ano kiamat, ayo sok Niniwe ao' bangkit samahu katurunan diah ge' ngukuma', karna ayo sok Niniwe bartobat jangkah Yunus barkotbah ka hadapan ayoa', sadangkan ka diah ani sook da labih ahyo daripada Yunus."Matu' anilah Pelita Ungan³³ "Kati' nyungan pun da ngalaka ngangkidup pelita, ao mana' pelita dakoh ka tampat da tasukatn ato ka saroh meja. Sabalik a', ayoa' mana' pelita dakoh ka kaja' pelita singge ayo sok da maruh kaatn mile' balo a'.³⁴ Matu' anilah pelita unganmu'. Sa' matu'mu' bait, smaan unganmu' ao' gatnpanhu nige' tarakng. Tapi, sa' matumu' jahe', smaan unganmu' ao' gatn kagalapan nguasa.³⁵ Karna dakoh, barati-atilah supaya tarakng ka sdatn adupmu' ti' jadi galap.³⁶ Sa' unganmu' panhu nige' tarakng ge' ti' ani bagiana da galap, unganmu' dakoh ao' tarakng smaana' samu ulah jangkah nyabuah pelita manarangimu' nige balo a'."Yesus Nagor Sok Farisi ge' Ahli Taurat³⁷ Ngalaka Yesus abas nyansana, nyungan Farisi ngundang-A ya' uman. Ini' pun utukng, lalu unyung ge' uman. ³⁸ Tapi, Sok Farisi dakoh heran jangkah mile' Yesus ti' meetm barekng-A uru' katinga uman.³⁹ Namun, Tuhan nyansana kini', "Ayo sok Farisi ulah imu' marasih bagian sato ucung ge' pingat, tapi ka sadatn adupmu' panhu' nige' kasarakahan ge' kajahatan.⁴⁰ He ayo sok baga! Inyata ayoa' da umas bagian sato uga umas bagian sadatn?Karna dakoh, magitalah jai da ani ka sadatnmu'. Nige' ladakoh, imu' ao' batol-batol barasih.⁴² Tapi, calakata imu', ayo sok Farisi! Sabab, imu' mangkatn parsapuluhan umpatn asel salasih, inggu, ge' sagala macam pamura' wa' kabonmu', tapi imu' ngabai kaadilan ge' kasih Jabata. Saharusa, imu' umas smaan hal dakoh tampa ngabai hal-hal da laitn.⁴³ Calakata imu', ayo sok Farisi karna imu' suka unyung ka tampat da paling bait ka sinagoge ge' suka uga' nyamut hormat ka pasar.⁴⁴ Calakata imu' karna imu' ulah sibur da ti' batande, da gatn sok nginyak-inyak tampa ayoa' marasa.⁴⁵ Lakadakoh, nyungan umpatn ahli Taurat nyansana wa' Yesus, "Guru, jangkah Akupm muji' hal-hal diah, Akupm uga' manghina kai."⁴⁶ Namun, Yesus naham, "Calakata imu', imu' mana' pabaha da bahat ya' gatn sok laitn maha, tapi adupmu' sindiri ti' ituh minte pabaha dakoh nige' nyiteng jari pun.⁴⁷ Calakata imu' karna mantagutn sibur ya' ayo nabi da gatn ngamis kat nenek moyangmu'.⁴⁸ Bahkan, imu' muji' wa' smaan sok bahwa imu' ngako' parbuatan nenek moyangmu; ayoa'talah da ngamis nabi-nabi dakoh, tapi imu' da mantagutn sibur a'.⁴⁹ Diahta sabab a', Jabata sadatn hikmat-A nyansana, 'Iko' ao' ngadu nabi-nabi ge' rasul-rasul wa' ayoa', tapi nyamani umpatn ayo sok da Ko'ngutus dakoh ao' gatn ngamis ge' gatnnyiksa,'⁵⁰ supaya daya' smaan nabi, da tontokng mule umpatn dunia gatn nyipta, kaatn gatn nuntut umpatn katurunan diah,⁵¹mule umpatn daya' Habel sampe daya' Zakharia, da gatnngamis ka sawang altar ge' Bait Jabata. Ai', Iko' muji' kimu' bahwa katurunan diah ao' batanggong jawab tarhadap hal diah.⁵²Calakata imu', he ahli-ahli Taurat! Sabab imu' nga naap kunci pangatahuan, tapi imu' sindiri ti' tuh maruh ge' manghalang-halang sok lait ya' maruh."⁵³ Ngalaka Yesus ngagatn tampat dakoh, ayo ahli Taurat ge' ayo sok Farisi mule nganggap-A munsuh nige' bamacam pansikatn.⁵⁴ Ayoa' bapakat ya' nangkap Yesus nige' sarat da gatn-Na nyansana.

Chapter 12

¹ Samantara dakoh, jangkah ani ribuan sok bakumpur ge' ayoa' saling nginnya', Yesus mule nyansana wa' ayo murid labih uru', "Barati-atilah tarhadap ragi ayo sok Farisi, dakohta kamunafikan.² Sabab, smaan da tatutup ao' gatnmuka' ge' smaan da tasukatn ao' gatnnganyata. ³ Karna dakoh, jai da imu' muji' ka sadatn galap ao' tadangah ka sadatn tarakng ge' da imu' barukkupm ka sadatn uhakng ao' gatnngabar ka tumukng aro-aro ramin. Buut ao Jabata⁴ Iko' muji' wa'imu', he kawan-kawan-Ko', iya'lah buut wa' ayoa' da kaatn ngamis ungan, tatapi ngalaka dakoh kati' aba' babuat labih jauh agi'.⁵ Namun, Iko' ao' nyanuutmu' tentang asi da arus imu' buut a': buuttalah wa' Ini', da ngalaka ngamis, bakuasa nyangkahatnmu' ka sadatn neraka. Ai', Ini'lah da arus imu' buut.⁶ Inyata 5 ungan pipit gatnnyual hanya baraga 2 kapikng ja'? Namun, kati' nyungan pun umpatn manuk-manuk dakoh da gatnkarimut ka hadapan Jabata.⁷ Malahan, jumlah abok ka aba'mu' pun taritong. Iya' buut, imu' jauh labih baraga daripada manuk pipit." Peringatan bagi da Kati' ngako Yesus⁸ "Iko' muji' wa'imu', satiap sok da ituh ngako Iko' ka hadapan sok laitn, uga' ao' gatnakui uleh Anak Talino ka hadapan Jabata.⁹ Tapi, satiap sok da kati' ngako' Iko' ka tura' sok laitn uga ao' kati' gatnngako ka hadapan malaikat-malaikat Jabata.¹⁰ Ge', asi pun da muji' tarutn da malawan Anak Talino kaatn gatnampun, tatapi asi pun da manghujat Roh Kudus kati' ao' gatnngampun.¹¹ Jangkah ayoa' minsakngmu' ka tura' ayo pamimpin ge' panguasa, iya' kuater tentang langkina imu' mambela adupmu' ato jai da arus imu' muji',¹² sabab ano dakoh uga' Roh Kudus ao' ngajarmu' tentang jai da arus imu' muji'." Parumpamaan tentang Nyungan sok Kaya¹³ Nyungan umpatn sok da karah dakoh nyansana wa' Yesus, "Guru, ngadulah ageko' ya' babagi warisan nige'ko'."¹⁴Tapi, Yesus nyansana wa'ini', "Age, asi da ngangkat Iko' ngajadi hakim ato pangantara bagi imu'?"¹⁵ Lakadakoh, Yesus nyansana wa' ayoa', "Bajaga-jagalah ge' waspadalah atas sagala bantuk kasarakahan karna idup sook ti' bagantong wa' karah a' harta da ni' umpu'."¹⁶ Lalu, Yesus nyarita sabuah parumpamaan wa ayoa', " Ani sok da batol-batol kaya umpu' tana da ngasel karah asel panen.¹⁷ Jadi, sok dakoh bapikir sadatn atea', 'Jai da arus ko'umas karna iko' ti ani umpu' tampat agi' ya' mana' asel panenko'?'¹⁸ Ge', ini' nyansana, 'Diahta da ao' ko' umas. Iko' ao' mungkar langko-langkoko' ge' mantagutn da labih ahyo. K teetn, iko' ao' mana' smaan gandum ge' barang-barangko'.¹⁹ Lalu, iko' nyansana wa' jiwako', 'He jiwako', imu' ani umpu' karah tarutn da gatn nyimpan ya' basawa'-sawa'; madi'talah, uman, nyucur, ge' barepo-repomih!'²⁰ Namun, Jabata nyansana wa' sok dakoh, 'He, sok baga! Ngarum diah uga', jiwamu' ao' gatnnaap umpatn imu'. Lalu, asilah da ao' umpu' barang-barang da mu' nyimpan dakoh?'²¹ Ladakohtalah da ao' tarjadi wa' sok da nyimpan harta ya' da adup a' sindiri, tapi ti' kaya ka hadapan Jabata." Iya' Kuater²² Yesus nyansana wa' ayo murid-A, "Sabab dakoh, Iko' muji' kimu', Iya' kuater parihal idupmu', parihal jai da ao' mu' uman. Ato, kuater parihal jai da ao' mu' ngiak.²³ Sabab, idup labih penting daripada pangkuman ge' ungan labih penting daripada pangiak.²⁴ Mile'mih manuk-manuk gagak. Ayoa' ti' mura' ato manen, ayoa' uga ti' ani umpu' gudang ato langko, tapi Jabata mangkatnna uman. Imu' jauh labih bararga daripada manuk-manuk dakoh.²⁵ Asilah ka antaramu' da karna kuater kaatnnambah kadar nyahasta wa' umur idup a'?²⁶ Sa' imu' ti' kaatn umas hal-hal da inek diah, nyai imu' rasa kuater wa' hal-hal da laitn?²⁷ Memperhatimih bunga bakung, langkina ayoa' makkat. Bunga-bunga dakoh ti' bakaraje karas ato mamintal, tapi Iko' muji' wa'imu', bahkan Salomo sadatn kamuliaana pun ti' ngiak pangiak da samu' lamusa' umpatn salah satu bunga-bunga dakoh.²⁸ Sa' Jabata mandandani udu' ka uma, da nyano diah idup ge' jakkap gatn matat ka sadatn api, ti'a Ini' ao' mandandani imu' labih daripada udu' dakoh? He, imu' da kurang pacaya!²⁹ Jadi, iya'lah imu' najo jai da ao' imu' uman ato jai da aoimu' nyucur, ge' iya'lah marmikir a'.³⁰ Sabab, bangsa-bangsa ka dunia najo smaan dakoh, tapi Sama'mu panane bahwa imu' palalua'.³¹ Sabalik a', Najolah uru' Karajaan Jabata, maka smaan diah ao' gatnnambahta wa'imu'."Ngubu' Harta ka Surga³² "Iya' buut, he kubu' da inek, karna Sama'mu ituh mangkatnmu' Karajaan dakoh.³³ Nyualmih sagala da mu' umpu' ge' mangkatnlah sadakah. Umaslah ya'dimu' kantong uang da ti kaatn rusak, diu'ta harta ka surga da ti' kaatn gatn parangko naap atopun gagat ngarusak.³⁴ Sabab, ka tampat hartamu madi, ka dakoh uga atemu' madi." Hamba da Setia Bulah Tugas a'³⁵ "Harusta apakngmu' tatap batingo' ge' pelitamu tatap idup.³⁶ Jadimih ulah ayo sok da nganti tuana ure' umpatn gawe bainyha' supaya ayoa' kaatn segra nukas pintu ya' dini', jangkah tuan dakoh ure' ge' ngatok pintu.³⁷ Gatnberkatilah hamba-hamba, da tuana' amput basiap sadia, jangkah ini' utukng. Iko' muji' kimu', sasungguha', ini' ao' ningo' apakng a' ya' malayani ge' ngadu ayo palayana unyung uman. Ini' ao' utukng ge' malayan ayoa'.³⁸ Sa' tuan dakoh utukng wa' tuda' ngarum ato dini ari ge' amput ayoa' agi' umas da pangkoh, gatnberkatilah ayoa'!³⁹ Namun, panea'lah, sa' nyungan umpu' ramin panane jam mani parangko ao' utukng wa' ramina', ini' pasti ti' ao' mambiar ramina' gatnna maruh.⁴⁰ Maka a', imu' arus salalu basiap sadia karna Anak Talino ao' utukng wa' saat da ti' mu' nyangka.⁴¹ Lakadakoh, Petrus mansikatn wa'-Ini', "Tuhan, anita Akupm nyarita parumpamaan diah duhutn wa' kai ato wa' smaan sok uga'?"⁴² Tuhan naham, "Asilah kapala palayan da setia ge' da bijaksana da gatn tuana' pacaya ya' ngaeaw da laitn, ya' mangkatn ayoa; uman wa' waktu da tapat?⁴³ Gatnberkatilah hamba dakoh, da jangkah tuana utukng, amput a' agi' bulah tugas a'.⁴⁴ Iko' muji' kimu', sasungguha', tuan dakoh ao' miliha' ya' ngawas smaan da ni' umpu'.⁴⁵ Tapi, sa' hamba a' dakoh nyansana sadatn atea', 'Tuanko ti' ao' segra utukng, ge' mule mangkukng hamba da are ge' da mahu laitna', lakadakoh uman ge' nyucur sampe mabuk,⁴⁶ Jangkah tuana utukng wa' waktu dakoh da ti' gatnnyangka-nyangka ge' ti' hamba-hamba dakoh pane, sang tuan ao' ngamis hamba dakoh ge' mana'a' samahu nige' ayo sok da ti' setia.⁴⁷ Nyungan hamba da pane kainginan tuana, tapi ti' basiap sadia ato umas sasue kainginan tuana ao' karah gatn mangkukng.⁴⁸ Namun, hamba da ti' pane da tuana' ingin ge' da umas hal-hal da patut kaatn pangkukng, ini' ao' kaatn labih iget pangkukngan. Satiap sok da gaatn mangkatn karah, gatnnuntut karah. Ge', ayoa' da gatnmangkatn kapercayaan labih ahyo gatnnuntut labih ahyo agi'.Yesus Umas Pamisahan⁴⁹ Iko' utukng ya' nyangkahatn api ka dunia, ge' Iko' barharap api dakoh nga idup!⁵⁰ Tapi, Ani baptisan da arus Ko' nabo', ge' Iko' rasa sangat tartakan sampe hal dakoh tarjadi.⁵¹ Anita imu' nyangka bahwa Iko' utukng ya' minsakng pardamaian ka tumukng bumi? Kati', Iko' muji' kimu', da ani koh parpacahan! ⁵² Mule mati', rima ungan sadatn nya kaluarga ao' gatnmisah. Taru ungan ao' malawan dua ungan ge' dua ungan ao' malawan taru ungan.⁵³ Ayoa' ao' gatnmisah; Sama' ao' malawan anak area', sino' ao' malawan anak mahu a', ge' anak mahu ao' malawan sino' a'. Mama martua ao' malawan manantu a' da mahu, ge' manantu da mahu ao' malawan mama martua a'."Manafsir Zaman⁵⁴ Lalu, Yesus nyansana wa' sok karah, "Jangkah imu' mile' awan bakumpur ka sabalah barat, imu' segra nyansana, 'Ujat ao' turun.⁵⁵ Jangkah imu' misa angin utukng umpatn selatan , imu' nyansana, 'Ano diah ao' jarah kuat,' ge' hal dakoh batol-batol tarjadi.⁵⁶ Imu' sok munafik! Imu' pane manafsir rupa rangit ge' bumi', tapi jai imu' ti pane manafsir zaman diah?"⁵⁷ "Jailah imu' sindiri ti' pane mamutus jai da taman?⁵⁸ Jangkah imu; anu samahu munsuhmu ato manghadap pamarintah, barusahamih nyelesai masalahmu' nige' ini' sadatn paranu supaya ini' ti' ngarihitmu' wa' hakim ge' nyarahmu' wa' pangawal, ge' pangawal dakoh ao' nyangkahatn imu' ka sadatn panjara.⁵⁹ Iko' muji' kimu', Imu' ti' ao' mungkas umpatn teetn sa' tingan imu' mayar utangmu' sampe peser da pangkabas."

Chapter 13

¹ Ka dakoh, ani nyamani sok da muji' wa' Yesus manganai ayo sok Galilea da daya' a' gatn Pilatus ngancoh nige' korban parsambahan ayoa'. ² Yesus naham ayoa', "Anita imu' ngira ayo sok Galilea diah labih baduse daripada ayo sok Galilea da laitn karna ayoa' menderita ladiah?³ Iko' muji' kimu', kati'. Tapi, sa' mu' ti' bartobat,imu' smaana uga' ao' kabis.⁴ Ato ulah damahi' balas ok da kabis, jangkah manara ka jiket kulam Siloam jantu ge' ngabam ayoa', anita imu' ngira ayoa anilah panduse da labih buruk daripada smaan sok da madi' ka Yerusalem?⁵ Iko' muji' kimu', kati'. Tapi, sa' imu' bartobat, imu' smaan uga' ao' kabis!"Puutn da Kati' Barbuah⁶ Yesus uga' nyarita parumpamaan diah: "Ani nyungan sook da umpu' nyabatakng puutn ara da gatn mura' wa' kabon anggur a'. Tapi, waktu ni' utukng ya' najo buah wa' puutn dakoh, ini' ti' amput a'.⁷ Jadi, ni' muji' wa' tukang kabon a', nga taru sawa' iko' utukng najo buah wa' puut ara dakoh, tapi iko' tinga suah amput nyiteng pun. Tabang ja' puutn dakoh! jailah nyia-nyia tana' ya' puutn dakoh?'⁸ Tapi, tukang kabon dakoh naham, 'Tuan, mangkatlah puutn dakoh kasampatan agi' sawa' diah ya' barbuah. Tea'lah iko' ngari' tana' ka sakitar a' ge' mangkatn a' pupuk,⁹ mungkin puutn ara dakoh ao' ngasel buah sawa' jana. Sa' kati' barbuah uga', Tuan bisa nabang a'."Yesus Ngangkauhatn wa' Ano Sabat¹⁰ Nyasidah, Yesus ngajar ka nyabuah sinagoge wa' ano Sabat.¹¹ Ka teetn ani nyungan mahu da karasukan roh singge ni' jadi anapm mahi' balas sawa' tuhi' a'. Pungokng mahu dakoh bungko' singge ti' kaatn agutn tamut.¹² Jangkah Yesus mile' a', Ini' maba' mahu dakoh ge' nyansana, "He mahu, imu' nga gatnngarapas umpatn pangkanapmmu'."¹³ Lakadakoh, Yesus mana' barekng a' wa' mahu dakoh ge' jangkah dakoh uga', ini' kaatn agutn tamut ge' muji Jabata.¹⁴ Tapi, pamimpin sinagoge dakoh ngajadi manas karna Yesus ngangkauhatn wa' ano Sabat. Ini' nyansana wa' sok karah, "Ani inum ano ya' bakaraje. Karna dakoh, utukngmih wa' ano-ano dakoh ya' gatnngankauhatn, inya' pas ano Sabat."¹⁵ Namun, Tuhan naham sok dakoh, "Imu' ayo sok munafik! Inyata imu' smaan ngarapas sapi ato keledai da mu'umpu' da gatn ningo' ka kandang ge' ngiringa' mungkas ya' nyucur wa' ano Sabat?¹⁶ Karna dakoh, inyata mahu diah, nyungan katurunan Abraham da nga Sitan ningo' mahi balas sawa' tuhi a' uga' arus gatnngarapas umpatn rante a' wa' ano Sabat dakoh?"¹⁷ Jangkah Yesus nyansana ladakoh, smaan lawan-A gatnmanyangun, ge' sok karah basukacita atas smaan parbuatan ajaib da nga Ini' umas. Parumpamaan Igi' Sasawi ge' Ragi¹⁸ Lakadakoh, Yesus nyansana, "Ulah jailah Karajaan Jabata dakoh? Nige' jailah Iko' kaatn ngumpama a'?¹⁹ Karajaan Jabata dakoh ulah igi' sasawi da gatn sok naap ge' gatnmura' wa' kabon a'; igi' dakoh makkat ngajadi puutn, ge' manuk-manuk ka udara umas sarang wa' daatn-daatn a'."²⁰ Ge' agi' Ini' nyansana, "Nige' jailah iko' ngumpama Karajaan Jabata?²¹ Karajaan Jabata dakoh ulah ragi da gatn nyungan mahu naap ge' ngancoh a' sadatn tapukng sampe smaan adonan dakoh ngambang."Duhutn Igetta da Gatnnyalamat²²Yesus ngaranto kota-kota ge' desa-desa, Ini' mangajar ge' trus bajalatn nuju' Yerusalem. ²³Lalu, sook mansikatn wa' Ini', "Tuhan, anita duhutn igetta sok da gatnnyalamat?" Yesus nyansana wa' ayoa smaan, ²⁴"Barjuangmih ya' kaatn maruh nabo' pintu da sampit; sabab Iko' muji' kimu', karah sok ao' barusaha maruh ka teetn, tapi ayoa' ti' kaatn.²⁵ Sa' tuan ramin agutn ge' nutup pintu ramin a', sadangkan imu' agutn wa' sato ge' ngatok pintu gae nyansana, 'Tuan, tulong nukaslah mangkatn kai.' Ini' ao' naham, 'Iko' ti' pane umpatn dume imu' utukng.'²⁶ Lalu, imu' ao' naham, 'Kai nga uman ge' nyucur samahu Akupm. Akup nga laka ngajar wa' pagala'-gala' kota kai.'²⁷ Namun, Ini' ao' naham, 'Iko' ti' kanal kimu' ge' ti' pane umpatn dume imu' utukng. Bohomih umpatn hadapanko', ayo kupm smaan da umas kajahatan!"²⁸Imu' ao' munse' ge' bakaratok japu jangkah mile' Abraham, Ishak, ge' Yakub, sarta smaan nabi madi' wa' Karajaan Jabata samantara imu' gatnnyangkahatn ka sato.²⁹ Lakadakoh, ayo sok ao' utukng umpatn timur ge' barat, ge' uga' umpatn utara ge' selatan. Ayoa' ao' unyung ge' uman ka sadatn Karajaan Jabata.³⁰ Sasungguha', ayo sok da unyhi ao' manjadi da uru', ge' ayo sok da uru' ao' jadi da unyhi'."Yesus arus Anu ka Yerusalem³¹Wa' no dakoh, nyamani sok Farisi utukng wa' Yesus ge' nyansana, "Bohomih, ngagatnta tampat diah karna Herodes ao' ngamis-Mu'."³² Yesus naham ayoa', "Anumih ge' muji' wa' rubah dakoh, 'Ano diah ge' jakkap, Iko' ao' nguser roh-roh jahat ge' ngangkauhatn sok, ge' wa' ano da kataru, Iko' ao' ngangkabas karaje-Ko.³³ Tapi, Iko' ao' ngalanjut pajalatn ano diah, jakkap ge' ari karna ti mungkin nyungan nabi kabis ka sato Yerusalem.³⁴ Yerusalem, Yerusalem! Imu' ngamis ayo nabi ge' ngamping sok da gatnngutus wa'imu! Baulang kali Iko bungu ngubu ayo anakmu', samu ulah ino' siap da ngubu' anak-anak a' ka saroh arat a'. Tapi, imu' ti' tuh.³⁵Mati' raminmu' ao' gatn ngusong ge' manjadi ritip. Iko' nyansana wa' imu', imu' ti' ao' mile' Iko' agi' sampe utukng waktu a' imu' ao muji', 'Gatnberkattalah Ini' da utukng sadatn gaatn Tuhan!

Chapter 14

¹ Wa' ano Sabat dakoh, Yesus utukng wa' ramin nyungan pamimpin umpatn ayo sok Farisi ya' uman roti samahu a' ge' ayoa' smaan ngawas Yesus,² Waktu dakoh, ani nyungan da mandarita busokng paitn ka tura'-A.³ Yesus nyansana wa' ayo sok Farisi ge' ahli-ahli Taurat, " Buleh du' ngangkauhatn sok wa' ano Sabat?"⁴ Tapi, ayoa' ti' naham-A. Lakadakoh, Yesus pun minte sok da anapm dakoh ge' ngangkauhatn a', lalu ngadu sok dakoh boho.⁵ Yesus nyansana wa' ayoa', " Asilah ka antara ayo kupm sa' anak a' ge' sapi are a' jantu ka sadatn sumur wa ano Sabat, ti' sagara narik a' ka sato?"⁶ Maka, ayoa' pun ti' kaatn mambantah saratn-A. Tampat Kahormatan⁷ Lakadakoh, Yesus nyarita nyabuah parumpamaan wa' tamu-tamu undangan jangkah Ini' mile' langkina ayoa' milih tampat-tampat unyung ya' tarhormat ka rappo meja uman, ⁸ "Sa' imu' gatn ngundang ka nyabuah gawe bainyha', iya'lah imu' unyung ka tampat kahormatan karna tuan ramin dakoh mungkin ani ngundang sok da labih tarhormat dari imu'.⁹ Lalu, tuan ramin dakoh ao' utukng kimu'. 'Mangkatnmih tampatmu' wa' sok diah!' Ge', imu' pun arus pindah ka tampat da paling randah nige' merasa mangun.¹⁰ Namun, sa' imu' gatnngundang, unyungmih ka tampat da paling bontot supaya jangkah da ngundang imu' utukng, ini' ao' muji' kimu', 'Kawan, pindamih ka tampat da labih tarhormat.' Nige' ladakoh, imu' ao' kaatn panghormatan ka hadapan ayo sok da uman samahu' nige' imu'.¹¹ Sabab, smaan sok da ninggi adup a' ao' gatnngarandah, tapi ini' da randah ao' gatnninggi."Undangan Uman ge' Balasan¹² Lalu, Yesus nyansana wa' sok da ngundang-A dakoh, "Sa' imu' umas paruman tano ato uman ngarum, iya' ngundang kawan-kawan, age-age, kaum kaluarga, ato baatmu' da kaya karna ayoa' ao' kaatn mambalas nige' ngundangmu' ya' uman samahu ayoa'.¹³ Tapi, sa' imu' umas gawe, ngundangmih ayo sok da miskin, ayo sok da cacat, ayo sok da lumpuh, ge' ayo sok da buta.¹⁴ Ge', imu' ao' gatnberkati karna ayo sok diah ti' kaatn ure malasmu' imu ao' kaatn balasa' wa' ano kabangkitan ayo sok da taman."Parumpamaan tantang Undangan Jamuan uman¹⁵ Jangkan nyungan umpatn da uman samahu-A ngadangah saratn-saratn diah, sok dakoh nyansana wa'-Ini', "Gatnberkatilah sok da ao' uman roti ka sadatn Karajaan Jabata."¹⁶ Tapi, waat Yesus wa' sok dakoh, "Ani sook da umas paruman ngarum da ahyo ge' ini' ngundang sok karah,¹⁷ ge' jangkah waktu uman ngarum nga utukng, sok dakoh ngadu hamba a' ya' nyansana wa' ayo tamu da nga gatnngundang dakoh, 'Utukngmih, karna ngasiap smaan.¹⁸ Namun, smaan tamu undangan dakoh mule umas alasan-alasan. Sok da partama muji', 'Iko' baru mari uma ge' iko' arus anu mile'a'. Iko mahi maaplah nih.'¹⁹ Da lain nyansana, 'Iko' baru mari rima pasang sapi ge' iko' arus anu ya' mariksa sapi-sapi dakoh. Iko' mahi maaplah nih.²⁰ Samantara da laitn agi nyansana, 'Iko' baru ja' bainyha'. Karna dakoh, ko' ti' bisa utukng.'²¹ Lalu, palayan dakoh pun ure' ge' malapor smaana wa' tuan a'. Maka, majikana' dakoh ngajadi baji', lalu nyansana wa' palayana', 'Capatmih! anu ka gala'-gala' ge' satiap gang ka kota diah. Minsakngmih wa'iko' ayo sok papa, ayo sok pincang, ge' ayo sok buta.'²² Lakadakoh, palayan dakoh nyansana kini', 'Tuan, iko' nga umas jai da imu' parintah, tapi masih ani tampat da kusong.'²³ Tuan dakoh nyansana wa' palayana', 'Anumih ka gala-gala' raya ge' satiap gang. Minsakngmih ayo sok ka teetn ya' utukng kadiah supaya raminko' jadi panhu.²⁴ Iko' muji' kimu', ti' nyungan pun umpatn ayoa' da ko' ngundang idu' dakoh ao' manikmati paruman da ko' nyadia."Tantang Nganang Yesus²⁵ Karah sok bajalatn samahu-mahu nige' Yesus. Lakadakoh Yesus nura' wa' ayoa' ge' nyansana, ²⁶ "Sa' sook utukng wa'-Iko' tapi ti' ngarusi sama', ge' sino', sautn ge' ayo anak a', agea' da are ge' agea' da mahu, ge' idup adup a', ini' ti' pantas jadi murid-Ko.²⁷ Asi pun da ti' maha salib a' ge' nganang Iko', ini' ti' pantas jadi murid-Ko.²⁸ Asilah ka antaramu' da ngatte mantagutn manara, tapi ti' unyung labih uru' ge' ngitong biaya ya' panea' anita ini' umpu' uang da cukup ya' ngangkabas a'?²⁹ Sak kati' ladakoh, jangkah ini' mana' pondasi ge' ti' kaatn ngangkabasa, smaan sok da mile' a' ao' ngalukatn a'.³⁰ Ayo sok dakoh ao' nyansana, 'Sok diah mulai mantagutn, tapi ini' ti' kaatn ngangkabasa'.'³¹ Ato, raja dumelah da ao' anu baparang malawan raja laitn tapi ti'labih uru' unyung ya' mampartimbang anita ini; samahu 10.000 tantara kaatn malawan munsuh a' da umpu' 20. 000 tantara?³² Sa' ini' ti' kaatn ngalah raja laitn dakoh, ini' ao' ngirim nyungan utusan ge' mansikatn syarat-syarat pardamaian jangkah pasukan lawana dakoh agi' ka jauh.³³ Ladakoh uga' ge' imu' masing-masing, ti' ani nyungan pun ka antaramu da pantas jadi murid-Ko sa' ti nyarah smaan da na'umpu'." Sia' da Tawar Ti' Ani Gunea³⁴ "Sia' dakoh bait, tapi sa' sia' dakoh nga ti' ani rasa asina', langkinalah umasa' ure' asin?³⁵ Sia dakoh malahan ti' agi' kaatn manggune ya' uma' ato pupuk singge sok hanya ao' matatn a'. Asi da umpu' rajak ya' ngadangah, tea'lah ini' ngadangah!"

Chapter 15

¹ Ayo pangumpur pajak ge' sok baduse ngariket wa' Yesus ya' ngadangah-A.² Lakadakoh ayo sok Farisi ge' ahli-ahli Taurat mule bakuto, "Sok diah narima ayo sok baduse ge' malahan uman samahu ayoa."³ Lakadakoh Yesus muji' parumpamaan diah wa' ayoa', waatn-A, ⁴ "Asilah ka antara imu' da sak ani umpu' 100 ungan domba, ge' kahilangan nyungan, kati' ao' ngagatn da 99 ungan ka taya udu? Inyata ini' ao' anu najo da layo dakoh sampe ini' amput a'?⁵ Ge' jangkah ini' amput a', ini' ao' ngampekng domba dakoh ka tumukng kae a' ge' aru basukacita.⁶Sak ngautukng ka ramin, ini' ao' anu amput kawan-kawan ge' baat-baat a' gae muji' wa' ayoa', 'Bagembiralah samahuko' karna iko' nga amput dombako' da ilang.'⁷ Iko' muji' wa'imu', ladakohlah ao' ani sukacita da labih ahyo ka surga karna 1 sok baduse da batobat daripada karna 99 sok taman da kati' palalu pertobatan. Parumpamaan Uang Pirak da Ilang⁸ Ato mahu dume da umpu' sapuluh kapikng uang pirak, sak ini' kahilangan nyakapikng ka antara a', kati' ngangkidup pelita ge' nyapu ramin a', lalu nyajo kapikng uang dakoh nige' ati-ati sampe' ini' amput a'?⁹ Ge', sak nga amput a', ini' ao' maba' kawan-kawan ge' baat-baat a' ge' muji' wa' ayoa', "Bagembiralah samahuko' karna iko' nga amput nyakapikng da ilang dakoh.'¹⁰ Iko' muji' wa'imu', ladakoh uga ani sukacita ka antara ayo malaikat Jabata karna nyungan sok da batobat." Parumpamaan Dua Anak Ungsu Dangagatn Sama'a'¹¹ Lakadakoh Yesus nyansana, "Ani sook da umpu' dua anak are.¹² Anak da ungsu muji' wa' sama' a', 'Sama', mangkatlah wa'iko' bagian harta da ngajadi bagiko'.' Maka, sama'a' pun magi kakayaana wa' kadua anak a'.¹³ Kati' tuhi' lakadakoh, anak ungsu dakoh ngubu' smaan da ni'umpu', lalu anu ka nagari da jauh ge' ka teetn ini' ngamhur-ngamhur da ni'umpu' dakoh nige' idup bafoya-foya.¹⁴ Jangkah ini' nga ngangkabas smaan a', tajadita bencana siburuk da hebat ka nagari dakoh, ge' ini' pun mule bakakurangan.¹⁵ Jadi, anulah ini' ge' bakaraje wa' nyungan penduduk nagari dakoh, da ngadua ka uma' ya' mangkatn babi-babi a' uman.¹⁶ Nyakali ini' ngate ngisi putukng a' nige' buah karob da gatn babi-babi uman dakoh, tatapi kati' ani nyungan pun da mangkatn wa'ini'. Anak Ungsu Ure' wa' Sama'a'¹⁷ Jangkah anak ungsu dakoh sadar, ini' nyansana, 'Betapa karah a' pakaraje-pakaraje sama'ko' da umpu' pangkuman da marabeh-abeh, tatapi iko' ka diah hampir kabis siburuk.¹⁸ Iko' ao' umpat ge' ure' wa' sama'ko'. Iko' ao' muji' wa'ini': Sama', iko' nga baduse taradap surga ge' ka hadapanmu'.¹⁹ Iko' kati' pantas agi' gatnmuji' anakmu', ngadulah iko' sebage nyungan umpatn pakarajemu.²⁰ Maka, agutntalah ini' ge' anu wa' sama' a'. Tapi, jangkah anak dakoh maseh batol jauh, sama'a' mile' ini' ge' nige' panhu pamase', sama' a' dakoh talama' lalu nakulok ge' nyiuma.²¹ Lakadakoh, anak dakoh nyansana wa' sama' a', 'Sama', iko' nga baduse tarhadap surga ge' ka hadapanmu'. Iko' ti' pantas agi' gatnmuji' anakmu'.'²² Namun, sama'a' dakoh nyansana wa' palayan-palayan a', 'Capat! Minsaknglah jubah da paling lamus lalu nakatlah wa'ini'. Nakat uga' cincin ka tarinyo' a' ge' sandal ka kaja' a'.²³ Minsaklah wa'diah anak sapi da manu' ge' nyambalehlah. Kaeh itek bagambira, ²⁴karna anakko' diah nga kabis, tatapi mati' ure' idup! Ini' nga ilang, tatapi nga gatnamput! Maka ayoa pun mule bagambira." Anak Ama Baji' tarhadap Sama'a'²⁵ "Ano dakoh, si anak ama agi' madi' ka uma', ge' jangkah ini' nga madi' ka jiket ramin a', ini' dangah saratn musik ge' tari'tarian.²⁶ Jadi, ini' maba' salah satu umpatn panyangu-panyangu dakoh ge' mansikatn tentang jai da sadang tajadi.²⁷Palayan dakoh naham a', 'Sade'mu' nga ure, ge' sama'mu' nyambaleh sapi da manu', karna ini' ure' nige' salamat.'²⁸ Namun, anak ama dakoh baji' ge' kati' ith maruh singge sama'a' mungkas ge' ngase' a'.²⁹ Tapi, ini' nyansana wa' sama' a', 'Bataun-taun iko' nga baaraje malayanmu' ge' kati' suah ngabai perintahmu', tatapi akupm bahkan kati' suah mangkatnko' nyungan kambing angot supaya iko' bisa bapesta nige' kawan-kawanko'.³⁰ Namun, jangkah anakmu' dakoh ure' ngalaka ngangkabas hartamu' nige' ayo lonte, sama' malah nyambaleh sapi da manu' mangkatn a'.'³¹ Maka, sama' a' naham ini', 'Anakko', imu' mar samahu iko', ge' smaan kapunyaanko' mu'talah da umpu'.³² Namun, ano diah ite' arus basukacita sabab sade'mu' diah nga kabis, tapi mati' ini' ure' idup; ini' nga ilang, tatapi mati' nga gatnamput."

Chapter 16

¹ Yesus nyansana wa' ayo murid-A, "Ani nyungan kaya da umpu' kapala palayan. Ge', wa' sok kaya dakoh gatnngalapor bahwa kapala palayan a' nga mamburos harta a'.² Karna dakoh, sok kaya dakoh maba' palayan a' ge' nyansana, 'Jai da iko' dangah tentang imu' diah? Mangkatnlah partanggungjawaban nige' tugasmu' karna imu' kati' bisa agi' jadi bendaharako'.'³ Kapala pelayan dakoh pun bapikir, 'Jai da ao' ko'umas karna mati' tuanko' nga mamacat iko' umpatn kpangarajeko'? Iko' kati' cukup kuat ya' nyangkul ge' mangun ya' mahi-mahi.⁴ Iko' pane jai da arus kobulah supaya jangkah iko' gatnmacat sebage bendahara, ayo sok ao' narima iko' ka ramin ayoa'.⁵ Lakadakoh, ini' pun maba' satiap sok da barutang wa' tuan a'. Wa' sok da pamule ini' nyansana, 'Mani utangmu wa tuanko'?⁶ Sok dakoh naham, 'Seratus bat binyak zaitun.' Lalu, kapala palayan dakoh muji' wa' ini', 'Naaplah surat utangmu' capat munyung ge' nulislah 50 bat.'⁷ Lakadakoh kapala palayan daoh mansikatn sok laitn, 'Mani karah utangmu?' Sok dakoh naham a', 'Seratus kor gandum,' Lalu bendahara muji' wa' ini', 'Naaplah surat utangmu ge' nulislah bahwa utangmu' 80 pikul.'⁸ Lakadakoh, sok kaya dakoh muji kapala palayan da kati' jujur dakoh karna ni' batindak nige' licik. Sabab, anak-anak dunia diah labih licik sadatn urusan nige' samu adup a' daripada anak tarakng.⁹ Iko' muji' wa' imu', bakawanmih nige' mamon da kati' taman supaya jangkah mamon dakoh abas, imu' ao' gatnnyamut ka ramin kekal.¹⁰ Asi pun da setia sadatn hal-hal da inek, ini' setia uga' sadatn hal-hal da ahyo. Ge', asi pun da kati' jujur sadatn hal-hal da inek, ini' uga' kati' jujur sadatn hal-hal da ahyo.¹¹ Jadi, sak imu' kati' kaatn gatnmecaya ya' ngelola harta ka dunia, asi da ao' mecaya harta da sabatol a' wa'imu'?¹² Ge', sak imu' kati' kaatn gatnmecaya sadatn ngiak da sok umpu', asi da ao' mangkatn jai da arus a' jadi bagian imu'?¹³ Kati' ani palayan da kaatn malayan dua tuan karna ini' ao' rusi' mile' da nyungan ge' suka mile' da laitn. Ato, ini' ao' taat wa' tuan da nyungan ge' mambiar da laitn a'. Imu' kati' kaatn malayan Jabata ge' mamon." Peringatan ya' Sok Farisi¹⁴ Ayo sok Farisi, da anilah panyinta uang, ngadangah hal diah ge' marihit Yesus.¹⁵ Yesus nyansana wa' ayoa', "Imu' anilah ayo sok da ngangkataman adupmu' sadi' ka tura talino, tapi Jabata pane sadatn atemu' da sabatola' karna da gatn talino agung-agungkan anilah tarutn da jahe' ka hadapan Jabata.¹⁶ Hukum Taurat ge' kitab ayo nabi gatnngajar sampe masa Yohanes; angkah masa Yohanes, Kabar Bait tentang Karajaan Jabata nga gatnngabar ge' smaan sok makse ya' maruh ka sadatn a'.¹⁷ Tapi sasungguh a', labih gampang bagi rangit ge' bumi ya' lanyap daripada nya titik sadatn hukum Taurat gatnngabatal. Tentang Da bacare¹⁸ "Satiap sok da mancare sautn a' ge' bainyha' ge' mahu da laitn, ini' bulah zina. Ge', sok da bainyha' nige' mahu da nga gatncare banun a', uga' bulah zina." Sok Kaya ge' Lazarus¹⁹ "Ani nyungan kaya da mar ngiak pangiak ungu ge' saput linen, ge' basanang-sanang bilakng kano sadatn kemewahan.²⁰ Ka pintu gerbang ramin sok kaya dakoh, guriknglah nyungan sok papa da bagaatn Lazarus, da ungana' panhu nige' bisul.²¹ Ini' baharap gatnmangkatn uman jai pun da jantu umpatn meja paruman sok kaya dakoh; bahkan kasu'-kasu' utukng ge' nyilat bisul a'.²² Jangkah, sok papa dakoh kabis ge' gatn ayo malaikat minsakng ka pangko Abraham. Sok kaya dakoh uga' kabis lalu gatn nyibur.²³ Ka alam maut, waktu gatnnyiksa, sok kaya dakoh nampe ka samo ge' mile' Abraham umpatn jauh samahu Lazarus ka pangko a'.²⁴ Ge', sok kaya dakoh ngampak, 'Sama' Abraham, maseklah mile' iko' ge' ngadulah Lazarus nyulup ujukng tarinyo' a' ka paitn ge' mangkanut rata'ko' sabab iko' menderita sadatn mara api diah'²⁵ Tapi, Abraham nyansana, 'Nak, ingat a' jangkah imu' masih idup, imu' nga narima hal-hal da bait, samantara Lazarus narima hal-hal da jahe'; mati'. ka diah Lazarus gatnhibur, samantara imu' gatnnyiksa.²⁶ Salaitn dakoh smaan, ani jurang ahyo da misah ite' singge sok da ngate nyambarang umpatn diah ka tampatmu' kati' bisa nyambarang, ge' sok da umpatn tampatmu' uga' kati' bisa nyambarang ka tampat kai.'²⁷ Lalu, sok kaya dakoh nyansana, 'Kalo ladakoh, iko' mahi wa'imu' Sama', ngutuslah Lazarus ka ramin sama'ko',²⁸ karna iko' ani umpu' rima age are. Tea'lah Lazarus mangkatn peringatan wa' ayoa supaya jana' ayoa' kati' maruh ka tampat panyiksaan diah.'²⁹ Namun, Abraham muji', 'Ayoa' ani umpu' Hukum Musa ge' kitab ayo nabi, tea'lah ayoa' panane umpatn smaan dakoh.'³⁰ Waatn sok kaya dakoh agi', 'Kati' Sama' Abraham. Sak sook umpatn antara sok kabis utukng wa' ayoa' barulah ayoa' ao' batobat.³¹ Abraham naham sok kaya dakoh, 'Sak age-agemu' kati' ituh dangah Hukum Musa ge' kitab ayo nabi, ayoa' kati' ao' bisa gatnngayakin, bahkan sak sook da umpat umpatn antara sok kabis."

Chapter 17

¹ Lakadakoh, Yesus nyansana wa' ayo murid-A, "Batu singkak pasti ao ani, tapi celakata sok da umas a'. ² Labih bait nyabuah batu kilangan gatnningok wa' jangok a' ge' ini' gatnnyangkahatn ka sadatn laut daripada ini jadi panyingkak ya' anak-anak da inek diah.³ Waspadanih! Sak agemu' bulah duse tarhadap imu'. nagorlah ini'; sak ni' ngako' duse a', ngampunlah kini'.⁴ Bahkan, sak ini' baduse tarhadap imu' ijo' sidah karaha dalam nyano, ge' malik wa'imu' ijo' sidah gae muji', 'Iko' nyasal' ngampunlah kini." Kuasa Iman⁵ Waatn rasul-rasul dakoh wa' Tuhan, 'Nambahlah iman kai!"⁶ Waatn Tuhan wa' ayoa', "Sak imu' ani umpu' iman ulah igi' sesawi ja' ahyo a', imu' kaatn muji' wa' puutn murbei diah, 'Tacabutmih umpatn tana' ge' tamura'mih ka laut,' ge' puutn dakoh ao' taat wa'imu'." Hamba da Taat wa Perintah Tuan a'⁷ "Asilah umpatn antara imu' da ani umpu' hamba, da agi' mambajak ato manggembala, ao' nyansana wa' hamba a' dakoh jangkah ini ure' umpatn uma, 'Kaeh, munyunglaah ge' uman'?⁸ Inyata ini' malah ao' nyansana wa' hamba a' dakoh, 'Nyiaplah pangkuman ya' diko' ge' bapangiaklah da batol yaa' malayanko' salama ko' uman ge' nyucur. Ngalaka dakoh, barulah imu' buleh uman ge' nyucur'?⁹ Anita ini' ao' batarima kasih wa' hamba a' dakoh karna nga umas da gatnna' merintah?¹⁰ Ladakoh uga' nige' imu'. Sak imu' nga umas smaan da gatnmerintah wa' imu', aruslah imu' nyansana, 'Kai anilah hamba da kati' baraga. Kai hanya bulah jai da wajib kai bulah." Sapulu Sok Kusta Gatnngangkauhatn¹¹ Sadatn pajalatn-A nuju Yerusalem, Yesus narinsi nabo' perbatasan antara Samaria ge' Galilea.¹² Waktu maruh ka nyabuah desa, Ini' badaput nige' sapulu sok kusta da agutn jauh-jauh umpatn-Ini',¹³ ge ayoa' ngampak nige' saratn da nyarekng, "Yesus, Guru, maseklah ile' kai!"¹⁴ Jangkah Yesus mile' ayoa', Ini' nyansana wa' ayoa', "Anu ge' nyuaklah adupmu' wa' imam-imam." Ge', jangkah ayoa' sadatn pajalatn a', ayoa' nga auhatn.¹⁵ Jangkah salah satu umpatn ayoa' mile' bahwa adup a' nga auhatn, ini' malik ge' muji' Jabata nige' saratn da nyarekng,¹⁶ lalu basujud ka tura kaja' Yesus ge' batarima kasih wa'-Ini'. Sok dakoh anilah nyungan Samaria.¹⁷ Lakadakoh, Yesus nyansana wa' sok dakoh, "Inyata ani sapuluh ungan da nga gatnngangkauhatn? Ka dumelah pire ungan da laitn?¹⁸ Kati' ania ka antara ayoa' da malik ya' muji Jabata selaiyn sok asing diah?¹⁹ Lalu, Yesus nyansana wa'ini', "Umpat ge' anulah, imanmu' nga nyalamat imu'." Pajutukng Karajaan Jabata²⁰ Jangkah ani bamani sok Farisi mansikatn tentang ngina Karajaan Jabata ao' utukng, Yesus naham ayoa' nige' nyansana, "Karajaan Jabata ao' utukng tampa tande-tande da kaatn gatnmile',²¹ kati' ao' ani sok da nyansana, 'Mile', Karajaan Jabata ani ka diah!" ato 'Karajaan Jabata ani ka teetn!' karna sabatola Karajaan Jabata ani ka tuda'-tuda' imu."²² Lakadakoh, Yesus nyansana wa' murid-murid-A, "Ao' utukng ano a' imu' ngate batol mile' nyiteng ano umpatn ano-ano Anak Talino, tapi imu' kati' kaatn mile'a'.²³ Ayo sok ao' nyansana wa' imu', mile', ka teetn!" ato 'Mile', ka diah!" Tapi, iya' imu' amu ge' nganang ayo sok dakoh." Pajutukng Anak Talino²⁴ "Sabab ulah kilat da mancar umpatn ujung rangit da nyiteng ka ujung rangit da laitn, ladakoh uga Anak Talino wa' ano-A.²⁵ Tapi, Anak Talino arus menderita karah hal tarlabih uru' ge' gatnulak oleh genetasi diah.²⁶ Ge', ulah da nga tajadi wa' ano-ano ka zaman Nuh, ladakoh uga' jana' wa' ano-ano Anak Talino.²⁷ Ayo sok uman ge' nyucur, bainyha' sampe wa' ano Nuh maruh ka sadatn bahtera ge' utukngta abe' ahyo lalu ngamis ayoa' smaan.²⁸ Smaan hal da tajadi wa' zaman Lot, waktu dakoh ayo sok uman, nyucur, mari, manjual, mura', ge' mantagutn.²⁹ Namun, wa' ano jangkah Lot ngagatn kota Sodom, api ge' belerang jantu' umpatn rangit ulah ujatn ge' ngamis smaan ayoa'.³⁰ Ladakohta kaadaan wa' ano' jangkah Anak Talino gatnngayata.³¹Wa' ano dakoh, asi pun da agi' madi' ka tumukng aro ramin, ge' alat-alat a' ani ka sadatn ramin, iyaklah ini' disah ya' naap a; ge' asi pun da agi' madi' ka uma', iyaklah ini' ure'.³² Ingatta jai da tajadi wa' sautn Lot!³³Asipun da barusaha ngajaga nyawa a', ao' kahilangan nyawa a'. Ge', asi pun da kahilangan nyawa a', ao' ngangkanyamat a'.³⁴ Iko' muji' wa'imu', wa' ngarum ano dakoh ao' ani 2 ungan da buus ka 1 tampat pabuus. Tapi, da nyungan ao' gatnminsakng, sadakng da lain ao' gatnngagatn.³⁵ Dua mahu ao' mirek gandum samahu'. Da nyungan ao' gatnminsakng, sadakng da laitn ao' gatnngagatn.³⁶[ Ladakoh uga dua pakaraje, da nyungan ao' gatnminsakng, sadakng da laitn ao' gatnngagatn."]³⁷ Lalu murid-murid mansikatn wa' Yesus, "Ka dume, Tuhan?" Yesus naham ayoa', "Ka dume ani bangke, kadakohta manuk elang ao' bakumpur."

Chapter 18

¹ Lakadakoh, Yesus nyarita nyabuah parumpamaan wa' ayo murid-A ya' muji' ka ayoa' bahwa ayoa' arus mar badoa ge' ti' madi'-madi'.² Waatn-A, "Ka nyabuah kota, ani nyungan hakim da ti' buut wa' Jabata ge' ti' manghormat sok laitn.³ Ka kota dakoh, ani nyungan janda da ti' madi-madi' utukng wa' hakim dakoh ge' nyansana, 'Mangkatnlah kaadilan wa' iko' tarhadap lawanko','⁴ nyamani tuhi', sang hakim dakoh ti' tuh nolong janda dakoh. Tapi, lakadakoh hakim dakoh nyansana wa' sadatn atea', 'Biarpun ko' ti' buut wa' Jabata ge' ti' manghormati asi pun,⁵ tapi karna janda diah ti' madi'-madi' ngaco ko', iko' ao' mangkatn a' kaadilan wa' ini' supaya ti' nyusah iko' nige' pajutuknga' da ti' madi'-madi' dakoh."⁶ Lalu, Tuhan nyansana, "Dangahmih jai da gatn hakim da ti' adil dakoh muji'.⁷ Kati'a' Jabata ao' mangkatn kaadilan wa' ayo sok pilihan-A da asat ngarum ngampak wa'-Ini'? Anita Ini' ao' nunda-nunda sampe tuhi' ya' nulong ayoa'?⁸ Iko' muji' kimu', Ini' ao' sagara mangkatn kaadilan wa' ayoa'. Tapi, jangkah Talino utukng, ania' Ini' ao' amput iman ka bumi?"Parumpamaan tantang Sok Farisi ge' pangumpur Pajak⁹ Yesus uga' nyampe parumpamaan diah wa' nyamani sok da misa adup ayoa' taman ge' da mile' randah sok laitn.¹⁰ "Ani dua ungan anu ka Bait Jabata ya' badoa. Da nyungan anilah sok Farisi ge' da laitn anilah nyungan pangumpur pajak.¹¹Sok Farisi dakoh agutn ge' nyampe doa tantang adup a', 'Ai', Jabata, iko' batarima kasih wa'-Imu' karna iko' ti' ulah sok laitn; ulah pameras, panipu, panzina, ato ulah pangumpur pajak diah.¹² Iko' barpuasa dua sidah nyaminggu, iko' mangkatn parsapuluhan umpatn smaan panghasilanko'.'¹³ Tapi, si pangumpur pajak agutn agak jauh, malahan ti' nyantunung ka rangit. Sabalik a', ini'mukol-mukol sado'a' gae muji', 'Ai', Jabata. Mase'lah mile' iko', sok baduse diah.'¹⁴ Iko' muji' kimu', pangumpur pajak diah ure' ka ramina' sebage so' da labih taman daripada sok Farisi dakoh sababsok da ninggi adup a' ao' gatnngarandah, ge' sok da gatngarandah ao' gatnninggi."Yesus ge' Anak-Anak¹⁵ Lalu, ayo sok minsakng ayo kangot ayoa' da maseh inek wa' Yesus sapaya Ini' minte' ayoa'. Tapi, jangkah ayo murid mile'a', ayoa' mule baji' wa' ayo sok dakoh.¹⁶ Namun, Yesus maba' ayo kangot dakoh ya' utukng wa'-Ini' ge' nyansana, "Tea'lah ayo kangot dakoh utukng wa'-Iko', iya' mingat ayoa' sabab ayo sok da pangdiahta da umpu' Karajaan Jabata.¹⁷ Iko' muji' da sabatola wa'imu', asi pun da ti' nyamut Karajaan Jabata ulah nyungan kangot inek, ini' ti' ao' suah maruh ka sadatn a'."Sok Kaya ge' Karajaan Jabata¹⁸ Ani nyungan pamimpin da mansikatn wa' Yesus, "Guru da bait, jai da arus ko'umas ya' kaatn mawarisi idup da kekal?"¹⁹ Yesus nahama', "nyai imu' muji' Iko' bait? Ti' ani nyungan pun da bait kacuali adup Jabata.²⁰ Imu' pane tantang hukum-hukum diah: 'Iya; babayu, iya' ngamis, iya' nangko, iya' basaksi palsu, ge' manghormatlah sama' ge' sino'mu."²¹ Sok dakoh naham, "Iko' nga nurut smaan dakoh mule umpatn angotko'."²² Jangkah Yesus ngadangaha', Ini' nyansana wa' sok dakoh, "Maseh ani nyiteng da kurang. Nyualmih smaan da mu' umpu' ge' magi-magi wa' ayo sok da papa, maka imu' ao' umpu' harta ka surga; ge' kaihlah, ngananglah Iko'."²³ Jangkah sok dakoh ngadangah saratn Yesus dakoh, ini' ngajadi aru sedih sabab ini luar biasa kaya.²⁴ Lakadakoh Yesus nyantunung ini' ge' nyansana, "Batapa aritn ya' ayo sok da kaya maruh sadatn Karajaan Jabata! ²⁵ Malahan, labih gampang ya' nyungan unta maruh nabo rubakng jarum daripada sok kaya maruh ka sadatn Karajaan Jabata."Danganang Yesus ao' Kaatn Idup Kekal²⁶ Ayo sok da dangah saratn dakoh muji', kalo ladakoh , asilah da ao' gatnnyalamatn?"²⁷ Yesus naham, "Jai da mustahil ka talino anilah mungkin ka Jabata."²⁸ Lalu, Petrus nyansana, "Ile'mih, kai nga ngagatn smaan da kai umpu' ge' nganang Akupm."²⁹ Yesus nyansana wa' ayoa', "Iko' nuji' da sasungguha' wa'imu', ti' nyungan pun da nga gatn ramin, sautn, ayo age, pangama, ato ayo anak a' ya' Karajaan Jabata,³⁰ da ti' ao' narima hal-hal dakoh balipat kali ganda wa' masa diah, ge' masa da ao' utukng, diu'ta idup da kekal."Agah Tantang pangkabis ge' Kabangkitan Yesus³¹ Lalu, Yesus ngubu' kadua balas murid-A ge' nyansana wa' ayoa', "Dangah, ite' ao' anu ka Yerusalem ge' smaan tarutn da nga gatnnulis kat ayo nabi tantang Anak Talino ao' gatnganapi.³² Ini' ao' gatnnyarah wa' ayo sok da ti' kanal wa' Jabata. Ini' ao' gatnejek, gatnnganyaya, ge' gatnngaruja'.³³ Ge', ngalaka ayoa' nyambuk-A ayoa' ao' ngamis-A. Tapi, wa' ano d kataru, Ini' ao' ure' idup."³⁴ Namun, ayo murid ti' ngarati nyiteng pun umpatn hal-hal diah. Rati saratn dakoh tasukatn bagi ayoa' singge ayoa' ti' paham jai pun da nga gatnmuji'. Yesus Ngangkauhatn Sok Buta³⁵ Jangkah Yesus ngana' utukng ka Kota Yeriko, ani nyungan buta da agi' unyung ka pihik gala' gae mahi-mahi.³⁶ Jangkah sok buta dakoh dangah sok karah nabo, ini' mansikatn jai da tarjadi.³⁷ Ge', ayo sok muji' kini', "Yesus umpatn Nazaret agi' nabo."³⁸ Maka, ngampakta sok buta dakoh. "Yesus, Anak Daud, mase'lah wa' iko'!³⁹ Ayo sok da bajalatn ka tura rombongan, baji' ka sok buta dakoh ge' ngadua' madi'. Tapi, ini' malah mangkin kuat ngampak, "Anak Daud, mase'lah wa' iko'!"⁴⁰ Lalu Yesus madi' ge' ngadu supaya sok buta dakoh gatnminsakng wa-Ini'. Jangkah sok buta dakoh ngajiket, Ini' mansikatn wa'ini',⁴¹ "Jai da nu' ngatte Iko' umas kimu?" Sok buta dako naham, 'Tuhan, iko' ngatte kaatn mile'."⁴² Yesus nyansana wa'ini', "Mile'lah, imanmu' nga ngangkauhatnmu'."⁴³ Jangkaha' dakoh uga', ini' kaatn mile' ge' mule nganang Yesus gae mamuji Jabata. Jangkah sok karah mile' hal dakoh, ayoa' uga mamuji Jabata.

Chapter 19

¹ Maka, maruhta Yesus ge' nabo' kota Yerikho.² Ka teetn ani nyungan are da bagaatn Zakheus, ini' anilah kapala pangumpur pajak ge' nyungan da kaya.³ Ini' barusaha mile' Yesus, tapi ti' kaatn karna tarhalang sok karah; sabab ungana' unok'⁴ Jadi, Zakheua talama' nyantulu' sok karah ge' makka nyabuah puutn ara ya' mile' Yesus karna Ini' ao' nabo' gala' gakoh.⁵ Jangkah Yesus nyampe ka tampat Zakheus madi', Ini' ngarawa' ge' nyansana wa' ini', "Zakheus, disahmih sagara karna ano diah Iko' arus numpang ka raminmu'."⁶ Maka, Zakheus pun sagara disah ge' nyamut Yesus nige' auhatn ate.⁷ Namun, Jangkah smaan sok mile' hal dakoh, ayoa' mule bakuto ge' nyansana, "Ini jadi tamu ka ramin sok da baduse."⁸Lakadakoh, Zakheus agutn ge' nyansana wa' Tuhan, "Tuhan, ile'mih, nyabagi umpatn hartako' ao' ko'mangkatn wa' sok papa, ge' sa' iko' ani nipu harta sook, iko' ao' mangkure'a' 4 kali lipat." ⁹Maka, Yesus nyansana wa' Zakheus, "Wa' ano diah kasalamatan nga utukng wa' tumukng ramun diah karna sok diah anak Abraham uga'. ¹⁰Sabab, Anak Talino utukng ya' najo ge' nyalamat da ilakng."Hamba da Setia ge' Hamba da Jahat¹¹ Samantara ayoa' ngadangah smaan diah, Yesus ngalanjut nige' nyarita nyabuah parumpamaan karna Ini' nga jiket nige' Yerusalem ge' karna ayoa' nyangka bahwa Karajaan Jabata ao' sagara utukng.¹² Uleh karna dakoh, Ini' pun nyansana, "Ani nyungan bangsawan anu ka nagari da jauh ya' gatnangkat manjadi raja, ge' ngalaka akoh ini' ao' ure'.¹³ Lakadakoh, tuan dakoh ngubu' sapuluh palayana' ge' mangkatn ayoa' uang karaha' 10 mina. waatn a' wa' ayoa', 'Badagangmih manggune uang diah sampe iko' ure.'¹⁴ Tapi , ayo sok da nyabangsa ge' ini' rusi' kini ge' ngirim wakel a' ngalaka ini' barangkat ya' muji', 'Kai ti' tuh sok diah jadi raja kai.'¹⁵ Ngalaka gatnangkat jadi raja, bangsawan dakoh ure' ge' ngadu hamba-hamba da nga gatnangkatn uang dakoh ya' manghadap a' supaya ni' panane nyamani ahyo kauntongan da kaatn ayoa' umpatn badagang.¹⁶ Palayan da uru' utukng ge' nyansana, 'Tuan, uang 1 mina da mu'umpu' dakoh nga ngasel 10 mina agi'.'¹⁷Raja dakoh nyansana wa' ini', 'Lamus batol, he imu' hamba da bait! Karna imu' setia sadatn urusan da inek, imu' ao' mamarintah wa' sapuluh kota.'¹⁸Palayan da kadua pun utukng ge' nyansana, 'Tuan, uang 1 mina da mu'umpu' dakoh nga ngasel 5 mina.'¹⁹ Lalu, sang raja muji' wa' hamba dakoh, 'Mu' barkuasa wa' 5 kota.'²⁰ Lakadakoh, utukngta hamba da nyiteng agi' ge' nyansana, 'Tuan, diah uang 1 mina da mu'umpu da iko' nyimpan sadatn pangunsut barekng.²¹ Iko' buut wa'imu' sabab akupm sok da karas. Akupm naapm jai da kupm ti' suah nyimpan ge' manen jai da ti' suah kupm mura'.'²² Lakadakoh, raja dakoh nyansana wa'ini', 'Iko' ao' mangadilimu' sasue nige' saratnmu', he imu' hamba da jahat!Jadi, imu' nga pane bahwa iko' sok da karas, da naap jai da ti' suah ko' nyimpan ge' da manen jai da ti' suah ko' mura'?²³ Kalo ladakoh, nyai mu' ti' mana' uangko' ka tampat sok panjalatn uang singge jangkah ko' ure', io' ao' nyamut uangko' dakoh samahu nige' bunga a'?'²⁴ Lalu, raja dakoh nyansana wa' ayo sok da agutn ka dakoh, 'Naap mina dakoh umpatn ini' ge' mangkatna' wa' sok da umpu' 10 mina.'²⁵ Namun, ayoa' nyansana wa' sang raja, 'Tuan, hamba dakoh nga umpu' 10 mina.'²⁶ Raja dakoh naham, 'Iko' muji' kimu', satiap sok da anu umpu' ao' gatn mangkatn marabeh, tapi umpatn sok da ti' ani umpu' jai pun, smaan da na'umpu' ao' gatnnaap.²⁷ Tapi, tantang ayo munsuh-munsuhko' da ti' suka ko' jadi raja wa' ayoa', minsakmih ayoa' kadiah ge' ngamislah ayoa' ka hadapanko."Yesus Gatnnyambut Sebage Raja²⁸ Ngalaka Yesus muji' hal-hal dakoh, Ini' bajalatn labih uru' nuju' Yerusalem.²⁹ Jangkah Ini' nyampe ka jiket Betfage ge' Betania, jiket Bukit Zaitun, Ini' ngutus dua ungan murid-A.³⁰ Waatn-A wa' ayoa', "Anumih ka desa da ani ka tura'mu' dakoh. Ge', jangkah imu' maruh ka teetn, imu' ao' mile' nyungan anak keledai da gatnningo' ge' tinga suah gatn sok makka a'. Ngarapaslah anak keledai dakoh ge' minsaklah kadiah.³¹ Sa' ani sok mansikatnmu, 'Nyai imu' minsakng keledai dakoh?', muji'lah ladiah: Tuhan palalua'."³² Lalu, anulah kadua murid da gatn-Na utus dakoh ge' amput sagala tarutn dakoh tapat ulah da nga gatn-Na muji' ka ayoa'.³³Samantara ayoa' ngarapas keledai dakoh, umpu a' mansikatn wa' ayoa', 'Nyai kupm ngarapas anak keledai dakoh?"³⁴ Ayoa' pun naham, "Tuhan palalua'."³⁵ Lalu, ayoa' minsakng anak keledai dakoh wa' Yesus ge' mana' pangiak a' ka tumukng pungokng keledai dakoh, lakadakoh majakka Yesus ka tumukng a'.³⁶ Jangkah Yesus nabo' pagala, ayo sok ngampar pangiak ayoa' ka gala'.³⁷ Ge', jangkahYesus nga mangkin jiket Yerusalem, diu'ta ka gala da sosor umpatn arah bukit Zaitun, smaan pangikut-A mule muji Jabata nige' auhatn ate ge' saratn da nyarekng. Ayoa' basukur wa' Jabata karna smaan mujizat da nga ayoa' mile'.³⁸ Ayoa' ngampak, "Gatnberkatilah Ini' da utukng sebage Raja sadatn gaatn Tuhan, damai sajahtera ka sorga ge' kamuliaan ka tampat da maha nyamo!"³⁹ Nyamani sok Farisi umpatn kubu' sok karah dakoh nyansana wa' Yesus, "Guru, nagormih ayo murid-Mu."⁴⁰ Tapi, Yesus naham, "Iko' muji' kimu', sa' ayoa' madi', batu-batu diah da ao' ngampak-ampak".Yesus Ngawang Yerusalem⁴¹ Jangkah Yesus nga ka jiket kota Yerusalem ge' mile' kota dakoh, Ini' pun ngawang a'.⁴² Waatn-A, "Saandaia ano diah imu' pane jai da nurun damai sajahtera kimu'. Tapi, mati' hal dakoh tasukatn umpatn matu'mu'.⁴³ Sabab ao' utukng waktua' jangkah ayo munsuhmu ao' mantagutn tembok panghalang ka sakalilikngmu ge' nyarungkupmmu' umpatn sagala arah.⁴⁴ Ayoa' ao' ngaruruhmu', akupm ge' ayo anakmu' da balindung wa' pagamu'. Ge', ayoa' ti' ao' nyisa nyiteng pun gatn nyusun ka tumukng batu laitn ka sadatmu sabab imu' ti' kanal waktu jangkah Jabata utukng kimu'." Sok da Bajual ka Bait Jabata⁴⁵ Lakadakoh, Yesus maruh ka bait Jabata ge' mule nguser ayo sok da bajual ka teetn.⁴⁶ Waatn-A ka ayoa', "Ani tartulis: 'Ramin-Ko ao' jadi Ramin doa,' tapi imu' nga umasa' sebage sarang parampok!"⁴⁷ Lalu, Yesus mangajar ka Bait Jabata bilakng kano. Namun, ayo imam kapala, ayo ahli Taurat, ge' ayo pamimpin bangsa dakoh najo cara ya' ngamis-A.⁴⁸ Tapi, ayoa ti' pane langkina umasa' sabab amaan sok kuat minte saratn Yesus.

Chapter 20

¹ Ani nyasidah, jangkah Yesus agi' ngajar sok karah ka Bait Jabata ge' ngabar Injil, ayo imam kapala ge' ayo ahli Taurat samahu nige' ama-ama utukng wa'-Ini'.² Ayoa' muji' wa'-Ini', "Muji'talah wa' kai nige' kuasa jai bah Akupm umas hal-hal diah? Ato, asilah da mangkatn-Mu kuasa diah?"³ Yesus naham ayoa, "Iko' uga' ao' mansikatn nyiteng pansikatn wa'-imu'. Nahammih Iko', ⁴ Umpatn dume asal baptisan Yohanes? umpatn surga ato umpatn talino?"⁵ Ayoa' mambahas hal dakoh ka antara ayoa' nige muji', "Sa' te' nahama, 'Umpatn surga,' Ini' ao' muji'. 'kalo ladakoh, jai imu' ti' pacaya wa' Yohanes?'⁶ Tapi, sa' te' muji', 'Umpatn talino,' smaan sok ao' munu' ite' sampe labis karna ayoa' yakin bahwa Yohanes anilah nyungan nabi."⁷ Jadi, ayoa' pun naham bahwa ayoa' ti' pane umpatn dume baptisan dakoh utukng.⁸ Lakadakoh, Yesus nyansana wa' ayoa', "Kalo ladakoh, Iko' uga' ti' ao' muji' nige' kuasa jai Iko' umas hal-hal diah."Parumpamaan tantang ayo Danyewa Kabon Anggur⁹ Lalu, Yesus nyarita parumpamaan diah wa' sok karah, "Ani sook da mura' nyabuah kaabon anggur lalu mangkatn a' wa' nyamani patani ya' nyewa a',ge' anu tuhi' ka nagari da jauh .¹⁰ Jangkah musim panen utukng, ini' ngadu nyungan palayan a' anu wa' patani-patani dakoh supaya ayoa' mangkatn wa'-ini' nyabagi umpatn asel kabon anggur dakoh.Tapi, ayo patani dakoh mangkukng palayan dakoh ge' nguser a' boho nige' barekng kusong.¹¹Ge' ini' pun ngadu palayan da laitn, tapi patani-patani dakoh uga' mangkukng palayan dakoh ge' mamparlakua nige' cara da hina, lalu nguser a' nige' barekng kusong.¹² Lalu, umpu' kabon anggur dakoh ngutus palayan da kataru wa' patani dakoh, tapi patani-patani dakoh uga' nalih palayan da nyungan dakoh ge' nguser a' boho.¹³ Umpu' kabon dakoh pun nyansana, 'Jai da arus iko' umas? Iko' arus ngirim anakko' da kokasihi, mungkin ayoa' ao' manghormat a'.'¹⁴ Jangkah ayo patani dakoh mile' anak umpu' kabon, ayoa; barunding samu adup a', 'Diah anilah ahli waris umpatn umpu' kabon anggur diah, kaeh te' ngamis a' supaya warisan jadi te' umpu'!¹⁵ Lakadakoh, ayoa' pun nyangkahatn anak dakoh ka sato kabon dakoh ge' ngamis a'. Lalu, jai da ao' umpu' kabon anggur dakoh umas wa' ayoa'?¹⁶ Ini' ao' utukng ge' ngamis ayo patani dakoh, lalu ngadu sok laitn nyewa kabona' dakoh." Jangkah sok karah dangah parumpamaan diah, ayoa nyansana, "Iya'lah hal diah sampe tarjadi!"¹⁷ Tapi, Yesus nyantunung ayoa' ge' nyansana, "Kalo ladakoh, jailah rati ayat diah: 'Batu da gatn tukang bangunan matatn nga jadi Batu panjuru'?¹⁸ Satiap sok da jantu' ka tumukng batu dakoh ao' ancur bakapikng-kapikng ge' asi pun da batu dakoh nyahan ao' pehek!"¹⁹ Jangkah ayo ahli Taurat ge' ayo imam kapala sadar bahwa parumpamaan dakoh nyansana tantang ayoa', ayoa' ngatte naap Yesus jangkah dakoh uga'. Tapi, ayoa' buut wa sok karah. Pansikatn tantang Mayar Pajak²⁰ Lakadakoh, ayo ahli Taurat mangawas Yesus ge' ngirim nyamani sok mata-mata da pura'-pura' tulus supaya ayoa' kaatn manjebak Yesus nige' pansikatn supaya ayoa' kaatn naap-A nabo' saratn adup-A ge' nyarah Ini' ka sadatn kuasa ge' kakuasaan gubernur.

²² Anita kai gatn ngadu mayar pajak wa' kaisar ato kati?"²³ Tapi, Yesus panane kalicikan ayoa' ge' nyansana wa ayoa',²⁴ "Cuba nyua' wa'-Iko' nyakapikng dinar. Gambar ge' tulisan asilah da ani wa' uang dakoh?" Ayoa' naham, "Gambar ge' tulisan Kaisar."²⁵ Maka, Yesus muji' wa' ayoa', "Kalo ladakoh, mangkatnlah wa' Kaisar jai da Kaisar umpu', ge' mangkatnlah wa' Jabata jai da Jabata umpu'."²⁶ Nige' ladakoh, ayo sok tii' bisa manjebak Yesus nige' saratn adup-A ka tura' sok karah; ayoa' heran ge' tunguh wa' jawaban-A.Pansikatn Sok Saduki²⁷ Lakadakoh, utukngmih wa' Yesus nyamani sok Saduki, kohta golongan da ti' pacaya wa' kabangkitan, ge' mansikatn wa'-Ini',²⁸ "Guru, Musa nulis ya' ayoa', sa' nyungan are kabis, sadangkan ini umpu' sautn ge' ti' ani anak, age are a' arus bainyha' ge' janda age a' dakoh ge' mangkatn a' katurunan.²⁹ Ladiah, ani ijo' ungan da badadi'. Age da ama bainyha', tapi kabis ti' ba anak.³⁰ Lakadakoh, age a' da kadua bainyha' ge' mahu dakoh ge' kabis uga' tampa ani anak.³¹ Lalu, age a' da kataru bainyha' ge' mahu dakoh ge' hal diah tarjadi sampe age da ka ijo', tapi ayoa' smaan kabis tampa ani anak.³² Akhira', mahu dakoh uga' kabis.³³ Karna dakoh, wa' ano panghakiman. asilah da ao' jadi banun mahu dakoh karna daijo' badadi' dakoh nginyha' a'?"³⁴ Yesus naham ayoa', "Ayo sok wa' zaman diah bainyha' ge' nginha',³⁵ tapi ayo sok da gatnrasa pantas ya' kaatn bagian sadatn dunia da ao' utukng, ge' sadatn kabangkitan umpatn antara sok kabis, ti' ao' nginha' ato gatnnginyha'.³⁶ Ayoa' ti' ao' kabis agi' karna ayoa' samu' ge' ayo malaikat. Ayoa' anilah anak-anak Jabata karna ayoa' nga gatn ngabangkit umpatn pangkabis.³⁷ Musa bahkan nga nyua' tantang kabangkitan ayo sok kabis sadatn bagian da nyatat tantang rumpo' unak da abokng . Sadatn bagian dakoh, Tuhan gatnmuji' sebage 'Jabata Abraham, Jabata Ishak, ge' Jabata Yakub.'³⁸ Ini' inya Jabata sok kabis tapi Jabata sok da idup, karna smaan sok idup ka hadapan-A.³⁹ Ngalaka dakoh, nyamani ahli Taurat nyansana, "Guru, jawaban-Mu dakoh tapat."⁴⁰ Ge', ti' ani agi' sok da pagatn ngaju pansikatn wa'-Ini'.Kristus anilah Tuhan⁴¹ Lakadakoh, Yesus nyansana wa' ayoa', "Langkinalah ayo sok nyansana bahwa Kristus anilah Anak Daud?⁴² Padahal sadatn kitab Mazmur, adup Daud nyansana, 'Tuhan Jabata nyansana wa Tuanko', "Unyungmih ka suutn sentao'-Ko',⁴³ sampe Iko' mana' ayo munsuh-Mu ka saroh kaja'-Mu."⁴⁴ Sa' Daud muji' Kristus anilah 'Tuan', langkina mungkin Kristus anilah anak Daud?"Paringatan ya' Barati-ati tarhadapa Ahli Taurat⁴⁵ Jangkah sok karah ngadangah, Yesus nyansana wa' ayo murid-A.⁴⁶ "Barati-atilah tarhadap ayo ahli Taurat da suka bajalatn-jalatn ngia' jubah angho, suka gatnhormat kat sok ka pasar, da suka unyung ka tampat da paling nyamo ka sinagoge-sinagoge, ge' ka tampat tarhormat kaa gawe-gawe.⁴⁷ Ayoa' ngarampas ramin ayo janda ge' badoa' tuhi-tuhi' sapaya sok mile'. Ayo sok ulah diah pasti ao' kaatn hukuman da labih bahat."

Chapter 21

¹ Jangkah Yesus ngarawa' kasamo, Ini' mile' nyamani sok kaya nyise' parsambahan ayoa' ka kutak parsambahan.² Ini' uga' mile' nyungan janda miskin nyise' 2 kaping uang tambaga.³ Yesus nyansana, "Iko' muji' da sabatol a' wa'imu', janda da papa diah mangkatn labih karah daripada smaan sok kaya dakoh.⁴ Sabab, ayoa' mangkatn parsambahan umpatn kalabihan ayoa', tapi janda diah mangkatn parsambahana' umpatn kakurangana', dakohta smaan da na'umpu' ya' ngalanjut idup a'."Tande-tande Pangkabas Zaman⁵ Jangkah ayo murid agi' nyarita tantang Bait Jabata da gatnngadandan nige' batu-batu da lamus ge' parsambahan-parsambahan, Yesus nyansana,⁶ "Ao' utukng ano a', smaan da imu' ile' diah ao' gatnngancur. Ti' ani nyiteng pun batu da ao' agutn ka tumukng batu da laitn da ti' ao' gatn ngaruruh."⁷ Lalu, ayo murid mansikatn wa'-Ini', "Guru, ngina' hal dakoh ao' tarjadi? Ge' jai tande-tande bahwa smaan dakoh ao' tarjadi?"⁸ Yesus naham, "Barati-atimih supaya imu' ti' gatnngalayo sabab karah sok ao' utukng ngiak gaatn-Ko ge' nyansana, 'Ikolah Ini',' ge' 'Anoa' nga jiket,' Iya'lah imu' nganang ayoa'.⁹ Tapi, jangkah imu' ngadangah tantang paparangan ge' pambarontakan, iya'lah imu' buut karna hal-hal dakoh memang arus tarjadi uru', tapi pangkabasan a' ti ao' sagara utukng."¹⁰Lakadakoh Yesus nyansana wa' ayoa', "Bangsa ao' bangkit malawan bangsa ge' karajaan ao' bangkit malawan karajaan.¹¹ Ao' tarjadi gampa bumi da dahsyat, bala saburuk, ge' bamacam-macam pangkanapm ka dume-ume tampat. Paristiwa-paristiwa da ngeri' uga' ao' ani ge' tande-tande ahyo umpatn rangit.¹² Namun, katinga smaan diah tarjadi, ayo sok ao' nangkap ge' nganyaya imu'. Ayoa' ao' nyarahmu' ka sinagoge-sinagoge ayoa' ge' nyese'mu' ka sadatn panjara-panjara. Ayoa' ao' minsakngmu' ngadap ayo raja ge' gubernur karna gaatn-Ko'.¹³ Namun, hal diah ao' manjadi kasampatan ya' dimu' ya' barsaksi.¹⁴ Oleh karna dakoh, nguattalah atemu' iya' tarlalu mikir jai da ao' imu' muji' ya' mambela adupmu',¹⁵ sabab Iko' ao' mangkatn ssaratn ge' kabijaksanaan wa'-Imu' da ti' kaatn gatnlawan ge' gatnnentang oleh munsuh-munsuhmu'.¹⁶ Imu' ao' gatnkhianati kat pangamamu', agemu da are, kaluargamu, ge' ayo kawanmu', ge' ayoa' ao' ngamis nyamani sok ka antara imu'.¹⁷ Imu' ao' gatn rusi' kat smaan sok karna gaatn-Ko.¹⁸ Tapi, ti' nyiteng abok pun umpatn aba'mu' da ao' jantu.¹⁹ Nige' katabahanmu', imu' ao' kaatn idupmu'."Agah tantang Kahancuran Yerusalem²⁰ "Tapi, jangkah imu' mile' Kota Yerusalem gatn pasukan-pasukan saradadu ngalipong, imu' ao' pane bahwa kahancurana' nga jiket.²¹ Wa' jangkah dakoh, ayo sok da ani ka rappo Yudea arus talama' adup ka pagunungan, ayo sok da madi' ka sadatn kota arus boho ka sato kota, ge' ayo sok da madi' ka desa-desa ti' kaatn maruh ka Kota Yerusalem.²² Dakohtalah ano-ano panghukuman supaya smaan hal da nga gatnnulis dakoh gatn ganapi,²³ Calakata mahu-mahu da agi' batahi' ge' manyusui wa' ano dakoh sabab ao' tarjadi panderitaan da luar biasa ka nagari diah, ge' murka da ahyo wa' tumukng bangsa diah.²⁴ Ayoa' ao' gatn ngamis nige' padang ge' gatnnahan kat bangsa-bangsa. Kota Yerusalem ao' gatn bangsa-bangsa asing nguasa sampe masa jaya bangsa-bangsa dakoh abas."Pajutukng Anak Talino sadatn Kamuliaan²⁵ "Ao' ani tande-tande wa' matuano, buratn, ge' bintakng-bintakng. Ka bumi, bangsa-bangsa ao' buut sadatn kabingungan kat gammo lautan ge' pangampas umbak.²⁶ Ayo sok ao' pingsan karna buut ge' nganti hal-hal da ao' tarjadi wa' bumi diah sabab smaan kuasa da ani ka rangit ao' gatnnguncakng.²⁷ Lakadakoh, ayoa' ao' mile' Anak Talino utukng sadatn rahu nige' kuasa ge' kamuliaan da ahyo.²⁸ Sa' hal-hal diah mule tarjadi, agutntalah ge' ngantatlah abakmu' karna ano pambebasanmu' nga jiket."Parumpamaan Puutn Ara²⁹ Lakadakoh Yesus nyarita nyabuah parumpamaan wa' ayoa': "Mile'mih puutn ara ge' smaan puutn da laitn.³⁰ Sa' dautn puutn-puutn dakoh mule ani, imu' ao' ngarati ge' panane bahwa musim jarah nga jiket. ³¹ Ladakoh uga' sa' imu' mile' smaan dakoh tarjadi, imu' ao' pane bahwa Karajaan Jabata nga jiket.³² Sabatola' Iko' nyansana wa'imu', katurunan diah ti' ao' kabis sampe smaan hal diah tarjadi.³³ Rangit ge' bumi ao' lanyap, tapi saratn-Ko ti' ao' balalu."Siap Sadiamih Bilakng Kano³⁴ "Barhati-atilah supaya atemu' ti' panhu nige' kainginan ya' bapesta, bamabuk-mabuk, ge' nguater idup. Ge', ano dakoh utukng wa' imu' ulah parugotn.³⁵ Sabab, ano dakoh ao' utukng ka tumukng sagala tarutn da madi' ka smaan tumukng bumi diah.³⁶ Bajaga-jagamih bilakng kano ge' salalu badoa supaya imu' kaatn kakuatan ya' ngarapas adupmu umpatn smaan hal da ao' tarjadi dakoh ge' ya' agutn ka hadapan Anak Talino."³⁷ Wa' tano ano, Yesus ngajar sok karah ka palataran Bait Jabata, tapi wa' ngarum ano a' Ini' ngagatn kota ge' bangarum ka Talidi Zaitun.³⁸ Ge', ano ngakkap, smaan sok utukng wa'-Ini ka sadatn Bait Suci ya' ngadangah-A.

Chapter 22

² Ayo Ima kapala ge' ayo ahli Taurat najo cara ya' ngamis Yesus, karna ayoa' buut wa' sok karah.Yudas Barkhianat³ Lakadakoh, maruhlah Sitan ka sadatn Yudas, da gatnmuji' Iskariot. Ini' anilah salah satu umpatn kadua balas murid.⁴ Maka, anuta Yudas lalu bapakat nige' ayo imam kapala ge' pangawal Bait Jabata tantang langkinaini' kaatn nyarah Yesus wa' ayoa'.⁵ Ge', ayoa' batol auhatn ge' sapakat ya' mangkatn a' uang.⁶ Maka, Yudas satuju ge' mule najo kasampatan ya' nyarah Yesus wa' ayoa' jangkah sok karah ti' ani. Paruman Paskah⁷ Lakadakoh, utukngta ano raya Roti Kati' Baragih, dakohta ano ya' mamparsambah anak domba Paskah.⁸ Jangkaha' dakoh, Yesus ngadu Petrus ge' Yohanes, waatn-A , "Anu ge' nyiapmih paruman Paskah ya' ite' uman."⁹ Waatn ayoa' wa' Yesus, "Ka dume Akupm ngatte supaya kai nyiap a'?"¹⁰ Yesus naham ayoa', "Jangkah imu' nga maruh ka kota, imu' ao' badaput nige' nyungan are da minsakng kandi; ngananglah kini' ka ramin da na'maruh, ¹¹ge' muji'lah wa' umpu' ramin dakoh, 'Guru mansikatn wa'imu': Ka dumelah uhakng tamu tampat Iko' kaatn uman Paskah smahu ayo murid-Ko?'¹² Maka, ini' ao' nyua' wa' imu' nyabuah uhakng ahyo ka lante sammo, da alat a' nga siap.Nyiapmih pangkuman ya' ite' ka teetn.¹³ Lalu, Petrus samahu Yohanes anu ge' amput smaana tarjadi ulah da gatn Yesus muji' ge' ayoa' pun nyiap pangkuman Paskah,Paruman Paskah¹⁴ Jangkah nga utukng waktu a', Yesus ge' ayo rasul unyung uman nyangkalilikng meja.¹⁵ Lakadakoh, Yesus nyansana wa' ayoa', "Iko' ngatte tao' uman paruman Paskah diah samahu imu', katinga Iko' manderita.¹⁶ Sabab Iko' nyansana wa' imu', Iko' ti' ao' umana agi' sampe hal diah gatnganapi sadatn Karajaan Jabata."¹⁷ Lalu, Yesus naap ucung biatn anggur ge' ngucap syukur, lakadakoh nyansana, "Naapmih ucung diah ge' nagia'mih ka antara kupm.¹⁸ Sabab, Iko' nyansana wa' imu' bahwa mule mati' Iko' ti' ao' nyucur anggur sampe Karajaan Jabata utukng."¹⁹ Lakadakoh, Yesus naap roti ge' ngucap syukur, Ini' mata'-mata' roti dakoh ge' mangkatn a' wa' ayoa' gae nyansana, "Roti diah anilah ungan-Ko da gatn mangkatn wa'imu'; umastalah diah sebage panyanuut wa'-Iko."²⁰ Ladakoh uga', ngalaka uman, Yesus naap ucung anggur ge' nyansana, "Ucung da gatnngalilih ya' dimu' diah anilah Parjanjian bahu sadatn daya'-Ko.Agah tantang Sok da Nyarah Yesus²¹ Tapi, mile'mih, barekng sok da ao' nyarah Iko' ani samahu nige' Iko ka meja diah.²² Sabab, Anak Talino ao' anu nige' cara ulah da nga gatnnatap, tapi calakata sok da nyarah Ini!"²³ Ayo murid-A mansikatn samu adup a' tantang asi ka antara ayoa' da ao' umas a'.Jadimih Sok da Malayani²⁴ Daru' uga' tarjadi ka antara ayo rasul tantang asilah ka antara ayoa' da gatnanggap paling ahyo.²⁵Tapi, Yesus nyansana wa' ayoa', "Raja-raja bangsa da kati' nganal Tuhan barkuasa wa' rakyat a', ge' ayo sok da barkuasa wa' raja-raja dakoh gatnmuji' 'Palindung Rakyat.'²⁶ Namun, imu' iya' ulah dakoh. Sabalik a', da paling ahyo ka antara ayo kupm arus batindak ulah da paling angot, ge' pamimpin arus jadi palayan.²⁷ Asi da labih ahyo, sok da unyung uman ato da malayani? Inyata sok da unyung uman? Namun, Iko' ani ka tuda'-tuda'mu' sebage sok da malayani.²⁸ Akupm anilah ayo sok da tatap samahu-Iko sadatn pancubaan-pancubaan-Ko'.²⁹ Karna dakoh, Iko' mangkatn wa'imu' nyabuah karajaan, ulah da Sama'-Ko mangkatn wa'-Iko',³⁰ supaya akupm kaatn uman ge' nyucur nyameja nige' Iko' sadatn Karajaan-Ko. Ge', akupm ao' unyung ka tumukng takhta ya' manghakimi kadua balas suku Israel."Petrus ao Manyangkal Yesus³¹ "Simon, Simon, dangahmih Iko. Sitan nuntut ya' nayap imu' ulah gandum,³² tapi Iko' nga badoa ya'dimu' supaya imanmu' iya' gugur. Ge', ngalaka imu' bartobat, nguattalah ayo agemu."³³ Namun, Petrus nyansana wa' Yesus, "Tuhan, iko' nyiap kapanjara bahkan kabis samahu-Mu!"³⁴ Yesus nahama', "Iko' nyansana wa'imu', Petrus, ano diah siap abakng ti' ao' ngangkuak katinga taru kali imu'manyangkal bahwa imu' nganal Iko'."Basiap-siapmih Manghadapi Kasulitan³⁵ Lakadakoh, Yesus mansikatn wa' ayo murid, "Jangkah Iko' ngutus akupm tampa kantong uang, tas, ato sandal, ania akupm kakurangan tarutn? Ayoa' naham, "Kati'."³⁶ Waatn-A wa' ayoa', "Namun mati', asi pun da ani kantong uang, ato tas, minsakngmih. Ge', asi da ti ani paang, tea'lah ini' nyual jubah a' ge' mari padang.³⁷ Sabab, Iko' nyansana wa'imu' bahwa jai da tartulis sadatn kitab Suci diah arus gatnganapi ka sadatn Iko'. 'Ini' ao' gatnbilakng samahu ayo sok baduse.' Sabab, da gatnnulis tantang Iko' agi' tarjadi mati'.³⁸ Lalu ayoa' nyansana, "Mile'mih Tuhan, ka diah ani dua padang," Ge', Yesus nyansana, "Dakoh cukup." Yesus Bdoa ka Taman Getsemani³⁹ Lakadakoh, Yesus mungkas ge' anu ka Talidi Zaitun ulah da biasa gatn-Na' umas; ge' ayo murid-A uga' anu nganang Ini'.⁴⁰ Jangkah Yesus sampe ka tampat dakoh, Ini' nyansana wa' ayoa', "Badoamih supaya imu' iya' maruh ka sadatn pancubaan."⁴¹ Lakadakoh, Yesus nginsit adup-A umpatn ayoa' kira-kira nyasidah nyangkatn batu' jauha', lalu balutut badoa,⁴² "Sama', sa' Akupm ituh, naaptalah cawan diah umpatn-Iko'. Tapi iya'lah kainginan-Iko da tarjadi, tapi kainginan-Mu."⁴³ Ngalaka dakoh, nyungan malaikatn umpatn surga nyua' adup a' wa'-Ini' ge' nguat-A.⁴⁴ Ge', sadatn panderitaan-A, Ini' badoa labih sungguh-sungguh agi'; adas-A jadi ulah titesan daya' da nites ka tana'.⁴⁵ Jangkah Yesus ngalaka badoa', Ini' anu wa' ayo murid-A ge' amput ayoa' agi' buus karna sedih.⁴⁶ Yesus nyansana wa' ayoa', "Jai imu' buus? Umpat ge' badoamih supaya imu' ti' maruh sadatn pancubaan,"Yesus Gatnnangkap⁴⁷ Jangkah Yesus maseh nyansana, utukngta nyarombongan sok; ge' ini' da gatnmuji' Yudas, salah satu umpatn kadua balas murid dakoh, mimpin ayoa'. Lalu Yudas ngajiket Yesus ya' nyium-A.⁴⁸ Tapi, Yesus nyansana wa'ini', "Yudas, anita imu' nyarah Anak Talino nige' nyium?"⁴⁹ Jangkah ayo murid agutn nyangkalilikng-A mile' jai da ao' tarjadi, ayoa' nyansana, "Tuhan, aruskah kai nyarang nige' padang?"⁵⁰ Lakadakoh, salah satu umpatn ayo murid dakoh nyarang palayan Imam Agung sampe mancong rajak sentao' a'.⁵¹ Tapi Yesus muji', "Anga, cukup!" Lalu, Yesus minte rajak palayan dakoh ge' ngangkauhatn a'.⁵² Lakadakoh, Yesus nyansana wa' imam-imam kapala, kapala pangawal Bait Jabata, ge' ama-ama da utukng ya' nangkap-A, "Jai ayo kupm utukng nige' padang ge' pamangkukng ulah-ulaha' ngana' nangkap parampok?⁵³ Jangkah Iko' samahu imu' ka Bait Jabata bilakng kano, imu' kati' nangkap Iko'. Namun, diahta anoa' ya'dimu' ge' ya' kuasa kagalapan."Petrus Nyangkal Yesus⁵⁴ Ngalaka nangkap-A, ayo sok dakoh pun ngirikng ge' minsakng Yesus ka ramin imam ahyo. Tapi, Petrus nganang ayoa' umpatn jauh.⁵⁵ Ge' ngalaka ayo sok dakoh ngidup api ka tuda'-tuda' kalangan ge' unyung samahu-mahu, Petrus uga' unyung ka antara ayoa'.⁵⁶ Namun, nyungan mahu da mile' Petrus unyung ka jiket abu' dakoh namparu muka Petrus lalu nyansana, "Sok diah uga' samahu nige' Ini'."⁵⁷ Tapi, Petrus nyangkal, waatna', "He mahu, iko' ti' kanal Ini'."⁵⁸ Ti' tuhi' lakadakoh, nyungan da laitn mile' a' ge' nyansana, "Imu' uga' tarmasok salah satu umpatn ayoa'!" Namun Petrus muji', "Kati', iko' inya salah satu umptn ayoa'!"⁵⁹ Kira-kira nyajam lakadakoh, nyungan da laitn agi' nyansana nige' yakin, "Pasti sok diah uga' samahu nige' Ini', sabab ini' uga' sok Galilea."⁶⁰ Tapi, Petrus nyansana, "Iko' ti' pane jai da imu' muji'!" Jangkah dakoh uga, kaadaan Petrus maseh nyansana, ngangkua'ta siap abakng.⁶¹ Lalu, Yesus ngaringah ge' nyantunung Petrus. Ge', Petrus sanuut wa' saratn Yesus, bahwa Ini' nyansana wa'ini', "Katinga siap abakng ngangkua' ano diah, imu' nga nyangkal Iko' taru sidah karaha'."⁶² Lakadakoh Petrus anu ka sato ge' munse' nige' aru sedih. Panjaga Nganyaya Yesus⁶³ Ayo sok da nahan Yesus mule ngijet ge' mantokng-A.⁶⁴ Ayoa' nutup matu'-A ge' nyansana, "Barnubuatmih! Asi da mantokng Akupm?"⁶⁵ Ayoa' uga' muji' karah hal laitn da nantang-A nige' manghina-A.Yesus ka Hadapan Pamimpin Yahudi⁶⁶ Jakkap anoa', ama-ama pamimpin Yahudi, ayo imam kapala, ge' ayo ahli Taurat bakumpur ge' minsakng Yesus ka Mahkamah Agama ayoa'.⁶⁷ Ayoa' nyansana, "Sa' Akupm anilah Mesias, muji'mih wa' kai." Namun Yesus nyansana wa' ayoa', "Sa' Iko' muji'kimu', imu' ti' ao' pacaya wa'-Iko'.⁶⁸ Ge' sa' Iko' mansikatn wa'imu', imu' ti' ao' naham.⁶⁹ Tapi, mule mati' Anak Talino ao' unyung ka pihak sentao' Jabata Da Mahakuasa."⁷⁰ Ayoa' smaan nyansana, "Kalo' ladakoh, anita Akupm Anak Jabata?" Yesus naham ayoa', "Imuta da muji' bahwa Iko'ta Ini'."⁷¹ Lakadakoh ayoa' nyansana, "Kasaksian jai agi da ite' palalu? Adup ite' nga dangaha' umpatn baba'-A!"

Chapter 23

¹ Lakadakoh, smaan sok dakoh agutn ge' minsakng Yesus ka hadapan Pilatus.² Ge', atoa' mule nudu Yesus nige' nyansana, Kai amput Sok diah nyasat bangsa kai ge' mingat kai mayar pajak wa' Kaisar, ge' muji' bahwa Ini' anilah Kristus, nyungan Raja,"³ Pilatus mansikatn wa' Yesus, "Diu'ta Akupm Raja sok Yahudi?" Yesus naham, "Kohta da imu' muji'."⁴ Lakadakoh,Pilatus nyansana wa' ayo imam kapala ge' sok karah, "Iko' ti' amput kasalahan wa' Sok diah."⁵ Tapi, ayoa' nuntut gae ngampak nige' kuat, "Ini' ngasut ayo sok nige' ajaran-A ka smaan rappo Yudea mule umpatn Galilea sampe ka diah!"Yesus Gatnminsakg wa' Herodes⁶ Jangkah Pilatus ngadangah hal diah, ini' mansikatn diu'a' Yesus sok Galilea.⁷ Ge', ngalaka ini' pane bahwa Yesus utukng umpatn rappo kakuasaan Herodes, Pilatus pun ngirim Yesus wa' Herodes da jangkah dakoh agi' ani ka Kota Yerusalem.⁸ Jangkah Herodes mile' Yesus, ini' auhatn ate. Nga tuhi' ini' ngatte badaput nige'-Ini' karna ini' nga dangah karah hal tantang Yesus sabab ini' barharap kaatn mile' da gatn Yesus umas.⁹ Lalu, Herodes ngaju karah pansikatn wa' Yesus tapi Yesus ti' mangkatn jawaban jai pun wa'ini'.¹⁰ Ayo imam Kapala ge' ayo ahli Taurat da agutn ka teetn nuduh Yesus nige'luar biasa.¹¹ Malah, Herodes ge' ayo sardadu a' uga' ngarandah ge' ngijet Yesus. Ngalaka dakoh, ayoa' nakkat jubah da lamus lalu ngirim-A malik wa' Pilatus.¹² Idu', Pilatus ge' Herodes bamunsuh, tapi ano dakoh ayoa' jadi kawan. Pilatus Gagal Nampasatn Yesus¹³ Lakadakoh, Pilatus ngumpur ayo imam kapala, ayo pamimpin Yahudi, ge' sok karah,¹⁴ lalu nyansana wa' ayoa', "Imu' minsakng Sok diah wa'iko' sebage nyungan sok da nyasat sok karah. Tapi, jangkah ko' ngadili-A ka hadapanmu', iko' ti' amput kasalahan ulah da mu' nuduh wa'-Ini'.¹⁵ Herodes uga' ti' amput kasalahan-A singge ini' ngirim Sok dakoh malik wa' ite'. Mile'mih, Ini' ti' umas kasalahan da patut kaatn hukuman kabis.¹⁶ Karna dakoh, ngalaka iko' mangkanapm-A, iko' ao' nampasatn-A."¹⁷ [Biasa wa' ano raya Paskah, Pilatus arus nampasatn nyungan tahanan ya' sok karah.]¹⁸ Tapi, sok karah dakoh ngampak samahu-mahu, "Ngalanyapmih Sok diah! Nampasatn Barabas mangkatn kai!"¹⁹ [Barabas anilah nyungan da gatnmanjara karna nganang sadatn pambarontakan ka kota ge' uga' ani ngamis.]²⁰ Karna Pilatus ngatte nampasatn Yesus, maka nyasidah agi' ini' nyansana wa' sok karah.²¹ Tapi, ayoa' tatap ngampak, "Nyalib Kini'! Nyalib Kini'!"²² Ya' kataru sidaha' Pilatus mansikatn wa' ayoa', "Jailah? Kajahatan jai da nga gatn Sok diah umas? Ini' ti' ani sara'. Iko' ti' amput kasalahan jai pun da patut kaatn hukuman kabis. Karna dakoh, iko' ao' mangkanapm-A lalu ngarapas-A."²³ Namun, ayoa' maseh bakaras ge' nuntut nige' saratn da nyareng supaya Yesus gatn nyalib. Ge', saratn ayoa' pun manang.²⁴ Akhira', Pilatus mutus ya' nganang tuntutan ayoa'.²⁵ Ini' nampasatn sok da ayoa' mahi, da gatnmanjara karna umas pambarontakan ge' ngamis . Tapi, nyarah Yesus wa' jai da ayoa' ngatte. Panyaliban Yesus²⁶ Jangkah ayo sardadu minsakng Yesus anu, ayoa' uga' nahan sook, diu'ta Simon umpatn Kirene da baru utukng umpatn desa. Ayo sardadu mana' salib Yesus ka kae a' ge' ngadua' maha salib dakoh ka buntot Yesus.²⁷ Karah sok da nganang Yesus, ge' ka antara ayoa' ani mahu-mahu da munse' ge' ngawang Ini'.²⁸ Tapi, Yesus ngaringah wa' ayoa' ge' nyansana, "He mahu-mahu Yerusalem, iya' munse' karna Iko'. Munse'mih ya' umpu' adupmu' ge' anak-anakmu.²⁹ Ao' utukng anoa' jangkah ayo sok ao' nyansanan, 'Bahagiaata mahu-mahu da mandul, ge' da rahim a' ti' suah baranak, ge' da susu a' ti' suah manyusui.'³⁰ Jangkah dakoh ayoa' ao' nyansana wa' gunung-gunung, 'Ruruhmih ka tumukng kai!' ge' wa' talidi-talidi, 'Nimbunmih kai!'³¹ Sabab, sa' ayoa' umas hal-hal diah jangkah puutn maseh idup, jai da ao' tarjadi jangkah puutn dakoh karikng?"³² Ani uga dua sok panjahat da gatnminsakng ya' gatnhukum kabis samahu-mahu nige' Yesus.³³ Jangkah ayoa sampe ka nyabuah tampat da bagaatn "Tangkorak," ayo sardadu nyalib Yesus samahu kadua panjahat dakoh, nyungan ka pihak sentao'-A ge' nyungan agi' ka pihak sengikiri'-A.³⁴ Lakadakoh Yesus nyansana, "Ai' Sama', ngampunmih ayoa', karna ayoa' ti' pane jai da ayoa' umas." Lalu ayo sardadu nyangkahatn undi ya' magi-magi pangiak-A ka antara ayoa'.³⁵ Sok karah daagutn ka teetn nyaksi smaana', tapi ayo pamimpin Yahudi ngijet Yesus gae guluk mangijet. Ayoa' nyansana, "Ini' kaatn nyalamat sok laitn, jadi cubalah Ini' nyalamat umpu' adup-A sa' Ini' anilah Kristus, Da Gatn Jabata milih!"³⁶ Ayo sardadu uga' ngijet Ini', lalu ayoa' utukng ge' nawar anggur masum wa-Ini',³⁷ ge' nyansana, "Sa' Akupm Raja sok Yahudi, nyalamatmih umpu' adup-Mu'!"³⁸ Ge', ani uga' nyabuah tulisan ka tumukng-A: "DIAHTA RAJA SOK YAHUDI."³⁹ Salah satu umpatn panjahat da gatngantong ka teetn manghina Yesus, waatna', "Inyata Akupm Kristus? Nyalamatmih adup-Mu ge' kai!"⁴⁰ Tapi, panjahat da laitn a' nagor ini' ge' nyansana, "Ti' a' imu' buut wa' Jabata karna imu' uga' kaatn hukuman da samu'?⁴¹ Ite' memamg nga saharus a' kaatn da sasue nige' da nga te' umas, tapi Sok diah ti' umas kasalah jai pun."⁴² Lalu, ini' nyansana wa' Yesus. "Ai' Yesus, sanuutmih wa' iko' jangkah Akupm maruh wa' sadatn karajaan-Mu'.⁴³ Lakadakoh Yesus nyansana wa'ini', "Iko' muji' da sasungguha' wa'imu', ano diah uga' imu ao' samahu Iko' ka sadatn Firdaus."Pangkabis Yesus⁴⁴Jangkah dakoh kira-kira jam 12 tano, kagalapan ngalulup smaan daerah dakoh sampe jam 3 ngarami⁴⁵ karna matuano ngajadi galap ge' tirai sadatn Bait Jabata tararak jadi 2 pihak.⁴⁶ Lalu Yesus ngampak nige' saratn da kuat, "Ai' Sama', ka sadatn barekng-Mu' Ko'nyarah nyawa-Ko'." Ngalaka muji' dakoh, Yesus ngambus napas-A da pangkabasan.⁴⁷ Jangkah kapala pasukan mile'jai da nga tarjadi, ini' muji Jabata ge' nyansana, "Batolta, Sok diah ti' basara!"⁴⁸ Jangkah sok karah da utukng samahu-mahu ya' mile' paristiwa dakoh, nyaksi smaan jai da tarjadi, ayoa' ure' gae mukol-mukol sado' ayoa'.⁴⁹ Smaan da kanal wa' Yesus ge' nyamani mahu da nga nganang-A umpatn Galilea agutn jauh-jauh ge' nyaksi hal-hal diah. Yesus Gatnnyibur⁵⁰ Ani nyungan are da bagaatn Yusuf, anggota Dewan Panasehat, nyungan da bait ge' taman. ⁵¹ (Ini' adup a' ti' satuju wa' kaputusan ge' tindakan ayoa'). Yusuf utukng umpatn kota Arimatea, nyabuah kota sok Yahudi. Ini' uga' nyungan da nganti-anti Karajaan Jabata.⁵² Ini' anu wa' Pilatus ge' mahi bangke Yesus. ⁵³ Lalu, ini' pun ngadisah bangke Yesus umpatn kayu' salib ge' mungkusa' nige' saput linen. Ngalaka dakoh, ini' magurikng-A sadatn nyabuah sibur da gatnmahat wa' talidi batu'. Ka teetn, tinga suah ani nyungan pun da gatnmagurikng.⁵⁴ Ano dakoh anilah ano ya' basiap ge' ano Sabat ao' sagara gatnmule.⁵⁵ Mahu-mahu da utukng samahu Yesus umpatn Galilea nganang Yusuf. Ayoa' mile' sibur dakoh ge' langkina bangke Yesus gatnmagurikng ka sadatn a'.⁵⁶ Ngalaka dakoh, ayoa' ure' ge' nyiap rampah-rampah ge' binyak ya' ngules bangke Yesus. Wa' ano Sabat ayoa' madi' sasue nige' hukum Taurat Musa.

