¹Chichi ndo chaho cha Injili ya Jesu Kiristito, Mwana wa Mulungu. ²Here irivyoandikwa ni nabii Isaya, 'Lola ninamuhuma mujumbe wangu mbereyo, mumwenga andiyetayarisha njirayo. ³Kauli ya mutu ariyaye nyikani, "Ikamilisheni njira ya Bwana; zigoloseni njiraze.⁴Johana wakudza achibatiza nyikahi na kuhubiri ubatizo wa toba urehao msamaha wa dambi. ⁵Tsi yosi ya Judea na atu osi a Jerusalemu akwenda kwakwe. Were anabatizwa ni iye kahiza muho wa Jordani, achikiri dambi zao. ⁶Johana were yunavali vazi ra nyoga za ngamira na mukumbuu wa chingo chununi mwakwe, na were yunarya nzije na nyuchi ya tsakani.⁷Wahubiri na achamba, “Yuvavo mumwenga yunadza badala yangu mwenye nguvu muno kuriko mimi, na sina ruhusa hata ya kuzama tsi na kufugula nyugwe za virahuvye. ⁸Mimi naabitiza kwa madzi, lakini iye yundaabatiza mwimwi kwa Roho mutsunyu.⁹yaomborera kahi za tsiku zizo kukala Jesu wakudza kula Nazareti ya Galilaya, na achibatizwa ni Johana Kahi za muho wa Jordani. ¹⁰Na Jesu arivoinuka kula madzini, waona Mulungu ufuguka lwazu na Roho achitserera dzuluye mfano wa ngiyamanga. ¹¹Na kauli yombola mulunguni “Uwe ndiwe mwanangu muhenzwi. Nihenzezwaye muno ni uwe”.¹²Chisha mara mwenga Roho achimulongoza kwenda nyikani. ¹³Wakala nyikani tsiku mirongo mine achijezwa ni shetani. Were yu vamwenga na anyama a tsakani na malaika achimuhumikira.¹⁴Vikara baada ya Johana kugwirwa, Jesu wakudza Galilaya achitangaza injili ya Mulungu. ¹⁵“ Achamba, muda ufika, na ufalme wa Mulungu uvevi. Tubuni na muamini kahi za Injili.”¹⁶Na arivokala yunachira kandakanda ya bahari ya Galilaya, wamona Simoni na Andrea nduguye anavuwa samaki na vinia vyao baharini, kwa kukala were ni avuvi. ¹⁷Jesu achiamba, Nzoni, nituani, na nindaahedya avuwi a atu” ¹⁸Na mara mwenga aricha vinia na achimutuwa.¹⁹Muda Jesu arivosengera mbere chidogo, wamuona Jakobo mwana wa Zebedayo na Johana nduguye; were akwenye dau anatengeneza vinia. ²⁰Mara achiaiha na ao achimuricha beyao Zebedayo ndani ya dau na ahumiki ariokodishwa, achimutuwa.²¹Na arivofika Kaperinaumu, tsiku ya sabato, Jesu wainjira kwenye sinagogi na achifundisha. ²²Aangalazwa ni funzyore kwa vira were achiafundisha here mutu ariye yuna mamlaka na si here aandishi.²³Muda uo uo kwakala na mutu kahi za sinagogi rao ariyekala na roho muchafu, na achipiga lonzo, ²⁴achamba, "Huna chitu chani cha kuhenda nawe, Jesu wa Nazareti? Wakudza kuhangamiza? Nakumanya u ani. Uwe u Mtakatifu wa Mulungu”. ²⁵Jesu wamchemera ye pepo na achamba, “ Nyamala na wombole ndaniye”. ²⁶Na roho mchafu wamugwaga tsi na achombola kwakwe na achirira kwa sauti ya dzulu.²⁷na atu osini aangalala, vivyo achuzana chila mumwenga, “Nituwani vino mafunzyo mapya genye mamulaka? Hata yunaamurisha pepo achafu na anamusikisa!” ²⁸Na uvoro kumuhusu iye mara mwenga uchitsalarira chila vatu ndani ya mkoa wosi wa Galilaya.²⁹Na mara mwenga baada ya kombola nze ya Sinagogi, ainjira nyumbani mwa Simoni na Andrea achikala na Yakobo na Johana. ³⁰Mtsedzawe Simoni wa Chiche were yu rere ni mkongo wa homa, na mara mwengo achimwambira Jesu uvoro uo. ³¹Vivyo wakudza, achimugwira mukono, na achimuunula dzulu; homa ichimuukira, na achanza kuashuhulikira.³²Dzulo riro vokala dzuwa rizama, amurehera osi ariokala akongo, na ariogolomokwa ni pepo. ³³Mudzi wosi uchidza vamwenga nze ya muryango. ³⁴Wa avoza anji ariokala akongo a makongo mbalimbali na komboza pepo anji, ela karuhusire pepo kunena kwa sababu amumanya.³⁵Walamuka chiramuko cha kurauka ta were kuchere dziza; wauka na achenda vatu va hacheye na achivoya kuko. ³⁶Simon na osini ariokala vamwenga naye achimuyeya. ³⁷Amupata na achimwamba, “Chila mumwenga yunakuyeya”³⁸Achiambira “Huanenzekana hende vatu vanjine nze ya midzi idziyohuzunguluka ili niweze kuhubiri kuko pye. Ndo sababu nakudza vava” ³⁹Wakwenda achichira Galilaya yosi, achuhubiri kahi za masinagogi gao na kuchemera pepo.⁴⁰Mwenye ukoma mumwenga wakudza kwakwe. Were yunamuvoya, wapiga magoti na achimwambira, “Uchihenza, unaweza kunihenda nivole” ⁴¹Jesu wamuonera mbazi achigolosa mukonowe na achimugusa, achimwamba, "Nahenza kala musafi". ⁴²Mara mmwenga mahana gachimombola na wehendwa kukala musafi.⁴³Jesu achimwonya muno na achimwambira aende mara mwenga, ⁴⁴Wemwambira, “Hakikisha usimwambire mutu yoyosi, ela enda, ukadzionyese kwa kuhani, na ulavye sadaka kwa ajili ya utakaso ambao Musa walagiza, here ushuhuda kwao.”⁴⁵Ela wakwenda na kwanza kumwambira chila mumwenga na kutsalariza neno muno hata Jesu kawezere kaviri. Kwinjira mudzini kwa uhuru. Vivyo wakala vatu kanda na atu akudza kwake kula chila vatu.

¹Jesu arivouya Kapernaumu baada ya tsiku chache asikira kukala yu nyumbani. ²Atu anji muno kudza vamwenga varahu na kakukarire na nafasi kaviri hata irahu ya mryangoni, na Jesu achigomba neno kwao.³Chisha badi ya atu akudza kwakwe ariomurehera mutu ariekala wavoloza, atu ane were adzimutsukula. ⁴Muda arivoshindwa kumuchiza kwa sababu ya lukwili lwa atu, ansa paa ra dzulu vatu arivokala Jesu. Na arivokala akobola tundu, atsereza chitanda ambacho iye mutu ariyevoloza were yulazwa.⁵Arivoyona Imani yao, Jesu wamwambira mutu ariyevoloza “mwangu, dambizo zisamehewa” ⁶Ela badi ya aandishi arahu ariokala asegere varahu adziuza mioyoni mwao, ⁷“ Mtu yuno yunawezadze kusamehe dambi? Yunakufuru! Ni ani awezaye kusamehe dambi isivokala Mulungu hacheye?”⁸Mara Jesu achimanya rohoni mwakwe arichokala anachiaza kahi zao. Achambira, “Kwa ufuani munaazavino mioyoni mwenu? ⁹Ni ririro rahisi muno kumwamba mutu ariyevoloza, Dambizo zisamehewa’ hebu kumwamba ‘ima, hala chitandacho, chitsekacho, na wenende?’¹⁰Ela ili mupate kumanya kukala Mwana wa Adamu yuna mamulaka yakusamehe dambi duniani, wamwambira yuyahu ariyevoloza ¹¹Unuko hala muchekao, na wenende nyumbani kwako” ¹²Waima na mara mwenga achihala muchekawe, na achenda nze ya nyumba mbere ya chila mtu, vivyo osini aangalazwa na achimuva Mulungu utukufu, achamba, "Kamwe, kahudzawahi kuona dzambo dza riri.¹³Wakwenda kaviri kandakanda ya ziya, na lukwili wosi lwa atu lwakudza kwakwe, na achiafundisha. ¹⁴Arivokala yunachira wamona Lawi mwana wa Alfayo ariyekala yusegere vatu va kutozera kodi na achimwamba, “Nituwa” Waima na achimutuwa.¹⁵Na muda Jesu arivokala yunapata chakurya kahiza nyumba ya Lawi, atoza kodi anji na atu enye dambi were anarya na Jesu na anafunzie, kwa kukala were ni anji akala anamutawa. ¹⁶Muda aandishi, ambao were ni Mafarisayo, arivoona kukala Jesu were yunarya na atu enye dambi na atoza kodi, waambira anafunzie, “Kwa utuwani yunarya na atoza kodi na atu enye dambi?¹⁷Wakati Jesu arivosikira vivyo waambira “Atu ario ni azima kana haja na muganga; ni atu akongo hacheye ario anahitaji. Sidzire kugiha atu enye hachi, ela atu enye dambi.¹⁸“Anafunzi a Johana na Mafarisayo were achifunga. Na badi ya atu akudza kwakwe na kumwamba, “ Kwadze anafunzi a Johana na Mafarisayo anafunga, ela anafunzio kafunga? ¹⁹Jesu achiauza, “Je adziokudza harusini anaweza kufunga muda bwana harusi yuchere vamwenga nao? Kwa vyovyosi bwana harusi achikala bado yu vamwenga nao kaweza kufunga”²⁰Ela tsiku zindakudza wakati bwana harusi andivouswa kwao, na kahi za tsiku zizo ao andafunga. ²¹Kakuna mtu ashonaye chiraka chivya cha nguo kwenye vazi ra kapindi, cho chiraka chindazidisha kuko kutaruka kwa vazi roro kapindi na kundakula na kutaruka kubomu.²²Kakuna mtu abumaye uchi witsi kwenye viriba vya kapindi, vanjmevo uo uchi witsi undavyansa na vyosi viri vindaangamika. Badalaye buma uchi witsi kwa viriba vivpya”.²³Kahiza tsiku ya Sabato Jesu wachira kwenye badi ya minda na anafunzie achanza kuvulula ya masuche ga ngano. ²⁴Na mafarisayo achimwambira, “Lola, kwa tuwani anahenda chitu ambacho ni chinyume cha shariya tsiku ya Sabato?²⁵Achamwabira “Kamusomere chira arichohenda Daudi arivokala kahi za uhitaji na nzala- iye Vamwenga na atu ariokala vamwenga naye? ²⁶Jinsi arivyokwenda kwenye nyumba ya Mulungu wakati Abiathari were ni Kuhani mubomu na achirya mkahe ambao were udzikwa mbere- amabao were ni chinyume cha shariya kwa mtu yoyosi kurya isivokala makuhani tu na waava hata badi arahu okala vamwenga naye?²⁷Jesu waamba, “Sabato yahendeka kwa ajili ya mwanadamu, si mwanadamu kwa ajili ya Sabato. ²⁸Kwa vivyo, Mwana wa Adamu pye ni Bwana wa Sabato.

¹Chisha Jesu winjira ndani ya Sinagogi na were vana mutu ariyekala mukonowe wavoloza. ²Badi ya atu were anayeya chisingwa kwa vevi ili aoneichikala yundamvoza tsiku ya sabato ili amshitaki.³Jesu wamwambira mtu ariyekala na mkono uriovoloza, “Unuka, ima kahikahi ya likwili lulu” ⁴Chisha achiambira arahu atu, “Je ni halali kuhenda mautu madzo tsiku ya Sabato au kuhenda gasigo hachi; kokola maisha hebu kulaga?” Ela asala kunyamala.⁵Achialola kwa kutsikirwa, achishononeka, kwa sababu ya ufumu wa mioyo yao, na achimwambira iye mtu, “Golosa mkono oo.” Achingolosa na Jesu achimuvoza mkonowe. ⁶Mafarisayo achenda nze achipanga njama vamwenga na Maherodi dzuluye ili amulage.⁷Chisha Jesu, vamwenga na anafunzie, akwenda baharini, na lukwili lubomu lwa atu lwa atuwa lwaombola Galilaya na Uyahudi. ⁸na kula Jerusalemu na Idumaya na mbere ya Jordani na midzi idziovakana na Tiro na Sidoni, Kundi bomu, ririvosikira chila mtu arichokala yunahenda, akudza kwakwe.⁹Na waambira anafunzie atayarishe dau tite kwa ajiliye kwa sababu ya kundi ra atu, ili kwamba asidze akamuhofyana. ¹⁰kwa kukala waavoza anji, chila mtu ariyekala yunasirima were yuna hamu ya kumfikira ili amguse na avole¹¹Vovosi roho achafu arivomona, agwa tsi mbereye na kurira, na achamba, “Uwe u Mwana wa Mulungu” ¹²waachemera na kwa kokotera asimhendye akamanyikana.¹³Wapanda dzulu ya mrima, na achiaiha ariokala yunaahenza na achimutuwa. ¹⁴Achiatsagula kumi na airi (arioaiha mitume), ili kwamba akale vamwenga naye na achiahuma huhubiri, ¹⁵na achiava mumulako ga kuomboza pepo. ¹⁶Na achiatsagula kumi na airi. Simon, ariemuva dzina ra Petero,¹⁷Jakobo mwana wa Zebedayo, na Johana nduguye Jakobo, ariyehewa dzina ra Bonagesi, ao ni ana a chikwangwara, ¹⁸na Andrea, Filipo, Bartholomayo, Mathayo, Tomaso, Jakobo mwana wa Alfayo, Thadayo, Simon Mkananayo, ¹⁹Yuda Iskariote, ambaye ndiye andiyemuguza.²⁰Kisha achenda nyumbani, na lukwili lwa atu luchimutuwa kwa vamwenga, hata asiweze kurya hata mukahe. ²¹Adamue arivosikira uvoro uo, akwenda ili amugwire, kwani amba, “Yudzi ayuka”. ²²Aandishi ariokudza kula Jerusalemu aamba, Yudzipagawa ni Beelzebuli” na kwa mubomu wa pepo Yunaomboza pepo.²³Jesu achiaiha kwakwe na achinena nao kwa mifano, “Inawezekanadze shetani kumomboza shetani? ²⁴Ichikala utawai unadzipiga wenye, kauweza kuima. ²⁵Ichikala nyumba idzigavika yenye nyumba iyo kaiweza kuima.²⁶Ichikala shetani yundakala chinyume mwenyewe na kufitiriika, kaweza kuima, na yundakala yufika mwishowe. ²⁷Enda kakuna hata mumwenga awezaye kwinjira ndani ya nyumba ya mtu mwenye nguvu na aiye vitu vye bila kumfunga kwanza, na chisha kureha vamwenga virivyo mumo nyumbani.²⁸Jeri naambira, dambi zosi za ana a Adamu zindasamehewa, vamwenga na kufuru ambazo anazinena, ²⁹ela yoyosi andiyemukufuru Roho mtutsunyu, kandasamehewa kamare ela yuna hatia ya dambi ya kare na kare” ³⁰Jesu wagomba riri kwa kukala were anamba, “Yuna roho muchafu”³¹Chisha ameye na nduguze achidza na achima konze. Achihuma mutu, amwihe. ³²Na lukwili lwa atu were lusegere vevi naye achimwambira, “ameyo na nduguzo a kuko nze anakuyeya uwe”³³Waajibu, ni yuviye mayo na ndugu zangu? ³⁴Achialola ariokala asegere adzimzunguluka, na achamba, “ Hebu lolani aa ndo ano mayo na ndugu zangu! ³⁵Yoyosi ahendaye mahenzo ga Mulungu, mutu iye nde mwenehu wa chivulana na wa chiche na mayo.

¹Kisha achianza kufundisha kandakanda ya bahari, na kundi bomu ra atu rakudza vamwenga na richimuzunguluka. Achinjira ndani ya dau baharini, na achisagala mumo dauni. Kundi rosi were ri pwani ya bahari. ²Na achiafunzya mautu manji kwa mafumbo, na achiambira maana ya go mafunzyoge.³“Sikisani, munyali wakwenda nyala mbeyu. ⁴Arivokala yunanyala, mbeyu zinjine zagwa njirani, na tsongo achidza achizirya. ⁵Mbegu zingine zichigwa kwenye dziwe, ambavo were kavana mutsanga munji. Mara mwenga zichimera kwa kukala na udongo mchache.⁶Ela dzuwa ririvopiga, miche ichinyauka, kwa kukala were kazina mizi, ichinyauka. ⁷Mbegu zinjine zichigwa kahikahi ya miya. Miya ichikula na ichizizongazonga, na kazivyarire matunda gogosi.⁸Mbegu zinjine zichigwa kwenye udongo mudzo na zichivyala matunda zidikula na zichionjezeka na zichivyala mara mirongo mihahu Zaidi, mirongo mihandahu, na pye mara gana mwenga.” ⁹na achiamba, Yoyosi mweneye masikiro ga kusikira, na asikire!¹⁰Jesu arivokala hacheye, arahu ariokala vevi naye na arahu kumi na airi amuza dzulu mafumbo. ¹¹Achiambira, “Kwenu mwimwi Mulungu yudziafunurira siri za utawalawe. Ela kwa arahu ario konze chila chitu ni kwa mafumbo, ¹²ili achilola, ndiyo alole,ela asione na achisikira, ndiyo asikire ela asielewe, asidze akasikira akaelewaakagaluka na Mulungu akaasamehe”¹³Jesu achiiambira, “Je kamwelewa mafumbo gano? Vikara mundawedze kuelewa mifano minjini? ¹⁴Munyali wanyala neno. ¹⁵Aa ndio arahu ario kandakanda ya njira, vatu varivonyalwa neno. Arivosikira mara mwenga shetani achidza na achirihala ro neno ririronyalwa ndani yao.¹⁶Na badi ya mbeyu zirizonyalwa dzulu ya dziwe; ni arahu ambaoanavosikira neno anarivokera mara mwenga na nyemi. ¹⁷Ela kana mizi yoyosi ndani yao, ela nikuvumurira kwa muda. Baadaye wakati shida na kusirima vidzavo kwa sababu ya neno, mara mwenga anaricha Imani.¹⁸Na anjine ni arahu arionyalwa kwenye miya. Arahu ambao anasikira neno, ¹⁹Ela shuhuli za dunia na ulongo wa mali na tamaa za mautu manjine nikudza na kuzongazonga neno na rikakala karivyala ²⁰Arahu enye ambao anyalwa kwenye mutsanga mudzo ni arahu arisikirao neno, anarivokera na anavyala matunda, mirongo mihahu, mirongo mihandahu na mara gana mwenga,²¹Jesu achiambira, je nikukala unareha taa ndani ya nyumba na kurika tsini ya kavu hebu au tsini ya chitanda? Unarireha ndani na unarika dzulu ya chango. ²²Kwa kukala kakuna chochosi chirichofitswa ambacho kachindamanyikana na hakuna siri ambayo kaindakala lwazu. ²³Iye mwenye na masikiro ga kusikira, na asikire!”²⁴Achiambira, “Mukale matso kwa chicho musikiracho, kwa kukala chipimo muhumiracho ndicho mundicho pimirwa, na Zaidi gandonjezwa kwenu. ²⁵Kwa kukala iye ariye yunacho yundaonjezerwa Zaidi, na iye ariye kana, yundavokwa ta cho aricho nacho.²⁶Achamba, ufalume wa Mulungu ni here mutu ariyenyala mbeyu kwenye udongo. ²⁷Alalaye usiku na kulamuka chiramuko, na apate mbeyu zimera na kukula, ela kamanya zimeradze. ²⁸Tsi inavyala mbeyu yenye: kwanza makodza, baadaye maruwa, baadaye idziyokomala. ²⁹Wakati mavuno gadziva, iye yunahuma mara mwenga mundu kwa maana mavuno ga tayari.³⁰Na chisha achamba, “ni utuwani uwezayo kulinganishwa na afalume wa mulungu, hebu ni mafumbo gavigo huwesago kuhumira kuueleza? ³¹Ni here mbeyu ya, haradali, ambayo, inyalwavo ni tite muno kuriko mbeyu zosini duniani. ³²Ela wakati inyalwavo inakula na kukala muhi bomu zaidi ya mihi yosi ya tsakani, na inahenda tahi bomu, hata tsongo a dzulu mulunguni anaweza kujenga vidzumba vyao kwenye pyeho ya uo muhi.³³Mafumbo manji here gaga, Jesu wagomba nao kwa kadiri ya arivyoweza kuelewa, ³⁴na kagombere nao bila mafumbo ela arivokala hacheye, waaeleza (anafunzie).³⁵Tsiku iyo, wakati wadziloni arivofika, achiambira hindeni nyambu irahu injine” ³⁶Vivyo achiricha kundi ra atu, achimuhala Jesu, virahu arivyokala, ndani ya dau. Were kuna madau majine ambago gakwenda vamwenga naye. ³⁷kwa kala na shida ya pyeho kali hata maimbi were ganaichira ndani ya dau muhadi dau richikala vevi na kudzala madzi.³⁸Ela Jesu mwenye were yu nyuma ya dau, yurere dzulu ya muto. Anafunzie achimulamusa achimwamba, “Mwalimu, kujali kukala huvevi hangamike? ³⁹Achilamuka, achiicheme iyo pyeho na achiambira iyo bahari, “Amani hurira” Iyo pyeho ichihurira na kuchikala na kuhurira kubomu.⁴¹⁴⁰Achiambira, "Mbona mwaoga? Bado kamuna Imani? Achiudzalwa ni woga muno ndani yao na achiambirana, Yuno ni ani hata pyeho na bahari vinamwishimu?

¹Akudza muhadi nyambu ya viri ya bahari, kahi za jimbo ra Gerasi. ²Wakati Jesu arivokala yunaombola kwenye dau, mwanalume mwenye pepo muchafu wakudza kwakwe kula mbirani.³Mutu yuyu were yunaishi mbirani. Kakuna ariyeweza kumuzuliya kamare, hata kwa kumufunga nyororo. ⁴Were wafungwa mara nyinji kwa pingu nyoro. Wakata nyororo na pingu zichivunzika. Kakuna hata mumwenga ariyekala na mukotse wa kumushinda.⁵Usiku na mutsana were yu mbirani na mirimani, warira na kudzikatakata mwenye kwa mawe makali. ⁶arivomuona Jesu kwa kure, wamtuwa malo na achipiga mavindi mbereze.⁷Achirira kwa sauti ya dzulu “ Ninani nawe we Jesu, Mwana wa Mulungu ariye dzulu nakuvoya kwa dzina ra Mulungu mwenye, usinisirimye.” ⁸Kwa kukala Jesu were yumwamba, “Mombole mutu yuyu uwe roho muchafu”⁹Jesu achimuza, “Dzinaro ndiwe ani? Naye achumujibu, “Dzina rangu ni Jeshi, kwa kukala huanji” ¹⁰Achimlalamikira muno chisha muno asiavirike nze ya jimbo.¹¹Were vana kundi bomu ra nguluwe anarisa murimani, ¹²nao achumuvoya, achamba, “Huvirike kwa arahu nguluwe’ huinjire ndani yao” ¹³Kwa vivyo achiaruhusu. Roho achafu achimombola na achiinjira ndani ya nguluwe, na o nguluwe apiga malo achiteremuka tsini muhadi baharini, na were anapata here elfu mbiri nao achizama baharini.¹⁴Na arahu arisa a nguluwe akwenda malo kulavya uvoro wa gadzigohendeka kahiza midzi na mindani, na atu anji akwenda kuona chidzichohendeka. ¹⁵Achidza kwa Jesu na achimona ye mutu ariyekala yupagawa ni jeshi ra pepo, yusegere vavo, yuvishwa na akiliye i timamu achiogova.¹⁶Arahu ariokala adzishuhudia chidzichohendeka kwa mutu ariyekala wapagawa ni pepo aambira kwa undani chidzichohendeka, na pye kuhusu nguluwe. ¹⁷Nao achanza kumuvoya Jesu auke kahiza jimbo rao.¹⁸Arivokala yunainjira dauni, yuyahu ariyekala yupagawe ni pepo wamuvoya enende vamwenga naye. ¹⁹Ela Jesu kamukubarire, ela achimwamba, “Enenda nyumbani kwako na kwa atu akwako na waambire adzichokuhendera Bwana, na adzivyokuonera mbazi” ²⁰Vivyo wakwenda na achanza kutangaza mautu mabomu ambogo Jesu yumuhendera kwakwe kahi za maeneo yosi ya Dekapoli na chila mutu achiangalala.²¹Na wakati Jesu arivovuka kaviri nyambu injine ndani ya dau, kundi ra atu rakusanyika vevi naye, arivokala kandakanda ya bahari. ²²Mumwenga wa vilongozi wa sinagogi dzinare ni Jairo wakudza na arivomuona wagwa maguluni mwakwe. ²³Achimuvoya muno, achamba, “musichana wangu mutite yuvevi na kufa. Ninakuvoya, inzo na wike mikonoyo dzuluye ili aweze kupata uzima na aishi” ²⁴Basi wakwenda vamwenga naye, na lukwili lwa atu lwamutuwa luchimusengerera vevi na kumuzungukula.²⁵kuna mwanamche kahi za ao ambaye were yunaombolani milatso kwa miaka kumi na miri. ²⁶Wasirima muno sana kwa kuchirira aganga anji na wahumira chila arichokala nacho, ela badala ya kuhenda baha haliye yaenderera kukala mbii. ²⁷Arivosikira uvoro dzuluya Jesu, wakudza nyumaye kahikahi ya lukwili lwa atu na achigusa vazire²⁸kwa kukala wamba, “nichigusa vazire we tu nindavola” ²⁹Arivomugusa, kombolwa ni milatso kuchituma na wadzisikira mwirini mwakwe kukala yuvozwa kahi za kusirimakwe.³⁰Na gafula Jesu achimanya ndaniye mwenye kukala nguvu zidzimwombola. Achigaluka kahi za ro kundi ra atu na achiuza “Nyani adziyenigusa nguwo yangu? ³¹Anafunzie achimwamba “Unaona kundi bomu riri ra atu ridziro kuzunguluka na unauza, “nyani adziyekugusa? ³²Ela Jesu walola kuno na kuno ili aone adziyemugusa.³³Mwanamuche iye arivomanya chidzichomuhendekera kera, waogova na kutetema. Wakudza na achigwa maguluni vakwe na achimwambira ujeri wosi. ³⁴Jesu achimwamba, “mwanangu imaniyo idzikuvoza ukale muzima. Enda kwa Amani na uvozwe kula kwa usirimi wa kwako”³⁵Jesu arivokala yunanena, badi ra atu akudza kula kwa chilongozi wa sinagogi achamba, musichanao yudzefa. Kwa utuwani kwenderera kumuyuga mwalimu?³⁶Ela Jesu arivosikira chicho chidzichonenwa achimwamba chiongozi wa sinagogi, "Usiogove, Amini tu." ³⁷kamuruhusire yoyosi alongozane naye isivokala Petero Jakobu, na Johana, nduguye Jakobo. ³⁸Akudza nyumbani mwa chilongozi wa sinagogi naye achona vhurugu, ra kurira kunji na kushononeka kunji.³⁹Arivoinjira nyumbani, achiambira, “kwadze munashononeka na kwa utuwani munarira? Muhoho kadzafa ela yurere” ⁴⁰achanza kumutseka ela waomboza konze osini na achimuhala abaye iye muhoho na ameye na arahu ariokala naye, na achiinjira vatu arivokala iye muhoho.⁴¹Wagwira mukono wa iye muhoho na achimwamba, “Talitha Kumi!? Ambayo nikwamba, “musichana, nakwambira, lamuka” ⁴²Gafula muhoho achilamuka na kutsembera (kwa kukala were Yuna umuri wa miaka kumi na miri). Na gafula achigwirwa ni kuangalala kubomu. ⁴³Achialagiza kwa ukali kukala mutu yoyosi asimanye kuhusu riri. Chisha achiambira amuve musichana chakurya.

¹Na achuka vavo na achenda mudzini kwao Nazareti, na anafuazie achimutuwa, ²Sabato irivofika, waanza kufunzya kwenye Sinagogi. Atu anji amusikisa na achiangalazwa. Achamba, “wagapatavi mafunzyo gano?” Ni hekima ya namna yani ino ariyo ipata?” “Yuno Jesu yunahendadze miujiza ino kwa mikono ye?” ³Je yuno si yuyahu mwana wa fundi wa mbao, mwana wa Mariumu na ndugu yao ambao ni Jakobo, Jose, Juda na Simioni? Je nduguze a chiche si hunaishi nao vava vamwenga naswi? Atu a Nazareti kafurahishirwe ni mafunzyo ga Jesu.⁴Jesu achiambira, “ Nabii kapata hishima, kwao hata kwa nduguze a nyumbani mwakwe. ⁵Kawezere kuhenda miujiza, ila waaikira mikono akongo achache achiavoza. ⁶Waangalazwa muno kwa sababu ya kutsaamini kwao. Chisha achivitsemberera vidzidzi adzivyovakana navyo achifundisha.⁷Achiaiha arahu anafunzi kumi na airi achanza kuahuma airi airi. Achiava mamulaka dzulu ya pepo achafu. ⁸Na achiaonya asihale chochosi ko aendako isivokala ndata tu. Asihale chakurya, hebu mukoba, wala pesa chibindoni; ⁹Ela avale virahu, na musivale kanzu mbiri.¹⁰Na achiambira, Nyumba yoyosi mundiyorinjira kalani vavo muhadi mundivouka. ¹¹Na mudzi wososi usiomuvokera hebu kuasikisa, ukani kwao, kutani mavumbi ga maguluni mwenu, iwe ushuhuda kwao".¹²Nao achenda achiambira atu atubu na kuricha dambi zao. ¹³Anafunzi arivokwenda aomboza pepo anji, na achiavaka mafuha akongo na kuavoza.¹⁴Mufalme Herode arivosikira, dzulu ya uvoro wa Jesu jinsi avozavyo na kuomboza pepo, na kumanyikana na atu. Badi ra atu achamba, “Inawezekana Johana mbatizaji yufufuka na kwa sababu iyo, ii nguvu ya miujiza inahenda kazi ndani ye” ¹⁵Badi ya ao atu achamba, “yuyu ni Elija, Ambaye Mulungu waahidi kwamba yundauya, anjine achamba, “Yuyu ni nabii, here mumwenga. wa arahu manabii a kapindi”¹⁶Ela Herode arivosikira gaga achamba “Johana, niriye lagiza sikari amutose chitswa yufufuka” ¹⁷Maana Herode mwenye wahuma sikari Johana agwirwe na wamufunga jela kwa sababu ya Herodi (mukaza wa nduguye aihiwaye ni Filipo) ambaye Herode were wamuhala akale muchewe.¹⁸Kwa kukala Johana wamwamba Herode, “Si karakara kumuhala mukaza nduguyo.” ¹⁹Ela Herode watsikirwa hata achikusudia kumulaga Johana, ela kaweze. Vivyo wayeya njira ya kumulaga ²⁰maana Herode wamuogova Johana. Wamanya kukala ni mwenye hachi mutu mutakatifu, na wamuricha salama. Na arivoenderera kumusikiza Johana washononeka muno ela henzezwa ni mazungumuzoge na kugasikisa.²¹Hata urivofika muda mudzo irivokala ifika tsiku ya kuvyalwo kwa Herode achiatengezera nyambura bomu maafisage na abomu a majeshi na vilongozi a Galilaya. ²²Ndo wanawe wa chiche achiinjira achunjira na achivina mbere yao, achimufurahisha mufalme Herode na ajeni ariokala asegere wakati wa chakurya cha dziloni. Ndo mufalume achimwambira msichanawe, “Nivoya chochosi uhenzacho nani nindakuva”²³Achimwaapira kwa chiravo achamba, chochosi undichonivoya, nindakuva hata nusu ya ufalume wangu nimilikio” ²⁴Musichana achombola nze ya chumba cha nyambura achimuza ameye, “Nivoye utuwani?” Ameye achimwamba voya, chitswa cha Johana mbatizaji.” ²⁵Kwa haraka muno achiinjira kwa mufalme achanza kwamba, “Nahenza unive dzulu ya sahani, chitswa cha Johana Mbatizaji”²⁶Mufalme wasuganika muno kwa voyo ra mwanawe wa chiche, ela, kwa sababu ya chiravoche na kwa ajili ya ajeni, kawezere kumukaharira voyore. ²⁷Vivyo mufalme achihuma sikari kali za arinzie na achilagiza aende amurehere mwanawe wa chiche chitswa cha Johana. Murinzi wakwenda achimukata chitswa Johana ariyekala chifungoni. ²⁸Achichireha chitswache kwenye sahani achimuva iye muhoho wa chiche, na iye muhoho wa chiche achimuva ameye. ²⁹Na anafunzi a Johana arivosikira gago, akwenda achiuhala mwiriwe achenda uzika mbirani,³⁰Na mitume arivouya kula kahubiri akudza vamwenga mbere ya Jesu achimweleza gosi arigogahenda na arigofundisha. ³¹Naye achiamba, “Nzoni mwimwi anafunzi angu vatu kanda na huoye kwa muda.” Atu anji were anadza kwa mitume na kuuka, hata kapatire muda wa kurya chakurya. ³²Vivyo wapanda dau achenda vatu kanda ambavo kavana atu.³³Ela atu amuona Jesu na anafunzie achuka na anji achiamanya kwa vamwenga akwenda malo kwa kuchirira njira ya magulu kula midzi yosi, na afika pwani kabila yao. ³⁴Jesu na anafunzie arivofika pwani, aona lukwili lubomu ra atu na achiaonera mbazi kwa sababu were ni here ng'onzi ambao kana murisa. Na achanza kuafundiahs mautu manji.³⁵muda waenderera muno na were kudzetswa anafunzi achimudzira achimwamba, “vava ni vatu kanda kavana makalo gaatu, na muda ukwenda muno. ³⁶Alage atu aende midzi ya kandakanda na vidzidzi ili akadzigurire chakurya.”³⁷Ela achiajibu achiamba, "Aveni mwimwi chakurya" Achimwamba, “Hunaweza hukenda hukagula mikahe ya garama ya dinari magana meri na huave arye? ³⁸Achiauza, “Muna mikahe mingavi endani mukalole.” Arivokwenda lola achimwambira, “Mikahe mitsano na samaki airi.”³⁹Achialagiza atu asagale mabadi mabadi, dzulu ya makodza metsi. ⁴⁰Achiasagazya chimabadi, mabadi ga Magana kwa mirongo mitsano. ⁴¹Chisha achihala mikahe mitsano na samaki airi, na achilola Mulunguni. Achimushukuru Mulungu, chisha achiava anafunzie, ili aave riro kusanyiko mkutani. Achiyika mbere io lukwili, na chisha achigavya samaki airi na achiava atu osini.⁴²Atu osini arya muhadi achitosheka. ⁴³Akusanya visiku vya mikahe iriyosala, vichiudzala vikavu kumi na viri na pia vipande pye visiku vya samaki. ⁴⁴Na were ni analume ilifu tsano ariorya mikahe na samaki. Ela anache na ahoho kaatarirwe.⁴⁵Chisha achiambira anafunzie, apande kwenye dau ende vatu vanjine muhadi Bethsaida wakati iye achilaga kusanyiko, ⁴⁶Atu arivokala adzuka, Jesu achenda murimani kuvoya. ⁴⁷Irivofika dziloni, na dau rao were rikahikahi ya bahari, naye Jesu were yu hacheye ko pwani.⁴⁸Na achiaona achiyugika kupiga makasia kwa sababu kusi ririro azuliya. Irivofika vevi na kucha achiaendera, achenenda dzulu dzulu ya madzi, hata achilonda kuachira. ⁴⁹Ela arivomuona Jesu yunenenda dhulu ya madzi, achiinjirwa ni wasiwasi achifikiri ni muzimu achipiga lonzo. ⁵⁰Kwa sababu amona achiudzalwa ni woga. Mara Jesu achigomba nao achamba "Mukale na ungumbao ni mimi! Musikale na woga.”⁵¹Achiinjira ndani ya dau, na kusi richiricha kuvuma nao achiangalala muno. ⁵²Vivyo were kaelewere maana ya irahu mikahe. Maana akili zao were zishindwa ni kuelewa.⁵³Nao arivovuka nyambu, afika tsi ya Genesareti dau raorichika nanga. ⁵⁴Arivoombola nze ya dau atu amumanya, Jesu na anafunzie. ⁵⁵Achusa malo katangaza kahi za jimbo zima na achanza kuareha atu akongo kwenye vitanda vyao, chila arivosikira yukudza.⁵⁶Vovosi arivoinjira kwa vidzidzi hebu midzi, hebu kahi za tsi, atu aika akongo vatu va soko, na atu achimuvoya aaruhuru akongo kugusa mutse wa nguoye. Na osini ariomugusa avola.

¹Mafarisayo na badi ya aandishi ambao were adzombola Jerusalemu akusanyika vamwenga achimuzunguluka Jesu.²Mafarisayo na aandishi aona kukala badi ya anafunzie arya mikahe bila kuoga mikono. ³(kwa sababu mafarisayo na Ayahudi osini karya bila kuoga mikoni yao tototo; Anagwira mila wa atuminya. ⁴Mafarisayo auyavo vatu va soko karya muhadi aoge kwanza. Na kuna shariya zinjine ambazo pye anazituwa kamare. Ni vamwenga na kuojesha vikombe, masufuriya, viya vya shaba na hata vihi vihumikavyo wakati wa chakurya)⁵Mafarisayo na aandishi amuza Jesu, “Kwa utuwani anafunzio kahishimu na kutuwa mila ya atuminya ehu, anarya chakurya bila kuoga mikono?”⁶Ela iye achiambira, “Isaya watabiri tototo dzulu ya mwimwi mafarisayo na aandishi anafiki, waandika, “Atu aa ananihishimu kwa milomo yao, ela mioyo yao ikure na mimi. ⁷Ananihendera ibada ambazo kazina maana, achifunzya shariya za anadamu here mavokero gao.⁸Mudziiricha shariya ya Mulungu na kugwirira kwa mila za atuminya enu.” ⁹Jesu achiambira “Mudzizikahala amuri za Mulungu ili kwamba mtunze mila zenu! ¹⁰Kwa kukala Musa waamba, “muhishimu abayo na ameyo;na iye amukanaye abaye hebu ameye; kwa hakika yundafa.¹¹Ela munamba, ichikala mutu yundanena cha kumwahidi abaye hebu ameye cha ‘musaada wowosi ambao mungavokera kula kwangu hazina ya Hekalu.” ( Vivyo ni kugomba kwamba nidziwomboza kwa mulungu) ¹²Vivyo kumuruhusu muhoho kuhenda utu wowosi kwa ajili ya abaye hebu ameye. ¹³Munazihenda amuri za Mulungu kukala bule kwa kureha mila zenu. Munahenda manji ga kuhalana na gago.”¹⁴Jesu waiha kusanyiko kaviri na achiambira, “munisikise mimi mosimi mwimwi, na muweze kunielewa. ¹⁵kakuna chakurya chochosi chombolacho nze ya mtu ambacho chinaweza kumuchafua mutu chiinjiravo ndaniye. Ela ni chirahu agombacho mutu ndicho chimubanangacho. ¹⁶Ichikala mutu yoyosi yuna masikiro ga kusikira na asikire dzambo riri, na aelewe,¹⁷Jesu arivoaricha atu anji kwinjira nyumbani anafunzie achimuza dzulu ya mufano uo. ¹⁸Jesu achamba, “Namwi pye bado kamudzaelewa? Kamona kukala chakurya chochosi chimuinjiracho mutu kachiweza kumuchafua, ¹⁹Kwa sababu kachiweza kwenda kwenye moyowe ela chininjira kwenye tumboye na chisha chinatsuviwa chooni.” Kwa maelezo gaga Jesu wavihenda vyakurya vyosi kukala vidzo.²⁰Jesu achamba, “Chira ambacho chinamombola mutu ndani ndicho chimubanangacho. ²¹Kwa kukala chinombola ndani ya mutu, ela ndani ya moyo, kunaombola miazo mii, ²²usherati, wivi, kulaga, uzembe, tamaa mbii, ui, ulongo, ufisadi, wivu, lawama, madzivuno, ujinga. ²³Mai, gosi gaga ganombola ndani, na ndo garahu gamubanangago mutu.²⁴Jesu wauka kula varahu arivokala yusegere na kuka kwenda kahi za jimbo ra Tiro na Sidoni. Wainjira ndani na kahenzere mutu yoyosi amanye kukala yuvavo, ela kaiwezekanire kumufitsa, ²⁵Ela gafula mwanamuche wakudza kwa Jesu, ambaye mwanawe mutite were yuna pepo muchafu, wasikira uvorowe, achidza, na achupiga mavindi maguluni va Jesu. ²⁶Mwanamuche iye were ni Muyunani wa kabila ra chifoinike, wamuvoya Jesu amuomboze pepo aombole kwa mwanawe wa chiche.²⁷Jesu achimwambira mwanamuche, “Ariche ahoho ariswe kwanza, chakurywa kwa kukala si karakara kuhala chakurya cha ahoho na kuchitsuvira kuro.” ²⁸Ela yuya mwanamuche achimjibu na kumwamba, “Ndevyo Bwana, hata vo tsini ya meza, kuro nikurya makombo ga chakurya cha ahoho.”²⁹Jesu achimwamba, “Kwa kukala anaamini vivi, u huru kwenenda. Pepo yumombola musichanao.” ³⁰Mwanamuche wauya nyumbani kwakwe na achimutikiza musichanawe yurere chitandani, na pepo were yumombola.³¹Jesu waombora kaviri nze ya jimbo ra Tiro na kuchirira Sidoni kwendera Bahari ya Galilaya muhadi kandakanda ya Dekapoli. ³²Na achimurehera mutu ariyekala chiziwi na were ni bwibwi achimuvoya Jesu aike mikonoye dzuluye.³³Jesu wamomboza mutu yuyu nze ya kusanyiko chisiri, na achika vyalavye kwenye masikiroge, na baada ya kutsuva mahe, wagusa lurimi lwa yuyahu mutu. ³⁴Jesu walola dzulu mulunguni, achivuha pumuzi na achimwambira, “Efatha,” iyo ni kwamba fuguka. ³⁵Na muda uo uo masikiroge gachifuguka chirichokala chizuliya lurimi chichibanangwa na achiweza kunena tototo.³⁶Na achialagiza asimwambire mutu yoyosi. Ela here arivyo alagiza, ndivyo arivyotangaza uvoro uo kwa anji. ³⁷Kwa jeri aangalazwa, na achamba, “Yuhenda chila chitu tototo. Hata yudziahenda viziwi kusikira na mabwibwi kunena.

