Bible

Matthew

Chapter 1

¹Kitab tuturan Yesus Kristus, pea Daud, pea Abraham. ² Abraham adalah uma Ishak, Ishak adalah uma Yakub. Yakub adalah uma Yehuda andri pulaksanai-pulaksanaine. ³ Yehuda adalah uma Peres dan Zerah, ine reo adalah Tamar. Peres adalah uma Hezron. Hezron adalah uma Ram.⁴ Ram adalah uma Aminadap. Aminadap adalah uma Nahason. Nahason adalah uma Salmon. ⁵ Salmon adalah uma Boas, inene adalah Rahab. Boas adalah uma Obed, inene adalah Rut. Obed adalah uma Isai. ⁶ Isai adalah uma teke raja Daud. Daud adalah uma Salomo, inene adalah bakas wawen Uria.⁷ Salomo adalah uma Rehabeam. Rehabeam adalah uma Abia. abia adalah uma Asa. ⁸ Asa adalah uma Yosafat. Yosafat adalah uma Yoram. Yoram adalah uma Uzia.⁹ Uzia adalah uma Yotam. Yotam adalah uma Ahas. Ahas adalah uma Hizkia. ¹⁰ Hizkia adalah uma Manasye. Manasye adalah uma Amon. Amon adalah uma Yosia. ¹¹ Yosia adalah uma Yekhonya andri pulaksanai-pulaksanaine, hantek na umpe mpah Babel.¹² Ukah na umpe mpah Babel, Yekhonya adalah uma Sealtiel. Sealtiel adalah uma Zerubabel. ¹³ Zerubabel adalah uma Abihud. Abihud adalah uma Elyakim. Elyakim adalah uma Azor. ¹⁴ Azor adalah uma Zadok. Zadok adalah uma Akhim. Akhim adalah uma Eliud.¹⁵ Eliud adalah uma Eleazer. Eleazer adalah uma Matan. Matan adalah uma Yakub. ¹⁶ Yakub adalah uma Yusuf, huong Maria. Teke Maria nakayaan Yesus, sa naontuh Kristus. ¹⁷ Jari kahai turunan teke Abraham hampe Daud naan opat walas turunan, dan teke Daud hampe na umpe mpah Babel naan opat walas turunan, dan teke na umpe mpah Babel hampe Kristus naan opat walas turunan. Kayaan Yesus Kristus¹⁸ Tataha, kayaan Yesus Kristus iyalah miiro. Hantek Maria, ine ne haut batunangan andri Yusuf, sa mete reo wolum sasameh, io ternyata sawuntung teke Roh Barasih. ¹⁹ Kude, ket Yusuf, adalah ulun sa uah dan bakoi hakon ngabangan Maria gi muka umum, Yusuf bamaksud ngampi bebas Maria andri suni-suni.²⁰ Kude, hantek Yusuf ganyah nimang hal itu, iteleh, malaikat Tuhan hawi mpah io huang upi andri sawada, "Yusuf pea Daud, ada takut pakai ngepo Maria jari wawenko ket pea sa naan gi wuntung ne adalah teke Roh Barasih. ²¹ Io sagar ngayaan erang kaulun Pea upo dan iko sagar ngontuh ngaran-Ne Yesus ket Io sagar nyalamat umat-Ne teke dosa-dosa reo."²² Kahai hal itu jari neo ngampi ganap sa nafirman ulah Tuhan metah nabi-Ne, ²³ "Iteleh, erang kaulun perawan sagar sawuntung dan sagar ngayaan erang kaulun pea upo. Reo sagar ngontuh ngaran-Ne Imanuel,"sabaarati "Allah nyindrah takam"²⁴ Hantek Yusuf buan teke surui ne, io ngulah kala sa nasuyu malikat Tuhan suyu mpah io, dan io ngepo wawenne, Maria, ²⁵ kude bakoi basetubuh andri Maria hampe io ngayaan Pea upo ne. Dan, Yusuf ngontuh ngaran-Ne, Yesus.

Chapter 2Ulun-ulun Majus teke Timur

¹ Tataha, ukah Yesus nakayaan gi Betlehem, gi jaman raja Herodes, ulun-ulun Majus teke timur hawi mpah Yerusalem. ² Reo nunti ,"gi hawe Io, sa nakyaan, Raja ulun Yahudi iro? Ket kain haut kite wiwihiang-Ne gi timur dan kain hawi pakai nyamah-Ne." ³ Hantek Raja Herodes korongoi hal itu, gelisahlah io dan kahai Yerusalem sameh.⁴Balalu io ngumpul kahai imam kapala andri ahli-ahli Taurat bangsa iro. Io ngorek keterangan teke reo, duoi Kristus nakayaan. ⁵ Reo sawada mpah io, gi Betlehem, wilayah Yudea, ket miituleh sa natulis daya nabi: ⁶ 'Dan, iko Betlehem, gi tana Yehuda, sama sekali bakoileh sa paling odik gi suan panguasa Yehuda, ket teke iko sagar holet erang kaulun pamimpin, sasagar nganyak umat-Ku Israel.'"⁷ Kamulek, Herodes suni-suni bowa ulun-ulun Majus iro, lako kapastian teke reo neo waktu maraaine wiwihiang iro. ⁸ Balalu, io nyuyu reo mpah Betlehem dan sawada, "Tulak dan selidiki andri teliti neo Pea iro. Dan amun iko haut kahong-Ne, bara mpah uki numpan uki tau hawi dan nyamah Io."⁹Dami korongoi raja, reo tulak. Dan, iteleh, wiwihiang sa reo kite gi timur iro nganyak reo hampe dan mihindroi gi obo Pea iro duloi. ¹⁰ Hantek kite wiwihiang iro, reo baarai andri kaarayen sa bangat idu.¹¹Dami masuk mpah huang lowu, reo nangkahong Pea iro andri Maria ine-Ne. Balalu, reo isudu dan nyamah-Ne. Kamulek, reo nguka duloi haratane dan ngundru hadiah-hadiah mpah Io iyoiro amas, kemenyan, dan mur. ¹² Ket naampi itung huang upi numpn ada mulek mpah herodes, reo mulek mpah negrine metah lalan lain. Parentah pakai Nempat mpah Mesir¹³ Ukah ulun-ulun Majus iro tulak, iteleh malaikat Tuhan hawi mpah Yusup huang upi dan sawada, "buanleh, oit Pea iro andri ine-Ne dan lempat mpah Mesir. Duloileh gi raha hampe Uki bapaner mpah iko ket Herodes sidi ngeto Pea iro pakai ngabinasa-Ne."¹⁴ Kamulek, Yusuf buan dan ngoit Pea iro andri ine-Ne hantek kamalom pakai tulak oro mpah Mesir, ¹⁵ dan duloi gi raha hampe Herodes mate numpan ganaplah sa nafirmankan Tuhan metah nabi: "Teke Mesir Uki bowa Pea-Ku."Munu Kahai pea upo gi Betlehem¹⁶ Kamulek, hantek Herodes kiite bahwa io haut na akal ulah ulun-ulun Majus, io tuu sangit dan nyuyu pakai munu kahai pea upo gi Betlehem dan kahai wilayah gi sekitarne, sa baumur ruo taun pa iwa, sasuai andri waktu sa haut io tentukan teke ulun-ulun Majus.¹⁷ Maka, ganaplah sa natahampe daya nabi Yeremia: ¹⁸ "Lengan sa tarongoi gi Rama, soyar andri wada sa tuu mahanang. Rahel ngonsoyar pea-peane, dan bakoi hakon na hibur ket reo haut koi oeng."suyuan pakai mulek mpah Israel¹⁹ Kude hantek Herodes mate, iteleh malaikat Tuhan nantarang tonga huang upi mpah Yusuf gi Mesir, ²⁰ dan sawada, "Buanlah, oit Pea iro andri ine-Ne mpah tana Israel ket ulun-ulun sa bausaha munu hengo Pea iro haut mate."²¹ Balalu, io buan dan ngoit Pea iro andri ine-Ne dan mulek mpah tana Israel.²² Kode, hantek io korongoi bahwa Arkhelaus mamarentah gi Yudea nganti Herodes, umane, Yusuf koi ronu tulak mpah raha. Dami na ampi itung huang upi, io tulak mpah wilayah Galilea. ²³ Yusuf hampe dan duloi gi erang kaua kota bangaran Nazaret numpan ganapleh sa na tahampe kawan nabi, "Io sagar na ontuh ulun Nazaret

Chapter 3

¹ Gi ondro-ondro iro , timul Yohanes pembaptis,berkhotbah gi padang belantara Yudea. ² Io sawada, "Batobatlah ket Kerajaan Surga haut rupak," ³ Ket iolah sa na ontuh Nabi Yesaya hentek sawada, "Lengan erang kaulun sa bowa gi padang belantara, 'Siapkan lalan pakai Tuhan, ulahleh lalan-Ne mawitu.⁴ Dan, Yohanes raerai nuwe pamane teke wulu unta dan sabuk upak gi kaliling towingne. Na okanne adalah angkalap andri wani jubut. ⁵ Kamulek ulun-ulun Yerusalem hawi mpah io dan kahai Yudea, dan kahai wilayah gi sakitar Yordan. ⁶ Balalu reo na baptis ulah Yohanes gi Yordan, nelang mangaku dosa-dosa reo.⁷ Kude hentek Yohanes kite rama ulun Farisi dan Saduki hawi hentek baptisne, io sawada mpah reo, "Iko katurunan nipo beludak, hie sa ngampi itung iko pakai nempat teke murka sa sagar hawi? ⁸ Ket iro, hasilkanlah ua-ua sa sabanding andri pertobatan, ⁹ dan ada bapikir pakai sawada mpah tongako raerai, 'Kain kaampun Abraham, uma leluhur kain,'ket uki sawada mpah iko bahwa teke watu-watu itu Allah sanggup namuan kanapea pakai Abraham!¹⁰ Bahkan, tataha, kapak na ingkeh gi ladit kayu, dan satiap kayu sa bakoi menghasilkan ua sa maasus na towong dan na umpe mpah huang apui. ¹¹ Uki sa tu'u ne mambaptis iko andri ranu pakai tobat, kude Io sahawi ukah uki adalah lewi bakuasa teke uki, sa sarumpah-Ne pun uki bakoi layak ngukane. Io sa mambaptis iko andri Roh Barasis dan andri apui. ¹² Alat pingitap naan gi longon-Ne, dan Io sagar marasis duloi muunyah-Ne, dan sagar ngumpul gandum mpah huang lumbung. Kude, Io sagar nutung andri apui sa puang iyuh na tampare." Yesus Nabaptis ulah Yohanes Pembaptis¹³ Kamulek, Yesus hawi teke Galilea pah Yordan mpah Yohanes pakai na baptis ulah Yohanes. ¹⁴ Kude, Yohanes bausaha nahan Io andri sawada, "Ukilah sa perlu na baptis ulah-Ko, kude malah Iko sa hawi mpah uki?" ¹⁵ Balalu, Yesus nuing dan sawada mpah Io, "Tataha, ingkehleh ket miituleh sa harusne jari pa takam pakai ngampi ganap kahai kapi nuu. "Dan, Yohanespun ngaret Io.Ukah nabaptis, yesus palus kaluar teke ranu, dan ite, surga ta uka dan Io kiite Roh Allah dolui yalah wurung dara hawi pa obo-Ne. ¹⁷ Dan, rongoileh lengan teke surga sa sawada, "Ituleh Pea-Ku sa Uki kalelu, mpah-Iolah Uki katuju."

Chapter 4

¹ Kamulek, Yesus na pimpin daya Roh mpah padang belantara pakai na suba daya Iblis. ² Dan, Io bapuasa opat pulu ondro opat pulu malom, ukah iro Io jari kalau. ³ Balalu, hawi leh io , sa mansuba iro, dan sawada mpah Yesus, "Amun Iko pea Allah, suyuleh numpan watu-watu itu jari rute." ⁴ Kude, Io nuing andri sawada, "Naan tatulis, 'Bakoi ulah rute ai murunsia wolum, kude daya kahai firman sa hulet metah wawa Allahtala."'⁵ Kamulek, Iblis ngoit- Io mpah kota barasis dan ngimpeh-Io gi papuru Bait Allah, ⁶dan sawada mpah-Io, "Amun Iko pea Allahtala, sanawuleh tonga-Ko pi iwa ket naan tatulis: 'Neo Iko, Allahtala sagar nyuyu malaikat-malaikat-Ne dan ngengkat Iko gi bawo longon reo numpan poo-Ko bakoi tasantuk watu."'⁷ Yesus sawada mpah io, "Hindra kia, naan tatulis, 'Iko ada nyuba Tuhan Allahtala ko."' ⁸ Hindra kia Iblis ngoit Yesus mpah bawo gunung sa tuu obo dan ngampi ite mpah-Io kahai karajaan dunia andri kemegahanne, ⁹ dan sawada mpah-Io,"Kahai ne itu sagar na undruku mpah-Iko, amun Iko isudu dan nyamah uki."¹⁰ Kamulek, Yesus sawada mpah io, "Enyahleh , Iblis! naan tatulis, 'Iko harus nyamah Tuhan Allahko dan mpah- Io ai iko sambayang."' ¹¹ Ukah iro, Iblis nanan Io, dan iteleh , malaikat-malaikat hawi neo melayani Io. Yesus Mamulai Palayanan-Ne gi Galilea¹² Balalu, hantek Yesus korongoi bahwa Yohanes haut na jama, Io manyingkir mpah Galilea. ¹³ Io nanan Nazaret dan hampe balalu duloi gi Kapernaum, gi hiring danau, gi batas Zebulon dan Naftali,¹⁴ numpan naganapi inun sa napaner metah Nabi Yesaya: ¹⁵ "Tana Zebulon dan tana Naftali, lalan danau, gi sabarang Yordan, Galilea, wilayah ulun-ulun bakoi Yahudi, ¹⁶ bangsa sa duloi gi huang sirom kite raai sa idu, dan mpah reo sa duoi gi negeri dan huang bayang-bayang pampate, Raai iro haut holet.¹⁷ Teke tawuk iro, Yesus malai bakhotbah dan sawada, "Batobatleh ket Karajaan Surga haut rupak!" Yesus Mowa Opat Murid-murid-Ne sa Pertama¹⁸ Hantek Yesus malan gi hiring danau Galilea, Io kite ruo ipulaksanai,iyoiro Simon sa naontuh Petrus, dan Andreas, pulaksanaine ganyah nimai lunta gi danau et reo adalah palunta kenah. ¹⁹ Dan Io sawada mpah reo, "Hayu baya Uki dan Uki sagar nyanyari iko palunta murunsia," ²⁰ Reo palus nanan lunta-luntane dan baya Io.²¹ Dan, hentek tulak teke aru, Io kite ruo ipulaksanai sa lain, Yakobus pea Zebedeus andri Yohanes, pulaksanaine. Reo naan huang erang kaua jukung andri Zebedeus , uma reo, rahat nangkasus lunta-lunta ne. Dan, Io mowa reo. ²² Dan, reo palus nanan jukung andri uma reo, balalu baya Yesus. Yesus Ngajar dan Nyamare Rama Ulun²³ Kamulek, Yesus bakaliling mpah kahai daerah Galilea, ngajar gi sinagoge-sinagoge reo nahampe Injil Kerajaan, dan nyamare bamasam panyakit, dan bamasam hanang gi suan rama ulun. ²⁴ Dan, barita neo Io litar hampe mpah kahai siria. Dan, reo ngoit mpah Io kahai ulun sakit sa sansara bamasam panyakit andri kiinam hanang dan karasukan setan, rapoi unik, dan sa lebe, Io nyamare reo. ²⁵ Kumpulan idu ulun rama teke Galilea, Dekapolis, Yerusalem, Yudea andri teke sabarang Yordan baya Io.

Chapter 5

¹ Hantek kite ulun rama iro, Yesus ngabai mpah bawo wungkur, dan udi Io maharung, murid-murid-Ne hawi mpah Io. ² Dan, Io nguka wawa-Ne dan ngajar reo, wada-Ne, ³ "Naberkatileh ulun sa pu,ua huang roh et reo sa kaampun Kerajaan Surga. ⁴ Naberkatileh reo sa mahanang ate et reo sagar na hibur.⁵ Naberkatileh reo sa lembut atene sabab reo sagar mewarisi tana. ⁶ Naberkati reo sa kala'u dan haus neo kapinu'u et reo sagar na tamosing.⁷ Na berkati reo sa pamaahi pamalelu et reo sagar kaiyuh ahi lelu. ⁸ Na berkati reo sa barasis gi huang ate et reo sagar kite Allatala.⁹ Naberkatileh reo sa ngoit damai et reo sagar na ontuh pea-pea Allatala . ¹⁰ Naberkati reo sa na aniaya demi kapinu'u et reo sa ngompun Kerajaan Surga.¹¹ Naberkatileh iko amun ulun ngawawarah iko dan nganiaya iko, andri nyawada bamasam papaneran jahat nadap iko andri fitnah ket Uki. ¹² Baarai dan mihewuleh ket idu upa ko gi surga et mi iroleh reo nganiaya kawan nabi sa mete iko." Sira andri Ra'ai Dunia¹³ "Iko adalah sira dunia, kude amun sira iro jari mapahe, andri inun io sagar naampi erang? Io bakoi bariran budas salain pakai na umpe dan na tijak-tijak ulah murunsia." ¹⁴ "Iko adalah ra'ai dunia. Kota sa taanak gi obo wungkur bakoi iyuh nadina.¹⁵ Ulun-ulun pada bakoi nyamolum lampu dan ngingkehne gi pida gantang, kude gi bawo poo lampu, dan io ngampi ra'ai kahai sa naan gi huang lowu. ¹⁶ Ikehleh ra'ai ko pada basahaya andri sara sa sameh numpan reo tau kite gawian-gawian ko sa maasus dan memuliakan Uma ko sa gi Surga." Penggenapan Hukum Taurat dan Kitab Kawan Nabi¹⁷ Ada bapikir bahwa Uki hawi neo meniadakan Hukum Taurat atau Kitab Kawan Nabi. Uki hawi bakoi neo meniadakan ne malah neo mangganapine. ¹⁸ Uki sawada sa kapinu'u mpah iko, hampe langit andri tana metah, koi oeng eraipun iota atau erai coretan sa sagar jawoh teke Hukum Taurat hampe kahai ne na ganapi.¹⁹ Ket iro, hie sa meniadakan salah satu teke huyuan-huyuan sa paling odik itu dan ngajar ulun lain neo ngulah hal sa sameh, io sagar naontuh sa panga odik huang Kerajaan surga. Kude, hie sa ngawi suyuan-suyuan iro dan ngajar ne sagar na ontuh idu huang Kerajaan Surga. ²⁰ Sabab, uki sawada mpah iko bahwa amun kapinu'u ko bakoi lewi maasus teke kapinu'u ahli-ahli Taurat dan ulun-ulun Farisi, iko sama sekali bakoi sagar masuk mpah huang Kerajaan Surga. Neo Ulun sa Sangit mpah Pulaksanaine²¹Iko haut korongoi sa nawada mpah datu nini takam, 'Ada munu,'dan 'Hie sa munu patut na oit mpah pengadilan.' ²² Kude, Uki sawada mpah iko bahwa hiepun sa sangit mpah pulaksanaine patut naan huang hukuman, dan, hiepun bapaner mpah pulaksanaine, 'Iko galu ,'patut naan gi muka mahkamah Agama, dan hiepun sa bapaner, 'Iko budu,'pantas naan huang neraka apui.²³ Ket iro, amun iko ngundru persembahan ko gi bawo altar, dan gi raha iko kiitung bahwa pulaksanai ko naan sesutau nadap iko, ²⁴ tananleh persembahan ko iro gi muka altar dan tulakleh neo lewi pono na damaikan andri pulaksanai ko, ukah iro mulekleh dan undruleh persembahan ko.²⁵ wansitleh, badamai andri ulun sa nuduh iko huang perjalanan sindrah io, numpan ada penuduhko iro nyarah iko mpah hakim, dan hakim iro nyarah mpah pagawaine, dan iko na sui mpah huang penjara. ²⁶ Uki sawada sa kapinu'une mpah iko, iko bakoi suah hulet teke raha hampe iko ukah bayar sen sa terakhir. Ulun sa Bazina²⁷ "Iko haut korongoi bahwa nawada, 'Ada bazina.' ²⁸ Kude, Uki sawada mpah iko bahwa satiap ulun sa nginte erang kaulun wawe dan sidine, io haut bazina andri wawe iro gi huang atene.²⁹ Amun mato kawanko ngulah iko badosa, garuitleh mato ko iro dan umpeleh. Et, lewi ma,asus kajawohan erai anggota tongako teke kahai anggota tongako na umpe pah huang neraka. ³⁰ Dan, amun longon kawanko ngulah dosa, totok dan umpeleh longonko iro et lewi ma,asus iko kajawohan erai teke anggota tongako teke kahai tongako naumpe pah huang neraka. Aturan neo Pasarakan³¹ Haut na wada: Hie sa nyansarak wawenne harus ngundru suat sarak mpah wawenne iro. ³² kude, Uki sawada mpah iko bahwa hie sa nyansarak wawenne kecuali ket zina, io ngulah wawenne bazina. Dan, hie sa menikah andri wawe sa haut na sansarak iro, io pada bazina. Neo sumpah³³ Hidra kia, iko ukah korongoi sa haut na wada mpah datu nini takam, 'Ada basumpah palsu, kude tomponuleh sumpah ko iro gi hadapan Tuhan.' ³⁴ Kude, Uki sawada mpah iko: ada sekali-kali iko basumpah, demi surga ket surga adalah takhta Allah, ³⁵ ataupun demi tana ket tana adalah tumpuan poo-Ne, ataupun demi Yerusalem ket iro adalah kota Sang Raja Idu.³⁶ Ada pada iko basumpah demi ulokko ket iko bakoi kaiyuh ngulah erang kawila wulupun, wura atau wuyung. ³⁷ Kude, kirane papaneranko, ya amun ya, bakoi amun bakoi, ket salewine teke iro baasal teke hi jahat. Neo pambalasan³⁸ Iko ukah korongoi inun sa haut na paner, 'Mato ganti mato dan kukut ganti kukut.' ³⁹ kude, uki sawada mpah iko ada dawan sa jahat, malahen hie sa namparko gi pahu kawan, surung mpah io pahuko hila kewi pada.⁴⁰ Dan, amun erang kaulun lako iko dan ngepo bajuko, undru pada jubahko mpah io. ⁴¹ Dan, hie sa maksa iko malan 1 mil, malanleh andri io sa oro 2 mil. ⁴² Undruleh mpah ulun sa ilaku mpah iko dan ada bakoi narime ulun sa sidi ngihau teke iko." Paahileh Musuhko⁴³ "Iko ukah korongoi sa nafirmankan, 'Paahileh sasamehko, dan 'Kuarleh musuhko.' ⁴⁴ Kude, Uki sawada mpah iko, paahileh musuh-musuhko dan laku doaleh mpah ulun-ulun sa ngahanangen iko, ⁴⁵ andri miiro iko kiiyuh jari pea-pea Umako sa gi surga ket Io ngampi hulet mato onro-Nya pa sa jahat dan sa maasus, dan ngampi dolui uran pah sa uah dan sa bakoi uah.⁴⁶ Et, amun iko ekat paahi ulun sa paahi andri iko, upa inun sa iyuhko? Bakoikah pangumpul pajak pada ngawi hal sa sameh? ⁴⁷ Dan, amun iko ngundru salam ekat mpah pulaksanai-pulaksanaiko, inun lewine gawianko? Bakoikah ulun-ulun sa bakoi kataru Allatala pada ngulah miiro? ⁴⁸ Ket iro, iko harus jari paruna, kala Umako sa gi surga adalah paruna."

Chapter 6

¹ "Hati-hatileh huang ngawi kewajiban agamako gi hadapan murunsia, ada andri ahong neo na ite ulah reo. Amun miiro, iko bakoi sagar narime upa teke Umako sa gi surga. ² Ket iro, hentek iko ngundru sadakah, ada nyanengan trompet gi hadapanko yalah sa naulah ulun-ulun samunafik gi sinagoge-sinagoge dan gi lalan-lalan numpan reo na tawat ulun lain.Uki sawada sabujurne mpah iko bahwa reo haut narime upane.³ Kude, hantek iko ngundru sadakah, ada na aret longon kewiko kotoe inun sa longon kawanko gawi, ⁴ numpan sadakahko tadina dan Umako sa kite sa tadina iro sagar ngundru upa mpah iko." Ajaran neu Ilakodua⁵"Dan, hantek iko lakudoa, ada yalah ulun-ulun munafik ket reo katuju sokondrong dan lakudoa gi sinagoge-sinagoge dan gi tikungan-tikungan lalan neu na ite ulun lain. Uki sawada sabujurne mpah iko, reo haut narime upane. ⁶ Kude, hantek iko lakudoa, masukleh pah huang kamarko dan tutupleh manamangne, dan lakudoaleh mpah Umako sa naan gi duoi satadina, maka Umako sa kite sa tadina iro sagar ngundru upa mpah iko. ⁷ Dan, hantek iko lakudoa, ada makai papaneran sa bakoi oeng artine, yalah sa nagawi ulun-ulun sa bakoi kataru Allatala, ket reo nanguh andri wahaine papaneran, reo sagar na sondrongoi.⁸ Ket iro, ada yalah reo et Umako kotoe inun sa iko perlu sa mete iko lako mpah-Io. ⁹ Laku doaleh miiro, 'Uma kain sa naan gi surga, nabarasisleh ngaran-Ko. ¹⁰ Hawileh kerajaan-Ko, jarileh kabahomen-Ko gi bumi kala gi surga.¹¹ Undruleh kain, pa ondro itu, pongokan sa sukupne. ¹² Dan, ampuni kahalaen-kahalaen kain, kala kain ngampun ulun-ulun sa bahala mpah kain. ¹³ Dan, ada ngoit kain pa huang pencobaan, kude tongkosit kain teke sa jahat.Ket Ikoleh Sakaampun Kerajaan, dan Kuasa, dan kemuliaan hampe makangohang-ngohangne. Amen.'¹⁴ Ket amun iko kahalaen-kahalaen ulun lain, Uma surgawiko pada sagar mangampuni iko. ¹⁵ Kude, amun iko bakoi ngampun kahalaen-kahalaen ulun lain, Umako pada bakoi sagar ngampun kahalaen-kahalaenko." Sikap Hantek Bapuasa¹⁶ "Dan, hantek iko bapuasa, ada murung yalah ulun munafik ket reo ngubah waene pakai naite ganyah bapuasa yalah ulun.Uki sawada sa uahne mpah iko bahwa reo haut narime upane. ¹⁷ Kude, iko, hantek bapuasa, ilauleh ulok ko dan wui waeko ¹⁸ pakai puasako bakoi na ite ulun, kude Umako sa naan gi duloi sa tadina. Dan, Umako sa kite gawianko sa tadina iro sagar mambalasne mpah iko." Himpunleh Harata gi Surga¹⁹ "Ada manimun neo tongako raerai harata gi bumi, duloi panyingot dan tagar nandrusak, dan duloi pangalat mungkar andri ngalat. ²⁰ Kude, himpunleh neo tongako raerai harata gi surga, duloi panyingot andri tagar bakoi nandrusak dan duloi pangalat bakoi mungkar nelang ngalat. ²¹ Ket gi duoi hartako naan, gi iro pada ateko naan."²² "Mato,adalah lampu tonga. Jari, amun matoko maasus, kahai tongako jari maraai. ²³ Kude, amun matoko jahat, kahai tongako sagar ponu pisirom. Jari, amun ra'ai seharusne naan gi iko adalah pisirom, tu,u malutne pisirom iro." ²⁴ "Bakoi oeng ulun sa kiiyuh melayani ruo tuan ket io sagar muar tuanne sa erai dan palelu sa lainne, atau io sagar satia mpah tuanne sa erai dan meremehkan sa lain. Iko bakoi kaiyuh melayani Allatala dan mamon." Ada Iko Khawatir²⁵ "Et iro Uki sawada mpah iko, ada khawatir neo wolumko, inun sa sagar iko okan atau inun sa sagar iko minum. Mihie pada neo tongako, inun sa sagar iko pakai. Bakoi kah wolum lewi penting teke pangokan, dan tonga lewi penting teke pama? ²⁶ Ite wurung-wurung gi langit sa bakoi namur, bakoi masi, dan bakoi nimpun mpah huang lumbung, kude, Uma gi surga ngundru reo kuman. Bakoikah iko lewi baharaga teke reo?²⁷ Hiekah teke iko sa et khawatir kaiyuh namoh sehasta gi umurne? ²⁸ Dan, neo pama, et inunko khawatir? Perhati wunge bakung gi padang, nokolo reo tumu, reo bakoi bagawi dan pada bakoi memintal, ²⁹ kude, Uki sawada mpah iko bahwa Salomo huang kahai kamuliaennepun bakoi bapama kala kawan wunge-wunge iro.³⁰ Jari, amun rikut gi padang, sa naan ondro itu dan pita nin na umpe mpah huang pondrukan apui, Allatala mendandanine miiro wangun, bakoikah lewi kia iko, hai iko sa kurang iman? ³¹ Ket iro, ada iko khawatir andri bapaner,'Inun sa sagar kain okan?', atau, 'inun sa sagar kain minum?', atau'Inun sa sagar kain pakai?'³² Sabab, bangsa-bangsa lain ngeto-ngeto kahai itu dan Uma surgawikokotoe bahwa iko perlu kahai itu. ³³ Kude, etoleh pono Kerajaan dan kapinu'u-Ne, dan kahaine itu sagar na tamoh mpah iko. ³⁴ Jari, ada khwatir neo ondro pitanin ket ondro pitanin sagar mengkhawatirkan tongane raerai. Sukupleh erang ondro andri kasusahenne raerai

Chapter 7

¹ "Ada mahakimi pakai iko bakoi na hakimi. ² Ket andri penghakiman sa iko pakai neo menghakimi, iko sagar na hakimi, dan andri ukuran sa iko pakai neo ngukur sagar na ukurkan mpah iko.³ Dan, et inun iko kite serpihan kayu gi mato pulaksanaiko, kude bakoi kotoe balok gi matoko raerai? ⁴ Atau, kolowangun iko tau bapaner mpah pulaksanaiko,'Ikeh uki ngaluar serpihan kayu iro teke mato ko,'kude ite, naan balok gi mato ko raerai?⁵ Hai, ulun munafik, kaluar pono balok iro teke mato ko, dan kamulek iko sagar kiite andri jelas neo ngaluar serpihan kayu teke mato pulaksanai ko.⁶ Ada ngundru bana sa kudus mpah eteng-eteng, ada pada nawut mutiarako pa muka unik pakai reo bakoi nijak-nijak iro andri poo ne dan iwaleng ngirah iko." Lakoleh, etoleh, dan Tilitikleh⁷"Lakoleh, dan hal iro sagar na undru mpah iko. Etoleh dan iko sagar kaiyuh. Tilitikleh dan hal iro sagar na uka mpah iko. ⁸ Et, tiap ulun sa laku, io narime, dan ulun sa ngeto sagar kaiyuh, dan mpah io sa nilitik sagar na uka. ⁹ Atau, hiekah teke iko, sa amun peane lako rote sagar ngundru watu mpah peane iro? ¹⁰ Atau, amun peane lako kenah, io bakoi sagar ngundru nipo mpah peane iro, koi neh?¹¹ Jari, amun iko sa jahat kotoe nokolo ngundru pea-peako, undruan-undruan sa maasus, lewi kia Umako sa gi surga, Io sagar ngundru sa maasus mpah reo sa lako mpah Io."Hukum sa panga Utama ¹² "Ket iro, kahai sesuatu sa iko sidi ulun lain ulah mpah iko, miiro pada iko ulah mpah reo ket ituleh isi Hukum Taurat dan kitab kawan nabi." Lalan Nuju Pamolum¹³ "Masukleh metah gerbang sa hipit ket bukaleh gerbang dan lugaileh lalan sa nuju kebinasaan, dan naan rama sa masuk metahne. ¹⁴ Et, hipitleh gerbang dan hipit pada lalan nuju mpah pamolum, dan butit sa kahongne." Peringatan neo Nabi-Nabi Palsu¹⁵ Kude, hati-hatileh nadap nabi-nabi palsu sa hawi mpah iko andri ba pama domba, kude sabujurne reo adalah serigala-serigala sa buas. ¹⁶ Teke uane iko sagar kataru reo. Kaiyuhkah ulun nimpun ua-ua anggur teke jampa ru'i? dan ua-ua ara teke tumbuhan baru'i? ¹⁷ Miiro pada, tiap kakau sa maasus bahasil ua sa maasus, kude kakau sa bakoi maasus, menghasilkan ua sa bakoi maasus¹⁸ Kakau sa maasus bakoi mungkin menghasilkan ua sa bakoi maasus, dan kakau sa bakoi maasus bakoi mungkin menghasilkan ua sa maasus. ¹⁹ Satiap kakau sa bakoi menghasilkan ua sa maasus sagar na towong dan na umpe mpah huang apui. ²⁰ Jari, teke ua-ua ne iko sagar kataru reo.²¹ Bakoi kahai ulun sa bapaner mpah Uki,'Tuhan, Tuhan,'sagar masuk pa huang Kerajaan Surga, malahan io sa ngawi ahong Umaku sa gi surga. ²² Gi ondro iro, rama ulun sagar sawada mpah-Uki, 'Tuhan,Tuhan, bakoikeh kain banubuat huang ngaran-Ko, dan ngunur roh-roh jahat huang ngaran-Ko,dan ngulah hene mukjizat huang ngaran-Ko?' ²³ Balalu Uki sagar iwada mpah reo, 'Uki bakoi suah kataru iko! Enyahleh teke-Uki, iko sa ngulah kahalaen!"' Nyodrongoi dan Ngawi²⁴ "Ket iro, kahai ulun sa korongoi papaneran-papaneran-Ku itu andri ngawine sagar jari kala ulun bijaksana sa nyokondrong lowune gi bawo watu. ²⁵ Balalu, dolui uran dan hawi banjir, andri riwut barat nantam lowu iro, dan lowu iro bakoi runtun ket na sokondrong gi bawo watu.²⁶ Dan, satiap ulun sa korongoi papanern-Ku itu dan bakoi ngawine sagar jari kala ulun budu sa nyokondrong lowune gi bawo karasik. ²⁷ Balalu, dolui uran dan hawi banjir, dan riwut barat nantam lowu iro, dan lowu iro runtun, dan tu'u idu karusakenne."²⁸ Hantek Yesus luput sawada hal itu, ulun rama wauh pa pangajaran-Ne, ²⁹ ket Io ngajar reo kala ulun sa bakuasa, dan bakoi kala ahli-ahli Taurat reo.

Chapter 8

¹ Hantek Yesus dolui teke wungkur iro, kumpulan ulun rama ngapung Io. ² Dan, ite, erang kaulun sakit kusta hawi mpah-Io, dan isudu gi hadapan-Io, dan sawada, "Tuan, amun Iko hakun, Iko tau mentahir uki." ³ Dan, Yesusnyondolui longon-Ne nelang menjamahne, wada-Ne,"Uki sidi, tahirleh."Tawuk iro pada, tahirlah kusta ulun iro.⁴ Dan, Yesus sawada mpah io, "Perhatileh, ada iko basarita inun-inun mpah erang kaulunpun, kude tulakleh, ampi ite tongako mpah imam, dan undru persembahan sa na huyu Musa jari kasaksian pa reo. "Erang Kaulun Pelayan Perwira Romawi Nasamare⁵ Hantek Yesus masuk mpah Kapernaum, erang kaulun perwira hawi mpah Io, ilako mpah Io, ⁶ dan sawada, "Tuan, walah uki rahat ubis lumpuh gi lowu, tuu mahanang." ⁷ Dan, Yesus sawada mpah io, "Uki sagar hawi dan nyamare io."⁸ Kude, perwira iro nuing andri sawada, "Tuan, uki bakoi layak pakai Iko masuk pa pida sapoku, kude panerleh erang kawusi ai dan walah uki sagar na samare. ⁹ Et, uki pada naan gi pida kekuasaan, andri tantara-tantara gi pidaku. Dan, uki sawada mpah sa erai, 'Tulakleh,' io pun tulak, dan mpah sa lain, 'Hawileh,' dan io pun hawi, dan mpah walahku, 'gawileh itu,' dan io pun ngawine." ¹⁰ Hantek Yesus korongoi hal itu, Io manga dan sawada mpah ulun-ulun sa ngapung-Io, "Uki nyawada sa bujurne mpah iko, Uki mete kahong iman sa idu itu gi suan ulun Israel.¹¹ Uki sawada mpah iko bahwa rama sa sagar hawi teke timur dan barat, dan maharung kuman andri Abraham, Ishak, dan Yakub huang kerajaan surga, ¹² kude pea-pea kerajaan iro sagar na umpe mpah huang pisirom sa panga sirom. Gi raha sagar naan soyar dan giret kukut.'' ¹³ Dan, Yesus sawada mpah perwira iro, "Tulakleh, ingkehleh jari pa iko kala sa iko harap." Dan, tawuk iro pada, walahne na samare. Kasian wawe Petrus dan Ulun Rama na Samare¹⁴ Hantek Yesus hampe lowu Petrus, Io kite kasian wawe Petrus ganyah ubis dan mekum. ¹⁵ Balalu, Yesus nyame longon ine iro dan ekumne jawoh. Kamulek io buan dan melayani Yesus.¹⁶ Hantek nadap kamalom, reo ngoit mpah- Io rama ulun sa karasukan roh jahat, dan Io ngunur roh-roh iro andri erai kata, dan nyamare kahai ulun sa sakit, ¹⁷ numpan naganapilah inun sa napaner daya Nabi Yesaya: "Io leh sa ngepo keleme,en-keleme,en takam dan nangung panyakit-panyakit takam." Jari Pengikut Yesus¹⁸ Tataha, hantek Yesus kite ulun rama gi sakaliling-Ne, Io ngundru parentah pakai iwaleng pa ipai. ¹⁹ Kamulek, erang kaulun ahli Taurat hawi dan sawada mpah Io, "Guru, uki sagar baya Iko pahawe pun Iko tulak." ²⁰ Dan, Yesus sawada mpah Io, "kawan sarigala naan liang dan wurung-wurung gi langit naan hanai. Kude, Pea Murunsia bakoi oeng duloi pakai ngingkeh ulok-Ne."²¹ Erai teke kawan murid sawada mpah-Io, "Tuhan, izinkan uki pakai lewi pono tulak dan dowong umaku." ²² Kude, Yesus sawada mpah io, "Bayaleh Uki, dan ingkehleh ulun mate dowong ulun mate reo raerai." Yesus Nyantaduh Riwut Barat²³ Dan, hantek Yesus ngabai pa jukung, murid-murid-Ne ngapung Io. ²⁴ Dan, iteleh, jari riwut barat idu gi danau hampe jukung ta tutup galumang. Kude, Yesus surui. ²⁵ Dan, murid-murid hawi pa Yesus dan ngele-Io, wadane, ''Tuhan, salamatkan kain! Takam ganyah binasa!"²⁶ Dan, Io sawada mpah reo, "et inun iko takut, hai iko sa kurang baiman?" Balalu, Io sokondrong dan menghardik riwut baya danau iro, dan jari tanang tuu. ²⁷ Maka, ulun-ulun iro heran dan sawada, "Ulun masam inun Io itu, maka riwut andri danau manurut mpah Io?" Ruo Ulun Gadara Kerasukan Roh Jahat²⁸ Tawuk Yesus hampe gi ipai danau, gi daerah ulun Gadara, ruo ulun sa karasuka roh jahat nangkahong Io. Reo kaluar teke kuburan andri tuu ganas hampe koi oeng ulun sa kiiyuh metah lalan iro. ²⁹ Dan, iteleh, reo ngariak, wadane, "Inun urusan Ko andri kain, hai Pea Allatala? Inunkah Iko hawi neo nyiksa kain samete waktune?"³⁰ Dan, agak oro teke reo naan sekawanan idu unik sa ganyah ngeto pongokan. ³¹Setan-setan iro ilako mpah Io dan sawada, "Amun Iko sidi ngusir kain, suyuleh kain pindah pahuang kawanan unik iro." ³² Dan, Yesus sawada mpah reo, "Tulakleh!"Balalu, reo kaluar dan masuk pa huang unik-unik iro. Kamulek, kahai kawanan unik iro balalu tuyun teke tebing danau dan mate gi huang ranu.³³ Ulun-ulun sa ngambala kawanan unik iro melempat dan masuk mpah huang kota, dan nyarita kahaine, tamasuk inun sa terjadi andri ulun-ulun sa narasuk setan iro. ³⁴ Dan, iteleh, kahai kota kaluar neo kahong andri Yesus. Hantek kite Yesus, reo ilako Io pakai nanan wilayah reo.