Chapter 24

¹ Wa' ano pamule minggu dakoh, jangkah ano maseh baru ngakkap, mahu-mahu dakoh anu ka sibur Yesus gae minsakng rampah-rampah da nga gatn ayoa' nyiap.² Ge' ayoa' amput batu ahyo nga baginsit umpatn sibur.³ Tapi, jangkah ayoa' maruh, ayoa' ti' amput bangke Tuhan Yesus.⁴ Jangkah ayoa' maseh tabaga-baga karna hal dakoh, tiba-tiba ani dua sok da ngiak pangiak da bakilau-kilau agutn ka suutn ayoa'.⁵ Mahu-mahu dakoh aru tao' buut ge' nuno' muka ayoa', tapi kadua sok dakoh nyansana, "Jailah imu' najo sok da idup ka antara ayo sok da kabis?⁶ Yesus ti' ani ka diah, Ini' nga bangkit. Sanuut a' tantang jai da nga gatn-Na' muji' wa'imu jangkah Ini' maseh ka Galilea.⁷ Ini' muji' bahwa Anak Talino arus gatnnyarah ka barekng ayo sok baduse, gatnnyalib, ge' ao' bangkit agi' wa' ano kataru."⁸ Maka, mahu-mahu dakoh sanuut wa' saratn Yesus.⁹ Ngalaka ayoa' umpatn sibur Yesus, ayoa' nyarita smaan peristiwa dakoh wa' kasabalas rasul ge' ayo pangikut Yesus da laitna'.¹⁰ Mahu-mahu da nyarita hal dakoh wa ayo rasul anilah Maria Magdalena, Yohana, Maria sino' Yakobus, ge' nyamani mahu laitn.¹¹ Tapi, sarita ayo mahu dakoh gatnanggap umong kusong kat ayo rasul ge' ayoa' ti pacaya wa' mahu-mahu dakoh. ¹² Tapi, Petrus agutn ge' talama' ka sibur Yesus. Ini' nyua' ge' mile' ka sadatn, tapi ini' duhutn amput saput linen da ya' mungkus bangke. Ngalaka dakoh, Petrus ure' nige' aru heran wa' jai da nga tarjadi. Yesus Nyua' Adup wa' Pangikut-A ka Gala' Nuju Emaus¹³ Wa' ano dakoh uga', 2 ungan pangikut Yesus barangkat ka nyabuah desa da bagaatn Emaus da jarak a' kira-kira 60 stadia umpatn Kota Yerusalem.¹⁴ Kadua sok dakoh nyarita tantang smaan paristiwa da tarjadi.Jangkah ayoa' agi' ngumong-umong ge' batukar pikiran, adup Yesus utukng ngajiket ge' bajalatn samahu-mahu ayoa'.¹⁶ Tapi, matu ayoa' tarhalang singge ayoa' ti' kanal wa' Ini'.¹⁷ Yesus nyansana wa' ayoa', "Jai da imu' badua nyarita gae bajalatn?" Kadua sok dakoh pun madi' ge' muka ayoa' tile' aru sedih.¹⁸ Ani nyungan umpatn ayoa' da bagaatn Kleopas nyansana wa'-Ini', "Anita Akup nyungan-nyungana sok asing ka Yerusalem da ti' panane tantang jai da da tarjadi ka teetn baru-baru diah?"¹⁹ Yesus nyansana, "Tantang jai?" Ayoa pun nyansana wa' Ini', "Tantang Yesus umpatn Nazaret, Ini' anilah nyungan nabi da panhu kuasa sadatn saratn ge' parbuatan-A ka hadapan Jabata ge' kahadapan smaan bangsa kai.²⁰ Tapi, ayo imam kapala ge' ayo pamimpin kai nyarah Ini' ya' gatnhukum kabis, ge' ayoa' nyalib-A.²¹ Sabanara kai baharap bahwa Ini'talah da ao' nampasatn bangsa Israel. Namun, ano diah anilah ano kataru sejak smaana dakoh tarjadi.²² Tapi, nyamani mahu umpatn antara kai nga nakajut kai. Jangkah ayoa' anu ka sibur pas baru ngakkap ano, ²³ ayoa' ti' ani amput bangke Yesus. Lalu, ayoa' ure' ge' muji' bahwa ayoa' nga mile' panampakan ayo malaikat, da muji' bahwa Ini' idup. ²⁴ Lakadakoh, nyamani umpatn kai anu ka sibur ge' amput uga' ulah da gatn mahu-mahu dakoh muji'. Tapi, ayoa' ti' mile' Yesus."²⁵ Lakadakoh Yesus nyansana wa' ayoa', "Ha, batol bagata imu' ge' ate da ti tao' tuh pacaya jai na nabi muji'.²⁶ Inyata Kristus arus misa' paderitaan diah ge' maruh ka sadatn kamuliaan-A."²⁷ Lalu, Yesus manjelas smaan tarutn da gatnnulis sadatn smaan Kitab Suci tantang adup-A, mule umpatn Kitab Musa sampe smaan kitab ayo nabi.²⁸ Jangkah ayoa' nga jiket ka desa Emaus, Yesus tarus bajalatn ulah-ulaha' ngana' ngalanjut pajalatn-Na'.²⁹ Tapi, ayoa' nahan Ini' nige' nyansana, "Madi'talah samahu kai sabab ano nga hampir ngarum ge' matuano hampir maruh." Maka, Yesus maruh ya' madi' samahu ayoa'.³⁰ Jangkah Ini' bagabung samahu ayoa' ka meja uman, Yesus naap roti ge' mamberkat a'. Ini' mata'-mata' a', lalu mangkatn a' wa' ayoa'. ³¹Jangkah dakoh, matu' ayoa' tatukas ge' ayoa' kanal wa' Yesus. Namun, tiba-tiba Yesus ayap umpatn pamile' ayoa'.³² Ngalaka dakoh, nyansanata ayoa' samu adup a', "Pantaslah ate ite ulah barapi-api jangkah Ini' nyansana nige' ite' salama bajalatn ge' jangkah Ini' manjelas Kitab Suci wa' ite'?"³³ Wa' jangkah dakoh uga', ayoa' agutn ge' ure' ka Yerusalem. Ayoa' amput kasabalas murid ge' ayo sok da samahu ayoa' agi bakumpur samahu-mahu. ³⁴ Ayo murid dakoh nyansana wa' ayoa' badua, "Tuhan batol-batol nga bangkit ge' nyua' adup wa' Simon!"³⁵ Kadua pangikut dakoh uga' nyarita jai da nga tarjadi sadatn pajalatn ayoa'. Ayoa' nyarita langkina ayoa' kanal wa' Yesus jangkah Ini' mucuh roti. Yesus Nyua' Adup wa' Pangikut-pangikut-A³⁶ Jangkah kadua sok dakoh maseh nyarita peristiwa diah, Yesus agutn ka tuda'-tuda' ayoa' ge' nyansana wa' ayoa', "Damai samahumu'."³⁷ Tapi, ayoa' takajut ge' buut. Ayoa' nyangka bahwa ayoa' agi' mile' amot.³⁸ Lakadakoh, Yesus nyansana wa' ayoa', "Jailah imu' takajut ge' karaguan ani ka atemu'? ³⁹ Milekmih barekng-Ko' ge' kaja'-Ko'. Diah batol-batol Iko'. Mintemih Iko' ge' mile'ta, amot ti ani umpu' dagin ge' turakng ulah da imu' ile' diah."⁴⁰ Ngalaka Yesus muji' diah, Ini nyua' barekng ge' kaja'-A wa' ayoa'.⁴¹ Samantara ayoa' maseh tinga pacaya karna gembira ge' tarheran-heran, Yesus mansikatn wa' ayoa', "Anita imu' ka diah umpu' tarutn ya' gatn uman?"⁴² Lalu ayoa' mangkatn nyasantak ikatn panggang wa' -Ini'.⁴³ Yesus naap ikatn dakoh ge' umana ka tura' ayoa'.⁴⁴ Lakadakoh, Yesus nyansana wa' ayoa', "Diahta saratn da Iko' muji' kimu' jangkah Iko' maseh samahu imu'. Jai pun tarutn da gatnnulis tantang Iko' sadatn hukum Taurat Musa, kitab ayo nabi, ge' Mazmur arus gatnganapi."⁴⁵ Lakadakoh Yesus muka pikiran ayoa' singge ayoa' kaatn mamahami Kitab Suci.⁴⁶ Yesus nyansana agi' wa' ayoa', "Ani tartuluis bahwa Kristus arus manderita ge' bangkit umpatn antara sok kabis wa' ano kataru.⁴⁷ Ge', partobatan ya' pangampunan duse ao' gatnnyata sadatn gaatn-A wa' smaan bangsa, mule umpatn Yerusalem.⁴⁸ Imu' anilah saksi-saksi umpatn smaan diah.⁴⁹ Pananemih, Iko' ngirim janji Sama'-Ko' wa'-imu'. Tapi, madi'talah ka kota Yerusalem sampe akupm gatnmamperlangkapi nige' kuasa umpatn tampat da nyamo."Yesus Tarantatn ka Surga⁵⁰ Lakadakoh, Yesus minsakng ayo murid-A ka sato kota sampe ka Betania. Ka teetn, Ini' ngangkat barekng-A ge' mambrakat ayoa'.⁵¹ Jangkah Yesus mambrakat ayoa', Ini' bapisah umpatn ayoa' ge' tarantatn ka surga.⁵² Lalu, ayoa' nyambah-A ge' ure' ka Yerusalem nige' aru basukacita. ⁵³ Ayoa' salalu madi' ka Bait Jabata ge' muji Jabata.

John

Chapter 1

¹ Pada pamule a' diu ta Firman, Firman dakoh samahu-samahunige' Jabata ge' Firman dakoh diu ta Jabata.² Firman dakoh samu-samu nige' Jabata sejak pamule.³ Sagala tarut gatn mancipta nabo Ini'. Tampa Ini', sagala tarut da nga ani diah kati mungkin bisa ani.⁴ Ka sadatn' Ini' idup ge' idup dakoh diu ta Panohos talino.⁵ Tohos dakoh babalo ka sadatn' patakng, patakng kati kaatn' menguasai-A'.⁶ Ani nyungan sok da gatn ngutus Jabata, gaatn a ' Yohanes.⁷ Ini' utukng sebage saksi yak mangkutukng kesaksian tentang Tohos dakoh sapaya nabo ini' smaan sok ngajadi pacaya.⁸ Inya ta Yohanes Tohos dakoh, tapi ini' utukng yak mangkutukng kesaksian tentang Tohos dakoh.⁹ Tohos da sejati, da nohos smaan sok, ao utung ka dunia¹⁰ Tohos dakoh nga ani ka dunia ge' dunia diah gatn aduo A' umas, tapi dunia kati nganal A'.¹¹ Ini' utukng ka umpu A' tapi umpu A' dakoh kati nyamut A.'¹² Namun, ayo a' da nyamut Ini' gatn mangkatn-A' kuasa yak umas a jadi anak-anak13 Jabata, ai dakoh ayo a da pacaya wa gaatn A'.¹³ Ayo a' gatn baranak inya umpatn' daya ato pangate dagin, ato umpatn pangate are, tapi pangate Jabata.¹⁴ Firman dakoh nga jadi dagin ge' madi ka antara ite. ite nga mie-A,' ai dakohKemuliaan Anak Tungaal Bapa, pahnu nige' anugerah ge' kabanaran.¹⁵ Yohanes mangkatn' kesaksian tentang Ini' nige' ngampak, "Diah ta Ini' da iko maksud nodiah iko' nyasana, 'Ngalaka iko', ao utukng Ini' da nyatulu iko' karna Ini' ani tinga iko."'¹⁶ Umpatn-A, ite smaan nyamut anugerah demi anugerah.¹⁷ Sabab, Hukum Taurat gatn mangkatn nabo Musa; tapi anugerah ge' kataman a' utukng nabo Yesus Kristus.¹⁸ Ti nyungan sok pun suah mile Jabata, tapi Anak Tungal Jabata, da ani ka pangko' Bapa, nyua-A.' kesaksian Yohanes pembatis¹⁹ Diah ta kesaksian Yohanes sa ayo sok Yahudi ngutus imam-imam ge' ayo sok Lewi umpatn Yerusalem yak mansikatn wa Yohanes, "Asi imu koh?"²⁰ Yohanes ngako', ge' ini' kati ngayum a', ini' ngako, "Iko' inya Kristus dakoh."²¹ Ayo a' mansikatn wa ini', "Kalo ladakoh, asi imu koh? Diu ta imu koh Elia?" Ini' naham, "Iko inya Elia." " Diu ta imu Nabi dakoh?" Ini' naham, "Inya."²² Ngalaka, ayo a' nyasana nga ka ini', " Asi ta imu', karna kai arus mangkatn jawab wa sok da gatn ngutus kai? Jai watn mu' tentang adup mu'?"²³ Yohanes naham nige' saratn Nabi Yesaya,"Saratn Iko ta da gatn sok muji Nabi Yesaya ngampak-ngampak ka padang belantara:'Bujur ta pagala yak Tuhan!"'²⁴ Ayo-sok Yahudi da gatn ngutus dakoh diu ta sok Farisi.²⁵ Lalu, ayo a' nyasana wa Yohanes, "Sa imu' inya Mesias, inya Elia, ge' inya Nabi dakoh, nyai imu' membaptis?"²⁶ Yohanes naham ayo a', "Iko' membaptis nige' paitn, tapi ka antara ayo kupm agutn nyungan sok pun kati kupm kanal.²⁷ Ini' ta ao utukng ngalaka iko.' muka tari sandal-A' pun, iko' kati pantas.'²⁸ Smaan dakoh tajadi ka Betania, ka sabrang Sungi Yordan, katampat Yohanes membaptis. Anak Domba Jabata²⁹ Ka jakap ano a', Yohanes mile Yesus utukng' wa ini', ge' Yohanes nyasana, "Mile, Anak Domba Jabata da ngapus duse dunia!³⁰ Ini' ta da iko' maksud sa iko nyasana, 'Ngalaka iko ao utukng nyungan sok da marabeh ahyo da umpatn iko' karna Ini' nga ani ti nga iko;³¹ Idu, iko' kati nganal A,' tapi sapaya Ini' gatn nyua wa ayo-sok Israel, maka iko'utukng membaptis nige' paitn.''³² Ge,' Yohanes bersaksi, watn a', "Iko' mile Roh disah umpatn rangit samu manuk acang ge' Roh dakoh madi wa Ini'.³³ Adup ko' kati kanal wa Ini', tapi Ini' da ngutus iko' yak membaptis nige' paitn nyasana wa iko', 'Ini' da ka samo-A' imu' mile Roh disah ge' madi, Ini' ta da ao' membaptis nige Roh Kudus³⁴ Iko' ta nga mile ge' mangkatn' kesaksian bahwa Ini' diah ta Anak Jebata."' murid-murid Yesus da uru³⁵Jakap ano a', Yohanes agutn agi samahu dua ungan murid a,' ³⁶ge nie mile Yesus sadang bajalatn'. Yohanes nyansana, "Milelah, Anak Domba Jabata!"³⁷ Kadua murid a' dangah saratn a' dakoh lalu ayo a' nganang Yesus.³⁸ Yesus ngaringah ka buntot ge' sa mile ayo a' sadang nganang-A', Ini' nyasana wa ayo a', "Jai da imu najo?" Ayo a; nyasana wa-Ini', "Rabi (sa da gatn terjemah arti a': Guru), ka dume Imu' madi?"³⁹ Ini' nyasana wa ayo a', "Kaeh ge' imu' ao mile a'." Ngalaka dakoh, ayo a' utukng ge' mile tampat Ini' madi ge' ayo a' madi ge' Ini' ano dakoh karna ano dakoh kira-kira diu ta jam ka sapuluh.⁴⁰ Salah satu umpatn kadua murid da dangah saratn Yohanes lalu nganang Yesus dakoh diu ta Andreas, age Simon Petrus.⁴¹ Tinga, Andreas badaput Simon, age a', ge' muji a', "Kai laka amput Mesias (da gatn terjemah nga jadi Yesus')."⁴² Nga laka, Andreas minsakng Simon wa Yesus. memandang ge' nyasana, "imu Simon, anak Yohanes. imu' ao gatn maba Kefas (da barati 'Petrus' ato 'Batu')."⁴³ Jakap ano a', Yesus bamaksud anu ka Galilea. Ini' badaput nige' Filipus ge' nyasana wa ini', "Nganang Iko'!"⁴⁴ Filipus barasal umpatn Betsaida Kota tampat Andreas ge' Petrus madi.⁴⁵ Filipus badaput nige' Natanael ge' nyasana wa ini', "Kai laka amput Ini' da gatn nulis oleh Musa ka sadatn Hukum Taurat ge' oleh ayo nabi, diu ta Yesus umpatn Nazaret,anak Yusuf."⁴⁶ Natanael nyasana wa ini', "Mungkin ta tarutn da bait utukng umpatn Nazaret?" Filipus nyasana wa ini' "Utukng ge' mile mih."⁴⁷ Yesus mile Natanael utukng wa-Ini' ge' nyasana ngitokng Natanael, "Mile mih nyungan sok Israel sajati, kati ani ka palsuan ka sadatn ini'!"⁴⁸ Natanael mansikatn a', "Langkina Imu' nganal iko?" Yesus naham,"Tinga Filipus maba mu', Iko' laka mile mu' sa imu madi ka saroh puutn ara."⁴⁹ Natanael naham, "Rabi, Imu diu ta Anak Jabata. Imu diu ta Raja sok Israel."⁵⁰ Yesus naham ge' nyasana wa ini', "Karna Iko' nyasana wa imu, Iko laka mile mu' ka saroh puutn ara', maka imu' pacaya? imu' ao mile hal-hal da jauh marabeh ahyo daripada diah!"⁵¹ Lalu, Ini' melanjut, "Sasungguh a', Iko' nyasana wa imu', imu' ao mile rangit tabuka ge' malaikat-malaikat Jabata maka disah melayani Anak Talino."

Chapter 2

¹ Wa' ano da kataru, ani gawe bainyha' wa' Kana, ge' sino' Yesus ani wa' teetn.² Yesus ge' ayo murid-A uga' gatn ngundang ka gawe bainyha' dakoh.³ Jangkah paitn anggur abas, sino' Yesus nyansana ka-Ini', "Paitn anggur ayoa' takor."⁴ Yesus naham, "Mahu, jai kaitana' nige' -Iko'? Ano-Ko katinga utukng."⁵ Sino' Yesus nyansana ka ayo palayan, "Jaipun da Ini' muji' kaimu' bulahta dakoh."⁶ Wa' teetn , ani inum atong umpatn batu, da biasa gatn sok Yahudi ngiak ka acara pangume'. Masing-masing atong dakoh muat kira-kira dua ato taru pansaok.⁷ Yesus muji' ka ayo palayan, "Madiatn atong-atong dakoh nige' paitn." Ge', ayoa' madiatn atong-atong dakoh nige' paitn sampe panhu'.⁸ Lakadakoh, Yesus nyansana ka ayoa', " Mati', naap mih iget ge' minsakngta ka pamimpin gawe." Lalu, ayoa' minsakng a' ka pamimpin gawe.⁹ Jangkah pamimpin gawe nyacap paitn da nga gatn ngubah jadi anggur dakoh, ge' ini' kati' panea umpatn dume dakoh baasal (tapi ayo palayan da naap paitn dakoh pane), maka pamimpin gawe dakoh maba' pihak are, ¹⁰ ge' nyansana ka ini', "Satiap sok nyato paitn anggur da bait tarlabih uru ge' sak smaan sok nga sau' nyucur, bahu ta gatn nyato anggur da kurang bait. Tapi, akupm ngumos paitn anggur da bait sampe mati'."¹¹ Tande ajaib pamule diah Yesus bulah ka Kana, Galilea, ge' nganyata kamuliaan-A, ge' ayo murid-A pacaya wa-Ini'.¹² Ngalaka dakoh, Yesus disah ka Kapernaum samahu sino', age-age, ge' ayo murid-A. Ayoa' madi' ka teetn mani ano tuhia'. Yesus ka Bait Jabata¹³ Ari raya Paskah sok Yahudi nga jiket, ge' Yesus pun makka ka Yerusalem. ¹⁴Ka Bait Jabata, Ini' mile' ayo sok nyual lembu, domba, ge' acang, ge' uga ayo' panukar uang unyung ka teetn.¹⁵ Yesus umas palintatn umpatn tari ge' nguser ayoa' smaan boho umpatn Bait Jabata, tarmasuk smaan domba ge' lembu ayoa'. Ini' uga matatn uang-uang karinceng umpatn ayo panukar uang ge' mambalik mija-mija ayoa'. ¹⁶ Wa' ayo padagakng acang, Yesus nyansana, "Minsakng smaana' mungkas umpatn diah! Iya' umas ramin Sama'-Ko ya' tampat bajual!"¹⁷ Ayo murid-A sanuut bahwa ani gatn nulis: "Cinta wa' ramin-Mu, ngangkabokng Iko'."¹⁸Lakadakoh, ayo sok Yahudi naham ge' nyansana ka-Ini'," Tande ajaib jai da Akupm nyuak ka kai singge Akupm ani hak umas hal-hal diah?"¹⁹ Yesus naham ayoa', "Ngancur Bait Jabata diah ge' sadatn taru ano Iko' ao' mantagutna' agi'."²⁰ Ayoa' naham, "Palalu 46 sawa ya' mantagutn Bait Jabata diah, ge' Akupm ao' mantagutna' sadatn taru ano?"²¹ Tapi, da Yesus maksud Bait Jabata anilah ungan Adup-A.²² Karna dakoh, Jangkah Yesus gatn ngalumpat idup umpatn antara sok kabis, ayo murid-A sanuut wa saratn diah; ge' ayoa' pacaya wa Kitab Suci ge' saratn da Yesus nyaratn.²³ Jangkah Yesus madi' wa' Yerusalem salama Parayaan Paskah, karah sok pacaya sadatn gaatn-A karna mile' tande-tande ajaib da gatn-Na' umas.²⁴ Tapi ao'a, Adup Yesus kati' macaya adup-A wa' ayoa' karna Ini' nganal smaan sok,²⁵ ge' kati' palalu asi pun ya' mangkatn kesaksian manganai talino sabab Ini' pane jai da ani sadatn ate talino.

Chapter 3

¹ Ani nyungan sok Farisi bagaatn Nikodemus. Ini' anilah nyungan pamimpin bangsa Yahudi.² Jangkah ano ngarum, ini' utukng wa' Yesus ge' nyansana, "Rabi, kai pane bahwa Akupm anilah Guru da utukng umpatn Jabata karna kati' ani nyungan pun da kaatn umas tande-tande ajaib da Akupmbulah, kacuali Jabata ani samahua'."³ Jawab Yesus waini', "Sabatol-batola Iko muji' kaimu', sak sook kati' gatnberanak agi', ini' kati' kaatn mile' Karajaan Jabata."⁴ Nikodemus mansikatn, "Langkina mungkinlah sook kaatn gatnberanak agi' kalo ini' nga ama? Kaat a' ini' maruh agi' ka sadatn buhul sinioa' ge' gatnberanak agi'?"⁵Yesus naham a', "Sabatola, Iko' muji' kaimu', sak sook kati' gatnberanak umpatn paitn ge' Roh, ini' kati' kaatn maruh ka sadatn Karajaan Jabata. ⁶ Jai da gatnberanak umpatn dagin anilah dagin, ge' jai da gatnberanak umpatn Roh anilah roh.⁷ Iya' heran karna Iko' muji' kaimu', 'Imu' arus gatnberanak agi''.⁸ Nyaru ngampoh ka dume pun ini' ngate ge' imu' dangah mihua', tapi imu' kati' pane umpatn dume asala' ge' ka dume ini' ao' anu. Ladakoh uga nige' satiap sok da gatnberanak umpatn Roh."⁹ Nikodemus mansikatn, "Langkinalah mungkin smaan hal dakoh tajadi?"¹⁰ Yesus naham, "Inyata imu' guru sok Israel, tapi imu' kati' ngarati smaan hal diah?¹¹ Da sabatola', Iko' muji' kaimu' bahwa kai nyansana manganai jai da kai pane ge' mangkatn kesaksian manganai jai da kai ile', tapi imu' kati' nyamut kesaksian kai.¹² Kalo Iko' mangkatn pane kaimu' manganai hal-hal duaniawi sadi' imu' kati' pacaya, langkina mungkin imu' ao' pacaya kalo Iko' mangkatn pane kaimu' manganai hal-hal surgawi?¹³ Kati' nyungan pun suah makka ka surga, kacuali Ini' da laka disah umpatn surga, dakohta Anak Talino.¹⁴ Samu' ulah Musa majakka nipa' tembaga ka padang belantara, ladakoh uga' Anak Talino arus gatn ngangkanyamo,¹⁵ supaya asi pun sok da pacaya ka-Ini' ao' kaatn idup da kekal.¹⁶Karna Jabata aru tao' nyayang dunia diah, Ini' mangkatn Anak-A da tunggal supaya satiap sok da pacaya ka-Ini' kati' binasa, tapi umpu' idup da kekal.¹⁷Karna Jabata ngutus Anak-A ka sadatn dunia inya ya' manghakim dunia, tapi supaya dunia gatnnyelamat nabo' Anak-A.¹⁸Sok da pacaya wa-Ini' kati' ao' gatn ngukum, tapi sok da kati' pacaya nga madi' ka saroh hukuman karna ini' kati' pacaya wa' gaatn Anak Tunggal Jabata.¹⁹Diahta hukuman dakoh: Tarakng nga utukng ka sadatn dunia, tapi talino labih suka wa' dagalap daripada tarakng karna jai da ayoa umas anilah jahe'.²⁰ Karna satiap sok da umas jahe' rusi' Tarakng ge' kati' utukng uga' wa' Tarakng dakoh supaya parbuatan-parbuatan a' kati' gatn ngungkit-ungkit.²¹ Tapi ao'a, sok da umas da taman utukng wa' Tarakng dakoh supaya gatn nganyata parbuatan-parbuatan a' dakoh dagatna' umas ka sadatn Jabata." Yohanes Basaksi Manganai Yesus²² Ngalaka dakoh, Yesus ge' ayo murid-A anu ka tana' Yudea. Ka teetn, Ini' ngangkabas ano samahu ayoa' ge' mambaptis. ²³ Yohanes uga' mambaptis ka Ainon jiket Salim karna ani paitn karah ka teetn. Ayo sok bajutukng ge' gatn baptis.²⁴ Waktu dakoh, Yohanes tinga gatnnyise' ka sadatn panjara.²⁵ Ge, timbul lah perdebatan antara nyamani murid Yohanes ge ' nyungan sok Yahudi mengenai panyuci.²⁶ Ayo a' amput Yohanes ge' nyasana, "Guru, sok da bariuh ge' imu ka sabarang Yordan, ge' tentang Ini' imu ngalaka bersaksi, mile mih, Ini' uga membaptis ge' smaan sok dautukng wa-Ini'."²⁷ Yohanes naham, "Talino kati kaatn naap jai pun, kacuali hal dakoh gatn mangkatn wa ini' umpatn surga.²⁸ Adup imu kaatn mangkatn kesaksian bahwa iko suah nyasana, 'Iko' inya Mesias,' tapi iko' gatn ngutus yak nyatulu A.'²⁹ Sok da umpu panganten mahu diu ta panganten are; tapi kawan panganten are, da agutn ge' dangah a', aru ahwatn dangah saratn panganten are. jadi ahwatn iko diah nga tao ta ahwatn.³⁰ Ini' arus smakin ahyo' ge' iko' smakin inek."³¹ "Ini' da nga utukng umpatn samo smaan a,' Ini' da barasal umpatn bumi diu ta umpatn bumi ge' nyasana tentang hal-hal da ani ka bumi. Ini' da ngautukng umpatn surga diu ta mih kasamo smaan tarutn.³² Ini' mangkatn kesaksian tentang jai da gatn na mile' ge ni dangah-A, tapi ayo-sok kati kaatn kesaksian-A.³³ Sok da kaatn kesaksian-A ngako' nige' sungguh bahwa Jabata dakoh taman.³⁴ Sabab, sok da gatn Jabata ngutus nyampe saratn Jabata karna Jabata mangkatn Roh da kati terbatas.³⁵ Bapa mase' ge' Anak A' ge' laka nyarah smaan tarutn ka sadatn barekng-A.³⁶ Sok da nga pacaya wa Anak da umpu' idup da kekal, tapi sok da kati mantaati Anak kati ao mile' kaidupan, malain murka Jabata tetap ani wa ini.' "

Chapter 4

¹ Jangkah Tuhan panane kalo ayo sok Farisi nga dangah bahwa Ini' ngasel ge' mambaptis labih karah murid daripada Yohanes,² sakalipun Yesus sadi' kati' mambaptis, tapi ayo murid-A,³ Ini' ngagatn Yudea ge' malik agi ka Galilea.⁴Tapi, Ini' arus nabo' rapo Samaria.⁵ Utukngta Yesus ka Samaria, ka nyabuah kota da ba gaatn Sikhar, da ani ka jiket tana da idu' gatn Yakub mangkatn wa' anak a', Yusuf.⁶ Sumur Yakub ani ka teetn. Lakadakoh, Yesus da lalah karna bajalatn, unyung ka tabikng sumur dakoh. Ano dakoh, kira-kira jam kainum.⁷ Utukng ta nyungan mahu Samaria ya' nimba paitn. Yesus nyansana wa'ini', "Mangkatnlah Iko' nyucur."⁸ Sabab, ayo murid-A nga anu ka kota ya' mari pangkuman.⁹ Mahu Samaria dakoh nyansana wa' Yesus, "Langkina mungkin Akupm, sok Yahudi, mahi paitn ya' nyucur wa'iko' da anilah mahu Samaria?" (Sabab, sok Yahudi kati' bolah mansikatn sok Samaria).¹⁰ Yesus naham ge' nyansana wa' ini', "Sak imu' pane manganai karunia Jabata ge' pane asi da nyansana waimu', 'Mangkatnlah Iko' nyucur,' imu' pasti ao' mahi wa'-Ini', ge' Ini' ao' mangkatnmu' paitn idup."¹¹Mahu dakoh nyansana wa'-Ini', "Tuan, Akupm kati' ani timba ge' sumur diah darupm tao', umpatn umelah Akupm ao' kaatn paitn idup dakoh?¹² Anita Akupm labih ahyo daripada nenek moyang kai, Yakub, da mangkatn sumur diah wa' kai ge' adup a' nga nyucur umpatn sumur diah samahu nige' smaan anak ge' ayaman a'?"¹³ Yesus naham ge' nyansana wa'ini', "Satiap sok da nyucur umpatn sumur diah ao' aus agi',¹⁴ tapi sok da nyucur umpatn paitn da Ko'mangkatn wa'ini' kati' ao' aus agi'; tapi paitn da Ko'mangkatn wa'ini' dakoh ao' jadi matu paitn ka sadatn adup a' da ao'tarus tapancar sampe idup da kekal.'¹⁵ Mahu dakoh nyansana wa' Yesus, "Tuan, mangkatlah iko' paitn dakoh supaya iko' kati' ao' aus agi' ge' iko' ti' palalu utukng agi' ka diah ya' nimba paitn."¹⁶ Yesus nyansana wa'ini', "Anulah, maba' a' ka diah."¹⁷ Mahu dakoh naham, "Iko' kati' ani banun." Waat Yesus wa'ini', "Imu' taman waktu muji', 'Iko' kati' ani banun'.¹⁸ Karna imu' nga suah umpu' rima banun, ge' are da madi' samahumu' mati' inyalah banunmu'. Sadatn hal diah, imu' nyansana taman."¹⁹ Waat mahu dakoh wa'-Ini', "Tuan, mati' iko' pane bahwa Akupm anilah nyungan Nabi.²⁰ Nenek moyang kai nyambah ka gunung diah, tapi bangsa-Mu' muji' bahwa Yerusalemta tampat sok ya' nyambah."²¹ Yesus nyansana wa'ini', "Pacayalah wa'-Iko', he mahu! Ao' utukng anoa' jangkah inya ka gunung diah atopun ka Yerusalem sok nyambah Sama'.²² Imu' nyambah da kati' imu' kanal, tapi kai nyambah da kai kanal karna keselamatan utukng umpatn bangsa Yahudi.²³Tapi, ao' utukng anoa', mati' diah, panyambah-panyambah taman ao' nyambah Sama' sadatn roh ge' kebenaran; sabab Sama' mahi da ulah dakoh ya' nyambah -A ²⁴Jabata anilah roh ge ayo a' da nyambah Inie arus nyambah-Nie sadatn roh ge' kebenaran."²⁵ Mahu dakoh nyansana wa'-Ini', "Iko' pane bahwa Mesias ao' utukng (Ini' da gatn muji' Kristus). Jangkah Ini' utukng, Ini' ao' muji' smaan tarutn wa' kai."²⁶ Yesus naham ini', "Iko', da agi' nyansana wa'imu' anilah Ini'."²⁷ Waktu dakoh, utukngta murid-murid-A ge' ayoa' heran mile' Yesus agi' serita nige' nyungan mahu. Tapi, kati' nyungan pun da mansikatn wa'-Ini', "Jai da Akupm najo?" ato "Jailah Akupm sarita nige' ini'?"²⁸ Lakadakoh, mahu dakoh ngagatn kandi paitn a' ge' anu ka kota gae' nyansana wa' ayo sok ka teetn,²⁹ "Kaeh, mile'lah ani Sook da muji' wa'iko' jaipun tarutn da ngalaka mu'umas. Mungkin a' Ini' Mesias dakoh?"³⁰Ayoa' pun anu ka luar kota ge' amput Yesus.³¹ Samantara dakoh, murid-murid-A ngalabak Yesus nige' nyansana, "Rabi, umanlah."³² Tapi, Yesus nyansana wa' ayoa', "Iko' ani pangkuman da kati' imu' kanal."³³ Lalu, murid-murid mansikatn nyungan wa' da laitn, "Kati' ania' sok da minsakng tarutn wa'-Ini' ya' gatnuman?"³⁴ Yesus nyansana, "Pangkuman-Ko' anilah umas kahendak Ini' da ngutus Iko' ge' nyelesai pakaraje-A.³⁵ Inyata imu' nyansana', 'Ampat buratn agi' musim panen utukng? Mile'lah, Iko' muji' kaimu', muka'lah matu'mu' ge' mile'ta uma-uma' nga ansak ya' gatnnguttupm.³⁶ Mati' uga, ini' da manen nga nyamut upah a' ge' ngubu' buah ya' idup kekal singge da nguttupm ge' da mura' kaatn basuka cita samahu-mahu.³⁷ Sadatn hal diah saratn diah taman, 'Da nyungan mura' ge' da laitn manen. ³⁸ Iko' ngutus imu' ya' manen tarutn da kati' imu' ngaraje ge' imu' nga maruh ka sadatn pakaraje ayoa'.³⁹ Karah sok Samaria umpatn kota dakoh jadi pacaya wa' Yesus karna saratn mahu dakoh, da mangkatn kesaksian, "Ini' mangkatn pane iko' smaan hal da nga koumas."⁴⁰ Jadi, jangkah ayo Samaria dakoh sampe wa' Yesus, ayoa' mahi ka-Ini' ya' madi' samahu ayoa' ge' Yesus madi' ka teetn salama dua ano.⁴¹ Ge', ani agi' karah sok da pacaya karna saratn Yesus sadi'.⁴² Ayoa' nyansana wa' mahu dakoh, "Inya agi' karna saratnmu' kai jadi pacaya, tapi uga' karna adup kai nga dangah, ge' kai pane bahwa Ini' diah batol-batol Juru Selamat dunia." Anak Pagawai Istana Gatnngangkauhatn⁴³ Ngalaka 2 ano, Yesus ngagatn tampat dakoh ge' nuju Galilea.⁴⁴ Katinga dakoh, Yesus sadik laka mangkatn kesaksian bahwa nyungan nabi kati' gatn hormat ka negeri adup a'.⁴⁵ Jangkah Yesus utukng ka Galilea, ayo sok Galilea nyamut-A karna ayoa' laka mile' jaipun tarutn da gatn Yesus ngaraje sadatn perayaan Paskah ka Yerusalem karna ayoa' uga' anu ka perayaan dakoh.⁴⁶ Karna dakoh, Yesus utukng agi' ka Kana, Galilea, tampat Ini' suah umas paitn jadi paitn anggur. Ka Kapernaum ani nyungan pegawai istana da anak area' agi' anapm.⁴⁷ Jangkah pegawai istana dakoh dangah bahwa Yesus nga utukng umpat Yudea ka Galilea, ini anu amput ge' mahi wa' Yesus supaya utukng ge' ngangkauhatn anak a' karna anak a' nga hampir kabis.⁴⁸ Lalu, Yesus nyansana wa'ini', "Kalo imu' kati' mile' tande-tande ge' hal-hal ajaib, imu' kati' tuh pacaya."⁴⁹ Pagawai istana nyansana, "Tuan, utuknglah katinga anakko' kabis."⁵⁰ Yesus nyansana wa'ini', "Ure'mih, anakmu' idup!" Sok dakoh pacaya wa saratn da Yesus muji' wa'ini' ge' anuta sok dakoh.⁵¹ Waktu pagawai istana sadatn pajalatn a', budak-budak a' amput a' ge' muji' bahwa anak are a' idup.⁵² Pagawai istana dakoh mansikatn wa' ayoa' manganai jam mani kondisi anak a' mule bait. Ge', ayoa' naham, "Rami kira-kira jam ijo' sanguh a' tigi'."⁵³Sama' anak dakoh pane, wa' waktu dakohta Yesus nyansana wa'ini', "Anakmu' idup." Jadi, pagawai istana dakoh ge' smaan keluarga a' jadi pacaya wa' Yesus.⁵⁴ Kohta tande ajaib kadua da gatn Yesus umas ngalaka ure umpatn Yudea ka Galilea.

Chapter 5

¹ Ngalaka smaan dakoh, ani parayaan ari raya sok Yahudi ge' Yesus maka ka Yerusalem.² Ka Yerusalem, ka jiket pintu Gerbang Domba ani nyabuah kulam da kasadatn bahasa Ibrani gatn magaatn Betesda, da umpu' rima serambi dakoh, ani karah sok da agi anapm' gurikng: sok buta, sok timpakng', ge' sok lumpuh (ayo a' nganti paitn ka kulam dakoh bagulancakng. ⁴ Sabab ka ano-ano tertentu, malaikat Tuhan ao disah ka kulam ge' ngule paitn a'. Sok da nyasidah uru maruh ka kulam ngalaka paitn a' baguncakng, ao gatn mangkahwatn umpatn pangkanapm jai pun da gatn ni manderita).⁵ Ka dakoh, ani sok da nga anapm salama 38 taun.⁶ Sa Yesus mile' ini' gurikng ka dakoh ge' pane bahwa ini' nga tuhi nyasidah menderita anapm, Yesus masikatn a' wa ini', " Diu ta imu ngate gatn mangkahawatn du?"⁷ Sok da anapm dakoh naham, "Tuan, kati ani sok da ngadisah iko' ka sadatn kulam nodiah paitn a' bagaluncakng, tapi samantara iko barusaha sok laitn ngalaka disah nyanturu iko'."⁸ Yesus nyasana wa ini' , "Agutn! Ngantan' mih kasor mu' ge' bajalatn."⁹ No dakoh uga, sok dakoh ahwatn, ini' ngantan' kasor a', ge' bajalatn. Namun, nodiah dakoh diu ta ari Sabat.¹⁰ Karna dakoh, ayo-sok Yahudi nyasana wa sok da nga ahwatn dakoh, "Ano diah diu ta ano Sabat, imu' kati buleh ngantan' kasor mu'."¹¹ Ao a ta, ini' naham, "Sok da mangkahwatn ko, 'ngantatn' kasor mu' ge' bajalatn."'¹² Ayo a' mansikatn, "Asi sok da nyasana wa imu', 'Ngantan' mih kasor mu' ge' bajalatn mih'?"¹³ Namun, sok da nga ahwatn dakoh kati pane asi Ini' karna Yesus ngalaka nyalinap umpantn sok karah ka tampat dakoh.¹⁴ Ngalaka dakoh,Yesus badaput agi nige' sok dakoh ka Bait Jabata ge' nyasana wa ini', "Dangah, imu nga ahwatn. iya umas duse agi sapaya kati tajadi hal da marabeh jahe wa imu!"¹⁵ Sok dakoh anu ge sarita wa ayo-sok Yahudi bahwa Yesus ta da ngalaka mangkahwatn a'.¹⁶ Karna dakoh, ayo-sok Yahudi nganyaya Yesus karna Ini' umas smaan dakoh wa ano Sabat.¹⁷ Ao a ta, Yesus nyasana wa ayo a', "Bapa-Ko masih karaje sampe anodiah, maka Iko' pun masih karaje."¹⁸ Ni naham dakoh umas ayo sok Yahudi barusaha marabeh karas agi yak ngamis Yesus, malanggar ano Sabat, nodakoh uga karna magaatn Jabata sabage Bapa-Adup A', da barati nyamu' Adup A, nige' Jabata. Kuasa Jabata kasadatn Yesus¹⁹ Ngalaka dakoh, Yesus naham ayo a', watn-A,' "sasungguh a', sasungguh, Iko nyasana wa imu', Anak kati bisa ngaraje tarut umpatn adup A' sadi, sa Ini' kati mile Bapa ngaraje a'; karna jai da gatn Bapa ngaraje, dakoh uga da gatn ngaraje Anak.²⁰ Sabab, Bapa mase ge' Anak A' ge' nyua wa Anak A' smaan tarut da Ini' umas ge' Bapa uga ao nyua wa Ini' karaje-karaje da marabeh ahyo agi sapaya imu takjub.²¹ Sabab, samu nige Bapa ngalumpat idup ayo sok da kabis ge' mangkatn ayo a ka idupan, ladakoh uga Anak mangkatn ka idupan ka asi da Ini' ngate.²² Bapa kati menghakimi asi pun, tapi laka mangkant samaan panghakiman dakoh ka Anak,²³ supaya samaan sok ao menghormati Anak samu ge ayoa menghormati Bapa. Sook da kati menghormati Anak, kati menghormati Bapa da ngutus-A.²⁴ Sasunguha Iko muji ka imu, sook da dangah sarant-Ko ge pacaya ka Ini da ngutus Iko umpu idup kekal, ge kati maruh ka sadant penghakimaan karana ini laka gat nginsi umpant kabis ge kahidupan.²⁵ Sasunguha Iko muji ka imu, ano a ao utung ge laka utungmati, sa sok-sok kabis ao dangah sarant Anak Jabata ge ayo da dangah dakoh ao idup.²⁶ karna langkina uga Bapa umpu idup ka sadant adup-A sadi, ini mangkant ka Anak idup ka sadant umpu adup-A, ²⁷ ge Bapa mangkat kuasa ka Anak nyak manjalan penghakiman karna Ini diu Anak Talino.²⁸ Iya heran ao' hal diah karna ano a' ao' utukng sa smaan sok da ani ka sadatn sibur ao' dangah saratn-A²⁹ ge' ayo a' ao' mungkas, koh lakoh ta ayo a' da nga umas da bait ao' nuju umpat idup. sadangan ayo a' da umas da jahe,nuju umpat idup penghakiman.³⁰ Iko' kati kaatn umas jai-jai umpan' umpu adup ko'. Iko' menghakimi sasuai da Iko' dangah ge' penghakiman-Ko' adil karna Iko' kati najo kehendak-Adup ko', tapi kehendak Ini' da ngutus Iko'. "kesaksian tentang Yesus Barasal umpatn Jabata Bapa³¹ "Sa Iko' bersaksi tentang umpu adup ko', kesaksian-Ko' kati taman.³² Ao a' ta, ani da laitn da bersaksi tentang Iko', ge' Iko' pane barang kesaksian da gatn mangkatn-A' tentang Iko dakoh taman.³³ Imu ngalaka ngutus wa Yohanes ge' ini' nga mangkatn kesaksian tentang da taman.³⁴ Ao at, kesaksian da Iko' nyamut inya umpatn talino. Iko' muji hal diah sapaya imu' gatn nyalamat.³⁵ Yohanes diu ta palita da manyala ge' babalo, ge' imu ngate bersukacita sesaat ka sadatn balo a'.³⁶ Ao at' kesaksian da Iko' umpu marabeh ahyo daripada kesaksianYohanes. sabab,karaje-karaje da gatn Bapa ko nyarah wa iko' yak iko' ngabires a', dakoh ta karaje-karaje da agi ko' umas mati', mangkatn kesaksian tentang iko' sa Bapa lah da ngutus Iko.'³⁷ Ge' Bapa da ngutus Iko' dakoh adup a' laka mangkatn kesaksian tentang Iko'. Ao at, imu' kati suah dangah saratn-A' ato pun mile rupa-A.'³⁸ Ge', firman-A' kati madi ka sadatn ate mu karna imu kati pacaya wa Ini' da gatn na ngutus A'.³⁹ Imu mempelajari Kitab Suci karna imu nyangka bahwa ka sadatn Kitab Suci imu ao kaatn idup da kekal; ge' Kitab Suci dakoh uga mangkatn kesaksian tentang Iko',⁴⁰ tapi imu kati ituh utukng wa Iko' sapaya imu idup.⁴¹ Iko' kati nyamut Kemuliaan umpatn talino⁴² Namun, Iko' mengenal imu, bahwa imu kati umpu pamase Jabata ka sadatn umpu adup mu.⁴³ Iko' utukng kasamo gaatn Bapa-Ko, tapi imu kati nyamut Iko'. sa ayo da laitn utukng kasamo gaatn ayo adup mu, imu ao nyamut a'.⁴⁴ Langkina imu bisa pacaya, sa imu nyamut pujian umpatn sok ao da laitn ge' kati najo pujian da utukng umpatn Jabata da Esa?⁴⁵ Iya nyangka bahwa Iko' ao mendakwamu' ka hadapan Bapa; da mandakwamu' diu ta Musa, koh dakoh sok da wa imu' berharap. ⁴⁶ Sabab, sa imu pacaya wa Musa, imu arus a' pacaya wa-iko karna Musa, nulis tentang Iko'.⁴⁷ Ao at, sa imu kati pacaya ka jai da gatn Musa nulis, langkina mungkin imu pacaya wa saratn-Ko'?"

Chapter 6

¹ Ngalaka dakoh, Yesus nyambarang timu' Galilea, kohta timu' Tiberias.² Karah sok da nganang Ini' karna ayoa' mile' tande-tande ajaib da Ini' umas tarhadap ayo sok da anapm.³ Lakadakoh, Yesus makka ka samo bukit ge' unyung ka teetn samahu ayo murid-A.⁴ Ano dakoh, parayaan Paskah sok Yahudi nga jiket.⁵Gae nyantunung ka nyangkalilikng-A ge' mile' sok karah utukng wa' Ini', Yesus nyansana ka Filipus, "Kadumelah ite' kaatn mari roti supaya ayo sok dakoh kaatn uman?"⁶ Yesus muji' hal dakoh ya' nguji Filipus karna sabanara Adup-A pane jai da ao' Ini' umas.⁷ Filipus naham, "Roti dabararga 200 dinar kati' ao' cukup ya' ayoa', sakalipun masing-masing hanya kaatn nyaputong inek ja'.⁸ Nyungan umpatn murid-A , kohta Andreas age Simon Petrus, nyansana wa' Yesus, ⁹ "Ka diah ani nyungan kangot da ani umpu' rima roti jelai ge' dua ikatn, tapi jai ratia dakoh ya' sok da samu' diah karaha'?"¹⁰ Yesus nyansana, "Ngadulah smaan sok ya' unyung." Ka tampat dakoh karah udu', jadi ayo sok dakoh unyung kira-kira rima ribu are jumlah a'.¹¹ Lakadakoh, Yesus naap roti-roti dakoh ge' ngalaka ngucap syukur, Ini' magi-magi roti dakoh ka ayoa' da unyung; ladakoh uga' gatn-Na' umas tarhadap ikatn-ikatn dakoh nyamani karah da ayoa' ngatte.¹² Jangkah smaan sok nga basoh, Yesus nyansana wa' murid-murid-A, "Ngubu'talah santak-santak da ngakaba supaya kati' ani da gatnmatatn."¹³ Karna dakoh, ayo murid ngubu'a ge' nyisi' dua balas geranjang nige' santak-santak umpatn rima roti jelai da gatn ayoa' ngagatn ngalaka uman.¹⁴ Jangkah ayo sok dakoh mile' tande ajaib da gatn Yesus umas, ayoa' nyansana, "Ini' diah pasti Nabi da gatnngajanji ao' utukng ka dunia."¹⁵ Karna panane bahwa sok karah dakoh bapakat utukng ge' makse Ini' jadi Raja atas ayoa', Yesus nyingah agi' ka bukit adup-adup-A. Yesus Bajalatn ka Tumukng Paitn¹⁶Jangkah ano nga mule ngarum, ayo murid disah nuju' ka timu'¹⁷ge' ngalaka makka parahu, ayoa' mule nyambarang danau nuju' Kapernaum. Ano nga mule patakng, tapi Yesus tinga uga utukng amput ayoa'.¹⁸ Timu' mule baransakng karna nyaru batol aru ngampoh.¹⁹Lakadakoh, jangkah ayoa' laka' ngayuh parahua' nyakitar 25 ato 30 stadia, ayoa' mile' Yesus bajalatn ka tumukng timu' ge' ngajiket parahu singge ayoa' buut.²⁰ Namun, Yesus nyansana wa' ayoa', "Diah Iko', iya' buut!"²¹ Ngalaka dakoh, Ayoa' ngate majakka Ini' ka sadatn parahu ge' tiba-tiba parahu dakoh nga utukng ka tampat da ayoa' nuju'. Sok Karah Najo Yesus²² Jakkap aria, sok karah da masih agutn ka sambarang timu' mile' bahwa kati' ani parahu laitn ka dakoh, kacuali nyiteng parahu ja' da ayo murid laka maruh ka sadatn a'. Namun, Tesus kati' nganang maruh ka sadatn parahu dakoh samahu nige' ayo murid-A da nga barangkat adup a'.²³ Utukngtalah parahu-parahu da lain umpatn Tiberias ka jiket tampat ayo sok dakoh uman roti, ngalaka ngucap syukur.²⁴ Jangkah ayo sok karah mile' bahwa Yesus ge' ayo murid-A kati' ani agi ka dakoh, ayoa' makka ka parahu-parahu dakoh ge' barangkat ka Kapernaum ya' najo Yesus. Yesus anilah Roti Hidup²⁵Jangkaha' sok karah dakoh amput Yesus ka sambarang timu', ayoa' mansikatn wa' Ini', " Rabi, ngina Imu' utukng ka diah?"²⁶ Yesus naham ayoa' ge' nyansana, " Sabatola', Iko' muji' wa' imu', imu' najo Iko' inya karna imu' nga mile' tande-tande ajaib, tapi karna imu' laka uman roti sampe basoh.²⁷ Iya' karaje ya' najo pangkuman da kaatn binasa, tapi ya' pangkuman da tahan sampe ka idup da kekal, da Anak Talino ao' mangkatn wa'imu' karna wa' Anak Talino dakoh, Sama', kohta Jabata, laka mangkatn tande sah-A."²⁸Lalu, sok karah dakoh mansikatn wa' Yesus, "Jai da arus kai umas supaya kai ngaraje pakaraje da gatn Jabata kahendaki?'²⁹ Yesus naham ayoa' ge' nyansana wa' ayoa', "Diahta pakaraje da gatn Jabata ngatte: pacaya mih wa' Jabata da gatn Jabata ngutus."³⁰Ayoa' mansikatn wa'-Ini', "Kalo lakoh, tande ajaib jailah da ao' Imu' umas supaya kai mile' ge' pacaya wa Imu'? Pakaraje jai da Imu' umas?³¹ Nenek moyang kai' uman manna ka padang balantara, ulah da gatnnulis, 'Ini' mangkatn ayoa' roti umpatn surga ya' gatn uman."³² Yesus nyansana wa' ayoa', " Sabatola, Iko' muji' wa' imu', inya Musa da mangkatnmu' roti da sejati umpatn surga, tapi Sama'-Ko' ta da mangkatnmu' roti da sejati umpatn surga.³³Sabab, Roti umpatn Jabata anilah Ini' da disah umpatn surga ge' mangkatn idup wa dunia."³⁴ Ayoa' nyansana wa-Ini', "Tuhan, mangkatlah kai roti dakoh tiap kano."³⁵ Waatn Yesus wa ayoa', "Ikota roti idup; sok da utukng wa'-Iko' kati' ao' saburuk agi', ge' sok da pacaya wa' Iko' kati' ao' aus agi'.³⁶Ao' ta, Iko' laka muji wa' imu' bahwa nyakalipun imu' nga mile' Iko', imu' kati' pacaya.³⁷Smaan da gatn Sama-Ko' mangkatn wa'-Iko' ao' utukng wa'-Iko', ge' da utukng wa'-Iko' kati ao' suah Ko' ngusir.³⁸ Sabab, Iko' disah umpatn surga inya ya' umas kahendak Adup-Ko, tapi kahendak Ini' da ngutus Iko'.³⁹ Ge', diahta kahendak Ini' da ngutus Iko': supaya smaan da laka gatnmangkatn wa-Iko dakoh kati' ani da ilakng, tapi Iko' ngabangkit a' wa pangkabas zaman.⁴⁰Sabab, diahta kahendak Sama'-Ko', bahwa satiap sok da mile' Anak ge' pacaya wa-Ini' ao' kaatn idup kekal, ge' Iko' ao' ngadu a' bangkit wa pangkabas zaman."⁴¹ Karna dakoh, nyamani sok Yahudi mule koot-koot manganai Ini' karna Ini' nyansana , "Ikota roti da nga disah umpatn surga dakoh."⁴² Ayoa' nyansana, "Inyata Ini' diah Yesus, Anak Yusuf, da sama' ge' sino' a' ite' kanal? Langkina mungkin Ini' kaatn nyansana, 'Iko' laka disah umpatn surga?"⁴³Yesus naham ayoa' ge' nyansana, "Iya' koot-koot ka antara kupm sadi'. ⁴⁴Ti' nyungan pun kaatn utukng wa'-Iko', kacuali Sama' da ngutus Iko' narik a', ge' Iko' ao' ngadua bangkit wa' pangkabas zaman. ⁴⁵Ani gatn nulis sadatn kitab ayo nabi: 'Ge', ayo smaan ao' gatn Jabata ajar. Satiap sok da nga dangah ge' balajar umpatn Sama' ao' utukng wa'-Iko'.⁴⁶ Hal dakoh inya ratia' ani sok da nga suah mile' Sama', kacuali Ini' da utukng umpatn Jabata; Ini'talah da laka mile' Bapa. ⁴⁷Iko muji' wa'imu', 'Sabatola, satiap sok da pacaya ani umpu' idup kekal.'⁴⁸ Iko'ta roti idup.⁴⁹ Nenek moyangmu' nga uman manna ka padang belantara, tapi ayoa' kabis.⁵⁰Diahta roti da disah umpatn surga, supaya satiap sok umana ge' kati' kabis. ⁵¹Iko'ta roti idup dakoh da nga disah umpatn surga. Sak sok uman roti diah, ini' ao' idup salama a'; ge' roti da ao' Ko'mangkatn ya' kahidupan dunia diah anilah ungan-Ko."⁵² Ayo sok Yahudi mule bataham baba' nyungan wa' da lain, ayoa' nyansana, "Langkina aba' Sok diah mangkatn ungan-A ya' gatn uman?"⁵³Yesus nyansana wa' ayoa', "Iko muji' wa' imu', sabatola sak imu' kati' uman ungan Anak Talino ge' nyucur daya'-A, imu' kati' ani umpu' idup ka sadatn adupmu'.⁵⁴ Satiap sok da uman dagin-Ko' ge' nyucur daya-Ko' umpu idup kekai, ge Iko ao ngalumpat idup a' ka pangkabis zaman.⁵⁵ Sabab, dagin-Ko' diu ta pangkuman da sajati ge' daya-Ko' diu ta gatn nyucur da sajati.⁵⁶ Asi da uman dagin-Ko' ge' nyucur daya-Ko' madi ka sadatn Iko' ge' Iko' madi ka sadatn ini'.⁵⁷ Samu Bapa da idup ngutus Iko' ge' Iko' idup oleh karna Bapa, ladakoh uga ini' da uman Iko',⁵⁸ Diah ta roti da disah umpatn surga, inya ulah roti da gatn uman nenek moyangmu uman ge' sok kabis, sok da uman roti diah ao idup salama-lama a'."⁵⁹ Yesus muji samaan a' diah ka Kapernaum ano Ini' mengajar ka sinagoge tampat ibadah sok Yahudi Karah panganang ngagatn Yesus⁶⁰ Sa karah umpatn murid-murid da dangah hal diah, ayo a' nyasana, "Ajaran diah terlalu sagekng. Asi da sanggup nyamut a'mih?"⁶¹ Karna ayo a' ngapane bahwa ayo panganang-A' koot-koot tentang hal dakoh, Yesus nyasana ka ayo a', "Diu ta saratn-Ko' diah umas mu tersinggung?⁶² Kalo ladakoh, langkina sa imu mile Anak Talino maka agi ka tampat asal-A'?⁶³ Roh lah da mangkatn idup, sadakang dagin kati bagune sama sakali. saratn-saratn da Ko' muji ka imu' diu ta roh da idup.⁶⁴ Ao at, ani nyamani ka antara ayo kup da kati pacaya. "Sabab, umpatn pamule, Yesus pane asi da kati pacaya ge' asi da ao' mengkhianati Ini'.⁶⁵ Yesus nyasana, "Dakoh sabab a' Iko' muji ka imu' bahwa ti nyungan sok pun bisa utukng ka Iko', kacuali hal dakoh gatn karunia ka ini' oleh Bapa."⁶⁶ Sejak ano dakoh, karah panganang-A' mangundur adup a' ge' baranti nganang A'.⁶⁷ Karna dakoh, Yesus nyasana wa kadua balas murid-A,' "Diu ta imu uga ngate anu?"⁶⁸ Simon Petrus naham Ini', "Tuhan, ka asi kai ao anu? Imu' lah da umpu saratn ka idupan kekal.⁶⁹ Kai nga pacaya ge' nganal Imu', bahwa Imu' lah da Kudus umpatn Jabata."⁷⁰ Yesus naham ayo a', "Inya Adup Ko' da milih imu', dua balas sok diah? Meski ladakoh, salah satu umpatn inu' diu ta balis."⁷¹ Da Ini' maksud diu ta Yudas, anak Simon Iskariot, sabab Yudas diu ta salah satu umpatn kadua balas murid dakoh, tapi ini' ao mengkhianati Yesus.

Chapter 7

¹ Ngalaka dakoh, Yesus bajalatn ngalilikng Galilea. Ini' kati ituh bajalatn ka Yudea sabab ayo- sok Yahudi ka teetn bamaksud yak ngamis Ini'.² Jangkah dakoh, ari raya sok Yahudi, kohta ari raya Pondok Daun, nga jiket.³ Karna dakoh, age-age Yesus nyasana wa Ini', "Barangkat ta umpatn diah ka Yahuda sapaya murit-murit-Mu' uga aok' mile' karaje-karaje da Imu' umas.⁴ Sabab kati ani nyungan sok da umas jaipun da tasambunyi sa' ini' ngate gatn kanal sacara umum. sa' Imu' umas hal-hal dakoh, nyuaak ta umpu' adup Mu' wa dunia."⁵ Sabab, age-age Yesus sadipun kati pacaya wa Ini'.⁶ Yesus nyasana wa ayoa',"Ano Ko' tinga utukng, tapi ano mu' aok' salalu tasadia.⁷ Dunia kati' bisa rusi' ge' imu', tapi dunia rusi' ge' Iko' karna Iko' mangkatn kesaksian tentang dunia, bahwa parabuatan-parabuatana' diu ta jahe'.⁸ Anu lah ayokupm wa parayaan dakoh. Iko' katinga anu wa parayaan dakoh karna ano Ko' katinga utukng."⁹ Laka muji' ladakoh, Yesus tetap madi' wa Galilea.¹⁰ Namun, ngalaka age-age-A anu ka parayaan dakoh, Yesus uga anu ka teetn, kati' sacara tarak- tarak, tapi sacara diam-diam.¹¹ Ayo sok Yahudi najo Ini' kasadatn parayaan dakoh, ge' nyasana, "ka dume Ini?"¹² Ani karah umong-umongan ka antara sok karah manganai Ini'. Ani da nyasana, "Ini' sok bait." Ani pula da nyasana,"kati, Ini' nyasat rakyat."¹³ Ao' ta, kati nyungan sok pun barani nyasana terus tarang manganai Ini' karna buut wa ayo sok Yahudi. Yesus ngajar ka Bait Jabata¹⁴ Jangkah parayaan dakoh masih balansung, Yesus maruh ka Bait Jabata ge' mule ngajar.¹⁵ Ayo-sok Yahudi ngajadi heran ge nyasana," Langkina sok diah umpu' pangatahun da ladiah, padahal kati' balajar?"¹⁶ Yesus naham ayoa' ge' nyasana,"Ajaran-Ko' kati barasal umpatn Adup Ko' sadi, tapi umpatn Ini' da ngutus Iko'.¹⁷ Sa' nyungan sok ituh umas kahendak Jabata, ini' ao' pane ajaran-Ko', diu' ta dakoh barasal umpatn Jabata ato umpatn Adup Ko' sadi.¹⁸ Sok da nyasana umpatn adupa' sadi' najo hormat yak adupa' sadi', tapi sok da najo hormat yak Ini' da ngutusa', ini' batol ge' kati' ani da kati' batol ka sadatn adupa'.¹⁹ Inya ta Musa laka mangkatn Hukum Taurat wa imu', tapi kati' nyungan sok pun umpatn antara mu' da pane hukum dakoh? nyai imu' barusaha yak ngamis Iko'?"²⁰ Sok karah dakoh naham,"Imu' karasukan roh jahe! Asi da barusaha ngamis Imu'?"²¹ Yesus nyasana wa ayoa',"Iko' duhutn umas nyiteng karaje ge' imu' samaan heran.²² Musa mangkatn mu' baturih, sabanara' dakoh inya umpatn Musa, tapi umpatn sama moyang, ge' imu' nurih sok ka ano Sabat.²³ Sa' nyungan sok pun gatn nurih ka ano Sabat singga Hukum Musa kati' gatn malangar, nyai imu' baji' wa -Iko' karna Iko' umas nyungan sok sapanuha' ka ano Sabat?²⁴ Iyak manghakimi badasar da tile' tapi hakimilah nige' panghakiman da taman." Diu' ta Yesus ani ta sang Mesias?²⁵ Lakadakoh, nyamani ungan sok da madi' wa Yerusalem nyasana,"Inya ta Ini' diah Sok da ngate ayo sok ngamis?²⁶ Ao' ta, mile' lah, Ini' nyasana sacara tarang-tarangan ge' ayoa' kati' muji' jai pun wa Ini'.Mungkin ta ayo pamimpin dakoh batol-batol nga pane bahwa Ini' diu' ta Kristus?²⁷ Ao' ta, ite pane umpatn ume Sok diah barasal. samantara dakoh, jangkah Kristus utukng, padahal sa' Kristus utukng' ti' nyungan sok pun pane umpatn ume Ini' barasal."²⁸ Karna dakoh, samantara Yesus ngajar ka Bait Jabata,"Imu' memang nganal Iko' ge' pane umpatn ume Iko' barasal.Namun, Iko' kati' utukng umpatn Adup-Ko' sadi', taapi Ini' da ngutus Iko' ta banar, imu' kati' nganal Ini',²⁹ tapi Iko' nganal Ini' karna Iko' barasal umpatnA' ge' Ini' lah da nga ngutus Iko."³⁰ Lalu, ayoa' barusaha nangkap Ini', tapi ti' nyungan sok pun bisa aboh Ini' karna ano-A tinga utukng.³¹ Namun, karah umpatn ayo sok dakoh pacaya wa Yesus. Ayoa' nyasana, "Sa' Kristus dakoh utukng, diu' ta Ini' ao' umas labih karah tande ajaib daripada da nga gatn umas Sok diah?" Pamimpin Yahudi Barusaha nangkap Yesus³² Ayo sok Farisi dangah jai da gatn nanyasana sok karah dakoh tentang Yesus, maka imam-imam kepala ge ayo sok Farisi ngadu ayo panjaga Bait Jabata yak nangkap Ini'.³³ karna dakoh' Yesus nyasana, "Ano-Ko' samahu-mahu nige' imu' sabantar agi ge' ngalaka dakoh, Iko' ao' anu wa Ini' da ngutus Iko'.³⁴ Imu' ao' najo Iko', tapi kati' ao' amput-Ko'. Ge', ka dume Iko' madi', imu' kati' bisa utukng ka teetn."³⁵ Ayo-sok Yahudi dakoh nyasana nyungan wa da laitn, "Ka dume sok diah ao' anu singga ite kati' bisa amput Ini'? diu' ta Ini' ao' anu wa sok Yahudi da tasabar ka antara ayo sok Yunani, de' ngajar ayo sok Yunani?³⁶ Jai maksud saratn-A da nyasana, 'Imu' ao' najo Iko', tapi kati' ao' amput-Ko'. Ge', ka dume Iko' madi', imu' kati' bisa utukng ka teetn?'" Yesus nyasana manganai Roh Kudus³⁷ Ka ano tarakhir, kohta puncak parayaan dakoh, Yesus agutn ge' ngampak', watn-A, "Sa' ani da aus baitlah ini' utukng wa -Iko' ge nyucur.³⁸ Sok da pacaya wa-Iko', ulah da gatn muji' Kitab Suci, umpatn sadatn adupa' ao' mangalir alir paitn idup.a''³⁹ Hal da gatn maksud Yesus ani ta Roh, da ao' gatn narima oleh sok pacaya wa -Ini'. Sabab, Roh dakoh tinga gatn mangkatn karna Yesus tinga gatn muliakan. perdabatan tentang Yesus⁴⁰ Jangkah ayoa' dangah saratn dakoh, nyamani umpatn ayoa' nyasana, "Sok diah batol-batol sok Nabi."⁴¹ Sok da laitn nyasana, "Ini' diu' ta Kristus. " Sok da laitn agi nyasana," Mungkin Kristus utukng umpatn Galilea?⁴² Inya ta Kitab Suci muji bahwa Kristus barasal umpatn katurunan Daud ge' umpatn Betlehem, desa tampat Daud madi idu'?"⁴³ Lalu, tarajadilah perpacahan ka antara ayo sok dakoh karna Ini'.⁴⁴ Nyamani ungan sok da umpatn antara ayoa' da ngate nangkap Yesus, tapi ti' nyungan sok pun aboh-A. Kati' pacaya nyamani ungan pamimpin Yahudi⁴⁵ Karna dakoh, ayo panjaga Bait Jabata dakoh malik wa imam-imam bepala ge' ayo sok Farisi, da mansikatn wa ayoa', "Nyai ayo kupm kati' minsakng Yesus?"⁴⁶ Ayo panjaga Bait Jabata dakoh naham, "Kati' nyungan sok pun suah nyasana ulah Sok diah!"⁴⁷ Ayo sok Farisi dakoh naham ayoa', "Diu'ta ayo kupm uga laka gatn nyasat?⁴⁸ Ani ta umpatn antara pamimpin atopun sok Farisi da laka pacaya wa-Ini'?⁴⁹ Ao' ta, sok karah da kati' pane Hukum Taurat diah diu' ta takutuk!" Pembela Nikodemus⁵⁰ Ao' ta, Nikodemus,nyungan umpatn ayoa', da idu' suah amput Yesus, nyasana wa ayoa',⁵¹ "Ani ta Hukum Taurat ite manghakimi ayo sok dakatinga gatn dangah hal gatn mujia' ge' gatn ngapane hal da ini' umas?"⁵² Ayoa' naham, "Diu' ta imu' uga sok Galilea? salidik ge' milelah bahwa kati' ani nabi da utukng umpatn Galilea." Mahu da tatangkap Bazina⁵³ Lakadakoh, ayoa' samaan ure ka ramin masing-masing.

Chapter 8

¹ Ao at, Yesus anu ka Bukit Zaitun.² nga bakalapm-kakalamp, Ini' utukng agi ka Bait Jabata ge samaan sok utukng ka ini'. Ini' munyung ge ngajar ayo a'.³ Lalu, ahli-ahli Taurat ge' ayo sok Farisi minsakng nyungan sok mahu da kadapatan parabuatan zina, ge' ngalaka mana mahu dakoh agutn ka tuda-tuda,⁴ ayo a' nyasana ka Yesus, "Guru, mahu diah tatangkap basa ano ni agi bazina.⁵ Hukum Taurat Musa memerintah ite yak munu mahu da macam diah nige' batu. Jai pandapat-Mu' tentang hal diah?"⁶ Ayo a' muji ladakoh ta yak mancoba Yesus sapaya ayo a' umpu dasar yak mansara Ini'. Ao at, Yesus umpuk nige' tarinyo-A,' Ini' nulis ka tana.⁷ karna ayo a' terus-terus mansikatn Ini', Yesus agutn ge' nyasana wa ayo a', "Sok da kati baduse ka antara ayo kupm diu ta ini; da jadi uru munu mahu diah nige' batu."⁸ Lalu, Yesus umpuk agi ge' nulis ka tana.⁹ Ano ayo a' dangah hal dakoh, ayo a' mule anu nyungan-nyungan, mule umpatn da paling ama, ge' Yesus gatn ngagatn adup-adup A', nige' mahu da ijah da masih agutn ka tuda-tuda.¹⁰ Lalu, Yesus agutn ge' nyasana ka mahu dakoh, "Hoi mahu, ka dume ayo a'? Kati ani ta ayo sok da ngukum mu'?"¹¹ mahu dakoh naham, "Kati ani, Tuhan." Yesus nyasana, "Iko' pun kati ao ngukum ma. Anu mih, ge' mule mati, iya umas duse agi." Yesus Tarak Dunia¹² Laka dakoh,Yesus nyasana ka ayo sok karah dakoh, watn-A', "Iko' ta tarak dunia. Satiap sok da nganang Iko' kati ao' bajalatn ka sadatn da patakng, tapi ao umpu idup da tarak."¹³ lakadakoh, ayo-sok Farisi nyasana ka Yesus, "Imu' bersaksi tentang umpu Adup Mu', maka kesaksian-Mu' kati taman."¹⁴ Yesus naham ayo a', watn-A', "Nyasidah pun Iko' bersaksi tentang umpu Adup-Ko', kesaksian-Ko'diu ta taman karna Iko' pane umpatn ume Iko' utukng ge' kaume Iko' anu, tapi imu kati pane umpatn ume Iko' utukng ge' kadume Iko' anu.¹⁵ imu' menghakimi manurut cara dagin, sadang Iko' kati menghakimi asi pun.¹⁶ Namun, sa andai a' pun Iko' menghakimi, penghakiman-Ko' dakoh taman karna Iko' kati menghakimi Adup-Adup Ko', tapi nige' Bapa da ngutus Iko'.¹⁷ Bahkan, kasadatn Kitab Taurat mu' tatulis bahwa kesaksian dua ungan sok diu ta da taman.¹⁸ Iko' bersaksi tentang Umpu-Adup Ko' ge' Bapa ga ngutus Iko' bersaksi tentang Iko'."¹⁹ Maka, ayo a' mansikatn ka Ini', "Kadume Bapa-Mu'?"Yesus naham,"Imu' kati kanal Iko' walo pun Bapa-Ko', sa imu' nganal Iko', imu' uga nganal Bapa-Ko'."²⁰ saratn diah Yesus mangkutukng ka jiket perbendaharaan ano Ini' ngajar ka Bait Jabata, tapi kati ani nyungan sok pun da naap Ini' karna ano-A' tinga utukng. Yesus nyasana tentang Bapa²¹ Lalu, Yesus nyasana agi ka ayo a', "Iko' ao ngagatn imu' ge' imu' najo Iko', tapi imu' ao' kabis kasadatn duse mu'. ka dume Iko' ao' anu, imu kati bisa utukng."²² Lakadakoh, ayo sok Yahudi dakoh nyasana,"Diu ta Ini' ngate ngamis adup a' karna Ini' nyasana, 'Ka dume Iko' ao' anu imu' kati bisa utukng'?"²³ Ao at, Yesus nyasana ka ayo a', "Imu barasal umpatn saroh, tapi Iko' barasal umpatn samo. imu'barasal umpatn dunia diah, tapi Iko' inya umpatn dunia diah.²⁴ Oleh karna dakoh, Iko' muji ka imu' bahwa imu' ao kabis ka sadatn duse mu' karna sa imu' kati pacaya ka Iko', imu' ao kabis ka sadatn duse-dusemu'."²⁵ Lalu, ayo a' mansikatn ka Ini', "Asi ta Imu?"Yesus naham ayo a', "Iko' laka muji a' ka imu umpatn pamule.²⁶ Ani karah hal tentang imu' da arus Iko' muji ge' hakim, tapi Ini' da ngutus Iko' diu ta taman ge' jai da Iko' dangah umpatn Ini', dakoh lah Ko mangkutukng ka dunia."²⁷ Ayo a' kati ngarati bahwa Yesus agi nyasana ka ayo a' tentang Bapa.²⁸ Oleh sabab dakoh,Yesus nyasana, "sa imu laka meninggikan Anak Talino, ano dakoh ta imu ao pane bahwa Iko' diu ta Ini', ge' bahwa kati ani tarutn pun da Iko' umas umpatn umpu Adup Ko, tapi Iko' muji jai da gatn ngajar Bapa ka-Iko'.²⁹ Ge' Ini' da ngutus Iko' ani bariuh-riuh nige' Iko', Ini' kati ngagatn Iko' adup-adup karna Iko' salalu umas hal-hal da Ini' suka."³⁰ Samantara Yesus muji smaan a' dakoh, karah sok pacaya ka-Ini'. Anak-Anak Abraham ge' Anak-Anak balis³¹ Lakadakoh,Yesus nyasana ka ayp-sok Yahudi da pacaya ka Ini', "sa imu' tetap ka sadatn firman-Ko', imu' batol-batol murid-Ko',³² ge' imu ao pane kabanaran a', ge' kabanaran a' dakoh ao membebas imu'."³³ Ayo a' naham, "Kai diu ta keturunan Abraham ge' kati suah jadi budak asi pun. jadi, nyai Imu' nyasana, 'Imu' ao bebas?"'³⁴ Yesus naham ayo a', "Sasungguh a', Iko' nyasana ka imu', satiap sok da umas duse diu ta budak duse.³⁵ Nyungan sok budak kati madi ka sadatn nyabuah kaluarga yak salama a', tapi nyungan anak madi yak salama a'.³⁶ Jadi, sa ngina Anak membebas imu', imu batol-batol bebas.³⁷ Iko' pane bahwa imu' diu ta katurunan Abraham, tapi imu ngate ngamis-Ko' karna ajaran-Ko' kati kaatn tampat ka sadatn mu.'³⁸ Iko'muji tentang hal-hal da laka Iko' mile nige' Bapa-Ko' ladakoh uga imu' umas hal-hal da imu dangah umpatn bapa mu'."³⁹ Ayo a' naham ge' nyasana ka-Ini', "Abraham diu ta bapakai." Yesus Naham, "Sa imu' katurunan Abraham, imu arus a' umas jai da Abraham umas.⁴⁰ Ao at', imu' barusaha ngamis Iko', sok da muji ka imu' kabenaran, da Iko' dangah umpatn Jabata. Abraham kati umas hal dakoh.⁴¹ Jadi, imu duhutn umas jai da gatn bapa mu' umas."Ayo a' nyasana ka-Ini', "Kai kati gatn baranak umpatn hasel perzinaan. Kai umpu nyungan Bapa diu ta Jabata."⁴² Yesus nyasana ka ayo a', "Sa Jabata diu ta Bapa mu', imu' ao mase ka Iko' karna Iko' utukng ge' barasal umpatn Jabata.Ge', Iko' utukng inya atas kehendak-Adup ko', tapi Ini' da ngutus Iko'.⁴³ Jai sabab a' imu' kati ngarati jai da Iko'muji? Dakoh karna imu' kati bisa dangah firman-Ko.⁴⁴ Imu'barasal umpatn bapamu', diu ta sitan ge' imu ngate umas pangate-pangate bapamu'. Ini' diu ta pangamis umpatn sajak pamule ge' katibajinte ka da taman karna kati ani da taman ka sadatn adup a'. sa ini' muji da laceh ini' muji a' umpatn karakter adup a' karna ini' diu ta laceh ge' bapa laceh.⁴⁵ Ao at, karna Iko' muji da taman Ka imu', imu kati pacaya ka-Iko.⁴⁶ Asi ta ka antara akupm da bisa nyata a' bahwa Iko' baduse?sa Iko' muji da taman, nyai akupm kati pacaya ka-Iko?⁴⁷ Asi pun da barasal umpatn Jabata, ini' dangah firman Jabata; dakoh ta lah sabab a' imu' kati dangah a' karna imu' kati barasal umpatn Jabata." Yesus nyasana tentang Adup-A ge' Abraham⁴⁸ Ayo-sok Yahudi naham Yesus ge' nyasana wa Ini', "Taman kan kalo kai muji bahwa Imu' diu ta sok Samaria ge' Imu' karasukan roh jahe?"⁴⁹ Yesus naham, "Iko' kati kerasukan roh jahe, tetapi Iko' menghormati Bapa-Ko', tapu imu' kati menghormati Iko'.⁵⁰ Ao at, Iko' kati najo kemuliaan bagi Umpu adup ko; ani nyungan da najo a' ge' da menghakimi.⁵¹ Nige' sasungguh a', Iko' nyasana ka imu', satiap sok da manuruti firman-Ko' ini' kati ao suah mile pangkabis."/v 52 Sok-sok Yahudi dakoh muji ka Yesus, "mati kai pane sa imu mamang karasukan roh jahe! sabab, Abraham ge ayo nabi pun laka kabis. sa, imu nyansana, satiap sok da niru firman ko, ini kati ao pernah misa kabis. /v 53 Jai imu rabeh aso daripada Abraham, bapa kai, da laka kabis? ayo nabi uga laka kabis, nige nga siap ah imu samu adup-Mu?"⁵⁴ Yesus naham, "Sa' Iko' nyanjung adup-Ko' sadi', sanjungan-ko' dakoh kati ani rati a'; Sama'-ko' ta da nyanjung Iko', da tantang-A' imu nyasana, ' Ini' diu ta Jabata kai."' ⁵⁵Namun, imu' kati kanal ka Ini', tapi iko kanal Ini' ; Sa Iko' muji a' bahwa Iko' kati kanal ka Ini', Iko' ao' jadi pangakal, samu nige' imu', tapi Iko' kanal ka Ini' ge' Iko' manurut firman-A.⁵⁶Sama' mu,' Abraham, basukacita karna ini' ao' mile ano-Ko'. Ini' nga mile a' ge' basukacita."⁵⁷Lalu, ayo-sok Yahudi dakoh nyasana ka ini', "umur-mu' ja tinga ani 50 sawa', tapi imu' nga mile' Abraham?"⁵⁸Yesus nyasana ka ayo a', "sasungguh a' Iko' muji wa imu', tinga Abraham ani, Iko' laka ani."⁵⁹Karna dakoh, ayo a' nangkap batu yak munu Ini' tapi Yesus nyukatn adup A' ge' ngagatn Bait Jabata.

Chapter 9

¹Ano Yesus sadakng bajalatn, Ini' mile sok da buta sajak lahir a'.²Murid-Murid Yesus masikatn wa-Ini', "Guru, asi da baduse, sok diah ato pangama a' singa ini' gatn baranak buta?"³Yesus naham, "Inya ini' ato pangama a' melain sapaya karaje-karaje Jabata gatn nyua ka sadatn ini'.⁴Ite arus ngaraje karaje-karaje Ini' da ngutus Iko' salama ano masih tao; narum ao' utukng ano a' kati ani nyungn sok pun katn karaje.⁵Salama Iko' masih ka dunia, Iko' ta tarakng dunia."⁶Ngalaka muji a' ladakoh, Yesus ngaruja' ka tana' ge' ngacoh rayakng-A' nige' tana', lalu nules a' ka matu sok dakoh,⁷ge' nyasana wa ini', "Anu, meetn umpu' adup mu' ka kulam Siloam." Siloam rati a' "gatn ngutus". Lalu, sok dakoh anu, meetn umpu adup a', ge' ini' utukng nige' mile.⁸Ayo da babaat ge' ayo a' da tinga mile ini' sabage sok buta nyasana, "Inya ta sok diah giaak a' unyung ge' mahi?"⁹Nyarara' sok nyasana "Ai, ini' ta pamahi dakoh." Da laitn nyasana, "Inya, ini' cuman mirip nige' pamahi dakoh." Namun, sok da ijah a' buta dakoh nyasana, "Iko' " Iko' ta pamahi dakoh. "¹⁰Lalu, ayo-sok dakoh mansikatn wa ini', Langkina matu' mu' bisa gatn mancalak?"¹¹Sok dakoh naham, "Sok da bagaatn Yesus dakoh ngacoh tana' ge' nules a' ka matu'. Lakadakoh' Ini' nyasana ka Iko', 'anu ka Siloam ge' meetn umpu' adup a', Jadi iko' anu ge' meetn umpu', ge' iko' bisa mile."¹²Ayo a' nyasana wa ini', "Kadume Sok dakoh?"Ini' naham, "Iko' kati pane."¹³Laka dakoh, ayo a' minsakng sok da ijah a' buta dakoh wa ayo-sok Farisi.¹⁴ Ani pun ano sa Yesus ngacoh tana' ge' nukas matu' sok dakoh diu' ta ano Sabat.¹⁵Maka, ayo-sok Farisi nyasidah agi masikatn ka ayo Sok dakoh langkina ini' bisa mile.Ini' nyasana ka ayo a', "Ini' nules ka ngacoh tana' ka matu' ko', ge' iko' meetn umpu' adup a' ge' Iko' bisa mile."¹⁶Karna dakoh, nyamani sok Farisi dakoh nyasana, "Sok dakoh kati barasal umpatn Jabata Karna Ini' pane ano Jabata. " Da laitn nyasana, " Ao' a' ta, langkina mungkin sok da baduse bisa umas tande ajaib samu' diah?" Maka, timul ta perpecahan ka antara ayo a'.¹⁷Jadi. ayo a' balik masikatn ka ayo sok buta dakoh, "Jai pandapat mu' tentang Ini' Karna Ini' laka nukas matu' mu'?"Sok dakoh naham, "Ini' diu' ta nyunga sok Nabi¹⁸Ayo-sok Yahudidakoh tetap kati pacaya ka ini', bahwa sok dakoh iah a' memang buta tapi mati bisa mile, sampe ayo a' maba' sok dama umpatn sok da mati' bisa mile dakoh,¹⁹ge' masikatn ka ayo a', "Diu' ta diah anak mu,' da imu' muji buta sejak lahir? kalo ladakoh, langkina ini' mati' bisa mile?"²⁰Pangama a' naham ayo a' ge' nyasana, "kai pane bahwa ini' anak kai ge' bahwa ini' buta sejak lahir²¹tapi langkina mati,' ini' bisa mile, kai kati pane; ato asi da laka nukas matu' a', kai kati pane. masikatn ja ka ini', ini' nga dewasa; Ini' ao' muji yak adup a' sadi."²²pangama a' muji a' ladiah Karna ayo a' buut' ka ayo-sok Yahudi. sabab, ayo-sok dakoh laka basapakat, bahwa atiap sok da ngako Yesus sabage Kristus, ao' gatn ngasing umpatn sinagoge.²³Dakoh ta sabab a' pangama a' nyasana, "Ini' nga dewasa, masikatn ja ka ini'."²⁴Jadi, yak ka dua sidah a' ayo-sok Yahudi maba' sok da ijah a' buta dakoh' ge' nyasana ka ini', "Mangkatn kemuliaan bagi Jabata, kai pane bahwa Sok diah baduse."²⁵Ini' naham, "diu' ta sok dakoh sok baduse ato kati, iko kati pane; nyiteng hal da iko' pane, no dakoh iko kati nga buta, tapi mati' iko' mile."²⁶Ayo a' nyasana ka ini', "Jai da Ini' umas ka imu'? Langkina Ini' muka matu' mu'?"²⁷Ini' naham ayo a', "Iko' laka muji ka ini' ka imu', tapi imu' kati ituh dangah a'; Jai imu' ngate dangah a' agi? diu' ta imu' ngate Jadi murid-A' nga?"²⁸Maka, ayo a' mahina ini' ge' nyasana, "Imu' ta murid Sok dakoh tapi kai diu' ta murid-murid Musa.²⁹Kai pane bahwa Jabata nga nyasana ka Musa, tapi tentang Sok dakoh, kai kati pane umpatn ume Ini' barasal!"³⁰Sok dakoh naham ge' nyasana ka ayo a', "Sungguh aneh bahwa imu' kati pane umpatn ume Ini' barasal, padahal Ini' laka muka matu' ko'.³¹Ite pane bahwa Jabata kati dangah sok da baduse, tapi asi pun da buut' ao' Jabata ge' umas kehendak-A', Jabata dangah ini'.³²Umpatn idu' sampe mati', kati nga suah gatn dangah bahwa nyanjung sok pun muka matu' sok da buta sejak lahir.³³Sa Sok dakoh kati barasal umpatn Jabata, Ini' kati bisa umas Jai-jai."³⁴Ayo-sok Yahudi dakoh naham ge' nyasana ka ini', "Imu' lahir penuh nige' duse, ge' imu' ngate menggurui kai?" Maka, ayo a' nguser sok dakoh³⁵Yesus dangah bahwa ayo-sok Yahudi nga nguser sok buta dakoh; Sa Yesus badaput nige' ini', Yesus nyasana, "Diu' ta imu' pacaya ka Anak Talino?"³⁶Sok dakoh naham, "Asi Ini' dakoh, Tuhan, sapaya Iko' pacaya ka Ini'?"³⁷Yesus nyasana ka ini', "Imu' laka mile Ini'. Ini' diu' ta da sadakng nyasana nige' imu'."³⁸Sok dakoh naham, "Tuhan, iko' percaya!" laka dakoh, ini' sujud ka hadapan-A.³⁹Yesus nyasana, "Yak penghakiman Iko' utukng ka dunia diah sapaya ayo da kati mile, bisa mile ge' ayo a' da mile, Jadi buta."⁴⁰Nyamani sok Farisi da ani ka jiket A' dangah hal dakoh, ge' nyasana ka Ini', "diu' ta kai uga buta?"⁴¹Yesus nyasana ka ayo a', "Sa imu' buta, imu' kati umpu' duse; tapi Karna imu' nyasana, 'kai mile', duse mu' tapi ani."

Chapter 10

¹ Yesus nyasana, nige' sasungguh a', Iko' muji' wa imu' sok da maruh ka kandang domba nige' kati' nabo' pintu, tapi nige'makka nabo pagala laitn, sok diu' ta parangko ge' parampok.² Aok' a ta, sok da maruh nabo pintu, ini' diu' ta gambala domba.³ Bagi a,' panjaga pintu nukas pintu, ge' domba-domba dangah saratn' a, ge' maba domba-damba'a adup a' nige' gaatn' ayo'a gae ngirikng ayo'a kasato.⁴ Ngalaka mungkas smaan' domba ayo a', ini' bajalatn' ka tura' ayo a' ge' domba- domba a' aok' nganang ini' barang ayo a' nganal saratn a'.⁵ Ayo sok' asing aok' kati' nganang ayo a' aok' talama' umpatn a' barang ayo a' kati' nganal saratn ayo sok asing."⁶ Umpama a' dakoh da gatn' Yesus muji' wa ayo a' da kati' ngarati jai da baru ta Yesus muji' wa ayo a'.⁷ Oleh sabab dakoh ta mih Yesus muji' muji a' agi ka ayo a', "Sasungguh a' Iko' muji' ka ayo kupm', Iko' ta lah pintu ka domba-domba dakoh'.⁸ Smaan ayo sok' da nga utukng' tinga Iko' diu' ta parangko ge' parampok, tapi domba-domba kati' dangah ayo a'.⁹ Iko ta' pintu. sa' nyungan sok pun da maruh nabo Iko', ini' ao' gatn nyalamat, ge' ao' mungkas maruh gae' amput ka taya udu.¹⁰ Parangko utukng' duhutn yak nangko, pangamis ge' mambinasa; Iko' utukng supaya ayo a' umpu' idup, ge' umpu' sacara malimpah.¹¹ iko' ta lah gambala da bait; gembala da bait mangkatn' nyawa-A' yak domba-domba A'.¹² Sok' upahan, inya sok' gembala, da inya umpu' domba-domba dakoh', mile' sarigala utukng', ini' ngagatn' domba-domba dakoh' ge' telama; serigala dakoh' ao' narakam ge' batabur biar domba-domba dakoh.¹³ Ini' talama barang ini' sok' upahan ge' kati' paduli wa domba-domba dakoh'.¹⁴ Iko' ta lah gambala da bait. Iko' kanal ka domba-domba-Ko' ge' domba-domba Ko' kanal ka Iko'¹⁵ Samu' nige' Bapa kanal Iko' ge' Iko' kanal ka Bapa; ge' Iko' mangkatn' nyawa-Ko' yak domba-domba dakoh.¹⁶ Iko' uga ani umpu' domba-domba laitn' da inya umpatn' kandang diah; Iko arus minsakng' ayo a' uga, ge' ayo a' ao' dangah saratn' Ko; ge' ayo a' ao' jadi nyakubu' nige' nyungan gembala.¹⁷ karna diah ta lah Bapa mase' ge' Iko', sabab Iko' mangkatn' nyawa-Ko' sapaya Iko' bisa kaatn'a agi.¹⁸ Kati' nyungan sok' pun bisa nangkap a' umpatn Iko',tapi Iko' lah da mangkatn' a manurut adup ko' sadi'. umpu' hak yak mangkatn' nyawa-Ko', ge' Iko' uga umpu' hak yak nangkap a' agi. diah ta lah parintah da Iko' tarima umpatn'Bapa-Ko."¹⁹ Nyasidah agi, ani perselisahan ka antara ayo-sok' Yahudi gatn' saratn' Yesus dakoh.'²⁰ Karah da umpatn' ayo a' da nyasana, "Ini' karasukan roh jahe' ge' jadi gila. Nyai ayo kupn' da dangah Ini du'?"²¹ Da laitn', nyasana, "Dakoh' inya saratn ayo sok da karasukan roh jahe'. kaatn roh jahe' muka matu' sok buta?" Yesus ge' bapa diut' ta nyungan²² Ano' dakoh, ari raya penahbisan balansung ka Yerusalem. nodiah dakoh ta bah musim panut,²³ ge'Yesus nga ka pagala Bait Jabata, ai dakoh ka Sarambi Salomo.²⁴ Lalu ayo-sok' Yahudi bakumpul ngalilingkng' Ini' gae' nyasana wa-Ini' "nyamani tuhi agi' Imu' mambiar jiwa kai' bimbang? sa' Imu' Kristus, muji' terus tarang wa kai'."²⁵ Yesus naham ayo a', "Iko' laka muji a' wa imu', tapi imu' kati' pacaya. karaje-karaje da Iko' umas' ka gaatn Bapa Ko', dakoh ta da mangkatn kasaksian tentang Iko."²⁶ Ao'a ta', imu' kati' pacaya sa' imu' kati' tamasok domba-domba-Ko'.²⁷ Domba-domba-Ko' dangah saratn'Ko', Iko' nganal ayo a'ge' ayo a' nganang Iko'.²⁸ Iko' mangkatn' idup da kekal wa ayo a', ge' ayo a' kati' ao' pernah binasa; ge' ti nyungan sok' pun da bisa kaatn' ayo a' umpatn barekng-Ko.²⁹ Bapa-Ko', da ngalaka mangkatn' ayo a' wa-Iko,' marabeh ahyo' daripada smaan,' ge' kati' nyungan sok pun bisa basiong ayo a' umpatn' barekng' Bapa.³⁰ Iko' ge' Bapa diut ta nyungan."³¹ Nyasidah agi, ayo-sok' Yahudi naap batu yak' munu' Yesus.³² Ao a' ta, Yesus nyasana wa ayo a,' "Iko' nga nyuak' wa imu' karah karaje da bait umpatn' Bapa, karaje' dume' da umpatn' antara da umas a' da ngate' munu' Iko' nige' batu?"³³ Ayo sok' Yahudi dakoh naham Ini, "Inya gara-gara karaje da bait kai ngana munu' Imu' tapi karna hujat; ge' karna Imu', da duhutn nyungan talino, nga jadi umpu Mu Jabata."³⁴ Yesus naham ayo a,' "Inya ta da gatn' nulis ka sadatn Kitab Tauratmu, 'Iko' nga berfirman, imu' diu ta jabata'?³⁵ Sa Jabata madaatn ayo a' da narima firman dakoh 'jabata', padahal Kitab Suci kati bisa gatn ngabatal,³⁶ diuk' ta imu' magaatn tentang Ini' da ngalaka Bapa kudus ge'gatn ngutus ka sadatn dunia, 'Imu' menghujat', karna Iko' nyasana wa imu, 'Iko' diu' ta Anak Jabata'?³⁷ Sa' Iko' kati umas karaje-karaje-Bapa-Ko, iya pacaya wa-Iko.'³⁸ Ao'a ta, sa Iko' umas karaje-karaje dakoh, walao pun imu' kati pacaya wa-Iko,' pacaya lah ka karaje-karaje dakoh sapaya imu' pane ge' ngarati bahwa Bapa ka sadatn Iko,' ge' Iko' ka sadatn Bapa."³⁹ Nyasidah agi, ayo a' nyoba nagkap Yesus, tapi Ini' lulos umpatn ayo a.'⁴⁰ Lalu, Yesus anu agi nyambarang sungi Yordan nuju ka tampat Yohanes patama kali membaptis idu' ge' Yesus madi' ka teetn.⁴¹ Karah ayo sok utukng wa Ini' ge' nyasana "biarpun Yohanes kati umas nyiteng tande da ajaib, tatapi samaan da gatn Yohanes muji' tentang sok diah taman."⁴² Ge,' karah nga jadi pacaya wa-Ini' ka teetn.'

Chapter 11

¹ Ani nyungan sok are da agi anapm, gaatn a' Lazarus umpatn Betania, Kampong Maria ge' age a' Marta.² Maria diak ta mahu da suah ngakabinyak kaja Yesus nige' binyak wangi ge' ngunsut kaja Yesus nige' abok a,'da age are a,' Lazarus, no dakoh anapm.³ Sabab dakoh, ka dua age a' diah ngirim agah wa-Ini,' ge' nyasana, "Tuhan, sok da Imu mase agi anapm."⁴ Namun, sa Yesus dangah agah dakoh, Ini' nyasana, "pangkanapm dakoh kati ao nyabab pangkabis a,' tapi ao' menyatakan kemuliaan Jabata sapaya Anak Jabata gatn' muliaan nabo a."⁵ Yesus memang mase mile Marta, ge' age mahu a' ge' Lazarus.⁶ Jadi ano Yesus dangah ano Lazarus anapm, Ini' sangaja madi 2 ano agi ka tampat Ini' madi.⁷ Ngalaka dakoh, Yesus nyasana wa murid-murid-A, "Kaeh ite anu agi ka Yudea."⁸ Ayo murid nyasana wa-Ini,' "Guru, ayo sok Yahudi katinga tuhi diah barusaha munu Imu' nige' batu, diu ta Imu' ao tetep ka teetn agi?"⁹ Yesus naham, "inya du ani 12 jam nyano? sa sok dakoh bajalatn asat ano, ini' ti tasingkak barang ni mile tohos dunia diah.¹⁰ Ao a' ta, sa sok dakoh bajalatn ano ngarum, ini' tasingkak karna tohos dakoh kati ani ka ini.' "¹¹ Ngalaka Yesus nyasana ladakoh, Ini' nyasana wa ayo a,' "kawan ite, Lazarus, nga buus, tapi iko ao' anu yak ngalumpat a.' "¹² Murid-murid nyasana wa-Ini', "Tuhan, sa ini' nga buus, ini' ao ahwatn."¹³ Yesus nyasana tentang Lazarus kabis, tapi murid-murid ngira Ini' nyasana tentang buus sadatn rati a' ni' istirahat.¹⁴ Karna dakoh, Yesus nyasana nige' tarus tarang wa ayo a,' " Lazarus laka kabis,¹⁵ge' Iko' sanang demi ka pentingan, Iko'kati ani ka teetn sapaya imu bisa pacaya. jadi, kaeh ite anu wa ini.' "¹⁶ Ngalaka, Tomas, da gatn magaatn Didimus, nyasana wa murid-murid da laitn, "kaeh ite uga anu sapaya ite bisa kabis samahu nige' Ini.'"¹⁷ Ano Yesus ngautukng, Ini' amput Lazarus nga madi kasadatn sibur salama 4 ano.¹⁸ Anipun jauh Betania jiket nige' Yerusalem sekitar rima balas stadia jauh a'.¹⁹ Karah ayo sok Yahudi nga amput Maria ge Marta, yak ngibur ayo da bakaitan nige' age a' dakoh.²⁰ Sa dangah bahwa Yesus nga utukng, Marta anu ge nyamut-A', tetapi Maria tetap madi ka ramin.²¹ Marta nyasana wa Yesus, "Tuhan, saandai a' ano dakoh Imu ani ka diah, pasti age ko kati ao kabis.²² Ao a ta, mati diah iko' pane bahwa jai pun da Imu' mahi umpatn Jabata, Jabata ao mangkatn a' wa-Imu.' "²³ Yesus nyasana wa ini', "age mu' ao umpat."²⁴ Marta naham Ini', " Iko pane ini' ao umpat idup wa ano diah umpat idup wa ahir zaman."²⁵ Yesus nyasana wa ini', "Iko ta da umpat idup ge' idup; asi pun da pacaya wa Iko, ini' ao idup walopun ini' ngalaka kabis,²⁶ ge' satiap sok da idup ge' pacaya wa-Iko kati ao pernah kabis. diu ta imu pacaya ao hal diah?"²⁷ Marta nyasana wa-Ini', "Ai Tuhan, iko pacaya Imu ta Kristus, Anak Jabata, da nga utukng ka dunia." Yesus munse²⁸ Ngalaka muji hal dakoh, Marta anu ge maba Maria, age a' nyasana sacara pribadi, "Guru ani ka diah ge Ini' maba mu." ²⁹ Dangah hal dakoh, Maria segra agutn ge' amput Yesus.³⁰ No dakoh, Yesus tinga utukng ka desa dakoh, tapi masih ka tampat Marta amput A'.³¹ Ayo-sok Yahudi da nige' Maria ka ramin dakoh, da agi ngibur ini', mile Maria bagegas umpat ge' anu mungkas; ayo a' nganang ini' karna ngira ini' ao anu ka sibur yak munse ka teetn.³² Sa Maria sampe ka tampat Yesus madi, ini' mile Yesus gae tarsungkur ka kaja-A' gae nyasana wa-Ini', "Tuhan, seandai a' Imu ani ka diah ano dakoh, age ko' kati ao kabis."³³ Sa Yesus mile Maria munse, ge' ayo sok Yahudi da samahu ge ini' uga jadi munse, mengerang ta lah Yesus kasadatn Roh ge aru terganggu.³⁴ Yesus mansikatn, "Ka dume kupm nyibur Lazarus?" "Tuhan kaeh nganang ge mile a'."³⁵ Yesus pun munse.³⁶ Maka, ayo-sok Yahudi nyasana, "mile mih! langkina Ini' aru nyayang Lazarus!"³⁷ Ao a ta, nyamani ungan ayo sok ka kubu ayo a' nyasana, "Kati bisa mih Ini' da ngalaka muka matu sok buta diah uga umas Lazarus kati kabis?" Lazarus gatn nga kidup umpatn kabis³⁸ Yesus, da nyasidah agi mengerang kasadatn adup A', anu sibur. dakoh diu ta nyabuah gua, ge nyabuah batu gatn mana nutup a'³⁹ Yesus nyasana, "Nyingkir batu dakoh!" Marta, age sok da kabis dakoh, nyasana wa-Ini', "Tuhan, mati pasti ao ani bau madam karna ini' laka kabis nga tuhi 4 ano."⁴⁰ Yesus naham ini', "Mangke Iko ngalaka muji a' wa imu sa imu pacaya, imu ao mile' kemuliaan Jabata?"⁴¹ Jadi, ayoa' ngantatn batu dakoh. Lakadakoh, Yesus mile' kasamo ge' nyansana, "Sama', IKo' basukur wa'-Imu' karna Akupm nga dangah Iko'.⁴² Iko' pane bahwa Akupm mar dangah Iko, tapi karna ayo sok da agutn ka kalilikng-Ko', Iko' muji' hal dakoh supaya ayoa' pacaya bahwa Akupmtalah da laka ngutus Iko'."⁴³Ngalaka muji' dakoh, Yesus ngampak nige' saratn da karas, "Lazarus, mungkasmih!" ⁴⁴Sok da nga kabis dakoh mungkas, barekng ge' kaja' a' maseh tatutup saput kafan, ge' muka a' maseh tatutup saput kafan. Yesus nyansana wa'ayoa', "Muka' saput-saput dakoh umpatn ii' ge' tealah ini' anu." Pakat ya' Ngamis Yesus⁴⁵ Ayo sok Yahudi da utukng nganto wa' Maria, ge' mile' jai da laka Yesus umas, jadi pacaya wa'-Ini'.⁴⁶ Ao' ta, nyamani umpatn ayoa' utukng wa' sok Farisi ge' muji' wa' ayoa' jai da nga laka Yesus umas.⁴⁷ Maka, ayo imam kapala ge' ayo sok Farisi umas rapat Sanhedrin ge' nyansana, "Jai da ao' ite' umas? Sabab, Sok diah umas karah tande ajaib.⁴⁸ Sak ite' mambiar Ini' terus ulah diah, smaan sok ao' pacaya wa'-Ini' ge' ayo sok Roma ao' utukng ya' nyarantakan tampat diah ge' bangsa ite'."⁴⁹ Tapi, nyungan umpatn ayoa' da bagaatn Kayafas, da jadi Imam ahyo wa' taun dakoh, nyansana wa' ayoa', "Ayo kupm ti' pane jai-jai, ⁵⁰atopun nimbang a', bahwa labih bait nyungan kabis ya' smaan bangsa, daripada smaan bangsa binasa."⁵¹ Ini' kati' muji' umpatn adup a' , tapi sebage Imam Ahyo taun dakoh, ini' nyampe nubuat bahwa Yesus ao' kabis ya' bangsa dakoh.⁵² Ge', inya hanya ya' bangsa Yahudi ja', tapi uga' ya' ngubu' a' jadi nyiteng anak-anak Jabata da tararak.⁵³Maka, mule no dakoh, ayoa' sapakat ya' ngamis Yesus.⁵⁴ Karna dakoh, Yesus kati' agi' bajalatn nige cara tarang-tarangan ka antara sok Yahudi, tapi Ini' anu umpatn teetn ka rapo jiket padang balantara ka nyabuah kota da bagaatn Efraim; ge' Ini' madi' ka teetn samahu ayo murid-A.⁵⁵Ano dakoh, Paskah sok Yahudi nga jiket, ge' karah sok umpatn rapo dakoh anu ka Yerusalem katinga Paskah ya' nyuci adup ayoa'.⁵⁶ Lalu, ayoa' najo Yesus ge' nyansana nyungan ge' da laitn samantara ayoa' agutn sadatn bait Jabata, ayoa saling mansikatn, "Langkina manurutmu? Anita Ini' sama sekali kati' ao' utukng ka gawe diah?"⁵⁷ Anipun ayo imam kapala ge' ayo sok Farisi laka ngaluar parintah bahwa sak sook pane ka dume Ini' madi', sok dakoh arus ngalapor a' supaya ayoa' kaatn naap-A.