¹Kahi za tsiku zizo, kwakala na kundi bomu kaviri ra atu, na were kana chakurya, Jesu achiaiha anafunzie na achiamba. ²Ninaonera mbazi lukwili lulu, kwa kukala adzenerera kukala nani kwa muda wa tsiku tahu na kana chakurya. ³Nichialaga auye madzumbani mwao bila kurya anaweza kishindwa njirani kwa mutsware. Na badi yao adziombola kula kure muno. ⁴“Anafunzie achimujibu, “Hunaweza kupata lavi mikahe ya kutosha kahi za sehemu here ii kuaukusha atu aa?”⁵achiauza “muna mikahe mingavi?” Achamba mifungahe. ⁶Achialagiza kusanyiko ra atu asagale tsi. Achihala mikahe mifungahe achimushukuru Mulungu, na achiimegula. Achiava anafunzie aike mbere yao, nao achiika mbere ya atu.⁷Pye were ana samaki atite achache, na baada ya kushukuru, walagiza anafunzie aagavire vivi pye. ⁸Arya na chitosheka, na akusanya visiku virivyo sala, vidziva vibomu vifungahe. ⁹Were kuna atu here ilifu ne. Chisha waaricha enende. ¹⁰Mara achipanda dau vamwenga na anafunzie, na achenda kahi za ukanda wa Dalmanutha.¹¹Chisha mafarisayo aunuka na achanza kulumbana naye. Ahenza aave ishara kula Mulunguni. Ili kumujeza. ¹²Achishononeka moyoni mwakwe achamba, “kwa utuwani chivyazi chino chinayeya dalili? Naambira mwimwi jeri, kakuna dalili indiyoombozwa kwa chivyazi chichi.” ¹³Chisha achiaricha, achiinjira ndani ya dau kaviri achuka kwenda upande munjine.¹⁴Wakati uo anafunzi were asahau kuhala mikahe ya kutosha. Were ana mkahe mumwenga tu ndani ya dau. ¹⁵Jesu achiaonya achamba “Mukale matso na mudzirinde kahi za tsatsu ya Mafarisayo na tsatsu ya Herode.¹⁶Anafunzi were anashindana ao kwa ao dzulu ya kutsakala na mikahe. ¹⁷Jesu arivyomanya gago, achiuaza, “mbona munashindana kwa kutsakala na mikahe? Bado kamona hebu kamwelewa? Muna mioyo mifu?¹⁸Muna matso, kamuona? Muna masikiro, kumsikira? Kamukumbukira? ¹⁹Murivoimega mikahe mitsano kwa atu ilifu tsano, mwahala vidziva virivyoudzala visiku vya mikahe? Achimujibu, kumi na viri”.²⁰“Na nirivoimega mikahe mifungahe kahi ya atu ilifu nne, mwahala vidziva vingavi virivyo udzala visiku vya mikahe? Achamba "vifungahe.” ²¹achiambira, bado kamuelewa?²²Achifika Bethsaida. Atu varahu amurehera chipofu mumwenga kwa Jesu na achimuvyoya Jesu amuguse. ²³Jesu achimugwira mukono iye chipofu, na kumulongoza nze ya chidzidzi. Arivomutsuvira mahe matsoni na kumwikira mikono, wamuza unaona chochosi?²⁴Walola dzulu na achamba, naona atu anaoonekana here mihi inaenendayo. ²⁵chisha achika kahiri dzulu ya matsoge, na mtu yuyahu achigungula matso ge, nguvuze za kuona zichiuya naye waona vitu vyosi lwazulwazu. ²⁶Jesu achimuricha enende nyumbani. Kwakwe na achimwambira, usiinjire chidzidzini.²⁷Jesu wauka na anafunzie kwenda vidzidzi vya Kaisari ya Filipi. Arivokala njirani waauza anafunzie, “Atu anamba mimi ni ani? ²⁸Achimujibu achamba, “Johana mbatizaji” anjine anamba, “Elija” na anjine, “Mumwenga wa manabii.”²⁹Achiuza, “Ela mwino munamba mino ni ani? “Petero achimwambira, “uwe u Kristo”. ³⁰Jesu achiaonya asimwambire mutu yoyosi dzuluye.³¹Na achanza kuafundisha kukala Mwana wa Adamu lazima asirime kwa mautu manji na yundakahalwa ni atuminya na vilongozi abomu a chidini, na aandishi na yundaulagwa, na baada ya tsiku tahu yundafufuka. ³²Wanena uvoro gago lwazulwazu. Chisha Petero achimuhala pembeni kanda na achanza kumuchemera.³³Ela Jesu wagaluka na achialola anafunzie na chisha achimuchemera Petero na achamba, “Enenda nyuma yangu shetani! Kugaweza mautu ga Mulungu isivokala anadamu.” ³⁴Chisha achilwiha lukwili na anafunzie vamwenga na achiambira, “mutu yoyosi achihenza kunituwa, adzikahole mwenye, auhale musalabawe, na anituwe.³⁵Kwa kukala yoyosi ahenzaye kuokola maishage yundagaangamiza, na yoyosi andiyeangamiza maishage kwa ajili yangu na kwa ajili ya injili, yundagaokola. ³⁶Indimuva faida yani, mutu kuupata urimwengu wosi na chisha kuangamiza maishage? ³⁷Mutu yunaweza kuomboza utuwani badala ya maishage?³⁸Yoyosi anioneraye haya mimi na maneno gangu kahi ya chivyazi chichi cha uzinzi na dambi Mwana wa Adamu yundamonera haya mutu iye andivokudza kahi za utukufu wa Abaye vamwenga na malaika atakatifu.

¹Achiambira, Amini naambira akuko kahi yenu aimao vava ambao kandatata chifo mauti kabila ya kuuona ufalme wa Mulungu uchidza na nguvu. ²Na baada ya tsiku tandahu, Jesu waahala Petero, Jakobo na Johana vamwenga naye dzulu ya murima, hachiyao, chisha achigaluka sura mbere zao. ³Mavazige ga ng’ala muno, gachikala meruve kuriko mutu yoyosi duniani awezavyo kugang'alisha.⁴Chisha Elija vamwenga na Musa achimborera mbere zao, na akala anasumurira na Jesu. ⁵Petero wajibu achimwambira Jesu, Mwalimu ni vidzo siswi kukala vava na hujenge vibanda vihahu, chimwenga kwa ajiliyo, chimwenga kwa ajili ya Musa na chinjine kwa ajili ya Elija, ⁶(Kwa kukala kamanyire ra kunena kwa maana aogova muno.)⁷Ingu richidza na kuabiningiza, chisha sauti ichombola kahiza riro ingu, yuyu ni mwanangu muhenzwi, musikireni iye". ⁸Gafula, arivo lola kuku na kuko, kamonere kaviri mutu yoyosi vamwenga nao, isivo kala Jesu tu.⁹Arivokala anatserera kula murimani, achialagiza asimwambire mutu yoyosi garahu gosi arigo gaona muhadi mwana wa Adamu andivofufuka kula kwa ariofa. ¹⁰Kwa vivyo arika dzambo riro ndani ya mioyo yao enye, ela auzana ao kwa ao nituwani maanaye "kufufuka kahiza ariofa".¹¹Amuuza Jesu, kwa utuwani aandishi anamba ni lazima Elija adze kwanza? ¹²Achambira Elija yunadza kwanza kuudzya mautu gosi, kwa utuwani basi yaandikwa kukala idzimulazimu mwana wa Adamu kupata kusirima kunji na kuvurywa. ¹³Ela! Naambira ya kukala Elija wakudza kare na achimuhendera arivyovihenza, here irivyoandikwa dzuluye.¹⁴Na arivofika kwa anafunzi aona kundi bomu ridziazunguluka na aandishi akala analumbana nao. ¹⁵Na mara arivomuona Jeso, kundi rosi raangalala na kuchimbirira kumulamusa. ¹⁶Achiauza anafunzie munalumbana nao dzulu ya utuwani?¹⁷Mutu kahiza lulo lukwili achimujibu, "Mwalimu namureha mwanangu kwako, yuna pepo muchafu amuhendaye asiweze kugomba. ¹⁸Yunamugwavukira na kumubwaga tsi, naye hata nikumuomboza fulo mulomoni na kuzaga meno na kuumalala. Naavoya anafunzio amomboze iye pepo ela kawezere. ¹⁹Achiajibu, chivyazi chisicho amini, nindakala namwi muhadi rini? Ninda avumurira muhadi rini? Mureheni kwangu.²⁰Achimureha iye muvulana kwake. Pepo muchafu arivomuona Jesu, gafula achianza kumutetemesha. Muvulana achigwa tsi na kuomboza fulo mulomoni. ²¹Jesu achimuza abaye yudzikala kahiza hali ino kwa muda wani? Abaye achamba hangu uhohowe. ²²Mara nyinji ni kumubwaga kahiza moho hebu kwenye madzi na kujeza kumulaga, ichika unaweza kuhenda chochosi hunere mbazi na uhavize.²³Jesu achimwambira, "Ichikala unaweza! Chila chitu chinawezekana kwa yoyosi aaminiye. ²⁴Gafula, abaye iye muhoho achirira na kwamba, "Naamini!, Naviza kutsaamini kwangu. ²⁵Muda Jesu arivoona badi ra atu rinadza kwao wamuchemera roho muchafu na achimwamba, uwe roho bwibwi na chiziwi na kuwamuru ombola kwakwe usimwinjire kaviri.²⁶Achirira na kumubudzya muvulana hangaisha kwa nguvu na chisha achimombola, muvulana waonekana here yudzefa, ndivyo anji achamba yudzefa. ²⁷Ela! Jesu achimugwira mukono achimunula na muvulana achima.²⁸Muda Jesu arivoinjira ndani ya nyumba anafunzie amuza chisiri, "Kwadze kahuwezere kumuomboza sino?" ²⁹Achiambira aina dza ii kaiombola isivokala kwa mavoyo.³⁰Achombola varahu na kuchirira Galilaya, kahendzere mutu yoyosi amanye ariko. ³¹Kwa kukala were yunafundisha anafunzie. Achiambira, Mwana wa Adamu yundalaviwa mikononi mwa atu, na andamulaga. Andivofa, baada ya tsiku tahu yundafufuka kaviri. ³²Ela, kaelewere maelezo gaga na aogova kumuza.³³Ndo achifika Kapernaumu, baada ya kuinjira ndani ya nyumba achiauza, "Were munaerekeza mautu gani njirani? ³⁴Ela! Anyamala ziii kwani were analumbana njirani kukala ni ani ariye mubomu muno? ³⁵Ariyosagala tsi achiaiha kumi na airi vamwenga, na achiambira, "Yoyosi ahenzaye kukala wa kwanza, ni lazima akale wa mwisho na muhumwa wa osini."³⁶Achimuhala muhoho mtite, achimwika kahi kahi yao, achimuhala mikononi mwakwe na achiambira, ³⁷"Yeyosi amuvokeraye muhoho here yuyu kwa dzina rangu, pye yundakala yudzinivokera mimi, na ichikala mutu yudzinivokera, kanivokera mimi tu, Ela! Pye iye ariyenihuma.³⁸Johana achimwambira, "Mwalimu, homona mutu yunaomboza pepo kwa dzinaro na huchimukahaza kwa kukala kavamwenga naswi. ³⁹Ela! Jesu achamba, musimuzuliye, kwa kukala kakuna ambaye yundahenda kazi bomu kwa dzina rangu na chisha baadaye agombe neno rii rorosi dzulu yangu.⁴⁰Yoyosi asiye kala chinyume naswi yu upande wehu. ⁴¹Yoyosi andiyekuva uwe chikombe cha madzi ga kunwa kwa dzina rangu ni wa Kristo. Amini naambira kandaangamiza thawabuye.⁴²Yoyosi amukoseshaye mumwenga wa atite aa, aniaminio mimi na kudzikwala ingakala vidzo kwakwe afungwe dziwe ra kusagira tsingoni na kutsuviwa baharini. ⁴³Ichikala mukonoo udzikukosesha utose. Ni baha kwinjira kahiza uzima bila mukono kuriko kwinjira kuzimu na mikono yosi, kahiza moho usiofa. ⁴⁴Vatu ambavo funza kafa na moho kaufa. (Kavimo maandiko ga kapindi.)⁴⁵Ichikala chigulucho chidzikukosesha chitose. Ni vidzo kwako kwinjira uzimani uchikala chirema kuriko kutsuviwa kuzimu na magulugo mairi. ⁴⁶("Vatu ambavo funza kafa na moho usiofa").⁴⁷Ichikala dzitsoro rinakukosesha ring’ole. Ni vidzo kwako kwinjira kahiza ufalume wa Mulungu uchikala na dzitso mwenga kuriko kukala na matso mairi na kutsuviwa kuzimu. ⁴⁸Vatu ambavo funza ao kafa na moho wao kaufa.⁴⁹Kwa kukala chila mutu yundainjizwa munyu kwa moho. ⁵⁰Munyu ni mudzo ela! Ichikala munyu udziangamiza tsatsuyeye unawezadze kuuhendya ukale munyu kaviri? Mukale na munyu mwimwi kwa mwimwi na reri chila mumwenga a munjine.

¹Jesu achuka lalo riro na achenda kahiza jimbo ra Judea na lalo ra nyambu ya muho wa Jorodani, na lukwili lwamutuwa kaviri, waafundisha kaviri here irivyo kala kawaidaye kuhenda. ²Na mafarisayo achidza kumujeza na kumuuza, "Ni halali kwa mulume kumuricha muchewe? ³Jesu achiajibu, "Musa waalagizani? ⁴Achiamba, Musa, waruhusu kuandika cheti cha kumuricha muche.⁵Ni kwa sababu ya mioyo yenu mitu ndo maana achiandikira shariya ii, Jeso achiambira. ⁶"Ela! Hangu mwanzo wa kuumbwa, Mulungu waumba mwanalume na mwanamuche".⁷Kwa sababu ii mwanalume yundamuricha abaye na ameye na kubizanywa na muchewe. ⁸Na ao airi andakala mwiri mumwenga kwa kukala si airi kaviri ela ni mwili mumwenga. ⁹Kwa vivyo aricho chibizanya Mulungu mwanadamu asichitenganishe.¹⁰Arivo kala ndani ya nyumba anafunzie amuza kaviri kuhusu riri. ¹¹Achiambira, yoyosi amurichaye muchewe na kuhala munjine yunahenda uzinzi dzuluye mwenye. ¹²Mwanamuche naye achimuricha mulumuwe na kuhalwa kaviri ni mulume munjine, yunahenda uzinzi.¹³Chisha achimurehera ahoho ao atite ili aaguse, Ela! Anafunzi achiachemera, ¹⁴Ela! Jesu arivomanya riro, watsikirwa na achiambira aruhusuni ahoho atite adze kwangu, musiazuliye kwa kukala ufalume wa Mulungu ni wa ario here ao.¹⁵Ujeri naambira, yoyosi asiyeuvokera ufalume wa Mulungu here muhoho mutite, jeri kaweza, kwinjira kahiza ufalume wa Mulungu. ¹⁶Chisha achiahala ahoho mikononi mwakwe na achiahasa achiaikira mikonoye dzulu yao.¹⁷Na ariovoanza charoche, mtu mumwenga wausa malo wa achipiga mavindi mbereze, na achimuza, Mwalimu mudzo, nihendedze ili niweze kuurithi uzima wa kare na kare? ¹⁸Na Jeso achamba, kwa utuwani unaniha mudzo? Kakuna ariye mudzo isivokala Mulungu hacheye. ¹⁹Unazimanya amuri usiulage, usizini, usiiye, usisingizire ulongo, usikenge, muhishimu abayo na ameyo.²⁰Mutu yuyahu achamba, Mwalimu gaga gosi nagatgwira hangu nichere muhoho. ²¹Jesu achimulola na achimuhenza, achimwamba, udzivungukirwa ni chitu chimwenga unahenzekana ukaguze vyosi urivyonavyo na ukaave achiya, na undakala na akiba Mulunguni. Ndivyo chisha udze unituwe. ²²Ela! Wakata tamaa kwa sababu ya maelezo gaga; achuka wa kushononeka mwenye huzuni kwa kukala were yuna mali nyinji.²³Jesu achialola pande zosi na achiambira anafunzie, ni vifu muno kwa tajiri kuinjira kahiza ufalume wa Mulungu. ²⁴Anafunzi aangalazwa ni maneno gaga, Ela! Jesu achiambira kaviri, ahoho, ni vifu namna yani kuinjira kahiza ufalume wa Mulungu? ²⁵Ni rahisi kwa ngamira kuinjira kwenye tundu ya shindano kuriko tajiri kuinjira kahiza ufalume wa Mulungu.²⁶Aangalazwa muno kulumbana, "Vyo ni ani andiyeokoka" ²⁷Jesu achialola na kuambira risirowekana kwa mwanadamu, kwa Mulungu rinawezekana, kwa kukala kahiza Mulungu gosi ganawezekana. ²⁸"Petero achanza kuzungumuza naye, "Lola! Hudziricha vyosi na hudzikutuwa"²⁹Jesu achamba, ujeri naambira mwimwi, kakuna ariyericha nyumba, hebu nduguye wa chilume, wachiche hebu ameye hebu abaye, hebu ahoho, hebu tsi, kwa ajili yangu, na kwa ajili ya injili. ³⁰Ambaye kandavokera mara gana mwenga zaidi, vava duniani kahiza tsiku zizi, nyumba, ndugu wa chilume ndugu wachiche mayo, ahoho, na tsi, kwa vamwenga na kusirima, na urimwengu udzao, uzima wa kare na kare. ³¹Ela! Anji ario a kwanza adakala a mwisho na ario a mwisho andakala a kwanza.³²Arivokala njirani kwenda Jerusalemu, Jesu wakala yudziatangulia. Anafunzi achiangalala, na arahu ariokala anaatuwa nyuma aogova. Ndo Jesu achiaomboza achiausa njama kaviri arahu kumi na airi na achianza kuaeleza ambacho chindamuomborera kwake vivi vevi. ³³Lolani, hunenenda, muhadi Jerusalemu na mwana wa Adamu yundafishwa kwa makuhani abomu na aandishi. Andamuhukumu afe na andamuomboza kwa atu asio na dini. ³⁴Nao andamuvurya, andamutsuvira mahe, andamupiga ndata na andamuchapa viboko na andamuulaga. Ela! Baada ya tsiku tahu yundafufuka.³⁵Jakono na Johana ana a Zebedayo akudza kwakwe na achamba, "Mwalimu huna haja nawe hunahenza uhuhendere chochosi hukuvoyacho." ³⁶Achiambira, munahenza niahenderedze?" ³⁷Achamba, "Huruhusu husagale nawe kahiza utukufuo, mumwenga kahiza mukono wa kulume na munjine mukono wa kushoto."³⁸Ela! Jeso waajibu, "Kamumanya muchivoyacho. Munaweza kuchinererwa chikombe nichinererwacho mimi, hebu kustahimili ubatizo ambao nindabatizwa?" ³⁹Achimwambira, "Hunaweza" Jesu achiambira, "Chikombe nindichonererwa, mundachinererwa. Na ubatizo ambao kwa uo nabatizwa, yendesagala mundaustahimili. ⁴⁰Ela! yendesagala mukono wangu wa kulume hebu mukono wangu wa kushoto si mimi alavyaye, ela! ni kwa arahu ambao aikirwa tayari.⁴¹Arahu anafunzi anjine kumi arivosikira gaga, achianza kuatsikirwa muno Jakobo na Johana. ⁴²Jesu achaiha kwake na achiamba, "Munamanya kukala arahu aharirwao here atawali a mataifa ni kuhumikisha atu na abomu ario tsini yao ni kugandamiza mamulaka dzulu yao."⁴³Ela! Kavihenzekana kukala vivi kahi yenu. Yoyosi ahenzaye kukala mubomu kahi yenu lazima aahumikire, ⁴⁴na yoyosi andiyekala wa kwanza kahi yenu lazima akawe mutumwa wa osi. ⁴⁵Kwa kukala mwana wa Adamu kadzire kuhumikirwa, ela kuhumika, na kulavya maishage gakale fidia kwa anji.⁴⁶Achidza Jeriko. Arivokala yunauka Jeriko na anafunzie na kundi bomu, mwana wa Timayo Bantimayo, chipofu muvoyi, wasagala kanda kanda ya barabara. ⁴⁷Arivosikira kukala ni Jesu Munazareti waanza kupiga keke achamba, "Jesu mwana wa Daudi nonera mbazi." ⁴⁸Anji amuchemera iye chipofu, achimwamba anyamale. Ela! Warira kwa lonzo muno, "Mwana wa Daudi nonera mbazi"⁴⁹Jesu waima na kulagiza aihiwe, amwiha iye chipofu, achimwamba kala ngumbao! Ima! Jesu yunakwiha. ⁵⁰Achiritsuva pembeni kotire achitina dzulu na achidza kwa Jesu.⁵¹Jesu achimujibu, na kumwamba, "Unahenza nikuhenderedze?" Iye mwanalume chipofu achimujibu, "Mwalimu, nahenza nione" ⁵²Jesu achimwamba, "Enenda. Imaniyo idzikuvoza" Vavo kwa vavo matsoge gachona kaviri na achimutua Jesu barabarani.

¹Vikara vivyo arivokala adzifika Jerusalemu, akala vevi na Bethfage na Bethania kwenye murima wa mizeituni, Jesu achiahuma airi kahi za ao anafunzie. ²Na achiambira, 'Enendani kahiza chidzidzi chiricho mbere yenu. Mara mundavoinjira mumo, mundamutiza mwana punda ambaye kadzapandwa mufuguleni na mumurehe kwangu. ³Na ichikala yoyosi yundaambira utuwani munahenda vino? Munahenzekana mumwambe, "Bwana yuna haja naye na chisha hundamudzya vava."⁴Achenda achimutikiza mwana punda yudzifungwa nze muryangoni nze ya njira bomu nao achimufugula. ⁵Na badi ya atu ario kala adzima varahu achiambira, "Munahendadze mbona kumufugula mwana punda vo?" ⁶Achiambira here Jesu arivyoambira, na atu achiaricha aenende.⁷Achimureha mwana punda kwa Jesu na achihandika nguo zao, naye achisagala. ⁸Atu anji ahandika mavazi gao barabarani, na anjine achihandika mavuko garigokatwa mindani. ⁹Arahu ario muchirira mbere na arahu na ario mutuwa apiga lonzo na njerejere, "Hosana! yudzibarikiwa adzaye kwa dzina ra Bwana. ¹⁰Udzibarikiwa ufalume udzao wa beyehu Daudi! Hosana dzulu mulunguni"¹¹Chisha Jesu achiinjira Jerusalemu, achiinjira hekaluni achilola chila chitu. Vikara mude were udzenenda, waombola kwenda Bethania vamwenga nao kumi na airi. ¹²Macheroye arivokala anaombola Bethania, wasikira nzala.¹³Na achona kwa kure mutini uriokala na makodza achenda ili aone ichikala yunaweza kupata matunda dzuluye, arivofika achipata makodza tu, kwa kukala were si majira ga tini. ¹⁴Achiuambira, "Kakuna yoyosi andiyerya tunda kula kwako kaviri, na anafunzie achisikira.¹⁵Achifika Jerusalemu, naye achiinjira hekaluni na achanza kuaomboza nze aguzi na aguli ndani ya hekalu. Achizivendula meza za ao agaluzao pesa na vihi vya arahu ario kala anaguza ngiya manga. ¹⁶Karuhusire yoyosi kutsukala chochosi hekaluni chirichoweza kuguzwa.¹⁷Achiafundisha na achamba, "Je, kaiandikirwe, nyumba yangu indaihiwa nyumba ya mavoyo kwa mataifa gosi? Ela! Mudziihenda pango ra anyang'anyi. ¹⁸Makuhani abomu na aandishi asikira arivyokala yunena nao achiyeya njira ya kumulaga. Hata vivyo amogova kwa kukali kusanyiko raangalazwa ni mafunzyoge. ¹⁹Na irivofika dziloni, auka mudzini.²⁰Arivokala anatsembera chiramuko, awona muhi wa mutini udziumalala muhadi kwenye miziye. ²¹Petero achikumbukira na achamba, "Rabi! Lola, muhi wa mutini arioulani udziumalala."²²Jesu achiajibu, 'Mukale na imani kahiza Mulungu. ²³Amini naambira kukala chila auwambiraye murima uu, uka, na ukadzitsuve mwenye baharini, na ichikala kana mashaka moyoni mwakwe ela yunaamini kukala, adzichochinena chindakala, vivyo ndivyo Mulungu andivyo uhenda.²⁴Kwa vivyo ninaambira gogosi mugavoyago, aminini kukala mudzigavokera nago gandakala genu. ²⁵Mwimavo na kuvoya, munahenzekana musamehe chochosi dzula ya yoyosi ili kwamba beyenu, ariye Mulunguni aasamehe mwimwi pye makosa genu. ²⁶Ela! musivosamehe, hata beyenu ariye Mulunguni kandamusamehe dambi zenu.²⁷Achuya Jerusalemu kaviri na Jesu arivokala yunatsembera hekaluni, makuhani abomu na aandishi na atuminya a hekalu akudza kwake. ²⁸Na achimwamba, "Kwa mamulaka gani unahenda mautu gano? Na ni ani ariye kuva mamulaka gakuhenda gano?"²⁹Jesu achiambira, nindauza swali mwenga, "Niambirani, na mimi nindamwambira kwa mamulaka gani ninahenda mautu gaga. ³⁰Je! Ubatizo wa Johana waombola Mulunguni hebu waombola kwa anadamu? Nijibuni."³¹Achilumbana na kushindana ao kwa ao na kwamba, "Huchiamaba kula Mulunguni, yundamba kwa utuwani mbona kamumwaminire? ³²Ela! Huchamba, waombola kwa anadamu. "Aogova atu, kwa kukala osini amanya kukala Johana were ni nabii. ³³Ndivyo achimujibu Jesu na kwamba, "Kahumanya" Ndivyo Jesu achiambira, "Wala mimi sindaambira ni kwa mamulaka gani nagahenda mautu gaga."

¹Chisa Jesu achanza kuafundisha kwa mafumbo, achamba mutu wanyala mundawe mizabibu achirizungulusira wiyo, na achitsimba gopwe ra shinikizo ra divai. Achijenga munara na chisha achiukodisha uo munda kwa akurima a mizabibu. Chisha achenda safari ya kure. ²Muda urivofika achimuhuma ga munda wa mizabibu. ³Ela! Amugwira, achimupiga na achimuzola bila chochosi.⁴Kaviri achuhuma kwao muhumiki munjine, na achimubuma maranga ga chitswani na kumuhendera aibu. ⁵Chisha achimuhuma munjine, na yuyu achimulaga. Aahendera anjine anji mautu mai dza gago, achiapiga anjine na kualaga anjine.⁶Were bado yuchere na mutu mumwenga wa kumuhuma, mwana muhenzwi. Naye wakala wa mwisho ariye humwa kwao. Achamba, 'Andamuhishimu mwanangu." ⁷Ela! Arahu akurima a mizabibu achiambirana, "Yuyu ndiye murithi, inzoni humulage iye, na urithi undakala wehu.⁸Achimugwira, achimulaga na kumutsuva nze ya munda wa mizabibu. ⁹Kwa vivyo, Je! Yundahendadze yuno mumiliki wa munda wa mizabibu? Yunda kudza aangamiza ao akurima a mizabibu na yundaulavya uo, munda wa mizabibu kwa anjine.¹⁰Kamudzangwe kurisoma andiko riri? Dziwe ambaro ajenzi arihakala, ridzikala dziwe ra pembeni. ¹¹Riri raombola kwa Bwana na ni ra kuangalaza matsoni vehu. ¹²Baada ya gaga, vilongozi achiyahudi ayeya njira ya kumugwira Jesu, kwani amanya kukala wanena mufano uo dzulu yao. Ela aogova lukwili lwa atu. Hivyo amuricha achenenda.¹³Chisha achiahuma sehemu ya mafarisayo na maherodia kwakwe ili kumuhega kwa maneno. ¹⁴Arivofika, achimwambira, "Mwalimu, hunamanya uwe u wa jeri na kuyumbishwa ni mutu yoyosi, kwa kukala kuna upendeleo. Unafundisha njira ya Mulungu kahiza ujeri. Je ni haki kuriva kodi kwa kaisari hebu la? Je! Hunaweza kuriva hebu la? ¹⁵Ela! Jesu wamanya unafiki wao na achiambira, "Kwa utuwani manijeza? Nipani dirani niweze kuilola."¹⁶Achireha mwanga kwa Jesu, achiambira, Je! Ni sura na maandishi ga ani garigo vano? Achamba, "Ga Kaisari." ¹⁷Jesu achiambira, "Muveni Kaisari vitu vya Kaisari na Mulungu vitu vya Mulungu." Achiangalazwa.¹⁸Chisha Masadukayo, agombao kukala kakuna ufufulwo achimwendera. Achimuza, achamba, ¹⁹"Mwalimu, Musa wahuandikira kukala, ichikala ndugu ya mutu achifa, na kumuricha muchewe nyuma, ela kakaricha mwana mutu yundamuhala uta mukuza nduguye, na kudzipatira ahoho kwa ajili ya nduguye."²⁰Kwa kala na ndugu afungahe, wa kwanza achihala muche na chisha achifa, karichire ahoho. ²¹Chisha wa viri achimuhala ufa, naye achifa karichire ahoho. Na wahahu ali dza iyo. ²²Na osini afungahe karichire ahoho, mwisowe na iye mwanamuche naye pye achifa. ²³Wakati wa ufufulwo, andivofufuka kaviri, Je! Yundakala mukaza ani? Kwa maana ndugu osini afungahe akala adzimuhala.²⁴Jesu achiambira, "Je! Ino sio sababu yenu kudziangamiza, kwa sababu kamumanya maandiko wala nguvu za Mulungu. ²⁵Maana andivofufuka kahiza ariofa kahala wala kuhalwa, ele ni here Malaika a Mulunguni.²⁶Ela! Kuhusu ariofa ario anafufulwa, Je! Kamudzasoma kahiza chitabu cha Musa, kahiza uvoro wa chitsa here Mulungu arivyogomba naye na kumwamba, "Mimi ni Mulungu wa Abrahamu, na Mulungu wa Isaka, na Mulungu wa Jakobo?" ²⁷Iye si Mulungu wa ariofa ela wa ario moyo, mudzikosera kamare."²⁸Mumwenga wa aandishi acidza na achigasikira mazungumuzo gao, waona kukala Jesu yudziajibu tototo. Achimuza, "Je! Ni amuri iriyo muhimu zaidi kuriko zosi?" ²⁹Jesu achimujibu, iriyo ya muhimu ni ii, "Sikira, Israeli, Bwana Mulungu weu, Bwana ni mumwenga. ³⁰Lazima umuhenze Bwana Mulunguo, kwa moyo wosi, kwa nafsiyo yosi, kwa akilio yosi, na kwa nguvu zo zosi. ³¹Amuri ya viri ni ii, shuruti umuhenze jiraniyo here udzihenzavyo mwenye, kakuna amuri injine bomu zaidi za zizi."³²Mwandishi achamba ni vidzo, "Mwalimu! Udzigomba jeri kukala Mulungu ni mumwenga, na kakuna munjine zaidi ya iye. ³³Kumuhenza iye kwa moyo wosi, na kwa ufahamu wosi na kwa nguvu zosi, na kumuhenza jirani here mutu adzihenzavyo mwenye, ni zaidi ya sadaka zosi za kuhenda kochwa na dhahibu. ³⁴Wakati Jesu arivooa yudzomboza, jibu ra busara, achimwambira, uwe kukure na ufalume wa Mulungu. Baada ya vavo kakuna hata mumwenga ariye subutu kumuza Jesu maswali gogosi.³⁵Na Jesu arivokala yunafundisha hekaluni waamba, "Je! Ikaladze aandishi anenavyo kukala Kristo ni mwana wa Daudi? ³⁶Daudi mwenyewe kahiza Roho Mtakatifu, waamba, "Bwana, kwa Bwana wangu, sagala kahiza mukono wa kulume, muhadi nindivoaika mahaduio tsini ya magulugo. ³⁷Daudi mwenye nikumwiha Bwana, Je! Kristo yunaweza kukala mwana wa Daudi chidzedzedze?" Na lukwili lubomu lwa lwamusikisa kwa furaha.³⁸Kahiza mafundishoge Jesu achamba, "Kalani matso na aandishi, ahamirwao kutsembera na kanzi nyire na kulamuswa kwenye masokoni. ³⁹Na kusagala kwenye vihi vya abomu kahiza masinagogi na kukala vatu va hishima nyamburani. ⁴⁰Pye anarya nyumba za magungu na anavoya mavoyo mare ili atu aaone, na atu aa andavokera hukumu iriyo bomu"⁴¹Chisha Jesu achisagala tsi vevi na sanduku ra sadaka ndani ya hekalu; were yunalola atu ario kala anainjiza pesa zao ndani ya sanduku. Atu anji matajiri aika chiasi chibomu cha pesa. ⁴²Chisha mwanamuche gungu muciya wakudza na kwinjiza sarafu mbiri za puwa ya senti mwenga.⁴³Achiaiha anafunzie na kuambira, amini naambira, mwanamuche yuyu gungu muchiya yudziinjiza chasi chibomu muno kuriko osini ambao adziomboza kahiza sanduku ra sadaka. ⁴⁴Maana aa osini adzomboza kulingana na unji wa chipato chao. Ela! Mwanamuche yuyu kula kahiza uchiyawe, yudziinjiza pesa zosi ambazo ere zinahenzekana ahumire kahiza maishage.

¹Jesu arivokala yunatsembera kula hekaluni, mumwenga wa anafunzie achimuza, "Mwalimu, lola mawe gaga na majengo gakuangalaza" ²Jesu achimwambira, "Unaona majengo gano mabomu? Kakuna hata dziwe mwenga rindiro sala dzulu ya rinjine ambaro karindabwanga tsi."³Na arivokala yusagala dzulu ya murima wa mizeituni chunyume na hekalu, Petero, Jakobo, Johana na Andrea achimuza chisiri. ⁴Hambire mautu gano gandahendeka rini? Ni utu wani dalili ya mautu gano kuhendeka?"⁵Jesu achanza kuambira, "Kalani matso mutu asiakenge. ⁶Anji anakudza kwa dzina rangu achamba, "Mimi ndeye", na andaakenga anji.⁷Musikiravo uvoro wa viha na fununu za viha musiogove gaga sutu gahendeke ela mwisho bado. ⁸Kwa maana taifa rindaunuka dzulu ya taifa rinjine, na ufalume dzulu ya ufalume. Kundakala na mutetemeko wa tsi sehemu mbali mbali na nzala. Gano ni mwanzo wa utsungu.⁹Kalani matso andaavikira muhadi mabarazani na mundapigwa kahiza masinagogi. Mundaimiswa mbere za atawali na afalume kwa ajili yangu, here ushuhuda kwao. ¹⁰Ela! Injili sutu kwanza ihubiriwe kwa mataifa gosi.¹¹Andivo agwira na kuakabidhi, msiogove kuhusu chirahu ambacho mundagemba kwa kukala kahiza muda uo mundahewa chirahu mundichochigomba kamundakala mwimwi mugombao, ila roho mtakatifu (mtakatifu). ¹²Ndugu yundamuguza ndugu aulagwe, baba yundamuguza mwanawe, ahohho andaunuka dhidi ya avyazi ao na kuahenda aulagwe. ¹³Munda menwa na chila mtu kwa sababu ya dzina rangu. Ela! Andiye vumirira mpaka mwisho, mtu iye yundaokoka.¹⁴Mundivoona tsukizyo ubananzi ridzima vatu ambavo karihenzekana kwima (asomaye na afahamu), ndivyo ario ndani ya Judea achimbirire mirimani. ¹⁵Na ariye dzulu ya dari asitsererendani ya nyumba, wala kuhala chitu ndaniye, ¹⁶Na ariye mundani asiuye kuhala nguoze.¹⁷Ela! Shauri yao ana-ache ario na tumbo na amwisao kahiza tsiku zizo! ¹⁸Voyani kukala isikale ni tsiku za pyeho (baridi) ¹⁹Kwa maana zizo zindakala tsiku za dhiki bomu, ambayo, kaidzakala namnaye hangu Mulungu arivoumba urimwengu, hata vivi wala kaindakalako kahiri. ²⁰Kala Bwana kazivunguzire tsiku zizo, kakuna mtu ambaye angaokoka. Ela! Kwa ajili ya ahenzwa (wateule) ario atsagula waavunguza tsiku zizo.²¹Wakati uo mutu yoyosi andiyemwamba, "Lola, Kristo yuvava hebu lola hivara! Musiamini. ²²Kwani makristo aulongo na manabii a ulongo andakudza na andaomboza ishara na maajabu ili kwamba aakenge, hata ateule. ²³Kalani matso! Nidziambira gosi kabila ya wakati.²⁴Ela! Baada ya kushononeka kwa tsiku zizo, dzua rindazizwa, mwezi kaundaomboza wangawe. ²⁵Nyenyezi zindagwa kula mulungun, na nguvu zirizo Mulunguni zindatukusira. ²⁶Ndivo andivomona mwana wa Adamu achidza menguni kwa nguvu nyinji na utukufu. ²⁷Ndivo yundahuma malaikae na yundaareha vamwenga ateulee kahiza pembe ne bomu za dunia kula mwisho wa dunia muhadi mwisho mulunguni.²⁸Dzifunzyeni kula kwa mutini. Mara tu tahi indivoonyesa udzowe na kutsipuza makodzage, majira ga dzua ga vevi. ²⁹Vivyo hivyo, muonavyo mautu gago gachihendeka, manyaani kukala iye yuvevi na maryango.³⁰Jeri naambira, chivyazi chichi kachindaricha muhadi mautu gaga gosi gahendeke. ³¹Mbingu na tsi zindachira, Ela! Maneno gangu kagandaricha kamare. ³²Ela! Kuhusu tsiku iyo hebu saa kakuna amanyaye hata Malaika mulunguni, wala mwana isivokala baba.³³Kalani matso, chesani, kwa kukala kamumanya ni wakati wani gandaombola. ³⁴Ni here mutu ariye charoni, yunaricha nyumbaye na kuika ahumikie akale atawala a nyumba, chila mumwenga na kaziye, na kumulagiza murinzi kukala matso.³⁵Kwa vivyo kalani matso, kwani kamumanya ni rini bwana wa nyumba andivouya nyumbani, inawezekana ni dziloni, usiku wa manane wakati jogolo rindivoihika, hebu chiramuko, ³⁶Ichikala yundakudza gafula, asikutikize urere. ³⁷Niambiracho naambira chila mutu; "Chesani!"

