Bible

Matthew

Chapter 1

¹१) अब्राहम पुरया एने दाऊदन पुरया यीशु मसीहन कुटुम्ब।

²२) अब्राहम दोखु इसहाक पोयदा ओयु इसहाक दोखु याकुब पोयदा ओयु एने याकुब दोखु यहुदा पोयदा ओयु एने तेरा बायहे ।

³३) यहुदा ने तामार दोखु फेरस ने जहर पोयदा ओयु एने पेरेस दोखु हसोन पोयदा ओयु एने हसोन दोखु एराम पोयदा ओयु।⁴४) एराम से अम्मीनादाब ओयु एने अम्मीनादाब दोखु नहशोन पोयदा ओयु एने नहशोनदोन दोखु सलमोन पयदा ओयु ।

⁵५) सलमोन पोयदा ओयु लमोन स एने राहब दोखु बोआज पोयदा ओयु एने बोआज दखी रुत पोयदा अयी एने ओबेद दखु यिशे पोयदा ओयु।

⁶६) एने ओबेद दखु यिसो पोयदा ओयु एने यिशु दोखु दाऊद राजा पोयदा ओयु एने दाऊद दोखु सुलेमान तिनी बाई दोखु पोयदा ओयु जी पेल उरियाहन लाडी ओती ।⁷७) सुलेमान दोखु राहाब पोयदा ओयु एने राहाब दोखु अबियाह पोयदा ओयु एने अबियाह दोखु आसा पोयदा ओयु।

⁸८) आसा दोखु यहशापात पोयदा ओयु एने यहशापात दोखु याराम पोयदा ओयु एने याराम दोखु उजियाह पोयदा ओयु।⁹९) उजियाहा दोखु यातम पोयदा ओयु एने यातम दोखु आहान पोयदा ओयु एने आहान दोखु हिचिकिया पोयदा ओयु।

¹⁰१०) हिचिकिया दोखु मनसे पोयदा ओयु एने मनसे दोखु आमोन पोयदा ओयु एने आमोन दोखु मोन पोयदा ओयु मोन दोखु योशियाह पोयदा ओयु ।

¹¹११) एने गुलाम ओयीन बाबुल जाने समय मा योशियाह दोखु यकुन्याह एने तेरा बायहे पोयदा ओया ।¹²१२) गुलामी होईन बाबुल पुचाडने ओवते याकून्यान दोखु सालतीयेल पोयदा ओयु एने सालतीयेल दोखु जेरुब्बाबेल पोयदा ओयु ।

¹³१३) जेरुब्बाबेल दोखु ओबीहुदोन पोयदा ओयु ओबीहुदोन दोखु अलियाकिमोन पोयदा ओयु एने एलियाकिमोन दोखु आजोरोन पोयदा ओयु आजोरोन दोखु सादोकोन पोयदा ओयु । ¹⁴१४) आजोरोन दोखु सादोकोन पोयदा ओयु सादोक दोखु आखिम पोयदा ओयु एने आखिम दोखु एलियुदोन पोयदा ओयु।¹⁵१५) एलियुदोन दोखु एलियाजेरोन पोयदा ओयु एलियाजेरोन दोखु मन्तान पोयदा ओयु एने मन्तान दोखु याकुब पोयदा ओयु।

¹⁶१६) याकूब दोखु युसुफ पोयदा च्यु मरियमन माटी ओतु एने मरियम दखु यीशु पोयदा ओयु च्यू मसीह कवायु ल। ¹⁷१७) ब्राहाम दखू दाऊद दोखी चोवदा पीडी ओयी एने दाऊद दोखु बाबुल गुलाम बोनीन गयु ताहालोगोन चोवदा पीडी ओयी एने गुलाम बाबुल मा पुच्याडने ओवता उंजु एक पीडी मसीह तक चोवदा पीडी ओयी यीशु मसीहन जन्म ।¹⁸१८) एवी यीशु मोसी ने जन्मो एहे ओयलो तेरी आयी मोरियमोन युसफो हाते जुडावणी ओय रोयी अति पुणे तिदरु वियाव ओयणेन पेल यी पोवित्र जीव आत्मान ताकोतमा पेटो हाये ओय गोयली ।

¹⁹१९) तेरु गोरवावु युसुफ धोरमी माणुह ओयु एने तीनही बदनाम नी कोरने नी हुन्तोतु कोरीन च्यु तिनिही ठावकुज सुड देणेन विचार कोरतोतु ।²⁰२०) जेतार च्यु ईन वातोपोर विचार कोरतोतु तेतार एक पोरबुन सोरगदुत तीनाह हीवणमा देखायु च्यु राजान गोरणान से कोयु ए युसुफ तु दावुद राजान गोरणान से तु तारी लाडी मोरियमोह तोहोपाहा लावणे मा बिहे काहाके च्यो तेर पेटोमा से च्यो पोवित्र जीव आत्मान ताकोतमा ओयलो से।

²¹२१) ची पुयाह पोयदा कोरहे एने तेरो नाव यीशु पाडजी काहा की च्यु आपणा माणहोन तिदरा पापमा दोखु वाचाडहे ।²²२२) यो एरेन कोरता ओय की ज्यो वचन पोरबुन बोवीस्य कोयणार दोय कोयने मा आवल ओत च्यो पुरो ओय गोय ।

²³२३ ) देखु एक सोवडी सुरी उगली रोयहे एने एक पुरयु जोनमो आपहे एने तेरी नाव ईम्मानुएल मेलनेम मा आवहे ,एने तेरो मोतलोब बोगवान आपु हाते से।²⁴२४) तेतार युसुफ हुवीन उठीन पोरबुन सोरगदुत जेहे कोयलु तेहेज ज्यो च्यु तेरी लाडीह तेर गोर लाव्यु । ²⁵२५) एने ताहलोगोण ची पुरयो नी जोनमो अयो ताहालोगोण च्यु तिनी हाते नी गोयु एने च्यु तेरो नाव यीशु पाडयु ।

Chapter 2

¹१) हेरोदेस राजा दिहोमा जेतार यहुदिया ने बेतलेहेम गावमा यीशु पोयदा ओयु तेतार पु उगोवडीखेर दोखा। तारा मोंडलोन निस्याणी देखीन जाणनारा माणहे येरूसलेम सेहर मा आव्या

²२) यहुदिया ने राजान तेरो जोनम कहारी से कोरीन आमु उगोवडी खेर तारु देखलासे ,एने आमु तीनाहा वोदणे आवलो से।

³३) यो होंब्यू ते हेरोदेस राजा एने तेर हाते आखा यरुसलेम गाबरी गोया ।⁴४) एने च्यु माणह आखा डायला पुजारा एने नेम हिकाडनारा आखानुह इखठा कोरीन तिनुह फुस्या मोसीन जोनम काहरी ओयणु जुवे।

⁵५) एने च्या कोया यहुदिया ने बेतलेहेम मा काहाकी बोविस्य कोयणारु दोखु लिखा गोयो से । ⁶६) ए बेतलहम सेहर तु यहुदिया जिलमा काल्लो बी मोटला सेहर दोखो तु आयतो निबे काहाके ताराम दोखु एक राजा पोयदा ओयीन निकीविह एने चु इसरायेल जातिन माणहोन गुवावी कोरहे ।⁷७) तेतार हेरोदेस बोविस्य कोयणारा चुराये हादाडीन तिनुह फुसततु खोरा तुमुह केतार तारुदेखायलु ओतु । ⁸८) ओवेते च्यु योकोयीन तिनुह बेतलहेम मुकल्यु जायीन पुरयो ने बारामा तोपासजु एने च्यु तुमुह सापडी जाहे तेतार मेहे बी कोयजु मोग मी बी जायीह एने तिनाहा वोदीही ।⁹९) च्या राजन वात होबविन जाती रोया एने च्यु तारु च्या उगोवणीखेर देखला ओता एने च्यु तीदंरे ओगव ओगव चाल्यु एने चाहरी पुरयो ओतु तीना जागपर उबरोयगोयु। ¹⁰१०) तिना ताराह देखीन च्या खुब खुस ओय गोयला ।¹¹११) य़वता तिनी गोरमा जायीन तिनी आयतला बावहा तेरी आयी मोरियमो हाते देख्या ओवता च्या पाया पोडीन वोंदया एने ओवता तिंदरा थोयला उगाडीन मोंगा चीजे काडया हुनो एने लोबान एने मुर नावोन अत्तोर बेट आप्या । ¹²१२) बोगवान तीनुह हीवणामा चेतावानी आयु तुमु फोसा हेरोदेस राजा पाहा जुण जाता कोरीन च्या दिहरी वार दोरीन तिदरा देसोमा जात रोया ।¹³१३) तिनहु जानने बाद मा बोगवान एक सोरगदुत हीवणामा देखायु युसुफोह कोयु उठ पुरयाह एने तेरी आईह लिन मिसर देस माह जा एने मी फोसु आव कोयो ताहलोगोण च्याहरीज रोयजी काहाके हेरोदेस राजा सिपायडा नुह लागाडीन पुरयाह मारने हुदहे। ¹⁴१४) चु रातोम रात उठयु पुरया एने पुरयान आयीही लिन मिसर देस जाणे वाटे लाग गोयु ,चा हेरोदस राजा मोरयु ताहालोगोण चाहरीज रोया कोरीन च्यो वचन ज्यो बोगवान बोविस्य कोयणारा दोखो कोयलु च्यो पुरो ओये मी पुरयाहा मिसरोमा दोखु हादयु ।

¹⁵१५)हेरोदेस राजा मोरयु तांहालोगण च्यांहरीज रोया!वारूज सालोन पेल पोरबु बोगवान बोवीस्य कोयणारा होसेह लागाडीन कोयु,मी मार पुरयाह मीसर देस दोखु फोसु आवणे हादलु,यी वात पुरी ओयणेन कोरता इनसेहे ओयलो से?¹⁶१६) जेतार हेरोदेस यो देखु की बोविस्य कोयणारा मेहे हाते दोकू कोरला से ,तेतार चु खुब सेताप चोड गोयु एने माणहे मुकलिन बोविस्य कोयणारा खोरी खोरी पुसतास कोरयु कोरणे टेमोन बोराबोर बेतलेहेम एने तेरे हातेल्ला गावमा मुकल्यु एने च्या जायीन दुय सालो दोखा कोम वोयोन जोतरा पुरया ओता तीनु आखानुह मार नाख्या ।¹⁷१७) तेतार च्यो वचन यिरमयाह बोविस्य कोयणाराह लागाडीन ज्यो काय कोयलु ओतु च्यो पुरो ओयो ।

¹⁸१८) रामा नेवती नेवतिन रोडणेन आवाज रामा सेहर दोखु होबायु माणहे खुब दुखोमा रोडतला राहेल तेर पुरयान कोरता रोडने बाज रोयीह एने ठावकी नी रोय सोकतोती काहाके तेरा पुरया मोर गोयला ।¹⁹१९) राजा हेरोदेस मोरनेन बादमा पोरबुन दुत मिसरोमा युसुफोह हीवणामा देखायीन कोयु । ²⁰२०) उठ पुरया एने तेरी आयीही लिन फोसु इसरायेल देसोमा जा काहके च्या तार पुरयाह जीव लेणे हुतोता च्या मोर गोयला से। ²¹२१) चु उठयु एने पुरयाह एने पुरयाने आयीह हाते लिन इस्राएल देसोमा आव लाग्या ।²²२२) पुण युसुफ होब्यू के हेरोदेसोन बादमा तेरे पुरयु ओरखिलावुस येहूदिया जिलामा राज कोरेने बाज रोयुह कोरीन च्यु च्याहरी फोसु जाणे बिही तोतु ओवतु फोसु एकवार सोरगदुत तिनिहा हीवणामा कोयु तु येहुदिया जिलामा जुण जातु कोरीन युसुफ गोलील जीलामा जात रोयु ।

²³२३) एने नासरेत सेहरोमा वोह गोया काहाकी च्यो वचन पुरो ओये बोविस्य कोयणारा दोखु कोयणे मा आवलो ओत च्यु नासरी कोयहे ।

Chapter 3

¹१) तीना दिहोमा बपतिस्मा आपणारु युहन्ना आवीन यहुदिया ने उजाडी यो पोरचार कोरने बाज गोयु ।

²२) मोन फिरावु काहाके सोरगोने राज हाते आव लागलो से।

³३) यु च्यु से तेरा बारा मा यसायहोह लागाडीन कोयु ओतु उजाडी मा एक आयेडनेन आवाज आवेह पोरबु वाट तीयार कोरु तेर कोरता वाट होव्वी कोरु ।⁴४) युहन्ना ऊटडान जुटा कोरीन बोणावला लुगडा पेरतोतु एने कोडच्यामा चामडान पोटुट बांदतोतु एने च्यु टिइया ने एने जोगलो मायला मोव खातोतु । ⁵५) तेतार येरुशलम सेहर दोखा एने आखा यहुदियान जीलाम दोखा एने योरदोन खुदरान आहने पाहनेन खुब माणहे युहन्ना पाह उजाडी जागामा आव्या । ⁶६) एने तीदरा सोतान पापे कोबलीन योरदोन खुदरामा बपतिस्मा लेदया ।⁷७) जेतार युहन्ना वारुज फारीसी एने सोदुकी हो तिनापाह बपतिस्मा लेणे आवतला देख्यु ते च्यु तीनुह कोयु हे गोडहाना पीला तुमुह कुण चेतावणी आण्यु की आवणेवावु डोड दोखा नी आवे । ⁸८) ते मोन फिराव्या कोरीन हाजो फोल लावु

⁹९) एने अपाना मोन मा यो मा विचार कोरु आमरु बाबु अबराहाम से काहाके मी तुमुह कोयतलु से बोगवान इना दोगडा मा दोखु अबराहाम कोरता पुरयु उबजाड सोकतुल से ।¹⁰१०) एवी जाडोन मुवाडापोर कुराड तियारिमा से ज्यो जाड हाजा फोव निआपे तीन जाडाहे तुडीन आगठामा नाख देतलु तोहलो बोगवान बी तुमुह डोड आपहे । ¹¹११) मी पाणी कोरीन तुमुह मोन फिरावने बपतिस्मा आपतलु से पुण च्यु एक मार फोसाव आवणेवालु से च्यु मेहे दोखु खुब ताकोतवावु से मी ते तेरा चाटया काडणेन लायक निमले च्यु तुमुह पोवित्र जीव आत्मा एने आगठा कोरीन बपतिस्मा आपहे । ¹²(१२) हुपडो तेरा हात मासे एने च्यु तेरा खलिहान हाजी हुते साफ कोरहे एने गोवोह मुटीम मेक देहे पुण कुटारोह होलगाड देहे ची उलवाये नी।¹³(१३) तीने टेमे यीशु गोलील जीला सुडीन योरदन खुदराम मेरे युहन्ना पाह बपतिस्मा लेणे कोरीन आयु । ¹⁴(१४) पुण युहन्ना यीशुह रुकणे बाज गोयु मेहे तारे हाते कोरिन बपतिस्मा लेणे जोरुडी से एने तु मारे हाते आवलु से।

¹⁵(१५) पुण यीशु तिनाह कोयु एवी ते ओहलो ओयणे दे काहा की आमुह इनी रीति दोखु आखो दोरमोन काम पुरो कोरणु से एने च्यु तेरी वात मान्यु ।¹⁶(१६) एने यीशु बपतिस्मा लिन पाणीम दोखु निकवीन बारथे आव्यु तेतारुज सोरग उगडीयो एने च्यु बोगवान ने आत्मा पेरवान होस नेचो उतोरतो एने तेर पोर आवतलो देखु । ¹⁷१७) ओवते बोगवान सोरगोमा दोखो कोयु च्यु मार मोंगावु पुरयु से इना देखु मी खुब खुस से ।

Chapter 4

¹१) तेतार तिने पोवीत्र आत्मा यीसुहु उजाडी जागामा ली गोयी काहाके बुतडु तिना फारोकणु जुवे । ²२) च्यु चाविही दिही एने चाविही रात उपास पावतोलु तेतार तिनाहा बुख लागली ओती । ³३) तेतार फारकणारु हाते आवीन तिनहा कोयु जोर तु बोगवान ने पुरयु से इना दोगडाहा रुटु बोणनेन हुकुम आप । ⁴४) यीशु तीनहा कोयु लिखोलो से माणहु रुटु खायलीन ओतरुज नि जीवतु रोये पुण एकेक बुल दोखु ज्यो बोगवानो मुयोमा दोखों निकोवतलो से जीवतोलु रोयहे।⁵५) तेतार बुतडु यरुशलेमन पोवीत्र सेहरोमा लिगोयु एने मोदीर ने सिगापोर लीजायीन उबराख्यु ।

⁶६) तिनहा कोयु जोर तु बोगवानोन पुरयु से ते याहरी दोखो तारे तारे नेचु कुद जा काहाके बोगवान पावीन्न पुस्तोकोमा एहे लेखाय रोयोह च्यु तारा बारा मा तेरा सोरगदुतोह हुकुम आपहे एने च्या तिनाहा आथोपोर झेल लेहे ।⁷७) यीशु बुतडाहा कोयु योबी लेखलो से तु तारा पोरबु बोगवानोह फारके मा । ⁸८) ओवतु बुतडु यीसुह एक खुब उचा बोयडान सोगी पर ली गोयु एने कोवीन आखा राज कोतरा मोटो एने कोतरा हाजा से कोरीन देखाडयु ।

⁹९) बुतडु यीसुह कोयु जोर तु मारा पाया पोडीन मेहे वोंदहे ते मि यो आखो तोहो आप दीही ।¹⁰१०) पुण यीसु तिनहु कोयु बुतडु याहरी दोखु सेटु ओयजा काहा की लेखलो से तु तार पोरबु बोगवान पाया पाठिन वोदया कोर एने तेरी ओतरीज सेवा कोरया कोर । ¹¹११) तेतार बुतडु हाते दोखु जात रोयु लोगेच सोरगदुते आवीन तेरी सेवा चाकरी कोरने बाज गोयला ।¹²१२) तेतार यीसु चो होब्यु की युहन्ना जेलोमा नाख देल्लु ते च्यु गोलील जिलामा जात रोयु । ¹³१३) एने च्यु नाजरत गाव सुडीन कोफरनाहुम सेहर च्यो दोरीयान मेरेन सेहर ओतो एने नोफताली च्याहरी जायीन रोयणे बाज गोयु ।¹⁴१४) काहा की च्यो येसायहा बोगवान बोविस्य कोयणारु कोयने मा आवोल ओतु च्यो पुरो ओयो। ¹⁵१५) जोबुलुन एने नोफतालीन दोरीयान मेरे योरदोन हाते बिगुर योहदी वावा गोलीलमा रोयतोत । ¹⁶१६) च्या आंदारलामा रोयणारा माणहे मोटो उच्यावो देख्या च्या माणहे मोतोन साव्वामा रोयतोता तीनु पोर उज्यावा पोडयो ।¹⁷१७) तेवी दोखु यीसु पोरचार कोरणे एने यो कोयणे सुरुवात कोरयु मोन फिरावु काहा के सोरगोन राज हाते आवलागलु से।¹⁸१८) यीसु गोलील दोरीयान मेरे जातोतु तेतार च्यु दुयु जोणोह देख्यु च्या दुय बायहे ओता तीनुमा एक सिमोन तिनाह पोतरस कोयतला एने तेरबायह आदरियाम च्या दोरीयामा जाव नाखतला देख्यु काहाके च्या बुवटा ओता ।

¹⁹१९) यीसु तिनुह कोयु मार फोसोव चालु तेमी तुमहु माणहोह दोरोणे वाला बोणाविही । ²⁰२०) लोगेज तिदरी जाव सुडीन यीसुन फोसोव चाल पोडया ।²¹२१) च्याहरी दोखु ओगोव जायीन उजु दुय जोहणो देख्यु च्या बी दुय बायहे ओता तिदरा नाव याकुब एने युहन्ना एने तिदरा बाबान नाव जोबदी ओतो च्या डुडयामा तिदरा बाबा हाते नावोह थीगवु लागाडने बाज रोया ओता तेतार यीसु तिनुह बी तेरे हाते हादयु । ²²२२) च्या लोगेज डुड्रयो एने तिदरो बाबाह सुडीन यीसुन फोसोव चाल पोडया ।²³२३) एने यीसु बोठे गलील मा फिरतु पोरचार करतु जायीन तिंदरा बोक्तीन गोरम वातु देखाडतु एने बोगवानोन राजोन बारमायली हाजी पोरचार कोरतलु एने माणहोन कोहली बी बीमारी हाजु करतु रयु । ²⁴२४) एने बोठा सीरीया देश मा तेरी वातफेली गयी एने बोठा बीमारोह तिनद्री कोहली बी बीमारी मा च्या ओये एने जिनुमा खोराब आत्मा ओती एने ज्या मीरगी वाला ऐने लोखवा बेमारी वावाह तिना हाते लाव्या एने च्यु तिनुह हाजु करयु ‌। ²⁵२५) एने गोलील , दिखापुलिस यरुशलेम येहुदी एने यरदनोन पोली मेरे टुवु तेर फोसोव साल पोडया

Chapter 5

¹१) च्यु इन गोरदीह देखीन बोयडापोर चोड गोयु ,एने तेतार बोठयु ते तेरा चेला तीनाहाते आव्या । ²२) एने च्यु तीनुह हिकाड ने बाज गोयु ।

³३) किसमतवाला से च्यो मोनोमा निचोव्वा रोयहे काहाके सोरगोन राज तिदरोज से। ⁴४) किस्मतवाला से च्या माणहे दुखोमा रोयतला काहा के तीनुह शांति आपहे ।⁵५) किस्मतवाला से च्या माणहे हुव्वावु वेवार कोरतला काहाके तीनुह आखी दोरतीपोर होक आपहे ।

⁶६) से च्या दोरमोन काम कोरता बुखला एने तिहला से काहाके आफरी जायहे । ⁷७) किस्मतवाला से खुब किवातासे काहाके तीनु पर कीव कारहे ।

⁸८) किस्मतवाला से जिदरो मोन चुखलो से काहाके च्या बोगवान देख होत ।⁹९) किस्मतवाला से च्या माणहे दोहराह मोवाप कोरावतला काहाके च्या बोगवान पुरया कोवायहे । ¹⁰१०) किस्मतवाला से च्या माणहे दोरमी काम कोरतला कोरीन दिहरा तीनुह सोताडतला काहाके सोरगोन राज तिंदरोज से।¹¹११) किस्मतवाला से तेतार माणहे मारा चेला से कोरीन तुमरी नाव बोदी कोरे एने तुमुह सोतोड एने तुमरा बारामा आखी बातीन ठोगीन गुनु लागाडहे ।

¹²१२) तुमु खुस ओयणु जुवे काहाके तुमरे कोरता सोरगोमा मोटो आसिरवाद आपहे कोरीन च्या तीनु बोविस्य कोयणारा वारु सालोन पेल इनी रीती सोताडनारा ओता ।¹³१३) तुमु खारान होस से पुण खारान होवाद बिगडी जाये ते काल्ला चीजो कोरीन फोसो खारोचो कोर सोकतला एने कायिज फायदाना नी रोये कोरीन तीनाहा बारथे नाख देहे एने च्यो माणहोन पायोमा सेदाय जाहे ।

¹⁴१४) तुमु कोविन उज्यावो से बोयडा पोर वोहलो सेहर लिकाये नि।¹⁵१५) एने माणहे दिवु लागाडीन तीनाहा पाली बुंदे नि मेकतला बाकीन तिनहा खुलाम मेक होत तेतारुज गोरमायला आखनुह उज्यावो पुचहे ।

¹⁶१६) तेहेज तुमु उज्यावो माणहोन अगोव उज्यावो चोंमकोणु जुवे च्या तेतार तुमोरो हाजो काम देखीन तुमरु बोगवान च्यु सोरगोमा से तेरी बोडायी कोरहोत ।¹⁷१७) एहे मा सोमजु मी मुसान नेमोन नि ते बोवीस्य कोयणारा हिकोह नास कोरने आवलु से नास कोरने नि पुण पुरो कोरने आवलु से।

¹⁸१८) मी तुमुह खोराखोर कोयोह के सोरग एने दोरती नास ओये ती बी बोगवानोन नेमो मायलु एकेक मातरु एने टिंबु बी नासनी ओयु ।¹⁹१९) कोरीन च्यु कुण बोगवानोन नेमो मायली आयती आयती वातोह बी नी माने एनी दिहरा माणहोह बी तोहलोज कोरीन हिकाडे ते बोगवान तिनाहा सोरग राजमा आखा दोखु आयतु गीणाहे पुण च्यु कुण इन नेमोह माने एने दिहराह बी ओहलो मानीन चालने हिकाडे च्यु सोरगोन राजोमा मोटु कोवायहे ।

²⁰२०) काहाके मी तुमुह कोयतलु के फारीसी पोंथवाला एने यहुदी नेम हीकाडनार मानहो दोखा नि रोयहे ते तुमु सोरग राजा मार्ग कोदी नि जाय सोकतला ।²¹२१) तुमु होंबी रोयाह के पेल्ला डाय डाया कोयला ओता के खुन जुण कोरता एने जु कुण खुन कोरतलु चु कूरटामा डोंड जुडनेन लायक रोयहे ।

²²२२) पुण मी तुमुह यो कोयतलु जोर तुमु सोतान बायहो पोर उदुडुज खोत कोरे ते तुमु कूरटामा डोंड जुडनेन लायक से एने जोर तुमु सोतन बायहो बिगुर कामोन से कोयहे ते तुमु पोंचुमा डोंड जुडनेन लायक से एने जोर तुमु सोतान बायहोह ए गांडा कोये ते तुमु नोरको मा आटठामा नाखनेण लायक रोयहे ।²³२३) कोरीन जोर बगवानोह बादा चोडावणोन उटला पोर तार बेट चोडावनेन आवे ते । ²⁴२४) कोरीन बादा चोडावनेन उटलान ओगोव तारो दान मेकीन पेल तार बायहो हाते हाजु ओय जाजी एने ओवतु फोसु आविन तार बेट सोडावजी ।²⁵२५) जहा लोगन तु तारा विरुदहोत वाटा मासे तिनाह हाते जोलदी मेवाप कोरले काहा की ओहला नि ओयजानु के विरुद्ध कोरनारु ओहलो नियम कोरता पाह होपहे एने नियाव कोरनारु तोहो सिपायडा पाह एने सिपायडा तोह कुंडवाडाम कुंड देहे । ²⁶२६) मी तोहो खोरो खोर कोयतलु जहा लोगोण तु कोवडी कोवडी रुपाय नि बोरे ताह लोगोण तु कुडवाडा मा दोखु कोदी नि सुट सोके।²⁷२७) तुमु एहे कोयला होंबी रोयाह के सीनावो जुण कोरता।

²⁸२८) पुण एवी मी तुमु कोयु के ज्यु कुण काल्ली बी बायीह खोराब नोजर दोखु बावे ते तेर मोनमा तिनिहाते सीनाओ कोर लेदयु कोवाय।²⁹२९) कोरीन जोर तारु जेवडु डुवु पाप कोरावतलु ते काडीन नाख देजी काहाके तार कोरता हाजो से की तार ओगो मायलु एक डुव नास ओय जायहे एने तार आखो डिल नोरकोमा नाखायणे जायहे । ³⁰३०) जोर तारु जेवडु आथ तोहो पाप कोरावतलु ते तुडीन नाख दे काहाके तार कोरता हाजो से की तार ओगो मायलु एक आथ नास ओय जायहे एने तार आखो डील नोरकोमा नाखाय जायहे ।³¹३१) यो बी कोयलो ओतो च्यु कुण तेर लाडीह सुड देतलु ते च्यु तिनीही मुडनेन चिटठी आपणुज पोडहे ³²।३२) पुण मी एवी तुमुह कोयतलु च्यु कुण तेर लाडीह च्यी सिनावो कोरली कोरनी सुडीन दीहरी काय बी वात देखाडीन वियाव मुडे ते च्यु तिनिही सिनावो कोरावणारु गुनावालु गीणायहे एने ज्यु कुण तीन नीकवली बायीहाते वीयाव कोरे ते च्यु बी सिनावो कोर लेदलु ऐह मोतलोब आवहे ।³³३३) पुण तुमु होबी रोयाहा के पेल्ला माणहे कोयला ओता यो ठोग सोप्पत जुण खाता पुण बोगवान कोरता तारी सोप्पत पुरी कोरजी ।

³⁴३४) पुण तुमुह यो कोयतलु से कोदी बी सोप्पत जुण खाता नि ते सोरगोन काहाके च्यो बोगवानोन राजगादी से।

³⁵३५) दोरतीन नवोमा सोप्पत जुण खात,काहाके च्यी तेर पाय मेकणेन जागु से नीते येरुसलेमोन काहाके च्यो मोटलो राजान सेहर से ।³⁶३६) तारा मुडोकोन बी सोप्पत जुण खातु काहाके तु एक जुटा बी बल्लु नी ते काव्वु नी कोर सोकतलु ।

³⁷३७) पुण तुमोरी वात होव ते होव नी ते नी कोयणु काहाके इना दोखो वोडीन ओयतलो से च्यो बुराई दोखो ओयतलो से।³⁸३८) तुमु होंबी रोयोहा के डुवान बोदले डुवु एने दातोन बोदले दात ।

³⁹३९) पुण मी तुमु यो कोयतलु से कुण बी तार विरुद्ध कोरे तेर विरुद्ध तु जुण उबरोयतु तोर कुण तार जेवडा गालोपोर थापुड देये ते तिनाखेर दिहरु गाल बी होबु कोर देजी ।⁴⁰४०) एने कुणु बी तारो पोर कुरटामा लिजायीन गुनु लागाडीन तारो डोगलो साडाडने हुदे ते तिनाहा तार कुट बी लीलेणे देजी ।

⁴¹४१) एने तोर कुण बी तोहो एक किलुमीटर सेटु उचलीन तेर सोमान ली जाणे लागाडे ते तु दोयु किलोमीटर ली जाजी । ⁴²४२) ज्यो कुण बी तोहो पोर मोंग तीनाहा आपजी एने कुण बी तोहो पोर उसनों मागे तिनाहा मी नि आपतु एहे मा कोये ।⁴³४३) तुमु होबी रोयाहा के से तुमय दुस्तीहाते मोंग कोरु एने तुमरा दुस्मोनोह विरुद्ध कोरु । ⁴⁴४४) मी तुमुह यो कोयतलु से तुमरा दुस्मोनोह मोग कोरु एने ज्या तुमुह सोताडतला तिदरे कोरता पोरथना कोरु ।

⁴⁵४५) कोरनेमा तुमु सोरग मायला बाबान पुरया बोण जाहोत काहाके च्यु हाजा एने खोराब दुयोपोर तेरु दिहीन उज्योड उगाडतलु ,एने दोरमी काम कोरनारा एने पापोन काम कोरनारा दुयो पोर बी पाणी पाडतलु ।⁴⁶४६) काहाके तुम तुमरा पोर मोंग कोरनेवालाह तीनुहुज तुमु मोंग कोरे ते तुमरे कोरता कायबी फायदु नि बे फावु दुवु कोरनारा माणहे बी ओहलोज कोरतला ने । ⁴⁷४७) एने तुमु तुमरा बायहे नमोसकार कोरहे ते काल्ला मोटो काम कोरतलु से बिगुर यहुदीवावा बी ते एहे कोरतला ने। ⁴⁸४८) तुमु पुरान पुरा राजा सोबावोन बोण जेहे तुमरु सोरग मायलु बाबु बी पुरुन पुरु हाजु सोबावोन से।

Chapter 6

¹१) सोमावीन रोयु तुमु माणहे देखाडने कोरता दोरमीन ने काम मा कोरु निते तुमु सोरग मायला दोखु कायबी नी फोव जुडहे ²।२) कोरीन जेतार तु दान कोरहे ते दिहरान ओगोव जुण आपतु डोंगडावा माणहे बी एहे कोरतला गोरीब मानहोह काय बी दान कोरनु आयेते च्या येहुदीन बोक्तीन गोरमा एने गोलीमा पेपरयो वाजाडतला होस आपला काहाके माणहे तिदरी लेडाथी कारनेन कोरता रहे कोरतला मी तुमुह खोराखोर कोयोह के बोगवान तिनुह कायिज आसीरवाद न आपे काहाके तिनुह तिदरो फोव जुड गोयलो से।³३) पुण जेतार तु दान कोरहे ते तार जेवडु आथ काय आपतलु च्यो तारा डाखरया आथोह लोगोण मालुम नि पोडनु जुवे तोहलो आपजी।

⁴४) तारो दान कुणीह बी मालुम नि पोडने जुवे एने तेतार तारु बाबु देखतलु से तोहे आसीरवाद आपेह ।⁵५) एने जेतार तु पोरथना कोरहे डोंगडा कोरनारान होस नि जुवे काहाके माणहो देखाडने कोरता यहुदीन बोकतीन गोरमा एने वाटोन च्यार फाटापोर ऊबोरोयीन पोरथना कोरने तीनुहु पोटतलो से मी तुमुहु खोराखोर कोयोह की च्या तिदरो फोव जुड गोयो । ⁶६) पुण जेतार तु पोरथना कोरहे ते तार गोरमा एखलु जा एने जुपु लागाडीन तार बाह बोगवान ठावुक पोरथना कोर एने तेतार तारु बाह च्यु लिकायली आखी वातोह जावनारु से च्यु तोहो आसीरवाद आपहे । ⁷७) कोरेन टाईममा दुहरा जातिन होस बोडो बोडो जुण कोरता काहाके च्या सोमजतला के च्या खुब नंबी पोरथना कोरतला तिनामा तिंदरी पोरथना होंबी लेतलु ।⁸८) कोरीन तिदरे होस तुमु पोरथना जुण कोरता काहाके तुमुरु बाह तुमुह मागणने पेलेन जाणतलु से तुमुह काय काय जुवे । ⁹९) तुमु इनसेह पोरथना कोरजु ए आमरा बाबा तु ज्यु सोरगमा से तारो नाव पोवित्र मानाये ।

¹⁰१०) राज आवे तारी इस्या जेहे सोरगोन पुरी आयतली तेहेन दोरती पोर बी ओयणु जुवे ।¹¹११) दाडिन आमुह जुवे तोतरो खाणे आज आमुह आप ।

¹²१२) एने जेहे आमरे विरुद्ध पाप कोरनारह आमु माफ कोरला तेहेज तु भी आमरा गुना माफ कोर । ¹³१३) एने जेहे आमुह फारके आवे ते पापोम दोखु आमुह वाचाड काहेके राज ताकोत एने मोहिमा होमेस्या तारीज से आमीन ।¹⁴१४) कोरीन जोर माणहे तुमरे विरुद्ध पाप कोरतला ते तिनुह तुमु माफ कोरे तेतारुज सोरग मायलु बाबु बी तुमुह माफ कोरहे ।

¹⁵१५) एने जोर तुमु माणहोन गुनु माफ नि कोरे ते तुमुरु बाबु बी तुमरु गुनु माफ नि कोरे ।¹⁶१६) जेतार तुमु उपवास पावे ते डोंगडा करनारान होस तुमरो मुय उतरलो जुण देखाडता काहाके च्या तिंनद्रो मुय उतरलो देखाडतला जुण उपास मा से सोमजनु जुवे मी तुमुह खोराखोर कोयतलु के तिनुह फोव जुड गोयलो से ।

¹⁷१७) पुण जेतार तु उपवास पावे ते तारा मुय दुविन तार मुंडोपोर तेल छुपोडिजी । ¹⁸१८) माणहे नी पुण तारु बाबु ज्यु सोरगोमा से तु लीकायीन काय कोरतलु चो आखो देखनारु से तीनाह सुडिन कुणी ही बी मालुम नी पोडे एने चु खोराखोर तोहो फोव आपहे ।¹⁹१९)। सोताह कोरता दोरतीपोर खुब मोंगो मालदोन हेंगावु मा दोरती पोर ते उदाय खाय जाहे एने जोग लागीन नास ओय जांहे एने चुटटा माणहे बीतडो फुडीन चुर लेहे । ²⁰२०) पुण तुमरे कोरता सोरगोमा दोन टुवु कोरु चाहरी नि ते उदाय खाये नि ते जोंग लागीन सोत्यानास ओए एने चुटटा माणहे बीतडा फुडीन कायनी नी चुर सोके ,काहाके ज्याहारी तुमरो मालदोन से चाहरी तुमरो मोन बी रोयहे । ²¹२१) सोतान कोरता दोरती पोर मालदोन हे गाव मा दोरती पोर ते उदाय खाय जाहे एने जोग लागीन नास ओय जायहे एने चुटटा मानडहे बी तेरा फुडीन चुर लेहे।²²२२) तारा डुवा तार डीलोन दीवान होह से जोर तारु डुवु हाजु रोय ते तारो आखो डील बी उज्यावो रोयहे ।

²³२३) पुण जोर तार डुवा खोराब कामो दोखा बोरला रोये ते तारो आखो डील बी आंदारलामा रोयहे कोरीन ताराजीव आत्मा मा दीवान होस तार डुवा से जोर डुवु आंदवु ओये ते च्यो आंधारो कोतरो आंदरोदुप रोयहे ।

²⁴२४) हाते मिविन रोयहे एने दिहरान नेचो समोजहे तुमु बोगवान एने मालदोनोन दुयोन सेवा नि कोर सोकतला ।²⁵२५) कोरीन मी तुमुह कायो के तुमरो जीवोन करता फिकुर जुण कोरता आमु काय खाहु एने काय पीहु एने आपणा डीलोन कोरता काय पेरहु काय तुमरु जीव खाणा दोखु एने डीलने लुगडा दोखो खुब खास से ।

²⁶२६) वादवामा उडनारा चिढा बावजु च उरतला नि कोमवतला बी नि एने चा मुटिमा दाना टुवु बी नी कोरतला टी बी सोरगोमा रोयणारु बोगवान तीनुहु खाणो खवाडतेलु एने तुमु छिडा दोखा बोगवान नोजरोमा तुमु खुब मोंगा से।²⁷२७) तुमु कुण से चा चिंता कोरनेमा तुमु तुमरी जीवाय ओतरीक बी बोडाव नि सोकतला । ²⁸२८) एने लुगडान कोरता तुमु चिंता मा कोरु खोतोमा फुले केहेक उगतला विचार कोरीन बावजु च्या मेहनोत बी नी कोरतला एने तिंदरे कोरता लुगडा बी नी बोनावतला । ²⁹२९) ते बी मी तुमुह कोयतलु के सुलेमान खुब मोटु राजा खुब हाजा घर मा रोयतलु ती बी तीनह फुलोन होस लुगडा परीन होबातु नी बोणवायु ।³⁰३०) कोरीन जेतार बोगवान दोरती पोरलो खडहो ज्यो आज से एने हुक जायीन आंगठामा नाखणेम आवतलो तीना खेतोन खडाह बोगवान होबाडतलु ते कोम बुरहु कोरनारा खोराखोर चु तुमुह लुगडा नि पेरावे के ।

³¹३१) तुमु कोरीन यो जुण कोयता के आमु काय खाहु ने काय पीहु ने काय पेरहु ।³²३२) काहाके बोगवान पोर बुरहु नी कोरनारा दीहरी जातीन माणहे ओहली चिंता कोरतला एने तुमरु सोरग मायलु बाबु जाणतलु के तुमुह काय जोरवत से। ³³३३) कोरीन तुमु आखान पेल बोगवान राजोन हुद लेजु एने तेरा दोरमोह हुद लेजु ते यी आखी तुमुह जुडजाहे ।

³⁴३४) कोरीन वाणेन कोरता फिकुर जुण कोरता काहाके वाणे तुमुह काय जोरवत से चा तुमुह आफहे आजेन दिहोन दुख आजेन कोरता गोज से।

Chapter 7

¹१) गुनु मा लागाडु नी ते तार पोर बी गुनु लागडे ।

²२) काहाके जेहे कोरीन तुमु लगाडतला तेहेज तुमरे पोर बी गुनु लागाडहे एने जीने मोप तुमु दीहरान मोपतला से तेहज तुमुह मापे हे।³३) तु काहा तारा बायहोन डुवामायलु कुचरु काहा देखतलु से एने तारा डुवामायलु मोटलो टेपनो तोहो नी देखायतलु ।

⁴४) जोर तारा डुवामा टेपनोंसे ते तारा बायहो केहे काय कोय सोकतलु के लाव नी तार डुवामायलु कुचरु काड देवु । ⁵५) ए कपटी तारा डुवामायलो मोटलो टेपनो निकाव ले तेतार तु तारा बायहोन डुवामायलु कुचरु काडने जाजी ।⁶६) पवित्र से च्यो कुतरहा मा आपु एने मोतिह हुवरयान ओगोव मा नाखु एहे कोरहे ते च्यो पापो कोरीन रोदवी देहे एने फोसा फिरीन तुमुह बुरची देहे ।⁷७) तुमु मागु ते चु तुमुह आफहे हूदु तेतार तुमुह सापडी जाहे ठुकु तेतार तुमुरे कोरता उगाडनेन आवहे । ⁸8) ज्यु कुण बी मागे तीनाह जुड जाहे एने कुण हुदे तिनाह सापडी जाहे ज्यु कुण ठुके तेर कोरता उगाडहे ।

⁹9) तुमुह फुसतलु जोर तुमरा पुरया रुटु खाणे मागे ते तुमु तिनहा दोगडु आपहे के ¹⁰।10) जोर मासा मागहे ते तुमु तीनाह गोडहू आपहे के ।¹¹11) तुमु पापी से तेबी तुमु तुमरा पुरयाह हाजा चिजे आपणे जाणतला ते तुमरु सोरग मायलु बाबु ज्या तिंनपोर मांगतला तिंनुह हाजा चिजे जोरुर आपहे ? ¹²12) दिहराह तुमु हाते हाजु वेवार कोरेन तुमु हुत्तला ते तुमु बी दिहरा हाते तोहलुज वेवार कोरजु मुसाहा लागाडीन लेखलो नेम एने बोविस्य कोयणारा बी एहेज हिकाडला ।¹³13) हाकडा जुपामा ओयतु मायतु जाजी काहाकी जुपान वाट चोवडी एने मुकवी से च्या वाट नोरकोमा ली जातली खुब माणहे नोरकोमा जातला ।

¹⁴14) काहाके हाकडी से च्यु जुपु एने खुब कोम तीन वाटे ओयता जातला ।¹⁵15) ठोगनारा बोविस्य कोयणारा दोखा सोमावीन रोयजु च्या ओंनजावड मेंडान होस तुमरे विस्मा आवहे पुण च्या खोराखोर तिंदरा मोनमा खोतरनाक कांवरायला लांनगा से। ¹⁶16)तिंदरा फोव देखिन तुमु उवखी लेहे काटान जाडोन दोखा दोरकस्थान फोव एने उपकाटान जाडोम दोखा उंबरोन फोव नी जुवे ।

¹⁷17)इने रिते आखा हाजा जाडो दोखो हाजो फोव फोवतलो से एने आखा खोराब जाडो दोखा खोराब फोव फोवतलो ।¹⁸ 18)हाजो जाड खोराब फोव नी आप साकतला एने खोराब जाड हाजो फोव नी आप सोकतला। ¹⁹19)ज्यो ज्यो जाड हाजो फोव नी आपतलो तीन जाडोह माणहे तुडीन आगठामा नाख देतला से। ²⁰20) तिदरा फोव देखीन तुमु उवोखी लेहे ।²¹ज्यो माणहे ए पोरबु ए पोरबु कोयीन मेहे आयोड तलासे च्या आखा सोरग राजोमा नी जाय सोकतला पुण ज्या माणहे मार बाबु ज्यु सोरगोमा से तेरी मोरजी पुरी कोरहे च्या सोरगोमा जाहोत ।

²²तीना दिहोमा खुब माणहे कोयहे ए पोरबु ए पोरबु आमु तारा नावो मा बोविस्य वाणी नी कोयला के एने तारा नावोमा दोखा बुतडु नी काडया के एने तारा नावोमा खुब चोमत्कार नी कोरया के ।

²³तेतार मी तिनुह खुल्लो कोय दीही की मी तुमुह नी जाणतलु ए आखी बातिन पाप कोरनारा माणहे तुमु मारा हाते दोखा सेटा ओय जाव ।²⁴24) कोरीन ज्यु कुण इन वातोह होंबीन एने मानीन चालतलु से च्यु तीना ओक्कोलवावान माणहोनोन होस से च्यु तेरो घर सापरोपोर बादयु ।

²⁵25)एने पाणी पोडयु एने खुदरु आव्यु एने वादुण आव्यु तीना गोरोहो जुरमा आफटायु पुण च्यो गोर नी उदरयो काहाके च्यु माणुह सापरोपोर पोक्कु पायु नाखलु ओतु ।²⁶26) पुण ज्यु मार वात नी होंबीन वातु मानिन नी चालतलु ते च्यु वीणे ओकेल्यान होस से च्यु तेरो गोर रेवटामा बादणारा होस से।

²⁷27) एने पाणी पोडयो एने खुदरु आव्यु वादुण जुरमा सुटयु एने गोरोह आफटायु एने च्यो गोर आखो उदरीन सोत्यानास ओय गोयो ।²⁸28) तेतार यीसु यी वात कोयीन नोवरायलु ते एहे ओयो की माणहे तरी होबोवतोला च्या बोगलाय गोया ।

²⁹29)काहाके यीसु यी वात कोयीन यहुदीन नेम हिकाड नारा होस नी पुण खुब होक हाते हिकाडतोतु ।

Chapter 8

¹तेतार यीसु बोयडा पोर दोखु नेसु उतरयु ते खुब माणहोन गोरदी यीसुन फोसव वाटे लाग गोया ।

²एने एक कुडयाव बेमारवावु आव्यु यीसुन ओगोव माडया पोडीन वोदिन कोयु ए प्रभु जोर तारी इक्शा ओहे ते तु मेहे हाजु कोर सेकतलु ।

³यीसु तेर आथ ओगोव कोरीन तिनाहा सीबीन कोयु मी तोहो हाजु ओयजा कोयतलु लोगेज चु माणुह कोडी बीमार दोखु हाजु ओय गोयु ।⁴यीसु तीनाह कोयु तु कुणीही जुण कोयतु बाकीन तु पुजाराहा पाहा एने तारा डील देखदजी एने ज्यो मुसान नियम रीती तु बादा छोडवजी तेतार तु हाजु ओय गोयु कोरीन माणहोन ओगोव बी पुरावु ओय जाहे ।⁵ओवतु यीसु कोपरनाहुमा आव्यु ते एक सोयनी कोन पुडारी यीसु मिवाय एने हे रावण्या कोरयु । ⁶ए प्रभु गोरोमा मारा एक पावरोह लोखवु ओय रोयुह चु खाटलामाज पोडीन खुब वेला कोरतलु ।

⁷चु तीनाहा कोयु मी आविन तीनाहा हाजु कोर दीह ।⁸पुडारी यीसुह कोयु ए पोरबु मी लायक निमबे की तु मार गोर आवे तु तार मुयो कोरीन एकुज बुल कोयदे चालुज चु मार पावोर हाजु ओय जाहे ।

⁹काहाके मी बी पापी माणुह से एने सेनिकमारा आथ मा से एने जेतार अकाह कोयतलु से जा चु जातलु से एने दिहराह आऊ कोयो ते आवतलु से एने मारा पावरोह चो कर कोए ते चु कोरतलु । ¹⁰यो होंमबिन यीसु बोंगलाय गोयु एने ज्या माणहे तेर फोसोव आवतोता तिंनुह चु कोयु मी खोराखोर कोयतलु के एजराईल मा भी ओहलो पुक्कु बुरहु कोरनारु मी नी देखयु ।¹¹11) एने मी तुमुह कोयतलु से के खुब होंटा माणहे उगोवणी खेर एने बुडवनी खेर दोखा आवहोत चा अब्राहम एने इसाक एने याकुबो हाते सोरग ने राज मा बोठहे । ¹²12) पुण सोरग ने राजोन होकदार से तिनुह बारथे कडीन नोरकोमा नाखहे चाहरी रोडोणु एने तिंनदरा दाते कीकवता रोयहे ।

¹³13) एने यीसु पुडारी ही कोयु जा जेहे तु बुरहु कोरलु तेहेज ओय गोयलो से एने तेरु पावर तिने टाईम हाजु ओय गोयलु ।¹⁴1 एने यीसु पोतरसोन गोरमा पुचु ते चु पोतरसोन हावहु होरी हाते पोड रोयली देखयु ।

¹⁵यीसु तेरु आथ दोरयु एने सालुज तेरो हरी उतरी गोयो ओवती ची उठीन तिंदरी सेवा कोरने बाज गोयी ।¹⁶16) जेतार हांजपोर ओयो तेतार च्या तेरे हाते खुब माणहोन लिन आव्या तिनदरे मा बुतडा बोरायला ओता एने चु तीनुमा दोखा बुतडान आत्माहा तेर एकुज बुलमा काडयु एने आखा बीमार वालाह हाजु कोरयु ।

¹⁷17) यीसु हाजा कोरलु कोरीन बोविस्य कोयणारु येसियाह पेलेन कोयलु ओतु च्यो पुरो ओये छु आपणी कोमजोरी तिना पोर ली लेदयु अने आपणी आखी मंदवाढह सोतापोर जेल लेदयु से।¹⁸यीसु तेरे सोमखेर देख्यु खुब गोरदी देख्यु ते चु तेरा चेलानुह कोयु आऊ आपु दोरणोन पोलली दोडी जाता ।

¹⁹एने एक येहुदीन नेम हिकाडनारु तीनाह आविन कोयु ए मास्टोर तु काहरी बी जाहे चाहरी मी तार फोसोव फोसोव आविह ।

²⁰यीसु तिनुह कोयु कुल्यान रोयनेन कोरता दोरे एने वादवामा उडनारा चीडान कोरता पिजरा से पुण माणहोन पुरया मुड मेकडे लोगोण जागु निंमबे ।²¹२१ ) एक उंजु चेलु तीनाह कोयु प्रभु मेहे पेल जाने दे की मी मारा बाबा डाक देव । ²²२२ ) यीसु तिनहु कोयु तु मार फोसोव आव एने मोरतला तिनुह मोरलानुह मोरलाह वोगे कोरने दे ।²³२३ ) जेतार चु डुंडयामा चोडयु ते तेर चेला तेर हाते गोया ।

²⁴२४ ) एने दोरीयमा उसकहलज खुब मोटु वादुन पाणी आव्यु ते डुडंयाह आफठायीन डुंडयो बुडने बाज गोयु एने यीसु हुवतोतु ।

²⁵२५ ) जेतार चेला तीनाहाते तिनहा उठाडया एने चा कोया ए प्रभु आमुह वाचाड आमु बुडने बाज रोयाह ।²⁶२६ ) चु तीनाह कोयु ए कोम बुरहु कोरनारा तुमु बीहु मा तेतार चु उडीन वादुन एने डोरियाह जुलीन कोय एने आखो ठावखो ओय गोयु ।

²⁷२७ ) एने माणहे बोगलाईन कोयणे बाज गोयु चु कोहलो माणुह से वादुण एने डोरियान जेलखा बी एरु हुकुम माानतला से।²⁸२८ ) जेतार चु दोडे गोदरेनिया देसोना पुचा तेतार तीनहा बुतडा बोरायला दुय माणहेमिवाया च्या मोटयान जागे रोयतोता च्या खुब खोतरनाक ओता कोरीन माणहे तीन वाटे ओयता जाणे लोगोण बिही तोता ।

²⁹२९ ) एने चा आयडीन कोया ए बोगवानोन पुरया आमु हाते तारो काय काम से बोगवान आमुह डोंड आवणेन टेमोन पेल तु आमुह वेला पदावने आवलु के ।³⁰३० ) तीनाह ते दोखु थुडुक सेटु हुवरयान खुब मोटलु गोवरु चोरने बाज रोयु ओतु। ³¹३१ ) बुतडान आत्मा यीसुह रावण्या कोरया जोर तु आमुह इन माणहोन दोखु काडने ओहे ते हुवरयान गोवारामा मुकली दे । ³²३२ ) च्यु तिनुह कोय हुवरयान गोवारामा जावु लोगेज च्या तीन दुय मांणहोम दोखा निकवीन हुवरयान गोवारामा बोराय गोया एने बोठ हुव्रयान गोवारु टेकडापोर दोखा दोवडीन दोरीयान पाणिमा कुद पोदया एने बुडीन मोर गोया ।³³३३ ) तेतार हुव्रयान चारनारा यो देखीन सहरोमा दोवडीन गोया एने माणहोह जायीन काय ओयलो यी बोठी वात कोयाण्या एने बुतडु बोरायला दुय माणहो हाते काय काय। ओयलो च्यो आखो कोयण्या ।

³⁴३४ ) एने आखा सेहरोम दोखा मानहे यीसुह मिवणे गोया एने तीनाह देखीन रावण्या कोरया तु इना इलाकामा दोखु जात रोय ।

Chapter 9

¹१ ) ओवतु यीशु डुड़यापोर बोठीन दोरीयाह उंकीन पोलले दोडे तेर सोतान गावाम आव्यु । ²२ ) एने थुडाक माणहे खाटला पोर एक लोखवावालाह तिंनहाते लाव्या यीसु तीनदरु बुरहू देखीन तिना लोखवावाला कोयु ए बेटा हीम्मोत राख तारा पाप माफ ओया ।³३ ) एने थुडाक येहुदी दोरमोन नेम हिकडनारा तिदरा मोनमा विचार कोरया यु ते बोगवानोन नाव बोडीन कोरतुलु ।

⁴४ ) यीसु तिदरो मोनो मायलो विचार जाणीन तीनुह कोयु तुमु तुमरा मोनमा खोराब विचार काहा कोरतला ।

⁵५ ) काय सोपो से लोखवा वावाहा तारा पापे माफ ओया कोयणु सोपे से के नी तारो गुदडो उचलीन जा एहे कोयणु सोपो से ।

⁶६ ) पुण कोरीन तुमु जाणणु जुवे माणहोन पुरया पोर हा दोरती पोर माणहोन पाप माफ कोरनेन होक से चु लोखवावाहा कोयु उठ तारो गुदडो उछिलन तार गोर जात रोय ।⁷७ ) चु उठिन तेर गोर जात रोयु ।

⁸८ ) माणहे यो देखीन बीही गोया एने बोगवान बोडाई कोरने बाज गोया च्यु माणहोन बी ओहलो होक आपलु से।

⁹९ ) यीसु चाहरी दोखु ओगोव जायीन मोती नावोन एक माणुह फाऊ लेणे कोरता नाकापोर बोठ रोयलु देखयु एने चु तीनाहा कोयु मार फोसोव चाल चु उठीन तेर फोसोव चाल पोडयु ।¹⁰१० )ओवतु चु गोरमा खाणे कोरीन बोठया ते खुब माणहे फाऊ दुवु कोरनारा एने पापी माणहे बी यीशु एने तेर चेला हाते खाणे बोठया ।

¹¹११ ) यो देखीन फोरीसी पोंथवाला यीसुन चेलानुह कोया तुमरु गुरु पापी एने टुवु कोरनारा हाते काहा खातलु ।¹²१२ ) यो होंबीन यीसु तिनुह कोयु हाजलान कोरता डाक्टरोन जोरवुत निमबे पुण मांदलान कोरता जरुवत से ।

¹³१३) कोरीन तुमु जायीन एरो मोतलोब काय से यो हिक लेवु बादा छोडवने लावतला तिमान दोखो एक दीहराह कीव कोरे चोज पोटतलो काहकी मी दोरमी माणहो नी पुण मी पापी माणहो बुलाडने कोरता मी आव्यु ।¹⁴१४ ) तेतार योहनान चेला तिनहाते आविन फुसया काय कारण से आमु एने फारिसी पोंथवाला ओतरोज उपास पवतला पुण तारा चेला उपास काहा नी पावतला । ¹⁵१५ ) यीसु तीनुह कोयु जाहलोगोन नोवरदेव तेर दोस्ति हाते रोय ताहलोगोन चा उपास नी पावे पुण एक दिही ओहलो आवहे के नोवरदेव तेर दोस्ती हाते दोखु सेटु जात रोय हे तेतार च्या उपास पावहोत¹⁶१६ ) नोवला लुगडाह जुनला लुगडा हाते नी लागाडे काहाके जेतार जुनला लुगडा दुवहे ते चु नोवला लुगडान थीगवु जुनला लुगडाह आपकीन होंटु फाड देहे ।¹⁷१७ ) एने नोवलु दोरकस्थान रुह जुलना चामडान थोयलामा बोरीन नी मेकतला एंहे कोरनेमा च्यु नोवलु दोरकस्थान रुह जवुण आवीन जुनला चामडान थोयलाह फाड देहे एने दोरकस्थान रुह एने चामडान थोयलु दुयबी कायिज कामोन नी रोये पुण नोवलु दोरकस्थान रुह नोवला चामडान थोयलामा बोरीन मेकतला एने दुय बी हाजज रोयहे ।¹⁸१८ ) च्यु तिनहु यी वात कोयतोतु तोतरामाज एक येहुदीन बोक्तीन गोरोन मुखी आविन यीसुन ओगोव मंडया वोंदीन तीनहा कोयु मार सुरी एविन मोरली से पुण तु मार हाते गोर चाल एने तारु आथ तिनी पोर मेकजी ते च्यी जीवती ओय जाहे । ¹⁹१९ ) यीसु उठीन चेला हाते तीन माणहोन फोसोव गोयु ।²⁰२० ) एने देखु एक बायी ही तीनही बारा वोरहोन पोगर पोडनेन बेमारी लाग रोयी ओती एने यीसु फोसोव आवी एने तेरे डोगलान कुरोह सीब लेदी ।

²¹२१ ) काहाके च्यी विचार मोन मा कोरीती ओती जोर मी तेरे डोगलाग सीब लीह ती बी मी हाजी ओय जाहीहन । ²²२२ ) यीसु फोसु फिरीन तिनीही बाव्यु एने कोयु ए मार सुरी हींमोत राख तु मेहे पोर बुरहु कोरली कोरीन तु हाजी ओय गोयी तेतारुज च्यी बायी हाजी ओय गोयी ।²³२३ ) जेतार यीसु येहुदीन बोक्तीन गोरोमा मुखीन गोरमा गोयु एने मांदव्या वावा पेपारयो एने थावि वाजाडाणारा वाजाडतला एने माणहे दुखोमा डोवो डोवो रोयडतला देख्यु । ²⁴२४ ) तेतार च्यु तिनुह कोयु तुमु आखा न्याहरी दोखा सेटा ओय सुरी मोरी निंबे पुण च्यी हुवणे बाज रोयीह पुण माणहे तिनाहा आहणे बाज गोया ।²⁵२५ ) जेतार यीसु माणहोन गोरदी बारथे काड देव्यु तेतार च्यु मायतु जायीन सुरीन आथ दोरीन उठाडयु ते च्यी फोसी जीवती ओय गोयी ।

²⁶२६ ) एंने इनी वातोन खोबोर तिंनी बोठा देसोमा पोसरी गोयी ।²⁷२७ ) जेतार यीसु च्यांहरी दोखु ओगोव गोयु ते दुय आंदवा तेर फोसोव आयोडता आव्या ए दावुदोन पुरया आमु पोर कीव कोर ।

²⁸२८ ) जेतार च्यु गोरमा पुच्यु ते च्या दुय आंदवा तिनाहाते आव्या एने यीसु तिनुह कोयु मी तुमुह हाजु कोरनेन ताकोत मेहेपोर से कोरीन तुमु बुरहु कोरतला के च्या कोया होव पोरबु ।²⁹२९ ) तेतार च्यु तिदरा डुवाहा आथ लागाडीन कोयु जेहे तुमु बुरहु कोरतला तेहेज तुमरे कोरता ओय जाय ।

³⁰३० ) एने तिदरा डुवा उगडी गोया यीसु तिनुह चेतावनी आपीन कोयु यी कुणीह बी मालुम नी पोडने जुवे।

³¹३१ ) पुण च्या नीकविन गोया एने तेर बारामायली वात आखा देसोमा कोय देल्ला ।³²३२ ) जेतार च्या बारथे जातोता ते माणहे एक मुकाहा तिनाहाते लाव्या तिना मा बुतडान आत्मा बोरायली ओती । ³³३३ ) एने जेतार यीसु बुतडाह नाहाड देल्लु मुकु बुलने बाज गोयु तेतार गोरदी बोंगलायीन कोयी इसरायेल देसोमा ओहलो काम आयु कोदी नि देख्या ³⁴३४ ) पुण फारिसी पोथंवाला कोया यु ते बुतडान पुडारीन मोदत दोखु बुतडान काडतलु ।³⁵३५ ) यीसु आखा गावमा एने सेहरोमा फिरतु जायीन एने तिंदरी बोक्तीन गोरमा वातु देखाडतु एने बोगवानोन राजोन बारामा हाजी खोबर पोरचार कोरतु एने आखी बातीन मांदवाड एने कोमजुरी वावाहा हाजु कोरतु रोयु ।

³⁶३६ ) जेतार यीसु गोरदीह देख्यु ते तीनुपोर खुब कीव आवी काहाके च्या बिगुर गुवाव्यान बोगलायला एने नाखायला मेडा बुकडान होस ओता ।³⁷३७ ) तेतार च्यु तेरा चेलानुह कोयु खेतोमा पाकली कोमायते गोंज से पुण मोंजरया थुडाक से । ³⁸३८ ) कोरीन मालक बोगवानोह तेर कोमाय वाडणेन कोरता मोंजरया मुकोलने रावण्या कोरु ।

Chapter 10

¹१ ) ओवतु यीसु तेरा बारा चेलानुह हाते हादिन चु तिनुह वीटोवली आत्मा एने आखी बातीन बेमारवावाह नुह हाजा कोरनेन होक आप्यु ।²२ ) इनु बारा नेवतो पुछडनारा चेलान नावे यासे पेलु सिमोन ज्यु पोतरस कोवयतुलु एने तेर बायह आंदरियास एने जोबदीन पुरयु याकुब एने तेर बायह योहान्ना । ³३ ) एने फिलीपुस एने बोरतुलमय थोमा एने फाउ टुवु कोरनारु मती होल्कयाहयीन पुरयु याकुब एने तोदय ।

⁴४ ) सिमोन कोनानी एने येहुदास इस्करीयोत ज्यु यीसुह दोराव्यु ।⁵५ ) इनु बार्रोखास चेलाह यीसु यो हुकुम आपीन मुकल्यु येहुदी जाती सुडीन बिगुर येहुदिन जातिमा जुण जाता एने सामरियान काल्लया बी सहरमा जुण जाता । ⁶६ ) पुण इसरायेल गोराना मायला पाहा जाजु काहाके चा नाखायला बुकडान होस से । ⁷७ ) एने जेतार तुमु जातला तेतार बोगवान मण्होपोर राज कोरनेन टेम आहनु से यो माणहोह पोरेचार कोरजु ।⁸८ ) मांदला माणहोह हाजा कोरजु मोरला माणहोह जीवता कोरजु जिनहु कुडयाव बेमारी से तिनुह हाजा कोरजु माणहोन दोखा बुतडाह काडजु तुमुह फुकोटमा जुडलो से फुकोटमाज दीहराह बी आपजु ।

⁹९ ) तारा खुतविमानि हुंनो चांदी एने तांबान पोयाहा हाते जुन ली जाता ।

¹⁰१० ) एने थोयलु नी ते दुय दुय जुड नोवला डोगलाएने चाटया एने डेंगु जुण ली जाता काहाके मोजरयाह तिदरो खानो खाणेन होक से।¹¹११ ) जेतार तुमु सहरोमा नी ते गोवमा जातला ते ज्यु कुण तुमरु आवबाव कोरे तेर गोरमा जाजु एने चाहरी दोखा जाये तहा लोगोनण तेर गोरमाज रोयजु ।

¹²१२ ) जेतार तिना गोरमा बोराये ते तिना गोरोन माणहोह आसीरवाद आपजु ।

¹³१३ ) जोर गोरोन माणहे तोहो गोरमा हाद लेहे ते बोगवान तीनुह आसीरवाद आपहे पुणच्या तोहो गोरमा नी हादे ते बोगवान तीनुह आसीरवाद नी आपे ।¹⁴१४ ) एने तीन सेहरोन माणहे तोहो नी हादे तुमरी वात नी होंम्बे ते तिना गोरमा दोखा एने सहरोमा दोखा निकवणे टेमे तुमरा पायोन फोफ्टो जटकी देजु । ¹⁵१५ ) मी तुमुह खोराखोर कोयो के जेतार बोगवान आखा माणहोन नियाव निवडा कोरहे तेदीह च्यु वारुज सालोन पेल रोयला ओता सोदोम एने ओमोरा सहर मायलानुह दोण्ड आपलु ओतु तीनु दोखा तिना सहरोन माणहोह चु वोडीन दोण्ड आपहे ।¹⁶१६ ) देखु मी तुमुह मेंडा बुकडानुह होस लांडगा ने विसमा मुकोलत से कोरीन गोडहान होस चालक एने पेरवान होस खोरला बोनिण रोयु ।

¹⁷१७ ) पुण माणहो दोखा सोमाविन रोय काहाके च्या तुमुह दोरीन पोचुमा ली जाहोत एने येहुदीन बोक्तीन गोरमा ली जायीन चोपोकडा कोरीन देहोत ।

¹⁸१८ ) तुमुह मारे कोरता सोरकारी राज चालाडनरान एने राजान ओगोव ली जाहोत पुण यो राज चालाडनाराह एने बोगवानो पोर बुरहु नी कोरनारा दिहरी जातिन माणहोह मार बारामा गोवायी कोयणे एक सोंदी से।¹⁹१९ )पुण जेतार च्या तुमुह दोरहोत ते आमु काय कोयहो केहेक कोयहु कोरीन फिकुर जुण कोरता काहाके तिने टेमे बोगवान तुमुह काय कोयनु जुवे कोरीन ओर को रावहे । ²⁰२० ) काहाके बुलनारा तुमु नी रोय पुण तुमरा वाह बोगवानोन जीव आत्मा से चु तुमुह लागाडीन बुलहे²¹२१ ) बायहो तेरा बायोह एने बाबु तेरा सोताना पुरयाह मोरनेन कोरता आपहोत एने पुरया आय बाबाह तिंदरे विरुद्ध मा बरायीन तिनुह माराव देहोत । ²²२२ ) तुमु मेहपोर बुरहु कोरतला कोरीन आखीखेरला माणहे तुमुपोर खोर राखहोत पुण ज्या माणहे आखरी लोगोन दीर दोरहे तिनुह बोगवान वाचढहे । ²³२३ ) जेतार एक गावमायला तुमुह सोताडे ते तुमु दिहरा गावोमा जात रोयजु मी तुमुह खोराखोर कोयो के जाहलोगोण तुमुह इजरायल देसोन आखा सहरोमा सेवा पुरी नी कोर सोकतला ।²⁴२४ ) चेलु तेर गुरु दोखु मोटु नी रोये एने पावोर तेर मालको दोखु मोटु नी रोये ।

²⁵२५ ) चेलु तेर गुरुन होस बोणहु एने पावोर तेर मलकोन होस बोणहु तिन्देरे कोरता गोज से खोराखोर जोर गोरोन माल कोहोज बुतडु कोए ते तेर गोरमायलाह कायनी कोयहे ।²⁶२६ ) कोरीन तीनु माणहोह देखीन जुण बीहता काहाके ओहलो काय बी डाकाय लो नी रोये ज्यो उज्यावमा नी लावाये एने ओहलो काय बी लिकायलो नी रोये ज्या उगाडनेम नी आवे । ²⁷२७) ज्यो काय मी तुमु कोयलु च्यों दिहरा नी होंब्योतीनु आखानुह कोयु एने ज्यो मी तुमरा कानोमा बागे कोयलु च्या आखा माणहोन गोरोन सोतोपोर रोयीन तुमू मोटे आयडीन पोरचार कोरु ।²⁸२८ ) च्या तुमरा डीलोह ओतरोज मार सोक्तलासे पुण च्या तुमरा जीवोह कोय नी मार सोकतला तीनुह तीनुह देखीन मा बिहीता पुण बोगवानोह देखीन बीहु च्यु ओतरुज माणहोन डील एने जीवोह दुयोह बी नोरकोमा नाखीन नास कोर सोकतलु से । ²⁹२९ ) एकुज पोयहु आपीन दुय गिणछिढा तुमु वेछाता ली सोकतला पुण तुमरा सोरगमायला बाबन इस्या बीगुर तिनुमा एक बी दोरती पोर पोडीन नी मोरे । ³⁰३० ) बोगवान तुमरा मुडोन आखा जुटा लोगोण गीण रोयुह ³¹३१ ) कोरीन तुमु बीवु मा काहाके गिनचिडा दोखा तुमु बोगवानोन कोरता खुब मोगा से ।³²३२ ) जु कुण माणहोन ओगोव मी यीसुन चेलु से कोये ते मी बी तीनहा सोरगोमायला बोगवनोन ओगोव यु मार चेलु से कोरीन कोयोही ।

³³३३) पुण ज्यू कुण माणहोन ओगोव मी यीसुन चेलु निंमबे कोये तीनहा मारा सोरग मायला बाबान ओगोव मी बी निकार कोर दिह ।³⁴३४ ) च्यो मा सोमजु के मी दोरती पोर सांती लिन आवलु से मी संती लिन नी पुण तोलवार लिन आवलु से।

³⁵३५ ) मी ते आवलु से बेटाह बाबान विरुद्ध मा कोरने सुरीही आयीन विरुद्ध कोरने वोवडीही हाहुन विरुद्ध मा कोरने मी आवलु से।

³⁶३६ ) माणहो ने दुसोमन सोतान पोरीवारोह मायला माणहे रोयहोत ।³⁷३७ ) जोर कुण बी तेर आय बाबाह मेहे मोंग कोरने दोखो वोडीन मोंग कोरहे ते चु मार चेलु बोणनेन लायक निंमबे जोर कुण तेर सुरीही नी ते तेर सुराह मेहे दोखु बोडीन मोंगे करहे ते चु मार चेलु बोणनेन लायक नींमबे ।

³⁸३८ ) जोर कुण बी दुख वेठीन तीदरु कुरुस खांबु उचलीन मार फोसोव नी चाले ते चु मार चेलु बोणनेन लायक नींमबे ।

³⁹३९ ) ज्यु कुण तेर जीव वाचाडने हुदे ते चु सोतान जीव खुव देहे एने ज्यु कुण मार कोरता तेर जीव वाचाड ते च्यु सोतान जीव वाचाड लेहे ।⁴⁰४० ) ज्यु तुमुह मान लेतलु च्यु मेहे मान लेतलु एने च्यु मेहे मान लेतलु चु बोगवान ज्यु मेहे मुकोल्यु तीनाह मान लेतलु ।

⁴¹४१ ) ज्यु कुण बोविस्य कोयणाराह मान लेतलु ते बोगवान तेर बोविस्य कोयणाराह आपणेन आसीरवाद तीनाहा आपहे जोर कुण दोरमी माणहोह मान लेतलु ते च्यु दोरमी माणहोह आपणेन आसीरवाद बोगवान तीनाह बी आपहे ।⁴²४२ ) ज्यु कुण मारा चेलामा एकदाह च्यु खास नी रोये कि बी चु मार चेलु से सोमजीन एक गोलास हेव्वो पाणी पियाडहे ते मी तुमु खोराखोर कोयोह के बोगवान तिनाहा आसीरवाद आपहे।

Chapter 11

¹१ ) जेतार यीसु तेरा बारा चेलानुह हुकुम आपीन च्यु तींदरा सेहरोमा माणहोह हिकाडने एने पोरचार कोरने जात रोयु।

²२ ) तेतार जेलोमा कुंडाय रोयु ओवतु चु बपतिस्मा आपनारु युहन्ना मोसीन चोमत्कारोन कामोन बारामा होंब्यु एने तेरा चेलानुह यीसु पाहा फुसने मुकल्यु ।

³३ ) काय तु चु आवणेवालु मोसी तुज से के नीते आमु दीहरान वाट जुवजे ।⁴४ ) ओवतु यीसु तिनहु कोयु मी ज्यो चोमत्कार कोरतलु च्यो तुमु देखतला एने होंबोवतला च्यो तुमु जायीन यहुन्ना कोयजु ।

⁵५ ) आंदवा एवी देखतला लंगडा चालतला कुडयाव बेमारी वावाह हाजा ओय जातला एने बोयरा होंबवतला एने मोरला जीवता कोरनेम आवतला एने गोरीब माणहोह वाच जाणेन बारामा हाजी खोबोर होबडनेम आवतलो ।

⁶६ ) धन्य से जु मार कोरता ठोकर नी खाय यीसुन योहान्ना कोदर ।⁷७ ) जेतार चेला च्याहरी दोखा जात रोयला तेतार यीसु योहान्नान माणहोह कोयणे बाज गोयु जेतार तुमु उजाडी जागमा गोयला ते काय देखने गोयला ओता वटवमा डुकायलो मोटलो बुरो देखने गोयला ओता के ।

⁸८ ) ओवते तुमु काय देखने गोयला ओता एक दोम लेफडया लुगडा पेर रोयतलु माणुह देखने के नी ते च्यु लेफडया लुगडा पेरीन मोज्यामा रोयनारा राजान ओवाल्या देखणे गोयला के ।⁹९ ) ओवता उजाडी जागमा कुनीह देखने गोयला ओता बोविस्य कोयणाराह देखणे गोयला के होव पुण मी तुमुह कोयतलु बोविस्य कोयणाराह दोखु बी योहन्ना मोटलु से ।

¹⁰१० )यु चुज से तेरा बारामा लेखलो से देख मी तार ओगोव मारा दूतोह मी मुकोलन्यु से च्यु तार ओगोव वाट तीयार कोरहे ।¹¹११ ) मी तुमुह खोराखोर कोयतलु एवी लोगोण ज्या माणहे दुनिया मा बायरान पेटे जोनम लेदला तीनु आखा दोखु युहन्ना बापतीस्मा आपणारु मोटु से पुण ज्यु आयताम आयतु से चु सोरगन राजोम इना दोखु मोटु रोयहे ।

¹²१२ ) युहन्ना बापतीस्मा आपणारु तेर काम सुरवात कोरलु तेदीही दोखु एवी लोगोण माणहे सोरगन राजोम जाणे कुसिस कोरतला एने तिंनदरा माणहे बोगवान जिनुपोर राज कोरतलु तिनुह सोताडतला से।¹³१३ ) योहन्ना लोगोण आखा बोविस्य कोयणारा एने नेम पुस्तक ने बोविस्य वाणी कोरता रोया ।

¹⁴१४ ) एने तुमु जान लेवु के एलीयान होस ज्यु आवणेवालु ओतु च्यु यु से ।

¹⁵१५ ) जिंदरा हेंबोणे काने से चा होंमबी लेवु ।¹⁶१६ ) मी इनी पीडीन माणहोह मी कुणी हाते तुलिन फार को या ते आयतला पुरयान होस बोजारोन बोठीन एक दिहराह बुलाडीन कोयतला ।

¹⁷१७ ) आमु तुमरे कोरता पावी वाजडला पुण तुमु नी नाचया आमु दुखोन गीत गावया पुण तुमु नी रोडया ।¹⁸१८ ) काहाके युहन्ना नी खात आव्यु एने नी ते पिडयु एने च्या कोयतला से की इनामा बुतडु बोरायलु से।

¹⁹१९ ) माणहोन पुरयु आव्यु मी खाणदयु एने पीणदयु पुण आखा माणहे कोया इनाहा देखु यु ते ओडख्यु एने दारकुटयु से एने यु फावु टुवु कोरनारमा एने दिहरा पापी माणहोण दुस्ती से पुण तुमु जाणुन जुवे के ओवको लवावन ओककोल सोतान लगाडी पुरावा हाते उगडी आयणे बाज रोयीह ।²⁰२०) तेतार यीशु तीनु माणहोह किचवायु जीना सहरोमा यीसु खुब चोमत्कार कोरलु ओतु काहाकी तिना सहरोन माणहे पाप सुडीन बोगवानोखेर मोन नी फिरव्या ओता । ²¹२१) ए खोराजीन सहर वावा एने बेतसायदा सेहरवावा माणहे तुमु पोर विखु पोडहे ज्या मोटला मोटला काम तुमरा सहरोमा मी कोरलु ओता जोर सुर सहरोमा एने सिदोन सहरोमा मी कोरतु च्या गुंटो पेरीन तिदरा डीलोपोर रुखडु नाखीन तिदरो पाप सुडीन खोरों मोन फिराव लेता ।

²²२२) पुण मी तुमुह कोयतलु के जेतार बोगवान माणहोन नियाव निवाडु कोरहे तेतार चु सुर सेहरोन एने सीदोन सेहरोन माणहोह डोंड आपनेम दोखु बोगवान तुमुह वोडीन डोंड आपहे ।²³२३ ) एने ए कोफरनाहुम सहर मायला माणहो बोगवान तुमुह सोरगोमा उपोर उचली लेहे कोरीन विचार कोरतला के चु एहे नी कोरे बाकीन चु तुमुह नोरकोमा नाखहे मी तुमरा सेहरोमा कोरलु ओतु मोटला मोटला कामे जोर मी सोदोम सेहरोमा कोरतु ते तीना सहरोन माणहे आज लोगोण रोयता।

²⁴२४ ) मी तुमुह कोयतलु जेतार बोगवान माणहोन नियव निवाडु कोरहे तेदीह सदोम सेहरोन माणहोह जुडलो डोंड दोखु च्यु तुमुह वोडीन डोंड आपहे ।²⁵२५ ) ओवतु यीसु कोयु ए मार बाबा तु सोरग एने दोरतीन प्रभु से मी तारो दोन्यावाद कोरतलु काहाके इनी वातोह आक्कोलवावा एने लेखलो माणहो दोखु लीकडीन ज्या आयतला पुरयान होस तोहोपोर बरहु कोरतला तीनुह देखाडदेल्लु ²⁶२६ ) होव बाबा एने कोरनेनुज तारी इस्या ओती ।

²⁷२७ ) मार बाह बोगवान मेहे आखो आप रोयलु से मार बाह बोगवान चु ओतरुज तेर सुरु मोंजे मेहे जाणतलु एने मी बोगवानोन पुरयु से मार बाबाह मी जाणतलु एने जीना माणहोह मी बाबान बारामा कोयलु ओतु च्या बी बाबाह जाणतला ।²⁸२८ ) ए मेहनत कोरनारा एने वोजामा दाबायला माणहे तुमु आखा मारहाते आवु मी तुमुह आराम आपीही ।

²⁹२९ ) मारो जुवो वो तिनपोर ली लेतलु मेहे देखीन हिकु काहा के मी नोमीन रोयतलु एने मोनमा सिदु से एने तुमरा जीव आत्मा मा आराम जुडहे ।

³⁰३० ) काहाके मारो जुवावो सोफो से एने वोजु खुब फोवरु से ।

Chapter 12

¹१ ) तीना दीहोमा बोगवानोन आरामोन दीह यीसु एने तेरे चेला गोंवोन खेतोमा ओयता जातोता, एने तेर चेलाह बुख लागली, कोरीन च्या उब्या तुडीन खाणे बाज गोया। ²२ ) फरीसी पोंयवाला यो देखीन यीसु ह कोया, "देख, तार चेला ते आरामोन दिही येहुदिन नियमो मा ज्यो नी करनु से च्योज कोरतला ।"³३ ) ओवतु यीसु तिनुह कोयु दावुद राजा एने तेर हातीह बुखला ओता तेतार च्या काय कोरला ओता तेर बारामा तुमु बोगवानोन पुस्तकतोकोमा काय वाचला च्यो ओर नींब के । ⁴४ ) च्या केहे के बोगवानोन घोर मा गोया एने बेट चोडावला रुटा ज्यो पुजाराहा सुडीन दिहरा कुणीज नी खाय साकतला च्या रुटा दावुद राजा एने ज्या तीनाहाते ओतो च्या बोगवानोन तोंबवाला वाडामा जायींन खादया ।⁵५ ) बोगवानोन पुस्तोकोमा काय वाचला के पुजारा काम कोरीन साब्बतोन रीत तुडला ती बोगवान तीनुह गुनावाला नि गीणयु ।

⁶६ ) पुण मी तुमुह कोयो ज्यु याहरी से चु मंदीरोम दोखु बी खुब मोटु से ।⁷७ ) तुमु एरो मोतलोब जागता ते एक दिहराह कीव कोरे च्या मेहे पटतेलो मार कोरता जोनवर मारीन बादा छोडवने दोखा ते तुमु मार चेला पोर गुनु नी लगाडता । ⁸८ ) काहाके आरामोन दिही माणहे काय कोरनु जुवे एने काय नी कोरनु जुवे कोरीन फेसलु कोरनेन होक माणहोन पुरयान से मोंजे पोरवुन से ।⁹९ ) ओवतु यीसु च्याहरी दोखु नीकविन येहुदी माणहोन बोक्तीन गोरमा आव्यु ।

¹⁰१०) च्याहरी एक माणुह ओतु तेर आथ पांगवु ओतु थुडाक फरीसी पोंथवाला च्याहरी ओता च्या यीसु पोर विरुद्ध कोरने बाज गोया च्या यीसु पोर काय बी गुनु लगाडने नोट हुत्तोता कोरीन यीसुह फुस्या आरामोन दिही मांदलह हाजो कोरनु हाजो से के ।¹¹११ ) ओवतु यीसु तिनुह कोयु जोर तुमुह पाह मेडो बुकडोओये एने आरामोन दिही खाडामा पोड जाहे ते तुमु काय कोरहोत तुमु खाडाम दोखा नी काडे के । ¹²१२ ) मेंडा बुकडा दोखु माणुह गोणु मोटु से कोरीन आरामोंन दिही मादलाह हाजो कोरनु ताले से।¹³१३ ) एहे कोरीन चु ओवतु पांगवा आथवावा कोयु तार आथ नांबु कोर कोरीन च्यु तेर आथ नांबु कोरयु लोगेज तेर आथ दिहरा आथोन होस हाजु ओय गोयु।

¹⁴१४ ) पुण तेतार फरीसी पोंथवाला बारथे नीकवीन यीसुह केहेक मारहु कोरीन होमचु लागाडणे बाज गोयु।¹⁵१५ ) यो जाणीन यीसु च्याहरी दोखु जात रोयु एने वारुज माणहे तेर फोसोव जाणे बाज गोया एने च्यु आखा मांदलानुह हाजा कोरयु ।

¹⁶१६ ) इने तिमहु चेतावनी आपु तुमु दिहरा माणहोन ओगोव मारा बोडाई कोरीन मी काय कोरलु चो कुणीहुज जुण कोयता । ¹⁷१७ ) काहाके ज्यो बुल एसाया बोविस्य कोयणारु कोयलु ओतु च्यो पुरो ओये।¹⁸१८ ) देखु यु मारु सेवक से इनाह मी निवाडलु से च्यु मारु गोणु लाडकु से एने इना दोखु खुब खुस से मारा जीव आत्मा इनामा बोर दिह मी तीनु आखान हाजीहुते नियाव निवाडु कोरन्यु से कोरीन च्यु आखी जातीन माणहोह नियावोन खोबर कोयहे ।¹⁹१९ ) मार सेवक माणहा हाते जोखडी नी पोडे एने तीनुहाते मोटे नी आयडे ।

²⁰२० ) चु बुरान फाटहा रोंदवतला तेहे नी रोदवे एने उलवायाणारा दिवाहा ओगुज नी उलवे ज्याहलोगन बोगवान खोराखोर नियाव कोरीन नास नी कोरे ।

²¹२१ ) तेतार दुनियान आखी जातीन माणहे मार सेवको पोर आसा राखहे।²²२२ ) ओवता थुडाक मानहे यीसु पाह एक आंदवु एने मुकु ओत एने तेरा मा भुतडु बोरायलु ओतु तेर हाते लाव्या एने यीसु तिनहा हाजु कोरयु एने च्यु बुलने अने देखने बाज गोयु।

²³२३ ) यो देखीन आखा माणहे बोंगलायीन एक दीहरहा कोयणे बाज गोया यु ते दाऊद पुरयु ज्यू राजा कोरने आवणारु यीसु मोसी नींब के ।²⁴२४ ) पुण फरोसी पोंथवाला यो होबींन कोया यु ते बुतडान पुडारी बेलजेलुलोन ताकोटोमा माणहोम दोखो बुतडाहा काडतलु ।

²⁵२५ ) यीसु तिनरा मा काय विचार कोरतला जो जाणीन तिनुह कोयु जोर एकुज राजोन माणहे ओंवासोव्वा विरुद्ध ओयीन वाटाय जाये ते च्या राजवाडो टीके नी तोहलो एकुज गोरोन नी ते एकुज सेहरोन माणहे ओवा सोववा विरुद्ध ओयीन वेराय जाये ते च्यो उजडी जाहे ।²⁶२६ ) तोहलो जोर बुतडा बुतडान ओवा सोंव्वा विरोद ओयीन जुलाए च्या एखठा नी रोय सोकतला एने बुतडान राज फाटफुट ओय जाहे ।

²⁷२७ ) जोर मी बेलजेबुलोन ताकोत दोखु बुतडा काडतलु ते तार चेला कुणीन ताकोटोमा बुतडा काडतला तुमरा चेलाज तुमरु इसाब लिन तुमरु नियाव कोरहोत।²⁸२८ ) पुण जोर मी बोगवनोन जीव आत्मान ताकोत दोखु बुतडा काडतलु ते बोगवानोन राज तुमरा विस्मा आव लागलो ।

²⁹२९ ) जुरवार माणहोह बादे बिगुर तेर गोरमा बोरायीन तेरा मालदोन चुरीन नि ली जावाये तिना जुरवार माणहोह दोखु जादी जुरवार माणहोह तिनहा बाधदेहे तेतारुज ते गोरोन मालदोन चुरीन लिजाय सोकहे ।

³⁰३०)ज्यु मारहाते निमबे च्यु मार विरुद्धोमा से एने ज्यु माणुह मारहाते मीवीन नी रोयतलु चु खोराखोर खोव्वी देतलु ।³¹३१ ) कोरीन मी तुमुह कोयतलु माणहोन आखी बातीन पाप एने बोगवानोन विरुद्ध बुलनाराह लोगोन तींदरी माफी जुड जाहेइ पुण चज्या पवित्र जीव आत्मान विरुद्ध बुलतला तिनुह बोगवान माफ नी कोरे ।

³²३२ ) जोर कुण माणहोन पुरयान विरुद्ध काय बी बुले ते बोगवान तिनाह माफ कोरहे पुण जोर कुण पोवित्र जीव आत्मान विरुद्ध बुले ते बोगवान तिनाहा इनी कोवी नी ते आवनारी कोवीमा बी कोदी नी माफ कोरे ।³³३३) हाजो जाड हाजो फोव आपतलो पुण खोराब फोव आपतलो जाडोन फोव देखीन आपु यो जाड हाजो से के खोरबसे कोरीन जाण सोकतला।

³⁴३४) तुमु जहरवाला गोढहान होस से तुमुज खोराब ओयीन केहेक तुमु हाजा बुल सोकतला काहाके ज्यो काय तुमरा मोनमा बोरायलो से चोज तुमरा मुयोमा दोखो निकोवतलो । ³⁵३५) हाजा माणहोन मोनोन खोजानामा दोखी हाजी वात निकोवतली एने खोराब माणहोन मोनोन खोजानामा दोखी खोराब निकावतलु से³⁶३६) एने मी तुमुह कोयतलु बोगवानोन नीयावोन दिही माणहे बुलतला तिनी एकके वाय बार बातोन लेखो आपणु पोडहे ।

³⁷३७) काहके तुमरी वातोमाज तुमु गुनावाला एने बीगुर गुनावाला ठोरहे ।³⁸३८) तेतार येहुदीन नेम हिकडनारा एने फरोसी पोथवाला थुडाक माणहे यीसुह कोया ए मासतोर बोगवान तोहो मुकोलु से कोरीन पुरावु आपनेन कोरता तु एक निस्याणी देखाड कोरीन आमु इस्या कोरतला । ³⁹३९) यीसु तिनुह जोपाप आप्यु एविन पीडीन माणहे तुमु खोराब एने सिनावान काम कोरतला पुण तुमु मेहे चोमत्कार कोरने कोयतला बोगवान बोविस्य कोयणारु योनान कोरता कोरलु चोमत्कार सुडीन तुमरे कोरता काईज चोमत्कार नी कोरे । ⁴⁰४०) योना तीन दिही एने तीन रात मोटला मासान पेटोमा रोयलु माणहोन पुरयु मी बी तीन दिही एने तीन रात दोरतीन खुयारमा रोयीह ।⁴¹४१) जेतार बोगवान माणहोन नियाव कोरहे तेतार निनवे सहरोन माणहे इनी पीडीन माणहोन हाते जीवता ओयीन तीनुपोर युनु लागडाहोत काहाके निनवे सहरोन माणहे जेतार योनान पोरचारोन वात होमबेवला तेतार पाप सुडीन बोगवानोखेर मोन फीरावला ओता एने मी तुमुह खोराखोर कोयो योना दोखु बी मोटु एक माणुह याहरी से।⁴²४२) तेतार दोकसीन दिसा खेरली राणी इना पीडीन माणहो हाते जीवती ओयीन तीनुह गुनावाला ठोरावहे काहाके ची दोरतीन कुपरे दोखी सुलेमानोन ओक्कलोन वात होंबोवणे आवली ओती देखु याहरी एक माणुह से चु सुलेमान दोखु बी मोटु सपण तुमु तेर वात नी होव्या।⁴³४३) जेतार वीटोवली आत्मा माणहोमा दोखी निकविन जातली तेतार च्यी उजाडी जागामा फिरीन आरामा कोरने जागु हुतली पुण तीनीह जागु नी जुडतलु । ⁴⁴४४) तेतार बुतडु कोयहे जीना मानहोहेमा सुडलु तिनापाहा फोसु मी जायीह जेतार बुतडु फोसु जातलु ते जोहलो एक हुडलो गोरोन होस बारिन सापसुप कोरलो एने होबाडलो देखाय नोवलो तोहलु चु माणुह तीनाहा हाजु देखायतलु ⁴⁵।४५) तेतार बुतडु जाईन एने तेरे हाते तिना होखा जास्ती खोराब इने विटवला दिहरा सात बुतडा हुदिन लेतुज आवतलु एने आखा तिना माणहोमा बोरायीन रोयतला ओवती तिना माणहोन जीवाय पेलली दोस्या दोखी बी खुब खोराब दोस्या ओय जातली तहज इन पापी पीडीन माणहोन दोस्या बी ओयहे ।⁴⁶४६) जेतार यीसु गोरदी हाते वातु कोरतोतु तेतार तेर आयी एने तेर बायहे तेर हाते वातु कोरनेन विचार कोरता ओता । ⁴⁷४७) तेतार कुणतोरी यीसुह कोयु तार आयी एने तार बायहे गोरोन बारते उबरोय रोयाह च्या तोहोहाते वातु कोरने वाट जुवतहा ।⁴⁸४८) यो होंबीन यीसु च्या कोयलु तीनहा कोयु कुण से मारी आयी एने मारा बायहे । ⁴⁹४९) तेतार च्यु तेर चेलाखेर तेर आथोन इसारु कोरीन देखदयु एने कोयु देखु याज मार आयी एने मारा बायहे से । ⁵⁰५०) काहाके ज्या मारु सोरग मायला बाबान मोरजी पोर चलतला च्याज मार बायह एने मार बोणीह एने मार आयी से ।

Chapter 13

¹१) ते दिही यीसु गोरमा दोखु निकवीन दोरीयान टेकडे जाईन बोठगोयु ।

²२) एने तेरे फोसोव माणहोन गोरदी देखीन तिनमा यीसु डुडयपोर चोडीन बोठ गोयु एने आखा माणहोन गोरदी दोरीयान टेकडे ऊबरोय गोयी ।³३) ओवतु च्यु तिनुह दाखलामा खुब वात देखाडयु एक खेतवावु तेर खेतोमा बीयारू वावणे निकव्यु । ⁴४) एन ए वावता थुडक बियारु वाटोन दोडी पोडयु इने चिडा आविन चु बियारु खाय गोया ⁵।५) एने थुदुक बियारु सापराटयाम पोडयु चाहरी तिनाह उंडे कादव नि जुडया तीनामा जोल्दी उग गोयलु ।

⁶६) पुण दिही उगीन तोत्यो चिमठाय गोयु एने मुवाडा उडे नी गोया कोरीन हुक गोयो ।⁷७) एने थुडुक बियारु जाडवटया पोडयु एने जाडवाटया वोडीन तिनुह दाब देण्या ⁸।८) पुण थुडुक बियारु हाजली जागे पोडयु एने उगीन फोव आप्यु थुडुक एक होव गुणा पाकयु एने थुडुक बियारु साठ गुणा पाक्यु एने थुडुक बियारु तीस गुना पाक्यु । ⁹९) जीनान होमबोवनेन कोरता काने से चा होमबु एने सोमजु ।¹⁰१०) ओवतु तेरा चेला तेर हाते आविन तीनाहा फुस्या तु माणहोह होमस्या काहा दाखलामा वात हिकाडतलु । ¹¹११) यीसु तिनुह कोयु सोरगन राजोन लिकायली वातोन बारामा सोमजणेन ओक्कोल तुमुह आपणेम आवली से पुण दीहराह नी जुडी । ¹²१२) काहाके जिनापोर से तीनाहा होवटो आपणोम आवहे एने जिनापोर काईज निंमबे तीनापोरंज्यो, से च्यो बी मांगणे मा आवहे ।¹³१३) जेतार मी तिनुहाते वात कोरतलु तेतार दाखलामा कोयतलु काहाके मी काय कोरतलु च्यो देखीन बी च्या नि सोमजतला मी काय कोयतलु च्यो होंबीन बी च्या काय नी सोमजतला । ¹⁴१४) एने तींनदरा बारामा यशायाह भविष्य कोयणारा काय लेखक च्यो तिनदरा जीवायमा पुरो ओयलो माजे तुमु कानो कोरीन होंबोवहे पुण नी सोमजे एने डुवा कोरीन देखहे पुण पोल्लो नी पोडे ।¹⁵१५) काहाके इनु माणहोन मोन वातडो ओय गोयलो से एने तींदरा कानो बांद कोर लेदला से एने तिंनदरा डुवा मीचलेदला से नीते च्या तिंदरा डुवा कोरीन देखता तिंदरा कानो कोरीन होंबोवता एने तिंदरा मोनमा सोमजीजाता एने बोगवान कोयतलु जोर च्या एहे कोरताते च्या पाप दोखा मोन फिरविन बोगवानोखेर फिर जाता एने ती तीनुह वाचाडतु ।¹⁶१६) पुण बोगवान तुमुह आसीरवाद कोरलु से काहाके मी काय चमत्कार कोरतलु च्यो तुमु देखतला एने नी काय कोयतलु च्यो सोमज सोकतला।

¹⁷१७) मी तुमुह खोराखोर कोयतलु खुब बोविस्य कोयणारा एने दोरमी माणहे ज्यो तुमु देखतला च्यो देखणे हुदला पुण च्या काय नी देख सोक्या एने ज्यो तुमु होंबोवताला च्या बी होंबवणे हुत्तोता पुण होंबी नी सोक्या ।¹⁸१८) यीसु कोय होंबु बियारु वावणे जाणारान दाखलान मोतलोंब।

¹⁹१९) ज्या कुण बोगवनोन राजोन वात होंबीन सोमजला तींदरा मोनोमा बोगवानोन वात ज्यो उरला ओता तीनहा बुतडु आविन तींनदरा मोनमा ऊरायली बोगवनोन वातोह सांडाडीन ली जातलु या च्याम से बाटोन दोडी पोडला ।²⁰२०)एने ज्यु सापाराटयाम पोडलु बियारु च्या ओहलो से के ज्या बोगवान बुल होबीन लोगेज खुसीमा मान लेतला ।

²¹२१) पुण सापराटयामा मुंवाडा कादवमाउंडे नी गोया तोहला बोगवानोन बुल तिंदरे मोनमा उंडे नी जाये तीनामा च्या थुडाक दिही लोगोण बोगवानो हाते टीकीन रोयहे जेतार बोगवानोन वातोपोर च्या बुरहु कोरतला कोरीन वेला पाडावे नी ते माणहे तीनुह ।²²२२) ज्यु बियारु जाडवाटया पोडलु च्या ओहलो से के बोगवानोन बुल होंम्बवतला पुण इन दुनियान खुब वातोन चिंता एने मालदोन लालच कोरनेमा वातोह दाब देतला एने च्या हाजा फोव नी लावतला।

²³२३) एने हाजे जागे पोडलु बियारु ओहलु से के थुडाक माणहे बोगवानोन बुल होंबीन सोमजतला तीनामा च्यो तिंदरा जीवायमा एक होव गुणा साठ गुणा एने तीस गुण फोव लावतला ।²⁴२४) यीसु तिनुह दिहरु एक दाखलु कोय के बोगवानोन राज एक खेतवावान होस से ज्यु तेर सोतान खेतोमा हाजु बियारु उरतलु ।

²⁵२५) पुण जेतार राती माणहे हुवतोता ते तेर दुस्मोन आविन गोवोमाज खोडान बियारु ऊरिन जात रोयतलु । ²⁶२६) एने जेतार कोमाय उगी एने उब्या देखयणे बाज गोयला तेतार खोडोबी तीनु हातेज उग्यो ।²⁷२७) तेतार तीना माणहोन पावर खेतोन मालकोपहा आविन तीनाहा कोया ए मालक काय तु तार खेतोमा हाजु बीमारु ओतरुज उरलु ओतु ने मोग तीनामा खोडो काहारी दोखो आव

लाग्यो ।

²⁸२८) मालक तिनुह कोयु यो काम दुस्मोनुज कोरलु से ओवता पावरे तीनामा तीनाहा फुस्या तारी इस्या ओहे ते आमु जायीन खोडहा उखाव देजे के ।²⁹२९) ओवतु मालक कोयु नी नी जोर तुमु खोडो ऊखावता उखावता तीनु हाते गोवे बी उखाव लेहे ते । ³⁰३०) बाकीन खोडो एने गोवे दुयोह बी मोटा ओये ताहलोगोण वाट जुवु कोमाय वादणेन टेम आवे तेतार मी वाडनाराहा कोरीह के खोडाह पेल दुवु कोरीन पुवा बांदिन तिनाहा आगठाया होलगाड देजु एने गोवोह मार मुटीमा टुवु कोरु ।³¹३१) यीसु फोसु माणहोह उंजु एक दाखलु कोयु सोरगोन राज एक रायोन दाणान होस से एक माणुह रायोन बियारु लिन तेरे खेतोमा उरतेलु ।

³²३२) च्यु रायोन दाणु आखा बियारा दोखु आयतु से टी बी च्यु वोड जातलु ते तेरा जाड मोटो ओय जातलो एने वादवामा उडानारा चिडा तेर डाव्यापोर आविन पांजरा बादिन रोयणे वाज जातला ।³³३३) च्यु फोसु माणहोह एक दाखलु कोयु सोरगोन राज खण्या सोडान होस एक चीज से तीनाहा काल्लीतोरी एक बायी तीन पाली लुटोमा कुहणी देतली थुडाक डेमोन ओवतु आखा लुट जेवुण आवीन फुलाय जातलु ।³⁴३४) यीसु माणहोन हिकाडनेन कोरता या आखा वाते दाखलामाज कोयु एने बिगुर दाखलामा कुणीह बी यीसु काईज नी कोयु ।

³⁵३५) यो बुल बोविस्य कोयणारा दोखु बोगवान कोयलु ओतु च्यो पुरो ओयो मी मार माणहोन हाते दाखलामाज बुलन्यु मी कोवी गोडायणेन पेल ज्यि वात लिकायली ओती च्यी वात सोमजाडीह ।³⁶३६) तेतार यीसु गोरदिम दोखु निकविन गोरमा गोयु एने तेर चेला तीना हाते आविन फुस्या खेतोमाला खोडानबारामा दाखलु आमुह सोमजाड दे । ³⁷३७) यीसु तिनुह कोयु हाजु बियारु उरने वालु च्यु माणहोन पुरयु ओतु ³⁸।३८) खेत यी कोवी से एने हाजु बोगवान राज कोरतलु च्या माणहे सेताह एने खोडो मोजे बुतडान खोराब माणहे सेताह ³⁹३९) एने दुस्मोन ज्यु खोडान बियारु उरलु च्यु बुतडु से कोमाय वाडणु मोजे दुनियान आखरी से टेम से एने वाडणार सोरगदुत से ।⁴⁰४०) कोरीन जेहे खोडाहा टुवु कोरीन आगठामा होलगाड देतला तेहज इनी दुनियान आखरिमा ओयहे । ⁴¹४१) मी माणहोन पुरयु मार सोरगदुतोनुह दोरतीपोर मुकलिही एने ज्यो पाप कोरतला एने च्यो काम दीहराह पाप कोरावतलो च्यो आंखो च्या आविन बोगवानोन राजोमा दोखा टुवु कोरहे ।

⁴²४२) तिनुह आगठान उंडा बाठठामा नाखहे एने च्याहरी डोवो डोवो रोडे एने दोत कीकडावता रोयहे । ⁴³४३) तिने टेमे ज्या बोगवानोन नोजरोमा ज्या दोरमी से च्या तिंदरा राजोमा दिहोन होस चोमकहे जिनुह होंबोवणेन कोरता काने से च्या होंबु एने सोमजु ।⁴⁴४४) सोरगोन राज खेतोमा लिकाडला मोंगा खोजानान होस से एक दिही च्यु कुणीही तोरी जुडयो ते च्यु खोजानाहा फोसु तीना खेतोमा लीकाडीन मेक्यु एने तीनामा च्यु खुब खुस ओय गोयलु कोरीन च्यु तेरो आखो मालदोन वेचीन च्यो खेत वेचातो ली लेदलु । ⁴⁵४५) उंजु सोरगो राज बेपारी होस से ज्यो मोंगली मोती हुदणारा होस से । ⁴⁶४६) जेतार तीनाहा मोती सापडी ते च्यि खुब मोंगी ओती च्यु जायीन तीना पाहलो आखो वेचीन च्यि मोती वेचाती ली लेटलु ।⁴⁷४७) यीसु उंजु कोयु तेहोंज सोरगोन राज माणहे मासा मारने दोरीयामा नाखली जावोन होस से च्यि जाव आखी बातीन मासा हुरिन लावलण होस से ।

⁴⁸४८) जेतार च्यि जाव मासा दोखी बोरायी ते बुवटा तिनी जावोह दोरीयान टेकडे बोठीन ज्या हाजा मासा ओता तीनुहा निवाडीन मुहकामा मेक लेदया पुण ज्या खोराब ओता तिनुह नाख देण्या ।⁴⁹४९) एहेज आयहे सोरगोदुत दोरतीपोर आवहे एने ज्या खोराब माणहे से तिनुह बोगवानोन ओगोव दोरमी माणहोम दोखु निवाडीन ओलग कोर देहे ।

⁵⁰५०) एने खोराब माणहून आगठान उंडा बाठठामा नाख देहे च्याहरी डोवो डोवो रोडनु एने दाते कीकडावणु रोयहे ।⁵¹५१) ज्यो काय मी तुमुह कोयलु च्यो आखो सोमज्या के चेला कोया होंव आमु सोमजी गोयला ।

⁵²५२) तेतार यीसु तीनुहु कोयु ज्यु यहुदी माणहोन नेम हिकाडनारु से च्यु सोरग राजोन चेलु बोण जातलु ते च्या एक गोरोन मालकोन होस से ज्यु तेर खोजानामा दोखु माणहोह देखाडनेन कोरता जुनला एने नोवला गोयणो काडतलान होस से ⁵³५३) यीसु या आखा दाखला कोयीन नोवरायीन तेर च्यु चाहरी दोखु जाती रोयु ।⁵⁴५४) यीसु तेर गावमा आविन बोक्तीन गोरमा जायीन माणहोह बोगवानोन बात हिकाडने बाज गोयु तेर हिकोह होबींन च्या बोगलाईन एक दिहरहा फुस्या खुब हाजी ओक्कोल एने चोमत्कार कोरनेन ताकोट इनाहा काहरी दोखी जुडली ।

⁵⁵५५) आहा यु ते सुतारोन पुरयु से ने एने एरी आयीन नाव मोरीयाम से एने याकुब एने युसुफ एने सिमोन एने येहुदी एराबायहे से ।

⁵⁶५६) एरे बोण्हया आपणा वीस्मा नि रोयतला के मोग यु माणुह कहेक यो आखो चोमत्कार कोरतलु ।⁵⁷५७) कोरीन यीसुन वाको काडीन तीनापोर बुरहु नी कोरया तेतार यीसु तिनुह कोयु दीहरा आखा माणहे बोविस्य कोयणाराह इज्जुत आपतला पुण सोतान गोरमा एने सेहरोमा तिनुह ईज्जुतनी आपतला ।

⁵⁸५८) च्याहरीन माणहे तीनापोर बुरहु नी कोरया कोरीन यीसु च्याहरी खुब चोमत्कार नी कोरयु.

Chapter 14

¹१) तीने टेमो गोलील जिलान राज कोरनारु हेरोदेस राजा यीसुन बारामा होंब्यु ²२) तेतार च्यु पावरोनुह कोयु यु माणुह योहोन्ना बपतिस्मा आपनरु से च्यु मोरलाम दोखु जीवतु ओय गोयु से कोरीन च्यु या आखा चोमत्कार कोरतलु।³३) हेरोदेस राजा एहे विचार कोरयु काहाके च्यु पेल तेर बायह फिलिप्पुनसोन लाडी हेरोदियासोह राख लेदलु एने च्यु हेरोदियासोह पोटाडनेन कोरता यहोन्ना दोरीन जेलोमा कुंड देल्लु । ⁴४) खुब वार यहोन्ना तीनाहा कोयलु तारा बायहोन लाडीह तु राखलु बोगवानोन नेमोन विरुद्ध मा से । ⁵५) कोरीन हेरोदेस राजा यहुन्नाह मारने हुलोतु पुण च्या माणहो देखीन बीही गोयु काहाके युहन्ना बोविस्य कोयणारु से कोरीन आखा माणहे मानतोता ।⁶६) पुण एक दिही हेरोदेस तेर जोनम दिहोन पवणाय कोरलु एने हेरोदीयसोन सुरी पावणान ओगोव नाचली च्यो हेरोदेसोह खुब पोट गोया ।

⁷७) तीनमा हेरोदेस सोप्प्त खाईन कोयु ज्यो काय तोहो जुवे मेहे पोर मांग च्यो मी ताहो आपीह ।⁸८) ओवती ची तेर आयीह फुसली मी काय मांगो तेतार तेर आयी कोयी के युहन्ना बापतीस्मा अपणारन मुडको थावीमा आपणे यो मेहे मागाप दे ।

⁹९) यो होंबीन हेरोदेस राजा नाराज ओय गोयु पुण सोप्पत खाय लेदलु एने तेरे हाते ज्या पावणा बोठ रोया ओता तिंदरे कोरता ची काय मागली च्यो लावने हुकुम आप देण्यु ।¹⁰१०) कोरीन च्यु सिपायडा जेलोमा मुकलिन योहन्न मुडको तुडाव देण्यु । ¹¹११) च्या तेरे मुडको एक थाविमा मेकीन हेरोदेससोन सुरीही आणत्या याे ओवती च्यी तेरे मुडको तेर आयी हेरोदीयसोह आपी ।

¹²१२) एने तेरा चेला आविन तेर दोड लिजायीन डाक देल्ला एने च्या यीसु खोबर कोयाणत्या ।¹³१३) तेतार यीसु यो होबीन यीसु डुडयापोर बोठीन एखलु हुनासान जागामा जात रोयु माणहोह यीसु जातलु मामुल पोडताज तिंदरा तिंदरा सेहर दोखा पाय पायेज तेर फोसोव जाणे बाज गोया ।

¹⁴१४) जेतार च्यु डुडयामा दोखु उतरयु माणहोन खुब गोरदी देखीन तिनहा माणहोपोर कीव आवी एने च्या मांदला ओता तिनुह हाजा कोरयु ।¹⁵१५) हाजपोरली टेमे यीशुन चेला तेर हाते आविन कोया युते उजाडी जागु से जुसखोरलो बी पोड गोयो कोरीन गोरदिही मुकली दे तेतार या गावमा जायीन इदरे कोरता खाणो वेचातो ली लेहे ।¹⁶१६) पुण यीसु तिनुह कोयु याहरी दोखो जाणेन गोरज निबे पुण तुमुज इनुह खाणो खाणे आपु ¹⁷।१७) तेतार चेला तिनाहा कोया आमु पोर ते पाच रुटा एने दुय मासा ओतरोज से ¹⁸।१८) यीसु तिनुह कोयु रुटा एने मासा मार हाते लावु ।¹⁹१९) ओवतु माणहोनुह खोडापोर बोठणे कोयीन यीसु पाच रुटा एने दुय मासा लीन सोरगोखेर बावीन बोगवानोह दोन्यावाद कोरलु एने रुटु मुडीन तेर चेलानुह आप्यु ओवता चेला तीनु माणाहोनुह वाटया ।

²⁰२०) एने आखा पेट बोरीन खायीन आफरी गोया आखा माणहे खाणेन बादमा चेला उगोरला रुटान बोटकाह टुवु कोरला ते बारा खिवडया बोराया गोया ।

²¹२१) एने खाणारा बायरा एने आयतला पुरया नुह सुडीन कोमसी कोम पाच ओजार माणहे ज्या रुटा खादया ओता ।²²२२) यीसु माणहोह खवाडीन नोवरायु ते तेर चेलानुह बोवजोबरीन डुडयापोर बोठीन पोल्ली दोडी जाणे कोयु ओवता च्यु गोरदिह वाटे लागाडयु ।

²³२३) जेतार माणहे जात रोयला ते यीसु पोरथना कोरनेन कोरता एखलुज बोयडापोर चोडयु तेतार हाजपोरली वेवे बी ओय रोयी ओती ते च्यु च्यांहरी एखलुज ओतु । ²⁴२४) तिने टेमे मा डुडयो दोरियामे पाणीन लाट दोखा डुलकायणे बाज गोयो काहाके वाहवु होबु दोखु ओतु ।²⁵२५) एने यीसु राती चार के वाचाता पाणी पोर चालीन तिनुह हाते आव्यु । ²⁶२६) चेला यीसुह पाणीपोर चालतलु देखा ते खुब गाबरी गोयला एने कोयणे बाज गोया तु ते बुतडु से एने बिहीता जायीन आयोडने बाज गोयला ।

²⁷२७) पुण यीसु तिनुह लोगेज कोयु हिंम्मोत राखु मी से बीवु मा ।²⁸२८) पोतरस यीसुह कोयु पोरबु ओहे ते मोग मेहे बी तार हाते पाणीपोर चालीन आवणे हुकुम आप । ²⁹२९) मोग यीसु कोयु होव आव ने तेतार पोतरस डुडयापोर दोखु उतरीन यीसु हाते जाणेह कोरता पाणी पोर चालने बाज गोयु ।

³⁰३०) पुण पोतरस वाहवु देखीन बिही गोया एने पाणी मा बुडतु जायीन आयोडने बाज गोयु एने कोयु ए प्रभु मेहे वाचाड ।³¹३१) यीसु लोगेज तेर आथ ओगु कोरीन पोतरोस दोरीन कोयु ए कोम बुरहु कोरनारा तु मेहे पोर सोक काहा कोरयु ।

³²३२) यीसु एने पोतरस डुडयापोर चोडताज वाहवु थाब गोयु ।

³³३३) तेतार दिहरा चेला च्या डुडयामा बोठ रोयला ओता च्या आखा यीसुन पाये पोडीन कोया की तु खोराखोर बोगवानोन पुरयु से।³⁴३४) ओवता च्या डुडयामा बोठीन पोल्ली दोडी उनकीन गोन्नसरत सेहर पुच गोया । ³⁵३५) एने च्याहरिन माणहे यीसुह उवखी लेदला एने आहने पाहनेन आखा माणहोनून खोबोर कोय मुकल्या एने आखा मांदला माणहोनु च्या च्यांहरी लाव्या से । ³⁶३६) एने च्या रावणया कोरने बाज गोया च्या मांदला ओता च्या आमुह तार लुगडान कुर तारी सीबणे दे जोतरा तेरा लुगडा सीबला च्या आखा हाजा ओय गोया से ।

Chapter 15

¹१) थुडाक दिहोन बादमा फरीसी पोथवाला एने येहुदी नेम हिकाडनारा माणहे येरुसलम सेहरोमा दोखा आवीन यीसुह फुसणे बाज गोया।

²२) तारा चेला डाय डायान रीत काहा नी पावतला आथे दुवे बीगुर खाणो काहा खातला से। ³३) तेतार यीसु तिनुह कोयु तुमरो सोतान रितोह माननेन करता तुमु बोगवानोन हुकुमोह काहा नी मानतला ।⁴४) काहाके बोगवान कोयलु तार आय बाबाह इज्जुत आपजी एने ज्यु कुण आय बाबान विरुद्ध खोराब बुले तिनाहा मोरनुज पोडहे ।

⁵५) पुण तुमु माणहोह हिकाडतला तुमु तुमरा आय बाबह कोयजु के ज्या पोयहा मी तुमुह आपण्यु च्या ते मी बोगवानोन कोरता बेट चोडाव देल्लु से।

⁶६) इनी रिते तुमु माणहोह हिकाडतला तुमु तुमरा आय बाबाह इज्जत नी आपणु जुवे कोरीन हिकाडतला एने तुमु सोतान नेम माननेन करता तुमु बोगवानोन नेमोह नी मानतला ।⁷७) ए डोंगडा करनारान येसाया तुमोरा बारामा यी बोविस्य वीणी खोरी जे कोरलु से । ⁸८) या माणहे ईदरा मुयो कोरीन मेहे मान पान आपनला पुण खोराखोर इंदरो मोन मेहे दोखा सेटो रोयतलो ।

⁹९) या वायबारमारी बोकती कोरतला से काहाके या बोगवानोन नेम ही काडनेन जागे या माणुह बोणवलु नेम हीकडतला ।¹⁰१०) तेतार यीसु माणहोनुह तेर हाते हादीन कोयु ज्यो मी कोयतलु च्यो दयान लागाडीन होंब्यु सोमजु । ¹¹११) ज्यो बी बातीन खणो माणहोन मुयोमा जातलो ज्या माणहोह नी वीटवाडतलो पुण ज्यी वात माणहोनुह मुयोम दोखी बारथे निकोवोतली चीज माणहोह वीटवाड देतली ।¹²१२) तेतार चेला यीसुह जायीन फुस्या तु काय कोयलु च्यो होंबीन फारीसी पोथंवाला खुब खोताय गोयला तोहो यो मालुम सेके ।

¹³१३) ओवतु यीसु तिनुह कोयु ज्या आखा रुपे मारु सोरग मायलु बाबु नी लागाडया च्या आखा उखावणेम आवहे । ¹⁴१४) तिनुह जाणे देवु या आंदवा माणहोन होस से एने जोर एक आंदवु दिहरा आदवाह वाट देखाडे ते दुय बी खाडाम पोड जाहे ।¹⁵१५) या होंबीन पोतरस यीसु कोयु ज्यो खोराब चिजे आमुह वीटवाडतला तेर बारामा आमुह सोमजाड दे ।

¹⁶१६) च्यु तीनुह कोयु मी तुमुह काय कोयतलु एर मोतलोब उंजु लोगोण नी सोमज्या । ¹⁷१७) काय तुमु नी सोमज्यो के माणुह खातलु च्यो मोनमा नी जातलो पुण तेर पेटोमा जातलो एने बारथे बोठणेन टेम निकवी जातलो से ।¹⁸१८) पुण ज्यो खोराब सोब्द माणहोन मोनमा दोखो नीकोवतलो च्यो आखोज तीना माणहोह वीटवाड देतलो । ¹⁹१९)काहाके खोराब विचार दिहराह मारने सीनावो कोरने चोगलाय चुरी कोरने ठोग गोवायी एने दिहरान वाको काडणे विचार मोनमा दोखो निकोवतला से। ²⁰२०) याज बोगवनोन नोजरोमा माणहोन जीवयोह वीटवाडतलो पुण आथ नी धुवीन खाणो खासे ते माणहोह नी वीटवाडतलो ।²¹२१) यीसु गोलील जिला दोखु निकवीन सुर एने सीदोनखेर जाt रोयु ।

²²२२) तीना जिलामा रोयणारी एक कोनानी बायी यीसु हाते आवीन रावण्या कोरी ए पोरबु दाऊदन पुरया मेहेपोर कीव कोर मारी सुरीन डीलोमा बुतडु बोराय रोयुह एने च्या खुब वेला कोरतलो । ²³२३) पुण या होबीन यीसु तिनीह कायीज नी कोयु तेतार तेर चेला यीसु हाते आव्या एने तीनाहा रावण्या कोरया इनीही मुकली दे काहाके यी आपणे फोसोव आयोडती आवेह ।²⁴२४) पुण यीसु तीनीह कोयु इसरायेल देसोन माणहे नाखायला मेंडा बुकडान होस से बोगवान मेहे तीनुह ओतराज मोदत कोरने मुकोल्लु से ।

²⁵२५) पुण च्यु आवी एने तेर पाये पोडीन रावण्या कोरीन कोयी ए पोरबु मेहे मोदत कोर। ²⁶२६) एने च्यु तीनीहा कोयु पुरयान रुटु लीन कुतरान ओगोव नाखणु होजो निंबे ।²⁷२७) च्यी कोयी होव बोराबोर पोरबु कुतरा बी तेर मालकोन टेबलोन नेडो पोड रोयल पुरयान रुटान चुर खाय लेतला से । ²⁸२८) तेतार यीसु तिनीह कोयु ए बायी तारु बुरुहु मोटु से तोहो काय जुवे च्यो तोहो जुड जाये एने तोतरामाज बुतडु निकवी गोयलु एने तेरी सुरी हाजी ओय गोयी ।²⁹२९) यीसु च्याहरी दोखु फोसु गोलील दोरीयान दोडी गोयु एने च्यु बोयडा पोर चोडीन बोठ गोयु। ³⁰३०) एने गोरदी पोर गोरदी माणहे यीसु ने च्याहरी आव्या तेतार माणहे ज्या लेंगडा आंदवा मुका पागवा दिहरी मादवाडामा पोडला खुब माणहे तिनाहाते लाव्या एने तीनुह यीसुन पायहाते लावीन मेकया एने च्या तीनुह हाजु कोरयु। ³¹३१) तेतार माणहे देख्या मुका बुलतला एने लेंगडा चालतला एने पांगवा हाजा ओय जातला आंदवा देखतला देखीन च्या बोगलायीन इसरायेलोन बोगवानोन बोडीयी कोरया ।³²३२) मोग यीसु तेर चेलाहा तेर हाते हादीन कोयु मेहे इनु माणहोपोर कीव आवहे काहाके या तीन दीह लोगोण मार हाते सेताह एने इनुपोर खाणे कायीज निबे इनुह बुखला मुकोलनेन मारी इस्या निबे जोर मी इनहु बुखला मुकली दीह ते च्या वाटे थाकीन चोक्कोर आविन पाडे जाहे ³³।३३) चेला यीसुह कोया आमु इनी उजाडी जागामा ओतरा होंटा माणहोह खावडावनणे काहरी दोखा रुटा लावजे ³⁴।३४) यीसु चेलाह फुस्यु तुमु पाह कोतरा रुटा से च्या कोया आमु पाहा सात रुटा एने थुडाक आयतला मासा से ³⁵।३५) तेतार च्यु माणहोह हुकुम आप्यु तुमु आखा बुयपोर बोठ जावु च्या आखा बोठ गोया ।³⁶३६) एने तीनु सात रुटा एने मासाहा यीसु तेर आथोमा लीन बोगवनोह दोन्यावाद कोरयु ओवतु रुटा मुडीन तेर चेलानुह आप्यु एने च्या माणहोह वाटया ³⁷।३७) आखा माणहे खायलीन आफरी गोया एने चेला उगोरला रुटान बोटका सात खीवडया टुवु कोरया ³⁸।३८) खाणारा बायरा एने पुरयाह सुडीन चार ओजार माणहे ओता । ³⁹३९) तेतार च्यु माणहोह वाट लागाडीन डुडयामा बोठीन मोगदोन मुलकोमा आव्यु ।

Chapter 16

¹१) एने फरोसी पोथवाला एने सोदुकी पोथवाला माणहे यीसु हाते आवीन तीनहा फारकोनेन कोरीन फुसया आमुह सोरगोमा दोखी एक निसयानी देखाड ।

²२) एने होदारे वेगा रातलो वादवो साव्वय रोये ते तुमु कोयतला एवी पाणी पोडहे³३) इनी रीते नीस्याणी देखीन जाण लेवु के काय ओयणेवालो से तुमु इनु दिहोमा ओयु रोयली निस्याणी काहा नी उवोखतला । ⁴४) इनी पीडीन खोराब एने सीनावो कोरनारा माणहे चोमत्कार हुतला पुण बोविस्य कोयणारु योनान चोमत्कार सुडीन उजु दिहरो चोमत्कार देखणे नी जुडे यीवात कोयीन यीसु तीनुह सुडीन जात रोयु ।⁵५) एने चेला दोरीयान पोल्ली दोडी जाणेन टेमे च्या रुटा ली जाणे विहरी गोयला ⁶।६) यीसु चेलानुह कोयु देखु फारीसी पोथंवाला एने सोदुकीन पोथवाला माणहोन खाणेन सोंडा दोखा वाचीन रोयजु ।

⁷७) यो होंबीन च्या एक दिहराह कोयणे बाज गोया आपु रुटा नी लाव्या कोरीन यीसु एहे कोयतु ओहे ने । ⁸८) यीसु यो जाणीन तीनुह कोयु ए कोम बुरहु कोरनारा आमु रुटा लावणे विहरी गोयला कोरीन काहा तुमरे तुमरे वात कोरतला ।⁹९) एवी लोगोण तुमु नी सोमज्या के च्या पाच रुटा पाच ओजार माणहोह खावाडलु एने उगोरला रुटाह तुमु कोतरा खिवडया टुवु कोरला च्यो विहरी गोयला के । ¹⁰१०) जेतार मी सात रुटा च्यार ओजार माणहोह होता कोरीन आफरीन खावडाव तला तेतार उगोरला रुटान बोटका तुमु कोतरा खिवडया टुवु कोरला ओता ।¹¹११) तुमु काहा नी सोमजतला मी तुमुह रुटान बारामा नी कोयु पुण फारीसी पोथंवाला एने सोदुकीन पोथवाला माणहे दोखा सोमावीन रोयजु ।

¹²१२) तेतार यीसु यो कोयलु ते चेला सोमजी गोया के यीसु जेवुण आवला लुटोन बारामा नी कोयु पुण च्यु फारीसी पोथंवाला एने सोदुकीन पोथवाला माणहोह सेटा दोखा वाचीन रोयणेन बारामा कोयलु ओतु।¹³१३) यीसु केसरिया फिलीप्पी सेहरोमा आव्यु ते तेरा चेलानुह फुसणे बाज गोयु मी माणहोह पुरया से मार बारामा माणहे मी कुण से कोरीन कोयतला ।

¹⁴१४) तेतार चेला कोया थुडाक तोहो युहन्ना बापतीस्मा आपणारु कोयतला थुडाक एलीया से थुडाक काय यिरमया नी ते दिहरु बोविस्य कोयणारा मायलु एक से एहे कोयतला ¹⁵।१५) तेतार च्यु तीनुह फुस्यु मी कुण से कोरीन तुमु काय कोयतला । ¹⁶१६) तेतार सीमोन पोतरस कोयु तु जोलम जीवतु रोयणारा बोगवानोन पुरयु मसीह से ।¹⁷१७) यीसु तिनाह कोयु ए सिमोन योनान पुरया बोगवान तोहो आसीरवाद आप रोयुह काहाके काल्ला बी डील दोखा एने लुयो दोखा बोणला माणहे तोहो यो नी देखाडया पुण मारु बाह ज्यु सोरगोमा से चुयुज तोहो मी कुण से कोरीन देखाडयु । ¹⁸१८) एने मी बी तोहो कोयोह के तु पोतरस से तार नावोन मोत लोब सापोर से एने मी इना सापोरोपोर मार मांडली बादीह एवे नोरकोन काल्ली बी ताकोत तीनी मोडलीह जीक नी सोक ।¹⁹१९) मी तोहो सोरगोन राजोन कुच्या आपीह एने जोकाय तु दोरती पोर बांधहे च्या सोरोगम बादाय जाहे इने ज्यो काय तु दोरती पोर सुट देहे च्यो सोरगोमा सुड जाहे । ²⁰२०) तेतार यीशु चेलानुह हुकुम आप्यु मी मोसी से कोरीन कुणीह जुण कोयता ।²¹२१) तीने टेमे दोखु यीसु तेर चेलानुह कोयणे बाज गोयु के मेहे येरुशलम सेहरोमा जाणुज पोढहे एने येहुदिन पुढारया एने डायला पुजारा एने येहुदीन नेम हीकाडनारा मेहे खुब सोतावहे एने च्या मेहे मार नाखहे पुण तीसरे दिही मी मोरलाम दोखु फोसु जीवतु ओय जाहीह । ²²२२) पुण पोतरस यीसुह एक वोगली जायीन जुल्यु पोरबु तारहाते ओहलो ओयणु नी जुवे । ²³२३) च्यु पोतरस फोसु फीरीन कोयु ए बुतडा मारहाते दोखु तु सेटु जात रोय तु मेहे आडफाटु लावनारु से काहाके तु बोगवानोन वातोपोर नी पुण माणहोन वातोपोर मोन लागाडतलु ।²⁴२४) तेतार यीसु तेर चेलानुह कोयु ज्यु कुण मार चेलु बोणिन मार फोसु आवणे हुदे ते च्यु सेतान मोरजी नी पुण मार मोरजी पुरी कोरनु जायीन तेर कुरुस उखलीन मार फोसोव आवनु जुवे । ²⁵२५) काहाके ज्यु कुण तेर जीव वाचाडने हुदे ते च्यु सोतान जीव खुब देहे एने ज्यु कुण मार कोरता तेर जीव खुवने हुदे ते च्यु सोतान जीव वाचाड लेहे। ²⁶२६) पुण एक माणहु आखी कोविमायलो आखो सापडावीन बी एने आखी कोवी जिकीन बी तेर सोतान जीव वाचाड नी सोके एने सोतान जीवनोह नुकसान कोरे लेय ते तेरु काय नोफु जुडहे एक माणुह बोगवनो हाते जोलम जीवणेन कोरता कायिज नी आप ।²⁷२७) माणहोन पुरयु तेर सोरगोदुतोह हाते तेर बाह बोगवानोन मोहीमा हाते आवहे तेतार टेम मा माणहे काय काय कोरला तिदरो कामो दोखु इनाम नी ते डोंड आपणे आवनारु से। ²⁸२८) मी तुमुह खोराखोर कोयोह के ज्यो याहरी उबरोयतला तीनाम थुडाक माणहे माणहोन पुरयु राजोमा आवतलु देख लेहे ताहलोगोन नी मोरे ।

Chapter 17

¹(१) सोव दिहन बादमा यीशु पोतरस एने याकुब एने तेर बायहोह युहन्ना हाते एक वोगु उचा बोयडापोर गोयु ²(२)पोतरस युहन्ना एने याकुब बावतोता ते यीशुन रुप बोदली गोयु एने तेरो मुय दिहोन होस पिपेलने बाज गोयो एने तेर लुगडा उज्यावान होस बुराबुह ओय गोया ।³(३) एने तीनुह मुसा एने एलिया यीशु हाते वात कोरतला देखाय पोडया।

⁴(४) कोरीन पोतरस यीशुह कोयु ए पोरबु आमुह न्यहरी रोयणू हाजो से जोर तारी इस्या ओहे ते मी न्याहरी तीन तोंबा बनावो एक तारा कोरता एक मुसान कोरता एने एक एलीयान कोरता ।⁵(५) पोतरस येशु हाते एहे वातु कोरतोत तेतार पिलनारो एक बोवावो आविन तुनह टुप लेदयो एने वादवाम दोखु एक बुल तिनुह होबायु यू मारु लाडकु सुरू से मी इना दोखु खुश से एरी वात होबू !

⁶(६) चेला यो होमबी ले वोदनेण कोरता उबडु पोडगोया ऐने च्या खूब बी गोया ।

⁷(७) पुण येशु तिनुहाते आविन तिनूह सिबयु एने कोयु उठ बियू मा।

⁸(८) तेतार चेला उपोर ज्याण्या ते च्या यीशुह सूडीन च्याहरी कुणीह बी नी देखया⁹(९) तेतार चा बोयडा पोर दोखा उतोरतोता तेतार यीशु तिनुह हुकुम आपीन कोयु जाहलोगोण मी माणहोन पुरयु मोरिन जीवतु नी ओयो ताहलोगोण तुमु ज्यों याहरी देखला चो कुणीह जुण कोयता ।

¹⁰(१०) तेयार येशुन चेला तिनाह फुस्या येहदिन नेम हिकाडनारा मोसी येशु आवनेन पेल एलिया फोसु आव्यु ताकयलो से कोरिन काहा कोयतला¹¹(११) येशु तिनूह कोयु एलिया खोराखोर आवहे एने आखा होस कार हैं ।

¹²(१२)पुण मी तुमुह कयोह के एलिया आवलागलु से पुण माणहे तीनहा नि उवख्या तीनुह जेहे पोटयो तेहे तिनाहाते विरुद्ध कोरला इने रीती मी माणहोन पुरयु बी तिदरे आथे दुख वेठण्यु से।

¹³(१३) तेतार चेला सोमजी गोया के येशु बपतिस्मा आपनारा युहन्ना बाराम कोयणे बाज रोयूह¹⁴(१४) जेतार च्या हाते पुच्या ते एक माणूह तिनूहहाते आविन माडा टेकीन कोयणे बाज गोयू ।

¹⁵१५ ए प्र प्रभु मारा पुरयापोर दोया कोर काहाके तिनूह फेपोरो आओतलो एने च्यु खुब वेला कोरतलू एने च्यु गोडी गोडी आगठान एने पाणिम पोड जातलु ।

¹⁶(१६) कोरीन मी मार पुरयाह तारा चेला हाते लावलु पुण च्या मार पुरयाह हाजा नि कोर सेक्या ।¹⁷(१७) यीशु कोयु ए विण बुरहया एने बिगोडली पाडीन मानहोह तुमू मेहेपोर बुरहु कोरतातो कोरिन के दिह लोगोन मी तुमु हाते रोयीह के दिहलोगोन तुमरे हाते दिर दोरीन रोया तिना पुरयाह मेहे हाते लाव ।

¹⁸(१८)तेतार यीशु बुतडाह जुलीन कोयु एने बुतडु तिनमादोखु निकवी गोयु तेतारुज च्यु पुरयु हाजू ओय गोयु।¹⁹(१९) ओवता चेला यीशुह एक वोगा लिजयिन फुस्या तिना पुरयाम दोखु आमु बुतडु केहेकाय नी काड सोकया। ²⁰(२०) पुण यी जाति बिना प्रार्थना एने उपास दोखी नी निकवतली। ²¹(२१) जेतार च्या गोलील मा ओता ते येशु तिनुह कोयु मानहोन पुरुयू माणहोन आथोमा होपणन आवहे ।²²(२२) एने च्या गलील मा गोया एने येशु तिनुह कोयु माणहोन सुरु माणहोन हात मा दोराय जाहे। ²³(२३)एने माणहे तीनाह मार देहोत पुण तीसरे दिह च्यु फोसु जीवतु ओय जाहे यो होंमबिन च्या खुब नाराज ओय गोयला ।²⁴(२४) जेतार च्या कोपरनुहम सेहरोम पुच्यु ते मंदिरोन फावु टुवू कोरनारा पोतरस हाते आविन फुस्या तुमरु गुरू मंदिरोन फावु आप्तलु के ।

²⁵(२५) तेतार पतरस कोयु होव च्यु आपतलु ओवता च्या गोरमा आण्या ते येशु पोतरस हाते गोयु एने फुस्यु ए सीमोन तु काय सोमजतल से कोविन राजा फावु कुणी पोर लेतला से तींनदरा सोतान माणहोपातह पोराया पर दोखा ।²⁶(२६) पतरस तिनूह कोयु पोराया पर येशु तिनुह कोयु ते पुरयु वाच गोयु ।

²⁷(२७) फावु आपु फावु टुवू कोरनारा नी रुकतला कोरिन दोरियान मेरे जाइन गोवी नाख ज्यू मासु पेल विलगे तीनाह ली ले तेरो मुय उगाडजी तेतार तोहो एक हुनान सिक्कु जुडहे तिनाह लिन मार कोरता एने तार फाकोरता फउ बोर देजी।

Chapter 18

¹१ ,तिने टेमे चेला येशुहाते आविन फुस्या सोरगो राजमा कूण मोटू से

²२, येशु एक आयतला पुरया हाते हदिन तिनदरे विसमा ऊबारख्यु

³३,एने काय मी खोरखोर कोयोंह जेतार तुमु नि फिर एने पुरयान होस निंयोण्व निबोणे ताह लोगोन तुमु सोरगो राजोमा नि जाय सोकतला⁴, ४ ज्यू कूण सोता इना आयतला पुरयान होस नियोव्वु बोंणिन रोयहे च्यु माणूह ओतरुज सोरगोन राजोमा मोटू रोयहे

⁵, ५ इने ज्यू कूण मार नावे इनसेहे एकदा आयतला पुरयाह आवबाव कोरे तेतार च्यु आवजाव कोरतलू कोवाय ⁶, ६ ज्यू कूण मेहेपोर बुरहु कोरनारा इनू आयतला मायतला मायलाह पापोह पड़ाव देतलू ते खोरखोर बोगवान तिनह होंड आपने दोखू मोटलु गोटटिन पुडु तेर गोवामा बादिन उंडा दोरियामा नाख देणु च्योज तेर कोरता हाजो से⁷७ कोविमा ज्यू माणूह दीहरह पापोमा फोसाड़ देतलु तिनापोर खोतरनाक विखु आवहे माणहोन मोनना पाप कोरनेन फारोक ते हासलिन आवत्लि पुण ज्या दीहरह पापोम पाडावतला तिनूह बोगवान खोतनाक डोंडा आपहे

⁸८ ज़ोर तारु आथ निते तारू पाय तोहो पाप कोरावतलु ते तीनहा तुडीन नाख देजी दुय आथे निते दुय पाये लिन जोलम होलगनारा नोरकोन आगठामा जानेम दोखू पांगवु निते लेगडू़ ओयीन सोरगो राजोमा मायतु जाणू तार कोरता हाजो से⁹९ , ज़ोर तारू डुवु तोहो पाप कोरवतलू से तिनह कडीननाख देजी बाडलू बोणिन सोरग राज़ोम जाणू तार कोरता हाजो से काहाके दुय डुवा हाते नोरकोमा आगठामा नाख देयहे¹⁰, १० तुमु इन आयतलामा कुणीह बी कायिज कामोन निंबे रहे नि सोयजुण जुवे काहाके मी तुमुह कोयोह काहली सोरग मा तिंदरा सोरगादुत मारा सोरग मायला बाबने मुख जोलम देखला रोयतला

¹¹, ११ काहाके माणहोन पुरयू नाखयाला से तिनूह वाचाड़ने आवलु से¹², १२ तुमु काय सोमजतला से एक माणहोन पाह एक होव मेडा बुतड़ा ओता तीनहा ज़ोर एक नाखाय जाहे ते च्यु एक कोन होव मेंडा बुकड़ाह बोयड़ापोर सूडीन नाखायला मेडा बुकड़ाह हुदने नि जाए के

¹³, १३ इने एहज ओय ते तिनाहा नाखयलों मेड़ो बुकड़ो सापडी गीयलों ते च्यु एक कोम होव मेडा बुकडान कोरता खुस ओयनेम दोखू सापडी गोयला एक मेडा बुकडान कोरता च्यु गोयु खुस ओय जाहे

¹⁴, १४ तेहेज तुमरा बाबू ज्यू सोरगोममासे यी मोरजी निंब्बे के इना आयतला मायलु एक बी नास नि ओयणु जुवे ।¹⁵, १५ ज़ोर तारू बाही तारा विरुद मा पाप कोरते तीनाही एक वोगु लीजईन तीनहा तेर चुलिए सोमजाड़ ज़ोर च्यु तारी वात मानिन बोगवान खेर तू तिना तारा बायहो वाचाड़ लेदलू कोवाय ¹⁶, १६ पूण ज़ोर च्यु निहोमबे ते एक नि ते दुय जोणोह तार हाते लिन उंजू तीनहाते जाऊ तुमु आखा तेर चकिह सोमजाडजू एहे कोरिन मा दुय नि ते तीन पुरावा दोखू आखि वात पोक्की ओयीन नोक्की कोरनेम आवे¹⁷,१७ ज़ोर च्यु तिंदरी नि होबोवतलू ते मोंडली मायलाह यी वात कोयतलू ज़ोर च्यु मंडली मायलान वात बी नि होबोवतलू ते तीनाह यहूदीवावान होस नि ते फावु टुवु कोरनारान होस सोमजू¹⁸, १८ मी तुमुह खोरखोर कोयोह के ज्यो काय तुमु दोरतीपोर बांदहे च्यों सोरगोमा बादय जाहे एने ज्यो काय तुमु दोरतीपोर सूड़े ते चो सोरगोमो सूट जाहे

¹⁹, १९ फोसु मी तुमुह कोयोह के ज़ोर दुय जोण कोविमा काल्ली बी वातोमा मागे ते च्यों च्यु तुमुह आपहेज ²⁰, २० काहाके ज्याहरी दुय नि ते तीन मार नावोमा टूव्वायला ते च्याहरी मी तिंदरे हातेज से²¹,२१ तेतार पतरस हाते आविन तिनाहा कोयु ए पा२वु ज़ोर मारू बाही मार विरुद पाप कोरतू रोये ते कोतरा वारी मी तीनाहा माफ कोरो मी सात वार माफ कोरो के ²², २२ येशु तिनूह कोयु मी तुमुह यो नि कोयतु सात वार नि पूण सातन गुणा सतर गुणा लोगोन²³२३ ,कोरिन सोर्जग राज एक राजान होस से च्यु तेर पावरोपोर पोयहान । ²⁴२४ ,जेतार च्यु ईसाब लेणे बाज गोयु तेतार एक कोरजवावाहा राजान ओगोव लाव्या एने च्यु दस हजार ने कोरजो ओतो ²⁵२५ , जेतार फेडने तिना पाह कायीज नि ओतो तेतार राजा कोयु कोरजावावान लाडीह एने तेर पुरया पारी इने ज्यो काय तिनूहपाह ओतो चो आखो वेचिन पोयहा फेडने हुकुम आण्यु ।²⁶, २६ होंबिन च्यु पावोर राजान पायो फोड़ीन रावण्या कोरयु के थूड़ाक दिही लोगोण मेहेपोर दिर दोरजी मी तारा आखा पोयहाफेड दिह

²⁷, २७ तेतार तिना पावोर वातु होंबिन राजाहा कीव कोरिन सूड देल्लू एने तेरो कोरजू माफ कोरलु²⁸, २८. पूण च्यु पावर बारथे निकव्यू ते वाटे तीनाहा तेर हातिह गुलाम पावोर मिवायु च्यु तीनहा एक होव चांदीन रूपाया आपयु ओतो च्यु पावोर तेर गोवों टिबलिन दोरीन कोयु इताव ने इताव तू मार पोयहा लाव

²⁹, २९ तेतार तेर हातिह गुलाम पावोर तेर पाया फोडिन तीनाहा रावण्या कोरयु के मेहेपोर दिर दोरजी मी थुड़ाक दिहोमा कोरजु फेड दिही³⁰, ३० पूण च्यु नि मानयु पूण जाईन तीनाहा जेलोमा कुन्ट देललु जाहा लागेण कोरोज नि आपे ताहा लोगुण च्यहरी रोयहे

³¹३१ जेतार दिहरा हातीह गुलाम पावर काय ओयो चो देखयु ते खूब नाराज ओय गोयु एने जाईन तिनदरा राजाहा फुरी वात कोय देण्या³²३२ ,तेतार राजा तिना पावरोह हदिन कोय ए लुच्या लोबाड़ पावोर तू मेहे रावण्या कोरलु कोरिन मी तारु आखु कोरजू माफ कोर देललु ।

³³३३ ,कोरिन जेहे मी तोहोपोर दोया कोरलु तेहे तु बी जीनाह पोयहा आपलू तिना तारा हातीह गुलाम पवरोपोर दोखा कोरनू ओतो ने³⁴, ३४ कोरिन राजा सोतपामा आविन तिना पावरोह जाहलोगोन राजा आखु कोरजू नि फेडयु ताहलोगोन जेलोमा कुंडाड देललू

³⁵, ३५ इने रिते ज़ोर तुमु तुमरा बायहो बोनहाह दोया कोरिन मोन दोखा माफ नि कोरे ते सोरग मायलू बाह बी तुमरो पाप माफ नि कोरे

Chapter 19

¹१) यीसु यी आखी वात कोयीन ओवतु गोलील जिलामा दोखु येहुदिया जिलान योरदोन खुदरान पोल्ली दोडी जात रोयु ।

²२) तेतार खुब माणहे तेर फोसोव आव्या एने यीसु च्याहरी मांदलानुह हाजा कोरयु।³३) थुडाक फोरोसी पोथवाला तीनहा फारकने आवया एने च्या यीसुह फुसनणे बाज गोया येहुदिन नेमोमा काल्ली बी वातोन कोरता सोतान लाडीह काड देणु बराबर से के । ⁴४) तेतार यीसु कोयु बोगवानोन पुस्तको मा तुमु काय नी वाच्या के जेतार बोगवान कोवी गोडयु तेतार च्यु माणुह एने बाईह बोनावलु ।⁵५) कोरीन वियाव ओयीन ओवतु माणुह तेर आय बाबा हाते दोखु आंगे ओईनतेर लाडी हाते एकुज डीलोन होस मिवीन रोयीन ।

⁶६) एने चा एवी दुय निमब्बे पुण एकुज डील से कोरीन तिनुह बोगवान जुडोलु से तीनहा माणुह अलग नी कोरनु जुवे।⁷७) च्या यीसु कोया ओवतु मुसा काहा यो हुकुम आपलु चिट्टी आपीन तीनही सुडदे । ⁸८) यीसु तिनुह कोयु मुसा तुमरो मोन वातडी जाणिन तुमुह कोरीन तुमरी लाडी सुडनेन हुकुम आपलु ओतु पुण माणुह एते बायोर तेतार ते ओहला नी ओत ।

⁹९) एने मी तुमुह कोयोह ज्यु कुण जोर तेर लाडी दिहरा माटी हाते सिनावो नी कोरली ती बी तेर लाडीह काडीन दीहरी बायोर हाते वियाव कोरे ते च्यु बोगवानोनल नोजरोमा सीनावो कोरलु कोवाय एने जोर कुण काडली लाडी हाते वीयाव कोरे ते च्यु बी बोगवनोन नोजरोमा सीनावो कोरलु कोवाय।¹⁰१०) तेतार चेला तिनहा कोया जोर माटी लाडी हाते ओहलो वेवार कोरे ते तेर कोरता वियाव नी कोरे च्योज हाजो से । ¹¹११) यीसु चेलानुह कोयु आखा माणेह यी वात नी मान सोकतला जिनहु बोगवान रायणे मोदत कोरे च्या ओतरोज मान सोकतला । ¹²१२) तेतार थुडाक गोतराडा ओहला से च्या आयीन पेटोमा दोखा ओहला पोयदा ओयला एने थुडाक गोतरडा ओहलसे तीनुह माणहे गोतराडा बोणाव देतला एने थुडाक सोरग राजोन कोरता वियाव कोरे बिगुर जीवणे ठोराव देलल ज्य यी वात मानने विचार कोरतला तीनुह मानने देवु ।¹³१३) तेतार थुडाक मानहे तीनदरा आयतला पुरयु च्यु तीनुह पोर आथ मेकीन तिनदरे कोरीअन पोरथना कोरे कोरीन यीसु पाह लावया पुण तेर चेला तीनुह कीछवायु । ¹⁴१४) येशु कोयु पुरयाह मार हाते आवणे देवु तीनुह रुकु मा काहाके सोरगन राज इन पुरयान होस रोयणारा माणहोह से ।

¹⁵१५) एने यीसु तीनुपोर आथ मेकीन तिनुह आसीरवाद आपिन च्याहरी दोखु जात रोयु ।¹⁶१६) एक माणुह यीसु हाते आवीन कोयु ए हाजला गुरु मी काल्लो हाजो काम करो की जोलमकीन जीवाय जुडे । ¹⁷१७) यीसु तिनुह कोयु तु मेहे हाजा कामोन बारामा काहा फुसतला बोगवान ओतरुज हाजु बोगवानोह सुडीन कुण बी हाजा निमबे पुण जोर तोले जोलमकीज जीवायमा जाणु ओहे ते तेर हुकुम मानतु रोयजी ।¹⁸१८) तेतार च्यु येशुह फुस्यु बोगवानोह काल्लु हुकुम ओवतु यीसु तीनाहा कोय तु खुन जुण कोरतु सीनावो जुण कोरतु च्युरी जुण कोरता एने ठोगीन फुरावु जुण आपतु । ¹⁹१९) सोतान आय बाबान मान राखली एने सोताह जोहलु मोग कोरतलु तोहलु दोहरह बि मोंग कोरजी ।²⁰२०) च्यु जुवान यीसुह कोयु यो आखो ते मी पेलेन कोरतु आवलु उजु मारामा काल्ली वातोन कोमी से । ²¹२१) ओवतु यीसु तीनाहा कोयु जोर तु बोगवानोन नोजोरमा पुरुन पुरु बिगुर पापोन बोणने विचार कोरे ते जा ज्यो काय तोहो पोर से च्यो आखो वेचीन गोरीबोह आप दे तेतार तोहो सोरगोमा मोगो माल दोन जुडहे ओवतु मार फोसोव आवजी । ²²२२) पुण यी वात होबीन च्यु जुवान मुय उतार लेदलु काहाके च्यु खुब मात बोर ओतु ।²³२३) ओवतु यीसु तेर चेलानुह कोयु मी तुमुह खोराखोर कोयोह ज्या मातला माणहे तिदरा मालदोनो पोर बुरहु कोरीन रोयतला च्या सोरगो राजोमा जाणे खुब कोठीन से । ²⁴२४) मी तुमुह फोसु कोयोह पास्तला माणहे ज्या तिदरा मालदोनोपोर बुरहु कोरिन रोयतला च्या बोगवानोन राजोमा जाणेम दोखु उटडाहा हुयोन नास्कामा दोखो निकवणु सोपो से ।²⁵२५) यो होंबीन चेला बोगलाय गोया एने च्या कोया जोर पुहे ओहेत कुन वाच सोकतलो ²⁶।२६) ओवतु यीसु तिनुह बावीन कोयु माणहे ते कायिज नी कोर सोकतला पुण बोगवान आखोज कोर सोकतलु ।

²⁷२७) तेतार पोतरस यीसुह कोयु देख आमु आखो सीडीन तार फोसोव आवला से ते मोग आमुह काय जुडहे ।²⁸२८) तेतार यीसु तेर चेलाह कोयु मी तुमुह खोराखोर कोयोह जेतार मी माणहोन पुरयु नोवली कोवीमा राज कोरने मोहीमान राजगादी पोर बोठीह तेतार तुमु ज्या मार फोसोव आवला तुमु बी मारहाते बारा राजान राजगादी पोर बोठीन इसरायेल माणहोन बारा गोराणापोर नियाव कोरहोत ।²⁹२९) एने ज्यु कुण मार नावोन कोरता तेर गोरे बायहे बोणहया आय बाबा पुरया पारी एने खेत सुडीन मार फोसोव आवहे तिनाहा एक होव गुना जुडहे एने च्यु बोगवान हाते जोलमकीज जीवाय जीवहे ।

³⁰३०) पुण खुब होंटा माणहे ज्या पेल्लासे फोसोव ओय जाहे एने ज्यो फोसोव से च्या ओगोव ओय जाहे ।

Chapter 20

¹१) सोरगोन राज एक दोरक्शान वाडीन मालकोन होस से एक दिह चु होदारे वेगुज तेर दोरकशान वाडीमा मोजरया लगाडनेन कोरता निकव्यु ।

२)

²च्यु मोजरयान एक दिहोन रुज एक चोदिन रुपयु एने तीनुह दोरकशान वाडीमा मुकल्यु ।³३) होंदारे नोव वाजता च्यु बोजारोमा गोया एने थुडाक माणहे रिकामा उबरोयला देखीन । ⁴४) तीनुह कोयु तुमु बी मारी दोरकशान वाडीमा कामे जावु एने मी तुमुहु बोराबोर रुज आपीही ।⁵५) ओवतु च्यु बारा वाजता इन तीन वाजता इन तीन वाजता बारथे जायीन तेहेज कोरयु । ⁶६) ओवतु च्यु हाजपोर पाच वाजता फोसु गोयु एने उंजु थुडाक माणहे उबरोय रोयला देखीन च्यु तीनुह कोयु तुमु आखु दीही याहरी काहा रीकामा उबरोय रोयला। ⁷७) चु तिनुह कोयु मोंग तुमु बी मारी दोरकशान वाडीमा कामे जावु।⁸८) हांज पोरली टेमे दोरकशान वाडीन मालक तेर मुकोडदोमह कोयु मोजरयानुह हादीन रुज आप ज्या फोसोव आवला तीनुह लागाडीन ते च्या पेल आवला तिनुह लोगोण रुज आप दे । ⁹९) ज्या पाच वाजता कामे लागला च्या आवला ते तिनुह एक दीहोन रुज एक एक चोडीन रुपायु आपयु ।

¹⁰१०) ज्या पेल आवला ओता तीनुह एहे लागयो के दिहरा दोखा आमुह होंटा जुडहे पुण तीनुह बी एक एकुज चोदीन रुपायु जुडयु ।¹¹११) रुज जुडयु तेतार च्या दोरकशान वाडीन मालकोन कुड कुड कोरता जायीन कोया । ¹²१२) या ते फोसोव आवला एने एकुज तास काम कोरथा ती बी तु इनुह आमरे बोराबोर रुज आप देल्लु बाकीन आमु आखु दीही तोप जेलीन काठी मेहनोत कोरया ।¹³१३) यो मालक तीनु मायलाह एकाह कोयु ए दुस्ती मी तुमरो उलटो नियाव नी कोरयु मी तुमुह एक दिहोन रुज एक चांदीन रुज एक चांदीन रुपयु आपीह कोरीन बुली कोरलु ओतु कीनी । ¹⁴१४) एवी तारु रुज ले एने जातरो तोहो आपलु तोतरोज फोसोव आवणाराह बी आपने मारी इस्या से ।¹⁵१५) मी मार पोयहाह ज्यो मेहे पोटे च्यो मी कोरने मेहे होक निमबे के मी तीनुहाते हाजो काम कोरलु देखीन तुमु मेहे काहा कुयरायतला ।

¹⁶१६) इने रिते ज्या फोसोव से च्या ओगोव ओय जाहे एने च्या ओगोव से च्या फोसोव ओय जाहे ।¹⁷१७) जेतार यीसु येरुशलम सेहर जातोतु तेतार च्यु तेर बारा चेलानुह एक वोगे ली गोयु एने वाटे चालतु जायीन तीनुहु कोयने लागयु । ¹⁸१८) देख आपु यरुशलेम जाणे बाज रोयाह एने च्याहरी माणहोन पुरयु डायला पुजारा एने येहुदीन नेम हीकाडनारा आथोमा होपणेमा आवहे ओवता च्या तीनाहा मोतोन जेड आपे ओहलो गुनावालु ठोराव्हे । ¹⁹१९) एने च्या तीनाहा बिगुर येहुदी वावा माणहोन आथोमा होप देहे एने तेर मोजाक उडहे एने चोपडका देहे एने खीला ठुकीन क्रुस खाम्बापोर चोडावहे बाकीन च्यु तीसरे दीही फोसु जिवतु ओय जाहे ।²⁰२०) तेतार जोबदीन लाडी तेर पुरया याकुब एने युहन्ना लीन यीसु हाते आवी च्यी यीसुन पाया पोडीन वोदी एने यीसु पोर कायतोरी मागने बाज गोयी ।

²¹२१) तेतार यीसु तिनुह फुसयु तोहो काय जुवे एने च्यी कोयी तार राजोमा मार एक पुरयाह तारडाखरी खेर एने दीहराह तार जेवडीखेर बोठने होक आपजी ।²²२२) यीसु कोयु तुमु काय मागतला च्यो तुमु नी जाणतला ज्यो दुखोन पियोन पीयालो तुमु बी पीने तियार से के ।

²³२३) यीसु कोयु हासलीन मी पिनेण दुखोन पियालो तुमु बी पी सोकतला बाकीन मार डाखरीखेर एने मार जेवडीखेर कुण बायहे च्यो नीवाडनेन मार होक निंबे च्यु जागु बाबु कुणीन कोरता तियार कोरलु से तीदरुज रोयहे ।

²⁴२४) यो होंबीन च्या दीहरा दोस चेला तीनु दुय बायहो हाते खोताय गोया।²⁵२५) एने यीसु तेर हाते तीनुह हादीनकोयु तुमु यो जाणतला से के बोगवानो पोर बुरहु नी कोरनारा दीहरी जतिन माणहोन विस्मा राज कोरनारा नावलायला मुखी सोतान माणहोन पोर होक जोमाडीनरा पोर ओवी दीहरा मोटला पुडारया होक दाबीन जोमाडतला । ²⁶२६) पुण तुमु ओहलो जुण बोणता काहाके तुमरामा ज्यु कुण मोटु बाणहे हुदे च्यु तुमरु पावोर बोणनु पोडहे । ²⁷२७) एने तुमरमा ज्यु मुखी बोणहे हुदे च्यु गुलाम पावरोन होस आखान चाकरी कोरनु पोडहे । ²⁸२८) जेहे माणहोन पुरयु सोतान सेवा चाकरी कोरवणे नी बाकीन सोता दीहरान सेवा चाकरी कोरने एने खुब होटा माणहोन जीव वाचाडनेन कोरता तेर सोतान जीव आपणे बी आवलु से।²⁹२९) जेतार यीसु एने तेरा चेला येरीहो सहर दोखा जातोता तेतार माणहोन खुब गोरदी तेर फोसोव आवतोती । ³⁰३०) एने दुय आंदवा सोडकोन दोडी बोठ रोया ओता जेतार तीनी वाटे यीसु आवणे बाज रोयुह यो होंबीन च्या आयडीन कोयणे बाज गोयु ए पोरबु दाऊदन पुरयान पुरया आमु पोर कीव कोर।

³¹३१) माणहे तिनाहा कीचवाडीन थावका रोयणे कोया पुण च्या उंजु बी आयडी आयडीन कोया ए पोरबु दाऊदन पुरयान पुरया आमु पोर कीव कोर।³²३२) यो होंबीन यीसु उबरोय गोयु अने तीनुह हादीन कोयु तुमुह काय जुवे मी तुमरे कोरता काय कोरो । ³³३३) च्या कोया ए पोरबु आमु देखणु जुवे। ³⁴३४) यीसुह खुब कीव आवी कोरीन तीनदरा डुवा सिब्यु एने च्या लोगेज देखणे बाज गोया एने तेर फोसोव चाल पोडया ।

Chapter 21

¹१) जेतार यीसु एने तेर चेला येरुशलम सेहर हाते पुच्या एने बेतफागे गाव हातेल्ला जेयतुन बोयडा पोर आव लागला ते यीसु दुय चेलाह यो कोरीन मुकल्यु । २) ²पोल्लो होबो देखायहे तीन फोव्यामा जावु एने च्याहारी पुछताज एक फुरकी गोरदी रोयहे एने तेर हाते तेरो बोच्चो बी रोयहे एने तेर हाते तीनुह सुडीन मार हाते ली आवजु । ³३) जोर तुमुह कुण बी काय कोये ते तीनाहा एहे कोयजु पोरबु एरी जोरवुत से तेतार च्यु उतवावु तिनुह ली मुकली देहे ।⁴४) ज्यो बुल बोविस्य कोयणारा कोयला ओता च्यो पुरो ओये कोरीन एहे ओयलो । ⁵५) सीरयोण सेहरमाकोयु देख तार राजा तार हाते आवणे बाज रोयु च्यु निचोव्वु से एने गोदडा पोर बोठ रोयुह मोज गोदडीन बोच्चा पोर बोठीन आवणे बाज रोयुह ।⁶६) चेला जायीन यीसु जेहे कोयलु तेहेज कोरया ।

⁷७) गोदडी एने बोच्चाहा तीनाहाते लाव्या एने च्या तिदरा लुगडा वोच्चायोर पागराव्या एने यीसु तिना पोर बोठ गोयु । ⁸८) तेतार गोरदी मायला माणहे तीदरा लुगडा वाटोपोर आथरया एने दिहरी माणहे जाडोन डाव्या तुडीन वाटोपोर वेर देण्या ।⁹९) गोरदी मायला माणहे यीसुह ओगोव चालता जायीन एने यीसुह फोसोव फोसोव चालता जायीन आयडीन आयडीन कोयतोता दावुदोन गोराणान पुरयाह होसान्ना हाजु से च्यु ज्यु पोरबुन नावोमा आवे च्यु बारकोतिवावु से आखा दोखा उचा सोरगोमा रोयणारान होसान्ना । ¹⁰१०) जेतार च्यु येरुसलेम सेहरोमा आव्या तेतार तिना सेहर मायला माणहे यु कुण कोरीन कोलो कोलो कोरने बाज गोया ¹¹।११) माणहे कोयणे बाज गोया चु गोलील जिलामा नासरत गावमा चलु बोविस्य कोयणारु यीसु से ।¹²१२) यीसु मोदीरोमा जायीन ज्या मोंदीरोमा लेणु देणु कोरतोता तीनु आखानह बारथे काडणे बाज गोयु एने पोयहा ओदला टेबले कोरनारान पाटडा उलटाव देल्लु । ¹³१३) एने तिनुह कोयु लेखलो से मारो गोर पोरथनान गोर कोवायहे पुण तुमु इनाह चुटटान लिकायणेन गुफा बोणाव देल्ला ।

¹⁴१४) ओंवता आदवा एने लेगडा मोंदीरोमा तेर हाते आव्या एने च्यु तिनुह हाजा कोरयु ।¹⁵१५) मोंदिरोमा पुरया आयडीन कोया दावुदोन पुरया होसाना यो होंबीन एने यीसुन चोमत्कार देखीन बोगवानोन डायला पुजारा एने येहुदी नेम हिकाडनारा खुब खोताय गोया । ¹⁶१६) च्या तिनाह फुस्या याकाय कोयणे बाज रोयाहा तु होबोवलु के यीसु कोयु होव काय तुमु बोगवानोन पुस्तोकोमा यो कोदी वाच्याके तु आयतला पुरया एने दुद पीणारा पुरयान मुये दोखु गुण गावाडतलु ¹⁷१७) ओवतु च्यु तीनुह सुडीन सेहरमा दोखु बेतनिया गांव जात रोयु एने च्यांहरी मुक्काम रोयु ।¹⁸१८) होदारे वेगुज च्यु फोसु सेहर जातोतु तेतार वाटे तिनाहा बुख लागी । ¹⁹१९) यीसु सोडकोन दोडी एक उबरोन जाडोह देखीन तिनाहाते गोयु पुण पान्टा सुडीन तीनाहा कायीज नी जुडयों कोरीन जाडोह कोयु एवी दोखु तु कोदी फोव नी आपे लोगेज उबरोन जाड हुक गोयो ।²⁰२०) यो देखीन चेला बोगलाय गोया एने च्या यीसुह फुस्या यो उबरोन जाड लोगेज केहेक हुक गोयो । ²¹२१) एने यीसु तिनुह जोपाप आप्यु मी तुमुह खोराखोर कोयतलु जोर तुमु मोनमा सोंका विगुर बुरहु कोरे ते तुमु इना उबरोन जाडोह ज्यो ओयो यो ओतरोज नी पुण इन बोयडाहा बी उखविन दोरीयामा पोड जा कोयहे ते ओय जाहे । ²²२२) एने फोसु बुरहु कोरीन काय बी पोरथनामा मागहे च्यो आखोज तुमुह जुड जाहे ।²³२३) च्यु फोसु मोदीरोमा जायीन हिकाडतोतु तेतार डायला पुजारा एने येहुदीन नेम हीकाडनारा एने पुजरया तिनाहाते आविन फुस्या तु या कामे कुणीन आदीकार दोखु कोरतलु एने तोहो यो आदीकार कुण आपलो से।

²⁴२४) यीसु तिनुह कोयु मी बी तुमुह एक वात फुसतलु जोर तिनी वातोन जोपाप आपहे तेतार मी बी तुमुह कोयतुह के याकामे मी कुणीन आदीकार दोखु कोरतलु से ।²⁵२५) माणहोह बापतिस्मान रीत आपणे होक युहन्ना कुण आपलो बोगवान के माणहे तेतार च्या तिदरे कोयणे बाज गोया जोर आपु सोरगो मायलु बोगवान तिनाह होक आपलु कोयहु ते च्यु कोयहे ते तूमु तिनापोर काहा नी बुरहु कोरया । ²⁶२६) पुण जोर आपु माणहे तिनाहा होक आपला कोयहु ते माणहे आपुह काय कोर देहे कोरीन च्या माणहोह बीहीतोता काहाके या आखा माणहे युहन्ना खोरु बोविस्य कोयणारु मानतला । ²⁷२७) ओवता च्या यीसुह जोपाप आप्या आमु काय नी जाणतला तेतार यीसु कोयु मी बी तुमुह नी कोयतु या कामे मी कोणीन आदीकार दोखु कोरतलु से।²⁸२८) तुमु काय विचार कोरतला काल्लातोरी एक माणहोह दुय पुरया ओता च्यु पेल्ला पुरयाहाते जायीन कोयु ए पुरया आज तु दोरकस्थान वाडीमा जायीन काम कर। ²⁹२९) च्यु कोयु मी नी जातु पुण ओवतु च्यु तेरो मोन बोदलावीन गोयु ।

³⁰३०) ओवतु दिहरी पुरया हाते जायीन कोयु ओवतु च्यु जोपाप आप्यु होव बाबा जातलु पुण नी गोयु ।³¹३१) इन दुय पुरयामा कुण बाबान इस्या पुरी कोरलु च्या कोया पेल्लु पुरयु यीसु तिनुह कोयु मी तुमुह खोराखोर कोरया पुण फावु दुय कोरनारा एने राज तुमु दोखा पेल बोगवानोन राजोमा जाहे । ³²३२) काहाके युहन्ना बापतीस्मान रित आपणारु तुमुह जीवनोन दोरमी वाट देखाडने आव्या पुण तुमु तिनापोर बुरहु नी कोरया पुण फावु दुय कोरनारा एने राज तीनापोर बुरहु कोरया तुमु यो देखीन बी फोसा मोन नी फिराव्या एने तिनापोर बुरहु नी कोरया।³³३३) यीसु फोसु तिनुह कोयु एवी उंजु एक दाखलु होबु एक मालक दोरकस्थान वाडी लागाडयु अने तेरा सोमखेर वाड बोदयु तीनामा दोरकस्थान रुह काडणे एक खाड खोदाडीन चोक्की बोणाव्यु एने वाडी राखवावी कोरने पोक्कु मावु बोणाव्यु ओवतु च्यु दोरकस्थान वाडी दिहरी गोवादयानुह गोवादयो आपीन दिहरा देसोमा जात रोयु । ³⁴३४) दोरकस्थान फोवणेन सिजणोपोर तेर फोवोन इस्सु लेणेन कोरता तेर पावरोनुह तीनु गोवादया पाह मुकल्यु ।³⁵३५) पुण च्या गोवादया तेर पावरोनुह दोरीन काल्लहा कुटया एने काल्लाहा मारीन नाख्या एने काल्लहा दोगडाटया ।

³⁶३६) ओवतु च्यु पेल्ला दोखा होंटा पावरोनुह तीनुपाहा मुकल्यु एने च्या गोवादया तीनुहाते बी एहेज कोरया । ³⁷३७) सेव लिवार मालक गोवादया तेर पुरयान मानपान आपहे एहे विचार कोरीन तेर पुरयाह तीनुपाह मुकल्यु ।³⁸३८) पुण गोवादया तेर पुरया आवतलु देखीन तिंदरे तिंदरे कोया यी आखी वाडीन वारीस ते यु से आपु इनाह मार देता तेतार यी आखी वाडी आपणीज ओय जाहे । ³⁹३९) कोरीन च्या तिनाह दोरया एने दोरकस्थान वाडीम दोखा बारथे काडीन मार नाख्या ।⁴⁰४०) कोरीन दोरकस्थान वाडीन मालक आवहे ते तीनु गोवादयाह च्यु काय कोरहे । ⁴¹४१) च्या तीनाहा कोया जेतार दोरकस्थान वाडीन मालक आवहे ते तीनु गोवादयाह च्यु मार देहे एने दोरकस्थान वाडी दिहरी गोवादयानुह आप देहे एने च्या टेमो पोर तीनाहा कोमायोन वाटु आप्यु कोरहे ।⁴²४२) यीसु तिनुह कोयु काय तुमु पोवीत्र पुस्तोकोमा नी वाच्यो के जीना दोगडाह राज मिस्तरया रिकामु सोमजीण बारथे काड देल्ला च्यु दोगडा गोरोन पायान खुणान दोगडु बोण गोयु यो पोरबुखेर दोखा ओयलो एने आपणी नोजरोमा खुब बोगलाये ओहलो से ।⁴³४३) कोरीन मी तुमुह कोयतलु बोगवानोन राज तुमु पोर दोखो साडाड लेहे एने बोगवान काहाके जीवणे कोयतलु तेहे जीवणारा माणहोनोहुज आपहे ।

⁴⁴४४) ज्यु इना दोगडा पोर पोडहे च्यु चुराचुर ओय जाहे एने जीनापोर यु दोगडा पोडहे तिनाहा गेदया कोर देहे ।⁴⁵४५) मोटला पुजारा एने फारीसी पोथंवाला माणहे तेर दाखलाह होबीन सोमजी गोया के यु ते आमारा बारामा वातु कोरतलु से ।

⁴⁶४६) च्या तीनाहा दोरने हुतोता पुण माणहोह देखीन बी गोया काहाके माणहे तिनाहा बोविस्य कोयणारु मानतोता ।

Chapter 22

¹१) यीसु उजु तीनुह एक दाखलु कोयु ।

²२) सोरगोन राज तिना राजान होस से ज्यु तेर पुरयान वियावमा खाणेन पोगात बोठाडयु । ³३) एने च्यु तेरा पावरोह मुकल्यु के नेवतो आपाणराह पावणाहा वीयावमा हादया पुण च्या पावणा आवणे नी हुदया ।⁴४) फोसु च्यु दिहरा पोवरोनुह नेवतो कोयणे पावणा पाह मुकल्यु च्या पावरे जायीन पावणाहा कोयु देखु पावणायान खाणो तियार ओय गोयलो से बुयले एने मातल जोनवरे मारनेय आवला से एने आखो तियार ओय गोयलो कोरीन जोलदी वीयावोन पोगातमा आवु ।⁵५) पुण च्या तिदरे तिदरे कामे जाती रोया काल्ला खेतोमा एने काल्ला दोदा पोर जात रोया । ⁶६) एने दिहरा पावरोनुह देल्ला एने युडाकोह लाजवाडीन मार नाख्या । ⁷७) यी खोबोर होबिन राजाहा खुब खोत लागी ते च्यु तेर सोयनि कोनुह मुकलिन ज्या पावरोनुह मारला ओता तिनुह माराव देल्लु एने तीदरा सेहरोह होलगाडाव देल्लु ।⁸८) ओवतु च्यु तेर पावरोनुह हादिन कोयु वीयावोन खाणो तियार से बाकीन जिनुह मी हादलु च्या आवणेन लायक नी ओता ।

⁹९) कोरीन तुमु गोली गोलीमा जावु एने जोतरा बी माणहे तुमुह मी वायहे तीनु आखाह हाद लावजु । ¹⁰१०) पावरे च्यार फाटा पोर गोया एने हाजा एने खोराब जोतरा बी मिवायला तीनु आखानुह हादया एने होटो माणहे आव्या तिनामा वीयावोन मोडप बोराय गोयलो ।¹¹११) पुण राजा पावणानुह बावणे मायतु गोयु तेतार च्यु एक पावणाहु देख्यु ज्यु वीयावोन लुगडा नी पेरया ओता । ¹²१२) च्यु तिनाहा फुस्यु ए दुस्ती तु वीयावमा वीयावोन लुगडा पेरीन आवणु ओता बाकीन वियावोन लुगडा बीगुर तु काहा आवलु तेतार च्यु ठावकु रोयु ।¹³१३) तेतार राजा पावरोनुह कोयु एरा आथे पाये बांदीन आंदारालामा नाख देवु च्याहरी यु कोलपी कोलपीन रोहे एने दाते कीकडाव्णु रोयहे ।

¹⁴१४) काहाके बुलाडला होंटा से पुण निवावडला थुडा से ।¹⁵१५) तेतार आखा फारीसी पोथंवाला एखठा ओयीन यीसुह केहेक वातोमा फोसाडजे कोरीन च्या होमचु कोरया। ¹⁶१६) एने तेरा चेलाह एने सुडीन हेरोदेस राजान माणहोह यीसु पाहा मुकल्यु च्या यीसु हाते आवीन कोया ए गुरु आमु जाणतला के तु खोरु से एने बोगवानोन वातोहा माणहोह खोरो हिकाडतलु तु माणहोण पोरवाय नी कोरे एने माणहोन मुय देखीन वातु नी कोरतलु ।

¹⁷१७) कोरीन एवी आमुह कोय तु काय सोमजतलु से कयसरोह येहुदी कायदान रिते फावु आपणु ठीक से के नी ।¹⁸१८) पुण च्या काहा आवला च्यो यीसु जाणतोतु कोरीन ततिनुह कोयु ए डोगडावा तुमु मेहे काहा फारोकतला ।

¹⁹१९) फावु आपतला तिनामा एक चोदीन रुपायु मेहे देखाड ऐने च्या एक रुपायु लाव्या ।²⁰२०) यीसु कोया फुस्यु इन रुपायोपोर कुणीन सिक्कु एने कुणीन नाव सापाय रोयोहो । ²¹२१) च्या कोया कयसरोन यीसु तिनुह कोयु ठीक से मोग जो केयसरोन से च्या केयसरोह आपु एने ज्यो बोगवानोन से च्यु बोगवानोह आपु । ²²२२) च्या यीसुन जोपाप होबीन बोगलाय गोया एने तिनाहा सुडीन जात रोया ।²³२३) ते दिहुज सोदुकी पोथवाला माणहे मोरीन फोसा मोरलाम दोखा जीवता नी ओये एहे विचार कोरनारा यीसु हाते आवीन फुस्या ।

²⁴२४) ए गुरु मुसा ओहलु एक नेम येहुदीन कोरता आपलु ओतु वीयाव ओयलु एक माणुह बीगुर पुरयान मोरे ते तेर रोडायली बायोर हाते तेर बायह वियाह कोरनु जुवे एने मोरनारान कोरता वारीस पोयदा कोरनु जुवे।²⁵२५) आमरे याहरी सात बायहे ओता तीनुमा पेल्लु बायहो वीयाव कोरयु एने बीगुर पुरयान मोर गोयु कोरीन तेर बायह रोडायली हाते वियाव कोरयु ।

²⁶२६) इने रिते दुहोरो एने तीसरो बी कोरयु एने सात लोगोन ओहलो ओय ।

²⁷२७) एने सेवलिवार च्यी बायी बी मोर गोयी ।

²⁸२८) जेतार मोरला माणहे जीवता ओयहोत ते च्यी कुणीन लाडी कोवायहे काहाके च्यी सातु बी बायहोन लाडी ओती ने ।²⁹२९) यीसु तिनुह कोयु तुमु पोवित्र पुस्तोको मा काय लेखलो च्यो बी एने बोगवानोन ताकोतोह बी नी जाणतला कोरीन तुमु इन सेहे गोलत सोमजतला ³⁰।३०) जेतार मोरला माणहे मोरलाम दोखा जीवता ओयहे तेतार बायी वियावमा आपाये नी मारी वीयाव कोरे नी बाकीन च्या सोरगोमा सोरगदुतोत होस रोयहेज³¹३१) पुण ज्या मोनारया से च्या फोसा जीवता ओयहोत काय तुमु पोवित्र पुस्तोकोम नी वाच्या के तेर बारामा बोगवान तुमुह कोयलु की ।

³²३२) मी आबराहाम ने बोगवान एने इसाक ने बोगवान एने याकुबोन बोगवान से च्यु मोरलाम नी पुण जीवतलान बोगवान से।

³³३३) यीसुन यी वात होंबीन माणहे बोगलाय गोया।³⁴३४) जेतार फोरीसी माणहे होंब्या यीसु सोदुकी माणहोन बुलती बोद कोर देल्लु ते च्या एखठा ओया । ³⁵३५) तीनु मायला एक येहुदीन नेम हिकाडनार यीसुह फारकणे कोरीन फुस्या ।

³⁶३६) ए गुरु मुसान नेमोमा आखा दोखु मोटलु हुकुम काल्लु से ।³⁷३७) यीसु तिनुह जोपाप आप्यु तु मारा पोरबु बोगवानोह तारा पुरा मोन दोखु एने पुरो जीव दोखु एने आखी ओक्कोल दोखु मोंग कोरजी ।

³⁸३८) आखा दोखु मोटलु एने पेल्लु हुकुम युसे ।³⁹३९) आखा दोखु दुहरु खास हुकुम युसे के तु तार सी जारीही बी सोताह जेहे मोग कोरतलु तेहेज मोग कोरजी।

⁴⁰४०) मुसान आखा नेमे एने बोविस्य कोयणाराह आखा हिके इनु दयुज हुकुमोन आदारे से।⁴¹४१) जेतार फारीसी पोथंवाला टुलवाय रोया ओता तेतार यीसु तिनुह फुस्यु ।

⁴²४२) मोसीन बारामा तुमु काय विचार कोरतला च्यु कुणीन पुरयु से च्या यीसुह कोया दावुदोन गोराणान से।⁴³४३) यीसु कोयु दावुद पोवित्र आत्मा मा बोरायीन तिनाहा पोरबु काहा कोयतलु ⁴⁴।४४) बोगवान मारा पोरबुह कोयु मार जेवडीखेर बोठ जाहातोक मी तार दुस्मन तार पायोन नेचो नी कोर देव ताहालोगोण ।⁴⁵४५) जोर दावुद तिनाहा पोरबु कोयलु ते मोग च्यु तेरु पुरयु केहेक बोण सोकतलु । ⁴⁶४६) तीदरी बुलती बोद ओय गोयी एने फोसा कुणीह बी तीनाहा काय बी सोवाल फुसणेन हिम्मोत नी ओयी ।

Chapter 23

¹(१) ओवतु यीशु माणहोह एने तेर चेलानूह कोयु।

²(२) येहदीन हिकाडनारा एने फारिसी पोंथवाला मुसान गांदीपोर होक हाते बोठा रोयाह ³।(३) कोरिन तिदरी आखी हिक तुमूह माननेन जोरुडी से पुण तिंदरे होस काम जुण कोरता काहाके च्या कोयतलाते खोरा पुण तोहलो कोरता नी ।⁴(४) च्या मामले ओहलो से ज्या खुब वोजु बांदिन माणहोन खोदापर मेकतला बाकीन च्या माणहोन बाजु ली जाणेन कोरता तिंदरे आंगुव बी टेकवणे नी हुतल्लु। ⁵५) ज्या तिंदरा आखा कामे माणहोह देखाडणेन कोरताज से च्या ताविज चोवडो कोरीन तिंदरा आथोमा बांदतला एने तिदरे लुगडान गुमसा नांबा कोरतला ।⁶(६) एने पोगातमा एने बोकतीन गोरमा खास जागापोर बोठणे तिनुह पोटतलो ⁷।७) बोजारमा माणहे तिनूह इज्जुत आपणु एने गुरु कोयडावणे हुतल्ला ।⁸(८) पुण कुण बी तुमूह गुरु नी कोयणु जुवे काहाके बोगवान तोतरुज तुमरु गुरु से एने तुमु आखा बायह बोणहान होस से।

⁹(९) एने दोरतीपोर कुणीह बी बाबा कोरीन जुण बुलाडता काहाके तुमरु एकुज बाबु से च्यु सोरगोमा से ! ¹⁰१०) एने कुण बी तुमूह मास्तर नी कोयणु जुवे काहाके तुमरु एकुज मास्टर से एने च्यु मोसी से¹¹(११) तुमरामा ज्यु आखा दोखु मोटु से च्यु दिहरान पावोर बोणीन तिदरी सेवा कोरनु जुवे।

¹²१२) तुमरामा ज्यु कुण सोताहा मोटु सोमजे बोगवान तिनाहा आयतु बोणाव देहे एने ज्यु सोताह आयतु सोमज बोगवान तिनाहा मोटु बोणाव देहे।¹³(१३) ए डोगडा कोरनारा फारीसी पोंथवाला एने येहुदी नेम हिकाडनारा मास्तरो तुमु पोर खुब विखु आवहे तुमु माणहोन विरोध मा सोरगेन राजो ने जुपु बंध कोरतला से सोरग राजोमा तुमु बी नी जातला एने दिहराह बी नी जाणे। देतला।

¹⁴(१४)ए फारीसी पोथवाला एने येहुदी नेम हिकाड नारा मास्तरो तुमु खुब ढोंगडा कोरतला तुमू रोडयला बायरान गोरमा बोरायीन तिनुह दोकु दिन ठोग देतला एने तिंदरा पोयहा खाय लेतला तुमु दिहराह देखाडनेन कोरता नांबी पोरथना कोरतला कोरीन बोगवान ओहला माणहोह खोतरनाक डोंड आपहे ¹⁵।१५) ए ढोगडा कोरनारा फारीसी पोथंवाला एने येहुदी नेम हिकाड नारा मास्तरो तुमु पोर खुब दुःख आवहे तुमू एक जोणोह तुमरा पोथंमा लावणेन कोरता वारुज दोरीया उनकीन दोरतीपोर फिरतला तिनाह तुमरा पोथवाला बोणाव देतलाते तुमू धोखा बी तिनाहा दुय गुणा नोरकोन आगठामा जाये ओहलो बोणाव देतला ।¹⁶१६) ए आंदवा ओगोवाण्या तुमू पोर खुब दुःख आवहे तुमू माणहोह एहे हिकाडतला तुमू बोगवानोन मोंदिरोन सोप्पत खाये ते तिनामा कायीज निबं पुण कुण बी मोदिरो मायला हुनान सोप्पत खाये ते तेरी वात बांदाय जाहे।

¹⁷(१७) ए वीण ओकलीया आंदवा तुमू मेहे कोयजु काय मोटो से हुनो से के ने ते हुनाक सुखलो कोरनारो बोगवानोन मोंदिर।¹⁸(१८) उजू एहे हिकाडतला जोर तुमू मेहे बोगवानोन मोंदिरोमा दान मेकणेन उटलान सोप्पत खाये ते कायीज निंब पुण तुमू उलटापोरला बेटन सोप्पत खाये ते बांदाय जाहे । ¹⁹१९) ए आंदवा तुमू नी जाणतला के बेटे दोखु बोगवानोन मोंदिरमा बादा चोडावणेन उलटू पवित्र से।²⁰२०)कोरीन तुमु बोगवानोन मोदिरोमा बेट चोडावणेन उटलान सोप्पत खातला ते तिना उटलापोर आखा बेटोन बी तुमू सोप्पत खातला।

²¹(२१) एने जेतार तुमु मोदिरमा सोप्पत खातला ते बोगवान ज्यु च्याहरी रोयतलु तेरी बी सोप्पत खातला। ²²२२)एने जेतार तुमू सोरगोन सोप्पत खातला ते तुमू बोगवानोन राज गादिन एने तिनापोर बोठणारा बोगवानोन बी सोप्पत खातला।²³२३)ए ढोंगडा कोरनारा फारीसी पोथंवाला एने येहुदी नेम हिकाडनारा मास्तरो तुमु पोर खुब दुःख आवहे कहाके तुमू बोगवानोन पुदिना वोरयावी एने जिरान लोगोण दोसवू वाटु आपतला पुण बोगवानोन नेममा रीती दोखा नियाव दोया एने बुरहु ओहली खास वातोह टाव देतला होवे दोसवु वाटु आपणेन हाजी वात से पुण भोगवानोन नेमोन काय लेखलो च्यो बी तुमु पावणु जुवे।

²⁴(२४) ए आंदवा ओगोवाण्या तुमू चाचडयाहा ते जार देतला पुण उटडाहा गीव जातला।²⁵२५)ए ढोगडा कोरनारा फारीसी पोथंवाला एने येहुदीन नेम हीकाडनारा मास्तरो तुमु पोर खुब दुःख आवहे तुमू वाटव्या एने थाव्या। उपोर उपोर मोहडतला पुण मायता खुब खोराब विचारोन बोरायलो से ।

²⁶(२६) ए आंदवा फरीसी पोथवावा पेल तुमु वाटवव्या एने थाव्या माय दोखा उजाव लेवू तेतार आखो उपोर बी उजवो ओय जाहे ।²⁷२७)ए ढोंगडा कोरनारा फारीसी पोथंवाला एने येहुदी नेम हिकाडनारा मास्तरो तुमु पोर खुब विखु पाोडहे तुमू मोटयान होस से च्यो उपोर उपोर चुना कोरीन रोंगलो एने च्यो बारथे होबतो,देखायतलो पुण तिना मोटयामा मोरला माणहोह आटका एने सोडलो नाहा बारायलो से। ²⁸२८)तेरे उपोर तुमू बी माणोहो ने ने नोजोरमा दोरमी कामे कोरनारा ते देखायतला पुण मायता तुमू खुब ढोंगडावा एने खोराब से ।²⁹(२९) ए ढोगडा कोरनारा फारीसी पोथंवाला एने येहुदी नेम हिकाडनारा मास्तरो तुमु पोर विखू पोडहे काहाके तुमु बोविस्य कोयणारान कोरता फोसा मोटटया बोणावतला एने दोरमी माणहोन मोटटयाह होबाडीन तुमू इज्जत कोरनेन ढोगडा कोरतला। ³⁰३० . एने तुमु कोयतला आमु आमरा डायडायान टेमे रोयताते ज्या माणहे बोविस्य‌‌‌ कोयणाराह मारला तीनुह आमु सात नी देता।

³¹३१ . पुण तुमु एहे कोयन तुमू सोतान विरुदमा पुरावु आपतला के आमु बोविस्य कोयणारानूह मारनारान पुरया से ।³²३२.कोरिन तुमरा डायडायान खोराब कामोह तुमु बी बोरी देवु।

³³३३. तुमू गोडाहान से एने गोडाहान पिला से तुमु नोरकोन आगठामा दोखा केहे काय वाच सेकतला ।³⁴३४ . कोरिन देखू मी तुमु पाह बोविस्य कोयणारानूह एने ओकलोक वालानुह एने मुसान नेम हिकाडनाराह मुकलीही पुण तुमु तिनुमायला थुडाक जोणाह मार नाखहोत थुडाकोह क्रुस पोर चोडाविस मार नाखोहत थुडाकोह तुमरा बोकतीन गोरमा। चोपकडा देहोत एने थुडाकोह एक गाव दोखा दिहरा गाव मां वालहोत । ³⁵३५ . तितेरमा दोरमी हाबील दोखो ते बारक्यान ने पुरयु जोकरयाहोह चाहोह तिनुह मोंदिर एने उटलान विस्मा मारलु ओता जोतरा बी दोरमी माणहे ओता तिनुह मारिन लुय वोयाडला से इनु आखान कोरता बोगवान तुमुह दोंण्ड आपहे ³⁶।३६ . मी तुमुह खोराखोर कोयतलु इंदरो आखान मोतोन डोंड बोगवान इनी पीडीन माणहो पोर लावहे।³⁷37. ए यरुशलेम ए यरुशलेम तुमु बोविस्य कोयणारानुह मारीन जिनूह बोगवान तुमु हाते मुकोल्लु ओतु तिनुह डोगडाटीन मारला एने कोतरीवार मी जेहे कुकडी तेर पिच्चानुह तेर फाकडान नेची वाचाडने नी देण्या।

³⁸38. देखु एवी बोगवानोन तुमरा येरुशलम मोंदिरोह सूड देहे।

³⁹39. मी तुमुह कयतलुह के एवी दोखा जाहालोगोन तुमु मार बाराम ज्यु पोरबुन नावोन आवतलु च्यु तोकदिर वालु से एहे नि कोयहे ताहा लोणोम तुमु मेहे फोसा नी देखोत।

Chapter 24

¹१) यीसु मोंदीरोमा दोखु बारथै जातोतु तेर चेला मोदीरोमा रचना देखाडणे कोरीन तीना हाते आव्या । ²२) यीसु तिनुह कोयु काय तुमु यो आखो नी देखतला ने मी तुमुह खोराखोर याहरी एक दोगडापोर एक दोगडु बी नी रोये ।³३) एने जेतार यीसु जेयतुन बोयडापोर बोठ रोयु ओतु तेतार तेरा चेला तिनाहाते ठावकाज आविन तिनाहा फुसया आमुह कोयजी यी वात केतार ओयहे एने तारो आवणेन एने कोवीन आखरीम काय निस्यानी रोयहे ।

⁴४) यीसु तिनुह कोयु सोमावीन रोयजु एने कुण बी तुमुह दोकु नी देणु जुवे ।

⁵५) काहाके खुब से ओहला रोयहे मारा नावोमा आवीन कोयहे मी मोसी से एने होटा माणहोह फोसाडहे ।⁶६) तुमु जोगडा एने बारामा खोबर होबोवहे तेतार तुमु गाबराता जुण यो आखो जोरुड आयहेज पुण च्यु कोविन होरनेम टेम निबे ।

⁷७) काहाके एक जातीन माणहे दिहरी जातिन माणहोह वीरुद मा जोगडु एने एक राजवाडान माणहोन विरुद्ध दीहरा राजवाडान माणहे युदय कोरहे एने दुनियान खुब जागे काव पोडहे एने खुब जागामा दोरती आलीन दोदडी पोडहे ⁸८) यो आखो आवणे वाली पीडान सुरुवात से ।⁹९) तेतार च्या तुमुह खुब सोताडनेन कोरता दोरावहे एने मारीन बी नाखाहे तुमु मार नावो पोर बुरहु कोरतला कोरीन आखी जातीन माणहे तुमुह खोर राखाहे । ¹⁰१०) तेतार खुब होंटा माणहे तिदरु बुरहु सुड देहे एने एक दिहराह दोरावहे एने एक दिहराह खोर राखहे । ¹¹११) वारुज होंटा ठोग बोविस्य कोयणारा आवहे एने खुब माणहोह फोसाडहे ।¹²१२) माणहोन पाप बोडनेमा खुब माणहोन मोंग ठोडो ओय जाहे ।

¹³१३) पुण ज्यु आखरी लोगोण दिरोज दोरहे च्युज वाचहे ।

¹⁴१४) एने बोगवानोन राजोन बारामा हाजी खोबोर आखी कोविमा पोरचार ओय जाहे एने आखी जातीनुह पोर गोवायी ओय तेतार आखरी दिही आव लागहे ।¹⁵१५) कोरीन जेतार तुमु तिनी वीटवाडानारा चिजोह देखहोत तेरी वातु दानियेल बोविस्य कोयणारु कोयु पोवित्र जागा मा उबरोयली देखहोत । ¹⁶१६) तेतार ज्या येहुदिया मा से च्या बोयडाखेर नाहा जायहे ।

¹⁷१७) ज्यु कुण गोरोन सोतोपोर रोये च्यु काय बिलेणे सोतोपोर दोखु तेर गोरमा नी जाणु जुवे। ¹⁸१८) एने ज्यु कुण खेतोमा काम कोरतलु च्यु बोदलनेन लुगडा लेणेन कोरता फोसु तेर गोरमा जाणु नी जुवे।¹⁹१९) तीनु दिहोमा उगवी रोयली एने दाय खावाडणारा बायराहा खुब काठो ।

²⁰२०) एने पोरथना कोरु के तुमुह हियावान दिही ने ते आरामोन दिही तुमुह नाहणु नी पोडे । ²¹२१) काहाके तिने टेमे ओहली खोतोरनाक पीडा रोयहे बोगवान कोवी गोडलु तेरी दोखी एवी लोगोण ओहली पीडा कोदी नी ओयी एने उजु कोदी नी ओय। ²²२२) जोर बोगवान च्या खोतरनाक दिहे कोम नी कोरतु तेतार कुण बी नी वाचता पुण बोगवान जिनुह निवाडलु से तिदरे कोरता पीडान दिहे कोम कोरलु से।²³२३) तिने टेमे जोर एकदो तुमुह कोये देखु मोसी याहरी से नी ते च्यु च्यांहरी से पुण तुमु बुरहु जुण कोरता। ²⁴२४) काहाके ठोगरया मोसी एने ठोगरया बोविस्य कोयणारा निकोवहोत एने मा निस्णीया एने चोमत्कार देखा डोहत पुण च्या निवाडला माणहोह बी फोसाड देहे । ²⁵२५) देखु मी पेलु दोखु तुमुह यो आखो कोय देल्लु से ।²⁶२६) कोरीन जोर च्या तुमुह कोयहे देखु च्यु उजाडी जागामा से तेतार च्याहरी जुण जाता नी ते देखु च्यु गोरमा से एहे कोयहे तेतार बुरहु जुण कोरता । ²⁷२७) काहाके जेहे उगोवणीखेर दोखी दिही बुडोवणीखेर लोगोण वीज वीजोलतली तेहेज माणहोन पुरया आखा माणहोन देखाय पोडहे ।

²⁸२८) ज्याहरी दोड रोयहे च्याहरी ए मोटला गुवडा बी टुवु ओयहे ।²⁹२९) लोगेज तिना दिहोन पीडान बादमा दिही आंदारलु ओय जाहे एने चांद उज्यावो नी आपे एने बोगवान सोरग मायला तारा पोड देहे एने सोरगोन आखी ताकोतोहो आलोवहे ।³⁰३०) तिने टेमे सोरगोमा दोखो माणहोन पुरयु उतोरनेन निस्यानी देखाय पोडहे तेतार दोरती पोरलो आखी जातीन माणहे नेवती नेवतीन रोडहे एने च्या माणहोन पुरयाहा खुब ताकोत एने मोहिमा हाते सोरगोन वादवापोर आवतलु देखहोत । ³¹३१) जेतार पेपारया वाजान मोटलु आवाज होबायहे तेतार माणहोन पुरयु तेर सोरगदुतोनुह मुकोलहे एने च्या दोरतीन एकखेर दोखा वादवान दीहरीखेर लोगोण च्यार दिसा दोखा बोगवान जिनुह निवाडलु तिनुह टुवु कोरहोत ।³²३२) यी उबरोन जाडो दोखा एक दाखलु हिकु जेतार डिरा फुटणे बाज जातला एने तेर डावी कुवोव्वी ओय जातली एने पान्टा निकोवणे बाज जातला ते उनावु आवणेमाज से कोरीन तुमु जाण लेतला । ³³३३) इने रिते जेतार मी कोयलु यी आखी वातपुरी ओयतली देखहोत तेतार तुमु जाण लेजु के माणहोन पुरयु जुपा हाते आव रोयुह ।³⁴३४) मी तुमुह खोराखोर कोयतलु के जाहालोगोण मी कायलु यी आखी वात पुरी नी ओय ताहा लोगोण इनी पीडीन माणहे नी मोरे ।

³⁵३५) सोरग एने दोरती नास ओय जाहे पुण मारी वात कोदी नी नास ओये ।³⁶३६) च्यु दिही एने च्यु टेम ने बारामा कुनीज नी जाणतला नी सोरगदुते एने माणहोन पुरयु बाह बोगवान ओतरुज जाणतलु ।³⁷३७) जेहे नुहान टेमोमा ओयलो तेहेज मगणहोन पुरयु आवहे तिने टेम बी ओयहे । ³⁸३८) काहके मुसोवदार पाणी आवणेन पेल जेदिह लोगोण नुहु जाहाजोमा नी बोरायु ते दिही लोगोण माणहे खातोता एने पितोता एने एक दिहरान वियाव बी कोरतोता । ³⁹३९) एने मुसोवदार पाणी आविन आखा माणहोन वोयाडीन ली गोयु ताहा लोगोण तीनुह कायीज सोमजमा नी पोडयो माणहोन पुरयु आवहे तिने टेमे बी ओहलोज ओयहे ।⁴⁰४०) तिने टेमे दुय जोणे खेतोमा एखठाज काम कोरता रोयहे तिना मायलु एक जोण चुटाय जाहे एने दीहरु सुडनेमा आवहे ।

⁴¹४१) दुय बायरा गोटटीमा दाणा बोयोडता रोयहे तीनु मायलु एक चुटाय जाहे एने दिहरी सुडनेमा आवहे।

⁴²४२) कोरीन तुमु जागता रोयजु काहाके तुमुह मालुम निबे के केतार तुमरु पोरबू आवहे ।⁴³४३) पुण तुमु यी वात सोमजी लेवु के गोर मालकोह मालुम रोयतो ते च्यु चुटटु केतार आवहे ते च्यु जागतु रोयतु एने तेर गोरमा चुरी ओयणे नी देये ।

⁴⁴४४) कोरीन तुमु बी तियारीमा रोयजु काहाके जीने टेमे तुमु विचार बी नी कोरे तिने टेमे माणहोन पुरयु आव लागहे ।⁴⁵४५) एने च्यु इमानदार एने ओक्कोल वावु पावर कुण से जीनाहा मालक तेर गोरोन आखा पावरोनुह राखवावी कोरनेन एने टेमो पोर तीनुह खाणो आपणेन काम आथोमा होपहे । ⁴⁶४६) किसमत वालु से च्यु पावर तिनहा तेरु मालक फोस आवीन तेरो पावरोह हाजो काम कोरतलु देख पाडे ते । ⁴⁷४७) मी तुमुह खोराखोर कोयतलु के मालक तेर आखा मालदोनोपोर तिनाहा मुखी दोरावहे ।⁴⁸४८) पुण जोर पावोर खोराब काम कोरे एने एहे तेर मोनमा विचार कोरे मारु मालक जोलदी नी आवे । ⁴⁹४९) एने तेर हातीत गुलाम पावरोनुह देणे एने दारकुटया हाते खाणे पिणे बाज जाहे । ⁵⁰५०) ओवतु तिना पावरोह मालक के दीह एने के तार आवहे एने वाट जुवीन नी रोये तिने टेमे मालक आव लागहे ।