Chapter 12

¹ Inum ano katinga Ano Raya Paskah, Yesus anu ka Betania, tampat Lazarus madi', da laka Ini' ngangkidup umpatn pangkabis.² Ka teetn, nga gatnnyiap paruman ngarum ya' Yesus; ge' Marta agi' ngalayan, tapi Lazarus anilah salah satu umpatn ayoa' da unyung ka meja samahu Yesus. ³ Lakadakoh, Maria naap satangah kati binyak narwastu da murni da batol mahal, lalu ngangkabinyak kaja' Yesus ge' ngalap a' nige' abok a'. Maka, ramin dakoh panhu nige bau marauh binyak wangi dakoh.⁴ Namun, Yudas Iskariot, nyungan umpatn murid-A, da ao' ngianat Ini', nyansana, ⁵ "Jai binyak wangi dakoh kati' gatnnyual ja' harga a' taru ratus dinar ge' gatnmangkatn wa' ayo sok papa?"⁶ Ini' muji' ladakoh inya karna ini' paduli wa' sok papa, tapi karna ini' anilah nyungan parangko, ge' karna ini' minsakng kotak uang, ini' biasa naap uang da gatnnyese' ka sadatn kotak dakoh.⁷ Lalu, Yesus naham, "Ya' ngaco mahung dakoh, ini' umasa' sebage persiapan ya' pangkabis-Ko'.⁸Sabab, sok papa salalu ani samahu kupm, tapi Iko' kati selalu ani samahu kupm." Ayo Imam Kapala Ngate Ngamis Lazarus⁹ Jangkah nga karah sok Yahudi dangah bahwa Yesus ani ka Betania, ayoa' anu ka teetn, inya hanya karna Yesus, tapi uga' karna ngate mile' Lazarus da nga Ini' ngangkidup umpatn pangkabis.¹⁰Lalu, ayo imam kapala bapakat ya' ngamis Lazarus uga'.¹¹ Karna Lazarus, karah sok Yahudi ngagatn ayoa' ge' pacaya wa' Yesus. Yesus Maruh ka KOta Yerusalem Ulah Raja¹² Jakkap ano a', sok karah da utukng ka gawe dakoh, jangkah dangah bahwa Yesus ao' utukng ka Yerusalem¹³ ayoa' naapm dautn-dautn palem ge' anu ka sato ya' nyamut Ini' ge' mule ngampak-ngampak, "Hosana! Gatnmemberkatta Ini' da utukg sadatn gaatn Tuhan, Raja Israel!"¹⁴ Ngalaka kaatn nyungan keledai angot, Yesus unyung ka tumukng a', ulah da tatulis:¹⁵ "Iya' buut, he mahung Sion! Mile'ta! Rajamu' utukng, unyung ka tumukng nyungan keledai angot."¹⁶Awala, murid-murid-A kati' ngarati smaan hal dakoh, tapi jangkah Yesus gatnngamulia, ayoa' baru ngarati bahwa smaan dakoh nga tatulis manganai Ini', ge' bahwa ayoa' nga umas smaan dakoh ya' Ini'. Sok Karah Nyansana manganai Yesus¹⁷Jadi, ayo sok da samahu Yesus ano Ini' maba' Lazarus mungkas umpatn sibur ge' ngangkidup a' umpatn pangkabis terus basaksi.¹⁸ Karna dakoh ta, karah sok nyamut Yesus karna ayoa' dangah bahwa Ini'ta da nga umas mukjizat dakoh.¹⁹ Maka, ayo sok Farisi nyansana nyungan ge' da laitn, "Imu' mile', jai da ite' rencana kati' bahasil. Mile'ta, smaan dunia nga nganang Ini'!" Yesus Nyansana manganai Kahidupan ge' Pangkabis²⁰ Waktu dakoh, ani uga' ayo sok Yunani ka antara ayoa' da anu ya' sambayang wa' parayaan dakoh.²¹ Ayoa' amput Filipus, da baasal umpatn Betsaida ka Galilea, ge' nyansana waini', "Tuan, kai ngate badaput nige' Yesus."²² Filipus anu ge' mangkatn pane Andreas; lalu Andreas ge' Filipus anu ge' mangkatn pane Yesus.²³ Yesus naham ayoa', "Ano a' nga utukng bagi Anak Talino ya' gatn ngamulia.²⁴ Nige' sabatola, Iko' muji' wa'imu', kacuali igi' gandum jantu ka tana' ge' kabis, igi' dakoh tatap nyiteng ja'; tapi sak ii' dakoh kabis, ini' ngasel karah buah.²⁵ Sok da sayang wa' nyawa a', nyawa a' ao' ilakng, tapi sok da kati' sayang wa' nyawa a' ka dunia diah, ao' ngajaga a' ya' idup kekal.²⁶ Sak sook malayan Iko', ini' arus nganang Iko'; ka dume Iko' madi', ka dakoh uga' palayan-Ko' madi'; sak sook malayan Iko', Sama' ao' manghormat ini'." Yesus Nyansana manganai Pangkabis-A²⁷ "Mati', jiwa-Ko' ti' tanang. Jai da ao' Ko' muji'? 'Sama', nyalamattalah Iko' umpatn ano diah?' Tapi, ya' tujuan diahta Iko' utukng ano diah.²⁸ Sama', gatnngamuliata gaatn-Mu!" Lalu, gatndangahta saratn umpatn surga, "Iko' nga ngamulia gaatn-Ko' ge' Iko' ao' ngamulia a' agi'."²⁹ Sok karah agutn ka dakoh ge' ngadangah a' muji' bahwa dakoh saratn guntur, tapi da laitn nyansana, "Nyungan malaikat nga nyansana wa'-Ini'!"³⁰ Yesus naham ge' nyansana, "Saratn dakoh gatndangah inya ya' kapentingan-Ko', tapi ya' kapentinganmu'.³¹ Mati'talah panghakiman bagi dunia diah , mati'ta panguasa dunia ao' gatnnguser.³² Ge', sak Iko' ngagatnninggi umpatn dunia diah, Iko' ao' narik smaan sok wa'-Iko'."³³ Yesus muji' hal diah ya' nujo' nige' pangkabis ulah jai Ini' ao' kabis.³⁴ Sok karah dakoh naham Ini', "Kai nga dangah umpatn hukum Taurat bahwa Kristus ao' tatap madi' salama-lama a'; langkina mungkin Akupm nyansana, 'Anak Talino dakoh arus gatnninggi?' Asilah Anak Talino dakoh?"³⁵ Yesus naham ayoa', "Tinggal sabantar agi' Tarakng dakoh ani samahumu'. Bajalatnta mumpung Tarakng dakoh maseh ani supaya kagalapan kati' nguasamu'; sabab sok da bajalatn ka sadatn kagalapan kati' pane ka dume ini' anu.³⁶Waktu imu' umpu' Tarakng dakoh, pacayata wa' Tarakng dakoh supaya imu' jadi anak-anak Tarakng." Ngalaka muji' ladakoh, Yesus anu ge' nyukatn adup-A umpatn ayoa'. Nyamani Sok Yahudi Kati' Pacaya wa Yesus³⁷ Waloupun Yesus nga umas karah tande ajaib ka tura' ayoa', ayoa' tatap kati' pacaya wa'-Ini',³⁸ supaya ganapta saratn da gatn nyampe oleh Nabi Yesaya, "Tuhan, asilah da pacaya wa' kbar berita kai? Ge', wa' asilah barekng Tuhan nga gatnyata?"³⁹ Dakohta sabab a', ayoa' kati' tuh pacaya karna Yesaya uga' muji'.⁴⁰ "Ini' nga ngadu buta matu' ayoa' ge' ngadu karas ate ayoa' supaya ayoa' iya' mile' nige' matu' ayoa' ge' paham nige' ate ayoa', lalu malik singge Iko' ngangkauhatn ayoa'."⁴¹ Yesaya muji' smaan diah karna ini' nga mile' kamuliaan Yesus ge' ini' bacarita manganai Ini'.⁴² Walou ladakoh, karah uga' ayo pamimpin da pacaya wa' Yesus, namun karna buut wa' ayo sok Farisi, ayoa' kati' muji'a' terus terang karna buut ao' gatn ngasing umpatn sinagoge. ⁴³ Sabab, ayoa' labih suka nyamut kauliaan umpatn talino daripada kamuliaan umpatn Jabata. Ajaran Yesus Ao' Manghakim Talino⁴⁴ Lakadakoh, Yesus ngampak, waat-Na', "Satiap sok da pacaya wa'Iko', kati' pacaya wa'-Iko', tapi wa' Ini' da ngutus Iko'.⁴⁵ Ge', satiap sok da nga mile' Iko', nga mile' Ini' da ngutus Iko'.⁴⁶ Iko' nga utukng sebage Tarakng ka dunia diah, supaya satiap sok da pacaya wa'-Iko' kati' madi' sadatn kagalapan.⁴⁷ Sak sook ngadangah saratn-Ko', tapi ini' kati' nurut a', Iko' kati' manghakim ini'; sabab Iko' utukng inya manghakim dunia, tapi ya' nyalamat dunia.⁴⁸ Asi da nulak Iko' ge' kati' nyamut saratn-Ko', maka firman da Iko' muji' ao' manghakim ini' wa' pangkabas zaman.⁴⁹ Karna Iko' kati' nyansana atas kahandak-Ko', tapi Sama' da ngutus Iko' mangkatn-Ko' parintah atas jai da arus Iko' muji' ge' Iko' nyarita.⁵⁰ Ge', Iko pane bahwa parintah-A anilah idup kekal. Sabab dakoh, hal da Iko' nyampe, Iko' nyampe ulah da gatn Sama' muji' wa'-Iko'."

Chapter 13

¹ Katinga Ari Raya Paskah, Yesus pane bahwa ano-A nga utukng bahwa Ini' ao' ngagatn dunia diah wa' Sama', ngalaka mangasihi da gatn Adup-A umpu' ka dunia, Ini' mangasihi ayoa' sampe pangkabas.² Salama uman ngarum balansong, sitan nga maruh sadatn ate Yudas Iskariot. anak Simon, ya' manghianati Yesus.³ Yesus, jangkah panane bahwa Sama' nga nyarah jaipun tarutn ka sadatn barekng-A, ge' bahwa Ini' utukng umpatn Jabata, ge' ao' ure' wa' Jabata,⁴ Ini' agutn umpatn Paruman ngarum ge' muka' jubah-A, ge' uga' naap saput linen ge' ningo'a' ka apakng-A.⁵ Lakadakoh, Ini' nuntokng paitn ka nyabuah beskom ge' mule meetn kaja' ayo murid-A ge' uga' ngalap kaja' ayoa' nige' saput da gatn ningo' ka apakng-A.⁶ Lalu, Ini' sampe wa' Simon Petrus ge' nyansana wa' Yesus, "Tuhan, Akupm meetn kaja'ko'?"⁷ Yesus naham ge' nyansana wa'ini', "Jai da Iko' umas, imu' katinga' paham mati', tapi jana' imu' ao' ngarati."⁸ Petrus nyansana, "Akupm ti' ao' suah meet kaja'ko'!" Yesus naham, "Sak Iko' kati' meetnmu', imu' ao' kati' kaatn bagian ka sadatn Iko'."⁹ Simon Petrus nyansana wa'-Ini', "Kalo ladakoh Tuhan, iya' hanya kaja'ko' , tapi uga' barekng ge' aba'ko!"¹⁰ Yesus nyansana wa' ayoa', "Sok da nga mamu' hanya palalu meetn kaja' a', tapi nga barasih smaan a'. Imu' nga barasih, tapi kati' smaan umpatn ayo kupm barasih."¹¹ Karna Yesus pane asi da manghianat Ini', kohta sabab a' Ini' nyansana, "Kati' smaan umpatn ayo kupm barasih,"¹² Jadi, ngalaka Yesus abas meetn kaja' ayo murid-A, ngiak agi' jubah-A, ge' malik ka tampat-A, Ini' nyansana wa' ayoa', "Ania kupm ngarati jai da Iko' umas wa' ayo kupm?¹³ Ayo kupm maba'-Ko' Guru ge' uga' Tuhan. Dakoh tapat karna Iko' memang Guru ge' Tuhan.¹⁴ Sak Iko', da anilah Tuhan ge' Gurumu', nga meetn kaja'mu', imu' pun arus saling meetn kaja'mu'.¹⁵ Sabab, Iko' nga mangkatn cuntoh wa'imu' supaya imu' uga' umas ulah da Iko' umas wa' imu'.¹⁶ Nige' sasungguh a', Iko' muji' wa'imu', nyungan hamba kati' labih ahyo daripada tuan a',atopun nyungan utusan kati' labih ahyo daripada sok da ngutus a'.¹⁷ Sak imu' nga panane smaan diah, imu' gatnmamberkat sak imu' malakua'.¹⁸ Iko' kati' nyansana-sana manganai ayo kupm smaan, Iko' pane asi saja da nga laka Ko'milih, tapi nas diah arus gatn manggenap, 'Sok da uman roti-Ko nga ngantatn tido' a' tarhadap Iko'.¹⁹ Iko' muji' ka imu' mati', katinga hal dakoh tajadi supaya sak hal dakoh tajadi, imu' ao' pacaya bahwa Iko'talah Ini'.²⁰Nige' sasungguh a', Iko' muji' wa' imu', satiap sok da narima sok da Ko'ngutus, narima Iko; ge' sok da nyamut Iko', nyamut Ini' da ngutus Iko'." Yeus Muji' Asi da Ao' Manghianat Ini²¹ Ngalaka Yesus nyansana ladakoh, Ini' gatn ngaco sadatn Roh ge' basaksi, "Sasungguh-sungguh a' Iko' muji' wa' imu', nyungan umpatn ayo kupm ao' nghianat Iko'.²² Ayo murid saling nyantunung nyungan wa' laitn a' ge' bingung manganai asi da Ini' nyarita,²³ Nyungan umpatn murid-A uyung nyineh wa sado' Yesus. Ini'talah murid da aru tao gatn Yesus kasihi.²⁴ Lakadakoh, Simon Petrus mangkatn kode wa' ini' ya' mansikatn wa' Yesus manganai asi da gatn-A maksud.²⁵ Jadi ayo murid da nyineh wa' sado' Yesus dakoh mansikatn wa'- Ini',"Tuhan, asilah sok dakoh?"²⁶ Yesus naham, "Sok dakoh anilah ini' da wa'ini' Iko' mangkatn putongan roti diah ngalaka Iko' nyihup a'." Lalu, ngalaka nyihup putongan roti dakoh, Yesus mangkatn a' wa' Yudas, anak Simon Iskariot.²⁷ Ge', ngalaka Yudas nyamut putongan roti dakoh, Balis ngarasuk a'. Karna dakoh, Yesus nyansana wa' ini', "Jai da ao' ko'umas, capat ta umas a'!"²⁸ Kati' nyungan pun umpatn ayoa' da agi' uman dakoh ngarati jai Yesus nyansana hodakoh wa' Yudas.²⁹Ani bamani umpat ayoa' nyangka karna Yudasta da minte kotak uang singge Yesus nyansana kaini', "Marilah hal-hal da ite' palalu ya' parayaan," ato supaya ini' mangkatn tarutn wa' sok papa. ³⁰ Jadi, ngalaka nyamut putongan roti, Yudas anu ka sato no dakoh uga'; ge' ano dakoh nga ngarum. Yesus Nyansana manganai Pangkabis-A³¹ Ngalaka Yudas anu, Yesus nyansana, "Mati' ta ano a' Anak Talino gatnngamulia ge' Jabata gatnngamulia nabo' ini'.³² Sak Jabata gatnngamulia ka sadatn Ini', Jabata uga' ao' gatnngamulia Ini' ka sadatn adup-A, ge' ao' ngamulia nige' sacapat a'.³³ Anak-anak-Ko', Iko' ani samahu imu' hanya tinggal sabantar agi. Imu' ao' najo Iko', ge' ulah da nga Ko'muji' wa ayo sok Yahudi, mati' Iko' muji' uga' wa'imu', 'Ka dume Iko' anu, imu' kati' bisa utukng.'³⁴Nyiteng perintah bahu Iko' mangkatn wa'imu', kohta supaya imu' saling mangasihi, samu ulah Iko' nga mangasihi ayo kupm, ladakohta imu' uga saling mangasihi.³⁵ Nige' ladakoh, smaan sok ao' pane bahwa imu' anilah murid-murid-Ko', kohta sak imu' saling mangasihi." Paringatan Yesus wa' Petrus³⁶Simon Petrus mansikatn wa' Yesus, "Tuhan , kadumelah Akupm ao' anu?" Yesus naham ini', "Ka dume Iko' anu, imu' ti' kaatn nganang Iko' mati', tapi jakkap ari imu' ao' nganang Iko'."³⁷ Petrus mansikatn wa'-Ini', "Tuhan, jailah iko' ti' aba' nganang Akupm mati'? Iko' ao' nyarah nyawako' demi Akupm!"³⁸ Yesus naham, "Imu' ao' nyarah nyawamu' bagi-Iko'? Nige' sasungguha' Iko' muji' wa'imu', siap kati' ao' ngangkuak katinga imu' nyangkal Iko' 3 kali."

Chapter 14

¹"Iya mih ate mu jadi galisah; pacaya mih ka Jabata, pacaya mih uga wa-Iko'.²Ka ramin sama'-Ko' ani karah tampat pamadi'; Sa' kati ladakoh, Iko' tentu laka muji a' wa imu' karna Iko' anu yak nyiap nyauah tampat umpu' mu'.³Ge', Sa' Iko' anu ge' nyiap nyabuah tampat umpu' mu', Iko' ao' utukng. agi ge' minsakng mu' ka Iko' sapaya ka dume Iko' madi,' imu' mih madi'.⁴Ge', imu' pane pagala ka tampat Iko' anu."⁵Lalu, Tomas nyasana ka-Ini', "Tuhan, kai kati pane ka dume Imu', anu langkina kai pane pagala' dakoh?"⁶Yesus nyasana ka ini', "Iko' ta pagala ge' taman, ge' kahidupan. Kati ani nyungan sok pun da utukng wa Sama', kalo kati nabo Iko'.⁷Sa imu' nga kanal ka Iko', imu' uga nga kanal Sama'-Ko'; mule mati', imu' nga ngnal Sama' ge' nga mile' Ini'."⁸Filipus nyasana ka-Ini', "Tuhan, nujo' mih Sama' dakoh ka kai, ge' dakoh nga cukup yak kai'."⁹Yesus naham ini', "Filipus, laka sakian tuhi' Iko' bariuh-riuh ge' imu', ge' imu' masih katinga kanal ka Iko'? asi da nga mile' Iko', ini' nga mile' Sama', langkina imu' bisa nyasana, 'Nujo' ta mih Sama' dakoh ka kai'?'¹⁰Diu' ta imu' kati pacaya bahwa Iko' ka sadatn Sama' ge' Sama' ka sadatn Iko'? saratn-saratn da Iko' muji ka imu', Iko' kati muji a' umpatn umpu' adup-Ko', tapi Sama' da madi ka sadatn Iko' ta da umas araje-A'.¹¹Pacaya mih ka Iko', bahwa Iko' ka sadatn Sama' ge' Sama' ka sadatn Iko'; ato satida a', pacaya mih karna karaje-karaje dakoh adup a'¹²Nige' sasungguh a', Iko' muji Kati imu', satiap sok da pacaya ka Iko', karaje-karaje da Iko' umas, ini' uga ao' umas a'; ge' karaje-karaje da marabeh ahyo daripada samaan diah karna Iko' anu ka Sama'.¹³jai pun da imu' mahi kasadatn gaatn-Ko', dakoh ao' Iko' umas sapaya Sama' gatn mulia ka sadatn Anak.¹⁴Sa imu' mahi jai pun ka-Iko' ka sadatn gaatn-Ko', Iko' ao' umas a'. janji tentang Roh Kudus¹⁵"Sa imu' mase' Iko' imu' ao' nurut smaan parintah-Ko'. ¹⁶Iko' ao' mahi ka Sama', ge' Ini' ao' mangkatn ka imu' panolong da laitn, sapaya Ini' bariuh nige' imu' salama a' ¹⁷ai dakoh ta Roh da taman, da kati bisa gatn narima dunia, karna dunia kati mile' Ini' ato nganal Ini'; tapi imu' nganal Ini' karna Ini' madi bariuh ge' imu' ge' ao' ani ka sadatn mu'.¹⁸Iko' kati ao' ngagatn mu' samu' umang patu; Iko' ao' utukng wa imu'.¹⁹Kati tuhi agi, dunia kati ao' mile' Iko' agi, tapi imu' ao' mile' Iko'; karna Iko' idup, imu' pun ao' adup.²⁰Wa ano dakoh, imu' ao' pane bahwa Iko' ka sadatn Sama'-Ko', ge' imu' ka sadatn Iko', ge' Iko' ka sadatn imu'.²¹Asi pun da inte parintah-Ko' ge' umas a', ini' mase' ge' Iko'; ge' sok da mase' ao' gatn mase' oleh Sama'-Ko,' ge' Iko' ao' mase' ka ini' ge' ao' nyua umpu'-Ko' wa ini'."²²Yudas, da inya Iskariot, nyasana ka-Ini', "Tuhan, langkina Imu' ao' nyua umpu' adup- Mu' ka kai ge' inya ka dunia?"²³Yesus naham ge' nyasana ka ini', " Sa nyungan sok mase' ka Iko', ini' ao' nurut firman-Ko'; ge' Sama'-Ko' ao' mase' ka ini', ge' kai ao' utukng ka ini' ge' madi samahu a'.²⁴ Ao' a' ta, sok da kati mase' ka Iko', kati nurut firman-Ko'. Ge', firman da imu' dangah dakoh inya umpatn-Ko', malain umpatn Sama' da ngutus Iko'.²⁵Smaan hal diah laka Iko' muji ka imu' salama Iko' masih bariuh ge' imu'.²⁶Ao' a' ta, panolong dakoh, diu ta Roh Kudus, da ao' Sama' utus ka sadatn gaatn-Ko', Ini' ao' ngajar sagala tarut ka imu', ge' ao' nyanuut mu' ka smaan da laka Ko' muji ka imu'.²⁷Damai sejahtera Ko' ngagatn bariuh ge' imu'; damai sejahtera-Ko' Ko' mangkatn ka imu', inya samu da dunia mangkatn da Iko' mangkatn ka imu'. Inya mabiar ate mu' galisah ato pun gantar.²⁸Imu' laka dangah bahwa Iko' nyasana ka imu', 'Iko' ao' anu, ge' Iko' ao' utukng agi ka imu'.' Sa imu' mase' ka Iko', imu' ao' basukacita karna Iko' anu ka Sama', sabab Sama' marabeh ahyo daripada Iko'.²⁹Iko' laka muji ka imu' mati katinga hal dakoh tarjadi sapaya Sa hal dakoh tarjadi, imu' ao' pacaya.³⁰Iko' kati ao' nyasana marabeh karah agi nige' imu' karna panguasa duniadiah sadak utukng. Ini' kati bakuasa iget pun ka samo-Ko'.³¹Ao' a' ta sapaya dunia pane bahwa Iko' mase' ge' Sama', Iko' umas tampat samu da Sama' parintah ka-Iko'. umpat mih, kaeh ite anu umpatn diah."

Chapter 15

¹ Yesus nyansana, "Iko'ta puutn anggur da diu'a' ge' Sama'-Ko'ta da ngusaha a'.² Satiap daatn wa' -Iko' da kati' babuah, gatn-Ni' matat ge' satiap daatn da babuah , gatn-Ni' marasih, supaya daatn dakoh babuah labut.³ Imu' memang nga gatn marasih sabab firman da laka Ko'-muji' wa' imu'.⁴ Madi'ta ka sadatn Iko' ge' Iko' ka sadatn imu'. Samu' ulah daatn kati' aba' babuah umpatn adup a', kacuali ini' madi' wa' puutn anggur, ladakoh uga' imu' kati' kaatn babuah, kacuali imu' madi' ka sadatn Iko'.⁵ Iko'ta puutn anggur ge' imu'ta daatn-daatn a'. Satiap sok da madi' ka sadatn Iko', ge' Iko' ka sadatn ini', ini' ao' babuah karah karna sak bapisah umpatn Iko', imu' kati' kaatn umas jai-jai.⁶ Sak sook kati madi' ka sadatn Iko', ini' ao' gatnmatatn ulah daatn ge' jadi karikng; ge' sok ao' gatnngubu' ge' gatnnyangkahatn ka sadatn api, ge' tabakar.⁷ Sak imu' tatap madi' ka sadatn Iko' ge' saratn-Ko' madi' ka sadatn imu', mahimih jai saja da imu' ngatte, ge' dakoh ao' gatnngabul wa'imu'.⁸ Sama'-Ko' ao' gatnngamulia nige' hal diah, dakohta sak imu' babuah karah ge' nige' ladakoh, imu' anilah murid-murid-Ko'." Parintah Yesus ya' Saling Mangasihi⁹ "Ulah Sama' laka sayang ka Iko, ladakohta Iko' laka mangasihimu'; tatapta madi' sadatn kasih-Ko'.¹⁰ Sak imu' taat wa' smaan parintah-Ko', imu' ao' madi' sadatn kasih-Ko', samu ulah Iko' laka taat wa' parintah Sama' ge' madi' sadatn kasih-A.¹¹ Hal-hal diah Iko' muji' wa'imu' supaya sukacita-Ko' ani ka sadatnmu', singge sukacitamu' jadi panhu'.¹² Diahta parintah-Ko': Imu' arus saling mangasihi. samu ulah Iko' laka mangasihi imu'.¹³ Kati' ani kasih da labih ayho dari pada kasih sook da mangkatn nyawaa' ya' kawan-kawan a'.¹⁴ Imu' anilah kawan-kawan-Ko' sak imu' umas jai da Komerintah wa'imu'.¹⁵ Iko' kati' agi' magaatn imu' panyangu karna panyangu ti' pane jai da gatn tuana' umas. Ao' ta, Iko' magaatn imu' kawan karna smaan da Iko' dangah umpatn Sama', laka Iko' muji' wa'imu'.¹⁶ Inya imu' da milih Iko', malahan Iko'ta da milih ge' laka natap imu' supaya imu' anu ge' ngasil buah, ge' buahmu tatap singge jai pun da imu' mahi' umpatn Sama' sadatn gaatn-Ko, Ini' ao' mangkatn a' wa' imu'.¹⁷ Diahta parintah-Ko: Imu' arus saling mangasihi!" Yesus Ngingat Ayo Murid-A¹⁸ "Sak dunia ngarusi'mu', imu' pane bahwa dunia laka ngarusi' Iko' katinga ngarusi'mu.¹⁹ Sak imu' umpatn dunia, pastilah dunia ao; mangasihi jai dagatn na umpu'; tapi karna imu' inya umpatn dunia, tapi Iko' laka milihmu' umpatn dunia, karna hal dakohlah dunia ngarusi' imu'.²⁰ Ingatta saratn da laka Komuji' wa'imu': 'Nyungan panyangu kati' labih ahyo daripada tuan a'. Sak ayoa' laka nganyaya Iko', ayoa' uga' ao' nganyaya imu'. Sak ayoa' taat wa' firman-Ko', ayoa' uga' ao' taat wa' saratnmu'.²¹ Ao'a, smaan dakoh ao' ayoa' umas tarhadap imu', karna gaatn-Ko'. Sabab, ayoa' kati' nganal Ini' da ngutus Iko'.²² Sak Iko' kati' utukng ge' muji' smaan dakoh wa' ayoa', ayoa' kati' ao' umpu' dusa. Tapi mati', ayoa' kati' umpu' alasan ya' duse ayoa'.²³ Satiap sok da ngarusi' Iko', ini' uga' ngarusi' Sama-Ko'.²⁴ Saandaia Iko' kati' umas ka antara ayoa' pakaraje-pakaraje da kati' suah gatn sok laitn umas, ayoa' kati' ao' umpu' duse. Ao'a mati, ayoa' laka mile' namun tatap ngarusi Iko' ge' Sama-Ko'.²⁵Namun, firman da tatulis sadatn kitab Taurat ayoa' arus gatngenap: 'Ayoa' ngarusi' Iko' tampa alasan.'²⁶ Jangkah Danulokng dakoh utukng, da ao' Iko' utus wa' imu' umpatn Sama', kohta Roh Dataman da baasal umpatn Sama', Ini' ao' basaksi manganai Iko'.²⁷ Ge' imu' uga' ao' basaksi karna imu' laka samahu-Ko agi' mule a'.

Chapter 16

¹"Smaan diah laka Iko' muji ka imu' sapaya imu' kati baguncakng.²Ayo a' ao' nguser mu' umpatn sinagoge. Bahkan, ano a' ao' utukng bahwa satiap sok da ngamis mu' ao' bapikir bahwa ayo a' sadak babakti ka Jabata³Ge', hal-hal dakoh ao' ayo a' umas karna ayo a' kati kanal Sama' ato pun Iko'.⁴Ao' a' ta, Smaan dakoh laka Iko' muji ka imu' sapaya ani ano a utukng, imu' sanuut bahwa Iko' laka muji a' ka imu'. Ge', hal-hal diah kati Iko' muji ka imu' ka pamule a' karna Iko' masih bariuh ge' imu'. karaje Roh Kudus⁵Ao' a' ta, mati Iko' ao' anu ka Ini' da ngutus Iko', ge' ti nyungan sok pun umpatn imu' da mansikatn Iko', 'ka dume Imu' ao' anu?'⁶Namun, karna Iko' laka muji Smaan diah ka imu', sedih ngapahnu ate mu'.⁷Ao' a' ta, Iko' muji da taman ka imu': labih bait yaj da imu' sa Iko' anu karna sa Iko' kati anu, panolong dakoh kati ao' utukng ka imu'; tapi sa Iko' anu, Iko' ao' ngutus-A' ka imu'.⁸Ge', sa panolong dakoh utukng, Ini' ao' nyadar dunia ao' duse, kabanaran, ge' panghakiman;⁹tentan duse, karna ayo a' kati pacaya ka-Iko';¹⁰tentang da taman, karna Iko' anu ka Sama' ge' imu' kati ao' mile' Iko' agi,¹¹ge' tentang panghakiman, karna pangusaa dunia diah laka gatn hakimi¹²Masih karah hal da ngate Iko' muji ka imu', tapi imu' kati kaat nanggong a' mati.¹³Namun, sa Ini', Roh da taman dakoh utukng, Ini' ao' mabimbing mu' ka sadatn smaan da taman. Sabab, Ini' kati nyasana kasamo pangate-Adup A', malain smaan hal da Ini' dangah dakoh ta da ao' Ini' muji; ge' Ini' ao' muji ka imu' hal-hal da ao' tarjadi.¹⁴Ini' ao' memulia Iko' karna Ini' ao' nyamut da Iko' nyamut, ge' ao' muji a' ka imu'.¹⁵Sagala tarut da Sama' umpu' diu ta umpu' Ko. Oleh sabab dakoh, Iko' muji Roh da taman ao' ngagah ka imu' jai da gatn nyamut-A' umpatn-Ko'." Dukacita Jadi Sukacita"Tigi tuhi agi' imu' kati agi' mile' Iko' agi'; ge' nyasidah agi' tigi tuhi agi' imu' ao' mile' Iko'."¹⁷Nyamani ungan murid Yesus saling mansikatn, "Jai maksud-A' Ini' nyasana ka ate, tigi tuhi agi' imu' kati ao' mile' Iko' agi'; ge' nyasidah agi', tigi tuhi imu' ao' mile' Iko'?' ge' 'karna Iko' ao' anu ka Sama''?"¹⁸Jadi, ayo a' mansikatn a', "Jai da imu' maksud koh nige', 'tigi tuhi ite kati pane jai da Ini' muji."¹⁹Yesus pane bahwa murid- murid-A' ngate mansikatn ka-Ini', maka Ini' nyasana ka ayo a', "Jai ta imu' mansikatn ka antara imu' sadi mengenai hal da Iko' maksud sa Iko' nyasana, ' tigi tuhi imu' kati ao' mile' Iko' agi'; ge' nyasidah agi', tigi tuhi imu' ao' mile' Iko''?²⁰Nige' sasungguh a', Iko' muji ka imu', imu' ao' munse ge' ngakaung, tapi dunia ao' gambira; imu' ao' berduka, tapi dukacita mu' ao' barubah sukacita.²¹Sa nyungan sok mahu baranak, ini' mandarita karna ano a' yak baranak laka utukng; tapi ngalaka anak a' laher, ini' karimut ao' pandaritaan a' da barat karna sukacita bahwa nyungan sok talino nga gatn baanak ka dunia.²²Ladakoh ta mih imu' uga' mangalami pandaritaan nodiah, tapi Iko' ao' badaput ge' imu' agi' ge' ate mu' ao' bersukacita, ge' kati ani nyungan sok pun da ao' nangkap sukacita mu' umpatn mu'.²³ka ano dakoh, imu' kati ao' mansikatn jai pun ka-Iko'. Nige' sasungguh a', Iko' muji ka imu', jai pun da imu' mahi ka Sama'-Ko', Ini' ao' mangkatn a' ka imu'.²⁴Sampe mati, imu' tinga suah mahi jai pun ka sadatn gaatn-Ko'. Mahi mih, ge' imu' ao' nyamut a' sapaya sukacita mu' manjadi pahnu'." kamanangan ka samo dunia²⁵"Iko' laka muji hal-hal diah ka imu' nige' parumpamaan; ano a' ao' utukng sa Iko' kati agi' nyasana ka imu' nige' parumpamaan, tapi ao' nyasana ka imu' nige' terus tarang tentang Sama'.²⁶ka ano dakoh, imu' ao' mahi kasadatn gaatn-Ko' ge' Iko' kati muji ka imu' bahwa Iko' mandoa a' ka Sama' yak imu'.²⁷Sabab adup A' Sama' mase' ka imu' karna imu' laka nga mase' ka Iko' ge' pacaya bahwa Iko' utukng umpatn Sama'.²⁸Iko' barasal umpatn Sama' ge' nga utukng ka dunia; mati, Iko' ao' ngagatn dunia ge' malik ka Sama'. "²⁹Murid-murid-A' nyasana, "Nah, mati Imu' nyasanatarus tarang ge' kati ngiak parumpamaan agi'.³⁰Mati, kai pane bahwa Imu' nga pane Smaan tarut ge' kati perlu nyungan sok mansikatn a' ka-Imu. karna dakoh, kai pacaya bahwa Imu' utukng umpatn Jabata."³¹Yesus naham ayo a', "pacaya mih imu' mati?³²Mile' mih! ano a' ao' utukng, bahkan nga utukng yak imu' yak gatn cerai berai, masing-masing ure ka tampat asal a' adup a' ge' ao' ngagatn adup-adup Ko' tapi, Iko' kati adup adup karna Sama' bariuh ge' Iko'.³³Smaan diah Iko' muji ka imu' sapaya ka sadatn Iko', imu' umpu' damai sejahtera. Ka dunia imu' ao' ngalam penganiayaan, tapi nguat mih ate mu'! Iko' laka ngalah dunia!"

Chapter 17

¹Dakoh ta saratn-saratn Yesus, laka Ini' ngarawa ka rangit ge' nyasana "Sama', ano a' utukng, mulia mih Anak-Mu' sapaya Anak- Mu' uga' bisa memulia Imu'.²Samu nige' Imu' nga laka mangkatn Ini' Kuasa kasamo Smaan talino, sapaya ka smaan da Imu' mangkatn ka Ini', Ini' bisa mangkatn idup kekal.³Diah ta idup da kekal dakoh, diu ta bahwa ayo a' nganal Iko', nyungan-nyungan a' Jabata da taman, ge' kanal Kristus Yesus ga nga Imu' ngutus.⁴Iko' nga memulia Imu' ka bumi nige' mangkabas kaaje da Imu' mangkatn ka Iko' yak gatn ngaraje.⁵Ge' mati, ai Sama', mulia mih Iko' smahu nige' kemuliaan da Iko' umpu' bariuh-Mu katinga dunia ani.⁶Iko' nga nyua gaatn-mu ka ayo sok da Imu' mangkatn ka-Iko' umpatn dunia diah Ayo a' dakoh mu ge' Imu' nga mangkatn ayo a' ka Iko', ge' ayo a' uga' nga mentaati firman-mu.. 7 Mati, ayo a' pane bahwa Smaan da Imu' mangkatn ka-Iko' barasal umpatn-Mu.⁸Sabab Iko' nga mangkatn ka ayo a' firman da Imu' mangkatn ka-Iko', ge' ayo a' nga nyamut a' gae taman-taman pane bahwa Iko' barasal umpatn Imu', ge' ayo a' pacaya bahwa Imu' da ngutus Iko'.⁹Iko' badoa yak ayo a', Iko' kati badoa yak dunia, tapi yak ayo a' da nga Imu' mangkatn ka Iko'; Sabab, ayo a' diu ta mu' umpu'¹⁰Sama' da Ko' umpu' diu ta umpu' mu', ge' smaan da Imu' umpu' diu ta umpu' Ko'; ge' Iko' nga gatn mulia ka sadatn smaan dakoh.¹¹Iko' kati agi' ka dunia diah, tapi ayo a' masih ani ka dunia diah, ge' Iko' utukng ka Imu'. Sama' da Kudus, jaga mih ayo a' ka sadatn gaatn-Mu, gaatn nga Imu' mangkatn ka-Iko', ngajadi nyungan samu nige' ite.¹²Salama Iko' bariuh ayo a', Iko' nga manjaga ayo a' kasadatn gaatn-Mu da nga laka Imu' mangkatn ka-Iko'. nga ngajaga ayo a' ge' kati ani nyungan sok pun umpatn ayo a' da ilang kacuali sa anak gatn binasa, sapaya Kitab Suci gatn genapi.¹³Namun mati, Iko' ao' utukng ka Imu'; ge' Smaan diah Iko' muji a' ka dunia diah sapaya ayo a' bisa umpu' sukacita-Ko' da gatn penuh ka sadatn umpu' ayo a'.¹⁴Iko' nga mangkatn firman-Mu ka ayo a', ge' dunia rusi ka ayo a' karna ayo a' kati barasal umpatn dunia, samu nige' Iko' kati barasal umpatn dunia.¹⁵Iko' kati mahi-Mu' ya' naap ayoa' umpatn dunia, tapi ya' ngalinukng ayoa' umpatn da jahe'.¹⁶Ayoa' kati barasal umpatn dunia, samu' nige' Iko' kati barasal umpatn dunia.¹⁷Nyuci ta lah ayoa' ka sadatn kabenaran; firman-Mu' diu ta kabenaran.¹⁸Samu' Imu' nga ngutus Iko' ka sadatn dunia, ladakoh ta mih Iko' ngutus ayoa' ka sadatn dunia.¹⁹Demi ayoa', Iko' manyuci umpu' adup-ko' sapaya ayoa' uga' gatn Nyuci ka sadatn kabenaran.²⁰Iko' kati duhut badoa ya' ayoa', tapi uga' ya' ayo- sok da pacaya ka Iko' nabo' agah ayoa',²¹sapaya ayoa' smaan jadi nyiteng, samu' ulah Akupm, ai' Sama' ka sadatn Iko' ge' Iko' ka sadatn Imu' ; sapaya ayoa' uga' jadi nyiteng ka sadatn ite' singga dunia pacaya bahwa Imu' ta da nga ngutus Iko'.²²Kamulaan da nga Imu' mangkatn ka Iko', nga Iko' mangkatn ka ayoa' sapaya ayoa' jadi nyiteng, samu' ulah Imu' ge' Iko' diu' ta nyiteng.²³Iko' ka sadatn ayoa' ge' Imu' ani ka sadatn Iko', sapaya ayoa' jadi nyiteng sautuha'. Nige' ladakoh, dunia ao' pane bahwa Imu' ta da ngutus Iko', ge' bahwa Imu' mase' ge' ayoa', samu' ulah Imu' mase' ka Iko'.²⁴Ai Sama', Iko' ngatte agar ayoa', da nga Kupm mangkatn wa Iko' ka dume pun Iko' madi', sapaya ayoa' mile' kamuliaan-Ko', da nga Imu' mangkatn ka-Iko', karna Imu' mase' ge' Iko' katinga pamule dunia.²⁵Ai Sama' da adil biar pun dunia kati kanal ka Akupm, tapi Iko' kanal ka Akupm; ge' ayoa' pane bahwa Akupm ta da ngutus Iko'.²⁶Iko' nga muji gaatn-Mu' ka ayoa' ge' ao' tarus mujia' sapaya pamase' da nigea' Akupm mase'- ka Iko' ani ka sadatn ayoa', ge' Iko' ani ka sadatn ayoa'. "

Chapter 18

¹Ngalaka Yesus muji hal-hal diah, Ini' anu samahu murid-murid-A' ka pajah sungi Kidron, tampat kaatna' nyabuh taman ge' Yesus maruh ka sadatna' samahu murid-murid-A'.²Yudas, antara nyungan umpatn murid da mangkhianati Yesus, uga' pane taman dakoh karna Yesus sering bakumpul bariuh ge' murid-murid-A' ka teetn.³Yudas, laka nyamuut sajumlah pasukan umpatn imam-imam kapala ge' ayo-sok Farisi, utukng ka taman dakoh nige' minsakng lentera, ubor ge' sanjata.⁴Yesus, da pane smaan hal da ao' tarjadi ka-Ini', maju ka depan ge' mansikatn ka ayoa', "Asi ta da imu' najo?"⁵Ayoa' naham, "Yesus nyasana umpatn Nazaret." Yesus nyasana ka ayoa', "Iko' ta Yesus. " Ge' uga' Yudas, da mangkhianati Ini', agutn samahu ayoa'.⁶Sa Yesus nyasana, "Iko' ta Yesus," ayo-sok dakoh mundur ge' jantu ka tana'.⁷Lakadakoh, Yesus mangkatna' agi' ka ayoa', "Asi ta da imu' najo?" Ayoa' naham, "Yesus umpatn Nazaret."⁸Yesus naham, "nga Ko' muji ka imu', Iko' ta Yesus. Jadi, sa imu' najo Iko', kate ta mih murid-murid-Ko' diah anu."⁹Hal diah tajadi sapaya ganap ta saratn da nga gatn Yesus muji: "Umpatn smaan da Akupm mangkatn ka Iko', Iko' kati ilang nyiteng pun."¹⁰Simon Petrus, da minsakng nyabatakng padang, nubut padanga' ngayua' ka palayan Imam Ahyo, singga nyatak rajak santao' palayan dakoh; gaatn palayan Imam Ahyo dakoh diu' ta Malkus.¹¹Maka, Yesus nyasana ka Petrus, "Nyise' padang dakoh ka sadatn saronga'! Cawan da nga Sama' mangkatn ka-Iko', inya ta Iko' arus nyucura'?"Yesus Gatn minsakng ka Hadapan Hanas¹²Lakadaoh, ayo parajurit Romawi ge' perwira-wiraa' serta ayo palayan sok Yahudi naap Yesus ge' ningo' Ini',¹³ge' tarlabih uru' minsakng Yesus ka Hanas, datu' Kayafas, da diu' ta Imam Ahyo ka taun dakoh.¹⁴Ge', Kayafas ta da nasehat ayo-sok Yahudi bahwa diu' ta hal da bagune sa' nyungan sok da kabis demi rakyat. Petrus kati ngako' Yesus¹⁵Simon Petrus ge' nyungan murid da laitn nganang Yesus. Murid da laitn dakoh gatn kanal oleh Imam Ahyo ge' ini' maruh samahu Yesus ka sadatn kalangan istana Imam Ahyo.¹⁶Aoa' ta, Petrus agutn ka sato, ka jiket pintu. Ngalaka dakoh, murid da laitn dakoh, da kanal Imam Ahyo, malik ka sato ge' nyasana nige' mahu panjaga pintu, lalu minsakng Petrus maruh.¹⁷Maka, mahu panjaga pintu dakoh mangkatn ka Petrus, "Inya ta imu' uga' antara nyungan murid umpatn Sok dakoh?"¹⁸Ngalaka umas parapian, ayo palayan ge' pawira da agutn ka teent karna ano dakoh udara tarasa panut, ge' ayoa' badiakng. Petrus uga' samahu ayoa' agutn ge' badiakng. Imam Ahyo Masikatn ka Yesus¹⁹Lakadakoh, Imam Ahyo mansikatn Yesus tentang murid-murid-A' ge' tentang ajaran-A'.²⁰Yesus naham ini', "Iko' nga nyasana tarus tarang ka dunia.Iko' salalu ngajar ka sinagoge-sinagoge ge' ka Bait Jabata, tampat smaan sok Yahudi bakubu'. Iko' kati suah nyasana sacara basukatn-basukatn.²¹Nyai imu' mangkatn ka Iko'? Mangkatn ta mih ka ayoa' da nga dangah jai da Iko' muji ka ayoa'; ayoa' pane jai da nga Ko' muji."²²Sa Yesus nyasana ladakoh, nyungan sok panjaga da agutn ka koh nampar muka-A' ge' nyasana, "Lakadakoh ta cara-Mu' naham Imam Ahyo?"²³Yesus naham ini', "Sa' Iko' muji tarutn da sara', nujo' ta mih saraa'; tapi sa' da Ko' muji taman, nyai imu' nampar Iko'?"²⁴Lalu, Hanas ngirim Yesus ka sadatn ka adaan gatn ningo' ka Imam Ahyo Kayafas. Petrus malik kati ngako' Yesus²⁵Samantara dakoh, Simon Petrus masih agutn ge' badiakng. Maka, ayoa' mansikatna', "Inya ta imu' uga' antara nyungan murid dakoh?" Petrus ngayuma' ge' naham, "Inya."²⁶Antara nyungan palayan Imam Ahyo, da ngarupa karabat umpatn sok da rajaka' gatn mugot Petrus, nyasana, "Inya ta iko' mile' imu' maruh ge' Ini' ka taman dakoh?"²⁷Nyasidah agi', Petrus ngayuma', ge' no dakoh uga', siap ngakuaak. Yesus Gatn minsakng mahadap Pilatus²⁸Lakadakoh, ayoa' minsakng Yesus umpatn tampat Kayafas ka gedung pangadian, ano dakoh masih ngakap, ge' ayoa' sadi' kati maruh ka sadatn gedung pangadilan sapaya ayoa' kati najis umpua' singga buleh uman Paskah.²⁹Maka, Pilatus mungkas badaput ge' ayoa' gae mansikatna', "Jai tuduhan mu' taradap Sok diah?"³⁰Ayoa' naham ge' muji a' ka ini', "Kalo Sok diah inya sok jahe', kai tentu kati ao' minsakng-A ka imu'."³¹Pilatus muji ka ayoa', "Minsakng mih Ini' ge' hakimi lah manurut hukuman mu'." Ayo-sok Yahudi dakoh naham, "Diu' ta kati sasuai bagi kai ya' ngukum kabis nyungan sok."³²Diah terjadi ya' mangganapi saratn Yesus, da nyuaa' nige' kabis ulah Ini' ao' kabis.³³Maka Pilatus maruh malik ka sadatn gedung pangadilan ge' maba' Yesus, ge' mansikatn ka-Ini', "Diu' ta Imu' Raja sok Yahudi?"³⁴Yesus naham, "Diu' ta mu' mansikatn dakoh umpatn adup mu', ato ani sok laitn da muji ka imu' tentang Iko'?"³⁵Pilatus nyasana, "Diu' ta iko' sok Yahudi? Bangsa ge' imam-imam kapala-Kupm ja nyarah Akupm ka iko'. Jai da nga Akupm umas?"³⁶Yesus nyasana, "karajaan-Ko' inya umpatn dunia diah. Sa' karajaan-Ko' umpatn dunia diah, palayan-palayan-Ko' pasti ao' malawan sapaya Iko' kati gatn nyarah ka ayo-sok Yahudi. Aoa' ta, karajaan-Ko' Inya ta umpatn dunia diah."³⁷Pilatus nyasana, "Jadi, Imu' raja?" Yesus naham, "Akupm ta da muji bahwa Iko' diu' ta raja. ya' diah ta Iko' laher, ge' ya' diah ta Iko' utukng ka dunia, ai dakoh ya' bersaksi tentang kabenaran. Satiap sok da barasal umpatn kabenaran ao' dangah Sadatn-Ko'."³⁸Pilatus nyasana ka-Ini', "Jai ta da taman dakoh?" Ge', ngalaka nyasana ladakoh, Pilatus mungkas agi' badaput ge' ayo-sok Yahudi, ge' nyasana ka ayoa', "Iko' kati amput sara' Jai pun ka-Ini'.³⁹Namun, imu' umpu' nyiteng kabiasaan bahwa iko' arus ngarapas nyungan sok tahanan ka ano Paskah. Jadi, diu' ta imu' ituh sapaya iko' ngarapas 'Raja Sok Yahudi' diah?"⁴⁰Ayoa' naham agi' nige' ngampak, "Iya ngarapas Sok diah, tapi Barabas!" Barabas diu' ta sok parampok.

Chapter 19

¹Pilatus naap Yesus ge' ngadua' sapaya Yesus gatn sesah.²ayo parajurit nganyam nyabuah mahkota umpatn daatn-daatn unak ge' nakata' ka abak Yesus, ge' nakat jubah ungu ka-Ini'.³Ayoa' maju ngariket Yesus ge' nyasana, "Salam, eh Raja sok Yahudi!" Lalu, ayoa' nampar muka-A'.⁴Pilatus mungkas agi' ge' nyasana ka ayoa', "Mile' mih! Iko' ao' minsakng Yesus ka sato ka imu' sapaya imu' pane bahwa iko' kati amput sara' Jai pun ka-Ini'."⁵Lalu, Yesus mungkas nige' ngiak mahkota unak ge' jubah ungu. Pilatus nyasana ka ayoa', "Mile' mih Ini'!"⁶Sa' imam-imam kapala ge' ayo pawira mile' Yesus, ayoa' ngampak, "Salib ta mih Ini', salib ta mih Ini'!"Aoa' ta, Pilatus nyasana ka ayoa', "Minsakng mih Ini' ge' salib adupa' karna iko' kati amput sara' Jai pun ka-Ini'."⁷Ayo-sok Yahudi dakoh naham Pilatus, "Kai umpu' hkum, ge' nurut hukum dakoh, Ini' arus kabis karna Ini' ngagap adup-A' diu' ta Anak Jabata."⁸Sa' Pilatus dangah saratn dakoh, ini' samakin buut⁹ge' malik maruh ka gedung pangadilan, ge' mansikatna' ka Yesus, "Umpatn dume asal-Mu'?" Aoa' ta, Yesus kati nahama'.¹⁰Pilatus nyasana ka-Ini', "Imu' kati ituh nyasana nige' iko'? diu' ta Imu' kati pane bahwa iko' umpu' kuasa ya' ngarapas-Mu' ge' umpu' kuasa ya' nyalib-Mu'?"¹¹Yesus naham, "Imu' kati umpu' kuasa Jai pun kasamo umpu'-Ko', kacuali kuasa dakoh gatn mangkatn ka imu' umpatn samo. Dakoh ta mih sabana', sok da nyarah Iko' ka imu' marabeh ahyo dusea'."¹²Ngalaka dangah hal dakoh, Pilatus barusaha ya' ngarapas Yesus, tapi ayo-sok Yahudi ngampak, "Sa' imu' ngarapas Sok diah, imu' inya ta sahabat Kaisar; satiap sok da ngangap adupa' raja barati malawan Kaisar."¹³Sa' Pilatus dangah saratn-saratn dakoh, ini' minsakng Yesus ka sato, ge' nyungan ka pangkeng pangadilan, ka nyabuah tampat bagaatn Litostrotos, tapi sadatn bahasa Ibrani gatn magaatn Gabata.¹⁴Ano dakoh ngarupa ano parsiapanAno ka inum dalam nyaminggu, nyano tinga ano Sabat. Ka ano diah, sok Yahudi nga nyiap adupa' magaatn ano Sabatya' Paskah, no dakoh sakitar jam ka inum. Pilatus nyasana ka ayo-sok Yahudi, "Diah ta Raja Mu'!"¹⁵Maka, ayoa' ngampak, "Ngalanyap ta Ini'! Ngalanyap ta Ini'! Nyalib ta Ini'!" Pilatus nyasana ka ayoa', "Arus ta iko' nyalib Raja mu'?"Imam-Imam kapala naham, "Kai kati umpu' raja salain Kaisar!"¹⁶Ujuknga', Pilatus nyarah Yesus ka ayoa' ya' gatn nyalib. Yesusgatn nyalib¹⁷Yesus mungkas nige' maha salib-AdupA' nuju ka tampat da magaatn "Tampat Karungkok", da kasadatn bahasa Ibrani gatn magaatn " Golgota".¹⁸Ka teent, ayoa' nyalib Yesus samahu nige' dua ungan sok laitn, da gatn nyalib ka santao' ge' sangkiri Yesus, samantara Yesus madi' ka tuda.¹⁹Pilatus uga' nulis nyabuah tulisan ge' nampata' ka samo kayu' salib. Tulisan dakoh mihu, "YESUS SOK NAZARET, RAJA SOK YAHUDI."²⁰Karah sok Yahudi maca tulisan dakoh karna tampat Yesus gatn nyalib dakoh bariket ka jiket kota, ge' tulisan dakoh gatn nulis ka sadatn bahasa Ibrani, Latin, ge' Yahudi.²¹Maka, imam-imam kapala sok Yahudi nyasana ka Pilatus, "Iya nulis, 'Raja sok Yahudi,' tampat nulis mih, Sok diah nyasana, 'Iko' ta Raja sok Yahudi."'²²Pilatus naham, " Jai da laka iko' nulis, ao' tetap gatn nulis!"²³Ayo parajurit, sa' ayoa' nga nyalib Yesus, naap pangiak-A' ge' magia' jadi ampat, nyiteng nyabagi ya'masing-masing parajurit, uga' jubah-A'; jubahdakoh kati ani ka rimaa,' duhut gatn nantu umpatn samo ka saroh tampa jaitan.²⁴Ayo parajurit dakoh nyasana nige' ayo sok da laitn, "Iya ta ite' ngarantaka', tapi matatn' undi ka samoa' ya' mamutus asi da ao' kaatna'." Hal diah tajadi sapaya ganap ta da nga gatn nulis ka sadatn Kitab Suci:"Ayoa' magi-magi pangiak-Ko' ka antaraAoa' ge' ya' jubah-Ko',Aoa' matatn undi."²⁵Samantara dakoh, sino' Yesus, age mahu sino' Yesus,Maria sautn Klopas, ge'Maria Magdalena, agutn ka riket salib-A'.²⁶Sa' Yesus mile' sinoA' ge' murid da Ini' nyayang agutn Ka teent, Ini' nyasana ka sino-A',"mahu, mile' mih diah anak mu'!"²⁷Lalu, Yesus nyasana ka murid da gatn na nyayang dakoh,"Diah ta sino' mu'!" Sejak dakoh, murid dakoh nyamut sino' Yesus madi' ka ramina'.Yesus kabis²⁸Ngalaka dakoh, Yesus nga pane sa'a nga taklasana, yak mangganapi Kitab Suci, Ini', "Iko' aus!"²⁹Ka koh ani nyabuah tapayatn pahnu gatn anggur asum. karna dakoh, ayoa nancap bunga karang da nga gatn nyihup ka sadatn anggur da masum ka nyabatakng hisop ge' nyujupa ka baba' Yesus.³⁰Ngalaka nyacap anggur asu dakoh, Yesus nyasana, "Nga abas." Lakadakoh, Ini'umpuk abak-A ge' nyarah nyawa-A.³¹Karna ano dakoh diuta ano ya' basiap, ge' sapaya bangke-bangke dakoh kati lakat madi' ka kayu salib ka ano Sabat, sabab Sabat diuta ari besar, ayo-sok Yahudi mahi ka Pilatus sapaya kaja ayo-sok da gatn nyalib dakoh gatn mata ge' bagke-bangkea' gatn ngadisah umpatn salib.³² Lalu, ayo prajurit utukng ge' mata' kaja sok da mule ge' sok da laitna', da gatn nyalib samahu ge' Yesus.³³ Ao at, sa' ayoa' utukng ka Yesus ge' mile' bahwa Ini' nga kabis, ayoa' mata kaja-A.³⁴ Namun, ani nyungan prajurit dakoh nusuk tombak ka putukng Yesus, ge' nodakoh uga, daya ge' paitn ngalir mungkas.³⁵ Sok da menyaksi perstiwa dakoh ta da mangkatn kesaksian diah, ge' kesaksiana' da taman ge' Ini' pane kalo Ini' muji da sabanara', sapaya imu' uga pacaya.³⁶ Sabab, samaan diah tajadi sapaya ganap ta da nga tatulis kasadatn Kitab Suci: "Ti ani nyiteng pun da umpatn turakng-A da ao' gatn mata."³⁷ Ge' agi, kasadatn nyabagi laint Kitab Suci nyasana, "Ayoa' ao' mamandang Ini' da nga ayoa' nikam." Yesus gatn nyibur³⁸ Ngalaka samaan dakoh, Yusuf umpatn Arimatea, da uga jadi murid Yesus namun sacara basukatn-sukatn karna buut ka ayo-sok Yahudi, mahi ka Pilatus sapaya ini' gatn ngabuleh naap bangke Yesus; ge' Pilatus ngabula'. jadi, Yusuf umpatn Arimatea utukng naap bangke Yesus.³⁹ Nikodemus, sok da uru' amput Yesus wa ngarum dakoh, uga utukng nige' minsakng binyak baur mur ge' gahru, da bahata' sakitar rima puluh kati.⁴⁰ Maka, ayoa' naap bangke Yesus ge' mungkusa' nige' balacu da gatn mangkatn rampah-rampah, sasuai adat nyibur sok Yahudi.⁴¹Ka jiket tampat Yesus gatn nyalib, kaatn nyabuah taman ge' ka sadatn taman dakoh ani nyabuah sibur da bahu da ti nyungan bangke pun suah gatn napo ka teetn.⁴² Karna ano dakoh diuta ano parsiapan ya' so Yahudi, ge' gatn napo kasibur dakoh kati jauh, ayoa' napo bangke Yesus Ka teetn.

Chapter 20

¹ Wa pamule ano minggu dakoh, Maria Magdalena anu ka sibur Yesus ano baru ngakap, sa' ano masih patakng, ge' mile' batu panutup sibur gatn ngiser umpatn sibur dakoh.² Maka, ini' talama ge' badaput ge' Simon Petrus ge' murid da laitn da gatn Yesus mase, ge' nyasana ka ayoa', "Ayoa' nga naap Tuhan umpatn sibur, ge' kai kati pane ka dume ayoa' napo-A."³ Maka, Petrus ge' murid da laitn dakoh anu ka sibur.⁴ Kaduaa' talama samahu-mahu, tapi murid da laitn dakoh talama labih capat daripada Petrus singe ini' utukng labih uru' ka sibur.⁵ Ini' nyuak ge' mile' ka sadatn, ge' mile' balacu ya mungkus bangke Yesus gatn mana ka teetn, namun ini' kati maruh ka sadatn.⁶ Lakadakoh, Simon Petrus utukng, nyusul ini', ge' maruh ka sibur ge' ini' mile' balacu ya' mungkus gatn mana' Ka teetn'.⁷ Ge', saput panutup muka da mungkus abak Yesus kati gatn mana' nige' saput balacu ya' mungkusa' iah, tapi laka gatn ngulong ka tampat da babeda.⁸ Lakadakoh, murid da laitn ijah, da labih uru' sampe Ka sibur, uga maruh. Ini' mile' ge' pacaya.⁹ Sabab, katinga tajadi dakoh, ayoa' tinga ngarati Kitab Suci, bahwa Yesus arus umpat idup agi umpatn da kabisA. Yesus nyua umpu' Adup-A ka Maria Magdalena¹⁰ Jadi, kadua murid dakoh ure' ka ramin.¹¹ Ao' ta, Maria agutn ka sato sibur ge' munse'. gae' munse', ini' nyuak ka sadatn sibur dakoh,¹² ge' ini' mile' dua malaikat bapangiak ranakng sadang munyung ka tampat bangke Yesus gatn magurikng tingaa'. da nyungan munyung ka bagian abak ge' da nyungana' ka bagian kaja.¹³ Kadua malaikat dakoh masikatn wa Maria, "Mahu, nyai imu' munse'?" Maria naham malaikat dakoh, "Ayoa' nga laka naap bangke Tuhanko' ge' iko' kati pane ka dume ayoa' napo Ini'."¹⁴ Ngalaka mujia' ladakoh, Maria ngaringah buntot ge' mile' Yesus agutn ka dakoh, tapi kati pane kalo dakoh diutaYesus.¹⁵ Yesus mansikatna', "mahu, nyai imu' munse'? Asi da imu' najo?" Karna ngira Ini' diuta panjaga taman, Maria nyasana ka Ini', "Tuhan, sa' Tuan nga nginsit-A mujilah ka iko'ka dume Tuannga napo-A,ge' iko' ao' naap-A."¹⁶ Yesus nyasana wa ini', "Maria. " Maria pun ngaringah ge' nyasana wa-Ini' kasadatn bahasa Ibrani, "Rabuni", ge' artia' " Guru".¹⁷ Yesus nyasana wa ini', "Iya imu' nyinte Iko' karna Iko' tinga anu ka Sama'. Ao' at, anu lah ka age-age-Ko' ge' mujia' ka ayoa', 'Iko' ao' anu wa Sama'-Ko' ge' Sama'-mu', wa Jabata-Ko' ge' Jabatamu'."'¹⁸ Maria Magdalena anu ge' muji ka murid-murid, " Iko' nga mile' Tuhan, " ge' bahwa Yesus lah da muji hal-hal diah ka ini'. Yesus nyua' Adup-A ka murid-murid-A¹⁹ Jangkah' ano dakoh nga ngarum, kohta ano pamule minggu dakoh, ge' pintu-pintu tampat ayo murid bakumpur tatutup Karna ayoa' buut ka ayo-sok Yahudi, Yesus utukng ge' agutn ka tuda-uda ayoa' gae nyasana, "Damai sejahtera yak imu'!"²⁰ Ngalaka muji ladakoh, Yesus nyua barekng ge' putukng-A Ka ayoa'. ayo murid aru basukacita jangkah ayoa' mile' Tuhan.²¹ Laka dakoh, Yesus nyasana ka ayoa' agi, "Damai sejahtera yak imu'. Samu' nige' Sama' nga ngutus Iko', ladakoh uga mati' Iko' ngutus imu'."²² Ge' Ngalaka Ini' muji ladakoh, Yesus ngampoh ayoa' ge' nyasana, "Nyamut mih Roh Kudus!²³ Sa imu' ngampun duse sok da nyungan, maka duse sok dakoh gatn ngampun. Sa ani sok da baduse-dusea' kati imu' ampun, maka duse ayoa' kati gatn ngampun."Yesus nyua AdupA' ka Tomas²⁴ Tomas, ani nyungan umpatn ka-12 murid, ge' gatn magaatn Didimus, kati ani nige' ayoa' jangkah Yesus utukng.²⁵ Maka, murid-murid da laitn mujia', "Kai nga mile' Tuhan. " Namun, Tomas nyasana ka ayoa', "Kacuali iko' mile' bakas paku ka barekng-A ge' nyise tarinyoko' ka sadatn bakas paku dakoh, gae nyise barekngko' ka sadatn putukng-A, iko' kati ao' pacaya."²⁶ Mahi' ano agi, murid-murid utukng bakumpur ka ramin dakoh, ge' Tomas ani ge' ayoa'. Meskipun pintu-pintu gatn nutup,Yesus utukng ge' agutn ka tauda-uda ayoa', gae nyasana, "Damai sejatera yak imu!"²⁷ Ladakoh, Ini' muji ka Tomas, "nyulo mih tarinyo' mu' ka diah ge' mile' mih barekng-Ko'; ge' nyulo mih barekngmu' ka diah napo ka putukng-Ko'. Iya kati pacaya, tapi pacaya mih!"²⁸ Tomas naham Yesus, "Ai, Tuhan ko' ge' Jabatako'!"²⁹ Yesus nyasana ka ini', "Diuta imu' mati' pacaya Karna nga mile' Iko'? gatn memberkatilah ayoa' da kati mile', tapi pacaya." Tujuan Yohanes Nulis Kitab Diah³⁰ Masih karah tande ajaib laitn da gatn Yesus umas ka depan murid-murid-A, ge' kati gatn nulis ka sadatn, Kitab diah.³¹ Ao' at, samaan diah gatn nulis sapaya bahwa Yesus diuta Kristus, Anak Jabata, ge' sapaya nabo ka percayaanmu' dakoh, imu'kaatn idup ka sadatn kaatn-A.

Chapter 21

¹ Ngalaka dakoh, Yesus nyua' adup-A agi' ka murid-murid-A ka jiket timu' Tiberias. Ini' nyua' Adup-A nige' cara daladiah:² Simon Petrus, Tomas da gatn magaatn Didimus, Natanael umpat'n Kana ka Galilea, anak-anak Zebedeus, ge'murid- murid da lait'n agi' bakumpur.³ Simon Petrus nyasana ka ayoa', "Iko' ao' anu naap ikatn." Ayoa' nyasana ka ini', "Kai ao' anu samahu mu'." Ayoa' samaan anu kasato ge' maka' ka parahu,tapi ngarum dakoh, ayoa' kati' nangkap jai-jai.⁴ Jangkah ngana subuh, Yesus agutn ka pantai, tapi murid-murid kati' pane bahwa dakoh diuta Yesus.⁵ Ini' nyasana ka ayoa', "Anak-anak, ani a' imu' umpu' ikatn?"Ayoa' naham,"Kati."⁶ Ini' nyasana ka ayoa', " Nyangkahatnlah jaringmu' ka rarap santao' parahu, ge' imu' ao'kaatn." Maka, ayoa' jaring a', tapi kati' narik a' ka sadatn parahu Karna ikatn a' karah.⁷ Oleh sabab dakoh, murid da gatn Yesus mase' nyasana ka Petrus, "Dakoh Tuhan!" Jangkah Simon Petrus dangah bahwa dakoh Tuhan, ini' ngiak pangiak a' Karna ini'muhu baju a' ano karaje, ge' nyangukng ka sadatn timu'.⁸ Murid-murid da laitn utukng nige' parahu ge' narik jaring da pahnu nige' ikatn. Sabab, ayoa' kati jauh umpatn dayu, jarak a' kira-kira 200 hasta.⁹ Jangkah ayoa' sampe ka dayu, ayoa' mile' buhukng api nige' ikatn da gatn mana' ka samo a' ge' roti uga'.¹⁰ Yesus nyasana, "Minsakng nyamani ungan ikatn da bahu saja imu' nangkap."¹¹ Simon Petrus maka' ka parahu ge' narik jala da pahnu nige' ikatn ahyo dakoh ka dayu, jumlah a' 153 ungan. Meskipun ikatn dakoh ladakoh, jala a' kati rumpokng.¹² Yesus nyasana ka ayoa', "Kaeh ge' umanlah." kati nyungan pun umpatn ayo' murid-murid dakoh pagatn masikatn ka-Ini' "Asi Imu' koh?" Karna ayoa' pane bahwa Ini' dakoh ta Tuhan.¹³ Yesus utukng ge' naap roti dakoh gae' mangkatn a' ka ayoa'. Ladakoh uga gatn Na umas nige' ikatn dakoh.¹⁴ Diah ta ka taru sidah a' Yesus nyua Adup-A ka ayo murid-A Ngalaka Ini' gatn ngalumpat idupumpatn antara sok da kabis. Yesus mahi Petrus Mengembala Domba-Domba-A¹⁵Ngalaka ayoa' ngakabas pangkuman a', Yesus nyasana ka Simon Petrus, "Simon, anak Yohanes, diu ta imu' mase' ka Iko' koh marabeh umpatn samaan diah?"Petrus naham, "Diu Tuhan, Imu' pane bahwa iko'mase' ka Imu'."Ngalaka, Yesusnyasana ka ini', "Ngadipatn ta domba-domba-Ko'!"¹⁶ Yesus nyasana agi yak' kadua sidah a' ka ini', "Simon, anak Yohanes, diu' ta imu' mase' ka Iko'?" Petrus naham, "Diu' Tuhan, Imu' pane bahwa iko' mase' ka Imu'." Yesus nyasanaka ini', "Ngadipatn ta nih domba-domba-Ko'!"¹⁷ Yesus nyasanaka ini' da kataru sidah a', "Simon, anakYohanes, diu' ta imu'mase' ka Iko'?" Ate Petrus jadisedih karna Yesusmasikatn a' nga katarusidah a', "Diu' ta imu'mase' ka Iko'?" Lalu,Petrus nyasana ka Ini', "Tuhan, Imu'pane samaan tarutn'.Imu' pane bahwa iko'mase ka Imu'!" Yesus nyasanaka ini', "Ngadipatn ta nih domba-domba-Ko'!¹⁸ Iko' mui' dasasungguh a' ka imu',jangkah imu' agi angot, imu' adup mu' ta da ningo' apakng mu' ge'bajalatn ume pun imu'ituh; tapi jangkah imu'nga jadi ama, imu' ao'muka barekng mu'ge' sok laitn ao'ningo' apakng mu', ge' minsakng mu' katampat da kati imu'ngat'."¹⁹ Yesus nyasana haldiah ya' nyua' nige' ulah jai pangkabis Petrus ao' mamuliakan Jabata. Ge' ngalaka muji haldakoh, Ini' nyasana kaPetrus, "Nganang mih Iko'!"Jai da ao' tarjadi nige'murid da aruGatn Yesus mase'?²⁰ Petrus ngaringah ge'mile' murid daaru gatn Yesus mase' sadakng nganang ayo a'.Ini' diu ta murid damunyung kariket sado Yesus ka parjamuaan ngarum ge' mangkatn, "Tuhan,asi ta sok da ao'manghiati Imu' dakoh?"²¹ Jangkah mile' ini',Petrus masikatn ka Yesus, "Tuhan, langkinanige' ini'?"²² Yesus naham,"Sa andai a' iko' ituhini' tetap idup sampe Iko' utukng agi, jaiurusan mu'? Imu', nganang ta Iko'!"²³ Maka, saratnYesus diah tasabar kaantara age-age dakoh bahwa murid dakoh kati ao' kabis, padahalYesus kati mujika ini' bahwaini' kati ao' kabis,tapi duhutn nyasana"Sa andai a' Iko' ituhini' tatap idup sampeIko' utukng agi, jaiurusan mu'?"²⁴Ini' lah murid dabasaksi tentangsamaan a' diah, ge' laka gatn nulis samaan a' diah, ge' ite pane bahwakasaksian a' dakoh taman. ²⁵Masih ani karahhal laitn agi da lakaYesus umas, da sa' gatn nulis nyeteng nyeteng, iko ngarasa samaan dunia diah pun kati ao' cukup ya' samaan kitab da harus gatn nulis dakoh.

Acts

Chapter 1

¹Sadat buku da iko' nulis sabelum a', Teofilus, tentang samaan da Yesus mule umas ge ajar a'. ²Sampe ka ano Inie' ngate gatn ngangkat, laka dakoh Nie' mangkatn' parintah, nabo Roh Kudus ka rasul-rasul da laka Nie' milih. ³Ka ayo' a', Ni' uga nyua Adup-A' sadi idup laka Ni' mandarita, nie' ge' karah bukti, gae nampalak adup a' ka ayo' salama apat puluh ano ge sarita tentang Kerajaan Jabata.⁴Sementara samahu nige' ayo' a', Ni ngadu ngadu ayo' a' biar kati ngagatn' Yerusalem, tapi nganti janji Bapa, da wat' A', "Imu dangah umpatn-Ko, ⁵Karna Yohanes membaptis nige' pait, tapi imu ao' a' gatn' baptis nige Roh Kudus, kati tuhi umpat mati'."' Yesus Tarangkat ka Surga⁶Karna dakoh, ketika ayo' a' ba kumpul samahu, ayo' a' mansikatn' wak Inie', "Tuhan, diah bak waktu a' Akump memulihkan kerajaan bagi Israel?" ⁷Inie' muji wak' ayo' a', "Injalah bagianmu yak panane tentang waktu ge' masa da laka gatn netapkan kat Bapa sadatn' Kuasa-A'. ⁸Ao' tapi, imu' ao' narima kuasa pas Roh Kudus laka utuk'ng wak' imu ge imu' ao' a' jadi saksi-saksi-Ko' ka Yerusalem, ka samaan Yudea dan Samaria, ge sampai ka bagian tana paitn' paling ujung."⁹Ge', laka Ni' muji hal-hal diah, sementara ayo' a' mile, Ni' tarangkat ge awan minsak'ng Nie-_ilang umpatn pandangan ayo' a'. ¹⁰Lalu, ketika ayo' a' masih mile ka rangit, sementara Ni' ano, milemeh, ani dua sook' are ba pangiak putih agut'n ka samping ayo' a', ¹¹ge nyansana, "Hei sook Galilea, gatn jai imu agutn' sambil nyantunung ka rangit? sambil mile ka rangit? Yesus diah da laka terangkat umpat antara imu'k ka surga aok utukng ure nige' cara da samu ge imu' mile a' ano ka surga." Memilih Nyungan Rasul Bahu.¹²Laka dakoh, ayo' a' malik' ka Yerusalem umpatn bukit da ni magaatn' Zaitun, da ani jeket Yerusalem, jauh a' pajalatn sabat. ¹³Ketika ayo' a' maruh, ayo' a' maka ka ruangan samo', tampat ayo' a' madi. Petrus, ge Yohanes, ge Yakobus, ge Andreas, Filipus, ge Tomas, Bartolomeus, ge Matius, Yakobus anak Alfeus, ge Simon sok Zelot, ge Yudas anak Yakobus. ¹⁴Ayo ' samaan nige' sehati bertekun sadatn doa samahu nige' para wanita ge Maria, sino Yesus, serta age-age- A'.¹⁵Ka ano-ano dakoh, Petrus agutn' ka antara age-age sa-iman ( sok karah kira-kira seratus dua puluh jumlah a'), ge nyansana, ¹⁶"Age-age, Kitab Suci harus gatn genapi, da laka gatn' muji sabelum a' kat Roh Kudus naru baba Daud tentang Yudas, da jadi pamimpin yak ayo' sok da nangkap Yesus.¹⁷Sabab, ni' gatn ngitong ka anatara ite kaat' bagian sadatn pelayanan diah. ¹⁸Mati', sok diah mari' sebidang tana nige' upah umpatn' kajahatan a', ge laka dakohabak' a' jantu labih uru, bagian tuda ungan a' batah, ge samaan insit putukng' terburai. ¹⁹Ge, hal diah laka gatn panane kat samaan sok da madi' ka Yerusalem sampe tana dakoh sadatn tutor ayo' a' gatn' muji Hakal Dama, arti a' "Tana Dayya"²⁰Sabab, laka gatn' nulis sadatn' kitab Mazmur: "Biarlah tampat pamadi a' jadi sepi, ge biarlah ka teet kati ani nyungan pun da madi' kasadatn' a'," 'Biarlah da lain a' nangkap jabatan a'.'²¹Oleh karna dakoh, ani sok umpatn ayo' a' da salalu samahu nige ite salama Tuhan Yesus maruh ge mungkas umpatn' antara ite, ²²Mule umpatn' baptisan Yohanes sampe ka ano ketika Ni' gatn' ngankatn' antara ite, salah satu umpatn' ayo diah harus jadi saksi tentang pangkidup-A' samahu adup." ²³Lalu, ayo' ngusul dua ungan, yaitu Yusuf da gatn' muji Barsabas, da uga gatn' muji Yustus, ge Matias.²⁴akakoh, Ayo' a' badoa, "Akump, Tuhan da ngenal ate samaan sok. Nuju ta lah ka kai asi ka antara ka dua sok diak da laka akupm' milih, ²⁵yak narima bagian pelayanan diah ge jabatan rasul, umpatn Yuda da laka nyimpang yak ano ka tempat a' adup a'." ²⁶Laka dakoh, ayo' rasul matatn' undi ka antara ayo' ge undian jantu ka Matias hingga ni' gatn ngitong samahu nige' sesebelasan rasul.

Chapter 2

"Pajutukng Roh Kudus" ¹Waktu ano Pentakosta utukng, ayo' a' samahu-mahu ani ka tempat da samu. ²Ge, tiba-tiba ta dangah ta umpatn rangit, miho samu ngampoh nyaru da laju, ge miho dakoh ngampanhu sa isi ramin tampat ayo' a' agi munyung. ³Ge, tampak ka ayo' a' rata-rata samu pua api da da bertaburan ge singah ka samo' ayo' a' masing-masing. ⁴Maka, ayo' a' samaan gatn panhu nige' Roh Kudus ge mule nyansana sadatn berbagai bahasa, samu da gatn mangkatn Roh Kudus yak ayo' a' muji a'.⁵ Waktu ano dakoh, ani ayo-sok Yahudi da madi wak Yerusalem, ayo-sok saleh umpat'n tiap-tiap bangsa wak saroh rangit. ⁶ Ge', sa nik mihu dakoh gat'n dangah, sakumpulan sok karah utukng bariuh-riuh ge' bingung karna satiap sok sadakng dangah ayo'a dakoh nyansana ka sadat'n bahasa ayo'asadi. ⁷ Ayo'a takjub ge' heran, sambil nyansana. "Inya ayo'a samaan da sadakng nyansana diu'ta ayo-sok Galilea ?⁸ Ge' langkina mungkin masing-masing ite dangah ayo'a nige bahasa tampat ite gat'n ngalahir? ⁹ Ayo-sok Partia, ge' Media, ge' Elam, ge' panduduk Mesopotamia, Yudea, ge' Kapadokia, Pontus, ge' Asia, ¹⁰ Frigia, ge' Pamfilia, Mesir, ge' daerah-daerah Libia riket Kirene, ge' pandatang-pandatang umpat'n Roma, bait ayo-sok proselit, ¹¹ ayo-sok Kreta ge' Arab. Ite dangah ayo'a nyansana nige bahasa ite tentang parbuatan-parbuatan da aihyo Jabata."¹² Ge', ayo'a samaan takjub ge' bingung sambil nyansana nyiteng samu lait'n, "Jai arti samaan diah?' ¹³ Tapi aok'a sok lait'n guluk ge' nyansana, "Ayo'a gat'n mabuk uleh anggur bahu." Petrus Nyansana Ka Sok Karah¹⁴ Barang, Petrus agut'n samahu sabalas rasul, ngangkat sarat'n'a ge' nyansana ka ayo'a, "Hei ayo-sok Yahudi ge' samaan da madi wak Yerusalem, kate'a gat'n pane ulehmu' ge' pratikan ucapako'. ¹⁵ Sa', ayo-sok diah kati mabuk, ulah da imu' ngira karna ano bahu jam taru,¹⁶Tapi diahlah da gat'n muji' nabo Nabi Yoel: ¹⁷'Ge, waktu ano-ano trakhir aok tarjadi, Jabata bafirman: Kalo iko' aok mancurahkan Roh-Ko' ka samo samaan talino. Ge' anak-anakmu' da are ge' anak-anakmu' da mahu aok banubuat, ge anak-anak mudamu' ao' mile penglihatan, ge ayo' sok tua ka antaramu' ao' agi pimha a' pimha-pimha.¹⁸ Bahkan, ka samo hamba-hamba-Ko' da are ge hamba-hamba-Ko' da mahu waktu ano-ano dakoh, Iko' aok mancurahkan Roh-Ko', ge' ayo'a aok banubuat. ¹⁹ Ge', Iko' aok nujo mukjizat-mukjizat wak rangit, wak samo, ge' tande-tande ajaib wak bumi, wak saroh, daya' ge' api, ge' kabut asup.²⁰ Matuano aok gat;'n ngubah jadi patakng ge' burat'n jadi daya', sabalum ano Tuhan da aihyo ge mulia utukng. ²¹ Ge', aok jadi, satiap sok da maba gaat'n Tuhan aok gat'n nyalamat."'²² "Hei sok Israel, dangahnihparkataan diah. Yesus, Sok Nazaret, sook da gat'n nyata wak antara imu' uleh Jabata nige hal-hal ajaib, mukjizat-mukjizat, ge' tande-tande, da ngalaka Jabata nujo wak anataramu' nabo Ini', ulah da imu' sadi pane. ²³ Yesus diah, da gat'n nyarah manurut rancana da ngalaka gat'n nentu ge' pangetahuan Jabata sabalum'a, imu' ngamis nige nyalib-A nabobarekng ayo-sok durhaka. ²⁴ Tapi aok'a, Jabata ngalumpat-A, ge' ngarapas-A umpatn panderitaan maut karna kati mungkin bagi-A gat'n nguasa uleh da kabis.²⁵ Sa', Daud parnah nyansana tentang Yesus, 'Iko mile Tuhan slalu ani wak depanko', barang Ini' madi wak sabalah kananko' sahingga iko' kati aok gat'n ngagoyah. ²⁶ Uleh sa' dakoh, ateko' bagembira, ge' rata'ko' basorak-sorak. unganko' uga aok madi ka sadat'n pangharapan,²⁷ Barang Kup'm kati aok ngagat'n jiwako' barada wak dunia sok kabis, ato mambiar ungan Sok Kudus-Mu mile kabinasaan. ²⁸ Kup'm ngalaka muji' ka iko' jalat'n kaidupan. Kup'm aok umasko' pahnu sukacita nige bahas-Mu.'²⁹Age-age, iko' kaatn nyansana wak imu' nige' yakin tentang bapa leluhur ite, Daud, bahwa ni' laka kabis ge gatn nyibur, ge sibur a' masih ani sanahu nige' ite sampe ano diah. ³⁰Jadi, karna ni' anilah sok Nabi ge panane bahwa Jabata laka bajanji nige' sumpah wak a' yak mangkunyung a' nyungan umpatn katurunan Daud ka samo' tahta a'. ³¹Karna dakoh, Daud da mile hal diah sebelum a', ni' nyansana tentang pangkidup a' Kristus bahwa: 'Ni' kati ao' gatn ngagatn a' ka dunia sok kabis, ge ungan-A' kati mile kebinasaan.'³² Yesus diahlah da Jabata ngalumpat ge' kai' samaan ani'ta saksi tentang hal dakoh. ³³ Uleh karna dakoh, ngalaka gat'n ngangkanyamo uleh barekng kanan Jabata ge' narima janji umpat'n Bapa tentang Roh Kudus, Ini' ngalaka gat'n curah, bait jai da imu' mile maupun dangah.³⁴ Barang, Daud kati maka ka surga, tapi ini' sadi muji, "Tuhan muji' ka Tuanko', 'Unyung ta wak seblah kanan-Ko, ³⁵sampe Iko' umas munsuh-munsuh-Mu' jadi tumpuan kaja-Mu."' ³⁶"Uleh karna dakoh, kate'a samaan ramin Israel pane nige pasti kalo Jabata ngalaka jadi-A Tuhan ge' Kristus, diahlah Yesus da ngalaka imu' nyalib."³⁷ Sa' ayo'a dangah hal diah, nusuk ta ate ayo'a, lalu muji' ka Petrus ge' para rasul lait'n'a, "Ayo-age, jai da harus kai bulah?" ³⁸ Lalu, Petrus muji' ka ayo'a, Batobatlah ge' baptislah adupmu' masing-masing ka sadat'n gaat'n Kristus Yesus ya' pangampunan duse-dusemu', ge' imu' aok narima karunia Roh Kudus. ³⁹ Barang, janji diah diu'ta ya' imu, ge' anak-anakmu', ge' ya' samaan sok da masih jauh, karah da Tuhan Jabata ite aok maba'a."⁴⁰ Ge', nige karah sarat'n lait'n, Petrus basaksi nige sungguh-sungguh ge ngampak ka ayo'a, wat'n nak, "Salamat'talah adupmu' umpat'n ganarasi da bingkok diah!" ⁴¹ Ayo-sok da narima sarat'n Petrus gat'n baptis ge' waktu ano dakog jumlah ayo'a gat'n nambah sakitar taru ribu jiwa. Parsakutuan Ayo-Sok Pacaya ⁴²Ayo'a batekun ka sadat'n pangajaran rasul-rasul ge' ka sadat'n parsakutuan, ka sadat'n mucuh roti, ge' ka sadat'n badoa.⁴³ Ge', buut utukng ka samo satiap jiwa, ge' karah hal ajaib nige tande-tande da tarjadi nabo para rasul. ⁴⁴ Samaan da pacaya bakumpul samahu ge' umpu sagala sasuatu'a samahu-mahu. ⁴⁵ Lalu, ayo'a nyual harta benda ge' umpu'a, lakadakoh magi-magi ka samaan sok, sasuai kabutuhan'a masing-masing.⁴⁶ Satiap ano, nige basatu ate ayo'a bakumpul samahu wak Bait Jabata ge' mucuh-mucuh roti umpat'n ramin ka ramin. Ayo'a narima pangkuman ayo'a nige gambira ge' tulus ate, ⁴⁷ Sambil mamuji Jabata, ge' ayo'a gat'n nyuka uleh karah sok. Ge', satiap ano Tuhan nambah jumlah ayo'a, dakoh ta ayo-sok da gat'n nyalamat.

Chapter 3

¹Ani waktukoh, Petrus ge Yohanes ano ka Bait Jabata pas waktu jam doa, waktukoh pas jam ke pire. ²Lalu, Ani sok are da lumpuh sajak ka sadat putukng sino a' gatn nangkon. Satiap ano ayo' a' mana a' ka pintu gerbang Indah yak mahe sedekah umpatn ayo' sok da ao' maruh ka Bait Jabata. ³Pas nie' mile Petrus ge Yohanes ngate maruh ka Bait Jabata, Nie' mahe sedekah.⁴Lalu, samahu ge Yohanes, nyantunung a' ge nyansana, "Mile kai." ⁵Sok lumpuh dakoh nyaradik ta ka Petrus ge Yohanes, gae baharap kaatn' tarutn' umpatn' ayo. ⁶Ao' tapi, Petrus Nyansana, "Iko' kati ani perak ato' barawatn', tapi da iko' umpu' ao' ko' mangkatn' ka imu'. Sadatn gaat Kristus Yesus sok Nazaret dakoh, umpatn ge bajalatnlah!"⁷Lakakoh, Petrus minte barek santao' sok dakoh ge bantu nie' agutn'. Saat dakoh uga, kaja ge tukuk a' jadi kuat. ⁸Nige nyantak, nie' agutn' ge mule bajalatn'. Lalu, nie' maruh ka sadatn Bait Jabata samahu Petrus ge Yohanes, gae bajalatn', ge nyantak-nyantang, serta memuji Jabata.⁹Samaan sok' mile a' bajalatn ge memuji Jabata , ¹⁰ge ayo' a' ngenal bahwa sok' dakohlah da biasa a' unyung ka Gerbang Indah Bait Jabata yak mohon sadakah. Ayo' a' batol takjub ge kagum mile kejadian a'. Petrus Nyansana ka Sok Karah.¹¹Salagi sok dakoh bajinte ka Petrus ge Yohanes, samaan sok bagaga wak ayo' ka serambi da gatn muji Serambi Salomo, nige' rase takjub. ¹²Lalu, pas Petrus mile a', nie' nyansana wak sok karah dakoh, "He ayo' sok Israel, jai bah mu heran ge hal diah ato' jaibah akump nyantunung kai saolah-olah nige' kuasa ato' sara adup kai ta, kai laka umas sok diah bajalant?¹³Jabata Abraham, ge Ishak, ge Yakub, Jabata nini moyang kai laka memuliahakan hamba-A, Yesus, da akump' nyerah a' ge nolak ka muka Pilatus pas nie' laka mamutus a' yak ngarapas-A'. ¹⁴Ao tapi, akump' da nolak Da Kudus ge Benar, ge akump' mahe nyungan sok pangamis gatn ngarapas a' yak akump',¹⁵ge akump' ngamis Sang Pamangkatn' Idup, da laka Jabata mangkidup a' umpatn' antara sok' kabis. Tantang diah, kai anilah saksi-saksi. ¹⁶Ge badasar iman ka gaatn-A', kohlah gaatn' Yesus, laka nguat a' are da akump' mile ge kanal diah. Ge, iman da utukng lewat Inie laka mangkatn' kasihatan da sempurna ka are diah ka tura akump samaan.¹⁷Mati' ta, Age-ageko', iko' pane bahwa akump' batindak tapi akump' kati pane jai-jai samu ta uga da gatn ayo' pemimpin akump umas. ¹⁸Ao' tapi, da Jabata muji a' sabelum a' lewat baba samaan nabi bahwa Kristus ao' mandarita, laka Ni' genapi.¹⁹Oleh karna dakoh, Batobatlah ge maliklah, supaya dose-dosekump' gatn' ngapus, ²⁰Sahingga waktu kelegaan utukng umpatn kahadiran Tuhan, ge supaya Ni' ngutus Kristus da laka gatn netap a' yak' akump', kohlah Yesus,²¹da harus surga narima sampe ka waktu pemulihan sagale hal samu da laka Jabata muji a' lewat ayo' nabi-A' da kudus sajak zaman idu. ²²Musa nyansana, "Tuhan Jabatakump' ao' mangkidup a' yak' akump' nyungan nabi samu iko' umpatn' antara age-agekump' sadi. Akump' harus dangah a' sagale hal da nie' muji wak akump'. ²³Ge ao' tajadi, satiap jiwa, da kati dangah a' nabi dakoh ao' gatn' ngalanyap umpatn' antara bangsa."²⁴Ge, samaan nabi da pernah nyansana, mule umpatn' Samuel ge ayo' a' sasudah a' uga ba pasan ano'-ano' diah. ²⁵Akump' anilah katurunan umpat' ayo' nabi ge umpatn' panjanjian da laka Jabata umas nige' nini moyangkump', nige' nyansana ka Abraham, "Lewat banekump', samaan katurunan ka muke tana paitn' ao' gatn' berkati." ²⁶Jabata, ngalaka mangkidup a' hamba-A, ngirim ta-A wakakump' labih uruyak mambarkatikumpn' nige' umas satiap sok' umpatn' antarakumpn' babalik umpatn' kajahatan."

Chapter 4

¹Waktu Petrus ge' Yohanes nyansana ka sok da karah, utuknglah ka ayo'a para imam, kapala panjaga Bait Jabata, ge ayo' sok Saduki, ²nige' batol baji karna ayo' a' ngajar sok karah ge ngabar a' ka sadatn Yesus ani pangkidup a' umpatn antara sok kabis. ³Alu, ayo' a' nangkap Petrus ge Yohanes ge ngamaruh a' ka sadatn panjara sampai jakap ano' a' karna ano nga ngarum. ⁴Namun, karah umpatn ayo' a' da laka dangah baba' ayo' rasul jadi pacaya, ge jumlah ayo' are ka antara ayao' jadi kira-kira rima ribu sok.⁵Ka jakap ano a', pamimpin-pamimpin, ama-ama, ge ahli-ahli Taurat ayo' a' ba kumpul samahu ka Yerusalem, ⁶Samahu nige' Imam AhyoHanas, ge Kayafas, Yohanes, Aleksander, ge samaan sok umpatn Imam Ahyo. ⁷sangkakoh ayo' a' manna' a' Petrus ge Yohanes ka tengah-tengah, ayo' a' mansikatn,"Nige' kuasa jai ato nige' gaatn asibah imu' umas a' hal diah?"Lalu, Petrus, gat'n penuhi nige Roh Kudus, nyansana ka ayo'a, "Para pemimpin bangsa ge' ama-ama, ⁹ Sa' kai' gat'n mariksa ano diah karna suatu parbuatan bait da ngalaka kai' bulah tradap sok da lamah diah, nige cara jaipun sok diah ngalaka gat'n nyembuh? ¹⁰ Kate'a hal diah gat'n pane uleh imu' samaan ge samaan sok Israel bahwa uleh nama Kristus Yesus, Sok Nazaret, da imu' nyalib, da ngalaka Jabata ngalumpat umpat'n antara sok kabis, sok diah agut'n ka turamu' ka sadat'n ka adaan sehat.¹¹Yesus diah anilah: 'Batu da gatn nolak kat imu', tukang-tukang bangunan, da ngalaka jadi Batu Penjuru. ' ¹²Ge, kati ani keselamatan ka sadatn asipun laitn a' karna kati ani gaatn laitn ka saroh rangit gatn mangkatn ka anatara talino da kat gaatn dakoh ite kaatn gatn selamat a"¹³ Sa' ayo'a mile Petrus pagat'n ge' Yohanes ngarati bahwa ayo'a diu'ta ayo-sok kati tarpalajar ge awam, ayo'a jadi heran ge' mule mangenali bahwa kadua'a parnah bariuh nige Yesus. ¹⁴ Ge', ngalaka mile sok da ngalaka gat'n nyembuh dakoh agut'n ka samping Petrus ge' Yohanes, ayo'a kati kaat'n mambantah'a.¹⁵Ao' tapi, waktu ayo' a' ngadu a' Petrus ge Yohanes yak ngagat a' Sanhedrin, ayo' a' barunding nyungan ge' da laitn, ¹⁶nige' nyansana, "Jai da arus ite umas a' terhadap kadua sok diah? Sebab, nyabuah tande ajaib da luar biasa laka jadi lewat ayo' a' ge batol nyata bagi samaan sok da madi ka Yerusalem, ge ite kati kaatn nyangkat a'. ¹⁷Ao tapi, supaya hal diah kati semakin ta sebar ka antara ay0' sok, kaeh ite ngancam ayo' a' yak kati agi nyansana wak asipun sadatn gaatn dakoh." ¹⁸Lakadakoh, ayo' a' maba' Petrus ge Yohanes, alu ngadu a' kadua a' yak kati nyansana ato ngajar a' jaipun sadatn gaatn Yesus.¹⁹ Tapi aok'a, Petrus ge' Yohandes jawab ge' nyansana ka ayo'a, "santaklah, dume da taman ka sadat'n pandangan Jabata, ya' dangah'a imu' labih dari pada Jabata? ²⁰ Sa', kai' kati bisa kacuali muji hal-hal da ngalaka kai' mile ge' dangah."²¹ Maka, sa' ayo'a terus ngancam Petrus ge' Yohanes, ayo'a mambiar rasul-rasul dakoh anu, ngalaka kati gat'n amput cara ya' ngukum kadua'a uleh karna sok karah da mamuji Jabata ka samo jai da ngalaka tarjadi. ²² Sa', sok da ka ini' tande kasembuhan dakoh ngalaka gat'n nyata, ngalaka barusia labih dari ampat puluh taun. Petrus ge' Yohanes kambali ka Ayo-age Saiman²³ Sa' ngalaka gat'n ngabebas, Petrus ge' Yohanes anu ka kawan-kawan'a sadi ge' carita sagala sasuatu da gat'n nyansana uleh para imam kapala ge ayo-pangama ka ayo'a. ²⁴ Ge', sa' kawan-kawan'a dakoh dangah'a, ayo'a majaka sarat'n ayo'a ka Jabata nige sa ate ge' nyansana, "Aik Tuhan, Imu'talah rangit, bumi, laut ge' sagala isi'a, ²⁵ da nyansana nabo Roh Kudus, nabo baba hamba-Mu, Daud, ninek moyang kai': 'Jai bangsa-bangsa lait'n baji, ge' ayo-sok mampratikan da sia-sia?²⁶ Raja-raja dunia basiap-siap, ge' para panguasa bakumpul bariuh, malawan Tuhan ge' malawan da Gat'nurapi-A.'²⁷ Sa', sabanar'a wak kota diah ngalaka bakumpul basamahu ya' malawan Yesus, Hamba-Mu' da Kudus, da Kup'm urapi, bait Herodes ge' pontius Pilatus, samahu nige bangsa-bangsa lait'n, ge' ayo-sok Israel, ²⁸ ya' bulah sgala sasuatu da uleh barek-Mu ge' rancana-Mu ngalaka gat'n nentu sabelum'a ya' tarjadi.²⁹ Ge' mati, Tuhan, milelah ancaman-ancaman ayo'a ge' karunia hamba-hamba-Mu' diah ya' nyarita firman-Mu' nige pagat'n, ³⁰ Samantara kup'm mangulurkan barekng-Mu' ya' nyembuh'a ge tande-tande nige kaajaiban-kaajainada tarjadi uleh gaat'n Hamba-Mu' da kudus,Yesus." ³¹ Ge', ngalaka ayo'a badoa, baguncaknglah tampat ayo'a bakumpul samahu ge' ayo'a samaan gat'n penuhi nige Roh Kudus, nige tarus nyarita Firman Jabata nige pagat'n. Kaidupan Sok pacaya³² Ge', kumpulan ayo'a da pacaya basatu ate ge jiwa. Kati ani nyunganpun da nyansana bahwa barang da ni' umpu diu'ta umpu adup'a, tapi sagala sasuatu diu'ta umpu ayo'a samahu. ³³ Lalu, nige kuasa da aihyo para rasul mangkat'n kasaksian ayo'a tentang ngalumpat Tuhan Yesus ge anugerah da aihyo ani ka samo ayo'a samaan.³⁴ Kati ani nyunganpun da kakurangan wak antara ayo'a barang samaan sok da umpu uma ato ramin, nyual'a, ge' minsakng asil panjual'a, ³⁵ lalu mana'a wak kaja para rasul, ge' gat'n ngabagi masing-masing sok sasuai nige kabutuhan'a.³⁶ Lakoh uga Yusuf, sok Lewi, katurunan Siprus, da uga gat'n maba uleh para rasul, Barnabas, da barati 'anak panghiburan', ³⁷ nyual uma da gat'n nak umpu ge' minsakng uang'a, lalu mana'a ka kaja para rasul.