¹Were ni tsiku mbili tu kabila ya tsikukuu ya paska na mikahe isiyobumwa tsatsu. Makuhani abomu na aandishi akala achiyeya njira ya kumugwira Jesu kwa siri na kumulaga. ²Maana were anamba, sio wakati wa tsikukuu, atu asidze akahenda fujo.³Wakati Jesu arivokala Bethania nyumbani kwa Simoni mkoma, na arivokala yudziejemera meza, mwanamuche mumwenga achidza kwakwe achikala na chupa ya alabasta yenye marashi ga garama bomu, ambayo ni nardo mbidzo. Achiivunza iyo chupa na kumwaga iyo nardo chitswani mwakwe. ⁴Ela! Were kuna sehemu yao ariotsikirwa. Achimuzungumuza ao kwa ao na kwamba, "Ni kwa utuwani kubananga marashi dza gano?" ⁵Marashi gago gangaweza kuguzwa kwa zaidi ya dinari magana mahahu, na kuhewa asiodziweza, chisha achimuchemera.⁶Ela! Jesu achamba, muricheni, kwa utuwani munamuyuga? Yudzihenda dzambo ridzo kwangu. ⁷Tsiku zosi munao asiodziweza vamwenga namwi, na wakati wowosi muhamirwavo munaweza kuhenda madzo kwao, ela mimi kamundakala nami tsiku wosi. ⁸Yudzihenda chirahu achiwezacho, yudziuvaka mwiri wangu mafuha kwa ajili ya maziko. ⁹Jeri naambira, chila vatu injili inavohubiriwa kahiza urimwengu wosi, chicho adzichochihenda mwanamuche yuyu chindagombwa kwa kukumbukirwa iye.¹⁰Chisha Judas Iskariote, mumwenga wa arahu kumi na airi, wakwenda kwa makuhani abomu ili kwamba apate kumulavya kwao. ¹¹Wakati makuhani abomu arivosikira vivyo, afurahi na achilagana kumuva pesa. Achianza kuyeya nafasi ya kumulavya kwao.¹⁴¹²Tsiku ya kwanza mikahe isiyobumwa tsatsu, wakati arivoomboza mwanang'onzi wa pasaka anafunzie achimwambira unahenza hendevi hukatayishe muryo wa pasaka? ¹³Achiahuma airi a anafunzie na achiambira, enendani mudzini, na mwanalume yutsukula fuko ya madzi yundakutana namwi. Mutuweni. Nyumba andioinjira, mutuweni na mumwambire mwenye nyumba iyo, mwalimu yunauza "Chilavi chumba cha ajeni vatu nindivoirya pasaka na anafunzi angu?"¹⁵Yundaonyesa cumba chibomu cha dzulu chiricho na mapambo garigo tayari. Hendani matayarisho kwa ajili yehu varahu. ¹⁶Anafunzi auka achena mudzini. Atikiza chila chitu here arivyokala adzambirwa na achitayarisha muryo wa pasaka.¹⁷Wakati irivokala dziloni, achidza na arahu kumi na airi. ¹⁸Na arivokala ana sengerera meza na kurya, Jesu achamba, "Jeri naambira mumwenga kahi yenu ariye yunarwa vamwenga nami yundaniguza" ¹⁹Osini asikitika, na mumwenga baada ya munjine achimwambira, "Hakika si mimi?"²⁰Jesu wajibu na achiambiri, "Ni mumwenga wa kumi na airi kahi yenu, mumwenga ambaye vivi kare yunatsatsa honje kahiza bakuli vamwenga nami. ²¹Kwa kukala mwana wa Adamu yundaenenda here virahu maandiko ganenavyo dzuluye. Ela! Shauriye mutu yuyahu ambaye kuchirira iye mwana wa Adamu yundaguzwa. Ingakala vidzo zaidi kwake kala mutu yuyahu kangavyarirwe.²²Na arivokala anarya, Jesu achihala mkahe, achiubariki na kuumega. Achiava achamba, "Halani, uu ni mwiri wangu. ²³Achihala chikombo, achishukuru, na achiapatira, na osini achinwa. ²⁴Achiambira, "Uu ni mulatso wangu wa lagano, mulatso umwagikao kwa ajili ya anji. ²⁵Jeri naambira sindanwa kaviri kahiza vyalo riri ra muzabibu muhadi tsiku irahu nindivonwa pya kahiza ufalume wa Mulungu²⁶Arivomarigiza kuimba wira, aombola nze achenda kahiza murima wa mizeituni. ²⁷Jesu achiambira, mwimwi mosini mundadzitenga kure nami, kwa kukala yaandikwa, "nindamupiga murisa na ng'onzi zindatsamukana."²⁸Ela! Baada ya kufufuka kwangu, nindaatangulia mbere zenu Galilaya. ²⁹Petero wamwambira, "Hata kala osini andakuricha, mimi sindakuricha."³⁰Jesu achimwambira, "Jeri nakuambira rero ndevyo usiku uu, kabila jogolo karidzaihika mara mbiri, undakala udzinikahala kana tahu." ³¹Ela! Petero achamba kwa musisitizo, ichikala nilazima nife nawe, sindakukahala osini alavya ahadi iyo iyo.³²Achifika vatu vaihiwavo Gethsemane na Jesu achiambira anafunzie, "Sagalani vava, wakati ninavoya." ³³Achiahala Petero na Jakobo na Johana vamwega naye, achanza kushononeka na kuyugika muno. ³⁴Achiambira, "Roho yangu ina utsungu muno, hata kufa. Salani vava na muchese."³⁵Jesu achenda mbere chidogo, achipigwa chinabuhabu achivoya, ichikala indawezekana, kwamba saa ii imukire. ³⁶Achamba, "Aba, Baba, mautu gosi ganawezekana kwako. Niusira chikombo chichi. Ela! Si kwa mahenzo gangu, ela kwa mahenzago."³⁷Achuya na achiatikiza arere, na achimbira, Petero, "Simoni, vidze urere? Kuwezere kuchesa hata angalau mwenga? ³⁸Chesani na muvoye kwamba musidze mukainjira kahiza majezo. Hakika roho i radi, ela! Mwiri udhaifu. ³⁹Achenda kaviri na achivoya, na achihumira maneno gago gago.⁴⁰Arivouya kaviri achiatikiza arere kwa kukala matso gao were ni mahizo, kamanyire ni utuwani wa kumwambira. ⁴¹Achuya lwa hahu na kuambira, "Bado muchere rere na kudzoyeza? Vinatosha! Saa ifika. Lola Mwanawa Adamu yunaguzwa mikononi mwa enye dambi. ⁴²Lamukani, henendeni. Lola! Yuyahu ariye yunaniguza yufika vevi"⁴³Arivokala yucherenena, Judas, mumwenga wa arahu kumi na airi achifika, na kundi bomu vamwenga naye enye myundu na marungu, kula kwa makuhani abomu, aandishi na atuminya a chidini. ⁴⁴Wakati uo muguziwe wakala yudisiava ishara, achamba yuyahu ambaye nindamubusu, ndeye. Mugwireni na kumuviri tsini ya urinzi. ⁴⁵Wakati Juda arivofikaa, mwenga kwa mwenga achenda kwa Jesu na kumwamba, "Mwalimu!" Na achimubusu. ⁴⁶Chisha achimwinjiza tsini ya urinzi na kumugwira.⁴⁷Ela! Mumwenga kahiza ao adziyeima vevi naye achomboza munduwe achimukata sikiro muhumwa wa kuhani mubomu. ⁴⁸Jesu achiambira, mukudza kunigwira myundu na marungu here munyang'anyi? ⁴⁹Wakati uo wosini nakala namwi a kufundisha hekaluni, kumunigwirire. Ela! Riri ridzihendeka ili maandiko gatimire. ⁵⁰Na arahu osini okala na Jesu amuricha na achichimbira.⁵¹Muvulana mumwenga, ariye kala yuvala vazi ra kitani ariro kala yudzidzilingila, were yunamutua Jesu. Arau atu arivomugwira, ⁵²waricha iyo nguo ya kitani na kuchimbira vuvu.⁵³Amulongoza Jesu kwa kuhani mubomu. Varahu akudza vamwenga naye mbere za abomu osini atuminya na aandishi. ⁵⁴Vikara Petero achimutuwa kwa kure, kulozera upande wa bomu ra kuhani mubomu, achisagala vamwenga na maafisa, achoha moho ili apate dzoho.⁵⁵Wakati uo makuhani abomu osini na baraza rosi ra Ayahudi akala achiyeya ushahidi dzulu ya Jesu ili aweze kumulaga. Ela! kawezere. ⁵⁶Kwa kukala atu anji areha ushuhuda wa ulogo dzuluye, ela! hata ushahidi wao kauhalanire.⁵⁸⁵⁷Anjine aima na kureha ushahidi wa ulongo dzuluye, achamba, /

³¹Chiramuko chiti abomu a makuhani na atuminya a dini na aandishi na baraza rosi ra Ayahudi achishauriana vamwenga, chisha achimufunga Jesu na kumulongoza achimuvirika kwa Pilato. ²Pilato achimuza, "We ndiwe mufalume wa Ayahudi?" Achimujibu, uwe ndiwe udziyegomba vivyo. Abomu a makuhani achisema mashitaka manji dzulu ya Jesu.⁴Pilato achimuza kaviri kujibu chochosi? Kuona jinsi arivyoanakushitaki kwa mautu manji? ⁵Ela! Jesu kamujibire Pilato na iyo yamwangalaza.⁶Kwa kawaida wakati wa tsikukuu Pilato nikumufugurira mufungwa mumwenga, mufungwa adziyemuvoya. ⁷Kwa kala na mutu aihiwaye Barabara kuko jela, wafungwa vamwenga na afitini arioulaga wakati wa fitiria. ⁸Atu anji achidza kwa Pilato, na kumuvoya, aahendere here arivyoahendera vavo mwanzoni.⁹Pilato achiajibu na kwamba, "Munahenza nimurichire mufalume wa Ayahudi?" ¹⁰Kwa kukala wamanya ni kwa sababu ya wivu wa abomu a makuhani ndivo achimugwira Jesu na kumureha kwakwe. ¹¹Ela! Abomu a makuhani atsetsera atu anji kupiga lonzo ili kwamba Baraba arichirwe badalaye.¹²Pilato achiajibu kaviri na kwamba, nimuhendedze mufalme wa Ayahudi? ¹³Achipiga lonzo kaviri, "Msulubishe!"¹⁴Pilato achiauza, yuhenda mautu gavigo mai? Ela! Achizidi kupiga lonzo muno, "Msulubishe" ¹⁵Pilato achihenza kuluva radi lukwili, achiafugurira Baraba.¹⁶Achimupiga Jesu viboko chisha achimulavya ili asulubiwe. Sikari amulongoza muhadi ndani ya boma (Ririrokala ni makalo mabomu ga sirikali) achireha vamwenga, chikosi chizima cha sikari. ¹⁷Achimuvika Jesu kanzu ya rangi ya zambaraho, na achisuka tadzi ya miya achimuvisha. ¹⁸Achanza kumuvurya na kwamba, "Salamu, mufalume wa Ayahudi!"¹⁹Were anamupiga chitswani na ndata ya mwanzi na kumutsuvira mahe. Achipiga mavindi mbereze kwa kumuhishimu. ²⁰Hata arivomala kumuvurya amuvula irahu kanzu ya rangi zambaraho na kumuvisha mavazige na achimomboza nze kwenda kumusulubisa. ²¹Mutu fulani Mukirene, ariyekala yunainjira mudzini kula mundani (Abaye Aleksanda na Rufo) amushurutisha kutsukula musalaba wa Jesu. ²²Sikari achimuvikira Jesu vatu vaihiwavo Golgotha (maana ya utafasiri uu, ni sehemu ya fuvu ra chitswa.) ²³Achimuva uchi iriotsanganywa na manemane, ela kanwire. ²⁴Achimusulubisha na kugavya mavazige achigapigira kura kuamula chiteme andichopata chila sikari.²⁵Yakala saa tahu za chiramuko arivo musulubisha. ²⁶Achika dzuluye chibao chiricho andikwa shitaka, "Mufalume wa Ayahudi." ²⁷Achimusulubisha vamwenga na majambazi airi, mumwenga mukono wa kurya na munjine mukono wa kushoto. ²⁸Na maandiko gachitimira, gariko gombwa kukala watatwo vamwenga na afitini.²⁹Na ao ariokala anachira, achimukana, achiutukusa vitswa vyao achiamba, "Aha! Uwe undiyerivunza hekalu na kurijenga kwa tsiku tahu. ³⁰dzokole mwenye na utserere vo tsi kula musalabani!"³¹Kwa namuna iyo iyo abomu a makuhani achimuvrya achinenerana vamwenga na aandishi na achamba, "Waokola anjine ela kaweza kudziokola mwenye. ³²Muricheni Kristo, mufalume wa Israeli, vikara tserera tsi, ili huweze kuona na kuamini."³³33 Irivofika saa tandahu, dziza richiudzala tsi yosi muhadi saa chenda. ³⁴Wakati wa saa chenda, Jesu achipiga lonzo kwa sauti bomu, "Eloi, Eloi Lama sabaktani?" Ichikala na maana "Mulungu wangu, Mulungu wangu, kwa utuwani udziniricha?" ³⁵Anjine ao ariokala adzima arivosikira achamba, "Lola, yunamwiha Elija"³⁶36 Mutu mumwenga achenda malo achibuma divia ya sichi kahiza sifongo achiika dzulu ya muhi na mwanzi, achimuva ili anwe. Mutu mumwenga achamba, "Tariza hulole ichikala Elija yundakudza kumutsereza tsi. ³⁷Chisha Jesu achirira kwa sauti bomu na achifa. ³⁸Pazia ra hekalu richigavika visiku viri kula dzulu muhadi tsini.³⁹Wakati jemedari mumwenga ariyekala yudzima kumuratira Jesu, arivoona yudzefa kwa jinsi irahu, achamba, "Jeri yuyu mutu were mwana wa Mulungu." ⁴⁰Vakala na anache pye ariokala anavilola kwa kure. Kahi za ao were ni Mariamu Magdalene, Mariamu (ameye Jakobo muvaha wa Jose) na Salome. ⁴¹Muda arivokala Galilaya amutuwa na kumuhumikira, na anache anjine anji pye alongozana naye muhadi Jerusalemu.⁴²Kurivokala dziloni, na kwa kukala were ni tsiku ya matayarisho, tsiku kabila sabato. ⁴³Yusufu wa Arimathaya wakudza vavo. Wakala ni mjumbe wa Baraza ariyehishimiwa, mutu yunatazira ufalume wa Mulungu. Kwa ungumbao achenda kwa Pilato, na kuuvoya mwiri wa Jesu. ⁴⁴Pilato achangalazwa kukala Jesu yudzefa kare; achimwiha yuyahu jemedari achimuza ichikala Jesu yudzefa.⁴⁵Arivopata ujeri kwa jemedari kukala yudzefa, wamuruhusu Yusufu kuuhala mwiri. ⁴⁶Yusufu were yugula sanza achimutsereza kula musalabani, achimufunga sanza na achimwika ndani ya mbira iriyotsimbwa kahiza dziwe chisha achirivingilisa dziwe muryangoni va mbira. ⁴⁷Mariamu Magdalena na Mariamu ameye Jose aona varahu arivozikwa Jesu.

¹Wakati sabato irivosira, Mariamu Magdalena na Mariamu ameye Jakobo, na Salome agula marashi madzo, ili aweze kudza na kuuvaka mafuha mwiri wa Jesu. ²Chiramuko na chiti tsiku ya kwanza ya jumwa, akwenda kwenye mbira wakati dzua ririvoombola.³Achilumbana ao kwa ao, "Nyani andiyerivingilisa dziwe kwa ajili yehu ili huinjire mbirani?" ⁴Hata arivolola, aona kukala dziwe rivingiliswa kare, naro were ni bomu muno.⁵Achiinjira mbirani na achimona muvulana yuvala kanzu nyeruve yusagala mukono wa kurya na achiangalazwa. ⁶Achiambira, musiogove, munamuyeya Jesu Munazareti ariyesulubiwa. Yudzifufuka! Kavo vava. Lolani varahu arivokala adzimwika. ⁷Ela! Enendani mukaambire anafunzie na Petero ya kukala, yudziatangulia kwenda Galilaya. Kuko mundamuona, here arivyokala waambira.⁸Achiombola achusa malo kula kwa iyo mbira, achitetema na kuangalala. Kagombere chochosi kwa mutu yeyosi kwa sababu aogova muno.⁹Mapema kahiza tsiku ya kwanza ya jumwa, baada ya kufufuka, wamombozera kwanza Mariamu Magdalena ambaye kula kwakwe wamuomboza pepo afungahe. ¹⁰Wauka na kuambira arahu ambao akala vamwenga naye, wakati arivokala achiomboleza na kurira. ¹¹Achisikira kukala yu moyo na yudzimuona, ela, kamwaminire.¹²Baada ya mautu gaga, achonekana kahiza sura tofauti ni airi ao arivokala anenda mindani. ¹³Achiuya na kuambira anafunzi anjine ariosala, Ela! Kaaminire.¹⁴Jesu baadaye achidzomboza kwa arahu kumi na mumwenga, arivokala anarya mezani, na achiachemera kwa kutsaamini kwao na ufu wa mioyo, kwa sababu kaaminire arahu ariomona baada ya kufufuka kula kwa ariofa. ¹⁵Achiambira, enendani urimwenguni mosi, na kuhubiri injili kwa viumbe vyosi. ¹⁶Yoyosi aaminiye na kubatizwa yundaokoka, na yuhahu asiye amini yundahukumiwa.¹⁷Ishara zizi zindatuwana na ao aaminio. Kwa dzina rangu andaomboza pepo, andagomba kwa lugha mbivya. ¹⁸Andagwira nyoka na mikono yao hata achinwa chitu chochosi cha kulaga kachindaalumiza, andaika mikono yao dzulu ya akongo, nao andavola.¹⁹Baada ya Bwana Jesu kunena nao achihalwa dzulu Mulunguni na yusegere mkono wa kulume wa Mulungu. ²⁰Anafunzi achuka, achihubiri chila vatu, naye Bwana achihenda kazi vamwenga nao na kuhakikisha riro neno kwa ishara zirizo tuwana nao.

¹Anji adzibidisha kwika kahiza mupangilio wa n'ganzi dzulu ya mautu ambago gatimizwa kahikahi yehu. ²Here arivyohuva siswi ambao hagu mwanzo ni mashahidi orio ona na matso nani ahumiki a ujumbe. ³Vivyo nami pia, baada ya kgapeleleza chi undani chaho cha mautu gaga gosini hangu chaho- naona ni tototo kwangu nami pia nikwandikire kahiza mupangiliowe iye- mwishimiwa Theofilo. ⁴Ili kukala uweze kumanya kuhusu ujeri wa mautu urigofunzwa.⁵Kahiza tsiku za Herode, mutawali wa Judea, kwa kala na chilongozi wa dini ariyeihiwa Zakaria, wa lukolo lwa Abiya. Muchewe walaa kula kwa ana achiche a Haruni, na dzinare wehiwa ni Elizabeti. ⁶Osini akala ni enye hachi mbere za Mulungu, aenenda bila lawama kahiza amri zosini na malagizo ga Bwana. ⁷Ela kakarire na mwana, kwa kukala Elizabeti here ni mugumba, na kwa muda uu wosini osi airi here akala akomu muno.⁸Vikara yaomborera kukala Zakaria arivokala kahiza uwepo wa Mulungu, achienderera na wajibuwe wa kulongoza kahiza utaratibu wa jibare. ⁹Kulingana na kaukida ya kutsagula ni yaviye cholongozi wa chidini andiye humika, were watsagulwa kwa kura kwinzira kahiza hekalu ra Bwana na kwa riro angafukizha wuumba. ¹⁰Na lukwili lwosi lwa atu were lunavoya konze muda uo wa kufukizwa uvumba.¹¹Kisha Malaika wa Bwana achimuomborera na achima upande wa mukonoo wa kulume ga madabahu. ¹²Zakaria waondoka arivomuona, hata achigwirwa ni woga. ¹³Ela Malaika achimwamba, “Usiogove Zakaria, kwa kukala mavoyogo gasikirwa. Mucheo Elizabeti yuuda kuvyarira mwana. Dzinare undamwiha Johana.¹⁴Undakala na nyemi na kutsira tsira, na anji andakala na nyemi kwa kuvyalwakwe. ¹⁵Kwa kukala yunda kala mubomu mbere ya matso ga Bwana kandanwa divai hebu uchi, na yundakala yudzazwa ni Roho mutsunyi kulahangu ndanini mwa ameye.¹⁶Na atu anji a Israeli andamuuyira Bwana Mulungu wao. ¹⁷Yundakwenda mbere za uso wa Bwana kahiza roho na nguvu za Elija. Yundahenda vivi ili kuudzya mioyo ya ano baba kwa ana, ili kukala asiogove enendee kahiza hekima ya enye hachi. Yundahenda vivi ili kuika tayari kwa Bwana, atu ario adzitayarishwa kwa ajili ya kwake.”¹⁸Zakaria achimwamba Malaika, “Nindamanyadze utu ono? Kwa kukala mimi nimutuminya na muchangu miakaye ni Minji muno.” ¹⁹Malaika achijibu na achimwamba, “Mimi ni Gabrieli, niriye ninaima mbere za Mulungu. Nahumwa kukwambira kukurehera uvoro uu mudzo. ²⁰Na lola, kundanena, undafumbwa kauli, undakala bwibwi muhadi tsiku irahu iriyo mautu gaga gandatimira. Ii ni kwa kukala washindwa kukubali maneno gangu ambago gandatimizwa kwa muda ufaao."²¹Vikara atu were anamutariza Zakaria. Aangalazwa kwa kuhumira muda munji hekaluni. ²²Ea arivhombola konze kawezere kugomba nao. Achimanya kukala yudzona maono adzivokala yu mumo hekaluni. Waenderera konyesa ishara na achisalabwibwi. ²³Irivokalia kwamba tsiku za hudumaye zirivosira, yabidi auye kwakwe nyumbani.²⁴Baada ya Zakaria kuuya nyumbani kula kwa uhumikiwe hekaluni muchewe achihenda tumbo. Naye kaomborere nyumbani kwa muda wa miezi mitsano. Achamba, ²⁵"Riri ndio ambao Bwana yudzinihendera arivonilola kwa kunihenzekezya ili anusire webu wangu mbere za atu."²⁶Vikara, kahiza mwezi wa handahu wa mimba ya Elizabeti, Mulungu wamwamba Malaika Gabrieli enda kahiza mudzi wa Galilaya uihiwao Nazareti, ²⁷Kwa mwana mwari (musichana ariyekala kadza onana na mulume) ariyekala walola ni (wapigwa dzuya) mwanalume ambaye dzinare ni Jusufu. Iye were ni wa lukolo lwa Daudi, na dzina ra musichana iye mwana mwari were ni Mariamu. ²⁸Achinjire nyumbani mwakwe na achimwamba, "Nakulamusa, uwe uriye vokera neema bomu! Bwana yudzihamirwa niuwe." ²⁹Ela maneno ga malaika gamutsanganya na kelewere ni kwa tuwani malaika wanena mulamuso uu wa ajabu kwakwe.³⁰Malaika achimwamba, "Usiogove, Mariamu, kwa kukala upata neema Mulungu. ³¹Na lola, undahenda tumbo na undavyala mwana. Nawe undamwiha dzinare Jesu. ³²Yundakala mubomu na yundaihiwa mwana wa ariye dzulu muno. Bwana Mulungu yunda muva chihi cha utawala cha Daudi abaye. ³³Yundatawala dzulu ya lukolo lwa Jakobo kare na kare na ulawalawe kaundakala na mwisho.³⁴Mariamu achimwamba malaika, rino rinda hendeka kwa kwa njira yani, maana sidza wahi kukala na mwanalume yoyosi? ³⁵Malaika achijibu achimwamba, "Roho mtsunyu yunudakudzira dzuluyo na nguvu za ariye dzulu muno indakuda dzuluzo. Kwa vivyo, mtsunyu andiyevyalwa yundaihiwa mwana wa Mulungu.³⁶Lola, zidakudza dzuluyo, nduguyo wa chiche Elizabeti yuna tumbo (ya mwana) kahiza umuriwe wa uhetu. Na uu ni mwezi wa handahu kwakwe, iye yekala achihiwa mugumba. ³⁷Kwa kukala, kakuna risirowezekana kwa Mulungu. ³⁸Mariamu achamba, "Lola, mimi nimuhumiki wa chiche wa Bwana. Richa ikale vivyo kwangu karakara na ujumbeo." Chisha malaika achimuricha.³⁹Ndivho kahiza tsiku zizo Mariamu wauka hiraka achenda itsii ya virima, kwenye mudzi kahiza itsii ya Judea. ⁴⁰Wakwenda nyumbani kwa Zakaria achi mulamusa Elizabeti. ⁴¹Vyakala vivi Elizabeti yusikira mulamuso wa Mariamu iye muhoho mutsanga watina ndani ya tumboye, Elizabeti achidzazwa ni roho mtsunyu⁴²Waunula sauti ye na achigomba kwa sauti bomu, "Ubarikiwa muno uwe kahia anache, na mwana ariye tumboni mwako yunabarikiwa. ⁴³Na vidzi kaladze kwangu kukala, ameye Bwana wangu anidzire mimi? ⁴⁴Kwa kukala, vhodziosikira sauti ya kulamuso ko vhodzo injira masikironi mwangu, muhoho iye mutate akatina kwa uyemi. ⁴⁵Na ahaswe mwanamuche yuyahu ariye wakubali vya kukala kungaomborera kutimira kwa arigoambirwa kula kwa Bwana.⁴⁶Mariamu achiamba, "Moyo wangu unamulika Bwana, ⁴⁷na roho ina uyemi kahiza Mulungu mokoli wangu.⁴⁸Kwa kukala yudzilola hali ya tsini ya muhumikiwe wa chiche. Lola, kufikira vivi vivyazi vyosi vindaniha. ⁴⁹Kwa kukala mwenye nguvu yunihendera mabomu, na dzinare ni tsunyu.⁵⁰Na rehemaye inadumu kula lukolo hadi lukolo kwa arahu amogovhao. ⁵¹Yudzonyesa nguvu kwa mukonowe mwenye, yuudziatsamula arahu ario anadzivuya dzulu ya miazo ya mioyo yao.⁵²Yuatserezatsi ana a atawali kula kahiza vihi vyo vya utawali na kuanula dzulu ario na hali ya tsini. ⁵³Wakusha enye nzala kwa vitu vidzo, ela mashaha waazola mikono mivhuvhu.⁵⁴Yulavya musaada kwa Israeli muhumikiwe, ili kukumbukir kwenyesa mbaazize. ⁵⁵(Here arivyonena kwa bezehu) Kwa Ibrahamu na chivyaziche kare na kare.”⁵⁶Mariamu wakala na Elizabeti chasi cha mihahu ndo achuya kwakwe nyumbani. ⁵⁷Vikara muda here ufika wa Elizabeti kudzifugula mwanawe, na achidzifugula mwana wa chilume. ⁵⁸Majiranige na nduguze asikira virahu arivyo Bwana arivyo veresa (kukuza) mbaazi, na achifurahi vhamwenga naye.⁵⁹Vikara irivhofika tsiku ya nane akudza achimubuma lwembeni iye mwana. Na achamba inafaa aihiwe dzina ra “Zakaria” kwa kulengana na dzina ra abaye. ⁶⁰Ela ameye achijibu na achamba, “Sevyo, yundahiwa Johana.” ⁶¹Achimwamba kakuna hata mutu mumwenga kahiza nduguzo aihiwaye dzina dza riri.⁶²Achimuhendera ishara abaye ili aonyese kukala yunahenza aihiwedze. ⁶³Abaye achilonda chibao cha kwa ndikira, na achandika, “Dzinare ni Johana.” Osini achagalazwa ni riri.⁶⁴Na ghafula kanware richifuguka na lurimiwe luchikala huru. Achanza kugomba na kumulika Mulungu. ⁶⁵Wasiwasi uchianjira osini oriokala anasagala vhevhi nao. Na mautu gaga gachitsalarira kahiza itsii yosini ya virima vya Judea. ⁶⁶Na atu osini ariogasikira agaika mioyoni mwao achamba, “Mwana yuno yundakala wa chidzedzedze?” Kwa kukala mkono wa Mulungu were uvhamwenga naye.⁶⁷Zakaria abaye iye mwana, waudzazwa ni roho mtsunyu na achomboza unabii, achiamba, ⁶⁸“Alikwe Bwana, Mulungu wa Israeli, kwa kukala yudziaviza na yudzitimiza wokoli kwa atuwe-⁶⁹Yudzihulurira pembe ya wokoli kahiza nyumba ya mtumishiwe Daudi, kahiza kahikahi ya lukolo lkwa mtumishiwe Daudi. ⁷⁰Here arivyonena kula kwa kanwa ra manabii ariokalako kahiza tsiku za kare. ⁷¹Yundahokola kula kwa mahadui ehu na kula mikononi mwa osini ario ana humena.⁷²Yundahenda vivi ili konyesa mbaazi kwa bezehu na kukumbukira laganore takatifu. ⁷³Chiravho arichochipige kwa Ibrahamu beyehu. ⁷⁴Waapaa kuchusa kwehu ili kukala huweze kumuhumikira lye bila woga, baada ya kokolwa kula kwa mikononi kwa mahadui gehu. ⁷⁵Kahiza utsunyu na hachi mbereze tsiku zehu zosini.⁷⁶Ndivho ta, na uwe mwana, undahiwa nabii wa ariye dzulu muno, kwa kukala undaenenda mbere za uso wa Bwana ilii kumutengezera njira, na kuatayarisha atu kwa ajili ya kudzakwe. ⁷⁷Kuamanyisa atuwe kukala andaokolwa kwa njira ya kusamehewa dambi zao.⁷⁸Na riri rindakala kwa sababu ya mbazi za Mulungu wehu, sababu ambayo dzuwa kula dzulu rindahudzira. ⁷⁹Kuangarira ao akalao dzizani na kahiza chivurivuri cha chifo. Yundahenda vivi kungalongiza magulu gehu kahiza njira za amani.⁸⁰Vikara, yuyahu muhoho achikula na achikala mwenye nguvu rohoni na achikala nyika mpaka tsiku ya kudzombozakwe lwazu kwa a Israeli.

¹Vikara kahiza tsiku zizo, kwombola kukala Kaisaro Agusto womboza lagizo ra kwamba, atu osini ario duniani atawale. ²Ii ya kala mara ya kwanza atu kutalwa wakati Krenio ni gavana wa Siria. ³Kwa vivyo chila mumwenga wakwenda kwao mudzini kuandikishwa ili atalwe.⁴Yusufu naye pye wauka mudzi wa Nazareti kuko Galilaya na achenenda Judea kahiza mudzi wa Bethlehemu umanyikanao (kukala) ni mudzi wa Daudi, kwa kukala were ni wa lukolo lwa Daudi. ⁵Wakwenda kuko achidziandikisha vhamwenga na Mariamu, ariyekala wamulola ili kale mchewe na yunatanzira kudzifugula mwana.⁶Vikara, avhokala kurahu mudawe wa kudzifugula mwana uchifa. ⁷Achidzifugula mwana wa chilume mimba mbereye, achimubinikiza nguo ili afigwirwe mwana ni pyeho. Na achimwika kwenye chia cha kurisira mifugo, kwa kukala kakukarire na nafasi kahiza nyumba za ajeni.⁸Kwenye lalo riro, kwakala na arisa ariokala anasagala mindani achivinda makundi vyaa vya gonzi ao usiku, ⁹Ghafula Malaika wa Bwana waomborera, na utukufu wa Bwana uchiangarira, kuazungulukana achikala na wasiwasi muno.¹⁰Ndivho Malaika achiambira, “Musiogovheni, kwa kukala dziarehera uvhoro mudzo urio undareha nyemi nyinyi kwa atu osini. ¹¹Mudzini kwa Daudi rero mokoli yuvyalwa kwa ajili yenu! Ndiye Kristo Bwana. ¹²Ii ndiyo ishara ambayo mundahewa, munda mona iye mwana yubinikizwa nguo na yurere kwenye chia cha kurisira mifugo.”¹³Gafula kuchikala na jeshi bomu ra Mulunguni achigwirana na malaika iye achimuhula Mulungu, achamba, ¹⁴“Utukufu ni kwa Mulungu ariye dzulu muno, na reri duniani kwa osini ambao yunahamirwa nao .”¹⁵Na irivhokala Malaika adzuua kwenda Mulunguni, arisa achiambirana ao kwa ao, “Vikara hindeni kuko Bethlehemu hukalole utu uu udziohendeka urio Bwana yudzihambira.” ¹⁶Achihenda hiraka kwenda kuko achimona Mariamu na Yusufu, na iye mwana yurere kwenye chia cha kurisira mifugo.¹⁷Na arivhonoa vivi aamanyisa atu chirahu anchokala adzambirwa dzulu ya iye mwana. ¹⁸Na osini ambao ariosikira uvhoro ii angalazwa ni chirahu chirichonenwa ni ao onisa. ¹⁹Ela Mariamu wenderera kugaza gosni arigogasikira, achigeka moyoni mwakwe. ²⁰Arisa achunya achimunula achimunula na kumulika Mulungu kahiza chila chitu arichochirikira na kuchona, dza arivyoambirwa.²¹Irivhorokala itimira tsiku ya nane na here ni muda wa kumubuma lwembeni mwana amuvha dzina ra Jesu, dzina arivokala were wahewa kare ni yuyahu Malaika kulahangu kadzagwe kuhendewa tumbo.²²Chisha vhorofika tsiku ya kutakasika kwao, kulingana na sharia za Musa, Yusufu na Mariamu amuvhirika hekaluni kuko Jerusalemu kumwika mbere za Bwana. ²³Ga here irivyondikwa kwenye sharia za Bwana, “Chila mwanalume mimba mbere yundahiwa adzieikwa wakfu kwa Bwana.” ²⁴Ao ivyo achidza achomboza sadaka kulingana na chirahu chinenwacho kwenye sharia za Bwana, “Ngiamanga airi achiche na makinda mairi ga ngamanya achilume.²⁵Lola, kwa kala na mutu kuko Jerusalemu ariye dzinare were yunaihiwa Simoni. Mutu yuyu were ni mwenye hachi na yuna mogovha Mulungu. Iye wakala achitariza muno (kwa ajili ya) mfariji wa Israeli, na roho mtsunyu were yu dzuluye. ²⁶Here vyafunulwa kare roho mtsunyu kukala iye kandafa kabla kumwona Kristo wa Bwana.²⁷Tsiku mwenga wakudza ndani ya hekalu, achilongozwa ni Roho mtsunyu. Ambavho avyiazi amureha iye mwana, Jesu, vihenzekanavyo kutuwinzirana na sheria, ²⁸Ndivho Simoni achimuvhokera mikononi mwakwe na achimulika Mulungu achamba, ²⁹“Vikara mruhusu muhumikio aende kwa reri Bwana, kulingana na nenoro.³⁰Kwa kukala matso gangu gadziwona wokolweo ³¹urioo udzionewa kwa matso ga atu osi. ³²Iye ni mwangaza kwa ajili ya ufunuo wamataifa na utukufu wa atu Israeli.³³Abaye na ameye mwana agalazwa ni mautu goronenwa dzuluye. ³⁴Ndivho Simoni achiahasa na achimwamba Mariamu ameye, “Sikiza kwa mitsatsu! Mwana yuyu yundakala sababu ya kugwa na kuruka kwa atu aji kahiza Israeli na ni ishara iriyo atu anji andaikahala. ³⁵Pye ni mundu undio dunga nafsiyo mweye, ili kwamba mazo ga mioyo ya anji gonekane.”³⁶Nabii wachiche ariyehiwa Ana pye wakala hekaluni. Iye were ni mwana wa chiche wa Fanueli kula kwa kabila ya Asheri. Were una na miaka Minji muno. Naye wasagala na mulumewe miaka mifungahe baada ya kuhalana, ³⁷na ndivho ariphokala gugu mujane kwa miaka mirogo minane nane. Naye kaukire kukakamare hekaluni wakala achenderera kumuvoya Mulungu vhamwenga na kufunga na kumwabudu usiku na mtsana. ³⁸Na kwa muda uo, wakudza vharau arivho achanza kumshukuru Mulungu. Wanene dzulu ya mwana kwa chila mutu arie kala unataniza ukomboli wa Jerusalemu.³⁹Arivhoromala chila chitu chirichohenzekana kuhendwa kulingana na sharia ya Bwana, auya Galilaya, mudzini kwao, Nazareti. ⁴⁰Mwana achikula, achikala na nguvu, achonjezeka kahiza hekima, na neema ya Mulungu ichakala dzuluye.⁴¹Avyazie chila mwaka akwenda Jerusalemu kwa ajili ya tsukukuu ya Pasaka. ⁴²Arivhokala yutimira miaka kumi na miri, akwenda kahiri muda mudzo wa chimabaro kwa ajili ya tsukukuu. ⁴³Baada ya kusala tsiku zosini kwa ajili ya tsukukuu, a-anza kuya nyumbani. Ela muvulana Jesu achisala nyuma kuko Jerusalemu na avyazie kamanyire mautu gaga. ⁴⁴Aona kukala yumuno kahiza lukwili lwokala anaenenda nalo, kwa vivyo achenenda muda wa tsiku. Ndo achanza kumuyeya kahiza ndugu zao na asena ao.⁴⁵Arivhorokala kamona, auya Jerusalemu na achaanza kumuyeya mumo. ⁴⁶Ichikala kwamba baada ya tsiku tahu, achimona hekaluni, yusegere kahikahi ya alimu, achiasikiza na ku-auza maswali. ⁴⁷Osini ariomusikira angalazwa ni ufahamuwe na majibuge.⁴⁸Na avhomona aangalala. Ameye achimwamba, “Mwanangu, kwa tuwani adzihuhenda vino? Sikiza, abayo na mimi were hunakuyeya na wasiwasi manji.” ⁴⁹Achiambira, “Kwa tuwani were munani yeya? Kamumanya kukala ni lazima ni kale kahiza nyumba ya Baba? ⁵⁰Ela kelewere ni chitu chani adzichomaanisho kwa maneno gago.⁵¹Ndivho achenda vhamwenga nao muhadi mudzini Nazareti na were yuna-asikiza muno. Ameye wagaika mautu gosini moyoni mwakwe. ⁵²Na iye Jesu wazidi kukula kahiza hekima na chimo, na achizidi kumuhenza Mulungu na mwanadamu.

¹Vikara, kahiza mwaka wa kumi na tsano wa ulongozi wa Kaisaria Tiberia muda Pontio Pilato were ni gavana wa Uyahudi, Herode were ni mubomu wa jimbo ra Galilaya, na Filipo nduguye here ni mubomu wa jimbo ra Iturea na Trakoniti na Lisania naye here ni mubomu wa jimbo ra Abilene. ²Na muda wa ulongozi mubomu wa chidini Anasi na Kayafa, Neno ra Mulungu ramkudzia Johana mwana wa Zakaria, nyikani.³Waenenda jimbo rosi achizunguluka kuchirira muho wa Jordani, achihubiri ubatizo wa toba kwa ajili ya msamaha wa dambi.⁴Here vyoandikwa kahiza chitabu cha maneno ga nabii Isaya, “Sauti ya mutu aihaye nyikani.” Tengenezani tayari njira ya Bwana, gagoleseni muchiriroge.⁵Chila rindadzwa, chila murima na chirima vindaambalazwa, njira ambazo zishogoloka zindagoloswa na njira zikwaruzazo zindalainishwa. ⁶Atu osini andawona wokoli wa Mulungu.”⁷Kwa vivyo Johana achiambira atu anji, orokudza kwakwe ili aweze kubatizwa niye, “Mwino madzungulwa nyoka enye sumu, uyani ambaye waara kwamba muchimbire ghadabu idzayo?⁸Vyalani matunda ambago ganalingana na toba, na musianze kunena ndani yenu, “Hunaye Ibrahimu ariye ni beyehu, kwa kukala ninaambira kukala, Mulungu yunaweza kumunurira Ibrahimu ana, hata kula kwa mawe gaga.⁹Tsoka ridzikwa kare kwenye kolo ra muhi kwa vivyo chila muhi urio kauvyala matunda madzo, undatemwa na kutsuvhiwa mohoni.¹⁰Chisha atu okala kahiza monano uo achimuza achimwamba, “Kwa vivyo hunahenzekana huhendedze? ¹¹Achiajibu na achiamba, “Ichikala mutu yuna kanzu mbiri yunahenzekana amuvhe muyawe ariye munjine kana kamare, na ariye na chakurya na ahende dza vivyo.”¹²Chisha kahiza ao atozakodi akudza pye kubatizwa na achimwambira, “Mwalimu, huna henzekana huhendedze?” ¹³Achiambira, “Musihale kodi chiwango cha dzulu kuriko muhenzekanavyo kuhala.”¹⁴Kahiza ao shikari pye amuza achimwamba, “Naswi je? Hunahenzekana huhendedze?” Achiamba, “Musihale pesa kwa mutu yeyosi kwa nguvu, na musimusingizire mutu yoyosi kukala mukosa kwa ulongo. Toshekani na mishahara yenu.”¹⁵Vikara, kwa kukala atu here ana pola ya kumutariza Jesu, andiyekudza, chila mumwenga achikala yunadzaza moyoni mwakwe, chamba Johana kala nde Kristo. ¹⁶Johana waajibu kwa kuambira osini, “Mimi naabatiza mwimwi kwa madzi, ela kuna mumwenga adzaye ariye yuna nguvu kuriko mimi, ariye sifaa hata kufungula mikoa ya virahu vye. Yundaabatiza mwimwi kwa roho mtsunyu na kwa moho.¹⁷Lungo lu mikononi mwakwe ili kuvhera tototo muhalawe, kwa kuivheya ngano na kuika vamwenga iyo ngano lutsagani mwakwe. Ela yundocha makapi kwenye moho urio kanzimika.¹⁸Wakala na maonyo manji na pia wa ahubiria kuhusu habari mbidzo za atu osini. ¹⁹Johana wamuchemera pye Herode mubomu wa jimbo kwa kumuliala Herodia, mche wa nduguye na kwa mai manji gokala Herode wagahenda. ²⁰Ela baadaye Herode wahenda mai manji muno. Achimufunga Johana jela.²¹Kisha irivokala atu osini anabatizwa ni Johana, Jesu naye wakudza achibatizwa pye. Na arivokala yuna voya mulungu uchifuguka. ²²Roho mtsunyu achitserera dzuluye kwa chiwiliwili wa ngia dza here giya, na wakati uo uo sauti ichombola kula Mulunguni ichamba, “Uwe ndiwe mwanangu muhenzwi nipendezwaye sana ni uwe.”²³Vikara, Jesu mwenye arivoanza kufundisha, wakala na umuri here wa miaka mirogo mihahu. Were ni mwana (vyambavyo) wa Yusufu, mwana wa Eli, ²⁴mwana wa Mathati, mwana wa Lawi, mwana wa Melki, mwana wa Yana, mwana wa Yusufu,²⁵mwana wa Matathia, mwana wa Amosi, mwana wa Nahumu, mwana wa Esli, mwana wa Nagai, ²⁶mwana wa Maati, mwana wa Matathia, mwana wa Semeini, mwana wa Yusufu, mwana wa Juda,²⁷mwana wa Yoanani, mwana wa Resa, mwana wa Zerubabeli, mwana wa Sheeltieli, mwana wa Neri, ²⁸mwana wa Melki, mwana wa Adi, mwana wa Kosamu, mwana wa Elmadamu, mwana wa Eri, ²⁹mwana wa Joshua, mwana wa Eliezeri, mwana wa Yorimu, mwana wa Matathi, mwana wa Lawi,³⁰mwana wa Simoni, mwana wa Juda, mwana wa Jusufu, mwana wa Jonamu, mwana wa Eliyakimu, ³¹mwana wa Melea, mwana wa Mena, mwana wa Mathata, mwana wa Nathani, mwana wa Daudi, ³²mwana wa Yese, mwana wa Obedi, mwana wa Boazi, mwana wa Salimoni, mwana wa Nashoni,³³mwana wa Abinadabu, mwana wa Aramu, mwana wa Hesroni, mwana wa Peresi, mwana wa Juda, ³⁴mwana wa Jakobo, mwana wa Isaka, mwana wa Ibrahimu, mwana wa Tera, mwana wa Nahori, ³⁵mwana wa Seruig, mwana wa Ragau, mwana wa Pelegi, mwana wa Eberi, mwana wa Sala,³⁶mwana wa Kenani, mwana wa Arfaksadi, mwana wa Shemu, mwana wa Nuhu, mwana wa Lameki, ³⁷mwana wa Methusela, mwana wa Henoko, mwana wa Yaredi, mwana wa Mahalalei, mwana wa Kenani, ³⁸mwana wa Enoshi, mwana wa Sethi, mwana wa Adamu, mwana wa Mulungu.