Chapter 9

¹ Ukah masuk pa jukung, Yesus nyabarang danau dan hampe gi kota-Ne raerai. ² Dan, ite, reo ngoit mph-Io erang kaulun layah sa ubis gi duloi surui. Hantek kite iman reo, Yesus sawada mpah ulun layah iro, "Kukuhleh ateko, pea-Ku, dosako haut na ampuni."³ kamulek, papire ahli Taurat sawada huang atene, "Ulun itu mahujat!" ⁴ Kude, Yesus kotoe pikiran reo wada-Ne, "Ket inun iko mamikir sa jahat huang ateko? ⁵ Sa awe sa lewi murah, sawada, 'Dosa-dosako na ampuni, 'atau sawada, 'Buanleh dan malanleh'? ⁶ Kude, numpan iko kaiyuh ngontoe bahwa gi bumi Pea Murunsia bakuasa neo mengampuni dosa." Kamulek Yesus sawada pa ulun layah iro, "Buanleh, engkat duloi suruiko, dan buli.!"⁷ Balalu io buan dan buli. ⁸ Kude, hantek ulun rama kite hal itu, reo jari waoh dan memulia Allatala sa ngundru kuasa kala iro pa murunsia. Matius Panimpun Pajak Baya Yesus ⁹ Hantek Yesus tulak teke iro, Io kite erang kaulun sa na bowa Matius ganyah maharung gi duloi nimpun pajak. Balalu, Yesus sawada pa io, "Bayaleh Uki."Dan, Matius sokondrong dan baya Yesus.¹⁰Hentek Yesus maharung kuman gi huang lowu iro, ite, hene panimpun pajak dan ulun-ulun badosa hawi, balalu maharung kuman baya yesus dan murid-murid-Ne. ¹¹ Dan, hantek ulun-ulun Farisi kite hal itu, reo sawada pa murid-murid-Ne,"Ket inun Guruko kuman andri kawan pangumpul pajak dan ulun-ulun badosa?"¹² Kude, hantek Yesus korongoi hal iro, Io sawada, "Reo sa sehat bakoi perlu tabib, melainkan reo sa sakit. ¹³ Kude, tulakleh dan paajar inun arti ne itu, 'Uki sidi ahi lelu, bakoi persembahan,'sabab Uki hawi bakoi neo bowa sa uah, melaikan ulun-ulun badosa." Tuntian neo Bapuasa¹⁴ Kamulek, murid-murid Yohanes hawi mpah Yesus dan nunti,"Ket inun kain ulun -ulun Farisi bapuasa, kude murid-murid-Ko bakoi bapuasa?" ¹⁵ Dan, Yesus sawada mpah reo, "Iyuhkah kawan pengiring pangantin baduka cita kunguhang pangantin upo kia ibaya andri reo? Kude, sagar hampe waktune hantek pangantin upo iro na epo teke reo, dan kamulek reo sagar bapuasa."¹⁶ Koi oeng erang kaulunpun sa namal kain sa wayu pa pama sa ohang, ket tamalan iro nyinsitat pama sa ohang dan magin idu sitatne.¹⁷ Pada,bakoi oeng ulun nuang anggur sa wayu pa huang kantung upak sa ohang. Amun miiro, kantung kudit iro sagar sitat, dan anggurne sagar muruak, dan kantung kuditne liek. Kude, reo nyimuh anggur sa wayu pa kantung upak sa wayu pada hampe karuo ne tapalihara." Yesus Nubuan dan Nyamare¹⁸ Sementara Yesus bapaner hal-hal itu mpah reo, ite, erang kaulun pamimpin lowu ibadah hawi dan nyamah-Io, dan sawada, "Pea wawe ku wayu tuu mate. Kude, hawi dan ingkehleh longon-Ko gi bawo io, maka io sagar wolum." ¹⁹ Balalu, Yesus buan dan ngapung ulun iro, miiro pada andri murid-murid-Ne.²⁰ Dan, ite, erang kaulun wawe sa menderita iraen kongohang ruo walas taun nyunrupak Yesus teke waling dan ngepot hujung jubah-Ne, ²¹ et, wawe iro sawada mpah tongane raerai, "Amun uki santuk jubah-Ne ai, uki sagar ware." ²²Kude, Yesus iwaleng dan nantau wawe iro, balalu sawada,"Kukuhleh ateko, hai pea-Ku, imanko haut nyamare iko."Hantek iro pada, warelah wawe iro.²³ Hantek Yesus hampe gi lowu kapala lowu ibadah iro dan kite kawan panyiwui suling dan himpunan ulun sa ngulah kabisingan, ²⁴ Io sawada mpah ulun-ulun iro, "Tulakleh, ket pea wawe iro bakoi mate, kude rahat surui." Dan, reo kakihi Yesus.²⁵ Kude, hantek ulun rama iro na unur kaluar, Yesus masuk balalu ngepot longon pea iro, dan pea wawe iro buan. ²⁶ Barita itu malalar pa kahai daerah iro. Yesus Nyamare Ruo ka Ulun Pehe²⁷ Hantek Yesus tulak teke iro, ruo ulun pehe ngapung Io nelang ngiriak,Paahileh kain, Pea Daud." ²⁸ Ukah Io masuk lowu iro, kuruo ulun pehe iro notah-Io dan nunti mpah reo, "Inunkah iko harap amun Uki tau ngulah hal itu?" Reo sawada mpah Io, "Oi,Tuhan!"²⁹ Kamulek, Yesus menjamah mato reo, wada-Ne, "Jarileh mpah iko manurut imanko." ³⁰ Dan, ta ukaleh mato reo. Yesus andri tegas ngampiitung reo, "Perhatikanleh, ada oeng erang kaulunpu kotoe hal itu." ³¹ Kude, reo kaluar dan ngampi lalar barita neo Yesus pa kahai daerah iro. Yesus Nyamare Ulun Muna³² Ukah kuruo ulun iro kaluar, iteleh, ulun-ulun ngoit erang kaulun muna sa na asuk roh jahat mpah Yesus. ³³ Ukah roh jahat iro na unur, ulun muna iropun bapaner. Ulun wahai iro jari waoh dan sawada, "Hal yalah itu mete suah na ite gi Israel." ³⁴ Kude, ulun-ulun Farisi sawada, "Io ngunur roh-roh jahat andri kuasa roh-roh jahat." Hene Wasian Butit Panggawi³⁵ Dan, Yesus tulak ngaliling kahai kota dan desa nelang ngajar gi sinagoge-sinagoge reo, dan nahampe Injil Kerajaan, nelang nyamare kahai panyakit dan kahanangen. ³⁶ Hantek Yesus kite ulun rama iro, Io kiinam palelu mpah reo ket reo uyuh dan talantar yalah babiri-babiri koi oeng gembala.³⁷ Kamulek Io sawada mpah murid-murid-Ne, "sabujurne wasian rama, kude panggawi-panggawini butit."³⁸ Ket iro, lakoleh mpah Tuhan sa kaampun wasian, neo ngirim panggawi-panggawi huang wasian-Ne. "

Chapter 10

¹ Dan, Yesus bowa karuo walas murid-Ne dan ngundru reo kuasa bawo roh-roh najis neo ngusir roh-roh iro dan neo nyamare kahai masam panyakit maupun kahai masam kahanangen.² Ituleh ngaran karuo walas rasul iro: Sa mala'i, Simon sa na ontuh Petrus, dan Andreas pulaksanaine, dan Yakobus pea Zebedeus, dan Yohanes pulaksanaine, ³ Filipus, dan Bartolomeos, Tomas, dan Matius hi pangumpul pajak, Yakobus pea Alfeus, dan Tadeus, ⁴ Simon ulun Zelot, dan Yudas Iskariot sa menghianati Yesus.⁵ Yesus ngutus karuo walas rasul iro dan nyuyu reo, "Ada tulak mpah lalan bangsa-bangsa lain atau masuk mpah huang kota ulun Samaria, ⁶ melainkan tulakleh mpah babiri-babiri sa tawang teke suan umat Israel. ⁷ Dan, kongohang iko tulak, tahampeleh andri sawada, 'Kerajaan Allatala haut riet.'⁸ Samareleh sa sakit, somolum sa mate, tahirleh sa kusta, dan unurleh roh-roh jahat. Iko narime andri cuma-cuma, undruleh andri cuma-cuma. ⁹ Ada iko ngoit amas, atau perak, atau tembaga huang ikat towingko, ¹⁰ atau tas neo pajalanan, atau ruo lamar baju, atau sarumpah, atau tungkeh et erang kaulun panggawi pantas neo ondro okanne.¹¹ Dan, gi kota atau desa hawe pun sa iko asuk, salidikileh hie sa layak gi huangne dan duloileh gi raha hampe iko tulak. ¹² Hantek iko masuk lowu iro, undruleh tabe. ¹³ Dan, amun lowu iro layak, ingkehleh damai sejahtera ko dolui gi bawone, kude amun bakoi, ingkehleh damai sejahterako mulek mpah iko.¹⁴ Dan, hie sa bakoi narime iko atau bakoi hakon nyondrongoi papaneranko, hantek iko kaluar teke lowu atau kota iro, kebasleh habu poo ko ¹⁵ Uki sawada sa bujurne mpah iko bahwa gi ondro penghakiman, tana Sodom dan Gomora sagar lewi tau nangung ne teke kota iro."Kesulitan-Kesulitan sa Sagar na Hadapi Kawan Murid¹⁶ "Ite, Uki ngutus iko yalah babiri pa suan serigala. Ket iro, jarileh cerdik yalah nipo dan tulus yalah wurung-wurung dara. ¹⁷ Kude, bahati-hatileh nadap ulun-ulun ket reo sagar nyarah iko mpah Sanhendrin dan sagar nyambuk iko gi sinagoge-sinagoge reo. ¹⁸ Dan, iko sagar na oit mpah hadapan kawan panguasa dan kawan raja demi uki, jari kasaksian pa reo dan pa bangsa-bangsa lain.¹⁹ Kude, hantek reo nyarah iko, ada khawatir neo nokolo atau inun sa iko wada ket tawuk iro pada sagar na undru mpah iko inun sa harus iko paner. ²⁰ Sabab, bakoi iko sa bapaner, kude iro adalah Roh Uma ko sa bapaner gi huang iko.²¹ Pulaksanai sagar nyarah pulaksanai mpah pampate, dan uma nadap pea ne. Dan, pea-pea sagar dawan kawan ulun muntuo dan munu reo. ²² Iko sagar na kuar daya kahaine et ngaran-Ku, kude, kude ulun sa batahan hampe akhir sagar na salamatkan. ²³ Hantek reo nganiyaya iko huang erai kota, lempatleh mpah huang kota salain. Uki sawada sa bujurne mpah iko bahwa iko bakoi sagar luput metah kota-kota Israel hampe Pea Murunsia Hawi.²⁴ Murid bakoi lewi teke gurune, mihie pada hamba bakoi lewi teke tuanne. ²⁵ Sukupleh amun murid jari kala gurune, dan hamba jari kala tuanne. Amun reo ngontuh tuan lowu iro Beelzebul, lewi buruk kia mpah anggota kaluargane." Takutleh mpah Allatala Bakoi mpah Murunsia²⁶ "Ket iro ada iko takut nadap reo et koi oeng inunpun sa tatutup sa bakoi sagar taungkap, atau sa tadina sa bakoi sagar na kuntue. ²⁷ Inun sa Uki wada mpah iko huang pisirom, wadaleh iro huang maraai. Dan, inun sa iko rongoi na keneh gi tilingoko, waraleh gi obo sapo lowu.²⁸ Ada takut mpah reo sa munu tonga, kude bakoi kiyuh munu jiwa, malahan lewi takutleh mpah Io sa kaiyuh ngampi jawoh jiwa maupun tonga gi neraka. ²⁹ Bakoi kah ruo ku'ukui wurung umpit na ari neo erai duit? Dan, koi oeng erang ku'ukuipun teke reo sagar lawu pa tana gi luar kabahomen Umako. ³⁰ malahen, wulu ulokko kahaine tareken. ³¹ Ket iro, ada takut, iko lewi banilai teke rama wurung umpit." Mangaku Yesus gi Muka Ulun Lain³² "Jari, satiap ulun sa mangaku Uki gi muka murunsia, Uki pada sagar mangaku io gi muka Uma-Ku sa naan gi surga. ³³ Kude, hie sa nyangkal Uki gi muka murunsia, Uki pada sagar nyangkalne gi muka Uma-Ku sa naan gi surga." Tujuan Pahawian Yesus³⁴ "Ada bapikir bahwa Uki hawi pakai ngoit perdamaian gi bumi. Uki hawi bakoi pakai ngoit damai, malahen pedang. ³⁵ Et, Uki hawi neo nampisah upo teke umane, pea wawe teke inene, nantu wawe teke kisian wawe, ³⁶ dan musuh erang kaulun teke kaluargane.³⁷ Hie sa lewi malelu umane atau inene teke Uki, bakoi layak mpah-Uki. Dan, hie sa lewi malelu peane upo atau peane wawe teke Uki, bakoi layak pa-Uki ³⁸ Dan, hie sa bakoi mikul balasangarne dan uma Uki, bakoi layak pa-Uki. ³⁹ Hie sa mempertahan nyawane sagar kajawohan nyawane, dan hie sa kajawohan nyawane demi Uki sagar kiiyuhne." Upa teke Allatala⁴⁰ "Hie sa narime iko, narime Uki. Dan, hie sa narime Uki, narime Io sa ngutus Uki. ⁴¹ Hie sa narime nabi huang ngaran nabi sagar narime upa nabi. dan, hie sa narime ulun bujur huang ngaran ulun bujur sagar narime upa ulun bujur.⁴² Dan, hie sa ngundru minum mpah salah satu teke ulun-ulun sa odik itu meskipun ekat erang sangker ranu risak huang ngaran erang kaulun murid, Uki sawada sabujurne mpak iko, io bakoi sagar kajawohan upane."

Chapter 11

¹ Hantek Yesus luput ngundru parentah mpah karuo walas murid-Ne, Io tulak teke raha neo ngajar dan bakhotbah gi kota-kota reo. Yesus dan Yohanes Pembaptis ² Tataha, hentek Yohanes, sa naan gi penjara, korongoi gawian-gawian Kristus, Io ngirim pesen metah murid-muridnya ³ dan nunti mpah Io, "Inunkah Iko sa sagar hawi iro, atau haruskah kain ngandrei sa lainne?"⁴ Yesus nuing dan sawada mpah reo, "Tulak dan baraleh mpah Yohanes inun sa iko rongoi dan kite, ⁵ sa pehe kite, sa lebe malan, sa sakit kusta na tahirkan, sa morongon korongoi, sa mate natomolum, dan mpah sa pu,ua na tahampe injil. ⁶ Dan, naberkatileh ulun sa bakoi katapian ulah-Ku."⁷ Dan, ukah reo tulak, Yesus mulai bapaner mpah ulun rama neo Yohanes, "Inun sa sidi na ite ko gi padang belantara? Erang kawatang paring na gagunsang daya riwut? ⁸ Iko tulak neo nginte inun? Erang kaulun sa bapama halus iro naan gi istana-istana raja.⁹ Pakai nginte inunkah iko tulak? Erang kaulun nabi? Oi, Uki sawada mpah iko, io bahkan lewi idu teke erang kaulun nabi. ¹⁰ Et ioleh ulun sa neo ne haut tatulis: 'Ite! Uki ngirim utusan-Uki neo nompono Iko. Io sa sagar nyiap lalan mpah-Iko gi hadapan-Iko.'¹¹ Uki sawada sa bujurne mpah iko, gi antara reo sa nakayaan ulah wawe, bakoi suah tampil ulun sa lewi idu teke Yohanes Pembaptis. Kude, sa paling odik gi huang Kerajaan Surga, lewi idu teke io. ¹² Teke zaman Yohanes Pembaptis hampe tataha, Kerajaan Surga menderita kakarasen, dan ulun-ulun sa mara,at iro ngawine andri paksa.¹³ Et, kahai nabi dan Hukum Taurat banubuat hampe zaman Yohanes. ¹⁴ Dan, amun iko sidi narime ne, io lah Elia sa sagar hawi iro. ¹⁵ Hie sa naan talingo pakai nyondrongoi , patutlah io nyondrongoi!¹⁶ Kude, andri inunkah sagar Uki tanning generasi itu? Reo iro iyalah kanapea odik sa maharung gi duoi umum, sa bowa iang-iangne, ¹⁷ dan sawada ,' Kain nyiwui suling pa iko, kude iko bakoi manari. Kain manyanyi lagu duka cita, kude iko bakoi baduka.'¹⁸ Ket Yohanes hawi koi kuman, koi minum, dan reo sawada,'Io karasukan roh jahat.' ¹⁹ Kude, hantek, Pea Murunsia hawi balalu kuman dan minum, dan reo sawada, 'Ite, erang kaulun sa makakan dan pemabuk, iang kawan pangumpul pajak dan ulun-ulun badosa.' Kude, hikmat na samuah et gawianne." Taguran pa Ulun sa Bakoi Hakon Harap²⁰ Kamulek Yesus mulai mencela kota-kota duoi Io ngulah paling rama mukjizat ket reo bakoi batobat. ²¹ "Salakalah iko, Khorazim! Salakalah iko, Betsaida! Et, amun mukjizat-mukjizat sa haut terjadi gi suan iko pada terjadi gi Tirus dan Sidon, reo haut ohang batobat andri ba pama kabung dan habu. ²² Kude, Uki sawada mpah iko bahwa gi ondro penghakiman, Tirus dan Sidon sagar lewi ta,u nangungne teke iko.²³ Dan, iko, Kapernaum, sagarkah iko na tongkobo hampe pa langit? Bakoi, iko sagar na ampi dolui pa dunia ulun mate, et amun mukjizat-mukjijzat sa ukah terjadi gi suan iko iro terjadi gi Sodom, kota iro sagar tatap naan hampe ondro itu. ²⁴ Kude, Uki sawada mpah iko bahwa gi ondro penghakiman, tana sodom sagar lewi ta,u nangungne teke iko." Kelegaan pa Ulun sa Hawi mpah Yesus²⁵ Tawuk iro Yesus sawada, "Uki memuliakan Iko, Uma, Tuhan obo langit dan bumi, bahwa Iko nina kahai itu teke ulun-ulun sa bijaksana dan panai dan ngungkapne pa kanapea-kanapea odik. ²⁶ Oi, Uma,et kala iroleh sa berkenan gi muka-Iko. ²⁷ Kahai ne haut na sarah mpah-Uki ulah Uma-Ku. Dan, bakoi erang kaulunpun sa kataru Pea, salain Uma; bakoi erang kaulunpun sa kataru Uma salain Pea dan satiap ulun sa na kabahom Pea neo ngungkapne.²⁸ Hawileh mpah-Uki kahai sa uyuh rara dan sa babeban wiet, dan Uki sagar ngundru iko kelegaan. ²⁹ Pikulleh kuk sa napasang, dan paajarleh teke-Uki ket Uki lemah lembut dan randah ate, dan iko sagar kaiyuh ketenangan huang jiwako. ³⁰ Ket, kuk sa na pasang Ku iro murah dan beban-Ku mean."

Chapter 12

¹ Gi tawuk iro, Yesus malan metah umo gandum gi ondro sabat, dan murid-murid-Ne kalau, dan reo mulai ngutik wusi gandum dan ngokanne, ² Kude, hantek ulun-ulun Farisi kitene, reo sawada mpah Io, "Ite, murid-muri-Ko ngawi inun sa bakoi uah neo na gawi gi ondro sabat."³ Kude, Yesus sawada mpah reo, "Mete suah iko mambaca inun sa naulah Daud hantek dan kawan pangikutne kalau, ⁴ nokolo io masuk mpah huang lowu Allatala dan ngokan rote persembahan sa bakoi uah mpah-Io neo ngokanne, miiro pada ulah ulun-ulun sa sameh io, kacuali ekat pakai kawan imam-imam?⁵ Atau, mete suahkah iko mambasa huang Hukum Taurat, bahwa gi ondro Sabat, kawan imam gi Bait Allah melanggar Sabat dan reo bakoi bahala? ⁶ Kude, Uki nyawada mpah iko bahwa sa lewi idu teke Bait Allah naan gi itu.⁷ Kude, amun iko kutue artine iro: 'Uki hamen ahi lelu dan bakoi persembahan',iko bakoi sagar suah nukum sa bakoi bahala. ⁸ Ket, Pea Murunsia adalah Tuhan bawo ondro Sabat." Yesus Nyamare gi Ondro Sabat⁹ Ukah tulak teke raha, Yesus hampe gi sinagoge reo. ¹⁰ Ite, naan erang kaulun upo sa lumpuh hila longonne. Dan, reo nunti mpah Yesus, wada reo, "Inunkah na ampi uah nyamare gi ondro Sabat?" numpan reo tau ngampi hala Yesus.¹¹ Dan, Io sawada mpah reo, "Hie ulunne gi suan iko sa naan erang kuukui babiri, dan amun babiri iro lawu mpah huang luwang gi ondro Sabat, bakoi kah io sagar ngarawehne dan ngaluarne? ¹² Oro lewi banilaine murunsia teke erang kuukui babiri! Ket iro, na samuahleh gawian maasus gi ondro Sabat."¹³ Kamulek, Yesus sawada mpah ulun iro, "Uluikeh longonko."Ulun iro ngului longonne dan na samare saponune kala longonne sa lain. ¹⁴ Kude, ulun-ulun Farisi tulak teke iro dan mapakat dawan Io, nokolo reo tau ngabinasa-Ne. Yesus, Hamba Pilihan Allatala¹⁵ Kude, Yesus, hantek kutue hal itu, manyingkir teke raha. Rama sa ngapung-Io dan Io nyamare reo kahai, ¹⁶ dan ngampi itung reo neo bakoi ngulah-Io nakotoe. ¹⁷ Hal itu jari neo menggenapi inun sa na tahampe metah Nabi Yesaya:¹⁸ "Ite, hamba-Ku sa haut Uki peli, sa Uki palelu, sa mpah-Io jiwa-Ku berkenan. Uki sagar ngingkeh roh-Ku pa bawo-Ne, dan Io sagar menyatakan keadilan mpah bangsa-bangsa lain.¹⁹ Io bakoi sagar nyual, ngariak, dan bakoi sagar naan erang kaulunpun sa korongoi lengan-Ne gi lalan-lalan. ²⁰ Paring sa tepu bakoi sagar Io tametis, dan sumu sa kai pare bakoi sagar Io tampate, hampe Io ngulah keadilan manang, ²¹ dan huang ngaran-Ne, bangsa-bangsa lain sagar baharap."²² Kamulek erang kaulun sa kerasukan roh jahat, sa pehe dan muna, na oit mpah Yesus. Dan, Yesus nyamarene sehingga ulun sa pehe andri muna iro bapaner dan kite. ²³ Kahai ulun jari waoh dan nunti, "Mungkinkah Io itu Pea Daud?"²⁴Kude, hantek ulun-ulun Farisi korongoine reo sawada, "Ulun itu bakoi mungkin ngunur roh-roh jahat amun bakoi andri Beelzebul, pemimpin roh-roh jahat." ²⁵ Yesus kutoe pikiran reo dan sawada mpah reo, "Satiap kerajaan sa tapecah dawan tongane raerai, na tanan. Dan, satiap kota atau lowu sa tapecah dawan tongane raerai bakoi sagar batahan.²⁶ Dan, amun Iblis ngusir Iblis, io tapecah pecah dawan tongane raerai. Amun miiro nokolo karajaan ne sagar batahan? ²⁷ Dan, amun Uki, ngunur roh-roh jahat andri Beelzebul, andri hiekah pea-peako ngunur reo? Ket iro, reo sagar jari hakimko.²⁸ Kude, amun andri roh Allatala, Uki ngusir roh-roh jahat, Kerajaan Allatala haut hawi bawo ko. ²⁹ Atau, nokolo erang kaulun ta,u masuk mpah lowu ulun sa wigas dan marampas bana-banane amun io bakoi nyuruk ulun wigas iro lewi pono? Kamulek, io wayu kaiyuh marampas lowu iro. ³⁰ Hie sa bakoi baya andri Uki, io dawan Uki. Dan, hie sa bakoi ipumpun baya Uki, mamisah-misahkan.³¹ Ket iro, Uki nyawada mpah iko bahwa tiap dosa dan hujatan murunsia sagar na ampuni, kude hujatan nadap Roh bakoi sagar naampuni. ³² Dan, hie sa nyawada sesuatu sa dawan Pea Murunsia sagar na ampuni, kude hie sa bapaner dawan Roh Kudus bakoi sagar na ampuni, tawuk itu maupun gi tahane." Kakau na pantaru teke uane³³"Amun kakau iro maasus, ua ne pada sagar maasus. Atau, amun kakau iro bakoi maasus, ua ne pada sagar bakoi maasus. Et kakau napantaru teke ua ne. ³⁴ Hai, turunen nipo beludak, nokolo mungkin iko sa jahat ngontuh hal-hal sa maasus? et teke luapan ate, wawa bapaner. ³⁵ Ulun maasus ngaluar hal-hal sa maasus teke panataune sa maasus, dan ulun-ulun sa jahat ngaluar hal-hal sa jahat teke panataune sa jahat.³⁶ Kude, Uki sawada mpah iko bahwa satiap paner sa sia-sia, sa na ontuh ulun, reo sagar mempertanggung jawabne gi ondro penghakiman. ³⁷ Ket ulah papaneranko, iko saga na samuah, dan ulah papaneranko iko sagar na hukum. Ulun Farisi dan Ahli Taurat Lako Tanda³⁸ Kamulek, papire ahli Taurat dan ulun Farisi sawada mpah Yesus, "Guru, kain sidi kite tanda teke- Iko."³⁹ Kude, Yesus nuing dan sawada mpah reo, "Generasi sa jahat dan bazinah itu nuntut suatu tanda. Dan, bakoi sagar oeng tanda sa na undru mpah reo, kasuali tanda Nabi Yunus. ⁴⁰ Et, iyalah Yunus sa naan gi huang wuntung kenah idu kungohang tolu ondro dan tolu malom, miiro pada Pea Murunsia sagar naan kunguhang tolu ondro tolu malom gi huang wuntung bumi.⁴¹ Ulun-ulun Niniwe sagar sokondrong ibaya generasi itu tawuk penghakiman dan sagar nukumne et reo batobat ukah korongoi khotbah Yunus. Dan, ite, sa lewi idu teke Yunus naan gi itu.⁴² Ratu teke selatan sagar bangkit sasameh generasi itu gi ondro penghakiman dan sagar nukumne ket io hawi teke ujung bumi neo nyondrongoi hikmat Salomo. Dan, ite, sa lewi idu teke Salomo naan gi itu. Bahaya teke Kekosongan⁴³ "Hentek roh jahat kaluar teke murunsia, io metah duloi-duloi sa bakoi baranu neo ngeto duloi mihindroi, kude bakoi kahongne. ⁴⁴ Balalu, io sawada,'Uki sagar mulek mpah lowuku duloi uki kaluar.' dan hantek hampe io kahong lowu iro lawang, haut na sapu, dan taatur. ⁴⁵ Kamulek, roh jahat iro tulak dan ngoit baya io pitu roh lainne sa lewi jahat teke io, dan reo masuk nelang duloi gi raha. Akhirne wangun ulun iro jari oro lewi buruk teke semetene. Mihie pada sagar terjadi andri generasi sa jahat itu." Kaluarga Yesus sa Kapinu'u ne⁴⁶ Sementara Yesus ganyah bapaner andri ulun rama, ite, ine dan pulaksanai-pulaksanai-Ne sokondrong gi luar, bausaha neo bapaner andri-Io. ⁴⁷ Erang kaulun sawada mpah Io, "Ite, ine dan pulaksanai-pulaksanai-Ko sokondrong gi luar, bausaha bapaner andri Iko."⁴⁸ Kude, Yesus nuing ulun sa iwara mpah-Io iro dan sawada , "Hiekah ine-Ku dan hiekah pulaksanai-pulaksanai-Ku?" ⁴⁹ Dan, nelang merentangkan longon-Ne mpah arah murid-murid-Ne, Yesus sawada, "Ituleh ine-Ku dan pulaksanai-pulaksanai-Ku! ⁵⁰ Ket hie sa ngawi kabahumen Uma-Ku sa naan gi surga, ioleh pulaksanai upo-Ku, pulaksanai wawe-Ku, dan ine-Ku."

Chapter 13

¹ Gi ondro iro, Yesus kaluar teke lowu dan maharung gi hiring danau. ² Dan, ulun rama takumpul mpah-Io. Ket iro, Io ngabai pa jukung dan maharung, dan kahai ulun rama iro sokondrong gi hiring danau.³ Dan, Io nyawada hene hal mpah reo huang perumpamaan, wada-Ne,"Naan erang kaulun panabur tulak neo namur, ⁴ dan tawuk io namur, papire wini lawu gi hiring lalan, wurung-wurung hawi dan ngokanne hampe awis. ⁵ Wini sa lain lawu gi duloi bawatu, sa bakoi mengandung hene tana, dan hinang tumu et tanane koi kajut lalom. ⁶ Kude, ukah mato ondro holet buloan iro uah layong. Dan, ket koi oeng wakat, buloan iro jari karing.⁷ Wini sa lawu gi helang jubut rui, dan jubut rui iro tumu dan mipi io. ⁸ Kude, wini sa lain lawu gi tana sa maasus dan menghasilkan ua, naan sa jatuh kali lipat, naan onom pulu kali lipat, dan naan tolumpulu kali lipat. ⁹ Hie sa batalingo, ikehne io korongoi." Yesus Ngajar andri Perumpamaan¹⁰ Dan, murid-murid Yesus hawi dan nunti mpah-Io, "Ket inun Iko bapaner mpah reo huang perumpamaan?" ¹¹ Yesus nuing reo,"Mpah iko haut nakarunia neo ngontoe rahasia Kerajaan Surga, kude mpah reo bakoi na karuniakan. ¹² Et ulun sa kaompun, mpah io sagar na undru dan io sagar bakelewian. Kude, hie sa bakoi kaompun, bahkan inun sa naan gi io sagar na epo teke io.¹³ Ket iroleh, uki bapaner mpah reo huang perumpamaan et hentek kite, reo bakoi kite, dan hentek korongoi reo bakoi korongoi, pada bakoi kataru. ¹⁴ Neo reo, na ganapileh nubuat Yesaya sa sawada, 'Andri pondrongoyan, iko sagar korongoi, kude bakoi suah kataru. Dan, andri kite, iko sagar kite, kude koi sagar paham.'¹⁵ Ket ate bangsa itu haut manabal, talingo reo mawule neo nyondrongoi, dan reo nutup mato reo . Amun bakoi, tantu reo tau kite andri mato reo, korongoi andri talingo reo, dan tau kataru andri ate reo, balalu iwaleng mpah- Uki dan na samare.'¹⁶ Kude, naberkatileh matoko ket kite dan talingoko ket korongoi. ¹⁷ Uki sawada sa tu,une mpah iko bahwa hene nabi dan ulun-ulun uah sa sidi kite inun sa iko ite, kude bakoi kiitene, dan sidi korongoi inun sa iko rongoi, kude bakoi ngorongoine." Penjelasan neo Perumpamaan Panamur¹⁸ "Ket Iro, Sondrongoileh arti perumpamaan neo panamur. ¹⁹ Hentek ulun korongoi firman Kerajaan dan bakoi memahamine, hi jahat hawi dan marampok inun sa haut na hamur huang ate ulun iro. Ituleh ulun sa wini ne na hamur gi hiring lalan.²⁰ Adapun sa na hamur gi duloi-duloi sa bawatu, ituleh ulun sa nyondrongoi firman dan palus narimene andri suka cita, ²¹ kude io koi oeng wakat huang tongane dan batahan erang alik ai. Dan, hentek penindasan dan penganiyayaan terjadi et firman iro, io langsung lawu.²² Wini sa lawu gi suan jubut rui adalah ulun sa nyondrongoi firman iro, ukah iro kekhawatiran dunia dan kaakalen panatau mandasak firman iro sehingga bakoi ba ua. ²³ Kude, ulun sa winine na hamur gi tana sa maasus, ituleh ulun sa nyondrongoi firman iro dan memahamine. Ioleh sa bujur-bujur ba ua dan bahasil, naan 100 kali lipat, papire 60 dan papire 30." Perumpamaan neo Rikut Liar dan Gandum²⁴ Yesus nahampe ampama sa lainne mpah reo, wada-Ne,"Kerajaan Surga iro iyuh na ampamakan kala ulun namur wini sa maasus gi umone. ²⁵ Kude, sementara ulun-ulun surui, musuhne hawi dan namur wini padang gi suan wini gandum, dan tulak. ²⁶ Hantek buloan ngulungkung dan ba wusi, balalu padang iro ite pada.²⁷ Maka, walah-walah teke sa kaompun umo iro hawi dan nunti mpah io, 'Tuan, koi neh iko namur wini sa maasus gi umoko? Balalu, teke hawe hawine padang itu?' ²⁸ Io sawada mpah reo, 'Erang kaulun musuh haut ngawine.' Balalu walah-walah iro sawada mpah io, 'Inunkah iko sidi kain tulak dan ngumpulne?'²⁹ Kude, tuan iro sawada, 'Ada! Et hentek iko ngumpul padang-padang iro, ta,u pada iko munat gandum iro sindrah io. ³⁰ Ingkehleh karuone tumu sameh hampe wayah masi. Dan, gi tawuk masi, uki sagar sawada mpah kawan panamur, "Pangamulai kumpulleh padang-padang iro dan suruk huang tuyukan-tuyukan neo na tutung. Kude, kumpul leh gandumne mpah huang lumbungku.""' Kerajaan Allatala kala Liki Sasawi dan Ragi³¹ Kamulek Yesus nyarita parumpamaan sa laine mpah reo, wada-Ne, "Kerajaan Sorga iro yalah liki sasawi sa naepo ulun dan sa nahamur gi umo ne. ³² Liki iro adalah sa paling odik teke kahai jenis wini, kude hentek tumu, io lewi idu teke kahai jenis sayuran, bahkan jari kakau hampe wurung-wurung gi langit hawi dan mihanai gi paka-pakane."³³ Kamulek Yesus nyarita erang ka ua umpama sa lainne mpah reo, "Kerajaan Surga iro yalah ragi, sa ulah erang kaulun wawe na epo dan natamasuk pah huang kalutan tepung terigu sa hene tolu sukat hampe kahai kalutan iro tasampur ragi.³⁴ Kahai hal itu Yesus wada mpah ulun rama huang umpama-umpama, dan, Io bakoi bapaner mpah reo amun koi oeng umpama. ³⁵ Andri miiro, ganapleh inun sa natahampe metah nabi, "Uki sagar nguka wawa uki huang umpama-umpama, Uki sagar ngontuh hal-hal sa tadina teke dunia na sanyari." Umpama neo Rikut Liar gi Umo³⁶ Ukah iro, Yesus nanan ulun rama iro balalu masuk pahuang lowu. Dan, murid-murid-Ne hawi mpah-Io dan sawada, "Jelaskan mpah kain umpama neo padang-padang gi umo." ³⁷ Dan, tuing-Ne, "Ulun sa namur wini sa maasus adalah Pea Murunsia, ³⁸ dan umo iro adalah dunia. Wini sa maasus adalah pea-pea Kerajaan, dan padang adalah pea-pea hi jahat, ³⁹ dan musuh sa namurne adalah Iblis, dan musim masi adalah akhir zaman, dan kawan masi iro adalah kawan malaikat.⁴⁰ Jari, sameh kala padang sa nakumpul dan na tutung huang apui, mihie pada sa sagar terjadi gi akhir zaman. ⁴¹ Pea Murunsia sagar ngutus kawan malaikat-Ne, dan reo sagar ngumpul kahai watu sandungan baya ulun-ulun sa ngulah kajahaten teke kerajaan-Ne, ⁴² dan sagar numukne pa huang tungku apui. Gi duloi iro sagar naan soyar dan girot kukut. ⁴³ Kamulek ulun-ulun uah sagar mara,ai yalah mato ondro huang Kerajaan Uma reo.⁴⁴ "Kerajaan Surga adalah kala harata sa tapendam gi umo, sa na kahong ulun, balalu na dinane kia. Dan et kaarayenne, io tulak ngari kahai ompunne, dan moli umo iro. ⁴⁵ Hindra kia, Kerajaan Surga adalah kala erang kaulun pedagang sa ngeto mutiara sa maasus. ⁴⁶ Hentek io kahong mutiara sabanilai obo, io tulak dan ngari kahai ompunne, balalu moli mutiara iro." Kerajaan Surga kala Lunta sa Ponu Kenah⁴⁷ Miiro pada, Kerajaan Surga adalah yalah lunta sa na timai pa huang laut, dan ngumpul bamasam jenis kenah. ⁴⁸ Hentek lunta iro ponu, reo maitne mpah hiring pampang dan maharung, balalu ngumpul kenah-kenah sa maasus mpah huang karanyang idu, kude ngumpe sa bakoi maasus.⁴⁹ Jari, iroleh sa sagar jari gi akhir zaman. Kawan malaikat sagar kaluar dan nampisah sa jahat andri ulun-ulun uah, ⁵⁰ dan nawut ulun-ulun jahat iro mpah huang tungku apui. Gi duloi iro sagar naan soyar dan girut kukut.⁵¹ Hautkah iko kataru neo kahaine itu?" Reo sawada mpah-Io, "Oi." ⁵² Dan, Yesus sawada mpah reo, "Ket iro, setiap ahli Taurat sa ukah jari murid Kerajaan Surga, io yalah ampun lowu sa ngaluar harata sa wayu dan sa ohang teke panataune." Yesus Bakoi Na Tarime gi Kota Asal-Ne ⁵³ Ukah Yesus nyanuput umpama-umpama iro, Io tulak teke raha.⁵⁴Dan, hentek Io niba gi kota asal-Ne, Io ngajar gi sinagoge-sinagoge reo sehingga reo manga dan sawada, "Teke awe Ulun itu kaiyuh kebijaksanaan dan mukjizat-mukjizat itu? ⁵⁵ Bakoikah Io itu pea erang kaulun tukang kayu? Bakoikah ine-Ne na ontuh Maria, dan pulaksanai-pulaksanai-Ne adalah Yakobus, Yusuf, Simon, dan yudas? ⁵⁶ Bakoikah pulaksanai-pulaksanai-Ne sawawe naan gi penah takam? Balalu, teke hawe Ulun itu kiiyuh kahai hal itu?"⁵⁷Dan, reo tasinggung ulah-Ne. Kude, Yesus sawada mpah reo, "Erang kaulun nabi bakoine koi na hormati, kasuali gi duloi asalne dan gi lowune raerai." ⁵⁸Dan, Io bakoi ngulah rama mukjizat gi raha et kabakoi harap reo.

Chapter 14

¹ Gi tawuk iro, Herodes, raja wilayah, korongoi barita neo Yesus. ² Dan, Io sawada pa walah-walahne, "Ituleh Yohanes Pembaptis. Io haut buan teke helang ulun mate dan ket iroleh mukjizat-mukjizat itu bagawi gi huang ne." Peristiwa Pampate Yohanes Pembaptis³ Ket, Herodes haut nyama Yohanes, nyurukne, dan nyuine mpah huang penjara et Herodias, wawen Filipus, pulaksanai Herodes. ⁴ Ket Yohanes suah sawada mpah io, "Bakoi uah iko neo kaompunHerodias." ⁵ Dan, bele Herodes sidi munu Yohanes, io takut pah ulun-ulun rama ket reo nganggap Yohanes sebagai nabi.⁶ Kude, hantek ondro ulang taun Herodes hampe, pea wawe Herodias manari gi muka reo, dan iro ngampi sanang Herodes, ⁷ sehingga io basumpah neo ngundru inun sa nalako bujang wawe iro.⁸ Maka, ukah na tereje ulah inene, bujang wawe iro sawada, "Undruleh mpah uki gi itu, ulok Yohanes Pembaptis gi obo sipir." ⁹ Bele raja mahanang ate, kude ket sumpahne dan ket ulun-ulun rama sa kuman baya andri io, iopun nyuyu pakai hal iro na undru.¹⁰ Io nyuyu neo mika ulok Yohanes gi panjara. ¹¹ Dan, ulok Yohanes na oit gi bawo sipir, na undru mpah wawe bujang iro dan ngoitne pa inene. ¹² Kamulek, murid-murid Yohanes hawi, ngepo tongane, dan dowongne. Balalu, reo tulak dan bara pa Yesus. Dimo Rute dan Ruo Kenah pakai Dimo Ribu Kaulun¹³ Hentek Yesus korongoi hal itu, Io narik diri teke raha andri jokong, pa duloi suni raerai. Dan, hentek ulun-ulun korongoi itu, reo ngapung-Io andri malan teke kota-kota. ¹⁴ Hentek Yesus kaluar, Io kite kurumunen ulun rama, dan paahi pa reo, dan nyamare sakit reo.¹⁵ Hentek ondro niba kamalom, kawan murid hawi mpah Yesus dan sawada, "Duloi itu suni dan ondro haut malai kamalom. Suyuleh ulun rama iro tulak pa desa-desa dan moli pongokan pa reo raerai."¹⁶ Kude, Yesus sawada mpah reo, "Reo bakoi perlu tulak. Iko, undruleh reo pongokan." ¹⁷ Reo sawada mpah Io, "Gi itu takam koi oeng inun-inun, kasuali 5 rote dan 2 kenah." ¹⁸ Dan, Io sawada, "Oit iro pa itu, mpah-Uki."¹⁹ Kamulek, Io nyuyu ulun rama iro maharung gi rikut, dan Io ngepo 5 rote dan 2 kenah iro, balalu nelang nginte pa langit, Io ngotuh syukur dan nyanarai-nyanarai rote iro. Ukah iro, Io ngundru ne pa murid-murid-Ne, dan murid-murid-Ne pa ulun rama. ²⁰ Dan, reo kahai kuman dan na tamosing . Balalu, reo ngepo puting-puting sa le,e, naan ruo walas karanyang ponu. ²¹ Dan, reo sa kuman kira-kira 5000 upo, mete tamasuk wawe dan kanapea. Yesus Malan gi Bawo Ranu²² Yesus palus nereje murid-murid-Ne masuk pa jokong dan tulak nompono-Io pa ipai, sementara Io nyuyu ulun rama iro buli. ²³ Dan, ukah Yesus nyuyu ulun rama iro buli, Io ngabai pa obo gunung raerai dan ilako dua. Hentek niba kamalom, Io raerai gi raha. ²⁴ Kude, jokong iro haut oro teke entu, na ombang ambing galomang et balawanan andri angin.²⁵ Dan, gi jam kaopat malom iro, Io hawi mpah reo, malan gi bawo ranu. ²⁶ Hentek kawan murid kite-Ne malan gi bawo ranu, reo tuu takut dan baseru, "Iro kame!" Balalu, reo ngariak et katakuten. ²⁷ Kude, Yesus palus bapaner mpah reo, wada-Ne, "Kukuhleh ateko! Itu Uki, ada takut."²⁸ Dan, Petrus sawada mpah-Io,"Tuhan, amun iro Iko, Suyuleh uki hawi mpah Iko gi bawo ranu." ²⁹ Yesus sawada, "Hawileh!" maka, Petrus kaluar teke jokong, dan malan gi bawo ranu, dan hawi mpah Yesus. ³⁰ Kude, hentek kite angin, io takut dan malai lotong. Io ngariak, "Tuhan, salamatkan uki!"³¹ Yesus palus ngulur longon-Ne, ngepot Petrus, dan sawada, "Iko sa kurang iman, wuah inun iko ragu-ragu?" ³² Hentek reo masuk mpah huang jokong, riwutpun taduh. ³³ Kamulek, reo sa naan gi jokong nyamah Yesus dan sawada, "sabujurne, Iko adalah Pea Allatala!" Yesus Nyamare Ulun-Ulun Sakit³⁴ Ukah nyabarang, reo hampe gi tana Genesaret. ³⁵ Hentek ulun-ulun gi duloi iro kataru-Io, reo bara mpah kahai daerah iro dan ngoit kahai ulun sa sakit mpah Yesus. ³⁶Reo ilako mpah Yesus pakai iyuh santuk ujung jubah-Ne, dan kahai ulun sa santuk jari ware.