Chapter 5

¹Ao' tapi, Ani nyungan sok are da bagaat Ananias, samahu nige' saut a', Safira, nyual harta milik a'. ²Ge, nige' saut a' panane, Ananias nahan nya bagian hasil jualan a' yak adup a' sadi, ge hanya minsakng da nyabagian, lalu mana' a' ka depan kaja ayo rasul.³Namun, Petrus nyansana, "Ananias, jai Balis nampanhu atemu' sahingga imu' nga laceh wak Roh Kudus ge nahan nyabagian hasil jualan tana' dakoh? ⁴Waktu maseh tingan gatn nyual, inya bak dakoh tatap milikmu? Ge, laka gatn nyual a', inya bak tana' dakoh ani ka saroh kuasamu'? Jailah imu' mikir parbuatan diah ka sadatn atemu'? Imu' kati laceh wak talino, tapi wak Jabata." ⁵Lalu, waktu dangah saratn dakoh, Ananias jantu ge nga mungkas a' nafas a' da tarakhir. Maka, aru buut ta lah samaan sok da dangah hal dakoh. ⁶Nyamani sok anggod utukng, nakatn saput kapan a', ge nangkon a' ka sato', lalu nyibur a'.⁷Laka dakoh, Nga ani kira-kira taru jam, saut Ananias utukng, tapi ni' ti pane jai da nga tajadi. ⁸Ge, Petrus nyansana wak'ini', "Muji a' wak'iko', ani ta mu nyual tana' dakoh nige' raga' nya diah?" Ge, Safira nyansana, "Ae, nya dakoh ta."⁹Laka dakoh Petrus nyansana wak' ini', "katn jai imu' ge banunmu' samahu ba pakat yak nyoba Roh Tuhan? Mile ta, tawa' kaja sok da ngalaka nyibur banunmu' masih ani ka depan pintu ge ayo' a' uga ao' nangkonmu' ka sato'." ¹⁰Tiba-tiba, Safira jantu ka tura kaja Petrus ge mungkas nafas a' da terakhir. waktu ayo' sok kangod maruh, ayo' a' mile Safira nga kabis, lalu ayo' a' nangkon a' ka sato' ge nyibur a' ka samping sibur banun a'. ¹¹Maka, ta jadi aru buut ka antara samaan jemaat ge ayo' sok da dangah hal diah. Tande-tande Ajaib umpatn Jabata.¹²Karah tande ajaib ge mukjizat tajadi ka antara sok karah lewat barekng ayo rasul ge ayo' a' samaan nige' sa ate madi ka Serambi Salomo. ¹³Kati ani umpat da laitn a' magat adup a' yak ba gabung nige' ayo' a', tapi ayo' sok sangat memuliakan ayo' a'.¹⁴Ge, ani semakin karah agi jumlah sok da pacaya ka sadatn Tuhan, samaan sok, baitn are maupun mahung. ¹⁵Karna dakoh, ayo' a' bahkan nangkon ayo' sok anap ka pagala ge ngojor a' ayo' a' ka samo tandu ge tilam jerami supaya waktu Petrus utukng, paling kati amot-amot a' bisa aboh ka ayo' a' da baring dakoh. ¹⁶Uga, ani karah sok umpat kota-kota ka sekitar Yerusalem utukng samahu, minsakng ayo' sok anap ge ayo' a' da gatn rasuk roh-roh jahe. Ayo' a' samaan gatn mangkhauhat. Ayo Rasul gatn Nangkap¹⁷Namun, ayo' imam ahyo bangkit, samahu nige pengikut a', yaitu golongan Saduki, ge ayo' a' gatn panhu nige' iri ate. ¹⁸Ayo' a' nangkap ayo' rasul ge nga maruh a' ka sadatn panjara umum.¹⁹Ao tapi, waktu ngarum ano, nyungan malaikat Tuhan muka pintu-pintu panjara, nuntun ayo' a' mungkas, ge nyansana, ²⁰"Ano, agutn, ge muji ta, wak' ayo' sok ka Bait Jabata samaan firman tentang kahidupan diah." ²¹Ge, ngalaka ayo' a' dangah a', jangkah waktu subuh, ayo' a' maruh ka sadatn Bait Jabata ge mule ngajar, waktu iman Ahyo ge ayo' sok da samahu a' utukng, ayo' a' ngumpul a' Sanhedrin ge samaan majelis tua-tuaIsrael, lalu ngadu sok ka panjara yak minsakng ayo' rasul dakoh ngadap ayo' a'.²²Namun, waktu ayo' sok da gatn ngadu dakoh sampe, ayo' a' kati umput ka dua rasul dakoh ka panjara. lakadakoh, ayo' a' ure ge mangkatn laporan, ²³nige' nyansana, "kai mile panjara dakoh ta kunci nige' samaan pangamanan ge ayo' penjaga agutn ka depan pintu, tapi waktu kai muka a', kai kati ampud a' nyunganpun ka sadatn a."²⁴Ge, waktu kepala panjage Bait Jabata ge ayo' imam kepala dangah saratn a' dakoh, ayo' a' aru bingung nige' ayo' rasul dakoh ge mansikatn-sikatn langkina bisa hal dakoh bisa ta jadi. ²⁵Lakadakoh, ani sok utukng ge mangkatn pane ayo' a', "Mile ta! Ayo' sok da imu' nga masok a' ka sadatn panjara sadang nage ka Bait Jabata ge ngajar sok karah."²⁶Lalu, kepala Penjaga Bait Jabata nige' pengawal a' ano ge nabatn ayo' rasul dakoh, tapi kati nige' kakarasan karna ayo' a' buut gatn mono ge batu kat sok karah. ²⁷Waktu ayo' a' laka nabatn Petrus ge Yohanes, ayo' a' menghadapkanya wak' Sanhedrin. lalu, imam Ahyo mansikatn ayo' a', ²⁸Wat a', "Kai laka mingatnmu' nige' karas agar kati agi ngajar ka sadatn gaatn dakoh, tapi imu' laka namppanhu Yerusalem nige' ajaranmu' ge imu' bermaksud yak nanggong a' dayya' Sok diah wak' kai."²⁹Namun, Petrus ge ayo' rasul naham, "Kai harus labih taat ka Jabata daripada ka talino. ³⁰Jabata nenek moyang ite laka mangkidup Yesus, da laka imu ngamis nige' ngantukng-Ni' ka kayu salib. ³¹Jabata majaka a' Ini' ka barekng santao- Ini' sebagai Pamimpin ge Juru Selamat yak mangkatn pertobatan bagi Israel ge pangampunan ka dosa-dosa. ³²Ge, kai anilah saksi-saksi umpatn samaan diah, ge ladakoh uga Roh Kudus, da laka Jabata mangkatn wak' ayo' sok da nganti-Ini'³³Waktu ayo' a' dangah hal dakoh, ate ayo' a' gatn nusuk ge ba maksud yak ngamis ayo' rasul dakoh. ³⁴Ao' tapi, Ani sok Farisi da bagaatn Gamaliel, ni' guru Taurat da gatn hormati samaan sok, agutn ka hadapan Sanhedrin ge ngadu agar ayo' rasul dakoh gatn nabatn ka sato sabantar.³⁵Lalu, ni' nyansana wak' ayo' a', "Hai ayo' sok Israel, perhatikan nige' saksama jai da ao' imu' umas tahadap a' ayo' sok diah. ³⁶Sabab, mani ano da lalu, Teudas bangkit, ngaku adup a' sebagai sok penting ge kira-kira ani ampat ratus sok da ba gabung nige' a. Ao' tapi, ni' gatn ngamis ge samaan pengikut a' tercerai-berai, sampe kati ani sama sekali. ³⁷Laka Teudas, Yudas umpatn Galilea bangkit, ka ano-ano sensus, ge menarik karah sok yak ngikut a'. Ni' uga gatn ngamis ge samaan sok da ngikut a' tercerai-berai.³⁸Karna dakoh, ka kasus diah, iko' menasehatkan imu': jauhi ayo' sok diah ge biar ta ayo' a'. Sabab, jika rencana ge parbuatan diah barasal umpatn talino, hal dakoh kati ao' berhasil. ³⁹Namun, jika rencana diah bbarasal umpatn Jabata, imu' kati ao' mampu ngakamadi a'. Bahkan, imu' mungkin ao' gatn ampud sadang melawan Jabata."⁴⁰Ayo' a' menuruti nasehati Gamaliel. Kemudian, laka mabba' kadua rasul dakoh, ayo' a' mokol kadua a' ge ngalarang ayo' rasul yak nyansana sadatn gaatn Yesus, lalu ngarapas a'. ⁴¹Karna dakoh, ayo' rasul ikoh ano umpatn hadapan Sanhedrin nige' ba sukacita sabab ayo' a' gatn ngangap layak menderita penghinaan demi gaatn-Ini'. ⁴²Ge, satiap ano, ka Bait Jabata ngajar ge memberitakan Injil bahwa Yesus anilah Kristus.

Chapter 6

Ijo Ungan Gatn Milih Yak Pelayanan Khusus ¹Ka ano-ano dakoh, waktu jumlah murid tarus batambah, ani keluhan da muncul umpatn ayo sok Helenis wak ayo sok Ibrani asli. karna janda-janda ayo' a' gatn ngabai sadatn pelayanan pangkuman tiap ano.²Maka, kadua balas rasul dakoh maba' samaan murid ge' muji', "Kati taman ka kai ya' ngabai firman Tuhan hanya karna ngate malayan meja. ³Karna dakoh, age-age, milihta ijo unganumpatn antaramu' da tarbukti bait, panhu ge' Roh Kudus ge' hikmat, da ao' kai ngangkat ya' tugas diah. ⁴Sadangkan, kai ao' batekun sadatn doa ge' sadatn palayanan firman,"⁵Pernyataan dakoh menyenangkan ate samaan sok. Ge, ayo' a' milih Stefanus, sok da panhu nige iman ge Roh Kudus, serta, Parmanes, ge Nikolaus, sook proselit umpatn Antiokhia. ⁶Ayo' a' diah ka saroh ka hadapan ayo rasul, ge ngalaka badoa, ayo rasul numpang barekng ayo' a' ka samo ijo sok dakoh.⁷Firman Jabata tarus ta sebar ge jumlah murid ka Yerusalem semakin ba tambah. Bahkan sa kelompok ahyo imam jadi taat ka iman dakoh. Ano Stefanus gatn naaf.⁸Ge, Stefanus, panhu nige anugerah ge kuasa, laka umas a' hal mmenakjubkan ge tanda-tanda ajaib ka anatara sok karah. ⁹Namun, ani mangan sok umpatn sinagoge da gatn muji ayo' sok Aleksandria, ge ani maningan umpatn Kilikia ge Asia, bangkit ge ba ulek nige Stefanus.¹⁰Ao' tapi, ayo' a' dakoh kati mampu membantah kebijaksanaan ge Roh da nige-A' Stefanus nyansana-sana. ¹¹alu, nige' tunguh-tunguh ayo' a' ngasut nyamani sok yak nyansana, "Kai laka dangah sok diah mengucapkan kata-kata hujatan terhadap Musa ge Jabata!"¹²Ge, ayo' a' ngansa sok karah, tua-tua, ge ahli-ahli Taurat, alu utukng ngariket Stefanus, nangkap a', alu minsakng a' ka hadapan Sanhedrin. ¹³Ayo' a' nampilkan saksi-saksi palsu da nyansana, "Sok diah kati pernah madi mengucapkan kata-kata da melawan tempat kudus diah ge Hukum Taurat. ¹⁴Sabab, kai laka dangah ini'e muji bahwa Yesus umpatn Nazaret ao' ngancur a' tampat diah ge ngubah adat istiadat da laka gatn waris a' Musa wak kai." ¹⁵Ge, waktu mile bahas Stefanus, samaan sok da unyung sadatn Sanhedrin mile bahas a' samu bahas malaikat.

Chapter 7

¹ laka dakoh, Imam Aihyo muji, "diu'ta taman ladiah?" ² Ge', Stefanus muji', "Ayo-age ge sama'-sama', daangah ta iko'. Jabata da Mahamulia nampak ka ninek moyang ite, Abraham, pas ini' masih madi wak Mesopotamia, sabalum ini' madi wak Haran, ³ ge' muji' ka ini', 'anulah umpat'n tana'mu ge' umpat'n ayo-agemu', lalu utuknglah ka tana' da aok gat'n nujo ka imu'.⁴ Laka dakoh, Abaraham ngagat'n tana' sok Kasdim ge' madi wak Haran. Ge' umpat'n teet'n, ngalaka sama'a ninggal, Jabata ngadu'a pindah ka tana' diah, tampat mati' imu' madi. ⁵ Sa', Jabata kati mangkat'n warisan ka ini', bahkan satapak tana' pun kati, tapi bajani ya' mangkat'n'a ka Abraham sabage umpu'a ge' katurunan ngalaka ini', maskipun Abraham ti'nga umpu anak.⁶ Tapi aok'a, Jabata muji' ladiah, kalo katurunan'a aok jadi pandatang wak tana' da asing ge' kalo ayo'a aok gat'n ngakabudak gae gat'n nganiaya salama ampat ratus taun. ⁷ 'Sa' Iko' aok ngukum bangsa da mamparbudak ayo'a, 'wat'n Jabata, 'Ge', ngalaka dakoh ayo'a aok mungkas umpat'n teet'n ge' sambayang ka-Iko' wak tampat diah.' ⁸ Lalu, Jabata mangkat'n ka Abaraham pajanjian baturih maka Abraham jadi sama' Isak ge' baturih saat baumur mani ano ge' Isak sama' Yakub ge' Yakob, ka dua balas sama' laluhur.⁹ Karna iri ka Yusuf, sama' laluhur ite nyual'a ka Mesir. Tapi aok'a, Jabata Manyertai Yusuf, ¹⁰ ge' nyalamatkan'a umpat'n samaan panderitaan, gae mangkat'a anugerah ge' kabijaksanaan wak tura Firaun, Raja Mesir, da umas'a jadi pamimpin ka samo Mesir ge' saluruh istana'a.¹¹ Pas waktu'a, bancana saburuk tarjadi wak saluruh Mesir ge' Kanaan, gae manyababkan panderitaan da paling aihyo, ge' sok dama' idu' ite kati bisa kaat'n pangkuman. ¹² Tapi aok'a, pas Yakub dangah kalo ani gandum wak Mesir, ini' ngadu sok dama'a utukng ka teet'n ya' partama kali'a. ¹³ Pas kunjungan da kadua, Yusuf umas adup'a gat'n pane uleh ayo-age'a, ge' kaluarga Yusuf jadi jelas bagi firaun.¹⁴ Ngalaka dakoh, Yusuf mangirim pusut'n ge' mangundang Yakub, sama'a, ge' samaan ayo-age'a, samaan'a bajumlah 75 jiwa. ¹⁵ Maka, Yakub disah ka Mesir ge' ini' kabis ka teet'n ini' ge' sok dama ite. ¹⁶ Umpat'n teet'n, ayo'a gat'n mindah ka Sikhem ge' gat'n nabarikng wak kuburan da laka Abraham mari nige sajumlah uang umpat'n anak-anak Hemor wak Sikhem.¹⁷ Tapi aok'a, pas mangkin jiket waktu'a parjanjian dakoh, da laka Jabata ikrarkan ka Abraham, bangsa dakoh batambah ge' gat'n ngalipat gandakan wak Mesir, ¹⁸ Sampe ani raja lait'n bangkit ka samo saluruh Mesir, da kati pane tentang Yusuf. ¹⁹ Raja dakoh mampardaya bangsa ite sahingga makse ayo'a matat'n bayi-bayi ayo'a sahingga ayo'a kati kaat'n batahan idup.²⁰ Pas masa dakoh, Musa lahir ge' ini' tampa elok wak matu Jabata. Ge', Musa gat'n nyamun wak ramin sama'a salama tiga burat'n. ²¹ Ge', putri Firaun naap'a ge' ngangkaihyo'a ulah anak'a sandiri.²² Maka, Musa gat'n ngadidik ka sadat'n sagala hikmat ayo-sok Mesir ge' ini' bakuasa ka sadat'n parkataan ge' parbuatan'a. ²³ Barang, pas Musa ganap bausia ampat puluh taun, muncul ka sadat'n ate'a ya' mangunjung ayo-age'a, diu'ta katurunan Israel. ²⁴ Ge', pas mile sara' nyiteng umpat'n ayo'a gat'n mamparlaku nige kati adil uleh sok Mesir, Musa utukng mambela sok da gat'n nganiaya dakoh ge' mambalas nige ngamis sok Mesir dakoh. ²⁵ Musa ngira kalo ayo-age'a aok ngerti kalo Jabata mangkat'n ayo'a kasalamatan nabo adup'a, tapi ayo'a kati ngerti.²⁶ Pas ano jakap'a Musa ka sok Israel da sadakng badaru, ge' ini' barusaha ngadu ayo'a dame, nige muji', 'Hei, inyakah ayo'kup'm ani hubungan ba age, jai saling mangkanap'm?' ²⁷ Sa', sok da mangkanap'm age'a dakoh nyingkir Musa ka suut'n sambil nyansana, 'Asi da ngadumu' bakuasa ge' hakim ka samo kai'? ²⁸ Jai'ta imu'; ngate ngamis ko' ulah imu' ngamis sok Mesir dakoh rami?'²⁹ Dangah sarat'n sok dakoh, Musa boho adup'a ge' jadi pandatang wak tana Median. Wak teet'n, ini' jadi sama' umpat'n dua ungan anak are-are. ³⁰ Pas laka ganap ampat puluh taun, nyungan malaikat nyua adup'a ka Musa wak padakng balantara gunung Sinai, sadat'n rata' api wak rumpo unak.³¹ Waktu musa mile'a, ini' heran nige pamile'a dakoh. Ge', waktu ini' ngariket'a ya' namparu'a, utuknglah sarat'n Tuhan, ³² 'Iko'lah Jabata ninek moyang mu', Jabata Abraham, ge' Jabata Ishak, ge' Jabata Yakub.' Musa pun bakutur buut ge' kati pagat'n ya namparu'a.³³ Laka dakoh, Tuhan nyansana ka ini', 'da muhu sandal umpat'n kajamu' barang tampat wak ume imu' agut'n diu'ta tana suci. ³⁴ Iko' taman-taman ngalaka mile panderitaan umat-Ko' da ani wak Mesir ge' laka dangah ayo'a ge' iko' laka disah ya' nyalamat ayo'a. Ge' mati' kaehlah, Iko' aok mangutusmu' ka Mesir.'³⁵ Musa, da ngalaka ayo'a nolak nige nyansana, 'Asi ta da ngadumu' bakuasa ge' hakim ka samo kai'?' Ini' diu'ta sok da Jabata utus ya' jadi, bait bakuasa maupun panyalamat, nabo barekng malaikat da nyua adup'a ka ini' wak rumpo unak. ³⁶ Sok diah mimpin ayo'a mungkas, sambil nyua mukjizat ge' tande-tande ajaib wak tana Mesir, ge' wak Laut taransak, ge' wak padakng balantara salama ampat puluh taun. ³⁷ Musa diahlah da nyansana ka bangsa Israel, 'Jabata aok ngabangkit bagimu' nabi ulah iko' umpat'n antara ayo-agemu'.'³⁸ Ini' diah diu'ta sok da ani wak antara jamaat wak padakng balantara samahu malaikat da nyansana ka ini' wak gunung Sinai, ge' samahu ninek moyang ite, ge' ini' laka narima firman da idup ya' mangkat'n ka ite. ³⁹ Ninek moyang ite nolak ya' taat ka Musa, tapi nyingkirkan'a ge' ngate kambali ka Mesir ka sadat'n ate ayo', ⁴⁰ nige nyansana ka Harun, 'umaskan kai' dewa-dfewa da aok bajalat'n wak depan kai' barang Musa diah, da mamimpin kai' mungkas umpat'n tana Mesir, kai' kati pane jai da laka tarjadi ka ini'.'⁴¹ Pas waktu daoh, ayo'a umas nyabuah patung anak lambu, ge' mangkat'n parsembahan ka bahala dakoh, gae basorak-sorai nige karaje-karaje barekng ayo'a. ⁴² Tapi aok'a, Jabata bapaling umpat'n ayo'a ge' mambiar ayo'a manyambah bala tantara rangit, ulah da gat'n nulis ka sadat'n kitab para nabi, ' Diu'ta imu' minsakng ka-Iko' binatang sambelihan ge' parsembahan salama ampat puluh taun wak padakng balantara, he' umat Israel?⁴³ Imu' minsakng kemah Molokh ge' binatang dewamu', Refan, patung da imu' umas ya' manyambah'a, ge' Iko' aok matat'nmu' ka sabarang Babel.'⁴⁴ Ninek moyang ite umpu kemah kasaksian ka padakng balantara, samu da Jabata marintah ayo'a nyansana ka Musa, ya' umas'a sasuai nige gambar da ngalaka ini' mile. ⁴⁵ ngalaka narima kemah dakoh, ninek moyang te' minsakng maruh samahu Yosua, ano parbuatan tana ayo'a umpat'n bangsa-bangsa lait'n, da laka Jabata nyingkir umpat'n tura ninek moyang te, sampe ka zaman Daud. ⁴⁶ Daud kaat'n kasih karunia wak tura Jabata ge' mahi ya' kaat'n tampat pamadi bagi Jabata Yakub.⁴⁷ Tapi aok'a, Salomo da mantagut'n ramin bagi Ini'. ⁴⁸ Sa', da Maha tinggi kati madi ka sadat'n ramin da gat'n umas uleh barekng talino, ulah da gat'n muji uleh nabi, ⁴⁹ 'Rangit diu'ta takthaKo' ge' buni diu'ta tumpuan kaja-Ko'. Ramin diu'ta da aok imu' mantagut'n bagi-Ko'?' Jabata bafirman, 'Ato, diu'ta tampat paristirahatan-Ko'? ⁵⁰ Inyakah barekng-Ko' da umas samaan'a diah?'⁵¹ Hei, imu' ayo-sok da karas kapala, nige ate ge' rajak da kati baturih, imu' slalu manantang Roh Kudus , ulah da gat'n bulah uleh ninek moyangmu! ⁵² Nabi-nabi ume da kati gat'n nyiksa uleh ninek moyangmu? Ge', ayo'a ngamis ayo-sok da sabalum'a laka ngumum pajutukng sang Kabanaran, da mati laka jadi adupmu' sadi sabage pangkhianat ge' pangamis. ⁵³ Imu', da laka narima Hukum Taurat ulah laka gat'n nyampe uleh ayo malaikat, tapi imu' kati ngajaga'a!'" Stefanus Gat'n ngamis⁵⁴ Ano ayo'a dangah hal-hal diah, ate ayo'a tatusuk ge' bagaraget japu ayo'a tradap Stefanus. ⁵⁵ Tapi aok'a, Stefanus da gat'n ngampahnu uleh Roh Kudus mile ka rangit ge' mile kamuliaan Jabata, ge' Yesus agut'n wak suut'n kanan Jabata. ⁵⁶ Stefanus nyansana, "Dangah! Iko' mile rangit tabuka ge' Anak Talino agut'n wak suut'n Jabata."⁵⁷ Sa', ayo'a kaekng-kaekng nige sarat'n da karas, ge' nutup rajak ayo'a, gae sapakat manyerbu Stefanus. ⁵⁸ Lalu, ayo'a ngarihit'a mungkas umpat'n kota ge' mule munu'a nige batu. Laka dakoh, ayo saksi matu muhu jubah ayo'a wak kaja sok nyungan kangot bagaat'n Saulus.⁵⁹ Ge', ayo'a malar narajang Stefanus da sadakng baseru ge' nyansana, "Tuhan Yesus, tarimalah rohko'." ⁶⁰ Laka dakoh, ngalaka balutut, ini' baseru nige sarat'n karas, "Tuhan, iya' tanggongkan duse diah ka ayo'a!" Ge', ngalaka nyansana'a ini' pun kabis.

Chapter 8

¹Ge, Saulus pun nyatujui ngamis Stefanus dakoh. Saulus membinasakan Jemaat ka Yerusalem jangkah ano' dakoh, penganiaayaan da ahyo tajadi tahadap jemaat ka Yerusalem, ge ayo' a' samaan, kacuali ayo' rasul. ²Ani maningan sok saleh ano nyibur Stefanus ge batol ngawang padara Stefanus koh ta. ³Ao' tapi, Saulus barusaha membinasakan jemaat nige' maruh ka tiap ramin. Ni nyeret bait are maupun mahung, lalu nyarah ta ayo' a' ka panjara. Filipus Ngabar Injil ka Samaria.⁴Lalu, ayo' a' laka tapansar dakoh ba kaliling sambil ngabar Injil. ⁵Filipus sosor ka ranto kota ka Samaria ge ngabar tentang Kristus.⁶Ge, sok karah nige' sa ate nyantunung jai da Filipus muji waktu ayo' a' dangah ge mile tande-tande ajaib da ni' umas. ⁷Sabab, roh-roh jahe mungkas umpatn ayo' sok da gatn ngarasuk. Gae ngampak nige' saratn dsa kuat, serta karah sok lumpuh ge pincang da gatn mangkuhat. ⁸Karna dakoh, ani sukacita ahyo ka kota dakoh.⁹Namun, ani sok are da bagaatn Simon da biasa a laka mempraktek sihir ka kota ge umas kagum samaan sok Samaria, nige' muji bahwa adup a' sok kuat. ¹⁰Samaan sok, mule umpatn sok paling inik sampe sok ahyo, nyansana, "Sok diah anilah kuasa Jabata da gatn muji 'Kuat'." ¹¹Maka, ayo' a' pacaya wak' ini' ta karna ngatuhi ni' da umas ayo' a' takjub nige' ilmu sihir a'.¹²Namun, ngalaka ayo' sok dakoh pacaya Filipus da ngabar Injil tentang Kerajaan Jabata ge gaatn Kristus Yesus, ayo' a' gatn Baptis, baitn are maupun mahung. ¹³Bahkan, Simon da pacaya ge laka gatn baptis, ni' tarus madi ka reketFilipus, ge jangkah mile berbagai mukjizat ge tande-tande ajaib da ta jadi, ni' jadi takjub.¹⁴Ka waktu dakoh, waktu ayo' rasul ka Yerusalem dangah bahwa ayo' sok Samaria laka narima Firman Jabata, ayo' a' ngutus Petrus ge Yohanes wak' ayo' sok ka Teetn, ¹⁵da utukng ge badoa yak ayo' a' agar ayo' a' narima Roh Kudus. ¹⁶Sabab, Roh Kudus tinga susor samo sok pun umpatn ayo' a', ayo' a' hanya laka gaatn baptis ka sadatn gaatn Tuhan Yesus. ¹⁷Lalu, Petrus ge Yohanes mana barekng a' ka samo ayo' a' ge ayo' a' narima Roh Kudus.¹⁸waktu Simon mile bahwa Roh Kudus gaatn mangkatn lewat penumpangan tangan ayo' rasul, Simon nawar uang wak' ayo' rasul dakoh, ¹⁹Nige' nyansana, "Mangkatn ta uga wak'iko' kuasa diah supaya satiap sok da wak' a' iko' numpangkan barekngko' ao' narima Roh Kudus."²⁰Ao' tapi, Petrus nyansana wak' Simon, "Semoga uangmu' dakoh binasa samahumu' karna imu' mikr imu' bisa kaatn karunia Jabata nige' uang! ²¹Imu' kati ani bagian atau hak sadatn hal diah karna atemu' kati tamud ka hadapan Jabata. ²²Jadi, ba tobatlah umpatn parbuatanmu' da jahe' diah ge ba doa ta lah wak' Tuhan supaya, jika mungkin, niat atemu' bisa gatn ngampun wak'mu'. ²³Sabab, iko' mile bahwa imu' ani ka sadatn sampadu da pe'et ge sadatn jeratan da jahe.²⁴Namun, Simon jawab ge nyansana, "Badoa tal ah yak iko' wak' Tuhan supaya jai da laka akump muji kati aboh ka iko'."²⁵Maka, ngalaka Petrus ge Yohanes bersaksi nige' batol-batol ge muji firman Tuhan, ayo' a' malik buhut ka Yerusalem gae ngabar Injil ka karah desa sok Samaria. Filipus Membaptis Sok Etiopia²⁶Lakadakoh, malaikat Tuhan nyansana wak' Filipus, wat' a', "Agutn ta lah ge anolah wak Selatan, ka gala da susor umpatn Yerusalem ka arah Gaza. gala dakoh anilah gala da sunyyi'." ²⁷Filipus pun agutn ge barangkat. Ge, tile sok Etiopia, da anilah sida-sida umpatn sok pejabat pengadilan Sri Kandake, Ratu Kerajaan Etiopia. Ni' ba tanggung jawab ka samaan harta sang ratu. Ni' nga utukng ka Yerusalem yak sambayang, ²⁸ge sadang malik ure, gae unyung ka sadatn kereta a' ge maca kitab Nabi Yesaya.²⁹Lalu, Roh nyansana wak' Filipus, "Anu' ge bagabunglah nige' kereta dakoh." ³⁰Maka, Filipus ta lama' ka kereta dakoh ge dangah sok dakoh sadang maca kitab Nabi Yesaya. Filipus mansikatn wak' a', "Ngarati bak tuan jai da sadang tuan maca?" ³¹Ge, sok dakoh naham, "Langkina iko' bisa, kacuali ani sok bimbingko'?" Maka, ni' ngundang Filipus yak maka ge unyung samahu a.³²Ka waktu dakoh, bagian umpatn Kitab Suci da sadang ni' baca anilah diah, "Ni gatn minsakng samu nige' minsakng domba ka tampat penyembelihan, ge samu samu ge anak domba tinga gatn mogotn burut a' usup-usup hingga ni kati muka baba'-Nie. ³³Sadatn kehinaan-Ni', kati adil gatn ngarampas umpatn-Ni'. Asi da bisa nitis keturunan-Ni'? Sabab, idup-Nie laka gatn ngarampas umpatn Tana paitn.³⁴Lakadakoh, sida-sida dakoh naham ge nyansana wak' Filipus, "Iko' mohon wak' imu, tentang adupko' sadi atau tentang sok laitn?" ³⁵Lalu, Filipus muka baba' a', ge mule umpatn Kitab Suci diah, ni' ba khotbah tentang Yesus wak' a'.³⁶Ge, saat ayo' a' ano nampuh pajalatn a', ayo' a' samapai ka tempat da bapaitn, ge sida-sida dakoh nyansana, "Mile ta, ani paitn! Jai da menghalangiko' yak gatn baptis?" ³⁷(Lalu, Filipus nyansana, "Jika tuan pacaya nige' sapenuh ate tuan, tuan boleh." Lalu, ni' naham ge nyansana, "Iko pacaya bahwa Kristus Yesus anilah Anak Jabata.") ³⁸Lakadakoh, sida-sida dakoh marintah a' kereta yak madi. Ge, ayo' a' badua disah ka paitn, Filipus ge sida-sida dakoh, lalu Filipus mambaptis a'.³⁹Ngalaka ayo' a' badua mungkas umpatn pait, Roh Tuhan minsakng Filipus pergi, ge sida-sida dakoh kati mile a' agi, lalu ngalanjut pa jalatn sambil basukacita. ⁴⁰Namun, Filipus ampud adup a' tiba-tiba ka Asdod, ge waktu ni' lewat kawasan dakoh, ni' ngabar Injil ka samaan kota sampai ni' utukng ka Kaisarea.

Chapter 9

¹ Sa', Saulus, gae narus umas ancaman ge' pangamis tradap murid-murid Tuhan, anu manghadap Imam da Aihyo, ² ge' mahi surat umpat'n'a, da gat'n'a nujo ka sinagoge-sinagoge wak Damsyik sahingga sa' ini' amput asi saja da pacaya ka pagala dakoh, bait are atopun mahu, ini' kaat'n minsakng ayo'a yak nyambaleh wak Yerusalem.³ Salama ini' sadakng bajalat'n, ini' samangkin riket nige Damsyik, ge' tiba-tiba suatu cahaya umpat'n rangit mamancar kalilikng'a. ⁴ Lalu, ini' jantu ka tana' ge' dangah sarat'n da nyansana ka ini', "Saulus, Saulus, nyai imu' nganiaya Iko'?"⁵ Saulus mansikat'n, "Asi ta Akup'm, Tuan?" Ge', Ini' nyansana, "Iko'lah Yesus, da imu' aniaya. ⁶ Tapi aok'a, umpat ge' maruhlah ka kota, ge' imu' aok gat'n mangkat'n pane jai da arus imu' bulah." ⁷ Ayo-sok da anu samahu nige Saulus agut'n tanpa nyansana-sana ngalaka dangah sarat'n dakoh, tapi kati mile asi pun.⁸ Saulus agut'n umpat'n tana', ge' maskipun matu'a tabuka, ini' kati mile jai-jai. Maka, ayo-sok dakoh manuntun'a nige barekng ge' minsakng'a maruh ka Damsyik. ⁹ Ge', salama taru ano, Saulus kati kaat'n mile ge' uga kati uman ato nyucur.¹⁰ Pas waktu dakoh, ani sook murid wak Damsyik bagaat'n Ananias. Tuhan nyansana ka ini' ka sadat'n nyabuah pamile, "Ananias!" Maka, Ananias nyansana, "Ini' iko', Tuhan." ¹¹ lalu, Tuhan nyansana ka ini', 'Umpat ge' anulah ka pagala da gat'n nyabut Lurus, ge' wak ramin Yudas, najolah sok Tarsus da bagaat'n Saulus barang, milelah, sok dakoh sadakng badoa, ¹² ge' ini' laka kaat'n nyabuah pamile kalo sook bagaat'n Ananias utukng ge' numpang barekng ka samo'a supaya ini' bisa mile agi."¹³ Barang, Ananias naham, "Tuhan, iko' laka dangah umpat'n karah sok tentang sok diah, batapa karah'a kajahatan da laka ini' bulah tradap umat kudus-Mu' wak Yerusalem, ¹⁴ ge' wak teet'n ini' umpu kuasa umpat'n imam-imam kapala yak nyambaleh samaan sok da maba gaat'n-Mu." ¹⁵ Tapi aok'a, Tuhan nyansana ka ini', "Anulah barang sok diah diu'ta alat da ko'pilih yak minsakng gaat'n-Ko' ka hadapan bangsa-bangsa lait'n, ge' raja-raja, gae bangsa Israel. ¹⁶ Sa', Iko' aok nujo ka ini' batapa karah'a ini' arus manderita demi gaat'n-Ko'."¹⁷ Maka, Ananias barangkat ge' maruh ka ramin dakoh, ge' ngalaka mana' barekng'a ka samo Saulus, ini' nyansana, "Age Saulus, Tuhan Yesus, da nampak adup ka imu' ka sadat'n pajalat'nmu' ka diah, laka ngutusko' supaya imu' kaat'n mile agi ge' gat'n ngampahnu nige Roh Kudus." ¹⁸ Lalu, jangkah dakoh uga, tarut'n ulah sisik-sisik ikat'n jantu umpat'n matu'a ge' ini' kaat'n mile agi. Lakadakoh, ini' umpat ge' gat'n baptis. Saulus mule Mambrita tentang Yesus ¹⁹ Ge', ngalaka uman, Saulus gat'n nguat. Ini' samahu murid-murid wak Damsyik salama mani ano.²⁰ Ge', japat ini' nyarita Yesus wak sinagoge-sinagoge nige nyansana, "Yesus diu'ta Anak Jabata." ²¹ Samaan sok da dangah'a takjub ge' nyansana, "Inya ini' diah da ani wak Yerusalem ngamis ayo'a da nyabut gaat'n dakoh ge' laka utukng ka diah nige maksud minsakng ayo'a ka sadat'n kaadaan nyambaleh ka tura imam-imam kapala?" ²² Tapi aok'a, Saulus jadi samangkin kuat ge' mambingung ayo-spk Yahudi da madi wak Damsyik nige mambuktikan kalo Yesus diu'ta Kristus. Saulus Lolos umpat'n mani ungan sok Yahudi²³ Ngalaka ganap mani ano, ayo-sok Yahudi basakongkol samahu yak ngamis Saulus, ²⁴ tapi pasakongkolan ayo'a dakoh laka gat'n panane uleh Saulus. Ayo'a ngawas pintu-pintu garbang tano ge' ngarum supaya ayo'a kaat'n ngamis'a. ²⁵ Tapi aok'a, murid-murid Saulus minsakng'a pas waktu ngarum ge' ngadisah'a ka saroh wak sadat'n nyabuah karanjang. Saulus wak Yerusalem²⁶ Jangkah Saulus utukng wak Yerusalem, ini' nyoba yak bagabung nige ayo murid. Tapi aok'a, ayo'a samaan buut ka ini' barang kati pacaya kalo ini' diu'ta murid. ²⁷ Sa', Barnabas nyinte Saulus ge' minsakng'a ka ayo rasul, lalu nyarita ka ayo'a langkina ini' laka mile Tuhan ka sadat'n pagala, ge' kalo Tuhan laka nyansana ka ini', gae langkina ini' nige pagat'n laka nyansana ka sadat'n gaat'n Yesus wak Damsyik.²⁸ Ge', Saulus samahu-mahu ayo'a jangkah ayo'a maruh ge' mungkas umpat'n Yerusalem gae nyansana nige pagat'n ka sadat'n gaat'n Tuhan. ²⁹ Ge' nyansana ge' badebat nige sok Helenis, tapi ayo'a barusaha ngamis'a. ³⁰ Jangkah ayo-age saiman pane hal diah, ayo'a minsakng'a disah ka Kaisarea ge' ngutus'a ka Tarsus.³¹ Barang dakoh, jamaat wak samaan Yudea, ge' Galilea, ge' Samaria kaat'n dame ge' batumbuh. Ge', idup ka sadat'n buut aok gat'n Tuhan ge' ka sadat'n panghiburan Roh kudus, ayo'a malar batambah karah. Petrus wak Kota Lida ge' Kota Yope ³² Pas waktu dakoh, saat petrus kalilikng samaan rapo dakoh, ini' uga mangunjung ayo-sok kudus da madi wak Lida.³³ Wak teet'n, ini' kaat'n sook da bagaat'n Eneas, da laka gurik wak tampat pabuus'a salama mahi'taun barang ini' lumpuh. ³⁴ Lalu, Petrus nyansana ka ini', "Eneas, Kristus Yesus da ngangkawhat'nmu'. Umpatmih ge' da ngamas ta tampat pabuusmu'!" Ge', angkah dakoh uga, Eneas umpat. ³⁵ Maka, samaan sok da madi wak Lida ge' Saron mile'a ge' ayo'a babalik ka Tuhan.³⁶ Angkah dakoh, wak Yope, ani sook murid da mahu bagaat'n Tabita, da sa' gat'n nerjemah barati Dorkas. Ini' pahnu nige parbuatan bait ge' mangkat'n sadakah. ³⁷ Pas ano-ano dakoh tarjadilah, ini' anap'm ge' kabis. Lalu, jangkah ayo-sok laka mamu'a, ayo'a magurikng'a wak uhakng samo.³⁸ Barang Lida bariket Yope, ayo murid, ngalaka dangah kalo Petrus madi wak teet'n, ngadu dua ungan ka Petrus ge' mahi ka ini', "Iya' nangoh anu ka tampat kai'!" ³⁹ Maka, Petrus agut'n ge' anu samahu ayo'a. Ge', ini' nyampe, ayo'a minsakng Petrus ka uhakng samo. Samaan janda agut'n wak suut'n Petrus gae munse, gae nujo tunik-tunik ge' pangiak-pangiak lait'n'a da biasa'a gat'n umas uleh Dorkas jangkah ini' masih samahu nige ayo'a.⁴⁰ Tapi, Petrus ngadu ayo'a samaan mungkas, lalu balutut ge' badoa. Laka dakoh, ini' bapaling ka mayat Tabita ge' ini' nyansana, "Tabita, umpatmih!" Lalu, mahu dakoh muka matu'a ge' jangkah ini' mile Petrus, ini' unyung. ⁴¹ Maka, Petrus nyinte barekng ka ini' ge' nulokng'a agut'n. Laka dakoh, gae maba ayo-sok kudus ge' ayo janda, ini' nujo kalo Tabita idup. ⁴² Ge', kajadian dakoh tasabar wak samaan Yope, ge' karah sok pacaya ka Tuhan. ⁴³ Maka, Petrus madi cukup tuhi wak Yope samahu sook bagaat'n Simon, sook panyamak kurit.

Chapter 10

¹ Waktu dakoh, ka Kaisarea, ani nyungan sok da bagaatn Kornelius, nyungan parwira umpatn jai da kat magaatn pasukan Italia, ² sok saleh da buut ka Jubata, samu dakoh uga ge' samaan sok da ani ka ramin'a, ge' da mangkatn karah sadakah ka ayo sok ge' da malar badoa ka Jubata.³Ani nyakali waktu ngarami, kira-kira jam sambilan ano dakoh, ini' mile' nige' jalas sadatn nyabuah pamilek, ani nyungan malaikat Jabata utukng ge' muji' ka ini', "Kornelius!" ⁴ Lalu, ini' nyantunung malaikat dakoh nige' buut ge' muji', "Jai diah, Tuan?" Ge', malaikat dakoh muji' ka ini', "Doa-doamu' ge' sadakah-sadakahmu' nga makka sabage paringatan ka hadapan Jabata.⁵ Mati', ngadulah ayo sok ka Yope ge' mabak ta sook da bagaatn Simon, da uga gaatn mabak Petrus, ⁶Ini' madi' samahu nige' nyungan panyamak kurit da bagaatn Simon, da ramin'a ani ka tapi laut.⁷Waktu malaikat da laka nyansana ka ini' boho, Kornelius maba' dua palayan'a ge' nyungan prajurit da saleh umpatn antara ayo sok da mar malayan kapalaluan adup'a, ⁸ ge laka manjalas jai pun ka ayo'a ini' ngadu ayo'a anu ka Yope.⁹Jakkap ano'a, waktu ayo'a agi sadatn paranu'a ge' ngajiket ka kota dakoh, Petrus maka ka samo aro ramin, kira-kira jam inum, ya' badoa. ¹⁰Lalu, ini' misa siburuk ge' ngate uman, tapi waktu ayo sok agi nyiap pangkuman, Petrus kaatn nyabuah pamile', ¹¹ge ini' mile' rangit tabuka ge' ani da ulah saput da aso ata disah ge' tasulor umpatn ka ampat pitok'a sampe ka tana. ¹² Kasadatn'a, ani bamacam binatang da bakaja' ampat, ge binatang da ngaragayap ka tana paitn ge' manuk-manuk da ka nyaru.¹³ Lakadakoh, utukng ta saratn da muji' ka ini', "Umpatlah, Petrus, sambaleh ta ge' uman ta!"¹⁴ Tapi, Petrus muji', "kati' Tuhan. Sabab, iko kati' suah uman jai pun da haram ato najis."¹⁵ Ge', saratn dakoh muji' agi ka ini' da kadua kali'a, "Jai da laka Jabata ngudus, iya' nyakali-kali imu' muji' haram." ¹⁶ Hal diah tajadi taru kali, ge' takana samaan dakoh tarantatn ka rangit.¹⁷ Waktu dakoh, samantara Petrus masih baga-baga mikir jailah rati pamile' da laka gatn ile' dakoh, tilek ta ayo sok da Kornelius ngutus sadang najo kadume ramin Simon, gae agutn ka tura pintu garbang, ¹⁸ ge' gae maba', ayo'a mansikatn anita Simon, da gatn muji' Petrus, manumpang ka teetn.¹⁹ Samantara Petrus agi ngarenung pamile' dakoh, Roh muji' kaini', "Mile' ta, ani taru ungan are da agi najomu'. ²⁰ Umpat ge' disahlah, anuta ge' ayo'a usah ragu karna Iko ta da ngutus ayo'a." ²¹ Lalu, Petrus disah ka ayo sok dakoh ge' muji', "Mile', iko' ts sok da mu' najo. Jai alasan pajutukngmu'?"²²Ayo'a muji', "Kornelius, nyungan perwira, sok da taman ge' da buut ka Jabata, da gatn kenal bait ka antara bangse Yahudi, da malaikat kudus nyanuut ya' ngadumu' utukng karamin'a ge' ya' ngadangah saratnmu'." ²³ Petrus ngundang ayo'a maruh ge' mangkatn ayo'a tumpangan ka dakoh. Jakkap ano'a, ini; umpat ge anu samahu ayo'a, ge' mani ungan age nyaiman umpatn Yope namahi'a.²⁴ Ka nyano'a agi', ayo'a maruh ka Kaisarea. Kornelius nganganti-anti ka ayo'a ge laka ngubu' ayo age'a uga ayo kawan'a da jiket ka ini'.²⁵Waktu Petrus maruh, Kornelius notok'a, lalu balutut kakaja' Petrus ge' nyambah'a. ²⁶Tapi, Petrus mambantu'a agutn gae muji', "Agutn ta! Iko hanya talino biasa uga,"²⁷ Samantara Petrus nyansana nige' Kornelius, Petrus maruh kasadatn ge' amput karah sok da bakumpul basamu. ²⁸Lalu, Petrus muji' ka ayo'a, " Imu' pane bahwa anita pari ka sok Yahudi sa' bagaul ato ngunjung sok da inya Yahudi, tapi Jabata laka mangkatn tande ka iko' bahwa iko' kati' saharus'a magaatn asipun haram ato najis. ²⁹Dakohta sabab'a, iko' kati' kabaratan waktu imu' ngadu iko utukng. Karna dakoh, iko mansikat ya' alasan jai imu mabakko?"³⁰ Ge', Kornelius muji', "Ampat ano da idu sampe jam diah, pas jam sambilan, iko agi badoa karaminko', ge milek ta, ani sook agutn ngiak pangiak da bakilauan. ³¹Lalu, nyansana, 'Kornelius, doamu' ngalaka gatn dangah ge' sadakahmu' laka gatn ngingat ka hadapan Jabata. ³² Oleh karna dakoh, ngadulah ka Yope ge' mahilah Simon da gatn muji' Petrus ya' utukng. Ini' agi' manumpang ka ramin Simon, nyungan panyamak kurit, ka tapi laut.' ³³Karna dakoh, iko capat-capat ngadu sok kaimu', ge' imu' laka bait ate ituh utukng. Mati', ite' samaan ani kadiah, kahadapan Jabata ya' ngadangah jai-jai da nga gatn Tuhan ngadu kaimu'." Petus Mangabar Injil ka Ramin Kornelius³⁴Lalu, Petrus nika baba'a ge' nyansana, "Mati', iko' batol-batol ngarati bahwa Jabata kati' mambeda-beda asipun. ³⁵Malahan, ka satiap bangse, sok da buut ka Ini' ge' da umas jai da taman, bakenan ka Ini'.³⁶ Firman da Jabata nyampe ka bangse Israel mangkatn kabar bait damai sejahtera nabo Kristus Yesus, Ini' ta Tuhan samo samaan'a. ³⁷ Imu' sadi' pane paristiwa da laka tajadi ka saluruh Yudea, mule umpatn Galilea, ngalaka baptisan da Yohanes ngabar, ³⁸Imu' pane Yesus Sok Nazaret, langkina Jabata mangkabhinyak'A nige' Roh Kudus ge' nige' kuasa. Ini' anu bakaliling umas da bait ge' nyambuh samaan sok da gatn nindas kat roh jahat karna Jabata samahu Ini'.³⁹Kai anita saksi-saksi umpatn samaan hal da laka Yesus umas, bait ka daerah sok Yahudi atopun ka Yerusalem. Ayo'a ngalaka ngamis Yesus nige' manggangung-A ka samo kayu salib. ⁴⁰Tapi, Jabata ngangkidup-A ano ka taru ge' mamparkenan Ini' ya' nampil adup'a, ⁴¹ Inya ka samaan sok, tapi ka kai, saksi-saksi da gatn Jabata milih sabalum'a, da uman ge' nyucur samahu-A sak laka Ini' umpat umpatn antara sok kabis.⁴²Ge', Ini' ngadu kai ya' ngabar ka ayo sok ge' nyaksi nige' batol-batol bahwa Ini'talah da gatn Jabata natap sabage Hakim samo da idup ge' da kabis. ⁴³Bagi Ini', samaan nabi nyaksi bahwa asipun sok da pacaya ka sadatn-A ao' nyamut pangampunan duse nabo gaatn-A." Jabata Mangkatn bukti bahwa Ini' Nyamut Samaan Sok⁴⁴Samantara Petrus agi' muji' saratn-saratn dakoh, Roh Kudus disah ka samo samaan da dangah firman dakoh. ⁴⁵Ge, ayo sok pacaya da baturih, da utukng samahu Petrus, heran karna karunia Roh Kudus laka gatn nuntukng, uga ka bangse-bangse laitn.⁴⁶ Sabab, ayoa'a da dangah ayo sok dakoh nyansana sadatn bamacam saratn ge' ngamulia Jabata. Lalu Petrus muji', ⁴⁷ "Inyata kati' ani nyungan pun da kaatn manghalang paitn ya' ngabaptis ka ayo sok da laka nyamut Roh Kudus samu ulah ite' diah?" ⁴⁸Maka, Petrus ngadu ayo'a ya' gatn baptis ka sadatn gaatn Kristus Yesus. Lakadakoh, ayo sok dakoh mahi sak Petrus madi samahu ayo'a salama mani ano.

Chapter 11

¹ Samantara dakoh, ayo rasul ge' ayo-age saiman da ani wak Yudea dangah kalo ayo-sok inya Yahudi uga ngalaka narima firman Jabata. ² Barang dakoh, sa' maka' ka Yerusalem, ayo-sok da baturih basalisih paham pandapat nige ini', ³ nige nyansana, "Imu' anu ka ayo-sok kati baturih ge' uman samahu ayo'a."⁴ Tapi aok'a, Petrus mule manjelas'a sacara baurut ka ayo'a, wat'n nak, ⁵ "Iko' sadakng badoa wak kota Yope, ge' ka sadat'n kaadaan da kati sadar, iko' mile nyabuah pangalihatan, tarut'n ulah nyalembar saput labar disah, da tarulur nige kaampat sudut'a umpat'n rangit, ge' benda dakoh ngariketko'. ⁶ Ngalaka iko' manatap'a, iko' mamprati'a ge' mile binatang-binatang bakaja ampat wak bumi, binatang-bintang liar, binatang-binatang malata, ge' manuk-manuk wak udara.⁷ iko' uga dangah ani sarat'n nyansana ka'iko', 'Umpat, Petrus, nyambaleh ge' umanlah!' ⁸ Sa', iko' nyansana, 'Kati, Tuhan. Barang, kati ani da haram ato najis parnah maruh ka sadat'n babako'.' ⁹ Tapi aok'a, sarat'n dakoh naham ya' kadua kali'a umpat'n rangit, 'Jai da laka Jabata tahirkan, iya' nyakali-kali imu' nyebut haram!' ¹⁰ Hal diah tarjadi taru kali, lalu samaan'a dakoh gat'n narik kambali ka rangit.¹¹ Ilelah, saat dakoh uga, ani taru sok da gat'n utus ka'iko' utukng ka ramin tampat iko' madi, umpat'n Kaisarea. ¹² Laka dakoh, Roh muji' ka'iko' ya' anu samahu ayo'a nige kati ragu-ragu. Kaanam age saiman diah uga anu samahuko' ge' kai' maruh ka ramin sok dakoh. ¹³ Lalu, ini' nyampe'a ka kai' langkina ini' laka mile malaikat agut'n wak ramin'a ge' muji', 'Ngadulah sok ka Yope ge' mahilah Simon da gat'n nyebut Petrus utukng ka diah, ¹⁴ ge' ini' aok muji' pusut'n ka'imu' aok gat'n nyalamat, imu' ge' samaan sok da madi wak raminmu'.'¹⁵ Samantara iko' mule nyansana-sana, Roh Kudus disah ka samo ulah da pas awal'a tarjadi ka samo ite. ¹⁶ Maka, iko' taringat pas Tuhan nyansana, waktu Ini' nyansana, 'Yohanes mambaptis nige pait'n, tapi imu' aok gat'n baptis nige Roh Kudus.'¹⁷ Jadi, sa' Jabata mangkat'n karunia da samu ka ayo'a ulah da Ini' mangkat'n uga ka ite' ngalaka pacaya wak sadat'n Tuhan Yesus Kristus, asi'ta iko' sahingga iko' kaat'n manghalangi Jabata?" ¹⁸ Pas ayo'a dangah hal-hal dakoh, ayo'a jadi tanang ge' mamuji Jabata nige muji', "Kalo ladakoh, Jabata uga laka mangaruniakan ka ayo-sok inya Yahudi partobatan da manuju ka idup." Injil Sampe Ka Antiokhia¹⁹ Laka dakoh, ayo-sok da bacarae-bare barang panganiayaan da tarjadi tradap Stefanus, manyabar sampe ka Fenisia, siprus, ge' Antiokhia, nige kati nyarita firman Tuhan ka asipun kacuali ka ayo-sok Yahudi. ²⁰ Sa', ani mani ungan sok umpat'n ayo'a diu'ta ayo-sok Siprus ge' Kirene, da utukng ka Antiokhia ge' uga nyansana ka iko' ayo-sok Helenis, sambil nyarita tentang Tuhan Yesus. ²¹ Barekng Tuhan manyertai ayo'a, sajumlah karah sok da jadi pacaya malik ka Tuhan.²² Barita tentang ayo'a sampe ka rajak jamaat wak Yerusalem, ge' ayo'a mangutus Barnabas Ka antiokhia. ²³ Pas Barnabas utukng ge' mile kasih karunia Jabata, ini' basukacita ge' manasehati ayo'a samaan ya' tatap satia ka Tuhan nige ate da teguh. ²⁴ Barang Barnabas ani'ta sok da bait, pahnu nige Roh Kudus ge' iman, sajumlah aihyo sok gat'n minsakng ka Tuhan .²⁵ Laka dakoh, Barnabas anu ka Tarsus ya' najo Saulus. ²⁶ Ge', ngalaka ini' amput'a ini' minsakng'a ka Antiokhia. Ge', wak Antiokhia, murid-murid ya pamule kali'a gat'n nyebut "sok Kristen".²⁷ Pas ano dakoh, mani ungan nabi disah umpat'n Yerusalem utukng ka Antiokhia. ²⁸ Sara' nyungan umpat'n ayo'a ba'gaat'n Agabus, agut'n ge' maramal nige batulokng Roh minsakng aok tarjadi saburuk da hebat wak saluruh dunia. Ge', saburuk dakoh tarjadi wak masa pamrintahan Klaudius.²⁹ Maka, ayo murid mamutuskan ya' ngirim sumbangan, sasuei nige kamampuan ayo'a masing-masing, ka ayo-age saiman da madi wak Yudea. ³⁰ Ge', da uga ayo'a bulah ngirim sumbangan dakoh ka ayo pangama nabo barekng Barnabas ge' Saulus.

Chapter 12

¹Ka masa dakoh, Raja Herodes majaka barek a' ka maningan sok umpat jemaat yak menganiaya ayo a'. ²Nie' ngamis Yakobus, age Yohanes, nige Padang.³Waktu Herodes mile bahwa parbuatan a' dakoh mangkhauhat ate ayo' sok Yahudi, nie' malar agi nige naaf Petrus uga. Hal dakoh tajadi salama Ano Raya Roti Kati Baragi. ⁴Ngalaka nie' nangkap Petrus, nie' nise a' ka sadatn't panjara ge' mangkat'n a' ka' ampat pasukan prajurit yak ngawa a' serta ba maksud, ngalaka Paskah, minsak a' ka muka sok karah.⁵Maka, Petrus gatn't nahan ka sadatn't panjara, tapi doa yak Petrus tarus-manarus gatn't majaka ka' Jabata kat jemaat. Malaikat Tuhan ngarapas Petrus umpat'n panjara ⁶Ka ani ngarum, katika Herodes ao' nabat Petrus mungkas, Petrus agi buis ka antara dua ungan prajurit, gatn't muuk nige' dua rante, ge ayo panjage ka tura pintu sadang ngawas panjara.⁷Ge', mile, ani nyungan malaikat Tuhan agut'n ka deket Petrus ge cahaya mampangar ka sel panjara dakoh, lalu malaikat dakoh napuk selet Petrus ge ngias a', nige' nyansana,"capat gias!" Ge, rante-rante dakoh jantu rapas umpat'n kadua barek a'. ⁸Lalu, malaikat dakoh nyansana wak a', "Muuktalah apak'mu ge miak ta lah sandalmu." Ge, nie' umas pang lakoh. laka dakoh, nie' nyansana wak a', "miak ta lah jubahmu ge nganang iko'!"⁹Lalu, Petrus mungkas ge nganang malaikat dakoh. Nie' kati pane bahwa jai da sadang tajadi leawt malaikat dakoh nyata, tapi ngira bahwa nie' sadang mile anihal da gatn mile. ¹⁰Ketika ayo a' laka lewat panjage da pamule ge ka dua, ayo a' sampe ka pintu gerbang basi da nuju ka kota. Pintu gerbang dakoh ta buka nige' adup a' bagi ayo a', lalu ayo a' mungkas ge bajalat'n sampe ka nyabuah lorong, ge tiba-tiba malaikat dakoh ngagat'n Petrus¹¹Katika Petrus sadar nige' jai da tajadi ka adup a', nie' nyansana, " Mati', iko' banar-banar pane bahwa Tuhan ngutus malaikat-A' ge nyalamat a' iko' umpatn' barek Herodes ge umpat'n samaan hal da gat'nharap a' kat ayo' sok Yahudi." ¹²Ngalaka Petrus nganyadari, nie' ano ka ramin Maria, sino Yohanes da uga gat'n muji Markus, ka ume karah sok sadang ba kubu samahu ge ba doa.¹³Katika Petrus ngotok pintu gerbang, ani nyungan pelayan mahung da ba gaat'n Rode utuk'ng yak muka a'. ¹⁴Ngalaka nie' nganal suara Petrus, karna sangat ba sukacita nie' kati muka pintu, tapi boho wak sadat ge mangkat'n pane bahwa Petrus ani agut'n ka depan pintu gerbang. ¹⁵Ayo a' nyansana ka Rode, "imu kati waras!" ao' tapi, Rode tarus muji a' bahwa memang lahdakoh, ge ayo a' tatap nyansana, "Dakoh anilah malaikat a'."¹⁶Ao tapi, Petrus tarus-manarus ngotok, ge katika ayo a' muka pintu, lalu mile Petrus, ayo a' takajut. ¹⁷Namun, ngalaka Petrus mangkat'n isyarat nige' barek a' agar ayo a' tanang, nie' menjelaskan wak ayo a' kanalah Tuhan laka nabat'n a' mungkas bit panjara. Ge, nie' nyansana, "Nyampai a' lah hal diah ka Yakobus ge wak age-age seiman." Lalu, nie' barangkat ge anu wak tampat da lain't.¹⁸Katika ano ngate tano', ta jadilah kakacauan da kati inik ka antara ayo prajurit tentang jai da laka ta jadi wak Petrus. Herodes Kabis ¹⁹Katika Herodes majo Petrus ge kati umput a', nie' mariksa ayo' panjage ge mangkat'n parintah supaya ngamis ayo a'. Lalu, Herodes sosor umpat'n Yudea ka Kaisaria ge madi ka teet'n.²⁰Saat dakoh, Herodes aso baji wak ayo sok Tirus ge Sidon, lalu nige bapakat, ayo a' utuk'ng ngadap Herode, ge ngalaka mujuk Blastus, pengurus ramin raja, ayo a' mamohon yak berdamai karna wilayah ayo a' kaat'n pasokan pangkuman umpat'n wilayah Herodes. ²¹Ka ano da gat'n ayo nentukan, Herodes miak pangiak kerajaan, unyung ka tahta pengadilan, ge mangkat'n a' pidato wak ayo a'.²²Rakyat tarus ngampak, "Diah anilah suara jabata, inya manusia!" ²³Sakatiak dakoh uga, nyungan malaikat Tuhan nampar a' karna nie' kati mangkat'n kamuliaan wak Jabata ge nie' cacing-cacing uman, lalu kabis.²⁴Ao tapi, firman Tuhan semakin ba tambah ge balipat ganda. ²⁵Lalu, Barnabas ge Saulus ure umpatn Yerusalem ngalaka ayo a' ngampusi palayanan ayo a', gae ngajak serta Yohanes da uga gat'n magaat Markus.

Chapter 13

¹ Ani saat'a, ni' ani wak jamaat Antiokhia, nabi-nabi ge' guru-guru, diu'ta Barnabas, Simeon da gat'n muji Niger, Lukius umpat'n Kirene, Menahem da gat'n ngangkaihyo samahu Herodes, raja wilayah, ge' Saulus. ² Samantara ayo-sok diah sadakng sambayang ka Tuhan ge' bapuasa, Roh Kudus muji', da ngusus mangkat'n ko' Barnabas ge Saulus ya' tugas da ya' dakoh iko' laka maba ayo'a." ³ Laka dakoh, ngalaka ayo'a bapuasa ge' badoa, nige numpang barekng ayo'a ka samo Barnabas ge' Saulus, ayo'a ngutus kadua'a anu. Barnabas ge' Saulus wak Pulau Siprus⁴ Maka, ngalaka gat'n ngutus anu uleh Roh Kudus, Barnabas ge' Saulus disah ka Seleukia, ge' umpat'n teet ayo'a balayar ka Siprus. ⁵ Waktu ayo'a tiba wak Salamis, ayo'a nyarita firman Jabata wak sinagoge-sinagoge sok Yahudi, lalu ayo'a uga minsakng Yohanes sabage palayan ayo'a.⁶ Pas ayo'a anu manjalajahi samaan pulau sampe ka Pafos, ayo'a kaat'n sok tukang nyihir, sok nabi palsu Yahudi, da bagaat'n Baryesus. ⁷ Ini' samahu nige Prokonsul Sergius Paulus, sook da cerdas, da mahi Barnabas ge' Saulus utukng ka ini' ge' ngate dangah firman Jabata. ⁸ Tapi aok'a, Elimas, tukang nyihir dakoh, barang ladakohlah gaat'na gat'n ngubah, nantang Barnabas ge' Saulus, nige barusaha ngabingkok Prokonsul dakoh umpat'n iman'a.⁹ Barang, Saulus, da gat'n ngenal sabage Paulus, gat'n ngampahnunige Roh Kudus, natap elimas, ¹⁰ ge' muji', "Hei imu', da pahnu nige sagala tipu muslihat ge' sagala da jahe, imu' diu'ta anak Iblis, imu' diu'ta munsuh umpat'n sagala da taman, kati ngate imu' angkah ngabingkok pagala Tuhan da lurus?¹¹ Mati, milelah, barekng Tuhan utukng ka samomu' aok jadi buta ge' kati mile matuano salama' mani jam." Pas ladakoh uga, amput'n ge' patakng disah ka samo'a ge' ini' anu kalilikng najo sok ya' nuntun barekng'a. ¹² Lalu, Prokonsul dakoh jadi pacaya pas mile jai da ngalaka tarjadi barang ini' kagum taradap ajaran Tuhan. Paulus ge' Barnabas anu ka kota Antiokhia wak wilayah Pisidia¹³ Ani saat'a, Paulus ge' ayo-sok da nige'a balayar umpat'n Pafos sampe ka Perga, wak Pamfilia, tapi Yohanes ngagat'n ayo'a ge' malik ka Yerusalem. ¹⁴ Barang, Saulus ge' Barnabas ngalanjut pajalat'n'a umpat'n Perga ge' sampe wak Antiokhia, wak Pisidia. Ge', pas ano sabat, ayo'a anu ka sinagoge ge' unyung ka teet. ¹⁵ Laka maca Hukum Taurat ge' kitab para nabi, kapala-kapala sinagoge ngadu sok nyansana ka kadua rasul dakoh, "Ayo-age, sa' imu' umpu sarat'n-sarat'n penghiburan ya' ayo-sok diah, muji'ta lah."¹⁶ Maka, Paulus agut'n ge' mangkat'n isyarat nige barekng'a ge' nyansana, "Hei ayo-sok Israel ge' imu' da buut aok ka Jabata, dangahmih! ¹⁷ Jabata bangsa Israel diah ngalaka milih ninek moyang ite ge' maninggi bangsa ite salama' ayo'a madi' wak tana Mesir ge' nige' lengan da trangkat, Ini' mimpin ayo'a mungkas umpat'n dakoh. ¹⁸ Salama sakitar ampat puluh tahun, Ini' basabar tradap tingkah laku ayo'a wak padakng balantara.¹⁹ Ge', ngalaka Ini' membinasakan ijo' bangsa ka tana' kanaan, Ini' mawaris tana' dakoh. ²⁰ Samaan diah tarjadi kira-kira salama 450 taun. Laka dakoh, Jabata nyarah ka ayo'a hakim-hakim sampe ka masa Nabi Samuel.²¹ Trus, ayo'a mahi sook raja, ge' Jabata mangkat'n ayo'a Saul, anak are-are Kish, sok umpat'n suku Benyamin, salama ampat puluh taun. ²² Lakadakoh Jabata nyingkir Saul, Jabata ngabangkit Daud ya' jadi raja ayo'a da tentang'a Jabata ngalaka basaksi ge' nyansana, 'Iko' ngalaka amput Daud, anak are-are Isai, sok da bakanan wak ate-Ko', da aok umas samaan kahendak-Ko'.'²³ Umpat'n katurunan sok diah, Jabata, sasuai janji-A, minsakng ka Israel sook Juruselamat, diu'ta Yesus. ²⁴ Sabalum pajutukng Yesus, Yohanes ngalaka nyarita sabalum'a tentang baptisan pertobatan ka samaan sok Israel. ²⁵ Ge', samantara Yohanes sadakng ngangkabas tugas'a ini malar nyansana, 'Imu' kira asi iko' diah? Iko' inya Ini' barang, milelah, sook utukng maka iko' sundal ge' kaya'a pun kati layak muhu'a.²⁶ Ayo-age, katurunan kaluarga Abraham ge' ayo-sok wak antara imu' da buut aok Jabata, ka ite barita kasalamatan diah ngalaka gat'n nyampe. ²⁷ Barang, ayo'a da madi wak Yerusalem ge' para pamimpin ayo'a, da kati nganal Ini' ge' kati mamaham ucapan ayo nabi, da gat'n maca satiap ano sabat, ngalaka gat'n ganap ucapan ayo nabi dakoh nige ngukum Yesus.²⁸ Ge', nyakalipun ayo'a kati amput alasan jai pun ya' ngukum kabis, ayo'a mahi Pilatus ya' ngamis-A. ²⁹ Ge', sa' ayo'a mangganap samaan da gat'n nulis tentang Ini, ayo'a ngadisah-A wak sadat'n kuburan.³⁰ Tapi aok'a, Jabata ngabangkit Ini' umpat'n antara sok kabis, ³¹ ge' salama barano-rano, Yesus nyua adup ka ayo-sok da bariuh nige-A umpat'n Galilea sampe Yerusalem, da mati' jadi saksi-saksi-A mangkat'n bangsa diah.³² Ge', kai minsakng mangkat'nmu' bait tentang janji Jabata ka sama' te da idu, ³³ Bahwa, Jabata laka napati janji'a dakoh yak ite, anak-anak ayo'a, nige ngabangkit Yesus, ulah da tertulis ka sadat'n kitab Mazmur pasal dua: ' 'Akup'm diu'ta Anak-Ko. Ano diah, Iko ngalaka jadi Bapa-Mu.' ³⁴Tentang Jabata da ngabangkit Yesus umpat'n antara sok da kabis, kati aok agi kambali ka kabinasaan, Jabata laka nyansana, 'Iko' aok mangkat'n ka imu' barakat da kudus ge' kaat'n gat'n macaya, da gat'n mangkat'n ka Daud.'³⁵ Dakohlah sabab'a, Ini' uga nyansana ka sadat'n Mazmur da lait'n, 'Akup'm kati aok mambiar sok kudus-mu' mile kabinasaan.' ³⁶ Barang, Daud, laka malayani ganarasi'a sandiri uleh karna kahandak Jabata, lalu kabis, ge' gat'n ngabarikng wak anatara sok dama' da idu', gae mile kabinasaan, ³⁷ Tapi Yesus da Jabata ngabangkit umpat'n antara sok da kabis, kati mile kabinasaan.³⁸ Uleh karna dakoh, kate'a ni' gat'n panane ulehmu', Ayo-age, bahwa nabo Ini' diahlah pangampunan ka samo duse-duse da gat'n nganyata ka imu', ³⁹ ge' nabo-A, satiap sok da pacaya gat'n ngabebas umpat'n sagala sasuatu'a, da umpat'n'a imu' kati kaat'n gat'n ngabebas uleh Hukum Taurat Musa.⁴⁰ Jadi, ati-atilah supaya hal da gat'n nyansana wak sadat'n kitab ayo nabi kati tarjadi ka imu': ⁴¹ Ilenih. hei ayo pangejek! Takajut ge' binasalah, barang Iko' bulah karaje wak zamanmu', nyabuah karaje da kati aok imu macaya, ge' bahkan sa' sook manjelas'a ka imu'."'⁴² Samantara Paulus ge' Barnabas mungkas, Ayo-sok bamohon supaya ayo'a nyampe tentang firman dakoh sa ano sabat laka dakoh. ⁴³ Laka badaput wak sinagoge dakoh, salesai, karah sok Yahudi ge' ayo proselit da buut aok ka Tuhan nganang Paulus ge' Barnabas, da nyansana ka ayo'a ge' nyurong ayo'a ya' malar madi wak sadat'n anugerah jabata.⁴⁴ Pas hari sabat barikut'a ampir samaan sok wak kota bakumpul ya' dangah firman Tuhan. ⁴⁵ Tapi aok'a, sa' ayo-sok Yahudi mile keramean dakoh, ayo'a gat'n ngampahnu iri ate ge' mule nantang jai da gat'n Paulus nyansana sambil manghujat'a.⁴⁶ Lalu, Paulus ge' Barnabas ngajawab'a nige pagat'n ge muji', "Hal diah penting bahwa firman Jabata saharus'a gat'n nyata ka imu' labih uru. Barang imu' nolak'a ge' nganggap adupmu' kati pantas umpu idup da kekal, ilelah, kai' bapaling ka bangsa-bangsa lait'n. ⁴⁷ Barang, ladiahlah Tuhan mangkat'n parintah ka kai': ' Iko' laka jadi tarakng yak bangsa-bangsa lait'n supaya imu' kaat'n minsakng kasalamatan sampe ka ujukng bumi."'⁴⁸ Sa' ayo-sok inya Yahudi dakoh dangah hal diah, ayo'a basukacita ge' mamuliakan firman Tuhan. Ge', karah da laka gat'n nentu idup kekal, jadi pacaya. ⁴⁹ Maka, firman Tuhan nyebar ka saluruh wilayah dakoh.⁵⁰ Tapi aok'a, ayo-sok Yahudi mangasut mahu-mahu da saleh da terhormat ge' ayo-sok penting wak kota, ge' ngabangkit panganiayaan tradap Paulus ge' Barnabas, gae' ngusir kadua'a mungkas umpat'n daerah baat ayo'a. ⁵¹ Barang, sambil ngimhar dabu umpat'n kaja ayo'a tradap ayo-sok Yahudi wak teet, Paulus ge' Barnabas anu ka Ikonium. ⁵² Ge', ayo murid gat'n ngampahnu nige sukacita ge' nige Roh Kudus.

Chapter 14

¹Ge, tajadilah, ka Ikonium, Paulus ge Barnabas maruh samahu ka sinagoge sok Yahudi ge nyansana sademikian rupa sahingga sabagian aho sok, bait'n sok Yahudi maupun sok Yunani, jadi pacaya. ²Namun, ayo sok Yahudi da kati pacaya menghasut ayo sok inya Yahudi ge ngaracu pikiran ayo a' malawan ayo sok pacaya.³Maka, ayo a' madi wak teet'n agak Tuhi sambil nyansana nige pagat bagi Tuhan, da mangkat'n kasaksian tentang barita anugerah-A', serta mengaruniai tande-tande ajaib ge mujizat-mujizat da tajadi lewat barek ayo a'. ⁴Ao tapi, ayo sok ka kota dakoh gat'n bagi-bagi, sebagian bapihak wak ayo sok Yahudi ge sabagian wak ayo rasul.⁵Kati ani usaha gaat'n umas, bait'n kat ayo sok inya Yahudi maupun ayo sok Yahudi, nige' ayo pamimpin ayo a' yak menganiaya ge mono ayo rasul nige batu, ⁶ngalaka Paulus ge Barnabas nga panane a' ge buho adup ka Listra ge Derbe, kota-kota ka Likonia, ge ka wilayah ka sekitar dakoh. ⁷Ge, ket teet'n, ayo a' tarus mambrita Injil. Paulus ka kota Listra ge Kota Derbe.⁸Ka Listra, ani nyungan sok sadang unyung da lemah kaya a', lumpuh umpat'n putuk'ng sino a' ge tinga suah bajalat'n. ⁹Sok dakoh sadang dangah Paulus katika nie' sadang nyansana, ngalaka Paulus nyantunung a' ge mile bahwa sok dakoh umpu iman yak gat'n mangkawhat, ¹⁰Paulus nyansana nige' suara karas, "Agut'n ta lah tegak nige kajamu." Lalu, sok dakoh malompat ge mule bajalat'n.¹¹Katika sok karah mile jai da laka Paulus umas a, ayo a ba suara ayo a nige nyansana sadatn bahasa Likaonia, "Dewa-dewa laka sosor ka tuda-tuda ite ge jadi sa mu nige talino!" ¹²Ayo sook dakoh muji Barnabas sebagai Zeus ge Paulus sebagai Hermes karna Nie da mimpin pambicaraan. ¹³Imam dewa Zeus, da kuil a' da ani kalur kota, minsak sapi-sapi are ge rangkaian bunga ka pintu gerbang kota. Nie da sok karah dakoh ngate basambah wak Paulus ge Barnabas.¹⁴Ao tapi, katika rasul Barnabas ge rasul Paulus dangah hal dakoh, ayo a' ngarantak pangiak ayo a' ge boho maruh ka tuda-tuda sok karah dakoh, sambel ngampak, ¹⁵ge nyansana, "Age-age, jai akump umas a' samaan hal diah? kai uga talino biasa samu uga ge akump ge minsak Kabar Bait yak akump supaya imu babalik umpatn' hal-hal da sia-sia diah ka Jabata da idup, da nyipta a' rangit, ge tana paitn, ge laut, ge sagale jai pun da ani ka sadat'n a'. ¹⁶Ka generasi-generasi da lalu, Nie mambiar a' samaan bangsa bajalat'n nurut paga-gala a' sadi.¹⁷Namun, Ni kati ngambiar a' adup-Nie tanpa saksi. Sabab, ni umas ta da baitn nige mangkatn' ka akump' ujat umpatn' rangit ge musim-musim a ba buah da mamuas a atemu nige pangkuman ge kagambiraan." ¹⁸Sakalipun nige muji a samaan hal dakoh, ayo a' sulit nyatop a' sook karah dakoh agar kati basambah korban yak ayo a'.¹⁹Ao tapi, ayo sook Yahudi utukng umpatn' Antiokhia ge Ikonium, ge ngalaka mambujuk sook karah dakoh, ayo a' mono Paulus nige Batu ge nyeret a ka sato kota karna karena ngira bahwa Paulus nga kabis. ²⁰Namun, katika ayo murid ngaliling Paulus, ni agutn ge ure maruh ka kota. Ka ano da laitn' a, ni barangkat samahu nige Barnabas ka Derbe. Ure ka Kota Antiokhia ka Wilayah Siria.²¹Ngalaka ayo a' ngabar a Injil ka kota dakoh ge laka umas karah murhid, ayo a' ure ka Listra, ge ka Ikonium, ge ka Antiokhia, ²²gae manguat a' jiwa ayo murid, nyorong ayo a' yak batekun ka sadat'n iman, ge muji a' bahwa ite arus maruh ta karajaan Jabata nabo karah pandaritaan.²³Ketika Paulus ge Barnabas nunjuk panatua-panatua yak ayo a' ka satiap jemaat, ngalaka badoa nige bapuasa, ayo a' nyarah ta ayo panitia dakoh ka Tuhan, da ka-Inie ayo a' laka pacaya. ²⁴Lakadakoh, ayo a' lewat ta Pisidia ge nyampe ka Pamfilia. ²⁵Lalu, katika ayo a' ngabar a' firman ka Perga, ayo a' sosor ka Atalia. ²⁶Umpat'n teet, ayo a' balayar ka Antiokhia, tampat ayo a' laka gatn nyarah a' ka anugerah Jabata yak pabulah da laka ayo a' nyalesai ta.²⁷Katika ayo a nyampe ge bakumpul samahu nige jemaat, ayo a' ngalapor a' samaan hal da tantang Jabata umas samahu nige ayo a' ge langkina Nie laka muka a' pintu iman yak bangsa-bangsa laitn'. ²⁸Ge, ayo a' madi samahu ayo murid yak waktu da tuhi.

Chapter 15

¹Lakadakoh, ani maningan sook sosor dari Yudea ge ngajar age-age saiman," Jika imu kati gatn nyunat sasuai nige adat istiadat Musa, imu kati bisa gatn nyelamat." ²Lalu, katika tajadi perselisihan ge perdebatan da kati inik antara Paulus ge barnabas nige ayo sook dakoh, ayo a' ngamutus ta bahwa Paulus ge Barnabas, serta ani maningan yak badapud nige ayo rasul ge ayo panatua terkait nige persoalan diah.³Maka, ngala, ge ayo a gatn ngantat ka sadat pagala a kat ayo jemaat, ayo naru Fenesia ge Samaria gae nyarita nige jelas tantang pertobatan bangsa-bangsa laitn, ge hal dakoh minsak sukacita ahho yak samaan age saiman. ⁴katika ayo a' sampe ka Yerusalem, ayo a] gatn nyambut kaat ayo jemaat, ayo rasul panatua, lalu ayo a' nyarita a segala anihal da laka Jabata umas lewat ayo a'.⁵Namun, ani maningan sok umpatn golongan Farisi da laka pacaya agutn ge nyansana, " Penting yak nyanture ayo a' ge yak marintah ta ayo' a' agar mematuhi Hukum Musa!" ⁶Ayo rasul ge penatua bertemu samaan yak membicarakan persoalan diah.⁷Ngalaka berlangsung perdebatan da anghoo ka teetn, Petrus agut'n ge nyansana ka ayo' a', "age-age, imu pane bahwa ka zaman uru Jabata laka umas pilihan ka antara imu bahwa lewat babako, bangsa-bangsa lait'n ao' dangah berita injil ge jadi pacaya. ⁸Ge, Jabata, da mengenal ate talino, ngalak bersaksi ka ayo a' nige mangkatn' Roh Kudus wak ayo a' samu nige da laka gatn umas a'-Nie wak ite, ⁹ge Ni kati membeda-beda a' antara ite nige ayo a', laka Ni nyuci ta ate ayo a' lewat iman.¹⁰Jadi mati, jai imu mencobai Jabata nige mana a' kuk da bahat ka jangok ayo murid da, bait'n nenek moyang ite maupun ite, kati ao' pernah sanggup menanggung a? ¹¹Namun, ite pacaya bahwa ite gatn' nyalamat a' lewat anugerah Tuhan Yesus, samu nige ayo a' uga."¹²Lakadakoh, samaan kumpulan sook dakoh ta diam ge ayo a' dangah Barnabas ge Paulus, sementara kadua rasul dakoh manjelaskan sagale tande ge mukjizat da laka Jabata umas lewat ayo a' ka antara bangsa-bangsa lait'n.¹³Ngalaka ayo a' madi sarita, Yakobus naham, "Age-age, dangah ta iko. ¹⁴Simon laka manjelas a' langkina Jabata sajak mule ngalaka memperhatikan bangsa-bangsa lait'n, yak naaf umpatn't antara bangsa dakoh anilah umat bagi gaat-Nie.¹⁵Perkataan ayo nabi nyatujui hal diah, samu da gatn nulis, ¹⁶Ngalaka dakoh, Iko ao ure. ge ao ngebangun agi kemah Daud da nga runtuh. Iko ao ngebangun agi puing-puing a', ge Iko ao memugar a', ¹⁷supaya umat talino da tangalatn bisa majo Tuhan, ge samaan bangsa lait'n da gatn' manggil lewat gaat-Ko, da umas samaan diah', Firman Jabata, da umas a' samaan a' diah, ¹⁸laka gatn panane sajak pamule a' zaman.¹⁹Jadi, iko' berpendapat bahwa ite seharus a' kati nyulitkan ayo sook umpatn bangsa lait'n da laka terbaik ka Jabata. ²⁰Namun, ite saharusnya menulis ka ayo a' agar ayo a' menjauhkan adup umpatn hal-hal da gatn ngotor kat berhala-berhal, ge umpatn duse-duse seksual, serta umpatn jai da laka gatn nyekel, ge umpatn dayya. ²¹Sabab, sejak generasi terdahulu, Musa ngaani umpu, ka satiap kota, ayo sook da ngabar a' karna gatn maca ka sinagoge-sinagoge satiap ano sabtu." Surat wak sook Pacaya da inya Yahudi.²²Lalu, gatn mile bait'n oleh ayo rasul, ge Penatua, ge samaan jemaat, ngamalihi ayo sookumpatn't antara ayo a' yak gatn' ngutus ka Antiokhia samahu Paulus ge Barnabas. Ayo a' ngutus Yudas da gatn muji Barnabas, serta Silas, ayo pamimpin ka antara age-age saiman, ²³ge ayo a' nulis surat nige barek ayo a', demikian:²⁴Karna kai ngalaka dangah bahwa ani maningan sook umpatn antara kai, da wak ayo' a' kai kati mangkatn' parintah, laka ngacomu nige sarat'n ayo' a' da ngoyak ta jiwamu, ²⁵hal diah gatn' mile bait'n bagi kai, ngalaka ba pakat, yak milih ta ayo sook da ngutus ayo a' wak imu samahu nige age-age kai da terkasih, Barnabas ge Paulus, ²⁶da laka mempertaruhkan idup ayo a' demi gaat Tuhan ite, Kristus Yesus.²⁷Kaat karna dakoh, kai ngutus Yudas ge Silas, da ayo a' sadi ao' ngabar ta hal-hal da samu sacara lisan. ²⁸Sabab, alangkah ahat a' ta bagi Roh Kudus ge bagi kai yak mana beban ka samo mu da kati labih bahat daripada da perlu diah, ²⁹bahwa imu ngajauh a' ta adup jai laka gatn ba sambah a' ta wak berhala, ge umpat'n Dayya, ge umpat'n jai da kabis gatn' nyekel, ge umpatn' dosa babayu.³⁰Ngalaka ayo mahe parmisi, ayo a' sosor ka Antiokhia, ge ngalaka ngubu a' jemaat, ayo a' mangkat'n surat dakoh. ³¹Katika ayo sook pacaya maca a', ayo a' repo ate a' karna panghiburan dakoh. ³²Yudas ge Silas, da ayo a' sadi anilah nabi, neguh ta ge nguat a' ta age-age saiman nige karah sarat'n a.³³Ge, ngala ayo a' madi ka teen't yak mani ani ano, ayo sook pacaya dakoh ngarapas ayo a ure nige damai wak ayo sook da laka ngutus ayo a'. ³⁴[Ao tapi, gatn ngangap bait'n bagi Silas yak tatap madi ka teetn'.] ³⁵Namun, Paulus ge Barnabas madi ka Antiokhia, gae ngajar ge ngabar Firmna Tuhan samahu nige karah sook lait'n uga. Paulus ge Barnabas Bapisah³⁶ngalaka mani ano, Paulus nyansana ka Barnabas, "Kaeh ite ure ge nganto ka age-age saiman ka satiap kota, tampat ite ngabar Firman Tuhan yak mile langkina kaadaan ayo a'." ³⁷Barnabas ngate nabat uga Yohanes da gatn maba Markus. ³⁸Ao tapi, Paulus ngangap bahwa kati saharus a nabatn sok da laka ngagat ayo a' ka Pamfilia ge kati ano samahu ayo yak pakaraje dakoh.³⁹Maka, tajadilah perselisihan da tajam sahingga ayo a' ba pisah nyungan ge da laitn'. Barnabas nabatn' Markus ge balayar ka wilayah Siprus, ⁴⁰tatapi Paulus milih Silas ge ano, ngalaka gatn' nyarah kat age-age saiman ka sadatn' anugerah Tuhan. ⁴¹Ge, ni nabo wak Siria ge Kilikia gae maneguh a' ayo jemaat.

Chapter 16

¹Paulus uga utukng ka Derbe ge Listria. Ge, milemih ani nyungan murid ka teetn, gaat a' Timotius, anak umpatn nyungan mahung Yahudi Yahudi da nga percaya, tapi apak a' anilah sook Yunani. ²Nie gatn ngenal baitn kat age-age saiman ka Listra ge Ikonium. ³Paulus ngate Timotius anu' samahu nige a', maka nie ngajak a'ge nurih a' karna ayo sook Yahudi da madi ka daerah dakoh. Sabab, ayo a' samaan panane bahwa apak a' anilah sook Yunani.⁴Sementara ayo a' bajalatn naru kota-kota, ayo a' ngabar ta katentuan-katentuan yak ayo sook parcaya agar gatn naati, da laka gatn mutus kat ayo rasul ge penatua da ani ka Yerusalem, ⁵Maka, ayo jemaat gatn neguh ta ka sadatn iman ge jumlah ayo a' ba tambah tiap ano'. Jabata Maba' Paulus ka Makedonia.⁶Lalu, ayo a' anu' naru wilayah Frigia ge Galatia karena laka gatn halangi kat Roh Kudus yak muji Firman ka Asia. ⁷Katika ayo a' laka utukng ka Misia, ayo a' barusaha anu' ka Bitinia, tapi Roh Yesus kati ngizin a' ayo a'. ⁸Maka, laka naru Misia, ayo a' disah ka Troas.⁹Ani pamile a' muncul wak Paulus ka waktu ngarum. Nyungan sok umpatn Makedonia sedang agutn ge memohon wak a', wat a', "Utuknglah ka Makedonia ge noloklah kai." ¹⁰Ngalaka Paulus mile pamile a' dakoh, kai barusaha nige segera berangkat ka Makedonia, ngalaka nyimpul a' bahwa Jabata laka mabba' kai yak ngabar a' Injil wak ayo a'. Pertobatan Lidia¹¹Karena dakoh, ngalaka balayar umpatn Troas, kai langsung balayar ka samotrake, ge ka ano jakap a' ka Neopolis, ¹²ge umpatn teetn ka Filipi, kota utama ka wilayah Makedonia ge nyabuah kota jajahan Roma. Kai madi ka kota dakoh selamamani ano'. ¹³Lalu, ka ano' sabat, kai ano' ka luar pintu gerbang kota nuju ka tabik sunge, tampat ka ume kai bapikir bahwa ka teetn ani tampat badoa. Maka, unyyung ge nyansana nige ayo wanita da sadang ba kubbu'.¹⁴Nyungan mahung da bagaat Lidia, umpatn kota TIatira, nyungan sook panyual kain ungu da menyembah Jabata. Tuhan muka ate a' yak nyantunung a' jai da Paulus muji. ¹⁵Ge, ngalaka Lidia ge samaan da madi ka ramin a' gatnbaptis, nie memohon wak kai, wat a', "Jika akump anggap iko percaya nige teguh wak Tuhan, utuknglah ka raminko' ge ge madilah ka teetn." Ge, nie mendesak kai. Paulus ge Silas ka Panjara.¹⁶Semetara, kai agi' ano' ka tampat bapumung, nyungan penyanggu mahung, da ani roh yak ramal ampud kai. nie minsak karah kautongan wak ayo' tuan a' lewat ramalan-ramalan a'. ¹⁷Mahung dakoh nganang Paulus ge kai gae ngbaji a', ampak, "Ayo sook diah anilah penyammu-penyammu Jabata Da Mahatinggi, da ngabar a' gala keselamatanwak imu!" ¹⁸ni terus umas lakoh ta barano'-ano'. Paulus, karena nga aru ta baji, babalik ge nyansana wak roh dakoh, "Iko parintah ta imu' sadatn gaatn Kristus Yesus yak mungkas umpatn inie!" Lalu, roh dakoh mungkas, saat dakoh uga.¹⁹Ao tapi, jangkah ayo' tuan a' mile bahwa harapan ayo a' ao' kauntongan nga anyap, ayo a' nangkap Paulus ge Silas, gae nyeret ayo a' ka tempat umum ka tura ayo penguasa. ²⁰Ge, jangkah ayo a' minsak Paulus ge Silas wak hakim-hakim kapala, ayo a' nyansana, " Ayo sook diah anilah sook Yahudi ge agi' ngaco ka kota ite. ²¹Ayo a' ngajar ta adat istiadat da kati banar yak ite narima ato umas samu' sook Roma.²²Sok karah dakoh bangkit samahu-mahu nyarang Paulus ge Silas ge ayo hakim kota ngarantak pangiak Paulus ge Silas, agi' marinta ayo a' yak mokol ayo dua-dua a' nige sangkuhut. ²³Ngalaka maseh menganiaya Paulus ge Silas nige karah aboh padok, ayo a' nise a' ka sadatn panjara ge mangkat parintah kapala panjara yak jage Paulus ge Silas batol-batol. ²⁴Ngalaka narima parintah dakoh, kapala panjara ngamaruh ta Paulus ge Silas ka panjara pajah sadatn ge muuk kaja a yo a' nige pasong.²⁵Kira-kira tuda ngarum, Paulus ge Silas sedang badoa ge ngado' lagu-lagu pujian yak Jabata, ge ayo tahanan laitn a' pun dangah ayo a'. ²⁶Lalu, tiba-tiba tajadi gempa tana baitn da ahyo' sahingga fondasi panjara dakoh ta guncang. Ge, tiba-tiba samaan pintu ta tukas ge pasong satiap sook rapas.²⁷Katika kepala panjara umpatn buis ge mile pintu-pintu panjara laka ta tukas, nie nubut padang a' ge hampir ngamis adup a' sadi karna nie ngira ayo tahanan laka buhoo adup a'. ²⁸Namun, Paulus ngampak nige syarat da nyarek, "Usah membahayakan adupmu sadi karna kai samaan ani kadiah!"²⁹Lakadakoh, kapala panjara dakoh mahe kalita ge lajak talama maruh, lalu gae bagagar, nie sujud ka tura Paulus ge Silas. ³⁰Laka dakoh, nie minsak ayo a' mungkas ge nyansana, "Tuan-tuan, jai da arus iko umas agar gatn nyalamat?" ³¹Ge, ayo a' naham, "Pacaya nih ka sadatn Tuhan Yesus gr imu ao' gatn nyalamat, akump ge samaan sook da madi ka raminmu."³²Lakadakoh, Paulus ge Silas ngabar ta firman Tuhan wak kepala panjara dakoh ge wak samaan sook da ani ka sadatn ramin a'. ³³Lakadakoh, nie minsak Paulus ge Silas, ngarum dakoh uga, ge meet talis-talis ayo a', lalu nie ge samaan kaluarga a' langsung gatn baptis. ³⁴Lakadakoh, Kapala panjara minsak Paulus ge Silas ka ramin a' ge nyiap a' paruman. Maka, nie batol basukacita, bahwa nie ge samaan sook da madi ka ramin a' laka pacaya wak Jabata.³⁵Ao tapi, jangkah ano' nga tano', ayo hakim-hakim kota ngutus maningan polisi, nige nyansana, "Ngabebas ta ayo sook dakoh!" ³⁶Ge, Kepala panjara mangkatn pane pasan dakoh wak Paulus, nige nyansana, "Hakim-hakim kota laka ngadu yak ngabebas ta imu. Karna dakoh, mungkas ta lah mati' ge anolah sadatn kedamaian!"³⁷Namun, Paulus nyansana wak ayo a', "Ayo sook dakoh laka mokol kai ka muke umum, tanpa gant ngadili, ayo sook diah anilah warga negara Roma, ge laka mana kai ka sadatn panjara. Lalu, diuta mati ayo a' ngaluar ta kai secara usup-usup? kati! Biar ta ayo a' sadi utukng ge ngaluar kai." ³⁸Ayo poliisi dakoh mangkatn pane sharatn-sharatn dakoh wak hakim-hakim kota. Ayo a' buut jangkah ayo a' dangah bahwa Paulus ge Silas anilah warga negara Roma. ³⁹Maka, ayo a' utukng ge mahi maaf wak Paulus ge Silas, ayo a' mahe supaya kadua a' ngagatn kota dakoh.⁴⁰Lalu, ayo a' mungkas umpatn panjara ge maruh ka ramin Lidia, ge ayo a' mile age-age saiman, Paulus ge Silas neguhkan ate ayo a', lalu ano'.

Chapter 17

¹Waktu koh, Jangkah Paulus ge Silas laka naru Amfipolis ge Apolonia, ayo a' nyampe ka Tesalonika, ka ume ani nyabuah sinagoge sook Yahudi. ²Lalu, nga ngabiasa a' Paulus, nie maruh ka antara ayo a', ge tuhi a taru ano' sabat nyansana nige ayo a' umpatn Kitab Suci.³gae menjelasta ge mambukti a' bahwa Kristus harus menderita ge bangkit umpatn antara sook kabis, nige nyansana, "Yesus diah, da sadang ko ngabar a' wak imu, anilah Kristus." ⁴Lalu, nyabagian umpatn ayo a' gatn yakin ge ba kubu nige Paulus ge Silas, samahu nige sajumlah ahyo sook Yunani da buut ge Jabata ge ani uga mahu-mahu tahormat.⁵Namun, ayo sook Yahudi jadi iri ate ge minsak mani ngan sook jahe da ba gayo ka tampat umum, ayo a' ngubu a' karah sook ge umas kacau ka kota, lalu nyerbu ramin Yason gae majo Paulus serta Silas yak minsak ayo a' ka sato wak sook karah. ⁶Jangkah ayo a' kati ampud a' Paulus ge Silas, ayo a' nyeret Yason ge ani maningan age saiman ka muka ayo pajabat kota, nige kaing-kaing, "Ayo sook diah, da laka ngaco dunia, laka utukng uga ka diah. ⁷Ge, Yason nyambut ayo a', ge ayo a' samaan ba tindak da ngalawan hukum Kaisar nige muji a' bahwa ani raja laitn, kohlah Yesus."⁸Sookkaah ge ayo pajabat kota jadi resah jangkah dangah hal dakoh. ⁹Ge, ngalaka ayo a' narima jaminan umpatn Yason ge da laitn a', ayo sook dakoh ngarapas a'. Paulus ge Silas ka Kota Berea¹⁰Age-age saiman lajak ngadu Paulus ge Silas, ngarum dakoh uga, ka Berea, ge jangkah ayo a' nyampai, ayo a' ano' ka sinagoge sook Yahudi. ¹¹Ayo sook Yahudi ka teetn rabeh baitn ate a' daripada ayo sook da ka Tesalonika karna ayo a' narima firman nige panhu samangat, gae nyalidik Kitab Suci tiap ano yak panane jika hal-hal dakoh memang benar. ¹²Kat karna dakoh, karah umpatn ayo a' jadi pacaya, tamasok mahu ge are-are Yunani tahormat da jumlah a karah.¹³Ao' tapi, jangkah ayo sook Yahudi ka Tesalonika panane bahwa Firman Jabata uga gatn ngabar a' kat Paulus ka Berea, ayo a' uga pun utukng ka Berea yak mengoyahkan ge meresahkan sook karah. ¹⁴Lalu, nige lajak, age-age saiman ngadu Paulus ano sampe ka pantai, tapi Silas ge Timotius tatap madi ket koh. ¹⁵Ayo sook da ngadung Paulus nabatn a' sampe ka Atena, ge laka nerima pasan umpatn Paulus yak Silas ge Timotius agar utukng wak a' secapat a', ayo a' pun barangkatn. Paulus ka Kota Atena.¹⁶Sementara Paulus nganti ayo a' ka Atena, roh a' rase gatn nyusah ta ka sadatn adup a' karena nie mile kota dakoh panhu nige patung-patung berhala. ¹⁷Kat karna dakoh, nie ba paham ka sinagoge nige ayo sook Yahudi ge ayo sook umpatn bangsa laitn da buut ge Jabata, serta ka tampat umum, tiap ano', nige ayo sook da pas ani ka koh.¹⁸Maningan ahli pikir umpatn kalompok Epikorus ge Stoa uga sarita nige a'. Ge, maningan nyansana, "Jai da ngate gatn muji sa pambuat diah?" Da laitn Nyansana, "Samu a', nie diah anilah sook pangabar dewa-dewa asing," karna nie ngabar a' Yesus ge pangkitdup a'.¹⁹Lalu, ayo a' nabatn a' ge minsak a' ka Areopagus, gae nyansana, "Boleh bak kai panane ajaran bahu jai da akump ngabar a' diah? ²⁰Sabab, akump sadang minsak mani hal da bulah heran ka rajak kai. Kai ngate panane jai maksud hal-hal dakoh." ²¹(Saat dakoh, samaan sook Atena ge ayo sook asing da madi ka teetn terbiasa ngangkabas ano' ayo a' nige kati bulah jai pun salitn muji atau dangah ani hal da bahu.)²²Maka, Paulus agutn ka tuda-tuda Areopagus ge nyansana, " He ayo sook Atena, iko mengamati bahwa sadatn sagale hal imu batol baragama. ²³Sabab, jangkah iko sadang ngalimpu ge nyantunung barang-barang da imu nyambah, iko uga mile nyabuah para nige tulisan diah, 'WAK JABATA DA KATI KATN NGANAL.' Karna koh, jai da imu nyambah tanpa mu kanal ge a', dakohlah da iko ngabar wak imu.²⁴Jabata da bulah dunia diah ge sagale jaipun da ani ka sadatn a', karena Nie anilah Tuhan rangit ge tana paitn, kati madi ka sadatn kuil-kuil da gatn bulah nige barekng talino, ²⁵kati uga nie gatn layan kat kaja barekng talino, sa akan-akan Nie parlu jaipun karna Nie sadi da mangkatn wak asi saja kahidupan, ge singat, ge sagale hal a'.²⁶Ge, Nie ta da bulah, umpatn nyungan sook, samaan bangsa umat talino yak madi ka samaan muka tana paitn diah, ngalaka natap a' musim-musim ge batas-batas tampatn idup ayo a', ²⁷supaya ayo a' najo Jabata, ge jika memang mungkin ayo a' kaatn nyantuh-' ge umpud-A' meskipun Nie kati jauh umpatn ite masing-masing.²⁸Sabab, ka sadatn Nie, ite idup, bagarak, ge ani. 'Karna ite diah uga anilah katurunan-A'.' ²⁹Jadi, karena ite anilah katurunan Jabata, ite saharus a' kati bapikir bahwa kaadaan ilahi dakoh samu taranik, ato perak, ato batu, nyabuah wujud da gatn bulah a'³⁰Kat karna dakoh, ngalaka ngabai a' masa-masa baga, mati Jabata mangkatn pane samaan sook ket ume-ume agar ba tobat, ³¹Karna Ni ngalaka manentukan ano' hal jangkah Ine ao' ngakim dunia sadatn kaadilan naru nyungan sook da laka gatn nentu-A', ngalaka Ni mangkatn bukti wak samaan sook nige mangkidup a' sok dakoh umpatn sook da kabis."³²Ge, jangkah ayo a' dangah tantang pangkidu umpatn sook kabis, manningan sook mule ngejek, tapi da laitn nyansana, "Kai ngate dangah imu agi tantang hal diah." ³³Maka Paulus ano umpatn tuda-tuda ayo a'. ³⁴Ao' tapi, maningan sook bagabung nige a' ge jadi pacaya, ka antara a' uga ani Dionisius, anggota Areopagus, ge nyungan sook mahu da ba gaatn Damaris, serta maningan sook alitn da samahu ayo a'.

Chapter 18

¹Ngalaka dakoh, Paulus ngagatn Atena ge ano ka Korintus. ²Ge, Paulus badapud sok Yahudi bagaat Akwila, keturunan Pontus, baru ta utukng umpatn Itali samahu sautnie, Priskila, karena Klaudius laka memerintah ta samaan sok Yahudi ngagatn ta Roma. Paulus utukng wak ayo a', ³ge karena ayo a' umpu a pangaraje da samu, Paulus madi samahu ayo a' ge karaje karna pakaraje a' ayo a' anilah pabulah tenda.⁴Ge, Paulus batukar paham ka sinagoge tiap ano Sabat ge barusaha yak mayakinkan ayo' sok Yahudi ge Yahudi. ⁵Namun, katika Silas ge Timotius sosor umpatn' Makedonia, Paulus mule mengabdikan adup a' sapanhu a' yak ngabar firman, gae bersaksi nige' sunguh-sunguh ka ayo' sok Yahudi bahwa Yesus anilah Kristus. ⁶Ao tapi, katika ayo a' nantang a' ge ngaraca Paulus, nie ngimhar a' pangiak a' ge nyansana wak ayo a', "Dayyamu ani ka samo' abakmu sadi! Iko bersih. Mule mati ge satarus a', iko' ao' ano ka bangsa-bangsa lait'n."⁷Lakadakoh, nie ngagat ta tampat dakoh ge ano ka ramin ani sook da bagaat Titus Yustus, nyungan sook inja Yahudi da nyembah Jabata, da ramin a' ani ka sabalah sinagoge. ⁸Krispus, kapala sinagoge, jadi pacaya ka sadat'n Tuhan nige samaan sook da madi ka ramin a', ge karah sok Korintus da laka dangah a' Paulus jadi pacaya ge gatnbaptis.⁹Lalu, Tuhan nyansana wak Paulus ka ngarum sadat'n pamile a', "iya' buut, tapi taruslah nyansana ge usah tunguh, ¹⁰Karna Iko' samahu imu' ge kati ani sook pun da ao' nyarangmu yak menganiayaanmu karna ani karah umat-Ko' ka kota diah." ¹¹Maka, Paulus madi ka teet'n salama nyasawa unum burat'n, gae ngajar a' Firman Jabata ka antara ayo'. Paulus kahadapan ka Galio¹²Namun, katika Galio jadi prokonsul Akhaya, ayo' sok Yahudi nige' nyaate bangkit malawan Paulus ge nabat a' ka hadapan kursi pengadilan, ¹³nige nyansana, "Sok diah sadang mempengaruhi karah sok yak menyembah Jabata da berlawanan nige' Hukum Taurat."¹⁴Ao tapi, katika Paulus ampir muka baba a', Galio nyansana ka ayo' sook Yahudi dakoh, "Jika diah anilah persoalan pelangaran ato kajahatan da keji, hei ayo' sook Yahudi, iko' patut batanggung jawab ka perkaramu. ¹⁵Namun, jika diah anilah persoalan tentang sarat'n-sarat'n, ge gaat-gaat, ge hukummu sadi, uruslah adup. Iko' kati tuh jadi hakim ka hal-hal dakoh."¹⁶Lalu, Galio ngiusir ayo a'umpat'n ruangan pengadilan. ¹⁷Lakadakoh, ayo' samaan nangkap Sostenes, kapala sinagoge, ge mokol a' ka depan ruangan pengadilan. Ao tapi, Galio kati memperhatikan hal-hal dakoh. Paulus ure ka kota Antiokia¹⁸Ngalaka dakoh, Paulus madi ngamani ano agi, lalu bapamit nige age-age saiman ge balayar ka Siria, samahu nige' Priskila ge Akwilah. Ka Kengkrae, Paulus ngalaka nyukur abok a' karna niengalaka umas nazar. ¹⁹Lakadakoh, ayo a' nyampe ka Efesus ge Paulus ngagat a' Priskila ge Akwila ka teet'n, tetapi nie sadi maruh ka sinagoge ge batukar pikir nige ayo sook Yahudi.²⁰Katika ayo' ngadu Paulus yak madi tuhi-tuhi, Paulus kati satuju a', ²¹tapi bapamitan nige' ayo ge nyansana, "Iko' ao utuk'ng agi wak akup jika Jabata menghendaki a'. "Ge , nie balayar umpat'n Efesus.²²Ngalaka nie' ano ka Kaisarea, nie' maka ge mangkat'n salam ka ayo jamaat, lalu ano ka Antiokia. ²³Ge, ngalaka mangkabas mani ano ka teet'n, nie' ngagat tampat dakoh ge ngaliling nyatampat ka tampat lait a' ka wilayah Galatia ge Frigia, gae manguat a' ta samaan murid. Apolos ka kota Efesus ge kota Korintus²⁴Suatu saat, ani sok Yahudi da bagaat Apolos, katurunan Aleksandria, utuk'ng ka Efesus. Nie' anilah sook da terpelajar ge mahir sadat'n hal kitab Suci. ²⁵Sook diah laka gatn ngajar tantang gala Tuhan ge basamangat ka sadat'n roh. Nie' nyansana ge ngajar nige' taliti hal-hal tentang Yesus, tapi nie' hanya pananebaptisan Yohanes. ²⁶Nie' mule nyansana nige' pagat ka sadat'n sinagoge, tapi katika Priskila ge Akwila dangah a ta, ayo a' nujut a' ka samping ge manjelas a' Gala Jabata nige' labih pas.²⁷Ge, katika Apolos ngate nyeberang ka Akhaya, age-age saiman maneguh a' ta ge nulis wak murid-murid agar nyambut pangkutuk a' ta. kati nie' utuk'ng, nie' karah nolong ayo' da kaat karna anugerah laka jadi pacaya, ²⁸karna nie' nige' karas ngabantah ayo' sok Yahudi ka muke umum, gae menunjukan umpat'n kitab Suci bahwa Kristus anilah Yesus.