¹Chisha, Jesu achikala yuzala roho mutsunyu, wouya kula muho wa Jordani na achilongowa ni Roho nyikani ²kwa tsiku mirongo mine, na kuko wajezwa ni ibilisi. Na muda uo wosini karirye chitu chochosi, na mwisho wa muda uo wasikira nzala.³Ibilisi achimwamba, “Ichikala uwe umwana wa Mulungu, ramuru dziwe riri rikale mukahe (chakurya).” ⁴Jesu achimujibu, “Yaandikwa, mutu kandaishi kwa mukahe hacheye.”⁵Chisha ibilisi achimulongoza dzulu kwenye chirere cha murima, na achimuonyesa tawali zosini za dunia kwa muda mufuhi. ⁶Ibilisi achimwamba, “Nindakuvha mamulaka ga kutawala tawali zizi vamwenga na udzowe. Naweza kuhenda vivyo kwa kukala vyosi nahewa niweze nivitawale, na naweza kumuvha yoyosi nihenzaye kumuvha. ⁷Kwa vivyo ichikala unda nigwerera maguluni na kuniabudu vitu vivi vyosi vindakala vyako.”⁸Ela Jesu achimujibu na kumwamba, “Idzandikwa , sutu umuabudu Bwana mulunguo, na lazima umuhumikire iye hacheye.”⁹Baadaye ibilisi wamulogoza Jesu muhadi Jerusalemu na kumwika vatu va dzulu kamare ya jengo ra hekalu na kumwamba, “Ichikala uwe umwana wa Mulungu, dzitsuvhe tsii kula vhavha. ¹⁰Kwa kukala idzandikwa, yundaalagiza malaikae atutsunze na kukurinda, ¹¹na andakunula dzulu mikooni mwao ili kukala usilumize magulugo gasilumire dzulu ya iwe.”¹²Jesu achimujibu, wamwamba, “Idzinenwa, usimujeze Bwana mulunguo.” ¹³Ibilisi arivomala kumujeza Jesu, wenenda achimuricha muhadi wakati munjine.¹⁴Chisha Jesu achiuya Galilaya kwa mukotse wa Roho, na uvoro za kumuhusu iye uchitsalaira chila vatu kahiza majimbo gosini. ¹⁵Wafunzya kahi za masinagogi gao, na chila mumwenga wamulika.¹⁶Tsiku mwenga wakwenda Nazareti, mudzi ariorerwa na kukurira. Here irivyokala muhubiwe wainjira kwenye sinagogi tsiku ya sabato, na achima ilia some maandiko. ¹⁷Wahewa chitabu cha nabii Isaya, vivyo achichifugula chitabu achiyeya vatu varivoandikwa,¹⁸“Roho wa Bwana yu dzulu yangu, kwa kukala wanibama mafuha kuhubiri uvoro mudzo achia maskini. Yudzinihuma kutangaza uhuru kwa afungwa wao, na kuahenda asio ona aweze kona kaviri. Kuaika huru arahu aonerwao, ¹⁹Kutangaza mwaka urio Bwana yundaonyesa udzowe.”²⁰Chisha arivomala achichifunga chitabu, achimudzirya chilongozi wa Sinagogi, na achisagala tsi. Matso ga atu osini ariokala kahiza sinagogi gamulola iye. ²¹Achanza kugomba nao achamba, “Rero riri ridzitimizana masikironi mwenu.” ²²Chila mumwenga varahu washududio chirahu aricho chinena Jesu, na anji kahikahi anyalazwa ni maneno ga hekima garigokala ganombola kanwarie. Achikala anamba, “Yuno si ni mwanatu wa Yusufu, hebu sevyo?²³Jesu achiambira, “kwa ujeri munda ana ngano ii kwangu, muganga, dzilagule mwenye. Chochosi hurichosikira uchichihenda kuko Kapernaumu, chihende pye vava vako mudzini.” ²⁴Pye achamba, “kwa ujeri namwambira mwimwi, kukala hakuna nabii yeyosi ambaye yunavhokerwa kahiza tsi ya kwakwe. (mudzini kwao).²⁵Ela ninamwambira mwimwi ujeri kukala kwakala na magungu (ano mayo orofererwa) anji Israeli chipindi cha Eliya, na wakati Mulungu vofungwa kusiye mvula kwa miaka mihahu na nusu, na muda karivokala na nzala bomu kahiza tsi yosi. ²⁶Ela Eliya kalagizirwe kwa yoyosi kahiza mumwenga wao, wahumwa, kwa gungu mumwenga tu ariyekala yunaishi Sarepta vhevhi na mudzi wa Sidoni. ²⁷Pye kwa kala atu a nye ukongo wa mahana anji Israeli kahiza chipindi cha nabi Elisha, ela kakuna ta mumwenga wao ambaye wavhozwa isivokala Naamani mutu wa Siria.²⁸Atu osi ariokala ndani ya sinagogi atsikirwa arivo sikira maneno gaga gosi. ²⁹Aima na achimusukuma konze achimomboza inze ya mudzi, achimuhala mpaka chinengonengo cha murima ambavho mudzi wao wajengwa dzuluze, ili aweze kumutsuvha tsii. ³⁰Ela wachira salama kahikahi yao na achenenda.³¹Chisha achiteremuka Kapernaumu kahi za mudzi wa Galilaya. Na tsiku ya sabato mwenga waafundisha atu ndani ya sinagogi. ³²Angalazwa ni mafundishoge kwa kukala wafundisha kwa mamlaka.³³Vikara tsiku iyo mumo ndani ya sinagogi, were kuna mutu ariyekala watsunukwa ni roho ya pepo mchafu, na wapiga lonzo kwa sauti ya dzulu. ³⁴Hunatuwani nawe Jesu wa Nazareti? Udzikudza kuhangamiza? Namanya uwe nani! Uwe umtakatifu wa Mulungu!”³⁵Jesu wamuchemera iye pepo achimwamba, “Nyamaka zii na wombole ndani ya mutu yuyu!” Na pepo iye wamugwaga vhotsi iye mutu kahikahi yao, achombola ndani ya iye mutu bila kusababisha utsungu wowosi ndaniye. ³⁶Atu osini angalala na achenderera kusumurira kuhusu neno riro chila mutu na muyawe. Achamba, “Ni maneno ga namuna yani gano?” Yunaamuru roho chafu kwa mamlaka na kwa nguvu nao anambola. ³⁷Kwa vivyo, uvhoro dzulu ya Jesu zichitsalarira chila vhatu kahiza maeneo garigozunguluka jimbo riro.³⁸Chisha Jesu achiuka kwenye mudzi uo achinjira kwenye nyumbani mwa Simoni. Vikara mutsedzawe wa chiche Simoni yuna chipanya chikali sana, na achimuvoya kwa niaba ye. ³⁹Kwa vivyo, Jesu achimusengerera, achiichemera iyo homa na ichimuricha. Ghafula iye muchetu achima na achianza kuahumikira.⁴⁰Vhokala kunatswa, atu amurehera Jesu akongo aroyokala anayugika kwa makongo aina mbalimbali waika mkonowe kwa chila mukonge na achiavhoza osini. ⁴¹Pepo pye achiambola atu anji gachirira gachamba, “Uwe umwana wa Mulungu!” Jesu wagachemera go mapepo na kagavhire nafasi ya kugomba, kwa kukala gamanya kukala iye wakala ni Kristo.⁴²Hata kurivhocha, wakwenda vhatu ambavho were kavhana atu. Na lukwili lwa atu achikala anamuyeya na achidza eneo riro vhokala iye. Ajeza kumuzulia ili asende kutu kure nao. ⁴³Ela achiambira, “Lazima pye nihubiri uvhoro mudzo wa ufalume wa Mulungu kahiza midzi minjine Minji, kwa kukala uu ndio utu urionihenda nihumwe vhavha. ⁴⁴Chisha achenderera kuhubiri ndani ya masinagogi kahiza uyahudi.

¹Irivokala lukwili lwa atu adzimusengerera Jesu na kusikiza neno ra Mulungu, Jesu iye were yudzima kanda kanda ya ziya ra Genesareti. ²Achona madau mairi gagwaga nanga pembeni vho ziyani. Avuvi were adzombola achikala anaojesa nyavu zao. ³Jesu achinjira kahiza dau mwengaravha, rokala ni ra Simoni na achimuvoya arivhirike madzini kanda chidogo na tsii kavuchisha achisagala na kufundisha achikala mumo kwenye riro dauni.⁴Achimwambira Simoni, “rivhirike riri duaro mpaka vhatu vhenye chinwa chire cha madzi na utsuvhe chiniacho uvuwe Samaki.” ⁵Simoni achijibu achiamba, Bwana huchesa kuhenda kazi usiku kucha na kuhudzapata chochosi, ela kwa nenoro, nindazitsuvha nyavu. ⁶Arivohenda vivyo apata Samaki anji muno hata nyavu zao zichanza kutaruka. ⁷Kwa vivyo achiiha avuvi ayawao okala akwenye dau rinjine ili adze aviize. Akudza na achidzaza madau gosi, hata go madau ganza kuzama.⁸Ela Simoni Petero, arivhona vivyo, wagwa maguluni mvha Jesu achiamba, “Uka vhano vhangu, kwa kukala mimi ni mutu mwenye dambi Bwana.” ⁹Kwa kukala wangalazwa, iye vhamwenga na osi okala vhamwenga naye, kwa uvuwi wa Samaki wokala adziuhenda. ¹⁰Riri ra atsaganya Jakobo na Johana ana a Zebedayo, ariokala ni ashirika a Simoni. Na Jesu achimwambira Simoni, “Usiogovhe kwa kukala kwanzira vivi na kwenderera undakala muvuwi wa atu.” ¹¹Arivomala Kureha madau gao pwani (kwenye tsii kavu) aricha chila chitu na achimutuwa iye.¹²Na arivokala yu kwenye mudzi mumwenga wavho mutu ariyekala yudziudzala mahana wakala kuko. Muda arivhomona Jesu wagwa chifudifudi na achimuvoya, achamba, “Bwana kala unahenza unaweza ukanivheza.” ¹³Chisha Jesu wagolosa mkonowe achimugusa achamba, “Nahenza vhola.” Na saa iyo iyo mahana gachimukira.¹⁴Achimulagiza kukala asimwambire mutu yeyosi ela wamwambira, “Enenda na ukadzionyese kwa vilongoz achidini na ukalavye sadaka kwa ajili ya kuvholako, kara kara na virahu ambavyo Musa waamuru kwa ushuda kwao.¹⁵Ela uvhoro wa kumuhusu iye watsalarira kure muno, na lukwili lwa atu lwa kudza vhamwenga luchimusikiza virahu afunzavyo na avhozavyo makongo gao. ¹⁶Ela mara nyinji wadzitenga kanda achivoya.¹⁷Tsiku mwenga achikala yunafudzya na mafarisayo na alimu asharia achikala avhavho asegere, ariyombola kahiza midzi Minji mbali mbali kwenye lalo ra Galilaya na Yudea, na pia kula kahiza mudzi wa Jerusalemu. Mukotse wa Bwana wakala vhamwenga naye kuvhooza.¹⁸Atu kadhaa akudza, adzimuula mtu kwenye mcheka mutu mwenye ukongo wa Piyeho, na achiyeya njira ya kumwinjiza ndani ili amulaze mbere ya Jesu. ¹⁹Kapatire njira ya kumwinjiza ndani kwa kukala atu were atele, kwa vivyo achikwera dzulu ya paa ra yo nyumba na achimuteremsha iye mutu tsini kuchirira kwenye vigae, dzulu ya muchekawe kahikahi ya atu, ya Jesu kamare.²⁰Jesu arivoona imani yao, waamba, “Msenangu dhambizo zisamehewa.” ²¹Andishi na mafarisayo achaanza kunungunika kwa ajili ya neno riro, achamba, “Kwani yuno nyani hata agombe maneno ga kufukuruu? Ni yuvhiye mwenye uwezo wa kusamehe dambi isivokala si Mulungu hacheye?²²Ela Jesu achiaamanya maazo gao, achiajibu achiamba, “Kwa tuwani munanzana rino mioyoni mwenu? ²³Ni rivhiro ra rahisi kugomba, “Dambizo zisamehewa hebu kwamba ima wenende?” ²⁴Ela mumanye kukala mwana wa Adamu yuna mamlaka duniani ga kusamehe dambi. Nakwambira uwe, “Uka hala mchekao na wenende kwako nyumbani.”²⁵Muda uo uo achunuka mbere yao na achihala mchekawe ariokala yutsukurirwa. Chisha achuya kwakwe nyumbani kuno mulika Mulungu. ²⁶Chila mumwenga waangalazwa na achimulika Mulungu. Achiudzwao ni woga, achamba, “ Rero hudzona mautu gasigo ga chikwaida"²⁷Baada ya mautu gaga kuhendeka Jesu wauka kuko na achimona mtoza kodi ahiwaye Lawi yusegere vhatu vha kuhala kodi. Achimwamba “Nituwa” ²⁸Vhavho kwa vhavho Lawi achiima na achimutuwa, achiricha chila chitu nyuma.²⁹Chisha Lawi achenda nyumbani kwakwe achusa nyambura bomu kwa ajili ya Jesu. Kwakala na atoza kodi anji kuko na atu anji asagala mezani achirya vhamwenga nao. ³⁰Ela mafarisayo na andishi achikala anaanungunikira anafunzi, achiamba, “Kwa tuwani munarya na kunwa vhamwenga na atoza kodi na atu anjine enye dambi?” ³¹Jesu achiajibu, “Atu ambao kalumwa, miiri yao ni azima kanahaja ya mganga, ni arahu tu, ario anyonge ndio alondao muganga. ³²Sidzire kuaiha atu ario enye hachi aweze kutubu, ela nakudza kuaiha enye dambi ili atubu.”³³Achimwamba, “Anafunzi a Johana mara nyinji anafunga (kufunga) na kuvoya, na anafunzi a mafarisayo nao ni kuhenda utu vivyo. Ela anafunzio anarya na kunwa.” ³⁴Jesu achiamba, “Je, vinawezekana mutu yeyosi aahende adzohudhuria nyambura ya harusi ya Bwana harusi asirye (kufunga) muda bwana harusi yu vhamwenga nao? ³⁵Ela tsiku zindakudza bwana harusi andivouswa kwao, ndivho kahi za tsiku zizo andafunga.³⁶Chisha Jesu achigomba nao pye kwa mafumbo, “Kakuna mutu akataye chipande cha nguo kwenye vazi ripya na kuchishona kwenye vazi ra kapindi. Ichikala yundahenda vivyo yundaitarura iyo nguo mbipya na chipande cha nguo kula kwa vazi ro ripya kachingafaa kuhumika kwenye nguo ya vazi ra kapindi.³⁷Pye kakuna mutu ariye yuika divai mbipya kwenye chiriba cha kutsakala. Ichikala yundahenda achihenda vivyo, divai mbipya ingaahula chiriba, na divai indamwangika na viriba vindabanangika. ³⁸Ela divai mbipya ni lazima ikwe kwenye viriba vipya. ³⁹Na kakuna mutu baada ya kunwa divai ya kapindi, ariye angahenza mbipya kwa kukala anamba ya kapindi ndiyo iriyo mbidzo.

¹Ichikala tsiku ya sabato mwenga, Jesu were yunachira kwenye munda wenye nafaka na anafunzie achikala ana vunza go masuche ga nafaka, na kugavulula kwenye mikono yao achirya zo nafaka. ²Ela baadhi ra mafarisayo achamba “Kwa tuwani munahenda chitu ambacho si cha hachi chisharia kuchihenda tsiku ya sabato?”³Jesu, achiajibu, achiamba, “Je, kamuwahire kusoma chirahu Daudi arichohenda arivhokala yunanzala, iye na alume ariokala vhamwenga naye? ⁴wakwenda njira nyumba ya Mulungu, achihala mikahe iriyotengwa chisharia kwa ajili ya vilongozi achidini ambao ao tu hachiyao anaweza kuirya, wahala achirya na achia gavira atu ariokala vhamwenga naye nao achirya. ⁵Chisha achiambira, “ mwana wa Adamu ndiye Bwana wa sabato.”⁶Ichikala kahiza sabato mwengavho kwamba wakwenda ndani ya sinagogi na achiafundzya atu mumo. Vhakala na mutu mumwenga ariye mkonowe wa kalume here wauholoza. ⁷Andishi na mafarisayo achikala anamulolato ilia one ichikala yunda muvhoza mutu tsiku ya sabato, ili apate chisigwa cha kumushitaki kwa kuhenda kosa. ⁸Ela wamanya chirahu chorokala anachaza na achimwambira yuyahu mutu ariyekala wavhoolaza mkono, “Uka wiime vhavha mbere kahikahi ya chila mumwenga," Kwa vivyo iye mutu achunuka achiima vhavho.⁹Jesu achiambira, “Namuuza mwimwi, je ni karakara kuhenda madzoau mai tsiku ya sabato, kutivya maisha au kugabananga?” Chisa achialola osini na achimwamba yuyahu mutu, ¹⁰“Golosa mkonoo.’’ Achihenda vivyo, na mkonowe uchikala. ¹¹Ela achitsikirwa, achiuzana ao kwa ao ni chitu chani chii chifaacho humhendere Jesu.¹²Tsiku zizo achikala yudzuka yukwenda mrimani kuvoya. Achederera kumvoya Mulungu usiku wosi. ¹³Na kurivhoocha wa aiha anafunziye kwakwe, na achiatsagula kumi na airi kahi yao, ambao pye waiha ‘mitume’.¹⁴Madzina ga ao mitume were ni Simoni ( ambaye pye wamwiha petero) na Andrea nduguye, Jakobo, Johana, Filipo, Bartolomayo, ¹⁵Mathayo, Tomaso na Jakobo mwana wa alfayo, Simoni, anye ihiwa Zalote. ¹⁶Juda mwana wa Jakobo na Juda Iskariote, ambaye ndiye wamuguza Jesu.¹⁷Chisha Jesu wateremuka vhamwenga nao kula murimani na achiima vhatu hererani. Chasi chibomu cha anafunziye were akuko, vhamwenga na lukwili lubomu lwa atu oriombola uyahudi na Jerusalemu, na kombola pwani ya Tiro na Sidoni. ¹⁸Akudza achimusikisa na kuvhozwa makongo gao. Atu oriokala achiyugwa ni pepo achafu avhozwa pye. ¹⁹Chila mumwenga yerekala kwenye lukwili lulo wajeza kumngusa kwa kukala nguvu za wa kuvhooza were zinaomboa ndaniye, na achiavhooza osi.²⁰Chisha achialola anafunziye, na achiamba, “Baha mwimwi murio mu’achia,kwa kukala ufalume wa Mulungu ni wenu. ²¹Baha mwimwi muno na vivi, kwa kukala mundaukushwa. Baha mwimwi murirao vivi, kwa kukala mundatseka.²²Baha mwimwi ambao atu anda'atsikirirwa na kuatenga na kuasingizira mwimwi kukala mu ai, kwa ajili ya Mwana wa Adamu. ²³Tsiratsirani tsiku iyo na kutinatina kwa furaha kwa kukala mundakala na tuzo bomu mulunguni, kwa maana bezao ahendera vivyo ivyo manabii.²⁴Shauri yenu mwimwi murio na mali! Kwa kukala faraja yenu mudziipata kare. ²⁵Shauri yenu mudzio ukuha vivi! Kwa kukala mundakala na nzala baadaye. Shauri yenu murio na higemi vivi! Kwa kukala mundaoomboleza na kuriva badaye.²⁶Shauri yenu mundivholikwa ni atu osi! Kwa kukala bezao ahendera manabii aulongo vivyo ivyo.²⁷Ela nagomba na mwimwi ambao mnanisikisa ahenzeni mahadui enu na ahendereni mautu madzo arahu atsikirirwao. ²⁸Ahaseni arahu ambao ana alaani mwimwi na avoyereni arahu ambao anamonera.²⁹Kwa iye akupigaye tsavu upande mumwenga, mugaluzire ra vhiri pye. Mutu achikuvhoka johoro usimukahaze na kanzuyo pye. ³⁰Chila akuvoyaye muvhe. Na mutu achikugwarura maliyo usimutuwe tuwe ili kwamba akudzirye.³¹Vyomuhedzavyo muhendere ni atu, mwimwi namwi ahendereni vivyo. ³²Ichikala munda ahenza atu amba anamuhenza mwimwi pia, yo ni zawadi yani kwenu? kwa kukala hata enye dhambi pia ana ahenza arahu ambao ana ahenza. ³³Ichikala munda ahendera madzo arahu ambao pye ana muhendera mwimwi madzo, ro ni tuzo rani kwenu? Kwa kukala hata enye dambi ndivyo ahendavyo. ³⁴Ichikala munda akopesha atu vitu chisha mulonde kudzirwa, ro ni tuzo rani kwenu? Hata enye dambi nikukopesha ayawao enyi dambi, na kuheneza kuvhokera chasi chicho chicho kahiri.³⁵Ela ahenzeni mahadui genu na ahendereni madzo. Akoposheni na musilonde kudzirwa na tuzo renu rindakala bomu. Mundakala ana aa ariye dzulu, kwa kukala iye mwenye ni mudzo kwa atu asionashukurani na aii. ³⁶Kalani enye mbaazi here beyenu arivyo na mbaazi.³⁷Musihukumu nanwi kamunda hukumiwa. Musilaani, nanwi kamunda laaniwa. Asameheni anjine, nanwi munda samehewa.³⁸Avheni anjine, nanwi munda hewa. Chiasi cha ukarimu- chodzoshindiliwa, kusukwasukukwa na kunwagika- vindamwagika mavindini mwenu. Kwa kukala chipimo chochosi muhumiracho kupimira, chipimo chicho chicho chindahumirwa kuapira mwimwi.³⁹Chisha achiambira ngano pye, "Je, mutu ariye chipofu yunaweza kumulongoza chipofu muyawe? Ichikala yundahenda vivyo, basi osi arigagwa gopweni. Je, kandagwa? ⁴⁰Mwanafunzi kakala mubomu kuriko mwalimuwe, ela chila mutu achifundzwa karakara yundakala here mwalimuwe.⁴¹Ni kwa tuwani unalola chifusi chiricho ndani ya dzitso ra nduguyo na chigogo chiricho ndani ya dzitsoro kuchilola? ⁴²Undawezadze kumwambira nduguyo, "Mwenehu navoya nichomboze chifusi chiricho ndani ya dzitsoro, nawe kulolo kuchilola chigogo chiricho ndani ya dzitsoro mwenye? Munafikiwe! Kwanza chomboze chigogo chiricho ndani ya dzitsoro mwenye, ndo undaona tototo kuchomboza chifusi chiricho ndani ya dzitso ra nduguyo.⁴³Kwa kukala kakuna muhi mudzo uvyalao matunda mai, wala kakuna muhi mui uvyalao matunda madzo. ⁴⁴Kwa kukala chila muhi unamanyikana kuchiriria kwa matundage. Kwa kukala atu kahuta tini kula kwenye miya, hebu kuhunda zabibu kula kwenye michongoma.⁴⁵Mutu mudzo kahiza akiba mbidzo ya moyowe ni kunena garigo madzo, na mutu mui kahiza akiba mbii ya moyowe ni kunena garigo mai. Kwa kukala kanware nikunena gaudzazago moyowe.⁴⁶Kwa tuwani munaniha, "Bwana Bwana na bado kamugahenda garahu nigombago? ⁴⁷Chila mutu adzaye kwangu na kugasikira maneno gangu nakugahendera kazi, nindamonyesa vyo arivyo. ⁴⁸Yunahalama na mutu ajengaye nyumbaye, ariye kutsimba tsini muno, na kujenga musini wa nyumba dzulu ya mwamba imara. Mafuriko garivokudza, mavoromoko ga madzi gaipiga nyumba, ela kagawezere kuisumbisha, kwa kukala were idzi jengwa tototo.⁴⁹Ela yeyosi asikiraye neno rangu na kutsaritua, mfanowe ni mutu ariye jenga nyumba dzulu ya mutsanga vhasivho kala na musinzi, muho urivho idzira kwa nguvu, nyumba irahu ya banangika kamare.

¹Baada ya Jesu kumarigiza chila chitu arichokala yunachinena kwa atu ariokala anamusikisa, achinjira Kapernaumu.²Muhumiki fulani wa Akida, ariyekala ni wa maana muno kwakwe, were ni mukongo muno vhevhi na kufa. ³Ela achikala yudzisikira dzulu Jesu, iye Akida achimuhuma chilongozi wa chiyahudi, ende achimuvoya adze amutivye muhumikiwe asidze akafa. ⁴Arivofika vevi na Jesu, amubembereza kwa bidii na kwamba, “Unahenzekana kuhenda vivi kwa ajili ye, ⁵Kwa kukala yunarihenza taifa rehu, na niiye ariyejenga sinagogi kwa ajili yehu.”⁶Jesu achenderera na charoche vhamwenga nao. Ela vhokala yuvhevhi na iyo nyumba, iye Akida achiahuma asenae agombe naye, “Bwana, usidzitsosye mwenye, kwa kukala mimi sifaha uwe winjire nyumbani mwangu. ⁷Kwa sababu ii sazire hata mimi mwenye kukala nafaa kudza kwako, ela gomba neno tu na muhumiki wa kazi wangu yunda vhola. ⁸Kwa kukala hata mimi ni mutu ririyeikwa kahiza mamulaka na nina asikari tsini yangu. Nikumwamba yuyu “Enenda” yunaenda, na munjine nichimwamba “Inzoo” naye yunadza na kwa muhumiki wa kazi wangu nichimwamba “Henda chino” naye yunahenda.”⁹Jesu arivhosikira ga achiagalala na achiluagalukira lo lukwili lwokala lunamutuwa na achiamba, “Kwambira hata kahiza Israeli sidzona mutu mwenye imani bomu iye yuyu. ¹⁰Chisha arahu ariokala ahumwa auya nyumbani na achimutikiza muhumiki ni muzima.¹¹Baada ya gaga, Jesu wakwenda mudzi uihiwao Naini. Anafunzie achenda vhamwenga naye na achilongozana na lukwili lwa atu. ¹²Arivokala yunaratira ryango mudzi, lola, mutu yekala yudzefa were yunatsukulwa na ni mwana wa hacheye wa ameye ariyekala gungu na atu anji kula kwa uo mudzi achikala avhamwenga naye. ¹³Arivomuona, Bwana wamusengerera kwa mbaazi nyinji sana dzuluye na achimwamba, “Usirire.” ¹⁴Chisha achisengera mbere achigutsa lolutara alirokala yutsukurirwa mwiri na ni arahu oriokala atsukula achima, achiamba, “Mvulana nakwamba lamuka.” ¹⁵Yekala yudzefa achinuka achisagala achaanza kugomba. Chisha Jesu achimulavya kwa ameye.¹⁶Chisha woga uchiaudzala osi. Achenderera kumulika Mulungu achiamba, “Nabii mubomu yudziunulwa kahikahi yehu, na Mulungu yudzialola atuehe.” ¹⁷Uvhoro mudzo Jesu watsalarira Judea yosi na majimbo gosi gadzigovhakana.¹⁸Anafunzi a Johana amwambira mautu gaga gosi. ¹⁹Ndo Johana achiiha anafunzie airi na achiahuma kwa Bwana amuuze, “We ndiwe adzaye hebu kuna mutu munjine humulorere?” ²⁰Arivofika vhevhi na Jesu aa achiamba, “Johana mubatizaji yudzuhuhuma kwako hukuze, “We ndiwe yuyahu adzaye hebu kuna mutu munjine humulorere?”²¹Muda uo waavhoza atu anji ariokala ni akongo na kusirima kahiza roho achafu na atu ariokala kaona achiavha k'ona. ²²Jesu achiajibu na achiambira, “Muchuya munda mumanyisa Johana mudzicho chona na kuchisikira. Ariovipofu anavhokera k'ona na viswere anatsembera, enye mahana anavhoozwa na viziwi anasikira, nyufu zinafufulwa na kuya moyo kahi, achia anaambirwa uvhoro mudzo. ²³Na mutu ariye kandaricha kunikuluvhira mimi kwa sababu ya mahendo gangu yundahaswa.”²⁴Baada ya arahu ariokala ahumwa ni Johana kuya kurahu ariokolea, Jesu achaanza kugomba na lulo lukwili lwa atu kumuhusu Johana, "Mwakwenda nyikani k'ona chitu chani, mwanzi uchikala mnatukuswa ni kusi ²⁵Ela mwakwenda nyikani muchona chitu chani, mutu adziye valato? Lola arahu avalao nguozachifalume na kuishi maisha madzo a kwenye nyumba za chifalume. ²⁶Ela mwakwenda nze muchona chitu chani, Nabii? Ni vivyo, naambira na were ni zaidi ya nabii.²⁷Yuyu ni iye ariyeandikirwa, "Lola namuhuma mujumbe wangu mbere ya matso genu, andiye tengeneza njiya kwa ajili yangu. ²⁸Nanena na mwimwi, kahiza atu arahu ario avyalwa ni mwanamuche, kakuna mubomu here Johana, ela mutu asiye muhimu sana yundaishi na Mulungu vharahu arivho iye, yundakala mubomu kuriko Johana."²⁹Na atu osini vhorokala asikira mautu gaga vhamwenga na atoza kodi, atangaza kukala Mulungu ni mwenye hachi. Kahikahi yao akalavho arahu oriobatizwa kwa ubatizo wa Johana. ³⁰Ela mafarisayo na anasheria za chiyahudi, ario kabatizirwe ni iye akhala hekima ya Mulungu kwa ajili yao enye.³¹Chisha ninaveza linganola na tuwani atu a chiviazi chino? Achidze dzedze haswa? ³²adzihalana na ahoho atsadzigao eneo ra soko, ario asagala na kwihana mumwenga mumwenga achiamba, "Hupiga virimbi kwa ajili yenu na kamukavina, hudziomboleza na kamukarira."³³Johana mbatizaji wakudza na were karya mukahe walawere kanwa uchi, na muchimwamba "yuna pepo." ³⁴Mwana wa Adamu wakudza yunarya na kunwa na munachamba "Yuna mitsongo na ni mlevi, ni msena wa atoza kodi na enye dambi! ³⁵Ela hekima idzimanyikana kukala ina hachi kwa anaye osi."³⁶Mumwenga kahiza mafarisayo wamuvoya Jesu aende akarye vhamwenga naye. Baada ya Jesu kuinjira kwenye nyumba ya iye mufarisayo, achisagala ili arye. ³⁷Lola kwakala na mwanamuche mumwenga kahizamudzi uo yekala na dambi. Na achimanya kukala Jesu yusegere kwenye nyumba iyo ya mafarisayo, kwa vivyo achireha chupa ya mafuha ga marashi. ³⁸Achiima nyumaye vhevhi na maguluge kuno yunarira. Chisha achianza kulovya magulu ga Jesu kwa matsozige kugavhakusa kwa nyere za chitswache, na kuno yunabusu magulu ga kwakwe na kumuvhaka mafuha ga marashi.³⁹Yuyahu mufarisayo yerekala yumwalika Jesu arivhoona vivyo, achianza iye mwenye na achiamba, " Kala mutu yuyu ni nabii, angamanya mutu yuyu nyani na ni mwanamuche wa aina yani amugusaye, kwa kukala ni wenye dambi." ⁴⁰Jesu achijibu achimwambira, "Simoni nina chitu cha kukwambira, achiamba, "Chinene tu mwalimu!"⁴¹Jesu achiamba, kwakala na atu airi oriokala anadaiwa ni mutu mumwenga. Mumwenga were yunadaiwa dinari ,magana matsano na wa vhiri dinari mirongo mitsano. ⁴²Na vhorokala kana pesa za kumurivha, iye mkopeshaji wasamehe osi. Vikara ni yuvhiye ende muhenza muno? ⁴³Simoni achijibu, achiamba, "Nona ni yuyahu ariye samehewa yerekala yuna deni bomu." Jesu achimwamba, "Udzomboza waamuzi wa sawa."⁴⁴Jesu achimugalakira mwanamuche na achigomba na Simoni, "Unamona yuno mwanamuche. Dzinjira nyumbani mwako, na kukanipa madzi ga koga magulu gagu, ela yuyu mwanamuche kwa matsozige yugalovya magulu gangu na kuavhakusa na nyereze. ⁴⁵Kukanibusu, ela iye hangu adzivhoinjira mumu kakaricha kubusu magulu gangu.⁴⁶Kukagavhaka magulu gangu marashi, ela iye yuvhaka magulu gangu mafuha ga marashi. ⁴⁷Kwa ajili ya utu uu, nakwambira kukala here yuna dhambi nyinji ela yusamehewa zhosini na pia yuhenza muno. Ela adziasamehewa chidogo uhenzowe ni chidogo tu."⁴⁸Baadaye achimwamba yuyahu mwanamuche, "Dambizo zi samehewa." ⁴⁹Arahu oriokala asegere vhamwenga naye vhavho mezani achianza kulumbana ao kwa ao, "Yuno nyani hata yunasemehe dambi? ⁵⁰Na Jesu achimwambira yuyahu mwanamuche, "Imaniyo ikokola, enenda kwa reri.."

¹Yakala baada ya gago,Jesu waanza kwenenda kahiza midzi na vidzidzi mbalimbali, achihubiri na kuambira atu uvhoro mudzo wa ufalume wa Mulungu.Na arahu kumi na airi akwenda vhamwenga naye, ²Vivyo vivyo anache fulani ariokala avhozwa kula kwa roho achafu na makongo mbalimbali. Were ni Mariamu ahiwaye Magdalene ariyeombozwa pepo afungahe . ³Joana mukaza kuza na mumwinzi wa Herode, Susana, na anaache anjine anji oriolavya mali zao kwa ajili yao enye.⁴Na baada ya lukwili lwa atu kudza vhamwenga na achikalavho atu ariokudza kwakwe kula midzi mbalimbali achigomba nao kuhumira mifano. ⁵Munyali wakwenda nyala mbeyu, arivhokala yunanyala mbelu zinjine zagwa kandakanda ya njira zichivyogwa tsini ya magulu. ⁶Mbeyu zinjine zagwa kwenye mutsanga wenye miamba na zirivhochunga na kombola mitse zanyuluka kwa kukala kakukarire na unyevuunyevu.⁷Mbeyu zinjine zichigwa kwenye mihi ya miya na yo miya ya miya ichikula vhamwenga na zirahu mbeyu na zichiligwaligwa. ⁸Ela mbeyu zinjine zichigwa kwenye mutsanga mudzo na zichivyala zaidi ya mara gana.''Vhokala Jesu yugomba mfano uu,womboza sautiye kwa dzulu,''Yeyosi mwenye masikiro ga kusikira na asikire.''⁹Chisha anafunziye achimuuza maana ya mufano uu. ¹⁰Jesu achiambira, mudzihezwekezwa kwa kumanya munao uwezo wa kumanya siri za utawali wa Mulungu ,ela atu anjine adzafunzwa kwa mifano, ili kwamba achilola asione na achisikira asielewe.¹¹Na ii ndiyo maana ya mfano uu. Mbeyu ni neno ra Mulungu. ¹²Mbeyu zirahu zirizogwa kanda kanda ya nujira ni aratu atu ambao anasikira neno ,na baadaye shetani ariye ni mui yunarihala kula moyoni, ili kukala asiamini na kuokolwa. ¹³Chisha na ziralu kure zirizogwa kwenye mwamba arahu arisikirao neno na kulivhokera kwa furaha, ela kana mizi yoyosi,anaamini kwa muda muchache,na muda achiriravyo majezo nikugisa.¹⁴Na mbeyu zirahu ambazo zirizogwa kwenye miya ni atu ario anasikira neno,ela muda endererevho kukula anagwirikana na mashughuli ga utajiri na raha za chimaisha gaga na mudzo kaweza akavyala matunda. ¹⁵Ela ziralu mbeyu zirizogwa kwenye mutsanga ni arahu atu,ario ni anyenyekevu na mioyo midzo ,baada ya kusikira neno anarigwira na rikala salama na kuvyala matunda ga uvumirivu .¹⁶Vikara kakuna hata mumwenga ariye ,yunaasha taa na kuribunikiza bakuli hebu kurika muvungurini. Baadalaye ni kwika ya chango ili kwamba chila mumwenga ainjiraye aweze kona. ¹⁷Kwa kukala chindichodzifitsa ambao chiricho kachinda manyikana hebu chochosi chiricho sirini ambacho kachinda machikana chichikala kwenye mwangaza. ¹⁸Kwa vivyo kala matso wakati undivhokala unasikira kwa kukala ariye nacho,kwakwe iye yundajezerwa muno, ela iye asiyekala nacho hata chirahu chichache arichonacho chindahalwa.¹⁹Baadaye ameye Jesu na nduguze akudza kwakwe, ela kawezere kumufikira vhevhi kwa kukala atu were ni anji sana. ²⁰Achiambwa,''Ameyo na nduguzo avhavho vhodze anahenza akone uwe. ²¹Ela Jesu achijibu achamba ,''Mayo na enehu ni arahu ario asikirao neno ra Mulungu na kuutuwa.²²Yakala tsiku mwenga yavho kahiza tsiku zirahu Jesu na anafunziye apanda kwenye Dau,na achimbira,''Na huvekenu uyambu ya ziya.''achitengeneza dau vokala naro. ²³Ela arivhoonza kuka Jesu achivhotserwa na chikukuzi cha pyeho kali chichi chafuwa ziya na dau rao richanza kudzala madzi na achikala kwenye zani bomu muno.²⁴Baadaye anafuuziye achimutuwa achimulamusa achimwamba,''Bwana Bwana! Hunafa!''Achilamuka na achichemera kusi na maimbi na madzi gachihurira na kuchikala reri. ²⁵Chisha achiambira,''Kuluvhiro renu rilavhi?" achiogovha, angalala, achiuzana chila mumwenga na muyawe, "Ni yuphiye yuno, ariye yunaamuru kusi na madzi na vinamusikira?''²⁶Achifika kwenye mudzi wa Gerasini urio upande wa uyuma ya Galilaya. ²⁷Jesu vhotserera na kuvyoga vhotsi,mutu fulani yerembola mudzini,achigwirana naye na yuyu mutu were yuna nguvu za dziza.Kwa muda mure were yu vhuvhu kavala nguo,na were kaishi kwenye nyumba, ela were yukere mbirani.²⁸Na arivhomona Jesu achipia lonzo na achimugwerera maguluni. Kwa sauti bomu achiamba, dzihendadze kwako, Jesu mwana wa Mulungu ariye dzulu? Nakuvoya usinitese.'' ²⁹Jesu achiamuru roho mchafu amombole iye mutu ,kwa kukala wapagaiwa mara nyinji. Hata kala were wafungwa minyororo gingingi na achikwa tsini ya urinzi, waivunza iyo minyororo na achivhirikwa ni pepo muhadi nyikani.³⁰Jesu achimuza,''Dzinaro unahiwa ani? ''achijibu achamba ,''Legion '' kwa kukala pepo anji amwinjira. ³¹Pepo achenderera kumubembereza Jesu usihambe hende gokweni.³²Badi ra nguluwe were rinarisa dzulu ya chirima, achimuvoya akubarire ainjire kwa ao nguluwe. Na achiakubarira kuhenda vivyo. ³³Kwa vivyo ao pepo achimombola iye mutu na achivhenya badi rosi ra nguluwe richichimbira kwenye chirima muhadi ziyani na achihoha mumo.³⁴Arahu atu ariokala arisa ao nguluwe, arivhaoona chiricho hendeka, akwenda malo achenda lavya uvhoro vharahu mudzinu na nze ya midzi minjine iriyoidziazuluka. ³⁵Na atu vhorosikira utuo akwenda ili aone chidzichohendeka,na achimutuwa Jesu na achimona yuyala mutu yudzombozwa pepo were yuvala tototo na mwenye akili mbidzo ,yusegere magulumi vha Jesu,nao achiogovha.³⁶Ndo mumwega wao ariyeona chirichohendeka wanza kuatarira ayawe virahu ambavyo mutu yuyu ariyekala yunalongozwa ni pepo arivyovhoozwa. ³⁷Na atu osi ajimbo ra Agerasi na maeneo godzozunguluka amuvoya Jesu auke kwao kwa kukala were agwirwa ni woga muno. Na achikwera dauni achuya.³⁸Mutu yuyahu ariyeombolwa ni pepo achimuvoya Jesu aenende vhamwenga naye, ela Jesu achimwamba uya nyumbani kwako ukaatarire garahu gosi ambago Mulungu yukuhendera. ³⁹Yuyu mutu achiuka achitangaza vhosi na kahiza mudzi wosi na garahu gosi ambago Jesu wagahenda kwa ajiliye.⁴⁰Jesu achinya atu anji achimukaribisha kwa kukala osi were namutariza. ⁴¹Lola, achidza mutu mumwenga aihiwaye Jairo were ni mumwenga kahiza vilongozi asinagogi. Jairo achigwa maguluni vha Jesu achimuvoya enende nyumbani kwakwe. ⁴²Kwa kukala were yunamuhoho wa chiche mumwenga tu ariyekala yuna miaka kumi na miiri, were yunalorerwa roho(vhevhi na kufa). Na arivhokala achenenda atu anji were anamukurumba.⁴³Mwanamuche ariyekala yunaombolwa ni milatso (murno) muda wa miaka kumi na miiri were ynavhavho na wahumira pesa zosi kwa aganga, ela kakuna ariyemuvhoza hata mumwenga. ⁴⁴Wakudza nyuma ya Jesu, achigusa mutsa wa nguoye na ghafula uo muruo uchituma.⁴⁵Jesu achamba,''Ni yuphiye ariye yunigusa? Arivyokala osini akahala, Petero achamba, "Bwana mubomu,Atu ni anji anakusukuma na kukukurumba.'' ⁴⁶Ela Jesu achamba,''Mutu mumwenga yunigusa,kwa kukala nidzima nguvu zidziniombola."⁴⁷Mwanamuche arivhoona kukala kaweza kufitsa azdichochiyenda, achanza kutetema, achigwatsi mbere za Jesu, achitangaza mbere za atu osini chozdotuma hata amuguse na adzivyovhozwa gafula. ⁴⁸Chisha achimwamba,''Mwanangu wa chiche kuluvhiroro ridzikuhenda ukale muzima. Enenda kwa reri.''⁴⁹Arivhkala yunaenderera kunena,mutu mumwenga achidza kula kwa nyumba ya chilogozi wa sinagogi,''achimwamba,''mwanao yudzefa usimuyuge mwalimu.'' ⁵⁰Ela Jesu vhosikira vivyo,wamujibu,''Usilogovhe. Amimi tu,naye yundavhozwa.''⁵¹Chisha alivhoinjira mumo nyumbani, karuhusire mutu yoyosi kuinjira vhamwenga naye isivhokala Petero, Johanna na Jakobo, abaye iye mwana wa chiche na ameye. ⁵²Hikara atu osini were anaomboleza na kurira na lonzo kwa juluye, ela Jesu achiamba, "Musipige lonzo kadzafa ela yereretu.'' ⁵³Ela achimutseka na kavhurye,kwa kukala amanya yudzefa.⁵⁴Ela iye, achimwiha kwa sauti achamba, "Muhoho, unuka" ⁵⁵Rohoye ichimuyira, na achuka muda uo uo.Na achiamurisha ahewe utu wa kurya. ⁵⁶Avyazie achiagalala, ela achiamara asiambire mutu chidzichohendeka.