⁵¹५१) तेतार च्यु मालक तीनाहा खोतरनाक डोंड आपहे एने डोगडा कोरनारा हाते बेसकी एने च्याहरी च्या डोवो डोवो रोडहे एने दाते कीकडावता रोयहे।

Chapter 25

¹१) तेतार सोरगोन राज तीनु दोस कुवारया सुराया होस से च्या कुवारया दीवा लिन नोवलो जोवायलाहा मिवणे गोयला ।

²२) तीनुमा पाच वीण ओकल्या ओता एने पाच ओक्कोलवाली ओती ।

³३) वीण ओकल्या हाते दीवा ते ली गोया पुण च्या होंटो तेल नी ली गोया ।

⁴४) पुण ओवकोलवावा कुवारया जेर तेर दीवा हाते हिहामा तेल बी ली गोया ।⁵५) नोवलु जोवयलु आयणेन वार लाग गोयली तेतार आखा उगायणे बाज गोयला एने हुव गोयला ।

⁶६) आरदी राती च्या आयोडतला होव्या देखु नोवलु जोवयलु आवणे बाज रोयुह तिनाहा मीवणे बारथे निकवु ।⁷७) तेतार च्या आखा कुवारया उठया एने जेर तेर दीवा होलगाडणे बाज गोया । ⁸८) एने वीन ओकल्या ओवकोलवावानुह कोया तुमरा तेलोमा दोखा ओबाव तेल आमुह आप देवु ने काहाके आमरा दीवा उलायणे बाज रोयाह ।

⁹९) पुण ओवकोलवावा ओता च्या कोया नी कायथापे यो तेल तुमरे कोरता एने आमरे कोरता नी पुरे कोरीन तुमु तेल वेचणारापाहा जायीन तुमरे कोरता तेल वेचातो ली लेजु ।¹⁰१०) कोरीन वीण ओकल्या तेल वेचतो लेणे जातोता तेतार नोवलु जोवयलु आवीज लागलु एने ज्या कुवारया तियारोमा ओता च्या नोवला जोवायला हाते वियावोन खाणो खाणे गोरमा जात रोया एने जुपु देवाय गोयु ।

¹¹११) ओवता तेल लेणे गोयला च्या कुंवारया फोसा फिरीन आविन कोयणे बाज गोया ए मालिक ए मालिक आमरे कोरता जुपु उगाड दे।

¹²१२) पुण नोवलु जोवयलु कोयु खोराखोर मी तुमुह नी जाणतलु ।

¹³१३) कोरीन होमेस्या तीयारीमा रोयजु काहाके माणहोन पुरयु आवणेन दीह टेमे तुमुह मालुम नी रोये¹⁴१४) काहाके यो तीना माणहोन दस्या से च्यु पोराया दोसोमा जाणेखेवोखर तेर पावरोनुह हादीन तेर आखा मालदोनोह तीदरा हालोन इसाबे तिनुह होप देल्लु ।

¹⁵१५) च्यु एकाहा पाच लाख रुपाया आपलु एने दिहराहा दुय लाख रुपाया एने तिसराह एक लाख रुपाया एक कोह तीदरी लायकी देखीन मालदोन आपीन पोराया देसोमा गोयु ।

¹⁶१६) जीना पवरोह पाच लाख रुपाया जुडला च्यु चालुज च्य रुपाया वापरिन दोंदु कोरयु एने उंजु पाच लाख रुपाया कोमायीन लावलु ।¹⁷१७) तोहलुज जीना पावरोह दुय लाख जुडला च्यु बी च्या रुपाया वापरीन दोदु कोरयु एने उजु दुय लाख रुपए कोमायीन लावलु ।

¹⁸१८) पुण जिना पावरोहो एक लाख रुपए जुडया च्यु दोरती मा एक खाडु खोदीन तिनामा मालिक आपलु ओतु च्या रुपया च्याहरी लिकाड देल्लु ।¹⁹१९) वारुज दिहोन बादमा तीनु पावरोह मालक फोसु आविन रुपायान इसाब आपणे पावरोनुह हादलु ।

²⁰२०) जीना पावरोह पाच लाख रुपए जुडला च्यु उजु पाच लाख रुपए कोमायीन लावीन तेर मालकोह कोयु ए मालक तु मेहे पाच लाख रुपए आपलु ओतु मी दोदु कोरीन उजु पाच लाख रुपए कोमयीन लाव रोयुह ।

²¹२१) तेरु मालक तिनहा कोयु खुब हाजु एने मार खोरु पावोर तु खुब हाजो काम कोरयु मी तोहो आपलु ओतु थुडाक कामोमाज तु इमानदार रोयलु कोरीन मी तोहो वारुज होंटा चिजोन आदीकारी बोणाविही तु कोरलु काम देखीन मी खुब खुस से कोरीन आव एने मारहाते खुसी मोनाव ।²²२२) एने जीना पावरोह दुय लाख रुपए जुडला च्यु बी तेर मालकोपाहा आवीन कोयु ए मालक तु मेहे दुय लाख रुपए आपलु ओतु देख मी च्या दुय लाख रुपए वापरीन दोदु कोरयु उजु दुय लाख रुपए कोमायीन लावलु से ।

²³२३) तेर मालिक तीनाहा कोयु ए खुब हाजु एने मार खोरु पावोर तु खुब हाजो काम कोरयु मी तोहो वारुज होंटा चिजोन आदीकारी बोणाविही तु कोरलु काम देखीन मी खुब खुस से कोरीन आव एने मारहाते खुसी मोनाव ।²⁴२४) एने जीना पावरोहो एक लाख रुपाया जुडला ओता च्यु आवीन तेर मलकोहो कोयु तु मालिक मी जाणतलु के तु काठु माणहु से मेहे मालुम से तु ज्याहरी बियारु नी उरतलु च्याहरी तु कोमाय वाड लेतलु ज्याहरी नी ठाणतलु च्याहरी टुवु कोरतलु । ²⁵२५) कोरीन मी बी गोयलु एने जायीन तार एक लाख रुपए दोरतीमा डाक देल्लु या तारा एक लाख रुपाया ।²⁶२६) तेरु मालक तिनहा कोयु ए खोराब एने उजग्या पावरो ज्याहरी मी नी उरतलु च्याहरी वाटतलु एने ज्याहरी नी खोवोवतलु च्याहरी कोमाय टुवु कोरतला यो ते तु जाणतोतु ।

²⁷२७) ते तु काय कोरनु मालक ओतो के मारा एक लाख रुपए एकदा होवका रोह वियाजमा आप देतु तेमी आवीन मार रुपया हाते होटा वियाज बी माग लेतु ।²⁸२८) कोरीन च्यु मालक तेर दीहरी पावरोह कोयु इना पावरो पोर दोखा एक लाख रुपए सोडाड लेवु एने जीना पावरो पोर दोस लाख रुपए से तिनाहा आप देवु । ²⁹२९) काहाके जीनापोर से तिनाहा होंटा आपणेम आवहे एने जीना पोर कायीज निंबे तिनापोर ज्यो से च्यो लोगेण मागणे मा आवहे ।

³⁰३०) एने यु पावोर बिगुर कामोन से ईनाहा बारथे आंदारलामा नाख देवु च्याहरी माणहे डोवो डोवो रोडता एने दुख हाते दाते कीकवता रोयहे।³¹३१) जेतार माणहोन पुरयु तेर मोहिमामा आखा सोरगदुतोनु हाते आवहे तेतार च्यु मोहिमान राजगादीपोर बोठहे ।

³²३२) एने दुनिया आखी जातीन माणहे तेर ओगोव टुललवायहे एने च्यु तीनुह जेहे गुवाव्यु मेडा बुकडान हाते दोखु निवाडतलु तेहेज च्यु तीनुह निवाडीन ओगे कोरहे । ³³३३) तेतार च्यु तेर जेवडीखेर तीनुह कोयहे ए मार बाबान बोरकोतवावा माणहो तुमु आवु बोगवान कोवी बोडणेन पेलेन तुमरे कोरता तियार कोरलु बोगवानोन राजोन होकदार बोण जावु ।³⁴३४) तेतयार राजा तेरी जेव्डाखेर वावा इनुह कोयहे ए मारा बाबान दन्य माणहो आऊ तिना राजन अधिकारी बण जाऊ एने च्यु इनी दोरती पेल तुमरे कोरता तियार कोरलु ओतु।

³⁵३५) काहाके जेतार मी बुखलु ओतु तेतार तुमु मेहे खावाडला एने जेतार मी तिहलु ओतु तेतार तुमु मेहे तेतार तुमु मेहे पाणी पियाडला जेतार मी पोराया देसोन ओतु तेतार तुमु मेहे आवबाव कोरीन तुमरा गोरमा ठरावला से। ³⁶३६) मी उगावडु ओतु तेतार तुमु मेहे लुगडा पेरावला से एने मी मांदलु ओतु एने तुमु मार खोबरया आवला मी जेलोमा ओतु तेतार तुमु मेहे मीवणे आवला³⁷३७) तेतार दोरमी माणहे तिनाहा जोपाप आपहे ए पोरबु आमु केतार तोहो बुखलु देखला एने खाणो खावाडाला एने केतार तिहलु देखला एने पाणी पियाडला । ³⁸३८) आमु केतार तोहो पोराया देसोन देखला एने आमरा गोरमा आवबाव कोरला एने केतार तोहो उगावडु देखीन लुगडा पेरावला ।

³⁹३९) आमु केतार तोहो मांदलु एने जेलोमा देखला एने तोहो मिवणे आवला ।

⁴⁰४०) तेतार राजा तिनुह कोयहे मी तुमुह खोराखोर कोयतलु के च्या मेहे पोर बुरहु कोरतला तीनु बायह बोणहान विस्मा जिनुह तुमु आयता सोमजतला तिनुह तुमु काय बी कोरला ते च्यो मार कोरताज कोरला कोवाय ।⁴¹४१) आवतु राजा तेर डाखरीखेर तीनुह कायहे ए सोरापवावा मारहाते दोखासेटा जात रोयु बोगवान तुमुह डोंड आपहे बुतडान एने तेर चाकरया जोमोन कोरता तियार कोरलो तिना जोलम होलगणारा आगठामा जात रोयु ।

⁴²४२) काहाके मी बुखलु ओतु पुण तुमु मेहे नी खावाडया एने मी तिहलु ओतु पुण तुमु मेहे पाणी नी पियाडया ।

⁴³४३) मी पोराया देसोन ओतु पुण तुमु मेहे तुमरा गोरमा आवबाव नी कोरया मी उगावडु ओतु पुण तुमु मेहे लुगडा नी पेराव्या मी मादलु ओतु पुण तुमु मार खोबरया नी आव्या मी जेलोमा ओतु पुण तुमु मेहे मिवणे नी आव्या ।⁴⁴४४) तेतार च्या माणहे बी तिनाहा फुसहे ए पोरबु आमु केतार तोहो बुखलु एने तिहलु देखला एने केतार पोराया देसोन देखला एने केतार तोहो मादलु देखीन एने जेलोमा देखीन तारी चाकरी नी कोरया ।

⁴⁵४५) तेतार राजा तिनुह जोपाप आपहे मी तुमुह खोराखोर कोयतलु के ज्या इन आयता मा आयता सोमजतला तीदरे कोरता तुमु कायीन नी कोरतला ते च्या मार कोरता बी तुमु कायीज नी कोरया कोवाय ।

⁴⁶४६) एहे कोरीन बोगवान तिनुह जोलमकुज डोंड आपहे एने दोरमी माणहोह होमेस्यान जीवाय जुडहे

Chapter 26

¹१) यीसु यी आखी वात कोयीन ओवतु यीसु तेर चेलानुह कोयु।

²२) तुमु जाणतला के दुय दिहोन बादमा फासका तिवार से एने माणहोन पुरयु कुरुसोपोर चोडावीन मारावणेन कोरता दुस्मोनोन आथोमा दोरावणेन आपहे ।³३) तेतार बोगवानोन डायला पुजारा एने येहुदी माणहोन डायला पुडारया केयफा नावोन मुखी पुजारान गोरोन खोवीमा टुव्वाया ।

⁴४) एने तिंदरे तिंदरे चा होमचु लागडया की यीसु दोरीन मार नाखे ।

⁵५) पुण च्या कोयतोता इना तिवारोन दिहोमा आपु यीसुह नी दोरनु जोर आपु एहे कोरहु ते माणहोमा दोगु मात जायहे ।⁶६) तेतार यीसु बेतनिया मा सिमोनोन कुडयाव ने गोरमा ओतु ।

⁷७) तेतार एक बायी खुब मोगलो आतोर दोगडान हिहामालीन यीसु हाते आवी एने तेतार यीसु खातोतु एने च्यी यीसुन मुडोपोर मोगलो आतोर रेचवी देणी । ⁸८) यो देखीन यीसुन चेला खोताय गोया च्या तिनी बायीही फुस्या इतरो यो खुब मोगलो आतोर वायबार काहा नाख देणी ।

⁹९) जोर इना खुब मोगला आतोरोत मोगो बावोमा वेचीन गोरीहो पोयहा वाट देती ते ।¹⁰१०) या काय वात कोरताला च्यो जाणीन यीसु तिनुह कोयु इनी बायीही काहा तुमु विताडतला यी ते मार कोरता हाजोन कोरली से ।

¹¹११) गोरीब माणहे ते तुमुहाते जोलमकाज रोयहे पुण मी तुमु हाते जोलमकु नी रोयो ।¹²१२) यी बायी मार डीलोपोर आतोर रेचवीन मी मोरनेन पेलुज मार दोडोह वोगे कोरनेन रीतीन तियारी कोरली से ।

¹³१३) मी तुमुह खोराखोर कोयतलु काहरी बी इनी कोवीमा माणहे बोगवानोन हाजी खोराब पोरचार कोरतला च्याहरी च्या यी बायी कोरता काय कोरली एर कामोबेव नावलायहे तिनामा माणहे इनीही ओर कोरहोत ।¹⁴१४) ओवतु येहुदास इस्करीयोत ज्यु बारा चेला मायलु एक चेलु ओतु च्यु बोगवानोन मोटला पुजारा पाहा जायीन कोयु।

¹⁵१५) एने तिनुह फुस्या के जोर मी यीसुह तुमरा आथोमा दोराव देतु तेतार तुमु मेहे काय आपहे एने तेतार च्या तीनाहा तीस चोदीन बोदा आप्या ।

¹⁶१६) ते दीही दोखु येहुदास इस्करीयोत यीसुह दोरावणेन सोदी हुदणे बाज गोयु।¹⁷१७) वीण जेवव्या लुरोन रुह खाणेन रीत ओतो फासका तीवारोन पेल्लु दिही चेला यीसुहाते आवीन फुसणे बाज गोया के तु का जातलु आमु तार कोरता फासका तीवारोन खाणो काहरी तियार कोरजे ।

¹⁸१८) यीसु तिनुह कोयु तुमु सेहरोमा जावु एने एक माणुह तुमुह मीवायहे तीना माणहोह तुमु कोयजु गुरु कोयतलु बोगवान मार कोरता ताकुलु टेम आहनु से मी मार चेलानुह हाते फासका तिवारोन खाणो तार गोरमा खाण्यु से ।

¹⁹१९) कोरीन चेला यीसु तिनुह जेहे कोयलु तेहेज फासका तीवारोन खाणो तियार कोरया ।²⁰२०) हांजपोर ली वेवा यीसु तेरा बारा चेला हाते खाणो खाणे बोठरोयु ओतु ।

²¹२१) तेतार च्या खाणे बाज रोया ओता तेतार यीसु तिनुह कोयु मी तुमुह खोराखोर कोयतलु तुमरा एक जोण मेहे दोकु दिन दोराव हे ।

²²२२) यो होंबीन चेला खुब नाराज ओय गोया एने आखा एकेक जोणवारु वारया यीसुह फुसणे बाज गोया ए पोरबु हासलीन च्यु दोरावणारु मीज से के ।²³२३) यीसु तिनुह जोपाप आप्यु तुमरामा एक जोण ज्यु मार हाते वाटकामा रुटु बुडाडीन एवी खाणे बाज रोयहु च्युज दोकु दिन दोरावहे ।

²⁴२४) काहाके जेहे तेर बारामा पोवित्र पुस्तोकोमा पेलेन लेखायले से तेहे माणहोन पुरयाहा यीसुह मोरनुज पोडहे पुण तिना माणहोन हाल कोतरी बेक्कार ओयहे ज्यु माणहोन पुरयाह दोकु दीन दोरावहे जोर च्यु पोयदा नी ओयतु ती बी हाजो रोयहे ।

²⁵२५) तेतार तीनाहा दोरावणारु येहुदास कोयु ए गुरु काय च्यु मीज से के यीसु तिनाहा कोयु होव तुज कोय देल्लु ।²⁶२६) जेतार च्या खातोता तेतार यीसु रुटु लीन बोगवानोह दोन्यावाद कोरयु ओवतु च्यु मुडीन चेलानुह आपीन कोयु यो तुमु लेवु एने खावु यो मार डील से ।²⁷२७) ओवतु यीसु दोरकस्थान रुहोन पियालो लिन तेर कोरता बोगवानोन दोन्यावाद कोरीन चेला आपीन कोयु तुमु आखा इनाम दोखा पिवु ।

²⁸२८) यो मार नोवला वायदान लुय से एने यो आखा माणहोन पापोन माफीन कोरता वोयाडनेवालु से ।

²⁹२९) मी तुमु कोयतलु दोरकस्थान रुह तिनाहा दीही लोगोण नी पिव जाहा लोगोण मार बाबान राजोमा मी तुमु हाते नोवलु दोरकस्थान रुह फोसु नी पीव ।³⁰३०) ओवतु च्या बोजन गावीन जेयतुन बोयडापोर जाणे बाज गोया ।

³¹३१) तेतार यीसु तिनुह कोयु तुमु आखा आज राती मेहे सुडीन नाहा जाहोत काहाके बोगवानोन पुस्तकोमा यो लेखाय लो से मी मेडा बुकडान गुवाव्याहा मारीही एने मेडा बुकडान गोवारु वेरुसेर ओय जाहे ।

³²३२) पुण मी जीवतु ओयीन ओवतु तुमु दोखु पेल गोलील जिलामा जायीही ।³³३३) यो होंबीन पोतरस यीसुह कोयु आखा तोहो सुड देहे पुण मी तोहो कोदीनी सुडो ।

³⁴३४) ओवतु यीसु पोतरसोहो कोयु मी तोहो खोराखोर कोयतलु आजुज राती कुकडु वाहणेन पेल तु मेहे तीन कावा मारु निकार कोरीन कोयहे के मी यीसुह नी उवोखतलु ।

³⁵३५) पुण पोतरस कोयु जोर मेहे तार हाते मोरनु पोडे ती बी मी तोहो कोदी निकार नी कोरो एने आखा चेलानु बी तिनाहा एहेज कोयणे बाज गोया।³⁶३६) तेतार यीसु तेरा चेला हाते गोतसमनी नावोन एक जागामा गोयु ओवतु च्यु चेलानुह कोयु याहरीज तुमु बोठ रोयजु ताहा लोगोण मी पोरथना कोरोह । ³⁷३७) यीसु पोतरस एने जोबदीन दुय पुरया याकुब एने युहन्ना तेर हाते ली गोयु एने च्यु खुब दुखोमा नाराज आयणे बाज गोयु ।

³⁸३८) तेतार यीसु तिनुह कोयु मारु जीव दुखोमा खुब नाराज से जेहे मारु जीव निकोवतलुज लागेह याहरीज थाब रोयजु एने जागता रोयु ।³⁹३९) ओवतु यीसु थुडुक ओगोव गोयु दोरती पोर ओग मुय पोडीन पोरथना कोरयु हे मारा बाबा जोर ओय सोके ते यो दुखोन पीयालो मार हाते दोखो सेटु कोर देजी ती बी मारी मोरजी नी पुण तारीज मोरजी पुरी ओयणे दे।

⁴⁰४०) ओवतु यीसु पोरथना कोरीन नोवरायीन फोसू तिना चेलानु हाते गोयु एने तिनुह हुवतला काय तुमुह मार हाते एकताव बी नी जागाये के ।

⁴¹४१) जागता रोयीन पोरथना कोरता रोयु तुमु फारकोमा नी पोडनु जुवे आत्मा तियार से पुण डील ते कोमजुर से।⁴²४२) फोसु दुसरीवार जायीन एहे पोरथना कोरयु ए बाबा जोर यो दुखोन पियालो मी पिह तेतारुज टोवे ते तारिज मोरजी पुरी ओयणे दे।

⁴³४३) फोसु च्यु चेला हाते गोयु एने तिनुह हुवतलाज सापडाव्यु काहाके तीदरा डुवा खुब निदवायला ओता ।

⁴⁴४४) ओवतु च्यु फोसु तीनुह सुडीन तीसरी वार पोरथना कोरने गोयु एने जेहे पेल पोरथना कोरलु तेहेज पोरथना कोरयु।⁴⁵४५) ओवतु च्यु फोसु तेर चेला हाते आवीन च्यु तीनुह कोयु काय तुमु उजु लोगोण हुवतला एने आराम कोरतला के देखु माणहोन पुरयु पापी माणहोन आथोमा दोरावणेन टेम आव लागलु से ।

⁴⁶४६) उठु आपु जाता देखु मेहे दोकुदीन दोरावणारु हाते आवणे बाज रोयुह ।⁴⁷४७) यीसु तेर चेलानुह यो कोय तोतु तेतारुज बारा चेला मायलु येहुदास च्याहरी आथु एने तेर हाते डायला पुजारा एने येहुदास डायला पुडारया हाते वारुज माणहोन गोरदी तोलवारे एने डेगारा लिन आव्या ।

⁴⁸४८) यीसुह दोरावणारु येहुदास तिनुहा निस्याणी कोरीन पेलेन कोयलु ओतु के मी जिनाहा गुवु दिही च्युज यीसु से तिनाहा दोर लेजु ।⁴⁹४९) ओवतु येहुदास यीसु हाते आवीन ए गुरु कोयीन यीसुह गुवु देदु ।

⁵⁰५०) यीसु तिनाहा कोयु ए दुस्ती ज्यो कोरने आवलु च्यो कोर ले तेतार च्या यीसु हाते आव्या एने यीसुह दोर लेदया ।⁵¹५१) यीसुह दोरताज यीसुन हातिहो मायलु एक जोण तोलवार काडीन मुखी पुजारान पावरोन जाटकु दिन कान्टो तुड देल्लु ।

⁵²५२) तेतार यीसु तिनाहा कोयु तोलवारोह मियानमा फोसी मेक ज्या तोलवार कोरीन दिहरी माणहोह जाटकावे ते च्या तोलवार कोरीन मोरहे ।

⁵³५३) काय तु नी जाणतलु के जोर मार बाबाह मी रावव्या कोरीह ते च्यु बारा टुवान टुवा सोरगदुतो दोखा बी जास्ती मेहे वाचाडनेन कोरता मुकली देहे ।

⁵⁴५४) पुण जोर मी एहे कोरतु ते यो ओहलोज ओयणु जोरुडी से कोरीन पोवित्र पुस्तोकोमा लेखायली च्या वात केहेक पुरी ओयहे ।⁵⁵५५) ओवतु यीसु ज्या तिनाहा दोरने आवला तीनु माणहोह कोयु तुमु मेहे चुटु माणुह सोमजिन तोलवारे एने डेगारा लीन दोरने काहा आव रोयाहा मी ते दाडीन मोदिरोमा तुमरे हाते रोयीन वातु हिकाडतोतु तेतार तुमु मेहे काहा नी दोरया । ⁵⁶५६) पुण पोवित्र पुस्तोकोमा बोविस्य कोयणारा लेख रोयाहा च्यो पुरो आयणेन कोरता यो आखो ओयलो से ओवता यीसुन आखा चेला तिनाहा सुडीन नाहा गोया ।⁵⁷५७) एने ज्या माणहे यीसुह दोरया च्या तिनाहा बोगवानोन मुखी पुजारा केयफान गोर ली गोया च्यांहरी येहुदीन नेम हिकाडनारा एने दिहरा डायला पुडारया टुव्वाय रोया ओता ।

⁵⁸५८) एने पोतरस वारुज सेटे यीसुन फोसोव फोसोव बोगवानोन डायला पुडारया गोरोन खोविमा लोगोण गोयु यीसु हाते कोयलु ओयलो च्या बावणेन कोरता च्यु राखवावी कोरनारा हाते जायीन बोठ गोयु।⁵⁹५९) मोटला पुजारा एने दिहरा येहुदिन पुजारान आखा यहुदिन पोचुन आखा माणहे यीसुन वीरुदमा वाको काडीन यीसुह मारने कोरता ठोग पुराव हुतोता । ⁶⁰६०) पुण वारुज माणहे ओगोव आविन यीसुन बारामा ठोग पुरावु आपीन बी यीसुन वीरुद तीनुह कायीज पुरावु नी सापडयु तिनामा च्या तीनाहा मार नी सोकया पुण सेवलीवार दुय जोणे ओगोव आवीन कोयणे बाज गोया ।

⁶¹६१) यु माणुह एहे कोयलु के मी बोगवानोन मोंदोरोह वेसडी दिह एने तीन दीहोमा फोसु बांद दिही ।⁶²६२) तेतार बोगवानोन डायलु पुजारु आखान ओगोव उबरोयीन यीसुह फुस्यु या माणहे तार विरुद्ध पुरावु आपतलु तु कायीज नी कोयतु के ।

⁶³६३) पुण यीसु ठावकुज रोयु फोसु बोगवानोन मोटलो पुजारु यीसुह फुस्यु मी तोहो जीवतला बोगवानोन नावोमा आण गालीन फुसतलु बोगवानोन पुरयु मसीह तु से के आमुह कोय दे ।

⁶⁴६४) तेतार यीसु तिनुह कोयु होव तु जेहे कोयलु तेहेज से एने आवलु दिहोमा तुमु माणहोन पुरयाहा आखी ताकोतवावा बोगवानोन जेवडीखेर रोयलु देख होत एने फोसु सोर गोन वादवापोर आवत लुन देख होत ।⁶⁵६५) यीसुन वात होंबोवताज बोगवानोन मोटलु पुजारु सोतापोमा सोतान लुगडा फाडीन कोयु यु माणुह।

⁶⁶६६) तेत्यार च्या माणहोह फुस्या इनाहाते काय कोरने तुमरो आखान विचार से च्या जोपाप आपया यु मोतोन डोंड जुडनेन लायक से ।⁶⁷६७) तेतार थुडाक मानहे यीसुन मुयोपोर थुकया एने तीनाहा दुमाडया एने थुडाक माणहे तीनाहा थापडाटया ।

⁶⁸६८) ए मोसी आमुह बोविस्य कोयदे तोहो कुण देल्लु।⁶⁹६९) पोतरस खोवीमा बारये बोठ रयु अतु तेतार एक काम कोरनारी सुरी पोतरस हाते आवीन कोयी तु बी ते गोलीलवावा यीसु हातेज ओतु ने ।

⁷⁰७०) यो होंबीन पोतरस च्याहरी ओता आखा माणहोन ओगोव यो कोयीन निकार कोरयु तु काय कोयतली च्यो मी नी जाणतलु ।⁷¹७१) एहे कोयीन पोतरस खोवीमा दोखु उठीन जुपा हाते गोयु जुपान जागे दिहरी काम कोरनारी सुरी तीनाहा देखी च्यी च्यांहरी ओती तीनु माणहोह कोयी यु माणुह बी ते नाजतवावा यीसु हाते ओतु।

⁷²७२) यो होंबीन पोतरस फोसु सोप्पोत खायीन कोयु इन माणहोह काय नि उवकतलु ।⁷³७३) यो होंबीन च्यांहरी उबरोय रोया ओता थुडाक माणहे पोतरसो हाते आव्या एने कोया हासलिन तु बी यीशु न चेला मायलु एक से काहाके तार बुली दोखा आमु सोमजी गोया के तु गोलील वावु से ।

⁷⁴७४) तेतार पोतरस मी तीनाहा जाणतलु बी नी कोयीन सोपत खाणे बाज गोयु मी तिना माणहोह नी जाणतलु तेतारु ज कुकडु वाह देदु ।

⁷⁵७५) तेतार पोतरसोह यीसु पेलेन कोयलु च्यी वात और आवी के कुकडु वाहणेन पेल तु मेहे तीना वाट निकार कोरहे एने च्यु बारथे जायीन ओर कोर कोरीन टुहकी टुहकीन रोडने बाज गोयु ।

Chapter 27

¹१) जेतार होवलदार आथोमा तेतार बोगवानोन डायला पुजारा एने माणहोन डायला पुडारी आखा मीवीन यीसुह मारने होमसु कोरया ।

²२) च्या यीसुह बादीन ली जाईन रोमी सोरकारोन येहुदिया राजवाडान राज कोरनारा पिलातुसोन आथोमा होप देण्या ।³३) तेतार यीसु दोरावनारु येहुदासोह मालुम पोडयो के येहुदी पुडारी माणहे यीसुह गुनावलु थोरवीन दोंड आपया तेतार च्यु तेर मोनमा खुब फोसताऊ कोरलु कोरीन च्यु चोदीन तीस बोन्दा बोगवानोन डायला पुजारा एने येहुदी माणहोन डायला पुडारी नुह फोसा आपीन ।

⁴४) च्यु बोगवानोन डायला पुजारा एने येहुदीन पुडारी नुह कोयु मी बिगुर गुनावालान लुयोन सोवदु कोरीन मी पाप कोरलु से च्या कोया आमु काय कोरजे तार तारो तोहोज मालुम ।

⁵५) तेतार येहुदास च्या चोडीन तीस बोनन्दा मों दीरोमा नाख देण्यु ओवतु च्यु बारथे जाईन फासी खायीन मोर गोयु।⁶६) बोगवानोन डायला पुजारा चोंडीन तीस बोन्दा चुटीन कोया आपु इनु बोन्दा दान पेटीमा मेक्यु येहुदिन कायदान विरुद्ध मा से काहाके यो ते लुयोन कीमोत से । ⁷७) कोरीन येहुदी पुडारी एने बोगवानोन ।

⁸८) कोरीन च्या खेत आज बी लुय ।⁹९) तेतार यीरमया बोविस्य कोयणारु बोगवान पुस्तोकोमा काय लेख रोयुह च्या पुरो ओयो यीरमया एहे लेखतलु च्या चोदीन तीस बोन्दा लीन गोया च्या बोन्दा इसरायेल माणहे दोरावणाराहा आपहे कोरीन ताकला ओता ।

¹⁰१०) जेहे पोरबु बोगवान मेहे कोयलु तेहे तिना पोयहा कोरीन च्या कुमायडान खेत वेचातो ली लेदला ।¹¹११) तेतार यीसुह रोमी सोरकारेन राजवाडान राज कोरनारा पिलातुसोन आगोव ली गोयला ओता तेतार पिलातुस यीसुह फुस्यु काय तु येहुदिन राजा से के ओवतु यीसु तीनाहा कोयु होव तेहे तु कोयु तेहेज से ।

¹²१२) पुण जेतार डायला पुजारा एने येहुदीन डायला पुजारा यीसु पोर गुनु लागाडता गोया तेतार यीसु कायीज नी कोयु ।

¹³१३) कोरीन पीलातुस यीसुह फुस्यु या माणहे तार बारामा खुब बातोन गुनु लागाडने बाज रोयाहा तोहो नी होबायतलो के ।

¹⁴१४) पुण यी वात होबीन यीसु कायीज जोपाप नी आप्यु यो देखीन पीलातुस रोमी सोरकारोन पुडारी खुब बोगलाय गोयु ।¹⁵१५) एने रोम सोरकारोन राजवाडान राज कोरनारा पिलातुस यी रीती ओती के फासका ने तिवारोपोर जेलोमायला काल्ला नी एक जोणोह तिदरी इस्या दोखा सुड देता ओता ।

¹⁶१६) तीने टेमे बोरब्बा नावोन खोराब कामोम नावलायलु एक खोतरनाक बोदनाम माणुह जेलोमा ओतु ।¹⁷१७) जेतार माणहे पीलातुसोन गोरमा टुव्वायला ते पीलातुस फुस्यु मी तुमरे कोरता कुणीह सुडो बोरब्बाह के नीते यीसुह के ज्यु मोसी कोवायतलु तिनाहा ।

¹⁸१८) काहाके च्यु जाणतु ओतु काहाके यीसुह च्या कुयराये दोराव ला से ।

¹⁹१९) जेतार पीलातुस नियावोन गादीपोर बोठ रोयु ओतु तेतार पीलातुसोन लाडी तिनाहा यो कोयु मुकोली के तु इना दोरमी माणहे हाते कायीज जुण कोरतु काहाके कालुज मी एर बारामा हिव्णो देखीन खुब वेला कोरली से ।²⁰२०) पुण बोगवानोन डायला पुजारा एने येहुदीन माणहोन डायला पुडारया माणहोन कोरणे लगाडया के तुमु पीलातुसोह कोयजु बोरब्बा सुड दे एने यीसुह मार दे ²¹।२१) पीलातुस फोसु फुस्यु एनु दुयोमाय मी तुमरे कोरता कुनीह सुडो माणहोन गोरदी आयडीन कोया बोरब्बा सुड दे।

²²२२) पीलातुह माणहोह फुसया जोर एहे ओये ते मोसी कोवायतलु यीसुह मी काय कोरो ओवता आखा माणहे आयडीन कोया इनाहा क्रुस पोर चोडाव ।²³२३) तेतार पिलातुस माणहोह फुसया मी इनाहा काहा क्रुस पोर चोडावु यु काय गुनु कोरलु से पुण गोरदी खुब उंजु मोटे आयोडताज रोया इनाहा क्रुस पोर चोडावु। ²⁴२४) तेतार पीलातुस सोमजी के जोर यीसुह क्रुस पोर नी चोडावे ते तेरो कायीज फायदु नि रोयो एने माणहे बी दोगु माताड देहे ओवतु पीलातुस पाणी मागयु एने आखा माणहोन ओगोव च्यु तेर आथे दुवयु एने कोयु इना दोरमी माणहोन लुय मार माथे नी पोडे एने कोयु तुमुज जोवबदार रोयहोत ।²⁵२५) आखा माणहे आयडीन कोयणे बाज गोया एर लुय वोयाडनेन गुनु आमुपोर एने आमरा पुरयापोर रोयणे दे । ²⁶२६) तेतार पीलातुस तीनदरे कोरता बोरब्बाह सुड देल्लु पुण यीसुह चोपोकडा देवडाविन क्रुस पोर चोढावणे सोयनिकोन आथोमा होप देल्लु ।²⁷२७) पिलतुयो सिपायडा यीसुह रोम सोरकारोन राज वडान राज कोरनारान ओवतालीवाला किल्लामा ली गोयु एने यीसु ह आखा सोयनी के सोमखेर कुड लेदला । ²⁸२८) ओवता च्या यीसुन लुगडा काडीन रातला रोगोन नोबल्लो डोयलो पोरथा ²⁹२९) ओवता सोयनिके काटान मुकुट गुथिन यिसुह मुडो पोर मेल्या एने तेर जेवडा आथोमा एक बुरान फाटु दोरावया ओवता यीसुन ओगोव डुगां वोवीन ए येहुदियान राजा तारी जेय जेयकार ओये कोरीन मोजाक उडावने बाज गोया ।³⁰३०) एने च्या यीसु पोर थुकया एने तेर आथोमायलो फाटा कोरीन यीसुन मुडो पोर देने बाज गोयला । ³¹३१) जेतार च्या यीसुन मोजाक उडाविन नोवरायला तेतार सोनिक यीसुन नबला डोगलो काडीन तेर सोतान डोगलो फोसा पेरावया ओवता च्या तिनाहा क्रुस पोर चोडावने ली गोया ।³²३२) जेतार यीसुह क्रुस पोर चोडावने लिजातोता तेतार बारे च्या सीमोन नावोन एक माणहोह मिवाया च्यु कुरेनी गावोन ओतु एने तिनाहा बोवजो बरिज यीशुन क्रुस उचलीन ली जाणे लगाडया ।

³³३३) जेतार च्या गुलगुसता मोजे मुडकान ठुबरान जागु नावोन जागे पुच्या ।

³⁴३४) ओवता सोयनिके यीसुह दोरकक्षान मा बेसकायु मावडु रुह पीणेआप्या च्यु साकीन बाव्यु पुण नी पीडयु ।³⁵३५) ओवता सोयनिके यीसुह क्रुस पोर चोडावीन खिला ठुकीन ओवता च्या चीठया नाखीन यीसुन नाबलालुगडा वाटा पाड लेदया ।

³⁶३६) च्याहरी बोठीन यीसुन राखवावी कोरने बाज गोयला ।

³⁷३७) एने यीसुन गुनान बारामा क्रुस पोर एक पाटी पोर लेखीन तेर मुडोन उपोर लागाड देनया तिनी पाटी पोर एहे लेखलो ओतो यु यीसु यहुदी माणहोस राजा से ।³⁸३८) तेतार सेनिक यीसु हाते दुय डाकुनुह बी क्रुस पोर चोडाव्या एकाहा डाखरीखेर एने दिहराहा जेवडीखेर ।

³⁹३९) एने ओवता जाता माणहे तीनदरा सोतान मुडंका आलवीन यिसुह मोजाक उडाडतोता । ⁴⁰४०) च्या कोयतोता ए मोदिरोह उदारीन फोसु तीन दिहोमा बोनवनारा एने सोताहा वाचाड ले जोर तु खोराखोर बोगवानोन पुरयु से ते क्रुस पोर दोखु उतरीन आव ।⁴¹४१) इन सेहेज बोगवानोन डायला पुजारा एने येहुदीन नेम हीकाडनारा एने यहुदी माणहोन डायला पुडारी बी यिसुह मोजाक उडाडतोता।

⁴²४२) च्या कोया यु दिहराहा वाचाडलु पुण सोताहा नी वाचाड सोकतलु के यु इसरायेलोन राजा से कोरीन सोताहा कोयतलु जोर यु राजा से ते एवी क्रुस पोर दोखु उतरीन आव तेतारुज आमु इनापोर बुरहु कोरहु ।⁴³४३) यु सोताहा मी बोगवानोन पुरयु से एने मी बोगवानोपोर बुरहु कोरतलु एहे कोयतलु जोर बोगवानोह पुरयु से च्यु इनाहा इनताव वाचाड लेहे ।

⁴⁴४४) इन रिते यीसु हाते क्रुस पोर चोडावला ओता च्या डाकु बी यीसुन मोजाक उडावतोता ।⁴⁵४५) माथेक दिही दोखा मोजनेक दिही लोगोण आखा कोवीन आंदारो ओय गोयलो ओतो । ⁴⁶४६) कोमसी कोम माथेक दिही तीन वाजता यीसु मोटे आयडीन कोयु एली एली लामा सोबकतनी मेहे काहा सुड देन्यु ।

⁴⁷४७) ज्या च्यांहरी उबरोय रोया ओता च्या होमबिन कोया होबयु ते एलियाहा बुलाडने बाज रोयुह ।⁴⁸४८) लोगेज एक माणुह दोवडतु गयु एने एक पोटको खाटला दोरकस्थान रुहोमा छुवाडीन एक बुरान फाटन सिगोपोर विलगाडीन यीसुह च्यु लागाडयु ।

⁴⁹४९) पुण दीहरा कोया आगाताहा इनाहा वाचाडने एलियाहा आवतलु के नी देखता । ⁵⁰५०) ओवतु यीसु मोटे आयडीन एने तेरु जीव सुड देल्यु ।⁵¹५१) तेतार मोदिरोन पोरदु उपोर दोखु नेचु लोगोण दुय टुकडा ओय गोयलु लोगेज दोरती आलीन दोदडी पोडी एने सापरोन तोडा पोर गोया ।

⁵²५२) एने मोटटया उगडी गोया एने वारुज होटा मोरला माणहोन दोड ज्या बोगवनोपोर बुरहु कोरनारा पवित्र माहोन डील फोसा जीवता ओय गोया ।

⁵³५३) यीसु जीवतु ओयीन ओवतु च्या मोटटयामा दोखा निकविन पोवित्र सहर येरुशलम मोमा गोया एने च्याहरी वारुज होंटा माणहोनह देखायलु ।⁵⁴५४) जेतार रोम सेनिककोन पुढारी एने तेर हाते च्या यीसुन राखवावी कोरतोता दिहरा सीपायडान पुढारीन दोरती आलिन दोदलो एने काय काय ओयतलो आखो देखीन खुब गाबरी गोया एने कोयणे गोया खोराखोर यु बोगवानोन पुरयु से। ⁵⁵५५) एने ज्या यीसुन कोरता सेवा चाकरी कोरता गोलील जिलामा दोखा आवला ओता वारुज होटा बायरा सेटेज उबरोयीन ज्यो काम ओयतोता च्या देखतोता । ⁵⁶५६) तीनुमाय मोरीयम मोगदलनी गोवोन एने याकूब एने युसुफोन आई मोरीयम एने जोबदीन लाडी ज्यी याकुब एने युहन्ना आई ओती च्या बी च्याहरी ओती ।⁵⁷५७) जेतार हाजुन वेवा आरिमतिमा सहरोन युसुब नावोन एक पामत्लु माणुह येरुसलेम आव्यु च्यु बी यीसुन चेलानुह ।

⁵⁸५८) च्यु पीलातुसोपाह जाईन यीसुन दोड माग्यु एने पीलातुस यीसुन दोडीहो तिनाहा आपने हुकुम आपयु ।⁵⁹५९) तेतार युसुफ यीसुन दोडोह लिजयीन बुरीबुह लेफडी डाठीमा वेटावीन ।

⁶⁰६०) यीसुन दोडोह तेर नोवलो मोटटयामा मेकयु च्यो मोटटयो सापरोमा खोदिन बोणावलो ओतो एने मोटटयान जुपापोर मोटलु सापोर डुव्विन जात रोयलु । ⁶¹६१) मोगदलनी गोवोन मोरीयम एने दीहरी मोरीयम मोटटया हाते बोठीन देखतोता ।⁶²६२) आरामोन दिहोन दिहरे दिह बोगवानोन डायला पुजारा एने फारसी पोंथोमायला माणहे पीलातुसो पाहा टुवायीन कोया ।

⁶³६३) च्या पीलातुसह कोया ए मालक आमु ओर कोरतला के च्यु ठोगर्यु जीवतु ओय तेत्यार माणहोह कोयलु मी तीसरे दीह फोसु जीवतु ओय जायीही ।

⁶⁴६४) कोरीन तु मोटटयान जुपान जागे हाजी हुते राखवावी कोरने सोयनिक मुकली देख नी ते तेर चेला आवीन तेर दोडोह चुरीन लिजात रोयहे एने च्या माणहोह च्यु मोरलामा दोखु फोसु जीवतु ओय गोयु कोयहे जोर च्या एहे कोयहे ते फोसलु दोकु पेल्ला दोका दोखु खोराब निकोवहे ।⁶⁵६५) तेतार पिलातुस तीनुह कोयु तुमरे पोर सिपायडाता सेताहा ते जावु एने जोतरो तुमुह बोण तोतरो मोटटयान हाजीहुते राखवावी कोरु ।

⁶⁶६६) एने च्या सिपायडानुह हाते गोया एने डोगडापोर सिक्कु लागाडीन मोटटयान राखवावी कोरया ।

Chapter 28

¹१) बोगवानोन आरामोन दीही वीत गोयु तेर बादमा आपतान पेल्ले दिह उगणमाज ओतु तेतार मोरीयम मोगदलनी मोरीयम एने दीहरी मोरीयम मोटे आथा । ²२) तेतार उंचकाहलिज दोदडी पोडी काहाके प्रभु न एक सोरग दुत सोवर्ग दोखु उतरीन आव्यु एने चु यीसुह मेकला जागा पोरला सापरोहा एक वोगु डुविन तीनापोर बोठ गोयु ।³३) तेरु रुप विजवान हस ओतु एने तेर लुगडा बोरोफोन होस ओता ।

⁴४) तीनाह देखीन सेनिक बिहीन हीयारी ली लेडया एने थुरथुरु कापने बाज गोयला एने मोरलान होस ओय गोयला ।⁵५) तेतार सोर्ग दुत बायानुह कोयु मा बिहु मेहे मालुम से के तुमु यिसुह जिनाहा क्रुस पोर चोडावला ओता तिनाहा हुदने बाज रोयता ।

⁶६) पुण चाहरी निबे चु पेल जेहे कोयलु तेहेज जीव उठलु से इवी च्यु याहरी निमबे । ⁷७) एवी उतवावा जावु एने तेर चेलाहा कोयजु यीसु मोरलाम दोखु जीवतु ओय गोयलु से एने च्यु तुमु दोखु पेल गोलील मा जाहे एने तुमु तिनाहा च्याहरी देखीहोत मी काय कोयलु च्यो ओर कोरजु ।⁸८) यो होंबीन च्या बयानु मोटटयाम दोखा उतवावा निकवीन चेलानुह खोबर आपने कोरीन दोवडीन गोया बायरानुह यीसु दोरसन ।

⁹९) चा दोवडीन जातोता तेतार उसकाहलुज यीसु तिनुह देखाय पोडयु एने तिनुह कोयु सुखोमा रोयु एने च्या बायरा यीसु हाते आवीन तेर पाए दोरीन वोडया । ¹⁰१०) तेतार यीसु तिनुह कोयु बीयु मा जावु मारा बायहोनुह गोलील जिलामा जाने कोयजु एने च्या मेहे चाहरी ।¹¹११) जेतार च्या बाया यीसुन चेलाहा कोयने गोया तेतार थुडाक सेनिक ज्या मोटटयान राखवावी कोरतोता च यरुशलेम सहरोमा आविन काय काय ओयलो आखोज बोगवानोन डायला पुडारी नुह कोया ।

¹²१२) तेतार च्यु येहुदीन पुढारी मानहे दीहरा पुढारी हाते मिवीन बजट लगाडया च्या सिपायडाहा होनटी रकोम आपीन कोया ।

¹³१३) तीनुह एहे कोयने लागाडया माणहोह कोयजु के जेतार आमु रातीन वेवा हुवतोता तेतार यीसु न चेला आखीन दोडह चुरिन लिजात रोयला ।¹⁴१४) जोर यिवात पीलातुसोन काने पोडे ते आमु तीनाहा सोमजाडीन तुमुह वाचाड लेयु ।

¹⁵१५) कोरीन सोयनिक रोकोम लीन तेहेज कोरला एने यी खोबोर आज लोगण येहुदी मानहोन विस्मा पोसरी रोयीही ।¹⁶१६) तेतार ग्यारा चेला गोलील जिलामा बोयडा पोर गोया ज्याहरी यीसु तिनुह जाने कोयलु ओतु ।

¹⁷१७) चाहरी बोयडा पोर चा यीसु ह देख्या एने तेर पाए पोडीन वोडया पुण थुडाक मोनमा सोका कोरिया ।¹⁸१८) तेतार यीसु तीनुहाते आप्यु एने कोयु सोर्ग एने दोरतीन आखो आदीकार मेहे जुडलो से । ¹⁹१९) कोरीन जावु एने इन कोवीन आखी जातीन माणहोह मारा चेला बोनाउ एने एने तिनुह बाह एने बेटा एने पवित्र जीव आत्मान नावोमा बापतीस्मा आपु ।²⁰२०) ज्यो काय मी तुमुह हुकुम आपलु चो आखो माननु चालने तीनुह हिकाडु एने खोराखोर मी दुनियान आखरी लोगोण तुमु हातेज से ।

Mark

Chapter 1

¹परमेश्वरन पुरयू येशु मसी से यी वात परचार एंहे सुरु ओयी।

²एंहेज यशायाह बविष्य जांवणारू तेरी पुस्तक मां लेखलो से|

³बोयडा मां एक आयवणारान आवाज ओती के प्रभुन मार्ग तयार करू, ऐने तेरी वाट होव्वी सीधी करू।⁴युहन्ना आव्यु च्यु बोयडा मा रोयन बपतिस्मा आपतूत ऐने पापोन माफीन करता मन फिरावलेवू य बपतिस्मान परचार करतूत|

⁵आखा यहुदिया ऐने यरूशलेम सेहरोंन गांव मायला बट्टा रोयणारा तेरे हाते गया, ऐने तिंदरा पापोंन कबूल करिया |ऐने यरदन नदीमा जाईन तेरे आथेन बपतिस्मा लेदिया

⁶युहन्ना ऊटडान जुटान लुगड़ा पेरीन एने तेरा कोळच्यामा चामडान पट्टू बादीन रयततू ऐने टिड्या

एंने जंगल मां मव खायीन रयततू|

⁷एने य परचार करततू , मार फसव च्यु आव नारू से च्यु मेहे देखू भी ताकत वावू से, मी ते तेरा पायोमयाला चाटियांन बोंद सुवळेन लगण लायक निम्बे।

⁸मिते तुमुहू पाणी करीन बपतिस्मा आप रोयु पुण च्यु तुमुहू बगवानोन चुखला जीव-आत्‌मा मां बपतिस्मा आपहे, देखूं मी मारा दुतह तुंबरे ओगव मुकलो च्यु तारेन करता वाट तयार करहे|⁹एंने तीनु दिहोम,येशू गोलील जीलान नासरेत होयरोम आविन ,यरदन नदिमा युहन्नान आथेन बपतिस्मा लेदयू ।

¹⁰एंने जेंहे येशु पाणी मां दखु उपर निकव्यु उचकालुन होरोग उगेड़त्‌लो एने बगवानोन जीव-आत्माह रूपोमा वेहम तेर उपर उतोरत्‌लु देख्यु |

¹¹एने तीना जागापर वादवामा, उपर दोखु अवाज आव्यू के तु मारू लाड़कलु पुरयु से, मी तह पर खुप खुश छेतूह ।¹²तेतारूस तिनाहा चूखलो जीव आत्मा मा होयिन जंगलों बोयडामा मुकली देदू|

¹³एने जंगलोंमा चाळीस दीह तक, बुतडू , तिनाहा परजाव्यू एने चेहरी च्यू जंगलों मायला जंगली जानवरोंन हाथे रोयू एने स्वर्गदूत तेरी सेवा करतू रयू।¹⁴युहन्नाहा दरनेन फसव बादमा येशु अवतु गलील सहरो मा आविन परमेश्वरन राज्यन हाजी वातोन परचार करतु रयू।

¹⁵ओवी कयू के, टेम पुरु अयगयलु से, ओवी परमेश्वरन राज्य हाते आव गोयलो से, तुमु मन फिरावू, एने इनि वातोन परचार पर बुरहु करू।¹⁶गलील गांव शहरोमा दरियान मेरे जातु-जातु, तेतार च्यु शमौन ने ओवी अंद्रियासह दरियामा मासान जाव नाखतला देख्यू ; काहाके च्या मासामारनारा ओता।

¹⁷ओवी येशु तीनुहू कयू, मार फसव होयु, मि तुमूहू मासा जेहे दरिन एखटा करतला तेहेज मी तुमुहूं माणहोह जीवता दरनारा बणाविही। ¹⁸च्या बी अवता तिनी जावह चेहरी छुडिन तेरे फसव चालीन जाणे बाज गया।¹⁹ओवि थुडुक अगु गयु , तेतार तीनाहा जब्दीन पुरयु याकूब ओवि तेरु भाय यूहन्नाहा डंडया पर जाव हसकरतला देख्यू |

²⁰च्यु अवतु मामार तिनुहू आयडीन हादयू , जब्दीही रुज्या हाते डूंडयापर मेलीन , तेरफसव जाणेबाजगया |²¹ओवता च्या कफ़रनहुम सहोरो मा पूच्या अवता चेहरी लगेच ,सब्तन आरामन दिही अतु तेदीही च्या आराधानय मा जाइन चेहरी च्यु तेरी वात हिकावणे बाजगयु |

²²ओवीच्या माणहे तेरी उपदेशन वात होंबविन बोखलाय गया , कहाके तिनुहू आखाहा चेहरी च्यु पुड़ारीन हच नी पुण हक देखू तिनुहू वात हिकाडयू²³ओवि तिना टाइममा , तिंदरा आराधनालय मा एक माणुह ओतु , तेरा डिलोमा एक बूतड़ान आत्मा अति

²⁴तेतार च्यु आयडिन कयु , ओ येशु नासरी , मेहे तार हाते काय काम से , तू मैंहे बर्बाद करने आवलु काय , मी तोहों जाणतुलू , तु कुण से ? परमेश्वरन चूखलू माणुह से |"

²⁵येशु तिनाहा जुरकरीन कोंयू , ठावकूरय , एने तिना डिलोम दोखी निकवी जा |

²⁶तेतार ची बूतड़ान आत्मा तिना माणहन डीलोम दोखी पिव्वाइन ओवती ची मोटा आवाजमा आयडिन निकवी गई²⁷च्यों देखिन आखा माणहे बोंगलाय गया , ओवता च्या तिंदरे -तिंदरे वातू कारने बाजगया , यी काय वात से च्या -च्या मुये- मुये आयळतला , यी काय वात से यी काल्ली नवली वात से च्यु हकदखु बूतड़ान आत्माहा हुकूम आपलू से , एने ची तेरी हुकूम मानतली से |

²⁸ओवतों तेरो नाव गलील सहरन आस-पासन आखा गाव मा फैल गयो |²⁹ओवि च्यु मामार आराधनालय मंदिरोमा दोखू निकवीन , याकूब ने यूहन्ना हाथे शमौन ने अन्द्रियासन घर आविया |

³⁰ओवि शमौनन हाहूह मजबूत जुरखे हरी हाते माँदली पवडयली अति , ओवतेन लगेच तेर वारामा वात टीनुहू कोरयू|

³¹तेतार च्यु हाथे जाईन तेरु आथ दरीन तिनिही उठाडयू अवतु लगेच तेरो हरी उतरी गयो , चेहरी तिंदरी चाखरी करने बाजगयी |³²हांजपोरलु टाइम अतु तेतार दिही बुड गयु , तेतार आखा मांदला माणहे जीनापर बुतड़ान आत्मा ओति , तेर हाथे चेहरी लाव्या |

³³ओवि आखा सहरों गली एने टुवा मायला माणहे आखा जूपा अगव टुवाय गया |

³⁴ओवि च्यु वार हवटा माणहे आयता मोटा दुख वाला मांदला माणहे अता, च्या आखा माणहोह हाजा करयु ,ओवि वार हवटा माणहे बुतड़ान आत्माहा बुलने नी देयु , कहाके ची तिनाहा उवखतती |³⁵ओवी कुकड़ा वाहरे दिह उगळेन पेल आंदारलेच वेगु च्यु उठिन च्या दोखू निकविन जात रयू। जंगलों मायला तेरा जागापर जाईन प्रार्थना करने बाज गयु।

³⁶तेतार तेरा हातीही शमौन ओवी तेरा बट्टा हातीही तीनाहा च्या बावणे बाज गया ।

³⁷तेतार च्यु सापडयु, तेतार तिनाहा च्या कया के, आखा माणहे तोहों हुदणे बाज रया।³⁸येशु तिनुहू कयणे बाजरयु, आवु आपू, काहरी तरी आस पास गांवमा जाता, एने चेहरी मी इनि वातोन परचार करनेन करता आवलु से।

³⁹ओवी चेहरी बट्टा गलील सहरोमा गावमा तिंदरा आराधनालय मंदिरोमा जाईन परचार करततू एने ओवी बुतडान आत्माहा निकावततु।⁴⁰एक कुढ़ावु माणुह तेर हाते आविन ,तिनाहा रावण्या करणे बाज गयु ,तेर सामने गुटणाटेकिन ,तिनाहा कोये , जर तारी इच्छा ओये तेतार तु मेहे हाजू कर सकतलू |

⁴¹च्यु तीनापर गीण करीन आथ अगूढाविन , तिनापर आथ मेकीन कोयू "मारी इच्छा से के तु हाजू अयजा |"

⁴²एने तेतारुज तेरी कुढ़न बीमारी जात रयी, अवतु च्यु हाजू अय गयु |⁴³तेतार च्यु येशु तिनाहा कयु के कडक वात कय मुकल्यू के यी वात कुणीहीज जुण कयतु |

⁴⁴ओवि तिनाहा कयु के ,देख मार वगे बाव कुणीहीज काईज जुण कयतु, पुण जा एने तारतारेज माहाराजहो नीते बुडवाहा देखाडजी , तहलतु तारों हाजू अयणेन बारामायली जी वात से ची जेहे मुसान नेमोमा ओति तेहे , तिना मोन्दीरोमा जाईन ची वातन भेटन गवाही आपजी |⁴⁵पुण चेहरी च्यु बारथे जाईन तिनी वातन मजबूत परचार करने बाज गयु ,एने आखे ची वात फेलाव देव्यू , के तिना गावोमा येशु फसु चेहरी आखान सामने तिना गावोमा सहरोमा जायनिसके अहलूच्यु परचार कर देल्लु अतु , पुण गावन सेटू बोयडामा बंद नि रया आवता रया |

Chapter 2

¹गण दिहन चेहरी कफ़रनहुम तीना गावोमा आव्यू एने मालूम पोडयो के च्यु चेहरी घरमा से |

²फसा अतरा माणहे एखटा ओया , के जुपा अगव बी जागू नी जुडयू , अतरी गर्दी अती , चेहरी च्यु वचन हंबवाडततु |³ओवि चार माणहे मिविन चेहरी एक लखवा वाला माणहह लीन उचलीन तिना हाते लाव्या|

⁴पुण माणहन गर्दी जास्ती होती एने च्या चेहरी तिना हाते जाईनिसख्या , ते च्या आखामिविन तिना घरन जीना घरमा येशु अतु , तिना घरन कोवला एडीन जागू पाडीन तिना लगाव वालाहा च्या खाटलापर बाधीन उपर दखा उतार देण्या |⁵येशु , तिंदेरू बुरहु देखिन , तिना लखवावालाहा कोयू के हे मार सूरा तारु पाप माफ अयलूसे | ⁶तेतार कल्लूतरी एक महाराज चाहरी बठरयु अतु तिंदरा तिंदरा मनमा विचार करने बाजगया |

⁷यू माणुह इन सेहे काहा कयतलू , यू ते परमेश्वरन निंदा करने बाज रयूहु परमेश्वरह सुडिन कुणबी माणहन पाप माफ करलु से काय |⁸येशु लगेच तेर आत्मामा जाण लेदयु के च्या तिंदरा- तिंदरा मनमा काय विचार करतला च्या, एने तिनुहु कोयू, तुमू तुमरा तुमरा मनमा ओहलू काय विचार करतला।

⁹काय ओको से, लखवा वालाहा तारा पापे माफ होय गया, काय यो काय ओको से काय, उठ तारु खाटलू उचलिन चाल ।¹⁰पुण तुमू यो जाणलेवु के माणहन पुरिया पर पृथ्वी एने धरती पर पाप माफ करनेन हक अधिकार से काय, च्यु तिना लखवा वाला माणहोह कोयू।

¹¹मि तह कोयोह के , एने तारु खाटलू चूटीन तार घर जातरय।

¹²एने लखवा वालु लगेच उठ्यू, तेरु खाटलू चुटयु एने आखान सामने ओयतु निकविन जात रयु, यो देखिन च्या बोट्ठा बोंगलाय गया ओवता च्या परमेश्वरन बडाय करने बाज गया, आमू अटल अहलो कदी नी देख्या।¹³एने चेहरी दोखु निकविन फसू येशु दरियान किनारे गयु, एने आखा माणहोन गर्दी तेर फसव अति एने च्यु तिनुहू हिकाडततु।

¹⁴जातू जातू येशु हलफईसन पुरयू लेवी फावू टुवु कोरनेन नाकापर बठ रयलु देखीन तिनाहा कोयू मार फोसव आव एने च्यु उठिन तेर फोसव चाल पोड्यू।¹⁵ओवतु चेहरी येशु एने तेरा चेला लेविन घरमा खाणे बोठरया, वार हंवटा फावु टुवू करनारा माणहे एने यहुदी दरमान पुडारी माणहे पापी समजतता च्या माणहेबी एने येशून चेला बी येशु हाते खाणे बोठ रया कहाके च्या वार होंवटा माणहे येशुन फसव आवणे बाज गयला अता ।

¹⁶पुण जेतार शास्त्री एने फरीसी माणहे तिनाहा देख्या फरीसी पोंथवाला माणहे एने यहुदिन नेम हिकाडनारा यो देखिन, "के च्यु ते पापी एने फाळू टुळू करनारा माणहो हाते खातलू पितलू |¹⁷येशु यो होंबविन, तिनूहू कोयू ज्या माणहे हाजला से तिनुहू डॉक्टरन जरवूत निंबे पुण मंदला माणहोह जरवूत से मि धर्मी माणहोह नी बाकिन पापी माणहोह हुदणे आवलु से।¹⁸युहन्नान चेला एने फरिसी माणहे उपवास करतला, पुण तीनू मायन थूडाक माणहे येशु हाते आविन फूस्या युहन्नान चेला एने फरीसी पंथवालान चेला उपवास पावतला, पुण तार चेला काहा नी उपवास पावतला।

¹⁹येशु तिनुहु कोयू जेतार जहा लगण नवारदेव लाडी मेलनारा हाते रयहै ते उपवास पावहे के, च्या नवरदेव हाते रोयणेन टाइमपर उपवास नी पावे।²⁰पुण अहला दिहे आवहे नवरदेव तीनुहाते दखु सेटु ओय जाहे तेतार च्या उपवास पावहे।

²¹कुण बी नवला लुगडा हाते जुनला लुगडा थीगवु जुपलाम दखु जल्दी नीकवी जाहें, उंजु जास्ति फाट जाहे।²²नवलो जुनलू दरकशान रूह जुनला थयला मां कुनुज नी मेके जर मेकहे ते नवलु रूह बी एने जूनलू रूह बी नाखाय जाहे पुण दाखरशन रूह नवलु रूह मेकहे²³एने एकवार येशु आरामोन दीह अतु ते खेतोम मायतू दखू जातततु च्या चालता चालता तेर चेला खाणे करीन उंब्या तुटणे बाजगया

²⁴तेतार फरिसी पोंथवाला माणहे तिनाहा कया, देखू या आरामन दिह काम काहा करतला चो आज हाज नी देखायतलु।²⁵येशु तिनुहू कयू के तुमू उंजु लगण नी वाच्या के जेतार दाऊद राजाहा गरज पडली जेतार चेहरी तेरा हातीही बुखला अता, तेतार च्यु काय करलू, एने तेरा हातीहो बी आप्यु।

²⁶मुखी पुजारू ओबीयातार ओतू तीना टेमो मा परमेश्वरन मंदिरोमा जाईन पुजारा अतराज खाय सकतला च्या रूटा खाद्या तेरा हातीहो बी आप्यु।²⁷ओवतु च्यु तिनुहु कयू के आरामन दिह माणहन करता बणावलु से पुण माणहोह आरामन दिहन करता नी बोणाव्यु। ²⁸तिनान करता माणहोन पुरियू आरामन दिहोन बी मालिक से।

Chapter 3

¹अवतु चेहरी फसू, आराधनालय मन्दिरोमा माय, गयु चेहरी एक माणुहू अतु, तेरु हाथ हुक गयलू अतु।

²ओवता च्या तीनापर दोषी एने गुनु लागावणेन करता, तिनाहा च्या बावता रयतता के च्या आरामोन दिह च्यु तिनाहा आध पांगवाहा हाजु करतलु के कायनी य देखन्या अता च्या³च्यु तिना हुकला आथ वावाहा माणहोह कयू , के आखान विसमा आविन उबरय है कयु।

⁴अवतु च्यु तिनुहू कोयू के आरामोन दिह हाजो करनू य मोटे काम से खराब काम करनू, के माणहन जीव वाचावणु के मारनेन पुण च्या काय ठावका बठ रय, एने मुयमा दखा एक बी शब्द नी काडया बलया।⁵अवतू च्यु तिंदरो वातडॊ मोन देखिन नाराज ओयीन खोतायिन तीनुखेर चार समखेर बावीन , एने तिना माणहोह कोयू , तु तारु आथ नांबु कर च्यु आथ नांबु करयु , एने तेर आथ हाजू अय गयु

⁶तेतार लगेच फरीसी माणहे , बाारथे जाईन मामार हेरोदेस माणहो हाते एखटा अयिन तेर विरुद्धमा होमचू लागाळने बाज गया , के तिनाहा केहे कारीनं नाश बरबाद करसकतला |⁷अवतु येशु तेरा चेला हाते दोरियाखेर जात रयु , एने गलील गावमा दोखी मजबूत होवटी माणहन भीड़ तेर फसव जाणे बाजगई|

⁸ओवि यहूदिया , एने यरुशलेंम एने इदुमिया दोखी ,एने यरदन पल पार दोखी , सुर एने सेदा गावमायला आस पासन माणहे होवटा टुवू ओयिन यो होंबवींन के च्यु कहलू हाजू करतलू च्यों होंबविन च्या तेरे हाते गया |⁹ओवतु च्यु तेरा चेलाहा कयु , "होवटी गर्दी अती तिनान करीनं येशु तेरा चेलाहा कोयू के एक आयतोह डूँडय तियार रये कहाके भीड़ मेहे दाब नी सके|"

¹⁰काहाके च्यु वार होवटा माणहोह हाजू करलु अतु , तिनान करता जतरा बी माणहे माँदला बीमारीमा वेला करता अता , तिनाहा सीबणेन करता च्या तिनापर उपर डेफलायीन तिनापर पड जाता अता |¹¹एने खराब आत्मा बी , जेतार तिनाहा देखतली तेतार तेर अगव डुव पडतती , एने आयडीन कयतली के तु भगवानन पुरूयू सेतुहू |

¹²ओवतु च्यु तीनुहु कडक चेतावनी आप्यु के , मेहे उजोन्तु जुण करता | येशु हाजलीखबरोन नेवतों फेरोवणे कोरिन बार चेलाहा निवाडयू|¹³फसु च्यु बोयडापर चढ गयु , एने तिनाहा ज्यू पोटततु तिनाहा च्यु हादयू एने च्या तिनाहाते आव्या

¹⁴तेतार च्यु बारा चेलाहा निवाडयू के च्या तेर हाते हाते रोये , ओवतु तीनुहु मुकले के तेरू परचार करे|

¹⁵अवतु खराब आत्माहा काडणे च्यु तीनुहु हक आप्यु |

¹⁶एने तिंदरा नावे या से शमोंन तेरो नाव पतरस पाडयू |¹⁷एने जबदीन पुरयू याकूब , एने याकूबन बायह यूहन्ना , एरो नाव च्यु बुअनरगिस, तेरो मतलब गर्जनन पुरुयू मेकयु |

¹⁸एनेअन्द्रियास, एने फिलिप्पुस, एने बरतुल्मै, एने मत्ती, एने थोमा, एने हलफईसन पुरुयू याकूब; एने तद्दै, एने शमौन कनानी।

¹⁹एने यहूदा इस्करियोती,च्यु तिनाहा दराव्यू बी |²⁰एने चेहरी घरआव्यू , एने अहली गर्दी माणहन अय गयी के च्यु रूटू बी नी खायसक्यू अहली गर्दी अय गयी |

²¹जेतार तेर गरल्या य होंबवव्या के तिनाहा दरनेन करता च्या निकव्या , कहाके च्या कोयतता, के तिनाहा अकल हसकरिन नींबे करिन च्या तिनाहा हुदतता |

²²एने शास्त्री माणहे ज्या यरुशलेम दोखा आवला अता , ते य कयतत के इनामा शैतान बुतडू से , एने येहरी बी च्यु बुतडान आत्मान सरदार एरी आधारे बुतडान आत्माहा काडतलू |²³एने च्यु तीनुहू तेर हाते हादयू , एने तीनुहु दाखलामा फूच्यु के बुतडू केहेक बुतडाहा निकाव सकतलू |

²⁴एने एकदा राजोन माणहोमा फुट बराय जाय तेतार राज केहेक एक जागा पर एक जागे केहेक टिकीन रोयहे |

²⁵जर एकदा घरमा फुट बराय जाय , ते च्यों घर केहेक एकठो टिकीन रोयहे|²⁶एने जर बूतडान विरोद मा बुतडू अयन चालहे एने तिंदरे मा गेचरू गालहे ते काय च्या टेकला रोयहे काय , ते च्याते मर जाहे

²⁷जर काय एकदू माणुह एकदा जुरवारोंन घोरोमा बराईन तेरो माल धन च्यु चूरी नी सकतलू , जेतार लोगण पेल च्यु तिना जुरवारोंह बांधी नी लेये ताहा लगण च्यु चूरी करी नी सकतलु |²⁸मी तुमुहू खरी कोयोह , के ज्यु बी माणहण पूरियान बोठु पाप एने तेरी निंदा च्या करता अहे , ते च्यु पाप माफ अय जाहे |

²⁹पुण ज्यु कुण पवित्र आत्मान विरुद्ध निंदा करहे ,तिनाहा कोदी माफी नी जुड़े , च्यु जोलोमकुज पापोन गुनावालु अय जाहे |

³⁰काहाके च्या एहे कयतता के , तीना माणहोमा बूतडान आत्मा बराय रोयी |³¹एने तेरी आई एने तेरू भायह आव्यू , एने च्या घरन बारथे उबरोईन तिनाहा हादणे घरमा कय मुकल्या |

³²एने माणहोन गर्दी तेर हाते आड़े दोडे तेर समखेर बोठरयला अता च्या तिनाहा कोया , "देख तार आई एने , तार बायह बारथे हुदणे बाजरोयाहा |"³³येशु तीनुहु जवाब आप्यु , “मारीआई एने मारू भायह कुण से?”

³⁴एने तीनुपर ज्या तेर आड़े दोडे बठ रया अता तिनुहू देखिन कोयु के “देखू , मारी आई एने मारू भायह यू से |

³⁵कहाके ज्यों कुण भगवानन मरजीपर चाले , च्यात मारा भायहे , एने बणहया , एने मारी आई से |

Chapter 4

¹येशु फसु दरियानं मेरे हिकाडने बाज गयु , एने अहली होवटी गर्दी तेर हाते एखटी अय गयी , के चेहरी दरियामा एक डूँडया पर चडीन बठ गयु , एने आखी गर्दी धरतीपर दरियान मेरे उबरय रयी अती |

²एने च्यु तीनुहु दाखलामा वार होवटी वात हीकाडने बाज गयु |³होंबवू , देखू , एक बीयारु उरनारू बीज उरने निकव्यू |

⁴एने उरनेन टेम्मा थुडक बीज वाटेन मेरे पडयो चिड़ा आविन च्या तिना बीजोंह चुटीन खाय गया |

⁵एने थुडक बीज च्यापरयाव्वी धरती पर पड़यो जहरी तिनाहा होवटु कादुव नी जुड़यू , एने जल्दी उग गयो |⁶एने जेतार दिह उगीन तोप्यो , तेतार च्यों चिमटाईन हुक गयो , कहाके तेर मूवे जास्ती उँड़े नी अता |

⁷एने थुडाक बीजा जाड़वाट्यामा पड्या , एने जाड़े मोटा होया ते जाड़ों मा दाबाय गयो एने च्यों वणसायिन फव्यो नी |⁸पुण थुडाक बीजा हाजला जागामा पड्या , एने च्या बीजा चेहरी उग्या , एने च मोटों अयीन फुले आविन हाजों फ़ोव्यो एने काल्लोंह काय तीस गुणा एने काल्लोंह काय साठ गुणा काल्लोंह काय सोव गुणा फव लाव्यों |

⁹एने च्यु तीनुहू कोयू , के जिनुमा होंबवनेन करता काणे अये ते च्या होंबवीलेये |¹⁰जेतार च्यु एखलू रय गयु ,ते तेरा हातीहे आखा बारा मिविन इन दाखलान बारामा फूच्या

¹¹च्यु तीनुहू कोयू,"तुमुहू ते भगवानन राजन भेदनसमझ आपली से पुण

बाहरवाला माणहन करता आखी वात दाखलामा अयतली से |

¹²इनान करता “च्या देखता जाईन देखे एने तीनुहू देखायी नी पड़े एने होंबवता जाईन होंबवे बी एने नी समझें; एन्हे नी अये के च्या फिरे, एने तीनुहु माफी जुड़ जाये।”¹³फसु च्यु तीनुहु कयु , “ काय तुमु यू दाखलू नी समझता ? ते फसा बट्टा दाखला केहेक समझहे ?

¹⁴उरनेवावू वचन उरतलू से |

¹⁵ज्यों वाटन मेरे से चेहरी वचन उरायलो से, या च्या से जेतार च्या होंबव्या , तेतार बुतडू मामार आविन ज्यों वचन तिंदरा मनमा उरलों अतो मनमा दोखू काडली गयु |¹⁶एने तेहेस थुडाक माणहे सापराट्यामा पोडला बियारान होस से , च्या वचन होंबवतात खुश होईन मान लेये |

¹⁷पूण आपना मनमा भगवानन वचनन मुळे उंडे नी होयनेन कारण च्यो तुडाक दिहोन करता रयहे ; अवतों तिनापर वचनन करींन तीनुपर दुख आवे ते च्या दुखोंह झेलनो पड़े करींन बुरुहु छुढ देय |¹⁸एने ज्या जाडवाट्यामा पवडा ने उगला बियारान हस से च्या या सेके ज्या या वचन होंबवला |

¹⁹एने दुनियादारीन चिंता फीकुर, एने मालदनन धोक , एने चीजन लालूच तीनुमा होंबाय गई एने भगवानन वचन दाबाय गयो एने च्यों वाज़्योंरय गयो

²⁰एने ज्या बीजा हाजली जागामा उरला उगला च्या या सेके , ज्यु वचन होंबविन मनमा राखतला , एने च्या फव लावतला से काल्लु तीस गुणा , काल्ला साठ गुणा ,एने काल्ला होव गुणा |²¹एने च्यु तीनुहु कोयू , "के दिवाहा इनान करता लावतला के पालीन नेचु एने खाटलान नेचु मेलनेम आवे , के इनान करता के दीवट पर मेलनेम आवे?

²²काहाके एकदी वस्तु लिकायली नी , पूण इनान करता के परकट अय जाये , एने थुडीक गुप्त रयहे , पूण इनान करता के परकट अय जाये |

²³एकदान होंबवणेन काने अये ते होंबवीलेये |²⁴फसु च्यु तीनुहु कयु, जागता रयु , के काय तुमु होंबवणे बाज रोया जीना कोरिन तुमु मोजतला तिनाज कोरिन तुमरेन करता बी मोजणेम आवहे , एने तुमुहू डबल आपणेम आवहे |

²⁵काहाके जेर पर से तिनाहाज आपणेम आवहे ; पूण जेरपर नींबे तिनाहा ज्युो से च्यो बी तीनापर दोखो मागणेम आवहे |²⁶फसु च्यु कयु , “भगवानन राज्य अहलो से , के कुदू माणुह धरतीपर बीज वावे ,

²⁷एने राति हुवे , एने दिहु जागे एने च्यो बीज एहें उगे एने मोटों ओए के च्यों नी जाने |

²⁸धरतीपर आपेआप फळिन पेल ते सुकू फूटे एने उब्या आविन नीहवे एने अवतो उब्या मा दाना तियार होय जाए |

²⁹पूण जेतार दाणा पाक जातला , तेतार , चेहरी मामार च्यु खुश अयीन कमाय वाडणे बाज जाये |³⁰फसु च्यु कयु , आमू भगवानन राजन आपलों दान कूणिही आपणु , एने काल्ला दाखलामा तेरी वातन उदाहरण करीन समजणु |

³¹चु राईन दाणा हस से , जेतार धरतीपर कादवोमा ठावणेन टेम आवतलू तेतार धरतीपल्ला आखा बीजा दखु आयतो राईन बीज रयतलो से

³²पूण जेतार ठावणेम आव्य तेतार च्यों उगीन आखा सब्जी- बाजीन झाटवा दोखो मोटों होय जाय , एने तेरा अहला मोटा डाव्या निकवतला के हरगेन चिड़ा बी तेर सांव्वा मा पांजरू बांदीन रये |³³एने च्यु तीनुहु इना परकारन मजबूत होवटी दाखलान वात आपीन तिंदरा मनोमा समझे अहलो वचन हंबाळतलु |

³⁴एने तीनुहु दाखलामा कोये बिगुर काय बी वात नी कोयु , पूण जेतार च्यु आखी वातोन मतलब तेर हाते रयणारा चेलाहा संमझाडततु |³⁵तेदिही जेतार हांज अयी तेतार , च्यु चेलाहा कोयु ,"आपू आखा तीने मेरे जाता

³⁶एने च्या गर्दीह सूडीन चेहरी जहलू च्यु अतु तहलू तिनाहा डूंड्या पर हाते लीगया , एने तेर हाते, उंजु डूंड्या अता |

³⁷तेतार मोंटू वादुण पाणी आव्यू , एने जेलखा डूंड्यापर याहरी तक लाग्या के चेहरी च्यों डूंड्यामा पाणी बरायणे बाज गयो अतु |³⁸एने च्यु खुद चेहरी फसवला जागापर गादीपर हुव रयु अतु तेतार च्या तिनाहा उठाडीन तिनाहा कोया , ऐ गुरु , तंहो काय चिंता निंबले काय , के आमू नाश अयणे बाज रयाहा |

³⁹तेतार च्यु उठिन वाटुणहो कोयु , एने पाणीही कोयु , ठावकु रय , थाम जा , एने वाटुण थाम गयी एने तेतार जायीन आराम जुडयू |⁴⁰एने तीनुहु कोयु , तुमु काहा बीतला , काहा तुमुहू उंजु लगण विस्वास बुरहु नी अयतलु

⁴¹एने च्या मजबुत बी गया , एने तिंदरे तिंदरे वातू करने बाज गया , यू कुण से , के वाटुण एने पाणीही भी तेरी वात होंबवतलु |

Chapter 5

¹च्या दरीयान पल्ली के दळे गिरासेनियों गावमा देसोमा पुच्या !

²एने जेतार च्यु डुडंयापर दोखु, उतरयु तेतार मामार एक माणुह जिंनामा भुरी आत्मा अती, मोटयाम दोखु निकवीन तिनाहा मिवायु !³च्यु मोटंयामा रयाकरततु, एने तिनाहा कुण बी हाकव्या करीन बी बाध निसकततु ! .

⁴काहा के, च्यु एकदम एकदम गडी गडी हाकव्या करिन बांधायलु अतु, पुण च्यु तिना हाकव्या तुळ देतलु अतु ! एने हाकव्या कडाहा बी टुकडा टुकडा कर देतलु अतु एने तिनाहा कुण बी काबामा कर नी सकय अत !⁵च्यु लगापाट रात ने दिह मोटंयामा एने जंगलो बोयडा मा. आयळततु, एने, तिना सोताहा दगडा करिन जखम करततु !

⁶च्यु येशुहु सेटुरयन देखीन दौवडयु, एने तिनाहा येशुहु च्यु सलाम करयु ।⁷एने मोटा आवाज आयळिन कयु, ऐ येशु आखान मोटलु भगवानन पुरया, मेहे तार हाते काय काम , मि तहो शपथ आपतलु, के मेहे पीडा मा आपे !

⁸काहाके च्यु तिनानुहु कोयु, ऐ भुरी आत्मा, इन माणहम दोखी निकवी जा !⁹येशु तिनाहा फुसु, तारो काय नाव से, च्यु माणुह तिनाहा कयु, मारो नाव सेना से काहा के आमु वार होवठा सेताहा !

¹⁰एने च्यु तिनाहा, मजबुत रावव्या करयु, मेहे इन देशमा दोखु बारथे मा मुकले !¹¹चेहरी बोयडापर हुवरयान एक मोटु गवारू चरने बाज रयू अतु !

¹²एने च्या बठा मिवीन तिनाहा रावव्या करताअता, "आमुहु तिना हुवरयान गवारामा मुकलीदे, के आमु हुवरयान गवारामा बोराय जाजे !

¹³अवतु च्यु तिनुहु वारनीग आप्यु, एने बुतडान ‘आत्मा निकवीन हुवरयान विसमा बराय गयी, एने गवारू ज्यु अतु च्यु दुयेक अजारन अत किराडापर दोखा एक मेकाहा ठेफलाईन दरियामा कुदपडया एने डुब गया !¹⁴एने तेरा चारनारा चेहरी दोखा दौडीन नाहपडया एने, फोव्यामा एने गावोमा चि वातन च्यो चमत्कार कयणे हंबावणे बाज गया, ज्य अयल अत च्य देखणे माणहे आवणे आव्या !

¹⁵येशु हाते आविन, च्या तिनाहा जिनामा बुतडान आत्मा बरायली अति तिनाहा , लुगडा पेरीन ठावको बठ रयलो देखीन, च्या भी गया!¹⁶एने देखणेवाला तेरा जिनामा, बुतडान आत्मा अती, एने हुवरयान बठु हाल , तिनुहु कय होंबडयु !

¹⁷एने च्या तिनाहा रावण्याकरिन कयणे हंडगया, के आमरी बांवनडरी मा दोखु जातरय !¹⁸एने तेतार चेहरी डुंडयापर चावणे बाजरयु, ते चेहरी, जिनाहा पेल भुतड़ना आत्मा अति, तिनाहा रावण्या, करणे बाजगया, मेहे तार हाते रयणे दे !

¹⁹पुण च्यु तिनुहु चेतावणी नि आप्यु, एने तिनाहा कयु, “तारे घर जायीन तारा माणहोह कय, तारपर दया करिन किव करिन परभु तारेन करता कहलो मोटो काम करयु !

²⁰चेहरी विकापुलीस जीलामा जायीन उन वोतोन परचार करने बाजगयु, ! के येशु मारकरता कहल मोटो काम करयु, एने बठा बंगलाय गया !²¹जेतार येशु फसु डुंडयापर, बठीन पल्ले मरे गय तेतार एक मोठी गरदी तेरहाते एखठी अय गयी, एने चेहरी दरियान मेरे अतु !

²²एने याईर नावोन साराधनालय मायला सरदारोम दखु एक सरदार आव्यु, एने तिनाहा देखीन तेर पायपर आडु पड गयु !

²³एने च्यु यकरिन मजबुत रावण्या करयु, मारी आयतली सुरी मरनेम से, तु आविन तेरपर आथ मेवु देहे, के चि हाजी अयीन जीवती रय जाहे !

²⁴तेतार च्यु तेर हाते गयु, एने मोटी गरदी तेर फसव जाणे बाज गयी ! अहली गरदी अति के माणहे भी एक मेका पर ठेफलाईन तेर पर पड जातला !²⁵एने एक सुरी, जिनही बारा सालोन लाल पगर पवडेन बिमारीमा अति !

²⁶एने तीनी बीमारीमा च्यी बुड़‌वान बी खुब दुख वेठली, एने तेरू आखु माल वेचीन खरचु करने पर बी तेरू इलाजन फायदु नि अयु पुण तेरी बिमारी उंजु वोडती गयी !

²⁷येशुन चरचा होंबवीन, गरदी मा तेर फसव दोखी आविन तेर लुगडाहा आथ लागाड देल्ली !²⁸काहाके चि कयतती, जर मि तिनाहा लुगडाहा आथ लागाड हीते मि बिमारीमा दोखी हाजी अय जायी !

²⁹एने मामार तेरो लाल पगर निकवणे बंध अय गय ! एने तेरा मनमा जाणलेदी के मि एवि इनबिमारी मा दोखी हाजी अय जाही ! गयली से !³⁰येशु मामार जाणलेदयू के, मेहे दोखी शक्तीवावी निकवली से, एने गरदीमा फस फिरीन भानिन फुस्यु, मारा लुगडा हा कुण आथ लागाडल से कायजाणेह !

³¹तेरा चेला तिना‌हा कोया, तु देखतलु के कायनी, के तोहोपर गरदी कतरीक से तोहोपर डुव पडताह ने तु काय कयणे बाज रयु के मारा लुगडा कुण आथ लागावळो से !

³²तेतार च्यु तिनाहा देखणेन करता ज्यो य येहरी काम करल, अत, चार समखेर ध्यान लागाडीन बाव्यु !³³तेतार चेहरी सुरी, येहरी जाणलेदी के तेरेहाते काय अय गयल से बीतीजायीन एने कांपतीतजायीन आवि एने तेरा पाया पडीन तिनाहा बठु हाल खरी खरी कय देनी !

³⁴च्यु तिनिही कोयु, ऐमार सूरी तारू बुरहु तह हाजु करलु से, तु खुसीमा जा, एने तु तारी इन बीमारीमा दोखी वाचीन रय !³⁵च्यु यकणेबाज रयु अतु के आराधनालयन सरदारन घरमा दखा माणहे आविन कया के, तारी सुरी ते मर गयी, एवी गुरूहु काय वेला पाळतलु !³⁶जी वात च्या कयणेबाजरयाअता के तिनाहु येशु होंबयुनी कयणावणे आराधनालय सरदारह कयु मा बीये फक्त बुरहु मेक !

³⁷एने च्यु पतरस एने याकुब एने याकुबन भायह युहन्नाह सुडीन, एने कुणीहीज हाते नि आवणे नि देण्यु !

³⁸जेतार च्या भोक्तिन घरन पुड़ारीन घरमा पूच्या ते च्यु माणहोह मजबूत रडतला , एने आयडतला देख्यू .³⁹तेतार च्यु माय जायीन तिनुहु कयु, तुमु काहा कल कल करणे बाज रयला एने रडतला ची सुरी मरी निंबे, पुण हुवणे बाज रयीही !

⁴⁰च्या तिनाहा आहणे बाज गयला, पुण च्यु आखा निकाविन सुरीन आई बाबा एने तेरा हातिहो लिन माय गया जेहरी ची सुरी हुव रयली अती चेहरी गया !⁴¹एने तिनी सुरिन आथ दरिन तिनिही कयु “तलीता कुमी” तेरो अर्थ येहरी से, ऐ सुरी मि तहज कयणे बाजरयुहू तु उठ !

⁴²एने चि सुरी मामार उठीन चालने फिरणे बाजयी, काहाके चि बारा सालन ‘अती, एने इनी पर माणहे मजबूत बंगलाय गया !

⁴³फसु च्यु तिनुहू हुकुम आपलु के तेर हाते यी वात कयु के यी वात ‘कुणीहीज मालुम नि अयणु जुवे एने कयु इनिही कायतरी खाणे आपु !

Chapter 6

¹चेहरी दोखू निकवीन च्यु तेरा देसमा आव्यू, एने तेरा चेला तेर फसव चालपड्या!

²आरामन, दिह चेहरी आराध‌नालयमा जायीन वात कयणे बाजयूहु , एने होंवटा माणहे होंबविन बंगलाया , एने कयणे बाजगया के “ एनाहा यी वात काहरी दोखी आववणे होंड गयी, एने चेहरी इनाहा काल्लु अडी अकल से च्यु इनाह आपलु से, एने कहल सक्तीन काम ऐर आथेन परकट अयणे बाज रयह !

³के यू च्युज सेके मिस्तरी निंबेकाय यू मरियमन पुरुयू , एने याकूब एने यहुदा एने शमौन एरु भायह ,? के तेरी बणहयू याहरी आपणे विसमा रयतली नी काय? इमानकरता च्या तिनान बारामा दोकू खादया!⁴.येशु लिनुहु कयु , " बोवीस्य कोयणारु तेर देसोमा एने तेर कुंटम एने तेरे घरल्याहा सुडीन एने काहरी बी नि लाजवा ये!

⁵एने च्यु चेहरी कायीज, चमत्कारन काम नि ? करसक्यु, फक्त थुडाक मांदलापर आथ मेकीन तीनुहु अतरज हाजु करयू !

⁶एने च्यु तिंदरा बुरहु निकरतला पुन बोंगलाये अहल काम करयू एने चार समखेरला गावमा वातन उपदेश तीनुहु हिकाळतु फिरयू⁷एने चेहरी बठा बारा चोलाहा तेर हाते हादिन तीनुहु दुय-दुय करिन मुकलने बाजगयु , एने तिनुहू बुतडान आत्मा पर हक आप्यु |

⁸एने च्यु तीनुहु हुकुम आप्यु के जाणेन करता लाकूळह सुडीन दिहरो काईज जुण लीजाता नि ते रुटु एने थोयलु एने खुत्- विमा पोयहा

⁹पुण चाच्या पेरलेजु , एने डोगला दुय-दुय जुण पेरता,¹⁰एने च्यु तिनुहु कोयू जाह‌री काहरी तुम कुणीन घर जाये ते. जाहोलोगण मुकली नि देये , ताहालोगण तिनाज घरमा रोयजु |

¹¹जिना आगा पर जेहरि कायम रमणारा माणहे , तुमुहू आवू बठू नी कये , एने तुमरी वात नि होंबवे च्याहरी दोखा निकवताच तुमरा पायन फोकटो चेहरीज झटकी देजु , के तीना पर गवाही अये |¹²एने च्या जायीन प्रचार करया के मन फिरावु!

¹³एने वार होंवटी बुतडान बुरी आत्माहा निकाव्यू , एने, वारहोवटा मांदला पर तेल थाबीन तिनुहु हाजा करुयू !¹⁴एने यीशु नावहादयू ओय गयु , यां तक के हेरोदेस राजा बी तेर बारामा होंबव्यू एने च्यु कयु , के " यूहन्ना बपतिस्मा देनारु मरलाम दोखू जीवतु ओय गयु , तिनामा इनामा रोयन मोठा कामे ओयताह |"

¹⁵उंजु दिहरा कोया ,"नी रा , यू ते बोगवानोन वाती एलिय्याह से ," पूण उंजु दिहरा कोया ,"नी रा , यू ते , वेगला वारान बोगवानोन वाती माणहो मायन एक सेतुहू "|¹⁶हेरोदेस य होंबवीन कयु , जिन यूहन्नां मुंडको मीतुड़ावलु से च्युज जीवतु उठ गयलु से |

¹⁷काहाको हेरोदेस तु तारा भायह फिलिप्पुसन लाडिही हेरोदियासन वगेदोखू , ज्यो कुण वियाव करलो, माणहोह मुकलीन युहन्नाहा दराविन कुंडवाळान घरमा घाल देण्या |¹⁸काहाके यूहन्नां हेरोदेसह "कयु, " तारा बायहन लाडीही राखणु य तह हाजों निंबे |

¹⁹इनानकरता हेरोदियास एने य करने हुततती के तिनाहा मारावणे, पुर्ण तोहल नि अय |

²⁰काहाके हेरोदेस यूहन्नाहा धरमी, एने पवित्र पुरुयू जाणिनं तिनाहा बितोतु , एने तिनाहा वाचाडीन राखतती, एने तेरी होन्बवीन मजबूत घाबरायतता, पुण खुसीमा होबवतता |²¹एने ठीक तिनाजा टाईमपर जेतार हेरोदेस तेरो जन्मान दिह तेरा राजाहा एने सयनिकह, एने गलिलन मोटा माण होन करता खाणो बोणाव्यू |

²²एने तीनी हेरोदियासन सुरी माय आवी , एने नाचिन हेरोदेस एने हाते बठणारानुहु सवाल करयी तेतार राजा तिनी सुरीही कयु, “ तोहो ज्यों जुवे च्यो मांग मेहेपर मि तोहो आपीही |”²³एने च्यु शपत खादयू , “ मी मारो आरदों राज लग ज्यों काय तु मेहेपर मागहे मी तोहों आपीही |”

²⁴च्यी बारथे जायीन तेरी आईही फूच्यी , “ मि काय मांगो?” ची कोयी ,“ युहन्ना बपतिस्मा 'आपणारान मुंडको |”

²⁵चि मामार राजा हाते माय गई, एने तिनाहा रावण्या करी, “ मि एहेहुतती के तु एवी यूहन्ना बपतिस्मा आपणारान मुंडको एक थाविमा मेहे मांग्याप दे।”²⁶तेतार राजा मजबूत नाराज अयु ,पुण तेरी शब्द शपत्न

²⁷27.एने राजा अवतु मामार एक सिपाही हुकुम आपीन मुकल्यु, के तेरो मुंडन घवो तुळलावजी

²⁸च्यु कुडवाळामा जायीन तेरो मुंडको घवो तुड्यू , एने एक थावी मा मेकीन लाव्यु एने तिनि सूरी आप्यु , ऐने चिसुरी तेरी आयीही आपी

²⁹य होंबवीन तेरा चेला आव्या, एने तेरी लाशह चुटीन खाडा मा मेक्या ! डाकदेण्या !³⁰प्रेरित चेला येशु हाते आव्या एखटा अया हुवाया, ज्यो काय च्या कोया, एने हिकाड्या अता, च्यों आखो तिनाहा देखाळ देण्या !

³¹च्यु तिनुहु कोयु, तुम आपू अलग एक सानसून, जागे जायींन थुळाक आराम करता करू |" काहाके वार होंवटा माणहे आवता जाता अता , एने तिनाहा खाणेन बी टेम नी जुळततु |

³²इनानकरता च्या हुंड्यापर चळीन, सुनसान जागे च्या अलग जात रया।³³एने वार होंवटा माणहे तिनुहु जातला देखीन तीनुहु उवखीलेदिया एने आखा नगरन मायला एखटा ओयीन च्या पाये दौळ्या, एने तीनु दोखा पेल च्या पुच गया।

³⁴च्या, उत्तरीन मजबूत गरदी देख्या , एने तीनुपर तरस खादया, काहाके च्या बुलवायाला गाडरान हस अता च्या तिंदरो कुण गुवाव्यू नी रोये, एने च्यु तीनुहु वार होंवटी वातु हिकावणे बाज गयु |³⁵जेतार दिह वारुज डव गय , तेतार तेरा चेला तेरे हाते आविन कयणे बाजगया ," यूजागू सुनसान से , एने दिह वारुज डव गयलु से |

³⁶तीनुहु मूकलिन , चार समकेर गावमा टुवामाजायींन , आपणेन करता कायतरी खाणो वेचातो लेतावजी³⁷च्यु तीनुहु जवाब 'आप्यु , तुमुज तीनुहु खाणेआपजु , "च्या तिनाहा कोया

³⁸च्यु तिनूहु कोयु , "जायीन ते बाउ तुमरे पर कतरा रुटा से, च्या रूटा कतरा से मोजीन कोया," पांच रुटा एने दुय मासा से!³⁹तेतार, च्यु तिनुहु हुकुम आप्यु , के इनुहु आखानुहु निव्वा चारा पर पोंगात मा बोठाळ देवू !

⁴⁰च्या एक एक हव एने पन्नास-पन्नास करीन पोंगात मा बोठ गया |

⁴¹एने च्यु तिना पाच रुटाहा एने दुय मासाहा आथोमा चुट्यु एने होरगोखेर बावीन धन्यवाद करयु , एने रुटाहा कूटका करींन चेलाहा आपलु गयू , के च्या माणहोह च्या कुटका एने च्या दुय मासाबी तिनु माणहोनुहु वाट देण्या |⁴²एने आखा खायीन आफरी गया।

⁴³एने च्या टूकडा करला रूटान बारा खिवळ्या बरीन उचल्या, एने माय थुळाक मासानबी बराला अता।

⁴⁴ज्या च्या रुटा खादला, च्या आखा पांच अजार माणहे अता!⁴⁵तेतार च्यु मामार तेरा चेलाहा काबाम करयू के च्या डूंड्यापर चडीन तीनादखा पेल पल्ली टेक बेत सैदा गावमा जातरये के जाहालगण च्यु तिनु माणहोह चेदखू मुकली नि देये |

⁴⁶एने तीनाहू मुकलीन बोयडापर प्रार्थना करनेन करता गयु!

⁴⁷एने जेतार हांज अयी , तेतार डूंड्य दरियान विसमा अत, एने च्यु एखलु धरतीपर अतु !⁴⁸एने जेतार च्यु देख्यू के च्या ते चालाडीन - चालाडीन घाबराय गया, काहाके वाहवू मोठे अय गयु ते रातन कुकडा वाहरे च्यु दरियान पाणीपर चालीन तींदरे हाते पुच्यु , एने तिनुदखु अगव अयजाणे हुतततु |

⁴⁹पूण तिनहा दिरीयामा पाणीपर चालतलु देखीन संमज्या ,के बुतड से , एने आयळी रया , !

⁵⁰काहाके आखा तिनाहा देखीन घाबरी गया, पुण तीनुहाते वातु करयु एने कायू , दिर मेकु मी से बियूमा बी ता जुण |⁵¹तेतार च्यु तीनुहाते डूंड्या पर आव्यू , एने वाहवू थाम गयु , च्या मजबूत बोंगलाय गया |

⁵²काहाके च्या तीना रुटान बारामा निसमज्या अता , पूण मामार तिंदरों मन कठोड अय गयल अत |⁵³एने च्या पार करीन गन्नेसरत मा पूच्या , एने डूंड्य टेकडे लागाड्या |

⁵⁴एने जेतार च्या डूंड्यापर दखा उतरया , ते माणहे मामार तीनुहु उवखीन

⁵⁵आहणे - पाहणेन आखा देशोमा दौड्या , एने मांदलाहा खाटलापर लूटाडीन जेहरि - जेहरि परचार देख्या , के यू च्यु से , चेहरी - चेहरी मांदलाहा लिन फिरया⁵⁶एने जेहरि काहरी च्यु तीनागावोमा , सेहरों मा वहतीमा जातालु ते, माणहे मांदलाहा बोजारोमा मेकीन तिनाहा रावण्या करतता , के च्यु तीनुहु तेरा लुगडान सेवडाहा आथ लागवणेहे , एने जतरा बी तिनाहा आथ लागाळया च्या आखा हाजा अय जातता |

Chapter 7

¹तेतार फरीसी एने थुडाळ नेम हिकाळनारा या यरूशलेम दोखा आवला अता , तिनाहाते एखटा टूवाया |²एने च्या तेरा माय चेलाहा अशुद्ध अर्थात् आथ नी धुव्या एहेज रूटु खातला देख्या |

³काहाके फरीसी एने आखा यहूदी , पेल्ली जुनीपूरानी परम्परान रितन पालन करता अता ,एने जहालोगण हाजीहुते आथ नी दुवे ताहालोगण खाणो नी खातला |

⁴एने बोजार दोखा आविन जहालोगण उंगवी नी लेये , ताहालोगण नी खातला , एने वारुज होंवटी अलग अलग वात से , यी वात तिंदरेमा माननूजूवे ची वात पुचली से , जेंहे कटवरो , एने कोवहयू , एने तांबान रासोह करीन दुवणु मानतला |⁵इनानकरता तीनु फरिसी एने नेमहिकाडनारा शास्त्री माणहे तिनाहा फूच्या ," तारा चेला काल्लि पेल्ला डायडायान परम्परा पर नीचालतला , एने आथ नी दुवे तेहेज रूटु खातला काय |⁶च्यु तीनुहु कयु , "यशायाह तुमरा मनकपट्यान बारामा वारुज बराबर भविष्यवाणी करलु , तेहे लेखल सेतह |

⁷एने यी वायबार मारी बोक्ती करतला से , काहाके माणहोन हुकमपर धरमान उपदेश वात करीन हिकाळतलु |⁸काहाके तुमु भगवानन हुकूम वातह टाविन माणहन रीतिमानतला से "

⁹एने च्यु तीनुहु कयु ," तुमु तुमरी रितोह माननेन करता भगवानन हुकुमह वातह केहेक हाजी हुते टाव देतला |

¹⁰काहाके मूसा कयलु से , आपणा बाबान एने आपणी आईन कदर करजू ज्यों कुण बाबाहा ने आईही हाजीनी कोये , तिनाहा खरीज मार देणु जुवे |¹¹पूण तुमु कयतला के जर एकदू आपणा आई बाबाहा कये , ज्यों काय तोहों मेहे काय लाभ फायदू पुच सकतल , च्यु कुरबान अयगयलु |

¹²ते तुमु तिनाहा तेरा आईबाबान थुळिक बी नी चाकरी करने देता काय |

¹³इनसेहे तुमु आपणी रीतिही , इनीरीतिही तुमु मेकला से , भगवानन वचन टाव देतला , एने अहल- अहल मजबुत काम करतला , या माणहे उठोपर ते मारो कदर ने मेहे मानतला से , पूण तिंदरो मन मेहेदेखो सेटों रयतलो से |¹⁴एने च्यु माणहोह तेर हाते हादिन तीनुहु कोयु , "तुमु आखा मारी होंबवू , एने समजू |

¹⁵अहली ते काल्लि वस्तु निबंले के माणहोह बारथे दोखी माय- बोरायन हाजों नि करे , पूण वस्तु माणहोन मुयोंमा दोखी निकवतली , तेतार च्योंज तिनाहा बाकतो करतल से |

¹⁶जर एकदान होंबवणेन काणे अये ते च्यों होंबवि लेये |¹⁷जेतार च्यु गरदीन हाते दोखु घर मा गयु , ते तेरा चेला इन दाखलान बारामा तिनाहा फूस्या |

¹⁸च्यु तीनुहु कोयु ," के तुमु भी इनसेहला ना समज से काय बरायतली से , च्यों तिनाहा बाकतो नी करसकेने |

¹⁹काहाके च्यु तिंदरा मनमा नी पूण , पेटोमा बरायतली स , एने एकदोम साप निकवतली काय , य कायींन च्यु आखों खाणेन वस्तुहू शुद्ध साप करयु |²⁰फसु च्यु कयु ,"ज्यों माणहोम दोखो निकवतल से , च्योंज माणहोह गंद करतल से

²¹काहाके माय दोखो , माणहन मनमा दोखा वाईट - वाईट विचारे , चोरी मारनु , गमंड

²²लालच , बुरी सोच , लुच्ची , लबाळी , चुगली , अपमान, मूर्खता निकवतली से |

²³यी आखि बुरी वात माय दोखीज निकवतली , एने मानहोह अशुद्ध लबाळ करतली से |²⁴फसु च्यु च्या दोखू उठीन सुर एने सैदा देशों मा आव्यू , एने एक घर मा गयू एने कुणीह नी मालूम जुवे , पूण च्यु निकाय नीसक्यू |

²⁵एने मामार एक बायर अती तेरी सूरी आयतली सूरीन आंगमा बुतड़ान आत्मा अती , तेरी चर्चा होंबविन आवी एने , तेरा पायो पर आड़ीपळगयी |

²⁶ची यूनानी एने सुरि फिनिकी जातींन अती , एने च्यु तिनाहा रावण्या करी , के मारी सूरीन डीलमा बुरी आत्मा से तेर डीलमा दोखू निकाव दे |²⁷च्यु तिनाहा कयु , पेल पुरयाहा आफरी जाणेदे , काहाके पुरयान रुटू मांगीन कुतरा अगव नाखणु यो मोटों काम नी से |

²⁸च्यु तीनुहु उत्तर आप्यु,"खरी से प्रभु फसा भी ते कुतरा भी ते टेबलन नेचो पुरयान रुटा खाईन नाखाए चूर चार ते खाय लेतला |²⁹च्यु तीनुहु कोयु , इन वातन कारण जातरय ; बुरी आत्मा तारी सूरी मा दोखी निकवी जा |

³⁰एने च्यु तेरे घर आविन देख्यू के सूरी ते खाटला पर लूटरयी एने बुरी आत्मा निकवी गयी |³¹फसु च्यु सुर एने सैदा देशोंम दोखू निकवीन दिकापुलिस देश अयतु गलील दरिया पर पुच्यु |

³²एने माणहे एक बायराहा मूकों भी अत , तेरपाह लावीन तिनाहा रावण्या करे , के तारु आथ तिनापर मेक |³³तेतार च्यु तिनाहा गरदीम दोखू अलग लीगयु , एने तेरी आंगव्या तिनान कांटामा घाल्यू , एने थुपिन तेरी जीभह आथ लागाड्यू |

³⁴एने च्यु गर्दीम तेरा आखा चेलाहा हाते हादीन तिनुहु कयु ज्यो कुण मारे फसव आवणे हुदे,च्यु तीनाह सोताहा तेर मनमा इनकार कर देये एने तेरू कूरूस उचलीन मारे फसव अय जाय

³⁵एने तेरा कांटा उगड़ी गया , एने तेरी जीभन गाठ भी खुल गयी , एने च्यु पाक - पाक बुलने बाजगयु |³⁶तेतार च्यु तिनाहा कयु के तु कुणीहीज जुण कोयतु , पूण जत्रु तिनाहा कोयु , ततत्रु च्या अवी परचार करने बाज गया |

³⁷एने च्या मजबूत बोंगलाईन कायने बाजगया , च्यु ज्यों काय करयु च्यों आखों हाजों से , च्यु बायराहा हंबवणेन एने बुलनेंन शक्ति आप्यु |

Chapter 8

¹तीना दिहोमा , जेतार फसी गर्दी एखटी अयी , एने तिंदरे पर खाणेन करता कायीज नी अतो , ते च्यु तेरे हाते हादिन तीनुहु कोयु |

²मेहे इनगर्दी पर कीव आवहे काहाके या तीन दिह बराबर मार हाते से , एने तिंदरे पाह खाणे काय बी निंबले |

³जर मी इनुहू बुखला घर मुकली दी ते या वाटे थाकीन रयजाहे ; काहाके इनाम माय - माय वार नांबे नांबे दोखा आवला से |

⁴तेरा चेला तिनाहा जवाब आप्या , येहरी जंगलोमा अतरा रूटा कुणतरी लावे के या खायीखायीन आफरी जाये |⁵च्यु तीनुहु फूस्यु ," तुमरे पर कतरा रूटा से ," च्या कया " सात से |

⁶तेतार च्यु माणहोह धरती पर बठणेण हूकुम आप्यु , एने च्या सात रूटा लेदया , एने धन्यवाद करींन तुड्या , एने तेरा चेलाहा आपतु गयु के तिंदरे अगव मेके , एने च्या मांणहेमाणहन अगव वाट देण्या |⁷तिंदरे पर थुडाक आयतला मासा भी से एने धन्यवाद करींन तीनुहु भी अगव मेकणेन हुकूम आप्यु |

⁸अवता खायीन आफरी गया , एने उगेरला रूटान बोटका सात खीवड्या उचल्या |

⁹एने चार अजारन आसपास अता , एने च्यु तीनुहु मुकली देण्यु

¹⁰एने वह च्यु मामार तेरा चेला हाते डूंड्या पर चढिन दलमनूता देश मा जातरयु |¹¹फसा फरिसी आविन तीना हाते जगड़ू करने बाज गया , एने तिनाहा फारोकणेन करता स्वर्गन निशाणी मागणे होंड गया |

¹²च्यु तेरी आत्मामा कोयु ," इना टेमोन माणहे काहा निशानी हुतला मी तुमुहु खरी कयह , इनाटाइमायला माणहोह काल्लि निशानी आपणेम आवे |

¹³एने च्यु तीनुहु मेकिन फसु डूंड्यापर चढ़ गयु , एने तीन मेरे पार जातरयु |¹⁴एने च्यु रुटू लिजाणे वीहरी गया , एने डूड्यापर तीनुहु हाते एकुज रुटू अतु |

¹⁵एने च्यु तीनुहु हुकूम आप्यु ," फरीसियोन खमीर एने हेरोदेसन खमीर दखा सावधान रयू |¹⁶च्या तिंदरे तिंदरे विचार करींन कयणे बाज्या ,"आमरे पर ते रुटू निंबे |

¹⁷य जाणीन येशु तीनानुहु कोयु ," तुमु काहा तुमरे तुमरे विचार करने बाजरयला, के आमरे पर रुटू निंबे ? काय उंजु लगण नी जाणता , एने नी संमजत काय , के तुमरे मन वातोडो अय गयल से |¹⁸डुवा से तिबिनी देखतला , एने काणे से तिबिनी होंबवतला , एने तुमुहु अरुज निंबे |

¹⁹के जेतार मी पाच अजारन करता , पाच रूटा टुकड़ा करलु , ते तुमु टुकड़ा बोरिन कतरा खीवड्या उचल्या तुमु , च्या तिनाहा कोया , बारा खीवड्या |²⁰च्यु तीनुहु कोयु , एने जेतार चार अजारन करता सात रुटा अता , तेतार तुमु टूकडांन कतरा खीवड्या बरींन उचल्ला , च्या तिनाहा कोया सात खीवड्या |

²¹च्यु तीनुहु कोयु , तुमु उंजु लोगण नीसंमजता काय |²²एने च्या बैतसैदा मा आव्या , एने माणहे एक आंधवाह तीना हाते दोरिन लाव्या , एने तिनाहा रावण्या करया के च्यु तिनाहा आथ लागाड़े |

²³च्यु तीना आंधवाह आथ धरिन तेरा गावोन बारथे ली गयू एने तेरा डूवामा थुपिंन तिनापर आथ मेकिन् एने तिनाहा फूस्यु ," तु काय देखतु काय |"²⁴च्यु डुवा उचाकरींन कोयु ," मी माणहोह देखतुह , काहाके च्या मेहे चालतला देखायताहा , तहला जाड़े बी |

²⁵तेतार च्यु फसु दुयवार तेरा डूवापर आथ मेक्यू , एने हसकरीन देख्यू , एने हाजू अय गयु , एने आख तिनाहा हाजों देखायणे बाज गयो |

²⁶एने च्यु तिनाहा य कयीन घर मुकल्यू ," इन गावमा मायतु पाय बी जुण मेलतु ,"²⁷येशु एने तेरा चेला कैसरिया फिलिप्पी गावोमा जात रया एने वाटे च्यु तेरा चेलाहा फूस्यु ," माणहे मेहे काय कयतला

²⁸च्या जवाब आप्या ," यूहन्ना बपतिस्मा आपणाराहा पर थुडाक तोहों एलियाह , कोयतला , एने थुडाक तु बोविस्य कयणारा मायलु एक से कोरीन कोयतला |²⁹च्यु तीनुहु फूस्यु ," पूण तुमु मेहे काय कयतला ?" पतरस तिनाहा जवाब आप्यु ," तु मसीह से |

³⁰तेतार च्यु तिनाहा हसकरींन चितलागाडिन कयु , मारा बारामा , यी कुणिहीज जुण कयतु|³¹एने च्यु तिनाहा हीकावणे बाजगयू , के माणहोंन पुरयान करता खरिज से , के च्यु मजबूत दुख उठावे , एने डायला एने , राजान याजक एने पुजारा तिनाहा कायीज नी संमजे एने तिनाहा मार देये , एने च्यु तीन दिहोम जीवतु अयजाय |

³²च्यु यी वात खुल्लो कयदेण्यु , इनापर पतरस अलग लिजायीन जुलने होंड गयु |³³पूण च्यु फिरिन , एने तेरा चेलाखेर बावीन पतरसह जुलींन कयु , ए बुतड़ा , मार सामने दोखू सेटु अयजा , कहाके तु भगवानन वातोपर नी , पूण माणहोन वातो पर मन लागडतलु से |

³⁴च्यु तिनी गर्दीही तेरा चेला हाते आखाहा हादयू , हादिन तीनुहु कयु ," ज्योंकुण मार फसव आवण्य से , च्यों सोतान मोरजी नी पूण मार मोरजी पूरी कोरतू जायीन तेर कुरुस ऊखलिन मार फसव आव लागे |³⁵काहाके ज्यों कुण सोतान जीव वाचावणे हुदे च्यु तिनाहा खुव देहे , पूण ज्यों कुण मारा परचरोंन करता टेरू जीव जावडहे खूवहे ते च्यु तिनाहा वाचाडहे |

³⁶जर माणुह आखि कोविही बी काबान करलेये , एने तेरा डिलोन नुकसान उठावे ते काय फायदु अयहे

³⁷एने माणुह तेरा जीवन बदले काय आपहे च्यु |³⁸ज्यों कुण इन सिनावों करनारा एने पापी माणहोंन वीसमा , एने मारी वातोह लाजावयहे माणहन पुरयु बी जेतार च्यु पवित्र स्वरगदुतो हाते , एने तेरा बाबान महिमा हाते आवहे तेतार तिनाहा बी लाजवाहे काय |

Chapter 9

¹एने च्यू तिनुहु कोयु , मि तुमुहू खरी कोयहो के, ज्या याहरी उबरयला , अता इनुमा थुडाक मानहे अहला अता के , जाहलगण भगवानन सक्ती राज आवहे च्या देखनिलये ताहा लगण , मोरनेन हवाद कत्ताहमायनि चाकलेय !

²सब दिहन बाद येशु ने पतरस ,एने याबुक ,एने युहन्नाहा हाते एकवगु काल्ला उचा बोयड़ा पर लिगयु, एने तेरे तेरे अगव तेरो रूप बदली गय !

³एने तेरा , लुगडा अहला चमकणे बाज्या के याहरीलगण बुराबुह देखाया , एने धरतीपर अहलु काल्लु बी धोबी अतरा बुराबुह करिनि सकतलु !⁴एने तिनाह मुसा होते एलिय्याह देखायु , एने च्या येशुहाते वात करतता !

⁵इनापर पतरस येशुहू कोयू , “ हे रब्बी , आमरो चाहरीरयणु हाजो से, इनाकरता आमु मोन्डप मोन्डप बनावजे , एक तार करता , एक मुसान करता , ऐने एक एलिय्याहन करता !

⁶काहाके तिनुह नि मालुम अतो के काय उत्तर आपे , इनानकरता के च्या मजबुत बि गयला अता !⁷तेतार एक वादवो आविन तिनुहू सांव्वु करयो , एने तीना वादवामा दोखो अहल शब्द निकव्य , “यु मारू कोवातु पुरयु से; अरी हंबवु !

⁸वेतार च्या एकाएक चार समखेर दयान लागाडीन बाव्या , एने येशू सुडीन तीदरे हाते दुरहरो कुणीज नि देखयो !⁹बायडा परदोखु उतरतुजायीन च्यु तिनुहूहुकुम आप्यु , के जहालगण मानहन पुरयु मरलाम दोखु जीवतु नि नि अयजाय , ताहा लगण ज्यो काय तुमु देखला से च्यो कुणीहीज जुण कयता !

¹⁰च्या इनवातोह मनमा राख्या , एने च्या च्याज तिंदरे तिंदरे वातु करने बाजगया , के मरलाम दोखु जीवतु अयणेन काय मोतलब से !¹¹11. एने च्या तिनाह फुस्या , शास्त्री केहे कयतेहे , के एलिय्याह न पेल आवणेन जरूडी से !

¹²च्यु तिनह जवाब देव्यु , “ एलिय्याह खरी पेल आविन आख काय खुधारहे , पुण मानहण पुरयान बारामा अहल कहा लेखल से, के च्यु मजबुत दुःख उठावहे , एने आयतु गीणायहे न नावबोदी कोरनेम आवहे ।

¹³पुण मि तुमुहु कयह के , एलिय्याह ते आवरयुह , एने एने जहल तेराबारामा लेखल से , तेहेज मानहे जेहे कोया तेंह तिनाहाते करला ओता !¹⁴एने जेतार च्यु चेला होते आव्यु , ते देख्यु के तिंदरे चार समखेर एने मजबुत गरदी अयगयी , एने यहुदिन नेम हिकाडनारा जोखड़ी पाडेतोता !

¹⁵एने तिनाहा देखताज आखा मजबुत बोगलाया , एने तेरखेर दौडीन तिनाह आवबाव कोरया !

¹⁶च्यु तिनुहू फुस्यु , “ तुमू इनाहोते कायतान बाराम जोखड़ी पडतता¹⁷गोरदीय दोखू एक मानुह तिनाह जावाब आप्यु , “ए गुरु मि मार पुरयाहा , जिनामा मुकी आत्मा बोराय रोयीही , तिनाहा तारपा लावलु से !

¹⁸जेतार बी च्यी इनामा बोरायतली ते बुयपोर इनाहा आट्टी , देतली , एने तेर मुयमा दोखो फेदरो निकवतल एने दाते बोठाड लेतलु , एने एर डील आखडाय जातलो , एने मी तीन बुतडान आत्माहा काडणेन कोरता तार चेलानुहू फुस्यु , बाकीन या कायनी काड सक्या ।

¹⁹य होंबवीन च्यु तिनुहू जवाब आपीन कोयु , “ ऐ विणबुरहान माणहो , मिकेतार लगण तुमरे हाते रयीही , एने केतारलगण वेठतु रयो मि , तिना पुरयाहा मारहाते लाव !²⁰तेतार च्या तिनाहा तेरपा तेरहाते लाव्या , एने जेतार च्यु तिनाहा देख्यु , ते ची आत्मा मामार विनाह पिवायीन , एने च्यु धरतीपर पड गयु , एने मुयोखेर फेदरो निकावतुजायन जाणे बाजगयु

²¹च्यू तेरा बाबाहा फुशु,एरी अहली दशा केतार दखी से, एने च्यु कयु बचपनामा दखु से!

²²च्यु तिन पुरयान बाबाह फुस्यु , “ इनान इनसेहे दशा केंची दोखी से , एने च्यु कयु , “ आयतु अतु तेतारदोखु ! से !²³च्यु बुतडु इनाहा मार देणेन करीन गोड़ी- गोड़ी आठामा , एने पाणीमा पाळ देतलु , पुण जर तु आमुपर कीव कोरीन तोहो बोणे ते कायबी कोरीन , आमुपर मोदत करजी !

²⁴पुरयान बाबु मामार आयडीन कयु , “ ऐ परभु , मि बुरहू कोरो, तेबी मेहे पुरु बुरहु कोरनेन करता मोदत कर , !

²⁵जेतार येशु देख्यु, के माणहे दौडीन आविन गरदी करने बाजरया, ते च्यु तिनि बुरी आत्मा य कयीन जुलयु , के “ ऐ मुकी एने बयरी आत्मा , मि तोहो हुकुम आवोह , तिनामा दोखी निकवजा एने तिनामा फसी केतारबी माय डिलोमा बोरायती जुन !²⁶तेतार ची आयडीन, एने तिनाह मजबुत पिवायीन , निकवी गयीण एने पुरयो मरलो एहे अयगय , एहलगण कयणेहोड गया के यु , एवी मर गयलु से !

²⁷मामार येशु तेरू आथ दोरीन तिनाह उठाळ्यू , एने च्यु उबरय गयु !²⁸जेतार च्यु घरमा आव्यु , ते तेराचेला तिनाहा एखला मा फुस्या “ आमु तिनी आत्माहा केहे नी काड सक्या !

²⁹च्यु तिनुहु कोयु , “ इनबातीन बुतड़ाक बिना प्रार्थना करे काल्ली दुहरू काल्लु बी उपाय करे तिबीनी निकवे !³⁰फसा च्या चेहरी दोखा जाणे बाज गया, एने गलील मा अयता जायीन जाणे बाजरया अता , तेरा मनमा इच्छा अती के कुणीहीज मालुम नि जुवे मेहे कुण उवखे !

³¹काहाके च्यु तेरा चेलाहा हिकाळ्तलु , एने तिनुहु कयततु के माणहोन पुरयु , माणहोन आथे घेरावणेम आवहे , एने च्या तिनाहा मारदेये ; एने च्यु मरनेन फसव तीन दिहोमा फसु जीवतु अयजाय !

³²पुण यी वात काय तिंदरा समजमा निआवी , एने च्या तिनाहा फुसणे बीतता !³³फसा च्या कफरनहुम गावमा आव्या , एने घरमा जायीन च्यु तिनुहू पुस्यु , “ वाटे तुमू काल्ली वाते जखळी पवळ्यत ता !

³⁴च्या ठावका रया काहाके , वाटे च्या तिंदरे- तिंदरे च्या जखळी पवळ्या अता, के आमुमा दोखु कुण मोटु से !

³⁵तेतार च्यु बठीन बाराचेलाहा हादयु , एने तिनुहू कोयु , “ जर कुण मोटु अपणेहुतत्तेहे ते आखा दोखु आयतु एने आखान चाकरी करणारू बणे !³⁶एने च्यु एक पुरयाह लीन तिंदरा विसमा उबराखयु एने तिनाहा खुवामा बोठाळीन कोयु , ! तिनुह कोयु !

³⁷ज्यो कुण मारा नावोन ऐहे आयतला पुरयामाय काल्लो एकदो पुरयोहा आवबाव कोरहे ते, च्यु मारू आवबाव कोरतलु ; एने ज्यु कुण मारू आवबाव कोरतलु च्यु मारू ओतरज नी बाकीन ज्यु मेहे मुकोल्लु तेरो बी आवबाव कोरतलु !³⁸तेतार युहन्ना तिनाहा कोयु, “ हे गुरु आमुने एक मानुह तारा नावोमा भुरी आत्माहा काटतला देख्या एने आमु तिनुहु मना करने बाज्या , काहाके च्यू अमरे फसव नि आवणे बाजजातु

³⁹येशु कयु , “ तिनाहा मनामा करू ; काहाके अहल कुण नि से ज्यो मारा नावोदोखा सक्तीन काम करे, एने अगा मारी निन्दा करे⁴⁰काहाके ज्या आपणी विरोधमा निंबे च्या आपणी खेर सेताहा !

⁴¹ज्यो कुण एक कटोवरा पाणी तुमुहु इनान करता पियळे के तुमु मसीही अयेते मि तुमुहु खरी कयोह , के च्यु तेर प्रतिफल काल्ली वजेदोखु नि खुवे !⁴²ज्यो कुण इन आयतला मायन ज्योकुण मेहे पर विश्वास करता अहे कुणीही ठोकर खावळावे ने तेरे लिये हाजो य से के एक मोटी चक्की पुळ तेरा गवामा बांधीन लटकावणेम आवे , एने तिनाहा दरियामा नाखणेम आवे . नाखदेये !

⁴³जर तार आथ तोहो पाप करावेते तेतार तिनाहा तुळ देजी, ज्याहरी कीडा नी मोरे । एने आगठो नी उलवायतलो तीना नोरकोम , दुय आथ लीन जाणे दोखो पांगवा आथो हाते सोरग राजोमा जाणु तार करता हाजो से !

⁴⁴ज्याहरी तेरा कीडा निमरतला , एने आगठो नि उलवातल !⁴⁵एने जर तारू पाय तोंहे पाप करावे ते तिनाह तुळीन नाखदेजी , लेगंडु अयीन जीवन मा बरायणु तार करता इनादोखो हाजो से, के दुय पाय रये तिवी नरक नाखदेये !

⁴⁶ज्यांहरी तेरा कीड़ा निमरतला एने आगठो निउलवायतल !⁴⁷एने जर तारा डुवा तोंहो पाप करावे ते तिनाहा काळीन नाख देजी , एक डुवे आदवु अयीन भगवानन राज मा बरायणे तारे करता हाजो से , के दुय दुवा अयेतीबी तु नरक मा नाखणे आवे !

⁴⁸ज्याहरी तेरा कीडा निमरतला , एने आगठो निउलवायतल !⁴⁹काहाके हरेक जण आकठा करीन खारचो करनेम आवहे !

⁵⁰खारो हाजो से बाकिन , जर खानो खारचो अयजायते हवाद बीगळी जाये ने , तिनाहा कायता करिन खारचो करहे !

Chapter 10

¹फसु च्यु चेहरी दोखू उठिन यहूदिया सीमा क्षेत्र एने यरदन पार करिन गोयू , एने गर्दी तीनाहाते फसी अयगयी , एने च्यु तेरी रीतिनुसार तीनुहु वात हिकावणे बाजगयु |

²तेतार फरिसियो तीना हाते आवीन परीक्षा परजावणे तिनाहा फूस्या ," काय यो हाजों से, के माणुह तेर गरवावीह छुड देय ?

³च्यु तीनुहु जवाब आप्यु ," मूसा तुमुहु काय हुकूम आपलू से |

⁴च्या कोया ," मूसा त्याग पत्र लेखणे , एने त्यागणेन हुकूम आपलू से काय |⁵येशु तीनुहु कोयु ," तुमरो मन वातड़ों से कोरिन मूसा एंहे हुकूम लेखीन आपलू |

⁶पूण कोवि गोड्यू तेतार भगवान तीनुहु माणुह एने बाई कोरिन बोणावलु से |⁷कोरिन ओवतु माणुह तेर आय बाबा हाते दोखू अलग अयीन तेरी लाडी हाते रोयतलु |

⁸एने च्या दुयूबी एकूज अयींन , इनान करता च्या दुय नी पूण एक तन अयजातला |

⁹इनान करता इनूहु भगवान इंदरो जूडो बोणावलु से तींदरो जूडो कुण बी तुड़ी नी सकतल |¹⁰एने घर मा चेला इनान बारामा तिनाहा फसा फुस्या |

¹¹च्यु तीनुहु कोयु ," ज्यों कुण तेरी लाडीही काड़ीन दुहरी लाडी हाते वियाव करे ते च्यु तिनी पेल्लि लाडीन विरोद मा सिनावों करतलु |

¹²एने जर लाड़ी तेरा माटीही सुडीन दिहरा हाते वियाव करे ते चिबि सिनावों करतली कवाये |¹³फसु माणहे पुरयाहा तिना हाते लावणे होंड गया , के च्यु तिनापर आथ मेके ; पूण चेला तीनुहु जुल्या |

¹⁴येशु यो देखिन तीनुहु सोतामा कोयू ," पुरयानुहु मार हाते आवणे देवू , एने तीनुहु रुकुमा , काहाके भगवानन राज इनू पुरयान होस रोयणारा माणहोन से |¹⁵मी तुमुहू खोरों खर कोयोह के ज्यु कुण भोगवानन राजोन होकोमा आयतला पूरयान होस बुरहु करीन नी रोये ताहालोगण भगवानन राजोंमा कोदी नी जाये |

¹⁶एने च्यु पूरयानुहु तेर खुवामा बोठाडीन तीनुपर आथ मेकिन तीनुहु आशीर्वाद आप्यु |¹⁷एने जेतार च्यु निकवींन वाटे जातोतु , तेतार एक माणुहु दोवडीन आव्यू , एने तेर ओगोव मांडा टेकींन तिनाहा फुस्यु ," ए हाजला गुरु जोलमकोज जीवाय जुडनेन कोरता मी काय कोरनु जुवे!“

¹⁸एने येशु तिनाहा कोयु ," तु मेहे हाजू से कोरीन काहा कोयतलु ? खोरोखर भगवान ओतरुज हाजू से , फक्त भगवान से |

¹⁹तोहों भगवानन हुकुमु मालूम से , खून जुण कोरतू , सिनावों जुण कोरतू , चूरी जुण कोरतू पूरी वात जाणे बिगुर कुणीन बारामा ठोग गोवाई जुण आपतु ठोंगतु जुण , आय बाबान आबरू राखजी |²⁰च्यु तीनुहु कोयु ," ए गुरु , या बोठा हुकुमे ते मी आयतु दोखू मानतु आवलु से |"

²¹येशु तिनाहा खूब मोंग हाते बावीन कोयु , ताराम उंजु एक वातोन कोसोर से , जा एने ज्यों काय तोहोंपर से च्यों आखों वेचिन गोरीबोह आप दे , तेतार तोहों होरगोंम मोंग मालदन जुड़हे एने आविन मार फ़ोसव अयजाय |

²²इन वातपर च्यु मुय उतार लेदयू , एने जात रोयू ; काहाके च्यु खूब पाम्तलु ओतु |²³येशु चारुमेर बावीन तेरा चेलाहा कोयु , मालदन वालाहा भगवानन राज्य मा बरायणु वार कठीण सेतह |

²⁴चेला तेरी वातु होंब्बीन बोंगलया , इनापर येशु फसु तीनुहु कयु ," हे पुरया ज्यों धन पर बुरहु करतला तीदरेन करता भगवानन राज्य मा बरायणु कहल कठींन सेतह |

²⁵भगवानन राज्य मा पाम्तला माणहे भगवानन राजोमा जाणेम दोखा ऊटडाह हुयीन नास्कामा सोरकणु सोपो से |²⁶च्या मजबूत बोंगलायिन तिंदरे तिंदरे कयणे होंड्या , ते मंग कुणीन उद्धार अय सकतल से |

²⁷येशु तिनुखेर बावीन कयु ," माणहोह ते य नी अय सकतल से, पूण भगवान आखोज कर सकतलु |

²⁸ओवतु पतरस तिनाहा कोयणे बाज गयु , बाव , आमू ते आखो सुडीन तार फसव आव लागला से |²⁹येशु तीनुहु कोयु ," मी तुमुहू खोराखोर कोयतलु के ओहल कुण से ज्यू मार करता एने हाजी खोबर देखाडनेन करता , घरे , बायहे बोणहया , आया बाबा एने पुरया एने खेत सूड देन्यू ओहे ते |

³⁰जरुड इनी कोविमा तीनुहु एक होव गुणा घर , बायहे बोणहया , आय बाबा , पुरया , खेते जुड़ जाहे , पूण इनूहु आखा माणहो दोखो दुख बी वेठणु पोडहे ते आवणे वाली कोविमा अमर जीवाय बी जुड़हे |"

³¹पूण वारु होंवटा ज्या एंवी ओगोव से च्या फोसोव ओय जाहे , एने ज्या एंवी फोसव से च्या ओगोव ओय जाहे |³²एने च्या यरुशलेंम सेहर मा वाटे जातता , एने येशु तिंदरे ओगोव चालतता जाणे बाज रयू अतु चेला बोंगलाय रोया ओता , एने दिहरा माणहे गाबरता जायीन तेर फोसोव गोया येशु बारा चेलाहा एक वोगु ली गोयु , तीना हाते काय काय वीतहे च्यी वात तीनुहु कोयाप्यु |

³³होंबु आपू येरुशलेम जाणे बाज रोया , एने माणहोन पूरयाहा डायला पुजारा एने नेम हिकाडनारान आथोमा होपणेमा आवहे , एने च्या मोतोन डंड आपे ओहल गुनावालु ठोरावहे , एने च्या बिगुर येहदी जातीवावान आथमा होप देहे |

³⁴एने च्या तेरी मोजाक उडाडहे , एने तिनापर थुपहे , एने चपका करीन देहे तिनाहा कुरुस खांबापर चोंडावीन खिला ठुकीन मार नाखहे एने पूण च्यु तीसरे दिही फोसु जीवतु ओय जाहे |³⁵तेतार जब्दीन पुरयु याकूब , एने यूहन्ना यीशु हाते आविन कोया " ए गुरु , आमू हूत्तला के आमू तोहोपार काय बी मांगहु ते च्यों तु आमरे करता कोरजी |

³⁶च्यु तीनुहु कोयु ," तुमुहू काय जुवे के मी तुमरेन करीन मी काय करनू जुवे |

³⁷च्या तिनाहा कोया ,आमुहू यो आप के तारी महिमा मा आमू मायीन एक तारे जेवड़े सायटे एने दिहरु तारे डाखरे सायटे बठे |³⁸येशु तीनुहु कोयु ," तुमु नी जाणतला के तुमु काय मांगने बाजरया मी ज्यों दुखोन पियालों पीनेवालु से च्यों पियालों तुमु पी सकतला के , एने मी दुखोन बपतिस्मा लेने वावू से च्यों बपतिस्मा तुमु ली सकतला के |

³⁹च्या कोया ," आमू कर सकतला |" पूण येशु तीनुहु कोयु ," होवतुमु खोरोंखोर मी केहेक दुख वेठण्यु तहलों तुमु बी दुख वेठहोत काय , एने मी जेहे दुखोन पियालों पिणे से च्यों तुमु पीहोत काय , ज्यों दुखोंन बपतिस्मा मी लेने से च्यों तुमुहू बी लेणु पडहे |

⁴⁰पूण कुण मार जेवड़ी खेर बोठहे एने कुण मार डाखरी खेर बोठहे कोरिन मारो होक निंबे भगवान जिनुहु च्यांहरी बोठणे तीयार कोर रोयूह च्याज च्याहरी बोठ सकतला |⁴¹यो होंबविन दोस चेला याकूब एने यूहन्ना यी वात होंब्या ते तीनुहाते खोताय गया |

⁴²कोरिन येशु तेर हाते तीनुहु आखाहा हादीन कोयु ," तुमु यो जाणतला से के भगवानो पर बुरहु नी करनारा दिहरी जातिनं माणहोन विस्मा राज कोरनारा नावलायलायला मुखी सोतान माणहोपर होक जोमाड़ीन राज कोरतला , एने तीनु होक जोमाडनारापोर ओवि दिहरा मोटला पूडारया होक दाबीन जोमाडतला |⁴³पूण तुमु तिंदरे होस नी कोरनू जुवे , ज्य कुण तुमरे मा मोंटू बोणने हुदतलु च्यु दिहरान पावोर बोवणु पोडहे |

⁴⁴एने तुमरामा ज्यु कुण मुखी बोवणे हुदे , च्यु आखा माणहोन गुलाम पावोरोन होस चाकरी कोरनू जुवे

⁴⁵काहाके माणहोन पुरयु , सोतान सेवा चाकरी कोरावाने नी , बाकिन सोता दिहरान सेवा चाकरी कोरने एने खूब होंवटा माणहोन जीव वाचड़नेन करीन तेर सोतान जीव आपणे आवलु से |⁴⁶च्या यरीहो मा आव्या , एने जेतार चेहरी तेरा चेला एने एक होंवटी माणहोंन गर्दी यरीहों दोखी निकव रयि अती तेतार तिमाईन पुरयु बरतिमाई एक आंधवो भिखारी , सड़कन मेरे बठरय अत |

⁴⁷च्यु यो होंबविन के यीशु नासरी से आयडिन कोयणे बाज गयु "हे दाऊदन ओवल्याद मेहेपर कीव कर |"

⁴⁸खूब माणहे तिनाहा किचवाईन कोया , ठावकू रोय " पूण च्यु फोसु मोठे आयोडने बाज गयु ," ए दाऊदन ओवल्याद मेहेपर कीव कर |"⁴⁹तेतार तेर आवाज होंबिन येशु उबरोईन कोयु ," तिनाहा यांहरी बुलाऊ " एने माणहे तीन आंधवाह हादिन कोया , हिममोत राख , उठ , येशु तोहों हादेह|"

⁵⁰च्यु तेर उपोरला लुगड़ा नाखीन जल्दी उठयू , एने यीशु हाते आव्यू |⁵¹येशु तिनाहा फूस्यु ," तार करता मी काय करनू जुवे , आंदवु तिनाहा कोयु , ए गुरु मी देखणु जुवे |"

⁵²येशु तिनाहा कोयु ," तु जा , तार बुरहु तोहों हाजू करलु से एने लगेच च्यु देखणे बाज गयु एने येशुन फसोव जाणे बाज गयु |

Chapter 11

¹तेतार च्या यरुशलेम आहना जैतून बोयडापर बैतफगे एने बैतनिय्याह गाव हाते आहने पूच्या ते च्यु तेरा चेला आखा चेला माय दुयह य कयीन मुकलयु |

²पल्लो अगव होंबो गाव देखाये तीना गावमा जावू , एने तीना गावमा पुचताज एक गदडीन पिलो बांदलो देखायहे , तिनापर कोदी कुण बी नी बोठया ओहे , तीनाहा सुडीन लावजु |

³जर कुण बी तुमुहू ,' काहा तुमु सूडतला एंहे फूसे ते , तिनाहा एंहे कोयजु पोरबुह एरी जोरवुत से तेतार च्यु उतवावू तीनुहु ली मुकली देहे |⁴च्या गावमा गोया , गोलीमा जूपाहाते बांदायलो गोदडीन पिलो तीनुहु देखायो एने सुडीने बाज गया |

⁵एने च्या च्याहंरी उबरोया ओता च्या फुसणे बाज गया के तुमु काय करतला काहा गोदडीन पिलाहा सुडतला

⁶तेतार च्या येशु जेहे कोयु तेंहेज तीनुहु कोय देण्या , ओवता च्या तीन गोदडीन पिलाहा ली जाणे देण्या|⁷एने तीन गोदडीन पिलाहा येशु हाते लावीन तिनापर तिंदरा लुगड़ा पांगराव्या एने च्यु तिनापर बोठ गोयू |

⁸एने गर्दीमायला खूब माणहे वाटोपर तिंदरा लुगडा आथरया एने दिहरा माणहे खेतोन हेडे दोखा डाव्या तुड़ीन वाटोपर वेर देण्या |

⁹एने ज्या माणहे येशुन अगव एने फोसव जातोता च्या आयडी आयडीन कोयतता , "होसान्ना पोरबू भगवानन नावोमा ज्यू राजा आवतलु च्यु बरकतवावू से |

¹⁰आपनु डायलु बाबू दाऊद राजान आवणेन राज से च्यों बोंडायीन लायक से " भगवानह सरगमा बोड़ाय ओये ," होसन्ना , होसन्ना|"¹¹एने च्यु येरुशलेम सेहर आविन भगवानन मंदिरोमा गोयू एने सोमखेरला आखा चीजे देखिन बारा चेला हाते बैतनिय्याह गयू , काहाके दिह बुड गयलु ओतु |

¹²दिहरे दिह बैतनिय्याह गाव दोखा च्या येरुशलेम सेहर जाणे बाज रोयला ओता , तेतार येशुह बुख लागली |¹³एने च्यु सेटू दोखू उबरयन एक उंबरोन जाड निव्वो जाड देखिन जाड़ोंहाते गयु पूण च्यु आविन बाव्यू ते पांटाहा सुडीन काईज नी जुडयो , काहाके फोवोन सिजन नी ओति |

¹⁴च्यु तीन जाडोह कोयु एंवी दोखा कोदी तारों फोव कुणिज नी खाए तेर चेला येशु यो कोयलु होंबवतता |¹⁵ओवता येशु एने चेला येरुशलेमोमा फोसा आव्या एने च्यु मंदिरोमा गयु , एने लेनों देनो करतता तीनुहु बारथे काडणे बाज गयु एने च्यु पोयहा ओदला बोदला कोरनारान टेबल एने पेरवा वेचणारान पारडा उलटाव देल्लु |

¹⁶मंदिरोमा कुणिह बी बोजार मांडणे नी देण्यु |¹⁷च्यु तीनुहु हिकाडीन कोयु , " भगवानन पुस्तकोमा एंहे काय नी लेखलों के " मारो घर आखि जातिनं माणहोन करता पोरथनान घर कोवायहे , पूण तुमु चुट्टान लीकायणेन गुफा बोणाव देल्ला |"

¹⁸यो होंबविन मोटला पुजारा , एने नेम हिकाडनारा तिनाहा मारनेन सोंदि हुदणे बाज गया , पूण च्या बितता काहाके तेरी हीक होंब्बीन माणहे बोंगलाय जातोता |

¹⁹एने हांजपोर ओयताज च्या तेर चेला सेहर सुडीन जात रया |²⁰होंदारे च्या जातोता तेतार देख्या ते तीन उंबरोन जाडोह मुवांडा बेव हुकरयल देख्या |

²¹पतरसह ओर आवी के पेल्ले दिह येशु होय जाडोहो काय कोयलु एने च्यु येशुह कोयु , ऐ गुरु देख ! जीना जाडोह श्राप आपलू च्यों उंबरन जाड़ हुक गयलों से |²²येशु तीनाहा जवाब आप्यु ," भगवानोंपर बुरहु करु |

²³मी तुमुहू खरी कयह के , ज्यों कुण इन बोयडाहा कये के तु उखव जा एने दरियामा जाय पडजा कयहे ते अय जाहे |²⁴कोरिन मी तिमुहू कोयतलू ," तुमु बुरहु कोरिन काय बी प्रार्थना मा माँगहे ते च्यों तुमुहू जुड़ गोयलों कोरिन तुमु बुरहु कोरजू तेतार च्यों तुमुहू भगवान जरुड आपहे , एने तुमरेंन कोरीन अयजाहे

²⁵एने जेतार बी तुमु उबरयन प्रार्थना करे तेतार तुमरा मनोमा कुणीन वीरूदमा खोताय रोयला अये ते तिनाहा माफ करू , तेतार तुमुरु होरग मायलु बाह भगवान तुमुरु गुनू बी माफ कोरहे |

²⁶पूण जर तुमु माफ नी करे ते तुमरु बाह बी ज्यू होरग मा से , च्यु आप माफ नी करे |²⁷ते फसा येरुशलेम आव्या , एने जेतार मन्दिरोमा फिरततु तेतार डायला पुजारा , एने यहूदिन नेम हिकाडनारा एने पुड़ारया तिनाहाते आव्या आविन फूसणे बाजगया |

²⁸तु या कामे कुणिन आधिकार दोखू करतलु एने यो काम करणेन अधिकार तोहो कुण आपलों ?"²⁹तेतार येशु तीनुहु कोयु , मी बी तुमुहू एक वात फूसतलु जर तुमु तिनी वातोन जोपाप आपहे तेतार मी बी तुमुहू कोयापिह के या कामे कुणिन अधिकार दोखू करतलु

³⁰यूहन्नान बपतिस्मा आपणेन होक कुण आपलों होरग मायलु भगवान के माणहे ? मेहे एरु जवाब आपू मेहे|³¹तेतार च्या तिंदरे तिंदरे कोयणे बाज गया ," जर आपू होरगे दोखो तिनाहा होक जुडलों कोयहु ते च्यु कोयहे ,' ते च्यु ,; ते तुमु तिनापर काहा नी बुरहु करया ?"

³²पूण जर आपू , माणहे तीनाहा होक आपला कोयहू ते माणहे आपुहु काय कोर देहे कोरिन च्या माणहोह बीतोता काहाके माणहे यूहन्ना खोरु भविष्य कोयणारु से कोरिन बुरहु करतोता

³³कोरिन ओवता च्या येशुहु जोपाप आप्या ," आमू काय नी जाणतला " के या कामे काल्ले अधिकार दखु करतलू मी बी तुमुहू नी देखाड़ों |

Chapter 12

¹येशु फोसू तीनूहू कोयू , " एवी उंजू एक दाखलु होबू , एक मालक दाखरसन वाडी लागड्यू , एने तेर सोमखेर वाड बादयू , तीनामा दाखरसन रूह काडणे एक खाडू खोदाडिन टोको बोणाव्यू , एने वाडीन राखवावी करने पोक्कू मावू बोणाव्यू ओवतू च्यू दाखरसन वाडी दीहरा गोवांदयानूह गोवादमा आपीन दीहरा देसोमा जात रयु ।

²दाखरसन फोवणेन सीजनोपर तेर फोवोन इस्सु लेणेन करता तेर एक पावरोह तीनु गोवांदयाह मा मुकल्लु

³पुण च्या तीनाह दोरीन खुब दोया एने वाटु नी आण्या एने त तीनाहा ठारलुज मुकली देल्लु⁴ओवतु च्यु उंजु एक पावरोह तीनुपाह मुकल्लु पुण च्या तेर मुंड फुड देव्या एने तीनाहा लाजवाड देव्या

⁵च्यु उंजु दीहरा एक पावरोह तीनुपाह मुकल्लु पुण च्या तेर मुंड फुड देव्या एने तीनाहा बी मार देव्या च्यु उंजु खुब होवंटा पावरोनुह मुकल्लु च्या तीनुमाय थुडाकोह खुब ठक्या एने थुडाकोह मार नाख्या⁶तीनापाहु उंजु मुकोलनेन कोरता तेर सुरू ओतरू रोयलु ओतु च्यु खुब लाडकु ओतु च्यु यो विचार कोरीन मुकल्लु के मार सुराह च्या मानपान आपहे कोरीन सवेलीवार मुकल्लु

⁷पुण गोवादयाह तेर पुरयु आवतलु देखीन कोया यी आखी वाडीन वारीस ते युसे आपु ऊनाहा मार देता तेतार यी आखी वाडी आपणीज ओय जाहे⁸कोरीन च्या तीनाह देव्या एने दोरकस्यान वाडीमा दोखा बारथे काडीन मारीन नाखदेण्या

⁹येशु इनान करता दरकस्पान वाडीही मालीक काय करहे च्यु आविन तिना गवादयाहा बरबाद करके एने दरकशान वाडीही बायराहा आप देहे¹⁰येशु तीनुहु कोयु काय तुमु पोवित्र पुस्तोकोमा नी वाच्या के ? जीना पोगडाह राज मिस्तरया रिकामु सोमजीन बारथे काड देल्लु च्यु दोगडु गोरोन पायान युवान दोगडु बोण गोयु

¹¹यो ते पोरबु भोगवानो खेर दोखो ओयलो एने आपणी नोजरोमा खुब बांगलाये ओहलो से

¹²तेतार येशु यु दाखलु कोयलु कोरीन च्या येशु नींदरा बारामाज कोयतलु सोमजीन तीनाह दोरने कुसीस कोरया पुण च्या माणहोन गोरहीन देखीन बीतोता कोरीन च्या यीशु हु सुडीन जात रोयो¹³तेतार थुडाक येहुदीन पुडारी माणहे येहुदु काय बी वातोमा फोसाडनेन कोरता थुडाक फरीसी माणहे एने हेरोदिया राजान पाल ठीवालानुह येशु पाह मुकल्या

¹⁴च्या आवीन कोया ए गुरु तु होमेस्या खोरलू से तु कुवीन पोरवाय नी कोरतलु काहा की तु माणहोन मुयु देखीन वात नी कोरतलु पुण तु माणहोन भगवानोन खोरी वात हीकाडतलु एवी तु आमुह कोय दे के आमु रोमी सोरकारोन मोटला राजा केयसरोह येदुदी कायदान रीते फावु आपणु ठीक से के नी

¹⁵आमु फावु आपणे के नी आवजे ? पुण येशु तीदरो डोंग डावो मन जाणीन तीनुहु कोय कांहा तुमु मेहे फारोकणे कुसीस कोरतला ? एक चोंदीन रुपायु मेहे देखाडु¹⁶च्या एक चोंदीन रुपायु लीन आव्या एने च्यु तीनुह फुस्या इना रुपायापर कुणीन सिक्कु एने कुणीन नाव सापाय रोयोह? च्या कोया केयसर राजान से

¹⁷यीशु तीनुहु कोयु ,"ते , जो राजान - राजा केसरयान छे , च्यों राजान - राजा केसरयाक आपीन तेरो होक पूरो कोरु "| एने ओवता च्या तेरी वात होंबीन वाहराय गया |¹⁸सोदुकी पोंथवाला माणहे मोरीन फोसा मोरलाम दोखा जीवता नी ओये एहे विचार कोरनारा येशु हाते आवीन कुस्या

¹⁹ए गुरु मुसा आमरे कोरीन नेम आपलु से के जर कुण बीयाव कोरीन बीगरू पुरयान मोर जाये ते तेर लाडी एखली र रोय जाये ते मोरनारान बायह तीन रोडांयली बायी हाते बीयाव कोरे एने तेर बायहोन कोरीन पुरया पोयदा कोरणु नी जुवे²⁰च्या सात बायहे ओता आखान मोटलु बायह बियाव कोरीन बीगुर पुरयान मोर गोयु

²¹कोरीन दीहरु बायह तीन रोडायली बायोर हाते बियाव कोरयु पुण च्यु जी बीगरू पुरयान मोर गयु ओवतु तीसरू बायहे बी तीनी हाते बियाव कोरयु

²²एने एंहे कोरीन सात बी बायहे तिनिहाते वीयाव कोरया , सातोन बी पुरया नी ओया आखा मोरनेन बादमा सेवलीवार ची बाई बी मोर गयी |

²³एंवी तु आमुह कोय देजी , के जेतार मोरला माणहे जीवता ओयहोत ते च्यी कुणीन लाड़ी कवायहे ? काहाके ची सात बायहोन लाडी बोणली ओति कोरीन आमू फूसतला |²⁴यो होंबीन यीशु तीनुहु कोयु , तुमु माणहोन मोरनेन ओवती जुडनारी जीवायन बारामा पवित्र पुस्तोकोमा काय लेखलो च्यों बी नी जाणतला एने भगवानन ताकोतोह बी नी जाणतला कोरीन तुमु इनसेहे गलत सोमझी जातला |

²⁵काहाके जेतार मोरला माणहे , मोरलाम दोखा जीवता ओयहे , तेतार कुणीन बी वियाय नी ओये एने वियाय मा आपाये बी नी , पूण च्या सरग मायला सोरगदुतन होस रोयहोत |²⁶एंवी मोरला माणहे जीवता ओयणेन बारामा जेतार भगवान मूसाह काटान जाडोमा देखायलु तेतार कोयु ," मी तार डाय डाया अब्राहमन एने इसहाक एने याकूबन परमेश्‍वर से , यो भगवानन पवित्र पुस्तोकोमा भगवान तीनाहाते वातु कोरयु च्यों तुमु नी वाचा के ? |

²⁷च्यु मोरला माणहोन भगवान निंबेले पूण जीवतला माणहोन भगवान से इन वातोह तुमु गलत समझी रोयाह |"²⁸एक यहूदीन नेम हिकाडनारु मास्तर यीशु हाते सोदुकी पोंथवाला वातोमा जोखडी पोड रोयला होंबीन , च्यु यीशु हाजी हुते जोपाप आप्यु करिन समजीन च्यु यीशुह फूस्यु ," नेमोमा आखा दोखू मोटलु हुकूम काल्लु से ?|

²⁹पूण यीशु तिनाहा एंहे जोपाप आप्यु , आखा हूकूमोम भगवानन खास हूकूम यू से के:' ए इस्राएलन माणहो ! होंबु ; आपणु प्रभु भगवान एकूज प्रभु से |

³⁰तु तार प्रभु भगवानह तारा पूरा मन , एने पूरा जीव , एने पूरी अकल दोखू , तार पूरी ताकोत दोखू मोंग कोरजी |

³¹एने दिहरु हुकूम यू से , के सेजरीह सोतान होस मोंग कोरजी , इना दोखू उंजु मोंटू हुकूम काल्लुज निंबेले |³²नेम हिकाडनारु यीशुह कोयु ," होव गुरु , तु काय कोयु च्यों खोराखोर कोयु , एकूज भगवान से , तिनाह सुडीन कुण बी भगवान निंबे |

³³एने यो खूब खास से करिन मेहे मालूम से भगवानह भार पूरा मन , पूरी ओक्कोल दखु , पूरा जीव एने पूरी ताकोद दोखा मोंग कोरनू , एने सोताह जेहे मोंग कोरतलु जेहेज सेतारीह बी मोंग कोरनू , यो होमोन बादा चोडावणेम दखा , एने दिहरा बेट चोडावणे दोखा खूब मोटा से |"

³⁴तेतार च्यु सोमझदारीमा जोपाप आपलू देखिन यीशु तीनाह कोयु , भगवान तोहोंपर राज कोरने तु तीयारीमा से एने ओवती कुणिह बी यीशुह फूसणे हिम्मोत नी ओई |³⁵जेतार यीशु मोंदिरोमा हिकाडततु , तेतार च्यु फूस्यु ," नेम हिकाडनारा मोसी दाऊदन गोराणान पुरयु से करिन केंहे काय कोयतला ?"

³⁶दाऊद तेर पवित्र जीव आत्मा म बोरायीन कोयलु से ," भगवान मारा प्रभुह कोयु , के मी तार दूस्मनोह तार पायोन नेचे नी कर देंव तांहालोगण मार जेवडीखेर बोठ !?

³⁷दाऊद ते खुद यो कयतलु के मसीह मारु प्रभु से, ते मसीह केंहे तेर पुरयु ओय सकतलू ? एंहे कोयु ,एने गर्दी मायला माणहे तेर वात खुशिमा होंबवतता |³⁸यीशु तीनुहु उंजु हिकाडतु जायीन कोयु , यहूदीन नेम हिकाडानारा दोखा सोमाविन रोयजु , च्या नांबला लुगड़ा पेरिन फिरनू , एने आटोमा जाये ते दिहरा माणहे तीनुहु मान आपणु जुवे एंहे हुत्तला |

³⁹उंजु आराधनान मा मेन-मेन जागापर बोठणु एने खाणे- पिणेन बी मेन-मेन जागे बोठणे हुत्तला |

⁴⁰पूण च्या रोंडायला बायराह दोखू दीन ठोगिन तिंदरो गोरबार एने मालदन उजाड़ देतला , च्या धर्मी सेताहा करिन देखाड़णे नांबि नांबी प्रार्थना कोरतला भगवान अहला माणहोह खतरनाक डोंड़ आपहे|⁴¹ओवतु यीशु मोंदिरोमा माणहे दान आप्तला तीना जागाहाते बोठिन च्यु माणहे दान पेटिमा नाखतला देखततु , तेतार खूब पाम्तला माणहे खूब पोयहा नाख्या|

⁴²तेतार एक गरीब रोंडायली बायोर च्यांहरी आवीन ची दुय रुपायान बोंदु नाखि |⁴³तेतार च्यु तेर चेलानुहु हाते हादिन कोयु , मी तुमुहू खोराखोर कयोह के इन दान पेटिमा पोयहा नाखला ओता तीनु आखामा दोखी यी गरीब रोंडायली बाई आखा दोखी वोत्तो दान आपली से |

⁴⁴काहाके या आखा इंदरा वोत्ता मालदमा दोखा आप्या , पूण यी बाई एर जीवणेन करता ज्यों काय ओतो च्यों आखोज आप देल्लि से |

Chapter 13

¹जेतार यीसु एने तेरे चेला मोंदीरोमा दोखा निकवतोता , तेतार तेर चेला मायलु एक कोयु , “ ए गुरु देख, वाह । कोतरा होबाता मंदिरोन बोंगला एने कतरा मटला दगडा करीन बांदायला से !

²पुण येशु तीनुहु कोयु , आह ! तुमु कयतला के या मटला बंगला होंबाता से, याहरी इना दगडापर दगाडु बी नी रोये , या बंगला पुरा उदारनेम आवहे !³यो कयीन अवतु येसु तेर चेला हाते मंदिरोन अगवला जेयतुन बोयडापर आव्यु, एने बठ्यु , तेतार पतरस ऐने याकुब एने युहन्ना एने आदरियास एखलु जायीन येशुहु फुस्यु !

⁴अमुहु कोय , के य केतार आयहे , एने य आखो पूरो अयणेन टेम काय निस्याणी रोयहे ?⁵पुण येसु तीनुहु कोयु , “ सोमावीन रोयजु, के कुण बी तुमुहु दोकु देणु नि जुवे !

⁶काहाके “ मी मोसी से” एंहे कोयीन मार नावोमा होंटा माणहे निकवहे ! एने होंटा माणहोह फोसडहे !⁷जेतार तुमु युददोन आवाज , एने युददोन बारामा खोबर होबवहे , तेतार तुमु गाबरता जुण, य आखो जरूड अचहेज , पुण च्यु कोवीन होरनेन टेंम नींबले !

⁸काहके एक जातीन माणहे दीहरी जातीन माणहोन विरुदमा जगडु करहे , एने एक राजवाडान माणहोन बीरूद दीहरा राजवाडान माणहे युद्द करहे, एने जागे जागे काव पडहे, एने खुब वाली पीडान सुरुवात से !⁹पुण जेतार यो आयहे, तुमु सोमावीन रयजु, काहाके तुमरे वीरूद माणहे तुमुहु , पंचुमा लिजाहोत , एने कुरटामा वकीलेन अगव गुनु लागडहोत , एने च्या तुमुहु मार चेला से कोरीन भोक्तीन गरमा लीजायीन चपकड़ा करीन देहोत , मार बाराम तिनुहु गोवायी कियापणेन कोरता यी तुमुहु हाजी संदीसे !

¹⁰पुण यो खोरो से के कोवी हरनेन आखरी दीह आवणेन पेल हाजी खोबरोन बारामा आखी जातीन माणहोगा परचार करनु जुवे !¹¹जेतार माणहे तुमुहु गुनावालु करीन कुरटामा लीजाहोत , तेतार आमु तीनुहु कहें काय जोपाप आपहुं कोरीन चिंता जुण करता, पुण तीन टेम भगवान काय तुमरा मनमा कयतलु च्यो कय देजु । काहेके बुलनेवाला तुमुनी , पुण पवित्र जीव आत्मा से !

¹²माणहे मेहेपर बुरहु कोरतला करीन खास बायह बोणहाह , दोरीन पुडारी माणहोपाह होप देहोत , एने च्या तीनुहु मार नाखहोता, तोहला बाह तेरे पुरयान , पुरया तेर आय बाबान, वीरदमा उबरोयीन माराव देहोत ।

¹³एने तुमु मार नावोपर बरहु कोरतला कोरीन वारूज माणहे तुमुह खोर राखहे , पुण जर तुमु जीवायोन आखरी लोगोण , दीर दोरहे ज्युज वाचहे¹⁴मी कायतान बारामा लेखतलु च्योवाचणारू सोमजी जाहे , एक दीह आवहे, वेतार तुमु भोगवानोनह नी पोटतला तीना वीटवाडनारा चीजोह देखहोत , तेदीह येहुदिया मायला माणहे आवणीरी मुस्कील दोखा वाच जाणेन कोरता बोयडाखेर नाह जाणु जुवे !

¹⁵ज्यु कुण गोरोन सोतोपर दोये च्यु काय बी लेने सोतोवर दोखु उतरीन तेर गरमा नी जाणु जुवे !

¹⁶तोहला ज्यु कुण खेतोमा काम कोरतलु , च्यु बोदलनेन लुगडा लेनेन , कोरता फोसु तेर गोरमा जाणु नी जुवे !¹⁷तीनु दीहोमा उंगवी रोयला , एने दाय खावाडणारा बायरान कोरता खुब काठो रोयहे !

¹⁸हियावान दीही नी ते आरामोन दीही तुमुहु नाहणु नी पोडे कोरीन तीना दीहोमा यो नी अयणु जुवे करीन पोरथना कोरजु !

¹⁹काहाके तीने टेमे ओहली खोतरनाक पीडा रोयहे , भगवान कोवी गोडलु तेवी दोखु एवी लोगण ओहली पीडा कोदी नी ओयी , ऐने उजु कोदी नी आये !

²⁰जोर परभु भगवान च्या खोतरनाक दीहे कोम नी कोरतु तेतार कुण बी नी वाचता । पुण भोगवान जीनुहु निवाडलु से तिंदरे कोरता पीडान दीहे कोम कोरलु से !²¹तीन दिहोमा जर कुण बी मोसी याहरी से एने मोसी च्याहरी से किये ते तिंदरी वातोपर बुरहु जुण करता !

²²काहाके ठोगरया मोसी एने ठगरया बोवीस्य करणारा निकवहोत एने च्या निवाडला माणहोह बी फोसाडने मोटली निस्याणी एने चमत्कार देखाडणे कुसीस करहोत !

²³पुण तुमु सोमाविन रोयजु , इनी वातोह उंजु काय काय अयहे तेरे बारामा मी तुमुह पेलेत कोय रोयलु से !²⁴तीना दिहोन पीडान बादमा दीह आंदारलो ओय जाहे , एने चाँद उज्यावो नी आपे !

²⁵एने भोगवान सोरग मायला तारा पाड देहे , ऐने सीरगोन आखी ताकोतोह आलोवहे !

²⁶जेतार माणहोन पुरहाह , खुब ताकोत एने महीमा हाते वादवामा आवतलु माणहे देखहोत !

²⁷तीन टेमे माणहोन पुरय तेरे सोरग दुतोनुह मुकलहे एने च्या धरतीन एकखेर दोखा वादवान दीहरीखेर लोगोण च्यार दिसा दोखा भगवान जिनुहु निवाडलु तीनुहु टुवु करहोत !”²⁸उंबरोन जाडो दोखा एक दाखलु हीकु , जेतार डीरा फुटणे बाज जातला एने तेर डावीन कुवोळा पांटा नीकोवणे बाज जातला , ते उनावु आवणेमान से करीन तुमु जाण लेतला !

²⁹इने रीते जेतार मी कोयलु यी वात पुरी ओयतली देखहोत वेतार तुमु जाण लेजु के माणहोन पुरयु जुपा होते आव रोयुह !³⁰मी तुमुहु खोराखर कयतलु के जाहलगण मी कोयलु यी आखी वात पुरी नी ओये तांहालगण इनी पीडीन माणहे नी मोरे !

³¹सोरग एने धरती नास अय जाहे , पुण मारी वात कोदी नी नास नी अये !”

³²जेतार मी फोसु आवीह च्यु टेम ऐन दीह कुणीहीज नी जाणतला , बाह भगवान अतरूज जाणतलु सोरगदुते बी नी एने माणहोन पुरयु बी नी जागतलु !³³च्यु टेम केतार आवहे कोरीन तुमु नी जानतला कोरीन तुमु होमेस्या जागता रयजु . एने पोरथना कोरता रोयजु !

³⁴एक माणुह ज्यु तेरो घर सुडीन सेटे जातलु तोहलु आवणारू माणहोन पुरयु बी से । च्यु जाणेन पेल पावरोपर आखो काम होपीन जातलु , एने आखा जींदरा तिंदरा कामे कोरता रोयणे एने एक जुपे राखवानी कोरनाराह बी च्यु फोसु आवणेम आवणेन दिहोन कोरता वाट जुवीन रोयणेन हुकुम आपीन जातलु !³⁵तोहला तुमु बी जागता रोयजु , काहाके काल्ली टेमे घरोन मालिक आवहे च्यो तुमु नी जाणतला ,हांजपर नी ते आरदी राती , नी ते कुकडा वाहरे , नी ते होंदारे !

³⁶जर तुमु जागता नी रोये, एने तियारीमा नी सापडेते भी उचकालुज आवीह ते तुमु मेहे बीगुर तीयारीन मीवाय होत !

³⁷मी तुमुहु ज्यो काय कोयतलु , च्योज मी आखा माणहोह बी कोयतलु के तुमु बोठा जागता रोचजु !”

Chapter 14

¹दुय दोहन बादमा फसह तीवारोमा बीगुर जेवुण आवला लुटोन रूटान तीवारोमा डायला पुजारा , एने नेम हीकाडनारा गुरुन , यीशुहू दोरने एने मारने वाट जुवतोता !

²पुण च्या कोया , तीवारोन दीह तीनाहा दोरनु नी , नी ते माण होमा दोगु मात जाहे !³यीसु बेतनीया गावमा सीमो नोन गोरमा आतु । च्यु सीमोन पेल कुड्याव बेमारी वावु अतु । जेतार यीसु खातोतु तेतार एक बायी खुब मोगलो आतोर दोगडान हीहामा लीन यीसु हाते आवी ! एने च्यी मोगलो पीवर आत्तोरोन हीहु फुडीन येसुहु मुंडोपोर रेचवी देव्या !

⁴पुण पुडाक माणहे च्यांहरी बोठाला आता , च्या मोनमा खोता आत्तोरोह काहा वायबार कोर ! देनी!

⁵उना आत्तोरोपर जर तु तीन होच दीनारोमा वेचीन च्या पोयहा गोरोबोह आप सोकतोती, ऐहे कोयीन च्या तिनीही जुलने बाज गया ।⁶येशु कोयु, उनीही सुड देवु, उनीही काहा वीताडतला? यी त मार कोरता हाजो काम कोरली से !

⁷गोरीब माणहे ते तुमु हाते जलमकाज रोयहे,तुमु जेतार जुवे तेतार तीनुहू मोदत कोर सोकतला, पुण मी ते तुमुहाते जलमकु नी रोयो !

⁸ज्यो काय यी बायी कर सकी च्यो हाजोज करली से, एने यी बायी मार डीलोपर आत्तोर रेचवीन मी मोरनेन पेलुज मार दोडोह वोगे कोरनेन रीतोन तीयारी कोरली से !

⁹मी तुमुहु खोराखोर कोयतलु, काहरी बी इन दुनीयामा माणहे भगवानोन हाजी खोबर परचार करतला, ज्याहरी च्या यी बायी मार करता काय करली एर कामोबेव नावलायहे, तीनामा माणहे ईनीही और करहोत !¹⁰तेतार येहुदास उसका रीयोत ज्यु, येशुन बारा चेला मायलु एक चेलु अतु. च्यु येसुहु दोरावणे कोरीन डायला पुजारापाह गोयु

¹¹जेतार डायला पुजारानु चो होव्या ते खुब खुस ओया ओयु ओया, एने च्या नीनाह पोयहा आपणे वायदु कोरया ! कोरीन च्यु नीनाहा दोरीन होपने सन्दी हुदने गयु !¹²फसह तीवारोमा येहुदी माणहे बीगुर जेवण आवला लुठोन रूटु खाणेन रीत आती. फसह तीवारोन पेल्ले दीही मेंडा बुक डान गोदलो मारीन बादा चोडावणेन रीत कोरतोत ते चेला येशु हाते आवीन फुसणे बाज गया “ आमु तार कोरता फसह तीवारोन खाणों काहरी तियार करजे!

¹³येशु तेर दुय चेलानु चो कोयु, “ देखु सेहरोमा जाताज एक माणुह तुमुह डेगडो लीन जातलु मीवायहे, जीना घरमा च्यु जाये, तीना घरमा तेर फसोव तुमु जाजु!

¹⁴एने तीना घरोन मालकोह फसजु. आमरू गुरू सोहो फुसतलु के, पावणाह खावाडणेन खुली काहरी से जीनामा मी मारे चेला होते फसह तीवारोन खाणों खावु ?¹⁵अवतु च्यु पेलेन तीयार कर रयली एक ओवालीन उपोरली खुलीमा तुमुहु लीजाहे च्या हरी तुम आपणे कोरता खाणो तीयार करजु “

¹⁶कोरोन च्या दुय चेला नी कवीन सेहरोमा गया,तेतार येश जेहे कोयु त मेहेज बोठा देख्या, एने च्या च्या च्याहरी फसहन खाणों तीयार कोरला¹⁷हांजपरली वेवा येशु बारा चेला होते च्याहरी आव्यु !

¹⁸एने च्या बोठीन खाणे बाज रोयला, तेतार येशु कोयु, “ मी तुमुहु खोराखर कोयोह, तुमरामा एक जण मारहाते खाणों खाणे बाज रयुहु च्यु मेहे दोकु दीन दोरावहे! “

¹⁹चेला खुब नाराज अय गया एने तिनाहा एक एक फुसणे बाजगया,” मी से के च्यु!. “²⁰च्यु तिनुहु कोयु, “ . बारामायलु एक जण ज्यु मारे हाते वाटकामा रटु बुडाडीन एंवी खाणे बाज रयुहू! “

²¹काहाके जेंहे तेर बारामा पवीत्र पुस्तकमा पेलेन लेखायल से तेहे माणहोन पुरयाह ( यीसुहु ) मोरनुज पोडहे, पुण तीन माणहोन हाल कोतरी बेक्कार ओयहे ज्यु माण होन पुरयाहा दोकु दीन दोरावहे । जर च्यु पोयदा नी अयनू तीबी हाजो रयतो !²²एने च्या खातोता, तेतार येशु रूटू लीन भगवानोह दन्यवाद करयु, अवतु च्यु मुडीन चेलाहा आपीन कोयु, “ यो तुमु ल लेवु, एने खावु यो मारो डील से !

²³एने अवतु येशु पीयालो लीन पियालान करता भगवानोह धन्य वादु कोरयु, एने तीनुहु आप्यु, एने च्या बोठा तीनामा दोखा पीदया !

²⁴एने येशु तीनुहु कोय, “ यो मारो नवलो वायदान लुच से, यज भी आखा माणहीन कोरता वोयावण्यु से!

²⁵एने येशु तीनुहु कोय, “ यो मारो नवलो वायदान लुच से, यज भी आखा माणहोन कोरता वोयावण्यु से|²⁶च्या बोजन गावीन ओवता, जेयतुन बोयडा पर जाणें बान गया।

²⁷तेतार येशु तीनुहु कोयु, “ तुमु आखा आज राती मेहे सुडीन नाह जाहोत, काहाके भगवानोन पुस्तकमा यो लेखायलो से, मी मेंडा बुकडान गुवाऱ्याह मसिह, एने मेंडा बुकडान गोवारु वेरासेर ओय जाहे!”²⁸पुण मी जीवतु ओयीन ओवतु तुमु दोखु पेल मी गोलील जीलामा जायीह ! “

²⁹पतरस पीनाहा कोयु, जर आरवा तोहों सुड देहे ती बी तोहों कोदी नी सुडो ! “³⁰येशु तिमाह कोयु मी तोहों खोरोखर कोयोह के, आज राती तू कुकडु दुय वार वाहणेन पेल तीन वार तु मारूउ नीकार कोरीन कोयहे के मी येसुहु नि उवरवतलु! “

³¹काय मी पतरस उंजु जुर दीन कोयु, जर मेहे तार हाते मोरनु पोडहे ती बी मी तारू इनीकार नि करो, आखा चेलानु तीनाह एहेज कोयणे बाज गया। “³²अवता च्या गोत समनी नावोन एक जागे गोया, एने येशु तेर चेलानुहु कोयु, जाहलोगण मी पोरथना कोरीन आवोह, ताहा लोगण योंहरीन तुमु बोठ रयजु!”

³³एने च्यु पतरस याकुब, युहन्ना तेर हाते ली गयु, एने खु दुखी ओयीन गाबरायणे बाज गयु!

³⁴च्यु तीनुहु कोयु, “ मारू जीव दुखोमा खुब नाराज से जेहे मारू जीव नीकवतलुज लागेह, याहरीज तुमु याहरी थांब रोयजु, एने जागता रोयजु! “³⁵एने च्यु थुडुक ओगु गयु, धोरती पर ओग मुये पोडीन पोरथना कोरयु, “ जर ओय सोके ते यु टेम मारहाते दोखु सेदु ओयणे हे!

³⁶एने कोयु, “ ए ओब्बा ! ए बाबा ‘ आखोज तु कोर सोकतलु, चो दुखोन पीयालो मेहे दोखु सेदु कोर देजी, मारी मोरजी मी, पुण तारीज मोरजी पुरी ओयणे दे !³⁷ओवतु यीशु तेर चेला हाते आव्यु, ते तेर चेला हुवतला देखाया, च्यु पतरसह कोयु, “ ए सीमोन “ तु हुवतल के ? काय तोंहो मार कोरता एक ताव बी नी जागाये के !”

³⁸तुमु फारकोमा नी पोडनु जुवे कोरीन, जागता एने प्रार्थना करता रोयू , खोराखर आत्मा ते तीयार से , पूण डील कोमजुर से |

³⁹एने यीसु फोसु गोयु, एने पेल जोहली पोरथना कोरयु तोहली पोरथाना कोरयु! “⁴⁰एने फोसु आव्यु ते, तीनुहु हुवतलाज सापडाव्यु, काहाके नींदरा डुवा नदवायला ओता, एने च्या तीनाहा काय जपाप आपजे कोरिन नी जाणतोता !

⁴¹फोसु तीसरी वार यीसु आवीन तिनुहु कोयु, “ तुमु एवी लोगण हुवतला एने आराम करतला के? बोस ठेम आव लागलु से! देखु माणहोन पुरयु पापी मांगहोन आथोमा एंवी दोरावणेम आवहे!

⁴²उठु आपु जाता, मेहे दोकु दीन दोरावणारु हाते आवणे बाज रोयुह!⁴³यीसु तेर चेलानुह यो कोयतोतु तेतारूज बारा चेला मायलु येहुदास च्याहरी आव्यु, एने तेर हाते वारूज माणहोन गोरदी, तोलवारे एने डेगांरा लीन आव्या, जीनुहु डायला पुजारा एने नेम हीकानारा एने यहुदीन डायला पुडारया मुकोल्ला ओता!

⁴⁴यीसुह दोरावणारव येहुदास तीनुह नीस्याणी कोरीन पेलेन कोयलु ओतु के “ मी जीनाहा गुवु दीह च्युज यीसु से । तिनाह दोर लेजु! “

⁴⁵एने लगेज येहुदास यीसु हाते आव्यु कोयु, “ए रब्बी !” एने तीनाहा गुवु देव्यु!

⁴⁶तेतार च्या यीसुह चोपरीन दोर लेदया !⁴⁷पुण ज्या यीसु हाते उबरोया ओता,तिनामा एक चेलू , तेर तोलवार काडीन एक मुखी पुजारान पावरोन कान तुड देल्लू !

⁴⁸यीसु तीनुहु कोयु, तुमु मेहे चुटु माणुह सोमजीन तोलवारे एने डेंगारा लीन दोरने काहा आव रोयाह!

⁴⁹भी ते दाडीन मांदीरोमा तुमु हाते रोयीन वातु हीकाडतोजु, तेतार तुमु मेहे काहा नी दोरया ? पुण पवीत्र पुस्तकोमा बविस्य कोयणारा लेख रोयाह च्यों पुरो ओयणेन कोरता चो आखो ओयलो से!

⁵⁰ओवता यीसुन आखा चेला तीनहा सुडीन नाह गोया !⁵¹एने एक जुवान माणुह एक लेफडयो चादरो सुडीन नांगरलु नाह गोयु !

⁵²पूण च्यु चादरो छुडिन नांगरलु नाह गोयु |⁵³उंजु च्या यीशुह डायला पूजारान च्या ली गया ; एने आखा डायला पुजारा एने डायडाया एने शास्तुर हिकाडनारा गुरु तेर जागे एखटा ओय गया |

⁵⁴पतरस सेट दोखु यीसुन फोसोव फोसोव आवीन मुखी पुजारान खोवीमा लोगोण गोयु, एने च्यु राखवावी कोरनारा माणहो हाते ब्रोठीन आगठो तापायने बाज गोयु!⁵⁵एने मुखी पुजारा एने बोठा येहुदीन मोठला पुजारी एने आखा येहुदी माणहे पोचुमा, यीसुह मार नाखणे, कोरीन तेर वीरूदमा पुरावु हुततोता , पुण कायीज पुरावु नी जुडयु

⁵⁶काहाके खुब तेर बारामा ठोग पुरावु आपतोता, पुण नींदरू पुरावु खोरू नी उतरयु!⁵⁷ओवता थुडाक माणहे उठीन तेर वीरूद ठोग्रोन पुरावु आप्या

⁵⁸आमु यु यो कोयतलु होबोवला के, “ मी माणहोन आथों कोरीन बोनावला मोंदीरोह वेसडी दीह एने तीन दीहोमा माणहोन आथी कोरीन नी बोणाव सोके तोहलु दीहरु मोंदीर बोणाव दीह!

⁵⁹इनापर बी इदरू गवाहीन पुरावु एक हारकु खोरू नी उतरयु!⁶⁰तेतार मुखी पुजाइ दरे अगोव उबरोयीन यीसुह फुस्यु “ या माणहे तार वीरूद काय पुरावु आपतला, तीनाहा तु काय नी जोपाप आपतु के?!

⁶¹पुण यीसु ठावकु रोयु, एने काय बी जोपाप नी आव्यु, तेतार मुखी पुजारू फोसु फुस्यु, “ काय तु आखा दोखु जास्ती वोदणेन लायकोन भोगवानोन पुरयु मोसी से के ?!

⁶²यीसु कोयु, “ होव मीस से, च्यु एने मीज माणहोन पुरय से, एने तुमु मेहे, आखा दोखा ताकोतवावा भोगवानोन, जेवडीखेर बोठ रोयलु, एने सोरगोम दोखु वादवापोर आवतलु देखहोत !⁶³तेतार मुखी पुजारू सोतान डोगलो फाड़ीन कोयु,” आपुह उजु कायीज पुरावु नी जुवे! “

⁶⁴यु माणुह भगवानोन नावबोदी कोरतलु से एंवी आमुह उंजु पुराणु हुदनेन जोरावत नीबंले । तुमु आखा इंताव यु भगवानोन नावबोदी कोरतलुन होंबावला से ने ? तेतार च्यु माणहोह फुस्यु “ इनाहा ना काय कोरने तुमसे आखान विचार से ?” च्या जोपाप आव्या, “ यु मोतोन डोंड जुडनेन लायक सें !”

⁶⁵ओवता थुडाक माणहे तनापोर थुपणे बाज गया, एने तर मुय डाकणे बाज गोया, एने तीनाह दुमा दीन तिनाह फुसणे बाज गोया के जोर तु बोवीस्य कोयणारू से ते “ तोहो कुण देल्लु च्यो देखाड “ राखवावी कोरनारा बी तीताह बी तीनाह दोरीन थापडाय्या !⁶⁶एने तीन टेमे, पतरस नेचु खोवीमा ओतु, च्यांहरी मुखी पुजारा पाह काम कोरनारी एक सुरी आती, च्यी आवी, !

⁶⁷एने च्यी पतरसह आगठो तापायालु देखीन, तीनाह एकहारकी बावीन कोयी, “ तु बी ते तीना नाजरी यीसु हाते ओतु “ !

⁶⁸पुण च्यु तिनीह, वात रावीन कोयु, “ काय नी ‘ तु काय कोयनली च्यो मेहे नी सोमजतो ! “ ओवतु च्यु जुपान बारथे जाताज कुकडु वाह देव्यु!⁶⁹च्यी काम कोरनारी सुरी च्यु च्यांहरी उबरोयतलु देखीन, फोसी दीहराह कोयणे बाज गोयी,’ यु बी तीनुमायलु एक से!

⁷⁰च्यु फोसु तीनाह मी नी जाणतलु कोयणे बाज गोयु, एने फोसु थुडाक ठेमोमा, तीना हाते उबरोयला ओता, च्या पतरसोह कोया, खरीज तु तीनुमायल एक से, काहाके तार बुली दोखा आमु सोमजी गोया के ते गोलीकवावु से!⁷¹पुण पतरस फोसु मी तीनाह जानतलु बी नी कोयीन सोप्पन खायीन कोयणे बाज गोयु के जर मी ठोगीह ते मेहेपर सोराप लागहे, “ तुमु वातु कोरतला इन माणहोन बारामा मी नी जाणतलु!

⁷²लोगेज दुसरीवार कुकडु वाह देव्यु, तेतार पतरसह ज्यी वात यीसु कोयल आतु च्यी वात ओर आवी “ कुकड वाहणेन पेल तु मेहे नीकार कोरहे “ तीनी वातोह ओर कोरीन खुब रोडने बाज गयु!

Chapter 15

¹एने होंदारे वेगाज , भगवानोन डायला पुजारा एने माणहोन डायला पुड़ारी एने येहूदीन नेम हिकाडनारा आखा एने येहूदी पोंचुन माणहे मिविन यीशुह मारने होमचू कोरया च्या यीशुह बांदिन ली जाईन रोमी सोरकारोन येहुदिया राजवाड़ान राज कोरनारा पीलातुसोन आथोमा होप देल्ला

²पिलातूस तिनाह फूस्यु ," तु येहुदीन राजा से के , ओवतु यीशु तिनाहा कोयु , होव जेंहे तु कोयु तेहेंज से |

³एने डायला पुजारा तिनापर खूब वातोन गुनू लागाडतता |⁴पिलातूस तिनाहा फोसु फूस्यु ," या माणहे तार बारामा खूब वातन गुनू लागाड़ने बाज रयाह , होंबीन काय तु कायीज जोपाप नी आपतु के |

⁵पूण यीशु फोसु जोपाप नी आप्यु , कोरीनं पिलातूस बोंगलाय गोयू |⁶एने सालोंडिट तीन फासका तिवारोमा , येहूदी माणहोन मांगोन इसाबे रोम सरकारन येहुदिया राजवाड़ान राज कोरनारु पिलातूस एक कैदीह जेलोमा दखु सूड देतलू |

⁷एने च्याहरी बरअब्बा नावोन एक डामीस माणुह , सरकारन विरुदमा दोंगु माताडीन खूब माणहे मरतता तीनु हाते च्यु बी जेलोमा ओतु |

⁸एने गर्दी मायला माणहे जाईन पिलातूसह रावण्या करने बाज गया , के तु आमरे करीन जेंहे करतु आवलु तेंहे जेलोंमायला कुणिही बी एक जोणोह सूड दे |⁹पूण पिलातूस तीनुहु फूस्यु , मी तुमरे करीन येहूदीन राजाहा सूड देंव के ?

¹⁰काहाके यीशुह यहूदी डायला पुजारा कुयराये तेर आथोमा यीशुह होप रोयाह कोरीन पीलातुस हाजी हुते जाणीन यो फूस्यु |

¹¹पूण डायला पुजारा माणहोन गर्दीह पिलातूसह फूसणे लागाड़तला के तु यीशुन बदले बरअब्बा सूड दे |¹²यो होंबीन पिलातूस तीनुहु फूस्यु ," जर मी बरअब्बाह सूड देंव ते , तुमु यहूदीन राजा कयतला इनाहा मी काय करो |

¹³च्या फसा आयड्या के ," इनाहा क्रूस पर चढ़ाव दे |¹⁴पिलातूस तीनुहु कोयु ," यू काय गुनू करलु से ? पूण च्या उंजु जूरे आयडीन कया ," इनाहा क्रूस पर चढ़ाव दे |

¹⁵तेतार पिलातूस गर्दीह खुश करने करीन बरअब्बाह सूड देंण्यु एने यीशुह चोपकडा देवडाविन एने क्रूस पर चढावणे रोमी सेनीकोन आथोमा होप देल्लु¹⁶तेतार सेनीके रोम राज करणारा पिलातूसन राजवाड़ान कील्लान ओवालीन खोवीमा यीशुह ली गया , एने यीशुह आखा सेनीके सोमखेर कुंड लेदला |

¹⁷एने च्या तिनाहा जांमण्या रंगन नांबलो डोगलो पेराव्या , एने काटान मुकुट गुथीन यीशुन मुंडोपर मेक्या ,

¹⁸एने च्या यो कोईन तिनाहा वोंदणे बाज गया , के ए यहूदीन राजा तारी जय जयकार |¹⁹च्या तेर मुंडोपर बूरान फाटा करिन देतता , एने तिनापर थुप्या एने मांडा टेकिन तिनाहा वोंदया करया|

²⁰च्या जेतार तिनाहा मजाक उडाडीन नोवराया , तेतार उपरलों रातलो डोगलो काडीन तेर डोंगलों पेराव्या , एने तिनाहा क्रूसोपर चढावणे करीन बारथे ली गया |

²¹एने कुरेनी सहरोंन , सिमोन नावोन एक माणुह ओतु , च्यु सिकंदर एने रुफूसन बाह ओतु च्यु तेर गाँव दखु निकविन आवततु , तिनाहा सेनीके दरया , एने यीशुन क्रूस बोवजबरी उचलीन ली जाणे लागाड्या |²²एने च्या तिनाहा गुलगुता नावोन जागे ली गया , एरो मतलब ," मुंडकान ठुबरान जागू

²³एने च्या तिनाहा मूर नावोन दोवा बेसकलों दाकरसन रुह पिणे आप्या ,पूण च्यु नी पीदयू |

²⁴ओवता च्या तिनाहा क्रूस पर चढावीन खिला ठुक्या एने तेर लुगडान करता टीकडी नाखिन कुणिहि काय जुडयो , च्या वाट लेदया |²⁵एने होंदारे नोव वाज रया अता , तेतार च्या क्रूस पर तिनाहा चढावला अता |

²⁶एने गुनान एक पाटी लेखीन तेर मुंडोन ऊपर लागाड देण्या के ," यहूदीन राजा |"

²⁷एने च्या तीना हाते दुय डाखूनुह , एक तेर जेवडीखेर , एने एक तेर डाखरीखेर क्रूस पर चोडाव्या |

²⁸पवित्र पुस्तकोमा लेखला लेखोन होस च्यु गुनावालु मानाय गयू |²⁹एने वाटोन दोडी सोरकिन जाणारा मुंड आलवी आलवीन यो कयीन तिनान मजाक उडाड्या के " आह तीन दिहोमा मंदिरोह उदारीन फसु बांदणारा

³⁰क्रूस पर दखु उतरीन सताह वाचाड ले |"³¹एंहेज डायला पुजारा , एने यहूदीन नेम हिकाडनारा गुरु बी यीशुन मजाक उडाडीन कया ," यू ते दिहराहा वाचाड्यू , एंवी सोतान जीव मोत दखु केहे नी वाचाड सकतलु |?

³²होयू इस्राएलन राजा , मसीह, एंवी क्रूस पर दखु उतरिन आवे , तेतार आमू तोहो देखिन बुरहु करहु एने ज्या यीशु हाते क्रूस पर चोढावला ओता , च्या बी तिनान मजाक उडाड्या |³³एने माथेक दिहे दखा मांजनेक दिहे तीन वाजता लोगण आखि कवीमा आँदारो ओय गयो |

³⁴एने हाँजपर तीन वाजता यीशु मोठे आयडीन कोयु , “इलोई, इलोई, लमा शबक्तनी?”एरो मतलब यो से के , ए मारा भगवान , ए मारा भगवान तु मेहे काहा सूड देण्यु ?|

³⁵ज्या हाते ऊबरोयला ओता , तीनुमा थुडाक यो होंबीन कया , " होंबु यू ते एलिय्याह बुलाडने बाज रयूहु |³⁶एने एक जण दोवडीन गयू एने पोटको खाटला दाखरसन रुहोमा बुड़ावीन , बूरान फाटान सिगीपर विलगाड़ीन , तिनाहा चुहाड्यू , एने च्यु तीनुहु कयु , आगा , इनाहा एखलु सुड देता एलिय्याह आविन इनाहा क्रूसपर दखु सुडावतु के नी देखता |

³⁷तेतार यीशु मोठे आयडीन , जीव सूड देण्यु |

³⁸एने मंदिरोन पोडदू उपर दखु नेचु लोगोण दुय टूकडा ओय गोयलु |³⁹ज्यू सेनीकोन पुड़ारी यीशुन ओगव उबरोय रोयू ओतु , च्यु जेतार यीशु केंहेक आयडीन मरतलू देख्यू ते च्यु कोयु , " खोराखोर यू माणुह भगवानन पुरयुज से |

⁴⁰वारुज बायरा नांबे दखा बावतता , एने तीनुमा मरियम मगदलीनी, एने आयतलू याकूब , एने योसेसोन आई मरियम , एने सालोमी ओति

⁴¹जेतार च्यु गलील मा ओतु तेतार ची तेर फसव जातरय तती एने तेरी सेवा चाकरी करया करतती , एने तिनिहाते वारुज बायरा ओता च्या ज्या तेर हाते यरुशलेम मा आवली ओति |⁴²जेतार हाँज ओय गयली ओति , ते इनान करता तयारीन दिह ओतु आरामोन दिहोन पेल्ले दिही ज्यू अया करततु |

⁴³तेतार अरिमतियाहन रयणारु यूसुफ आव्यू च्यु पोंचुन नावहाद्यु माणहु ओतु , च्यु भगवानन राजोन करीन वाट जुव रोयततु , च्यु हिम्मोत करीन पिलातूस हाते गयु एने यीशुन दोडहो मांग्यु |

⁴⁴यीशु ओतरी जल्दी मर गयु , यो होंबीन पिलातुस बोंगलाय गयु एने च्यु रोमी राजोन एक होव सेनीकोन पुड़ारीह बुलावीन फूस्यु , काय यीशु ओतरु जल्दी मर गयु काय |?⁴⁵जेतार च्यु सेनीकोन पुड़ारी दखु यीशु मर गयु करीन जाण लेदयू तेतार च्यु यीशुन होवह यूसुफोह आपणे लागाड्यू |

⁴⁶यूसुफ एक नवली बुरीबुह लेफडी डाठि वेचाती लेदयू , च्यु यीशुन होवह क्रूसपर दखु उतारीनं लावीन , तिनाहा तिनी डाठीमा वेटावीन एक मोटट्यामा मेक्यू , च्यो मोटट्यों सापरियामा खोंदीन बोणावलो ओतो एने एक मोटलु दोगडू मोटट्यान जुपा पर डूव्विन मेक देण्यु |

⁴⁷एने मरियम मगदलीनी एने योसेसन आई मरियम देख रई ओति के च्यु कां मेकायलु से |

Chapter 16

¹जेतार आरोमन दीह वीत गोयु ते , मोरियम मोगदलीली याकुबोन आयी मोरियम , एने सालोमी गोंदायण्या चीजे यीसुन दोडोपर चुपडनेन कोरता वेचातो ली लेदला !

²आपतान पेल्ले दीह होदारे वेगाज च्या मोठय्याखेर आव्या !³वाटे च्या एक दीहराह कोयतोता , “ आपणे कोरता मोठ्य्यान जुपापर दोखु सापोर कुण सेटु कोरहे ! ?

⁴च्यु दोगडु खुब मोटु ओतु , च्या मोटय्या हाते पुचताज च्या उपर देख्या ते खुब मोटलु दोगडु तीनुह डेखलाय रोयलु देखाय पोड्यु !⁵करीन च्या मोटय्यान मायता गोया , खुब बराबुह लुगाडा पेर रोयला एक जुवान माणुह , जेवडिखेर बोठ रोयलु देखीन च्या बोंगलाय गोया !

⁶च्यु तीनुहु कोयु , “ बोगलायु मा , मी जाणतलु के तुमु जीनाह कुरुसोपोर चोडावला ओता तीना नाजरी यीसुह हुदतला , च्यु फोसु जीवतु ओय गोयलु से , च्यु याहरी नींबे , बावजु , यु च्यु जागु से ज्याहरी च्या यीसुन दोडोह मेकला ओता !

⁷पुण तुमु जावु , एने तर चेलाह एने पतरसह कोयु , च्यु तुमु दोखु पेल गोलील जीलामा जाहे , जेहें यीसु मोरनेन पेल तुमूह कोयलू ओतु , तेहें तुमु च्याहरी तीनाह देखहोन !⁸च्या मोट्यामा दोखा दोवडता एने , थुरु – थुरू कापता निकव्या , च्या खुब गाबरी गोयला ओता कोरीन कुणीह कायीज नि कोया ।⁹हापतना पेल्ले दीह होंदारे यीसु जीवतु ओयीन , पेल्लाम मोरियम मोगदलीनीह देखायु , तीनीम दोखु यीसु सात बुतडा काडलु ओतु !

¹⁰च्यी जायीन यीसुन चेलाह ज्या चिंतामा ओता , एने रोडतोता , तीनुह काय काय ओयलो च्या खोबर आपी !

¹¹जेतार चेला च्यी कोयतली होंब्या के येसु जीवतलु से , एने च्यी यीसुह देखली , ती बी च्या बुरहू नी कोरया !¹²ओवता , तीनु चेला मायला दुयू चेला येरूशलेम दोखा हतेल्ला गाँवोखेर जातोला तेतार येशु होहर रूपमा दुय चेलाहा देखायु !

¹³च्या बी जायीन दोहरा चेलाहा यी वात कोया , पुण च्या तिंदरी वातोपर बुरहु नी कोरया !¹⁴ओवता जेतार च्या खाणे बोठ्या , तेतार येसु , आकरा चेलाह देखायु , एने तींदरा बुरहान कोमजुरी एने वातड़ा मोनोन कोरता तीनुह कीचवायु , काहाके च्या येशु जीवतु ओयीन ओवता ज्या चेला तीनाह देख्या तिंदरी वातोपर बी च्या बुरहु नी कोरया !

¹⁵येशु तीनुह कोयु , तुमु आखी कोवीमा जायीन आखा मानहोह हाजली खोबरोन परचार कोरजु !

¹⁶ज्यु बुरहू कोरीन बापतीस्मा लेदलु, च्यु वाच जाहे; पुण ज्यु बुरहू नी कोरे तीनाह डोंड जुडहे !¹⁷बुरहु कोरनारान यी निस्याणी रोयहे, च्या मारा नावोमा बुतडा काडहोत , नोवली नोवली बास्या बुलहोत !

¹⁸गोडहाड दोर लेहोत , जोर च्या जेहर पीहोत , ती बी कायीज नुकसाण नी ओये , च्या मांदलापर आथ मेकहेते , मांदला हाजा ओय जाहोत "¹⁹पोरभु यीशु तीनुहाते वातु कोरीन ओवतु सोरगोमा उचलाय गोयु, एने भगवानोन जेवडी आथेखेर जायीन बोठ गयु !

²⁰चेला निकव्या , एने आखीखेर परचार कोरने बाज गया , परभु भगवान तीनुहु लागाडीन चोमत्कार कोरयु । तिंदरा बोंगलाये ओहला चोमत्कार दोखु यीशु भगवानोन वातु खोरी से कोरीन पुरावु आपतु रोयु । आमीन !