Chapter 19

¹ Hal diah tarjadi, samantara Apolos madi wak Korintus, Paulus nabo daerah padalaman ge' sampe wak Efesus. Wak teet, ini' amput mani ungan murid. ² Paulus muji' ka ayo'a, "Jai'ta imu' narima Roh Kudus pas imu' laka jadi pacaya?" Ayo'a naham, Kati, bahkan kai' ti'nga parnah dangah kalo ani Roh Kudus."³ Lalu, Paulus muji', "Wak sadat'n jai, laka dakoh, imu' gat'n baptis?" Naham ayo'a baptisan Yohanes." ⁴ Paulus muji' "Yohanes mambaptis nige baptisan partobatan, sambil muji' ayo-sok ya' pacaya ka Sook da aok utukng ngalaka ini', diu'ta ka Yesus."⁵ Ngalaka ayo'a dangah hal diah, ayo'a gat'n baptis wak sadat'n gaat'n Tuhan Yesus. ⁶ Laka dakoh, pas Paulus laka numpang barekng'a ka samo ayo'a, Roh Kudus utukng ka samo ayo'a, lalu ayo'a mule nyansana ka sadat'n barbage bahasa ge' banubuat. ⁷ Ayo'a samaan bajumlah kira-kira dua balas ayo-sok are.⁸ Maka, Paulus maruh ka sinagoge ge' nyansana nige pagat'n salama taru burat'n, sambil batukar pikiran ge' mayakinkan ayo'a tentang Krajaan Jabata. ⁹ Tapi aok'a, pas mani ungan sok da ngaras ate ge' nolak pacaya, sambil muji' hal-hal da jahe tentang pagala dakoh wak tura sok da karah, Paulus ngagat'n ayo'a ge' minsakng ayo murid anu, sambil batukar pikiran satiap ano wak sakolah Tiranus. ¹⁰ Hal diah balangsung salama dua taun sahingga samaan sok da madi wak Asia dangah Firman Tuhan, bait ayo-sok Yahudi maupun ayo-sok Yunani. Anak-anak Skewa¹¹ Jabata umas karah mukjizat da luar biasa nabo barekng Paulus, ¹² Sahingga sapu barekng ato celemek da parnah marap barekng Paulus gat'n minsakng ka ayo-sok anap'm, maka panyakit ayo'a ilang ge' roh-roh da jahe kaluar umpat'n ayo'a.¹³ Barang, mani ungan pangusir setan Yahudi da bajalat'n kalilikng barusaha nyebut gaat'n Tuhan Yesus atas ayo-sok nda karasukan roh-roh jahe sambil muji, "Iko' nyumpah Paulus nyarita'ta!" ¹⁴ Ijo ungan anak are Skewa, sara' nyungan imam da aihyo Yahudi, da bulah'a.¹⁵ Tapi aok'a, roh jahe dakoh naham ge' muji' ka ayo'a, "Iko' kanal Yesus ge' iko' pane tentang Paulus, tapi asi imu'??" ¹⁶ Lalu, sok da karasukan roh jahe dakoh malompatka arah ayo'a, ge' bakuasa ka samo ayo'a, gae ngalah ayo'a samaan sahingga ayo'a boho adup'a wak ramin dakoh ka sadat'n kaadaan ugakng ge' talih. ¹⁷ Hal diah gat'n pane uleh samaan warga Efesus, bait ayo-sok Yahudi maupun ayo-sok Yunani. Ge', ayo'a samaan jadi buut ge' gaat'n Tuhan Yesus samangkin gat'n muliakan.¹⁸ Karah umpat'n antara ayo'a da laka manjadi pacaya tatap utukng, sambil ngako ge' nyarita parbuatan-parbuatan ayo'a. ¹⁹ Lalu, karah umpat'n ayo'a da parnah bulah sihir, ngumpul buku-buku ayo'a ge' nyahu'a wak depan samaan sok. Ge', ayo'a ngitong nilai buku-buku dakoh ge' amput nilai'a mancapai 50.000 kapikng parak. ²⁰ Jadi, firman Tuhan tarus batumbuh ge' bakuasa. Paulus Marancanakan pagala'a²¹ Ngalaka hal-hal dakoh salasai, ka sadat'n Roh, Paulus bamaksud anu ka Yerusalem ngalaka ini' nabo Makedonia ge' Akhaya, nige muji', "Ngalaka iko' madi wak teet'n, iko' uga harus mile Roma." ²² Ge', ngalaka mangutus dua ungan da malayani'a ka Makedonia, diu'ta Timotius ge' Erastus, ini' sandiri madi mani ano wak Asia. Demetrius Timbul kakacauan wak Kota Efesus²³ Sakitar waktu dakoh, wak teet'n tarjadei karusuhan da kati inekmanganai pagala dakoh. ²⁴ Barang, ani sok ba'gaat'n Demetrius, sok pangarajin perak, da umas kuil-kuil perak Dewi Artemis, mangkat'n panghasilan da kati iget bagi tukang-tukang'a. ²⁵ ayo tukang'a dakoh ini' ngumpul samahu nige pangaraje-pangaraje wak bidang sarupa ge' muji', "Ayo-age, imu' pane kalo kamakmuran ite brasal umpat'n parusahaan diah.²⁶ Lalu, imu' mile ge' dangah kalo, inya hanya wak Efesus malait'nkan ampir wak saluruh Asia, Paulus laka mayakinkan ge' bulah karah sok malik nige muji' kalo Jabata da gat'n umas nige barekng talino inyalah Jabata. ²⁷ Hal diah bahaya inya hanya kalo usaha ite aok jantu ka sadat'n nyamanya, tapi uga kuil Dewi Artemis da agung dakoh kati aok iget pun gat'n ngitong, ge' ini', da gat'n nyembah wak saluruh Asia ge' dunia, aok ayap kaagungan'a."²⁸ Pas ayo'a dangah hal diah, ayo'a jadi kuat baji ge' ngampak-ngampak, "Aihyolah Artemis, dewi sok Efesus!" ²⁹ Lalu, kota dakoh gat'n ngampahnu nige kakacauan ge' ayo'a bagalabak samahu-mahu ka gedung kasenian sambil ngarihit Gayus ge' Aristarkhus, sok Makedonia da diu'ta kawan bajalat'n Paulus.³⁰ Sa', pas Paulus ngate anu maruh wak antara sok karah dakoh, ayo murid kati mambiar'a. ³¹ Bahkan, nyamani pangkhaihyo Asia da bakawan nige'a ngirim nyabuah pusut'n ka ini' ge' baulang kali mamohon ka ini' ya' kati nyarah adup'a ka gedung kasenian dakoh. ³² Maka, sabagian ngampak tarut'n ge' sabagian da lait'n'a, barang kumpulan dakoh ani ka sadat'n kakacauan ge' sabagian aihyo umpat'n ayo'a kati pane jai alasan ayo'a laka utukng bakumpul.³³ Sabagian umpat'n sok karah dakoh nyimpul Aleksander barang ayo-sok Yahudi laka nyurong'a ka depan, ge' ngalaka Alexander mangkat'n isyarat nige barekng'a ini' bamaksud umas pambelaan wak tura sok karah. ³⁴ Sa', pas ayo'a nganal kalo Aleksander diu'ta sok Yahudi. salama kira-kira dua jam, ayo'a samaan ngampak nige nyiteng sarat'n, "Aihyolah Artemis, dewi sok Efesus!"³⁵ Ngalaka panitera kota ngadu sok da karah dakoh tanang, ini' nyansana, "Hei ayo-sok Efesus, asi sok da kati pane kalo kota Efesus diu'ta panjaga kuil Dewi Artemis da agung ge' da disah umpat'n rangit? Jadi, barang hal-hal dakoh kati kaat'n gat'n ngabantah, imu' saharus'a tatap tanang ge' kati batindak garupoh. ³⁷ Sa', imu' laka minsakng ayo-sok diah ka diah, da kati marampok kuil ato manghujat dewi ite.³⁸ Uleh karna dakoh, Demetrius ge' tukang-tukang da samahu-mahu nige'a umpu kaluhan tradap sook, pangadilan gat'n muka ge' ani prokonsul. Kate'a ayo'a mangajukan tuntutan nyiteng tradap da lait'n'a. ³⁹ Barang, sa' imu' manghendaki tarut'n hal da lait'n, hal dakoh kaat'n gat'n nyalesai ka sadat'n sidang rakyat manurut hukum. ⁴⁰ Sa', ite madi ka sadat'n bahaya ya' gat'n nuduh ka samo karusuhan ani diah barang kati ani alasan jai pun da kaat'n ite jalaskan tentang badaput da kacau diah." ⁴¹ Ngalaka ini' muji' hal-hal diah, ini mambubar kumpulan sok dakoh.

Chapter 20

¹Ngalaka karusuhan dakoh barakhir, Paulus ngundang ayo murid, ge' ngalaka nguat ate ayoa', ini' bapamit nige' ayoa' ge' anu nuju ka Makedonia.²Ngalaka ini' ngalusur rappo-rappo ka teetn ge' mangkatn karah patuah ka ayoa', ini' sampe ka Yunani. ³Ge', kateetn Paulus madi salama taru buratn. Karna ayo sok Yahudi ngumas pasakongkolan ya' malawana jangkah ini' ngate balayar ka Siria,ini' ngamutus ya' malik nabo Makedonia.⁴Paulus gatn namahi gat Sopater umpatn Berea, anak Pirus, ge' Aristarkus ge' Sekundus, umpatn Tesalonika, ge' Gayus umpatn Derbe, ge' Timotius, ge' uga Tikhikus ge' Trofimus umpatn Asia.⁵Ayoa' barangkat labih uru ge' sadang nganti kai ka Troas, ⁶tapi kai balayar umpatn Filipi ngalaka Hari Raya Roti Kati' Baragi, ge' utukng ka ayoa' ka Troas sadatn 5 ano, ka teetn kai madi' salama 7 ano. Kunjungan Paulus da Tarakhir ka Kota Troas⁷Pas ano partama minggu dakoh, jangkah kai agi bakumpur samahu ya' mucuh roti, paulus nyansana ka ayoa' karna maksud ya' barangkat ka ano da ao'a, ge' ini', mangkangho pusutna sampe tuda ngarum. ⁸ Ani karah lampu ka ruang samo, tampat kai bakumpur.⁹Ge', ka teetn ani bujakng da bagaatn Eutikhus agi unyung ka jandela ge' tangulup sadatn buus da balapm. Lalu, samantara Paulus tarus nyansana sadatn waktu da tuhi, ini' samangkin tangulupm sadatn buus ge' jantu ka umpatn bitak kataru ge' gatn ngangkat sadatn kaadaan ngakabis. ¹⁰ Namun, Paulus disah lalu ngangkujor adup'a ka samoa', ge' nangkulok'a, ge' nyansana, "iya' bagauh karna nyawaa maseh ani kasadatna".¹¹Jangkah Paulus malik maka, lalu mucuh-mucuh roti ge' uman, ini' nyansana ka ayoa' sadatn waktu da tuhi', sampe subuh. Ngalaka dakoh ini' barangkat. ¹²Ayoa' minsak bujakng dakoh ure sadatn kaadaan idup ge' misa' aru tarhibur. Parjalanan umpatn Kota Troas ka Kota Miletus¹³Namun, ngalaka anu labih uru ka kapal, kai balayar ka Asos nige' maksud amput Paulus ka teetn karna ini' ngalaka umas rencana ladakoh, ini' sadi' bamaksud anu ka teetn nige' bajalatn kaja'.¹⁴ Ge', jangkah ini' badaput nige' kai ka Asos, kai amput'a, lalu anu ka Metilene.¹⁵Ngalaka balayar umpatn teetn, kai nyampe ka jakkap aria ka Khios. Ano barikut'a, kai ngariket Samos, ge' nyanoa agi' kai sampe ka Miletus.¹⁶Sabab, Paulus ngalaka mamutusa' ya' balayar nabo Efesus supaya ini' kati' ngangkabas waktu ka Asia karna ini' galabak sampe ka Yerusalem, sak ani kamungkinan, ka ano Pentakosta. Paulus Nyansana ka Panatua Efesus¹⁷Umpatn Miletus, Paulus ngutus sok ka Efesus ge' ngadu ayo panatua jemaat utukng ka ini'. ¹⁸Ge', jangkah ayoa' utukng ka ini', ini' nyansana ka ayoa', "Imu' sadik pane, langkina iko idup ka antaramu sapanjang waktu, mulei ano da partama iko' nginyak kaja'ko ka Asia, ¹⁹gae malayan Tuhan nige' sagala karendahan ate, ge' nige' paitn matu, ge' nige' pancobaan-pancobaan da nimpako' nabo pasekongkolan ayo sok Yahudi, ²⁰langkina iko' kati' nahan adup ya' mamberitaa' ka imu' sagala tarutn da bagune ge' dangajar imu' ka tura umum ge' umpatn ramin ka ramin, ²¹Batol-batol ta mangkatn kasaksian, bait ka ayo sok Yahudi atopun ayo sok Yunani, manganai partobatan ka Jabata ge' bariman ka Tuhan ite', Yesus Kristus.²²Ge' mati', ilek ta, nige' gatn ningo' katn Roh, iko' agi sadatn parjalanko' ka Yerusalem, tampa pane jai da ao' tajadi wa' iko' ka teetn, ²³kacuali sak Roh Kudus basaksi nige' batol-batol ka satiap kota kaiko' bahwa panjara ge' siksaan laka nganti iko'.²⁴Tapi, iko' kati' nganggap idupko' bararga ka adupko' sadi' singga iko' kaatn nyalesai tugasko' ge' palayanan da iko' nyamut umpatn Tuhan Yesus, dakoh ta ya' basaksi nige' batol-batol manganai Injil batol-batol manganai Injil anugerah Jabata.²⁵ Ge' mati', mile' ta, iko' pane bahwa kati' ani ka antaramu, da ka imu' iko bakaliling ngabar Karajaan , ao' mile' bahasko' agi'.²⁶Karna dakoh, iko' basaksi ka imu' ano diah bahwa iko' kati' basara tarhadap daya'mu' samaan.²⁷Sabab, iko' kati' nahan adup ya' ngabar ka imu' samaan rancana Jabata.²⁸ Ngajaga ta adupmu sadi' ge' samaan kawanan, da wa' samoa Roh Kudus laka umasmu' ya' jadi pangawas ya' manggembala jemaat Jabata, da laka Ini' kaatn nige' daya Adup-A. ²⁹Iko' pane bahwa ngalaka kabarangkatanko' diah, sarigala-sarigala da buas ao' utukng ka antara imu', kati' mase' ka kawanan dakoh. ³⁰ Ge', umpatn antara imu' sadi' ao' bangkit ayo sok da nyansana manganai hal-hal da nyasat ya' manarik murid-murid umpatn ayoa'.³¹Ya' karna dakoh, bajaga-jaga ta, gae ngingat bahwa tano ge' ngarum, salama 3 taun, iko' kati' baranti ngingatmu' masing-masing nige' paitn matu.³²Ge' mati', iko' nyarah imu' ka Tuhan ge' ka firman anugerah-A da aba' mambangunmu' ge' mangkatnmu' warisan ka antara samaan sok da gatn ngudus.³³Iko' kati' ngate perak, ato barawatn, ato pangiak asi pun. ³⁴Imu' sadi pane bahwa barekng diah malayan kapalaluanko' ge' ayoa' samahu-mahu nige' iko'. ³⁵Sadatn hal jai, iko' laka nujo' ka imu' bahwa nige' bakaraje karas samu ge' cara diah, ite' harus nulong da lamah ge' nyanuut saratn Tuhan Yesus, bahwa Adup Ini' ta da muji', 'Labih auhatn ate mangkatn daripada narima."³⁶Ge', jangkah ini' ngalaka muji' hal-hal diah, ini' balutut ge' badoa samahu ayoa' samaan.³⁷Lalu, ani karah da munse' ka antara ayoa' ge' ayoa' nakulok jangok Paulus, gae nyiuma',³⁸aru ta ayoa' basedih, tarutama karna saratn-saratn da ini' muji' bahwa ayoa' kati' ao' mile' bahas'a agi'. Lalu, ayoa' namahi Paulus ka kapal.

Chapter 21

¹Ngalaka kai bapisah umpat'n ayo a' ge ngalaka malik buhut, kai langsung balayar ka Kos, ge ano a' ka Rodos, ge umpat'n teetn ka Patara, ²Lalu ngalaka kai umpud nyabuah kapal da menyeberang ka Fenisia, kai maka kapal dakoh ge balayar agi.³Katika kai nga mile Siprus, kai ngalewat a' pajah kiri kai ge tatap balayar ka Siria, lalu disah ka Tirus karena kapal ao' nguhas a' barang-barang. ⁴Ngalaka badapud nige ayo murid, kai madi keet teetn ijo' ano. Ge, lewat Roh, ayo a' tarus nasehat a ta Paulus agar kati berangkat ka Yerusalem.⁵Ketika waktu kai nga abas ket teetn, kaibarangkat ge ngalanjut a' pajalatn kai. Ayo a' samaan, samahu saut ge anak a', ngantud ta kai sampe ka luar kota koh. Lalu, ngalaka balutud ka pantai ge bapumung, ⁶kai saling ba pamit nyungan ge da laitn. lakakoh, kai maka ka kapal ge ayo a' ure agi ka ramin a'.⁷Ngalaka kai ngangkabas pajalatn kai umpatn Tirus, kai sampai ka Ptolemais, ge kai ngabase age-age seiman, serta madi samahu ayo a' nyando'. ⁸ka ando da nyando a', kai berangkat ge ano ka Kaisarea, Lalu maruh ka ramin Panginjil Filipus, da anilah nyungan dari ijo' sok dakoh, lalu madi samahu a'. ⁹nie ani apat ungan anak parawan da bernubuat.¹⁰Sementara kai madi ka dakoh selama mani ano, nyungan nabi da bagaat Agabus utuk bit Yudea. ¹¹Lalu, ngalaka utukng ka kai, nie' naaf taliban Paulus ge muuk barek ge kaja adup a', lalu nyansana, "Diahlah da roh Kudus muji a', 'Nige cara diah ayo sook Yahudi ka Yerusalem ao' muuk sook da umpu taliban diah ge nyarah a ta ka barek bangsa-bangsa laitn.'"¹²Ketika kai dangah hal dakoh, kai ge ayo sook da madi ka teetn mahe mohon Paulus yak kati ano ka Yerusalem. ¹³Lakakoh, Paulus naham, "jai da imu bulah, munse ge menghancurkan ateko? sabab, iko siap, inja yak ni muuk, tapi juga yak kabis ka Yerusalem demi gaat Tuhan Yesus." ¹⁴Ge, Karena Paulus kati bisa nimuji a', kai usup ge nyansana, "Biarta kehendak Tuhan da tajadi."¹⁵Ngalaka ano'-ano' dakoh, kai ba siap-siap ge berangkat ka Yeeusalem. ¹⁶Ani maningan murid umpatn Kaiseria uga ano samahu nige kai, gae minsak kai ka ramin Manason, sook Siprus, ani sook murid sejak tuhi, da nige a' kai madi. Paulus Nganto ka Yakobus¹⁷Ngala kai utukng ka Yerusalem, age-age seiman nyambut kai nige ripo, ¹⁸Lalu, ka ando' laitn a', Paulus ano' samahu kai nganto ka Yakobus, ge samaan penatua utukng. ¹⁹Ngalaka nyampaikan salam ka ayo a', Paulus mule sarita nyungan-nyungan hal da ngalaka Jabata umas a' ka anatara bngasa-bangsa laitn lewat pelayanan a'.²⁰Ge, ketika ayo a' dangah a, ayo a' memuji Jabata. Lalu, ayo a' nyansana wak Paulus, "Mile ta lah, Age, mani ribu sook ka antara ayo sook Yahudi ka teetn da jadi pacaya ge ayo a' samaan giat ge Hukum Taurat, ²¹ge ayo a' laka gatn mangkat pane tantang akump, kohlah bahwa akump ngajar samaan sook Yahudi ka antara bangsa-bangsa laitn yak menyimpang umpatn hukum Musa, gae mangkat pane ayo a' ato bajalatn menurut adat istiadat ite.²²Lalu, jai da harus ite umas a'? Ayo a' pasti ao' dangah bahwa akump nga utukng. ²³Oleh karna dakoh, umas a' ta lah jai da kai muji a' diah wak imu. ani apat ungan umpat kai da ani ka saroh nazar, ²⁴Nabat ayo a' ge suci ta adupmu samahu nige ayo a', lalu mayar ta lah biaya-biaya ayo a' sahingga ayo a' kaatn nyukur abak ayo a'. Nige lakoh ta lah, samaan sook ao' panane bahwa baoh hal-hal da laka gatn muji wak ayo a' tentang akump, tatapi bahwa akump sadi juga idup menurut Hukuman Taurat.²⁵Namun, tentang bangsa-bangsa laitn da jadi pacaya, kai laka nulis surat ge mutus ta bahwa ayo a' harus ngindar umpatn, 'dagin da laka gatn persembhaknan wak berhala-berhala, ge umpatn dayya, ge umpatn jai da laka gatn nyekel, ge umpatn dose-dose seksual.' " Paulus Gatn nangkap ²⁶Lakadakoh, Paulus minsakayo sook dakoh, lalu ano da unyi a', ngalaka nie laka nyuci a' adup a' samahu nige ayo a', nie maruh ka sadat Bait Jabata ge mangkatn pane masa penyuciaan ao tarakhir katika kurban persembahan gatn mangkat wak masing-masing ayo a'.²⁷Ketika hampir genap ijo' ano, ayo sook Yahudi umpatn Asia, ngalaka mile Paulus ka sadatn Bait Jabata, menghasut sok karah ge nangkap Paulus, ²⁸gae ngampak, "Hei ayo' sook Israel, nolok! Sook diah ta lah da ngajar a' satiap sook ket me-me ngalawan bangsa ite, ge Hukum Taurat, ge tampatn diah. Ge, labih agi, nie bahkan nabat ayo sook Yunani ka sadatn Bait Jabata ge laka menajis ta tampat suci diah!" ²⁹Sabab, sebelum a' ayo a' laka mile Trofimus, sook Efesus, samahu nige a' ka sadatn kota ge ayo a' ngira Paulus laka nabatn a' maruh ka sadat Bait Jabata.³⁰Lakadakoh, samaan kota jadi gempar ge ayo sook utukng berkerumun. Ayo a' nangkap Paulus ge nyeret a' ka luar umpatn Bait Jabata, lalu pintu-pintu Bait Jabata segera gatn nutup. ³¹Sementara ayo a' berusaha yak ngabis a', nyampailah laporan wak kepala pasukan Roma bahwa samaan Yerusalem sedang dalam kekacauan.³²Saat dakoh uga, nie nabatn ayo prajurit ge ayo perwira, lalu talama sosor wak ayo a'. Ge, ketika sook karah dakoh mile kepala pasukan ge ayo prajurit, ayo a' madi mokol Paulus. ³³Ngalaka dakoh, kepala pasukan ngareket Paulus ge nangkap a', serta marinta a' agar Paulus gatn muuk nige dua rante. Lalu, nie mule nanya asi Paulus ge jai da laka nie umas.³⁴Ao tatapi, nyabagian umpatn sook karah dakoh ngampak anihal ge sabagian da laitn a'. Ge, ketika nie kati kaatn panane nige pasti karena karusuhan dakoh, nie marintah a' agar Paulus gatn minsak ka Markas. ³⁵Ketika nie nyampe ka tangga, Paulus harus gatn nalen kat ayo prajurit karna amukan kerumanan sook, ³⁶Sebab, sook karah dakoh terus nganang ayo a', gae ngampak, "Enyahkan Inie!"³⁷Sementara Paulus ao' gatn nabat maruh ka markas, Paulus nyansana wak kepala pasukan, "Boleh bak iko muji ani hal wak imu?" Ge, kepala pasukan dakoh naham, "Imu pane bahsa Yunani? ³⁸Kalau pangkoh, imu inya sook Mesir da mani tuhi lalu bulah pemberontakan ge memimpin apat ribu sook pangamis ka padang gurun?"³⁹Namun, Paulus nyansana, "Iko anilah sook Yahudi umpatn Tarsus, Kilikia, ani warga umpatn kota da penting. Iko mohon, izin ta iko nyansana wak ayo sook dakoh." ⁴⁰Ge, ketika kapala pasukan mangkatn izin, Paulus agutn ka tangga ge mangkatn isyarat wak ayo sook nige barekng a'. Lalu, ketika suasana ngalaka jadi tenang, nie nyansana wak ayo a' sadatn bahsa Ibrani nige nyansana.

Chapter 22

¹ "Ayo-age ge' Ayo-sama', dangahnih pambelaanko' mati ka imu'." ² Ge', sa' ayo'a dangah kalo Paulus maba ayo'a ka sadat'n bahasa Ibrani, ayo'a samangkin tunguh-tunguh, ge' Paulus nyansana,³ "iko' ani'ta sok Yahudi, lahir wak Tarsus, Kilikia, tapi gat'n ngangkaihyo wak kota diah, gat'n ngadidik wak saroh Gamaliel nige ketat sasuai hukum ninek moyang ite', ge' jadi giat mangkat'n Jabata, samu ulah imu' samaan pas ano diah. ⁴ Iko' nganiaya pagala diah sampe pas kabis, ningo ge' ngadu ayo'a maruh, bait ayo-are maupun mahu, ka sadat'n panjara, ⁵ ulah da uga Imam Aihyo ge' saluruh majelis pangama kaat'n basaksi ka iko'. Umpat'n ayo'a iko' narima surat-surat ya' ayo-age wak Damsyik ge' anu ya' ningo ayo'a da aok gat'n ngukum.⁶ Maka, tarjadilah, samantara iko' sadakng ka sadat'n pagala ge' ampir sampe wak Damsyik, kira-kira pas ano tano, tiba-tiba cahaya tarakng umpat'n rangit babalo ngangkalilikngko'. ⁷ Iko' tasungkur ka tana ge' dangah sarat'n ka iko', 'Saulus, jai imu' manganiaya iko'?' Ge', iko' naham, 'Asi'ta Akup'm, Tuhan?' Lalu, ini' muji' ka iko', 'Ikolah Yesus umpat'n Nazaret, da sadakng imu' aniaya.'⁹ ayo-sok da samahuko' mile cahaya dakoh, tapi kati ngarati sarat'n sok da sadakng nyansana ka iko'. ¹⁰ Ge', iko' muji, 'Jai da harus iko' umas, Tuhan?' Ge', Tuhan naham iko', 'Agut ge anulah ka Damsyik, ge' ka teet, imu' aok gat'n muji' samaan sok laka gat'n natap ya' imu' bulah.' ¹¹ Ge', sa' iko' kati kaat'n mile barang kamuliaan cahaya dakoh, iko' gat'n nuntun uleh ayo-sok da samahuko' ge' maruh ka Damsyik."¹² Laka dakoh, ani sok da bagaat'n Ananias, sok da saleh manurut Hukum Taurat, ge' gat'n nganal bait uleh samaan sok Yahudi da madi wak teet, ¹³ utukng ka iko', ge' ngalaka agut'n wak suut'nko', ini' muji', 'Age Saulus, milenih!' Lalu, saat dakoh, iko' kaat'n mile agi ge' mile ini'.¹⁴ Ge', ini' nyansana, 'Jabata ninek moyang ite manatapkanmu' ya' pane kahendak-A ge' mile da Raman, gae dangah sarat'n umpat'n baba-A, ¹⁵ Barang imu' aok jadi saksi mangkat-a bagi samaan sok tentang jai da laka imu' mile ge' dangah. ¹⁶ Ge', mati', jai imu' manunda-nunda? Umpatlah ge' mangkat'nlah adupmu' gat'n ngabaptis, gae marasih duse-dusemu' sambil maba gaat-A.'"¹⁷ Sa' iko' kambali ka Yerusalem ge' sadakng badoa wak Bait Jabata, iko' gat'n nguasai Roh, ¹⁸ ge' iko' mile Ini' nyansana ka iko', Bagegasnih ge' japat mungkas umpat'n Yerusalem barang ayo'a kati aok narima kasaksianmu' tentang Iko.'¹⁹ Lalu, iko' nyansana, 'Tuhan, ayo'a sadi pane kalo iko' ge' ningo ayo'a da pacaya ka-Mu' umpat'n nyiteng sinagoge ka da lait'n'a. ²⁰ Laka dakoh, sa' daya' saksi-Mu', Stefanus, gat'n nuntokng, iko' sadi sadakng agut'n wak teet, manyatuji, ge' ngajaga pangiak-pangiak ayo-sok da ngamis'a.' ²¹ Laka dakoh, Yesus muji' ka iko', 'anulah! Barang, iko' aok mangutus imu' jauh ka bangsa-bangsa lait'n."'²² Sok karah dakoh dangah Paulus sampe ka sarat'a diah. Laka dakoh, ayo'a samaan ngantat'n sarat'n ayo'a ge' muji', "Boholah sok da ulah dakoh umpat'n bumi barang ini' kati pantas!" ²³ Lalu, samantara ayo'a tarus ngampak, ge' nyangkahat'n jubah ayo'a, ge' ngangkamhur dabu ka udara, ²⁴ Kapala pasukan marintah supaya gat'n minsakng ka markas, sambil muji' kalo Paulus harus gat'n mariksa nige cambukan sahingga ini' kaat'n amput alasan jai ayo'a ngampak malawan ulah dakoh.²⁵ Barang, sa' ayo'a laka marentangkan nige tari-tari kurit, Paulus nyansana ka perwira da agut'n wak riket'a, "Diu'ta sah bagi imu' ya' mancambuk sook da ani'ta sook warga negara Roma ge' tanpa gat'n ngadil?"' ²⁶ Sa' perwira dakoh dangah, ini' anu ka kapala pasukan ge' muji'a', wat'n nak, "Jai da aok imu' umas? Barang, sok diah ani'ta sook warga nagara Roma."²⁷ Maka, kapala pasukan dakoh utukng ge' nyansana ka Paulus, "muji'lah ka'iko, diu'ta imu' sook warga nagara Roma?" Ge', Paulus muji', "ai'." ²⁸ Kapala pasukan dakoh naham, "Iko' kaat'n kawarganegaraan diah nige sajumlah aihyo uang. " Ge', Paulus muji', "Barang, iko' jadi warga nagara uleh kalahiran." ²⁹ Maka, ayo-sok da aok mariksa Paulus langsung ngagat'n'a ge' kapala pasukan jadi buut sa' ini pane kalo Paulus ani'ta sook warga nagara Roma ge' kalo ini' laka ningo'a Paulus Nyansana nige Pamimpin Yahudi³⁰ Tapi aok'a, pas ano barikut'a barang kapala pasukan ngate pane alasan sabanar'a jai Paulus gat'n nuduh uleh ayo-sok Yahudi dakoh, ini' ngarapas Paulus ge' marintah imam-imam kapala nige saluruh Sanhedrin ya' bakumpul, lalu ini' minsakng Paulus disah ge' manghadap'a ka tuda-uda ayo'a.

Chapter 23

¹ Paulus natap Sanhedrin ge' muji', "Ayo-ageko', iko' laka manjalan idupko' nige saganap ate nurani da bait wak tura Jabata sampe ano diah." ² Lalu, Imam da Aihyo Ananias marintah ayo-sok da agut'n wak riket Paulus ya' nampar baba Paulus. ³ Laka dakoh, Paulus muji' ka ini', "Jabata aok namparmu', hei imu' paga da gat'n ngacat ranakng! Jai'ta imu' unyung ya manghakimi iko' manurut Hukum Taurat, tapi malanggar hukum dakoh nige ngadu biar iko' gat'n nampar?"⁴ Ayo-sok da agut'n wak riket'a muji', "Jai'ta imu' nyamanya Imam da Aihyo Jabata?" ⁵ Laka dakoh, Paulus muji', "Iko' kati pane, Ayo-age, bahwa ini' diu'ta Imam da Aihyo. Barang, tatulis, 'Iya'lah imu' nyansana da jahe tentang sook pamimpin bangsamu'.'"⁶ Tapi aok'a sa' Paulus pane bahwa sabagian ani'ta ayo-sok Saduki ge' da lait'n'a ani'ta sook Farisi, Paulus ngampak ka sadat'n Sanhedrin, ayo-age, iko' ani'ta sok Farisi, kangot sok Farisi. Iko' agi gat'n uleh karna pangharapan ge' mangkidup sok da kabis!" ⁷ Ano Paulus nyansana hal diah, timbul salisih paham ka antara sook Farisi ge' sook Saduki, ge' bakumpur sook ka dakoh tabagi. ⁸ Sa' sok Saduki nyansana sa' kati ani pangidup , kati ani Malaikat, ge' uga kati ani Roh, tapi sook Farisi ngako dakoh samaan.⁹ Maka, tarjadilah kaributan da aihyo ge' mani ungan ahli Taurat umpat'n kalompok Farisi agut'n ge' ngarato nige karas, "Kai kati amput tarut'n da sara' nige sok diah. Langkina sa' roh ato malaikat laka nyansana ka ini'?" ¹⁰ Lalu, sa salisih samangkin bakambang, kapala pasukan buut Paulus aok gat'n ngarantak-antak uleh sok da karah dakoh, lalu marintah prajurit-prajurit ya' disah ge' naap Paulus umpat'n tuda-tuda ayo'a nige makse, gae' minsakng'a ka markas.¹¹ Pas ngarum barikut'a, Tuhan agut'n wak suut Paulus ge' nyansana, "Kuatkan atemu' barang imu' ngalaka basaksi nige sungguh-sungguh tentang Iko' wak Yerusalem, nige laka dakoh imu' uga harus basaksi wak Roma." Rancana ya' ngamis Paulus¹² Pas ano tano, ayo-sok Yahudi bulah basakongkol ge' ningo adup ayo'a sadi nige nyumpah ya' kati uman ato nyucur jai pun sampe ayo'a ngamis Paulus. ¹³Ani labih umpat'n ampat puluh sok da umas sakongkol diah.¹⁴ Ayo'a utukng ka imam-imam kapala ge' pangama-pangama, lalu nyansana, "Kai' laka ningo adup kai' sadi nige nyumpah ya' kati nyacap jai pun sampe kai' ngamis Paulus. ¹⁵ Mati, uleh karna dakoh, akup'm samahu nige Sanhedrin, muji' kapala pasukan ya' minsakng'a disah ka imu', saolah-olah akup'm aok ngutus parkara'a nige labih taliti agi ge' kai' siap ya' ngamis'a sabalum ini' bariket ka tampat diah."¹⁶ Tapi aok'a, anak are umpat'n age da mahu Paulus dangah tentang nyargap dakoh, lalu ini' anu ge' maruh ka markas, gae muji' ka Paulus. ¹⁷ Paulus maba sara' nyiteng perwira ge' nyansana, "Minsakngnih anak muda diah ka kapala pasukan barang ini' umpu tarut'n ya' gat'n ngalapor ka ini'."¹⁸ Maka, perwira dakoh minsakng'a ka kapala pasukan ge' nyansana, "Paulus, tahanan dakoh, mabako' mahiko' ya' minsakng anak muda diah ka imu' barang ini' umpu tarut'n ya' gat'n muji' ka imu'." ¹⁹ Kapala pasukan nyinte barekng anak muda dakoh, narik'a ka suut'n, ge' mule mansikat'n anak muda dakoh sacara pribadi, "Jai da harus imu' laporkan ka iko'?"²⁰ Lalu, ini' naham, "Ayo-sok Yahudi nga sapakat mahimu' ya' minsakng Paulus disah ka Sahendrin jakap, saolah-olah ayo'a aok mansikat'n tarut'n da rabeh taliti tentang ini'. ²¹ Jadi, iya' dangah ayo'a barang ani rabeh umpat'n ampat puluh sok umpat'n ayo'a sadakng manghadang Paulus, da basumpah ya' kati uman ato nyucur sampe ayo'a ngamis Paulus. Ge' mati' ayo'a nga siap ge' jangkah nganti parsatujuanmu'."²² Maka, kapala pasukan ngadu anak muda dakoh anu, gae bapusut'n ka ini', "Iya muji' ka asi pun kalo imu' laka muji'ko' tentang hal-hal diah." Paulus Gat'n ngirim ka kota Kaisarea ²³ Laka dakoh, kapala pasukan dakoh maba dua ungan perwira ge' nyansana, " Nyiap ta nih dua ratus tantara, nige ijo puluh panunggang kuda ge' dua ratus prajurit basanjata, ya' barangkat ka Kaisarea, pas jam taru ngarum diah. ²⁴ Nyadia uga hewan ya' manunggangkan Paulus ge' minsakng ini' nige aman ka Feliks, gubernur dakoh."²⁵ Lalu, ini' nulis nyabuah suart, da ulah diah: ²⁶ Umpat'n Klaudius Lisias. ²⁷ Sok diah gat'n nangkap uleh ayo-sok Yahudi ge' ampir gat'n ngamis uleh ayo'a waktu iko' utukng samahu nige prajurit-prajurit ge' nyalamat'a, laka pane kalo ini ani'ta sook warga negara Roma.²⁸ Barang iko' ngate pane jai alasan ayo'a nuduh'a, iko' minsakng'a disah ka Sanhedrin ayo'a. ²⁹ Iko' amput kalo ini' gat'n nuduh ka samo parsoalan tentang Hukum Taurat ayo'a, tapi kati ani alasan jaipun pantas ya' ngukum kabis ato panjara. ³⁰ Sa' gat'n muji' ka iko' kalo aok ani nyabuah sakongkolan ya' malawan sok diah, iko' japat marintah'a para panuduh' ya' bulah tuntutan ayo'a tradap'a wak turamu'.³¹ Maka, para prajurit, sasuai nige parintah ya' ayo'a, nangkap paulus ge' minsakng'a pas waktu ano ngarum ka antipatris. ³² Pas ano barikut'a, ayo'a mambiar para panunggang kuda dakoh anu samahu'a, lalu ayo'a kambali ka markas. ³³ Sa' ayo'a laka nyampe wak Kaisarea ge' nyampe surat dakoh ka gubernur, ayo'a uga nyantura Paulus ka ini'.³⁴ Ngalaka gubernur maca surat dakoh, ini mansikat'n umpat'n wilayah ume Paulus brasal. Ge', sa' ini' pane kalo Paulus brasal umpat'n Kilikia, ³⁵ Ini', nyansana, " Iko' aok dangahmu' ngalaka para panuduhmu' uga utukng." Laka dakoh, ini' marintah supaya mangawal Paulus wak sadat'n markas da aihyo Herodes.

Chapter 24

¹Rima ano ngalaka dakoh, Imam Ahyo Ananias disah samahu nige' mqni ungan pangama-pangama ge' nyungan pangacara da bagaatn Tertulus. Ayoa' ngusul tuntutan tarhadap Paulus ka gubernur.² Ngalaka Paulus gatn maba', Tertulus mule nuduh'a nige' muji', " Sabab, nabo Tuan, kai salalu misa da damai ge' parubahan-parubahan tajadi ka bangsa diah karna kabijakan Tuan,³kai nyamut'a nige' bamacam cara ge' kasamaan tampat nige' panhu rasa syukur, Da Mulia Feliks.⁴ Tapi ao'a, supaya kati' ngangkabas waktumu' agi', iko mahi pamase' atemu' ya' ngadangah kai sabantar jak. ⁵Sabab, kai laka amput bahwa sok diah anilah nyungan pangaco, da nimbul kakacoan ka antara ayo sok Yahudi ka saluruh dunia. Ge', ini' anilah pamimpin sekte Nasrani.⁶Ini' malah barusaha ngator ramin Jabata singga kai nangkap'a. [kai ngate ngadili'a sasuei nige' hukum kai.⁷Tapi, Lisias, kapala pasukan dakoh, utukng lalu nyarantakan'a umpatn barekng kai nige kakarasan,⁸ gae ngadu ayo sok da nuduh'a ya' utukng manghadap imu'] Nige' mamariksa adupta, imu' ao' kaatn pane umpatn ini' manganai samaan da kai nuduh ka ini'.⁹Ayo sok Yahudi uga basapakat ka sadatn tuduhan dakoh gae nagas'a bahwa samaan hal dakoh memang taman.Pambelaan Paulus ka Tura Feliks¹⁰ Jangkah gubernur mangkatn kode ka Paulus ya' nyansana, Paulus naham, "Ngalaka iko' pane salama bataun-taun bahwa imu' ngajadi hakim ka bangsa diah, iko' nige' sanang ate mambela adup kitn. ¹¹ Imu' kaatn pane bahwa kati' labih umpatn dua balas ano diduviko' makka ka Yerusalem ya' sambayang. ¹²Ayoa' kati' suah amput iko' agi badabat nige' asipun ato manghasut sok da bakumpul, bait ka ramin Jabata, sinagoge-sinagoge, atopun ka sadatn kota. ¹³Ayoa' uga kati' aba' mambuktia' ka imu' jai da ayoa' nuduh ka iko' mati'.¹⁴Namun, iko' ngako ka imu', bahwa sasuai nige' Gala' dakoh, da ayoa' muji' nyabuah sekte, iko' sambayang ka Jabata nenek moyang ite', nige' pacaya ka jsi pun da sasuai nige' Hukum ge' da tatulis ka sadatn kitab ayo nabi, ¹⁵gae mana' pangharapan ka sadatn Jabata, da ayoa ngantia' uga, bahwa ao' ani kabangkitan, bait ya' sok da taman atopun da kati' taman. ¹⁶Sadatn hal diah, iko' barusaha ya' ngajaga ate nurani da murni, bait ka hadapan Jabata atopun talino.¹⁷Mati', ngalaka nyamani taun, iko' utukng ya' minsakng sadakah ka bangsako' ge' ya' mangkatn parsambahan-parsambahan. ¹⁸ Samantara iko' agi' umasa', ayoa' amput iko', ngalaka iko' gatn nyuci karamin Jabata, tampa kumpulan sok ato karusuhan. Namun, ka teetn ani maniungan sok Yahudi umpatn Asia. ¹⁹Saharusa', ayoa' ta da ani kahadapanmu' ge' da ngaju tuduhan, sak memang ayoa' ani umpu tarutn ya' ngalawan iko'.²⁰ Ato, tea' ta ayo sok dakoh sadi' da muji' palanggaran jai da ayoa' amput jangkah iko' agutn ka hadapan Sanhedrin, ²¹ kacuali nyiteng parnyataan da gatn ko' ngampak jangkah iko' agutn ka antara ayoa', 'Karna kabangkitan sok kabis, iko' gatn ngakim ka hadapanmu' ano diah,"²²Ao'a ta Feliks, da umpu pangatuan da labih tapat manganai Gala dakoh, nganunda kasus dakoh nige' muji', "Jangkah Lisias, kapala pasukan dakoh, disah, iko' ao' mamutus kasusmu'." ²³ Lakadakoh, Feliks ngadu perwira dakoh sa' Paulus tatap gatn nahan, tapi nige' karinganan ge' kati' mingat kawan-kawana' ya' malayan ini'. Paulus Muji' manganai Iman'a Sadatn Kristus²⁴Ngalaka nyamani ano, Feliks utukng samahu sautna, Drusila, da anilah sok Yahudi ge' dangadu Paulus utukng ge' ngadangah Paulus nyansana manganai iman'a ka sadatn Yesus Kristus. ²⁵Lalu, samantara Paulus agi' batukar pikiran manganai kabanaran, kina ngandali adup, ge' panghakiman da ao'utukng, lalu Feliks jadi buut ge' muji', " Anuta mati'. Jangkah iko' kaatn kasempatan, iko' ao' maba'mu'."²⁶Ka waktu da samu, Feliks barharap bahwa Paulus ao' mangkatna uang. Karna dakoh, Feliks sering ngadu Paulus utukng ge' nyansana nige' ini'.²⁷Tapi ao'a, ngalaka lewat dua taun, Perkius Festus makka ganti Feliks. Ge', saking ngate mangkauhatn ayo sok Yahudi, Feliks mansawatn Paulus ka sadatn panjara.

Chapter 25

¹Taru ano lakadakoh, Festus utuk'ng ka' Provinsi dakoh, lakadakoh nie' ano umpatn' Kaisarea ka' Yerusalem. ²Imam-imam kapala ge ayo' pamimpin Yahudi ngaju tuduhan ngalawan Paulus, ge' ayo' a' tarus ngalabak'ngk Festus, ³gae mahe a' pamase ate a' terhadap ayo' a'nige' ngadu sok' minsankng Paulus ka' Yerusalem, lakadakoh ayo' a' barancana ba pakat yak' ngamis Paulus ka' padautn pagala.⁴Fetus naham a' bahwa Paulus ao' tatap gatn nahan ka' Kaisarea ge bahwa nie' sadi ao' utukng ka' teetn' sacapat a'. ⁵"Maka", wat a', "Biar ta ayo' pamimpin ka antara akump' disah ka teetn' samahu ge'ko', ge jika ani tarutn da' sara nige' sok dakoh, biarta ayo' a' da ngaju a' tuntutan a' tahadap ayo' a'".⁶galaka Festus madi ka antara ayo' a' kati labih dari delapan ato sapuluh ano, nie' ure ka' Kaisarea. Lalu, ka jakap ano a', nie' untung ka pangkeng pengadilan ge ngadu a' agar Paulus gatn minsakng ka hadapan a'. ⁷Jangkah Paulus utukng, ayo' sok Yahudi da disah umpatn' Yerusalem agutn' nga limpu a', nige' ngaju a' karah tuduhan a' da brat ngalawan Paulus, da kati sanggup ayo' bukti a'. ⁸Samantara dakoh, Paulus nyampe a' pembelaan a', "Iko' kati umas a' kasalahan jai pun da malawan, baitn Hukum Taurat Yahudi, Bait Jabata, maupun Kaisar."⁹Ao' tapi, karna ngate nyanang a' ayo' sok Yahudi, Festus nyansana ka Paulus, "Ani ta akump' ba sadia makka ka Yerusalem ge gatn' ngadil a' ka hadapanko' ats tuduhan-tuduhan diah?" ¹⁰Namun, Paulus nyansana, "Iko' sadang nage ka hadapan pengadilan Kaisar, tampat saharus a' iko' gatn ngadil. Iko' kati basara jaipun tahadap ayo' sok Yahudi samu da akump' sadi panane.¹¹Jadi, Jika iko' da basara ge umas tarutn da pantas gatn ngukum kabis, iko kati ao' nyoba boho umpatn' hukum kabis dakoh, jika tuduhan ayo' a' terhadapko' kati ani da benar, kati ani nyunganpun da bisa menyerahkan iko' ka ayo' a'. Maka, iko' ngaju banding ka Kaisar." ¹²Lakadakoh, ngalaka Fetus ba pakat nige Sanhredrin, ni naham, "Akump' makka banding ka Kaisar, maka ka Kaisar akumpn' harus ano." Festus Mansikatn' ka Raja Agripa tentang Paulus.¹³Ngalaka ngamani ano da lalu, Raja Agripa ge Bernike utukng ka Kaisarea yak' mangkatn penghormatan ka Festus. ¹⁴Samantara ayo' a' madi ka teetn' salama nyamani ano, Festus ngajela s' tentang kasusu Paulus ka raja, wat a', "ani sok da gatn ngagat sebagai tahanan kat' Feliks. ¹⁵Jangkah iko' ani ka Yerusalem, imam-imam kapala ge tua-tua Yahudi nyampai a' tuduhan-tuduhan malawan a' ge mahe supaya nie' gatn ngukum. ¹⁶Iko' naham ayo' a' bahwa inyalah tarutn' kabisaan bagi sok Roma yak' nyerah a' sook ka tinga gatn nuduh sadapud nige panuduh a', muke nige muke, ge nie' gatn mangkatn' kasampatan yak' umas pembelaan tahadap tuduhan-tuduhan dakoh.¹⁷Maka, jangkah ayo' a' utukng ba kumpul ka diah, iko' kati nunda kasus diah, tapi jakap ano a' iko' unyung ka pangkeng pengadilan ge marintah a agar sok dakoh gatn nabat ngadapko'. ¹⁸Jangkah ayo panuduh a' dakoh agutn' ayo' a' kati nyampai a' tuduhan-tuduhan jahe samu da iko' bayang a'. ¹⁹Ao' tapi, ayo' a' hanya punya ani mani hal da kati setuju a' nige sok dakoh tentang agama ayo' a' sadi ge tentang ani sook da ba gaatn Yesus, da laka kabis, da Paulus tegas a' bahwa nie' idup. ²⁰Karna iko' binggung langkina mariksa samaan diah, iko' mansikatn' anibak nie' ngate ano ka Yerusalem ge gatn ngadi ka teetn' yak' kasus diah.²¹Namun, jangkah Paulus makka banding yak' gatn nahan ge ngantin kaputusan Kaisar, iko' marintah a' agar nie' tatap gatn nahan sampe iko' kaatn' ngirim a' ka Kaisara." ²²Lalu, Agripa nyansana ka Festus, "Adupko' uga ngate dangah sok dakoh," "Jakap," Festus nyansana, "Akump' ao' dangah a'."²³Maka, ka jakap ano a' Agripa ge Bernike utukng nige' sagale kmegahan a' ge maruh ka ruang pengadilan samahu ayo' pasukan militer ge pamimpin-pamimpin kota dakoh. lakakoh, sasuai nige' parintah Festus, Paulus gatn misakng maruh. ²⁴Festus nyansana, "Raja Agripa ge samaan da hadir samahu kai ka diah. Mile ta sook diah, da gatn mohon a' katn' samaan sok Yahudi wak iko', baitn da ani ka Yerusalem maupun da ani ka diah, nige' ngampak-ngampak bahwa sook diah saharus a' kati boleh idup labih tuhi agi.²⁵Ao' tapi, iko' ampud a' bahwa nie' kati umas anipun da satimpat nige' hukuman kabis. Ge, jangkah nie' maka banding ka Da Mulia, iko' mutus a' yak' ngirim a' ka Kaisar. ²⁶Namun, iko' kati mamiliki tarutn' da pasti yak' tuanko'. Karna dakoh, iko' minsakng sook diah ka hadapankump samaan, ge khusus a' ka hadapan akump, Raja Agripa. Nige' pangkoh, ngalaka pamariksaan diah gatn bulah, iko' mampunyai tarutn yak' gatn nulis. ²⁷Sabab, seperti a' kati masok akal bagiko' yak' ngirim sook tahanan tanpa ani ngajuk tuduhan-tuduhan da jelas terhadap a."

Chapter 26

¹Maka, Agrifa nyansana wak' Paulus, "Akump' gatn' ngizin ngansana yak' bela adup." Lakadakoh, Paulus merentangkan barek' a' ge' muji pembelaan a'. ²" Sahubungan nige' samaan hal da gatn' nuduh ka' iko' kat' ayo' sok Yahudi, iko' anggap adupko' baruntung, Raja Agrifa, karna iko' ao' muji pembelaanko' ka' hadapankump' ano diah, ³Khusus a' karna akump' anilah sok fa benar-benar panane samaan kabiasaan ge persoalan ka' antara ayo' sok Yahudi. Karna dakoh, iko' mohon ka' akump' yak' dangah a' iko' nige' sabar.⁴Samaan sok Yahudi panane cara idupko' sajak agi' anggodko', da sajak mule mangkabas a' idupko' ka' tuda-tuda bangsako' sadi ge ka' Yerusalem. ⁵Karna nga tuhi ayo' a' panane tantang adupko', jika ayo' a' ngate, ayo' a' bisa bersaksi bahwa iko' idup sasuai nige' ajaran kelompok da paling karas agama kai, iko' idup sabagai sok Farisi.⁶Ge' mati', iko' agutn' ka' diah yak' gatn' ngadili karna pengharapanko' ao' janji da gatn' janji a' Jabata wak' nini moyang ko'. ⁷Janjin diahlah da gatn' ngarap a' kat' kadua belas suku bangsa ite bisa tacapai, samantara ayo' a' nyembah Jabata nige' sungguh-sungguh asat ge ngarum. Ge, karna pangarap a' diahlah iko' gatn' nuduh kat' ayo' sok Yahudi, ae Raja. ⁸Jailah akump' anggap mustahil bahwa Jabata ngabangkit a' so kabis?⁹Karna dakohlah, iko' sadi ngira bahwa iko' harus umas a' karah hal da menentang gaat Yesus umpatn' Nasaret. ¹⁰Ge, dakohlah da iko' umas a' ka' Yerusalem. Iko' inya hanya ngamasok ayo' sok kudus wak' sadatn' panjara, ngalaka narima wewenang umpatn' imam-imam kapala, tatapi uga katika ayo' a gatn' ngukum kabis, iko' nyetujui a'. ¹¹Lalu, iko' saring ngukum ayo', ka' sinagoge-sinagoge ge' barusaha memaksa ayo' a' yak' menghujat. Ge, nige' baji a' da aru aso' ge' ayo' a', iko' menganiaya ayo' a', bahkan sampe ka' kota-kota asing." Paulus Basarita tantang pangumpud a' nige' Yesus.¹²"Yak' maksud dakoh uga, iko' sadang sadatn' pagala ka' Damsik, nige' wewenang ge penugasan umpatn imam-imam kapala. ¹³Saat tanggah ano, ae Raja, ka' tangah pagalako', iko' mile barang mampangar umpatn' rangit, rabeh tarakng' daripada matu ano', da mampangar ng' lilingko' ge ayo' sok da bajalatn' samahuko'. ¹⁴Lalu, ketika kai' samaan tasungkur ka samo' tana, iko' dangah ani suara nyansana ka'iko' sadatn' bahasa Ibrani, 'Saulus, Saulus jai' akump' nyiksa Iko'? Sulit bagikump' yak' nyipang galah rangsang;¹⁵Lalu iko' mansikatn', 'Asibah Akump', Tuhan?' Lakadakoh, Tuhan naham, 'Iko' Yesus, da sadang akump' siksa. ¹⁶Namun, agutn ge nagelah nige' kajamu. Sabab, Iko laka nyua' a' adup wak'mu' yak' tujuan diah, kohlah natapkanmu' sebagai nyungan pelayan ge saksi, kati hanya yak' hal-hal da laka akump' mile, tatapi uga yak' hal-hal da ao' Iko' nujo a' wak'imu. ¹⁷Iko' ao' nyalamat a'mu' umpatn' bangsamu' diah ge umpatn' bangsa-bangsa laitn', da wak' ayo' a' iko' ngutusmu', ¹⁸Yak' muka matu ayo' a' sahingga ayo' a' babalik umpatn' kagalapan wak' tarakng' ge umpatn' kuasa balis wak' Jabata supaya ayo' a' narima pangampunan samo' duse-duse serta narima bagian ka' antara ayo' sok da laka gatn ngudus a' kat' iman ka' sadatn' Iko','" Paulus Manjelas a' tantang Pangaraje a'.¹⁹"Maka, Raja Agripa, iko' kati suah kati taat wak' penglihatan surgawi dakoh, ²⁰tatpi, patama-tama, iko' ngabar a' wak' ayo' a' da ani ka' Damsik, lalu ka' Yerusalem ge ka samaan wilayah Yudea, juga wak' bangsa-bangsa laitn', bahwa ayo' a' harus ba tobat ge babalik ka' Jabata, nige' umas a' parbuatan-parbuatan da sasuai nige' partobatan ayo' a'. ²¹Dakohlah sabab a', ayo' sok Yahudi nagkapko' ka' Bait Jabata ge barusaha ngamisko'.²²Sampe ano diah, iko' laka narima partolongan umpatn' Jabata sahingga iko' agutn' ka' diah yak' bersaksi, baitn wak' ayo' sok enek' maupun ayo' sok asho' nige kati muji hal laitn, kacuali jai da gatn muji kat' ayo' nabi ge Musa tantang da ao' ta jadi. ²³bahwa Kristus harus mandarita ge bahwa, nige' alasan jadi da pamule bangkit umpatn' antara sok da kabis, Ni' ao' ngabar a' tarang, baitn wak' ayo' sok Yahudi maupun wak' bangsa-bangsa laitn'." Paulus Barusaha Meyakinkan Agripa.²⁴Samantara Paulus maseh ngabar a' hal-hal sadatn' pambelaan a', Festus nyansana nige' suara nyaring, "Paulus, akump' nga gila! Pengatahuanmu' da aru karah dakoh umasmu' kati waras." ²⁵Namun, Paulus naham, "Da Mulia Festus, iko' kati gila, tatapi iko' ngabar a' kabanaran ge saratn-saratn da masok akal. ²⁶Sabab, Raja nga' panane hal-hal diah ge wak' a' iko' uga nyansana gae' pagat. Sabab, iko' yakin bahwa kati ani nyitengpun umpatn' hal-hal diah da lolos umpatn' perhatiian a' karna diah kati ta jadi ka' tampat da terpencil.²⁷Raja Agripa, anibak akump' pacaya ayo' nabi? Iko' pane akump' pacaya." ²⁸Raja Agripa nyansana wak' Paulus, "Sadatn' waktu da singkat, akump' laka mayakinkan iko' ya' jadi sok Kristen." ²⁹Lalu, Paulus naham, "Iko' mohon ta ka' Jabata supaya sakat atau lambat, kati hanya akump' tatpi juga samaan sok' da dangahiko' ano diah, bisa jadi samu adupko', kacuali rante-rante diah."³⁰30 Lakahkoh, raja agutn'. Damikain juga Gubernur Bernike, ge samaan sok da unyung samahu ayo' a'. ³¹Lalu, samentara ayo' a' nga'gat ruangan dakoh, ayo' a' nyansana nyungan ge da laitn', "Sok diah kati umas jaimpun da pantas gatn'banding a' nige' hukuman kabis atau panjara." ³²Maka, Agripa nyansana wak' Fetus, Sok diah boleh gat' ngabebas a' jika ni' kati maka banding wak' Kaisar."

Chapter 27

¹ Ngalaka gat'n mutus kalo kai' aok balayar ka Italia, ayo'a nyarah Paulus ge' mani ungan tahanan lait'n ka sook tahanan lait'n ka sook perwira pasukan Agustan, da bagaat'n Yulius. ² Kai' maka' ka nyabuah kapal umpat'n Adramitium da aok sagara balayar ka barbage palabuhan wak sapanjang pantai Asia. Kai' balayar gat'n ngawan uleh Aristarkhus, sok Makedonia umpat'n Tesalonika.³ Pas ano barikut'a, kai' tiba wak Sidon. Yulius mamparlaku Paulus nige pahnu parhatian ge' ngabuleh Paulus bakunjung kawan-kawan'a ya' ngurus kaperluan Paulus. ⁴ Umpat'n teet'n, kai' barangkat ge' balayar manalusuri Siprus barang nyaru batiup balawanan arah. ⁵ Ngalaka kai' anga balayar malewat pantai wak sapanjang pantai Kilikia ge' Pamfilia, kai' tiba wak Mira wak Likia. ⁶ Wak teet'n, perwira dakoh amput'n nyabuah kapal umpat'n Aleksandria da sadakng balayar ka Italia, maka ini' nginsit kai' ka kapal dakoh.Kai' balayar nige sawe salama mani ano, ge' nige susah payah kai' tiba wak Knidus. Barang nyaru kati mamungkinkan kai' ya' anu labih jauh, kai' balayar manalusuri pantai Kreta ka arah tanjung Salmone. ⁸ Kai' balayar malewat tanjung dakoh nige susah payah ge' sampe wak nyabuah tampat ba gaat'n palabuhan Indah, da barada wak riket kota Lasea.⁹ Barang kai' manyadari laka kahilangan karah waktu, ge' saat mati', pajalat'n laut dakoh bahaya barang masa puasa sok Yahudi laka lewat, Paulus nasehat ayo'a, ¹⁰ ge' nyansana ka ayo'a, "Ayo-age, iko mile kalo palayaran diah aok gat'n nyertai nige karusakan ge' karugian aihyo, inya hanya muatan ge' kapal'a tapi uga nyawa ite." ¹¹ Sa', perwira dakoh labih pacaya ka nahkoda ge' umpu kapal daripada sarat'n Paulus.¹² Barang kati bait madi wak palabuhan dakoh salama musim panut, sabagian aihyo sok satuju ya' anu balayar umpat'n teet'n ge' kalo-kalo ayo'a kaat'n mancapai Feniks, nyabuah palabuhan wak Kreta, da manghadap ka arah barat daya ge' barat laut, ge' madi wak teet'n salama musim panut. Nyaru da paling kuat Manarpa kapal Paulus ¹³ Pas nyaru sepoi-sepoi batiup umpat'n salatan, ayo'a bapikir kalo ayo'a laka mancapai tujuan ayo'a, barang dakoh, ayo'a narik jangkar ge' balayar wak sapanjang pantai Kreta.¹⁴ Tapi aok'a, kati tuhi laka dakoh, nyaru ulah topan, da gat'n nyebut Euroklidon, batiup umpat'n pulau dakoh. ¹⁵ Pas kapal kai' gat'n landa uleh nyaru dakoh ge' kati sanggup agi manghadapi halauan'a, kai' nyarah ge' mambiar kapal kai' tarombang-ambing. ¹⁶ Samantara kai' bagerak manalusuri pulau inek da bagaat'n Kauda, nige susah payah kai' brasil mangandalikan sekoci kapal kai'.¹⁷ Ngalaka awak kapal mangirek sakoci ka samo kapal, ayo'a manggune tari-tari' panulokng ya' mamparkuat kapal dakoh. Barang ayo'a buut tardampar wak Sirtis, ayo'a ngadisah alat-alat kapal sahingga mambiar kapal ayo'a tarombang-ambing. ¹⁸ Pas ano barikut'a, barang kai' gat'n ngombang-ambing nige tarjangan badei da bagitu hebat, ayo-sok mule matat'n muatan kapal.¹⁹ Ge', pas ano taru, ayo'a matat'n alat-alat kapal nige barekng ayo'a sandiri. ²⁰ Barang bait matuano maupun bintankng-bintakng kati muncul salama mani ano ge' badai da kati inek manarjang kai', lanyaplah samaan harapan kai' ya' gat'n nyalamat.²¹ Barang karah sok laka anu sakian tuhi tanpa pangkuman, Paulus agut'n wak tuda-uda ayo'a ge' muji', "Ayo-age, saharus'a imu' nurut nasehatko' ge' kati balayar umpat'n kareta sahingga ngalami ruysak gae karugian ulah diah. ²² Sa', mati', iko' nyurong imu' ya' tatap tabah barang wak antaramu' kati ani da aok kahilangan nyawa'a, kacuali hanya kahilangan kapal.²³ Sa', jangarum, ani malaikat Jabata, da umpu iko' ge' da iko' nyambah, agut'n wak turako', ²⁴Sambil muji', 'Iya buut, Paulus. Imu' arus agut'n wak tura Kaisar. Ge', ile, Jabata laka bamurah ate ka imu' ge' samaan sok da balayar samahumu'. ²⁵ Barang dakoh, ayo-age, tabah atemu' barang iko' pacaya wak sadat'n Jabata kalo samaan aok tarjadi ulah da laka gat'n mangkat'n pane ka iko'. ²⁶ sa', ite arus terdampar wak nyabuah pulau."²⁷ Tapi aok'a, pas ngarum ka ampat balas, samentara kai' masih terombang-ambing wak sapanjang Laut Adria, kira-kira tuda ngarum, para awak kapal manduga kalo ayo'a sadakng kariket daratan. ²⁸ Ayo'a ngangkahngo batu duga ge' amput kalo wak sadat'n pait'n'a dua puluh depa. Jangkah, ayo'a maju sadikit agi, ayo'a kambali nyangkahat'n batu duga ge' pane ka sadat'n pait'n'a lima balas depa. ²⁹ Barang kai' buut aok kandas wak batu karang, ayo'a disah ampat jangkar umpat'n buritan ge' badoa agar ano sagera tano.³⁰ Tapi aok'a, samantara mani ungan awak kapal barusaha ya' boho adup umpat'n kapal ge' laka disah sekoci ka laut nige bapura-pura disah jangkar-jangkar umpat'n haluan, ³¹ Paul muji' ka perwira dakoh ge' para prajurit'a, "Sa' ayo-sok dakoh kati madi wak sadat'n kapal, imu' kati kaat'n gat'n nyalamat." ³² Ngalaka dakoh, para prajurit nyantak tari sekoci ge' mambiar'a anyut.³³ jangkah fajar ampir utukng, Paulus mahi ayo'a samaan ya' naap mani ungan pangkuman, nige muji', "Ano diah diu'ta ano ka ampat balas imu' malar madi wak sadat'n kategangan ge' nahan saburuk barang kati ani pangkuman jai pun. ³⁴ barang dakoh, iko' mahimu' ya' naap mani pangkuman demi keselamatanmu'. Sa', kati ani sahelai abok pun da aok ilang umpat'n antara imu'." ³⁵ Ngalaka muji' hal dakoh, Paulus naap roti ge' mangucap syukur ka Jabata wak tura ayo'a samaan, mucuh-mucuh roti dakoh, ge' mule uman.³⁶ Maka, ayo'a samaan gat'n naguh ate'a ge' ayo'a sandiri uga uman. ³⁷ Jumlah kai' samaan da ani wak sadat'n kapal ani 276 sok. ³⁸ Ngalaka uman sampe basoh, ayo'a nyaan kapal nige matat'n gandum ka laut. Kapal Ancur ge' Samaan Panumpang Salamat³⁹ Jangkah ano mule tano, ayo'a kati pane ani'a daratan, tapi ayo'a mampratikan nyabuah teluk da bapantai, tampat ayo'a putus ya' malabuhkan kapal wak teet'n sa' memungkinkan. ⁴⁰ Maka, ngalaka munu jangkar-jangkar, ayo'a ngagat'n'a wak sadat'n laut, ge' wak waktu da samu, ngarapas tari-tari kamudi ge' majaka layar wak bagian depan kapal agar nyaru minsakng ayo'a sampe ka pantai. ⁴¹ Tapi aok'a, kapal membantur karang wak tampat badaput'a dua laut sahingga kapal kandas. Haluan kapal nyangkut ge' kati bisa bagerak, sementara buritan kapal ancur gat'n hantaman galombang.⁴² para prajurit umpu rencana ya' ngamis para tahanan supaya kati ani sook pun da barenang ge' boho adup'a. ⁴³ Barang, perwira dakoh, baharap kaat'n nyalamat Paulus, mancegah rancana ayo'a. Ini' marintah agar ayo-sok da bisa barenang ya' malompat labih uru umpat'n kapal ge' nuju daratan. ⁴⁴Ge', sisa'a ani da wak samo papat'n, ani pula da manggune benda-benda lait'n'a umpat'n kapal. Nige ladakoh, samaan sok sampe ka daratan nige salamat.

Chapter 28

¹Ngalaka kai nabo a' nige selamat, kai panane bahwa pulau dakoh gat' muji malta. ²Tumpuk kampong asli pulau dakoh nujo kabaikan ate da luar biasa. Sabab, ayo' a' nyuncup api ge nyambut kai samaan karna saat dakoh dakoh mule ujat ge udara a' panud.³saat Paulus ngubu da'at-da'at kayu ge mana a' ka samo api, nyungan nipa beludak mungkas kaat paras lalu ngulong barek Paulus. ⁴Saat tumpuk kampong asli dakoh mile binatang babisa dakoh bagantung ka barek Paulus, ayo' a nyansana samu adup a', "Kati gat ragu agi, sok diah anilah sook pangamis, walopun ini'e laka salamat umpat laut, kaadilan kati ao' mambiar a' idup.⁵Namun, Paulus muhar binatang dakoh ka sadat' api ge ini' kati mandarita talih ninik' pun. ⁶Ayo' sok dakoh ngira Paulus ao' bangkak ato jantu ge kabis saat dakoh uga. namun, ngalaka ayo' a tuhi nganti ge muji bahwa Paulus anilah Dewa.⁷Kap ari, ka sekitar tampat dakoh, ani tana milik pamimpin ka pulau dakoh da bagaat Publius, da nyambut kai ge menjamu kai nige ramah ata salama taru ano. ⁸Waktu dakoh, apak' Publius gurik ka tampat pabuis a' karna anap ge make muntuk. Paulus utung yak mile a' ge mandoakan a', lalu numpang barek a' ka samo sok dakoh ge mangkhwat a'. ⁹Ngalaka kajadian dakoh ta jadi, ayo' sok laitn' ka pulau dakoh da anap uga utung ka Paulus ge ni mangkhwat a'. ¹⁰Ayo' a' uga makin menghormati kai ge waktu kkai ngasiap ba layar, ayo' a' ngarak sagala barang da kai perlu. Paulus Manuju Kota Roma¹¹Ngalaka taru burat balalu, kai balayar ka sadatn' nyabuah kapal umpatn' Aleksandria, da benabuh ka pulau dakoh salama musim panud ngiak Dioskuri sebagai lambang a'. ¹²Ngalaka utung ka Sirakusa, kai madi ka teet salama taru ano.¹³Umpatn' teet, kai balayar narinsi pantai ge utung ka Regium. Jakap a', nyaru selatan ngampoh, ge pada ano laitn' agi a', kai utung ka Putioli. ¹⁴Ka teet, kai ampud mani ungan age saiman ge gat ngundang yak madi samahu ayo a' salam tujuh ando. Lalu, kai anu ka Roma. ¹⁵Ge, age-age saiman ka teet, ketika dangah tentang kai, utung umpatn teet sampe ka Forum Apius ge Tres Taberne yak ampud kai. Saat Paulus mile, nie' basyukur ka Jabata ge ate a' gatnguat a'. Paulus Ka Kota Roma¹⁶Katika kai sampe ka Roma, Paulus gat ngadu yak madi adup a' sadi, nige nyungan prajurit da ngawal a'. ¹⁷Taru ano laka koh, Paulus ngumpul a' pamimpin-pamimpin Yahudi ka dakoh, ge ngalaka ayo' a' bakubu, nie' nyansana wak ayo' a', "Age-age, meskipun iko' kati ngaraje jaipun da malawan bangsa ite ato adat istiadat nini moyang ite, tatapi iko gatnnyerahkan sebagai tahanan umpatn Yerusalem wak barek ayo' sok Roma. ¹⁸Katika ayo' a' laka mariksaiko', ayo' a' ngate ngabebas a' iko' karna kati ani alasan yak ngukum kabis bagiko'.¹⁹Ao' tatapi, karna ayo' sok Yahudi keberatan, iko' terpaksa naik banding wak Kaisar, inya bararti iko ani tuduhan yak melawan bangsa Ko'. ²⁰Jadi, dakohlah sabab a', iko' laka mahe yak milemu' ge sarite nige'mu karna iko' ni muuk nige rante diah demi pangharapan Israel."²¹Lalu, ayo' a' muji wak Paulus, "Kai kati narima surat tentangmu' umpatn Yudea ge kati ani nyunganpun umpatn age-age seiman da utung ka diah yak mangkatn kabar ato muji jaipun da jahe tentang akump'. ²²Namun, kai ngate dangah umpatnmu' jai pandapatmu' karna tentang sekte diah, kai pane bahwa ka ume-ume ayo' sok menentang a'."²³Katika ayo' a' laka nantu a' nyano yak Paulus, ayo' a' utung wak Paulus ka tampat pebginapan a', samahu sarombongan sok karah. Umpatn' pagi sampe ngarum, Paulus mmenjelaskan wak ayo' a' nige bersaksi tentang Kerajaan Jabata ge barusaha meyakinkan ayo' a' tentang Yesus, bait umpatn' Hukum Taurat Musa, maupun kitab para nabi. ²⁴Ani maniungan sok jadi yakin lewat jai da Paulus muji, tatapi da lait a' nolak yak percaya.²⁵Katika ayo' a' kati satuju nyungan ge da laitn', ayo' a' pun ano ngalaka Paulus muji pernyataan diah, "Memang batol jai da gatn' muji Roh Kudus wak nini moyangmu' lewat Nabi Yesaya, ²⁶Anolah wak bangsa diah ge muji a'lah: akump' ao' dangah, tatapi kati ao' pernah memahami, ge akump' ao' mile, tapi kati ao' pernah ngerti.²⁷Sabab, ate bangsa diah nga manabal ge rajak a' bahat yak dangah. Ayo' a' nga nutup matu a'. Supaya, iyak' ayo' a' mile nige matu ayo' a', dangah nige rajak ayo' a', ngerti nige ate ayo' a' ge babalik. Lakadakoh, Iko' ao' nyembuh ayo' a'.'²⁸Karna dakoh, biarlah hal diah akump' panane bahwa keselamatan da umpatn' Jabata diah laka gatn' nyampai ka bangsa-bangsa laitn' da ayo' ao' dangah a'." ²⁹[Nagala Paulus nyampai a saratn-saratn dakoh, ayo' sok Yahudi anu nige karah perdebatan ka antara ayo' a'.]³⁰Paulus madi selama dua tahun panhu ka ramin da gatn' nyewa a' adup a' sadi ge nyambut samaan sok da utung wak inie', ³¹gae ngabar kerajaan Jabata ge ngajar tentang Tuhan Yesus Kristus nige batol pagat ta ge tanpa rintangan jai pun.

Romans

Chapter 1

¹Paulus, hamba Yesus Kristus, da gatn ngadu ya' jadi rasul ge' da gatn khusus ya' Injil Jabata ²Da idu' Jabata ngajanji nabo' nabi-nabi a' ka sadatn Kitab Suci'. ³tentang Anak-A' da menurut dagin gatnbaranak umpatn katurunan Daud. Saman raja Israel gatnmaba' "anak Daud". Raja uga' pun bisa gatn muji' anak Jabata⁴ge' da na'nyata sabage Anak Jabata da barkuasa nabo' kabangkitan-A umpatn ayoa' da nga kabis manurut Roh Kakudusan, kohlah Kristus Yesus, Tuhan te'. ⁵Nabo' Ini', kai kaatn anugerah ge' jabatan ge' jabatan karasulan ya' minsakng kataatan iman wa' antara smaan bangsa da inya Yahudi demi gaat-A, ⁶tarmasuk imu' da uga' gatn maba' ya' jadi milik Kristus Yesus.⁷Wa' ayo kupm smaan da ani ka Roma, da gatn Jabata nyayang, ge' da gatn maba' ya' jadi sok-sok kudus; Anugerah ge' damai sejahtera bagi ayo kupm umpatn Jabata, Sama' te', ge' umpatn Tuhan Yesus Kristus! Paulus ngatte nganto wa' Jemaat ka Roma⁸Partama-tama, iko' basukur wa' Jabata nabo' Kristus Yesus sabab kupm smaan karna imanmu' nga gatnnganyata ka smaan man dunia. ⁹Sabab, da ko' layan nige' rohkitn sadatn Injil Anak-A, ngajadi saksiko' bahwa iko' ti' baranti-anti ngingat imu' smaan; ¹⁰ka sadatn doako', iko' salalu bamuhon supaya sekiraa' mati', oleh kehendak Jabata, akhira' iko' berhasil nganto kimu'.¹¹Iko' batol-batol ngate badaput nige'imu' supaya iko' bisa mangkatn suatu karunia rohani ya' nguat ayo kupm, ¹²kohta supaya ite' kaatn gatn nguat samahu-mahu oleh iman masing-masing, bait imanmu' atopun imanko'.¹³Age-age, iko' ngate imu' pane bahwa iko' nga bakali-kali barencana ya' bakunjungkimu', tatapi masih tarhalang sampe mati', supaya iko' uga' naap hasil panen umpatn antara imu' samu nige' umpatn antara bangsa-bangsa da inya Yahudi laitna'. ¹⁴Iko' barutang wa' sok Yunani ge' wa' sok barbar, wa' sok da bahikmat atopun wa' sok da baga. ¹⁵Karna dakohta, iko' batol ngatte ngabar Injil wa' kupm da ani ka Roma.¹⁶Iko' kati' mangun nige' Injil, sabab Injil anilah kuasa Jabata ya' kasalamatan satiap sok da pacaya; uru'-uru' ya' da sok Yahudi, lakadakoh ya' sok Yunani uga'. ¹⁷Sabab ka sadatna', kabenaran Jabata gatnngayata umpatn iman ka iman, ulah ani tertulis: "Sok benar ao' idup oleh iman." Pabaji' Jabata tarhadap Pabulah Dosa Talino¹⁸Sabab, murka Jabata gatnnganyata umpatn surga tarhadap smaan kefasikan ge' kajahatan talino da nakan kebenaran nige' kajahatan ayoa'. ¹⁹Karna dakoh, jai da kaatn panane tentang Jabata nga jelas bagi ayoa' karna Jabata nga nyua' a wa' ayoa'.²⁰Memang, sejak dunia gatnnyipta, sifat-sifat Jabata da kati' kaatn mile', kohta kuasa-A da kekal ge' sifat-sifat keilahian-A, nga jelas gatnmile' ya' gatnngarati nabo' hal-hal da gatn Na'nyipta singge ayoa' kati' bisa ngayuma'. ²¹Ao'a, saandaipun ayoa' kanal Jabata, ayoa' kati' manghormati-A sebage Jabata ato basukur wa' Ini'; sabalik a', pikiran ayoa' jadi kati' bagune ge' ate ayoa' da baga jadi patakng.²²Ayoa' nganggap adup a' bijaksana, tatapi ngajadi baga, ²³ge' nukar kamuliaan Jabata da ti' bernoda nige' gambaran-gambaran talino da fana, manuk-manuk, binatang bakaja' apat, ato binatang-binatang melata.²⁴Karna dakoh, Jabata nyarah ayoa' wa' jai da ate ayoa' ngatte da ngingin kacamaran singge ayoa' saling ngutor ungan ayoa' ka antara adup ayoa'. ²⁵Sabab, ayoa' nukar kabenaran Jabata nige' da laceh, ge' sujud sambah wa' makhluk da gatnnyipta, inya Sang Pencipta da tapuji salama-lamaa'. Amin!²⁶Karna dakoh, Jabata nyarah ayoa' wa' nafsu-nafsu da hina, sabab mahu-mahu ayoa' nganukar hubungan da wajar nige' da kati wajar. ²⁷Ladakoh uga' are-are, ayoa' ngagatn hubungan da wajar nige' mahu, tatapi barapi-api sadatn nafsu tarhadap da nyungan ka da lait a'; are nige' are umas parbuatan-parbuatan da manyangun; ge' ka sadatn ungan masing-masing, ayoa' narima hukuman atas duse-duse ayoa'.²⁸Ge', barang ayo'a kati ituh mangakui Jabata ka sadat'n pangetahuan ayo'a, maka Jabata manyarahkan ayo'a ka pikiran-pikiran da bobrok sahingga ayo'a bulah hal-hal da saharus'a kati ayo'a bulah.²⁹Ayoa' gatnmampanhu nige' sagala macam da kati' taman, kajahatan, kasarakahan, ge' kabencian; panhu nige' iri ate, pangamis, partangkaran, tipu muslihat, ge' kadangkian; ayoa' anilah panggosip, ³⁰pemfitna, pembenci Jabata, kasar, sumbong, ahyo baba, pane sadatn kajahatan, kati' taat wa' pangama, ³¹baga, kati' setia, kati' baperasaan, ge' kejam.³²Ge', sakalipun ayoa' panane paraturan Jabata da muji' bahwa sok da umas hal-hal samacam dakoh pantas kabis, ayoa' inya hanya tatap umas a', tatapi uga' ngadukung ayo sok da umas hal-hal dakoh.

Chapter 2

¹Karna Dakoh, imu' kati bisa ngila agi, hei talino, asipun da ngakimi sok laitn, sabab, waktu imu' ngakimi ayo' a', imu' uga ngakimin adupmu'; sabab, imu da ngakimin uga umas a' hal-hal da samu'. ²Ite pane bahwa pangakiman Jabata gatn ngajantu nige' adil ka samaan sok da umas hal-hal samu' dakoh.³Ao' tapi, ani bak imu' ngira bisa rapas umpatn pangakiman Jabata, hei talino, yaitu imu' da ngakimi ayo' a' da umas hal-hal samu' dakoh, tapi uga umas hal da samu? ⁴Ato, ani bak imu' nganggap remeh kakayaan kamurahan-Ni, kasabaran-Ni, ge kalapangan ate-Ni nige' kati panane bahwa kabaikan Jabata batujuan yak mimpin imu ka pertobatan?⁵Ao' tapi, karna sikap abakmu' karas ge atemu' da kati tuh ba tobat, imu' sadang mana murka ka adupmu' sadi yak ando' kemurkaan waktu pangakiman da batol umpatn Jabata gatn nyata ta. ⁶Ni' ao' malas samaan sok sasuai nige parbuatan ayo' a' masing-masing; ⁷yaitu kahidupan kekal wak ayo' a' da nige' uncot ta sadatn parbuatan baitn najo kamuliaan ge kahormatan,⁸tapi murka ge kemarahan wak ayo' a' da mamentingkan adup a' sadi ge kati menaati kabenaran, tapi nganang da kati benar. ⁹Ao' ani pandaritaan ge kasulitan ka samaan jiwa sok da umas jahe', pa tama-tama wak sok Yahudi ge uga sok yunani.¹⁰Namun, kamuliaan, kahormatan, ge damai sejahtera ao' ani yak samaan sok da umas da baitn, pa tama-tama wak sok Yahudi ge lakadakoh waksok Yunani. ¹¹Sabab, Jabata kati mambeda-beda a' sok. ¹²Yak ayo' sok da umas dose tanpa nganal Hukum Taurat, ayo' a' ao' binasa tanpa Hukum Taurat. Namun, ayo' sok da umas dose ka sa saroh Hukum Taurat ao' gatn ngakim badasarkan Hukum Taurat.¹³Sabab, inya da dangah Hukum Taurat da gatn benarkan ka hadapan Jabata, tapi sok da umas a' da ao' gatn muji benar. ¹⁴Sabab, waktu sok inya Yahudi da kati ani Hukum Turat manjalankan secara alami jai gatn nuntut kat Hukum Taurat, maka ayo' a', da kati umpu Hukum Taurat, anilah Hukum Taurat yak adup ayo' a' sadi.¹⁵Hal diah menunjukan bahwa parbuatan Hukum Taurat dakoh gatn nulis ka asadtn ate ayo' a', nurani ayo a' mangkatn kesaksian, ge pikiran ayo' a' ao' saling nuduh ato bela ayo' a', ¹⁶Ka ano waktu Jabata ao' ngakimin pikiran-pikiran talino da ta sukatn lewat Yesus Kristus sasuai nige' Injilko'. Sok Yahudi ge Hukum Taurat¹⁷Ao' tapi, sa imu' muji adupmu' sok Yahudi de bagantung wak Hukum Taurat, gae bermegah ka sadatn Jabata, ¹⁸mengenal kehendak-A', nyatujui jai da bait, laka gatn ngajar mengenal Hukum Taurat, ¹⁹ge yakin bahwa adupmu anilah panirik yak ayo' sok da buta, tarakng yak ayo' sok da madi kasadatn kagalapan, ²⁰pangajar yak ayo' sok da baga, guru yak ayo' sok da tingga dewasa, ge karna umpu perwujudan pengetahuan ge kebenaran ka sadatn Hukum Taurat,²¹maka hei imu' da ngajar sok laint, jai imu' kati ngajar adupmu' sadi? imu' da ngajar yak kati nangko, katibak imu' sadi nangko? ²²imu' da mingat sok ba bayu, katibak imu' sadi ba bayu? imu' da bagak ge berhala-berhala, katibak imu' sadi ngarampok ramin berhala?²³imu' da bangga ka Hukum Taurat justru manyangunJabata nige' ngalangar hukum-A'! ²⁴Sabab, samu ani gatn nulis: "Gaatn Jabata gatnhujat ka antara bangsa-bangsa laint karna imu'."²⁵Turis memang umpu nilai a' jika imu' mematuhi Hukum Taurat, tapi jika imu sok da ngalangar Hukum Taurat, maka turismu jadi kati ba turis. ²⁶Jadi, jika da kati baturih umas parintah-parintah ka Hukum Taurat, inyabak da kati baturih dakoh gatn ngitong uga sebagai baturih? ²⁷Ge, katibak sok da kati basunat secara lahiriah, jika ni' nganang Hukum Taurat, ao' ngakimi imu', sok' da meskipun umpu Hukum Taurat ge ba turis, tapi uga ngalangar hukum?²⁸Sabab, da gatn muji Yahudi sejati katibak sok da tampak umpatn luar sadi, ge sunat da sa sungguh a' katibak turis ka ungan sadi. ²⁹Sook Yahudi sejati anilah sok da batin a' sunguh-sunguh Yahudi, ge sunat da sa sungguh a' anilah sunat da gatn umas ka ate, da gatn manjalankan kat Roh, inya kat hukum ta tulis. Pujian ka sok samu diah inya utukng umpatn talino, tapi umpat adup Jabata.

Chapter 3

¹Sak ladakoh, jailah kalabihan sok Yahudi? Ato, jailah kauntongan'a baturih? ²Karah ata, sadatn jai hal pun; tarutama, ka ayoa' da gatn firman Jabata macaya.³Lalu, sak mani ungan sok kati' pacaya, jailah kakati' pacayaan ayoa' mambatal kasetiaan Jabata? ⁴Sama sakali kati'! Jabata anilah taman sakalipun satiap sok anilah pangakal. Samu ge' da tatulis: "Imu' tabukti taman sadatn nyansanamu', ge' imu' ao' manang sak talino manghakim-Mu'."⁵Tapi ao'a, sak kakati'tamanan ite' justru nampil kabanaran Jabata, jai da harus ite' muji'? Kaatan'a ite' nyansana bahwa Jabata nige' kati' adil laka ngukum ite'? ( Iko' muji ladiah sabage nyungan talino) ⁶Sama sakali kati'! Sak daladakoh, langkina jabata abak ngakim dunia?⁷Tapi ao'a, sak nabo lacehko', kabanaran Jabata samangkin ngamulia-A, jailah iko' masih gatn ngakim ulah nyungan panduse? ⁸Ge', (samu ge' da gatn mani ugan mitnah ka kai) Jai kati' muji', "Kai, ite' umas da jahat supaya da bait muncol umpatn kajahatan dakoh. "Ayoa' da muji' samu dakoh pantas gatn ngukum! Samaan Sok Gatn Duse Nguasa⁹Lalu jai? Ania ite' labih bait umpatn sok laitn? Sama sekali kati'! Sabab, kai ngalaka muji' idu bahwa bait ayo sok Yahudi atopun sok da inya Yahudi, madi' kasaroh duse. ¹⁰Samu ge' da tatulis, "Kati' ani nyunganpun da umas da taman, nyungan pun kati'.¹¹Kati' ani nyungan pun da ba akal budi. Kati' ani nyungan pun da najo Jabata.¹²Samaan sok laka malik umpatn Ini', ayoa' samahu-mahu jadi kati bagune. Kati' ani nyungan pun da umas da bait, kati' nyungan pun."¹³" Parukong ayoa' samu ge' sibur da ngangak, rata' ayoa' ngarayu-rayu, racun nipa da babisa ani ka saroh bibih ayoa'."¹⁴" Baba' ayoa panhu kutukan ge' kapahitan."¹⁵"Kaja' ayoa' capat nuntokng daya. ¹⁶Kasusahan ge' kahancurn ani ka gala' ayoa'.¹⁷Ge', ayoa' kati' pane langkina idup sadatn damai."¹⁸"Buut ao' Jabata kati' ani ka tura matu ayoa'."¹⁹Mati' ite' pane bahwa jai pun da gatn muji' wak Hukum Taurat, gatn nyadia bagi ayoa' da madi' ka saroh Hukum Taurat sahingga takatup ta satiap baba', ge' dunia madi' ka saroh panghakiman Jabata. ²⁰Kati' ani talino da kaatn gatn ngataman ka hadapan Jabata nige' malaku Hukum Taurat karna justru nabo Hukum Taurat dakoh utukng panganalan duse. Jabata ngangkataman Talino Nabo Iman ka Yesus Kristus²¹Tapi ao'a mati', tampa Hukum Taurat, kabanaran Jabata laka gatn nganyata, ge' gatn nganyaksi nabo Kitab Taurat ge' ayo nabi.²²Malah katamanan Jabata nabo iman ka Kristus Yesus gatn nyadia bagi samaan sok da pacaya, karna kati' ani parbedaan;²³Sabab samaan sok laka baduse ge' laka kahilangan kamuliaan Jabata, ²⁴ge' gatn ngataman wak kasih karunia-A nige' cara sia-sia nabo panabusan ka sadatn Yesus Kristus;²⁵da ngalaka Jabata nganyata'a nige' cara tabuka sabage gala' pandamaian sadatn daya'-A nabo iman. Hal diah ya' nampil kaadilan-A, karna sadatn kasabaran-A, Jabata laka mambiar duse-duse da idu' tajadi. ²⁶Hal dakoh uga gatn maksud ya' nampil kaadilan-A ka masa diah supaya Ini' tabukti taman ge' ngangkataman sok da baiman ka Yesus.²⁷Jadi, kadumelah kamagahan adup ite'? Laka gatn nganyingkir! Kat hukum jai? Kat hukum parbuatan ite'? Inya, tapi kat hukum iman.²⁸Karna dakoh, diah ta da ite' pacayai, bahwa talino gatn ngataman ka hadapan Jabata nabo iman, inya umpatn parbuatan-parbuatan da badasar ka Hukum Taurat.²⁹Ato, anita Jabata hanya Jabata ya' bangsa Yahudi sadi'? Inyata Ini' uga anilah Jabata ya' bangsa da inya Yahudi? Ai'! Ya' bangsa da inya Yahudi uga, ³⁰karna Jabata hanya nyiteng ge' Ini' ao' ngangkataman ayo sok da baturih kat iman, ge' da kati' baturih nabo iman.³¹Jadi, anita kai ngalulup Hukum Taurat nabo iman? sakali-kali kati'! Sabalik'a, kai justru nganaguh Hukum Taurat .

Chapter 4

¹Jadi, jailah da ao' ite' muji' manganai Abraham, sama' laluhur ite' manurut dagin? ²Karna sak Abraham gatn ngataman nabo' parbuatan'a, ini' ani alasan ya' barmegah, tapi kati' kahadapan Jabata. ³ Sabab, jai da gatn muji' ka Kitab Suci? "Abraham pacaya ka Tuhan ge' Tuhan mamparhitungkan hal diah kaini' jadi kabanaran."⁴Ka sok da bakaraje, upah da gatn mangkatn ka ayoa' inyata nyabuah hadiah, tapi hak ayoa'. ⁵Ge', ka da kati' bakaraje, tapi pacaya ka Jabata da mambenar sok fasik, iman ayoa' gatn mamparhitung sabage nyabuah kabanaran.⁶Malahan Daud pun muji' batapa gatn ngaberkat ta sook sak Jabata mamparhitungkan kabanaran ka ini' tampa mile' hal-hal da laka ini' parbuat;⁷Barbahagia ta sok da gat ngampun palanggaran-palanggaran'a, ge' da gatn ngalulup duse-duse'a.⁸Barbahagia ta ayo sok da duse'a kati' gatn mamparhitung kat Tuhan!"⁹Ania berkat diah hanya ya' sok da baturih? atokah uga ya' sok da kati' baturih? Sabab, kai laka muji' bahwa "Iman Abraham gatn ngitung sabage kabanaran," ¹⁰ Lalu, langkina dakoh gatn mamparhitung ka ini'? Da ka tinga ato da ngalaka ini' baturih? Inya da ngalaka ini' baturih, malainkan da katinga ini' baturih.¹¹Abraham nyamut tande turih sabage matarai kabanaran iman da ka tinga ini baturih supaya ini' kaatn jadi sama' ka samaan sok da pacaya da kati' baturih sahingga kabanaran dakoh uga gatn mamparhitung ka ayoa'; ¹²sakaligus da jadi sama' ka ayo sok baturih da kati' hanya baturih tapi uga bajalatn sadatn gala' iman da suah gatn nabo kat sama' ite', Abraham, da ka tinga ini' baturih. Abaraham Nyamut Janji Jabata Nabo Iman'a¹³janji ka Abraham ge' ka katurunan'a bahwa ayoa' ao' kaatn samaan tana paitn kati' ao' gatn panhu nabo Hukum Taurat, tapi nabo' kabanaran iman. ¹⁴Sabab, sak ayoa' da baasal umpatn Hukum Taurat kaatn jadi ahli waris, maka iman ngajadi sia-sia ge' janji Jabata gatn ngabatal; ¹⁵sabab, Hukum Taurat mangkutukng murka, tapi sak kati' ani Hukum Taurat, maka ka teetn uga kati' ani palanggaran.¹⁶ Dialah kajai janji dakoh barasal umpatn iman, supaya janji dakoh badasar wa' kasih karunia singge janji dakoh uga nyampe wa, katurunan Abraham; inya hanya da baasal umpatn Hukum Taurat, tatapi uga da baasal umpatn iman Abraham, da anilah sama' ite' smaan, ¹⁷ (ulah da tatulis, "Iko' laka umasmu' jadi sama' ya' karah bangsa") ka tura' Jabata, da ini' mecaya, kohtalah Jabata da mangkatn kaidupan wa' sok kabis ge' da ngadu tarutn da katinga ani jadi ani.¹⁸ Sadatn pangharapan ka tumukng pangharapan ini' pecaya, singge ini' buleh jadi sama' umpatn karah bangsa sasue nige' da nga gatnmuji', "Ao' jadi ladakohta katurunanmu'."¹⁹ Ge', nige' kati; jadi lamah sadatn iman, biarpun ini' panane ungan adup a' hampir kabis karna umur a' kira-kira 100 taun ge' buhul Sara uga nga kabis;²⁰ ii' kati' gatnngabimbang tarhadap janji Jabata kat kakatipacayaan. Sabalik a', iman a' gatnnguat singge ini' mangkatn kamuliaan wa' Jabata, ²¹ ge' misa' yakin bahwa Jabata bakuasa umas jai da nga gatn-Na' ngajanji.²² Karna dakohtalah, iman a' "gatnngitung sebage kabenaran."²³ Namun, hal dakoh kati' hanya gatnnulis ya' kapentingan Abraham sadik,²⁴ tatapi uga' ya' dite'. Hal dakoh ao' gatnngitung wa' ayoa' da pecaya wa' Ini' da ngadu Yesus umpat idup, Tuhan ite', umpatn antara sok kabis.²⁵ Dakohta, Yesus da nga gatnnyarah ya' kabis karna duse ite', ge' nga laka gatnngadu umpat idup ya' ngangkataman ite'.

Chapter 5

¹ Uleh sabab dakoh, karna te' nga gatnngataman kat iman, maka ite' laka badamai nige' Jabata nabo' Tuhan ite', Kristus Yesus;² nabo' Ini', ite' katn pagala' maruh nuju iman wa' anugerah Jabata da mati' jadi dampar ite' agutn, ge' ite' barepo ate sadatn pangharapan kamuliaan Jabata.³ Ti' hanya dakoh, ite' uga barepoate ka sadatn penderitaan da ite' misa' karna ite' pane bahwa penderitaan diah ao' ngasel katekunan,⁴ katekunan ao' ngasel karakter da tahan uji, ge' karakter da tahan uji ao' ngasel pangharapan,⁵ ge' pangharapan kati' ao' umas kecewa, sabab kasih Jabata nga gatnnuntokng ka sadatn ate ite' nabo' Roh Kudus da nga gatnngarunia wa' ite'.⁶ Jangkah ite' maseh lamah, Kristus kabis ya' ayo sok durhaka wa' waktu da tapat.⁷ Sabab, jarang ani sok da ituh kabis ya' sok da taman, biarpun mungkin ani uga' sok da ituh kabis ya' sok da bait.⁸ Namun, Jabata ngadu kasih-A nyata wa' te', bahwa jangkah ite' maseh jadi penduse, Kristus kabis bagi ite'.⁹ Rabeh umpat dakoh, ngalaka gatnngataman kat daya'-A, ite' ao' gatnnganyelamat umpatn murka Jabata nabo' iman.¹⁰ Sabab, jangkah ite' maseh jadi munsuh Jabata, ite' nga gatnngedamai nige' Jabata nabo' pangkabis Anak-A, rabeh-rabeh agi' mati' karna ite' nga gatnngadamai nige'- Ini'. Ge' kenyataan bahwa mati' ite' nga gatnngadamai nige' Jabata, maka ite' uga' pasti gatnnganyelamat nabo' idup-A.¹¹ Nya dakoh sadi', ite' uga babangga ka sadatn Jabata nabo' Tuhan ite' Yesus Kristus, da nabo'-A ite' mati' kaatn pendamaian Jabata. Kabis Nabo' Adam, Idup Nabo' Kristus¹² Karna dakoh, ulah duse nga maruh ka sadatn dunia diah nabo' Nyungan sok ge' maut maruh nabo' duse, lakoh uga' maut nyabar wa' smaan sok karna smaan a' nga baduse.¹³ Sabab, duse nga ani ka dunia katinga Hukum Taurat Musa ani, tatapi duse kati' gatn Jabata ngitong selama kati' ani Hukum Taurat.¹⁴ Mun ladakoh, maut bakuasa mule zaman Adam sampe Musa, bahkan tumukng ayo sok da kati' umas duse ulah da gatn Adam umas, da anilah gaya umpatn Ini' da ao' utukng.¹⁵ Tapi, pamangkatn Jabata dakoh ti' nyabanding nige' duse. Sabab, sak uleh duse nyungan sok, karah sok nga kabis, maka marabeh agi' karunia umpatn Jabata ge' pamangkatn nabo' karunia nyungan Sok dakoh, kohta Kristus Yesus.¹⁶ Ge', anugerah kati' ulah akibat umpatn duse danyungan dakoh. Sabab panghakiman atas nyabuah palanggaran ao' minsakng hukuman, tatapi anugerah atas karah palanggaran minsakng pembenaran.¹⁷ Sak karna duse nyungan sok, maut bakuasa atas nyungan sok dakoh, apalagi ayo sok da narima kalimpahan anugerah ge' karunia kabenaran ao' memerintah ka sadatn kaidupan nabo' nyungan Sok dakoh, dakohtalah Kristus Yesus!¹⁸ Jadi, samu' ulah nabo' nyiteng pelanggaran smaan sok narima hukuman, ladakoh uga' uleh parbuatan kabenaran nyungan sok pula smaan talino narima idup ge' pambenaran.¹⁹ Karna kakati'taatan nyungan sok, karah sok jadi penduse. Tapi, karna kataatan nyungan Sok, karah sok ao, gatnngataman.²⁰ Hukum Taurat gatnnambah supaya duse batambah karah. Tapi, ka tampat duse mangkin karah, anugerah ao' semangkin marabeh-abeh, ²¹ supaya samu' ulah duse bakuasa ka sadatn maut, kasih karunia uga' bakuasa nabo' kebenaran da mimpin wa' idup kekal ka sadatn Kristus Yesus Tuhan ite'.

Chapter 6

Kabis Terhadap Duse Ge Idup Sadatn Kristus ¹Jadi jaibah da arus ite muji a'? Jai bah ite ao' terus umas duse supaya anugerah semakin berlimpah? ²Tentu saja kati! Langkina mungkin ite da laka kabis bagi duse maseh idup ka sadatn a'? ³Ato kati bak imu pane' bahwa ite samaan da laka gatn baptis ka sadatn Yesus Kristus laka gatn batis a' ka sadatn pangkabis-A'?⁴Karna dakoh, ite laka gatn ngubur a' samahu-mahu Ini' ka waktu ite gatn baptis ka sadatn pangkabis-A; supaya samu' ge Yesus da gatn bangkit a' umpatn antara sok kabis lewat kemuliaan Bapa, ite uga boleh bajalatn sadatn pembaharuan idup. ⁵Sabab, jika ite laka gatn nyatuka' samahu-A ka sadatn keserupaan pangkabis-A, ite pasti uga ao' gatn nyatu a' sadatn keserupaan ka pangkidup-A'.⁶Ite pane bahwa talino ama ite laka gatn nyalib a' samahu Kristus ge ungan duse ite kati gatn lenyap a' sehingga ite kati ao' menghamba a' adup agi ka duse. ⁷Sabab, satiap sok da laka kabis, ni' gatn bebas a' umpatn duse.⁸Mati', jika ite laka kabis samahu Kristus, ite pacaya bahwa ite uga ao' idup samahu nige'-A'. ⁹Ite pane bahwa Kristus da laka gatn mangkidup a' umpatn antara sok kabis kati ao' kabis agi; maut kati agi ba kuasa samo' Ini'.¹⁰Sabab, ao' hal kabis-A', Ini' kabis tahadap duse sakali yak selama a', tapi ao' hal idup-A' dakoh, ni' idup yak Jabata. ¹¹Ladakohlah adupmu', imu' arus nyyadari bahwa adupmu' laka kabis terhadap duse, ge idup yak Jabata ka sadatn Kristus Yesus.¹²Karna dakoh, usahlah mambiar a' duse menguasai unganmu' da fana sehingga imu' taat terhadap jai da gatn ngate. ¹³Ge, usah pula nyerah a' anggota-anggota unganmu' ka duse sebagai alat dajahe. Ao' tapi, nyerah a' lah adupmu' ka Jabata sebagai da idup umpatn antara da kabis, ge angota-anggota unganmu' sebagai alat kabenaran Jabata. ¹⁴Sabab, duse kati ao' ba kuasa samo'mu' karna imu' kati agi idup ka saroh Hukum Taurat tapi ka saroh anugerah. Hamba kebenaranHamba Kebenaran ¹⁵Jadi, jai da arus ite ngaraje? Jaikah ite ao' umas duse karna kati idup kasaroh hukum Taurat, tapi kasaroh anugerah? tentu saja kati! ¹⁶Imu pasti pane bahwa ketika imu mangkatn adupmu sebagai budak da taat ka anihal ato sook, imu jadi budak yak pihak da imu taati dakoh; bait ka duse da mimpinmu' nuju maut, ato ka ketaatan da ao' mimpinmu' nuju kebenaran.¹⁷Ao' tapi, syukur ka Jabata bahwa imu' da idu anilah budak duse, mati' laka jadi taat sepenuh ate ka pokok-pokok pengajaran da laka gatn ngajat ka imu', ¹⁸ge karna imu' laka gatn bebaskan umpatn' duse, imu jadi budak kebenaran.¹⁹Iko' nyansana ngiak istilah samu talino karna kelemahan dagingmu'. Sabab, samu ge idu imu' mangkatn angota-anggotamu' sebagai budak kenajisan ge kejahatan da berakibat ka kejahatan da rabeh jauh, mati' mangkatnlah angota-anggotamu' jadi hamba kebenaran da ba ujung ka pengudusan. ²⁰Sabab, ketika imu' maseh jadi budak duse, imu' bebas umpatn kebenaran. ²¹Namun, keuntungan jai da imu' kaatn umpatn hal-hal da tolodiah umasmu' mangun dakoh? sabab, akhir umaptn samaan hal dakoh anilah maut.²²Namun mati', ngala gatn bebas a' umpatn duse ge laka gatn hamba a' kat Jabata, imu' katn buah samo' kesucian ge akir a' anilah idup da kekal. ²³Sabab upah duse anilah maut, tapi karunia Jabata anilah idup da kekal sadatn Yesus Kristus, Tuhan ite.

Chapter 7

¹ Anita imu' kati' panea, he age-ageko' (sabab iko' nyansana wa' ayoa' da ngapane Hukum Taurat), bahwa Hukum Taurat bakuasa wa' sook salama sok dakoh idup?² Karna dakohta, nyungan mahu da bainyha' tatingo' kat hukum wa' banun a' salama ini' idup; tatapi sak banun a' kabis, ini' ao' gatnngarapas umpatn hukum inyha'a' dakoh.³ Jadi, sak mahu dakoh jadi sautn are laitn padahal banun a' maseh idup, ini' ao' gatnmuji' penzina, tatapi sak banun a' kabis, ini' bebas umpat hukum singge ini' kati' gatnmuji' penzina sak bainyha' nige' are laitn.⁴ Karna dakoh, age-ageko', imu' uga nga kabis bagi Hukum Taurat nabo' ungan Kristus supaya imu' jadi umpu' da laitn, dakohta Ini' da nga gatnngangkidup umpatn pangkabis singge ite' kaatn ngasel buah bagi Jabata.⁵ Sabab, jangkah ite' maseh idup sadatn kadaginan, hawa nafsu duse da gatnransang kat Hukum Taurat bakaraje sadatn anggota-anggota ungan ite' ya' ngasel buah bagi maut.⁶ Tapi, mati' ite' nga gatnngabebas umpatn Hukum Taurat, nga kabis tarhadap jai da idu' ninggo' ite' singge ite' mati' malayan sadatn kaadaan bahu nurut Roh, inya nurut hukum dama da tatulis. Duse ge' Hukum Taurat⁷ Sak ladakoh, jailah da ao' te' muji'? Anita Hukum Taurat dakoh duse? Nyakali-kali kati'! Sabalik a', iko' kati' ao' ngarati rati umpatn ngate umpu' da sok lain umpu' sak Hukum Taurat kati' muji' a', "Iya' ngate umpu'."⁸ Tapi, duse naap kasampatan nabo' parintah dakoh ya' ngasel bamacam da gatnngate sadatn adupko'; sabab tampa Hukum Taurat duse ao' kabis.⁹ Idu' iko' idup tsmps Hukum Taurat, tatapi jangkah hukum dakoh utukng, duse jadi idup ge' iko' kabis;¹⁰ ge' parintah diah, da saharus a' minsakng wa' idup, malah mimpinko' wa' maut.¹¹ Sabab, duse naap kasampatan nabo' hukum dakoh ya' nipu ge' ngamisko'.¹² Jadi Hukum Taurat dakoh anilah kudus, ge' hukum dakoh kudus, taman ge' bait,¹³ Sak ladakoh, anita da bait dakoh mangkutukng pangkabis bagiko'? Kati' ta! Duselah da ngasel maut ka sadatnko' nabo' jai da bait supaya nyata bahwa duse anilah duse, ge' nabo' hukum dakoh duse semangkin tile' da batol duse. Da Balawan ka Sadatn Adup Ite'¹⁴ Sabab ite' pane bahwa Hukum Taurat sifat a' rohani, tatapi iko' sifat a' jasmani, gatnnyual ka saroh duse.¹⁵Sabab, iko' kati' ngarati jai da ko'umas karna iko' kati' bulah hal da ko' ngate, malah iko' bulah hal da ko'rusi'.¹⁶ Tapi ba, sak iko' bulah hal da kati' ngate ko'bulah, iko' ngasetuju bahwa Hukum Taurat dakoh bait.¹⁷ Jadi mati', inya agi' iko' da bulah a', tatapi duse da idup ka sadatnko'.¹⁸ Sabab, iko' pane bahwa kati' ani hal bait da idup ka sadatnko', dakohta ka sadatn daginko', karna kehendak dakoh ani ka sadatn adupko', tatapi ya' bulah da bait dakoh kati'.¹⁹ Sabab, iko' kati' bulah parbuatan bait da ko'kahendaki, tatapi iko' bulah hal da jahe', da kati' ko'kehendaki!²⁰ Jadi, sak iko' bulah hal da kati' ko'kehendaki, dakoh inya sgi' iko' da bulah a', tatapi duse da idup ka sadatn iko'.²¹ Jadi, iko' amput hukum diah, dakohta: Jangkah iko' ngate bulah hal da bait, kajahatan uga' ani samahuko'.²² Sabab, iko' suka wa' hukum Jabata ka sadatn batinko',²³ tatapi iko' mile' hukum laitn sadatn anggota-anggota unganko' da bajuang malawan hukum akal budiko' ge' mennjarako' ka sadatn duse da ani sadatn anggota-anggota unganko.²⁴ Iko' talino celaka! Asilah da ao' nyalamat iko' umpatn ungan maut diah?²⁵ Syukur wa' Jabata nabo' Tuhan ite, Kristus Yesus!²⁶ Jadi, nige' akal budiko', iko' malayan Jabata, tatapi nige' ungan jasmaniko' iko' malayan hukum duse.