¹Achieha vhamwenga arahu kumina airi,na achiavha uwezo na mamulaka dzulu ya pepo osini na kuvhoza makongo. ²Achiahuma enenda akahubiri ufalume wa Mulungu na kuavhoza akongo.³Achiambira,'' musihale chitu chochosi dzulu ya charo chenu wala ndata wala mkoba,hebu chakurya,hebu pesa,wala musihale kanzu mbiri. ⁴Na nyumba yoyosi muriyo mundainjira,kalani mumo muhadi muudivho uka vhatu vhavho .⁵Na kwa arahu ario kanda muvhokera mundivhouka mudzi uo,dzikutenikuteni vumbi ririro maguluni mwenu kwa ushuhuda dzulu yao.'' ⁶Achiuka na achenenda kuchirira vidzidzini achitangaza uvhoro mudzo wa Mulungu na kuvhoza atu chil vhatu.⁷Vikara Herode, mtawali,wagasikira mautu gosini gokala ganahendeka vichimwangalaza muno, kwa kukala atu anjiue amba vya kukala Johana mbatizaji yufufuka kahiza ariofa. ⁸Na anjineo achamba ni Elija yudzizumbuka yudzidzomboza na kwa anjine achamba ni mumwenga kahiza manabii akapindi yufufuka kahiza ariofa fu kaluri. ⁹Herode wamba,''Johana namutsiuza,ela yuno ni yuphiye arie nasikira habarize?" Na Herode wayeya njira yakuweza kumona Jesu.¹⁰Arahu ahumwi vhorivhonya, amwambira chila chitu aricho achihenda. Na achuka vhamwenga nao,achenenda hachiyao hata mudzi wihiwao Bethsaida. ¹¹Ela lukwili lwa atu lwasikira kuhusu riri achimuyeya, na achiakaribisha, na achigomba nao kuhusu ufalume wa Mulungu na achiavhoza ariolonda kuvhozwa.¹²Tsiku ichianza kusira na arahu kumi na airi achenda kwakwe na kumwamba, "Atsamule ao aatu enende vidzidzini virivyo vhevhi na midzi akayeye vhatu vhakoya na chakurya, kwa kukala huvhatu vharivho ni nyika. ¹³Ela achiambira, 'Avhei mwimwi chitu cha kurya,," Achiamba, "Kahuna chinji ela samaki ariri, isivhokala hungenenda na kugula chakurya kwa ajili ya lukwili lulu lwa atu.'' ¹⁴Kwakala na analume aratirao elfu tsano vhavho. Achiambira anafunziye, "Asagazheni vhotsi kahiza makundi ga aatu aratirao mirongo mitsano kwa chila kundi.¹⁵Kwa vivyo achihenda vivyo na atu achisagala vhotsi. ¹⁶Achihala iyo mikahe mitsano na samaki airi na achilola dzulu mulunguni achivihasa, na achivimega visiku visiku achiavha anafunziye ili avike mbere ya lukwili. ¹⁷Osi achirya achukuha na visiku vya chakurya virivyosala vichitsolwa tsolwa na kudzaza kavu kumi na mbiri.¹⁸Arivhokala yunavoya hacheye, anafunziye were avhamwenga naye na achianza, "Achiamba atu anamba mino niani?" ¹⁹zchijibu achamba, "Johana mumbatizaji, ela ayawe anamba uu Eliya na ayawe anamba umumwenga kahiza manabii akare ariyeuya moyo kahiri.''²⁰Ela mwino munamba mino ni ani?''Petero achijibu achamba,''Kristo kula kwa Mulungu.'' ²¹Ela Jesu achiara asimwambire mutu yoyosi dzulu ya riri. ²²Achamba kukala mwana wa Adamu ni lazima ateseke kwa mautu manji na pye kukahalwa ni atumanya na vilongozi abomu achidini na andishi,na yuundalagwa na tsiku ya hahu yuundanya moyo kahiri.²³Achiambira osini,''Kala mutu yoyosi yunahenza kunituwa, lazima adzuze myoni mwenye auhale musalabawe chila tsiku, na anituwe. ²⁴Yeyosi ajezaye kugaokola maishage yndagagamiza ela yeyosi agaangamizaye maishage kwa faida yangu, yundagaokola. ²⁵Indamufaidishani mwanadamu kwala yundaupata urimwengu wosi, ela akaangamiza hebu akapata hasara ya nafsiye?²⁶Yeyosi arioneraye webu mimi na maneno gangu, kwakwe iye mwana wa Adamu yundamonera webu andivhokala kahiza utukufuwe, na utukufu wa Baba na malaika atsunyu. ²⁷Ela ninaambira ujeri,kuna badhi yenu arimao vhavha kandafa muhadi awone ufalume wa Mulungu.''²⁸Baada ya maneno gago ya ratira tsiku nane,achihala Petero ,Johana na Jakobo ,achipanda murimani kwenda kuvoya. ²⁹Na arivhokala ya kahiza mavoyo, monekano wa usowe wagaluka, na nguoze zichikala nyeruvhe na za kung'ala.³⁰Na lola, akalavho na analume airi ananena naye! Wakala Musa na Eliya. ³¹Na aonekana kahiza utukufu. Achinena dzulu ya kuukakwe jambo ambaro warisengerera kurihenda Jerusalemu.³²Vikara Petero na arahu oriokala avhamwenga naye akala anyekererwa. Ela arivho lamuka, awona utukufuwe na analume airi oriokala adzima naye. ³³Na ichombola kukala,vhorokala anauka vhamwenga na Jesu ,Petero achimwambira,''Bwana ni tototo kwehu kukala vhavha na inahufaa hujenge huwezi nyumba za atu ahahu. Hujenge mwenga kwa ajiliyo, mwenga kwa ajili ya Musa,na mwenga kwa ajili ya Eliya.''Kaelewere chirahu arichokala yunachinena.³⁴Na vhorokala yunanena mautu gago,richidza ingu na richiafunika na achogovha arivhomanya kukala adzifunikwa ni ingu. ³⁵Sauti yaombola kula kwa riro ingu ichiamba,''Yuyu ni mwanangu muhenzi musikizeni iye.'' ³⁶Sauti irivhoricha,Jesu achikala hacheye, achinyamala zii, na kahiza tsiku zizo kamwambirire yeyosi gago gosini arigogaona.³⁷Tsiku iriyotuwizira, baada ya kula murimani, lukwili lubomu lwa atu luchonana. ³⁸Na lola, mwanalume mumwenga kula kwa lukwili lulo warira kwa sauti, achiamba, "Mwalimu ninakuvoya umulole mwanangu kwa kukala nde mwanangu hacheye." ³⁹Unona roho chafu nikumugwira na chisha nikupiga lonzo na pye kumuhenda atsanganyikirwe na kombo lwa ni povu kauwani. Nayo nikumombola kwa shida, na kumuhenda akale na utsungu mukali muno. ⁴⁰Naavoya anafunzio aichemere yombole. Ela kawezere.''⁴¹Jesu achijibu achiamba, ''Mwino chiviazi chisicho na kuluvhiro na chirichochogwa, muhadi rini nindakala namwi na kuharirana namwi? Murehe mwanao vhano.'' ⁴²Chijana vhorokala yunenda,pepo achimugwaga vhotsi na achimusumbisha kwa chififi. Ela Jesu waichemera iyo roho chafu,achimuvhoza iye muvulana,na achimulavya kwa abaye.⁴³Osini aangalazwa ni uwezo wa Mulungu .Ela arivhorokala osini adzagalazika kwa mautu gosini godzohendeka,achigomba na anafunziye. ⁴⁴''Maneno gakale masikironi mwenu, kwa kukala mwana wa Adamu yundalaviwa mikononi mwa anadamu." ⁴⁵Ela kaelewere maana ya maneno gago, na gafitswa matsoni vhao, ili asidze akagaelewa. Aogovha kumuza kuhusu neno riro.⁴⁶Achianza kuzana, ni yupiye andiyekala mubomu kahi yao. ⁴⁷Ela Jesu arivhomanya arichokala anauzana mioyoni mwao, achimuhala muhoho mutite na achimwika upandewe, ⁴⁸na achiamba, kala mutu yeyosi achimuvhokera muhoho mutite dza yuyu kwa dzina rangu, yunanivhokera mimi pye, na yoyosi achinivhokera mimi, yunamuvhokera pye na ariye nihuma, kwa kukala ariye mutite kahi yenu mosi ndiye ariye mubomu.⁴⁹Johana achijibu achamba,''Bwana hudzimona mutu yunaomboza pepo kwa dzinaro na hukamukahaza,kwa kukala kagwirana na siswi.'' ⁵⁰Ela Jesu achimwamba,''Musimukahazeni kwa kukala yuyahu ariye kachinyume namwi,yuvhamwenga namwi.''⁵¹Irivhorokala tsiku za kunulwakwe dzulu zivhevhe kutimira,iye wauloza usowe Jerusalemu. ⁵²Achihuma ajumbe mbereye, nao achenenda na achinjira chidzizi cha Asamaria ili amutayarishire vhatu. ⁵³Ela atu kuko kamuvhokerere, kwa kukala here yudziuloza usome Jerusalemu.⁵⁴Anafunziye yaani Jakobo na Johana arivhorona riri, achamba, "Bwana hunakuvoya huruhusu moho utserere tsii kula dzulu mulunguni uaoche ao? ⁵⁵Ela waagalukira, achiakanya. ⁵⁶Chisha achuka achenenda chidzidzi chingine.⁵⁷Arivhokala anaenenda kahiza njira yao, mutu mumwenga achimwamba, nindakutuwa vhovhosi wenendavho.'' ⁵⁸Jesu achimwamba,''Mbweha ana mapango, nao tsongo ario dzulu ana nyumba zao, ela mwana wa Adamu kana vhakuhambalaza chitswache.''⁵⁹Ndivho achimwambira mutu munjine,''Nituwa.'' Ela iye achamba,''Bwana niruhusu kwanza nende nikamuzike baba. ⁶⁰Ela iye achimwambira, "Ariche akufa azike nyufu zao." Ela uwe enenda ukaeneze ufalume wa Mulungu chila vhatu.⁶¹Chisha mutu munjine pye achamba, ''Niundakutuwa, Bwana ela ruruhusu kwanza nikaalage adamu angu.'' ⁶²Ela Jesu achimwamba kakuna mutu, abumaye yudzirichira mkonowe kurima na kulola nyuma andiyefaha kwa ufalume wa Mulungu.

¹Baada ya mautu gago, Bwana watsagula anjine mirogo mifugahe,na achiahuma airi airi amutangulie kahiza chila mudzi na lalo ariro tarajia kurenda. ²Achiambira,''Mavuno ni manji,ela ahenziakazi ni achache. Kwa vivyo be muvoyeni Bwana wa mavuno,ili kwamba ahume upesi ahenziakazi .Kahiza mavunoge.³Enendani kahiza midzi .Lolani nina ahuma here Ngonzi kahikahi ya kuro atsakani . ⁴Musitsukule mfuko wa pesa,wala mikoba ya safari,wala virahu,wala musimulamuseni yeyosi njirani.⁵Kahiza uyumba yoyosi mundioinjira, kwanza ambani ,''Reri ikale kahiza nyumba ii.'' ⁶Ichikala mutu wa reri yuvhavho, reri yenu indasala dzuluye, ela ichikala kavha indanyira enye. ⁷Salani kahiza kwenye nyumba iyo,iryani na munwe andichochomboza, kwa kukala muhenzi wa kazi yunafaa ahewe mshaharewe. Musitsane kuombola nyumba ii kwenda iyawe.⁸Mudzi wowosi muinjirao na kuvhokerwa ,iryani chochosi chindichoikwa mbere yenu, ⁹na avhozeni akongo ario mumo. Ambireni ,''Ufalume wa Mulungu uvhevhe.¹⁰Ela kahiza mudzi wowosi mundioinjira asiavhokere enendani nzee ya na kugomba. ¹¹Hata vumbi kahiza mudzi wenu rodzogwira magulu gehu huna rikutakuta kwa ajili yenu! Ela manyani riri kukala ufalume wa Mulungu uvhevhi.'' ¹²Ninaambira kukala tsiku ya hukumu indakala kuvumurira muno kwa Sodoma kuriko uo mudzi.¹³Ni shauriyo uwe korazini, shauriyo uwe Bethsaida! Kala kazi bomu zirizohendeka ndaniyo zahendeka Tiro na Sidoni ngere atya hangu kapindi muno, ngere asagala ndani ya nguo za magunia na ivu. ¹⁴Ela indakala nikuvumurira mno tsiku ya hukumu kwa Tiro na Sidoni kuriko mwimwi. ¹⁵Wee Kapernamu unaona kukala undaunulwa muhadi Mulunguni? Sevyo,undatserezwa tsii muhadi kuzimu.¹⁶Andiyeasikiza mwimwi,yunanisikiza mimi na yeyosi andiyemukahala ariye yuunda akahala yunanikahala mimi na yeyosi anikahalaye mimi yunamukahala iye ariyenihuma.''¹⁷Arahu mirogo mifugahe auya kwa uyemi ,achamba,''Bwana hata pepo anahogovha kwa ajili ya dzinaro. ¹⁸Jesu achiambira,''Namona pepo achigwa kula Mulunguni here chikwagwara. ¹⁹Lola,dziavha uwezo wa kuvyoga nyoka na inje,na mukotse wosi wa adui,na kavhana chochosi kwa njira yoyosi chindicho. ²⁰Ela musitsiretsireni kwa virahu pepo anaogovha, ela tsiratsirani kwa kukala madzina genu gandikwa mulunguni.''²¹Na kahiza muda uo uo wakala na furaha muno kahiza Roho Mtsunyu utakatifu, na achamba, “Nakulika uwe Baba, Bwana wa mulunguni na duniani, kwa kukala udzigafitsa mautu gaga kwa enye hekima na akili na kugafunula kwa asiofundishwa, here ahoho atite. Ni vivyo Baba, kwa kukala vya'ahamira matsoni vhako.”²²Chila chitu nachihewa ni Baba, na kakuna amanyaye mwana ni ani ela Baba, na kakuna amanyaye Baba ni ani ela mwana, na yeyosi ariye mwana nikuhenza kudzifunula kwakwe.”²³Achiagalukira anafunziye, achigomba nao kanda, “Ahaswa arahu agaonao gaga ambago mwimwi munagaona." ²⁴Ninaambira mwimwi, kukala manabii anji na afalme ahenza kona mautu mugonago, na kagonere, na kusikira go musikirago na kagasikirire.”²⁵Lola, mwalimu fulani wa sharia ya chiyahudi waima na kumujeza Jesu, achamba, “Mwalimu nihendedze ili niweze kuurithi uzima wa kare na kare?” ²⁶Jesu achimwambira, “Yandikwani kahiza sharia? Unaisoma dze?” ²⁷Achijibu achamba, “muhenze Bwana mulungui kwa moyo’o wosini, kwa rohoyo yosini, kwa mukotseo wosini, na kwa akilizo zosi na jiraniyo here moyoo mwenye.” ²⁸Jesu achamba, “ujibu karakara. Kahende vivyo nawe undaishi.”²⁹Ela iye mwalimu achihenza kudziona ni mwenye hachi matsoni kwakwe mwenye, achimwambira Jesu, “Na jirani yangu nyani?” ³⁰Jesu achimujibu achimwamba, “mutu mumwenga wateremuka kula Jerusalemu Kwenda Jeriko, na arivhorokala yuna enenda wagwirana na akora ario amuvhoka vitu vye vyosini ariyokala yunavyo na achimupiga na achimuricha kahiza hali mahututi.³¹Kwa bahati chilongozi mumwenga wa chidini achikala yunatserera na njira iyo na arivhomona wachira na kanda. ³²Vivyo vivyo mlawi pye arivhofika vhatu vhavho wachira na kanda. .³³Ela msamaria mumwenga, arivhorokala yuna safiri, wachira vharau arivhokala mutu iye. Arivhomona wamonera mbaazi. ³⁴Achimusengerera na achimufunga vironda vya kwakwe na achivimwagira mafuha na divai dzuluye. Wamukweza dzulu ya munyamawe, na achimuvhirika kwenye nyumba ya ajeni na achimushughulikira. ³⁵Tsiku iriyotuwizira, wahala dinari mbiri na achimuvha mwimirizi wa nyumba ya ajeni na achimwamba, “mushuhulikire na chochosi cha ziada chondohumira nindakurima vhondonyaa.³⁶Ni yuvhiye kahiza ano atu ahahu, unaona kukala here ni jiraniye mutu yuyu ariye vamiwa ni akora?” ³⁷Mwalimu waamba, “ni yuyahu ariye monera mbaazi.” Jesu achimwamba, “Enenda na ukahende vivyo vivyo.”³⁸Na arivhorokala anasafiri, ainjira kwenye chidzidzi chimwenga, na mwanamuche mumwenga dzinare ni Martha wamukaribisha nyumbani mwakwe. ³⁹Here yuna nduguye wachiche yerehiwa Mariamu, ariye wasagala maguluni vha Bwana na kusikira nenore.⁴⁰Ela Martha wadzivha shuguli nyinji za kutayarisha murio. Wakwenda kwa Jesu na achamba, “Bwana, kujali kukala yuno ndugu yangu yuniricha nihumike hachi yangu? Kwa vivyo mwambire aniavize.” ⁴¹Ela Bwana achimujibu, achimwamba, “Martha, Martha, unayugika dzulu ya mautu manji, ⁴²Ela utu ni umwenga tu wa mana. Mariamu ario yu’utsagula urio ni tsagulo ridzo, ambaro kandausirwa.

¹Yaomborera kukala Jesu arivhokala yunavoya vhatu fulani, mumwenga kahiza anafunziye wamwamba, "Bwana hufundishe siswi kuvoya here Johana arivyoafundisha anafunziye."²Jesu achiambira imuvoyavho ambani, “Baba, dzinaro rinulwe, ufalmeo udze.³Uhuvhe mkahe wehu wa chila tsiku. ⁴Uhusamehe makosa here siswi huasamehevyo osi ariohukosera. Usihulongoze kwenye majezo.”⁵Jesu achiambira, “Ni yuphiye kwenu ariye yuna musenawe, ambaye yundamutuwa usiku, na amwambe, musenangu nisaidiya na mikahe mihahu. ⁶Kwa kukala musenangu yudzinidzira muda uu yula safarini, nami sina cha kumuvha. ⁷Na iye ariyekala kuko ndani achimujibu, usiniyuge dzifunga muryango wangu kare na anangu vhamwenga nami hurere chitandani. Sindaweza kulamuka ili nikuvhe uwe mukahe. ⁸Naambira ijapokala kaweza kulamuka na kukuvha mukahe here musenawe ela kwa kukala udzienderera kumubishira bila kuona haya yunda lamuka na kukuvha visiku vinji vya mikahe kulingana na shibeyo.⁹Mimi nami naambira, Voyani, nanwi mundahewa, yeyani namwi muudaona, bishani namwi mundafugurirwa. ¹⁰Kwa kukala chila mutu avoyawe yunda vhokera, ya chila mutu ayeyaye yundapata na chila mutu abishaye muryangoni yundafungurirwa.¹¹Ni baba yuphiye kaiza mwino, mwanawe achimuvoya Samaki yundamuvha nyoka badalaye? ¹²Hebu achimuvhoya tumbi yunamuvha inje? ¹³Kwa vivyo, ichikala mwimwi murio muai munamamya kuavha ana enu zawadi bidzo, je, si zaidi mno bayenu wa Mulunguni kukala yunda avha Roho Mtsunyutakatifu arahu amuvoyao?”¹⁴Baadaye, Jesu achikala yunachemera pepo, na mutu iye ariyekala yuna pepo here ni bubu. Na arivhorokala pepo yudzimombola, mutu iye waweza kugomba. Atu anji agalala mno. ¹⁵Na anjine achamba, mutu yuyu yunamboza pepo kuchirira kwa Beelzebul, mubomu wa pepo.¹⁶Anjine amujeza na achimuhenza aonyese miujiza ya kombola mulunguni. ¹⁷Ela Jesu achimanya mawazo gao na achiamba, “Chila ufalume undio gavika undakala hicheye, na nyumba ambayo ya gavikana indagwa.¹⁸Ichikala shetani yundakala yudzidzigavya ufalumewe undaimadze? Kwa kukala munanamba nomboza pepo kwa Belzebuli. ¹⁹Ichikala mimi nomboza pepo kwa Belzebuli, Je, ana enu anaomboza kuchirira kwa njira yani? Kwa sababu ii ao andaahukumu mwimwi. ²⁰Ela ichikala naomboza pepo kwa mkono wa Mulungu, basi ufalume wa Mulungu uafikira (udziafikira).²¹Mutu ariye yuna mukotse na ariye yuna silaha achirinda nyumbaye, vitu vya kwakwe vindakala salama. ²²Ela achivamiwa ni mutu ariye yuna mukotse mno, iye mutu mwenye mukotse mno yunda muvhoka silahaze, na kuhala malize zosini. ²³Iye ariye kavhamwenga nami yu chinyume nami, na iye asiykusanya vhamwenga nami yunamwagamwaga.²⁴Pepo muchafu achimombola mutu, nikukala yunaenenda na kuyeya vhatu vharivho kavhana madzi ili adzoyeze. Vhondokala yukosa, yunamba, “Ndanya kurahu ririko ombola.” ²⁵Achuya na kona nyumba idzivherywa na ikalato. ²⁶Vivyo, nikwenenda na kuyeya pepo afugahe ario ni ai kuriko iye mwenye na kuareha adze akale vhatu vharahu. Na hali ya mutu iye nikukala voro irivyo kala vho mwanzo.²⁷Yomborera kukala arivhorokala yunagomba mautu gaga, mwanamuche mumwenga womboza sauti ya dzulu kuriko atu osini ariokala kahiza kusanyiko riri, achamba, “Indzihaswa ndani iriyo kuvyala na mahombo urigo gamwa.” ²⁸Ela iye achamba, adzibarikiwa arahu asikirao neno ra Mulungu na kuritunza.²⁹Irivhorokala lukwili lwa atu lunazidi kuonjezeka, Jesu achaanza kwamba, "Chiviazi chichi ni chiviazi cha ui. Chinayeya miujiza na kakuna miujiza andioihewa zaidi kuriko irahu miujiza ya Yona. ³⁰Kwa kukala gadza virahu Jona arivyorokala muujiza kwa atu a Ninawi, vivyo ndivyo mwana wa Adamu andivyokala muujiza kwa chiviazi chichi.³¹Malkia wa kusini yundaima tsiku ya hukumu na atu a chiviazi chichi na yunda ahukumu ao, kwa kukala iye waambola kula mwisho wa tsi ili adze asikise hekima ya Sulemani na vhavha vhana ariye ni mubomu kuriko iye Sulemani.³²Atu a Ninawi andaima kwenye hukumu vhamwenga na chiviazi chichi tsiku ya hukumu andachihukumu, kwani ao atya kwa mahubiri ga Jona, na lola vhavha vhana ariye ni mubomu kuriko Jona.³³Kakuna mutu yeyosi, agwizhaye taa na kurika ndani ya dziza, hebu ndani ya kavhu baadalaye ni kugwizya na kurika dzulu dzulu ya chitu ili mutu aimjiraye aweze kona mwangaza. ³⁴Dzitsoro nitaa ra mwiri. Dzitsoro nichikala ni ridzo be mwirio wosini undakala kwenye mwanga. Ela dzitsoro richikala ni rii be mwirio wosi undakala kwenye dziza. ³⁵Kwa vivyo kalani chonjo ili mwanga urio undani yenu usikale na dziza. ³⁶Vivyo basi, kala mwirio wosini ukahiza mwanga na kakuna sehemu iriyo idzizani, basi mwirio undakala karakara na taa rakaro rombozaro mwangaza kwenu.”³⁷Arivhomala kunena, mfarisayo wamwalika kwakwe nyumbani akarye chakurya, naye Jesu achinjira ndani na achisagala. ³⁸Na mufarisayo achiagalala kwa virahu kaogere mikono kwanza kabila kurya chakurya cha dziloni.³⁹Ela Bwana achiamba, “Mwimwi mafarisayo munaojesa chikombe konze na bakuli ela ndani yenu mudzudzala unyang’anyi na ui. ⁴⁰Mwimwi muatu ario kamuna akili, Je, ye ariyeumba konze kaumbire na ndani pia? ⁴¹Avheni achia virivyo ndani na mautu gosini gandakala madzo kwenu.⁴²Ela shauri yenu mafarisayo, kwani munaomboza zaka na mnanaa na chisonya na chila aina ya mboga ya mundani. Ela muricha mautu ga hachi na kumuhenza Mulungu. Ni tototo mno kuhenda garigo ni ga hachi na kumuhenza Mulungu, bila kuricha kuhenda na gaga manjine pye.⁴³Shauri yenu mafarisayo, kwa kukala munahenza kusagala kwenye vihi vya mbere kwenye masinagogi na kulamuswa kwa mulamuso wa heshima sokoni. ⁴⁴Shauri yenu, kwa kukala munahala na mbira sizizo na alama ambazo atu anatsembera dzuluye bila kumanya.”⁴⁵Mwalimu mumwenga wa sharia za chiyahudi achimjibu achimwamba, “Mwalimu chicho uchinenacho china hutsukizya hata sisi.” ⁴⁶Jesu achiamba, "Shauri yenu, alimu asharia kwa kukala munaavha atu mizigo mibomu asiyoiweza kuitsukula, ela mwimwi kamugusa mizigo iyo hata mumwenga kahiza vyala vya mikono yenu."⁴⁷Shauri yenu kwa kukala munajenga na kwika kumbukumbu kwenye mbira za manabii ario aulagwa nitsawe zenu. ⁴⁸Vivyo mwimwi munashuhudia na kukubaliana na kazi arizozihenda tsawe zenu, kwa kukala kwa ujeri aulaga manabii ario munajenga kumbukumbu kahiza mbira zao.⁴⁹Kwa sababu iyo pye, hekima ya Mulungu inaamba, “Ninda’ahumira manabii na mitume na ao andaatesa na kuaulaga anjine ao. ⁵⁰Chiviazi chichi chindahusika na mlatso ya manabii ario aulagwa hangu mwanzo wa dunia. ⁵¹Kulaizira mlatso wa Abeli muhadi mlatso kulairira wa Zakaria, ariye waulagwa kahikahi ya madhabahu vhatakatifu. Ndo naambira mwimwi, chiviazi chichi chindahusika.⁵²Shauri yenu alimu a sharia za chiyahudi kwa kukala mudzihala funguo za ufahamu, na mwimwi enye kumwinjira, na arahu ahenziao kwinjira muna’azuliya.”⁵³Baada ya Jesu kuka vhavho, aandishi na mafarisayo amupinga na kubishana naye dzulu ya mautu manji. ⁵⁴Amoteya ili apate neno rilaro mulomoni mwakwe.

¹Vhahvo mwanzi, kwakala na neno na iye wakala vamwenga na Mulungu , na iye neno were ni Mulungu. ²Yuyu neno vavo chaho wakala vamwenga na Mulungu. ³Vitu vyosini vyahendeka khwa kuchirira iye na vhasivho iye k'avakare na chitu chochosi chirichokala chahendeka.⁴K'ahiza iye were muna uzima , na uo uzima were ni mwangaza wa anadamu osini. ⁵Mwangaza uo una-ng'aza dzinani wala dziza k'ari-uwezere uo mwangaza.⁶Kwakala kuna mutu ariye -humwa kula ariye- humwa kula mulunguni dzinare ni vohana. ⁷Wakadza here shaidi ili kushuhudia dzulu ya urahu mwangaza ili kukala osini aweze kwamini kuchirira iye. ⁸Yohana k'akanire mwangaza ela wakudza ashuhudiye dzulu ya arahu mwangaza.⁹Iye ariye ni mwangaza wa jeri na kuava anadamu osini mwangaza were yunadza.¹⁰Wakula duniani na dania yaumbwa kuchirira iye, isivhokala dunia K'aimumanyire. ¹¹Wakudza kua atue, ela atue k'amuvhokerere.¹²Ela kwa arahu osini arimuvho kera i arahu ariaminiro dzinare waavha uwezo wa kukala ana a Mulungu. ¹³Aaa avyalwa sikwa mulatso wala khwa mahenzo ga mwini, wala kwa mahenzo ga mutu,isivhokala ni khwa Mulungu mwenye.¹⁴Neno wehenda mwiri na achi-ishi vhamwenga naswi, na siswi hudziwona atukufuwe ,utukufu here wa mwana wa hachege kula khwa Baba, yudzadzala neema na ujeni. ¹⁵Yohana washuhudia khwa sauti bomu achamba " yaya ndiye niniye nena avhorowe kukala, adzaye nyuma yangu yadzikala mbere yangu, khwa kukala wakalako kabila mimi."¹⁶Khwa kukala kahiza utsunyuwe, siswi hosini havhokera nema dzulu ya nema. ¹⁷Khwa kukala shaviya yarehewa kuchirira khwa musa, nema na ujeri vyakudza kuchirira khwa Jesu Kristo . ¹⁸K'akuna mwanadamu yoyosi ariye- mona Mulungu wakati wowosi. Mulungu mwana hacheye ariye upande wa Baba iye nd- edzemuhenda amanyikane.¹⁹Na uu ndo ushuhuda wa Yohana , Ayahudi arivhohumwa khwakwe , Makuhani na Alawi kula Jerusalemu ili amuze we,uyukiye? ²⁰Na iye achinena kukala mimi si Kristo. ²¹Achamba , we u- Eliya , achamba mimi seye . We , anabii achijibu , simi.²²Chisha achimwamba ," we u-yuvhiye? Ili hulavhe majibu arahu odzo-hukagiza .We mwenye unambadzo ? ²³Achiamba ,"mimi ni sauti ya mutu ariraye iwandani , igoloseni njira ya Bwana! Here virahu arivyo- nena nabii Isaya."²⁴Na ao ariokala alaguzwa were ala khwa mafarisayo. Achumuza, achimwamba. ²⁵Ni kuadze unabatiza , ichikale uwe siwe Kristo ,wala Eliya , wala nabii yuyahu?²⁶Yohana achiajibu , achiamba , '' mimi nabatiza khwa madzi".N a kahi kahi yenu yudzima iye. ²⁷Yuyu nde adzaye bada ya mimi. Mimi sifaha kufugula nyugwe za virahuvye” ²⁸Mautu gaga gahendeka kuko Bethania ,nyambu ya muho wa Yordan.Vhatu vharivo Yohana were achibatiza.²⁹Tsiku iriotuwizira Yohana wamona Jesu yunadza kwakwe achiamba,”Lolani mwana Ngonzi wa Mulungu aihalaye dambi ya urimwengu! ³⁰Yuyu ndege niriyenena ovhorowe,nichamba " iye adzaye nyuma yangu ni mubomu kuniriko mimi, khwa kukala wakalavho kabila ya mimi ". ³¹Simumanyire iye,ela vyahendeka vivyo ili kukala afunulwe kahiza Israeli , ndo nichidza nichibatiza madzi ”.³²Johana washuhudia ,”Nidzimona yunatserera kula Mulunguni here ngiya manya, na achikala dzuluye . ³³Mimi simumanye ela iye ariyehihuma ili mubatize kwa madzi wanamba, yuyahu endemona, undamuno yunatserera kula dzulu na kukala dzuluye , iye ndiye abatizaye khwa Roho Mutsungu. ³⁴Nidzona na nidzishuhudia kukala yuyu jeri ni mwana wa Mulungu.³⁵Chisha itiotuwa, Johana were yudzima vhamwenga na anafunzie airi . ³⁶Amona Jesu yunadza khwa Johana, naye achiamba ,”Lolani,Mwana ng'ozi wa Mulungu.³⁷Anafunzi airi achimuskiria Johana yana- gomba nao achimutuwa Jesu . ³⁸Vhavho Jesuwagaluka na achi-aona anafunzi a Yohana anamutuwa, Jesu achi ³⁹Achamba ," Inzoni mone" Chisha achenenda kuvhaona vhatu arivhokala yamaishi. Akala naye tsiku iyo khwa kukala were ni sakumi hivino.⁴⁰Mumwenga kahiza ao aiti ariomusikira Johana achinena na chisha kumutua Jesu wew ni Andreya nduguye Simoni Petero. ⁴¹Achimona nduguye Simoni Petero achimwamba ," Hudzimona masihi"(ariye). ⁴²Achimureha Jesu. Jesu achimulola tototo na achimwamba ," uwe u simoni mwana wa Johana " undaihiwa kefa (manaye Petro) .⁴³Tsiku iriotuwizira Jesu arivhokala yunauka kwenda Galilaya wamona Filipo na achimwamba , nituwa mimi". ⁴⁴Filipo wew akulaye Bethsaida mudzi wa Andrea na Petro. ⁴⁵Filipo wamona Nathanieli na achimwamba , Hudzimona yuyahu ariye Musa waandika Gvhorowe kahiza sheria na manabii. Jesu mwana wa Yusuf , kombola Nazareti.⁴⁶Nathanieli achimwamba , “Je chitu chidzo chinaweza kombola na Nazareti?’ Filipo achimwamba , Nzoo udze wone”. ⁴⁷Jesu arivhomona Nathanieli yunadza kwakwe achiamba ”Lolani , mwisraeli kamili asiye na ulongo ndaniye !” ⁴⁸Nathanieli achimwamba,” yudzini manyadze mino ?) Jesu achimjibu achimwamba ,”Kabila Filipo kadzakwiha vhodzokala tisini ya muho dzikona⁴⁹Nathanieli achijibu , Rabi, uwe hakika u mwana wa Mulungu! Uwe u mfalme wa Israeli ⁵⁰Jesu achimjibu achimwamba , kwa chausa nidzikwamba dzikona tsini ya mtini ndo una- amini ? Undaona mahendo mabomu Zaidi kuriko gaga “. ⁵¹Jesu achiamba , Amini amini nina- mwambira munda-wona uo Mulungu . Ufuguka anakwera na kutserera ya dzulu mwana wa Adamu.

¹Bada ya tsiku tahu, kwakala na harusi kuko k'ana ya Galilaya , na ameye Jesu pia wakala kuko. ²Jesu na anafunzie(anafuuzie) were adzalikwa khwa(aambirwa) iyo harusi.³wakati arivhosirirwa ni divai, ameye Jesu achimwambira kukala, kana divai ”. ⁴Jesu achimujibu , mwanamuche ,kwadza unanidzira mimi? (miho) muda wangu mimi bado (kaudzatimira) ⁵Ameye achi- ambira arahu ahumiki chochosi chondomwambira ,hendani ”.⁶Vhavho were vhana mafinikiro mabomu ga muwe garigokala gaikwa khwa ajili ya kogera magulu wakati wa tsiku bomu ya Ayahudi , chila mwenga were vinodzala kahi ya debe mbiri hebu tahu. ⁷Jesu achiambira ,gaudzarizeni gano mafinikiro ga madzi “, Achigaudzaza ta tele. ⁸Chisha achiambara arahu ahumiki a ,” Vikana mumukirikire iye mubomu na meza " Achihenda here arivyolagizwa⁹Iye mobumu wa meza arivhovhirikwa na arivhogatata achisikira gadzikala divai mbidzo (isivhokala k'amanyire idziko -ombola ) Ela ahumiki amanya khwa kukala ndo arioheka madzi ,yuyahu mubomu wa maze achimwiha Bwana harusi . ¹⁰achimwamba ,chila mutu nikuka atu divai mudzo, hata achireya , ndio yuna-arehera irahu irio simbidzo.¹¹Ishara ii ya K'ana ya Galilaya, were ndo ya mwanzo wa ishara za vilinge arivyohenda Jesu , acho-nyesa utukufwe khwa vivyo anafunzie achimwamini.¹²Bada ya riri , Jesu,Ameye na nduguze na anafunzie akwenda mudzi wa kapernaumu na achikala kuko kwa tsiku chache¹³Pasaka ya Ayahudi were irivhofika Jesu acheneda Jerusalemu. ¹⁴Achi- aona achuzi a ng’ombe , ng’ouzi na ngiyamanga ndani ya hekalu . Pye atu agaluzao kugahiza pesa were a mumo ndani ya hekalu.¹⁵Jesu achitengeza chikoto cha mikowa achia' omboza osini ariokala mumo hekaluni , achitsanganya zo ng’ombe na zo ng’onzi . Achimwaga zo pesa za ao ariokala achizi galuza na achigaluza zo meza zao. ¹⁶Kwa ao aguzao a ngiya manga achiamba “Vyombozeni vitu vivi vava ,mudzi-ihenda ya Baba kukala vatu vha biashara ”.¹⁷(anafunzie)achikumbukira kukala were gadzandikwa . Chidzitso cha chindanivya ( chidzitso chs nyumbayo chindanirya). ¹⁸Vilongozi a chiyahudi achimujibu , achimwamba , ni ishara yovhiyo yondohonyesa kukala ni kwa chausa chani unahenda (mautu) gaho?” ¹⁹Jesu achiajibu ,”rivomuleni hekalu riri nami nindarijenga bada ya tsiku tahu”.²⁰Kisha vilongozi a Ayahudi (Achiayahudi) achiamba, ro hekalu rahala tsiku mirongo mine na mihandahu kurijenga , hawe unamba undarijenga kwa tsiku tahu?” ²¹Idazavhokala iye wanena hekalu , ela were yuna - nene dzulu ya mwiriwe. ²²Kwa vivyo , bada ya kufufukakwe , (anafunzie) akumbukiru kukala were wagomba vivyo, ndo achamani go maandiko na ro neno arivhonena Jesu .²³Hata , arivokala Jerusalemu wakati wa tsiku bomu ya pasaka, atu anji anamini dzinare ,arivhona zizo vilinge arivyo-vihenda . ²⁴Ela Jesu k'akarine na Imani hao khwa chausa wa-amanya anadamu osini. ²⁵K'ahenzere mutu yoyosi kumwambira kuhusu arivyo anadamu kwa chausa wamanya chirichokala ndani yao.