Luke

Chapter 1

¹१) खुब ज्या लेखनेवाला आमरा विचमा जी वात ओयली से,जुनली वात लेखनेमा हाथ लागावडा से। ²२) जेहे के च्या माणहे पलुय दोखा इनीवातेह देखनेवाला अन वचनन सेवक अता ,आमरे पा पुचाडला । ³३) इनान कोरता ऐ भाई थियुपियुस मेहे भी यो हाजो मालुम ओयो तीनाहा तारे कोरीन लेखो ।

⁴४) कि यो तु जाणले या वाते जी तु सिखलु से,कोहली कायम से ।⁵५) यहुदीयान राजा हेरोदेसन टेंमे अबियाहान दलमा जकर्या एक याजक ओतु ,अने तेरी लाडी हारुनन घरानान ओती तेरो नाव अलीशीबा ओतो ⁶६) अंजु च्या दुय परमेश्वरन अगव धर्मी अता ,अने प्रभुन आखी आज्ञा अने विधीपर निर्दोष चालनेवाला ओता । ⁷७) तीदंरा काय पुरया- पारी नी अता,काहाके अलीशीबा यी वांझी अती ,अने च्या दुयु डायला अता ।⁸८) जेतार च्यु आपणा दलन पारी परमेश्वरन अगव याजकन काम कर तु अतु । ⁹९) तेतार याजकोन रीतीन अनसार तेरे नावन चिठठी निकवी ,कि प्रभु मंदीर मा जाईन धुप लागाडनु ।( निर्गमन ३०:७)

¹⁰१०) अने धुप लागानेन टेंमे माणहन आखी मंडकी बारथे प्रार्थना कर तती ।¹¹११) के प्रभुन सरगदुत धुप वेदीन झेवडे वखे उभ रयलु तिनुह देखाव पोडयु । ¹²१२) अने जकर्यु देखीन बिहयु अने तीना मा बिख बराय गई। ¹³१३) पुण सरगदुत तीनाहा कोयु" से जकन्या" बिहे मा काहाके तारी प्रार्थना हंबवाय गयली से, तारी लाडी अलीशीबा देखो तार कोरीन एक पुन्यु ओयहे अने तु तेरो नाव योहन्ना मेकजी¹⁴१४) अने तोह आनंद अने खुब खुशी ओयहे अने खुब माणहे तेर जन्मन वजे आनंदीत ओयहे । ¹⁵१५) काहाके च्यु प्रभुन सामने महान ओयहे ,अने अंगुररस अने दारु कभी नी पिये ,आईन गर्भ देखु पवित्र आत्मान बरलु रोयहे ।( इफिसीयों५:१८ न्यायी १३:४-५)¹⁶१६) अने इस्राईल मा देखा खुब हंवटा तेरा प्रभु परमेश्वर वखे फिरहे ।

¹⁷१७) च्यु एलीयान आत्मा अने शकतीमा रोयीन तिदंरे अगव - अगव चालहे , के बाबान मन पुरया - पारी वखे फिरवे अने आज्ञा नी माननेवालाह धर्मीन समझ पर लावे अनेक प्रभुन कोरीन एक हाजली प्रजा तैयार कोरे।( मलाखी ४:५-६)¹⁸१८); जकर्याह सरगदुतह फुसलु " यो मी केहेक जाणे ,काहाके मी ते डायलु से अने मार लाडी भी डायी अयगयली से। १९) ¹⁹सरगदुत तीनाह जबाब आपलु " मी जीब्राईल से,ज्यु परमेश्वरन सामने उभु रोयतलु ,अने मी तोह यी वात कोयणे अने यी खबर हंबवाडने कोरीन मेहे मुकलने आवलो से।( दानियेल ८:१६, दानियेल ९:२१) ²⁰२०) अने देख जे दिह तक यी वात पुरी नि ओये , ते दिह तक मौन रोयहे ,अने तु बुल नी सके ,इनान कोरता के जी मारी वात तीन टेंमे पुरी ओयहे ,विश्वास नी कोरयु ।²¹२१) माणहे जकन्यान वाट जुवतता अने अचंभा करने लाग्या ,की जकन्याह मंदीर मा अतरी वार काह लागी ? ²²२२) जेतार च्यु बारथे आव्यु ,तेतार च्यु बुली नी सेकतलु तेतार माणहे जाण गया तीनाह मोदीरामा काई दर्शन जुडलो से,अने च्यु इसारु कोरतु रोयु अने मुकु ओय गयु । ²³२३) जेतार तेरी सेवान दिह पुरा अया ,तेतार चु तेरे घर जात रोयु ।²⁴२४) इना दिहोन ओवते तेर लाडी अलीशीबा बारहाती ओयी ,पाच मयना तक खुद कोयणे लिकाडी । ²⁵२५) माणहोमा मारु आपमान सेटा कोरनेन कोरीन प्रभु ,इना दिहोमा मारपोर ध्यान कोरीन मार कोरता ओहलो कोरलु से। ( उत्पत्ति३०:२३)²⁶२६) सोववले मयने परमेश्वर पा देखु जिब्राईल सरगदुत गालीलत नासरत नगरम। ²⁷२७) एक कुंवारी ( सोवडी ) पाह मुकोलने मा आवलु ,तेरी जुडावणी युसुफ नावन दाऊदन घराणामायन एक माणहो हाते अयली अती ,तीन कुंवारी ( सवडी ) न नाव मरीयम अत । ²⁸२८) अने सरगदुत तेरे घरमा जाईन कोयु ,आनंद अने जय तारी ओये ज्य कोरीन परमेश्वरन कुरपा ओयली से,प्रभु तारे हाथे से। ²⁹२९) ची तीन वात देखी घाबराय गई,अने सुचने लागी,की यो कानला बातीन आभिवादन ( नेवतो ) से ।³⁰३०) स्वर्ग दुत तीनीह कोयु" हे मरियम; भिये मा ,काहाके परमेश्वरन कुरपा तार पर ओयली से। ³¹३१) अने तु बारहाती ओयहे , अने तारु एक पुन्यु ओयहे; तु तेरो नाव यीसु मेकजी । ( यशायाह ७:१४) ³²३२) चु महान ओयहे अने परमप्रधानन पुन्यु कोवायहे अने परमेश्वर तेरा बाबा दाऊदन सीहासन ( राजगादी) तीनाह आपहे ।( यशायाह ९:६-७) ³³३३) अने चु याकुबन घरानापर कायम राज करहे अने तेरा राजन कधी नी हरे। ( २ शामु७:१२,१६, इब्रानियों १:८, दानियेल २:४४)³⁴३४) मरीयम स्वर्ग दुत कोयु ,यो केहे ओयहे? मी ते कानला माणहोह जाणतली नी । ³⁵३५) स्वर्ग दुत तीनीह जबाब आप्यु , पवित्र आत्मान सकती तार पर उतरहे अने परमप्रधनन शकती तारपर सांवु कोरहे ,इनान कोरता चो पवित्र जो पैदा ओयनेवालु से परमेश्वरन पुन्यु कोवायहे।³⁶३६) अने देख तारी होगी एलीशीबान भी डायेवारे पुरयो अयण्यो से यो तेरो जी वांझ कोवाय तती सहवो मयनो से। ³⁷३७) परमेश्वरन कोरीन कायबी उदुड निमले" ( मती१९:२६, यिर्मयाह ३२:२७) ³⁸३८) मरियम कोई " देख मी प्रभु न दासी से ,तारे वचनन तेहे मारहाथे ओये " तेतार स्वर्गदुत तेरे हाते देखु जात रोयु ।³⁹३९) तीना दिहोमा मरीयम जल्दी-जल्दी उठीन पहाडोन ( बोयडान) देशमा यहुदान नगरमा गई। ⁴⁰४०) अने जकर्यान घर मा जाईन अलिशीबाहा नमन करी। ⁴¹४१) तेतार अलीशीबा मरीयम नमन करी ,तेतारज पुरयु तेरा पेटमा उसव्य अने अलिशीबा पवित्र आत्मामा भरपुर अय गई।⁴²४२) अने ची मोटे (आवाज) बुलोमा आयडीन कोई" तु आखा बायामा तकदीरवाली से,अने तारो पेटन फव तकदीरन से।

⁴³४३) अने यो अनुग्रह मेहे का देखो जुडयो , के मारा प्रभुन आई मारेपा आवी ?

⁴⁴४४) अने देख जेहे तार नमन ( नमस्कार) न शब्द मारा कानो मा पोडयो,तेतार पुर्य मारा पेट मा खुशी देखो उसवी पोडयो ।

⁴⁵४५) अने तकदीरवालु से,चु जो विस्वास( भुरहु) कोरलु के ज्या वाते परमेश्वर देखी तीनुह कोयणेम आवली ची ,पुरी ओये ।⁴⁶४६) तेतार मरियम कोई मारु जीव परमेश्वरन बडाई करे ।

⁴⁷४७) अने मारी आत्मा उदधार कोरनेवाला परमेश्वर से खुशी ओई । ( १ शामु २:१)⁴⁸४८) काहके चु तेरी दासीन दीनता पर नजर नाखलु से,इनान कोरता देखु,ऐवी देखा ते युगयुग ( पिढयन- पिढया ) माणहे मेहे तकदीरवाली कोयहे ।( १ शामु १:११, लुका १:४२, मलाकी ३:१२)

⁴⁹४९) काहाके च्यु शक्तीमान मारे कोरता मोटा मोटा काम करलु से।⁵⁰५०) अने तेरी दया तीनुपर ज्या तीनाह बिणारा से,पिढीन- पिढी बणला रोये । ( भजन संहिता १०३:१७) ⁵¹५१) च्यु तेरी ताकत देखाडयु ,अने ज्या आपणा मनमा घमंड करता अता ,तिनुहु इंखुर- तिंखुर वेर देलु ।( २ शामु २२:२८, भजन संहिता ८९:१०)⁵²५२) च्यु अधीकार करनाराहा राजगादी पर देखु पाड देंलु ,अने दिन अता तिनुहु उपर करलु । ⁵³५३) च्यु भुकलाहा हाजो खाणा से पेंट बोरलु अने पामतलाहा दावे हाथ निकावलु ( १ शामु २:५, भजन संहिता १०७:९)⁵⁴५४) च्यु आपणा सेवक इस्त्राइलह समाव लेदलु के मारी दया याद राखे ( करें) ।( भजन संहिता ९८:३, यशायाह ४१:८-९)

⁵⁵५५) जो आब्राम अने तेरा घराणा पर हमेशा (कायम ) रोयहे ,जेहे च्यु आपणा डाय डायाहा कोयलु अतु । ( उत्पत्ति २२:१७, मिका ७:२०)⁵⁶५६) मरीयम लगभग तीन मयना रोयीन तेर घर जात रोयी ।

⁵⁷५७) तेतार अलिशीबान फुकडायनेन टेम पुरु ओयु अने ची पुन्याह जनम आपी ⁵⁸५८) तेरा हातेवाला अने घरमायला यो हमवीन ,की प्रभु दया तीनीपर मोटी दया ओयली से तींदरे हाथे खुब खुशी ओया ।⁵⁹५९) अने आठवले दिह पुरयान बारे काढणे आवलो अने तेरो नाव तेरा बाबान नावोपर मेकणेम आवलो । ( उत्पत्ति १७:१२ ,लैव्या १२:३)

⁶⁰६०) अने तेरी आयी जवाब आपी " नी " पुण तेरो नाव युहन्ना मेकु।

⁶¹६१) अने च्या तिनुह कोया ,तारा परिवार मा कुणीनुज यो नाव निमले।⁶²६२) तेतार च्या तेरा बाबाह इसारु कोरीन पुच्या,के येर नाव तु काय मेकण्यु । ⁶³६३) अने च्यु एक पाटी मांगीन लेख देण्यु " तेरो नाव योहन से" अने आखा भी अचंभा ( आश्चर्य) करया ।⁶⁴६४) तेतार तेरो मुय अने उघडी गयो ,तेतार च्यु बुलने अने परमेश्वरन बडाई कोरने लाग्यु । ⁶⁵६५) तेतार तेरे आस-पास रोयणेवालाहा भीक लागी ,अने तीनी आखी वातन चर्चा ( खबर) यहुदीयान आखा बोयडा देसोमा फिर गई ।( फेली) ⁶⁶६६) अने आखा होबोवणेवाला आपना आपना मन मा विचार कोरीन कोया " यो पुन्यो कोहलो ओयहे ,काहाके प्रभुन हाथ तेरे हाथे से ।( अतु )⁶⁸६८) अने तेरु बाबु जकार्या पवित्र आत्मा देखु भरपूर ओय गोयु, अने भविष्यवाणी करणे लाग्यु | ⁶⁷६८. प्रभु ईस्रराईलन परमेश्वर धन्य रये के चु तेरा माणहपर नजर करलु अने तींदरों छुटकारु कोरलु से।( भजन संहिता १११:९ ,भजन संहिता ४१:१८)⁶⁹६९) अने आपणा सेवक दाउदन घराणामा आमरे कोरीन एक उदधारन हिंग निकवलु से।( भजन संहिता १३२:१७ ,यिर्मयाह ३०:९)

⁷⁰७०) जेहे च्यु आपणा पवित्र भविष्यवक्ताद्वारा जगमा पेहले देखो अयतो आवलो से कोयु । ⁷¹७१) एर अर्थ आमरा दुश्मन देखु अने आमरा आख…⁷²७२) के आमरा डायडाया पर दया कोरीन तेरी पवित्र वायदु अर करे,

⁷³७३) अने च्यी शपत जी च्यु आमरु बाबु आबर अब्राम हाते खादलु ओतु ।(उतप:- 17:17) ⁷⁴७४) के च्यु आमुहचो आपहे की आमु आमरा दुसमनन हाथोम देखा सुटहु। ⁷⁵७५) तेरे सामने पवित्रता अने धार्मिकता देखा जीवनभर (हमेशान) कोरीन ने बीजे तेरी सेवा कोरता रोयहु।⁷⁶७६) अने तु हे पुर्या परमप्रधानन भविष्यवक्ता कोवायहे ,काहाके तु प्रभुन वाट तीयार कोरनेन कोरता अगव अगव चालहे ।( मलाकी ३:१, यशायाह ४०:३) ⁷⁷७७) के तेरा माणहह उदधारन ( छुटकारान ) ज्ञान आपे ,जो तींदरा पापन माफी जुडहे ( ओयहे)।⁷⁸७८) यो आमरा परमेश्वरन तीनी मोटली करुणा ( दया) देखो ओयहे ,जीनान वजे उपर देखो आमुपोर हुधरोन उजावो ओयहे । ⁷⁹७९) के अंदारो अने मरणन सांवामा बठणे वालाहा उजावो जुडे अने आमरा पायोह हाजीली सीधा चाले ।⁸⁰८०) अने चु पुन्यु युहन्नु ,वाढतु अने आत्मामा मजबुत (वाढतु ) गयु ,अने इस्त्राईल पर प्रकट ओयणेन दिह तक जंगल मा रोयु।

Chapter 2

¹१) तीना दिहमो आगस्तुस कैसर पा देखी हुकुम आव्यु , के आखा रोमी राजोमान माणहन नावे लेखणु से।

²२) यो पेल्लीवारीन नाव लेखने तीने टेमे ओयलो , जेतार क्विरिनीयुस सिरीयान राजपाल ओतु । ³३) अने आखा माणहे आपणा आपणा नावे लेखाने कोरीन आपने आपने गाव गया ।⁴४) अतः युसुफ भी इनान कोरता की च्यु दाऊदन घरानान अने परिवारन ओतु ,गलीलन नासरत नगर देखु ,यहुदीयामा दाऊदन नगर बेतलेम गोयु । ⁵५) के तेरी मंगतर ( लाडी ) मरीयम हाथे जी बारहाते ओती नाव लेखाडे ।⁶६) तीनीही चेंहरी रोयते तेरा फुकडायणेन दिहे पुरा ओया ।

⁷७) अने ची तेरा पेल्ला पुन्याहा जन्म ( पयदा ) ओयो ,तीनाहा लुगडामा गुंडाविन चारान जागे मेकी ,काहाके तींदरे कोरता शालामा जागु नी ओतु ।⁸८) अने तीना देसोमा कोतराक मेंडावाला ओता ,ज्या राती मुकवे जागे ,रोयीन आपणा टुवान राखवावी कोरता अता । ⁹९) अने एक परमेश्वरन देवदुत ( दुत) हाते आवीन उभ रोयु ,अने प्रभुन उजळ तींदरे चारी वखे चमक्यो अने च्या खुब भी गया ।¹⁰१०)तेतार सरगदुत तीनुह कोयु " भिऊ मा;काहाके देखु ; मैं तुमुहु मोटी खुशीन वात कोयणे कोरीन आव रोयुहु जी आखान कोरीन से।

¹¹११) के आज दाऊदन नगर मा तुमरे कोरता उदधारकरनारु जन्ममा आवलु से प्रभु मसी से। ¹²१२) अने एरो तुमरे कोरीन यो निशान से, के तुमु एक पुरयाहा कपडामा गुडावलो अने डुरोन खुटामा लुटावडलो देखहत ।¹³१३) तेतार कदम तीनी सरगदुतोन टुवु परमेश्वरन स्तुती कोरता जाईन अने यो कोयता देखाया । ¹⁴१४) सरगोमा परमेश्वरन महिमा अने धरती पर ,तीना माणहन जीनदरे देखु खुस से ' शांती रोये ।¹⁵१५) जेतार सरगदुत तींदरे पा देखा सरगम जात रोयला ,तेतार एकदीहरान कोया आऊ आपु बेथलेममा जाईन ,यी वात जी ओयली से,अने जी प्रभु आमुह कोयलु से देखहु। ¹⁶१६) अने च्या लगेच जाईन मरीयम अने युसुफह अने चारामा तीना पुरयाहा ।¹⁷१७) इनुह देखीन च्या तीनी वातेह ज्यो इना पूर्यान बारामा कयली ची वात समजी । ¹⁸१८) अने आखा हंबोवणारा ,तीनी वातो देखु च्या गुवाव्या कोयला खुब आश्चर्य ओया । ¹⁹१९) पुण मरीयम यी आखी वाते तेरे मनमा मेकीन विचार करतली । ²⁰२०) अने गुवाव्या जहलो तीनुहु कोरणे आवलो ओतो ,तेहेज आखा हंबवीन अने देखीन परमेश्वरन महिमा अने स्तुती करता करता गया।²¹२१) जेतार आठ दिही पुरा अया ,अने तेरो बारे कादणे टेम आव्यु ,ते तेरो नाव येसु मेक्या ,योनाव सरगदुतो देखा तेरो पेटोमा आवणेन पेल आपणेमा आवलो अत।( उत्पत्ति १७:१२, लैव्या १२:३)²²२२) अने जेतार मुसान व्यावस्था ( नियम) नुसार मरीयमन शुद्ध ओयणेन के प्रभुन सामने लावे ।( लैव्या १२:६) ²³२३) जेहे के प्रभुन व्यावस्था मा लेखलो से," हर एक पेहलाठया मा प्रभुन करीन पवित्र मानायहे ।( निर्ग १३:२,१२) ²⁴२४) प्रभु न व्यावस्थान वचनन नुसास पाणकुकडान एक जोड नीते कबुतर न दुय बच्चा लावीन बलीदान करे। (लैव्याव्यवस्था :१२ : ८)²⁵२५) तीने टेमे यरूशलेममा शीमोन नावन एक माणुह ओतु च्यु माणुह धोर्मी अने भक्त ओतु , अने इस्त्राईलन शांतीन वाट देखतोतु अने पवित्र आत्मा तेरे पर अतो। ²⁶२६) अन पवित्र आत्मान दोखो प्रकट अय , के जेतार तक प्रभुन महीमा हा देख नी लेय तेतार तक मरणह नी देखे।²⁷२७) अने आत्मान सिकाउने देखु मंदीरमा आव्यु ,अने जेतार आई - बाबु तीना पुर्या येशुह मायता लीगया , के तेरे कोरीन नियमन रिती।

²⁸२८) तेतार च्यु तिनाह तेरा खुवामा लेदयु अने परमेश्वरन धन्यवाद करीन कोयु।

²⁹२९) " हे प्रभु तार दासह तारा वचनन नुसार सांत देखु मुकोल दे।³⁰३०) काहके मारा डुवा तारा उद्धार ह देख लेदला से ।

³¹३१) जेहे तु आखा देसन माणहोन सामने तियार करलु से। ( यशायाह ४०:५)

³²३२) के अलग जातिमा यो खंर प्रकट करनेन कोरीन एक दिवु बोणहे , अने तेरा हातेन माणहे इस्त्राईलन महीमा ओये। ( यशायाह ४२:६ यशायाह ४९:६)³³३३) अने तेरू बाबु अने तेरी आई इनवातोह जो तेरे बारामा कोयतोता आस्चर्य कोरता अता। ³⁴३४) तेतार शिमोन तीनुह आशीर्वाद आपीन तेरी आई मरियमह कोयु ,देख युते इस्त्राईलमा खुबोह पाडणे अने उठाडणे कोरीन एक ओहलो चिन्न ओयणेन कोरीन ठरवायलु से,जेरा विरोधमा वात ओयणी से।( यशायाह ८:१४-१५) ³⁵३५) पुण तेरु जीव भी तलवार करीन आरपार छिदहत इनासे खुबोन ह्रदयन ( दिलन) विचारे प्रगट ओयहे ।³⁶३६) अने अश्शेर कुल मा देखी हन्ना नावन फनुएलन सुरी एक भविष्यवक्तीन ओती ,ची खुब डायी ओती ,अने वियाव ओयणेन बादमा सात वरीह तेरा घरवावा हाते रोयली ओती । ³⁷३७) ची चौरयासी वरहन रंडायली अती , अने मंदीरह नी सुडतोती पुण उपवास अने प्रार्थना करकरीन रात दिह उपासना करतोती । ³⁸३८) अने ची तीने टेमे चेहरी आवीन परमेश्वरन धन्यवाद ( बोडाय ) करती ,अने तीनु आखाहा जो यरुशलेमन छुटकारान वाट देखतोता ,तीदंरा बारामा वातु कोरने लागी ( यशायाह ५२:९)³⁹३९) अने जेतार च्या व्यावस्थान ( नियम) अनुसार आखो आपटीज गालील मा आपणा नासरत नगर वापीस जात रोया । ⁴⁰४०) अने पुन्यो वाढतो ,अने बलवान ( ताकतमा) अयतो ,अने बुदधीमा भरपुर ओयतो गयो अने परमेश्वरन कुरपा तेर पर अयती गई।⁴¹४१) तेरा आई बाबु हर साल काटनीन तिवार पर यरुशलेम जाया करता अता ।( निर्गमन १२:२४-२७, व्यवस्थाविवरण १६:१-८)

⁴²४२) तेतार च्यु बारा वरहन ओयु ,तेतार च्या तिवारन रितीनुसार यरुशलेम मा गया । ⁴³४३) अने जेतार च्या दिहेपुरा करीन वापीस आवतता ,तेतार च्यु पुर्यू येशु यरुशलेम मा रोय गयु , अने यो तेरा आई बाबाह मालुम नी पोडयो ।

⁴⁴४४) च्या यो समजीन कि च्यु आवणारा माणहो हाते ओहे , एक दिहन चालनेन निकवी गयो , अने तीनाह आपणा हगामा अन उरवायता माणहोमा हुदणे लाग्या या ।⁴⁵४५) पूण तेतार नि जुडयु ,तेतार हुदता हुदता वापीस ( फचा) यरुशलेम मा गया ⁴⁶।४६) अने तिन दिहनमा च्या तीनाहा मोदीरमा उपदेशकन विच मा बठलु,तिदंरो हंबवतु आनु तीनुहाते वातचीत ( सवाल-जवाब) करतलु देख्या । ⁴⁷४७) अने जोतरा तेरो हंबवता,च्या आखा तेरी समज अने उत्तरों देखा चकित अता ।⁴⁸४८) तेतार च्या तीनाहा देखीन चकित ओया ,अने तेरी आई तीनाहा कोयी हे पुन्या तु आमरे हाते एंहे काहा व्यावहार कोरलु ,तारु बाबुन मी कुरकुर करता जाईन तोहो हुदता ओता । ⁴⁹४९) च्यु तिनुह कोयु ,तुमु मेहे काहा हुदता ओता ,तुमुह नी मालुम ओतो काय कि मी मारा परमेश्वर (बाबान ) घरमा रोयणे गरज (अवश्यकता) से।

⁵⁰५०) पुण जी वाच्यु तीनुह कोयु ची वात च्या नी समझ्या ।⁵¹५१) तेतार च्यु तीदंरे हाते गोयु ,अने नासरत नगर मा आव्या ,अने तिदंरे हाते रोयु अने तेरी आई यी आखी वाते तेरे मनमा राखी ।

⁵²५२) अने येशु बुद्धी अने डिलोमा अने परमेश्वर अने माणहम अनुग्रह मा वाढतु गोयु।( १ शामु २:२६, नीतीवचन३:४)

Chapter 3

¹१) तिबुरियुस कैसरन राजन पंदरावे वरहो मा जेतार पिंतीयुस पिलातुस यहुदीयान राजपाल ओतु ,अने गलील मा हेरोदेस इतुरैया ,अने त्राखोनितीस मा तेरु भाई ( भाय) फिलीप्पुस अने अबिलेननमा लिसानियास चौथाईन राजा ओतु ²२)अने जेतार हन्ना अने कैफा महायाजक अता ,तीना टेमे परमेश्वरन वचन जंगलमा जकरयाण पुरयु युहन्नापा पुच्यो ।³३) अने चु यरदनन आसपासन आखा परंगंणमा आवीन ,पापोन माफी मनन फिरावने बाप्तीस्मान प्रचार कोरतु ओतु ।⁴४) जेहे यशायाहद्वक्तान कयला तीन वचनोन पुस्तक मा लेखलो से,जंगलमा एक आयोवणारान आवाज ( शब्द) आवतोतु ,के प्रभीन वाट बोणावु ( सुधारु ) तेरी सडक हुदी कोरु ।⁵५) हर एक कभी भरनेमा आवहे ,अने हर एक पहाड ( बोयडू) अने चुटी नेची अय जाहे ,अने जु वाकलु से सीधु अने जु उचु- निचु से,च्यु चारखुण वाट बोणहे ।

⁶६) अने हर एक जनवर परमेश्वरन उदधारह देखहे ।( यशायाह ४०:३-५)⁷७) जी खुब मोटी गर्दी बाप्तीस्मा लेणे कोरता निकवीन आवती अती ,च्यु तीनुह कोयतोतु हे घोडहान पिल्ला तुमुह कुण खोबर कर देल्लो ,के आवणारा खोतोह देखीन नाहु ।⁸८) तेरो मन फिरावणेन योग्य फव लावे ,अने आपणा आपणा मनमा योनी समजु के आमरु बाबु आब्रम से,काहाके मी तुमुह कोयो के परमेश्वर इना दगडामा देखा अब्रामन कोरता उपजाऊ सेकतला ।⁹९) अने ऐंवी कुराड झाडोन थुडोपर मेक रोयुह ,इनान कोरता जो जो झाड हाजो फव नी लावे ,च्यो तुडने अने आगडामा नाखणे आवहे ।¹⁰१०) अने माणहे तीनाह फुच्या " ते आमु काय करजे ?

¹¹११) तेतार च्यु तीनुहु जबाब आप्यु,जिना पाह दुय डगला से? च्यु तिनाहाते जिनापाह निमले तीनाहाते वाटलेय अने जिनुपाह खाणेण ओये ,च्या भी ऐंहेज कोरे ।"¹²१२) अने कर लेनेवाला भी बाप्तिस्मा लेने आव्या ,अने तीनाहा फुच्या " हे गुरु आमु काय कोरजे ? " ¹³१३) च्यु तीनुह कोयु ," ज्यो तुमरे कोरता ठरावलो से,तीनाह जादा जुन लेता ।¹⁴१४) अने सिपाही भी तीनाह यो फुच्या ," आमु काय करजे,? च्यु तीनुह कोयु," कुणी पर बुराई जुण कोरता,अने झुठु आरोप जुण लागाडता ,अने आपणी मजुरी पर खुश रोयजु ।"¹⁵१५) जेतार माणहे आसालीन आवला अता ,अने आखा आपणा आपणा मनमा युहन्नान बारामा विचार कोरता अता , के काय यु मसीहा ते नी से ।

¹⁶१६) तेतार युहन्ना तीनु आखी वातोन उत्तर मा कोयु " मी ते तुमुह पाणीकरीन बाप्तिस्मा आपोह ,पुण च्यु आवणेवावु से च्यु मेहे देखु शक्तीशाली ( ताकतवर) से ,मी ते इनी लायकीन भी नी से , के तेरे पायन खाहडान बंद खुल सेको च्यु तुमुह पवित्र आत्मान बाप्तिस्मा अने आगठान बाप्तिस्मा आपहे।¹⁷१७) तेरो हुपडो तेरा हाथोमा से अने च्यु आपणो गोदाम हाजे रीते साफ करहे , अने गहु च्यु तीनामा इकठठा करहे ,पुण भुसु आगठठामा नाखहे जो कधी उलवाये नी ।¹⁸१८) अतः च्यु खुब आखी शिक्षा आपीन माणहह हाजली बात कोयतु गोयु ।

¹⁹१९) पुण च्यु चारखुणे देशोन राजा हेरोदेसह तेरा बायह फिलीपुस लाडी हेरोदीयासन बारामा अने आखा पापोन बारामा जो ची कोरली ओती सावध करतु । ²⁰२०) इनान कोरता हेरोदेस च्या तीनुमाय देखा वाढीन पाप भी कोरलु ,के युहन्नाह जेलोम नाख देल्लु ।²¹२१) जेतार आखा माणहोन बाप्तिस्मा ओयलो ,अने येशु भी बाप्तिस्मा लिन प्रार्थना करतोतु ,तेतार आकाश ( वादवो ) उगडी गयो।

²²२२) अने पवित्र आत्मा शरीरन रुप मा , कबुतरन सारखं उतन्यो अने यी आकाशवाणी ओयी ," तु मारु प्रिय पुन्यु से ,मी तारदोखू प्रसन्न खुस से।²³२३) जेतार येशु खुद उपदेश कोरने लाग्यु ,तेतार लगबग तीस वरहन वय अती ,अने ( जेहे समज अतः ) युसुफन पुन्यु अतु ,च्यु एली अतु ।

²⁴२४) अने च्यु मन्तीन अने च्यु लेवीन ,अने च्यु मलकीन ,अने च्यु यन्नान अने च्यु युसुफन ।²⁵२५) अने च्यु मत्तीन ,अने च्यु आमोसन ,अने असल्यान ,अने नागोहन।

²⁶२६) अने च्यु मत्तीन ,अने च्यु आमोसन, अने च्यु शिमीन ,अने च्यु योसेखन ,अने च्यु योदाहन ।²⁷२७) अने च्यु यहुन्नान ,अने च्यु रेसान ,अने च्यु जरुब्वाबेलन ,अने च्यु शालतोयेल ,अने नेरीन ।(एरजा३:२,नेहा२:१) ²⁸२८) अने च्यु मकलीन अने च्यु आददीन ,अने च्यू कोसाम ,अने च्यु इलामोदानन ,अने च्यु एशन । ²⁹२९) अने च्यु येशुन ,अने च्यु एलीएजेरन ,अने च्यु योरीमन ,अने च्यु मत्तातव अने च्यु लेवीज।³⁰३०) अने च्यु शिमोनन,अने च्यु यहुदान ,अने च्यु युसुफन अने च्यु योणानन ,अने च्यु एलयाकीमोन । ³¹३१) अने च्यु मलेआहन ,अने च्यु मिन्नाहन ,अने च्यु मन्तातन ,अने च्यु नातानन ,अने च्यु दाऊदन ( २ शामु ५:१४) ³²३२) अने च्यु सिशैन ,अने च्यु ओबेदन ,अने च्यु बोआजन ,अने च्यु सलमोनोन ,अने च्यु नहशनन ।( रुत ४:२०-२२)³³३३) अने च्यु अम्मीनाबादन ,अने च्यु अरनीन ,अने च्यु हेसोनन ,अने च्यु पेरेसन ,अने च्यु यहुदान ।( १इतिहास २:१-१४)

³⁴३४) अने च्यु याकुबन,अने च्यु इसाहकन ,अने च्यु आब्रहमन ,अने च्यु तेरहन ,अने च्यु नाहोरन ।( उत्पत्ति २१:३, उत्पत्ति २५:२६,१ इतिहास १:२८-३४)

³⁵३५) अने च्यु सरुगन ,अने च्यु रहु ,अने च्यु पेलेगन ,अने च्यु एबिरन ,अने च्यु सिलहन ।³⁶३६) अने च्यु केनान ,अने च्यु अरफक्षदन ,अने च्यु शेमन ,अने च्यु लेमेकन । ( उत्पत्ति ११:१०-२६,१ इतिहास १:२४-२७)

³⁷३७) अने च्यु मथुशिलन ,अने च्यु हनोखन ,अने च्यु यिरदोन ,अने च्यु महलोलन ,अने च्यु केनान । ³⁸३८) अने च्यु एनोशन ,अने च्यु रोतन ,अने च्यु आदमन ,अने च्यु परमेश्वरन पुन्यु अतु ।( उत्पत्ति ४:२५,५:३२,१ इतिहास १:१-४)

Chapter 4

¹१) ओवतु यीसु पवित्र आत्मा मा भरीन ,यरदन नदी देखु आव्यु ,अने आत्मान अगुवाईमा जंगलमा फिरतु रोयु।

²२) अने चालीस दिह तक शैतान तेरी परीक्षा कोरतु रोयु ,तीना दिहोमा काहीच नी खादलु ओतु,अने जेतार दिहे पुरा ओया तेतार भुख लागी ।³३) अने शैतान तिनाहा कोयु ,अगर तु परमेश्वरन पुरयु ओयते ,दगडाहा कय के रुटु बण जा ।

⁴४) येशु तीनाहा जवाब आप्यु ," लेखलो से माणुह रुटा कोरीनुज जिवतु नि रोये क्ष।( व्यावी.८:३)⁵५) तेतार शैतान तिनाहा ली गयु , अने तीनाहा थुडाक टेममा जगमा आखा राज देखाडयु । ⁶६) अने तीनाहा कोयु, मी यो आखो अधिकार ,अने ज्यो देखणे बाजरयु आखो तोहो आप दिह ,काहाके यो मेहे होपणे आवलो से,अने जिनाहा कोये तीनाहा आप सेकतलु । ⁷७) इनान कोरीन तु जर मेहे वंदेहे ,तेतार यो आखो तारो ओय जाहे।"⁸८) येशु जवाब आप्यु ,लेखलो से प्रभु परमेश्वर तु वंदजी ,अने तेरीज आराधना कोरजी ।( व्या६:१३-१४)⁹९) तेतार तीनाहा यरुशलेम मा जाईन मंदीरन उपर ( सीगापर) उभु करयु ,अने तीनाहा कोयु,अगर तु परमेश्वरन पुन्यु ओहे ते सताहा निचे पाड दे।

¹⁰१०) काहाके लेखलो से,च्यु तारा बारामा स्वर्गदुतोह आज्ञा करहे , के तारी राखण करे । ¹¹११) अने च्या तोंह हाथो - हाथ उपर झेल लेहे ,ओहलो नी ओये के तारा पायोंमा दगडान ठुकर लागे ‌( भजन संहिता ९१:११-१२)¹²१२) येशु तीनाहा जवाब आप्यु,यो भी कोयणेन आवलो से,तु तारा परमेश्वरन पारख जुण कोरतु।( व्या . ६:१६) ¹³१३) जेतार शैतान परिक्षा ,( फारखी ) लुदु तेतार थुडुक टेम तीनुह हाते देखु जात रोयु।¹⁴१४) तेतार येशु आत्मामा भरीन ,गलील मा गोयु ,तेरी खबर आसपासन आखा देसमा पसरी गई । ¹⁵१५) अने च्यु तीनुह आराधना मा उपदेश कोरतु रोयु , अने आखा तेरी बठाई करने लाग्या ।¹⁶१६) अने च्यु नासरतमा आव्यु ,जेहरी तेरो पालन - पोषन ओयलो अते ,आपनी रितीन अनुसार त्योहार दिह आराधना मा जाईन वाचनेन कोरीन उभु रोयू । ¹⁷१७) यशया भविष्यद्वक्तान पुस्तक तिनाहा आपली अती ,अने ची पुस्तक उघाडीन ची जागा निकवी चेहरी यो लेखलो ओतो ।¹⁸१८)" प्रभुन आत्मा मारपर से, इनान कोरता च्यु बिखारीही खुशीनवान होंबावणे कोरीन मारु अभिषेक करलु से,अने मेहे इनान कोरता मुकल्लो से अने बंधनमा से तीदंरा छुटकारान अने आंधवाह देखनेन सुसमाचार कोयो ,अने ज्या सेंदायला से तीनुह निकावो ।( यशायाह ५८:६,६१:१-२)

¹⁹१९) अने प्रभुन खुश रोयणेन तक प्रचार करो ।²⁰२०) तेतार पुस्तक बंद करीन चेलान हात मा आप्यु ,अने बठ गयु ,अने आराधना मायला आखा माणहन डुवा तेर पर लाग रोया ओता। ²¹२१) तेतार च्यु तीनुह कोयु,आजुज यो लेखलो पुरो ओयलो से। ²²२२) अने आखा तीना बाव्या अने जी अनुग्रह हन वात तेरा मुयमा देखी निकवती अती ,तेरसी अचंभा ( आश्चर्य) अयतोता अने कोयतोता " काय यु युसुफन पुरयु निमले काय ? ( लुका २:४२,भजन संहिता ४५:२)²³२३) च्यु तीनुह कोयु, "तुमु पर ई कहाणी जरुर कोयहोत , कि हे डांक्टर आपणा खुदह हाजु कर ; जो काय आमु होंबोवला से की कफर्णहममा तु कोरलु तीनाह आपणा देसोमा भी कर। ²⁴२४) अने च्यु कोयु " मी तुमुह खरी कोयो कानलु भविष्यद्वक्ता आपणा देशमा मान-पान नी जुडतलो ।²⁵२५) मी तुमुह खरी कोयो के एलीयान दिहोमा जेतार साढे तीन वरहे तक आकाश बंद रोयलो ,या तक के आखा देशोमा काव पोडलु ,तेतार इस्त्राइल मा खुब हंन्टा राडायली ओता ।(१ राजा १७:१,१ राजा १८:१)

²⁶२६) पुण एलीयाह कुणीपा नी मुकलने आव्य ,केवल सैदान सारफतमा एक रंडायली पाह ।( १ राजा १७:९) ²⁷२७) अने एलीशा भविष्यद्वक्तान टेंमे इस्त्राइल मा खुब हंवटा कुडयाव अता , पुण सिरीयान रोयणारु नामानह छुडीन तीनु माईन कुणी शुदध नी ओयु ।( २ राजा ५:१-१४)²⁸२८) यी वात होंबवतेज जतरा आराधनामा अता ,तीनु आखाहा खत लागी । ²⁹२९) अने उठाडीन तीनाहा गावन बारथे निकाव्या ,अने जीना बोयडा पर तींदरो गांव वोहलो अतो ,तेरी चुटीपर ली जाईन के तीनाहा नेचा नाखणे अतो । ³⁰३०) पुण च्यु तीदंरा विसमा देखु निकवीन जात रोयु।³¹३१) बादमा च्यु गलीलन कफर्णहुम गावमा गयु , पवित्र दिहमा उपदेश कोरतु ओतु । ³²३२) च्या तेरा उपदेश दोखा आश्चर्य अय गयला ,काहाके तेरो वचन अधिकार हाथे ओतो ।³³३३) आराधनामा एक माणुह ओतु,जिनामा आसुद आत्मा अती ।

³⁴३४) च्यु खुब मोटे आयडी पोडयु ," हे येशु नासरी ,आमुह तारहाते काय काम? तु काय आमुह नाश करने आवलु ? मी तोहो जाणतलु तु कुण से,तु ते परमेश्वर सुकलु माणुस से।³⁵३५) येशु तीनाहा झुलयु ने कोयु,ठावकु रोय अने तीनाम देखु निकवी जा ," तेतार अशुद आत्मा तेरेमा देखु आपटीन वीगर तरास देने तेरमा देखु निकवी गयु । ³⁶३६) इनी वातो पर आखाह अचंमा ( आश्चर्य) ओयो ,अने च्या एक दिहरा हाते वातु कोरता जाईन कोयने लाग्या ," यो कोहलो वचन से ? के यो अधीकार अने सामर्थ ( हक्क अने शक्ती ) असुद आत्माहा आज्ञा आपतलो ,अने ची नीकवी जातलो ³⁷।३७) अतः चारी खुणे तेरी चवचव ओयणे लागी ।³⁸३८) च्यु आराधना घरमा देखु उठीन शिमोनन घरमा गोयु ,अने शिमनन हाहुह खुब जादा हरी आवरयी अती ,अने च्या तीनाहा तेर कोरता विनती कोरया ।

³⁹३९) च्यु तेरे हाते उभु रोइन हरीह जुल्यु ,अने हरी लगेय उतरी गोयो ,अने ची लगेच उठीन तीदंरी सेवा चाकरी कोरने लागी ।⁴⁰४०) दिही बुढणे टेमे तिदंरे- तिदंरे यहारीन अलग अलग ( बातीन ) बिमारीमा पोडला ओता ,च्या आखा तीनुह तेर पाह लाव्या ,अने एक- एक पर हाथ मेकीन तीनुह हाजा कन्यु । ⁴¹४१) अने आयडती अने यो कोयती जाईन " तु परमेश्वरन पुन्यु से हंवटामा देखी निकवी गयी ,पुण च्यु तीनुह झुलतु अने बुलने निदेतोतु ," काहाके ची जाणतली के यु मसीहा से ।⁴²४२) जेतार दिह उग्यु ,तेतार च्यु निकवीन एकखाली जागे गोयु ,अने मोटी गर्दी तीनाह हुदती हुदती तेरपाह आवी अने तीनाहा रुकणे लागी के आमरे पाह देखु मा जाय । ⁴³४३) पुण च्यु तीनुह कोयु," मेहे ऊंजु दिहरा गावमा भी सुभसंदेश कोयणेन गरज से,काहाके मी इनान कोरता आवलु से।

⁴⁴४४) अने च्यु गलीलन आराधनामा प्रचार कोरतु रोयु।

Chapter 5

¹१) जेतार गरदी तेरे पर ठेपला या करतती ,अने परमेश्वरन वचन हंबवती अती, अने च्यु गन्नेसतन किनारे उभु रोयतोतु , तेतार एहे ओयो ।

²२) के च्यु झीलन किनारे दुय डुंडया लागली देख्यु ,अने मासा मारया तेरे पर देखा उतरीन जाव धुवता अता ।

³३) तीनु नावोमा देखु एक पर ,जी शिमनन अती ,चढीन च्यु तीनुह विनती कोरयु कि किनारे देखा थुडाक छेटा करीन ली चालु ,अने तेतार च्यु बोट गयु ,माणहह नाव मा देखु उपदेश कोयणे बाज्यु।⁴४) जेतार च्यु वातु करलेदु ,तेतार शिमोनोहो कोयु ," उंडलामा लीन चाल ,अने मासा धरनेन कोरीन तारी जाव नाख । ⁵५) शिमोन तीनाहा कोयु ," हे स्वामी आमु आखी रात मेहनत करया अने काहीच जुडयो ,ती भी तारे कोयणेपर जाव नाखीह ।" ⁶६) जेतार च्यु ओहलो कोन्या तेतार खुब हंवटा मासा आव्या ,अने तींदरी जाव फाटणे लागी । ⁷७) इनान कोरता च्या आपणा हाथीह ज्या दिहरी नाव पर ओता ,तीनुह इसारु कोरया ,अने आवीन आमरी मदत करु ,अने च्या आवीन दुयु नाव ये तक भरी की बुडणे लागी ।⁸८) यो देखीन शिमोन पतरस येशुन पायोमा पोडयु ,अने कोयु ," हे प्रभु , मारे हाते देखु जात रोय,काहाके मी पापी माणुह से ।"

⁹९) काहाके ओतरा मासा धरायणे से,तीनाहा अने तेरा हातीहह आश्चर्य ओयो । ¹⁰१०) अने तेहेज जब्दीन पुरया याकुबह भी अने युहन्नाहा भी ,ज्या शिमोनन हाथीह ओता , आश्चर्य ओया ,तेतार येशु शिमनन कोयु, भिहे मा ऐंवी देखु तु माणहह जिवतला धोरहे । ¹¹११) अने च्या नावह किनारा पर लाव्या ,अने च्या आखो छुडीन तेरे फसव चालया।¹²१२) जेतार च्यु एक गावमा ओतु ,ते च्या कुडयाव ओयलु एक माणुह आव्यु ,अने च्यु येशुह देखीन मुयन बुरहे पड गयु ,अने विनती कोन्यु " हे प्रभु तु कधी चाहे ते मेहे सुकु कोर सेकतलु । ¹³१३) च्यु हाथे ओगु कोरीन हात लागाडयु ,अने कोयु" मी कोयोह तु सुकु ओय जा ," अने तेरी कुडयाव बिमारी लगेच जात रोयी।¹⁴१४) तेतार च्यु तीनाहा समज आप्यु ,कुणीह जुण कोये ,पुण तु जाईन याजकह देखाड तारो सुको ओयणेन बारामा ज्यो काय मुसान चढावणे ठरावलो से , तीनाह चढाव के तीनु पर पुराव ओये ।( लैव्या १४:२-३२)¹⁵१५) पुण तेरी चर्चा जादा फेहली गयी ,अने खुब गरदीने गरदी तरो हंबने अने आपणी बिमारिमा देखा हाजा ओयणेन कोरीन टुवु ओया ।

¹⁶१६) पुण च्यु निर्जल जागे अलग-अलग प्रार्थना कोन्या कोरतोतु ।¹⁷१७) एक दिह ऐंहे ओयो की च्यु उपदेश देतु ओतु ,अने फरीसी अने व्यावस्थान माणहे चें बठला अता ज्या गालील अने यहुदान गांवमा देखा अने यरुशलेम देखा आवला अता ,अने चंगाई करनेन कोरीन प्रभुन शकती तेरे हाते ओती ।¹⁸१८) अने देखु काही मामले एक माणहोह ज्यु लखवान बिमारी ओती ,खाटलापर लिन आव्या , अने च्या तीनाह मायला लिजाणे ,अने येशुन सामने मेकणेन कोरता कुसीत कोरता ओता । ¹⁹१९ ) अने ज्या गरदी अयणेन वजे देखा ,मायता नी लीजाय सेकया ,ते च्या घरपर चढीन अने कौला छेटा करीन तीनाहा खाटला भेव विसमा येशुन सामने उतार देण्या ।²⁰२०) च्यु तीदंरु भुरहु देखीन तीनुह कोयु," हे माणहो तारा पाप जमा अया ।" ²¹२१) तेतार शास्त्री अने फरीसी वाद- वाद कोरणे लाग्या," यु कुण से ज्यु परमेश्वरन निंदा ( अपमान ) कारणारु ,परमेश्वरह सुडीन कुण पापन क्षमा कर सेकतलु ?"²²२२) येशु तींदरा मनमायली वात जाणीन ,तीनुह कोयु ,तुमु तुमरा मनमा काय वात विचार कोरतलु ?

²³२३) सीध काय से ? काय यो कोयणेन , के तारा पाप क्षमा अया , के यो कोयणेन के " उठ अने चाल मंग ?

²⁴२४) पुण इनान कोरीन के तुमु जाणे ,के माणहोन पुन्यु धरती पर पापना माफी कोरनेन भी अधिकार से ,च्यु तीना लकवावाला माणहह कोयु," मी तोहो कोयो ,उठ अने तार खाटलु उखलीन तारे घर जा।²⁵२५) च्यु लगेच तींदरे सामने उठयु ,अने जेरे पोर च्यु पोडलु ओतु ,तिनाहा उखलीन परमेश्वरन बोडाई कोरतु - कोरतु तेरे घर जात रोयु।

²⁶२६) तेतार आखा चकित ओया अने परमेश्वरन बडाई करने लाग्या ,अने खुब भिहता जायन कोयणे लाग्या ," आज आमु नी देखली वातोह देख्या ।²⁷२७) अने तेरे बाद मा च्यु बारथे गोयु ,अने लेवी नावन एक वसुली करनेवावाहा वसुलीन चौकीपर बोठलु देख्यु ,अने तीनाहा कोयु," मारा फसव आव ।( चाल)"

²⁸२८) तेतार च्यु आखो काही छुडीन उठयु , अने तेरे फसव गोयु ।²⁹२९) अने लेवी तेरा घरमा तेरे कोरता मेजवानी ( पावणाय) भुलावु मेक्यु अने वसुली करनारान अने दिहरा बाकी माणहोह ज्या तेरे हाते खाणे करता बठला अता, एक मोटी गरदी अती ।

³⁰३०) अने फरीसी अने तेरा शास्त्री तेरा चेलाहा यो कोयीन कुरकुर करता अता ," तुमु वसुली करनारा अने पापी माणहो हाते काहा खातला पितला ?

³¹३१) तेतार येशु तीनुह जवाब आप्यु , डॉ हाजला माणहोन कोरीन नी पुण बिमार माणह गरज से।

³²३२) मी धरमीह नी पुण पापीही मन फिरावणे कोरीन बुलावणे आवलु से।³³३३) अने च्या तीनाहा कोया,योहानन चेला ते बराबर उपवास अने प्रार्थना कोरया कोरतला ,अने तेहेज फरीसीन भी ,पुण तारा चेला ते खातला पितला । ³⁴३४) येशु तीनुह कोयु ,काय तुमु वियाववाला जहा तक नवरदेव तींदरे हाते रोये , उपवास कोरहे काय ? ³⁵३५) पुण च्या दिहे आवहे ,तिनुमा नवरदेव अलग करनेम आवहे ,तेतार च्या तीना दिहोमा उपवास कोरहे।³⁶३६) च्यु एक अवी दाखलु तीनुह कोयु," कानला माणुह नवला लुगडा फाडीन जुन्लो थीगवों नि लागाडे ,जी ते नोवलो फाट जाहे अने च्यो थीगव नवलामा मेव नी खाय ।³⁷३७) अने कुण नवलु हुरु जुंला कुंडामा नी भरे ,नी ते नवा कुंडाह फुड देहे ,अने वय जाहे ,अने कुंडो भी खतम ओय जाहे।

³⁸३८) पुण नवलु हुरु नवला कुंडामा भरनु जुवे ।

³⁹३९) कानलु माणुह जुनलु हुरु पिन नवलु हुरु नी हुदें काहाके च्यु कोयहे जुनलु हाजु ओतु।

Chapter 6

¹१) मग आरमोन दिहमा च्या खेत मायला जाता ओता ,अने तेरा चेला कणहे तुड- तुडीन अने महकीन खाता जाता ओता।( व्या.२३:२५) ²२) तेतार फरीसी मायला काही जण कोया ," तुमु च्यो काम काहा करतला ज्यो ( पवित्र ) आरमोन दिहोमा कोरनु ठिक नीमले ।³३) येशु तिनुह जवाब आप्यु ," काय तुमु यो वाचला निमले , के दाऊदन जेतार च्या तेरा हाथी भुकला ओता तेतार काय कोरलु ?

⁴४) च्यु केहे परमेश्वरन घरमा गया ,अने भेटन रुटु खादला ,जीनुह खाणे याजकह छुडीन दिहरा कुणीही भी ठिक नी ओती ,अने आपणा हाथीहह भी आप्यु । ( लैव्य.२४:५-९ ,१ शामु.२१:६)

⁵५) अने च्यु तीनुह कोयु,माणहन पुरया ( पवित्र) सकत दिहोन भी प्रभु से ।⁶६) अने एंहे ओयो के कानला अंजु सकत दिह च्यु अराधना मा जाईन उपदेश करने लाग्यु ,अने च्या एक माणुह ओतु,तेरु जेवडु हाथ हुकलु ओतु । ⁷७) शास्त्री अने फरुसी तेरे पर दोष ( गुनु ) लागाडीने मोकु हुदता ओता, के देखे के च्यु ( पवित्र ) सकत दिही हाजो कोरतु के नी ।

⁸८) पुण येशु तीनदरा विचारे जाणतोतु ,इनान कोरीन तीना हुकला आथो वाला माणहोह कोयु ,उठ विच मा उभरोय " च्यु उठीन ऊभु रोयु ।⁹९) येशु तीनुह कोयु , "मे तुमुह यो फुसो सकत दिही काय हाजो से,हाजो कोरणु के वाईट कोरनु ,जिव वाचावणु के नाश कोरनु " ¹⁰१०) अने च्यु चारे वखे अने तीनुह आखाह देखीन तीना माणहह कोयु , " तारु हात ओगु कर " च्यु ऐंहे कोरयु तेरु हात फसु हाजु ओय गयु ।

¹¹११) पुण च्या बेकाबु ओयीन एक दिहरा हाते वाद में वादावाद करने लाग्या , के आमु येशुन हाते काय कोरजे ?¹²१२) अने तिना दिहोमा च्या बोयडापर प्रार्थना कोरने निकव्या अने प्रार्थना कोरनेमा आखी रात निकाव्या ।

¹³१३) जेतार दिह उग्यु ,ते च्यु तेरा चेलाहा हादीन तिनुमा देखु बाराहा निवाडयु ,अने तीनुह अने चेला कोयु ।¹⁴१४) अने च्या या से शैमोन ,जेरो नाव पतरस भी मेकलु अने तेरु बाही आंद्रीयास , अने याकुब ,अने युहन्ना ,अने फिलीपुस ,अने बरतुलमै ,

¹⁵१५) अने मन्ती ,अने थोमा ,अने हलफाइसन पुरयु याकुब ,अने शिमोन ज्यु जेलोतेस कवायतलु । ¹⁶१६) अने याकुबन पुरयु यहुदा ,अने यहुदा इस्कारीयोती ,ज्यु तीनाह धरावणे वालु बोण्यु ।¹⁷१७) तेतार च्यु तीनु हाते चौक मा उभु रोयू,अने तेरा चेलान खुब गरदी ,अने आखे यहुदीयान , अने सुर ,अने सैदान समुदरन किनारे खुब माणहे । ¹⁸१८) ज्या तेरी होंबवणे अने ,आपणी बिमारीमा देखा हाजा ओयणे आवला ,अने दुष्ट आत्मान तकलीतमा ओता ,हाजा ओयतोता ।

¹⁹१९) अने आखा तीनाहा सिबणे हुतोता ,काहाके तीनामा देखी सकती निकवीन तीनुह हाजा कोरतोती ।²⁰२०) तेतार च्यु तेरा चेलावखे देखीन कोयु , " धन्य से तुमु ज्या दिनसे काहाके परमेश्वरन राज्य तुमरो से । ²¹२१) धन्य से तुमु ज्या ऐंवी बुखला से ,काहाके तुमु आफरहे ,धन्य से तुमु ऐंवी रोडने बाजरोयाह काहाके तुमु आंहाहोत।( मन्ती ५:४-५भजन संहिता १२६:५-६)²²२२) धन्य से तुमु ,जेतार माणहन पुरयान वजे देखा तुमुह छेड करहे ,अने तुमुह निकाव देहे अने तुमरी

निंदा कोरहे ,अने तुमरो नाव खराब जाणीन निकाव देहे ।

²³२३) तीने दिहे आनंदमा (खुशी) ओयीन कुदजु ,काहाके देखु तुमरे कोरीन स्वर्ग मा मोटो बदलान फव से ,तींदरे डायडायला भविष्यद्वक्ता हाते भी ऐंहेज कोरतोता ।²⁴२४) पुण तुमु पर हाय ज्या धनवान से काहाके तुमु तुमरी शान्ती ली चुक्या । ²⁵२५) हाय तुमु पर ज्या एंवी आफरला काहाके भुखला रोयहोत ,हाय तुमु पर ज्या एंवी आंहताह ,शोक करहो अने रोडहो ।²⁶२६) हाय तुमु पर जेतार माणहे तुमुह भुवा कये काहाके तींदरा डायला भविष्यद्वक्ता हाथे भी ओहलोजु कोरता ओता ।²⁷२७) पुण मी तुमु होबवणाराहा कोयतलु के तुमु तुमरा दुस्मनह भी किव करो अर्थात ( मोंग करो )। ²⁸२८) ज्या तुमुह हराप देय ,तीनुह आशीष आपु ,ज्या तुमरो अपमान करे तींदरे कोरीन प्रार्थना करु ।²⁹२९) जु तारा गाल पर थापुड देय ,ते वखे दुहरु गाल अगव करु ,अने जो तारो चादरो सांडाड ते तीनाहा डोगलो भी आप देयु।

³⁰३०) ज्यु तार पाह मांगे तीनाह आपदे ,अने जी वस्तु सांडाडलेय,तेरपाह मा मांगे।³¹३१) अने जोहलो तुमुह लागे , के मातहतों हाते करे तोहलो तुमु भी तीनु हाते कोरु । ³²३२) "अगर तुमु आपणा मोंग कारेणारा हाते मोंग राखु ,तेतार तुमरी काय बडाइ ? काहाके पापी माणहे भी आपणा मोंग कोरणारा।

³³३३) अने अगर तुमु आपणी भलाई करणारा हाते भलाई करता ओहे तेतार तुमरी काय बोडाई काहाके पापी माणहे भी ऐंहें कोरतला ।

³⁴३४) अने अगर तुमु तीनाहा उधार आपे तेरपा तेतार फस जुडणेन आसा राखतला ते तुमरी काय बोडाई? काहाके पापीह पापीह उधार आपतलु के तोतरोज फोव जुडे ।³⁵३५) पुण आपणा दुसमनो पर मोंग कोरु ,अने भलाई करु ,अने फसो जुडे यो आसा मेकीन उधार मा आपु ,अने तुमरे कोरता मोहे फव से,अने तुमु परमप्रधानन पुरया ठरायहे कोवायहे काहाके च्यु तीनु पोर ज्या धन्यवाद नी कोरतला अने बुराई भी कोरनानारान उपर कृपा कोरतलु ।( वैश्या .२५:३५-३६,मती ५:४४:४५)

³⁶३६) जेहे तुमरु बाह दयावंत दयावालु से,तेहे तुमु भी दयावाला बोणु ।³⁷३७) गुणु मा लागाडू ,ते तुमु पर भी गुणु नी लागाडे ,गुनेगार मा ठरावु ,ते तुमुह भी गुनेहगार नी ठरावे,माफ करु ते तुमुह भी माफ करने आवहे।³⁸३८) आपु ते तुमुह भी आपणे आवहे ,माणहे पुरो माप दाब दाबीन अने हालवी हालवीन अने भरभरीन तुमरा खुवामा नाखहे काहाके जीना मापो कोरीन तुमु मापहे तीना मापो कोरीन भी मापणेम आवहे ।³⁹३९) तेतार च्यु तीनुह एक दाखलु देखाडयु " काय आंधवाहा आंधवु वाट देखाडहे के ? काय च्या दुयु खा खाडडा मा नी पोडे के।

⁴⁰४०) चेलु आपणा गुरु देखु मोटु नीमले ,पुण ज्यु कुण खरु से च्यु आपणा गुरु सारखु रोयहे ।⁴¹४१) तु तारा बायहन डुवा मायन कुचरु काहा बावतलु ,अने खुदन डुवा मायलो खिल्प तंह नी समझजती । ⁴²४२) अने जेतार तु तारा डुवामायन खल्प नी देखतु ते तारा भायहह केहे कोय सेकतलू ,हे भाइहो थामजा तारा डुवा मायलो कुचरु निकाव देव ? हे कपटी ,पेहले तारा डुवामायलो खल्प निकाव ,तेतार ज्यु तारा बायहन डुवामा कुचरु से,हाजेहुते देखीन निकावी देहे ।⁴³४३) कानलो हाजो झाडनी ,रिकामो फली लावे ,नी ते कानलो रिकामो झाड हाजो फव आपे । ⁴⁴४४) हर झाड आपण फव देखो उवखाय जाहे काहाके माणहे झाडयाटा मा अंजीर नी तुडतला ,अने नी काटावी बुर मा दराक्षा।⁴⁵४५) भोलो माणुह अपणा मनन भुला भंडारमा खराब वात निकावतलु ,अने बुरु ( खराब) माणुह अपणा भंडारमा खराब वात निकावतलु ,काहाके ज्यो मनमा बोरायलो च्योज तेरा मुयमा आवतलं।⁴⁶४६) जेतार तुमु मार कोयणे मानतला , ते काहा मेहे हे प्रभु हे प्रभु कोयतला ।( मला.१:६) ⁴⁷४७) ज्यु कुण मार पाह आवतलु ,अने मारीवात होंबीन मानतलु मी तुमुह कोयीन आपो च्यु कुणी सारखु ?

⁴⁸४८) च्यु तीना माणहो सारखु से,ज्यु घर बणावणे टेमे जमीन उंडी खंदीन वातडामा पायु नाखलु अने खुदरु आव्यु , तेरो पाणी तीना घरह लाग्यो पुण च्यो हालवी नी सेक्य ,काहाके च्यो पक्को भणलो आतो ।⁴⁹४९) पुण ज्यु हंबवीन नी मान्यु ,च्यु तीना माणहो सारखु से, ज्यु कादवमा बिगर पायान घर बांधलु ,जेतार तेरे पर पाणीन धार लागी ,तेतार च्यो लगेच पोड गोयो, अने च्यो पोडीन सत्यानाश ओय गोयो ।

Chapter 7

¹१) जेतार च्यु माणहह आखी वात हंबवाडयु तेतार कफरनहुम मा आव्या ।²२) अने एक कानल सुबेदारन सेवक ज्यु तीनाहा खुब आवडतु अतु बिमार ओतु ने मरने मा ओतु । ³३) च्यु येशुन बारामा होंबवीन यहुदीयान काही सानला यी विनती कोरने कोरीन तेर पा मुकल्यु के आवीन मारा सेवकह हाजु कोरे ।

⁴४) च्या येशुपा आव्या तीनाह खुब विनती कोरीन कोया ," च्यु योग्य सेके तु तेर कोरीन यो कोरे । ⁵५) काहाके च्यु आमरी जाती पोर मोंग कोरे ,अने च्यु आमरी आराधनान घर बणावलु से ।⁶६) येशु तिंदरे हाते - हाते गोयु पुण च्यु जेतार घर देखु सेटु नी ओतु ,तेतार सुबेदार आवीन काही साथीह देखु कोईन मुकल्यु , " हे प्रभु दुःख मा उठावे ,काहाके मी एर योग्य नीमले , के तु मार धरमा आवे ।

⁷७) इना वजेसी मी खुदह इन योग्य भी नि समझ्यु , के तारे पाह आवो पुण वचनुज कोयदे के मारु सेवक हाजु ओय जाय ‌

⁸८) मी भी परायान आधीन से,अने सीपाही मार हाथ मा से ,अने एकाहा कोयतुलु " जा" ते च्यु जातलु ,अने दुहराहा कयतलु सा ते आवतलु ,मारा सेवकह कोयतलु यो कर ते तिनाहा कोरतला ।"⁹९) यो हंबवीन येशु आश्चर्य ओयु , अने च्यु मुय फिरवीन तीनी गरदीह ज्या तेरे फसव आवता ओता कोयु ,मी तुमुह कोयो के इस्त्राइल मा भी ओतरु विश्वास देख्यु । ¹⁰१०) अने ज्या मुकल्ला सेवक धर गया ,तीना सेवकह हाजलु देख्या ।¹¹११) थुडाक दिहोन बादमा च्यु नाईन नावन नगरमा ( गावमा) गोयु ,अने तेरा चेला ,अने मोटी गरदी ,तेरे हाते जाती ओती ।

¹²१२) जेतार च्यु गावन फाटक पा पुच्यु,ते देखु माणहे एक मरलाहा लिन जाता अता ,च्यु तेरी आयीन एकुज पुन्यु ओतु ,अने ची रंडायली ओती ,अने गांवन खुब माणहे तेरे हाथे ओता ।

¹³१३) तीनाहा देखीन येशुन किव आवी ,अने च्यु कोयु ,मा रोडे।

¹⁴१४) तेतार च्यु हाथे आवीन डुलीह आथ लागाडयु , अने लिजाणारा थाम गया , तेतार च्यु कोयु , ये जुवाज्या मी तोहो कोयोह उठ।

¹⁵१५) तेतार च्यो मरलो उठोन बठ गयो , अने बुलने लाग्यो अने च्यु तिनाहा तेरी आई ही आप देण्यु।¹⁶१६) इनासे तीनु आखामा भिक बराय गई , अने च्या परमेश्वरन बडाई कोरीन कोयणे बाज्या , आमरा विचमा एक मोटु भविष्यवक्ता उभु से अने परमेश्वर तेरा माणहोपर कृपान नजर मेकलु से। ¹⁷१७) अने एर बारामा आखा यहुदान अने आस पासन आखा देसोमा पसरी गयी¹⁸१८) अने युहन्नाहा तेरा चेला इनी वातन समाचार ( खबर ) आप्या।

¹⁹१९) तेतार योहान तेरा चेलामा देखु दुय चेला बुलाडीन प्रभु पा यो फुसने मुकल्यु के आवणे वावु तु से के आमु कानला दुहरान वाट जुवजे ।

²⁰२०) च्या तीनापा आवीन कोया ," योहान बाप्तिस्मा आपणेवावु यो फुसणे मुकल्यु के काय आवणे वावु तु से के दिहरान वाट जुवजे?²¹२१) तीनी टेमे च्यु खुब बिमार अने पिडामा अने दृष्ट आत्मामा निकावलु अने खुब आंधवा देखता ओयला । ²²२२) अने च्यु तीनुह कोयु जोकाय तुमु देखला अने हंबवला से योहान जायन कोयु , के आंधवा देखतला ,अने लेगडा चालतला कुडाव सुदध ओयतला बहरा हंबवतला,मरला जिवता ओयतला ,अने कंगालह सुसमाचार हंबरवाणे मा आवतला ।( यशायाह ३५:५-६, यशायाह ६१:१)

²³२३) धन्य से ज्या मार वजे देखा ठुकरा नी खाय ।²⁴२४) जेतार योहानन मुकल्ला माणहे जात रोया ,तेतार येशु योहानन बारामा कोयु ," तुमु जंगल मा काय देखणे गोयला ? काय हवा हलव तलो हुटयो ? ²⁵२५) ते तुमु काय देखने गोयला ? काय नरम कपडा पेरला माणुहह देखु ज्यु हाजला लुगड़ा पेरतलु अने सुख विलासमा रोयतलु च्या राज भवन रोयतला । ²⁶२६) ते तुमु काय देखणे गोयला ? काय कानला भविदद्वक्ताहा ? हव मी तुमुह यो कोयतलु पुण भविष्यवक्ता देखु मोटाहा ।²⁷२७) यु च्युज से जेर बारामा लेखलो से,देखु मी मारा दुतह अगव- अगव मुकलो ,ज्यो मारो मार्ग ( वाट) सुधारे ।( मला३:१ यशायाह ४०:३)

²⁸२८) मी तुमुह कोयो के ज्या बाईन देखा जन्म आवला से ,तीनुमा योहान देखो मोटु नी पुण परमेश्वरन राज्य मा आयतामा आयतु से,च्यु तीना देखु मोटु से।²⁹³⁰२९) अने आखा साधा माणहे होंबवीन अन वसुली करनाराहा भी योहानन बाप्तिस्मा परमेश्वरह खंर मानयलो ।३०) पुण फरीसी अने व्यावस्थापक भी तीनापा बाप्तिस्मा लिन परमेश्वरन मनसा तींदरे विषयमा टाव देनला से।³¹३१) अता मी इन युगन माणहन आमा कुणीह आपो ,च्या कुणी सारखा से? ³²३२) च्या तीना पुरया सारखा से ज्या बजार मा ( हाट) मा बोणीन एक दिहराहा आयडीन कोरता ओता ,आमु तुमरे कोरता पावी वाजाडन्ला ,अने तुमु नी नाच्या ,आमु विलाप कोरता पुण तुमु नी रोडया ।³³३३) काहाके योहान बाप्तिस्मा आपणेवावु रुटु नी खातु ओतु ,नी हुरु पितु ओतु ,अने तुमु कोयतला तीनामा दुष्ट आत्मा से। ³⁴३४) माणहन पुरयु खातु - पितु आवलु से,अने तुमु काय कोयतला ,देखु खावरु अने पिणारु माणुह वसुली करनारा अने पापीन दुस्ती । ³⁵३५) पुण ज्ञान आपणा आखा पुरयापर खंर ठरवायलो से।³⁶३६) मग एक फरीसी तीनाहा विनती कोरलु के मार हाते खाणो खा अतः च्यु तीना फरीसीन घर खाणे बठयु । ³⁷३७) चे तीना गावमा एक पापी बाई यो जाणीन के च्यु फरीसीन घर खाणे बोठलु से संगमरमरन बाटलीमा इत्र लीन आवी। ³⁸३८) अने तेरा पायो पाह फसव उभरोयीन रोडती ओती ,तेरा पायोहो भिगवीन अने तेरा जुटा कोरीन नुसने बाजगयी ,तेरा पाय चुमीन इत्र कोरीन बार- बार महकी ।³⁹३९)यो देखीन च्या फरीसी ज्या तीनाहा हादला ओता ,आपणा मनमा सोचता ओता ,अगर यु भविष्यवक्ता ओयतु ती यो जान लेतु के यी जी इनाहा हाथ लागाडणे बाज रोयीह यी बाई कुण से अने कोहली बाई से ? काहाके यीते पापी से। ⁴⁰४०) येशु यो समजीन तीनुह जवाब आप्यु ,हे शिमोन मेहे तोहो काही कोयणु से,च्यु कोयु हे गुरु कोय।⁴¹४१) कानला माणहोन दुय आपणेवावा ओता एकात पाच हव अने दुहरान पन्नास दिनार ( रुपया ) आपणेन ओता ।

⁴²४२) जेहे के तीनुपा आपने काहीच नी ओतो ,तेतार च्यु दुयह माफ कर देन्यु , अतः तीनुमा कानलु तीनाहा किव कोरहे ? ⁴³४३) शीमोन जवाब आप्यु ,मार समझमा च्यु के जीना पाह हंवटो सुट करलु ,च्यु तीनाहा कयु " तु ठिक विचार कोरलु से।⁴⁴४४) तीनी बाई वखे फिरीन च्यु शिमोनह कोयु ," काय तु इनी बाईही देखतलु ? मी तारे घरमा आवलु बाकीन पाय धुवणे पाणी नी आप्यु ,पुण यी मारा पायह आहवा कोरीन भिगवीन तेरा जुटा कोरीन नुसली ।( उत्पत्ति १८:४)

⁴⁵४५) तु मेहे गुवु नी पुण जेतारेन मी ये आवलु से यी मारा पायह गुवु देणे नि सुडी⁴⁶४६) तु मारा मुंढो पर तेल नी लागाडयु ,पुण यी मारा पायोपर इत्र थाबली से।( भजन संहिता २३:५) ⁴⁷४७) इनान कोरता मी तोह कोयो के एरा पाप खुब ओता ,क्षमा ओया ,काहाके यी खुब किव कोरली ,पुण जेरो थुडक माफ ओयलो , च्यु थुडक किंव कोरतलु।⁴⁸४८) अने च्यु तीनीह कोयु तारा पापे माफ ओया ।

⁴⁹४९) तेतार माणहे खाणे बोठया ,अने आपणे अपणे मनमा सुचणे लाग्या , " यु कुण से ज्यु पापोह भी माफ कोरतलु" । ⁵⁰५०) पुण च्यु बाईही कोयु ," तारु विश्वास तोहो वाचाड लेदलु से,आराम से जात रोय।"

Chapter 8

¹१) एर बादमा च्यु नगर नगर शहर गांव गांव प्रचार कोरतु अने परमेशवर राजन वात होबवाडतलु फिरतु अतु आने च्या बारा लेर हाथेओता।

²(२) अने काही बाया भी दुष्टात्मा मा अने बिमारी मा देखा छुटला ओता अने च्या या से मरियम जी मगदलीनी कोवायतली तिनी मा सात दुष्टात्मा निकवली ओती ³३)अने हेरोदेसन भंडारी ज्यु खोज करनारान लाडी योअन्ना अने सुसन्नाह अने खुब हंवटा बायरा या तीदंरा संपत्ती देखा तेरी सेवा करती ओत्यु ।⁴४) जेतार खुब मोटी गरदी इकठी ओयी अने नगर नगर माणहे तीनुपाह आवता ओता,ते च्यु दाखला मा कोयु । ⁵५) एक बीज उरने वावु उरने निकव्यु ,उरते उरते काही थुडाक दाणा वाटे धोडे पोडया ,अने रंदवाय गया , अने आकाश मा देखा चिढा आवीन च्या चुटीन खाय गोया । ⁶६) अने थुडाक दगडामा पोडया , अने उग्या ,पुण नरमाय ओयने देखा हुक गया ।⁷७) थुडाक झाडन विसमा पोडया , अने झाडोन हाते वाडया च्या वणसाय गया ।

⁸८) अने थुडाक हाजला जागामा पोडया ,उगीन सोव गुणा फव लाग्या , "यो कोयीन च्यु उचा शब्बमा (आवाज मा )" जींदरा होबंवणेन कान ओये ते च्या हंबवी लेय ।⁹९) तेरा चेला तीनाहा फुच्या ," इना दाखलान मतलब अर्थ काय से ?

¹⁰१०) च्यु कोयु तुमुह परमेश्वर राज्यन भेदह समजणे आपलो से, पुण उंजु दाखलामा ,हंबवावणेमा आवतलो से, च्या देखीन भी नी देखे ,अने हंबवीन भी नी समझे ।( मन्ती ४:११, यशायाह ६:९-१०)¹¹११) दाखलान आर्थ यो से ,बीयारु यो भोगवान वातोह से ।

¹²१२) वाटेन धडी च्या या से ज्या हंबतला ,तेतार बुतडु आवीन तीदंरा मनमायलो वात काढ लिजातलु के ओहलो नी ओये च्या बुरहु कोरीन तींदरा उदधार ओय जाय । ¹³१३) दगडा पर पडला च्या या से ,जेतार हंबवतला खुशी देखा वचनह सीकार लेतला ,पुण मुवे नी बरायणे देखा च्या थीडीक वार तक बुरहु मेकतला ,अने परिवर्तन ( पाखन ) टेमें सुड देतला ।¹⁴१४) च्या झाडोमा पोडला ,च्या या से खुशी मा बुल होंबवला करतला ,पुण ज्या हंबवतला,पुण अगा चालीन चिंता अने धन अने जीवनन सुखमा फस जातला ,अने तेरा फव काय नी लावतलो । ¹⁵१५) पुण हाजले जागामाय या सेके ज्या वचन हंबवीन बुवा अने हाजा मन देखा होंबवीन रोयतला ,अने धीर धरीन फव लावतला ।¹⁶१६) कुण दिवु लागाडीन रासन निचे नि ढाकतलु ,अने नी खाटला निचे मेके ,पुण दिवु मेकणे खुला जागे मेके के मायतो आवणेवालाहा उज्जाव जुडे । ¹⁷१७) कायी लिकायलो नींबे जो सामने नी आवे ,अने नी आढव लीकायलो से ज्यो सामने नी आवे। ¹⁸१८) इनान कोरीन हशारीमा रोयु ,के तुमु कानली रीते हंबवतला? काहाके जीना पाह से ,तीनाहा आपणेमा आवहे ,अने जीना पाहा निमले ,तीना पाहलो मांगलेणेमा आवहे ,जीनाह च्यु तेरो समजतलु।¹⁹१९) तेरी आई ने बायहे तेरे हाथे आव्या , पुण गरदीन वजे देखा नी मीवाया । ²⁰२०) अने तीनुह कोयणेम आंवलो, " तारी आईन तारा बायहे बारथे उभ रोयाह ,तोहो मीवायणे आवे । ²¹२१) च्यु जोवाब मा तीनुह कोयु, " मारी आई अने बायहे याज से,ज्या परमेश्वरन वचन हंबवतला अने मानतला ।²²२२) मंग एक दिह च्यु अने तेरा चेला नावपर चढया ,अने च्यु तीनुह कोयु," आवु अने तीने टेके चाला ," च्या नाव सुड देन्या । ²³२३) पुण जेतार नाव जातोती ,तेतार च्यु हुव गयलु ,अने पाणी पर वादुण आव्यु , अने नावोमा पाणी भोरायणे लाग्यो ,अने च्या तकलीफ मा अता ।²⁴२४) तेतार च्या तीनाहाते आवीन जागाडया ,अने कोया," स्वामी स्वामी आमु बुढणे बाजरोया ,अने च्यु उठीन वादुणोह अने पाणीन झेलखाहा जुल्यु ,अने च्या थाम गोया ,अने शांत ओय गोया । ²⁵२५) अने च्यु तीनुह कोयु, तुमरु विश्वास का से? पुण च्या भिह गोया ,अने अचंभ कोरीन एक दिहराह कोयणे लाग्या,यु कुण से ज्यु वादुण अने पाणीह भी आज्ञा आपतलु ,अने च्या एरो मानतला ।²⁶२६) फसा च्या गिरासे नियान देसोमा पुच्या ,ज्यो तीने टेके गलीन सामने से । ²⁷२७) जेतार च्या किनारापर उतर्या ते तीना नगरन एक माणुह तीनाह मिवायु तीनामा दुष्ट आत्मो ओतो ,अने खुब दिहोन लुगडा नी पेरयु ओतु ,अने नी घरमा रोयतु ओतु ,पुण मटटयामा रोयतोतु ।²⁸२८) च्यु येशुह देखीन आयडयु ,अने तेरे सामने पोडीन मोटे मोटे आयडीन कोयु, हे परमप्रधान परमेश्वरन पुरया येशु ! मेहे तार हाते काय काम ,मी तोहो रावण्या कोरो,मेहे तरास मा देय। ²⁹२९) काहाके च्यु तीना अशुदध आत्माह तीना माणहोमा देखु निकवणे आज्ञा आप्यु ,इनान कोरता के च्यो तीनाह बार बार तरास देती ओती , अने माणहे तिनाह हाकव अने बेडया लागाडता अता ,तेभी च्यु तीनुह तुड नाखतु ओतु , अने दुष्ट आत्मा जंगल मा ,लीन फिर तोती ।³⁰३०) तेतार येशु तीनाह फुच्यु ,तारो नाव काय से ? च्यु कोयु , " सेना " काहाके खुब हंवटा आत्मा तिनामा बरायला ओता ।

³¹३१) अने च्या तीनाहा विनती कोन्या " आमुह खुब मोटा खडडा मा जाणेन मा कोये "³²३२) च्या पहाडमा हुंबरयान टुवु चरतु ओतु ,च्या तीनाहा विनती कोरया के " आमुह तिनुमा बरायणे दे ," च्यु तीनुह जाणे देन्यु । ³³३३) तेतार दुष्ट आत्मा तीना माणहोमा निकवीन हुंवरयामा बराय गई, अने च्यु टुवु किराडा मा आसटायन पाणी मा पोडीन बुडीन मर गयु।³⁴३४) गुवाव्या यो देखीन दोवडी पोडया , अने सहर मा अने गावमा ,जाईन तेर खबर करया । ³⁵३५) अने माणहे यो ज्यो ओयलो ,च्यो देखणे गोया ,अने येशु हाते आवीन जीना माणहोमा दुष्ट आत्मा निकवली अती ,तेर पायो पाह आवीन लुगडा पेरलु अने ठावकुज बठ रोयलु देखीन भी गोया ।³⁶३६) अने देखनेवाला तीनाह कोया , के दुष्ट आत्मान तरास खादलु ओतु , च्यु माणुह केहे कोरीन हाजु ओयु ।

³⁷३७) तेतार गिरासेनीयान आसपासन आखा माणहे येशुह विनती कोरने लाग्या ,कि आमरे या देखु जात रोय,काहाके तीनुह खुब भीक भराय गई , अतः च्या नावोपर बोठीन जात रोया ।³⁸३८) जीना माणहोमा दुष्ट आत्मा निकवली ओती ,च्यु तीनाहा विनती कोरयु कि मेहे तार हाते रोयणे दे ,पुण येशु तीनाहा वाटे लागाडीन कोयु ।

³⁹३९) तार घर जा अने माणहह कोय, के परमेश्वर तारे कोरीन केहे मोटा मोटा काम कोरलु से, च्यु जाईन आखा सहर मा प्रचार कोरयु के ये मारे कोरीन केहे मोटा मोटा काम कोरलु।⁴⁰४०) जेतार येशु जातु ओतु,ते माणहे तीनाहा खुशी मा तेरे हाते मिवाया ,काहाके च्या आखा तेरी वाट जुवता अता । ⁴¹४१) अने देखु याईर नावोन एक माणुह ज्यु आराधनान सरदार ओतु आव्यु ,अने येशुन पाया पोडयु विनती कोरयु " मार घर चाल " । ⁴²४२) काहाके तेरी बारा वरहन एकली सुरी ओती ,अने ची मरनेमा ओती जेतार येशु जातु ओतु ,तेतार माणहे तेर पोर पडला ओता ।⁴³४३) अने एक बाई तीनीहि बारा वरहन खुन वयणेन बिमारी ओती , अने तेरी आखी जीवनन कमाई डॉ फसव लागाड देनली ओती अने तेभी ची हाजी नी ओयी । ⁴⁴४४) फसव आवीन येशुन कपडा हाथ लागाडीन ,अने लगेच हाजी ओय गोयली लुय वयणे बंद ओय गोयला ।⁴⁵४५) एर पर येशु कोयु ,मेहे कुण हात लागाडलो ? जेतार आखा वसरने बाज गयला तेतार पतरस अने तेरा हाथीह कोया " स्वामी तोहो ते गरदी मा दाबयणे बाज रोयाह, अने तारे उपर आवीन पोडताह । ⁴⁶४६) पुण येशु कोयु ,कुण तोरी मेहे हाथ लागाडलो से,काहाके मी जाण लेदलु से के मारे मा देखी शकती नीकवली से।⁴⁷४७) जेतार बाई देखी के मि लीकाय नी सेकतली ,तेतार कापती जाईन आवी अने तेरा पायो मा पोडीन आखा माणहोन सामने कोई के मी इन वजे से ,तोहो हाथ लागाडली ,अने केहे हाजी ओय गोयली । ⁴⁸४८) येशु तीनीह कोयु," बेटी तारु विश्वास तोहो हाजु कोरयु आरामसी जा ।⁴⁹४९) यो कोयतु ओतु ने कुण एक आराधना सरदारन ये देखो आवीन कोयो ," तारी सुरी मर गई गुरुह तकलीप मा देय। ⁵⁰५०) येसु यो होबवीन जबाब आप्यु ," भिये मा आमीव विस्वास मेक ( कर) तेतार ची सुरी वाच जाहे ।⁵¹५१) घर मा आवीन येशु अने योहान अने याकुब अने सुरीन आई बाबु इनुह सुडीन दिहरा तेरा घरमा नी आवणे देण्या ।

⁵²५२) अने आखा तेरे कोरता रोडता ओता ,येशु तीनुह कोयु,रोडुमा यी मरी नीमले पुण हुवणे बाज रोयीह " ⁵³५३) च्या यो जाणीन के मर गयली से तेरु मजा करने अने आहणे बाज गया ।⁵⁴५४) पुण येशु तेरु हाथ धोर्यु अने आयडीन कोयु "ये सुरी उठ "

⁵⁵५५) तेतार तेरु जीव वव गयु, अने ची लगेय उठी फसु येशु आज्ञा आप्यु के इनीह आमीव खाणे आपु । ⁵⁶५६) तेरा आई बाबु चकीत ओया ,पुण येशु तीनुन सावधान कोरीन कोयु के यो ज्यों ओयलो से कुणीह जुण कोयता।

Chapter 9

¹१) येशु बारा चेलाहा बुलाडीन तीनुह आखा दुष्ट आत्मा अने बिमारी हाजा कोरने कोरीन शक्ती अने अधीकार आप्यु।

²२) अने तीनुह परमेश्वरन राजन प्रचार करने अने बिमारी हाजा कोरने मुकल्यु।³३) अने येशु तीनुह कोयु , वाटेमा कांहीज जुण लेता , नीते लाकडु नी झुंवो नी रूटु नी पयहा नी दुय दुय कापड़ा।

⁴४) अने जीना कुणीन घर तुमुह थामाड़े चे रोयु , अने चे देखा नीकवी जावु।⁵५) ज्यु कोण तुमरू स्वीकार नी कोरे (आधर) तीना शहर मा नीकवीन आपणा पायोन रजडु झटकी लेजु , के तीनुपर गवा रोयहे। ⁶६) अत: च्या निकवीन गांव - गांव सुसमाचार करता अने हर जागे माणहोह हाजा कोरता फिरता गया।⁷७) अने देसोन चार खुणान राजा हेरोदेश , यो आखो हंबीवीन घाबराय गोयु काहाकी कोतरा माणहे कोया के योहान मरलाम देखु जीवतु ओयलु से। ⁸८) अने कोतरा यो कोया , के एलीया देखायलु से, अने काही यो कोया की पेला भविष्यवक्ता देखु एक जीवतु ओयलु से। ⁹९) पुण हेरोदेस कोयु , योहन्ना ते मी मुंड तुडाव देलु , एवी यु कुण से जेरा बारामा यी वात हंबवह , अने राजा तीनाहा देखणेन कोयु।¹⁰१०) तेतार चेला आवीन ज्यो काय च्या कोरला ओता , राजाहा कोया , अने च्यु तीनुह अलग करीन बेतसेदा नावन एक नगरमा ली गयु। ¹¹११) यो जाणीन गरदी तेरे फसव गोयी ,अने राजा खुशीमा चेलाहा मिवायु ,अने तिनुहाते परमेश्वरन राजन वात कोरयु ,अने ज्या हाजा ओयणे ओता तीनुह हाजा कोरयु ।¹²१२) जेतार दिह ढव गयु तेतार बारा चेला आवीन तीनाहा कोया " इनी गरदी जाणे दे ,चारो वखे जाईन गांव अने वहतीमा जाईन सातान कोरीन रयणे जागु अने खाणा खाणे बंदोबस करे ,काहाके आमु सुनसान जागामा से । ¹³१३) येशु तीनुह कोयु" तुमु इनुह खाण आपु ," चेला कोया ,आमरे पा पाच रुटा अने दुय मासा से ओवी काई नीमले ,पुण अगर आमु जाईन इनु माणहोन कोरीन वेचातो खाणे लावे ते ओय सेकतलो ‌।

¹⁴१४) काहाके च्येहरी कमसीकम पाच हजार माणहे ओता ,अने येशु चेलाहा कोयु ,,इनुह पचास पचास कोरीन रागेमा बडाड देयु ।¹⁵१५) चेला तेहेज कोरया ,अने आखाहा बोठाड देण्या ।

¹⁶१६) तेतार येशु पाच रुटा अने दुय मासा लेदु ,अने सरग वखे बावीन धन्यवाद कोरयु ,अने मुडी- मुडीन चेलाहा आपतु गोयु , अने माणहह वाटता गयु ।

¹⁷१७) तेतार आखा खाईन पेट भराय गोयो अने उगरला रुटान टुकडा बारा मुहका बराया ,।( २ राजा ४:४४)¹⁸१८) जेतार येशु एखलु प्रार्थना कोरने गोयु तेतार चेला तेर हाथे ओता तेतार येशु तीनुह फुशु माणहे मेहे काय कयतला ? ¹⁹१९) चेला जवाब आप्या युहन्ना बाप्तिस्मा आपणारु कुण कुण एलीयाह अने कुण कोयु के जुनला भविष्यद्वकता मायन कानलु जीवतु ओयलु से"²⁰२०) येशु तीनुह फुशु " पुण तुमु मेहे काय कोयतला ? पतरस जवाब आप्यु , परमेश्वरन मसीहा । ²¹२१) तेतार येशु तीनुह चेताडयु ,अने कोयु " यो कुणीह जुण कोयता। ²²२२) अने येशु कोयु माणहन पुरया ह जरुरी से के येशु खुब दुख उठावे ,अने पुजारा मुखी याजक अने शास्त्री येशुह तुच्छ जाणीन मार नाखे अने येशु तीसरे दिह जीवतु ओयहे "²³२३) येशु आखाह कोयु ,अगर मारे फसव आलणे हुदे ,ते खुदह इन्कार करे दाडीन दिहे आपणु क्रुस उखलीन मार फसव आवे ।

²⁴२४) काहाके जु कुणी जीव वाचाडने कोरहे च्यु तीनाहा खुव देहे पुण ज्यु कुण मारे कोरीन आपणु जीव खुवे च्युज वाचहे । ²⁵२५) अगर माणुह आखो जग पावलेय ,अने आपणु जीव खुव देय किंवा नुकसान उठावे ,ते तीनान काय लाभ²⁶२६) ज्यु कुणी मारसी अने मारी वातो देखु लाजवायहे ,माणहन पुरयु भी तेरी महिमा अने पीतान महिमा अने स्वर्ग दुतोन महिमा मा आवहे तेतार लाजवायहे । ²⁷२७) मी तुमुह खंर कोयो ज्या चहारी उभा से इनुमा ओहलो से के जा तक परमेश्वरन राज्य नी देख लेय तहा तक मौत नी देखे²⁸²⁹२८) इनी वातोन काही आठ दिहमा येशु पतरसह अने युहन्ना अने याकुब अने तेरा कपडा सफेद ओयीन चमकणे लाग्या । २९) जेतार प्रार्थना कोरने बाजरोय ओतु ,तेतार तेरु रुप बदली गई अने तेरा कपडा सफेद ओयीन चमकणे लाग्या ।³⁰३०) तेतार मुसा अने एलीया या दुय जण तेर हाथे वात करता ओता ।

³¹३१) या तीनु चेलाहा खरा देखाय पडया ,अने येशुन मोरनेन चर्चा कोरता ओता ,जी यरुशलेम मा ओयणे वाली ओती ।³²३२) पतरस अने तेरा हातीह नींद मा ओता अने हसकरीन जाग आवी ते तेरी महिमा अने दुय जण ज्या येशु हाते उभ रोयला देख्या ।

³³३३) जेतार चेला येशु हाते गया ,तेतार पतरस येशुह कोयु ,हे स्वामी आमरो या रोयणे भलो से, अतः आमु तीन मंडप बणावजे एक तार कोरीन एक मुसान कोरीन अने एक एलीयान कोरीन येशु जाणतु नी के काय कोयणो बाजरोया ।³⁴३४) च्या यो कोयता ओता के वादवो आवीन उपर सांवाय गयो जेतार च्या वादवा पोर देखा पोडणे लग्या ,ते च्या भीह गया ³⁵।३५) अने तीना वादवामा देखु आवाज आव्यु ," यु मारु पुरयु अने मारु निवडलु से,एरो हंबवु ।( २ पतरस १७:१८, यशायाह ४२:१) ³⁶३६) यो शब्द यते येशुह एकलु देख्या ,अने च्या ठावका ओय गोया ,अने जो काय देखला ओता ,तेरी वात तीना दिहोमा कुणीह नी कोया ।³⁷३७) अने दिहरे दिह जेतार च्या पहाड पर देखा उतरयु तेतार एक खुब मोटी गरदी मिवायी । ³⁸३८) तेतार गर्दी मा देखु एक जण आयडीन कोयु, हे गुरु मी तोह विनती कोरो की मारा पुरया पर क्रपा दृष्टी कर काहाके च्यु मारु एकुलतु एक पुरयु से ³⁹।३९) अने देख दृष्टशक्ती तीनाहा हारतली , एने च्यु एकाकी आयडी पोडतलु ,अनु च्यु तीनाहा एंहे मोहकतली की मुय मा फेदरो आव जातलो ,अने तीनाहा कुचणीन छुड देतली ।

⁴⁰४०) अने मी तारा चेलाहा विनती कोरलु , के तीनीह निकाव पुण च्या नी निकाय सेक्या ।⁴¹४१) येशु जवाब आप्यु,हे अवीश्वासी अने कठीन माणहो मी केतार तक तुमु हाते रोयीह ,अने तुमुह सहन कोरीन ? तारा पुरयाहा याहरी लाव । ⁴²४२) च्यु आवतु ओतुन दृष्टी शकती तीनाहा आसटीन मोहकी ,पुण येशु तीनी दुष्टसकतीह जुलयु ,अने पुरयाहा हाजो कोरीन तैराई बाबाहा होप देन्यु ।⁴³४३) तेतार आखा माणहे परमेश्वरन महासामर्थ देखीन आश्चर्य कोरया ,पुण आखा माणहे तीना आखा कामो दोखा ज्यो येशु कोरतलु , अचंभा कोरता ओता ,तेतार येशु तेरा चेलाहा कोयु । ⁴⁴४४) यी वात तुमरा कानो मा पोड रोये ,काहाके माणहन पुरया माणहन आथमा धरायणेमा आवहे । ⁴⁵४५) पुण चेला इन वातह नी समझ्या अने यो तीनुह देख लिकायीन रोयो के इनाहा जाणीन नी सेके ,अने च्या इन वातन फुसणे भिता ओता ।⁴⁶४६) ओवते तींदरे मा यो वादावाद ओयो के अमुमा मोटु कुण ? ⁴⁷४७) पुण येशु तीदंरा मनन विचार जाण लेदयु ,अने एक पुरयाहा लावीन तेर पाह उभु कोरयु ? ⁴⁸४८) अने तीनुह कोयु ," ज्यु कुण मार नाव देखु इना पुरयाहा सीकार कोरहे ,च्यु मारा मुकलने वावान स्वीकार कोरतलु ,काहा के तुमुमा आखाम आयताम आयतो से च्यो मोटो से "⁴⁹४९) तेतार योहान कोयु " हे स्वामी आमु एक माणहोम तार नाव से दृष्ट आत्मा निकोवलो ,देख्या अने आमु तीनाहा मना करला ,काहाके च्यो आमरे हाते आवीन तार फसव आवे । ⁵⁰५०) येशु तीनुह कोयु ,तीनाहा मना मा कोरु ,काहाके च्यो तुमरा विरोध मा वे ,च्यो तुमरी वखे से।⁵¹५१) जेतार तीनाहा उपर उठावणेन दिही पुरा ओयण्या से,तेतार येशुने यरुशलेम जाणेन पक्कु विचार कोरयु । ⁵²५२) अने च्यु तेरा दुतोह ओगव मुकल्यु ,च्या सामरीयान एक गांव मा गया , के तेरे कोरता जागु तयार करे । ⁵³५३) पुण तीनु माणहोह उतरने नी देन्यु ,काहाके च्या यरुशलेम मा जाता ओता ।⁵⁴५४) यो देखीन तेरा चेला याकुब अने योहान कोया ,हे प्रभु काय तु यो हुदतलु के आमु आज्ञा आपजे के वादवापर देखो आखटो पोडीन तीनुह भस्म कर देय? ⁵⁵५५) पुन फिरीन तीनुह जुल्म ,अने कोयु ,तुमु नी जाणतला की तुमु कानली आत्मान से ,काहाके माणहोन पुरयु माणहन जीव नाश कोरने नी पुण वाचालणे कोरीन आवलु से, ⁵⁶५६) अने च्या दुहरा गाव मा जात रोया ।⁵⁷५७) जेतार वाटे जाता ओता तेतार तीनुह कुण तरी कोयो " जां जां जाहे मी तार फसव आवीह । ⁵⁸५८) येशु तीनाहा कोयु कुल्यान दर अने चीडान रोयणे से पुण माणहन पुरयान मुड लिकाडणेन भी जागु नीमले ।⁵⁹५९) च्यु दिहराहा कोयु ,मारे फसव चाल " च्यु कोयु " मे हे पेल जाणे दे ,मारा बाबाहा ढाट आवं " ⁶⁰६०) येशु तीनाहा कोयु ,मरलाहा मरला ढाकणे दे ,पुण तु जाईन परमेश्वरन राजन वात कोयु ।⁶¹६१) एक ओवी दिहरु भी कोयु ," हे प्रभु मी तार फसव आवं पुण पेहले मेहे जाणे दे मारा घरवालाहा मिवायीन आवो ।( १ राजा १९:२०) ⁶²६२) येशु तीनाहा कोयु," ज्यु कुण आपणु हाथ वखर पर मेकीन फसव देखे च्यु परमेश्वरन राजन लायक नीमले ।

Chapter 10

¹१) अने इन वातोन बादमा येशु सत्तर माणहे निवाडयु अने जीना सहर अने जागे येशु खुद जान्यु ओतु ,च्या दुयदुय कोरी अगव मुकल्यु ।

²२) अने येशु तीनुह कोयु," खेत मा पाक गयलो से,पुण मजदुर थुडाक से इनान कोरता खेतन मालकह विनती कोरु की खेत वाढणे मजुर मुकले ।³३) जाऊ देखु मी मेडान सारकु लांडगामा मुकलो ।

⁴४) इनान कोरता नी बाकीन नी झुंव नी खाहडा लेयु ,अने वाटे नमस्कार कोरता ।( मन्ती १०:९,२ राजा ४:२९)⁵५) जीना कानला घरमा जाऊ " इना घरमा कल्याण ओये ।

⁶६) अगर च्या कुण कल्याणन योग्य ओहे ,ते तुमरो कल्याण तेर पर रोयहे ,नी ते वापस तुमरे पाह आव लागहे । ⁷७) तीना घरमा रोयु , अने ज्यो भी तीनुपाह जुडे ,च्यो खाऊ पिऊ काहाके कामवालाहा तेरा कामन मजुरी जुडनु जुवे ,घर घर जुण फिरता ।⁸८) अने जीना शहर मा जाय अने च्ये माणहे तुमुह रुके तेतार जो काय तुमरे सामने आपे च्योज खाऊ । ⁹९) चे बिमारोह हाजा करु , अने तीनुह कोयु,परमेश्वरन राज तुमरे हाते आव रोयोह ।¹⁰१०) पुण जीना नगरमा जाय ,अने तीना नगरन माणहे तुमरु स्वीकार नी कोरे ,ते बजार मा जाईन कोयु । ¹¹११) तुमरा नगरन जरकुण भी ज्यु आमरा पायोमा लागलु से आमु तुमरे सामने झटकी देजे फस भी ,यो जाण लेयु के परमेश्वरन राज तुमरे हाते आवीन पुचलो से। ¹²१२) मी तुमुह कोयो के तीना दिहोमा तीना सहरोन जेह सदोमन तेहे आधीक सहनन योग्य ओयहे ।( उत्पत्ति १९:२४-२५)¹³१३) हाय खुराजीन हाथ बैतसैदा ज्यों सामर्थन काम तुमुमा करनेमा आवलो से ,अगर च्यो सुर अने सैदा मा कोरता ते टाट पांगरीन रूखडामा बोठीन च्यो केतारेन मन फिरवी लेता । ¹⁴१४) पुण जे दिह तुमरी दशा सुर अन सैदान दशा देखी जादा सहनन योग्य रोयहे ।( योएल ३:४-८, जक ९:२-४)

¹⁵१५) अने हे कफर्णहुम काय तु स्वर्ग तक उचु ओयहे काय ? तुते अधोलोक तक नेचु जाहे ।( यशायाह १४:१३-१४-१५)¹⁶१६) जो तुमरी हंबवहे ,च्यु मारी हंबहे ,अने ज्यु तुमुह तुच्छ जाणहे ,च्यु मेहे तुच्छ जाणहे अने ज्यु मेहे तुच्छ जाणतलु ,च्यु मारा मुकोल न्या तुच्छ जाणतलु ।¹⁷१७) च्या सन्तर खुशीमा आवीन कोयहे ,हे प्रभु दृष्ट आत्मा भी आमरा वंस मां से। ¹⁸१८) येशु तीनुह कोयु, मी शैतानह विजन सारखु स्वर्ग मा देखु पाड पोडतलु देख रोय ओता ।( प्रकाशितवाकय १२:७-९, यशायाह १४:१२) ¹⁹१९) मी तुमुह घडहा अने वीसा रोदणेन ,अने दुस्मनन आखी सकतीपर अधीकार आपलु से ,अने कुणीह कानलो वसतु देखी तकलीत नी ओये । ( भजन संहिता ९१:१३) ²⁰२०) तेभी तीनाहा खुश जुण ओयता ,के आत्मा तुमरा वंस मा से पुण इनान कोरता खुश ओयु के तुमरो नाव सरग मा लेखायलो से ।²¹२१) तीनी टेमे च्यु पवित्र आत्मा मा भरीन खुशीमा आयीन कोयु ,हे बाबा स्वर्ग अने धरतीन भोगवान मी तारो धन्यवाद कोरो के तु इन वातोह ज्ञानी अने समझदारो देखु लीकाडलु ,अने पुरया पर प्रगट कोरलु हव बाबा काहाके यो तोहो हाजो लागलो।²²२२) मारु बाबु मेहे आखो होप देंलु से,अने कुण नी जाणतलु के पुरयु कुण से ,केवल बाबु अने बाबु कुण से यो भी नी जाणतला ,केवल ( पुत्र) पुरयुन अने पुरयु जिणु पर प्रगट करे।²³२३) अने चेला वखे फिरीन एकलामा कोयु ,धन्य से च्या डुवा ज्या वाते तुमु देखतला । ²⁴२४) काहाके मी तुमुह कोयो की खुब भविष्यवक्ता अने राजा हुदता ओता, के देखणे बाजरोया , अने देखे पुण नी देखे अने ज्या वाते हंबवतला चे हंबवे पुण नी समझे ।²⁵२५) तेतार एक व्यावस्थापक उठयु , अने यो कोयीन तेरी परिक्षा कोयु के ,हे गुरु अनंतजीवन वारीस ओयणे कोरीन मी काय करो ?

²⁶२६) येशु तीनाहा कोयु, व्यावस्थामा लेखलो से,तु केहेंक वाचलु ।

²⁷२७) च्यु उतर आप्यु तु प्रभु तारा परमेश्वरह पुरो मन अने तारा आखा जीव अने तारी आखी शकती अने आखी बुधदी देखु प्रेम कोर तारा हातेवावाह तारा सारखु प्रेम कोर ।( मती २२:३७-४०, व्यवस्थाविवरण ६:५, व्यवस्थाविवरण १०:१२,यहो २२:५) ²⁸२८) येशु तीनाहा कोयु,तु ठिक उत्तर आप्यु ,यो कोर ते तु जीवतु रोयहे ।( वैश्या.१८:५)²⁹२९) पुण च्यु खुदह धर्मी कोवायणेन इच्छ देखु येशुह फुसु ते मारु हाते वावु कुण से ? ³⁰३०) येशु उतर आप्यु , एक माणुह यरुशलेम देखु यरीहो जातु के डाकु तीनाहा रुकीन कपडा सांडाड लेदा ,अने खुब कुटया आर्धु मोरलु सुडीन जात रोया ।³¹३१) अने ओहलो ओयो के तीनी वाटे एक याजक जातु ओतु ,पुण तिनाहा देखीन एक वखे सरकीन जात रोयु। ³²३२) इनी रीते एक लेवी तीना जागे आव्यु ,च्यु भी तीनाहा देखीन एक टवतु जात रोयु ।³³३३) पुण एक सामरी वाट चालु तीने जागे आव्यु तीनाहा देखीन किंव आवी ,तेरी सवारी पर बठाडीन धरम शाला मा ली गोयु, अने तेरी सेवा कोरयु । ³⁴३४) च्यु तेरे हाथे आवीन तेरा घावोपर तेल अने दाखरस नाखीन पटटी बांध्यु ,आपणी सवारी पर बठाडीन धरम शाला लिगोयु ,अने तेरी सेवा कोरयु। ³⁵३५) दुहरे दिह च्यु दुय पोयहा निकावीन सरायन मालीकह आप्यु अने कोयु ,ऐरी सेवा कोरतु रोयजी अने तारो जो काय लागहे ,च्यो मी आवीन आप दिह ।³⁶३६) ऐवी तारी समझमा जु डाकुण घेरायलु ओतु ,ईनु तीनो मा कुण तेरु हाते वावु बोणयु । ³⁷३७) च्यु कोयु,च्युज तेर पोर किव कोरलु ओतु,तीनाहा कोयु जा तुभी एंहे कोरजी ।³⁸३८) च्या जाता ओता, तेतार च्या एक गांवमा गोया ,अने मार्था नावन एक बाई तीनुही एक घर सापडय । ³⁹३९) अने मरीयम नावन तेरी एक बोणीह ओती ,ची प्रभुन पायोहाते बोठीन तेरा वचन हंबती ओती ।⁴⁰४०) पुण मार्था काय कोरने कोरता घबरा गोयी , अने येशु पाह आवीन कोई हे प्रभु तोहो काही चींता नीमले के मारी बोणीह मेहे एखली काय करने छुड रोयीह ? इनान कोरता इनीह कोयु की मेहे मददत कोरे ।

⁴¹४१) येशू तीनीह कोयु,मार्था ये मार्था खुब वातमा तु चींता करतली ,अने घाबरायतली । ⁴²४२) पुण एक वात खरी से अने मरीयम तीनी हाजली वातह निवडली से,ज्यी तेरे पाह देखी कुणी सांडाण नी।

Chapter 11

¹१) फोसु च्यु एक जागे प्रार्थना कोरतु ओतु ,अने जेतार च्यु प्रार्थना कर लेदयु ,तेरा चेलामा एक आवीन येशुह कोयु ," हे प्रभु जेहे योहान तेरा चेलाहा प्रार्थना कोरने हिकाळलु ,तेहे आमुह भी हिकाड दे ।²२) येशु तिनुह कोयु ," जेतार तुमु प्रार्थना करें ते कोयु ," हे पिता तारो नाव पवित्र मानाये तारो राज्य आवे ।³३) आमरु दाडीन दिहन रुटु आज आमुह आप ।

⁴४) अने आमरा पाप क्षमा कर,काहाके आमु भी आमरा गुनावालाहा माफ कोरतला ,अने आमुह परिक्षामा मा लावे ।⁵५) अने यीशु तीनुह कोयु,तुमुमा कुण से ज्यु तेरु दुस्ती रोये अने च्यु तीनापा जाईन तीनाहा कोये मेहे तीन रुटा लाव । ⁶६) काहाके एक पावणु मायमा आवलु से, अने तीनाहा खावलावणे कोरीन मारपाह काहीच नीमले । ⁷७) अने च्यु घरमा देखु कोयु के मेह तरास मा देय ,अवी झुपु बंध से ,अने मारो पुरयो मार हाते से,अने हुवणे बाज रोयह, इनान कोरता मी उठीन नी आप सेकतलु । ⁸८) मी तुमुह कोयो,अगर च्यु तेरु दुस्ती ओयीन उठीन नी आपे ,तेभी तेरी लाज छुडीन मांगने वजे देखु ,जेतार अवशकता से ततरु उठीन आपहे।⁹९) चे बिमारोंह हाजा करु , अने तीनुह कोयु, परमेश्वरन राज तुमरे हाते आव रोयोह । ¹⁰१०) काहाके ज्यु कुण मांगतलु , तीनाहा जुडजातलो , ज्यु हुदतलु तीनाहा सापडतलो , अने ज्यु खकडावतलु , तेरे कोरता उगाडहे।¹¹११) तुमरे मा कुण ओहलो बाह से , के तेरू पुर्यु रूटू मांगे तेतार तिनाहा दगडु आपे , अने मासु मांगे तेरे बदले , गडहु आपे।

¹²१२) नीते इंडो मांगे ते विसु आपे। ¹³१३) अतः जेतार तुमु खराब ओयीन , आपणा पुर्याहा हाजली वस्तु आपणे समझतला , ते तुमरू स्वर्ग मायलु बाह आपणा मांगणाराहा , पवित्र आत्मा काहानी आपे।¹⁴१४) फसु च्यु एक मुकि दुष्ट आत्माहा निकाव्यु , जेतार दुष्ट आत्मा निकवी गोयी , ते च्यो मुको बुलने बाज्यो , अने माणहे आश्चर्य कर्या। ¹⁵१५) पुण तिनुमायन कोतराक कोया यु ते दुष्टात्मान पृधान मदत देखु दुष्टात्माहा निकावतलु।¹⁶१६) दिहरा येशून परिक्षा कोरने कोरीन आकाशमा एक चिंन मांग्या।

¹⁷१७) पुण च्यु तीनदरा मनन वात जाणीन तीनुह कोयु जिनु जिनु राज्य मा फुट पोडतली तेतार राज्य उजडी जातलो अने जीना घरोमा फूट पोडे च्यो घर नाश ओय जातलो।¹⁸१८) अने शैतान तेरा विरोध मा जाये ते तेरा राज्य केहे एक रोयहे,कहाके तुमू मारा विषय मा कोयतला, के यु शैतानन मदत देखु दुष्टात्मा निकावतलु। ¹⁹१९) अगर मी शैतान मदत देखु दुष्टात्माहा निकावतलु ते तुमरी संतान कायतान मदत देखी निकावतली,इनान कोरता च्याज तुमरु न्याय कोरहे ²⁰२०) पुण मी अगर परमेश्वरन शक्ती देखु दुष्टात्मा निकावतलु तेतार परमेशवर राज्य तुमरे पा पुच गोयलो से।²¹२१)जेतार बलवान (ताकतवान) माणहह,हत्यार लिन तेर घरन रखवाली करतु,ओहे,ते तेरो धन वाचलो रोयहे,। ²²२२) पुण जेतार ताकतवर माणुह तेर पोर चढ़ाई कोरीन तिनाहा जीक लेतलु तेतार ची हथीहार जेर पोर बुरहु मेकतलु तेतार साडाढ लेतलु,अने तेरो धन लुटीन वाट देतलु। ²³२३) ज्यु मार हाथे नी च्यु मारु विरोधी से,अने मार हाते नी च्यु जमा करतलु,च्यु वेर देतलु।²⁴२४) जेतार अशुद्ध आत्मा माणहोमा देखी निकवी जातली,तेतार सुगन जागु आराम कोरने हुदती फिरतली,अने जागु नी जुडे ते कोयतली की मी मारा तीना धरमा फोसी जातली। ²⁵२५) अने आवीन बारी हुरीन साफ सुफ कोरलो,देखतली। ²⁶२६) तेतार ची तेर देखी उंजू सात खराब आत्मा,तेरे हाते लीन आवतली,अने तिना माणहन हाल पेहले देखु,पेल देखी जादा खराब अय जातली।²⁷२७) तेतार येशु यी वात कोयतु ओतु,तेतार एक बाई मोटे आयडीन कोयी ,धन्य से च्यो गर्भ जीनामा तु रोयेह अने च्या दाया ज्या तु खादेह । ²⁸२८) येशु कोयु " हव पुण धन्य च्या से ज्या परमेश्वरन वचन हंबवतला अने मानतला ।²⁹२९) जेतार खुब मोटी गरदी इकठी ओयी तेतार येशु कोयु ," इना जमानान माणह वाईट से , च्या चिंन्न हुवतला ,पुण योनान चिन्न सुडीन दिहरो चिन्न तिनुह नी आप्यु। ³⁰३०) जेहे योनु नीनवेन माणहोन कोरीन चिन्न बणलु ,तेहेज माणहन पुरयु इना युगन माणहोन कोरीन बोणहे ।³¹३१) दक्षिणन राणी न्यायन दिही इने टेमे माणहो हाते उठावीन तीनाहा दोषी ठरावहे ,काहाके सुलेमानन ज्ञान हंबवणे धरतीन मेरे देखी आवली ,अने देखु ये च्यु से ज्यु सुलेमान देखु भी मोटु से।(१ राजा १०:१-१० ,२ इतिहास ९:१)³²३२) नीनवेन माणहे न्यायन दिह इने टेमेन माणहोह हाते ऊभ रोन तीनुह दोषी ठरावहे, काहाके च्या योनान प्रचार हंबवीन मन फिराव ला अने देखु ये च्याज से,ज्या योना दोखा भी मोटा से ।( योना ३:५-१०)³³३३) " कानलु माणुह दिवु लागाडीन तवधरमा नीते आढव नी मेके पुण दिवु मेकणेन जागे मेकहे के घरमा आवणाराहा उजावो जुडे ³⁴।३४) तारा शरीरन दिवु डुवा से,इनान कोरता,तारा डुवा शुदध रयहे ते तारो शरीर भी उजावो रोयहे ,पुण जेतार च्या खराब से,ते तारो आखो शरीर आंधारो रोयहे । ³⁵३५) इनान कोरता सावध रोयजी ,के जो उजावो तारे मा से आंधरो नि ओये । ³⁶३६) इनान कोरीन तारो आखो शरीर उजावो रोये ,अने तेरो कानलु भाग आंधारलु नी रोये , ते आखो उजावो रोयहे ,जहलो तीने टेमे ओयहे जेतार दिवु तेरा उजावा देखु तोहो उजावो आपतलु ।³⁷३७) जेतार च्यु वात कोरतु ओतु,तेतार एक फरीसी तीनाहा विनती कोन्यु , के मारे घर खाणो खाणु से,अने च्यु घरमा जाईन खाणे बोठ गयु ।

³⁸३८) फरीसी यो देखीन अचंभा कोया की खाणे खाणेन पेहल हातपाय नी दुव्या³⁹३९) येशु तीनुह कोयु," हे फरीसी तुमु थावीह ,अने कटोरी उपर - उपर साफ सुफ कोरतला ,पुण तुमरे मायलो अधारो अने दृष्टता भरली से।

⁴⁰४०) हे निर्बुदी यो ज्यु बाहरलु भाग बणावेहे ,च्यु मायतलु भाग नी बणावेहे ?

⁴¹४१) पुण हव मायतली वस्तु दान कोर देयु ,तेतार तुमरे कोरीन आखो शुदध ओय जाहे ।⁴²४२) पुण हे फरीसीयो तुमु पर हाय तुमु पोदीने अने साबुदा यागपातन दशवु भाग नी आपतला ,पुण न्यायह अने परमेश्वरन प्रेमह टाव देतला ,जुवतो ओतो के इनाहा भी करता रोयता ,अने तीनुह भी नी छुडता ।( मन्ती २३:२३, मीका ६:८, लैव्य २७:३०)⁴³४३) हे फरीसीयो तुमु पोर हाय तुमु अराधना मा मुख्य- मुख्य आसन अने बाजार मा नमस्कार हुतला । ⁴⁴४४) हाय तुमु पर काहाके तुमु लिकायला मोटटयान तेहे से जेरे उपर माणहे चालतला ,पुन जाणतला ।"⁴⁵४५) एक व्यावस्थापक येशुह जवाब आप्यु," हे गुरु यी वात कोयीन तु आमरी निंदा कोरतलु । ⁴⁶४६) येशु कोयु ,हे व्यावस्थापक तुमु पर भी हाय तुमु ओहलु वोजु माणहोपर मेकतला के माणुह उखली नी सेके ,पुण तुमु तीना वजाहा अंगुव भी नी लागाडतला।⁴⁷४७) हाय तुमु पर तीना भविष्यद्वक्तान मोटटयहा बोणावतला जीनह तुमरा डायडाया मायला ओता । ⁴⁸४८) अतः तुमु जोवा से,अने तुमरा डायडायान कामोमा भागीदार से ,काहाके च्याते तीनुह मार नाखला ,पुण तुमु तींदरा मटटया बणावतला ।⁴⁹४९) इनान कोरता परमेश्वरन बुदधी भी कोयली से ,मी तींदरे पाह भविष्यद्वक्ताहा अने सेवकह मुकलीह अने च्या तीनुमायलाहा कोतरा कोह मारनाखहे ,अने कोतरा कोह सताकहे । ⁵⁰५०) काहाके जोतरा भविष्यवक्ता न लुय जगन उत्पनन टेमे वयालला से, आखान लेखो इना युगन माणहोपा लेणेमा आवहे । ⁵¹५१) हाबीलन खुन देखु ते जकरयान हत्या तक ज्यो वेदी अन मंदीरन विचमा भरगयला ,मी तुमुह खर कोयी तेरो लेखो इन टेमेंन माणहन पह लेणेम आवहे ।( उत्पत्ति ४:८,२इतिहास २४:२०-२१)⁵²५२) हाय तुमु पर ज्या व्यावस्थापक से, के तुमरा ज्ञानन कुची ते ली लेदा ,पुण तुमु खुद प्रवेश नी कोयी ,अने ज्या प्रवेश कोरन्या ओता तीनुह भी रुक लेदा ।⁵³५३) जेतार च्यु चे देखु निकव्यु ,ते शास्त्री अने फरुशी खुब फसव पड गया अने छेडने बाज गोया के च्या खुब वातन चर्चा करे । ⁵⁴५४) अने येशुह घात करने देख तोता के तेरे मुयमान वात दोरे

Chapter 12

¹१) अतरामा जेतार हजारोन गरदी अय गई,या तक के एक दिहरापोर पोडता ओता ,तेतार येशु आखान पेल तेरा चेलाहा कोयु," फरीसीन कपट रूपी खमीर देखा सावधान रोयजु ।²२) काहीज लीकायलो नीमले जो नी खुलाये ,अने काहीच लिकायलो जो जावणे मा नी आवे । ³३) इनान कोरता तुमु आंधारामा कोयला से ,च्यो उजावामा हंबवणे आवहे अने ज्यो तुमु घरमायला कानोमा कोयला से च्यो घरोपर प्रचार कोरनेमा आवहे ।⁴४) पुण तुमु ज्या मारा दुस्ती से कोयो ,शरीरह मार सेकतला अने तीना देखो ज्यादा काहीच नी कर सेकतला ,तीनुह भीऊ मा । ⁵५) मी तुमुह सावधान कोरो के तुमुह कुणीह भीणेन नी मरणे बादमा जीनाहा नरकमा नाखणेन अधीकार से मि तुमुह कोयो के तीनाहा भीऊ ।⁶६) काय दुय पोयहान गौरया नी वेचायतली ? तेभी परमेश्वर तीनुमायन एकह भी नी विहरतलु । ⁷७) पुण तुमुरा मुंडपर ला जुटा भी गिणायला से ,ओता भिऊ मा तुमु हवटा गोरेया देखा वाढीन से।⁸८) मी तुमुह कोयो ज्यु कुण माणहन सामने मेहे मान लेहे तीनाह माणहोन पुरयु भी स्वर्ग दुतो सामने मान लेहे । ⁹९) पुण ज्यु माणहोन सामने इनकार कोरहे , तेरो परमेश्वरन स्वर्ग दुतो सामने इन्कार कोर देहे ।

¹⁰१०) " ज्यो कुण माणहन पुरयान विरोधमा कुणी वात कोरहे ,तेरु गुणु माफ ओय जाहे ,पुण पवित्र आत्मान निंदा कोरहे तेरु गुणु माफ नी ओये ।¹¹११) जेतार माणहे तुमुह आराधना मा अने अधिकारीन अने अधीपती सामने लिजाहे ,ते चिंता जुण कोरता,काय कोयणु ,केहे कोरीन जवाब देणु काय कोयो

¹²१२) काहाके पवित्र आत्मा तीने टेमे तुमुह हिकाड देहे के काय कोयणु से ।¹³१३) गरदी खुब ओती एक जण येशुह कोयु," हे गुरु मारा भाईहह कोयदे के बाबान धन संपती वाटु पाड देय । ¹⁴१४) येशु तीना माणहोह कोयु," हे माणहो कुण मेहे न्याय कोरनारु या वाटु पाडीन आपणारु बोणावलो ? ( निर्ग २:१४) ¹⁵१५) अने येशु तीनुह कोयु हुशारी मा रोयजु ,अने हर बातीन लोभ मा देखा खुदह वाचाडीन राखु ,काहाके कुणीन तेरी संपती खुब ओयणे सी नी ओयतलो¹⁶१६) " अने काय हाजो नी ओतो के यी बाई जी अब्राहम न बेटी से जीनीह शैतान आठरा वर्ष बांध रोय ओतु , पवित्र दिह एरो बंधन खुल गयलो ओतो ।

¹⁷१७) जेतार येशु यी वात कोयु ,तेतार तेरा आखा विरोधी लाजवाय गोयला ,अने आखी गरदी जी तेरी महीमान काम देखीन खुश ओयी।

¹⁸१८) मंग येशु कोयु ,परमेश्वरन राज कुंणी सारखो से ? अने तेरी बराबरी मी कुणीह आपो ? ¹⁹१९) च्यो राईन एक दाणा सारखो से,तीनाह कानलु माणुह लीजायीन तेरी वाडीमा लागाडयु , अने च्यो वाडीन एक झाड बोणगोयो ,अने आकाशमायला चीडा आवीन तेरी डावी पर रोयणे लागरोया ।

( मन्ती १३:३१-३२, यहे ३१:६, दानि ४:२१)

²⁰२०) येशु फोसु कोयु ," मी परमेश्वरन राजन बराबरी कुणीह आपो?

²¹२१) च्यो मोयदा सारखो से ,जीनाह कानली बाई लीन पाव से लुटमा बेचकीन,अने ओयते आखा लुटन मैदो ओय गयो ।²²२२) येशु नगर नगर अने गांव गांव जाईन उपदेश कोरतु,यरुशलेम खेर जातु ओतु ।

²³२३) अने एक जण येशुह फुच्यु ," हे प्रभु उदधार ओयणारा काय थुडा से? येशु तीनाहा कोयु।²⁴२४) " हाकडले दरवाजे जाणेन कुशीत कोरु ,काहाकी मी तुमुह कोयो के खुब माणहे मायला जाणे कोरहोत अने नी जाय सेके।

²⁵२५) जेतार घरन स्वामी ( मालक ) दरवाजु बंद कर लेहे ,अने तुमु बारथे उभा रोयन दरवाजु ठोकहे ,अने कोयहे ," हे प्रभु आमरे कोरीन जुपु उघाड दे ,अने प्रभु जवाब आपहे के मी तुमुह नी जाणतलु ,तुमु कां वाला से?

²⁶२६) तेतार प्रभु कोयहे , मी तुमुह कोयो के मी तुमुह नी जाणतलु तुमु कां देखा आवला से ,हे पाप कोरनेवाव तुमु आखा दुर ओय जावु ।( भजन संहिता ६:८)²⁷२७) सोता न पर ध्यान लागाडु , के च्या केहे वाढतला ,च्या नी मेहनत करे नी ते काटे ते भी तुमुह कोयो के सुलेमान भी तेरे वैभव मा तीनुमाय कानला एकन सारको कपडो नी पेरयु ओतु ।

²⁸२८) अगर परमेश्वर मैदान मा जी घास। उगे आज से ,अने काल भाटी मा नाख देणे मा आवे ओहलो पेरावे ते हे आल्प विस्वासी च्यु तुमुह खुब जादा काहा नी पेरावे ।²⁹२९) अने तुमु इनी वातन हुदवाल्या मा रोयु,काय खादु अने काय पिहु अने नी मनमा विचार कोरु । ³⁰३०) काहाके संसारन जाती इन आखी वस्तुन हुदवाव्या रोयतला अने तुमरु बाबु जाणतलु की तुमुह इनी वस्तुन अवसकता से।³¹३१) पुण तेरा राजन हुदनेवाला बोणु ,तेतार यी आखी वस्तु तुमुह जुड जाहे। ³²३२) हे आयता टुवा मा भीहे काहाके तुमरा बाबाहा चो भी समजले से के तुमुह राज भी आपे।³³३३) तुमरी संपत्ति वेचीन दान कर देयु,खुदन करता बटवा बणावु जो जुजो नी ओये ,अर्थमा स्वर्ग मा ओहलो धन इकठा करु घटे नी जेहेके चुर भी हाते नी आवे अने किडा नाश कोरे। ³⁴३४) काहाके तुमरो धन ज्या रोयहे चे मन भी लागहे ।³⁵३५) तुमरी कमर बांधायली रोये ,अने तुमुरा दिवा लागता रोये ।( निर्ग १२:११,२ राजा ४:२९, आफिस ६:१४) ³⁶३६) अने तुमु तीनु माणहोन सारखा बोणु ,जु तेरा स्वामीन वाट देखणे बाज रोयलु ओये ,के च्यु वियाव देखु केतार आवहे जेतार दरवाजु खकडावहे ,ते लगेज तेर कोरता उगाड देहे ।³⁷३७) धन्य से च्या चेला जिनुह स्वामी आवीन जागाड देय मी तुमुह खरी कोयो के तीनाहा कमर बाधीन खाणो खाणे बोठाडहे अने तिदंरे पा आवीन सेवा कोरहे । ³⁸३८) अगर च्यु रातेन दुसरा टेमे या तीसरे टेमे आवीन तीनुह जागता देखे तेतार च्या चेला धन्य से।³⁹३९) पुण तुमु जाण लेयु , के घरन मालक जाणेके चुर काणले टेमे आवहे , तेतार जागतु रोयहे ,अने तेरा घरमा सेंध लागने नी देय । ⁴⁰४०) तुमु भी तैयार रोयु,काहाके जीन टेमेह तुमु सुचे भी नी तीने टेमे माणहन पुर्यु आव लागहे ।⁴¹४१) तेतार पतरस कोयु ,हे प्रभु काय यु दाखलु तुआमुह के आखाहा कोयतलु ।

⁴²४२) येशु कोयु ,च्यु विश्वास योग्य अने बुदधीमान भंडारी कुण से ,तेरु स्वामी तीनाहा नौकर चाकरो पर मुखी ठरावे ,अने तिनुह टेमपर सामान आपे ।

⁴³४३) धन्य से च्यु चेलु,जीनाहा तेरु स्वामी ओहलो कोरतलु देखे ।

⁴⁴४४) मी तुमुह खंर कोयोके तीनाहा तेरी आखी संपत्ति पर अधिकारी बोणावहे ।⁴⁵४५) पुण अगर दास बोवणे , के मारु स्वामी आवणे मा दिर करे ,अने नोकर अने नकरानीह मार कुट अने खाणे पीणे दारु बाज बोणजाय ।

⁴⁶४६) ते तीना नोकर स्वामी ओहलो दिह तेतार च्यु तेरी वाट नी देखे अने ओहली टेमे च्यु जाणतु नी ओहे ,आवलागहे अने तीनाहा भारी सजा आपीन तेरु भाग विस्वसघाती हाथे ठरावहे ।⁴⁷४७) अने च्यु दास जो तेरा स्वामीन इस्या जाणतोतु अने तयार नी रोये ,अने नी तेरी इच्छा अनुसार चाले खुब मार खाहे ।

⁴⁸४८) पुण जाणीन भी मारखाणेन योग्य काम कोरे च्यु थुडो मार खाहे इनान कोरता जीनाहा खुब हंवटो आपलो से,तेरे पाह खुब होवटो मांगणे आवहे ,जीनापाह खुब सोपलो से,तेरे पाह खुब होवटो बावणेम आवहे ।⁴⁹४९) मी प्रथ्वी पर आग लागडने आवलु से अने मेहे काय जुवे केवल यी एवी हलगी जाहे । ⁵⁰५०) मेहे ते बाप्तिस्मा लेणे से ,अने जब तक यो नी ओये तेतार तक मी कोहली व्यावस्था मा रोयीह ।⁵¹५१) काय तुमु समझतला के मी प्रथ्वी पर मेल मिलाप करावणे आवलु से मी तुमुह कोयो के नी पु ण अलग करने आवलु से ।

⁵²५२) काहाके एंवी देखा एक घरमा पाच जण एक दिहरान विरोध कोरहे ,तीन दुयहाते दुय तीनाहाते । ⁵³५३) बाबु बेटा से अने पुन्यु बाबा से विरोध राखहे आई बेटी हाते ,हाहु ववडी हाते अने ववडी हाहुहाते विरोध करहे ( मिका ७:६)⁵⁴५४) अने च्यु गरदी होती तीनुह भी कोयु ,जेतार वादवंहा पश्चिम देखो उठहे ,तेतार लगेच कयतला , के पाणी पोडहे अने ओहलोज ओयतलो ।

⁵⁵५५) अने जेतार दक्षिण खेर हावा चालतली देखतला ते कोयतला की लुह चालहे अने ओहलोज ओयतलो। ⁵⁶५६) हे कपटी तुमु धरती अने आकाशन रुपह भेद कर सकतला ,पुण इन युगल विषयमा काहा भेद नी करने जाणतला?⁵⁷५७) तुमु खुद काहानी नीयाव करतला के काय हाजो से ।

⁵⁸५८) जेतार तु आपणा मुददन कोरीन , न्यायाधीश पा जाणे बाजरोयु ,तेतार वाटेमा तु तिनाहाते सुटणेन कुसीत कर ले,कही ओहलो नी ओये के च्यु तोहो न्यायाधीशपा खेचीन लिजाय ,अने न्यायी तोहो सिपाईन हाथो मा होप देय , अने सिपाही तोहो जेलमा नाखदेय । ⁵⁹५९) मी तुमुह कोयो के जेतार तोक तु एक एक पोयहु नी आपे तेतार तक तु ये देखु छुटी नी सेके ।

Chapter 13

¹१) तीने टेमे काही माणहे आविन पुच्या ,अने तेरहाते तीनु गालीलो न माणहोन वातु करने लाग्या ,जिदरो लुय पिलातुस तीनदरा बलीदान हाते मिवाडलु ओतु ।

²२) यो होंबीन येशु तीनुह जवाब मा यो कोयु ,काय तुमु सोमझतला या बाकी गालीली देखा पापी ओता के ओहली इनु पर आपती पडी।

³३) मी तुमुह कोयो के नी पुण तुमुभी मन नी फिरावे ते तुमु आखा भी इनी रीते नाश ओयहे ।⁴४) नीते काय समझता के च्या आठरा जन जिनुपर शिलोहम गुम्मट पोठलु अने च्या दाबायीन मरगयला ,यरुशलेम अने आखा रोयणारा देखा ज्यादा गुनागार ओता । ⁵५) मी तुमुह कोयो के नी पुण अगर तुमु मन नी फिरावे ते तुमु भी आखा इन रिते नाश ओयहे ।⁶६) फसु च्यु यु दाखलु भी कोयु ,कुणीन अंगुरन वाडी मा एक अंजीर न झाड लागलो ओतो ,च्यु फव

हुदणे आव्यु ,पुण नी जुडयु ।( मन्ती २१:१९-२०,मलाकी ११:१२-१४)

⁷७) तेतार च्यु वाडीन राखवाव्याहा कोयु देख तीन वर्ष देखु मी इना अंजीरन झाडमा फव हुदणे आवतलु

,पुण नी झडतलो के इनाह मुडदे के यो जागु काहा रुकीन मेक्यो?

⁸८) च्यु तीनाहा ज़वाब आप्यु के हे स्वामी इनाहा इन वर्ष रोयणे दे के मी इनाहा चार समख्यार खाद

नाखीह ।

⁹९) अतः अगव फवे ते ठिक नी ते इनाहा तुड नाखीह ।¹⁰१०) तीवारन दिहे येशु अराधना मा उपदेस कोरतु ओतु ।

¹¹११) च्या एक बाई ओती तीनीह आठरा वर्ष न एक कमजुर कोरने वाली दृष्ट आत्मा लागली ओती ,अने ची कुबडी ओती , अने कानली रिते तीनीह हुदो नी ओवायतो ओतो ।¹²१२) येशु तीनीह देखीन बुलाडयु अने कोयु हे नारी तु तारी दुर्बलता मा देखी छुट गई। ¹³१३) तेतार येशु तेर पोर हाथ मेक्यु अने ची लगेज हुदी ओय गोयी ,परमेश्वरन बडाई कोरने लागी । ¹⁴१४) इनान कोरता के येशु तीवारन पवित्र दिहे तीनीह हाजु कोरलु ओतु आराधनान सरदार खतायीन माणहोह कोयु,"छव दिह से जीनुमा काम कोरनु जुवे, अतः तीनु दिहोमा आवीन हाजा ओये ,पुण पवित्र दिहे नी ,( निर्गमन २०:९-१०, व्यवस्थाविवरण ५:१३-१४)¹⁵१५) यो हंबीन येशु जवाब आपीन कोयु ," हे कपटी काय पवित्र तुमुह हर एक आपणा बुल किवा गदडो खुटे छुडीन पाणी पियाडणे नी लीजातला ?

¹⁶१६) " अने काय हाजो नी ओतो के यी बाई जी अब्राहम न बेटी से जीनीह शैतान आठरा वर्ष बांध रोय ओतु , पवित्र दिह एरो बंधन खुल गयलो ओतो ।¹⁷१७) जेतार येशु यी वात कोयु ,तेतार तेरा आखा विरोधी लाजवाय गोयला ,अने आखी गरदी जी तेरी महीमान काम देखीन खुश ओयी ।¹⁸१८) मंग येशु कोयु ,परमेश्वरन राज कुणी सारखो से ? अने तेरी बराबरी मी कुणीह आपो ? ¹⁹१९) च्यो राईन एक दाणा सारखो से,तीनाह कानलु माणुह लीजायीन तेरी वाडीमा लागाडयु , अने च्यो वाडीन एक झाड बोणगोयो ,अने आकाशमायला चीडा आवीन तेरी डावी पर रोयणे लागरोया ।

( मन्ती १३:३१-३२, यहे ३१:६, दानि ४:२१)

²⁰२०) येशु फोसु कोयु ," मी परमेश्वरन राजन बराबरी कुणीह आपो?

²¹२१) च्यो मोयदा सारखो से ,जीनाह कानली बाई लीन पाव सेर लुटमा बेचकीन,अने ओवते आखा लुटन मैदो ओय गयो ।²²२२) येशु नगर नगर अने गांव गांव जाईन उपदेश कोरतु,यरुशलेम खेर जातु ओतु ²³।२३) अने एक जण येशुह फुच्यु ," हे प्रभु उदधार ओयणारा काय थुडा से? येशु तीनाहा कोयु। ²⁴२४) " हाकडले दरवाजे जाणेन कुशीत कोरु ,काहाकी मी तुमुह कोयो के खुब माणहे मायला जाणे कोरहोत अने नी जाय सेके।²⁵२५) जेतार घरन स्वामी ( मालक ) दरवाजु बंद कर लेहे ,अने तुमु बारथे उभा रोयन दरवाजु ठोकहे ,अने कोयहे ," हे प्रभु आमरे कोरीन जुपु उघाड दे ,अने प्रभु जवाब आपहे के मी तुमुह नी जाणतलु ,तुमु कां वाला से? ²⁶२६) तेतार प्रभु कोयहे , मी तुमुह कोयो के मी तुमुह नी जाणतलु तुमु कां देखा आवला से ,हे पाप कोरनेवाव तुमु आखा दुर ओय जावु ।( भजन संहिता ६:८) ²⁷२७) तेतार प्रभु कोयहे , मी तुमुह कोयो के मी तुमुह नी जाणतलु तुमु कां देखा आवला से ,हे पाप कोरनेवाव तुमु आखा दुर ओय जावु ।( भजन संहिता²⁸२८) च्याहरी रोवणे अने चावणु ओयहे ,जेतार तुमु अब्राम अने इसाहक अने याकुब अने आखा भविष्यद्वकतान परमेश्वरन राजमा बोठे अने बारथे निकवतला देखहे । ²⁹२९) अने पुर्व अने पश्चिम उत्तर अने दक्षिण देखा माणहे आवीन परमेश्वरन राजन खाणामा भागीदार ओयहे ।

( यशायाह ६६:१८,प्रका.७:९,भजन संहिता १०७:३, मलाकी १:११)

³⁰३०) "यो जाण लेयु कोतरा फसव से ,च्या पेहला अने कोतरा पेहला से च्या फसव ओयहे ।³¹३१) तीनी टेमे फरीसी आवीन तीनाहा कोया," ने देखा निकवीन जातरय हेरोदेस तोहो मार देहे । ³²३२) च्यु तीनुह कोयु," जाईन तीना कुल्याहा कय दे,के देख मी आज अने काल द्दृष्ट आत्मा निकावतोतु अने बिमार हाजा कोरतलु ,अने तिसरे दिह मारो काम पुरो ओयहे । ³³३३) ते मी मेहे आज अने काल अने पंदीह चालनेन जरुरी से काहाके ओयी नी सेके कानलु भविष्यद्वक्ता,यरुशलेमन बाहेर मारने मा आवे ।³⁴३४) " हे यरुशलेम ,हे यरुशलेम तु जो भविष्यद्वकताहा मारीन नाखतलु ज्या तार पाहा मुकलनेमा आवला तिनुह दगडा टला ,कतरी वार मी वाचलु , के कुकडी जेहे कोरीन तेरा बच्चा तेरा फाकोमा लिकाडतली ,तेहेज मी भी मारा इकठु कोरो पुण तुमुह यो नी पोटयो ।

³⁵३५) देखु तुमु तुमरो घर उजाडलो छुटतलो ,अने मी तुमुह कोयो ,जहा तक तुमु नी कोये ," धन्य से च्या ज्या प्रभुन नाव देखा आवतला ,तहा तक तुमु मेहे नि देखे ।( भजन संहिता ११८:२६, यिर्मयाह १२:७)

Chapter 14

¹१) फसु येशु पवित्र दिह फरीसीन सरदारन घर खाणे गोयु ,अने च्या येशुह मारकुट करन्या ओता । ²२) चेहरी एक माणुह येशुन सामने ओतु तीनाहा लखवान बिमारी ओती । ³३) येरपर येशु व्यावस्थापकह अने फरीसीह कोयु ," काय पवित्र दिह भी हाजो कोरने हाजो से काय ?⁴४) पुण च्या ठावकाज रोया ,तेतार येशु तिनाहा हात लागाडीन हाजु कोरयु अने तीनाहा जाणे देण्यु । ⁵५) येशु तीनुह कोयु ," तुमरे कुण ओहलो से,जेरु पुरयु नी ते बुल वावडीमा पोड जाय ,अने पवित्र दिही तिनाहा नी नीकावे ⁶६) च्या इनी वातोन जवाब नी आप सेक्या ।⁷७) जेतार च्यु देख्यु , के आमंत्रण आपला माणहे आपणु जागु बाबीन बोठ गया ,ते एक दाखलु देखाडीन कोयु । ⁸८) जेतार तोहो वियावमा हाजे जागे जाईन जुण बोठतु ,काहाके च्यु माणुह तार देखा कानला मोटला माणहह नेवतो नी ⁹आपरोयेह।९) ज्यु तोह अने तीना तुमु दुयह नेवतो आपलु से,आवीन कोये ,तु इनाहा बोठणे जागु आप दे ,तेतार तोहो लाजवाईन नेचो बुयमा बोठणु पोडे ।¹⁰१०) जेतार तोहो आमंत्रण आवे ,तेतार तु आखान नेचे जागे बोठजी के जेतार ज्यु तोहो नेवतो आपलु से,आवे ,तेतार तोहो कोये ,ये दुस्ती अगव आवीन बठ तेतार तारा बठणारा सामने तारी बोडाई ओयहे ।( नीतिवचन २५:६-७)

¹¹११) काहाके जु कुण खुदह मोटु बोणावहे तीनाह आयतु कोरनेमा आवहे ,अने जु कुण आयतु बोणहे च्यु मोटे कोरने आवहे।¹²१२) तेतार च्यु नेवतो आपणाराह भी कोयु ," जेतार तु दिहु नीते खाणो खाय ते तारा दुस्तीह नी ते घरुन नीते धनवान हातेवालाहा जुण लीजातु ,काहाके च्या भी तोहो नेवतो आपे अने तेरो बदलो ओय जाय ।¹³१३) पुण तु जेता भोज निमंत्रण कोरे ,तेतार कंगाल टुडा लंगडाहा आने आदवाहा बुलाड । ¹⁴१४) तेतार तु धन्य आयहे ,काहा के तीनदरे पाह तोह बदलु आपणे काहीच नी रोये ,पुण धर्मी माणहो पुनस्थान ओयणे पर प्रतिफत जुडहे ।¹⁵१५) तेरे हाथे खाणो खाणेवाला माय एक यी वात होबींन तिनाहा कोयु," धन्य से च्यु परमेश्वरन राजमा रुटु खाहे ।

¹⁶१६) येशु तीनाहा कोयु," कानलु एक माणुह मोटो खाणेन आमंत्रण आप्यु अने खुब माणहोह बुलाव्यु।

¹⁷१७) जेतार खाणे तीयार ओय गोयो ,तेतार तेरा दासन हाते आमंत्रण कोयणे मुकल्यु ,आऊ एवी खाणो तीयार से।¹⁸१८) अने च्या आखान - आखा माफी मांगने बाज गोया ,पेहलु तीनाहा कोयु," मी खेत वेचाता लेदलु ,मेहे आवश्यक से के खेत देखणे जाणु से ।

¹⁹१९) दिहरु कोयु मी पाच जुडी बुल लेदलु से,तीनुह जुपीन देखणु से, मी तोहो विनती कोरो के मेहे क्षमा कर ।

²⁰२०) अने एक कोयु ," मारु एवी वियाव ओयलु से,इनान कोरता मी नी आव सेकतलु ।²¹२१) च्यु नोकर जाईन तेरा मालकह कोयु ,तेतार घरन मालक ह खत लागी अने तेरा नोकरह कोयु ,नगरन बजार मा जा ,अने गलीमा जल्दी जाईन कंगाल ,बिखारी ,लेंगडा अने आंधवाहा या लीयाव ।

²²२२) नोकर फसु कोयु ,हे स्वामी ,जेहे तु कोयलु ओतु ,तेहेज मी करलु से,ते भी जागु से ।²³२३) मालक नोकरह कोयु ,सडको पर अने वाडामा जाईन माणहह हादीन हाते लीन आव के मारो घर भराय जाय ।

²⁴२४) काहाके मी तुमुह कोयो , के तीनु आमंत्रण कोरला माणहोमा कुणी मारा घरन खाणं नी चाखे ।²⁵२५) अने जेतार मोटी गरदी तेरे हाते जाती ओती,तेतार च्यु फसव फिरीन कोयु ²⁶२६) अगर कुण मारे फसव आवे,तेरा आई बाबाह अने लाडी पुन्या अने भायहे ,अने बोणहया ,पुण तेरा खुदन जिवह भी त्याग करे ताहा तक च्यु मारु चेलु नी ओय सेकतलु ।( मती १०:३७,युहन्ना १२:२५, व्यवस्थाविवरण ३३:९)

²⁷२७) अने ज्यु कुण खुदन क्रुस नी उखले अने मारे फसव नी आवे ,च्यु भी मारु चेलु नी ओय सेकतलु ।²⁸२८) तुमुमा कुण से किलु बणाव्यू से,पेहले बोणेन खर्चान हिसाब नी लागाडे , के किलु पुरु कोरणे खर्चान बजट मार पा से के नी ?

²⁹२९) के ओहलो नी ओये,जेतार पायु नाखीन तीयार नी कोराये के देखणेवाला यो कोयीन तेरु मजाक उडावहे ।

³⁰३०) यु माणुह पायु बोणाव्यु पुण पुरु नी कोर सेकयु ?³¹३१) नीते कानलु राजा ओहलु से,की दुहरा राजा हाते लडाय कोरने जाण्यु से, के पेल बोणीन विचार नी कोर लेय ज्या विस हजार सेना लीन मार हाते जुलायणे आवे ,काय भी दस हजार लिन तेर सामना कोर सेकतलु काय नी ?

³²३२) नीते तीनाहा सेटु रोयीन तेरा दुतह मुकलीन मेल मिलाप कोरने वात कोरहे ³³३३) इनी रिती देखु तुमुमा ज्यु कुण आखो त्याग नी देय ते च्यु मारु चेला नी ओय सेकतलु ।³⁴३४) खारो ते हाजो से,पुण तेरु हवाद बिगडी जाय ,तेतार तीनाहा कानली वस्तु देखा खारचों ओयहे । ³⁵३५) च्यु नीते धरतीन कायताहा नाखणेन काम मा आवे ,तीनाहा ते माणहे बारथे नाख देहे ,जेरा होंबवणेन कान ओये च्यु होंबी लेय ।

Chapter 15

¹१) आखा फावु लेणेवावा अने पापी तेर पाहा आवता ओता,काहाके तेरो होंबवे । ²२) अने फरीसी अने शास्त्री कुरकुर कोरता ओता," यु ते पापी हाते मिवायतलु अने तींदरे हाते खातलु ।³३) तेतार येशु तीनुह एक दाखलु कोयु ।

⁴४) " तुमुह कुण ओहलो से,तेरा हव मेंढा से ,तीनु मायन एक नाखाय जाय तेतार च्यु नव्यानव मेंढाहा मैदान मा छुडीन तीन नाखायला मेंढाहा जहा तक नी सापडे तेतार तक हुदतु रोयहे ।( योजके ३४:११-१६)

⁵५) जेतार सापडी जाय ,तेतार खुब खुशीमा ओहन खांदो पोर उखली लेहे ।⁶६) अने घर जाईन दुस्तीह अने हातेवावाहा हाते एकठा कोरीन कोयहे मार हाथे खुशी कोरु ,काहाके मारो मेंढो नाखायलो मेहे जुड गोयलो से।

⁷७) मी तुमुह कोयो के इनी रीते एक मन फिरवणारा पापीन बारा मा भी स्वर्ग राजमा ओतरो आनंद ओयहे ,जतरा नव्यानवन धरमी बारामा नी ओये जीनुह मन फिरावणे जरवुत निमले ।⁸८) नीते कुण ओहली बाई से तेरपाह चांदीन दस रुपया से ,तेतार ची बाई दिवु लागाडीन बारी हुरीन नी जुडे ताह तक जीव लागाडीन हुदती नी रोये?

⁹९) अने जेतार जुड जाहे,तेतार ची बाई तेरी दुस्तीह अने तेरे हाते वावाहा हादीन एकठी कोरीन कोयहे के मार हाते आनंद कोरु ,काहाके मारु नाखायकु चंदीन रुपायु जुड गोयलु ।

¹⁰१०) म तुमुह कोयो के इन रिते एक मन फिरवणेवावा पापीन बारामा परमेश्वरन स्वर्गदुतन सामने आनंद ओयतलो ।¹¹११) फसु येशु कोयु ," एक माणहन दुय पुरया ओता ।

¹²१२) तीनु दुयोमा आयतलु तेरा बाबाह कोयु ,बाबा संपत्ति मा ज्यु मारु वाटु से च्यु मेहे आपदे ,च्यु बाह तेरी संपती वाट देन्यु ।¹³१३) अने ज्यादा दिही भी नी गोया , के च्यु पुरयु आखो एकठो कोरीन दुर देशमा जात रोयु ,चेहरी पाप - अने बुरी संगत मा तेर संपन्ती समाप्त ओय गोयी । ( नीतिवचन २९:३) ¹⁴१४) जेतार च्यु आखो खर्च करीन हार देन्यु ,तेतार तीना देसमा काव पोडयु , अने च्यु कंगाल ओय गोयु ।¹⁵१५) अने च्यु तीना देसोन एक निवासी पाह गोयु ,च्यु निवासी तीनाहा हुंवरया चारने कोरीन मुकल्यु । ¹⁶१६) अने च्यु यो हुदतोतु , के च्या भुयमुगं जीनुह हुवरया खाता ओता तेर पर पेट भरे ,काहाके तीनाहा काहीच नी खाणे आपता ओता ।¹⁷१७) जेतार च्यु खुद समज गयु , तेतार खुदह कोयु ," के मारा बाबान घर खाणे देखो खुब जादा खाणे जुडतो ओतो ,अने भी या बुखलु मोरने बाज रोयुह ।

¹⁸१८) ओवी मी वापीस मारा बाबा पाह जाईह अने तीनाह कोईन ,बाब मी स्वर्ग विरोधमा अने तारा विरोध मा पाप कोरलु से ।( भजन संहिता ५१:४१)

¹⁹१९) ऐवी इनी लायकीन भी नीमले के तारु पुरयु कोवायो ,मेहे तारा एक मंजुर सारखु मेक ले ।²⁰२०) तेतार च्यु वापस तेरा बाबा पाहा जात रोयु ,च्यु ऐंवी सेटु ओतु ,के तेरु बाबु तीनाहा देखीन दौडीन आव्यु , अने गवे मिवायु अने तीनाहा गुवु देन्यु ।

²¹२१) पुरयु तेरा बाबाह कोयु , के बाबा मी स्वर्गन विरोधमा आने तारा विरोधमा पाप कोरलु से, अने एवी इन लायकीन नी रोयु के तारु पुरयु कोवायो ।²²२२) पुण तेरु बाबु तेरा नोकराह कोयु ,जल्दी जा हाजला माईन हाजला लुगडा लाव इनाहा पेराव तेरा हाथो मा मुंदी अने खाहाडा पेराव ।

²³२३) अने मोटी मेजवानी तीयार कोरु के आमु खाजे अने खुशी मनावजे ।

²⁴२४) काहाके मारु पुरयु मर गयलु ओतु फोसु जीवतु ओय गोयु ,नाखाय गोयलु ओतु एंवी जुड गयु ,अने च्या खुशी कोरया ।²⁵२५) पुण तेरु मोटलु पुन्यु खेतमा ओतु अने जेतार च्यु आवतु आवतु घर हाते पुच्यु तेतार तीना गावणे - वाजान अने नाचने आवाज होंबायु ।

²⁶२६) च्यु एक नोकरह बुलाडीन फुस्यु के यो काय ओयणे बाज रोयो ।

²⁷२७) च्यु नोकर तीनाहा कोयु तारु भायी आव रोयुह अने तारु बाबु मोटो भोज तयार कोरलु से,अने तीना हाजलु देखलु से।²⁸२८) च्यु होंबीन तीनाहा खोत लागी , अने च्यु मायतु जाणे नी हुदे , अने तेरु बाबु आवीन तीनाहा मनाडने लाग्यु।

²⁹२९) च्यु तेरा बाबाह जवाब आप्यु ,देख मी ओतरा वरहे सेवा चाकरी कोरतु रोयु , अने कधी भी तारी आज्ञा नी टाव्यु ,ते भी तु मेहे एक बुकडान बच्चो भी नी आप्यु , के मी मारा दुस्ती हाथे ख़ुशी आनंद कोरो ।

³⁰३०) तारु पुरयु वेश्यामा तेर संपत्ति भर देन्यु तु तेरे। कोरीन भोज तैयार कराव्यु ।³¹३१) तेरु बाबु तीनाहा कोयु ,बेटा तु हमेशा मार हाते ओतु ,अने ज्यो काय मारो से, च्यो आखो तारो से।

³²३२) पुण एवी तु खुशी अने आनंद कोरनु जुवे ,तार भाय मर गोयलु ओतु ,जीवतु ओय गोयु,नाखलु ओतु ,सापडी गोयु ।

Chapter 16

¹१) फसु येशु चेलाह भी कोयु एक धनवानन एक भंडारी ओतु अने भंडारीह तीना धनवानन सामने दोषी (गुनेगार)बनाव्या के यु तारी संपत्ती रिकामु उडावतु। ²२)तेतार धनवान तीनाहा हादीन कोयु के यो काय से मी तारा बारामा काय होबवणे बाजरोयुह तु तारा सबुतन देखी आप दे काहाके तु एवी भंडारी नी रोय सेकतलु।³३) तेतार भंडारी वीचार कोयु एवी मी काय कोरो काहाके मारू मालीक मारो काम बंद कोरदेहे कादुव ते मेहे खोंदाये नी अने भीख मागणे मेहे लाज आवहे।

⁴४) मी समझी गोयु के मेहे काय करनु से काहाके मारो काम बंद ओय जाहे मारो काम छुट जाहे तेतार माणहे मेहें तीदरा घरमा नी लेय।⁵५) अने च्यु तेरा मालकन एक एकह बुलाव्यु पेल्लाहा फुस्यु के तार पर मारा मालकन कोतरो कर्ज से। ⁶६) च्यु कोयु शंभर मन जैतुनन तेल तेतार च्यु तीनाह कोयु के तारो वही खातो ले अने बोठीन पन्नास लेख दे।

⁷७) फसु दुसराहा फुस्यु तार पर कोतरो कोर्ज से च्यु कोयु शभंर मण गंव तेतार च्यु तीनाहा कोयु तारा खाताम अस्सी लेख दे)। मालक तीना पापी माणहह पारख्यु के काम करने चतुर से काहाके इना संसारन माणहे रिती व्यावहार माज्या उजावान माणहो देखा जास्ती चतुर से।⁸८) मालक तीना पापी माणहह पारख्यु के काम करने चतुर से काहाके इना संसारन माणहे रिती व्यावहार माज्या उजावान माणहो देखा जास्ती चतुर से।

⁹९ )अने भी तुमुह खंर कोयो के अधर्मन धन देखा तुमरा दुस्ती बणाव लेयु काहाके जेतार च्या जान रोये ते च्या तुमुह अनंन नीवासमा लीलेय।¹⁰९०) ज्या थुडामा थुडा विश्ववासमा से च्या हंववमा विश्ववास योग्य से ज्या थुडाक थुडा अधर्म से खुब हंववमा आधर्म से।

¹¹११) इनान कोरता जेतार तुमु सांसारीक धन मा विशवास योगय नी रोये, ते तुमुहु खोरलो धन कुण सोपहे?

¹²१२) इनान कोरता जेतार तुमु सांसारीक धन मा विश्ववासयोग्य नी रोये ते तुभुह खोरलो धन कुण सोपहे¹³१३) एने कानलु चेलु दुय मालीकन सेवा नी कर सेकतलु काहाके च्यु एकाहाने बैर कोरहे ने दिहरा हाते प्रेम कोरहे नीते एकाहाते मीवाईन रोयहे अने दुसराहा काहीच जाणे तुमु परमेश्ववरन अने धनन दुयन सेवा नी कर सेकतला।¹⁴१४)फरीसी ज्या लोभी ओता यी वात होबवीन उपहास को कोरने बाज गया ।

¹⁵१५) च्यु तीनुह कोयु तुमु ते माणहोन सामने खुदह धर्मी करावणे बाज रोयाह पुण परमेश्वर तुमरा मनह जाणतलु कहाके जी वस्तुतव माणोहन नजरमा महान से ची परमेश्वर हाते वाईट से।¹⁶१६) जहा तक योहान आवलु ताह तक व्यावस्था अने भविण्यद्क्त प्रभाव मा ओता तीना टेमे देखा प्ररमेश्वर राजन सुसमाचार कोयताओता अने हर कुण तीनामा प्रभाव देखा प्रवेश करता ओता।

¹⁷१७)आकाश अने धरतीत वणे व्यावस्थान एक टिंबु मिटायणे देख सहज से।¹⁸१८)ज्यु कुण तेरी लाडीह काढ देय अने दिहरीहाते वियाव करतलु च्यु व्याभीचार करत्लु च्यु कुण ओहली निकवली बाई हाते वियाव कोरतलु च्यु भी व्याभीचार कोरतलु।¹⁹१९)एक धनवान भाणुह ओतु बैंजनी कपडा अने मलमल पेरतु ओतु अने दाडीन सुख विकास अने धुम धाम मा रोयतु ओतु।

²⁰२०) लाजर नावन एक गरीब बिमार जेरा शरीर पर जख्म ओता तीनाहा धनवानन झुपे लावीन मेकता ओता।

²¹२१)अने तीनाहा यो जुवतो ओतो धनवान खाणो खायन उगरलं खाणं खाईन पेट भरतोतु उंजु कुतरा भी आवीन तेरा जखम चाटता ओता।²²२२) अने एहे ओयो के च्यु भिकारी लाजर मर गयु अने स्वर्ग दुत तीनाहा लीजाईन आब्रहमन खुवामा मेक्या अने धनवान मर गयु अने तीनाहा दाक देव्या। ²³२३)अने नरकमा तोनाहा पीडा ओयी अने डुवा उचा कोरीन देख्यु अने सेटुज देखु आब्रमन खुवामा लाजरह देख्यु ।²⁴२४) अने तीनाहा आयडीन कोयु,से बाबा आब्रमन मार पर दया कोरीन लाजरह मुकोल, काहाके तेरी आंगुव कोरीन एक थेम पाणीमा भिगवीन मारी जीभ ठंडी कोरे ,ठहाके मी इना आठठामा तरास कोरने बाज रोयुह ।²⁵२५) पुण आब्राम कोयु ,हे पुन्या याद कोर के तु तारा जीवन न टेमे हाजी चीज ली लेदयू से ,अने तेहेज लाजर भी खराब चीज पुण एंवी या शांती जुड रोयीह ,अने तु तरास कोरने बाज रोयुह।

²⁶२६) अने इन आखी वातोह छुडीन आमरे अने तारे विचमा एक खुब मोटी खाई से की ज्यु कुण यें देखू ओये अने ओये देखु यां आवणे हुदे ते नी जाय सेके ,अने कुण ओय देखु यां नी आव सेके ।²⁷२७) च्यु कोयु हे पिता मीतोह विनती कोरतलु ,के तु होयाहा मारा बाबान घर मुकोल । ²⁸२८)काहाके मारा पाच बायहे से लाजर तीदरे सामने इन वातोह तीनुह कोयदेय ओहलो नी ओये के च्याभी इनपिडाम जागामा आवे।²⁹२९) आब्रहम तीनाहा कोयु तींदरे पाह मुसान अने भविष्य द्क्तान पुस्तकें से च्या तेरी होंबवे। ³⁰३०)च्यु कोयु नी हेपिता अगर कुण मोरलु माणुह फोसु जाईण तीनुह कोयहे तेतार च्यु मन फिराव। ³¹३१)च्यू तीनुह कोयु जेतार च्या मुसा अने भविष्य द्क्तान नी होंबवे ते अगर मरला माणहोन च्यु जीव उठे तेभी तेरो नी होबंवे।

Chapter 17

¹१) फोसु तेरा चेलाहा कोयु, यो ओयणे से के ची वात जी पापन कारण से ,आवहे पुण हाय तीना माणहह जेरे वजेसी ची आवतली । ²२) ज्यु इन आयतला मायला कानला एकाहा ठुकर खावाडतलु ,तेर कोरीन यो हाजो से , के चक्कीन पुढ तेरा गवामा बादीन अने तीनाहा समुंद्र मा नाख देय ।³३) सावध रोयु ,अगर तार भाय गुनु कोरे ते तीनाहा जुल अने अगर च्यु पछताये ते क्षमा कर । ⁴४) अगर दिह भर मा च्यु सात वार गुनु कोरे ,अने सातवार तारपाह आवे ,अने कोये के मी पछतावु कोरो ते तीना तु क्षमा कर।⁵५) तेतार चेला येशुह कोयु ,आमरु विश्वास वाढाव ।

⁶६) येशु कोयु," तुमु राईन दाणा बराबर भी विश्वास कोरहे ,ते तुमु इना जाडोह कोयहोन थुडमा देखो उखवीन समुदरमा जात रोय तेतार च्यो तुमरो हबंवी लेहे⁷७) तुमु मा ओहलु कुण से,जेरु नोकर जुतो जुपहे या मेढा चारतु ओहे ,अने जेतार च्यु खेतमा देखु आवे,ते तु तिनाहा कोये ,जल्दी आवीन रुटु खाणे बोठ । ⁸८) बाकीन च्यु एंहे कोयणे रोयणे दीन एंहे कोयहे मार कोरता खाणो रांद मी खायलीन नोवरायीह तांहालोगोण कडो बांदीन मारी सेवा चाकरी कोरतु रोय ओवतु तु खाय पीय लेजी.⁹९) काय मालक तीना दासन उपकार मानहे के च्यु ज्यो काम कोन्यु जी तीनाहा कोयलो ओतो । ¹⁰१०) इन रीते देखु तुमु भी जेतार तीन कामोह आखो कोरलेय लेहे ज्यो कोरने तुमह कोयलो से ,ते कोयु आमु निकम्मा नोकर से , के ज्यो आमुह कोरनु ओतो च्यो कोन्या ।¹¹११) अने ओहलो ओयो के यरुशलेम मायता जाता ओता सामरीय अने गालील मेरे देखा जाता ओता । ¹²१२) अने कानला गावमा भरायताच तीने टेमे दस कुढयाव मिवाया ।( लैव्य १३:४६) ¹³१३) अने च्या सेटा अभरोन मोटे आयडीन कोया," हे येशु , हे स्वामी आमु पर दया कर ।¹⁴१४) येशु तीनुह देखीन कोयु ," जाऊ अने तुमरा याजकह देखाडु ,अने जाते जाते च्या शुदध ओय गोया ,( लैव्य १४:२,३)

¹⁵१५) तीनुमा एक यो देखीन आव्यु के भी हाजु ओय गोयु ,मोटे आयोडतु परमेश्वरन बोडाय कोरतु आव्यु । ¹⁶१६) अने येशुन पाया पोडयु , अने येशुन धन्यवाद कोन्यु, अने च्यु सामरी माणुह ओतु ।¹⁷१७) एर पोर येशु कोयु ," काय दस ने दस शुदध नी ओया ,ते नव का से ¹⁸।१८) इना परदेसी सुडीन दिहरु नी निकव्यु ,ज्यु परमेश्वरन बोडाई कोरतु । ¹⁹१९) तेतार च्यु तीनुह कोयु," उठीन जात रोय ,तारु विश्वास तोह हाजु कोरलु से।²⁰२०) जेतार फरीसी तीनाहा फुस्यु , के परमेश्वरन राज केतार आवहे? तेतार येशु तीनुह जवाब आप्यु, परमेश्वरन राज देखाये नी।

²¹२१) अने माणहे कोयहे , के देखु यहारी से ,नी ते पले से ,काहाके परमेश्वरन राज तुमरा विच मा से ।²²२२) अने येशु चेलाहा कोयु," च्या दिही आवहे ,जीणामा तुमु माणहोन पुन्यान दिह मा एक दिह देखणे हुदहोत पुण नी देख सेके।

²³२३) माणहे तुमुह कोयहे ,देखु च्ये से नी ते देखु यां से ,पुण तुमु जुण जाता ,अने तींदरे फोसोव ओयता। ²⁴२४) काहाके जेहे कोरीन विज आकाश मा एक वखे देखी ककडती आकासन दुहरी वखे ,चमकतली ,तेहेज परमेश्वरन पुन्यान भी तेरा दिहोमा प्रकट ओयहे ।²⁵२५) पुण पेल अवश्यक ( जरुरी ) से के च्यु खुब दुख उठावे अने इना युगन माणहे ,तीनाहा पापी ठरावहे । ²⁶२६) जेहे नोहान दिहोमा ओयलो ओतो ,तेहे माणहोन पुन्यान दिहोमा भी ओयहे ।( इब्रानियों ४:७,२४:३७:३९,उत्पती ६:५-१२)। ²⁷२७) जीने दिह तक नुहु जहाज पर नी चढयु तीने दिही तक माणहे खाता -पिता अने लेने- देणं कोरता ओता ,अने साखरपुडु अने वियाव ओयतु ओतु ,तेतार जलप्रलय आवीन तीनु आखाहा आवीन नाश कोर देलो ।²⁸२८) अने जेहे लुतन दिहोमा ओयलो ओतो , के माणहे खाता पिता अने लेण - देणं कोरता ओता ,झाडे लागाडता अने घर बणावता ओता ।

²⁹२९) पुण जेदीह लुत सदोम मां देखु निकव्यु ,तीने दिह आग अने गंधक आकाश मा देखी पोडणे बाज गयी ,एने आखो नाश कोर देन्यु।( २ पतरस २:६,यहुन्ना १:७, उत्पत्ति १९:२४)³⁰३०) माणहोन पुन्यान प्रगट ओयणे दिह भी ओहलो ओयहे ।

³¹३१) तीने दिह ज्यो घरपर रोये ,अने तेरो समान घरमा रोये च्यु तीनाहा लेणे कोरीन नी आवे ,अने तेहेज ज्यु खेतोमा ,रोये च्यु फोसु फिरीन नी आवे ।³²३२) लुतन लाडीह ओर ओर कोरजु ।( उत्पत्ति १९:२६, उत्पत्ति १९:१७)

³³३३) ज्यु कुण आपणु जीव वाचाडणे देखे च्यु तीनाहा खुव देहे अने ज्यु कुण तीनाहा खुवहे ,च्यु तीनाहा वाचाड लेहे ।³⁴३४) मी तुमुह कोयो ,तीनी राती एक खाटलापोर रोयहे ,एकाहा लीजाणे आवहे ,अने दिहरु सुड जाहे । ³⁵३५) दुय बाया घटटी धवहे ,एकीह लीजाणे आवहे,दुहरीह सुड देहे । ³⁶३६) दुय जण खेतमा रोयहे एकाहा लीजात रोयहे दुहराहा छुड देहे । ³⁷३७) यो हबींन येशुह फुस्या ," हे प्रभु यो कां ओयहे ? येशु तीनुह कोयु,जहारी मरला माणहोन धोड से च्या गुवडा एकठा ओयहे ।( अय्युब ३९:३०)

Chapter 18

¹१) बादमा इना बारामा हमेशा प्रार्थना करने अने हिम्मत नी छुडनु जुवे तीनुह यो दाखलामा कोयु । ²2) " एक शहरमा एक न्यायी रोयतोतु ,ज्यु नी परमेश्वरह भी पर्वा ओतु नी कानला माणहोन पर्वा कोरतु ओतु ।³3) अने तीना शहर मा एक रोंडायली भी रोयती ओती जी तिना माणहो पाह आवीन कोया कोरतोती ,मारु न्याय कोरीन मेहे इना मुददाई देखु वाचाड । ⁴4) च्यु कोतरी टाईम तक तेरो नी मान्यू ,पुण आखरीमा मनमा विचार कोरयु अगर मी नी ते परमेश्वरह भीतलु नी माणहोह पोरवा कोरतलु ।

⁵5) ती भी यी रंडायली मेहे दाडीन सोताडतली ,इनान कोरीन मी एरु न्याय कोर देव कधी ओहलो नी ओये के यी घडी घडी आवीन मारा नाकमा दम करदेय ।⁶6) येशु कोयु , " हंबवु के यु पापी न्याय काय कोरहे ?

⁷7) अवते काय परमेश्वर आपणा निवाडलान न्याय नी कोरे ज्या रात दिह तीनाहा दुवा देतला काय च्यु तींदरा बारामा धीर कोरहे ?

⁸8) मी तुमुह कोयो,च्यु लगेच तिंदरु न्याय कोरहे ,पुण माणहोन पुरयु जेतार आवहे तेतार काय धरती पर विश्वास देखायहे ?⁹9) अने ज्या तेरे उपर भुरहु मेक तोता के आमु धरमी से, दुहराहा पापी समझता ओता,यु दाखलु कोयु । ¹⁰10) दुय माणहे मंदीर मा प्रार्थना कोरने गोया, एक फरीसी अने दिहरु लेणेदार ओतु ।¹¹फरीसी उभु रोईन मनमा प्रार्थना कोर्यु हे परमेश्वर तारो धन्यवाद कोरतलु , के मी दिहरा माणहोन सारखु ,पाप कोरेने अन्याय अने व्याभीचार नी कोरो अने नी इना लेणेदारन सारखु से । ¹²मी आप्तामा दुयवारि उपवास कोरतलु मी मारी आखी कोमाईमा दस अंश भी आपतलु ।¹³पुण लेणेदार सेटु उभरोयन स्वर्ग खेर डुवा उचा भी नी कोर्यु ,तेरी छाती ठुकी ठुकीन कोयु ," हे परमेश्वर मी पापी से, मेहे पर दया कर।

( भजन संहिता 51:1)

¹⁴मी तुमुह कोयो, के च्यु दुहरु नी पुण युच माणुह धरमी कोवायु ,अने तेरे घर गोयु ,काहाके ज्यु कुण खुदह मोटु बोणावे तीनाहा आयतु बोणावणेमा आवहे ,अने ज्यु खुदह आयतु बोणावहे तीनाहा मोटु बोणावणेमा आवहे ।¹⁵15) बादमा माणहे तींदरे पुन्याह भी तेरे पाह लाव्या ,के येशु तींदरे उपर हाते मेके अपने चेला यो देखी तीनुह रुकणे लाग्या । ¹⁶16) येशु पुन्याहा हाते हादीन कोयु ,पुन्याहा मार पाह आवणे देवु ,अने तीनुह मना मा कोरु ,काहाके परमेश्वरन राज इंदरो से । ¹⁷17) मी तुमुह खोरी कोयो , के ज्यु कुणी परमेश्वरन राजह इनु पुन्यान सारखो स्वीकार नी कोरे ,च्या स्वर्ग मा कधी प्रवेश नी कर सेके ।¹⁸18) एक सरदार फुस्यु ,हे उत्तम गुरु ,अनंत जीवन अधीकारी ओयणेन कोरीन मी काय कोरो ?

¹⁹19) येशु तीनुह कोयु ,तु मेहे उत्तम काहा कोयतलु ? कुणी उत्तम नीमले ,फकत बस एक से परमेश्वर ।

²⁰20) तु आज्ञा ते तु जाणतलु , व्याभिचार जुण कोरतु ,हत्या जुण कोरतु ,चुरी जुण कोरतु झुठी गवाही जुण देतु ,तार बाबान अने आईन आदर कोरजी ।

²¹21) च्यु कोयु मी ते यी आखी वात बचपन मा देखु मानतु आवलु से।²²22) यो हबंवीन येशु तीनुहा कोयु ,तारे मा एक वातन एवी ऊंजु कमी से ,तारो से च्यो आखो वेचीन गरीबोह वाट दे अने तोहो स्वर्ग मा धन जुडहे ,अने अवीन मारे फसव चाल । ²³23) यो हंबवीन खुब उदास अने नाराज ओयु ,काहाके च्यु खुब धनवान ओतु ।²⁴24) येशु यो देखीन कोयु , धनवानोन स्वर्ग राजमा जाणे खुब कठीन से ।

²⁵25) परमेश्वरन राज मा जाणे देखो उटडान हुईन डुचामा देख निकवणे सोप से।²⁶२६) अने हबंणेवाला कोया ,तेतार कुणीन उदधार ओयहे ।

²⁷२७) येशु कोयु ,ज्यु माणुह नी कोर सेकतलु च्यो परमेश्वर कोर सेकतलु ।²⁸२८) पतरस कोयु ,देख आमु ते घर बार सुडीन तार फसव आव्या ।

²⁹२९) येशु तीनुह कोयु ,मी तुमुह खोरों कोयो के ओहलु नीमले ज्या भी परमेश्वर राजन कोरीन घरमा लाडी या भाई या आयी - बाबु या बाल बच्चा छुड देल्ला से। ³⁰३०) अने इन टेमे काही ज्यादा नी जुडयो अनो परलोक मा अनंत जिवन ।³¹३१) फोसु च्यु बारा चेलाहाते लीन तीनुह कोयु ," आमु यरुशलेम मा जाताहा अने जतरी वात माणहोन पुरयान कोरीन भविष्यद्वक्ता द्वारा लेखायली से ची आखी पुरी ओये । ³²३२) काहाके च्या अन्यजातीन हाथोमा सोप देहे अने तेरु मजाक बोणावहे ,अने तेरु आपमान कोरहे ,अने तेर पोर थुपहे ।

³³३३) अने तीनाहा चपकडा देहे ,मार नाखहे ,अने तीसरे दिह च्यु जीवतु ओयहे ।³⁴३४) अने च्या इनी वातोह एकाह भी नी समझी ,अने यी वात लिकायन रोयी ,अने ज्यो कोयणे आवलो ओतो तीदंरे समझ मा नी आव्यो ।³⁵३५) जेतार च्या योरीहो हाते पुच्या ,तेतार एक आंधवो सडकन किनारे बोठीन बिख मांग तु ओतु । ³⁶३६) अने गरदीन आवाज हबींन ,फुच्यु " ये काय ओयणे बाजरोयीह ।

³⁷३७) च्या तीनाहा कोया,येशु नासरी जाणे बाज रोयुह ।³⁸३८) तेतार च्यु आयडीन कोयु, हे येशु दाउदन पुन्या मार पर दया कर ।

³⁹३९) ज्या अगव अगव जाता ओता ,च्या तीनाहा जुलीन ठावका करता ओता ,पुण च्यु जुरे जुरे आयडीन कोयु हे दाऊदन पुन्या मेहे पर दया कर।⁴⁰४०) तेतार येशु उभ रोईन आज्ञा आप्यु , के इनाहा मार पाह लावु ,अने जेतार हाते आव्यु , तेतार येशु यो फुच्यु ।

⁴¹४१) तु काय हुदतलु ," मी तार कोरीन काय कोरो ,च्यु कोयु ,हे प्रभु मी देखणे से⁴²४२) येशु तिनाह कोयु ,देखने लाग ,तारु विश्वास तोहो हाजु कोरलु से।

⁴³४३) अने च्यु लगेज देखने बाज गोयु ,अने परमेश्वरन बडाई कोरतु तेरे फोसव चाल पोडयु , अने आखा माणहे देखीन परमेश्वरन स्तुती कोर्या ।

Chapter 19

¹१) च्या यरीहो मा अयता जाता ओता।

²२) चें जक्कई नावन एक माणुह ओतु च्यु लेनेदारन सरदार ओतु ,अने धनी ओतु³३) च्यु येशुह देखणे हुदतोतु , के च्यु कानलु से ? पुण गरदी दोखू देखनी सेकतोतु , काहाके च्यु बुटक्यु ओतु । ⁴४) तेतार येशुह देखणे कोरीन ओगोव दौडयु एक गुलरन झाड पर चढ गयु ,काहाके येशु तिने वाटे जाणे वावु ओतु ।⁵५) जेतार येशु तीने जागे पुच्यु ते उपर नजर कोरीन तीनाह कोयु, हे जककय जल्दी उतरीन आव ,काहा के मी आज तार घर रयणे से।

⁶६) जक्कय लगेच उतरीन खुश ओयीन येशुह तेर घर ली गोयु ।

⁷७) यो देखीन आखा माणहे कुरकुर कोरने बाज गोया ,यु ते एक पापी माणहोन घर जायेह ।⁸८) जक्कय येशुह उभरोयन कोयु , " हे प्रभ देख मी मारी आरधी संपनती गरीबोह आपो ,अने अगर कुणीन काय भी लबाडी कोरीन लेदयु ओहे ,तेतार तेरो चार गुणा फेरवी दिही ।( निर्ग २२:१)

⁹९) तेतार येशु तीनाह कोयु," आज इना घरमा उदधार आवलो से।( मन्ती १५:२४, यहे .३४:१६)

¹⁰१०) काहाके माणहोन पुरयु नाखायला माणहोह हुदणे एने वाचाडने आवलु से¹¹११) जेतार च्यु यी वात होंबतोतु ,तेतार येशु एक दाखलु कोयु इनान कोरता के च्यु येरुशलेमन हाते ओतु , अने च्या समझता ओता के परमेश्वरन राज ऐंवी देखायहे । ¹²१२) ओवतु तीनुह कोयु ," एक धनवान माणुह परदेस गोयु ,काहाके राजपद प्राप्त कोरीन फोसु वापस आवे ।¹³१३) अने च्यु तेरा दासमायला एक दास बुलावीन तीनाहा दस मोहर आप्यु ,मेहे आवणे तक लेन देन कोरजी । ¹⁴१४) पुण तेरा सहर माय तीनाहाते वाईट होता ,अने तींदरे फसव कोईन मुकल्यु ,आमुह नी जुवे के यु आवीन आमरे पर राज कोरे । ¹⁵१५) जेतार च्यु राजपाट प्राप्त कोरीन वापस आव्यु ,तेतार ओहलो ओयो , के च्यु तेरा नोकरह तीनुह ज्या मोहरो आपलु ओतु तेरा पाह हादयु ,काहाके मालुम पोडे के तीनुह मी लेन देन कोरीन काय काय कमायला से।¹⁶१६) तेतार पेललु आवीन कोयु , हे स्वामी तारा मुहरा देखु दस मुहर अवी कोमायलु से। ¹⁷१७) च्यु तीनाहा कोयु ,हे मारा विश्वासु दास तु धन्य से,तु थुडाक मा विश्वास योग्य निकवलु से,सेभी दस सहरो पर अधिकार कोरजी ।¹⁸१८) दुहरु आवीन कोयु ," हे स्वामी तारा पाच मुहर देखु ओवी पाच मुहर कोमायलु से। ¹⁹१९) च्यु तीनाहा कोयु ,तु भी पाच शहरो पर अधीकार कर ।²⁰२०) तीसरु मी आवीन कोयु, हे स्वामी देख तारा मुहर या होया ,तीनुह मी मारा फेटा मा बांधीन मेक रोयुह । ²¹२१) काहाके मी भीहतु ओतु ,इनान कोरता के तु कठीण माणुह से ,ज्यो तु नी मेके च्यो चुट लेतलु ,जे तु उर तलु चेहरी काटणी काटतलु ।²²२२) च्यु तीनाहा कोयु," हे दृष्ट दास मी तारा कोयणे पर तोहो दोसी ठरावतलु ,तु मेहे जाणतोतु के मी कठीन माणुह से,ज्यो मी नी मेकतलु च्यो चुट लेतलु ,जे भी नी उरतलु चेहरी काटणी काटतलु । ²³२३) ते तु मारा रुपया सेट पाह काहा नी मेक्यु , के मी आवीन वीयाज सहीत ली लेतु।²⁴२४) अने ज्या माणहे हाते उभा ओता ,च्यु तीनुह कोयु,या मुहर तीनापा देखा लिलेयु ,अने जीना पाह दस मुहर से तीनाहा आप देयु ।

²⁵२५) च्या तीनाहा कोया,हे स्वामी तेर पाह दस से।²⁶२६) मी तुमुह कोयो,जेर पाह से ,तीनाह आपणे मा आवहे ,जेरे पाह नीमले तेरे पाह मागणेमा आवहे ।

²⁷२७) पुण मारा दुस्मोनोह के ज्यो नी हुदतला की मी तीनु पोर राज कोरो , तीनाह यहारी लावीन मार सामने मार नाखु ।²⁸२८) या वात कोयीन च्यु यरुशलेम दोखू अगव अगव चालतु गोयु।²⁹२९) अने जेतार च्यु जैतुन नावन बोयडा पर चेलाहा दुय दुय कोरीन मुकल्यु ।

³⁰३०) सामनेन गावमा जाऊ ,अने चेहरी पुचताच एक गदडीन बच्चो जीना पर कधी नी बोठीन सवारी कोरलु नी ओहे ,बांधलो तुमुह देखायहे तीनाहा सुडीन लीयावजु।

³¹३१) अगर कुण तुमुह फुसे , के काहा छुडतला ,तेतार यो कयजु के प्रभु येशुह एरी जरुरत से ।³²३२) जीनुह मुकल्ला ,च्या जाईन देख्या जेहे कोयलो तेहे देख्या ।

³³३३) जेतार च्या गदडान बच्चाहा सुडता ओता ,तेतार तेरु मालक तीनुह फुस्यु ,इना बच्चाहा काहा छुडतला । ³⁴३४) च्या कोया ," येशुह एरी जरवुत से।

³⁵३५) च्या तीनाहा येशु पाह लाव्या , अने तीदंरा लुगडा तीना बच्चा पोर नाखीन येशुह तेर पर बठाड देन्या । ³⁶३६) जेतार च्या जाता ओता ,तेतार तीदंरा कपडा वाटे पर आथरतोता ।( २ राजा ९:१३)³⁷३७) अने हाते आख्या तेतार च्या जैतुनन बोयडान दडे पुचला ओता , तेतार तेरा चेलान मडंली तीनु आखा सामर्थन कामोन वजे च्या ज्यो देख्या ओता,अने खुशी देखा मोटे शब्दामा परमेश्वरन स्तुती कोन्या।( जकन्या ९:९)

³⁸३८) धन्य से च्यु राजा ,ज्यु प्रभुन नाव देखु आवतलु , स्वर्ग मा शांती अने आकाशमा महिमा ओये।( भजन संहिता ७२:१८-१९,११८:२६)³⁹३९) तेतार गरदी देखा कोतराक फरीसी तीनाह कोयणे बाज्या , हे गुरु तारा चेला झुलं। ⁴⁰४०) च्यु जवाब आप्यु," मी तुमुह खंर कयह अगर या ठावका रोया ते दगडा आयडी पोडहे ।⁴¹४१) जेतार च्यु हाते आव्यु , ते नगर देखीन तेरे पर रोडयु ।

⁴²४२) अने कोयु ," काय भलो ओयतो , के तु होव तुज इना दिहोम हाजी वात जाणतलु ,पुण एवी ची तारा डुवे देखी लिकाय गोयली से।( व्यावस्थाविवरण ३२:२९, यशायाह ६:९-१०)⁴³४३) काहाके च्या दिहे आवहे ,तारे पोर के तारा दुस्मन इकठठा ओयन तोहो घर लेहे ,अने चार देखा तोहो दाबावहे ।

⁴⁴४४) अने तोहो अने तारे हाते तारा पुन्याहा कादवमा मिवाडहे,अने तार पर दगडा पर दगडु भी नी सुडे ,काहाके तु टाईम ओतु तेतार क्रपा दृष्टी नी कोर्यु नी उवख्यु ।⁴⁵४५) तेतार च्यु मंदीर मा जाईन वेचणाराहा निकाव्यु ।

⁴⁶४६) अने तीनुह कोयु," लेखलो से मार घर प्रार्थना घर रोयहे ,पुण तुमु डाकुन आडडो बाणाव देल्ला से।( यशायाह ५६:७, यिर्म ७:११) ४७) अने च्यु प्रती दिही मंदीर मा उपदेश करतोतु ,अने प्रधान याजक अने शास्त्री ,अने माणहोन प्रमुख तीनाहा मारनेत कोरीन मोकु देखता ओता ।⁴⁷४७) अने च्यु प्रती दिही मंदीर मा उपदेश करतोतु ,अने प्रधान याजक अने शास्त्री ,अने माणहोन प्रमुख तीनाहा मारनेत कोरीन मोकु देखता ओता ।

⁴⁸४८) पुण काही उपाय नि निकव्यु के यो कानली रीते कोरनु ,काहाके आखा माणहे खुब ध्यान देखा तेरो होंबवतोता

Chapter 20

¹१) एक दिह ओहलो ओयो के जेतार येशु मंदीरमा उपदेश कोरतु ओतु अने सुसमाचार होंबवाड तोतु तेतार

पृधान याजक अने शास्श्री प्राचीनो हाते आवीन उभ रोया।

²२) अने कोया आमूह कोय तु या काम कानला अधीकार देखु कोरतलु अने च्यु कुण ये ज्यु तोह अधीकार आपलु।³३) येशु तीनुह जवाब आप्यु मी तुमुह इक वात फुसो मेहे कोयु।

⁴४) योहानन बाप्तीस्मा स्वर्ग देखो ओयलो के माणहो देखो ओयलो।⁵५) तेतार च्या एक दिहरा हाते कोयणे लाग गया अगर आमु कोयहु स्वर्ग देखाने यु कोयहे तेतार तुमु भुरहु काहानी कोया।

⁶६)अने आमु कोयहु माणहो देखो तेतार आखा माणहे आमुह दगडा देहे काहाके च्यु खरं जाणता ओता के योहान भविष्य द्कता ओतु।⁷७)ओवता च्या जवाब अप्पयु आमु नी जाणतला के कुणी देखो ओतो।

⁸८)येशु तीनुह कोयु तेतार मी तुमुह नी कोयतु के मी यो काम कानला अधीकार देखु कोरतलु।⁹९) तेतार माणहोह यु दाखलु एक माणुह दा्क्षान एक वाडी लागाडयु अने एक अने खुब दिहन कोरीन परदेस जात रोयु (मरकु 12:12 मत्ती 21 :23)

¹⁰१०) अने तेरु टाईम आवणे पर किरसाणह पाह एक नोकरह मुकल्यु के द्राक्षान थुडाक वाटु तीनाह आपे ,पुण तीना मार कुट कोरीन ठाल्ले हाते मुकल्यु ।¹¹११) फोसु एक नोकरह मुकल्यु,अने तीनाहा भी मारकुट कोरीन वापीस मुकल्यु ।( आपमान कोरीन )

¹²१२) फोसु तीसरा नोकरह मुकल्यु अने च्यु तीनाहा भी घायव कोरीन मुकल्यु ।¹³१३) तेतार दाखनवाडीन मालक कोयु ,मी काय करो? मारा खुदन पुर्याह मुकलीह काय जाण च्यु तेरो आदर कोरे ।

¹⁴१४) जेतार किसान तीनाहा देख्यु ,तेतार सता विचार कोर्यू ," यु ते वारीस से आवणे दे मी इनाह मार दिह यो आखो मारो ओय जाहे ।¹⁵१५) अने च्या तीनाहा दाखनवाडी मा देखु बारथे लीजान मार देन्यु ,इनान कोरता दाखनवाडीन मालक तेरे हाथे काय कोरहे ?