Chapter 8

¹Kat karna dakoh, mati' kati ani agi panghukuman ka sok da madi ka sadatn Yesus Kristus. ²Sabab, hukum Roh kahidupan ka sadatn Yesusu Kristus laka memerdekakan imu' umpatn hukum dosa ge maut.³Sabab, jai da kati kaatn gatn umas kat Hukum Taurat karna gatn ngalamah kat dagin, laka Jabata umas a' nige' cara ngutus Anak-A' sadi yak jadi sarupa nige' talino da ba duse ge berkaitan nige' duse, Ni' ngukum duse ka sadatn insit, ⁴supaya tuntutan Hukum Taurat gatn genapi sadatn ite kati iidup manurut dagin, tapi manurut Roh. ⁵Sabab ayo' a' da idup menurut dagin, memikirkan hal-hal da ba sifat dagin, tapi ayo' a' da idup menurut Roh, memikirkan hal-hal da ba sifat Roh.⁶Sabab pikiran da gatn ngarah ka dagin anilah maut, tapi pikiran da gatn ngarahkan wak Roh anilah idup ge damai sejahtera. ⁷karna pikiran da gatn ngarah wak dagin menantang Jabata; sabab ni' kati tunduk wak Hukum Jabata, bahkan kati kaatn umas a'. ⁸Ge, ayo' a' da idup ka sadatn dagin kati bisa menyenagkan Jabata.⁹Namun lahdakoh, imu' kati idup sadatn dagin, tapi sadatn Roh jika Roh Jabata memang madi ka sadatn imu'. Sabab, jika ani sok' kati umpu Roh Kristus, ni' inyalah umpu-A'. ¹⁰Ao' tapi, jika Kristus ani ka sadatn imu', walopun unganmu' kabis karna duse, tapi roh idup kat karna kabenaran.¹¹Namun, jika Roh Ini' da ngabangkit Yesus umpatn pangkabis madi ka sadatn imu', Ini' da ngabangkit Yesus Kristus umpat pangkabis uga ao' mangkatn idup wak unganmu' da fana naru Roh-A' da madi ka sadatn imu'.¹²Jadi, age-ageko', ite anilah ayo' sok da baruntung, tapi inya wak dagin, biar idup manurut dagin ¹³Sabab, jika imu' idup manurut dagin, imu' ao' kabis, tapi jika kat Roh imu' mangkabis parbuatan-parbuatan unganmu', imu' ao' idup.¹⁴Sabab, samaan sok da gatn mimpin kat Roh Jabata anilah anak-anak Jabata. ¹⁵Sabab, imu' kati narima roh perbudakan agi da nyebab a' uncot, tapi imu' laka narima Roh da laka mangkatn imu' jadi anak-anak Jabata, da naru Roh dakoh ite ngampak, "Abba, Bapa!"¹⁶Roh dakoh sadi ba saksi samahu rohite bahwa ite anilah anak-anak Jabata, ¹⁷ge jika ite anilah anak, ite uga anilah pawaris, pawaris Jabata, ge samu-samu pawaris nige' Kristus; jika ite banar-banar turut mandarita samahu Ini', ite uga ao' gatn muliakan samahu-mahu nige Ini'. Anak-anak Jabata ao' Narima Kamuliaan¹⁸Sabab, iko' nganggap bahwa pandaritaan-pandaritaan ka saat mati' diah kati bisa gatn bandingkan nige' kamuliaan da ao' gatn nyatakan wak ite. ¹⁹Sabab, samaan ciptaan sangat nga anti'-anti' nige' rindu waktu anak-anak Jabata gatn nyatakan.²⁰Sabab, samaan ciptaan laka gant nunduk wak sia-sia, inya nurut kehendak a' sadi, tapi nurut kehendak Ini' da laka menaklukan a', ka dasar pangharapan, ²¹supaya samaan ciptaan dakoh sadi uga ao' gatn merdeka umpatn perbudakan kebinasaan nuju kemerdekaan anak-anak Jabata da panhu kamuliaan. ²²Sabab ite pane bahwa samaan ciptaan samu-samu bagahor ge mandarita anap banak sampe mati' diah.²³Ge inya hanya diah, tapi ite sadi pun da nerima buah sulung Roh uga bagahor sadatn adup ite sadi, gae nganti nunuk a' sebage anak, kohlah penebusan ite. ²⁴Sabab, ite gatn nyalamat ka sadatn pengharapan. Ao' tapi, pengharapan da tile inya agi pengharapan, sabab asi bah da baharap ka barang da laka gatn mile? ²⁵Ao' tapi, jika ite ngarap barang da kati ite mile, ite nganti a' nige' tekun.²⁶Lakoh uga, Roh nulong ite sadatn kelemahan ite; sabab ite kati pane langkina saharus a' ite ba doa, tapi Roh sadi da bersafaat demi ite nige' erangan-erangan da kati terungkapkan kat kata-kata. ²⁷Ge, Ini' da nyalidiki ate panane jai maksud Roh dakoh, karna Ini' bersafaat yak ayo' sok kudus sasuai nige' kahendak Jabata.²⁸Ge, ite pane bahwa sagale hal karaje samahu-mahu demi kebaikan ayo' sok da mengasihi Jabata, kohlah ayo' sok da gatn maba sasuai nige' rencana Jabata. ²⁹Sabab, ayo' a' da laka gatn nganal-A' sing ga pamule, uga laka gatn nentukan a' sejak pamule yak jadi serupa nige' gambaran Anak-A', supaya ni' jadi da sulung ka antara karah age. ³⁰Ayo' a' da laka gatn nentu-A' sin ga pamule, uga gatn maba-A'; ge ayo' a' da gatn benar-A'; ge ayo a' da gatn benar-A', uga gatn mulia-A'. Kasih Jabata sadatn Kristus Yesus.³¹Jadi, ja da ao' ite muji a' tentang samaan diah? Jika Jabata ka pihak ite, asi bah da melawan ite? ³²Ini' da kati nyayang Anak-A' sadi, tapi nyerahkan-A' yak ite samaan, langkina mungkin Ni' samahu-mahu nige' Ini' kati mengarunikan sagale hal yak ite?³³Asi bah da ao' mendakwa ayo' sok pilihan Jabata? Jabata da membenarkan ayo' a'. ³⁴Asi bah da ao' mangkatn hukuman? Yesus Kristus da laka kabis, bahkan da laka gatn mangkidup umpatn pangkabis a', unyung ka sabalah santao Jabata yak bersafaat yak ite.³⁵Asi bah da ao' nga rara ite umpatn kasih Kristus? Penindasan bak, ato kesulitan, ato penganiayaan, ato kelaparan, atau ketelanjangan, ato bahaya, atau tangkit? ³⁶Samu ani gatn nulis, "Demi Akump, kai ani kasadatn bahaya maut sepanjang waktu; kai gatn ngangap samu domba-domba ngate gatn ngamis."³⁷Ao' tapi, sadatn samaan a' diah, ite rabeh daripada ayo da menang kat Ini' da mengasihi ite. ³⁸Sabab, iko' yakin kan bahwa inya pangkabis a' maupun da idup, inya uga malaikat-malaikat maupun pemerintah-pemerintah, inya uga hal-hal da mati' maupun da ao' utukng, kekuasaan, ³⁹Inya pula da ani ka samo maupun da ani ka saroh, atopun ani ciptaan laitn a', mampu nga rara ite umpatn kasih Jabata, da ani sadatn Yesus Kristus, Tuhan ite.

Chapter 9

¹Iko' muji' kabanaran ka sadat'n Kristus, iko' kati laceh, ge' sarat'n ate ko' nganang basaksi samahu-,ahu nige Roh Kudus, ²Kalo dukacitako' aru aihyo ge' tarus-manarus sedih wak sadat'n ate ko'.³Sabab, Iko' barharap tea' adupko tarkutuk, tarara' umpatn Kristus demi ayo ageko', kaum ko' nyabangse sacara jasmani ⁴diu'ta ayo sok Israel; daumpu' hak ya' gatngantatn jadi anak-anak Jabata, kaatn kamuliaan, parjanjian-parjanjian, kaatn pamangkatn Hukum Taurat, sambayang, ge' sa janji-janji. ⁵Ayoa'talah katurunan sama'-sama' laluhur, ge' umpatn antara ayoa'talah Kristus gatnbaranak manurut dagin, Ini' da anilah Tuhan atas sagala tarutn ge' da tarpuji salama-lamaa'. Amin!⁶Tapi aok'a Firman Jabata kati gagal. Barang, kati samaan sok da brasal Israel diu'ta sok Israel, ⁷ge' kati samaan katurunan Abraham diu'ta anak-anak'a, tapi "da gat'n nyabut katurunanmu' diu'ta da brasal umpat'n Ishak."⁸Hal diah barati kalo inya anak-anak sacara dagin da taritong sabage anak-anak Jabata, malait'nkan anak-anak pajanjian sadi da taritong sabage katurunan. ⁹Barang, diahlah parkataan jani dakoh: "Pas waktu diahlah Iko' aok utukng, ge Sara aok umpu sook anak are-are."¹⁰Inya hanya diah sadi, tapi jangkah Ribka uga batahi anak-anak umpat'n sok nyungan, diu'ta Ishak, ninek moyang ite. ¹¹Barang, sabalum anak-anak dakohj gat'n ngalahir ge' ti'nga bulah tarut'n da bait ato da jahe, supaya tujuan Jabata manganai pilihan-a gat'n neguh inya karna parbuatan tapi karna Ini' da maba, ¹²gat'n nyansana ka Ribka, "Anak da sulung aok malayani sade'a. " ¹³Ulah ani gat'n nulis, "Iko' nganyayang Yakub, tapi Iko' bencio Esau."¹⁴Jadi, jai da hendak ite muji'? Jai ta Jabata kati adil? Sakali-kali kati! ¹⁵Barang Ini' muji' ka Musa, "Iko' pamase ka asipun Iko' ngate pamase, ge' Iko' aok bamurah ate ka asi pun Iko' ngate bamurah ate." ¹⁶Jadi, hal dakoh bagantukng ka kahendak ato karaje karas talino, tapi pas Jabata da nyua kamurahan ate-A.¹⁷Barang, Kitab Suci muji' ka Firaun: "Karna ya' alasan diahlah Iko' ngantat'nmu' supaya Iko' nujo kuasa-Ko' wak sadat'nmu', ge' supaya gaat'n-Ko' gat'n nyarita wak saluruh bumi." ¹⁸Jadi, Jabata pamase ka asi pun da gat'n kahendaki-A.¹⁹Jadi, imu' aok muji' ka iko': "Jai Ini' masih mansara? barang, asi da kaat'n manantang kahendak-A?" ²⁰Sabalik'a, asi ta imu', hei talino, sahingga imu' mambantah ka Jabata? Diu'ta tarut'n da gat'n ngabentuk muji', "Jai akup'm mambantuk iko' ulah diah?" ²¹Jai ta tukang tambikar kati berhak ka samo tana'liat; ya' bulah umpat'n gumpalan tana' da samu suatu bajana da gat'n mangune ya' hal; da mulia, ge' bajana lait'n da gat'n mangune ya' hal da hina?²²Langkina sa' Jabata, meskipun ni' bakehendak ya' nyua murka-A ge' nyata kuasa-A, laka nanggong kesabaran da aihyo tradap bejana-bejana kemurkaan-A da laka gat'n'a nyiap ya kebinasaan? ²³Ini' bulah'a ya' nyata kekayaan kemuliaan-A, da laka gat'n'a nyiap-A ya' kemuliaan, ²⁴diu'ta ite, da gat'n maba-A, inya hanya umpat'n antara sok Yahudi, tapi uga umpat'n antara bangsa-bangsa lait'n.²⁵Ulah da uga gat'n firman-A ka sadat'n kitab Hosea: "Ayo'a da inya umat-Ko', aok Ko' nyabut umat-Ko'. ge' da kati ko' nganyayang, aok Ko' nyabut 'da kekasih'." ²⁶Ge', "gat'n mana' Jabata muji' wak masa lalu: 'imu' inya umat-Ko',' wak mana' ka dakoh ayo'a aok gat'n nyabut 'anak-anak Jabata da idup.'"²⁷Ge' Yesaya nganyayang Israel: "Walopun jumlah anak Israel ulah pasir wak laut, tapi hanya sisa-sisa ayo'a sadi da aok gat'n nyalamat, ²⁸Barang Tuhan aok bulah firman-A wak samo bumi, sampurna ge' sagera." ²⁹Samu ulah da gat'n nubuat uleh Yesaya: " Sa' Tuhan Samesta Alam kati ngagat'n ka ite katurunan, ite laka jadi samu ulah Sodom ge' Gomora."³⁰Jadi, jai da aokn ite muji'? Kalo bangsa-bangsa inya Yahudi da kati nganang kabanaran, laka kaat'n kabanaran, diu'ta kabanaran da brasal umpat'n iman; ³¹Tapi aok'a, bangsa Israel da barusaha taat kabanaran Hukum Taurat justru kati sampe ka hukum dakoh?³²Jai" Barang ayo'a kati nalama'a nige iman, tapi nige parbuatan. Ayo'a tasingkak ka batu sandungan. ³³Ulah ani gat'n nulis: "Ilelah, Iko' mana' wak sion nyabuah batu sandungan ge' nyabuah batu karang, Ge' asi pacaya ka-Ini' kati aok gat'n manyangun."

Chapter 10

¹Age-age, kainginan ateko' ge' doako' wa' Jabata ya' ayoa' anilah supaya ayoa gatnnyalamat. ²Sabab, iko' bisa basaksi tentang ayoa' bahwa ayoa' ani gairah ya' Jabata, tatapi kati' badasar wa pangatuan da taman. ³Sabab, ayoa' kati' panane kebenaran Jabata ge' barusaha mantagutn kebenaran adup ayoa' sadi', ayoa' kati' tunuk wa' kebenaran Jabata.⁴Sabab, Kristus anilah kaganapan Hukum Taurat da ngajadi kabenaran bagi setiap sok da pacaya. ⁵Musa manulis tentang kabenaran da baasal umpatn Hukum ao' idup gatna.⁶Ao' tatapi, kabenaran da baasal umpatn iman muji ladiah, "Iya' nyansana sadatn atemu', 'Asilah da ao' makka ka surga?' Ratia, ya' minsakng Kristus sosor. ⁷Ato 'Asilah da ao' sosor ka jurang maut?' Ratia, ya' minsakng Kristus makka umpatn antara sok kabis.⁸Ao' ta, jai da gatna'muji'? "Firman madi' jiket kimu', kohta ka sadatn baba'mu' ge' ka sadatn atemu'." Dakohlah saratn iman da kai' nyampe. ⁹Sa' nige' babamu' imu' ngako' bahwa Yesus anilah Tuhan, ge' pacaya sadatn atemu bahwa Jabata ngangkidup Ini' umpatn antar sok kabis, imu' ao' gatnnyalamat. ¹⁰Karna nige' ate, sok pacaya singge ani kaatn kabenaran; nige' baba', sok mangako' singge ani' kaatn kasalamatan.¹¹Karna Kitab Suci muji', "Asi pun da pacaya wa'-Ini' ti' ao' suah gatnmanyangun." ¹²Sabab, kati' ani perbedaan antara ayo sok Yahudi ge' ayo sok Yunani; Tuhan da nyungan anilah Tuhan ya' smaan, da balimpah kakayaan bagi smaan sok da ngampak wa'-Ini'. ¹³Sabab, "Smaan sok da ngampak sadatn gaatn Tuhan ao' gatnnyalamat."¹⁴Ao' tatapi, langkina ayoa' ao' ngampak wa' Ini' da tinga ayoa' pacayai? Ge', langkina ayoa' kaatn pacaya wa' Ini' da tinga suah ayoa' dangah? Ge', langkina ayoa' kaatn dangah, sa' kati' ani da ngabar-A? ¹⁵Ge', langkina ayoa' kaatn ngabar-A, sa' ayoa' kati' gatnngutus? Ulah ani tatulis:"Batapa indah a' kaja'-kaja' ayoa' da utukng misakng kabar da bait!"¹⁶Namun, kati' smaan sok ituh taat ka Agah Bait dakoh sabab Nabi Yesaya muji', "Tuhan, asilah da nga pacaya tarhadap barita da nga gatna dangah umpatn kai?" ¹⁷Jadi, iman timbul umpatn pandangahan, ge' pandangahan kat Firman Kristus.¹⁸Tatapi iko' mansikatn, "Ania ayo sok dakohkati dangaha'?" Tantu ayoa ani dangah sabab, "Saratn ayoa' nyampe ka smaan-maan dunia, ge' saratn ayoa' sampe ka ujung-ujung bumi,"¹⁹Namun, iko' muji, "Ania bangsa Israel kati' mamahamia'?" Partama Musa muji, Iko' ao' ngangkidup camburumu' tarhadap ayoa' da inya nyabuah bangsa, ge' mambangkit pabajimu' tarhadap bangsa da baga."²⁰Ge' nige' barani, Yesaya nyansana: "Iko' gatnamput oleh ayoa'da kati' najo Iko'; Iko' nyua' adup ka ayoa da kati' mansikatnko', ²¹Ao' tatapi, tentang bangsa Israel Ini' muji', "Sapanjang ari Iko' laka ngulur barekng-Ko' wa' bangsa da kati' taat ge' malawan."

Chapter 11

¹Maka iko' mansikat, "Diuta Jabata laka nolak umat-A'?" Sekali-kali kati! Sabab, Iko' sadi uga sok Israel, katurunan Abraham, umpatn suku Benyamin. ²Jabat kati nolak umat-A', da laka gatn milih-A' umpatn pamule. Diu ta imu' kati pane jai da Kitab Suci muji tentang Elia, waktu ni' nyabong Israel wak Jabata? ³"Tuhan, ayo' a' laka ngamis nabi-nabi-Mu, ayo' a' laka ngaruntuh ta mezbah-mezbah-Mu, ge hanya adup iko' sadi da maseh idup, ge ayo' a' ngate ngamiskit."⁴Ao' tapi, jai wat a' ilahi da gatn mangkatn wak a'? "Iko' maseh mambiar a' 7.000 sok yak-Ko', da kati suah sujud nyambah wak Baal." ⁵Lahdakoh uga saat diah, ani barang sisa da gatn milih ba dasarkan anugerah.⁶Ao' tapi, jika berdasarkan anugerah, maka kati agi berdasarkan perbuatan, sabab jika lah dakoh anugerah kati agi jadi anugerah. ⁷lalu langkina? Bangsa Israel gagal kaatn jai da gatn najo a', tapi ayo' a' da gatn milih justru ampud a', sementara da laitn laka mengaras ate a' ⁸samu ani gatn nulis: "Jabata mangkatn ayo' a' roh tinno', matu da kati kat mile, ge rajak da kati bisa dangah, sampe ano diah."⁹Ge Daud nyansana: "BIar ta meje perjamuan ayo' a' jadi aler ge bangkaru, jadi tutor sook, ge malas yak ayo' a'. ¹⁰Biar ta matu ayo' a' gatn nutup supaya ayo' a' kati bisa mile, ge tungguh ayo' a' gatn nga bongkok tarus menerus."¹¹Jadi, iko' mansikat, diu ta ayo' a' ta singkak supaya jantu? sekali-kali kati! Ao' tapi, kat pelangaran ayo' a', keselamatan nga utukng wak bangsa-bangsa inya Yahudi, supaya umas ayo' a' cemburu. ¹²Sabab, jika pelangaran ayo' a' jadi kekayaan yak dunia, ge kegagalan ayo' a' jadi kekayaan yak bangsa-bangsa inya Yahudi, maka labih-labih agi kesempurnaan ayo' a'!¹³Mati' ako' ngansana wak imu', hei bangsa-bangsa inya Yahudi, justru karna ako' anilah rasulyak bangsa-bangsa inya Yahudi, iko' memuliakan pelayanako', ¹⁴supaya iko' kaatn umas age sebangsako' cemburu, ge nyelamatkan maningan sok umpat ayo' a'.¹⁵Sabab, jika ayo' a' nolak a' bararti pendamaian ka dunia, jai bak arti penerimaan ayo' a' selain umpatn idup umpatn antara da kabis? ¹⁶Jika roti pamule anilah kudus, samaan adonan anilah kudus. Ge jika uhat anilah kudus, maka saka-saka a' uga kudus.¹⁷Ao tapi, jika mani teng daat laka gatn mata', ge imu, da secara anilah tunas liar da gatn nyagkok ka antara ayo' a' ge turut kaatn bagian sadatn uhat ge gatah batak Zaitun. ¹⁸Usah sombong bah ta hadap daat-daat dakoh. Tapi jika imu' sumbong, ingat ta bahwa inya imu' da nahan uhat, tapi uhat da nahan imu'.¹⁹Mungkin imu' ao' nyansana, "Daat-daat dakoh gatn mata supaya iko' kaatn gatn nyangko a." ²⁰Dakoh batol! Ayo' a' gatn mata karna kati pacaya ayo' a', tapi imu' agutn tegak karna. Usahlah sumbong, tapi buutlah ²¹Sabab jika Jabata kati sayang ge daat-daat asli, Ni uga kati ao' nyayang imu'.²²Kat karna dakoh, mile ta kebaikan ge kakarasan Jabata; kakakarasan wak ayo' a' da nga jantu, tapi kebaikan-A' wak imu' jika imu tatap madi ka sadat kebaikan-A'. JIka kati, imu' uga ao' gatn nyantak.²³Ge ayo' a' uga, jika ayo' a' kati tarus-menerus sadatn da kati pasti a', ayo' a' ao' gatn nyangkok karna Jabataba kuasa yak menyangkok a' ayo' a' agi. ²⁴Sabab, jika imu' laka gatn nyantakumpat jai da secara alami anilah batak Zaitun liar ge gatn nyangkok a' wak batak zaitu da gatn mura, da saling melawan nige' sifatmu', kati bak terlebih agi ayo' a' da anilah daat asli ao' gatn nyangkok ka batak zaitun ayo' a' sadi?²⁵Sabab, age-age, iko' kati ituh imu' kati panane rahasia diah supaya imu usah ngangap adupmu' bijaksana, bahwa sikap karas abak laka nimpa sabagian Bangsa Israel sampai ka pengenapan bangsa-bangsa laitn utukng.²⁶Nige' ladakoh, samaan sok Israel ao gatn nyelamat a'. samu ani gatn nulis, "Panabus ao' utukng umpat Sion, ge Ni ao' nyingkir kefasikan umpatn Yakub. ²⁷Ge diahlah pajanjian-Ko' nige' ayo' a', waktu Iko' nantat duse-duse ayo' a'"²⁸Manurut Injil, ayo' a' anilah musuh demi imu', tapi menurut pemilihan, ayo' a' anilah ayo' sok da gatn ngasihi demi nenek moyang ayo' a'. ²⁹Sabab anugerah ge panggilan Jabatakati kaatn gatn ngabatal a'.³⁰Sabab, samu nige' imuda idu kati taat ka Jabata, tapi da mati' laka narima pamase karna ayo' a' da kati taat', ³¹Lah dakoh uga ayo' a' mati' kati taat supaya kat pamase Jabata da laka gatn nampalak wak imu' ayo' a' uga ao' kaatn uga pamase. ³²Sabab, Jabata laka mana' a' ayo' a' samaan sadatn da ka kati taat a' supaya Ni' kaatn nuju a' pamase-A' waksamaan sok. Pujian yak Jabata.³³Oh, alangkah darupm a' kekayaan ge kebijaksanaan ge pengetahuan Jabata! Betapa ti ta selidiki kaputusan-kaputusan-A' ge kati ta duga gala-gala-A'! ³⁴"Sabab, asi bak da bisa panane pikiran Tuhan? Ato, asibak da kaatn mangkat-A' nasihat?"³⁵"Ato, asi bah da laka mangkatn barang wak-A' katinga dakoh, ge arus gatn balas kat-A'?" ³⁶Sabab sagale barang anilah umpat Ini', ge kat Ini', ge wak Ini'. Bagi Ini'lah kamulian sampe salama-lama a'! Amin.

Chapter 12

¹ Karna dakoh, karna kamurahan Jabata, Iko' nyurong imu', supaya imu' mamparsambah unganmu' sebage parsambahan da idup, da kudus ge' da berkenan wa' Jabata; dakohlah ibadahmu' da sejati.² Iya'lah jadi samu' nige' dunia diah, tatapi barubahta kat pambaharuan akal budimu, singge imu' pane mambeda jai da jadi kahendak Jabata; jai da bait, da berkenan wa' Jabata, ge' da sampurna.³ Sabab, nabo' anugerah da nga gatnmangkatn wa'iko', iko' nyansana wa' satiap sok ka antara imu' supaya iya' mikir hal-hal da labih nyamo daripada da arus ini' mikir, tatapi supaya bapikir jaranih sasue ukuran iman da nga Jabata mangkatn wa' masing-masing.⁴ Sabab, ulah nyabuah ungan, ite' umpu' karah anggota, tatapi masing-masing kati' umpu' tugas da samu'.⁵ Ladakoh ugalah te', walopun karah, tatapi anilah nyiteng ungan sadatn Kristus. Ge', masing-masing ite' anilah anggota bagi da latn. Karunia-Karunia Rohani⁶ Ite' umpu' anugerah da babeda-beda sasue kasih karunia da gatnmangkatn wa' ite'. Sak ya' banubuat, baitta ite' bulah a' sasue nige' bagian iman ite'.⁷ Sak ya' malan, baitta ini' malayan, ato sak ya' mangajar, baitta ini' mangajar.⁸ Ato sak ya' manghibur, baitta ini' mangkatn panghiburan, sak ya' mangkatn, baitta ini' nige' murah ate mangkatn, sak ya' mimpin, baitta ini' mimpin nige' batol-batol, sak nyuak pamase', baitta ni' bulah a' nige' repo ate. Nasihat tentang Idup sadatn Kasih⁹ Baitta kasih kati' pura-pura. Rusi'lah wa' da jahe', ge' bajintelah wa' jai da bait.¹⁰ Baitta imu' saling mangasihi nige' kasih barage ge' saling nyantulu' sadatn mangkatn hormat,¹¹ iya'lah karajinanmu' kandur, baitta imu' bamara-mara sadatn roh ge' layanlah Tuhan.¹² Basukacitalah sadatn pangharapan, tabahlah sadatn kasasakan, ge' batekunlah sadatn doa! ¹³ Ngananglah naap bagian sadatn nyukup kapalaluan ayo sok kudus, barusahalah ya' nyua' base.¹⁴ Mambrakatlah ayoa' da nganyayamu', mambarakatlah ge' iya' ngutuk!¹⁵ Basukacitalah nige' ayoa' da basukacita, ge' munse'lah nige' ayoa' da munse'.¹⁶ Mikirtalah hal da samu' nyungan ge' da laitn. Iya' damikir hal-hal da nyamo, malahan ngadaplah wa' ayo sok da randah. Iya' nganggap adupmu' bijaksana!¹⁷ Iya' mambalas wa' nyungan pun kajahatan nige' kajahatan. Umaslah da bait ka tura' smaan sok.¹⁸ Sak mungkin, sekira a' hal dakoh bagantong wa'imu', iduplah sadatn damai nige' smaan sok.¹⁹ Age-ageko' da ko'nyayang, iya'lah adupmu' nuntut pambalasan, tatapi mangkatnlah tampat wa' pabaji' Jabata. Sabab ani tatulis, "Pambalasan anilah hak-Ko', Iko'lah da ao' mambalas a'," firman Tuhan.²⁰ "Tapi ao'a, sak munsuhmu' siburuk, mangkatnlah ni' uman, ge' sak munsuhmu' aus, mangkatnlah ni' nyucur. Nige' umas diah, imu' ao' numpuk mara api ka tumukng aba' a'."²¹ Iya'lah imu' kalah tarhadap kajahatan, tatapi ngalahmih kajahatan dakoh nige' dabait.

Chapter 13

¹ Kate'a lah samaan sok tunduk ka pamerintah da bakuasa ka samo'a barang kati ani pamerintah da kati brasal umpat'n Jabata, ge' ayo'a gat'n netap uleh Jabata. ² Uleh karna dakoh, asi pun da manantang pamerintah, ini' manantang katatapan Jabata, ge' ayo'a da manantang aok utukng hukuman ka samo adup'a.³ Barang, pamerintah kati manyabab da buut ka sok da umas bait, tapi ka sok umas da jahe. Ituh ah imu' idup tanpa rasa buut tradap pamerintah? Umaslah jai da bait, ge' imu' aok kaat'n pujian umpat'n'a ⁴ barang ayo'a diu'ta palayan Jabata demi kabaitanmu'. Tapi aok'a, sa' imu' bulah jai da jahe, buutlah barang inya tanpa alasan pamerintah manyandang lading. Ayo'a diu'ta palayan Jabata, panuntut balas da bajalat'n murka Jabata ka sok da bulah da jahe. ⁵ Barang dakoh, imu' arus tunduk, inya hanya karna murka Jabata, tapi uga karna ate nurani.⁶ Dakohlah sabab'a imu' uga mambayar pajak, barang ayo'a diu'ta para palayan Jabata da mangabdi adup'a ya' hal dakoh. ⁷ Mangkat'nlah ka samaan jai da arus imu' mangkat'n; pajak ka da berhak narima pajak, cukai ka da berhak narima cukai, rasa buut ka sok da berhak narima rasa buut, ge' hormat ka da berhak narima hormat. Nganyayang Sok Lait'n diu'ta Hukum da Utama⁸ Iya'lah barutakng jai pun ka asi pun, tapi kasihilah nyungan nige da lait'n barang sok da mengasihi samu ka adup laka memenuhi Hukum Taurat. ⁹ Barang, "Iya' bazina, iya' ngamis, iya' nangko, iya ngate, "ge' sa ani parintah lait'n, samaan'a laka tarangkup'm ka sadat'n parkataan diah, "Kasihilah samu ka adupmu' sadi." ¹⁰ kasih kati bulah da jahe ka samu talino. Barang dakoh, kasih diu'ta panggenapan Hukum Taurat.¹¹ Demikian uga, imu' pane waktu'a bagimu' saat diah ya' umpat umpat'n pabuus; barang mati' kasalamatan laka labih riket bagi ite daripada waktu partama kali ite pacaya. ¹² Ngarum laka ite matat'n parbuatan-parbuatan da patakng ge' mana' parlangkapan sanjata tarakng.¹³ Kaehlah ite idup nige sopan ulah pas waktu ano tano, inya ka sadat'n pesta pora ge' da mabuk, inya ka sadat'n pacabulan ge' hawa nafsu, ge' inya ka sadat'n badaru gae iri ate. ¹⁴ Tapi aok'a mana'lah Tuhan Yesus Kristus, ge' iya' marawat unganmu' ya muas kainginanmu'.

Chapter 14

¹ Narimalah sok da lamah iman a', tatapi inya ya' ngole' pandapat a'.² Ani sok da yakin bahwa ini' buleh uman smaan jenis pangkuman, tatapi sok da lamah iman a' hanya uman apu-apu.³ Sok da uman iya'lah manghina sok da kati' uman, ge' sok da kati' uman iya' manghakim sok da uman, sabab Jabata nga narima ini'.⁴ Asilah imu' singge imu' manghakim hamba sok laitn? Bait agutn atopun jantu', dakoh urusan tuan adup a'. Ge', ini' ao' agutn karna Tuhan aba' umas a' agutn.⁵ Ani sok da nganggap nyiteng ano labih penting daripada ano da laitn, samantara da laitn nganggap smaan ano samu'. Satiap sok arus batol-batol yakin sadatn ate adup a'.⁶ Ayoa' da menting ano da nga gatnnantu, ngadu a' penting ya' Tuhan. Ge', ayoa da uman, uman ya' Tuhan sabab ini' ngucap syukur wa' Jabata. Ladakoh uga' ayoa' da kati' uman, ayoa' kati' uman ya' Tuhan ge' ngucap syukur wa' Jabata.⁷ Sabab, kati' nyungan pun umpatn ite' da iup ya' adup a' sadi'. ⁸ Sabab, sak ite' idup, ite' idup ya' Tuhan, ato sak ite' kabis, ite' kabis ya' Tuhan. Jadi, bait te' idup ato te' kabis, ite' anilah Tuhan umpu'.⁹ Karna ya' dakohlah Kristus kabis ge' umpat idup, biar Ini' jadi Tuhan, bait wa' ayo sok kabis atopun ayo sok idup.¹⁰ Tapi, jailah imu' manghakimi agemu'? Ato, kajai imu' mile' randah age;mu' nige' manghina a'? Sabab, ite' smaan ao' agutn manghadap tahta pangadilan Jabata.¹¹ Sabab ani tatulis, "Uleh karna Iko' idup, firman Tuhan, satiap tukukng ao' nyambah wa'-Iko', ge' satiap rata' ao' ngako' wa' Jabata.¹² Jadi, satiap ite' ao' mangkatn partanggungjawaban tentang umpu' adup a' wa' Jabata. Iya' umas Sok Laitn Baduse¹³ Karna dakoh, iya'lah ite' saling manghakimi, tatapi labih bait batekad ya' kati' mana' panghalang ato nyabuah batu singkak bagi age' ite'.¹⁴ Iko' panane ge' nga gatnngayakin sadatn Tuhan Yesus bahwa kati' ani tarutn jai pun da najis umpatn hal dakoh sadi', tatapi bagi sok da nganggap bahwa sagala tarutn anilah najis, maka hal dakoh najis bagi adup a'.¹⁵ Sabab, sak ate agemu' talih karna tarutn da imu' uman, imu' kati' agi idup sasue kasih. Iya'lah imu' mambinasakan ini' nige' pangkumanmu' dakoh, karna Kristus uga nga kabis ya'dini'.¹⁶ Karna dakoh, iya' mambiat jai da imu' anggap bait gatnfitnah sebage tarutn da jahe'.¹⁷ Sabab Karajaan Jabta inyalah tentang uman ge' nyucur, tatapi tentang kebenaran, damai sejahtera, ge' sukacita sadatn Roh Kudus.¹⁸ Sabab asi pun da malayan Kristus nige' cara diah berkenan wa' Jabata, ge' gatnhormat uleh talino.¹⁹ Jadi, kaihlah ite' nalama' hal-hal da mangkutukng damai sejahtera ge' mantagutn nyiteng nige' da laitn.²⁰ Iya' ngarusak pakaraje Jabata hanya karna pangkuman! Sagala tarutn halal, tatapi jahe'lah bagi sook da uman ge' da umas sok laitn baduse.²¹ Labih bait kati' uman dagin ato nyucur anggur, ato umas hal laitn da umas agemu' tasingkak.²² Nyintelah kayakinan da imu' umpu' ya' adupmu sadi' ka tura' Jabata. Babahagialah sok da kati' manghakimi umpu' adup a' tarhadap jai da ni' anggap bait.²³ Tapi ao' a, sok da bimbang ao' gatnngukum sak ini' uman, karna ini' uman kati' badasarkan iman; ge' sagala tarutn da kati' baasal umpatn iman anilah duse.

Chapter 15

¹ Jadi, ite ta da kuat arus nanggong kalamahan sok da kati kuat, ge' kati ngankawhat'n adup sadi. ² aruslah samaan sok wak antara ite ngankawhat'n samu ka adup'a demi kebaikan'a, ya' mantagut'n rohani'a.³ Sa;, Kristus kati ngangkawhat'n adup-A sadi, tapi ulah ani gat'n nulis, "Sarat'n-sarat'n hinaan ayo'a, da manghina-Mu', laka nimpa Iko'." ⁴ Sa', ani pun da gat'n nulis urulaka gat'n nulis ya' ngajar ite supaya nabo katekunan ge' panghiburan da gat'n mangkat'n Kitab Suci, ite kaat'n umpu pangharapan.⁵ Samoga Jabata, sumber kasabaran ge' panghiburan mangkat'nmu' anugerah ya' kaat'n idup ka sadat'n kasehatian nyiteng samu lait'n sasuai nige Yesus Kristus, ⁶ sahingga nige sa'ate ge' nyiteng sarat'n imu' mamuliakan Jabata ge' Bapa Tuhan ite Yesus Kristus. ⁷ Barang dakoh, narimalah nyiteng nige da lait'n, samu ulah Kristus uga narima ite demi kamuliaan Jabata.⁸ Iko' muji ka imu' kalo Kristus laka jadi palayan bagi ayo-sok da baturih demi kabenaran Jabata, diu'ta ya' naguh janji da gat'n mangkat'n ka ninek moyang ite, ⁹ ge' ya' bangsa-bangsa inya Yahudi supaya ayo'a mamuliakan Jabata ka samo pamase-A Ulah ani gat'n nulis, "sa' dakoh, iko' aok mamuji-Mu wak antara bangsa-bangsa inya Yahudi; ge' iko' aok ngado mazmur ya' gaat'n-Mu."¹⁰ Ge' agi wat'n'a "Basukacitalah hei bangsa-bangsa, samahu nige umat Jabata!" ¹¹ Ge' agi, 'Pujilah Tuhan hei sagala bangsa! kate'a samaan umat mamuji Tuhan."¹² Ge', Yesaya nyansana agi, "Aok utukng umpat'n katurunan Isai, ge' Ini' aok bangkitya' marintah bangsa-bangsa , ge' wak sadat'n Ini', bangsa-bangsa aok baharap."¹³ Kira'a Jabata sumber pangharapan mamenuhimu' nige sagala sukacita ge' dame sejahtera ka sadat'n imanmu' sahingga imu' aok balimpah wak sadat'n pangharapan uleh kuasa Roh Kudus. Palayanan Paulus ka Ayo-sok Inya Yahudi¹⁴ Ayo-ageko', iko' sadi gat'n yakin tentang imu' pahnu nige kabaikan, malimpah nige sagala pangetahuan, ge' sanggup manasehati satu nige da lait'n.¹⁵ Tapi aok'a, iko' laka nulis nige sabgat barabi ka imu' manganai mani hal ya' ngingatmu' kambali, barang anugerah da laka Jabata mangkat'n ka iko', ¹⁶ iko' jadi palayan Yesus Kristus bagi bangsa-bangsa inya Yahudi sabage imam bagi Injil Jabata, sahingga bangsa-bangsa inya Yahudi kaat'n jadi parsambahan da bakanan, da gat'n ngudus uleh Roh Kududs.¹⁷ Dakohlah sabab'a, ka sadat'n Yesus Kristus, iko' buleh bamegah manganai hal da ko'bulah demi Jabata. ¹⁸ Sa', iko' kati aok barani nyansana da lait'n, kacuali da laka gat'n bulah Kristus nabo iko', ya' umas bangsa-bangsa inya Yahudi taat uleh parkataan ge' parbuatan, ¹⁹ nabo kuasa tande-tande ajaib ge' mukjizat-mukjizat, nabo kuasa Roh Roh sahingga umpat'n kota Yerusalem ge' sakalil;ikng'a sampe ka Ilirikum, iko' laka nyarita sapahnu'a Injil Kristus.²⁰ Ladiah ta lah iko' nekad ya' nyarita Injil wak tampat Kristus ti' nga gat'n nganal supaya iko' iya' mambangun wak samo dasar da laka gat'n mana' sok lait'n. ²¹ Ulah ani gat'n nulis, "Ayo'a da ti'nga parnah narima barita tentang Ini' aok mile, ge' ayo'a da kati parnah dangah aok ngarati." Rancana Paulus Bakunjung Kota Roma²² Diahlah sabab'a iko' sering kali taralang ya' bakunjung ka imu'. ²³ Tapi aok'a, barang kati ani agi tampat wak daerah diah, ge' barang iko' laka bataun-taun tuhi'a ngate bakunjung ka imu',²⁴ maka jangkah iko' anu ka Spanyol, iko' baharap kaat'n singgah ge' badaput nigemu' sahingga imu' kaat'n mambantuko' ka teet'n, ngalaka idu maan iko' gat'n sukacita samahumu' ya' sesaat ²⁵ Tapi aok'a mati', iko' anu ka Kota Yerusalem ya' malayani ayo-sok kudus,²⁶ Sa' Makedonia ge' Akhaya nige sanang ate mangkat'n sumbangan ka sok miskin wak antara ayo-sok kudus wak Yerusalem. ²⁷ Ayo'a aru sanang umas'a, barang dakoh memang kawajiban ayo'a. Barang sa' bangsa-bangsa inya Yahudi laka narima bagian ka sadat'n hal-hal rohani umpu sok Yahudi ka sadat'n kabutuhan jasmani ayo'a.²⁸ Barang dakoh, jangkah iko' laka nyalasai tugas diah ge' materai hasil diah ka ayo'a, iko' aok anu ka Spanyol nabo kotamu'. ²⁹ Iko' pane kalo jangkah iko' bakunjung, iko' aok utukng ka sadat'n da pahnu barakat Kristus.³⁰Mati', iko' mahi ka imu', ayo-age, demi Tuhan ite Yesus Kristus ge' demi kasih Roh, ya' bagumul samahu-mahu nigeko' ka sadat'n doa ka Jabata ya' adupko', ³¹supaya iko' gat'n ngarapas umpat'n ayo-sok da kati taat wak Yudea, ge' supaya palayananko' demi Yerusalem bakanan bagi ayo-sok kudus. ³²Ge', supaya uleh kahendak Jabata iko' kaat'n utukng ka imu' nige sukacita, gae bauleh kasagaran wak antara imu'.³³ Kira'a dame sejahtera Jabata manyertai imu' sakalian. Amin.

Chapter 16

¹ Iko' nyarah ka imu' Febe, adi' ite da diu'ta sook palayan jamaat wak Kengkrea. ² tarimalah ini' wak sadat'n Tuhan salayak'a ayo-sok kudus, ge' nuloknglah ini' ka sadat'n sagala tarut'n da gat'n'a palalu umpat'nmu' barang ini' sadi laka mangkat'n bantuan ka sok da karah ge' uga ka adupko'.³ Nyampe ta lah salamko' ka Priskila ge' Akwila, kawan-kawan sapalayananko' ka sadat'n Kristus Yesus, ⁴ da laka mangkat'n nyawa ayo'a demi idupko'. Ka samo ayo'a, inya hanya iko' sadi da ngucap syukur tapi uga samaan jamaat inya Yahudi. ⁵ Nyampe ta uga salamko' ka jamaat wak ramin ayo'a. Nyampe ta uga salam ka Epenetus da ko'nganyayang, ini' diu'ta sok partama wak Asia da narima Kristus.⁶ Salam ka Maria da laka karaje karas yak imu'. ⁷ Salam ka Andronikus ge' Yunias, ayo-age sabangsako' sakaligus samu tahanan da uga gat'n nganal wak antara ayo rasul, da uga laka madi wak sadat'n kristus sabalum iko'. ⁸ Salam ka Ampliatus, da ko'nganyayang ka sadat'n Tuhan.⁹ Salam ka Urbanus, kawan sapalayanan ite wak sadat'n Kristus, ge' ka Stakhis da ko'nganyayang. ¹⁰ Salam ka Apeles, da tabukti laka tahan uji ka sadat'n Kristus. Nyampe ta uga salamko' ka ayo angota kaluarga Aristobulus. ¹¹ Nyampe ta salamko' ka Herodion, age sabangsako'. Salam ka ayo angota kaluarga Narkisus, da ani ka sadat'n Tuhan.¹² Nyampe ta salamko' ka Trifena ge' Trifosa, da bajarih lalah wak sadat'n Tuhan. Ge', ka Persis da ko'nganyayang, da uga laka karaje karas wak sadat'n Tuhan. ¹³ Salam uga ka Rufus, sok pilihan wak sadat'n Tuhan, ge' uga ka sino'a da jadi sino' bagiko' pula. ¹⁴ Salam ka Asin kristus, Flegon, Hermes, Patrobas, Hermas ge' ayo-age da samahu nige ayo'a.¹⁵ Salam ka Filologus ge' Yulia, Nereus ge' adi'a gae ka Olimpas, ge' samaan sok kudus da samahu nige ayo'a. ¹⁶ Mangkat'n ta lah salam nyungan samu lait'n nige nyium kudus. Samaan jamaat Kristus nyampe ta salam ayo'a ka imu'.¹⁷ Mati' iko' nyurong imu', ayo-age, ngawaslah ayo'a da nimbul parpecahan ge' panyasat, gae da batantangan nige pangajaran da laka imu' narima; ngajauhlah ayo'a. ¹⁸ Barang, ayo-sok ulah dakoh kati malayani Tuhan ite Yesus Kristus, tapi malayani hasrat ayo'a sadi; ge' nige sarat'n da halus gae sarat'n-sarat'n sanjungan, ayo'a nipu ate ayo-sok da kati mana' curiga.¹⁹ Sa', kataatanmu' laka gat'n panane samaan sok, sa' dakoh iko' basukacita barang imu'. Tapi aok'a, iko' ngate supaya jai da bait ge' barasih umpat'n hal da jahe. ²⁰ Jabata sumber dame sejahtera aok lajak mangkulas Balis wak saroh kajamu'. Anugerah Yesus, Tuhan ite, manyartaimu'.²¹ Timotius, kawanko' sapalayananko', nyampe ta salam yak'mu', ge' uga umpat'n Lukius, Yason, ge' Sosipater, ayo-age sabangsako'. ²² Iko' Tertius, da nulis surat diah, nyampe ta salamko' ka imu' ka sadat'n Tuhan.²³ Gayus, da mangkat'n tumpangan ka iko' ge' ka samaan jamaat, nyampe ta salam ka imu'. Erastus, bendahara kota, ge' Kwartus age ite, nyampe ta salam ka imu'. ²⁴ (Anugerah Yesus Kristus, Tuhan ite, manyartai imu' samaan! Amin.)²⁵ Bagi Ini' da sanggup managuh imu' sasuai Injil da ko'minsakng ge' pamberitaanko' tentang Yesus Kristus, ge' da sasuai nige panyingkapan rahasia da laka gat'n nyukat'n salama ba abad-abad, ²⁶ tapi da mati' laka gat'n nganyata nabo kitab-kitab ayo nabi, sasuai nige parintah Jabata da kekal da laka gat'n mangkat'n pane ka sagala bangsa yak mimpin nuju kataatan iman,²⁷ ka nyiteng-nyiteng'a Jabata da pahnu hikmat nabo Kristus Yesus; Kamuliaan sampe salama-lama'a! Amin.

1 Corinthians

Chapter 1

¹ Paulus, gat'n maba sabage rasul Yesus Kristius ka kahendak Jabata, ge' Sostenes, age ite. ² Ka ayo jamaat Jabata da madi ka korintus, ya' ayo'a da gat'n ngudus ka saadat'n Kristus Yesus, da gat'n maba ya' jadi ayo-sok kudus samahu samaan sok ka satiap tampat da maba gaat'n Tuhan ite Yesus Kristus, baik ka tampat ayo kup'm atopun ite ³ Anugerah ya'mu' ge' damai sejahtera umpat'n Jabata samaan ite ge' Tuhan ite Yesus Kristus. Paulus Basyukur ka Jabata⁴ Iko' malar manguycap syukur ka jabatako' manganai ayo kup'm barang anugerah Jabata da gat'n mangkat'n ka ayo mu' ka sadat'n Yesus Kristus, ⁵ Kalo sa' ka sadat'n sagala hal, imu' gat'n ankat'n kaya ka sadat'n Ini', ka sadat'n samaan sarat'n ge' samaan pangetahuan, ⁶ samu ulah kasaksian manganai Kristus ngalaka gat'n neguh ka sadat'n imu'.⁷ Nige ladakoh, imu' kati aok kakurangan ka sadat'n sagala karunia pun samantara imu' nganti panyataan Tuhan ite, Yesus Kristus, ⁸ da uga neguh ayo kup'm sampe ka pangkuhnyi'a supaya imu kati bacela ka ano Tuhan ite Yesus Kristus. ⁹ Jabata dakoh setia, da oleh-A imu' gat'n maba ka sadat'n parsekutuan nige Anak-A, Kristus Yesus, Tuhan ite. Parpecahan ka sadat'n Jamaat¹⁰ Mati, iko' manasehatmu', ayo-age, demi gaat'n Tuhan ite Yesus Kristus agar ayo kup'm samaan muji' hal da samu supaya kati ani parpecahab-parpecahan ka antara imu, malait'n agar imu' gat'n ngalengkap ka sadat'n pikiran da samu ge' ka sadat'n pandapat da samu. ¹¹ Sa', ngalaka gat'n muji ka iko' manganai imu' ayo-ageko, kaluarga Kloe, kalo ani da badaru ka antara imu'.¹² Maksudko' mati' diuta imu' masing-masing nyansana, "Iko' umpat'n Paulus," ge', "Iko' umpat'n Apolos," ge' "Iko' Umpat'n Kefas," ge' "Iko' umpat'n Kristus." ¹³ Jailah Kristus tabagi-bagi? Jailah Paulus gat'n nyalib ya' mu'? Ato, jailah imu gat'n baptis ka sadat'n nama Paulus?¹⁴ Iko' basyukur ka Jabata kalo iko kati mambaptis nyunganpun umpat'n imu, kacuali Krispus ge' Gayus, ¹⁵ Supaya iya' ani nyunganpun da kaat'n nyansana kalo imu' gat'n baptis ka sadat'n gaat'nko. ¹⁶ Iko' uga mambaptis samaan ramin Stefanus; salabih'a, iko' kati pane jailah iko' ngalaka mambaptis sok da lait'n.¹⁷ Sa', Kristus kati ngutus iko' ya' mambaptis, tapi ya' nyarita Injil, inya ka sadat'n hikmat sarat'n-sarat'n, supaya salib Kristus kati gat'n bulah sia-sia. Kuasa ge' Hikmat Jabata.¹⁸Sa', nyansana tentang salib diu ta da baga umpat'n ayo kup'm da sadakng ngangkuhas, tapi mangkat'n ite da gat'n nyalamat, hal dakoh diu ta kakuatan Jabata. ¹⁹ Sa' ani da gat'n nulis, "Iko' aok ngancur hikmat sok da bijaksana, ge' ayo sok da pintar, ayo sok da pane, Iko' aok nolak'a."²⁰ Kadumelah sok da bijak? Kadumelah ahli Taurat? Kadumelah ahli debat zaman diah? Inyalah Jabata ngalaka umas da baga hikmat dunia? ²¹ Barang ka sadat'n hikmat Jabata, dunia nabo hukmat'a kati nganal Jabata, maka Jabata bakanan nabo da baga da nyarita Injil ya' nyalamat da pacaya.²² Sa', ayo-sok Yahudi mahi tande-tande ge' ayo-sok Yunani najo hikmat. ²³ Tapi, kai' aok nyarita Kristus da gat'n nyalib, da mangkat'n ayo-sok Yahudi nyabuah batu sandungan, ge' mangkat'n ayo-sok da inya sok Yahudi, da baga.²⁴ Barang, ya' ayo'a da gat'n maba, bait ayo-sok Yahudi atopun ayo-sok Yunani, Kristus diu ta kakuatan Jabata ge' hikmat Jabata. ²⁵ Barang da baga uimpat'n Jabata diu ta labih bijaksana daripada talino, ge' da lamah umpat'n Jabata diu ta labih kuat daripada talino.²⁶ Ilelah kaadaanmu' sa' imu' gat'n maba, Ayo-age, kati karah da bijaksana manurut dagin, kati karah da bakuasa, kati karah da terpandang, ²⁷ Tapi Jabata ngalaka milih da baga umpat'n dunia ya' manyangun da bijaksana, ge' Jabata milih jai da lamah umpat'n dunia ya' manyangun da kuat.²⁸ Ge', Jabata milih da kati terpandang umpat'n dunia ge' da gat'n pandang rendah, bahkan hal-hal da kati barati, ya' mangkilang hal-hal da barati, ²⁹ Supaya satiap talino kati kaat'n bamagah ka tura Jabata.³⁰ Sa' karna Ini', imu' ani ka sadat'n Yesus Kristus, da ya' ite jadi hikmat, dataman, kakudusan, ge' panabusan umpat'n Jabata, ³¹ Supaya ulah da gat'n nulis, " kate'a sok da mamegahkan adup'a. bamegah ka sadat'n Tuhan."

Chapter 2

¹ Ge' sa' iko' utukng ka imu', ayo-age, iko' kati utukng hebat sarat'n ato hikmat ya' nyarita rahasia Jabata ka imu'. ² Sa' ko' mutus'a ya' kati pane jaipun ka samaan imu' salait'n manurut Kristus Yesus, ladakoh ini' da gat'n nyalib.³ Iko' samahu nigemu' ka sadat'n da lamah, ka sadat'n da buut ge' sampe bakutur. ⁴ sarat'nko' atopun baritako' inya ka sadat'n sarat'n hikmat da pasti, tapi nige bukti Roh ge' kuasa, ⁵ Biar imanmu' kati badasar ka hikmat talino, salait'n ka kuasa Jabata. Jabata Muji Hikmat-A Nabo Roh⁶ Kai' muji hikmat ka antara ayo'a da dewasa, tapi inya hikmat jaman diah ato umpat'n panguasa-panguasa jaman diah da aok gat'n mangkuhas, ⁷ Salait'n kai' da muji'a hikmat Jabata ka sadat'n rahasia, hikmat da basukat'n da ka Jabata tatap da tinga pamule jaman ya' kamuliaan ite.⁸ Kati ani panguasa-panguasa jaman diah da nganal'a. Sa', pama ayo'a laka nganal'a, ayo'a kati aok parnah nyalib Tuhan da mulia. ⁹ Barang, ulah da gat'n nulis, "Jai da kati parnah matu mile, ge' rajak kati parnah gat'n dangah, ge' tinga parnah mungkas ka sadat'n ate talino, samaan dakoh Jabata ngalaka nyadia ya' ayo'a da mangasihi-A."¹⁰ Barang, Jabata ngalaka muji' hal-hal diah ka ite nabo Roh sa Roh nyalidik samaan hal, sampe ka sadat'n Jabata. ¹¹ Sa' asipun ka antara talino da pane hal-hal umpat'n talino salait'n roh talino da ani ka sadat'n'a? lakoh uga, kati ani sook da pane hal-hal umpat'n Jabata salait'n Rohj Jabata.¹² Mati, ite ngalaka narima, inya roh umpat'n dunia, malait'n roh da umpat'n Jabata supaya ite kaat'n pane hal-hal da gat'n anugerah Jabata ka ite. ¹³ Hal-hal da uga kai' nyarat'n diah, inya ka sadat'n sarat'n da gat'n nabo hikmat talino, salait'n da gat'n ngajar nabo Roh nige ngabanding hal-hal da rohani nige da rohani.¹⁴ Barang, talino da kati rohani kati narima hal-hal da rohani da brasal umpat'n Roh Jabata barang hal-hal dakoh ngarupa da baga bagi'a. Ini' kati kaat'n mahami'a barang hal-hal dakoh hanya kaat'n gat'n nilai sacara rohani. ¹⁵ Talino da rohani manilai samaan hal, tapi ini' sadi kati gat'n nilai asipun. ¹⁶ Sa', "Asipun da pane pikiran Tuhan sahingga kaat'n nasehat'a?" da kai' umpu pikiran Kristus

Chapter 3

¹Namun, age-age, iko' kati' kaatn nyansana ka imu' samu ge' ka talino da rohani, malain a' samu ge' ka Talino duniawi, la dakoh samu ka kagot-kangot sadatn Kristus. ²Iko' mangkatn mu' nyucur susu, inya pangkuman, karna imu' tinga aba', bahkan mati' imu' uga' tingga aba'.³Karn imu' maseh duniawi, sabab, sak ani iri ate ge' da ba salisih ka antara mu', inya koh ta lah tande imu' maseh duniawi ge' idup samu ge' talino? ⁴Sabab, waktu sook nyansana, "Iko' ka pihak Paulus," ge' da lait, "Iko' ka pihak Apostolos," inya dakoh ta lah bararti imu' anilah talino? ⁵Sak la dakoh, asilah Apolos dakoh? Ge', asilah Paulus dakoh? hamba-hamba da gat'na' imu' jadi pacaya samu ge' Tuhan ngaruni a' ka masing-masing.⁶Iko' mura, Apolos mubuh a', tatapi Jabata da nga numbuh a'. ⁷Jadi, inya da mura, inya uga da mubuh a', malain a' Jabata da nga numbuh a'.⁸So da mura ge' da mubuh anilah nyungan, ge' masing-masing ao' narima upah a' sasue nige' usaha adup a'. ⁹Sabab, kai anilah kawan Jabata nyakaraje; imu' anilah uma Jabata, bangunan Jabata.¹⁰Sasuai nige' anugerag Jabata da gatn ngarunia a' kaiko', samu sok ahli bangunan da pane, iko mana' pondasi ge' da laitn mambangun ka samo a'. ¹¹Sabab, kati' ani sok pun da kaatn mana' pondasi da laitn sa laitn da ngalaka gat'n mana', koh ta Kristus Yesus.¹²Sak ani sok da ani mambangun ka samo pondasi diah nige' barawatn, pirak, batu-batu da baharga, kayu, udu, rape. ¹³Pangaraje gat'n satiap sok umas ao' jelas karna ano dakoh ao' manyata a' nige' api, ge' api dakoh ao' nguji langkina tampa' a' pakaraje setaip sok.¹⁴Sak pakaraje da laka sook bangundakoh batahan, ni' ao' narima upah. ¹⁵Sa' pakaraje sok dakoh abas abokng, ni' ao' mandarita karugian, biarpun la dakoh, ni' sadi ao' gatn nyelamat a', tatapi kaadaan a' samu ge' nabo' api.¹⁶Kati' pane a' imu' anilah ramin Jabata ge' Roh Jabata madi' ka sadatnmu'? ¹⁷sak ani sok da ngancur Ramin Jabata, Jabata ao' ngancur a' ni' karna Ramin Jabata anilah Kudus, la dakohlah imu'.¹⁸Usah ani sok da manipu adup a' sadi. Jika ani sok ka antaramu' da ngira bahwa ni' bijaksana ka zaman diah, te a'lah ni' jadi baga supaya ni' kaatn jadi bijaksana. ¹⁹Sabab, hikmat dunia diah anilah ka baga a' ka hadapan Jabata. Sabab, ani ta tulis, "Ini'lah da nangkap sok da bijaksana sadatn ka licikan ayo' a'. ²⁰Ge' agi, "Tuhan panane pikiran-pikiran sok da bijaksana, samaan a' anilah sia-sia."²¹Karna dakoh, usah ani nyungan sok pun da bangga sadatn talino. Sabab, sagale jaipun anilah imu' da umpu, ²²Bait Paulus, Apostolos, maupun Kefas, bait dunia, bait idup maupun pangkabis, bait hal-hal da mati' maupun hal-hal da ao' utukng; samaan a' anilah imu' da umpu. ²³Ge', imu' anilah Kristus da umpu, ge' Kristus anilah Jabata da Umpu.

Chapter 4

¹ Ladiahlah hendak'a sok da ngitong kai' ladakoh ta sabage hamba-hamba Kristus ge' ayo-sok da gat'n macaya rahasia-rahasia Jabata. ²Nige ladakohlah, ayo-sok da gat'n macaya nige hal-hal da baharga haruslah anu bukti kalo ayo'a kaat'n gat'n macaya.³ Barang, bagiko' kati ta penting kalo iko' gat'n manghakim uleh imu' ato uleh suatu pangadilan talino. Bahkan, iko' sadi kati manghakim adupko'. ⁴ Sa', iko' kati nyadar jaipun aok adupko' sadi. Barang, inya karna hal dakoh iko' gat'n da taman, malainkan Tuhanlah da manghakim iko'.⁵ Karna dakoh, iya'lah manghakim ti'nga waktu'a, dakohta ti'nga Tuhan utukng. hal-hal da basukat'n ka sadat'n da patakng ge' aok nyata maksud-maksud ate. lalu, satiap sok aoknarima pujian umpat'n Jabata.⁶ Ayo-age, iko' ngalaka mangkat'n hal-hal diah ka samo adupko' sadi ge Apolos demi imu' supaya ka sadat'n kai', imu' kaat'n balajar ya' kati malampaui jai da gat'n nulis sahingga kati ani sara' nyiteng umpat'n imu' da jadi sumbong nyiteng taradap da lait'n. ⁷ Sa', asi da mambeda-beda imu? jai da imu' umpu, da inya imu' narima? ge', kalo memang imu' narima'a, jai imu' da sumbong tao' saolah-olah kati narima'a?⁸ Imu' ngalaka gat'n ngangkabasoh, Imu' ngalaka jadi kaya! Tanpa kai, imu' ngalaka jadi raja! Iko sungguh baharap ka imu' taman-taman ngalaka jadi raja supaya kai uga kaat'n marintah samahumu'. ⁹ Sa', manurutko', Jabata ngalaka mana' kai', para rasul, gat'n mana' ayo-sok da gat'n ngajantu hukuman kabis; karna kai' gat'n jadi tuntonan ya' dunia, bait ya' ayo malaikat maupun talino.¹⁰ Kai' baga demi Kristus, tapi bijaksana ka sadat'n Kristus. Kai lamah, tapi imu' kuat. imu' gat'n manghormat, tapi kai gat'n nyamanya. ¹¹ Sampe mati' diah, kai' saburuk ge' aus, bapangiak da rujet-rujet, gat'n mangkukng, ge' idup mangambara.¹² Kai' bajarih payah, bakaraje nige barekng kai' sadi. Sa' kai' gat'n ngaraca, kai' mamberkati. Sa' kai' gat'n nyiksa, kai' batahan. ¹³ Sa' kai' gat'n fitnah, kai' naham nige ramah. Bahkan, sampe mati', kai' jadi ulah sampah dunia diah, kutoran umpat'n sagala sasuatu.¹⁴ Iko' nulis hal-hal diah inya ya' manyangun imu', malait'nkan ya' manasehati imu' sabage ayo-kangot da ko'nganyayang. ¹⁵ Sa', sakalipun imu' umpu sapuluh ribu guru ka sadat'n Krtistus, iko'lah da jadi sama'mu' nabi Injil. ¹⁶ Jadi, iko' nyurong imu' jadilah sok da manurut taladanko'!¹⁷ Dakohlah sabab'a, iko' ngalaka ngutus ka imu' Timotius, anakko' da ko' nganyayang ge' da setia ka sadat'n Tuhan. Ini' aok ngingat imu' bajalat'n-jalat'nko' ka sadat'n Kristus, ulah da iko' ngajar ka dume-dume, ka sadat'n satiap jamaat. ¹⁸ Mani ungan umpat'n imu' jadi da jadi sumbong, saolah-olah iko' kati aok utukng agi ka imu.¹⁹Namun, iko' ao' sacapat a' utukng wak'mu', jika Tuhan menghendaki, ge iko' ao' panane inya hanya saratn ayo' sok soumbong dakoh, tapi uga kuasa ayo' a'. ²⁰Sabab, Karajaan Jabata inya sadatn saratn, melain a' sadatn kuasa. ²¹Jai da imu' ngate a'? Arus ta iko' utukng wak' mu' nige' tungkat ato nige' kasih ge roh kelemahlembutan?

Chapter 5

¹Memang laka gatn lapor a' bahwa ani perzinahan ka antra imu', perzinahan da bahkankati' ani ka antara bangsa-bangsa laitn, kohta ani sok nangkap sautn apak a'. ²Ge, imu' sombong! kati' bak seharus a' imu' justru berduka supaya sok da umas a' parbuatan diah gatn nyingkir a' umpatn antara imu'?³Memang, secara jasmani iko' jauh, tapi iko' hadir sadatn roh. Ge, laka matatn a' hukuman samo sok da umas a' hal dakoh, seolah-olah iko' hadir. ⁴Sadatn gaatn Tuhan Yesus, waktru imu' ba kumpul, ge iko' samahumu' sadatn roh nige' kuasa Tuhan ite, Yesus. ⁵iko' laka memutuskan yak menyerahkan sok diah ka Sitan yak kebinasaan daging a' supaya roh a' boleh gatn nyelamat a' ka ano Tuhan.⁶Kesombonganmu' dakoh kati' baitn. Kati' panebak imu' bahwa enek ragi sadi ao' meragikan samaan adonan? ⁷marasih a' lah samaan ragi da ama supaya imu' jadi adonan bahu, langkina memang imu' kati' beragi. Sabab, Kristus, Domba Paskah ite, laka gatn nyambaleh. ⁸Karna dakoh, kaehlah ite merayakan pesta dakoh, inya nige' ragi da ama, inya umpatn ragi keburukan ge kejahatan, melain a' nige' roti kati' beragi umpatn kemurnian ge kebenaran.⁹Iko' nulis ka imu' sadatn suratko': usah ba gaul nige' ayo' sok cabul. ¹⁰Maksudko', inyabak nige ayo' sok cabul ka dunia diah, ayo' sok pamao, ayo panipu, ato nige' ayo' penyembah berhala. Jika lahdakoh, imu seharus a' mungkas umpatn dunia diah.¹¹Namun, mati' iko' nulis a' ka imu', usah ba gaul nige' ayo' sok da gatn magaatn age jika ni' anilah sok cabul, pangaah, penyembah berhala, pemfitnah, pengabok, ato pangakal. bahkan, usah uman nige' sok samu dakoh. ¹²Sabab, jai bah urusanko' menghakimi ayo' sok luar? inyabak imu' menghakimi ayo' a' da ani ka sadatn jemaat? ¹³Namun, Jabata da ao' menghakimin ayo a' da ka luar jemaat. Karna dakoh, usirlah sok da umas jahe umpatn antara imu.

Chapter 6

¹Waktu salah satu umpatn imu' ani da basalisih nige' da laitn, barani'a ini' anu najo kaadilan ka hadapan ayo sok kudus? ²Ani'a imu' kati' pane bahwa ayo sok kudus ao' manghakimi dunia? Sak imu da manghakimi dunia, ani'a imu' kati' patut ya' mangadili pakare-pakare da paling inek? ³Ani'a imu' kati' pane bahwa ite' ao' mangadili ayo malaikat? Apalagi hanya pakare-pakare da biasa da bilakng kano!⁴Jadi, sak imu' manghadap pakare-pakare da biasa ulah dakoh, jailah imu' minsakng'a ka ayo da kati' gatn ngitong sadatn jemaat? ⁵Iko' muji' diah supaya mu' mangun. Kati' ani'a nyungan ka antaramu' da bijaksana, da aba' mangurus pakare-pakare ka antara age-age'a? Malahan, antara age nige' age anu najo kaadilan ka hadapan ayo sok da kati' pacaya.⁷Sabanar'a, nga jadi kagagalan kaimu' karna imu' ani umpu pakare-pakare hukum ka antara kupm. Jailah imu' kati' labih suka gatn mansara? Jailah imu' kati' labih suka gatn ngarugi? ⁸Sabalik'a, adupmu' ta da basara ge' da umas rugi. Bahkan, imu ta da umas daladakoh taradap ayo agemu'.⁹Ani'a imu kati' pane bahwa sok da kati' taman kati' ao' mawarisi Karajaan Jabata? Iya' sasat! Ayo sok cabul, ayo da nyambah barhala, ayo sok da babayu, bencong, ayo da suka are-samu are, ¹⁰ayo parangko, ayo da sarakah, ayo pamabuk, ayo da suka mampitna, ge panipu-panipu, samaan ayo'a kati' ao' mawarisi Karajaan Jabata. ¹¹Maniungan umpatn imu' uga samu dakoh. Tapi, imu' ngalaka gatn marasih, laka gatn ngudus, ge' laka gatn ngataman sadatn gaatn Tuhan Yesus Kristus ge' sadatn Roh Jabata ite'. Ngajauhlah hal Babayu¹² Samaan hal kaiko gatn buleh ta, tapi kati' samaan bagune. Memang samaan hal kaiko' gatn ngabuleh ta, tapi iko kati' tuh gatn parhamba wak jai pun. ¹³Pangkuman ya' putukng, ge' putukng ya' pangkuman, tapi Jabata ao' mambinasa kadua-dua'a. Ungan inyata ya' babayu, tapi ya' Tuhan ge' Tuhan ya' ungan.¹⁴ Jabata mangkidup Tuhan ge' uga ao' mangkidup ite' ya' kuasa-A. ¹⁵ Ania imu' ti' pane bahwa unganmu' anilah anggota-anggota Kristus? Ani'a imu' ao' nangkap anggota-anggota Kristus ge' umas ayo'a jadi anggota-anggota lonte? Kati' ata!¹⁶Ania imu' kati' pane bahwa sok da ningo' adup'a ka lonte ngajadi nyiteng ungan ge' ini'? Sabab, Ini' muji', "Kadua'a ao' ngajadi nyiteng dagin." ¹⁷ Tapi ao' a, sok da ningo' adup'a ge' Tuhan ngajadi nyiteng roh ge' Ini'.¹⁸Ngajauh ta dababayu! Satiap duse laitn da sook umas anilah ka sato ungan'a, tapi sok da babayu, baduse ka ungan adup'a.¹⁹Ania imu kati' pane bahw unganmu' anilah ramin Roh Kudus, da ani kasadatn imu', da mu' narima umpatn Jabata, ge' bahwa adupmu' inya ta adupmu' sadi' da umpu? ²⁰ Sabab, imu' laka gatn nabos nige' harga da lunas. Karna dakoh, nangamulia ta Jabata nige' unganmu'!

Chapter 7

¹ Mati, manganai hal-hal da imu' nulis ka iko': diu'ta da bait mangkat ayo-are ya' kati nyentuh mahu. ² Barang, karna ani'ta pabayu, satiap ayo-are sabaik'a umpu saut'n'a sadi ge' satiap mahu umpu banun'a sadi.³ Banun, harus mamanuhi kawajiban adup'a tradap saut'n'a. ⁴ Saut'n kati bakuasa ka samo ungan'a sadi, malait'nkan banun'a. Lakoh'uga banun kati bakuasa la samo ungan'a sadi, malait'nkan saut'n'a.⁵ Iya'lah imu' saling ngajauh , kacuali nige parsatujuan bariuh ya' samantara waktu agar imu' leluasa mangkat'n waktumu' ya' badoa. Lakadakoh, iduplah bariuh-riuh agi supae Iblis kati mancobai'mu' karna kati mampumu' ka sadat'n pangadilan adup. ⁶ Barang, iko' muji' diah sabage kalonggaran, inya' sabage parintah. ⁷ Iko' baharap samaan sok ulahadup'ko'. Tapi aok'a, satiap sok umpu karunia'a sadi umpat'n Jabata, da sook ka sadat'n hal diah, ge' da lait'n ka sadat'n hal dakoh.⁸ Da kati nikah ge para janda, iko' muji' kalo labih bait mangkat'n ayo'a sa' tatap ka sadat'n kaadaan'a ulah iko'. ⁹ Tapi aok'a, sa ayo'a kati bisa mangandali adup'a sabalik'a ayo'a manikah. Sa. labih baitmanikah dari pada tabakar uleh hawa nafsu.

¹¹ (Tapi kalo ini' ngalaka talanjur ngagat'n banun'a, ini' harus tatap kati kawin, ato kambali gat'n ngadamai nige banun'a kati buleh cerai ge' saut'n'a.¹² Ka da salabih'a iko' muji' (iko', inya Tuhan) barang kalo ani age da umpu saut'n da kati pacaya, ge' mahu dakoh ituh idup bariuh, iya'lah ini' manceraikan saut'n'a dakoh. ¹³ Ladakoh uga kalo sook mahu umpu banun da kati pacaya, ge' ayo-are dakoh ituh idup bariuh, iya'lah ini' ngagat'n banun'a dakoh. ¹⁴ Barang sa' banun da kati parcaya dakoh gat'n ngudus uleh saut'n'a, ge' saut'n da kati parcaya gat'n ngudus uleh banun'a. Sa' kati ladiah, anak-anakmu' diu'ta anak-anak da najis, tapi ge' mati' ayo'a gat'n ngudus.¹⁵ Barang, kalo da kati parcaya dakoh ngate bapisah, kate'a ini' bapisah. ka Sadat'n hal da ulah diah, age ato adi' kati agi tarikat. Tapi aok'a, Jabata ngalaka maba ite ya' idup ka sadat'n dame sejahtera. ¹⁶ Karna hei saut'n, langkina imu' pane kalo-kalo imu' aok nyalamat banunmu'? Ato, langkina imu' pane, hei banun, kalo-kalo imu' aok nyalamat saut'nmu? tatap ka sadat'n Kaadaan sa' Gat'nmaba Jabata¹⁷ Barang, ulah da ngalaka Tuhan tatapkan ya' satiap sok, langkina Jabata ngalaka maba ayo'a masing-masing, tataplah idup ka sadat'n kaadaan ladiah. Ladiah uga iko' marintah ka samaan jamaat. ¹⁸ Jailah ani sok gat'nmaba sa' ini' ngalaka gat'nnurih? iya'lah ini' mangkilang tande-tande turih'a. Ani ta sok da sa' gat'n maba ini' ti'nga gat'n nurih? iya'lah ini' gat'n nurih. ¹⁹ Sa', baturih atopun kati baturih, kati'lah panting. Barang, da panting diu'ta taat tradap parintah-parintah Jabata.²⁰ Satiap sok harus madi ka sadat'n kaadaan ulah sa' ini' gat'n maba. ²¹ Diu'ta imu' sook budak sa' gat'n maba? Iya' imu' mangkhwatirkan hl dakoh. Barang, kalo imu' uga kaat'n jadi sok da mardeka, labih bait gunekanlah kasampatan dakoh. ²² Sa', ini' da katika gat'n maba ka sadat'n Tuhan anilah budak, ini' anilah sok mardeka umpu Tuhan. Ladiah uga, sa' sok da mardeka gat'n maba, ini' diu'ta budak Kristus. ²³ Imu' ngalaka gat'n nabus nige raga lunas, karna dakoh iya'lah imu' jadi budak talino. ²⁴ Ayo-age, handaklah satiap sok tatap madi bariuh ge Jabata, ka sadat'n kaadaan sa' ini' gat'n maba. Nasihat Mangkat'n sok da Ti'nga Baihnya'²⁵ Mati, tantang ayo-sok da kati parnah baihnya', iko' kati umpu parintah umpat'n Tuhan. Tapi aok'a, iko' mangkat'n pandapatko' sabage sok, da uleh pamase Tuhan, kaat'n gat'n macaya. ²⁶ Iko' nganggap hal diah bait ka sadat'n ka adaan sulit saat diah, dakoh'ta labih bait mangkat'n sook ya' tatap madi ulah jai ani'a.²⁷ Jai ta imu' tarikat nige saut'n sok? iya'lah mangusahakan parceraian. Jailah imu' ti'nga tarikat nige saut'n? Iya'lah imu' mancerai saut'n. ²⁸ Barang, sa' imu' baihnya', imu' kati baduse. Ge', sa' sok dara baihnya', ini' kati baduse. Tapi aok'a, ayo'a da baihnya' aok misa' kasulitan-kasulitan idup duniawi, ge' iko' ngate imu' tarindar umpat'n hal-hal dakoh.²⁹ Ayo-age, maksudko' anilah waktu'a ngalaka singkat. Jadi mule mati, kate'a ayo'a da umpu saut'n, iduplah tong-tong sok kati munse, ayo'a da basukacita, ayo'a da gat'n mari tong-tong kati umpu'a, ³¹ ge' ayo'a da manggune'a. Sa', ka adaan dunia diah sadakng lanyap.³² Iko' ngate imu' bebas umpat'n kekhwatiran. Sok da kati baihnya mikir hal-hal manganai Tuhan, langkina ini' kaat'n manyenangkan saut'n'a, ³⁴ ge' parhatian'a tarbagi-bagi. Mahu da kati baihnya ge dara mangkhawatirkan hal-hal manganai Tuhan supaya ini jadi kudus, bait ungan maupun roh'a. Brang, mahu da baihnya mangkhawatirkan hal-hal dunia diah, langkina ini' kaat'n manyenangkan banun'a.³⁵ Iko' muji' hal diah ya' kauntonganmu' sadi, inya ya' mana' jerat ka samomu', malait'nkan ya' hal da bait supaya palayananmu' ka Tuhan kati targanggu.³⁶ Sa' ani sok da nganggap bahwa ini' ngalaka bulah hal da kati pantas tradap dara'a dakoh ngalaka lewat umur ge ulah dakohlah saharus'a kate'a ini' bulah jai da gat'n nak ngate, ini' kati baduse; kate'a ayo'a baihnya'. ³⁷ Barang, ini' da ngalaka mantap ka sadat'n ate'a, kati sadakng wak saroh gat'n makse, umpu kuasa ka samo umpu'a sadi, ge' ngalaka mamutus'a ka sadat'n ate'a ya' kati baihnya' dara'a dakoh, maka ini' pun batindak nige bait. ³⁸ Jadi, sa' ini' baihnya mahu dakoh ini' kati barbuat taman, tapi sa' ini' kati baihnya mahu dakoh, parbuatan'a dakohpun bait.³⁹ Saut'n tarikat salama' banun'a masih idup. Barang, sa' banun'a kabis, ini' bebas ya' baihnya nige asipun saja da gat'n nak ngate, asalkan sok dakoh ka sadat'n Tuhan. ⁴⁰ Tapi aok'a, manurut pandapatko', ini' aok labih bahagia sa' ini' tatap ka sadat'n ka adaan'a, ge' manurutko', iko' uga umpu Roh Jabata.

Chapter 8

Pangkuman Da Gatn Persembah a' Ka Berhala ¹Mati', hal daging-daging da gatn persembah a' ka berhala-berhala. Ite pane bahwa ite samaan umpu pengetahuan. Pengetahuan umas sombong, tatapi kasih membangun. ²Jika ani sok da ngira bahwa ni' pane jai hal, ni' tinga panane da sa harus a' ni' pane. ³Namun, jika ani sok da mengasihi Jabata, ni' gatn kanan kat Jabata.⁴Karna dakoh, manganai pangkuman dagin-dagin da gatn mamparsambah ka barhala-barhala ka dunia diah, ge' kati' ani Jabata salaitn Ini', nyiteng-nyiteng'a. ⁵Namun, kalopun ani da gatn magaatn jabata-jabata, bait ka surga atopun ka tana paitn, (langkina ani karah "jabata" ge' ani karah " "Tuhan"), ⁶tapi bagi ite' hanya ani nyiteng Jabata, dakohta Bapa. Umpatn Iniklah sagala jaipun ge' ite' ani ya' Dini'. Ge', hanya ani nyiteng Tuhan, dakohta Kristus Yesus, da karna-A sagala jaipun ani, ge' ite' ani nabo Ini'.⁷Walopun ladakoh, kati' samaan talino umpu pangatahuan diah. Tapi, ani uga sok , da ngabiasa nige' barhala sampe' mati',uman pangkuman dakoh sabage pangkuman da gatn mamparsambah ka barhala. Karna dakoh, ate nurani ayo'a da lamah ngajadi kutor.⁸Pangkuman kati' ao' ngajiket ite' ka Jabata. Ite' uga kati' ao' labih jahe' sak kati' uman, ato kati' uga labih bait sak ite' uman. ⁹Tapi, ngingat ta bahwa kabebasanmu' diah iyak malah jadi batu sandungan ka ayo'a da lamah. ¹⁰Karna dakoh, sak ani sok da mile' imu', da ani umpu pangatahuan, uman sadatn kuil barhala, inyata ate nurani'a , sak ini' lamah , ao' gatn nguat ya' uman dagin-dagin da gatn mamparsambah ka barhala?¹¹Jadi, nabo' pangatahuanmu', sok da lamah dakoh. kohta agemu', da karna-A Kristus laka kabis, , ngajadi uhas. ¹²Jadi, nige' baduse tarhadap ayo agemu' da nyaiman ge' da umas talih ate nurani'a da lamah, maka imu' baduse tarhadap Kristus. ¹³Karna dakoh, sak pangkuman jadi panyabab agemu' da nyaiman tasingkak, iko' kati' ao' suah uman dagin sampe salama-lama a' supaya iko' kati' umas ageko' tasingkak.

Chapter 9

¹ Inyalah iko' sok da bebas? Inyalah iko' diu ta rasul? Inyalah iko' ngalaka mile Yesus, Tuhan ite? Inyalah imu' diu ta hasil karajeko' ka sadat'n Tuhan? ² Kalo sa' mangkat'n sok lait'n iko' inya rasul, paling kati iko' diu ta rasul bagimu', Barang, imu' diu ta meterai karasulanko' ka sadat'n Tuhan.³ Diahlah pambelaanko' tradap ayo kup'm da mariksa iko'. ⁴ Diu ta kai' kati umpu hak ya' uman ge' nyucur? ⁵ Diu ta kai' kati ani hak ya' minsakng sook da basaut'n da saiman, samu ulah rasul-rasul da lait'n, ayo-age Tuhan, ge' uga Kefas? ⁶ Ato, diu ta hanya Barnabas ge' iko' da kati ani hak ya' kati karaje?⁷ Asilah da parnah ,mangabdi sabage tantara nige biaya'a sadi? Asilah da ngawan'a ka kabon anggur ge' kati uman buah'a? Ato, asilah da manggambala tarnak ge' kati nyucur susu'a? ⁸ Asilah iko' da muji' hal-hal diah manurut talino? Inyalah Hukum Taurat uga muji' hal-hal da samu?⁹ Sa' ani da gat'n nulis ka sadat'n Hukum Taurat Musa, "Iya'lah ayo kup'm ngangkuhas lambu da sadakng mangirik gandum!" Diu ta lambu da sadakng Jabata mile? ¹⁰ Ato, diu ta nyansana demi ite? Ai', demi itelah hal dakoh gat'n nulis karna da mambajak harus mambajak ka sadat'n pangharapan ge' da mangirik harus mangirik ka sadat'n pangharapan ya' kaat'n bagian'a. ¹¹ Kalo kai' manabur bani rohani ka antara ayo kup'm diu ta marabeh kalo kai' uga manuai hal-hal materi umpat'n ayo kup'm?¹² Kalo sok lait'n umpu hak diah ka samo imu', inya ta kai' labih barhak agi? Meskipun ladiah, kai' kati manggune hak dakoh. Sabalik'a, kai' nanggong sagala sasuatu supaya kai' kati mangkat'n suatu halangan bagi Injil Kristus. ¹³ Jailah imu' kati pane kalo ayo'a da ngaraje hal-hal da kudus dakoh, uman pangkuman umpat'n Bait Jabata uga? Ge', ayo'a da malayani ka altar ¹⁴ Ladakoh uga, Tuhan marintah ayo'a da nyarita Injil ya' idup umpat'n Injil uga.¹⁵ Barang, iko' kati parnah ngiak nyitengpun umpat'n hak-hak diah. Ge', iko' kati nulis hal-hal diah supaya gat'n gat'n umas ulah dakoh ka iko'. Sa', labih bait iko' kabis daripada sook mangkilang kabanggaanko'. ¹⁶ Karna, kalo iko' nyarita Injil, iko' kati umpu alasanya' bamegah karna kawajiban dakoh ani ka samoko'. Calakalah iko', kalo iko' kati nyarita Injil.¹⁷ Kalo iko' nyarita Injil karna kahendakko' sadi, iko' umpu upah. Barang, kalo diah inya kahendakko', diu ta tugas da gat'n pacaya ka iko'. ¹⁸ Kalo ladakoh, jailah upahko'? Upahko' diu ta sa' iko' nyarita Injil, iko buleh nyarita Injil tanpa upah ge' kati mansara'gune'a hakko' ka sadat'n Injil.¹⁹ Barang, sa' walopun iko' bebas atas samaan sok, iko' jadi adupko' sadi hamba bagi samaan sok supaya iko' buleh mamanang'a labih karah agi. ²⁰ Bagi sok Yahudi, iko' jadi ulah sok Yahudi supaya iko' kaat'n mamanang'a sok Yahudi. Bagi sok da idup ka saroh Hukum Taurat, iko' jadi ulah sok da idup ka saroh Hukum Taurat (meskipun iko' sadi kati ka saroh Hukum Taurat) supaya iko' kaat'n manang ka ayo'a da ani ka saroh Hukum Taurat.²¹ Bagi ayo'a da tanpa Hukum Taurat, iko' jadi ulah tanpa Hukum Taurat (inya tanpa hukum Jabata, tapi ka saroh hukum Kristus) supaya iko' kaat'n manang ayo'a da tanpa Hukum Taurat. ²² Bagi sok da lamah, iko' jadi lamah supaya iko' kaat'n manang ayo'a da lamah. Iko' ngalaka jadi sagala sasuatu bagi samaan sok supya nige sagala cara iko' kaat'n nyalamat mani ungan sok. ²³ Iko' bulah samaan diah demi Injil supaya iko' buleh kaat'n bagian ka sadat'n'a.²⁴ Kati pane ta imu' kalo ayo'a da talama ka sadat'n suatu partandingan samaan'a talama, tapi hanya nyungan da narima hadiah? Jadi, talamalah sadamikian supaya imu' kaat'n'a! ²⁵ Satiap sok da batanding balatih manguasai adup ka sadat'n sagala hal. Ayo'a da bulah'a ya' narima mahkota da fana, tapi ite ya' kaat'n da abadi. ²⁶ Sa' ladakoh, iko' kati talama ulah dakoh tanpa tujuan. Iko' kati ninju ulah sok da ninju angin. ²⁷ Barang, iko' malatih unganko' nige karas ge mangguasai'a supaya sa iko' laka nyarita Injil ka sok lait'n, iko' sadi kati gat'n nolak.

Chapter 10

¹Sabab, iko' kati ituh imu' kati' panane a', age-age, bahwa ayo' nenek moyang ite, samaan a' madi ka saroh awan ge samaan a' naru paitn laut. ²Ayo' a' samaan gatn baptis sadatn Musa, ka sadatn awan ge ka sadatn paitn laut. ³Ayo' a' samaan uman pangkuman rohani da samu', ⁴ge samaan a' nyucur minuman rohani da samu. Sabab, ayo' a' nyucur umpatn Batu rohani da nganag samahu ayo' a', ge Batu dakoh anilah Kristus.⁵Meskipun lahdakoh, Jabata kati berkenan nige' sabagian ahyo umpatn ayo' a'. karna dakoh, ayo' a' gatn ngamis a' ka padang belatantara. ⁶Mati', hal-hal diah gatn jadikan suntoh yak ite supaya ite kati jadi sok da ba kainginan jahe lahdakoh ayo' a' ingin a'.⁷Usah jadi penyembah berhala samu maningan umpatn ayo' a', samu da gatn nulis, "Bangsa dakoh unyung yak uman ge nyucur, lalu agutn yak ba main." ⁸Usah ite umas a' perzinahan samu da gatn umas ani maningan umpatn ayo' a' sehingga 23 ribu sok kabis nyando koh.⁹Ite uga kati' boleh mencobai Tuhan, lahdakoh uga ani mani ungan umpatn ayo' a' uga mencobai ge gatn binasakan yak nipa-nipa. ¹⁰Usah uga imu' ba sungut-sungut lahdakoh uga ayo' a' ba sungut-sungut ge gatn binasakan kat malaikat maut.¹¹Hal-hal diah ta jadi samo ayo' a' sebagai sontoh ge gatn nulis a' sebagai paringatan wak ite, da wak asi akhir zaman laka utukng. ¹²Karna dakoh, ngabiar ta sok da menyangka kalo adup a' teguh agutn waspada supaya ni' kati jantu! ¹³Kati ani pencobaan da pernah ngantuk mu kecuali pencobaan da biasa wak talino. Ge, Jabata anilah setia, Ni kati ao' nga biar a' imu gatn nyoba merabek kamampuaanmu'. Ao' tapi, samahu nige' pencobaan dakoh, Ni uga ao' nyadia a' pagala mungkas supaya kaatn nanggong a'.¹⁴Karna dakoh, age-age ko' da terkasih, ngindar a' lah adupmu' umpatn penyembahan berhala. ¹⁵Iko' nyansana samu wak ayo' sok da bijaksana, nimbakng-nimbakng ta lah jai da ko' muji. ¹⁶Inja bak cawan berkat da kit syukuri dakoh anilah persekutuan sadatn dayya Kristus? Ge, inyabak roti da ite matah a' dakoh anilah persekutuan sadatn ungan Kristus? ¹⁷Karna ani nyiteng roti, maka ite da karah diah anilah nyiteng ungan; karna ite samaan jadi bagian umpatn nyiteng roti dakoh.¹⁸Perhatikanlah ayo' sok Israel, inya bah ayo' a' da uman persembahan nangkap bagian sadatn altar? ¹⁹Jadi, jaibak maksudko'? jai bak pangkuman da gatn persembahkan ka berhala anilah sesuatu? ato, anibak berhala anilah sesuatu?²⁰Kati, Iko' muji a' wak imu' bahwa hal-hal da bangsa-bangsa laitn kurbankan, ayo' a' mengurbankan a' yak roh-roh, inya yak Jabata. Ge, iko' kati ituh imu' bersekutu nige' roh-roh jahe. ²¹Imu' kati boleh nyucur cawan Tuhan ge uga cawan roh-roh jahe'. Imu' kati bisa jadi bagian umpatn jamuan Tuhan ge jamuan roh-roh jahe'. ²²Ato, Ani ta ite nga bangkit a' kecemburuan Tuhan? Diuta ite labih kuat daripada Ini'? Idup Yak Memuliakan Jabata²³Segale sesuatu gatn bolehkan," tapi kati' samaan a' bagune. "Sagale suatu gatn ngabolekan," tapi kati' samaan a' mambangun. ²⁴Usah ani nyungan pun da najo kebaikan yak adup sadi, melainkan kebaikan sok laitn.²⁵Umanlah jaipun da gatn nyual ka pasar dagin tanpa mariksa a' demi ate nurani. ²⁶Karna, tana paitn ge samaan isi a' anilah Tuhan umpu. ²⁷Jika ani sok da tinga pacaya ngundangmu' ge imu' ba sadia yak ano, uman ta lah jaipiun da gatn nyato' ka hadapanmu' tanpa mariksa a', demi ate nurani.²⁸Namun, sa' ani sok nyansana wakimu', "Pangkuman diah laka gatn persembahkan ka berhala," usah imu' uman, demi sok da mangkatn pane ka imu dakoh ge demi ate nurani. ²⁹Maksudko', inya demi ate nuranimu' sadi, tapi ate nurani sok laitn. Jai bah ka bebasanko' gatn nentukan kat ate nurani sok laitn? ³⁰Jika iko' nangkap bagianko' nige' ucapan syukur, jai bah iko' gatn mansara karna pangkuman da kasamo a' iko' mengucapkan syukur?³¹Jadi, antah imu' uman atau nyucur, ato jai jak da imu' umas a', umas ta lah samaan a' dakoh yak kemuliaan Jabata. ³²Usah umas sok tasingkak, baitn sok Yahudi, sok Yunani, maupun jemaat Jabata, ³³Samu iko' uga sadatn segala hal mangkahwat samaan sok, tanpa najo ka untonganko' sadi, tapi ka untongan yak sok karah supaya ayo' a' kaatn gatn nyalamat a'.

Chapter 11

¹Jadilah ayo' sok da nuruti teladanko', samu iko' uga terhadap Kristus. Tande kekuasaan ²Mati' iko' memujimu' karna imu' mengingatko' sadatn sagale hal ge ba jinte tradisi-tradisi samu da ko'muji a' wak imu'. ³Namun, iko' ngate imu' ngarati bahwa abak' satiap are anilah Kristus, abak' mahung anilah are, ge Abak Kristus anilah Jabata. ⁴Satiap are da badoa ge ba nubuat nige' abak' da ba tudung kati menghormati abak' a'.⁵Namun, satiap mahung da badoa atau ba nubuat nige' abak' da kati ba tudung, manyangun abak' a', hal dakoh samu ge' jika abak' a' gatn nyukur. ⁶Sabab, jika sok mahung kati menudungi abak' a', biar ta ni' uga nyantak samaan abok' a'. Namun, jika umas mangun yak sok mahung nyantak abok' ato nyukur abak' a', biar ta ni' menudungi abak' a'.⁷Are kati boleh menudungi abak' a' karna ni' anilah gambaran ge kamuliaan Jabata. Namun, mahung anilah kamuliaan are. ⁸Are kati barasal umpatn mahung, tapi mahung berasal umpatn are.⁹Ge, are kati gatn ciptakan yak mahung, tapi mahung yak are. ¹⁰Dakohlah sabab a', mahung arus umpu tande kekuasaan ka abak' a' karna ayo' malaikat.¹¹Namun lahdakoh, sadatn Tuhan, kati ani mahung tanpa are, ato are tanpa mahung. ¹²Sabab, mahung barasal umpatn are, pangkoh uga are tusak lewat mahung. Ge, sagale hal umpatn Jabata.¹³Pertimbangkanlah sadi, pantas bak yak sok mahung yak badoa ka Jabata nige' abak' da kati ba tudung? ¹⁴Inyabak alam sadi mengajarkan wak imu' bahwa jika are umpu abok angho, hal dakoh merupakan umas panyangun yak a'? ¹⁵Namun, jika mahung umpu abok angho, hal dakoh anilah kamuliaan yak a': Sabab, abok a' dakoh gatn mangkatn wak a' sebagai penudung. ¹⁶Jika ani sok da maseh ngate membantah, kai kati' umpu kebiasaan dakoh, lahdakoh uga jemaat Tuhan. Hal-hal da Sara sadatn Perjamuan Kudus.¹⁷Sadatn mangkatn parintah diah, iko' kati memujimu' karna imu' ba kumpul inya yak hal da lebih baitn, tapi yak hal labih jahe. ¹⁸Pamule, waktu imu' ba kumpul sebagai jemaat, iko' dangah bahwa ani perpecahan ka antara imu'. Ge, iko' mempercayai a' sabagian. ¹⁹Sabab, arus ani perpecahan ka antara imu' supaya ayo' a' da terbukti tahan uji jadi jelas ka antara imu'.²⁰Waktu imu' ba kumpul ka suatu tempat da samu, hal dakoh inyalah yak uman perjamuan Tuhan. ²¹karna waktu uman, satiap sok nangkap da paling unyyi pangkuman a' sadi sahingga ani da saburuk ge da laitn a' abok. ²²Jai imu' kati umpu ramin yak uman ge nyucur? ato, jai bah imu' menyangun jemaat Jabata ge gatn panyangun ayo' a' da kati umpu jai-jai? jai da arus ko'muji wakmu'? arusbak ako' memujimu'? Tentu saja kati'!²³Karna, iko' narima umpatn Tuhan jai da uga iko' nyarahkan wak imu', bahwa Tuhan Yesus, wak ngarum waktu Ni' gatn khianati, nangkap roti, ²⁴ge ngalaka mengucap syukur, Ni' matta'-matta' a' ge nyansana, "Diahlah ungan-Ko', da anilah yak imu'; umaslah jadi peringatan ao' Iko'."²⁵Lahdakoh uga, Ni' nangkap cawan ngalaka uman lalu nyansana, "Cawan diah anilah Perjanjian Baru da sadatn dayya-Ko'. Parbuatlah diah, satiap kali imu' nyucur a', jadi peringatan ao' Iko'." ²⁶Sabab, satiap kali imu' uman roti ge nyucur cawan diah, imu' ngabarkan pangkabis Tuhan sampe Ni' utukng.²⁷karna dakoh, asi da uman roti ato nyucur cawan Tuhan nige' cara da kati layak, ni' ba sara tahadap ungan ge dayya Tuhan. ²⁸Talino arus menguji adup a' sadi, nige' lahdakoh biarlah ni' uman roti ge nyucur umpatn cawan dakoh. ²⁹Sabab, sok da uman ge nyucur tanpa mengakui tubuh Tuhan, ni' mangjuntukng hukuman samo adup a'. ³⁰Dakohlah sabab a', jailah karah ka antara imu' da lemah ge anap, bahkan cukup karah da kabis.³¹Namun, jika ite menilai adup ite sadi nige' benar, ite kati ao' gatn ngukum. ³²Namun, waktu ite gatn ngukum, ite gatn didik kat Tuhan supaya ite kati gatn hukum samahu-mahu nige' dunia.³³Jadi, Age-ageko', ketika imu' ba kumpul yak uman, saling ngantilah. ³⁴Kalo ani sok da saburuk, baitlah ni' uman uru ka ramin a' supaya usah imu' ba kumpul yak penghakiman. Ge hal-hal da laitn ao' iko' ngatur waktu iko' utukng.

Chapter 12

Karunia-karunia umpatn Roh Kudus ¹Mati', ma nganal karunia-karunia rohani, age-age, iko' kati ngate kati panane a'. ²Imu' pane bahwa saat imu' maseh jadi ayo' sokda tingga nganal Jabata, imu' gatn ngalayo ka berhala awa, lah dakohlah imu' gatn mimpin. ³Karna dakoh, iko' muji a' ka imu' bahwa kati nyungan pun, da nyansana kat Roh Jabata, da nyansana, "Yesus ta kutut," ge kati ani nyunganpun da nyansana, "Yesus anilah Tuhan," salain kat Roh Kudus.⁴Ani berbagai karunia rohani, tatapi Roh a' samu. ⁵Ge, ani berbagai pelayanan, tatapi Tuhan a' samu. ⁶Ani berbagai pangaraje, tatapi Jabata da samu da ngaraje a' jai hal a' sadatn samaan sok.⁷Ka tiap-tiap sok gatn ngarunia peryataan Roh yak ka bait a' samahu. ⁸Ka da nyungan gatn mangkat a' kata-kata hikmat lewat Roh ge ka da lait kata-kata pengetahuan kat Roh da samu.⁹Ka da lait gatn mangkat a' iman kat Roh da samu, ka da lait karunia-karunia penyembuhan kat Roh da nyungan dakoh. ¹⁰Ka da lait gatn mangkat a' pangaraje-pangaraje mukjizat, ka da lait nubuatan. ka da lait gatn mangkat a' ka mampuan yak membedakan roh-roh, ka da lait berbagai macam bahasa ratta, ge da lait mangarti a' bahasa-bahasa ratta dakoh. ¹¹Samaan a' diah gatn ngaraje a' kat Roh da nyeteng ge da samu, da ni magi ka masing-masing sok, samu da Ni' ka hendaki. Satiap sok pacaya anilah Bagian umpatn Ungan Kristus.¹²Samu ge ungan anilah nyungan, tatapi mempunyai karah anggota, ge samaan anggota ungan, walopun karah, anilah nyungan ungan, pangkoh uga Kristus. ¹³Sabab, kat nyiteng Roh, ite samaan laka gatn baptis ka sadatn nyiteng ungan, bait sok Yahudi maupun sok merdeka, ge ite samaan gatn mangkat nyucur umpatn nyiteng Roh.¹⁴Karna ungan kati agutn umpatn nyungan anggota, tatapi karah anggota. ¹⁵Jika kaja nyansana, " Karna iko' inya barek, jadi iko' inya bagian unggan," kati ba arti ni' inya bagian ungan. ¹⁶Ge, jika rajak' nyansana, "Karna iko' inya matu, iko' inya anggota ungan," kati ba arti ni' inya bagian ungan. ¹⁷Jika samaan ungan anilah matu, ket melah pa danggah? jika samaan a' anilah rajak', ket melah pa maduk a'?¹⁸Namun, mati' Jabata laka mana a' anggota-anggota dakoh, satiap sok umpatn ayo', ka sadatn ungan, pang dakoh da ni' ka hendaki. ¹⁹Jika samaan a' anilah nyungan anggota, ka dumelah ungan? ²⁰Jadi, memang ani karah anggota, tatapi hanya nyeteng ungan.²¹Sabab dakoh, matu kati nyansana ka barek, "Iko kati perlu gemu!" ato agi, abak' ka kaja, "Iko' kati perlu gemu!" ²²Sa balik a', anggota-anggota ungan da tile a' labih lemah sabenar a' da paling gatn perlu a'. ²³Ge, anggota-anggota ungan da itemikir kurang ta hormat, justru mangkatn lah panghormatan labih. Ge, anggota-anggota ungan, da ite anggap kurang layak tampil, arus gatn umas labih layak tampil, ²⁴Karna bagian-bagian da laka layak tampil kati parlu ge a'. Namun, Jabata laka ngatur dakoh nige' gatn bagi a' penghormatan labih ahyo ka anggota-anggota da ka kurangan.²⁵Supaya kati ani perpecahan sadatn ungan, malain a' supaya anggota-anggota dakoh bisa mamperhati a' nyungan nige' da lait. ²⁶Jika nyungan anggota menderita, samaan anggota manderita samaan a'. jika nyungan anggota gatn mulia a', samaan anggota ba sukacita samahu a'. ²⁷Mati' imu' anilah ungan Kristus ge imu' masing-masing anilah anggota-anggota a'.²⁸Jabata laka netap a' sadatn jemaat, pamule anilah para rasul, kadua anilah ayo' nabi, ka taru anilah ayo' guru, laka dakoh mukjizat-mukjizat, karunia-karunia ngang kahuat a', panolok a', pa mimpin a' ge berbagai-bagai syaratn. ²⁹Anibak samaan a' rasul? anibak samaan a' nabi? anibak samaan a' guru? anibak samaan anilah ngangkumas mukjizat?³⁰Anibak samaan a' umpu karunia pang khauhat? anibak samaan a' nyansana nige' syaratn-syaratn? Anibak samaan a' ngarati a'? ³¹Namun, ngate a' lah nige' batol-batol karunia-karunia da paling ahyo. Ge, iko' ao' nujo a' ka imu' gala da jauh labih bait.

Chapter 13

¹ Sak iko' kaatn nyansana sadatn saratn-saratn talino ge ayo malaikat, tapi kati' umpu kasih , iko' anilah agong da mihu ge' canang da kareng-kareng, ² Sak iko ani karunia ya' nyampe saratn Jabata ge' pane samaan rasia ge, samaan pangatahuan , ge sak iko' umpu samaan iman ya' nginsit gunung-gunung , tapi sak kati' ani umpu kasih, iko kati' ani jai-jai'a. ³ Sak iko' mangkatn samaan hartako' ya' mangkatn uman ka ayo sok papa, ge' nyarah unganko' ya' gatn nyahung, tapi kati' ani umpu kasih, inik-inik kati' ani gune'a ka iko'.⁴ Kasih dakoh sabar ge' murah ate, kasih dakoh kati' camburu, kati' nganinggi adup'a, ge' kati' sumbong, ⁵ kati' umas da kati' patut, kati' najo kapantingan adup sadi', kati' gampang baji', kati ngitong sara sok laitn, ⁶ Kati' auhatn mile' da kati' taman, sabalik'a auhatn sak ani samahu ge' da taman. ⁷ Kasih dakoh tahan nanggong sagala jaipun, pacaya ka sagala jaipun, mar baharap ka sagala jaipun, ge' sabar nanggong sagala jaipun.⁸Kasih dakoh kati' suah abas. Malah, sak ani nubuatan-nubuatan, ao' gatn katigiani, sak ani saratn-saratn, ao' gatn nyatop; ge sak ani pangatahuan, ao' gatn ngalanyap. ⁹Sabab, ite' pane nyabagi jak ge' ite' nyampe nubuat nyabagi jak. ¹⁰Malah, waktu da sampurna utukng, da nyabagi dakoh ao' gatn ngalanyap.¹¹Waktu iko' agi kangot, iko' nyansana ulah kangot, iko' bapikir ulah kangot, ge' baritong-itong ulah kangot. Waktu iko ngajadi dewasa, iko ngagatn hal-hal da samu kangot dakoh. ¹²Karna mati' ite' mile' sadatn caramin nige' cara da ti' awas, tapi lakadakoh bahas ge' bahas. Mati', iko' hanya pane nyabagi, tapi lakadakoh iko' ao' nganal sapanhu'a, ulah iko' uga laka gatn nganal sapanhu'a. ¹³Jadi, mati' dataru hal diah da tatap madi', dakoh ta iman, pangharapan, ge' kasih; tapi da paling ayho umpatn da taru'a anilah kasih.