¹Khwa vivyo na wa Farisayo mumwenga dzimare ni Nikodemo ,chilongozi wa chi yahudi. ²wamudzira (wamutuwa) Jesu ,usiku na achimwamba ,” Rabii, hunamanya uwe u mwalimu kula kwa Mulungu khwa kukala kakuna mtu yoyosi awezaye kuhenda ishara zizi uzihehendazo uwe isivokala Mulungu yu Vamwenga Naye”³Jesu achimujibu,”Amini, amini, mutuk'aweza kiunjira kahiza utawali wa Mulungu asivhovyalwa k'ana viri”. ⁴Nikodemo achiamba ,”mutu yunawezadze kuvyalwa kavhiri achikala ni mutuminya? K'aweza kwinjira ndanini (ndani) mwa ameye K'ana ya viri na kuvyalwa, je yunaweza?”⁵Jesu achimujibu ,”Amini ,amini mutu asivhovyalwa khwa madzi na khwa Roho, k'aweza kwinjira kahiza utawali wa Mulungu. ⁶Khwa cahusa chichi Mulungu wauhenza urimwengu hata achimulavya mwanawe wa hachoye, ili kukala mutu yoyosi amwaminiye asangamike , ela akale na uzima wa kare na kare.⁷usidangane kwa chausa nidzakwamba, ni sutu uvyalwa k'ana ya vhiri . ⁸Kusi nikuvuma vhovhosi rihenzavho na sautiye munaisikira, ela k'amumanya rombolako wala rendako .Ndiyvo irivyo khwa chila kila ariyevyalwa ni Roho.⁹Nikodemo achijibu, khwa kunena , "Mautu gano ganawezekanadze?" ¹⁰Jesu achimjibu ,”uwe u mwalimu wa Israeli na kugamanya mautu gaga? ¹¹Amini , amini, nina-kwambira, hunagomba chirahu huchimanyacho nahunachishudia chira huricho- chona. Ela k'amuvhokera ushuhuda hehu.¹²ichikala nidzimwambira mauti ga vava urimwenguni(duniani) na k'amu-amini , muudawezadze kwamini kala nichimwambira mautu ga Mulunguni ? ¹³Khwa kukala kakuna(ariyekwera) Kwenenda dzulu mulunguni isivhokala iye ariyetserera kula mulunguni , mwana wa Adamu.¹⁴here viharu musa arivyomunula nyoka iwandani,vivyo vivyo mwana wa Adamu sutu unulwe. ¹⁵ili kukala osini ando- amini akale na kare.¹⁶khwa chausa chichi Mulungu wauhenza urimwengu, hata (achimulavya) mwanawe wa hacheye, ili kukala mutu yoyosi amwanini na uzima wa kare nak are(milele). ¹⁷khwa kukala Mulungu k'amuhumire mwanawe urimwenguni(duniani) ili auhukumu urimwengu, ela urimwengu wokolwe khwa iye. ¹⁸Amwaminiye iye kandahukumiwa iye asiyemwamini yudzihukumiwa kare chausa kadzariamini dzina ra mwana wa hacheye wa Mulungu.¹⁹Chichi ndo chausa cha hukumu, kukala mwangaza ukudza urimwenguni, ela anadamu achihenza dziza muno kuriku mwangaza kukala mahendo gao were ni mai. ²⁰Chila mutu ahendaye mai yanatsikirirwa (mwangaza) wala katuwa mwangaza ili mahendoge gakaikwa iwazu . ²¹Ela, iye ahendaye ujeri yunautuwa kwenye mwangaza ili mahendoge genewe kukala gahendwa kahiza Mulungu.²²Bada ya gaga, Jesu vhamwenga na (anafunzie) akwenda muhadi tsi ya Yudea. Kuko wahumira muda vhamwenga nao na were yuna-batiza . ²³Johana pye were yunabatiza kuko Ainea vhevhi na Salim khwa kukala were kuna madzi manji kuko . Atu were anadza kwakwe kubatizwa ²⁴kwa kukala Johana were k'andzangwe kubumwa (jela)²⁵Chisha vhachikala malumbano(uzushi) kahi ya anafunzi (anafuuzi) a Johana na myahudi dzulu ya kutsukutswa. ²⁶Achenda kwa johana na achimwambira, “Rabi, iye uriyekala naye nyambu ya muho wa jordani, iye uriyenena uvhorowev, lola, yunabatiza na atu anamutuwa?”²⁷Johana achiajibu mutu k'aweza(kandaweza) kuvokera chitu chochosi isivokala yahewa kula mulunguni ²⁸mwimwi enyee mwashuhudia kukala nanena kukala “mimi simi Kristo,k'andanavhavho namba , nahumbwa mbereye,²⁹Bibi harusi ni wa Bwana harusi, ela musena wa Bwana harusi, aimaye na kusikisa nikuhenda nyemi muno kwa chausa cha sauti ya Bwana harusi. Vikara li ni nyemi idziyotimira iriyotimirika ³⁰Yunafaha konjezeka , na mimi nafaha kuvhunguka.³¹Iye aombolaye dzulu , ya dzulu ya gosini. Iye ariye ni wa urimwengu yunombola urimwenguni na yunagomba mautu ga chiurimwengu. Iye aombolaye Mulunguni yu dzulu ya gosini. ³²Iye yunashuhudia garahu arigogaona na kugasikira, ela k'akuna avhokenaye ushuhudawe . ³³Iye ariyevhokera ushuhudawe yadzimanya kukala Mulungu ni mujeri.³⁴Khwa kukala iye ariyehumwa ni Mulungu , yanagomba maneno ga Mulungu , khwa Mulungu k'amuvha Roho khwa chipimo. ³⁵Baba ni wamuhenza mwana na wamuvha vitu vyosi mikononi mwakwe. ³⁶Iye amwaminiye mwana yuna uzima wa kare nake ela kwa iye asiyemwamini mwana k'andawona uzima , isivhokala koro(gadhabu) ya Mulungu kukala dzuluye.

¹Kwa vivyo arivhomanya kukala mafarisayo asikira vya kukala Jesu yuna afuasi anji na kuabatiza kuriko Johana. ²(ela Jesu mwenyewe wakala ni kabatiza ila isivhokala anafunzie) ³Wakukala Judea na achenda Galilaya.⁴Kwa vivyo vyakala karakara kuchirira samaria. ⁵Na arivofika mudzi wa samaria wihiwao sikari,vhevhi na vhatu ambavho Yakobo wamuya Yusufu mwanawe.⁶Na chisima cha Yakobo were chivavo .Jesu were yutsoka kwa ajili ya chalo na achisagala vhevhi navho chisimani. Were ni masaa gasaa sita za mutsaha. ⁷Mwanamuche musamaria wakudza kuheka madzi , ndo Jesu achimwamba , “Nipa madzi ninwe”. ⁸Kwa kukala afuasie (anafunzie) were akwenda midzini kugula (vyakurya)⁹Yuyahu mwanamuche musamaria achimwaba ,” vidzadze we Muyahudi kunivoya mimi mwanamuche musamaria? Khwa kukala Ayahudi k'agwirana na Asamaria. ¹⁰Jesu achimujibu, “ Kala ungamanya cho chipawa cha Mulungu , (iye) akwambiriye (akwambinaye) Nipa Madzi, uwe angamuvoya , na angakuvha madzi ga uzima”.¹¹Yuyahu mwanamuche achijibu ,”Bwana kuna chia cha kuhekera, na chisima ni chire. Undagapatavhi go madzi ga uzima? ¹²Je , we umubomu , kuriko Beyehu Yakobo , ariye wahuva chisima chichi , na iye mwenye vhamwenga na ahae na mifugoye anwa madzi ga chisima chichi?”¹³Jesu achijibu , “ Yoyosi anwaye madzi gaga yundasikira chiru kavhiri, ¹⁴Ela iye endenwa madzi gondomuvha mimi kandasikira chiru kavhiri .K'ansa na vhavho nindigomuvha gandakala dzitso ramadizi rijeraro hata uzima wa kare na kare.”¹⁵Yuyahu mwanamuche achimwambari“ Bwana nagavoyo go madzi,ili nisisikire chira na nisiyugike kuheka madzi ." ¹⁶Jesu achimwamba, chenda ukamwihe mulumeo ,udze naye”¹⁷Yuyahu mwanamuche achimwamba , ‘sina mulume”. Jesu achimujibu , “ugombato , sina mulume”. ¹⁸Kwa kukala were analume atsao, na iye urinaye vivi pye si mulumeo.Udziro rinena ni jeri!”¹⁹Mwanamuche achimwamba ,”Bwana nona vyakula uwe unabii. ²⁰Bezehu (anobaba) avoya kahiza murima uu. Ela mwino munamba vyakula Jerusalemu ndo vatu ambavo atu anahenzekana akavoye ”.²¹Jesu achimujibu , “We munaamba , niamivu , wakati unadza(Tsiku zinadza) ambavo k'uhunda- muvaya Baba kahiza murima uu wala Jerusalemu. ²²mwimwi atu munavoya musichochimanya, ela siswi hunavaya huchimianyacho , kwa kukala wokoli ula kwa Ayahudi”.²³Kwa vivyo, wakati unadza, na vivi ufika, avoya kwa jeri andamuvoya Baba kahiza Roho na jeri , khwa kukala baba yana-ayeya atu dza-ao ili akale atue ondomuvoya. ²⁴Mulungu ni Roho , ao amuvayo anahenzekana amuvoye kahiza roho na jeri”.²⁵Mwanamuche achimwamba , “ Ninamanya kukala masihi yunadza, (ahiwaye Kristo) . Iye andivhokudza yundahambira mautu gosini”. ²⁶Jesu achimwamba , “ mimi unenaye ndimi .”²⁷Wakati uo uo anafunzie (anafuzie) achiaya adzuya. Nao achidangana (kushangaa) ni kwadze yugomba na mwanamuche ele kavhana ariyeweza kumuza , "unahenzani hebu kwadze unagomba naye?"²⁸Kwa vivyo mwanamuche achichiricha chiyache cha madzi na achenenda mudzini na kuambira atu . ²⁹Nzoni mumone mutu adzenambira mautu gangu gosini nirigogahenda , je inadimikikadze kukala ndiye Kristo?” ³⁰Atu achombola midzini achidza khwa Jesu.³¹wakati uo uo anafunzie (anafuuzie) amuvaya, achamba "Rabi" , irya chakurya”. ³²Ela iye achiamba , “mimi nina chakurya musichochimanya ”. ³³Anafunzi achambirana k'akuna mutu edzemurehera chitu chochosi cha kurya,” je areha? ”³⁴Jesu achiambira ,”chakurya change ni kuhenda mahonzoge iye ariyenihuma na kumarigiza kaziye. ³⁵Je , mwino k'amwamba sere miezi mine na mavuno gandakala tayari? Nina-mwambira , iloleni minda irivyo tayari khwa mavuno! ³⁶Iye avunaye nikuvhokera mishahara na kwika vhamwega matunda kwa ajili ya uzima wa kare na kare(milele) ili kukala iye anyalaye naiye avunaye osini akale na nyemi.³⁷kwa kukala musemo uu ni wa Jeri, "mumwenga yunanyala na munjine yanavuna. ³⁸Namuhuma kuvuna chiricho k'amuchiyugikire . Anjine ahenda kazi, na mwimwi mudzi-injira kahi za nyemi ya kazi yao.³⁹Asamaria anji kahiza mudzi uraha amwamini khwa chausa cha ovoro wa yuyahu mwanamuche ariyekala yadzishuhudia , kukala, wanambira mautu gosini ninrigohenda". ⁴⁰Kwa vivyo Asamaria arivhokudza amuvoya akale Vhamwenga nao na achikala nao kwa tsiku mbiri.⁴¹Na anji achimwamini khwa chausa cha nenore. ⁴²Achimwambira yuyahu mwanamuche, "Huna-amini si khwa manenogo, hachele kukala siswi enyee hudzisikira, na vivi hunamanya kukala ni jeri yuyu nde mwokoli wa urimwengu.⁴³Bada ya tsiku zizo mbiri, Jesu wauka na achenenda Galilaya. ⁴⁴Kwa kukala iye mwenye were yadzinene kukala nabii kahewa heshima kahiza tsi yao mwenye ⁴⁵Arivokudza Galilaya, Agalilaya. Amuvhokera . Were adzona mautu gosini arigogahenda Jerusalemu kwa iyo tsiku bomu khwa kukala ao pye we're akudza khwa iyo tsiku bomu.⁴⁶Wakudza kavhiri kana ya Galilaya kuko arikogaluza madzi kukala divai. Vhakala na chilongozi ariyekala mwanawe were ni mukongo kuko kaperunaum. ⁴⁷Arivhosikira kukala Jesu yudzombola kula yudea na achenda Galilaya, wakwenda kwa Jesu na kumovoya (kumusihi) ateremuke naye ili akamuvoze mwanawe, ariyekala yu vhevhi na kufa.⁴⁸Ndivho Jesu achimwamba, "Mwimwi musivhona ishara na Ma-ajabu k'amuweza kwamini . ⁴⁹Ye chilogozi achiamba, "Bwana terenuka tsi kabila mwanangu kadzafa. " ⁵⁰Jesu achimwamba, "Enenda mwanao ni muzima ". Yuyahu mutu achiramini neno arirogomba Jesu naye achenenda.⁵¹Arivhokala yunateremuka ahumikie amuvokera na achimwamba mwanawe ni muzima. ⁵²Achi- auza achianza ni muda wani hangu ahende haha(nafuu) Achimujibu, Dzana muda wa saa fungahe(saba) homa yamuricha".⁵³Ndivo abaye achikumbukira kukala ni muda uo uo Jesu arivoamba (arivotamuka) "mwanao ni muzima "Ndivho iye na adamue osini achamini. ⁵⁴lii were ni ishara (dalili) ya vhiri ariyoihenda Jesu arivho- ombola na Yudea Galilaya.

¹Bada ya vhavho kwakala na tsiku bomu ya Ayahudi, na Jesu wambuka kwenda Jerusalemu. ²Na kuko Jerusalemu were Kuna birika kwenye Muriango wa ngo'nzi, ririeokala rinaihiwa khwa luga ya chiaramu Bethzatha, naro rina matao matsano. ³Chasi chibomu cha akongo we avhavho , vipofu viswere na ario-vholoza were arere kahiza matao gago, achitarizira madzi gavurungwe. ⁴Khwa kukala kuna wakati ambako malaika nikutserera na kwinjira birikani na kugavurunga garahu madzi, na iye ende-injira wa kwanza bada ya madzi kuvurungwa yanavhola akongowe wasini.⁵Vakala na mutu mumwenga ariyekala ni mukongo khwa muda wa miaka mirongo mihahu na minane . ⁶Jesu arivomona yurene na bada ya kumanya wakala vivyo khwa tsiku nyinji,Jesu achimwamba, Je unahahiza ukale muzima?⁷Yuyahu mukongo achimujibu , "Bwana sina mutu, wa kuni- injiza birikani wakati madzi gavurungwavo. Wakati nidzavo kuvenya (kwinjira) mutu muyawe yunakala Mbere yangu". ⁸Jesu achimwamba, "unuka na uhale tandikozo na wenende ".⁹Vhavho yuyahu mutu achivozwa, achihala t'andikoze na achenenda. Na tsiku wereni sabato.¹⁰Ndivho Ayahudi Achimwambira yuyahu mutu ariyevozwa, "rero ni tsiku ya sabato, na kuhenzekana kutsukula t'andikozo. " ¹¹Achijibu, iye ariyenivoza ndiye edzenamba, (ariyenamba) " hala t'andikozo na wenende."¹²Achuza, "ni yuvhiye edzekwamba hala t'andikozo na wenende? " ¹³Ta vivyo, yuyahu ariyevozwa k'amumanyaire, khwa kukala Jesu were yudzuka chisiri . Khwa kukala kwakala na lukwili atu iwa vhavho sehemu iyo.¹⁴Bada ya vhavho Jesu wamona yuyahu mutu hekaluni na achimwamba, "Lola, uvola! "Usihende dambi kavhiri usidze ukapatwa ni utu ui muno ?. ¹⁵Yuyahu mutu (achenenda) na kuambira Ayahudi kukala Jesu ndiye edzenivhoza.¹⁶Kwa vivyo , khwa chausa cha mautu gago, Ayahudi amusirimisa Jesu khwa chausa wahende mautu gaga tsiku ya sabato. ¹⁷Jesu achimwamba , baba yunahenda kazi hata vivi, nami ninahenda kazi. ¹⁸Khwa chausa chicho Ayahudi ahenda chadi cha kumuyega ili kukala amulaye , si khwa kuivunza sabato hacheye, ela khwa kamwiha Mulungu kukula ni abaye, achidzihenda kukala karakara na Mulungu.¹⁹Jesu achiajibu, "amini, amini mwana k'aweza kuhenda chitu chochosi isivokala chirahu ambacho yunamwona abaye achichihenda , kwa kukala chochosi Baba achihendacho ndicho mwana chondohenda . ²⁰Kwa kukala Baba yunamuhenza mwana, na yunamwonyesha chila chitu achihendacho na yundamuonyesha mautu mabomu kuriko gaga ili kukala mwendere kudangana"(kushangaa).²¹Dzahere virahu arivyo Baba afufulavyo wafu(nyufu) na kuavha uzima,dza vivyo-viyo mwana pye nikumuvha uzima yoyosi ahenzaye . ²²Kwa kukala Baba k'amuhukumu yoyosi, ela wamuvha mwana hukumu yosi. ²³Ili kukala osini amuheshimu mwana here viharu mwana amuheshimuvyo Baba. Iye ariye k'amuhishimu mwana kamuheshimu Baba ariyemuhuma.²⁴Amini, Amini, iye asikiraye neno rangu na kumwamini iye ariyenihumwa yunao uzima wa kare na kare na k'andahukuniwa. K'anda na vhavho yudzombola kula chifoni na kwinjira uzimani.²⁵Amini, amini ninamwambira tsiku zinadza na vivi zidzitimira kukala nyufu anda sikira sauti ya mwana wa Mulungu, na osini ondoisikira andaishi.²⁶Khwa kukala, here virahu Baba arivyo na uzima ndaniye mwemyewe, vivyo vivyo wamuvha mwana kukala na uzima ndaniye. ²⁷Na Baba yamuvha mwana amri (mamulaka) ili kukala ahukumu khwa kukala ni mwana wa Adamu.²⁸Musandalazwe ni riri kwa kukala wakati unadza ario nyufu zosini zirizo mbirani zindaisikira sautiye. ²⁹Nao andaombolanze kwa ao ariohenda madzo khwa kufufuka khwa uzima na ariohenda mai kufufuka khwa hukumu.³⁰Siweza kuhenda chitu chochosi mimi mwenye . Here nisikiravyo, ndivyo nihukumuvyo ,na hukumu yangu ni ya hachi khwa kukala siyeya mahenzo gangu, isivhokala mahenzoge iye ariyenihuma. ³¹Ichikala nindadzishuhudia mwenye, ushuhuda wangu kaundakala wa jeri. ³²Kuna munjine anishuhudiaye na ninamanya khwa ujeri ushuhuda anishuhudiao ni wa Jeri.³³Mwahuna atu khwa Johana na iye achi-ishudia Jeri. ³⁴Iyo vivyo, ushuhunda niuvokerao k'aula khwa mwanadamu. Ninaganena gaga ili kukala muweze kukolwa. ³⁵Johana wakala ni taa yakayo na kung'ala , ela mwatsira tsira khwa mwangawe khwa muda mufuhi.³⁶Ela ushuhuda nirionao ni mubomu kuriko urahu wa Johana, kwa kukala kazi zirizo Baba wanika kuzitimiza , zizo kazi nizihendazo zinanishuhudia kukala Baba wanihuma. ³⁷Baba ariyenihuma iye mwenyewe washuhudia kuhusu mimi. Kamudzapata kusikira sautiye wala kuoha umbore wakati wowosi. ³⁸Wala nenore k'arimo ndani yenu kwa kukala k'amumwamini iye ariyehumwa ini iye.³⁹Munagalola maandiko ,tu muchiharira kukala ndani yenu Muna uzima wa kare na kare (milele) na gago maandiko gananishuhudia . ⁴⁰Wala kamwenzi kudza kwangu ili mukule uzima.⁴¹Sivokera utukufu khwa mwanadamu, ⁴²Lakini ninamanya kukala k'amuna uhenzo wa Mulungu ndani yenu mwimwi enye.⁴³Nakudza kwa dzina ra Baba, na k'amunivhokerere . Ela munjine achidza kwa dzinare munga muvhovhera . ⁴⁴Je munawezadze kwamini mwino muvhanao utukufu sifa enye khwa enye na utukufu wombolao khwa Mulungu ariye wa hacheye k'amu-uyeya?⁴⁵Musone kukala mimi nindamusema khwa Bada , yavhavho amusemae khwa baba, ni musa , mumukuluvhirage mwimwi. ⁴⁶Kala here munamwamini musa, munga-namini mimi kukala waandika kunihusu mimi. ⁴⁷Ichikala kamuga-kuluvhira mandikoge, mundawedzadze kugakuluvhira maneno gangu?

¹Bada ya mautu gaga Jesu wakwenda nyambu (ng'ambo) ya viri ya bahari ya Galilaya pye nikwihiwa bahari ya Tiberia. ²Lukwili lwa atu were lunamutuwa khwa chausa were azona ishara arizozihenda kwa ao ariokala ni akongo. ³Jesu wambaka dzulu ya murima na achikala kuko na anafunzie.⁴Na Pasaka, tsiku bomu ya Ayahudi were (ivhevhi) na kufika. ⁵Jesu arivhoula matsoge dzulu na achona lukwili bomu lwa atu anadza kwakwe, wamwambira filipo,"Hundakwenda hukagule mikahe ili atu arye ? " ⁶Ela Jesu wagombo gaga kwa Filipo kwa kumujeza, kwa kukala iye mwenye were yunamanya vyondohenda.⁷Filipo achimujibu, "Hata mikahe ya dinari magana meri k'ai-atosha ,ta chila mumwenga kupata chisiku chitite ". ⁸Andrea mumwemga anafunzie, nduguye Simoni Petero, achimwamba Jesu ⁹"Vhavha mohoho yuna mikahe mitsano ya shayiri na samaki airi, ela indatoshani khwa anji ano?¹⁰Jesu achiamba, "Asagazheni atu votsi "( were vana nyasi nyinji vhavho vhatu ). Khwa vivyo analume here alufu tsano achisagalatsi. ¹¹Chisha Jesu achihala yo irahu mikahe mitsano achishukuru, achiagavira arahu ariokala asegere. Vivyo vivyo pye achiangavira arahu samaki khwa here ya virahu arivyokala na haja. ¹²Atu arivho-ukuha , achiambira anafunzie , "vikeni (vhamwenya) vidzivyosala, ili kukala kusangamike chochosi".¹³Kwa vivyo achivitsolatsola hata achiudzaza vidziva kumi na viri vipande vya mikane mitasano ya shayiri vipande virivyosazwa ni arahu ariorya. ¹⁴Chisha atu arivhona ishara ii ariyoihenda, achamba, "Jeri yuyu ndiye nabii adzaye urimwenguni". ¹⁵Jesu arivhomanya kukala anahenza kumugwira ili amuhende akale mutawali wao kwa mukutse (kwa lazma) achidzusa, na achenda murimani iye hacheye.¹⁶Irivofika dziloni, anafunzie ateremuka kwenda ziyani. ¹⁷Achikwera dauni anavuka kwendera kapernaumu (Were kukala na dziza, Na Jesu were bado kadzakudza ). ¹⁸Wakati uo, pyeho ya kusi inavuma, (were kunavuma pyeho Kali) na bahari were inenderera kuchafuka¹⁹Anafunzie arivokala apiga makasia here mirongo miri na matsano hebu mirongo mihahu achimona Jesu yanenenda dzulu ya madzi kufikira dau, nao achogovha. ²⁰Ela achimbira "Ni mimi musiogoveni". ²¹Chisha were achenza kamwingiza mumo dauni,ela dau richikala ridzifika kuko arikokala anenenda.²²Tsiku iriotuwa , makutano were adzima kanda kanda ya unyambu ya bahri, achona kukal k'akuna dau rinjine vhavho isivhokala mwenga hacheye, chisha Jesu were k'ainjirire daubriro vhamwenga na anafunzie, isivhokala anafunzie hachiyao . ²³Idzavokala were ago kahi ga madau garigoombola Tiberia vevi na virahu vatu arivhoka adzevya bada ya Bwana komboza shukurani.²⁴Khwa vivyo makutano ga sty arivhomanya kukala seye Jesu na anafunzie were akuko o, ao enyee akwena ndani ya danauni achenda kapernaumu kumuyeya Jesu . ²⁵Arivhomona nyambu (ngambo) injine ya ziya, achimuza , "Rabii wakudza rini kuno? "²⁶Jesu achiajibu, achiamba, Amini, amini, munaniyeya mimi, si khwa kukala mwazona ishara,isivhokala mwavya mikahe ta muchvhuha . ²⁷Richani kuchihendera kazi chakurya chibanangikacho ela chihendere kazi chakurya chisichobanangika na chirahu chiricho mwana wa Adamu yundamuva, kwa kukala Mulungu Baba wapiga muhuri dzuluye".²⁸Chisha achimwamba, "Ni utu wani huhenzekanao kuhenda ili huzihende kazi za Mulungu?. ²⁹Jesu achiajibu, "ii ndo kazi ya Mulungu! kukala mumwamini iye ariyemuhuwa ".³⁰Ndivho arivhomwamba , "Ni (ishara) zani zondohenda, kukala ili hunaweza kuzona na haku-amini ? Undahendadze? ³¹Bezehu chakurya cha mana, ( lwandani) here irivyoandikwa "wa-ava mikahe kula mulunguni ili arye.³²Kisha Jesu achiajibu, "Amini, amini, si musa ariyeava mikale kulaa mbinguni, Bali Baba ndiye avaye mikale (chakurya) wa Jeri mbinguni. ³³kwa kukala (kwa vivyo) mukale (chakurya) wa Mulungu ni urahu ndzao kula mbinguni na kuupatira(kuuva) uzima urimwengu". ³⁴Indivho arivhomwamba , "Bwana huvhe uu mukahe chila tsiku "³⁵Jesu achiamba , "mimi ndimi mukahe wa uzima, iye adzaye kwangu kandakala nzala, na anaminiye kndasikira chiru kamare." ³⁶Idzavokala namwambira kukala mudzinona ela kamudzangwe. ³⁷Kamwamini ario Baba yunanivha andakudza kwangu, na yeyosi adzaye kwangu sindamutsuka nze kamare.³⁸khwa kukala nakudza kula mulunguni, si kwa kuhenda mahenzo gangu, isivhokala mahenzonge iye ariyenihumwa. ³⁹Na gaga ndo mahenzoge iye ariyenihuma, kukala nisimwangamize ta mumwenga wa arahu arionipa, ela ninda afufula tsiku ya mwisho. ⁴⁰Kwa kukala gaga ndo mahenzo ga Baba, kukala yoyosi amulolaye mwana na kumukuluvhira yundapata uzima wa Kare na kare chisa nami, nindamufufula katika tsiku za mwisho.⁴¹Chisha Ayahudi achimunung'unika khwa chausa wamba, "mimi ni mukahe uriokudza kula mulunguni". ⁴²Achamba, "yuno si Jesu mwana wa Yusufu ariye abaye na Ameye huna- amanya? (vikaladze) vino yanamba, dzila mulunguni? "⁴³Jesu achiajibu achiamba, "richani kunung'univhirana kahi yenu. ⁴⁴Kakuna mutu adzaye kwangu asivhovhuhiwa ni Baba ariyenihuma, nami nindamufufula tsiku ya mwisho. ⁴⁵khwa kukala idzandikwa kahiza manabii, "Andafunzwa ni Mulungu ". Khwa chila ariyesikira na yudzifunzya kula khwa Baba yunadza kwangu.⁴⁶Si kukala Kuna mtu ariyemuona Baba, isivokala iye ombolaya kwa Mulungu hacheye yudzimona Baba. ⁴⁷Amini, amini, iye aminiye yuna uzima wa kare na Kare (milele)⁴⁸mimi ni mukahe wa uzima. ⁴⁹Bezenu arya mana , ( lwandani) kisha achifa .⁵⁰Uu ndo mukahe utsererao kula mulunguni, ili kukala mutu aurye asife . ⁵¹mimi ni mukahe wa uzima wakudza kula mulunguni. Here mutu yoyosi achirvya chisiku cha, yundaishi kare na kare mukahe wondolavya ni mwiri wangu kwa ajili ya uzima wa urimwengu".⁵²Ayahudi achitsikirirwana enyee kwa enyee ta achianza kugomberana , "na kwamba, mutu yuno yunawezadze kuhuva mwiriwe huurye? ⁵³Chisha Jesu achiamba, Amini, amini musivourya mwiri wa mwana wa Adamu na ku-unwa mulatsowe, kamundakala na uzima ndani yenu.⁵⁴Yoyosi auryaye mwiri wangu na kuuwa mulatso wangu yuna uo uzima wa kare na Kare, nami nindamufufula tsiku ya mwisho. ⁵⁵khwa kukala mwiri wangu ni charya cha jeri na mulatso wangu ni chinwadzi cha jeri. ⁵⁶Iye auryaye mwiri wangu na kunwa mulatso yunakala ndani yangu, nami ndaniye.⁵⁷Here Baba mwenye uzima arivyonihuma, na here niishivyo khwa chausa cha Baba, vivyo vivyo iye aryaye mwiri wangu yundaishi khwa chausa changu. ⁵⁸Uu ndo mukahe utserereao mulunguni, si here virahu bezehu arivyorya na achifa. Iye auryaye mukahe uu yundaishi kare na kare". ⁵⁹Jesu wanena mautu gaga hekaluni arivokala yunafundisha kuko kapernaumu.⁶⁰Ndivho anji anafunzie Arivosikira gaga, achamba, "Riri ni funzyo rifu muno, ni yuvhiye kurivhokera? ⁶¹Jesu, khwa kukala wamanya vyakula anafunzie were anarinungunikira neno riri, achiamba, "Je neno rino rinamutsuvhizya?⁶²Khwa vivyo , vindakaladze vhondo-mona mwana wa Adamu andiko-enenda dzulu (arikoombola)? ⁶³Ni Roho nde alavyaye uzima, mwiri kaufaha chitu chochosi,maneno nivigo-ganena kwenu ni roho, na ni uzima.⁶⁴Bado Kuna atu kahi yenu aso-amini "khwa kukala Jesu wamanya hangu mwanzo yuyahu ariye kanda mwamini na iye ende muguza ⁶⁵Achiamba, ni khwa chausa chichi namwamba vhakuna kukuna mutu awezaye kudza kwangu isivokala yudzikubaliwa ni Baba".⁶⁶Bada ya gaga anafunzie anji adzudzya nyuma na katuwirane naye aye kavhiri. ⁶⁷Jesu achiamba arahu kumi na airi, "je na mwino munahenza mwenende " ⁶⁸Simon Petero achimujibu, "Bwana hende khwa yaviye,khwa kukala awe una maneno uzima wa kare na kare. ⁶⁹Na hudziamini kukala awe amutsungu wa Mulungu "⁷⁰Jesu achiamba, "je mino simutsagurire mwimwi, na mumwenga wenu ni ibilisi? ⁷¹Vivi were yunanene dzulu Yuda, mwana wa Simon iskariote, khwa kukala iye mumwemgu wa arahu kumi na Airi, ariye angamuguza.

¹Na bada ya mautu gaga, Jesu wakala charoni kwenda, khwa chausa kahenzere kwinjira Yudea khwa kukala Ayahudi were anahenda njama ya kumulaga. ²Vikara tsiku bomu Ayahudi, tsiku bomu ya vibanda.³Ndivho nduguze arivomwamba "uka vatu vava wenende uyahudi, ili kukala anafunzio agone mahende uhendago. ⁴kakuna ahendaye neno rorosi chisiri ichikala iye mwenye yunahenza amanyikane chilwazu. Uchihenda mautu gaga, dzonyese mwenye arimwenguni.⁵Khwa kukala ta nduguze enye kamwaminire. ⁶Ndivho Jesu arivoambira, "muda wangu kaudzangwe bado, ela wakati wenu utayari chila tsiku . ⁷urimwengu kauweza kumumena mwimwi, ela unanimena mimi khwa chausa nina-ushuhudia iwazu kukala mahendo ni mai.⁸Ambukani mwenende khwa bomu mimi sindakwenda khwa tsiku bomu khwa kukala muda wangu kaudzangwe kufika". ⁹Bada ya kunena mautu gaga kwao, wasala (wabaki) Galilaya.¹⁰Vhavho, nduguze arivokala adzenenda khwa tsiku bomu, ndivyo naye achenenda, ela si chilwazu iwazu ela khwa chisiri-siri. ¹¹Ayahudi were anamuyeya tsiku iyo ya tsiku bomu na kwamba, (kunena) "Yulavhi? "¹²kwakala na malumbano manji(majadiliano) kahi ya makutano dzuluye. Ayawe amba , "Sevyo, yuna angamiza makutano"(yunavuviza) ¹³Hata vivyo kakuna ariyenena iwazu-iwazu (chalamu) dzuluye khwa kuaogova Ayahudi.¹⁴Irivhokala tsiku bomu ifika kahikahi, Jesu wambuka(wapanda) kwenda hekaluni na achanza kufunzya . ¹⁵Ayahudi achidangana na kwamba, "Ni kwadze ,yali mutu yuno yunamanya mauti manji? Na kadzangwe kushoma kamare". ¹⁶Jesu achijibu na Kuamba, "mafunzyo gangu si gangu, ela ni gakwe iye ariyenihuma.¹⁷Ichikala Kuna yeyosi yundahenza kuhenda mahenzoge iye, yundamanya dzuluya mafunzyo gaga, kukala gala kwa Mulungu, hebu ninaganena kula kwangu mwenye. ¹⁸Chila anenaye gombolago kwakwe mwenyewe, nikukala yunayeya utukufuwe mwenye, ela chila ayeyaye utukufuwe iye ariyemuhuma , mutu iye ni wa Jeri, na ndaniye (kamuna) kutsahenda hachi(Jeri).¹⁹musa kamuvhire mwimwi sheria? Ela kakuna ta mumwenga wenu ahendaye sheria. Ni kwadze munahenza munulaga? ²⁰makutano achijibu, "unapepo. Niyuvhiye ahenzaye kukulaga? "²¹Jesu achiajibu na kuamba, "Nidzihenda kazi mwenga, namwi mosini mudzidangana khwa iyo. ²²Musa wamuvha sharia ( si kukala yambola khwa musa, ela yambola khwa Bezehu), na tsiku ya sabato munabama iwembeni.²³Khwa vivyo , ichakala mutu yuna bumwa iwembeni tsiku ya sabato, ili shariya ya Musa isivunzike , ni kwadze muna nitsikirirwa khwa kumuvhoza mutu tsiku ya sabatu? ²⁴musihukumu here munavyo , ela hukumuni kwa hachi (Jeri)²⁵Anjine kula Jerusalemu achiamba, "Si yuyu amuyeyae amulage ? ²⁶na lolani, yunagomba iwazu-iwazu , na kagomba chochosi dzuluye kavhiri. Kaiwezekana kukala vilongozi anamanya Jeri kukala yuyu ni kristo, inaweza kukala vivyo? ²⁷Hunamanya yuyu mutu kukala yulavi. Ela kristo andivokudza, ta vivyo, kukuna endemanya alako".²⁸Jesu achinena khwa sauti bomu hekaluni achifunzya na kwamba , mwimwi mosini . Munanimanya na kuko nilako munakumanya , sidzire mimi mwenye , ela khwa iye ariyenihuma , ni wa jeri na kamumumanya. ²⁹Ninamumanya iye khwa chausa (nila) kwakwe na wanihuma".³⁰Were anajeza kumugwira, ela kakuna ta mumwenga arieanulae mukonowe dzulu ye khwa kukala saaye were kaidzangwe kufika . ³¹Ta vivyo anji kahiza makutano amwamini. Achiamba "Kristo andivokudza,yundahenda kufika (ishara)nyinji kuriko zodzohenda mutu yuyu?" ³²mafarisayo aasikara makutano go arigokala ana- ambirizana mautu gaga dzulu ya Jesu, na Vilongozi a dini mafarisayo achihuma (vilongozi) ili amugwire.³³Ndivho Jesu arivhoamba, "Bado knichere na matsiku ni vhamwenga namwi, na chidzamala nitakwenda kwake iye ariyenihuma. ³⁴mundaniyeya na kamunda nona, kurahu nendako, kamundaweza kudza".³⁵Khwa vivyo Ayahudi achambirana , (enye kwa enye) , "mutu yuno yundendavhi ta kahundaweza kumona? Yundakwenda kwa ao ariogavikana Ayunani na kuafunzya Ayunani? ³⁶Ni neno rani riro rodzorigomba yuno, kukala, "muudaniyeya na kamunda nona, kurahu nendeko Kamumundaweza kudza? "³⁷Vikana kahiza tsiku ya mwisho, tsiku bomu , Jesu waima achomboza sauti, achiamba, "ichikala yeyosi yuna chiru, adze kwangu anwe. ³⁸Iye anaminiye mimi, here mandiko garivyonena, kulaa ndaniye inadatsuruzika myuho ya madzi ga uzima? ".³⁹Ela wagomba gaga dzulu Roho, ariye ao amukuluvhirao andumuvhokera, Roho were kadzalaviwa khwa kukala Jesu were kadza unulwa.⁴⁰(achache) a mukutano, Arivosikira maneno gaga, anena, ("Jeri yuyu ni nabii). " ⁴¹Anjine achamba yuyu ni Kristo , ela anjine achamba ni rini Kristo yunaweza kula Galilaya? ⁴²Maandiko kagadzanena kukala Kristo yandambola kahiza lukolo lwa Daudi na kuombola Bethelhemu, muzi urio Daudi wakala? "⁴³Ndo, vavo vhachomborera kugavikana (achigavayana) kahi za makutano kwa ajiliye. ⁴⁴Anjine kahi yao achihenza kumugwira, ela kakuna ariyegolosa mikono ye dzuluye.⁴⁵Ndivho arahu vilongozi achuya khwa vilongozi a chidi na mafarisayo, nao achiamba, "Ni kwadze kamudzamureha? " ⁴⁶Vilongozi achijibu, "kakuna mutu edzenena here yuyu ".⁴⁷Ndivho mafarisayo arivoajibu, "Na mwimwi pye mudzikengeka? ⁴⁸Kuna yoyosi kahi za atawali amwaminiye , au yoyosi hehu mafarisayo ⁴⁹Ela aa makutano asiomanya sheria adzilavhizwa.⁵⁰Nikodemo achimwambira (iye ariyemwendera Jesu vho kipindi, achikala pye ni mumwengawavho wa ao mafarisayo). ⁵¹"Je sheria yehu inamuhukumu mutu isivokala yusikiswa kwaha na Kumanya cho ahendacho? " ⁵², Osini achijibu na kumwamba, "Nawe pye ula kuko Galilaya? Yeya na wone kukala kakuna naabii ariye ombola Galilaya".⁵³Chisha kila mutu wakwenda nyumbani kwake.