¹⁶१६) च्यु आवीन तीना किसानन नाश कोरहे ,दाखनवाडी दिहराहा आप देहे , च्या कोया फरमेश्वर ऐहे नी कोरे ।¹⁷१७) च्यु तींदरे खरे बावीन कोयु,मंग यो काय लेखलो से।

¹⁸१८) जो कुण तीना दगडापर पडे चुरचुर ओय जाहे ,अने जीनापर च्यु पोडहे ढव देहे ।( दानी२:३४-३५) जीना दगडाहा राजमीस्त्री रिकामु ठरावलु , च्यु खुणान सिर ओय गोयु ।( भजन संहिता ११८:२२-२३)¹⁹१९) तीन टेमे शास्त्री अने प्रधान याजक तीना धरने देखता ओता ,काहाके समझ गया ओता के यीसु तीदंरे विरुदध दाखलु ,पुण च्या माणहोह भीहता ओता । ²⁰२०) अने च्या ताकता ओता ओवी खबरया मुकल्या , के धरमी बोणावे तेरी कुणीज नी वात धोरे के तीनाह राजपालन हाथोमा अने अधीकारमा होप देय ।²¹२१) च्या तीनाहा यो फुस्या ," हे गुरु आमु जाणतला के तु ठिक कोये अने सिकाडतलु भी ,अने कुणीन पप्तपात नी कोरतलु वोवीन परमेश्वरन मार्ग सच्चाई देखु देखाडतलु । ²²२२) काय आमुह कैसरह कर आपणु ठिक से के नी?²³२३) येशु तीदंरी चतराय बाविन तीनुह कोयु।

²⁴२४) एक दिनार मेहे देखाडु इनापर कुणीन छापु से अने नाव से ,अने च्या कोया कैसरन ।²⁵२५) येशु कोयु ," ते जो कैसरन से,च्यो कैसरह आपु अने जो परमेश्वरन से ,च्यो परमेश्वरह आपु । ²⁶२६) च्या माणहोन सामने तेरी वातह धरनी सेक्या बाकीन तेरा जवाब देखा आश्चर्य ओयीन ठावका रोय गोया ।²⁷२७) फसा सदुकी ज्यो कोयतला ,मरलान फसो जीवतो उठने नी से,तीनु मायन काही तेर पाह आवीन फुस्या।

²⁸२८) हे गुरु मुसु आमरे कोरीन लेखलु से,अगर कुणीन पाहा तेरी लाडी ओयते मर जाय ,पुरया नी रयो तेतार तेरु बाहो तीनी हाते वियाव कोर लेय, एने तेरा बाहोन वंश वाढावे ।( उत्पत्ति ३८:८, व्यवस्थाविवरण २५:५)²⁹२९) च्या सात बायहे ओता ,पेलु पेहलु वियाव कोरीन बिगुर पुरया ओयणे पेल मोर गोयु । ³⁰३०) फसु दुसरु। ³¹३१) तिसरु भी तीनी बाई हाते वियाव कोर लेदयु एने रीते सात बायहे बिगुर पुरया ओयणे सी मर गया। ³²३२) आखान फसव ची बाई भी मर गई।

³³३३) अवते जिवता ओयणे बाद मा ची कुणीन लाडी बोणहे ,काहाके यी सातु बायहोन लाडी बणली से।³⁴३४) येशु तीनुह कोयु," इना युगन पुरयान ते वियाव ओयतलु ।

³⁵३५) पुण ज्या माणहे योग्य ठरहे के तीना युगह अने मरला जीवता ओयणे कुशीत कोरे। शादी वियाव नी ³⁶ओये।३६) च्या फोसा मरन्या भी नी ,काहाके च्या स्वर्ग दुतोन सारखा रोयहे ,अने पुनरुत्थानन संतान ओयणे से परमेश्वरन भी पुरया कोवायहे ।³⁷३७) पुण इन वातोह के मरला जीवता ओयहे ,मुसु भी झाडोन कथा प्रगट कोरला से, के च्यु प्रभुह अब्राहमन अने इसाहाकन अने याकुबन परमेश्वर कोयलु से।( निर्ग.३:२,निर्ग.३:६)

³⁸३८) परमेश्वर ते मरलान नी पुण जीवतलन परमेश्वर से,काहाके तेरे हाते आखा जीवतला से।³⁹३९) तेतार यो हंबवीन शास्त्री मायला कोतराक कोया ," हे गुरु तु हाजो कोयु ।

⁴⁰४०) अने तीनुह अजुं फुसणेन हिम्मत नी ओती ।⁴¹४१) फसु च्यु तीनुह फुस्यु ," मसीह दाऊदन पूर्यू काहा कोयतला।

⁴²४२) दाऊद खुद भजन सहितान पुस्तक मा कोयतलु ।

⁴³४३) मारे जेवडे बोठ जहा भी तारा दुस्मनह तारा पायोमा चीत नी कोर देव ।

⁴⁴४४) दाऊद ते तीनाहा प्रभु कोयतलू ते च्यु तेरु पोर्यों केहे कोवायो।⁴⁵४५) जेतार आखा माणहे हंबता ओता , तेतार येशु तेरा चेलाहा कोयु। ⁴⁶४६) शास्त्री देखा सावधान रोयु ,तीनुह लांबा लांबा लुगडा पेरीन फिरने हाजो लागतलो । ⁴⁷४७) च्या रोंडायलान घरे खायजातला ,अने देखाडनेन कोरीन मोटी मोटी प्रार्थना कोरतला या खुब मोंटु दंड जुडहे ।

Chapter 21

¹१) फसु च्यु डुवा कोरीन धनवान आपणु आपणु दान दानपात्रामा नाखतला देख्यु ²।२) अने एक गरीब रोडायलीही भी तीनामा दुस दमठया नाखतली देख्यु ³।३) तेतार येशु कोयु ,मी तुमुह खंर कोयो , के यी रोंडायली आखा दोखी जादा दान कोरली से । ⁴४) काहाके च्या आखा आपणी आपणी बढती मा दानमा थुडोक नाखला से,पुण यी ते तेरी आखी जीवन कमाय नाख देनली से ।⁵५) जेतार कोतरा माणहे मंदीरोन विषय कोयता ओता,के मंदीर कोतरा सुंदर दगडा अने भेंट करली वस्तु देखा साजाडला तेतार येशु कोयु।

⁶६) च्या दिह आवहे ,जीनमा यी आखी वस्तुक देखणे बाज रोया ,तीनामा यहारी देखो दगडापर ,दगडु भी नी छुटे जु नी पोडे एहे नी ओये ।⁷७) च्या तीनाहा फुस्या हे गुरु यो आखो केतार ओयहे , अने यी वात जेतार पुरी ओयणेन आवहे , तेतार तीने टेमेन काय चीन्न रोयहे।

⁸८) येशु कोयु, सावधान रोयु , के भरमावणेमा नी आवे ,काहाके खुब मारा नाव देखा आवीन कोयहे , के मी येशु से,अने यो भी के टेंम हाते आव लागलो से, तुमु तेरे फोसोव जुण जात रोयता ।( १ युहन्ना ४:१,मार्क १३:२१-२३)

⁹९) अने जेतार तुमु लडाईन अने बलवान चर्चा होंबे ते घबराय जुण जाता ,काहाके इनदरो ओयणे जरुरी से, पुण तीने टेमे अंत नी ओये ।¹⁰१०) तेतार च्यु तीनुह कोयु,जाती पर जाती ,अने राज्य पर राज्य लडाई कोरहे ।( २ इतिहास १५:५-७, यशायाह १९:२)

¹¹११) अने मोटा मोटा भुकंपा ओयहे , अने जागे जागे काव पोडहे ,अने महामारी आवहे ,आकाशमा भयंकर वाते अने मोटा मोटा चिन्ह देखाय पोडहे ।¹²१२) पुण इनवातन पेल च्या मार नाव देखा तुमुह दोराव देहे अने सताडहे ,अने आराधना मा सौपहे ,अने बदींखानामा नाखाडहे ,अने राजान अने राज्यपालन सामने लीन जाहे । ¹³१३) पुण यां तुमरे कोरीन गवाही देनेन अवसर ओय जाहे ।¹⁴१४) इनान कोरता आपणा आपणा मनमा ,ठान लेयु के अमु पेल देखा उत्तर देणेन चींता झुण कोरता । ¹⁵१५) काहाके मी तुमुह ओहलो बुल अने बुद्धि आपही के तुमरा आखा विरोधी सामना नी ते खंडन नी कर सेके ।¹⁶१६) अने तुमरा आई बाबा आने बायहे अने कुटुम्ब अने मित्र भी तुमुह दराव देहे ,यो तक के तुमरे मा कोतराकोह माराव नाख्हे ।

¹⁷१७) मारे वजे से आखा माणहे तुमु हाते दुसमनी मेकहे ।

¹⁸१८) पुण तुमरा मुंडोपोरलु एक भी जुटु नी पोडे ।( मन्ती १०:३०, लुका २:७)

¹⁹१९) " तारा धीरज देखु तारा जीवह वाचाडी मेकहे ।²⁰२०) " जेतार तुमु यरुशलेम सेना द्वारे घेर लेहे ,तेतार जाण लेहे के तेरो उजडनेन हाते से। ²¹२१) तेतार ज्या यहुदीयामा से च्या पहाड पोर नाह जाये ,ज्या यरुशलेम मा से च्या बारथे निकवी जाये ,अने ज्या गांव मा से च्या बारथे नी जाये । ²²२२) काहाके बदलु लेणेन या ओहला दिहे रोयहे ,जीनामा लेखलो वात पुरी ओय जाहे ।( व्यावस्था ३२:३५,यिर्म ४६:१०)²³२३) तीना दिहोमा बारहातली अने दुध पियाडती ओहे ,तीनदरे कोरीन हाय हाय काहाके देसोमा खुब तरास अने विपदा आवहे ।

²⁴२४) च्या तलवारीन सिकार ओय जाहे ,अने आखा देसोन माणहोह गुलाम बणाव लेहे अने जहा तक अन्यजातीन टेम पुरी नी ओये तहा तक यरुशलेम अन्यजाती देखा रोदवायहे ।( एर्जा ९:७,भजन संहिता ७९:१, यशायाह ६३:१८ , यिर्म २१:७, दानि ९:२६)²⁵२५) अने दिह अने चांद जरजहे अने तारा मा चिन्न देखायहे ,अने पृथ्वी पर देश- देशोन माणहोपर संकट आवहे ,काहाके समुदरन गरजने अने लहरे खड़खड़ाने देखा घाबरायहे ।( भजन संहिता ४६:२-३,भजन संहिता ६५:७, यशायाह १३:१०,योहे ३२:७,योए २:३०) ²⁶२६) अने भिखन वजे देखी संसार पर आवणे वाली घटनान वाट देखते - देखते माणहोन जीवोमा जीव नी रोये,काहाके आकाशन शक्ती हालवणे आवहे ।( लैव्या २६:३६,हैगै२:६,हैगै २:२१)²⁷२७) तेतार च्या माणहोन पुरया सामर्थ अने मोटी महिमा हाते वादवापोर आवतलु देखहे ।( प्रका.१:७,दानि ७:१३)

²⁸२८) जेतार मी वात ओयणे लागे तुमरो मुंड उपर कोरलु ,काहाके तुमरु छुटकारु हाते रोयहे ।²⁹२९) च्यु तीनुह एक दाखलु भी कोयु ," अजीरन झाड अने आखा झाडोह देखु । ³⁰३०) जेहे डिरा फुटतला तेतार देखी तुमु जाण लेतला ,के झाडे ववणेन मयनो हाते से । ³¹३१) इनी रिती यी वात ओयतली देख तेतार जाण लेजु के परमेश्वर राज हाते से ।³²३२) मी तुमुह खरी कोयो जी वात नी ओय जाय तहा तक पिढिन अंत नी ओये।

³³३३) आकाश अते पृथ्वी टव जाहे ,पुण मारी वात नी टोवे ।³⁴३४) इनान कोरता सावधान रोयु,ओहलो नी ओये,तुमरा मनमा खुमारी अने पीनेवालान जीवन चींतामा सुस्त ओय जाहे , अने च्यु दिही तुमरे पर फासान सारकु आव पोडे ।

³⁵३५) काहाके च्यो आखी पृथ्वी न आखा रोयणेवावा पोर इना प्रकारे आव पोडहे ।( प्रका .३:३ ,लुका १२:४०)³⁶३६) इनान कोरता जागता रोयु अने प्रार्थना कोरता रोयु , के तुमु इनी आखी वातो देखा सावधान रोयु ,आवणेवाली घटना देखा वाचीन रोय अने माणहोन पुरयान सामने उभा रोयणे योग्य बणु ।³⁷३७) अने च्यु दिहु मोदीरमा उपदेश कोरतु ओतु , अने राती जैतुन नावन बोयडा पर जाईन प्रार्थना कोरतु ओतु ।

³⁸३८) अने वेगा आखा माणहे तेरो होंबणे कोरीन मोदीरामा तेरे पाह आवता ओता ।

Chapter 22

¹१) आखमिरी रुटान तिवार जो फसहन तीवार कोवायतलु ओतु से।

²२) अने प्रधान याजक अने शास्त्री इन वात मा देखता ओता इनान केहेक मार नाखलु ,पुण च्या माणहोह भीहता ओता।³३) अने यहुदा मा शैतान बरायलु ओतु ,ज्यु इस्कारीयोती कोवायतु ओतु , अने बारा चेला मा गिणाय तोतु । ⁴४) च्यु जाईन प्रधान याजकह अन पाहरादारन सरदारो हाते बात चीत कोन्यु के येशुह तींदरे हाथोमा धरावणु ।⁵⁶५) च्या खुशी ओया , अने तिनाहा पोयहा आपणेन वायदु ।६) कोन्या च्यु मान गोयु , अने मोकु देखणे हुदता ओता , के विगुर परेशानी येशुह तींदरे हाथमा धराव देय⁷७) तेतार आखमिरी रुटान तीवार आप्यु ,तीनामा फसहन मेंढु बली करने जरुरी ओतो। ⁸८) अने येशु योहानह अने पतरसह,यो कोयीन मुकल्यु ,आमरे कोरीन फसहन खाणान तीयारी कोरु ।

⁹९) च्या तीनाहा फुस्या " तु काहारी कोये के आमु ,तीयारी कोरजे ।¹⁰१०) च्यु तीनुह कोयु" देखु नगर मा जाताच एक माणुह पाणीन डुसरो उखवीन जातलु ,तुमुह मिवहे ,जीना घरमा जाये तुमु तीना घरमा तेरे फसव जाजु ।

¹¹११) अने तीना धरन मालकह कोयलु ," गुरु तोहो कोयलु से , के पावणा रोयणे घर का से ,जेहरी मी अने चेला हाथे फसन खाणो खाजे ।¹²१२) च्यु तुमुह एक सजी सजावली मोटी उपरी देखाड देहे च्या तैयार करजु ।

¹³१३) च्या जाईन जोहलो च्यु तीनुह कोयलु ,तोहलो देख्या , अने फसह तयार कोर्या ।¹⁴१४) जेतार टेम आवी ,तेतार चेलाहाते खाणो खाणे बोठता ¹⁵।१५) अने च्यु तीनुह कोयु," मेहे मोटी लालसा ओती के दुखवेण्णे पेल तुमरे हाते गांवों। ¹⁶१६) तेतार कटोरो लिन धन्यवाद कोर्यु , अने कोयु ," इनाहा लेयु ,अने आखा वाट लेयु ।¹⁷१७) तेतार च्यु वाटको लिन धन्यवाद कोरयु अने कोयु यो लेयु, अने आखा वाट लेयु। ¹⁸१८) काहाके मी तुमुह कोयो, के जहा तक परमेश्वरन राज नी आवे ,तहा तक मी दाखरस एवी देखु कधी नी पिव ।¹⁹१९) फोसु च्यु रुटु लेदयु अने धन्यवाद कोरीन तुडयु अने तिनुह यो कोयीन टुकडा कोर्यू ," यो मारो शरीर से जो तुमरे कोरीन आपणे आवहे ,मारी और कोरने कोरता यो कोर्यु कोरजु ।

²⁰२०) इन रिती खाणो खाणेन बादमा ,कटोरु भी यो कोयीन आप्यु ," यो मारो लुय से,तुमरे कोरता वोयाडनेम आवहे यी नवीन वायदु से ।( निर्ग .२४:८,१कुर.११:२५,मती२६:२८,जक९:११)²¹२१) देखु मारु धरावणारान हात मेजपर से।(भजन संहिता ४१:९)

²²२२)काहाके माणहोन पुन्यु ते जोहलो तेरे कोरीन तीनाहा धोरावणे से ,पुण हाथ तीना माणहोपर जीना माणहो कोरीन तीनाहा धोरावणे आवहे ।

²³२३) तेतार च्या एक दिहराह फुसणे बाज्या ," आमुमा कुण से ,ज्यु ओहलो काम कोरहे ?²⁴२४) तीनुमा वादा वादा भी ओयो के आमरे मा कुण मोठु समझतलु।

²⁵२५) च्यु तीनुह कोयु," अन्य जातीन राजा तीनुपर प्रभुता कोरनला ,अने ज्यु तिनुपर अधीकार मेकतला ,च्या उपकार कोरनारा कोवायतला ।²⁶२६) पुण तुमु ओहलो जुण ओयता पुण ज्यु तुमु मा मोटु से ,च्यु आयतलु सारखु ,अने ज्य प्रधान से च्यु सेवक सारखु बोणे ।

²⁷२७) काहाके मोटु कुण से ,च्यु के ज्यु खाणे बोठलु से, के यु च्यु सेवा करनारु ? काय च्यु नी ज्यु खाणे बोठलु से,पुण मी तुमरे विच मा सेवक सारखु से।²⁸२८)" पुण तुमु च्या से,ज्या मारी परिक्षामा मारे हाते रोये।

²⁹२९) " अने जेहे परमेश्वर मारे कोरता एक राज ठरावलु से,तेहेज मी भी तुमरे कोरीन ठरावलु से। ³⁰३०) इनान कोरीन के मारा राजोमा मारे हाते खाये अने पिये ,पुण सीहासन पर बोठीन इस्त्राईलन बारा जातीन न्याय करे ।³¹३१) सैमोन हे सीमोन शैतान तुमुह मांग लेदलु से, के गहु सारखु फटके । ³²३२) पुण मी तारे कोरीन विनती कोरो के तारु विश्वास कम नी ओयणु जुवे,जेतार तु फिरे तार तारा बायहोह स्थीर कोरजी ।³³३३) च्यु तीनाहा कोयु," हे प्रभु मी तारे हाते बंदीखानामा जायही पुण मरने भी तीयार से। ³⁴३४) येशु कोयु ,हे पतरस तोहो कोयो आज कुकडु वाहणेन पेल तु मारु इनकार कोरहे ,कोयहे के मी इनाहा नी जाणतलु ।³⁵३५) अने येशु तीनुह कोयु ," जेतार मी तुमुह पाकीट अने झुवी अने खाहाडा विगुर मुकोल तोतु ,तेतार काय तुमुह कमी वस्तुन कमी पोडली ओती ,च्या कोया की काहीच नी । ³⁶३६) च्यु तीनुह कोयु," पुण एवी जीनापाह बटवु ओये ते च्यु ली लेय ,अने तेहेज झुलु भी जीना पाह तलवार नि ओये च्या तेरा लुगडा वेचीन वेचाती एक ली लेय।³⁷३७) काहाके मी तुमुह कोयो, के यो ज्यो लेखायलो से,च्यु एक गुनेगारामा गिनायतलु से,तेरो मारे मा पुरो ओयणेन जरुरी से, काहाके मारा बारामायली वात पुरी ओयणे से ।( गलातीयो ३:१३ , २कुरि.५:२१, यशायाह ५२:१२)

³⁸३८) च्या कोया " हे प्रभु ये दुय तलवार से ,च्यु तीनुह कोयु,खुब से।³⁹३९) तेतार च्यु बारथे तिकविन तेरी रिती प्रमाणे जैतुन पहाड पर गोयु अने चेला तेरे फसव गया ।

⁴⁰४०) तीने जागे पुचीन येशु तीनुह कोयु," प्रार्थना कोरु , के तुमु परिक्षा मा नी पोडे ।⁴¹४१) अने च्यु एखलु अलग एक ढेफु नाखणेत ओतरे सेटु गोयु , अने घुटना टेकीन प्रार्थना कोर्यु । ⁴²४२) हे पिता तु चाहे ते इना कटोराह मार पाह देखु सेटु कोरले ,पुण यी मारी इच्छा नी पुण तारी इच्छा पुरी ओये ।⁴³४३) तेतार सर्गमा एक स्वर्ग दु देखाय पोडयु ,ज्यु तीनाहा ताकत आपतु ओतु ।

⁴⁴४४) अने च्यु खुब संकटमा अने व्याकुल अने हार्दिक वेदना देखु प्रार्थना कोरतु ओतु ,अने तेरु घाम समजु लुयन टिपका सारखु धरती पर चुवतलु ।⁴⁵४५) तेतार च्यु प्रार्थना देखु उठीन आव्यु तेतार हुवताला देखी उदास ओयु ।

⁴⁶४६) अने तीनुह कोयु ," काय हुवतला? उठु प्रार्थना करु परिक्षा मा नी पोडे।⁴⁷४७) च्यु यो कोयतलुज ओतुन के एक गरदी आवी जीनु बारा मायलु एक तेरोनाव यहुदा ओतु अगव अगव अगव आवतु ओतु ,च्यु येशु हाते आव्यु के तीनाहा गुवु देय ।

⁴⁸४८) येशु तीनाहा कोयु," हे यहुदा काय तु गुवु दिन माणहोन पुन्याह धरावणु से।⁴⁹४९) तेरा हातीह देख्या की काय ओयणे वावो से,ते कोयु ,हे प्रभु आमु तलवार चालाडजे ? ⁵⁰५०) अने तीदंरे मायन एक महायाजकन दास पर तलवार चालाडीन तेरु जेवडु कान तुड देन्यु ।

⁵¹५१) येरे पोर येशु कोयु," एवी बस करु " अने तेरु कान धरीन तीनाहा हाजु कोरयु ।⁵²५२) तेतार येशु प्रधान याजक मदीरोन पहारा घरोन सरदारह ,अने ज्या प्राचीन तेर पोर चढ आवला तीनुह कोयु,काय तुमु मेहे डाकु समजीन तलवार अने लाकडया लिन आवला से ।

⁵³५३) जेतार मी मंदीर मा दाडीन तुमरे हाते ओतु ,तेतार तुमु मेहे पोर हात नी नाख्या ,पुण यी टेंम तुमरी से ,अने अंधकारन अधीकार से ।⁵⁴५४) मंग च्या येशुह धरीन लि गया अने महायाजकन धरमा लाख्या ,अने पतरस सेटुज तेर फोसव चलीन जातु ओतु ।

⁵⁵५५) अने जेतार च्या आंगवामा आगव लागाडीन एकठा बदला ओता ,तेतार पतरस भी तींदरा वीसमा ,जाईन बोठलु ओतु ।⁵⁶५६) अन एक दासी तीनाहा आठठान ऊजावामा बोठलु देखीन ,अने पतरस खेर बावीन कोयी," यु भी ते येशु हाते ओतु।

⁵⁷५७) पुण पतरस यो कोईन इन्कार कोर देन्यु ," हे बाई मी तीनाह नी उवखतलु ⁵⁸५८) थुडी टेममा दिहरु ऊजु तीनाहा देखीन कोयु ," तु भी तीनुमायलु से, पतरस कोयु," ए माणहो च्यु मी निमले ।⁵⁹५९) आधी एक घंटा बादमा एक माणुह खंरज कोयु ," खरीज तु तीदंरे हाते ओतु ,काहाके यु गलीली से ।

⁶⁰६०) पतरस कोयु,ए माणहो मी नी जाणतलु के तु काय कोयणे बाज रोयुह ,च्यु कोयतुज ओतु ने कुकडु वाहयु ।⁶¹६१) तेतार येशु पतरस वखे पसु फिरीन भाव्यु , एने पतरसह येशु वात ओर आवी जी येशु तीनाहा कोयलु , के आज तु कुकडु वाहणे पेल तु मारु इनकार तीन वार कोरहे । ⁶²६२) अने पतरस बारथे निकवीन मोटे- मोटे रोडयु ।⁶³६३) ज्या माणहे येशुह धरला ओता ,च्या तेरु थट्टा करीन तीना देणे बाज ⁶⁴गया।६४) अने तेरा डुवा ढाकीन येशुह फुसता ओता ,भविष्यवाणी कोरीन कोय तोहो कुण देल्लो । ⁶⁵६५) आने च्या खुब वात ऊजु निंदान वात येशुन विरोध मा कोया ।⁶⁶६६) जेतार दिह उग्यु तेतार माणहोन पुनरीया अने प्रधान याजक, अने शास्त्री इकठठा ओया , अने येशुह तींदरी महासभा मा लावीन फुस्या ।

⁶⁷६७) अगर तु मसीहा से,ते आमुह कोयदे ," येशु तीनुह कोयु,अगर मी तुमुह कोयीह तेतार तुमु विश्वास नी कोरे ।

⁶⁸६८) अने अगर फुसीह ते जवाब नी आप सेके ।⁶⁹६९) पुण येवी माणहोन पुन्यु सर्वशकतीमान परमेश्वरन जेवढी वखे जाईन बोठहे ।( मार्क १४:६२,भजन संहिता ११०:१)

⁷⁰७०) एर पर आखा कोया ,ते काय तु परमेश्वरन पुन्यु से,येशु तिनुह कोयु, तुमु खुद कोयणे बाज रोयाह काहाके मी से ।

⁷¹७१) तेतार च्या कोया ,एवी गवान काय गरज से,काहाके आमु खुद एर मुये होंबीन लेदया ।

Chapter 23

¹१) तेतार आखी सभा उठीन येशुह पिलातुस पाह ली गया।

²२) अने च्या यो कोयीन येशु पर गुनु लागाडया ,आमु येशुह , माणहह बहकाडतलु ,अने कैसरह कर आपणे मना कोरतलु , एने खुदह मसीहा ,अने राजा कोयतलु होंबवला ।³३) तेतार पिलातुस येशुह फुस्यु ," काय तु यहुदीन राजा से ? येशु जवाब आप्यु ," तु खुद कोयणे बाजरोयु ।

⁴४) तेतार पिलातुस प्रधान याजकह अने माणहोह कोयु," मी इन माणहोमा काय दोष नि देख्यु ।

⁵५) पुण च्या उंजु भी दृष्ट ओयन कोया " यु गलील देखु में तक आखा यहुदीमा उपदेश आपीन माणहोह भडकावतलु ।⁶६) यो हंबवीन पिलातुस फुस्यु ," काय यु माणुह गलील से।

⁷७) अन यो जाणीन के येशु हेरोदेसन हदमायलु से,येशुह हेरोद पाह लीन मुकल्यु ,काटा के तीना दिहोमा हेरोद मी यरुशलेम मा ओतु ।⁸८) हरोदेस येशुह देखीन खुब खुश ओयु ,काहाके खुब दिहोन येशुह देखण्यु ओतु ,इनान कोरता के तेरा बारामा होंबलु ओतु ,अने येशुन कायतरी चिन्न देखणेन आशा ओती ।

⁹९) च्यु येशुह खुब वातु फुस्यु पुण येशु काहीच जवाब तीनाहा आप्यु ।

¹⁰१०) अने प्रधान याजक अने शास्त्री उभारोयन तनमन देखा येशुपर गुनु लागाडता ओता ।¹¹११) तेतार हेरोध तेरा सिपायो हाते तेरु आपमान कोरीन उपहास कोर्यु , अने भडकावे सारखो लुगडो पेरावीन पिलातुस पाह मुकल्यु ।

¹²१२) तीने दिह दया हेरोद अने पिलातुस दुस्ती बण गोया ,एर पेल च्या एक दिहरान दुस्मन ओता ।¹³१३) पिलातुस प्रधान याजक अने सरदारोह अने माणहोह हादीन तिनुह कोयु। ¹⁴१४) " तुमु इना माणहोह माणहोह बहकावणारु ठरावीन मारपाह लावला से,अने देखु मी तुमरे सामने तेरी पारख कोन्यु ,पुण जीनी वातोन तुमु येशु पर दोष लागाडताह ,तीनी वातोन बारामा येशुमा काहीच बुराई नी देखायती।¹⁵१५) नी हेरोद भी काहाके च्यु येशुह आमरे पाह लीन मुकल्यु , अने देखु तीनासे काहीच ओहलो नी ओयो के येशुह मरणन दंड इनाहा देणे आवे ।

¹⁶१६) इनान कोरता मी इनाह देवाडीन छुड देव ।

¹⁷१७) पिलातुस तिवार पर तीदंरे कोरीन एक कैदीह छुडने कायदु ओतु ।¹⁸१८) तेतार आखा मिवीन आयडी पोडया ," इनाह मार नाख अने आमरे कोरीन बरब्बाहा छुड दे।

¹⁹१९) च्यु एक बलवान कारण च्यु नगरमा ओतु , अने खुनी ओतु च्यु जेलमा ओतु ।²⁰२०) पुण पिलातुस येशुह छुडनेन इच्छा देखु माणहोह समझाडयु ।

²¹२१) पुण च्या आयडीन कोया ," येशुह क्रुस पर चढाव क्रुस पर ।

²²२२) पिलातुस तीसरी वार तीनुह कोयु," काहा येशु काय बुराई कोरलु है? मी येशु मा मृत्यु दंड लायक कायी वात नी देखायतली इनान कोरता येशुह देवाडीन छुड देव ।²³२३) पुण आयडी आयडीन फसव पड गया , के येशुह क्रुस पर चढावे ,अने तीदंरो आयडने मजबुत ओयो ।

²⁴२४) अवतु पिलातुस आज्ञा आप्यु के माणहोन कोरणे प्रमाणे ओये ।

²⁵२५) अने च्यु तीना माणहोह ज्यु बलवा अने हत्यान वजे देखु जेलखाना मा नाखलु ओतु ,तीनाह च्या मांगता ओता ,तिनाहा छुड देन्यु ,अने येशुह माणहोन इच्छा पर छुड देन्यु ।²⁶२६) जेतार च्या येशुह लिन जाता ओता ,तेतार च्या शैमोन नावन एक कुरेनी ज्यु गांव देखु आवतु ओतु धरीन तेरे उपर क्रुस मेक देन्या , अने येशुन फसव - फसव लिगया ।²⁷२७) अने माणहोन खुब मोटी गर्दी तेरे फसव जाती ओती अने खुब होंवटा बाया भी ज्या तेर फोसव छाती ठुकता अने विलाप कोरता ओता।

²⁸(२८) येशु तीनदरे वोखे फिरीन कोयु,हे यरुशलेम सु यो मारे कोरिन मा रोडु पुण तुमरे अने तुमरा पुन्यान कोरिन रोडु ।²⁹२९) काहाके च्या दिह आवताह,जीनुमा माणहे कोयहे,धन्य से च्यी वांझ अने च्यो गर्भ नी जणे अने छातीन ज्या दुध नी पिवाडया ।

³⁰३०) तीन टेमे बोयडाह कोयहे आमुपोर पड जा अने शिगाह कोयहे आमुह ढाक ले । ³¹३१) कहाके च्या नीव्वा झाडो हाते ओहलो कोरतला ,तेतार हुकला झाडो हाते काय काय नी ओये ।³²३२) च्या ऊंजु माणहोह च्या मोटु पाप कोरला ओता ,तीनुह भी येशु हाते मारने कोरीन लिन गया ।³³३३) जेतार च्या तीने जागे पुच्या जीनाहा खोपडी कयतला ,तेतार च्याहारी तीनाहा तीनु दुय पापीन हाते ,येशुन जेवडे अने एकाहा दावखेर क्रुस पर चढाव ³⁴।३४) तेतार येशु कोयु," हे पिता इनुह तु माफ कोरजी " काहाके इनु मालुम नीमले या काय कोरने बाज रोयाह ? अने तेरा कपडा चिठठी नाखीन वाट लेदया ।( १पतरस ७:६०, यशायाह ५३:१२,भजन संहिता २२:१८)³⁵३५) माणहे उभा उभला देखता ओता ,अने सरदार भी उपहास कोरीन कोयता ओता ," यु दिहराह वाचाडयु ,अगर यु परमेश्वरन मसीहा से अने तेरु निवाडलु से ते खुदह वाचाड लेहे ।( भजन संहिता २२:७)³⁶३६) सिपाई भी तेरे हाते आवीन अने कपडो भिजवीन तेरु उपहास करता ओता ।( भजन संहिता ६९:२१)

³⁷३७) अगर तु यहुदीन राजा से ते खुदह वाचाड ले ।

³⁸३८) अने तेर उपर एक गुनान लेख लागाडला ओता , के यु यहुदीन राजा से।³⁹३९) ज्यु पापी क्रुस पर चढावला ओता ,जीनु मायज एक येशुन निंदा कोरीन कोयु ," काय तु मसीह नीमले ? ते तु खुद भी अने आमुह भी वाचाडले ?

⁴⁰४०) इना पर दुहरु पापी तीनाह जुल्यु अने कोयु ," काय तु परमेश्वरह भी नी भीहतलु तु भी ते च्युज दंड भुगणे बाज रोयुह ।

⁴¹४१) अने आमु ते नियममा दंड जुडलु बुगताह काहाके आपु ते आपणा कामोन कठीण दंड बुगणे अने तेरो फव जुडलो से,पुणे येशु काही गलत काम नी कोरयु।⁴²४२) तेतार च्यु कोयु ," हे येशु तु जेतार तारा राजमा आवे ,ते मारी खबर लेजी ।

⁴³४३) येशु कोयु ," मीतोहो कोयो के तु आज स्वर्ग राजमा मारे हाते रोयहे ।⁴⁴४४) अने लगभग हांपर टेमें तीन वाजणेन टेम तक आखा देसोमा आंधारो ओयलो ओतो । ⁴⁵४५) अने दिहोन उजावो नी ओतो ,अने मंदीरन पडदु विसमा देखु फाट गोयलु ।( आमोस ८:९, इब्रानियों १०:१९)⁴⁶४६) अने येशु मोटे शब्दामा आयडीन कोयु ," हे पिता मारी आत्मा तार हाते मा होपो, अने यो कोयीन जीव सुड देण्यु । ⁴⁷४७)सुभेदार जो भी काय ओयलो,देखीन परमेश्वरन बडाय कोरयु अने कोयु खरीज यु माणुह धर्मी होतु ।⁴⁸४८) अने गर्दी यो देखणे ऐखठी ओयली, इनी घटनाह देखीन छाती ठुकती वापस जात रोयी, । ⁴⁹४९) अने तेरा आखा उवखाण अने ज्या बाया गलील देखा आवला ओता ,सेटा उभरोयन यो आखो देखता ओता।( भजन संहिता ३८:११,भजन संहिता ८८:८)⁵⁰५०) अने चेहरी युसुफ नावन महासभान एक मेंबर ओतु ,ज्यु हाजु अने धर्मी माणुह ओतु । ⁵¹५१) अने इदरा विचार अने इदरा काम देखु खुश नी ओतु,अने च्यु यहुदीन नगर मा अरीमतीयाहमा रोयणारु अने परमेश्वरन राजन वाट जुवणारु ओतु ।⁵²५२) च्यु पिलातुसपाह जाईन तेरो शरीर मांग लेदयु।

⁵³५३) अने तीनाह उतारीन मलमलन चादरो गुंडावीन अने एक कबर मा मेक्यु ,जी दगडामा खंदायली ओती , अने तिनामा कुणीहीन नी मेक्या ओता ।⁵⁴५४) च्यु तियारीन दिह ओतु ,अने तीवारन दिह सुरु ओयणु ओतु ।

⁵⁵५५) अने च्या बाया ज्या गलील देखा आवला ओता,फसव - फसव जाईन तीन कबरह देख्या अने यो भी के कुणीन धड से,अने केहेक कोरीन मेकला से।

⁵⁶५६) अने वापस आवीन सुगंधी वस्तु अने इत्र तयार ,अने पवित्र दिह ते च्या आज्ञान अनुसार विश्राम कोर्या ।( निर्ग २०:१०, व्यवस्थाविवरण ५:१४)

Chapter 24

¹१) पुण हाप्तान पेहले दिह हंदारे ऊजावो ओयणे टेमें तीना सुगंधी वस्तु ज्यो च्या तयार करला ओता लिन कबर पर गया ।

²२) अने च्या दगडाह कबर पर देखु हरकलु देख्या ।

³३) अने मायता जाईन देख्या येशुन धड नी ओतो ।⁴४) जेतार च्या इन वात देखा हक्का-बक्का ओय गई,तेतार दुय माणहह ज्या उजवा कपडा पेरला ओता ,तीदंरे पाह आव्या ,अने उभा रोया ।

⁵५) जेतार च्या बाया भिह गया ,अने धरतीवखे मुय कोर लेदया,तेतार स्वर्गदुत तिनुह कोया," तुमु जिवतलाहा मरलामा कहा हुदतला ।( प्रकाशित१:१८,मर १६:५-६)⁶६) च्यु ये निमले पुण जीवतु ओय गोयलु से,ओर करु गलील मा ओतु तेतार काय कोयलु ओतु। ⁷७) जरुरी से के माणहोन पुर्यु पापीन आथोमा धरावणेन आवहे , अने क्रुस पर चढाव देहे , अने तिसरे दिह जीवतु ओय जाहे।⁸८) तेतार येसुन वात ओर आवी।

⁹९) अने कबर देखा वापस आवीन तीनु आकराहा अने दिहरा आखा हाते वात कोयीन होंबवाडया । ¹⁰१०) ज्या ( सेवक ) चेलाहा कोयली या मरीयम मगदलीनी अने योआन्ना अने याकुबन आई मरीयम अने तिदरा हाथीह उंजु बाकी बाया भी ओता ।¹¹११) पुण तींदरा वात तीनुह काणी सारखी लागली ओती, अने च्या तेर पर विश्वास नी मेक्या । ¹²१२) तेतार पतरसे कबर पर दौडीन गोयु , अने वाकुवोवीन लुगडा ओतरा पोडला देख्यु ,अने ज्यो ओयलो ओतो अचंभा करतु जाईन ,तेरे घर जात रोयु ।¹³१३) तिने दिहे तीनुमायला दुय जण इम्माउस नावन गावमा जाता ओता,ज्यो यरुशलेम देखो कई सात मिल दुर ओती । ¹⁴१४) अने च्या आखी वातजी ओयती ओती एक दिहरा हाते वात कोरता जाता ओता ।¹⁵१५) अने जेतार एक दिहरा हाते वातचीत अने पुछतात कोरता ओता,तेतार खुद तीदरे हाते चालने बाज गोयु । ¹⁶१६) पुण तींदरा डुवा ओहलु बंद कर देलु ओतु ,अने तिनाहा उवखी नी सेक्या ।¹⁷१७) च्या तीनाहा फुस्या " यी काय वात से,तुमु चालता चालता कोयतला ,च्या उदास ओयन उभा रोय गोया ।

¹⁸१८) यो हंबवीन तीनु मान क्लियुपास नावोन एक माणुह कोयु " काय तु यरुशलेम मा परदेशी से ,जो नी जाणतलु की इना दिहोमा तीनामा काय - काय ओयलो से ?¹⁹१९) च्यु तीनुह फुस्यु " कानली वात ? च्यु तीनाहा कोयु,येसु नासरीन बारामा ज्यु परमेश्वर अने आखा माणहोन हाते काम अने वचनमा सामर्थी भविष्यद्वक्ता ओतु । ²⁰२०) अने प्रधान याजक अने आमरा सरदार इनु तीनाह धरा वदेनला ,तिनु पर मरनेन आज्ञा आपला के तीनाह क्रुस पर चढाव ला।²¹२१) पुण आमुह आशा ओती , के। च्यु इस्त्राएलोह छुडावहे ,अने इनी आखी वातह ओयणे तीन दिह ओय गोया ।²²२२) अने आमुमा काही बाया भी आमुह आश्चर्य मा नाख देनला ,ज्या हंदारे वेगा कबर पर गई।

²³२३) अने जब तेरो धड नी सापडयो ,तेतार यो कोयता आव्या , के आमु स्वर्गदुतन दर्शन जुडलो ,च्यु कोयलु ,कि च्यु जीवतलु से।

²⁴२४) तेतार आमरा हाती एक कबर पर गया ,अने जेहे च्या बाया कयला ,तोहलो देखला पुण तीनाहा नी देख्या ।²⁵२५) तेतार च्यु तीनुह कोयु," हे बिगुर बुध्दीन अने भविष्यवक्तान आखी वातोह विश्वास करनेमा मंदबुधीवाला।

²⁶२६) काय अवश्यक नी ओतो के येसु दुःख वेठे तेरी महीमा मा जाय।

²⁷२७) तेतार च्यु मुसा देखु आखा भविष्यद्क्ता मा सुरुवात कोरीन पवित्र पुस्तक मा देखु खुदन बारामा ,वातोन अर्थ समझाड देन्यु ।( युहन्ना १:४५, लुका २४:४४, व्यवस्थाविवरण १८:१५)²⁸२८) ओतरामा च्या तीना गावन हाते पुच्या ,जेहरी च्या जाता ओता,अने तेरा देखो ओहलो जावणेन पोडतोतो की च्यु ओगु जाणेन कोरतोतु ।

²⁹२९) पुण च्या तीनाहा यो कोयीन रुक देन्या ,आमरे हाते रोय ,काहाके आधारो पोडणेन टेम ओती ,दिह एवी जाती रोयलु ओती ,तेतार च्यु तिंदरे हाते रोयणे कोरीन मायतु गोयु ।³⁰३०) जेतार च्या तींदरे हाते खाणे बोठयु तेतार च्यु रुटु लिन धन्यवाद कोर्यु ,तीनाहा मुडीन तीनुह आप्यु ।

³¹३१) तेतार तीदंरा डुवा उगडी गोया ,तीनाहा च्या उवखी लेदया एने च्यु तीदंरी डुवा देखु लीकाय गोयो ³²।३२) च्या आपणे- आपणे कोया " जेतार च्यु वाटे आमुह वात कोयतोतु ,अने पवित्र शास्त्रन वातु कोयतोतु ,तेतार आमरा मनमा जोश नी उप्तन ओयु ।³³३३) च्या तीने टेमे यरुशलेम मा जात रोया ,अने च्या आकरा अने तिंदरा हातीह एकठठा ओया । ³⁴३४) च्या कोयता ओता प्रभु खरीच जीवतु ओयलु से,अने सिमोनोह देखायलु से, ³⁵३५) तेतार च्या वाटेमायली वातु देखाड देन्या यो भी के रुटु मुडते टेमें धन्यवाद कोरलु ।³⁶३६) च्या यी वात कोरनेज बाज रोया ओता , के येसु तींदरा विच मा आवीन उभु रोयु , अने तीनुह कोयु,तुमुह शांती जुडे ।

³⁷३७) पुण च्या घाबराय गोया ,अने भिह गोया , अने सोमझ्या के आमु भुतडाहा देखणे बाज रोयाह ।³⁸३८) येसु तीनुह कोयु," काहा घाबरायता ? अने तुमरा मनमा शंका काहा ओयणे बाज रोयीह ? ³⁹३९) मारा हाते माने पायोमा देखु के मी येसु से ,मेहे हात लागाडीन देखु काहाके आत्मान माह ने हाडे नी रोयतला ,जोहलो मारे मा देखणे बाज रोयाह ⁴⁰।४०) यो कोयीन तीनुह तेरा हात पाये देखाडयु ।⁴¹४१) जेतार खुशीन वजे तीनुह विश्वास नी ओय तोतु , आश्चर्य कोरता ओता,तेतार च्यु तिनुह फुस्यु " काय तुमुपाह काही खाणे से । ⁴²४२) च्या येसुह बुनजली मासान टुकडु आप्या । ⁴³४३) येसु लेदयु अने तीदंरे सामने खादयु ।⁴⁴४४) फोसु येसु कोयु तीनुह " यी मारी ची वात से ,जी मी तुमरे हाते तेतार तुमुह कोयलु ओतु,के जरुरी से, के जोतरी वातु मुसान व्यावस्था अने भविष्यन अने भजन कारोन पुस्तक मा मारा बारामा लेखायली ओती पुरी ओये।⁴⁵४५) तेतार च्यु पवित्र शास्त्र समझने कोरीन तीदंरी समझ खुल देरयु।

⁴⁶४६) अने तीनुह कोयु," यो लेखलो से के मसी दुःख वेठे अने तिसरे दिह मरलामा देखु जिवतु ओयीन उठहे ।( यशायाह ५३:५ , लुका२४:७)

⁴⁷४७) अने यरुशलेम देखा ते आखी जातीमा मन फिरावणेन अने पापन माफीन प्रचार येशुन नाव देखो कोरने आवहे।⁴⁸४८) तुमु इनी आखी वातन गवा सेताह ।

⁴⁹४९) अने जेरी प्रतीज्ञा मारु पिता कोरलु से,मी तीनीह तुमुपोर उतारीह अने जेतार स्वर्ग देखो सामर्थ नि जुडे ताहा तक तुमु इना नगरमा थामीन रोयु ।⁵⁰५०) तेतार च्यु तीनुह बैतनीयामा तक लिगोयु ,अने तेरा हाते उचा कोरीन तीनुह आशीष आप्यु।

⁵¹५१) अने तीनुह आशीष आपीन अलग ओय गोयु ,अने स्वर्ग जात रोयलु ।( प्रेरितो के काम १:९, भजन संहिता ४७:५)⁵²५२) अने च्या तीनाहा वोंदीन खुब खुशीमा ओयीन यरशलेममा गोया ।

⁵³५३) अने च्या लगातर मंदीर मा हजुर ओयन परमेश्वरन स्तुती कोरता ओता।

John

Chapter 1

¹१) कोवी गोडायणेन पेलेन बोगवानोन बुल ओतरुज ओतु,एने च्यु बुल बोगवानोन हाते ओतु, एने युज बुल बोगवान ओतु।

²२)बोगवान आंखी कोव गोडायणेन पेलेन ,बोगवानोन बुल बोगवानो हाते ओतु।

³३)एने बोगवान तीनाह लागाडी आखी कोवीमायलो आखो उबजाडयु ,एने बोगवान तेर बीगुर कायीज नी उबजाडयु।⁴⁵४)च्यु बुल ज्यो का बोणलो आखानुह जीव आप्यु , एने तेर जीव आखा माणहोन जीवायमा उज्यावी रोयलो से। ५) एने यो उजावे आंदारलामा पीपलतो रोयो, पुण आंदाराह यो उज्यावो कोदी नी जीकायो। .⁶६)बोगवान एक माणहोह मुकोल्लु ओतु ,तेर नाव युहन्ना ओतो।

⁷७) च्यु तीन उज्यावन बारामा आखा माणहोह कोयणे आव्यु,काहाके तेरी गोवायी होंबीन आखा माणहे तीना उज्यावा पोर बुरहु कोरहोत।

⁸८) युहन्ना सोता उजावे नी ओतु, पुण च्यु तीना उज्यावान बारामा गोवायी आपणेन कोरता ओतरुज आवलु ओतु।⁹९) च्यु खोरो उज्यावो से, दुनिया मा आवीन आखा माणहोह उजावे आपणारु से।¹⁰१०) च्यु कोवी मा ओतु एने च्युज कोवीन आखा चीजे गोडलु, ती बी कोवीन माणहे तीनाह नी उवख्या।

¹¹११) च्यु तेर सोतान घरा मा आव्यु, पुण तेर सोतान येहुदी जाती मायला माणहे बी तीनाह नकार कोरला।¹²१२) पुण जोतरा माणहे तेर नावों पोर बुरहु मेकीन तीनाह मान्या, तीनु आखानुह बोगवाऩन तेर खास पुरया बोणावणे आदीकार आप्यु

¹³१३) ज्या बोगवानोन पुरया बोणनार, तीदंरा आय बाबान मोरजीन इसाबे तीदंरा लुयोन मेवाप दोखा बी फोयदा नी ओया, पुण बोगवानुज तीनुह सोतान मोरजी दोखु उबजाड्यु।¹⁴१४) बोगवानोन बुल माणुह बोणीन तेर बाह बोगवानो पाह दोखु आव्यु, एने आपणा वीस्मा रोयु, एने च्यु आपुपोर खुब दोया कोरनार एने खोरु ओतु , बाह बोगवान तेर एकुज पुरयाह आपुह आपलु, तेरी मोहिमा आमु देख्या।

¹⁵१५)एक दीह युहन्ना तेर बारामा माणहोह गोवायी आपतो ओतु,तेतार च्यु यीसुह देख्यु ,ते च्यु तीनाह आयडीन कोयु , मी तुमुह पेलेन कोयलु ओतु ,के एक माणुह मार फोसोव आवणारु से, च्यु मेहे दोखु खुब खास माणुह से, एने च्युज मेहे दोखु पेलेन ओतु, इनाज माणहोन बारामा मी वातु कोरतोतु।¹⁶¹⁷¹⁸१६) एने आमु पोर खुब कीव दोया देखाड्यु ,कोरीन आपुह उपरा चापरी कीव दोया जुडी। १७) बोगवान तेर नेम मुसाह लागाडीन माणहोह आपलु ओतु , पुण बोगवान यीसु मोसीहोह लागाडीन च्यु कोतरु कीवात, एने दोयावु एने कोतरु खोरु बोगवान से कोरीन देखाडयु। १८) कुण बी बोगवानोह कोदी नी देख्या, बाकीन बोगवानोन एकुज पुरयु ज्यु होमेस्या बाह बोगवानो हाते रोयतेलु से, च्यु बोगवान कुण से कोरीन माणहोह देखाडयु।¹⁹²⁰²¹१९) युहन्नान गोवायी यी से के येहुदीन पुढांरी माणहे येरुसलेम दोखा थुडाक पुजाराह एने लेवी माणहोह युहन्ना पाह मुकोल्ला ओता, च्या युहन्ना पाह आवीन फुस्या के तु कुण से। २०) युहन्ना तींदरे ओगोव काय बी नी लीकाड्यु ,पुण च्यु तीनुह खोरा खोर कोयु मी मोसी नीम्बे। २१) ओवता च्या युहन्नाह फुस्या मोंग तु कुण से , तु एलीया से के , च्या फोसा फुस्या तु बोवीस्य कोयणारु से के, युहन्ना कोयु काय नी।²²२२) च्या फोसा युहन्ना फुस्या जोर तु जेहे कोयतलु तेहे ओयेते तु कुण से, आमुह कोयाप,काहाके ज्या आमुह मुकोल्ला ओता तीनाह आमुह जोपाप आपणु पोडहे ,कोरीन तु तार बारामा काय कोयतलु।

²³२३) युहन्ना तीनुह कोयु बोवीस्य कोरणारु येसाया ज्यो काय कोयलु ओतु, तेहे पोरबुन कोरता वाट तीयार कोरु मार आवाज उजाडी जागामा आयोडने वालान आवाज से।²⁴२४) फरीसी पोंथवालाक मुकोल्ला ओता, थुडाक माणहे युहन्ना पाह आव्या।

²⁵२५) च्या युहन्नाहा फुस्या जोर तु मोसी नीम्बे, नी ते एलीया नीम्बे, एने बोवीस्य कोरणारु बी नीम्बे ,ते तु काहा माणहोह बापतीस्मा आपतलु।²⁶२६)ओवतु युहन्ना तीनुह कोयु मी ते तुमुह पाणी कोरीन बापतीस्मा आपतलु पुण तुमरे वीस्मा एक माणुह से तीना तुमु नी उवोखतल।

²⁷२७)मी पेल आवलागलु ती बी मी डुंगु वोवीन चाट्यना पोट्टी सुडनेन बी लायक नीम्बे। , ²⁸२८)यो आखो यरदन खुदरान पोल्ली खेरला बेतनीया गावमा ओयलो से च्यांहरी युहन्ना माणहोह बापतीस्मा आपतोलु।²⁹२९)दिहरे दिह युहन्ना तेर हाते यीसु आवतलु देखीन माणहोह एंहे कोयु ,देखु तु बोगवान मुकोल्लु मेंडो बुकडान बादान गीदलो से, च्यु दुनियान माणहोन पापोन माफी आपणे आवलु से। . ³⁰३०) एर बारामा मी पेलेन कोयतोतु,युज च्यु से एक माणुह मार फोसोव आवहे,च्यु मेहे दोखु मोटु से,काहाके मी पोयदा ओयणेन पेलेन च्यु ओतु।. ³¹३१) च्यु कुण से कोरीन मेहे बी मालुम नी ओतो,पुण इसरायेली माणहे तीनाह जाणनु जुवे कोरीन ,मी बाणीन कोरीन बापतीस्मा आपणे आवलु से।³²३२) एने युहन्ना गोवायी आपयु, मी बी तीनाह काय नी उवोखतोतु, पुण बोगवान ज्यु मेहे पाणी कोरीन बापतीस्मा आपणे मुकोल्लु,च्यु मेहे कोयु के पवित्र जीव आत्मा जीना माणहो पोर पेरवान रुपोमा सोरगोम दोखी तु उतोरतली देखहे,च्युज माणहोह पवित्र जीव आत्मा कोरीन बापतीस्मा आपणारु से। . ³³३३) एने मी देख्यु पवित्र जीव आत्मा,एक पेरवान रुपमा सोरग खेर दोखी आवीन तीना पोर उतोरली ओती। . ³⁴३४) मी यीसु हाते काय ओयलो देखीलु कोरीन मी खोरु पुरावु आपलु ,के ज्युज बोगवान पुरयु से।³⁵३५) दीहरे दीह युहन्ना तेर दुय चेला हाते उबरोयलु ओतु।

³⁶३६) येसुह जातलु देखीन युहन्ना कोयु, देखु ,युज बोगवान मुकोल्लु मेंडा बुकडान गीदलो से।³⁷३७) युहन्ना कोयलु होंबीन च्या, दुय चेला यीसु फोसोव गोया। . ³⁸३८) येसु फोसु फिरीन बाव्यु,च्या दुय चेला आवतला देखीन तीनुह फुस्यु,तुमु काय हुदतला एने च्या कोया हे गुरुतु काहरी रोयतलु। . ³⁹३९) येसु तीनुह कोयु ,तुमु आवीन देखु, च्यो होंबीन च्या यीसु हाते गोया, एने च्या देख्या ,के यीसु काहारी रोयतलु, तेतार माजणेक दीहोन च्यार वाज रोया ओता, तेतार च्यु यीसु हाते मुकाम रोयणे ओता।⁴⁰४०) युहन्नान वातु होंबीन यीसु फोसोव गोयला ओता,दुयोमाय एकान नाव आंदरीयास ओतो, च्यु सीमोन पोतरसोन बायह ओतु।. ⁴¹४१) च्यु तेर बायह सीमोनोह मीवायु,एने कोयु आमु वाचाडनारा मोसीहोह मीवायला जीनाह आमु मोसी कोयतला।. ⁴²४२) ओवतु च्यु तेर बायह सीमोनोह यीसु हाते लाव्यु, यीसु तीनाह देखीन कोयु ,सीमोन युहन्नान पुरया तु केफा मोजे पोतरस कोवायहे।⁴³४३) दीहरे दीह यीसु गोलील जीलामा जाणे हुत्तोतु,पुण वाटे फिलीप्पुस नावोन माणुह मीवायु , एने यीसु तीनाह कोयु, तु मार फोसोव आव।

⁴⁴४४) आंदरीयास एने पोतरोस बेतसायदा गावोन ओता, एने फिलीप्पुस बी तीनाज गांव मायलु ओतु।. ⁴⁵४५) जेतार फिलीप्पुस नोथनीयेलोह मीवायलु तेतार , च्यु कोयु आमु यीसुह मीवाया ज्यु नाजरेत गांववालु एने युसुफोन पुरयु से, च्यु से , यु ज्यु मुसान कायदामा लेखलो से, एने बोवीस्य कोयणारा तेर वारामा लेखला ओता ,च्यु आमुह जुड गोयु।⁴⁶४६)च्यो होंबीन नोथनीयेल फिलीप्पुसोह फुस्यु नाजरेत गांव दोखु काय बी हाजो काम ओय सोकतलो के ,ओवतु फिलीप्पुस तीनाह कोयु तु आवीन ते देख ले।

⁴⁷४७) येसु खेर नोथनीयेल आवतलु देखीन, यीसु कोयु ,यु खोरु इसरायेल जातीन माणुह से, एर मोनोमा काय बी डोंगडा नीम्बे। ⁴⁸४८) यो होंबीन,नोथनीयेल यीसुह फुस्यु मार बारामा तोंहो केहेक मालुम से, एने यीसु तीनाह कोयु, फिलीप्पुस तोंहो हादणेन पेल तु उंबरोन जाडोन नेचे ओतु तेतारेन।⁴⁹४९)ओवतु नोथनीयेल यीसुह कोयु, ए गुरु तु बोगवानोन पुरयु से, तु इसरायेली माणहोन मोटलु राजा से।. ⁵⁰५०)यीसु कोयु, तु उंबरोन जाडोन नेचु ओतु, तेतारेन मी तोहो देखलु एंहे मी कोयलु, कोरीन तु मेहे पोर बुरहु कोरतलु के ,पुण इना देखा बी तु मोटला कामे देखहे। . ⁵¹५१)यीसु तीनुह कोयु, मी तुमुह खोराखोर कोयोह तुम सोरग उगोडतलो देखहे, एने माणहोन पुरयाहाते बोगवानोन सोरगदुते उपोर चोडतला एने उतोरतला तुमु देखहोत।

Chapter 2

¹²१)तीसरे दिही गोलील जीलान काना गावम एक वीयाव ओतु यीसुन आयी बी च्याहरो ओती।. २)यीसु एने तेर चेलानुह बी तीना वियावोन नेवतो जुडलो कोरीन च्या बी च्याहारी आव रोया ओता।³३)वीयावमा आंवला ओता पावणाह आपणेन दोरकस्यान रूह होर गोयलु ओतु ते यीसुन आयी येसुह कोयी दरकस्यान रूह होर गोयु। ⁴४)यीसु कोयु ए बायी तु मेहे काहा कोयतली भी कुण से कोरीन देखाडनेन टेम उंजु नी आव्यु। ⁵.५) यीसुन आयी पावरोनुह कोयी च्यु तुमुह जेहे कोये तेहे कोरजु।⁶६) च्याहरी सोव दोगडान मोट्ला कुंडा ओता येहूदीन रीतमा सुखलो कोरनेन एने आथ पाय दुवणेन रीत ओती कोरीन च्यांहरी सोव कुडा मेकाला ओता एकेक कुंडामा कोमसी कोम आंयसी दोखा एक होव वीस लीटर लोगोण पाणी होमायतोत । ⁷७)यीसु तीनु पावरोनुह कोयु इनु कुंडामा पाणी बोर देवु च्या मुया मुय बोर देल्ला। ⁸.८) ओवतु च्यु तीनुह कोयु एंवी एन कुंडामा दोखो भुडोक पाणी काडीन वारतीह ली जायीन आपु कोरीन तीना पाहली गोया।⁹९)वारती ज्यो दोरकस्यान रूह बोणलो च्यो पाणी साकीन बावलु ते च्यो कांहरी दोखो आवलो कोरीन तीनाह काय नी मालुम ओतो बाकीन च्या पावरे पानी बोरया तीनुह सुडीन दीहरा वाट्णाराह बी काय नी मालुम ओतो तीनामा च्यु नोवरदेवोह हादीन कोयु। ¹⁰१०)एकेक माणुह पेल हाजलु दोरकस्यान रूह वाट्तलु एने माणहे पीयीन रूह मेक रोयलु से।¹¹११) गोलील जीलान काना गावमा यीसु पेल्लीवार यो मोटलो चोमत्कार देखाडीन तेर मोहिमा देखाड्य एने तेर चेल तीनापोर बुरहु कोरया¹²१२) इनी वीयवोन बादमा यीसु तेर आयी एने तेर बायहे एने तेर चेला हाती कोफरनाहुम गावमा गोयु एने च्यांहा कोरनारान बेपारीह देख्यु।¹³१३) येहुदीन फासका तीवार हातेज ओतु एने यीसु येरूसलेम सेहर गोयु।

¹⁴१४)च्यांहरी मोंदीरोम यीसु माणहे डुरे मेंडा बुकडा एने पेरवा वेचतलान एने पोयहा ओदला बोदला कोरनारान¹⁵१५)एने च्यु दुवडान एक चोपोकुड बोणावीन डुरोह ने मेंडा बुकाडाह मोंदीरोमा दोखु काड देल्लु ,पोयहा ओदला बोदला कोरनारान,पोयहा वर देल्लु एने तींदरो पाटडा बी उलटाव देल्लु। . ¹⁶१६) एने पेरवा वेचणाराह कोयु यो आखो यांहरी दोखा एड देवु मार बाबान गोरोह तुमु बेपार कोरनारान गोर जुण बोणावता।¹⁷¹⁸१७)तेर चेला यो लेखलो ओर कोरया तार गोरोन बारामा मार खोर आगहान होस मेहे होलगाड देते।. १८) तेतार येहुदीन पुडारी माणहे तीनाह फुस्या जोर बोगवान तोहो यो आदीकार आपलु ओहेते आमुह काय बी चोमत्कार देखाड।. ¹⁹१९) येसु तीनुह जोपाप आप्यु इन मोंदीरोह वेसडी देवु मीतीन दीहोमा फोसु उबराख दीह।²⁰२०)येहदी माणहे कोया यो मोंदीर बोणावणे चावीह ने सोव साल लाग गोयला तेतु तीन दीहोमा बंद देहे के।. ²¹२१)बाकीन येसु मोंदीरोन बारामा कोयु, मोंजे च्यु तेर सोतान डीलोन बारामा कोयलु ओतु।. ²²२२) कोरीन जेतार च्यु मोरलाम दोखु जीवतु उठलु,तेतार तेर चेला च्यु काय कोयलु ओतु, च्यो ओर कोरयु, एने च्या पवित्र पुस्तोको मायली वात, एने ज्यो काय यीसु कोयलु, तेनापोर बुरहु कोरया।²³२३) येसु फासका तीवारोन टेमे येरुसलेमोम ओतु, तेतार खुब माणहे तेर चोमत्कार देखीन तीनापोर बुरहु कोरीया।. ²⁴२४) पुण यीसु तीनुह जाण रोयलू कोरीन,तीनु पोर बुरहु नी कोरयु। . ²⁵२५)काहाके माणहोन मोनमा काय से, च्यो च्यु जाणतोतु कोरीन माणहोन बाराम कुण बी तीनाह गोवायी आपणेन गोरज नी ओती।री थुडाक दीह रोया।

Chapter 3

¹१)फरीसी पोंथवावा माणहोम एक माणुह ओतु,तेर नाव नीकुदेमुस ओतो, च्यु येहुदी दोरमोन पोंचुन पुढारी ओतु।. ²२) एक दीह राती च्यु यीसु हाते आव्यु,एने कोयु ए गुरु आमुह मालुम से के तु आमुह ही हिकाडणे बोगवानो खेर दोखु आवलु से ,काहाके ज़ोर बोगवान एक माणहो हाते नी रोये ते तु केहे काय चमत्कार कोरतलु ,तेहे नी कोर सोकतलु ।³३) च्यु होबीन यीशु कोयु मी खोराखोर तोहो कोयतलु ,एक आयतलु पुरूयु जोनम ओयतलु ,तोहलो एक माणुह फोसु नोवलु नी बोणे,ताहलोगोण च्यु बोगवानोन राज नी देख सोकतलु।. ⁴४)ओवतु नीकुदेमुस कोयु,आह एक माणुह डायलु ओयीन फोसु केंहे काय नोवलो जोनमो ली सोकतलु,च्यु काय आयीन पेटोमा जायीन दुसरी वार जोनमो ली सोकतलु के।⁵५)यीसु तीनाह कोयु,मी खोराखोर तोहो कोयतलु,जोर कुण बी पाणी एने पवित्र आत्मामा जोनम नी लेये ते च्यु बोगवानोन राज ना जाय सोकतलु । ⁶६) एक माणुह आय बाबा दोखु डीलो हाते पोयदाओयतलु, पुण बोगवानोन पवित्र जीव आत्मा ओतरोज माणहोह बोगवानोन नोवलो आत्मा आपतली।⁷७) मी तुमु आखा फोसा नोवलो जोनमो लेणु जुवे, कोरीन मी तुमुह कोयतलु,यो होंबीन तु बोंगलाये मा।. ⁸८) वाहवु तीनह ज्याहारी पोटतलो च्यांहारी सुटतलू,तु तेरो आवाज होंबीव सोकतलु,पुण च्यु काहारी दोखु आवतलु,एने काहारी जातलु तोहो काय नी मालुम रोयतलो,तोहलो एक माणुह पवित्र आत्मामा केहेक नोवली जीवायोन जोनम लेतलु, च्यो मालुम नी रोयतलो।⁹९) यो होंबीन नीकुदेमुस कोयु,यो केहेंक ओय सोकतलो।

¹⁰१०) यीसु तीनाह जोपाप आप्यु,तु ते इसरायेली माणहोन खास गुरु से,ती बी एवी लोगोण नी सोमज्यू के। . ¹¹११) मी तुमुह खोराखोर कोयतलु,ज्यो काय आमु देखली एने जाणतला,च्यो आमु तुमुह गोवयी कोयापतला,पुण तुमु आमरी गोवायी पोर बुरहु नी कोरतला।¹²१२) जोर खोरी इन दोरतीन बारामा मी तुमुह कोयलु ते, तुमु मेहेपोर बुरहु नी कोरतला,ते जोर मी सोरगोन काय ओयहे, कोरीन तुमुह कोयीह ते तुमु मारु कहेकाय बुरहु कोरहोत।. ¹³१३)काहाके मी माणहोन पुरयु, सोरगे दोखु दोरती पोर आवलु एने फोसु सोरगोमा जाण्यु से, एंवी लोगोण कुण बी ओहलो सोरगोमा नी गोया।¹⁴१४) एने मुसा तांबान गोडघहा उजाडी जागामा खांबापोर टांगलु तोहलो माणहोन पुरयाह, मोंजे में हे बी कुरुस खांबा पोर चोडावणेम आवहे। ¹⁵१५) कोरीन ज्यु कुण मारपोर बुरहु कोरहे,ते तीनुह ओमोर जीवाय जुडहे।¹⁶१६) काहाके बोगवान कोवीन पापी माणहोह ओतरु मोंग कोरयु के ,च्यु तेर एखला पुरयाह तींदरे बोदले मोरने कोलीन आप देल्लु, काहाके च्यु कुण तीनापोर बुरहु कोरहे ,च्यु नास नी ओये, पुण ओमोर जीवाय सापडावहे।

¹⁷१७) काहाके बोगवान सोतान पुरयाह इन दुनीयान माणहोह नीयाव कोरीन डोंड आपणे नी,पुण माणहोह पाप दोखू वाचाडने मुकोल्लु से।. ¹⁸१८) जोर कुण बोगवानोन बेटा पोर बुरहु कोरतलु, ते बोगवान तीनाह गुनावालु नी ठेरावे, पुण च्यु बोगवानोन एकुज बेटान नावोपोर बुरहु नी कोरे, तीनाह बोगवान गुनावलु ठोरावहे,काहाके च्या बोगवानोन एकुज पुरयापोर बुरहु नी कोरया।¹⁹१९) तीनामा बोगवान माणहोन नीयाव कोरीन डोंड ठोरावलु के उज्यावो इन दुनीयामा आवलो,पुण माणहोह उज्यावा दोखो आंदारलो खुब पोटलो,काहाके च्या खोराब काम ²⁰कोरतोता।. २०) जोर कुण खोराब काम कोरतलु,ते तीनाह उज्यावो नी पोटतलो,एने च्यु उज्यावान आहनु जाहे,ते तेरो खोराब काम देखाय जाहे।. ²¹२१) पुण ज्यु कुण खोरो काम कोरे,ते च्यु उज्यावाखेर खुसीमा आवतलु,कोरीन आखा माणहोह देखाय जाहे, के च्यु बोगवानोन इस्या दोखु आखो काम कोरतलु।²²२२)ओवता यीसु एने तेर चेला येरुसलेम सेहर दोखा येहुदीया जिलामा आव्या,च्याहरी तेर चेला हाते रोयीन यीसु माणहोह बापतीस्मा आपतोतु ²³२३)तीने टेमे एनोन नावोन जागे सालेम गांवो हाते युहन्ना बी माणहोह बापतीस्मा आपतोतु,च्यांहारी खुब पाणी ओतो ,एने होंटा माणहे च्यांहरी आवीन बापतीस्मा लेतोता।. ²⁴२४) तेतार युहन्नाह जेलोम काय नी कुंडया ओता।²⁵२५) एकवार थुडाक येहुदी माणहे, युहन्नान चेलानु हाते तीदंरी सुखलो कोरनेन रीतोन बारामा जोखडी पोड गोया।. ²⁶२६) युहन्नान चेला युहन्ना हातेगोया, एने कोया ए गुरु च्यु माणुह तारहाते ओतु, एने तु बी तेर बारामा गोवायी आपलु ओतु,च्यु योरदान खुदरान पोल्लीखेर माणहोह बापतीस्मा आपतलु,एनेआखा माणहे बी तीनापाह जातला।²⁷२७) ओवतु युहन्ना कोयु, ज़ोर काल्ला बी माणहोह सोरग दोखो काय बी नी आवणेम आवे, ताहलोगोण तीनाह काय बी नी जुड़े। ²⁸२८) तुमु मारु पुरावु से के, मी काय कोयतु ओतु,मी मोसी नम्बे,पुण बोगवान मेहे तेर ओगोव मुकोल्लु से।²⁹२९) नोवलवाडी नोवरदवोन से,नोवरदेवोन दुस्ती ज्या तेर कोरता वाट जुवतला, एने तेरो होंबोवतला,एने नोवोरदेवोन आवाज होंबोवताज खुस ओय जातला ,तोहलीज मी तेर जोकाम कामोपोर खुसीमा बोराय गोयु।

³⁰३०) येसुन इज्जुत खुब वोडती जणु जुवे, मारी इज्जुत कोमी ओयती जणु जुवे।³¹३१) ज्यु कुण सोरगे दोखु आवतलु,च्यु आखा दोखु खुब मोटलु से,पुण ज्यु दोरती दोखु से, च्यु दोरतीनजु से,एने दोरतीन बारामा वातु कोरतोतु,यीसु ओतरुज सोरगोम दोखु आवलु च्यु आखा दोखु खुब मोटु से।

³²३२) ज्यो काय च्यु सोरगोमा देखलु एने होंबोवलु, तेर बारामा गोवायी कोयतलु ती बी कुण बी तेरी गोवायी नी मानतला।. ³³३३) पुणे ज्या कुण तेरी गोवायी मान लेतला ,च्या पोक्का कोय देतला,के बोगवान खोरु से।³⁴३४) काहाके जीनाह बोगवान मुकोल्लु, च्यु बोगवान बारामा वातु कोरतला,काहाके बोगवान तीनाह पुरुन पुरु चुखली आत्मा आप रोयलु।

³⁵३५) बाह सुराह मोंग कोरतलु, ते तेर आव्योमा तेर आखी ताकोत आप देल्लु। ³⁶३६) ज्यु बी बोगवानोन पुरया पोर बुरहु कोरहे,होमेस्यान जीवाय तेरीज से, बाकीन ज्यु तीनापोर बुरहु नी कोरे, तीनाह जोलोम कीज जीवाय जुडेज नी,एने बोगवानोन सोताप तीना पोर रोयहे।

Chapter 4

¹१) यीसु युहन्ना दोखु बी होंटा माणहोह चेला बोणावतलु ,एने बापतीस्मा आपतलु कोरीन फारीसी पोंथवाला माणहे होंब्या च्यो यीसु जाणीन।

²२) यीसु माणहोह बापतीस्मा नी आप्यु,पुण यीसुन चेला माणहोह बापतीस्मा आपतोता । . ³३) यीसु येहुदीया जिला दोखु गोलील जीलाखेर गोयु।⁴४) गोलील जाणे कोरीन,सामरीया जीलामा ओयता जाणेन जोरुडी ओतो। ⁵५) कोरीन यीसु सामरीया जीला मायला सुखार नावोन सेहरोमा आव्यु,च्याहारी एक खेत ओतो,वारुज सालोन पेल च्यो खेतोह याकुब तेर सुरु युसफोह आपलु ओतु।⁶६) च्याहरी याकुबोन एक वावडी ओता, यीसु पाये चालीन आवलु, तीनामा थाक गोयु ,कोरीन तीन वावडीन मेरे बोठलु तेतार माथेक दीही ओय रोयलु ओतु। . ⁷७) सामरी बायी वावडीन पाणी बोरने आवली ओती ,यीसु तीनीह कोयु मेहे पाणी पीयाड़ दे। ⁸.८)तीन टेमे येसुन चेला खाणा वेचाता लेणे सेहरोमा जाय रोया ओता।⁹९)यीसु पाणी मांगतलु होंबीन , च्यी सामरी बायी कोथी ,तु येहुदी माणुह से ,पुण मी सामरी जीलान से ,केहेकाय मेहेपोर पाणी मांग सोकतलु ,काहाके सामरीया माणहे एने येहुदी माणहे कायीज वेवार नी कोरतोता।. ¹⁰१०)च्यी बायी एंहे कोयतली होंबीन यीसु कोयु ,जोर तु बोगवानोन वोरदान सोमजती ,एने तोहोपोर पाणी मांगणारू कुण से ,कोरीन तोहो मालुम रोयतो ते तु तीनापोर पाणी मांगतो ती एने च्यु तोहो आमरे जीवायोन पाणी आपतु।¹¹११)पुण च्यी कोयी ,पोरबु तोहोपोर पाणी काडणे बादली बी नीम्बे ,एने यी वावडी बी खुब उंडी से ,तोंहोवोर यो जीवायोन पाणी कांहरी दोखो लावहे। ¹²१२)आमरू डायबाबु याकुब यी वावड़ी आमुहा आपलु ,ओतु ,च्यु इन वावडीमा दोखु पाणी पीदयु एने तेर पुरया एने तेर डुरे डाकरे बी इनाम दोखा पाणी पीतोता तु काय याकुब दोखु मोटु से के।¹³१३)ओवतु यीसु तीनाह कोयु ज्यु कुण यो पाणी पीहे तीनाह फोसी तीह लगे। ¹⁴१४)पुण जोर मी आपी च्यो पाणी ज्यु बी पीये तीनाह फोसी कोदी तीहनी लागे पुण मी आपी ,च्यो पाणी तींदरो जीवयमा जोरवाण्यान होस वोयतो रोयहे , एने त्यों जोरवाण्यो तेर जीवायोन ओमरा जीवाय आपहे।¹⁵१५)ओवती च्यी कोयी ,पोरूबु च्यो पाणी मेहे आपजी काहाके मेहे फोसी कोदी तीह नी लागे ,एने मेहे याहरी पाणी बोरने आवणु नी पोडे। ¹⁶१६)यीसु तीनीह कोयु ,जा एने तार माटीह यांहरी हाद लाव।¹⁷१७) च्यी तीनाह कोयी मारू माटी नीम्बे। ¹⁸.१८)यीसु तीनीह कोयु ,तु खोरीज कोयी के तार माट नीम्बे ,काहाके कोयी के तार माटी नीम्बे ,काहाके तु पाच माटी हाते रोयलो ,एंवी तु जीनाहाते रोयतली च्यु बी तारू माटी नीम्बे।¹⁹१९)यीसु कोयलु होंबीन च्यी बायी कोयी पोरबु मेहे लागतलो के तु बोवीस्य कोयणारू से। ²⁰.२०)आमरा डायडाया इन गेरीसीम बोयड़ामा बोगवानेन बोकती कोरतोता ,पुण तुमु येहुदी माणहे ते येरूसलेमोमाज बोगवानोन बोकती कोरनु जुवे कोयतला ने।²¹२१)यीसु तीनी बायीह कोयु ए बायी मार वातोपोर बुरहु कोर ओहलु टेम आवहे के तुमु बाह बोगवानेन बोकती इन बोयडापोर एने येरसलेमोमा ओतराज नी कोरे। ²².२२)तुमु सामरीया माणहे कुणीन खोरी बोकती कोरनु च्यो नी जाणतला बाकीन आमु येहुदी माणहे कुणीन बोकती कोरनु कोरीन जाणतला से काहाके माणहोह वाचाडनारू येहुदी जातीन माणहोम दोखुज आवहे।²³२३)पुण एक दीह ओहलु आवहे एने खोराखोर च्यु टेम एंवी आव रोयलु के माणहे बाह बोगवानोन खोरो मोन खोरी जीव आत्मा लागाडीन बोकती कोरहोत काहाके ओहली बोकती कोरनाराह बाह बोगवान हुदतलु।. ²⁴२४)बोगवान खोर जीव आत्मा से एने च्या तेरी बोकती कोरतला च्या तेरी बोकती कोरतला च्या खोरला माने एने खोरी आत्मा दोखा तेरी बोकती कोरनुज जुवे।²⁵२५)ओवती च्यी बायी यीसुह कोयी, मेहे मालुम से के सुडावणारू मोसी ज्यु खीरीस्ती कोवायतलु, च्यु आवणेवालु से, जेतार च्यु आवहे, तेतार आखी वात आपहु कोयापहे।. ²⁶२६) यीसु तीनाह कोयु,मीज मोसी से, ज्यु तारहाते बुलणे बाज रोयुह।²⁷२७) जेतार यीसु तीन बायी हाते वातु कोरतोतु, तेतारूज तेर चेला च्यांहरी आव्या ,च्या यीसु तीनी बायी हाते पातु कोरतलु ,देखीन बोंगलाय गोया ,पुण कुण बी यीसुह नी फुस्या तोहा काय जुवे ,एने तीन बायी हाते काहा वात कोरतलु।²⁸२८)कोरीन च्यी बायी तेरे डेगडो मेकीन गावमा गोई एने माणहोह एहे कोयी। ²⁹२९)तुमु आवीन बावु एक माणुह ज्यो काय मी कोरली ओती ,च्यो आखो च्यो मेहे कोय देल्लु, कायथोप च्यु मोसी नी ओहे के।. ³⁰३०) च्यी बायी काय काय कोयली, च्यो होंबीन तीना गांवोन खुब माणहे यीसु हाते आवणे बाज गोयला।³¹३१)तोतरामाज यीसुन चेला यीसुह रावण्या कोरने बाज गोया ए गुरू तु आंबाव खाय ले।. ³²३२)पुण यीसु तीनुह कोयु तुमुह मालुम नीम्बे ,मेहेपोर खाणेन कोरता खाणो से ।. ³³३३)च्यो होंबीन चेलानु तींदरे तींदरे वातु कोरतोता, इना वाटु कुणतोरी खाणे लावलो ओहे।³⁴३४) ओवतु यीसु तीनाह कोयु, ज्यु मेहे मुकोल्लु , तेरो होपलो काम पुरो कोरतु जायीन तेरी मोरजी पुरो कोरनुज मारो खाणे से। ³⁵.३५) माणहे यो कोयतला नी होंब्या,के कोमाय वाडणे च्यार मोयना बाकी से, मी तुमुह कोयतलु जोर तुमु खेतो खेर बावतला,ते तुमु सोमज सोकतला, के इन खेतोन कोमाय पाक रोयली एने वाडे हारकी ओय रोयीह।.३६) ³⁶ज्यु वाठे तीनाह रुज जुडहे, ची वाडणेन कोमाय ते माणहे से, एने तीनुह ओमोर जीवाय जुडली से, च्यो देखीन उरनार बी एने वाडणारा बी खुस ओय जाहोत।³⁷३७) काहाके तीनामा, उरनारु एक वाडणारु दीहरु एंहे डाया डाया कोयणेन च्यी वात खोरी उतोरली से।. ³⁸३८) ज्याहरी तुमु मेहनुत नी कोरया, च्याहरी कोमाय वाडणे मी तुमुह मुकोलतलु दीहरा माणहे मेहनुतोन काम कोरया, तीनामा दोखु तुमुह कोमाय टुवु कोरने जुडहे।³⁹३९) च्यी बायी सामरी जीला मायला खुब माणहोह कोयली, ज्यो काय मी कोरली ओती च्यो आखो च्यु कोय देल्लु,एरी गोवायी होंबीन च्या माणहे यीसु पोर बुरहु कोरला ।. ⁴⁰४०) सामरी माणहे तीनाहाते आव्या, एने तीनुहाते रोयणे तीनाह रावण्या कोरया, एने च्यु च्याहरी दुय दीह रोयलु।⁴¹४१) एने यीसुन वातु होंबीन,खुब होंटो माणहे तीनापोर बुरहु कोरीया। ⁴²४२) च्या तीनी बायीह कोयु कोया, तु कोयली कोरीन ओतरोज आमु बुरहु नी करला कोरीन ओतरोज आमु बुरहु नी कोरतला,बाकीन च्यु काय कोयलु कोरीन आमुज होंबोवला,एने आमु सोमजी गोया के,च्यु खोरा खोर इन दुनियान माणहोह पापोन दोखु वाचाडनारु से।⁴³⁴⁴⁴⁵४३)दुय दीहोन बादमा च्यु च्याहरी दोखु गोलील जीलामा गोयु।. ४४) यीसु पेलेन यो गोवायी आपलु , के तेर सोतान गांव मा बोवीस्य कोयणाराह,कुण बी इज्जुत नी आपे।. ४५) यीसु गोलील जीलामा गोयु,ते च्याहरीन माणहे यीसुह खुसीमा आवबाव कोरला, काहाके च्या माणहे फासका तीवरोन कोरता येरुसलेम गोयला ओता,एने च्यु येरुसलेम सेहरोमा कोरलु ओतु, च्यो आखो च्या देखला ओता।⁴⁶४६) ओवतु यीसु फोसु गोलील जीलान काना सेहरोमा गोयु, च्यांहरी च्यु पाणीह धूरु रुह बोणावलू ओतु, च्याहरी राजान एक पुढारी माणुह ओतु, तेर पुरयु कोफरनाहुम सेहरोमा मांदलु ओतु ।. ⁴⁷४७) जेतार यीसु येहुदीया जिलामा दोखु गोलील जीलामा आव रोयुह, कोरीन होंब्यु ते च्यु तीनाहाते गोयु,एने रावण्या कोरयु , तु कोफरनाहुम गावमा चाल एने मार पुरयु ज्यु मोनेमाज से तीनाह बुरहु नी कोरे।⁴⁸४८)यीसु तीनाह कोयु, तुमु ते मोटला कामे एने चोमत्कार देखे बीगुर मारपोर बुरहु नी कोरे । ⁴⁹.४९)ओवतु राजान पुडारी तीनाह एंहे कोयु पोरबु मार सुरू मोरनेन पेल मार गोर चाल।. ⁵⁰५०)मोंग यीसु तीनाह कोयु, तु जा तार सुरू नी मोरे जीवतलु रोयहे ,च्यु माणुह यीसुन वातोपोर बुरहु कोरीन जात रोयु।⁵¹५१)च्यु जातोतु तेतार तेर पावरे तीनाह मीवाया ,एने कोया तार सुरू जीवतलु से। ⁵²५२)ओवतु च्यु तीनुह फुस्यु केतार मार सुरू हाजु ओयलु ,एने च्या कोया काल हीराणोपोर एक वाजता तेर होरी उतोरली ओती।⁵³५३)ओवतु यो होंबीन तीन सुरान बाबु ओर कोरयु के ,बोराबोर तीन टेमे यीसु तीनाह कोयलु के ,तार सुरू जीवतलु रोयहे यो जाणीन ,च्यु एने तेर गोरल्या बोठा यीसुपोर बुरहु कोरया।. ⁵⁴५४)येहुदीया जीलाम दोयु ,गोलील जीलाम आवणेन बादमा, यो यीसुन दुसरो मोटलो चोमत्कार ओतो।

Chapter 5

¹१) ओवतु यीसु येहुदी माणहोन तीवारोन कोरता येरुसलेम सेहरोमा गोयु। ²२) येरुसलेम सेहरोम कील्लान मेंडा जुपु नावोन एक मोटलु जुपु ओतु, तीन जुपा हाते च्यु इबरानी बास्यामा बेतसायदा कोवायतोतु,तीन तोवाव हाते पांच मांडवा ओता । ³.३) तीनु मांडवामा आंदवा लेंगडा पांगवा ओहला दुखोवाला होंटा च्याहरी लुट रोयला ओता, एने च्या केतार पाणी आलोवहे कोरीन वाट जुवतोता।. ⁴४) काहाके केतार केतार एक सोरगदुत आवीन तीन पाणीह आलोवतलु,एने तेर बारामा ज्यु पेल तीन तोवानोन पाणीमा उतरे, तीनाह काल्ली बी बेमारी रोये ती बी तेर बेमारी दोखु हाजु ओय जातलु।⁵५) च्यांहरी एक माणुह ओतु, च्यु दुय कोम चावीह सालोन मांदलु ओतु।

⁶६) च्याहरी लुट रोयला माणहोह देखीन यीसु जाण लेदयु, के यु माणुह वारुज दीहोन मांदलु से, कोरीन तीनाह फुस्यु तु हाजु ओयणे हुत्तुलु के।⁷७) मोंग च्यु मांदलु माणुह यीसुह कोयु,पोरबु जेतार पाणी आलवायतलो,तेतार कुण बी मेहे तोवावमा उतोरने मोदत नी कोरतला,मेहे जाणेन पेल दीहरु कुण बी उतरी जातलु। ⁸.८) च्यो होंबीन यीसु कोयु, उठ तारो गुदडो चुटीन जा।⁹९) लोगेज च्यु माणुह हाजु ओय गोयु,एने तेर गुदडो चुटीन फीरने बाज गोयु ,पुण यो चोमत्कार आरामोन दीहोमा ओयलो से।¹⁰१०) कोरीन येहुदीन पुढांरी माणहे हाजु ओयलु, तीना माणहोह कोया, आज ते आरामोन दीह से, तारो गुदडो उचलीन जाणु ते येहुदी नमोन वीरुद से।. ¹¹११) पुण च्यु कोयु ज्यु मेहे हाजु कोरलु,च्यु मेहे मारो गुदडो उचलीन जाणे कोयलु।¹²१२) येहुदीन पुढांरी माणहे तीनाह फुस्या, तोहो तारो गुदडो उचलीन जा कोयणारु कुण से।. ¹³१३) पुण ज्यु हाजु ओयलु तीनाह यीसु कुण से, कोरीन काय नी मालुम ओतो, काहाके च्यांहरी खुब गोरदी ओती,कोरीन यीसु तीन जागे दोखु, दीहरे जागे जात रोयलु।¹⁴१४) ओवतु यीसु तीनाह मोंदीरोमा मीवायीन कोयु,देख एंवी तु ते हाजु ओय गोयलु से, एंवी पाप जुण कोरतु, नी ते तोहपोर खुब दुःख आवहे। ¹⁵१५) ओवतु च्यु माणुह जायीन येहुदीन पुढारीनुह कोयु,यीसु मेहे हाजु कोरयु।¹⁶१६) तेर वातु होंबीन येहुदी जातीवावा यीसुह सोताडने बाज गोयला, काहाके यीसु तीनाह आरामोन दीह हाजु कोरलु।. ¹⁷१७) पुण यीसु तीनुह कोयु मारु बाबु एंवी लोगोण काम कोरने बाज रोयहु ,कोरीन मी बी काम कोरणे बाज रोयुह।

¹⁸१८) कोरीन येहुदी माणहोन पुडारमा,यो आखो होंबीन च्या यीसुह मारने खुब कुसीस कोरतोता,काहाके च्यु तीदंरा आरामोन दीहोन नेमोह ओतरु नी तुडयु,पुण च्यु उंजु कोयु,के बोगवान तेरु बाह से, एने च्यु सोताह बोगवानोन बोराबोर कोयतलु से।¹⁹१९) यीसु तीनुह कोयु मी खोराखोर तुमुह कोयतलु,मी बोगवानोन सुरु मारमारे कायीज काम नी कोर सोकतलु,सुरु तेर बोगवान बाबु ज्यो कोरतलु,च्यो देखीन ओतरुज सुरु कोरतलु,काल्लो बी काम तेर बोगवान बाह कोरतलु, ते तोहलोज काम च्यु बी कोरतलु। ²⁰.२०)काहाके बोगवान बाह तेर सुराह मोंग कोरतलु कोरीन, तेरोआखो काम तेर सुराह देखाडतलु, एने इना दोखा बी मोटो काम केहेंकाय कोरनु कोरीन,बोगवान बाबु तीनाह देखाडहे,तेतार यो देखीन तुमु बोंगलाय जाहोत।²¹२१)काहा के जेहे बाह मोरला जीवतु कोरतलु ,तेहेज सुरू बी जीनाह पोटे तीनाह जीवतु कोरतलू ²².२२)बाह कुणीनुज नीयाव नी कोरतलु, पुण च्यु माणहोन नीयाव कोरनेन आखो होक तेरा सुराह होप रोयलु।

²³२३)काहाके बागेवान बाबाह आखा माणहे जेहे इज्जुत आपतला , तेहेज बाह तेर सुराह बी इज्जुत आपाडने हुत्तलु, जोर ज्यु कुण तेर सुराह मानपान नी आपतलु, ते सुराह मुकोलनारा बोगवान बाबाह बी इज्जुत नी आपतलु।²⁴२४) मी खोराखोर तुमुह कोयतलु ,जोर कुण मारी वातु होंबीन मेहे मुकोलनारापोर बुरहु कोरे, तीनुह ओमोर जीवाय जुडहे ,एने बोगवान तींदरा पापोन डोंड तीनुह नी आपे, पुण तीनुह मोतों दोखु वाचीन होमेस्या जीवणेन जीवाय पेलेन जुड गोयलो से।²⁵२५) मी खोराखोर तुमुह कोयतलु ,ओहलु दीह आवहे ,च्यु दीही एंवी से ,आत्मान जीवायमा मोरला माणहे बोगवानोन सुरान वातु होंबीन बुरहु कोरहोत ,ते तीनुह ओमोर जीवाय जुडहे।²⁶२६) जेहे बोगवान बाबापोर आखाह जीव आपणेन ताकोत से, तेहेज च्यु तेर सुराह बी ओमोर जीवाय आपणेन ताकोत आपलु से।. ²⁷२७) एने बोगवान बाबु तेरा सुराह आखा माणहोन नीयाव कोरने आदीकार आप रोयुह, काहाके माणहोन सुरू से।²⁸२८) यो होंबीन तुमु बोंगलायु मा, ओहलु टेम आवहे के मोरला माणहे बोठा बोगवानेन सुरान आवाज होंबीन मोट्टयाम दोखा नी कोवहोता। ²⁹२९) ज्या हाजा कामे कोरला, च्या ओमर जीवाय जुडने कोरीन जीवता ओय जोहात, पुण ज्या खोराब काम कोरला च्या बोगवानोन डोड जुडने जीव जाहोत।³⁰३०) मी मारी मोरजी दोखु कायीज नी कोरतलु ,बोगवान काय कोयतलु च्यो होंबीन मो माणहाने नीयाव कोरतलु से, मारू नीयाव खोरू से ,काहाके मी मारी मोरजी दोखु काय बी कोरने नी हुत्तलु, पुण ज्यु मेहे मुकोल्लु तेर मोरजी दोखु काय बी कोरने हुत्तलु।. ³¹३१) जोर मी मार बारामा गोवायी आपो ते, मार गोवायी खोरी नी रोये।. ³²३२) मार बारामा गोवायी आपणारू दीहरू एक से, एने मेहे मालुम से, के ज्यो काय च्यु मार बारामा गोवायी आपतलु,च्या आखो खोरो से।³³३३) तुमु युहन्ना पाह मार बारामा फुसणे माणहे मुकोल्ला, एने च्यु मारे बारामा खोरी गोवायी आपलु से ³⁴।.३४)मेहे काल्ला बी माणहोन गोवायी नी जुवे ,पुण तुमु पापोम दोखा वाच जाणु जुवे, कोरीन मी यी वातु कोयतलु।. ³⁵३५) युहन्ना तुमुह उज्योड आपणारा एक दीवान होस ओतु ,एने तेरी वातु होंबीन थुडाक टेमोन कोरता खुस रोयणु तुमुह हाजो लाग्यो।³⁶३६) युहन्नान गोवायी दोखी मारी गोवायी मोटी से, ज्या कामे बोगवान पुरो कोरने,मेहे होपलु से, च्यु मोटला कामे बोगवान बाबु कोरने मेहे मुकोल्लु से, च्याज कामे मी कोरने बाज रोयुह, च्याज कामे मार बारामा बोगवान मेहे मुकोल्लु कोरीन पुरावु बोण जातलु।. ³⁷३७) बाह बोगवान ज्यु मेहे मुकोल्लु,च्यु बी मार बारामा गोवायी आपतलु,तेर रुप, तुमु कोदी देख्या बी नी,तेर आवाज कोदी होंब्या बी नी।. ³⁸३८) पुण बोगवान बाबु ज्यु मुकोल्लु , च्यु मारी गोवायी आप रोयुह ती बी,तुमु मेहे पोर बुरहु नी कोरया कोरीन,तेरी वात तुमरा मोनमा बी नी रोयहे।³⁹३९) तुमु पवित्र पुस्तोकोमा लेखायली वातोह चावीन हुद्तला, काहाके तीनीह वाचणेमा जोलमकीज जीवाय जुडहे,कोरीन तुमु वीचार कोरतला, पुण यीज पवित्र पुस्तोक मार बारामा गोवायी आपती आव रोयीह।. ⁴⁰४०) उंजु बी तुमुह ओमरा जीवाय जुडनु जुवे कोरीन,मेहे पाह आवणे नी हुत्तला।⁴¹४१) माणहे मेहे इज्जुत आपणु जुवे, कोरीन मी आसा नी कोरतलु।

⁴²४२) पुण मी तुमरा बारामा जाणतलु के तुमरा बोगवानोन मोंग नींबे।⁴³४३) मारु बाबु मेहे मुकोल्लु कोरीन मी आवलु, ती बी तुमु मेहे नी मान्या, जोर दीहरा कुण तोरी तीदरा सोतान नावो पोर आवहे, ते तीनाह तुमु मान लेहे। ⁴⁴.४४) जोर तुमु एक दीहरा दोखी बोडायी हुत्तला,एने बोगवान दोखी ओतरीज जुडनारी बोडायी नी हुत्तला,ते तुमु केहे काय बुरहु कोरे सोकतला।⁴⁵४५) बाह बोगवानोन ओगोव मी तुमुहा गुना वालु नी ठोरावो,पुण जीना मुसापोर तुमु आसा कोरतला,च्यु तुमुह गुनावाला ठोरावहे।. ⁴⁶४६) जोर तुमु मुसा पोर बुरहु कोरतला ,ते तुमु मेहे पोर बी बुरहु कोरता , काहाके मार बारामा बी मुसा लेखलो से।. ⁴⁷४७) जोर तुमु तेरी लेखली वातोपोर बुरहु नी कोरतला, ते मार वातो पोर केहेक बुरहु कोरहोत।

Chapter 6

¹१) तेरे बादमा यीशु तीबीरियास नावोन गोलील जिलाम दोखु दोरियान पोल्लीखेर गोयु। गोलील दोरियाह तीबीरियास दोरीया बी कोयतला

²२)ने खुब गोरदी यीशुन फोसोव गोयी काहाके च्या येसु मादला माणहोह हाजु कोरलु कोरिन देखला ओता। . ³३)एने येसु बोयडापोर चोडीन तेर चेला हाते बोठ गोयु।⁴४)तेतार येहुदी माणहाने फासका तीवार आवणेमाज ओतु।

⁵५) जेतार यीसु एक मोटली गोरदीह तीनाहाते आवतली देख्यु,ते फीलीप्पुसोह फुरयु इनुह खावाडणेन कोरता काहरी दोखा रुटा वेचाता लावजे। ⁶६) यीसु जाणतोतु के च्यु काय कोरने वावु से,तीन बी फिलीप्पुसोह फारकणेन कोरता च्यु एहे फुस्यु।⁷७) फिलीप्पुस यीसुह कोयु, जोर आमु एक माणहोन दुय होवदीहोन कोमायीन रुटा इनदरे कोरता लावहु ती बी आंखा माणहोह युडो युडोज जुडहे।. ⁸८) तेतार यीशुन चेला मायलु सिमोन पोतरसोन बायह आंदरीयास तीनाह कोयु। ⁹९)याहरी एक जुवान सुरुसे तीना पाह जोव गोवोन पाच रुटा एने दुय मासा से पुण ओतरा रुटा कोरीन इनुहा केहकाय खावाड सोकतला।¹⁰१०) येसु तीनुह बोठाडने कोयुतीना जागामा खुब नींवों खोडो ओतो ते चया बोठा खाणे बोठगया कोमसी कामे पाच ओजारे माणहे ओतरा ओता।

¹¹११) येसु च्या रुटा एने लीन बोगवानोह धोन्यवाद कोयीन आखा माणहोह वाटणे चेलाह आपयु आखा माणहे पेट बोरिन खादया। १२) ¹²आखा माणहे खायलीन आफरी गोया एने यीशु चैलानुह कोयु उगोरला रुटान बोटकाह टुवु कोरु काहाके आबाव बी खाणो वायबार नी जाणु जुवे।¹³१३) च्या जोवोन उगोरला रुटान बोटकाह टुवु कोरला ते रुटा बारा खीवडया बोरायला ओता। ¹⁴१४) तेतार येसु ने यो चोमतकार देखिन खुब माणहे बोगलाय गोया एने कोया खोराखोर यु दुनिया मा आवणे वावु बोगवानोन भविष्य कोयणारु से। ¹⁵१५) येसु तेर। मोनमा जाण लेदयु के माणहे आवीन मेहे राजा बोणावणे जोबरजसती कोरहोत चयु एखलु बोयडापोर जात रोयु।¹⁶१६) हाजपोरली वेवा यीशुन चेला गोलील दोरियाह मेरे गोय ।

¹⁷१७) च्या डुडयामा बोठीन दोरीयान पोलीं खेरला कोफरनुहूम सेहरा हाते जाणे बाज गोया तेतार खुब आंदारो पोड गोयला ओता एने उंजु लोगोण येसु तीनु हाते नी आवयु ओतु । ¹⁸१८) एने खुब मोटु वाहवु दोरियाम सुडयु एने पाणीन जेलखा ऊंचा उसनया।¹⁹१९)तेतार चेला डुडयो चालाडता चालाडता कमसी कम पोचोक कि मी जात रोयलु तेतार यीशु दोरियान पाणीपोर चालीन डुडयाखेर आवतलु देखीन च्या गाबरी गोया । ²⁰२०) यीशु चेलाह देखीन कोयु मीज से बीवु मा । ²¹२१) तेतार च्या, यीसुह डुड्यामा चोडावणे हुत्तोता, एने लोगेज तीनुह जीने जागें जाणु ओतो,तीनो जागे पुच गोयला ओता।²²२२) दीहरे दीह ज्या माणहे दोरीयान पोलीं खेर उंबरोयला ओता,तीनुह मालुम ओतो, के च्यांहरी एकुज डुंड्यो ओतो,एने यीसु तेर चेला हाते तीन डुंड्यामा काय नी गोयु,बाकीन च्या ओतरोज गोयला ओता। . ²³२३) थुडांक डुड्या तीबरीयास सेहरोमा दोखा ज्यांहरी पोरबु दोन्यवाद कोरनेन बादमा, माणहे रुटा खादला ओता,च्यांहरी आव्या।²⁴२४) जेतार गोरदी यीसु एने तेर चेला च्यांहरी नी ओता,यो देखीन डुड्यामा बोठीन यीसुह हुदता हुदता कोफरनाहुम सेहरोमा पुच गोया। ²⁵२५) जेतार माणहे यीसुह दोरीयान पोल्ली खेर मीवाया,ते च्या तीनाह फुस्या ,ए रोब्बी केतार तु यांहरी आवलु।²⁶२६) यीसु तीनुह जोपाप आप्यु, मी तुमुह खोराखोर कोयतलु,तुमु मार बोंगलाये ओहला मोटला कामे देखीन नी ,पुण रुटु खायीन आफरी गोया कोरीन मेहे हुद्तला।. ²⁷२७) बीगडी जाये ओहलो खाणान कोरता मेहनुत नी कोरनु,बाकीन ओमोर जीवाय लोगोण टीकणारा खाणान कोरता मेहनुत कोरजु, च्यो खाणो माणहोन पुरुयु, मोजो मी तुमुह आपीह,काहाके बाह बोगवान सीक्कु लागाडीन माणहोह पुरय मोजे मेहे पोर कोतराज नीवाड रोयलु।²⁸२८) ओवता च्या यीसुह कोया बोगवानोन काम कोरने ओये ,ते आमु काय कोरनु जुवे।. ²⁹२९) यीसु जोपाप आप्यु,बोगवान जीनाह तुमरे कोरता मुकोल्लु से,तीनापोर तुमु बुरहु कोरु बोगवान यो एकुज काम तुमु कोरनु जुवे कोरीन हुत्तलु।³⁰३०) कोरीन च्या तीनाह कोमा जोर आमु तोहोपोर बुरहु कोरनु,एंहे तु वीचार कोरतलु ते आमुह एक चोमत्कार देखाडनी काय काम देखाडन्य।

³¹३१) वारुज सालोन पेला आमरा डायाडाया उजाड़ी जागा रोयता जातोत, तेतार च्या मोन्ना नावोन रुटा खादया , बोगवानोन पुस्तोकोमा एंहे लेखाय रोयोह के, च्यु सोरगे दोखु तीनुह रुटा खाणे आपलु ओतु।³²३२) यो। होंबीन यीसु तीनुह कोयु,मी खोराखोर कोयतलु मुसा तुमुह सोरगे दोखु रुटु नी आप्यु, पुण मार बाबुज तुमुह रुटु आपलु ओतु,एने मारु बाबु खोरला रुटा सोरगे दोखु तुमुह आपतलु। ³³३३) काहाके ज्यु कुण सोरगे दोखु आवीन कोवीन माणहोन कोरता जीवाय आपणारु से, च्युज बोगवान खोरु रुटु से। ³⁴.३४) एने च्या कोया,पोरबु च्यु रुटु आमुह होमेस्या आप्या कोरजी।³⁵३५) यो होंबीन यीसु तीनुह कोयु,जीवाय आपणेन रुटु मीज से,ज्यु कुण मारहाते आवे,तीनाह कोदी सुख नी लागे,एने ज्यु कुण मेहे पोर बुरहु कोरे,तीनाह कोदी तीह नी लागे।. ³⁶३६)पुण तुमुह कोयलु के,तुमु मेहे देखी बी लेदला ती बी मेहे पोर बुरहु नी कोरतला। ³⁷.३७) बोगवान बाबु जीना माणहोह मेहे आपलु से,च्या बोठा मारहाते आवहोत मेहे पाह,आवणाराह मी कोदी नी काडो।³⁸३८)काहाके मी सोरगे दोखु मारी मोरजी पुरी कोरने नी आव्यु,पुण बोगवान ज्यु मेहे मुकोल्लु,तेरी मोरजी पुरो कोरने आवलु से ।

³⁹३९) ज्यु मेहे मुकोल्लु तेरी मोरजी एंहे से, के ज्या मेहे आपलु ओतु,तीन माणहोम दोखु मी एकाह बी नाखायणे नी देव ,पुण दुनियान आखरी नीयावोन दीही मी तीनुह ओमोर जीवायोन कोरता। ⁴⁰.४०) काहाके मार बोगवान बाबान मोरजी यी से,के ज्यु कुण तेर पुरयाह देखीन तीनापोर बुरहु कोरे,तीनाह ओमोर जीवाय जुडहे,एने मी तेरु नीयाव नीवाडु कोरनेन दीह तीनाह मोरला दोखु जीवतु कोरीह।⁴²४१) यो होंबीन येहुदी माणहे कुर कुर कोरने बाज गोया,काहाके यीसु एंहे कोयलु के सोरगे दोखु आवलु रुटु मीज से

⁴¹.४२) कोरीन येहुदी माणहे कोया, यु ते युसुफोन सुरु यीसु से, की नी आपु ते एर आय बाबाह ते उवोखतला से,ती बी मी सोरगे दोखु आवलु कोरीन यु केहेकाय कोयतलु।⁴³४३)यीसु तीनुह कोयु, तुमु तुमरे तुमरे कुर कुर जुण कोरता।

⁴⁴४४) जीनुह बाह बोगवान मेहे आपलु से,ओतराज मेहेपाह नीयावोन दीहोमा मी तीनुह फोसु जीवतु कोरीह।. ४५) बोविस्य कोयणारा एंहे लेख रोयाह के आखा माणहोह बोगवान हीकाडहे कोरीन,ज्या कुण बाह बोगवानोन हीक होंबीन हीकहोत च्या बोठा मेहे पोर बुरहु कोरहोत ।

⁴⁵४६) कुण बी बाबाह देख्या नी ,पुण मेहे बोगवान मुकोल्लु ओतु, एने मी ओतरुज बोगवानोह देखलु से।⁴⁶४६) कुण बी बाबाह देख्या नी ,पुण मेहे बोगवान मुकोल्लु ओतु, एने मी ओतरुज बोगवानोह देखलु से। . ⁴⁷४७) मी खोराखोर कोयतलु,ज्यु कुण मेहेपोर बुरहु कोरतलु ,तीनाह ओमर जीवाय जुडहे।⁴⁸४८) ओमर जीवाय आपणेन रुटु मीज से।

⁴⁹४९) तुमरा डाया डाया,उजाडी जागामा मोन्नो नावोन खाणे खादया ती बी मोर गोया।⁵⁰५०)पुण सोरग दोखु उतोरलु रुटु, ज्यु बी खाये च्यु ,कोदी नी मोरे।

⁵¹५१) मी सोरगे दोखु उतोरलु जीवाय आपणेन रुटु से, जोर कुण च्यु यु रुटु खाहे ते जोलोमकुज जीवतु रोयहे,मी आपणेन रुटु से जोर कुण च्यु यु रुटु खाहे ते जोलोमकुज जीवतु रोयहे, मी आपणेन रुटु मारो डील से ,मी इन कोवीन माणहे जोलोमकाज जीवणु जुवे कोरीन, मी मार डीलोह आपण्युज से।⁵²५२) यी वात होंबीन येहुदी माणहे तींदरे तींदरे जुलायणे बाज गोया, के केंहेकाय यु माणुह एरो डील आपुह खाणे आप सोकतलु। . ⁵³५३) यीसु तीनुह कोयु, मी तुमुह खोराखोर कोयतलु कोदी तुमु माणहोन पुरयान मोजे मार डीलोह नी खाये,एने मार लुयोहनी पीये, तुमु खोराखोर नी जीवु।⁵⁴५४) ज्यु कुण मारो डील खातलु,एने मार लुय पीतलु तीनुह ओमर जीवाय जुडहे,एने मी तीनाह आखरी दीहोमा फोसु जीवतु कोरीह।

⁵⁵५५) काहाके मार माह खोरलो खाणे से , एने मारलुय खोरी पीणेन चीज से।

⁵⁶५६) ज्यु कुण मार माह खाये,एने मार लुयोह पीये ते, च्यु मेहे हाते होंगोमा रोयहे, एने मी तीनाहाते होंगोमा रोयीहे।⁵⁷५७) जेहे जीवतलु बाह मेहे मुकोल्लु,एने मी बाबा दोखु जीवतलु ,तोहलो ज्यु कुण मेहे खाये च्यु मेहे दोखु जोलोमकुज जीवहे। . ⁵⁸५८) मीज सोरगोमा दोखु उतोरलु खोरु रुटु से, तुमरा डाय डाया मोन्ना खादया,एने मोर गोया,यु तोहलु रुटु नींबे,पुण ज्यु इन रुटाह खाये च्यु जोलोम कुज जीवहे। . ⁵⁹५९) जेतार कोफरनाहुम सेहरोमा येहुदीन बोक्तीन गोरमा च्यु हीकाडतोतु, तेतार इन वातोन बारामा कोयु ।⁶⁰६०) यों होंबीन यीसुन दीहरा चेलानु ऐहे कोया, यी वातु ते मानीन चालने काठी से,कुण यो होंबोवहे। ⁶¹.६१) यीसु तेर चेलानु तींदरे तींदरे तेर बारामा कुर कुर कोरतला कोरीन, मोनमा जाणीन यीसु तीनुह कोयु काय,तुमुह मार वातु नाराज कोर देल्ली के।⁶²६२) जोर तुमु एंहे वीचार कोरतला, ते बोगवानोन पुरयु मी पेल ज्यांहरी ओतु,च्यांहरी फोसु जातलु देखहोत,ते तुमुह केहेक लागहे।

⁶³६३) बोगवानोन जीव आत्मा ओतरोज माणहोह जोलोमकीज जीवाय आपतली एक माणहु सोतान ताकोतमा माणहोह जीवाय नी आप सोकतलु,ज्यो काय मी तुमुह कोयतलु च्यी वातु बोगवानोन जीव आत्मा दोखी आवतली,एने तुमुह जोलमकी जीवाय आपहे।⁶⁴६४) पुण तुमरामा थुडाक माणहे ओहला सोताह,केमेहेपोर बुरहु नी कोरतला, चेला मायला ज्या बुरहु नी कोरतला च्या कुण से, एने कुण तीनाह दोरावणारु से,यो बोठा यीसु पेलेन जाणीन। . ⁶⁵६५) यीसु तीनुह कोयु, जीनुह बाह मेहे आपलु से, च्या ओतरोज मेहे पाह आव सोकतला।⁶⁶६६) यीसु ज्यो काय कोयु,च्यो होंबीन यीसुन दीहरा चेला यीसुह सुडीन जात रोयला।. ⁶⁷६७) च्या जातला देखीन यीसु बारा चेलानुह फुस्यु, तुमु बी जाणे वीचार कोरतला के। ⁶⁸६८) सीमोन पोतरस कोयु,पोरबु कुणी पाह आमु जाजे,ओमर जीवाय आपणेन बुल तोहोपोरुज से। ⁶⁹६९) आमु तारी वातोपोर बुरहु कोरतला,एने आमुह मालुम से,के तु बोगवान मुकोल्लु चुखलो माणुह से।⁷⁰७०)ओवतु यीसु तीनुह कोयु, मी तुमु बारा चेलानुह काय नी नीवाडुयु के,पुण तुमरामा एक जोण बुतडु से। . ⁷¹७१) च्यु सीमोन इस्कारीयोतोन पुरयु येहुदासोन बारामा कोयलु ओतु,ज्यु बारा चेलामा एक ओतु,एने च्यु यीसुह वीरुदी माणहोपाह दोरीन आपणारु से, कोरीन तेर बारामा एंहे कोयु।

Chapter 7

¹१) ओवतु यीसु गोलील जीलामा सेवा कोरतु जायीन फीरतु रोयु ,च्यु येहुदीया जीलामा जाणे वीचार नी कोरयु, काहाके येहुदीन पुढारी माणहे यीसुह मारने वीचार कोरतोता। ².२)एने तीन टेमे येहुदी माणहोन तोंंबान तीवार आवणेम ओतु।³३) कोरीन यीसुन बायहे तीनाह कोया, तु यांंहरी दोखु येहुदीया जीलामा जात रोयजी काहाके तार चेलातु काय कोरतलु च्यो देख सोकतला।

⁴४) ज्यु नाव कोमायणे हुदे च्यु ठावकु काम नी कोरे ज्यो काय तु कोरतलु च्यो माणहोन ओगोव कोवीन माणहोह मालुम ओय जाहे।⁵५) यीसुन सोतान बायहे बी तीनापोर बुरहु नी कोरतोत।

⁶६) यीसु तीनुह कोयु च्यांहरी जाणेन उंजु मारू टेम नी आव्यु, पुण तुमु ते केतार बी जाय सोकतला।

⁷७)कोवीन माणहे तुमुह वीरूद नी कोरे ,पुण च्या खोराब काम कोरतला कोरीन मी तीनुह गोवायी आपतलु ,तीनाम

च्या मेहे वीरूद कोरतला।

⁸८) तुमु तीवारोमा जावु, एंवी मी नी जातु, काहाके च्यांहरी जाणेन मारू टेम नी आव्यु। ⁹९) यो कोयीन यीसु गोलील जीलामाज रोय गोयु।¹⁰१०) यीसुन बायहे तीवारोमा जात रोयान ओवतु, यीसु बी गोयलु ओतु, माणहोह देखाये ओहलु नी पुण ठावकुज गोयलु ओतु।. ¹¹११) पुढारी माणहे ती‌वारम यीसुह हुदतोता ,एने फुस्या च्यु काहरी से।¹²१२)यीसुन बारामा माणहे कुरकुर कोरतोता ,माय एंहे कोया ,च्यु हाजु माणुह से, एने माय कोया नी च्यु माणहोह ठोगतलु।

¹³१३) पुण येहुदी पुडारीनुह गाबरीन कुण बी,तेरा बारामा मोटे वातु नी कोरया।¹⁴१४) जेतार आरदु तीवार ओय गोयलु ओतु ,यीसु मोंदीरोमा गोयु ,एने बोगवानोन वात देखाडणे बाज गोयलु। ¹⁵.१५)यीसु माणहोह हीकाडतलु देखीन येहुदी माणहे बोंगलायीन गोया ओहे, यु माणुह काल्ला बी येहुदीन दोरम हीकाडनारा गुरू दोखु हीके बीगुर कांहरी दोखी ओतरी ओककोल इनाह जुड रोयीह। . ¹⁶१६)कोरीन यीसु कोयु ,मी माणहोह मारी वात नी हीकाडतलु, बाकीन बोगवान ज्यु मेहे मुकोल्लु ,तेरी वात मी माणहोह हीकाडतलु।¹⁷१७)जोर एकदु बोगवानोन मोरजी पुरी कोरने वीचार कोरतलु ,ते च्यु ज्यो काय मी हीकाडतलु, च्यो मारी मोरजीमा बुलतलु के नी ते बोगवानोन मोरजी दोखु बुलतलु कोरीन सोमजी जाहे।. ¹⁸१८)जोर कुण सोता दोखु बुलतलु ,ते च्यु सोतान बोडायी कोरने हुत्तलु, पुण जोर कुण च्यु मुकोल्लु तीनान बोडायी कोरने वीचार कोरे ते ,तीनामा खोरखोर कायीज खुट नी रोये।²⁰१९)मुसा तुमुह बोगवानोन नेम नी आप्यु के ,पुण तुमरामा कुण बी नेमोपोर नी चालतला ते तुम काहा मेहे मारने

¹⁹२०)माणहे यीसुह कोया, तु बुतडु बोरायलु से, कुण तोहो मारने हुत्तलो।²¹२१)मोंग यीसु कोयु ,मी आरामोन दीही एक चोमत्कारोन काम कोरयु ,ते तुमु आखा देखीन बोंगलाय गोया। ²²२२)मुसा तुमरा पुरयान चा‌मडो कातोरनेन हुकुम तुमुह आप्यु ,पुण यो ते तुमरा डायडायान टेमे दोखा तुमु कोरता आवला ओता ,कोरीन आरामोन दीही माणहे चामडो कातोरनेन रीत कोरतला से।²³२३)मुसान नेमोह मान आपणेन कोरता आरामोन दीह बी माणहोन चामडो कातोरनेन रीत कोरता आवला ,जोर एंहे ओहे, ते मी एक माणहोह आरामोन दीह हाजु कोरलु ते तुमु, काहा खोताय जातला। ²⁴२४) खोरो काय से,कोरीन सोमजीन ओवता,तुमु माणहोन नीयाव कोरु,पुण काय तुमुह देखायतलो,च्यो देखीन माणहोन नीयाव मा कोरु।²⁵२५) तेतार येरूसलेम सेहरोन थुडाक माणहे एंहे कोया ,येहुदीन पुडारी माणहे इनाह ते मारने हुत्तोत ने। ²⁶२६) देखु यु ते आखान ओगोव खुल्ली वात बुलतलु ती बी इनाह कुण बी काय नी कोयतला ,काय पुडारी माणहोनुह युज मोसी से, कोरीन हासलीन मालुम से के। ²⁷२७) यु माणुह कांहरी दोखु आवलु से, कोरीन आपुह ते मालुम से ,पुण जेतार मोसी आवहे ,तेतार च्यु कांहरी दोखु आवहे, कोरीन कुणीह बी मालुम नी पोडो।²⁸२८)यीसु बोगवानोन मोंदीरोमा हीकाडतोतु ,तेतार आयडीन कोयु, होव तुमु मेहे जाणतला, एने मी कांहरी दोखु आवलु से, कोरीन बी तुमुह मालुम से, मी सोतान आदीकारमा नी आव्यु, पुण ज्यु मेहे मुकोलनारू से, च्यु खोरू से ,एने तीनाह तुमु नी जाणतला। ²⁹२९) पुण मी तीनाह जाणतलु, काहके तीनाखेर दोखु मी आवलु से, एने च्यु मेहे मुकोल्लु से।³⁰३०) कोरीन येहुदी माणहे यीसुह दोरने हुत्तोता, ती बी तीनाह काय नी दोरया, काहाके तीनाह दोरनेन टेमे नी आव्यु। ³¹३१) खुब होंटा माणहे यीसुपोर बुरहु कोरया, एने च्या एंहे कोया जेतार मोसी आवहे, तेतार यु कोरतलु इना दोखा बी बोडीन मोटला कामे कोरहे के। ³²३२) फारीसी माणहे यीसुन बारामा माणहे तींदरे तींदरे खुसुर फुसुर वातु कोरतला होंबीन च्या ,एने डायला पुजारा एने फारीसी पोंथवाला यीसुह दोरीन लावणे मोंदरीन सीपायडाह मुकल्या।³³३३) यीसु तीनुह कोयु , मी तुमरे थुडुक टेम ओतरु रोयीह ,ओवतु मी मेहे मुकोलनारा पाह जात रोयीह। ³⁴३४) तुमु मेहे हुदहोत,पुण मी काय नी सापडो,काहाके मी ज्यांहरी से च्याहरी तुमु नी आव सोकतला।³⁵३५) यो होंबीन येहुदी माणहे तींदरे तींदरे वातु कोरया,आपहु नी सापडे ओहलो यु कांहरी जाहे,येहुदी माणहे रोयणेन युनानी सेहर जाहे के,च्यांहरी जायीन युनानी माणहोह हीकाडहे के। ³⁶३६)तुमु मेहे हुदहोत,बाकीन मी नी सापडो एने मी ज्याहरी से,च्यांहरी तुमु नी आव सोकतला, च्यु एंहे कोयणेन मोतलोब काय से, कोरीन च्या तींदरे तींदरे वात कोरतोता।³⁷३७) येहुदीन तीवारोन आखरी दीह खास दीही ओतु,यीसु उबरोयीन मोटे आयडीन कोयु,जोर कुणीह तीह लागे ते मेहेपाह आवु, एने पीवु।

³⁸३८) जेहे चुखली पुस्तोकोमा लेखलो,तेहे ज्यु कुण मेहे पोर बुरहु कोरे,तेर मोनोम दोखो नोंदयान पाणीन होस जीवायोन पाणी वोयतो रोयहे।³⁹३९) ज्या यीसु पोर बुरहु कोरतला ,तीनुह जुडनेन चुखली आत्मन बारामा यीसु वातु कोरतोतु,तीन टेमोमा बोगवान चुखली आत्मा माणहोह काय नी आप्यु ओतु,काहाके बोगवान यीसुन बोडायी कोरनेन टेम उंजु लोगोन काय नी आव्यु ओतु।⁴⁰४०) गोरदी मायला थुडाक माणहे तेरी यी वातु होंबीन कोया,यु खोराखोर आवणेवालु बोगवानोन बोवीस्य कोरणारु से। ⁴¹४१ उंजु माय कोया यु मोसी से,पुण माय कोया मोसी गोलील जीलाम दोखु आवहे के। ⁴²४२) चुखली पुस्तोकोमा मोसी दावुद राजान कुलोमा दोखु आवहे,एने बेतलेहेम गांव मा पोयदा ओयहे ज्यांहरी,दावुद रोयतोतु,एंहे लेखलो से की नी।⁴³४३) कोरीन यीसुन बारामा माणहे फाटाफुट आये गोयला। ⁴⁴४४) माय तीनाह दोरने हुदया,बाकीन कुण बी तीनाह आथ नी लागाडया।⁴⁵४५) जेतार मोंदीरोन सोयनीके फिरीन गोयला,ते डायला पुजारा,एने फारीसी पोंथवाला माणहे तीनुह फुस्या तुमु तीनाह काह नी लाव्या।

⁴⁶४६) सीपायडा कोया,कुण बी तीन माणहोन होस कोदी वातु नी कोरयु।⁴⁷४७) तेतार फारीसी पोंथवाला माणहे तीनुह फुस्या,काय तुमु बी तीनाम दोख ठोगाय गोयला के। ⁴⁸४८) आदीकारी नी ते, फारीसी पोंथवाला माणहोमा एकादा तीनापोर बुरहु कोरया कोरीन होंब्या के। ⁴⁹४९) या माणहे मुसान नेम नी जाणतला, कोरीन बोगवान इनुह सोराप आपहे।⁵⁰५०)फरीसी पोंथवावामा नीकुदेमुस नावोन एक माणुह ओतु,पेल च्यु यीसुह मीवायणे गोयलु ओतु, पेल च्यु योसह मीवायणे गोयलु ओतु,च्यु दीहराह कोयु। ⁵¹५१) येहुदी नेमोमा एक माणुह गुनावालु कोयणेन पेल आपु देखणु जुवे के च्यु काय कोरतलु,एने काय कोयतलु च्यो होंबोवणु जुवे। . ⁵²५२) मोंग च्या कोया तु काय गोलील जीलावावु से के तु, बोगवाऩन पुस्तोक होस कोरीन वाचजी ,तेतार तु सोमज सोकतलु के, काल्लु बी बोवीस्य कोरणारु माणुह गोलील जीला दोखु नी आवे।⁵³५३) एने यो होंबीन आखा जेर तेरे गोर जात रोया।

Chapter 8

¹१) बोठा गोर जात रोया, बाकीन यीसु जेयतुन बोयडा पोर गोयु।

²२) होंदारे वेगुज फोसु च्यु मोंदीरोमा आव्यु बोठा माणहे तीनाहाते आवला,एने च्यु बोठीन तीनुह वात देखाडने बाज गोयु। ³३) एने मुसान कानुन हीकाडनारा, एने फारीसी पोंथवाला माणहे सीनावो कोरली एक बायीह दोरीन आखान वीस्मा उबराखला।⁴४) च्या यीसुह कोया, ए गुरु यी बायी सीनावो कोरतलीन सापडी गोयली।

⁵५) आपणा येहुदीन नेमोमा मुसा आमुह हुकुम आपलु,के ओहली बायीह दोगंडा दीन मारनु एवी तु काय कोयतलु। (लेव्या २०:१०)। ⁶६) च्या तीनाहा फोसाडनेन कोरता यी वात कोया ,पुण यीसु ढुंगु वोवीन आंगवी कोरीन दोरती पोर लेखणे बाज गोयु।⁷७) च्या तीनहा टीणी पोडीन फुस्ता रोया ,तेतार च्यु उबोरोयीन तीनुह कोयु,तुमरामा ज्यु कुण काय बी पाप नी कोरयु ओहे,च्यु पेल इनी बायीह दोगंडु देहे। ( रोमियो २:२१) . ⁸८)एने च्यु फोसु डुंगु वोवीन आंगवी कोरीन दोरती पोर लेखणे बाज गोयु।⁹९) मोंग च्या यो होंबीन मोटला एने आयतलाह लागडीन आखा एक एक कोरीन जात रोया, यीसु एखलु रोय गोयु, एने च्यी बायी तेर ओगोव उबरोयली ओती।

¹⁰१०) यीशु उबरोयीन तीनीह कोयु ,ऐ बायी च्या माणेह काहारी गोया ,एक बी तोहपोर गुनु नी लागाडीन एने डोड बी नी आप्या

¹¹११) च्यी बायी कोयी कुणी बी नी मालीक,एने यीसु तीनीह कोयु,मी बी तोहो डोंड नी आपतु,जा एने फोसी पाप जुण कोरती।¹²१२) यीसु फोसु तीनु माणहोह कोयु,जीवाय आपणारु विजावो मी से,ज्यु कुण मारे फोसोव चालहे,च्यु कोदी आंदारलामा नी चाले,पुण तीनाह जीवन विजावो जुडहे। ( युहन्ना १२:४६)। . ¹³१३) ओवता फारीसी पोंथवाला माणहे यीसुह कोया, तुज सोतान बारामा गोवायी आपतलु ,ते तारी गोवायी खोरी नींबे।¹⁴१४) यीसु तीनुह कोयु, मी मारा बारामा कोयतलु ,ती बी मारु पुरावु खोरु से,काहाके मी कांहरी दोखु आवलु,एने काहरी जातलु ,कोरीन जाणतलु, पुण तुमते मी कांहरी दोखु आवलु,एने काहरी जातलु कोरीन नी जाणतला। ¹⁵१५) माणहोन इसाबे तुमु नीयाव नीवाडु कोरतला,पुण मी मारी मोरजी दोखु नीयाव नीवाडु नी कोरतलु। ¹⁶१६) पुण जेतार मी नीयाव कोरो,तेतार मी खोरु नीयाव कोरन्या से,काहाके मी एखलु नीबे,मी एने मारु बाबु ज्यु मेहे मुकोल्लु से,आमु दुय मीवीन नीयाव कोरन्या से।¹⁷१७) एने तुमरा नेमोमा बी लेखाय रोयोह के, दुय जोणोन पुरावु खोरु मानायहे। (व्यवस्थाविवरण १९:१५) . ¹⁸१८) मी मारा बारामा पुरावु आपतलु, एने मारु बाबु ज्यु मेहे मुकली रोयलु च्यु बी मारा बारामा पुरावु आपतलु।¹⁹१९) ओवता च्या यीसुह फुस्या तारा बाबु काहरी से एने यीसु तीनुह जोपाप आप्यु,तुमु मेहे बी एने मारा बाबाह बी नी जाणतला जोर तुमु मेहे जाणता ते मारा बाबाह बी जाणता । ²⁰२०) यीसु मोंदीरोमा हीकाडनेन टेमे दान पेटीन जागे हीकाडतु जायीन,यी आखी वात कोयु ती बी कुण बी यीसुह काय नी दोन्या,काहाके तेरु मोरनेन टेम नी आव्यु होतु ।²¹२१) मोंग यीसु तीनुह फोसु कोयु, मी जाणे बाज रोयुह,ओवता तुमु मेहे हुदहो,पुण तुमु तुमरा पापोमा मोर जाहे मी ज्यांहरी जाणे बाज रोयुह,च्याहरी तुमु नी आव सोकतला। ²²२२) येहुदीन पुडारी माणहे कोया,यु ते मी ज्यांहरी जातलु च्याहारी तुमु नी आव सोकतला,एहे कोयतलु मोंजे काय यु सोता जाण जुवीन मोरने हुदेह के।²³२३) पुण यीसु तीनुह कोयु, तुमु इनी कोवीन से पुण मी सोरग दोखु आवलु से, तुमु ते कोवीन से,पुण मी इनी कोवीन नी होया। . ²⁴२४) कोरीन मी कोयलु के तुमु तुमरा पापोमा माफीन वीगुर मोर जाहे,जोर तुमु मी से,च्युज कोरीन बुरहु नी कोरे ते,तुमु पापोमान माफी विगुर मोर जाहे।²⁵२५) यों होंबीन च्या यीसु कोया,तु कुण से,यीसु तीनुह कोयु,तुमुह सुरु दोखु कोयतु गोयु,की मी कुण से मीज च्यु से। . ²⁶२६) तुमरा बारामा मेहे वारुज होंट कोयणु से, एने तुमु निरणय लेणु से, एने ज्यु मेहे मुकोल्लु च्यु खोरु से,च्यु काय कोयणे कोयतलु,च्यो ओतरोज मी इन कोवीन माणहोह कोयतलु से । ²⁷२७) यीसु तेरा बाह बोगवानोन बारामा तीनुह कोयतोतु,पुण च्या नी सोमज्या।²⁸२८) कोरीन यीसु कोयु सोरग दोखु आवलु ,माणहोन पुरयु मीज से,पुण जेतार तुमु बोगवानोन पुरयाह कुरुसो पोर चोडावाहोत तेतार तुमु मी कुण से कोरीन मालुम पोड जाहे,एने तुमुह यो बी मालुम पोडहे के मी सोता कायीज नी कोर सोकतलु ,पुण मारा बाबु मेहे काय हीकाडया च्योज मी कोयतलु। ²⁹२९) मेहे मुकोल्लनारू मारहाते से,च्यु मेहे एखलु नी सुडतेलु काहाके होमेस्या मी तीनाह ज्यो पोटे च्योज कोरतलु। ³⁰.३०)जेतार यीसु यी बोठी वातु कोरतोलु,ते खुब माणहे तीना पोर बुरहु कोरया।³¹३१) यीसु येहदी माणहोह कोयु,जोर तुमु मारी वातोपोर बुरहु कोरीन मानीन चाले ते तुमु खोराखोर मारा चेला से। ³².३२) खोरी वात काय से, कोरीन तुमु मालुम ओय जाहे,एने च्यी खोरी वात तुमुह गुलामी दोखा सुडावहे। ³³३३) च्या यीसुह कोया, आमु ते आरबहामोन कुटुमोन से, इन दुनियामा आमु कोदी कुणीन गुलाम नी ओता, ते तु आमुह सुडावीह कोरीन केहेक कोयतलु।³⁴३४) यीसु तीनु कोयु मी तुमुह खोराखोर कोयोह जोर कुण पाप कोरतु आवतलु ते च्यु पापोन गुलाम से। ³⁵३५) गुलामोमा रोयणारु तेरे मालकोन गोरमा होमेस्या नी रोये,पुण पुरया होमेस्या तेरे गोर मा रोयहे। ( गलातीयों ४:३०)। ³⁶३६) पुण पुरया तुमुह पापोम दोखु सुडावे,ते तुमु खोरीज गुलाम दोखा सुट जाहोत।³⁷३७) तुमु अरबाहममोन कुटुमोन से,कोरीन मी जाणतलु,पुण तुमु मार वातोह नी मानतला,तीनामा ते तुमु मेहे मारने हुत्तला।

³⁸३८) ज्यो काय मार बाबापाह देखलु च्यों मी तुमुह कोयतलु, पुण तुमु ज्यो काय तुमरा बाबान होंबोवला च्यो कोरतला।³⁹३९) च्या तीनाह कोया आरबाहम आमरु बाहे से,यीसु तीनुह कोयु जोर तुमु अरबाहीमोन पुरयु ओहे ते अरबाहीम काय काय कोरयु तोहलो तुमु कोरता। . ⁴⁰४०) पुण मी बोगवानो दोखु होंबोवलु,खोरी वात तुमुह कोयलु,पुण तुमु मेहे मारने हुत्तला आरबाहीम ते ओहली नी कोरयु। ⁴¹४१) ज्यो काय तुमरु बाबु कोरयु,च्यो तुमु कोरतला ओवता आमु ते सीनावा दोखा नी पोयदा ओया आमरु बाबु से, च्युज बोगवान से।⁴²४२) यीसु तीनुह कोयु, जोर बोगवान खोराखोर तुमुरु बाह ओहे ते, तुमु मेहे मोंग कोरता,काहाके मी बोगवानोपाह दोखु आवलु से,मी सोता मार मारे नी आव्यु, पुण बोगवानुज मेहे मुकोल्लु ओतु। ⁴³४३) मी काय बी कोयतलु ते तुमु काहा नी सोमजतला,काहाके मी ज्यो काय कोयतलु च्यो होंबोवणे तुमरो मोन नींबे। ⁴⁴४४) बुतडु तुमरु बाह से, एने तुमु तेरा से, तुमु बोठा तेरी इस्या पुरी कोरने वीचार कोरतला,बोगवान बी कोवी गोडायणेन तीन टेमे दोखु,च्यु माणहोह नास कोरनारु से,च्यु काय बी खोरो नी कोरतलु,काहाके तीनाह खोरो नी पोटतलो,च्यु सोता ठोग देतलु,च्युज ठोगे,एने ठोगोन बाह से।⁴⁵४५) पुण मी तुमुह खोरी वात कोयतलु ,कोरीन तुमु मेहे पोर बुरहु नी कोरतला।

⁴⁶४६) तुमरामा कुण, मेहे पापी कोय सोकतला,जोर। मी खोरी वात कोयतलु, ती बी तुमु मेहे पोर बुरहु काहा नी कोरतला। ⁴⁷४७) ज्यु बोगवानो खेर दोखु से, च्यु बोगवानोन वातु होंबीन मानतलु,तुमु ते बोगवानोन वाते होंबीन मानतला,बी नी तीनामाज मालुम पोडतलो,के तुमु बोगवानो खेर दोखा नींबे।⁴⁸४८) येहुदी माणहे यीसुह कोया,आमु तोहो सामरीवालु, एने तु बुतडु बोरायलु,कोरीन बोराबोर कोयला की नी। ⁴⁹४९) यीसु कोयु मारामा बुतडु बोरायलु नींबे ,मी मारु बाबाह इज्जुत आपतलु,एने तुमु मेहे इज्जुत नी आपतला।⁵⁰५०) मी मारी बोडायी कोरने नी हुत्तलु,बोगवान मारी बोडायी कोरहे च्यु खोरो नीयाव नीवाडु कोरनारु से। ⁵¹५१) मी तुमुह खोराखोर कोयतलु,ज्यु कुण मारी वातु होंबीन मानीन चाले ते, च्यु कोदी नी मोरे।⁵²५२) येहुदी माणहे यीसुह कोया,एवी आमुह मालुम ओय गोयो के,तारामा बुतडु बोरायलु से,आरबाहीम मोर गोया,एने बोवस्या कोयणारा माणहे बी मोर गोया,ती बी तु कोयतलु , ज्यो कुण तारी वातु होंबीन चाले च्यु कोदी नी मोरे। ⁵³५३) तो काय आमरा डायला बाबा आरबाहीम दोखु मोटु से के, च्यु मोर गोय एने बोवीस्या कोयणारा माणहे बी मोर गोया तु सोताह काय सोमजतलु।⁵⁴५४)यीसु जोपाप आप्यु, मी सोतान मोहिमा कोरो ते मारी मोहिमा वायबार से,मारी मोहिमा कोरनारु ते मारु बोगवान से, कोरीन नाव ली रोयाह।

⁵⁵५५) तुमु ते तीनाह कोदी नी जाण्या,बाकीन मी तीनाह जाणतलु,जोर कोदी मी तीनाह नी जाणतलु कोये ते, तुमरे होस मी बी ठोग से, बाकीन मी तीनाह जाणतलु एने तेर वातु होंबीन चालतलु। ⁵⁶५६) तुमरु डायलु बाबु आरबाहीम मार दीह देखणे वाट जुवीन खुब ओय गोयलु।⁵⁷५७) येहुदी जातीवावा तीनाह कोया,तोहो पोचाह वोरहे बी नी ओया,एने तु आरबाहीमोह देखलु के। ⁵⁸५८) यीसु तीनुह कोयु, मी तुमुह खोराखोर कोयतलु,आरबाहीम पोयदा ओयणेन पेलेन मी से।

⁵⁹५९)यह होंबीन च्या तीनाह मारने दोगडा चुटया, पुण यीसु लीकायीन मोंदीरोमा दोखु नीकवीन गोयु, तीनुह नी देखायु।

Chapter 9

¹१) यीसु जातुआतु, एने एक माणहो देख्या ज्या जनम देखु आंदवु ओतु।

²२) ओते तेरा चेला फूस्या, ए गुरु कुण पाप कोरलो,एने यो आंदवा एने तेरा आयी बाबु।³३)यीसु तीनुह कोयु,नी च्यु पाप कोन्यु नी तेरा आयी बाबु पुण यो इनान कोरीन ओयलो से,की बोगवानोन ताकोत तीना पोर देखाय जाणु जुवे कोरीन च्या आंदवु जनम लेदया। ⁴४) ज्यो मेहे मुकोल्लु तेरो काम दीहु दीह कोरनु से,काहाके रात आवहे ते कुण बी काम नी कोर सोकतलु।

⁵५) मी जाहा लोगण इनी कोवीमा से, मी कोवीन माणहो विजावु आपही।⁶६) यो कोयीन च्यो दोरती पोर थुप्यु तीन कादवोमा बेसकीन तीना आंदवान डुवा पोर लागाडयु। ⁷७) एने यीसु कोयु, तु जायीन सीलोह नावोन तोवावमा दुव सीलोह मा मुकोल्लु यो होंबीन च्यु गोयु,एने डुवा दुव्यु,एने देखतु तेतार ओय गोयु।⁸⁹८ तेरा पोडसी माणहे कोयणे लाग्या, की च्यु आंदवु भीख मांगतोत देखला ओता, च्या एहे कोयने बाज गोया,यु माणुह से ने , च्यो बोठीन भीख मांगतोतु । ९) थुडाक माणहे कोया, ओवी च्युज से एने दीहरा माणहे कोया नी,पुण तेरा हारकुज देखायतलु ओवतु च्युज कोयु मीज से च्यु।¹⁰१०)कोरीन च्या तीनाह फुस्या, एवी केहेकाय देखणे बाज गोयु। ¹¹११) च्यु तीनाह कोयु,यीसु नावोन एक माणुह कादुव कालवीन मारा डुवापोर लागाडयु,एने च्यु मेहे सीलोह तोवावमा जायीन डुवा दुवणे कोयु कोरीन,मी च्याहरी जायीन डुवा दुव्यु,तेतार देखणे बाज गोयु। ¹²१२) एने च्या तीनाह फुस्या च्यु माणुह कांहारी से, ओवतु च्यु कोयु मेहै नी मालुम।¹³१३) माणहे पेहल च्यु आंदवु ओतु,तीनाह फरीसी ली गोयला ओता।

¹⁴१४) ते दीह यीसु कादव कालवीन तेरा डुवा हाजा कोन्यु च्यु आरामोन दीह ओतु। ¹⁵१५) ओवी फरीसी तीनाह फोसा फुस्या, तु केंहेकाय देखणे बाज गोयलु,च्यु तीनाह कोयु,च्यु मारा डुवा पोर कादुव लागाडयु , एने मी डुवा दुव्यु, एने मी देखणे बाज गोयलु।¹⁶१६) यो होंबीन फरीसी माणहे कोया, यु ते बोगवानो खेर दोखु नी आव्यु काहाके,यु आरामोन दीही नी मानतलु,एने दीहरा माणहे कोया, जोर च्यु पापी माणुह ओहे, ते इनसेहे चोमत्कारोन काम केहेकाय कोर सोकतलु कोरीन च्या माणहो मा फाटाफुट ओय गोयला। ¹⁷१७) फरीसी माणहे फोसा तीनाह फुस्या, तारा डुवा उगाडयु तेर बारामा तु कायतला, च्यु कोयु ज्यु बोविस्या कोरणारु से। ¹⁸१८) पुण येहुदी माणहोह, तीनु बुरहु नी ओय की,आंदवु ओतु, तेरा आयी बाबा हादीन फुस्या, जोनम दोखु आंदवु ओतु, एने एवी देखणे बाज गोयु।¹⁹१९) येहुदी पुडारी माणहे तीना माणहोन आय बाबाह फुसता , "यु तारु सुरु के? तुमु कोयला ओता,जोनम दोखु आंदवु ओतु मोंग एवी च्यु केहेंकाय देखणे बाज गोयु? ²⁰२०) ओवता तीन माणहोन आय बाबाह,एंहे कोया,यु आमरु सुरु से,एने यु जोनम दोखु आंदवु से,यो आमुह मालुम से।

²¹२१) पुण आमुह नी मालुम के,यु केंहेकाय देखणे बाज गोयलु से, एने एरा डुवा कुण उगाडयो कोरीन आमु बी नी जाणतला यु ते मोटु से इनाह फुस लेवु, च्यु तुमुह कोय सोकतलु।²²२२) च्या येहुदीन पुडारी बीनोता कोरीन तीन माणहोन आय बाबाह कोया काहाके येहुदीन पुडारी जोर कुण यीसुह मोसी से, कोरीन माने ते येहुदीन भोक्तीन गोरमा दोखु काडाडनु पोडे, कोरीन बोजोट लागाडला ओता।

²³२३) कोरीन तेर आय बाबाह कोया यु ते मोटु से इनाह फुस लेवु।²⁴२४) कोरीन च्या आदवु पोयदा ओयलु,माणहोह दुसरी वार फोसो हादया, तीनाह कोया, तु बोगवानोन मोहिमा कोरीन कोय आमुह मालुम से के,ज्यु तोंहो हाजो कोरयु च्यु पापी से। ²⁵२५) एने च्यु कोयु, च्यु पापी से की नी च्यो मी नी जाणतलु, पुण एक वात ओतरी मेहे मालुम से, मी पेल आंदवु ओतु एवी मी देखतलु।²⁶२६) एने येहुदीन पुडारया,उंजु तीनाह फुस्या च्यु तारहाते काय कोरलु, तार डुवा केंहेकाय उगाडयु। ²⁷२७) च्यु कोयु,देख मी पेलेन तुमुह कोयलु तुमु नी होंब्या,उंजु काहा होंबोवणे हुत्तला,तुमु बी तेर चेला बोणने बीचार कोरतला के। ²⁸२८)तेतार येहुदीन पुडारया जुलीन कोया, तु ते तेरु चेलु से, पुण आमु मुसान चेला से। ²⁹२९) मुसा हाते बोगवान वातु कोरलु कोरीन आमुह मालुम से, पुण यु माणुह कांहरी दोखु आवलु से, कोरीन आमुह मालुम नींबे।³⁰३०) यो होंबीन च्यु कोयु, आह यु ते मार डुवा हाजा कोरयु ती बी, च्यु कांहरी दोखु आवलु कोरीन,तुमु नी जाणतला, यी ते बोंगलायणेन वात से ।

³¹३१) आमु जाणतला के बोगवान पापी माणहोन नी होंबोवतलु ,पुण बोगवानोह बीन तेर मोरजी पोर चालनारा पोरथना कोरतला ते तींदरो होंबोवतलु।³²३२) कोवी गोडयी तेवी दोखु जोनम दोखु,आंदवा माणहो कुण बी हाजो कोरयु कोरीन काय नी होंब्या। ³³३३) जोर च्यु बोगवानोखेर दोखु नी आवतु ते,च्यु कायीज नी कोरतु। ³⁴३४) मोंगे च्या तीनाह तु जोनम दोखु पापी से, तु आमुह हीकाडतलु के ,एहे कोयीन तीनाह बोक्तीन गोरमा दोखु काड देला।³⁵३५) यीसु यो होंब्यु के, च्या माणहे तीनाह पोरथनान गोरमा दोखा काड देला से, यीसु तीनाह फुस्यु माणहोन पुरयापोर तु बुरहु कोरतलु के । ³⁶३६) मोंग च्यु यीसुह कोयु,होव मालेक च्यु कुण से, मेहे कोय दे, मी तीनापोर बुरहु कोरनयु से। ³⁷३७) मोंग यीसु तीनाह कोयु, तु देखलु से, एंवी तारहाते बुलणे बाज रोयुह युज से च्यु। ³⁸३८) होव पोरबु मी बुरहु कोरतलु,एंहे कोयीन च्यु यीसुन पाया पोडीन वोंदयु।³⁹३९) यीसु कोयु मी इनी कोवीन माणहोन नीयाव नीवाडु कोरने आवलु से, तोहलो ज्या माणहे आंदवा से,च्या देख सोकतला,पुण ज्या देखतला च्या आंदवा ओय जाहोत। ⁴⁰४०) यीसुन वातु होंबीन थुडाक फारीसी पोंथवाला च्याहरी उंबरोयतला ओता,च्या कोया तु काय आमुह बी आंदवा कोयतलु के।

⁴¹४१) मोंग यीसु तीनुह कोयु, जोर तुमु आंदवा सोमजतला ते बोगवानोन ओगोव तुमु पापी नींबे, पुण तुमु आमु आंदवा नींबे ,एंहे सोमजतला कोरीन तुमु बोगवानोन ओगोव पापी से ।

Chapter 10

¹१)यीसु कोयु,मी तुमुह खोराखोर कोयतलु, ज्यु कुण मेंडा बुकडान वाडाम जाणेन जुपाखेर ओयतु नी, पुण दीहरा खेर ओयतु जाये ते,च्यु चुटु एने डाखु से। ²२) पुण ज्यु कुण वाडाम जुपाखेर ओयतु जाये ते,च्यु मेंडान गुवाव्यु से ।³३) जेतार च्यु गुवाव्यु ओवे ते, आखान राखवावी कोरनारु जागल्युज जुपु उगाडतलु,एने मेंडा बुकडा गुवाव्यान बुली फारोकतला, एने तेरो होंबीन तीनाहाते आवतला,एने च्यु तीनुह तींदरो नाव दोरीन बुलाडतलु,एने बारथे चारने लीजातलु। ⁴४) जेतार बोठा मेंडा बुकडान च्यु बारथे ली जातलु तेतार च्यु तींदरे ओगोव ओगोव चालतला, काहाके च्या तेरी बुली फारोकतला।⁵५) पुण जीनाह च्या नी जाणतला तींदरे फोसोव फोसोव नी जातला, च्या तीनाहाते दोखा सेटा दोवडी पोडे, काहाकी च्या ओनजावडान बुली नी जाणतला। ६) ⁶यीसु यु दाखलु ज्या माणहे हाते ओता तीनुह कोयु,पुण च्या तेरो मोतलोब नी सोमज्या⁷७) यीसु फोसु तीनाह कोयु , मी खोराखोर तुमुह कोयतलु मीज मेंडान कोरता जुपु से । ⁸८) ज्या मेहे दोखा पेल आवला,च्या बोठा चुटठा ने डाकु से,पुण मेंडा बुकडा तींदरी बुली नी होंब्या। ( यिरमीयाह २३:१ युहन्ना १०:२७)⁹९) मी जुपु से,ज्यु कुण लागाडीन जुपाखेर ओयतु जाये ते, च्यु वाच जाहे ,च्यु माय एने बारथे आव जाव कोरतु रोयहे, एने तीनाह जीव आत्मामा वोडनेन कोरता जीव आत्मान खोणो जुडहे। ¹⁰१०)चुट्टु माणुह चुरने एने मारने एने नास कोरने‌ ओतरूज आवतलु ,पुण मी माणहोह खोरली जीवाय,एने आखा दोखी हाजी जीवाय पुरीन पुरी आपणे आवलु से।¹¹११) मीज हाजु गुवाव्यु से, हाजु गुवाव्यु तेर मेंडा बुकडान कोरता जीव आपणे बी तीयार रोयतलु। ( भजन संहिता २३:१, यहेजकेल ३४:१५) ¹²१२) ज्यु पोमहान कोरता ओतरु गुवावी कोरनारु से , च्यु मेंडा बुकडान मालीक नींबे च्यु लांडगो आवतलो देखीन मेंडा बुकडाह सुडीन नाह जातलु, एने च्यो लांडगो आवीन मेंडाह दोरीन इंखेर तींखेर कोर देतलो। ¹³१३) पोमहान कोरता गुवावी कोरनारु मेंडा बुकडान चींता नी कोरे कोरीन च्यु लांडगो देखीन नाह जातलु।¹⁴१४)मीज खोरलु गुवाव्यु से, जोहलु मार बाबु मेहे जाणतलु ,एने मी मार बाबाह जाणतलु तोहलो मी मार मेंडा बुकडान जाणतलु। ¹⁵१५) एने मार मेंडा बुकडा मेहे जाणतला,एने मी तींदरे कोरता मार जीव लोगोण आप देतलु। ¹⁶१६) मार उंजु बी दीहरा मेंडा बुकडा से, च्या इना मेंडा बुकडान वाडान नींबे,तीनुह बी मेहे लावणु जोरुडी से, एने एकुज गोवारु बोण जाहे,एने तींदरे एकुज गुवाव्यु रोयहे। ( यशायाह ५६: ८ यहेजकेल ३४:२३ यहेजकेल ३७:२४)।¹⁷१७) बोगवान बाबु मेहे मोंग कोरतलु, कोरीन मी मार जीव आपणे बी तीयार से ,पुण मी मोरन्यु एने फोसु मी जीवतु ओयण्यु से। ¹⁸१८)मारी मोरजी नी ओयेते कुण बी मेहे नी मार सोकतला,पुण यी मारी मोरजी से के,मी मार जीवोह मोरने होपतलु,मेहेपोर जीव आपणेन एने फोसु लेणेन बी आदीकार से,मार बोगवान बाबु मेहे एंहे कोरने हुकुम आपलु ।¹⁹१९) यीसु कोयलु ,यी वातु होंबीन येहुदी माणहे फोसा फाटाफुट ओय गोया। ²⁰२०) तीनामायला होंटा माणहे कोया च्यु बुतडु बोरायलु से,च्यु ते गांडु से, एरो काहा होंबोवतला। ²¹२१) पुण दीहरा यो होंबीन कोया,बुतडु बोरायलु माणुह ओहली वातु नी कोर सोकतलु,बुतडु बोरायलु आंदवान डुवा,उगाड सोकतलु के।²²२२) मोंदीर उदगाटण तीवारोन टेमे यीसु येरुसलेमोमा ओतु, च्यु ठोंठीन टेमे ओतु। ²³२३) यीसु बोगवानोन मोंदीरोमा सुलेमान नावोन एक मांडवामा चालतोतु। ²⁴२४) तेतार येहुदी जातिन माणहे ,तेर सोमखेर आवीन तीनाह गेर लेदया तीनाह फुसयातु आमरी आत्माह केतार लोगोण ठावफा मेकहे, जोर तू मोसी आहे ते आमहु होस कोरिन कोयदे ।²⁵२५) यीशु कोयु ,मी तुमुह कोयलु ओतु के, मी मोसी से, पुण तुमू मेहे पोर बुरहू नी कोरया ,मार बाबान तापोमा ज्यो काय मी कोरलू ,ज्यु जो मार पुरावू से । ²⁶२६) पुण तुमु बुरहुज नी कोरतला, काहाके तुमु मार मेंडा बुकडा नीम्बे।²⁷२७) मारा मेंडा बुकडा मारी बुली होंबोवतला ,मी तीनुह जाणतलु एने च्या मार फोसोव फोसोव आवतला। ²⁸२८) मी तीनुह ओमरा जीवाय आपतलु ,एने च्या कोदी मोरेज नी तीनुह मारा आथोम दोखा कुणीजनी सांडाड सोकतलो।²⁹२९) मार बाबु ज्यु मेहे तीनुह आपलु ,एने च्यु आखा दोखु ताकोत वावु से ,तीनुह पोर आथोम, दोखा कुणीज नी साडाड सोकतला ।

³⁰३०)मी ऐने मार बाबु एकुज से ।

³¹३१)तेतार येहुदी जातिन माणहे फोसा यीशुह मारने कोरिन दोगडा चुटया।³²३२)बाकीन यीसु तीनुह कोयु ,मी मार बाबान मोरजी दोखु तुमरे ओगोव खुब हाजा कामे कोरिन देखाडतलु, तीनामायला काल्ला कामोंन कोरता तुमू मेहे दोगडा देणे हुततला । ³³३३)येहुदी जातिन माणहे जो पाप आपया ,आमु तार हाजा कामोन कोरता दोगडा नी देतला ,पुण तु एका माणहु से,सोतान मी बोगवान से कोयीन तु बोगवानोन नाव बोदी कोरतलु ।³⁴३४) यीशु तीनुह जोपाप आपयु ,तुमू देवे सेताह एहे मी कोयलु कोरीन तुमरा नेमोमा लेखला यी वात तुमू मालुम नींबे

³⁵३५)जुनला वारामा जीनु पुडारिया माणहोनुह बोगवान तेरी वात पुचाडलू तीनुह लोगोण बोगवान देवे कोरिन बुलाडया तुमू जाणतला के बोगवानोन पोवितृ पुस्तकोमा लेखली वात कोदी नी टोवे।

³⁶३६) बोगवान बाबु मेहे नीवडीन पोवितृ कोरीन इनी कोवीमा मुकोललु ,जेतार मी बोगवानोन पुरुयु कोयलु ते मी बोगवानोन नाव बोदी कोरतलु ,कोरीन मेहे काहा कोयतला।³⁷३७) जोर मी मार बाबान काम नी कोरतु ते तुमु मेहे पोर बुरहु जुण कोरता । ³⁸३८) बाकीन मी बाबान काम कोरतलु ती बी तुमू मेहे पोर बुरहु बी नी कोरे ,मार मोटला कामे देखीन ते बुरहू कोरजु, तेतार तुमू बाह बोगवान मार हाते से, एने मी बी तीना हाते से कोरिन सोमज सोकतला।

³⁹३९) फोसा च्या तीनाह दोरने हुदया,पुण यीशु तींदरा आथोम दोखु नीसटिन जात रोयु।⁴⁰४०) यीशु फोसु योरदोन खुदरान पोल्लीखेर ज्याहरी पेल युहन्ना बपतींसमा आपतोतु च्यांहारी जायीन रोयु। ⁴¹४१)होटा माणहे यीशु हाते आव्या, एने कोया युहन्ना खुब मोटला कामे नी कोरयु चयु ज्यो काम यीशु बारामा कोयलु ओतु ,च्यो खोरो निकोवलो। ⁴²४२)एने च्याहरी खुब माणहे यीशु पोर बुरहु कोरया।

Chapter 11

¹१) बेतनीय गांवमा लाजरस नावोन एक माणुह ओतु,च्यु खुब मांदलु ओतु, तीना गांवमा मोरीयाम एने तेर बोणीह मारथा रोयतोता।

²२) यीज से,ज्यी लाजरोन बोणीह मोरीयम ज्यी पोरबु यीसुन पायापोर खुब मोंगलो आतोर रेचवीन तेर जुटा कोरीन नुसली ओती।³३) तेतार तेर बोणहया यीसुह खोबोर कोय मुकल्या,पोरबु जीना लाजरोसोन तु खुब मोंग कोरतलु, च्यु मांदलु से । . ⁴४) यो होंबीन यीसु कोयु इन मांदवाडमा लाजरस नी मोरे पुण इन मांदवाडमा बोगवानोन नावोन मोहिमा ओयहे,एने बोगवनोन पुरयु मोंजे मार नावोन बी मोहिमा ओयहे।⁵५) यीसु मारथा एने तेर बोणीह मोरीयमोह एने लाजरसोन खुब मोंग कोरतोतु । ⁶६)यीसु जेतार लाजरस मांदलु कोरीन होंबीन बी ज्याहरी ओतु ज्यांहरीज दुय दीह रोय गोयु। ⁷७) ओवतु दुय दीहोन बादमा यीसु चेलानुह कोयु, चाला आपु फोसा येहुदीया जीलाम बेतनीया गावमा जाता⁸८) मोंग चेला यीसुह कोया,ए गुरु एवी येहुदी जातिन माणहे तोहो दोंगडाटीन मारने हुत्तला ती बी तु फोसु च्यांहरी जाणे हुत्तलु के। ⁹९) यीसु तीनुह जोपाप आप्यु,दीहुन बारा गोंटा उज्योण से की नी कुण बी दीहोन उज्यावामा चाले ते च्यु जोटवाये नी,काहाके च्यु कोवीन उज्यावा देखीन चालतलु।¹⁰१०) पुण कुण राती आंदारलामा चाले ते च्यु जोठवाय जाहे, काहाके तीना पाह उज्योड नींबे। ¹¹११) यो कोयीन यीसु ओवी एंहे कोयु आफा हातीन लाजरस हुव गोयलु से,पुण मी जायीन तीनाह जागाडीह।¹²१२) तेतार यीसुन चेला कोयु,पोरबु जोर च्यु हुवतलु ते च्यु हाजु ओय जाहे । ¹³१३) यीसु लाजरसोन मोतोन बारामा कोयलु,पुण चेला यीसु कोयतलु होंबीन लाजरस हुवतलु सोमज्या। ¹⁴१४) तेतार यीसु तीनुह ज्यो से च्यो खुल्लो कोय देण्यु ,लाजरस मोरगोयलु से।¹⁵१५) मी खुस से, के मी च्यांहरी नींबे च्यो तुमरे कोरता हाजो से, काहाके तुमुह मेहेपोर उंजु बुरहु कोरने एक सोंदी जुडहे, चाला आपु तीना पाह जाता।

¹⁶१६) तेतार चेलामाय थोमा ज्यु दीपमुय बी कोवायतोतु, च्यु दीहरा चेलानुह कोयु चाला आपु बी इनाहाते मोरने जाता।¹⁷१७) जेतार यीसु बेतनीया गावमा आव्यु ते तीनाह खोबर जुडतली के लाजरस च्यार दीहोन पेल मोर गोयला,एने तीनाह मोटटायामा मेकी बी देल्ला ओता। ¹⁸१८) बेतनीया गांव येरुसलेम सेहर दोखो कोमसी कोम तीन कीलु मीटर सेटो ओतो । ¹⁹१९) येहुदी जीला दोखा, खुब माणहे मारथा एने मोरीयमोपाह तेर बायहोन कोरता,सांती आपणे आवला ओता।

²⁰२०) यीसु आवतलु कोरीन होंबीन, मारथा यीसुह मीवायणे जातली ,पुण मोरीयम गोरमाज ओती।²¹२१) मारथा यीसुह मीवायणे कोयी ,ए पोरबु जोर तु यांहरी रोयतु, ते मार बायह नी मोरतु। ²²२२) पुण मेहे मालुम से के, एंवीन एंवी ज्यों कायतु बोगवानो पोर दोखु मांगहे ते च्यो बोगवान तोहो आपहे।

²³२३) यीसु तीनाह कोयु तार बायह फोसु जीवतु ओय जाहे।²⁴२४) तेतार मारथा यीसुह कोयी,होव आखरी दीह जेतार आखा माणहे जीवता ओय होत तेवीन च्यु बी फोसु जीवतु ओय जाहे। ²⁵२५) यीसु तीनीह कोयु, मीज मोरला माणहोह जीवतु कोरनारु एने तीनुह ओमोर जीवाय आपणारु से ज्या कुण मेहे बुरहु कोरे,च्या मोरीन बी जोलोमका जीवतला रोयहे। ²⁶२६) ज्या कुण मारहाते रोयीन मेहे पोर बुररहे,च्या कोदी नी मोरोत ,पुण च्या होमेस्या जीवतला रोयहे, मारथा इनी वातोपोर तु बुरहु कोरतली की।²⁷२७) मोंग मारथा यीसुह कोयी,होव पोरबु तुज इन कोवीमा आवणारु बोगवानोन पुरयु मोसी से, कोरीन मी बुरहु कोरतली। ²⁸२८) यो कोयीन मारथा च्याहरी दोखी जात रोयली,एने तेर बोणीह मोरीयम हाते गोयी ,एने ठावकीज तीनीह कोयी गुरु आव रोयहु तोहो हादेह।

²⁹२९) यो होंबीन मोरीयम उठी ,एने यीसुह मीवायणे उतवावीज गोयी।³⁰३०) यीसु उंजु लोगोन बेतनीया गावमा नी पुच्यु,पुण च्यु ज्यांहरी मारथाह मीवायली च्यांहरी ओतु। ³¹३१) थुडाक येहुदी माणहे तींदरे गोरमा तीनु हाते सांती आपणे आवला ओता, जेतार मोरीयम जोलदी बारथे जातली देखीन च्या च्यी लाजरसोन डाकला ओता तीना मोटटयापोर रोडने जातली ओहे ,एंने वीचार कोरीन च्या बोठा बी तेर फोसोव गोया। ³²३२) यीसु ज्यांहरी ओतु च्यांहरी मोरीयम पुंची, एने च्यी यीसुन पाया पोडीन कोयी ए पोरबु जोर तु यांहरी रोयतु ते मार बायह नी मोरतु।³³३३) मोरीयम एने तीनी हाते ओता येहुदी जातिन माणहे खुब रोडला, यो देखीन यीसु खुब तेर मोनमा दुखलीन जीव नाराज ओय गोयु।

³⁴३४) यीसु तीनुह कोयु,तीनाह तुमु कांहरी मेकला से, ओवता च्या कोया,ए पोरबु तु आवीन देखले। ³⁵३५) यीसु रोडयु।³⁶३६) यो देखीन येहुदी जातिन माणहे तींदरे तींदरे कोया,देखु लाजरजोह यीसु कोतरु मोंग कोरतोतु। ³⁷३७) थुडाक माणहे कोया युज ने आंदवान डुवा उगाडयु ,लाजरसोह मोतोम दोखु काहा नी वाचाडयु।³⁸३८)च्या लाजरसोन दोडोह एक मोटला गुफामा मेकाल ओता,एने बोयडान खुबारामा खोंदीन बोणावला गुफापोर मोटलु सापोर मेकला ओता, यीसु खुब मोनमा दुखी ओयीन गुफा हाते गोयु। ³⁹३९) च्ये जायीन यीसु कोयु, गुफापोर दोखु सेटा कोरु मोंग मोरनारान बोणीह मारथा कोयी, ए पोरबु लाजरसोह मेकीन च्यार दीह ओय गोयला से,जार सापरोह सेटा कोरहु ते गोदायहे। ⁴⁰४०) वा कोतरु ताकोत वावु से कोरीन देख सोकतली।⁴¹४१) च्या सापरोह सेटा कोरया, एने यीसु उपोर बावीन कोयु, ए बाबा तु मार वातु होंबोवलु कोरीन मी तोहो दोन्यवाद कोयतलु। ⁴²४२) मी जाणतलु केकोल्लु यो बुरहु को तु मारो होंबोवतलुज ,पुण यांहरी उंबरोय रोयरे कोरीन मी,एंहे कोयलु ओतु।⁴³४३) ओवतु यीसु आयडीन कोयु ए लाजरस बारथे नीकोव।

⁴⁴४४) तेतार लाजरस बारथे नीकोवलु, तेर आयो पाये डाठी कोरीन वेटावला ओता, एने मुय बी फेटा कोरीन बांदलो ओतो,एने यीसु कोयु, इनाह सुड देवु एने जाणे देवु ।⁴⁵४५) मोरीयमोन गोरमा आवला ओता, येहुदीया मायला खुब माणहे यीसुह काम देखीन यीसु पोर बुरहु कोरया। ⁴⁶४६) पुण तीनुमायला थुडाक माणहे,फारीसी पोंथवाला माणहोपाह जायीन यीसु काय काय कोरयु आखो तीनुह कोयाप्या।⁴⁷४७) तेतार मोटला पुजार, एने फारीसी पोंथवाला माणहे मोटली पोंचुमा माणहे टुवु कोरीन एक दीहरा हाते वातु कोरला ओता के, आपु काय कोरहु यु माणुह ते खुब मोटला कामे कोरतलु। ⁴⁸४८) जोर आपु इन माणहोह एंहे कोरने सुड देहु ते आखा माणहे इनापोर बुरहु कोरने बाज जाहे,एने रोमी माणहे आवीन आपणु चुखली मोंदीर एने आपणा बोठा माणहोह हार देहे।⁴⁹४९) तीन पोंचु मायला, केयफा नावोन एक मुखी पुजारु ओतु,च्यु एंहे कोयु तुमुह काय नी मालुम से। ⁵⁰५०) तुमु काय नी सोमजतला के,आखा माणहोन कोर एक माणुह मोरनु तुमरे कोरता हाजो से,नी ते आखो राज नास ओय जाहे ।⁵¹५१) च्यु सोतान वीचार दोखु नी कोयु, बाकीन च्यु तीना सालोन मुखी पुडारी ओतु कोरीन,यीसुन बारामा बोवीस्य कोयलु ओतु, यीसु आखा माणहोन कोरता मोरहे। ⁵²५२) यो देखाडतलु के,यीसु येहुदीन कोरता ओतरुज नी ,बाकीन वेराय रोयला बोगवानोन आखा माणहोह एखठा कोरने बी यीशु मोरहे। ⁵³५३) ते दीह देखाज येहुदीन पुडारी यीसुह मारनेन होमचु कोरने बाज गोया।⁵⁴५४) कोरीन यीसु येहुदी माणहो हाते मीवीन नी रोयु,बाकीन च्यु ए फरायीम सेहरामा गोयु,च्यु सेहरा उजाडी जागामा हाते ओतो ,एने च्यांहरी च्यु तेर चेला हाते रोयलु ओतु । ⁵⁵५५) येहुदी जावावान फासका तीवार आवणेमाज ओतु , एने खुब माणहे तींदरा खेडा पाडाव दोखा सोताह सुखलो कोरने कोरीन फसका तीवारोन पेल,येरुसलेम सेहर गोया। (२ इतिहास ३०:१७)।⁵⁶५६) च्या यीसुह हुदणे बाज गोया,एने मोंदीरोमा उबरोयीन एक दीहराह फुसतोता, तुमु काय वीचार कोरतला, जोरुड च्यु तीवारोमा नी आये के।

⁵⁷५७) मुखी पुजारु एने फारीसी पोंथवाला माणहोह हुकुम आप देल्ला ओता के ,यीसु काहारी से कोरीन तुमु जाणतला, ते येहुदी पुडारीह कोयजु तेतार च्या,यीसुह दोर सोकतला।

Chapter 12

¹१) यीसु फासका तीवारोन सोव दीहोन पेल, बेतनीया गावमा आवलु जीनाह,यीसु मोतोम दोखु जीवतु कोरलु, च्यु लाजरस बी तीना गावोन ओतु।

²२) गांव मा एक जागे यीसुन कोरता खाणे बोणावला ओता ,च्यांहरी यीसु हाते खाणे ज्या बोठला ओता, तीनुहाते लाजरस बी ओतु च्यांहरी मारथा तीनुह खाणे वाटतोती।

³३) एने मोरीयम आरदु लीटर मोंगलो पीवर आतोर लावीन,यीसुन पायपोर रेचवी, एने तेर जुटा कोरीन तेरा पाये नुसी तीन आत्तोरोन वास,आखा गोरमा गोंदायणे बाज गोया।⁴४) येसुदास इस्कारीयोत ज्यु यीसुन चेला मायलु एक एने यीसुह दोरीन आपणारू ओतु च्यु कोयु।

⁵५) जोर तु यो आतोर वेचीन च्या एक सालोन कोमायीन बारोबोर ओहे च्या पोयहा जोर तु गोरीब माणहोह आप देती ते हाजो रोयतो

⁶६) च्यु गोरीब माणहोन फीकुर कोरतोतु कोरीन एंहे नी कोयु पुण च्यु चुहे ओतु ,एने आखा चेलान पोयहा तेंर जोबाबदरीमा ओता च्यु गोडी गोडी तीन खुतवीमा दोखु चुराये चुराये पोयहा काडतोतु⁷७) तेतार यीसु यो कोयु इनीही सुड देवु यी बायी मार डीलोपोर आत्तोर रेचवीन मी मोरलु पेलुज मार दोडोह वोगे कोरनेन रीतोन तीयारी कोरली से।

⁸८) काहाके गोरीब माणहे तुमु हाते जोलम रोयहे पुण मी तुमु हाते जोलमकु नी रोयो।⁹९) येहुदीया मायला खुब होंटा माणहे यीसु बेतनीया गावमा से कोरीन जाण लेयदा कोरीन च्या च्याहारी गोया एने च्या लाजरसोह बी देखणे हुत्तोता काहके यीसु तीनाह मोरलाम दोखु जीवतु कोरलु ओतु।

¹⁰१०) पुण मुखी पुजारा लाजरसोह बी मारने होमचु कोरया।

¹¹११)काहाके यीसु लाजरसोह जीवतु कोरलु देखीन, खुब येहुदी माणहे तीनुह सुडीन यीसु पोर बुरहु कोरया।¹²१२) दीहरे दीह फासका तीवार वावनेन कोरता आवला ओता,माणहोन मोटलु टुवु होंब्या के ,यीसु यरुसलेमोमा आवणे बाज रोयह।

¹³१३) माणहे खारकान जोडान डाब्या लीन,यीसुह मीवायणे गोया,एने च्या आयडीन कोया,होसन्ना ज्यु इसरायेली माणहोन राजा बोणीन मालक बोगवानोन नावोमा आवतलु से,च्यु बोरकोतवावु से ।¹⁴१४) यीसुह गोदडान एक बोच्चो जुडयो ते,च्यु तीनापोर बोठयु बोगवानोन पुस्तोकोमा एंहे लेखाय रोयलो ओतो के।

¹⁵१५)ए सीय्योन सेहरोन माणहो , तुमु बीवु मा देखु तुमरु राजा तुमु हाते आवणे बाज रोयुह ,काहाके तुमरु राजा गोदडान बोच्चा पोर बोठीन आवणे बाज रोयुह।¹⁶१६) यीसुन चेला यी वात पुरी ओयली , कोरने नी जाणतोता पुण जेतार मोरयु,एने ओवतु यीसु मोसी सोरगोमा मोहीमामा गोयु, तेतार च्या यी वात तींदरा डुवान ओगोव पुरी ओयली कोरीन ओर कोरया ।¹⁷१७) तेतार गोरदी मायला माणहे यीसु लाजरसोह मोटटयाम दोखु बुलाडीन जीवतु कोरलु देखला ओता, च्या दीहरा माणहोह तेर बारामा पुरावु आपतोता। ¹⁸१८) च्यु ओहलो मोटलो चोमत्कारोन काम कोरलु कोरीन,खुब माणहे यीसुह मीवायणे गोया। ¹⁹१९) यो देखीन फारीसी पोंथवाला माणहे तींदरे तींदरे वातु कोरया देखु,आपहु कायीज नी बोणतलो,आखी कोवीन माणहे तेर फोसोव जातला।²⁰२०) ज्या माणहे फासका तीवारोमा बोकती कोरने आवला ओता,च्या थुडाक युनानी माणहे बी ओता। ²¹२१) च्या फीलीप्पुसी पाह आवीन कोया,ए मालोक आमु यीसुह देखणे हुत्तला,युफीलीप्पुस गोलील जीलान बेतसायदा वावा यीसुन चेला ओता। ²²२२) ओवतु फीलीप्पुस आवीन आंदरीयासोह कोयु, एने च्या जायीन यीसुह कोया।²³२३) मोंग यीसु कोयु,च्यु टेम आव लागलु से,माणहोन पुरयु मोंजे मारी बोडायी ओयहे । ²⁴२४) मी तुमुह खोराखोर कोयोह के जाहलोगोण गोवोन दाणु दोरती पोर पोडीन नी मोरे, ताहलोगोण च्यु एखलु रोयहे पुण जेतार च्यु मोरहे ते होंठों फोव लावहे।²⁵२५) तोहलो ज्यु कुण इनी कोवीन जीवयमा सोतान जीवोह खुब मोंग कोरे ते,च्यु तेरु जीव खुब देहे,पुण ज्यु कुण मार कोरता इनी कोवीन जीवयमा सोतान जीव लोगोण आपणे तीयार से, च्यु ओमर जीवायोन कोरता तेर जीव वाचाड लेहे । ²⁶२६) जोर कुण मारी सेवा कोरतलु ते च्यु मार फोसोव आवणु जुवे, एने मी जेहे से,तेहे मार सेवा कोरनारु सेवक बी रोयहे,ज्यु कुण मारी सेवा कोरे ते बाह बोगवान तीनाह इज्जुत कोरहे।²⁷२७) मारु जीव खुब फोलवणे बाज रोयुह,मी काय कोरो ए बाबा इना दुखोन टेमो दोखु मेहे वाचाड,एंहे कोरो के ,पुण मेहे वाचाड,ऐसे कोरो के, पुण मेहे यो दुख वेठणुज पोडहे कोरीन मी इन कोवीमा आवलु से। ²⁸२८) ए बाबा तु तारा नावोन मोहिमा देखाड,तेतार सोरगे दोखी एक आवाज़ होंबायी मी मार मोहिमान ताकोतोह देखाडयु,एने मी उंजु मोहिमा ताकोतोह देखाडन्यु से । ²⁹२९) मी आवाज होंबीन च्ये उबरोयला ओता,थुडाक माणहे एंहे कोया गाजेह, एने दीहरो कोया सोरग दुत तीना हाते कायतोरी बुल्यु ।³⁰३०) यीसु तीनुह कोयु,एंवी होंब्या यी आवाज मार कोरता नी आवी,पुण तुमरा फायदान कोरता से । ³¹३१) एवी इनी कोवीन नीयाव कोरनेन टेम आव लाग्यु,एने बुतडु ज्यु कोवी चालाडतलु,तेरी ताकोत नास ओय जाहे।³²३२) जेतार माणहे मेहे दोरती पोर दोखु कुरुसो पोर चोडावहोत,तेतार मी आखा माणहोह मेहे हाते खेच लीह। ³³३३) यीसु एहे कोयीन,च्यु केहेकाय मोरन्यु से, कोरीन तेर मोतोन बारामा देखाड देल्लु।³⁴३४) यीसु कोयलु होंबीन माणहे एहे कोयला आमरा नेमोमा एहे लेखाय रोयोह के, मोसी जोलोम रोयहे पुण तु ते माणहोन पुरयु उचे चोडावणेम आवहे एहे कोयतलु ते च्यु माणहोन पुरयु कुण ओहे। ³⁵३५) एने यीसु तीनुह कोयु,उज्यावो थुडाक टेमे ओतरोज रोयहे,जाहलोगोण उज्यावो रोयहे ताहलोगोण चालजी , ओवतो आंदरलो तुमुह गेर लैहे ज्या आंदारलामा चालतला,च्या कांहरी जातला कोरीन तीनुह नी मालुम से। ³⁶३६) जाहलोगोण उज्यावो तुमरे हाते रोयहे,ताहलोगोण उज्यावापोर बुरहु कोरु,तेतार तुमु उज्यावान पुरया बोण जाहोत यो कोयीन यीसु तीनुह सुडीन जात रोयु एने आरतायु गोयु।³⁷३७) च्यु तींदरे ओगोव कोतरा होंटा चोमत्कार कोरयु, ती बी च्या यीसु पोर बुरहु नी कोरया। ³⁸३८) यों ज्यों काय येसाया बोवीस्य कोरणारु कोयलु ओतु,च्यु पुरो ओये, ए पोरबु आमरी वातोपोर कुण बुरहु कोरयो,कुणीह पोरबु तेर ताकोत देखाडयु।³⁹३९) इन वातोन कोरता माणहे यीसु पोर बुरहु नी कोरया,काहाके येसाया बोवीस्य कोरणारु एंहे बी कोयु। ⁴⁰४०) बोगवान तींदरा डुवा आंदवा कोरयु,एने तींदरो मोन वातडो कोरयु ,काहाके तींदरा मोन सोमज नी सोके,एने मार खेर नी फीरे एने मी तीनुह हाजा नी कोरो।⁴¹४१) येसाया एंहे कोयु,काहाके च्यु यीसुन मोहिमान जागो हीवणो देखलु एने तेर बारामा कोयलु ओतु। ⁴²४२) ती बी येहुदीन पुडारी मायला खुब माणहे यीसु पोर बुरहु कोरया बाकीन फरीसी पोंथवावामा माणहोह देखीन, च्या ठावका रोय गोयला काहाके फरीसी पोंथवावामा माणहोह मालुम पोडे ते तीनुह बोक्तीन गोरमा दोखु बारथे काड देहोत ।

⁴³४३) काहाके बोगवान तीनुह तुमु हाजा से, कोयीन वाह वाह कोयणेम दोखु ,माणहे तींदरे चाह वाह कोरनु तीनुह खुब पोटतलो।⁴⁴४४) यीसु आयडीन कोयु ज्यु कुण मेहे पोर बुरहु कोरतलु,च्यु मेहे पोर ओतरुज नी बाकीन च्यु मेहे मुकोल्लु तीना बोगवानो पोर बी बुरहु कोरतलु।

⁴⁵४५) एने ज्यु मेहे देखतलु,च्यु मेहे मुकोल्लनाराह बी देखतलु।⁴⁶४६) मेहे पोर ज्यु कुण बुरहु कोरतलु ,च्यु आंदारला मा रोयणु नी जुवे ,कोरीन मी इनी कोवीमा उज्यावो बोणीन आवलु।

⁴⁷४७) च्यु कुण मारी वात होंबीन बी बुरहु नी कोरतलु ते मी तीनान नीयाव नी कोरे, काहाके मी इनी कोवीमा नीयाव कोरणे नी बाकीन वाचाडने आव रोयुह।⁴⁸४८) च्यु कुण मेहे पोर नी बुरहु कोरतलु एने मारी वात होंबीन नी मानतलु ,ते एक से च्यु तीनान नीयाव कोरहे,आखरी दीहोमा मारी वात तीनान नीयाव कोरहे। ⁴⁹४९) मारा आदीकारमा मी कायीज नी कोयतलु,बाकीन मेहे मुकोल्लनारु बाह मेहे ज्यो काय कोयणे कोयलु,ज्योज हुकुम आपतलु।

⁵⁰५०) ज्यो काय मार बाह मेहे कोयणे हुकुम आपलु,मेहे यो मालुम से कोरीन ज्यो काय मार बाह मेहे कोयणे कोयलु, ज्योज मी बुलतलु।

Chapter 13

¹१) फासका तीवारोन पेल ,यीसु इनी कोवीमा दोखु तेर बाबापाह जाणेन टेम आव लागलु,कोरीन जाणीन इनी कोवी मायला तेरे सोतान माणहोह,जेहे च्यु खुब मोंग कोरतु आवलु,तेहेज तीनुह आखरी लोगोन मोंग कोरयु

²२) यीसु एने तेर चेला, हांजुन खाणे खातोता तेतार बुतडु सीमोनोन पुरयु यैहुदास इस्कारीयोतोन ,मोनमा यीसुह दोरीन आपणेन वीचार बोर देल्लु।³३) यीसुह मालुम ओतो के,बाबु तीनाह आखापोर आदीकार आप रोयलु से, एने तीनाह यो बी मालुम ओतो के,च्यु बोगवानोखेर दोखु आवलु एने फोसु बोगवानोनपाह जातलु।

⁴४) यीसु खाणे बोठलु ओतु,च्यांहरी दोखु उठीन तेरो उपोरली डोगलो काडीन कोडच्यामा एक फेटु बांदयु।

⁵५) एने च्यु एक रासोमा पाणी लीन चेला न पाये बाज गोयु,ओवता तेर कोडच्या मायला फेटा कोरीन तींदरा पाये नुस्युI⁶६) यीसु सीमोन पोतरसोन पाये दुवणे हाते गोयु, ते पोतरस यीसुह फुस्यु , ए पोरबु तु मार पाये दुवण्यु के ।

⁷७) यीसु तीनाह जोपाप आप्यु, मी काय कोयतलु , च्यो एंवी तु नी सोमज सोकतलु, पुण ओवतु तु सोमजी जाहे ।

⁸८) पोतरस यीसुह कोयु,मी तोहो मार पाये कोदी नी दुवणे देव ,मोंग यीसु कोयु,नी दुवणे देव, मोंग यीसु कोयु, जोर तु मेहे तार पाये दुवणे नी देये ,ते तु मार चेलु नींबे।

⁹९) ओवतु सीमोन पोतरस कोयु, ए पोरबु तु मारा पाये ओतरु नी पुण मार आथे, एने मुडा बी दुव देजी।¹⁰१०) यीसु तीनाह कोयु,जोर कुण उंगवी लेदलु ते तेर पाये ओतरा ,दुवणेन जोरुडी से, उंजु काय बी दुवणेन जोरुडी नीम्बे,तुमु सुखला से, पुण आखा सुखला नींबे ¹¹११) यीसु जाणतोतु के, कुण तीनाह दोरीन आपणारु से, कोरीन च्यु कोयु,तुमरामा आखा सुखला नींबे।¹²१२) यीसु चेलान पाये दुवणेन बादमा,तेरो उपोरलो डोगलो पेरीन पेल ज्याहरी खाणे बोठयु ओतु, च्ये बोठयु ,एने चेलाह फुस्यु,मी तुमु हाते,काय कोरयु च्यो सोमज्या के। ¹³१३) तुमु मेहे , गुरु एने पोरबु कोरीन बुलाडतला यो बोराबोर से,काहाके मी तुमरु गुरु एने पोरबु से। ¹⁴१४) जोर तुमरु गुरु एने पोरबु तुमरा पाये दुव्या, ते तुमु बी एक दीहरान पाये दुवणु जुवे। ¹⁵१५) मी तुमुह यु दाखलु देखाडयु,काहाके ज्यो काय मी तुमु हाते कोरलु, तुमु बी एक दीहरा हाते कोरजु।¹⁶१६) मी तुमुह खोराखोर कोयतलु,मालक दोखु पावोर मोटु नींबे,एने नोवतो पुचाडणारु मुकोलनार दोखु मोटु नींबे। ¹⁷१७) जोर तुमु इन बुलो सोमजतला,एने मानीन चालतला, एने मानीन चालतला, ते तुमु बोरकोत वावा से। ¹⁸१८) मी तुमु आखान बारामा नी कोरतलु, मी जीनाह नीवाडयु तेर बारामा जाणतलु , पोवीतर पुस्तोको मोयलो लेख च्यु मारो खादलु,च्युज मेहे लाताटणे बाज रोयुह,यो जोलदी पुरो ओयहे।¹⁹१९) मी तुमुह यो पुरो ओयणेन पेलेन कोयतलु ,काहाके जेतार मेहे दोरीन लीजाहोत,तेतार तुमुह मालुम पोडहे के ,मीज मोसी से, कोरीन तुमु मेहे पोर बुरहु कोरे ।( युहन्ना १४:२९) ²⁰२०) मी तुमुह कोयोह जोर,ज्यु कुण मी मुकोल्लतलु,तीनाह मानीन आवबाव कोरतलु,ते मेहे बी मानीन आवबाव कोरतलु,एने च्यु कुण मेहे मानीन आवबाव कोरतलु,च्यु मेहे मुकोल्लनाराह बी मानीन आवबाव कोरतलु।²¹२१ मी वात कोयीन खुब तेर जीवोमा नाराज ओयीन खुल्लो कोयु,मी तुमुह खोराखोर कोयोह,के तुमरामा एक जोण मेहे दोकु दीन दोरावहे ।

²²२२) यीसु कुणीन बारामा कोयतलु,च्यो चेला नी सोमज्या कोरीन च्या एक दीहरा खेर बावतोता।²³२३) यीसु चेलामय एक जोणोह खुब मोंग कोरतोतु, च्यु खाणेन टेमे यीसु हाते बोठयु ओतु । ²⁴२४) सीमोन पोतरस यीसु हाते बोंठलु तीना चेलाह इसारु कोरीन फुस्यु, कुणीन बारामा कोयतलु कोरीन यीसुह फुसजी। ²⁵२५) तेतार यीसु हाते टेकालीन बोठलु चेलु यीसुह फुस्यु,पोरबु च्यु कुण से ।²⁶२६) यीसु जोपाप आप्यु,जीनाह मी रुटु बुडाडीन आपतलु,च्युज से, ओवतु यीसु रुटु मुडीन एक गाह सीमोनोन पुरया,येहुदास इस्कारीयोतीह आप्यु। ²⁷२७) येहुदास रुटु खादयु ओवतु,बुतडु तेर मोनमा बोराय गोयु, तेतार यीसु तीनाह कोयु, तु काय कोरन्यु च्यो जोलदी कोर।²⁸२८) ज्या च्याहरी बोठला ओता, च्या यीसु काहा ओहलो कोयतलु,कोरीन नी सोमज्या। ²⁹२९) येहुदास पोयहान खुतवी तेरपोर मेकतोतु,कोरीन माय चेला वीचार कोरया के, यीसु तीनाह तीवारोन कोरता ,काय बी लेणे कोयतलु ,ओहे जोर एहे नी ओहे ते गोरीब माणहोह काय बी आपणे कोयतलु ओहे,ऐसे सोमज्या। ³⁰३०) येहुदास रुटान बोटकु खायलीन बारथे नीकव्यु,तेतार रातीन आंदारलु टेंम ओतु ।³¹३१) येसुदासोह बारथे नीकोवणे दीह यीसु कोयु,एंवी माणहोह मालुम ओयहे के ,माणहोन पुरयु मीज कोतरु मोहिमावावु से, एने बोगवान कोतरु मोहिमावावु से, कोरीन मी माणहोह देखाडन्यु से। ³²३२) बोगवान माणहोन पुरयु कोतरु मोहिमावावु से, कोरीन देखाडहे एंने जोलदी देखाडहे।

³³३३) ए मार पुरया, तुमरे हाती मी थुडीक वार लोगोण रोयण्यु से,ओवता तुमु मेहे हुदहोत,पुण मी ज्यांहरी जाणे बाज रोयुह,च्याहरी तुमु नी आव सोकतला,मी येहुदी पुडारीनुह बी योज कोयलु ओतु,एवी तुमुह बी कोयतलु।³⁴३४) देखु मी तुमुह नोवलु हुकुम आपतलु,तुमु एक दीहराह मोंग कोरु तुमु जेहे सोताह मोंग कोरतला,तेहे दीहराह बी मोंग कोरु।

³⁵३५) तुमु एक दीहराह मोंग कोरु,तेतार तुमु मार चेला से, कोरीन माणहे जाण लेहोत।³⁶३६) सीमोन पोतरस फुस्यु,ए पोरबु तु कांहरी जातलु,यीसु जोपाप आप्यु, मी ज्यांहरी जातलु,च्ये तु मार फोसोव नी आव सोकतलु पुण ओवता तु मार फोसोव आवहे। ³⁷३७) यो होंबीन पोतरस कोयु, ए पोरबु, एंवी मी काहा तार फोसोव नी आव सोकतलु, मी तार कोरता मारु जीव आपणे बी तीयार से ।

³⁸३८) मोंग यीसु कोयु,काय मार कोरता जीव आपणे बी तु तीयार से के , मी तोहो खोराखोर कोयोह, कुकडू वाहणेन पेल तु मेहे तीन कावा, नीकार कोरीन कोयहे के, मी यीसुह नी उवोखतलु।

Chapter 14

¹१) यीसु चेलाह कोयु ,तुमरा मोनमा गाबरता जुण ,तुमु बोगवानो पोर बुरहु कोरु ,एने मेहे पोर बी बुरहु कोरु । ²२)मार बाबान गोरमा रोयणेन कोरता वोत्ता खुल्या से, जोर नी रोयता ते मी तुमुह कोय देतु,मी तुमरे कोरता एक जागु तीयार कोरणे जातलु। ³३) मी जायीन तुमरे वाटु एक जागु तीयार कोरीह,ओवतु मी आवीन तुमुह मार हाते ली जायीह एने मी ज्यांहरी रोयतलु से, च्यांहरी तुमु बी रोयहोत।⁴४) मी ज्यांहरी जातलु तीन जागान वाट बी तुमु जाणतला से। ⁵५) थोमा यीसुह कोयु,पोरबु तु कांहरी जातलु,कोरीन आमु नी जाणतला ते,तीना जागान वाट केहेकाय जाण सोकतला। ⁶६) यीसु कोयु, मीज बाह बोगवानोन पाह जाणेन वाट एने बोगवानोन बारामायली खोरी वात देखाडणारु, एने माणहोह ओमरा जीवाय आपणारु से,मेहे पोर बुरहु नी कोरे ते ,मार बाह बोगवानोन पाह कुणीज नी जाय सोकतला। ⁷७) जोर तुमु मेहे जाणतला,ते तुमु तीनाह जाणतला, एने तीनाह देखली बी से ।⁸८) मोंग फिलीप्पुस यीसुह कोयु ए पोरबु तु आमुह बाबाह देखाड दे ,च्योज आमरे कोरता गोंज से। ⁹९) यीसु कोयु,ए फीलीप्पुस ओतरा दीह मी तुमरे हाते रोयीन बी तु मेहे नी जाणतलु के,ज्या मेहे देखला च्या बाबह बी देखला से,ते तु आमुह तार बाबाह देखाड दे, कोरीन काहा कोयतलु।¹⁰१०) बोगवान बाबु माराम से,एने मी बोगवान बाब से,यो तु बुरहु नी कोरतलु के ज्या वाते मी कोयतलु मार सोतान मोन दोखु नी कोयतलु पुण बाबु ज्यु माराम रोयतलु ,च्यु तेर कामे मेहे लागाडीन कोरतलु।

¹¹११) मी मार बाबा हाते जुडाय रोयुह, एने मार बाबु मेहे हाते जुडाय रोयतलु, कोरीन बुरहु कोरजी बी ते मी काय कोरलु,च्यो देखीन तोरी मार पोर बुरहु कोरु ।¹²१२) मी तुमुह खोराखोर कोयतलु ज्या मेहे पोर बुरहु कोरतला च्या मी काय कोरलु च्यो काम कोरहे, एने इना दोखा बी मोटो काम कोरहे,काहाके मी मार बाबापाह जातलु। ¹³१३) तुमु मार नावोमा काय बी मांगतला, ते मी कोरन्युज,काहाके पुरयाह लागाडीन बाह बोगवानोन बोडायी ओयहे।

¹⁴१४) मार नावोमा, ज्यो काय तुमु मांगे ,च्यो आखो मी कोरीह।¹⁵१५) जोर तुमु मेहे मोंग कोरतला,ते मी ज्यो काय हुकुम आपलु,च्यो पावहे। ¹⁶१६) मी मार बाबाह फुसीह,एने च्यु मार होस उंजु एक साथ देणाराह तुमु पाह मुकोलहे, एने च्यु तुमरे हाते जोलम रोयहे।

¹⁷१७) चुखली आत्मा ज्यी बोगवानोन बारामायली खोरी वात देखाडहे,कोवीन माणहे तीनाह काय नी मान सोकतला,काहाके च्या तीनाह जाणतला, एने च्यु तुमरामाज रोयतलु,एने तुमु हाते से।¹⁸१८) मी तुमुह कोदी वीखावावा नी सुडो,मी तुमरे हाते आवीह।

¹⁹१९) थुडाक दीहोन बादमा , दुनीयन माणहे मे हे नी देखोत, पुण तुमु मेहे देखहोत मी जीवतलु से, कोरीन तुमु बी जीवता रोयहे।

²⁰२०) जेतार मी फोसु जीवतु ओयीह,तेतार तुमु सोमज होत के मी मार बाबामा से, एने तुमु माराम से एने मी तुमरामा से ।²¹२१) ज्यु मेहे मोंगा कोरहे, च्यु मार हुकुमोह मानीन चालहे, ज्यु मेहे मोंग कोरे तीनाह मारु बाबु बी मोंग कोरे , तीनाह मारु बाबु बी मोंग कोरहे मी बी तीनाह मोंग कोरीह,एने मी कुण से, कोरीन तीनाह देखाडीह। ²²२२) येहुदा ज्यु येहुदास इस्कारीयोतीह नींबे, च्यु यीसुह कोयु, पोरबु तु कुण से, कोरीन कोवीन माणहोह नी ,पुण आमुह ओतरुज काहा देखाडहे।²³२३) यीसु तीनाह जोपाप आप्यु, ज्यु मेहे मोंग कोरहे,ते च्यु मारी वात मानीन चालहे,एने मार बाबु बी तीनाह मोंग कोरहे, एने आमु तीनाहाते आवीन जोलम रोयुह । ²⁴२४) पुण ज्यु मेहे नी मोंग कोरतलु,च्यु मारी वात नी माने मी कोयतलु,यी आखी वातु मारी सोतान नींबे, पुण मार बाबान से, ज्यु मेहे मुकोल्लु।²⁵२५) मी तुमरे हाते रोयतोतु, तेतार यी आखी वातु,मी तुमुह कोयलु ओतु । ²⁶२६) पुण मार बाबु, साथ देणारी चुखली जीव आत्माह , तुमु पाह मार नावे मुकोलहे, च्यी तुमुह आखो हीकाडहे ,ज्यो मी कोयलु, च्यी आखी वात तुमुह ओर कोरावहे। ²⁷२७) मी मारी सांती तुमुह आपीन जातलु,मारी सांती मी तुमुह आपतलु ,मी आपतलु च्यी सांती कोवीन माणहे आपतला तीनी सांतीन होस नींबे, तुमु मोनमा गाबरायु मा, एने बीवु मा ।²⁸२८) मी तुमुह काय कोयलु, च्यो तुमु पेलेन होंबोवला से, मी जातलु एने मी फोसु तुमुपाह आवीह , जोर तुमु मेहे मोंग कोरतला ते मी मार बाबापाह जातलु , कोरीन तुमु खुस ओय जाता, काहाके मार बोगवान बाबु मेहे दोखु मोटु से। ²⁹२९) काहाके जेतार यो बोठो ओयो,तेतार तुमु मेहे पोर बुरहु कोरनेन कोरता, आखो ओयणेन पेल मी तुमुह कोयलु ओतु । ³⁰३०) वार टेमे मी तुमरे हाते वातु नी कोर सोकतलु, काहाके इन कोवीह चालाडनारु मुखी बुतडु आवणे बाज रोयुह , पुण मेहे पोर तेरो कायीज आदीकार नी चाले। ³¹३१) पुण मेहे बोगवान बाबु काय कोरने हुकुम आपलु, च्यो मी कोरीह, तेतार इनी कोवी मायला माणहोह मालुम पोडहे,के मी मार बोगवान बाबाह मोंग कोरतलु से, चाल आपु यांहरी दोखा जाता ।

Chapter 15

¹१) खरु दरशान वेलु से, मार बोगवान बाबु खेतोन राखवावु से।

²२) मारी डावी ज्यी फवनी आपतली , ते च्यु ती डावीही तुक देतलु ।³३) मी कोयलु तीनी वातोपोर तुमु बुरहु कोरतला, कोरीन तुमु बोड़ा पेलेन सुखला ओय गोयला से। ⁴४) मेहे हाते जुडायीन रोयु , ते मी बी तुमु हाते जुडायीन रोयीह ,वेला दरकशान डावीमा जुडायीन रोयु , ते च्या तेर तेरेज फोव नी आप सोकतला , तोहल्लो तुमु बी मार हाते जुडायीन नी रोयोत ते तुमु बी मार हाते हाजो काम नी कोर सोकतला। "⁵५) मी दरकशान वेलु से तुमु डाव्या से , ज्यु मार हाते एने मी तीना हाते जुडायीन रोयहु , ते च्यु खुब होंटा फव आपहे , काहके मेहे सुडीन तुमु कायीज नी कर सकतला। ⁶६) ज्यो कुण मार हाते जुडायीन नी रोयतलु ते च्यु तुडीन बारथे नाखली डावीन हस से एने च्यी डावी हुक जाये , तेतार तीन डावयाह टुवु कोरीन आगठामा नाखणेम आवहे एने होलगी जाहे।

⁷७) जोर तुमु मार हाते जुडायीन रोयतला, एने मारी वात मानीन चालतला,ते तुमुह ज्यो जुवे च्यो बोगवान परथनामा मांगहे,एने च्यु तुमुह आपहेज।⁸८) जेतार तुमु तुमरी जीवाय दोखु होंय फोव आपे, तेतार बाह भोगवानोन नावोन बोडायी ओयहे , एने तुमु मारा पोक्का चेला कोवायहे। ⁹९) मार बाबु जेहे मेहे मोंग करतलु, तेंहे मी तुमुहु मोंग करतलु ,करीन तुमु मेहे मोंग कोरनारा टीकीन रोयु।¹⁰१०) मी मार बोगवान हुकुमोन मानीन चालतु आवलु,तीनामा मी तेरा मोंगोमा टीकीन रोयतलु , तोहलो तुमु बी मार हुकुमोह मानीन चालहोत ,ते मी बी तुमुह मोंग कोरतु रोयीह। ¹¹११) मी यो तुमुह कोयलु ओतु,कोरीन जेहें मी खुस से, तेहेंज तुमरी जीवाय मां खुसी आवहे ,च्यी खुसी तुमुह होमेस्या पुरीन पुरी जुडती रोयहे।¹²१२)मारा हुकुम यु से, के मी तुमुह केंहेक मोंग कोरतलु,तोहलो तुमु बी एक दीहराह मोंग कोरता रोयु ¹³१३) एक माणुह ,तेर दुस्तीन कोरता सोतान जीव आपीन मोंग देखाडणे दोखो दीहरो काल्ला बी मोंग मोटो नी नींबे।¹⁴१४) ज्यो हुकुम मी तुमुह आपलु,च्यो आखो तुमु कोरहोत तेतारुज तुमु मार दुसत्या कोवायहे। ¹⁵१५)एंवी दोखु मी तुमुह पावरे नी कोयो,काहाके मालीक काय काय कोयतलु, च्यो पावरोह मालुम नी रोयतलो,पुण तुमु मारु दुसत्या से,काहाके ज्यो काय मी मार बोगवान बाबु दोखु होंबोवलु, त्यों आखो मी तुमुह कोयलु से।¹⁶१६)तुमु मेहे नी नीवाडया,पुण तुमु जायीन तुमरी जीवाय मां फोव आपणु जुवे, कोरीन मी तुमुह नीवाडीन मुकल्लु,जेतार तुमु जायीन तुमरी जीवाय मां फोव फोवाडे,एने तुमरा फोव जोलमका टीकीन रोये,तेतार ज्यो काय तुमु मारा बोगवान बाबापाह दोखो पोरथनामा मार नावलीन,मांगहोत ते च्यु तुमुह आपहे। ¹⁷१७) तुमु एक दीहराह मोंग कोरनुज जुवे, कोरीन मी यु हुकुम तुमुह आपतलु।¹⁸१८) कोवीन माणहे तूमुहाते खोर राखे,ते तुमु यो जाण लेजु,के च्या तुमुहाते खोर राखणेम पेल,मेहे हाते खोर राखला से ।

¹⁹१९) जोर तुमु कोवीन माणहोन आह राखता,ते कोवीन माणहे तूमुहु मोंग कोरता,पुण मी इन कोवीमा दोखु तुमुह नीवाडयु,कोरीन तुमु कोवीन नींबे, तीनामा कोवीन माणहे तूमुहाते खोर राखतला।²⁰२०) मी तुमुह कोयलु के, मालीक दोखु पावोर मोटु नींबे,यो तुमु अर कोरु,कोवीन माणहे मेहे सोताडला ते तुमुह बी सोताडहे,जोर च्या मार वात मानीन चाल्ला ते तुमरी वातु बी मानीन चालहोत। ²¹२१) तुमु मारो नाव लेतला,कोरीन माणहे तुमुहु सोताडहोत, काहाके च्या मेहे मुकोल्लनाराह नी जाणतला। ²²२२) जोर मी इनुपाह नी आवतु,एने वातु नी देखाडतु,ते तीनुह पाप नी लागतु ,पुण एंवी मी आवलु,एने कोयलु, कोरीन या आमु पापी नींबे, एहे डोंगडा कोरनेन सोंदी नी जुडती।²³२३) जोर कुण मेहे हाते खेर राखतला, ते च्यु मार बाबाहाते राखतलु। ²⁴२४) एने दीहरा कुणीज नी कोरया,ओहलो चमत्कार,तींदरे ओगोव मी नी कोरतु,ते तीनुह पाप नी लागतु,पुण मार कामोमा,एंवी च्या मेहे देख्या एने मार बोगवान बाबाह देखला, ²⁵मेहे हाते खर राखतला।बोगवानोन चुखली पुस्तोकोमा एंहे लेखलो से,के च्या उदुड मारा गोयला नेमोमा, यो आखो पुरो ओयणेन कोरता ओहलो ओयलो।²⁶२६) तुमुह साथ देणारी चुखली आत्मा आवहे च्या बोगवानोन बारामायली खोरी वात तुमुह कोय आपहे ,मी तीनुह बाबापाह दोखु मुकोल्लु से, एने च्यी मार बारामा तुमुह गोवायी आपहे।

²⁷२७) तुमु पेल दोखा मार हाते रोयतला, कोरीन मार बारामा दीहराह गोवायी कोयापु।

Chapter 16

¹१)जेतार माणहे तुमुह सोताडे, ते बुरहाम दोखा तुमुह कुणीज सेटा नी कोरनु जुवे,कोरीन मी यो कोयतलु। ²२) माणहे तुमुह पोरथनान गर दोखा काड देहे,तुमुह मार देह एने एंहे कोरनेमा च्या बोगवानोन सेवा कोरतला ,एंहे सोमजे ओहलु एक दीह आवहे।³३) मार बोगवान बाबाह नी एने मेहे बी नी जाणतला, कोरीन माणहे यो आखो तुमु हाते कोरहोत। ⁴४) जेतार यो आखो ओयहे, तेतार मी कोयलु ओतु ,च्यी आखी वात तुमुह ओर आवणु जुवे, कोरीन मी तुमुह यो आखो कोयलु से, पेलेन यो मी तुमुह नी कोयाप्यु,काहाके मी तुमु हाते ओतु।⁵५) मी ज्यु मेहे मुकोल्लु तीनापाह जातलु, पुण एवी तु कांहारी जातलु, कोरीन तुमु कुण बी मेहे नी ⁶फुस्या।६) पुण मी तुमुह यो कोयलु,कोरीन तुमरो मोन खुब दुखोमा बोरायलो से ⁷।७) पुण मी तुमुह खोराखोर कोयतलु,मी जोर जात रोयतलु,ते तुमरे कोरता हाजो से, काहाके जोर मी नी जाव,ते तुमुह साथ देणारी चुखली आत्मा नी आवे, पुण मी जोर जायीह ते मी तीनीह ,तुमु हाते मुकलीह।⁸८) जेतार च्यी ,सात देणारी चुखली आत्मा कोवीमा आवहे, तेतार च्यी माणहोह पाप मोंजे काय से, एने बोगवानोन नजरोमा दोरमीन जीवाय काय से, एने बोगवान माणहोन नीयाव केहेंकाय कोरहे,कोरीन सोमजाडहे।

⁹९) च्या मेहे पोर बुरहु नी कोरतला,कोरीन च्यी तीनुह पाप मंजे काय से कोरीन देखाडहे। ¹⁰१०) च्यी माणहोह बोगवानोन नजरोमा दोरमीन जीवाय काय से कोरीन सोमजाडहे,एने मी मार बोगवान बाबापाह जातलु,काहाके मी खोरलु दोरमी ओतु कोरीन तुमु जाणे होत, एने तुमु फोसा मेहे यांहरी काय नी देखोत।

¹¹११) बोगवान इन कोवीन मुखी बुतडान पेलेन नीयाव कोर हेल्लु,कोरीन च्यु माणहोह नीयाव केहेंकाय कोरहे,कोरीन सोमजाडहे।¹²१२) मी तुमुह उंजु बी वारुह होंटी वात कोयणु जुरुडी से,पुण मी तुमुह एंवी कोयुह ते तुमु वेठ नी सोकतला। ¹³१३) जेतार खोरी जीव आत्मा आवहे, ते च्यी तुमुह बोगवानोन बारामायली खोरी वातोह सोमजाडहे,च्यी तुमुह खोरी वाटे ली जाहे, एने सोतान मोरजी दोखी च्यी कायीज नी कोये,पुण ज्यो काय च्यी होंबोवली,च्योज कोयहे,एने आवणारा दीहोमा काय काय ओयहे, च्यो आखो तुमुह कोयापहे। ¹⁴१४) ज्यो काय मी कोयतलु, च्योज खोरी जीव आत्मा तुमुह कोयतली,कोरीन च्यी मारी मोहिमा कोरहे।¹⁵१५) ज्यो काय मार बोगवान बाबान से,च्यो आखो मारोज से, कोरीन च्यी खोरी जीव आत्मा ज्यो काय मी कोयलु ,च्यो आखोज तुमुह कोयापहे।

¹⁶१६) थुडाक टेमोन बादमा,मी बोगवान बाब पाह जाण्यु से,एने तुमु मेहे नी देखोत,एने थुडाक टेमोमा तुमु फोसा देखहोत।¹⁷१७ ) यो होंबीन थुडाक चेला तींदरे तींदरे वातु कोरतोता,च्यु कोयु के ,थुडाक टेमोमा तुमु मेहे नी देखोत ,एने थुडाक टेमोमा तुमु मेहे देखोहोत, काहाके मी मार बोगवान बाबापाह जातलु एरो मतलब काय से।

¹⁸१८) थुडाक टेमोमा, एंहे च्यु कोयु ने एरो काय मतलब से, च्यु काय कोरतलु कोरीन आपुहु नी सोमजतलो।¹⁹१९) च्या इनी वातोन बारामा तीनाह फुसणे वीचार कोरतला कोरीन यीसु जाण लेदयु ,एने तीनुह कोयु, मी कोयु ,थुडाक टेमोमा तुमु मेहे नी देखोत थुडाक टेमोमा फोसा देखहोत कोयलु,कोरीन हेर बारामा तुमरे तुमरे वातु कोरतला के ²⁰२०) मी तुमुह खोराखोर कोयतलु,तुमु नेवता नेवतीन रोडहोत,पुण कोवीन माणहे खुस ओय जाहोत,पुण तुमु दुखी ओय जाहोत ते खोरा पुण तुमरो दुख खुसीमा बोदली जाहे। ²¹२१) जेतार एक बायी फुकडायणेन टेमे आवहे ते च्यी तेरी खुदोन टेमे आवहे,कोरीन तेर मोनमा खुब दुखी ओये जातली,पुण पुरयो पोयदा कोरणेन बादमा,च्यी तेर दुखोह वीहरी जातली,काहाके च्यी एक पुरयो इनी कोवीमा पोयदा ओयलु कोरीन,खुस ओयीन च्यी तेर दुखोन बारामा ओर नी कोरतली।²²२२) तोहलो एंवी तु मु दुखोम से,पुण ओवतु मी तुमु देखीह तेतार तुमरो मोन खुश ओय जाहे,कुण बी तीन खुसीह तुमरामा दोखा सांडाड नी सोकतला।

²³२३) तीन दीहोमा तुमु मेहे पोर कायीज नी मांगोत,मी तुमुह खोराखोर कोयतलु ,जोर तुमु काय मार नावोमा बोगवान बाबापोर परथनामा मांगे, ते च्यु तुमुह जरुड आपहे। ²⁴२४) एंवी लगण तुमु मार नावोन कायीज नी मांग्या,मार नावोमा तुमु मांगु,तेतार तुमुह जुड जाहे,एने तुमरी खुसी पुरी ओय जाहे।²⁵२५) यी बोठी वात मी तुमुह दाखलामा कोयलु,पुण ओहलु दीह आवहे तेतार मी तुमरे हाते दाखलामा नी बुलन्यु,पुण मी मारा बाबान बारामा खुल्लो तुमुह कोय दीह।²⁶२६) तीना दीहोमा,तुमु मार नावोमा तीना पोर मांग होत, यो एहे से ,के तुमरे कोरता मी बोगवान बाब पाह परथना कोरनेन जरुडी नींबे।

²⁷२७) काहाके तुमु मेहे पोर मोंग कोरीन, मी बोगवान पाह देखु आवलु कोरीन बी बुरहु कोरतला,तीनामा बाह बोगवान तुमुह मोंग कोरतलु।

²⁸२८)मी बोगवान बाब पाह दोखु इन कोवीमा आव्यु, एंने फसु इनी कोवीह सुडीन बोगवान बाबापाह जातलु।²⁹२९) पुण येसुन चेला कोया,एंवी तु दाखलामा वातु नी कोरयु,खुल्लो वातु कोरतलु ³⁰।३०) एवी आमु जाण लेदला के तु आखो जाणतलु,कुण बी तोहो सोवाल फुसणेन जोरुडी नींबे, तीनामा तु बोगवानोपाह दोखु आवलु से, कोरीन आमु बुरहु कोरतला। ³¹३१) यीसु तीनुह कोयु,एवी तुमु पोक्कु बुरहु कोरतला के।³²३२ होव ओहलो टेम आव रोयुह,के तुमु बोठा मेहे एखलु सुडीन जोर तेर जागे वेराय जाहोत,ती बी मी एखलु नींबे,काहाके बोगवान बाबु मार हाते से।

³³३३) तुमु मार हाते टीकीन रोयु,तेतार तुमुह मारी सांती जुड जाहे,कोरीन मी यो कोयतलु,इनी कोवीमा तुमु पोर खुब दुःख आवहे,पुण तुमु वातहु जीव कोरु,काहाके मी इनी कोवीह जीक लेहलु से।