Chapter 14

¹ Ngalamanih kasih ge' gat'n ngate sungguh-sungguh karunia-karunia rohani, tarutama supae imu' kaat'n banubuat. ² Sabab, asi da nyansana ka sadat'n bahasa rata', kati nyansana wak talino, tapi wak Jabata; karna kati ani sok da ngarati, tapi ni' muji' hal-hal da rahasia sadat'n roh. ³ tapi, sok da banubuat nyansana wak talino yak ngalumpat, nasihat, ge pangibur. ⁴ ayo sok da nyansana ka sadat'n bahasa rata' ngalumpat adup'a sadi', tapi sok da banubuat ngalumpat jamaat.⁵ Iko' baharap imu' sama'an nyansana wak sadat'n bahasa-bahasa rata', tapi ngarabeh agi sapa'e imu' banubuat. Sok da banubuat rabeh aihyo' umpat'n sok da nyansana wak sadat'n bahasa rata', kacuali kalo' ni' uga ngarati'a singga jamaat kaat'n nganarima paneguh. ⁶ Ayo age, kalo iko' utungk' ka imu' ge nyansana ka sadat'n bahasa-bahasa roh, jai untong'a ka'imu, kacuali kalo iko' nyansana kaimu nige kanyata'a, kapane'a,nubuatan, ato pangajaran?⁷ Bakan, barang-barang da kati banyawa, samu' suleng ato kacapi da ngamungkas sarat'n, kalo kati ngamungkas ngalait'n sadat'n sarat'na, langkina sok ka'atn pane alat jai da jangkah gat'nmain, suleng ato kacapi? ⁸ Ato, kalo tarumpet ngamungkas sarat'n da kati jalas, asidu' da aok' nganyiap adup yak baparang? ⁹ Ladakoh uga imu'. kalo nige rata'Mu, imu' mangucap sarat'n-sarat'n da kati ka'atn gat'n ngarati, langkina sok pane jai gat'n nyarat'n? Saolah-olah imu' ngansana wak udara.¹⁰ Mungkin, ani ladakoh karah jenis bahasa wak dunia ge' kati nyitengpun umpat'n'a da kati bamakna. ¹¹ Barang, kalo iko' kati pane arti bahasa dakoh, iko' aok jadi sok asing umpat'n ini' da nyansana, ge' sok da nyansana dakoh jadi sok asing bagiko'.¹² Damikian uga imu', karna imu' sungguh-sungguh barusaha ya' karunia-karunia rohani, barusahanih supae bakalimpahan ya' ngalumpat jamaat. ¹³ Karna dakoh, hendaklah sok da nyansana wak sadat'n bahasa rata' badoa supae ini' kaat'n ngarati'a. ¹⁴ Sabab, kalo iko' badoa ka sadat'n bahasa rata', rohko' badoa, tapi pikiranko' kati barubah.¹⁵ Jadi, jailah da harus iko' bulah? Iko' aok badoa nige rohko' ge' iko' uga aok badoa nige pikiranko'. Iko' aok ngado nige rohko' ge' iko' uga aok ngado ge' pikiranko'. ¹⁶ Sa' imu' hanya mangucap syukur nige rohmu', langkina sok, da ani ka sadat'n posisi kati umpu karunia dakoh, kaat'n bakata, "Amin," ka samo ucapan syukurmu' dakoh karna ini' kati ngarati jai da imu' muji'?¹⁷ Nyakalipun imu' mangucap syukur nige bait, tapi sok lait'n kati gat'n ngalumpat. ¹⁸ Iko' basyukur ka Jabata kalo iko' nyansana ka sadat'n bahasa-bahasa rata' labih dari imu' samaan'a. ¹⁹ Barang, ka sadat'n jamaat, iko' labih bait nyansana lima kata nige pikiranko' supae iko' uga kaat'n mangajar sok lait'n, daripada sapuluh ribu kata ka sadat'n bahasa rata'.²⁰ Ayo-age, iya' jadi ayo-kangot ka sadat'n pikiranmu'. jadilah bayi-bayi ka sadat'n pamikiranmu' jadilah dewasa! ²¹ Ulah gat'n nulis ka sadat'n Hukum Taurat, "Uleh ayo-sok da umpu bahasa asing ge' uleh baba ayo-sok asing, Iko' aok nyansana ka bangsa diah, tapi ayo'a kati aok dangah Iko', firman Tuhan."²² Jadi, bahasa-bahasa rata' diu'ta tande, inya ya' sok da kati pacaya, tapi ya' sok da pacaya. ²³ Sa' saluruh jamaat bakumpul bariuh ka sadat'n tampat, ge' samaan'a nyansana nige bahasa rata', lalu ani ayo-sok da kati ngarati ato ayo-sok kati pacaya maruh, kati'ta ayo'a aok muji' kalo imu ngalaka gila?²⁴ Barang, sa' samaan'a ba'nubuat, lakadakoh ani sok da kati pacaya ato sok da kati ngarati maruh, ini' aok gat'n nyadar uleh samaan'a. ²⁵ Rahasia ka sadat'n ate'a aok nyata, ini' aok tadungkop, ge' nyambah Jabata, ngako' kalo sasungguh'a Jabata ani wak antara imu'. Atoran-Atoran ka sadat'n badaput Jamaat²⁶ Jadi, salanjut'a langkina, Ayo-age? sa' imu' bakumpul, masing-masing umpu mazmur, pangajaran, panyataan, bahasa rata, ato nyabuah panafsiran. Kate'a samaan diah gat'n bulah ya ngalumpat. ²⁷ Sa' ani da bahasa rata', kate'a hanya dua ato paling karah taru ungan, ge' masing-masing sacara bagantian, ge' harus ani sok lait'n da ngarati'a. ²⁸ Barang, kalo kati ani sok da ngarati'a, ini' harus tunguh-tunguh ka sadat'n jamaat ge' kate'a ini' nyansana ka adup'a sadi ge' ka Jabata.²⁹ Kate'a hanya dua ato taru nabi da nyansana ge' da lait'n mampartimbang'a. ³⁰ Barang, kalo sa' panyataan gat'n bulah ya' sok lait'n da unyung ka dakoh, sok da partama harus tunguh-tunguh.³¹ Sa', ayo kup'm samaan kaat'n banubuat nyiteng demi nyiteng, supae samaan'a kaat'n balajar ge' samaan'a kaat'n gat'n nguat. ³² Roh-roh para nabi tunduk ka para nabi. ³³ Sa' Jabata inyalah Jabata umpat'n kakacauan, malait'nkan dame sejahtera, samu ulah ka sadat'n samaan jamaat ayo-sok kudus.³⁴ Mahu harus tatap tunguh-tunguh ka sadat'n jamaat karna ayo'a kati gat'n ngizin ya' nyansana, malait'nkan harus tunduk sebage'ume Hukum Taurat uga muji'a. ³⁵ Sa' ani sasuatu da ngate ayo'a palajari, kate'a ayo'a mansikat'n ka banun'a wak ramin karna diu'ta hal da manyangun mangkat'n mahu ya' nyansana ka sadat'n jamaat. ³⁶ Jai'ta firman Jabata brasal umpat'n imu? Ato, jai'ta hanya ka'imusadi firman dakoh gat'n nyampe?³⁷ Sa' ani da bapikir kalo ini' diu'ta ayo sook nabi ato sok da rohani, kate'a ini' nganal kalo hal-hal da iko' nulis ka'imu diu'ta parintah Tuhan. ³⁸ Sa' ani sok da kati nganal diah, ini' kati gat'n nganal.³⁹ Jadi, Ayo-ageko', da ngusahalah nige sungguh-sungguh ya' banubuat, ge' iya' mingat sok nyansana ka sadat'n bahasa-bahasa rata'. ⁴⁰ Barang, samaan'a harus gat'n bulah nige sopan ge tarator.

Chapter 15

¹Mati, age-age, iko' muji a' ka imu' Injil, da iko' ngabar a' ka imu', da ngalaka imu' narima, da ka sadatn imu' agunt tagap. ²Kat Injil dakoh uga imu' gatn nyalamat a', asal imu' tagap ba jinte ka Firman da ngalaka ko' ngabar a' ka imu', kacuali imu' pacaya nige' sia-sia.³Iko' laka nyampe a' ka imu', mule-mula da ta penting, da uga iko' narima bahwa Kristus kabis yak duse-duse sasuai nige' Kitab Suci, ⁴Ini' laka gatn ngubur a', Ini' gatn ngangkidup a' ka ano ka taru sasaui Kitab Suci,⁵Ge Bahwa Ni' laka nyua adup A' ka Kefas, laka dakoh ka da ka dua balas dakoh. ⁶Ngalaka dakoh, Ni' nyua adup-A ka labih umpatn lima ratus age-age sakaligus. sabagian ahyo umpatn ayo' maseh idup sampe mati', tatapi ani mani ungan nga kabis. ⁷Lalu, Ni' nyua a' adup-A' ka Yakobus, laka dakoh ka samaan rasul.⁸Da unyyi, samu ge' ka kangot da tusak tingga waktu a', Ni' uga nyua a' adup ka iko'. ⁹Sabab, iko'lah da paling inek ka antara rasul-rasul-A' ge kati layak gatn magaatn sabage rasul karna iko' ganiaya jamaat Jabata.¹⁰Namun, karna anugerah Jabata, iko' anilah ako' da mati'. Ge', anugerah-A' ka iko' katilah sia-sia. Iko' ba karaje labih giat daripada ayo a' samaan, tatapi inya iko, malainkan anugerag Jabata da nyertaiko'. ¹¹Kat karna dakohlah, bait kat iko' atopun ayo', lah dakohlah kai ngajar ge lah dakohlah imu' ngalaka pacaya. Pangkidup umpatn Pangkabis¹²Jika Kristus gatn ngabar a' idup umpatn pangkabis, jailah ani sok ka antara imu' nyansana bahwa kati ani pangkidup umpatn pangkabis? ¹³Kalo kati ani pangkidup umpatn pangkabis, Kristus uga kati gatn ngidup a'. ¹⁴Ge', Jika Kristus kati gatn ngidup a', sia-sialah pangabar kai ge sia-sialah uga imanmu'.¹⁵Labih agi, kai uga gatn amput sabage saksi laceh Jabata karna kai mangaktn kasaksian bahwa Jabata laka mangkidup a' Kristus, da kati ao' gatn ngidup-A', jika memang taman sok kabis kati gatn ngidup a', ¹⁶Sabab, Jika sok kabis kati gatn ngidup a', Kristus uga kati gatn ngidup a'. ¹⁷Ge, jika Kristus kati gatn ngangkidup a', sia-sialah imanmu', ge imu' maseh madi sadatn duse-dusemu'.¹⁸Lah dakoh uga, ayo' da laka kabis sadatn Kristus uga ngalaka binasa. ¹⁹Jika pangarapan ite ka sadatn Kristus hanya yak idup diah sadi, ite anilah ayo' sok da paling malang umpatn samaan talino.²⁰Namun, mati' Kristus laka gatn ngangkidup a' umpatn antara sok kabis, sebage da buah sulung umpatn samaan sok pacaya da laka kabis. ²¹Sabab, samu ge pangkabis ta jadi lewat nyungan sok, maka lewat nyungan sok ugalah pangkidup a' umpat antara sok kabis jadi a'.²²Karna sadatn Adam samaan a' kabis, la dakoh uga sadatn Kristus samaan a' ao' gatn ngudup. ²³Namun, tiap-tiap sok manurut urutan a': Kristus sebage buah sulung, ngalaka dakoh ayo da anilah umpu Kristus, saat pa juntuk A' ure,²⁴Laka dakoh utukng ka pangkabas a', la dakoh ta waktu Ni' mangkatn Karajaan ka Jabata Bapa, waktu Ni' laka mangkabas a' samaan pamarintah a' samaan kakuasaan, ge kakuatan. ²⁵Sabab, Ni' arus mamarintah sampe Jabata mana' a' samaan musuh-A' ka saroh kaja-A'. ²⁶Musuh ta akhir da ao' gatn binasa a' anilah pangkabis.²⁷Sabab, Jabata laka mana' jai hal ka saroh kaja-A'. Namun, waktu gatn muji bahwa jai hal laka gatn mana' ka saroh-A', jalaslah bahwa diah kati ta masok adup Jabata, da mana' jai hal ka saroh Kristus. ²⁸Waktu jai hal gatn mana a' ka saroh Kristus, laka dakoh anak adup a' uga ao' menakluk a' adup ka Ini', da menakluk a' samaan a' ka saroh Kristus sa hingga Jabata ao' jadi sagale-gale a' ka sadatn samaan a'.²⁹Jika kati la dakoh, ani bak da ao' gatn umas kat ayo' da gatn baptis yak sok da kabis? Jika sok kabis kati gatn mangkidup a' samu sakali, lalu jai ayo' sok mambaptis yak ayo' a'? ³⁰Ge, jai kai madi sadatn bahaya satiap waktu?³¹Age-age, satiap ano iko' ngadapi pangkabis, demi ka banggaanko' sadatn imu', da iko' umpu sadatn Yesus Kristus, Tuhan ite. ³²Sa cara talino, jailah untong ko' balawan nige' binatang-binatang buas ka Efesus? Jika sok kabis laka gatn mangkidup a', "Kaehlah ite uman ge nyucur karna jakap ite kabis."³³Usah ta gatn nipu: "Pagaulan da jahe' mangancur a' kabiasaan-kabiasaan da bait." ³⁴Sadarlah agi nige' bait ge usah umas duse. Sabab, mani ungan sok kati' umpu panane ao' Jabata. Iko' muji a' diah supaya imu' mangun. Pangkidup a' Ungan Rohani³⁵Namun, sook ao' mansikatn, "Langkina sok kabis gatn ngangkidup a'? Nige' ungan jailah ayo' ao' utukng agi?" ³⁶Hei Sok baga! Jai da imu' ngamur kati ao' idup, kacuali ni' kabis labih uru.³⁷Ge, jai da imu' ngamur inyalah batak pamura da ao' maliak dakoh, malain a' bigi da kati ba upak samu bigi gandum ato igi-igi da lait a'. ³⁸Namun, Jabata mangkatn a' batak samu dakoh Ni' menghendaki-A' ge masing-masing igi gatn mangkatn batak a' dup-adup a'. ³⁹Inya samaan insit anilah insit da samu, tatapi hanya nyeteng insit talino, ge lait a' insit binatang-binatang, ge lait a' insit manuk-manuk, ge lait a' insit ikat'⁴⁰Ani uga ungan surgawi ge ungan duniawi, tatapi kamuliaan da surgawi dakoh kati samu ge ka muliaan da duniawi dakoh pun kati samu. ⁴¹kamuliaan matu ano kati samu, kamuliaan burat kati samu, kamulian binatang-binatang kati samu nige' binatang da lait sadatn kamuliaan.⁴²Pangkoh uga nige' pangkidup a' sok kabis. gatn ngambur a' sadatn kabinasaan, gatn ngidup a' sadatn kati binasa a'. ⁴³Gatn Ngambur sadatn ka hinaan, gatn ngankidup a' sadatn kamuliaan. Gatn ngambur a' sadatn kalemahan, gatn ngangkidup a' sadatn kakuatan. ⁴⁴Gatn ngambur a' sebage ungan jasmani, gatn ngangkidup a' sebage ungan rohani. Jika ani ungan jasmani, ani uga ungan rohani.⁴⁵Samu da gatn nulis, "Talino pamule, Adam, jadi jiwa da idup." Adam da ta akhir jadi roh da mangkatn idup. ⁴⁶Namun lah dakoh, da rohani inyalah da pamule. Da pamule anilah da jasmani, laka dakoh barulah da rohani.⁴⁷Talino da pamule barasal umpatn tana pait, yaitu umpatn dabu tana. Talino ka dua barasal umpatn surga. ⁴⁸Samu ge da berasal umpatn dabu tana, pangkoh ugalah ayo' da barasal umpatn dabu tana. Ge, samu ge da surgawi, lah dakoh uga ayo' da surgawi. ⁴⁹Langkina ite gatn cipta a' sadatn rupa talino barasal umpatn dabu tana, ite uga ao' ngiak rupa talino da surgawi.⁵⁰Iko muji a' diah ka imu', age-age, bahwa insit ge dayya kati bisa mewarisi Karajaan Jabata. Lah dakoh uga da bisa binasa, kati bisa mewarisi da kati bisa binasa. ⁵¹Dagahlah! Iko' muji a' ka imu' nyabuah rahasia, ite kati ao' kabis samaan a', tatapi ite samaan ao' gatn ngubah,⁵²Saat dakoh, sadatn nyapadup matu sadi, waktu troprt ta akhir: Karna trompet ao' miho, ge sok kabis ao' gatn ngidup a' tanpa kabinasaan, ge ite ao' gatn ngubah a'. ⁵³Sabab, da bisa binasa diah arus miak a' da kati bisa binasa. Ge, da bisa kabis diah, arus miak a' da kati bisa kabis.⁵⁴Waktu da bisa binasa diah miak a' da kati bisa binasa, ge da bisa kabis diah miak a' da kati bisa kabis, maka genalah firman da laka gatn nulis: "Pangkabis a' laka gatn nagok sadatn kamenangan." ⁵⁵Hei pangkabis, kume lah kamenanganmu"? Hei maut, ket melah sengatmu'?⁵⁶Sengat maut anilah duse, ge kuasa duse anilah Hukum Taurat. ⁵⁷Namun, ite ba syukur ka Jabata da mangkatn a' ite kamenangan lewat Tuhan ite, Yesus Kristus.⁵⁸Jadi, Age-ageko' seiman da gatn ngasihi, aguth lah kuat, usah bagule, malimpahlah selalu sadatn pangaraje Tuhan. Sabab, imu' pane bahwa jerih llalahmu kati sia-sia ka sadatn Tuhan.

Chapter 16

¹Mati' tentang pupu uang yak ayo' sok kudus, umas a' lah sesuai nige' patujo-patujo da ko' mangkatn ka jemaat ka Galatia. ²Ka ano pamule satiap minggu, masing-masing imu' nganaan a' tarutn ge mana a' sasuai nige' da imu' kaatn supaya iya' ketika iko' utukng baru gatn umas pupu a'.³Waktu iko' utukng, iko' ao' ngutus ayo' a', asi pun da imu' satujui, gae nabatn nige' surat-surat yak minsakng pamangkatnmu' ka Yerusalem. ⁴Ge, jika sepatut a' iko' uga ano', ayo' a' ao' ano samahu ko'. Rancana Pajalatn Paulus⁵Namun, iko' ao' utukng ka imu' ngalaka iko' ngalantus Makedonia karna iko' ba maksud yak ngalantus Makedonia. ⁶Ge, mungkin iko' ao' madi' samahumu' ato ngangkabas waktu selama musim panud supaya imu' kaatn nulokng ko' sadatn pajalatn ko', ket me pun iko' ano'.⁷Sabab, iko' aga milemu' mati' hanya sapintas lalu. Iko' ba harap madi' beberapa saat nige'mu', jika Tuhan mengizin a' . ⁸Namun, iko' ao' madi' ka Efesus sampe ano Pentakosta, ⁹karna pintu da lebar yak ngaraje karaje da penting laka gatn muka bagimu' sekalipun ani karah da balawan.¹⁰Mati' jika Timotius utukng, perhatikanlah supaya ni' kati merasa nuut ketika samahumu' karna ni' umas pangaraje Tuhan, samu' nige' iko' uga. ¹¹Jadi, usah ani sok da mile a' rendah. Nulonknglah Ini' sadatn pajalatn a' nige' damai agar ni' bisa ure agi kaiko'. Iko' nganti a' samahu nige' age-age da ka diah. ¹²Mati', tentang age' kit Apolos, iko' sangat mendorong a' yak njungjungi imu' samahu age-age da laitn, tapi ni' sama sekali aga utukng mati'. Ni' ao' utukng kalo ani kesempatan. Salam Panutup¹³Ba hati-hatilah, agutnlah taguh sadatn iman. Batindaklah samu are ge jadilah kuat. ¹⁴Biarlah samaan da imungaraje a', gatn umas sadatn kasih.¹⁵Iko' mendesakmu', age-age, (imu' pane bahwa samaan isi ramin Stefanus anilah buah-buah pamule ka Akhaya, ge ayo' a' laka ngabdikan adup ayo' a' yak pelayanan ayo' sok kudus), ¹⁶Supaya imu' uga tunduk terhadap ayo' sok samu diah ge terhadap satiap sok da karaje samahu ge berjerih lelah.¹⁷Iko' bersukacita atas pajuntukng Stefanus, Fortunatus, ge Akhaikus karna ayo' a' laka melengkapi jai dakurang umpatn imu'. ¹⁸Sabab, ayo' a' manyegarkan rohko' ge rohmu'. Kat karna dakoh, hargailah ayo' sok samu dakoh.¹⁹Jemaat-jemaat ka Asia menyampaikan salam yak imu' Akwila ge Priskila menyampaikan salam hangat sadatn Tuhan ka imu', samahu nige' jemaat ka ramin ayo' a'. ²⁰Samaan age ka diah ngirim salam wak imu'. Ucapkan salam nyungan nige' da laitn nige' sium kudus.²¹Iko', Paulus, nulis salam diah nige' barekngko' sadi. ²²Jika ani sok da kati mengasihi Tuhan, takutuklah ini'. oh Tuhan, utuknglah! ²³Anugerah Tuhan Yesus nganang imu'. ²⁴kasihko' nganang imu' samaan sadatn Yesus Kristus. Amin.

2 Corinthians

Chapter 1

¹Paulus, nyungan rasul Kristus Yesus oleh kahendak Jabata ge' Timotius, age ite', ka jemaat Jabata da ani ka Korintus basamu samaan sok kudus da ani ka saluruh Akhaya. ² Anugerah dimu' ge' damai sajahtera umpat'n Jabata Sama' ite' ge' Tuhan Yesus Kristus. Ngucap Syukur samo panghibur Jabata³ Gatn mambarkati Jabata ge Sama' Tuhan ite', Yesus Kristus, Sama' da panhu pamase' ge' Jabata samaan pangiburan, ⁴ da ngibur kai sadatn samaan panderitaan kai singga kai uga bisa ngibur ayo'a' da ani sadatn bamacam panderitaan nige' pangiburan, da kai uga laka Jabata ngibur.⁵Sabab, samu ladakoh panderitaan-panderitaan Kristus marabeh sadatn kai, ladakoh uga panghibur kai marabeh nabo' Kristus. ⁶Sak kai manderita, hal dakoh ya' panghibur ge' kasalamatanmu'. Ato, sak kai gatn nghibur, hal dakoh anilah ya' panghiburmu', da bakaraje sadat'n katabahan samo panderitaan-panderitaan da samu, da uga kai ngalami. ⁷ Pangharapan kai samo imu' dakoh taguh karna kai pane bahwa langkina imu' naap bagian sadat'n panderitaan-panderitaan kai, ladakoh uga kai naap bagian sadatn panghiburan kai.⁸ Age-age, kai kati' ngate imu' kati' panane tentang panderitaan da kai misa' ka Asia. Kai rasa gatn ngabeban marabeh kakuatan kai singga kai putus asa ya' tatap idup. ⁹ Sampei, kai ngani hukuman kabis sadatn adup kai sadi', supaya kai kati' yakin ka adup kai sadi' , ngalait ka Jabata da ngabangkit sok da kabis. ¹⁰ Ini' nga nampasat'n kai umpat'n pangkabis da ladakoh tao' ge da ao' nampasat'n kai agi'. Ka-Ini' kai baharap bahwa Ini' ao' nyalamat kai agi'.¹¹Imu' uga turut nulong kai lewat doa-doamu' singga karah da ao' basukur samo gaat'n kai karna kasih karunia da gat'n mangkat ka kai lewat doa-doa sok karah. Parubahan Rencana Paulus¹² Diahta kabanggaan kai, kohlah kasaksian ate nurani kai bahwa kai idup ka dunia diah, tarutama tradap akup'm , nige' katulusan ge' kamurnian umpat'n Jabata, inya sadat'n hikmat dunia, ngalain sadat anugerah Jabata. ¹³Sabab, kai kati' nganulis hal-hal da lait'n kaimu' salain da kaat'n kup'm maca ge' ngarati. Iko baharap kupm ao'ngarati sapanhu'a', ¹⁴ samu nige' kupm laka mamahami nyabagi tentang kai, kohlah bahwa kai anilah kabanggaanmu', samu nige' akupm uga anilah kabanggaan kai, pas ano Tuhan Yesus.¹⁵ Sadat'n kayakinan diah, iko' bamaksud ys' lebih uru utuk'ng ka tampatmu' supaya akupm buleh kaat'n anugerah ya' kadua kali'a'. ¹⁶ Iko ngate ngunjung akupm sadat'n pajalatnko' ka Makedonia, lalu ure' agi' kakupm sak laka umpat'n Makedonia supaya akupm aba' nulongko' sadat'n pajalatnko' ka Yudea.¹⁷ Sak ladakoh, jailah nige' kabimbangan iko' ngarancana hal diah? Ato, jailah da iko' ngarancana, iko ngarancana diah nige' cara duniawi singga bagiko' sacara samahu ani "ai', ai' " ge' "kati'-kati'"? ¹⁸ Samu nige' Jabata anilah setia, sarat'n kai kaimu' inyalah "ai' " ge' "inya'".¹⁹ Sabab, Anak Jabata, Yesus Kristus, da gatn ngabar ka antara kupm oleh kai, kohta iko. Silas, ge' Timotius, Inya ta "ai'" ge' "kati'"malainkan 'ai' ka sadat'n Ini'. ²⁰ Sabab, samaan janji Jabata anilah "ai'" ka sadat'n Kristus. Dakohlah sabab'a', lewat Ini', kai ngucap "Amin" kai ya' kemuliaan Jabata,²¹ Ge', Jabata ao' maneguh kai basamu-samu nige' Kristus. ge' da laka mangkabinyak ite', ²² da uga laka ngamaterai ite' ge' mangkat'n Roh-A sadat'n ate ite' sebage jaminan.²³ Sak, iko' maba' Jabata sebage saksi ka jiwako' bahwa ya' nganahan adup samo imu' iko' tinga utuk'ng agi ka Korintus. ²⁴Inya karna kai mamarintah samo imanmu', tatapi kai anilah da bakaraje samahu imu' ya' sukacita karna sadat'n imanmu', akupm agut'n tagap.

Chapter 2

¹ Sa', iko' laka ngadu'a angkat'n adupko' sandiri kalo iko' kati aok utukng agi ka imu' ka sadat'n da sedih. ² Kalo iko' umas imu' basedih, asilah da aok umasko' auhat'n, kacuali ini' da ngalaka ko'umas basedih dakoh?³ Iko' nulis, langkina dsa iko' umas, supaya sa' iko' utukng, iko' kati aok kaat'n kasedihan umpat'n ayo'a da saharus'a umasko' auhat'n. Barang, iko marasa yakin ka ayo kup'm samaan kalo sukacitako' aok jadi sukacita ayo kup'm samaan. ⁴ Umpat'n karah'a panderitaan ge' kapedihanate, iko' nulis ka imu' nige karah kamarunyo pait'n matu, inya ya' umasmu' basedih, malait'n'a agar imu' kaat'n pane kasih da iko' umpu, khusus'a taradap imu'. Mangampuni Sasama da Basara⁵ Sa', kalo ani da manyabab'a sedih, ini' kati manyabab'a sedih ya'ko', tapi ka batas da gat'n nentu, supaya iko' kati marabeh ya' ayo-kup'm samaan. ⁶ Barang sok ulah dakoh, tagoran sa' sabagian aihyo umpat'n imu' cukup angkat'n'a. ⁷ Karna dakoh, imu' sabalik'a, labih bait mangampunige manghibur'a supaya sok da bulah dakoh kati tanggulup'm sa' kasedihan da marabeh.⁸ Sa', iko' nyurong imu' ya' manegas'a kasihmu' ka ini'. ⁹ Barang, ya' diahlah iko' nulis ka imu', lakohta supaya iko' kaat'n pane bukti'a, diu'ta imu' taat sadat'n sagala sasuatu.¹⁰ sook da imu' ngampun, iko' ngampun'a uga. Barang, jai da ngalaka iko' ngampun, sa' ani da harus iko' ngampun, iko' bulah demi imu' ka tura Kristus. ¹¹ Nige ladakoh, Iblis kati ani gat'n nguntong umpat'n ite karna ite pane jai maksud-maksud'a. galisah ge' lega Paulus¹² Sa' iko' utukng ka Troas ya' mambrita Injil Kristus ge' sa' pintu tabuka ya'ko' ka sadat'n Tuhan. ¹³ ti'nga ani lega angkat'n rohko' karna kati amput Titus, ageko'. Jadi, iko' pamit ka ayo'a ge' anu ka Makedonia.¹⁴ Sa', syukur ka Jabata, da slalu mimpin kai' ka kamenangan ka sadat'n Kristus ge' nyata kaharuman pangetahuan aok Ini' gat'n satiap tampat, malalui kai'. ¹⁵ Barang, kai' diu'ta bau harum Kristus angkat'n Jabata ka antara ayo'a da gat'n nyalamat ge' ka antara ayo'a da sadakng binasa.¹⁶ Angkat'n da nyiteng, kai' diu'ta bau kabis ya' kabis, ge' angkat'n da lait'n, bau da idup ya' da idup. Sa', asi da sanggup ya' hal-hal diah? ¹⁷ Barang, kai' kati ulah karah sok lait'n, da nyual Firman Jabata. Sabalik'a, ka sadat'n Kristus kai' nyansana ka tura Jabata nige da tulus, langkina utusan-utusan Jabata.

Chapter 3

¹ Diu ta kai' mule muji adup kai' sadi agi? ato, ulah mani sok, diu ta kai' perlu surat pujian ya'mu' ato umpat'n imu'? ² Imuta surat kai', da gat'n nulis ka sadat'n ate kai', da gat'n pane, ge da gat'n maca ka samaan sok. ³ Imu' muji' adupmu' ta surat Kristus da gat'n layan ayo kai', da gat'n nulis inya nige tinta, malainkan nige Roh Jabata da idup, inya ka samo loh-loh batu, malainkan ka loh-loh ate talino.⁴ Yakin samu ge' da kai' umpu tradap Jabata malalui Kristus. ⁵ Inya barati kai', nige adup kai' sadi tapi kamampuan kai' brasal umpat'n Jabata, ⁶ da ngalaka umas imu' mampu jadi palayan-palayan pajanjian da bahu, inya nganang uruf, tapi umpat'n Roh. Barang, uruf dakoh kabis, tapi Roh da idup. Kamuliaan aihyo umpat'n palayan Roh⁷ Kalo sa', papaya an da minsakng da kabis, da nige uruf-uruf gat'n nulis ka loh batu dakoh utunkng nige kamuliaan, sampe-sampe bangsa Israel kati bisa manatap bahas Musa karna kamuliaan'a dakoh, padahal waktu dakoh ngalaka pudar, ⁸ Inya ta palayanan Roh da gat'n umpu kamuliaan da bahkan labih aihyo agi?⁹ Barang, kalo sa' palayanan da minsakng hukumanda gat'n umpu kamuliaan, talabih agi palayanan da taman dakoh marabeh ka sadat'n kamuliaan. ¹⁰ Sesungguh'a, jai da uru gat'n nganggap mulia, ka sadat'n hal diah kati agi gat'n mulia karna kamuliaan da malimpah dakoh. ¹¹ Barang, kalo da pudar dakoh utukng nige kamuliaan, talabih agi da kekal dakoh ka sadat'n kamuliaan.¹² Karna da umpu pangharapan da ulah diah, kai' manggune kabranian da aihyo, ¹³ ge' kati ulah Musa, da mana salubukng ka bahas'a supaya anak-anak Israel kati kaat'n mile pangkabis'a umpat'n jai da pudar dakoh.¹⁴ Barang, pikiran ayo'a ngalaka gat'n na' ngeras. Sampe ano diah, ka sadat'n pambacaan pajanjian da tuhi, salubukng da samu tatap kati gat'n majaka karna hanya ka sadat'n Kristus salubukng dakoh kaat'n gat'n majaka. ¹⁵ Bahkan sampe ano diah, sa' kitab Musa gat'n maca, nyabuah salubukng nutup ate ayo'a. ¹⁶ Barang, waktu ayo-sok malik ka Tuhan, salubukng dakoh aok gat'n majaka.¹⁷ Tuhan diu ta Roh ge' ka tampat Roh Tuhan ani, ka teet'n ani kamerdekaan. ¹⁸ Ge', ite samaan, da nige bahas kati salubukngmancarmin kamuliaan Tuhan, sadakng gat'n ngubah ka gambar da samu umpat'n kamuliaan, samu ulah Tuhan, da diu ta Roh dakoh.

Chapter 4

¹ Uleh karna dakoh, sejak kai' kaat'n palayanan diah, sabageume kai' narima pamase Jabata, kai' kati bainek ate. ² Barang, kai' nolak hal-hal da basukat'n da manyangun, kati bajalat'n ka sadat'n da licik, ato mamalsukan firman Jabata, malait'nkan nige panyataan da taman, kai' nujo adup kai' sadi ka ate nurani satiap sok ka tura Jabata.³ Bahkan, kalo Injil kai' masih tatutup uga, Injil dakoh tatutup ya' ayo'a, da aok uhas, ⁴ da ka antara'a, ilah dunia diah ngalaka ngabuta'a pikiran ayo'a da kati pacaya sahingga ayo'a kati kaat'n mile tarakng kamuliaan Injil Kristus, da anilah gambaran Jabata.⁵ Sa', kai' kati nyarita tentang adup kai' sadi, malait'nkan Kristus Yesus sabage Tuhan ge' adup kai' sadi sabage palayan-palayanmu karna Yesus. ⁶ Karna Jabata, da bafirman, "Kate'a tarakng babalo umpat'n da patakng," ngalaka babalo ka sadat'n ate ite ya' mangkat'n tarakng pangetahuan tentang kamuliaan Jabata da ani ka bahas Kristus Yesus.⁷ Barang, harta diah kai' umpu ka sadat'n bajana tana' liat supaya kalimpahan kuasa dakoh brasal umpat'n Jabata ge' inya umpat'n adup kai' sadi. ⁸ Kai' gat'n nindas umpat'n sagala sisi, tapi kati tapipet. Kai' bingung, tapi kati putus asa. ⁹ Kai' gat'n nganiaya, tapi kati gat'n ngagat'n. Kai' gat'n nyampak, tapi kati gat'n ngangkuhas. ¹⁰ Kai' slalu minsakng da kabis ka sadat'n Yesus ka sadat'n ungan kai' supaya da Yesus da idup uiga nyata ka sadat'n ungan kai'.¹¹ Karna kai', da idup diah, slalu gat'n nyerah ka da kabis karna Yesus supaya Yesus da idup uga gat'n nyata ka sadat'n ungan kai' da fana diah. ¹² Ladakohlah da kabis karaje ka sadat'n kai', tapi da idup karaje ka sadat'nmu.¹³ Tapi aok'a, nige da umpu roh iman da samu, sasuai da ngalaka gat'n nulis, "Iko pacaya, karna dakoh iko nyansana," kai' uga pacaya karna dakoh, kai' uga nyansana. ¹⁴ Sa', kai' pane kalo Ini', da ngalaka gat'n ngangkidup Tuhan Yesus, aok ngangkidup kai' uga bariuh nige Yesus ge' aok minsakng kai bariuh ge imu' ka tura-A. ¹⁵ Sa', samaan hal diah tajadi ya' kapentinganmu' supaya anugerah, da samangkin manjangkau karah sok, kaat'n malimpah ucapan syukur bagi kamuliaan Jabata. Idup uleh Iman¹⁶ dakohlah sabab'a, kai' kati parnah inek ate. Walopun ungan lahiriah kai' mangkin marosot kaadaan'a, tapi talino batiniah kai' slalu gat'n ngangkabahu ano demi ano. ¹⁷ Sa', panderitaan da nyaan mati' diah, ngaraje bagi kai' nyabuah kalimpahan kekal kamuliaan da marabeh sagala-gala'a. ¹⁸ Kai' kati mamprati'a hal-hal da tile, malait'nkan hal-hal da kati tile. Sa', hal-hal da tile diu ta samantara sadakngkan hal-hal diah kati tile diu ta kekal.

Chapter 5

¹ Karna kai' pane bahwa sak dio, tampat pamadi' ite' ka bumi diah gat'n ngaruboh, ite' ani nyabuah bangunan umpat'n Jabata, nyabuah ramin da kati' gat'n umas nige' barek'ng, da kekal ka surga.² Salama ite' ani ka sadat'n dio diah, ite' ngeluh karna te' bungu ya' ngiak tampat pamadi' surgawi ite'. ³Sabab, sak ite' ngiak'a' ite' kati' agi gat'n kat'n talanjang.⁴ Salama ite' madi ka sadat'n dio diah, ite' ngeluh ge' tabebani karna ite' kati' ngate talanjang tapi bapangiak singga da fana dakoh gat'n nalan wa' idup.⁵ Mati', Ini' da nganyiap ite' ya' tujuan diah anilah Jabata, da mangkat'n roh ka ite' sebagai jaminan.⁶Karna dakoh, kai salalu tabah ge' nganyadari bahwa sa' kai ani ka ramin sadat'n ugan diah, kai ngani ka sato Tuhan.⁷Sabab, kai idup gat'n iman inya gat'n pamile'.⁸ Ao' tatapi, kai tabah ge' labih suka madi' ka sato ungan diah lalu madi' basamu Tuhan.⁹ Sak karna dakoh, kai barusaha supaya kai bakenan ka -Ini', antah kai madi' ka ramin diah ato madi' ka sato. ¹⁰ Sabab, ite' samaan arus gat'n ngadap ka depan pangkeng pangadilan Kristus, spaya satiap sok kat'n narima agi' hal-hal da gat'n umas sadat'n ugan'a', sasuei nige' jai da nga gat'n melaku, antah dakoh bait atopun jahe'. Palayanan ya' Ngadamai Umpat'n Jabata¹¹ Karna kai pane arti'a' buut ao' Tuhan, maka kai ngayakin ayo sok. Sak, kai nga nyata ka Jabata ge' iko' baharap nyata uga wa' ate nuranimu'. ¹² Kai kati' barusaha agi' ngamuji-muji adup kai ka imu', tapi kai mangkat'n mu' kasempatan ya' bangga taradap kai. Nige' daladakoh, imu' ao' umpu' jawab'a' ya' ayo'a' da bangga gat'n ha-hal da lahiriah inya gat'n jai da ani sadat'n ate.¹³Sak kai kati' jadi umpu kai, hal dakoh anilah ya' da Jabata. Sak kai jadi adup kai, dakoh ya' kapentinganmu'.¹⁴Karna kasih Kristus da nguasai kai katika kai ngarati bahwa sak nyungan sok kabis ya' samaan, maka ayo'a' samaan kabis. ¹⁵ Ge', Ini' kabis ya' samaan supaya ayo'a' da idup kati' agi idup ya' adup'a' sadi' , tapi ya' Ini', da nga laka kabis ge' da ngabangkit demi ayo'a'.¹⁶Karna dakoh, sajak mati' kai kati' manganal nyungan pun manurut kaadaan lahiriah'a'. Biarpun kai suah nganal Kristus sacara lahiriah,tapi mati' kai kati' agi manilai-A samu dakoh. ¹⁷ Jadi, asi da ani kasadat'n Kristus, ini' anilah ciptaan da bahu. Hal-hal da idu nga balalu, mileklah, hal-hal da bahu ngalaka utuk'ng.¹⁸Smaan hal diah anilah umpat'n Jabata, da ngadamai ite' nige' adup'a' nabo Kristus ge' mangkat'n ite' palayanan ngadamai dakoh, ¹⁹ ladakoh sadat'n Kristus Jabata ngadamai dunia nige' Adup'a' sadi', nige' kati' ngangitong sara-sara ayo'a' ge' laka macaya barita pangadamai ka ite'.²⁰ Jadi kai anilah wakel-wakel Kristus. Jabata Nganujo' pamaba'a' nabo kai. Kai nyansana ka imu' demi Kristus, mangkatlah adupmu' gat'n ngadamai nige' Jabata. ²¹ Ini' da kati'nganal duse laka gat'n umas jadi duse karna ite' supaya ite' gat'n jabata umas taman ka sadat'n Ini'.

Chapter 6

¹ Ge', bakaraje basamu nige' Ini', kai uga mandurong akupm supaya kati' narima anugerah Jabata nige' sia-sia. ² Sabab, Ini' bafirman:" Ka waktu Iko' barkenan, Iko ngadangahmu',ge' ka ano kasalamatan, Iko nganulongmu'. "Mamparatia ta mati' anilah waktu da bakenan dakoh. Mamparatia ta, mati' anilah ano kasalamatan dakoh. ³Kai kati mangkat'n sabab ya' sok tasingkak sapaya palayanan kai kati' gat'n cela,⁴ sabalik'a' kasadat'n sagala cara kai nujo' umpu' kai sebage palayan-palayan Jabata, nige' panhu katabahan sadat'n samaan pandaritaan, kasasakan, kasukaran, ⁵pangkongan, pamanjaraan, karusuhan, susah payah, kati' buus, saburuk, ⁶ nige' panhu kamurnian, pangatahuan, kasabaran, kamurahan, Roh Kudus, kasih da tulus, ⁷sarat'n da taman, kuasa Jabata, sanjata kabenaran ka barek'ng sentao' ge sengkiri.kamuliaan ge' kahinaan, gat'n nulak ge' gat'n muji, gat'n nganggap sabage panipu-panipu padahal kai taman. ⁹ Kai ulah kati' gat'n ngenal, tatapi tarkenal; samu' da hampir kabis, tatapi milek mih, kai idup; ulah samu sok da gat' n nyiksa, tatapi kati' tangamis; `10 ulah da badukacita, tatapi salalu basukacita, kai papa, tatapi umas sok lait'n kaya, kati' ani jai-jai, tatapi kai umpu' sagala jaipun.¹¹ Kai laka muka baba' kai ka imu', he sok Korintus , ate kai tabuka lebar. ¹² Imu' kati' gat'n batasi oleh kai, tatapi imu' gat'n batasi oleh ate adupmu'. ¹³Mati', ya' balasan da samu iko' nyansana ulah ka anak-anakko, buka mih atemu lebar-lebar. Pasangan da Kati' Saimbang¹⁴ Usah jadi pasangan da kati' saimbang nige' ayo sok da kati' pacaya. Sabab, jai bah da aba' gant'n nyamu ka antara dataman ge' dajahe'? Ato, jailah da kaat'n gat'n nyamu antara tarak'ng nige' galap? ¹⁵ Kasapakatan jailah da gat'n Kristus umpu nige' Belial? Ato, bagian dumelah da ani antara sok da pacaya ge' da kati' pacaya? ¹⁶ Ge' kasapakatan jailah da ani antara Bait Jabata nige' barhala-barhala? Sabab ite' anilah Bait Jabata da idup, samu firman Jabata, "Iko ao' madi' kasadat'n ayo'a'ge' bajalat'n ka antara ayo'a', ge Iko ao' jadiJabata ayo'a', de' ayo'a' ao' jadi umat-Ko,"¹⁷" Karna dakoh, mungkaslah imu' umpat'n tuda'-tuda' ayo'a', ge bapisahlah," wat Tuhan. "Ge' usahlah nyinte da najis, maka IKo ao' narima imu'." ¹⁸ "Ge', Iko ao' jadi Sama' bagi imu', ge imu' ao' jadi anak-anak-Ko da are ge' anak-Ko da mahu," Ladiah ta firman Tuhan da Mahakuasa.

Chapter 7

¹Karna ite umpu a' janji-janji diah, hei da terkasih, kaehlah ite marasih a' adup ite umpatn samaan kecemaran ungan ge roh sambil gatn nyempurna a' kekudusan sadatn buut ao' Jabata. Sukacita Paulus²Mangkatnlah tampat yak kai wak atemu. Kai kati basara ka asipun, kati merusak asipun, ge kati nangkap untong umpatn asipun. ³Iko' kati muji a' diah yak mansara a' mu', karna katinga a', iko' laka muji a' ka imu' bahwa imu' ani sadatn ate kai, yak kabis samahu ge idup samahu. ⁴Keyakinanko' ahyo samo imu', kebanggaanko' ahyo tahadap imu', iko' gatn ngampahno nige' penghiburan, iko' malimpah nige' sukacita sadatn samaan kesusahan kai.⁵Bahkan, ketika kai nyampe wak Makedonia, ungan kai kati kaatn katanangan, melain a' teraniaya umpatn segale pitok, ai dakoh padaru umpatn sato ge uncot umpatn sadatn. ⁶Ao tapi, Jabata, da ngibur sok da putus asa, ngibur kai nige' pajuntukng Titus. ⁷Inya nige' pajuntukng sadi, tapi uga karna penghiburan da umas a' ta hibur wak sadatn imu,samu da ni' nyarita a' ka kai tentang kerinduaanmu', semangatmu' yak iko' sahingga iko' makin ba sukacita.⁸Jadi, meskipun iko' laka umasmu' sedih karna suratko' dakoh, iko' kati menyesali a'. kalaupun iko' pernah menyesali a', dakoh karna iko' mile bahwa surat dakoh menyedihkan atekmu' walopun hanya sabantar. ⁹Mati' iko' bersukacita, inya karna imu' bersedih, tapi karna imu' bersedih yak pertobatan, karna imu' bersedih sesuai nige' kehendak Jabata sehingga imu' kati gatn rugikan sadatn hal jai pun kat kai. ¹⁰Sabab, kesedihan da sesuai nige' kehendak Jabata menghasilkan pertobatan da kati gatn nyesali ge memimpin ka keselamatan. Namun, kesedihan duniawi menghasilkan kematian.¹¹Sabab, perhatikanlah betapa karah kesedihan da sesuai nige' kehendak Jabata dakoh ngaraje a' yakmu' kesungguhan da ahyo, nga bukti bahwa imu' kati basara, baji, uncot, bunggu, semanggat, ge' pembalasan wak sadatn sagala hal, imu' imu' laka ngabukti a' bahwa kati basara sadatn hal diah. ¹²Jadi, walopun iko' nulis surat ka imu', hal dakoh inya yak kepentingan sok da umas sara ge inya uga yak kepentingan sok da gatn nyara, tapi supaya kesungguhanmu' terhadap kai gatnnyatakan ka imu' wak hadapan Jabata.¹³Dakohlah sabab a, kai tahibur, wak su'ut pangiburan kai dakoh, kai labih bersukacita agi samo sukacita Titus karna roh a' laka gatn nyegar a' yak imu' samaan. ¹⁴Sabab, jika iko' pernah membangga-banggakan imu' ka Titus, iko' kati gatn manyangun. Namun, sebagian langkina kai muji a segala jai pun ka imu' sadatn kebenaran, begitu uga kebanggan kai wak hadapan Titus ta bukti benar.¹⁵Ge, kasih sayang a' terhadap imu' ba tambah ahyo, apabila ni' ngingat ketaatanmu' samaan a', langkina imu' nyambut panjuntukng a' nige' uncot ge gentar. ¹⁶Iko' bersukacita karna sadatn segala hal iko' umpu keyakinan wak sadatn imu'.

Chapter 8

¹ Mati', Ayo-age, kai' ngate imu' pane tentang anugerah Jabata da ngalaka gant'n mangkat'n jamaat-jamaat ka Makedonia, ² barang ka sadat'n karah ujian panderitaan, balimpah sukacita ge' aso'a kamiskinan ayo'a ngalaka balimpah sadat'n da kaya katulusan ate ayo'a.³ Iko' basaksi kalo ayo'a mangkat'n sasuai nige kamampuan ayo'a,bahkan marabeh kamampuan'a ka samo karelaan ayo'a sandiri. ⁴ Ayo'a bamohon nige ka kai' aok anugerah ya' turut naap bagian ka sadat'n palayanan ayo-sok da kudus. ⁵ Ge', diahta da ayo'a bulah inya ulah da kai' harap'a, pamule, ayo'a sandiri ka Jabata, lakadakoh kai' ka kahendak Jabata.⁶ Sa', kai' mandesak Titus, langkina ini' ngalaka mule'a, lakadakoh pulm ini' uga aok ngangkabas karaje anugerah diah ka antara imu'. ⁷ Sa', samu ulah imu' balimpah sadat'n sagala hal, sadat'n iman, nyansana pangetahuan, sagala usaha, ge' sadat'n masemu' tarhadap kai, hendak'a imu' uga balimpah sadat'n anugerah diah.⁸ Iko' kati muji' hal diah sabage parintah, tapi ya' manguji malalui kasungguhan sok lait'n tentang kaiklasan masemu'. ⁹ Barang, imu' pane anugerah Tuhan ite Yesus Kristus, sa' walopun Ini' kaya, Ini' rela jadi miskindemi imu' supaya malalui kamiskinan-A, imu' jadi kaya.¹⁰ Ge', sadat'n hal diah iko' mangkat'n pandapatko', hal diah diu'ta' ya' kauntonganmu', da waktu taun angkah'a koh, imu' inya hanya umas, tapi uga bakeinginan ya' umas'a. ¹¹ Sa', mati', nyaklesai uga karaje dakoh supaya sapadan nige karelaanmu' ya' nyalesai jai da ani ka imu'. ¹² Barang, sa' ani kasiapan mangkat'n, pamangkat'n dakoh aok gat'n narima, badasarkan jai da gat'n ayo-sok umpu, ge' inya kati gat'n umpu'a.¹³ Hal diah inya ya' maringan sok lait'n da mambebani imu, tapi supaya ani kaseimbangan. ¹⁴ Kate'a kalebihanmu' mati' mancukup'a kakurangan ayo'a da kalebihan ayo'a lakadakoh mancukup'a kakurangan imu. Nige lakohta ani kaseimbangan. ¹⁵ Ulah da gat'n nulis ka sadat';n kitab suci, sok da karah ngubu, kati marabeh ge' sok da ngubu iget, kati kakurangan. Pangutusan Titus¹⁶ Sa' syukur mangkat'n Jabata da mana' sadat'n ate Titus kasungguhan da samu nige da iko' umpu ya'mu'. ¹⁷ Barang, Ini' kati hanya narima anjuran kai', tapi nige kasungguhan'a da aihyo, ini' utukng ka imu' ka samo kahendak'a sadi.¹⁸ Bariuh ge Titus, kai' ngutus age'a da gat'n puji-puji ka antara samaan jamaat sadat'n hal pamberitaan Injil. ¹⁹ Inya dakoh sadi, ini' uga gat'n nunjuk ayo jamaat ya' anu bariuh kai sadat'n palayanan anugerah diah, da kai' umas ya' minsak kamuliaan mangkat'n Tuhan ge' ya' nunjuk karelaan kai'.²⁰ Kai' sangat bahati-hati supaya kati ani sok da aok mancela kai' sadat'n hal da sadat'n pamangkat'n aihyo da gat'n ngator kai' diah. ²¹ Kai' barusaha bulah jai da taman, kati hanya sadat'n pandangan talino.²² Kai', bariuh ge' ayo'a, kai mangutus age kai' da ngalaka sering kai' uji ge' tabukti rajin sadat'n karah hal, talebih agi mati' ini' mangkin rajin karna ini' umpu kayakinan da aihyo tarhadapmu'. ²³ Mati' tentang Titus, ini' diu'ta pasangan ge' kawan karajeko' da aok bamanfaat ya'mu'. sadakng tentang ayo-age ite da lait'n, ayo'a utusan jamaat-jamaat, suatu kamuliaan mangkat'n Kristus. ²⁴ Sa', nujo ka ayo'a, ka tura jamaat-jamaat, bukti kasihmu' ge' kabangaan kai' ka samo imu'.

Chapter 9

¹ Bagiko', anilah barabeh ya' nulis kaimu' tantang palayanan ka ayo sok kudus diah. ² Sabab, iko' pane karelaanmu', da iko' bangga-bangga'a' manganai kupm ka ayo sok Makedonia, dakoh ta, bahwa Akhaya ngasiap umpat'n taun idu ge' samangatmu ta da manggarak nyabagi ayho umpat'n ayo'a'.³ Tapi ao'a', iko' ngutus ayo age diah ya' kabanggaan kai tantang imu' kati' gat'n ngajadi sia-sia sadat'n hal diah. Nige ladiah, imu' siap sadia samu da laka iko' muji. ⁴ Sabab, sak nyamani ungan sok Makedonia utuk'ng samu-samu nige' iko' ge' ayo'a' amput imu tinga siap, kai ( kati' palalu agi muji' ka imu) ao' gat'n manyangun karna kayakinan diah. ⁵Karna dakoh, iko' bapikir palalu ya' ngalabak ayo age diah anu labih uru kaimu' ge' nyiap pamangkat'n da laka imu' ngajanji idu'. Nige ladakoh, pamangkat'n dakoh siap ya' jadi pamangka'n sukarela, ge inya karna paksaan.⁶Iko' nyansana hal diah; asi da manabur iget ao' ngutupm iget uga, ge asi da manabur karah ao' ngutupm karah uga. ⁷ Satiap sok harus mangkat'n samu ge' da ini' mutus sadat'n ate'a', inya nige' dukacita ato gat'n makse karna Jabata nyayang sok da mangkat'n nige' sukacita.⁸ Ge' Jabata aba' ngalimpah samaan anugrah'a' ka imu' supaya imu' mar umpu samaan kacukupan sadat'n sagala hal ge' bakalimpahan sadat'n satiap pakaraje da bait. ⁹ Samu ge' da tatulis; " Ini' laka magi-magi'a', Ini' laka mangkat'n ka sok papa, kabanaran-A ao- tatap ya' salama'a'."¹⁰ Mati', Ini' da nyadia bani ka panabur ge' roti sabage pangkuman,ao' nyadia ge' ngalipatganda ta banimu' ya' gat'n nabur ge' ao' ngangkarah asel-asel kabanaranmu'. ¹¹ Imu' ao' gat'n ngangkaya sadat'n samaan kamurahan atemu', da nabo kai ngabangkit ucapan syukur ka Jabata.¹² Sabab, bantuan palayanan diah inya hanya ngancukup kapalaluan-kapalaluan ayo sok kudus, tatapi uga ya' ngalimpah ucapan syukur ka Jabata nabo sok da karah. ¹³ Nabo bukti palayanan diah, ayo'a' ao' mamulia Jabata karna kataatanmu' ka pangakomu' ka Injil Kristus, ge' ya' samaan kamurahan atemu' sadat'n babagi ka ayo'a' ge' samaan sok. ¹⁴Ge', sadat'n doa-doa ayo'a' ya' imu', ayo'a' ngabungumu' karna kasih karunia Jabata da malimpah ka samomu'. ¹⁵ Syukur ka Jabata samo Pamangkat'n-A da kati' aba' gat'n muji!

Chapter 10

¹ Iko', Paulus, adupko' sadi bamuhon ka imu' nige lemah-lembut ge' kamurahan Kristus iko', da kati pagat'n sa' sadaput bahas nige imu', tapi pagat'n sa' jauh umpat'n mu'! ² Iko' bamuhon ka imu' supaya sa' iko' utukng, iko' kati perlu jadi pagat'n nige yakin da nige iko' ngitong ya' pagat'n malawan sok bamani da nganggap kai' idup sacara dagin.³ Memang, kai' masih idup ka sadat'n dagin, tapi kai' kati bajuang sacara dagin. ⁴ Sa', sanjata-sanjata parang kai' inya umpat'n daging, malait'nkan umpat'n kakuatan ilahi ya' gat'n ngancur benteng-benteng.⁵ Kai' ngaruntuh pamikiran-pamikiran ge' satiap hal da nyamo da gat'n ngalumpat uleh angkuh talino ya' nantang panganalan Jabata. Kai' manawan sagala pamikiran ge' manakluk'a ka Kristus, ⁶ ge' kai' siap ngukum samaan da kati taat sa' taatmu' gat'n nyampurna.⁷ Ilelah ka jai da ani ka turamu'. kalo ani sok da yakin adup'a diu ta umpu Kristus, kate'a ini' mikir kambali hal diah, lakoh ta langkina ini' diu ta umpu Kristus, kai' pun ladiah ta. ⁸ Bahkan, kalopun iko' agak balabih mambangga otoritas, da Jabata mangkat'n ka kai' ya' mambangun imu' ge' inya ya' ngancur imu' iko' kati aok mangun.⁹Iko kati ngate tampil saulah-ulah iko ngadu imu' buut nige surat-suratko'. ¹⁰Sabab, ayo'a nyansana "surat-surat'a memang tegas ge' karas, tapi cara utukng umpu, ini' lamah ge' nyansana'a kati barati."¹¹ Kate'a sok da samu dakoh mikir hal diah, jai da kai muji nige surat waktu kai kati bariuh ge imu,samu dakoh perbuatan kai waktu bariuh ge imu'. ¹² sa,kai kati pagatn yak ngubu'a ato nyamu'adup kai nige maniungan sok ngarnia adup'a sadi.sa,ano ayo'a ngukur adup'a nige ayo adup'a sadi ge nyamu adup'a nige ayo adup sadi,ayo'a dakoh kati memaham'a.¹³sa' ao'a,kai kati aok babanga kasamo hal-hal da' malampo baat kai,malaint' manurut baat umpant' katatapan da' Jabata laka angkant' wa' kai, ai' baat yak mejangko sampe wa' kai uga'. ¹⁴Sabab,kai kati malampo baat kai, saolah-olah kai kati mejangko sampe wak kai. Kai ta' da pamule kali sampe kai'imu' nige' Injil Kristus.¹⁵Kai uga kati babangga malampo baat kai nige babangga samo' jarih lalah sok laint' malaint nige pangarapan bawa' sebagedume imanMu' batumbuh, walayah karaje kai ka antara imu' aok samakin gantngaluas agi, ¹⁶sapaya kai kaant' nga'gah Injil ka walayah-walayah ka'sato imu', ge' kati babangga samo jai da laka gant'nyalasai ka walayah karaje sok laint'.¹⁷ "Asi da ngate babangga, biarta' ni' babangga ka sadant' Tuhan." ¹⁸ Sabab,inya' sok da ngarania' adup'a sadi da tabukti tahan uji, Malaint' sok da Tuhan ngarania'.

Chapter 11

¹Iko' baharap, kaimu' sabar taradapko' sadant' iget kabagako', ge imu' memeng sabar taradap iko'. ²Sabab,iko' ngarasa ngamuru' wak imu' nige kangamuru' ilahi karna iko' ngalaka menunanga' imu' nige nyungan banun, Aik dakoh mampersembaha'mu sabage culong da suci wak' Kristus.³. Barang, iko buut', usah-usah, samu ulah nipa' da nige kalicik'a nganipu Hawa, ladakoh ta pamikiranmu aok gant'nyasat umpant' katulusan ge' kamurnian pengabdian sadant' Kristus. ⁴.Sabab, imu sabar ja' waktu sok utungk' ge ngagah tentang Yesus da lain, da babeda nige da kai ngagah, ato sak aok'a imu' nganarima roh da babeda, da tinga pernah imu' narima, ato injil laint' da tinga pernah imu' narima.⁵Manurut, iko' kati'ta kurang umpant' para rasul buleh-buleh dakoh. ⁶Walopun iko' kati pane sadant' hal ngansana', tapi kati demikian sadant hal pangetahuan,karna nige babage cara, kai laka nganyua'a wak'imu sadantn sagala hal.⁷Ato, jaibah iko ngalaku duse waktu ngarendah adup' ko' sadi sapaya imu' ka'ant gantnganyamo karna iko' ngagah Injil Jabata ka'imu nige cuma-cuma? ⁸Iko' ngarampok jamaat-jamaat laint' nige nganarima upah umpant' ayo'a yak ngalayan imu'. ⁹Ge, waktu iko' samahuMu' ge malarat, iko' kati ngabeban sok' pun karna age'-age' da utungk' umpant' Makedonia ngampanhu' kabutuhanKo'. ge', ka' sadant' sagala hal, iko' ngajaga adup ko' yak kati ngajadi beban bagimu' ge' iko' aok' tarus ngalakua'.¹⁰langkina kabanaran Kristus ka sadatnko, kabanggaanko diah kati ao gatn manghalang ka wilayah-wilayah Akhaya. ¹¹ngayai ? jailah karna iko kati mangasihimu ? Jabata da dapane a'!¹²Ao tatapi, iko ao tarus malakukanna sahingga iko kaatn nyantak kasampatan umpatn ayoa da ngate kasampatan untuk gankaatn samu dakoh kai kasadatn hal-hal da ayoa banggakan. ¹³Sabab, ayosok samu dakoh anilah rasul-rasul palsu, pakaraje-pakaraje da curang, da nyamar sabage rasul-rasul Kristus.¹⁴Hal dakoh kati nakajut karna Balis pun nyamar ngajadi samu' malekat tarangk'. ¹⁵karna dakoh, kati'ta nakajut kalo para palayan'a uga nyamar samu' para playan kebenaran, da ngalaka ayo'a dakoh aok' satimpal nige perbuatan adup'a. Pandarita Paulus mangkant' Kristus.¹⁶Nya kali agi, iko muji a' iya ani nyiteng pun da nganggap iko diah baga. kalopun ladakoh nyamut lh iko sabage sok da baga supaya iko uga kaatn iget kabanggaan. ¹⁷Jai da iko muji kasadatn hal kayakinan ao kabanggaan diah, iko kati mujia samu kahendak Tuhan , malainkan samu kasadatn kabagaa. ¹⁸Karah sok da bangga sacara daging. Jadi, iko uga ao berbangga.¹⁹Sabab,imu ladakoh bijaksana sahingga ge da sanang ate imu basabar taradap sok baga ! ²⁰Imu basabar, kalo ani sok da memperhamaba imu, nalatn imu, naap ka untoongnga ka samo imu, nangkanyamo adupa, atau nampar bahasmu. ²¹Ge sangat mangun iko harus mujia bahwa kai terlalu lemah untuk hal dakoh! Namun, jai saja da sok lain pagatn untuk bangga ,--iko sarita samu sok baga --iko uga pagatn .²²jai lah ayo sok Ibrani? Iko uga. Jailah ayo sok Israel ? Iko uga. jailah ayoa katurunan Abraham ? Iko uga.²³jailah ayoa malayani Kristua ? Iko rabeh-rabeh agi--iko sarita- sarita samu sok gila. Jerih payahko rabeh karah, pukuian-pukulanda kati kaatn dangitong, da rabeh sering madi kasadatn bahaya maut.²⁴Umpaatn ayo sok yahudi, karah lima kali iko laka nyamut a ampat puluh kurang nyiteng cambukaan. ²⁵taru kali iko gatn mangkuuk ge uwe,nyakali gan munu ge batu, taru kali iko madi ka kapal karam, nya ngarum ge nyano iko gatn nyeret ombak ka laut.²⁶karah kali kasadatn pajalan ko, iko tarancam baahaya umpatn sungi, umpatn para parampok, pihak ayosok yahudi, ge ayosok inya yahudi. Iko gatn ngancam bahaya ka kota, ka padang balantara, ka laut, ge uga bahaya umpatn age-age palsu.²⁷Iko laka bajari payah ge bakaraje bahat, tatap tajaga, saburuk ge aus, sering kati ani pangkuman, kasadatn kadagingan, ge kati bapangiak. ²⁸ge, saalain hal-hal diah, ani uga masalah bilangkano da jaadi tanggung jawab kountuk pangadipatn samaan jamaat. ²⁹Asi da lemah, ge iko kati lemah? Asi da jantu, ge iko kati berdukacita?³⁰Kalo iko harus bangga, iko ao bangga ka samo hal-hal da menunjukan kelemahanko.³¹Allah ge Sama Tuhan Yesus, da harus ngtn muji salama-lama a,pane bahwa iko kati laceh.³²Ka Damaskus, gubenur ka saroh Raja Aretas mangawasi kota Damaskus untuk nangkap iko. ³³Namun,iko gatn ngadisah kasadatn nyabuak karanjang ka tembok,sahingga iko rapas umpatn barengtk nga.

Chapter 12

¹Iko harus barbangga walopun dakoh ti ani untong. Iko' ao' manarus'a' pamile'-pamile' ge' panyataan-panyataan umpat'n Tuhan, ²Iko pane ani sook sadat'n Kristus, da ampat balas taun idu' laka gat'n minsak ka surga tiga' taru antah ka sadat'n ungan'a' iko ti pane; ato ka sato ungan'a' , iko uga kati' pane, Jabata ta da pane.³ Ge' iko pane langkina sok diah antahkasadat'n ato ka sato ungan'a', iko kati' pane, Tuhan ta da pane. ⁴ini' gat'n ngangkat'n ka Firdaus ge ngadangah sarat'n-sarat'n da ti' aba' da nyarita, ge' da kati' buleh gat'n nyarita oleh talino. ⁵Ya' sok diah iko ao' barbangga, tatapi ya' diko' sadi', iko ao' kati' barbangga kacuali samo kalamahan-kalamahanko'.⁶Ao'a', sak iko' ngate barbangga, iko' kati' ao' jadi baga karna iko' ao' nyarita da taman. Tapi, iko nahan'a' sapaya kati' ani sok da milekko labih umpat'n da ayo'a' mile' ato da ayo'a' dangah tantang iko'.⁷Ya' ngajaga sapaya iko kati' talalu barbangga samo panyataan-panyataan da luar biasa dakoh, maka nyabuah unak gat'n mangkat'n sadat'n daginko, kohtalah pangadu Balis ya' nyusah iko' sapaya iko' kati' nganinggi adup.⁸ Manganai hal diah, iko' bamohon ka Tuhan taru kali karah'a' sapaya hal dakoh ngangat'n ko'. ⁹Tapi, Ini' muji' ka iko', " Anugrah-Ko nga cukup ka imu' karna kuasa-Ko gat'n nyampurna sadat'n kalamahan." Sabab dakoh, iko' labih auhat'n barbangga samo kalamahanko' sapaya kuasa Kristus madi' kasadat'n ko. ¹⁰Dakohtalah sabab'a', iko' misa auhat'n sadat'n kalamahan, sadat;n siksaan, sadat'n kasukaran, sadat'n panganayaan ge' sadat'n kasulitan nige' Kristus. Karna sak iko lamah , maka iko kuat. Kasih Paulus ya' Jamaat ka Korintus¹¹ Iko nga jadi baga karna imu' makseko' ya' dakoh, padahal saharus'a' iko gat'n puji wa' mu'. Sabab, iko' kati' kurang jai-jai gat'n ngabanding ka ayo rasul da luar biasa dakoh, walopun iko kati' ani jai-jai'a'. ¹² Tande-tande da mambukti sook dakoh rasul laka gat'n ngabukti ka antara kupm sadat'n sagala katabahan, sadat'n tande-tande, mujizat-mujizat, ge kaajaipan-kaajaipan. ¹³ Sabab, sadat'n hal jailah akupm gat'n ngarandah umpat'n jamaat-jamaat lait'n, kacuali bahwa iko' kati' jadi baban bagimu'? mahi ampun ta ka kati adilanko' diah!¹⁴ Mati', iko' siap nganto ka imu' yak da kataru kali'a' ge' iko' kati' ao' manjadi baban kaimu' karna iko' kati' najo jai da ani ka imu', sabalik'a' imu'. Sabab, ayo kangot kati' wajib ngubu' harta ya' pangama'a', tatapi pangama ya' ayo kangot'a'.

¹⁶Tapi, biar iko' inya baban kaimu', imu' muji' iko' licik ge' manjerat imu' nige' tipu muslihat. ¹⁷Anita iko' nangkap untong umpat'n mu' malalui ayo sok da ko' ngutus kaimu'?¹⁸ Iko' ngalabak Titus ya' anu ge' ngutus age kai ya' anu samahu'a'. Anita Titus nangkap untong umpat'n imu'? Anita kai kati' bajalat'n sadat'n roh da samu ge' da bajalat'n sadat'n tapak-tapak da samu?¹⁹Lalu, jailah imu' ngatuhi mikir'a' bahwa kai mambela adup kai taradap imu'? Kai nyansana ka hadapan Jabata sadat'n Kristus, tatapi hal-hal diah, he da terkasih, anita ya' mambangun imu'.²⁰Sabab, iko' buut, sak katika iko' utuk'ng, iko' ao' amputmu' kati' samu da iko harapkan, ge' imu' kati' ao' amputko' samu da gat'n mu' harap. Si pane ani parsalisihan, ate da supa, pabaji', kapentingan adup sadi' , fitnah, carita da inya-inya, kasumbongan, ge' kakacoan. ²¹Iko kuater sa' iko' utuk'ng agi, Jabata ao' ngarandah iko' ka depanmu ge' iko' ao' baduka samo karah sok da ngauru ngabaduse sabalum'a' ge' tatap kati' bartobat umpat'n kanajisan, parcabulan, ge hawa nafsu da nga ayo'a' umas.

Chapter 13

Paulus Nganto Da Kataru Ka Korintus ¹Diah anilah sidah a' iko' nganto ka imu'. Arus ani katerangan umpatn dua ato taru saksi, maka jai hal pakare gat'n muji a' sah. ²Sabelum a', iku ngalaka mamparingat a' ayo da ba duse ge' samaan da lait a'. Mati', walaupun iko kati samahu imu', iko' mamparingat a' ayo samu da iko' umas a' sadatn panganto da ka dua, la dakoh sa' iko' utukng agi, iko' kati ao' gat'n nyayang a' ayo'.³Karna imu' manuntut bukti tantang Kristus, da nyansana ka sadatn ko' ge' da kati lemah ta hadap imu, malain a' ba kuasa ka sadatnmu'. ⁴Sasungguh a', Kristus gat'n nyalib sadat ka lemahan, tatapi ni' idup kat kuasa Jabata. Sabab, kai uga lemah ka sadatn Ini', tatapi kai ao' idup ba samu-samu nige' Ini' karna kuasa Jabata tahadap imu'.⁵Ngujilah adupmu' sadi yak mile, ani ta imu' tatap ka sadatn imanmu'. Pariksa ta lah adupmu' sadi! atau, ani ta imu' kati gat'n nganali adupmu sadi bahwa Kristus Yesus ani kasadatnmu', kacuali kalo imu' gagal ka sadatn ujian. ⁶Iko ba harap imu' ao' panane bahwa kai inyalah sok da kati tahan uji.⁷Namun, kai ba doa ka Jabata supaya imu' kati umas sara', inya supaya kai tile tahan uji, tatapi supaya imu' umas jai da taman, meskipun kat mile a' kai ngalaka gagal ujian. ⁸kai kati kaat umas hal-hal da batantangan nige' ka banaran, melain a' hanya yak kabanaran.⁹Kai sanang sa' kai lamah ge' imu' kuat. Doa kai anilah supaya imu' jadi sampurna. ¹⁰Da kohlah sabab a', iko' nulis hal-hal diah sa' iko' jauh umpatnmu' supaya sa' iko' utukng, iko kati parlu manggune nige' karas, kuasa da Tuhan mangkat a' kako' yak mambangunmu', ge' inya yak maruntuh a' mu'.¹¹Akhir a', age-age, basukacitalah. ba rusahalah jadi sampurna, ngiburlah nyeteng ge' da lait, sa ate sa pikirlah, ge' idup sadatn damai. Ge', Jabata sumber kasih ge' damai sejahtera ao' bariuh ge mu'. ¹²Mangkatlah salam nyeteng nige' da lait nige ciuman kudus.¹³Samaan sook kudus ngirim a' salam yakmu'. (13-14) Anugerah Tuhan Yesus Kristus, ge' kasih Jabata ge' pakumpulan umpatn Roh Kudus bariuh ge' mu samaan.

Hebrews

Chapter 1

¹Setelah ket masa da idu maan, Jabata ba balik-balik ngansana ka nini' moyang adup lewat ayo nabi , ²Saat ano'-ano' ta akhir, Jabata ngansana ka ite lewat Anak-A' da ngalaka Ni' milih-A' yak jadi pawaris samo sagala hal, da lewat Ini' uga Jabata cipta alam semesta. ³Ni' anilah cahaya kamuliaan Jabata ge' gambaran da sempurna umpat'n sifat-A', Ni' uga da nopang segala hal nige' Firman kuasa-A' . Ngalaka umas penyucian duse-duse, Ni' munyung ka sabalah santao' da Mahaahyo ka tampat nyammo'.⁴Sahingga Ni' jadi jauh labih nyammo' daripada ayo malaikat sabab Ni' mawaris gaat'n da labih nyammo' daripada gaat'n ayo a'. ⁵Sabab, suah bak Jabata nyansana ka malaikat, "Akump anilah Anak-Ko'. saat ano diah, Iko' ngalaka jadi Bapa-Mu"? "Iko' ao' jadi Bapa bagi-A', ge' ni' ao' jadi Anak-Ko'."?⁶Ao' tatapi, katika Jabata mamparkanalkan Anak amma'-A' ka dunia, Ni' nyansana, "Biarlah samaan malaikat Jabata nyambah Ini'." ⁷Tantang ayo malaikat, Jabata nyansana, "Ni' umas malaikat-malaikat-A' jadi nyaru, pelayan-pelayan-A' jadi pua api."⁸Sadangkan tantang Anak-A', Ni' nyansana, "Takhta-Mu', ya Jabata, ao' ani salama-lamaa'. Tongkat kabanaran anilah tongkat karajaan-Mu'. ⁹Akump mancintai kabanaran ge' mambanci kajahatan. karna ikoh, Jabata, yaitu Jabata-Mu', ngalaka mangurapi Akump nige' minyak sukacita malabihi kawan-kawan-Mu'."¹⁰Ge' agi', Akump, Tuhan, saat mulea' Akump ngalaka manna dampar tana pait, ge' ranggit anilah pabulah barek-mu. ¹¹Tana pait ge' ranggit ao' a' ayap, tatapi Akump ao' tatap ani. Tana pait ge' ranggit ao' a' bonto samu pangiak. ¹²Samu Jubah Akump ao' ngalipat a', ge' samu pangiak, ayo' ao' gat'n ganti. Ao tatapi, Akump kati ao' barubah, ge' tahun-tahun-Mu' kati ao' parnah ba akhir."¹³Ge', ka malaikat da dume, Jabata ngalaka nyansana samu diah, "Muyunglah ka sabalah santao-ko' sampe Iko' manna musuh-musuh-Mu' ka saroh kuasa-Mu'? ¹⁴Inya bak malaikat-malaikat anilah roh-roh da melayani, da gat'n ngutus yak nulong ayo' sok da ao' narima kasalamatan?

Chapter 2

¹Sak lakoh, ite' arus taliti memperhati jai da ngalaka ite' dangah biar ite' kati' taseret arus.² Sabab, langkina ajaran da ayo malaikat nyampe gatn nyata kati' kaatn gatn ngubah, ge' satiap palanggaran ato kati' taatan ao' narima hukuman da adil, ³ langkina mungkin ite' aba' boho sak ite' mansawat kasalamatan da ahyo dakoh? Dakohlah, kasalamatan da pamule-mule da Tuhan ngabar, ge' da gatn bukti katamanan'a' ka ite' ayo sok da dangah'a'. ⁴Salait dakoh, Jabata uga mangkat kasaksian nabo tande-tande ge' hal-hal da ajaib, ba macam mujizat ge' karunia-karunia Roh Kudus da gatn mangkatn nurut kamauan-A. Yesus Ngajadi Samu ge Talino ya' Nyalamat Manusia⁵Jabata kati' nganunduk dunia da ao' utuk'ng, dakoh ta dunia da sadak'ng te' nyarita, ka ayo malaikat. ⁶ Namun, ani nyungan da laka mangkatn kasaksian sadat'n nyabuah nats:"Asilah talino singga Akupm marmikir'a'?Asilah anak Talino singga Akupm marmeduli'a'?⁷Ya' samantara, Akupm umas'a' rabeh nyaroh umpatn ayo malaikat;Akupm ngamahkotai'a' nige' kamuliaan ge' hormat. ⁸ Akupm nganunduk samaan dakoh ka saroh kaja'a'.⁹Namun, sak ite' laka mile' Yesus da ya' samatara gatn umas rabeh nyaroh umpat'n ayo malaikat, dakohlah Yesus da gatn mahkotai nige' kamuliaan ge' hormat karna laka manderita pangkabis supaya kat anugerah Jabata, Ini' kaatn ngarasa pangkabis bagi samaan sok.¹⁰Nga sapantas'a' Ini' da bagi ini' ge' nabo' Ini' sagala jaipun ani da nyampurna Perintis Kasalamatan anak-anak-A nabo panderitaan, ya' minsak ayo'a' ka kamuliaan.¹¹ Sabab, bait Ini' da gatn nyuci atopun ayo'a' da gatn nyuci, samaan'a' ba asal umpat'n nyungan Sama'; dakotalah sabab'a' Yesus kati' mangun ngako ayo'a' sebage age-age-A ¹² nige' muji':" Iko ao' ngayata gaatn Kupm ka age-age-Ko. Ka tuda' samaan umatMu', Iko ao' ngado pujian bagi-Mu'."¹³Ge' agi':"Iko' ao' napo' kayakinanko' ka Jabata,"" Dialah Iko, sarta ayo kangot da laka Jabata mangkat'n ka-Iko'." ¹⁴Karna ayo kangot dakoh anilah talino da umpu daya' ge' dagin, maka Yesus uga na'ap bagian sadat'n kaadaan ayo'a' supaya nabo pangkabis-A , Ini' kaat'n mambinasa ini' da umpu kuasa samo pangkabis dakohlah Iblis. ¹⁵Ge', ngabebas ayo'a' da saumur idup'a' gatn ngabudak kat kapabuutan ka pangkabis.¹⁶Jadi, ngajelas bahwa Ini' kati' mangkatn partulongan ka ayo malaikat, tatapi ka katurunan Abraham. ¹⁷Karna dakoh, sadat'n sagala hal Yesus arus jadi samu nige' ayo age-A, sak ladakoh Ini' kaat'n jadi Imam Da Ayho da panhu pamase' ge' setia sadat'n palayanan ka Jabata. Nige' ladakoh, Ini' kaat'n minsak panabosan samo duse-duse umat. ¹⁸ Sabab, Yesus sadi' menderita waktu gatn nyoba, maka Ini' kaat'n nulong ayo'a' da gatn nyoba.

Chapter 3

Chapter 4

¹²sabab, Firman Jabata dakoh idup da ba kuasa, ge lebih ruja daripada pedang ba matu dua ume pun. Firman dakoh nusuk jauh sampe ngarara jiwa ge roh, antara raka ge turang'k sumsum, serta sanggup nilai pikiran ge kahenda ate ite. ¹³Kati ani nyungan mahluk pun da basukaan't umpan pamile a sabalik a, sagala sesuatu ugang'k ge kati basukan't umpan't matu a. Kaini ite harus mangkan't tanggong jawab samaan da ite ngaraje. Yesus Kritus anilah Imam aso ite

Chapter 5

¹Sabab, satiap imam da ayho da gatn milih ka antara talino gatn nujo' ya' jadi wakel talino sadat'n hal-hal da barhubung nige' Jabata, supaya Ini' kaat'n mamparsambah sambahan-sambahan ge' korban-korban gat'n duse-duse. ² Sabab imam da ayho panhu nige' kakurangan, maka ini' uga harus basikap ramah ka ayo'a' da kati' umpu pangatahuan ge' da mudah tasasat. ³ Koh ta sabab'a' , Ini' wajib mamparsambah korban iyak ngapus duse, inya ya' umat sadi', tatapi ya' adup'a' uga.⁴ Kati' ani imam da ahyo da aba' nangkap kahormatan diah ya' adup'a' sadi', ini' hanya narima'a' waktu ini' gatn Jabata maba' samu hal'a' ge' Harun. ⁵ Ladakoh uga Ksistus kati' ngamulia adup'a' sadi' ya' jadi Imam Ayho, tatapi uleh Ini' da muji ka Ini'," Imulah Anak-Ko.Ano diah Iko ngalaka jadi Samak-Mu'."⁶Samu ge' Firman da lait'n uga muji', " Imulah Imam ya' salama-lama'a', manurut paraturan Melkisedek.⁷ Sadat'n idup-A sebage talino, Yesus mamparsambah doa ge' pamahi nige' kaung'a', ka Ini' da kaat'n nyalamat-A umpat pangkabis. Ge', Ini' gatn dangah karna kasalehan-A. ⁸ Waloupun Yesus anilah Anak, tatapi Ini' balajar ya' taat malalui panderitaan da gatn Ini' ngalami.⁹ Sak ngalaka gatn nyampurna , Ini' ngajadi sumber kasalamatan da kekal bagi samaan sok da taat ka-Inik, ¹⁰ Ge' ini' laka Jabata maba' sebage Imam Ayho sasue ge' paraturan Melkisedek . Ngalangkah ka Kadewasaan Rohani¹¹Ani karah da kaatn gatn muji manganai hal diah. Tapi da susah ya' manjelas'a' karna imu' laka nga jadi sawe ya' ngadah'a'.¹² Sabab, waloupun mati' diah saharus'a' imu' ngajadi pangajar, tapi nyata'a' imu' masih palalu sook ya' ngajarmu' agi' manganai prinsip-prinsip dampar ka firman Jabata. Imu' masih palalu susu, inya pangkuman da sagek'ng. ¹³ Sabab, sok da idup umpat'n susu anilah sok da katinga bapangalaman sadat'n maham ajaran da taman, ini' masih angot. ¹⁴ Aok ladakoh, pangkuman da sagek'ng anilah ya' ayo sok da ama, dakohlah ayo da malatih undra ayo'a' ya' ngabeda da bait ge' da jahe'.

Chapter 6

¹ Karna dakoh, kaeh ite ngagan't pangajaran dasar tantang Kristus ge' ngalangkah ka kadewasaan, kati agi ngulang-ngulang ajaran dasar tantang partobatan umpan't parbuatan da kabis ge iman ka Jabata; ² ajaran tantang pambasuhan ge' panumpangan barekng; ajaran tantang kabangkitan sok kabis ge hukuman kekal. ³ Ge', dakohlah da aok ite bulah kalo sa' Jabata mangizinkan'a.⁴ Sabab, kati mungkin mampartobatkan kambali ayo-sok da sabelum'a ngalaka kaan't pancerahan, ngalaka misa' karunia sarugawi, ngalaka naap bagian basamu Roh Kudus, ⁵ Nyacap kabaitan firman Jabata, ge' misa' kuasa umpan't dunia da aok utukng. ⁶ Sa' ayo'a ngagan't pagala Kristus, maka mustahil ya' ngangkabahu'a malik patobatan ayo'a karna ayo'a sadangk manyalibkan Anak Jabata ya' da kadua kali'a ge' manyangun-A sacara tabuka.⁷ Sabab, tana' da nyarap karah pain't ujan't ka samo'a, sarta manghasilkan panenan da bamanfaat bagi ayo'a da ngarap'a aok narima barakat umpan't Jabata. ⁸ Sa', kalo tana' dakoh hanya manumbuh unak ge' samak-samak, maka tana' dakoh kati bagune ge' riket nige kutuk, ge' akhir'a gan't nyahu.⁹ Aok tatapi, ayo-ageko' da ko'nganyayang, sakalipun kai bagurah-gurah demikian, kai manyakin hal-hal da labih bait tantang imu' diu'ta hal-hal da bahubungan nige kasalamatan. ¹⁰ Sabab, Jabata inya kati adil. Ini' kati karimut samaan karaje ge' masemu' da imu' nujo demi gaan't-A nige malayan ayo-sok kudus samu da masih imu' bulah.¹¹ Kai' bungu masing-masing imu' nujokatekunan da samu' ya' umpu jaminan pangharapan da sampurna sampe pangkuhnyi, ¹² Supaya imu' iya' jadi malas, tatapi nganang taladan ayo-sok da ngalaka mawarisi janji-janji Jabata malalu iman ge' ge' katekunan. Janji Jabata Kati Parnah Barubah¹³ Waktu Jabata bajanji ka Abraham, Ini' bajanji samo adup-A sandiri karna kati ani da lebih aihyo dari pada adup-A. ¹⁴ Jabata muji', "Iko' pasti aok mambarakatmu'," ge' Iko' pasti aok ngalipatganda katurunanmu'." ¹⁵ Ge', ngalaka nganti nige sabar, Abraham narima janji dakoh.¹⁶ Talino basumpah demi sook da lebih aihyo dari pada adup'a sandiri, ge' sumpah gan'tmangkan't sabage panegasan ya' ngangkabas samaan parbantahan. ¹⁷ Jadi, waktu Jabata ngate nujo nige lebih ngayakin'a ka ahli waris janji-A kalo tujuan-A kati aok barubah, Ini manjamin nige umas sumpah ¹⁸Sahingga nige dua hal da ti' kaan't barubah dakoh, da mangenai'a Jabata mustahil laceh, ite da utukng najo palindungan aok kaan't durongan da aihyo ya' bajinte tagap ka pangharapan da gan'tmangkan't ka ite.¹⁹ Pangharapan da ite umpu diah diu'ta jangkar bagi jiwa ite, kuat ge' pasti, da manabos maruh sampe ka balik bide, ²⁰ka tampat da ngalaka gan'tmaruh Yesus sabage pambuka pagala angkan't ite ya' jadi Imam Aihyo ya' salama'-lama'a, sasuai nige paratoran Melkisedek.

Chapter 7

Chapter 8

¹Diahlah pokok utama pambicaraan ite: ite gat'n umpu imam Besar da munyung ka santao tahta da dapaling nyamo ka surga. ²Ni' malayani ka ruang Mahakudus ge' ka Kemah Suci sejati da gat'n mantagut'n kat' adup Jabata, inya kat' talino.³Karna satiap imam Ahyo gat'n nojo yak mamparsembahkan pamangkat ge' korban, maka imam ahyo diah uga arus minsak'ng tarut yak gat'n parsambahkan. ⁴jika imam Ahyo diah idup ka bumi, ni' kati ao' a' jadi imam samu sakali sabab ka bumi ngalaka ani imam-imam da mamparsambahkan pamangkat'n sasuai Hukum Taurat, ⁵yaitu ayo' a' da baribadah nurut tiruan da bayang-bayang umpat'n hal-hal surgawi samu Jabata mamparingatkan Musa pas ni' ao' mantagut'n Kemah Suci: "Pastikanlah akupm umas sagale tarut a' sasuai nige' rancana da ngalaka ko' nojo a' ka imu' ka samo gunung.⁶Namun, mati', Yesus narima tugas palayanan da jauh labih mulia karna pajanjian bahu da gat'n paranta kat'-A' dakoh uga jauh labih nyamo ge' gat'n natapkan badasarkan ka janji-janji da labih bait. ⁷Sabab, jika ;pajanjian da pamule kati ngandung kasalahan, kati ao' ani da mambutuhkan pajanjian da kadua.⁸Karna Jabata ngangkaat'n sara talino, ni' nyansana, " Milelah, ano a' ao' utuk'ng; wat Tuhan, 'katika iko' ao' a' ngadakan nyabuah pajanjian bahu nige' kaum Israel ge' kaum Yehuda. ⁹Kati samu' pajanjian da ngalaka ko' adakan nige' nini moyang ayo' a' yaitu katika iko' nirik ayo' a' nige' barek-Ko yak mimpin ayo' a' kalura umpat'n tana Mesir. Karna ayo' a' kati satia ka pajanjian da gat'n ko' mangkat'n, maka Iko' kati maduli ayo' a',' wat Tuhan.¹⁰Diahlah pajanjian da ao' a' ko' umas nige' kaum Israel ngalaka wakyu dakoh; wat Tuhan: 'Iko' ao

¹¹Ayo' a' kati ao' a' agi ngajar samu adup bangsa a' ato age a' nige' nyansana, ' Kanallah Tuhan' karna samaan sok ao' a' ngana Iko', umpat'n da enek sampe da paling ahyo. ¹²sabab, Iko' ao' a' berbalas kasian kasamo palanggaran da duse-duse ayo' a'. Iko' pun katii agi ao' a' agi ngingat kasalahan-kasalahan ayo' a'."¹³Katika Jabata mangucapkan pajanjian bahu, ni' umas pajanjian da ama kati ba laku agil. ge', jai da ngalaka kati ba laku agi ge' usang ao' a' segera ayap.

Chapter 9

¹Bahkan, pajanjian da ama pun berisi tantang paraturan ibadah ge' tampat kudus da ani ka tana pait. ²Karna ladakohlah kemah Jabata gat'n ngayiapa': bagian luar, da ket' a' ani palita, meja, ge' roti sajian, nimuji tampat kudus.⁵³Ka balakaqng tirai kadua anilah kemah da gat'n magaat Ruang Mahakudus, ⁴ka tampat dakoh ani Altar pedupaan da gat'n umas umpat'n barawat ge' Tabut Pajanjian da samaan sisia' gat'n galapis ge barawat. Ka sadatn tabut dakoh, ani nyabuah kandi barawat da barisi Manna, tongakt Harun da parnah ba tunas, serta dua lempeng batu pajanjian. Ka sammo a', ani dua kerub kamudian da manaungi Tutup pendamaian, tatapi saat diah inyalah waktu tepat yak mambicrakan sacara taparinci.⁶Setelah samaan a' ikoh gat'n nyiap sadamikian rupa, ayo imam maruh ka bagian pa tama umpatn kemah ikoh secara rutin, yak umas palayanan ibadah ka Jabata. ⁷Ao' tatapi, hanya imam ahyo sadi da boleh maruh ka bagian kadua umpatn kemah ikoh, ikoh pun hanya nyasawa nyakali, ge' minsak dayya yak gat'n parsembahka' ka Jabata demi adup a' sadi ge' demi duse-duse umat da gat'n umas ti sangaje.⁸Roh Kudus manyatakan ka ite bahwa pagala manuju Ruang Mahakudus tingga ta buka salama Ruang Kudus maseh ani, ⁹hal dakoh anilah kiasan mengenai zaman diah. Damikian uga sagala pamangkat ge' kurban-kurban da gat'n parsembahkan kati gat'n nyempurnakan nurani ayo' sok da beribadah, ¹⁰sabab, hanya bakaitan nige' pangkuman, minuman, ge' ritual pambasuhan yak jasmani da barlaku sampe saata' waktu pambaharuan. Ibadah sadatn pajanjian Bahu¹¹Namun, katika Kristus utukng sabagai Imam ahyo samo hal-hal bait da ao' utukng, Ni' maruh lewat Tampat Kudus da labih ahyo ge' labih sampurna; da kati ni umas kat barek talino ge' inyalah suatu ciptaan. ¹²Ini' maruh ka Ruang Mahakudus nyakali yak salamaa', inya nige' minsak dayya kambing are ge' dayya anak sapi, tatapi nige' minsak dayya adup-A' sahingga kaat panabusan da kakal.¹³Sabab, jika pemercikan dayya kambing are ge' sapi are, ge' uga abu anak sapi mahung ka sok najis bisa nyuci ungan jasmani ayo' a'. ¹⁴Labih-labih dayya Kristus, yaitu Ni' da lewat Roh da kakal mamparsambahkan adup-A' sabagai kurban da kati bacacat ka Jabata yak nyucikan ate nuranimu' umpatn parbuatan sia-sia supaya imu' bisa melayani Jabata da idup. ¹⁵Yak alasan diahlah Kristus jadi parantara umpatn pajanjian da bahu supaya ayo' a' da ngalaka gat'n maba Jabata boleh narima warisan kakal da laka gat'n janjikan-A'; sabab sabuah pangkabis ngalaka tajadi yak nebus ayo' a' umpatn palangaran-palangaran da ayo' a' umas ka saroh pajanjian pa tama.¹⁶Jika ani surat wasiat, maka arus ani pangkabis umpatn sok da umas a'. ¹⁷Sabab, surat wasiat hanya balaku jika sok da umas a' nga kabis; surat dakoh kati umpu kuasa salama sok da umas a' maseh idup.¹⁸Ikohlah sabab a', jailah pajanjian pa tama pun kati ba laku tanpa kurban dayya. ¹⁹Sabab, ngalaka Musa muji a' satiap parintah sadatn Hukum Taurat ka umat Israel, ni' nangkap dayya anak sapi ge' kambing lalu gat'n nyampur a' nige' pait. Ge', manggune saput wol bajara serta nyabatakng hisop, ni' ma mercik a' ka Kitab Taurat ge' ka samaan umat ²⁰sambil nyansana, "diahlah dayya umpatn pajanjian da ngalaka Jabata parintah a' yak imu' taati."²¹Nige' cara da samu, Musa uga mamercik Kemah suci ge' samaan parlengkapan da gat'n gune a' sadatn ibadah nige' dayya. ²²Manurut Hukum Taurat, hampir sagala hal arus gat'n nyuci a' nige' dayya, ge' tanpa ani a' panumpahan dayya, kati ao' ani pangampunan. Yesus Kristus anilah Kurban pangngapus duse.²³Karna dakoh, sagala hal da malambangkan hal-hal surgawi sangat parlu gat'n nyuci a' nige' hal diah, tatapi sagala hal da ka surga gat'n nyuci a' nige' kurban da labih baik. ²⁴Sabab, Kristus kati maruh ka sadatn Ruang MahaKudus da gat'n umas kat barek manusia, da hanyalah tiruan umpatn da sasungguh a', tatapi ni' maruh ka sadatn surga ikoh ta ge' mati' madi ka hadapan Jabata demi ite.²⁵Kristus uga kati mamparsembah a' adup-A' ba kali-kali, samu Imam ahyo da arus maruh ka Ruang MahaKudus umpatn tahun ka tahun nige' minsak dayya da inya dayya adup a'. ²⁶Sa ladakoh, Kristus arus mandarita barulang kali sejak dunia gat'n cipta a'. Ao' tatapi, Kristus hanya manyatakan adup-A' nyakali sadi yak salama-lama a' ka zaman akhir diah demi ngapus duse, nige' cara mamparsembah a' adup-A' sadi.²⁷Samu talino, da gat'n nentu a' yak kabis nyakali sadi ge' laka dakoh ngadap panghakiman, ²⁸la dakoh uga Kristus; Ni' gat'n mamparsambah a' hanya nyakali sadi yak nanggong duse sok karah, ge' ao' utukng ka dua kali a', inya yak nanggong duse, malain a' yak minsak kasalamatan ka ayo' da nunggu a' Ini'.

Chapter 10

¹ Karna Hukum Taurat hanya umpu' gaya tantang hal-hal bait da ao' utuk'ng ge' inya gambar da sasungguh'a' umpat'n hal-hal dakoh, maka nige' korban-korban da samu, da ayo'a' mamparsambah tarus-tarusan nyatiap taun, hukum dakoh kati' ao' suah kaat'n nyampurna ayo'a' da ao' utuk'ng ngajiket. ²Sak sabalik'a', inyata pamangkat parsambahan saharus'a' nga kati' agi' da umas karna nyakali gatn nyuci, ayo sok da baribadah dakoh kati' agi' misa ani'a' kasadaran ka duse? ³ Ao' tatapi, sadat'n parsambahan korban dakoh, ayo'a' malah gat'n ngingat ka duse-due ayo'a' umpat'n taun ka taun. ⁴ Sabab, daya' lembu are ge' kambing are kati' mungkin kaat'n ngapus duse.⁵ Karna dakoh, waktu Kristus utuk'ng ka sadat'n dunia, Ini' muji, " Korban ge' parsambahan kati' Imu' ngingin,tatapi nyungan ungan laka Imu' nyiap bagi-Ko;⁶ Imu' kati' suka ka korban da gat'n ninu' ge' korban pangapus duse.⁷ Lalu Iko muji', "Diah ta Iko:Ani gat'n nulis tantang Iko sadat'n gulongan kitab, Iko utuk'ng ya' umas kahandak-Mu', ai' Jabata."⁸Laka Kristus ngamuji' , " Korban ge' parsambahan , sarta korban da di ninu' ge' korban pangapus duse kati' Iko ngingin, ge' kati' bakenan ka Imu'" ( da sasue nige' Hukum Taurat). ⁹ Ini' nganambah'a', "Diah ta Iko. Iko utuk'ng ya' umas kahandak-Mu'." Jadi, Yesus ngangapus ta da partama ya' natap da kadua. ¹⁰ Kat kahandak-A, ite' gat'n ngudus nabo' pangurbanan ungan Yesus Kristus, nyakali ya' salama-lama'a'.¹¹Satiap imam umas palayanan ano'a' umpat'n waktu ka waktu ya' mamparsambah korban da samu', da kati' suah kaat'n ngapus duse; ¹²tatapi Kristus, ngalaka mamparsembah korban karna duse, nyakali sadi' ya' salama-lama'a', Ini' unyung ka sabalah sentao' Jabata ¹³ge' nganti waktu ayo munsuh-A gat'n jadi alas kaja'-A.¹⁴ Nige' nyungan korban, Kristus nyampurna ayo'a' da laka gat'n Ni' nyuci ya' salama-lama'a'.¹⁵ Roh Kudus uga ngajadi saksi ya' ite' tantang hal diah sabab ngalaka damuji', ¹⁶ "Diah ta parjanjian da ao' Ko umas nige' umat-Ko ngalaka masa dakoh, sarat'n Tuhan: " Iko' ao' napo' hukum-hukum-Ko sadat'n ate ayo'a', ge' Iko' ao' nganulis'a' sadat'n pikiran ayo'a',"¹⁷Laka dakoh, Ini' ngalanjut'a',"Iko ao' ngarimut duse-duse ayo'a' ge' kati' ao' ngingat agi' kajahatan ayo'a'."¹⁸Mati', waktu pangampunan bagi samaan'a' dakoh laka gat'n nyadia, maka kati' gat'n palalu agi' korban ya' nabos duse. Ngajiket ta ka Jabata¹⁹ Sabab dakoh, ayo ageko', karna mati' ite' umpu kabaranian ya' maruh ka sadat'n Uhang Mahakudus kat pangorbanan daya' Yesus, ²⁰ nige' gala' da bahu ge' da idup, da laka gat'n muka kat Yesus bagi ite' nabo' muliam , koh ta ungan-A, ²¹ge' karna ite' nga ani nyungan Imam Ayho da ngapalai ramin Jabata, ²² maka kailah ite' ngajiket ka Jabata nige' ate da tulus sadat'n kayakinan iman da panhu, nige' ate ite' da laka ngabarasih umpat'n nurani da jahe', ge' ungan da laka gat'n nyuci nige' paint murni.²³ Kai ite bajinte ka pangako pangharapan ite' karna Jabata da ngajanji'a' anilah setia, ²⁴kai ite nyajo cara ya' kaat'n saling nyurong sadat'n nganyayang ge' mangaraje pabulah-pabulah da bait, ²⁵ge' usahlah ngajauh adup umpat'n partamuan ibadah ite' da samahu, ulah da gat'n biasa ta kat mani ungan sok. Ao'a', kailah ite' saling nguat age, marabeh agi' karna imu' pane Ano Tuhan ngamangkin jiket. Usah Ngalawan Jabata²⁶ Sabab, sa' nige' sangaja te' tatap umas duse sak laka kaat'n pangatahuan tantang da taman, maka kati' ani agi' korban ya' ngapus duse-duse dakoh. ²⁷ Da ani ta panganti da ngabuut ao' panghakiman ge' mara api da ao' ngabinasa ayo munsuh jabata.²⁸ Badampar ka kasaksian umpat'n dua ato taru ungan saksi, asipun da kati' taat ka Hukum Musa ao' kabis kati' kaat'n pamase'. ²⁹Sak ladakoh, batapa rabeh bahat'a' pangukuman da layak gat'n narima kat sok da nginyak-nginyak Anak Jabata, ge' da nganggap najis daya' parjanjian da laka ngudus'a', ge' da manghina Roh anugerah Jabata?³⁰ Sabab, ite' manganal Ini' da muji', " Pambalasan anilah hak-Ko; Iko ao' nuntut pambalasan." Ini' uga muji', " Tuhan ao' ngakim umat-A." ³¹Batapa ngeri ta sak ite' jantu ka sadat'n barek Jabata da idup. Piara ta Kabaranian ge' Kasabaran³²Ao tatapi , ngingatlah ano-ano da nga lewat, sak laka imu' kat'n pangaratian, imu' batahan sadat'n parjuaganmu' nanggong panderitaan da bahat. ³³ Takadang, imu' gat'n hina ge' gat'n nyanya sacara tabuka ka tura sok da karah, ge' takadang imu' uga' nganang ka sadat'n panderitaan ayo sok da gat'n palaku samu dakoh. ³⁴Imu' uga mangkat'n pamase' ka ayo'a' da ka panjara, bahkan da narima nige' sukacita waktu harta da mu' umpu gat'n nangkap karna imu' pane bahwa imu' nga ani harta da rabeh bait ge' kekal.³⁵Karna dakoh, usahlah mu' matat'n kayakinanmu' karna kayakinanmu' dakoh mangkutuk'ng pahala da ahyo. ³⁶ Sabab imu' mambutuh katakunan ya' umas kahendak Jabata singga imu' kaat'n jai da gat'n Tuhan janji. ³⁷Sabab, " Kati' tuhi' agi' , Ini' da ao' utuk'ng , ao' sampe, ge' kati' ao' gatn nanggoh.³⁸Tapi, sok-Ko' da taman ao' idup kat iman. Ge', sak ni' ngundur karna buut, maka jiwa-Ko kati ao' bakenan kaini'."³⁹Ite' inyalah ayo sok da ngundur ka kabinasaan, ngalait'n ayo sok da baiman ka da miara jiwa.