Chapter 15

¹ Kamulek, papire ulun Farisi dan ahli-ahli Taurat teke Yerusalem hawi mpah Yesus dan sawada, ² "Uah inun murid-murid-Ko malangar tradisi datu nini? Et, reo bakoi mui longon hentek kuman rote!" ³ Dan, Yesus nuing dan sawada mpah reo, "Dan, uah inun iko pada malangar suyuan Allatala demi tradisiko?⁴ Ket,Allatala bafirman, 'Hormatileh uma dan ineko,' dan, 'Hie sa ngutuk uma dan inene, harus na hukum mate.' ⁵ Kude, iko sawada, "Hie sa sawada pa uma atau inene, 'Inunpun pungundruan pa iko haut na persembahkan mpah Allatala,"' ⁶ io koi perlu menghormati uma atau inene. Andri mihie, iko membatalkan firman Allatala demi tradisiko.⁷ Iko, ulun-ulun munafik, memang tuu nubuatan Yesaya neo iko: ⁸ 'Bangsa itu menghormati Uki andri wawa reo, kude ate reo oro teke-Uki. ⁹ Dan, sia-sia reo nyamah-Uki andri ngajar perentah -perentah murunsia."'¹⁰ Dan, Yesus bowa ulun rama dan sawada, "Rongoi dan pahamileh! ¹¹ Bakoi inun sa masuk mpah huang wawa sa manajiskan ulun, kude inun sa kaluar teke wawane, itulah sa menajiskan ulun."¹² Kamulek, murid-murid Yesus hawi dan nunti mpah Io, ''Kutuekah Iko bahwa ulun-ulun Farisi tasinggung hentek korongoi pernyataan itu?" ¹³ Kude, Yesus nuing dan sawada, "Satiap buluon sa bakoi na bulo ulah Uma-Ku sa gi surga sagar na bunat hampe wakat-wakatne. ¹⁴ Ikehleh reo. Reo adalah panganyak sa pehe teke ulun-ulun pehe. Dan, amun ulun pehe nganyak ulun pehe, karuone sagar lawu mpah huang lawu."¹⁵ Petrus sawada mpah- Io, "Jelaskan ampama itu mpah kain." ¹⁶ Yesus sawada, "Inunkah iko tatap mete paham kia? ¹⁷ Inunkah iko bakoi kataru bahwa kahai sesuatu sa masuk mpah huang wawa sagar dolui pa wuntung dan na umpe pa huang jaman?¹⁸ Kude, inun sa kaluar teke wawa timul teke ate, dan iroleh sa manajiskan ulun. ¹⁹ Ket teke ate timul pikiran-pikiran jahat, munu, bazina, dosa-dosa seksual, ngalat, po,ojo, dan fitnah. ²⁰ Hal-hal ituleh sa menajiskan ulun, kude kuman bakoi mui longon bakoi manajiskan ulun." Yesus Ngarawah Wawe Kanaan²¹ Kamulek, Yesus tulak teke raha dan manyingkir mpah daerah Tirus dan Sidon. ²² Dan, erang kaulun wawe Kanaan sa baasal teke daerah iro hawi dan bowa, "Paahileh Uki, Tuhan, Pea Daud! Pea waweku karasukan roh jahat tuu parah." ²³ Kude, Yesus bakoi nuing wawe iro, erang katapun. Dan, murid-murid-Ne hawi dan mandasak-Io, wada reo, "Suyuleh io tulak ket io tarus ngariak teke waling takam."²⁴ Balalu, Io nuing dan sawada, "Uki ekat nautus pa babiri-babiri sa jawoh teke umat Israel." ²⁵ Kamulek, wawe iro hawi dan isudu gi muka Yesus, wadane, "Tuhan karawahleh uki!" ²⁶ Kude, Yesus nuing dan sawada, "Bakoi maasus ngepo rute na kanapea dan nawut ne mpah eteng-eteng."²⁷ Wawe iro nuing, "Tuu, Tuhan, kude eteng-eteng iro kuman puting-puting sa lawu teke meja tuanne." ²⁸ Kamulek, Yesus sawada mpah io, "Hai wawe, imanko idu! jarileh pa iko kala kisidienko." Tawuk iro pada, pea wawene na samare. Yesus Nyamare Rama Ulun²⁹ Yesus tulak teke raha, mulupui hiring danau Galilea. Dan, ukah ngabai pa obo wungkur, Io maharung gi raha. ³⁰ Kamulek, kumpulan idu ulun hawi mpah-Io, ngoit ulun-ulun sa lumpuh, cacat, pehe, muna, dan ulun rama lainne. balalu, reo nungkubis ulun-ulun iro gi poo Yesus dan Io nyamare reo, ³¹ hampe ulun rama iro manga hentek reo kite sa muna bapaner, sa cacat na samare, sa layah malan, dan sa pehe kite. Dan, reo nawat Allatala Israel. Yesus ngundru Pongokan Mpah Lewi teke Opat Ribu Ulun³² Balalu, Yesus mowa murid-murid-Ne dan sawada, "Uki paahi palelu nadap ulun-ulun itu ket reo haut baya-Uki sa ohang tolu ondro dan koi oeng pongokan. Dan, Uki bakoi sidi nyuyu reo buli kala,u numpan reo bakoi tariah huang pajalanan." ³³ Kamulek, kawan murid sawada mpah-Io, "Teke hawe takam sagar kaiyuh rute sa rama gi duloi suni itu namosing ulun sa tuu rama itu." ³⁴ Yesus nunti mpah reo, "Pire rama rute sa naan gi iko?" Reo nuing, "Pitu, dan papire kenah odik." ³⁵ Balalu, Yesus nyuyu ulun rama iro maharung gi tana.³⁶ Kamulek, Io ngepo kapitu rute andri kenah-kenah iro. Dan, nelang ngontuh syukur, Io nyanarai-nyanaraine, dan ngundrune pa murid-murid-Ne, dan murid-murid-Ne ngundrune pa ulun rama iro. ³⁷ Reo kahai kuman dan na tomosing. Balalu, reo ngepo puting-puting kawan sisa, naan pitu karanyang ponu. ³⁸ Reo sa kuman naan opat ribu ulun upo, bakoi tamasuk wawe dan kanapea. ³⁹ Ukah nyuyu ulun rama iro buli, Yesus masuk mpah jokong dan tulak mpah daerah Magadan.

Chapter 16

¹ Kamulek, ulun-ulun Farisi dan Saduki hawi pakai mansuba Yesus. Reo ilako numpan Yesus ngampi ite mpah reo suatu tanda teke surga. ² Kude, tuing Yesus, "Tawuk tiba kamalom, iko sawada, 'cuaca cerah et langit mea.'³ Dan, gi pita ondro, 'Ondro itu sagar naan riwut mehet et langit mea dan sirom.'Iko kutue nokolo ngabalain wangun langit, kude bakoi kuule ngabalain tanda-tanda zaman. ⁴ Suatu generasi sa jahat dan pezinah itu nuntut erang kaua tanda, kude erai tandapun bakoi sagar na ondru mpah io, kasuali tanda Nabi Yunus. "Balalu, Io nanan reo dan tulak. Penjelasan neo Ragi Ulun Farisi dan Saduki⁵ Hentek murid-murid hampe gi ipai danau, reo tayu ngoit rute. ⁶ Dan, Yesus sawada mpah reo, "Perhatikan dan waspada nadap ragi ulun-ulun Farisi dan kawan Saduki." ⁷ Dan, reo malai bapaner hal iro gi suan reo raerai dan sawada, "Itu et takam bakoi ngoit rute." ⁸ Kude, Yesus kutue hal iro dan sawada, "Hai ulun sa kurang iman, uah inun iko maner ne gi suan iko raerai neo bakoi oeng rute?⁹ Inunkah iko tatap mete kataru dan pada bakoi kiitung neo dimo rute pakai dimo ribu ka ulun, dan papire rama karanyang sisane sa iko kumpul? ¹⁰ Atau, pitu rute pakai opat ribu kaulun, dan papire rama karanyang sisane sa iko kumpul?¹¹ Nokolokah iko bakoi kataru bahwa Uki bakoi ganyah bapaner mpah iko neo rute? Kude, waspadalah nadap ragi ulun-ulun Farisi dan kawan Saduki." ¹² Kamulek, reo kataru bahwa Io bakoi nyawada pakai hati-hati nadap ragi rote, kude nadap ajaran ulun-ulun Farisi dan kawan Saduki. Yesus adalah Mesias¹³ Hentek Yesus hampe gi daerah Kaisarea Filipi, Io nunti mpah murid-murid-Ne, "Manurut papaneran ulun, hiekah Pea Murunsia iro?" ¹⁴ Reo nuing, "Papire nyawada Yohanes Pembabtis, sa lain nyawada Elia, dan sa lain kia nyawada Yeremia, atau salah satu teke kawan nabi." ¹⁵ Balalu, Yesus nunti mpah reo, "Kude, manurutko, hiekah Uki itu?" ¹⁶ Simon Petrus nuing, "Iko adalah Mesias, Pea Allatala sa wolum!"¹⁷ Yesus sawada mpah io, "Naberkatileh iko, Simon Pea Yunus, ket bakoi lunok dan raya sa nyawada itu mpah iko, malahan Uma-Ku gi sorga. ¹⁸ Dan, Uki pada nyawada mpah iko bahwa iko adalah Petrus. Dan, gi bawo watu itu, Uki sagar nubuan jemaat-Ku dan manamang-manamang Hades bakoi sagar menguasaine.¹⁹ Uki sagar ngundru iko kunsi-kunsi Kerajaan Surga. Dan, inunpun sa iko suruk gi bumi sagar ta suruk gi surga. Dan, inunpun iko tongkosit gi bumi sagar nakosit gi surga." ²⁰ Balalu, Yesus ngampi itung murid-murid pakai bakoi bara pa hie-hie bahwa Io adalah Mesias. Yesus Bara neo Pampate-Ne²¹ Teke tawuk iro, Yesus malai nantarang mpah murid-murid-Ne bahwa Io harus tulak mpah Yerusalem dan sansara rama hal teke kawan tua-tua, imam-imam kapala, maupun ahli-ahli Taurat, balalu na wunu dan nabangkitkan gi ondro katolu. ²² Kamulek, Petrus nyujut Yesus pa hila nagur Io, dan sawada, "Tuhan, kirane Allatala nongkoro hal itu teke Iko! Hal itu bakoi sagar suah terjadi pa-Iko." ²³ Kude, Yesus iwaleng dan bapaner mpah Petrus, "Enyahlah teke muka-Uki, hai Iblis! Iko adalah watu sandungan pa-Uki ket iko bakoi manatapkan pikiranko mpah hal-hal teke Allatala, malainkan hal-hal teke murunsia."²⁴ Kamulek Yesus sawada mpah murid-murid-Ne, "Amun naan sa sidi baya Uki, io harus menyangkal tongane raerai, mikul salibne, dan baya Uki. ²⁵ Ket hie sa sidi nyalamat hengone sagar kajawohan hengone. Kude, hie sa kajawohan hengone et Uki, io sagar kaiyuhne. ²⁶ Inun untungne amun erang kaulun kiyuh katuluh dunia, kude kajawohan hengone? Atau, inun sa tau na undru erang kaulun pakai nganti hengone?²⁷ Et, pea Murunsia sagar hawi huang kemuliaan Uma-Ne baya andri kawan malaikat-Ne dan kamulek sagar mambalas satiap ulun manurut gawianne. ²⁸ Uki nyawada sa bujurne mpah iko, naan papire kaulun sa sokondrong gi itu sa bakoi sagar kiinam pampate hampe reo kite Pea Murunsia hawi huang Kerajaan-Ne."

Chapter 17

¹ Onom ondro kamulek, Yesus nuntut Petrus, Yakobus, andri Yohanes, pulaksanai Yakobus, dan ngoit reo ngabai mpah gunung sa obo andri sara raerai. ² Balalu, Yesus baubah rupa gi muka reo. wae-Ne mara,ai yalah mato ondro dan pama-Ne jari wura basahaya.³ Dan, ite, patantarangleh mpah reo Musa dan Elia, rahat bapaner andri Yesus. ⁴ Petrus sawada mpah Yesus, "Tuhan, adalah maasus pa takam pakai naan gi itu, uki sagar nyokondrong tolu kemah gi itu, erai pa-Iko, erai pa musa, dan erai pa Elia."⁵ Hentek Petrus masih bapaner, erang kaua awan sa maraai nyalinung reo, dan ite, naan lengan teke huang awan iro sa nyawada, "Itulah Pea-Ku sa Nakalelu, mpah-Io Uki berkenan. Sondrongoileh Io." ⁶ Hentek murid-murid korongoi itu, reo pasudu andri wae hampe pa tana dan tuu gaer. ⁷ Kude, Yesus hawi dan nyantuk reo, wada-Ne,"Buanleh ada gaer." ⁸ Hantek reo ngangkat mato reo, reo bakoi kite hiepun, kasuali Yesus raerai.⁹ Hentek reo dolui teke gunung, Yesus nyuyu reo, wada-Ne,"Ada nasarita panginteen itu pa hie pun hampe Pea Murunsia na bangkitkan teke suan ulun mate." ¹⁰ Dan, murid-murid nunti mpah-Io, "Balalu, uah inun ahli-ahli Taurat sawada bahwa Elia harus hawi lewi pono?"¹¹ Yesus nuing, "Elia memang hawi lewi pono dan sagar memulih kahai sesuatu. ¹² Kude, Uki sawada mpah iko bahwa Elia haut hawi, kude reo bakoi kataru io dan memperlakukanne manurut ahong reo. Miiro pada Pea Murunsia sagar sansara gi longon reo." ¹³ Kamulek, kawan murid kataru bahwa Io bapaner mpah reo neo Yohanes Pembaptis. Erang kaulun Pea Nabebaskan teke Roh Jahat¹⁴ Hentek Yesus andri murid-murid mulek mpah ulun rama, erang ka ulun upo hawi mpah Yesus andri nyudu ulok katuk gi muka-Io nelang sawada, ¹⁵ "Tuhan, paleluleh pea ku et io rapoi unik dan tuu menderita. Io gaha lawu pa huang apui dan pa huang ranu. ¹⁶ Uki haut ngoitne mpah murid-murid-Ko, kude reo bakoi tau nyamare io."¹⁷ Yesus nuing, Hai, iko sa generasi bakoi harap dan tawang! papire ohang kia Uki sagar duloi baya iko? Papire ohang kia Uki harus basabar nadap iko? Oitleh pea iro mpah-Uki." ¹⁸ Maka Yesus merebentem roh jahat iro hampe kaluar teke napea upo iro, dan pea iro ware tawuk iro pada.¹⁹ Kamulek kawan murid hawi mpah Yesus, hentek reo raerai andri-Io dan nunti, "Uah inun kain kain bakoi kaiyuh ngunur roh jahat iro?" ²⁰ Wada-Ne mpah reo, "Ket imanko sa odik. Uki sawada sa bujurne mpah iko, amun iko naan iman sa idu liki sasawi, maka iko kiyuh bapaner mpah gunung itu,'Pindahleh teke duloi itu mpah raha!' dan gunung itu sagar pindah. Koi oeng sa mustahil pa iko. ²¹ (Kude, roh jahat sa masam itu ekat tau na unur andri lakodua dan puasa.") Yesus Bapaner neo Pampate-Ne²² Hentek Yesus dan murid-murid-Ne rahat bakumpul gi wilayah Galilea, Io bapaner mpah reo, "Pea Murunsia sagar nasarah mpah huang longon murunsia, ²³ dan reo sagar munu-Ne, dan Io sagar na bangkitkan gi ondro sa katolu." Dan, kawan murid-Ne jari tuu sedih. Pangajaren neo Bayar Pajak²⁴ Hentek reo hampe gi Kapernaum, kawan pangumpul pajak ruo dirham hawi pa Petrus dan nunti, "Inunkah guruko bakoi bayar pajak ruo dirham?" ²⁵ Petrus nuing, Oi."Hentek io masuk mpah huang lowu, Yesus lewi pono bapaner pa io, "Nokolo pandapatko, Simon? Teke hiekah raja-raja itu nagis bea dan pajak? Teke kanapeane atau teke ulun lain?"²⁶ Hentek Petrus nuing, "Teke ulun lain,"Yesus sawada pa io,"Amun miiro, kana peane bebas. ²⁷ Kude, numpan takam bakoi manyinggung reo, tulakleh mpah danau dan lampileh wintan. Epoleh kenah sa malai timul dan hentek iko nguka wawane, iko sagar kahong sekeping stater. Epoleh duit iro dan undru pa reo, pa-Uki dan pa iko."

Chapter 18

¹Tawuk iro murid-murid hawi mpah Yesus dan nunti, "Hiekah sa paling Idu huang Kerajaan Surga?" ² Balalu, Yesus bowa erang kaulun anapea mpah-Io, dan nganak io gi suan-suan reo, ³ dan sawada, "Uki nyawada sa bujurne mpah iko, kasuali iko batobat dan jari kala anapea, iko bakoi sagar masuk mpah huang Kerajaan Surga.⁴ Hie sa nyaranah tongane kala anapea itu adalah sa paling idu huang Kerajaan Surga. ⁵ Dan, hie sa narime anapea odik kala sa erai itu huang ngaran-Ku, io narime Uki." Peringatan neo Panyabab Dosa ⁶ "Kude , hie sa nyantawang erang kaulun teke anapea odik sa harap mpah-Uki itu, lewi maasus pa io amun erang kaua watu kilangan na gagueng pa wiung ne dan na sonjohor mpah laut sa panga lalom.⁷ Salakaleh dunia ket panyantawang-panyantawang sa naan gi huang ne! Et, panyantawang memang harus terjadi, kude, slakaleh ulun sa ngampi hawine. ⁸ Amun longon atau poo ko ngulah iko badosa, totok dan umpeleh iro. Lewi maasus pa iko masuk pa huang wolum andri longon sa pogong atau kepa teke naan ruo longon dan ruo poo, kude na umpe pa huang apui kekal.⁹ Amun mato ko ngulah iko badosa, garuit dan umpeleh iro. Lewi maasus iko masuk pa huang wolum andri erai mato, teke naan ruo mato kude na umpe pa huang neraka apui."¹⁰ "Perhatikanleh, ada iko meremehkan erai teke anapea odik itu. Sabab, Uki sawada mpah iko bahwa malikat-malaikat reo gi surga saratang nginte wae Uma-Ku sa gi surga. ¹¹( Ket, pea Murunsia haut hawi neo manyalamat ulun sa jawoh.) Paumpama neo Babiri sa Jawoh¹² Nokolo manurut iko? Amun erang kaulun naan 100(jatuh) babiri, kude erai teke reo tawang, bakoi kah ulun iro nanan sa 99(suei pulu suei) gi gunung dan tulak neo ngeto erai sa tawang iro? ¹³ Dan, amun io kahongne, sesungguhne Uki nyawada mpah iko, io lewi baarai mihewu bawo erai sa tawang iro teke 99(suei pulu suei) sa bakoi tawang. ¹⁴ Mihie pada, bakoileh kabahumen Umako sa gi surga amun erang kaulun teke pea-pea odik itu binasa." Manasehati Ulun sa Bahala¹⁵ "Amun pulaksanaiko badosa, tulak dan tutuileh kahalaen ne, iko dan io raerai ai. Amun io nyondrongoi iko, iko haut kaiyuh pulaksanaiko. ¹⁶ Kude, amun io bakoi nyondrongoi iko, ayakleh erai atau ruo ulun kia baya iko pakai andri wawa teke ruo atau tolu ulun saksi, satiap papaneran na tetepkan.¹⁷ Amun io menolak neo nyondrongoi reo, wadaleh hal iro mpah jemaat. Dan, amun io bahkan manolak neo nyondrongo jemaat, ingkehleh io jari yalah bangsa-bangsa dan pangumpul pajak.¹⁸ Uki sawada sa bujurne mpah iko bahwa inun sa iko suruk gi bumi sagar ta suruk gi surga. Dan, inun sa iko lapas gi bumi sagar talapas gi surga." ¹⁹ Hindra kia, Uki sawada mpah iko bahwa amun ruo kaulun gi suan iko sapakat gi bumi neo sesuatu sa reo lako, hal itu sagar terjadi pa reo ulah Uma-Ku sa naan gi surga. ²⁰ Et, gi duloi ruo atau tolu kaulun bakumpul baya huang ngaran-Ku, Uki naan gi suan-suan reo. Parumpamaan neo Pangampunen²¹ Kamulek, Petrus hawi pa Yesus dan nunti, "Tuhan, pire gaha seharusne uki ngampun pulaksanaiku sa badosa nadap uki? Hampe 7(pitu) kali?" ²² Yesus sawada pa io, "Uki bakoi nyawada mpah iko hampe pitu kali.²³ Ket iro, Kerajaan Surga na umpamakan yalah erang kaulun raja sa mengadakan parekenan andri kawan walah ne. ²⁴ Hentek io malai ngulah parekenan, ulun sa bautang sa idu10.000 talenta na oit mpah io. ²⁵ Ket io bakoi sanggup bayar, tuanne nyuyu pakai io na ari, andri wawen dan kawan pea-peane, pada kahai ompunne, dan andri iro pabayaren na lakukan.²⁶ Maka, walah iro pasudu dan nyamah tuanne, wadane, 'Basabarleh mpah uki dan uki sagar bayar kahaine mpah iko.' ²⁷ Kamulek, tuan teke walah iro paahi palelu, dan ngampi bebasne, dan ngundru ampunan bawo utangne iro.²⁸ Kude, hentek walah iro kaluar dan kahong andri walah lain sa ba utang 100 (jatuh) dinar mpah io, io nyama nelang ngeat walah iro, dan sawada, 'Bayar kamulek duit sa na ihauko teke uki!' ²⁹ Maka walah sa bautang iro isudu dan ilako mpah io, wadane,'Basabarleh mpah uki dan uki saar bayar kahaine mpah iko.'³⁰ Kude, io koi narime dan nyui iangne iro pa penjara hampe io iro kaiyuh melunasi kahai utangne. ³¹ Hentek walah-walah sa lain kite kejadian iro, reo jari tuu mahanang ate balalu hawi dan malapor mpah tuanne neo kahai sesuatu sa terjadi.³² Kamulek, tuanne bowa walah sa pertama iro dan sawada pa io, 'Iko walah sa jahat. Uki ngampun kahai utangko ket iko ilako mpah uki. ³³ Bakoi kah iko seharus ne ka ampun ahi lelu, mpah sasamehko walah, kala uki pada ukah nutui ahi lelu mpah iko?'³⁴ Dan, tuanne, andri ponu kasangiten, manyarahne mpah kawan panyiksa hampe io kaiyuh bayar mulek kahai sa na piihau mpah io. ³⁵ Uma-Ku gi surga pada sagar ngulah hal sa samehmpah iko, amun iko bakoi ngampuni pulaksanaiko teke huang ateko."

Chapter 19

¹ Hentek Yesus haut nyunuput papaneran-papaneran itu, Io barangkat teke Galilea dan hampe gi wilayah Yudea, gi ipai sunge Yordan. ² Dan, himpunan idu ulun rama ngapung-Io, dan Io nyamare reo gi raha.³ Papire ulun Farisi hawi mpah Yesus neo nyuba Io dan nunti, "Inunkah na ampi uah pa upo neo nyansarak wawenne andri papire alasan?" ⁴ Balalu, Yesus nuing dan sawada,"Bakoikah iko mambasa bahwa Io, sa ngulah reo teke asal, ngulah reo upo dan wawe,⁵ dan Io bafirman, ket iro upo harus nanan umane dan inene, dan jari erai andri wawenne, dan karuo ne iro jari erai tonga'? ⁶ Jari, reo bakoi kia ruo, melainkan erai tonga. Ket iro, inun sa haut na ampi erai Allatala, murunsia bakoi iyuh nampisahne."⁷ Reo sawada mpah Yesus, "balalu,uah inun Musa nyuyu neo ngundru surat sarak dan nyansarak wawen?" ⁸ Yesus sawada mpah reo,"Ket kakapeen ate ko, Musa ngizin iko nyansarak wawen ko. Kude, gi awal ne bakoi lah mihie. ⁹ Dan, Uki sawada mpah iko bahwa hie sa nyansarak wawen ne, kasuali ket zina, balalu menikah andri wawe lain, io bazina."¹⁰ Murid-murid sawada mpah Io, "Amun yalah itu halne huong andri wawenne, lewi maasus bakoi menikah." ¹¹ Kude, Yesus sawada mpah reo, "Bakoi kahai ulun ta,u narime papaneran itu, kasuali reo sa na karuniai. ¹² Sabab, naan ulun sa bakoi menikah ket memang nakayaan miiro teke rahim ine ne, dan naan ulun sa bakoi menikah ket na ampi tamanang ulah ulun lain, dan naan pada ulun sa tamanang et namanang tonga ne raerai demi Kerajaan Surga. Hie sa kaiyuh narime hal itu, ikehleh io narimene."Yesus dan anapea-anapea odik¹³ Kamulek, papire pea odik na oit mpah-Io numpan Io kaiyuh ngingkeh longon-Ne bawo pea-pea iro dan laku doa pa reo.Kude, murid-murid ngiai ulun-ulun iro. ¹⁴ Kude, Yesus sawada, "Ikehleh kana pea odik iro. Ada nahalang reo hawi pa-Uki sabab sa ka ampun Kerajaan Surga adalah ulun-ulun yalah kanapea odik itu." ¹⁵ Ukah Yesus ngingkeh longogn-Ne bawo pea-pea iro, Io tulak teke iro. Nokolo Kaiyuh Wolum Kekal?¹⁶ Kamulek, hawilah erang kaulun mpah Yesus dan nunti, "Guru, hal maasus inun sa harus uki gawi pakai kaiyuh wolum sa kekal?" ¹⁷ Dan, Yesus sawada mpah ulun iro, "Uah inun iko nunti mpah-Uki neo inun sa maasus? Ekat naan Erai sa maasus. Kude, amun iko hamen masuk mpah huang wolum, taatileh huyuan-huyuan iro."¹⁸ Ulun iro nunti mpah Yesus,"Huyuan sa awe?" 'Jawab Yesus, "Ada munu, ada bazina, ada ngalat, ada ngundru kasaksian palsu atau po'ojo, ¹⁹ hormatilah umako dan ineko, dan paahileh sasameh ko murunsia yalah tongako raerai."²⁰ Ulun uro iro sawada mpah-Io, "Kahai hal itu haut uki taati, inun kia sa masih kurang?" ²¹ Yesus sawada mpah io, "Amun iko sidi puruna, tulak dan arileh kahai sa iko miliki. Balalu, undruleh mpah ulun pu'ua dan iko sagar kaampun harata gi surga, dan hayu bayaleh Uki." ²² Kude, hentek ulun uro iro korongoi pernyataan itu, io tulak andri mahanang ate ket io tu'u tatau.²³ Balalu, Yesus sawada mpah murid-murid-Ne, "Uki sawada sa bujurne mpah iko, mahadin mpah ulun tatau masuk mpah huang Kerajaan Surga. ²⁴ Hindra kia, Uki nyawada mpah iko bahwa lewi murah pa erang kaukui unta pakai metah luang piloh teke ulun tatau masuk mpah huang Kerajaan Allah."²⁵ Hentek kawan murid korongoi papaneran iro, reo jari tu'u waoh dan sawada, "Amun miiro, hie sa tau na salamatkan?" ²⁶ Nelang nginte reo, Yesus sawada, "Andri murunsia, hal itu mustahil, kude andri Allah, kahai hal itu mungkin." ²⁷ Kamulek, Petrus sawada mpah-Io, "Iteleh, kain haut nanan kahaine dan notah Iko. Jari, inun sa sagar kain tarime?"²⁸ Dan, Yesus sawada mpah reo, "Uki bapaner sa bujurne mpah iko bahwa iko, sa notah Uki huang dunia wayu, hentek Pea Murunsia maharung gi takhta piidu-Ne, iko pada sagar maharung gi bawo ruo walas takhta neo menghakimi ka ruo walas suku Israel.²⁹ Dan, satiap ulun sa haut nanan lowu, pulaksanai upo, pulaksanai wawe, uma, ine, kanapea, atau umone ket ngaran-Ku sagar narime jatuh kali lipat dan sagar mawarisi wolum sakekal. ³⁰ Kude, rama ulun sa pangamalai sagar jari sa pijumpuhan, dan sa pijumpuhan sagar jari sa pangamalai."

Chapter 20

¹ "Et, Karajaan Surga adalah yalah sa kaampun kabun anggur sa pita tuu tulak pakai ngeto pagawi-pagawi neo kabun anggurne. ² Hentek io haut mapakat andri kawan pagawi iro pakai sedinar erang ondro, io nyuyu reo pa kabun anggurne.³ Dan, kir-kira gi jam tolu io tulak dan nginte sa lainne ganyah sokondrong koi oeng ulah gi duloi umum. ⁴ Balalu, io sawada mpah reo, 'Iko, tulak leh pada pa kabun anggur dan inun sa pantas sagar uki undru pa iko. 'Dan, reo pun tulak.⁵ Hindra kia, sakitar jam ka onom dan jam kasuei io tulak dan ngulah hal sa sameh. ⁶ Dan, kira-kira gi jam kasawalas, io tulak dan kahong sa lainne ganyah sokondrong dan io sawada mpah reo, 'Uah inun iko sokondrong gi itu koi oeng ulah sapanyang ondro?' ⁷ Reo sawada mpah io, 'Ket mete oeng sa ngampi gawi kain.' Kaampun kabun iro sawada mpah reo, 'Iko, tulak pada pa kabunku.'⁸ Hentek ondro malai kamlom, kaampun kabun iro sawada pa manorne, 'Bowalah kawan pagawi dan bayar pa reo upa ne, na malai teke panyumpuh hampe sa pertama.' ⁹ Hentek reo sa na ampi gawi gi jam kasawalas, hawi, masing-masing narime 1(erai) dinar. ¹⁰ Hentek reo sa na ampi gawi pertama kali, hawi, reo ngakira sagar narime lewi rama. Kude, reo masing-masing pada narime 1(erai) dinar.¹¹ Hentek narime ne,reo protes mpah kaampun kabun. ¹² Reo sawada, 'Ulun-ulun sa masuk panyumpuh ekat bagawi 1 jam, dan iko ngulah reo sameh andri kain, sa haut nangung beban dan layong erang ondro.'¹³ Kude, kaampun kabun iro nyawab dan sawada pa erai teke reo, 'Pulaksanai, uki bakoi bahala pa iko. Bakoi kah iko haut mapakat andri uki erai dinar? ¹⁴ Epo leh nuko dan tulakleh, kude uki sidi ngundru pa ulun sa terakhir itu, sameh yalah pa iko.¹⁵ Inunkah uki bakoi na ampi uah neo ngulah inunpun sa uki sidi nadap nuku raerai? Atau, inunkah mato ko jahat ket uki maasus?' ¹⁶ Jari, sa panyumpuh sagar jari sa malai, dan sa malai sagar jari sa panyumpuh." Yesus Bapaner Kia neo Pampate-Ne¹⁷ Hentek Yesus sagar tulak mpah Yerusalem, Io ngoit ruo walas murid-Ne sacara tapisah. Huang perjalanan, Io bapaner mpah reo, ¹⁸ "Iteleh, takam rahat nuju Yerusalem dan Pea Murunsia sagar na sarah mpah imam-imam kepala dan ahli-ahli Taurat. Reo sagar nukum-Ne andri pampate. ¹⁹ Balalu, reo sagar nyarah Io mpah bangsa-bangsa lain neo ngesese, nyambuk, dan nyalib-Ne. Dan, gi ondro katolu, Io sagar na bangkitkan." Palakuan Ine teke Pea-Pea Zebedeus²⁰ kamulek, ine teke pea-pea Zebedeus andri pea-peane hawi mpah Yesus dan isudu pakai ilako sesuatu mpah Yesus. ²¹ Dan, Yesus sawada mpah io, "Inun na aheng ko?" Ine iro nuing, "Suyuleh pakai karuo pea ku iyuh maharung huang Kerajaan-Ko, erai gi hila kawan-Ko dan erai gi hila kewi-Ko."²² Kude, Yesus nuing, "Iko bakoi kataru inun sa iko lako. Inunkah iko sanggup minum teke cawan sa harus Uki minum?" Reo sawada mpah Yesus, "Oi, kain sanggup." ²³ Yesus sawada mpah reo, "Iko memang sagar minum teke cawan-Ku, kude neo maharung gi kawan-Ku atau gi kewi-Ku, bakoilah hak-Ku ngundru ne, malahen mpah reo sa haut na persiapkan daya Uma-Ku." ²⁴ Hentek sapuluh murid korongoine, reo sangit pa karuo pulaksanai iro.²⁵ Kude, yesus bowa reo dan sawada, "Iko kotoe bahwa kawan penguasa bangsa-bangsa lain mamarentah bawo reo, dan ulun-ulun idu reo menjalankan wawenag bawo reo. ²⁶ Seharusne bakoi mihie gi suan iko, kude hie sa sidi jari idu gi suan iko, io harus jari palayanko. ²⁷ Dan, hie pada sa sidi jari sa pertama gi suan iko, io harus jari hamba ko, ²⁸ sameh yalah Pea Murunsia sa hawi bakoi neo na layani, kude neo melayani dan ngundru nyawa-Ne jari tewuhan pa ulun rama." Ruo Ulun Pehe Na samare²⁹ Dan, hentek reo nanan Yerikho, karumunan idu ulun ngapung-Io. ³⁰ Dan, ruo ulun pehe sa ganyah maharung gi hiring lalan, hentek reo korongoi bahwa Yesus metah, reo bowa, "Tuhan Pea Daud, paleluleh kain!" ³¹ Ulun rama nagur reo numpan reo suni. Kude, reo magin mehet ngariak , "Tuhan, Pea Daud, paleluleh kain!"³² Balalu, Yesus mihindroi dan mowa reo. Io sawada, "Inun sa iko sidi Uki ngulah pa iko?" ³³ Reo sawada mpah-Io, "Tuhan, kain sidi mato kain na uka." ³⁴ Yesus tagarak ulah ahi lelu mpah reo, dan manjamah mato reo, dan tawuk iro pada reo narime panginteen ne mulek, dan ngapung Yesus.

Chapter 21

¹ Hentek reo haut riet andri Yerusalem dan haut hampe gi Betfage, gi wungkur Zaitun, Yesus ngutus ruo ulun murid-Ne; ² Wada-Ne pa reo, "Tulakleh mpah desa sa naan gi mika ko, dan iko sagar palus kahong erang ka ukui keledai pa suruk dan erang kaukui pea keledai baya io. Lapas surukan reo dan oit karuone mpah-Uki. ³ Amun naan ulun sa bapaner sesuatu mpah iko, iko harus sawada, 'Tuhan memerlukan ne,' dan io sagar palus ngirimne."⁴ Hal itu jari pakai tagenapi inun sa nawada kawan nabi: ⁵ "Wadaleh pa putri Sion, 'Iteleh Raja ko hawi pa iko, ranah ate, dan nyungket erang kaukui keledai uro, pea teke keledai beban.⁶ Murid-murid tulak dan ngulah kala sa haut Yesus suyu mpah reo. ⁷ Reo ngoit keledai baya pea keledai iro, dan ngingkeh jubah-jubah reo gi obo keledai-keledai iro, dan Yesus maharung gi bawo ne. ⁸ Sebagian idu teke ulun rama iro namak jubah-jubah reo gi lalan, dan sa lain ne notok jangkeng-jangkeng kayu balalu namur ne gi lalan.⁹ Rama ulun malan gi muka-Ne dan reo sa ngapung-Ne bowa, "Hosana pa Pea Daud! 'Naberkatileh Io sa hawi huang ngaran Tuhan.' Hosana gi duloi sa obo!" ¹⁰ Hentek Yesus masuk Yerusalem, kahai kota na gemparkan. Reo nunti, "Hiekah Io itu?" ¹¹ Dan, ulun rama iro nuing , "Io adalah Nabi Yesus, teke Nazaret gi Galilea." Yesus Marasis Bait Allah¹² Balalu, Yesus masuk pa Bait Allah dan ngunur ulun-ulun sa ganyah maari,an gi Bait Allah, balalu maleng meja-meja pahurupan duit dan bangku-bangku reo sa ngari wurung-wurung merpati. ¹³ Io sawada mpah reo, "Haut tatulis, 'Lowu-Ku sagar na ontuh lowu doa,' kude iko ngulahne jari hanai kawan parampok."' ¹⁴ Dan, ulun sa pehe andri sa layah hawi mpah-Io gi Bait Allah, balalu Io nyamare reo.¹⁵ Kude, hentek kawan imam kepala dan ahli-ahli Taurat kite mukjizat-mukjizat sa haut na ulah Yesus dan kite kanapea sa berseru huang Bait Allah, "Hosana pa Pea Daud,"reo jari sangit. ¹⁶ Balalu, reo nunti mpah Yesus, "Inunkah Iko korongoi inun sa nawada kanapea itu?" Dan, Yesus nuing reo, "Oi. Mete suahkah iko mambasa, 'Teke wawa gena-gena dan kanapea-kanapea sa omo, Iko haut nyadia nyanyian pakai tonga-Ko raerai.'?" ¹⁷ Kamulek, Yesus nanan reo dan kaluar teke kota iro pa Betania dan onsan gi raha. Yesus Nutui Kuasa Iman¹⁸ Tataha, gi pita ondro, hentek Yesus mulek mpah kota, Io jari kala,u. ¹⁹ Dan, hentek kite kakau ara gi hiring lalan, Io notah ne dan bakoi kaiyuh inun-inun, kasuali raon-raonne. Dan, Io sawada mpah kakau iro, 'Bakoi sagar suah naan ua kia teke iko hampe hampe kunguhang-nguhangne!" Tawuk iro pada, kakau ara iro jari karing.²⁰ Hentek murid-murid kite hal itu, kawan murid waoh dan nunti, "nokolo kakau ara iro karing hentek iro pada?" ²¹ Dan, Yesus nuing reo, "Kapinu,u ne Uki sawada mpah iko, amun iko naan iman dan bakoi bimbang, iko bakoi sagar ekat ngulah inun sa na ulah nadap kakau ara itu, bahkan amun iko sawada mpah gunung itu, 'Ta engkatleh dan ta campakleh pa huang laut,'hal iro sagar terjadi. ²² Dan, kahai sesuatu sa iko lako huang doa, harapleh, iko sagar narime ne." Pamimpin Yahudi Raragu Kuasa Yesus²³ Hentek Yesus masuk bait Allah, kawan imam kapala dan kawan muntuo-tuo bangsa Yahudi hawi mpah-Io sementara Io ganyah ngajar dan nunti, "Andri kuasa inunkah Iko ngulah hal-hal itu? Dan, hiekah ngundru Iko kuasa itu?" ²⁴ Yesus nuing reo, "Uki pada sagar nunti erai hal mpah iko, amun iko tau nyawab ne, uki pada sagar bara pa iko andri kuasa inun Uki ngulah kahai hal itu.²⁵ Teke hawekah baptisan Yohanes? Teke surga atau teke murunsia? Dan, reo malai bapaner gi suan reo raerai, wadane,"Amun takam nyawada, Teke Surga,'Io sagar sawada amun miiro, uah inun iko bakoi harap mpah Yohanes?' ²⁶ Kude, amun takam nuing, 'Baasal teke murunsia.'Takam takut mpah ulun rama et reo kahai nganggap Yohanes adalah nabi." ²⁷ Maka reo nuing Yesus, "Kain bakoi kotoe." Dan, yesus sawada, "Amun miiro, Uki pada bakoi sagar bara pa iko andri kuasa inunkah Uki ngulah hal-hal itu." Perumpamaan neo Ruo Kaulun Anapea²⁸ "Balalu, inun pandapatko? Naan ulun sa naan ruo kaulun pea upo, dan io hawi mpah sa pertama dan sawada, 'Peaku, tulak dan bagawileh ondro itu gi kabun anggur.' ²⁹ Dan, io nuing, 'Oi, Uma,' kude ukah iro io bakoi tulak. ³⁰ Kamulek uma iro tulak mpah sa karuo dan sawada hal sa sameh. Pea iro nuing, 'bakoi hakun,' kude io manyasal dan tulak.³¹ Hiekah teke karuo anapea iro mamatuhi uma ne?" Reo sawada, "sa terakhir." Yesus sawada mpah reo, "Sabujurne, uki sawada mpah iko bahwa kawan pangumpul pajak dan palacur-palacur sagar masuk mpah huang Kerajaan Allah nompono iko. ³² Ket, Yohanes hawi mpah iko huang lalan kapinuu dan iko bakoi harap, kude, kawan pangumpul pajak dan palacur-palacur persaya. Dan, iko, hentek kite hal itu bahkan bakoi manyasal ukah ne sehingga iko ta,u mempersayaine." Perumpamaan neo Kaampun dan Panyewa Kabun Anggur³³ "Rongoileh perumpamaan sa lainne. Naan kaampun kabun sa bulo erang ka ua kabun anggur, dan masang pagar gi kalilingne, dan ngali duloi mian anggur, dan nyokondrong manara. kamulek, io ngampi sewa kabun anggur ne mpah papire patani, dan io barangkat mpah luar negeri. ³⁴ Hentek musim ua kai hampe, io ngutus walah-walahne pa patani-patani iro neo narime ua ne.³⁵ Dan, kawan patani nyama kawan palayan iro dan mungkong sa erai, dan munu sa erai, dan sa lainne na pedak andri watu. ³⁶ Hindra kia, kaampun kabun iro nyuyu walah-walahne sa lain, sa lewi rama teke samete ne. Dan, kawan patani iro ngulah hal sa sameh nadap reo. ³⁷ Akhirne, kaampun kabun iro ngutus pea ne mpah reo, wadane, 'Reo sagar menghormati peaku.!³⁸ Kude, hentek kawan patani iro kite peane, reo sawada gi suan reo raerai, 'Io adalah ahli waris , hayu takam munu io dan marampas warisanne.' ³⁹ Balalu, reo nyama pea sa kaampun kabun iro, nawutne mpah luar kabun anggur, dan munune.⁴⁰ Ket iro, hentek kaampun kabun iro hawi, inun sa sagar na ulahne pa kawan patani-patani iro?'' ⁴¹ Reo sawada mpah-Io, "Io sagar membinasakan ulun-ulun jahat iro andri tuu jahat, dan sagar ngampi sewa kabun anggurne pa patani-patani sa lain, sa sagar manyarah mpah io ua-ua gi musim ne."⁴² Yesus sawada mpah reo, "Inunkah iko bakoi suah mambasa huang Buku Barasih: 'Watu sa na umpe daya tukang-tukang bangunan haut jari watu penjuru. Hal itu terjadi teke pihak Tuhan, dan hal itu ajaib gi mato takam'?⁴³ Ket iro, Uki sawada mpah iko, Karajaan Allah sagar na epo teke iko dan sagar na undru mpah ulun-ulun sa menghasilkan ua teke io. ⁴⁴ Dan, hie sa lawu pa obo watu itu sagar na sanarai bakeping -keping; dan hiepun sa ketekan watu itu sagar ramuk."⁴⁵Hentek imam-imam kapala dan ulun-ulun Farisi korongoi perumpamaan-perumpamaan-Ne, reo kataru bahwa Yesus ganyah bapaner neo reo. ⁴⁶ Kude, hentek reo bausaha neo nyama Yesus, reo takut pa ulun-ulun rama ket ulun rama iro nganggap bahwa Yesus adalah nabi.