¹Jesu wakwenda murima wa mizeituni. ²Mapema chiranuko achidza kavhiri hekalunina na atu osini achitumuwa , achisagala na kufunzya. ³Andishi na mafarisayo achimurehera mwanamuche ariyegwirwa yuna zinga. Achimwika kahikahi.⁴Ndivho achimwambira Jesu, "mwalimu mwanamuche yuyu yugwira were yunaazinga. ⁵Vikara, kahiza , Musa yuzihulagiza ku apiga mawe atu here aa, we unambadze kwakwe? ⁶Anena gaga ili kukala akale na neno ra kumushitaki, ela Jesu achizama tsi achandika khwa chalache.⁷Arivhodina kumuza, maswali waima na achiamba ," iye ariye kana dambi kahi yenu, akale wa kwanza kumupiga mawe? ⁸Achizama vhotsi kavhiri achindika vhotsi chalache.⁹Arivosi gago, auka mumwenga , kwanzira ta wamwisho wao Jesu waricha iye hacheye, vhamwenga na iye mwanamuche ariyekala kahikahi yao. ¹⁰Jesu waima na kumwamba,"mwanamuche, adzokushitaki vino alavi? Kavhana mumwenga edzekuhukumu? ¹¹Achiamba," kakuna mumwenga Bwana, "Jesu achiamba ," ta mimi pye sikuhukumu .Enenda na kuanzira vivi usihende dambi kavhiri."¹²Chisha Jesu achinena na aa atu achiamba, " mimi ni mwanga wa urimwengu " yoyosi anitumiwaye kandenenda dzinani, ela yundakala na mwangaza wa uzima." ¹³Mafarisayo achimwamba," unadzishuhudia mwenye , ushuhudao si wa jeri."¹⁴Jesu achijibu achiamba ," Kala nazdzishuhudia mwenye,ushuhuda si wa jeri." Ninamanya niriko ombola kurahu nendeko ,ela mwimwi kamumanya ni lako hebu karahu nendako. ¹⁵mwimwi munahukumu chimwiri , mimi sihukumu yoyosi. ¹⁶Mimi nihukumuko, hukumu yangu ni jeri khwa chausa si hachi yangu, ela ni vhamwenga na Baba ariyenihuma.¹⁷Ndivyo na kahiza yenu idzandikwa kukala ushuhuda wa atu airi ni jeri. ¹⁸mimi ndimi nidzishuhudiaye, na Baba ariyenihuma yunanishuhudia.¹⁹Achimwamba," Abayu yu lavhi? " Jesu achijibu ," mimi kamunimanya wala Baba kamumumanya ,kala muna-nimamya mimi, munga mumanya na baba naye. ²⁰Wanena maneno gaga arivhokala yu vhevi na hazina vhorokwa yunafundzya hekaluni, na kakuna ta mumwenga ariyemugwirra khwa kukala we vhaidzangwe kutimira.²¹Ndivho arivhoambara kavhiroi ,"mimi (nauka) na mundaniyega namwi mundafa khwa dambi zenu enyee. Kurahu nendako, kamuweza kudza." ²²Ayahudi achiamba, "yunda dzulaga mwenye khwa kukala yunamba , kura nendako kamweza kudza?"²³Jesu achiamba, "mwimwi mulatsi, mimi nila dzulu. Mwimwi mu arimwengu uu, mimi si wa urimwengu uu. ²⁴Khwa vivyo , namwambira kukala mundafa khwa dambi zenu. Musivhoamini kukala mimi ndimi, mundafa khwa dambi zenu.²⁵Khwa vivyi, achimwamba," We u ani?" Jesu achiamba,"garahu nirigomwambira hangu (chacho). ²⁶Ninago mautu maji ga kunena na kuhukumu dzulu yenu.Hata vivyo , iye ariyenihuma ni wa jeri,na mautu murigo gasikira kula kwakwe,mautu gaga naganena khwa urimwengu." ²⁷Kamwelewere kukala were achinena nao dzulu ya Baba.³⁰²⁸Jesu achiamba , mundivhomunula dzulu mwana wa Adamu ndo mundivomanya kukala mimi ndimi, na kukala sihenda rorosi khwa roho yangu. Here Baba arivyonifunzya, ninanena mautu gaga. ²⁹Iye ariyenihuma yu vhamwenga nami, na iye kadzaniricha hachiyangu , chila tsiku nahenda gamufahago." Wakati Jesu yunanena mautu gaga, anji achimwamini.³¹Jesu achinena khwa arahu Ayahudi ariomwamini,"ichukala mundakala kahiza neno rangu , ndivho mundakala anafunzi angu jeri. ³²Namwi mundaimanya jeri, na iyo jeri indamwika huru." ³³Ao achimujibu, " siswi hu chivyazi cha Abrahamu na kahudzangwe kukala tsini ya utumwa wa mutu yoyosi,"We unambadze kukala huru?"³⁴Jesu achiajibu," Amini, amini, ninamwambira, chila ahendaye dambi ni mutumwa wa dambi. ³⁵Mutumwa kakala nyumba wakati wosi, mwana yanakala tsiku zosini. ³⁶Khwa vivyo , ichikala mwana yundamwika huru, mundakal huru jeri"³⁷Ninamanya kukala mwimwi muchivyazi cha Abrahamu , ela mumayeya kunulaga kukala neno rangu karina nafasi ndani yenu. ³⁸Ninanena mautu nidzigo gaona vhamwenga na Baba , na mwimwi pye munahenda mautu garigo mwagasikira kula khwa beyenu".³⁹Ajibu na kamwamba," begehu ni Abrahamu, Jesu "achiamba, kala mungakala ana a Abrahamu, mungahenda kazi za Abrahamu. ⁴⁰Hata vivi (kare) munayeya kunulaga ,mutu ariye mwambira ujeri kukala nasikira kula khwa Mulungu. Abrahamu kahendare vivi. ⁴¹Munahenda kazi ya beyenu," Ao achiamba ,"sino kahuvyarirwe kahiza kuzinga, ela hunaye Baba hacheye Mulungu."⁴²Jesu achiamba, "Kala Mulungu ni Beyenu ,munganihenza mimi,khwa kukala nila khwa Mulungu. Wala sidzire khwa roho yangu ela khwa iye iriyenihuma. ⁴³Ni kwadze kamugaelewa maneno gangu? Khwa kukala kamuweza kuvhumirira kusikira maneno gangu. ⁴⁴Mwimwi mu a beyenu , shetani, ( ibilisi) na munahenza kuzihenda tamaa za Beyenu. Wakala mulagi kulahangu chaho na vivi kaweza kwima kahiza jeri, khwa kukala jeri kaumo ndaniye. Agombavho ulongo, yunagomba kula khwa chahoche khwa kukala ni mulongo na ni Baba wa ulongo.⁴⁵Hata vivi , ninanena iriyo jeri, na kamunamini. ⁴⁶Niyuvhiye kahi yenu anishuhudiaye kukala nina dambi? ichukala ninanena irio jeri,ni kwadze kamunamini? ⁴⁷Iye ariye ni wa Mulungu nikusikira maneno ga Mulungu , mwimwi kamugasikira khwa chausa mwimwi kamu Amulungu."⁴⁸Ayahudi achimujibu na kumwamba kahudzagomba jeri kukala uwe umusamaria na una pepo ?" ⁴⁹Jesu achiajibu ," sina pepo ,ela namwishimu (namuheshimu) Baba, na mwimwi kamunishimu(kamuniishimu)⁵⁰mimi siyeya utukufu wangu mwenye, Kuna mumwenga ayeyaye na hukumu. ⁵¹Aimini, amini, nina mwambira ,irivho yoyosi yundarigwira neno rangu, kandafa kamare".⁵²Ayahudi achimwamba, vivi humanya kukala unapepo. Abarahamu na nabii osini ofa ela unamba, ichikala mutu yundarigwira neno rangu, kandafa mauti (kandafa) kamare. ⁵³Uwe kumubomu kuriko (kushinda) Beyehu Abrahamu ariyefa,sevyo? manabii pye afa.We unadzihenda here ani?"⁵⁴Jesu achijibu, "ichukala nindadzunula mwenye , utukufu wangu kaufaha , ni baba anunulaye mimi, yuyahu mumwambaye kukala ni Mulungu wenu. ⁵⁵Mwimwi kamudzamumanya iye, ela mimi namumanya iye. Ichikala nindanena kukala simumanya, nindakala here mwimwi, alongo. Hata vivyo, nina mumanya na manenoge dzigagwira. ⁵⁶Beyenu Abrahamu watsira tsita jinsi arivyo yona tsiku yangu, wayona na achikala na nyemi!"⁵⁹⁵⁷Ayahudi achimwamba, "kudzafisha hata miaka mirongo mitsano, ela uwe wamwona Abrahamu?" ⁵⁸Jesu achiambira," Amini, amini, namwambira, kabila Abrahamu kadzavyalwa, mimi navhalavho." Ndo vhavho achitsola mawe ili amupige, ela Jesu achidzifitsa na achombola nze ya hekalu.

¹Hata Jesu arivokala yunachira wamona mutu chipofu hangu kuvyalwakwe. (Arivovyalwa) ²Anafunzie Achimiza, "Rabii, yukiye ariyehenda dambi, mutu yuyu hebu avyazie, hata achivyalwa chipofu? "³Jesu achiajibu, "si yuyu mutu wala avyazie ariohenda dambi, ela kazi ya Mulungu zihendeka ndaniye . ⁴Inahenzekana huzihende kazize iye ariyehuvhirika kuchere ni mutsana. Usiku unadza vharivho kakuna endeweze kuhenda kazi. ⁵Muda uu nichere urimwenguni, mimi ndimi mwanga wa urimwengu."⁶Bada ya Jesu kunena(kugomba) manenogo gaga, watsuva mahe votsi, achivuga tovhe, na achimuvhaka (achimusara) yuyahu chipifu matsoni. ⁷Achimwamba, enenda ukaoge kwenye hirika ra siloamu (manaye ariyehumwa)" Kwa vivyo iye mutu wakwenda,achoga na achuya yunona.⁸Majiranie na arahu ariomono vho chaho here avhoyaye achikala anaamba, je yuno si yuyahu mutu ariyekala achisagala na kuvoyavoya? ⁹Anjine achiamba,"Ni iye" Na anjine achamba,"Seye ,ela yudzihalana na iye."Ela iye mwenye ,"achambi."¹⁰Khwa vivyo achimwamba,"Vikara matsogo gafugulwadze?" ¹¹Achijibu , mtu aihiwaye Jesu wavuga tovhe na achinivhaka matsoni mwangu na achiamba,enenda siloamu ukaoge. Nichenenda , nichogo na kavhiri ." ¹²Achimwamba,"Yulavhi vino?" Achiajibu, "Simanya".¹³Achimuvhirika yuyahu mutu ariyekala ni chipofu kwa mafarisayo ¹⁴Nayo were ni tsiku ya sabato vhavho Jesu arivhovugana tove na kufugula matsoge. ¹⁵Ndivyo kavhiri mafarisayo achimuza wawezadze kona? Achiambira,"wavhaka tovhe matsoni mwangu , nichoya na vikara naona."¹⁷¹⁸¹⁶Mafurisayo anjine , achamba,"mutu yuyu kala (kalaire) khwa Mulungu khwa chausa kaigwira sabato." Anjine achiamba,"inawezekadze mutu ariye na dambi kuhenda ishara here zizi?"khwa vivyo, kuchikala na mugavyano kahi yao. Ndivho achimuza yayahu chipifu vhavhiri, Unambadze we mwenye, lhwa kukala wakufugula matso? Chipofu achamba"ni nabii". Hata wakati uu Ayahudi pia kamwaminire kukala were ni chipofu,naye vivi yunaona , hata arivhoaiha iye ariye weza kona.¹⁹Achiauza avyazie, je, yuno ni mwana wehu mumwambaye kukala wavyalwa chipofu? yawezadze kona? " ²⁰Ndivyo avyazie Achijibu, "Hunamanya kukala yuyu ni mwana wehu na kukala wavyalwa chipofu. ²¹Vikaladze vina hata yunaona? Kahumuanya na iye ariyemufugula matsoge pia kahumumanya. Muzeni iye mwenye, mi mutu muzima. Yunaweza kudzigombera mwenye ."²³²²Avyazie anena mautu gaga,khwa chausa aogoya Ayahudi. khwa kukala Ayahudi were agwirana kere kukala ,yoyosi endenena kukala Jesu ni Kristo,yundategwa ni sinagogi. Khwa chausa,chichi avyazie achiamba,"Ni mutu muzima muzeni iye".²⁴Khwa vivyo khwa kanaya vhiri,amwiha yuyahu mutu ariyekala chipofu na kumwamba ,"muvhe Mulungu utukufu. Hunamanya kukala mutu yuyu mwenye dambi." ²⁵Ndivho yuyahu mutu arivhojibu ,"Akale ni mwenye dambi,mimi simanya, neno mwenga nirimanyaro were ni chipofu, na vivi ninaona".²⁶Ndivho arivomwambira,"(arivomuuza) wakuhenderadze? Wagafuguladze matsogo?" ²⁷Achiajibu,"Nidzimwambira kare na mwimwi kamukasikira!kwadze munahenza kusikira kavhiri? Namwi munahenza mukale pia,anafunzie? ²⁸Amukana na kumwamba, awe umwanafunziwe, ela siswi huanafunzi a Musa. ²⁹" Siswi hunamanya kukala Mulungu wagomba na Musa ,ela khwa yayu mutu kahumanya alako."³⁰Yuyahu mutu achijibu achamba,kwani ni neno ra kwangalaza, kukala kamumanya alako, na yadzigafugula matso gangu. ³¹Hunamanya kukala Mulungu vhasikisa ariyo na dambi , ela ichikala mutu yoyosi yuna muabudu Mulungu,Mulungu yuna musikisa.³²Kukahangu vhavho vhavidzasikirwa kukala mutu yudzigafugula matso ga chipofu ariyevyalwa vivyo. ³³Ichakala mutu yuyu kalaire khwa Mulungu ngere kakahende chochosi. ³⁴Wavyalwa kahiza dambi kamare, nawe unahufunzya siswi?Ndivho arivhomuzola kula kwenye sinagogi.³⁵Jesu achisikira kukala adzimomba kula kwenye sinagogi . Wamona na achimwamba, unamwamini mwana wa mutu?" ³⁶Wajibu na achamba,"ni yuvhige,Bwana, ili nami nimwamini?" ³⁷Udzimona, na iye unenaye naye ndege." ³⁸Yuyahu mutu achamba,"Bwana,nina amini," ndivho achi mugwerera maguluni.³⁹Jesu achimwamba,"Khwa hukumu nidzikudza urimweguni ile aweza vhona na arahu aonao akale vipofu." ⁴⁰Mafarisayo anjine ariokala vhamwega naye achisikira maneno gaga, na achimuza, naswi pye huvipofu? ⁴¹Jesu achiambira, kala mangakala vipofu ngere kamuna dambi, ela vikara munamba, huna ona , dambi yenu ikere.

¹Amini,amini,naambira yuyahu asiyeinjira khwa kuchirira muryango wa chaa cha ng'onzi ,ela ,yunakwera na njira injine, mutu iye ni mwivi na ni munyang'anyi. ²Iye ainjiriraye na muryangoni ndiye murisa wa ng'ozi .³Kwake murinzi wa muryango ni kumufugurira, Ng'onzi anaisikira sautiye na nikwaiha ng'onzize khwa madzina na kualongoza nze . ⁴Andivhoaomboza nze ao akwe ni nikuatangulia na ng'onzi nikumutuwa khwa sababu anaimanya sauti ye.⁵Kaamumanya mujeni ela,badalaye andamwevhera, khwa sababu kaimanya ya sauti ya mujeni . ⁶Jesu wanena mufano uu kwao, ela kaelewere mautu gaga ambago were gachinenwa kwao.⁷Jesu achigomba nao kavhiri ," amini,amini nawaambira , mimi ndimi muryango wa ng'onzi." ⁸Osini arionitangulia ni aivi na anyang'anyi ,ela zo ngonzi kaziasikisire.⁹Mimi ndimi muryango. Yoyosi ainjiraye kuchirira kwangu, yundaokolwa,yundainjira ndani na kuombola , naye yundadzipatira mariso. ¹⁰Mwivi kadza isivhokala kuiya kuulaga na kuangamiza. Nidzikudza ili kukala atu apate uzima na akale nao tele.¹¹mimi ndimi Murisa mudzo, Murisa mudzo nikuomboza uzimawe ajili ya ng'onzize ¹²Muhumiki adziyeandikwa kazi na ariye iye si Murisa ambaye zo ng'onzi si maliye, nikumuona mbweha yunadza akaziricha ng'onzi akachimbira; na mbweha yunazigwira na kuzitsamula. ¹³Na mbweha ni kuagwira na kuatsamula ,murisa ni kuchimbira khwa kukala ni muhumiki wa mushahara na kajali zo ng'onzi.¹⁴mimi ndimi murisa mudzo na ninazimanya ng'onzi zangu na ng'onzi zangu zinanimanya mimi. ¹⁵Baba yunanimanya na mimi ninamumanya Baba nami naomboza uzima wangu khwa ajili ya ng'onzi zangu. ¹⁶Ninazo ng'onzi zingine ambazo si za chaa chichi na ao pye ninahenzekana niarehe , na ao andasikira sauti yangu ili kukala kuvhalavho na badi mwenga na Murisa Mumwenga.¹⁷Na ii ndo sababu baba yunanihenza;niuomboze uzima wangu chisha niuhale kaviri. ¹⁸Kakuna auhalaye kula kwangu, ela mimi nauomboza mwenye. Ninago mamulaka ga kuuomboza ninago mamulaka ga kuuhala pye. Nidzirivhokera lagizo riri kula khwa Baba."¹⁹Mugavikano uchiombola kaviri kahiza ayahudi kwa sababu ya maneno gaga. ²⁰Anji ao achiamba ,”Yuna pepo chisha yuna vitswa kwa utuwani munamusikisa ?” ²¹Anjine achiamba ,”gaga si maneno ga mutu yedzepagaliwa ni pepo . Kwani pepo yunaweza kufugula matso ga chipofu.”²²Ndivyo ichidza tsikukuu ys kwikwa wakfu Jerusalemu were ni wakati wa pyeho ²³Na Jesu were achitsembera hekaluni kahiza ukumbi wa Selemani. ²⁴Ndivho ayahundi arivomuzunguluka na kumwamba,”undahika kahiza mashaka muhadi rini ? Ichikala uwe ndiwe Kristo huambire Iwazu.²⁵Jesu achiajabu “ nidzimwambira kare ela bado kumuamini. Kazi nizihendazo khwa dzina na Baba, Zizo zinashuhudia dzulu zangu. ²⁶Hata vivyo kamuamini khwa sababu mwimwi si ng'onzi zangu.²⁷Ng'onzi zangu zinaisikira sauti yangu. ’ninazimanya nazo zinanituwa mimi. ²⁸Ninazivha uzima wa kare na kare nao kandaangamika kamare, na kakuna hata mumwenga andiyeweza kunivhoka kula mukononi mwangu.²⁹Baba yangu ariyenipa ao ni mabomu kuriko anjine osi, na kakuna hata mumwenga awezaye kunivhoka kula mukononi mwa Baba. ³⁰Mimi na Baba hu chitu chimwenga." ³¹Achitsola mawe kaviri ili amupige.³²Jesu achiajibu” Nidzimonyesa kazi ninji mbidzo kula khwa baba. Ni khwa kazi zivhizo kahi ya zizo hata munahenza munipige mawe? ³³Ayahudi achimujibu,"kahukupiga mawe khwa kazi yoyosi iriyo mbidzo ela khwa kukufuru ,khwa sababu uwe, uriye u mwanadamu, unadzihendya kukala u mulungu."³⁴Jesu achiajibu” kagaandikirwe kahiza shari ya yenu, Naamba ,” mwimwi mu miungu?” ³⁵Ichikala waaiha miungu khwa ao ario kwamba neno ra mulungu raafikira ( na maandiko- kagaweza kuvunzwa). ³⁶Munanena dzulu ya yuyahu ariye Baba wamuhuma kahiza urimwengu,'unakufuru',khwa sababu nanena , kukala mimi ni mwana wa mulungu?”³⁷“ Ichakala sihenda kazi za Baba yangu musiniamini. ³⁸Hata hivyo ichikala ninazihenda, hata kala kamuniamini ,ziamini ni zo kazi ili kukala muweze kumanya na kuelewa kukala. Baba yu ndani yangu na mimi pye ndani ya Baba. ³⁹” Achijeza kavhiri kumugwira, Jesu ,ela achivhonyoka mikononi mwao.⁴⁰Jesu achenenda kaviri hata nyambu ya muho wa yordani vhatu ambavho Johana were achibatiza vhavho mwanzo na achikala kuko ⁴¹Atu anji akudza khwa Jesu kuno achiamba,” Ni jeri Johana kahendere ishara yoyosi, ela mautu gosi arigoganena Johana dzulu ya yuyu mutu ni ga jeri .” ⁴²Ata anji vhavho achimwamini Jesu.

¹Basi mutu mumwenga dzinane ni lazaro were ni mukongo. Kwao ni Bethania kahiza Mudzi wa Mariamu na nduguye Martha. ²Were ni Mariamu iye iye ariyemuvhaka Bwana marashi ga marhamu na kumuvakusa maguluge na nyereze, ariye nduguye, Lazaro were ni mukongo.³Ndivyo aa ndugu a chiche achihuma ujumbe kwa Jesu achiamba,”Bwana,lola iye umuhenzaye ni mukongo” ⁴Jesu alivhosikira achiamba,” Ukongo uu si wa chifo, ela, badalaye ni kwa ajili ya utukufu wa Mulungu ili kwamba mwana wa Mulungu apate kuunulwa kahiza uo ukongo.”⁵Jesu were yunaanenza Martha,mariamu na ndugu yao wa chilume lazaro . ⁶Arivhosikira kukala lazaro ni mukongo, Jesu wakala tsiku mbiri zaidi vho vhatu arivokara yukere. ⁷Ndivyo baada ya dzambo riri, waambira anafunzie ,” Hindeni Judea kaviri.”⁸Anafunzie achimwamba ,” Rabi Ao Ayahudi were anajeza kukupiga mawe,na vino unahenza uye kuko kaviri?” ⁹Jesu achiajibu ,” Masaa ga mutsana si ni kumi na mairi ? Mutu aenendaye na mutsana kaweza kudzikwala,kwa sababu yuna ona na mwanga wa urimwengu uu.¹⁰Hata vivyo ichikala yundaenenda na usiku, yundadzikwala khwa sababu nuru kaindaniye." ¹¹Jesu achinena mautu gaga, na baada ya mautu gaga ,achiambira," Musena wehu Lazaro yurere ela ,ninaenenda kuko ili nikapate kumulamusa kula usinzizini.¹²Ndivyo anafunzi achimwamba," Bwana ichikala yurere, yundalamuka. ¹³Muda uu Jesu were achizungumuza dzulu ya chifo cha lazaro, ela ao aona kukala yunazungumuza dzulu ya kulala usinzizi. ¹⁴Ndivyo Jesu achizungumuza nao iwazu iwazu kukala,"Lazaro yudzefa.¹⁵Nina raha kwa ajili yenu , kukala sikarireko kuko ili muweze kuamini . Hindeni kuko kwakwe." ¹⁶Chisha Tomaso ariyeihiwa patsa achiambira anafunzi ayawe"Naswi pye hindeni hukafe vhamwenga na Jesu".¹⁷Wakati Jesu arivhokudza watikiza Lazaro were yu mbirani khwa tsiku ne, ¹⁸Vhavho Bethania were ni vhevhi na Jerusalemu here kilomita mbiri hivi. ¹⁹Anji kahi za Ayahudi achidza khwa Martha na Mariamu ili kuavha pore khwa ajili ya ndugu yao. ²⁰Ndivyo Martha arivhosikira kukala Jesu yunadza , wakwenda achitungana naye, ela Mariamu waenderera kusala nyumbani.²¹Ndivho Martha achimwamba Jesu" Bwana kala wakala vhavha ndugu yangu ngere kafire. ²²Hata vivi ninamanya kukala chochosi undichochivoya khwa Mulungu, yundakuvha". ²³Jesu achimwamba,"nduguyo yundafufuka kaviri".²⁴Martha achimwamba,” ninamanya kukala yundafufuka kahiza ufufulwo wa tsiku ya mwisho. ²⁵Jesu achimwamba," Mimi ndimi ufufulo na uzima; iye aniaminiye, hata achifa , hata vivyo yundakala yunaishi. ²⁶Na iye aishiye na kuniamini mimi kandafa unariamini rino?"²⁷Achimwamba ,” Ndiyo Bwana ninaamini kukala uwe u Kristo, Mwana wa Mulungu iye adzaye kahiza urimwengu". ²⁸Arivhomala kugomba riri, wauka achendamwiha nduguye Mariamu kanda achiamba," Mwalimu yu vhavha na yunakwiha." ²⁹Mariamu arivhosikira gaga , waima haraka na kwenda khwa Jesu ariko.³⁰Naye Jesu were kadzakudza bado muno ndani ya mudzi ela were bado yu whatu arivoonana na Martha. ³¹Ndivyo Ayahudi ariokala na Mariamu mumo nyumbani na ao ariokala anamuhuriza moyo arivhomuona yudziunuka haraka na kuombola nze, amutuwai ;aone here wenda mbirani akarire kuko ³²Wakati Mariamu arivhofika vhavho arivhokala Jesu na arivhomuona, achigwa tsini ya maguluge achimwamba," Bwana kala wakala vhavha, Mwenehu ngere kafire."³³Jesu arivhomuona yunarira na Ayahudi ariokudza vamwenga naye pye were anarira, washononeka kahiza roho na kubudyika. ³⁴Achiamba," mwamulazavi? achimwamba Bwana , izo ulole". ³⁵Jesu achirira.³⁶Ndivyo Ayahudi achiamba," Lola arivyo muhenza Lazaro!" ³⁷Ela anjine kahi yao achiamba,"seye yuno mutu ariyegafugula matso ga yuyahu ariyekala chipofu, je kawezere kumuhenda yuno mutu asife?"³⁸Ndivyo Jesu, achisononeka moyoni mwakwe kaviri , wakwenda kuko mbirani. Nayo were ni pango na dziwe were ridzibiningizwa dzuluye. ³⁹Jesu achiamba," Riuseni riro dwize." Martha, nduguye Lazaro , iye ariyekala yudzefa, achimwamba Jesu," Bwana khwa muda uu, Mwiri undakala udziola khwa kukala yudzikala lufu khwa tsiku ne". ⁴⁰Jesu achiambira," mino siaambirire kukala, muchiamini,mundauona utukufu wa Mulungu?"⁴¹Na achiriusa dziwe Jesu achiunula Matsoge dzulu na achiamba ,” Baba,ninakushukuru kwa kukala unanisikisa. ⁴²Namanya kukala unanisikira tsiku zosi ela ni kwa sababu ya lulu lukwili ludzima na kunizunguluka kukala nidzinena gaga, ili kwamba aweze kuamini kukala uwe ndiwe uriyenihuma."⁴³Baada ya kunena gaga warira kwa sauti bomu ,”Lazaro ,Ombolakunonze!” ⁴⁴Lufu luchiombola nze lufugwa mikono na magulu na sanza za kuzikira na usowe ufungwa na chitambara .”Jesu achiambira “ Mufuguleni mumuriche aenende.”⁴⁵Ndivyo ayahudi anji ariokudza kwa Mariamu na kuona Jesu adzigogahenda mautu achimwamini ⁴⁶ela ainjine akwenda khwa mafarisayo na achiambira mautu adzigogahenda Jesu.⁴⁷Ndivyo ao abomu a makuhani na mafarisayo akudza vhamwenga kahiza baraza na kuamba ,” Hundahendadze ? Mutu yuyu yunahenda ishara nyinji. ⁴⁸Ichikala hundamuricha vivi hacheye , Osini andamwamini , Arumi andakudza na kuhala vyosi,vhatu vhehu na tsi yehu."⁴⁹Hata hivyo,mutu mumwenga kahi yao aihiwaye kayafa, ariyekala mubomu wa makuhani mwaka uo, achiambira, kumumanya chochosi kamare. ⁵⁰Kamumanya kukala inafaa mutu mumwenga afe kwa ajili ya atu kuriko tsi rosi riangamike.”⁵¹Gaga kagogombere kula kwake mwenye , isivokala khwa kukala were ni mubomu wa makuhani mwaka uo watabiri kukala Jesu yundafa kwa ajili ya tsi ⁵²na si khwa tsi tu hacheye , ela Jesu apate pye kuareha vamwenga ana a Mulungu ario atsamuka tsi mbali mbali ⁵³khwa vivyo kuanzira tsiku iyo kuenderera achipanga njamaya kumulaga Jesu.⁵⁴Jesu katsemberere kaviri iwazu iwazu khwa Ayahudi , ela wauka vhavho achenda tsi iriyo vevi na nyika kahiza mudzi uihiwao Efraimu. Vhavho wasagala na anafunzi. ⁵⁵Na pasaka ya Ayahudi were i vhevhi na anji aambuka kwenda Jerusalemu nze ya mudzi kabila ya pasaka ili aweze kudzitakasa enye.⁵⁶Akala achimuyeya Jesu, kuno anazungumuza mumwenga na munjine vhokala adziima hekaluni," munaazani? Kwani kandakudza khwa tsikukuu? ⁵⁷Muda uu abomu a makuhani na mafarisayo were apiga mbiyu kwamba ichikala mumwenga yundamanya Jesu arivho inahenzekana alavye uvhoro wa kukala aweze kumugwira.

¹Tsiku tandahu kabila ya pasaka , Jesu wakwenda Bethania arivhokalavho Lazaro , iye aniyemufufula kula khwa ariofa. ²Basi achimutengenezera chakurya cha dziloni kuko, na Martha achiahumikira , muda uo Lazaro wakala mumwenga wao wa ao ariosagala mezani vamwenga na Jesu. ³Chisha Mariamu achihala chupa ya Marashi garigotengenezwa khwa hardo safi, yenye garama bomu achimuvaka Jesu maguluni na achimuvhakusa go magulu nyumba yosi ichiudzala kungu ya marashi.⁴Yuda iskariote mumwenga wa arahu anafunzie ambaye ndiye andiyemuguza Jesu , achiamba, ⁵Khwa utuwani marashi gano gasiguzwe khwa dinari magana mahahu na akahewa achiya? ⁶Naye wagomba gago, si khwa kuaonera mbazi achiya, ela ni khwa sababu were ni mwivi ; iye ndiye ariyekala achitsukula mufuko wa pesa na wakala achitsola sehemu ya vivyo virivyoikwa mumo khwa ajili ye mwenye.⁷. Jesu achiamba “ muriche aike aricho nacho kwa ajili ya maziko gangu. ⁸Achiya mundakala nao tsiku zosi ela mimi kumundakala nami tsiku zosini."⁹Basi lukwili lu mubomu lwa Ayahudu achipata kumanya kukala Jesu yu kuko, ao achidza si khwa ajili ya Jesu tu, ela amuone na Lazaro ambaye Jesu wamufufula kula khwa ariofa. ¹⁰Nao abomu a makuhani achihenda njama ili amulage Lazaro; ¹¹Maana khwa ajiliye anji kahiza Ayahudi aenenda na achimwamini Jesu.¹²Na tsiku iriyotuwizira lukwili lubomu lwakudza kwenye tsiku kuu . Arivhosikira ya kukula Jesu yunadza Jerusalemu, ¹³Ahala mavhuko ga mihi ya mitende na kuombolanze kwenda kumutsangira achipiga njerejerre," Hosana! Nabarikwa iye adzaye khwa dzina ra Bwana,mufalme wa israeli."¹⁴Jesu wamupata mwana-punda na achimupanda here virahu irivyoandikwa ¹⁵"Usiogovhe,Binti sayini, lola, mufalme o yunadza, yupanda,mwanapunda."¹⁶Anafunzie kagaelewere mautu gaga vhavho mara ya kwanza ; ela Jesu arivounulwa, ndivo arivhokumbukira ya kukala mautu gaga waandikirwa iye na ya kukala adzigahenda mautu gaga kwakwe.¹⁷Basi lulo lukwili lwa atu iwokala vhamwenga na Jesu vhavho arivhomwiha Lazaro kula mbirani ,achishuhudia kwa anjine . ¹⁸Na were ni khwa sababu ii kukala lukwili lwa atu lwakwenda kumutsangira khwa sababu asikira wahenda ishara iyo ¹⁹Mafarisayo achilumbana ao khwa ao” lola vikara kamuweza kuhenda rorosi ; lolani,urimwengu ukwenda kwake.”²⁰Vikara sehemu ya Ayunani ni kahi ya arahu ariokwenda kuabudu kwenye tsiku-kuu. ²¹Aa amutuwa Filipo , ariye waombola Bethsaida ya Galilaya , achimuvoya achimwamba ,” Bwana siswi huna pola kumuona Jesu.” ²²Filipo achienda achimwambira Andrea; Andrea na Filipo achienda na kumwambira Jesu²³Jesu achiajibu achiamba" saa zifika khwa mwana wa Adamu kuunulwa. ²⁴Amini,amini naambira isivogwa tsi ikafa ni kubaki hali iyo iyo hacheye, ela ichifa indavyala mavuno manji.²⁵Iye ahenzaye uhaiwe yundauangamiza ,ela iye aumenaye uhaiwe kahiza urimwengu uu yundauokola muhadi uzima wa kare na kare. ²⁶Mutu yoyosi achinihukumikira mimi, na anituwe na vhavho nirivo ndivho muhukumiki wangu yundakalavo. Mutu yoyosi achinihumikira ,Baba yundamuhishimu.²⁷Vikala roho ibudyika nami niambedze?"Baba uniokole kahiza saa ii? Ela ni khwa kusudi riri nidzifikira saa ii. ²⁸Baba riunule dzinaro."Chisha sauti ichidza kula mulunguni na kwamba,""Nidziriinula nami nindariunula kaviri." ²⁹Basi lukwili lwokala ludzima vhevhi naye luchisikira,achiamba kukala na mungurumo. Anjine achiamba,"Malaika yugomba naye."³⁰Jesu achijibu na kumuamba ,” sautu ii kaivhakudza ajili yangu ,ela khwa ajili yenu ³¹Vikara hukumu ya urimwengu uu ivhavho , vikara mubomu wa urimwengu uu yundatsuvhiwanze³²Nami nichiunulwa dzulu ya tsi nindaareha osini kwangu." ³³Wanena gago ili kuonyesha ni chifo cha namuna yani andichoferera.³⁴Lukwili yuchijibu,"Siswi hasikira kahiza shariya kukala Kristo yundaishi hata kare na kare. Nawe unaambadze? Mwanadamu lazima aunulwe dzulu? Kwani yuno mwana wa mutu nyani?" ³⁵Basi Jesu achiambira," Mwanga bado uchere vhamwenga namwi khwa muda muchache. Tsemberani madamu munao mwanga ili kwamba dziza risidze rikamuweza.Iye aendaye dzinani kamanya aendako. ³⁶Mwanga muchere nao, amini ni mwanga uo ili muweze kukala ana a mwanga."Jesu waganena gaga na chisha achendadzifitsa ili asimuone.³⁷Idzavokala Jesu wahenda ishara nyinji namuna iyo mbere zao ela bado kamwaminire i. ³⁸Ili ritimire neno ra nabii Isaya, arironena :” Bwana ,nyani ariyeukubali uvhoro wehu ? Na mukono wa Bwana ufunurwa ani?”³⁹Ndiyo sababu kaaminire ,maana, Isaya wagomba kaviri, ⁴⁰Yudziapotosha Matso na yudzihendya mioyo yao ikala mifu ;asidze akaona kwa matso gao na akamanya khwa mioyo yao, na akaongoka nami nikaavhoza.”⁴¹Isaya wagomba Maneno gaga kwa kukala wauona utukufu wa Jesu na achinena uvhorowe ⁴²Hata hivyo, abomu anji amwamini Jesu ; ela kwa sababu ya mafarisayo kawezere kuungama ili asidze akazolwa kula khwa hekalu ⁴³Ahenza nauma za anadamu kuriko nguma zilazo kula khwa Mulungu.⁴⁴Jesu wanena khwa sauti bomu na khwamba ,"iye aniaminiye mimi , kaniamini mimi tu ela na iye ariyenihuma mimi. ⁴⁵naye anionaye mimi yunamuona iye ariyenihuma⁴⁶Mimi nakudza here mwanga vhavha urimwenguni ili chila mutu aniaminie mimi asikale dzizani ⁴⁷Ichikala mutu yeyosi yunda-gasikira maneno gangu ela asigagwire,mino simuhukumu, maana sidzire ili niuhukumu urimwengu ,ela niuokole urimwengu⁴⁸iye anikahalaye mimi na asiyegakubali maneno gangu yunaye amuhukumuye neno riro nidzirorinena ndiro rindiromuhukumu tsiku ya mwisho. ⁴⁹Maana mimi sigombere kwa nafusi yangu tu. Ela ni Baba ariyenihuma, iye mwenyewe wanilagiza nindigoganena na nindigogagomba ⁵⁰Nami ninamanya vya kukala lagizore ni uzima wa kare na kare. Be gago ninenago mimi here Baba arivyo-niambira ndivyo ninenavyo kwao.

¹Vikara kabila ya tsikukuu ya Pasaka, khwa sababu Jesu wamanya kukala saaye ifika ambayo yundauka kahiza urimwengu uu na kwenda khwa Baba,achikala wahenza atue okola duniani, waahenzu muhadi mwisho. ²Khwa vivyo kare ,ibilisi were yudzimubumia Juda iskario , mwana wa SImoni moyo wa kumuguza Jesu.³Jesu wamanya kukala Baba wamuvha vitu vyosi mikononi mwakwe na kukala walaa khwa Mulungu na were yunauya kaviri khwa Mulungu ⁴Wauka chakunyani na achihandika vazire ra nze. Chisha achihala tauli na achidzi-funga mwenyewe ⁵Chisha achibuma Madzi Kahiza bakuli na achianza kuaojesa magulu ao anafunzie , chisha achiavhakusa na iyo tauli ambayo wadzifunga iye mwenye.⁶Achidza kwa Simoni Petero Achimwamba,” Bwana Unahenza uniojese magulu gangu ?” Jesu achijibu na kumwambira ⁷, “ Nihandaro kurimanya vivi vikara,ela undaelewa baadaye” ⁸Petero achimwamba ,” Kuweza kuniojesa magulu gangu kamwe .” Jesu achimujibu “ Ichikala sindakuojesa, kundaweza kukala mutalo vamwenga nami.” ⁹Simoni Petro achimwamba ,” Bwana usiniojese Magulu gangu tu ela ya mikono na chitswa changu”¹⁰Jesu achimwamba ,” yoyosi ariye yudzioga kare kahenzekana kuoga isivokala maguluge na yutsuka mwiriwe wosi mwimwi mukala asafi ela si mosini ¹¹khwa kukala Jesu wamanya iye andiye muguza ii ndiyo Sababu hata achiamba ,si mosini mudziotsuka .”¹²Wakati Jesu arivokala yudziaojesa magulu gao na arivohala vazire na kusagala kaviri waambira “Je munaelewa chira ambacho nidzimuhendera ? ¹³Munaniiha mimi “ Mwalimu na Bwana," ii munagomba jeri , maana ndivyo nirivyo ¹⁴Ichikala mimi Bwana na mwalimu , nidziaojesa magulu genu, mwimwi pye munahenzekana kuaojesa ayawenu magulu. ¹⁵Khwa kukala nidzimuvha mufano ili kwamba mwimwi pye muhende here mimi nidzivyo henda kwenu¹⁶Amini,amini naambira , muhumwa si mubomu kushinda bwanawe ; wala yuyahu adziyehumwa si mubomu kuriko yuyahu adziye muhuma. ¹⁷lchikala unagaelewa mautu gaga ,udzibarikiwa uchigahenda. ¹⁸Sigomba dzulu ya mwimwi mosini, kwa kukala ninaamanya arahu nirio naatsagula , ela ninagomba gaga ili kwamba maandiko gaweze kutimizwa ; iye aryaye mkahe wangu yudziniunurira jimbere “¹⁹Ninamwambira riri vivi vikara kabila ya karidzahendeka ,muweze kuamini kukala MIMI NDEYE ²⁰Amini Amini, naambira anivhokeraye mimi,nikukala yanamuvhokera iye nidziyemuhuma , na yuyahu anivokeraye mimi nikukala yunamuvhokera yuyahu ariyenihuma mimi”²¹Muda Jesu arivogomba gaga ,wayugika rohoni , washuhudia na kwamba ,” Amini amini naambira kukala mumwenga wenu yundaniguza.” ²²Anafunzi achilolana ,achiangalala ni dzulu yani ariyemuzungumuzira.²³Kwakala kahiza meza mumwenga wa anafunzie ambaye were yukarira katini mwa Jesu ²⁴Simoni Petero wamuza mwafunzi yuyu na kumwamba ,” huambire ni mwanafunzi yuvhiye ambaye yunazungumuzirwa.” ²⁵Mwanafunzi yuyahu ariye jemerera katini mwa Jesu achimwamba ,” Bwana ,ni yuviye?”²⁶Chisha Jesu achijibu ,” Ni yuyahu nindiyetsatsa chisiku cha muhake na kumuvha.” Ndivyo anivhokala arivotsatsa mukahe ,achimuva Yuda mwana wa simon iskariote. ²⁷Na baada ya chicho chisiku cha mukahe ,shetani wamwinjira, chisha Jesu achimwambira ,” Chirahu ambacho unahenza kuchihenda chihende haraka.”²⁸Vikara kukana mutu kahiza meza ariyemanya sababu ya Jesu kugomba dzambo riri kwakwe ²⁹Anjine ao aona kukala , khwa sababu Yuda were achitsukula o mufuko wa pesa , Jesu wamwamba ,” gula vitu huvihenzavyo khwa ajili ya tsiku-kuu hebu kwamba inahenzekana kuomboza chitu kwa achiya ³⁰Baada ya Yuda kuvhokera mukahe , waombola nze haraka ; na were ni usiku.³¹wakati Yuda arivokala yudzuka ,Jesu waamba , vikara Mwana wa Adamu yudziunulwa na Mulungu yudziunulwa kahiza iye. ³²Mulungu yundamunula kahiza iye mwenyewe ,na yundamunula mara mwenga ³³Ahoho atite , nivhamwenga namwi chiseho chifuhi. Mundaninyeya ,na here nirivyoambira Ayahudi ,' niendako ,kamuweza kudza .’ vikara namwambira mwimwi pye.³⁴Ninamuva amuri mbivya,kukala muhenzane mwimwi khwa mwimwi;Here mimi nirivyomuhenza mwimwi, vivyo hivyo namwi inahenzekana muhenzane mwimwi khwa mwimwi. ³⁵Khwa ajili ya riri atu andamanya kukala mwimwi muanafundi angu,ichikala muna uhenzo kwa chila mumwenga na munjine.”³⁶Simoni Petro achimwamba ,” unenda lavi ?” Jesu achijibu,” Vhatu niendako khwa vikara kundaweza kunituwa, ela undanituwa badaye." ³⁷Petero achimwambira ,” Bwana kwa utuwani nisikutuwe hata vivi kare ? Mimi nindagaomboza maisha gangu khwa dzuluyo ? ³⁸Jesu achijibu,"Je undaomboza maishago khwa ajili yangu? Amini, amini nakwambira jogolo karindaihika kabila kudzanikahala mara tahu."