Chapter 17

¹यीशु यो कोयीन नोवराय ते सोरगोखेर बावीन कोयु ए बाबा टेम आव लागयु तु माणहोव ओगोव तारा पुन्यान बोडाय कोर तेतार चयु बी माणहोन ओगोव तारी बोडायी कोरहे । ²२)काहाके तु तीनाह आंखा माणहोपोर अधिकार आप रोयलु कोरिन चयु जीनुह तु तीनाह होपलु आखा माणहोनूह च्यु ओमोर जीवाय आपहे।³३)तु बोगवान बाबु जोर माणहो तोहे तुज एकुज खोरलु बोगवान से एने यीशु मसीहोह तुज इन दुनियामा मुकोललु ओतु कोरिन जाण लेहे चयीज ओमर जीवाय से ⁴।४)तु मेहे आपलु चयो काम मी पुरो कोरिन कोवीमा तारी बोडाय कोरलु से। ⁵५)ए बोगवान बाबा,कोवी गोडायणेन पेल मार मोहिमा तार हाते ओती तीनी कोरिन फोसु तु मारी मोहीमा कोर⁶६)तु मेहे इन कोवीमा दोखु नीवाडीन, आपलु माणहोह तु कुण से, कोरीन तार नाव मी देखाडलु , च्या ते पेल ताराज ओता, एने तु तीनुह मेहे आपलु , ओतु एने च्या तारी वातु मानीन पाव रोयाह।

⁷७) एने एवी तीनुह मालुम से के,ज्यो काय तु मेहे आपलु च्यो आखो खोराखोर तोहोंखेर दोखो आवलो से। ⁸८) तु आपलु च्यी वात मी तीनुह आपलु, एने च्या तीन वातोह मान लेदया, एने तीनुह खोराखोर मालुम पोड गोयो के, मी तोहोंखेर दोखु आवलु, एने तु मेहे मुकोल्लु कोरीन च्या बुरहु कोरतला।⁹९)तु मेहे आपलु माणहोन कोरता मी पोरथना कोरतलु काहाके च्या तारा से पुण मी इनी कोवीन माणहोन कोरता पोरथना नी कोरतलु।

¹⁰१०) ज्या माणहे तोहो मानतला च्या मेहे मानतला से एने ज्या माणहे मेहे मानतला च्या बोठा तोहो मानतला से इनुह लागाडीन मारी बोडायी ओयली ।

¹¹११)एवी दोखु मी इन कोवीमा नी रोयण्यु से एने मी तोहो पाह आवतलु, पुण च्या इन कोवीमा में एक पवित्र बाबा जीनुहाते,मेहे आपलु तीनुह तार नावोन ताकोत मा राखवावी कोर,तेतार च्या बी आपणे होस एखठा रोयहोत।¹²१२) जेतार मी तीनु हाते ओतु,तेतार मी तीनुह तु आपलु,तारा नावोन ताकोत मा होस कोरिन राखवावी कोरलु तीनामा कुण बी तीनुमायला नास नी ओया, पुण चुखली पुस्तोको मायलो,लेख पुरो ओयणेन कोरता नास ओयणे वालु एकुज नास ओयलु से ¹³।१३) मी एंवी तोहो पाह आवणेन से, पुण मी इनी कोवीमा रोयणेन इन टेमे मी यी बोठी वातु इनुह कोयतलु,काहाके ज्या माणहे तु मेहे आपलु तीनुह मारी खुसी पुरीन पुरी सापडी जाहे।

¹⁴१४) मी तीनुह तारी वातु कोय देल्लु,पुण इनी कोवीमा माणहे तीनुह हीगीह कोरला काहाके मी इनी कोवीन नींबे,तोहलो च्या बी इनी कोवीन नींबे।¹⁵१५) तु तीनुह,इन कोवीमा दोखु ली जात रोयु, एहे मी नी पोरथना कोरतलु,पुण तीनुह दुस्मोन बुतडु दोखु वाचाडीन राखवावी कोरने पोरथना कोरतलु।

¹⁶१६) मी इन कोवीन नींबे, तोहला च्या बी इनी कोवीन नींबे।

¹⁷१७) ए बोगवान बाबा तारी वात खोरी से, तारी खोरी वात दोखु तु तीनुह चुखलु कोर।¹⁸१८) तु इन कोवीमा मेहे जेहे मुकोल्लु,तेहेज मी बी तीनुह इन कोवीमा मुकोल्लतलु। ¹⁹१९) च्या बी तार खोरी वातोह लागाडीन चुखलो बोणनेन कोरता मी मारी आखी जीवाय एक चुखली बादान होस तींदरे कोरता आपतलु ।²⁰२०) मी तींदरे कोरता ओतरुज पोरथना नी कोरतलु,पुण तींदरी वात होंबीन मेहे पोर बुरहु कोरनारान कोरता ,बी मी पोरथना कोरतलु।

²¹२१) ज्या मेहे पोर बुरहु कोरतला,च्या बोठा एक मोन ओयीन रोयणु,एने जेहे तु माराम से, एने मी ताराम से,तेहे च्या बी एकुज मोन ओयीन आपु हाते रोयणु जुवे,तेतार यो देखीन इन कोवीन माणहे, तु मेहे मुकोल्लु कोरीन बुरहु कोरहोत।²²२२) जोहलो तु एने मी एकुज से,तोहलो च्या बी एकुज बोणनु जुवे कोरीन,तु मेहे आपलु तीनी मोहिमाह मी तीनुह आप देल्लु।

²³२३) मी तीनुमा से, एने तु मारमा से,तीनामा च्या बी पुरान पुरा एक मोन ओयीन रोयहोत,एने एर कोरताज इन कोवीमा,तु मेहे मुकोल्लु ओतु कोरीन जाण लेहे तेतार तु मेहे जोतरु मोंग कोरतलु होतरु तीनुपोर बी मोंग कोरतलु,कोरीन इन कोवीन माणहे जाण लेहे।²⁴२४) ए बाबा, तु कोवी गोडायणेन पेल तु मेहे मोंग कोरलु, कोरीन तु मेहे आपलु,च्या तु मेहे आपलु,च्यी मोसीमा देखणु जुवे,ऐर कोरता ज्या माणहे तु मेहे आपलु ओतु,ज्यांहरी मी से,च्याहरी च्या मार हाते रोये यी मारी मोरजी से।²⁵२५) ए दोरमी बोगवान बाबा इन कोवीन माणहे तोंहो नी जाणतला ,पुण मी तोहो जाणतलु , एने तु मेहे मुकोल्लु कोरीन मार चेला बी जाणतला से।

²⁶२६) तु कुण से, कोरीन तार नाव मी तीनुह देखाडयु, एने उंजु बी देखाडतु रोयीह,तेतार जेहे तु मेहे मोंग कोरतलु तेहे च्यो मोंग तीनुह बी रोये,एने मी बी तीनुमा रोयीह।

Chapter 18

¹१) चू तेरा चेला होंत किदरोन खुदरान मेरे गोयलू ओतू चे एक बोगीचो ओतो चाहरी। ओयता यीशु एने तेर चेला गोया

²२) यीशुह दौरीन आपणारू योहुदास बी चू जागु मालूम होत कहाके यीशु तेरा चेला चाहारी गोडी गोडी जातोता ।

³३) यहुदास चाहरी गोयू तीना होत एने मोटला पुजारा एने फारीसी मानेहे मूकेला ओत मोदीरोन मायला सिपायडा बि ओता चा कोडीले एने मोसाला एने हात्यारे लिन च आया।⁴४) येशु हाते काय काय वितहै ची बोदी वात जानिनी येशु तिंदरे ओगोव जायिन तिनुह फूस्यु तुमु कुणीह दतला

⁵५) चा टीनाह कोया नासरेत वावा यीशुह तीनूह तीनूह कोयू मिज से चू तिनाह धोराणारू यूहदास बि तीनू हाते उबरोयलू ओतू⁶६) तेतार यीशु मिज से चू एने कोयताज च बोट्टा फोसा वोसरीन बुथपोर पोड़या।

⁷७) यीशु ऊजु तीनूह फूस्यु तूमु कुणेहे हुदतला मोग कोया नासरेत वावा यीशुह।⁸८) पुण यीशु। कोयू मिसे चू कोरीन मिते कोयलू से ने जोर तुमु मेंहे हुदतला ते इनूह जाने देवू

⁹९) यीशु कोयलू ची वाते तू मेहे आपलू मानहोम दोखा एकह बि नाखायने नी देव यो पुरो ओयनेन

कोरता यो ओयलो से ।

¹⁰१०) पोतरस तोलवार लीन पुजारान पावरोन जेवडी खेरलू कान जाटकु दिन तुड देदू एने तेर तेर नाव मोलखुस होतु ।

¹¹११) तेतार यीशु पोतरसोह कोयू तोलवार मियानमा फोसु मेक मारू बाबू मेहे आपलू दुखोन पियालु ती नी पीव के।¹²१२) तेतार रोमि सोइनिकों टूवु एने तीदरा पुडारी मानहे एने यहूदीन सिपायडा यीशुह दोरीन बान्ध लेदा।

¹³१३) चा पेलु यीशुह होन्याह ली गोया जू तीन तेमोन मुखी पुजारू केयफान होहरु ओत।

¹⁴१४) चू यूज केयफा से ज्यु येहूदी मानहोहराय आपलू ओतू के आखा मानेहोन कोरता एने मानूह मोरनू तुमरे कोरता हाजो से।¹⁵१५) सिमोन पोतरस एने दिहरु एक चेलू यीशुन फोसोव गोयू चू दिहरू चेलू तीन डायला पुजारा हाते उवखायतु ओतु कोरीन चू तेरा गोरोन खोविम लोगोन गौयू! ¹⁶१६) पोतरस जुपान बारथे उबरोयलु ओतू तेतार तीन मोटला पुजारना उवखायतु चेलू बारने आविन जूपान राखवावी कोरनारी हाते वातु कोरीन पोतरसोह मायतु ली गोयू।¹⁷१७) तेतार ची सुरी जुपान राखवावी कोरतोली ची पोतरसोह पूसी तू बी ते इना मानहोन चेलू से ने पुन पोतरस कोयू नीनी मे नीबे।

¹⁸१८) तेतार टोडीन टेमें ओतू तीनाम पावोर एने सीपायडा आगाटो होलगाडीन तापातोत तेतार पोतरस बी तीनू हाते उबरोयिन तापायतोतू!¹⁹१९) तेतार जूनलू मुखी पुजारू यीशुह तेर चेलान बारामा एने तेरी हीकोन बारामा काय फूस्यू।

²⁰२०) येसु तीनाह कोयलू में कोवीन मानहोन ओगोव खुलीन वातु कोयू मारी आखी होक भोक्ततीन गोरमा नी ते मोदीरोम चयाहरी येहूदी मानेह टूवायतल तीखेरुज ओयलो मि कोदी चूरये कघीज नि कोयू।

²¹२१) ते तू काहा मेहे फूसतलू मारो होबोवनाराह फुसजी मि काय हिकडलू तीनूह मालुम से !²²२२) तेतार यीशु इन्हे कोयलू ते एक सीपायडू यिशुह थापूड दीन कोयू तारी ओतरी हीमोत से के मुखी पुजाराह तू मूहे जोपाप आपतलू । ²³२३) यीशु तीनाह जोपाप आप्यु जोर मां गोलत कोयलू ओहे ते आखान ओगौव गौवायी आप पुन जोर मि ज्यों कोयलू तीनाम खोरो से ते मेहे काहा देतला ²⁴।२४) ओवतु जूनलू मुखी पुजारू होन्ना मुखी पुजारा केयफा याह तीनाह बादायलूज मुकल्यु²⁵२५) एने सिमोन पोतरस ऊबरोयिन आगटो तापायतोतू चा तीनाह कोया तु बि ते तीनू चेला मायलू से ने चू निकारतू जायिन कोयू नी नी मीकाय नी निबे। ²⁶२६) मुखी पुजारान पावरोमा एक जीनान कान पोतरस तूडलू ओतू तेरू होगा मायलू तीनाह फूस्यू मि तोहो तीना हाते बोगीचामा काय नी देखयू के। ²⁷२७) फोसु पोतरस कोयू काय नी तेतारुज कुकूडू वाह देदू।²⁸२८) दोहरे दीह यीशुह केयफान गोर दोखा ओवाली वावा किलान खोवीमा ली गोय तेतार होदारे वेगूज ओत कोरीन येहूदीन आदीकारी मानहे ओवालीन माय नी गोया काहाके तीनूह तीदरी फासका तीवारोन खानो खानेन कोरता तीदरा रीतमा विटवायनू नी ओतो।

²⁹२९) कोरीन पीलातूस बारथे निकविन तीनू हाते आविन कोयू तूमु इन मानहो पोर काली वातोन बारामा गुनु लागाडतला।

³⁰३०) येहूदीन पुडारी मानेह कोया यू गुनु नी कोरतू ते आमु इनाह तारा हातोमा नी होपता।³¹३१) ओवतु पीलातस तीनूह कोयू तुमुज इनाह लि जावू एने तूमरा कायदान एसाबे नियाव कोरू येहूदी मानेहे काया आमूह कुनिह बी मोतोन डोंड आपनेन होक नी होय।

³²३२) यीशु सोताह चू केहेकाय मोरन्यू से कोरीन पेलेन कायलू ओतू ची वात पुरो ओयनेन कोरता इन सेहे ओयलो रे।³³३३) तेतार पीलातूस फोसु ओवालीन मायतू जायपेन यीशुह हादी फूस्यु तू येहुदीन राजा से के।

³⁴३४)। यीशु जोपाप आपयु तू तार तोर यी वातु फूसतलू के ते कुन बी मार बारामा तोहो कोयला से।

³⁵३५) पीलातूस तीनाह फूस्यु मेहे येहूदी सोमजतल के यो ते तूमराम जातीन मानेहे एने डायला पुजारा तोहो मेहेपाह होपला से तू काय गुनु कोरलू से।³⁶३६) मोग यीशु कोयू मार राज एनी कोवीन रोयतो ते येहूदी मानेहे आविन मेहे नी दोरता मार फोसोव चालनारा मार कोरता तीनू हाते जूलायत पुन एवी मारराज इन कोविन नीबे। ³⁷३७) तेतार पीलातूस कोयू मोग तू काय राजा से के यीशु कोयू तू जेहे कोयू तेहे मी राजा से खोरी वातोन गौवायि आपनेन कोरता जोनम लेदलू एने एनी कोवीमा एर कोरता मि आवलू से ज्या वातोखेर से चा मारी वात होंबीन पावतला।³⁸३८) पीलातूस तीनाह फूसया खोरो काय से मुहे कोयिन चू फोसु बार गोयू एने येहूदी मानेहोह कोयू मि इनाम कायीज गुनु नी सापडा।

³⁹३९) फासका तीवारोन टेमे मि कडवाडामा दोखू केयदी मानहोमा एक सुड देतलू तूमरी यी रीत से तूमरे कोरता मि येहुदीन राजाह सुड देव के

⁴⁰४०) यो होबीन चा फोसा आयदीन कोया आमूह यूनी जूवे बाकीन एर बोदले बोरबबाह सुड दे बोरबाह एक मोटलू डाखु होतू।

Chapter 19

¹१) तेतारुज पिलातुस यीसुहु लिजवाडीन चपकडा देवाडयु।

²२) अवता सैनिके काटान टुपु बोणाविन तेरा मुणका पोर मेल्या,उंजु तिनाहा जामण्य नामेल डगल पेराव्या।

³३) उंजु तिनाहाते आविन कोया, ए यहुदीयान राजु तारा पाया पोडजे,अवता थापडा देदया।⁴४) तेतारुज पिलातुस फसु बारथे आविन माणहहो कयहे, देखु मी उंजु तिनाहा फोसु तुमरे हाते बारथे लावह, काहाके तुमुज जाण मेहे कायबी गुनु नी ⁵देखायतलु।५) तेतार यीसु काटान टुपु एने जामण्यु डगल पेरीन बारथे नीकव्यु एने पिलातुस तीनुहु कोयु, देखु युज माणुह।

⁶६) तेतारुज डायला पुडारी एने तींदरा राखवावे यीसु हु देख ते जुर जुरे आयडीन कोयु,इनाहा कुरुस पोर चढाव,कुरुस पोर चढाव,काहाके मेहे तिनामा काय बी गुनु नी देखायतलु।⁷७) यहुदी माणहे कोया आमुह बी मालुम से, नियमन बाराम तिना नियम अनुसार इनाहा मारदेवु, काहाकी यु स्वत: बोगवानोन बेटु कोयतलु।( लेव्य २४) ⁸८) पिलातुस यी वात हंब्यु, ते उंजु बीह गोयु।

⁹९ ) उंजु फोसु तेरा बंगलाम गोयु, एने यीसुह कोयु ,तु काहारी रोयतलु? पुण यीसु तीनुह कायबी जोपाप नी आप्यु।¹⁰१०) पिलातुस फसु कोयु,ते मारहाते कहा नी बुलतलु? काय तु नी जाणतले, तोहो सुड देणेन आधिकार मार पोर से, एने तोहो कुरुस पोर मारणेन आधिकार बी मार पोर से। ¹¹११) यीसु जोपाप आप्यु, जोर तोहो स्वर्णम दोखु यु आधिकार नी सापडतु,ते तारु मार पोर काय बी नी आधिकार रयतु,तेहेज कोरीन ज्यु मेहे धरावलु से,तेरु पाप तार दोखु जास्तीज से।¹²१२) पिलातुस यीसुह सुड देणेन विचार कोरयु,पुण यहुदी माणहे जुर कोरीन कोमा,जोर तू इनाहा सुड देहे ते, तु कैसरन दुस्ती नी कोवाये, पुण ज्यु स्वत: राजा कोयतलु च्यु कैसर न सामनु कोरतलु। ¹³१३) यी वात होंबीन,पिलातुस यीसुहु बारथे लाव्यु, एने च्याहारी माणहे बोठणेन जाग होतु, तीना जागाहा इबारानी भाषाम गब्बता कोयतला, एने पिलातुस तेरी न्याय कोरनेन राजगादी पोर बोठयु ।¹⁴१४) यु दी फसह तीवारन तैयारी कोरणेन दीह होतु, एने माथे दीहन टेमे होतु , एने पिलातुस यहुदी माणहोह कोयु देखु ,यु से तुमरु राजा ।

¹⁵१५) पुण च्यु यहुदी माणहे जुर कोरीन कोया, ईनाहा लीजा लीजा, कुरुस पोर चढाव , पिलातुस तीनुहु कोयु ,काय मी तुम्हरा राजाहा कुरुस पोर चढ़ाव? पुढारी माणहे जबाब आप्या कैसर राजाहा सुडीन आमरु कुणुज राजु नींबे।

¹⁶१६) तेतारुज पिलातुस यीसुहु तींदरा हाथे मा होप देदयु, काहाके च्या तीनाहा कुरुस पोर चढ़ावे कोरीन ।¹⁷१७) एने च्या यीशु हु लीगोया एने यीशु क्रुस ऊंचलीन गुलगुथा कोयतला तीना जागा पर पुच्यु। ¹⁸१८) च्याहारी यीशु हु एने उजू दूय माणहे ओता तीनूह क्रुस पर चढाव्या एका हा जेवडे खेरे ते दुहरा हा डाखरे सायटे एने यीशु हु विच मा क्रुस पर चढाव्या।¹⁹१९) उजु पिलातुस एक पाटिपर गुणू लेखीन क्रुस खांबा पर ढुकाव्यु एने च्याहारी एहे करीन लेखलो ओतु। ²⁰२०) ची गुनान पाटी खुब जास्ती यहुदी माणहे वाचला कहां के ज्या हारी यीशु हू क्रुस पर चढावला च्यु जागु गाव हातेच ओतू एने तीनी पाटीपर लेखलो इब्रानी उजू लतीनी एने युनानी भाषा मा ओतो।²¹२१) ओवता यहुदीयान पुढारी पिलातुसह एहे कोया के यहुदीयान राजा एहे कोरीन मा लेखे पुण मी यहुदी यान राजा से।

²²२२) पिलातुस तिनु हू जवाब आप्यु मी ज्यो लेखाड देल्लु च्यो लेखाड देल्लु एने च्योज रोयहे।²³२३)तेतार सिपायडा यीसुहु कुरुस पोर चढाव देल्ला, ते तेरा कापडान च्या चार भाग कन्या एने एक एक सिपायडु एक एक राखहे,पुण यीसुन डोगलो हीवाडलो नी ओतो, पुण हात पाये तोक नामलो ओतो।

²⁴२४) एरेन करता च्या विचार कोरया के आपु इनाहा नी फाडता, पुण चिटठाया बनावता के यो कुणीन भाग मा से, यो ओहलो इनान कोरता ओयो के चुखलीशास्तुर मा लेखाली वात खरीच पुरी ओयी, एने च्या मारा कापडा वाट लेयोत,एने मारा डगला करता चिठ्ठी नाखहे।( भजन संहिता २२:१८)²⁵२५) एने सिपायडा तेहेज कोरीया,पुण यीसुन कुरुसोन खांबा हाते यीसुन आई,एने यीसुन आईन बणीह मरीयम क्लोपासन लाडी, उंजु मरीयम मगदलीनी उबर रोया होता। ²⁶२६) यीसु स्वत: न आई ही,एने तेरा चेलाहा ज्या तिनाहा खुप प्रेम कोरतला हाते उबरोयला देख्यू , एने आई ही कोयु, ए बाई या तारा सुरा से।

²⁷२७) उंजु चेलाहा कोयु,यी तारी आई से, तीनीज टेमे देखु चेलु यीशु न आई ही तेरे घोर ली गोयु।²⁸२८) येसु आखो देखीन जाण गोयू,के आखो पुरो होयो, एने पवित्रशास्त्र न वात पुरी ओये, एने कोयु,मी तिहलु से। ²⁹२९) च्याहारी दाराक्षन विजवलु रस भरीन एक रास ओतो,ओवता च्या सिपायडा तीना दृक्षान विजवलु रस मा एक पुतड बुडाडीन जुफा नावोन झाटवान लाकडी पोर झेलाडीन यीसुन मुये लागाडया। ( भजन संहिता ६९:२१) ³⁰३०) येसु विळावलो दृक्षान रस च्याख्यु ते कोयु, पुरो ओये, एने मुणको नेडो झुकाडीन शरीर सुड देदयु। ( लुका २३:४६, मरकुस १५:३७)³¹३१) एने च्यु दिह तियारीन दीह ओतो, यहुदी माणहे पिलातुस च्या आवीन रावण्या कोरया , के कुरुस पोर लटकाडला तिदरा पायन आटका तुडावीन तिनहु नेडा उतार दे, काहाके आराम दीह तींदरो धड कुरुस पोर नी रोयणो जुवे, आरामन दीह मोटु दीह से।

³²३२) एने सिपायडा आवीन पेल्लान पायन आटका तुडावीन, ऊंजु दुसरान बी तुडया ज्या कुरुस खांबा पोर लटकाडला ओता।

³³३३) पुण यीसु यीसु हाते आवीन देख्या ते यीसु मर गोयलु से, कोरीन तेरा पायेन आटका नि तुडया।³⁴३४) पुण तीनु सिपायडा देखु एक जण यीसुन छातीमा भालू गुप्यु, ते लगेच खुन एने पाणी निकवयु।

³⁵३५) ज्यों यो आखो देख्यु, तेरी यी गवाय से एने यी गवाई खरीच से, एने खरो से तिनाच पर बुरहु मेलो।³⁶३६) यो आखो ईनान कोरता ओयो, के पवित्रशास्त्रगन वात पुरी ओये, एने तेरो एक बी आपको तुडनेम नी आवे। ( निरगमन १२:४६ ,गिनती ९:१२, भजन संहिता ३४:२०) ³⁷३७) उंजु चुखली शास्तुरम एक जागे, एहे कोरीन लेखलो से के,ज्या तिनाहा भालु गुपलु च्याज तिनाखेर आसा कोरीन देखहे। ( जक१२:१०)³⁸३८) यो आखो ओयणेन बाद मा अरिमतियाह सहरन युसुफ ज्यु यीसुन चेलु ओतु, पुण यहुदी माणहोन धाकमा मी यीसुन चेलु से, एहे कोयणे बीतलु,एने पिलातुस च्या जायेन विनती कोरे के यीसुन धड मेहे ली जाणे दे, तेरी विनती पिलातुस होब्यु एने यीसुन धड ली जाणे देदयु । ³⁹३९) निकुदेमुस ज्यो एक दीह रातीन वेवा यीसुहु मीवणे गयलु, च्यु भी पन्नास किलोन लगभग ईततोर, एने एलवो लाव्यु।⁴⁰४०) एने च्यु यीसुह धड हाते गया, एने यहुदीन माणहोन रीत भात करीन गाडनेन पेल वारु गोदायणो इततोर लागाडीन डाठी वेटाव्या।

⁴¹४१) जीना जागा च्या यीसुह कुरुस पोर चढावला च्याहारी एक वाडी ओती तीनी वाडीमा एक नविन खुदलु जागु ओतु, एने च्या हारी कुणीही बी नी गाडया ओता। ⁴²४२) तेहेज कोरीन यहुदी माणहोन तीयारीन दिहन कोरता,च्या यीसुह तीना नविन खुदलु गुफाम मेल्या, काहाके च्यु गुफा हातेच ओतू।

Chapter 20

¹१) हापतान पेल्ले दीह मरीयम मगदलीनी होंदारे वेगीच आंधारलोच ओतोन मटटयान गुफानच्या आवी, एने मठयान गुफान दोगडु सेटू पड रोयलु देखी। ²२) एने ची च्याहारी देखी दौडी, एने शमोन पतरस ऊंजु ज्यु दुहरु चेलु ओतु तीनाह यीसु पेरम करतलु ओतु, च्याहारी आवीन कोयी कुण तेरी आपणा मालीकन धड निकावीन लीजात रोया, एने च्या काहारी लिकाड रोयाह, च्यो आमुह मालुम नींबे।³३) तेतारुज पतरस एने दुहरु चेलु दौवडीन मटटयान गुफाखेर ⁴गोया,।४) एने दुयव हाते हाते एकेठाच दौवडी रोया, पुण दीहरु चेलु पतरस दोखु जुरे दौवडीन ओगोव मटटयान गुफान च्याहारी,पेल पुच्यु।

⁵५) एने च्यु ओणायन भाव्यु, एने डाठी पोड रयली देख्यु पुण च्यु गुफाम नी गोयु।⁶६) लगेच शमोन पतरस तेर फसव पुच्या, एने गुफा मा गोयु एने देख्यु, डाठी ओतरीच पड ⁷रोयीही।७) उंजु ज्यु मुडेन बांदलु फेटु,च्यु डाठी हाते नी पुण ओलोग सेटुज गुडावलु तहलुज पड रोयु ओतु।⁸८) दुहरु चेलु ज्यु पेल पुचयु, च्यु भी गुफा मा गोयु, एने खरीच कोयतला कोरीन बुरहु कोरया। ⁹9 पुण च्या पवितर शास्तुरोन यी वात नी जाणता ओता के इनाहा ते मरलाम दोखु जीवतु ओयणो से

( भजन संहिता १६:१०)

¹⁰१०) एने चेला तींदरे गोर जात रोया।¹¹११) पुण मरियम रोडती रोडती जायीन मठयान गुफान बारथे उभर रोयी ,एने रोडती रोडती ओणायन बावतली।

¹²१२) दुय स्वर्गदुत भुरला कापडा पेरीन एक मुडीखेर ते दुसरु पायताहा बोठ रोयला देखी, ज्याहरी यीसुन धड ओतो ।

¹³१३) च्या तीनीही पुछ्या, ए बाय तु काहा रोडतली? ची तीनुह कोयी, कुण तरी मारा मालिकन धडह चुर लेदलो से, एने काहारी मेल रोयुहु मेहे नींबे मालुम।¹⁴१४) यी वात कोयीन ची फोसी फिरी ऐने यीसुहु उबरलु देखी,पुण ची यीसुह उवखीच नी। ¹⁵१५) यीसु तीनीही फुछु, ए बाइ तु काहा रोडतली? एने कुणीही हुदतली, ची तीनाहा वाडीम काम करनवालु से, एहे जाणीन कोयी ए दादा तु तिनाहा चुर लेदयु एहे ते मेहे कोय दे,काहारी मेल रोयुहु मी तिनाहा लिजात रोयही।¹⁶१६) यीसु तीनीही कोयु, मरीयम ची फसी फिरीन भावीन इबारानी भाषाम कोयी रब्बूनी ( एरे अर्थ से ए गुरु) ।

¹⁷१७) यीसु तीनीह कोयु मेहे मा धरे, काहाकी मी उंजु तक ऊपोर बाबा च्या होरगोम नी गोयु, पुण मारा भायन च्या जा,एने कोय दे के मी मारा बाबाच्या , एने तुम्हरा बाबाच्या एने मारा बोगवानच्या,एने तुमरा बोगवानच्या उपोर होरगोम जाव।

¹⁸१८) मरीयम मगदलीनी जायीन चेलाहा कोयी,मी मालीकोह देखली, एने च्यु मार हाते वात करलु।¹⁹१९) तीनेच दीह हापतान पेल्ले दीह हांपरली टाइम यीसुन चेला यहुदीन माणहोन धाक मा जुपा दिन गोरमा ओता, तेतारुज यीसु आवीन तींदरा वीच मा उबरयन कोयु तुमुह सांती जुडे

²⁰२०) एने ओतर कोयीन तीनुह च्यु तेरा आथे, एने छातीन खुकीन घाव देखाडयु, चेला मालीकोह देखीन खुस होय गोया,²¹२१) यीसु फोसु तीनुह कोयु,तुमुह सुख सांती जुडे, जेहे बोगवान बाबु मेहे मुकलु तेहे मी बी तुमुह मुकलूह। ²²२२) यी वात कोयीन यीसु तिनुपोर फुक्यु, एने कोयु चुखली आत्मा लेवु। ²³२३) जेरा पापे तुमु माफ कर है,तेरा पापे माफ ओय जाहे,एने जेरा पापे तुमु नी माफ करे ,तेरा नी माफ ओये।²⁴२४) पुण बाराहा चेलामायन एक चेलु ज्यु थोमा, ज्यु दिदुमुस कवायतलु च्यु यीसु आवलु ते तिनु हाते नी ओतु।

²⁵२५) तेतार दिहरा चेला तिनाहा कोयु,आमु मालिक यीसुह देखला से,ते च्यु तीनुह कोयु,जहा तक मी तेरा हाथोमायला खिलान घावे नी देखो, एने खिला ठुकला तीना घावन डुचा मा मारी आंगुव नी नाखीन देखो, तहा तक मी भुरहु नी कोरो।²⁶२६) आठ दिहन बाद मा तेरा चेला घर मा ओता, एने थोमा बी तीनु हाते ओतु, एने जुपा लागाडला ओता, तेतारुज यीसु आवीन वीच मा उबरयन कोयु तुमुह सांती जुडे।

²⁷२७) ओवतु यीसु थोमाहा कोयु, तारी आंगुव याहारी लावीन मारो हाथो मा देख, एने तारु हाथ लागाडीन मारी छाती मा देख, एने वीगुर भुरहान नी, पुण भुरहावावु बण।²⁸२८) मी वात हंबीन थोमा जवाब आप्यु, हे मारा मालिक हे मारा बोगवान ²⁹बाबा।२९) यीसु तीनाह कोयु तु ते मेहे देखीन बुरहु कोरयु किस्मत वाला से, ज्या बिना देखे बुरहु कोरतला।³⁰३०) यीसु उंजु चेलहा खुप काय तेरे बारामा देखाडयु, ज्यो इनी पुस्तकमा लेखलो नींबे। ³¹३१) पुण यो इनान कोरता लेखलो छे के तुमु आखा बुरहु कोरे के, यीसु बोगवान बेटु वाचाडनेवालु मसीह से, एने बुरहु कोरीन तेरा नावोन जीवोन जीवु।

Chapter 21

¹१)यी वात ओयणेन बाद मा यीसु स्वत: हा, तिबिरिथुस दरियान किनारे चेला समोर देखाय, एने एहे करीन देखा पोडयु। ²२)शमौन पतरस एने थोमा ज्यु दिदुमुस कवायतलु, एने गलील जीलान काना सहरन नयन एल, एने जब्दीन बेटा एने चेला उंजु दुय जन, एहे कोरीन आखा एखटटाज ओता। ³३) शमौन पतरस तिनुह कोयु, मी मासा धरने जाम, एने च्या तीनाहा कोया, आमु बी तार हाते आवजे एहे कोयीन च्या जहाज मा चडया, पुण तिनुह तिने राते काहीज नी धरायो।⁴४)उज्यावो ओयणेन टेमे यीसु उंजु दरियान किनारे उबर रोयलु, पुण चेला यीसुह उवख्यान नी के यु यीसु से।

⁵५) तेतारुज यीसु तीनुह कोयु, ओ पुन्यो तुमरे पर काय खाणेन से काय? च्या जवाब आप्या कायनी?

⁶६) च्यु तीनुह उंजु कोयु,जहाजन जेवडे सायटे जावी नाखु ते तुमुह जुडहे, ते च्या तेहेज जावी नाख्या, एने खुब जास्तीन मासा जावीमा लटक्या, एने जावी तिनुह आपकायीज नी।⁷७) तेहेज कोरीन जीना चेलाहा यीसु मोंग कोरतु ओतु च्यु पतरस कोयु,यु ते मालीक से, शमोन पतरस यी वात हंबीन,डड वावीन दरियामा कुद गोयु, काहा के च्यु उगाडलुच ओतु।

⁸८) पुण उंजु चेला डुंडया पोर मासान भरली जावी आपकीन आव्या, काहाके च्या किनारा दोखा लांबे नी होता, पुण दुयकहोव हात पर ओता।

⁹९) जेतार च्या किनारा पर आवीन उतरया ते देख्या के,आगठान ईगावा पर मासा भुजला एने रुटु देख्या।¹⁰१०) यीसु तीनुह कोयु,ज्या मासा तुमु एवी धरला से,तिनामा देखा थुडाहा नेवाडीन लाव।

¹¹११) शमौन पतरस डुंडया पोर चढीन ,एक सौ तिरपन मोटला मासान भरली जावी किनारा पोर आपक्यु, तबी ओतरा हवटा मासा होता तेबी जावी नी फाटी।¹²१२) यीसु तीनुह कोयु, आव रुटु आता,एने चेलाहा ओतरी हींमत नी के च्या तिनाहा फुस से के तु कुण से? काहाके च्या जाणता होता के, यू मालिक यीशु च से। ¹³१३) यीसु आवीन तिनहु रुटा लावीन आप्यु, तेहेज भुजला मासा बी आप्यु। ¹⁴१४) तु चमत्कार तीन वार होय गोयु की, यीसु मरलाम दोखु जीवतु ओयीन चेलाहा दर्शन आप्यु।¹⁵१५) रुटु खानेन बाद मा यीसु शमौन पतरसह कोयु,ए शमौन युहन्नान बेटा काय तु इनु देख्यु मेहे जास्ती मोंग कोरतलु काय? च्यु तिनाहा कोयु, होव मारा मालिक बोगवान तु जाणतलु के मी तोहो कोतरु मोंग कोरतलु? च्यु तिनाहा कोयु मारा मेडाहा चारजी।

¹⁶१६) यीसु फोसु दुसरी वार कोयु , ए शमौन युहन्नान बेटा, काय तु खरीच मेहे मोंग कोरतलु के? च्यु तिनाहा कोयु होव मालेक बोगवान तु जाणतलु के मी तोहो कोतरु मोंग कोरतलु, यीसु उंजु तिनाहा कोयु मारा मेंडान राखवावी कोरजी।¹⁷१७) यीसु उंजु तीसरी वार तीनाहा कोयु,ए शमौन युहन्नान बेटा काय तु मेहे खरीच मोंग कोरतलु के? पतरस नाराज होय गोयु, काहाके च्यु तीनाहा तीन वारीन तेहेज फुस्यु करीन, पुण च्यु कोयु,तु ते आखोज जाणतलु, के मी तोहो कोतरु मोंग कोरतलु यीसु उंजु तिनाहा कोयु मारा मेंडान चारजी।

¹⁸१८) मी तह खरान खरज कोयह ,तु जुवान होतु ते कमर बांधीन जाहरी जानु चाहतलु ,च्या फिरतलु मोन पुण जेतार डायु होये तेतार , आपणु हात फाकु कोरतलु ,एने दुहरु तारी कंबर बाधीन ,याहरी तु नी चाहे च्याहारी तोहो च्यु लीजाहे।¹⁹१९) ज्यु इनी वातो दोखु दाखलु देखाडयु, कि पतरस कोहलो मोतो दोखु बोगवानोन बड़ाई कोरहे ,यो कोइन च्यु तीनाहा कोयु,मार फोसोव ओयले।²⁰२०) एने पोतरोस फिरीन तिना चेला फोसोव दोखु आवतलु देख्यु जिना पोर येशु मोंग कोरतलु एने जिनाहा खानेन सोमय मा तेरा छाती खेर सुकीन फुरयु मे पोरबु तोहो दोरावणे वावु कुण ओतु। ²¹२१) तिनाहा देखीन पोतरोस यीशु कोयु , हे पोरबु येरू काय हालात ओयहे।²²२२) यीशु तिनाहा कोयु ,बाखुन मी चाहोम ते मारे आवणे तोक च्याहरी रूकायी रोयहे, ते तोहो काय तु मारे फोसोव ओयले।

²³२३) इनान कोरीन बायहो मां यी वात फेली गोई, कि च्यु चेलु नी मोरे,ते बी यीसु तीनाहा यो नी कोयु,की च्यु नी मोरे,पुण यो के मी चाहो ते यो मारो आवणे तोक वाट जुवे ते तोहो यो काय ।²⁴२४) यु च्यु चेलु से,इना वातोन गोवाइ आपतलु एने च्यु इनी वातोह लेखलु की आमु जाणतला के एरी गोवायी खोरी से।

²⁵२५) ओवी बी खुब काम से,ज्यो यीसु कोरलु, च्ये आखा एक एक कोरीन लेखायता ते मी सोमझतु, के पुस्तोक ज्या लेखायलो च्या इना जोगमा नी होमायता।

Acts

Chapter 1

¹ए लाडका थीयुफिलुस बोगवान यीसुह सोरगोमा ली गोयलु ताहलोगोण पेल यीसु काय काय चोमत्कार कोरयु एने काय काय माणहोह हीकाडयु इनी बोडी वातोन बारामा मी मारी पेल्ली पुस्तोकोमा लेखलु से।

²यीसु एक दिही पोवित्र जीव आत्मान ताकोत दोखु चेलानुह ओगोव काम कोरनेन हुकुम आपीन सोरगोमा उचलाय गोयु ते दिह दोखा तेर नेवतो पुचाडनारा एने नीवाडला चेलानुह खुब हीक हीकाडने बाज रोयुह ।

³यीसु कुरुसो पोर खुब दुःख बुगीन मोरीन ओवतु चावीह दिह लोगोण च्यु खुब वार तीनुह जीवतलु से कोरीन देखायु च्यु फोसु जीवतु ओयणेन ओवतु खुब वार तीनुह च्यु जीवतलु से कोरीन पुरावाबेब देखायतु रोयु एने बोगवान माणहोपोर केहे कायराज कोरने वालु तेर बारामा च्यु तीनुह वातु देखाडतु रोयु ।⁴एकवार यीसु तीनुहाते रुटु खातोतु तेतार च्यु तीनुह कोयु एंवी येरुशलेम सेहरोम दोखा तुमु जाता जुण पुण बाह बोगवानो खेर दोखी पोवित्र आत्मा तुमुपोर आवहे ताहलोगोण तुमु वाट जुवीन रोयजु काहाके च्यु तेरा पोवित्र जीव आत्मा तुमु पाह मुकोलने वायदु कोरयु मी तुमुह पोवित्र जीव आत्मान बारामा कोयलु ओतु च्यो तुमु होंबोवाला से।

⁵युहन्ना ते माणहोह पाणी कोरीन बापतीस्मा आपलु पुण थुडाक दिहोन बादमा बोगवान तुमुह पोवित्र जीव आत्मा कोरीन बापतीस्मा आपहे ।⁶ओवता जेतार च्या यीसु हाते फोसा टुव्वाया तेतार च्या यीसुह फुस्या ए पोरबु काय तु इसरायेली माणहोन रोमी राजोन काबामा दोखु वाचाडीन एवीज तीनुह राज फोसु आवाड देहे के ।

⁷यों होंबीन यीसु तीनुह कोयु बोगवानोन राज फोसा इसरोल माणहोंह केतार आपणेम आवहे च्यु टेम एने दीही मार बाह बोगवान तेर सोतान आदीकार दोखु ताक रोयुह च्या जाणनेन काम तुमरो नींबदे ।

⁸पुण पोवित्र जीव आत्मा तुमु पोर आवहे तेतार मार बारामा दीहराह कोयणेन खुब ताकोत तुमुह जुडहे तीनामा येरुसलेम जीलाम एने दोरतीन आखरी लोगोण तुमु मारा पुरावु रोयहोत ।⁹यो कोयीन नोवरायीन चेलाह देखता देखता यीसु सोरगोमा उपोर उचलाय गोयु एने वादवो तीनाह डाक लेदयो कोरीन च्या तीनाह देख नी सोकया ।

¹⁰जेतार च्यु उपोर जातोतु तेतार च्या सोरगोखेर बावतोता तेतार दुय सोरगदुत बुराबुह लुगडा पेरीन तीनुहाते उबरोय गोया ।

¹¹च्या चेलानुह कोया ए गोलीलोन माणहे तुमु काहा यांहरी उबरोयीन वादवा खेर एकहारका बावतला युज यीसु ज्यु तुमुहाते दोखु सोरगोपोर उचलाय गोयु तुमु तीनाह जेहे सोरगोमा जातलु देख्या तेहे च्यु फोसु दोरतीपोर आवहे ।¹²तेतार आकश चेला जेयतुन नावोन बोयडा पोर दोखा येरुसलेम सेहरोमा फीरीन आव्या , च्यो येरुसलेम सेहर दोखो एक कीलु मोटर सेटो ओतो।

¹³जेतार च्या येरुशलेम सेहरोमा आव्या तेतार च्या एक गोरोन उपोरली खुलीमा गोया ज्याहरी पोतरस युहन्ना याकुब आंदरीयास फिलीप्पुस थोमा बोरतुलमय मोत्ती होलफायीन सुरु याकुब सीमोन जेलोतस एने याकुबोन पुरयु येहुदा रोयतोता ।

¹⁴या बोठा च्यांहरी टुव्वायीन एक मोन ओयीन पोरथना कोरतोता तीनुहाते थुडाक बायरा एने यीसुन आयी मोरीयम एने यीसुन बायहोनु बी च्यांहरी ओता ।¹⁵येसु पोर कोरनारा एक होव वीसेक जोण च्यांहरी टुव्वायला ओता तीनु बायहोन वीस्मा पोतरस उबरोयीन यो कोयु ।

¹⁶ए लाडका बायह बोणहा यीसुह दोरणारान ओगोव वाण्यु बोणनारा येहुदासोन बारामा पोवित्र जीव आत्मान मोदत दोखु दावुद राजान मुयोम दोखु नी कोवली च्यी वात खोराखोर पुरी ओयणे जोरुडी ओतो ।¹⁷यीसु येहुदासोह तेर सेवा कोरनेन कोरता आमु हाते चेलु गोण्यु ।

¹⁸च्यु येसुदास यीसुह दोरावलु तीना पापोन कोमायोन एक खेतु वेचातो लेदयु च्यु ओग मुयेज पोडय तेरो पेट फुट गोयो एने आखा आतडया बारये नीकवी गोया एंहेज च्यु मोर गोयलु ।

¹⁹यी वात येरुसलेम सेहरोमा रोयणारा आखानुह मालुम पोड गोयली एने च्या तीना खेतोन नाव तेर बास्याका हाकलदमा लुयोन खेत पोड गोयो।²⁰एंहे ओयण्योज ओतो काहाके बोजोन पुस्तकोमा लेखलो से तेरो गोर उजडी जाय एने तीनामा कुण बी नी रोये एंहे बी लेखाय रोयोह तेर पोद दीहराह आपणेम आवे ।²¹कोरीन येहुदासोन पोदो पोर दीहरु माणुह नीवाडनेन जोरुडी से च्यु पोरबु यीसु आपणा वीस्मा ओतु तेतार आपणे हाते ओता तीनुम दोखु कुण बी एक जोण रोयणु जुवे ।

²²च्यु युहन्ना माणहोह बाप्तिस्मा आपलु तीने टेमे दोखु यीसु सोरगोमा उचलाय गोयु ते दिह लोगोण आपु हाते रोयलु माणुह जुवे तीनाहाज आपुह नीवाडनु पोडहे काहाके च्यु बी आपु हाते यीसु मोरलाम दोखु जीवतु ओय कोरीन माणहोनुह पुरावु आप सोकतलु ।

²³कोरीन च्या माणहे दुय चेला नीवाडीन तीनुह उबराख्या पेल्लु माणुह युसुफ तीनाह बोरसब्बास कोयतोता एने दिहरा युस्तुस से एने तीनाह मातीयाह कोयतोता ।²⁴ओवता च्या पोरथना कोरया ए पोरबु तु एकेकोन मोन जाणतलु येसुदास तार सेवा कोरने सुडीन तेर डोंडोन जागे जात रोयलु ।

²⁵कोरीन तेर वोतीन नेवतो पुचाडनारात पोदो पोर रोयीनतार च्यो आमुह देखाड ।

²⁶ओवता च्या तीनुह नीवाडनेन कोरता तींदरा नावोमा चीटठया नाख्या एने चिटठी मोती याहोन नावे नीकवी कोरीन च्यु तीनु आकरा नेवतो पुचाडनारा चेलामा एक चेलु गीणाय गोयु ।

Chapter 2

¹येसु जीवतु ओयीन सात आपता ओया ओवतु पेन्तेकुस्तोन तीवारोन दीही आन्यु तेतार आखा चेला एक जागे टुव्वाय रोया ओता ।

²उचकाहलुज सोरगोम दोखु मोटे वादुणोन होस आवाज हुहवीन आणय तीनामा ज्यांहरी च्या बोठ रोयला ओता च्यो आखो गोर तीना आवाज दोखो बोराय गोयो ।

³एने तीनुह आगठान आस फुटतलान होस जीबे देखाय एने तीनु मायला आखापोर आवीन थांब गोयी।

⁴एने पोवित्र जीव आत्मा आखा वीस्वास्यानुह काबामा कोर लेदी एने जेहे पोवित्र जीव आत्मा तीनुह बुली बुलनेह ताकोत आपी तेहे च्या तीनुह नी आवहे बात बातीन बास्या बुलने बाज गोया ।⁵तीने टेमे वादवान नेचा रोयणारा आखी जातीन माणहे येरुसलेम सेहरोमा तीवार वावणेन कोरता रोयतोता च्या एकेक देसोम दोखा तीरुथ कोरने आवला ओता,एने च्या येहुदीन नेम पावीन खुब बोक्ती कोरनारा ओता ।

⁶जेतार च्या यु मोटलु कोलो कोलोन आवाज होंब्या ते ज्यांहरी वीस्वास्या बोठा रोया ओता ,च्यांहरी एक गोरदी टुव्वाय गोयी ओवता तीनुमायला एकेक जोण यीसुन चेला आपणी बास्या बुलतला होंबीन बोंगलाय गोया।

⁷च्या खुब बोंगलायीन एक दीहराह फुसणे बाज गोया आह देखु आपणी बास्या बुलनारा या माणहे आखा गोलील मायला से की नी।⁸आह पुण आपुह ते या आपणी बास्या बुलतला एंहे होबायतला केहेकाय या आपणी बास्या बुल तेहे ।

⁹आपणामा थुडाक माणहे पारथी एने मेदी एने एलामी एने मेसोपोटामिया एने येहुदीया एने कोप्पुवुकीया एने पोन्तुस एने आसीया ।

¹⁰फुरगीया पोफुलीया एने मीसर एने लीबीया देस ज्यो कुरेनेन आहने पाहनेन से,आपणाम थुडाक रोम सेहरोमा रोयणारा पेन्तेकुस्त तीवार वावणे आवला ओता ।

¹¹एने आपणामा थुडाक माणहे जोलम दोखा येहुदी सेताह एने थुडाक माणहे येहुदी बोण गोया थुडाक केरेतेमा रोयणारा एने ओरब देसवावा बी से या आखा माणहे आपणी बास्यामा बोगवानोन मोटा मोटा कामन बारामा बुलतला होंबोवला ।¹² च्या बोठा बोंगलाय गोया एने गाबरीन एक दीहराह कोयणे बाज गोया के यो काम ओयणे बाज रोयोह ।

¹³ पुण थुडाक माणहे च्यांहरी टुव्वायला माणहोन मोजाक उडाडीन यो कोया या ते ताबलु दोरकस्यान रुह पीयीन साक रोयला से।¹⁴ओवतु पोतरस आपण चेलानु हाते उबरोयीन मोटे आयडीन माणहोनुह कोयु ए येहुदी जातीन माणहे एने यरुशलेमोम रोयणारा माणहो मोन लागाडीन मारी वात होंबु एने जाण लेवु ।

¹⁵जोहलो तुमरामा थुडाक सोमजतला तोहलो या सकला नीबंदे एंवी ते होंदारेन नोव वाज रोयला से,इने टेमे माणहे साकला काय ने रोयतला ।¹⁶पुण यी वात ते बोगवान बोवीस्य कोयणारा योयेलोह लगाडीन खुब सालोन पेल कोयलु ओतु च्यो ओयणे बाज रोयोह।

¹⁷बोगवान कोयतलु जेतार आखरी दीही आवहे मी मारी जीव आत्मा आखा माणहोह आपीह तेतार तुमरा पुरया एने सुरया बोवीस्य कोयहे तुमरा जुवान्या जागतो हीवणो देखहोत ।¹⁸तीने टेमे मी मार सेवा कोरनारा मार गुलाम पावरनीनुमा एने मार गुलाम पावरनीनुमा मार जीव आत्मा आपीह एने च्या बी बोवीस्य कोयहोत ।

¹⁹मी वादवा पोर चोमत्कारन काम एने नेचु दोरती पोर मोटलो मोटलो काम मोजे लुय आगठो एने दुवाणान वादवो देखाडीह ।²⁰पोरबुन मोटलु एने खुब उज्यावान दीही आवणेन पेल दीह आदादुप एने चांद लुयोन होस रातु सोप ओय जाहे ।

²¹एने ज्यु कुण पोरबुन नाव लीन पोरथना कोरहे च्यु तेर पापोन डोंड दोखु वाच जाहे।²²एने पोतरस उंजु कोयु ए इसरायेल देसोमा रोयणारा यी वातु होंबु जेतार यीसु नाजरी नावोन एक माणुह तुमरा वीस्मा नाजरी नावोन एक माणुह तुमरा वीस्मा रोयतोतु बोगवान यीसुह लगाडीन खुब बोंगलाये ओहला मोटला कामे एने चोमत्कार कोरने ताकोत आपलु च्युज बोगवान तुमरा वीस्मा यीसुह मुकल्यु कोरीन देखाडलु ।

²³पुण बोगवान पेलेन जाणतोतु एने तेर बोजोट ओतो के यीसुह तुमरा आथोमा होपणेम आवहे कोरीन तुमु नेम नी जाणनारा माणहोन मोदत दोखा दोरावीन तीनाह कुरुस खांबा पोर चोडावीन खीला ठुकीन मार देल्ला ।

²⁴पुण बोगवान तीनाह मोरलामा दोखु जीवतु कोरलु बोगवान तीनाह मोतोन दुख दोखु सुडावलु काहाके मोत तेर ताकोतोन काबामा तीनाह नी मेक सोके ।²⁵काहाके खुब सालोन पेल दावुद राजा यीसु मोसीन बारामा एंहे लेख रोयुह पोरबु होमेस्या मारहाते से कोरीन मी जाणतलु कुण बी मेहे आलवी नी सोके काहाके च्यु मार जेवडीखेर से।

²⁶कोरीन मारो मोन खुब खुसीमा से एने मारी जीब तेरी बोडायी कोरतली मारो डील बी आसा हाते रोयहे ।²⁸काहाके बोगवान तु मार जीवोह नोरकोमा नी नाखे एने तार पोवित्र माणहोन डील सोडने नी देये ।

²⁷तु मेहे जीवायोन वाट देखाडलु एने तारी हाजरीमा रोयणे दोखी मेहे खुब खुसी जुडहे²⁹ए लाडका बायहा बोणहा मी तीना गोराणान डायला दाकदोन बारामा तुमुह हीम्मोत हाते कोयोह दावुद मार गोयु एने माणहे तेर डीलोह डाकी बी देल्ला एने तेरी मोटप्यो आज लोगोण आपणा वीस्मा से ।

³⁰पेलेन एक कावा बोगवान यी सोप्पत खायीन दावुद राजाह एंहे कोयु के मी तार गोराणामा दोखु एक जोणोह राजा बोणावीन तार राजगादीपोर बोठाडीह यी वात ओतरुज च्यु जाणतलु के तेर राजगादीपोर बोठणारु मोसी आवणेवालु से च्यु दावुद राजा एक बोवीस्या कोयणारु ओतु ।

³¹ज्यो काय ओयणेवालो ओतो च्यो पेलेन जाणीन तेर जीवतु ओयणेन बारामा दावुद से कोयलु एरो मोतलोब यो से च्यु मोरलाम दोखु जीवतु ओये जाहे बोगवान मोसीहोह मोरलाम दोखु जीवतु कोरहे एने बोगवान मोसीन जीव नोरकोमा नी सुडे एने तेर डील सोडने नी देये।³²तीना यीसुह बोगवान जीवतु कोरयु एने च्यु मोरलाम दोखु जीवतु ओयणेन बादमा आमु तीनाह देखला एने आमु एर पुरावा से।

³³सोरगोमा बोगवानोन जेवडीखेर यीसुह बोठाडनेमा बोगवान तीनाह आखा दोखो मोटलो पोद आपलु जेहे च्यु वायदु कोरलु तेहेज बाह बोगवान यीसुह पोवित्र जीव आत्मा आपलु कोरीन यीसु मोसी च्यी पोवित्र³⁴काहाके जेहे यीसु गोयु तेहे राजा दावुद ते तेर डीलो हाते सोरगोमा नी चोडयु पुण च्यु सोता यो कोयु ।

³⁵दावुद सोता बोजन गीतोन पुस्तोकोमा कोयतलु बोगवान मार पोरबुह कोयु के जाहलो गोण मी तार दुस्मोनोह तार पाय मेकणेन पाटडु नी बोणाव देव ताहलोगोण तु मार जेवडी खेर बोठ ।

³⁶पोतरस उंजु कोयु कोरीन तुमु इसरायेल देसोन आखा माणहे पोक्का जाणनु जुवे के जीना यीसुह तुमु कुरुसो पोर चोडावीन खीला ठुकीन मारला ओता तीनाहाज बोगवान पोरबु एने मोसी ठोरावलु ।³⁷माणहे पोतरसोन वात होंबीन तींदरा मोनमा गुनावाला सोमजीन खुब फोस्ताया काहाके च्याज यीसुह मारनारा ओता कोरीन च्या पोतरासोह एने दीहरा नेवतो पुचाडनारा चेलानुह सुस्ता ए बारहों आमु काय कोरजे ।

³⁸ओवतु पोतरस कोयु तुमरामा एकेक जोत पाप खोलने सुरीन बोगवानोखेर मोन फीरावु एने बोगवान बोगवानो खेर मोन फीरावु एने बोगवान तुमरा पापे माफ कोरनेन कोरता यीसु मोसीन नावोमा बाप्तिस्मा लेवु तेतार बोगवान तुमुह पोवित्र जीव आत्मा आपहे ।

³⁹काहाके बोगवान तुमरे कोतरा एने तुमरा पुरान कोरता एने ज्या सेटा सेटा रोयतला तींदरे कोयता पोवित्र जीव आत्मा आपीह कोरीन वायदु कोरलु एने पोरबु बोगवान जीनु माणहोह तेर सोतान पुरया कोरीन नीवाड रोयुह तीनुह बी पोवित्र जीव आत्मा आपहेज।⁴⁰पोतरस उंजु बोगवानोन वातोम दोखा खुब वाते तीनुह सोमजाडयु पोतरस तीनुह रावण्या कोरलु एंवीन एक एडया पीडीन माणहो दोखा सेटा रोयीन बुरहामा तुमु सोताह वाचाड लेवु ।

⁴¹ज्या पोतरसोन वात मानीन यीसु पोर बुरहु कोरया च्या बाप्तिस्मा लेदला एने तेदीह कोमसी कोम तीन ओजार माणहे यीसु पोर बुरहु कोरनारा हाते बेसकाय गोया ।

⁴²नेवतो पुचाडनारा चेला काय काय हीकाडला तीनुह मानता जायीन ज्या यीसुपोर बुरहु कोरतला तीनुहाते मीवीन रोयतला जेतार बी वीस्वस्या टुव्वायतला ते च्या यीसु मोसीन मोतोन ओर कोरनेन कोरता रुटु मुडीन खाता रोया एने आखा मीवीन पोरथना कोरता रोयु ।⁴³नेवतो पुचाडनारा चेला खुब चोमत्कार कोरीन येरुशलेम सेहरोमा रोयणार आखा माणहोम दाक बोराय गोयु ।

⁴⁴ज्या यीसु पोर बुरहु कोरतला च्या मीव मीवीन रोयतोता एने ज्यो तीनु पाह ओतो च्यो आखा च्या आखा चीजे एक दीहराह वाट वापोरतोता ।

⁴⁵च्या तीदंरे तीदंरे खेत मालदोन वेचीन जीनुह जोरुडी ओतो तीनुह पोयहा आपतोता ।⁴⁶दाडीन च्या मोंदीरोमा मीवायतोता यीसुन मोतोन ओर कोरनेन कोरता तींदरा तीदंरा गोरमा एक मोन ओयीन च्या रुटु मुडतोता च्या सीदामोन दोखु खुसीमा खाणे खातोता ।

⁴⁷च्या बोगवानीन बोडायी कोरता गोया एने आखा माणहे तीदंरा इज्जुत कोरतोत पोरबु खुब माणहोह तीना पोर बुरहु कोरीन पापोम दोखा गोयला तीनुह पाडीन मोंडलीमा जुड देतोतु।

Chapter 3

¹एक दिह माणहे पोरथना कोरतला तीन टेमे पोतरस एने युहन्ना बोगवानोन मोंदीरोमा गोया तेतार दीहुन तीन वाज रोया ओता ।

²च्याहरी एक माणुह तेर जोनम दोखु पांगवु ओतु बोगवानोन मांदीरोन जुपा हाते मोंदीरोमा आवणारा पाह बी मांगणेन कोरता माणहे तीनाह दाडीन उचलीन लावतोता तीन जुपाह खुब होबातु जुपु कोयतोता ।

³जेतार पोतरस एने युहन्ना बोगवानोना मोंदीरोमा जातला देखीन च्यु बीख। मांग्यु ।⁴तेतार पोतरस एने युहन्ना तीनाखेर एकहारका बाणया एने पोतरस तीनुह कोयु आमुह बाव ।

⁵यो होंबीन च्यु इनापोर दोखो काय बी जुंडेहे तीनुखेर बाव्यु ।

⁶तेतार पोतरस कोयु तोहो आपणे चोंदी एने हुनो मेहेपोर नींबदे ,पुण ज्यो में हे पोर से च्यो मी तोहो आपोह नाजरी यीसु मोसीन नावोमा उठ एने चाल ।⁷एंहे कोयतु जायीन पोतरस तेर जेवडु आथ दोरीन तीनाह उठाडयु एने लोगेज पागंवान पायोमा एने गुटण्यामा ताकोत आवे लागी ।

⁸च्यु उसवीन तेर पायोन बुरहे उबरोय गोयु एने चालने फिरने बाज गोयु च्यु चालतु कुदतु बोगवानोन ,बोडायी कोरतु कोरतु तीनुहाते मोंदीरोमा गोयु ।⁹बोठा माणहे तीनाह चालतु फीरतु एने बोगवानोन बोडायी कोरतलु देखीन ।

¹⁰च्या तीनाह उवखी लेदया के यु च्युज से ज्यु मोंदीरोन होबाता नावोन जुपे बोठीन बी मांगतोतु च्यु हाजु ओयलु देखीन च्या खुब बोंगलाय ।¹¹हाजु ओयलु च्यु माणुह पोतरस एने युहन्नाह दोरीन उबरोय रोयलु देखीन आखा माणहे खुब बोगंलाय गोया आखा माणहे सुलेमानोन मोटला मोंडप कोयणेन बोरामदला तीनु हाते दोवडीन आव्या ।

¹²यो देखीन पोतरस तीनुह कोयु एइसरायेल देसोन माणहो तुमु यु माणुह चालतलु देखीन काहा बोंगलायला आमु आमरी ताकोतमा एने आमरी बोकतीमा इनाह हाजा कोरला एंहे वीचार कोरीन आमुह एकाहारका काहा बावतलो ।¹³आबराहम इसाक एने याकुबोन बोगवान आपणा डायडायान बोगवान से, च्यु तेर पावोर यीसुन बोडायी कोरलु पुण यीसुह तुमु मार नाखणे होप देल्ला पीलातुस तीनाह सुडावणे वीचार कोरलु ती बी तुमु यीसुन नीकार कोरला।

¹⁴ज्यु पोवित्र एने दोरमी माणुह ओतु तीनाह तुमु नीकार कोरीन तेर बोदले ज्यु खुन कोरलु तीनाह सुडने लागाडया ।¹⁵माणहोह जीवाय आपणाराह तुमु मार नाखला पुण बोगवान तीनाह मोरलाम दोखु जीवतु कोरलु एने च्यु जीवतुह ओयणेन बादमा आमु तीनाह देखला कोरीन आमु तेरु पुरावु से ।

¹⁶यीसुन नावोमा यु माणुह हाजु ओया गोयो एने तुमु जाणतला के यु पेल पागंवु ओतु यीसुन नावोपोर आमु बुरहु कोरला कोरीन यु पुरुन पुरु तुमरा डुवान ओगोव हाजु ओय गोयलु ।¹⁷ए बायह बोणहा मी जाणतलु के तुमु एने तुमरा पुडारीन यीसुज बोगवान मुकोल्लु मोसी से कोरीन ओनजावडामा तुमु यीसुह मार नाखला ।

¹⁸पुण खुब सालोन पेल बोगवान इनी वातोन आखा बोविस्य पेल बोगवान इनी वातोह आखा बोवीस्य कोयणाराह लागाडीन मोसीहोह दुख वेठीन मोरनुज पोडहे कोरीन कोयलु ओतु तीनी वातोह च्यु इनी रीते पुरी कोरलु से ।¹⁹कोरीन एंवी तुमु पाप कोरने सुडीन बोगवानोखेर मोन फीरावु तेतार बोगवान तुमरा पापोह पुरी रीते माफ कोरहे ।

²⁰तेतार पोरबु बोगवानोन हाजरीमा तुमुह आरामोन जीवाय जीवणेन टेमे जुडहे एने च्यु तुमरु मोसी यीसुह ताकले टेमे फोसु तुमुपाह मुकोलहे²¹काहाके जाह लोगोण बोगवान आखानुह आखी बातीन पाप दोखु हुपोर नी ताह लोगोण यीसुह सोरगोमा रोयणु पोडहे बोगवान खुब सालोन पेल तेर पोवित्र बोवीस्य कोयणारानुह लागाडीन कोय रोयलु ओतु ।

²²जेहे मुसा कोयु पोरबु बोगवान मार होस एक बोवीस्य कोयणाराह तुमरे कोरता मुकोलहे च्यु तुमरा सोतान माणहोम दोखुज रोयहे च्यु तुमुह काय कोयतलु च्यो आखो तुमुह होंबोवणुज पोडहे ।

²³कुण बी च्यु बोवीस्य कोयणारु काय कोयतलु च्यो नी होंबे ते च्यु मोर जाहे एने च्यु बोगवानोन माणहोम नी गीणाये।²⁴सामुयेल दोखा तेर फोसोव जोतरा बी बोगवानोन बोवीस्य कोयणारा ओता बी बोगवानोन बोवीस्य कोयणारा ओता एंवी काय ओयतलो तेर बारामा च्या बी पेलेन कोयला ओता ।

²⁵तुमु बोवीस्य कोयणारा पुरया से एने बोगवान तुमरा डायडाया हाते वायदु कोरलु तीना वायदना होकदार से च्यु तुमरा डायला आबराहामोह कोयु मी तारा गोरणा दोखु दोरती पोरला आखा माणहोनुह आसीवाद आपीह ।

²⁶च्यु तुमु आखाह तुमरा खोराब वाटे दोखु वाचाडीन आसीरवाद आपणेन कोरता बोगवान तेर सेवक यीसुह जीवतु कोरीन तुमुपाह पेल मुकाल्यु।

Chapter 4

¹जेतार पोतरस एने युहन्ना माणहो यहुदी वात कोरतोता तेतार पुजारा एक मोंदीरोन राखवावी कोरनारान पुडारी एने सोदुकी पोंथवाला तीदंरु वीरुद कोरने आव्या ।

²काहाके पोतरस एने युहन्ना माणहोनुह यीसु मोसीन ताकोतमा मोरला माणहे बी जीवता ओय जाहोत कोरीन तीनुह खुब सोताप चोडयु।

³तीनामा च्या पोतरस एने युहन्नाह दोरीन दीहरे दीह लोगोण जेलोम कुंड देल्ला काहाके हाजपोर ओय गोयलो ओतो ।

⁴पुण ज्या पोतरस एने युहन्नान होंब्या च्या होंटा माणहे यीसुपोर बुरहु कोरला एने ज्या यीसुपोर बुरहु कोरला ओता च्या कोम सी कोम पांच ओजार माणहे ओता ।⁵दीहरे दीही येरसलेमो मायला येहुदीन पुडारीनु एने दोरमोन डायला येहुदीन नेम हीकाडनारा ।

⁶मुखी पुजारा होन्ना एने केयफा एने युहन्ना एने सीकंदर एने मुखी पुजारान गोराणा मायला येरुसलेमान एक जागे टुववायला ओता ।

⁷च्या पोतरसोह एने युहन्नाह वीस्मा उबराखीन फुस्या तुमु यो काम कुणीन ताकोतोमा एने कुणीन नावोमा कोरला से।⁸तेतार पोवित्र जीव आत्मा पोतरसोह पुरी रीते काबामा कोरली एंने च्यु तीनुह कोयु।

⁹ऐ माणहोन आदीकारी एने यहूदी माणहोन डायला आमु इना वागवाह हाजा कोरला तेर बारामा सोयाल फुसतला के यु केहेक हाजु ओय गोयलु कोरिन तुमू जाणने वीचार कोरतला के ।

¹⁰नाजरी गांव वावा यीसु मोसीहोह तुमु कुरूसोपोर चोडावीन खीला ठुकिन मार देल्ला पुण बोगवान तीनाह मोरलाम दोखु जीवतु कोरलु तुमु आखा इसरायेली माणहे जाणनु जुवे के ताकोतवावा यीसुन नावमा हाजु ओयीन यु तुमरे ओगोव उबरोय रोयुह।¹¹यीसु गोर बोणावणारा मीस्तरया वायबार सोमजीन बारथे काडला दोगडान होस से पुण च्युज दोगडु गोरोन पायान खुणान दोगडु बोण गोयु ।

¹²यीसुह सुडीन दीहरु कुण बी आपुह वाचाड नी सोके काहाके सोरगोन नेडो इनी आखी कोवीमा यीसुन नाव सुडीन दीहरो नावुज नींबदे तेर नाव दोखा आपु पापोम दोखा वाच सोकतला ।¹³पोतरस एने युहन्नान हीम्मोत देखीन येहुदी पुडारीनु बोंगलाय गोया काहाके च्या खास माणहे नी ओता एने लेखला बी नी ओता उंजु या यीसु हाते रोयला कोरीन जाण गोया ।

¹⁴येहुदी पुडारीनु ज्यु हाजु ओयीन पोतरस एने युहन्ना हाते उबरोयतलु तीनाह देखीन तीदरे वीरुदमा कायीज नी बुल सोकया ।¹⁵कोरीन येहुदी पुडारीनु एने युहन्नाह पोंचुमा दोखा बारथे नीकोवणे हुकुम आपीन च्या तींदरे तीदंरे वात कोरने बाज गोयला ।

¹⁶आपु इनु माणहोनुह काय कोरजे काहाके येरुशलेम सेहरोमा रोयणारा जाणतला के या माणहे मोटला मोटला चोमत्कार कोरला कोरीन यो खोरो नींबदे एंहे आपु नी कोय सोकतला ।

¹⁷पुण यी वात माणहोम होंटी पोसोरनु नी जुवे कोरीन इनुह आपु दोमकी देता के फोसा यीसुन नावोन बारामा काल्ला बी माणहो हाते या वातु नी कोरनु जुवे ।

¹⁸तेतार येहुदीन पुडारीनु पोतरस एने युहन्नाह हादया एने हुकुम आपीन तीनुह कोया कोदी यीसुन नाव बी जुण नी ते देखजु ।¹⁹पुण पोतरस एने युहन्ना तीनुह जोपाप आप्या तुमुज नीयाव कोरु काय हाजो से बोगवानोन नोजरोमा आमु बोगवानोन वातोह सुडीन तुमरी वात मानजे के ।

²⁰काहाके ज्यो काय आमु देखला एने होंबोवला च्यो आमु दीहराह कोये बीगुर नी रोय सोकतला ।²¹तेतार येहुदीन पुडारीनु पोतरस एने युहन्नाह दोमकी दीन मुकली देल्ला माणहोह देखीन च्या गाबरीन तीनुह डोंड नी आप सोकया काहाके च्यो काय ओमली च्यो देखीन आखा माणहे बोगवानोन बोडायी कोरतोता ।

²²ज्यु माणुह चोमत्कार मा हाजु ओयलु ओतु च्यु चावीह दोखु होंटा वोयोन ओतु ।²³पोतरस एने युहन्ना च्याहारी दोखा सुटीन तींदरा दीहरा वीस्वास्यानुह मीवाया एने च्या डायला पुजारा एने डायला तीनुह ज्यो काय कोमाय ओता च्यो आखो तीनुह कोयाप्या ।

²⁴वीस्वास्या यों होंबीन आखा मीवीन एक मोन लागाडीन बोगवानोह पोरथना कोरया ए मालीक तुज सोरगे एने दोरती एने दोरीयो एने तीनुमा ज्यो काय से च्यो आखो उबजाडलु से।

²⁵आमरु डायला दावुद राजा तार सेवक ओतु पोवित्र जीव आत्मान मोदत दोखु च्यु कोय बोगवानो पोर बुरहु नी कोरनारा दीहरा जातीन माणहो काहा खुब खोतायतला एने आखा देसाने माणहे काहा वायबार बोजोट लागाडतला ।²⁶पोरबु एने तेर नीवडला मोसीन वीरुदमा दोरतीन राजा होंबा उबरोयीन आदीकारीन एखठा ओय गोयला से।²⁷यो आखो इन येरुसलेम सेहरोमा ओयलो हेरोदेस पुन्तीयुस पीलातुस एने बीगुर येहुदी एने इसरायेली माणहो हाते यीसु तारु पोवित्र सेवक जीनाह तु मोसी कोरीन नीवाडलु से तेर वीरुद कोरने खोराखोर एकठा ओयलो से ।

²⁸काहाके ज्यो काय तारी ताकोत एने मोरजी दोखो पेलेन ठोरावलो से च्यो पुरो ओयणेन कोरता आखा टुव्वयीन आव्या ।²⁹एंवी ए पोरबु तीदंरी दोमकी होंबोव एने तार चेलानुह तारी वात हीम्मोत हाते हुकाडने मोदत कोर ।

³⁰मांदला माणहोह हाजा कोरीन एने खुब मोटला मोटला चोमत्कारे कोरने तु तार ताकोत माणहोह देखाडजी तेतार आमु तार पोवित्र चेला यीसुन ताकोतवावान नावोमा मोटला मोटला चोमत्कार कोर सोकतला ।

³¹च्या पोरथना कोरीन नोवरायला तेतार ज्याहारी च्या टुव्वाय रोया ओता च्यु जागु आल गोयु एने पोवित्र जीव आत्मा तीनुपोर उतरी एने च्या बोगवानोन वात हीमोत हाते हिकाडता रोया ।³²आखा यीसु पोर बुरहु कोरणारा एक मोन एने एक जीव ओयीन रोयतोता एने कुण बी जेर तेर मालदोनोह सोतान से एंहे नी सोमजेतला ज्यो काय तीनुपाह ओतो च्यो आखो एक दीहराह वाट वाटीन आपतोता।

³³पुण नेवतो पुचाडनारा चेला पोरबु येशु मोरलाम दोखु जीवतु ओयणेन गोवायी खुब ताकोत हाते आपता रोया एने तीनु आखा पोर पोरबुन होंटी दोया ओती ।³⁴तीनुमा कुण बी गोरीब नी ओतो काहाके जीनु पाह जागु एने गोर ओता च्यो आखो वेची वेचीन ।

³⁵जीनुह जोरुडी ओतो तीनुह वाटणेन कोरता पोयहा लावीन नेवतो पुचाडनारा चेलान पायो हाते मेकतोता ।³⁶वीस्वसीमा युसुफ नावोन एक लेवी गोराणान माणुह ओतु च्यु कुपरुस गावोन रोयणारु ओतु नेवतो पुचाडनारा चेला तीनुह बोरनबास कोरीन बुलाडतोता एर मोतलोब हीम्मोत आपणारान पुरयु से।

³⁷तेरो एक खेत ओतो च्यु तीनाह वेच्यु एने तेर पोयहा नेवतो पुचाडनारा चेलान पाय हाते लावीन मेक देण्यु ।

Chapter 5

¹होनन्या नावोन एक माणुह ओतु च्यु एने तेरी लाडी सोफीरा तींदरो थुडोक खेत वेच्या ।

²खेत वेचीन च्या तीनु पोयहामा दोखा थुडाक पोयहा ठावकाज मेक लेदया यी वात तेर लाडीन बी मालुम ओता होनन्या तीनाम दोखा रोयला पोयहा नेवतो पुचाडनारा चेलान पाय हाते लावीन भेक देण्यु।³तेतार पोतरस तीनुह कोयु ए होनन्या बुतडाह तार कोरता मेकीन पोवित्र जीव आत्माह ठोग देल्लु ।

⁴काय तार खेतह वेचणेन पेल तारो नी ओतो के तु खेत वेचीन ओवतु बी च्या पोयहा तोहो जेहे पोटे तेहे कोर सोकतोतु ने ओहलो काम कोरने तु मोनमा तु आमुह नी पुण बोगवानोन ठोगलु से।

⁵यी वात होंबोवताज होनन्याह बुयपोर पोडीन मोरजी गोयु ओवतु होंबोवणारा ओता आखा खुब बी गोया ।

⁶ओवतो थुडाक गुवाव्यु आव्या एने वोडोन डावीमा पेटावीन बारथे लीजायीन डाक देण्या ।⁷होनन्या मोरीन तीन तासोन बादमा तेर लाडी सोफीरा गोरोन मायली आवी पुण तेर माटी मोरलु च्यो तीनाह मालुम नी ओतो

⁸तेतार पोतरस तीनाह कोयु तुमरो खेत तुमु ओतरामाज वेचला ओता के मेहे कोय तेतार सोफीरा कोयी होव ओतरामाज वेचला ओतो ।⁹पोतरस तीनीह कोयु पोरबु बोगवानोन पोवित्र जीव आत्माह फवोकणे तु एने तार माटी एक मोन ओयीन काहा राजी ओय गोयला देख तार माटिन डाकीन आवणारा माणहे जुपान पाटी उबरोय रोयाह एने च्या तोहो बी बारथे लीन जाहे ।

¹⁰तेतार सोफीरा लोगेज तेर पायोमा पोडीन मोरीज गोयी च्या जुवान्या मायता आव्या एने तीनाह मोरला देख्या एने तेरो दोड बारथे लीजायीन तेर माटी हाते डाक देण्या ।

¹¹आखी मोंडली मायला एने दीहरा बीइ इन वातोन बारामा होंबीन खुब गाबरी गोया ।¹²नेवतो पुचाडनारा चेलान खुब चोमत्कार कोरला आखा वीस्वासी माणहे एक मोन ओयीन येरुशलेम सेहरोमा मोंदीरोन सुलेमानोन मोंडप कोयणेन बोरदामा होमेस्या टुव्वायतोता ।

¹³दीहरा माणहे यीसुपोर बुरहु नी कोरतला तीनुमा एक बी वीस्वास्या हाते बेसकायणे गाबरतोता पुण आखा माणहे वीस्वास्याह खुब मान पान आपतोता ।¹⁴खुब होंटा माणहो एने बायरा पोरबु पोर बुरहु कोरने बाज गोयला एने यीसु पोर बुरहु कोरनारा हाते जुडायता गोया ।

¹⁵तीनामा माणहे उंजु मादलानुह खाटलापोर एने जुव्वामा लुटाडीन लावीन सोडको पोर लुटाड देतोता काहाके पोतरस आवे ते तेरु साव्वु तोरी तीनुपोर पोड जाहे एने च्या हाजा ओय जाहे ।

¹⁶येरुसलेमोन आहने पाहनेन सेहरोन खुब माणहे नेवतो पुचाडनारा चेला हाते आव्या एने च्या मांदलाह एने बुतडु बोरायला माणहोह लावतोता एने आखा हाजा कोरणेम आवतोता ।¹⁷तेतार मुखी पुचारा एने तेरा हातेल्ला येहुदीन पुडारी सोदुकी पोंथ वालानु आखा खास चेलानुह कुयरायणे बाज गोया ।

¹⁸कोरीन च्या नेवतो पुचाडनारा चेलानुह राखवावी कोरनाराह लागाडीन कुंडाड देल्ला ।¹⁹पुण रातीन वेवा पोरबु बोगवान मुकोल्लु एक सोरगदुत जेलोन जुपु उगाडीन जेलोम दोखा बारथे काडीन तीनुह कोयु ।

²⁰मोंदीरोमा जावु एने च्यांहरी उबरोयीन यीसु आपतलु आखी नोवलो जीवायोन वातोन बारामा माणहोह कोयजु ।

²¹यो होंबीन सोरगदुत जेहे नेवतो पुचाडनारा चेलानुह कोयलु तेहे मानीन होंदारे मोंदीरोमा गोया एने बोगवानोन हाजी खोबोर माणहोह हीकाडता गोया तेतार डायला पुजारा एने तेर हातीह एखठा टुव्वायीन जातीन आखा पुडारयान बोयठोक ओयी ओवती च्या खास चेलानुह लावणेन कोरता राखवावी कोरनाराह जेलोमा मुकल्या ।²²जेतार आमु जेलोमा गोया एने देखला के जेलोन जुपु होस कोरीन लागाडलु ओतु एने राखवावी कोरनारा जुपा हाते उबरोय रोयला ओता पुण आमु जुपु उगाडीन माय गोया ते जेलोमा कुणीज नी देखायो ।

²³जेतार राखवावी कोरनारा जेलोम गोया ते च्यांहरी पोतरस एने युहन्ना तीनुह काय नी सापडया कोरीन च्या आवीन येहुदीन पुडारीनुह खोबोर कोरया ।²⁴यो होंबीन मोंदीरोमा सोयनी कोन पुडारी एने डायला पुजारा फीकुर मा पोड गोया एने विचार कोरणे बाज गोया के एवी काय ओयहे ।

²⁵एने थुडाक माणहे च्याहरी आव्या एने तीनुह कोया जीनु माणहोह तुमु जेलोमा कुंडला ओता च्या ते बोगवानोन मोंदीरोमा उबरोयीन माणहोह वातु देखाडणे बाज रोयहे ।²⁶तेतार सोयनीकोन टुवान मुखी पुडारी मोदीरोन राखवावी कोरनारान सिपायडा हाते जायीन एने नेवतो पुचाडनारा चेलानुह फोसा दोरीन माणहे तीनुह दोगडाट हाते कोरीन गाबरतोता ।

²⁷राखवावी कोरनारा येहुदीन पोंचुन ओगोव नेवतो पुचाडनारा चेलानुह लाव्या एने तींदरे ओगोव तीनुह उबराख्या ओवतु मुखी पुजारु तीनुह सोवाल फुस्यु ।

²⁸आमु तुमुह यीसुन नावोमा काय नी हीकाडनु कोरीन कोयला ने ती बी तुमु आमरी वात नी मान्या एने आखा येरुशलेमान माणहोह तुमु तेर बारामा हीकाडला एने तुमु इना माणहोन लुयोन गुनु आमुपोर लागाडने हुत्तला ।²⁹तेतार पोतरस एने दीहरा नेवतो पुचाडनारा चेला बी कोया माणहोन वात माननेम दोखो बोगवानोन वात माननुज आमरे कोरता खुब जोरुडी से।

³⁰तुमु यीसुह कुरुसोपोर चोडावीन खीला ठुकीन मार देला पुण आमरा डाय डायान बोगवान ते यीसुह मोरलाम दोखु जीवतु कोरयु ।

³¹बोगवान यीसु पोरबुह खुब उंचा पोदो पोर मेकयु बोगवान तीनाह सोरगोमा लीजायीन तेर जेवडे आथे खेर तीनाह बोठाडीन माणहोपोर राज कोरनेन कोरता एने तीनुह वाचाडनेन कोरता आदीकार आप्यु आखा इसरायेली माणहोन मोन पाप दोखा मोन फीरावीन बोगवानो खेर दावणेन कोरता एने बोगवान तीदंरा पाप दोखा तीनुह माफ कोरनेन कोरता बोगवान इनसेहे कोरलु ।

³²ज्यो ओयलो इनी आखी वातोन आमुज पुरावु से ज्या तेरी वात मानतला तीनु आखानुह बोगवान पोवित्र जीव आत्मा आपलु से यी आखी वात खोरी से कोरीन च्यी पोवित्र जीव आत्मा बी पुरावु से।³³जेतार येहुदीन पुडारया पोतरस एंहे कोयतलु होंब्या ते तीनाह सोताप चोंड गोयु एने तीनुह मार नाखणेन विचार कोरया ।

³⁴पुण गोमलीयेल नावोन एक फरीसी पोंथवाला ओतु च्यु येहुदी नेम हीकाडनारु गुरु ओतु एने आखा माणहे तीनाह मान पान आपतोता च्यु पोंचुमा उबरोयीन खास चेलानुह थुडुक टेम लोगोन बारथे काडणे लागाड देल्ला ।³⁵च्यु येहुदीन पोंचु मायलाह कोयु ए मारा इसरायेल देसोन माणहो इन माणहो हाते काय बी तुमु कोरनेन पेल हाजीहुते विचार कोरजु ।

³⁶इना दीधॆन सालोन पेल थीयुदास रोमी सोरकोन वीरुद कोरयु एने माणहोन ओगोव मी खुब मोटलु माणुह से कोयीन देखावु कोरतोतु तेर पालटीमा च्यार होव माणहे जुडाय गोयला पुण थीयुदास माराय गोयु एने तेरा जोतरा बी चेला ओता च्या इंखेर तीखेर दोराय गोयला च्या कायीज नी कोर सोकया ।

³⁷ओवता माणहोन नाव नोदावणेन दीहोमा गोलील जीलाम दोखु येहुदा नावोन एक माणुह आव्यु खुब माणहोह तेर हिकोमा बोनकाडीन तेर पालटी बोणाय लेदलु पुण च्यु बी माराय गोयु एने तेरो मानीन चालनारा बी आखा इखेर तींखेर वेराय गोया ।³⁸कोरीन मी एंवी तुमुह कोयोह इन माणहोनुह कायीज वीरुद जुण कोरता एने इनुह सुड देवु जोर या सोतान मोन दोखा हीकाडतला एंने कोरतला च्यो वारुज दीहो नी टिके ।

³⁹पुण जोर इदंरो बोजोट बोगवानो खेर दोखो रोये ते तुमु इनुह कोदी बी नास नी कोर सोके जोर तुमु ओहलो कोरे ते तुमु बोगवान हाते जुलायणारा गीणायहे ।⁴⁰तेतार च्या गोम लीयेलोन वात मान लेदया ओवता च्या नेवतो पुचाडनारा चेलानुह मायता हादया एने तीनुह कुटीन यीसुन नावोन बारामा फोसा माणहोह जुण कोयता कोयीन हुकुम आपीन सुड देण्या ।

⁴¹नेवतो पुचाडनारा चेला खुब खुस ओया काहाके यीसु मोसीन नावोन कोरता दुःख वेठणे बोगवान तीनुह लायोक ठोराव्यु कोरीन च्या खुसीमा च्याहरी दोखा जात रोयला ।

⁴²नेवतो पुचाडनारा चेला दाडीन बोगवानोन मोंदीरोमा एने एकेक गोर जायीन च्या माणहोह हीकाडता एने पोरचार कोरता जायीन यीसुज बोगवान मुकोल्लु मोसी से कोरीन माणहोह कोयतोत।

Chapter 6

¹तीना दीहोमा खुब येहुदी माणहे चेला बोणीन यीसुपोर बुरहु कोरने बाज गोयला युनानी बास्या बुलनारा इबरानी बास्या बुलनारा नुह कुडकुड कोरने बाज गोया २) काहाके आमरा रोडायला वीस्वसी बायरानुह इबरानी माणहे बोराबोर दाडीन खाणो नी वाटतला एंहे कोयणे बाज गोया ।²यो होंबीन च्या नेवतो पुचाडनारा बारा चेला येरुसलेमोन आखा वीस्वासीनुह एखठा हादीन तीनुह कोया बोगवानोन बारामायली वात दीहराह कोयणे एने हीकाडने सुडीन आमु रोडांयला बा ।

³कोरीन ए बायह बोणहा तुमरामा दोखा सात माणहोह नीवाडु च्या हाजा गुणोमा नावलायता माणहे जुवे एने ओक्कोलवावा रोयणु जुवे एने पुरान पुरा पोवित्र जीव आत्मान ओगवायी मानीन चालनारा रोयणु जुवे तेतार आपु तीनुह इन कामोन कोरता नीवाडहु ।

⁴आपु पोरथना कोरता एने बोगवानोन वात हीकाडनेन सेवा कोरता रोयुह ।⁵नेवतो पुचाडनारा काय कोयला च्यी वात आखा माणहोनुह नीवडला तींदरा नावे च्यांहरी लेखाय रोयाह इस्तीफनुस ज्यु पोवित्र जीव आत्मान ओगवायीमा रोयीन यीसुपोर पोक्कु बुरहु कोरतोता फीलीप्पुस पुरुखुरुस नीकानोर तीमोन पोरमीनास एने आंताकीयावावु नीकुलावुस ज्यु यीसुपोर बुरहु कोरनेन पेल येहुदी ओता ।

⁶तीनु सात जोणोह नेवतो पुचाडनारा चेलान ओगोव उबराख्या तेतार च्या एकेकोन मुडोपोर आथ मेकीन तीदंरे कोरता पोरथना कोरया ।⁷वीस्वास्या बोगवानोन बारामा खुब माणहोह वात देखाडता रोयला एने येरुशलेम सेहरोमा रोयणारा होव चेला माणहे एने पुजारानु बी यीसुपोर बुरहु कोरने बाज गोयला ।⁸बोगवान इस्तीफनुसोन माणहोन वीस्मा मोटला मोटला चोमत्कार कोरनेन दोया एने ताकोत आपलु ।

⁹पुण थुडाक येहुदी माणहे इस्तीफनुसोन वीरुद कोरतोता याज येहुदी माणहे गुलामी मेंबर ओता एने या माणहे कुरेनी सेहरोन एने सीकंदरीया सेहर मायला एने कीलकीया जीलान एने आसीया जीलान ओता याज इस्तीफनुसो हाते वातोमा ओखडी जोखडी पोडने बाज गोयला ।¹⁰पुण पोवित्र जीव आत्मा तीनाह खुब मोदती कोरली एने खुब ओककोल आपली तीनामा ज्या तेर वीरुद कोरतोता च्या तेर वीरुद कोरतोता च्या तेर वीरुद मा कायीज नी बुल सोकया ओहलो च्यु बुल्यु ।

¹¹ओवता च्या माणहे चुराये थुडाक माणहोह ठोगीन पुरावु आपणे लागाडया एने च्या कोया इस्तीफनुस मुसान एने बोगवानोन वीरुद मा नाव बोदो कोरतलुन आमु होंबोवला से।¹²यो होंबीन येहुदी पुडारीनु एने येहुदीन नेम हीकाडनारा खुब खोताय गोया च्या आपीन इस्तीफनुसोह दोरीन येहुदीन पुडारीन मोटला मोटला पोंचुन ओगोव आव्या ।

¹³ओवता च्या थुडाक माणहोह इस्तीफनुसोन वीरुद ठोग पुरावु आपणे उबराख्या एने च्या कोया यु माणुह बोगवानोन पोवीत्र मोंदीरोन एने येहुदीन नेमोन वीरुद होमेस्या बुलतलु ।

¹⁴एने आमु इनाह यो कोयतलु होंबोवला के यीसु नाजरी गाव दोखु से इना बोगवानोन मोंदीरोह उदार देहे एने मुसा आपुह आपलु तीनी रीतोह बोदली देहे ।

¹⁵यो होंबीन ज्या येहुदीन पोंचु मा बोठ रोयला ओता च्या आखा माणहे इस्तीफनुस खेर एकहारका बाण्या तेतार तेरो मुख सोरगदुतोन होस चोमकतलो तीनुह देखायो ।

Chapter 7

¹तेतार मुखी पुजारु इस्तीफनुसोह फुस्यु या माणहे काय कोयतला च्या खोरो से के ।

²ओवतु च्यु मुखी पुजारु एने दीहरा येहुदीन पुडारीनुह मारी वात होंबु आबराहाम हारान देसोमा वोहणेन पेल च्यु मेसोपोटामिया जीलामा रोयतोतु तेतार आपणु मोहीमान मोटलु बोगवान आपणा डायला बाबा आबराहामोह देखायलु ।

³ओवतु बोगवान आबराहामोह कोयु तु तार देस एने तार गोराणाह सुडीन ज्यांहरी मी तोहो देखाडीह च्याहरी जाजी ।⁴कोरीन आबराहाम कोसदीयान देस सुडीन हारान सेहरोमा जायीन रोयणे बाज गोयु आबराहामोन बाबु मोरनेन बादमा बोगवान तीनाह ज्यांहरी एवी तुमु रोयतला च्याहरी मुकोल्लु ।

⁵तीने टेमे बोगवान आबराहामोह यांहरीन जागु वारीसोन होस कायीज नी आप्यु तेर सोतान कोरता पाय मेकणे एक फुट जागु बी नी आप्यु पुण बोगवान वायदु का कोरलु के मी तोहो एने तार गोराणाह यो देस आपीह जेतार बोगवान आबराहामोह यु वायदु कोरलु तेतार तेर पुरया बी नी ओता ।⁶बोगवान आबराहामोह एंहे कोयु तारो गोराणो पोराया माणहोन होस पोराया देसोमा वारुज साल रोयहे तीना देसोन माणहे तीनुह गुलामोन होस रोखहे एने च्यार सो साल लोग बोवजोबरी काम कोरावीन वेला पाडहे ।

⁷ओवतु बोगवान कोयु पूण ज्या तार गोराणाह गुलाम बोणावला ओता तीनुह मी डोडं आपीह ओवता तार गोराणान माणहे तीना जागाह सुडीन इना जागामा आवीन मारी बोकती कोरहोत ।

⁸बोगवान आबराहामो हाते वायदु बोणावलु तीना वायदान नीस्याणी चामडो कातोरनेन रीत ओती कोरीन जेतार च्यु आठ दीहोन ओतु तेतार आबराहाम तीनान चामडो कातोरनेन रीत कोरलु इसाक बी तेर पुरयान याकूबोन चामडो कातोरनेन रीत कोरलु याकुब बी तेर पुरयान चामडो कातोरनेन रीत कोरलु याकुबोन पुरया आपणा माणहोन बारा कुलोन डाया डाया बोण गोयला ।⁹आमरा या डायडायानु तेर बायह युसुफोह कुयरायीन तीनाह मीसर देसोमा वेच देल्ला पुण बोगवान तीना हातेत ओतु।

¹⁰एंने बोगवान तीनाह तेर आखी मुस्कील दोखु सुडावलु तीनाह खुब ओककोल आपलु कोरीन मीसरोन राजा फीरोनोह च्यु पोट गोयु एने तीनाह मानपान आपलु तीनाह मीसर देसोन मोटलु पुडारी बोणावलु एने तेर ओवालीमायता आखा माणहोपोर आदिकार आपलु।¹¹(११)ओवता मीसर एने कोनान देसोमा काव पोड्यु एने माणहे खुब दुःख वेठला एंने आपणा डायडायानुह खाणे बीकायीज नी ओतो।

¹²(१२) याकुबोह मालुम पोडयो के मीसर देसोमा दाणा से कोरीन च्यु तेर पुरयानुह च्याहरी मुकोल्लु च्या मीसर देसोमा पेल्लीवर गोया।

¹³(१३)जेतार च्या मीसर देसोमा दुसरी वार गोया युसुफ तेर बायहोनुह च्यु कुण से कोरीन देखाइया तेतारुज मीसर देसोमा राजा फीरोनोह युसुफोन जातीन बारामा मालूम पोडयो।¹⁴तेतार युसुफ तेर बाह याकुबोह एने तेरा आखा कुटुमो मायलाह तेर हाते लावणे माणहो मुकोल्लु च्या आखा मीवीन सोत्तोर ने पांच माणहे ओता ।

¹⁵ओवतु याकुब मीसर देसोमा गोयु मीसर देसोमाज च्यु एने तेर गोराणोन डायडायानु बी मोर गोयला।

¹⁶आखरी दीहोमा तेर पुरया तींदरे दोडे सेकेम सेहरोमा जीनाह आबराहाम एमोरोन पुरया पोर वेचातु लेदलु ओतु तीना मोटटयामा मेकला ओता ।¹⁷जेतार बोगवान आबराहाम हाते कोरलु ओतु च्यु वायदु पुरु ओयणेन टेम आव्यु ते मीसर देसोन माणहे खुब होंटा ओय गोयला ।

¹⁸खुब सालोन बादमा मीसर देसोन दीहरु राजा बोण्यु च्यु युसुफ कुण से कोरीन नी जाणतोतु ।

¹⁹च्यु राजा चालाकीमा आपणा माणहोह खुब सोतानतोतु के आपणा डायडायानुह तींदरा आयतला पुरयापारी लोगोण मोर जाणु जुवे कोरीन खुदरामा नाखणे हुकुम आप्यु ।²⁰तीने टेमे मुसा पोयदा ओमु ते बोगवानोन ओगोव च्यु खुब होबातु पुरयु ओतु तेर आय बाह तीनाह लीकाडीन तीन मोयना लोगोण तीदंरा गोरमा पुहला ।

²¹ओवतु मुसाह बारथे नाखणेम आव्यो तेतार फीरोन राजान सुरी तीनाह चुट लेदली एने तेर सोतान पुरयो बोणावीन तीनाह पुहली ।²²मीसर देसोन माणहोन ओककोलोन वात आखोज मुसाह हीकाडला च्यु वातोमा एने कामोमा ताकोतवावु ओतु ।

²³जेतार मुसा चावीह वोरहोन ओतु तेतार एक दीही तेर इसरायेल देसोन तेर होगा एने बायह बोणहाह मीवायणे तेर मोनमा विचार कोरलु ।

²⁴तेतार च्यु एक मीसर देसोन माणुह इसरायेल माणहोह उलटो नीयाव कोरतलु देख्यु कोरीन च्यु इसरायेल माणहोह मोदत कोरनेन कोरता गोयु एने च्यु तीना मीसर देसोन माणहोह मारीन बोदलु लेदयु ।

²⁵तेर सोतान इसरायेल माणहोह बोगवान इनाह लागाडीनुज वाचाडहे कोरीन च्या सोमजी जाहोत एंहे मुसा विचार कोरलु पुण तीनाह च्या काय नी सोमज्या ।²⁶दीहरे दीही मुसा इसरायेली देसोन दुय जोण एक दीहरा हाते जुलायतला देख्यु तेतार च्यु तीनाहाते गोयु एने तीनुह मेवाप कोरणेन कोरता सोमजाडयु तुमु ते बायहे बायहे से काहा एक दीहरा हाते उलटो नीयाव कोरतला ।

²⁷पुण ज्यु माणुह दीहरा माणहोह उलटो नीयाव कोरीन ठुकयु च्यु मुसाह डेखली देण्यु एने कोयु तोहो कुण आमुपोर राज कोरनारु एने नीयाव कोरनारु ठोरावलो से।

²⁸काय काल तु मीसर देसोन माणहोह मार नाखलु तेहेज मेहे बी मारने हुत्तला के ।²⁹जेतार मुसा यी वात होंब्यु ते मीसर देस सुडीन नाह गोयु एने मीदयान देसोमा पोरायु बोणीन रोयणे बाज गोयु च्याहरी तेर वीयाव ओयीन दुय पुरया ओयला ।

³⁰चावीह सालोन ओवतु जेतार मुसाह सीने बोयडा हाते उजाडी जागामा बोगवानोन एक सोरगदुत होलगतला काटान जाडोमा देखायु ।³¹जेतार मुसा यो देख्यु ते च्यु खुब बोगलाय गोयु एने होलगतला जाडो हाते गोयु तेतार पोरबु तीनाह एंहे कोयतलु होंब्या।

³²मी तारा डाय डायान आबाराहाम इसाक एने याकुबोन बोगवान से यो होंबीन मुसा बीन कापणे बाज गोयलु एने तीना होलगतला जाडोखेर बावणे बी बीतोतु ।³³तेतार पोरबु बोगवान मुसाह कोयु तार पायो मायला चाटया काड दे काहाके जीने जागे तु उबरोय रोयुह च्यु जागु पोवीत्र से।

³⁴मी बी मीसर देसोम मार माणहोन तोरास देखलु से मी च्या काहतलु एने रोडतला होबोंवलु से कोरीन मी तीनुह सुडावणेन कोरीन उतोरलु से मुसा चाल एंवी मी तोहो फोसु मीसर देसोमा मुकोलतलु ।³⁵यु मुसा ज्यु इसरायेल माणहोह मोदत कोरने कुसीस कोरलु पुण च्या ते तेरो नी होंब्या च्या तीनाह कोया तोहो कुण आमुपोर राज कोरनारु एने नीयाव कोरनारु ठोरावलो से पुण बोगवानोन सोरगदुत ज्यु मुसाह होलगतला काटावाला जाडोम देखायु च्यु तीनाहाज तुमुपोर राज कोरने एने मीसर माणहोन गुलामोमा दोखु सुडावणे मुकोल्लु से

³⁶कोरीन मुसा इसरायेल माणहोह मीसर देस दोखु काडीन लावलु मीसर देसोन रातला दोरीयामा एने चावीह साल लोगोण उजाडी जागामा खुब बातीन चोमत्कार कोरलु ।

³⁷यु ज्युज मुसा से ज्यु इसरायेली माणहोन कोयु मार होस एक बोवीस्य कोयणाराह बोगवान तुमरे कोरता मुकोलहे च्यु तुमरा माणहो मायलु एक रोयहे च्यु तुमुहा काय कोयतलु च्यो आखो तुमुह होंबोवणुज पोडहे ।³⁸यु ज्युज मुसा से जेतार च्या उजाडी जागामा टुव्वायला तेतार आपणा इसरायेल डायडाया हाते ओतु एने सीने बोयडापोर वातु कोरलु सोरगोदुतो हाते ओतु एने तीनाहाज लागाडीन बोगवानोन जीवतली वात आपु आपणेन कोरता जुडली ओती ।

³⁹पुण आपणा डायडाया मुसान वातु मानने मोन नी लागाडया च्या मुसा काय कोयलु च्यो नी मान्या एने फोसा मीसर देसोमा जाणे हुत्तोता ।

⁴⁰च्या हारुनोह कोया आमरे कोरता आमुह चालाडीन फोसा लीजाये ओहला देवे बोणाव काहाके मुसा आमुह मीसर देस दोखु काडीन लाव्यु पुण तीनाह काय ओयलो च्यो आमुह नी मालुम ।⁴¹कोरीन माणहे वासडान एक मुरती बोणावला ओवता तेर ओगोव जोनवर मारीन बादा चोडावला एने च्या बोणावला ओता मुरतीन ओगोव पुजा पाट कोरीन मोज्या मारला ओता ।

⁴²कोरीन बोगवान तीनुपोर खुब सोताप कोरलु एने च्यु तीनुह सोरगो मायला दीहोन चांदोन एने तारान पुजा पाट कोरने सुड देल्लु बोवीस्या कोयणारान चापडामा बोगवान कोयतलु ए इसरोली माणहो तुमु जेतार उजाडी जागामा चावीह साल लोगोण ओता तेतार तुमु जोनवरोह मारीन आगठमा बुंजीन चोडावला एने ओनोह बी आगठमा बुंजीन होमोन बादा चोडावला यो आखो मारी पुजा पाट कोरने कोरीनुज कोरला काय ।⁴³मोलेक देवोन मुरतीने एने रीफान देवोन तारान मुरतीन तोंबु तुमरे हाते खांदापोर लीन फीरतोता या मुरल्या तुमु पुजा कोरने कोरीन बोणावला ओता कोरीन बाबुल देस दोखा सेटा मुकलीन मी तुमुह डोंड आपीह ।⁴⁴बोगवान आमरा डायडाया हाते पोवित्र तोंबामा बुलतोतु तोंबु तीनाहाते उजाडी जागामा ओतु बोगवान कोरीन कोयतोतु एने बोगवान जेहे सीने बोयडापोर देखाडया तेहेज च्यु पुरावान तोंबु बोणावलु ।

⁴⁵मुसा मोरयु तेतार योहोस पुडारी बोण्यु ते यु तोंबु आपणा डायडायान आथोमा दोखु आपणा डाय डायान आथोम आप लाग्यु तेतार बीगुर येहुदी माणहे रोयतोता कोरीन बोगवान आपणा डाय डायान ओगोवुज बीगुर येहुदी वालानुह तीना देसोमा दोखु काड देल्लु च्यु तोंबु योहोसुन ओगवायीमा यांहरी लाव्या एने तोंबु यांहरी दावुद राजान टेमे लोगोन आपणा डाय डायान आथोमा रोयु ।

⁴⁶बोगवान दावीर पोर दोया कोरलु कोरीन याकुबोंन गोराणा मायला बोक्ती कोरनेन कोरता तोंबान बोदले एक मोंदीर बांदणे रावण्या कोरलु ।⁴⁷पुण यु सुलेमानुज बोगवानोन कोरता मोंदीर बोणावलु।

⁴⁸पुण आपणु बोगवान आखा दोखु मोटु से एने माणहोन आथो कोरीन बोणावला मोंदीरोमा काय नी रोयतलु बोवीस्य कोयणारु एसाया एंहे लेख रोयुह ।

⁴⁹पोरबु बोगवान कोयतलु सोरग मारी राज गादी एने दोरती मार पाय मेकणेन पाटडु से कोरीन तु मार कोरता गोर बोणाव सोकतलु एहे विचार कोरतलु के मेहे आराम कोरने जागु जुवे के ।

⁵⁰सोरग एने दोरती एने आखा चीजे मार आथे कोरीन बोणावला नींबदे काय ।⁵¹इस्तीफनुस फोसु कोयु ए ठोटावा माणहो तुमरो मोन खुब काठो से तुमु बोगवानोन खोरी वात होंबोवणे एने मानने नी हुत्तला एने जेहे तुमरा डायडाया बी ओता तेहेज तुमु होमेस्या पोवीत्र जीव आत्मा काय कोयतली तेर वीरुद कोरला ।

⁵²तुमरा डायडाया बोगवानोन बोवीस्य कोयणाराह सोताडला खुब सालोन पेल बोवीस्य कोयणारा कोया के मोसी आवणेवालु से पुण तुमरा डायडाया तीनु बोवीस्या कोयणारा मार नाखला एने एवी ज्यु आवणेवालु बोगवानोन नोजरोमा दोरमी मोसी से च्यु आवलागतु से तुमु एवीन एंवी तेर वीरुद उबरोयला एने तीनाह बी मार नाखला ।

⁵³बोगवान सोरगदुतोह लागाडीन मुसाह नेम आपलु तुमुह नेम जुडलो ओतो ती बी तुमु बोगवानोन नेमोन काय पाव्या ।⁵⁴पोंचु मायलाह इस्तीफनुसोन होंबीन सोताप चोड गोयु एने सोतापोमा तीनाह देखीन तींदरा दाते कीकडावणे बाज गोया ।

⁵⁵पुण पोवीत्र जीव आत्मा इस्तीफनुसोम पुरीन पुरी बोरायीन काबामा कोर लेदी एने च्यु सोरगेखेर बाणयु ते बोगवानोन मोहीमा एने यीसु बोगवानोन जेपडीखरे उबरोयलु देख्यु।

⁵⁶ओवतु च्यु कोयु देखु मी सोरगे उगडी रोयलो एने माणहोन पुरयाह बोगवानोन जेवडीखेर उबरोयलु देखतलु ।⁵⁷इस्तीफनुस एंहे कोयतलु होंबीन येहुवी पोंचु मायला माणहे मोटे आयोडला एने ओवता च्या तींदरो आथे तीदंरो कानोपोर मेकीन इस्तीफनुसोखेर एखठा ओयीन दोवडीन आंवला।

⁵⁸ओवता च्या तीनाह येरूशलेम सेहरोन बारथे ली गोया एने च्या तीनाह मारनेन कोरता दोगडा देणे बाज गोयला ज्या माणहे तीनाह दोगडाटला ओता एने ज्या इस्तीफनुसोन वीरूद गोवायी आपला च्या तींदरा उपोरला लुगडा काटीन सापुल नावोन एक जुवानोन पायो हाते मेक देल्ला।⁵⁹जेतार माणहे इस्तीफनुसोह दोगडा देता रोया ते च्यु एंहे पोरथना कोरलु ए पोरबु यीशु मारी आत्मा तु ली ले।

⁶⁰ओवतु च्यु मांडा टेफयु एने मोटे आयडीन पोरथना कोरयु,ए पोरबु पापोन डोंड इनुह मा आपे यो कोयीन ओवतु च्यु मोर गोयु।

Chapter 8

¹इस्तीफनुसोन मारनारामा सापलु बी एक ओतु तीना दीहोमा खुब सोतावणी येरुसलेमोन मोंडलीमा ओयली एने आखा माणहे नेवतो पुचाडनारा चेलानुह सुडीन येहुदीया जीलामा एने सामरीया जीलान आखीखेर वेराय गोयला ।

²ज्या माणहे बोकती कोरतला च्या इस्तीफनुसोन दोडोह डाक देल्ला एने च्या तेर कोरता खुब मोटे आयडीन आखा नेवती नेवतीन रोडला ।

³पुण सावुल येसु मोसी पोर बुरहु कोरनारा मोंडली मायलाह खुब सोताडने बाज गोयु च्यु गोरे गोरे जायीन बुरहु कोरनारा माणहोह एने बायराह गीहडी गीहडीन लावीन जेलोमा कुंडतोतु ।⁴ज्या विस्वासी वेराय गोयला ओता च्या ज्यांहरी जातोत च्यांहरी यीसुन बारामायली हाजी खोबोर पोरचार कोरतोता ।

⁵तीनुमा फीलीप्पुस नावोन एक माणुह सामरीया जीलामा गोयु एने च्यांहरीन माणहोह मोसीन बारामा पोरचार कोरलु ।⁶तेतार खुब माणहे फीलीप्पुस कोरलु ओतु चोमत्कार च्यो दयान लागाडीन होंबोवत…

⁷खुब माणहोमा दोखा बुतडा मोटे आयोडनाज नीकवी जातोत! खुब लोखवा वावा ऐने पांगया बी धजा ओय गोया!

⁸कोरीन तीना सेहरोन माणहे खुब खुस ओय गोया ।⁹सीमोन नावोन एक माणुह ओतु तीना जीलामा च्यु वारुज दीही लोगोण नोजर बांदणेन खेल देखाडतोतु मी खुब मोटु से कोरीन देखाडतोतु तेर खेल देखाडीन सामरीया सेहरोन माणहोह खुब बोंगलाडतोतु ।

¹⁰तीना सेहरोन आखा आयतला लागाडीन मोटला माणहे लोग च्यु काय कोयतलु च्यो दयान लागाडीन होंबोवतोता एने माणहे तीना सीमोनोह एंहे कोयतोता के बोगवानोन मोटली ताकोत युज से।

¹¹माणहे सीमोनोह खुब मानतोता काहाके च्यु खुब दीहोन नोजर बांदणेन खेल देखाडीन तीनुह बोंगलाडतोतु ।¹²पुण जेतार बोगवानोन राजोन हाजी खोबोर एने यीसु मोसीन नावोन बारामा फीलीप्पुस कोयतलु होंबोवला च्या माणहे एने बायरा यीसुपोर बुरहु कोरीन बापतीस्मा लेदला ।

¹³सीमोन बी फीलीप्पुसोन वातो पोर बुरहु कोरयु एने बापतीस्मान रीत लेदलु एने च्यु फीलीप्पुसोन नीस्याणी एने चोमत्कार देखीन सीमोन खुब बोगलाय गोयु।¹⁴येरुशलेम सेहरो नेवतो पुचाडनारा चेला सामरीया जीलान खुब माणहे बोगवानोन बारामायली वातो पोर बुरहु कोरला यों होंबीन च्या पोतरस एने युहन्नाह सामरीया जीलामा मुकोल्ला ।

¹⁵जेतार पोतरस एने युहन्ना सामरीया आवला ते च्या यीसुपोर बुरहु कोरनाराह पोवित्र जीव आत्मा जुडने जुवे कोरीन पोरथना कोरला ।

¹⁶काहाके पोवीत्र जीव आत्मा तेवीह लोगोण कुणीपोर बी नी उतोरी ओती च्या पोरबु यीसुन नावोमा बापतीस्मा ओतरोज लेदला ओता ।

¹⁷तेतार पोतरस एने युहन्ना तीनुपोर तींदरा ओथ मेकया एने तीनु आखा पोर पोवित्र जीव आत्मा उतरी ।¹⁸सिमोन देख्यु के जेतार पोतरस एने युहन्ना तींदरा आथे वीस्वासी पोर मेकया ते तीनुह पोवित्र जीव आत्मा जुडली एने च्यो देखीन च्यु तीनुह कोयु मी तुमुह पोयदा आपीह ।

¹⁹मी कुणी पोर बी आथे मेकिह ते तीनाह बी पोवित्र जीव आत्मा जुडने जुवे कोरीन यो होक मेहे बी आप देवु ।²⁰यो होंबीन पोतरस तीनाह कोयु तु एने तारा पोयदा कोरीन बोगवानोन वोरदान वेचातु लेणे विचार ‌कोरलु ।

²¹आमरा कामोमा तारु इस्सु बी नी एने होक बी नी नींबदे काहाके बोगवानोन ओगोव तार मोन बोराबोर नींबदे ।

²²कोरीन तार मोनमा दोखु खोराब विचार काड दे तार पाप दोखु मोन फीरावीन बोगवानो खेर फीर एने पोरबु यीसुह पोरथना कोर च्यु तार मोनोन खोराब पोरथना कोर च्यु तार मोनोन खोराब विचारोन कोरता तोहो माफ कोरे देहे ते कोर देहे ।

²³मी सोमदतलु के तारो मोन एकवोम काठोज एने कुयरायमा एने आखी बातीन पापोम बांदायलो से।²⁴यो होंबीन सीमोन कोयु तुमु दुयु बी मार कोरता पोरबुह पोरथना कोरजु तेतार तुमु काया कोया च्या वाते मार हाते नी आये ।²⁵ओवता पोतरस एने युहन्ना ज्यो काय यीसु कोरतलु देखला च्यो एने पोरबुन बारामायली वातोन बी माणहोह पुरावु आप्या वाटे च्या सामरीया सेहरोन वारुज गांव मा हाजी खोबोर पोरचार कोरता जायीन फोसा येरुशलेम गोया ।²⁶एक दीही पोरबुन सोरगदुत फीलीप्पुसोह कोयु तीयार ओय एने डाखरी खेर जा येरुशलेम दोखी गाजा जाणेन वाटे ओयतु जा ज्यी उजाडी वाट से ।

²⁷यों होंबीन फीलीप्पुस तीयार ओयीन गोयु वाटे च्यु एक योपीयावाला माणहोह देख्यु च्यु गोतराडु ओतु च्यु इथीयोपीया देसोन राणी कोंदाकेन ओवाल्यान मोटुल मोंत्री एने तेर आखा पोयदान इसाब राखणारु ओतु च्यु बोकती कोरने येरुशलेम गोयलु ओतु ।

²⁸च्यु येरुशलेम सेहर दोखु इथीयोपीया जातोतु तेतार च्यु तेर रोथोपोर बोठीन येसाया बोवीस्य कोयणारान पुस्तोकोमा दोखु वाचतोतु ।²⁹पोवीत्र जीव आत्मा फीलीप्पुसोह कोयी तीना रोथो हाते जा एने तीनाहाते जात रोया। ³⁰कोरीन फीलीप्पुस रोथोखेर दोवडयु तेतार च्यु येसासा बोविस्य कोयणानार पुस्तोक वाचतलु होंब्यु एने फीलीप्पुस फुस्यु तु ज्यो वाचहे च्यो सोमजतलु के ।

³¹जोर कुण मेहे नी सोमजाडे ते मी केहेक सोमज सोकतलु च्यु फीलीप्पुसोह रोथपोर चोडीन मारहाते बोठ जा एंहे रावण्या कोरयु ।³²च्यु पोवित्र पुस्तोकोम दोखु एक तुडयो वाचतोतु च्यो यो ओता तीनाह मेडा बुकडान होस मारनेन कोरीन गोया जेहे मेंडो बुकडो तेर जुट कातोरनेन टेमे ठावको ओय रोयतलो तेहेज च्यु ठावकुज रोयीन तेर मुयोमा दोखु एक सोब्दा लोगोण नी काडयु ।

³³च्यु नीचोव्यु बोणीन रोयु पुण इने टेमे तेर नीयाव नी ओयु एने तेर गोराणान दोरती पोर दोखु तेर जीव उचलाय गोयु ज्ञ।³⁴च्यु गोतराडु मोत्री फीलीप्पुसोह फुस्यु बोवीस्य कोयणारा कुणीन बारामा कोयतला च्यो मेहे कोयाप च्यु सोतान बारामा कोयतलु के नी ते दीहरान बारामा ।

³⁵तेतार फीलीप्पुस पोवित्र पुस्तोकोमा दोखु एक तुडपो वाचलु तीनाम दोखु सुरु कोरीन च्यु यीसु मोसीन हांजी खोबरोन बारामा तीनाह सोमजाडयु ।³⁶वाटे चालता चालता च्या ज्यांहरी पाणी ओतो च्यांहरी पुजया तेतार गोतराडु मोंत्री फीलीप्पुसोह कोयु देख पाणी ते से मेहे बापतीस्मा लेणेमा काय बी आडफाट से के ।

³⁷फीलीप्पुस तीनाह कोयु जोर तु खोराखोर यीसु मोसी पोर पुरा मोन दोखु बुरहु कोरे तेतार मी तोहो बापतीस्मा आपीह तेतार च्यु गोतराडु पुडारी कोयु यीसु मोसीज खोरु बोगवानोन पुरयु से कोरीन मी बुरहु कोरतलु ।

³⁸तेतार च्यु रोथ उबराखणेन हुकुम आप्यु एने च्यु फीलीप्पुसो हाते उतरीन च्या दुयु बी पाणीमा गोया एने फीलीप्पुस तीनाह बापतीस्मा आप्यु ।³⁹जेतार च्या पाणीमा दोखा नीकवीन उपोर आव्या तेतार पोरबु बोगवानोन पोवित्र जीव आत्मा फीलीप्पुसोह उचलीन दीहरीखेर लीनाज रोमी एने गोतराडु मोंत्री कोदी तीनाह फोसु नी देख्यु च्यांहरी दोखु च्यु खुसीमा तेर वाटे चाल पोडयु ।

⁴⁰माणहे फीलीप्पुसोह ओसदोद सेहरोमा देखला वाटे च्यु आखा सेहरोमा देखला वाटे च्यु आखा सेहरोमा हाजी खोबोर देखाडतु ओसदोद दोखु केयसरीया सेहरे लोगोण आवलु।

Chapter 9

¹सावुल पोरबुन चेलानुपोर एने बोगवानोन माणहोपोर सोताप कोरने बाज गोयु एने तीनुह मार नाखणेन उंजु बी दोमकी देतोतु कोरीन च्यु मुखी पुजारा पाह गोयु।

²एने च्यु दोमास्कुस सेहरोन बोकतीन गोरमा बाकती कोरणारान नावे एक चीटठी लेखीन मांग्यु काहाके पोरबु यीसु पोर बुरहु कोरनारा माणहे एने बायरा कुणी बी तीनाह सापडी जाहे ते तीनुह येरुशलेम सेहरोमा बांदीन लावणे हुदतोतु ।³जेतार च्यु दोमास्कुस सेहरा हाते जाणे बाज रोयु ओतु तेतार उचकाहलोज सोरगो दोखो उज्यावो तेर सोमखेर चोमक्यो ।

⁴च्यु बुयपोर पोड गोयु एने तीनाह तेर होत बुलनारा आवाज होंबायु ए सावुल ए सावुल तु मेहे काहा सोताडतलु ।⁵तेतार सावलु फुस्यु ए पोरबु तु कुण से च्यु एहे कोयतलो होंब्यु मीज यीशु से जीनाह तु सोताडने बाज रोयुह तोहो मा सावुल लात देणु काठो से ।

⁶पुण एंवी तु उठ एने दोमास्कुस सेहरोमा जा ज्यो काय तोहो कोरने ताकायलो से च्यो आखो तोहो कोयणेमा आवहे ।

⁷ज्या माणहे सावलु हाते पोरवास कोरतोता च्या उबरोयला पुण देख्या कुणीह नी ।⁸एने सावुल बुयपोर दोखु उठयु एने तेर डुवा उगाडयु पुण तीनाह कुणीज नी देखायो कोरीन ज्या सावुल हाते ओता च्या तेरु आथ दोरीन दोमास्कुस सेहर ली गोया ।

⁹च्यु तीन दिह लोगोण देख नी सोकयु एने च्यु खादयु बी नी पाणी पीदयु बी नी।¹⁰दोमास्कुस सेहरोमा होनन्या नावोन एक चेलु ओतु च्यु यीसु पोर बुरहु कोरतोतु पोरबु होनन्याह देखाय पोडयु एन कोयु ए होनन्या तेतार होनन्या कोयु पोरबु मी यांहरी से ।

¹¹तेतार पोरबु तीनाह कोयु उठ एने सीदी नावोन गोलीमा जायीन येहुदान गोर जा एने तोरसुस सेहरोन सावुल नावोन माणहोह फुसजी एंवी च्यु च्यांहरी पोरथना कोरहे ।

¹²एने च्यु तेर जागता हीवणामा होनन्या नावोन एक माणुह हीवणामा तीनाहाते आवीन च्यु फोसु देख सोके तीनाहाते आवीन च्यु फोसु देख सोके कोरीन तीना पोर आथ मेकतलु देख्यु ।¹³पुण होनन्या कोयु ए पोरबु यु माणुह सावुल येरुसलेमोमा तोहो पोर बुरहु कोरनारा पोवित्र माणहोह खुब वेला पाडीन सोताडलु कोरीन मी इना माणहोन बारामा खुब होंबोवलु से ।

¹⁴एंवी यांहरी ज्या तार नावोन बोकती कोरतला तीनुह ज्या तार नावोन बोकती कोरतला तीनुह दोरीन ली जाणेन डायला पुजारा तीनाह आदीकार बी आप रोयला ने ।

¹⁵पुण पोरबु होनन्याह कोयु तु जा काहके बीगुर येहुदी माणहोन ओगोव एने राजान ओगोव एने इसरायेल जातीन माणहोन ओगोव मार नावोन पोरचार कोरनेन कोरता मी तीनाह नीवाडलु से।

¹⁶च्यु मार बारामा दीहराह कोयतलु कोरीन मार नावोमा तीनाह कोतरो दुख वेठणु पोडहे कोरीन मी तीनाह देखाडीह ।¹⁷कोरीन होनन्या च्यांहरी उठीन ज्यांहरी सावुल ओतु तीना गोरमा गोयु होनन्या सापुलोपोर तेर आथ मेकयु एने यो कोयु ए बायह सावुल पोरबु यीसु ज्यु तोहो वाटे देखायु ज्युज तु फोसु देखणु जुवे एने पोवित्र जीव आत्मा मा तु पुरुन पुरु बोराय जाणु जुवे कोरीन मेहे मुकोल्लु ।

¹⁸लोगेज सावुलोन डुवाम दोखा मासान खोपणान होस कायतोरी पोडयो एने च्यु फोसु देखणे बाज गोयु ओवतु च्यु उठीन बापतीस्मा लेदयु ।

¹⁹ओवतु च्यु खाणो खादयु एने टोणकु ओय गोयु सावुल दोमास्कुस सेहरोन चेलानु हाते थुडाक दीही लोगोण रोयलु ।²⁰ओवतु च्यु येहुदीन बोकतीन गोरमा गोयु एने यीसु बोगवानोनुज पुरयु से का कोरीन पोरचार कोरने बाज गोया ।

²¹ज्या कुण सावुलोन वात होंबोवला च्या आखा खुब बोगलाय गोया च्या कोया काय यु च्युज माणुह से ने यु येरुसलेमोमा यीसुन नाव लीन बोक्ती कोरनाराह वीताडतोतु आपुह बी दोरीन डायला पुजारापाह ली जाणेन कोरता यांहरी बी आप रोयुह के ।

²²सावलोन यीसुन बारामा ही काडनेन ताकोत एने हीम्मोत ओगोव पोडती गोयी च्यु यीसुज मोसी से कोरीन पुरावु आपतु जायीन कोयु कोरीन च्यु दोमास्कुस सेहरोमा रोयणारा यहूदी माणहोन बुलती बोद कोर देल्लु।²³खुब दीहोन ओवता थुडाक यहूदी माणहे सावुलोह मार नाखणे बोजोट लागाडया ।

²⁴दोमास्कुस सेहरोमा रात एने दीही तीनाह मार नाखणेन कोरता मोटला जुपा पोर केड रोया ओता पुण सावुलोह तींदरा बोजोटोन बारामा पोतु लाग गोयु ।

²⁵पुण एक राती सावुलो हत ओता च्या थुडाक चेला टुव्वाया कोरीन खीवडयो बांदीन तीनामा तीनाह बोठाडया एने सेहरोन बीतडापोर दोखा नेचा उतार देण्या ।²⁶सावलु येरुशलेम सेहरोमा गोयु च्यु च्यांहरी वीस्वासी हाते रोयणे विचार कोरयु पुण चेला बोठा तीनाहाते बेसकायणे बीतोता काहाके सावुल यीसु पोर खोर बुरहु कोरतलु कोरीन च्या बुरहु नी कोरया ।

²⁷पुण बोरनबास नावोन एक माणुह सावुलोह मान लेदलु एने तीनाह नेवतो पुचाडनारा चेलानु कोयाप्यु के सावुल वाटे पोरबु यीसुह देखलु ओतु एने पोरबु तीनाहाते वातु कोरलु सावुल कोतरु हीम्मोत हाते यीसुन बारामा दोमास्कुस सेहरोन माणहोह पोरचार कोरलु ।²⁸कोरीन सावुल खास चेलानु हाते रोयीन येरुसलेमोन आखी खेर फीरीन मालीक यीसु मोसीन नावोमा खुब हीम्मोत हाते वातु देखाडतु रोयु ।

²⁹च्यु पोरबु यीसुन वातु माणहोह देखाडतु रोयु एने युनानी बास्या बुलनारा येहुदी माणहो हाते च्यु वातोमा जोखडी पोडतु रोयु पुण च्या माणहे तीनाह मारनेन कुसीस कोरने बाज गोया ।

³⁰जेतार सावुल हाते ओता च्या बायहे यो जाण लेदया ते सावुलोह केयसरीया सेहरोमा ली गोया एने च्याहरी दोखा तीनाह तोरसुस मुकली देण्या ।³¹एने येहुदीया एने गोलील जीला एने सामरीया जीलान मोंडलीन वीस्वास्या सांतीवर रोयणे बाज गोयला एने बुरहामा पोक्का ओय गोया च्या पोरबु बोगवानोन बी राखीन जीवतोता पोवित्र जीव आत्मा तीनुह बोकतीन जीवाय जीवणे हीम्मोत आपीन खुब ताकोत आपली एने यीसु पोर बुरहु कोरनारा वोडता रोयु ।

³²पोतरस येहुदी एने सामरी जीलामा आखी खेर पोरवास कोरतोता एने च्यु लुददा सेहर मायला बोगवानोन पोवित्र माणहोनुह मीवायणे रोयु ।³³च्यांहरी च्यु एयनीयास नावोन एक माणहोह मीवायलु च्यु लेखवावालु ओतु आठ पोरीह लोगोण खाटलामा पोड रोयु ओतु ।

³⁴पोतरस तीनाह कोयु ए एनीयास यीसु मोसी तोहो हाजु कोरतलु उठ एने तार गुदडो गुंडाव लोगेज एनीयास उठीन उबरोय गोयु ।

³⁵एनीयास हाजु ओय गोयु देखीन लुददा सेहरोमा रोयणारा आखा माणहे एने सारोन जीलामा रोयणारा आखा माणहे येसु पोरबु बुरहु कोरने बाज गोयला।³⁶याफा सेहरोमा तोबीता नावोन एक वीस्वासी बायी आती तेर नाव युनानी बास्यामा दोरकास ओतो च्यी यीसु पोर बुरहु कोरतोती च्यी बायी दीहरान कोरता हाजा कामे कोरनेमा खास कोरीन च्यी गोरीब माणहोह मोदत कोरया कोरतोती ।

³⁷जेतार पोतरस लददा सेहरोमा ओतु च्यी मांदली पोडी एने मोर गोयी माणहे तीनाह उंगवावीन तीनाह उपोरली खुलीमा लुटाड देण्या ।³⁸लुददा सेहर याफ सेहरो हाते ओतो याफा सेहरोन से कोरीन मालुम पोडयो कोरीन च्या दुय जोणोह पोतारस हाते मुकल्या च्या पोतरसोह रावण्या कोरया जोलदी याफ सेहरोम आवजी ।

³⁹तेतार पोतरस उठीन तीनाहाते याफा सेहरा गोयु जेतार च्यु ज्यांहरी दोरकासोन दोड मेकला ओता तीनी उपोरली खुलीमा माणहे तीनाह ली गोया तेतार च्याहरी रोडायला बायरा रोडता जायीन जेतार दोरकास जीवती ओती तेतार च्यी बोणावली च्यो डोगलो एने लुगडा पोतरसो हाते उबरोयीन देखाडया ।⁴⁰तेतार पोतरस खुलीन बारथे आखानुह मुकली देण्यु एने माडा टेकीन पोरथना कोरयु ओवतु च्यु दोडो खेर बावीन कोयु ए तोबीता उठ च्यी तेर डुवा उगाडी एने पोतरसोह देखीन उठीन बोड गोयी ।

⁴¹ओवतु च्यु आथ दोरीन तीनीह बोठाडयु एने च्यु बारथे उबरोयला आखा पोवीत्र माणहोह एने रोडायला बायरानुह खुलीमा हादुय तेतार च्यु च्यी फोसी जीवती ओय गोयली कोरीन देखाडयु ।

⁴²याफा सेहरा मायला खुब माणहोह यी वात मालुम पोड गोयी एने खुब माणहे पोरबु पोर बुरहु कोरने बाज गोयला ।

⁴³पोतरस याफा सेहरोमा सीमोन लोगोण रोयलु ओतु च्यु चामडान दोंदु कोरतोतु ।

Chapter 10

¹केयसरीया सेहरोमा कुरनेलीयुस नावोन एक माणुह रोयतोतु च्यु इतालिया नावोन रोमी सोयनीकोन मोटला टुवान पुडारी ओता ।

²च्यु एने तेर गोरल्या होमेस्या बोगवानोन बीन चालतोतु च्यु पोयहा आपीन गोरीब माणहोह मोदत कोरतु रोयु एने होमेस्या च्यु पोरथना कोरतोतु ।³एक दीही कुरनेलीयुस हाज पोर तीन वाजता एक जागतो हीवणो देख्यु तीना जागता हीवणामा बोगवानोन एक सोरगदुत तीनाहाते आवीन कोयु ए कुरनेलीयुस|

⁴सोरगदुतोह देखीन कुरनेलीयुस गाबरीन एक टोकलागाडीन सोरगादुतोह बाव्यु एने कोयु ए पोरबु काय खोबर से तेतार सोरगदुत कोयु बोगवान तारी पोरथना होंबोवलु से उंजु तु गोरीबोह दोरम कोरतलु च्या बी बोगवानोन ओगोव पुच गोयला से एने बोगवाने इनी वातोह एक बादान होस सीवकार कोरीन तोहो ओर कोर रोयुह ।

⁵एवी तु थुडाक माणहोह याफा सेहरोमा मुकोल एने सीमोन जीनाह पोतरस कोयतला से तीनाह न्याहरी हाद लाव ।

⁶च्यु सीमोन नावोन चामडान दोदु कोरनारु से तेरो गोर दोरीया हाते से तीनापाहा सीमोन पोतरस पावणु आव रोयहु ,तु काय ।⁷यो कोयीन ओवतु सोरगदुत जात रोयु तेतार कुरनेलीयुस तेर गोर काम कोरनारा दुय पावरोह एने सोयनिक बुलाडयु तीनामाय एक सोयनिक बोगवानोन बोकती कोरनारु ओतु ।

⁸कुरनेलीयुस ज्यो काय सोरगदुत तीनाह कोयु च्यो आखो सोमजाडीन तीनुहु याफा सेहरोमा मुकली देण्यु ।⁹दीहरे दीह हाजपोर च्या पोरवास कोरीन याफा सेहरहाते आवला माथेक दीहोन वेवा पोतरस गोरोन सोतापोर पोरथना कोरनेन कोरता चोडयु ।

¹⁰तेतार तीनाह बुख लागी च्यु काय बी खाणे तीयार कोरतोता तेतार च्यु पोवित्र जीव आत्मान काबामा ओयीन जागतो हीवणो देख्यु ।

¹¹तेर जागता हीवणामा सोरग उगडी गोयो एने एक मोटला चादरान होस च्यार खुणे बांदायलो कायतोरी दोरती पोर उतोरतलो तीनाह देखायो ।

¹²तीना चादरामा दोरतीन आखी बातीन च्यार पायो वावा जोनवरे जोंगली जोनवरे गीहडायीन जाणारा जोनवरे एने वादवामा उडनारा चीडा ओता ।¹³तेतार एहे आवाज होंबायु ए पोतरस उठ एने इनुह मारीन खा।

¹⁴पुण पोतरस कोयु नी पोरबु नी काहाके ओहलो मोयोव्यो एने वीटावलो कायीज चीज मी कोदी नी खादयु ।

¹⁵पुण पोतरसोह दुसरी कावा फोसु बोणावलु दोखु च्युज आवाज होंबायु बोगवान आखा चीजोह सुखला बोणावलु से कोरीन इनुह तु वीटोवल जुण सोमजतु ।

¹⁶तीसरी कावा एंहेज ओयो ओवतो च्यो चादरो फोसो सोरगोमा उचलाय गोयो ।¹⁷जेतार पोतरस तेर मोनमा इना जागता हीवणान बारामा विचार कोरतोतु तेतार ज्या माणहे कुरनेलीयुस मुकोल्लु ओतु च्या माणहे हुदता हुदता पोसु आवीन उबरोय गोया ।

¹⁸एने च्या आयडीन फुस्या काय सीमोन जीनाह पोतरस कोयतला च्यो न्यांहरी रोयतलु के ।¹⁹तेतार पोतरस च्यु देखलु ओतु तीना जागता हीवणान बारामा उंजु लोगोण विचार कोरतोतु तेतार पोवित्र जीव आत्मा तीनाह कोयी देख तीन माणहे तोहो हुदता हुदता आव रोयाह ।

²⁰कोरीन तु उठीन नेचु जा तारा मोनमा सोंका कोरे बीगुर तीनाहाते जाजी काहाके मीज तीनुह तोहो पाह मुकोल्लु से ।

²¹तेतार पोतरस उपोर दोखु नेचु उतरीन तीनाहाते जायीन कोयु जीनाह तुमु हुदतला च्यु सीमोन पोतरस मीज से तुमु यांहरी काहा आव रोयाह ।²²तेतार च्या कोया आमरु रोमी सोयनीकोन पुडारी कुरनेलीयुस दोरमी एने बोगवानोन बी राखणारु माणुह से च्यु आखा येहुदी माणहोमा हाजी गोवायीमा नावलायलु ओतु एक पोवित्र सोरगदुत कुरनेलीयुसोह तोहो तेर गोर हादणे एने तारी वात होंबोवणे कोयलु ओतु ।

²³तेतार पोतरस तीनु माणहोनुह गोरमा आवभाव कोरयु एने तीनुह पावणा दोरीन मुकाम राखलु ,दीहरे दीही पोतरस तीयार ओयीन तीनाहाते गोयु थुडाक वीस्वासी बायहे बी याफा सेहरोमा दोखा तीनाहाते गोया ।²⁴दीहरे दीहो च्या केयसरीया सेहरोमा पुच्या तेर होगा एने तेर दुस्तीनुह हादीन च्यांहरी कुरनेलीयुस पोतरसोन वाट जुवतीता ।²⁵जेतार पोतरस कुरनेलीसोन गोर आवलु ते च्यु तेर पाये पोडीन वोंदयु ।

²⁶पुण पोतरस तीनाह उठाडीन कोयु उबरोय जा मी बी ते तार होस माणुह से ।²⁷कुरनेलीयुस हाते वातु कोरतु जायीन पोतरस गोरमा गोयु तेतार च्यांहरी खुब माणहे टुव्वाय रोयला देखीन ।

²⁸च्यु तीनुह कोयु तुमुह मालुम से के काल्ला बी येहुदी बीगुर येहुदी जातीवाला हाते वेवार कोरनु आमरा येहुदीन नेमोन वीरुद से पुण बोगवान मेहे जागता हीवणामा देखाडयु के मी कुणीह बी मोयोव्वा एने वीटोवला नी सोमजणु जुवे ।

²⁹कोरीन जीनुह तुमु मेहे हादणे मुकोल्ला ओता तीनाहाते मी फुसे बीगुर यांहरी आव रोयुह मेहे काय कामोन कोरता यांहरी हादलु एवी मेहे कोयाप ।³⁰कुरनेलीयुस यो होंबीन कोयु च्यार दीहोन पेल मी मांजणेक दीह तीन वाजता मार गोरमा पोरथना कोरतोतु तेतार एक माणुह बुराबुह जोगो लुगडा पेरीन मार ओगोव आवीन उबरोय गोयु ।

³¹च्यु मेहे एंहे कोयु ए कुरनेलीयुस बोगवान तारी पोरथना होंबोवलु से एने तु गोरी बोह तु दोरम कोरतलु च्यो बी बोगवान इनी वातोह एक बादान होस सीवकार कोर लेदलु से ।

³²कोरीन तु एंवी थुडाक माणहोह याफा सेहरोमा मुकोल एने सीमोन जीनाह पोतरस कोयतला से तीनाह न्याहरी हाद लाव एंहे कोयु सीमोन नावोन चामडान दोंदु कोरनारु से तेर गोर दोरीया हाते से तीनापाहा सीमोन पोतरस पावणु आव रोयुह च्यु तारहाते आवीन तु काय कोरनु कोरीन कोयापोह ।

³³कोरीन मी लोगेज तोहोपाह माणहे मुकाल्यु हाजो कोरयु के तु यांहरी आव लाग्यु पोरबु ज्यो काय तोहो कोयलु च्यो होंबोवणे एवी आमु आखा बोगवानोन ओगोव हाजीर से ।³⁴तेतार पोतरस एंहे कोयणे बाज गोयु खोरा खोर मी एंवी सोमजी गोयु के बोगवान कुणी हाते बी नीवाड नी पाडतलु ।

³⁵काल्ली बी जातीन माणुह रोये ती बी ज्यु कुण बोगवानोन नोजरोमा दोरमोन काम कोरे च्युज बोगवानोह पोटतलु ।³⁶बोगवान इसरायेली जाती माणहोह यीसुन खुस खोबोर मुकोल्लु च्यो तुमु जाणतला मीज हाजी खोबोर ते आखा माणहोह यीसु मोसी लागाडीन बोगवानो हाते मेवाव कोरावनारी से एने यु यीसु मोसीज आखी जातीन माणहोन पोरबु से ।

³⁷एने युहन्ना बापतीस्मा आपणारु बापतीस्मान बारामा पोरचार कोरीन ओवतु गोलील जीलाम दोखु एने येहुदीया जीलामा आखी खेर काय ओयलो यी वात ते तुमुह मालुम से।

³⁸यीसु नाजरेत गांवोन ओतु तेर बारामा बी तुमु जाणतला बोगवान तीनाह पोवित्र जीव आत्मा एने ताकोत दोखु नीवाडलु से च्यु आखी खेर हाजा कामे कोरतु फिरलु ओतु एने जीनुमा कोरलु काहाके बोगवान तीना हाते ओतु ।³⁹येहुदीया जीलामा एने येरुशलेम सेहरोमा यीसु कोरलु ओतु तेरो आखो कामोन आमु पुरावु से पुण येहुदी माणहे तीनाह कुरसोपोर चोडावीन खीला ठुकीन मार देल्ला ।

⁴⁰पुण तीसरे दीह बोगवान तीनाह जीवतु कोरयु एने च्यु तीनाह माणहोन ओगोव देखाड देल्लु से ।

⁴¹पुण आखा माणहे तीनाह नी देख्या बोगवान ‌जीनुह पेलेन नीवाडलु ओतु च्या ओतरोज तीनाह देखला यीसु हाते खादया एने पीदयो तीनामा तेर पुराव ते आमुज सेताह ।⁴²आखा जीवतला एने मोरलान नीयाव कोरने बोगवान नीवाडलु नीयाव कोरनारु यीसु से कोरीन माणहोह पुरावु आपणे यीसु आमुह हुकुम आपलु तुमु जावु एने आखा माणहोह पोरचार कोरु ।

⁴³ज्या यीसु पोर बुरहु कोरतला तीनु आखानुह यीसुन नावे बोगवान पापोन माफी आप देतला आखा बोवीस्य कोयणारा बी यो खोरो से कोरीन पुरावु आप रोयाह ।⁴⁴पोतरस यी वात वातु कोरने बाज गोयु तेतार पोवित्र जीव आत्मा ज्या पोतरसोन वात होंबोवतोता तीनु आखा पोर उतोरली ।

⁴⁵च्या चामडो कातोरनेन रीत कोरला यीसु पोर बुरहु कोरनारा येहुदी माणहे पोतरस हाते आवला ओता च्या बी यो होंबोवला च्या बात बातीन बास्या बुलने बाज गोयला एने बोगवानोह इस्तुती कोरला ।⁴⁶येहुदी वीस्वास्या ज्या पोतरस हाते ओता च्या बोगवान तेरी पोवित्र जीव आत्मान वोरदान बीगुर येहुदी नुह बी आपलु कोरीन बोगलाय गोया ।

⁴⁷पोतरस कोयु या माणहे ज्या येहुदी नीबंदे इनुह बी आपणे होस पोवित्र जीव आत्मा जुडली से कोरीन या माणहे बी पाणी कोरीन बापतीस्मा लेणे कुण बी इनुह ओडचोन लाव सोकतलु के ।

⁴⁸पोतरस तीनुह यीसु मोसीन नावोमा बापतीस्मा लेणे कोयु एने च्या बापतीस्मा लेदया ओवता च्या तीनाह थुडाक दीही तींदरे हाते रोयणे रावण्या कोरला ।

Chapter 11

¹येहुदीया जीलामा रोयणारा नेवतो पुचाडनारा चेला एने थुडाक येहुदी बायहे यो होंब्या के बीगुर येहुदी बायहे यो होंब्या के बीगुर येहुदी वावा बी बोगवानो दोखा यीसु मोसीन बारामायली हाजी खोबोर मान लेदला से।

²जेतार पोतरस येरुशलेम सेहरोमा फोसु आव्यु ते थुडाक चामडो कतोरनेत रीत कोरला येहुदी माणहे तीनाहाते वातोमा जोखडी पोडने बाज गोया ।

³च्या पोतरसोह कोया तु ज्या बीगुर येहुदी माणहे सेताह तींदरा गोरमा जायीन तीनाहाते खादलु से।⁴कोरीन पोतरस काय ओयलो च्यी पुरी वात तीनुह एकेक कोरीन कोयापलु ।

⁵च्यु कोयु मी याफा सेहरोमा ओतु एने एक दीही मी पोरथना कोरतोतु मी पोवित्र जीव आत्मान काबामा ओय गोयलु एने जागतो हीवणे देख्यु तीना जागता हीवणामा एक मोटला चादरान होस च्यार खुणे बांदायलो कायतोरी सोरगोमा दोखो दोरती पोर उतोरतलो मेहे देखायो एने च्यो मारहाते आवलो ।

⁶जेतार मी तीना खेर ध्यान लागाडीन बावलु ते तीना चादरामा दोरतीन आखी बातीन च्यार पायवाला जानेवरे जोंगली जोनवरे गीहडायीन जाणारा जोनवरे एने वादवामा उडनारा चीडा ओता।⁷तेतार एंहे आवाज होंबायु ए पोतरस उठ एने इनुह मारीन खा।

⁸पुण मी कोयु नी पोरबु नी काहाके ओहलो मोयोव्यो एने वीटावलो कायीज चीज मी कोदी नी खादयु।

⁹पुण मी उंजु एक आवाज सोरगे दोखो फोसु होंब्यु बोगवान आखी चीजोह सुखला बोणावलु से कोरीन इनुह तु वीटोवल जुण सोमजतु।

¹⁰तीन वार एंहे ओयो ओवतो च्यो आखो फोसो सोरगोमा उचलाय गोयो।¹¹तेतार तीना माणहे ज्या केयसरीया सेहर दोखो मुकोलनेम आवला ओता च्या माणहे मी ज्यांहरी रोयतोतु तीना गोरमा आव्या ।

¹²तेतार पोवित्र जीव आत्मा मेहे कोयी तार मोनमा सोंका कोरे बीगुर तीनाहाते जाया सोव बायहे बी याफा सेहरोमा दोखा मार हाते आवला एने आमु आखा कुरनेलीयुस नावोन माणहाने गोर गोया ।

¹³च्यु आमुह कोयु मी सोरगदुतोह गोरमा उबरोयलु देख्यु एने सोरगदुत मेहे कोयु थुडाक माणहोह याफा सेहरोमा मुकोल एने सीमोन जीनाह पोतरस कोयतला से तीनाह न्याहरी हाद लाव।

¹⁴तु एने तारो पुरो गोराणो वाच जाणेन कोरता च्यु तुमुह वात देखाडहे।¹⁵जेतार तीनाहाते वातु कोरने बाज गोयु तेतार पोवित्र जीव आत्मा जेहे पेल आमुपोर उतोरली ओती तेहेज तीनुपोर बी उतोरली।

¹⁶तेतार पोरबु कोयलु च्यी वात मेहे ओर आवी युहन्ना ते पाणी कोरीन बापतीस्मा आप्यु पुण तुमुह पोवित्र जीव आत्मान बापतीस्मा आपणेम आवहे।¹⁷पोरबु यीसु मोसी पोर बुरहु कोरनेन ओवता जोहलु च्यु बोगवानोन वोरदान आपुह आपलु ओतु तोहलुज बोगवान तीनुह बी आपलु से ते मोंग बोगवानोन काम रूकणारा मी कुण से।

¹⁸ज्या पोतरस हाते जोखडी पोडला ओता च्या यो होंबीन ठावका ओय गोयला एने बोगवानोन बोडायी कोरीन कोयणे बाज गोया ज्या बोगवानोन पोर बुरहु नी कोरनारा दीहरी जातिन माणहे से तीनुह लोगोण तींदरो पाप सुडीन मोन फीरावीन बोगवानो हाते जोलमकीज जीवाय जीवणे बोगवान मोदत कोरलु।¹⁹इस्तिफनुस मोरनेन बादमा येरुसलेमोन विश्वासी माणहोन खुब सोतावणी ओयली तीनामा खुब माणहे इंखेर तींखेर वेराय गोयला तीनुमा थुडाक फिनीके जीलामा एने कुवरनस काडापाणीमा एने आंताकिमा सेहरोम यीशु मोसीन हाजी खोबर येहुदी माणहोम ओतराज देखाडता फिरता रोयला।

²⁰तीनुमायला थुडाक कुपरुस काडापाणीमा एने कुरेनी सेहरोना रोयणारा ओता च्या आंताकिमा सेहरोमा आवीन युनानी बास्या बुलनाराह पोरबु मोसीन बारामा हाजली खोबोर होंबाडतोता ।

²¹पोरबुन सोकती वीस्वास्या हाते ओती तीनामा खुब होंटा माणहे पोरबुन वात मानीन तीनुपोर बुरहु कोरला ।²²येरुसलेमोन मोंडलीन माणहोह काय ओयतला यी वात मालुम पोडी ते च्या बोरनबासोह आंताकीया मुकली देण्या ।

²³बोरनबास खुब हाजु माणुह ओतु एने च्यु पोवित्र जीव आत्मान काबामा पुरुन पुरु बोरायलु ओतु एने तेर बुरहामा पोक्कु ओतु एने खुब माणहे पोरबु पोर मोनी लागाडीन बुरहु कोरने बाज गोयला ।

²⁴जेतार च्यु आंताकीया पुच्यु ते बोगवान माणहो पोर कोतरो दोया कोर रोयुह देखीन च्यु खुब खुस ओय गोयु च्यु वीस्वासी माणहोह पुरो मोन दोखा पोरबु पोर बुरहु कोरता रोयणे रावण्या कोरीन हीकाडलु ।²⁵ओवतु बोरनबास सावुलोह हुदणेन कोरता तोरसुस सेहरोमा गोयु ।

²⁶जेतार च्यु सावुलोह मीव्यु तेतार च्यु तीनाह आंताकीया सेहरोमा लाव्यु सावुल एने बोरनबास एक वोरीह लोगोण मोंडली हाते मीवता रोय एने खुब माणहोह वातु हीकाडता रोया आंताकीया सेहरोमा ज्या यीसु मोसीन खास चेला सेताह च्या आखान पेल्ला यीसुवाला कोवायला ।²⁷तीने टेमे थुडाक बोवीस्य कोयणारा येरुशलेम सेहरे दोखा।

²⁸तीनुमा दोखु एक ओगबुस नावोन माणुह ओतु च्यु उबरीया पोवित्र जीव आत्मान ताकोतोमा एंहे कोयु के आखी कोविमा एक मोटलु काव पोडहे च्यु काव रोमी सोरकार चालाडनारा फोलवदीयुस टेमे पोडयु ।²⁹आंताकीया सेहरोमा चेला एंहे बोजोट लागाडला आपणामा एकेक जोतरो बोणे तोतरो येहुदीया जीलामा रोयणारा बुरहु कोरनारा यीसु पोर बुरहु कोरनारा बायहोनुह मोदत कोरनेन सेवा कोरहु ।

³⁰च्या टुवु कोरीन बोरनबासोह एने सावुलोह आप्या च्या पोयहा तीनुह लागाडीन येहुदीया जीलान मोंडलीन पुडारी पाह मुकली देल्ला ।

Chapter 12

¹तीन टेमे हेरोदेस राजा मंडलीन माणहोह खुब सताडततु ।

²च्यु युहन्नान बायह याकुबोह तलवारो कोरीन जाटकावीन माराव देल्लु ।³जेतार हेरोदेसह याकुब माराय गयु एर बारामा येहुदी पुडारीनु खुस अय गयला कोरीन तीनाह मालुम पोडयो ते च्यु पतरसह बी दोरयु तेतार फासका तीवारोन टेम ओतु ।

⁴च्यु पतरसह दोरीन जेलमा नाखीन अवतु च्यु तेरी राखवावी कोरने कोरीन च्यार च्यार सोयनीकन च्यार ठुवा मेक देल्लु ,फासका तीवार वीत जाणे दीन हेरोदेस पतरसह माणहन अगव लावणे हुततु ।⁵जेतार पतरसह जेलमा कुंड देल्ला तेतार मंडली मायला तेर करता मन लागाडीन भोगवानो पाह खुब परथना कोरतता ।

⁶हेरोदेस राजा पतरसह येहुदी माणहन अगव लावण्यु अतु पेल्ली राती पतरस दुय हाकवो कोरीन बांदायलु अतु दुय सयनीके तेर दुयोखेर तीनाह राखवावी करतता तींदरे वीस्मा पतरस हुवततु ,एने दीहरा सोयनीके जेलोन जुपे राखवावी कोरतता ।⁷तेदीह राती पोरबु भोगवानोन एक सोरगदुत खुलीमा आवीन उबरोय गयु एने उज्यावो चमकया सोरगदुत पतरसन खुकी टुचलीन तीनाह उठाडयु एने कोयु जोलदी उठ तेतार पतरसन आथो मायला हाकव्या टुटीन पड गया ।

⁸तेतार सोरगदुत तीनाहा कोयु तार लुगडा एने तार चाख्या पेरले तारु नांबलु कुट पेरीन मार फसोव आव ।⁹पतरसह तीयार ओयीन तीनाहाते गयु ,जेलोम दोखु नीक वीन सोरगदुत हाते तेर फोसोव मी जातलु कोरीन पतरसह खोराखोर मालुम नी ओतो च्यु मी हीवणो देखतलु एंहे विचार कोरयु ।

¹⁰च्या दुय बी जुपाह एने राखवावी कोरनारा सीपायडानुह उनकीन गया एने जेतार च्या सेहरोन लेखोडान जुपे च्या पुच्या ते च्यु जुपु तेर तेरे उगडी गयु ।¹¹तेतार पतरस समजी गयु के मी खराखर जेलोन बारथे से अवतु च्यु तेर तेरे कोयु ,एंवी मेहे खराखर मालुम ओयो के परबु भोगवान मेहे मदत कोरने एक सोरगदुतोह मुकलीन मेहे हेरोदेसन आथोमा दोखु एने यहुदी पुडयारयान बजट देखु वाचाड लेदयु ।

¹²एंहे विचार कोरीन च्यु युहन्नान आयी मोरीयमोन गोर गयु तीनाह मरकुस बी कोयतता च्यांहरी खुब वीस्वासी माणहे टुव्वायीन परथना कोरतता ।¹³पतरस बारथेन जुपु ठुक्यु तेतार रुदे नावोन एक जुवान सुरी जुपा हाते कुण से कोरीन देखणे आवला ।

¹⁴पतरसन आवज रुदे उवखी लेदी एने खुब खुस ओयी कोरीन जुपु उगाड़ने सुडीन च्यी दोवडीन मायती गयी एंने च्यांहरी टुव्वायला माणहोह पतरस जुपे उबरोय रोयुह कोयी ।

¹⁵यो होंबीन च्या तीनीह कोया तु गाडवाय गयली के ? च्यी फोसी तीनुह मी काय कोयतली हासलीनुज से एंहे कोया कोरली तेतार च्या कोया च्यु ते पतरसन सोरगदुत ओहे ।¹⁶पतरस जुपु ठुकतुज रोयु च्या जुपु उगाडया ते पतरस च्यांहरी उबरोय रोयलु देखीन बोगलाय गोया ।

¹⁷पतरस तीनुह ठावका रोयु कोरीन आथो कोरीन इसारु कोरयु तेतार च्यु तीनुह परबु भोगवान तीनाह केहे काय जेलोम दोखु सुडावीन लाव्यु कोरीन कोयु याकुब एने दीहरा बायहोह बी काय ओयलो यी वात कोयापजु एंहे कोयीन ओवतु च्यु च्यांहरी दोखु दीहरी जागे जात रोयु ।¹⁸दीहरे दीही होंदारे सोयनीके पतरसह काय ओयलो कोरीन थाता थुय ओय गोया ।

¹⁹राजा हेरोदेस पतरसह आखी खेर हुदणे लागाडयु ,पुण च्यु नी जुडयु , कोरीन पतरसन राखवावी कोरनाराह तोपासोन तीनाह मारने हुकुम आपलु आवतु हेरोदेस येहुदीया जीला सुडीन केसरीया सेहरोमा रोयणे बाज गोयु ।²⁰राजा हेरोदेस सुर एने सीदोन सेहरोन माणहोह खुब कीचवाय गोयु पुण हेरोदेस राजा राज कोरनेन जीला दोखा सुर एने सीदोन सेहरोन माणहोह दाणा दुणी जुडतोता कोरीन सुर एने सीदोन सेहरोन माणहोह गोरदी बोला स्तुस ज्यु हेरोदेसन खास पावोर ओतु तीना पाह गोयला च्या बोला स्तुसोह राजी कोरावीन कोया के च्या हेरोदेस हाते सांतवीर मीवीन रोयणे हुत्तला एने च्या फोसा तार राजोन माणहो हाते लेणो देणो कोरने हुत्तला ।

²¹हेरोदेस माणहोह मीवायणे एक दीही ताकलु तेदीह हेरोदेस राजान लुगडा पेरीन टोटमा आवीन तेर राज गादी पर बोठीन हीकाडने बाज गोयु ।²²माणहे आयडीन कोया यु माणहोन बुल नीबंदे पुण भोगवानोनुज बुल से ।

²³हेरोदेस भोगवानोन बोडायी कोरनेन बोदले सोतानुज बोडायी कोरावजु कोरीन पोरबु भोगवानोन सोरगदुत तीनाह मारयु तीनामा लगेज तेर डीलोम कीडा पोडीन च्यु मार मारथु तीनामा लगेज तेर डीलोम कीडा पोडीन च्यु मार गोयु ।²⁴जेतार बोरनबास एने सावुल तींदरी सेवा येरूशलेम सेहरोमा पुरी कर देण्या तेतार च्या आंताकीया फोसा आव लाग्या एने च्या युहन्ना ज्यु मोरकुस कोवायततु तीनाह बी तींदरे हाते ली गोया।

²⁵भोगवानोन वात वोडती गोयी एने आखा माणहोन वीस्मा पसरी गोयी ।

Chapter 13

¹आंताकीया सेहरोन मोडंलीन बोवीस्य कोयणारान एने हीकाडनारान नावे याहरी लेखायला से बोरनबास एने सीमोन ज्यु नीगर कोवायतलु से लुकीयुस कुरेनी सेहरोन से एने सावुल एने हेरोदेस राजान आयतु दोखु दुस्ती मोनान्यु ।

²एक दीही च्या उपास पाविन पोरबु भोगवानोन बोकती कोरतला तेतार पोवित्र जीव आत्मा तीनुह कोयी मार कोरता बोरनबास एने सावुलोह नीवाडु काहाके मी तीनुह खास काम कोरनेन कोरता बुलाडलु से ।

³कोरीन च्या उपास एने पोरथना कोरया एने बोरनबास एने सावुल पोर आथ मेकीन पोरथना कोरया एने तीनुह पोरबुन काम कोरने मुकली देण्या ।⁴सावुल एने बोरनबास पोवितृ आत्मान ओगवाय दोखा सीलुकीया नावोन मोठला डुडयान टेसोणपोर गोया।च्याहरी दोखा च्या जहाजोमा बोठीन कुपुरुस काडापाणीमा जात रोया।।

⁵जेतार च्या सोलमीस सेहर पुच गोया ते च्याहरी यहुदी माणहोन बोक्तीन गोरमा बोगवानोन बुल होबाडीया युहन्ना बी तींदरी मदत कोरततु।⁶च्या बोठा काडापाणीमा ओयता पोरवास कोरिन पाफुस सेहर लोगोण पुच्या।च्याहरी च्या बारयीसु नावोन एक यहुदी जातिवावा नोजंर बांदाह मीवाया,तेरो नाव युनानी बास्यामा उलीमास से च्यु ठोगे बोवीस्य कोरणारु औतु।

⁷च्यु सीरगयुस पोवलुसन कोरता काम कोरतोतु,सीरगयुस पोवलुसन खुब ओक्कोल वावु माणुह ओतु एने कुपरूस काडापाणीमा न राज जालाडनारु ओतु।

⁸पुण इलीमास तेर नावोन मोतलब नोजर बांदयु बोरनबास एने सावुलोह वीरुद कोरतला च्यु सीरगी युसोह यीसु पोर बुरहु कोरने दोखु रुक्यु ।⁹तेतार पोवित्र जीव आत्मान काबामा ओयीन सावुल जीनाह पोवलुस बी कोयतोता च्यु इलीमासोह एक टोक लागाडीन बाव्यु ।

¹⁰एने कोयु तु बुतडान पुरयु से तु भोगवानोन आखी नेतीन दुस्मोन से ती होमेस्या माणहोह ठोगतलु एने आखी बातीन खोराब काम कोरतलु ,एने पोरबु भोगवानोन खोरी वाटोह ठोग वात बोणाव देतलु एंहे नु केतार लोगोण कोया कोरहे ?¹¹कोरीन पोरबु भोगवान तोहो डोंड आपणे बाज रोयुह ,तीनामा थुडीक टेमे लोगोण तु आंदवु रोयहे तु कायीज नी देख सोके एने तु दीहोन उज्यावो लोगोण नी देख सोके ,तेतार लगेज इलीमास आंदवु ओय गोयु च्यु इंखेर तींखेर चालीन कुण बी तीनाह ओगवायी कोरे कोरीन सापलने बाज गयु ।

¹²जेतार सीरगीयुस राज चालाडनारु काय ओयो च्यो देखीन च्यु मालोक भोगवानोन वातोपोर बोगंलायीन तीनापोर बुरहु कोरयु ।¹³पोवलुस एने तेर हातीह पाफुस सेहर सुडीन जाहजोमा बोठीन पोंफुलीयान पीरगा सेहरोमा आव्या च्यांहरी युहन्ना तीनुह सुडीन येरुशलेम जात रोयु ।

¹⁴पुण पीरगा सेहर दोखा पोवलुस एने तेर हातीन पीसी दीया जीलामा आंताकीया मा पुच्या च्यांहरी आरामोन दीही च्या भोक्तीन गोरमा जायीन बोठ गोया ।

¹⁵मुसान नेम एने पेल्ला वारान बोवीस्य कोयणारा लेखला ओता च्यो वाचीन नोव राया तेतार भोकतीन गोरोमा पुडारीनु पोवलुस एने तेर दुस्तीनुह एंहे कोय मुकल्या के ए बायहो जोर तुमु माणहोन काय बी हीम्मोत आपणेन वात कोयणु ओये ते च्यो कोयु ।¹⁶तेतार पोवलुस उबरोयीन तेर आथ पीलकावतु जायीन कोयु ए इसरायेली माणहो एने भोगवानोह बीन चालनारा होंबु ते खोरो ।

¹⁷इसरायेली माणहोन भोगवान आपणा डाय डायाह नीवाडलु एने च्यु जेतार च्या माणहे मीसर देसोमा रोयतोता तेतार तीनुह मोटा बोणावलु एने तेर मोटी सोकती दोखु च्यु तीनुह मीसर देस दोखु सुडावीन लावलु ।

¹⁸एने च्यु चावीह वोरीह लोगोण जेतार च्या उजाडी जागे पोरवास कोरतोता तेतार तींदरी राखवावी कोरतु रोयु ।¹⁹च्यु कोनान देसोम रोयणारा सात जातीह नास कोर देण्यु एने च्यो देस तेर इसरायेल माणहोन होकोम आप देण्यु ।

²⁰आखा कोनान देसोह काबामा कोरने कोमसी कोम तीनुह साडे च्यार होव साल लाग्या इसरायेल माणहे कोनान देसोम पोराया बोणीन रोयणे चालु कोरनेन बादमा बोगवान तीना देसोपोर राज कोरने नीयाव कोरनारा पुडारी माणहोह नीवाडलु सामुयेल बोवीस्य कोयणारान टेमे लोगोन नीयाव कोरनारा पुडारी इसरायेल माणहोह चालाडतोता ।²¹तेतार इसरायेल माणहे बोगवानोह कोया ,आमुह राजा जुवे तेतार बोगवान कुसोन पुरयु सावुलोह राजा बोणावीन तीनुह आपलु सावुल बिन्यामिनोन गोराणान ओतु एने च्यु इसरायेल माणहो पोर चावीह साल राज कोरलु ओतु ।

²²इसरायेल माणहोन राजा सावुलोह बोगवान काडीन ओवतु दावुदोह तींदरा राजा बोणावयु,दावुदोन बारामा बोगवान एंहे गोवायी आप्यु ,मेहे यीसुन पुरयु दावुद मार मोन पोटे ओहलु सापडी गोयु , च्यु मारी इस्या पुरी कोरहे ।²³एने बोगवान जेहे वायदु कोरलु तेहे तीना दावुदोन गोराणाम दोखु च्यु इसरायेली माणहोन कोरता वाचाडनारा यीसुह मुकल्लु ।

²⁴यीसु आपणेन पेल युहन्ना आखा इसरायेली माणहोनुह तींदरा पाप दोखा मोन फीरावीन बापतीस्मा लेणु जुवे कोरीन परचार कोरयु ।

²⁵जेतार युहन्ना तेर सेवा पुरी कोरनेमाज ओतु च्यु कोयु तुमु मेहे काय सोमजतला ? मी मोसी नींबदे देखु मार फसव एक आवणारु से तेर चाय्यान पोटटी सुडनेन बी मी लायक नींबदे ।²⁶ए बायह बोणहा तुमरामा थुडाक आबराहामोन पुरया से एने थुडाक बोगवानोह बीणारा बीगुर येहुदी वावा बी से तुमु आखा होंबु ,यीसु आपुहु वाचाडतलु यी खोबोर बोगवान आपणे कोरता मुकल्लु से ।

²⁷पुण येरुशलेम सेहरोन माणहे एने तीदंरा पुडारीनु यीसु ज वाचाडनारु से कोरीन नी सोमजतोता च्या पेल्ला वारान बोवीस्य कोयणारा लेखला ओता तीनी वातोह बी नी सोमज्या यी वात आरामोन दीही डीट वाचतला च्या यीसुहु गुनावालु ठोरावला कोरीन पेल्ला वारान बोगवानोन बोवीस्य कोयणारान लेख पुरो कोरया ।²⁸यीसुह मोतोन डोंड आपे ओहलो तीनुह तीनामा कायीज गुनु नी सापडयु ती बी च्या यीसुहु मार नाखणेन कोरता पीलातुसोह रावण्या कोरला।

²⁹ज्यो काय बोगवानोन पुस्तोकोमा लेखाय रोयोह च्यो आखो तीना हाते कोरीन ओवता च्या तेर दोडोह कुरुसोपोर दोखा उतारीन मोटटायामा मेकला ।³⁰पुण बोगवान तीनाह मोरलाम दोखु जीवतु कोर देल्लु ।

³¹ओवता च्या माणहे यीसु हाते गोलील जीलान दोखा येरुशलेम सेहर जातोता तीनुह यीसु वारुज दीही लोगोण देखायतु रोयु ,च्याज एवी माणहोनुह तेर पुरावु आपला ओता ।³²वारुज सालोम पेल बोगवान आपणा डाय डाया हाते वायदु कोरलु ओतु तेरो बारामा आमु तुमुह हाजी खोबोर कोयतला ।

³³जेतार बोगवान यीसुहु मोरलाम दोखु जीवतु कोरीन तेर पुरया हाते कोरलु वायदु च्यु आपु हाते पुरु कोरलु जेहे बोजन जीतोन दीहरा पाठोमा बी लेखलो से तु मारु बेटु से आज दोखु मी तार बाबु बोण गोयलु से।

³⁴बोगवान यीसुहु मोरलाम दोखु जीवतु कोरयु एने च्यु कोदी नी मोरे एने तेर डील कोदी नी सोरे, कोरीन बोगवान कोयु ,दावुदोह वायदु कोरलु ओतु पोवित्र जोलमकोज खोरली आसीरवाद खोराखोर मी तुमरे कोरता बी आपीह।³⁵बोगवानोन पोवित्र पुस्तोकोमा दिहरी जागे एंहे लेखाय रोयोह, बोगवान तार पवित्र जोणोह सोडने नी देहे।

³⁶जेतार दावुद बोगवानोन मोरजी दोखु सेवा कोरीन जीवतोतु, ओवतु च्यु मोर गोयु एने तेर डायडायाह ज्यांहरी डाकला च्यांहरीज तेर दाडोधॊ बी डाक देल्ला एने मोटट्यामा तेर डिल सड़ गयलो।

³⁷पुण येशुन डिल ज्यो बोगवान मोरलाम दोखु जीवतु कोरलु तेर डिल मोंटट्यामा , नी सोड़यो।³⁸कोरीन ए मारा बायह बोणहा , आमु तुमुह कोयला ओता तीनी हाजी खोबोर दोखा तुमु सोमजी जावु , यीशुपोर तुमु बुरहु कोरे तेतारूज तुमुह पापोन माफि जुड़हे।

³⁹मुसान नेम तुमरा पापो दोखो सुड़ावीन तुमुह दोरमी नी बोणाव सोकतला , पुण ज्या यीसुपोर बुरहु कोरतला च्या आखा पापो दोखा सुटीन दोरमी गीणायहे।⁴⁰ज्यो काय बोविस्य कोयणारा कोयला ओता च्यो तुमु हाते नी आवणु जुवे कोरीन सोमावीन रोयु।

⁴¹ए वाको काडणारा देखु ,तुमु बोगंलायीन मोर जावु , काहाके मी तुमरी पीडीमा काय काम कोरतलु च्यो तुमुह कुण बी सोमजाडे ती बी तुमु तुमु बुरहु नी कोरे ।⁴²जेतार पोवलुस एने बोरनबास येहुदीन बोकतीन जोरोन बारथे नीकोवतोता तेतार बीगुर येहुदी जात जातीवावा माणहे तीनुह रावण्या कोरया ओगल आरामोन दीही बी तुमु आवु एने इनी वातोन बारामा आमुह ओवी कोयापजु ।

⁴³येहुदी भोक्तीन गोरमा बोक्ती कोरीन नोवरायला तेतार खुब येहुदी माणहे एने खुब बीगुर येहूदी वावा येहुदी दोरम माननरा नोवला चेला पोवलुस एने बोरनबास वात मानने बाज गोया, पोवलुस एने बोरनबास तीनुहु सोमजाडीन कोया ,तुमु बोगवानोन पोर बुरहु कोरता एने बोगवानोन दोयामा टीकीन जीवाय जीवु ।⁴⁴ओगले आरामन दीही सेहर मायला खुब माणहे पोरबुन बारामा वात होंबोवणेन कोरता टुव्वाय गोया ।

⁴⁵पुण जेतार येहुदी माणहे माणहोन गोरदी पोवलुस एने बोरनबासोन वात होंबोवणे टुव्वायला देखीन च्या खुब कुयरायणे बाज गोयला ,च्या पोवलुस वाको काडता जायीन तेरी नाव बोदी कोरने बाज गोया ।⁴⁶पुण पोवलुस एने बोरनबासोन हीम्मोत हाते एंहे कोया बोगवानोन वात दीहराह कोयणेन पेल तुमुहुज होंबाडनेन जोरुडी ओता पुण तुमु वात नीकार कोरीन होंबोवणे नी हुत्तला कोरीन जोलमकीज जीवाय जुडनेन तुमु सोताह लायोक नी सोमजेतला , कोरीन आमु बीगुर येहुदी वालाह बोगवानोन हाजी खोबोर देखाडणे जातला ।

⁴⁷काहाके पोरबु आमुह यु हुकुम आपलु के ज्या बीगुर येहुदी वावा से तीन माणहोन कोरता मी तोहो उज्यावान होस मेकलु से, तेतार दोरतीन खुणे कुपरेन आखा माणहोह वाच जाणेन वाट देखाडे।⁴⁸यो होंबीन बीगुर येहुदी जातीन माणहे मालिक बोगवानोन वात मानीन खुस खुस ओयीन बोडायी कोरने बाज गोयला एने ज्या माणहे बोगवानो हाते जलमकीज जीवाय जीवणे नीवडाय गोयला ओता च्या यीसु पोर बुरहु कोरनारा बोण गोयला ।

⁴⁹तेतार पोरबुन बुल आखा देसोमा पोसरी गोयो ।⁵⁰पुण यहुदी माणहे थुडाक मोटला गोराणान बोक्ती कोरनारा बायराहा ज्या येहुदीन नेम पावणारा ओता तीनुहु एने सेहरोन डायलानुहु बोडकाव देल्ला च्याज जायीन पोवलुस एने बोरनबासोन वीरुद बोडकावीन तीनुहु तींदरा मुलकोमा दोखा नाहाड देल्ला ।

⁵¹कोरीन च्या तीदंरे ओगोव तींदरा पायोन फोफटो जोटकीन इकुनीयुम सेहर जात रोया ।

⁵²ती बी ज्या यीसुपोर बुरहु कोरतता च्या चेला खुसीमा एने पोवित्र जीव आत्मामा पुरान पुरा बोराय गोया ।

Chapter 14

¹इकुनीयुम सेहरोमा येहुदीन बोकतीन गोरमा पोवलुस एने बोरनबासोन गोया , बोगवानोन हाजी खोबोर हाजी हुते परचार कोरला कोरीन खुब येहुदी माणहे एने युनानी माणहे बी बोगवानोन वातोपोर बुरहु कोरला ।

²पुण थुडाक येहुदी जातीवाला ज्या यीसु पोर बुरहु नी कोरतला च्या बीगुर यहुदी वावा बायहोन मोनोह बोनकाडीन ज्या यीसु पोर बुरहु कोरतला तींदरे वीरुद कोरने लागाडया ।³पोवलुस एने बोरनबासोन खुब दीही लोगोण च्यांहरी रोया च्या पोरबुन कुरपान माणहोन हीम्मोत हाते हीकाडला एने पोरबु तीनुहु खुब मोटला मोटला कामे एने चमत्कारे कोरनेन ताकोत आपीन च्या कोयला वात खोरीज ओती कोरीन पुरावु आपलु ।

⁴पुण तीना सेहरोन माणहे फाटाफुट ओय गोया थुडाक माणहे येहुदी माणहो खेर ओय गोया एने थुडाक नेवतो पुचाडनारा चेला खेर ओय गोया ।⁵तेतार थुडाक बीगुर येहुदी जातीवाला एने थुडाक येहुदी वावा एने थुडाक सेहरोन खास पुडारीनु बी पोवलुस एने बोरनबासोह लाजवाडनेन विचार कोरीन तीनुहु दोगडाटणेन होमचु कोरया ।

⁶जेतार च्या इनी वातोह जाण लेदया च्या च्यांहरी दोखा लुकावन्या जीलामा एने लुस्तरा सेहर एने दीर सेहरोमा एने आहने पाहनेन मुलकोमा नाह गोया ।

⁷च्यांहरी बीच्या यीसुन बारामा हाजली खोबोर माणहोह होंबाडता रोया ।⁸कुस्तरा सेहरोमा एक माणुह बोठेलु ओतु च्यु जोनम दोखु पांगवु ओतु एने तेर जीवाय मा कोदीनी चाल्यु ।

⁹च्यु माणुह पोवलुसोह वातु कोरतलु होबंवततु बोगवान मेहे हाजु कोरहे एंहे तीन माणहोन बुरहु से कोरीन पोवलुस सोमजीन तीनाखेर एक टोक लागाडीन बाव्यु |

¹⁰पोवलुस मोटे आयडीन कोयु तार पायोन जुरोपोर उबरोय च्या तेतार रुज च्यु पागवु उसवीन उबरोय गोयु एने चालने फीरने बाज गोयु ।¹¹माणहे पोवलुस यो काम देखीन लुकावुनीया मुलकोम बास्यामा मोटे आयडीन कोया देवे माणहन रुपोमा आमरे वीस्मा उतरीन आवला से ।

¹²च्या बोरनबासोह ज्युस मोंजे देवोन ‌मुखी एने पोवलुसोह हीरमेस मोंजे तीदंरा बोगवानोन नेवतो आपणारु कोरीन कोयणे बाज गोया काहाके पोवलुस वातु देखाडणेमा मुखी माणुह ओतु।

¹³कुस्तरा सेहरोन जुपा हाते ज्युस देवोन मोंदीर ओतु तीना मोंदीरोन पुजारु पोवलुस एने बोरनबासोह देवे सोमजीन तीदंरे ओगव हाडुं एने फुलोन हार सेहरोन जुपा हाते लावीन बादा चोडावणे हुत्तोतु ।¹⁴जेतार बोरनबास एने पोवलुस यों होंब्या ते च्या तीदंरा लुगडा फाडीन मोनमा दुखी ओयीन माणहोन विस्मा दोवडीन गोया एने आयडीन कोया ।

¹⁵ए माणहो तुमु इनसेहे काहा कोरतला ? आमु बी तुमरे होस माणहेज से ,आमु तुमुह धजली खोबोर होंबाडतला से , के तुमु इनु वायबार चीजो दोखा सेटा ओयीन जीवतला बोगवानो खेर फीरे , च्युज सोरग दोरती एने ज्यो काय तीनुमा से च्यो आखो गोडलु से ।

¹⁶पेल्ला वारामा बोगवान आखी जातीन माणहोह तीनुहु जेहे पोटयो तेहेंज तींदरे वाटे चालने सुड देण्यु ।¹⁷ती बी च्यु तुमरे कोरता हाजा काम कोरतु रोयीन सोरगोमा देखु पाणी पाडीन टेमो पोर कोमाय पाकाडीन च्यु तुमुह आखी बातीन खाणो आपीन तुमरो मोन खुसीमा बोरलु रोयलु ।

¹⁸यो कोयीन बी माणहोह तीदंरे कोरता बादा चोडावणेम दोखा तीनुहु रुकणेन खुब मुस्कील ओय गोयो ।¹⁹थुडाक येहुदी माणहे आंताकीया सेहरोन एने इकुनीयुम सेहरोन थुडाक माणहे माणहोह पोवलुसोन वीरुद कोरने लागाडला कोरीन च्या तीनाह दोगडाटया एने च्यु मोर गोयु सोमजीन गांवोन बारथे गीहडीन ली गोया ।

²⁰पुण चेला पोवलुसोन सोमखेर टुव्वाय गोया तेतार च्यु उठीन गावामा गोयु , एने दीहरे दीही च्यू एने बोरनबास दिरबे सेहर जात रोया ।²¹पोवलुस एने बोरनबास दिरबे सेहरोमा हाजी खोबोर देखाडया तीनामा खुब माणहे यीसु पोर बुरहु कोरला, ओवता च्या लुस्तरा सेहरोमा जात रोया ।

²²ज्या यीसु पोर बुरहु कोरतला तीनु चेलान मोनोह हीम्मोत आपीन उंजु हाजी हुते पोरबुन बुरहामा टीकीन रोयजु कोरीन च्या तीनुहु हीकाडता रोया च्या उंजु तीनुहु कोया आपुह बोगवानोन राजोमा जाणेन कोरता खुब दुःख वेठणु पोडहे ।²³उपास एने पोरथना हाते पोवलुस एने बोरनबास एकेक मोंडलीन कोरता पुडारयाह नीवाडला या पुडारया पोरबु पोर हाजी हुते बुरहु कोरला पोवलुस एने बोरनबास इनु पुडारयानुहु पोरबुन आथोमा होप देल्ला ।

²⁴च्या पीसीदीया जीला ओयता पोंफुलीया जीलामा पुच्या ।

²⁵एने च्या पीरगा सेहरोमा बोगवानोन वात होंबाडीन ओयता ओताकीया सेहरोमा आव्या ।

²⁶च्यांहरी दोखा च्या जाहाजोमा बोठीन आंताकीया सेहरोमा आव्या आंताकीया सेहरोमा दोखाज वीस्वास्या पेल पोवलुस एने बोरनबासोह बोगवानोन दोयान आसरे आथोमा होपीन तीनुहु सेवा कोरने मुकल्ला ओता च्यो सेवा च्या पुरी कोरीन फोसा फीरीन आवला ।²⁷जेतार च्या आंताकीया सेहरोमा पुच्या ते च्या मोंडली मायलाह टुवु कोरला एने बोगवान तीनुहु लागाडीन कोहला मोटला काम कोरलु एने जुपु उगडतलआन होस बीगुर येहुदी वावा बी यीसुपोर केहेंकाय बुरहु कोरीन बोगवान मोदत कोरलु कोरीन माणहोह कोयापला ।

²⁸एने च्या च्यांहरी चेलानु हाते खुब होंटा दीही लोगोण रोयला ।

Chapter 15

¹थुडाक माणहे येहुदीया जीलामा एने आंताकीया सेहरोमा दोखा आवीन मोंडली मायला बायहोनुह एंहे हीकाडने बाज गोया मुसा हीकाडलु नेम दोखा तुमु चामडो कातोरनेन रीत कोरनुज पोडहे ।

²पोवलुस एने बोरनबास ओहला हीकाडनारा हाते वातोमा खुब जोकडी पोडला कोरीन यो ठोराव्या के पोवलुस एने बोरनबास एने थुडाक मोंडलीन माणहे येरुशलेम सेहर जायीन नेवतो पुचाडनारा चेला एने मोंडलीन पुडारीनु हाते इनी वातोन बारामा वात कोरनु ।³जेहे मोंडली मायला तीनुह येरुशलेम सेहर मुकोल्ला तेहे च्या फीनीके एने सामरीया जीला ओयता जाता जाता बीगुर येहुदी वावा बी खोरा बोगवानोपोर बुरहु कोरने बाज गोयला कोरीन कोयता गोया यो होंबीन आखा बायहे खुस ओय गोया ।

⁴जेतार च्या येरुशलेम सेहरोमा पुच्या तेतार नेवतो पुचाडनारा चेलानु , एंने पुडारीनु एने मोंडलीन दिहरा विश्वासीनु बोगवान तीनुहु लागाडीन कोतरा मोटो मोटो काम कोरलु से आखोज तीनुहु कोयण्या।⁵पुण यीशु पोर बुरहु कोरनारा फारसी पोंथोमायलामा दोखा थुडाक माणहे उठीन कोया ज्या यीसु पोर बुरहु कोरनारा बीगुर येहुदी वावा से तीनुहु आखा चामडो कातोरनेन एंने पावणे , च्या मुआन नेम बी माननु पोडहे कोरीन तीनुहु हुकुम आपणु पोडहे।

⁶तेतार नेवतो पुचाडनारा चेलानु एंने पुडारीनु इनी वातोन बारामा लागाडनेन कोरता टुव्वाया।⁷तेतार च्या खुब टेम लोगोण इनी वातोन कोरता बलाबुली कोरया , ओवतु पतरस उठीन तीनुहु कोया , ए बायहो तुमुहु मालुम से के खुब दीहोन पेल मी बीगुर येहुदी वावाह यीशुन हाजली खोबोर कोयणे एने च्या होंबिन बुरहु कोरनु जुवे कोरीन बोगवान तुमरामा दोखु मेहे नीवाड्यु।

⁸बोगवान आखान मोन फारोकणारू से , च्यु तीनुहु नीवाड रोयुहु आपुहु जेहे च्यु पोवित्र जीव आत्मा आप रोयुहु तेहे तीनुहु बी आप रोयुह एहे कोरीन बोगवान तीनुहु बी मान लेदलु कोरीन पुरावु आपलु।

⁹च्या बुरहु कोरला कोरीन तींदरो मन सुखलो कोरीन , बोगवान आमरामा एने तींदरामा बेदबाव नी कोरयु।¹⁰कोरीन ज्या यीसुपोर बुरहु कोरतला तीनु चेलान बुचाटापोर खुब बारो जुंवावो मेकिन बोगवानोह तुमु काहा फारेकतला ?ओहलु वोजु आमु एने आमरा डायला लोगोण नी उचल सोकया।

¹¹पुण आमरू बुरहु यु से के जेहे तीनुपोर बोगवान कुरपा देखाडीन तीनुहु वाचाडयु तेहे आमुहु बी पोरबु यीशु वाचाडहे।¹²पोतरस यो कोयतलु होंबीन आखा माणहे ठावका ओय गोयला बोगवान बोरनबास एने पोवलुसोह लागाडीन बीगुर येहुदी माणहोन वीस्मा मोटलो मोटलो चमत्कार कोयलु एर बारामा च्या तीनुहु देखाडला।¹³तींदरी वात पुरी कोरीन नोवरावीन ओवतु याकुब कोयु , ए बायहो , मारी वात तुमु होंबु।

¹⁴सीमोन पोतरस आपुहु देखाड्यु के खुब दीहोन पेल , बोगवान बीगुर येहुदी वालापोर तेर कुरपा देखाडीन तीनुमा दोखु एक टुवाह तेर नावोन कोरता सोतान बोणते कोरीन नीवाड लेदलु।¹⁵खुब सालोन पेल बोवीस्य कोयणारा बी ओहली लेख रोयाह।

¹⁶बोगवान कोयु , मी फोसु आवीन एने दावुदोन उदोरलो राजपाट फोसु बांदीह , ज्यो उदोरलो एने वेसडायलो से च्यो मी होस कोरीन उब कोर दीह।

¹⁷तेतार रोयलो माणुह मोंजे आखा बीगुर येहुदी वावा एने मार नावोमा बोक्ती कोरनारा कोवायतला च्या आखा माणहे पोरबुहु हुदे।

¹⁸खुब सालोन पेल मी कोवी बोणावलु तेतारेन बोणावलु मार बोनोरोह उगडी कोरलु से।¹⁹बोगवान एंहे कोयलु कोरीन मी एंहे विचार कोरतलु के आपु बोगवानोपर बुरहु कोरनारा बीगुर येहुदी वालानुहु दुख नी आपणु जुवे।

²⁰बाकिन आपु तीनुहु एहे लेखणु जुवे , तुमु मुरतीन ओगोव चोडावलो वीटवाडे ओहलो कायीज खाणो जुण खाता , काल्ली बी बातीन सीनावान काम जुण कोरता गोवो दाबीन ‌मारला जोनवरोन माह एहे लुयोवालो मांह जुण खाता।

²¹काहाके जुनला वारान गांव गांवमा मुसान नेमोन परचार कोरने आवला ओता च्यो आपुहु ओर कोरनु पोठहे, एने च्यो नेम बोगवानोन आरामोन दीह आपणी बोक्तीन गोरमा वाचनोन।²²तेतार नेवतो पुचाडणारा चेला एने दोरमोन पुडारीन एने येरूशलेम मोंदीरोन आखा माणहे थुडाक माणहोह नीवाडीन पोवलुस एने बोरनबास हाते आंताकीया सेहर मुकोलनेन विचार कोरला च्या बायहोमा खास सेताहा येहुदी ज्यु बोरनबास कोवायतलु एंने सीलासोह पोवलुसो हाते मुकोलने नीवाडीन मुकोल्या , येहुदी एने सीलासोन मोंडलीन पुडारी ओता।

²³तीनु हाते चिट्ठी ली मुकल्या , के नेवतो पुचाडणारा चेला , एने येरुशलेम मोंदीरोन पीडार्या आमु आंताकीया सेहरोन मोंडलीन कोरता ज्या आंताकिया , सीरीया देसोमा , एने किलीकिया जीलामा रोयणारा बिगुर येहुदी विश्वासी बायहोन कोरता जेय यीशु कोयीन लेखतला।²⁴आमु होंब्या के आमरा मायला थुडाक माणहे तुमु पाह आविन काय काय जीवोह गाबराव देल्ला से , पुण आमु तीनुह यो कोरने हुकुम नी आप्या।

²⁵कोरीन आमु एक मोन ओयीन यांहरी दोखा थुडाक माणहोह नीवाडीन तुमुपाह मुकोलने होमचु कोरया , आपणा लड़का बोरनबास एने पोवलुसो हाते आमु तीनुहु तुमुहाते मुकोलन्या से।

²⁶पोवलुस एने बोरनबास ओहला माणहे से के ज्या आपणा पोरबु यीसु मोसीन नावोमा कोरता तींदरू जीव आपणे लोगोण तीयार ओय गोयला से।²⁷आमु येहुदी एने ‌सीलासोह मुकली रोयाह , तेतार आमु काय लेख रोयाह , च्यीज वात च्या तींदरी मुयो कोरीन तुमुहु कोयहाते।

²⁸पोवित्र जीव आत्मा आमुहु देखाडी के ज्यो जोरुडी नेम से च्यो सुडीन कायीज वोजु तुमुपोर नी नाखणु जुवे ।

²⁹तुमु मुरतीन ओगोव चोडावलो कायीज खाणो जुण खाता काल्ली बी बातीन सीनावान काम जुण कोरता गोवो दाबीन ‌‌मोरला जोनवरोन मांह एने लुयोवाला मांह जुण खाता जोर तुमु एंहे कोरे तेतार तुमरो हाजो ओयहे आमु ओतरोज लेखीन यी चिटठी पुरी कोरतला ,तुमु हाजा रोयजु ,आवजु हां।³⁰ओवता च्या येरुशलेम सेहर सुडीन आंताकीया पुच्या ओवता च्या मोंडली मायलाह टुवु कोरीन तीनुहु चिटठी आप्या ।

³¹जेतार च्या चिटठी वाच्या ते हाजी वातोन बारामा खुब खुस ओय गोया ।

³²बोवीस्य कोयणारा येहुदा एने सीलास खुब वात देखाडीन वीस्वासी बायहोनुह हीम्मोत आपीन तीनुहु³³च्या थुडाक दीही आंताकीया सेहरोन मोंडलीमा वीस्वास्यान हाते रोया एने ओवता वीस्वासी बायहोनु येहुदा एने सीलासोह सांतीवार येरुशलेम वाटे लागाड देल्ला ।

³⁴पुण सीलासोह च्यांहरी आंताकीया सेहरोमा रोयणु हाजो लाग्यो।

³⁵पोवलुस एने बोरनबास आंताकीया सेहरोमा रोयीन दीहरा वारुज वीस्वास्या हाते बोगवानोन हाजी खोबोर पोरचार कोरया एने माणहोह पोरबुन वात देखाडता रोया ।³⁶खुब दीहोन ओवतु पोवलुस बोरनबास कोयु ,आपु ज्यांहरी पोरबुन बुल होंबाडला ओता च्यांहरी तीनु गांवमा आपु फोसा जाहु एंने आपणा वीस्वासी बायहोनु कोयला से कोरीन देखहु ।

³⁷युहन्ना जीनाह मोरकुस कोयतला तीनाह बोरनबास तेर हाते ली जाणेन विचार कोरयु ।

³⁸पुण पोवलुस तीनाह तीनुहाते ली जाणे नी हुत्तोतु काहाके च्यु पोंफुलीया जीलामा तीनुहाते दोखु सेटु ओय गोयलु ओतु एने पोरचारीन कामो पोर तीनुहाते नी गोयु ।³⁹युहन्नान बारामा पोवलुस एने बोरनबास वीस्मा ओतरी बुलाबुली ओय गोयी कोरीन च्या एक दीहरा हाते दोखा सेटा ओय गोया बोरनबास मोरकुसोह लीन आयतला जाहजोमा बोठीन कुपरुस काडा पाणी खेर जात रोयु ।

⁴⁰पुण पोवलुस सीलासोह तीनाहाते ली जाणे नीवाडयु वीस्वासी बायहोन कोरता बोगवानोन दोया मांगीन तीनुहु पोरथना हाथोमा होपीन ओवता च्या च्यांहरी दोखा जात रोया ।

⁴¹एने च्या सीरीया देस एने कीलकीया जीला ओयता च्याहरी न मोंडली मायला वीस्वास्यानुह बुरहामा पोक्का कोरनेन मोदत कोरता गोया ।

Chapter 16

¹ओवतु पोवलुस हीरबे सेहर एने लुस्तरा सेहरोमा बी गोयु , च्याहरी तीमुथी नावोन एक चेलु अतु तेर आयी वीस्वासी ओती ,तेर आयी येहुदी जातीन ओती ,पुण तेरु बाह युनानी ओतु ।

²लुस्तरा सेहर एने इकुनीयुम सेहरोन वीस्वासी बायहोमा दोखु तीमुथी ,नावलायलु माणुह ओतु ।

³पोवलुस तीमुथीह तेर हाते ली जाणे हुत्तोतु ,पुण तीन मुल्कोंमा रोयणारा आखा येहुदी माणहोह मालुम पोडयो के तीमुथीन बाबु युनानी ओतु ,येहुदी माणहे तीनाह माननु जुवे कोरीन पोवलुस तीमुथीन चामडो कातोरनेन रीत कोरलु ओतु।⁴च्या सेहरोठीट जाता जाता येरुशलममोन नेवतो पुचाडनारा चेलानु एंने पुडारीनु ठोरावला ओता नेम कायदु माननु जुवे कोरीन मोंडली मायलाहा वात देखडता जातोता ।

⁵एंहेज मोंडली मायला माणहे यीसु पोर बुरहु कोरनेमा पोक्का ओयता गोया एने दाडीन मोंडलीमा खुब होंटा माणहे जुडायता गोया ।⁶च्या फुरगीया एने गोलातीया पोराया देसोमा ओयता गोया एने पोवित्र जीव आत्मा पोवलुस एने तेर हाजीहुनुह आसीया जीलामा बोगवनोन वात पोरचार कोरने नी देणी ।

⁷ओवता च्या मुसीया मुल्कों हाते पुच्या एने च्यांहरी दोखा बीतुनीया मुलुक जाणे हुदया पुण यीसुन जीव आत्मा तीनुहु जाणे नी देणी ।

⁸कोरीन च्या मुसीया जीला ओयता तोरवास सेहरोमा आव्या ।⁹तेदीह राती पोवलुस एक जागतो हीवणो देख्यु तीना जागता हीवणामा मोकीदुनिया जीलामा दोखु एक माणुहु आवीन उबरोयलु एने पोवलुसोह रावण्या कोरलु " तु मोकीदुनियामा आवीन आमरी मोदत कोर ।

¹⁰पोवलुस यो जागतो होवणो देखीन नोवरायु ओवता ,आमु लोगेज मोकीदुनिया जाणे तीयार ओय गोया काहाके आमु यो सोमजी गोया के यांहरीन माणहोह यीसुन हाजी खोबोर देखाडणे आमुह बोगवान बुलाडलु से।¹¹आमु तोरवास सेहर सुडीन जाहाजोमा बोठीन सुमातरेत नावोन काडापाणीमा गोया एंहे ओयता दीहरे दीह मोकीदुनिया जीलान नीयापुलीस सेहरमा गोया ।

¹²ओवता च्यांहरी दोखा आमु फीलीप्पी सेहरोमा पुच्या च्यांहरी रोमी सोरकार राज कोरतोता एने मोकीदुनीया जीलाम च्यो एक मुखी सेहर ओतो ,आमु फिलीपी सेहरोमा थुडाक दीह लोगोण रोया ।

¹³आरामोन दीही आमु सेहरोन बारथे जायीन एक खुदरान मेहे होमेस्या पोरथना कोरनेन जागामा गोया , च्यांहरी थुडाक बायरा टुव्वाय रोया ओता ,ओवता आमु तीनुहाते बोठीन यीसुन बारामा वातु कोरया ।¹⁴तीनुमा लुदीया नावोन एक बायी ओती च्यी थुवातीरा सेहरोन ओती ,मोंगला जामण्या रोगोंन लुगडा वेचणारी ओती च्यी बोगवानोन बोकती करतोती च्यी पोवलुस काय वात देखाडतोतु ची वात मन लागाडीन होंबवणेन कोरता पोरबु तेरो मन उगाडलु ।

¹⁵ओवता च्यी एने तेरा आखो पोरीवार बापतीस्मा लेदया ओवती च्यी आमुह रावण्या कोरी जोर मी पोरबु पोर खोराखोर बुरहु कोरतली एंहे तुमु सोमजतला ते तुमु मार गोरमा आवीन रोयजु ।¹⁶एकवार जोतार आमु पोरथना कोरने जातोता ,तेतार आमुह एक जुवान गुलाम पावरनी मीवायी तीनीमा आवणेवाली वात कोरणारु बुतडु ओतु ,एंहे कोरीन च्यी तेर मालकोन कोरता खुब पोयहा कोमायीन लावतोती ।

¹⁷च्यी सुरी पोवलुस एने आमरे फोसोव आवीन आयडी आयडीन कोयणे बाज गोयी ," या माणहे आखा दोखा उचा सोरग मायला जीवतला बोगवानोन पावरे सेताह या तुमुह केहेंक काय पापोन डोंड दोखा वाचणेन खोबोर होंबाडतोता।

¹⁸च्यी खुब दीह लोगोण एंहे कोरती रोयली यो होंबीन पोवलुस कीदराय गोयलु , कोरीन च्यु फोसु फीरीन तीना बुतडाहा कोयु ,यीसु मोसीन नावोमा इनीमा दोखु निकवी गोयु ।¹⁹तीन सुरीन मालक सोमजी गोयु के एंवी आमरी इनीही लागाडीन पोयहा कोमायणेन आसा जात रोयली कोरीन च्या पोवलुस एने सीलासोह गीहीन आटोमा रोमी पुडारी हाते ली गोयु ।

²⁰एने च्या तीना पुडारीनुह कोया या माणहे येहुदी से ती बी सेहरोमा मोटी गोडबोडी कोरने बाज रोयाह ।

²¹या आपणा रोमी माणहोन रीत माननेन एने पावणेन कोरने आमुह हीकाडताह ।²²यो होंबीन माणहोन गोरदी पोवलुस एने सीलासोन वीरुद कोरने टुव्वाय गोया ओवता रोमी पुडारया पोवलुस एने सीलासोन लुगडा फाडीन तीनुहु चोपोकडा कोरीन देणे हुकुम आपला ।

²³खुब देणेन बादमा च्या तीनुहु जेलोम नाख्या ,एने पुडारया जेलोम राखवावी कोरनाराह इनुहु होस कोरीन बावजी एंहे कोया ।

²⁴जेलोम राखवावी कोरनारु तीनुह जेलोम कुंड देल्लु तीदंरा पाये खास पाडला दुय पाटोन वीस्मा गालीन तोहे कुस देल्ला ।²⁵आरदी रातीन वेवा पोवलुस एने सीलास पोरथना कोरीन बोगवानोन गीत गावता ओता ,जेलोमा कुंडाय रोयला ओता आखा माणहे च्यो होंबोवला ।

²⁶उचकाहलीज दोरती आल गोयी ,एने जेलोन पाया आल गोया एने तेतारुज जेलोन बोठा जुपा उगडी गोया एने जेलोमायला केयदीन आखान हाकव्या सुट गोया ।²⁷जेलोन राखवावी कोरनारु जाग गोयु एने जेलोन जुपा तीनाह उगोडला देखाय च्यु जेलोम कुंडाय रोयला माणहे उगोडला देखाया च्यु जेलोम कुंडाय रोयला माणहे नाह गोया एंहे वीचार कोरयु ,कोरीन च्यु तेर तोलवार काडयु एने च्यु वीचार कोरयु, कोरीन च्यु तेर तोलवार काडयु एने च्यु सोताह मारने हुत्तोतु ।

²⁸तेतार पोवलुस मोटे आयडीन कोयु आमु आखा यांहरी से,तु तार तारे सोताह मारने कुसीस जुण कोरतु ।²⁹तेतार जेलोम राखवावी कोरनारु कुणीह तोरी दीवु लांवणे कोयु ओवतु च्यु मायतु दोवडीन गोयु , एने पोवलुस एने सीलासोन ओगोव कापतु जायीन पाया पोडयु ।

³⁰ओवतु च्यु पोवलुस एने सीलासोह बारथे लावीन कोयु , ए मालकोनु पापोन दोखा वाच जाणेन कोरता मेहे काय कोरनु पोडहे ?