Chapter 22

¹ Yesus bapaner kia mpah reo huang parumpamaan-parumpamaan, wada-Ne, ² Kerajaan Surga iyuh na umpamakan yalah erang kaulun raja sa ngulah pesta paaduan pakai pea upo ne. ³ Dan, io nyuyu kawan walahne neo bowa ulun-ulun sa haut na undang pa pesta iro, kude reo bakoi hakun hawi.⁴ Balalu, raja nyuyu kia walah-walah sa lainne, wadane, 'Wadaleh pa ulun-ulun sa naundang, Ite, uki haut ngampi siap ondro okan. Lamu-lamu upo dan kawan woluman-woluman molompu kahaine haut na samalis, dan kahaine haut siap. Hawileh pa paaduan itu.'⁵ Kude, reo ngampi lalaine dan tulak, sa erai pa umone, sa lainne pa usahane, ⁶ dan sa lainne nyama walah-walah raja iro, nyiksa dan munu reo. ⁷ Maka, sang raja sangit, dan ngirim tantara-tantarane, ngabinasa pamunu-pamunu iro, dan nutung kota reo.⁸ Kamulek, io sawada mpah walah-walahne, 'Pesta paaduan haut siap, kude ulun-ulun sa naundang itu bakoi layak. ⁹ Ket iro, tulakleh pa lalan-lalan dan undangleh papire naan rama ulun sa kaiyuh iko kahong pa pesta paaduan itu.' ¹⁰ Maka, walah-walah iro tulak pa lalan-lalan dan ngumpul kahai ulun sa reo kahong, sa maasus dan sa jahat. Dan, duloi paaduan iro na tamponu andri kawan tamu.¹¹ Kude, hentek raja masuk neo kahong andri kawan tamune, io kite erang kaulun gi raha sa bakoi makai pama neo pesta paaduan. ¹² Io sawada mpah ulun iro, 'Pulaksanai, nokolo iko tau masuk paitu koi oeng makai pama neo pesta paaduan?' Dan, ulun iro suni.¹³ Kamulek raja iro sawada mpah walahne, 'Surukleh longon andri po,o ne, dan lampi io pa huang pisirom sa panga luar. Gi raha, sagar naan soyar dan girot kukut.' ¹⁴ Ket, rama sa nabowa , kude butit sa napeli," Usaha Pamimpin Yahudi neo Menjabak Yesus¹⁵ Kamulek, ulun-ulun Farisi tulak dan bakomplot pakai reo tau nyuruk Yesus andri papaneran-Ne. ¹⁶ Dan, reo ngutus murid-murid reo mpah Yesus, andri ulun-ulun Herodian. Reo sawada, "Guru, kain kotoe bahwa Iko jujur dan ngajar lalan Allah huang kapinuu ne. Iko bakoi takut mpah hie pun ket iko bakoi nginte wangun. ¹⁷ Amun miiro, wadaleh pandapat-Ko mpah kain. Inunkah uah neo bayar pajak mpah kaisar atau bakoi?"¹⁸ Kude, Yesus kotoe kajahaten reo dan sawada, "Uah inun iko mansuba Uki, hai munafik? ¹⁹ Tantarang leh mpah Uki duit pakai pajak iro." Balalu, reo nyarah erang katipak dinar mpah-Io.²⁰ Dan, Io sawada mpah reo, "Gamar dan tulisan hiekah itu?" ²¹ Reo nyawab,"Kaisar." Kamulek, Yesus sawada mpah reo, "Ket iro, bayarleh pa kaisar hal-hal sa ompun kaisar, dan mpah Allah hal-hal sa ompun Allah." ²² Hentek korongoi ne, reo heran, dan nanan-Io dan tulak. Usaha Ulun Saduki neo Manjabak Yesus²³ Gi ondro sameh, ulun-ulun saduki, sa bapaner bahwa bakoi oeng kebangkitan, hawi mpah Yesus dan nunti mpah-Io. ²⁴ Reo nyawada, "Guru, Musa sawada amun erang kaulun upo mate dan koi oeng pea, pulaksanai upo ne harus paadu andri wawenne dan nampalus katurunen pa pulaksanaine sa mate iro.²⁵ Tataha, naan pitu ipulaksanai gi antara kain. Sapertama paadu dan mate koi oeng pea, dan nanan wawen ne pa pulaksanai ne. ²⁶ Mihie pada andri sa karuo, katolu, hampe sa kapitu. ²⁷ Akhir teke kahaine, wawe iro pada mate. ²⁸ Gi ondro kebangkitan, wawe iro jari wawen hie teke kapitu pulaksanai iro? Ket reo kahai haut paadu andri io."²⁹ Kude, Yesus nuing dan sawada mpah reo, "Iko tawang, bakoi kataru Buku Barasis ataupun kuasa Allah. ³⁰ Ket, gi ondro kebangkitan, reo bakoi paadu ataupun na adu, kode yalah malaikat-malaikat gi surga.³¹ Kude, neo kebangkitan ulun-ulun mate, metekah iko mambasa inun sa haut na paner mpah iko ulah Allah, ³² 'Ukilah Allah Abraham, Allah Ishak, dan Allah Yakub'? Io bakoi Allah ulun mate, melainkan Allah ulun sa wolum." ³³ Hentek ulun rama korongoi hal itu, reo terheran-heran nadap pangajaren-Ne. Hukum Awekah sa Paling Penting?³⁴ Kude, hentek ulun-ulun Farisi korongoi bahwa Yesus haut ngulah ulun-ulun Saduki suni, bakumpullah reo. ³⁵ Kamulek, erai teke reo, erang kaulun ahli Hukum Taurat, nunti mpah Yesus pakai nguji-Ne, ³⁶ "Guru, parentah sa awe sa panga penting huang Hukum Taurat?"³⁷ Dan, Yesus sawada mpah io, "Iko harus malelu Tuhan Allahko andri saganap ateko, dan andri saganap jiwako dan andri saganap pikiranko. ³⁸ Itu adalah parentah sa panga idu dan sa pertama.³⁹ Sa karuo adalah miitu, 'Iko harus palelu sa samehko yalah tongako raerai.' ⁴⁰ Huang karuo parentah itu, tagantung kahai Hukum Taurat dan kitab kawan nabi." Tuntian neo Mesias⁴¹ Tataha, sementara ulun-ulun Farisi bakumpul sasameh, Yesus nunti mpah reo, ⁴² "Nokolo pandapatko neo Kristus? Pea hiekah Io?"Reo sawada mpah-Io, "Pea Daud."⁴³Io sawada mpah reo, "Amun miiro, nokolo Daud, huang Roh, bowa-Ne Tuan', wadane, ⁴⁴ 'Tuhan bafirman mpah Tuanku, "Maharungleh gi hila kawan-Ku, hampe Uki ngingkeh musuh-musuh-Ko gi pida poo ko.'?⁴⁵ Amun Daud bowa Kristus sebagai 'Tuan',nokolo mungkin Io adalah pea Daud?" ⁴⁶ Bakoi erang kaulunpun sa kaiyuh nuing erai katapu mpah-Io. Dan, teke ondro iro, bakoi oeng ulun sa ronu nunti tuntian-tuntian kia mpah-Io

Chapter 23

¹ Kamulek, Yesus bapaner mpah ulun rama dan murid-murid-Ne, ² "Kawan ahli Taurat dan ulun-ulun Farisi maharung gi bawo karusi Musa. ³ Ket iro, kahai hal, sahene reo wada mpah iko, gawileh dan perhatikanleh. Kude, ada ngawi ulah-ulahanne ket reo nyawadane bakoi ngawi ne.⁴ Reo nyuruk beban-beban sa wiet dan ngingkehne gi obo puluku ulun lain. Kude, reo raerai bakoi hakun mindahne andri kingking reo. ⁵ Reo ngawi kahai ulahan reo pakai na ite ulun. Reo ngampi buka tali-tali sambayang ne dan ngampi idu rumai-rumai hujung jubah reo.⁶ Reo katuju duloi terhormat huang perjamuan, duloi maharung panga muka huang sinagoge-sinagoge, ⁷ tabe hormat gi duloi-duloi umum, dan na ontuh Rabi ulah ulun-ulun.⁸ Kude, iko ada na ontuh rabi ket ekat erai Guru ko, dan iko kahai ipulaksanai. ⁹ Ada ngontuh hie pun jari uma ko gi dunia itu ket ekat erai Uma ko, iyoiro Io sa gi surga. ¹⁰ Ada pada iko na ontuh pamimpin ket ekat erai pamimpin ko, iyoiro Kristus.¹¹ Kude, sa paling idu gi suan iko, warekeh io jari palayan ko. ¹² Hie sa nongkobo tonga ne sagar na tingkidok dan hie sa ningkidok tonga ne sagar na tongkobo.¹³ Salakaleh iko, ahli-ahli Taurat dan ulun-ulun Farisi, ulun-ulun munafik! Iko nutup manamang Kerajaan Surga gi muka ulun ket iko raerai bakoi masuk dan bakoi ngijin reo sa ganyah masuk pakai memasuki ne. ¹⁴ Salakaleh iko, hai ahli-ahli Taurat dan ulun-ulun Farisi, ulun-ulun munafik! Iko ngoroh lowu kawan walu dan pakai pupura iko ngulah lakodua-lakodua sa obo. Ket iro, iko sagar narime hukuman sa lewi wiet. ¹⁵ Salakaleh iko, hai ahli-ahli Taurat dan ulun-ulun Farisi, ulun-ulun munafik! Iko mengarungi lautan dan daratan pakai ngoit erang kaulun masuk pa huang agama ko. Dan, hentek io haut jari salah satu ne, iko ngulah ne pea naraka, ruo kali lipet teke iko raerai.¹⁶ Salakaleh iko, hai ulun-ulun pamimpin pehe, sa sawada, 'Hie sa basumpah demi Bait Allah, hal iro bakoi oeng arti ne. Kude, hie sa basumpah demi amas Bait Allah, io tasuruk et sumpah ne iro.' ¹⁷ Iko, sa budu dan sa pehe! Saawe sa idu, amas atau Bait Allah sa ngampi kudus amas iro?¹⁸ Dan, 'Hie sa ba sumpah demi altar, sumpah iro bakoi oeng arti ne. Kude, hie sa basumpah demi persembahan gi bawo altar iro, io tasuruk ulah sumpah ne.' ¹⁹ Hai iko ulun-ulun pehe! Sa awe idu persembahan atau altar sa ngampi kudus persembahan iro?²⁰ Ket iro, hie sa basumpah demi altar, basumpah demi altar dan kahai sa naan gi bawo ne. ²¹ Dan, hie sa basumpah demi Bait Allah, basumpah demi Bait Allah dan demi Io sa duoi gi huang ne. ²² Dan, hie sa basumpah demi surga, basumpah demi surga takhta Allah, dan demi Io sa maharung gi obo ne.²³ Salakaleh iko, hai ahli-ahli Taurat dan ulun-ulun Farisi, ulun-ulun munafik! Iko ngundru persepuluhan ko teke selasih, adas mamis, dan jintan, kude haut ngampi lalai hal-hal sa lewi wiet teke Hukum Taurat, iyoiro keadilan, ahi lelu dan iman. Hal-hal ituleh saharus ne haut iko gawi tanpa ngampi lalai hal-hal lain. ²⁴ Iko pamimpin-pamimpin pehe, sa manyaring poyongo dan nolon erang kaukui unta!²⁵ Salakaleh iko, hai ahli-ahli Taurat dan ulun-ulun Farisi, ulun-ulun munafik! Ket, iko ngabarasih hila luar sangker dan lumah ko, kude hila huang ne ponu andri rampukan dan kasarakahen. ²⁶ Iko, ulun-ulun Farisi sa pehe! Barasis pono hila huang sangker dan lumah, maka hila luar ne pada tau jari barasih.²⁷ Salakaleh iko, ahli-ahli Taurat dan ulun-ulun Farisi, ulun-ulun munafik! Ket, sameh kala polowong sa na cat wura, gi hila luar ne maasus, kude hila huang ne ponu andri tuulang-tuulang ulun mate dan kahai kenajisan. ²⁸ Miiro pada andri iko, gi hila luar iko na ite uah pa murunsia. Kude,gi hila huang iko ponu kemunafikan dan kajahaten.²⁹ Salakaleh iko, ahli-ahli Taurat dan ulun-ulun Farisi, ulun-ulun munafik! Et, iko nyokondrong polowong-polowong kawan nabi dan ngampi maasus nisan-nisan ulun-ulun saleh, ³⁰ dan sawada, 'Amun kain haut wolum gi masa datu nini kain, kain bakoi sagar ngepo bagian andri reo huang raya kawan nabi.' ³¹ Andri miiro, iko basaksi nadap tonga ko raerai bahwa iko adalah pea-pea reo sa munu kawan nabi.³² Jari, ganapileh ukuran kawan datu nini ko. ³³ Iko, nipo-nipo, katurunen nipo baludak, nokolo iko sagar nongkosit tonga teke hukuman naraka?³⁴ Ket iro, iteleh, Uki ngutus nabi-nabi, ulun-ulun bijaksana, dan ahli-ahli Taurat mpah iko. Papire teke reo sagar iko wunu dan salib, papire sagar iko pepai gi sinagoge-sinagoge ko, dan iko aniyaya teke kota mpah kota, ³⁵ numpa kahai raya ulun-ulun bujur sa na wawak gi bumi sagar hawi mpah iko, malai teke raya Habel, ulun sa bujur iro, hampe pa raya Zakharia, pea Berekhya, sa iko wunu gi helang Bait Allah dan altar. ³⁶ Sesungguh ne, uki nyawada mpah iko bahwa kahai hal-hal itu sagar hawi obo generasi itu." Hukuman pa Yerusalem³⁷ "Oh Yerusalem, Yerusalem, sa munu kawan nabi dan medak andri watu reo sa na utus pa Io. Miiro gaha ne Uki sidi ngumpul pea-pea ko sasameh, yalah inu manu ngumpul pea-pea ne gi pida elat ne, kude iko bakoi hakun. ³⁸ Iteleh, lowuko na tanan mpah iko dan jari suni. ³⁹ Ket, Uki sawada pa iko bahwa malai tataha, iko bakoi sagar kite Uki kia hampe iko sawada, 'Naberkatileh Io sa hawi huang ngaran Tuhan."'

Chapter 24

¹ Yesus kaluar teke Bait Allah balalu tulak hentek kawan murid-Ne hawi pakai nutui bangunan-bangunan Bait Allah mpah-Io. ² Dan, Io nunti mpah reo, ''Bakoikah iko kite kahai hal itu? Uki sawada sa bujur ne mpah iko bahwa koi oeng erai pun watu gi itu sagar na aret naan gi bawo watu sa lain, sa bakoi sagar na suruntun." Malai Penderitaan³ Dan, hentek Yesus maharung gi obo wungkur Zaitun, murid-murid hawi mpah-Io sacara raerai dan sawada, "Wadaleh mpah kain, hamian hal-hal itu sagar terjadi dan inunkah sa sagar jari tanda pihawian-Ko dan akhir zaman itu?" ⁴ Yesus nuing reo, "Perhatikan leh numpan ada oeng ulun sa nyantawang iko. ⁵ Ket, hena sa sagar hawi huang ngaran-Ku dan sawada,'Uki adalah Kristus,' dan reo sagar nyantawang rama ulun.⁶ Iko sagar korongoi kalait dan habar-habar neo kalait. Perhatikan leh numpan iko bakoi takut et hal-hal itu harus terjadi, kude itu mete kesudahan ne. ⁷ Ket, bangsa sagar bangkit dawan bangsa, dan kerajaan sagar dawan kerajaan, dan gi berbagai duoi sagar naan kala,u dan gempa bumi. ⁸ Kahai hal itu adalah awal teke penderitaan hanang ngayaan.⁹ Kamulek, reo sagar manyarah iko mpah penganiyayaan, dan sagar munu iko, dan iko sagar na kuar ulah kahai bangsa ket ngaran-Ku. ¹⁰ Gi tawuk iro, rama sa sagar katapian, dan sagar saling manyarahkan, dan muar erai andri sa lainne. ¹¹ Rama nabi palsu sagar timul dan nyantawang rama ulun.¹² Ket, pelanggaran samakin batamoh, ahi lelu kahenean ulun sagar jari morongin. ¹³ Kude, ulun sa batahan hampe akhir sagar na salamatkan. ¹⁴ Dan, Injil kerajaan itu sagar na tahampe pa kahai dunia jari kesaksian mpah kahai bangsa, dan kamulek kesudahan ne sagar hawi. Panderitaan Idu dan Kristus-Kristus Palsu¹⁵ "Jari, hentek iko kite pembinasa keji, yalah sa na wada Nabi Daniel, sokondrong gi duloi suci, wareleh kawan pambasa memahami ne, ¹⁶ maka reo sa naan gi Yudea harus melarikan diri mpah pegunungan. ¹⁷ Hie sa naan gi sapo lowu, ada io duloi pakai pakai ngepo inun pun teke huang lowu ne. ¹⁸ Hie sa naan gi umo, ada buli pakai ngepo jubah ne.¹⁹ Kude, salakaleh reo sa rahat sawuntung dan reo sa ganyah ngompomo gena ne gi ondro-ondro iro. ²⁰ Lakudua leh pakai pelarian ko ada gi musim rongin atau gi ondro sabat. ²¹ Ket kamulek sagar terjadi masa penderitaan idu, iyalah sa mete suh terjadi teke awal dunia hampe tataha, dan bakoi sagar suah terjadi kia. ²² Dan, amun ondro-ondro iro bakoi na tingkidok, koi oeng wolum sa sagar nasalamatkan. Kude, demi reo sa tapeli, ondro-ondro iro sagar na tingkidok.²³ Kamulek, amun erang kaulun sawada mpah iko, 'Ite, Kristus naan gi itu,' atau 'Io naan gi raha,' ada lah harap mpah io. ²⁴ Ket, Kristus-Kristus palsu dan nabi-nabi palsu sagar holet dan sagar ngulah tanda-tanda sa idu dan mujizat-mujizat sehingga nyantawang, amun mungkin, bahkan reo sa tapeli. ²⁵ Perhatikanleh, Uki haut nyawada ne mpah iko sa mete ne.²⁶ Jari, amun reo sawada mpah iko,'Ite, Io naan gi padang belantara,' ada tulak mpah raha, atau 'Ite, Io naan gi huang kamar iro,' ada harapne. ²⁷ Ket, sameh yalah kelat sa mamancar teke timur dan basinar hampe pa barat, miiro pada pihawian Pea Murunsia sagar terjadi. ²⁸ Gi duloi sa naan bangkai, gi iroleh wurung nasar sagar bakumpul." Pihawian Pea Murunsia²⁹ "Segera,ukah masa penderitaan iro, 'Mato ondro na ulah sirom, dan wulan bakoi sagar ngundru ra,ai ne, Wawihiang-wawihiang sagar balawuan teke langit, dan kuasa-kuasa gi langit sagar na gunsang.'³⁰ Balalu, tanda Pea Murunsia sagar holet gi langit dan suku-suku gi bumi sagar meratap. Reo sagar kite Pea Murunsia hawi huang awan-awan gi langit, andri kuasa dan kamuliaen sa idu. ³¹ Dan, Io sagar ngutus malaekat-malaekat-Ne andri lengan terompet sa mehet, dan reo sagar ngumpul umat peliaan-Ne teke kaopat penjuru bumi, teke hujung langit sa erai mpah hujung ne sa lain.³² Tataha, pelajarileh ampama teke kakau ara hentek jangkengne jari lembut dan raon-raonne ba panting, iko kotoe bahwa musim malayong haut rupak. ³³ Miiro pada hentek iko kite kahai hal itu, iko kotoe bahwa Io haut rupak, gi muka manamang.³⁴ Sa bujur ne, Uki nyawada mpah iko bahwa turunan itu bakoi sagar metah hampe kahai hal itu terjadi. ³⁵ Langit dan bumi sagar jawoh, kude, firman-firman-Ku bakoi sagar jawoh." Katika Pihawian Pea Murunsia³⁶ "Kude, neo ondro dan waktune, koi oeng erai pun sa kotoe, malaikat-malaikat gi surga pada bakoi, Hi Pea pun bakoi, kude Hi Uma ai.³⁷ Sameh yalah terjadi gi zaman Nuh, miiro pada pihawian Pea Murunsia sagar terjadi. ³⁸Ket, yalah gi ondro-ondro mete ranu baah, reo kuman dan minum, paadu dan na adu, hampe gi ondro Nuh masuk pa huang bahtera. ³⁹ Dan, reo bakoi memahami ne hampe ranu baah hawi dan ngampi jawoh reo kahai; miiro leh pihawian Pea Murunsia sagar terjadi.⁴⁰ Kamulek, sagar oeng ruo kaulun gi umo; sa erai sagar na epo dan sa erai sagar na tanan. ⁴¹ Ruo wawe sagar manggiling gi watu kilangan, sa erai sagar na epo, dan sa erai ne sagar na tanan. ⁴² Ket iro, bajaga-jaga leh et iko bakoi kotoe gi ondro inun Tuhan ko sagar hawi.⁴³ Kude, kotoe leh itu bahwa amun ampun lowu haut kotoe hentek awe, gi tawuk malom, hi pangalat sagar hawi, io sagar bajaga-jaga dan bakoi ngaret lowu ne na bungkar. ⁴⁴ Ket iro, iko pada harus siap sedia et Pea Murunsia hawi gi waktu sa iko bakoi nanguh ne. Walah sa Setia dan Walah sa Jahat⁴⁵ "Balalu, hiekah walah sa setia dan bijaksana, sa tuan ne engkat bawo kahai lowu ne pakai ngundru reo pongokan gi waktu sa tepat? ⁴⁶ Na berkati leh walah iro, sa hentek tuan ne hawi, tuan ne kahaba io rahat bagawi mihie wangun. ⁴⁷ Sabujur ne, Uki nyawada mpah iko bahwa tuan iro sagar ngengkat walah ne iro bawo kahai ompun ne.⁴⁸ Kude, amun walah sa jahat sawada huang ate ne, 'Tuanku manunda hawi,' ⁴⁹ balalu io malai mepai walah-walah sa lain, balau kuman nelang minum sasameh andri sa mabuk; ⁵⁰ tuan teke walah iro sagar hawi gi ondro hentek io bakoi mengharapkan ne dan gi waktu sa bakoi io kotoe, ⁵¹ dan sagar mika ne, dan ngingkeh io baya ulun-ulun munafik. Gi duloi, sagar oeng soyar dan girot kukut.

Chapter 25

¹"Kamulek, Kerajaan Surga sagar na ampamakan andri sapuluh wawe bujang sa ngoit palita-palitane dan tulak neo nangkahong pangantin upo. ² Dimo gi antara reo adalah budu, dan dimo sa lainne adalah bijaksana. ³ Hentek sa budu iro ngoit palita-palita ne, reo bakoi ngoit minyak gi huangne. ⁴ Kude, sa bijaksana ngoit minyak gi huang gusi odik baya andri palita-palita reo.⁵ Tataha, hentek pangantin upo iro nunda pihawianne, reo kahai siruru dan surui. ⁶ Kude, gi suan malom oeng kariak, 'Pangantin upo hawi! Kaluarleh neo nyamutne!'⁷ Kamulek, kahai bujang wawe iro buan dan nangkasus palita-palita reo. ⁸ Dan, sa budu sawada pa sa bijaksana, 'Undru mpah kain hena odik minyak ko ket palita-palita kain ngono pare.' ⁹ Kude, sa bijaksana nuing, 'Bakoi, sagar sukup mpah kain dan mpah iko. Lewi ma,asus, tulak leh mpah sa ngari minyak dan woli leh pakai ko raerai.'¹⁰ Samantara reo tulak pakai moli, pangantin upo iro hawi, dan reo sa siap, masuk sameh-sameh ndri io masuk pa perjamuan paadu dan manamang na tutup. ¹¹ Ukah iro, hawi pada bujang wawe sa lainne dan sawada, 'Tuan, tuan! Ukaleh pa kain.' ¹² Kude, io nuing, 'sabujur ne, uki sawada mpah iko, uki bakoi kataru iko.' ¹³ Ket iro, bajaga-jagaleh ket iko bakoi kotoe ondro atau tawuk ne." Ampama neo Tolu palayan¹⁴ "Et, Karajaan Surga sameh kala erang kaulun sa sagar tulak mpah luar negeri, sa bowa walah-walahne dan manyarahkan none mpah reo. ¹⁵ Mpah sa erai, io ngundru dimo talenta. Mpah sa lain ne ruo talenta, dan mpah sa erai ne erai talenta. Masing-masing sasuai kasanggupen ne. Kamulek, io tulak. ¹⁶ Ulun sa narime dimo talenta iro palus tulak, dan menjalankan talenta iro, dan io bahasil dimo talenta kia.¹⁷ Mihie pada ulun sa narime ruo talenta, io bahasil ruo talenta kia. ¹⁸ Kude, ulun sa narime erai talenta iro tulak, ngali luwang gi tana, dan nina duit tuan ne.¹⁹ Uhang ukah iro, tuan teke walah-walah iro hawi dan ngulah perekenan andri reo. ²⁰ Ulun sa ukah narime dimo talenta iro nadap dan ngoit dimo talenta kia, wadane, 'Tuan, iko nyarah dimo talenta mpah uki. Iteleh, uki haut bahasil dimo talenta kia.' ²¹ Tuan ne sawada mpah io, 'Maasus tuu, walah sa maasus dan satia. Iko satia andri hal-hal odik, uki sagar ngengkat iko bawo rama hal, masukleh pa huang arai hewu tuan ko.'²² Dan, ulun sa narime ruo talenta pada nadap dan sawada, 'Tuan, iko nyarah ruo talenta mpah uki. Ite, uki haut bahasil ruo talenta kia.' ²³ Tuan ne nuing, 'Maasus tuu, walah sa maasus dan satia. Iko satia andri hal-hal odik, uki sagar ngengkat iko bawo rama hal, masuklah pa huang ka,arayen tuanko.'²⁴ Kamulek, ulun sa narime erai talentapada nadap dan sawada, 'Tuan, uki kotoe iko ulun sa mara,at, masi gi duloi sa iko bakoi namur, dan ngumpulne gi duloi sa iko bakoi namur wini. ²⁵ Ket iro, uki takut, dan tulak nina talenta ko gi huang tana. Ite, iko ngampun inun sa jari milikko.'²⁶ Kude, tuan ne nuing dan sawada mpah io, 'Iko walah sa jahat dan mawule! Iko kotoe bahwa ukimasi gi duloi sa uki bakoi namur dan ngumpul gi duloi sa uki bakoi namur wini. ²⁷ Ket iro, saharus ne iko nyimuh duitku gi bank dan hentek uki mulek, uki sagar narime nuku mulek andri wunge ne.²⁸ Epo erai talenta iro teke io dan undru pa io sa kaampun sapuluh talenta iro. ²⁹ Et, satiap ulun sa naan sagar na undru kia, dan io sagar ba kalewian. Kude, teke ulun sa bakoi oeng, bahkan inun sa naan gi io sagar na epo. ³⁰ Timaileh walah sa bakoi baguna iro pa huang sirom sa tu,u pitok. Gi duloi iro sagar oeng soyar dan girot kukut."' Penghakiman ulah Pea Murunsia³¹ "Hentek Pea Murunsia hawi huang kamuliaen-Ne, dan kawan malaikat baya-Io, balalu Io sagar maharung gi takhta kamuliaen-Ne. ³² Kahai bangsa sagar na kumpul gi hadapan-Ne, dan Io sagar misah reo erai teke sa lain ne, yalah gembala sa misah babiri teke kaming-kaming. ³³ Dan, Io sagar ngingkeh babiri-babiri gi hila kawan-Ne, dan kaming gi hila kewi.³⁴ Kamulek raja sagar sawada mpah reo sa gi hila kawan-Ne, 'Ayuleh, iko sa naberkati ulah Uma-Ku, warisileh Karajaan sa nasadia mpah iko teke pamulaan dunia. ³⁵ Ket hentek Uki kala,u, iko ngundru Uki kuman. Uki kakan ranu iko ngundru Uki minum. Uki ulun asing, dan iko ngundang Uki masuk. ³⁶ Uki pelegeu dan iko ngundru Uki pama. Uki sakit dan iko duoh Uki. Uki gi panjara dan iko hawi pa Uki.'³⁷ Balalu, ulun-ulun bujur iro sagar nuing-Ne, 'Tuhan, hentek ku,i kain kite Iko kala,u dan ngundru- Ko kuman, atau kakan ranu dan ngundru-Ko minum? ³⁸ Hentek ku,i kain kite Iko erang kaulun asing dan ngundang Iko masuk, atau pelegeu dan ngundru Iko pama? ³⁹ Hentek ku,i kain kite Iko sakit atau gi panjara dan kain hawi mpah-Iko?' ⁴⁰ Raja iro sagar nuing, 'Uki nyawada sa bujur ne mpah iko, nokolo iko ngawi ne nadap erai teke pulaksanai-pulaksanai-Ku sa panga odik itu, iko ngawi ne pa-Uki.'⁴¹ Kamulek, Io sagar sawada pa reo sa gi hila kewi-Ne, 'Tulakleh teke hadapan-Ku, iko sa takutuk pa huang apui abadi sa haut na siapkan pakai iblis dan malaikat-malaikatne. ⁴² Ket, Uki kala,u dan iko bakoi ngundru-Uki kuman. Uki kakan ranu dan iko bakoi ngundru-Uki minum. ⁴³ Uki ulun asing dan iko bakoi ngundang-Uki masuk; pelegeu dan iko bakoi ngundru-Uki pama; Sakit dan gi panjara, dan iko bakoi duoh Uki.'⁴⁴Kamulek, reo pada nuing, 'Tuhan,hentek awe kain kite Iko kala,u atau kakan ranu, atau erang kaulun asing, atau sakit, atau pelegeu, atau na panjara, dan bakoi malayani-Iko?' ⁴⁵ Kamulek, Io sagar nuing reo, "Uki nyawada sa bujurne pa iko, nokolo iko bakoi ngawi ne nadap erai teke reo sa panga odik itu, iko bakoi ngawi ne mpah-Uki.' ⁴⁶ Dan, reo itu sagar tulak mpah huang hukuman kekal, kude ulun-ulun bujur pa huang pamolum kekal."

Chapter 26

¹ Hentek Yesus haut nyunyumpuh kahai papaneran-papaneran itu, Io sawada mpah murid-murid-Ne, ² "Iko kotoe bahwa ruo ondro kia paskah hampe, dan Pea Murunsia sagar na sarahkan pakai na salib."³ Kamulek, kawan imam kapala dan muntuo bansa iro na kumpul baya gi istana Imam Besar, sa ba ngaran Kayafas. ⁴ Dan, reo mapakat neo nyama Yesus andri tipu daya dan munu-Ne. ⁵ Kude reo sawada, "Ada kunguhang perayaan pakai ada oeng kerusuhan gi suan ulun rama." Yesus Na urapi Ulah Erang kaulun Wawe⁶ Tataha, hentek Yesus naan gi Betania, gi lowu Simon hi Kusta, ⁷ erang kaulun wawe hawi mpah-Io andri erai bakam guci pualam odik baisi minyak wangi sa tuu rarang, dan wawe iro nyiramne mpah bawo ulok Yesus hentek Io rahat maharung kuman. ⁸ Hentek murid-murid kiite ne, reo sangit dan sawada, "Uah inun pemborosan itu? ⁹ Ket, minyak wangi iro tau naari pakai haraga sa rarang dan na undru mpah sa pu,ua."¹⁰ Kude, Yesus, kutoe hal itu, bapaner mpah reo, "Uah inun iko ngampi rara wawei itu? Et, io ngulah gawian maasus bawo-Uki. ¹¹ Ket, iko saratang kaampun ulun-ulun paua baya iko, kude iko bakoi sagar saratang kaampun-Uki.¹² Hentek wawe iro nyiram minyak wangi pa tonga-Ku, io ngulah ne neo nyiridia dowong-Uki. ¹³ Uki sawada sa bujurne mpah iko bahwa gi awe Injil itu na tamape pa kahai dunia, inun sa ukah na gawi wawe itu sagar na paner pada jari pangitungen neo io." Rensana neo Mengkhianati Yesus¹⁴ Kamulek, erai teke karuo walasmurid, sa bangaran Yudas Iskariot, tulak mpah imam-imam kapala, ¹⁵ dan sawada, "Iko sagar ngundru pa uki inun amun uki nyarah Iompah iko?" Dan, reo ngundru 30 keping perak pa io. ¹⁶ Dan, teke iro, io ngeto kasampatan maasus neo nyarah yesus. Pongokan Paskah¹⁷ Tataha, gi ondro pertama rute Bakoi Baragi, kawan murid hawimpah Yesus dan nunti, "Gi hawe Iko sidi kain nyadia kuman paskah pa-Iko?" ¹⁸ Yesus nuing masukleh pa kota, mpah erang kaulun, dan wadaleh pa-Io, 'Guru sawada, "Waktu-Ku haut rupak. Uki sagar merayakan Paskah gi lowu ko andri murid-murid-Ku."' ¹⁹ Kawan murid ngulah yalah sa napesen Yesus mpah reo, dan nyadia Paskah iro.²⁰ Tataha, hentek malai kamalom, Yesus maharung kuman andri ka ruo walas murid. ²¹ Dan, hentek reo rahat kuman, Io sawada, "Uki sawada sa bujurne mpah iko bahwa erai teke iko sagar menghianati Uki." ²² Reo tu,u mahanang ate dan masing-masing reo malai bapaner mpah Io, "Pastine, bakoi uki Tuhan?"²³ Dan, Io nuing, "Io, sa nyolop longon ne mpah huang mansi sasameh Uki, io leh sa sagar menghianati Uki. ²⁴ Pea Murunsia sagar tulak yalah sa tatulis neo Io. Kude, salakaleh ulun iro, sa ulahne Pea Murunsia nakhianati! Sagar lewi maasus mpah ulun iro jaka io bakoi suah na kayaan." ²⁵ Kamulek Yudas, sa sagar nyarah Yesus, sawada mpah-Io, "Pasti bakoi uki, Rabi?" Yesus sawada mpah io, "Iko ukah nyawada ne."Pangitungen neo Tonga andri Raya Kristus²⁶ Hentek reo ganyah kuman, Yesus ngepo rute. Dan, ukah memberkatine, Yesus nyanarai-nyanarai dan ngundru ne mpah kawan murid-muri nelang sawada, "Epoleh dan okanleh, itu adalah tonga-Ku."²⁷ Kamulek, Io ngepo cawan, ngontuh syukur, dan ngundru ne mpah reo, wada-Ne, "Iko kahai, minumleh teke padane. ²⁸ Et, itu adalah raya-Ku, raya perjanjian, sa na wawak pakai rama ulun neo pangampunen dosa-dosa. ²⁹ Uki nyawada mpah iko bahwa Uki bakoi sagar minum hasil kakau anggur itu, teke tataha hampe ondro iro, hentek Uki minum anggur sa wayu baya uko huang kerajaan Uma-Ku."³⁰ Ukah manyanyi erang kau,a pujian, reo tulak mpah wungkur Zaitun. Petrus Sagar Menyangkali Yesus ³¹ Kamulek Yesus sawada mpah murid-murid-Ne, "Iko kahai sagar katapi,an ket Uki malom itu. Ket oeng na tulis, 'Uki sagar meweh gembala, dan babiri-babiri teke kawanan iro sagar tapisah-pisah'. ³² Kude, ukah Uki bangkit, Uki sagar nompono iko pa Galilea."³³ Petrus sawada, " sekalipun kahai tersandung ket-Iko, uki bakoi sagar suah tersandung." ³⁴ Wada Yesus mpah io, "Uki nyawada sabujurne mpah iko bahwa gi malom itu, samete manu nandru, iko sagar nyangkal Uki tolu kali." ³⁵ Petrus sawada mpah-Io, "Sekalipun uki harus mate andri-Iko, uki bakoi sagar nyangkal-Iko!" Kahai murid sa lain pada nyawada hal sa sameh. Yesus Laku doa gi Getsemani³⁶ Kamulek Yesus hampe andri murid-murid-Ne gi duloi sa bangaran Getsemani dan Io sawada mpah murid-murid-Ne, "Maharungleh gi itu, sementara Uki pa raha pakai laku doa." ³⁷ Dan, Io ngoit Petrus dan ka ruo pea Zebedeus baya-Io, dan Io malai berduka dan ba susah ate. ³⁸ Kamulek, Io sawada mpah reo, "Ate-Ku tuu mahanang, bahkan yalah kai mate nanamne. Duloileh gi itu dan tatap bajaga-jaga andri-Uki."³⁹ Dan, Io hena utit nongkoro, balalu isudu andri wae-Ne santuk tana dan laku doa, wada-Ne, "Uma-Ku, amun tau, ikehleh cawan itu metah teke-Uki. Kude, ada yalah sa na bahum-Uki, melainkan yalah kabahumen-Ko." ⁴⁰ Kamulek, Io hawi mpah murid-murid-Ne dan Io kahong reo ganyah surui. Balalu, Io sawada mpah Petrus, "Jari, iko bakoi sanggup bajaga-jaga andri Uki kunguhang (1)erai jam? ⁴¹ Bajaga-jaga dan laku doaleh numpan iko ada lawu pa huang pencobaan. Roh memang nuu kude daging lamah.''⁴² Yesus tulak kia pakai karuo(2) kaline laku doa, wada-Ne,"Uma-Ku, amun itu bakoi iyuh metah kecuali Uki minumne, kabahumen-Koleh sa sagar terjadi." ⁴³ Hindra kia, Io hawi dan kahong reo surui ket mato reo tuu wiet. ⁴⁴ Maka, Io nanan reo, dan Io tulak kia, balalu laku doa ma katolu kali ne, ngontuh papaneran sa sameh.⁴⁵ Kamulek Yesus mulek mpah murid-murid dan sawada, "Suruileh tataha dan istirahatleh. Ite, waktune magin rupak dan Pea Murunsia na sarah pa longon ulun-ulun badosa. ⁴⁶ Buanleh, hayu takam tulak. Ite, ulun sa manyarah Uki haut rupak." Nyama Yesus⁴⁷ Sementara Yesus masih bapaner, Yudas, erai teke karuo walas murid iro hawi. Sasameh andri io karumunan ulun rama andri padang dan pentung, teke imam-imam kapala dan tuo-tuo bangsa iro. ⁴⁸ Tataha, io sa nyarah Yesus ngundru reo tanda, wadane, "Hie sa uki siuk, iroleh Io, jamaleh Io."⁴⁹ Yudas palus nyandrupak Yesus dan sawada, "Tabe, Rabi!" Dan, Yudas nyiuk-Ne. ⁵⁰ Yesus sawada mpah io, "Iyang, gawi le maksud pihawianko." Kamulek ulun rama iro nyandrupak, ngingkeh longon pa Yesus, dan nyama-Io.⁵¹ Dan, ite, erai teke reo sa baya Yesus ngului longon ne, nyintak padang ne, dan manyarang hamba imam besar iro, dan notok tilingo ne. ⁵² Kamulek, Yesus sawada mpah io, "Ampulek padang ko iro pa duoi ne, ket kahai sa makai padang sagar binasa ulah padang. ⁵³ Atau, iko pikir uki bakoi sanggup ilaku mpah Uma-Ku, dan Io, tataha, sagar ngundru lewi ruo walas pasukan malaikat pa-Uki? ⁵⁴ Kude, nokolo kamulek Kitab Suci sagar na genapi sa nyawada bahwa harus terjadi mihie?⁵⁵ Gi tawuk iro, Yesus sawada mpah ulun rama iro, "Inunkah kala dawan parampok iko kaluar andri padang dan pentung pakai nyama Uki? Tiap ondro, Uki maharung ngajar gi Bait Allah dan iko bakoi nyama Uki. ⁵⁶ Kude, kahai itu terjadi numpan kitab-kitab kawan nabi na genapi." Kamulek, kahai murid nanan-Io dan nempat tulak. Kawan Pamimpin Yahudi Mahakimi Yesus⁵⁷ Reo sa nyama Yesus ngoit-Ne mpah Kayafas, sang Imam Besar, duloi kawan ahli-ahli Taurat dan kawan tuo-tuo bakumpul baya. ⁵⁸ Balalu, Petrus ngapung Yesus teke oro hampe natar lowu imam besar. Dan, Petrus masuk, maharung baya kawan pangawal pakai nginte kesudahanne.⁵⁹ Tataha, kawan imam kapala dan kahai Sanhendrin ngeto kasaksian palsu nadap Yesus numpan kaiyuh nukum mate Io. ⁶⁰ Kude, reo bakoi kaiyuh nangkahongne meskipun rama saksi poojo sa hawi. Kamulek, naan ruo kaulun holet, ⁶¹ dan sawada, "Ulun itu sawada,'Uki sanggup nyentempong Bait Allah dan nubuan ne mulek huang tolu ondro."⁶² Kamulek, Imam Besar sokondrong dan sawada mpah Yesus, "Inunkah Iko koi oeng tuingan? Inun sa na saksi ulun-ulun itu nadap-Iko?" ⁶³ Kude, Yesus tatap suni. Dan, Imam Besar iro sawada mpah Yesus, "Uki manyumpahi-Ko demi Allah sa wolum numpan Iko nyawada mpah kain, inunkah Iko adalah Mesias, Pea Allah?" ⁶⁴ Yesus sawada mpah-Io, "Iko ukah nyawada ne raerai. Kude, Uki sawada mpah iko bahwa malai tataha iko sagar kiite Pea Murunsia maharung gi hila kawan Sa Maha kuasa, dan hawi gi bawo awan-awan gi langit."⁶⁵ Kamulek, Imam Besar ngirah pama ne dan sawada ,"Io haut menghujat! Inunkah kia perlune kawan saksi? Ite, tataha iko ukah korongoi hujatan-Ne. ⁶⁶ nokolo pandapat ko?" Kawan pamimpin Yahudi iro nuing , "Io pantas na hukummate."⁶⁷ Kamulek, reo nura wae-Ne dan nampar-Ne. ⁶⁸ Reo sawada, 'Banubuatleh nadap kain, hai Mesias; hiekah sa mepai Iko?" Petrus Bakoi Mangaku Yesus⁶⁹ Tataha, Petrus maharung gi luar natar dan erang kaulun pelayan wawe hawi dan sawada, "Iko pada baya andri Yesus, ulun Galilea iro." ⁷⁰ Kude, Petrus nyangkal ne gi hadapan reo kahai, wada ne,"Uki bako kotoe sa na paner ko.⁷¹ Hentek Petrus kaluar pa manamang gerbang, palayan wawe sa lain ne kiite io dan sawada mpah ulun-ulun sa naan gi raha,"Ulun itu baya andri Yesus teke Nazaret iro." ⁷² Dan, hindra kia Petrus manyangkal ne andri sumpah,"Uki bakoi kataru Ulun itu."⁷³ Bakoi ola kamulek, ulun-ulun sa sokondrong gi iro nyandrupak Petrus dan sawada,"Pasti iko pada adalah salah satu teke reo ket logat ko ngulah ko jelas." ⁷⁴ Kamulek, Petrus malai ngutuk dan basumpah, wada ne, "Uki bakoi kataru Ulun itu."Dan, tiba-tiba manu jagau nandru. ⁷⁵ Dan, Petrus kaitung papaneran yesus, "Sa mete manu jagau nandru, iko sagar nyangkal Uki tolu kali. "Kamulek, Petrus kaluar dan onsoyar andri tuu mahanang ate.