¹Usiuriche moyoo kubudzyika. Unamwamin Mulungu niamini na mimi pye. ²Kahiza nyumbani ya Baba kuna makalo manji ,kala sevyo , ningakwambira khwa maana ninenda tengeneza vatu kwa ajiliyo. ³Na nichenda na kuatengenezera vatu nindakudza kaviri kuakaribisha kwangu ,ili vhatu nirivo pye mwimwi namwi mukale vhavho.⁴Munamanya njira ya vatu niendavho.” ⁵Tomaso achimwamba Jesu ,” Bwana kahumanya kutu uendako ,Je hunawezadze kuimanya njira? “ ⁶Jesu achimwambira ,” Mimi ndimi njira jeri na uzima ; kakuna awezaye kudza kwa Baba asivhokala kuchirira kwangu. ⁷Ichikala munganimanya mimi, mungakala munamumanya na Baba ye;kuanzira vivi na kuenderera munamumanya na mudzimuona iye.’⁸Filipo achimwambira Jesu ,” Bwana , huonyese Baba na vivyo indakala inatosha.” ⁹Jesu achimwamba ,” mimi nidzikala ,vamwenga namwi khwa muda mure , na bado kunimanya mimi,filipo ? Yoyosi ariyeniona mimi wamuona Baba; jinsi yani unamba,Huonyeshe Baba?¹⁰Kamuamini kukala mimi ni ndani ya Baba na Baba yu ndani yangu ? Maneno niganenago kwenu sinena kwa kusudi rangu mwenyewe ; isivhokala ,ni Baba aishiye ndani yangu ahendaye kaziye ¹¹Niamini mimi ,kukala ni ndani ya Baba na Baba ndani yangu ; lichikala niye niamiani mimi kwa sababu ya kazi zangu hasa¹²Amini,amini naambira ,iye aniaminiye mimi kazi zirahu nizihendazo , yundazigenda kazi zizi pye na yundahenda hata kazi bomu muno khwa sababu henda khwa Baba. ¹³Chochosi muchivoga kahiza dzina rangu nindahenda ili kwamba Baba aweze kuunulwa kahi za mwana . ¹⁴Namwi muchivhoya chitu chochosi kahiza dzina rangu riro nindarihenda¹⁵Ichikala mundanihenza ,mundazigwira amuri zangu ¹⁶Nami nindamuvoya Baba ,naye yundamuvha mwavizi munjine ili kwamba aweze kukala vhamwenga namwi kare na kare ¹⁷Roho wa Jeri ,urimwengu kauweza kumuvhokera iye kwa sababu kaumona wala hata kumumanya iye, hata vivyo mwimwi munamumanya iye khwa kukala yunakala vhamwenga namwi yundakala ndani yenu.¹⁸Sindamuricha here yatima ,Nindamuuyira kaviri ¹⁹Ni khwa Muda muchache urimwengu kaundoniona kaviri, ela mwimwi munaniona khwa sababu ninaishi, namwi mundaishi pye. ²⁰kahiza tsiku iyo mundamanya kukala ni ndani ya Baba na kwamba mwimwi mu ndani yangu.²¹Yoyosi azigwariye amuri zangu na kuzihenda ndiye yunanihenza mimi, na ambaye yunanihenza mimi yundahenzwa ni Baba, nami hindamuhenza na nindadzionyesha kwakwe mimi mwenye kwakwe.” ²²Yuda ( seye iskariote) achimwamba Jesu ,” Bwana Je! Ni utuwani undiokala hata udzionyese mwenye wala si khwa urimwengu?²³Jesu achijibu achimwamba ,” Ichikala yoyosi yundanihenza neno rangu. Baba yundamuhenza, na hundakudza kwakwe na hundahenda makalo vhamwenga naye ²⁴Yoyosi ambaye kanenzi mimi, kagagwira maneno gangu. Neno ambaro munarisikira si rangu ela ni ra Baba ambaye wanihuma.²⁵Nidzigonena mautu gaga kwenu ,wakati nichere naishi vhamwenga namwi. ²⁶Hata hivyo ,abumaye moyo, Roho mutsunyu , ambaye Baba yundamuhuma kwa dzina rangu , yuudamu fundisha mautu gosi na yundamuhenda mukumbukire gosini ambago naganena kwenu . ²⁷Reri yangu ninamuva mwimwi.Simuvha ii here urimwengu alavyavyo.Musishononeke mioyoni mwenu wala musikaie na woga²⁸Mwasikira virahu nirivyomwambira ;nenenda, na nindauya kwenu; kala munganihenza mimi, kuriko mimi. ²⁹Vikara nidzimwambira kabila kavidzahendeka ili kwamba wakati chichihendeka , muweze kuamini. ³⁰Sindagomba namwi maneno maji, khwa kukala iye mabomu wa urimwengu yunadza . ³¹Iye kana nguvu dzulu yangu ili kwamba urimwengu umanye ninamuhenza Baba ambacho Baba yunanilagiza mimi, here virahu arivyonivha amuri, unukani na huke vatu vhavha.

¹.Mimi ni muzabibu wa jeri , na Baba ndiye mukurima ²Chila tahi ndani yangu ambayo kaivyala tunda , nikuyusa na kusafisha chila tahi ambayo inavyala ili kwamba iweze kuvyala matunda zaidi.³Mwimwi kare mukala safi kwa sababu ya riro neno nidziambira ⁴mukale ndani yangu , na mimi ndani yenu, here tahi isivyoweza kuvyala hacheye risivhokala kahiza muzabibu, vivyo vivyo namwi musivhokala ndani yangu.⁵Mimi ni muzabibu namwi mu tahi yoyosi akalaye ndani yangu na mimi ndani-ye, iye yunavyala matunda manji ,khwa kukala vasivo mimi kumuweza kuhenda dzambo rorosi. ⁶Ichikala mutu yoyosi kandasala :ndani yangu nikutsuvhiwa here tahi na kuuma;atu nikuzitsanya tahi na kuzitsuvha mohoni ,na kuvya. ⁷ichikala mundakala ndani yangu na ichikala maneno gangu gandakala ndani yenu ,vhoyani rorosi muhenzaro ,namwi mundahenderwa.⁸Kahiza riri Baba yudziunulwa ,khwa kukala munavyala matunda manji na khwa riri mudzionyesa kukala muanafunzi angu. ⁹Here Baba arivyonihenza mimi,mimi pye nidzimuhenza mwimwi ; kalani kahiza henzo rangu.¹⁰Ichikala mundagwira amuri zangu mundakala kahiza henzo rangu here mimi nirivyogwira amuri za Baba na kukala kahiza henzore ¹¹Nidzinena mautu gaga kwenu ili kwamba raha yangu ikale ndani yenu na ili namwi raha yenu ikale kamili.¹²Amuri yangu ni ii kukala , muhenzane mwimwi kwa mwimwi here mimi nami nirivyomuhenza mwimwi ¹³Kakuna Mutu ariye na uhenzo mubomu kuriko uu kukala agaombozenmaishage khwa ajili ya asenae.¹⁴Mwimwi be muasendangu ichikala mundahenda garahu nimulagizago ¹⁵Simwiha atumwa kaviri, khwa kukala mutumwa kamanya chirahu ahendacho khwa bwanawe. ,Nidzimwiha mwimwi asenangu khwa kukala nidzimumanyisa mautu gosini garigo nagasikira kula khwa Baba.¹⁶Si mwimwi murionitsagula , ela mimi ndimi niriyemutsagula mwimwi mwende mukavyale matunda, na tunda renu nipate kukala.Riri rivivi ili kwamba chochosi muvoyacho khwa Baba khwa dzina rangu, yandamuvha. ¹⁷Mautu gaga ninamulagiza , kukala muhenzane kila mutu na muyawe.¹⁸ichikala urimwengu undamumena mumanye kukala wanimena mimi kabila kamudzamenwa mwimwi ¹⁹Kala mungakala atu a urimwengu, urimwengu ungamuhenza here ata kwao ; Ela khwa sababu mwimwi ka mwa urimwengu na khwa kukala na mutsagula muombe kahi za urimwengu na khwa ajili ii urimwengu udzimumena.²⁰kumbukirani neno ambaro namwambira ; mutumwa si mubomu kuriko bwanawe ichikala anisirimisha mimi na mwimwi pye andamusirimya ; ichikala angwira neno rangu, andarigwira na renu pye. ²¹Andamuhenda mautu gaga gosini khwa ajili ya dzina rangu kwa sababu kumumanya yuyahu ariyenihuma ? ²²Kala sidzire na kumwambira ngere kana dambi , ela vikara kana chisingwa khwa dambi yao.²³Animenaye mimi yudzimumena Baba pye. ²⁴Ichikala sidzahenda kazi kahi yao ambayo kavhana hata mumwenga ariyeihenda , ngere kana dzambi ;ela vikara adzihenda gosini mairi adziona na arimena mimi na Baba. ²⁵Riri rinahendeka ili kwamba neno ritimire ambaro raandikwa kahi za shariya yao; ananimena mimi bila chisingwa."²⁶Wakati Mufariji yukudza ariye nindamuhuma kwenu kula khwa Baba ,yuyu ndiye Roho wa Jeri ariye yula khwa Baba yundanishuhudia . ²⁷Mwimwi pye munanishuhudia khwa kukala mudzikala vhamwenga nami kula hangu mwanzo.

¹Nidziandikira mautu gaga ili musiweze kutsakizwa. ²Andaomboza nze ya masinagogi; hakika saa indza iriyo chila andiya aulaga yundaona kukala yunahanda kazi mbidzo khwa ajili ya Mulungu.³Andaahendeka mautu gaga khwa kukala kamumanya Baba wa mimi. ⁴Nidziambira mautu gaga ili kukala wakati wa gaga komborera uchifika, muuda kumbukira virahu nirivyo ambira. Siambirire dzulu ya mautu gaga haugu chaho khwa kukala nakala vhamwenga namwi.⁵Vivinenda khwa yuyahu arinihuma; ela kanakali yenu anuzaye ,"unaenda vhi?" ⁶Kwa kala dzigovuba maneno gaga kwenu,huzuni idzudzala moyoni mwenu. ⁷Ta vivyo,namhira ujer;nividzo kwenu nichuka; khwa kukala nisivho uko, mufariji kanda kudza kwenu;ela nichenenda ninda muhuma kwenu.⁸Andivho kudza mufariji yunda umanyisa urimwengu dambi,ulungu na hukumu. ⁹Dzulu ya dambi khwa kukala kaniamire, ¹⁰Dzulu ulungu,khwa kukala nenenda khwa Baba, ¹¹Na dzulu ya hukumu khwa kukala mubomu wa dunia ii yudzihukumiwa.¹²Ni go manji ga kumwambira, ela kamundagelewa vivi. ¹³Ela, iye Roho wajeri,achidza, yunda alongoza kahi za jeri Yosi; khwa kukala kanda gomba khwa ajili ye mwenye;ela gogosi andigo gasikira,yunda gagomba mautu gago; na yunda amanyisa mautu gandigo kudza. ¹⁴Iye yuunda nunula mimi, khwa kukala yundagahala mautu gangu na yunda gatangaza kwenu.¹⁵Vitu vyosi arivyo navyo Baba nivyangu;khwa vivyo , nidzamba kukala Roho yunda hala mautu gangu na yunda gaonyesa kwenu. ¹⁶Bado muda mufuhi,kamundanona kavhiri; na muda mufuhi kavhiri mundaniona."¹⁷Anafunzie ayawe achimbirana," nituweni ahambiracho muda mufuhi, nakamunda nona kavhiri na chisha, muda mufuhi mundanona, na khwa kukala nenenda khwa Baba?" ¹⁸Khwa vivyo achamba," nichutuchani agombacho,"bado muda mufuhi?"kamumanya agombavyo."¹⁹Jesu waonana kukala a henza kumuza,naye achiambira"munadzuza enye dzulu ya riri nidzivyo gomba,"bado muda mufuhi;kamundanona kavhiri;na bada ya muda mufuhi mundanona?" ²⁰Amini,amini namwambira, munda rira na mundaomboreza ela urimwengu unda tsiratsira, mundakala na shononeka ela kushononeka kwenu kundaluka kukala nyemi. ²¹Mwanamuche yunakala na kushononeka wakati achikala na utsungu khwa kukala wakati wa kudzifuguka udzifika; ela adzifulavho muhoho,kukukira kavhiri maumivu khwa sababu ya rahaye kukala muhoho yuvyalwa duniani.²²Mwimwi pye munashononeka vivi,ela mundanona kavhiri; na myoyo yenu indakala wa raha nakavhana andiye weza kuyusa raha yenu. ²³Tsiku iyo kamunda nuza swali. Amini , amini naambira, muchivoya rorosi khwa Baba, yunda avha khwa dzina rangu. ²⁴Hafa vivi kamudza voya rorosi khwa dzina rangu; voyani, namwi mundavhokera ili kukala nyemi zenu zitimire.²⁵Dzigomba namwimwi khwa luga musiyo elewa, ela saa inadza ambavho sinda gomba namwi khwa luga musiyoelewa ela badalaye niambira lwazu lwazu dzulu ya Baba.²⁶Tsiku iyo munda voya khwa dzina rangu, nasiambira kukala ndavoya khwa Baba khwa ajili yenu; ²⁷Khwa kukala Baba, mwenye yunachenza khwa kukukala mudzinihenza mimi na khwa kukala mudziniamini kukala ni dzombola khwa Baba. ²⁸Naombola khwa Baba na nidzikudza urimwenguni; chisha nanka urimwenguni na nenenda khwa Baba."²⁹Anafunzie achimwambira,"Unono ,vivi unagomba iwazu iwazu na kuhumira mafumbo. ³⁰Vivi hunamanya unamanya mautu gosi, na kulonda mutu yoyosi akuze maswali.Khwa sababu ii hunaamikukala unaombola khwa Mulungu. ³¹Jesu achiajibu,"vino muna amini?"³²Lola, saa inadza, ndevyo na jeri idzifika, ambako mundatsamuka chila mumwenga na kwao mundaniricha hachi yangu ela sihachiyangu khwa kukala Baba yuvhamwenga nami. ³³Na mwambira mautu gaga ili kukala ndani yangu mukale na reri. Duniani muna mashaka ela dzivheni moyo,nidziushinda urimwengu.

¹Jesu waganena mautu gaga, chisha achiunula matsoge kulozera mulunguni na achiamba,Baba saa ifika;muunule mwanao ili na mwana naye aunulwe ni uwe. ²Here virahu arivyomuvha mamulaka dzulu ya vyosini virivyo na mwiri ili aavhe uzima wa kare na kare arahu osini uriomuvha.³Na uu ndio uzima wa kare na kare vya kukala akumanye uwe Mulungu wa jeri na wa hacheye, na iye ariyemuhuma,Jesu Kristo. ⁴Nidzikuunula vhavha duniani,na kuitimiza kazi uriyonipa niihende. ⁵Vikara, Baba uniulule mimi vhamwenga na uwe mwenye khwa utukufu urahu niriokala nao vhamwenga na uwe kabila ya urimwengu kuumbwa.⁶Narifunula dzinaro khwa atu urionipa vhavha duniani. Were ni atuo; ela wanipa mimi. Nao adzirigwira nenoro. ⁷Vikara anamanya kukala chila chitu urichonipa mimi chinaombola kuka kwako. ⁸Khwa kukala nidziavha mamneno garahu gosini uriogonipa mimi. Agavhokera na achimanya kukala ni jeri mimi naombola kula kwako na achiamini kukala uwe ndiwe uriyenihuma.⁹Nina-avoyera ao. Siuvoyera urimwengu ela arahu urionipa khwa kukala ao ni ako. ¹⁰Vitu vyosini virivyo ni vyangu ni vyako, na virahu urivyonavyo uwe ni vyangu;nami ninaunulwa kahiza vivyo. ¹¹Mimi simo kaviri urimwenguni, ela ao a mumo urimwenguni, nami vikara ninadza kwako. Baba mutakatifu atunze khwa dzinaro rirahu urironipa mimi ili ao nao akale chitu chimwenga here virahu mimi na uwe hu chitu chimwenga¹²Nirivokala nao, naarinda kwa dzina urironipa;naarinda na kakuna hata mumwenga wao ariyeangamika isivhokala mwana mwangamiki ili kukala maandiko gatimire. ¹³Vikara ninadza kwako; ela ninanena gaga urimwenguni ili kukala raha yangu itimizwe ndani yao enyee. ¹⁴Nidziavha nenoro; dunia idziamena khwa kukala ao sia urimwengu, here mimi nirivyo si a urimwengu.¹⁵Siavoyera kukala uause urimwenguni ela uarinde na yuyahu mui. ¹⁶Ao si a dunia here virahu mimi nisivyokala wa urimwengu. ¹⁷Uaike wakfu mwenye kahiza jeri;nenoro ndio jeri.¹⁸Here urivyonihuma urimwenguni, nami ninaahuma urimwenguni. ¹⁹Khwa ajili ya ao mimi mwenyewe ninadziomboza kwako ili kwamba na ao adziomboze kwako khwa irahu jeri.²⁰Si aa tu niavoyerao, ela na arahu andioamini kuchirira neno rao, ²¹Ili kukala ao nao akale chitu chimwenga here virahu uwe Baba, urivyo ndani yangu nami ndaniyo. Ninaavoyera ili kwamba ao pye aweze kukala ndani yehu ili urimwengu uweze kwamini kwamba uwe ndiwe uriyenihuma.²²Utukufu urahu urionipa mimi niavhe nao, ili kwamba aweze kukala chitu chimwenga, here siswi huvivyo chitu chimwenga. ²³Mimi ndani yao, nawe ndani yangu, ili aweze kutimizwa kahiza umwenga ili urimwengu umanye kukala hakika uwe ndiwe uriyenihuma, na kuahenza , here virahu uwe urivyo nihenza ,mimi.²⁴Baba, chirahu urichonipa mimi- natamani kukala ao pye aweze kukala vhamwenga nami vhatu nirivho ili aweze kuuona utukufu urahu urionipa; khwa kukala uwe wanihenza mimi , kabila ya kuumbwa khwa misinzi ya urimwengu.²⁵Baba mwenye hachi, urimwengu kaukumanyire uwe, ela mimi nakumanya uwe na aa anamanya kukala wanihuma. ²⁶Narihenda dzinaro rimanyikane kwao, na nindarihengya rimanyikane ili kukala rirahu henzo urironihenzera mimi riweze kukala ndani yao, na mimi niweze kukala ndani yao."

¹Bada ya Jesu kunena maneno gaga, wauka iye na anafunzie kwende nyambu ya vhiri ya kadzuho ka kidroni, kurikala na munda urio iye na anafunzie ainjira mumo. ²Vikara yuyahu Yuda, ariyehenza amuguze, wavhamanya roe vhatu vhavho, khwa kukala Jesu were achikutana na anafunzie kwenda . ³Na iye Yuda bada ya kukala yudziapata mashikari na vilongozi kula a bomu a vilmgo a makuhani , akudza na taa, kurunzi na silaha.⁴Naye Jesu, kahiza kumanya chila chitu chirichokala chichihendeka dzuluye,wadziomboza mbere na achiauza,"Munamuyeya yuvhiye?" ⁵Nao achimujibu,"Ni Jesu wa Nazareti," Jesu achiamba,"Mimi ndimi," Naye Yuda ariyemuguza, were yudzima vamwenga na arahu ashikari.⁶Khwa vivyo arivhoambira,"mimi ndimi." auya nyuma na achigwa vhotsi. ⁷Chisha achiauza kavhiri,"Munamuyeya yuvhiye?" Nao achimujibu kavhiri,"Ni Jesu wa Nazareti."⁸Jesu achiajibu,”Nidzimwambira kare kukala ni mimi; khwa vivyo ichikala munaniyeya mimi, arichena aa anjine enende." ⁹Gaga gakala vivyo ili neno ritimire; vhavho arivonena.Arahu urionivha sangamizire mumwenga."¹⁰Ndivho Simon Petero, ariyekala yuna mundu,achiwomboza na achimukata sikiro ra kulume muhumiki muhenzi wa kazi wa mubomu chidini. Na dzinare muhumiki iye were yunaihiwa malko. ¹¹Jesu achimwambira Petero,"Udzya munduo chowahi vhakwe. Kwadze nisichinwe chikombe chirahu arichonivha Baba?"¹²Kwa vivyo rihahu kundi ra ashikari na jemedari,na ahumiki Ayahudi ,achimugwira Jesu na achimufunga. ¹³Nao achimulongoza muhadi khwa Anasi,khwa kukala iye were ni mutsedzawe kavala ariyekala ni chilongozi mubomu wa chidini wa mwaka uo. ¹⁴Vikara kayafu ndiye ariyekala yudziavha mulongozo,Ayahudi kukala inahenzekana mutu mumwenga afe khwa ajili ya atu anji.¹⁵Simoni Petero achimutuwa Jesu, na vivyo vivyo na mwanafunzi munjine, Na yuyahu mwanafunzi were yunamanyiwa ni iye chilongozi mubomu wa chidini, naye achinjira vhamwenga na Jesu vhatu vhalamu vha mubomu wa vilongozi a chidini. ¹⁶Ela Petero were yudzima nze ya muriango. Ndivho yuyahu mwanafunzi ariyekala yunamanyiwa ni yuyahu chilongozi mubomu wa chidini waombola konze(waombolauze) achenda gomba na yuyahu murinzi wa muriangoni na achimubuna Petero ndani.¹⁷Ndivho yuyahu ashikari ariyekala achirinda muriango,wamwamba Petero," Je we kumumwenga wa anafunzi a yuyu mutu?"Naye achiamba,"Mimi seye." ¹⁸Na arahu ahumiki na abomu were adzima vhatu vhavho na abusa moho wa makala khwa kukala were kuna vyeho, na here anona moho ili kupata dzoho. Na iye Petero were yudzima nao yunoha moho.¹⁹Mubomu wa chidini achimudadisi Jesu dzulu ya anafunzie na mafunzyage. ²⁰Jesu achimujibu,"Nidziwambira iwazu uu urimwengu; kukala, mimi nafunzya wakati wosi kahiza masinagogi na hekaluni vhatu vharivho Ayahudi anakutana vhamwenga. Nami sigombere rorosi kahiza (chisirisiri). ²¹Nikwadze munamuza? Auzeni arionisikisa dzulu ya chira nirichogomba. Hawa atu aa anamanya mautu garahu nirigonena.²²Jesu arivhomala kugomba vivyo, mumwenga wa vilongozi ariyekala wimire vevi naye , achimupiga kofi na chisha achimwamba, “Je, vyo ndivyo ufahavyo kumujibu mubomu wa vilongozi a chidini?” ²³Naye Jesu achimujibu,”Ichikala nidzigomba neno rorosi (rii) bee, ukale shahidi wa uii uo, na ichikala nidzimujibuto kwadze kunipiga? ²⁴Ndivho Anasi arivomuvirika Jesu kwa kayafa chilongozi mubomu wa chidini achikala here mufungwa.²⁵Vikara Simoni Petero were wimire yunoha moho. Chisha arahu atu achimwamba, “Je, we, nawe kumumwenga wa anafunzie?” Achikahala achiamba “Mimi simi.” ²⁶Mumwenga wa ahumiki wa mubomu vilongozi a chidini,ariye were ni nduguye yuyahu ariyekatwa sikiro ni Petero ,achimwamba, “Je siwe edzekona naye kura mundani ? ²⁷Petro achikahala kavhiri na (vhavho) jogolo richihika.²⁸Chisha achimuhala Jesu kula khwa Kayafa muhadi Praitorio na Were ni chiramuko chiti. Ao enyee kainjirire mo praitorio ili asidze akachafuka (anajisika) ili aweze kuivya pasaka. ²⁹Kwa vivyo Pilato achiatua achiamba,”Ni shitaka rani murireharo dzulu ya yuno mutu?” ³⁰Achimujibu achimwamba, “Kala yuyu mutu simuhenda mai kahungamureha kwako.”³¹Pilato achiamba,” Muhaleni mwimwi enyee,mukamuhukumu karakara na sharia zenu.” Nao ayuhudi achimwamba, “Sharia kaihulagiza siswi kumulaga mutu yoyosi.” ³²Anena gaga ili neno ra Jesu ritimire,neno ariro-kala were warinena kare dzuu kufakwe.³³cNdivho pilato achiinjira kavhiri(Praitorio) achimwiha Jesu; achimwamba, “Je, we umutawali wa Ayahudi?” ³⁴Jesu achijibu, “Je we unanuza swali riro khwa chausa unahenza kumanya hebu khwa chausa anjine akuhuma ili unuze mimi?” ³⁵Naye Pilato achimujibu, “Mimi si muyahudi,hebu sevyo? Taifaro na mubomu wa vilongozi a chidini ndo adziokurera kwangu; we uhendadze? (wakosani?)³⁶Jesu achijibu, “Utawali wangu si wa urimwengu uu, kala utawali wangu ungakala na vhatu sehemu kahiza urimwengu uu ahunuki angu angenihehera (anganisaidia) ili nisilaviwe khwa Ayahudi khwa ujeri utawali wangu kawombola vhavha.” ³⁷Ndivho Pilato achimwamba, “Je we vino u mutawali?” Jesu achijibu, “uwe ndivyo wambavyo kukala mimi ni mutawali, khwa chausa mimi navyalwa na khwa chausa chichi ii mimi nakudza urimwenguni, ili nikale shahidi wa iyo jeri. Yeyosi ariye wa iyo jeri nikuisikisa sauti yangu.³⁸Pilato achimwamba, “Jeri ni avhinyo?” Naye arivomala kugomba gaga achenda kwa Ayahudi na kuamba, “Sona kosa rorosi dzulu ya mutu yuyu.” ³⁹Ela mwimwi muna muhubi unihendao nimufugurire mufungwa mumwenga wakati wa pasaka. Je munahenza nimufugurire mutawali wa Ayuhudi?” ⁴⁰Chisha achipiga lonzo achiamba, “Si yuyu,hufugurire Baraba,” Naye Baraba were ni munyang’anyi.

¹Ndivho Pilato achimuhala Jesu na achilagiza kukala achapwe viboko. ²Arahu mashikari achisokota miya na achitengeza tadzi, achiyika dzulu ya chitswa cha Jesu na kumuvisha nguo ga rangi ya zambaraho. ³Achimutuwa na kukwamba, “We umutawali wa Ayahudi?” na chisha achimupiga mikono yao.⁴Chisha Pilato achiombola nze na kuambira atu,”Lolani ninamurehera yuyu mutu wenu ili mumanye kukala mimi sikona rorosi kwakwe.” ⁵Ndivho Jesu achombola konze, na were yuvala tadzi ya miya na nguo ya rangi ya zambaraho.Ndivho Pilato achiamba, “Lolani mutu yuyu !” ⁶Kwa vivyo arahu vilongozi abomu chidini na ahumiki ao arivhomona Jesu,achipiga lonzo achiamba, “Musulubishe, musulubishe!”Pilato achiamba, “Muhaleni mwimwi enyee mukamusulubishe, kwa kukala mimi sona kosa kwakwe.”⁷Ayahudi achimujibu Pilato, “Siswi hunayo sharia na kwa sharia iyo yunahenzekana kufa khwa chausa wadzihenda kukala ni mwana wa Mulungu.” ⁸Pilato arivosikira maneno gaga achogovha muno, ⁹achianjila (Praitorio) kavhiri na kumwambira Jesu,"We Ulavhi? Hata vivyo kajibire.¹⁰Chisha Pilato achimwamba, “Je, we kugomba na mimi? Je, we kumanya kukala mimi nina amuri ya kukufugula na nina amuri pye ya kukusulubisha?” ¹¹Jesu achijibu, “Kungaweza kukala na mutotse kwangu kala kuhewerwe kula dzulu, khwa vivyo mutu ariyenilavya kwako yuna dambi bomu.¹²Kula na jibu riri, Pilato achihenza kumuricha huru, ela Ayahudi achipiga lonzo achamba,"Ichikala undamuricha huru, uwe kumusena wa kaisari ;Chila adzihendaye kukala ni mutawali ni kunena chinyume cha kaisari." ¹³Pilato arivosikira maneno gaga, achimureha Jesu konze chisha achisagala kwenye chini cha hukumu vhatu varahu vamanyikanavo here sakafu, ela khwa Chibrania, Gabatha.¹⁴Yakala ni tsiku ya matayarisho ga pasaka, here muda wa saa sita. Pilato achiambira Ayuhudi, “Lolani mutawala wenu hiyu vhano!” ¹⁵Achipiga lonzo, “Muse,muse,musulubishe!” Pilato achiamba, “Je, nimusulubishe mutawali wenu?” Naye mubomu wa chidini achijibu, “Siswi kahuna mutawalli isivokala Kaisari.” ¹⁶Ndivho Pilato arivhomulavya Jesu mikononi mwao ili asulubishwe.¹⁷Nao achimuhala Jesu, naye achiombola , achikala yutsukula musalabawe mwenye muhadi vhatu vhaihiwako vuvura chitswa, khwa chiebrania vanaihiwa Golgotha. ¹⁸Ndivho arivhomusulubisha Jesu, vhamwenga na analume airi, mumwenga mukono wa kulume na munjine mukono wa kumotso na Jesu kahi-kahi yao.¹⁹Chisha Pilato achiandika alama na kuika dzulu ya musalaba . na vhavho vandikwa : JESU MUNAZARETI, MUTAWALI WA AYAHUDI. ²⁰Anji a Ayahudi asoma alama iyo kwani vatu vavo arivosulubishwa Jesu vhakala ni vevi na mudzi. Alama (maandishi) iyo yandikwa kwa chiebrania, kwa chirumi na kwa chiyunani.²¹Chisha abomu a vilongozi a chidini a Ayahudi achimwamba Pilato, “Usandike ,’mutawali wa Ayuhudi’ khwa kuka iye waamba mimi ni mutawali wa Ayahudi.” ²²Naye Pilato achiajibu, “ Nidzigo andika nidzigandika.”²³Baada ya ashikari kumusulubisha Jesu, ahala nguoze achizigavya mafungu mane, chila shikiri fungure, vivyo vivyo na yo kanzu,isivhokala iyo kanzu were kaishoherwe ela were yahenda fumwa yosini kula dzulu. ²⁴Chisha achambirani ," Husiritarure ela achiripigira."²⁵Ameye Jesu,nduguye wa chiche (murahawe), mariamu mukaza kleopa na Mariamu Magdalena aa were adzima vhevhi na musalaba wa Jesu. ²⁶Jesu arivhomuona ameye vhamwenga na yuyahu mwanafunzi ariyemuhenza, adzima vevi , achimwambira ameye , “We mayo , lola, mwanao hiyu vhavha!” ²⁷Chisha achimwambira yuyahu mwanafunzi,”Lola,hiyu vhano ameyo.”Kulaa vhavho yuyahu mwanafunzi, achimuhala achenda naye nyumbani kwakwe.²⁸Bada ya riro, Jesu khwa kumanya kukala gosini Gasira kuhendeka ili kutimiza maandiko, achiamba, ‘Nasikira chiru.’ ²⁹Khwa na chiya chirichokala chidzudzazwa sichi were chidzikwa vhavho , khwa vivyo achika sifongo iriyoudzala sichi dzulu ya lufiho lwa hisopo,achimwikira vo mulomoni vhakwe. ³⁰Naye Jesu arivoitata iyo, achiamba, “visira.” Chisha achizamisha chitswache, achi-ilavya rohoye.³¹Khwa virahu were ni wakati wa matayarisho, na khwa chausa miri kaihenzekaire kusala dzulu ya musalaba tsiku yasabato (kwa kukala Sabato were ni tsiku bomu), Ayahudi amuvoya Pilato kukala magulu gao arahu ariokala asuhubiwa gavunzwe, na kukala miri ya yuswe. ³²Ndivho ashikari arivokudza na kuvunza magulu ga mutu wa kwanza na wa viri ariyokala asulubiwa vhamwenga na Jesu. ³³Arivomufikira Jesu, aona kuka yudzefa kare, khwa vivyo kamuvunzire maguluge.³⁴Hata vivyo,mumwenga wa ashikari wamudunga Jesu fumo ra mbavuni,na vhavho achombola madzi na mulatso. ³⁵Naye ariyeona riri yamboza ushuhuda, na ushuhudawe ni wa jeri. Iye yunamanya kukala arichochinena ni cha jeri ili namwi pye mwamini.³⁶Mautu gaga gakala ili rirahu neno ririro nenwa ripate kutimira, “Kakuna hata musozawe mumwenga wondovunjwa.’ ³⁷Chisha andiko rinjine ni kwamba, “Andamulola iye ariyemudunga fumo.”³⁸Bada ya mautu gaga Yusufu wa Arimathaya, kwa virahu waka mwanafunzi wa Jesu , (ela wa chisirisiri) kwa kuogova Ayahudi) , wamuvoya Pilato kukala auhale mwiri wa Jesu. Naye Pilato achimuvha ruhusa. Khwa vivyo Yusufu achidza achi-usa mwiri wa Jesu. ³⁹Naye Nicodemo ariyekalavo kapindi wamutua Jesu usiku naye achidza. Iye wareha mutsanganyiko wa manemane na udi, uziho wa here ratili gana mwenga.⁴⁰Khwa vivyo achiuhala mwiri wa Jesu achiufunga kwenye sanza ya chitani na Vamwenga na garahu manukato, here irivyokala muhubi wa Ayahudi azivhavho. ⁴¹Vatu ambavo Jesu wasulubiwa, vakala na munda , ndani ya urahu munda were na vhana mbira pya iriokakala kaidzazikiriwa mutu. ⁴²Khwa vivyo, were ni siku ya matayarisho ga Ayahudi, na virahu irahu mbira were ivhevhi achimulaza Jesu mumo ndani mbira.

¹Mapema tsiku mwanzo wa juma, were dziza, Mariamu magdalena wa kudza mbirani, achiroha rirahu dziwe ridzuswa vho mbirani. ²Khwa vivyo achusa malo kwenda kwano Simoni Petro na khwa yuyahu mwanafunzi munjine ariye Jesu wamuhenza muno, chisha achimwamba,"adzimuhala Bwana vho mbirani,naswi kahumanya vhozomulaza,"³Chisha Petero na iye mwanafunzi munjine achombola kwenenda mbirani. ⁴Osini ausa malo vhamwenga ,yuyahu mwanafunzi munjine ausa malo muno vharivho Petero na achifika mbirani wa kwanza. ⁵Achiima na chisa achilola mo mbirani, achiyona irahu sanza ya kitani itsi, ela kavenyere mo ndani.⁶Chisha Simoni Petero naye achifika achivhenye mo mbira. ⁷Na irahu leso iriyokala chitswahi vhakwe were vhaivhamwenga na irahu sanza ya kitani ela were yakala itsonyani hacheye.⁸Ndivho yuyahu mwanafunzi munjine arivo injira mo mbira, achona na achamini. ⁹Khwa kukala hata uo wakti were kadzangwe kumanya mandiko kukala yahenzekana Jesu afufuke kavhiri kahiza ariofa. ¹⁰KIsha anafunzi achuya nyumbani kwao.¹¹Hata vivyo Mariamu were yudzima mbira yunarira, arivho-enderera kurira wazama chisha achitsugurira mo mbirani. ¹²Achona malaika airi enye nguo nyeruvhe asegere,mumwenga chitswahi na muyawe maguluni vhatu vharivho walazwa Jesu. ¹³Nao achimwamba," we mwanamuche ,ni khwa unarira?" naye achiamba"Ni khwa chausa adzimuhala iye Bwana wangu nami simanya kodzomwika".¹⁴Arivhomala kunena gago,achigaluka nyuma achimuona Jesu (wimire) Ela asimanye kukala were ni Jesu. ¹⁵Naye Jesu achimwamba,"Mayo khwa una ririrani? una muyeya yuvhiye?" Naye achinarira kuno achisikia(achidhania) kukala ni mulorezi wa munda , achimwamba." Bwana, ichikala ni uwe edzemuhala ,nambira kodzomwika, nami nindamusa."¹⁶Jesu achimwamba"Mariamu ,"naye achigaluka achimwamba khwa lugha ya Chibrania,"Raboni,"(yani)." ¹⁷Jesu achimwamba,"usinikuse khwa kukala sidzakwenda khwa baba. Ela enda khwa enehu ukaambire,nenenda khwa Baba ariye ni beyenu, khwa Mulungu naye ni Mulungu wa wehu." ¹⁸Mariamu magdalena achenenda na kuambira ovhoro uo anafunzi,"nidzimona Bwana ,"na kukala yudzinambira mautu gaga.¹⁹Na were nidziloni, tsiku ya mwanzo wa juma, vharahu arivhokala anafunzi, miryango ichifungwa khwa vhogora Ayahudi,Jesu atsidza na achima kahi-kahi yao, achiamba, reri ikale kwenu. ²⁰Naye arivhomarigiza kunena gago, achi-aonyesa mikonoye na mbavuge, ndivho anafunzie achihenda nyemi arivhomona Bwana wao.²¹Chisha Jesu achiambira kavhiri, reri ikale namwi .Here viraha baba arivyonihuma mimi, vivyo nami namuhuma mwimwi,” ²²Jesu arivomala kunena gago,achiavuvira achiambira,vhokeni roho mutsunyu. ²³Yoyosi endemusira dambi, yundosirwa, na yoyo endemugungira dambi, yundafungirwa."²⁴Thomaso,mumwenga wa arahu anafunzi ariyeihiwa patsa, were kavhamwenga nao kakarire na aa afuasi ayawe anafunzi ayawe vhavho Jesu arivhokudza. ²⁵Arahu anafunzi ayawe achimwambira ,"Hudzimuona Bwana"Nye achiambira kukala "ichikala sinda-ona zo alama za misumari kwenye mikonoye, na kubuma vyala vyangu kwenye zizo alama , na pye kubuma mukoho wangu kwenye yo-mbavuye mimi sinda-amini."²⁶Khwa vivyo, bada ya tsiku nane,anafunzie were achumbani kavhiri na Thomaso were yuvhamwenga nao. Jesu achidza na miryango were ifungwa, achima kahu-kahi, achamba"reri ivhale kwenu. ²⁷Chisha achimwambira Thomaso, reha cho chalacho na ulole mikono yangu; reha mukono na ubume mbavuni mwangu; wala usikale ese-amini ela aminiye."²⁸Naye Thomaso achijibu na kumwamba,”Bwana wangu na mulungu wangu.” ²⁹Jesu achimwamba, uwe , khwa kukala adzinona ,udzamini, ni baha olo ario vhaona aka-amini."³⁰Chisha Jesu wahenda ishara nyinji mbere ya anafunzie zirizo kazidza andikwa kahiza chitabu chichi, ³¹Ela zizi zandikwa ili kukala muweze kwamini kukala Jesu ndiye Kristo, mwana wa Mulungu khwa kuamini mukale na uzima kahiza dzinare.

¹Bada ya mautu gago Jesu wadzonyesa kaviri khwa anafunzie kahiza bahari ya tiberia;vivi ndivyo arivyodzonyesa mwenye. ²Simoni Petero were yu vhamwenga na Thomaso aihiwaye Patsa , Nathanieli wa kan ya Galilaya,ana a zebedayo na anafunzi anjine airi a Jesu. ³Simoni Petero achiaambira,"mino nenda nikavhue samaki"Nao achimwamba,"Siswi, naswi hundakwenda naawe"Achenenda achiinjira dauni ela usiku uo wosi vhaapatire chochosi.⁴Na chiramuko kurivokala kudzecha,Jesu waima (Kandakanda ya bahari)nao anafunzi kamanyire kukala were ni Jesu. ⁵Chisha Jesu achiuza,"anangu, muna chochosi cha kurya?"Nao achimujibu,"Kahuna ." ⁶Achiamba," Tsuyani nyavu muvhono wa kulume wa dau namwi mundapata chosi."khwa vivyo achitsuva nyavu nao kawezere kuivuha kavhiri khwa chausa cha unji wa samaki.⁷Ndivho yuyahu mwanafunzi ariye Jesu wamuhenza muno achimwamba Petero,"Ni Bwana , naye Simoni Petero arivosikira kukala ni Bwana, achidzifunga nguoye (khwa kukala were yavhuvhu , chisha achitina baharini) ⁸Arahu anafunzi anjine achidza kwenye ro dau(khwa kukala were ka kure na pwani,were inaratira nyago gana mwenga kula kanda ya bahari) nao were anavuha zo nyavu zirizokala zidzudzala samaki. ⁹Arivofika kanda ya bahari aona moho wa makala vharahu na dzuluye kuchikala kuna samaki vhamwenga na mukahe.¹⁰Jesu achiamba,”Rehani samaki achache kula khwa ao mudziovua vikara." ¹¹Ndivho Simoni Petero achikwera na kutsola irahu nyavu iriyokala idziudzala samaki abomu,chasi cha samaki; idzavhokala were ni anji , ela yo nyavu kaitokere.¹²Jesu achiamba ,”Nzoni mufungule " kakuna hata mumwenga wa anafunzi ariyemuza,"we uyuvhiye" Amanya kukala were ni Bwana. ¹³Jesu , achihala urahu mukahe,chisha achiavha achihendra dza vivyo khwa ara samaki. ¹⁴Li yakala ni kana ya hahu Jesu kundonyesa khwa anafunzie bada ya kufufuka kula khwa ariofa.¹⁵Bada ya kufungula,Jesu achimwamba Simoni Petero,"Simoni mwana ya Yohona, je, ananihenza mimi kuriko aa?" Petero achimujibu," Ndevyo Bwana,"uwe anamanya kukala nakuhenza." Jesu achimwamba risa ng'onzi angu." ¹⁶Achimwamba kana ya vhiri,"Simoni mwana wa Yona je, unanihenza?" Petero achimwona "Ndevyo Bwana uwe unamanya kukala nakuhenza.Jesu achimwamba,"tsunza ng'ozi angu."¹⁷Achimwambira kavhiri kana ya hahu,”Simoni mwana wa Yohana,je unanihenza?”Na iye petero achishononeka khwa vira arivyomuza kanaya hahu,je we unanihenza?”Naye achimwamba, ”Bwana uwe unamanya gosini,muamanya kukala nakuhenza.”Jesu achimwamba,risa ng’onzi angu. ¹⁸Achamba ninakwambira,urivokala mohoho wazowera kuvala nguo mwenye na kwenenda kokosi urikohenza ;ela undivokala mutuminya undagolosa mikonoyo ,na munjine yundakuvisha nguo na kukuvirika usikohenza kwenenda.”¹⁹Jesu wanena gaga ili kuonyesa ni chifo chani chiricho Petro angamulika Mulungu. Bada ya kukala kunena gaga, wamwambira Petero,"Nituwa".²⁰Petero wagaluka na achimona yuyahu mwanafunzi ariye Jesu wamuhenza achiatuwa,yuyu ndiye ariyekala yudzijemerera kwenye kati ni mwa Jesu wakati wa chakurya cha dziloni na kumuza," Bwana, ni yuviye endekuguza? ²¹Petero achimona iye Jesu , achimuza Jesu,"Bwana, yuno mutu yundahendadze?²²Jesu achimujibu,”ichakala ninahenza yuyu asale muhadi nindivokudza,ro rinakuhusuni?"Nituwa." ²³Khwa vivyo uvhoro uu uchitsalarika kahi ya ao ndugu,kukala mwanafunzi kandafa kamare. Ela Jesu kamwambirire Petero kukala mwanafunzi iye kafa,"kala(ichikala) ninahenza iye asale muhadi nindivokudza ganakuhusuni we?²⁴Yuyu ndiye mwanafunzi alavyaye ushuhuda wa mautu gaga, na ndiye ariye-andika mautu gaga , na hunamanya kukala ushuhuda we ni jeri. ²⁵Kuna mautu manjine manji ambago Jesu wagahenda . Kala chila mwenga ridzandikwa, nona kukala uu urimwengu wenyewe vhaundatosha kwika vyo vitabu ambavyo vinga-andikwa.