³¹तेतार च्या तीनाह कोया ,पोरबु यीसु मोसी पोर बुरहु कोर ,तेतार तु एने तार गोरल्या वाच जाहे ।³²तेतार पोवलुस एने सीलास तीनाह एने तेर गोरल्यानुहु पोरबु यीसुन बुल होंबाडया ।

³³रातीन वेवा जेलोम राखवावी कोरनारु पोवलुस एने सीलासोह गोर लीग जायीन तीनुहु चोट रोयलो च्या दुव्यु तेतार च्यु एने तेर गोरल्या लोगेज बापतीस्मा लेदया ।

³⁴ओवतु च्यु पोवलुस एने सीलासोह तेर गोर लीजायीन तीनुहु खाणे खाणो आप्यु ,च्यु एने तेर गोरल्या बोगवानोपोर बुरहु कोरला एने खुस ओय गोयला ।³⁵दीहरे दीही होदांरे ,रोमी पुडारीन सीपायडाहा जेलोम राखवावी कोरनारा पाह मुकोल्लया एने तीनाह कोमायलीन माणहोनुह सुड देवु ।

³⁶जेलोन राखवावी कोरनारु पोवलुस कोयु,पुडारीनु तुमुहु सुडनेन मेहे हुकुम आपला से ,एवी तुमु सांतीवार जात रोयु ।³⁷पुण पोवलुस राखवावी कोरनाराहा कोयु आमु रोमी माणहे से ,आमरु कायीज गुनु नीबंदे ती बी च्या आखान ओगोव आमुह देल्ला , एने जेलोम नाख्या एने एंवी आमुहु ठावकाज सुडतला नी आमु नी जाजे च्याज आवणु जुवे एने आमु सुडनु जुवे ।

³⁸राखवावी कोरनारा यी वात पुडारीनुह कोया , पोवलुस एने सीलास रोमी राजवाडान खास मेबंर से,यो होबींन रोमी पुडारीनु गाबरी गोया ।

³⁹कोरीन च्या आव्या एने तीनुहु कोया आमुह माफ कोरु ओवता च्या पोवलुस एने सीलासोह बारथे लीजायीन तीनुहु इना सेहरोमा दोखा जात रोयु कोरीन रावण्या कोरया ।⁴⁰जेलोम दोखा नीकवीन ओवता पोवलुस एने सीलास लुदीया बायीन गोर गोया , च्या च्यांहरी थुडाक वीस्वासी बायह बोणहानुह मीवायीन तीनुहु हीम्मोत आपीन ओवता च्या च्यांहरी दोखा जात रोयला ।

Chapter 17

¹ओवता पोवलुस एने सीलास ओमफीपोलीस एने आपोलोनीया सेहर ओयता थीस्सलुनीकी सेहरोम आव्या च्यांहरी येहुदीन एक बोक्तीन गोर ओती ।

²बोगवानोन आरामोज दीहीन रीती पोवलुस बोक्तीन गोरमा गोयु , एने तीन आपता लोगोण च्यु पोवित्र पुस्तोकोम दोखु मोसी यीसुन बारामा खुब वात येहुदी माणहोह देखाडयु ।³पोवीत्र पुस्तोकोमा दोखु च्यु माणहोह हाजी हुते वात देखाडयु के मोसी दुःख वेठीन मोरनु एने मोरलाम दोखु जीवतु ओयणु जोरुडी ओतो ,एने इनाज यीसुन बारामा मी तुमुहु कोयलु ओतु च्युज मोसी से ।

⁴थुडाक येहुदी माणहे पोवलुस वात मान लेदया एने बोगवानोन बोकती कोरनारा युनानी खुब माणहे,एने खुब खास बायरा बुरहु कोरीन तेर वात मान लेदया एने पोवलुस एने सीलास हाते बेसकाय गोया ।⁵कोरीन थुडाक येहुदी माणहे कुयरायतोता बोजारोमा दोखा थुडाक लुच्चा माणहोह हाते ली गोया एने दोंगु माताड देण्यु एने च्या यासोन नावोन माणहोन गोरमा दुदडु दीन बोराय गोया,एने पोवलुस एने सीलासोह हुदतोता ,काहाके तीनुहु माणहोन ओगोव लावण्या ओता ।

⁶पुण तेदीह च्या च्यांहरी नी ओता कोरीन च्या यासोन एने तीन सेहरोन थुडाक वीस्वासी बायहेनुह

गीहीन लाव्या एने माणहे आयडीन कोया या माणहे दुनीयान आखी खेर गोडबोडी कोरणारा से एने एंवी च्यांहरी बी आव लाग्या ।

⁷यासोन तीनुहु तेर गोरमा राख रोयुह ,या आखा रोमी राज चालाडनारा राजा केयसरोन कायदान वीरुद काम कोरतला या कोयतला के , एक राजा ओवी से जेरो नाव यीसु से ।⁸च्यो होंबीन तीना सेहरोन माणहे एने पुडारया खुब गाबरी गोया ।

⁹ओवता च्या यासोन एने दीहरा माणहोह सुडनेन डोंड लेदया एने तीनुहु सुड देल्ला ।¹⁰तेदीहुज रातोम रात वीस्वासी बायहे पोवलुस एने सीलासोह बीरीया सेहर मुकली देण्यो एने च्या च्यांहरी पुचीन येहुदीन बोकतीन गोरमा गोया ।

¹¹थीस्सलुनीकी सेहरोन माणहे दोखा तीना बोकतीन गोरोन येहुदी माणहे पोवलुस हाजी खोबोर खूब आसा हाते मोन लागाडीन होंबवला ओता ,बीरीया सेहरोन माणहे ओतराज पोवलुसोन वात होंबोवला एंहे नी पुण पोवलुस कोयलु च्यो खोरो से की नी कोरीन फारकणेन कोरता च्या दाडीन पोवित्र पुस्तोको मायलो वात वाच्या कोरतोता ।

¹²कोरीन बीरीया सेहरोन खुब माणहे यीसु पोर बुरहु कोरया , च्यांहरीन खुब युनानी बायरा एने खास माणहे बी यीसु पोर बुरहु कोरया ।¹³पुण थीस्सलुनीकी सेहरोन येहुदी माणहोह मालुम पोडयो के पोवलुस बीरीया सेहरोमा बी बोगवानोन वात देखाडतलु कोरीन च्या माणहोह बोडकावणे एने गोडबोड गालने च्यांहरी बी आव लाग्या ।

¹⁴वीस्वासी बायहे लोगेज पोवलुस दोरीयान दोडी मुकली देण्यु ,पुण सीलास एने तीमुथी च्यांहरी रोय गोया ।

¹⁵पोवलुस भेटणे जाणारा एथेंस सेहर लोगोण ली गोया ,च्या फोसा फीरीन जाणेम ओता तेतार पोवलुस तीनुहु कोयु ,सीलास एने तीमुथीह जोलदी मारहाते मुकली देजु ।¹⁶जेतार पोवलुस एथेंस सेहरोमा सीलास एने तीमुथीन वाट जुवतोतु , तेतार तीना सेहरोमा मुरत्या बोरीन ओता देखीन पोवलुसोह तेर जीव बोवतलु लाग्यु ।

¹⁷च्याहरीन बोकतीन गोरमा च्यु येहुदी एने युनानीमा बोगवानोन बोकती कोरनारा हाते वात कोरलु ,एने आटोमा बी आव जाव कोरनारा हाते च्यु दाडीन वातोमा सोवाल एने जोपाप कोरतु जायीन यीसुन पोरचार कोरतोतु ।¹⁸थुडाक इपीकुरी एने इस्तोयीकी नावोन मास्तरया पोवलुस हाते जोखडी पोडला तीनुमा थुडाक कोया ,च्यु कायतान बारामा वात कोरतलु च्यो तु नी जाणतलु थुडाक कोया ,यु वातार काय कोयतलु ? लागतलो के यु आपुहु दीहरा देवोन बारामा कोयतलु काहाके च्यु यीसु एने तेर मोरलाम दोखु जीवतु ओयलु तीनी हाजी खोबोरोन बारामा तीनुहु कोयतोतु ।¹⁹च्यांहरी एक आरीयुपाजस नावोन एक बोयडी ओती , च्यांहरी माणहे पोंचु बोठतोता ,च्या पोवलुसोह तीना बोयडीपोर ली गोया,तेतार च्या तीनाहा फुस्या तु हीकाडतलु तीना नोवला हीकोन बारामा आमुहु कोयाप ।

²⁰बोंगलाये एने कोदीनी होंब्या ओहली वातु तु आमुहु कोयतला एने एर मोतलोब काय से कोरीन आमु जाणने हुत्तला ।

²¹काहाके एथेंस सेहरोमा रोयणारा एने च्यांहरी रोयणारा पोराया देसोवालाह नोवली वातोन बारामा कोयणे एने होबंवणे तींदरु आखु टेम जावाडतोता ।²²तेतार पोवलुस च्यांहरी ओरीयुपागुस पोंच बोठनेन जागे टुव्वायला माणहोन वीस्मा उबरोय गोयु एने कोयु ,ए एथेंस सेहर मायला माणहो मी जाणतलु के तुमु हाजीहुते बात बातीन देवोन बोकती कोरतला ।

²³जेतार मी तुमरा सेहरोमा फीरतु फिरतु जातोतु , तेतार मी तुमरा पजणेन चीजे देखतोतु ,ते मेहे एक उटलु देखायु तीना पोर यो लेखाय रोयो ओतो ओनजावडा देवोन कोरता ,तुमु इनु देवोन पुजा वाट कोरतला ,पुण तुमु खोराखोर तीनाह मी जाणतला ,कोरीन मी तेर बारामा तुमुह कोयणे हुत्तलु ।²⁴बोगवान ज्यु आखी कोवी एने तीनुमायला आखा चीजो बोणावलु च्युज सोरग एने दोरतीन मालक से ,च्यु माणहोन आथो कोरीन बोणावला मोंदीरोमा नी रोयतलु ।

²⁵यु बोगवान ज्यु माणहोह जीवाय आपणारु ,एने जीवायीन दोय आपणारु से ,एने माणहोनुह आखा चीजो आपणारु से माणहो पोर दोखी तीनाह कायीज नी जुवतलो तीनाह काय जुवतलो च्यो आखोज तीनापाह से।²⁶च्यु बोगवान एक माणुह गोडयु एने तीना दोखा आखी जातीन माणहोन वेलु वोदाडयु ,एने तीनुहु जागें जागे वोहाडयु एने आखी दोरतीन जाती जातीन माणहे कांहरी रोयहे एने केतार लोगोण रोयहे ,यी आखी वात बोगवान पेलेनुज नोक्की कोर देल्लु ।

²⁷च्यु बोगवान आपु दोखु सेटु नींबदे माणहे बोगवानोह हुदता सापडनु जुवे बोगवान हुत्तल्लु ।²⁸काहाके तीनामाज आपु जीवता रोयतला ,एने तीनामाज चालतला फीरतला ,एने तीनामाज आपु वातडा रोयतला से, जेहे तुमरा मायला थुडाक गीत लेखणारा बी कोयला से के ,आमु तेराज पुरया पारी से ।

²⁹आपु बोगवानोन पुरया पारी से कोरीन तुमु हुना चोंदीन नी ते दोगडा कोरीन माणहे बोणावला मुरतीन तुमु यु बोगवानोन होस से एंहे जुण सोमजता ।³⁰वीस्मा जोमानामा माणहे बोगवानोह नी जाणतोता पुण बोगवान तीनुहाते दीर राखलु ,पुण बोगवान एंवी दुनीयामा रोयणारा आखा माणहोह पाप सुडीन बोगवानोखेर मोन फीरावणे कोयतलु ।

³¹काहाके बोगवान एक दीही ताक्यु के ,मी कोवीन आखा माणहोन दोरमी कामोन इसाबे नीयाव कोरीह जीनाह च्यु नीवाड रोयुहु तीनाह लागाडीन च्यु नीयाव क़ोरहे ,एने बोगवान तीना माणहोह मोरलाम दोखु जीवतु कोरीन आखा मणहोनुह यो देखाडीन पुरावु आपलु ।³²जेतार माणहे मोरीन जीवता ओयणेन बारामा माणहे होब्यां ते तीनुमा थुडाक पोवलुसोह देखीन मोजाक उडावने बाज गोया ,पुण दीहरा पोवलुसोह कोया तोंहो दोखा तेर बारामा आमु ओवता होंबोवहु ।

³³ओवतु पोवलुस तीनु हाते दोखु जात रोयु।

³⁴पुण थुडाक माणहे पोवलुसोन वात होंबीन तीना हाते जुडाय गोया ,ज्या बुरहु कोरला तीनुमा दीयोनु सीयास नावोन एक माणुह ओतु च्यु ओरीयुपागुसोन ,मोटला पोंचुन मेंबर ओतु ,दामरीस नावोन एक बायी ओती थुडाक दीलरा बी पोवलुसोन वातोपोर बुरहु कोरला।

Chapter 18

¹थुडाक दीहोन ओवतु पोवलुस एथेंस सेहर सुडीन कुरीथी सेहरोमा गोयु ।

²आकवीला नावोन एक येहुदी माणहोह च्यु कुरिंथी सेहरोमा मीवाय ,ज्यु पोन्तुस जीलामा जोनम ओयलु ओतु एक दीही पोवलुस तीनुहु देखणे गोयु पुण च्यु एने तेर लाडी पीरीसकील्ला इतालीया देसोमा दोखा कुरींथी सेहरोमा एवी आहनामाज आवला ओता काहाके इतालीया देसोन कोलवदीयुस राजा आखा येहूदीनुह इतालीयान रोम दोखा नीकोवणे हुकुम आपलु ओतु ।

³आकवीला एने पीरीसकील्ला तोंबू बोणावणेन होंदु कोरणारा ओता ,काहाके पोवलुस बी योज काम कोरतोतु कोरीन च्यु तीनाहाते रोयीन यो काम कोरने बाज गोयु ।⁴आरामोम दीहोडीट बोकतीम गोरमा च्यु येहुदी एने युनानी माणहो हाते वातु कोरलु एने च्या यीसु पोर बुरहु कोरनु जुवे कोरीन सोमजाडने कुसीस कोरतोतु

⁵मोटी दुनिया दोखा सीलास एने तीमुथी पोवलुसो पाह कुरींथी सेहरोमा आवला ,ओवतु पोवलुस होमेस्या माणहोह हाजी खोबोर देखाडणे जीत पोड रोयु ओतु , च्यु यीसुन मोसी से कोरीन येहुदी माणहोह गोवायी आपतोतु ।

⁶पुण च्या पोवलुस काय कोयलु च्यो नी होबंया एने तेर वीरुद कोया ,एने वाको काडणे बाज गोया ,च्यु तेर डोगला पोरलो फोफटो जोटकीन तीनुहु कोयु जोर बोगवान तुमुहु डोंड आपे ते तुमरो लुय तुमरे माथे पोडे मार जीव सुखलु से,मेहे जोतरो बोण्यो तोतरो तुमरे कोरता कोरलु एवी दोखु मी ज्या बीगुर येहुदी जातीवावा से तींदरे वीस्मा यीसुन पोरचार कोरने जायीह ।⁷एंहे कोयीन पोवलुस च्यो बोक्तीन गोर सुडीन तीतुस युस्तुस नावोन माणहोन गोर गोयु च्यु खोरला बोगवानोन बोक्ती कोरनारु ओतु ,तेर गोर बोक्तीन गोर हातेज चोठीन बांधयली आतो ।

⁸तीना बोक्तीन गोरोन पुडारी कीरीस्पुस ओतु च्यु एने तेर गोराणा मायला आखा माणहे यीसु पोर बुरहु कोरतोता कुरींथी सेहरोमा रोयणारा दीहरा बी खुब पोरबुन वात मान्य एने यीसु बुरहु कोरीन च्या बापतीस्मा लेदया।⁹एक राती पोरबु पोवलुसोन जागता हीवणामा कोयु मा बीये बोगवानोन वात कोरतु रोय एने ठावकु मा रोये ।

¹⁰काहाके मी तारे हाते से , एने कुण बी तारो नुकसान नी कोरे ,काहाके इना सेहरोमा मारा माणहे खुब होटा से।

¹¹पोवलुस च्यांहरी डेड साल लोगोण रोयु ,तीने टेमे च्यु च्यांहरीन माणहोह बोगवानोन वात देखाडतोतु ।¹²जेतार गोलीया ओखाया जीलान मुखी ओतु ,थुडाक येहुदी माणहे एखटा ओयीन पोवलुसोन वीरुद कोरीन कुरटामा तीनाह लाव्या ।

¹³ओवता च्या गोल्लीयोह कोया ,यु माणुह माणहोह बोगवानोन बोकती कोरने हीकाडीन आपणा कायदान वीरुद कोरतलु ।¹⁴पोवलुस कायतोरी बुलनेमा ओतु पुण पोवलुस कोयणेन पेल गोलीयो येहुदी माणहोह कोयु जोर यु माणुह नीयाव बोन वीरुद काय बी गुनु नी ते खोराब काम कोरलु एंहे तुमु कोये तेतारुज ,मी तुमरो होंबीवीह ।

¹⁵पुण तुमु ते वातोन बारामा एने नावोन एने येहुदीन नेमोन बारामा कोयतला ,कोरीन इनी वातोह तुमुज जाणे मी इनी वातोन नीयाव नीवाडु नी कोरन्यु ।¹⁶एंहे कोयीन ओवतु गोलीयो तीनुहु कुरटामा दोखु काड देल्लु ।

¹⁷ओवता येहुदी माणहे सोस्थीनेसोह दोरला ज्यु बोक्तीन गोरोन पुडारी ओतु ,ओवता च्या तीनाह कुरटान ओगोव कुटया पुण गोलीयो यो देखीन बी फीकुर नी कोरयु।¹⁸पोवलुस खुब दीही लोगोण च्यांहरी वीस्वासी बायहोनु हाते रोयु ओवतु च्यु पीरसीकील्ला एंने आकवीला हाते आयतला डुंडयामा बोठीन तीनुहाते सीरीया देस गोयु ,कींखरीया सेहरोमा पोवलुस तेर मुडंकी टाली कोरावलु ,काहाके च्यु बोगवानो हाते कायतोरी मानता मेकलु ।

¹⁹ओवता च्या इफीसी सेहरोमा गोया च्यांहरी आकवीला एने पीरीसकील्लाह रोयणे दीन बोक्तीन गोरमा जायीन येहुदी माणहोह वात देखाडयु ।²⁰तेतार च्यांहरीन रोयणारा येहुदी माणहे पोवलुसोह कोया तु आमु हाते उंजु थुडाक दीही रोयजी पुण च्यु तीनुहाते रोयणे नीकार देण्यु ।

²¹जोर बोगवानोन इस्या आये ते मी फोसु तुमुपाह आवीह यो कोयीन च्यु इफीसी सेहर सुडीन जाहाजोमा बोठीन जात रोयु ।²²एने केयसरीया सेहर पुचताज च्यु उतरीन येरुसलेम मोंडली मायला वीस्वास्याह जेय यीसु कोयीन आंताकीया सेहर गोयु ।

²³च्यु थुडाक दीही ‌रोयीन च्यांहरी दोखु नीकवीन गोलतीया जीला एने फुरगीया जीलामा गोयु सेहरोडीट जातु जातु आखा जीलामा जायीन वीस्वास्याह हीम्मोत आपतु गोयु ।²⁴एक दीही आपुलुस नावोन एक येहुदी माणुह इफीसी सेहरोमा आव्यु ,च्यु सीकंदरीया सेहरोन ओतु च्यु खुब ओक्कोलवावु ओतु च्यु पोवित्र पुस्तोको मायलो लेख हाजी हुते जाणतोतु ।

²⁵तीनाह पोरबुन वाटे चिलनेन हीक जुडली ओती एने च्यु होमेस्यख यीसुन बारामा मोन लागाडीन बोराबोर वात देखाडणे जीत पोडीन वात देखाडतोतु ,पुण आपुलुस युहन्ना बापतीस्मा आपणारान बापतीस्मान वात ओतरुज जाणतोतु ।

²⁶आपुलुस बोक्तीन गोरमा यीसुन बारामा वात खुब हीम्मोत हाते हीकाडयु पीरीसकील्ला ,एने आकवीला तेरी वात होंबीन तीनाह तींदरे गोर ली गोया ,एने बोगवानोन वाटोन बारामा आपुलुसोह उंजु बी बोराबोर सोमजाडया ।²⁷ओवतु जेतार च्यु वीचार कोरयु के तीन मेरे जायीन उतरीन आखाया जीलामा जाणे हुत्तोतु ,कोरीन वीस्वसी बायहे तीनाह च्यांहरी जाणे हीम्मोत आपीन च्या च्यांहरीन चेलान कोरता एंहे चीटठी लेख्या जेतार आपुलुस तुमु पाह आवहे ते तीनाह आवबाव कोरजु ओखायान वीस्वास्या यीसु पोर बुरहु कोरला कोरीन बोगवान तीनुपोर कुरपा देखाडयु जेतार आपुलुस ओखायामा आवलु च्यु वीस्वास्याह खुब मोदत कोरलु ओतु ।

²⁸काहाके च्यांहरीन आखा माणहोन ओगोव च्यु येहुदी माणहो हाते जोखडी पोडलु ,पोवीत्र पुस्तोकोमा दोखु च्यु यीसुज मोसी से कोरीन पुरावु आपीन तीनुहु देखाडयु ।

Chapter 19

¹जब अपलोस कुरंथी मा ओतु तेतार पोवलुस उपरला आखा देसोमा ओईन इफीसुसमा आव्यु ,च्येहरी काही चेला मीव्या ।

²च्यु कोयु तुमु विस्वास कोरला तेतार पवित्र जुललो ? च्या तीनाहा कोया आमु ते पवित्र आत्मान खबर बी नी होंबव्या ।³च्यु तीनुह कोयु ," ते तुमु कुणीन बापतीस्मा लेदला ? च्या कोया युहानोन बपतिस्मा ।

⁴पौलुस कोयु ,योहान यो कोयीन मन फिरावन बापतीस्मा आपलु के ज्यु मार बादमा आवणार से तीना पर मतलब यीसु पोर विस्वास कोरजु ।⁵यो होंबीन च्या प्रभु यीसुन नावमा बापतीस्मा लेदला ।

⁶अने जेतार पौलुस तीनु पर हाथ मेकलु तीनुपर पवित्र आत्मा आवले अने च्या बाती बातीन भाषा बुलने अने भविष्यवाणी कोरने बाज गोया ।

⁷या आखा लगबग बारा माणहे ओता ।⁸अने च्या आराधना मा जाईन तीन मयना तक नीडर ओयीन बुलता रोया , परमेश्वरन राजन बारामा वादावाद कोरता अने समजाडता रोया ।

⁹पुण जेतार काही माणहे कोठर ओयीन तींदरी नी होब्या पुण माणहोन सामने इना पंथाह खराब कोयणे बाज्या ,तेतार च्या तीनुह छुडीन चेलाहा ओलग कोर लेदया ,अने हर दिह तुरुन्नुसन शालामा वाद-विवाद कोरता ओता ।

¹⁰दुय वोरहे तक यो ओयतो रोयो , या तक के आसीया मारोयणे वावा काय यहुदी काय युनानी आखा प्रभुन वचन होंबवी लेदया ।¹¹अने परमेश्वरन पौलुसन हाथोमा सामर्थन अने अदभुत काम देखाड तोतु ।

¹²या तक के रुमाल अने अगोछा तींदरा शरीरह स्पर्श कोरावीन बिमारो पोर नाखता ओता ,अने तींदरी बीमारी सेटी ओयतोती ,अने दृष्ट आत्मा तीनुमा देखा निकवतोता ।¹³पुण काही यहुदी ज्या झाडा फुका कोरता फिरता ओता ,यो कोयणे बाज जीनुमा दृष्ट आत्मा ओये तीनु पर प्रभु यीसुन नाव यो कोयीन फुकणे लाग्या ," ज्या यीसु न प्रचार पौलुस कोरतलु मी तुमुह तेरी शपथ आपोह ।

¹⁴अने सिक्कवा नावोन एक यहुदी मुखी याजक तेरा सात पुरया ओता , ज्या एहेज कोरता ओता।¹⁵पुण दृष्ट आत्मा उत्तर आप्यो ,येसुह मी जाणतली ,अने पौलुसह भी जाणतली ,पुण तुमु कुण से?

¹⁶अने तीना माणहोह जीनामा दुष्ट आत्मा ओती लपकीन अने तीनुह काबुमा लावीन तीनु पर ओहलो उपद्रव कयो के च्या नागारा अने घायव ओयीन तीना घरमा देखा नीकवीन नाहया ।

¹⁷अने यी वात इफिसुसमा रोयणारा यहुदी अने युनानी भी आखा जाण गोया अने तीनुह भीख लाग्यावी ,अने प्रभु येसुन नावोन बोडाई कोन्या ।¹⁸अने च्या विश्वास कोरला ओता ,तीनुमायन खुब आवीन आपणा आपणा खराब कामोह माणलेदला अने उधड कोरला ।

¹⁹अने जादुटोना कोरणेवावाह माय खुब तींदरी - पोथी इकठा कोरीन आरवान सामने होलगाड देनला , जेतार तेरी किमत जुडिन देख्या तेतार पाच हजार चोंदीन पोयहा बराबर निकव्यी।

²⁰इना रिते प्रभुन वचन सामर्थहाते फेहलतो गयो , अने मजबुत ओयो।²¹जेतार यीवात ओय गोयी , ते पोलुस आत्मामा मान लेदयु की मकिदुनिया मा आखाया मा देखु यरुशलेम जाव अने च्ये जान रोममा भी देखणे जरुरी समज्यु ।

²²इनान कोरता तेरी सेवा कोरणारामा तिमोथीस अने इरास्तुसह मकिदुनिया मा मुकलीन काही दीह आसीया मा रोय गोयु ।²³काहाके दिमोत्रीयुस नावन एक हुनार आरामीनीसन चोंदीन ।

²⁴तीने टेमे तीना पन्थान बारामा मा मोटु हल्लु ओयु ,मंदीर बोणावीन कामवालाहा खुब काम आपतु ओतु ।

²⁵च्यु तीनुह एक ओहली वस्तुन कारागीरोह एकठा कोरीन कोयु ," हे माणहो ,तुमु जाणतला के इना कामोन आमुह कोतरो धनजुडतलो ।²⁶अने तुमु देखतला अने होंबतला केवल इफिसुसमा नी पुण आखा आसीयामा ,यो कोय कोयीन पौलुस खुब माणहोह समजाडलु अने भरमाडलु से,के जी हातन कारागारी से भोगवान नीमले ।

²⁷अने केवल इनी वातन भीख नीमले के आमरी इना धुंदा प्रतीष्ठा जात रोयहे ।²⁸च्या यो होंबीवीन तीनुह खत लागी अने आयडी आयडीण कोयणे बाज गोया ," इफिसीया अने अरतीमीस महान से।

²⁹अने आखा नगरोमा मोटु कोलकलाट ओय गोयु ,अने माणहे यगुस ,अने अरिस्तर्खुस ,मकुदुनिया ज्या पौलुस हाते जाणारा ओता तीनुह धर लेदया , एने एकठा कोरीन रंगशालामा दौडीन गोया ।³⁰जेतार पौलुस माणहो हाते मायतु जाणे कोरतोतु ते चेला जाणे नी देन्या ।

³¹असीयान हाकीमा भी काईक दुस्ती ओता ,तींदरे याह कोईन मुकल्यु अने विनती कोन्यु रंगशाला मा जाईन तकलीत नी अयनु जुवे ।

³²च्या कुण काय आयडतोतु कुणी कायज काहाके सभा मा मोटी गडबडी ओयणे बाज रोय ओती अने खुब माणहे यो भी जाणता नी ओता , के च्या काय कोरने एकठा ओयला से।³³तेतार तीनुह सीकंदरह ज्यु यहुदीया उभा कोरला ओता भिड मा देखा ओगा वाडाव्या , अने सिकंदर हातेन इसारू कोरीन माणहोह सामने जवाब देण्यु ओतु।

³⁴पुण जेतार च्या जाण लेदला ओता , कि यु यहुदी से तेतार आखान - आखा एक सुरमा काही दुय तास तक आयडता रोया इफिसीयो अने अरतिमियास महान से।³⁵तेतार नगरन मंत्री माणहोह शांत कोरीन कोयु हे इफिसीयो कुण नी जाणतलो के इफिसीयो न नगरमा मोटली देवी अरतिमीसन मंदीर अने आकाशमा देखी पोडली मुर्तीन राखवाव से

³⁶ओवता जेतार च्या इन वातन खंडन ओयीज नी सेकतलो के हाजे रोये के तुमु शांत रोये , विगर सुच विचार कायमा कोरू।

³⁷काहाके तुमु इन माणहोह लावला ओहे , ज्या नीते मंदीर लुटणारा से , अने आमरी देवीन निंदा कोरनारा से।³⁸अगर दियेत्रीयुस अने तेरा हातिह कारागीरोह कुणीहाते विवाद ओये ते कुर्टो उधवडो से , अने हाकीम भी से , च्या एक दुहरा पोर दोस लागाडे।

³⁹पुण तुम अगर कानली वातन बारामा , काय फुसण्या ओहे ते सभामा फैसलु ओयहे।

⁴⁰काहाके आजन बलवान वजु , आमुपोर दोस लागाडनेन थिक से , इनान कोरता के एरू काही वोजु नीमले , ओवता आमु इनी बीडोह एकठा ओयणेन काही जवाब नी आप सेकजे।

⁴¹अने यो कोयीन सभन माणहोह मुकली देण्यु।

Chapter 20

¹जेतात धदमु थाम गोयु ते पोलुस चेलाहा बुलाडीन समझाड्यु अने तीनुहाते देखु मकिदुनिया वखे जान रोया।

²तीनुह आखा प्रदेसमायता अने चेलाहा खुब उतसाहमा कोया अने च्या युनान मा आव्या।

³जेतार तीन मयना रोयीन च्या च्यांहरी दोखा जहाज पर सीरीया न वखे जाण्यां ओता ,तेतार यहुदी तींदरे घाते कोरने ओता इनान कोरता, च्या यो निश्चय कोत्या के मकीदुनिया मा ओयन जात रोये।⁴बीरीयान पुस्वर्सन पुन्यु सोपात्रुस अने थिस्सलुनियान देखा आसीस्तर्खुस अने सिकुन्दुस अने दिरबेन गयुस अने तिमतीयुस अने आसीयान तुखीकुस अने त्रुफिमुस आसीया तक तेर हाथो गोया ।

⁵पुण च्या ओगव जाईन त्रोआस मा जायन आमरी वाट जुव रोय ओता ।

⁶अने आमु आखमीरी रुटान दिहोन बादमा फिलीप देखा जहाज पर चढीन पाच दिहमा त्रिआसमा तीनु पर पुच्या ,सात दिह तक च्यांहरी रोया ।⁷हाप्तान पेल्ले दिह जेतार आमु रुटु तुडणेन कोरीन इकठा ओया तेयार पौलुस ज्यु दुहरे दिह जाण्यु ओतु तीनु हाते वातु कोयु ,अने आरधी रात तक वात कोरतु रोयु ।

⁸जीनी उपरी पर आमु एकठा ओता ,तीनुमा खुब होंवटा दिवा हलगता ओता ।⁹अने युतुखुस नावन एक जुवान खिडकी पर बोठीन निदमा डेपलाईन डुलायाल तोतु अने जेतार पौलुस देर तक वात कोरतु रोयु ,ते निंदमा झुकु लेदयु अने तिसरी अटारीमा देखु पोडगोयु अने मरलु उचलीन लीगया ।

¹⁰पुण पोलुस उतरीन तीनाहा थाबाय गोयु अने गवे लागाडयु ,अने कोयु घाबराये मा काहाके तेरु जीव तीनामा से ‌।( १ राजा १७:२१)¹¹अने उपर जाईन रुटु तुडयु अने खाईन ओतरी टेम तक तीनु हाते वात कोरतु रोयु, के कुकडा वाहणेन टाईम ओय गोयु ,पोसु च्यु जान रोयु ।

¹²अने च्या तीना जुवानह जिवतलु लिन आव्या , एने खुब शांति आव्यी ।¹³आमु पेल जहाज पर चढीन आस्सुसमा इन विचार देखा ओगव गोया , के चे देखा आमु पौलुसह चढाव लेजे काहाके च्यु यो इनान कोरता आवलु ओतु के खुद पायपाये जाण्यु ओतु।

¹⁴जेतार अस्सुस मा आमुह मिवायलु ,ते आमु चढीन मितुलनेमा आवजे ।¹⁵अने च्या देखा जहाज खुलीन आमु दुहरे दिह खियुस सामने पुच्या ,अने ओगले दिह सामुसमा जाईन पुच्यु ,फोसु दिहरे दिह मिलेतुसमा आव्यु ।

¹⁶काहाके पौलुस इफिसुस पाह देखु जाणेन कोर लेदयु , के ओहलो नी ओये के आसीया मा देर ओय गोयली ,काहा के च्यु जल्दी मा ओतु के अगर ओय सेके , च्यु पेंन्टीकुस्तन दिह यरुशलेम मा रोये ।¹⁷अने च्यु मीलेतुस देखु इफिसमा कोय मुकलयु ,अने लेसीयान प्राचीनोह हादाडयु ।

¹⁸जेतार च्या तेरे पाह आव्या ,ते तिनुह कोयु ,तुमु जाणतला की पेल्ले दिह मी आसीयामा पुचलु मी हर टेमे तुमरे हाते केहे कोरीन रोयलु ।

¹⁹मतलब दीनता देखु अने आहवा वयाडी वयाडीन अने तीनी परिक्षा मा ज्या यहुदीन षडयंत्रण वजे ज्यो मार पोर मेहे पोर आवीन पोडलो मी प्रभुन सेवा कोरतुज रोयलु ।

²⁰अने ज्या ज्या वातु ,तुमरा फायदान कोरता तीनुह देखाडणे अने घर घर सिखावणे कधी नी कमी रोयणु ।

²¹पुण यहुदीन अने युनानी ही सावधान करता रोयु के परमेश्वरन वखे मन पिरावे, आमरा प्रभु येसु पर विशवास कोरे।²²मी आत्मा मा बांधायलु यरुशलेम जाव मी नी जाणतलु मारपोर काय ।

²³केवल यो के पवित्र आत्मा हर नगर मा गवाही दी दीन मेहे कोयतोह बंधन अने क्लेश तार कोरता तीयार से ।

²⁴पुण मारा जीवह काहीच समजतलु के तीनाह प्रियो ,जाणो पुण यो के मी मारी दौडह अने जीनी सेवाह पुरी कोरी ,जो मी परमेश्वरन अनीग्रहन सुसमाचार पर गवाही आपणे कोरता प्रभु यीसु पाह देखी जुडली से।²⁵अने एवी मी जाणतलु के तुमु आखा जीनामा परमेश्वरन राजन प्रचार कोरतु फिरो मारो मुय फोसा कदी नी देखे ।

²⁶इनान कोरता मी आजेन दिह तुमु गवाही कोयतलु , के मी आखान लुय देखु निर्दोष से ।

²⁷काहाके मी परमेश्वरन मानसाहा तुमुह कोयणे देखु नी झीझकतलु ।²⁸इनान कोरता मारी अने आखा गवारान देखरेख कोरजु जीनामा पवित्र आत्मा तुमुह अध्यक्ष ठरावलो से के तुमु परमेश्वरन कलेसीयान राखवावी करजु जीनाह च्यु तेरा लुय कोरीन वेचातु लेदलु से।( भजन संहिता ७४:२)

²⁹मी जाणतलु के मारे जाणेन बादमा फाडने वाला लांडगा तुमु मा आवहे , ज्या गवाराह नी छुडे ।

³⁰तुमरा विचमा देखा भी ओहला ओहला माणहे उठहे ज्या चेलाहा तिदरे फसव खेचणे कोरता वाकली - तीरछी वातु कोयहे ।³¹इनान कोरता जागता रोयु ,अने ओर राखजु के मी तीन वरहे रात दिह आहवा वयाडी वयाडीन हर एकह चेतावणे नी छुडयु ।

³²अने एवी मी तुमुह परमेश्वर अने तेरो अनुग्रहन वचन होप देम ,ज्यो तुमरी उन्नती कोर सेकतलु ,अने आखा पवित्र कोरला माणहो सहभागी ओयीन विरासन आप सेकतलु ।³³मी कुणीन चोंदी - हुनान नीते कपडान लालच नी को कोत्या ।( शामु .१२:३)

³⁴तुमु खुद भी जाणतला ,या हाते मारी अने मारा अने हाथीहोन गरज पुरी कोरला ।

³⁵मी तुमुह आखो काय कोरीन देखावडु , के इनी रितो देखा मेहनत कोरता जाईन निर्बलह समावणे अने प्रभु येशुन वाते ओर राखणे गरज के खुद कोयलु से ," लेने देखो आपणेन धन्य से।³⁶यो कोयीन च्यु घुटना टेकीन ,अने तीनु आखा हाते प्रार्थना कोरयु ।

³⁷तेतार च्या आखा खुब रोडया ,अने पौलुसन गवे लागी तीनाहा गुवु देण्या ।

³⁸च्या विशेष कोरीन इन वातोन शोक कोरता ओता ,जी च्यु कोयलु ओतु,के मारो मुय फसा नी देखे ,अने च्या तीनाहा जहाज पाह लगण पुचाडया ।

Chapter 21

¹जेतार आमु तीनुदेखा अलग ओयीन समुदरन यात्रा सुखात कर्या ,ते सीधा वाटेमा कोसमा आव्या ,अने दुहरे दिह रुदुस मा अने च्या देखा पतरामा ।

²अने एक जहाज फीनके जातलो मिवायो ,अने आमु तीनापर चढीन तीनाह उघाड देन्या ।³जेतार साईप्रस देखाव पोडयो तेतार तीनाहा डाखत्या न्या हातो वखे सुडया अने सीरीयामा जाईन सुरमा उतया काहाके च्या जहाजन सामान उतारनु ओतो ।

⁴अने चेलाहा मिवायन आमु च्या सात दिह रोया ,तीनुह आत्मान हिकावणेन पौलुसह कोया के यरुशलेम मा पाय जुण मेकतु ।⁵जेतार च्या दिह पुरा ओया आमु च्या देखा जात रोया अने आखा बाया अने पुरया हाते आमुह नगरन बारथे तक पुचाडया अने आमु घुटना टेकीन प्रार्थना कोत्या ।

⁶तेतार च्या एक दिहरा हाते देखा ओलग ओयीन जहाज पर चढया ,अने च्या तींदरे - तींदरे घर जात रोया ।⁷जेतार आमु सुर देखा पाणीमायलु प्रवास कोरीन पतुलीमयीस मा पुच्या अने भायहोह नमन कोरीन तींदरे हाते एक दिह रोया ।

⁸दुहरे दिह आमु च्या देखा चालीन कैसरमा आव्या अने फिलीपह समाचार प्रचारकन घरमा ज्यु सात जणा मायलु एक ओतु ,जाईन तेरपा रोया ।

⁹तेरी चार जुवान सुरया ओती , च्या भविष्यवाणी कोरती ओती ।( योएल २:२८)¹⁰जेतार आमु च्या खुब दिह रोयतला ओय गोया ,तेतार अगबुस नावन एक भविष्यद्वक्ता यहुदीया देखु आव्यु ।

¹¹च्यु आमु पाह आवीन पौलुसन कमरन बांध लेदयु अने तेरा हाते बाधींन कोयु , पवित्र आत्मा यो कोयेह के जीना माणहोन यु कमरनपटटु से तीनाह यरुशलेम मा यहुदी इनी रिती देखा बांधहे अने अन्यजातीह होप देहे ।¹²जेतार आमु यी वात होंबाव्या,ते आमु अने च्याहारीन माणहे तीनाहा विनती कोरया के यरुशलेम नी जाये ।

¹³पुण पौलुस जवाब आप्यु " तुमु काय कोरतला के रोड- रोडीन मारो मन मा तुडु ,मी ते प्रभु यीसुन नावन कोरीन यरुशलेम मा बाधायणे कोरता च नी पुण मोरनेन कोरता भी तीयार ।

¹⁴जेतार च्यु नी मान्यु तेतार आमु यो कोयीन ठावका ओय गोया " प्रभुन इच्छा पुरी ओये ।"¹⁵तीनु दिहोन बादमा आमु तीयारी कोरीन यरुशलेम जात रोया ।

¹⁶कैसरीयान भी थुडाक चेला आमरे हाते आव्या ,अने मनासोन नावोन साईप्रसन जुनला चेलाह हाते लीन आव्या ,के आमु तेर पाह रोयजे ।¹⁷जेतार आमु यरुशलेम मा पुच्या तेतार भाही आमुहाते खुब खुशी हाते मिवायु ।

¹⁸दुहरे दिह पौलुस आमुह लीन याकुब पाह गोयु , च्यांहरी आखा प्राचीन एकठा ओता ।

¹⁹तेतार च्यु तीनाह नमस्कार कोरीन ज्यो ज्यो काम परमेश्वर तींदरी सेवकाई देखु अन्यजातीमा कोरलु ओतु , एक एक कोरीन आखी देखाडयु ।²⁰च्या यो होंबीन परमेश्वरन महिमा कोरया ,फोसा तीनाहा कोया के हे भाई तु देखतुह के यहुदीमायला कई हजार विश्वास कोरला से ,अने आखी व्यावस्थान धुन लागाडीन से ।

²¹अने तीनुह तारा बारामा सिखावडा से, के तु अन्यजातीमा रोयणारा यहुदीयाह मुसान फोसु जाईन हिकाडतलु ,अने कोयतलु के आपणा खतना करावु अने इनी रीती पर चालु ।²²तेतार फोसा काय कोरनु माणहे जरुर होंबवहे के तु या आवलु से।

²³इनान कोरता आमु तोह कोयतला ,च्यो कोर आमरे या चार माणहे से ज्या मन्नत मानला से।

²⁴तीनुह लीन तेरे हाते खुदह शुदह शुदह कोर अने तीदंरे कोरता खर्चु आप , के च्या मुंडका बुडावे ,तेतार आखा जाण लेहे , के ज्या वाते तारा बारामा हिकाडली से ,तींदरा मुवांडा नीमले ,पुण तु स्वता व्यावस्थाहा मानीन तेरे नुसार चालतलु।( गिनती ६:५,६:१३-१८,६२१)²⁵पुण तीनु अन्यजातीन बाराम , ज्या विस्वास कोरला से ,आमु नियाव कोरीन लेखीन मुकलला से, के च्या मुर्तीन सामने बली कोरला माह देखा लुय देखा अने गवु दाबलान माह देखा अने छीनावा देखा वाचीन रोये ।

²⁶तेतार पौलुस तीनु माणहोह लिन अने दिहरे दिह तींदरे हाते शुदध ओयीन मंदीरमा गोयु , एने कोय देण्यु के शुदध ओयणे दिह मतलब तीनुमायन हर एकन कोरीन चढाव चोडावणेन दिह तक पुरो ओयहे ।( गिनती ६:१३-२१)²⁷जेतार च्या सात दिह पुरा ओयणे ओता ,तेतार आसीया यहुदीया माणहे पौलुसह मंदिरमा देखीन आखा माणहोह बडकावला ,अने आयडी आयडीन तीनाहा धर लेदया ।

²⁸" हे इस्त्राइल मदत करु ", यु च्युज माणुह से ,ज्यु माणहोह अने व्यावस्था अने इना जागान विरुदधमा हर जागे आखा माणहोह हिकाडतोतु ,ये तक के युनानीह भी लावीन मंदीरह इना पवित्र स्थानोह अपवित्र करलु ओतु ।

²⁹च्या ते इनान पेल इफिसवासी त्रुफिमुस ज्यो तींदरा हातेन नगर मा देखलु ओतु ,अने समझतोता के पौलुस तीनुह मंदीरमा लिन आवलु ।³⁰तेतार आखा नगरमा कलकलाट ओय गयु ,अने माणहे दवडीन एकठा ओया ,अने पौलुसह बारथे घींहता लाव्या अने लगेय दरवाज कर देन्या ।

³¹जेतार च्या तीनाहा मारने कोरतोता ,तेतार सेना दलन सरदारह खबर पुचाडया अने आखा यरुशलेममा कलकलाट चालु रोयु ।³²तेतार च्यु लगेच सीपायोह अने सरदारोह लीन तींदरे पाह नेचु दौडीन आव्यु ,च्या सेना दलन सरदार पाह आवीन तीनाहा धर लेदया अने दुय हाकवो कोरीन बांधणेन हुकुम आप्या च्या फुस्या के " यु कुण से" अने यु काय कोरलु से ?

³³रोमी सोयनीकोन पुडारी पोवलुसो हाते गोयु एने तीनाह दोर लेदलु ओवतु चयु तेर सिपायडानुह कोयु पोवलुसोन। आथे दुय हाकव्या कोरीन बांदणे लागाडयु ओवतु तीनुह फुस्यु कुण से यु काय गोलती कोरजु से³⁴पुण गर्दीमाया कुण काय कोयताजाईन आयोडता रोया ,अने जेतार हुल्लड मात्यु ठिक खरी सच्चाई जाणीनी सेक्या ,तेतार तिनाहा गढमा लिजाणेन हुकुम आप्या ।

³⁵जेतार च्यु पायरी पाह पुच्यु ते एहे ओयो ,गर्दीन दबावन वजे सीपायीह तीनाहा उठाडीन लिजाणु पोडलो ।

³⁶काहाके माणहन गर्दी आयडती जाईन तेरे फसव पडली ओती ," एरु अंत करदेवु ।"³⁷जेतार पौलुसह गढ मा लीजाण्या ओता ते च्यु सेना दलन सरदारोह कोयु ," काय मेहे आज्ञा से के मी तोहो काही कोयो " च्यु कोयु ,तु युनानी जाणतलु ?

³⁸काय तु च्यु मीस्त्री नीमले च्यु इना दिहोमा पेल्ला दिहोमा बलवाई चार हजार हत्या बंद माणहोह जंगल मा लिन गोयलु ?³⁹जेतार पौलुस कोयु " मी ते तरसुसन यहुदी माणुह से, फिलीकोन प्रसीदध नगरन रोयणारु से, अने मी तोहो विनती कोरोह के मेहे माणहो हाते वातु कोरने दे।

⁴⁰जेतार च्यु आज्ञा आप्यु तेतार पायरी पर उभु रोयीन मणहोह इसारु कोरयु तेतार च्या ठावका ओय गोया ,तेतार च्यु इब्रानी भाषामा बुल्यु ।

Chapter 22

¹हे बायधो अने बाबा मारो कोयणे होंबवु ,जो मी तुमरे सामने कोयतलु ।

²च्या यो होंबीवीन के च्या इब्री भाषा मा कोयतलु ,च्या ठावका रोये ।³" मी ते यहुदी शिक्षण लेदलु से ,ज्यु किलकीयान तरसुस मा जन्म लेदलु पुण इना नगर गमलीएल पायोमा बोठीन हिकलु से शिक्षा लेदलु से,अने डायडायान व्यावस्था भी ठिक रीती देखु सिकलु ,अने परमेश्वरन कोरीन ओहलो धुन लागली ,जेहे तुमु आज लागाडला से।

⁴मी माणुह अने बाई दुयह बाधीन अने जेल खानामा नाखीन इना पंथाह ये तक सतावडु के तीनुह मारीन भी नाखलु ।

⁵खुद महायाजक अने आखा पुनरीये गवा से ,के तीनुमायला भायहोन नाव पर चिठठय लिन दाश्मीकह जातु ओतु ,ज्या च्येहरी से तीनुह दंड देणे कोरीन बांधीन यरुशलेम लावो ।⁶जेतार प्रवास कोरीन दास्मिक हाते पुचलु तेतार ओहलो ओयलो के हिराणो पर लगभग अचानक एक मोटु उजेड आकाशमा देख मार वखे चमकतो आव्यो ।

⁷अने मी धरती पर पोड गोयु ,अने यु आवाज होंबायु " हे शाऊल हे शाऊल तु मेहे काहा सताडतलु ।

⁸मी जवाब आप्यु " हे प्रभु तु कुण से च्यु मेहे कोयु मी यीसु नासरी से,जीनाह तु सताडलु से।⁹अने मारा हातीह उजावो ते देखला ,पुण मार हाते बुलतोतु तेरी आवाज नी होंबाव्या।

¹⁰तेतार मी कोयु ," हे प्रभु मी काय कोरो ? प्रभु मेहे कोयलु उठीन दाश्मीकमा जा ,अने ज्यो काय तारो कोरनेन कोरता ठोहरावलो से,च्यो तोहो आखो कोयणेम आवहे ।

¹¹जेतार तीना उज्यावान वजे मेहे काहीच नी देखय देण्यो ,तेतार मी मारा हातीहो हाते ,हात धरीन दश्मिकमा आवलु ।¹²" तेतार हनन्या नावन व्यावस्थान अनुसार एक भकत माणुह ओतु ज्यु च्याहारी रोयणेवावा आखा यहुदीया मा सुनाम ओतु ,मार पाह आव्यु ।

¹³उभु रोयन मेहे कोयु ," हे भाई शाऊल फोसु देखणे लागणेन तीने टेमे मारा डुवा उघडी गोया ,अने मी तीनाह देख्यु ।¹⁴तेतार च्यु कोयु ," आमरा डायडायान परमेश्वर तोहो इनान कोरता ठरावलु के तु तेरी इस्या जाणे ,अने तीना धर्मीह देखे अने तेरा मुयन वात होंबवे ।

¹⁵काहाके तु तेर वखे देखु आखा माणहो सामने ती जी वातोज गवा बणहे ,तु देखली अने होंबवली से ।

¹⁶अवी काहा धीर कोरतलु ? उठ बाप्तीस्मा ले अने तेरो नाव लिन तारा पापोह धुव ले ।( योएल २:३२)¹⁷" जेतार मी यरुशलेम मा आवीन प्रार्थना कोरतोतु ,तेतार बेसुद ओय गोयलु ।

¹⁸अने तीनाहा देखीन मेहे कोयलु से,जल्दी कोरीन यरुशलेम मा देखु जल्दी नीकवी जा ,च्या मारी गवाही नी माणे मारा बारामा नी समजे ।¹⁹मी कोयु ," हे प्रभु च्या ते खुद जाणतला , के तोहो पर विस्वास कोरने वावाहा जेलखाना मा नाखणे अने जागे - जागे तिनुह आराधना मा देवाडलु ओतु ।

²⁰अने जेतार तारु गवा स्तीफनुसन लुय वयणु आवलो तेतार भी मी च्याहारी उभु ओतु ,अने इनी वातो मा सहमत ओतु अने तेरा हत्यारान कपडान राखवावी कोरलु ओतु।

²¹च्यु मेहे कोयलु " जात रोय काहाके मी तोहो अन्यजाती पाह नांबे - नांबे मुकलीह ।²²च्या इन वात तक तेरो होंबता रोया तेतार उचे शब्द आयडया ओहला माणहोह मार देयु ,एरो जीवतो रोयणे हाजो नींबे ।

²³जेतार च्या आयडता अने कपडा नाखता अने उपर कांधुव उडाडला ।

²⁴तेतार सेना दलन सुबेदार कोयु " इनाहा धरमा लिजाऊ ,अने चपकडा दीन फारकु मी जाणो के माणहे काय वजे एरा विरोध मा एहे आयडी रोयाहा ।²⁵जेतार च्या तीनाहा तसमा कोरीन बांध्या ते पौलुस तीना सुभेदारोह ज्यु तेरे हाते उभु रोयीन कोयु ," काय यो हाजो से , एक रोमी माणहोह अने च्यो भी विगुर दोषी ठरावले चपकडा देहे ।

²⁶जेतार सोयनीकोन टुवान मुखी यो होंबीन उंजु एक रोमी सोयनीकोन मुखी पाह गोयु एने कोयु तुमु काय कोरतला कोरिन तुमु जाणतला के यु माणुह ते रोम देसोन से²⁷यो होंबीन रोमी सोयनीकोन मुखी पोवलुसो हाते जायीन फुस्यु तु खोराखोर रोम देसवालु से के तेतार पोवलुसो कोयु होव

²⁸ओवतु रोमी सोयनीकोन मुखी कोयु होंवटा पोयहा आपीन रोमवालु बोण गोयलु से पुण पोवलुस कोरयु मी ते जोनमो दोखु रोमवालु से

²⁹तेतार ज्या माणहे तीनाह देणारा ओता एने बोकरावणारा ओता च्या जोलदी पोवलुसोह सुड देल्लु. एने रोमी सोयनीकोन मखी पोवलुस रोमवालु से एने तेरा आथे हाकव्या कोरीन बांद देल्लु यो जायीन गाबरी गोया³⁰दीहरे दीह रोमी सोयनीकोन मुखी तीयार कोरयु ,येहुदी पुडारीनु पोवलुसोन पर काहा गुनु लागाडतला मी यो जाणनु जुवे कोरीन च्यु पोवलुसोन हाकव्यालु सुडयु एने डायला पुजारा एने येहुदी पोंचुन एखठु कोरयु ओवतु च्यु पोंचुन ओगोव पोवलुसोह उबराख देल्लु ।

Chapter 23

¹पौलुस महासभा वखे नजर लागाडीन देख्यु अने कोयु ," हे भाई मी आज तक परमेश्वरन कोरीन बिलकुल खरला विवेक देखु जीवन जीवलु से ।

²हन्नया महायाजक तीनुह ज्यु तीदंरे हाते उभु ओतु ,तेरा मुयपर थापुड देणेन आदेश आप्यु ।

³तेतार पौलुस तीनुह कोयु ," हे चुनु फिरवली दिवाल परमेश्वर तोहो देहे ,तु व्यावस्था नुसार मारु न्याय कोरने बोठलु से ,अने फसु काय व्यावस्थान विरुदध मेहे देणेन आदेश आपलु से ? ( लैव्या.१९:१५, यहे.१३:१५)⁴ज्यु मार पाह उभु ओतु, च्या कोया ," काय तु परमेश्वरन याजकह हाजु भाकतु कोयलु से?

⁵पौलुस कोयु," हे भायहो मी नी जाणतलु के महा याजक से ,काहाके लेखलो से,तारा माणहोन प्रधानह वाईट मा कोये।

( निर्ग. २२:२८)

⁶पौलुस यो जाणीन के एक दल सदुकी अने दुहरु फरुसीन से महासभा मा आयडीन कोयु," हे भायहो मी फरीसी अने फरीसी योन वंशन से मरलान आशा अने पुनरुत्थान बारामा मारु मुकदमु ओयणेन से ।

⁷जेतार च्यु यी वात कोयु तेतार फरीयी अने सदुकीमा झगडु ओय गोयु अने सभा मा फुट पोड गई।

⁸काहाके सदुकी ते यो कोयताह के नी पुनरुत्थान नी स्वर्ग दुत अने नि आत्मा से पुण फरीसी इनु आखाहा मानतला ।⁹तेतार मोटु हल्लु ओयु एने थुडाक शास्त्री ज्या फरीसीन दलन ओता ,उठीन यो कोयीन जुलायणे बाज गया," आमु इना माणहोह मा काहीच वाईट नी देखयतलो ,अने अगर कानला आत्मा नीते स्वर्ग दुत तेरे हाते बुल्लु से,ते फोसो काय ?

¹⁰जेतार खुब झगडु ओयु तेतार सेनादलन सरदार इना भिकह के च्या पौलुसन टुकडा - टुकडा नी कोरनाखे ,सेनादलह आदेश आप्यु के उतरीन तीनाहा तींदरा विसमा देखु जबरजस्ती निकावु अने धरमा लाऊ ।¹¹तीनी राती प्रभु तेर पाह जाईन उभु रोयीन कोयु," हे पौलुस धीर धर काहाके जैहलो तु यरुशलेम मा मारी गवाही आपलु तेहेज तोहो रोममा भी गवाही देणु से।¹²जेतार दिह उभु तेतार यहुदी एक कोन्यु अने शपथ खादयु के जहा तक आमु पौलुसह मारी नी देजे अगर आमु खाजे अने पिजे ते आमु पर धिक्कार।

¹³ज्या यी शपथ खादला ओता च्या चावीध जन दखा ज्यादा ओता ।¹⁴च्या प्रधान याजकह अने प्राचीनो पाह आवीन कोया " आमु ढाण लेदला से, के जेतार तक आमु पौलुसह मार नी नाखजे ,तहा तक काय थी खाजे ते आमु पर धिक्कार से।

¹⁵इनान कोरता महासभा अने प्रधान याजक ‌हाते सेनादलन सरदारह समझाडु के तीनाह तुमरे पाह लिन आवे मानले यु के तुमु तेरा बारामा अने उंजु मी तीनान फारक करन्या ओता अने आमु पुचणेन पेलुच तीनाहा मारीन नाखणेन तयारी करला ओता ।¹⁶अने पौलुसह भांणज होंबव्यु ते तीनान घात कोरन्या से तेतार धर मा जाईन पौलुसह खबर आप्यु ।

¹⁷पौलुसु सुबेदारो मा देखु एकाहा हाते हादीन कोयु ,इना जुवानोह सेनादलोज सरदारो पाह ली जाऊ ,यू तीनाह काय तरी कोयण्यु ओतु ।¹⁸ओवतु च्यु तीनुह सेनादलन सरदारो पाह लिजायन कोयु ," बंदी पौलुस मेहे बुलावीन ‌विनती कोरयु के यु जुवान सेनादलन जुवानोह काय तरी कोयण्यु ओतु ,इनाह तेर पाहा लिजा ।

¹⁹सेना दलन सरदार तीनाहा हात धरीन अने तीनाहा अलग लिजायन फुस्यु ,तु मेहे काय कोयण्यु से?²⁰च्यु कोयु यहुदी एकी कोरया के तोहो विनती कोरतला के काल के पौलुसह महासभामा लावे ,तु ऊंजु ठिक तेरो फारक कोरजी ।

²¹पुण तीदंरी जुण मानतु काहाके तीनुमायला चावीध उपर माणहे तोहो घात कोरत्या से ज्या यो ठाण रोयाह जहा तक पौलुसह मार नी नाखे तहा तक नी खाए नी पिये,एने एंवी च्या तीयार से अने तेरा वचनन वाट जुव रोयाह ।²²तेतार सेनादलन सरदार जुवानह यो निंर्देश दिन मुकल्यु " कुणीह जुण कोयतु के तु मेहे यी वात कोयलु से।

²³च्यु दुय सुबेदार बुलाडीन कोयु " दुय हव सीपाही ,सन्तर सवार अने दुय हव भालेदार कैसरीया जाणेन कोरता तीयार कोरले के तु रातीन तिसरा पहरमा निकवजी ।

²⁴अने पौलुसन सवारीन कोरीन घुडा तयार राखजु के तीनाहा लिन फिलेक्सन राजपाल पाह हाजेहुते पुचाड देय ।²⁵च्यु इनी रीती चिठठी भी लेख्यु ।

²⁶" महाप्रतापी फेलीक्स राजपालह क्लोदीयान लुसीयासह नमस्कार ।

²⁷इना माणहोह यहुदी धरीन मारीन नाखण्या ओता ,पुण जेतार जाणलु के यु रोमी से ,तेतार सेनादलह लीजान इनाहा छुडावलु ।²⁸अने मी जाणणे से के च्या तीना पर कानले वजे गुनेहगार ठरावतला इनान कोरता तीनाहा तींदरी महासभामा लीन गोयला ।

²⁹तेतार मी जाण लेदलु के च्या तींदरी व्यावस्थान वादन बारामा तीनापर गुनु लागाडता ओता ,पुण मार नाखणे अने बांधीनेन योग्य तेरमा दोष नीमले ।

³⁰अने जेतार मेहे कोयणेन आव्यो के इना माणहोह मारन्या से,मी लगेच तीनाहा तार पाह मुकल्यु अने मुददान जी भी आज्ञा आपी के तेर सामने तीना पर गुनु लागाडे ।³¹ओवता जेहे सिपायोन आज्ञा आपली ओती ,तेहेज पौलुसह लीन रातीन राती अंनी पत्रिस मा लाव्या ।

³²दुहरे दिह च्या धोंदारे हाते तेर हाते जाणे कोरीन छुडीन च्या धरमा जात रोया ।

³³च्या कैसरीया मा पुचीन राज्यपालह चिठठी आप्यु ,अने पौलुसह भी तेर सामने उभु कोरयु ।³⁴च्यु वाचीन पुछु " यु कानला प्रदेशन से?

³⁵अने जेतार जाण लेदयु के किलकियान से,तेतार तीनाहा जान्यु " तेतार तीनाहा कोयु " जेतार तारा मुददान आवहे तेतार मी तारु मुकदमु कोरीह " अने च्यु तीनाह हेरोदेसन किल्लामा पाहारामा मेकणेन आदेश आप्यु ।

Chapter 24

¹एने पाय दीहोन ओवतु होनन्या नावोन मुखी पुजारु येहुदी पुडारीनु हाते एने तीरतुल्लुस नावोन वोकीलो हाते राज लागाडने केयसरीया सेहर गोयला ।

²राज कोरनारान ओगोव पौवलुसोह बुलाडया ,तेतार तीरतुल्लुस नावोन वोकील तीनापर गुनु लागाडीन कोयु ,ए मोरला मान पानोन फेलीक्स जेतार तु आपोना देसोपर हाजी हुते राज चालाडतलु कोरीन आपणा माणहे सुख एने सांतीवार जीवणे बाज रोयाहा तु नांबे दोखु देखीन राज चालाडतलु कोरीन आपणो देस आखी वातोमा वारुज सुदरी रोयोह ।

³एने आमु हर जागे एने हर बातीन दोन्यवाद कोरतला ।⁴पुण मी तार ओगोव होंये नी बुलने हुत्तल्लु मी काय कोयण्यु से च्यो दोया कोरीन मारी थुडीक वात तु होंबे कोरीन मी रावण्या कोरतलु ।

⁵आमुहु मालुम पोडयो के यु माणुह ओनाडी से यु कोरीन आखा येहुदी माणहोह जोगडु कोरावणारु से,यु नाजरी पोंथवालान गोडबोड कोरनारु नेतु से।

⁶चु मंदीरोह वीटवाडने कुसीस कोरतलु ,पुण आमु इनाह दोर लेदला एने आमु इनाहा आमरा कायदान इसाबे नीयाव कोरने हुत्तला ।⁷पुण सोयनीकोन मुखी पुडारी लुसीयास इनाहा बोवजोबर्य आमरा आथोम दोखु सांडाड लेदलु।

⁸एने तोहो कोयापुणे आमुह कोयु ,तु इनाहा पुसतास कोरजी ,एने आमु लागाडला गुनु खोरी से के नी कोरीन फारकीन सोमजी लेजी ।

⁹येहुदी पुडारया टुव्वायीन कोया के कोयणु यो आखो खोरो से।¹⁰तेतार पोवलुस बुलनु जुवे कोरीन राज कोरनारु इसारु कोरयु यो देखीन पोवलुस कोयु राज कोरनारु फेलीक्स तु वारुज साल दोखु येहुदीयो राजवाडान माणहोन नीयाव कोरतु आवे रोयुह ,मी जाणतलु के तार ओगोव जोपाप आपतलु कोरीन खुब खुस ओयतलु ।

¹¹मी बोगवानोन बोक्ती कोरने येरुशलम सेहरोमा आवीन बारा दीही बी नी ओया यो खोरी से की नी कोरीन तु जाण सोकतलु ।

¹²ज्या माणहे मारपर गुनु लागाडया च्या मेहे मोंदिरोमा एने बोकतीन गोरमा एने सेहरोमा कुणी हाते जोगडु कोरतलु एने माणहोह बोडकावीन नेमोन वीरुद कोरावतलुन मेहे नी सापडाव्या ।

¹³ज्यु गुनु मारपर लागाडला ओता तेरु पुरावु नी आप सोकतला ।¹⁴पुण मी यो तार सामने मान लेतलु बोगवानोन बोकती कोरीन पोंथोन वाटे चालतोतु , यहुदी माणहे इना यीसु पोंथोन ठोग पोंथ कोयतला ,पुण मी ते बोविस्य कोयणारान पुस्तोको मायलो एने नेमोमा काय लेखाय रोयोह तीना आखपोर बुरहु कोरतलु ।

¹⁵एने या माणहे यी आसा राखतला के ज्या दोरमी एने पापी से च्या दुय बी एक दीही मोरलाम दोखा जीवता ओय जाहोत ,तींदरे होस मी बी बोगवानो पोर आसा कोरतलु ।

¹⁶कोरीन बोगवानोन ओगोव एने माणहोन ओगोव मारो मायलो मोन सुखलो मेकणेन कुसीस कोरतलु ।¹⁷खुब सालोन बाद मा मी आपणा माणहोन दान पहुंचावें एने बादा चोडावने आव्या कोरतलु ।

¹⁸च्या मेहे मंदिरोमा शुदध दसामा बिना गोरदी हाते एने दोंगु कोरता इना काम मा पाव्यु ,पुण च्या आसीया जीलाम दोखा थुडाक येहुदी माणहे च्याहरी ओता ।

¹⁹पुण यदी मारा विरुद मा तिंदरी वात याहरी ते तिंदरी सामने आवीन मेहे पोर गुनु लागाडता।²⁰या याहरी आपु कोयतला के जेतार मी महासभा सामने उबरोयतलु ते मेहे पोर काल्लु गुनु सापोडलु से के ।

²¹एने इनी वातोन सुडीन जो मी तिना सामने उबरोयणे ओईन आयडीन कोयु के मोरलान दोखा जीवता ओय जाहे एहे मी बुरहु कोरलु ।²²नीयाव कोरनारु फेलीक्स पोरबुन वाटोन बारामा होस कोरीन जाणतलु ,जेतार सोयनीकोन मुखी पुडारी लुसीयास च्याहरी आवहे ते तारी वातोन मी फेसलु कोरीही ।

²³ओवी सुबेदारोह आज्ञा आपी के पोवलुसोह काहा अलग मा राखीन तेरी राखवावी कोरने एने तिना मिगरो दोखु कुणीही एक बी तिनान सेवा कोरने जुण रूकता ।²⁴थुडाक दीहोन ओवतु फेलीक्स तेरी लाडी दुरसील्ला हाते आव्यु ,च्यी येहुदी ओती ,तेतार च्यु पोवलुसोह तेरा ओगोव बुलाडलु ,ओवता च्या पोवलुस यीसु धोरती पोर बुरहु कोरलु तेरे बारामा होंबोवला ।

²⁵जेतार पोवलुस सोतान जीवोह दोरीमीन जीवायोन बारामा एने सोतान मोनोह काबामा राखणेन बारामा एने आवणे वाला नीयाव नीवाडान बारामा कोयतलु होंबीन फेलिक्स गाबरी गोयु एने कोयु एवी तु जात रोय ,एने जेतार मेहे तार हाते वात कोरने टेंम सापडे तेतार मी तोहो फोसु बुलाड लीह ।²⁶पुण पोवलुस दोखा काय पोयहा आपहे कोरीन आसा ओती इनान कोरीन ओवी बी बुला बुलावीन तीना हाते वात कोरया कोरतलु ।

²⁷दुय साल वीत गोया ते पुरकीयुस फेस्तुस फेलीक्सोन जागापोर नीयाव कोरनारु बोनलु ,पुण येहुदी माणहोह पोयडनेन कोरता पोवलुसोह जेलोमाज रोयणे देण्यु।

Chapter 25

¹फेस्तुस नीयाव कोरनारु बोणीन ,तीन दीहोन ओवतु च्यु केयसरीया सेहर दोखु येरुशलम गोयु ।

²च्यु येरुशलम सेहर पुची गोयु तेतार मुखी पुजारु एने येहुदीन खास पुडारया आवीन पोवलुसोपोर गुनु लागाडया ।

³एने च्या पोवलुसोह येरुशलम सेहर हादाडनु जुवे कोरीन च्या तिनाहा एहे रावण्या कोरला ,काहाके च्या पोवलुसोह वाटेज मारने धोमसु लागाडला ओता।⁴पुण फेस्तुस कोयु नी पोवलुसोह केयसरीया सेहरोमा रोयणे दे मी जोलदी च्यांहरी जायीही ।

⁵तुमरा थुडाक आदी कारी माणहे बी मारहाते आवणु जुवे , एने एने जोर च्यु खोराखोर काय बी गुनु कोरलु ओहे ते च्या या आवीन तीनापोर गुनु लागाड सोकतला ।⁶एने तिंदरा विसमा आठ या दस दिही रोईन च्यु केयसरीया गोयु एने दुहरे दिही नियाव कोरने कोरीन नियाव आसन पोर बोठ गोयु , एने पोवलुसोह लावणे हुकुम आप्यु ।

⁷जेतार च्यु आव्यु ,तेतार ज्यु येहुदी यरुशलेम दोखा आव्या ओता ,तिदंरी आस पास उबरोयला तिना पोर खुब मोटु आरोप लागाडया , एने च्या तिना विरुद खुब खोतरनाक गुनु लागाडया ।

⁸पुण पोवलुस उत्तर आप्यु मी ते येहुदीयोन नियम मा एने नी मंदिरोमा एने नी केयसरीया विरुद काय बी गुनु नी कोरयु ।⁹पुण फेस्तुस येहुदी माणहोह खुस कोरनेन इस्यामा पोवलुसोह फुस्यु ,तु काय येरुशलम जाणे हुत्तलु के च्याहरी मार ओगोव ‌तारु नियाव कोरनेन आवहे ।

¹⁰पोवलुस कोयु एवी मी केयसरोन नीयाव कोरनेन कुरटामा उबरोय रोयुह ,मारु नियाव यांहरी ओयणु जुवे ,मी येहुदीन विरुद्ध कायीज गुनु नी कोरयु कोरीन तु हाजी हुते जाणतलु से ।¹¹जोर मी मोतोन डोंड जुडे ओहलो ,गुनु कोरलु ओहे ते मी मोरने तीयार से ,पुण जीनी वातोन मेहे पोर गुनु लागाडतला ईनामा खोरो निंबेह ते कुण बी मेहे येहुदीन आथोमा नी होप सोकतला ।

¹²तेतार फेस्तुस ज्या खास माणहे तेर हाते ओता तीनु हाते इनी वातोन बारामा वातु कोरयु ,ओवतु च्यु पोवलुसोह कोयु ,केयसर राजान ओगोव उबरोयणे रावण्या कोरलु ते तोहो केयसर राजा पाह आमु पुचाड देहु ।¹³थुडाक दीहोन ओवतु ओगरीप्पा राजा एने तेरी आयतली बोणीह बीरनीके फेस्तुसोह मीवायणे केयसरीया सेहरोमा आव्या ।

¹⁴च्या फेस्तुस हाते थुडाक दीही ‌रोयीन ओवतु फेस्तुस पोवलुसोन बारामा राजाहा कोयु ज्ञ, के एक माणुह याहरी से तीनाहा फेलीक्स जेलोमा नाखीन गोयलु से।

¹⁵जेतार मी येरुशलम सेहरोमा ओतु ते डायला पुजारा एने च्याहरीन येहुदी पुडारीन तेर वीरुद गुनु लागाडीन मी तीनाहा मोतोन डोंड आपणु जुवे कोरीन च्या रावण्या कोरतोता ।

¹⁶पुण मी जोपाप आप्यु , एक गुनावालु माणुह तीनाहा गुनु लागाडनारा माणहोन ओगोव यी बीगुर गुनावालु से कोरीन पुरावु देखाडणे सोंदी आपणेन रोमीन रीत से ।¹⁷आखरी पोर जेतार च्याहरी होजर ओयला तेतार मी काय बी दीर नी कोरयु ,पुण दुहरे दीही लायोन सामने आवीन बोठ गोयु ,तिना माणहो आज्ञा आप्यु ।

¹⁸तेतार च्या माणहे उबरोयीन तीना पोर गुनु लागाडया पुण तिनामा मेहे कायीज मोटलु गुनु नी सापडयु ।

¹⁹पुण आपणा मतोन नुसार ओवी यीसु नावोन काल्ला माणहोह इनान बारामा की जु मोर गोयलु ओतु तिनाहा पोवलुस तिनाहा जीवतु ओय गोयलु एहे कोरीन वात कोयलु ।

²⁰इनी वातोन मी केहेकाय नीयाव कोरो कोरीन नी जाणतोतु कोरीन मी पोवलुसोह फुस्यु तु च्याहरी नीयाव ओयणेन कोरता येरुशलम जाण्यु के ।²¹पुण पोवलुस राजान राजा केयसर तेरु नियाव कोरनु जुवे एहे हुत्तोतु , कोरीन जाहलोगोण च्यु राजान राजा केयसरोपाह मुकोलने फेंसलु नीति कोरे ताहलोगोण तिनाहा सोयनी कोन राखवावीमा राखणे मी हुकुम आप्यु ।

²²यो आखो होबींन ओगरीया राजा फेस्तुसोह कोयु ,मी बी तिना माणहोन वात होबोंवणे हुत्तलु ,ओवतु फेस्तुस कोयु ,बाणे तु तेरी वात होबीं लेहे ।²³दीहरे दीही ओगरीप्पा राजा एने बीरनीके रोमो जोमो ओयीन नियाव कोरनेन खुलीमा गोया ,सोयनीकोन मुखी पुडारया एने केयसरोन मुखी माणहे बी तीनुहाते तीनुह मानपान आपीन गोया ,तेतार फेस्तुस पोवलसोह तेर ओगोव लावणे हुकुम आप्यु कोरीन च्या पोवलुसोह लाव्या ।

²⁴ओवतु फेस्तुस कोयु ए राजा ओगरीपा एने ए बोठा माणहो ज्या यांहरी टुव्वाय रोयला से तुमु इना माणहोह देखजु येरुशलम सेहरोन आखा येहुदी माणहे एने यांहारीन माणहे तुमु मार ओगोव एर बारामा गुनु लागाडया च्या इनाहा मार नाखु ओहलो माणहोह जीवतला मा रोयणे देवु कोरीन आयडी आयडीन कोया।²⁵पुण मी जाण लेदलु की यु ओहलो काय नी कोरयु की इनाहा मार नाखे जेतार यो महाराज धीकारीन दोहाई आप्यु ते मी इनाहा मुकोलने तैयारी कोरयु ।

²⁶पुण मी केयसरोन एर बारामा काय गुनु लेखो कोरीन मी जाणतलु ,कोरीन मी इनाहा तुमु आखान ओगोव लाव्यु ,मी ओगरीप्पा राजा इनाहा काय बी सोवाल फुसीन तोपासहे एने एर बारामा केयसरोह काय पुरावु लेखणु कोरीन कोयणे तोहो मी रावण्या कोरतलु ।

²⁷काहाके जेलोम दोखा बीगुर केयसरो पाह मुकोलनु हाजो नींबहे एहे मेहे लागतलो ।

Chapter 26

¹ओगरीप्पा पोवलुसोह कोयु ,तोहो सोतान बारामा बुलनेन हुकुम से , तेतार पोवलुस आथ उंचु कोरीन जोपाप आपणे बाज गोयु ।

²ए राजा ओगरीपा जोतरी वातोन येहुदी माणहे मेहे पोर गुनु लागाडतला,तीनी आखी वातोन भी आज तार ओगोव जोपाप आपणे सोताह नोसीबवावु सोमजतलु ।

³काहाके येहुदीन बोठी रीत एने तींदरा बारामा हाजी हुते जाणतला,कोरीन तु मारी वात दीर दोरीन होबोंवजी कोरीन मी रावण्या कोरतलु ।⁴मी आयतु दोखुज येरुशलम मोमा मारा माणहोन विस्मा ओतु पेल दोखुज मी केहेक जीवाय जीवतोतु कोरीन मार बारामा आखा येहुदी माणहे जाणतला ।

⁵च्या यदी गोवाई आपणे चाहतला ते सुखातुच दोखा मेहे उवखोतला ओता ,की मी फारीसी ,इसाबे जिवाय जिवतलु कोरी मारा बारामा च्या गोवाई आप सोकतला ।⁶कोरीन बोगवान डाय डाया वायदु कोरलु ओतु,च्यो पुरो ओये कोरीन मी आसा राखीन पोक्कु वाट जुवीन रोयतलु ,कोरीन माणहे मेहे पोर लागाडतला की एवी मी लियाबोन कोरता तार ओगोव उबरोय रोयुह ।

⁷इनान कोरीन बोगवानोन सेवा कोरीन आपणा माणहोन बारा गोराणान माणहे बोगवान तीनुहु वायदु कोरलु च्यो पुरो ओयणेन कोरता आसा राखीन पोक्का वाट जुवीन रोयतला ,कोरीन ए राजा येहुदी माणहे मेहे पोर गुनु लागाडने बाज रोयाह।

⁸बोगवान माणहोह मोरलाम दोखु जीवतु कर सोकतलु कोरीन येहुदी माणहो मायला थुडाक तुमु काहा विचार कोरतला।⁹पेल मी बी यीसु नाजरी नावोन वीरुदोमा खुब विरुद्ध कोरने विचार कोरतोतु ।

¹⁰एने येरुशलेम सेहरोमा मुखी पुजारा ज्या यीसु मोसी पोर बुरहु कोरनारा नुह जेलोमा नाखणे मेहे आदीकार आपला ओता ,कोरीन खुब पोवित्र माणहोह जोलोम नाखलु ,एने जेतार तीनुहु मारीन नाखतोता ,तेतार मी तीनुहु मारने सात देल्लु ।

¹¹आखा बोक्तीन गोरों डीट मी तिनुह डोंड आपीन तिंदरा यीसुन नाव बोंद कोरनेन कुसीस कोरलु,मी तिनु पर खुब गोंमंड कोरीन तीनुहु हुदतु हुदतु दिहरा सेहर लोगोन जायीन तीनुहु सोताडयु ।¹²एहे कोरीन एकवार मुखी पुजारु पाह दोखु मी आदीकार मांग्यु,च्यु मेहे आदीकार आपलु ,ओवतु मी दोमास्कुस सेहर जातोतु ।

¹³ए राजा माथेक दिही ओतु तेतार वाटे मी सोरग दोखो दीहोन उज्यावो दोखो बी खोतरनाक एक उज्यावो मेहे पोर पोडयो ,च्यो उज्यावो मारहाते एने मारहाते चालनारान सोमखेर चोमकतलो देख्यु ।

¹⁴लोगेज आमु आखा दोरती पर पोड गोया तेतार मारहाते बुलनारान आवाज इबरानी बास्यामा एहे होंबायो ए सावुल ए सावुल तु मेहे काहा सोताडतलु ? तोहो मार पोर लात देणु काठो से।¹⁵एने मी कोयु ,पोरबु तु कुण से तेतार पोरबु कोयु , मी यीसु से जिनाहा तु सोताडतलु ।

¹⁶पुण तु उठीन उबरोय जा काहाके तु मारी सेवा कोरने एने पुरावु बोणीन दीहरान मारी वात कोयणे मी तोहो निवाडलु ,कोरीनुज आज मी तोहो देखायु ,ज्यो काय तु देखलु एने ज्यो काय मी तोहो बोवीस्यमा देखाडीही च्यो माणहोह तु कोया पहे ।

¹⁷एने मी तोहो तारा माणहोमा च्या दीहरा जातीन माणहोह से वाचाडी तु पाहा मी तोहो इनान कोरीन ,मुकलने बाज रोयु ।

¹⁸के तु तिदंरा डुवा उगाड दे एने च्या आंदारलाम दोखा उज्यावो खेर फिरीन बुतडान काबामा दोखा सुटीन बोगवानोन काबामा आव लागणु जुवे ,कोरीन मी तोहो तिंदरे वीस्मा मुकोलतलु ।¹⁹कोरीन ए ओगरीप्पा राजा मी ते सोरग दोखु तीना जागता हीवणाहा देखीन तेरी वात मान लेदलु ।

²⁰एने तेतार दोखु मी पेल दोमास्कुस सेहरोन एने येरुशलम मोन एने येहुदीया सेहरोन माणहोह एने ओवतु च्या बीगुर येहुदी जातीवावा से तीनापाहा जायीन तुमु तुमरा पापोन फोसतावु ,कोरीन बोगवानखेर मोन फिरावु ,एने बोगवानोह पोटे ओहलो हाजो काम कोरता रोयु ।

²¹इनी वातोन कोरता येहुदी माणहे मेहे मंदीरोमा दोरीन मार नाखणे कुसीस कोरया ।²²पुण बोगवान मेहे मोदत कोरलु कोरीन मी आज आयतला एने मोटला आखान ओगोव याहरी उबरोयीन ज्यो काय मी देखलु च्यु पुरावु आपतलु पुण मी ते मुसा एने दिहरा बोवीस्य कोयणारा काय ओयहे कोरीन कोयला ओता च्या ओतरोज कोयतलु ।

²³यीसु मोसीहोह दुख वेठीन मोरनु पोडहे एने च्युज आखा मोरलाम दोखु जीवतु ओयणारामा पेल्लु रोयहे ,एने दिहरी जातीवावा दुयोह बी जीवायोन उज्यावान खोबर होंबाडने बाज रोयुहु ।²⁴जेतार पोवलुस इनी रिते बुलतोत ते फेस्तुस मोटे आयडीन कोयु खुब हिकीन तु गांडवाय गोयलु से।

²⁵तेतार च्यु कोयु ,ए मानपानोन मुखी फेस्तुस मी गांडु निंबे पुण मी खोरी एने ओक्कोलवाली वातु बुलतलु ।

²⁶काहाके ज्यी वात मी तेर ओगोव बुलतलु इनी वातोन बारामा राजाहा बी मालुम से ,मेहे पोक्कु बुरहु से के च्यु या आखा वाते होंबोवलु से,काहाके यी गोरना एक कुपरे ओयली नींबे ।²⁷ए ओगरीप्पा राजा जुनला वारान बोवीस्य कोयणारा बोगवानोन बुरहु कोरतलु के तीनापोर तु बुरहु कोरतलु कोरीन मी जाणतलु ।

²⁸तेतार ओगरीप्पा पोवलुसोह कोयु तु थुडीक वात सोमजाडीन मेहे यीसु वालु बोणाव दे एहे विचार कोरतलु के ।

²⁹तेतार पोवलुस कोयु,तु ओतरुज नी पुण आज ज्या मारो होंबोवताह तुमु आखानुह बोगवान वाचाडनु जुवे कोरीन मी पोरथना कोरतलु ,एने च्या मार होस यीसु पोर बुरहु कोरनारा बोण जाणु जुवे।³⁰तेतार राजा मुखी फेस्तुस एने तेरी बोणीह बीरनीके एने तिनुहाते बोठ रोयला आखा माणहे उबरोयीन च्याहरी दोखा जात रोया ।

³¹जेतार च्या जातोता तेतार एक दीहराहा कोया , यु माणुह ते मारीन नाखे एने जेलोमा नाखे ओहलु कायीज गुनु नी कोरयु।

³²तेतार ओगरीप्पा राजा फेस्तुसोह कोयु,जोर यु केयसर राजान ओगोव मारु नियाव ओयणु जुवे,एहे नी कोयतु ते आपु इना माणहोह सुड सोखतोता ।

Chapter 27

¹जेतार यो खोरो ओय गोयो ते आमु जाहाजोमा बोठीन इतालीया देस जाहु एहे विचार कोरया ,ते च्या पोवलुसोह एने थुडाक जेलोमायला केयदी माणहोनुह युलीयुस नावोन एक राजान होव माणहोन दुवान पुजारी आथोमा होप देज्या ।

²आरीसतरखुस एक जाहाजमालो मोटी दुनिया जीलान थीस्सलुनीकी सेहर दोखु आमु हामे आवलु आदरामुत्तीयुम सेहरोन जाहाजो मा आमु बोठया ,ज्याहरी जाहाजोन ठेसोण ओतो च्यी जाहाज आरचीया जीलान दोरीयान दोडे दोडे जाणेन तीयारीमा ओती ।³दीहरे दीही आमु सीहोन सेहरोमा पुच्या ,एने युलीयुस पोवलुसो पर खुब कीव कोरीन तीनाह तेरे दुस्तीहाते मीवायणे जाणे देण्यु काहाके या दुस्तीनु पोवलुसोह खुब मोदत कोरतोता ।

⁴जाहिजोमा बोठीन आमु सेयदा सेहरोमा जातोता , तेतार जाहाजोन होंबाहोय खुब वाहवु सुटलु कोरीन आमु कुपरुस काडापाणीमा वाहवा दोखा वाच जाणु जुवे कोरीन आडोव ओय गोया।

⁵च्याहरी दोखा आमु कीलाकीया जीला एने पोंफुलीया दोरीयान ओयता लुसीया जीलान मुय सेहरोमा उतरया ।

⁶च्याहरी सीकंदरीया सेहर दोखी युलीयुसोह एक जहाज जुडी च्या इतालीया देरु जातोती कोरीन एक होव सोयनीकोन पुडारी आमु तीनापोर चोडाव देण्यु ।⁷तेतार आमु खुब दीह लोग्येण बागे बागे जाचीन खुब वेला कोरता जायीन कोनीदुस सेहर हाते हाते पुच्या ,काहाके वाहवु तीना दिसाखेर ओगोव जाणे नी देतोतु , कोरीन वाहवा दोखा वाच जाणेन कोरता आमु सालयोन सेहर ओयता केरेत ,काडापाणीन आडोव जात रोया ।

⁸आमुह ओगोव टेके टेके जाणे खुब मुस्कील आवी तेतार आमु खुब वेला कोरता जायीन जाहाज उबराखणेन हाजो ठेसोण नावोन एक ठेसणो पर पुच्या , च्यो च्याहरी दोखो लासीया नावोन सेहर हाते ओतो ।⁹जेतार आमुहु खुब दीहे जात रोया , अने आमुहु पाणीम ओगोव जाणे खुब तोरास ओयतोतो ,उजु माफीन मोटलु उपासोन दीही लोगोण वीत गोयु एवी आखरीमा पोवलुस तीनुह यो कोयीन सोमजाडयु ।

¹⁰ए मार बायहोह मेहे एहे लागतलो के एहे जाहु ते आपु पोर खुब आफुत आवहे ,एने जाहाज बी मुडाय जाहे यो ओतरोज नी जाहाजो मायला सोमानोन बी नुकसान ओयहे एने आपणा जीवोन बी नुकसान ओयहे।

¹¹पुण सोयनीकोन पुडारी पोवलुसोन वात मानेने सुडीन जाहाजोन मालको पर एने जाहाज चालाडनारा पोर जास्ती बुरहु कोरयु ।¹²जाहाज उबरोयली च्यो ठेसोन ठोंडीन दीहोन कोरता हाजो ठेसोण नी ओतो ,कोरीन जाहाजो मायला खुब माणहे कोया फीनीक्स केरेत सेहरोन काडापाणी मायलो एक सेहर से च्यो ठेसोण ते डाखरीखेर बुडोवणी खेर ,एने जेवडीखेर बुडोवणीखेर उगावडो से, कोरीन ठोंडीन दीहोन वाच जाणेन कोरता आपु याहरी दोखा नीकवीन फिनीक्स सेहर जात रोयता।

¹³तेतार जेवडीखेर दोखु वाहवु बागे बागे सुटणे बाज गोयु ,जाहाजो मायला माणहे विचार कोरया ,आपु वाट जुवतोता,च्यु वाहवु एवी सुटयु कोरीन च्या आकडु काड लेदया , एने मेरे मेरे केरेत काडापाणी हाते जात रोया ।¹⁴तेतार जेवडी खेर उगोवणीखेर दोखु युरकुलीन नावोन मोटु वाहुण पाणी सुटयु ।

¹⁵जेतार वादुण पाणी जाहाजोह आफठायु ते आमुह ओगोव जाणे खुब मुस्कील आवी कोरीन आमु ओगोव जाणे कुसीस नी कोरया , एने वाहवु जेहे सुटयु तेहे जाहाज ली जाणे देण्या ।

¹⁶तेतार कोवदा नावोन एक आयतला काडापाणीन आडोव जात रोया ,आमु काठी मेहनुत कोरीन तीना आयतला जाहाजोह सापडावीन आयतलो डुडयों तीनामा मेल देल्ला ।¹⁷आयतला डुडयाह च्या आपकीन लावणेन ओवतु च्या जाहाजोन सोमखेर टीकीन रोयणेन कोरता नाडा कोरीन बांदया , च्या सुरतीसोन काडापाणी दोडी उतवा पाणीन रेवयमा जाहाज फोस जाहे कोरीन बीतोता ,कोरीन जाहाजोन उपोर बांदायली पाल सुड देण्या ,एने वाहवाया जाहाजोन वोयणे देण्या ।

¹⁸दिहरे दिह खुब वादुण पाणी सुटयु कोरीन जाहाजो मायला माणहे जाहाजोम दोखा थुडाक मालोह दोरियामा नाखणे बाज गोयला ।¹⁹ओवता तीसरे दीह च्या तीदंरा आथो कोरीन जाहाजोन थुडोक सोमानो बी बारथे नाख देल्ला ।

²⁰आमुह खुब दीह लोगोण दीह एने तारा बी देखणे नी जुडया एने वादुण पाणी खुब जुरमा चालतु रोयु , कोरीन आखरीमा आमरी वाचणेन पुरी आसा सुड देल्ला ।²¹जाहाजो मायला माणहे खुब दीह लोगोण बुखलाज ओता ,तेतार पोवलुस तींदरा वीस्मा उबरोयीन कोयु , ए बायहो तुमु मारी वात मानीन केरेत काडापाणीमा दोखा नी नीकोवता ते इनी मुस्कील एने नुकसाण दोखा वाच जाता ।

²²पुण मी तुमुह हीम्मोत आपतलु ,काहाके जाहाज ओतरोज नुकसाण ओयहे तुमरा जीवोह कायीज नुकसाण नी ओये ।²³काहाके ज्यु बोगवान मारहाते से ,जेरी मी सेवा कोरतलु तेरे सोरगदुत आज राती मारहाते आवीन मेहे कोयु।

²⁴ए पोवलुस बीये मा ,तोहो केयसोर ओगोव उबरोयनु पोडहे तु से तीनामा ज्यातार हाते पोरवास कोरने बाज रोयाह तीनु आखान जीव बोगवान वाचाडहे ।

²⁵कोरीन हे बायहो हीम्मोत राखजु ,मी बोगवानोपोर बुरहु कोरतलु के मेहे जेहे सोरगदुत कोयु तेहेज ओयहे ।

²⁶पुण आमुहु काहा काहरी काडापाणीमा ली जाणु पोडहे ।²⁷तेतार चोवदावी राती आमु आदरीया दोरीयामा उंजु वादुण पाणीन जेलखामा आफठायता फीरतोता ,तेतार आरदी राती ज्या जाहाज चालाडतोता च्या आमु काल्ला तोरी देसो हाते पुच गोयला से एहे विचार कोरया।

²⁸कोरीन च्या पाणी कोतरो उंडो से कोरीन मापणेन कोरता पाणीमा नाडु नाखतोता ,ते पाणी वीह मीयेर उंडो ओतो , से एहे मालुम पोडयो ।

²⁹पुण जाहाज चालाडनारा जाहाज दोरीया मायला सापरो हाते ठुकाय जाये कोरीन बीतोता कोरीन च्या जाहाजोन फोसोव दोखा च्यार लोखडान आकडा पाणीमा नाख्या एने दीही उगणेन कोरता वाट जुवीन पोरथना कोरतोता।³⁰जाहाज चालाडनारा जाहाज सुडने हुत्तोता ,कोरीन च्या वाच जाणेन कोरता आयतला डुडयाह पाणीमा उतार देण्या ,दीहराह या वाच जाणे कोरता कुसीस कोरतला एहे मालुम नी ओयणु जुवे कोरीन च्या डोंगडा कोरतोता ।

³¹तेतार पोवलुस सोयनीकोन पुडारीह एने सीपायडानुह कोयु ,जोर जाहाज चालाडनारा माणहे इना जाहाजोमा नी रोयता ते तुमु नी वाच जाता ।

³²कोरीन वाच जाणेन कोरता सोयनीके नाडा कातरीन पाणीमा डुंडयो वोयीन जाणे देण्या ।³³होंदारे दीह उंगणेन पेल पोवलुस जाहाजोमा रोयणाराह रावण्या कोरीन सोमजाडयु ,वाच जाणेन आसा कोरीन वाट जुवता जुवता दुय आपता ओय गोया तुमु कायीज नी खादया , एने बुखला से।

³⁴कोरीन मी तुमुह रावण्या कोरतलु के वाचीन जीवणेन कोरता काय बी खाय लेवु ,एवी तुमरा मुंडोन दोखु एक जुदु नी पोडे ।

³⁵यो कोयीन रुटु लीन आखान ओगोव बोगवानोन दोन्यावाद कोरयु , एने रुटु मुडीन खाणे बाज गोयु।³⁶ओवतु च्या हीम्मोत हाते आखा खाणे बाज गोयला ।

³⁷आमु आखा मीवीन जाहाजोमा दुय होव सोत्तोर एने सोव जोण ओता ।

³⁸च्या बोठा खायीन आफरी गोया ,जाहाज होलको कोरनेन कोरता गोंवे दोरीयामा नाख देल्ला।³⁹जेतार दिह उग्यु तेतार च्या माणहे डुंडयो चालाडतला तीनुह तीना देसोन रेवटान जागु देखा यु,पुण च्यु जागु काल्लु जागे से कोरीन तीनुह काय नी उवखायु रेवटान जागु देखीन तींदरे जाहाज चालाडने हुत्तोता ।

⁴⁰कोरीन च्या नाडु तुडीन लोखंडान आकडा हाते बांदीन दोरीयामा सुड देण्या एने तेतारुज बांदायलो टेरीगोह बी डील्लो सुड देल्ला वाहवू जेहे सुटतलु तेहे पालोह बी सुडीन दोरीयान दोडी जाणे बाज गोया।

⁴¹पुण जाहाज पाणीन नेचो रेवटान डीगोमा ,एने जाहाजोन ओगोवलु बाग रेवटामा खुबचाप गोयलु ,तीनामा ओगोव नी जाय सोक्यु ,खुब दोरीयान जेलखु आफठायु कोरीन जाहाजोन फोसोवलु बाग मुडायणे बाज गोयु।⁴²या केयदी माणहे जेफीन नाहजाहोत कोरीन इनुह मार देता एहे सोयनीके विचार कोरया।

⁴³पुण सोयनीकोन पुडारी पोवलुसोह वाचाडने हुत्तोतु एने सीपाय डानुह केयदी माणहोह मारने नी देण्यु , कोरीन च्यु जीनुह ,जेफणे आवडे तीनु आखानूह पाणीमा जेफीन टेकडे निकवी जाणे कोयु ।

⁴⁴ओवतु च्यु च्या रोयला तीनुह जाहाजोन मुडायला लाकडान पाटडया दोरीन तींदरे फोसोव आवणे कोयलु ,आखा एहे कोरीन दोरीयान टेकडे हाजीहुते पुच गोयला।

Chapter 28

¹एने आमु दोरीयामा दोखा वाचीन हाजीहुते पुचीन ओवतो आमुह मालुम पोडयो , के तीना काडापाणीन नाव मालटा ओतो ।

²तेतार पाणी पोडतोतु तीनामा खुब ठोंडी ओती ,पुण तीखेरला ओनजावडा माणहे आमु पोर खुब कीव कोरीन एने हाजु वेवार कोरया , एने च्या आगठो होडगाडीन आमु आखाह तापायणे हादतोता ।³एने पोवलुस थुडाक लाकडा टुवु कोरीन होलगतला आगठामा नाख्यु ,तेतार एक जेहरवालु गोडहु खुब आस लागतोती कोरीन बारथे नीकव्यु ,एने तेर आथोह वेटवायीन चाव देल्लु ।

⁴पुण च्यांहरी रोयणाराहा माणहे गोडहु तेरा आथोमा वेटवाय रोयु देखीन एक दीहराह कोया ,खोराखोर यु माणुह ते खुन कोरनारु से ,यु दोरीयामा दोखु वाच गोयु एने नी मोरयु ,पुण एरु नीयाव इनाह जीवणे नी देण्यु ।⁵पुण गोडहाह जोटकीन आगठाम नाख्यु ,तेतार तीनाह कायीज नुकसान नी ओयो ।

⁶माणहे विचार कोरया,यु माणुह हुज जाहे नी ते पोडीन मोर जाहे ,एहे खुब टेम वाट जुवीन बावतोता ,पुण कायीज नी ओयो कोरीन च्या कोया ,यु एक बोगवान से ।⁷च्याहरी पुबलियुस नाव एक मुखी माणुह तीना काडापाणीमा ओतु च्यु खुब पामतलु माणुह ओतु, एने दोरीयान टेकडा हाते तेरा थुडाक खेते बी ओता , च्यु आमुह तेर गोर ली गोयु ,आमु च्यांहरी तीन दीही ‌रोयला च्यु आमरी पावणाय कोरयु ।

⁸एने एहे ओयो के पुबलीयुसोन बाह होरी हाते एने लुयोन बारथी हाते ओतु तीनामा खाटलामा पोड रोयलु ओतु , पोवलुस तीनापाह गोयु एने तेर आथ तेर मुंडो पर मेक्यु एने पोरथना कोरयु एने च्यु हाजु ओय गोयु ।

⁹एहे ओयो के तीना काडापाणीन आखा मांदला माणहे हाते आवला च्यु तिदंरे कोरता पोरथना कोयु ते च्या आखा हाजा ओय गोयला ।

¹⁰एने च्या माणहे आमुह खुब मानपान आप्या एने च्यांहरी दोखा जाणे आमु तीयारामा ओता तेतार च्या काय आमुह आखो जाहाजोमा लावीन मेक देण्या ।¹¹तीन मोयना ओय गोया तेतार सीकंदरीया दोखा जाणे जाहाजोम बोठीन नीकव्या ते तींन ठोंडीन टेमे च्यी जाहाज तीना काडापाणीन ओगोवला बागोमा रोम देवोन जोंव्या बायहोन नीस्याणी ओती ।

¹²एने आमु सुरकुस सेहर उतरीन तीन दीह च्याहरी रोया ।¹³च्यांहरी दोखा फीरीन आमु रेगीयुम सेहर आव्या ,दीहरे दीही डाखरीखेर दोखु वाहवु सुटणे बाज गोयु ,कोरीन आमु एकुज दीहोमा पुतीयुलीस सेहरोमा आव्या ।

¹⁴च्यांहरी आमुह थुडाक बायहे मीवाया , च्या आमुह तीनु हाते एक आपतु रोयणे रावण्या कोरला च्यांहरी रोयीन ओवता आमु रोम सेहर आव्या ।

¹⁵जेतार च्यांहरीन बायहे आमु आव रोयाह कोरीन होंब्या ते च्या आथीयुसोन आटोमा लोगोण आमुह मीवायणे आव्या ,तेर नाव तीन दोरोमा साडा ओतो ,जेतार पोवलुस तीनुह देख्यु ते तीनाह हिम्मोत आवी एने बोगवानोन दोन्यावाद कोरयु।¹⁶जेतार आमु रोम सेहर आव्या ते पोवलुसोह एखलु बाडान गोरमा रोयणे रोम सोयनीकोन मुखी पुडारी हुकुम आपलु ,पुण एक सीपायडु तेर राखवावी कोरलु ।

¹⁷तीन दीहोन ओवतु च्यांहरी येहुदीन पुडारीनुह हादाडयु ,जेतार च्या टुव्वाया ते कोयु ,ए बायहो मी आपणा डायडायान वीरुद एने तींदरी रीतोन वीरुद कायीज नी कोरयु ,ती बी मेहे यरुसलेमोमा दोरावीन रोमी माणहोन आथोमा गुनावालान होस होपणेम आव्यु ।

¹⁸एने च्या मेहे तोपासला ते माराम मोतोन डोंड आपे ओहलु कायीज गुनु तीनुह नी सापडयु ।¹⁹पुण च्यांहरी येहुदी माणहे मेहे सुडणे नी हुत्तोतु कोरीन मेहे रोम सेहरोमा राजान राजा केयसर मारु नियाव कोरे कोरीन मेहे रावण्या कोरनुज पोडयो ,पुण मी आपणा माणहोन वाको काडणे नी हुत्तोतु ।

²⁰कोरीन मी तुमुह मीवणे एने तुमुहाते वात कोरणे हादाडयु ,काहाके इसरायेली माणहे जीनापोर आसा राखीन वाट जुवीन रोयतला तीनापोर मी बुरहु कोरीन रोयतलु ,तेर कोरता मी इनी हाकुव कोरीन बांदायलु से।²¹तेतार यहुदी कोया ,आमुह तार बारामा येहुदीया जीलाम दोखी कायीज चीठठी नी जुडी , च्याहरी दोखा आवला येहुदी माणहोम कुण बी तार खोबर नी लाव्या , एने नी ते तार बारामा आमुह कायीज खोबर नी कोरया ।

²²पुण तारु विचार होंबोवणे आमरी इस्सा से,काहाके आमुह मालुम से के आखी खेर रोयणारा इना पोंथोन विरुद्ध बुलतता ।²³तेतार च्या एक दीही ठोरावला ,ते दीह खुब माणहे च्यांहरी रोयतलु तीना गोरमा मीवाया , च्यु होंदारे दोखु हाजपोर लोगोण आखु दीही बोगवानोन राजान बारामा तीनुह सोमजाडयु ,एने मुसान नेम दोखा एने जुनला वारान बोवीस्य कोयणारान लेखोम दोखा यीशुन बारामा तीनुह वातु देखाडीन पुरावु आपतोतु ।

²⁴थुडाक माणहे काय कोयलु च्या होबींन बुरहु कोरला,पुण दीहरा वातोपोर बुरहु नी कोरया।²⁵पुण च्या तीनाहाते वातोमा जोखडी पोडया ,एने तीनाहाते दोखा जात रोया ,पुण च्या जाणेन पेल पोवलुस तीनुह कोयु,पोवित्र जीव आत्मा तुमरा डायडाया हाते येसाया बोवीस्य कोयणारा लागाडीन खोरी वात एहे देखाडयु ।

²⁶जायीन इनु माणहोह एहे कोय के तुमु होंबोवता रोयहे पुण सोमजे नी तुम देखता रोयहे ,पुण नी देख सोकतला ।²⁷काहाके इनु माणहोन मोन खुब वातडी ओय गोयो , एने इंदरा कान बोयरा ओय गोयला से, एने चा इंदरा डुवा बोंद कोर लेदला से,जोर चा ओहलो नी कोरता ते ज्यो काय इंदरा डुवा कोरीन देखतला एने इंदरा कानो कोरीन होबोंवतला च्यो खोराखोर सोमजता ,तेतार या इंदरा मोनोमा मारी वात खोराखोर सोमजीन मारहाते आवे एने तेतार मी इनुहु वाचाडन्यु ।( यशायाह ६:९-१०)²⁸यो तुमु जाणनु जुवे ज्या माणहे तीनुह बोगवानुज वाचाडनारु से यी वात बोगवान तिनुह कोयहे एने च्या एरी वात होंबीन मान लेदोत तेतार बोगवान तीनुह वाचाडहे ।

²⁹ओवता यो आखो कोयीन ओवता येहुदी माणहे तींदरे तीदंरे खुब जोखडी पोडने बाज गोया एने च्याहरी दोखा जात रोया ।³⁰तेतार पोवलुस पुरा दुय साल लोगोण सोता बाडु आपीन एक गोरमा रोयु ।

³¹एने च्यु वीण दाकाये एने रुक टुक बीगुर तीनुह बोगवानोन राजोन बारामा पोरचार कोरलु एने पोरबु यीसु मोसीन बारामा तीनुह हीकाडतु रोयु ।

Romans

Chapter 1

¹१) येसु मोसीन चेलु पौलुस ओतु,तीना काजे माणहोह हिम्मत आपणे कोरीन बुलाडयु,ओवी बोगवान बाबान च्यी वात देखाडने कोरीन नेवाडयु ²।२) जाणकारोन देखो पवित्र शास्तुर मा पेल्ले लिखलो ओतु।

³३) बोगवान बाबु तेरा पुरया, येसु देवोन बारामा वात पाकी कोरी की,च्यु डीलोमा दाऊदोन गोरो मा पोयदा ओयु।⁴४) उंजु पवित्र आत्मान भावेम मोरीन जीवतु ओयु ,एने ताकोत हाते बोगवान बाबान बेटु बोणयु। ⁵५) तेरे जुरे आमुहु,दोया एने सुख जुडी,की तेरे नावोन कोरीन आखी कोवीन माणहे बुरहु कोरे एने तेरी वात माने।

⁶६) तेरेम दोखु तुमुह बी,यीसु मोसी ओयणे कोरता बुलावलु से ।⁷७) तीनुह आखा नाव ज्ये रोमो मा बोगवान मोंगावु से, एने पवित्र ओयणे कोरता बुलावला से,आमरा बाबु परमेशवर,ऐने पोरबु यीसु मोसी दोखा तुमुहु दोया एने सुख जुडतो रोये ।( इफिसुस १:२)⁸८) पेल्ले मी तुमुह आखान वोडे यीसु बोगवानोन देखु आपणा मालीकन दोन्यवा द कोरु,की तुमरा बुरहान वात आखी कोवी मा ओय रोयी।

⁹९) मोसी तारी सेवा मा मारी आत्मा सी तारा सुरान वाचोनोन बारामा वात कोरो, च्यु मारु गोवाह से ,तीनाहा मी कोयलु दाडीन ओर कोरतु रोयो।

¹⁰१०) ओवी दाडीन मारी पोरथना मा विनता कोरो की कालनी बी भातीन कोरीन ,एवी तुमरे हाते आवणे कोरीन मारहो फिरनो पोरमेश्वरोन मोरजी से पुरो ओये।¹¹११) काहाकी तुमु सी,मिवणेन आसा कोरतलु के,मी तुमुह काय बी पवित्र आत्मा वोरदान आपहे,तेर तुमुह मोजबुत ओय जाउ।

¹²१२) तीही यो से के मी तोहो वीसमा ओयीन तुमरा हाते ,बुरहु कोरतला के मारमा ओवीनतुमरे मा से,सुख लेयु।¹³१३) ओवी ए बायह , मी यो नी कोयतु के तुमु एर दोखो ओंजाणा रोयु ,के मी फोसोव फोसोव तुमरे हाते आवणे चाहयु,की जोहो मेहे विधर्मी जातीमा फोव जोडयो, ओतो तुमुह बी जुडे, पुण एवी ती रुकाय रोयु।

¹⁴१४) मी यीनानी एने दीहरी बुलीन,एने ओकोलवावा,एने बीगुर ओकोलवावन मी कोरजावु से। ¹⁵१५) कोरीन मी तुमुहु बी ज्ये रोम मा रोयु , च्ये हाजी खोबोर काजे होमवणे कोरीन उतवावा तियार से।¹⁶१६) काहाके मी वारली खोबोर सी नी लाज वायतलु, तेरेम की च्यु एक एक बुरहु कोरने वावान जुगु पेल्ले यहुदी आवी,युनानी जुगु छुटकारो हाती मोसीहोन ताकोत से।(२ तीमुथीयुस १:८) ¹⁷१७) काहाके तेरमा मोसीहोन खरो बुरहा पोर,एने बुरहू जुगु ओगोव ओये तोहलो लेखायलो से,बुरहा पोर धोर्मी जीवतलु रोयहे।( हबक्कुक २:४, गलातीयो ३:११)¹⁸¹⁹१८) मोसीहोन खत तीनु माणहो पोर से, ज्ये बोगवानोन वीन धोर्मी एने वीनधोर्मीया पोर से ,च्ये होरगोम दोखा ओगोव ओये,च्ये खोरला के वीगुर धोर्मी कोरीन दाबीन राखहे। १९) काहाके मोसीहोन बारामा ओकोल तिंदरे मोनमा ओगोव से ,काहाके मोसीह तिंदरे पोर ओगोव कोरयु।²⁰२०) काहाके तेरा ओनदेख्या हाजली वात,पुण तेरी जोलम शोक्ती,एने बोगवानोन गुणे,कोव उपजी छेनी टेमे दोखो तेरा कामोन लारे देखणे मा आवे ,जाहातो च्ये तीनुहु बुलता नी आवडे ।( अय्युब १२:७-९) ( भजन १९:१)

²¹२१) तेरेन कोरता की मोसीह जाणी बी ,च्ये मोसीहोन गोमती भोक्ती नी कोरया,पुण फालतु फोम कोरने लाज्या,ज्या तोक तिंदरे विगुर ओकलुन मोनमा आंधारो ओय गोयो।²²२२) च्ये आफात ओकोलवावा जाणीन वीगुर ओकोल्या बोणी गोया।( यिर्मयाह १०:१४) ²³२३) एने जोलम कायु मोसीहोह बोडाई काजे मोरन्या माणोहोन ओवी चीडान ओवी डुरोन,ओवी आयण्यान जानवारया,डीलोन तोहलामा बोदली देहया ।²⁴२४) तेर कोरता मोसीह तीनुहु तिंदरे मोनमा इस्या ओंसारे,पापोन लिदे छुडी नाख्या,च्ये आपणा - आपणा डीलोनु बोदनामी कोरे।

²⁵२५) काहाके च्ये , मोसीहोन खोरायी बोदलीन लुस्साई मा बोणावी देल्ला, ओवी कोवीन भोक्ती,एने तेर साकरी कोरी , नी काय तीना बोणावणे वावान च्यु जोलम ओमर कामुक से आमीन।( यिर्मयाह १३:२५,यिर्मयाह १६:१९)²⁶२६) कोरीन मोसीह तीनुहु तींदरा खोराब काम सुड देल्लु,काहाके,तिंदरा बायरा च्यै बी खोरी वात काजे खोराब वात मा बोदली देदा,च्ये ओयतला तीनुहु बी बोदली देल्ला। ²⁷२७) तोहलो च्ये ओदेमडा बी बायरा हाते, स्वभावीक बुल चाल छुडीन,आमरा- आमरा मा खुवाइन कुहराय कोरणे बाज गोया,ओवी ओदेमडा च्ये ओदेमडा हाते लाजवायलो काम कोरीन,खोराब विचारनु खोरलो फोव जुडयु ( लैव्य १८:२२)²⁸२८) ओवी जेतार च्ये मोसीह उवेखणो नी चाहया,कोरीन मोसीह बी तीनुह तिंदरै पापी मोन पोर सुड देल्लु,की च्ये आफहान सहारे काम कोरे।²⁹२९) च्ये आखी भातीन वीगुर धोर्मी,ओवी सेतानो शोक्ती ,ओवी लालोच,ओवी घोमोण्ड मा भोराइ गोयला,ओवी कुहराइ, ओवी मारणो,ओवी झोगडा,ओवी मोनमा दोगु ,ओवी खत मा भोराई गोयला।

³⁰३०) ओवी चुगली कोरन्या,फालतु वात कोरण्या,मोसीह पोर दोगु कोरण्या, जुलायणु ,घोमोडंयु ,खुदान बोडायी कोरण्या, खोराब खोराब वातो काजे बोणावण्या ,आय बाहोन वातो काजे नी होमवण्या,काटीन चालण्या। ³¹३१) च्ये ते वीगुर ओकोल वावा,बुरहाक तुडनारा,मोंग ओवी दोयान मोन से,ओवी मोन काजे काठो कोर लेदया।³²३२) च्ये ती मोसीहोन इन रिता काजे जाणे की,ओहलो ओहलो काम कोरन्या वावा,काजे मोरने साय्खा से,ती बी नी च्यु एखलु ओहलो काम कोरे,पुण खराब खराब कोरने कोरे,तिंदरे सी बी च्ये खुस ओये

Chapter 2

¹१) से दीहरा पोर आंगवी देखाडन्या,तु कुण बी ओये, तार हाती काय बी बुल नींबे,काहाके इतनी वात पोर तु दीहरा पोर आंगवी देखाडन्या,च्यु तेरित वातोह मा आपहुत पापी गिणायहे,तु ज्यो आंगवी देखाडे,आपहुत बी युत काम ²कोरतलु।२) ओवी आमु जाणतेला, कि ओहलो ओहलो काम कोरण्या, पोर मोसीह दोखो खोरो सोजान हुकुम जुडहे।³३) हे माणहो ,तु ज्यो ओहलो ओहलो काम कोरण्या पोर आंगवी देखाडे,ओवी च्ये आपुहात ओहलो काम कोरतला, काय ज्यो होमवतलु की तु मोसीहन दंण दोखु वाची जाहे। ⁴४) काय तु तेरी बोलाइ,ओवी वेठनु,ओवी धीरपाई धोन काजे काय नी जाणतलु ? ओवी काय यो नी होमेसतलु ,के मोसीहोन बोवाई तुमुह मोन फिरावने कोरीन हिकाडे?⁵५)पुण आपहान काठो जीव ओवी खोराब मोनोन सहारे तेरा खतन दिह पोर जिनेमा मोसीहोन खोरलो नियाव ओगोव ओयहे,आपहात पोर खत कोमाई रोहीया। ⁶६) च्यु आखा तींदरे कामोन सहारे बोदलु आपहे।( भजन संहिता ६२:१२, नीतिवचन २४:१२) ⁷।७) ज्यु वारला काम मा उबो रोइ न बोडाइ ओवी इज्जोत,ओवी ओमोर काय जीवोन एरमा मां से, तीनुहु च्यु जोलम जीवाय आपहे ।⁸८) पुण जे गोरज्या से,ओवी खोराइ के नी मानता,पुण बीगुर धोर्मी काजे माने,ती तींदरे पोर खत ओवीन मार पोडहे।

⁹९) दुख ओवी वेला आखा माणहोन जीवो पोर ज्ये बुरो कोरे,तेर पोर आवहे,पेल्ले ते यहदी पोर ओवतीह युनानी पोर।¹⁰१०) बोडाई ओवी इज्जोत, ओवी हाजलो काम आखा के जुडहे,ज्यु भोलो कोरे पेल्ले,ती यहुदी पोर ओवतीह युनानी पोर।

¹¹११) काहाके मोसीह कुणीन बी भेदभाव नी कोरतलु।( व्यवस्थाविवरण १०:१७,२इतिहास १९:७) ¹²।१२) तेरेज कोरीन ज्ये बी वातोह नी जाणतला एने पाप कोरया ,च्ये वातोह नी जाणतला कोरीन मोरहे,ओवी ज्ये वातोह जाणीन पाप कोरया तींदरी सोजा वातोह जाणणेन सहारे ओयहे।¹³१३) काहाके मोसीहोन इच्छा तोह होमवणेन धोर्मी नी होई ,पुण वातोह जाणीन,तेर पोर चालण्याक धोर्मी बोणावीन राखहे।

¹⁴१४)जेतार वीगुर जातिन माणहे ,तींदरे हाती कायदु नी बुलचाल कोरीन कायदा ने वातोह पोर चालहे,च्ये ती कायदु तींदरे हाती नी ओये,पुण बी मी च्ये खुदो पोर आपहा कायदु से ।¹⁵१५) च्ये कायदान वात आपणा आपणा मोनमा लिखायली च्यी देखाडतला ,ओवी तींदरोत मगज कोरीन च्ये गोवायी आपे,ओवी दीहरान चिंता पोर आंगवी देखाडे,एने तीनुह धोर्मी बोणावे। ¹⁶१६) जिने दीह मोसीह ,मारी वारली खोबोरोन सहारे ,यीसु मोसीह माणहोन निकायली वातोन नियाव कोरहे।¹⁷१७) तु आपहा काजी यहुदी कोयतलु,कायदा पोर बुरहु राखे,बोगवानोन बारामा घोमोण्ड कोरतलु| ¹⁸१८) एने तेर मोर्जी जाणे, एने डायाडायान कायदान वातोह के जाणीन हाजलो हाजलो मोंग कोरतलु। ¹⁹१९) तु आपने पोर बुरहु राखे, के मी आंधवान ओगोव वाण्यु से,एने आंधारला मा पोडीया माणहोन वीजावु से।

²⁰२०) वीगुर ओकोलवावा माणहो हीकाडन्यु एने सुरान माहतोर से ,ओकोल ,खोराइ मा आयतु बोणीन रोयु,ज्यी कायदा मा से,मेहे जुडली से।²¹२१) काय तु दीहरा हीकाडतलु,ती खुद काह नी हीकतलु? काय तु चुरी कोरने कोरीन हीकाडतलु, तुज चुरी कोरतलु।( मती २३:३)

²²२२) तु कोये की मोनमा पाप जुण कोरता,एने काय तुज मोनमा पाप कोरतलु? तु ज्याहा मुर्ती पूजावावाह के खत कोरतलु, काय तु मोंदीरोह नी लुटतलु?²³२३) तु कायदान बारामा घोमोण्ड कोरतलु,काय मोसीहोन कायदाहा नी मानीन बेज्जोती कोरतलु २४ ²⁴) काहाके तुमरे कोरता वीगुर जातिमा बोगवानोन नाव के खराब ओय रोयो जोहलो लिखायलो बी से ।( यशायाह ५२:५, यहेजकेल ३६:२०)²⁵२५) तु कायदा पोर चाले,ती खोतना मा फायदु ते से ,पुण तु कायदाके नी माने,ती तार खोतना* वीगुर खोतनान तोहो ओयहे ।( यिर्मयाह ४:४) ²⁶२६) पुण तीही वीगुर खोतनान माणुह कायदान नियम के मान्या कोरे, ती काय तींदरो वीगुर खोतनान वात खोतनान बोराबोर गिणायतलो?

²⁷२७) ओवी ज्ये माणहे डीलोन सहारे वीगुर खोतना मा रोहया,पुण च्ये कायदा के पूरो कोरतला,ती काय तोहो ज्यो लिखायलो होमजीन खोतना कोरीन बी कायदा के नी मानतलु,ती तु पापी नी कोवाय।²⁸२८) काहाके पोलु यहुदी नी होइ,यु ते बारथलु रुप मा यहुदी से,एने पोलु नी खोतनावावु से ,ज्यो ओगोव से,ओवी डीलोमा से ।

²⁹२९) यहुदी पोलु से , ज्यो मायतलो से,एने पोलु खोतना से ,ज्यो जीवोन एने आत्मामा से,नी काय ओहलो माणुह लेखायलाम देखो नी,पुण बोगवानोन दोखो ओये।( फिलीप्पियों ३:३)

Chapter 3

¹१) यहुदी काय बोडाई ने खोतना मा काय फायदु?

²२) आखाम दोखो घोणो होवटो, पेल्ले ती यो बोगवानोन बुल तीनुहु आपी देल्ला। (रोमियो ९:४)³३) पुण कानला वीगुर बुरहान निकवया ,ती बी काय ओयो ,काय तीनुहु वीगुर बुरहा ओयणे सी बोगवानोन खोराई फालतु ओयहे काय ?

⁴४) कोदीनी बोगवान खोरलु एने आखा माणहे लाभांश ओयहे जोहलो लिखलो से ,तेरेमा तु खुदोन वातो मा धोर्मी ओये,एने नियीव कोरनेन टेमे तु जीती जाहे। ( भजन संहिता ५१:४, भजन संहिता ११६:११)⁵५) काय आमरो वीगुर धोर्म बोगवानोन धार्मीकता बोणावी देय, ती आमु काय कोयजे? काय ज्योके बोगवान खत कोरे ने च्यु अन्यायी से? ज्यो ती मी माणहोन रिति पोर कोयो। ⁶६) कोदीनी नी ती बोगवान कोवीन नीयाव केहे कोरहे?⁷७) काय मार झुटोन कोरता बोगवानोन खोराई बोडाईन पोर होवटो कोरीन ओगोव ओये ,ती ओवती काय पापीन तोहलो मी सजा भुकेदणेम गिणाय जाम ? ⁸८) आमु कानली बुराई नी कोरतला की भोलो ओये? जोहलो आमरे पोर यीज वात कोरतला बी,एने कानला ती कोये की ईन्दरो ते योत कोहलो से, काय ओहला पापी कोयणे⁹९) ती ओवती काय ओयो? काय आमु तींदरे दोखा हाजला से? कोत्यार बी नी ,काहाके आमु, यहुदी एने युनानी दुय पोर ज्यो काय देल्ला से,की ज्ये आकांक्षी आखा पापोमा पोडला से ।

¹⁰१०) जोहलो लिखलो से,कुण बी धोर्मी नींबे , एक बी नी ओय ।( सभोपदेसक ७:२०)¹¹११) कुणी ओकोल वावु नींबे, कुणी बोगवान के हुदणे वावु नींबे।

¹²१२) आखा भोपटी गोया,आखा की आखा वीनगरज्या बोणी गोया,कुण बी भोलो कोरण्यु नींबे, एक बी नींबे। ( भजन संहिता १४:३, भजन संहिता ५३:१)¹³१३) तीनुहु गोवु उगाडलु मोडाटयु से, च्ये आपहान मुये कोरीन दोगु कोरण्या,तीनुह उठो मा गोडहान जेहर से। ( भजन संहिता ५:९,भजन संहिता १४०:३) ¹⁴१४) ओवी तीनुहु मुई गोराह,एने कोडेवलो बुलो दोखो भोरायलो से। ( भजन संहिता १०:७¹⁵१५) तींदरा पाई लुयी उहाडने मा छाटा से।

¹⁶१६) तींदरे वाटु बरबाद एने वेला से।

¹⁷१७) च्ये हाजली वाट काजे नी जाण्या।( यशायाह ५९:८)

¹⁸१८) तींदरा डुवा ओगोव बोगवानोन बीक नींबे । (भजन संहिता ३६:१)¹⁹१९) आमु जाणतला की कायदु काय बी कोये ,तीनुहु पोर कोये,ज्ये कायदा मा चाले, च्ये आखान मुई बोदं कोर देवु,एने आखी कोवी बोगवानोन सजा भुगेतहे।

²⁰२०) काहाके कायदा कामो साहरे, कुयी बी माणुह तेर ओगोव धोर्मी नी ओये ,कोरता कायदान लारे पापोन उवखान ओये। भजन संहिता १४३:२ )²¹२१) पुण एवी वीगुर कायदान बोगवानोन धोर्मी होयणे कोरीन ओगोव ओयलो से , तेर गोवायी कायदान ,एने जाणकार माणहे आपे।

²²२२) पुण बोगवानोन च्यी धोर्मी कोरता ,च्यु यीसु बोगवान पोर बुरहु कोरनेन से ,आखा बुरहु कोरने वावा पोर से, काहाके काय बी भेदभाव नींबे ।²³२३) काहाके आखा पाप कोरला से,एने बोगवानोन गुणे दोखा सेटा से।

²⁴२४) तेर दोया कोरीन तेर छुटकारान ज्यु बोगवान यीसु मा से,चुखला धोर्मी ठोहरावी जाहे।²⁵२५) तीनुह बोगवान तेरा लुयीही कोरीन एक ओहलो आपणा गुनाह के कोबुल कोरनो बोणायो,जे बुरहा कोरने दोखो काम कोरणे बाज जाय ,की ज्ये पाप पेल्ले कोरला,एने देर पोर बोगवान आफुह वेठणे कोरने सी फोम नी कोरयु ,तेर बारामा च्यु खुदोन धोर्मी कोरता ओगोव कोरे।

²⁶२६) पुण एवी टेमे ,तेर धोरम कोरता ओगोव होये के जेर दोखो ,च्यु आफहुत धोरमी बोणे , एने ज्ये यीसु पोर बुरहु कोरे, तेर बी धोर्मी बोणावणे वावु ओयणो जुवे।²⁷२७)तुमरु घोमोण्ड कोरणो काहा रोयो? तेर ते जागु बी नींबे,काहाने कायदे लारे सी ? काय कोर्मोन कायदे कोरीन? नी बुरहान कायदोन कोरीन।

²⁸२८) कोरीन आमु इनी वात पोर जायीन रोया से, की माणुह कायदान काम विगुर बुरहा लारे धोर्मी बोणे।²⁹२९)काय बोगवान यहुदीनुह ओतरुज से काय? काय वीगुर जातिन वावु नींबे? होव च्यु वीगुर जातिवावान बी से ।

³⁰३०) काहाके एकुत बोगवान से,ज्ये खोतना वावान बुरहा सी एने खोतना दोखो बी सेटो ओय गोया,च्ये बी बुरहान लारे धोर्मी बोणी जाहे।³¹३१) ती काय आमु कायदा काजे बुरहान लारे फालतु से, कोदीनी पुण कायदा मा पाको कोरजे।

Chapter 4

¹१) ते आमु काय कोयजे,के आमरु डीलोन बाह अब्राहम काजे काय जुडयो? ²२) काहाके ओब्राहम कामोन सहारे धोर्मी बोणाई देता,ती तिनाक घोमोण्ड कोरनेन कारोण ओयतो,पुण बोगवान हाते नी।( उत्पत्ति १५:६)

³३) पवित्र शास्तुर काय कोये की? ज्यु ओब्राहम ते बोगवान पोर बुरहु कोरयु,एने च्यु तेर पोर धोर्मी गिणाय गोयु।⁴४) काम कोरने वावान दाडीन भेंट नी ओये ,पुण तेर होक से।

⁵५) ज्ये काम नी कोरे ,एने वीगुर भोक्ती मा धोर्मी बोणावीन तेर पोर बुरहु कोरे, तेर बुरहु तीनाह पोर धोर्मी गिणाय जाय।⁶६) तीनाह बोगवान वीगुर कोर्मोन धोर्मी बोणावे,तीनाक दाऊद राजु बी हाजो कोये। ⁷७)हाजु चे से , देरा ओधोर्मो माफ ओय गोया,एने देरा पाप दाबाय गोया।

⁸८) हाजु से,च्यु माणुह तीनाह बोगवान पापी नी गिणायु।( भजन संहिता ३२:२)⁹९) ती ज्यो दोन्यो बुले काय खोतना वावान तींदरे पोर से, के विगुर खोतना वावा पोर बी? आमु ज्यो कोयजे के अब्राहमोन पोर तेर बुरहु धोर्मी मा गिणाय गोयु। ¹⁰१०) ती च्यु के हे गिणायगोयु ? खोतना कोरीन के वीगुर खोतना मा?खोतना कोरीन नी ,पुण वीगुर खोतना कोरीन।¹¹११) ओवी च्यु खोतनान चिन्हो जोडयु , के तेर बुरहान धोर्मी होइणेन थप्पु ओय जाई ,ज्यो च्यू वीगुर खोतना मा राखलु ओतु ,तेरोज च्यु तीनुहु आखान बाह बोणे,ज्ये वीगुर खोतना मा बुरहु कोरे, काहाके च्ये बी धोर्मी बोणे; ( उत्पत्ति १७:११) ¹²१२) ओवी तीनु खोतना कोरलान बाह होवे,ज्यो नी काय खोतना कोरला से,पुण आमरा बाह ओब्राहमोन तेर बुरहुन वाटये पोर बी चाले ,च्यु पोलु विगुर खोतनान दोशा मा करलु ओतु।¹³१३) काहाके जी बांधायली वात कोरला ओता,की च्यु कोवीन बेटु ओयहे,नी काय ओब्राहम हाजे नी,तेर कुटुम्बोन कायदन वेखु आपी ओती,पुण बुरहु खोराईन वेखु जुडी। ¹⁴१४) काहाके ज्यु कायदान कुटुम्ब से,ती बुरहु फालतु एने बाधांयली वात झुठी रोयहे। ¹⁵१५) व्यवस्था ते खत लागाडे,एने जाहा व्यवस्था नी होई चाहा तेर समाधान बी नी ओये।¹⁶१६) एर कोरीन बादायली वात बुरहा पोर टेकायली से,एने दोयान भाती पोर ओये के , च्यु आखा गोराणा पोर पाकु ओये न काय तेर पोर ज्ये व्यवस्थावावा से ,ती आमु आखान बाह से । ¹⁷१७) जोहो लिखलो से,कि मी तोहो जुदी होवटी जातिन बाह बोणावलु से, तीना बोगवानोन ओगोव जेर पोर च्यु बुरहु कोरतलु ओवी ज्ये मोरला के जीवाडे, एने जी वाते ओयनी तेर नाव ओहलो लेय के च्यु से। ( उत्पत्ति १७:१५))¹⁸१८) च्यु ओताह खाइन बी आह राखीन बुरहु कोरया,काहाके तेर बुलोन सहारे के "तारो गोदामों ओहलो ओयहे," च्यु खुब होवटी जातिन बाह ओयहे। ¹⁹१९) च्यु ज्यु एक हौव सालोन डायु ओतु,आफहा मोरला तोहो डील,एने बाई सारा वोज तोहली हालोत जाणीन बी च्यु बुरहा मा कोमजुर नी ओयु। ( इब्रानियों ११:११)²⁰२०) ओवी नी विगुर बुरहान तोहलु बोगवानोन बांधायला बुलो पोर शोंका कोरयु ,पुण बुरहा मा पाकु ओइन बोगवानोन बोडाई कोरयु।

²¹२१) एने खोरलो जाण्यो के जीनी वातोन ज्यु बांधायली वात कोरयु, च्यु तीनाह पुरो कोरणे मा बी ताकोतवोर से। ²²२२) तेरेज कोरीन,ज्यो तेर पोर धोर्मी गिणाय गोयु।²³२३) ओवी ज्ये बुले" बुरहु तेर पोर धोर्मी गिणाय गोयु," नी काय तेरेज पोर लेखाई गोयो। ²⁴२४) पुण आमरे पोर बी जिंदरे पोर बुरहु धोर्मी मा गिणाय जाहे ,कारोण आमरे पोर ज्यो तेर बुरहु कोरतला से,ज्यु आमरे बोगवान यीसु काजे मरियम दोखु जीवाडयु। ²⁵२५) च्यु आमरे पापोन पोर धोराई गियु, एने आमुहु धोर्मी बोणावणे कोरिन जीवतु बी ओय गोयु।

Chapter 5

¹१) काहाके आमु बुरहा देखा धोर्मी बोणया ती आपणा बोगवान यीसु मोसीहोन देखा बोगवानोन हाते मोंग कोरे। ²२) तेरेज देखा बुरहान कोरीन तेर दोया च्या तेरेम आमु बोणया से आमरी च्या उवखाण बी ओय गोयी ,ऐने बोगवानोन बोडाई होर मा घोमोण्ड कोरु।³३) ज्योत ओतरो नी ,पुण आमु दुखो मा बी घोमोण्ड कोरु ,ज्यो जाणीन के दुःख मा धीर। ⁴4 ओवी धीर मा खोरो निकोवणो,एने खोरा निकोवणे सी होर पोयदा ओये। ⁵५) ओवी होर सी लाजणो नी ओये,काहाके पवित्र आत्मा ज्यो आमु आपी रोयु,तेर देखा बोगवानोन मोंग आमरे मोनमा बोर देल्लु से।⁶६) काहाके ज्योतार आमु काहनी ओता ,ते बोगवान तीनी टेमो पोर विगुर बोक्ती कोरण्या पोर मोरयु। ⁷७) कुण धोर्मी जोणा पोर कुण मोरे ,ज्यो ते काठो से; पुण काय जाणे की कुण भोला माणहो पोर कुदु मोरने तीयार ओये।⁸८) पुण बोगवान आमरे पोर,आपणे मोंगोन भोलाई इनी रितीन कोरीन ओगोव कोरे,के जेतार आमु पापी ओता तेतार,बोगवान आमरे भोग कोयु।

⁹९) ते जेतार के आमु एवी तेर लुयीन जुव धोर्मी ओय गोया,ती तेर लारे बोगवानोन खत सी काय नी वाची सोकतला?¹⁰१०)काहाके वैरी ओयणेन हालत मा ,तेर बेटासुन मोरनेन कोरता आमरो मिवणो बोगवान हाती ओय गोयु ओतीह मिवणो होई जायन तेर जीवनोन देखो आमुक छुटकारो काहनी जुडे। ¹¹११) ओवी ज्यो नी पुण आमु आपणा येसु मोसीह बोगवान कोरीन,तेर आमरो मिवणो ओयलो से,बोगवान मा खुस ओयतला से ।¹²१२) तेरम कोरीन जोहलो एक माणहोन पाप कोवी मा आयु,एने पापोन दोखी गोरा आवी, एने इनी रीते कोरीन गोरा आखा माणहोमा जाती रोई,काहाके आखाज पाप कोरया।( १ कुरि १५:२१-२२) ¹³१३) काहाके कायदान आपणुह तोक पाप कोवी मा ते ओतु,पुण जाहा कायदु नी,चाहा पाप नी गिणाये ।¹⁴१४) ते बी डायलु बाबु आदोम दोखो लागाडीन मुसा बाबान तोक गोरा तीनु माणहो पोर बी राज कोरी,ज्ये आदोमोन तोहलो पाप नी करीया,च्ये तेर आवणेवावान चिन्हो से। ¹⁵१५) पुण जोहली पापोन दोसा से,तोहलो दोयान वोरदानोन दोसा नी ओय,काहाके ,जेतार एक माणहोन पापोन कोरीन जुदा माणहे मोरया,ती बोगवानोन दोया ऐने तेर ज्यो भेंट एक माणहोन सहारे ,यीसु बोगवानोन दोया कोरीन ओयो खुब होवटा माणहो पोर खोरीज जुदी हामटी दोया ओयी।¹⁶१६) ओवी जोहलो एक माणहोन पाप कोरणेन फोव जुडयु,तोहलोज भेंट आपणेन विचार नी होई ,काहाके एकोन दोखो सोजान हुकुम ओयो,पुण जुदा होवटा पाप मा दोखा ओहलो वोरदान पोयदा ओया की माणहे धोर्मी बोणगोया। ¹⁷१७) जेतार एक माणहोन पापोन दोखो गोरा ने तेर एकोतोन लारे राज कोरयु,ती जे माणहे दोया ओवी धोर्मी रुप वोरदान जुदो सोटो तीनु जुडे च्ये एक माणहुन पुण यीसु बोगवानोन देखो खोरली ओमर जीवाय मा राज कोरे।¹⁸१८) तेर कोरीन एक पापी आखा माणहो पोर सोजान हुकुम दोखा ओयो,तोहोत एक धार्मीकतान काम बी आखा माणहो पोर ,जीवाय कोरीन धोर्मी बोणावने कोरीन ओयो। ¹⁹१९) काहाके जोहलो एक माणहोन हुकुम नी मानने सी खुब माणहे पापी ओये,तोहलो एक माणहोन हुकुम मानने सी आखात धोर्मी बोणहे।²⁰२० कायदु वीच मा आवी गोयी की, पाप जुदो ओये पुण जाहा पाप जुदो ओये,च्या दोया तेरसी बी जुदी ओये। ²¹२१) जोहलो पाप गोरा काजे खोवीन राज कोरयु ,तोहोत मारु यीसु मोसी बोगवान दोखी दोया बी ओमर जीवाय दोखु धोर्मी बोणावीन राज कोरे।

Chapter 6

¹१)ती आमु काय कोयजे? काय आमु पाप कोरता रोयजे की दोया खुब ओये। ²२) कोत्यार बी नी आमु जेतार पापोम दोखा मोर गोयला,ते ओवती ओगा तेर मा केहे जीवहु? ³३) काय तुमु नी जाणतेला की आमु आखा ज्योतरा बोगवान यीसुन नाव मा बपतीस्मा लेदा ,ती तेर मोरणोन बपतिस्मा लेदा?⁴४ कोरीन तेना मोरणोन बपतिस्मा लेणे सी आमु तेर हाते गाडाय गोया कोरीन जोहलो बोगवान बाहोन बोडाई दोखो मोरला गोथो जीवता कोरया,तोहलु आमु बी नोवलो जीवाय सहारे चार चालजे। ⁵५) काहाके आमु तेर मोरनेन तोहलाम मा तेर हाती जुडी गीया से, ते बेफिकुर तेर जीवतु ओयणेन तोहलोत मा बी लागी जाहु।⁶६) काहाके आमु जाणतला के आमरु जुनलु स्वभाव तेर हाते कुरुस पोर चोडाई देल्ला,पापोन डील होर जाय,ओवी आमु ओगा दोखा पापोन कोबजा मा नी रोये। ⁷७)जे मोर गोया,च्ये पाप दोखा छुटकारो ओय गोयो।⁸८) बाखुन आमु मोसीह हाते मोर गोया, ती आमरु बुरहु ज्यो से के तेर हात जीवहु बी। ⁹९) आमु जाणतला से के मोसीह मोरीन जीवतु ओयु, एने ओवतीन कोदी नी मोरे ,मोरण तेर पोर हुकुम नी कोरतेली।¹⁰१०) पेल्ला जे मोर गोया,ते पापोह पोर एक वार मोर गोया,पुण जे जीवता से,ती बोगवानोन पोर जीवता से। ¹¹११) तोहलो तुमु बी आपणे खुदोन पापोन दोखु ती मोरया ,पुण बोगवानोन दोखो यीसु मोसीह मा जीवता सोमजु।¹²१२) गोरा तुमरे काचला कादुवन डीलोन मा राज नी कोरे,की तुमु तेर विचारोन सहारे रोयु । ¹³१३) ओवी नी आपणा डीलोन टुकडो काजे वीनधोर्मीयन होथियार ओयणे,पोर पाप काजे होप देयु,पुण खुद आपहु मरियम दोखु जीव उठयु ओय जाणीन बोगवान काजे होप देयु, एने खुदोन डीलोन टुकडा के धोर्मी होथियार बोवणु जूवे,कोरीन बोगवान हात मा होप देयु।

¹⁴१४) तेतार तुमरे पोर पापोन हुकुम नी ओयहे,काहाके तुमु बाधांयली वातोन हुकुम नी,पुण दोयान हुकुम मा ओयु।¹⁵१५) ते काय ओयु? काय आमु एरेन कोरता पाप कोरजे के आमु बाधांयली वात हुकुम मा नी, पुण दोयान हुकुम से, कोदीनी। ¹⁶१६) काय तुमु नी जाणतला की ,जेरी वात मानने पोर तुमु खुद आपहु के चाकरीया तोहलो होप देयु,तोहलाज चाकरीया से चायीन पापोन से,जेरो आखरीन मोरण से,चाहे वात मानया,तेर आखरी धोर्मी से।¹⁷१७)पुण बोगवानोन दोन्यवाद ओय के,तुमु जे पापोन चाकरीया ओता,एवी मोनोसी तिना वातोन मानने वावा बोणी गोया,तेर तोहलो बोणावलो ओता। ¹⁸१८) पापो देखा छुडावला ओयन धोर्मीन चाकरीया ओय गोया।¹⁹१९) मी तुमरी डीलोन कोमजुरी दोखो माणहोन रिति पोर कोयो, जेहे तुमु खुदोन डीलोन टुकडा काजे बीगाडु,ओवी भुडला काम कोरीन चाकरीयान हात मा होप देल्ला ,तोहला ऐवी खुदोन डीलोन टुकडा काजे चुखो कोरणे पोर धोर्मीन चाकरीयान कोरीन होप देयु। ²⁰२०) जेतार तुमु पापोन चाकरीया ओता,ती धोर्मीन तोहलो आजादी छुडावला ओता। ²¹२१) ते दीहन लातों मा एवी तुमु लाजणो ओये,तीनाही तीनी टेम तुमु काय फोव जुडतलो? काहाके तींदरो आखरी ते मोरण से।²²२२) पुण एवी पाप दोखा आजाद ओईन,ओवी बोगवानोन चाकरीयु बोणीन तुमु के फोव जुडयु,तेरसी पवित्र आत्मा जुडी,एने तेरो आखरी मा ओमर जीवाय से ²³।२३) पापोन मजुरी ती मोरणो से पुण बोगवानोन वोरदान आमरे प्रभु यीसु मसीह मा कायम को जीवाय से।

Chapter 7

¹१) हे भायहो काय तुमु नी जाणतला ( मी बुलोक जाणनेवावा सी कोयो, की जेतार तोक माणुह जीवतो रोये तेतार तोक तेर पोर कायदान ताकोत रोये?²२) वियाव वावी बायोर कामदान सहारे,खुदोन गोर वावा जीवते तोक तेर हाते बांधायली से,पुण ओतीन गोर वावु मोर जाय,ती च्यी गोरवावान कायदे दोखु छुटी जाय। ³३) तेरे मा गोरवावान जीवते पोली काहानला,दीहरा ओदमी सी वियाव कोर लेय,ती ची पापी कोवाये काहाके घोरवावु मोरी जाय ती,च्यी तेर कायदा सी छुट गोई,ज्या तोक की काहानी दीहरा कुण ओदमी न ओय जाय,ती बी पापी नी ओय।⁴४) ए मारा बायहो,तूमु बी बोगवानोन डीलेन लारे कायदा पोर मोरनेन तोहला बोणी गोया,कि तेर दिसरान ओय जावु, ज्य मरलाम दोखु जीवतु ओयु ,तेतार आमु बोगवान पोर फोव लावजे। ⁵५) काहाके जेतार आमु डीलोन ओता,ती पापोन इस्या मा ज्ये कायदान लारे ओती,मोरनेन फोव कोरणे पोर आपणा डीलोन टुकडा मा काम कोरतली।⁶६) देरो बोंधोन मा आमु ओता,तेर पोर मोरीन,एवी कायदान कोरीन छुटी गोया, कि लिखलान जुनली रितिपोर नी ,पुण आत्मान नवली रिति पोर सेवा कोरजे।⁷७) ती आमु काय कोरजे? काय कायदु पाप से? कोत्यार बी नी,पुण विगुर कायदान मी पाप काजे नी उवखो,कायदो ज्यो नी कोयतली, लालोच मा कोरु," ती मी लालोच लालोच काजे नी जाणतु।( रोमियो ३:२०)

⁸८) पुण पापोन मुखु लिन हुकुमोन देखु मारमा आखा रिते लालोच पोयदा ओयो,काहाके विगुर कायदान पाप मोरलो से।⁹९) मी ते कायदा विगुर पेल्ले जीवतु ओयु,पुण जेतार हुकुम आवी,ती पाप जीवी गोयो,ओवी मी मोर गोयु। ¹⁰१०) ची हुकुम ज्यी जीवोन पोर ओती,मारे पोर मोतोन कारोण रोयी।( लेव्य .१८:५)¹¹११)पाप मुखुलीन हुकुम लेहे मेहे फुसलायु,एने तेर मेहे मारी बी नाख्या।( रोमियो ७:८) ¹²१२ कायदु चुखलो से,ओवी हुकुम बी पवित्र जीवन,धोर्मी ओवी हाजो से।¹³१३) ते काय पोलो ज्यो हाजलो ओतो,मारे वाटु मोत रोयो? कोदी नी पुण पाप तेर हाजली चीजोन देखो मारे वाटु,मोत पोयदा कोरण्यु ओयु,की तेरो पाप होइणेन देखाये,ओवी हुकुमोन लारे पाप जुदो पापी ओय गोया।

¹⁴१४) काहाके आमु जाणतला के कायदु ते जीवाय मा जाणकार से,पुण मी डीलोम से,ओवी पापोन हातोम वेचायलु से।¹⁵१५) ज्यो मी कोरो तिनाह नी जाणतु,काहाके ज्यो मी चाहतलु च्यो नी कोरया कोरतलु,पुण देरसी मेहे घीन आवे च्योत कोरो। ¹⁶१६) काय ज्यो मी नी चाहो च्योत कोरया कोरो,ते मी मानी लोम के कायदु भोलो से।¹⁷१७) ती ओहली हालोत तेर कोरने वावु,मी नी,पुण पाप से ज्यु मारमा बोराइलु से। ¹⁸१८) काहाके मी जाणतलु से,कि मारा डीलोम काय हाजली चीज वास नी कोरे,होर ते मारमा से,पुण हाजलो काम मारे सी नी ओयतो।( उत्पत्ति ६:५)¹⁹१९) काहाके जेरो हाजो कामों मी ओर कोरो,च्ये ते नी कोरो पुण जेरो खराब कामों ओर नी कोरो,च्योत कोरया कोरतलु।

²⁰२०) पुण मी च्योत कोरतलू जेरी ओर नी कोरो ते तेरो कोरणे वावु मी नींबे,पुण पाप ज्ये मारमा बोही रोयो से। ²¹२१) ते मी यो कायदु लोम कि ,ज्येतार भोलाई कोरणेन ओर कोरो,ती बुराई मारे हाते आवे।²²२२) काहाके मी मुयोमायली माणहोन ताकोत सी ते बोगवानोन कायदा देखु खुब खुस रोयो। ²³२३) पुण मेहे खुदोन डीलोन टुकडा मा दिहरान ढाकडान कायदो देखाये,ज्ये ओकोलोन कायदे कोरीन जुलाये ओवि मेहे पापोन कायदे कोरीन बांधीन नाखे ज्ये मारे डीलोन टुकडा मा से।²⁴२४) मी केहे ओभागु माणुह से,मेहे इनी मोतोन डील सी कुण वाचाडहे?

²⁵२५) आपणा यीसु मोसीह बोगवान लारे बोगवानोन दोन्यवाद ओये,कोरीन मी खुद ओकोल सी ते बोगवानोन कायदे काजे डीलोन सी पापोन कायदा देखु सेवा कोरो।

Chapter 8

¹१) एवी ज्ये माणहे यीसु मोसी मा से, तींदरे पोर सोजान हुकुम नींबे।

²२) काहाके जीवनोन आत्मान कायदो ते , बोगवान यीसु मा मेहे पापोन ओवी मोतोन कायदु दोखु,छुटकारो कोर देल्लो।³३ ) जे काम कायदा डीलोन सहारे थाकायलो ओईन नी कोरयु,तीनाक बोगवान कोरयु,बाखीन खुदोन पुरया के पापो डीलो न तोहलो,ओवी पापोन के भुकताडने कोरिन वाटे मोकलीन,डीलोम पापन सोजान हुकुम आपी। ⁴४) कायदान नियमो आमरेम ज्ये डीलोन सहारे नी,पुण आत्मान सहारे चाले ,पूरो ओयतो जाय। ⁵५) काहाके डीलोन माणुह डीलोन लातों पोर मोन लागाडे,पुण जाणकार आत्मान वातो पर मोन लागाडे।⁶६) गुलों पोर मोन लागाडनो ते मोरोण से,पुण आत्मा पोर मोन लागाडनु जीवाय एने सांती से। ⁷७) काहाके डीलो पोर मोन लागाडनो ते, बोगवान दोखो सेटो ओयणे से,काहाके नी ते बोगवानोन कायदा मा रोयणो से,ओवी नी ओय,सोके ।

⁸८) ज्ये डीलोन हालोत मा से,च्यु बोगवानोन ह खुस नी कोर सोके।⁹९) पुण जेतार बोगवानोन आत्मा तुमरे मा वास कोरे,ती तुमु डीलोन हालोत मा नी,पुण जाणकार हालोत मा से, बाकीन कुणीमा बोगवानोन आत्मा नी,ते च्चा तेरु माणुह नी ओये ¹⁰१०) बोगवान तुमुरेम से,ते डील पापोन देख मोरली से,पुण आत्मा धोर्मीन देख जीवतु से।¹¹११) बाकीन तेरोत आत्मा ज्यु येसु काजे मोरलाम दोखु जिवाडयु,तुमुह मा बोहलो से,ते ज्यु बोगवान काजे मोरयाम दोखु जीवाडयु, च्यु तुमरी मोरोण हार डीलोह के बी खुदोन आत्मान देखु ज्यु तुमरे मा बोहलो से जीवाडहे।¹²१२) ते ए भायहो,आपणु डीलोन कर्जावावा नींबे,डीलोन सहारे दीही काटजे। ¹³१३) काहाके तुमु डीलोन सहारे दीही काटहु,ते मोरहु बाकिन आत्मान डीलोह काम काजे ह मारहु, ते जीवता रोयहु।¹⁴१४) ज्योतरा माणहे बोगवानोन आत्मा मा चालणे बाजरोया से,च्ये बोगवानोन बेटा से । ¹⁵१५) तुमु च्याकरयान आत्मा नी जुडी की ओवी बिहता रोयु,पुण हिम्मोतोन आत्मा जुडली से, तेरसी आपहु हे बाबा,हे बाह कोयीन आयडजे।¹⁶१६) आत्मा खुद आपणी आत्मा हाते गोवायी आपे,की आमु बोगवानोन पुरया से। ¹⁷१७) ओवी पुरया से ते गोराणो बी नीते बोगवानोन गोराणो खोरलो गोराणो से,जेतार आमु तैर हाते दुख उठावजे ते तेर हाते मोहीमा बी जुडहे।¹⁸१८) मी होमजो ,की इनी टेमोन दुख ओवी वेलहा तेर बोडायीन ओगोव जे आमरे पोर ओगोव ओयणे वावी से,काय बी नी ओय ¹⁹१९) काहाके कोव मोटी आसा भोरीन देखली से बोगवानोन पुरयाके आवणे कोरीन वाट भावणे बाज रोया से।²⁰२०) कोव खुदोन मोर्जी सी नी,पुण हुकुम कोरणेवावान दोखी बोगवानोन हुकुम इनी आसा सी कोरी।

²¹२१) कोवी बी ते खोतोमोन नोकरयान सी छुटकारो जुडी जाय बोगवानोन पुरयान बोडाईन आजादी लीन कोरहे ।

²²२२) काहाके आमु जाणतला से,की आखी कोवी एवी तोक मेवीन कासे ,ओवी पीडामा पोडीन तडपहे हे।²³२३) च्योत नी पुण आमु बी जींदरे हाते आत्मान पेल्लो फोव से,आपहा खुदोन मा काहे,ओवी हियाव बांधणेन कोरीन खुदोन डीलोह छुटकारान वाट भावे।

²⁴२४)आसान कोरता ते आमरो छुटकारो ओयलो से,पुण जीनी चीजोन आसा कोरतला से जेतार, च्यु देखणेम आवे ,ते ओवतीह आसा काहा रोई गोई? काहाके जीनी चीजोन कानलो देखणे बाज रोयो तेर आसा काय कोरहे?

²⁵२५) पुण जीनी चीजो के आमू नी देखता,बाकीन तेर आसा राखतला, ती धीर देखा तेरी वाट बी देखजे।²⁶२६) इनी रिते सी आत्मा भी आपणी कोमजुरी मा मोदोत कोरतलु से,काहाके आमु नी जाणता,की पोरथना कानली रिति कोरिन कोरणो जुवे,पुण आत्मा आपहुत ओहली मुय खुली खुलीन जे विचार दोखु बारथो से,आपणे पोर विनती कोरतलु से। ²⁷२७) ओवी मोनो ह जाचणे वावु जाणतलु से, कि आत्मान मोनसा काय से? काहाके च्यू पवित्र माणहोन पोर बोगवानोन इस्यान सहारे विनती कोरतलु से।²⁸२८) ओवी आमु जाणतला से ,की जे माणहे बोगवानोह दोखु मोंग राखे,तीनुह पोर आखी वाते मेवीन भोलाई काजे उपजाडे ,कोरीन तीनुह पोर जे तेर मोर्जीन सहारे बुलाई गोया से। ²⁹२९) काहाके तीनाहा,च्यु पेल्ले दोखु जाणी लेदु से,तिनाक पेल्ले दोखु ठेहरावलु बी से की तेर पुरयान तोहलो मा ओयजाय ,ते च्यु घोणा बायहो मा पेल्लू ओये। ³⁰३०) ओवती तीनुह तिन्दरे दोखो पेल्ले सी ठेहरावलु तिनुह बुलायु बी,ओवी जिनाहा बुलावयु तिनाहा धोर्मी बी बोणावलु से।³¹३१) ती आमु इनी वातोन बारामा काय कोरजे? बाकीन बोगवान आपणे खेर से,ते आपणु दुश्मोन कुण ओय सोकतलो से? ( भजन संहिता ११८:६)

³²३२) च्यु ते खुदोन लाडका पुरयान काजे बी नी छुडयु, पुण तिना आपणु आखा पोर आपी देल्लु,च्यु तेर हाते आपहु,ओवी आखोत काय नी आपे?³³३३) बोगवानोन नेवाडला पोर आंगवी कुण लागाडे? बोगवान च्युज से ज्यू तिनुह धोर्मी बोणावणे वावु से। ³⁴३४) ओवी कुण से ज्यु सोजान हुकुम आपे? बोगवान च्यु से,ज्यु मोर गोया,ओवतेन मोरयाम दोखु जीवतु बी ओयु ,ओवी बोगवानोह जेवडीये खेर से ,ओवी आपणे पोर विनती बी कोरे।³⁵३५) कुण आपहु बोगवानोन मोंग सी ओलोग कोरहे? काय दुख काय वेलहा,काय विरोधी,काय गोरबाय ,काय नोगांई ,काय जोखोम ,काय तोलवार?

³⁶३६) जोहलो लेखलो से ,तारे पोर आमु दीही भोरीन मोरता जाजे, आमु मोरने वावान डुरोन तोहला गिणाय गोया से।(भजन संहिता ४४:२२)³⁷३७) पुण इनी आखी वात मा आमु तेर दोखा ज्यु आमरे सी मोंग कोरयु जीतणे वावा सी बी बोडीन से। ³⁸३८)काहाके मी हाचलीन जाणतलू से,की मोरण,नी जीवाय,नी सोरगोदुत, नी हुकुम चालाडण्या,नी चाल रोही टेम, नी आवणेवावी टेम ,नी ताकोत ,नी ऊचो । ³⁹३९) नी ऊंडो ओवी नी कुइ आमु बोगवानोन मोंग सी ज्ये आपणा बोगवान यीसु मोसी मा से,ओलोग कोरी नी सोकहे।

Chapter 9

¹१) मी बोगवानोमा खोरीज कोयतलु,झुठ नी बुलो,ओवी मारो विचार बी चुखली आत्मान गोवायी देय। ²२) की मेहे जुदो दुःख से,एने मारो मोन जोलम दुखतो रोये।³३) काहाके मी जाहा तोक चाहतलु ,की खुदोन बायहोन पोर जे डीलोन भावे सी मारो गोराणो से, आपहात बोगवानोन दोखा पाप सेटो ओय जातो ।( निर्गमन ३२:३२) ⁴४) चे छुडावला से,लेपालकोन होक,बोडाई,बाधायली वात ,कायदान ईनाम,बोगवानोन उपाहना, ओवी वाट भावणो तेरोज से।(भजन संहिता १४७:१९) ⁵५) डायला बी तीन्दरात से ,ओवी बोगवान बी डीलोन भाव सी तीनुहु माई दोखु ओयु ,ज्यो आखान ऊपोर बोगवान जोलोम कायु दोन्यो से ,आमीन।⁶६) पुण ज्यो नी की बोगवानोन बुले टोवी गया,कोरीन की ज्ये इस्राएली गोराणो से ,च्ये आखा इस्राएली नी ओय। ⁷७) ओवी नी ओब्राहोम गोराणो होयणेन देखा आखा तेर पुरया ठोहरे,पुण ( लिखलो से ) " इसहाक मा दोखो तारो गोराणो कोवायहे ।" ( इब्रानियों ११:१८)⁸८) डीलोन पुरया बोगवानोन पुरया नी,पुण वाट भावानन सुरान गोरानो गिणाय जाय। ⁹९) काहाके वाट भावानेन बुले ज्ये से," मी इनी टेमोन सहारे आवी ओवी सारा काजे एक सुरु ओयहे।" ( उत्पत्ति १८:१०, उत्पत्ति २१:२)¹⁰१०) ज्यो ओतरु नी,पुण जेतार रिबीका बी एक दोखो आमरु बाह इसहाक दोखी भारे पाई ओती।( उत्पत्ति २५:२१)

¹¹११) ओवी इमी तोक नी ते सुराहा पोयदा कोरी,ओवी नी च्ये काय भोलो ने बुरो कोरया, कोरीन कि बोगवानोह मानहन ज्ये तेरा नेवाडलान सहारे से, करने देखु नी,पुण बुलावणे वावा पोर बोणी रोये। ¹²१२) च्यु कोयु मोटलु आयतान चाकरीयु ओयहे।"(उत्पत्ति २५:२३) ¹³१३) जोहलो लेखलो से,मी याकुब दोखु मोंग कोरयु,पुण एसाव काय मोंग नी कोरयु। "( मलाकी १:२-३)¹⁴१४) ते आमु काय कोरजे? काय बोगवानोह च्या ओन्याय से? कोदी नी। ¹⁵१५) काहाके पोलु मुसा दोखु कोयतलु से," मी जिना कुणी पोर दोया कोरणो चाहोम,तीना पोर दोया कोरी ह, ओवी जीना कुण पोर कुरपा कोरणो चाहे तेर पोर कोरपा कोरीह" ।( निर्गमन ३३:१९))

¹⁶१६) यो नी ते चाहणे वावा दोखु,नी दोवडेवावान दोखो,पुण दोया कोरणे वावा बोगवानोन वात से।¹⁷१७) काहाके पवित्र शास्त्र मा फिरोन कोयलु ओतु," मी तोहो एरेन कोरता उबो कोरलु से,की तार मा खुदोन ताकोत देखाडो,ओवी मारा नावोन पोरचार आखी दुनिया पोर ओये।" ( निर्गमन ९:१६) ¹⁸१८) ती ओवतीह,च्यु देर पोर चाहे,तेर पोर दोया कोरतलु से,ओवी जिनाक चाहे तीनाक काठो मोन कोर देय।¹⁹१९) तु मेहेक कोयही ,पोलु काहा तारी चुगली कोरतलु? तेरी इस्या ओगोव कुण कोर सोके ? ²⁰२०) ए माणुह,भोलो तु कुण से,ज्यो बोगवानोन सामनु कोरतलु? काय गाढाइली चीज गाढनेवावा दोखु कोय सोकतलु,तु मेहे ओहलो काहा बोणायु? ²¹२१)काय कुम्हार के धुवा पोर हुकुम नींबे ,की एकुत गुटा दोखो एक ठाहरु ईज्जोतोन एने दिहरु काय बेज्जतीन बोणावे? ( यशायाह ६४:८)²²२२) बोगवान तेरु खत देखाडने,ओवी खुदोन ताकोत देखाडने इस्या दोखा खतन ठाहरान से ,ज्ये नुकसान पोर तियार कोरला ओता,मोटो दीर राखीन सहन कोरया। ( नीतिवचन ²³१६:४)२३) दोयान ठाहरा मा तीनुहु च्यु कोरने कोरीन पेल्लेत दोखु तियार कोरयु,खुदोन मोहिमान धोन के देखाडने कोरीन आस कोरली। 24 ²⁴२४) काहाके आमरे पोर तीनुहु,च्यु नी काय यहदीयामा दोखु पुण विगुर जातिम दोखा बी बुलायु। ( इफिसीयों३:६, रोमियो ३:२९)²⁵२५) जोहलो च्यु होशे किताब मा बी कोयतु ओतु,जे मारी पोरजा नी ओयती,तीनुह मी मारी पोरजा कोयीह ,ओवी जे मोंगावा नी ओता तीनुहु मोंगावा कोइ ; ( होशे २:२३) ²⁶२६) ओहलो ओयहे की इना जागामा तीनुहु ज्यो कोयलु ओतु,की तुमु मारा माणहे नी ओये, तीनी जागाम च्ये जीवतला बोगवानोन सुरा कोवायहे।²⁷२७) यशायाह इस्राएलीन बारामा आयडीन कोये,चाहे इजरायलन सुरा गिणती मा समुन्दोरोन रेतोन बोराबोर से तेरी तेरमा दोखो थुडाह वाचहे ।( यहेजकेल ६:८) ²⁸२८) काहाके बोगवान खुदोन बुलोह कोवी पोर,धोर्मोन वाटये दोखु उतावलु तीनुह ओगोव कोरहे।

²⁹२९) तोहलो यशायाह पेल्ले बी कोयलु,बाकीन सेनावोन बोगवान आमरे पोर काय गोराणो नी सुडतु,ती आमु सदोमोन तोहला ओय जाता,ओवी अमोरान तोहला गिणायता ।" ( यशायाह १:९)³⁰३०) ती आमु काय कोयजे,ज्यो की विगुर जातिन माणहे,च्ये धार्मीकतान हेर नी कोरया,धार्मीकता जुडी बाकीन तीनी धार्मीकतान ज्ये बुरहा दोखो से। ³¹३१) पुण इजाराएली ,जे धार्मीकतान कायदान हेर कोरता जाइन तीना कायदा तोक नी पुच्या।³²३२) कुणी कोरीन ? की च्ये बुरहा दोखो नी, पुण माणुहोन कोर्मो दोखो तेर ओर कोरता ओता ,च्ये तीना ठुकरोन दोगडा पोर ठुकोर खादा।

³³३३) जोहलो लेखलो से,"देखु मी सिय्योन मा एक झोट लागणेन दोगडु,एने ठुकोर खाणेन दोगडु राखे,ओवी ज्ये तेर पोर बुरहु कोरहे, च्यु लाजवाये नी।" ( यशायाह २८:१६)

Chapter 10

¹१) ए बायहो,मारा मोनोन इस्या,तीनु पोर बोगवान दोखी मारी विनती से,की च्ये छुटकारो लेय। ²२) काहाके मी तीन्दरी गोवायी देम , की तीनुह बोगवानोन पोर धुन रोयतली से ,पुण ओकोलदारया हाते नी।

३)

³काहाके च्ये बोगवानोन धोरम दोखु अंजाणा होइन, खुदोन खोराइ काजे लागु कोरणे कोरीन,बोगवानोन खोराइ गुलाम नी बोण्या।⁴4 ४) आखा एक बुरहु कोरणे वावा पोर खोराइ हाते,बोगवानोन कायदा खोतोम से। ⁵५) काहाके मुसान कायदो दोखो लीन खोराइन बारामा,ज्यो लिखे,ज्यु माणहु तेरी वात काय माने,च्यु ते दोखो जीवतु रोयहे। ( लैव्य. १८:५)⁶६) ज्यु खोराई बुरहु दोखा से,त्यों जो कोये,तु खुदोन मोन मा ज्यो नी कोयजी की सोरोग पोर कुण चोढहे?" (पुर्ण बोगवान काय उतारीन लावणे पोर।

⁷७) या कालकुठरी मा कुण उतेरहे? (पुण बोगवान काय मोरलाम दोखु जीवाडीन ऊपोर लावणे पोर)⁸८) पुण काय कोये,यो वोचन तारे हाते से,एने तारा मुय मा एने तार मनमा से, यो च्यो बुरहान बुले से तीनाहान आमु पोरचार कोरजे। ⁹९) कदाम तु यीसु के आपणा,आपणा मुये कोरिन कोबले ती , आपणा मन मा बुरहु कोरे की बोगवान तीनाहा मोरलाम दोखो जीवतु कोरयु,ती तोहो खोरलु छुटकारु जुडहे। ¹⁰१०) काहाके धोर्मी ओयणे कोरीन मुये कोबोलनु पोडे, छुटकारु हुदणे कोरीन मुये कोबोलनु पोडें।¹¹११) चुखली पवित्र शास्त्र ज्यो कोये की,"ज्यु कुण तेर पोर बुरहु कोरे ,च्यु लाजवाये नी।" ( यिर्मीयाह १७:७) ¹²१२) यहुदीयान ओवी युनानियान मा काय भेद नींबे,च्यु आखान बोगवान से,खुदोन ओवी आखान नाव लेणेवावा पोर छुटकारो से। ¹³१३) काहाके,ज्यु कुण बोगवानोन नाव लेहे,च्यु छुटकारो लेहे।( प्रेरितो के काम२:२१, योएल २:३२)¹⁴१४) दिना पोर च्यु बुरहु नी कोरया,च्ये तेरो नाव काहा लेये? एने नी होमया ,तेर पोर काहा बुरहु कोरे ?ओवी पोरचार काहा होबवे। ¹⁵१५) मोकले नी ती काहा पोरचार कोरे? जोहलो लेखलो से,तीन्दरा पाई काय सुवावा से, ज्ये हाजली वातोन बुले होमवावे ।( यशायाह ५२:७,नहुम १:१५)¹⁶१६) पुण आखात तीना बुलो पोर कानटा नी लागाडया यशायाह कोये, से बोगवान,कुण आमरा बुलो पोर बुरहु कोरया? ( यशायाह ५२:१)

¹⁷१७)कोरीन बुरहु होमवणे दोखो,ओवी होमवणो बोगवानोन बुलो दोखु ओहे।¹⁸१८)पुण मी कोयो की,काय च्ये नी होमव्या? होमव्या ती खोराइन काहाके लेखलो से," तीन्दरा बुले आखी कोवी पोर,ओवी तीन्दरा बुले कोविन कोपरा तोक जाती रोयो से।"( भजन संहिता १९:४)¹⁹१९) ओवती मी कोयो की, काय इजरायली नी जाणता ओता? पेल्ले ते मुसा कोयलु ओतु,मी तीन्दरेन देखा ज्यी जातिन,तुमरे मोनमा कुहराई पोयदा कोरीह, मी एक गान्डी जातिन देखु तुमुह खत लागाडही।" ( व्यवस्थाविवरण ३२:२१)²⁰२०) ओवती यशायाह मोटो हिम्मोतन हाते कोये,ज्ये मेहे नी हुतला,च्ये मेहे हुदलेदा ,ओवी ज्ये मेहे पुछतला बी नी ओता तीनु पोर मी ओगोव ओये गोयु" । ²¹२१) पुण इजरायलोन बारामा,च्यु ज्यो कोये" मी आखु दिह खुदोन हात, एक हुकुम नी मानने वावी ,ओवी झोगडु कोरने वावी ,माणहोन वखे कोर देदु ।" ( यशायाह ६५:१-२)

Chapter 11

¹१) मी कोयो की ,काय बोगवानोन आपणा माणहोके सुडी देन्यु? कोधी नी, मी बी ते इजरायली से ओब्राहमोन कुटुम्ब, ओवी बिन्यामिन गोत्र मा दोखु से। ²२) बोगवान आपणा तीनु माणहो काय नी सुडयु,तेर च्यु पेल्ले दोखु जाण्यु; काय तुमु नी जाणता की पवित्र शास्त्र एलीयान काय कोयतलु से ,की च्यू इजरायलोन कुहराई मा बोगवानोन दोखु विनती कोरतु ओतु। ( भजन संहिता ९४:१४) ³३) हे बोगवान,च्ये तारा जाणकारया दासोन के मारी नाख्या, ओवी तारी मोन्दीरो ह बी तुडी देल्ला से, ओवी मीत एखलु वाचीन रोयु ,ओवी च्ये मेहे बी हुदी रोया । (१ राजा १९:१०,१ राजा १९:१४)⁴४) पुण बोगवान दोखु तीना के काय जोवाय जुडहे" मी खुदो पोर सात हजार आदमी को राखी रोयु से ,च्ये मुरती ओगोव माडां नी टेक्या से। (१ राजा १९:१८) ⁵५) तीने रिते दोखा,इने टेमे बी ,दोया दोखु नेवाडलु,काय माणहे वाची रोया।⁶६) ज्यो दोया दोखु ओयु से, ती ओवती कामो दोखो नी, नी ते दोया ओवि दोया नी रोये। ७ ⁷) ओवती फोव काय ओयो? ज्यो की इजरायली तीनाह हेरणे मा से, च्यु तीनुह नी जोडयु,पुण नेवाडला के जुडयु, ओवी वाच्या माणहे काठो मोन कोर देल्ला। ८ ⁸) जोहलो लेखलो से,बोगवान तीनुह आजेन दिह तोक आत्मा आपी राख्यु से,ओवी ओहला डुवा आपयु,ज्ये नी देखे एने कानटा ज्ये नी होंबवे।" ( व्यवस्थाविवरण २९:४ , यशायाह ६:९-१०, यशायाह २९ :१०, यहेजकेल १२:२)⁹९) दाऊद कोये," तीनुहु खाणो तीनुहु पोर जाव ,ओवि फोन्दु,ठुकोर सोजान कारोण ओय जाहे। ¹⁰१०) तीनुहु डुवा पोर आधांरो ओई जाय ती नी देखे ,ओवी तु जोलम तीन्दरा वासा के झुकाडीन राख ।( भजन संहिता ६९:२३)¹¹११) ती मी कोयो,काय च्ये कोरीन ठुकोर खादा,कि पोडी जाय? कोधी नी ,पुण तीन्दरे पोडने देखा विगुर जाती न सटकारो जुडहे,की तीनुह कुहराई आवे।( व्यवस्थाविवरण ३२:२१) ¹²१२) एवी तीनुह पोडनो कोवी पोर धोन ओवी तीन्दरी कोमी विगुर जातिन पोर मालदोरोन कारोन ओयहे,ती तीन्दरी भोरपाई दोखो कोतरो नी ओयहे।¹³१३) मी तुमु विगुर जाति दोखु जी वाते कोयो ज्योत्यार कि मी विगुर जातियान पोर चेलु से, ते मी खुदोन सेवान बोडाई कोरो।

¹⁴१४) बाकिन कानी बी रिते दोखा मी मारा घोरान कुहराई तीन्दरेम दोखु काय ऐकोन सुटकारु कोरावहे।¹⁵१५) कहाकी ज्योतार की तीन्दरो सुडी देणे,कोरिन मिवायणोन कारोण होयो ,ती काय तींदरो माननो मोरलाम दोखो जीवी उठण्यान बोराबोर नींबे?

¹⁶१६) जेतार भेंटोन पेल्लो फोव पवित्र ओय गोयो,ती पुरो कुहणलु पीठु बी पवित्र से, ओवी जेतार मुव पवित्र ओय गोयो ती डावीया बी ओहली से।¹⁷१७) बाखुन काय एक डावी तुडी नाख्या, ओवी तु बोयडान जैतुन होवीन तेरमा चोहटाई गोयु,ओवी जैतुनोन मुवन चिकणो भेसकाई गोयु से। ¹⁸१८) ती डाविया पोर घोमोण्ड नी कोरजी, ओवी तु घोमोण्ड कोरे,ते जाणीन राख की तु मुयहके नी पुण मुय तोहो सोमावे ।¹⁹१९) ओवतेन तु कोयही, डाविया कोरिन तुडी नाख्या, की मी चोटाई जाम । ²⁰२०) भोलो,च्ये ते विगुर बुरहान देखा तुडी नाख्या,पुण तु बुरहा दोखु बोणीन रोये,कोरीन घोमेण्डीयु मा ओये,पुण भिक राख। ²¹२१) जेतार बोगवान हाजला डाविया नी सुडयू, ती तोहो बी नी सुडहे।²²२२) बोगवानोन दोया ओवी मजबुत काय देखजे पोडी गोयो,तीनु पोर कोढाई तारे पोर दोया बाकीन तु बोणीन रोयजी,नी ते तु बी काटाय जाहे²³२३) च्ये बी विगुर बुरहा मा नी रोया ,ती साटाय जाहे,काहाके बोगवान तीनुक ओवी साट सोकतलु से। ²⁴२४ काहके तु तिना जैतुन दोखु,ज्ये पोयदान दोखु जोंगली से ,काटाय गोया,ओवी स्वभाव मा दुश्मोन हाजली जैतुन

मा चोटाय गोया,तु जे स्वाभाविक डाविया से,खुदोन जैतुन मा चोटाय काहा नी जुडहे ।

²⁵२५) हे बायहो काय ओहलो नी ओये की तुमु खुद आपहा कै ओकोलवावा सोमजी लेयु,कोरीन मी चाहतलु की तुमु इन वातो दोखु ओनजावडा रोयु,की तेतारुज तोक इजरायलोन एक भाग ओहलो काठो रोयहे।²⁶२६)ओवी इने रिते दोखा इजरायली छुटकारो जुडहे, जोहलो लेखलो से छुडावणे वावु सिय्योन दोखु आवहे ओवी जेनी भोक्ती कोरे तीनुक काय,याकुबोन दोखा छेटा कोरहे।( यशायाह ५९:२०) ²⁷२७) तीन्दरे हाते मारी जीत बाधायली वात ओयहे जेतार की मी तीनाह पाप के सेटु कोर दीह। ( यशायाह २७: ९ , यशायाह ४३:२५)²⁸२८) च्ये बुलोन भावे दोखा ते तुमरे पोर,च्ये बोगवानोन दुश्मन वेरी से,पुण नेवाडलान पोर ,च्ये भाव दोखा डायाडायान लारे लाडेकला से। ²⁹२९) काहाके बोगवानोन खुदोन गुणे दोखु,ओवी बुलावणे दोखु कोत्यार बी फोसु नी हाटो ।³⁰३०) काहाके जोहलो तुमु पेल्ले बोगवानोन हुकुम नी मानया, पुण एवी तेर हुकुम नी मानने न दोखा तुमरे पोर दोया ओवी।

³¹३१) तोहलो च्ये बी एवी हुकुम नी मान्या की तुमु पोर जी दोया ओये,ची एरेन कोरीन तीन्दरे पोर बी दोया ओये। ³²३२) बोगवान आखा के हुकुम नी माननेन कोरीन बोंद कोरीन राख्यु ओवतीह ,च्यु आखा पोर दोया कोरे।³³३३) आहा बोगवानोन धोन,ओवी ओकोल ओवी ज्ञान काय उंडो से ,तेर विचार कोहला ओथाह ओवी तेरी वाट कोहली हाजी से । ³⁴३४) बोगवानोन ओकोल काय कुण जाणे? या कुण तेरो सोलाह आपण्यु बोणी गोयलु से? ( अय्युब १५:८, यिर्म. २३: १८)³⁵३५) या कुण ओगोव जाईन तीनाहा काय आपलु से, तेरो बोदलु तीनाहा आपे? " (अय्युब ४२:११) ³⁶३६ काहाके तेर खेर दोखो तेरे दोखो,ओवी तेरे पोर आखोत से तेरी बोडाई जोलोम कायु ओयती रोये ।आमीन।

Chapter 12

¹१) ए बायहो ,मी तुमरे दोखु बोगवानोन दोया भोम देखाडीन विनती कोरतलु से की मारा डीलोके जीवता,ओवी चुखलो,बोगवान ह गोवे तोहलो जीव कोरिन चोडावो,जी तुमही खोरीज सेवा से,। ²२) ओवी इना कोविन तोहला मा बोणु,पुण तुमरी ओकोल नोवलो होई जाणे,दोखा तुमरु चालणो बोठणो बी बोदली जाणो जुवे,देरेसी तुमु बोगवान हाजली एने भावे गोवे तोहली इस्या जाणीन मालुम कोरता रोयु।³३)मी तेर धोया दोखो ज्यो मेहे जुडलो से तुमह आखाक कोयो,की जोहलो सोमझोनु चाहे, तीन्दरे दोखु बोढीन कुण बी खुद काय नी सोमझे ,पुण जोहलो बोगवानोन आखा न कोर्मोन सहारे वाटी देल्लु से, तोहलो हाजला ओकोलो हाते आफहा होमजु।⁴४) काहाके जोहलो आमरी एक डुलो मा दोखा जुदा होवटा टुकडा से, ओवी आखा टुकडान एक तोहलो काम नींबे।

⁵५) तोहोत आमु ज्ये जुदा से,बोगवान मा एक डील ओयीन खुदोमा एक दिहरान टुकडा से ।⁶६) ओवी जेतार की तीना दोयान सहारे ज्ये आमुह आपाय गोयो से,आमुह ओलोग ओलोग वोरदान जुडया से,ती जिना जाणकारोन दान जुडलो से,च्ये बुरहान तोहलो जाणीकारीयान हवाल वात कोरे।

⁷७) पुण चाकरी कोरणेन दान जुडयो ओय ती चाकरी कोरणे मा लाग रोयु,पुण कुदु हिकाडन्यु ओहे,ती हिकाडने मा लागी रोयु।

⁸८) ज्यु पुढारी ओय, ज्यु पुढारी कोरने मा लागी रोये,भेंट आपणे वावु बेफिकुर ओयीन आपे,ज्यु ओगोव वाण्यु कोरे,च्यु खुशी सी कोरे,ज्यु दोया कोरे ,च्यु मोन सी कोरे।⁹९) मोंग थोड़ा विगुर ओये,भुढाई दोखु सेटु रोयजी,भोलाई मा लागी रोयु।( आमोस ५:१५) ¹⁰१०) भाई भाई मा मोंग सी एक दिहरा पोर बुरहु राखु,कोत्यार बी इज्जोत कोरणे मा एक दिहरान दोखा बोडीन चालु।¹¹११) काम कोरने मा उजगाय नी कोरणो ,आत्मीक उन्माद मा भोराईन रोयू ,बोगवानोन चाकरी कोरता रोयु। ¹²१२) आशान बारामा खुश,दुखोन बारामा धीर राखु,दुवा बारामा उड़ा रोयु। ¹³१३) पवित्र माणहो के ज्यु काय जुवे, तेरेम तींदरी मोदोत कोरु,खावाडने पियाडने मा लागी रोयु।¹⁴१४) खुदोन दुश्मोन के बोरकोत आपु,बोरकोत आपु श्राप मा आपु।

¹⁵१५) खुसी कोरण्या वावा हाते खुस रोयु,ओवी रोडनेवावा हाती रोडु। ( भजन संहिता ३५:१३) ¹⁶१६) खुदो मा एक सारखो मोन राखु,घोमेण्यु नी ओयनु,पुण हाजला हाते सोगंती राखु, खुदोन नोजरो मा ओकोलवावा मा बोणु।( नीतिवचन ३:७, यशायाह ५:२१) ।¹⁷१७) बुराईन बोदले कुणी दोखा बुराई मा कोरु ,ज्यी वाते आखा माणहो हाते भोली से,तीन्दरी चिंता कोरीया कोरु।१८) ¹⁸जाहा तोक ओय सोके,तुमु तेतार आखा माणुह हाते एवी मेविन रोयु ।¹⁹१९) से मोंगावा खुदोन बोदले जुण लेवु,पुण बोगवान के खत कोरणेन मोकु आपु,काहाके लेखलो से,बोदलू लेणु मारो काम से,बोगवान बाबू कोये,मीज बोदलु आपीही। ( व्यवस्थाविवरण ३३:३५) ²⁰२०) पुण तारो वेरी भुखलु ओय ते तिनाहा खाणो खावाडजी ,एने तीहलो ओय ते तिनाक पाणी पिवाडजी,काहाके ओहलो कोरणे से तु तेरा मुडकि पोर इगावान ढेर फागाडीही।"(नीतीवचन २५:२१-२२) ²¹२१) बुराई दोखा मा हारु पुण भोलाई दोखा बुराई के जीती लेयु।

Chapter 13

¹१) आखा माणहे सोरकारीया,ओधीकारीयान हुकुम मारोयु,काहाके कानलो हुकुम ओहलो नींबे,ज्यो बोगवानोन लारे दोखु नी ओये,ओवी ज्ये हुकुम से,च्ये बोगवानोन तोरोफ सी ठेहरावलु से ।( तीतुस ३:१) ²२) जे कुण हुकुमोन झोगडु कोरे,च्यु बोगवानोन नियोमोन झोगडु कोरे,ओवी झोगडु कोरणे वावु तिनाहा सोजा जुडहे।³३) बाकीन अधिपती हाजला कामोन नींबे,पुण खोराब कामोन देखु बीकोन कारोण से,काय तु अधिपती दोखु नी बोहणे चाहतलु से,ती हाजलु काम कोरे तेर दोखु तारी हुवावी वात ओयहे।४) ⁴काहाके च्यु तारी भोलाई पोर बोगवानोन चेलु से,पूण तु बुराई कोरे,ती बीक,काहाके च्यु तोलवार फालतु लिन नी च्यु बोगवानोन चेलु से,की तेरा खतोन सहारे खराब काम कोरणे वावा काय सोजा आपे।

⁵५) कोरिन हुकुम मा रोयणु नी काय तिना खत दोखो पुण बीक दोखो बी जुरुडी से,बाकीन मोन मा बी यीज गोवाई देय।⁶६) कोरी बी देयु,काहाके हुकुम कोरणे वावा बी बोगवानोन चेलु से,ओवी जोलोम इना काम मा लागी रोयु। ⁷७) आखान होक आपया कोरु,देरु कोर्जु से,तेर कोर्जु भोर देयु जिनाहा लुटणो चाहे,तिनाहा लुटणे देयु जेरसी बीहणु से,तेर सी बीहु देरौ इज्जोत कोरणो जुवे तेरो इज्जोत कोरु।⁸८) आप्या मा मोंग के सूडीन कानली वात मा कुनीण कोर्जावा मा ओयु, काहाके ज्ये दिहरा दोखो मोग राखे,च्यु हुकुम के पुरो कोरला से ,।

⁹९) जोहोके " मोन मा पाप जुण कोरे ,मारे जुण, चुरी जुण कोरे,लालोच जुण कोरे,ओवी इनुहु सुडीन ओवी काय बी वात ओये ते ,आखान सारांश इनी वात मा जुडहे,आपणा घोर धोडये वावा दोखु खुदोन तोहलो मोंग राखु ।"( निर्गमन २०:१३-१६,लैव्यवस्था १९:१८) ¹⁰१०) मोंग घोर धोडये वावान काय बी खराब नी कोरे, कोरीन मोंग राखणो कायदा के पूरो कोरणो से।¹¹¹²११) टेम काय उवखीन ओहलो कोरया कोरु,कोरीन की एवी तुमरे पोर नीदोंम दोखी जागणेन टेम आवी गोयली से,काहके जिनी टेमे आपणु बुरहु कोरला ओता,तीनी टेमे धोखा एवी आपणो छुटकारो हाते से। १२) रात जुदी बीत गोयी,ओवी दिह निकवणेन पोर से,कोरीन आपनु आंधारलान काम के सुडीन उजावो होथियार के बांधी लेणु से ।¹³¹⁴१३) जोहलो दिहो मा,तोहलो आपणु हाजला रुपोमा चालणु जुवे, नी के हीडापीडा,ओवी दारुकुटयु नी मोनोन पाप मा, ओवी लुच्चाई मा, ओवी नी झोगडा घोमोण्ड मा । १४)बाकीन बोगवान यीसु मोसी के पेहरी लेयु,ओवी डीलोन इस्या के पूरो कोरणेन ओर मा कोरु।

Chapter 14

¹²१) जो बुरहा मा कोमजुर से,तिनुहु आपणे हाते ली लेयु,पुण तीन्दरो शोंका पोर जुलायणे कोरीन नी। २) काहाके एक के बुरहु से,के आखो खाणो हाजलो से, पुण ज्ये बुरहा पोर कोमजुर से,च्यु भाजीपालु खाई लेय।³३)ओवी खाणे वावा नी खाणेवावा के खराब नी जाणे,ओवी नी खाणे वावा खाणेवावा पोर चुगली नी कोरे,काहाके बोगवान तिनाहा मानी लेदु से ।

⁴४) तु कुण से ज्ये दिहरान चेला पोर आंगवी देखाडे? तेरो उसको रोयणो या आट्टाय पोडनो तेरो मालक्या मा दोखो सोगाइ राखे,बाकीन च्यु उबो ठावको कोर देहे,काहाके बोगवान तिनाहा उबो कोरी सोकतलु से ।⁵५) कुण ते एक दिहो के दिहरा दोखु बोढीन माने,ओवी कुण आखा दिहो के एक तोहलो माने,आखात आपणा मोन मा ठाणी लेयु।

⁶६) ज्यो कानला दीहो के मानतेला से, च्ये बोगवान पोर मानतला से,ज्ये खाय,च्ये बोगवान पोर खाय,काहाके च्ये बोगवानोन दोन्यवाद कोरे,ओवी ज्ये नी खाय,च्यु बोगवान पोर नी खाय,ओवी बोगवानोन दोन्यवाद कोरे।⁷७) काहाके आपणे मा दोखा नी ते कुण आपणे पोर जीवे,ओवी नी कुण आपणे पोर मोरे। ⁸८) काहाके आमु जीवतला से, ती बोगवान पोर जीवतला से, ओवी मोरे, ते बोगवान पोर मोरी जाय ,ती आमु जीवीन बी मोरजे, आमु बोगवानोन से।

⁹९) काहाके बोगवान कोरीन मोरयु ओवी जीवी बी गोयु,कि च्यु मोरया ओवी जीवतला,दुयुन बोगवान ओये।¹⁰१०) तु आपणा भाई पोर काहा आंगवी देखाडे ? ती तु ओवतेन काहा खुदोन भाई के भुढो जाणे? आमु आखानके आखात बोगवानोन नियावोन राजगादीन ओगोव उभा रोयहु। ¹¹११)काहाके लेखलो से ,बोगवान कोये,मारा जीवनोन कोसोम आखाहा मांडा टेकायहे मार ओगोव,( एने आखान जीब बोगवानोक मान लेहे ।" ( यशायाह ४५:२३ , यशायाह ४९:१८)¹²१२) ती ओवती ,आपणा मा दोखा आखा बोगवानोह के आपणो आपणो लेखो आपणु पोडहे । ¹³१३) कोरीन ओगोव दोखा आमु एक दिहरा पोर आंगवी नी देखाडे ,पुण तुमु ज्यो मान लेयु के कुण आपणा भाई ओगोव दुःख या वेला पाडने कारोन नी राखे।¹⁴१४) मी जाणतेलु से ,ओवी बोगवान यीसु दोखो मेहे मालुम पोडलो से ,के कुण चीज खुदोन आपहो दोखो चुखलो नींबे ,पुण ज्ये तिनाहा खराब सोमझे ,तेर कोरीन खराब से । ¹⁵१५) बाकीन तारो भाई तारा खाणेन कोरीन दुखी ओये,ती ओवतेन तु मोंगोन रिते दोखो नी चाले, तेर कोरीन बोगवान मोरया तिनाहा तु आपहु खाणान कोरता खोतोम मा कोरु ।¹⁶१६) एवी तुमरी भोलाईन भोलाईन चुगली नी ओयणु जुवे । ¹⁷१७) काहाके बोगवानोन राज खाणो पीणो नींबे, पुण धोर्मी मेवीन ओवी च्यु खुसी से ,ज्यु चुखली आत्मा दोखो ओये ।¹⁸१८) ज्यु कुण इनी रिती सी ,बोगवानोन बोक्ती कोरे,युज बोगवान के हाजो लागे ,ओवी माणहो मा मीवायतलु कोवाय । ¹⁹१९) कोरीन आमु तीनी वातोन कुशीत कोरजे,देते सी एवी मेवीन ओवी एक दीहरान मा सुधार ओये।²⁰२०) खाणा पोर बोगवानोन काम मा बीगाडे,आखोत चुनावों ते से,पुण तिना माणुह पोर खराब से, जिनाहा खाणो खाणे दोखु दुख लागे।

²¹२१) भोलो ते ज्यो से ,कि तु मांस जुण खाई,ओवी नी हुरु पीजी,ओवी काय ओहलो नी कोरजी ,तेर सी तारु भाई ठुकोर खाई ।²²२२) तारु ज्यु बुरहू से ,तिनाहा बोगवान ओगोव खुदोन मोन मा राख,धोनवान से च्ये ज्ये तिनी वात मा तेर सी च्यु हाजु सोमजे,खुद के पापी नी गिणावे।

²³२३) पुण ज्ये शोंका कोरीन खाय,च्यु सोजा मा ओय गोयु, काहाके च्यु बुरहु कोरीन नी खाय ,ओवी ज्यो काय बुरहु नी कोरे च्यु पापी से।

Chapter 15

¹१) निदान आमु ताकोत वावा काजे जुवे, की कोमजुरोन कोमजुरी मा मोदोत कोरजे,नी काय खुद आफहा काजे खुस कोरणो।

²२) आमु मा दोखा आखात आपणा धोडये वावा, के तेर भोलाई पोर सुधारने कोरीन खुस ओयु।³३) काहाके बोगवान खुद आपहा के खुस नी कोरयु,पुण जोहलो लेखलो से,तारा चुगलीयान चुगली मारे मा आय पोडी।" ( भजन संहिता ६९:९)

⁴४)दोतरी वात पेल्ले दोखी लिखाय गोई ,च्यी आमरे हीकणेन पोर लिखाई गोईली से,की आमु धीर ओवी पवित्र शास्त्र लारे हिम्मोत मा आशा राखहे।⁵५) धीर ओवी हिम्मोत बोगवान बाबु तुमुहु ज्यो दान आपे,के बोगवान यीसुन सहारे आपहा मा एक मोन रोयु ।

⁶६) ओवती तुमु एक मोन ओयीन एक बुलो आमरा प्रभु यीसु बोगवान बाहोन बोडाई कोरु ।

⁷७)जोहलो बोगवान बी बोगवानोन बोडाई पोर तुमुह मान लेदु से ,तोहलो तुमु बी एक दीहरा के मान लेयु।⁸८) मी कोयो,के ज्यो कायदान डायला के आपला ओता,तीनुहु काठो कोरणे पोर बोगवान,बाबु खोराईन कागदा आपणे पोर खोतना कोरला माणहोन चेलु बोण्यु ।(मती १५:२४)

⁹९) ओवी विगुर जाति दोयान कारोण बोगवानोन बोडाई कोरु,जोहलो लेखायलो से, " कोरीन मी जाति जाति मा तारी बोडाई कोरही, ओवी तारा नावोन गीत गावी।" (२शामूवेल२२: ,५०,भजन संहिता १८:४९)¹⁰¹¹१०) ओवी कोयलु से ," है जाति जातिन आखा माणहे,तेरा माणहोन हाते खुशी रोयु ।११) ओवती ," हे जाति जातिन आखा माणहे बोगवानोन बोडाई कोरु,ओवी हे राजन राजोन आखा माणहे तेरी बोडायी कोरु।" ( भजन संहिता ११७:१)¹²१२) ओवी ओवतीह यशायाह कोये,के यिशैन एक मुव देखाडहे,ओवी विगुर जातिन पुढारी ओयणो पोर एक उठहे,तेर पोर विगुर जातिन आस राखहे।" ( यशायाह ११:१)¹³१३) बोगवानोन ज्यी इस्या बोगवान से, तिनुहु बुरहु कोरणे मा आखा भातीन खुसी ओवी सांती दोखु भोर देय,की चुखली आत्मान ताकोत दोखी तुमरी आसा वोदती जाई।¹⁴१४) ए मारा बायहो,मी खुद बी तुमरा बारामा खोरुज जाणो,कि तुमु बी आपहा भोलाई दोखा भोरायु,ओवी बोगवानोन ओकोल दोखा मोराई जाऊ ,ओवी एक दीहरा हा होमजाडी सोको ।¹⁵१५) ते बी मी कायी कायी फोम कोरावण कोरीन,तुमुह ज्यो जुदी हिम्मोत कोरीन लेखयु,ज्यो तीना दोयान कोरत ओयो , ज्यो बोगवान में हे आपलु से। ¹⁶१६) के मी विगुर जातिन पोर बोगवान यीसुन चेलु ओईन बोगवानोन वातोन सेवा जाणकारीया तोहलु कोरो,देरसी विगुर जातिन मोन चोढाया कोरु, पवित्र आत्मा दोखु चुखलो बोणीन मेहे मानी लेय ।¹⁷१७) कोरीन तीनी वातोन बारामा ज्ये बोगवानोन दोखो नातो से,मी बोगवान यीसु मा बोडाई कोरी सोको ¹⁸।१८) काहाके तीनी वातोके सुडीन मेहे ओवी कानली वातोक कोयणे हिम्मोत नींबे, ज्ये बोगवान वीगुर जातिन हुकुमोन देखु बुले ओवी कोये। ¹⁹१९) सुटकारो,ओवी उच्चेकला कामोन ताकोत दोखा,ओवी चुखली आत्मान ताकोत दोखी मारे जुव कोरया ,जाहां तोक की मी यरुशलेम दोखु लीन चारे मेर इल्लुरिकुम तोक बोगवानोन बुलो के आखोत की आखोत पोरचार कोरयु।²⁰२०)पुण मारा मोनोन इस्या जी से,की जाहरी जाहरी बोगवानोन नाव नी लेदला से,च्याहा बोगवानोन बुले होमवावो,ओहलो नी ओये के दीहरान पाया पोर गोर बोणावो। ²¹२१) पुण जोहलो लेखलो से तोहलो ओये तिनुहु तेरा बुले नी गोया,च्येत देखहे ओवी ज्ये नी होमवला च्येत सोमझहे ।"²²२२)कोरीन मी तुमरे हाते आवणे दोखु,पोछु पोछू रुकाय रोयु।

²³२३) पुण एवी इना देशों मा मारे काम पोर जागु नी रोयु,ओवी घोणा हाल दोखा मेहे तुमरे हाते आवणेन आस से ।²⁴२४)कोरीन जेतार इसपानिया के जाही ती तुमरे हाते ओयीन जाई,काहाके मेहे इस्या से के तीनी वाटे मी तुमरे दोखु मीवाइन जेतार तुमरे हाते दोखो मारो मोन भोराई जाय,ती तुमु मेहे थुडाक ओगा नाम्बे मेकी यावजु।

²⁵२५) पुण एवी ते पवित्र माणहोन सेवा कोरणे पोर यरुशलेम मा जाम ।²⁶२६) काहाके मकिदुनिया ओवी अखायान माणहो के ज्यो हाजु लाग्यु ,के यरुशलेमोन पवित्र माणहोन गोरबाय पोर भेट कोरो। ²⁷२७) हाजु ते लाग्यो,बाकीन च्ये तीन्दरा कोरजेदार बी से,काहाके ये विगुर जाति तीन्दरी आत्मीक वातो मा हाजा ओया ,ते तिनुहु बी हाजी वात लागे,की डीलोन वातो मा तीन्दरी सेवा कोरे।²⁸२८) तेतार मी यो काम पुरो कोरीन तीनुहु यो दान आपीन तीन्दरी पा दोखु इसपानिया जात रोयी। ²⁹२९) एने मी जाणो की जेतार मी तुमरे हाते आवीह ती बोगवानोन बोरकोत हाते आविह।³⁰३०) एने हे बायहो,मी यीसु बोगवान ज्यु आमरु प्रभु से,एने पवित्र आत्मान प्रेमोन फोम कोवतलु से,तुमरे सी विनता कोरो के मार लिदे बोगवानोह दोखो दुआ कोरणे मा मार हाती मेवीन एक मोन रोयु।

³¹३१) मी यहुदियान विगुर बुरहा दोखु वाचीन रोयो,ओवी मारी ज्यी चाकरी यरुशलेम पोर से , पवित्र माणहो के खुवाम गाल लेये।

³²३२) ओवी मी बोगवानोन ईस्या दोखो तुमरे हाते थाकीन आवीन, तुमरे हाते थाक पी लोम।³³३३) सांतीन बोगवान तुमु आखा हाते रोये। (ओहलो ओये)

Chapter 16

¹१) मी तुमरे दोखु फीबे पोर ज्यो आमरी बोणही किंर्खीयान मोण्डलीन चेली से, विनता कोरो के । ²२) तुमु जोहला चुखला माणहो ह जुवे तीना बोगवान मा मानी लेयु,ओवि इतनी कानली वात मा तिनाहा तुमरे दोखो काम से, तेर मोदत कोरु काहाके च्यु बी जुदी मारी बी उपकाररीणी ओयली से।³३) प्रिस्का ओवी अक्विला के ज्यी यीसु मा मारो हाती से ,नोमोस्कार कोरो । ⁴४) च्यु मारा जीव पोर खुदोन मडको आपी रोयलु,ओवी बाखुन मी त नी ,पुण विगुर जातिन आखी मोण्डली बी तेर दोन्यवाद कोरतली से। ⁵५) ओवी तीनी मोण्डली के बी नोमोस्कार, ज्ये तीन्दरे गोर मा छे, मारु मोंगावु इपैनीतुस के,ज्ये बोगवान पोर आसीयान पेल्लो फोव से नोमोस्कार।⁶६) मोरीयम के ज्यी तुमरे पोर जुदी मेहनोत कोरी।नोमोस्कार।

⁷७) अन्दुरनीकुस ओवी युनीयास के ज्ये मारो घोराणो से, ओवी मार हाती धोरायला ओता,ओवी पोंचोक हीकाडण्या डायलान नाव से ,ओवी मार दोखा पेल्लेन मोसीन ओता तीनुह। नोमोस्कार।

⁸८) अम्पलियातुस के ,ज्ये बोगवान मा मार मोंगावु से ।नोमोस्कार।⁹९) उरबानुस के ,ज्यो मोसी मा आमरु हाती से,ओवी मारा मोंगावा इस्तखुस के नोमोस्कार। ¹⁰१०) अपिल्लेस के ज्ये मोसीह मा खोरो निकव्यु,नोमोस्कार,अरिस्तुबुलुसोन घोराणा के ।नोमोस्कार ।

¹¹११) मार कुटुम्बोन हेरोदियोन के नोमोस्कार,नरकिस्सुसोन घोराणो के ज्यु माणुह बोगवान मा से, तीनुहु नोमोस्कार।¹²१२त्रुफैना ओवी त्रुफोसा के ज्यु बोगवाननोमा कामोन मेहनोत कोरे नोमोस्कार, मोंगावा पिरसीस के जेर बोगवान मा जुदी मेहनोत कोरी नोमोस्कार।१३) ¹³रुफुस के ज्यु बोगवान मा नेवाडलो ओतलु,ओवी तेर आई के ज्यी मार बी आई से ,दुयु के नोमोस्कार। ¹⁴१४) असुंक्रितुस ओवी फिलगोन ओवी हर्मास,पत्रुबास ,हिर्मेस ओवी तीन्दरे सातोन बायहो के नोमोस्कार।¹⁵१५) फिलुलुगुस ओवी युलीया ओवी नेर्युस ओवी तेर बोणही ओवी उलुम्पास तीन्दरे हातीन आखा हाजला माणहो के नोमोस्कार।

¹⁶१६) आपणा मा हाजलो चुम्बोन दोखो नोमोस्कार कोरु तुमु के मोसीन आखी मोण्डली तोरफ दोखु नोमोस्कार।¹⁷१७) एवी हे बायहो मी तुमरे दोखु विनता कोरो के ज्ये माणहे तीनी शिक्षणोन विरुध्द मा ज्ये तुमुहु जुडली से बिगाडनिया,एने ठुकोर खावाडन्यान कारोण ओरे तीनुहु जुलया कोर ,ने तीन्दरे दोखो रोयु।

¹⁸१८) कहाके ओहला माणहे आमरा बोगवान मोसीहोन नी ,पुण खुदोन पेटोन चाकरी कोरे ,ओवी हुवावी हुवावी वात दोखु भुला भाला मोनोन माणहो के वीचकाडी देय से¹⁹१९) तुमरे हुकुम माननेन वात आखा माणहो मा मालोम ओय गोई,कोरीन मी तुमरा बारामा खुस होयो ,पुण मी ओत चाहो ,कि तुमु भोलाई पोर ओकोलदार ,पुण खराब काम पोर भुला बोणीन रोयु।

²⁰२०) सांतीन बोगवान भूतडु के तुमरे पायोन नेचु साटु कुचरी देहे ।आमरा बोगवान यीसु मोसीन दोया तुमरे पोर ओयता रोये ।( उत्पत्ति ३:१५)²¹२१) तीमुथियुस मारु हाती के ओवी लुकियुस ओवी यासोन ओवी सोसिपत्रुस मार घोराणो के ,तुमु के नोमोस्कार। ²²२२) मेहे चिटठी के लिखणेवावा तिरतियुस के बोगवान मा तुमु के नोमोस्कार ।²³२३) गयुस के ज्यु मारी ओवी मोण्डली के खावाडने पियाडने कोरने वावु से ,तेर तुमुह नोमोस्कार; इरास्तुस ज्यु सोहरोन डायलु से ,ओवी बायह क्वारतुसोन ,तुमु के नोमोस्कार। ²⁴२४) आमरा बोगवान यीसु मोसीन दोया तुमरे पोर ओयती रोये।²⁵२५) एवी ज्यु तुमु के मारा हाजली खोबोर ,पुण यीसु बोगवानोन बारामा हाजली वातोन सहारे काठो कोर सोकतला से ,तीना भेदोन विज्यावान सहारे ज्यु ओमोर कायु डुकायतु रोयु । ²⁶२६) पुण एवी ओगोव ओयीन ओमोर कायु बोगवानोन हुकुम दोखु ,जाणकारीयान चुपडान देखा आखी जाति के कोयता गोयला से, की च्ये बुरहा दोखा हुकुम माणनेवावा बोणी जाऊं।²⁷२७) च्यु एकुत ओकोलवावु कुदान तोहलो नींबे तीना बोगवानोन यीसु मोसीहोन लारे जोलोम कायु बोडाई ओयती रोये। ओसोत ओये।

1 Corinthians

Chapter 1

¹मि पोवलूस, बोगववान तेर सोतान इस्या दोखु मेंहै येशु मोसीन नेवतों पुचाडनारू चेलु सोमजीन नीवाडयु जेतार मि यी चीटटी लेखलु ते आपु विश्वासी बायहे सोस्यिनेस बी मारहाते ओतु।

²कुरिंथी सेहरों बोगवानोन मोड़ली मायला मानहोह यि चीटटी लेखतलु, ज्या मानहे येशु मोसिमा पोवित्र बोण गोयला से ऐंने पोवीत्र ओयणॆन कोरता बुलाडने आवला मोडंली मायला से, ज्या जागे जागेन माणहे परबु येशु मोसीही नावलीन पोरथना कोरतला तीदरूबी ऐने आपणू बी परबु च्यूज से ।

³आपणू बाह बोगवान ऐने परबु येशु मोसीखेर दोखी दोया, ऐने सुख शांति तूमुहु आखाह जुडती रोयहे ।⁴बोगवानोन दोया येशु मोसी दोखी तूमुहु जुड़ली कोरिन मि जोलम तुमरे कोरता बोगवानोंह धन्यवाद करतलू

⁵तूमु येसु मोसी हाते मिविन रोयताला कोरिन बोगवान तूमूहु आखी वातोमा मोज खास कोरीन बोगवानोन वात सोमजणॆन ओक्कोल एने दिहराह हीकाडनेमा जुराखु बोणाव। रोयूहु।

⁶यो पोक्को देखायतलो के ज्यो काय आमू येशु मोसीन बारामा कोयला चयो यो खोरो से।⁷ज्यो काय तूमूह जोरुडी से च्यो यो आंखों चू तुमुह जोरूडी से चो आखो चू तुमुह आप रोयूह, कोरीन बोगवानोन हाजो काम कोरनेन कोरता तुमुह पोवित्र जीव आत्मा आप रोयूह तीनि वोरदानोन तूमुहु कायतान बी कोसोर नी ओयो ऐंने तूमु आपणू परबू येशु मोसी फसु आवहे कोरीन वाट जुव रोयतला।

⁸परबू येशु मोसीन नीयाव नीवाडान दीही तूमुह बिगुर गुनावाला दोरावनेन कोरता, भोगवान आखरी दिही लोगोण तूमुह तूमरा बुरहामा पोक्का मेकहे।

⁹बोगवान ऐहे कोरहे काहाके चू बूरहु कोरनैन लायक से, ऐंने चू तूमुहु तेर सुरु परबू येशु मोसी हाते, मीवीन रोयणेन कोरता हाद रोयु¹⁰ए मारा लाडका बायहो बोणहा, परबु येशु मोसीन नावोमा मेंहे आप रयहु तीना आदीकारी देखु मि तूमुह रावण्या करतलू, के तुमु एकुज वात कोरू एने तुमु आखा एक दीहरा हाते मिवायता रयू, तूमुरा विसमा फाटाफूट नी ओयणू जुवे। तूमु बोठा एकुज मोन ऐंने एकुज विचारमा रोयनणू जुवे।

¹¹काहाके ए मारा बायह, बोणहा, तूमरा विसमा जगडू चाललु से कोरीन खोलीयान कुटमोमा दोखी ओहली खोबर होबवणॆ जूडली से।¹²च्यो ओहलो से के तूमरा विस्मा थूडाक माणहे कोयतला आमु पोवलूसोन खेर से थूडाक कोयतला के आमु आपूलूसोन खेर से ऐने थूडाक कोरयतला आमु पोतरसोन खेर से ऐने थूडाक कोयतला आमु मोसिन खेर से।

¹³तूमरे कोरता येशु मोसी वाटाय गयू के कोदी नी तूमरे कोरता पोवलूस कुरुसोपोर मोरीन तूमूहv सुटकारू आपलू के पोवलूसोन नावोमा तूमुहु बापतिस्मान रीत लेदला के¹⁴कीरी किरिस्पुस ऐने गायूसोह सुडीन तुमरा मायलाह लुणिही बि मि बापतिस्मा नी आप्यू कोरीन मि बोगवानोह धन्यवाद कोरतलू

¹⁵कोरीन मि पोवलूसोन नावोमा बापतिस्मा रीते लेदलु से कोरीन कुण बि नी कोय सोकतला।

¹⁶होव मि इतिफनूसोन गोरल्या मायलाहा बि बापतिस्मा रीते आपलु से पुण तीनूह सुडीन दीहराह कुनीह बि बापतिस्मा आपलु के नी च्यो मेहे ओर नी आवतो¹⁷काहा के बोगवान मेंहे बापतिस्मान रीते आपण नी, पुण येशु मोसीन हाजली खोबर दीहराह पोरचार कोरने मुकललु से, ज्यों बि मि बुलतलू ते माणहो दोखी जुडली आक्कोल दोखूनी बुलतलू जोर मि मार आककोल दोखू बूलो ते येशु मोसी कुरुसोपोर जीव आपलु , तेर बारामायन ची वात वायबार ओय जोहे¹⁸काहाके ज्या बोगवानो हाते दोखा सेटा रोयने बाज रोयह तीनूह येशु मोसी कुरुसोपोर मोरलु यि खोबर बिगुर कामोंन से एहै लागतली पुण ज्या आपण होस वाच रोयाह तीदंरे कोरता यी खोबर बगवानोन सोकती से।

¹⁹काहाके पोवित्र पुस्तकमा एहे लेखलो से, मि ओकोलवावान ओककोल नास कोरीह एने ज्या सोताह सोमजदार सोमजतला तीदंरी सोमोज वायबार कोर दिही²⁰का रोयु ओकोलवालू,? का रोयू येहूदिन नेम हिकानारु ? एने का रोयू इनी कोवींन जोखडी पोडनार ? बोगवान इनी कोविन मानहोन ओक्कोलोह रिकामी नी कोरयू काय?