Chapter 27

¹ Tataha, hentek pita hawi, kahai imam kapala dan kawan tuo-tuo bangsa iro ngepo kaputusan sasameh neo Yesus pakai na hukum mate Io. ² Dan, reo nyuruk Yesus balalu, ngoit dan manyarah-Ne mpah Gubernur Pilatus. Yudas Mitu³ Hentek Yudas, sa manyarah Yesus, kiite ahwa Yesus na hkum, io kiinam manyasal dan ngampulek 30 keping perak mpah imam-imam kapala dan kawan tuo-tuo, ⁴ wada ne,"Uki haut badosa et manyarah raya sa bakoi bahala." Kude, reo sawada, "Inun urusan ne andri kain? Itu urusan ko!" ⁵ Dan, Yudas medak keping-keping perak iro mpah huang bait Allah dan nanan ne. Balalu, io tulak dan ngagueng tonga ne.⁶ Kude, imam-imam kapalangepo keping-keping perak iro dan sawada, "Baoi na ampi uah nyimuh ne huang perbendaharaan ket itu adalah juman raya." ⁷ Maka, reo ngepo kaputusan sasameh dan andri duit iro, reo moli tana tukang periuk jari duoi polowong pakai ulun-ulun asing. ⁸ Iroleh sababne, tana iro na ontuh 'Tana Raya' hampe ondro itu.⁹ Andri mihie, ganaplah inun sa naontuh Nabi Yeremia: ¹⁰ Reo ngampiriran 30 keping perak pakai moli tana tukang periuk, yalah sa haut nasuyu Tuhan mpah uki." Yesus dan Gubernur Pilatus¹¹ Tataha, Yesus sokondrong gi hadapan Gubernur dan Gubernur nunti mpah-Io,"Inunkah Iko Raja ulun Yahudi?" Tuing Yesus,"Oi, kala sa iko wada." ¹² Kude, hentek Io na tuduh ulah imam-imam kapala dan kawan tuo-tuo, Io bakoi nuing inunpun. ¹³ Kamulek, Pilatus sawada mpah-Io, "Inunkah Iko bakoi korongoi miiro ramane reo nuduh Iko?" ¹⁴ Kude, Yesus bakoi nuing Pilatus, bahkan pakai erai tuduhan pun sehingga Gubernur iro tuu heran. Pilatus Gagal Membebaskan Yesus¹⁵ Tataha, gi tiap ondro parayaan, Gubernur biasa ngampi bebas pa ulun rama, erang kaulun tahanan sa na kabahom ulah reo. ¹⁶ Gi tawuk iro, reo naan erang kaulun tahanan sa na terkenal, sa na ontuh Barabas.¹⁷ Jari, hentek ulun rama bakumpul, Pilatus nunti pa reo,"Hie sa ikam sidi pakai nabebaskan, Barabas atau Yesus, sa na ontuh kristus?" ¹⁸ Sabab, Pilatus kotoe bahwa ket kisiwa, reo haut nyarah Yesus mpah io. ¹⁹ Hentek Pilatus rahat maharung gi karusi pengadilan, wawen ne ngirim pesen mpah io, "Ada ngulah inunpun nadap Ulun uah itu. sabab, uki haut menderita rama hal ondro itu huang upi ket Io."²⁰ Kude, imam-imam kapala dan kawan tuo-tuo meyakinkan ulun rama pakai lako Barabas dan munu Yesus. ²¹ Gubernur nunti pa reo,"Sa awe teke karuo ulun itu iko kabahom pakai uki bebaskan pa iko? Barabas!" ²² Pilatus sawada mpah reo,"Amun miiro, inun saharus uki ulah andri Yesus, sa na ontuh Kristus?" Reo kahai sawada , "Salibkan Io!"²³ Dan, Pilatus nunti, "Uah inun? Io ukah ngulah jahat inun?" Kude, reo ngariak lewi mehet kia, "Salibkan Io!" ²⁴ Hentek Pilatus kiite bahwa io bakoi nyunuput inunpun, malah karusuhan malai terjadi, io ngepo ranu dan mui longon ne gi hadapan ulun rama iro dan sawada,"Uki bakoi bahala bawo raya Ulun itu. Iro urusan ko raerai!"²⁵ Dan, kahai ulun iro nuing, "Raya-Ne naan bawo kain dan pea-pea kain!" ²⁶ Kamulek, Pilatus membebaskan Barabas pa reo dan ukah mencambuki Yesus, Pilaus manyarahkan Io neo na balasangar. Tantara Pilatus ngukupe Yesus²⁷ Kamulek, kawan tantara gubernur ngoit Yesus mpah markas dolui gubernur dan ngumpul kahai pasukan Romawi ngaliling Io. ²⁸ Reo melah pama Yesus dan memakaikan jubah ungu mpah-Io. ²⁹ Dan, ukah daro erang kaua mahkota rui sasameh, reo masang gi ulok Yesus, erang kawatang wulu gi longon kawan-Ne, dan isudu gi hadapan-Ne, dan ngesese Io, wada reo,"Tabe, Raja ulun Yahudi!"³⁰ Reo nura-Ne, ngepo paring iro, balalu mepai pa ulok-Ne. ³¹ Ukah reo ngesese Io, reo melah jubah ungu iro teke Yesus, dan nuwe kamulek pama-Ne raerai, dan ngoit-Ne tulak pakai nyalib-Io. Yesus Nasalibkan³² Hentek kawan tentara kaluar, reo nangkahog erang kaulun upo teke kirene sa bangaran Simon. Reo mamaksa simon pakai mikul salib Yesus. ³³ Dan, hentek reo hampe gi duloi sa bangaran Golgota, sa baarati "duoi tengkorak", ³⁴ reo ngundru-Ne anggur pakai na inum sa na sampur andri poru, dan ukah nginam ne, Io bakoi hakun minumne.³⁵ Hentek reo manyalibkan Yesus, reo mambagi-bagikan pama-Ne gi suan reo andri ngumpe undi. ³⁶ kamulek, reo maharung dan mangawasi-Ne gi iro. ³⁷ Dan, gi bawo ulok-Ne reo masang tuduhan nadap-Io, "ITULEH YESUS, RAJA ULUN YAHUDI."³⁸ Gi tawuk iro, naan ruo ka ulun panjahat sa na salibkan baya andri Yesus. Erai gi hila kawan dan erai gi hila kewi. ³⁹ Dan, ulun-ulun sa metah menghujat Io nelang ngitik ulok, ⁴⁰ dan sawada, "Iko sa sagar nyentempong Bait Allah dan nyokondrong ne kamulek huang tolu ondro, salamatkan leh tonga-Ko raerai! Amun Iko Pea Allah, dolui teke salib iro!"⁴¹ Miie pada iam-imam kapala, baya ahli-ahli Taurat, dan kawan tuo-tuo ngukupe Yesus, wada reo, ⁴² "Io nyalamat ulun lain, kude Io bakoi tau nyalamat Tonga-Ne raerai. Amun Io adalah Raja Israel, ikeh ne Io dolui teke salib iro tataha dan takam sagar harap mpah-Io⁴³ Io harap pa Allah, maka ikehleh Allah manyalamat-Io tataha, amun Allah ngabahum-Ne. Ket Io raerai sawada,'Uki adalah Pea Allah.'" ⁴⁴ Kawan panjahat sa nasalibkan sa sameh andri Io pada ngukupe-Ne. Pampata Yesus⁴⁵ Tataha, teke jam onom, pisirom bawo kahai tana iro, hampe jam suei(9). ⁴⁶ Kira-kira, gi jam kasuei, Yesus baseru andri lengan mehet, wada-Ne, "Eli, Eli, lama sabakhtani?" sa arti ne, "Allah-Ku, Allah-Ku uah inun Iko nanan Uki?" ⁴⁷ Dan, papire teke reo sa sokondrong gi raha, hentek reo korongoi iro, reo sawada, "Ulun itu ganyah bowa Elia."⁴⁸ Tiba-tiba erai teke reo nempat, dan ngepo wunge karang, nyimisa ne andri anggur mohori dan nyurukne gi erang kawila paring, dan ngundru ne mpah Yesus pakai na inum. ⁴⁹ Kude, sa lewi ne sawada, "Ayu takam nginte, inunkah Elia sagar hawi pakai manyalamatkan-Ne." ⁵⁰ Dan, Yesus baseru hindra kia andri lengan mehet dan manyarah Roh-Ne.⁵¹ Dan, ite, tenda huang Bait Allah sitat jari ruo bagian, teke obo hampe pa iwa, dan umi bagoyang, dan watu-watu pawika. ⁵² polowong-polowong ta uka, dan rama tonga ulun-ulun barasis sa haut mate na bangkitkan. ⁵³ Dan, ukah kaluar teke polowong-polowongne, sa ukah kebangkitan Yesus, reo masuk mpah kota barasis dan nantarang tonga pa ulun rama.⁵⁴ Tataha, kapala pasukan, dan reo sa baya andri io mangawasi Yesus, hentek reo kite gempa bumi dan kahai hal sa terjadi itu, jari tuu takut dan sawada, "Bujur, Io adalah Pea Allah!" ⁵⁵ Gi raha, oeng rama wawe sa kite teke oro, sa ngapung Yesus teke Galilea pakai melayani Io. ⁵⁶ Gi penah reo naan Maria Magdalena, Maria ine Yakobus dan Yusup, pada ine teke pea-pea Zebedeus. Yesus Na Dowong⁵⁷ Hentek ondro malai kamalom, hawi erang kaulun sa tatau teke Arimatea bangaran Yusuf, sa pada haut jari murid Yesus. ⁵⁸ Io tulak mpah Pilatus dan lako tonga Yesus. Balalu, Pilatus nyuyu numpan tonga Yesus na undru mpah Yusuf.⁵⁹ Dan, Yusuf ngepo tonga Yesus, dan mungkusne andri kain linen sa arasih, ⁶⁰ dan nungkubis-Ne huang polowong sa wayu, none raerai, sa haut io kali gi bukit watu. Balalu, Yusuf ngulagaling erang kaua watu idu mpah manamang polowong iro dan tulak. ⁶¹ Dan, gi raha, oeng Maria Magdalena dan Maria sa lain ganyah maharung gi hadapan polowong iro. Polowong Yesus Najaga⁶² Gi ondro barikut ne, yiiro ondro ukah nyidia neo sabat, imam-imam kapala dan ulunulun Farisi na kumpul mpah hadapan Pilatus. ⁶³ Reo sawada, "Tuan, kain kiitung bahwa hentek hi poojo iro kia wolum , Io suah sawada ,'Ukah tolu ondro, Uki saga bangkit kia.'⁶⁴ Ket iro, suyuleh pakai polowong iro na jaga hampe ondro ka tolu, et takut murid-murid-Ne mungkin hawi dan ngalat-Ne, dan sawada mpah ulun rama, 'Io haut bangkit teke suan ulun mate.' Dan, panipuan sa punyumpuh itu sagar lewi buruk teke sa pertama."⁶⁵ Pilatus sawada mpah reo ,"Iko naan panjaga. Tulak, jagaleh nokolo sa iko kotoe." ⁶⁶ Balalu, reo tulak dan mengamankan polowong iro sameh-sameh andri regu panjaga, nelang nyegel watu panutup polowong.

Chapter 28

¹ Tataha, ukah sabat, hentek niba maraai, gi ondro pertama minggu iro, Maria Magdalena dan Maria sa lain tulak neo nginte polowong iro. ² Dan, ite, terjadileh gempa bumi sa idu ket malaikat Tuhan dolui teke surga, hawi dan nguling watu iro, kamulek maharung gi bawone.³ Wae ne yalah kelat dan pama ne wura yalah salju. ⁴ Ket takut nadap ne, reo sa nyaga iro tagunsang dan jari kala ulun-ulun mate.⁵ Dan, malaikat iro sawada mpah wawe-wawe iro,"Ada takut ket uki kotoe amun iko ngeto Yesus sa haut na salibkan. ⁶ Io koi oeng gi itu et Io haut bangkit yalah inun sa nawada-Ne. Ayu iteleh duloi Io ubis. ⁷ Hinang tulak dan bara pa murid-murid-Ne bahwa Io haut bangkit teke suan ulun mate, dan ite, Io nompono iko mpah Galilea. Gi raha, iko sagar kiite Io. Perhatileh, uki haut nyawada mpah iko."⁸ Dan, reo rereu nanan polowong iro andri tuu takut dan ka arayen idu; dan nempat pakai bara iro pa kawan murid-murid-Ne. ⁹ Dan, ite, Yesus nangkahong reo dan sawada, "Tabe!" Balalu, reo hawi mpah Yesus, ngepot po,o-Ne, dan nyamah-Ne. ¹⁰ Kamulek, Yesus sawada mpah reo, "Ada takut; tulak dan baraleh pa pulaksanai-pulaksanai-Ku pakai tulak mpah Galilea, dan gi raha, reo sagar kiite Uki." Kawan Panjaga Polowong Nabayar Pakai Po,ojo¹¹ Sementara reo tulak, papire panjaga tulak mpah kota dan bara pa imam-imam kapala neo kahai hal sa haut terjadi. ¹² Dan, hentek reo na kumpul baya kawan tuo-tuo. Ukah barunding, balalu reo ngundru rama duit pa kawan panjaga iro, ¹³ dan sawada, "Wadaleh, 'Murid-murid Yesus hawi gi kamalom dan ngalat-Ne hentek kain surui.'¹⁴ Dan, amun hal itu na rongoi ulah gubernur, kain sagar meyakinkan ne dan ngulah iko bakoi cemas." ¹⁵ Maka, reo narime duit iro dan ngulah yalah sa ukah na ajar mpah reo; dan papaneran iro tatap tasebar gi suan ulun Yahudi hampe ondro itu. Amanat Agung Yesus¹⁶ Kamulek, kasawalas murid tulak mpah Galilea, pa bukit sa ukah na tutui Yesus mpah reo. ¹⁷ Hentek reo kiite-Ne, reo nyamah-Ne. Kude, papire teke reo bemang.¹⁸ Balalu, Yesus hawi dan sawada mpah reo, "Kahai kuasa ukah na undru pa-Uki, gi surga maupun gi bumi. ¹⁹ Ket iro tulakleh dan sanyarileh kahai bangsa murid-Ku, babtisleh reo huang ngaran Uma, dan Pea, dan Roh Kudus,²⁰ ajarleh reo pakai mentaati kahai sa Uki perentahkan mpah iko; dan iteleh, Uki saratang baya iko, bahkan hampe pa akhir zaman."

Mark

Chapter 1(Pemberita Yohanes Pembaptis)

¹Itu malai Injil Yesus Kristus, pea Allatala. ²kala na tahampe nabi Yesaya : " ite uki mengirim utusan uki ponoteke iko pakai nyadia lalan p iko. ³na'an lengan teke Padang Belantara sadia lalan mpah Tuhan, lalan miwitu.⁴jari Yohanes membaptis ulun gi padng belantara nelang bara arti baptisan pertobatan hampe. ⁵kahai ulun gi Yudea ali Yerusalem hawi mpah Yohanes. laku na baptis ali mangaku dosa reo. ⁶Yohanes makai wulu unta, ali tali towing nalitit gitowing. Io ngokan angkalap ali riu wani jubut.⁷Yohanes basarita ali "sawada ukah uki naan ulun lewi tau berkuasa teka uki. ket aku bakoi u'ah nguka tali sandal. ⁸ket uki membaptis pakai ranu, iyo membaptis makai Roh Barasis.(Yohanes Membaptis Yesus) ⁹jari onro iro Yesus hawe tike Nazaret, mpah Galilea, balalu na baptis ulah Yohanes gi sunge Yordan. ¹⁰uka io kutulan ke huang ranu Yesus kite langit ta uka, roh surupa wurung dara tudi gi bowo io. ¹¹naan lengan teke surga, iko pea kasihi uki ponu ahi lelu, ikoleh kutuju uki.(Yesus Na Suba Iblis) ¹²ukah iro Roh ngoit Yesus pa padang belantara. ¹³yo naan gi padang belantara kungu liang opat onro na suba iblis. Yesus naan gi suan eha ali malekat- malekat nyunruwungan io.(Yesus Mahampe Injil Allatala Hang Galilea)¹⁴ukah Yohanes na penjara, Yesus tulak mpah wilayah Galilea balalu na hampe injil allatala. ¹⁵io sawadah " ganablah waktu ne, Kerajaan allatala haut rupak ! lalu ampunleh balalu percaya mpah injil.(Yesus Meli Pipire Murid) ¹⁶waktu Yesus malan gihiring danau io lite Simon ali Andreas pulaksanaine ganyah mulunta gi danau, ket reo adalah paluntah keneth. ¹⁷Balalu Yesus sawada mpah reo, "ampunguki uki kai ngoit ikam jari lulunta marunsia." ¹⁸Simon ali Andreas palus nanan lunta reo palus baya Yesus.¹⁹Hentek io tulak lewi oro kia, io kite Yakobus pea Zebedeus gi jokong gabyah nangkasus luntah. ²⁰kumutek Yesus bowo peo balalu reo nanan uma reo hi Zebedeus gi jokong sasamah anri kuli-kuli upaan balalu tulak baya Yesus.(Yesus Ngajar Ali Ponu Kuasa ) ²¹Balalu reo hampe gi Kapernaum ali pelos onro Sabat. Yesus Masuk gi sinagoge ali ngajar. ²²reo wauh korongoi ajaran ne, ket io ngajar yalaherang kaulun ponu kuasa, bakai yalah ahli taurat.²³Hentak iro gi sinagoge naan erai kuulun upo na asuk roh jahat ali io ngiriak. ²⁴wada ne "inun urusan ko ali kain. Yesus teke Nazaret. inun iko hawo pakai nunrusak kain. Aku kutue lie iko sa barasis teke allatala. ²⁵kude Yesus mereke io wada Yesus, suni ! kuluan keke ulun iro." ²⁶ukah roh bere iro ngugunsang io nelang ngirak auri lengan royah, kuluan roh iro teke io.²⁷reo kahai wauh hampe nunti erai ali reo lain wadane inun yiitu. u'a ajaran wayu anri Kuasa, io nunyu roh-roh bere iro ali reo nu'u mpah Yesus. ²⁸Balalu anri wansit barita gi hawe-hawe iro hampe kahai wilayah Galilea.(Ine Kisian Simon Ali Ulun Wahat Na Samare) ²⁹Palus ukah Yesus ali murid-murid ne nanan sinagoge, neo pelos pa huang lowu Simon ali Andreas sameh-sameh ali Yakobus, Yohanes. ³⁰kude ine kisian Simon ganyah ubis ket morongin, reo hinang bara mangon ne lumpah Yesus. ³¹Yesus kahong io ali ngepot langon ne ali ngarawah sokonrong, hantek iro morongin ne jawoh ali wawe iro malai nyunruwungan reo.³²hantek malai kamalan, ukah mato'onro loton. Reo ngoit mpah Yesus kahai ulun rama sakit ali kasarungan roh bere. ³³kumulek kahai penduduk kota bahimpun gi wai manamang lowu iro. ³⁴Yesus nyamare rama ulun sakit anri bamasan panyakit nelang ngunur setan kude Yesus nguring setan-setan bapaner ket reo kataru anri Yesus.(Yesus Laku Dua Ali Memberita Firman)³⁵Kia pita tu'u, hantek onro kia sirom, Yesus buan ali tulak pa duloi suni, balalu io lakudua gi raha. ³⁶Kumutek Simon ali ulun-ulun sasame ngeto Yesus. ³⁷Hantek reo kahong Yesus, reo sawadah "kahai ulun ngeto iko".³⁸ali Yesus sawada, hayu takam tulek lumpah kota-kota rumpak mampan uki tau bakhotbah lumpah ulun-ulun gi raha. sebab itu alasan uki hawi. ³⁹Ket iro, Yesus tubak ngililing kahai wilayah Galilea. Io memberita firman gi sinagoge reo ngunur setan-setan.(Ulun Kodongen na Samare) ⁴⁰Balalu nan erang kaulun sakit kodongan hawi lumpah Yesus io ilaku ali nyundu ulok katuk mpah Yesus ali sawada, jaka iko hakun kiiuh nyamare uki. ⁴¹Tagarak ket ahi lelu Yesus ngumpuli logon ne ali ngepot ulun iro nelang sawada uki halun jarileh ware. ⁴²hantek iro pada panyakit kodong ne jaiooh ali ulun iro ware.⁴³Yesus bertereje nyuyu ulun iro tulak ali ngampi itung ne anri royoh. ⁴⁴Yesus sawada mpah io, ada nawara limpah li pun hal yiro. Kude tulak leh ampi ite tonga ko mpah imam ali unru persembahan ko kala na sayu ula musa. Sebagai suntu kesaksian mpah neo.⁴⁵Kude ulun iro tulak ali malai memberita ne ta uka ali nahampe barita iro sara lebar. Ket yiro Yesus bakoi tuiit kiainasule mpah kota, kude naan gi luar gi daerah suni. Kude ulun-ulun take kahai duoi pagon hawi mpah io.

Chapter 2(Yesus ngampun dan Nyamase Ulun sa Lebe)

¹Papire ondro ukas iro Yesus hmpah kapernaum, balalu iyo korongoi sarita iyo nan gi lowu, ulun Rama ba kumpul giiro. ²Hampe, bakoi oeng duoi kia, gi waling manamang gin sika bakoi oeng, dan Yo nyawada firman hmpah reo.³Balalu, reo hawi hmpah Iyo, ngoit erang kaulun lebe na pikul ulah reo opat kaulun. ⁴Hantele reo ngugah sapo bawo Yesus. Ukah reo, nguka sapo iro mampa dolui tilam duoi ulun lebe ru ubis.⁵Hantek Yesus nginte imam reo, iyo nyawada hmpah ulun lebe iro, "Hai kawan pea leu dosa-dosa kam haut naampuni."⁶Namun, papire ahli taurat sa maharung gi aru bapikir huang ate reo, ⁷Ket inun reo bapander miiro? Iyo rahat ngakupe! hie sa tau ngampuni dosa-dosa ekat Allah tala raerai?"⁸Yesus palus katue eka huang Roh-Ne ulah iro balalu reo bapikir huang ate reo miiro iyo nyawada hmpah reo, "ket inun iko bapikir miiro gi huang ate reo? ⁹Yahawe sa lewi murah, bapaner hmpah ulun lebe iro, 'Dosa-dosa ko na ampuni', atawa bapaner, 'buan, engkat tilam ko balalu malan'?¹⁰Kode kontoe, kawan pea marunsia nan kuasa gi tana pakai mengampuni dosa-dosa." Yesus nyawada hmpah ulun lebe iro, ¹¹"uki nyawada hmpah iko: buan, engkat tilamko, balalu buli hmpah lowuko." ¹²Ulun lebe iro palus sokondrong, ngepo tilamne, balalu tulak kaluar, gi muka ulun. Reo rama wauh balalu nawat Allah tala, palus bapaner, "kain mete suah nginte hal samiitu!"(Lewi Baya Yesus)¹³Yesus tulak kia hmpah hiring danau, balalu iyo ngajar reo. ¹⁴Iyo metah, iyo nginte pea Alfeus, gamyah maharung gi duoi pembayaran pajak. Balalu, Yesus nyawada hmpah iyo, "baya leh aku." Balalu, lewi gin sokondrong dan baya-iyo.¹⁵Dan, Sementara Yesus maharung kuman gi lowu ulun lewi iro, nan rama pangumpul pajak dan uluin-ulun berdosa sa pada kuman sasameh andri Yesus amput murit-murit-Ne ulah gioru nan rama ulun dan reo baya Yesus. ¹⁶Hantepe papire ahli Taurat peke kelompok Farisi nginte Yesus gampah kuman sasameh andri ulun-ulun ne, " et inun iyo kuman sasameh kawan panagih pajak dan ulun-ulun badosa?"¹⁷Hantek Yesus ngondrongoine, iyo nyawada hmpah reo, "Mereka sa sehat bakoi perlu dokter, malahan reo sa morongin. Uki haut kakoi namun kowa ulun-ulun elah, malahan ulun-ulun badosa."(Tuntian neo Bapuasa) ¹⁸Murid-murid Yohanes dan orang-orang Farisi ganyah bapuasa. Papire ulun hawi nunti hmpah-Iyo, "uah inun murid-murid Yohanes dan murid-murid ulun Farisi bapuasa, kode murid leo bakoi bapuasa?" ¹⁹Balalu, Yesus nyawada hmpah reo, "hakun sah kawan pangiring pangantin ba puasa sementara pangantin upo mangun sasameh reo? kunguhang pengantin upo mangun sameh-sameh andri reo, reo bakoi koole bapuasa.²⁰Kode ondro ne kai hampe hantek panganten upo na epo eke reo, balale gi ondro iro reo bapuasa.²¹Bakoi oeng ulun sa nammal pama uhang sitat andri pama sawayu jaka mihi, tammalan kain sa wayu tau ngirah pama sa uhang balalu paireh ne ba tammoh idu.²²Balalu, bakoi oeng ulun sa ngui anggur wayu hmpah huang kantung upak sa uhang. Jaka mihie, anggur iro tau ngirah kantung upak iro hampe maasus atawa kantong ne tau rusak. ukah iro anggur waya na hmpah gihuang kantong upak wayu."(Yesus adalah Tuhan bawo Ondro Sabat)²³Dan, gi waktu ondro Sabat, Yesus metah umo gandum, dan balolu huang perjalanan murid-murid-Ne malai mutik ua-ua gandum. ²⁴Balalu, ulun-ulun Farisi sawada hmpah reo ite,"ket,inun reo ngulah kahalaen dawan aturan hukum ondro Sabat?"²⁵Balalu, "iyo sawada hmpah reo mete suah sa iko mambasa inun sa na ulah Daud hantek iyo dan ulun-ulun baya iyo gangah kakurangan dan kalaw? ²⁶kolowangun iyo masuk hmpah lowu Allah tala gi zaman Abyatar batugas jari Imam idu, dan kuman roti persembahan, sa yuh na okan daya kawan iman, dan pada nganyu rute iro hmpah ulun-ulun sa baya iyo?"²⁷ukah iro, Yesus sawada hmpah ulun-ulun Farisi iro,"ondro sabat pakai marunsia bakoi pakai ondro Sabat." ²⁸Jari, pea marunsia adalah Tuhan pada gibawo ondro sabat."

Chapter 3(Yesus Nyamare gi ondro Sabat)

¹Aki, Yesus masuk kia hmpah sinagoge, gi iru erang ko ulun longonne lebe erang kahila. ²Ket mangamati Yesus pekei kite mo iyo neyemake gi ondro Sabat sehingga kio kajuat nangnguh iyo.³Balalu, Yesus bapaner hmpah ulun sa longone lebe erang kahila iro, "Balalu sakandrong gi suan." ⁴Dan, Yesus sawada hmpah reo, "inun sah iyuh ngules maasusatawa ngulah jahat gi ondro Sabat? Nyalamat hengo atawa munu?" Namun, reo suni.⁵Kamulek, Yesus mantau kelilingan reo andri sangit sedih gi bawo kape ate reo. Balalu, Yesus sawada hmpah ulun sa longon ne lebe erang kahila iro, "ampului longon ko."Dan ulun iro ngampului longone dan longone palus ware. ⁶iket iro, ulun-ulun Farisi ba tarege tulak, dan maloi sakongkol andri ulun-ulun Herodian sa dawan iyo neo kolowangun onomune. (Wahai Ulun Baya Yesus)⁷Namun, Yesus nongkot tonga andri murid-murid ne hmpah danau, dan jamoleh reo ulun teke wilayah Galilea baya iro, dan teke Yudea, ⁸Teke Yerusalem, Idumea, deoprah epai sungei Yordan dan pada teke sakitar Tirus dan Sidon wahai hantek ulun nyondrongoi kahai sa Yesus ulah.⁹ket ulun, kahai iro Yesus sawada hmpah murid-murid-Ne agar nyadia erang kaua jukung hmpah iyo sehingga reo bakoi maroje iyo. ¹⁰ket Yesus ukah nyamamre wahai ulun, maka kahae ulun nan panyakit palus ipahipit supaya kiiuh nguis-Ne.¹¹Dan, roh-roh beleoh nginte Yesus, reo ngamanah gi muka wae mato-Ne dan ngariak iko adalah pea Allah!" ¹²Namun, Yesus nguring reo pakai ngulah hie iyo. (Yesus Menetapkan Duo balas Murid-Ne)¹³Balalu, Yesus ngabui poh abo bukit dan baka peh ulun-ulun sa iyo hamen pakai baya iyo dan reo pun hawi hmpah iyo. ¹⁴iyo ngannak dua walas ulun bulu reo kaiuh sasameh andri iyo dan iyo kaiyuh ngunru tugas paka khotbah, ¹⁵dan ngundru kuasa-kuasa pakai ngunur setan. ¹⁶Yesus ngundru tugas hmpah dua walas ulun iro: Simon (sa hmpah iyo Yesus ngundru ngaran Petrus),¹⁷Yakobus, pea Zabedeus, dan Yohanes, pulak sanai yakobus (sa hmpah Yesus ngundru reo ngaran Boanerges, artine "pea-pea guruh"), ¹⁸Andreas, Filipus, Bartolemeus, Matius, Tomas, Yakobus, pea Alfeus, Tadeus, Simon ulun Zelot, ¹⁹dan Yudas Iskariot, sa ngakupe Iyo. (Kuasa Yesus Asal ne Eka Allah)²⁰Kamulek, Yesus masuk pah erang kaua lowu, dan kumpulan ulun ulek kumpul gi raha sehingga Yesus dan murid-murid-Ne bahkan bakoi tau kuman rute. ²¹Kamulek keluarga-Ne korongoi hel iro, reo hawi pakai ngoit Yesus mulek ket reo sawada bahwa iyo haut bakoi waras kia . ²²Dan, Ahli-ahli Taurat dului eke Yerusalem sawada, "Iyo karasukan Beelzebul!" dan "Iyo ngunnur setan andri kuasa kuasa pemimpin setan."²³Balalu, Yesus bowa reo hawi hmpah iyo dan sawada andri ngampuriran perumpamaan, "Kolo wangun teu iblis ngunur iblis? ²⁴Jaka erai kerajaan sabak asau dawan tonga ne raerai, kerajaan iro bakoi ka iyuh batahan. ²⁵Dan, jaka erai lowu sabak esau dawan tonga ne raerai, lowu iro bakoi wiuh bataha.²⁶jaka Iblis buan dawan tonga ne raerai dan sabak esau, iyo bakoi kiiuh batahan kode kelah umurne. ²⁷Bakoi neng ekai kaiuh masuk neh huang luwu ulun erai paling rigas ngeru barang banna ulun, kacuali lewi pamo iyo mengikat ulun ringas, maka wayu iyo kaiuh marampok lowu ne."²⁸"Aku sawada sa sabujurne hmpah, iko kahai dosa pea-pea marunsia iyuh na ampuni dan segala hujatan sa reo ontuh. ²⁹Kode hie, sa ngakupe roh barasis bakoi sagar na ampuni, malainkan bahala ket dosa kekal." ³⁰Sebab, ahli-ahli Taurat iko sawada, "Io karasukan roh bere." (Kaluarga Yesus sa Sabujurne)

³²kumpulan reoo rahat maharung ngililing Yesus dan reo sawada hmpah iyo, "Ite ine-Ne dan puleksanai-pulaksanai ko na'n gi luar rahat ngeko iko."³³Dan, Yesus nyangai reo sawada, "hie sah ine-Ku dan pulaksanai-pulaksanai-Ku?" ³⁴kamulek Iyo nantau ulun-ulun samaharung ngaliling ne dan sawada ite leh ine ku dan pulaksanai-pulaksanai-Ku! ³⁵Sabab, ine-hie sa ngulah kabahumen Allah adalah pulaksanai upo ku dan pulaksanai wawe ku, dan ine-Ku."