Chapter 11

¹Iman anilah jaminan ka samo' jaipun da ite harapkan, ge' umpat'n jaipun da kati tile. ²Sabab, kat' iman ayo'lak ayo' sok ka zaman idu kaat'n pujian. ³Kat' iman, ite ngarati bahwa alam semesta gat'n cipta nige' Firman Jabata. jadi, jai da tile kati na umas kat jai da tile uga.⁴Kat iman, Habel persambahkan ka Jabata kur da rabeh bait daripada da gat'n kain parsembahkan. Lewat parsembahana' dakoh, habel kaat'n kesaksian da bait umpat'n Jabata sebage sok taman; Jabata mangkat'n kesaksian dakoh nige' narima kurban parsembahana'. Ge, kat' imana', meskipun ni' kabis, Habel maseh kaat'n ngansana.⁵Kat iman, Henokh gat'n majaka supaya ni' kati arus ngalami pankabis ge' ni' kati gat'n amput karna Tuhan ngalaka majakaa'; karna katinga gat'n majaka, ni' kaat'n kesaksian sebage sok da nyanangkan Jabata. ⁶Kati mungkin nyanangkan Jabata tanpa iman, sabab asi pun da ngakariket Jabata arus pacaya bahwa Jabata ani, ge' bahwa Jabata mangkat'n pahala ka ayo' da nyajo' Ini'.⁷Kat' iman, ngalaka gat'n peringatkan kat' tantang peristiwa da tingga gat'n ni' mile, Nuh nige' gantar ge' taat mantagut'n nyabuah bahtera yak nyalamat kaluarga'. Nige' diah, Nuh ngukum dunia ge' jadi pawaris kabenaran da sasuai nige' imana'.⁸Kat' iman, Abraham ketika gat'n Tuhan maba, taat yak ano ka suatu tempat da ao' a' gat'n mangkat sebage umpu pusakaa'. Ge' ni' berangkat, walaupun kati pane ka ume ni' ao' a' ano. ⁹Kat' iman, ni' ano ge' madi' ka tana da gat'n janji ulah madi' ka tana asing, yaitu ka sadat'n kemah samahuIsak ge' Yakub; ayo' a' pawaris umpat'n janji da samu, ¹⁰sabab Abraham sadang nganti nyabuah kota da ani pondasi, da ngarancang ge' pantagut'na' anilah Jabata.¹¹Kat' iman, Sara kaat'n kamampuan yak batahi ge' baranak, meskipun ni' mandul ge' nga talalu ama yak baranak, sabab Sara ngangap ni' da ngalaka ba janji ka ini' anilah satia. ¹²Karna dakohlah, umpat'n sok nyungan da nga sangat ama ge' hampir kabis, gat'n beranaklah katurunan da karaha' samu' bintak'ng ka rangit ge' da jumlaha' kati taritong samu' bigi pasir ka pantai.¹³Ayo' a' samaan diah nga kabis sadat'n iman nige' kati kaat'n jai da gat'n janjikan, tatapi ayo' a' nyantunung ge' nyambut janji-janji dakoh umpat'n jauh, nige' panane bahwa ayo' a' anilah sok pandatang ge' sok asing ka bumi. ¹⁴perkataan ayo' a' da pangkoh dakoh gat'n nojo nige' jelas bahwa ayo' a' sadang najo tana pait bagi ayo' a'.¹⁵Karna, jika da ayo' a' mikir anilah negeri da ayo' a' madi' sabeluma', maka ayo' a' bisa aja ure agi ka teet'n. ¹⁶Namun, ayo' a' bunggu ka negeri da marabeh bait, yaitu negeri sorgawi. Kat' karna dakohlah, Jabata kati manggun gat'n muji sebage Jabata ayo' a' sabab ni' ngalaka nyiapa' nyabuah kota yak ayo' a'.¹⁷Kat' iman, ketika Tuhan manguji a', Abraham gat'n nyerah Isak sebage korban; ni' da ngalaka narima janji-janji ikoh rela mamparsembahkan anak tunggal a'. ¹⁸Tantang anak dakoh, Jabata ngalaka ngansana, "Nige' gaat'n Isaklah katurunanmu' ao' a' ni muji." ¹⁹Abraham manna' kaparcayaan a' ka Jabata, bahkan ni' pacaya bahwa Jabata sanggup mambangkitkan sok kabis. Ibarat a', Abraham ngalaka kaat'n Isak ure umpat'n pangkabis.²⁰Kat' iman, Isak mambarkati masa depan Yakub ge' Esau. ²¹Kat' iman, Yakub, menjelang pangkabis a', mamberkati anak-anak Yusus. ni' nyambah ka Jabata nige' bersandar ka abak tongkat a'. ²²Kat' iman, Yusuf, ka ahir idup a', ba carita tantang kaluar a' bn

²³Kat' iman, Musa, ketika ni' gat'n baranak, ni gat'n nyukat'n salama taru burat'n kat' pangama a'. Ayo' a' mile bahwa Musa anilah kangod da sampe tagas, ge' ayo' a' kati buut taradap parintah raja. ²⁴Kat' iman, Musa, ngalaka tumbuh ni' dewasa, nolak gat'n magaat'n anak umpat'n Putri Firaun. ²⁵ni' lebih milih mandarita samahu umat Jabata daripada menikmati kasanangan duse da hanya samentara, ²⁶Ni' anggap bahwa kehinaan Kristus labih ba harga daripada samaan kakayaan Mesir sabab nyantunung ka pahala da ao' a' utuk'ng.²⁷Kat' iman, Musa nanggalat'n Mesir tanpa rase buut tahadap murka Raja Firaun sa olah-olah ni' kaat'n mile Ini' da kati tile dakoh. ²⁸Kat' iman, Musa melaksanakan paskah ge' macek daya' sahingga malaikat pangkabis usah marab bangsa Israel.²⁹Kat' iman, bangsa Israel bajalat'n ngalangkah Laut Merah, saakan-akan bajalat'n ka tana karik'ng. Namun, katika ayo' sok Mesir nyuba umas hal da samu, ayo' a' ni nanggulup. ³⁰Kat' iman, paga Yerikho ruruh ngalaka gat'n ngaliling salama ijo' ano. ³¹Kat' iman, Rahab, pelacur dakoh, kati' ni' ngamis samahu nige' ayo' sok da kati taat karna ni' narima mata-mata Israel nige' damai.³²Ge' jai agi da arus ko' muji a'? iko' katigi cukup waktu yak gat'n nyarita a' ka imu' tantang Gideon, Barak, Simson, Yefta, Daud, Samuel, ge' ayo' nabi, ³³Da kat' iman ngalaka menaklukan kerajaan-kerajaan, kabenaran, kaat'n janji-janji, ge' ngatup baba singa-singa, ³⁴Ngamis kobaran Api, terlepas umpat'n matu pedang, gat'n nguat umpat'n kelemahan ayo' a', gagah perkasa sadat'n pertempuran, ge' ngansar bala tantara asing.³⁵Ayo mahung narima agi ayo' sok kabis ayo' a' lewat kabangkitan, tatapi ani uga da gat'n nganiaya ge' nolak yak narima pembebasan supaya ayo' a'kaat'n kabangkitan sadat'n kahidupan da labih bait. ³⁶Samantara dakoh, ani uga da gat'n hina ge' gat'n cambuk, bahkan gat'n balanggu ge' gat'n manjara a'. ³⁷Ayo' a' gat'n munu', gat'n ngaragaji jadi dua, ge' gat'n ngamis nige' padang. Ani uga da mengambara nige' ngiak pangiak umpat'n kurit domba ato kurit kambing; ayo' a' da paparuga, gat'n nindas, ge' gat'n ngalakukan samenang-menang. ³⁸Dunia diah kati pantas yak' ayo' a', ayo' a' mengembara ka padang gurun ge' gunung-gunung, madi' ka pilek-pilek gunung, ge' gua-gua ka saroh tana.³⁹Walopun kaat'n kesaksian da bait karna iman da ayo' a' umpu, ayo' a' kati narima jai da gat'n janji. ⁴⁰Sabab, Jabata gat'n nyiap a' jai da labih bait yak ite, sahingga tanpa ite, ayo' a' kati ao' jadi sampurna.

Chapter 12

¹ Sa' ite ani karah saksi da nyangkalilikng ite ulah rahu, kaeh ite ngangat'n samaan beban ge duse da minsakng te' ge talama nige tekun ka parlombaan da gat'n nyadia ka tura ite. ² Katea matu te tatuju ka Yesus, Sang pancipta ge' da nyampurna iman te', da demi sukacita da ngalaka gat'n natap mangkat'n'a rela nanggong Salib ge' mansawat'n'a gat'n ngangkamanya salib dakoh ge' da mati' ini' unyung ka suut'n santa'o tahta Jabata. ³ Ingatnih aok Yesus, da tabah manghadapi pamusuhan umpat'n ayo-sok da baduse biar jiwamu' kati jadi rangut ge putus asa. Jabata dakoh ulah sook Sama'⁴ Ka sadat'n pajuanganmu' ngalawan duse, imu' ti' nga sampe tuntokng daya'mu'. ⁵ Ge, jailah imu' ngalaka ngarimut nasehat da gat'n mangkat'n ka imu' samu ayo-kangot? " Hei anakko' iya' nganggap inteng didikan Tuhan, ge' iya' misa' inek ate sa' mu' gat'n Na' nagor. ⁶ Sa', Tuhan ngajar sok da gat'n na' nganyayang ge' gat'n mantokng sok da umpu-A samu kangot."⁷ Imu' arus batahan demi didikan dakoh barang dakoh barati Jabata sadakngkan ni' mamparlakumu ulah sok kangot; agipun, kangot samu jai da kati' parnah gat'n ngadidik sama'a? ⁸ Sa' mu' kati parnah umpu didikan da arus gat'n umpu samaan kangot, imu' talah anak haram, inya anak da sah.⁹ Salit'n dakoh, ite umpu sama' ka dunia diah da mandidik ite', ge' da ite manghormat; sa' ladakoh, inyakah ite' arus labih agi tunduk adup ka Bapa da ka samo' samaan roh ge da ka samo' idup? ¹⁰ Sabab, sa' sama' ite' da ani ka dunia diah manghajar ite ya' waktu da singkat samu ge' cara da ayo'a nganggap paling bait, Bapa da ani ka saruga manghajar ite' demi da bait adup te' biar te' kaat'n bagian ka sadat'n da kudus-A'. ¹¹ Samaan didikan, da gat'n mangkat'n memang kati awhat'n da anap. Tapi aok'a ngalaka dakoh aok kaat'n buah da taman ge' mangkat'n damesejahtra ka ayo'a da ngalaka gat'n malatih didikan dakoh. Milenih Cara Idupmu'¹² Sa' dakoh, da nguat barekngmu' da rangut ge' abak tukukngmu' da rangut, ¹³ Umas pagala da tamut ya' kaja'mu' sa' raka'mu' rangut kaja' da lamah kati jadi lumpuh, tapi gat'n ngangkawhat'n.¹⁴ Nalama'mih dadame nige samaan sok' da nalama' da kudus, tanpa da kudus, kati nyunganpun da kaat'n mile Tuhan. ¹⁵ Da masti supaya iya' ani nyunganpun da ilang anugerah Jabata; da masti uga supaya iya' ani akar peet da numbuh ge' da nimbul masalah sahingga mancemari sok karah. ¹⁶ Ge' da masti supaya iya' ani sok da umas cabul ato kati suci ulah Esau da nyual hak'a da ama' demi nyamangkok pangkuman. ¹⁷ Sa' mu' pane kalo kap ari, pas Esau ngate warisan barakat dakoh, ini' gat'n nolak ge' kati ani agi ka sampatan ya' batobat nyakalipun ini' najo'a nige kamarunyo' pait'n matu.¹⁸ Sa' mu' kati utukng ka gunung da pane gat'n marap ge' api da ngangkidup ato ka patakng, kakelaman, ge badai. ¹⁹ Imu'pun kati utukng ka sarat'n trompet, ge ka sarat'n da nyansana umas ayo'a dangah mahi nige da ahyo' supaya kalo nyansana dakoh kati gat'n nyansana agi ka ayo'a. ²⁰ Sa' ayo'a kati kaat'n batahan dangah parintah da gat'n mangkat'n, "Bahkan sa' nyungan banatang nyakalipun da marap gunung dakoh maka banatang dakoh arus gat'n mun u' ge' batu sampe kabis." ²¹ Ge', sa' samu dakoh buut ta mile dakoh sampe'-sampe' Musa nyansana, "Iko' bagagar buut."²² Sa' imu' ngalaka ka gunung sion ge' ka kota Jabata da idup, Yerusalem sarugawi, ge' ka malaikat da kati gat'n ngitong jumlah'a, ²³ Imu' ngalaka utukng ka kumpur jemaat da ahyo da gat'n mantagut'n umpat'n ayo-kangot da ama' Jabata da nga tadaftar kasaruga, ka Jabata, Hakim ka samo samaan sok, ge' ka roh ayo-sok da taman gat'n nyampurna. ²⁴ Imu' nga utukng ka Yesus, Parantara Perjanjian da bahu, ge' ka daya' da gat'n macek, da nyansama labih bait daripada daya' Habel.²⁵ Damasti supaya iya' imu' nolak Ini' da nyansana. Barang sa' ayo'a da nolak Ini' da mangkat'n sanuut umpat'n bumi sadi kati kaat'n ngarapas adup, maka itepun kati aok kaat'n ngarapas adup umpat'n Ini' da mangkat'n sanuut umpat'n saruga. ²⁶ Idu', sarat'n'-A nguncang bumi, tapi mati' Ini' bajanji, "Sa' nyakali agi iko' kati cuma aok nguncakng bumi, tapi uga saruga."²⁷ Damuji' "nyakali agi" ni' muji' tentang ngangkuhas hal-hal da kaat'n gat'n ngule, ladakoh samaan da ngalaka gat'n mancipta, biar hal-hal da kati' gat'n ngoyah kaat'n madi tatap. ²⁸ Barang dakoh, ngalaka te' umpu karajaan da kati tergoyahkan, kaeh ite, nyua' rasa syukur te' nige mampersambahkan ibadah da layak ka Jabata, da gat'n nyerta rasa hormat ge' pahnu kagum, ²⁹ Sa' Jabata ite' diuta api da sahu.

Chapter 13

Revelation

Chapter 1

¹ Parnyataan umpatn Yesus Kristus, da gatn Jabata mangkatn wa-Ini' ya' gatn nyua' ka hamba-hamba-A manganai hal-hal da sacapat a' arus tajadi. Yesus Kristus mangkatn parnyataan diah nabo' malaikat-A ya' gatnnyampe wa' Yohanes, hamba-A.² Yohanes laka jadi saksi firman Jabata ge' uga' Yesus Kristus, samoo sagala jaipun da laka gatna' mile'.³ Gatn mamberkatta sok da maca nige' saratn da kuat firman nubuatan diah ge' gatn memberkat uga' ayoa' da ngadangah ge' da umas jai da tatulis ka sadatn a', karna waktu a' nga jiket. Salam Yohanes Wa Kaijo' Jemaat ka Asia⁴ Umpatn Yohanes, wa' kaijo' jemaat da ani ka Asia.Anugerah ge' damai sejahtera ya' dimu' umpatn Ini' Da Ani, Da Laka Ani ge' Da ao' Utukng; ge' uga' umpatn kaijo' roh da ani ka hadapan-A, ⁵ ge' umpatn Kristus Yesus, Saksi da setia, da partama kali bangkit umpatn antara sok kabis ge' panguasa samo raja-raja ka bumi. Ya' Ini'' da nyayang ite' ge' dangarapas ite' umpatn duse-duse ite' nige' daya-A,⁶ ge' laka umas ite' jadi nyiteng karajaan, imam-imam ya' Jabata ge' Sama'-A, ya' Initalah kamuliaan ge' kuasa sampe salama-lama a'! Amin.⁷ Mile'talah , Yesus utukng nige' rahu'-rahu', ge' tiap matu ao' mile' Ini', bahkan ayoa' da nga nusuk-A; ge' samaan bangsa ka bumi ao' rahu-rahu karna Ini'. Ai, diah ao' tajadi! Amin.⁸ "Iko anilah Alfa ge' Omega, firman Tuhan Jabata, Da Ani, ge' Da nga Ani, ge' Da ao' Utukng, Da Mahakuasa ." Pamile' Yohanes manganai Anak Talino⁹ Iko', Yohanes, age ge' sesamu adup kupm da naap bagian sadatn kasusahan, sadatn Karajaan, ge' sadatn katekunan ka sadatn Yesus, madi' ka pulo da gatn muji' Patmos karna firman Jabata ge' kesaksian Yesus.¹⁰ Iko' gatn Roh nguasa wa' Ano Tuhan, ge' iko' dangah saratn nyarekng umpatn bontotko' ulah mihu trumpet, ¹¹ da muji', " Nulistalah samaan da imu' mile' ka sadatn nyabuah buku ge' ngirimta dakoh wa' ijo' jemaat: Efesus, Smirna, Pergamus, Tiatira, Sardis, Filadelfia, ge' Laodikia."¹² Lalu, iko' ngaringah ya' mile' saratn da nyansana ka iko'. Jangkah iko' ngaringah, iko'mile' ijo' kaki dian berawatn,¹³ ge' ka tuda'-tuda' kaki dian dakoh, iko' mile' sook ulah Anak Talino, ngiak jubah sampe ka kaja' ge' nyabuah selendang berawatn ka sado-A.¹⁴Aba' ge' abok-A ranakng ulah burut domba, samu' ranakng salju; ge' matu-A ulah pua api.¹⁵ Kaja'-A mangkilat ulah tamaga da mara sadatn tungko ge' saratn-A ulah guhukng paitn bah.¹⁶Kabarekng sentao' -A, Ini' minte ijo' bintang ge' umpatn baba-A mungkas nyabuah padang ruja' bamatu dua, ge' muka-A babalo ulah matuano da kuat.¹⁷ Jangkah iko' mile' Ini', iko' jantu ka kaja'-A ulah sok kabis. Namun, Ini' mana' barekng sentao'-A ka tumukngko' ge' nyansana, "Iya' buut; Iko'ta Da Pamule ge' Da Pangkabas,¹⁸ ge' Da Idup. Iko' laka kabis, tapi ile'talah Iko' idup sampe salama-lama a', ge' Iko' minte kunci maut ge' kunci Hades.¹⁹ Karna dakoh, nulistalah hal-hal da laka imu' mile' , ge' hal-hal da tajadi mati' ge' hal-hal da ao' tajadi ngalaka a'.²⁰ Diahta rasia manganai ijo' bintang da imu' ile' ka barekng sentao'-Ko ge' ijo' kaki dian berawatn dakoh. Ijo' bintang dakoh anilah ayo malaikat umpatn ijo' jemaat; ge' ijo' kaki dian dakoh anilah ijo' jemaat."

Chapter 2

¹ " Wa' malaikat jemaat ka Efesus nulistalah: diahta saratn Ini' da minte ijo' bintang ka barekng sentao'-A ge' bajalatn ka antara ijo' kaki dian berawatn dakoh:² Iko' pane samaan pakarajemu' ge' susah payahmu' ge' katekunanmu', langkina imu' kati' tahan tarhadap da jahe', ge' imu' nguji ayo sok da muji' adup a' rasul, tapi da sabanara ayoa' inyata rasul, ge' amput ayoa' palsu.³ Imu' ani umpu' katekunan ge' bartahan demi gaatn-Ko ge' kati' kanal lalah. ⁴ Tapi ao'a , Iko' nagormu' karna imu' laka ngagatn kasihmu' da mule-mule a'.⁵Karna dakoh, ingatta umpatn dume imu' jantu ge' batobat gae umas jai da laka imu' ngaraje umpatn mulea. Sak kati', Iko' ao' utukng wa' imu' ge' naap kaki dianmu' umpatn tampat a', kacuali imu' batobat.⁶ Tapi ao'a, diah da imu' umpu': imu' rusi' ge' parbuatan-parbuatan ayoa' da nganang Nikolaus, da uga Ko rusi'.⁷ Ini' da umpu' rajak teaklah dangah jai da gatn Roh muji' wa' jemaat-jemaat. Wa' ini' da manang., Iko' ao' mangkatn a' uman umpatn Puutn Kahidupan da ani ka Taman Jabata." Surat wa' Jemaat ka Smirna⁸"Ge', wa' malaikat jemaat ka Smirna nulistalah: Diahta saratn umpatn Da Pamule ge' Da Pangkabas, da laka kabis ge' idup agi':⁹ Iko' pane kasusahanmu' ge' kamiskinanmu', tapi sabatola imu' kaya! Iko pane fitnah da gatnnuduh wa'imu' da muji' adup a' sok Yahudi, tapi sabanara inya, malahan dakoh sinagoge Balis.¹⁰ Iya' buut tarhadap jai da ao' imu' derita. Ile'ta, sitan ao' nyangkahatn nyamani umpatn imu' ka panjara supaya imu' gatnuji, ge' imu' ao' marisa panganyayaan tuhi a' 10 ano. Setia mih sampe kabis, ge' Iko' ao' mangkatn imu' mahkota kaidupan.¹¹Ini' da umpu' rajak tea'lah dangah jai da gatn Roh muji' wa jemaat-jemaat. Sok da manang kati' ao' manderita gatn pangkabis da kadua." Surat wa Jemaat ka Pergamus¹² " Ge', wa' malaikat jemaat ka Pergamus nulistalah : Diahta saratn Ini' da umpu' padang ruja' da bamatu' dua:¹³ Iko' pane kadume imu' madi', ka tampat tahta Balis madi; tapi imu' bajinte wa' gaatn-Ko ge' kati' nyangkal iman-Ko bahkan ka zaman Antipas, saksi-Ko da setia da gatn ngamis ka antaramu', tampat Balis madi'.¹⁴ Namun, Iko' nagormu' karna ani nyamani ka antaramu' da nganang ajaran Bileam, da ngajar Balak ya' mana' panyingkak ka tura anak-anak Israel, ya' uman pangkuman da gatn mampersambah wa berhala ge' umas duse-duse seksual.¹⁵ Ladakoh uga, ani nyamani ka antaramu' da bajinte ka ajaran Nikolaus.¹⁶ Karna dakoh, batobatmih! sak kati', Iko' ao' capat utukng wa' imu' ge' nyarang ayoa' nige' padang umpatn baba-Ko.¹⁷ Ini' da umpu' rajak teaklah dangah jai da gatn Roh muji' wa' jemaat-jemaat. Wa' ini' da manang, Iko' ao' mangkatn a' manna da gatn nyukatn; ge' Iko' ao' mangkatn wa' ini' nyabuah batu ranakng, ge' nyabuah gaatn bahu tatulis ka batu dakoh, da kati' nyunganpun panane kacuali sok da nyamut a'." Surat wa Jemaat ka Tiatira¹⁸"Ge', wa' malaikat jemaat ka Tiatira nulistalah: Diahta saratn Anak Jabata, da matu'-A ulah apo api ge' da kaja'-A mara ulah tamaga sadatn tungko:¹⁹ Iko' pane parbuatan-parbuatanmu', kasih ge' imanmu', palayananmu', ge' kesabaranmu', bahwa pakaraje-pakarajemu' da pangkabasa' marabeh-abeh umpatn da uru.²⁰ Namun, Iko' nagormu' karna imu' mambiar mahung Izebel dakoh, da ngako sebage nabiah, ngajar ge' nyasat palayan-palayan-Ko supaya babayu ge' uman pangkuman da laka gatnmampersembah wa' berhala.²¹ Iko' laka mangkatn a' waktu ya' bertobat, tapi ini' kati' ituh bertobat umpatn babayu a'.²² Mile'ta, Iko ao' nyangkahatn ini' ka tumukng tampat pabuus penderitaan ge' ayoa' da babayu' nige' ini' ao' gatn nyangkahatn ka sadatn kasusahan ahyo, kacuali ayoa' bertobat umpatn parbuatan-parbuatan mahung dakoh.²³ Ge', Iko' ao' ngamis anak-anak a' nige' pangkabis; ge' samaan jemaat ao' pananea' bahwa Ikotalah da nguji pikir ge' ate sok, ge' Iko' ao' mangkatn waimu' masing-masing sasue nige' parbuatanmu'.²⁴ Namun, wa' imu' da laitn ka Tiatira, da kati' nganang ajaran diah, da tinga pane rasia-rasia Balis, Iko muji a': Iko kati' ao' mana' beban laitn ka tumukngmu'. ²⁵ Tapi ao'a, bajintemih terus ka jai da laka imu' umpu' sampe Iko' utukng.²⁶ Ge' wa' sok da manang ge' da umas karaje-karaje-Ko sampe abas, Iko' ao' mangkatn a' kuasa samo bangsa-bangsa,²⁷ ge' ayoa' ao' memerintah bangsa-bangsa dakoh nige' tungkat basi, gatnngancur bakapikng-kapikng ulah tambikar tukang pariok, karena Iko' uga laka nyamut kuasa umpatn Sama-Ko.²⁸ Ge', Iko' ao' mangkatn waini' bintang timur.²⁹Ini' da umpu' rajak tea'lah dangah jai da gatn Roh muji' wa' jemaat-jemaat."

Chapter 3

¹"Ge', wa' malaikat jemaat ka Sardis nulistalah: Diahta saratn Ini' da umpu' ijo' Roh Jabata ge' ijo' bintang dakoh: Iko' pane parbuatan-parbuatanmu'. Sok muji' bahwa imu' idup, tapi sabatola' imu' kabis.² Waspadamih, ge' nguattalah hal-hal da masih ani, da hampir kabis, karna Iko' tinga amput pakarajemu' sempurna sadatn pandangan Jabata.³ Karna dakoh, ingatta jai da laka imu' nyamut ge' dangah, taatmih kadakoh ge' bertobatmih! Sak imu' kati' waspada, Iko' ao' utukng ulah nyungan parangko ge' imu' kati' ao' pane jam mani Iko' ao' utukng wa'imu'.⁴ Tapi ao'a, imu' ani umpu' nyamani sok ka Sardis da tinga ngutor pangiak ayoa'; ge' ayoa' ao' bajalatn samahu-Ko nige' ngiak pangiak ranakng karna ayoa' layak.⁵ Sok da manang ao' gatnnakkat pangiak ranakng ge' Iko' kati' ao' ngapus gaatn a' umpatn Kitab Kahidupan. Iko' ao' ngako gaatn a' ka hadapan Sama'-Ko ge' kahadan malaikat-malaikat -A. ⁶ Ini' da umpu' rajak teaklah dangah jai da gatn Roh muji' wa' jemaat-jemaat." Surat wa' Jemaat ka Filadelfia⁷ "Ge', wa' malaikat-malaikat jemaat ka Filadelfia nulistalah: Diahta saratn umpatn Da Kudus ge' Da Taman, da minte kunci Daud , da muka ge' kati' nyunganpun kaatn nutup a'; ge' nutup kati' ani nyunganpun kaatn muka'a':⁸ Iko' pane parbuatan-parbuatanmu'. Mile'ta, Iko laka muka' pintu ya' dimu' da kati' nyunganpun kaatn nutup a' karna tenagamu inek, tapi imu' laka taat wa' firman-Ko ge' kati' nyangkal gaatn-Ko'.⁹Mile' ta, Iko' ao' umas ayo sinagoge Balis dakoh, da ngako sebage sok Yahudi, tapi da sabanara inya, tapi laceh a', Iko' ao' umas ayoa' utukng ge' sujud wa' kajakmu', ge' umas ayoa' pane bahwa Iko' sayang kaimu'.¹⁰Karna imu' laka ngadipatn firman ketekunan-Ko, Iko' ao ngadipatnmu' umpatn masa da susah da ao' utukng ka samaan-man dunia, ya' nguji ayoa' da madi' ka bumi.¹¹ Iko' ao' sacapat a' utukng. Minteta jai da imu' umpu' supaya kati' nyunganpun ao' naap mahkotamu'.¹² Ini' da manang, Iko' ao' ngadua' jadi tiang panyamok Bait Suci Jabata-Ko, ge' ini' kati' ao' anu agi' umpatn dakoh; ge' Iko' ao' nulis wa' ini' gaatn Jabata-Ko ge' gaatn kota Jabata-Ko, kohta Yerusalem da bahu, da dakoh disah umpatn surga, umpatn Jabata-Ko, ge' gaatn-Ko da bahu.¹³Ini' da umpu' rajak tea'lah dangah jai da gatn Roh muji' wa' jemaat-jemaat ka Laodikia¹⁴ "Ge', wa' malaikat jemaat ka Laodikia nulistalah: Diahta saratn Sang Amin , saksi da setia ge' taman, pamule umpatn samaan ciptaan Jabata:¹⁵Iko' pane parbuatan-parbuatanmu' , bahwa imu' kati' panut atopun paras. Bait ata sak imu' panut ato paras. ¹⁶Jadi, karna imu' angat, kati' paras atopun panut, Iko' ao' ngaramu' umpatn baba'-Ko.¹⁷ Karna imu' nyansana, ' Iko' kaya, marabeh-abeh, ge' kati' kakurangan jai-jai, ge' iko' kati' pane bahwa sabatola iko' sengsara, malang, papa, buta, ge' ugakng.¹⁸ Iko' nasehatmu' ya' mari umpatn Iko' berawatn , da gatn marasih nige' api supaya imu' jadi kaya, ge' pangiak-pangiak ranakng supaya imu' kaatn ngiak singge rasa mangun karna ugakngmu kati' ao' tile', ge' ngoles salep ka matumu' supaya imu' kaatn mile'.¹⁹ Ayoa' da Iko' nyayang, Konagor, ge' Kongajar; karna dakoh atemu arus rela ge' bertobatmih!²⁰ Mile'mih! Iko' agutn ka tura pintu ge' ngatok. Sak ani sok dangah saratn-Ko ge' muka pintua', Iko' ao' maruh waini' ge' uman samahua', ge' ini' samahu-Ko.²¹ Ini' da manang, Iko' ao' ngizina' unyung samahu-Ko ka tahta-Ko, samu ulah IKo laka manang ge' unyung samahu Sama-Ko ka tahta-A.²² Ini' da umpu' rajak teaklah dangah jai da gatn Roh muji' wa jemaat-jemaat."

Chapter 4

¹ Ngalaka dakoh, iko' mile' nyabuah pintu tabuka ka surga, ge' saratn ijah, da iko' dangah ulah mihu tarumpet nyansana nige'ko', damuji', "Makkalah ka diah ge' Iko' ao' ngadumu' mile' jai da arus tajadi ngalaka diah."² Ano dakoh uga, iko' gatn Roh nguasa ge' milekta, nyabuah tahta ani ka surga ge' Sook unyung ka tumukng tahta dakoh.³ Ge', Ini' da unyung ka tumukng tahta dakoh, tile' ulah batu permata yaspis ge' sardis; ge' ani nyabuah maraje ka kalilikng tahta dakoh, da tile' ulah zamrud.⁴ Ka nyangkalilikng tahta dakoh ani dua puluh ampat tahta ge' ka tumukng tahta -tahta dakoh iko' mile' dua puluh ampat da ama-ama unyung, ngiak jubah ranakng ge' mahkota -mahkota berawatn ani katumukng abak ayoa'.⁵ Ge', umpatn tahta dakoh mungkas kilat pate' ge' guhukng saratn guntur. Ge' , ani ijo' dian da idup ka tura' tahta dakoh, da anilah ijo' Roh Jabata.⁶ Ge', ka tura tahta dakoh uga' ani nyabuah ulah laut kaca, ulah Kristal. Ka tuda' ge' kakalilikng tahta dakoh ani ampat mahluk da panhu nige' matu' ka bagian tura ge' buntot a'.⁷ Mahluk da uru ulah nyungan singa, ge' mahluk da kadua nyungan lembu are, ge' mahluk da kataru bamuka ulah muka talino, ge' mahluk da ka ampat ulah manuk elang da agi' mibir.⁸Kaampat mahluk dakoh masing-masing ani umpu' inum arat da panhu nige' matu', bait pihikng sato atopun kasadatn a'; tano ge' ngarum , ka ampat mahluk dakoh kati' suah baranti nyansana, "Kudus, kudus, kudusta Tuhan, Jabata Da Mahakuasa, da nga ani, da ani, ge' da ao' utukng."⁹Ge' mani sidah mahluk dakoh mangkat kamuliaan, hormat, ge' ucap syukur wa' Ini' da unyung ka tumukng tahta, da idup salama-lama a',¹⁰ kadua puluh ampat da ama-ama dakoh sujud ka hadapan Ini' da unyung ka tumukng tahta dakoh ge' menyambah Ini' da idup sampe salama-lama a' dakoh, ge' nyangkahatn mahkota ayoa' ka tura tahta dakoh gae nyansana,¹¹ " Ai', Tuhan ge' Jabata kai, Imu' layak narima kamuliaan, hormat, ge' kuasa karna Imu' laka mencipta samaan tarutn ge' karna kahendakMu' samaan dakoh ani gatn mencipta."

Chapter 5

¹ Lakadakoh, iko' mile' ka barekng santao' Ini' da unyung ka tumukng takhta dakoh nyabuah gulokng kitab, da umpu' tulisan ka pihikng sadatn ge' satoa', da gatn nyigel nige' ijo' sigel.² Ge', iko' mile' nyungan malaikat da gagah ngampak nige' saratn da kuat,'' Asi ta da layak muka gulong kitab dakoh ge muka sigel-sigel'a?"³ Ao' ata, kati' ani nyungan sok pun, bait da ka surga, ka bumi, ato pun da ka saroh bumi da kaatn muka ato mile' bagian sadatn gulokng dakoh.⁴ Maka, iko mule munse sampe sikal karna kati ani nyungan pun gatn amput layak ya' muka gulokng kitab dakoh ato mile' bagian sadatna'.⁵ Ao'a ta nyungan umpatn da ama -ama dakoh nyasana wa iko',"Madi lah munse! Mile, Singa umpatn suku Yehuda' katurunan Daud, laka manang singe Ini' kaatn muka gulokng kitab dakoh ge ijo' sigela'."⁶ Ge', iko' mile ka tuda-tuda takhta ge' 4 Makhluk ijah, ge ka tuda-tuda ayo da ama-ama dakoh nyungan Anak Domba agutn, samu laka gatn nyabaleh, da umpu ijo' tanduk ge' ijo matu, kohta ijo' Roh Jabata da gatn ngutus ka smaan bumi. ⁷ Anak Domba dakoh utukng ge' naap gulokng kitab dakoh umpatn barekng santaok Ini' da unyung katumukng takhta.⁸ Ge', jangkah Anak Domba laka naap gulokng kitab dakoh, ka ampat makhluk ge' kadua puluh ampat da ama-ama sujud ka hadapan Anak Domba dakoh, masing-masing nyinte nyabuah kecapi ge' nyabuah cawan barawatn da panhu nige' kamayan, da ani lah doa ayo sok kudus.⁹ Lalu, ayoa' ngado nyabuah lagu bahu, waatna':"Imu' layak naap gulokng kitab dakoh ge muka sigel-sigela' karna Imu' laka gatn nyambaleh, ge' nige daya'Mu, Imu' laka nabos ayo sok umpatn satiap suku, bahasa, kaum, ge' bangsa bagi Jabata.¹⁰ ge' Imu' laka umas ayoa' ngajadi nyabuah kerajaan ge' imam-imam bagi Jabata ite, ge' ayoa' ao' marintah kasamo bumi."¹¹ Lakadakoh, iko' mile, ge iko' dangah saratn umpatn karah malaikat da ngalilik takhta, 4 makhluk, ge ayo da ama-ama dakoh. Ge' jumlah ayoa' baribu-ribu, bahkan bapuluh ribu,¹² ngampak nige saratn da karas,"Layak lah Anak Domba, da laka gatn nyambaleh dakoh, narima kuasa, ge' kakayaan, ge' hikmat, ge' kakuatan, ge' hormat, ge kemuliaan, ge' pujian."¹³ Lakadakoh, iko' dangah satiap makhluk da ani ka surga, ge' ka bumi, ge ka saroh bumi, ge' ka laut, ge' smaan da ani kasadatn, smaan dakoh nyasana,"Bagi Ini', da unyung ka samo takhta, ge' bagi Anak Domba, smaan pujian, hormat, kemuliaan, ge' kuasa sampe salama-lamaa'!"¹⁴ Ge' 4 makhluk dakoh nyasana, "Amin!" ge ayo da ama-ama sujud ge nyambah.

Chapter 6

¹ Lakadakoh, iko' mamparhati jangkah Anak Domba muka' nyiteng umpatn ijo' sigel dakoh, ge' iko' dangah nyungan umpatn makhluk dakoh nyansana nige' saratn da ulah guntur, "Kai!"² Maka, iko' mile' nyungan kuda ranakng ge' ini' da unyung ka tumukng a' minte nyabuah panah; ge' nyabuah mahkota gatn mangkatn wa' ini', ge' ini' maju ya' ngalah a' ge' ngangkamanang.³ Ge', jangkah Anak Domba dakoh muka sigel da kadua, iko' dangah makhluk da kadua nyansana, "Kai!"⁴ Maka, majuta nyungan kuda laitn warna a' bajara' ulah apo api, ge' ini' d unyung ka tumukng a' gatn mangkatn kuasa ya' naap kadamaian umpatn bumi singge talino ao' saling ngamis, ge' nyabuah padang da ayho gatn mangkatn wa'ini'.⁵ Ge' jangkah Anak Domba dakoh muka sigel da kataru, iko' dangah makhluk da kataru nyansana, "Kai! Maka, iko' mile' nyungan kuda itam ge' ini' da unyung ka tumukng a' minte nyabuah timbangan ka barekng a'.⁶ Lalu, iko' dangah ulah ani saratn umpatn tuda'-tuda' kaampat makhluk dakoh nyansana, "Nyiteng cupak gandum ya' 1 dinar, ge' 3 cupak jelai ya' 1 dinar, tapi iya' ngarusak binyak ge' anggur a'!"⁷ Ge', jangkah Anak Domba dakoh muka' sigel da kaampat, iko' dangah saratn makhluk da kaampat nyansana, "Kai!"⁸ Maka, iko' mile' nyungan kuda warna a' ijo pucat ge' ini' da unyung ka tumukng a' bagaatn Maut ge' Hades nganang a'. Ge', kuasa da gatn mangkatn wa' ayoa' samo 1/4 bumi, ya' ngamis nige' padang, siburuk, panyakit, ge' binatang-binatang buas ka bumi.⁹ Jangkah Anak Domba muka' sigel da kalima, iko' mile' ka saroh altar jiwa-jiwa ayoa' da laka gatn ngamis karna firman Jabata ge' karna kasaksian da lak ayoa' mampartahan.¹⁰ Ayoa' ngampak nige' saratn da kuat, "Mani tuhi' agi' ai', Tuhan da kudus ge' taman, Imu' ao' nahan adup umpatn manghakim ge' mambalas daya' kai wa' ayoa' da madi' ka bumi?"¹¹ Ge', wa' masing-masing jiwa dakoh gatn mangkatn nyabuah jubah ranakng ge' ayoa' gatn mangkatn pane bahwa ayoa' arus madi' sabantar agi', sampe jumlah kawan-kawan palayanan ge' age- age ayoa' da ao' gatn ngamis ulah ayoa' jadi ganap.¹²Ge', iko' mile' jangkah Anak Domba dakoh muka' sigel da kaanam, tajadita gampa bumi da luar biasa; matuano jadi sungut ulah saput karong da gatn umas umpatn abok ge' saman-man buratn jadi ulah daya.¹³ Ge', bintang-bintang ka rangit banjantu-jantu ka bumi ulah puutn ara ngugur buah a' da ante' waktu gatn nyaru da kuat nguncang a'.¹⁴ Ge', batahta rangit samu ulah kitab da gatn ngulokng, ge' satiap gunung ge' pulo gatn nginsit umpatn tampat a'.¹⁵ Maka, raja-raja ka bumi, ge' ayo pajabat, ge' perwira-perwira, ge' ayo sok kaya ge' bakuasa, ge' samaan budak, ge' sok bebas basukatn ka gua-gua ge' ka antara batu-batu ka pagunungan.¹⁶ Ayoa' nyansana wa' gunung-gunung ge' batu-batu karang dakoh, "Ruruhmih ngantuk kai ge' nyukatn kai umpatn hadapan Ini' da unyung ka tumukng takhta, ge' umpatn pabaji' Anak Domba!¹⁷ Sabab, hari besar ka pabaji' ayoa' nga utukng ge' asilah da aba' batahan?"

Chapter 7

¹ Ngalaka dakoh, iko' mile' ampat malaikat agutn ka ampat penjuru bumi, sadang nahan kaampat angin bumi supaya kati' ani da ngampoh ka darat, ka laut, atopun ka puutn-puutn.² Lakadakoh, iko' mile' malaikat laitn mungkas umpatn tampat matuano mungkas, nige' minsakng sigel umpatn Jabata da idup. Ini' ngampak nige' saratn da kuat wa' kaampat malaikat da laka gatn mangkatn kuasa ya' ngarusak bumi ge' laut ijah,³ " Iya'ta ngarusak bumi, laut, ato puutn-puutn katinga kai abas mangkatn tande sigel wa' kanikng hamba-hamba Jabata."⁴ Iko' dangah jumlah ayoa' da gatn nyigel 144.000 sok karah a'. Ayoa' samaan baasal umpatn satiap suku ayo kangot Israel:⁵ umpatn suku Yehuda⁶ umpatn suku Asyer⁷ umpatn suku Simeon⁸umpatn suku Zebulon⁹ Ngalaka dakoh iko' mile', sabatol a' nyajumlah ahyo talino da kati' kaatn gatn ngitong jumlah a', umpatn smaan negara ge' suku ge' bangsa ge' bahasa, agutn ka muka tahkta ge' ka hadapan Anak Domba, ngiak jubah ranakng ge' daatn-daatn palem ka barekng ayoa';¹⁰ ge' ayoa' ngampak nige' saratn da karas, "kasalamatan bagi Jabata kai' da unyung ka samo takhta' ge' bagi Anak Domba."¹¹ Ge' samaan malaikat da agi agutn ka sakalilik da ama-ama, ge' kaampat makhluk dakoh, ayoa' sujud ka hadapan takhta dakoh ge' nyambah Jabata,¹² nige' nyasana, "Amin! pujian ge' kamuliaan ge' hikmat ge' ucapan syukur ge' kahormatan ge' kakuasaan, ge' keperkasaan, bagi Jabata ite sampe salama-lamaa'. Amin!"¹³Ngalaka dakoh, 1 umpatn da ama-ama dakoh nyasana ge' mansikatn wa iko', "Asi ta ayoa' da ngiak jubah ranakng diah ge' umpatn ume ayoa' utukng?"¹⁴ Maka, iko' nyasana wa ini' "Tuanko', imu' panea'." Lalu, ini' nyasana wa iko', "Ayoa diu'ta ayo sok da nga mungkas umpatn panganiayaan da ahyo ge' nga meetn Jubah ayoa' ge' maranaknga' ka sadatn daya Anak Domba.¹⁵ Oleh karna dakoh, ayoa' agutn ka hadapan takhta Jabata ge' malayani Ini' tano ge' ngarum ka bait-A; ge'Ini' da unyung ka samo takhta dakoh aok' madi ka antara ayoa'.¹⁶ Ayoa' kati aok' saburuk ato aus agi; atopun matuano kati aok' mangkannapn ayoa' atopun paras kuat da laitna'.¹⁷ Sabab, Anak Domba da ka tuda-tuda takhta dakoh aok' jadi Gembala ayoa' ge' aok' ngirikng ayoa' ka matu paitn kahidupan; ge' Jabata aok' ngapus smaan paitn matu umpatn matu ayoa'."

Chapter 8

¹ Ge' , jangkah Anak Domba muka' sigel da kaijo', ani' kasunyian ka surga kira- kira satangah jam tuhia'.² Ge', iko' mile' kaijo' malaikat da agutn ka hadapan Jabata ge' ijo' tarumpet gatnmangkatn wa' ayoa'.³ Lalu, malaikat laitn utukng ge' agutn ka altar, minte nyabuah (pedupaan) barawatn ; ge' wa' ini' gatn mangkatn karah (dupa) ya' gatn mamparsambah samahu doa-doa ayo sok kudus ka tumukng altar barawatn da ka tura' takhta dakoh.⁴Ge', asup ( dupa) dupa dakoh, samahu nige' doa-doa ayo sok kudus, makka ka hadapan Jabata umpatn barekng malaikat dakoh.⁵ Lalu, malaikat dakoh naap (pedupaan ) ge' ngisi a' nige' api da gatnnaap umpatn altar ge' nyangkahat a' ka bumi; maka gatndangahta mihu guntur da samahu nige' kilat ge' gempa bumi.Terumpet da partama sampe kaampat gatnngampoh⁶⁶ Ngalaka dakoh, ijo' malaikat da minte ijo' terumpet dakoh basiap-siap ya' ngampoh terumpet ayoa'.⁷Malaikat da uru ngampoh terumpet a', maka tajadilah ujat es ge' api bacampur daya'; ge' gatnnuntokng ka samo bumi, maka tabakarta nyabagitaru bumi ge' nyabagitaru puutn-puutn ge' tabakarta smaan udu ijo'.⁸Malaikat kadua ngampoh terumpet a', maka tarutn ulah gunung da tabakar api gatnnyangkahatn ka sadatn laut jadi daya',⁹maka nyabagitaru umpatn makhluk da madi' ka laut ge' da umpu' idup jadi kabis, ge' nyabagitaru umpatn kapal gatnngancur.¹⁰Malaikat dakataru ngampoh terumpet a', maka jantuta umpatn rangit nyabuah bintang ayho, mara ulah obor, ge' bintang dakoh ngantuk nyabagitaru umpatn sungi ge' matu' paitn. ¹¹Gaatn bintang dakoh anilah Apsintus ge' karah sok kabis karna paitn dakoh sabab paitn dakoh ngagatnumas peet.¹² Malaikat kaampat ngampoh terumpet a', maka tarumpakta nyabagi taru matuano, nyabagitaru buratn, ge' nyabagitaru bintakng singge nyabagitaru umpatn ayoa' ngajadi galap, ge' nyabagitaru ano tano jadi galap ge'ladakoh uga' wa' ngarum ano.¹³ Lalu, iko' mile' ge' dangah nyungan manuk rajawali mibir ka tuda'-tuda' rangit, nyansana nige' saratn da nyarekng, "cilaka, cilaka, cilakata ayoa da madi' ka bumi sabab mihu terumpet kataru malaikat laitn da maseh ao' gatn ngampoh."

Chapter 9

¹ Lalu, malaikat karima ngampoh terumpet a', ge' iko' mile' nyabuah bintakng jantu umpatn rangit ka tumukng bumi, ge' wa'ini' gatn mangkatn kunci rubakng jurang maut.² Ini' muka' rubakng jurang maut, maka makka'ta asup umpatn rubakng dakoh, ulah asup umpatn tungko' da ayho, ge' matuano ge' angkasa ngajadi galap sabab asup rubakng dakoh.³ Lakadakoh, umpatn sadatn asup dakoh mungkasta buntak-buntak ka tumukng bumi, ge' ayoa' gatn mangkatn kuasa ulah kuasa kala ka bumi.⁴ Ge', wa' ayoa' gatnmuji' supaya kati' ngerusak udu'-udu' ka bumi, sagana pamura', atopun puutn-puutn,tapi hanya ayoa' da kati' ani umpu' sigel Jabata wa' kanikng ayoa'.⁵ Ayoa' kati' gatnngijin ya' ngamis ayoa', tapi supaya nyiksa ayoa' 5 burayn tuhia'; ge' siksa dakoh samu' ge' siksa kala waktu ini' ngoot talino.⁶ Wa' masa dakoh, talino ao' najo pangkabis, tapi ayoa' kati' amput a'. Ayoa' ngate kabis, tapi pangkabis ngindar umpatn ayoa'.⁷Rupa buntak-buntak dakoh ulah kuda-kuda da gatnnyiap ya' parang; ge' ka tumukng abak ayoa' ani tarutn ulah mahkota barawatn, muka ayoa' ulah muka talino. ⁸Abok ayoa' ulah abok mahung ge' japu' ayoa' ulah japu' singa. ⁹Ge sado' ayo a' samu baju basi, ge miho sayap ayo a' samu miho kareta-kareta nige karah kuda da ba talama ka medan parang¹⁰ Ge', ungke ayo'a ulah kalajangking ge' ani nyure'a, ge' wak sadat'n ungke ayo'alah ani kuasa yak ngangkanap talino salama 5 burat'n. ¹¹ Raja da marintah ayo'a lah diu'ta malaikat jurang maut, da ka sadat'n bahasa Ibrani gaat'n'a diu'ta "Abadon", sadakngkan ka sadat'n bahasa Yunani gaat'n'a diu'ta "Apolion". ¹² Bancana da partama laka lewat, tapi masih ani 2 panderitaan lait'n da aok utukng. Trompet ka anam mihu¹³ Lalu, malaikat da ka anam ngampoh trompet'a, ge' iko' dangah sarat'n umpat'n ka ampat tanuk altar barawat'n da ani wak tura Jabata, ¹⁴ Nyansana ka malaikat ka anam da nyinte trompet dakoh, "ngarapaslah ka ampat malaikat da gat'n nigo wak sungi Efrat da aihyo dakoh." ¹⁵ Maka, ka ampat malaikat dakoh, da laka gat'n nyiap yak jam ge' ano, burat'n ge' taun dakoh, gat'n ngarapas supaya ngamis 1/3 umat talino.¹⁶ Jumlah tantara bakuda ayo'a diu'ta 200 juta karah'a; iko' dangah jumlah ayo'a. ¹⁷ Ge', ladakohlah iko' mile ka sadat'n pamile kuda-kuda dakoh ge' ayo'a da unyung wak samo'a; ayo panunggang'a ngiak baju basi bawarna transak babalo, biru patakng, ge' kuning ulah balerang; ge' abak kuda-kuda dakoh ulah abak singa ge' umpat'n baba ayo'a mungkas api, asup, ge' balerang .¹⁸ Nige taru'a lah 1/3 talino gat'n ngamis; nige api, asup, ge' balerang da mungkas umpat'n baba ayo'a. ¹⁹ Barang, kakuatan kuda-kuda dakoh ani ka baba ge' ungke ayo'a. Barang, ungke ayo'a ulah nipa ge' umpu abak, ge' nige dakohlah ayo'a nyiksa.²⁰ Tapi, talino da salamat, da kati kabis uleh bancana dakoh, tatap kati batobat umpat'n parbuatan-parbuatan barekng ayo'a, kalo ayo'a kati buleh nyambah roh-roh jahe ge' bahala-bahala umpat'n barawat'n, perak, tamaga, batu, ato kayu; da kati kaat'n mile, dangah atopun bajalat'n, ²¹ ge' ayo'a kati batobat umpat'n pangamis, sihir, pancabulan, ge' parangko.

Chapter 10

¹ Lalu, iko' mile' nyungan malaikat laitn a' susor umpatn surga, bapangiak rahu ge' ani maraje ka tumukng abak a', ge' muka a' ulah matuano, ge' kaja' a' ulah nahi api.² Malaikat dakoh minte nyabuah kitab innek da tabuka. Ge', kaja' sentao' a' nginyak ka laut ge' kaja' sengkiri' a' ka darat.³ lalu ngampak nige sarat da kuat, ulah singa da mangaum; ge' ngalaka ini' ngampak, ijo' gamuruh guntur nampil saratn ayoa'.⁴ Jangkah kaijo' guntur dakoh laka basaratn, iko' ngana' manulisa', tapi iko' ngadangah saratn umpatn surga nyansana, "Nyigelta jai da laka gatnmuji' kat kaijo' guntur dakoh! Iya' manulis a'!"⁵ Lakadakoh, malaikat da ko'ile' agutn ka laut ge' ka darat dakoh ngantatn barekng sentao'a' ka rangit, ⁶ ge' basumpah demi Ini' da idup salama-lama a', da nyipta rangit ge' smaan isi a', ge' bumi ge' smaan isi a', ge' laut ge' smaan isi a', bahwa kati' ao' ani' panundaan agi',⁷ tapi wa' masa mihu malaikat kaijo', jangkah ini' ngana' ngampoh tarumpet a', maka ganaptalah rahasia Jabata, ulah da Ini' nganyampe wa' ayo hamba-A: ayo nabi.⁸ Lakadakoh, saratn da ijah iko' dangah umpatn surga nyansana agi' wa'iko', waatn a', "Anu ge' naaptalah barutn kitab tabuka umpatn barekng malaikat da agutn ka tumukng laut ge' darat dakoh."⁹ Maka, iko' anu wa' malaikat dakoh ge' ngadua' mangkatn barutn kitab innek dakoh wa'iko'. Ge', malaikat dakoh nyansana wa'iko', "Naaptalah kitab diah ge' umanmih, dakoh ao' umas putukngmu' peet, tapi ka baba'mu', dakoh ao' tarasa mamis ulah madu."¹⁰ Lalu, iko' naap kitab innek ka barekng malaikat dakoh ge' uman a', ge' ka baba'ko' tarasa mamis ulah madu: ge' jangkah iko' laka uman a' putukngko' jadi peet.¹¹ Lalu, ini' nyansana wa'iko', "Imu' arus barnubuat agi' ka hadapan karah bangsa ge' kaum ge' bahasa ge' raja-raja."

Chapter 11

¹ Lalu, gatnmangkatn wa'iko' nyabuah buro', da bentuk a' ulah sangkuhut pangukur, ge' saratn-saratn, "Anu ge' ukurmih Bait Jabata ge' papante' a' ge' ayoa' da sambahyang ka sadatn a'.² Tapi, iya'ngaco papante' Bait Jabata da ka bagian sato, iya' ngukur a' karna dakoh laka gatnmangkatn wa' bangsa-bangsa; ge' ayoa' ao' nginyak-inyak Kota Suci salama 42 buratn.³Ge', Iko' ao' mangkatn kuasa wa' dua saksiko' ge' ayoa' ao' barnubuat 1260 ano tuhi' a' nige' ngiak saput ngawang."⁴ Ayoa' diah anilah 2 puutn zaitun ge' 2 kaja' dian da agutn ka hadapan Tuhan da umpu' tana'paitn.⁵ Ge', sa' ani sok da ngatte mangkanapm ayoa', api mungkas umpatn baba' ayoa' ge' nyahung munsuh-munsuh ayoa' sampe abas. Sa' asi saja ngana' mangkanapm ayoa', ini' ao' gatnngamis ge' cara ulah dakoh.⁶ Kadua a' diah umpu' kuasa ya' nutup rangit supaya ujatn ti' turun wa' ano-ano nubuat ayoa'; ge' umpu' kuasa ka paitn ya; ngubah a' jadi daya' ge' ya' mantokng tana'paitn nige' satiap malapetaka, nyamani sering ayoa' ngatte.⁷ Ge', jangkah ayoa' laka nyelesai kesaksian ayoa', binatang da mungkas umpatn karibet maut ao' baparang malawan ayoa' ya' ngalah ayoa', ge' ngamis ayoa'.⁸ Ge', bangke kadua a' ao' gatnmana' ka gala' kota ahyo, da nige' cara simbolis gatnmuji' Sodom ge' Mesir, tampat Tuhan ite' uga' gatnnyalib.⁹ Ge', umpatn smaan bangsa ge' suku ge' bahasa ge' kaum ao' mile' bangke kadua a' salama 3,5 ano ge' kati' ao' ngijin bangke kadua a' gatnmana' ka sibur.¹⁰ Ge', da madi' ka tana'paitn ao' basukacita karna ayoa' ge' auhatn ate; ge' samu'-samu' mangkatn hadiah ka samu'adup a' karna kadua nabi nyiksa ayoa' da madi' katana'paitn.¹¹ Tapi, ngalaka 3,5 ano, roh kaidupan umpatn Jabata maruh ka sadatn kadua bangke dakoh, ge' ayoa' agutn ka tumukng kaja' ayoa' singge da mamparhati ayoa' jadi buut.¹² Lalu, ayoa' dangah saratn da nyarekng umpatn surga nyansana wa' ayoa', "Makkalah kadiah!" Ge', ayoa pun makka ka surga sadatn rahu', gatn ayo munsuh ayoa' nyaksi.¹³Ge', jangkah dakoh, utukngta gempa tana'paitn da dasyat singge bagisapuluh kota dakoh ruruh; ge' ijo ribu ungan kabis karna gempa tana'paitn dakoh, ge' da kati' kabis mangkin aru buut, lalu mamulia Jabata da ka surga.¹⁴ Bala da kadua nga lewat; ile'mih bala da kataru ao' segra utukng.Tarumpet da Kaijo' Mihu¹⁵ Lalu, malaikat da kaijo' ngampoh tarumpet a', ge' tadangah saratn da nyarekng ka surga da nyansana, "Pamarintahan dunia nga jadi pamarintahan Tuhan ite' ge' Ini' Da Gatn-Na urapi, ge' Ini' ao' mamarintah sampe salama-lama a'."¹⁶ Lakadakoh, dua puluh ampat ama-ama ka takhta ayoa', ka hadapan Jabata, basujud ge' nyambah Jabata, ¹⁷ ge' nyansana, "Kai basukur wa'-Imu', o Tuhan, Jabata Da Mahakuasa, Da Ani ge' Da Laka Ani, Karna Akupm nga naap kuasa-Mu da ahyo ge' mule mamarintah.¹⁸ Ge', bangsa-bangsa nga baji', tapi murka-Mu ngautukng, ge' ano a' nga utukng ya' manghakimi ayo sok kabis ge' mangkatn upah, panyangu-panyangu-Mu, nabi-nabi ge' ayo sok kudus ge' da buut ka gaatn-Mu, da innek ge' da ahyo, ge' ya' ngancur tana'paitn!"¹⁹ Lakadakoh, tabukalah Bait Jabata ka surga ge' tile'talah Tabut Perjanjian Jabata ka sadatn Bait-A, ge' utukngta kilat ge' saratn guntur ge' gempa tana'paitn ge' ujat es da ahyo.

Chapter 12

¹ Lakadakoh, tile'ta nyabuah tande da ahyo ka rangit: nyungan mahu bapangiak matuano ge' buratn ka saroh kaja'a' ge' mahkota umpatn umpatn dua balas bintakng ka aba' a.² Mahu dakoh agi' batahi' ge' sadatn penderitaan a' ngana' gatnbaranak, ini' kaekng-kaekng nahan pangkanapm a'.³ Lakadakoh, tile'talah nyabuah tande laitn ka rangit: ani nyungan naga ahyo da bajara' da umpu' ijo' abak ge' sapuluh tanuk ge' ijo' mahkota wa' abak a'. ⁴ Ungke naga dakoh narik bagitaru bintakng ka rangit ge' nyangkahatn a' ka tana'paitn. Naga dakoh agutn ka tura' mahu da ngatte baranak dakoh supaya jangkah mahu dakoh nga baranak, ini' kaatn narutn Anak a'.⁵ Mahu dakoh baranak nyungan Anak arew, da ao' mamarintah bangsa-bangsa ge' sangkuhut basi; tapi Anak dakoh gatnsaraguatn ge' gatnminsakng wa Jabata ge' ka hadapan takhta-A.⁶ Mahu dakoh talama' nuju rumpo, ka tampat da nga gatn Jabata nyiap ya' dini' supaya ka teetn, ini' gatnpiara seribu dua ratus inum puluh ano tuhi' a'.⁷ Ge', ani parang ka surga, Mikhael ge' ayo malaikat a' baparang malawan naga dakoh. Naga dakoh baparang samahu ayo malaikat a',⁸ tapi ayoa' ti' cukup kuat singge kati' ani agi' tampat ya' ayoa' ka surga.⁹ Naga ahyo dakoh gatnnyangkahatn ka saroh, si nipa' ama da gatnmuji' Balis ayo Sitan, da nyasat smaan dunia, ini' gatnnyangkahatn ka saroh samahu a'.¹⁰ Ge', iko' dangah sarat da kuat ka surga nyansana, "Mati', nga utukng kaselamatan, kuasa, ge' karajaan Jabata ite', ge' kakuasaan Kristus-A karna si panujo' ayo age ite, da nujo' ayoa' ka hadapan Jabata asat ngarum, nga gatnnyangkahatn ka saroh.¹¹ Ayoa' ngalah a' nige' daya' Anak Domba, ge' nige' saratn kesaksian ayoa'; karna ayoa' ti' sayang ka nyawa ayoa, bahkan jangkah ngadap pangkabis.¹² Karna dakoh, basukacitamih, he surga ge' smaan da madi' ka sadatn a'! Namun, calakata tana'paitn ge' laut karna Balis nga susor wa;imu' sadatn pabaji'da ahyo karna ini' pane bahwa ano da na' umpu' singkat."¹³ Jangkah naga dakoh mile' bahwa ini' laka gatnnyangkahatn ka tana'paitn, ini' ao' nganyaya mahu da laka baranak.¹⁴Tapi, mahu dakoh gatnmangkatn 2 sayap manuk rajawali da ahyo supaya ini' kaatn mibir ka padang taya udu', ka tampat a', ka dume ini' gatnngadipatn nyamasa, dua masa tuhi'a' jauh umpatn si nipa.'¹⁵ Nipa dakoh nyimbur paitn da samu'ulah sungi ka arah mahu dakoh, ya' nganyut si mahu ka sadatn a'.¹⁶ Namun, tana'paitn nulong mahu dakoh; tana'paitn nika baba' a' ge' nalan paitn da gatn naga nyimbur.¹⁷ Maka, naga jadi aru baji' wa' mahu dakoh ge' anu ya' nyarang ayo kangot laitn umpatn mahu dakoh, kohta ayo sok da ngadipatn parintah-parintah Jabata ge' bajinte wa' kesaksian-kesksian Yesus,¹⁸ Naga dakoh agutn ka tabikng laut,

Chapter 13

¹ Lakadakoh, iko' mile nyungan binatang buas mungkas umpatn sadatn laut, umpu' sapuluh tanuk ge' ijo' abak. wa satiap tanuka' kaatn nyabuah mahkota ge' wa satiap abaka' gatn nulis gaatn-gaatn hinaan.² Binatang buas da iko' mile' dakoh mirip nige' macan tutul, kajaka' samu' kajak' baruang, de' babaka' samu' babak' singa. Naga dakoh mangkatn binatang buas dakoh buut, takhta, ge' kuasa da ahyo'.³ Iko' mile' nyiteng umpatn abak-abaka' ulah aboh talih da bisa ngakibat kabis, tapi talih dakoh ngajadi ahwatn. samaan dunia kagum ge' nganangz binatang buas dakoh.⁴ De', ayoa' nyambah naga dakoh karna laka mangkatn kakuatana' wa binatang buas dakoh; ge' ayoa' nyambah binatang buas dakoh nige' nyasana,"Asi da samu' binatang buas diah ge' asi ta da bisa baparang malawan ini'?"⁵ Ge' wa ini' gatn mangkatn nyabuah babak' da saratn-saratn sumbong ge' manghujat, ge' kuasa yak umasa' salama 42 buratn.⁶ Ini' muka babaka' kasadatn hujatan malawan Jabata, yak manghujat gaatn-A,' ge' dio-A, ge' ayoa' da madi' ka surga.⁷ Ini' uga' gatn ngadu yak baparang ayo sok kudus ge' mangalah ayoa'; ge' wa ini' gatn mangkatn kuasa kasamo samaan suku, kaum, bahasa, ge' bangsa.⁸ Samaan da madi' ka bumi ao' nyambaha, ai dakoh ta satiap sok da gaatna' kati' tatulis samanja dunia gatn umas kasadatn Kitab Kahidupan umpu' Anak Domba, da laka gatn ngamis.⁹ Satiap sok da barajak bait ta ini dangah diah:¹⁰ "Sa' nyungan sok pun gatn nantu sabage tawanan, ini' ao' ngajadi tawanan; sa' nyungan sok ngamis nige' pedang, nige' pedang ini' arus gatn ngamis." Binatang da mungkas umpatn Bumi¹¹ Lalu, iko' mile' nyungan buas laitn mungkas umpatn sadatn bumi; ge' binatang dakoh umpu' dua tanuk samu' anak domba, tapi ini' nyasana ulah nyungan naga.¹² Ini' manjalan samaan kuasa binatang buas da uru' dakoh ka hadapan-a', ge' umas bumi ge' ayoa' da madi' ka sadatna' nyambah binatang buas da uru', da talih paraha' laka gatn ngakahawat.¹³ Ini' umas tande-tande ajaib da ahyo', bahkan ngadisah api umpatn rangit ka tana'paitn, ka hadapan ayo sok.¹⁴ Ge', ini' nyasat ayo sok da madi' ka tana'paitn nige tande-tande ajaib da gatn izin bagia' yak gatn umas ka hadapan binatang buas da uru'. Ini' mujia' wa ayoa' da madi' wa tana'paitn yak umas patung binatang buas da uru', da talih olek padang, tatapi tatap idup dakoh.¹⁵ Ini' gatn ngijin yak mangkatn singat wa patung binatang buas dakoh sehinga patung binatang buas dakoh bisa nyasana ge' da ngadu samaan sok da kati nyambah patung dakoh gatn ngamis.¹⁶ Ge', ini' ngadu samaan sok, kaya ato miskin, budak ato sok merdeka, gatn mangkatn nyiteng tande wa barekng santao ato kaninga',¹⁷ Sapaya kati' ani nyungan sok pun bisa mari' ato nyual kacuali ini' umpu' tande dakoh, lakoh ta gaatn binatang buas dakoh ato itongan gaatna'.¹⁸ Hal diah palalu hikmat. katea' sok da bijaksana milakng numor binatang buas dakoh karna numor dakoh anita numor nyungan sok talino; ge' numora' inum ratus inum puluh inum.

Chapter 14

¹ Lakadakoh, iko' mile' Anak Domba agutn ka Talidi Sion, ge' samahu-A ani 144 ribu sok, da umpu' gaatn Sama'-A wa' kaning ayoa'.² Iko' ngadangah saratn umpatn surga ulah pamihu paitn da karah ge' ulah mihu guntur da kuat, tapi saratn da ko'dangah dakoh ulah mihu ayo pamihu kecapi da main kecapi ayoa'.³ Ayoa' ngado nyabuah pangado bahu ka hadapan takhta ge' ka tura' kaampat mahkluk, uga' ka tura tua-tua. Ti' nyungan pun kaatn mampalajari pangado dakoh selain kasaratus ampat puluh ampat ribu sok da nga gatnnabos umpatn bumi.⁴ Ayoa' anilah ayo sok da kati' ngutor adup a' nige' mahu-mahu karna ayoa' perjaka. Ayoa' anilah ayo sok da nganang Anak Domba ka dume pun Ini' anu. Ayoa' laka gatnnabos umpatn antara talino sebage buah-buah pamule ya' Jabata ge' Anak Domba. ⁵ Kati' ani lacceh ka baba' ayoa'; ayoa' kati' basara. Pusutn umpatn Taru Malaikat⁶ Iko' mile' malaikat laitn mibir ka tuda'-uda' rangit, minsakng Injil kekal ya' gatnngagah wa ayoa' da madi' ka bumi ge' wa' smaan bangsa, suku, bahasa, ge' kaum⁷ ge' ini' nyansana nige' saratn da kuat, "Buutlah wa' Jabata ge' mangkatnlah kamuliaan wa'-Ini' karna waktu panghakiman-A nga utukng; sambahta Ini' da nyipta rangit, bumi, laut, ge' smaan matu' paitn."⁸ Lalu, malaikat da laitn, da kadua, nyusula' ge; nyansana, "Ruruh, nga ruruh Babel da ahyo dakoh karna ini' laka umas smaan bangsa nyucur anggur nafsu seksual a' da bejat."⁹ Lakadakoh, malaikat da laitn, da kataru, utukng agi' kadua malaikat da katinga a', ge' nyansana nige' saratn da kuat, "Sa' asi saja da nyambah binatang dakoh ge' pantak a', ge' nyamut nyiteng tande wa' kaning ato barekng a', ¹⁰ sok dakoh ao' nyucur anggur murka Jabata, da gatnngalilih nige' kakuatan total ka sadatn cawan murka-A, ge' ini' ao' gatnnyiksa nige' api ge' belerang ka hadapan malaikat-malaikat kudus ge' ka hadapan Anak Domba.¹¹ Ge', asup siksaan ayoa' makka salama-lama a'. Ayoa' kati' umpu' waktu ya' madi', bait siang ato ngarum, kohta ayoa' da manyambah binatang dakoh ge' pantak a', ato asi pun da nyamut tande gaatn-A."¹² Diahta katekunan ayo sok kudus da miara parintah Jabata ge' iman ayoa' ka sadatn Yesus.¹³ Lalu, iko' ngadangah saratn umpatn surga nyansana, "Nulista diah: Mule mati', gatnberkatita sok kabis, da kabis ka sadatn Tuhan." Roh nyansana, "Taman, supaya ayoa' kaatn¹⁴ Lalu, Iko' mile' ani rahu ranakng ge' ka tumukng a' unyung nyungan ulah Anak Talino, ngiak mahkota barawatn ka abak-A ge' aret da ruja' ka barekng-A.¹⁵ Lalu, malaikat laitn mungkas umpatn Bait Jabata, ge' ngampak ge' saratn da nyareng wa' Ini' da unyung ka tumukng rahu, "Ngayuhta aret-Mu ge' manenmih karna waktu ya' manen nga utukng ge' da ao' gatn manen ka tana'paitn nga ansak."¹⁶ Maka, Ini' da unyung ka tumukng rahu ngayuh aret-A ka timukng tana'pait, ge' tana'pait pun gatnmanen.¹⁷ Lakadakoh, malaikat laitn mungkas umpatn Bait Jabata da ka surga, ge' ini' uga' ani umpu' aret da ruja'.¹⁸ Ge', malaikat laitn agi', da ani kuasa atas api. Ini' ngampak ge' saratn da kuat wa' malaikat da minte aret da ruja' dakoh, "Ngaraihta aretmu da ruja' dakoh ge' ngubu'talah tandan buah anggur umpatn puutn anggur ka tana'paitn."¹⁹ Maka, malaikat dakoh ngeraih aret a' ka bumi ge' ngubu' tandan buah anggur umpatn puutn anggur ka bumi ge' nyangkahatn a' ka sadatn batu' kilangan ahyo murka Jabata.²⁰ Pamerasan buah anggur dakoh gatnngaraje ka sato kota, ge' daya' mangalir umpatn alat pameras anggur dakoh kira-kira nyapaningo' kuda nyamo a' ge' seribu inum ratus stadia angho a'.

Chapter 15

¹ Iko' mile' tande laitn ka rangit, da ahyo ge' ajaib, ijo' malaikat da mingsakng ijo' bancana, da pangkabis, karna kasadatn kaijo' bancana dakohlah murka Jabata gatn mangkabas.² Lalu, iko' mile' tarut' ulah lautan kaca bacampur api ge' ayoa' da laka ngalah binatang dakoh, patunga', da numor gaatna', agutn ka tabik' lautan kaca dakoh nige nyinte kecapi Jabata.³ Ayoa' ngado ada Musa, hamba Jabata, ge' ngado Anak Domba:"Ahyo ge' ajaib samaan karaje-Mu'ai Tuhan, Jabata Da Mahakuasa.Adil ge' banar samaan pagala-Mu' ai Raja sagala bangsa.⁴ Asi ta da kati' buut' wa-Imu', ai Tuhanda kati' memuliakangaatn-Mu'?Sabab, duhut Akupm lah da Kudus. Samaan bangsa ao' utukng ge' manyambah ka hadapan-Mu'karna keadilan-Mu' nga gatn nyata."⁵ Ngalaka samaan hal diah, iko' mile' Bait Jabata, Dio kesaksian Jabata, tatukas.⁶ Ijo' malaikat da minsakng ijo' bancana dakoh mungkas umpatn Bait Jabata, bapangiak linan da ranakng ge' bakilo, ge' ngiak selempang barawat ka sado' ayoa'.⁷ Nyungan umpatn kaampat makhluk mangkat wa kaijo' malaikat dakoh ijo' cawan barawat,pahnu murka Jabata, da idup sampe salama-iamaa'⁸ Bait Jabata gatn ngapahnu nige' asup umpatn kemuliaan Jabata ge' umpatn kuasa-A; de' ti nyungan sok pun bisa maruh Bait Jabata katinga ijo' bencana umpatn kaijo' malaikat dakoh pangkabas.

Chapter 16

¹ Lalu, iko' dangah nyabuah saratn da nyarekng umpatn Bait Jabata da nyansana wa' kaijo' malaikat, "Anumih ge' nuntokngtalah kaijo' cawan pabaji' Jabata dakoh ka tana'paitn."² Malaikat da pamule anu ge' nuntokng cawan a' ka tana'paitn, maka muncolta bisul da umas sarut ge' da aru mangkanapm ayo sok da ngiak tande binatang ge' da nyambah pantak a'.³ Malaikat kadua nuntokng cawan a' ka laut, maka laut barubah jadi daya', ulah daya' sok kabis; ge' smaan da idup ka sadatn a' pun kabis.⁴ Malaikat kataru nuntokng cawan a' ka sungi-sungi ge' matu-matu' paitn, ge' smaan a' nga jadi daya'.⁵ Lalu, iko' dangah malaikat da barkuasa ka paitn nyansana, "Akupm adil, ai' Da Suci, da ani ge' laka ani karna Akupm da manghakimi smaan diah.⁶ Sabab, ayoa' laka nuntokng daya' umat-Mu da kudus ge' daya' nabi-nabi-Mu, tapi Akupm mangkatn daya' ya' gatnnyucur. Ayoa' patut narima a'."⁷ Ge', iko' dangah papante nyansana, "Ai' Tuhan, Jabata Da Mahakuasa, taman ge' adilmih panghakiman-Mu."⁸ Malaikat kaampat nuntokng cawan a' ka tumukng matu'ano, maka matu'ano gatnmangkatn kuasa ya' nyahung talino ge' api.⁹ Talino gatnnyahung kat api da luar biasa, tapi ayoa' ngalacceh gaatn Jabata da umpu' kuasa ka smaan bala diah. Ayoa' ti' ittuh bartobat ge' ngarania' Jabata.¹⁰ Malaikat kalima nuntokng cawan a' ka tumukng binatang dakoh, maka karajaan a' jadi galap; ge' ayoa' ngoot rata' ayoa' karena anap a',¹¹ ge' ngalacceh Jabata da ka surga karna misa anapm ge' bisul-bisul ayoa; tapi ayoa' ti' bartobat umpatn pabulah-pabulah ayoa'.¹² Malaikat kainum nuntokng cawan a' ka sungi ahyo', dakohta Efrat, maka paitn a' jadi katat ya' nyiap gala' ayo raja umpatn Timur.¹³ Lalu, iko' mile' umpatn baba' naga, umpatn baba' nabi palsu mungkas taru roh da kutor da tile' ulah riga,¹⁴ karna ayoa' anilah roh-roh jahat, da umas tande-tande ajaib, da anu wa' raja-raja ka tana'paitn ya' ngumpur ayoa' ya' manghadap parang wa' ano ahyo, dakohta ano Jabata, Da Mahakuasa.¹⁵ ("Ile'ta! Iko' utukng ulang parangko. Gatnberkatta sok da tatap sadar ge' ngajaga pangiak a' singge ini' kati' ao' bajalatn nige' kaja' ugakng ge ayo sok kati' mile' mangun a'.)¹⁶ Lakadakoh, roh-roh jahat dakoh ngubu' ayoa' ka tampat, da sadatn base Ibrani gatnmuji' Harmagedon.¹⁷ Malaikat kaijo' nuntokng cawan a' ka udara, maka gatndangahtalah saratn nyarekng umpatn Bait Jabata, umpatn takhta dakoh, nyansana, "Nga abas."¹⁸Ge', tile'talah kilat da nyambar-nyambar, saratn ge' gammo guntur, ge' gempa tana'paitn da hebat, ulah da katinga suah ani umpatn talino ani ka tumukng tana'paitn dakoh,¹⁹ Kota ahyo dakoh batah jadi taru balah, ge' kota-kota bangsa-bangsa ruruh; ge' Babel da ahyo dakoh kati' Jabata karimut mangkatn a' cawan anggur murka-A da bagurak.²⁰ Nyamani pulau lanyap ge' mungu'-mungu' ti gatn amput agi'.²¹ Ujat es da ahyo, kira-kira 1 talenta bahat a', jantu' umpatn rangit nyahan talino; tapi talino ngalacceh Jabata karna bala es dakoh. Sabab, bala dakoh batol ngeri'.

Chapter 17

¹ Lakadakoh, nyiteng umpatn ijo' malaikat da minte ijo' cawan dakoh ngajiket ge' ngumong wa'iko', waatn a', "Kadiahmih, iko' ao' nyua' wa'imu' hukuman ya' lonte ahyo dakoh, da unyung ka tumukng paitn, ² da ge' ini' raja-raja ka tana'paitn babayu ge' ayoa' da madi' ka tana'paitn nga mabuk kat anggur pabayu'."³ Malaikat dakoh minsakng iko' sadatn Roh ka taya'udu', ge' iko' mile' nyungan mahu unyung ka tumukng nyungan binatang da balo a' bajara' da panhu' nige' gaatn-gaatn lacceh, da umpu ijo' abak ge' sapuluh tanuk.⁴ Mahu dakoh ngiak pangiak da balo a' ungu ge' bajara' da gatnhiasi nige' barawatn, batu'-batu' permata, ge' mutiara. Ini' minte nyabuah cawan barawatn da panhu' ge' kakejian ge' kanajisan pabayu a'.⁵ Wa' kaninga', gatnnulis nyabuah gaatn, da rahasia:⁶ Iko' mile' mahu dakoh mabuk kat daya' ayo sok kudus ge' kat daya' ayo saksi Yesus. Jangkah ko' mile'a', iko' misa' aru heran.⁷ Lalu, malaikat nyansana wa' iko', "Jailah imu' heran? Iko' ao' muji' kimu' rasia mahu dakoh ge' rasia binatang da gatnna' makka, da abak a' ani ijo' ge' tanuk a' ani sapuluh.⁸ Binatang da imu' ile' dakoh suah ani, tapi mati' nga tigi' ani, ge' ao' segra mungkas umpatn karibet pangkabis nuju kabinasaan. Ge', ayoa' da madi' ka tana'paitn, da gaatn a' kati' gatnnyatat sadatn kitab kahidupan mule dunia gatnnyipta, ao' heran jangkah mile' binatang dakoh, da suah ani, tapi da mati' nga tigi' ani, ge' ao' utukng agi'.⁹ Hal dakoh palalu akal ge' hikmat. Ijo' abak dakoh anilah ijo' mungu' ge' mahu dakoh unyung ka tumukng a'.¹⁰ Ijo' abak dakoh uga' anilah ijo' raja, rima ka antara a' nga jantu'. nyungan raja maseh ani, ge' nyungan raja tinga utukng, tapi jangkah ini' utukng, ini' arus madi' sabantar sadi'.¹¹ Binatang da idu' suah ani, tapi mati' ti' ani agi' dakoh, anilah raja kamahi' tapi ini' tarmasok sadatn ijo' raja ijah, ge' ini' nuju' kabinasaan.¹² Kasapuluh tanuk da imu' ile' anilah sapuluh raja da tinga narima pamerintahan, tapi ayoa' nyamut kuasa sebage raja nyajam tuhi' a' samahu binatang dakoh.¹³ Ayoa' umpu' tujuan da samu', ge' ayoa' mangkatn kuasa ge' wewenang ayoa' wa binatang dakoh.¹⁴ Ayoa' ao' baparang malawan Anak Domba, tapi Anak Domba ao' ngalah ayoa' karna Ini' anilah Tuhan ka smaan tuhan ge' ayoa' da samahu-A anilah da gatnmaba', gatnmilih, ge' da setia."¹⁵ Lakadakoh, malaikat dakoh nyansana wa'iko', "Paitn da imu' ile', da ka tumukng a' lonte dakoh unyung, anilah masyarakat, sok karah, bangsa, ge' bahasa.¹⁶ Kasapuluh tanuk da imu' ile' ge' binatang dakoh ao' ngarusi' si lonte. Ayoa' ao' umasa' tarlantar ge' ugakng, ge' uman dagin a' ge' nyahung ini' nige' api.¹⁷ Sabab, Jabata laka mana' hal dakoh ka sadatn ate ayoa' ya' mancapai tujuan-A ge' satuju ya' mangkatn kakuasaan ayoa' ka binatang sampe firman Jabata gatnngangkabas.¹⁸ Mahu da imu' ile' dakoh anilah kota ahyo da mamarintah wa' ayo raja-raja ka tana'paitn,"

Chapter 18

¹Ngalaka' smaan diah, iko' mile' malaikat laitn sosor umpatn surga, da umpu' kuasa da ahyo, ka tana'paitn gatnnugo ge' kamuliaan a'.² Ini' kaeng-kaeng ge' saratn da nyareng, waatn a', "Ruruh! nga ruruh Babel da ahyo dakoh! Ini' ngajadi tampat madi' sitan-sitan ge' panjara ya' roh da kutor ge' da gatnrusi', sare ya' jai jenis manuk da kutor ge' da gatnrusi'.³ Sabab, smaan bangsa mabuk anggur nafsu babayu a', raja-raja ka tanan'paitn nga babayu' nige' ini', ge' padagang-padagang ka tana'paitn ngajadi kaya kat hawa nafsu a' da ahyo."⁴ Lalu, iko' dangah saratn laitn umpatn surga nyansana, "He umat-Ko, mungkasmih umpatn dakoh spaya imu' ti' tarlibat sadatn duse a' ge' ti' kaatn bala da ao' nyahan a'.⁵ Sabab, duse-duse a' nga batumpuk sampe ka rangit ge' Jabata laka sanuut smaan palanggaran a'.⁶ Balas wa' kota dakoh samu ulah ini' umas kimu', balas kini' dua kali lipat kat smaan pabulah-pabulaha', ge' sadatn cawan da ini' ngiak ya' ngancoh, ngancohta dua kali lipat.⁷ Nyamani karah ini' nga mamuliakan ge' mangkatn kamewahan wa' adup a' sadi', mangkatmih siksaan ge' ngawang wa' ini' nyamani karah dakoh. Sabab, ini' nyansana sadatn ate a', 'Iko unyung ulah nyungan ratu, iko' inyalah janda ge' ti' suah mile' da ngawang.'⁸ Karna dakohta, sadatn nyano saja bala-bala ao' utukng wa'ini', dakohta pangkabis, ngawang, ge' saburuk. Ini' ao' gatnnyahung ge' api karna Tuhan Jabata da manghakimi ini' dakoh bakuasa."⁹ Raja-raja ka tana'paitn, nga laka babayu' ge' idup sadatn kamewahan samahu a', ao' munse' ge' kaur-kaur jangkah ayoa' mile' asup api panyahung a',¹⁰ agutn jauh-jauh karna buut wa' siksaan a', ge' munse', "Cilaka! Cilakata, kota da ahyo, Babel kota da kuat dakoh! Sabab, sadatn nyajam saja panghakimanmu nga utukng!"¹¹ Padagang-padagang ka tana'paitn ao' munse' ge' ngawang ya' kota dakoh karna ti' nyungan pun ao' mari padagang ayoa' agi, ¹² dakohta barawatn, pirak,permata, mutiara, saput linen, saput sutra, saput kirmizi, ge' bamacam-macam tarutn umpatn kayu' da wangi bau a', tarutn-tarutn da gatnumas umpatn katile, umpatn kayu' da baraga, umpatn tambaga, basi, marmer, ¹³ kayu mamis rampah-rampah, kamanyan, anggur, binyak, tapukng da alus, gandum, lembu sapi, domba, kuda, kereta, panyangu, ge' nyawa talino.¹⁴ Ayoa' ao' nyansana, "Buah da gatn jiwamu' ngatte nga ilang umpatn imu', smaan da mewah ge' da lamus nga lanyap umpatn imu', ge' ti' ao' gatnamput agi'.¹⁵ Ayo padagang tarutn-tarutn diah, da ngajadi kaya karna kota dakoh, ao' agutn jauh-jauh karna buut wa' siksaan da gatn kota dakoh misa', gae munse' ge' ngawang.¹⁶ Cilaka! Cilakata kota ahyo dakoh, da ngiak linen alus; da ngiak saput ungu ge' saput kirmizi, de' da badandan ge' barawatn, batu'-batu' permata ge' mutiara!¹⁷ Sabab, sadatn nyajam saja, smaan kakayaan dakoh nga gatnmusnah!" Smaan supir kapal, panumpang, patugas kapal ge' smaan sok da najo idup umpatn laut ao' agutn jauh-jauh,¹⁸ ge' kaeng-kaeng jangkah ayoa' mile' asup paninu' kota dakoh, "Kota dumelah ulah kota ahyo diah?"¹⁹ Ayoa' ngambhur dabu ka abak ayoa' ge' kaeng-kaeng gae munse' ge' ngawang, waatn a', "Cilaka! Cilakata kota ahyo dakoh, da umpatn ini' smaan umpu' kapal ka laut nga jadi kaya kat kakayaan a'! Sabab, sadatn nyajam ja', kota dakoh nga gatnumas sunyi'!"²⁰ Basuka-sukamih karna ini', he surga, he ayo sok da kudus, rasul-rasul, ge' nabi-nabi! karna Jabata ngamangkatn hukuman ka kota dakoh ya'dimu.²¹ Lalu, nyungan malaikat da kuat ngantatn nyabuah batu' da ahyo a' ulah batu' kilangan ge' nyangkahatn a' ka laut ge' nyansana, "Ulah dakohta Babel, kota ahyo dakoh, ao' gatn ngadu jantu ge' ti ao' suah gatnamput agi'.²² Saratn ayo pamihu kecapi, pamihu suleng, pamihu tarumpet, ge' alat musik laitn a' kati' ao' gatndangah agi' ka sadatnmu'. Kati' ani pangarajin da umas karajinan, da ao' gatnamput ka sadatnmu'. Saratn pangilikng ti' ao' gatndangah agi' ka sadatnmu'.²³ Balo pelita ti' ao' babalo agi' ka sadatnmu'. Saratn panganten are ge' panganten mahu ti' ao' gatndangah agi' ka sadatnmu', karna padagang-padagangmu anilah panguasa-panguasa tana'paitn. Sabab, smaan bangsa laka ngatnnyesat kat sihirmu'.²⁴ Ge, ka sadatn kota dakoh gatnamput daya' nabi-nabi, ayo sok kudus, ge' daya' smaan sok da nga gatnngamis ka tana'paitn."

Chapter 19

¹ Ngalaka dakoh, iko' dangah saratn da nyarekng ulah nyakumpur ahyo sok ka surga nyansana, "Haleluya! Kasalamatan, kamuliaan, ge' kakuasaan anilah Jabata ite' umpu'² karna panghakiman-A taman ge' adil; karna ini' laka mangadili lonte ahyo dakoh, da marusak tana'paitn nige' kabejatan a', ge' laka mambalas daya' hamba-hamba-A wa lonte dakoh."³ Ya' kadua kalia, ayoa' nyansana, "Haleluya! Asup lonte dakoh nga makka sampe salama-lama a'."⁴ Lalu, kadua puluh ampat ama-ama ge' kaampat makhluk dakoh sujud ge' manyambah Jabata, da unyung ka tumukng takhta, nige' nyansana, "Amin, Haleluya!"⁵ Lakadakoh, ani dangah saratn umpatn takhta, "Ngarania'mih Jabata ite', he akupm smaan da malayan Ini', bait da innek atopun da ahyo, da manghormat Ini!" Pesta Bainya' Anak Domba⁶ Lalu, iko' dangah saratn ulah nyakumpur ahyo talino, ulah pamihu paitn lah, ge' ulah pamihu guntur da hebat, nyansana, "Haleluya! Sabab, Tuhan Jabata ite' Da Mahakuasa mamarintah.⁷ Kaeh ite' basuka-suka ge' basorak-sorai, ge' mangkatn kamuliaan wa' Ini' karna ano bainyha Anak Domba nga utukng, ge' panganten mahu-A nga siap.⁸ Wa'ini' nga gatnmangkatn saput linen halus da barasih ge' cemerlang, ya' gatnngiak karna saput linen dakoh anilah parbuatan da taman da gatn ayo sok kudus umas.⁹ Lakadakoh, malaikat dakoh nyansana wa'iko', "Nulismih diah: 'Gatnberkatita sok da gatnngundang ka paruman bainyha Anak Domba!" Ge', ini' nyansana agi' wa'iko', "Diah ta saratn-saratn da taman umpatn Jabata."¹⁰ Lalu, iko' sujud ka kaja' malaikat dakoh ya' nyambah ini'. Namun, ini' nyansana wa'iko', "iya' umas ladakoh karna iko' uga' hamba ulah imu' ge' ayo agemu' da bajinte wa' kesaksian Yesus. Sambahlah Jabata karna kesaksian Yesus anita roh nubuat.Pamakka Kuda Ranakng¹¹ Lakadakoh, iko' mile' surga tabuka, ge' mungkasta nyungan kuda ranakng; Ini' da unyung ka tumukng a' bagaatn Setia ge' Benar, ge' sadatn kabenaran Ini' manghakimi' ge' baparang.¹² Matu'-A ulah balo api, ka abak'-A ani karah mahkota, ge' Ini' umpu' gaatn da gatnnulis, da kati' gatn nyungan pun panane, kacuali adup-A sadi'.¹³ Ini' ngiak jubah da nga gatn nyihup ka sadatn daya', ge' gaatn-A anilah Firman Jabata.¹⁴ Smaan pasukan da ani ka surga nganang Ini' nige' makka kuda ranakng ge' bapangiak saput linen da alus ge' barasih.¹⁵ Umpatn baba'-A, mungkas nyababak padang da ruja' da gatn ngiak ya' mantokng bangsa-bangsa. Ini' ao' mamarintah ayoa' nige' sangkuhut basi. Ini' ao' ngaccet anggur sadatn batu' kilangan, da anilah pabaji' Jabata Da Mahakuasa.¹⁶ Wa' jubah ge' apa'-A gatnnulis gaattn diah: RAJA SMAAN RAJA GE' TUAN SMAAN TUAN.

¹⁸ spaya imu' kaatn uman dagin ayo raja, dagin ayo panglima, dagin kuda-kuda ge' ayoa' da unyung ka tumukng a', ge' dagin smaan sok, bait dakoh sok bebas atopun sok merdeka, sok innek atopun sok ahyo."¹⁹ Lalu, iko' mile' binatang dakoh ge' ayo raja ka tana'paitn ge' pasukan ayoa' bakumpur ya' baparang malawan Ini' da unyung ka tumukng kuda ranakng dakoh ge' malawan pasukan-A.²⁰ Maka, binatang dakoh gatnnangkap, samahu nabi palsu a' da ngalaka umas tande-tande ajaib ka tura' binatang dakoh, da nige'a' ini' ngalayo ayoa' da nyamut tande binatang dakoh ge' ayoa' da nyambah pantak a'. Ayoa' smaan gatnnyangkahatn idup-idup ka sadatn lautan api da kuat mara kat balerang.²¹ Ge', kaba a' gatnngamis ge' padang da mungkas umpatn baba' Ini' da unyung ka tumukng kuda ranakng dakoh ge' smaan manuk gatnngangkabasoh nige' dagin ayoa'.

Chapter 20

¹Ngalaka' iko' mile' malaikat disah umpatn' surga, minsakng kunci jurang maut ge' nyabuah rante ahyok' ka bareknga'. ²Ini' naap naga dakoh, sa nipa ama' , diu' ta sitan ge' balis, ge' ningoa' salama saribu taun, ³Nyakahatna' ka sadatn' jurang maut, nutupa, ge' nyigela' sapaya ini' kati' ao' nyasat bangsa-bangsa agi, sampe saribu taun dakoh' pangkabas. Laka dakoh' , ini' ao' gatn' ngarapas yak samantara.⁴Lalu, iko' mile' takhta-takhta ge' ka samoa' unyung ayo sok da gatn mangkatn' kuasa yak manghakimi. Iko' mile' jiwa ayo-sok da gatn' nyantak abaka' karena kasaksian Yesus ge' karena firman Jabata, ge' ayoa' da kati' nyambah banatang dakoh' ato patunga' ge' kati' nyamut tande banatang dakoh' wa kaning ato barekng ayoa. Ayoa' ure' idup ge' marintah samahu Kristus salama saribu taun.⁵Aoa' ta, ayo-sok kabis da laitna' kati' idup agi katinga masa pangkabas saribu taun dakoh' diah' ta pangkidup da pamule'. ⁶Gatn mabarakat ge' kuduslah ayo-sok da kaatn' bagian sadatn pangumpat pamule' dakoh'. taradap ayo- sok diah', ka kabis da kadua kati' bakuasa, tapi ayoa' ao' jadi imam-imam Jabata ge' Kristus, ge' ao' marintah samahu Ini' salama saribu taun. Kakalahan Balis⁷Ngalaka masa saribu taun ngaabas, Balis ao' gatn ngarapas umpatn' panjaraa'. ⁸Ini' ao' anu yak nyasat bangsa-bangsa ka ampat panjuru bumi, Gog ge' Magog, ge' ngubu ayoa' yak baparang. Itongan ayoa' ulah pasir ka laut.⁹Ayoa' maka' ka dampar bumi ge' ngalipong dio ayo sok Kudus ge' kota da terkasih. Namun, api disah umpatn rangit ge' mangkabok ayoa'. ¹⁰Lalu, sitan laka nyasat ayoa' gatn nyakahatn ka sadatn lautan api ge' belerang, ka teetn' lah binatang ge' nabi palsu dakoh' uga gatn' nyakahatn. Ayoa' ao' gatn' nyiksa tano' ge' ngarum salama-lamaa. penghakiman ka Hadapan Takhta Ranakng¹¹Ngalaka dakoh, iko' mile' takhta ranakng da ahyo' ge' Ini' da munyung ka samoa', da umpatn' hadapanA' bumi ge' rangit anyap ge' kati' gatn amput' agi tampat yak ayoa'. ¹²Ge', iko' mile' ayo -sok kabis, ahyo' ge' inek,agutn ka hadapan takhta dakoh. Lalu, gatn' muka' Kitab-Kitab ge' nyabuah Kitab da laitn, dakoh ta Kitab kahidupan, ge' ayo-sok kabis dakoh gatn' mahakimi badasar jai da tatulis kasadatn' Kitab-Kitab dakoh, sasuai parbuatan ayoa'.¹³Laut nyarah ayo-sok kabis da ani ka sadatna', maut ge'Hades uga nyarah ayo-sok kabis da ani ka sadatna' ge' ayoa' gatn' mahakimi, masing-masing manurut parabuatana.' ¹⁴Lalu, maut ge' Hades gatn' nyakahatn ka sadatn' lautan api. Diah ta kabis da kadua-- lautan api. ¹⁵Sa' ngina nyungan sok gaatna' kati' tatulis kasadatn' Kitab Kahidupan, ini' ao' gatn' nyakahatn ka sadatn' lautan api dakoh.

Chapter 21

¹ Lakadakoh, iko' mile' rangit da bahu ge' tana'paitn da bahu. Sabab, rangit da pamule ge' tana'paitn da pamule nga lanyap; ge' laut pun nga ka tigi' agi'.² Lalu, iko' mile' kota kudus, Yerusalem Bahu, sosor umpatn rangit, umpatn Jabata, ge' laka gatnnyiap samu'ulah panganten mahu da badandan ya' banun a'.³ Iko' dangah saratn da nyareng umpatn takhta nyansana, "Ile'ta, dio Jabata ani ka tuda'-tuda' talino. Ini' ao' madi' ka antara ayoa' ge' ayoa' ao' jadi umat-A. Adup Jabata ao' ani ka antara ayoa' ya' jadi Jabata ayoa'. ⁴ Ini' ao' ngapus paitn matu' umpatn matu' ayoa' ge' pangkabis ti' ao' ani agi', kati' ao' ani agi' ano ngawang, unse', ato misa anapm karna da idu ngabalalu."⁵ Ini' da unyung ka takhta nyansana, "Ile'mih, iko' umas smaan a' , bahu!" Waatn -A agi', "Nulista diah karna saratn-saratn diah kaatn gatnmacaya ge' taman."⁶ Lakadakoh, Ini' nyansana wa'iko', "Nga abas! Iko' anilah Alfa ge' Omega, Da Pamule ge' Da Pangkabas. Iko' ao' mangkatn nyucur ka asi pun sok da aus umpatn matu'paitn kahidupan ge' sia-sia.⁷ Ini' da manang ao' kaatn smaan diah; Iko' ao' jadi Jabata a' ge' ini' ao' jadi anak-Ko.⁸ Tapi ao' a', ayoa' da buut, kati' pacaya, ge' kejam; pangamis, ayo sok da ti sanunuh, panyantet, ayo' panyambah barhala, ge' smaan sok lacceh, ao' kaatn jatah ayoa' sadatn lautan da ti' madi'-madi' mara kat api ge' balerang.Diahta pangkabis da kadua." Yerusalem Bahu⁹ Lakadakoh, nyungan umpatn ijo' malaikat da minte ijo' cawan da panhu nige' ijo' bala da unyhi' dakoh utukng ge' nyansana wa'iko', "Kaehmih, iko' ao' nyua' wa'imu' panganten mahu, sautn Anak Domba dakoh."¹⁰ Lalu, ini' minsakngko' sadatn Roh nuju ka nyabuah mungu' da batol ahyo ge' nyammo, ge' nyua' wa'iko' kota suci dakoh, Yerussalem, da sosor umpatn rangit, umpatn Jabata,¹¹ panhu ge' kamuliaan Jabata ge' balo a' ulah permata da batol mahal, ulah permata yaspis, jaranih ulah kristal.¹² Kota dakoh ani paga ahyo ge' nyammo nige' dua balas pintu gerbang. Wa' pintu-pintu gerbang dakoh ani dua balas malaikat ge' gaatn-gaatn da gatnnulis ka tumukng a', dakohta gaatn kadua balas suku Israel.¹³Ani taru pintu gerbang ka pihak utara, taru pintu gerbang ka pihak selatan, ge' taru pintu gerbang ka pihak barat.¹⁴ Paga kota dakoh umpu' dua balas batu' pondasi dakoh gatnnulis gaatn kadua balas rasul Anak Domba.¹⁵ Malaikat da nyansana wa'iko' dakoh minte nyabuah pangukur da gatnumas umpatn barawatn ya' ngukur kota dakoh, pintu-pintu gerbang a', ge' paga a'.¹⁶ Kota dakoh ulah segi ampat, angho a' samu' nige' lebar a'. Ini' ngukur kota dakoh nige' sangkuhut a', dua balas ribu stadia; angho, lebar, ge' nyammo a' samu'.¹⁷ Lalu, ini' ngukur paga kota dakoh, saratus ampat puluh ampat hasta, sasue ukuran talino, da uga' ukuran da ya' malaikat.¹⁸ Paga kota dakoh gatnumas ge' permata yaspis ge' kota dakoh gatnumas umpatn barawatn asli, ula kaca calikng a'.¹⁹ Pondasi paga kota dakoh ngiak smaan jenis permata da mahal. Batu' pondasi da pamule anilah batu' yaspis, da kadua batu' safir, da kataru batu' mirah, da kaampat anilah batu' zamrud, ²⁰ da karima batu' unam, da kainum batu' sardis, da kaijo' batu' ratna cempaka, da ka mahi' batu' beril, da ka pire' batu' krisolit, da kasapuluh batu' krisopras, da kasabalas batu' lazuardi. ge' da kaduabalas anilah batu' kecubung.²¹ Kadua balas pintu gerbang a' anilah dua balas mutiara, masing-masing pintu' gerbang gatnumas umpatn nyiteng mutiara. Gala' kota dakoh gatnumas umpatn barawartn asli, ulah kaca calikng a'.²² Iko' ti' mile' Bait Jabata ka sadatn kota dakoh karna Tuhan, Jabata da Mahakuasa, ge' Anak Domba sadiktalah Bait Jabata kota dakoh.²³ Kota dakoh ti' palalu matu'ano ato burat ya' nugo a' karna kamuliaan Jabata nugo kota dakoh ge' Anak Domba anilah pelita a'.²⁴ Bangsa-bangsa ao' bajalatn sadatn balo kota dakoh ge' ayo raja-raja ka tana'paitn ao' minsakng kamuliaan ayoa' ka sadatn a'.²⁵ Pintu-pintu gerbang a' ti' ao' suah gatnngabut tano ano, ge' ti' ao' ani ngarum ka teetn.²⁶ Ayoa' ao' minsakng kamuliaan ge' hormat bangsa-bangsa ka sadatn kota dakoh.²⁷ Namun, ti' ani jai pun da kutor ao' maruh ka sadatn kota dakoh, uga' sok da umas hal-hal da kejam ato umas lacceh, duhutn da gaatn a' gatnnulis ka sadatn Kitab Kahidupan Anak Domba.

Chapter 22

¹Ngalaka dakoh, Malaikat dakoh nyua' wa iko sungi paitn' kahidupan, da bening ulah Kristal, mangalir umpatn takhta Jabata ge' Anak Domba ²ka tauda-uda pagala kota dakoh. Ka dua tabikng sungi, idup puutn kahidupan da mangasil dua balas jenis buah ge' ngasil buaha' satiap buratn. Dauntn-dauntn puutn dakoh gatn'mangune yak makahwatn bangsa-bangsa.³Kati' ao' ani agi kutuk, tapi takhta Jabata ge' Anak Domba ao' ani ka sadatn kota dakoh. Hamba-hamba-A' ao' nyambah Ini'. ⁴Ayoa' ao' mile wajah-A ge' gaatn-A' ao' tatulis wa kaning ayoa'. ⁵Ngarum kati' ao' ani agi singga ayoa' kati' perlu balo lampu ato matuano karna Tuhan Jabata ao' nugo ayoa', ge' ayoa' ao' marintah salama-lamaa'. pangkutukng Yesus Kristus⁶Malaikat dakoh nyasana wa iko,"Smaan saratn diah bisa gatn parcaya ge' benar. Tuhan, Jabata umpatn roh ayo nabi, ngadu malaikat-A' yak nyua' wa hamba-hamba-A' jai da arus segera tajadi. ⁷Dangahlah, Iko' segera utukng! Gatn berkati lah sok da mantaati saratn-saratn nubuat Kitab diah."⁸Iko', Yohanes, da laka dangah ge' mile smaana' dakoh. sa iko' dangah ge' mile smaana', iko' basujud yak menyambah ka kaja malaikat da laka nyua' samaan dakoh wa iko. ⁹Namun, ini' nyasana wa iko, "iya umas dakoh! Iko' diu' ta hamba samu ulah imu' ge' age-agemu', ayo nabi, gae ulah ayoa' da mantaati saratn-saratn ka sadatn Kitab diah. Sembahlah Jabata!"¹⁰Ngalaka dakoh, Malaikat dakoh nyasana wa iko', "Iya nyigel saratn-saratn nubuat kasadatn Kitab diah karna anoa' agi jiket." ¹¹Katea ayo sok da umas da jahe' tetap umas da jahe', sok da kati' suci, sok da umas banar tetap umas kebenaran, ge' sok da kudus tetap mengudus umpu' adup a'."¹²"Dangah, Iko' segera utukng! Ge', Iko' yak minsakng upah-Ko', yak membalas satiap sok manurut parabuatana'. ¹³Iko' diu' ta Dauru' ge' da unyhi', Da Pamule ge' Pangkabas.¹⁴Gatn' berkatilah ayoa' meetn jubah ayoa' singga ayoa' umpu' puutn kehidupan dakoh ge' maruh ka kota dakoh nabo pintu-pintu gerbanga'. ¹⁵Da ka sato kota dakoh diu' ta kasu-kasu, sok da umas sihir, ayo-sok cabul, ayo pangamis, ayo penyembah, bahala, ge' ayo-sok da nyuka da laceh.¹⁶Iko' Yesus, laka ngadu malaikat-Ko' yak basaksi wa imu' tentang samaana' diah bagi jemaat-jemaat. Iko' ta taratat ge' keturunan Daud, Sang Bintakng' Timur da benderang."¹⁷Roh ge' panganten da mahu dakoh nyasana, "Kaeh!" Katea ayo sok da dangah diah nyasana, "Kaehlah!" Katealah sok da aus utukng; katealah sok da basadia naap paitn kehidupan sacara cuma-cuma." Panutup¹⁸Iko' bersaksi wa samaan sok da dangah saratn nubuat Kitab diah: "sa ani da nambah tarutn' wa saratn-saratn diah, Jabata ao' nambah wa ini' samaan bancana da tatulis kasadatn Kitab diah. ¹⁹Ge', sa ani da mangurangi tarutn' umpatn saratn-saratn ka sadatn' Kitab nubuat diah, Jabata ao' naap bagiana' umpatn' puutn' kehidupan, umpatn kota Kudus, ge' umpatn' hal-hal da tatulis ka sadatn' Kitab diah."²⁰Ini' da basaksi tentang hal-hal diah nyasana, "Ai. Iko' segera utukng." Amin*! Utukng mih, Tuhan Yesus! ²¹Anugerah Tuhan Yesus menyertai imu' samaan. Amin.

Bakati’, Rara: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Colossians, Ephesians, Galatians, Hebrews, James, John, Jude, Luke, Mark, Matthew, Philemon, Philippians, Revelation, Romans, Titus

Formatted for Translators

Matthew

Mark

Luke

John

Acts

Romans

1 Corinthians

2 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

Hebrews

James

1 Peter

2 Peter

1 John

2 John

3 John

Jude

Revelation