²¹काहके बोगवानोन कोवीन मानहे तीदरा ओक्कोलोंन आसरु लीन बी बोगवानोंन काय नी जाणया कोरीन आमु येशु मोसीन हाजी वातोन पोरचार कोरत ता ची वात खुबू माणहोह रिकामी लागतली। ते बि बोगवानोह यो पोटयो के तीनी हाजी वातपोर ज्यो बुरहु कोरतला तीनूह वाचाड़ने बोजोट लागडलू।²²येहुदी माणहे चोमतकार देखनेन मांग कोरतला, एने यूनानी माणहे व्यय ओकोलोह हुदतला।

²³पुण, आमु कुरुसोपोर खीला ठुकिन चो दोरावला तीना येशु मोसीन हाजी वातोह पोरचार कोरतला, यी वात येहूदी जातीन मानहोन कोरता यि वात बीन ओक्कोलोन से।²⁴पुण ज्या येहूदी से नीते बिगुर येहूदी से तीनी बोगवान जीनुह तेर सोतान पूरया सोमजिन निवाड रयुहहु , तीदंरे कोरता मोसिन बोगवांनौन सोकती एने बोगवानोन ओक्कोल से

²⁵काहाके बोगवानोन काम ज्यो मानहोंन काम ज्यो नोजरोमा बिगुर कामोंन देखायतलो च्यो खोराखोर ओक्कोलवावान कामो दोखो वोततो ओककोलवावो से , ऐन माणहोन नोजरोमा बोगवनोंन काम कोमजूर देखायतलो च्यौ खोराखोर मानहोंन सोकति दोखों वोततो ताकोतवावो से।²⁶ए मारा बायहा बोणहा, बोगवान तूमुहू नीवाडनेन पेल तूमुहू केहेक रोयतोता च्यो होसकोरिन विचार कोरीन माणहोंन नोजरोमा तूमु ओक्कोलवावा बी नी ओता ऐन तूमु ताकोतवावा बि नी ओता ऐन तूमु मोटला गोराणान बी नी ओता।

²⁷कोविन ओक्कोलवालाहा लाजवाडनेन कोरता मानहोन नोजरोमा ज्या बीन ओकोलोन से तीनहु बोगवान निवाड़यू ताकोत वावाह लाजवाडनेन कोरता मानहोन नोजरोमज्या लुला ओता तीनहू बोगवान निवाड़यू।²⁸ऐन बोगवान ज्या मोटाया कोरतला तीनहु लाजवाटनेन कोरता कोविन मानहे जीनूह खूब नेचा सोमजिन हीग कोरतला ऐन जिनुह कायतान लायक नीबदे सोमजतला तिनुहुन बोगवान निवाडतलू।

²⁹कोरीन बोगवानोन ओगोव कालु बि मानूह मोटाय नी कोरनू जुवे।³⁰भोगवान तेर कीव दोया दोखी येशु मोसिमा तूमूह मीवाड देतलू, ऐन ज्यु यीशु मोसी भोगवानोखेर दोखी आपुह ओक्कोल आपणारु से, ऐन आपना पापोह दुवीन दोरमी बोनावनारू से ऐन पोवित्र बोनावनारु से ऐन सूटकारू आपणारु से।

³¹तीनमा पोवित्र पुस्तोकोमा एहे लेखाय रोयोह के जोर कुन बी मोटोय कोरने हुदे ते सोतान बारामा नी पुन परबू येसु तुमरी जीवायमा काय करयू तेर कोरता ओतरज मोटाय करनु जुवे।

Chapter 2

¹ए बोयह बोणहा, तेतार मि तूमु हाते बोगवानोन लिकायलू बोजोट देखाडने आवलु ते मि होवठा लेखला माणहोन होस ओक्कोलवावान इसाबे वातार बोनीन कोदराये वात देखाडने नी आव्यु।

²काहाके तेतार मि तूमु हाते ओतु, तेतार येशु मोसीन बारामायली वातु ऐन तीनाह कुरुसोपोर चोडावला ओता तीनी वातोन बारामा ओतरुज मि तूमह सोमजा उणे आव्यू पुण मि एहे विचार करयू के मि तींदरी काली बि वातोपोर दयान नी लागाडयु।³तेतार मि तूमु पाह येशु मोसीन वातू कोयणे आवलु ते मार कोम जुरीन कोरता मि हाजी खोबरोन पोरचार न काम केहेक पूरो कोरिह कोरीन ओहलो विचार कोरीन बि कापतोतु।

⁴तेतार मि तुमु येशु मोसीन बारामां पोरचार कोरने ओवलु ते मोन मा आवे ओहली ओक्कोलोंन वात दोखु कानली पोरचार करयू, पुण बोगवानोन पोवीत्र आत्मान मोदत दोखु मि येशु मोसीन हाजी वातु तुमुहु पोरचार करलु जेतार बी पोरचार करतलू ते बोगवनोंन पोवित्र आत्मा ताकोत तूमरामा पुरावा बेव देखाय पोडतली।

⁵कोरीन तूमरु बरहु माणहोन ओक्कोलोपोर नी पुन , बोगवानोन ताकोतोपोर पोक्कू बरहु रोयुने जुवे।⁶ज्या बुरहामा पोकका रोयतला तीनु हाते आमु ओक्कोल दोखा बुलतला पुन यी ओक्कोल इनी कोवींन मानहोन ओक्कोलोन होस निबंद, नी ते इनी कोवीपोर राज कोरनारान बि निबंदे मानहोन ओक्कोल ते नास ओयनेवाली से।

⁷बोगवन कोव गोडनेंन पेलेन आपणी मोहिमान कोरता बोणावलू ऐन लीकाडीन मेकलमु तेर ओक्कोलोन वात आमु तूमुह कोयने बाज रोयाह।⁸चो इनी कोविन राज कोरनार कुन बि नी सोमज्या, जोर चा सोमजता ते ज्यु मोहीमान परबू से तीनाहु कुरुसोपोर नी चौड़ावाता।

⁹चो पोवित्र पुस्तकोंमा लेखाय रोयोह के ज्या बोगवानोह मांग कोरतात तीनु वाटू ज्यो काय तीयार कोरीन मेक रोयह चो डूवा बी नी काने होंबाया बी नी ओहलु विचार मानहोन मोनमा लेगोन नी आव्यु।¹⁰पुण पोवित्र जीव आत्माह लागाडीन आपुह सोमजावडु पोवित्र जीव आत्मा आखी वातोह जानतली ऐन बोगवानोन मोनमा लिकायला विचारो बी हुदीन काडतलू। ¹¹मानहोन सोतान आत्मा मानहोन विचारोह ओतरीज जानतली तोहलो बोगवानोन जीव आत्मा ओतरिज बोगवानोन मोनोन विचारोह जानतला दीहरा कुणोज नी जान सोकतला।¹²आमु इनी कोविन आत्मा नी सापडावाय , पुण बोगवान कमुकोल ची पोवित्र जीव आत्मा सापडावला तेर पोवित्र जीव आत्मान मोदत दोखु बोगवान आमरे वाटु आपलू आसा आमु सोमज सोकतला। ¹³जेतार आमु बोगवानोन वातोह तूमुह काोंयतला ते मानहोन ओक्कोलोन वातोह वापरीन नि कोया पुण पोवित्र आत्मा दोखी जूडली ची वातोह कोया ज्या पोवित्र आत्मान वातु मानीन जीवतला तीनूह आमु आत्मान खोरली वातोह सोमजाडतला।¹⁴जीनूपोर बोगवानोन पोवित्र आत्मा निबंदे चा पोवित्र जीव आत्मान वात नी मानतला काहाके तीनूह पोवित्र जीव आत्मान वात गाडायोन वातोन होस देखायतलो ऐन चो काय नी सोमज सोक्तला काहाके पोवित्र जीव आत्मान मोदत दोखा ओतराज पोवित्र आत्मान वात फारकी सोक्तला। ¹⁵ज्या बोगावानोन आत्मान वात मानीन चालतला चा आखी वातोह फारकि लेतला पुण तीनाह दिहरा कुनीज नी फारक सोकतला। ¹⁶काहाके पोरबुन मोन जाननारू कुंन से ? तीनहा राय आपनारु कुंन से? पुन आमरो मोन ते मोसिन मोनोन होस रोयने जुवे ।

Chapter 3

¹ए मारा बायह बोणहा, मी जेतार तुमु हाते ओतु तेतार ज्या माणहे पोवीत्र आत्मान वातु मानीन रोयतला तीनु हाते मी केहक वातु कोरयु तोहलो मेहे तुमु हाते नी कोरायों पुण डीलोन इसाबे जीवतला तीनु होते मी केहक वातु कोरतलु तेहे तुमु हाते बी वातु कोरनुज पोडयो एने येसु मोसीपोर बुरहु कोरनेमा तुमु एवी लोगोण आयतला पुरयान होसुज से. ²रूटु मांगे आत्मान बारामायली ठंडी वातोह सोमजणे तुमु तीयार नी ओता एने एवी बी तुमु तीयार नीबदे कोरीन, रूटान होस नी पुण दुदोन होस होलकी आत्मान वातु मी तुमुह हीकाडयु.³काहाके इनी कोवीन माणहोन होस एंवी लोगोण तुमु डीलोन इसाबे जीवाय जीवतला कोरीन तुमु एक दीहरा हाते कुहरायतला एक दीहराहाते जुलायतला यो आखो तुमु कोवीन माणहोन होस खोराब जीवाय जीवतला एंहे नी देखाडतला के? ⁴तुमरा मायला थुडाळ कोयतला मी पोवलुसो हाते से, थुडाक कोयतला मी आपुलूसो हाते से, तोहलो तुमु कोयतला ते तुमु इनी कोवीन माणहोन होस डीलोन रीते जीवणे बाज रोयाह ओहला जीवणु हाजों से के ? ⁵आप्पुलुस कुण से ? मी पोवलुस कुण से ? आमु बोगवानोन सेवा चाकरी कोरनारा ओतराज से, ऐने तुमु येसु मोसीपोर बुरहु कोरनु जुवे कोरीन आमु तुमरी मोदत कोरतला पोरबु बोगवान आमुह आप रोयुहु तीना दोयान वोरदान दोखा आमु बोगवानोन सेवा कोरतला.⁶जेहें एक माणुह बीजा ठाणतलु तेहें मी पेल येसु मोसीन हाजी वात देखाइ‌यु एने जेहें एक माणुह पाणी नाखतलु तेहे आपुलुस येसु मोसीन वातु हिकाडयु पुण बोगवानुज बीजाह उगणे मोदत्त कोरयु ने बोगवान ओतरूज तुमुह बुरहामा पोक्का ओयणेह मोदत कोरयु. ⁷तीनामा बीजा ठाणनारू एने पाणी बोरणारू दूय बी खास नींबे, पूण बोगवान ओत्तरूज खास से, काहाके बोडानास बोगवानुज मोटो से.⁸कोरीन बीजा ठाणनारू एने पाणी बोरणारू दुयु बी एकुज से, काहाके तीदंरा कामोन रूज तीनुह जुड जाहे. ⁹काहाके बोगवानोन खेत एने मोंजरया से, आमु ते बोगवानो हाते काम कोरनारा मोंजरया ओतराज से,¹⁰एक ओक्कोलवालु मीस्तरी पोक्कु पायु नाखतलु तेहेंज बोगवान मेहेपोर खुब दोया देखाडीन यीसुन वात तुमुह कोयणेह मेहे नीवाडयु तोहलो दीहरा माणहे बी तुमुह यीसुन बारामा वात हीकाड्‌या, एने दीहरू मीस्तरी तीन पायापोर बांदतलु, पुण. च्या केहेंकाय बांदतला च्यो होस कोरीन बाणॆणु जुवे. ¹¹पेलेन नाखायलु पायु येसु मोसीज से, तीनाहा सुडीन दीहरा कुण बी पायु नी नाख सोकतला.¹²पायु नाखणेन कोरता थुडाक माणहे हुनो, चांदी नीं ते मोंगला दोगडाह वापरतला थुठाक लाकडा एने, खोडो बुहो वापरीन बोणावतला. ¹³जेदीह बोगवान माणहोन नीवाडु कोरहे तेदीह बोगवान होपला कामोह च्या पुरो कोरला के नी कोरीन देखाय जाहे, काहाके तेदीह आखान कामे बोगवान आगठा कोरीन फारोकहे, एने बोगवान, आखा माणहोन कामोह देखाड़हे.¹⁴एने एक एक मोजरया तीना पायापोर बांदणेन कोरता हाजो समान वापरला से, एने जेरो काम तीना पायापोर टीकीन रोयहे ते तीनूह रूज जुडहे. ¹⁵माणहोन काम होलगी जाहे, तेरो खुब नुकसाण ओयहे, पुण च्यु ओतरूज वाच जाहे, जोहलु एकटु आगगम दोखु होलोगतु होलोगतु वाच जातलु तोहलो से.¹⁶तुमु बोगवानोन मोंदीर से, एने बोगवानोन आत्मा तुमरामा रोयतली कोरीन तुमु नी जाणतला के. ¹⁷जोर कुण बोगवानोन मोंदीरोह नास कोरतला तीनुह बोगवान सोत्यनास कोर देहे. काहाके बोगवानोन मोंदीर पोवीत्र से एने तुमुज बोगवानोन मोंदीर से.¹⁸तुमु तुमरा जीवोह दोकु मा देनु, जोर तुमु तुमरा बारामा खुब ओक्कोलवावा कोरीन वीचार कोरतला ते, बोगवानोन नोजोमा ओक्कोलवाला बोणनेन कोरता तुमुहु कोबीनी माणहोन ओगोव बीण ओकल्या बोणनु पोडहे. ¹⁹काहाके इनी कोवीमा ज्या सोताह ओक्कोलवाला कोरीन गीणतलु तीनुह बोगवान बीण ओकल्या गीणतलु, बोगवानोन पुस्तोकोमा एंहे लीखलो से, ज्या माणहे सोताह ओक्कोलवाव गीणतला तीदंरी उस्यारीमा बोगवान तीनुह फसाडतलु. ²⁰एने बोगवानोन पुस्तोकोमा एंहे बी लीखलो से के, बोगवान ओक्कोलवालान आखु वीचार वायबार से कोरीन मालीक बोगवान जाणतलु.²¹माणहोन बारामा तुमु मोठाय नी करनु काहाके आखा तुमरा से. ²²आपुल्लुसोन बारामा पोतरसोन बारामा एने मार बारामा तुमु डामराय जुण कोरता ज्यो काय इनी कोवीमा से, जोर तुमरी जीवाय नी ते मोत. एंवीन च्यो काय ओयतलो च्यो, नी ते ज्यो काय आवणारा दीहोमा ओयणेवालो से, च्यो आखो बोगवान तुमरा कायदान कोरता आप रोयुह आखो तुमरोज से. ²³एने तुमु मोसीन से, एने मोसी बोगवानोन से.

Chapter 4

¹तूमु आमूह मोसीन सेवक ऐन बोगवानोन लेखलो वातोह सोमजाडनारा खास पावोरोन होस सोमजणु जुवे। ²जीनूह बोगवानोन हाजी वात कोयनेन खास पावोरोन सेवा होप रोयूह चा इमानदार रोयणु जुवे।³मार बारामा तूमु एने दिहरा माणहे केहेक फारकीन नीयाव कोरतला चो मेंहे फिकुर निबें। ⁴पुण , मि समजतलू के मि आखी वातोम नीरदुस से ती बि बोगवानोन नोजरोमा आखी वातोमा नीरदुस निबें मारू नियाव कोरनारू परबू बोगवान ओतरूज से।⁵कोरीन बोगवान ठरावलु तीन टेमोन पेल कालली बी वातोंन निवाडू जून कोरता तूमु परबु आवणेन दिह लोगोन वाट जुवु एने चू आदारलामा लिकायली वातोह उज्यावामा लावहे ऐन माणहोन मोनो मायला विचारोह खुलो देखाड़हे तेतार बोगवानों। खेर दोखी एकेकोन बोडायी ओयहे।⁶ए बायह , बोणहा नी काय लेख रोयूह तीनान दोखा तूमुह फायदु ओयहे तीनामा ये मार बारामा एने आपुलूसोन बारामा पुरबु आपतलू काहाके आमु बोगवानोन पुस्तोको मायली हिकोन होस जीवाय जीवला से कोरीन तूमु बोगवानोन पुस्तकों मायाला हीक सुडीन कायीज जून कोरता तुमराम एक पुडारीह हाजो कोयनेन कोरता दीहरान विरूद जून कोरता। ⁷दीहरा दोखा आमु हाजा से एहे तूमु विचार कोरतला के? ज्यो काय तूमुपाह से यो आखों बोगवान तूमुहु नी आप्यु के जोर तूमुपाहज्यों काय से यो आखों बोगवान तूमुहु आपलू से ते ओवता तूमु आमरा दोमोपोर आखों जुडयो एहे विचार कोरीन काहा डामराय कोरतला।⁸ज्यो काय तूमूह जोरुडी से चो आखों तूमु पाह पेलेन से कोरीन विचार कोरतला के ? तूमू पेलेन पामतला से कोरीन विचार कोरतला के ? एने आमरी मोदतोन बिगुर तूमु राज चालाडतला के ? यो कोतरो हाजो से जोर तुमु खोरा राज चालाडतला ते? आमु बि तूमरे हाते राज नी कोरजे के ? ⁹केतार केतार मेंहे लागतलो के नेवतो पूचाड़नारा चेला आमुह , मोतोन डोड जुडनेन लायकोन होस बोगवान आमुह खुब नेचा गीणयु, आमु कोविन माणहोन ओगोव एने सोरगदूतों ओगोव तोमासान होस देखायतोता।¹⁰येशु मोसीन कोरता आमु इन कोवीन माणहोन ओगोव वीण ओकल्यान होस बोन गोया, पुण तूमु मोसी येशु हाते जुडायनेन बादमा खुब ओक्कोलवाला बोण गोया, आमु खुब कोमजुर से, पुन तूमु खुब ताकोत वावा बोन गोयला से, आखा मानहे आमुहु नेचा सोमजतला, पुण आखा तूमुहु मानपान आपतला, ¹¹एवी लोगोन आमु बूखला, एने तिहला रोयतला आमुपोर पेरने होवटा लुगड़ा बी नी ओता एने खूब वार आमु मार बी खादला, एने रोयनेन कोरता गोर लोगोन नी ओतो,¹²आमु आमरा सोतान आथो कोरीन काटी मेहनूत कोरला , माणहे आमुह सराप आपे ते आमु तीनूह आसीरवाद आपतला, आमुह सोताह ती बि आमु मिविन रोयतला ¹³जेतार माणहे आमरी बदनाम कोरतला ते आमु तीनु हाते हुवावा बुलीन मीवीन रोयतला माणहे आमुह कोविन कुचरान होस सोमजतला एने आमु कायिज कामोन निबें एहे सोमजतला ,¹⁴मि तूमुह लाजवाड़नेन कोरता नी लेखतलू, पुण तूमु मारा लडका पुराया सोमजिन हिकाडने मि लेखतलु ¹⁵तूमुहु हिकाड़नेवावा दोस ओजार ओहे , ती बी चा तूमरा बाह निबें, पुन तुमरू आत्मिक जीवायोन ऐकुज बाह से काहाके बोगवानोन हाजी खोबर मिज पेल तूमुहु हिकाडने येशु मोसीनमा तुमरु बाह बोण गोयलू से, ¹⁶कोरीन मि तुमुहु रावण्या कोरतलु के तूमु मार होस रोयजू

¹⁷कोरीन मि तीमुथींह तूमुपाह मूकोलू चू परबू मा इमानदार एने मारू लाडकु से चू तुमु पाह आवहेज्यों काय मि आखी मोंडलीनी हिकाड़तलू, चयोज येशु मोसीन नेम मानीन मि केहेक रोयललु एर बारामा चू तूमुह कोयापे ¹⁸तूमरे विसमा थूडाक मानहे मि तूमुपाह नी आवन्यू से एहे विचार कोरीन डामराय कोरतला,¹⁹पुन, जोर मालिक बोगवानोन दास ओहे ते मि तूमुपाह जोलदी आवीन, तेतार मि आवीन ज्या मानहे डामराय कोरतला चा खोराखोर बोगवानोन ताकोत दोखा बुलतला के नी कोरीन फारकी लेवु, ²⁰काहाके बोगवानोन राज तेर बारामा होवटी वात कोरनेन निंबे पुण बोगवानोन राज बोगवानोन ताकोतमा ओतराेज से ²¹तूमु विचार कोरू, मि तूमू पाह केहेक आवो? लाकुड लीन डोड आपणे आवो के? नी ते तूमु पाह मोग हाते एने नीचोवे जीवे आवी।

Chapter 5

¹खोरी मेहे मालुम पोडयो के तूमरा वीसमा थूडाक सिनावो कोरतला एने उजु मेंहे माणहे एहे कोयतला होब्यू के कुणतोरी तेर जीजी हाते सिनावो करतलु ओहलो खोराब काम ते ज्या बोगवनोपोर बुरहु नी कोरनारा दीहरी जातीन माणहे लोगोन नी कोरतला ²तूमु तुमरा विस्वासोन बारामा गोणा डामराय कोरतला तूमुहु दुख एने लाज बि नी आवतली के? ओहला माणहोह तूमरी मोडलीम दोखा वाचाडणु पोडहे|³मेहे डिलोमा ते तूमरा वीस्मा हाजीर नी रोवाये पुन जीव आत्मा मा तुमरा वीस्मा रोयही , ती बी मि होमेस्या तूमुह और कोरतलू जोर मि मोडली रोयतू ते पोरबू यीशु मोसीन आदिकार दोखु ओहलू गुनु कोरनाराह डोड आपणु ⁴तेतार तूमु बोकती कोरने टुवायतला तेतार मार आत्मा मा मो तुमरी ओर कोरीन तूमरे हाते से एने मेहे लागतलो ऐन आपणु परबू येशु मोसीन ताकोत बी तूमरे हाते से। ⁵कोरीन ज्यो ओहलो खोराब काम कोरतलू तीनुहु येशु मोसीन नावोमा बुतडान आथोमा होप देवू तेर पापोन सोबावोन डील ते नास ओय जाह पुण परबू आखा माणहोन नियाव कोरहे तेतार तेर जीव वाच जाहे।⁶तूमु मोटाय करनू हाजों निबें। थूडूक खानेन सडू आखा कुहोणला लूटोह जेवुनबलू कोर देततू एने कोयतला तूमु ओवी रोयाह ने? ⁷जूनला जेवण आवला लूटोन होस ज्या माणहे खोराब काम कोरतला तीनूह मोडली मा दोखा काड देजू। तेतार तूमु बिगुर जेवूण आंवला लूटोन होस साप ओय जाहोत मेंहे मालुम से के तुमू खोराखोर पेलेन पोवीत्र से। काहाके आपणा पापोन कोरता फासका तीवारोन मेज बुकडान गीदलाण होस येशु मोसी तेर सोतान जीव आपीन बोली ओयलु से। ⁸कोरीन एवी आपु फासका तीवारोह पाप एने खोराब काम ज्यो खाणोन सोडान होस से तीनाहाते नी पुण बिगुर जेवूण आवला तिटोन रुटान होस मेहे पोवीत्र एने खोरों मोन लीन तीवार वावता।⁹पेल्ली चिट्ठी मा मि तूमुह लेखलु के तूमु सीनावो कोरनारान होंगोमा जून रोयता। ¹⁰पुन ज्या येशु मोसीपोर बूरहु नी कोरतला एने सिनावो कोरनारा एने लालूच कोरनारा एने टोगनारा ऐन मुरती पुजनारा तीनू हाते रोयताज जूण एहे मि नी कोयतलू, काहाके जोर ऐंहे ओह ते तूमुहु कोवि सुडीन जाणु पोड़हे।¹¹पुण मा यो कोयने विचार करतलू के येशु मोसीपोर बुरहू कोरणरा बायह बोणहामा कुण बी सिनावो एने लालुच एने मूरती कोरनारा एने मानहोह खोराब सोब्द वापरीन जुलनारा एने चूरी एने हुरु ओय ते तिनुहाते खाता नी जू ¹²यिशु मोसीपोर बुरहु कोरीन मोडली मा नी रोयतला तीदरू नियाव कोरनेन मारो काम निबें पुन बोगवनोन मोडली मा पाप कोरता रोयतला तीदरु नियाव कोरनेन काम तूमरोज। ¹³ज्या येशु मोसीपोर बूरहु करीन मोडंली मा नी रोयतला बोगवान तीदरु नियाव कोरहे , पुण तुमरे विस्मा ज्या खोराब काम कोरतला तीनू काड देवू।

Chapter 6

¹जोर तुमराम कुण बी विस्वासी हाते जुलायतला ते,नीयाव कोरावीन जोगडु मुडणेन कोरता तुमु कुरटामा ज्या बुरहु कोरतला,तीनु पाह काहा जातला ? तुमु पोवित्र माणहो पाह नी जाये के ? ²तुमु नी जाणतला के पोवित्र माणहे कोवीन नीयाव कोरहोत ? तुमु इन कोवीन आखा माणहोन नीयाव कोरने जातला ते,ओहलु आयतु मोटु जोगडु काय नी मुड सोकतला के ?

³आपु सोरगदुतोन बी नीयाव कोरन्या से यो तुमुहु मालुम नींबे काय ? जोर तोहलो ओयते ,दाडीन दाडीन जीवयोन वातोह तुमु काय नी मीटाड सोकतला के ?⁴जोर तुमरामा इनी कोवीन जीवायोन बारामा कुण बी विस्वासी हाते जुलायतला ते जगडु मुडनेन कोरता मोंडली दोखा ज्या बारथे से तीनुह तुमु नीयाव कोरने बोठाडहोत के?

⁵मी तुमुह लाजवाडनेन कोरता कयतलु , जोर तुमरा बायहो बायहोन वीस्मा जुलायतला ते ओहली वातोह मीटाडणे तुमरा विस्मा एक बी ओक्कोलवावु नींबे के?

⁶पुण जेतार दुय वीस्वासी बायहो बायहोन वीस्मा जगडु ओयतलु ते तुमु जगडु मुडनेन कोरता बीगुर वीस्वास्यान कुरटामा जातला के नी ?⁷एवी तुमु एक दीहरा पोर केस कोर देतला ,ते तीनामा यो मालुम ओय जातलो के तुमु बोगवानोन इस्या दोखा नी जीवतला ,तुमु जगडु कोरणे दोखा एर बोदले आखी ठोग वातोह वेठीन नुकसाण जेलीन काहा नी रोयतला ?

⁸पुण तुमुज तुमरा विस्वासी बायह बोणहा उलटो नीयाव कोरीन तींदरो नुकसाण कोरतला।⁹तुमु नी जाणतला के पापी माणहे बोगवानोन राजोन वारीस नी बोण सोकतला ? तुमु सोताह दोखु मा देवु ,ज्या माणहे सीनावो कोरतला ,ज्या मुरती पूजा कोरतला ,ज्या रांडी एने रांडी राखणारा माणहे माणहो हाते एने बायरा बायरा हाते सोवसार कोरनारा ।

¹⁰ज्या माणहे चुरी कोरतला ,हाय हाय कोरतला , दार कुटया ,गोलोत सोब्दामा उचलणारा ,एने दीहरा माणहोह ठोगीन तींदरा चीजोह लुटणारा ओहला लुच्चा माणहे बोगवानोन राजोन वारीस नी बोण सोकतला।

¹¹तुमरामा थुडाक माणहे पेल ओहलोज ओता ,पुण परबु येसु मोसी तुमरे कोरता मरलाम ,एने येसु मोसीन नावोन पोवित्र जीव आत्मा तुमरामा रोयतला कोरीन बोगवान तुमरो पाप दुवीन पोवीत्र बोणावीन तुमुह तेर नोजरोमा दोरमी माणहे गीणलु ।¹²तुमरामा थुडाक एहें कोयतला ,मेहे ज्यो पोटे च्यो मी आखो कोरीह ,पुण मी यो कयतलु के आखो तुमरा फायदान कोरताज नी रोये ,मेहे आखो कोरनेन होक से ती बी मी कायतान बी काबामा नीं बे ।

¹³तुमरामा थुडाक एहें कोयतला ओहे ,पेटोन कोरता खाणो से, एने खाणाना कोरता पेट से,पुण मी तुमुह कयतलु बोगवान खाणो एने पेट दुयोन बी सोत्यानास कोर देहे,डील सीनावो कोरनेन कोरता नी ,बाकीन परबु बोगवानोन कोरता बोणावलु से, एने परबु बोगवान आपु काय काय कोरनु जुवे एरो फीकुर कोरीन हबवतोला ।¹⁴बोगवान परबु यीसुह मोरलाम दोखु जीवतु रोयु ,तोहलो बोगवान आपुह बी तेर ताकोतोमा मोरलाम दोखा जीवता कोरहे ।

¹⁵तुमु यो नी जाणतला के तुमरो डील मोसीन डीलोन एक इस्सु से,जोर मी मोसीन डील से ते मी रांडीन आंग बोणो के ? कोदी नी बोणो ।¹⁶तुमुह योनी मालुम नींबे के ज्यु माणुह एक सीनावो कोरनारी बायी हाते मीवीन रोयतलु , ते च्यु एकुज डील ओय जातलु काहाके यो बोगवानोन पुस्तोकोमा लेखाय रोयोह के ,माणुह एने बायी च्या दुय माणहे एक डीलोन होस रोयहे ।

¹⁷पुण ज्यु बोगवानो हाते एखठु रोयतलु ,च्यु परबु हाते एकुज आत्मा ओय जातलु ।¹⁸सीनावो कोरने दोखा सेटा रोयु ,काहाके दीहरो आखो पाप माणहोन डीलोन वीरुद नी कोरतला ,पुण ज्यु सीनावो करतलु, च्यु तेर सोतान डीलोन वीरुद करतलु ।¹⁹तुमरो डील बोगवानोन मोंदीर से,तुमुह यो नी मालुम के बोगवान तुमुह पोवीत्र जीव आत्मा आप रोयुह,पोवीत्र जीव आत्मा तुमरामा रोयतली ,कोरीन तुमु तुमरा सोतान नींबेज नी ।

²⁰काहाके बोगवान खुब मोंगो किम्मोत आपीन तुमुह वेचातु ली रोयुह ,कोरीन तुमरा डीलोह लागाडीन बोगवानोन मोहीमान कोरता काम कोरु ।

Chapter 7

¹एंवी तुमु मेहे चिट्ठी लेखला ओता, तीना सोवालोन जो पाप मी आपतलु, विस्वासी माणहे वियाव करनु हाजो से के नी.

²पुण एकेक माणुह तेर लाडी एने एकेक लाडी तेर माटी हाते रयणु जुवे, तेतार सीनावो नी ओये.³माटी तेर लाडीन इस्या पुरी करनु जुवे एने तेहेंज लाडी बी तेर माटिन इस्या पुरी करनु जुवे.

⁴एक लाडीह तेर सोतान डीलोपोर होक नींबे, पुण माटीह तेर लाडीन डीलोपोर होक से. तेहेंज माटीह बी तेर सोतान डीलोपोर होक नींबदे, पुण लाडीह तेर माटीन डीलोपोर होक से.⁵माटी एने लाडी एक दीहरा दोखा आंगे आंगे नी ओयणु जुवे: पुण दुयोन बी हमचु रयणु, जुवे, तेतार तुमु पुरो मोन लागाडीन होंटु टेम पोरथना कोर सोकतला, तेर बादमा तुमु एखठा रयणु जुवे, नी ते बुतडु तुमुह पापोन जावोमा फोसाड नी सोके, काहाके तुमु तुमरा डीलोह काबामा मेकणेमा कोमजुर से.

⁶थुडाक दीह माटी एने लाडी एक दीहरा दोखा आंगे रोय सोकतला, तेतार तुमु खुब टेम पोरथना कोर सोकतला, पुण यो कोरनुज पोडहे एंहे हुकुमोन होस नी कोयतलु, पूण मी राय आपत्तलु.

⁷यी मारी इस्या से के मार होस आखा माणेहे वीयाव ज्यो करनु जुवे, पुण बोगवान माणहोह बात बातीन वोरदान आप रोयुह थुडाक माणहे वीयाव नी कोरतला एंहेज रोय जातला, पुण आखा तोहला नी रोय सोकतला.⁸एंवी मेहे कुवारया सुरयानुह एने रोंडायला बायरानुह मारो कयणु से के च्या वीयाव नी करनु जुने एने च्या मार होस बीगुर वीयावोन रोयतला ते तीदंरे कोरत्ता खुब हाजो से.

⁹पुण जोर तीनुह तींदरी सोतान मोनोन इस्या नी गाठे ते च्या वीयाव कोर लेणु जुवे. मोनमा खुब वीभाव कोरनेन इस्या कोरीन रोयणे दोखो बीयाव कोर लेणु तीदंरे कोरता हाजो से.¹⁰एंवी जींदरू वीयाव ओय रोयुह तीनुह मी नी कोयतलु, पुण परबु हुकुम आपतलू, लाडी तेर माटी हाते वीयाव नी करनु जुवे, यो तींदरे कोरता खुब हाजो से.

¹¹ज़ोर च्यी है तेर माटीह सुड देतली ते, तीनीही, वियाव कोरे बीगुर रयणु पोडहे, नी ते तीनीही कोहली तेर माटी हाते जायीन मीवीन हाजीहुत्ते रयणु पोडहे, तेहेंज माटी बी तीनीह सुडनु नी जुवे,¹²एने एंवी ज्या रोयला माणहे से तींदरे कोरता परबु नी पुण मी कयतलु, के जोर एक वीस्वासी बायह तेर लाडी येसु मोसीपोर बुरहु नी कोरतली, पुण च्यी तीना हाते रोयणे हुत्तली ते तेर माटी तीनीही काडनेन वीचार नी करनु जुवे.

¹³तोहलो एक वीस्वासी बायीन माटी येसु मोसीपोर बुरहु नी करतलु, पुण तीनी हाते रोयणे हुदे ते च्यी लाडी तीनाह नी सुडनु जुवे.

¹⁴काहाके एक बीगुर विस्वासी माटी नी ते लाडी विस्वासी हाते रोयतला ते आावतलो च्या एखठा नी रोयता ते तींदरा पुरया पारी बागवानोन आसीरवाद जुड़े बीगुर वीटोवला ओय जाता एंहे से ते तींदरा पुरया पारी बागवानोन कोरता पोवीत्र बोण गोयला से.¹⁵पुण तुमरा विस्मा लाडी एने माटी एक जोण बीगुर विस्वासी ओये एने च्चा सेटा रोयणे हुदे ते सेटा रोयणे देवु, एहें ओहे ते कुण बी बायह एने बोणीह तीनामा बांदायला नींबले, पुण बोगवान आपुह आखा हाते सांतीवार मीवीन रोयणे बुलाडलु से.

¹⁶ए वीस्वासी लाडया मी तुमूह कयतलु तुमु एखठा रोयतला कोरिन तुमरे बीगुर वीस्वासी बोगवान वाचाड सकतलु, एने ए वीस्वासी माटि तुमु एखठा रोयतला कोरिन तुमरे बीनूर विस्वासी लाडीह बोगवान वाचाड सकतलु !¹⁷जेंहे परबु येसु एककोह वाढ आपलु तीनामा खुस रोयणु जुवे एककोह जीनी हालोमा हादलु तिनीज हालोमा चालनु जुवे। आवला मोंडली मायलाह बी मी योज हिकाडतलु !

¹⁸मी ओखल कयतलु जोर बोगवान जीनाह चामडो कातोरनेन रीत कोर लेदलु नीवाडलु ते नीनाह तीनामाज रयणु पोडे, जोर ज्यु चामडो कातोरनेज रीत नी करलु ओहे ते नीनाह फसु चामडो कातोर नेन रीत कोरनेन जोरूड़ी नींबले !

¹⁹यो जोरुडी नींबे के जोर एक माणूहु चामडो कातोरनेन रीत करयु के नी, पुण बोगवानोन नेम मानीन रोयणू खास से ।²⁰जेतार तुम येसु पोरबुखेर बुरहु कोरला तेतार तुमु केहेंक ओता तोहला रयु !

²¹तुमराम थुडाक गुलाम पावरे ओता तेतारेन यीसु मोसीपोर बुरहु कोरला, ते तुमु काबामा से कोरीन चींता जुण कोरता, पुण जोर तुमुह काबामा दोखा सुटणे सोंदी जुडे ते बींदास सुटीन रयु.

²²जेतार परबु बोगवान तुमुहु नीवाड लेतू तेतार तुमु काबामा ओता ते बी परबु बोगवानोन नोजरोमा तुमु बुरहु कोरनेन करता बुलाडलु कोरीन तुमु काबामा नींबदे ती बी येसु मोसीन काबामा गीणाय जातला.

²³येसु मोसी तुमेरे कोरता मोरीन पापोन काबामा दोखु तुमुहु वेचातु लेदलु से, कोरीन तुमुह कुणीन काबामा रोयणेन जोरुडी नींबे.

²⁴ए मारा लाडका बायह बोणहा, कोहली हाल थोखा बोगवान तुमुह नीवाडयु तीनामा तुमु बोगवानो हाते रयु.²⁵एंवी मी से सोवडा सुरयान बारामा तुमुह कयतलु बाकीन बोगवान इन वातोन बारामा मेहे कायीज हुकुम नी आप्यु, मी काय वीचार करतलु च्योज कयतलु, पुण तुनु मेहेपोर बुरहु कोरनेन कोरता, मालीक बोगवान मेहेपोर करलु कीवोन इसाबे मी तुमुह राय आपतलु.

²⁶एंवी खुब काठु टेम से, कोरीन जोर तुमु बीगुर वीयावोन रोये ते खुब हाजो से एंहे मेहे लागतलो.²⁷जोर तारी लाडी ओहे ते तीनीह काडणे वीचार जुण करतु, जोर तु वीयाव नी करयु ते लाडी जुण हुदतु.

²⁸पुण जोर तारी. लाडी ओहे. ते तु पाप करलु एंहे मी नी कयतलु, एने जोर एक सोवडी सुरी वीयाव कोरतली ते च्यी पाप कोरतली एंहे बी भी नी कयललु, ज्यु कुण वीयाव करतलु ते तीनाह नी ते तीनीह तींदरा डीलोमा दुख ओयहे. तुमु इनसेहला दुख दोखा वाचीन रोयणे मी इस्या करतलु.²⁹ए बायह, बोणहा मेहे तुमुह कयणु से के दुनीयान आखरी दीह आवणेन टेम आंबाव बाकी से, येसु जोलदी आवणेवावु से, एने एंवी दोखा वीमाव कोरला से च्या, ज्या वीयाव नी करला तीदंरे होस रोयणु जुवे

³⁰ज्या रोडतला से च्या नी रोडतलान होस एने ज्या खुसी मोनावणारा से च्या खुसी नी मोनावणारान होस एने ज्या सोमान वेचाता लेणारा से च्या जीना पाह कायीज नींबदे तींदरे होस रोयणु जुवे.

³¹इनी दुनीया हाते वेवार कोरने दोखा आपु दुनीयान वेवार खास नींब सोमजीन सुड दणु पोडहे, काहाके यी कोवी जोलदी नास ओयणेवाली से.³²तुमु फिकुर जुण कोरता यी मारी इस्या से, ज्यु वीयाव नी कोरयु च्यु, बोगवानोन काम पुरो मोन लागाडीन करतलु, काहाके होमेस्या च्यु परबु बोगवानोह केहेंकाय खुस राखो कोरीन फिकुर करतलु.

³³पुण ज्यु लाडीवालु से च्यु इनी दुनीयान वातोपोर मोन लागाडतु रोयतलु, काहाके च्यु होमेस्या तेर लाडीह केहेंकाय खुस राखो कोरीन फीकुर कोरतलु.

³⁴तीनामा तेरु वीचार दुयोखेर ओय जातलु, काहाके च्यु तेर लाडीह केहेंकाय खुस राखो एने बोगवानोह केहेंकाय खुस कोरो कोरीन वीचार कोरतलु एने ज्यी सोवडी सुरी से च्यी तेरा डीलोमा एने जीव आत्मामा सुखली रोयणे एने पोरबुन कामोन बारामा फीकुर कोरली रोयतली, पुण ज्यी वीयाव कोरली च्यी इनी कोवीन वातोपोर खुब मोन लागाडीन रोयतली, काहाके च्यी तेर माटीह केहेंकाय खुस राखो कोरीन वीचार कोरतली.³⁵यो मी तुमरा फायदान कोरता कयतलु, तुमुह वीयाव कोरनेम दोखा तुमुह रुकणेन कोरता नी, पुण तीनामा तुमु मालीक बोगवानोन सेवा बोक्ती पुरो मोन लागाडीन कोरनेन कोरता एने सुखली जीवाय जीवणे कोरीन ज्यो जुवे च्योज कोरू.³⁶पुण एखलु जुडावणी कोरीन बी वीयाव कोरने नी हुत्तलु एने च्यु तीनी सोवडी सुरीखेर बावतलु बीनी, पुण च्यु फोसु तीनीहाते वीयाव कोरने इस्या कोरतलु ते तीनुह वीयाव कोरने देजु, जीनामा कायीज पाप नींबदे.

³⁷पुण जोर एक माणहोह ओहलो कोरने जोबरजस्ती नींबदे, एने तेर मोनोमा वीयाव नी कोरनु से कोरीन पोक्की वात ठोराव रोयुह ते एने जोर च्यु तेर मोनोह पूरो काबामा राखीन काय करनु कोरीन पेलेन फेसलु कोर रोयुह तेतार च्यु तीन सोवडी सुरी हाते वीयाव नी कोरे ते तेर कोरता हाजो से.

³⁸ज्यु कुण सोवडी सुरी हाते वीयाव कोर लेतलु च्यु हाजो करतलु, पुण ज्यु वीयाव नी करतलु च्यु उंजु बी खुब हाजो काम करतलु.³⁹एक बायी जाहलोगोण जीवे ताहं लोगोण तेर माटी हाते मीवीन रोये, पुण तेर माटी मोरनेन बादमा तीनीह पोटे ते दीहरा माटी हाते वीयाव कोर सोकतली, पुण च्यु माटी परबु येसु मोसीपोर बुरहु कोरनारु रयणु जुवे.

⁴⁰मेहे लागतला के तेर माटी मोर जाये ते, च्यी वीयाव नी कोरे च्यो तेर कोरता हाजो से, एने बोगवानोन जीव आतमा मेहे ओगवायी कोरतली कोरीन मेहे लागतलो के मारी वातु खोरी से.

Chapter 8

¹एंवी मुरतीन ओगोव बोली चोडावलो खाणो आपु खाय सोकतला, के नी इनी वातोन बारामा मी तुमुह कोयापतलु , आपु आखाह इन वातोन बारामा मालुम से, पुण जीनाह होंटो मालुम से,च्यु डामराय कोरहे, पुण मोंग हाते वेवार कोरनारु मोंडलीन माणहोह बुरहामा पोक्कु करतलु।

²जोर ज्यु सोतान बारामा "मेहे आखो मालुम से" एंहे वीचार करतलु ते खोराखोर ज्यी वात तीनाह मालुम रोयणु जुवे, च्यी वात तीनाह उंजु लोगोन मालुम नींम्बे ।

³पुण कुण बी बोगवानोह मोंग करतलु ते बोगवान तीनुह खुब उवोखतलु।⁴जोर एक मुरतीन ओगोव बोली चोडावलो खाणो खाय सोकतलु के नी एने इन वातोन बारामा आपहु मालुम से , के इनी कोवीमा मुरती कायीज नीम्बे, एने आपु खोराखोर जाणतला के बोगवान एकुज से, तीनाह सुडीन कुण बी बोगवान नीम्बे।

⁵थुडाक माणहे एंहे बुरहु कोरतला के सोरग एने दोरती पोर होंटा देवे, एने होंटा परबु से ।

⁶पुण आपुह मालुम से के एकुज बोगवान से , च्यु आपणु बाह से, एने च्यु आखो बावलू , एने आपु तेर कोरता जीवतला एने च्युज परबु से, एने च्युज यीसु मोसी से एने तीनाह लागाडीन बोगवान आखो बोणातलु एने तेर‌ ताकोतमा आपु जीवतला।⁷पुण आखा विस्वासी यो पोक्को नी जाणतला,थुडाक माणहे मुरती पुजणेमा टेवायला से, एने मुरतीन ओगोव बोली चोडावलो खाणो खातला, एने च्या विचार कोरतला के च्या खोरा देवोह चोडावलो खाणो खातला, खोराखोर तीनुह मालुम नीम्बे के यो खाणो खाणु हाजो से के खोराब से, पुण तींदरा मायलो मोन कोमजोर से तीनामा च्या खातला ते च्या सोताह वीटोवला सोमजतला।⁸बोगवानोन नोजरोमा कालो बी खाणे आपुहु बोगवानो हाते नी पुचाड सोकतला, जोर आपु थुडोक खाणो खातला ती बी बोगवानोन नोजरोमा पोवित्र नी बोणतला, एने जोर नी खातला ती बी बोगवानोन नोजरोमा गुनावाला नी गीणायतला।

⁹पुण एक वातोन बारामा तुमू सोमावीन रयजु," ज्यो काय मेहे पोटे च्यो खाणे मेहे होक से, एंहे वीचार कोरीन कोमजुर माणहोह पापोमा पाडता जुण।

¹⁰तुमुहु यो आखो मालुम ओहे , पुण जीना माणहोह मालुम नीम्बे , काय कालो हाजो एने कालो खोराब से, जोर च्यु तु मोंदीरोमा मुरतीन ओगोव बादा चोडावलो खाणो खातलु देखे ,ते ज्यु बुरहामा कोसरायलु से, एने तेर मायला मोनमा कोमजुर से कोरीन च्यु बी खाणे मोनमा इस्या कोरहे ।¹¹मुरतीह चोडावलो खाणो खाणेन बारामायली आखी वात तुमुह मालुम से , पुण तुमरा ओक्कोलोमा ,ज्यु बायह बुरहामा कोमजुर से,तीनाह पापोमा पाड देतला ,येसु मोसी तेर कोरता बी मरलु से कीनी ?

¹²जेतार जीनाह काय हाजो ,एने काय खोराब से कोरीन मालुम नीम्बे जोर तुमु कोमजुर बुरहावाला मायला मोनोह दुखी कोरतला , ते तीना बायहोन वीरुद पाप कोरतला ,एने खोराखोर तुमु मोसीन वीरुद कोरतला ।

¹³मी ज्यो काय खातलु तीनामा जोर एक विस्वासी बायहोह पापोमा पाड देतला ते,मारा जीवायोमा मी कोदी मांह नी खांम,काहाके काला बी विस्वासीह पापोमा पाडनु मार मोनमा नीम्बे।

Chapter 9

¹दीहरा केहेंकाय इन वातोमा सुटला से तेहे मी नीम्बे के ? मी बी येशु मोसीन नेवतो पुचाडनारू चेलु से ने ? आपणा परबु येसु मी नी देख्यु काय ? काहाके मी बोगवानोन सेवा करलु कोरीन तुमु येसु मोसी पोर बुरहू कोरला ने ?

²दीहरा माणहोन कोरता मी येसु मोसीन नेवतो पुचाडणारू चेलु नीम्बे , पुण तुमरे कोरता से , मी बोगवानोन वात देखाड्यु कोरीनुज तुमु परबु येसु मोसी पोर बुरहु कोरया , मी मालिक येशु मसीह पोर बुरहु कोरया , मी मालिक यीशु मसीह नेवतो पुचाडनारु से,इनी वातोन पुरावु तुमुज से।³जोर कुण मेहे " तु येसु मोसीन खास चेलु नीम्बे " एहे कोयीन तोपासणे हुदे ,तीनाह मी एंहे जोपाप आपण्यु से ।

⁴तुमु खाणे पीणे आपणु जुवे , " कोरीन आमुहु तुमुहु कोयणेन होक नीम्बे के?

⁵जेंहे परबु येसुन बायह एने पोतरस एने नेवतो पुचाडनारा चेला तींदरा लाडया हाते सेवा कोरतला ,तेहे विस्वासी बोणीह हाते वीयाव कोरीन पोरबुन सेवा कोरने आमुह बी होंक नीम्बे ?

⁶बोरनबास एने मी ओतराज जीवाय जीवणेन कोरता काम कोरीन कोमायणु जुवे के ?⁷कालु बी सीपायडु बीगुर पोगारोन काम कोरहे के? कुण बी दोरकस्यान वाडी लागाडीन कोव पाकहे ते च्यो फोव नी खाये के ? कालु बी बुकडा चारनारु तेर बुकडान दुध नी पीये के ?

⁸माणहोन रीतोन इसाबे मी नी कोयतलु ,मुसान नेमोमा बी एंहे कोयलो से ने?⁹एंहे मुसान नेमोमा लेखाय रोयोह के " खोवामा जुपायला बुयलोन मुये मुहको नी बांदणु ,बोगवान बुयलोन ओतरुज फिकुर कोरीन नी कोयतलु ।

¹⁰पुण आपणे कोरता ओतरोज बोगवान एंहे कोयतलु ,काहाके वोखरणारु एने खोवामा जुपणारु ,कोमायीन वाटु जुडे कोरीन आसा राखीन काम करतलु ,तोहलो वीस्वासी बी बोगवानोन सेवकोन मोदत करनु जुवे।

¹¹येसु पोर बुरहु कोरनेमा तुमु उंजु वोडता जाणेन कोरता आमु जीव आत्मान खेतोमा बोगवानोन हाजी खोबोर दुहरा मोंजरयान होस उंरया, कोरीन ज्यों काय आमुह जोरुडी से,च्यो तुमुय पोर धोखा थुडाक कोमायोन वाटान होस खाणेन पीणेन चीज मांगीन खादयु ते काय मोटी वात से ?¹²जोर ज्या पेलेन तुमुहु हाजी खोबोर कोयाप्या तीनुह तूमु पाह काय बी मांगणेन होक से तै ,आमुह बी तुमुपोर मांगणेन खुब होक से ने? पुण आमु इन होकोन उंजु लोगोन काय नी वापरता ,काहाके मी आमरी इस्या से के ज्या येसु मोसी पोर बुरहु कोरतला तीदंरे कोरता आमु आडफाठु नी बणनु जुवे, कोरीन आखो वेठीन रोयतला ।

¹³ज्या माणहे बोगवानोन मोंदीरोमा काम कोरतला ,च्या मोंदीरो मायलो खातला ,एने ज्या बादा चोडावणेन उटलान जागे काम कोरतला तीनुहु उटलापोर चोडावला बादान वाटान होक से यो तुमुहु मालुम नीम्बे के?

¹⁴तीनामा मालिक बोगवान हुकुम आप रोयुह के ज्या बोगवानोन हाजी खोबोर माणहोह देखाडनारा से,तींदरी हाजी खोबोर होंबीन बुरहु कोरला माणहोन मोदत दोखा च्या जीवी सोकतला ।¹⁵ती बी इनी होको मायलो उंजु लोगोण मी एक बी होक वापरयु नीम्बे , एने मेहै काय बी जुडे ,एंहे वीचार कोरीन मी यो नी लेखतलु ,एकदु मारी मोठायोन वातोह वायबार ठोरावणे दोखु मी मोर जाव ते मोर जाव ,पुण तुमु पाह दोखु कायीज नी मांगो ,एर कोरता यीसुन हाजी खोबोर पोर मारी ज्यी मोठाय से,च्यी मोठाय टीकीन रोये ओहली से।

¹⁶जोर मी येसु मोसीन हाजी खोबोर दीहराह कोयतलु ते मी डामराय कोरीज नी सोकतलु , काहाके बोगवान मेहे यो काम होपलु ,कोरीन यो काम मेहे कोरया बाकीज से,जोर मी बोगवानोन हाजी खोबोर दीहराह नी कोयो ते मेहे पोर खुब दुःख आवहे।¹⁷जोर मी खुसीमा हाजी खोबोर होंबाडनेन सेवा करतलु से,मेहे मोंजरी लेणेन बी होक से,पुण बोगवान मेहे खोरु सोमज्यु एने तेरी मोरजीन इसाबे मेहे नीवाडीन सेवा कोरनेन काम होप रोयुह,कोरीन उदुड नी पुण गुलाम पावरोन होस मी मारी मोरजीन इसाबे सेवा नी कोर सोकतलु।

¹⁸कायतान मोंजरी मेहे जुडहे ? एने मी बोगवानोन हाजी खोबोर दीहराह देखाडनेन ज्या मारो होक से,तीना होकोन गोलत रीते वापरे बीगुर पोरचार कोरनेनुज मारी मोंजरी से।¹⁹मी कुणीन गुलामोमा नीम्बे ,पुण आखा माणहोन कोरता मी पावोरोन होस सेवा करतलु ,काहाके होंटा माणहोह येसु मोसीन बुरहामा लावणेनुज मारी मोनोन इस्या से।

²⁰जेतार मी तीनु हाते ओतु तेतार यहुदी जातिन माणहोह बोगवानोखेर दोखु सुटकारु आपाडने कोरता मी यहुदी बोण गोयु ,मी मुसान नेम कायदान काबामा नी ओतु ,ज्या नेम कायदान काबामा से,तीनुहु बोगवानोपोर लावणेन कोरता मी नेम कायदान काबामा से तीनुहु बोगवानोखेर लावणेन कोरता मी नेम कायदान काबामा ओय गोयु।²¹ज्या मुसान कायदा नी माननारा बीगुर येहुदी जातिवावा से,तीनुह येसु मोसीन बुरहामा मोन फिरावीन लावणेन कोरता मी यहुदीन नेम कायदा नी मान्यु ,मी नेम नी मानतलु एंहे नीम्बे , पुण बोगवानोन नोजरोमा यहुदी माणहोन होस बोणनेन टेमे येसु मोसीन हुकमोना रोयीन बोगवानोन कायदा पावतु रोयतलु।

²²ज्या बुरहामा कोमजुर से, तीनुह येसु मोसीन बुरहाम लावणेन कोरता मी आयतु बोणीन सोमजतलु ,एने आखा माणहोन यीसु मोसी हाते लावणेन कोरता मी तींदरे होस बोण गोयलु से, एने जोतरा बोणे तोतरा मी मेहनुत कोरयु ,काहाके आखाह वाचाड लेवू

²³येसु मोसीन बारामायली हाजी खोबोर दीहराह देखाडनेन कोरता मी आखोज कोरलु ,तीनामा मी बी बोगवानोन आसीरवादोन गोवांदयु बोण रोयुह।²⁴जोखडी पोडीन दोवडनारा इलाम जीकणेन कोरता होंटा माणहे दोवडतला ,पुण एकुज माणहोह इलाम जुडतलो ,यो तुमुहु काय नी मालुम से के? तोहलो तुमु बी इलाम जुडनु जुवे कोरीन दवडु ।

²⁵ज्या खेलनारा से च्या काठु जीव कोरीन आखो नेम पावतला ,काहके च्या मुकुट जुडे कोरीन यो आखो कोरतला , च्यो ते नास ओय जाहे ,पुण आपु नास नी ओयणारा मुकुटोन कोरता यो आखो कोरतला ।

²⁶दोवडनारु इलाम जुडे ओहलु ज्याहरी पुचणु से,च्यांहरीन नींगा राखीनुज दोवडतलु ,मोतलोब येसुन नेम पावीन मी इलाम जुडनेन कोरताज मी सेवा कोरतलु ,पुण मी ते वाहवामा उदुड दुमु देणारान होस सेवा नी करतलु ।

²⁷पुण बोगवानोन वातु दीहराह पोरचार कोरीन बी मी बोगवानोन वातु मानीन रोयणेन बोगवानोन नोजरोमा गुनावालु नी गीणायणु जुवे , कोरीन मार डीलोह हाजीहुते मी काबामा मेकीन एक पावोरोन होस मारा मोनोन वीचारोह बी काबामा मेकतलु ।

Chapter 10

¹ए मारा लाडका बायह बोणहा,पेलेन आपणा डायाडायान हाते उजाडी जागामा काय ओयलो च्यो वीहरता जुण, बोगवान वादवान सांव्वे सांव्वे तीनुह लीगयु , एने च्या रातला दोरीयाह उनकीन हाजीहुते पोली दोडे गोयला।

²आपु एंहे कोय सोकतला के परबु येसु मोसीन फोसोव जाणेन कोरता बापतीस्मा लेदला ,तोहलो मुसान फोसोव जाणेन कोरता च्या दोरियाह उनकीन एने वादवान सांव्वे ओयता गोया ।

³बोगवान तीनुह तेर ताकोत दोखु आवलु ओतु एकुज आत्मीक खाणे च्या खादला ।

⁴बोगवान तीनुहु आपलु जीव आत्मान पाणी च्या आखा माणहे पीदला ,एने तीनु हाते हाते चालनारु एक सापोर ओतु , च्यु सापोर जीवायोन जोरवाण्यो ओतु , च्यु सापोर आखानुह ओलगुज रीते पाणी पीवडाव ,एने च्युज सापोर मोसी ओतु ।⁵ती बी तीनुमायला खुब माणहे बोगवानोह नी पोट्या तीनामा च्या उजाडी जागामा मोर गोयला।

⁶आपु बोठा सोमावीन रोयणु जुवे,एने तीदंरे होस खोराब काम नी करणु ,कोरीन यो लेखाय रोयोह।⁷तीनु मायला थुडाक माणहे मुरती पूजा कोरला ,तुमु तीदंरे होस जुण कोरता,बोगवानोन पुस्तोकोमा एहे लेखाय रोयोह माणहे खाणे ,पीणे बोठया एने बोंगलाया कोरीन नाचणे कुदणे बाज गोया ।

⁸एक कावा तीनुमायला थुडाक माणहे सीनावो कोरला ,आपु तीदंरे होस सीनावो नी करनु ,काहाके च्या खोराब काम कोरला कोरीन तेवीस ओजार माणहे एकुज दीहोमा मोर गोयला।⁹एने तीनुमायला थुडाक माणहे पोरबुह फारकला कोरीन गोडहा तीनुह चावला , एने तीनुमायला खुब माणहे मोर गोयला,तीदंरे होस आपु येसु मोसीहोस फारकणु नी जुवे ।

¹⁰तीनुमायला थुडाक माणहे कुड कुड कोरला कोरीन बोगवान नास कोरनारा सोरगदुतो मुकलीन तीनुह मारलु तीदंरे होस आपु कुड कुड नी कोरनु ।¹¹तीनुपोर वीतली मी आखी वात आपणे कोरता हीकोन दाखलान होस से, करीन आपुहु होस कोरीन रोयणु पोडहे ,तीनामा एहे लेखाय रोयोह ,काहाके इनी कोवीन आखरी दीही आवणेम से।

¹²कोरीन जोर मी बुरहामा पोक्कु से,एहे एक माणुह विचार करतलु ,ते तेर बुरहाम दोखु पोडनु नी जुवे , कोरीन तीनाह सोमावीन रयणु पोडहे ।

¹³माणहोन जातोमा दुःख नी वेठाये ओहली फारोक आवतली तोहली फारोक तुमरी जीवायमा आवे ते ,तुमु फारोकमा मा पाडु ,पुण बोगवान बुरहु कोरनेन लायक से,च्यु तुमुहु तीन फारोकोमा पोडनो बी नी देय ,पुण वाच जाणेन वाट बी देखाडहे ।¹⁴कोरीन मारा लाडका बायह बोणहा, तुमु मुरतीन पूजा पाट कोरने दोखा वाचीन रयु ।

¹⁵मी तुमुह ओक्कोलवावु सोमजीन यो कयतलु ,मी ज्यो काय कोयतलु च्यो तुमु हाजीहुते फारकीन बावु ।

¹⁶येसुन पीयालो ज्यो आसीरवादोन पीयालो कोवाय च्यो आपणे कोरता येसु मोसीन लुयोन गोवांदया नी बोणावे काय ? होव बोणावहे ,जीना पीयालान कोरता आपणा बोगवानोह दोन्यावाद बी कोयतला ,येसुन ज्यु रुटु आपु मुडतला ,च्यु रुटु येसु मोसीन डीलोन गोवांदया नी बोणावे काय? होव बोणावहे ,जीना रुटान कोरता आपु बोगवानोह दोन्यवाद कोयतला ।

¹⁷काहाके एकुज रुटु से,आपु परबु बोजमा एकुज रुटामा दोखा मुडीन आखा गोवांदया ओयीन खातला ,कोरीन आपु होंटा से, ती बी आपु आखान एकुज डील से।¹⁸इसरायेली माणहोन रीतोन बारामा वीचार कोरु ,ज्यु जोनवरोह मारीन चोडावलो बादान खाणो खातलु ,ते च्यु बी बोगवानोन उटलान गोवादयु बोण जातलु से की नी ? एंहे ओरे ते ज्या माणहे मुरतीन चोडावलो खाये ते च्या बी मुरती पुजणेमा गोवांदया बोण जातला ।

¹⁹मी बादा चोडावणेन उटलान दाखलु देखाडीन कयतलु के मुरतीपोर चोडावलो खाणो बी खास नींबे , एने मी नी कयतलु के मुरती बी खास से ।²⁰ज्या माणहे परबु पोर बुरहु नी कोरतला च्या कयताह बी बादा चोडावतला ते च्या बोगवानोह बादा नी चोडावतला, पुण च्या बुतडाह बादा चोडावतला ,पुण मी मारी इस्या के तुमु बुतडा हाते कायीज वेवार नी राखणु जुवे ।

²¹येसु मोसी आपणे कोरता मरलु ,यो ओर कोरनेन कोरता परबु बोजोन टेमे तुमु रुटु खातला एने दोरकस्यान रुह पीतला, फोसा तुमु जायीन केहेंकाय बुतडान चोडावलो खाणो खाय सोकतला ? तुमु बोगवानोन ,ऐने बुतडान दुयोन बी गोवांदया नी बोण सोकतला।

²²आपु पोरबुह कीचवाडतला के ? आपु सोताह तीना दोखा ताकोत वावा सोमजतला के?²³एकुज कोय सोकतलु ,मेहे बींदास आखो काम कोरने होक से, पुण आखो काम तेर कोरता होबे नी ,मेहे बी बींदास आखो काम कोरनेन होक से, पुण आखो दीहराह बोक्तीमा वोडने फायदु नी ओये ।

²⁴कुण बी सोतान फायदान कोरता कायीज जुण कोरता, पुण तुमु दीहरान फायदान कोरता वीचार करजु ।²⁵खाटकडापाह मांह वेचाता लीन तुमु खाय सोकतला, पुण मुरतीह चोडावलो ओहे के नी ओहलो तुमु सोवाल जुण फुसता,जोर तुमु फुसे ते तुमरा मायला मोनमा सोंका आवहे ।

²⁶काहाके कोवी एने तीनामायला आखो परबु बोगवानोन से।

²⁷जोर एक बीगुर वीस्वासी तुमुह तेर गोरमा खाणो खाणे नेवतो आपे ते तुमरो मोन ओय ते तुमु जायीन खाय सोकतला ,पुण च्यो मुरतीन चोडावलो से के? मी खाय सकतलु के नी कोरीन तुमरा मायला मोनमा सोवाल जुण फुसता ।²⁸पुण जोर हाते बोठीन खाणारु तुमुहु कोये ,के यो खाणो मुरतीह चोडावलो से,तेर कोरता ,एने एंहे तुमरा मायला मोनमा विचार धोखा तुमु च्यो खाणो जुण खाता ।

²⁹तार कोरता नी ,बाकीन दीहरा मायला मोनोमा काय वीचार आवहे तेर बारामा हाजीहुते वीचार कोर ,काहाके आखो खाणे तोहो होक से, दीहरु तोहो ज्यो तु करतलु च्यो गोलत से,कोरीन नी कोय सकतलु ,काहाके तु काय कयतलु च्यो तीनाह ओतरोज गोलत लागहे ।

³⁰जोर मी च्यो खाणो बोगवानोह दोन्यवाद कोयीन गवादयी बोणीन खांव ते मी काहा गुनावालु ठोरो?³¹मी तुमुह कोयतलु के ज्यो काय तुमु खातला ,पीतला एने काय बी कोरतला ,आखो तुमु बोगवानोन मोहीमान कोरता कोरु ।

³²ज्यो काय तुमु कोरतला ,तीनामा दीहरान कोरता ,ज्या येहुदी ओहे , नीते युनानी , नी ते बोगवानोन मांडली मायला विस्वासी ओहे ,तीनुह पापोमा पोडीन नी जुवे ।

³³मार फायदान कोरता मी यो नी कयतलु ,पुण दीहरान फायदान कोरता,एने मेहे काय पोटतलो ,च्यो मी करतलु ,काहाके मी दीहरान कोरता काय करतलु तीनामा तीदंरु सुटकारु ओय जाहे ।

Chapter 11

¹मी जोहलो येसु मोसीन वातु मानीन रोयलु , तोहला तुमु बीमार होसुज वात मानीन रोयजु।

²मी तुमरी वाह वाह करतलु के ज्यो मी तुमुह हिकाडलु तीना येशु मोसी वातोह तुमु होमेस्या ओर कोरता जायीन मी तुमुहु होंबवलु मारी आखी हीकोह मानीन रोयतला कोरीन मी होंबवलु।

³पुण मी तुमुहु यी खोबर ओर कोरावणे हुत्तलु के आखा माणहोन मुंडको मोसी से , लाडीन मुंडको माटी से , एने मोसीन मुंडको बाह बोगवान से।

⁴जोर मोंडलीमा कालबु बी माणुह तेर मुंडोपोर लुगडो मेकीन पोरथना कोरे नी ते बोवीस्या कोये ते च्यु मोसीहोह लाजवाड देतलु , काहाके मोसी तेर मुंडको से।⁵जोर एक बायोर उगावडा मुंडके पोरथना कोरे नी ते बोवीस्या कोये ते च्यी तेर माटीह लाजवाड देतली ज्यु तेर मुंडको से , च्यी तेरो मुंड टाली कोरावलान बोराबोर से।

⁶जोर एक बायी तेर मुंडोह उगाडलो राखे ते तीनीह तेर जुटा कातरावणु पोडहे ,जोर च्यी टाली कोरने नी ते जुटा कातरावणे लाजवायतली ते तीनीह तेर मुडोंपोर लुगडो पांगरनु पोडहे ।⁷माणहोह तेर मुंड डाकणेन जोरुडी नीम्बे , काहाके बोगवान तिनाहा तेर रुपोमा तेरी मोहीमान कोरता बोणावलु से, पुण एक बायोर माणहोन होबा से।

⁸काहाके बोगवान बायोरोह माणहो दोखु बोणावलु ,पुण माणुह बायोर दोखु नी बोण्यु ।⁹बोगवान बायोरोन कोरता माणुह नी बोणाव्यु ,पुण च्यु माणहोन कोरता बायोर बोणाव्यु ।

¹⁰माणहोह बायरापोर होक से ,तोहलो सोरगदुतोनुह देखाडनेन कोरता बायोर तेरो मुंडोपोर लुगडो मेकीन रयणु जुवे।¹¹परबु बोगवानोन नोजरोमा दुय बी एक हारका से,माणुह बीगुर बायोर नीम्बे ,बायोर बीगुर माणुह नीम्बे ।

¹²यो खोरो से, के पेल बोगवान माणुह दोखु बायीह गडलु ,पुण ओवता आखा माणहे बायरान पेटे दोखा पोयदा ओयला ,पुण बोगवानुज आखो बणावलु ।¹³एंवी तुमु तुमरे तुमरे विचार कोरु , के बायी मुंडोपोर लुगडो पांगरे बीगुर बोगवानो पाह पोरथना करनु होबहे के?

¹⁴माणहे नांबला जुटा राखहे ते च्यी लाज आवे ओहली वात से, यो नेमोन रीते देखणे जाहु ते बी एंहेज से ने ।

¹⁵पुण यो जोर बायोर नांबला जुटा राखे ते तेर कोरता होबा से,काहाके नाबंला जुटा तीनीह मुंड डाकणेन कोरता आपणेन आव रोयाह।

¹⁶पुण जोर कुण इन वातोन बारामा जोखडी पोडने हुदे ते आपणे वीस्मा एने बोगवानोन मोंडलीमा ओहली रीत नीम्बे कोरीन तीनाह मालुम रयणु जुवे।¹⁷मी तुमुह उंजु एक वात कोडक कोयणे हुत्तलु ,एने मी तुमरी वाह वाह नी करतु ,काहाके जेतार तुमु बोगवानोन बोकती कोरने टुव्वायतला ,ते तुमु तुमरी जीवाय हुदारने नी ,पुण नास कोरने टुव्वायतला ।

¹⁸जेतार तुमु बोगवानोन बोकती कोरने टुव्वायतला ते तुमरी मोंडलीमा फाटाफुट ओय गोयी, कोरीन होंबीन मी थुडु थुडु बुरहु बी करतलु , एने मेहे लागतलो के च्यो खोरो से ।

¹⁹यो खुब हाजो से,के तुमरे वीस्मा फाटाफुट ओयणुज जुवे,तेतार तुमरामा खोरु वीस्वासी कुण से, कोरीन आखा माणहोह मालुम पोड जाहे।²⁰जेतार तुमु बोगवानोन बोकती कोरने टुव्वायतला ते खोराखोर तुमु पोरबुन मोतोह ओर कोरीन पोरबुन मोतोह ओर कोरीन परबु बोज नी खातला ।

²¹काहाके जेतार तुमु पोरबु बोज खाणे टुव्वायतला ते थुडाक माणहे पेलेन आवीन वोततो खाय लेतला ,एने च्या दीहरान बारामा बी वीचार नी कोरतला , च्या खाता पीता रोयतला , एने दोरकस्यान जेवण आवलु रुह वोततो पीयीन साक जातला ,तीनामा थुडाक माणहे सेवलीवार बुखला रोय जातला।

²²पावणाय कोरीन खाणे पीणे तुमरो गोर नीम्बे काय ? तुमु बोगवानोन मोंडली मायलान इज्जुत वेरतला ,एने गोरीब माणहोह लाजवाड देतला ,मी तुमुह काय कोयो ? मी तुमु वाह वाह कोरो के ? नी मी नी वाह वाह कोरो ।²³ज्यो काय परबु बोगवान मेहे हीकाडलु च्योज मी बी तुमुह हीकाडतलु ,एने जीनी राती परबु येसु दोरायणेवावु ओतु ,तीनी राती यीसु आथोमा रुटु लेदयु ।

²⁴एने बोगवानोह दोन्यवाद कोरीन ,च्यु रुटु मुडीन कयु ,यो मोरो डील से,ज्यो तुमरे कोरता आपायलो से,तुमु मेहे ओर करनेन कोरता योज कोय्या कोरजु ।²⁵इने रीते रुटु खायीन नोवरायीन ,च्यु दोरकस्यान रुहोन पीयलो लीन कयु ,यो पीयालो मार नोवला वायदान लुय से,जेतार तुमु ओहलो पीयालो पीये तेतार मेहे तुमु ओर कोरनेन कोरता यीज रीत तुमु कोरया कोरु ।

²⁶येसु मोसी फसु आवे तांहलोगोण जेतार बी यु रुटु खातला , एने इन दोरकस्यान रुह पीतला ते इन दुनीयान माणहोन कोरता परबु जीव आपलु से,कोरीन पोरचार कोरतला ।²⁷कोरीन ज्यु कुण परबु बोजोन खास मोतलब नी सोमजीन यु रुटु खाये एने इना पीयालाम दोखो पीये ते च्यु मोसीन डील एने लुयोन वीरुद पाप करतलु गीणायहो ।

²⁸कोरीन आखा माणहे तीदंरा मायला मोनह हाजीहुते फॊरकणु जुवे , के माराम काय बी पाप से के नी ओवता तीना रुटाम दोखा खाणु जुवे , एने इन पीयालाम दोखो दोरकस्यान रुह पिणु जुवे ।

²⁹काहाके ज्यु कुण येसु मोसीन डीलोन खास मोतलब नी सोमजीन यु रुटु खातलु एने इना पीयालाम दोखो दोरकस्यान रुह पितलु ते च्यु सोतापोर डोंह लावहे।

³⁰कोरीन तुमरामा खुब माणहे लुला ,एने खुब मांदला रोयतला , एने वारुज माणहे मोरी बी गोया ।³¹कोरीन जोर आपु काय कोरतला कोरीन होस कोरीन पेलेन फारकी लेहुं ,ते परबु आपहु डोंड नी आपे ।

³²परबु आपणु नीयाव करतलु एने डोंड आपीन हीकाडतलु ,काहाके आपु इनी कोवीन माणहो हाते गुनावाला नी गीणायणु जुवे।³³कोरीन ए मारा बायह बोणहा, तुमु परबु बोज खाणे टुव्वायतला, ते तुमु परबु बोज खाणेन पेल एक दीहरान कोरता वाट जुव्या करजु ।

³⁴एने जोर एकदु बुखलु ओहे ते तेर सोतान गोरमा खाय लेये ,नी ते जेतार तुमु यो रीत कोरने टुव्वायतला ते ओहली रीत कोरया कोरु ,तेतार बोगवानो खेर दोखो तुमुह डोंड नी जुडे ,रोयली बोठी हीकोह जेतार मी आवीह तेतार कोयापीह ।

Chapter 12

¹ए मारा बायह बोणहा,पोवित्र जीव आत्मा तुमुह जुडला आत्मान वोरदानोह तुमु हाजीरीते जावणु जुवे कोरीन मी इस्या करतलु ।

²तुमु ते जाणतला ने जेतार तुमु बोगवानोन पोर बुरहु नी कोरनारा दीहरी जातिन माणहे ओता तेतार बीगुर जीवोन मुरती ओगोव मोनवावीन गोलत वाटे चालतोता।

³कोरीन मी तुमुह कयतलु के कुण बी पोवित्र जीव आत्मान ओगवायी दोखु बुलतलु ,च्यु येसु सोराप वालु से एंहे नी कोय सोकतला ,एने येसु मारु परबु से कोरीन कुण बी पोवित्र जीव आत्मान ओगवायी बीगुर बी नी कोय सोकतलु।⁴आपु आखा नुह बोगवानोन जीव आत्मान बात बातीन वोरदान जुडला से,पुण पोवित्र जीव आत्माज आखा माणहोह वोरदान आपतली ।

⁵माणुह मोंडलीमा बात बातीन सेवा कोर सकतलु ,पुण यी आखी सेवा एकुज परबुन कोरता से।

⁶माणहोह लागाडीन बोगवान बात बातीन काम करतलु ,पुण एकुज बोगवान यो आखो काम कोरनारु से।⁷पोवित्र जीव आत्मान वोरदान एकेक वीस्वासीन कोरता आप रोयुह,एने आखा मोंडलीन माणहोन फायदान कोरता आप रोयुह।

⁸पोवीत्र जीव आत्मा एकदाह ओक्कोल हाते बुलनेन वोरदान आपतलु,एने एकदाह खुब वात सोमजाडनेन कोरता वोरदान आपतली।⁹एने पोवीत्र जीव एकदाह बुरहु कोरनेन वोरदान आपतलु , एने एकदाह मांदला माणहोह हाजा कोरने वोरदान आपतलु ।

¹⁰एने एकदाह पोवीत्र जीव आत्मा चोमत्कार कोरने वोरदान आपतलु , एने एकदाह आत्माह उवोखणेन वोरदान आपतलु , एने एकदाह ओनजावडी बास्या बुलनेन वोरदान आपतलु , एने तीनी ओनजावडी बास्याह सोमजाडने वोरदान आपतलु ।

¹¹पुण यीज पोवीत्र जीव आत्मा च्यो आखो काम कोरने वोरदान आपतलु , एने सोतान इस्या दोखी च्यीज आखाह बात बातीन वोरदान आप देतलु ।¹²जोहलो एक माणहोन डीलोमा बात बातीन आंगे से, पुण एकुज डील से,तोहलो होंटा वीस्वासी से ती बी च्या बोठा मोसीन एकुज डीलोन होस से।

¹³जोर आपु येहुदी रोयहुं नी ते बीगुर येहुदी रोयहु ,नी ते गुलामोमा रोयणारा रोयहुं , नी ते सुटला रोयहुं ,ती बी आपु आखा बोगवानोन पोवित्र जीव आत्मा मा बापतीस्मा लीन एकुज डीलोम बेसकायला से, एने आपु आखा एकुज जीव आत्मान पीयालाम दोखो पी बी लेदला ।¹⁴माणहोन डीलोम बात बातीन आंगे से ती बी एकुज डील से।

¹⁵जोर पाय कोये ,मी आथ नींम्बे कोरीन मी डीलोन नीम्बे ,ते काय च्यो डीलोन नीम्बे,एहे कोय सोकतला के ?

¹⁶जोर कान कोये मी डुवा नीम्बे कोरीन मी डीलोन नीम्बे, ते ते काय च्यु डीलोन नीम्बे एहे कोय सोकतला के?

¹⁷जोर आखो डील डुवाज रोयता ते केहेंक होंबोवता ? एने जोर आखो डील कानुज रोयतो ते केहेंक हुंगता ?¹⁸बोगवान तेर सोतान इस्या दोखु डीलोन आखा आंगोह हाजीहुते डीलोमा मेक रयलु से ।

¹⁹जोर आखा आंगे एकुज रोयता ते डील कांहरी रोयतो?

²⁰कोरीन आंगे ते होंटा से पुण एकुज डील से।²¹कोरीन डुवु आथोह मेहे तारी जोरवुत नीम्बे ओहलो नी कोय सकतलु,तोहलो मुंड पायोह मेहे तारी जोरवुत नीम्बे कोरीन नी कोय सकतलु।

²²आपणा डीलोन थुडाक आगोह खास नी सोमजतला ,पुण तीनु आंगोन बीगुर आपु कायीज नी कोर सोकतला।

²³एने जीना डीलोन आंगोह आपु कोमजुर सोमजतला,तीन आंगोह आपु खुब सोमावतला ,एने ज्या आंगे हाजा नी देखायतला तीनुह आपु खुब होंबाडतला।

²⁴ज्या आंगे हाजा देखायतला तीनु आंगोह आपु होंबाडनेन जोरुडी नीम्बे,बोगवान आपणा डीलोन आखा आंगोह हाजीहुते बोणाव रोयलु ,एने ज्या वीण होंब्या आंगे से,तीनुह वोत्ती ईज्जुत बी जुडतली ।²⁵कोरीन आपणा डीलोन आखा आंगे एक दीहरा हाते फाटाफुट नी ओयणु जुवे, एने एक दीहरान एक हारकी कावजी करनु जुवे।

²⁶जोर डीलोन एक आंगोह दुखे ते आखा आंगोह दुखतलो ,एहेंज एक आंगोन बोडायी ओये ते आखा आंगे खुस ओयतला ।

²⁷कोरीन आपु आखा येसु मोसीन एकुज डीलोन बाती बातीन आंगे से।²⁸बोगवान मोंडलीमा बात बातीन काम कोरनेन कोरता माणहोह ठोरावलु ,चेला येसु मोसीन नेवतो पुचाडनारा चेला से ,दीहरा बोवीस्य कोयणारा से,तीसरा बोगवानोन वातु हीकाडनारा , एने चोमत्कार कोरनारा से, एने मांदला माणहोह हाजा कोरनारा ,एने दीहराह मोदत कोरनारा से, एने दीहरान ओगवायी कोरनारा ,एने बात बातीन बास्या बुलनारा ।

²⁹आखा नेवतो पुचाडनारा चेला नीम्बे , एने आखा बोवीस्या कोयणारा नीम्बे , एने आखा वातु हीकाडनारा नीम्बे , एने आखा चोमत्कार कोरनारा नीम्बे ।³⁰एने आखा मांदलाह हाजा कोरनेन वोरदानवाला नीम्बे , एने आखा बात बातीन बास्याह सोमजाडनारा नीम्बे ।

³¹कोरीन बोगवानोखेर दोखो ज्यो वोरदान दीहरान कोरता खुब फायदान से,च्यो मांगणे तुमु खुब इस्या कोरु,एने एंवी मी खुब खास वात तुमुह कोयोह ।

Chapter 13

¹मी माणहोन एने सोरगदुतोन बुली बुलो ते बी जोर मी दीहराह मोंग नी कोरो ते मारो आखो काम पीतव्यान ताबान होस ,एने खोवखीच्यान आवाजोन होस से।

²एने जोर मेहे दिहरान कोरता बोवीस्य कोयापणेन वोरदान रोयहे , एने जोर बोगवान लीकाडीन मेक रोयलु बाजरोयाद सोमजणेन वोरदान रोयहे , एने आखो जाणनेन ओक्कोलोन वोरदान रोयहे, एने जोर मेहे बोयडा सेटु कोरनेन पोक्कु बुरहु बी रोयहे ते बी जोर मी दीहराह मोंग नी कोरो ते मी कायीज नीम्बे।

³मी मारो आखो मालदोन गोरीबोन दान आप देव ,एने मारो डील होलगाडने आप देव ती बी जोर मी दिहराह मोंग नी कोरो ते मारु कायीज फायदु नीम्बे ।⁴मोंगावु माणुह कयलु रोयहे च्यु खुब दिर राखहे ,एने दोया कोरहे , एने कुहराये नी ,एने सोतान बोडायी बी नी कोरे ।

⁵मोंगावु माणुह दीहरा हाते जेहे पोटे तेंहे वेवार नी कोरे ,एने सोतान फायदु नी हुदे मोंगावु माणुह दीहरान जोलही नी कीचवाये ,एने दीहरान कुयरोयोन इसाब नी कोरे ।

⁶एने मोंगावु माणुह दीहरा पाप कोरे ,ती बी खुस नी ओये , पुण दीहरा खोरी वात पोर चालतला देखीन खुस ओयहे ।

⁷मोंगावु माणुह काल्ली बी हालोमा बुरहु नी सुडे पुण आखी वातोमा हाजो ओय कोरिन आखी वात वेठ लेहे ,दीहराज पापोह बी माफ करतु रोयहे, एने आखी वातोन दीर राखहे ।⁸बोगवानोन वात कोयणेन वोरदान होर जाहे ,बाती बातीन बास्या बुलनेन वोरदान बी होर जाहे ,पुण मोंग कोदी नी होरे ।

⁹काहाके बोगवान आपलु सोमजणेन ओक्कोलोन वोरदान बी आपरो से, एने बोवीस्य कोयणेन वोरदान से ते बी आपरो से ।

¹⁰पुण परबु येसु आवीन आपुह सोमजाणेन ओक्कोलोन वोरदान आपहे , एने बोगवानोन पुरी वातु कोयापहे ,तेतार ज्यी वात आपरी से,च्यी जात रोयहु ।¹¹एर बारामा मी एक दाखलु कोयतलु के जेतार मी आयतु ओतु तीन टेमे मी आयतला पुरयान होस बुलतोतु ,एने आयतला पुरयान होस वीचार कोरतलु, एने आयतला पुरयान होस मार ओक्कोल ओती , पुण जेतार मी मोटु ओय गोयलु , ते मी आखी आयतला पुरयान वात सुड देलु।

¹²कोरीन एंवी मेहे ज्यो काय बोगवानोन बारामा मालुम से,च्यो आखो आरहामा जींजवायलो देखायतलान होस आपरो से, पुण जेतार मी बोगवानोह ओंवी साव्वु देखीन ते ज्यो काय आपरो से,च्यो आखो जात रोयहे , एने जेंहे बोगवान मेहे पुरु जाणतलु तेहे बोगवानोह मी पुरु जाण लीह ।

¹³बुरहु, आसा एने मोंग या तीनु जोलोम रोयहे ,पुण आखा दोखो मोंगुज मोटो से ।

Chapter 14

¹तुमु मोंगोन वाटे चालीन एक दिहरापोर मोंग कोरता रोयु, एने पोवित्र आत्मान वोरदान जुडवु जुवे ,कोरीन इस्या कोरु,खास कोरीन तुमु बोवीस्य कोयणेन वोरदान हुदु ।

²काहाके ज्यु बाती बातीन बास्या बुलीन पोरथना कोरे ,च्यु माणुह माणहो हाते नी , पुण च्यु बोगवानोन हाते बुलतलु तेरी बास्या कुणीह बी नी सोमजे ,काहाके च्यु पवित्र आत्मान मोदत दोखु बुलतलु ,पुण तेर बुल लीकायली वातोन होस से, कोरीन च्यी वात कुणीज नी सोमज सोकतला ।

³पुण बोवीस्य कोरणारु जेतार बोवीस्य कोये ते माणहोह तीदंरा बुरहामा ओगोव वोडने ,एने हिम्मत जुडने ,एने सांती जुडने मोदत कोरतलु ।

⁴ज्यु कुण बाती बातीन बास्या बुले ,च्यु सोतान बुरहु पोक्कु कोर देतलु ,पुण ज्यु बोवीस्य कोरणारु से,च्यु मोंडलीन आखा माणहोन बुरहु पोक्कु कोर देतलु, पुण ज्यु बोविस्य कोयणारु से,च्यु मोंडलीन आखा माणहोन बुरहु पोक्कु कोर देतलु।⁵मी तुमु आखा बाती बातीन बास्या बुलणु जुवे ,एहे हुत्तलु , पुण मारी खास इस्या यी से के तुमु आखा बोगवानोन बोवीस्या कोयणारा बोणनु जुवे,काहाके जोर तुमु बोवीस्य कोयणारा रोयहे ,ते आखी मोंडली बुरहामा ओगोव वोडहे ,जोर कुण बाती बातीन बास्या बुले ते च्यु काय नी सोमजाडतलु ,तीनामा बाती बातीन बास्या बुलनारा दोखु बोवीस्य कोरणारु खुब फायदान गीणायहे ।

⁶ए मारा बायह बोणहा,जोर मी तुमुपाह आवीन बाती बातीन बास्या बुलो ते तुमुह केहेक फायदु ओयहे? पुण जोर मी बोगवानोखेर दोखु काय बी लीकायली वात बुलो,नी ते ओक्कोल देखाडो,नी ते बोवीस्या कोयो नी ते हीक हीकाडो ते तुमुह फायदु ओयहे।⁷जोर रुणथु ,नी ते पावी जीनाम जीव नीम्बे ,च्यो वाजाडे,ते रेंगोमा कायीज फोरक नी देखाय पोडे ते रुणथु वाजेह के नी ते पावी वाजेह कोरीन कुणीह बी मालुम नी पोडे।

⁸जुलायणारा युद्ध कोरनेन तीयारीन कोरता पेपारयो वाजाडे

,च्यो बोराबोर रेंगोमा नी वाजाडे ते सोयनीके केहेंकाय युद्ध कोरनेन कोरता जाय सोकतला?

⁹जोर कुण बी नी सोमजे ओहली बाती बातीन बास्या तु बुले ते माणहे केहेंक तुमरी बुली सोमजहोत ? एने तुमरी बुली तीनुह सोमजमा नी आवे , ते तीनुह ओहलो लागहे के तुमु उदुड बोड बोड कोरतला ।¹⁰इन कोवीमा बाती बातीन होंटा बास्या से,तीनु मायली एक बी बास्या बीगुर मोतलोबोन नीम्बे।

¹¹जोर मी काली बी बास्या नी सोमजो ते ज्या माणहे च्यी बास्या बुलनारा से,च्या मेहे ओनजावडु सोमजहोत ,ऐने मी बी तीनुह ओनजावडा सोमजीह ।¹²तुमु पोवित्र जीव आत्मान वोरदान जुडने ,खुब जीत पोडीन रोयतला, कोरीन तुमु आखा मोंडली मायलाह बुरहामा पोक्का कोरनेमा फायदु ओये तोहलो वोरदान बोगवानोपाह मांगु ।

¹³कोरीन ज्यु ओनजावडी बास्या बुलतलु तेरो मोतलब बी सोमजाडनेन वोरदान जुडनेन कोरता ,च्यु पोरथना कोरनु जुवे।

¹⁴जोर मी ओनजावडी बास्या मा पोरथना कोरो ते खोराखोर मी आत्मामा पोरथना कोरतलु कोवाय ,पुण मी काय बुलतलु च्यो मेहे पोले नी पोडे ।¹⁵जोर एंहें ओहे ते मी काय कोयो ? पोवित्र जीव आत्मान मोदोत दोखु ,मी ओनजावडी बास्या मा पोरथना कोरन्यु ,एने गीत गावण्यु ,एने मी मारी ओक्कोल लागाडीन माणहोह पोले पोडे ओहली बुलीमा बी मी पोरथना कोरन्यु एने गीत गावण्यु।

¹⁶जोर मी जीव आत्मामा बोगवानोह ओनजावडी बास्या मा दोन्यवाद कोरो ते ज्या माणहे तार च्यांहरी बोठ रोयहे ,च्या केहेंकाय आमीन कोयहोत ? काहाके च्यी बास्या च्या काय नी सोमज सोकतला।¹⁷तु हाजीहुते दोन्यवाद कोर देल्लु,पुण ज्या माणहे च्याहारी बोठ रोयतला तीनुह तीनाम दोखु तीदंरी आत्मान जीवायमा कायीज फायदु नीओये

¹⁸तुमु आखा दोखु मी ओनजावडी बास्या ज्यी मी नी हीकलु ओतु खुब होंटा बास्या बुल लेतलु ,कोरीन मी बोगवानोह दोन्यवाद कोयतलु ।

¹⁹पुण मोंडलीमा ओनजावडी बास्यान होस ओजार सोब्दोह बुलीन हीकाडने दोखु आखा सोमजे ओहला पाच सोब्दोमा माणहोह हीकाडने मेहे खुब पोटतलो ।²⁰ए मारा बायह बोणहा,सोमजणेमा पुरयान होस जुण बोणता ,बाकीन खोराब कामोन वातोमा आयतला पुरयान होस बीगुर गुनावाला रोयु , पुण सोमजमा उस्यार बोणजु ।

²¹पोवीत्र पुस्तकोमा एंहे लेखाय रोयोह,पोरबु कोयु ,मी दीहरा देसोन माणहोह तुमु पाह मुकोलन्यु से,काहाके च्या ओनजावडा से, एने च्या तुमरी बास्या बुलनारा नीम्बे ,तीदंरे मुये दोखु मी तुमरे हाते बुलन्यु से,ती बी तुमु मेहे पोर बुरहु नी कोरे,एने मार वात नी माने।²²ओनजावडी बास्या बुलनेन वोरदान यीसु पोर बुरहु कोरनारा कोरता नीस्याणीन होस नी ,पुण बुरहु नी कोरनारान कोरता नीस्याणीन होस से ,पुण बोवीस्या कोयणेन वोरदान बीगुर वीस्वसीन कोरता नीस्याणीन होस नी ,पुण बुरहु कोरनारान कोरता नीस्याणी से।

²³जेतार आखा माणहे मोंडलीमा टुव्वायतला ते,जोर आखा माणहे ओनजावडी बास्या बुलतला ते, एकदा इनी बास्यान बारामा कायीज नी जाणनारा ,नी ते बीगुर विस्वासी उचकाहलाज च्याहारी आवहोत ,ते च्या तुमुह देखीन या गांडा से,एंहे नी कोये के?²⁴पुण जोर आखा बोवीस्या कोये ते एकदा बीगुर वीस्वासी नी ते एकदु इनी बास्यान बारामा कायीज नी जाणनारु मायतु आवहे ते ,च्यु तेर सोतान जीवाय फारकी लेहे ,एने च्यु सोताह बोगवानोखेर दोखु डोंड जुडे ओहलु मी पापी से कोरीन मानने बाज जाहे ।

²⁵एने तेर मोनोन लीकायलु वीचार देखाय जाहे , एने च्यु मांडा टेकीन बोगवानोह वोदींन खोरु बोगवान तुमरे वीस्मा से कोरीन मान लेहे ।²⁶ए मारा बायह बोणहा,जेतार। बोगवानोन बोकती कोरने टुव्वायतला ते तुमरामा थुडाक गीते गावतला ,थुडाक बोगवानोन वातु हीकाडतला ,थुडाक बोगवानोन वातु सोमजाडतला ,थुडाक ओनजावडी बास्या बुलतला,थुडाक बास्या बारामा मोतलोब सोमजाडतला,बुरहामा वोडनेन कोरता यो आखो कोरु ।

²⁷जेतार एकदा ओनजावडी बास्या बुले ते,दुय नी ते तीन माणहे बुलनु जुवे ,एने च्या एकेक कोरीन वार वारया बुलनु जुवे, एने दीहरु तेर बारामा मोतलोब सोमजाडनु जुवे ।

²⁸पुण जोर कुणीह बी मोंडलीमा ओनजावडी बास्यान बारामा मोतलोब नी सोमजाडतलु ते ,ज्यु ओनजावडी बास्या बुलतलु,च्यु ठावकु रोयणु जुवे, एने च्यु बोगवानो हाते बुलनु जुवे।²⁹दुय नी ते तीन एकेक कोरीन वार वारया बोवीस्या कोय सोकतला , एने बाकी बोठा च्यो खोरो से के नी कोरीन फारकणु जुवे।

³⁰जोर एक बोवीस्य कोयतु रोये तेतार बोगवान दीहरा एकदाह काय बी वात देखाडे ते ज्यु पेल बुलनारु ठावकु रोयणु जुवे, एने दीहराह सोंदी आपणु जुवे।³¹जीनाह बोगवान तेर वातु देखाडे च्या एकेक कोरीन वार वारया बोवीस्य कोयणु जुवे ,तीनामा आखा वीस्वासी बोगवानोन वातु हिकहे ,एने तुमरा आखान मोनमा हीम्मोत जुडहे ।

³²जीनुह बोवीस्य कोयणेन वोरदान जुडलो च्या तीदंरो जीव आत्मा बोगवानोन का काबामा मेकीन तीन वौरदानोह हाजीहुते वापरने वाट जुवणु जुवे ।

³³मोंडलीमा बोगवान गोडबोडी कोरनारु नीम्बे , पुण सांतीन बोगवानोन इस्या यी से के ,आखी मोंडली मायला आखा पोवीत्र माणहे सांतीन रीते जीवणु जुवे।³⁴मोनडलीमा वीस्वासी बोकती कोरने आवतला ते ,बायरा ठावका बोगवानोन वातु होंबोवणु जुवे , एने मोंडलीमा बायराह कायीज सोवाल फुसणेन हुकुम नीम्बे , काहाके पोवित्र पुस्तोकोमा एहे लेखाय रोयोह के,बायरा माटीन काबामा रोयणु जुवे।

³⁵जोर बायराह बोगवानोन बारामा हीकणे मोन ओहे ते तीदंरा गोरमा जेर तेरा माटी दोखा हीकणु जुवे ,बायरा मोंडलीमा बुले ते यी लाज आवे ओहली वात से।

³⁶बोगवानोन वातु तुमु पाह दोखी सुरवात ओय गोयली ,एने तुमरे कोरता ओतरीज आपायली से,एंहे वीचार कोरतला के?³⁷जोर तुमरा मा कुण बी मीज ज्यु बोवीस्य कोरणारु से, एने मीज पोवीत्र जीव आत्मान वातु मानीन रोयतलु एंहे वीचार कोरतलु ते तीनाह मी ज्यो काय तुमरे कोरता लेखतलु ,च्यो मालीक बोगवानोन हुकुम से,एंहे मानीन रोयणु जुवे।

³⁸पुण जोर कुण यो बोगवानोखेर दोखु आवलू हुकुम से कोरीन नी माने ते तीदंरी वात जुण मानता ।³⁹कोरीन मार बायह बोणहा ,बोवीस्य कोयणे इस्या कोरु, एने ज्या ओनजावडी बास्या बुलतला तीनुह बी मा रुकु ।

⁴⁰पुण मोंडलीन आखी वातु होस कोरीन एने हाजीहुते कोरु ।

Chapter 15

¹ए मारा बायह बोणहा,एंवी मी तुमुह हीकाडलु च्यी यीसु मोसीन हाजी खोबोर फोसु तुमुह ओर कोरावणे हुत्तलु,तुमु तीनी हाजी खोबोरोह ,मानीन पोक्कु बुरहु कोरतला से।

²एंने मी हीकाडलु तीनी हाजी खोबोर पोर जोर तुमु हाजीहुते बुरहु कोरीन रोयतला ते ,तुमु वाच जाहोत ,नी ते तुमरु बुरहु कोरनु वायबार से।³मेहे जुडली हाजी खोबोर ज्यी खुब खास से,च्यी मी तुमुह पेलेन कोयलु ओतु ,च्यी हाजी खोबोर एंहे से, के पोवीत्र पुस्तकोमा एंहे लेखाय रोयोह के यीसु मोसीन आपणा पापोन कोरता जीव आपलु से।

⁴एने पोवीत्र पुस्तकोमा जेहें लेखलो तेहें तेर डील गुफान मोटयामा मेकला एने तीसरे दीह च्यु जीवतु ओय गोयलु से।⁵एने पोतरसोह देखाय एने ओवतु बारा नेवतो पुचाडनारा चेलानुह देखाय ।

⁶ओवतु पाच होव दोखा वोत्ता वीस्वासी बायहोनुह एकुज टेमे देखायु तीनुमायला थुडाक एंवी बी जीवतला से,एने थुडाक मोर गोयला।

⁷ओवतु याकुबोह एने आखा नेवतो पुचाडनारा चेलानुह देखायुलु ।⁸एने मी ते बीगुर टेमे पोयदा ओयला पुरयान होस मी बीगुर टेमे चेलु बोणलु से,ती बी आखरीमा च्यु मेहे बी देखायु।

⁹आखा नेवतो पुचाडनारा चेला मा ,मी खुब कोम लायकोन से,यीसु मोसीन नेवतो पुचाडनारु चेलु बोणीन रोयणेन बी मी लायक नीम्बे काहाके बोगवानोन मोंडलीन वीस्वासी माणहोह मी खुब सोताडलु से।¹⁰पुण बोगवानोन दोया दोखुज एंवी मी नेवतो पुचाडनारु बोण गोयु ,बोगवान मेहे दोया देखाडलु ,च्यो वायबार नीम्बे , एने यीसु मोसीन दीहरा आखा चेला दोखु मी खुब मेहनुत कोरलु ,च्यो बी मारा ताकोतमा नी ,पुण बोगवानोन दोया दोखुज कोरलु।

¹¹मी तुमुह वात देखाडे ती बी,नी ते दीहरा चेला तुमुह वात देखाडे ती बी कायीज फोरक नीम्बे , काहाके ज्यी हाजी खोबोर आमु आखा तुमुह पोरचार कोरला ओता तीनीज वातोपोर तुमु बुरहु कोरता आवला ।¹²मोसी मोरलाम दोखु जीवतु उठलु यी खोबोर आमु तुमुह पोरचार कोरला से ने? जोर एंहे से ते मोरला माणहे मोरलाम दोखा जीवता नी उठे कोरीन तुमरामा थुडाक माणहे केहेंकाय कोय सोकतला ?

¹³जोर मोरला माणहे जीवता उठणु नीम्बे नी ते बोगवान मोसीहोह बी मोरलाम दोखु जीवतु नी उठाडयु एंहे वात ओय जाहे?

¹⁴पुण ,जोर बोगवान यीसु मोसीह मोरलाम दोखु जीवतु नी उठाडयु एंहे से ते आमु पोरचार कोरला च्यी हाजी खोबोर बी वायबार ओय जाहे,एने तुमरु बुरहु बी वायबार ओय जाहे।¹⁵तीना दोखा उंजू,आमु बोगवानोन विरूद्ध ठोगतला कोवायहु, काहाके आमु गोवायी आपतला के बोगवानोन यीशु मसीहोन मोरलाम दोखु जीवतु उठाडलु से,पुण ज़ोर मोरला माणहे जीवता नी उठे,यो खोरो नी रोये ते,बोगवानोन बी यीशु मोसीहोह मोरलाम दोखु जीवतु नी उठाडयु एंहे मानायहे ने।

¹⁶काहाके जोर मोरला माणहे मोरलाम दोखा जीवता नी उठे ते यीशु मोसी बी जीवतु नी उठयु।

¹⁷एने यीशु मोसी जीवतु नी उठयु ते तुमरू बुरहु बी वायबार से, एने उंजु लोगोण तुमु तुमरा पापोमा फोसलाज से।¹⁸एने एहे से ते ज्या यीसु मोसी पोर बुरहु कोरिन मोरला चया मोरीन नास ओय गोयला एहें सोमेजणु।

¹⁹एने आपु सोतान जीवायोन फायदान कोरता ओतराज यीशु मोसी पोर जोर आसा कोरतला ते आपणी हाल आखा माणहो दोखी खुब बापडान होस ओय जाहे।²⁰पुण गोताखोर, यीशु मोसीज मोरलाम दोखु जीवतु उठणाराम पेलु से कोरीन आपु बी बुरहु कोरतला के बोगवानोन एक दिह आखा मोरला माणहोह बी जीवतु उठाडहे।

²¹आपहु मालुम से के पेललु ,माणुह आदम पाप कोरलु कोरीन तेदिह दोखा आखा माणहो पोर मोत चालु ओय गोयली,तेहे दीहरु माणुह मोसी मोरलाम दोखु जीवतु उठयु कोरिन मोरला माणहे बी जीवता उठ जाहोत²²जेहे आदम पाप कोरलु कोरीन आखा माणहे मोरतला,तेहेज आखा माणहे यीशु मोसी पोर बुरहु कोरतला कोरिन बोगवानोन तीनुह जीवतु कोरहे।

²³पुण आंखा एखठा नी,बोगवानोन आखा माणहोह तेर सोतान इस्या दोखु वार वारया जीवतु उठाडहे,पेल बोगवान यीसु मोसीह जीवतु उठाडयु एने जेतार च्यु फोसु आवहे तेतार ज्या तीनापोर बुरहु कोरीन रोयला तिनुह जीवतु उठाडहे,।²⁴ओवतु आखा राजकोरनारा एने आधिकार चालाडनारा एने आखी बातीन बुतडान ताकोतोह नास कोरिन बाह बोगवानोह होप देहे ओवतो कोवीन आखरी दीह रोयहे।

²⁵मोसी आखा दुस्मोनोह नास कोरीन तेर पायो बुंदे सेंदीन नी नाखे तांहलोगोण यीसुहुज राज चालाडनु पोडहे।

²⁶आखरीमा मोसी तेर दुस्मोनोन नास कोरहे , च्यु दुस्मोन मोत से।²⁷पोवित्र पुस्तोकोमा एंहे लेखाय रोयोह के बोगवान आखो यीसुन पायो बुंदे कोर देलु से , पुण यो हासलीन देखायतलो के आखो बोगवान सोताह सुडीन दीहरी आखा चीजोह मोसीन आदीकारोमा आप रोयुह।

²⁸आखापोर आदीकार जुडनेन बादमा , मोसी आखाह बोगवानोन आदीकारोमा लावहे , एने सोताह बी बोगवानोन आदीकारोमा होंप देहे , ओवतु बोगवानोन आखापोर राज कोरहे।²⁹जोर मोरला माणहे जीवता उठणेम नी आवे ते ज्या माणहे मोरलान कोरता बापतीस्मान रीत कोरतला तीनुह काय फायदु ओयहे ? जोर मोरला माणहे जीवता उठणेम नी आवे ते माणहे मोरलान कोरता काहा बापतीस्मान रीत कोरतला।

³⁰एने मोरला माणहे जीवता उठणु नीम्बे ते आमु आमरू जीव एकेक तास मोतोन आफुतमा राखीन बोगवानोन सेवा काहा कोरनु।³¹ए मारा बायह बोणहा , मी तुमरा बारामा खुब मोठाय कोरतलु , काहाके तुमु पोरबु यीसु मोसी हाते मीवीन रोयतला , पुण मी तुमुह खोराखोर कोयतलु के मी दाडीन वेला कोरीन मोरने बाज रोयुह।

³²एने इफीसी सेहरोन माणहे मेहे खुब वीरूद कोरला , च्या जोंगली जोनवारोन होस मारहाते जुलायतोता , जोर मोरला माणहे जीवता नी उठे ते मारो जुलायणु इन कोविन जीवायोन कोरता ओतरोज से , मी ज्यो काय कोरतलु च्यो आखो कायीज फायदान नीम्बे , जोर मोरला माणहे खोराखोर जीवता उठाडनेम नी आवे ते आपु एंहे कोय सोकतला के चालु आपु खाता , पीता काहाके आपु वाणे मोरण्याज से ने।³³दोकु मा खावु , खोराब माणहोन होंगोम रोये ते तुमरी हाजी टेव बिगडी जातली।

³⁴तुमु सुद्दीपोर आवु एने दोरमीन जीवाय जीव , एंवी दोखा पाप जुण कोरता , काहाके तुमरामा थुडाक माणहे बोगवानोन बारामा आंबीव बी नी जाणतला ने , मी तुमुह लाज वाडणेन कोरता यो कोयतलु।³⁵पुण एकदु एंहे फुसहे,मोरला माणहे केहेंकाय जीवता उठहे ? एने तीदंरे डील कोहलो रोयहे ?

³⁶ए वीण ओकल्या जेतार तुमु बीयारु उरतला ते च्यो कादवोमा नी मोरे तांह लोगोन जीवतो ओयीन नी उंगे ?³⁷एने तुमु गोंवे नी ते कामतात बी दाणा उरतला ते तुमु नोवलो रुपोह नी उरतला ,पुण बीयारुज उरतला ।

³⁸पुण बोगवान तेर इस्या दोखु तीना बीयाराह रुप आपतलु ,बोगवान बाती बातीन खास रुप बात बातीन दाणाह आपतलु ।

³⁹काहाके आखा दाणा बात बातीन से,तेहे जीव जोंतुन डील बी बात बातीन से,माणहोन डील बी बात बातीन से, एने जोनवरोन डील बी बात बातीन से , एने चीडान डील बी बात बातीन,एने मासान डील बी बातीन से।⁴⁰सोरगमायला गोडायला चीजोन डील से ,एने दोरती पोरला गोडायला चीजोन बी डील ओलोग बातीनुज से,पुण सोरगोमा गोडायला चीजोन मोहीमा बी ओलोग से, एने दोरती पोर गोडायला चीजोन मोहीमा बी ओलोगुज से।

⁴¹दीहोन मोहीमा ओलग बातीन से, एने चांदोन मोहिमा बी ओलग बातीन से, एने तारान मोहीमा बी ओलग बातीन से, एने एक तारान मोहीमा दोखी दीहरा तारान मोहीमा लोगोण ओलग बातीन से।⁴²कोरीन जेतार मोरला माणहे फोसा जीवता उठ जातला ते,च्या बी तोहलो ओय जातला ,जोहलो बीयारु नास ओयीन कादवमा बेसकाय जातलु ,तोहलो माणहोन मोत ओय जाये ते दोरती पोरलो डील डाक देतला ते जीर जातलो ,पुण ज्यो डील फोसो जीवतो उठ जातलो ,च्यो जोलोमको रोय जातलो ।

⁴³एने जेतार इन दोरतामा माणहोन डील बीयारान होस डाक देतला ,तेतार इन दोरतीमा माणहोन डीलोमा ताकोत नी रोयतली ,पुण ज्यो डील मोहीमा हाते जीवतो उठ जाहे ।

⁴⁴च्यो आत्मीक डील रोयहे , एने खुब ताकोतमा एने मोहीमामा बोरायलो रोयहे ,काहाके जोर दोरतीन माणहोन आटका माहोन डील से, ते आत्मीकोन बी डील से।⁴⁵पोवित्र पुस्तोकोमा यो लेखाय रोयोह के पेलु माणुह आदम से ,च्यु जीवतलु जीव बोण गोयु, एने मोसी ज्यु सेवाटलु आदम से, च्यु माणहोह जीवाय आपणारु जीव आत्मा बोण गोयु।

⁴⁶ज्यो डील बोगवान पेल आपुह आपलु , च्यो नास ओयणारो से,ओवतु बोगवानोन ताकोतोमा आपुह जीवता उठलो जीव आत्मान डील जुडहे ।⁴⁷पेले माणुह दोरतीन कादवोन गोडायलु ,दीहरु माणुह मोसी सोरग दोखु आवलु।

⁴⁸जेंहे आदम कादव दोखु गोडायलु से,तेहे आपु बी कादवोन गोडायला से ,एने जेहे यीसु सोरग दोखु आवलु से तेहे,यीसु पोर बुरहु कोरणारा बी सोरगोवावा से।

⁴⁹इन दोरती पोर आपणु डायबाबु आदम कादवोन गोडायलु आदमोन रुप पेरला से ,तेहेंज सोरग दोखु आवलु तीना मोसीन जीव आत्मान डीलोन रुप पेर लेदु ,कोरीन आपु बी तेरी सोरगोन ने ती बी पेर लेता ।⁵⁰मारा बायह बोणहा ,मी तुमुह कोयतलु ,ज्यो डील मांह एने लुयो दोखो बोणलो दोरतीवावान डील बोगवानोन राजोम रोयणेन होकदार मी बोण सोकतला,होव कादवोन गोडायला होरन्यो डील नी हारे ओहलो जोलम काज राजोन होकदार नी बोण सोकतलो ।

⁵¹बोगवान एंवी लोगोन कुणीह बी नी देखाडयु ,च्यी लीकायली वात मी तुमुह कोयतलु,आपु बोठा यीसु मोसी पोर बुरहु कोरनारा से,आपु बोठा काय नी मोरजे ,पुण लोगेज आपणा आखान कादवोन गोडायलो डीले बोदलीन नोवली जीव आत्मान डील पेर लेदु।⁵²पुण आखरी मोटला पेपारयान आवाज होंबायताज ,चालु पापण्या मीचकारताज मोरला माणहे जीवता उठ जाहोत,एने च्या नास नी ओयणारा डील होस उठहोत ,एने चालुज आपणो आखान डील बोदली जाहे ।

⁵³एने आपणो एंवीन डील नास ओय जाहे, पुण ज्या डील आपुह जुडन्यो से,च्यो नास नी ओये , पुण ओमोर जीवायोन जोलोमको डील रोयहे ,एकदु जुनला लुगडा काडीन नोवला लुगडा पेरतलु तोहलो से।⁵⁴एहे बोणनेन ओवती मोत आराय जाहे,ओवता कुण नी मोरंनंया एहे पोवीत्रु पुस्तकोमा ज्यो काय लेखाय रोयोह च्यु पुरो ओयेहे ओमोर जीवायोन जीक मोतोह गीव गोयी।

⁵⁵ए,मोत तारी जीक काहारी से ए, मोती तारु डाचु काहारी से⁵⁶पापोन डाचु मोत से एने पापोन

ताकोत नेम से ।

⁵⁷पोरबु यीसु मोसी आपणे कोरता ज्यो काय कोरलु ,तीनामा च्यु जोलम पाप कोरलु ,तीनामा च्यु जोलम पाप एने मोतोपोर आपुह जीक आपतलु ,कोरीन आपु पोरबु बोगवानोह जोलोम दोन्यावाद कोरहु ।⁵⁸कोरीन ए मारा लाडका बायह बोणहा,बुरहामा वातडा रोयु,पोरबु यीसुन कामोमा वोदता जावु,काहाके तुमुह मालुम से के पोरबु यीसुमा तुमु कोरला मेहनुतोन तुमरी सेवा वायबार नी जाय।

Chapter 16

¹ऐवी मोडली मायला पोवित्र माणहोन कोरता दान टुवू कोरनेन वारामा मी कोयतलु,जेहे मी गोलतीया जिला मायला विश्वासीह कोयलु ओतु तेहे तुमु बी कोरु

²आपतान पेलले दिही आखा विश्वासी तुमू तुमरी सोतान कोमाईन ईसाबमा दोखा थुडोक दान काडीन मेक रोयजु,तुमु एहे कोरे ते जेतार मी आवीह तेयार तुमुह दान टुवू कोरनेन जोरुडी नी फोड़े।³तुमरामा दोखा थुडाक माणहोद तुमु नीवाडजु के चया चयों दान लीन यरुशलेम सेहरोमा जाये,जेतार मी आवीह तेतार च्यु दान एने मी लेख रोयुह च्यी चिट्ठी हां तीनु माणहोनु हाते यरुशलेमोमा लीन मुकलीह ।

⁴जोर मारो जाणु फायदान से ते मी बी जायीह एने च्या बी मारहाते आवहोत।⁵मी मोकीदुनीया नावोन ज़िला ओयतु जाणु नेस से च्यो जायीन ओवतु मी तुमु पाह आवीह।

⁶मी तुमरे हाते रोयहे जोर मेहे च्यो रोयणु ओहे ते पुरा नेकीन दीहमा मी तुमु हाते रोयीह , ओवतु ज्यांहरी जाणु से च्यांहरी जाणे तुमु मेहे वाटे लागाड देजु।⁷पुण पोरबु बोगवानोन इस्या रोयहे ते मी खुब दिह तुमु हाते रोयणे आसा कोरतलु , मोकिदुनिया ओयतु जातलु कोरीन एवी मी नी आवतु।

⁸पीन्तेकुस्त तीवार लोगोण मी इफिसी सेहरोमा रोयीह।

⁹यांहरी बोगवानोन सेवा कोरने मेहे खुब हाजी सोंदी जुडली , एने खुब माणहे यीसुन हाजी वात होंबोवणे इस्या कोरतला , पुण खुब माणहे वीरूद बी कोरतला।¹⁰जेतार तीमुथी तुमु पाह आवहे ते तुमु तीनान होसकोरीन देखरेख कोरजु , तीनाह कायतान बी नी कोमी रोयणु जुवे , काहाके च्यु बी मार होस पोरबु यीसुन सेवा कोरतलु।

¹¹कुण बी तीनाह नेचु नी सोमजणु जुवे , तीनाह सुकने जीवे मुकली देजु , तेतार च्यु दीहरा बायहोन हाते मी ज्यांहरी से च्याहरी जोलदी आव लागहे , कोरीन मी तेरी वाट जुव रोयुह।

¹²मी आपणु विश्वासी बायह आपुलुसोह दीहरा विश्वासी बायहोनु हाते तुमु पाह मुकोलने खुब रावण्या कोरलु , पुण एंवी च्यु तुमुपाह आवणे वीचार नी कोरतलु , पुण तीनाह च्ये आवणेन सोंदी जुडहे ते च्यु तुमुपाह आवहे।¹³जागता रोयु , यीसुपोर पोक्कु बुरहु राखजु , हिम्मोत राखु , एने जुराखला बोणु।

¹⁴ज्यो काय तुमु दीहरान कोरतला च्यो आखो मोंगोमा कोरजु।¹⁵ए मारा बायह बोणहा , तुमुह मालुम से , के ओखाया जिलान इस्तीफनुसोन गोराणा मायलाज पेला विश्वासी ओता , च्या पोवित्र माणहोन कोरता खुब सेवा चाकरी कोरला ओता।

¹⁶तुमु बी ओहला माणहोन एने मोंडलीमा ज्या माणहे गोणी मेहनुत कोरीन बोगवानोन सेवामा सात देतला तींदरा होकोमा रोयजु।¹⁷इस्तीफनुस , फुरतुनातुस , एने ओखायकुस या आवला , कोरीन मी खुब खुश ओय गोयलु , तुमु च्यांहरी नी ओता , पुण तुमु जीना कामोमा आमुह मोदत कोरनु ओतो , तीना कामोमा च्या आमुह मोदत कोरला।

¹⁸ज्या माणहे तुमरो मोन एने मारो फोवरो कोरला एने हिम्मोत आपला , ओहला माणहोन तुमु इज्जुत कोरनु जुवे कोरीन मी रावण्या कोरतलु।¹⁹आसीया जिलान मोंडली , मायला आखा तुमुह जेय यीसु कोयतला , आकवीला एने पीरीसकीला एने तींदरा गोरमा ज्या बोक्ती कोरतला च्या आखा बी तुमुह पोरबुमा जेय यीसु कोयतला।

²⁰आखा विश्वासी बायह बोणहा यांहरी से च्या तुमुह जेय यीसु कोरतला , तुमु बी पोवित्र मोन दोखा पोवित्र गुवु दीन एक दीहराह जेय यीसु कोयजु।²¹मी , पोवलुस , मार आथो कोरीन लेखिन तुमुह जेय यीसु कोयतलु ।

²²ज्या माणहे तुमरामा पोरबु बोगवानोह मोंग नी कोरतला तीनुपोर सोराप आवहे ।

²³आपणु पोरबु यीसु मोसी आवणे वावु से , पोरबु यीसु मोसी तुमुपोर कुरपा कोरतू रोयहे।

²⁴यीसु मोसी हाते ज्या मीवीन रोयतला तुमु आखाह मी मोंग कोरतलु आमीन।

2 Corinthians

Chapter 1

¹पौलुस च्यु बोगवानोन इस्या येसु मोसी चेलु से, ओवी तेर बायह तीमुथियुस दोखु बोगवान तीनी मोंडलीन नाव च्या कुरिन्थुस मा से ओवी आखा चा चुखला माणहोन कोरता ।

²आमरु बाह बोगवानो ओवी यीसु मोसीह मा तुमुह दोया ऐने सांती जुडती रोये।³आमरा बोगवान यीसु मोसीन एने बाहोन दोन्यवाद ओये ,च्यु दोयान बाबु ,एने आखा बातिन सुख न बोगवान से ।

⁴च्यु आपणा आखा दुख मा सांती आपे ,कोरिन आमु तेर सांतीन दोखो च्यु बोगवान आमुह आपलु से ,तीनुह बी सांती आपी सोकतला ,ज्यु कानली बी बातीन दुःख मा से।⁵काहके जेहे बोगवान दुःख आमुह होंवटो हेंबतला ओता आमरी सांती मा बी मोसीन दोखा खुब होवटा सामझधारी ओयतला से ।

⁶पुण आमुह दुःख जुडयो ते च्यी तुमरी सांती एने सुटकारु कोरनेन से ,ओवी बाकीन सांती जुडे ते च्यो तुमरी सांतीन कोरता से ,तीदंरे हिक दोखो तुमु धीर दोरीन तीनु दुखोह वेठ लेयु ,तीनुह आमु बी वेठ लेदला ।

⁷एने आमरी इस्या तुमरे बारामा पाक्कोत से,काहाके आमु जाणतला,की तुमु जोहलो दुखोम ,तोहलो सांती बी गोवंदया से ।⁸ए बायहो,आमु च्यो नी विचार कोतला, कि तुमु आमरा तीनु दुखोम दोखा ओनजावणा रोयु ,च्यु आसीया मा आमरे पोर पोडीयु , के हला मोटो दु:ख मा दाबाय गोयला ,ज्यो आमरी ताकोतोन बारथो ओतो ,ज्या लोंक की आमु जीवाय दोखा बी हाथ धुवीन बोठया ओता ।

⁹बाकीन आमु खुदोन मोन मा सोमजी लेदला से,की आमरे पोर मोरनेन डेंड ओय गोयली से,की आमु आपणो बुरहु नी राखजे ,बाकीन बोगवानोन ज्यु मोरला बी जिवाडे ।

¹⁰च्युत आमुह मोरणेन तोहला मोटला वेलाम दोखु वाचाडयु ,ओवी वाचाडहे ,तेर दोखी आमरी यी इस्या से ,की च्यु ओगोव बी वाचाडतु रोयहे ।¹¹तुमु बी मीवीन पोरथना कोरीन आमरी मोदोत कोरजु ,की ज्यो गुण आखा दोखो आमुहु जुडलु से,तेर दोखो माणहे आमरे दोखो दोन्यवाद कोरे।¹²काहाके आमु खुदोन ओक्कोलोन गोवायी पोर घोमोण्ड कोरतला ,की कोवी मा आखान कोरीन तुमरा वीचमा आमरो चालणो कोरता बोगवानोन के ओहली चुखली एने खोरलु तोहलु ओतु ,ज्यो डीलोन ओक्कोल दोखु नी , पुण बोगवानोन दोया हाते ओतु ।

¹³आमु तुमुह ओवी कायीज नी आपतला ,पुण पोल्लो ज्यु तुमु वाणु एने मानतला बी से , एने मेहेक इस्या से के जोलोम कोण मानया बी कोरहु ।

¹⁴जेहे तुमरे माईम दोखा कोतरा मानी बी लेदला से,के आमु तुमरे मोठाय करोण से,तोहलाज तुमु बी बोगवान यीसु दीह आमरे जुगु मोठाय वजेह बोणहु ।¹⁵ओवी इना बुरहा दोखु मी यु हूत्तोतु , के पेल्ले तुमरे हाते आवो ,के तुमुह एक ओवी आसीरवाद जुडेह ।

¹⁶मी तुमरे हाते दोखु ओयीन मकिदुनिया माइन जाव ,एने ओवतु मकिदुनिया दोखु तुमरे हाते आवो ओवी तुमु मेहे यहुदीया खेर थुडु नांबे तोक मेकि आवजु ।¹⁷कोरीन मी ज्यी इस्या कोरलु ओतु की काय मी चालाकी देखाडयु ? नी ते काय ज्यु कोरणु चाहो, डीलोन आसरे कोरणु चाहतलु ,की मी वात मा होव ,होव बी कोरो ,एने नी नी बी कोरो ?

¹⁸बोगवान बुरहामा से,के आमरा तीनु बुलो मा च्यु तुमरे दोखु कोयलु 'होव ' ओवी 'नी ' दुय जुडी नी जाय ।¹⁹काहाके बोगवानोन पुरयु यीसु मोसीन खरु आमरे दोखो मारे ओवी सिलवानुस ओवी तीमुथियुसोन दोखा तुमरे वीच मा वोचोन ओयो ,तेर मा ' होव ' एने नी दुयन वात ओती ,पुण तेरमा ' होव ' के ' होव ' ओयु ।

²⁰काहाके बोगवानोन जोतरी पाक्की वात से च्ये आखा तेर मा होव हाते से ,कोरिन तेर दोखो ओहलो बी ओये कोरिन ओयो ,कि आमरे दोखो बोगवानोन बोडाइ ओये ।²¹एने च्यु आमुह तुमरे हाते बोगवानो मा पाको कोरतेलु से, एने च्यु आमुह चुखो कोरयु च्युज बोगवान से ।

²²च्यु आमरे पोर थोप्पो बी कोरी देल्लु से,एने बयाने मा आत्मा आमरे मोनो मा आप्यु ।²³मी बोगवानोह के गोवाई कोरो ,के मी एवी लोग कुरिन्थुस मा कोरिन नी आयु ,के मेहे तुमरे पोर दोया ओई ।

²⁴ज्यो नी के आमु बुरहान बारामा तुमरे पोर हुकुम चालाडणे चाहतला से,पुण तुमरे खुसी मा गोंवाहया से,काहाके तुमु बुरहु दोखो पाका रोयतला से ।

Chapter 2

¹मी मार मोनमा ज्यो ठान लेहयु के फसु तुमरे हाते दुःखी ओइन नी आवो।

²काहाके मी तुमहु दुखी कोरो ,ते मेहे खुसी आपण्यु कुण से,ओयु च्यु तीनाह मी दुखी कोरयु ?³एने मी जी वात तुमुहु कोरीन लेख्यु के काहरी ओहलो नी ओये, के मारे आवणे पोर इनुह मेहे खुसी जोडनु जुवे ,मी तीदंरे दोखु दुखी ओयो ,काहाके मेहे तुमु आखा पोर इनी वातोन बुरहु से,की ज्यी मारी खुसी से, वी तुमुरी आखान बी से ।

⁴मोटला दुखोम ओवी मोनोन चिंता दोखु मी होवय आहवा वयाडी वयाडीन तुमुह लिखलु ओतु, कोरिन नी के तुमु दुखी ओय जाउ, पुण कोरिन की तुमु तीना मोटला मोंग जाणी लेवु ,ज्यु मेहे तुमरे हाते से ।⁵जर एखादु निरास करलु से ते मेहे ओतरुज नी पुण ( की तेरे हाते घोणो ओखडाई नी कोरो ) कुण कुण तुमु आखा के बी निरास कोरला से ।( गलातीयो ४:१२)

⁶ओहला माणहे लीदे ज्यी सोजा से ,ज्यु बायहे मा दोखा ओलोग के आप्यु, ओलोग से ।

⁷कोरीन एरेम दोखो यो हाजु से,के तेर गुनाह माफ कोरु ,एने सांती आपु ,ओहलो नी ओये की माणहु दुखोमा डुब जाय ।( इफिसीयो ४:३२)⁸कोरीन मी तुमरे कोरीन पोरथना कोरतलु, के तीनाहा खुदोन मोंगोन आपु ।

⁹काहाके मी तीनाह कोरीन बी लेखलु ओतु ,के तुमुह फारखी लेव ,के तुमु आखी वातोह मानने कोरिन तियार से के नी ।¹⁰तेरो तुमु थुडो माफ कोरतला तीनुह मी बी ज्यो काय माफ कोरलु से ,एने कोरलु से ,ते तुमरे तोहो बोगवानोन जागा मा ओयीन माफ कोरला से ।

¹¹की बुतडान आमरे पोर होक नी चाले ,काहाके आमु तेर चालकी दोखा ओनजावळा नी नींबे।¹²ओवि ज्योत्यार मी बोगवानोन हाजी खेबर पोरगट कोरीन त्रोआस सेहरोमा मा आवयु औवि भोगवान मारे खेर एक झुपु उधाड देल्लु ।

¹³तो मारे मोन मा संती नी जुडयो , कोरिन कि मी खुदोन बायहे तीतुस मी नी मीवायु , कोरिन तीनदरे दोखु जाणे बाजरयु कोइन मी मकिदुनिया मां जाती रोयु।¹⁴पुण बोगवानोन दोन्यवाद ओये , ज्यु बोगवान मा जोलोम आमुह खुशीन दीहो मा लिन फिरतेलु से ओवि खुशीन ओकोलोन गोंध आपणे हाते आखे जागे फेलावी देय।

¹⁵काहके आमु बोगवानोन हाते सुटकारु लेनेवाला , ओवि खोतोम ओयणे वावान , दुयु हाते बोगवानोन हाजो गोंधायण्या से।¹⁶कोतरा हाते ते मोरणेन हाते मोरलान गोंध , ओवि इनी वातोन कुण से ?

¹⁷काहके आमु तीनु होंत्लान तोहला नी ,ज्या बोगवानोन बुलो मा बेसकी देय , पुण मोनोन खोराई दोखो , ओवि बोगवानोन खेर दोखा बोगवानोन से जाणीन भोगवान मां बुलतला से।

Chapter 3

¹काय आमु स्वत:न मोठाय कोरने लाग्या ? कि आमुह कोतरा तोहोला सिफारिसोन चीठ्ठी तुमरे पाह लावने एने तुमरे दोखो लेणे से ?

²आमरा चीठ्ठी तुमु से ,जु आमरा दिलोमा नाव लिखायलो से, ओवी तीना आखा माणहे उवखेहे उजु वासतला ।

³जो आखा ओगोव से,के तुमुह बोगवानोन चीठ्ठी से ,तेरा आमु पावरे तोहो लिख्या ,एने ज्यो पेन दोखा नी,पुण जीवतेला बोगवानोन आत्मा दोखा दोगडान पाटी पोर नी पुण डिलोन माहोन पोट्टी पोर लिखायली से।( निर्गमन २४:१२, यिर्मयाह ३१:३३, यहेजकेल ११:१९-२०)⁴आमु बोगवानोन हाते यीसु मोसीह पोर ओहलो बुरहु राखतेला से।

⁵ज्यो नी ते आमु खुद आपणा दोखो इनान तोहला से ,के खुदोन दोखो कानली वातोन विचार कर सोकतला , पुण आमरी योग्यता बोगवानोन दोखी से ।

⁶च्यु आमुहु नोवली वातोन पावर्या ओयणे कोरता निवाडयु , बुलोन पावर्या नी बाकीन आत्मान काहाके, बुल मारे ,एने आत्मा जीवाडे ।( निर्गमन २४:८, यिर्मयाह ३१:३१, यिर्मयाह ३२:४०)⁷ओवी बाकीन मोरणेन जी बाधायली वात तेरा शोब्दा दोगडा पोर खुदांयला ओता ,जाहा तोक उज्यावान ओयो ,की मुसान मुयी पोर उजावान वजे च्यु घोट बी जातलु , इजरायल तीदंरे मुयी पोर दोखी बी नी सोकतला ओता ।

⁸च्यी आत्मान बाधायली वात ओवी बी उजावो काहनी ओयहे ?⁹काहाके जेतार गुनो राखणे वावी बाधायली वात उज्यावान उजावो ओतो ,ते धोर्मी राखणेवावी बाधायली वात ओवी बी उज्यावान उजावो काहनी ओये ?

¹⁰एने ज्यो उजावु ओतु , च्यु बी तीना उज्यावान ज्यो तेर दोखो बोडीन उजावु ओतो ,काय बी उजावु नी रोयो ।( निर्गमन ३४:२९-३०)

¹¹काहाके जेतार च्यु घोटतु जातु ओतु ,उजावो ओतो ते च्ये ज्ये उबा रोयला ,ओवी बी उज्यावो काहा नी ओये ?¹²कोरिन ओहली आस राखीन आमु हिम्मोत मा बुलतला से।

¹³ओवी मुसान तोहलो नी ,ज्यु खुदोन मुय पोर गुमतु नाख लेदलु ओतु ,काहाके इस्त्राएली तीना कोम ओयणेवावा उज्यावान सेहला के नी देखें ।( निर्गमन ३४:३३-३५)¹⁴पुण च्ये मोन खुब वातोडो ओय गोया ,काहाके आज तोक जुनला कायदु के बोगवान टेमे तीदंरा डिलो पोर पोरदु पोडलु रोयतलु से ,पुण च्यु बोगवान मा उठ जातला ।

¹⁵एने आज तोक जेतार कोदी मुसान पुस्तोक वासतेला ते तीदंरा जीव पोर गुमतु पोडी रोयतलु से।

¹⁶पुण जेतार कोदी माय तीदंरो जीव बोगवान खेर फिरहे तेतार च्यु गोमतु सेटो कोर लेहे ।( निर्गमन ३४:३४, यशायाह २५:७)¹⁷बोगवान ते आत्मा से ,ओवी जाहा काहारी बी बोगवानोन आत्मा से ,च्याहारी छुटकारो से ।

¹⁸पुण जेतार आमु आखा उघाडला मुय दोखो बोगवानोन आत्मा इनी रिते आखा ओगोव ओथतलो से ,इनी रिते आरहाम बी बोगवानोन खेर ची आत्मा से,आमु उज्यावो रुप मा थुडो थुडो कोरिन बोदलता जातला से।

Chapter 4

¹जेतार आमरे पोर ओहली दोया ओयली के आमु सेवा चाकरी जोड़ी, से आमु हिम्मत नी सुडजे

²पुण आमु विण लाग्यो काम सुडी डेमाल ,ओवि नी हुशारीमा मां चाले,ओवि नी बोगवानोन बुलो मा मिलावटी कोरजे,पुण खोराइ दोखा आखाओगोव बोगवानोन ओगोव आखा माणहोन सोमोझ मा खुदोन भोलाई बोहाडतला ।³बाकीन आमरी खोरी खोबोर पोर पोरदु गुमतु से ,ती च्यो मिटायणे वावान जुव पोडलो से ।

⁴ओवी तीना विगुर बुरहु जुव तीदंरी ओकोल के च्यु इनी कोवीन बोगवान से ,च्यु इनुह आंधवु कोर देल्लु से,काहाके बोगवान च्यु बोगवानोन तोहलु रुप से,तेर ताकोतम खोरली खोबोर उज्यवो तीदंरे पोर नी चोमके ।⁵काहाके आमु खुदोन नी पुण यीसु मोसीन वात कोरजे ,के च्यु बोगवान से ,ओवी तेर बारामा चो कोयतला के आमु यीसुन कारोण तुमरा पावर्या से।

⁶कोरिन के बोगवानुज से ,एने च्यु कोयु "आंधारला मा दोखो उज्यावो चोमके ", ओवी च्यु आमरा दिलों मा चोमक्यु ,के बोगवानोन बोडायीन उवेखणु उज्यावो यीसु मोसीन मुय दोखो चोमकतो रोये ।( यशायाह ९:२)⁷आमरे हाते जी रोकोम कादुवोन रासो राखालो से ,के ज्यी ताकोत आमरे खेर दोखी नी बाकीन बोगवानोन दोखी ठेहरावी ।

⁸आमु चारे मेर दोखा दुख ते भुग्या पुण वेलाम नी पोडजे ,कुण साहरु ते नींबे , पुण दुखी नी ओयजे ।

⁹वेला ते पाडे ,पुण सुडी नी देल्ला ,पोड ते जातला,बाकीन मिटी नी जातला ।

¹⁰आमु यीसुन मोरण खुदोन डीलोमा आखी टेमे लीन फिरतला से,के यीसुन जीवाय बी आमरा डीलोम देखायणु जुवे ।¹¹काहाके आमु जीवते जीव जोलोम काय यीसुन कारोण मोरलान आथो मा होपी देदला से,के यीसुन जीवाय बी आमरा मोरोलान डील मा आखा ओगोव ओये ।

¹²इने वजह मोरोण ते आमरे पोर ओसोर नाखे एने जीवाय तुमरे पोर ।¹³कोरिन के च्यु आमरा मा बुरहान आत्मा से, "तेर बारामा लिखायलो से, के मी बुरहु कोरयु कोरिन मी बुलो " ।( भजन संहिता ११६:१०) ओवी आमु बी बुरहु कोरतला से,कोरीन कोयजे ।

¹⁴काहाके आमु जाणतला से,च्यु बोगवान यीसु के जीवाडयु ,ते च्यु बी आमुह येसु मां से जाणीन जीवाडहे , ओवी तुमरे हाते बी ओगोव आव जाहे ।

¹⁵काहाके आखोत चीज तुमरे कोरता से,कोरीन दोया आखा खेर ओयीन जुदा बोगवानोन बोडाईन दोखे दोन्यवाद बी वोदाडु ।¹⁶काहाके आमु हिम्मोत नी सुडतला ,बाकीन आपणो बारथलो माणहोन जीवाय खोतोम बी ओयतो जातलो से ,ते बी आपणो माईलो माणहोन जीवाय दीह पोर दीह नवो ओयतो जातलु से ।

¹⁷काहाके आपणो थुडोक वारन हवते तोहो दुःख आपणे अलग खुब किमती ,ओवी जोलोम काय बोडाई पोयदा कोरतु जातलु से ।

¹⁸आमुह ते भावली चीजो नी ,पुण विगुर भावली चीजो के भावता रोयतला से ,काहाके भावली चीज थुडाक दिहोन से ,पुण बिगुर भावली चीज जोलोम बोणीन रोयतली से।

Chapter 5

¹आमु जाणतला से के जेतार आमरो कोवी मायलो डिल तोहलो घोर पाड नाख्हे ,ते आमु बोगवानोन खेर दोखो सोरगो पोर एक ओहलो घोर जुडहे ,च्यो आथे कोरीन बोणलो घोर नी , पुण ओमोर काय से ।( इब्रानीयो ९:११,अय्युब ४:१९)

²इनामा ते आमु कोयतला ,ओवी मोटली आशा राखजी, के कुणीन होरगीय घोरहो पेर लेयु ।

³इनान पेरणेन दोखो आमु नांगरला नी कोवाये ।⁴एने आमु इना डिल मा रोयीन भार दोखा दाबायला खाहता रोयतला से,काहाके आमु निकोवणु नींबे ,बाकीन एने पेरनेन चाहतला से,काहाके च्यु ज्यो मोरनहार से,जीवाय मा डुब जाय ।

⁵एने आमुह च्यु इनी वात कोरीन तियार कोरलु से,च्यु बोगवान से , च्यु आमुह बोणावला मा आत्मा बी आपलु से ।⁶कोरीन आमु जोलोम हिम्मोत बाधिन रोयजे ,ओवी ज्यो जाणजे के जेतार तोक आमु डीलोम मा रोयजे ,तेतार तोक बोगवान दोखो ओलोग से ।

⁷काहाके आमु मुय भावीन नी, पुण बुरहान भावीन चालजे।

⁸कोरिन आमु हिम्मोत बाधीन रोयजे ,ओवी डील दोखो ओलोग ओइन बोगवानोन हाते रोयणु एने खुब हाजो बी सोमझतला से।⁹इनान कोरता आमरे मोनोन इस्या जी से ,के संगत मा हाते रोयु ,चाहे ओलोग रोयु पुण आमुह तीनाह गोवता रोयु ।

¹⁰काहाके जरुरत से,के आमु आखान हालोत बोगवान नियाव राजगादी ओगोव खुल जाहे ,के आखा माणहे आपणा आपणा हाजा खोराब कामोन बोदलु ज्यु च्यु डीलोन कोरता कोरलु से जुडहे ।( इफिसीयो ६:८,, मती १६:२७, सभोपदेसक १२: १४)ह च्यु इनी वात दोख तियार कोरलु से,च्यु बोगवान से , च्यु आमुह बोणाव्यु की आत्मा बी आपलु से ।¹¹बोगवानोन बीक राखीन आमु माणहोह होमजाडतला से,एने बोगवान पोर आमेरो हाल आखा ओगोव से, ओवी मार इस्या जी से,के तुमरी विचार मा बी आखा ओगोव ओयलो ओहे।

¹²आमु ओवी बी खुदोन बोडाई तुमरे ओगोव नी कोरज्ये बाकीन आमु आमरा बारामा तुमुह घोमोण्ड कोरनेन मोकु आपीयु , के तुमु तीना खोरली वात आप सोके ,ज्यो मोनमा नींबे ,बाकीन देखाडनेवावी वातो पोर घोमोण्ड कोरतला से।¹³पुण आमु मोरला से ,ते बोगवान कोरीन ,बाकीन चेतनाम से ,ते तुमरे कोरीन से।

¹⁴काहाके बोगवानोन मोंग आमुहु एक कोर देय कोरिन आमु ज्यो सोमझतला से,के जेतार एक आखा कोरीन मोरयु ते आखा मोर गोया ।

¹⁵ओवी च्यु इनी वातोह आखान कोरीन मोरयु के च्यु जीवतु से ,च्ये ओगव आपणे कोरीन नी जीवे ,पुण तेर कोरीन ज्यो तीनुह कोरीन मोरयु एने फोसु जीवतु ओय गोयु।¹⁶इना दोखो एवी आमु कुदु डीलोन आसरे नी जाण्या बाकीन आमु बोगवान बी डीलोन आसरे जाणणु ओतो, ते एवी दोखो तीनाह ओहलो नी जाणे ।

¹⁷कोरिन कुण बोगवान मा से ,ते च्यु नोवली कोवीन से ,जुनली वात वीत गोयीली से,भावु च्यो आखो नोवलो ओय गोयो ।( यशायाह ४३:१८-१९)¹⁸एने आखी वात बोगवानोन दोखो से ,च्यु बोगवानोन दोखो आपणे हाते आमुहु मिवाडी लेदू,ओवी एवी मेवीन चाकरी आमुहु आपी डेललो से ।

¹⁹कोरिन बाह बोगवान मा ओईन खुद हाते कोवी के एवी मेवीन कोर लेदयु ,ओवी तीनुहु पापोन भार तीनुह पोर नी लागाडयु , एने च्यु एवी मेवीन बुलोह आमुह होपी देल्ला से।²⁰कोरिन आमु बोगवानोन जानकारी से, मानो बोगवान आमरे दोखो होमजाडे ,आमु बोगवान खेर विनती कोरतला से,के बोगवानोन हाते हाजु ओय जाउ।( इफिसीयों ६:१०, मलाकी २:७)

²¹ज्ये पाप दोखा सेटा ओता तीना के च्यु आमरा पाप ठेरावलु ,के आमु तेरमा ओईन बोगवानोन धोर्मी बोणी जाजे।

Chapter 6

¹आमु ज्या बोगवानोन हाती से,ज्यो बी होमजाडतला , के बोगवानोन दोया च्यु तुमरे पोर ओयो ,फालतु मा रोयणे देवु ।

²काहाके च्यु कोये ," खुदोन खुस ओयणेन टेमे मी तारी होमवी लेदयु ,ओवी सुटकारा दिहो मा तारी मोदोत कोरयु ।"

³आमु कोहली बी वात मा दुःख लागे ओहोलो कानलो बी मोकु नी आपतला , के आमरी पावर्या पोर कुण आंगवी नी लागाडे ।⁴पुण आखा वात मा बोगवानोन पावर्या तोहोलो खुदोन हाजला गुणो के आखाओगोव कोरतला से,होव धीर दोखा दुखोम दोखा,गोरबाई दोखा ,वेलाम दोखा ।

⁵मार खाणे दोखो ,केद ओयणे दोखो ,आवणेन वावा दोखु ,जागता रोयणे दोखु ,उपाह पावणे दोखु ।

⁶चुखो ओइन,ओकोल वावु,धीर धोरीन, दोया वावु, चुखली आत्मा मा।

⁷खोरला मोंग दोखा,खोरा बुलो दोखा, बोगवानोन जुर से, खराई हात्यार दोखा, ज्यु डावो जेवडयु से।⁸इज्जोतदार ओवी विनलान्यो दोखो, लाडकु एने इज्जोतदार माणुह दोखो,बाकीन विचकाडण्यु वावान तोहलो मालुम पोडतलो ती बी खोरीज से ।

⁹ओनजावडा तोहलो से ,ते बी नाव हुदयु से,मोरतान तोहलु ओहलु से , एने जीवतलु से, मार खाणे वावा तोहलु से ,पुण जीव दोखो नी मारे ।(१ कुरिन्थियों ४:९ ,भजन संहिता ११८:१९)

¹⁰दुःख कोरने वावान तोहलो से ,पुण जोलोम खुसी कोरया कोरतला से,काय बी नींबे जेहे से, पुण होवटा मालदारया बोणावी देल्ला से,ओहलो से तोहलो से, आमरे हाते काय नींबे ते बी आखोज रोयतलो ।¹¹हे कुरिन्थियों ,आमु खुलीन तुमरे खेर वात कोरला से,आमरो मोन तुमरे कोरीन खुलो से।

¹²तुमरे कोरीन आमरे मोनो मा काय बी सोक नींबे , पुण तुमरा मोनमा सोक से ।

¹³पुण मी मारा सुरा होमजीन तुमुहु कोयु ,के तुमु बी तीदंरे कोरीन खुदोन मोन खुल देयु ।¹⁴न्या यीसु पोर बुरहु नी कोरतला ,तीदंरे हाते तुमरु पोर नी लागे ,काहाके धोरोम एने पाप मेव खाय काय ? उज्यावो एने आंदारलो मेव खाय काय?

¹⁵ओवी बोगवान भुतडा हाते दुसती कोरे काय ? बोगवान पोर बुरहु कोरन्या एने विगुर बुरहु कोरन्यान काय नातो ?

¹⁶ओवी वीन जीवया मुरती हाते जीवतेला बोगवानोन मोंदीरोन लेणो देणो से काय? काहाके आमु ते जीवता बोगवानोन मोंदीर से ,जेह बोगवान कोयलु बी से,के " मी तीदंरे मा रोयीही ,एने तीनुमा रोयीन हीडया पिडया कोरीह ,एने मी तीदंरु बोगवान कोवायी ,ओवी च्या मारा माणहे कोवायहे ।" ( लैव्य. २६:११-१२,यिर्मयाह ३२:३८,यहेजकेल ३७:२७)¹⁷ओतरोज बोगवान कोये के ,ओहला माणहोम वीच मा दोखो नीकवु एने ओगेव ओई जावु ,एने कानली बी वीटवायली चीज मा सीबु ,ती मी तुमुह आवरी ली।

¹⁸ओवी मी तुमरु बाबु बोणीह ,एने तुमु मारा पुरया पारी ओयहे; यी सर्वशक्तिमान बोगवानन वाणी से.

Chapter 7

¹हे लाडका बायहो एने बोणहा जेतार के ज्या वायदु जुडयु , ते आवु आपहु आपणा आपणा डीलोन एने जीव आत्मा आखा पापोहो सेटा कोरीन चुखा ओय जाता ,एने बोगवानोन बीक मानता जाय पुरान पुरु चुखा ओयीन पाक्का ओय जाता ।²तुमु खुदोन मोन मा आमुहु जागु आपु,आमु नी ते कुणीन गुनु कोरया , एने कुणीन नी बीगाडया ,एने नी कुणी पोर काय बी ठोगीन खादया ।

³मी तुमुपोर गुनु लागाडीन वाको काडणेन कोरिन ओहलो नी कोयो ,काहाके मी पेल्लै कोय देव्यु , के तुमु आमरा मोनो मा बोठ गोयलो से, के आमु ते हाते रोयीन जीवणे एने मोरने बी तियार से।

⁴मी तुमरे पोर खुब बुरहु कोरो , के मेहे तुमरे पोर जुदी मोटाय बी से ,एने मी सुख मा बोराई गोयलु से,मारा आखा वेलाम मा मी एवी ओलोग जोबोर खुस से ।⁵काहाके जेतार आमु मकिदुनिया जीला मा पुग्या तेतार बी आमरा डीलोम आराम नी जुडयू ,पुण आमरे,पोर चयारु सोम खेर दोखी आफोत आव पोडली ,बारथा जुलायतला ,घोरमा बीयाडे ओहली वात ओयतली ।

⁶ते बी दुःख सांती आपण्यु बोगवान तीतुस हो आमरे पाह मुकलीन आमुहु दिलासु आपयु ।

⁷तीतुस जुड़ गोयु कोरिन आमुहु दीलासु जुडयु ते खोरू , पुण तुमु तीनाहा कोयलु दीलासु आपया यो होंबीन मेहे घोणु दीलासु जोडयु , तुमु मारी चीठ्ठी वाचीन कोहला दुःखी ओयीन पोसतावु कोरयु , यो आखो होमवीन मी घोणु खुश ओय गोयु।⁸काहाके तीनी चिठ्ठीन मी तुमुहु वेला पाड़लु , कोरीन मेहे दुख नी लागतो , पुण पेल मी दुःखी ओयु ते खोरू काहाके मे थुडी वार लोगोन तुमुहु दुःखी कोर देललु।

⁹एवी मी खुश से पुण इनान कोरिन नी के तुमुहु दुःख ओये , पुण इनान कोरिन के तुमु तिना दुखोन दोखा मोन फिरविवी लेदा काहाके तुमरो दुःख बोगवानोन आसरे ओतु , के आमरे दोखी तुमु काणली वातोम घाटु नी ओयणु जुवे।

¹⁰काहाके ज्यो दुःख भोगवानोन मोरजीन आसरे ओये च्यो दुःख ओहलो पोसतावु पोयदा कोरे , तेर दोखु पोसतावु कोरनयान पापोन दोखु छुटकारो

जुडे ,एने पोसु पोसतावु नी कोरनु पोडे ,पुण इनी कोवीमा दुःख ते माणहोन जीवाय मा मौत के पोयदा कोरतलो ।

¹¹ओतरे देखु इनी वातोम दोखु के तुमुह बोगवानोन मोरजीन आसरे दुःख ओयो ,तुमरेम काय काय हाजली वातोह पोयदा कोरयु ,तुमु आपणी वाको सेटी कोरने तीयार ओय गोया,च्यो दुःख तुमरा जीवाय मा ओहली होवाह पोयदा कोरयु के पाप कोरन्या पोर खीजवाय गोया ,बोगवानोन बीकोम ओय ओय गोया ,भेटणेन कोरता ओर कोरया ,भोक्ती मा नाखाय गोया एने पाप कोरनया के डोंड आपल्या ओहलो कोरिन तुमु आखी ओखर यो भावाडी देधया के,आमु वीन गुनावा से।

¹²ची चीटठी ते मी तुमरे हाते लिखलु ओतु,ज्यु पाप कोरलु तेर कोरीन नी लेखयु ,एने दीहरान विरुद्ध मा च्यु पाप कोरलु तेर कोरीन बी नी लेखयु ,पुण तुमरे कोरीन एरेन कोरीन लेखयु के,तुमरी हाऊस जी आमरे कोरीन से,ची बोगवानोन ओगोव तुमरे कोरीन आखा ओगोव ओय जाय तोहलो ।¹³ओहलो कोरिन तुमु आमुह दिलासु जुडयु ,ओवी आमरी इनी सुखोन हाते तीतुसाय खुसीन ओवी बी खुसी ओयी ,काहाके च्यु तीतुसोह आखा हाते हाजु आव भाव कोरिन घोण जोबोर खुस ओई गोयु ।

¹⁴काहाके मी तीदंरे ओगोव तुमरे बारा मा काय मोटाय कोरयु ,ते तीनी वातोन मेहे लाजवायणु नी पोडे ,पुण जोहलो आमु तुमरे के आखी वाते हासलीन- हासलीन कोय देल्ली ,तोहलो आमरो मोटाय देखडीन तीतुसोह ओगोव बी हासलीन निकव्यु ।¹⁵तीतुसोह ते ईनी वातोन फोम कोरे के ,तुमु आखा बीहता एने कापता जायीन तेर आव भाव कोरया ,एने तेर हीकाडली वात हाजा मानया ,ते ओतरे च्यु खुब हाजु मोंग बोराईन तुमुह पेले दोखो जादा मोंग कोर रोयु ।

¹⁶मी तुमरे पोर आखी वातोम बुरहु कोर सोको कोरिन मी खुस से ।

Chapter 8

¹ए मारा बायहो ,आमु तुमुह बोगवानोन दोयान खोबोर आपजे ,च्यु मोकिदुनिया जीला वावी मोंडलीन माणहो मा वाटीन देखाडयु ।

²येसु पोर बुरहु कोरन्या मोकिदुनिया वावा खुब वेला कोरतला ,एने च्या खुब गोरबाय मां जीव रोयला ,एक कायम तीदंरा बुरहान पारोख ओयणे बाज रोयली ,ते बी च्या खुब खुस रोयतला ।³ओवी तीदंरा बारामा मारी ज्यी गोवाई से,की च्ये दोतरा आपाये ,तोतरुज आपया ,एने तेर दोखो बी वोदु मुकवे मोन आप्या।

⁴ओवी इनी भेटमां ओवी चुखला माणहोन कोरीन पोयहा फावु कोरीन तीनुह पोयहा धोरोम कोरीन ,तीदंरी चाकरी कोरता कामोमा ,आमुह बी तेरेहाती बोणाव देवु ।

⁵ओवी जोहलो आमु आह कोरला ओता,तोहतो नी ,बाकीन येसुन आथोमा आप देल्ला ,एने ओवती बोगवानोन मोरजीन आसरे खुदोन आमरा हातोम बी आपी देल्लु ।⁶कोरीन आमु तीतुस होमझाडया ,के जोहलु तु पेल्ले मोंडली मा फावु लेणेन काम चालु कोरलु ,तोहलु फावु लेणे इना हाजला सेवान कामोह पूरु कोर ।

⁷पुण जोहलो आखी वातो मा ,बुरहा मा ,बुले देखाडने मा ,ओकोल मा ,ओवी आखा बातीन सेवा मा ,एने आमुहु मोंग कोरने मा , ओगो वोदता जाय रोया, तोहलो तुमु फावु कोरनेन ज्यु वाटु तुमुह ओगो दोखो जोडलो से,तीना वाटा मा बी वोदता जावु ।⁸मी हुकुमोन रिती पोर नी ,दीहरा माणहोन ओर कोरीन तुमुह बी मोंगोन पुरावु देखाडनेन मोकु जुडे तोहलो ।

⁹तुमु ते आपणा बोगवान यीसु मोसीन दोया जाणे ते खोरा ,च्यू होरगोन हकदार ओतु ,ते बी च्यु होरगोन धोन सुडीन गोरीब बोणीन माणहोन ओवतार लीन धोरती पोर आवयु ,काहाके आपहु जीव आत्मा मा पामोतु बोणावणे ।¹⁰ओवी इनी वात मा मारो योज विचार से ,के गोये साल दोखो आखान पेल्ले तुमु फावान काम कोरणे मा चालु बी कोरला ,ओतरे ज्यु तुमरे कोरीन हाजो से।

¹¹कोरिन एवी ज्यो काम पूरो कोरु , के चालु कोरनेन कोरता तुमु कोतरे जोबोर ओर कोरला ,तोहलो फावु कोरणे तुमरे कोरीन हाजो से।

¹²आमरे पोर ज्यो से ,तेर दोखो आपणु पोडहे ओहलो मा वियारु, फावु कोरनेम मोनोन ओर मोटी से ,जोतरो आपणेन मोन से च्यो आपु ,बोगवान आपणा धोरोम कोरला पोयहा नी आवरी लेहे ।¹³ज्यो नी के दीहरा मोज्या लेणु जुवे ,एने तुमुह गोरबाय मा वेला कोरनु जुवे कोरीन नी कोयतु।

¹⁴इनी टेमे तुमरी मा बोराई ,तीदंरी गोरबाय सेटी कोरहे ,तेर से करली दीहोमा तीदंरी पामोतु ,तुमरी गोरबाय बी सेटी कोरहे ओहलो ,एने इने रीते आपणु आखा मिवीन ओगोव होंबा होगा बोण जाजे तोहलो ।

¹⁵जेहे खोरला शासत्र मा लेखलो से," ज्यु होवटो हेमटी लेदयु ,तेर खेर होवटो नींबे ,एने ज्यु थुडा हेमटी लेदयु,तेर कोरीन कोम नींबे ।¹⁶बोगवानोन खुब हाजो कोये ,तुमरी मोदोत कोरने कोरीन मोन मा जोहली ओर से ,तोहली तीतुस मोनमा बी ओर से।

¹⁷आमु तेर कोरीन विनती कोरया ,ते च्यु मान गोयु हाचलीन तुमरे पाह आवने च्यु पेल्ले तीयार ओतु , एने एवी च्यु होवडु ओर तुमरी पाह आवणे ओय रोयु ।¹⁸ओवी आमुह तीतुस हाते दीहरा एक बायहो बी मुकल्ली रोयुहु ,ज्यु खुस खोबोरोन कामो मा यां वावान आखा मोंडल्या मा नावहादयु से।

¹⁹एने ओतरुज नी,पुण च्यु मोंडलीन निवाडी देल्ला से, के ज्ये फावु पोयहा ली जाणेन टेमे ,तु आमरे हाते आवे ऐहे ,ओवी यो सेवान काम तेर कोरीन कोरतला , के बोगवानोन बोडायी ओवी आमरे मोनोन तीयारी आखा ओगोव ओय जाय तोहलो ।²⁰आमु इनी वात मा कोदर्या रोयतला , के मोंडल्यान कामोन बारामा तेरी आमु सेवा कोरतला ,कुण बी आमरी वाकोनी काडनु जुवे ।

²¹काहाके आमरु ईमान बोगवानोन ओगोव ओतरुज नी,पुण मोंडल्यान माणहो ओगोव बी ओयणु जुवे , एने च्ये बी कोयनु जुवे ,के ज्ये आंखों हुते कोरया ।²²आमु तीतेसया हाते एक ओवी भाय मुकेलजे , जु ईसुन कामो मां जोबरखुश से , आमु ते तीनान टेमे , भात भातीन काम सोपीन कोरावला से ,चु ते तीना आखा कामो मां जबरखुश से , पुण एवी एवी तुमरे पोर तिनाम घोणो मोटो भुरहु ओय गोयलु से एने कोरिन च्यु ओवि बी होवसायलु से।

²³कुणीन कुष तुमुहु तीतेसयान बाराम पुछे ते ओहला कोयजु ते युते पोवल्यान हाती से , एने आपणु सात देण्यु से एने कुणीन कुष तेरे हाते आवण्या भाय बाराम पुछे ते ओहला कोयजु के, येते मोडंलयान निवाडला से एने भोगवानोन बोडायन कोरण्या से।

²⁴ओतरो तुमु तीनुहा हाजु मोंगोन पुरावु देणे , तेरेसी तीदंरा मोडंलयान माणहे जाण जाय तोहलो के मोडंलीवावा पोर ओतरो जोबोर मोटा काहा कोरे।

Chapter 9

¹एवी तिनी पावर्यान बारामा जे सुकला माणहो वोडे ओयली से मेहे तुमुहु तेखणु जोरूडी नी ओयी।

²काहाके मी तुमरे मोनोन तियारी जाणो , तेर कारोण मी तुमरे बाराम मोकिदुनियोन ओगोल मोटाई देखाडो , के उवखाता माणहे एक साल दोखा तियार ओयला से ओवी तुमरी होवोस होवटी देखीन होवटा जोणान मोनो मां बी ओर पोयदा कोर देदली से।³पुण मी ईना तीतुस एने दुय भाय-बोणहा एरेन कोरीन मुकेलने बाज रोयु के , जोहलो मी कोयलु ,तोहलो तुमु तीयार रोयु तोहलो तोत्यार ते जी मोटाय आमु तुमरे बाराम कोर रोया , ची मोटाय वायबार नी जाणो जुवे।

⁴ओहोलो नी ओय जाय की मोकी दुनिया वालाम दोखा कानला आमरे हाते आवे , एने चे तुमुहु तीयार नी देखे , एने आमुहु एने तुमुहु लाजवायणु पोडें।

⁵एरेन कोरीन मी भायहो कोयु जी विनती कोरणो जुरूडी सोमझुयो के च्ये पेलुच दोखा तुमरे च्या जाय ,ओवि तुमरी छुटकारोन फोव तेर वारामां मी पेलुच हुय बुले आपी देदु ओतु , तियार कोरे तोहलो कि ज्यो दाबीन गोरों नी पुण छुटकारान फोवोन तोहो तीयार ओयणु जुवे।⁶पुण वात ज्यी से, के ज्यु थुडो वेरहे च्यु थुडो काटहे ,ओवी ज्यु होवटो वेरहे ,च्यु होवटो काटहे ।( नीतिवचन ११:२४,२२:९)

⁷आखा जोणा जोहलो मोन मा ठाणे तोहलो भेंट कोरतला ,नी के कुड - कुड कोरीन ओवी नी काय दाबावीन ,काहाके बोगवान खुसी मा आपण्यावावा मोंग कोरतलु ।( व्यवस्थाविवरण १८:१०, नीतिवचन २२:९ , नीतिवचन ११:२५)⁸बोगवान आखा बातीन दोया तुमुह खुब होवटी आपी देहे ,बाकीन तेर आखी वात मा ओवी आखी टेमे ,आखोत ज्यो तुमुह चाहे ,तुमरे हाते रोये ,ओवी आखा हाजा कामोन लिदे तुमरे हाते होवटो ओयणु जुवे।

⁹जेहे लेखलो से," ज्यु वावरयु ,च्यु गोरबोह भेंट आपयु ,तेर हाजला काम जोलोम कायोम बोणी रोयहे ।" ( भजन संहिता ११२:९)¹⁰ज्ये वेरणे वावा के बीज ,ओवी खाणे कोरीन रुटु आपे ,च्यु तुमुहु बीज आपहे ,एने तिनाहा फोवणे वावु कोरहे ,एने तुमरे हाजला कामोन फोव वोडावहे ।( यशायाह ५५: १०, होशै १०:१२)

¹¹तुमु आखी वात मा आखी बातीन सुटकारो कोरीन ,ज्यो आमरा बोगवानोन बोडाई कोरावतली से, के तुमु धोनवान ओयणु जावु ।¹²काहाके इनी पावरोन पुरो कोरणे दोखो नी काय चुखला माणहोन कोमी पुरी ओय जाय ,पुण माणहो दोखो बोगवानोन खुब बोडाई ओयतो रोये ।

¹³काहाके इनी पावरोन पुरावु मानीन च्ये बोगवानोन मोहिमा के ओगोव कोरया , के तुमु बोगवानोन हाजली खोबोर मानीन तेर हुकुमा रोयहे ,एने तेरी ,ओवी आखान मोदोत कोरने मा एक दीहरा मोंग देखाडता रोयु ।

¹⁴ओवी च्ये तुमरे कोरीन विनती कोरहे , के तुमरे पोर बोगवानोन मोटी दोया से,तुमरी ओर कोरया कोरे ।

¹⁵बोगवान तेरा च्ये भेटोन कोरीन ज्ये विचार दोखो बारथो से,बोडाई ओये ।

Chapter 10

¹मी पौलुस तुमरे ओगोव आयतु से,पुण तुमरे फोसोव ओइन तुमरे खेर हिम्मोत कोरतलु के ,तुमु बोगवानोन नेचलु ,एने हुवावु ओय जाय कोरीन होमजाडो ।

²मी विनता कोरो , के तुमरे ओगोव मेहे बेफिकुर ओइन हिम्मोत कोरणो नी पोडे ,जोहलो मी कोतरा पोर ज्ये आमुहु डीलोन आसरे चालणे वावा सोमजतला हिम्मोत देखाडनेन विचार कोरो ।³काहाके आमु डीलोन आसरे चालजे फिरजे ,ते बी डीलोन आसरे नी जुलायतला ।

⁴काहाके आमरी लोंडाई होथियार डीलोन नींबे ,पुण जोड उखावणे कोरीन बोगवानोन ताकोत से।⁵आमुह विचार आखी ऊचली वात ,एने बोगवानोन जाणने नी देण्या विरोध मा उठे तीनाहा ,आमु बांधी देजे, एने यीसु मोसीन कोबजाम कोर देजे ,एने बोगवानोन हुकुम मानाड देजे ।

⁶ओवी तीयार रोयजे के जेतार तुमुह हुकुम माननु पुरो ओय जाय ,ते आखा बातीन हुकुम नी मानन्यान बोदलु लेय ।⁷तुमु इनी वातोहो के भावु ,ज्ये डुवा ओगोव से,बाकीन खुदो पोर बुरहु ओय के मी बोगवानो मा से,ते च्यु यो बी जाण लेय ,के जोहलो च्यु बोगवान से,तोहला आमु बी से ।

⁸काहाके मी तीना हुकुमोन बारामा एने मोटाय देखाडो ,च्यु बोगवान तुमुहु बीगाडने कोरीन नी पुण बोणावणे कोरीन आमुह आपलो से ,ते लाजवायो नी।⁹ज्यो मी तेर कोरिन कोयो , के चीटठी तुमुह बीहाडनेवावु नी कोवाये ।

¹⁰काहाके च्ये कोये ," के तीदंरी चिटठी ते ताकत वावा ,एने हिम्मोत देखाडन्या से,पुण जेतार देखतला ,ते कोयतला च्यु डीलोन कोमजरोन ,एने तेर वात बी कुणीही पोटे ओहली नींबे ।"¹¹कोरीन ज्यू एहे कोये , के च्यु यो होमजे के जोहलो तेर फोसोव चिटठया मा आमरा बुल से ,तोहलो तुमरे ओगोव आमरा कामे बी ओयहे।

¹²काहाके आमरी ज्यी हिम्मोत नींबे , के आमु खुद आपणा तीदंरे हाती गिणायहे ,नीते तीदंरेम खुदोन के भहकायणे ,च्ये खुदोन बोडायी कोरया कोरतला ,ओवी खुद आपणा आपणा मा नाप तुलीन एक दीहरेन तुलवीन विगुर ओकलवावा बोणावतला ।¹³आमुहु ते हिवार दोखु बारथु मोटाई कोधीनी कोरया ,पुण तीनी हिवार लोक ज्यु बोगवान आमरे कोरीन रुकाडलु से, एने तेर मा तुमुहु बी आवी गोयो ,एने तीनुज आसरे मोटाय बी कोरहु ।

¹⁴आमु खुदोन हिवार दोखो बारथो खुद आपहा कै वोदाडणो नी जुवे ,तोहलो के तुमरे कोरीन पुचनेण हालोत मा ओतु , पुण बोगवानोन हाजली खोबोर होमवावता जाईन तुमरे पाह पुच गोया ।¹⁵एने आमु हीवार दोखा बारथा दिहरान मेहनोत पोर मोटाई नी कोरजे ,पुण आमरी इस्या से,के जोहलो - जोहलो तुमरो बुरहु वोदतु जाहे तोहो - तोहला आमु आमरी हीवारोन आसरे तुमरे ओवी बी वोदता जाहु।

¹⁶के आमु तुमरी हीवार दोखो ओगो ओईन हाजली खोबोर होमवावतला ,एने ज्यो नी के ,आमु दीहरान हीवारोन माहिम बोणला बोणावला कामो पोर मोटाइ कोरतला ।¹⁷पुण ज्यु मोटाई कोरे ,च्यु बोगवान पोर मोटाई कोरे ।( १ कुरिन्थियों १:३१,यिर्मयाह ९:२४)

¹⁸काहाके ज्यु खुदोन वात कोरे ,च्यु नी पुण जेरी वात बोगवान कोरे ,च्यो खोरो बी से।

Chapter 11

¹भोले मार खेर गांडायी वात वेठ लेता ते काय ओयतो ; होव मारी बी वेठी लेता ।

²काहाके मी तुमरे बारामा बोगवानोन तोहो खुब जोबोर फिकुर कोरतलु ,काहाके मी एकुत माणुहु हाते जुडनेन बुली कोरलु से,के तुमुह चुखली कुवारी सुरी तोहलो बोगवान हातोम सोप देम तोहलु ।³पुण मी बीहो के जोहलु घोडहु बोणीन भुतडु डायली आई होव्वा ठोग देल्लु ,तोहलु च्यु तुमुह। ठोगीन तुमरा मोनोन तीनी चुखली भोकती दोखा सेटा कोर देहे , ते मी काय कोरही ।( १ थिस्सलुनिकियों ३:५, उत्पत्ति ३:१३)

⁴काहाके जेतार कुण आवीन दीहरा यीसु बारामा कोये ,तेर पोरचार आमु नी कोरया एने जेतार कुणीह दिहरा जीव -आत्मा जुड जाहे ,पेल नी जुडली ओती, एने कुण दीहरो खुस खोबोर तुमु पेले नी मान्या ओय ,ते तुमरो ,धीर धोरीन हाजो ओतो ।⁵मी ते सोमजो , के मी कानली वात मा मोटाय मोटु यीसु मोटला नेवताला दोखु कोम नी ओई ।

⁶भोले तुमुह अेहे लागतु ओहे , के तेर हाते तीदंरी तोहली हाजो बुलनेन हुसयारी नींबे ,ते बी मी बोगवानोन खोरला बारामा ओकोलवावु ते से ,मी वात आखी हालोत मा आखे काई पुरावु दीन तुमु आखा ओगोव कोर देल्लु से।⁷काय तेरमा मी काय पाप कोरयु , के मी तुमुह बोगवान खुस खोबोर मी तुमुह पोयहा लेये वीगुर होमवायु ,ओवी मी आपहु ओहलु सेटु ,एने आयतु कोरी देदु के तुमु मोटा बोण जाऊ ? ।

⁸मी खुब होवटी मोंडली लुट्यु कोरीन मी तिदंरे कोरीन मंजरी लेहयु ,काहाके तुमरी चाकरी कोरो ।

⁹ओवी जेतार तुमरे हाते ओतु ,ते मेहे कोमी ओयली ,पूण मी कुणी पोर भार नी नाख्यु ,काहाके मार बायहो मोकिदुनियाम दोखो आवीन मारी कोमी पूरो कोरयु ; ओवी मी आखी वात मा मी खुद तुमरे पोर भार बोणने दोखु रुकयु ,ओवी रुकी रोयही ।¹⁰बोगवानोन खराई मार मा से ,ते ओखाया देशोमा कुण बी मेहे इना मोटाई मा दोखो नी रूके ।

¹¹कुणी कोरीन ? काय तेर कोरीन के मी तुमरे दोखु मोंग राखो ? बोगवान च्यो जाणे ।¹²पुण ज्यो मी कोरतलु ,च्यु कोरतु रोयीह ,के ज्ये माणहे मेहे हुद रोया , के मी तीनुह झुठा नेवतो पुचडणारा नी आपो ,काहाके ईनी वातो मा च्ये मोटाई कोरे ,तोहलो च्ये बी आमरेन तोहलो ओयणु जूवे ।

¹³काहाके ओहलो माणहे दारु नेवतादावा से, ओवी झुठी सेवा कोरन्या ,ओवी च्ये आलहेवडयान तोहलो रोंग बोदलया कोरे ,ढोंगडा कोरे ओतरुज से ।¹⁴यी वात वाहरायणे नींबे ,काहाके भुतडु खुदन वेहह मी स्वताछ बोगवानो सोरगदुतोन चाकरयन वेह लीन ढोंगडा कोरे ।

¹⁵ओतरे खुदाम भुतडान चाकरया बी ,धोरमोन चाकरया वेह लीन ढोगडा कोरे ,ते यो देखीन वाहरायन भुले नी पोडनो जुवे ,काहाके सेवलो टेमे तीदंरा कामोन आसरे तीदंरु नीयाव ओयहे एने डोंड जुडहे ।¹⁶मी ओवी कोयो ,कुग मेहे गांडु झुठ सोमेसता पुण कोरीन गांडु सोमजीन रोया ते गांडु सोमजीन मारी वात वेठ लेयु ,एर कोरिन के मी बी थुडीक वातोम मोटाय कोर सोको तोहलो ।

¹⁷एवी मी ज्यो कोय रोयु ,च्यो बोगवान यीसु ओईन होयन कोय रोयु ,पुण तुमुह नी लागतो ओहे,पुण तुमुह ते मारी हिम्मोत देखीन एहे लागतो ओहे के, यु गाडान तोहलु वीन लागयु ओईन मोटाय मा कोय रोयु।

¹⁸जेतार दिहरा माणहे डीलोन आसरे आपण मा मोटाय कोरया ,ते मी बी मोटाय कोरही ।¹⁹एने तुमु ते ओकोलवावा ओवीन बी तीनु गाडान गाडाय खुस होयन वेठ लेये ।

²⁰देखु तुमुह कुण गुलाम बोणाव लेये ,एने तुमुह ठोग लेय ,तुमरे कोरीन दोखु नोफु लेय ,एने आपु तुमरे विचमा मोटा बोणावे, एने तुमरे गाल थापुड देये ,च्ये ओहला काम कोरया कोरतला ,ते बी तुमु तीदंरी वात उकार लेये ।

²¹होव आयु तुमरी हाते तीदंरे तोहला वेवहार नी कोरया ,एने कोमजुर बोण्या कोरिन लाजवायणु जुवे काय ? कुण नी ,पुण च्ये माणहे मोटाय कोरणे मां हिम्मोत कोर रोया ओतरेज मी बी मोटाय कोरणे मां हिम्मोत कोर रोया ,ओतरे मी बी मोटाय कोरने मा हिम्मोत कोरतलु ,भोले मारी मोटाय कोरणो गांडाय लागे ।²²काय च्ये ईब्रानी से? मी बी से ,काय च्ये इस्त्राएली से,मी बु से ,काय च्ये आब्राहमोन घोराणो से ,मी बी से ।

²³काय च्ये बोगवानोन पावल्या से ? ( मी गाडान तोहलो कोयतलु ) मी तीदंरे दोखु वोडीन से,गोणो काम कोरणे मा ,ओवी ओवीन मोरतु - मोरतु वाचणे मा ।²⁴पांच वार मी यहुदी माणहोन हाते दोखु एक कोम चावीह चोपकडा खादयु ।

²⁵तीन वार मेहे हुटे कोरीन देदया , एक वार दोगडाटया ,तीन कावा ढोंडयों पोर मी चोडलो ओतु टुटी गोयो , एक रात एने दिह मी सोमुनदोर मां काटयु ।

²⁶मी ओवी ओवी चाहरी चाहरी फिरतु रोयु ,खुदरा मा बी वेला कोरयु ,डाकु माणहे बी मेहे वेला पाडया ,मार जातिन माणहे वेला पाडया ,वीगुर जातिन माणहे बी वेला पाडया ,शोहरो वावा वेला पाडया ,उजाडी बोयडा मां बी मी वेला कोरयु ,सोमुदोर मां बी मी वेला कोरयु,झुठा बायहो वीच बी मेहे वेला पाडया ।²⁷ओवी मेहनोत ने दुखो मा ओवी ओवी जागीन रात काटने मा भुकलु एने तीहलु रोयीन ,काय कोतरा वार उपाह पावु ,उगाडलु रोयीन दिही काटयु ।

²⁸ओतरोज नी ईनी आखी वेला मा मेहे दाडीन जागे जागावावा आखा यीसुन मोंडलयान होवटी जोबोर फिकुर आवे ।

²⁹कुणीह कोमजुरी मा दोखु मी कोमजुर नी ओयो ? कुणीन पाप मा पोडने दोखु मारो जीव नी दुखे ?³⁰मेहे ती मोटाय कोरनु पोड रोयो ,ते बी मी मारी कोमजुरी पोर मोटाय कोरही ।

³¹आपणा बोगवान यीसु मोसीह जोलोम कु बोडायी हाते कोरे अेहे से ,च्यु जाणे के मी झुट नी मेकतू ।³²ओरेत राजान हुकुम दोमासकुस शोहरोमा राज कोरन्यू ,मेहे धोरावणे कोरीन दोमासकुस शोहरोन झुवा पोर सीपायडा पेहरु बोहाड रोयला ।

³³तेतार मार हाती मेहे मुहका मा बोहाडीन कीलान भीतडान एक खीडकी मा दोखो दुवडो बांदीन उतार देव्या ,एने मी तीनुहू हात नी लाग्यु ,एने नाहा गोयु ।

Chapter 12

¹काहाके मोटाय कोरणु मार कोरीन हाजो नींबे ,पुण कोरनु पोडे बाकीन मी बोगवानोन आपणो हिवणो एने ज्यी लिकायली वात मार पोर आखा ओगोव कोरयु ,तीदंरे बारामा मी एवी वात खुलने बाजरोयु ।

²मी बोगवान पोर बुरहु कोरन्या एक ओहला माणुह जाणो ,चौवदा साल पेले डीलो भेव उचलाय गोयु के डीलो विगुर नीसतु जीव आत्मा मा उचलाय गोयो ,यी वात ते बोगवानूत जाणे ,ओहलु माणुह तीसरो सोरोग कोवाय ,चांहारी बोगवान रोये ।³मी तीना माणुह जाणो ,मालुम नींबे डीलो हाते के डिलो विगुर नीसतु जीव आत्मा मा यी वात ते बोगवानुज जाणे ।

⁴च्यु सोरगोन वाडी मां उचलाय गोयु ,एने ओहली वात होंब्यु च्यी कोयनेन नींबे ,तेरी वात मुय पोर लावणो माणुह बाजु नींबे ।

⁵ओहला माणहे पोर मी मोटाय कोरही ,पुण खुदो पोर कोमजुरी सुडीन ,खुदो पोर मोटाय नी कोरो।⁶काहाके मी मोटाय कोरणो बी बाज जाम ते बी मी गांडु नी ओयो , काहाके मी खोरलु कोयो ,ते बी रुकाय जातलू ,ओहोलो नींबे के जोहलो मेहे कुण देखतु ओहे नी ते मेहे होमेवतु ऐहे मेहे तीदंरे दोखु वोडीन सोमजे ।

⁷ओतरे पौलुस आपणे पोर बुरहु कोरीन खुप मोटाय नी कोरणु जुवे,कोरीन मार डीलोम घुदलायणे दुःख पोयदा कोरलु से, एवी च्यु मोरनेनच्या भुतडान एक जोम मोकोल्लु से,च्यु मेहे घुदाटीन वेला पाडया कोरतलु ,काहाके मी मोटाय नी कोरो ।( गलातीयो ४:१३,अय्युब २:६)⁸एर बारामा मी बोगवान दोखु तीन वार वीनती दुवा कोरयु के ,ज्यो दुख मारपाह दोखो सेटो कोर ।

⁹पुण यीसु मेहे कोयु ,मारी गीण दोया तार कोरीन होवटी से ,काहाके तार लुलखाय मा मारु जुर आखा ओगोव दोखा पोडे ,ओतरे मी खुस ओईन मार लुलखाय मा मोटाय कोरीह के बोगवान जुर मार पोर साव्वु कोरतु रोयहे ।

¹⁰इने कारोण मी बोगवान हाते लुलु ओय जाम ,एने बदनाम कोरया ते बी ,एने जेतार मी कुहराय जाम ते बी माणहे वेला पाडे ,एने मी दुःख झेलो ते बी खुस से ,काहाके जेतार मी लुलु ओय जाम ते बी मी जुर खिजवाय जाम।¹¹मी गांडु ते बोण्यु ,पुण तुमु मेहे ज्यो काम कोराव्या ; ते मार बोडाई कोरनु ओतो ,काहाके मी काय बी नींबे ,ते बी मी तीनु मोटाम मोटो नेवाडला दोखो कानली बी वात मा कोम नी ओयो ।

¹²तुमरे वीच बी नेवतावावा आखा गुणे होरवे जोबोर गोम भेव चोमत्कार ,ओवी वाहरायन्या होया कामोन ,ओवी ताकोतोन काम दोखा पोडला ।

¹³तुमु कानली वातो मा एने यीसु मोण्डली तीसरा माणहे हाते आपतला , एक ओर रोई गोई ओहे , के मी तुमरे पोर मारु भारी नी मेकयु यी मार भुल से ,मेहे माफ कोरु ।¹⁴एवी मी तीसरी वार तुमरे पाह आवने कोरता तीयार से,एने एवी बी मी तुमरे पोर वजु नी मेलो ,काहाके मेहे तुमरी कानली बी चीज नी जुवती ,पुण तुमुह जुवे ,काहाके पुरया पारी आई बाबु कोरीन धोन एकठो नी कोरे ,पुण आई बाबा पुरया पारी कोरीन धोन एकठो कोरे ।

¹⁵मी खुस ओयीन जीव आत्मा कोरीन मार हाते काय से,आखो खोबाव दी ,एने खुद खोबवाय जाम ,मी तुमु होवटु जोबोर मोंग कोरतलु ,ते बी तुमु मेहे कोम मोंग काहा कोर रोया ?¹⁶ओहलो ओय सोके काय , के मी तुमरे पोर वजु नी नाख्यु ,पुण कोदरयु ओयीन तुमु धोकु दीन ठोग लेदयु ।

¹⁷भोलो मी तीनु माणहोन तुमरे पाह मोकेल्लु ,तीदंरे दोखु तुमरे कोरीन ठोगीन कांही मोंग लेद्लु काय ? केतार बी नी ।

¹⁸मी तीतुस हो होमझाडीन तेर हाते बायह मुकोल्लु ,ते काय तीतुस ठोगीन तुमरे पर ज्यु मागलु काय? कुणीनी होव आमु मी एने तीतेसाय एकुज चुखला जीव आत्मान कोमाय एक मोन ओयीन एकुज वाटे चाल रोया ।¹⁹तुमु एवी लोग ज्यो होमजी रोया ओहे के ,आमु तुमरे ओगोव आपणु वाचाडने कोरीन खुदोन गोवाई आपी रोया ,आमु ते बोगवानोन होजरी मा जाणीन यीसु बोगवानोन जुर दोखो कोयजे ओवी ए मार लाडेकला बायहे बोणी ,आखी वाते तुमरी जीव आत्मा मां वोदाडने कोरीनुज कोयजे ।²⁰काहाके मेहे बीक से , के मी तुमरे पाह आवी ते जोहलो देखणेन ओर कोर रोयु ,तोहलु नी देखो ,एने जोहलो तुमु मेहे बी जोहलु नी चाहो तोहलु देखु ,ते ओहलो नी ओय जाय के तुमरे मा झोगडु ,जोलोन खताईन इनखेर तिनखेर कोरणु ,खुदोनुग फायदु देखणु ,घीन तीसरा ओगोव कारा कोरणो ,मोतलोबी ।

²¹कातखेर माईन ओहलो नी ओये के मी जेतार फोसु आवही ,ते मारु बोगवान मेहे बोदनाम कोरहे ,एने मेहै आकाश कोरीन पोसु दुखी ओयणु पोडहे ,ज्यो पेल्ले पाप कोरया ओता ,ओवी तीना खराब कामे ,मोन मा पाप,ओवी लुच्चाई दोखा ,ज्यो च्ये कोरला ,मोन नी फिराव्या ।

Chapter 13

¹एवी तीसरी वार तुमरेच्या आवणे वावु से , दुय नीते तीन गोवा ओगोल पाकी ओयने नोक्की आपणु जुवे। (व्यवस्थाविवरण १९:१५)

²जोहोलो के मी जोयार दिहरी वार तुमरे च्या आवलु तेत्यारुज एवी नीम्बे रोईन बि तीनु माणहे च्या पेले पाप कोरया , ओवी एवी आखा माणहे दोखु पेले दोखु कोय देम , के मी फोसु आवी , ते नी सुड़ो।³तुमु ते एरो पुरावु आप रोया , के भोगवान मारे मां कोये ज्यु तुमरे मा कोमजुर ओये ,पुण तुमु सुधारणे मा जुराखु से।

⁴चु जाण बुजीन कोमजुर बोण गोयलु एने तीनाहा कुरूस खामबा पोर चोडाय देदला , तेबी भोगवानोन जुरोन खेर चु मोराम -होरयाम दोखु बोठु ओय गोयलु से, आमु बी ते तेरेमा कोमजुर से , पुण बोगवानोन ताकोत मा ज्यु तुमरे पोर से , तेरे हाते जीवहु।⁵खुद स्व:ता पारखु , के भुरहामा से किनी खुद स्व:ता देखु ,काय तुमु खुदोन बारामा ज्या नी जाणु , के यीशु भोगवान तुमरेमा से नी ओय, तेत्यार ते तुमु पारोख मा कोसरायला निकवहे।

⁶पुण मारी आ सेस्प , के तुमु जाण लेजु , के आमु रीकामा नी ओये ।⁷ओवी आमु आमरा भोगवान हो वीनती कोरजे , कि तुमु कानली बि कुहराय मा कोरू ,एरेन कोरीन नी कोयतलु , के आमु जीक कोरला दोखा पोडनु जुवे , पुण एरेन कोरीन कोय रोयु के तुमु भोलाई कोरे तोहला ,भोला माणहे आमुहु रीकामा कोयता रोयहे।

⁸काहाके आमु हाजलान विरूद्ध मा काय बी , नी कोराये , पुण तुमु हाजला कोरीन आमु काय बी कोरायहे।⁹ओतरे आमु ते खुस रोयजे , भोले माणहे आमु कोमजुर होमजे , पुण तुमु ते जुराखा ओय जाय , आमु ते , तुमरे कोरीन भोगवानो पोर वीनती दुवा कोरजे कि तुमु पाक्का ओय जाय तेहे।

¹⁰के जेत्यार मी तुमरे विसमा आवो , ते ईसु मेहे ज्यू होक आपलु , तीना होकोन द्धारे तुमुहु जुलायणु नी पोडे यु होक बी तुमुहु बीगाड़ने कोरीन नी , पुण सुदारीन भुरहा मा ओगोव वोदाडने कोरीन आपलु से।¹¹सेवली वार मी कोयो , हे मारा बायहे , खुस रोयु , आखी वातोम पाक्का ओयता जावु , मारी आखी वात मान लेवु , एक मोन्या ओयीन एकठा रोयु , ते मोंग एने सांती आपण्यु बोगवान तुमरे हाते रोयहे।

¹²एक दीहराहा चुखला गुवु दीन आव भाव कोरू।¹³आखा चुखला माणहे तुमु हाजला से के कोरीन , पुछ रोयु एने आवजु कोरीन कोय रोयु ।

¹⁴भोगवान इसु मोसीह गीण दोया ओवी बोगवानोन मोंग एने चुखली आत्मान सात सोगात तुमु आखा मोवायता रोयणु नुवे।

Hebrews

Chapter 1

¹पेल्ला जोमानामा बोगवान आपणा डायडाया हाते बात बातीन रिते बोवीस्यो कोयगारानुहु लागड़ीन बात बातीन टेमे वात कोरलु !