Chapter 4(Pingingturen Hantek Muwur)

¹Balalu Yesus ngajar kia gi hiring danau. Kahawai ne ido ukah ro iyo ngabai hampek huang jokong kai mahawung giobo danau. sementara ulum nama ire ma'n gihiring danau . ²Balalu iyo ngare smero lantang nama hal andri umpama-umpama ne gi huang pengajaran ne iy bapaur hampah reo.³Rongailah ! ma'n irang kaulem panabur sa tulak lepuh muwur. ⁴Balalu jari leh hampek iyo muwur. papere pangkan lawu hiring lopan kai wurung-wurung huris palus ngakam ne, ⁵mele lawu gi bowo sona bawatu sa bakai wahai sama ne. pangkan yiro palus walon ket tama ne pangkan.⁶Mato onro mangin anai bala, layu kai ket bakai uing wakat baloan irobalaku karing. ⁷Wehene lawu hampek suon jubut ba rui. jubut riu boalaom roh hampek amate, kai baloan iro bakai baua.⁸Kude mehe lawuh mpah sana maiusus , balalu maan tua, tomo basomuh ido nelang, bahasil lalun pulu kali lepet owon pulu balalu jatuh kali lepet. ⁹Ukah, Yesus nyawadah "yahaur na'm tilingo nganrongai ingkoh ne iyo nganrongai !"¹⁰Hantek Yesus naerai ulun ga kelilingan iyo baya andri kadua walas rasul wunti mpah iyo reo perumpamaan-perumpamaan yoru. ¹¹Balalu io nyawab reo. "Rahasia kerajaan Allah haut na undro ko kode, hampek ulun-ulun lain tiap hal wa tahampe huang perumpamaan. ¹²Bele kauh inginte reo nginte welang bakoi ngantoe biarpun tau korongai, reo korongai kuda bakoi monteru hampam deo ala batobat melangame ampuni.(Keterangan neo pangkan huang perumpamaan penabur)¹³Kamulek Yesus bapaur hampah reo, bakoi kataru iko arti perumpamaan iro. ¹⁴Menabur iro mabur pirman. ¹⁵Reo iro adalah ulun-ulun ise lawu hiring lalan. Da'ai pirman iro na tabur waktu rea nyonrongoi ali segera. iblis hulet ngalat firman samatabur hmpah rea.¹⁶Mi iro pada reo sa matabur gi tama bawah adalah ulun-ulunsa nyonrongoi firman dan palus marimu ali balorai. ¹⁷Kude reo bakoi bawaliat gi huang rogane sindiri ekat doa'ai erang alik. Kamulek koliko kawi kesulitan ataua penganiayaan et firman iro reo palus lawu.¹⁸Balalu salain ne adalah sa lawu gi sumau baruai reo adalah ulun-ulun sa nyonrongoi Firman. ¹⁹Kude takut hampah dunia, et hawe nafsu ko'ai panata balalu ahang-ahang ngahang kahancur hampah halang Firman iro balalu ngirup hampah iyo bakai barua. ²⁰Kode sama tabur gi tame sa maasus adalah reo sa nyonrongoi Firman, narene ni balalu balua, tolum pulur lalu lipat oman pulu kali lipat, balalu jatus kak lipat.(Pangintaren neo Lampu) ²¹Balalu Yesus mariene an giwa erong kua gantang atawa gi iro d'oi surui ? Kai ne Lampu iro saharosne naingkeh dibawa poo lampu. ²²Et bakai, na'n na insok sa bakoi kaluar iro paho bakoiueng rahasia inire pun et hal iro tau nganteu. ²³Amun ma'm ulun sa ma'm selingo pakai nyunrongoi elele iya nyunrongoi.²⁴Balalu, bapanar hampah iro, kontoe imu sa iko rongoi lekas sa iko pakai tau na ukur hampah iko, dan kia na'n ma tameh, hampeh iko. ²⁵Kei hie sa ma'n iyo tau ngunru kia kude lie sa bakoi ma'n ineu ma'n gi igo tau ma epo elee iyo.(Peribahasa neo Pangkan)²⁶Kamulek Yesus bapaner, " Kerajaan Allah adalah ialah sa meurer pangkan gi tana. ²⁷Pa mawur suroi dan buan koonro dan kamalun dan pangkan iro ngaluar tunas dan tubu panuwur iro bakoi katie lalo jari ne. ²⁸Tana iro bahasil wua andri maarai ne, mulai-mulai kalung kangn haniulek iau ne. balalu liki-liki gandum gi huang wa iro. ²⁹Ketika liki-liki gandum iro monsak, ulun iro palus masi ne daya musim masi laut hampe.(Pribahasa Neo Liki Gandum)³⁰Kamalek Yeus bapaner, ali inun takam tau nyaisameh Kerajaan Allah ? ataura ali pribahasa inun takan tau nyansame ne ? ³¹Kerajaan Allah iro biji sasawi, sa na wuwur gi tana, biar liki yiro, liki sapiring hingle liki gi sana. ³²Kude hante mo mawur liki tau tumu nilang jari paling idu hengke kahai buloan kabus balelu nguluar paka-paka idu palus tumpulu-tumpulu gi udara tau ngula langai gi iro do'oi basalinung ne.³³Andri makoi wakai paribahasa ialah iro, Yesus mahampe firman. hmpah reo, sane ali tau reo korongai. ³⁴Iyo bakoi sua bapauer hmpah reo koirong suatu peribahasa, kude iyo bara kahoi mu andri hmpah merid-murid ne.(Yesus Ngantaduh Riwut)³⁵Dan gi, andro iro, hantek haut nanyap Yesus bapaur hampah murid-murid ne. ³⁶Uka nanan wahoi iro ngoit Yesus sesame reo solak jokong do'oi Yesus ma'n. Dan, jokong-jokong lain ne sasameh aki iyo. ³⁷Balalu hawi leh riwut barat sa royak nelak umak ido nebu jokong palus ginu palus penu ranu.³⁸Kude Yesus na'ngi barita,Kapal, soroi gi bawo udan, Balalu reo ngele iyo dan bapaur hmpah iyo, "Guru inem eko bakoi peduli amon takam selaka?" ³⁹Kamulek Yesus buan palus nyanteduh riwut balalu nyawadah hmaph "laut mantong!"baranai leh, balalu riwut iro mahinroi jari tiu mahinroi.⁴⁰Kamulek iyo bapaur hmpah reo uah inun iko tahut ? inun iko magun anete baiman ? ⁴¹Reo jari tue kageranu dan bapaur urai ali lain, "hie iyo itu ? Salenge riwut rayoh andri laut salenga tunuk hmpah iyo.

Chapter 5(Erang Kaulun teke Gadara na lapas teke Roh Jahat)

¹Hampele reo gi pai danau, gi daerah ulun gadara. ²Hentek Yesus mimau teke jukong, andri ba tareja erang kaulun teke siat sa na rasuk Roh bere manalu Yesus.³iyo duoi gu huang siat-siat bakoi oeng ulun sa sanggup nuruk ne kia bahkan andri rantai ⁴Sebab iyo haut gaha na huruk andri gulunggu po dan rantai, kode io nyamites rantai ne dan nyantepu bulunggu ne, bakoi oeng ulun sa sanggup nuruk ne ne kia, bahkan andri bulunggu po dan rantai, kode io nyamintus rantai ne nyantepu bulunggu ne. Bakoi oing erang kaulun pun sa sukup kuile pakai namtalu ne.⁵Setiap koondro dan komalom iyo ngariak gi sifat dan gi wangkiur-wangkur kulu namantan tonga ne rearai anri watu. ⁶v Hantek ulun iro nginte Yesus teke reo, iyo malem pat ba sujud gi muka Yesus.⁷Balalu, nelang andri lengan royah iyo sawada yunun urusan abntara aku andri iko it Allah ada nyiksa aku. ⁸Sebab Yesus haut sawada hempah iyo, "Kaluarlah teke ulun yini ,hai roh bere!"⁹Balalu, Yesus nanti hempah ulun iro, "Hie ngaran ko ? Dan, iyo nyungai "ngaranku Ligion ket kain wahai." ¹⁰Iyo papire kali ilaku hmpah Yeus supaya bakoi ngunur reo teke daerah iro.¹¹Giraha na'n sawayang idu unnik ganyah kuman gi rupak wungkur. ¹²Balalu, roh-roh jahat iro ilaku hmpah Yesus andri reo sawada suyulah kain hmpah unnik-unnik iro sehingga kain masuk hmpah huang ne. ¹³Yesus mengabulkan ne ket iro roh-roh bere iro layu dan masuk unnik-unnik, Sawayan sa bajumlah kira-kira ruo ribu malempat hmpah hiring jurang hmpah danau balalu lotong gi huang danau.¹⁴Kamulek penjaga-penjaga unnik iro malempat dan bara hmpah kota dan hmpah tumpuk. Dan ulun keluar pakai nginte inun se haut terjadi. ¹⁵Balalu ulun-ulun iro hawi hmpah Yesus dan nginte iyo sa indre karasukan roh jahat, sa na'n legion ganyah maharung, Dan reo pun palus takut.¹⁶Balalu, reo sa menyaksi kejadian iro, basarita hmpah ulun-ulun kolowangun hal iro terjadi hmpah ulun sa karasukan roh jahat dan neo unnik-unnik iro. ¹⁷Ket iro ulun-ulun malai ilaku Yesus pakai nanan daerah reo.¹⁸Kamulek gi waktu Yesus ganyah ngabai hmpah jukung uln sa inre ne karasukan roh jahat iro isaku supaya iyo iuh sasameh andri Yesus. ¹⁹Namun, Yesus bakoi ngizin, malainkan sawada hmpah iyo, bulileh hmpah kahoi pucak sanai ko. sarita hmpah reo kahai hal sa haut Tuhan ulah hmpah iko dan bahwa Tuhan piahi hmpah iko. ²⁰Balalu, ulun iro tulah dan ga kesah hmpah ulun-ulun gi dekapolis neo kahai hal sa haut Yesus ulah hmpah iyo dan kahai ulun palus heran. (Pea Yarius na tumuan dan wawe sabaraya na Samare)²¹Hentek Yesus nyabarang kia anri jokong pa ipai ulun rama bakumpul gi rupak Io, dan Io naan gi hiring danau. ²²Balalu erang kaulun pamimpin sinagoge bangaran Yairus hawi dan ukah kite Yesus io ngaran gi po Yesus. ²³Dan io ilaku anri tuu hmpah, Yesus, wada ne pea wawe uki sa kia odik kai mate. Hawi dan impeh longon ko gi bawo io nampan ki iuh na samare dan wolum. ²⁴Balalu Yesus tulak baya Yairus. naan miiro rama ulun sa ngapung Yesus dan ngililing Io.²⁵Dan naan erang ka ulun wawe sabaraya uhang ne ruo walas taun. ²⁶Io gansang nya ket rama duluan, dan haut nguluar kahai harta ne, kudi bakoi oeng riran ne dan wangon ne malahan batamoh buruk. ²⁷Ukah nyunrongoi neo Yesus, wawe iro hawi pa Yesus teke waling, gi suan kumpulan ulun dan ngepot hjubah ne ai uli pasti ware.²⁸wawe iro sawada anun uki keu'uh ngepot jubah ne ai uki pasti ware. ²⁹Waktu iro pada raya na taduh dan io ki inam tonga haut ware teke panyakit ne.³⁰Yesus palus lutue ike ne reerai bahwa naan kuasa haut kuluan teke io. Io iwaleng he helang kumpulan iro dan sawada hie sa ngiwis jubah uki. ³¹Balalu murid-murid Yesus sawada hmpah io : Iko kite kumpulan ulun nereje iko dan iko sawada hie sa ngepot jubah uki. ³²Balalu Yesus nantau kililing pakai nginte hie sa haut ngulah ne³³Namun ukah kutue inun sa haut terjadi pa tonga ne, wawe iro palus takut dan neter io hauoi dan nyammah gi muka Yesus nelang iwara Yesus kahai sa kujur ne. ³⁴kumulek Yesus sawada hmpah wawe iro peauki, iman ko haut nyalamat iko tulak leh huang damai sejahtera dan wareleh teke penyakit iko.³⁵Samantara Yesus gayak bapaner hawi pipire ulun ike lowu pemimpin sinagoge sa nyawada "peako haut mate. uali inun magon ngangu GUru ?"³⁶Kude Yesus bakoi halun nyunrongoi inun sa haut na wada, io sawada hmpah pemimpin sinagoge iro, "ada takut persaya ai." ³⁷Balalu Yesus bakoi ngizin erang kaulun pun kaya io, ekat Petrus, dan Yakobus, Yohanes pulak sanai Yakobus. ³⁸Balalu, reo hampe gi lowu guok sinagoge iro, dan iyo nginte geger dan ulun-ulun ngiak pada ngariak andri lengan royah.³⁹Kamulek hantek Yesus masuk Iyo sawadah hmpah reo, ulah inun ikam geger dan ngiak ? pea iro bakoi mate, kode ganyah mandre. ⁴⁰ kode reo ngakihi Yesus. Namun Iyo nyuyu reo kanari kaluar dan iyo ngajak uma dan ine pea iro gaya ulun-ulun sa gaya iyo, balalu masuk pah ruangan duoi pea halus iro na'n.⁴¹Kamulek na kepot ne pea halus iro dan iyo sawadah hempah iyo "Talita mum!" arti ne "(wawe bujang halus, aku sawadah hmpah iko, buan leh!"). ⁴²Pea wawe iro batareje so konrong dan malai bajalan ket iyo ba umur du walas yaun, dan batareja kahan ulun ka imam tuu heran. ⁴³Balalu Yesus Ngundru perintah hmpah ulun muntuo pea iro numpan ada na'n erang kaulun pun koyoe nal iro dan nyuwada hmpah reo, numpan pea iro na unru kuman.

Chapter 6(Yesus Bakoi Natirima gi Kota Asal ne)

¹Kumulek Yesus tolak teker raha dan hampe gi kota asal ne, dan murid-murid be baya iyo. ²Hentek onro sabat kai hampe, Yesus malai ngajar gi sinagoge. Dan wakoi ulun korongoi Palus wauh, dan sawadah "Teke hawe jo liiuh kahai hal iro. Hikmat inun na unru hmpah Io dan tanna-tanna ajaib iro na ula anri logon ne? ³Koi neh io tapuurung, pea Maria, ali pulaksanai Yakobus ali Yoses, Yudas ali Simon ? Koine pulaksanai wawene naan giitu baya takam. Balalu reo tuusik dan bakoi nirine io.⁴Kumulek Yesus sawada hmpah reo gi hawe-hawe ulun inahormati erangkautun nati ekat gi duai ne asal ne reerai, dan gi helang kawan pulaksanai ne dan gi lowu ni. ⁵Balalu Yesus bakoi kiiuh ngulah, tanna ajaib girata, ekat ngimpah longon ne gi bowo pipire ulun sakit dan nyamare reo. ⁶Dan io wauh ket reobakoi persaya io tulak bakililing hmpah tumpuk-tumpuk nelang ngajar.(Yesus Ngutus Murid-murid ne)⁷Kumutek Yesus bowa kaduawalas murid dan malari nyuyu reo baruo-rou dan ngunru reo kuasa gibawo roh-roh bere. ⁸Balalu Io nyuyu hmpah reo nampan reo bakoi ngoit inun-inun huang perjalanan ekat tungkeh koi iuh rute, koi iuh duit huang tali towing reo, ⁹kude pakai sandal dan koi iuh ruo pam'ma.¹⁰Dan Yesus sawada hmpah reo, "Gi hawe iko masuk gi huang lowu, duloi leh gi iro hampe iko kuluar teke iro. ¹¹Dan na'n duoi bakoi nirime iko dan bakoi nyonrongoi iko, hentek iko tulak kibaskan habu teke poo ko' pakai erang ka'ua kesaksian hmpah reo.¹²Balalu reo tulak dan nampe birita pakai ulun-ulun laku ampun. ¹³Maka reo nyuyu rama setan dan mengurapi rama ulun sakit anri minyak nelang namare reo.(Herodes nyunrongoi Birita neu Yesus)¹⁴Dan raja Herodes ukah nyunrongoi ne, ket ngaran Yesus haut terkenal dan ulun sawada, "Haut buat teke suan ulun mate maka tan'na ajaib bagawi gi huang Io." ¹⁵Hila lain sawada "Io adalah Elia." Kude, hila lain kia sawada, "Io adalah erai kuulun nabi, ayalah salah satu teke para nabi. "¹⁶Kude hantek Herodes korongoi hal iro iyo sawada "Yohanes" sa haut uki totok ulok ne, haut tumu'an Tuhan. (Yohanes Pembabtis na Wunu)¹⁷Sumula Herodes re'erai sa haut nyuyu ulun memerintahkan ne pakai nyairima Yohanes dan mumbulungne gi huang kurungan er Herodias wawen pulaksanaineu po, Filipus ket Herodes haut namawe Herodias.¹⁸Ket Yohanes pipire kali sawada hmpah Herodes bakoi uah iko ngepo wawen pulaksanaiko. ¹⁹Ket iro Herodias nym'moh kasangiten hmpah Yohanes dan sidi munu io kude bakoi ta'u. ²⁰Et Herodes takut hmpah Yohanes ukah io kutue hi Yohanes erang ku 'ulun tu'u dan ulun barasis dan Herodes nyilinung io. Hentek Herodes nyonrongoi Yohanes io balalu tu'u bingung, kude Herodes ssanang nyunrongoi Yohanes.²¹Namun, hampeleh nero si'pas hantek Herodes merayakan ulang tahun ne, melaksana erang kawua jamuan pakai pajabat-pajabat obone perwira-perwira ne, pemimpin-pemimpin Galilea. ²²Balalu hantek pea wawe Herodias masuk dan manari io ngampi sanang Herodes dan reo maharung 'sasameh Dan raja sawada hmpah bujung wawe io, "lalu leh inun sa na'an iko sidi dan uki kai ngunru ne hmpah iko."²³Dan, Herodes basumpah hmpah io, "inun sa'na lake ko teke uki, kai uki ngunru hmpah iko bahkan hampe saparu teke kerajaanku." ²⁴Dan bujang wawe iro tulak dan sawada hmpah ine'ne,"Uki harus laku inun?" ine'ne nyangugai "ulok Yohanes pembabtis." ²⁵Dan hantek iro pada anri nenew, wawe bujung iro hawi hmpah raja dan sawada, uki sisi tataha pada iko ngunru hmpah uki ulok Yohanes gi bowo sipir.²⁶Ketiro pada Raja jari tu'u sedih kude ket sumpah ne dan ulun sa kuman sameh io io bokoi sidi bakoi nivime wawe bujang iro. ²⁷Balalu raja ngirim erang ka'ulun algojo anri huyuan pakai ngoit ulok Yohanes., Balalu algojo tulak pakai notok ulok Yohanes gi kurungan. ²⁸Kumulek io ngoit gi bowo sipir dan ngunru hmpah wawe bujang iro, dan wawe bujang iro ngunru hmpah ine ne. ²⁹Dan, Hentek murid-murid Yohanes korongoi reo hawi ngape tonga Yohanes ngan'nak gi huang siat.(Yesus Ngunru onro okan hmpah lewi teke di moribu ulun_³⁰Kumulek, kawan rasul-rasul sasameh anri Yesus dan Bara hmpah io inun sahaut reo ulah dan inun si haut reo ajar. ³¹Dan Yesus sawadah hmpah reo hayu hayu misah diri hmpah duoi sa suni dan mihindroi orang alik. "Ket naan, wahai ulun hawi dan tulak, dan pakai kuman gin bakoi sawat. ³²Balalu Yesus dan murid-murid ne tulak misah diri anri jokong hmpah duoi suni.³³Kude ulun wahai kite reo tulak dan kataru anri reo, dan ulun wahai iro nempat sameh-sameh metah lalan entu,teke kahai kota, dan hampe giraha pono Yesus kawan murid ne. ³⁴Hentek Yesus tulak hmpah hirring danau, Io kite mi iro wahai ulun dan io nginam ahi lelu hmpah reo yalah domba bakoi oeng ampun ne. balu Yesus malai ngajar reo anri pipire hat.³⁵Hentek onro malai kamalam murid-murid hawi hmpah Yesus dan Sawada, "Duoi itu duai sa suni dan haut obo makom. ³⁶Suyu reo tulak hmpah daerah kalilingan dan hmpah desa-desanampan reo moli inun-inun pakai na okon.³⁷Kude Yesus ngangai, "Ikam teh sa ngunru reo kuman." Dan reo sawada,hmpah Io "haruskeh kain tulak moli rute sa harga tuo jatuh Dinar. Dan ngunru ne pakai reo kuman? ³⁸Yesus sawada hmpah reo, "pire rute sa na'an gi iko?tulak dan iteleh!" uka reo kutue reo sawada,"dimo rute dan ruo kenah."³⁹Balalu Yesus nyuyu reo kahai nampan maharung huang kelompok-kelompok gi bawo rikut karado. ⁴⁰Ulun wahai iro maharung ba kelompok, naan jatuh ku ulun dan naan dibowo rikut karado. ⁴¹Ukah iro Yesus ngepo dimo rute dan reo kenah dan mahangut pa obo langit, Io ngantuh syukur dan ngawingkir rute iro, Io ngunru ne hmpah ulun wahai. Io pada ngiwingkir ruo kene iro hmpah kahai ulun.⁴²Dan, kahai reo kuman hampe wosing. ⁴³Kumulek reo ngepo, rou walas karanyang sa ponu anri lo'o-lo'o rute dan kenah. ⁴⁴Dan, naan dimo ribu upo-uposa kuman rute.(Yesus Malan gi bawo anu)⁴⁵Kumutek Yeus linang nunyu murid-murid ne ngabai hmpah jokong dan tulak pano hmpah ipai, ke betsaidas samantara Io nunyu ulun wahai iro tulak. ⁴⁶Uka purumisi anri reo, Io tulak hmpah wungkur pakai lakudua. ⁴⁷Hentek kai kamalom, jokong naan gi suan danau dan Yesus reerai gi entu.⁴⁸Dan ukah kte murid-murid ne iwehei anri uyuh rara ket riwut balawanan arah anri reo kira-kira jam jaga malom ko opot. Yesus hawi hmpah reo anri malan gi bawu ranu dan Io sidi malan metah reo. ⁴⁹Kude hentek kite Yesus malan gi bowo Danau/ Ranu, reo ngantuh Io adalah kamme, balalu reo ngirak. ⁵⁰Ket reo kahai kite Yesus dan takutt, Namun, Yesus hinang bapaner hmpah reo, dan sawada hmpah reo, "Tenangleh,ittu uki ! ada takut."⁵¹Balalu, Io ngabai sasameh reo hmpah jokong, dan riwut iro pun taduh dan reo tu'u wauh. ⁵²Ket reo kia mete paham ne'u tan'na ajaib dimo rute iro ket ate reo kia na tangkapi. (Yesus nyamare Rama ulun)⁵³Dan ukah Yesus dan murid-murid ne nyabarang, reo ngentu gi tana Genesaret dan balabuh. ⁵⁴Hentek reo dolui teke jokong, ulun-ulun hinang kataru Yesus. ⁵⁵Dan mempat hmpah kahai daerah iro dan malai ngoit ulun ulun sakit gi bawo tilam, pahawe pun reo korongoi neu wangon Yesus.⁵⁶Maka, hmpah hawe pun Yesus masuk hmpah desa-desa atau kota-kota atau daerah-daerah gi sekitar ne, reo nungkubis ulun-ulun sakit gi duoi rami. Dan ilaku hmpah Io numpan reo iuh ngepot hujung jubah ne ai. Dan hie pun sa ngepot jubah ne balalu ware.

Chapter 7(Hukum Allah dan Adat Manusia)

¹Balalu bakumpul ulun-ulun Farisi, manalu sameh-sameh andri papire Ahli Taurat sa hawi uke Yerusalem.²Dan reo nginte papire murid Yesus kuman rute andri longon bere. Io iro longon bakoi na ui. ³Sebab ulun-ulun Farisi dan kahoi ulun Yahudi bakoi kuman jaka tangon reo na ui hmpah pagalangan longon ulah adat nenek moyang sa reo kepot. ⁴Dan, jaka ulun-ulun Yahudi iro hawi eke duoi umum reo bakoi hokum kuman samite ngui longon, dan na'n wahai adat lain ne sa terime reo pakai na kepot. ayoleh pemuian cawan-cawan, kendi-kendi dan tembaga.⁵Kamulek ulun-ulun Farisi dan ahli-ahli Taurat hmpah Yesus," ulah inun murid-murid ko bakoi wolun manurut nenek moyang kode malahan kuman rute andri longon bere.?"⁶Yesus sawada hmpah reo, Yesaya bernubuat andri tu'u Neo iko sa munafik ayalah sa tatulis : 'Bangsa itu ma hormati uki andri wiwi reo kode ati reo oro eke reo. ⁷Reo nyamah uki andri sia-sia ngajar ajaran perintah-perintah sa na ulah daya marunsia.⁸Nelang malidoi perintah Allah iko ngepot pisit adat marunsia.' ⁹Balalu, Yesus pada sawada hmpah reo, Andri cerdik iko bakoi narime perintah Allah sehingga kiiuh nahan adat ko raerai. ¹⁰Sebab Musa sawada hormatileh uma, ko dan Ine'ko dan Hie sa ngutuk uma ne atau ine harus na hukum mate.Namun, iko sawada jalen erang ka ulun sawada hmpah uma ko atawa Ine ko, 'Inun kauntungan sa hamen na kaiuh ko teke aku adalah kurban iyo reo persembahan, ¹²Balalu iko bakoi lea ngisim ngulah inun-inun hmpah uma ine atawa ine ne. ¹³andri miiro iko haut membatal firman Allah andri adat ko sa haut turun-tamurun. Dan iko ngulah wakoi hal ayalah iko.¹⁴Kamulek, Yesus bowa kia kahoi ulun dan nyawadah hmpah reo, "Sonrongoi uki, uki ikam kahoi dan pantaru. ¹⁵Bakoi oeng inun-inun teke luar marunsia sa masuk hmpah huang tonga ne kiiuh namerene kode hal-hal sa kaluar teke marunsialeh sa namerene." ¹⁶Jaka orang kaulun ma'n tilingo pakai nyunrongoi ikehleh nyunrongoi.¹⁷Balalu Yesus masuk pah lowu palus nanan ulun-ulun iro, murid-murid ne nunti hmpah reo parumpamaan iko. ¹⁸Dan yo sawada hmpah reo inun iko sa eke luar masuk hmpah huang marunsia bakoi tau nameere ne. ¹⁹Sebab sa masuk iro bakoi sa masuk pah huang ate ne kode wuntungne dan kamulek kaluar hmpah huang jamman.''(Andri miiko Yesus mentarang bahwa ondro okan Halal.)²⁰Balalu sa sawada, "inun sa kaluar teke marunsialeh sa nemere ne, ²¹sebab ake huang eke ale marunsia timmul pikiran-pikiran jahat, dosa-dosa seksual pencuaran pembunuhan, perzinahan, keserahkahan, tipu daya, hawa nafsu, irih hati, fitnah, kesombongan dan kebodohan. ²³Kahai sa jahat iro hawi teke huang marunsia da iro sa namere ne. (Inun Erag Kaulun wawe Siro- Fenisia)²⁴Teke, duoi iro Yesus dan tulak hmpah wilayah Tirus dan Sodon. Dan iyo masuk hmpah erang ka' ua, Lowu dan bakoi sidi na'n orang kaulun pun sa katue, kode iyo bakoi tau lapas teke perhatian. ²⁵Batareje ukah nyunrongoi neo Yesus, erang ka ulun wawe sa pea wawe karasukan Roh beleoh hawi dan nyammah gi po Yesus. ²⁶Wawe iro adalah ulun Yunani na kayaan gi Siro-Fenisia reo ilaku hmpah Yesus pakai agunur setan keluar teke pea ne.²⁷Kamulek Yesus sawada hmpah wawe iko Ikeh ne kana pea na tomosing Lewi pono, Sabab bakoi maasus ngepo rute wat kanapea dan mudah hmpah elang-elang. ²⁸Kode mawe iro nyangain dan sawada hmpah Yesus tu'u Tuhan. Namun, eleng-eleng sa na'n gi iwa meja gini kuman puting-puting kanapea iko.²⁹Balalu Yesus Sawada hmpah wawe, "iro tut iko nyawada iko tau tulak, setan iko haut nanan pea iro." ³⁰Kumulek wawe iro mulek hmpah lowu dan kahong pea ne ganyah ubis gi duoi surui dan setan iro haut tulak. (Ulun Sa morongon ma Samare)³¹Kamulek, Yesus keluar leke wilayah Tirus dan tulik metah Sidon nintuh pah danau Galilea, gi wilayah Dekapolis. ³²Balalu reo ngoit hmpah Yesus erongkaulun norongan sa mahalim bapaner, reo ilahku hmpah Yesus pakai- ngannak langon ne bawo ulun iro.³³Kamulek Yesus ngoit ulun iro raerai teke kumpulan wahai ulun iro. Iyo mamasuk kingking ne pah huang tilingo ulun iro dan ukah dura, Iyo ngui lolaulun iro. ³⁴Balalu nantau pah oko langit, Iyo narik hengo obo dari sawada, Efata! arti me "Tabukaleh!" ³⁵Waktu iro pada, tilingo ulun iro tabuka hurukan gi lola ne ta lapas, dan iyo bapaner nari jelas,³⁶Dan Yesus malarang reo basarita peristiwa iro hmpah hie pun. Kode magin Iyo malarang reo, reo magin nyarite ne. ³⁷Reo bujur-bujur heran dan sawada, Iyo haut nguluh segala sesuatu andri masus Iyo bahkan ngulah ulun morongan dan ulun mung bapaner.

Chapter 8

Pitu Rote pakai Lewi Teke Opat Ribu Ulun ¹Gi ondro iro hantek ulun rama bakumpul nelang koi unseng inun-inun pakai na okan, Yesus narau murid-murid ne palus nyawada mpah reo. ²"Aku pama ahi mpah ulun wahai itu, et tataha reo ibaya andru aku, sa ohang tolu ondro nelang koi unseng inun-inun pakai pangokan. ³Pada, amun Aku nunga reobuli ma lowu reo huang kalau reo sagar tariah gi perjalanan reo, et papire teke reo hawi teke oro." ⁴Pada, murid-murid Ne nuing Io, "Teke hawe erai ka ulun tau namosing reo andri rote gi duoi sauni itu?"⁵balalu, Yesus nunti hmpah reo, "papire roti ikan na'n?" reo nyawab, "Pitu roti." ⁶kamulek, Yesus nyuyu ulun wahai iro maharung gi tama, balalu iya ngepo pitu roti iro, balalu ngatuh syukur, balalu iyo nganarai-nganarai-Ne, balalu nyunru ne hmpah murid-murud-Ne pakai na akan hmpah ulun wahai reo pada kuman ne hmpah ulun wahai.⁷Dan, murid-murid pada na'n hena odik kenah halus. ukah ngantuh syukur bawone, Yesus nyuyu murid-murid-Ne pakai magi pada kemah-kemah iro hmpah ulun wahai. ⁸Ulun wahai iro kuman hampe wosing, dan reo nyimpun puting pongokan sa sisa ne iro pitu karanyang ponu. ⁹Na'n kira-kira opat ribu ulun sa kuman. Ukah iro Yesus nyunyu reo tulak. ¹⁰Balalu Yesus hirang masuk jokong ali murid-murid-Ne balalu hampe daerah Dalmanuta.(Yesus Nalaku Nantarang Tana Teke sorga) ¹¹Dan, ulun-ulun Farisi hawi dan malai, basual ali Yesus nelang lalu Yesus nutui tanda teke sorga, pakai nyoba iyo. ¹²ukah Yesus norik hengo obo huang Roh-Ne, iyo bapaner kah inu generasi itu ngero tanda? uki ngawada sabuyur-Nehmpah iko, bakoi oeng eraipun tanna sakai naundru hmpah generasi itu." ¹³Kamulek Yesus nanan reo, masuk mulek pah husng jokong, nelang tulak pah ipai. (Ragi Ulun Farisi dan Ragi Herodes)¹⁴Murid-murid koi kaitung ngoit rote. dan ekat na'n erang kahila rote gi huang jokong. ¹⁵Dan, Yesus ipesen hmpah reo, "Siap sedialah! Bahati-hati lah nadap Ragi ulun-ulun Farisi baya Ragi Herodes."¹⁶balalu reo malai barunding erai ole salain soal reo sa bakoi oeng roti. ¹⁷Dan, ukah kotoe hal iro, Yesus bapaner hmpah reo, et inun iko bapaner neo iko sa bakai na'n Roti? inun iko mete pada kotoe atawa akataru? inun ate ko na tangkape?¹⁸Inun sah iko na'n mato kode bakoi kite? Dan na'n telinga, kude bakoi nyonrongoi? bakai kaitung sah ika. ¹⁹Hantek uki nyanarai-nyanarai limo roti pakai lima ribu ulun, pitu wahai keranjang sa bahuang pono ali puting-puting panyoka sa iko kumpul?" Reo nyawada, "reo nyawada, "Dua walas keranjan."²⁰"Dan hantek pitu roti pakai opat ribu ulun iro, pitu karanjang sa pono ali puting-puting pangokan sa iko kumpul? reo nyawab, "pitu karanyang." ²¹Balalu, iyo bapaner h,pah reo, "inun sah iko kia bakoi kataru?" (Yesus nyamare Ulun Pehe hang Betsaida)²²Kamulek, Yesus baya murid-murid-Ne hampegi Betsaida balalu papire ulun ngoit erang kaulun pehe. Balalu ilaku hmpah Yesus supaya ngobat-Ne. ²³Yesus pada ngepot longon ulun pehe iro balalu ngoiyt ne gi luar desa. Balalu, Yesus nura mata ulun pehe itu balalu ngingkeh longow ne bawo iyo-iyo nunti hampe hanye inun sah iko kite bamasam ?"²⁴Balalu ulun itu mantau gi abo nelang bapaner, "uke kite ulun-ulun. kate reo tainte kakau-kakau sa rahat malan." ²⁵Ukah iru Yesus ngingkeh longo-ne gi bawo mato ulun itu kia!Balalu ulun iro nguke mato-Ne, panagantian ne ware, balalu iyo pun tau nginte kahai ali jelas. ²⁶Balalu, Yesus nyunyu ne buli pah lawo ali, "ada masuk pah huang desa." (Yesus adalah Kristus)²⁷Ukah iro, Yesus tulak, sasameh murid-murid ne pah desa-desa gi Kaesara Filipi. Dan, gi suan lalanYesus tunti hmpah kawa muridandri bapaner hmpah reo, "wada ulun-ulun, hie aku itu?" ²⁸Reo nyawab, Yohanes pembabtis, sa lain nyawada Elia, balalu yalain ne salah satu ke nabi-nabi."²⁹Kamulek, Yesus nunti hmpah reo, "Namun manurut iko?" Petrus nyawab-Ne, iko adalah Kristus." ³⁰Dan, Yesus ngampiitung reo pakai bakoi bara hmpah hie pun neo tonga-Ne. (Bara neo Sasara Mananya Yesus)³¹Kamulek, Yesus japo ngajar murid-murid ne bahwa pea murunsia bakoi iuh beloi nyanya wahai hal bulu nelang na unnur tuo-tuo Yahudi, imam-imam kepala, baya tokoh-tokoh taurat, bulu na wunu, dan ukah tolu ondro buan kia. ³²Dan, Yesus nyawada hal itu cara ta uka. ket iro, Petrus nyujut Yesus pah latuh bulu mulai nyawada ne.³³Namun, nelang ikalik bulu nginte murid-murid ne, Yesus ngiai Petrus bulu bapaner, "tulok leh teke aku, hai iblis! sabab iko bakoi mamikir pakara-pakara Allah kode pakara-pakara marunsia." ³⁴Ukah iro Yesus bowa ulun wahai baya murid-murud ne bulu paner hmpah reo jaka oeng kaulu sidi uma aku, iya harus dawan tanga ne naerai, bulu mikul salib ne, palus umma aku.³⁵Sebab, hie leh sa hamen nyalamat tonga ne tau kejauhan ne. kode hie leh sa kejawohan hengo ne et aku bulu injil pakai nyalamat ne. ³⁶Sebab, inun untung ne erai kaulun kaiuh kahai dunia, kude kajawohan hengone. ³⁷Inun sa iuh erai kaulun ngenrene pakai newuh hengo ne?³⁸Sebab, hie leh sa bongan ket aku bulu Firman-Ne gi generasi sa bakai jujur bulu badosa itu, maka pea marunsia pada taubangan nyantuu ulub iro hantek iyo hawi huang ahi lelu uma ne, sasameh ali malaikat-malaikat sa barasih."

Chapter 9

¹Ukah iku, Yesus sawada pah reo, "aku sawada ali turu ne hmpah reo, nan papire ka ulun isa kahat sakondrong gi iru io ki nan mate hmpah reo kite Kerajaan Allah haruri kuasa." (Yesus sasameh Musa ali Elia) ²balalu ondro ka onon ukah iko, Yesus nguit Petrus, Yakobus, ali YOhanes, balalu ngoit reo ngacakai peh gunung paling obo. Balalu, Yesus baubah reo gi muka reo. ³balalu, pakai ne jaki paling maasud balalu paling wura. bakoi neng wura kain gi dunia tau nganti wura nyaleh iko.⁴Balalu, kaluar gi panane reo, Elia ali sameh ali hi Musa, balalu kahet keda ali Yesus. ⁵ukah, Petrus sawada pah hi Yesus, "Rabi, paling maasus pah kain naan gi itu . ayu keh tiken ngubah tolu kemah, ekoi pah iko erai pah hi Musa. talalu erai pah hi Elia." ⁶Sabab, Petrus bakoi katue harus nyawab ne ngulah reo katuleh takut.⁷Balalu, timul lah awan nyalinnung reo, dan nyonrongoi lengan sa hawi teke awan iro wadane, "itu leh pea ku sa na kalelu. Sondrongoi leh iyo!" ⁸Hentek iru wada ukah reo nginte hmpah sekitar, reo bakoi kia nginte hie pun sasameh reo ekat Yesus.⁹Dan, sementara reo bakoi teke gunung, Yesus ngundru suyu an hmpah reo pakai bakoi bara hie leh haut reo ite, hampe pea marunsia teke helang ulun mate. ¹⁰ket iro reo ngepot papan eran iro pakai reo raerai nelang nunti-nunti nan ekati ne Kebangkitan teke pampate iro.¹¹Balalu, reo nunti peh hi Yesus, "nokolo kawan ahli Taurat sawada bahwa Elia harus hawi lewi pono?" ¹²Balalu, Yesus sawada pah reo, "Elia menang hawi lewi pono, pakai nyumpuh katuluh ne. Dan, nakolo andri sa tatulis neo pea marunsia bahwa iyo harus sansara wahai hal dan nakasese? ¹³Namun, aku sawada pah iyo bahwa elia memang haut hawi, dan reo ngulah ne sesuai andri nan reo hamen, iyalah nantulis tentang ia." (Kawan Murid Bakoi Sangup Nyanapas Roh Jahat Teke Erang kaulun)

¹⁵Dan, hirang ukah kumpulan ulun iro nginte Yesus, reo jari emmah, dan malempat pakai nyammut ne. ¹⁶Balalu, Yesus sawada hmpah reo, "inun isa kahat ne basual andri ahli-ahli Taurat iro?"¹⁷Erang kaulun eke kumpulan nyangai Iyo, "Guru, aku nguit pea upo ku hmpah iko ket iyo karasukan roh sangulah iyo muna. ¹⁸papire kali roh iru manguasai ne iyo mepai ne hmpah tana dan iyo kaluar wure eke mulut ne, dan ngagiret kukut ne balalu iyo jari gajir. aku laku murud-murid ko ngunnur roh iro, kode reo bakoi sanggup." ¹⁹Dan,Yesus nyangai reo dan sawda hai generasi sa bakoi baiman! pire uhang kia aku harus baya iko? pire uhang kia aku batahan andri iko? Oit pea iro hmpah- aku!"²⁰Balalu, reo ngoit pea iro hmpah Yesus. Dan, hantek roh nginte Yesus, io palus ngagunsang pea iro. pea iro lawu pah tana dan igulang-galing andri mulut sa ngaluar wure. ²¹Kamulek, Yesus nunti hmpah uma pea iro, haut pire uhang hal itu terjadi pah iyo? sangaine, kia masa odik. ²²Dan, roh iro haut gaha nummukne pah huang apui dan pah huang ranu pakai ngmpihansurne. kode, jaka iko kaiuh ngulah inun-inun, kalelu kain dan karawah kain."²³Yesus sawada hmpahiyo, "jaka iko kaiuh? segala sesuatu mungkin pakai reo percaya." ²⁴Batareje uma pea iro ngiak dan sawada, aku peraya! karawahleh huang kepercayaanku!" ²⁵Hantek Yesus nginte bahwa ulun wahai hawi bakumpul andri hinang, Io marebe roh iro nelang swada hmpah iyo, "Iko roh muna dan morongon, Aku nyuyu iko kaluar teke pea itu dan ada masuk pah iyo kia!"²⁶Ukah ngariak ngagunsang-gunsang pea iro andri hebat, maka roh iro kaluar. pea iro jari ayalah ulun mate sehingga ulun wahai iro sawada, "Iyo mate!" ²⁷Kode, Yesus ngepot longon pea iro dan numuan ne, maka pea iro sokondrong.²⁸Dan, hentek Yesus masuk pah huang lowu, murd-murid-ne nunti hmpah iyo secara pribadi, "Kolowangun kain bakoi ngunnurne?" ²⁹Dan, iyo sawda hmpah reo, "jenis itu bakoi kaiuh kaluar ekat andri doa." (Yesus Sawada Kia neo Pampate-Ne.)³⁰Teke raha, Yesus dan murid-muridNe tulak dan metah wilayah Galilea. Dan, Iyo bakoi hakun na'n ulun sa kotoe. ³¹Sabab, Iyo ganyah ngajar murid-murid-Ne dan sawada hmpah reo, "Pea Marunsia akan na sarah pah longon marunsia, dan reo akan munu-Ne. Dan, ukah Iyo na wunu, tolu ondro kamulek Iyo akan bangkit." ³²Kode, murid-murid bakoi mantaru papaneran iro dan takut nunti hmpah- Iyo. (Persoalan neo Hie sa Paling Idu)³³Kamulek,Yesus dan murid-murid-Ne hampe gi Kapernaum. Dan, ukah Yesus na'n gi huang lowu, Iyo nunti hmpah reo, "Inun sa na paner ko huang perjalanan?" ³⁴Kode, reo suni kethuang perjalanan reo basual erai andri sa lain neo hie sa paling Idu. ³⁵Balalu, Yesus maharung dan bowa kaduawalas murid. Dan, Iyo sawda hmpah reo," Jaka erang kaulun sidi jari sa pertama, iyo harus jari sa terahir teke kahaine dan palayan hmpah kahaine."³⁶ Kamulek, Yesus ngepo erangkaulun pea odik dan ngimpeh pah duoi ne sokondrong gi helang reo. Dan, nelang maluk pea iro, Iyo sawada hmpah reo, ³⁷"Hie-hie sa nyammut pea odik ayalah itu huang ngaran Ku, Iyo nymut Aku. Dan, hie-hie sa nyammut Aku, bakoi nyammut Aku, melain kan Iyo Sa ngutus Aku." (Ulun sa Ngunnur Setan huang Ngaran Yesus)³⁸Yohanes sawada hmpah Yesus, "Guru, kain nginte ulun ngunnur setan-setan huang Ngaran-Ko, dan kain mahalangine ketiyo bakoi baya takam." ³⁹Kode, Yesus sawada, "Ada mahalangine ket bakoi oeng ulun sa ngulah perbuatan ajaibhuang ngaran-Ku, iyuh gi waktu iro pada ngakupe Aku.⁴⁰Sabab, hie sa bakoi dawan takam, na'n gi pihak takam. ⁴¹Sabab, Aku nywada sa sabujurne hmpah iko, hie-hie sa ngundru iko erang sangker ranu ket iko baya Kristus, bakoi akan kajawohan upane." (Neo Panyabab Dosa)⁴²"Dan hie-hie sa ngulah panyabab anapea odik sa percaya hmpah Aku iro ngulah dosa, lewi maasus pah tongane jaka erang kaua watu kilangan sa idu na gantung gi wiung ne dan iyo na umpe pah huang laut. ⁴³Dan, jaka longon ko panyabab iko badosa, totokleh longonko iro. lewi maasus pah iko masuk pah huang pamolum andri longon lepong, teke andri ruo longon masuk pah reo, pah huang sa bakoi suah pare, ⁴⁴duoi sa uletne bakoi akan mate dan apuine bakoi akan pare.⁴⁵Dan, jaka po'o ko panyabab iko badosa, totokleh po'o ko iro. lewi maasus pah iko masuk pah huang wolum andri po'o lepong, teke andri ruo po'o na tummuk pah huang naraka, ⁴⁶duoi sa uletne bakoi akan mate dan apuine bakoi akan pare .⁴⁷Dan, jaka mato ko panyabab iko badosa, sungkitleh matoko iro. lewi maasus pah iko masuk hmpah Karajaan Allah andri erai mato ko teke anderi ruo mato na tummuk pah huang naraka, ⁴⁸duoi sa uletne bakoi akan mate dan apuine bakoi akan pare.⁴⁹Sabab, tiap ulun aakan na tarangi andri apui . ⁵⁰Rangi iro maasus, kode jaka rangi iro kajawohan erangne,kolowangun iko akan ngulah erangne kia? Milikileh rangi gihuang tongako raerai dan badamaileh erai andri sa lain."

Chapter 10(Nau Pasarakan)

¹Kamulek, Yesus nanan duoi iro dan tulak pa wilayah Yudea dan pa ipai sunge Yordan. Dan, ulun rama bakumpul ngililing io kia. Dan yalah biasa ne jo reo nunti. ²Kumulek ulun-ulun Farisi hawi pa jo, dan pakai nyuba jo reo nunti, "inun kah natungkuah erang ka ulun hoong nyansarak wawan ne?" ³Yesus nyangai reo, "inun si na huyung ntusa hmpah iko?" ⁴Reo sawada, "Musa ngijin erang kuulun ho'ong ngulah surat sarak dan nyansarak ne."⁵Kude, Yesus nyawada hmpah reo, ket kape ate koeh,m Musa nutis huyuan inu hmpah iko. ⁶Kude teke, asal nuula ulahan, 'Allatala ngulah, reo upo dan wawe.⁷Ket iro leh, enang ku ulun upo nanan umma dan ine ne. ⁸Dan, ku rua ne jari erai tonga. anri mi iro reo bakoi kia ruo melainkan erai tonga. ⁹Jri, inun sahaut na ampi erai Allatala, bakoi iyuh na sansarak murunsia.¹⁰Kamulek, gi huang lowu murid-murid ne nunti kia pa iyo neu hal iro. ¹¹Maka, io sawada hmpah reo, hie-hie sa nyansarak wewen ne dan nohong kia, io bazinah pa wawen ne. ¹²Dan, pada amun wawen ne, dan nohong kia, io ngulah zinah.(Yesus Memberkati Kanapea)¹³Dan, reo ngoit kanapea odik hmpah Yesus numpan io ngepot kanapea iro, kude murid-murid nagur reo. ¹⁴Namun, hantek Yesus kite, io balalu sangit dan sawada hmpah murid-murid ne, "elah ne kana pea odik iro hawi hmpah uki dan ada nalang reo, ket kerajaan Allatala yalah kana pea bakoi akan masuk pa huang ne.

¹⁶Kumulek, Yesus ngikup kanapea iro, yo memberkati reo dan ngimpeh longon ne gi bawo reo.(Ulun Tatau Bakoi Tirime Baya Yesus)¹⁷Balalu, hentek Yesus nyidia perjalanan ne erang ka ulun nempat hmpah io dan isudu gi muka io dan nunti, "Guru yang baik, inun harus na ulah uki pakai kiiuh warisan wolun kekal?" ¹⁸Dan, Yesus sawada hmpah reo uah inun iko ngontuh uki maasus? Bakoi oeng erang kaulun pun sa maasus ekat Allatala reerai. ¹⁹Iko kan kutue huyuan-huyuan ada munu, ada bazinah, ada ngalat, ada ngunru on Tuhan bakoi tuu, ada ngakal, hormatilah umma ine ko."²⁰Balalu, ulun iro sawada hmpah io, "Guru, uki haut napalus kahai iro tike uki kea uro." ²¹Namun, Yesus nantau hmpah ulun uro iro dan ngimpeh ahi lelu pa io dan sawada pa io," erai hal sakurang teke iko, tulak dan ari harata milik ko dan ngunru pa ulun puua maka iko akan kaampun harata gi surga. Ayu, pataha dan baya uki." ²²Namun, na sawada iro ngulah io mahanang ate io tulak andri sedih ket kaampun wahai harta.²³Kumulek, Yesus nginte kililing dan sawada hmpah murid-murid ne, "miiro halinne ulun tatau masuk kerajaan Allatala!" ²⁴Murid-murid emah hmpah wadane, namun yesus sawada kia hmpah reo, "Hai kanapea mi iro halin ne pakai masuk kerajaan Allatala." ²⁵hewi murah erang kaukui unta masuk metah luang jarum, teke ulun tatau masuk kerajaan Allatala."²⁶Murid-murid magin emah dan sawada erai anri sa lain, "balalu hie si tau na slamatkan?" ²⁷Yesus nantau hmpah reo dan nyawada, mpa murunsia hal iro bakoi mungkin kude bakoi hmpah Allatala. Ket, kahai ne mungkin gi Allatala." (Upa Baya Yesus)²⁸Petrus malai sawada hmpah yesus, "ite kain ukah nanam kahai sa naan dan baya iko!"²⁹Yesus sawada, "uki nyawada si tuu ne hmpah iko, bakoi erang kuulun pun si haut nanan lowu, atau pulaksanai upo atau pulaksanai wawae, atau ine atau umma atau kana pea atau umo-umu ne ket uki dan ket injie. ³⁰Pada waktu itu bakoi akan nirime jatuh kali lipat, lowu-lowu, dan ine dan kanapea dan umo-umo andri kararaen dan pada waktu kai hawi wolun kekal. ³¹kude nama ulun si pangamalai jari sori dan io sori jari pangamalai ." (Yesus Bapaner Kia neu Pampate ner)³²REo nganyah huang penjalanan ngabai pa Yerusalem dan Yesus malan gi muka reo. dan reo kiinan wauh, samantara ulun si ngampung io hi inam takut. Dan Yesus mulek ngoit ka ruo walas murid ne io malai bara hmpah reo inun si kai terjadi pa io, ³³Wada-Ne, ite takan nganyah ngabai pa Yerusalem dan pea murunsia kai sarah hmpah iman-iman kepala dan ahli-ahli Taurat. Reo akan nukum ne hampe mate dan kai menyarah ne hmpah ulun-ulun bakoi Yahudi. ³⁴Reo kai ngukupe io dan dura io dan ngakasah io, dan munu io. Kude ukah tolu onro io wolun kia." (Palakuan Yakobus dan Yohanes)³⁵Kamulek, Yakobus dan Yohanes pea-pea Zabedeus, hawi hmpah Yesus dan sawada, "Guru, kain sidi iko ngulah pa kain, inun sa kain laku." ³⁶Dan, Yesus sawada hmpah reo, "Inun sa ikom sidi pakai ngulah?" ³⁷Reo sawada hmpah io, "Izinkan erang ulun teke kain maharung gi hila kawanan iko, dan erai hil hewi ko huang kemuliaan ko."³⁸Kude, Yesus sawada hmpah reo, ikan bakoi kutue inun sa ikan laku sanggupkah ikam munum tike cawan sa harus uki minum atau babtis anri babtisan sa hmpah uki?" ³⁹Reo sawada hmpah io, "kain sanggup!" Balalu Yesus sawada hmpah reo, " Cawan sa na inun uki iko minum dan ikam akan na babtis anri babtisan sa nababti pa uki. ⁴⁰KOde pakai maharung gi hila kawanan atau gi hila ke wi uki bakoi hak uki pakai ngunru ne."⁴¹KOrongai iro sapuluh murid jari sangit hmpah yakobus dan Yohanes. ⁴²Balalu, Yesus bowa reo dan sawada hmpah reo, "ikam kutue bahwa reo na anggap sebagai pemerintah ulun bakoi Yahudi ngulah yalah bakuasa gi bawo reo dan petinggi-petinggi reo ngampiriran kekuasaan ne bawo reo.⁴³Namun bakoi saharus ne gi antara iko sebalik ne hie sasidi idu gi antara iko harus jari palayan, ⁴⁴dan hie sa sidi jari sa malai gi antara iko harus jari palayan tike kahai ne. ⁴⁵ket, pea murunsia hawi bakoi pakai na layani kude pakai melayani dan pakai ngunru hengo ne sebagai newuh ulun ramma." (Yesua Nyamare Bartimeus Sa Pehe)⁴⁶Kamulek, reo hampe gi Yerikho hentek Yesus nanan yerikho sasameh murid-murid ne dan ulun rama, erang kaulung meminta-minta bangaran Bartimeus pea Timeus ganyah maharung gi hiring lalan. ⁴⁷Hantek io korongoi naan Yesus teke Nazaret, io pun malai bawa dan sawada, "Yesus pea Daud, pa ahileh uki!" ⁴⁸dan, rama ulun nagur io suni. Namun io magin ngiriak pea Daud pa ahi leh uki!"⁴⁹Balalu Yesus mihinroi dan sawada. "bpwa io dan reo bowa ulun pehe iro dan sawada hmpah io kawigasen ateko! sokondrong leh, io bowa iko. ⁵⁰Nelang napas jubah ne, ulun pehe iro sokonrong dan hawi hmpah Yesus.⁵¹Dan, Yesus sawada hmpah io inun na sidi teke uki pakai uki ngulah ne pa iko? "ulun pehe iro nyangai Rabi elah ne uki kita." ⁵²Balalu, Yesus sawada hmpah io tulak lah imanko haut nyamanre iko, "henteke iro pda mulek pingintean ne, dan io baya Yesus sapanyang lalan.

Chapter 11(Yesus Masuk pah Yerusalem)

¹Dan hentek reo kai hamoe Yeusalem, rupak Betfage dan Betania gi wungkur Zaitun, Yesus nyuyu ruo murid ne. ²dan, sawada hmpah reo tulakleh hmpah desa gi hadapan io dan leatereje ukah iko mamasuk ne iko akan kahong urang ka uki kaledai uro sa tahuruk dan bakoi suah na sungket ulun sa nepahleh kaledai iro dan oit. ³Jaka na'n ulun sanunti hmpah iyo et inun iko ngulah ne? wadaleh Tuhan perlu keledai iro dan batareje ngirin ne hmpah itu.⁴Balalu, re tulak dan kanong erang kaukai keledai uro satahuruk di manamang gi hila luar gi lalan balalu reo nyanepah ne. ⁵Papire ulun sokondrong giraha nunti hmpah reo "Inun sah na ulah andri nyanpah keledai iro? ⁶Reo nyangai ayalah sa haut na wada hmpah reodan ulun-ulun iro ngaret reo tulak.⁷Balalu, reo ngoit keledai iro hmpah Yesus ngimpeh jubah reo gi bawo keledai iro dan Yesus maharung gi bawo ne. ⁸Dan wahai ulun nammak jubah ne gi lalan dan salain ne nammur jangkeng-jangkeng sa reo totok teke umo. ⁹Ukun wahai samalam gi muka dan gaya nyawata, Hosana! ma berkatilah iyo sa hawi huang ngaran Tuhan. ¹⁰Na burkatileh pihawian Kerajaan Daud, nenek moyang takam! Hosana, gi duoi sa paling obo.¹¹Kamulek, Yesus masuk pa Yerusalem dan tulak pah Bait Allah. Ukah nginte segala sesuatu gi kalilingan ne Iyo tulak pah Betania ka duawalas murid ne ket ondro haut balabihan. (Yesus Ngutuk Kakau Ara) ¹²Dan, pah ondro pitanin hantuk reo nanan Betania, Yesus kainam Kalau.¹³Ukah, nginte erangka kakau ara sa baron teke oro, Iyo tulak pakai nginte jaka mungkim na'n sesuatu sa tau iyo kahong teke kakau iro. hantek iyo hampe gi kakau iro Iyo bakoi kahong inun ekat raom-raom ne sabab waktu iro bakoi musim ua ara. ¹⁴Ket iro Yesus sawada hmpah kakau iro, "ada na'n kia ulun sa suah kuman ua tonga ue pakai kongohong ne." Dan murid-murid ne nyondrongoi . (Yesus Tulak pah Bait Allah)¹⁵Kamulek reo hampe gi Yerusalem, dan Yesus masuk pah Bait Allah, dan makai ngunnur ulun-ulun sa ganyah maarian de Bait Allah. Iyo maleng Meja-meja panutup duit dan karusi-karusi ulun sa ngarai kawan wurung dara. ¹⁶Dan, iyo bakoi kia ngizin ulun ngoit barang-barang metah Bait Allah.¹⁷Kamulek, Yesus ngajar reo dan sawada, "Bakoi neh tatulis, lowu ku akan na ontuh lowu doa hmpah kahai Bangsa kode iko haut ngubah ne jari parampok." ¹⁸ Imam-Imam Kepala dan ahli Taurat nyonrongoi ne dan reo ngeto sara kolowangun munu ne. Sebab reo takut pah iyo ket ulun wahai iro kagum hampi ajaran ne. ¹⁹Dan hantek ondro malai kamalom Yeus dan murid-murid ne nanan kota iro. (Milikilah Iman gi huang Allah)²⁰Balalu, pita hentek reo metah, reo nginte kalau ara sa haut karing pa wakat-wakat ne. ²¹Petrus kaitung dan sawada hmpah Yesus, "Rabi, ite! kakau ara sa Iyo kutuk haut karing!"²²Dan Yesus nyangai reo miliki leh Iman gi huang Allah. ²³Aku ngawada sa asbujur ne hmpah iko hie-hie sa sawada, hmpah gunung itu, ' Taengkatleh dan patummukaleh pa huang laut,'dan bakoi oeng karaguan gi huang ate ko kode persaya bahwa imun sa iyo wada akan terjadi maka hal iro akan pah iyo.²⁴Sebab iro, aku sawada hmpah iko, inun-inun sa iko doa dan laku persayalah bahwa ikut haut narime ne maka hal iro akan na anyu hmpah iko. ²⁵Dan, apabila iko sokondrong dan ilaku dua ampunilah jaka iko nyimoh inun-inun ta hada erang kaulun uampan umako sa nan gi ssurga pada akang ngampuni kahalaen-kahalaen ko. ²⁶Namun, jaka iko bakoi ngampuni uma ko sa na'n gi surga pada bakoi akan mengampuni kahalaen-kahalaen. (Pamimpin Yahudi nunti Neo Kuasa Yesus)²⁷Kamulek reo hawi kia pah Yerusalem. Sementara Yesus malan pah Bait Allah, Imam-Imam Kepala, ahli-ahli Taurat, dan tokoh-tokoh Yahudi hawi hmpah iyo. ²⁸Dan reo Sawada hmpah io andri Kuasainun Iyo Ulah hal-hal iro, atawa ngulah ne?"²⁹Yesus sawada hmpah reo, "Aku akan nunti erai tuntian hmpah iko sangai leh Aku ngulah hal-hal iro. ³⁰Inun sah baptisan Yohanes Gaasal teke surga otawa teke marunsia? sangaileh Aku!"³¹Geo garancang erai andri sa lain andri sawada jaka takam nyangai,'teke suraga' iyo akan sawada balalu ulah inun iku bakoi persaya hmpah iyo?' ³²Kode jaka takam nyangai teke marunsia?'kawan pemimpin iro takut hmpah ulun wahai ket reo kahai naggapi bahwa Yohanes bujur-bujur erang kaulun nabi. Ket iro reo nyangai Yesus kain kotoe. Kamulek, Yesus Sawada hmpah reo, miiro pada Aku, Aku pada bakoi akan barapah iko andri kuasa inun sa Aku ngulah hal-hal iro.

Chapter 12(Perumpamaan Neo panyewa Kabun Anggur sa jahat)

¹Balalu Yeus malai bapaner hmpah reo huang perumpamaan-perumpamaan. " Ma'n ulun sa ngulah usaha usaha gi erang kaua Kebun anggur. Io namuan pagar di kalilingan ne dan ngali erang kaua luang duoi mian Anggur dan namuan erang ka'ua manara pangawas. Kamutek io ngampiswa hmpah pangalola-pangalola kebum tulah paluar negri. ²Walktu musim ngepohasil, iyo ngirim erang ka ulun palayan hmpah pangalola kebun iro pakai narime teke reo hasil kebun anggur ne. ³kode reo nyanna pacayan iro dan maweh ne balalu ngunnur ne andri logon lawang.⁴Ket iro iyo ngirim palayan lain ne hmpah reo meweh ulok ne dan ngulah kalakuan andri sara sa maka gangan. ⁵Balalu iyo ngirim palayan lain ne dan reo munu ne hal iro terjadi hmpah kahoi lain ne mehene na wewe dan mehe ne na wunu.⁶Ompun kabun iro nagon ka ompun erai kia iyo iro pea sa na kalelu, akhir ne iyo ngirim pea ne hmpah reo dan sawada "reo akan menghormati pea ku." ⁷Kode, kawan pengelola kebun iro sawada erai andri sa lain ittu adalah ahli waris ne. Ayo takom munu iyo dan warisan ne akan jari milik takon.⁸Balalu reo nyamma ne munu ne, balalu ngumpune pah luar kebun anggur. ⁹Inun sa kai na ulah ompun kebun iro iyo kai hawi dan ngampigimasa kawan pengelola iro dan ngundru kebun anggur ne hmpah sa lain.¹⁰Mete suah sa iko membela ayat Kitab Suci sa na : ' Umpe ulah tukang bangunan hout jari utama / penjuru. ¹¹Iroleh ullahan Tuhan dan ulahan iro ajaib gimato takam? ¹²Kamulek reo ba usaha pakai nyamma iyo. Kode reo takut hmpah ulun kahai ket reo kotoe bahwa Yesus nahampe perumpamaan iro pakai reo balalu reo nanan Yesus dan tulak. (Neo Bayar Pajak)¹³Kamulek reo nyuyu hawi hmpah Yesus papire ulun Farisi dan ulun-ulun Herodian pakai nyindir iyo andri papaneran nea raerai. ¹⁴Reo hawi dan sawada hmpah Yesus, "Guru, kain katoe bawa iko bujur dan bakoi peduli andri pandapat ulun lain. Sebab, iko bakoi kite panampilan ulun kode ngajar lalan Allah sa sasuai andri kopinu Inun sa Gujur. gayar pajak hmpah kaisar atau bakoi ?" ¹⁵Harus sah kain bayar otawa harus sah kain bakoi bayar kode Yesus teo, ulah inun nyuba Aku ? Oit hmpah aku erai dinar dan ikeleh atau nginte ne.¹⁶Balalu reo ngoit dan Yesus sawada hmpah reo Gammar dan tulisan kaisar. ¹⁷Kamulek Yesus sawada hmpah reo "unru hmpah kaisar hal-hal sa jari milik kaisar dan hmpah Allah." hal-hal sajari milik Allah, dan reo heran hmpah Yesus. (Tuentian ulun Saduki pakai ngakal Yesus)¹⁸Balalu ulun-ulun saduki, sa ba paner baka oeng kebangkitan, hawei hmpah Yesu dan nanti hmpah iyo wada reo. ¹⁹"Guru, Musa manulis hmpah taken bahwa jaka erang kaulun sa na'n pucaksanani upo, mate dan nanan erang ka ulun wawen, kode bakoi nanan pea, pulaksanaine sa upo iro harus mamawe walu iro dan numuaan keturunan hmpah bulok sanaine.²⁰Na'n putu ulun pulaksanai sa pertama ngepo erang kaulun wawen, dan hantek iyo mate iyo bakoi nanan keturunan. ²¹Balalu pulaksanani sa ka ruo namawe waweiro dan mate koioeng naman katurunan. miro pada andri pulaksanai ka tolu. ²²Dan bakoi oeng ka pitu ipulaksanani iro sa nanan pea ahir teke kahai ne wawe iro pada mate. ²³Gi ondro kebangkitan, hantek reo jari wawen hie sa wawe iro ? Sebab, kapitu ipulak sanai iro haut jari wawen."²⁴Yesus nyangai reo, "Bakoi sah itu alasan iko jari tawang, ket bakoi kataru Kitab Suci, atawa Kuasa Allah?" ²⁵Sebab hantek reo sa namawe sa namawe atawa na tamawe kode reo gari ayalah kawan malaekat gi surga.²⁶Neo ulun-ulun mate sa na tamuan, bakoi sah iko momaksa huang kitab Musa, gi bagian neo lagi panasian kolo wangun Allah ba paner hmpah iyo aku adalah Allah Abvraham dan Allah Isak, dan Allah Yakub, ²⁷Iyo bakoi Allah ulun mate Kode Allah sa mate iko bujur-bujur tawang. (Suyuan Sa Paling Bariam )²⁸Kamulek orang kaulun teke kawan ahli taurat hawi dan nyunrongoi reo basual, hantek iyo nginte bahwa Yesus haut nyangoi andri maaus. maka iyo. nunti hmpah Yesus suyuan yahawe sah paling gariran teke teke hahait ne. ²⁹Yesus nyagai Hukum sa paling bariran adalah sonrongoi hai ulun-ulun Israel ! Tuhan Allah takan adalah erai-erai ne Tuhan. ³⁰Dan, Piahileh Tuhan Allah ko andri ko ponu ate ko dan andri ko ponu tongako dan andri ka ponu ahongko dan andri ka ponu kawigasan ko. ³¹Dan sa karuo adalah piahileh same-same-same ikan ayalah tongako raerai. Bakoi oeng hukum sa lewi idu teke itu.³²Balalu, ahli taurat sawada hmpah yesus "iko bujur, Guru iko bujur andri ngawada bahwa iyo iro erai, dan bakoi oeng salain iyo. ³³Dan, Miahine andri ka ponu kataruen dan andri ka ponu kawigasen gaya ni ahli-ahli sameh-sameh ayalah tonga ko raerai memang lewi Gariran teke kahai kurban topaan dan panganyuan. ³⁴Kamulek, hentek Yesus nginte bahwa ulun iro andri bijaksana Iyo sawada hmpah iyo iko bakoi "oro teke Kerajaan Allah" ukeh iro, bakoi oeng kia ulun sa ranu nunti hmpah Yesus. (Kristus adalah Tuhan)³⁵Dan, ukang ngajar gi Bait Allah, Bait Allah, Yesus Sawada kolowangan tau ahli-ahlu Taurat sawada bahwa Kristus adalah pea Daud? ³⁶Daud raerai sawada gi huang Roh barasis 'Tuhan sawada hmpah tuanku : Maharungleh gi hila Kawananku hampe aku kahaba musuh-musuhku gi pida pooku. ³⁷Daud raerai ngontuh Kristus sebagai Tuhan jari kolo wangun Kristus adalah pea ne ? Dan ulun wahai nynrongoi ne andri sanang. (Sikap terhadaap Ahli-Ahli Turat)³⁸Huang ajaran ne Yessus sawada hati-hati leh terhadap ahli-ahli Taurat sa sidi malam makai jubah obo dan sidi narime salam hormat gi sinagoge-sinagoge ³⁹dan duoi-duoi ta hormat huang pehrjamuan-perjamuan, ⁴⁰Reo sa hanrabut lowu-lowu kawan walu dan sebagai alasan ba doa sa obo-obo, reo akan narime hukuman sa lewi wiel. (Pangamian Sejati)⁴¹Kamulek, Yesus maharung gi muka kutak pangamian dan nyalidiki ulun-ulun sa namasuk duit pah huang, ketak panganyuan iro. Wahoi ulen tatau sa mamasuk huang jumlah idu. ⁴²Kamulek, erang kauulun walu puua hawi dan namasuk ruo keping duit logam sa nilai andri erai sun.⁴³Balalu Yesus bowa murid-murid ne dan sawata hmpah reo Aku nyawadah sa sabujur ne hmpah iko, walu puua iro haut namasuk lewi wahoi pa huang kutek ponganyuan iro teke kahai ulun lain. ⁴⁴Sebab, reo kahai ngundru teke kalabihan neo kode walu puua iro, ngundru teke kakurangan ne, ngundru kahoi none iyo iro kahoi nafkah ne.

Chapter 13(Khotbah Yesus Ne'u Akhir Zaman)

¹Balalu hentek Yesus hentek Allatala erang kaulun murid-murid murid ne sawada hmpah Io, "Guru" ite tu'u maasus watu-watu dan tu'u maasus bangunan-bangunan ittu" ²Dan Yesus nyangai ne, inun kehiko kite bangunan-bangunan sa tamam ittu ? bakoi oeng eraipun watu sa kai duoi gi bawo watu lain ne sa bakoi kai na setempong." (Malai ka sansaraan)Dan Samantara Yesus ganyah maharung gi bawa Bukit Zaitun sa naadap gereja Allatala Petrus ali Yakobus ali Yohanes, ali Andreas nunti hmpah Yesus, reerai. ⁴"Bara pa kain hentek kui, hal iro kai terjadi dan inun sa kai jari-jari tanna bila kahai iro hinang awis?"⁵Balalu, Yesus malai sawada hmpah reo bahati-hatileh nampan bakoi na'an ulun sa nyantawang iko. ⁶Rama ulun kai hawi huang ngaran uki, sawada, ukileh Io, dan reo kai nyantawang ulun rama.⁷Hentek iko korongoi ne'o kababuren dan kababar kalait, ada takut, hal-hal itu harus terjadi, kude akhir teke kahai ne mete terjadi. ⁸Ket bangsa kai buan dawan bangsa, dan kerajaan dawan kerajaan. Akan terjadi gijut ge pipire duoi dan naan ulun kala'u. ituleh malai teke kiinan nakayaan.⁹Namun jaga tongako ket reo kai nyarah iko hmpah pengadilan dan iko akan na popok gi sinagoge dan iko akan sokonrong gi muka sanhedrin pa reo. ¹⁰Dan injil harus lewi pono na tahampe lumph kahai bangsa.¹¹dan hentek reo ngoit iko dan nyarah iko ada takut pono anri inun sa harus iko wada kude wadaleh inun sa na karunia hmpah iko wktu iro ket bakoi iko sa bapaner kude roh barasis. ¹²Dan erang kaulun pulak nai akan nyarah pulaksanai pa pampate dan umma hmpah kanape ne kanapea kai kuan dawan ulun muntuo dan munu reo. ¹³Dan iko akan mirikang ket kahai ulun ket ngaran uki, kude ulun sa tatap batahan hampe awis akan na selamatkan. (Hal Kejaharan ngulah Kehancuran)¹⁴"Namun, hentek iko nginte pembinasa keji sokondrong gi duoi sabakoi saharusne ( kawan pembaca harus paham ), reo sa na'n gi Yudea harus pah gunung. ¹⁵Ulun sa na'n gi sapo lowu ada dolui atawa masuk pah huang lowu pakai ngaluar inun pun teke huang lowu ne. ¹⁶Dan, ulun sa na'n gi umo ,ada ikulik pakai ngepo jubahne.¹⁷Salaka sa ganyah suwuntung dan reo sa ganyah ngampomo pea negi ondro iro. ¹⁸Lakudualeh nampan hal ieo bakoi terjadi gi musim marisak. ¹⁹Sabab gi ondro-ondro iro kai terjadi waktu kasusahan idu bakoi suah terjadi hantek malai uluhan sa Tuhan , ulah hampe tataha ,dan bakoi oeng suah terjadi kia .²⁰Dan, jaka Tuhan bakoi ngampi idok ondro-ondro iro, bakoi oeng erang kaulun pun sa salamat kode ket sanapeli sa haut Io peli, Io ngampi idok ondro-ondro iro.²¹Kamulek, jaka na'n ulun sa sawada hmpah iko, 'ite, Kristus na'n gi iro!' Atawa, 'ite, Io na'n gi raha!'ada persaya Io. ²²Sabab, mesias-mesias palsu dan nabi-nabipalsu akan buan dan nantarang tanna-tanna dan kaajaiban-kaajaiban pakai nyantawang, jika mungkin, hampe ulun-ulun pilihan. ²³Hati-hati leh! aku haut bara kahaine hmpah iko sametene.²⁴Namun, gi ondro - ondro iro,ukah terjadi masa kasansaraan idu, 'Mato ondro kai jari sirom ,dan wulan bakoi sagar mai. ²⁵Bintang-bintang akan balawuan teke langit, dan kuasa-kuasa gi langit ,akan pagagunsang.'"Yesaya ( Pihawian Pea Marunsia )²⁶"Kamulek, reo akan nginte pea marunsia hawi huang rakun-rakun andri kuasa dan kemuliaan sa idu.²⁷Balalu,Io akan ngutus malekat-malekat dan ngumpul sa na peli teke kaepat arah mata angin ,teke hujung bumi hampe pah hujung-hujung langit.²⁸" Paajar leh teke perumpamaan kakau ara: hantek ra'n-ra'n ne haut paluwet dan raon-raon ne holet ,maka iko katue musim malayong haut rupak. ²⁹Miiro pada andri iko, bila iko nginte hal saterjadi, kontoe leh bahwa Io haut rupak manamang.³⁰Aku nyawada sa sabujur ne hmpah iko generasi ittu bakoi sagar metah hampe kahai ittu terjadi. ³¹Langit dan bumi akan metah,kode firman ku bakoi akan suah metah.³²" Kode, neo ondro atawa jam iro , bakoi oeng erang ka ulun pun sa kotoe,bakoi pada malekat-malekat gi sorga,bahkan bakoi pada Anapea,ekat Bapa.³³Kude, Ne'u onro atau jam iro, bakoi iro bakoi oeng erang ka ulun pun sa kutue, bakoi pada malaikat-malaikat gi surga, bakoi pada pea ekat um'ma. ³⁴Hal ittu yalah ulun ganyah huang perjalanan hentek io nanan Lowu dan ngunru kuasa hmpah pelayan-pelayan ne, anri gawian ne masing-masing dan nunyu penjaga-penjaga.³⁵Ket iro berjaga-jagaleh ket iko bakoi kutue hente hawe atau suan malonm atau waktu manu nungkuru'ut atau putut pita. ³⁶Ada hampe Io Sawat hawi dan kahong iko ganyah surui. ³⁷inun sa na wadalu hmpah iko ittu. Uki sawada hmpah kahai ulun : "Berjaga-jagaleh!"

Chapter 14(Ransana Munu Yesus)

¹Onro perayaan Paskah dan oro perayaan roti bakoi baragi langsung ruo onro kia, imam-imam kepala dan ahli taurat ganyah ngeto sara pakai nyamma Yesus anri tipu daya dan munu Io. ²Ket reo sawada, "ada waktu onro hari raya manpan ada jari para wekkan gi suan Rakyat."(Yesus diurapi anri minyak Narwastu)³Samantara Yesus naan gi Betania gi lowu simon si kusta, hentek ganyah maharung gi meja kuman, hawi erang ku ulun wawe anri erang kuua kursi odik teke watu pialam. baisi mianyak wangi teke narwastu dan rarang. Io numpuhi kusi iro dan mawak gi bawo ulok Yesus. ⁴kude naan pipire ku ulun sa sawadaanri manyasal erai anri lain, "uah inun na hanyang Minyak Wangi Yalah itu? ⁵Ket minyak itu tau nan anri tolu jatuh Dinar (300 Dinar) Lewi dan iuh na unru hmpah ulun pu'ua," Dan reo pun sangit wawe iro.⁶Namun Yesus sawada elah ne io et inun iko nyanara io ? Io haut ngulah sa maasus hmpah uki. ⁷Ket iko naan ulun puua iko hakun, iko tau ngulah Perbuatan ma asus hmpah reo. lude iko bakoi selalu ibaya anri uki. ⁸Wawe ittu melaku inun katauen ne Io mengurapi tonga uki lewi pono pakai penguburan. ⁹Aku sawadahmpah iko si tu'u ne gi hawe Injil na biritakan gi kahai dunia inun si haut na ulah wawe iro pada kai na ontuh sebagai pangitungan pa io. (Ransana Yudan pakai ngukupe)¹⁰Kumulek, Yudas Iskariot salah satu teke karuowalas murid, tulek hmpah imam-iman kepala pakai nyarah Yesus hmpah reo. ¹¹Hentek reo nyonrongoi ne, reo sanang dan bajanyi ngunru Yudas duit, Ket iro Yudas ngeto waktu maasus pakai nyarah io Yesus. (Penyediaan Paskah)¹²Panga malai hari raya rote bakoi ba ragi hentek reo mengurbankan pea babiri Paskah, murid-murid Yesus nunti hmpah "io pa hawe iko sidi kain pakai tulak pakai nyadia hmpah ika makanan Paskah?" ¹³Balalu nyuyu ruo kuulun murid ni dan sawada hmpah reo,"Tuleklah pa kota, dan irang ka ulun upo saganyah ngoit kusi bausi ranu kai nangkahong iko totah io. ¹⁴Dan pa hawe io masuk dan wadaleh pa ampun lo wo, 'Guru sawada: gi hawe ruang duoi uki tau kuman Paskah sasameh murid-murid uki?"¹⁵Balalu io kai nutui pa iko erang kana ruangan idu gi lantai oko sa haut naan parabut na sadia. Sadialeh perjamuan pa takam gi rahu."¹⁶Kumulek murid-murid tulak dan hampe gi kota gi raha reo ki iuh duoi yalah sa Yesus sawada hmpah reo, balalu reo nyidia Paskah.¹⁷Hentek onro kamalom, hawi Yesus sasameh karuo walas murid. ¹⁸Dan hentek reo ganyah maharung dan kuman Yeus nyawada " Uki sawada si tu'u ne hmpah iko erang kaulun teke ikam, sa ganyah kuman sasameh anri uki, kai ngukupe uki. ¹⁹Reo malai na ulah sedih dan sawada erai anri erai, " Pasti bakoi uki kan ?"²⁰Yesus sawada hmpaah reo, "Io adalah salah satu teke ka ruo walas murid, ulun sa nyosap rute sasameh uku pa huang mansi.²¹Ket pea marunsia kai tulak, yalah sa haut na tulis neu Io, kude salaka leh ulun sa daya ne pea murunsia na kukupe ! Kai lewi maasus bagi ulun iro jaka io bakoi suah nakayaan. " (Teguran akan Tonga dan Raya Kristus)²²Hentek reo ganyah kuman, Yesus ngepo rute, dan ukah memberkati, Ioo nyana rai ne dan ngunru ne hmpah reo, nelang sawada "epo leh itu tonga uki. " ²³Dan Io ngepo Cawan dan ngontuh syukur.Io ngunru ne hmpah reo dan reo kahai minum teke cawan ero. ²⁴Balalu Yesus sawada hmpah reo, ittu leh raya uki raya jannyi sa na tahari pa rama ulun. ²⁵Ui sawada hmpah iko "sa tu'u ne, uki bakoi kia minum hasil ua uke kakau anggur hampe onro hentek uki minum anggur sa wayu gi huang Kerajaan Allatala."²⁶ukah manyanyi erang kuua nyanyian rohani reo pun tulak pa Bukit Zaitun. (Murid-murid Yesus kai nanan Io)²⁷Kumuleh Yesus sawada hmpah reo "ikam kahai nanan uki, ket naan ta tulis, "Uki kai nyarang gembala, babiri-babiri kai sabat sinuk (Pasai).²⁸Kude ukah uki na bangkit, uki kai tulak pa Galilea pono teke iko. ²⁹Namun Pertus sawada hmpah Io, "Sekalipun reo kahai nanan iko, kude uki bakoi."³⁰Dan Yesus nyawada hmpah io, uki sawada si tu'u ne hmpah iko, malom ittu manu jagau nungkuru ut ruo kali, iko kai dawan uki tolu kali." ³¹Kude Petrus ba karas nyangai, "sekalipun uki marus mate baya iko, uki bakoi sagar dawan iko." Dan reo kahai nyawada hal sa, sameh.(Yeus gi taman Getsemani )³²Kumulek hampeleh reo gi suatu duai bangaran Getsemani, dan Io sawada hmpah murid-murid ne, "maharungleh giitu samantara uki laku dua." ³³Dan Io ngoit Petrus dan Yakobus dan Yohanes anri Io. Dan malai tu'u takut dan tertekan. ³⁴Balalu wada ne hmpah reo, "jiwa uki tu'u sedih bahkan hampeh kai mate, "Tetapleh duloi gi ittu dan bajaga-jaga leh."³⁵Maka ukah oro, odik, Io nyammah gi bowo tana dan lakudua, jika mungkin, yiiro metahteke uki. ³⁶Dan Io sawada " Abba, Umma uras Sesuatu mungkin pa iko. Epo cawan ittu teke uki. Namun, bakoi inun sa na tahum ko."³⁷Kumulek Io hawi kia dan kahong murid-murid ne ganyah surui dan no Io sawada hmpah Petrus, "Simon ulah inun iko surui? Bakoi taukah iko berjaga-jaga Kunguhang erai jam ? ³⁸Berjaga-jagalah dan lakudua nampan iko bakoi Lewu huang sobaan. Buruo memang nuo, Kude tanga lebe." Dan kia, tulak dan lakudua anri ngontuh on Tuhan sa sameh.⁴⁰Dan kia Io hawi kahong reo ganyah surui ket mato reo tu'u wiet, dan reo bakoi tau harus nyangai inun hmpah Io. ⁴¹Ukah Io Yesus hawi kia anri ka tolu kali dan sawada hmpah reo,"ikam pagon surui dan mihindroi ? sukup waktu nna haut hampe. Ite pea murunsia na sarah pa hulung logon ulun-ulun badusta. ⁴²Buanleh hayu takam tulak ite sa nyarah uki haut rupak. (Yesus na Jam'mah)43 Hinang ukah iro samantara Yesus ganyah paner, Yudas salah satu teke karuo walas murid, hawi sasameh urun rama anri otak dan pumungkong , na utus ulah imam-imam kepala, ahli-ahli Taurat, tua-tua bangsa Yahudi. ⁴⁴Io sa manyarah haut na unru tana na wade ne, ulun sa kai nyiuk uki, Io iroleh ulun ne, "Jamma Io dan oit io tulak gi bowo pengawasan. ⁴⁵Dan hentek Yudas hampe, Io hinang nyanrupak Yesus dan sawada, "Rabi!" balalu io nyiuk Yesus. Kumulek reo ngepot Yesus ⁴⁶Kamulek Yesus dan nyam ma Io.⁴⁷Namun salah satu teke reo sa sokonrong nyujut otak ne dan manyarang palayanan Imam Besar, balalu notok tilingo ne. ⁴⁸Dan Yesus sawada hmpah reo inunkah iko kah iko hawi anri otak dan pumungkong pakai nyamma aku yalah erang ku ulun parampuk ? ⁴⁹Tiap onro uki sameh anri iko gi Bait Allah nelang ngajar, kude iko bakoi nyamma uki. Namun hal ittu tejadi nampan Kitab barasis tau na ganapi. ⁵⁰Kumulek reo kahai nanan Yesus dan nempat.⁵¹Naan erang kuulun pemuda ibaya anri Yesus ekat makai pakaian kain lenan gi tonga ne dan reo nyamma io. ⁵²Kude io nanan kain lenan iro dan melempat nelang pelagu. (Yesus na hakimi Pemimpin Yahudi)⁵³Kumulek reo ngoit Yesus hmpah Imam Besar. Dan kalai imam besar kepala dan tua-tua dan ahli Taurat berkumpul sesameh. ⁵⁴Dan Petrus ngapung tuke oro hampe gi natar lowu imam kasar gi raha, io maharaung sasameh para pengawal nelang nanayang tonga gi pontukan apui.⁵⁵Para Imam kepala dan kahai mahkamah agama tarus ngeto kesakisan pakai reo dawan Yesus pakai reo ki iuh munu Yesus, leudi reo bakoi kahong inun-inun. ⁵⁶Ket rama ulun ngunru kesaksian palsu pakai dawan io kudi kesakian reo bakoi su sule erai anri sa lain.⁵⁷Kumulek pipire ulun sokorong dan ngunru kesaksian palsu pakai dawana Yesus wada ne. ⁵⁸Kain korongai io sawada uki kai nyentempong Bait Allah ulahan longon murunsia dan huang tolu onro uki numuan salain ne sa bakoi nanulah langon murunsia. ⁵⁹Namun pakai liak ittu kesaksian reo bakoi bakoi sesuai erai sa lain.⁶⁰Balalu Imam besar sokenrong gi suan-suan reo dan nunti hmpah Yesus, inunkah iko bakoi ngunru sangaian hmpah ulun-ulun. ⁶¹Kude io tatap suni bakoi nyangai, "Imam Besar nunti kia hmpah Yeus, wada ne inunleh iko Mesias pia Allatala sa terpuji?" ⁶²Dan Yesus Sawada "ukileh yi iro dan iko akan kite pea murunsia maharung gi kawanan sa maha kuasa dan hawi anri awan-awan gi langit."⁶³Balalu nelang ngirah jubah ne, Imam Besar sawada uah inun takam tetap perlu saksi kia. ⁶⁴Iko haut konrongoi hujatan, Inun keputusan ko? Pipire ulun malai dura Io dan nutup wae ne dan nampar Io dan sawada hmpah Io "Bernubuat leh" Para Pengawal nirim iko anri tamparan. (Petrus Bakoi Mengaku Yesus)⁶⁶Dan sementara Petrus, ganyah naan gi iwe natar lowu Imam Besar, erang kaulun pelayan wawe Imam Besar hawi. ⁶⁷Dan kite Petrus ganyah ngampi layong tonga ne palayan iro nantau io dan sawada "iko pada sasameh Yesus ukun Nazaret iro." ⁶⁸"Namun Petrus dawan nelang sawada uki bakoi kutue dan bakoi kataru inun na paner ko." Balalu io tulak pa manamang gerbang dan manu jagau nungkuru'ut.⁶⁹Peyanan wawe iro kite Petrus erai kali kia dan malai sawada kia hmpah ulun-ulun si sokonrong,"ulun itto adalah salah satu teke reo." ⁷⁰Kudi io dawan kia dan bakoi uhang kumulek ulun-ulun si sokonrong sawada kiahmpah Petrus, "iko pasti salah satu teke reo ket iko pada ulun Galilea."⁷¹Namun io malai ngutuk da basumpah uki bakoi kataru ulun sa napaner ko. ⁷²Hanang manu jagau ku urut pakai karuo kali ne dan Petrus ki itung inun sa hautYesus sawada hmpah io,"Mete manu jagau nungkuru'ut." Balalu Petrus bakoi ki iuh nahan soyar ne.