²पुण एवी इन सेवला दीहोमा बोगवान आपुहाते तेरे पुरयाहा लागाडीन वातु कोरलु, बोगवान तीनाहा आखी चीजोन वारीस बोणावणेन वायदु कोरलु, एने तीनाहा लागाडीन च्यु आखी कोवीही गोडलु ।

³च्यु बोगवानोन मोहिमा आपुहु देखाडतलु , उजुच्यु बोगवानोन खोरलु कपसे । च्यु तेरे सोतान लुयो कोरीन माणहोन पाप दुवीन सेटो कोरदेल्लु , ओवतु , सोरगोमा आखा दोखा ताकोतवावा बोगवानोन जेवडीखेर राजगादीपोर बोठ गोयु ।⁴। तीनामा आपुहु मालुम पोडतलो के बोगवान तेरा पुरयाहा सोरगदुतोन नावो दोखुवी मोटोनाव आपलु , एने तिनाहा सोरगदूतो दोखुबी वोडीन तीनाहा मोटो पोद आपीन अदिकार आप्यु ।

⁵काहाके बोगवान कोदी काल्लाबी सोरगदुतोनुहु चोनी कोयु ।“ एने तु मारु बेदुसे , मी तारू बाह बोण गोयलु से । एने उजु बोगवान तेरे सोरगदुतोनुहु केतार बी एने कुणीही बी एहे नी कोयु , कुणीही “ मी तारू बाबु बोणीही एने तु मारू बेदु से ।⁶ओवी जेतार पेलदोखुज जगतमा , ओवी लावतओहे तेतार च्यु कोयतलु , के बोगवानोन आखा सोरगदुत तेरा पाया पड़े !

⁷एने बोगवानोन पुस्तकोमा सोरगदुतोन बारामा एहेबी लेखलो से , बोगवान तेरे सोरगदुतोनुहु वाहवाम होस एने तेरे सेवकोनुहु आगठान आसोन होस बोणावतलु ।⁸पुण तेरे पुरयान बारामा बोगवान एहे कोयतलु , “ ए बोगवान , तारी राजगादी पीडीडीट जोलमकित टिकीन रोयहे ।तु तारा राजोन डेंगुलीन माणपोर नियाव को रहे।

⁹तु दोरमीन कामोह मोंग कोरतलु एने गोलत कामोह छीगी कोरतलु ! कोरीन मी, तारा बोगवान तोहो आखा दुस्ती दोखु खुसीन तेल चुपडीम नीवाड लेदलु ।¹⁰ओवी योके ए पोरभु पेल्लामा तु , धरतीन नीव नाखलु । ओने सोरग तारो हाथोया कारीगर से ।

¹¹च्या ते नाश होय जाहे पुण तु बोणीन रोयहे पुण च्या जुनला लुगडान गोत बोदली जाहे

तु च्याज रोयहे , तारो पाणी आखरी नी ओये

¹²तु तीनुहु चाहरान होस लुडाव देह , एने च्या लुगडान होस बोदली जाहे । पुण तु कोदी बोदलनार निंबे, एने तु होमेस्यान होमेस्या रोयहे।¹³बोगवान कोदी तेरा सोरगदुतोह मायला कुणीही बी रहे नी कोयु । बोगवान तेरे पुन्याह एहे कोयलु , ताहलोगोन मी तारा दुस्मोनोह , तारा पाय मेकणेन पाटडान नेच्यु नी कोरदेम , ताहलोगोण तु मार जेवडीखेर बोठ

¹⁴काही के आखा सोरगदुतोह बोगवान नुकोल्लु बोगवानोन सेवा कोरनाय , आत्मा तेतार च्या बोगवानोन एने जीनुहु बोगवान वाचाडहे तिंदरी बी सेवा कोरहोत ।

Chapter 2

¹इनान कोरीन चाहे के आमु तीना वातोपोर जो आमु होमवला , से एने तीनी वातोपोर ज्यादा ध्यान देनुतुजुवे अहोलो नी ओयनु जुवे कि आमु बोहकीन तीना दोखा सेदु जात रोये ।²काहा के यो वचन सोरगदुतोन लारे दोखो कोयणेन आवलो , जेतार च्यु सीधु रोयहे एने हर एक अपराध एने गुणु एने तेरी आज्ञा नी माने तिनाहा ठीक – ठीक बदलु जुड्यु ।

³तेतार आमु माणहे मोटो उद्धारोन अपेक्षा कोरीन केहे कोरीन वाच सकतला , तिनान चर्चा पेल्लाम पेल्लामा पोरबु लारे ओयी, ओवी होमवणारा लारे आमु खोरो ओयो ।

⁴ओवी होते बी बोगवान बी आपणी इच्छा के दोखु चिन्ह , एने अदभुत काम , एने आयतो प्रकारोम पुण सामर्थन काम , एने पवित्रोन आत्मा , वरदान वाटनेन लारे इनान गवाही आपतु रोयु ।⁵च्यु ओवी आपणेन जगतन जीनीन चरचा आमु कर रोयला से , सोरगदुतोन हातो नी आपु !

⁶पुण कुण नी कोयु , यी गवाही आपलु से , मानुहु काय से , कि तु तिनान खोबर लेतु से काय मानहोन पुरयु कायसे , के तु तिनापोर देखतु रोयतलु ।⁷तु तिना सोरगदुतो काय कोम कोरलु से , तु तिनापोर महिमा एने आदरोन दुपी मेकलु , एने तिनाहा तारा आथो कोरीन कामोन अधिकार आपलु !

⁸तुकाया आखो तेरा पायन नेच्यो कर देल्लु , इनान कोरीन जेतार के आखो काय तेरा आधीनमा कोर देल्लु , पुण च्यु काय बी नी राखीन नी मेक्यु जो तेरा आधीन नी ओतो ! पुण आमु एवी तक आखो तेरा आधीन मा नी देखतला ।⁹पुण आमु येशु कोयलु सोरगदुत देखो थुडो कम करला ओता भोतोन दुःख उठावणे कारण ते मोहिमा एने आदर ची दुपी पेल्लु देखतला एन बोगवान तेरो अनुगृह देखो च्यु हर एक माणहोन कोरीन मोतोन सवाद चाखे ।

¹⁰काहाके जीनान कोरीन आखा काय से , एने जीनान दवारे सब काय से , तीनाहा यो हाजो लागे कि जेतार तेरा खुब पुरयाह , महिमा मा पुचाडे , तेनिनान उद्धारो करताहा दुःख उठावणाराहा पुरो करहे ।¹¹काहाके पवित्र करने वावाह एने जो पवित्र करनेन इनी वजेह दोखो तीनाह माय कोयने देखु नी लाजवायतलु ।

¹²पुण च्यु कोयतलु , के तारोनाव आपना बायोहोह होमबांडी सभोन विचमा मी तारो भजन गावीहु आखा¹³आवी उंजुयो मी तीनापोर भुरहु मेकहु एने ओवीचो देखु मी तीना पुरयाहा हाते जीनाहा बोगवान मेहे आप्यु ।

¹⁴इनान कोरीन पुरया मांह एने लुय भागीदारी से, एने च्यु आपुबी तीनान गोत तिनान सहभागी ओय गोया , ताकी मोतोन दुवारे उनुहु भोतोपोर शक्ती जुड़ी ,अर्थात सेतान वायबार कर देल्लु !

¹⁵एने जोतरा मोतोन भिख मोरे जीवन भर पीडामा फोसला ओता , तिनुहु सुडाव लेय !¹⁶काहके च्या ते सोरगदुतो को नी पुण अब्राहिम जातोह बी सोमावहे !

¹⁷इनान कोरीन तिनाहा जुवततो , कि आखी वातोन आपणा बायहोह समान बोणे , जिनान तिनाहा तीना वातीन कोरीन मी तीना बोगवान दोखु संबधोनोमा रखतली से , एक किवातु एने विश्वास योग्य महान पुजारू बने ताकी मानहोन पापोन कोरीन प्रायचित करे ।

¹⁸पुण जेतार तिनाहा परिक्षा नी दस्या मा दुःख उठावु , तेतार तिनान बी सहायता कर सकतलु से जीनान परिक्षा ओयतली से ।

Chapter 3

¹इनान करीन ए पवित्र भाईहो तुमुजो सोरमोन भुलावणो भागी से , तिना चेलु व मोटुलु बुजारू येशुपोर जिनाहा आमु मान्या तिनापोर ध्यान लागाडु ,

²ज्या आपनु निवाडया करने वावा बुरहा वावु जोहलू मुसा बी बोगवानोन आखो घर मा ओतु ,

³काहा येशु मुसा ओखु ओतरू वाडीन , महिमा ओतरो समझणेमा आवलो , जोतरो के घर दोखो बठीन आदर मेकतलु !

⁴काहा के हर एक घरन कुणणे कुण बोणावणारू सेयतलु पुण च्यु कुण सब काय बोनायु च्यु बोगवान से !⁵मुसा ते बोगवान आखा घरोन चलान होत बुरहावावु रोयु ! जिना वातोन बरणन भायणे वावो ओतो तिनान गवाई आप !

⁶पोर मोसीही पुरयान गोथ बोगवानोन घर आधिकार से , अने तेरो घर आमुसे, ओवी आमु धीर पोर एने आपणी आशा के घमण्ड पोर आखरी तोक वातडा रोऐ⁷इनान करीन पवित्र आत्मा कोयतलु अने एवी आज तिनान वाते होमवु !

⁸तेतार आपणे मन कठोर मा कोरू जेहे कोरीन खोत कोरणेन समय एने परिक्षा दिहोमा जंगलमा कोरलु ओतु !⁹ज्याहरी तुमरा डायडाया मेहे जास कोरीन पारख्या एने चालीस वरहो तोक मारो काम देख्या ।

¹⁰इनान कारण मी तीना सोमय माणोहो पोर खत कोरुयु एने कोयु इंदरा मन कायम भरकता रोयतला , एने इनुहु मारो वाटहो नी जाणता !

¹¹तेत्यार मी खतमा आवीन कसम खादयु च्या मारा आराम मा आवी नी सकतला !¹²हे भायहो सावधान रोयु , के तुमरामा ओहलो भुरो एने अनिश्वासी मन नी ओयनुजुवे , ज्यो जीवतु बोगवान दोखु सेटु ली जाये !

¹³पुण जिना दिहो तक या आज दिहो कोयनेमा आवतलों . हर दिही एक दिहरा समजाता रोयु . ओहलो नी ओयनु जुवे कि तुमु मा दोखा बी कोतरा मानहे पाप छल मा आवीन ठुकरा खाहे ।¹⁴कहाकि आमु मसीही भागीदार ओयला से , एने आमु आपणा पेल्ला भुरहु पर आखरी तक मजबुत रोये !

¹⁵जेहे कोरीन कोयणेम आवतलो , एने आज तुमु तेरो वात हमवहे तेत्यार तु तारा मनमा आपणो कठोर नी करे , जेहे करीन खत आपणेन समय करतला¹⁶हाजो काल्ला माणहोन होमबीन भी खत आपाड्यु , काय च्या आखा नी मुसा खेर दोखा मिस्र मा दोखा आन्या ओता ।

¹⁷अवी च्या चावी वरहे लोगण कालला माणहो खत करणा रोया ! काय तिनाह नी , च्या पाप कोन्या , तेरा धोड जगलमा पड रोयो ।

¹⁸एने च्या कुणीन कोरीन कसम खादयु , एने तुमु मारा आरामना प्रवेश करनु नी जुवे , केवल उनुहु जिनाह वात नी मानी !

¹⁹यो प्रकारोन आमु देखतला कि च्या अविश्वास कारण दोखा प्रवेश नी कर सकतला

Chapter 4

¹इनान कोरीन जेत्यार तिनान आराममा बोरायणेन कोरणेन प्रतिज्ञा ओवी लगन से , तेत्यार आमुहु बीहणु जुवे, ओहलो नी अयणु जुवे , तुमुमा दोखु कुण जण वचीन रोय जाहे !

²काहाके आमु तिनान सारखो सुसमाचार होमवणे आवलो पुण होमवली वचन दोखो काय फायदु नी ओयो काहाके होमबणेवावा मन मा विश्वास होते नी बोढतो³ओवी आमु जिनापोर विश्वास कोन्या, तिना आराम मा प्रवेश करतला , जेहे कोरीन च्या कोयला , मी मारा खन मा कसम खादलु , कि च्या मारा आराम मा प्रवेश करने नी पोडे , इनान कोरीन जगतोन उचली समयमा तेरा काम ओय गोयलो ओतो !

⁴काहाके सातवो दिहीन विषयोना च्यु ओहे कोरीन नी कोयु बोगवान सातवेदिही आपणो आखो काम निपटाडीन आराम कोयु !

⁵पुण इना जागाहोर यो कोयतलु तुमु मारा आरामोन मा प्रवेश नी कोट सोकतला !⁶जेत्यार यी वात बाकी से , कि कोतरा ओवी से च्या तिना आराम मा प्रवेश कोरहे , एने इस्राएलियो हो जिनाहा तेरो सुसमाचार पेल तिनुहु होमबाड्यु , च्या आज्ञा नी माननेन कारण तीनामा प्रवेश नी कोरया !

⁷काया फोसो विषेश दिही ठहोरावलु ओतरा दिहीन बाद मा दाऊदोन पुस्तकोमा ।

तिनाहा आजेन दिही कोयतला , जोहलो पेल कोयणेमा आवलो यदी आज तुमु तिनान वात होमबव्हे तेत्यार आपणा मनहो कठोर मा होरहु ।

⁸ओवी जेत्यार यहेशु तिनाहा आराम मा प्रवेश कर लेतु , तेतिनान बाहमा दुहरे डिहीन चरचा नी ओयती ।

⁹इनान कोरीन जान लेवुकि बोगवानोन माणहोन कोरीन सब्त आराम बाकी से ।

¹⁰काहा के च्या मानहे आराममा प्रवेश ज्या की बोगवानोन सभान आपणा काम पुरी करीन आराम कोरया !

¹¹इनान कोरीन तिना आराम मा प्रवेश करणेन प्रयत्न कोरहु, ओहलो नी ओए की कुण जन तेरेन सगत आज्ञा नी मानीन पडजाए ।¹²काहाके बोगवानोन वचन जीवतो , मजबुत , एने हर एक दुय धारी तलवार से खुब उत्तम से प्राण , आत्मा को गाठ – गाठ , ओवी गुद – गुद अलग करीन आर पार छेदतलो एने मनन भावना एने विचारो जाँच करतोलो !

¹³एने सृष्टी मा काय बी चीज बोगवान दोखी निकायली नींबे जीनाहा आमुहु लेखो आपुणु से तेरा दुवान सामने आँखी चीज खुल्लो एने प्रगट से !¹⁴इनान कोरीन जेत्यार आमरू एक मोटु महापुजारू से , ज्यु सोरगमा दोखु गोयु आवीन , बोगवान पुरयु येशु , ते आपू आपणा अंगीकार कोरीन मजबुत दोखो थामला रोयल !

¹⁵काहाके आमरू ओहलु महापुजार नी जो आमरी , निर्बता पुर्वक , आमरे हामे दुःखी नी ओय सके , पुण च्यु आखी वतोमा आमरे ते फारखीन गोयु ते भी निष्पाप निकव्यु !

¹⁶इनान कोरीन आवु , आमु अनुगृह सिहासन आहोनो हिमान बांधीन चालु , कि आमु पोर दया ओये , ओवी च्या अनुगृह जुडे , जो गरज के समयमा आमरी सहायता करे ।

Chapter 5

¹काहाके हर एक महान पुजारू माणहोम देखु लेणेम आवतलो , एने माणहोन कोरीन तिना वातोन विषयमा जो बोगवानोन हाते संबध मेकतलु से , ठहराव जातलु , के भेट एने पापबली यठावतु रोये !

²अवी च्या आज्ञानियो , एने भुल , भटकला हाते , नरम से , व्यहार कसतलू इनान कोरीन कि आपु भी निर्बलता देखु पोडलु से !

³एने इनान तिनाहा जुवे , कि जेहे माणहे कोरीन , तोहलोस आपने कोरीन पाप बली चढ़ावता रोये⁴ओवी यो आदर का पद कुण भी आपने आप नी लेतलु , जेत्यार तेत्यार के हारुनोन गोत बोगवानोन खेर दोखु ठहरावलो नी जाए !

⁵तेहेज कोरीन मसीही भी महानपुजारू बननेन महिमा आपने आप नी लेदी , पुण तिनाहा चु आपु ,

तिनाहा च्यु कोयलु ओतु , तु मारू पुरयु से , आज भी तो हो जोलमालु से !

⁶इनीस प्रकार चु दीहरी जागे भी कोयतलु , के तु कोलिकीसिदक रीती पर हमेशान कोरीन पुजारू से !⁷येशु भी आपनी डोलोमा रोयईन रोहमा मोटा आवान दोखु आयडी एने आवहा वडाईन – वडाईन च्यु तिनहा मोतोमा दोखु वाचाड सकतलु , प्रार्थना एने विनती कोरीन एने भक्तीन कारण दोखु हामवणे आवलो !

⁸एने पुरयु ओईन भी च्यु दुःख उठावीन आज्ञा माणने हिख्यू !⁹एने सिद्ध, बोणीन , आपना आखा आज्ञा माननेवालो कोरीन सदा कालोन उद्धार कारण ओय गोयलु !

¹⁰अवी तिनाहा बोगवान की ओर दोखु मेलिकिसीदक रीती पोर महान पुजारान पद जुडयो ।

¹¹इनान विषय मा आमु खुब वात कोयणुसे , जिनाहा समझवणु भी कठीन से , इनान करीन तुमु उंचो हमवणे बाजला से ।¹²समय विचार दोखो ते तुमुहु गुरु ओय जाणु जावतलो तेभी यह आवश्यक से कि कुण भी तुमुहु बोगवानोन वचनोन आरदी शिक्षा ओवी हिकाडे , तुमु ते ओहला ओय गोयला से , कि तुमुहु रूटा बदले ओवी लोगन दुध ही जुवे , !

¹³काहाके दुध पीनेवावा होते धार्मिकतान वचन पोहयान नी ओती , काहाके च्यु पुरयु से

¹⁴पुण खाणो हुशारोन कोरीन से , तिंदरी ज्ञानेदिया अध्यास करता – करता भोलो एने बुरो मा भेद करने मा निपुर्ण ओय गोया !

Chapter 6

¹इनान कोरीन आवु मसीह शिक्षा पेल्ली वातोहो छुडीन आमु सिद्धुता खोर बढोता जाना , एन मोरलो ओयलो काम देखो मन फिरावु , एने बोगवान पोर विश्वास कोरू !

²एने बापतिसमा एने हात मेकने एने मोरला जीवता उठने, एने आखरी न्याय शिक्षारूपी फयु ओवी मा नाखु !

³एने ओवी बोगवान चाहे ते आमु यो कोरहु !⁴काहाके ज्या एक वार उजोड देख्या से , ओवी ज्या सोर्गीय वरदान का सवाद चाख्या चुक्या से एने पवित्र आत्मान भागी ओय गोया से !

⁵एने बोगवानोन उत्तम वचन एने आवने वावो युगन सामर्थ सवाद साख लेदला से !

⁶यदी च्या भटक जाहे ते तिनुहु मन फिरावोन ओवी नवला बोणावणेन अनहोना से , काहा के च्या बोगवानोन पुन्याहा आपणे कोरीन फोसो क्रुरुपोर चढावलासे , ओवी प्रगट मा ओवी तिनाहा कलंक लागाडतला !⁷काहा जो धरती वरहातोन पाणी ज्यो तिनापोर बार – बार पडनोलोसे , मी पीन ज्या माणहे कोरीन च्या जुलो उरणे जातला से , तिना अमोन मा सांगपानी उगतलो से, च्या बोगवानोन खेर आशीष पावतला से !

⁸पुण यदी च्या वाडी – या उपकाता उगाडतला से , तेत्यार निकम्मु एने श्रापन , ओयने पोर एने तिनान आखरी हलगावणे से !⁹पुण हे प्रिय यदी आमु यी वात कोयतला से ते यी तुमरा विषय मा आमु इना देखो होजो एने उद्धार कोरणेन वातोन भुरहु कोरतला से !

¹⁰काहाके बोगवान अन्याय करणारू नींबे कि तुमरा कामोन एने तिंदंरा प प्रेमोहो विहरी जाहे , जो तुमु तिहरा नावोना कोरीन इनी रीती देखावा कि पावित्र माणहोन सेवा करे , ओवी कोरी भी रोयाहा !¹¹पोर आमु खुब चाहतलो से ' के तुमु मा दोखा हर एक जन आखरी तक पुटी आया कोरीन ओहलो ही खुश करना रोये !

¹²काहाके तुमु उजग्या नी ओय जाये , पुण तिंदरा सारखा कोरू जो विश्वास एने धीर के द्वारा प्रतिज्ञाए के वारस योयला से !¹³एने बोगवान ओने अब्राहमहो प्रतिज्ञा आपणेन समय , ज्येतार कि कसम खानेन कोरीन कुणीही भी आपने दोखा मोटान फचा नी आपणी ही शपत खाईन कोयु !

¹⁴मी खोरो खोराये तोहो खुप मोये आर्शीवाद आपीही , ओवी तारा पुन्यापारीही भी बढोल जाए !

¹⁵ओवी इनी रीती तिनाहा धीर धरीन प्रतिज्ञा कोरनेन वात प्राप्त कोर लेदलु ।¹⁶माणुहु ते आपणो दोखु काणहा मोटलान कसम खाया कोरतलु , से , एने तिंदरा हर एक विवादोन शपत दोखु पकको करतलु से ।

¹⁷इनान करीन जेत्यार बोगवान प्रतिज्ञान वाररू पोर ओवी भी साफ रिती से प्रकट करणे चाहयु !

कि तेरी मनसा बदल सकतली तेत्यार शपथ , वात विसमा लावलु ।

¹⁸ताकी दुय वे बदल वावा के द्वारा तिनान व विषयमा बोगवाणोहो झुठो ठहरावणु अनहोना हे आमरो दृढ़ता से डाढस , बांधजाऐ जो शरण इनान कोरीन दोवडा के तिनी आशा सामने मेकली से तीनीही प्राप्त कर लेऐ ।¹⁹ची आशा आमरो प्राण कोरीन ओहलो , लंगर से ज्यो स्थिर एने मजबुत रोये एने परदा माय लोगन पुगाडतलु से !

²⁰ज्याहरी येशु ने मलिकीसिदक रीतीपोर सदा कालोन महापुजार बोणीन आमरेत कोरीन अगुवान रूपमा प्रवेश कोरलु से ।

Chapter 7

¹ये मेलिकिसिदक शालेम राजा, ओवी परमपरधाम बोगवानोन के पुजारू जेत्यार अब्राहम राजा नुहु मारीन लोट जातलु ओतु, ते इनाहा तिनाहा भेट कोरीन तिनाहा आशीष आप्यु !

²इनाहोके अब्राहम ने आखो चीजन दोसवु भाग आप्यु , च्यु पेल आपणो नावोन अर्थ अनुसार धानिकतान का राजा एने ओवी शालेम अर्थात , शान्तीन राजा से !

³जेरोनी बाबु , नी आई नी वंशावली से , जिनान न दिहो के पेलदोखो से नी जीवनोन आखरी से , पुण बोगवानोन पुन्यु सारखय ठहरावु वोह कायमन कोरीन पुजारू बोणीन रोयतलु से ।⁴एवी इनु पोर ध्यान कोरु के ओहलु महान ओतु तिनाहा कुलपती अब्राहम ने हजो से घनो माल लुटीन रसवो अंश आप्यु !

⁵लेविन मे से जो पुजारान पद जुड्यो स , तिनाह – तिनाहा आज्ञा जुडी के माणहे आर्थात आपणा भायहो से चाहे के अब्राहम ही डिल से काहानी जल्मों हो, नियमोन अनुसार दसवा भाग ले !

⁶पोर इनाहानो तिंदरा वंशावली , मा भी नी ओतु , अब्राहम दोखु दसवा भाग लेदु , एने तिनाह प्रतिज्ञा जुडी ओती तिनाहा आशिष आप्यु !⁷एने तिनामा संदेह नी , कि अयता मोटा से आशीष जुडतलो से !

⁸एने याते मरणहार माणुह दसवा भाग लेतला से , जिनान गवाही आपणेम आवतली से , के च्यु जीवतलु से !

⁹ते आमु यो भी कोय सततला से , के लेवी भी च्यु दसवु भाग लेतलु से , अब्रहामन खेर दसवु भाग आप्यु

¹⁰काहाके जिन समय मेलिकीसिदक ने तेरा बाबा से भेट कोयु , तिना समय यो आपणा बाबान डिलमा ओतो , !¹¹तेतार ओवी लेवी पुजारु पद खेर सिद्धि ओप सकतली से , जिनान सहारे से माणहे व्यवस्था जुवडी ओती , ते ओवी काय , आवश्यकता ओती , के दिहरु पुजारु मेलीकिसिदक रिती पोर उबरयलु से , ओवी हारून रीतीन जुण कोयडावतु !

¹²काहाके जेत्यार पुजारान पद बदलतु जातलु से , तेत्यार व्यवस्था भी बदलतु जातलो¹³¹⁴काहा के जिनाह विषय मा भी वात कोयणेमा आवतली ची दिहरान गोत्र काय से,जिनामा गोथो कुणीनने वेदी सेवा नी कोया ।14 तेत्यार प्रकट से कि आमरू पोरबु यहुदा गोत्र मा दोखु उदय ओयलु से ओवी इना गोत्र विषय मा मुसा पुजारान पर काय भी चर्चा नी ओवी !¹⁵आमरा दावा ओवी भी स्पष्टता से प्रकर ओय जातलो से , जेत्यार मेलिकिसिदक सारखो एक ओवी पुजारू उत्पन्न ओयणे वावु ओतु !

¹⁶जो शारीरिक आज्ञान व्यवस्था सारखो मी , पोर अविनाशी नीपनेन सामर्थ सारखो नियुक्त ओये !

¹⁷काहाके तिनान विषयमा यी गवाई आपनेम आवली , तु मेलिकिसिदक रीतीपोर युगानयुग पुजारू से !¹⁸निदान , पेल्ली आज्ञा निर्बल , ओवी निष्फल ओयने कारण से लोप ओय गोयली !

¹⁹इनान कोरीन व्यवस्था काल्ली वात कि सिद्धी नी कोरी , एने तिनान जागापोर एक ओहली उत्तम आशा मेकणेम आवली से , जिनान दुवारे आमु बोगवानोन आहने जाय सकतला से ।²⁰ओवी इनान कोरीन मसीही कि नियुक्ती बीना शपत नी ओयी !

²¹काहाके बिना शपत पुजारू ठइरवणेन , गोया पोर यी शपत हाते तिनान ओर दोखु निवल कोरणेम आवलो जिनाहा तरे विषयमा कोयो , पोरबु ने शपथ खादयु ओवी च्यु तिनाहा

ओवी नी पोसतायु कि तु युगान युग पुजारू से !

²²इनान कोरीन येशु राक वाचान जामीन ठहराव्यु ।

²³च्या ते खुब पुजारा बोनता आव्या इनान कारण यो ओतो कि मोत तिनाहा रोयणे नी देतो ओनो .

²⁴पुण युगानयुग रोयतलु से , इनान कारण तेरो पुजारा पद अटल से पुजारान पद अटल से !²⁵इनान कोरीन जो तिना द्वारा बोगवान होते आवतला से , च्या तिंदरा पुरोपुरो उद्धार कर सकतला से काहाके तिनान कोरीन विनती कोरणेन हमेशा जीवतु से !

²⁶काहाके ओहलुज महापुजार आमरे योग्य ओतु च्यु पवित्र, ओवी निष्कपट और निर्मल अने पापियों दोखु आलग , ओवी सोरग दोखो भी उचो कोरलु ओहु !²⁷ओवी तिना महापुजारा के समान तिनाहा आवश्यकता नी कि हरदिही पेल आपणो पाप एने ओवी माणहोन पापोन कोरीन बलिदान चढावे , काहाके च्यु आपने आप बलिदान चढ़ावीन तिनाहा एक वारमा निपटाव देल्लु !

²⁸काहा व्यवस्था ते निर्बल माणुहु महापुजारा निवाव कोरतला , पुण तिनान शपतोन वचन नो व्यवस्था बादमा खाई गोयली , तिनान पुन्यु को निवाड करनला से जो युगानयुग कोरीन सिद्ध करणेन आव्ये से ।

Chapter 8

¹ज्येत्यार जी वात आमु कोय रया से , तिनामा आखा दोखी मोटी वात यी से के , कि आमुरा ओहलु महान पुजारू से , ज्यु सोरग पोर , महामोहिमन राजगादी जाईन बोठयु !

²ओवी पवित्रस्थान ओवी तीना खोरला तम्बु के सेवक ओयलु , जिनाहा कुणीन माणहोन निम्बे , पुण पोरबु उबोराखलु से !³काहा के हर एक महापुजारू भेट , ओवी बलिदान चढावणेन कोरीन ठहरावणेन जातला इनान कोरीन जरूरी से , के इनान हात भी काय चढाणे कोरीन रोयतलो ,

⁴ओवी मसीह धरती ओयतु ते कभी पुजारू नी ओयनु , इनान की धरती पोर व्यवस्था गोथ भेट चढावणे वाक ते से !

⁵ज्यो सोरग मायलु चीज तिना सारखो ओवी प्रतिबिम्ब , * सेवा करतोला से , जेहे ज्येत्या मुसा तम्बु बोनावणे पोर ओतु , ते तिनाहा यो चेतावनी जुडी , देखु जो नमुना तोहो बैयडा पोर देखाहो गोयलोओले , तिनान गोथ आखो काय बोनाव !⁶पुण तिना पुजारा देखु बोडीन सेवा येशुहु जुडली , काहा च्यु ओवी बी उत्तम वाचा का मध्यस्थ ठहरायलु ओवी ज्यो उत्तम प्रतिज्ञा सहारे बांधणेम आवलो ।

⁷काहा ओवी यी पेल्ली वाचा निदोष ओती , ते दुहरी कोरीन अवसर नी हुदणे नी आवतली !⁸पुण बोगवान माणहो पोर दोष लागाडीन कोयतलु से , पोरबु ओयतलु के , देखु च्या दिही आवतला से , कि मी इस्त्राइल घराणा के होते ओवी यहुदा घराना हाते , नवी वाचा बांधीही ।

⁹यो तीना वाचा गोय नीबें , जो मी तिनंदरा पुराना के होते तिना समयमा बांधी ओती , जेत्यार भी तिदरा आत दोरीन तिनाहा मिस्त्र देशमा दोखु निकावीन लाव्यु , काहाके च्या मारी वाचा पोर स्थिर नी रोयु , ओवी भी तिनान सुधी नी लेदयु , पोरबु यो कोयतलु से ।¹⁰This is the covenant that I will make with the house of Israel after those days —says the Lord. I will put my laws into their minds, and I will also write them on their hearts. I will be their God, and they will be my people.¹¹ओवी हर एक आपणा देशवावा या और आपणा भायहो यो शिक्षा नी आपे , कि तु पोरबु उवख काहा के आयता से भोय ताक आखा मेहे जाण ले !

¹²काहा मी तिनान अधर्म के विषय मा दयावंत ओयी , ओवी निनान पापो मी फोसु याद नी कोरो !¹³। नवी वाचान स्थापन से तिनाम पेल्ली वाचा के पुरानी ठहरावी , ओवी जो चीज पुराली ओवी जीर्ण ओय जातली से तिंदरो मिट जाणो अनिवार्य से !

Chapter 9

¹निदान ओवी पेल्ली वाचा तिनामा बी सेवान नियम ओना ओवी ओहलो पवित्रस्थान ओतो ज्यो इना जगतन ओतो

²अर्थात एक तंबु बनावणे मा आव्यो पेल तम्बु मा दिवट , ओवी मेज , ओवी , भेट न रूटो ओतु , और च्यो पवित्रस्थान कोयतलु से !³ओवी दिहोरा परदान फोसव च्यो तम्बु ओतु , जो परम पवित्र जागु कोयणेम आवतलो ।

⁴तिनामा हुनान धुपदानी , ओवी चारों खेर से हुनान कोरीन मुवडो ओतो वाचान संन्दुक ओवी इनामा मन्ना दोखो भरायलों हुनान मर्तबान ओवी हारूनन लाकुड जिनामा फुल फल आवगोयलो ओतो , ओवी वाचा कि पट्टी ओती ।

⁵तिना उपर दुय तेजोमय करूब , ओता , जो प्रायस्चितन ढक्कण , पोर सावु कोरलो ओतो तिनुहु एक – एक कोरीन वर्णन करणेन ओवी अवसर नी से ।⁶यो चीज इनी रिती दोखु तियार ओय गोयली , तिनाहा पेल , तम्बु आते पुजारू हर समय जाईन सेवान के काम पुरो करतला से !

⁷पुण दिहरा केवल महापुजारू वर्षे भर मा एकय वार जातलु , ओवी बिना लुय लिये नी जातलु , जिनाह ज्यो आपणे कोरीन ओवी माणहो भुल चुक कोरीन चढावतलु से ।⁸इनाहा पवित्र आत्मा यो देखाडतलु से , कि जेत्यार तेत्यार पेल्लु तम्बु उबरोयतलु से , तेत्यार तेत्यार पवित्र स्थान वाट प्रगट नी ओये ।

⁹ओवी यी तम्बु ते वर्तमान समय कोरीन एक उदाहरण से, जिनला ओहली भेट ओवी बलिदान चढ़ावता जानला से , जिनामा आराधना कोरणेवावा के विवेक सिद्ध नी ओय सकतला ।

¹⁰इनान कि च्या केवल खाने पीने की वस्तु ओवी भांती – भाती उगणेन विधीन आधार पोर शारिरीक नियम से , जो सुधार समय तक के लिए नियुक्त कोरीन गोयलो से !¹¹पुण ज्योत्यार मसीह आवणेवाली हाजी -हाजी वातुन महपुजारू ओईन आवलु , ते तिनाहा ओवी बी मोटा ओवी सिद्ध तंबु मा ओईन जो होतोन बोणावलो नी अयीन दुनियान नी !

¹²ओवी बुकडा एने वासडा लुयोन कोरीन नी , पोर आपने ही लुयोन कोरीन एक ही वार पवित्रस्थान मा प्रवेश कोरला , ओवी अनन्त छुटकारू प्राप्त कोरलु !¹³पुण जेत्यार बुकडा एने बयलोन लुयो एने कलोर कि रुखडु अपवित्र माणहे पोर छिडके जाने से शरीर क शुद्धता के पवित्र करनली से

¹⁴ते मसीह लुय जिनाहा आपने आप को सनातन आत्मा के खेर बोगवानोन सामने निर्दोष चोढाव्या तुमरा विवेक को मरला ओयला कामोह काहान शुद्ध करेहे ताकी तुमु जीवता बोगवानोन सेवा करू ।

¹⁵ओवी इनान कोरीन यी नवली वाचान मध्यस्थ से, काहोक तिनान मोतीन खेरजो पेल्लो वाचान समयन अपराध से तोहो तेरो छुटकारा पावने कोरीन ओयली से, बुलावडा ओयला माणहे प्रतिज्ञान अनुसार अनंत विरासन प्राप्त कोरो !¹⁶काहाके जी वाचा बांध्ये गोयली से , ची वाचा बांधनेवावु मोनोन समजी लेनु भी अवश्य से ।

¹⁷काहाके ओहली वाचा मोरणेपोप पक्की ओयतली से , ओवी जेत्यार ती वाचा बांधनेवावु जीवतु रोयतलु से जेत्यार तेत्यार वाचान कामोन नी रोयतली !¹⁸इनान कोरीन पेल्ली वाचा भी बिना लुयोन जेयो बांधनेमा आवली !

¹⁹काहा जयेत्यार मुसा आखा माणोहो व्यवस्थान हर एक आज्ञा होंबाड चुकलु ओतु , ते च्यु वासडा एने भुकडान लुय लिन पानी ऐने लाल ऊन , एजे जुलान होते तिना पुस्तक पोर एने आखा माणोहो पोर साट देलु !

²⁰एने कोयु , यो तिना वाचान लुय से , जिनान आज्ञा बोगवान तुमरे कोरीन आपलु से !²¹एने इनान रीती से , च्यु तम्बु एने सेवा आंखों समान पोर लुय साट देलु !

²²ऐने व्यवस्थान अनुसार प्राय , आखा वस्तुन लुयोन द्वारा शुद्ध ओय जातलो से, एने बिना लुय बढाए माप नी ओयतलो !²³इनान कोरीन आवश्यक से , के सोरग मा दोखी वरतुन प्रतिरूप इना बलिदानोन द्वारा शुद्ध कोरनेमा आवो , पोर सोरग मायली वस्तु आपु इनामा उत्तम बलीदानोन द्वारा शुद्ध करणेम आवली ।

²⁴काहाके मसीही ने तिना हातोन बनावलो ओयलो पवित्रस्थान मा जो खोरलो पवित्रस्थान नमुना से , प्रवेश नी कोर , पुण सोरग माही प्रवेश कोरहे , ताकि आसरे कोरीन एवी बोगवान सामने देखाई देहे !²⁵यो नी के च्यु आपने आप बार - बार चढावो , जोहले के महान पुजारू हर वर्षे तिहरान लुय लिन पवित्र जागामा प्रवेश कोरया करतलु से ।

²⁶नी ते जगत सुरवात से लिन तिनाहा बार-बार दुःख उठावणु पडतो , पोर एवी युगोन अंतमा च्यु एक वार प्रगट ओयलु से , ताकि अपणो ही बलीदान द्वारा पापोहो सेदु कर दे !²⁷²⁸एने आखा माणहोह एकवार मोरनु ते पोडहे , एने ओवतु बोगवान तिंदरू नियाव को रहे तोहलो बोगवान नेम ठोरावलु से !28 रहेज कोरीन यीशुमसीह एकज वार आखा मागहोन पाप सेटा कोरनेन कोरता सोता बादान होस चोडाव्यु च्यु दिहरी कावा दोरतीपोर फोसु आवण्यु से , तेरा जीवाह पापोन कोरता सोता बादान होरू चोडावणे नी , पुण ज्या माणहे तीनाहा वाट जुवीन बुरहु कोरीन रोयतला तीनुह वाचाडने आवण्यु से !

Chapter 10

¹काहाके नियम जिनामा आवनेवावी हाजी चीजोन साव्वान होस से , च्या ओसली चीजे निबें , पुण मसीह काय कोरलु च्यो खोरो , ऐन हाजो से , कोरीन च्या जुनला रीतीमा गोडी- गोडी बादा चोडवतला आवला पुण च्या बादा चोडावणेन काम च्या बोगवानोन बोक्ती कोरने आवतला तीनुहु कोदी सुखलो नी कोर सोकतला !

²नी ते तिंदरा चढावलो बंद काहा नी ओयतलो , इनान कोरीन सेवा करनेवावा एकुच वार शुद्ध ओय जाता ! एने तिंदरा मायला मोनमा पापोन फोसतावु नी कोरता !

³पुण एहेनी ओयो . बाकीन बादा चोडावणेन कामे कोरया एने च्या बादा चोडावणेन काम माणहोन तिंदरा पापो ओवी कोरावता आव्या !

⁴काहाके ढाडान एने बुकडान लुय कोदी तुमरा पापोह नी दुव सोकतला !⁵इना कारण दोखु मसीहा जगतमा आवणेन यो कोयतलु , बलिदान एने भेट तोहो जुवे पुण मारेन कोरीन एक डिल तोयार कोरलो से !

⁶होमबली एने पापबली दोखु तु खुश नी ओयु ।

⁷एने यीसु मसीह उजुकोयु एने बोगवान जेहे तारा चापडामा मारा बारामा लेख रोयलो तेहेज , तारी इस्सा पुरी कोरने मी तियार से ।⁸उपर देखु च्यु कायतलु से , तु बलिदान एने भेट एने होमबली, एने पापबोली चाहतलु ओवी नी तिना से खुश ओयतलु , यद्यपी यो बलिदान से नियमोन के अनुसार चढावो जातलो !

⁹यीसु एहे बी कोयु , ए बोगवान मी तारी इस्सा पुरी कोरने , भी चाहरी आवलागलु से ।

कोरीन बोगवान दीहरा वायदाम मोजबुत कोरनेन कोरता पेल्ला वायदाह काड देल्लु !

¹⁰काहा के जेत्यार यीसु तेरा डीलोन बादा सुरणे आपीन बोगवानोन इस्सा पुरी कोरलु , कोरीन आपु पोवित्र बोण गोयला । यो एकवार ओयलो से , एने लासो कोदी जोरूडी नी ओऐ !¹¹एने आखा येहुदीन पुजारा दाडीन तेरी सेवा कोरने एने गोडी – गोडी बादा चोडावणे एने पुजा पायेन रीती कोरने , तीना जागापोर उबरोयतोला । पुण चा आखा बादा सुरणेन कामे माणहोन पाप कोदी सेये नी कोर सकतला !

¹²पुण आपणु यीसु मोसी आखा माणहोन पापोन कोरता सोतान जीव एकुज वार बादा चोडावने होच्यु ! ओवतु च्यु बोगवानोन जेवडी खेर , खास जागापोर होमेस्या कोरीन बोण्यु !

¹³एने एवी तेरे दुस्मोनोह जीकीन बोगवान तेरे पाय मेकणेन पाटडु बोणाव देये ताहालोगन च्यु च्या हरिज वाट जुवीन रोयतलु ।

¹⁴काहाके च्या एकुज चढावान मा द्वारा पोवित्र कर देल्लु , हमेशा कोरीन तिनुहु सिद्ध कर देल्लु से ।¹⁵ओवी पवित्र आत्मा आमुहु गवाही आपतली कि काहाके च्यु आमुहु कोयतलु से !

¹⁶पोरबु कोयतलु से कि जी वाचा मी तीना दोहोन बादमा तिनमा बांधी चो यो सके मी मारी व्यवस्था भी तिंदरा मन पो लिखी ओवी मी तिंदरा दिमाग मा नाखीही ।¹⁷एने च्यु एहेंबी कोयलु , एने मी तुनुपोर दोया कोरीन तिंदरा पापोह माफ कोर दीह , एने फोसु कोदी ओर नी कोरो ।

¹⁸आपणो आखो पाप एने गुना माफ कोर देल्लु से , कोरीन अपुहु काय बी बादा । चोडावणेन जोरूड़ी नींबे !¹⁹ए बायहों यीसु मोसी आपेणा कोरता तेरे जीव बादा चोड़ावणे आव्यु , इनान कोरीन आपुहु पोवित्र जागामा जाणेन कोरीन आसान ओय गोयो ।

²⁰आपणे कोरोता यीशु मसीन जी खोरो वार आपनुहु पोवित्र बोइढ़ान ओयती बोगवान खोर ली जाणेन नोवली जीवाय बोणाव्यु च्यु पोडदु तेरो डील से !

²¹एवी यीशु आपणेन कोरता बोगवाणोन घरानान मुखी पुजारू से , चु बोगवानोन घरानान अधिकारी से ।

²²तेत्यार आवु आमु खरला मन एने पुरो विश्वास देखो एने आमरो विचार दोष सेये करनेन कोरीन मनो पोर छिडकाव करेरीन ए ओवी दिलोहो साफ पाणी कोरीन दुवीन बोगवानोन आहणे जाए !²³एने आपणी आशा हा मानीन तीना पोर जोजबुत दोखा थामीन रोयु , काहा ज्यु प्रतिज्ञा कोरलु से , च्यु विश्वास योग्य से !

²⁴एने आपु माणहोह केहेंक मोदत कोरहु एने केहेकाय दिहराह मोंग कोरहु , एने हाजो काम कोरहु कोरीन चिंता कोरहु !

²⁵ओवी एक दुहरा हाते एकठ्ठा ओयणु सुडु काहाके कोतरा माणहोन खीरितो से , पुण एक दिहरा सोमजाता रायु , ओवी जो जो तिना दिहोन आहणो आवतलो देखीन तेतार - तेतार ओवी भी जादा यो कोरता रोयु !²⁶काहके खोरली पोहिचान प्राप्त कोरेन बाद ओवी आमु जाण बुझीन पाप कोरता रोयहु ते पापोन कोरीन काल्ली बी बादा चाडावनो बाकी निंबे !

²⁷हा दंड एकुच भयान उम्मीद एने आठ्ठान जलन बाकी से जो विरोध कोरने वावा भस्म कर देहे ।²⁸जेत्यार मुसान व्यवस्थान नी माननेवावा दुय या तीन जोणत गवाही पोर बीना दोया कोरला मारणेम आवतलो से , ।

²⁹तेत्यार सोचलेवु कि कातरा ओवी बाहरी दण्ड के योग्य ठहराव्यु , जोतरा बोगवानोन पुन्यान पायो मा कुचलायला एने वाचा लुय जिना दोखा यो पोवित्र ठहरावणेमा आवलो ओणो , ओपोवित्र जाणला से , एने अनुग्रह की आत्यान अपमान ओयले से !³⁰काहाके आमु तिनाहा जाणतला से च्यु कोयलु पोलटु लेनु मारो काम से , मीय बरलु लीही ओवी यो कि पोरबु आपणा माणहोन निवाडु पाडहे ।

³¹जीवता देवोन हातोमा पोडणु खतरनाक वात से !³²पुण च्या पेल्ला दिहोहो और कोरनु जिनामा तुमु उजड देखीन दुःखोमा संघर्ष मा स्थिर रोयु !

³³काय ते या कि तुमु निंदा एने क्लेश सोहन करतु ओवी तमासु बने , ओवी काय यो के तुमु तीनान सहभाग ओया जिंदरी दुर्दशी करने मा आवतलो

³⁴काहाके तुमु कैदीने गोत दुःख माथी दुःखी ओया , ओवी आपणी संपती भी खुशी मा दोखु लुटने देहु पर जाणीन के तुमरा हाते एक ओवी भी उत्तम एने हमेशा ठहरने वावी संपती से !³⁵इनान कोरीन आपणो हिमान मा सुडु काहा के तेरो प्रतिफोव मोटो से ।

³⁶काहाके तुमुहु धीरज धरणु आवश्य से , काहा बोगवान इच्छा पूरी करनेन तुमुहु प्रतिज्ञा फोव जुडे !

³⁷काहाके एवी खुब कम समय रोय गोयलो से । जेत्यार कि आवनेवावु आवहे एने देर नी कोरे ।³⁸मारा धर्मी माणहे विश्वास से जीवता रोयहे ओवी यदी च्या फोसा हर जाहे ते मारा मन तिनुहु खुश नी रोये , ।

³⁹पुण च्या बुरहु सुडीन फोसा वोसरीन नास ओय जातला तिंदरे होस आपु नी , बावीन आपु बोगवानोपोर बुरहु कोरतला एने च्यु आपणा जीवोह वाचाडहे ।

Chapter 11

¹एवी विश्वास आशा कोरी खोरय एने नी देखली वस्तुन प्रमाण हे

²पेल्ला वारामा डायडाया बोगवानोपोर खोरू बुरहु कोरला , कोरीन बोगवान तिंदरा बारामा हाजु पुरावू आप्यु ।

³बुरहामा आपु जाणतला के बोगवान तेरा बुलोमाज आखी कोवी गोडलु , जेतार बोगवान गोडणे बाज्यु तेतार ज्या काय आपु देखतला च्या कायीज नी ओतो ।⁴हाबील बोगवानोपोर बुरहु कोरयु कोरीन तेरू मोटलु बायहो केयनोन बाहा चोडावणे दोखु बोगवानोह एक दोम हाजी बादा चोडाव्यू , हाबील एहे कोरलु कोरीन जेतार बोगवान कोयलु तीन टेमे हाबीलोन बादान बारामा गोवायी आपीन , बोगवान हाबीलोह दोरनी कोर एने हाबील मोर गोयू , ती बी आपू एवी बी तीना दोखा बोगवानोपोर बुरहु कोरनेन बारामा हिकतला ।⁵यो रहे के होनोक बोगवानोपोर बुरहु कोन्यू , कोरीन बोगवान तीनाह सोरगोमा उचली ली गोयु , तीनामा च्यु नी मोरयू , कोरीन च्यु कुणीहीज नी देखायू काहाके बोगवान तीनाह च्यु दुनियामा रोयतोतु तेतार सोरगोमा उचली लेणेन पेलेन बोगवान पुरावु आप्यू , के च्यू मेहे पोरे ओहलो जीवाय जीवलु

⁶बोगवानोपोर बुरहु कोरे विगुर कुणबी बोगवानोह खुस नी कोर सोकतला । च्यु कुण बोमवानोन आसरू लेणे हुदतलु , ते च्यु बोगवान जीवतु से एने ज्या तीनाहा हुदणारा से तीनुह आसीरवाद आपहे कोरीन तीनापोर बुरहु कोरनु पोडहे !⁷नुहु बोगवानोपोर बुरहु कोरलु कोरीन च्यु कोदी नी देख्यु ती बी बोगवान तीनाह चेतावणी आपीन जाहान बोगावणे लागाड्यु ते च्यु तेरा कुरमो मायला वाचाडनेने कोरता मोटली जाहाज बोणाव्यु एहे कोरनेमा च्यु एने तेरो पोरिवार मायला कायनी मोरया । तेरे बुरहामा कोवीन माणहोह गुनावाला ठोराव्यु च्यु बरहु कोरलु कोरीन बोगवानोन नोजरोमा घना काय कोरणारान दोरमीन वारीस बोण्यू ।⁸आबराहाम बोगवानोपोर बुरहु कोरलु , कोरीन जेतार बोगवान तीनाहा हादलु , तेतार च्यु बोगवानोन वात मानीन तेरो देस सुडीन बोगवान आपीही कोयलु तिना जागामा चाल पोड्यु । एने आबराहोमह जहरी जातलु च्युबी मालूम नी ओले । तीबी च्यु तेरो देस सुडीन चाल पोड्यू ।

⁹आबराहम बोगवानोपोर बुरहु कोरव्यू कोरीन बोगवान तीनाहा वायदु कोरलु तीन देसोमा च्यु पोरायान होस वोह गोयलु आबराहाम तेरा पुरया इसाक एने याकुब हाते वारीसोन होकदार बोणीन तीना ताबमा रोयू ।

¹⁰काहाके आबराहाम जोलमकुज रोयणेवावा सोरग मायला सहरोमा जीवने वाट जुवतोतु तीना सहरोह पायू नाखीन बोणावणारु बोगवानुज से ।¹¹बुरहु कोरनेमाज आबराहाम बाह बोण्यु च्यु एने तेरी लाडी सारा पुरया पोयदा कोरनेन वोथ जात रियली , ती बी सारा वायदु कोरनारू बोगवान इनानदार से कोरीन बुरहु कोरीन ताकोत सापडावीन पुरया पोयदा कोरली से

¹²कोरीन आबराहाम पुरयो पोयदा करनेन वारामा खुब डायलु ओतु , कोरीन तेरो डील मोरलान होस से तीना एकुज माणहोम दोखु सोरगोन तारान होस एने दोरियान मेरेन रेवटान होस गीणाये नी मोहला बोगवान तीनाह जेहे वायदु कोरलु तेहे खुब होंटा माणहे पोयदा ओयला !¹³या आँखा माणहे मोरे ताहालोगोण बोगवानोपोर बुरहु कोरता रोया , बोगवान काय वायदु कोरलु तीनुहु च्यु काय नी जुड्यों , पुण च्या सेय दोखा तिनुहु देख्या एने बुरहु कोरीनुज खुब खुस ओयीन मान लेदया । एने च्या कोवीमा रोयणेन टेमे दिहराह कोयला के आमु ते पोराया माणहे से , एने वार चाल फिरनारा से ।

रहे कोबलीन मोर गोयला !

¹⁴तीनु माणहोन जीवाय दोखो आपुहु जालुम पोडतलो के च्या माणहे जोलमकाज रोयणेन तिंदरा सोतान देसोह हुदता रोयला !¹⁵जोर च्या सुडीन आवला तीन देसोह फोसा ओर कोरता ते च्या फोसा फीरीन जात रोयता !

¹⁶तीनाह नी पुण तीना दोखा वोडीन च्या खुब हाजा जागामा रोयणे गोरोन इस्सा कोरला , कोरीन बोगवान तीनुहु तेरे होते रोयणेन कोरता एक सेहर तीयार कोर रोयुहु एने बोगवान सोताह तिहरु बोगवान कोवायणे कायनी लावायतलु !¹⁷आबरहाम बुरहु कोनेमाज जेतार बोगवान तीनाहा फारक्यु , तेतार आबराहम तेरे खास सुरु इसाकोह बादम होरु चोडाव्यू

¹⁸एने बोगवान तीनाह कोयलु , ओतु के इसाक तारू पुरयू तीना दोखो तार वोंस कोवायहे , बोगवान दोखु आबराहाम यु वायदु सापडावीन बी बोगवानोन वायदु पुरु कोरनेन कोरता तेरो एकुज पुरयाह बादा चोडावणे तीयार ओतु !

¹⁹आबराहाम विचार कोरयू के जोर इसाक मोरे तीबी बीगवान तीनाह फोसु जीवतु कोर सोकतलु । तीन बरहामा आबराहाम तेरा पुरयाहा बादा चोडावने ली गोयलु , ओतु . कोरीन फोसु तेरो पुरया तोहलुज नोस्साणीन होरू जुड मोयलु ।²⁰बुरहु कोरनेमाज इसाक तेर पुरयु याकुब एने एसावोह बोवस्यमा बोगवान आसीरवाद आपहे कोरीन आसीरवाद आप्यू !

²¹याकुब बुरहु कोरनेमाज च्यु डायलु ओयीन मोरनेन टेमे युसुफोन एकेक पुरयाह बोगवान आसीरवाद आपे कोरीन तिनुहु आसीरवाद आपीन ज्यु मोरनेन पेल तेरे आथो मायली लाकडीन आदारे टेकुलीन बोगवानोह वोंदयु ।

²²युसुफ बुरहु कोरनेमाज जेतार च्यु मीसर देसेमा मोरनेन ओतु , तेतार च्यु रहे कोयु , बोगवान इसरायेल माणहोन मीसर देस दोखु ली जाहे , तेतार तिंदरा माणहोह तेरा आटका बी कोनान देसोमा तींदरे होते ली जाणे हुकुम आप्यु !²³²⁶एने मुसान आय बाबा बोगनानोपोर बुरहु कोनेमाज मुसा पोयदा ओयीन ओवतु तीन मोयना लोगोण हिम्मोत कोरीन तीनाहा लाकाडीन मेक्या , काहाके च्यु गोण हानु ओतु ! एने मीसर देसोन राजान मारनेन हुकुम देखीन च्या काय नी बीतोता ,

²⁴फिरोन राजान सुरी मुसाहा मोटी कोरली ओती । मोटु ओयीन ओवतु च्यु बोगवानोपोर बुरहु कोरनेमाज च्यु फिरोनोन सुरीन सुरु कोवायु एन राजान ओवालीमा रोयणे आखोज सुड देल्लु ।

²⁵च्यु थुडाक टेमोन पापोन मोज्या मारने सुडीन बोगवानोन माणहो होते दुःख वेठणे नीवाड लेदयू !

26 च्यु मीसर देसोन माल दोनोन मोज्या कोरनेम दीखो मोसीन कोरता दुःख वेठणुज मोटो सेमज्यू । काहाके तेरो मोन जोलमका वाटोन इलाम आपडावणे वाट जुव रोयलु !

²⁷जीना बोगवानोह कुणीज नी देख सोके तीनाह च्यु देखतलु सोमजीन मुसा ओगोव बोडतु गोयू । एने च्यु बोगवानोपोर बुरहु कोरीन राजान खामे देखीन नी बीतोतु , एने नीसर देसोह सुड देल्लु !

²⁸मुसा बुरहु कोनेमान इसरायेल माणहोह फासकान तीवार वावाडने हुत्तोतु । एने माणहे मेंडा बुकडा मारीन लुयोह जुपीन चैवखोरोपोर सीतडाटणे रीती कोरने हुकुम आप्यू तेतार बोगवान मुक्कोल्लु , सोरगदुत ज्यु पेल्ला पुरया मारणारू से च्यु इसरायेल माणहोन पोरिवारो मायला पेल्ला पुरदा नी मारे ।²⁹बुरहु कोरनेमाज इसरायेल माणहे हुकला जागामा चालतलान होस रातला दोरियामा चालीन गोया । पुण मीसर देखवाला बी तोहला पाणीमा चालने कुसीस कोन्या ते च्या बुड गोयला

³⁰इसरायेल माणहे बोगवानोपोर बुरहु कोरनेमा सात दीही बीतडान सोमखेर फिरे लेदया ते देरीहो सेहरोन बीतडो उदरी गोयलो ।

³¹राहाब यी एक रांडी ओती , पुण च्यी बुरहु कोरनेमाज कोनान देसोह लिकायीन तोपासणे आवला तीनु दोय माणहोह पाववान होस सांतीवार आवबाव कोरली कोरनेन च्या बोगवानोन वात जी मान्या तीनु आखाहा मारने आव्या तेतार तीनीही नी मान्या पुण ची वाच गोयी ।³²उंजु बी दिहरा माणहे बी बोगवानोपोर बुरहु कोन्या तिंदरा बारामा मी कोयो के जोरमी गिदोन , एने बाराक एने सीमसोन , एने यीफतहा , एने , दावुद एने सामुयेल एने बोगवानोन बोवीस्य कोयणारा आखान बारामा कोयणे जायीही ते टेम नी पुरे !

³³तीनु मायला थुडाक बोगवानोपोर बुरहु कोरला कोरीन राजानुहु आरावला, दोरमी कामोन रीते जीवाय जीवीन बोगवान वायदु कोरलु च्यो सापडावला एने सीवोन मुयोहो बोंद कोरया ।

³⁴बुरहु कोरनेया थुडाक माणहे आगठान आस दोखा वाच गोया , थुडाक माणहे तोलवार दोखा वाच गोया । च्या माणहे कोम जुरीमा बी ताकोत वावा बोण गोया । एने युददोमा बाहदुर बोण गोयला एने दिहरा आखान सोयनीकोन दुवाहा आराव देण्या ।³⁵बुरहु कोरनेमा थुडाक बायरा तिंदरा होगा मायलाह मारने दोखा फोसा जीवतला सापडावला दिहरा माणहे तीनुहु सोताडला , एने धुडाकोहो मार नाखला पुण च्या सोतावणी दोखा सुटकारू नी हुदया , काहोके च्या मोत दोखा फोसा जिवता ओयीन एकदोम हाजी जीवाय जिवणे आसा कोरताता !

³⁶बुरहु केरनारामा थुडाक माणहोह दिहरा भोजाक उडाडया कोरला एने तीनुहु चोपकडा कोरीन देल्ला ! दिहरा कोडा एने हाकवो कोरीन बांधीन तीनुहु कुडवाडामा कुंड देल्ला !

³⁷तीनुमा खुब माणहोह दोगडाच्या एने थुडाको नुहु तोलवार कोरीन चीरीन टुकडा कोर डेल्ला एने मार डेल्ला थुडाकोनुहु पेरने लुगडा नी ओता एने रोयणेन जामुनी ओतु कोरीन मेंडा बुकडान एने बुकडान खालडो पेरीन डोंड वाचताज फिरतोता , च्या गोरीबिमा वेला कोरता जायीन हिडा पिडा जेल्ला ओता ।

³⁸इनी कवीमा रोयणेन कोरता तीनुह लायकोन नी लागतोतो ! च्या बोगवानोपोर बुरहु कोरीन उजाडी जागामा एने बोयडामा एने गुलामा एने दोरतीन खुबाराम कोत्तान कोत्ता नाहता फिरतोता ।³⁹या आखा पोक्कु बुरहु कोरताज रोयला , कोरीन बोगवानो दोखी इंदरी हाजी गोवायी जुडी । पुण बोगवान ज्यु वायदु कोरयु च्यु कुणीही वी पुरोन पुरोनी जुडयों ।

⁴⁰काहाके बोगवान तीनुह कायतोरी खुब हाजो आसीरवाद आपणे बोजोट लागाड रोयलु ! पुण बोगवान तेरो आसीरवाद आपु होते तीनुह बी आपने पेलेन बोजोट लागडुले से ।

Chapter 12

¹तीनामा तीदरे होस खुब होय माणहे आपने ओगोव बोगवानापोर बुरहु कोरीन गोवायी बोणीन जीवतोल ! च्या ओहला सेके खुब माणहे आपु तीनु दोखा हीके ओहला च्या गोवायी बोणीन रोयला ओता

²आपणी जीवायला यीसुपोर पुरो एकयेक लागाडीन बावीन तेरी जीवाय एने नेतीपोर विचार कोरू । च्यु आपणा बुरहान पायु एने आपणु बुरहु पोक्कु कोरनारू से , काहाके च्यु यीसु सोतान ओगोव मेकली खुसीपोर मोन लागाडीन आपणे कोरता लाजवाये बीगुर कुरूस खांबापोर दुख वेठीन मोरूयु , कोरीन सोरगोमा बोगवानोन जेवडीखेर राजगादी पोर बोठ रोयुहु !

³मीकह जेतार पापी माणहे बेला पाडया तेतार च्यु केहे काय दुख वेठयू तेरे बारामाज तुमु विचार कोरा रोयु ।⁴यीसु के केदेकाय लुय चुपाडीव मोरे ताहालोगोण खोरू रोयीन मोरलु । पुण तुमु ते पाप कोरावणेन फारकमा तोहलाते नी मोंख्या ,

⁵तुमु पोवित्र पुस्तोकोमा लेखायला हीकोह जुण विहरता , तीनामा तुमुह पुरया कोरीन बुलाडलु से बोगवान तुमुहु एहे कोयतलु , एमार पुरया पोरबु बोगवान तोहो हुदारने कोरीन डोंड आपेते तीना होकोह कोम जुण सोमजतु ,

⁶काहाके पोरबु जीनुहु मोंग कोरतलु तीनुहु आखानुहु सुदारनेन कोरता डोंड बी आपतलु एने जीनुह च्यु सोतान पुरया सोमजतलु , तीनुहु डोंड बी आपतलु ।⁷बोगवान तुमुहु सोतान पुरया सोनजतलु ! कोरीन जेतार च्यु हुदारने कोरीन डोंड आपतलु , ते वेठीन रोयु !

बाह तेरा पुरयाहा हुदारने कोरीन डोंड आपतलु के नी ?

⁸बोगवान तेरा बोठा पुरयाहा हुदारने कोरीन डोंड आपतलु जोर च्यु तुमुह हुदारने कोरीन डोंड नी आपतलु ते तुमु तेरो खोरा पुरया निंबे ! तुमु सीनावान पुरया से ।⁹जोर आपना दोरती पोरला बाबा आपुहु हुदारने कोरीन डोंड आपतला ते आप तींदरू आबरू राखतला एने वातु मानतला ते आपणु जीव आत्मान बाह आपुह हुदारने कोरीन डोंड आपल्लु ते आपु तीनाह कोरतरो होंटो मान वान आपणु जुवे एने तेरे वातु होंबीन तेर काबामा रोयीन होमेस्या जीवणु जुवे ।

¹⁰आपना कोवीन बाबा । । जोतरो तीनुहु हाजो लाग्यो तोतरो च्या थुडाक साल आपुहु हुदारने कोरीन डोंड आपतला पुण बोगवान होमेस्या आपना कायदान कोरता आपुहु हुदारने कोरीन डोंड आपतलु !

¹¹जोर कुण बी आपुहु हुदारने कोरीन डोंड आपतला ते सुख नी लागतलो पुण आपुहु काठो लागतलो । पुण हिहरा आपुहु हुदारने कोरीन डोंड आपतला ते जोर मानने हीक जाहे ते ओवता आपु दोरमीन एने सांतीन जीवाय जीवहु¹²कोरोन थाकला आखेह एने कोमजुर मांडाहा टोणका कोर लेयु ।

¹³तुमरा पायोन कोरता वाट होव्वी बोणावीन चालता रोयजु , तेतार ज्यु कुण बरहामा कोमजुर से च्यु पांगवान होस से च्यु लोथडाणेनी , बाकीन च्यु एक दोम हजु ओयजाये एने बरहामा पोक्कु ओय जाहे !¹⁴आखा हाते सांतीवार रोयणे खुब कुसीस कोरनु , एने पोवित्र जीवाय जीवणे टेवायजु, काहाके पोवित्र ओये बीगुर कुणबी पोरबु बोगवानोह नी देख सोकतला !

¹⁵सोमावीन रोयनु के तुमरामा एक बी जोण बोगवानोन कुरपा जडनेम दोखु आगे नी रोयणु कोरीन मानहु मुबाहु केहेक आखा जाडोह मा वहु कोर देतलु तोहला तुमु नी रोयणु जुवे काहाके तोहला माणहे दीहराह बी बोगवानोपोर बुरहु कोरनेम दोखा सेटा कोरीन बीगाड देतला !

¹⁶तुमु सोमवीन रोयजु के तुमरामा कुणबी सीतावो कोरणारू नी बोणनु जुवो एसावोन होस बोगवानोपोर बुरहु नी कोरनारू नी बोणनु जुवे । च्यु एकवार एक रेमोन खाणाम कोरता मोटला पुरयान आसीरवादोन होकोह वेच देल्लु ।

¹⁷आवतु फोसु तेरा बाबाहा तीनाहा आसीरवाद आपने फुस्यु पुण तेर बाबु तीनाह आसीरवाद नी आप्यु । एने च्यु निकार कोरनेम आव्यु , काहाके खुब आहवा पाडपाडीन रोडलु ती बी एसावोह तेर पापोन कोरता मोन फिरावणे सोंदीनी जुडी !¹⁸तुमु सीने नावोन बोयडा होते नी आव्या , ज्यो तुमु देख सोकतला एने आय लागाड सोकतला । च्या हरी होलोगणेन आगठो , एने काव्वा वादवान बोवावो , एने खुब आंदारो सांववलो , एने वादुण सुरलु , यो आखो ओतो । तीन जागामा बोगवान इसरायेल माणहोह तेरे नेम आप्यू !

¹⁹च्या पवारयान नोटलु , आवाज एने बोगवानोन मोटलु आवाज हो होंब्या , तेतार च्या बोगवानोह एदे रावया कोरया , आमुहु घेबांवणे जुण देतु ! च्या कोठीन कोया के ज्यी वातु आमुहु गाबरावतली च्ची दिहरी वातु होंबोवणे जुण देतु कोयतोता ।

²⁰काहाके बोगवान तीनुहु एहे कोयलु ओतु , जोर कालणे बी माणुहु एने जोनवर लोगोण तीन बोयडाहा दुयलाये तीबी तीनाह दोगडायने मारवु पोडहे । तीनुह यु हुकुम वेठायु नी ।

²¹च्यो देखीन मुसा खुब गाबरी गोयु एने कोयु , मी खुब वी गोयु कोरीन कापणे बाज रोयुहु !²²पुण तुमु सोय्योन बोयडा हाते ज्यो सोरगोन येरूसलेम एने जीवतला बोगपानोन सेदये होते , एने लाखो कोरुडो सोदगदुतो होते आव रोयाह ।

²³तुमु एक मोंडलीमा टुव्वाय रोयाह ज्या बोगवानोन पेल्ला पुरयान होस से । तिंदरा नावे सोरगोमा लेखाय रोयाह , ज्यु आखा माणहोन नियाव कोरनारू से , आखा पोवित्र , ओयीन पोक्का ओयीन दोरमी माणहोन जीव आत्मा बी हाजीर से ।

²⁴तुमु यीसुहाते आप रोयाहा च्यु बोगवान एने माणहोन वीस्मा नोवला वायदान मेवाव कोरावणारू से । च्यु माणहोन पाप माफ कोरनेन करता कुरुसोपोर मोरीन तेरो लुय सीतोडलु तीना लुयोहोते तुमु आव रोयाह । च्यो हाबीलोन लुय बोदलु लेने रोडयो पुण यीसुन लुय हाबीलोन लुय दोखु वोडीन खुब पापोन माफीन कोरता वात कोरयु ।²⁵तुमु हाते बुलनारा बोगवानोन वात मानने सोमायिन रोयु । काहाके दोरती पोरला मुसाहा लागाडीन कोयलु ओतु तीनी चेतावनीह च्या काय नी मान्या कोरीन , बोगवान इसरायेल माणहोह डोंड आपलु , ते बोगवान ज्यु सोरम दोखु तुमुहाते बुलने बाज रोयुह तेर वात तुमु नी मानतला ते बोगवान खोरा खोर तुमुहु डोंड आपहेत । तुमु केहेकाय डोंड दोखा वाच सोकतला !

²⁶जेतार बोगवान सीनाय बोयडापोर दोखु वातु कोरयु ते तेर आवाज दोरतीह आलवी देल्लु , पुण एवी च्यु उंजु एकवार मी दोरती ओतरूज नी , बाकीन सोरग बी आलवीह एहे रीहरु वायदु कोरतलु ।²⁷एर मोतलोब यो से के बगवान बोणावलु कोवी मो मायला आख चीजे आलो वहे एने नास ओय जाहे । एने सोरग मायला चीजे ज्या आलवाये च्या ओतराज जोलमकाज टिकीन रोयणेन कोरता च्यु गोडलु आखा चीजे एकखेर कोर देहे !

²⁸कोरीन आलेनी एने नास नी ओये ओहलो बोगवानोन राज आपु जुडलो से । कोरीन आपु बोगवानोन दोन्यवाद कोरहु एने बोगवानोन बीख होते एने तेर मोरजीन इसाबे तेर बोक्ती कोरीन सेवा कोरहु ।

²⁹काहाके आपणु बोगवान होलगाडीन रुखडु बोणावणारो आगठो से ।

Chapter 13

¹ए बाय बोणहा तुमु एक दिहराहा मोंग कोरता योयजु !

²ओनजावडा माणहोह आवबाव कोरीन पावणाय कोरने विहरता जुण , एहे कोरनेमा थुडाक माणहे सोरगदुतोन वी ओनजावडामा आवबाव कोरीन पावणाय कोरला से ।³ज्या वस्वास्यामा कुण बी कुड वाडामा सेते तीनुह मोदत कोरने जुण विहोरता ! तोनुहाते जेलोमा से आहलो सोमजु , जेहे च्या तिंदरा डिलोमा दुख वेठतला तेहे तुमुबी तिंदरो दुख तुमरा डीलोमा वेठतला एहे सोमजु !

⁴आखा माणहे वियावोह इज्जुत एने सुकलो सोमजणु जुवे माटी एने लाडी एक दिहराह एदरायणु नी । जोर च्या सीनावो कोरनाय एने दिहरान बायराह दोरणाय रोपेते बोगवान तीनुह नियाव कोरहे ।⁵पोयदान कोरता हाय हाय जुण कोरता ज्यो कायसे तीनामा नीरहा रोयनु , काहाके बोगवानुज एहे कोयु , मी तोहो नी सुडो , एने तोहो कोदीनी वीहरो !

⁶कोरीन आमु हिम्मोत हाते कोयतला पोरबु मेहे मोदत कोरनारू से ते मी नी बीव । माणहे मारो काय बीगाड सोकतला ।⁷ज्या पुडारी तुमुहु वी बोगवानोन वातु हीकाड्या तीनुहु ओर कोरजु ! तिंदरा जीवाय दोखा ज्या काय हाजा कामे ही क्या च्या आखा ओर कोरुनु । एने च्या जेहें बुरहु कोरया तेहे तुमु बी बोगवानोपोर बुरहु कोरजु ।

⁸यीसु मोसी काल एने आज एने जोलमकुज एक हारकुज रोयहे । च्यु कोदी बोदलनारू नींबहे !⁹कोरीन हाजी वातोन वीरूद मायली नोवली ठोग हीकोन फोसोव जुण जाता । खाणान बारामा नेम पावणेम मोन जुण लागाडता काहाके ओहलो कोरनेमा कायीज फायदु नींबहे बाकीन बुरहामा बोगवानोन कुरपामा पोवका रोयजु ।

¹⁰आपणे कोरता एक उटलु से च्याहरी बादा चाडावला खानो खाणे बोगवानोन पोवित्र तोंबान सेवा कोरनारा पुजारान होक नींबहे ।

¹¹येहुदीन मुखी पुजारू जोनवरोन लुयोह पोवित्र जागामा लीजातलु एने च्याहरी च्यु लुयोह पापोन कोरता लोडावतलु । पुण जोनवरोन दोड डेरान बारथे होलगाडनेमा आवतलो !¹²तोहलो यीसुबी मानहोह तेरे सोतान लुयो कोरीन पोवित्र कोरनेन कोरता दुख वेठावे येरूसलेम सोहरोन जुपान बारथे तेर सोतान लुय वोयाडीन मास्यु ।

¹³कोरीन आपु डेरान बारथे निकोवतलान होस आपणी बादा चोडावणेम आखा जुनला रीते सुडीन पाप दोखा वाच जाणेन कोरता यीसु वाहा जाता एने तेरो नाव बोदी आपु पोर ली लेता ।

¹⁴इन दुनियामा आपुहु रोयणेम कोरता जोलमकोज घर नींबे , पुण आपू आवणारा जोलमकाज रोयणेम गोरोन कोरता आसा कोर रोयला !¹⁵कोरीन यीसुन मोदत दोखा आपू बगवानोन बोडायीज बादाहा चोडावता एने आपने मुयो कोरीन तेर नावोह उकारीन गुण गावता रोयहु !

¹⁶हाजो काम कोरने एने एक दीहराह मादत कोरन विहोरता जुण । काहाके चीज बोगवानोह पोरे ओहली बाहा से ।

¹⁷तुमरा मोडलीन पुडारी मानहोन वात मानीन रोयजु एने तिंदरा आदीकारोन काबामा रोयजु । तुमरी आत्मिक जीवाय सोमावणेनुज तिंदरो काम से । एने तीनुहु तिंदरी टोवान कोरता बोगवानोह इसाब आपणु पोडहे । तिंदरी वात मानीन रोयजु तेतार च्या खुसीमा बोगवानोन सेवा कोर सोकतला , जोर च्या दुखोमा सेवा कोरता ते खोरखोर तुमरू नोफु नी रोये ।¹⁸आमरे कोरता पोरथना कोरजु के आनुहु खुब पोक्कु बुरहु एने मायलो सुखलो मोन जुवे , काहाके आमु आखा हाजा कामे कोरने होमेस्या हुतला ।

¹⁹बोगवान मेहे फोसु तुमुपाहा जोलदी मुकोलनु जुवे कोरीन खुब पोरथना कोरनु ।²⁰सांती आपणारू बोगवान आपणु मोटलु गुवाव्यु पोरबु यीसी मोसी होह जोलमका लुयो कोरीन मोरलामा दोखु जीवतु ओय्यू । एने तेर मानहे मेंडान होस से ।

²¹च्यु बोगवान तुमुहु आखो हाजो काम कोरने हीकाडहे तीनामा तुमु तेरी मोरजी पुरी कोरहे ! एने यीसु मोसीपोर बुरहु कोरनेमा तेर नोजरोमा बागवानोह काय पोटतलो च्यो कोर सोकहे । तेरी बोडायी जोलमकीज ओयती राये , आमीन ।²²ए मारा लाडका बायहो बोगहा, इन आयती चिठ्ठीमा मी काय लेख रोयुहु ज्यो दयान लागाडीन दीर दोरीज होंबावणे रावण्या कोरतलु ।

²³तुमु जाणतला के आपणु बायह तीमुथी एवी जेलोमा दोखु आवलाग्यू ।²⁴तुमरी मोंडलीन आखा पुडारी माणहोह एने आखा पोवित्र माणहोह जेस यीसु कोरजु , इतालिया देसवाला बी तुमुहु जेय यीसु कोयतला ।

²⁵मी पोरथना कोरतलु के बोगवान तुमु आखापोर तेर कुरपा देखाडे । आमीन ।

Revelation

Chapter 1

¹यीशुन प्रकाशितवाक्य, ज्यी वात जोरुड आखरी दीहोिा जोलदी पुरी ओयणेवाली से च्यी वात तेर सेवकोनुहदेखडनेन कोरता बोगवान यीसुिोसीहोह देखाडलुओतुएने यीसुिोसी तेर सोरगदतु ोहिुकलीन युहन्नाह ज्य़ों काय देखाडलुतीनी खोबरोन बारािा इन पस्ुतोकोिा लेखलो से। ²बोगवानोन वात एने यीसुिोसीन खोरली गोवायीन बारािा ज्य़ों काय युहन्ना तेर डुवाकोरीन देखलुओतुच्यी आखी गोवायी च्युखोराखोर कोयापलु। ³ज्युकुण इन धचट्ठी िायला लेखोह वाचे होबे एने पोवीन चाले तीनुह बोगवान खुबआसीरवाद आपहे काहाके यीसुह लागाडीन उगडी ओयली वात जोलदी परुी ओयणेवाली से।⁴िी युहन्ना आसीया जीलान सात िोडलीन वीस्वास्यान कोरता यी धचट्ठी लेखतलु।बोगवानोखेर दोखी दोया एने सुख साुंती तुिुह जुडती रोये। बोगवान ज्युएवुं ी से ज्युओतुएने ज्युआवणेवालुसे पोववत्र जीव आत्िान िायती यी से यी बोगवानोन ।राजगादी ओगोव हाजीर रोयणारा सात गुणवाली पोववत्र जीव आत्िाखेर दोखो से। ⁵एने यीसुिोसीन िायती यी से युज बोगवानोन खोरलुपुरावुसे एने च्यज िोरलाि ुदोखुजीवतुउठणारािा पल्े लुसे एने दोरतीपोर राज कोरनारान िुखी से तेरीज आखीबोडायी ओयती रोये। च्यजु आपुह िोग कोरनारु से एने तेर सोतान लुय लोयाडीनआपणा पापो दोखुसुडावलुसे । ⁶एने च्यजु तेर बाह बोगवानोन ओगोव आपुह सेवा कोरनेन कोरता तेर राजवाडानपुजारा बोणवलुसे । कोरीन आपणा यीसुह बोडायी कोरता इना यीसुह िोहीिा एनेताकोतोन बोडायी जोलि पीडाडीट ओयती रोये आिीन ।⁷देख च्युवादवापोर बोडायी हाते आवणेवालुसे आखा िाणहे एने ज्या तीनाह वेला पाडीन िारला च्या बी देखहे दोरती पोरला आखी जातीन िाणहे तीनाह आवतलुदेखीन खबु दखु ी ओयीन साती ठुकीन रोडहे एने कोलपहे यो तोहलोज ओयहे । आिीन ⁸पोरबुबोगवान कोयतलुिीज आल्फा एने ओिेगा से िीज एवी ज्युसे एने ज्युओतुएने फोसुआवणेवालुसे। िीज आखा दोखुताकोतवावुसे ।⁹िी तुिरू बायह युहन्ना एने िी यीसुिोसीिा से कोरीन िी बी तुिरे होस दखु वेठलु।िी बोगवानोन राजोन से कोरीन िी दीर हाते खुब दखु वेठणेिा गोवाुंद्युबोण रोयुहएने बोगवानोन वात पोरचार कोरलुएनेयीसुिेहे आपलुजागता हीवणान गोवायी िीिाणहोह कोयलुकोरीन िेहे दोरीन पोतिुस नावोन काडा पाणीिा िेक्यावला । ¹⁰पोरबनु दीही िी पुरुन पुरु पोववत्र जीव आत्िान काबािा ओय गोयलुतेतारउचकाहलुज िार फोसोव िी एक पेपारयान होस िोटलुआवाज ह़ोंब्यु। ¹¹इन जागता हीवणान ज्य़ों काय तुदेकतलुच्यो इफीसी एने सीिुरना एने वपरगिुनएने थुवातीरा एने सोरदीस एने कफलदीलकफया एने लोवदीकीया इनुसात सेहरोन िोडलीन कोरता एक चापडािा लेखीन िुकली दे।¹²इन जागता हीवणान िारहाते कुण वातुकोरतलुकोरीन िी फोसुफीरीन बाव्युते िीसात हुनान दीवाल्या देख्यु। ¹³तीनुदीवाल्यान ववस्िा िाणहोन पुरयान होस िी एक िाणुह देख्यु। च्युनाबलालुगडा पेर रोयुओतु। एने एक हुनान पोट्टु तेर सातीपोर बाुंद रोयुओतु।¹⁴एने तेर िुडको एने जुटा रूवोन होस बरुाबुह एने बोरफोन होस उजवाबोक ओता । एने तेर डुवा आगठान आसोन होस ओता । ¹⁵एने तेर पाये पीतव्यान होस जेहे पीतव्यान होलगतला इुंगावान बाठ्ठीिा तोपाडतलातेर होस चोिकतोता। एने तेर आवाज दोरीयािा िेरे जेलखा हुुंहवायतलान होस खुबिोटी आवाज ओतु। ¹⁶च्युतेर जेवडा आथोिा सात तारा ली रोयुओतुएनेतेर िुयोि दोखी दयु दारवालीतोलवार नीकोवतोती एने तेरो िुय ओतरो पीपलतोतो के जेहे दीह दीहुन वेवा खुबतोपतलुतेहें पीपलतोतो।¹⁷जेतार िी तीनाह देख्युतेतार िी तेर पायोपोर िोरलान होस पोड गोयुपुण च्युिेहेपोर िोरलान जेवडुआथ िेकीन िेहे कोयुिा बीये िीज आखान पल्े लुएने आखानसेवाटलुसे । एने िीज जोलिकुज जीवतुसे। ¹⁸एने िी िोर गोयलुपुण जोलि पीडीडीट जीवतलुज से एने िोतोन एने पोताडोन कुचीिेहेपोर से।¹⁹ज्य़ों बी तुदेखलुसे एने ज्य़ों बी एवी काय काय ओयतलो से एने ज्य़ों आवतादीहोिा ज्य़ों काय ओयणेवालो से च्यो आखो लेखीन तुिेक ल ²⁰िारा जेवडा आथोिा सात तारा देखलुकी नी । च्या सात तारा सात िोडलीनपुडारया। से एनेतुसात तारा हुनान दीवाल्या देखलुच्या सात हुनान दीवाल्या िारासात िोडल्या से ।

Chapter 2

¹ओवतुच्युिेहे कोयुइफीसी सेहरोन िोडलीन िाणहोन चाकरी कोरनारा पुडारीहधचट्ठी लेखीन ली िकु ोल। िी च्युज च्युसे एने िार जेवडा आथोिा सात तारा दोररोयुह एने िी सात हुनान दीवाल्या ववस्िा फीरणारु से िारी यी खोबर होबोवजु। ²िी तुिरा कािोह एने तुिरी काठी िेहनुतोह एने तुिरा दखु ोिा दीर दोरनेन तुिरीसोक्तीह खुब जाणतलुएने िी यो बी जाणतलुके तिु ुखोराब काि कोरनारा हातेकाय नन बेसकाया ऐन च्या िाणहे सोताह आिुयीसुिोसीन नेवतो पुचाडनारा चेलासे एहे कोयणाराह फारकीन च्या ठोगरया से कोरीन तुिुजाण लेद्या से ।³तुिुखुब दीर दोरीन तुिुिार नावे वेला कोर कोरीन बी नी थाव्या। ⁴पुण तुिरा ववरुदिा िेहे एक वात कोयणुसे के तिु ुपेल्लो ि़ोंग सुड देल्ला से। ⁵तुिुववतला ददहे और कोरजुएने तुिुकाहरी दोखा पोडला से यी वात सोिजी लेवुएने इना पाप दोखा िोन कफरावीन बोगवानोखेर फीरु एने पेलेन होस िोगोिा जुडायीनकाि कोरु ज़ोर तुिुबोगवानोखेर िोन नी कफरावे ते िी तुिुपाह आवीह तेतार िी तुिरा दीवाल्याह तेर जागे दोखुकाडीन नाख दीह।6 पुण तुिरािा यी वात हाजी से के नीकुलीय्योन पोथवावा ज्या िुरती पुजा पा⁶पुण तुिरािा यी वात हाजी से के नीकुलीय्योन पोथवावा ज्या िुरती पुजा पाटकोरीन सीनावो बी कोर सोकतला एहे दहकाडतला तीनुह िी हीगीह कोरतलुतेहे तुिुबी तीनुह हीगीह कोरतला। ⁷जेरा काने से च्या पोववत्र जीव आत्िा िोडलीन कोरता काय कोयणे बाज रोयीहच्यो होबीन सोिजी जाहे एने ज्या बुतडान आखी बातीन कािोह वीरुद कोरीन जीकलेहे ते तीनुह िी बोगवानोन सोरगोन वाडीन जोलिकीज जीवायोन जाडोन फोव खाणेआपीह।⁸िी तुिरा दखु ोह एने तुिरी गोरीबी जाणतलुती बी जीव आत्िान इसाबे तुिुपाम्तला से िी यो बी जाणतलुज्या येहुदी नीबदे ती बी सोताह आिुबोगवानोनखोरला बोक्ती कोरनारा कोवडावीन तुिरी खबु नाव बोदी कोरतला । पुण िी जाणतलुखोराखोर च्या बोगवानोन बोक्ती कोरनारा नीबदे च्या ते बुतडान बोक्ती कोरनारान टुवा िायला से । ⁹िी तुिरा दखु ोह एने तुिरी गोरीबी जाणतलुती बी जीव आत्िान इसाबे तुिुपाम्तला से िी यो बी जाणतलुज्या येहुदी नीबदे ती बी सोताह आिुबोगवानोनखोरला बोक्ती कोरनारा कोवडावीन तुिरी खबु नाव बोदी कोरतला । पुण िी जाणतलुखोराखोर च्या बोगवानोन बोक्ती कोरनारा नीबदे च्या ते बुतडान बोक्ती कोरनारान टुवा िायला से ।¹⁰तुिुपोर ओयणेवाली सोतावणीन बारािा बीवुिा देखुबुतडुतुिरु बरुहुफारकणेनकोरता तुिरािा थुडाक िाणहोह जेलोिा नाखहे दोस दीही लोगोण तुिुह खुब दखुवेठणुपोडहे । पुण िोरे ताहलोगोण तुिुबरुहािा पोक्का रोयजु। तेतार िी तुिुहजोलिकीज जीवायोन िकुुट आपीह । ¹¹जेरा काने से च्या पोववत्र जीव आत्िा िोडलीन कोरता काय कोयणे बाज रोयीह च्यो होबीन सोिजी जाहे। ज्या आखी बातीन कािोह वीरुद कोरीन जीक लेहे तीनुहदसु री िोतोन नकु साण नी ओये ती बी च्या बोगवानो हाते जोलिकाज जीवहे।¹²वपरगिुन सेहरोन िोडलीन िाणहोन चाकरी कोरनारा पुडारीह तुधचट्ठी लेखीन ली िुकोल होव जीनापोर दयु दारवाली वोयतावी तोलवार से च्युज िी से िारी यी खोबर होबोवजु। ¹³िी जाणतलुके तुिुकोहला िाणहोन ववस्िा रोयतला तुिुबुतडु राज चालाडतलुतीनी राजगादीन जागे रोयतला तुिुिार नावोपोर पोक्कु बुरहुकोरता रोयतला बुतडुिाणहोन काबािा राख रोयुह तीना सेहरोिा िारू खोरा बुरहान परुाव आपलुकोरीनआतीपासोह तुिरे ववस्िा िारला नाखला ती बी तुिुिेहे पोरलुबुरहुनी सुड्या ।¹⁴पुण तुिरा ववरुदिा िेहे एक वात कोयणुसे के तुिरी िोडलीिा बी थुडाक िाणहे बीलाि नावोन िाणुह ज्युबालाक नावोन िाणहोह दहकाडलुतेर दहकोड िानीनरोयतला से युिाणुह बालाक ज्युिोवाब देसोन राजा ओतुच्युइसरायेल जातीनिाणहोह िुरतीन ओगोव बादा चोडावलो खाणो खाणे एने सीनावो कोरने लागाडीनतीनुह बोनकाड देल्लु। ¹⁵तोहलोज तुिरे कोरता ववस्िा थुडाक िाणहे नीकुलीय्योन पोथवावान हीक िानीनचालनारा बी रोयतला।¹⁶कोरीन तुिुपाप दोखा िोन कफरावुनी ते िी जोलदी तुिुपाह िार ियु ोि दोखी नीकोवणारी तोलवार लीन आववन एने ठोग दहक िानीन चालनारा आखा हातेयुद्दकोरीह। ¹⁷जेरा काने से च्या पोववत्र जीव आत्िा िोडलीन कोरता काय कोयणे बाज रोयीह च्यो होबीन सोिजी जाहे ज्या बुतडान आखी बातीन कािोह वीरुद कोरीन जीक लेहेतीनुह िी सोरगोिा दोखुशलकायलो िोन्ना नावोन खाणो खाणे आपीह एने पीपलणारुदोगडुबी आपीह जीनापोर एक नोवलो नाव कुरलो रोयहे । जीनुह च्युदोगडुजुडहेतीनुह सुडीन कुण बब नन तीन नावोह नी जाण सोके ।¹⁸थवातीरा सेहरोन िोडलीन िाणहोन चा ु करी कोरनारा पुडारीह तुधचट्ठी लेखीन लीिुकोल िी च्यनु च्युज बोगवानोन परुयुसे जरेा डुवा जोवो जोवो आगठान आसोन होस से एने तेर पाये हुडु हुडु होलगतला आगठािा सुखलो कोरलो पीपलनारा पीतव्यान होस से । िारी यी खोबर होबोवजु। ¹⁹िी तुिरा िोगोह एनेतुिरा बुरहाह जाणतलुतुिुतुिरा कािे एने बोगवानोन सेवा दीर दोरीन कोरला यो बी िी जाणतलुएने यो बी जाणतलुके तुिरा एुंवीन कािे पेल्ला कािो दोखा बोडीन से ।²⁰पुण तुिरा ववरुदिा िेहे एक वात तोहो कोयणुसे के वारूज सालोन पेल राजा आहाबोनलाडी ज्यी खोराब इजबेल ओती तीनाह तुिरा ववस्िा तुिुरोयणे देल्ला च्यी सोताहबोवीस्य कोयणारा सोिजतोती एने च्यी िारा सवे कोनुह सीनावो कोरने एने िुरतीनओगोव चोडावलो खाणो खाणे दहकाडीन तीनुह बोनकाडतली । ²¹िी तीनीह तेर पाप दोखुिोन फीरावणे सोदी आपलुती बी च्यी तेर सीनावो काि सुडीनतेरो िोन फीरावणे नी हुत्तली ।²²कोरीन िी तीनीह खाटलापोर खुब िादली पाड दीह । जोर कुण बब तीनुहाते सीनावोकोरतला ते िी च्या सीनावो काि दोखा िोन कफरावेते िी तीनुह खुब वेला पाडावीह । ²³पुण थुवातीरा िोडली िायला थुडाक िाणहोह यो कोयणुहाजो से के तुिुतेरी ठ़ोंग हीकिानीन जीवाय नी जीव्या च्यी बायोर इनी दहकोह उडी रीते लीकायली वात सोिजतलीपुण खोराखोर यी हीक बुतडान फासुसे एने तुिुतेरी नन होब्या । कोरीन िी तुिुहकोयतलुच्यी वात सुडीन िी तुिुपोर काल्लुबी वोजुनी नाखो ।²⁴पुण थुवातीरा िोडली िायला थुडाक िाणहोह यो कोयणुहाजो से के तुिुतेरी ठ़ोंग हीकिानीन जीवाय नी जीव्या च्यी बायोर इनी दहकोह उडी रीते लीकायली वात सोिजतलीपुण खोराखोर यी हीक बुतडान फासुसे एने तुिुतेरी नन होब्या । कोरीन िी तुिुहकोयतलुच्यी वात सुडीन िी तुिुपोर काल्लुबी वोजुनी नाखो । ²⁵जेतार िी आवीह ताहलोगोण तुिुज्यी हीक एने पाव्वी पावता आुंवला तीना बरुहािापोक्का रोयजु।²⁶ज्या बुतडान आखी बातीन खोराब कािोह वीरुद कोरीन जीक लेहे एने िार हुकुि िानतुरोयुते जेहे िार बाबुिेहे आदीकार आपलुओतुतेहे देसो देसोन जाती जातीन िाणहोपोर राज कोरनेन आदीकार िी तीनुह आपीह। ²⁷एने लोखडान डेगुआथोिा दोरीन च्युआखी जातीन िाणहोपोर राज कोरहे एने िाणहे कादवोन रासोह फुड देतला तोहलुच्युखोराब िाणहोह बुकरा बुकरा कोर देहे । ²⁸एने िी तीनाह होदारेन उज्यावान तारू बी आपीह । ²⁹जेरा काने से च्या पोववत्र जीव आत्िा िोडलीन कोरता काय कोयणे बाज रोयीह च्यो होबीन सोिजी जाहे ।

Chapter 3

¹सोरदीस सेहरोन िोडलीन िाणहोन चाकरी कोरनारा पुडारीह धचट्ठी लेखीन ली िुकोलिारी यी खोबर होबोवजु। जीनापोर बोगवानोन सात गुणवाली पोववत्र जीव आत्िा एने सात तारा से च्युिीज से ।तुिुकोहला काि कोरतला कोरीन िी जाणतलुतुिुजीवतलाते कोवाय पुण िोरलान होस से। ²नीदोिा दोखा उठ जावुएने ज्य़ों काय तुिरी आत्िान जीवायिा आबाव वाचलो से च्यो होरने वालो से तीनुह पोक्का कोरू िी जाणतलुके िार बोगवानोन नीगािा तुिरो काि बोराबोर नीबदे ।³बोगवानोन ज्यी वात तुिुहोबोवला एने हीकणे जड्ुयो च्यो िानीन पाप दोखा िोन फीरावीन रोयजुजोर तुिुपाप दोखा िोन फीरावीन जागता नी रोयेते िी चट्ुटान होसआव लागीह एने िी काल्ले टेि आवीह च्यो तुिुह िालुि बी नी पोडे । ⁴हव पोर सरदीसिा तारे यहोरी थुडाक िाणहे से ज्या आपणा आपणा लुगडा अिुद्ध नीकोरया च्या सिे द कोपडा पेरीन िारे हाते फिरहे कहाकी च्या ।इनी योग्य से⁵ज्युववजय ओये तीनाहा इने प्रकारे सिे द कपडा पेरावहै अने िी तेरो नाव जीवनोन पस्ुतकिा देखयुकानली रीतेनी वाढो पुण तेरो नाि िारा बाबान अने तेरा स्वगगदतू न सािने शलह । ⁶जीनापुर कान आये च्या हाबवीले च्या होम्बवीले के आत्िा कलेशियाहा काय कोयतुह ।⁷वपलदीलफियान कलेशसयान स्वगगदतू ोह यो शलख जो पववत्र अने सत्य से अने ज्या दाऊदन कुची िके तलुजीनाह उघावडाहा कुणी बद नी करसके तलुअने बद कोरलाहा कोणी खुल नीसेकतलु। ⁸िी तारा कािोह जानतलुदेख िी तार ओगव एक जुपुउदावडुसे ततनाहा बोन्द जजनाहाउघगावडुकोरलाह कुणी उगाडी नी सेकतलुतीनाहा बन्द कोरने कुणी खुलनी सेके च्युयोकोरतलुसे िारा नावोह इन्कार जुण कोरतु।⁹देख िी िेतानन आराधना वालाहा तारा विंिा कोर ददह ज्या यहुदी बोणीन बोठला से पुणनीिले पुण झुठ बुलतला िी ओहलो कोरीह के च्या आवीन तारा चरणोिा आवीन दन्डवत कोरहे अनेयोजाण लेहैके िी तोहपोर प्रेि कोरलुसे । ¹⁰तुिारा धीरजन कयनह थािीन रोयलुसे इनान करता िी भी तोह पररकक्षान तारी ततना टेिाि वाचाडीव राखीह जो धोरती येवणेवालहा िारखणेन कोरीन आखा संसारपोर आवणे वावो से । ¹¹िी जल्दीज आवणेवायुसे ज्युकुण तेरेपाह से च्यो थािाडीन रोय के कुणी तारू िुकुटसांडाडी नी लेय¹²ज्युववजय पावेतीनाहा िी िारा परिेश्वरन िंददरिायन एक खाम्बुबोणावोह अने च्युकधी बारथे तन िारा परिेश्वरन नाव अने िारा परिेश्वरन नगर ितलब अने आपणा यरूिलेि नाव ज्यो िारा परिेश्वरन पाह स्वगग पर देख उतरनवे ावु से अने िी िारो नवलोनाव लेखीह । ¹³जेरा कान से च्युहोम्बीलये आत्िा कािीसीय ह काय कोयहे ।¹⁴लौदाकीयान कलेसीयान स्वगगदतू ोह यो लेख ज्युआिीन अने ववश्वस लायक से अने खोरूगवा से अने परिेश्वरन स््टीन िुख्य कारण से च्युयो कोपतलु। ¹⁵िी िारा कािह जाणतलुके तुनीते ठडुसेनीतेतुगोरि भलो आयलो के तुठडुनीतेगरि रोयलु ¹⁶इनान कोरता के तुगुणगुणुसे अने नी ठन्डु गरि से िी तोह ियोिा ु देख्युवेगोलने से ।¹⁷तुजो कोयतलुके िी धनी से अने धनवान ओय गोपलुसे िी तोहो ियु ोिा देखुपेगोलने से । ¹⁸इनान कोरता िी तोह सन्तिी आपोह के आगठािा पीगवोव हुनो वचनोन तुधनी ओयओय जा अने तुबरुलो कपडो लीले के परेीन तारो नागारलेन लाज नी आवे अने तार डुवािा लागाड न ने कोरीन सरुिो ले की तुदेवणे बाजजाय ।¹⁹िी जीन जजनाह प्रेि कोटतलुतीनुआखाह उल्हाना अने तकलीि देव इनान कोरता खुिीओय अने िन वपराव । ²⁰देख िी जपु ापर उभुओयीन खट खटवोह ज्युकुण िारो िब्द हम्बीन जपु ुउगाडे ते िीतेरेपाह िायतुतेरे हाते खाणो खायह अने च्युिार हाते ।²¹जीननू कान सेच्या होम्बी लय आत्िा कलेशसयाह काय कायतलु ²²जेरा कान से च्या होंबवि लेवू आत्मा कलीसियाह काय कोयने बाज रोई

Chapter 4

¹इनु वातोंन वातोंन बादमा जेतार मी नजर कोयु ते काय देखतलु के स्वर्गमा एक जुपु उघडलु से उघड़लु से अने मी जीवाहा मी पेला तुरहिन हाते शबदामा मार हाते वातु कोरतलु च्यु कोयनलु से उपर आपलाज अने मी च्या वाले देखाडीह जिन्दरो इन वातोन बादमा पुरो ओय णे जरूर से ²रंत भी आत्मा मा आव गोयु अने काय देखतलु के एक सिहासन स्वर्ग मा से अने ति ना सहोर सकफर कुण तरी बोठलु से ³अने तीना पोर बोठलु से च्यु शयब अने माणुह सारकु देखायणे बाज रोयोह अने तीना सिहासन चार वखे मरकत सारखो टक मेड घनुष देखायणे बाज रोयोह⁴वे चौवीस सिसासने से अने इनुसिहासन पोर चौवीस प्राचिनशेत बुरला लुगड़ा पेरीन बोठला से अने तिंदरा मुडी फोर हुनान मुकुट सेचार ⁵तिनु सिहासन मा देखी विन अने गरजणी आवाज निकवतोतीह अने सिहासनन सामन आगढा हाते सात दिवा होलगता ओततीना सीहासन ा च्या परमेश्वरन सात आत्मा से⁶अने तीना सिहासन सामने समजु बागड़ी सारखो काच सारखो समुदर से अने सिहासन विजमा अने जिडासन चार वखे चार जनवरे से जिन्दरे ओगव फोसव डुवाच डुवा चे⁷पेहलु जनवर सिंह सारखु अने तुमरू प्राणी जनवर वासड़ा सारखो तिसरो जनवरन मुय माणहोन सारखो अने चौथु जनवर उडवारा घवड़ा सारखु से ⁸अने चार जनवर सब सव फाकडा ओता अने चार वे अने मायला डुकच डुवा से अने च्या सात सिंह विमुर आराम लेये यो कोय ता रोये पवित्र पवित्र पवित्र प्रभु परमेश्वर सर्वशक्ती मान ज्यु ओतु अने ज्यु से अने ज्यु आवणे वावु से⁹अने जेतार च्या जनवरे ज्या सिहासन पोर बोठला से अने ज्यु युगानुग जिवतलु से महिमा अने आदर अने धन्यवाद कोरहे ¹⁰अने जेतार च्या जनवरे ज्या सिहासन पोर बोठला से अने ज्यु युगानुग जिवतलु से महिमा अने आदर अने धन्यवाद कोरहे ¹¹तेतार चौविस प्राचिन सिंहासन पोर बोण्ण वालन सामने नेडा पोडहे अने तीनाहा ज्यु युगानयुग जिवतु से महिमा अने आदर अने धन्यवाद कोरहे अने मापणा आपणा मुकुट सिहासन सामने यो कायीन नाख देहे

Chapter 5

¹अने सिहासन पोट बोट्या ओता मी तीनान जेवडा आथोमा एक पुस्तक देखयु जी मायनी अने बारथे लेखायकी ओती अने ची सात मुहर लगाड़ीन बद कोरली ओतो ²फसु मी एक बलवान स्वर्गदूतोह देख्यु ज्यु उचा शब्दा देखुयो प्रचार कोर्नु ओनु इनी पुस्तक खुलने अने मुहरतुडनेक योग्य कुण से³अने नी स्वर्ग मा नी धरती पोर नी घरतीन नेचो कोणी तीनी पुस्तक खुलने कुणी तीनी पर नजर नाखणे योग्य कुणीनी निकव्यु ⁴तेतार मी फुट फुटीन रोडपु कहाके तीनी पुस्तकह खुलने या तीनी पोर नजर नाखने योग्य कुणी नी जुड्यु ⁵इना पर प्राचीन मायलु एक मेहे कोयु मारोडे देख यहुदन घराणा मा एक सीह ज्यु दाऊदन मुल से तीनी पुस्तक खुलने अने तेरी सातु मुहरे तुडनेन कोरीन जयवद ओपलु से⁶तेतार मी तीना सिहासन अने चार जनवरन अने तीनु प्राचिन दिय मा मानलेव एक वध करलु भेडु देख्यु तेरा आठ सिंग अने सात डुवा ओता या परमेश्वर सात आत्मा से जी आखी प्रथ्वी पर मुकलनेम आवली से ⁷च्यु आवीन तेरा जेवड़ा हाथोमा ज्यु सिहासन पोर बोठलु से च्यु तीना पुस्तक लि लेदयु⁸जेतार च्यु पुस्तक ली लेदयु ते च्या चार वोखे जनवर अने प्राचिन तीना मेढ़ान सामने नेचा पोठ गया अने हर एक न हाथमा विणा अजे धुप देखा बोरला हुनान कटोरा ओता यी ते पवित मानहोन प्रार्थना से⁹अने च्या यो नवलो गित गावणे लाग्या तु इना पुस्तकन ली लेने अने तेरा मुहरे खुलनेन योग्य से कहाके नुनिधायिन तेरा लुय देखो हर एक कुल अने भाषा अने माण्हे अने जानीमा देखा परमेश्वरन मा णहोह व चातु लेदलु से ¹⁰अने तीनाह आमरा परमेश्वरन कोरीन एक राज्य अने याजक बणावलु अने च्या घरती पोर राज् करवला¹¹जेतार मि देखयु टेतार सिहसान अने तिनु जीव एने प्राणियोंन चारु खेर मोजबूत स्वर्गदूतोंन शब्द होंबया एने तींद्रि गिनती लाखों करोड़ों मा ओती l ¹²एने च्या उसा शब्द कडीन कोयने एने वदओयलू मेंड़ान् शक्ति एने धन एने मोटा बुल दोखो कोयता ओयत ओता एने ज्ञान एने शक्ति एने आदर एने महिमा एने स्तुतिन योग्य¹³पुन मि स्वर्ग मा एने दरती पोर एने दरतीन नेसे एने समुद्र मयली बोटी बोवड़ी चीज एने बोटी के जो तिनामा से यो कोयतला होंबया अने जा सिहसान पर बोठला से एने तींद्रि खेर एने मेड़ा स्तुति एने आदर एने महिमा एने राज युगणयुग रॉयहे l ¹⁴एने चारों प्राणियों मानहे आमीन कोया एने प्राचीन पोडिन वॉनदया

Chapter 6

¹फोसुशि देखाई के िेडो तीनूसात िुहरह िायला एकाह खुल्युउने तीनूचार जनवर देखोएक गरजनान िब्द िब्द हौब्या आऊ I ²शि नजर कन्यूएक बुल्बूघुडू से उने तेरे पर सवार धधली लीन से उने तीनाह एक िकुुटआपहे से उने च्यूववजय ओयतुजाईन ननकव्यूउज्जूजय ओय I³जैतार च्यूदसू री िुहर खुल्ल्युते ददहरा जनवरह यो कोयते होब्यूआवुI ⁴फोसूऊजूएक घुढू ननकव्युज्युलाल स्िन ओतूएने तेर पर सवारह यो अधधकार आपलूओतुके पथ्ृवी पथ्ृवी पर देखूिेव उठाव ले काहाके ि िाणहे एक ददहराहा िारे उने एक िोटलीतलवार आपनेन आवी I⁵जैतार चयु ुतीसरी िुुंहर खल्ुयूकु ततार े शि तीसरा जनवर यो कोयते होब्युआव उने शि नजर कोयूI ⁶एने मि तिना चार प्राणियोंन वीसमा मि एक शब्द यो कोयतला होंब्यू मूटी बोरिन गोव एने मूटीन तीन सेर जुवार तेल एने दाखरसह जून बिगड़ता छोवती मुहर मोत l⁷एने जेतार चौथी िुहर खुली तेतार शि चौथी जनवरह िब्द कोयते हॉब्यू आव I ⁸िी नजर कोरलूउने एक पेव्वुघुडु से उने तेरे उपर सवार नाि िरण से नरकन िाणहे तेर फोसव फोसाव से अने तीनूह धरतीन एक चौथाई पर यो अधधकार आपलूसे की तलवार अनेअकाल उने िरी उने धारतीन वनपिनु दवुारे िार नाखे⁹जेतार चुयू पाचवी िुहर खुल्युते शि वेददन नेची तीदरा जीवह देखयूज्युपरिेश्वर वचनन वजे देखूउने तीनी गवाहीन वजे देखूजी चया कोयला ओता वध करने करला ओता I ¹⁰अने चया िोटे िब्द िा आयडीण कोया हे प्रभुहे पववत्र एने सत्य तू के तार तक न्याय नी कोरे एने धरतीपर रायडे वावाह आिरा लूयन बदलूके तार तक नी लेय I ¹¹अने नतनुिा हर एकह बुल्लो कपडो आपलो ओतो आने नतनुह कया के उजुथूडडक देर तकआराि करू जेतार तक के तुिरा हातीह सेवक अने भाही जो तुिरा सारखूवध ओयडेवावुसेतीदरा भी धगनती नी ओय जाय I¹²जैतार चूयूआठवीुं िुहर खुल्युतेतार शि देखयुएक िोटो भूकुंप ओतो अने सूयय कािवानसारखो कावो पोऊ गोयो अने चाद पुरु लयू ो सारखुओय गोयुI ¹³आने आकाि िायला तारा धरती पर ओहला पोडया जोहला िोटलु वादणु आवीन हालववन अजीर पाडतलुझाडापोर देखा कायला पड जातला तेहे I ¹⁴आकाि ऐहे हरकी गयो जोहलो पात्र लागाडतला अने हरकतला अने हर एक बोयडूअने टापुआपणा आपणा स्थान देखा टोव गयलो I¹⁵पथ्ृवी पर राजा अने प्रधान आने अने सरदार आने धनवान िक्क्त वाला िाणहे अने हर सेवक हर एक स्वतुंत्र पहाड़ोंन दोरोिा अने चट्टानिा जाईन शलकाया I ¹⁶अने बोयडा अने चट्टान चट्टानोहो कोयडे लागहे के आिूपार पोउजा अने आिूह तेरा िुयदेखूज्युशसहासन पोर बोठलूसे अने िेिनान कोरध देखूशलकाव ले I ¹⁷कहाके तेर कोरधन भयानक ददह आव पुचलूसे ऐवी कुण ठहर सेकहे

Chapter 7

¹ओवतुशि च्यार सोरगदते ु दोरतीन चायर खुणापोर उबरोय एिोरोयलो देख्यूदोरतीपोर एने दोरतीपोर एने काल्ला बी जाडोह वाहवुनुकसान नहीुं कोरनुजुवे कोरीन चया चयारसोरगदतू चयार वाहवाह रुक रोयला ओता I ²फोसुिी उजुएक ददहरा सोरगदतु ोह उगोवणीखेर दोखुआवतलु देखयूच्युजीवतलाबोगवानोन सीककु ली रोयलुओतुच्युदोरती एने दोरीयाह नुकसान कोरनेन आदीकारजुडलो तीनुचारु सोरगदतु ोह िोटे आयडीन कोय। ³जाहलोगोण आयुबोगवानोन सेवकोन नीदावापोर शसक्कु नी लागाडजे , जाहलोगोण दोरतीन एने दोरीयाह एने जाडोन नकु साण जुण कोरता ।⁴जीनुह शसक्कु गुदायलुओतुिी तीदरी गीणती होबयुिोजे इसरायेल जातीन िाणहोनपुरयान आखा कुलोि दोखा एक लाख चालीह ने चिार ओजार शसक्का गुदणेन आवया। ⁵येहदान कुलोि दोखा बारा ओजार िाणहोन नीदावापोर शसक्कु गुदणेि आवयुरुबेनोनकुलोि दोखा बारा ओजार िाणहोन नीदावापोर एने गादोन कुलोि दोखा बारा ओजारिाणहोन नीदावापोर ⁶एने आसेरोन कुलोि दोखा बारा ओजार िाणहोन नीदावापोर एने नोफतालीन कुलोि दोखाबारा ओजार िाणहोन नीदावापोर िोना सस्नेह कुलोि दोखा बारा ओजार िाणहोन नीदावापोर⁷सीिोनोन कुलोि दोखा बारा ओजार िाणहोन नीदावापोर, लेववन कुलोि दोखा बाराओजार िाणहोन नीदावापोर इस्साकारोन कुलोि दोखा बारा ओजार िाणहोन नीदावापोर। ⁸जोबुलनु ोन कुलोि दोखा बारा ओजार िाणहोन नीदावापोर युसफु ोन कुलोि दोखा बाराओजार िाणहोन नीदावापोर एने बबन्याशिनोन कुलोि दोखा बारा ओजार िाणहोननीदावापोर शसक्कु गुदणेि आवयु।⁹ओवतुिी देखयूआखी कोवीन एने आखा देसोन आखी जातीन आखा कुलोि एने आखा बास्या बुलनाराि दोखी, एक ओहली िोटली गोरदीह जीनीह कुणीज नई गीण सोकतोताओहला, बुल्ला लुगडा पेरीन, एने तीदरा आथोिा खारकान डावया लीन राजगादीन ओगोवएने िेडा बुकडान गीदलान ओगोव उबरोय रोया ओता । ¹⁰एने िोटे आयडीन चया एहे कोयतोता के ,सुटकारु आपणुबोगवान ज्युराज गादीपोर बोठरोयलुतीना दोखु, एने िेडा बकु डान गीदला दोखुजुडहे* तेरी जेयजेयकार ओये¹¹एने तीनी राजगादीन एने पुडारयान एने चयार जीव जोनलरोन सोिखेर आखा सोरगदतु ोहउबरोयला ओता। चया आखा ज्युराजगादीपोर बोठ रोयुह तीना बोगवानोन उबडुपोडीनवोदया एने कोया ¹²आिीन आपणा बोगवानोह आखी इस्तुती एने बोडायी एने आखी। ओककोल, एने आखीताकोत, एने होक एने िानपान एने सोकती एने दोनयवाद जोलिकोज ओयतो रोयेआिीन ।¹³ओवतु तीनु पुडारी िायलुएक जोण िेहे कोय,ुया बुल्ला लुगडा पेर रोयलुया कुण से एने काहरी दोखा आुंवला ¹⁴तेतार िी तीनाह कोयु, ए गुरु तुज जाणतलु, तेतार च्युिेहे कोयु, या चया से ज्या खुबिोटला दखु ोिा दोखा नीकवीन आव रोयाहा, या इुंदरा लुगडाह िेडा बुकडान गीदलानलीयोन दवुीन उजवा कोर लेदला से¹⁵कोरीन या बोगवानोन राजगादी ओगोव रोयीन, तेरे िोदीरोिा रात ने दीह तेरी सेवा बोकती कोरया कोरतला, एने ज्युबोगवान राजगादीपोर बोठ रोयुह च्युज तेर तोबुताणीनतीदरी राखवावी कोरहे। ¹⁶ओवता च्या कोदी बुखला एने कोदी तीहला नी रोय, एने कोदी दीहोन हेक कालुबी बातीनतोप तीनुह नी बोवाडे ¹⁷काहाके िेडा बुकडान गीदलो ज्य़ों राजगादी ववस्िा से , च्योज तीदरी राखवावी कोरहे, एने च्यो तीनुह जीवायोन पाणीन जोरवाणया हाते ली जाया। कोरहे, एने बोगवानुज तीदरी डुवाि दोखा आखा आहुंवा नुस देहे ॥

Chapter 8

¹जेतार िेडा बकु डान गीदलो सातवुशसक्कु वेसडयो ते , आरदुतास लोगोण सोरगोिाहुनासान ओय गोयो ²तेतार बोगवानोन ओगोव सात सोरगदतु े उबरोय रोयतला देखयु, तीनुह सात पेपारयाआपणेि आवया।³ओवतुउुंजुएक सोरगदतु दपु देणेन हुनान वाटको लीन आववन पोवीत्र उटलान ओगोव उबरोय गोयु, एने बोगवान नतना सोरगदतु ोह दपु देणे कोरीन खुब ह़ोंटो दपु आपयुच्यो दपुएर कोरता आपायलो से के तीना दपोह ु बोगवानोन पोववत्र िाणहोन पोरथना बेव बोगवानोन राजगादीन ओगोवला हुनान पोववत्र उटलापोर चोडावे । ⁴एने सोरगदतु ोन आथोि दोखुदपुोन दवुाणुपोववत्र िाणहोन पोरथना बेव बोगवानोन ओगोव पुच गोयु। ⁵ओवतुच्युसोरगदतु दपु देणेन वाटकाह लीन नतन बादा चोडावणेन उटलाि दोखुआगठोबोरीन दोरतीपोर नाखयु। तेतार एक िोटुआवाज एने गाजणे एने वादवो वीजोलने बाज गोयोएने दोरती आल गोयी⁶तेतार च्या सात सोरगदतु े जीनुपोर पेपारया ओता च्या पेपारयो वाजाडने तीयार ओया ⁷जेतार पेललुसोरगदतु पेपारयो वाजाडयुतेतार, गारा, लुय एने आगठािा बेसकायीनदोरतीपोर पोडयु। तीनािा दोरतीन तीन इस्सािा दोखुइस एक इस्सुजाडे बी होलगी गोया ।एने आखुनुव्वुचारु लोगोण होलगी गोयु⁸जेतार दसु रु सोरगदतु पेपारयो वाजाडयुतेतार आगठािा होलगतला िोटला बोयडान होसकायतोरी दोरीयािा पोडयो, तीनाह दोरीयान पाणीन तीन इस्सािा दोखो एक इस्सुपाणी लुयबोण गोयलो ⁹एने दोरीयान पाणीन िायला गोडायला जीव जोनवरोिा दोखो तीन इस्सािा दोखो एक इस्सुजीव जोनवरे िोर गोया, एने जाहाजे बी तीन इस्सािा दोखो एक इस्सुनास ओयगोयलु।¹⁰एने जेतार तीसरु सोरगदतु पेपारयो वाजाडयुते, एक िोटलुतारु ज्युहोलगतला िोसालोनहोस होलगीन सोरगोि दोखुटुटीन पोडयु, एनेतीन इस्सािा दोखुएक इस्सुखुदरािा * एने जोरवाणया पाणीिा पोडयु। ¹¹तीना तारान नाव िावडुसे च्युतारु टुटीन दोरीयािा पोडयुतीन इस्सािा दोखो एक इस्सुपाणी िावडोजेर ओय गोयो । च्यो िावडो पाणी पीदला तीनािा खबु िाणहे िोर गोया¹²एने जेतार चोवथुसोरगदतु पेपारयो वाजाडयुतेतार, दीहोन तीन इस्सािा दोखो एक इस्सुचाुंदोन तीन इस्सािा दोखुएक इस्सु, एने तारान तीन इस्सािा दोखुएक इस्सापोर आफुसआवी, कोरीन तीन इस्सािाय एक इस्सापोर आुंदोरो साुंववाय गोयो, एने दोहोन तीन इस्सािा दोखो एक इस्सान उजयावो जात रोयो ।तोहलोज राती बी तीन पारगा िाय एक पारगापोरचाुंद एने तारा उजयोड नई आपया ।¹³ओवतुिी देखयूते, सोरगोिा उडणारो एक गुवडो िोटो आवाजिा तो कोयतलो होबयुके, उुंजुतीन सोरगदतु े पेपारयो वाजाडनेवाला से , जेतार च्या पेपारयो वाजाडे , तेतार इनदोरतीपोर रोयणारापोर खुब वीखुपोडहे ।*

Chapter 9

¹जेतार पापवुस्वर्गदतु पोपारयो वाजाडपुजेतार मी स्वर्गमा देखु एक तारू पोठतलुदेख्नुअनेतीनाहा नरकन कुडान कवी आपणेमा आवी । ²च्छु नरकन कुन्डामा उर्ाड्युअने कुन्डाम देखी बाढददन सारखुघुवाडु ननकक्युअने कुंुडानघुवाउमे सुयग अने वायुआधार ओय र्ोयो³नतना दवुाडामा दिडया आवीन धोरती पोर तीनुह ववपान सकती आपणेन आवी । ⁴तीनुह कोयणेम आक्यो नी धरतीह नी खोडोह नीव्वा नी कानला झाठोह नुकसाण जुणकोरता पुण कोरता पुण तीनुमाणहोह वेला पाडावे जीदरा ननडावाोर नी रोये तीनुह नुकसानपुरचाडयु।⁵अने तीनुह माणहोह मार नाखणे कोरीन पुण पाच मयना तक माणहोह तरास देणेन अधधकार आपणे आवलुसे अने तीदरी वपडा ओहेली से जेहे ववसुसडतलु अने वेला पोडतली तेहेज दिड्यान चावणे ये वेला ओयहै । ⁶नतनुदिडयान माणुह मौत हुदहैपुण मोत नी आवे मरनेन कुसीत कोरहोत अने मरी नी सेकेमरण मी तीनुदेखुदरु नाहवे ।⁷नतनुदिड्डयन आकर लडाईन करता नतयार कोरला धुवडान होस से जे हैरथ अने खुबहवच घुडान हस ओतो अने नतन्दरा मुडोपर हुनान मुकुि ओता अने नतन्दरा मयु े माणहोनहोस ओता । ⁸एने तीदरा जिुा बायरान जिुान होस ओता, एने तीदरा दाते सीवोन दातोन होस ओता। ⁹तीदरी साती लोखुंडान जीलोमोन होस ओती , जेतार च्या उडतला तेतार तीदरा फाकडानआवाज ते , जेहें युद्द कोरने होिा र्ुडा रोथोमा जपु ायीन दोवडतला नतदरे बोराबोर ओतु।¹⁰तीदरी सेमिी वीसान नावोन होस ओती, तीनी सेमिीमा डाचु*ओतुएने माणहोह पाचमोयना लोर्ोण वेला आपायली ओती । ¹¹ज्युनतना पोताडापोर एक मुखी ओत, ुच्युतीन िीडयाुंदरु राजा ओतु, नतना राजान नावइबरानी बास्यामा ओबद्दोन से, च्योज यनु ानी बास्यामा आप्पुलीयोन मोज नास कोरनारु स ¹²यी पेल्ली बीस लार्े ओहली र्ोिना वीत र्ोयो, एुंवी उजुदयु बीस लार्े ओहलो र्ोिनाआवणेम से¹³ओवतु, जेतार सोरर्दतु साहवो पेपारयो वाजाड्युतेतार, मी बोर्वानोनओर्ोवला हुनान उिलान च्यार कुपरामा दोखुओहलुआवाज होब्यु। ¹⁴साहवुसोरर्दतु ज्युपेपारयुशल रोयलुओतुतीनाह कुणतोरर एुंहे कोयतलुहोबायो मोिलीफोरात नावोन नोदी हाते बाुंदायला ओता चयार सोरर्दतु ोह सुड दे । ¹⁵एने दोस्ती पोरला माणहोनुह तीन इस्माइल दोखा एक इस्सुमाणहोनुह मारनेन कोरतातीनुच्यार सोरर्दतु ोह सुड देवु। च्या च्याहरीज एक तासोन कोरता, एक दीहोन कोरता एने एक मोयनान कोरता एक सालोन कोरता, माणहोह मारने तीयार कोरनेम आवला ओता¹⁶मी एहे कोयतलान होब्युके, र्ुडापोर बोठीन युद्द् कोरने जाणारा सो ¹⁷एने महे दस दर्शन मा गुडा एने तिंदरा ओहला गुड़ा पोर बोठनारू देखायु एने तिंदरा टुपा आठठा धूम्रकान्त एने गंडक हस ओटी एने तीनु गुड़ान मूड वागोन मुड़न होस ओता एने तिंदरा मुयम दखो आठों एने डुवादू एने गंधक निकवता ओता¹⁸इन तीनु महामारियों एने आठों एने डुवाडू गोंदायनयो से एने जा तेरा मुय निकवता ओता मनाहोंन एक बाग मार नाखया ¹⁹कहाके तीनु गुड़ान शक्ति तिंदरा मुयम एने तिंदरा सेमटा मा ओती इनानकोरता के तिंदरा सेंमटा गोड़हान होस ऑयती एने तिंदरा सेमटान मुंडे भी ओता एने इनू डोखा चा नुकसान पुसाड़तोता²⁰बाकी मानहे तीनु महामारियों दोखा नि मोरया एने तिंदरा आतोन कामो दखा मोन नि फिरवया दुष्टात्मान ,एने हूनो , चाँदी,पितवोंन दगड़ू एने मूर्तिन पूजा नि कोरनू कहके जो तिनह नि देखाय नि बुले नि साल सकतली ²¹एने जो खून एने टोना एने व्यभिचार, एने चूरियाँ, तींद्रि ओती एने तिनह खेर दोखा मोंन नि फिरव्या

Chapter 10

¹ओवतुिी एक ददहरा ताकोतवावा सोरगदतु ोह सोरगे दोखुनेचुउतोरतलुदेखयु। एने बोवावो तेर सोिखेर ओतो, एने तेर िुडोपोर एक बाण ओतु। तेर िुय दीहोन होस एने तेरपाये आगठान खाुंबान होस ओता । ²तेर आथोिा आयतुउगावडु चापडुओतु। एने तरे जेवडुपाय दोरीयापोर एने डाखरयुपाय दोरतीपोर िके यु।³एने च्युजेंहे सीुंव िोटे डोखारतलुतेहे आयड्य , जेतार सोरगदतु िोटे आयोडल, ुतेतार सात वार वादवािा गाजलो ते िेहे सोिजे ओहलुआवाज होबायु ⁴जेतार सात वार गाजणेन आवाज होबायीन नोवरायलो ते , लोगेज िी लेखणेन तीयारीिाजओतुपुण िेहे सोरगोि दोखो ओहली आवाज ह़ोंबायी, ज्युवात कावा गाजोबेव ह़ोंबावलुच्यी वात िा लेखे, लीकाडीन िेक ।⁵ओवतुज्युसोरगदतु तरे पाय िोटला दोरीयापोर एने दोरतीपोर पाय िेक रोयलुदेखलु, च्युसोरगदतु तरे जेवडा आथोह सोरगोखेर उचुकोरयु। ⁶एने बोगवान ज्युजोलि पीडडडीट जीवतलुसे च्युसोरग एने तीनािायलो, दोरती एने तीनािा आखोज बोणावल, ुतेर नावोन सोप्पत खायीन सोरगदतु ोनुह कोय के बोगवान ज्य़ों काि कोरने बोजोट लागाड रोयलुच्यो परुो कोरने जोरुड वार नी लागाडे । ⁷पुण च्यु कोय के , जेतार सातवा सोरगदतु ोन दीहे सुरु ओयहे तीने टेिे च्युपेपारयो वाजाडेतेतार बोगवानोन लीकाडली बोजोटोन रीते, च्युजेहे तेर सेवकोन एने बोवीसय कोयणारानुहखुब सालोि पेल हाजी*खोबर होबाडलुतेहेज परुो कोरहे।⁸जीनान आवाज िी सोरगोि दोखुहोबोवलुओतुच्युफोसुिारहाते वातुकोरने बाज गोयलु।च्युकोयुजा एने ज्युसोरगदतु िोटला दोरीयापोर एने दोरतीपोर उबरोय रोयुह तरे आथोिा दोखुउगाडलुचापडुिाुंगले । ⁹कोरीन िी सोरगदतु ोन हाते जायीन कोयुयुआयतलुचापडु िेहे आप दें च्युिेहे कोयुलेदोर ले एने इना चापडाह खाय जा युचापडु खाहे तेतार पेटोह िावडो कोर देहेपुण तारिुयोिा िोवोन होस गुवी लागहे।¹⁰ओवतुिी तीना सोरगदतु ोन आथोि दोखुआयतुचापडुिागीन खाय गोयलुच्युचापडुिार िुयोिा गुवुते लाग्युपुण जेतार तीनाह शि खादलुते िार पेटोिा िावडो लाग्यो ¹¹जीनान आवाज िेहे सोरगोि दोखुहोबायुच्युिेहे कोयुबोगवानोन ज्य़ों काय आखािाणहोन कोरता एने आखी जातीन कोरता एने आखी बातीन बास्या बलनाराि कोरता एने ुआखा राजान कोरता बोजोट लागाड रोयुह च्यी आवणेवाली वात फोसो तोहो बोवीस्यकोयणुज पोडहे ।

Chapter 11

¹ओवतुकुणतोरी िेहे िाप लेणेन एक बरुान फाटुआप्युएने च्युिेहे कोयुउठ एने तीनाफाटा कोरीन बोगवानोन िोदीर एने बादा चोडावणेन पोवीत्र उटलाह िोज ले एने िोदीरोिा बोक्ती कोरनारानुह गीण ले । ²पुण िोदीरोन बारथेली खोवीन िाप जुण लेतुकाहाके च्युजागुज्या बोगवानोपोर बुरहुनीकोरतला तीनुवाटुआपायलुसे एने च्या िाणहे येरुसलेिोन पोववत्र सेहरोपोर चावीह ने दयुिोयना लोगोण रोदवीन राज कोरहे ।³पुण िी दयु गोवायी आपणारा सेवक िाणहोन िारी खोरी वात देखाडणे होक आपीह । एने होबोवणारा िाणहे जेर तेरा पापोन कोरता दखु ी ओयीन बोगवानोखेर वोवणुजुवे यी वातननस्याणीन होस देखाडने कोरीन च्या गुंटो पागरीन एक ओजार दयु होव साठ दीही लोगोणिारी बोवीस्योन वात देखाडहोत । ⁴एने या च्याज से ज्या आखी दोरतीन पोरबुन ओगोव जेयतनु ोन दयु जाडे एने दयुदीवाल्या इनुदयु गोवायी आपणारान ननस्याणी से । ⁵जोर कुण बब तीनुगोवायी आपणारान नकु सान कोरने हुदे ते तीनुगोवायी आपणारान िुयोिा दोखो आगठो नीकवीन तीदरा दस्ुिोनोन बोवाडीन रूखडुकोर देहे एने कुण बब तीनुहवेला पाडने कोरीन कुसीस कोरहे तीनुह बी तोहलोन तोहलोज िोरनुपोडहे⁶जेतार च्या दयु गोवायी आपणाराह बोगवानोन वात देखाडतोता तीना दीहोिा तीनुहसोरगोि दोखुपाणी नी पोडनुकोरीन रूकणेन आदीकार एने पाणीह लयु बोणावणेन आदीकार एने तीनुह जेतार पोटे तेतार दोरतीन िाणहोपोर नुकसान कोरनेन आखी बातीन पीडा लावणेनआदीकार बोगवान आपलुओतु। ⁷जेतार च्या बोगवानोन वातोन गोवायी आपीन नोवराय जाहे तेतार एक जोनवर वीण शसब्यापोताडोि दोखुनीकोवहे एने तीनुहातेयुद्द कोरीन तीनुह जीक लेहे एने तीनुह िार नाखहे ।⁸जयाुंहरी पोरबुयीसुह कुरसोपोर चोडावीन िारला ओता च्याहरी तीना िोटला येरुसलेिसेहरोन खास गोलीिा तीनुगोवायी आपणारान दोडे पोडे रोयहे ज्य़ों आत्िीक रीते िाणहेतीना सेहरोह ननस्याणीन होस सोदोि एने िीसर देस कोरहे ⁹आखा देसोन िाणहे एने आखा कुलोन िाणहे आखी जातीन िाणहोन आखी बातीन बास्या बुलनारा तीदरा दोडोह साडे नतन ददही लोगोण देखता रोयहे एने तीदरा दोडोह कुण बब िोट्टयािा िेकणे नी देय ।¹⁰एने च्या दयु जोण िोर गोयला कोरीन दोरतीपोर रोयणारा खुसी िोनावहोत एने एक दीहराह बेट ली िकु ोलहोत काहाके या दयु बी बोगवानोन बोवीस्य कोयणारा दोरतीपोर रोयणाराह खुब वेला पाडतोता । ¹¹पुण नतन दीहोन बादिा बोगवानोखेर दोखुफोसुतीदरु जीव वोव गोयुएने च्या दयुिाणहे जीवता ओय गोया एने ज्या तीदरु देखला च्या खुब बीन हीयारी लेणे बाज गोया। ¹²तेतार सोरगोिा दोखी िोटी आवाज ह़ोंबायी के उपोर आवु। जेतार च्या सोरगोिा बोवावापोर बोठीन जात रोया एने तीदरा दस्ुिोने तीनहु देखता रोय गोया ।¹³तेतारुज खुब िोटे दोरती आल पोडी एने सेहरोन दोस इस्सािा एक इस्सुउदरी पोडयु।दोरती आल पोडली कोरीन सात ओजार िाणहे िोर गोयला । एने ज्या वाच गोयला च्या िाणहे खुब बीन हीयारी ली लेद्या । एने सोरगोिा रोयणारा बोगवानोन िोहीिा कोरया ¹⁴दसु री बीख लागे ओहली गोटना ववत गोयी एने देखुएुंवी तीसरी बीख लागे ओहली गोटना जोलदी आवणेवाली से ।¹⁵जेतार सातवुसोरगदतु पेपारयो वाजाडयुतेतार सोरगोिा दोखुओहलुिोटुआवाज होबायुआखी कोवीन राज़ आपणा बोगवानोन एने तेर नीवाडला िोसीन काबािा आव लागली से एने च्युज जोलि पीडाडीट राज कोरहे।¹⁶तेतार वीस ने च्यार पुडारय ज्या बोगवानोन ओगोव तीदरी राज गादीपोर बोठ रोया ओता च्या दोरतीपोर उबडुपोडीन पोरबुह वोदीन यो कोयणे बाज गोया । ¹⁷ए आखा दोखा ताकोतवावा पोरबुबोगवान ज्युएवुं ी से एने ज्युओतुएने ज्युआवणेवालुआिुतारो दोन्यवाद कोरतला काहाके तुतारी िोटली सोक्तीह कािोिावापरीन फोसुराज कोरने बाज रोयुह ।¹⁸तोहोपोर बरुहुनी कोरनारा दोरती पोरला िाणहे खुब सोताप कोरला । पुण तुतीनुह डोडआपणेन टेि आव लागलुसे एने िोटला िाणहोन तुनीयाव कोरनेन टेि बी आव लागल से एने ज्या सेवके एने बोवीस्य कोयणारा एने पोववत्र िाणहे एने तोहो बीन चालनाराआयता िोटा जीनुह िाणहे आयता िोटा सोिजतला तीनुह बी तुइनाि आपणेन टेि बी¹⁹ओवतो सोरगोिा बोगवानोन िोदीर उगडी गोयो। एने पोववत्र जागापोर बोगवानोन नेििेकणेन पेटी देखायी । ओवतो िोटे वीजलीन कोकडीन बाज गोयो एने वादवो गाजणेनआवाज आवयुएने दोरती आल पोडी एने िोटला गारान पाणी पोड्यु।

Chapter 12

¹ओवतो सोरगोिा एक िोटली ननस्याणी देखायी दीहोन उज्यावान होस पीपलनारा लुगडा पेररोयली एक बायोर िी देख्यु। तेर पातोन नेडु चाुंद ओतुएने तेर िडोपोर ु बारा तारान िुकुट ओतु। ²च्यी पेटो हाते ओती एने फुकडायणेन खुब दखु ोिा काहती जायीन खुब आयोडने बाज गोयी ।³िेहे सोरगोिा उुंजुएक ननस्याणी देखायी एने िोटलुरातलुओजगर देखायु। तेरा सात िुुंडकाएने दोस हीगडा ओता एने तेर िुडोपोर सात िुकुट ओता। च्युतेरी सेिटी कोरीन सोरगो िायला नतन इस्सािा दोखुएक इस्सुतारानुह आपकीनदोरतीपोर नाख देल्लुच्युओजगर च्यी बायोर फुकडाये ते नतना पुरयाह गीव जायीह कोरीन तेरओगोव उबरोय रोयुगोयु। ⁴च्युतेरी सेिटी कोरीन सोरगो िायला नतन इस्सािा दोखुएक इस्सुतारानुह आपकीनदोरतीपोर नाख देल्लुच्युओजगर च्यी बायोर फुकडाये ते नतना पुरयाह गीव जायीह कोरीन तेरओगोव उबरोय रोयुगोयु।⁵च्यी बायोर पुरयो पोयदा कोरली एने च्यजु पुरयुआखी जातीन िाणहोपोर लोखोडान डेगु लीन आखी आदीकार हाते राज कोरनारु ओतु। कोरीन उचकाहलुज बोगवान तीनाह तेर हाते एने तेरराजगादीपोर बोठाडीन आखी ताकोत हाते राज कोरने उचली लेदलु। ⁶एने च्यी बायोर उजाडी जागािा नाह गोयली च्याहरी एक ओजार दयु होव साठ दीह लोगोणबोगवान तीनीह पुहायणने कोरता एक जागुतीयार कोरलुओतु।⁷एने च्यी बायोर उजाडी जागािा नाह गोयली च्याहरी एक ओजार दयु होव साठ दीह लोगोणबोगवान तीनीह पुहायणने कोरता एक जागुतीयार कोरलुओतु। ⁸पुण च्युिोटलुओजगर एने तेर चाकरी कोरनारा युद्दोिा आराय गोया एने बोगवान तीनुहफोसुसोरगोिा रोयणे नी देण्यु। ⁹एने िोटलुओजगरोन िोतलोब च्युन च्युजुनलुगोडहुज्युइबलीस एने बतु डुकोवायतोतुच्युतेरी चाकरी कोरनारा हाते दोरतीपोर आचोटणेि आव्युच्युज कोवी िायला आखा िाणहोहब़ोंगलाडनारु से ।¹⁰ओवतुिी सोरगोि दोखुओहलुिोटलुआवाज ह़ोंबोबलुएवी बोगवान तेर ताकोत दोखुिाणहोन वाचाडीन राजान होस तीनुपोर राज कोरहे एने तेर िोसी इनी कोवीन िाणहोपोर राजकोरहे काहाके बोगवानोन ओगोव ज्युआपणा बायह बोणहापोर रात ने दीही गुनुलागाडनारु से नतनाह बोगवान सोरगोि दोखुनचे ुआचटी देण्यु।¹¹एने िेडा बकु डान गीदलान लुयो कोरीन एने बोगवानोन खोरी वात िानीन गोवायी बोणीनरोयणेिा च्या बुतडाह जीक लेदला से एने च्या तीदरा सोतान जीवोह लोगोण िोग नी कोरया एने यो ओतरो नी पुण बोगवानोन खोरी वात कोयणेन कोरता िोरने बी नी तीयार ओय गोयला । ¹²कोरीन ए सोरगोिा रोयणारा तुिुखुसी िोनावुपणु ए दोरतीपोर एने दोरीयािा रोयणारा तुिरेकोरता खुब दखु ोन वात से काहाके बुतडुतुिुहाते खुब सोताप हाते उतरीन आव लागलुसे काहाके च्युजाणतलुके तरुे थुडुज टेि वाचलुसे ।¹³िेहे सोरगोि दोखा दोरतीपोर नाख देल्ला जाणीन ओजगर नतनी बायोरोह ज्यी नतना परुयाहपोयदा कोरली नतनाह वेला पाड्यु। ¹⁴पुण ओजगर दोखी वाचीन उजाडी जागा उडीन तेर जागे जाणेन कोरता तीनी बायोरोह िोटला गुवडान होस दयु फाकडा आपणेि आव्या तीना उजाडी जागािा साडे नतन साल लोगोण बोगवान तीनीह पुहलु।¹⁵ओवतुतीन बायोरोह वोयोडीन ली जाणेन कोरता च्युओजगर तेर िुयोिा दोखुनतनी फोसोवनोदीन पाणीन होस पाणी वोयाड्यु। ¹⁶पुण दोरती तीनी बायोरोन िोदत कोरनेन कोरता िुय उगाडीन ओजगर वोयाडीन ओतुतीनापाणी पी गोयी। ¹⁷ओवतुच्युओजगर नतनीपोर खुब सोताप कोरयुएने तीनी बायोरोन दीहरी परुया पारीिोजे च्या बोगवानोन हुकुि पावतला एनेयीसुन बुरहािा दटकीन रोयीन गोवायी बोणीन रोयतला तीनुहातेयुद्द कोरने गोया। कोरीन च्युओजगर दोरीयान रेवटापोर उबरोयु। ¹⁸एने चू समुद्रन रेवटा पोर जाइन उबरय गयु

Chapter 13

¹ओवतुिी दोरतीयाि दोखुएक जोनवरोह नीकोवतलुदेख्यु।तरे दोस हीगडा एने सातिुुंडका ओता एने एके क हीगडापोर एके क िुकुट एनेतीदरा िुडोपोर बोगवानोन वाकोकाडणेन नावे लेखायला ओता। ²च्युजोनवर काबरया चीतरया वागोन होस देखायु। तेर पाये रीसडान होस एने ियुसीवोन होस ओतो ओजगरोन होस ओतुच्युजोनवर तेर सोक्तीह एने राजगादी एने आखोआदीकार तीनाह आप देण्यु।³िी तेर िुडका िायला एक िुडोपोर तेरु जीव ली लेये ओहलो लाग रोयलो देख्युपुणतेरु जीव ली लेये ओहलो जोखि हाजो ओय गोयलो तीना जोनवरोह देखीन आखीदोरतीन िाणहे बोगलायीन तेर फोसोव चालने बाज गोया। ⁴एने तीना जोनवरोह यो कोयीन तीना जोनवरोन आखा िाणहे पुजा पाट कोरया इनाजोनवरोन होस ताकोतवावुकुणीज नीबदे इनाहाते कुण जुलाय सोकतलुएने च्या िाणहे नतना ओजगरोन बी पुजा पाट कोरया काहाके च्युओजगर तीना जोनवरोह ओहलो सोक्ती एने होक आप देल्लु।⁵िोठायोन वात कोरने एने बोगवानोन वाको काडनेन कोरता तीनाह एक आदीकार आपायलो ओतो एने तीनाह चावीह ने दयु िोयना लोगोण राज कोरनेन आदीकार आपायलो ओतो। ⁶च्युपल्े लुजोनवर बोगवानोन बारािा एने तेर नावोन बारािा एने च्युज्याुंहरी रोयतलुतेर पोववत्र जागान बारािा एने ज्या तीनुहाते सोरगोिा रोयतला तीदरो वाको काड्यु।⁷एने पोववत्र िाणहो हाते यद्ुद कोरीन जीकणेन कोरता तीना जोनवरोह आदीकार आपायलो ओतो एने आखा देसोन िाणहोपोर आखी जातीन िाणहोपोर आखा कुलोनिाणहोपोर एने आखी बास्या बुलनारापोर राज कोरनेआदीकार आपणेि आव्यु। ⁸कोवी गोडायणेन पेल जीदरा नावे जीवायोन चापडािा लेखायला से तीनुह सुडीन कोवीन आखा िाणहे तीना जोनवरोन पुजा कोरहोत । च्युजीवायोन चापडुबादान कोरता िारनेिआवलो नतना िेडा बुकडान गीदलान ओतु।⁹जेरा होबोवणेन काने से च्या बोगवानोन वातोपोर द्यान लागाडीन होबोन सोिज जाहे। ¹⁰जीनुिाणहोह कुडवाडािा कुडणे ताकायलो से तीनुह जेलोिा कुडायणुपोडहे एने जीनुिाणहोह तोलवार कोरीन िारने ताकायलो से तीनुह तोलवारो कोरीनुज िोरनुपोडहे कोरीनबोगवानोन पोववत्र िाणहोह खुब दखु एने वेलािा बी दीर दोरीन इिानदार रोयणुहोबहे¹¹ओवतुदसु रु एक जोनवर दोरतीिा दोखुनीकोवतलुदेख्युतरेा िेडा बुकडान होस दयुहीगडा ओता पुण च्युजोनवर ओजगरोन होस बुलतोतु। ¹²च्युपेल्लुजोनवरोन आखा होकोह तेर ओगोवुज कािोिा लावतोतुएने च्युआखीदोरती एने दोरती पोर रोयणारा िाणहोह पेल्लुजोनवरोन पुजा कोरने लागाडतोतुजीनाजोनवरोह जीव ली लेये ओहलो लाग रोयो पुण च्यी जोखि फोसी हाजी ओय गोयलीओती ।¹³च्युदसु रु जोनवर खबु िोटला िोटला चोित्कार देखाडतोतुिाणहोन ओगोव सोरसदोखुदोरतीपोर आगठो पाडतोतु। ¹⁴पल्े लुजोनवरोन दोखा जुडला आदीकारिा ओहलो चोित्कार देखाडीन दनीयान ुिाणहोन खुब ठोगतोतुएने दसरु जोनवर दोरतीपोर ु रोयणाराह पेल्ला जोनवरोन िरुतीबोणावणे कोयुकाहाके जीनाह तोलवार लागली ओती च्युवाचीन क्जव गोयलुसे।¹⁵ओवतुददहरा जोनवरोनह लागाडीन पल्े ला जोनवरोन िुरतीिा जीव नाखणे एने तीनाजोनवरोन िरुतीह बुलने लागाडीनेन एने ज्युिाणुह तीना जोनवरोन िुरतीह पुजा पाट नीकोरे तीनाह िारनेन होक तीनाह आपणेि आव्यु। ¹⁶एने ज्युआयता िोटा पाम्तला गोरीब सटुला गुलाि तीनुआखान जेवडे आथे नी तेनीदावापोर जोनवरोन सुक्कु लागाड देण्यु। ¹⁷च्या एुंहे कोरला के जीनुपोर पेल्ला जोनवरोन नाव नी ते नावोन नोबर नी रोयेते च्या काय बी ली बब नी सोकतला एने वेची बी नी सोकतला।¹⁸एर बारािा सोिजणे खुब ओक्कोल जवु े। जीनापोर ओक्कोल से च्युतीना जोनवरोन इनानोबरोन िोतलोब फारकीन कोय सोकहे के पल्े लुजोनवर काल्ली नेतीन से एने कुण से काहाके पेल्ला जोनवरोन नावोन नोबर एक िाणहोन नावोन नोबर से। च्या नोबर 666 से ।

Chapter 14

¹ओवतुिी देखयूते एक िेडा बुकडान गीदलो से च्यो येरुसलेिोन सीय्योन बोयडापोरउबरोय रोयो ओतो एने तेर हाते एक लाख चावीह ने च्यार ओजार पोववत्र िाणहे ओतातीदरा नीदावापोर तेरो नाव एने तेर बाबान नाव लेखायलो ओतो। ²एने सोरगोिा दोखुएक आवाज होबायुज्य़ों िोटे पाणी हुहोवतलान होस एने गाजणेन आवाजोन होस ओतुएने च्युआवाज रुणथुवाजाडतलान होस होबायु।³एने च्या राजगादीन ओगोव एने च्यार जीव जोनवरोन ओगोव एने पुडारीन ओगोव एने दोरतीन िाणहोि दोखा तेर लुयो कोरीन वेचाता लेवायला एक लाख चावीह ने च्यार ओजार िाणहे नोवलो गीत गाव्या। तीनुह सुडीन च्यो गीत कुण बब नन हीक सोकतोता। ⁴जोहला सोवड्या सरुया तीदरी जीवायोनह सोवसार कोरे बीगुर सोताह सुखला िेकरोयतला तोहला या एक लाख चावीह ने च्यार ओजार िाणहे तीदरा जीवायोन पोरायाबायरा हाते जायीन िोयोव्वा कोरे बीगुर सुखला िेकला ओता। ज्याुंहरी च्यो िेडा बकु डानगीदलो जातलो च्याहरी इनुह बी जाणे होक से च्या िाणहे दोरतीपोर दोखा बोगवानोन कोरता एने िेडा बुकडान गीदलान कोरता बेट आपणे लावला पल्े लुकोिायोन फोवोन होसवेचाता लेणेन आुंवला। ⁵या िाणहे कोदी इुंदरा ियु ो कोरीन ठोग्या नी। या िाणहे बीगुर पापोन से।⁶फोसुिी एक सोरगदतु ोह सोरगोन ववस्िा उडतलुदेख्युज्युदोरतीपोर रोयणारा आखािाणहोनुह एने आखी जातीन िाणहोनुह एने आखी बास्या बुलनारा िाणहोन कोरता बोगवानोन जोलिकीज जीवायोन हाजली खोबर होबाडने लावलुओतु। ⁷च्युआयडीन एहे कोयुबोगवानोन दाक राखीन िोहीिा कोरु काहाके नीयावोन टेि आव लागलुसे।सोरग एने दोरती एने दोरीयो एने जोरवाण्या बोणावणारा बोगवानोनजु बोक्ती कोरु।⁸ओवतुदसु रु सोरगदतु एहे कोयुच्यो िोटलो बाबुल सेहर उदरी पओड्यओ ।उदरी इनासेहरोन िाणहे ते सीनावा बायरान होस आखी जातीन िाणहोह सीनावो कोरावणारुदोरकस्यान रूह पीयाडीन बोगवानोनह सोताप चोडावला।⁹ओवतुतीसरु सोरगदतु आयोडतुजायीन एुंहे कोयुज्या िाणहे तीना जोनवरोह एने तेर िुरतीन पुजा पाट कोरे एने च्युसीक्कु तीदरा आथोपोर नी ते नीदावापोर लागाड रोये ते। ¹⁰बोगवानोन सोतापोन पीयालािा तीयार कोरलुआकरु दोरकस्यान हुरु तीनुह पीणुपोडहे। एने बोगवान तीनुह खोरतनाक डोड आपहे तीनुपोर दोया नी कोरे िेडा बकु डानगीदलान ओगोव एने बोगवानोन पोववत्र सोरगदतु ोन ओगोव तीनुह हुडु हुडु होलगतला आगठान गोदकोन इुंगावािा वेला कोरता रोयणु पोडहे।¹¹एने तीदरा दखु ोन दवुाुंणुजोलिकु दवुायतुरोयहे । ज्या िाणहे तीना जोनवरोन एने तेर िुरतीन पजु ा कोरे एने जीनुपोर तरे नावोन शसक्कु लागाडलुरोये तीनुह रात ने ददहीवेला कोरनुपोडहे एने आबाव बी आराि नी जुडे। ¹²कोरीन बोगवानोन नेि पावणारा एने यीिुिोसीपोर बरुहुकोरनारा बोगवानोन पोववत्र िाणहोन कोरता यी खोबर से हीकाडतली के आवणेवाली सोतावणीिा दीर दोरीन यीसुपोरलो बुरहुसुडे बीगुर रोयणुपोडहे।¹³ओवतुसोरगोि दोखुओहलुआवाज होबायुतुयो लेख एुंवी दोखा ज्या िाणहे िोरेताहलोगोण पोरबुपोर पोक्कु बरुहुकोरीन रोयहे च्याज िाणहे बोगवानोन आसीरवादजुडनेन लायक से । बोगवानोन आत्िा कोयतली होव खोराखोर बोगवान तीनुह आसीरवादआपहेज । होव च्या ते खुब िेहनतु कोरला से कोरीन च्या िोरीन ओवता तीदरा कािोनकोरता तीनुह फोव आपीन तीदरी वेला हार दीन बोगवान तीनुह आराि आपहे ।¹⁴ओवतुिी देखयूते एक बल्ुला बोवावो ओतो एने तीना बोवावापोर िाणहोन पुरयानहोस एक िाणुह बोठ रोयुओतुएने तरे िुडोपोर हुनान िकुुट ओतुएने आथोिा नीहाडलुदातवुओतु। ¹⁵ओवतुिी देखयूते उुंजुएक सोरगदतु सोरगोन िोदीरोिा दोखुनीकवीन ज्युबोवावापोर बोठ रोयलुओतुतीनाह िोटे आयडीन कोयुतुएवी तार दातवा कोरीन वाडणेचालुकोर काहाके वाडणेन टेि आव रोयुह दोरती पोरली कोिाय पाक गोयली से । ¹⁶ओवतुतीसरु सोरगदतु बोगवानोन सोरग िायला िोदीरोि दोखुनीकोवतलुतीनापोरबी एक नीहाडलुदातवुओतु।¹⁷ओवतुतीसरु सोरगदतु बोगवानोन सोरग िायला िोदीरोि दोखुनीकोवतलुतीनापोरबी एक नीहाडलुदातवुओतु। ¹⁸ओवतुबादा चोडावणेन उटलाि दोखुएक सोरगदतु नीकोवलुज्युसाहवुओतु।तीनापोर आगठा कोरीन नास कोरनेन होक ओतुच्युददहरा सोरगदतु ोपोर ननहाडलुदातव ओतुच्युपाचवुओतुसाहवुसोरगदतु तीनाह िोटेज आयडीन कोयुतुतारु ननहाडलुदातवुलागाडीन आखी दोरती पोरला दोरकस्यान वेलान गोिरा तुड ले । च्या आखा दोरकस्यावारुज पाक गोयला से।¹⁹ओवतुच्युसोरगदतु तरे दातवुदोरतीपोर लागाडीन दोरकस्यान वेलान गोिरािा दोखादोरकस्या टुवुकोरहे एने दोरकस्यान रुह काडणेन कुडािा नाखहे। च्यो कुडो िोजे बोगवान सोतापिा डोड आपणेन जागुसे। ²⁰एने सेहरोन बारथे दाबीन रुह काडणेन कुंुड़ों ओतो एने तीना कुडािा दोखो दाबायीन लयुउसवीन नीकव्यो ते दयु । गुडान लोगािोन उचो लोगोण पुच गोयो एने कोिसी कोि तीन होव ककलुिीटर सटे ु वोयीन गोयो।

Chapter 15

¹फ़ोसु मि स्वर्गमा मि एक मोटों अने अदबुद चिनन देखयु मतलब सात सवर्गदूत तिदरेपाह सात आखरी विपत्ति ओती काहाके तिंदरे ओय जाणे पोर परमेश्वर संतायात अंत से²अने मि आगथामा मिवायलों आरहाह समुद्र देखयू अने ज्यों तिना जांवरोपर अने तेरी मुरटीपोर तेरा नावन आकगपोर जयवंश ओयलों ओटों तिनूह तिना आरहन समुद्रहते परमेश्वर वाजोलीन उबु ओतु l³अने च्या परमेश्वरन दास मुसान गिन अने मेदान गिन गाव गवीन कोयता ओता हे सर्वशक्तिमान परमेश्वर तारों काम महान से अने अदबूत युगयुगन राजा तारी चाल ठीक अने खरी से ⁴हे प्रबु कुन तोह नि भिहअने तारा नवोन महिमा नि कोरे काहाके तू पवित्र से अने आखा जातींन तार सामने दंडवत कोरहे काहाके तारा न्यायन कामे प्रकट ओय गोयला से⁵इनान बदमा मि देखयु के ग्वाहीन तंबून मोंदिर खुल गोयू ⁶अने च्या सात स्वरगदुत तीनुपाह सात विपत्ति ओती अने मतलब यूदध अने चमकनारा लुगड़ा पेरींन एने छाती पोर हुनान पोटटा बादीन मोंदिरमा देखा निकव्या⁷टेतार तीनु चार जानवर माईंन एक तीनु सात स्वर्गदूत ज्या परमेश्वरन ज्यू युगांनयुग जीवतलू से संतापन भरला सात वाटका आपयु ⁸अने पमेश्वरन महिमा एने तेरी सामार्थन वजे मोंदिरमा बुवाडू बराय गयु एने जहा तक तीनु सात स्वर्गदुतन सात विपत्ति नि होरी ताहतक मोंदिरमा कोणी जाय सेक्यू

Chapter 16

¹ओवतुमी मोदीरोम सात सोरगदतु े ज्या सात वाटका ली रोयला ओता तीनुह कुणतोरी मोटेआयडीन कोयतलुहोंब्युतुमुजावुएने बोगवानोन सोतापोन सात वाटकाह दोरतीपोर फुकडी देवु।²ओवतुपेल्लुसोरगदतु गोयुतेर वाटको मायलो बोगवानोन सोतापोह दोरतीपोर फुकडी देल्लूतेतार जीनुमाणहोपोर जोनवरोन सीक्कु लागाडलुओतुएने ज्या तेरी पुजा पाट कोयतोता तीनुहहीगी आवे ओहलो वेला पाडनारा फुडा नीकव्या ।³ओवतुदसु रु सोरगदतु तरे वाटका मायला बोगवानोन सोतापोह मोटला दोरीयापोर फुकडी देल्लू। मोटला दोरीया मायला पाणी मोरला माणहोन लयु ोन होस बोण गोया एने आखा दोरीयामायलाजीव जोनवरे मोर गोया।⁴तीदरु सोरगदतु तरे वाटका मायला बोगवानोन सोतापोह खुदरा एने पाणीन जोरवाण्यापोर फुकडीदेल्लूतेतार च्यो आखो पाणी लयु बोण गोयो । ⁵ओवतुजीना सोरगदतु ोन पाणीपोर आदीकार ओतुच्युएहे कोयतलुहोंब्युए पोववत्र बोगवान ज्युसे एने ज्युओतुच्युतजु से एने माणहोन खोरु नीयाव कोरनारु तुज से । ⁶काहाके च्या पोववत्र माणहोह एने बोवीसय कोयणाराह मारीन लुय वोयाडीला ओता कोरीन तुतीनुह लूय पायाडलुकाहाके यो डोड जुडनने लायक से । ⁷एने मी एक सोरगदतु ोह बादा चोडावणेन उटला हाते उबरोयीन यो कोयतलुहोंब्युहोव पोरबुतुआखा दोखुताकोतवावुबोगवान से तुखोरु से एने खोरु नीयाव कोरनारु से।⁸ओवतुचोवथुसोरगदतु तेर वाटका मायला बोगवानोन सोतापोह दोरहोपोर फुकडी देल्लूफोसुच्युददहोह आदीकार आप्युके माणहोह तोपो कोरीन एकदोम बोवाड देय । ⁹काहाके माणहे ददहोन जोवो जोवो तोपोमा बोव गोया ती बी तीदरो गोलत काम सुडीनबोगवानोखेर मोन नी फफरावे पुण इना पीडापोर होक राखनारा बोगवानोन नावोन बोडायी कोरने सुडीन तेरी नावबोदी कोरया ।¹⁰पाचवुसोरगदतु तरे वाटका मायला बोगवानोन सोतापोह तीना पल्े लुजोनवरोन राज गादीपोर फुकडी देल्लूतेतार ततना पल्े लुजोनवर राज कोरलुतीना राजोपोर आदारो साव्वाय गोयलो एने दखु आवीन तीना जोनवरोमा एने माणहोन खुब दखु फोसरी गोयो कोरीन च्या तीदरी जीब चावणेबाज गोयला । ¹¹तीदरी पीडा एने फुडामा खुब वेला ओयतोती कोरीन सोरगोमा रोयणारा बोगवानोन नाव बोदीकोरया ती बी च्या तीदरा गोलत काम सुडीन बोगवानोखेर मोन नी फफराव्या।¹²ओवतुसाहवुसोरगदतु तेर वाटका मायला बोगवानोन सोतापोह फोरात नावोन मोटली नोदीन पाणी आट गोयो कोरीन उगोवणीखेरला देसोन राजा जाणेन कोरता वाट तीयार ओय गोयी। ¹³मी फोसुदेख्युते ओजगरोन मुयोम दोखी एने तीना पल्े ला जोनवरोन मयु ोम दोखा एने ठोग बोवीस्य कोयणारान मयु ोम दोखी डेटकान होस तीन वीटोवला बतु डान आत्मा नीकव्या । ¹⁴या तीन वीटोवला बुतडान आत्मा चोमत्कार देखाडीन माणहोन बोगलाडनारा से या आखरी दीहोमा आखा दोखा ताकोतवावा बोगवानोन वीरूद यद्ुद कोरनेन कोरता आखी कोवीमा फीरीन राजानुह टुवुकोरनेन कोरता नीकवीन जातला ।¹⁵ततने टेमेयीशुमसीह मेहे कोयुहोबुमी चट्ुटान होस आवणेवालुसे कोतरु तोकदीरवालुसे चयुमाणहुजयुजागतुरोयीन तेरे सोतान लुगडा सोमावतलु। काहाके जेतार मी आवीह तेतार च्युनागरलान होस नी लाजवाये । ¹⁶तुदेखलुओतुच्या तीन वीटोवला बुतडान आत्मा आत्मा तीनुराजानुह एने तीदरासोयनीकोनुह इबरानी बास्यामा हारमोगीदोन कोवायणारा जागामा टुवुकोरया ।¹⁷ओवतुसातवुसोरगदतु तेर वाटका मायला बोगवानोन सोतापोह वाहवापोर फुकडी देल्लूएने मोदीरोमा राज गादीम दोखुयुमोटलुआवाज होंब्युबोगवान कोवी मायला माणहोह सेवाटलो डोडआपणेन टेम एवी ओय गोयु। ¹⁸ओवतुतेर वाटका मायला बोगवानोन सोतापोह ठारलुकोरलुते मोटी आवाज हाते वादवामागाचणे एने वीजोलने बाज गोयो एने ओतरे मोटे दोरती आल पोडी के कोवीपोर जेतार माणहे गोडायला तेवी दोखी एवी लोगोण इनसेह कोदी दोरती नी आली । ¹⁹तीनामा मोटलो सेहर मोजे बाबुल सेहर तीन टुकडा ओय गोयो बोगवान दीहरा देसे एने सेहर बी सोत्यनास कोर देल्लू। बोगवान बाबुल मोटला सेहरोन माणहोन खोराब कामोह लेखीन मेक रोयुह कोरीन च्युतीनुह वाटका मायलो तेर सोतापोन दोरकस्यान हुरु पीयाडृयुएने तीनुह खुबडोड जुडलो ।²⁰दोरती आल पोडी कोरीन आखा काडा पाणी नास ओय गोयो एने बोयडान ते पोनत्तुबी नी लाग्यु। ²¹ओवतुसोरग दोखा मोण मोण बोरीन मोटला मोटला गारान पाणी माणहोपोर पोड्युतीनामा तीनुह खुब वेला ओयली कोरीन माणहे बोगवानोन नाव बोदी कोरया काहाके तीदरी पीडा वेठीयेनी ओहली ओती

Chapter 17

¹ओवतुजीनुपोर सात वाटका ओता सात सोरगदतु ोन दोखुएक सोरगदतु मारहाते आवीन कोयुउरू आव मी तोहो तीनी नाव बोदी ओयली राडीन नीयावोन डोड देखाडोह ज्यी खुब नोदयान दोडीबोठ रोयीह। ²च्यी राडी दोरती पोरला खुब राजानुह मोनवाव देल्ली एने च्या बाबुल सेहर मायला हाते सीनावो कोरया एने दोरतीपोर रोयणारा तेर हाते सीनावा कोरने कोरीन तीना दोखा आपलुदोरकस्यान हुरुहोटा पीयीन साक गोयला।³ओवती पोववत्र जीव आत्मा मेहे काबामा कोर लेदी एने एक सोरगदतु मेहे उजाडी बोयडामा ली गोयुचयाांहरी एक बायोर रातला रोगोन जोनवरोपोर बोठ रोयली देख्युएने रातला रोगोन जोनवरोपोर बोगवानोन बारामा नाव बोदी कोरनेन नावे लेखायला ओता एने तेर सात मुडका एने दोस हीगडा ओता। ⁴च्यी बायोर जामण्य रोगोन एने रातला रोगोन मोगला लुगडा पेर रोयी ओती एने खुब मोगादोगडान एने मोतीन गोयणो पेरीन होब रोयी ओती एने तेर आथोमा हुनान पीयालो ओतो चयोपीयालो खुब हुराम बोरीन हीगीह आवे ओहला चीजे एने सीनावान मोयोव्वा चीजोन बोरायलोपीयालो ओतो । ⁵तीतन बायोरोन नीदावापोर एक तनस्याणी पुरतो कुणीज नी सोमजे ओहलो नाव लेखायलो ओतो मोटलो बाबुल खोराब सेहर मोजे च्योज दोरतीपोर आखा राडान एने हीगीह आवे ओहला खोराबकामोन आयी मानायतलो।⁶जेतार मी तीनी बायोरोन पोववत्र माणहोन लयु वपयीन साक रोयली देख्युते मोजे यीसुनगोवायी आपणारान यीसुपोरलुबरुहुसुडीन नीकार नी कोरया तीनुह मारीन तीदरो लयु वोयाडलीएने मी तीनीह देखीन बोगलाय गोयु। ⁷पुण च्युसोरगदतु मेहे कोयुके तुकाहा बोगलायतलुमी तोहो तीनी बायोरोन बारामा एने च्यी जीना जोनवरोपोर बोठ रोयली तेर बारामा जेरा सात मुांडका एने दोस हीगडा ओता तेर लीकायली वातोन बारामा देखाडीह।⁸ज्युजोनवर तुदेखलुच्युपेल ओतुच्युमोर गोयलुपुण एवी च्युदोरतीपोर जीवतुनीबदे पुणएवी च्युपोताडोन दोखुतनकोवणेवालुसे। तेतार बोगवान तीनाह फोसुसोत्यनास कोर देहे । एने बोगवान यी कोवी गोडाणेन पेलेन ओती जीवायोन चापडामा इन कोवीमा रोयणारा माणहोन नावेलेखायला तनबदे च्या माणहे ज्युजोनवर पेल ओतुएवी तनबदे पुण फोसुनीकोवहे तीनाजोनवरोह नीकोवतलुदेखताज खुब बोगलाय जाहोत।⁹तेर बारामा जीनापोर ओक्कोल से तीनाह ओक्कोल लागाडीन सोमजणूपोडहे ।राडी बायोर तेबाबुल सेहरोन तनस्याणी से । च्या सात मुांडका मोजेतीना सेहरोन सात बोयडान तनस्याणी से तीनुपोर राडी बोठ रोयीह एने सात मुांडका सात राजान तनस्याणी से । ¹⁰तीनुसात राजाम दोखा पाच राजा मोर गोया। एवी सेवलुराजा एवी बी जीवीन राज कोरहे एने सातवुराजा उांजुलोगोण नी आव्युजेतार च्युआवहे च्युथुडाक ददहोन कोरता ओतरु राजकोरहे। बोगवान ओहलो नोक्की कोरलुसे ।¹¹ज्युरातलुजोनवर पेल ओतुपुण एवी जीवतुनीबदे च्युज आठवुराजा से च्युइन सातराजाम दोखुनीकोवहे बोगवान खोराखोर तीन राजाह बी नास कोरने वालुसे ।¹²ज्या दोस हीगडा तुदेखलुच्या दोस राजा से पणु तीनुह एवी लोगोण राज कोरने आदीकार नी जुड्युपुण च्या दोस राजा तीना रातला जोनवरो हाते थुडाक टेमोन कोरता तीनुह बी आदीकारजुड्हे। ¹³या आखा राजा एक मोन ओयीन इदरी आखी सोक्ती एने आखो आदीकार तीना जोनवरोह आपणे राजी ओय जाहोत । ¹⁴एने या मेडा बुकडान गीदला हाते युद्द कोरहोत पणु च्यो मेडा बुकडान गीदलो तीनुराजानुहजीक लेहे काहाके च्यो मेडा बुकडान गीदला पोरबनु पोरबुसे एने राजान राजा से ज्या बोगवानोपोर बरुहुकोरे च्या तेर हाते जीक सापडावहोत काहाके च्या नेवतो आपायला एने नीवडायला एने इमानदार से ।¹⁵ओवतुसोरगदतु मेहे कोयुजीना सेहरोन पाणी हाते च्यी राांडी बोठली ओती च्यो पाणी तुदेख्युने च्यो पाणी मोज आखी कोवीन एने आखी जातीन एने आखा देसोन एने आखी बास्या बुलनारा माणहे से ।¹⁶ज्या दोस हीगडा तुदेख्युच्या दोस राजा से च्या आखा एने जोनवर तीनी राडी हाते खोरराखणे बाज जाहे एने तीनीह नागरली कोर देल्लान दोस तेर मालदोनोह साडाडीन उजाड देहे एने च्या जोगली जोनवर जेहे कावरायीन खातलुतेहे च्या तेर सेहरोन होलगाड देहे । ¹⁷काहाके बोगवान तेर इस्या परुी कोरने कोरता तीदरा मोनमा एकुज ववचार नाख्युतीनामा जाहलोगोण बोगवानोन वात पुरी नी ओये ताहलोगोण तीना जोनवरोह राज कोरनेन आपणा राजएने आदीकार तीना रातला जोनवरोह आपणेन कोरता च्या आखा एक मोन्या ओय गोयला से।¹⁸ज्यी राडी बायोर तुदेख्युच्यो मोटलो बाबुल सेहर से दोरतीन आखा राजापोर राज कोरनेन आदीकार ततनीपोर ओतो ।

Chapter 18

¹इनान बादमा मि एक स्वर्गदूतोह स्वर्ग देखयु उतरतलू देखयु तिनहा मोटलु अधीकार आपलू ओतु एने अने धरती तेरा उजेडमा उजावी ओय गोयी ²चुमोटा िब्दामा आयडीन कोयुपोड गोयुमोटलु. बाबेल अने दष्ुटात्मा रोयणेन अने हर एकअिुश्द आत्मान आडडो अने हर एक घणृ ीत चचडाव आडडो बोण गोयो ³काहाके तेरा छीनावान हुरानबजे छीनावान हुरान वजे आखा जातीन पोड गोयला घरतीन राजणुतेरहाते घघनावो कोरला अने घरती वयापारी तरेा सुखावलास बदतीन बजे धनवान ओयलास स⁴फोसुमी स्वगग देखो एक िब्द होम्बब्युहे मारा माणहो तीनामा देखा ववशिन आवुके तुमुतेरापापमा िागीदार नी आये अन तेरी ववपती देखो तुमुपर नी आवे ⁵कहाके तेरा पापोन बबग स्वगग तक पचु गोयलुसे अने तेरो अधमग परमेश्वर और आव गोयलो से ⁶जेहे च्युतुमुह आपलुसे तेहेज ती नाह आपुअनेतेरा अने तरेा काम अनुसार ती नाहा दयुगुणा आपुजीना बाटका तुमुह मरीन आपलुतीना मा घतनान कोरी दयु िरीन आप⁷जतरी तरेी बडाई कोरलुसुख ववलास कोर्लुतो तरी तीनाह पीडा अने िोक आपुकहाके च्यीतेरा िगमा कोयतली मोराणी बोणीन बोठली से रडायली नीमले अने िोक ना कधी नी पोड ⁸ज्यू जनवर तू देखलु से यू पेलन ओतु पुन एनी निमले एने अथाह कुंड मादेखू विनाशमा पोदहे अने धरती पर रॉयनेवावा जेरा नवे जीवन पुस्तकमा उत्पत्ति टेमन नि लेखाया इन जनवर दखा देखिन पेल ओतु एवी निमले फ़ोसु आव लागहे एने बोनगलाय जाहे l⁹डोरती पोरला खूब राजा तीना बाबुल सहरोन मानहो हाते सिनावों कोरला ओता एने सिनावों कामोमा पास्तला बोन गोयला च्या तिना सहरोह हॉलगतलों चू दुवाणु देखिन साती तुकीन रोड़हे एने कॉलपहे ¹⁰अने चा सात राजा भी पाच ने आव लागला से एकउनजू एवीस एने एक उनजू नि आव्यू निम्बले एने जेतार आवहे ते तहुडूक टेम तेरो रॉयने भी जरूरी से¹¹ज्यू जनवर पहले ओतु एवी निमले च्या खुद आठवू से तीनु सातों मा देखू एक से एने च्यु विनाशमा पोदहे ¹²ज्या दस हिंग तू देखायु से च्या दस राजा से तिनह उनजू राज नि जूदयों पुनतिना जनवर हाते गदीभर राजासारखु आंधीकर जूदहे ¹³या आखा एक मन ऑयहे च्या आपनु आपनु समार्थ एने अधिकार तिना जनवरह आपहे¹⁴या मेदा हाते जुलायहे एने मेडु टीनुपर विजय ऑयहे काहाके चू प्रभु एने राजन राजा से एने ज्या बुलावला एने निवावडला एने विश्वासयोग्य से तेरे हाते से च्या भी विजयी ऑयहे¹⁵फसा च्या महे कोया ज्यों पाणी तू देखलु जीना पोर वेश्या बोथली से च्या मानहे गर्दी जाती एने भाषा से ¹⁶ज्या दस हिंग तू देखयु च्या एने तिनी वेशीसा हाते दुश्मनि रॉयहे अने तिनी लाचार एने नागरली कोरहे एने तेरो माह खाहे एने तिनिह आँगठमा नाख देहे ¹⁷काहाके परमेश्वर तीनदरा मनमा यो नाखहे के च्या तेरी मनोनइकक्षा पूरी करे अने जहा तक परमेश्वरन वचन पुरो नि ओयों ताह तक तिंदरों राज तीना पशुह आप देहे¹⁸अने तिंदरा हलगनेंन दुवाड देखताजान आयडिन कोया कनलों नगर मोटला नगरों सरखों से ¹⁹अने आपणा आपणा मुंडिपोर काडुव नाखहे अने हाय हाय हाय मोटलों नार तेरी संपती देखा समुद्रन आखा जहाजवाला धनवान ऑयला ओता घड़ी भरमा उजड़ी गयो ²⁰हे स्वर्ग एने हे धरतीन पवित्र मानहो पेरीनं अने भविष्यद्वक्ता तेरे आनंद कोरु काहाके परमेश्वर न्याय कोरिन तुमरु बदलू लेदलू से²¹एक बलवान स्वरगदुत मोटलि गट्टीन पाट सारखु दगड़ू उखलयु एने यो कोइन समुद्र मा नाख डेलयु मोटलों नार बाबेल ओहला मोरला बल करिन पाड़ने आवहे अने फसो कन्दी तेरु पोणु नि जुड़े ²²वीणा वाजावणे वाव गायकोह पावी वजावनेवावह पेप तो फूलने वावाह शब्द फस कधी नि हॉबवाये²³अने दीवान ऊजवों फॉसो तारेमा कधी नि चमके अने वस्तु धुन शब्द फॉसो कधी नि हॉबवाये काहाके तारा व्यापारी धरतीन प्रधान ओता एने तारा टोना देखि आखि जात थोगायली ओती ²⁴अने भविष्यद्वक्ता अने पवित्र मानहे अने धरतीपोर आखा मरलान लुय ओखों तिनामा देखायलों

Chapter 19

¹ईनान बाद माां सम स्वर्गमाां िमजूमोटली र्ोडीह मोटा शब्द माां यो कोयहैहोब्यू हालेलुयाउद्धार एने महहमा एने िामर्ग मारा परमेश्वर िे l ²काहके तेरा ननयाव खरा एने हिक िे इनान कोरता चूतीनी मोटलो वैश्याहा जी तेरा सशनावादेखी धरती भ्रष्ट भरतोती न्याय कोरलुअने नतनीह मारा दािन लुयन बदलूलदे लूिे l³फोिूदिु री वार हालेलुयाह चूहलर्नेन धुवाडूयुर्ानयुर् उितूरोएह ⁴एने चोववि प्राचीन अने चार जानवर तेरे िामने पोडडन मनोम कोया ज्युसिहािन पर बोर्लूओटू आमीन हालेलुयाह⁵अने सिांहािन माां देखो एक शब्द ननक््यो है आमरा परमेश्वर देख आांखा घाबरनेवाला दािोंह काय ओयला काय मोटा टुमुआांखा तेरी स्तुनत कोरू⁶फोिूसम मोटी र्ोदीिरखुखूब पानीन िारखो शब्द होम्बब्युएने र्जगन िरखो मोटो शब्द होम्बब्यूहालेलुयाह इनान करता के प्रभूपरमेश्वर शक्क्तमन राज कोरयूि⁷आऊ आमूआांदमा एने मर्न ओए एने तेरी स्तुनत करजे मेडान ववयाव आव लार्लूिे तेरीदल्ुहन नतयार ओय र्ोयली िे ⁸तीनीह शुद्ध एने महीन चमकदार मलमल पेरावनेआपला िे ज्युकाहके तीना मईन मलमलअर्ग िे पववत्र मानहोंन धमगन काम िे⁹तैतार चूमहे कोयूां यो सलख के धन्य िे छा ज्या ववयावोन योजमा बुलावला िे फोिा छा महे कोया या परमेश्वरन ित्य वचन ि ¹⁰तेतर सम तीनहा नमन करने कोरीन तेरा पयोमा पोडयूचूमहे कोयुएहेज माां कोरे सम तारु एने तारा भायहोंन हातेंन दाि िे ज्युयेशनु र्वाही आपने कायम िे परमेश्वरनरज नमन करकाह्के नयशून र्वाही भववषवानी आत्मा िे¹¹फोिूसम स्वर्गह आग्व्दो देखूएने देख्यूके एक बल्ुलूघुडू एने तीना पर एक िवार ज्युववश्वाि योग्वय एने ित्य कोयनारा लूएने चूधमीकता हाते न्याय एने लडाई कोरहै ¹²तेरा डुवा ज्वाला िे तेरी मुडीपोर खूब होंटटा राजमुकूट िे एनेतेरू एक नाव लेखलो िे तीनातेरे सिवा कुनीय नी जाांनतलो ¹³चूसलयोन माां बबर्लो लुर्डो पेरलूएने तेरो नाव परमेश्वर वचन िे¹⁴एने स्वर्गन िेना बल्ुला पर िवार एने शुद्ध मलमल पेररन तेरे फिव फिव िे ¹⁵5जाती जातीह मारने कोरीन तरेा मयु म एक चुखी तलवार िे एने चूलुडान राजदांड लीननतनुपोर राज कोरहै एने चूिवगशक्क्तमन एने छू िवगशक्क्तमान परमेश्वरन बयान ितापनजलललाहट हुरान कांुडामाां दाख रोड़वह ¹⁶एने तेरा लुर्ड़ा एने जार् पर योनाव लेख्लो िे राजान राजा प्रभून प्रभू¹⁷फोिूसम िांवर्गिुतोह हदहोपोर उभूरोयलूदेख्युएने चूमोरे शब्द आयदीन आकाशन ववचमाउड़नेवाला आखा चचड़ाहा कोयूआऊ परमेशवरन मोटला भोजन कोरता एकर्ा ओय जवू ¹⁸जेह तुमुराजन माह एने िरदारन माह एने िवगशक्क्तमान मानहोंन पह एने र्ुडाक माह एनेतीनूपोर िवारन माह काय हहवनो एने काय दाि मोटा कयर्े आांवला आांखा मानहोंन पाह खाऊ¹⁹फोिूसम तीना जानवरह एने धरतीांन राजा एने नतांदरी िेना एने तीना र्ुडान िवार एने नतांदरी िेवा हाते जुलायने एकर्ा देखय ²⁰एने चूजानवर तेरे हाते चूजूिा बववशदकता दोराय र्ोयुनतदरे िामने चचन्ता देखाद्तुओटुक्जांदरे नतनूह िोर्लूएने जीनूपोर तीना जानवरन चापूओतूआांखे ज्युतेरी मुनतनग पूजा कोरता ओता या दयु जीवतला तीनो आग्वर्ा कुवामा जी र्धक कोरीन होल्र्तेती नाख देनया²¹एने बाकी मानहै तीना र्ुड़ान िवारन तलवार देखा तेरा मुयमाां देखी ननकवतोती मार नाक्या एने आांखा चचड़ा तीनरो माह खाई आफरी र्ोया

Chapter 20

¹फोसुशि एक सवर्गदतु ोह उतरत्लुदेखयुतरेा आथिा अथाह कुंुडन चाबी एने िोटली हकवन बेडी ओती ²एने चूतीना अजर्रह ितलब पेल्लूर्ोढहुज्युिैतान से धाररन हजार वारन कोरीन बाुंध देन्य ³एने ततनहा आठहा कुडािा नाखखन बन्द कोर देखूएने तीना पोर िुहर लर्ाड डेल्यूके छू हजारवरहे पूरा ओयने ताक जाती जततन िानहोंन नी ठोर्े एक बार िाुं जरूरी से के थुडडक टेिन कोरता ततनाह खुल देह⁴फोसुशि शसहुं ासनह देख्यूएने तीनूपोर िानहै भोथ र्ोया एने ततनूह न्याय कोरनेन आुंधारीकार आव्युएने ततदुं री आत्िाह तुडला ओटा ज्या नी तीना जानवरन चापुनी तेरी िुतीनपूजा कोररया ओटा नीदावे तेरु चाप लर्ाडया छा जीवता ओतयन यीिुहजार वरहे राज कोरता रोएहे⁵जहा तक या हजार वरहे पुरानी नी ओय बाकी िोरला जीवतानी नी ओय यो ते पेल्लो पुनरस्थान से ⁶धन्य एने पववत्र छा से ज्या इनान पेल्ला पुनरस्थान भार्ीदार ओहलापोर दसु री ित्ृयुन भाहहयअधधकार तनिले पुण छा परिेिवन याजक रोएहै तेरे हाते हजार करहे⁷जेतार हजार वरहे पूरा ओय जाहै तेतर िैतानह कै द ma देखूचूड देह ⁸एने टीनूजाततन ज्या धरतीन चार वखे रोएहे आथगह र्ोर् एने िार्ोर् ततुंदरी धर्नती सिुद्रनरेती बराबर रोएहै ठर्ीन लडाईन कोरता एक्था करने तनक्व्हे⁹एने छा आखी धरती पर फे ल जाहे एने पववत्र िानहोंन छावनी एने तेरा वप्रय नर्र घेर लेह एने आर्था स्वर्ग देखो पाडीन ततनूह भस्ि कोरहे ¹⁰एने ततदरू ठोर्णेवावूिैतान आर्था एने र्ढ़कन तीनी जजल िाजीनािा छू जानवर एने ठर्नारा भववष्यधकता भी रोयहे नाख़ देह एने छा रातदीह युर् फफडािा तडपना रोएहै¹¹फाेेसूशि एक िोटू बल्ुलू। शसहासन एने तेरो ज्यों ऊपर बोठलूदेखूतेरे सािने देखो धरतीअन आकाि नाह र्ोया एने ततनूह जर्ुनी जद्ुयु ¹²फोसूशि आयना िाय िोरलाहा शसुंहासनन सािने उभरोयलू। देखूएने पस्ुतक उघडनेि आवी एने फोसी एक पुस्तक खुलने आवी ितलब जीवन पस्ुतक एने जोहलो जीवलोंन पुस्तकिा लेखलों ओतो तेरे अनुसार िारलान न्याय ओयू¹³एने सिुद्र टीनूिोरला जा ततनूिा ओता आप देखूएने िुट्यूएने अधोलोक तीनूिारलाहाज्या ततनूह ओता आप देक्यूएने ततदुं रू हर कािन अनुसार न्याय ओयू ¹⁴एने ित्ृयुएने अधोलोक शि आग्थान कुडिा देक्युतय आर्थान जजल ते दसु री ित्ृयुसे ¹⁵एने जीना कुनीह नाव जीवनोंन पुस्तक्िा लेखलो नी जुडे चूआर्थन झीलिाुं नाख देन्या

Chapter 21

¹ओवतुमी नोवलो सोरग एने नोवली दोरती देख्युकाहाके पेल्लो सोरग एने दोरती आरतायगोयो एने दोरीयो बी नी रोयो। ²ओवतुमी युहन्ना बोगवानोन पोववत्र सेहर मोजे येरुसलेम सेहर सोरगो दोखुबोगवानो हाते दोखो उतोरतलो देख्युजेहे नोवलाडी नोवला जोवायलान कोरता होब रोयली तेहेज च्यो सेहर होबाडलो ओतो।³एने मी एक राज गादीपोर दोखुकुणतोरी मोटली आवाजमा यो कोयतलो होबयु। देख एवी दोखा जीनुह बोगवान वाचाडलुतीनुमाणहे हाते बोगवान रोयहे एने बोगवान तीदरा ववस्मा तोबुताणीन रोयहे एने बोगवान तीनुह तरे सोतान माणहे सोमजहे एने च्युतीनुहाते जोलमकूज रोयहे आखा माणहे तेराज कोवायहे एने च्युज तीदरु बोगवान कोवायहे । ⁴एने बोगवान माणहोन डुवाम दोखा आखा आहांवा नसु देहे एवी दोखा कुणीज नी मोर एने काल्ली बी बातीन दखु नी रोय रोडनुकोलपणुबी नी रोये एने हीडा पीडा बी नी रोये काहाके ज्यों काय पेल ओयो च्यो आखो जात रोयो ।⁵ओवतुज्युबोगवान राज गादीपोर बोठ रोयुह च्युकोयुएवी मी आखोज नोवलो बोणावणे बाजरोयुह च्युमेहे उांजुकोयुयों आखो लेखजी काहाके या आखा वाते खोरा एने बरुहुकोरनने लायक से । ⁶एने च्युमेहे फोसुकोयुएवी आखो काम परुो ओय गोयो ।मीज आल्फा एने ओमेगा से। मीजसुरवात एने मीज पुरो कोरनेवावुजीनुह आत्मान जीवायोन तीन लागे तीनुह जोलमकीज जीवायोन जोरवाण्याम दोखुफुकोटोमा पाणी पीयाडीह ।⁷एने च्युमेहे फोसुकोयुएवी आखो काम परुो ओय गोयो ।मीज आल्फा एने ओमेगा से। मीजसुरवात एने मीज पुरो कोरनेवावुजीनुह आत्मान जीवायोन तीन लागे तीनुह जोलमकीज जीवायोन जोरवाण्याम दोखुफुकोटोमा पाणी पीयाडीह । ⁸पुण बीणारा बुरहुनी कोरनारा हीगी आवे ओहलो काम कोरनारा खनु कोरनारा सीनावो कोरनारा डाकणा बुडवा हीकणारा मुरती पजु णारा ठोगणारा या आखा गोदकोन एने होलगणारा आगठान दोरीयामा नाखणेम आवहे जीनुह इना आगठान दोरीयामा वेला ओयतली यी दसु री मोत कोवाय ।⁹सात सोरगदतु ोम एक ज्युसात पीडान वाटका ली रोयलुओतुच्युमेहे कोयुआव मी तोहोज्या माणहे मेडा बुकडान गीदलो मोसी हाते जोलम मीवीन रोयतला तीनुह देखाडीह । च्या मेडाबुकडान गीदलान कोरता नोवलाडीन होस से। ¹⁰एने बोगवानोन जीव आत्मा मेहे खुब उचा बोयडापोर ली गोयो एने बोगवानोन पोववत्र सेहर येरूसलेमोह सोरगोम दोखो एने बोगवानो हाते दोखो उतोरतलो देखाड्यु।¹¹च्यो सेहर बोगवानोन मोहीमा दोखो खुब चोमकतोता च्यो उज्यावो योसोब नावोन पीपलनारा मोगला दोगडान होस ओतो मोजे सुखला खाचोन होस चोमकतोता । ¹²तीनी सेहरोन बीतडो खुब मोटो एने उचो ओतो एने तीना सेहरोन कोरता बारा मोटला जपु ाओता । तीनुबारा मोटला जुपा हाते बोगवानोन बारा सोरगदते ु उबरोयतोता तीनुबारा मोटला जुपापोर इसरायेल माणहोन बारा कुलोन नावे लेखायला ओता ।एके क जुपापोर एकेक कुलोन नावओता। ¹³पेलेन तीनु खेर तीन फाटक एने उतर दिशा खेर दक्षिण दिशा खेर तीन फाटक एने पकशीम खेर तीन फाटक ओता¹⁴तीना सेहरोन बीतडो बारा दोगडान पायापोर बादायलो ओतो एके क दोगडान पायापोर मेडाबुकडान गीदलो मोसीन नेवतो पुचाडनारा बारा चेलान नावे लेखायला ओता। ¹⁵ज्युसोरगदतु मारहाते वातुकोरतोतुतीनापोर सेहर एने तीना जुपान एने तेर बीतडाह मापलेणेन कोरता एक हुनान होरयुओतु।¹⁶तीना सेहरोन आकार चोवखुण्यो ओतो च्यो नाबायमा बी एने चोवडायमा बी एक हारको ओतोएने च्युतीना हुनान होरया कोरीन सेहरोन माप लद्े युते साडे सात होव कुस नीकव्यो एने तेरी नाबाय एने चोवडाय एने उचाय एकहारकी ओती। ¹⁷सोरगदतु तीना बुतडान माणहोन आथोन इसाबे माप्युते एक होव चावीह ने च्यार आथतनकव्यो ।¹⁸च्यो बीतडो योसोब कोवायणारा खबु मोगला दोगडा कोरीन बाांदायलो ओतो एने च्यो सेहर खुबसुखला हुनान बादां ायलो ओतो च्यो सुखला खाचोन होस ओतो। ¹⁹तीना सेहरोन बीतडान च्यारखेरला पाया ते बारा बातीन मोगला दोगडान होबाड रोया ओता पेल्लुपायुयोसोब नावोन रातलुदोगडुओतुएने दसु रु नीलमोणी नावोन नीव्वा रोगोन दोगडुओतुतीसरु लालडी नावोन पुपट्या रोगोन दोगडान होस ओतुचोवथुपायुमोरकत नावोन नीवागार रोगोन दोगडान होस ओतु। ²⁰एने पाचवुगोमेदक तोपकीरी एने बल्ुला रोगोन होस ओतुसाहवुमाणीक्य नावोन रातला रोगोन दोगडान होस ओतुसाहवुपीतमणी नावोन पेव्वा रोगोन दोगडान होस ओतुआठवुपेरोजनावोन नीव्वा रोगोन दोगडान होस ओतुनोव्व पुखराज नावोन पेव्वा रोगोन दोगडान होस ओतुदोसवुलोहसानीया नावोन नीव्वा रोगोन दोगडान होस ओतुआकरावुदमु रकाांत कोवायणारु नीव्वा रोगोन दोगडान होस ओतुएने बारावुयाकुत नावोन जामण्य रोगोन दोगडान होस होबलुओतु²¹अने बारा फाटकन बारा मोतिन ओता एक एक फाटक एक एक मोतिन बोवदू ओतु अने नगरन सड़क साप आरहा सारखी शुद दुवन ओता ²²मि तिनमा कानलु मंदिर नि देखयु काहाके सर्वशक्तिमान प्रभु परमेश्वर अने मेनू नेख मोंदिर से²³अने तीना नगरमा दिह अने छादन उजावन घरज नि ओती काहाके परमेश्वरन ऊजवों तीनुमा उजाओ कोरलों ओटों अने मेमनु तेरु दिउ से ²⁴जातीं जातीं न मानहे तेरा उजवामा चालहे अने फिरहे अने बसतींन राजन आपनों टेर तेरे सारखु तिनमा लावहे ²⁵तेरु फाटक कभी बंद नि ओये अने रात नि ओये²⁶अने तेरा मानहे जाती जातींन तेज अने वेबव सारखों लावहे ²⁷अने तिनमा अपवित्र जातींन तेवस्तु नि गरुणित काम कोरहे वावा या वगन गड़नारा काली रीति देखा मयला जायनी सेके पुन च्या मानहे जिदरों नाव मेंडन जीवनोन पुस्तक मा लेखलों से

Chapter 22

¹ओवतु बोगवानोन सोरगदुत जीवायोन पाणीन नोदी मेहे देखाड्यु च्यी नोदी पीवर खाचोन होस आसी जीरीग ओती च्यी नोदी बोगवानोन एने मेडा बुकडान गीदलान राज गादीम दोखी वोयतोती। ²च्यी नोदी तीना सेहरोन गोलीन विस्मा वोयतोती तीनी नोदीन दुय मेरे बारा बातीन फोव आपणारो जीवायोन जाड ओतो एने च्यो मोयना डीट फोवतोतो तीना जाडोन पाटा आखा देसोन माणहे टोणाका ओयणेन कोरता दोवान होस खातला ।³तीना सेहरोन रोयणारापोर काल्लो बी बोगवानोन सोराप नी रोये तीना सेहरोमा बोगवान एने मेडा बुकडान गीदलान राजगादी रोयहे एने बोगवानोन गुलाम पावरे च्याहरी तेरी सेवा बोकती कोरहे । ⁴च्या बोगवानोन एने मेडा बुकडान गीदलान मुय ओव्वा सोव्वा देखहोत एने तेर नाव तीदरा नीदावापोर लेखायलो रोयहे। ⁵ओवतो च्याहरी कोदी रात नी पोडे एने बोगवानोन सेवकोह दीवाना उज्योड एने दीहोन उज्यावान जोरुडी नी रोये काहाके पोरबु बोगवानुज तेर उज्यावो तीनुह आपहे एने च्या जोलम पीडाडीट राज कोरहे।⁶ओवतु बोगवानोन सोरगदुत मेहे कोयु आखी वात बुरहु कोरनेन लायक से एने खोरी से । पोरबु बोगवान तेर बोवीस्य कोयणाराह आपीन तेर पावरोनुह ज्या वाते जोलदी ओयणेन जोरुडी से च्यो देखाडनेन कोरता सोरगदुतोह मुकल्यु । ⁷एने यीसु कोयु देख मी जोलदी आवणेवालु से। इना चापडामा बोगवानोन वात ज्यों काय लेखाय रोयोह च्यो मानीन चालनारा आसीरवाद जुडनेन लायक से ।⁸युहन्ना मोजे मेहे यों आखो जागतो हीवणो देखायो एने यी आखी वात मीज होंब्यु यो आखो देखीन ओवतु मी ज्यु मेहे यो आखो देखाडलु तीना सोरगदुतोन पाये वोदणेन कोरता उबडु पोड्यु । ⁹पुण च्यु मेहे कोयु एहे मा कोरे बोवीस्य कोयणारान होस तार बायह बोणहा से तीदरे होस एने इना चापडामा लेखीयली वात मानीन चालनारान होस मी बी बोगवानोन एक सेवक से तु बोगवानोहुज वोद ।¹⁰फ़ोसु चू महे कोयू इनी पुस्तकन बविश्वानी न वातोह बंद मा कोरे काहाके टेम हते से ¹¹ज्यू अन्याय कोरतलू चयू अन्याय कोरतू रोए ज्यू मयबवावू से मेवावउ रोए अने ज्यू धर्मी से से चू धर्मी बोनीन रॉयहे अने ज्यू पवित्र से चू पवित्र बोनीन रॉयहे¹²देख मि जल्दी आवनेवावउ से अने हर एकन कमान अनुसार बदलू आपने कोरिन मारे पाठ प्रतिफल से ¹³मि अल्फा एने ओमेगा से पेलू अने आखरी से¹⁴धन्य से च्या आपणा लुगड़ा दुव लेडला काहाके जीवनोंन जाड़पह आवहे अधिकार ¹⁵पुन कुत्रा टोनहों शीनावा हत्यारा मूर्तिपूजाक हर एक ठगन पसंद करनारु अने गड़नारू भबारतहे रॉयहे¹⁶मेह यीशुन स्वर्गदूत इनान कोरता मुकलयु के तुमरे ऑगव कलेसियाँन बारामा इन वातोंन गवाही देव मि दविदन मूल अने वक्ष अने उजावन तारू से¹⁷अने आत्मा अने दुल्हन दुयू कोयहे आउ अने होमबोवने वाला मि कोए आव अने ज्यू पहलू से चयू आवे अने ज्यू कुन चाहे चू जीवनोंन पाणी भरपूर पिथे¹⁸मि हर एकह जो इनी पुस्तकन भविष्यद्वाणी न वाट हंबउतलू गवाही देवलु अगर कुंड इनू मानहोंन वाट वडाव्हे ते परमेश्वर तीनु विपत्तिह जी इन पुस्तकमा लेखली से तेरे पर वडाव्हे ¹⁹अने अगर कुन भविष्यद्वाणीन पुस्तकन वाटो हमाय काही कादहे ते परमेश्वर तिना जीवन झाऊ अने पवित्र नगरमा देखू जेरू वरणं इना पुस्तकमा से तेरु भाग निभाव देहे²⁰ज्यू इन वातोंन गवाही आपतलू चू यो कोयतलू मि जल्दी आवने वावू से आमीन हे प्रभु यीशु आव ²¹प्रभु यीशुन अनुग्रह पवित्र मानहोंन हथे रोय आमीन

Pauri Bareli: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Colossians, Ephesians, Galatians, Hebrews, James, John, Jude, Luke, Mark, Matthew, Philemon, Philippians, Revelation, Romans, Titus

Formatted for Translators

Matthew

Mark

Luke

John

Acts

Romans

1 Corinthians

2 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

Hebrews

James

1 Peter

2 Peter

1 John

2 John

3 John

Jude

Revelation