Chapter 15(Yesus gi muka Pilatus)

¹Subuh-subuh tuu, imam-imam kapala nyawada erang kaua nansana ali kawan tuo-tuo, baya ahli-ahli Taurat, baya kahai Sanhedrin. Dan, reo ema Yesus, ngoit ne tulak, nyarah ne, hmpah Pilatus. ²Paulus, Pilatus nunti ke iyo inun sa iko Raja ulun Yahudi?" Dan, iyo nyawab ne, iko sa nyawada ne." ³ Ukah itu, kawan iman kapala nuduh Yesus kakane-kane.⁴Bulu, Pilatus nunti kia pah iyo, inun sa iko bakoi nyawab ne? ite, papire wahai ojo reo pakai dawan iku." ⁵kude yesus bakoi lagi nyawab balalu Pilatus wauh. (Yesus Baya Barabas)⁶giowo paskah-paskah Pilatus biasa nganti bebas kia reo erai ulun na tahan sa reo loku. ⁷Bulu, nan erai ulun bangaran Barabas haut na tahan sasameh kawan pemberontak ngulah pampate huang seua pemberontakan. ⁸Ulun wahai ulet bulu palus laku poh Pilatus pakai ngulah kala biasa sa iyo ulah poh reo.⁹Bulu, Pilatus nyawab reo ali paner, "inun kah iko hamen nan pun aku napas pa iko Raja ulun Yahudi itu?" ¹⁰Sabab, iyo tau bahwa kawan iman kkapala haut nyarah Yesus et bahiri atei. ¹¹Kude iman-iman kepala malahan mangoruh ulun wahai nan pan laku Pilatus napas Barabas.¹²Palus, Pilatus bapaner kia hmpah reo, "jari inun sa harus na ulah ali ulun sa iko nyada Raja ulun Yahude itu?" ¹³Dan, reo ngariak kia, "salib leh iyo!"¹⁴Kamulek, Pilatus bapaner hmpah reo, "nokola? kejahatan inun sa haut na ulah ne?" Namun, reo batariak-tariak lebih noyah kia, "Saliblah iyo!" ¹⁵Ket sidi kompipuas are ulun wahai, PIlatus dopos Barabas pa reo, bolu ukah meweh Yesus, iyo nyarah ne pakai na salib. (Yesus na kasese bulu na siksa)¹⁶Dan, kawan prajurit nguet Yesus pa istana, yo iro gedung pengadilan, " bulu reo bawa kohai rombongan bakumpul. ¹⁷Palus reo ngasese ne jubah ungu, bulu ulah masang erang kau nh kata barui, reo nyiksa ne hmpah Yesus. ¹⁸Kamule, reo mulai nyampai salam hmpah iyo, "Salam, Raja ulun Yahudi!"¹⁹Dan, reo mopok ulok ne ali erang kaua paring balu dan iyo, palus sujud nyembah iyo. ²⁰ukah reo ngesese-sese yesus, reo dopas jubah ungu teke Yesus kawan pakai na salib ne. (Nyalib Yesus) ²¹Bulu, reo maksa sa rahat metah, Simon ulun kirene, sa rahat hawi tike dese, uma teke Aleksander baya Rufus, pakai mikul salib ne.²²Balalu reo ngoiy Yesus pa dooi ba ngaran Golgota, sa artine "Doou ting karak." ²³rEo ngunsune anggur basampur mur, kude iyo bakoi ngepu ne. ²⁴Kamulek, reo nyalib iyo bolu babagi-bagi pamane helang reo, nelang numbuk undi pakai ngulah bagian yohawe sa tau na epo daya masing-masing.²⁵Balalu waktu iro jam katalu hantek reo nyalib ne. ²⁶Dan, nulis manganai tuduhan nadap Yesus tatulis "Raja ulun Yahudi." ²⁷Palus reo nyalib noo ulun parampok sameh ali ne, erai ulun gi hila kawanan ne bolu erai gihela kewi ne. ²⁸Jari, langanoti leh bulu barases sa nyawada," bolu iyo ta reken gi helang ulun-ulun durhaka."²⁹kamule, ulun-ulun sa metah ngakupe Yesus melang ngakiyik olok reo bulu bapaner, "Hai! iko sa kai nyantopang Bait Allah bulu nyongkorong ne mulek huang talo anro, ³⁰Salamat lah tonga ko raerai bulu daloo leh hingke Salib!"³¹miiro pada iman-iman kepala, sasameh ali kawan Ahli Taurat, ngese Yesus ali panen erai sameh lain, "iyo nyalamat ulun lain, kode iyo bakoi tau nyalamat longa ne raerai! ³²Ingkeh lehMesias, sang Raja Israel, tataha dalai teke salib pakai takan tou nginte bulu harop. "Reo gi salibsasameh ali Yesus pada nyawarah iyo. (Mati Yesus)³³gi waktu jam koonom, jari siron gi kahai tana iro hampe pah jam ka suu. ³⁴Gi jam ka suei, berse ali lengon sa mehet, "Eloi, Eloi, lama sabaleh rami, "sa orti ne Allah ku, Allah ku,kah inun iko nanan aku?" ³⁵Dan, ukah nyanrongoi ne, papire ulun sa sakonrong gi nupok iyo bapaner, "ite iyo bowa Elia."³⁶Palus erang kaulun malempat bulu nyui erang kaka spons ali anggur ne hmpah Yesus pakai na inem nelung bapaner, "ingkeh leh takan nginte inun kah Elia tau hawi pakai nyandoloi iyo." ³⁷Kamulek, Yesus bowa ali kungan noyoh bulu nangkairis hengo ne sa akhir ne. ³⁸Waktu iro, tirai Bait Allah sikoh jari reo, ke obo hampe iwa.³⁹bulu, hantek kapala rombongan, sa sakondrong gi muka Yesus, nginte kolo wongan yesus ngitus hengo pejumpuhan ne iyo bapaner, "bujur ulun itu adalah reo Alah." ⁴⁰Gi naha pada nan papire wawe sa nginte teke oro, helang reo adalah Maria Magdalena, dan Mariaine Yakobus Muda bulu Yesua, baya Salome. ⁴¹Hantek Yesusnan gi wilayah Galilea, reo uma iyo bulu narine iyo bului gi raha nan wahai wawi lain sa hawi sameh Yesus pah Yesusalem. (Dawong Yesus)⁴²Hantek onro haut kamolun, et onro iro adalah onro nasada yo iro unro mete onro sabat, ⁴³Yusup ulun Arimatea hawi, erang ka ulun anggota Majilis Besar sa na hormat, sa tonga ne pada nunuk-nunuk ne kaharuan kerajaan Allah, nganpirana tanga tulak pah pilatu balu laku tonga Yesus. ⁴⁴Pilatus emah karongoi ulah Yesus haut mate iyo bowa kepala pasukan balu nunti hmpah iyo inun kah tuu Yesus haut mate.⁴⁵ukah Pilatus katue teke kepala pasukan, iyo nyunru bangkai iro hmpah Yusuf. ⁴⁶Bulu Yusup muli hain linen bulu nyandalai bangkai yesus, ukah mungkus ne gi huang kain linen iro iyo nungubis ne huang pasaran sa na kali gi gunung watu bulu nyuen erang kuua watu pah manamang masuk siat. ⁴⁷Maria Magdalena bulu Maria ine Yesus nginte doa bangkai Yesus na tungkubis.

Chapter 16(Kabar Kebangkitan Yesus)

¹Dan, hantek ondro sabat paetah Maria Magdalena, sehingga reo kaiuh tulak ngilau Yesus. ²Pita-pita tuu, gi onaro malai mengngo iro, hantek meto ondro holet, reo hawi pah siat.³Reo bapaner erai andri salain, "hie sa akan ngulagaling watu teke manamang masuk siat iro?" ⁴Namun, elami nan lau pah oba reo kite, walu tuu idu yero haut ta guling.⁵Dan, ukah masuk kahuang siat, reo nginte erang ka ulun upo samakai jubah bura ganyah maharung gi hila kawanan, dan reo heran. ⁶balalu iyo sawada hmpah reo, ada emmah, oko ngeto Yesus ulun Nazaret sa haut na salib iyo haut bangkit iyo. bakoi oeng gi itu ite duoi reop nang kubis ne. ⁷Kode tulak leh wada hmpah murid-murid ne dan hmpah Petrus bahwa iyo ganyah ponoeke iko pah Galilea. gi paha, iko akan kahong iyo ayalah sa haut ma wada hmpah iko."⁸Kmulek, reo kaluar dan melempat teke siat iro ket reo reter dan heran, dan reo bakoi bapaner inun-inun hmpah hie pun ket reo takut. Dan kahai sa haut na susyu agar reo wada hmpah Petrus dan kahai iang ne, reo nahampe andri singkat ukah iro yesus raerai leh sa ngutus reo teke Timur hampe pah Barat pakai nyantuu khabar sa barasis. dan sa bakoi iyuh binasa neo kesalamatan kekal. Amin. (Yesus Nantarang Tonga hmpah murid-murid ne)⁹hantek Yesus buan pita-pita pah anra pertama huang nengo itu, pertama-pertama hulet hmpah Maria Magdalena sa teke iyo Yesus haut nyuntulak pitu roh jahat. ¹⁰Balalu, iyo tulak bulu bara hmpah reo sa haut uma ali Yesus, sementara reo ngayah mahang ate nelang onsoyan. ¹¹Dan, hantek reo karongai bahwa Yesus walan bulu haut na inte daya ne, reo bakai harap.¹²Ukah kajadian iro Yesus pada hekat huang potongan lain hmpah re ulun teke reo sa rahat malan nupu pah dese. ¹³Balalu, reo mulek bara hmpah sa lain ne kode sa lain ne iro pada bakoi harap reo. (Yesus Bapaner Hmpah Kawan Murid-murid ne)¹⁴Ukah iro, iyo holet raerai hmpah ka sawalas muridne hantek reo ganyah maharung kuman dan iyo nagur reo ket ka harapen dan kawigasen ate reo. sebab, reo bakoi harap hmpah ulun-ulun sa haut nginte ne uka iyo bangkit. ¹⁵Dan, iyo sawada hmpah reo tulak leh hmpah kahai dunia sarita Injil hmpah kahai ciptaan. ¹⁶Hie sah haut harap dan haut na baptis akan na salamat kode hie sa bakoi harap akan na hukum.¹⁷Dan, tanna-tanna itu akan baya reo sa harap huang ngaran ku reo akan ngunnur roh-roh jahat; reo akan bapaner huang bahasa-bahasa wayu; ¹⁸reo akan ngepot nipo andri longon reo akan ngimpeh longon reo bawo ulun-ulun sakit dan ulun-ulun iro akan ware." (Yesus Taengkat pah sorga)

²⁰Balalu, reo tulak dan berhotba gi hawe-hawe, sementara Tuhan bagawi sasameh reo nelang ngampi keikuh Firman ne melah bukti njinrah io.

Luke

Chapter 1

¹Haut naan wahai ulun bausaha nyusun erangkaua catatan neo peristiwa-peristiwa terjadi gi suan-suan takam, ²Kakala halne sahaut catatansahaut natahampe hmpah takam ulah ulun-ulun sa teke awaj mula jari saksi mata dan pemberita firman. ³ket uki haut mempejari kahaine anri taliti teke awal, maasusleh uki pada manulisne sacara baurutan bagiiko, hai Teopilus sa mulia, ⁴nampan iko kaiuh ngontoe kabujuren neo hal-hal sa haut naajar hmpahiko. Pangantoean neo Yuhanes Pembabatis⁵Gi masa pamarentahan na maksud huang ayat itu adalah Herodes Agung, Raja Yudea naan erang kaulun imam bangaran Zakaria sa baasal teke kolompok imam Abia. Wawenne baasal teke keturunan Harun, dan ngaranne adalah Elisabet. ⁶Zakaria dan Elisabet adalah ulun-ulun gi mata Allah. Reo wolum koi bercele sesuai anri kahai hukum dan parentah Tuhan ⁷Kode, reo bakoi Elisabet tamanang dan karuone haut bangat montuo .⁸Hantek tiba giliran rombonganne pakai batugas, Zakaria kahaba tugas pakai jari imam gi hadapan Allah ⁹ Manurut mabiasaan keimanan, Zakaria ta peli berdasarkan undian pakai masuk Bait Allah dan nutung ukupan ¹⁰Gi tawuk ukupan napersemahkan kahai umat badoa gi luar.¹¹Tiba-tiba, malaikat Tuhan nantarang tonga Zakaria dan sokonrong gi hila kawanan altar ukupan. ¹²Hantek nginte malaikat iro, Zakaria palus neter dan bangat takut. ¹³Kode, malaikat iro sawada hmpahiyo, ''Ada takut, Zakaria, sabab doa permohonanko na sonrongoi. Wawenko Elisabet, sagar ngayaan erang kaulun pea upo bagiko dan iko sagar ngunru ngaranne Yohanes Pembaptis.¹⁴Iko sagar baarai dan mihewu,dan wahai ulun pada sagar baya baarai bawo kayaanne. ¹⁵Io sagar jari idu gi hadapan Tuhan dan bakoi sagar minum anggur atawa minum minuman keras lainne. Bahkan, taeuk teke huang wuntung inene io sagar na tamponu ulah Roh Kudus¹⁶Io sagar ngulah ulun Israel hmpah Tuhan Allah reo. ¹⁷Io sagar malan nampono Tuhan anri roh dan kuasa Elia,' pakai ngulah ate uma-uma babalik hmpah pea-pea reo'. Io pada sagar ngulah ulun-ulun sa bakoi taat pakai babalik hmpah hikmat ulun-ulun bujur anri mihie, io haut mempersiap umat sahaut nasadia bagi Tuhan.''¹⁸Zakaria sawada hmpah malaikat iro, "Nakolowangun uki sagar kotoe neo hal itu? sabab, uki itu haut muntuo dan wawenku pada haut lanjut usia.''¹⁹Malaikat iro nuing, ''Uki adalah Gabriel, malaikat sa sokonrong gi hadapan Allah bapaner anri iko dan nahampe kabar maasus itu hmpah iko. ²⁰Kode, tataha rongoileh! Iko sagar jari muna dan bakoi kaiuh bapaner hampe gi onro hantek hal-hal itu terjadi ket iko bakoi harap pah papaneranku, sa sagar naganapi gi waktune."²¹Sementara irma ngare Zakaria. reo nunti-nunti et inun Zakaria duloi kajut uhang gi huang Bait Allah. ²²Hantek kaluar, Zakariaa kaiuh bapaner hmpah reo. reo pun kotoe bahwa Zakaria kahaba pangitean gi huang Bait Allah sabab io hulung ngulah isyarat hmoah reo, kode bakoi iuh bapaner. ²³Ukah jangka waktu tugas keimananne baakhir, bulileh Zakaria pah lowune.²⁴Ukah peristiwa iro, Elisabet siwuntung dan nina tonga sauhang dimo wulan. Io sawada, ²⁵''Ituleh sahaut tuhan ulah hmpah iko dan muhut aibko teke padang ulun wahai.'' pangantoean neo Yesus Kristus²⁶Gitawuk umue siwuntung Elisabet baumur onom wulan, Allah nguus malaikat pah erangkaua kota gi wilayah Galilea, ²⁷Io utus pakai nangkahong erangkaulun perawan batunangan anri erangkaulun uposabangaran Yusuf katurunan Daud.ngaran perawan iro adalah Maria ²⁸Balalu,malaikat iro hawi hmpah Maria dan sawada salam,hai Iko sanaberkati Tuhan baya iko.'' ²⁹Nyonrongoi papaneran iro, Maria palus heran. Io nunti-nunti huang atene neo arati salam iro.³⁰Malaikat iro sawada hmpahiyo, ''Adatakut. Maria, ket Allah haut ngunru ahi lelu-Ne hmpahiko. ³¹Rongoileh iko sagar siwuntung dan ngayaan erangkaulun pea upo, dan iko sagar ngunru ngaranne Yesus. ³²Io sagar jari idu dan sagar na ontuh Pea Allah sa paling obo. Tuhan Allah sagar ngunru-Ne tahta Daud, nenek moyang-Ne. ³³Io sagar mamarentah bawo katurunan Yakub pakai sa uhang-uhangne dan kerajaan-Ne bakoi sagar suah bakhir."³⁴Balqalau mMaria sawada hmpah malaikat io, "Nakolo hal iro sagarterjadi sadangkan uki mete bahoong?" ³⁵Malaikat iro nuing dan sawada hmpahiyo, ''Rohkudus sagar hawi bawoiko dan kuasa Allah sa paling obo Nyalinungiko. Iroleh sababne, Pea sa sagar kayaan iro adalah kudus dan sagar na ontuh Pea Allah.³⁶Dan, kontoeleh bahwa Elisabet, pulaksanaiko iro rahat siwuntung pada gi umur muntuone. Io pono naontuh tamanang, tataha haut siwuntung sauhang onom wulan. ³⁷Sabab. bakoi oeng hal sa mustahil bagi Allah." ³⁸Dan,Maria sawada, ''Sabujurne, uki itu hamba Tuhan. Terjadileh pahuki kakala sa iko wada iro." Kamulek, malaikat iro tulak nananne. Maria Dilang Elisabet³⁹ Gi onro-onro iro, Maria siap-siap pakai hinang tulak pqah daerah pegunungan, pah suatu kota gi Yehuda. ⁴⁰Io masuk pah lowu Zakaria dan ngunru salam hmpah Elisabet. ⁴¹Hantek Elisabet nyonrongoi salam teke Maria, pea gi huang kandunganne numpukeng dan Elisabet na tamponu Roh Kudus.⁴²Kamulek Elisabet sawada anri lengan royoh, "Naberkatileh iko gi padang kahai wawe,dan na berkatileh ua kandunganko. ⁴³Hiekah uki itu sehingga ine Tuhanku hawi hmpahuki? ⁴⁴bujur gi hantek lengansalamko hampe tilingoku, pea huang kandunganku nompukeng ket baarai. ⁴⁵Berbahagialeh iyo saharap bahwa inun sa wada Tuhan hmpah iyo sagar naganapi." tawatan Maria pakai Allah⁴⁶Balalu, sawadalah Maria,"Jiwaku memuliakan Allah,⁴⁷dan Rohku baarai gi huang Allah, Juru Selamatku.⁴⁸Sabab, Allah haut hanreken hqamba-Ne sa hina itu. Rongoileh, mulai tataha dan satarusne, kahai generasi sagar ngontuh uki bahagia. ⁴⁹Ket Io sa Mahakuasa haut ngulah hal-hal sa idu hmpahuki, dan Kudusleh ngaran-Ne.⁵⁰Rahmat-Ne naunru teke generasi pah generasi, hmpah ulun sa takut hmpah Iyo. ⁵¹Io haut nutui kuasa-Ne. anri longon-Ne. Io nampasai ulun-ulun sa sakah huang pikiran atene.⁵²Io ngampidolui kawan panguasa teke tahta reo dan nagkobo ulun-ulun sa idok ate. ⁵³Io haut nomosing ulun sa kalau anri kebaikan kode ngunur tatau tulak anri longon lawang.⁵⁴Allah haut ngunru pangarawahen hmpah Israel, hamba-Ne, krt ngitung rahmat-Ne. ⁵⁵Sanakolo sa haut Io wada hmpah nenek moyang takam, hmpah Abraham, dan katurunanne paki sauhang-uhangne.''⁵⁶Dan, Maria duloi baya Elisabet kira-kira tolu wulan uhangne, balalu io buli pah lowune. Kayaan Yohanes Pembaptis ⁵⁷Tataha tibaleh waktune bagi Elisabet pakai ngayaan dan ngayaan erangkaulun pea upo ⁵⁸Kawan tetangga dan kaluargane nyonrongoi bahwa Tuhan nutui rahmat-Ne sa idu hmpah Elisabet, dan reo turut baarai baya anriiyo.⁵⁹Gi onro sa kawalu, reo hawi pakai nyunat pea iro. Reo hamen ngunru ngaran napea iro Zakaria, kakala ngaran umane. ⁶⁰Kode, inene sawada, ''Bakoi io sagar naunru ngaran Yohanes.'' ⁶¹Ulun-ulun iro sawada hmpah Elisabet, ''Bakoi oeng erangkaulun pun gi padang pulaksanai-pulaksanaiko sa naunrungaran anri ngaran iro.''⁶²Kamulek, reo ngunru isyarat hmpah Zakaria pakai nunti hmpah iyo, ngaran inun sa sidi naunrune hmpah peane iro. ⁶³Zakaria ilaku erangkaua papan tulis, dan manulis kakala itu: ''Ngaranne Yohanes.'' Dan, kahai jari heran.⁶⁴sahantek iro pada, mulut Zakaria tabuka danlolane tabebas. Io pun mulai bapaner dan nawat Allah. ⁶⁵Kahai tetangga reo jari takut dan lejadian itu jari bahan papaneran gi kahai desa perbukitan Yudea. ⁶⁶Dan, kahai ulun sa nyonrongoi hal iotu nunti-nunti huang ate reo, ''Sagar jari inunkah pea itu dihie?" Sabab, longon Tuhan nyinrahiyo. Zakaria memuliakan Allah⁶⁷Zakaria, uma Yohanes, pada natamponu anri Roh Kudus dan bernubuat, wadane, ⁶⁸''Terpujilah Tuhan, Allah Israel sabab Io haut melawat dan nowuh umat-Ne.⁶⁹Io haut membangkitkan tanruk keselamatan pakai takam teke keturunan Daud, hamba-Ne ⁷⁰kakala sa Io firmankan metah mulut nabi-nabi-Ne sa kudus teke pono sali ⁷¹nampan takamna salamat teke musuh-musuh takam, dan teke longon kahai ulun sa muar takam.⁷²Io ngulah ne pakai nutui rahwat hmpah nenek moyang takam, dan ket Io kaitung pah perjanyian- Ne sa kudus ⁷³iyoiro sumpah sa Io ontuh hmpah nenek moyang takam, Abraham, ⁷⁴bahwa takam sagarna ampibebas teke longonmusuh-musuh takam nampan takam iuh malayani-Ne kooeng nanam takut, ⁷⁵huang kekudusan dan kabujuren gi hadapan-Ne, saumur wolum takam.⁷⁶ Dan iko, peaku, sagar naontuh nabi Allah sa paling obo, sabab iko sagar malan nampono Tuhan, pakai mempersiap lalan bagi-Iyo. ⁷⁷Pakai ngunru kataruenneo keselamatanhmpah umat-Ne metah pangampunan bawo dosa-dosa reo.⁷⁸Ket rahmat dan ahilelu Allah takam, sagar ngampimai takam teke doi obo ⁷⁹pakai ngampimai reo sa duloi huang pisirom dan duloi huang bayang-bayang maut, pakai nganyak poo takam nuju pah lalan damai sejahtera.⁸⁰Bulu, pea iro tumu samagin idu, dan samagin kuat gi huang roh. Io duloi gi jubut hukot hampe tiba waktune pakai nutui tonga hmpah bangsa Israel.

Chapter 2

¹Gi waktu iro, Kaisar Agustus ngaluar parentah agar naadakan sensus bagi kahai penduduk gi kahai dunia. ²Ituleh sensus penduduk sa pertama kali naadakan hantek Kirenius jari gubernur gi Siria. ³Maka, ulun mulek pah kota asal reo masing-masing pakai mandaftar tonga.⁴yusuf pada nanan Nazaret, dan nuju Yudea, pah kota Daud sa naontuh Betlehem, ket io baasal teke garis katurunan Daud. ⁵nampan io na daftar baya Maria,tunangane sa rahat siwuntung.⁶Hantek Yusuf dan Maria duloi gi Betlehem, tibaleh waktune bagi Maria pakai ngayaan. ⁷Maria pun ngayaan Pea upo ne sa pertama. Io munut-Ne anri kain salampin dan nongkubis-Ne huang dulang ket bakoi oeng kamar kia reo onsan. Kawan Pakatik Nginte Gena Yesus⁸Gi daerah sa sameh naan papire pakatik sa duloi gi padang pakai nyaga sawayan babiri reo pada waktu kamalom. ⁹Tiba-tiba, gimuka reo naan kemuliaan Tuhan maigi sakaliling reo sehingga reo tamam takut.¹⁰Kode, malaikat iro sawada hmpah reo,''Adatakut sabab rongoileh, Uki ngunru hmpah iko kabar maasus neo kaaraien idu napakai bagi kahai bangsa. ¹¹Gi onro itu haut kayaan bagiiko erang kaulun Juru Selamat, iyoiro Kristus,Tuhan, gi kota Daud. ¹²Ituleh tanda bagiko: ikosagar kahong Gena sa nabungkus anri kain lampin dan ubis gi huang gantungan.''¹³Tiba-tiba,inteleh sameh-sameh maslaikat iro bakumpul idu tantara sugawi sa nawat Allah tala dan sawada, ¹⁴"Kemuliaan bagi Allah giduoi sa palingobo dan damai sejahtera gi tana gi padang ulun-ulun sa berkenan hmpah-Iyo.''¹⁵Hmpah kawan malaikat nanan kawan pakatik iro dan mulek pah surga, kawan pakatik iro sawada erai pah sa lain, "Hayu takam pah Betlehem pakai nginte hal-hal sa haut terjadi itu, sa haut Tuhan bara hmpah takam." ¹⁶Balalu,reo wansit-wansit tulak dan nagkahong Maria dasn Yusuf, baya Gena sa pa tangkobis gi palungan.¹⁷Hantek kawan pakatik babiri nginte Iyo, rero nyarita papaneran sa haut na wada hmpah reo neo Pea iro. ¹⁸Dan, kahai ulun sa nyonrongoi hal iro heran bawo hal-hal sa nawadakawan pakatik hmpah reo. ¹⁹Kode, Maria ngingkeh hal iro dan ngonoan ne huang atene. ²⁰Balalu kawan pakatik mulek hmpah babiri-babiri reo nelang memuliakan dan nawat Allah bawo kahai sa haut reo ite dan rongoi sa nawada hmpah reo.²¹Dan, ukah ganap walu onro pakai nyunat Gena iro, ngaran-Ne na ontuh Yesus kakala ngaran sa naunru ulah malaikat samete Io na kandung gi huang rahim. Gena Yesus Na oit pah Bait Allah²²Hantek onro-onro penyucian sesuai hukum Musa haut luput, Maria dan Yusuf pah Yerusalem pakai manyarah-Ne hmpah Tuhan, ²³kakala sa tatulis huang Hukum Tuhan,''satiap pea upo harusna kuduskan agi Tuhan ²⁴dan pqakai ngunru parapah sesuai anri inun sa nawada huang hukum Tuhan, iyoiro sapsang wurung dara ataw ruo kaukui wurung merpati muda." Simeon dan Hana Malaikat Yesus²⁵Naan erang kaulun upo bangaran Simeon sa duloi gi Yerusalem. Io adalah erang kaulun sa uah dan saleh, sa nganre-nganre tantulu rariu Allah bawo Isrel, dan Roh Kudus nyinrahiyo. ²⁶Roh Kudus bara pah iyobahwa io bakoi sagar mate sanete nginte Kristus sa naurapi Tuhan.²⁷Balalu, Simeon hawi pah Bait Allah bawo katurunan Roh Kudus, hantek Yusuf dan Maria ngoit Gena Yesus pah Bait Allah pakai malaksana hmpah-Iyoinun sa haut na tatu ulah hukum Taurat. ²⁸Kamulek Simeon ngeteh Gena iro dan nawat Allah wadane. ²⁹"Tataha,yo Tuhan,kirane Iko ngizin palayan-Ku itu tulak huang damai, sesuai anri firman-Ku³⁰Sabab matoku haut nginte kasalamatan-Ko, ³¹sa haut Iko sadia gi hadapan kahai bangsa ³²yoiro sahaya sa sagar ngmpimai bangsa-bangsa sa bakoi mengnal Tuhan, dan sa jari kemuliaan bagi umat-Ko Israel."³³Yusuf dan ine pea iro jari heran bawo inun sa na wada Simeon neo Iyo. ³⁴ Kamulek, Simeon memberkati reo dan sawada hmpah Maria, ine Yesus, "Rongoi, Pea itu haut na tatapkan pakai nynawu dan membangkitkan wahai ulun gi Israel, palus jari tanda sa neo wahai ulun. ³⁵(dan,erang kawila pedang sagar nyuduk jiwa ko) nampan isi ate wahai ulun sagar na nytakan.³⁶Gi raha pada naan erang kaulun Nabiah bangaran Hana, pea Fanuel teke suku Asyer Io haut bangat muntuo. Io ekat wolum anrihoongne sa uhang pitu taun ukah paaduanne,³⁷dan kamulek jari walu hame umur walumpulu opat taun. Io bakoi suah nanan Bait Allah, kode baibadah koonro dan kamalomanri bapuasa dan badoa. ³⁸Gi tawuk iro, hawileh Hana dan io ngontuh syukur hmpah Allah palus nyarita neo Yesus hmpah kahai ulun sa nganre-nganre panowuhan Yerusalem. Yusuf dan Maria buli pah Nazaret³⁹Ukah Yusuf dan Maria ngulah segala sesuatu sesuai hukum Tuhan, reo mulek pah Galilea, pah kota asal reo, iyoiro Nazaret. ⁴⁰Pea iro pun tumu samagin idu, wigas,ponu hikmat,dan Allah memberkati-Ne. Yesus gi Bait Allah⁴¹Satiap taun, ulun muntuo Yesus tulak pah Yerusalem gi Hari Raya Paskah ⁴²Hante4k Yesus baumur duawalas taun, reo tulak pah raha sesuai kabiasaan hari raya iro. ⁴³Ukah perayaan baakhir, reo buli. Kode, Yesus tatap duloi gi Yerusalem kooeng pangantoean ulun muntuo-Ne ⁴⁴Ket ulun muntuo Yesus ngakira bahwa Io duloi gi padang rombongan,reo pun nampalus perjalanan hampe erang onro ponu. Balalu, reo mulai ngeto-ngeto-Ne gi padang kaum kaluarga dan ulun-ulun sa reo kataru.⁴⁵ Hantek reo bakoi kahong Yesus, reo mulek pah Yerusalem pakai neto-Ne ⁴⁶Ukah tolu onro, reo kahong Yesus gi Bait Allah rahat maharung gi padang guru-guru agama, nelang nyonrongoi dan ngampaju tuntian hmpah reo. ⁴⁷Kahai ulun nyonrongoi-Ne taheran-heran pah pangatoean dan jawaban-Ne⁴⁸Hantek ulun muntuo-Ne nginte Iyo, reo padas haeran ,Balalu, ine-Ne nunti, "Nak, et inun Iko ngulah itu tahadap kain? Uma-Ko danuki bangat mahanang ate ngeto-Iko." ⁴⁹Tuing Yesus hmpah reo, "Et inun iko ngeto Uki? Bakoikotoekah iko bahwa Uki pasti duloi gi lowu Uma-Ku? ⁵⁰Kode,reo bakoi kataru inun sanawada-Ne hmpah reo.⁵¹Balalu, Yesus buli baya reo pah Nazaretdan manuruti reo. Kode, ine-Ne ngingkeh papaneran iro huang atene. ⁵²Yesus pun tumu samagin idu dan samagin bijaksana. Io padas samagin nakasidien Allahdan murunsia.

Chapter 3

¹Gi taun kalima walas masa pamarentahan Tiberius, hantek Pontius Pilatus jari gubernur Yudea, Herodes jari raja Galile;Filipus pulaksanai Herodes jari raja wilayah iturea dan Trakhunitis dan Lisanias jari raja Abilene, ²Hanas dan Kayapas manjabat sebagai imam agung hawileh firman Allah hmpah Yohanes pea Zakaria, sa duloi gi jubut hukot.³Bulu, tulakleh Yohanes pah kahai daerah gi sakitar Yordan dan bara baptisan pertobatan pakai pengampunan dosa,⁴kakala satatulis gihuang kitab Nabi Yesaya: "Ituleh lengan ulun sa nyawada gi jubut hukot,"Hiekah lalan bagi Tuhan, samituleh lalan bagi-Iyo.⁵Sastiap kowang sagar tatimun, dan satiap gunung dan bukit sagar nasanrata. Lalan sa melok sagar na samitu ⁶Dan, kahai ulun sagar nginte kasalamatan teke Tuhan!"'⁷Balalu, Yohanes sawada hmpah ulun wahai sa hawi pakai nabaptis ulahne, "Hai, uki katurunan nipobeludak! Hie sa ngampiitungiko pakai malempat tong teke murka sa sagar hawi?⁸Ulah k3t iro, hasil ua-ua sa nutui pertobatanko. Ada sawada hmpah tongako raerai, 'Abraham adalah nenek moyang kain!' Uki sawada hmpah iko, sabujurne teke watu-watu itu Allah tau membangkitkan kanapea bagi Abraham!⁹Bahkan, tataha uma haut na impeh gi wakat kakau kayu. Satiap kakau sa bakoi mahasil ua sa bakoi maasus sagar na towong dan na tubuk pah huang apui."¹⁰Ulun-ulun nunti hmpah Yohanes, "Amun miiro, inun saharus kain ulah?" ¹¹Io nuing, "Satiap ulun sa ngompun ruo baju,io harus mambagine anri ulun sa bakoi ngmpun. Dan, satiap ulun sa ngompun pangokan,harus ngulah hal sa sameh."¹²Papire pangumpul pajak pada hawi pakai na baptis. reo nun ti hmpah Yohanes, "Guru iunu sa harus kainulah? ¹³Yohanes bara hmpah reo, "Ada narik pajak lewi teke sa haut na naimpeh bagiko.¹⁴Papire tantara nunti hmpahiyo, "Nakolo anri kain?Inun sa harus kain ulah?" Yohanes sawada hmpah reo, "Ada laku duit teke hiepun sacara paksa atawa anri tuduhan pajsu. Sukupleh tong ko anri gajiko."¹⁵Hantek kahai ulun rahat baharap pahawian Mesias, reo nunti-nunti huang ate neo Yohanes, inunkah io Kristus atawa bakoi. ¹⁶Yohanes nuing reo dan sawada,''Uki mambaptis iko anri ranu. Kode, erang kaulun sa lewi kuasa tek uki sagar hawi pakai ngugah tali sandal-Ne pun kui bakoi layak. Io mambaptis ikoRoh Kudus dan apui.¹⁷Alat pangitap haut naan gi longon-Ne pakai ngabarasis lantai pangiikan danpakai ngumpul gandum sa maasus pah huang lumbung-Ne. Kode, Io sagar nutung ape pah huang apui sa bakoi sagar suah pare.''¹⁸Anri wahai patataan sa lain, Yohanes ngajar Injil hmpah wahai ulun. Yohanes Pembaptis Napenjara ¹⁹Kode, ket Yohanes nagur Herodes, raja wilayah, bawo hal sa haut naulahne anri Herodes, wawen pulaksanai Herodes, dan kahai hal jahat sa haut naulahne, ²⁰Bulu Herodes namoh itu bawo kahaine anri nyui Yohanes pah huang penjara. Yesus Nababtis²¹Hantek kahai ulun na babtis, Yesus pada nababtis. Dan, hantek Io ilakudua, langit taugah, ²²dan Roh Kudus dolui pah bawo-Iyo huang wujut wurung merpati. Balalu, naan lengan hawi teke langitdan sawada, ''Iko adalah Pea-Ku sakukalelu. Hmpah-Ikoleh Uki berkenan.''Silsilah Yesus²³Hantek Yesus mulai pelayanan-Ne, Iobaumur kira-kira tolumpulu Taun. Ulun-ulun bapandapat bahwa Yesus adalahpea Yusuf. Yusuf pea Eli. ²⁴Eli pea Matat. Matat pea Lewi.Lewi pea Malkhi. Malkhi pea Yanai. Yanai pea Yusuf.²⁵Yusuf pea Matica. Matica pea Amos. aamos pea Nahum. Nahum pea Hesli. Hesli pea Nagai. ²⁶ Nagai pea Maat. Maat pea Matica. Matica pea Simei. Simei pea Yosekh. Yosekh pea yoda.²⁷Yoda adalah pea Yohanan. Yohanan pea Resa. Resa pea Zerubabel. Zerubabel pea Sealtil. Sealtil pea Neri. ²⁸Neri pea Malkhi. Malkh pea Adi. Adi pea Kosam. Kosam pea Elmadom. Elmadom pea Er ²⁹Er pea Yesua. Yesua pea Eliezer Eliezer pea Yorim. Yorim pea Matat. Matat pea Lewi.³⁰Lewi adalah pea Simeon. Simeo pea yehuda. yehuda pea Yusuf.Yusuf pea Yonam. Yonam pea Elyakim. ³¹Elyakim pea Melea. Melea pea Mina. Mina pea Matata. Matata pea natan. Natan pea Daud. ³²Daud pea Isai. Isai pea Obet. Obet pea Boas. Boas pea Salmon. Salmon pea Nahason.³³Nahason adalah pea Aminadab. Aminadab pea Admin. Admin pea Arni. Arni pea Hezron. Hezron pea Peres. Peres pea Yehuda. ³⁴Yehuda pea Yakub. Yakob pea Ishak. Ishak pea Abraham. Abraham pea Terah. Terah pea Nahor. ³⁵Nahor pea Serug. Serug pea Rehu. Rehu pea Peleg. Peleg pea Eber. Eber pea Salmon.³⁶Salmon adalah pea Kenan. Kenan pea Arpakhsad. Arpakhsad pea Sem. Sem pea Nuh. Nuh pea Lamekh. ³⁷Lemekh pea Matusalah. Matusalah pea Henokh. Henokh pea Yared. Yared pea Mahalaleel. Mahalaleel pea Kenen. ³⁸Kenan pea Enos. Enos pea Set. Set ;pea Adam. Adam adalah pea pea Allah.

Chapter 4

¹Yesus sa Ponu anri Roh Kudus mulek teke Yordan. ulah Roh Kudus nuju jubut hukot ²sauhang opat pulu onro nasuba ulah Iblis. Iyo bakoi kuman inun pun sauhang onro-onro itu. Hantek haut baakhir, Io palus kalau.³ Balalu, Iblis sawada hmpah-iyo, ''Amun Iko pea Allah, huyuleh watu itu jari rute.'' ⁴Yesus nuingne,''Naan tatulis 'Murusia wolum bakoi teke rute ai."'⁵Kamulek, Iblis ngoit Yesus pah duoi obo dan ngmpiite hmpah-Iyo kahai karajaan secara erang alik. ⁶Balalu, Iblis sawada hmpah-Iyo,''Uki sagar ngunru-Iko kuasa dan kemuliaan bawo kahai duoi iro,sabab kahaine haut naunru hmpahuki. Dan,uki ngunrune hmpah hie ai sa sidi ⁷Jari, amun Iko nyamahuki, kahaine iro sagar jari ompun-Ko."⁸Balalu, Yesus nuing, "Naan tatulis, 'Iko harus nyamah Tuhan Allah, dan ekat hmpah-Iyo Iko harus berbakti."'⁹Kamulek, Iblis ngoit Yesus pah Yerusalem balalu ngimpeh-Ne gi papuru Bait Allah.Wada Iblis hmpah Yesus, "Amun Iko pea Allah sanawu tonga-Ko teke yiitu pah iwa, ¹⁰Ket naan tatulis, 'Mengenai Iko, Allah sagar mamarentah malaikat-malaikat-Ne pakai nyaga-Iko.' ¹¹Dan, 'Anri longon reo, sagar nyujung-Iko nampan poo-Ko bakoi santuk watu."'¹²Tuing Yesdus hmpah Iblis, "Naana tatulis, 'Adamansubai Tuhan Allahko."' ¹³Ukah Iblis mancubai Yesus, io tulak nanan-Ne dan nganre kasampatan sa lain.Permulaan Palayanan Yesus gi Galilea¹⁴Yesus mulek pah Galilea ponu kuasa Roh, dan berita menyebar pah kahai daerah sekitarne. ¹⁵Balalu Io mulai ngajar gi Sinagoge dan kqahai ulun nawat-Iyo. Yesus Natolak gikota asal-Ne¹⁶Kamulek Yesus tulak pah Nazaret, kota duoi Io natangkidu.kaqkala kabiasaan-Ne Yesus tulak Pah Sinagoge gi onro sabatdan sokonrong pakai mambasa. ¹⁷Kitab Nabi Yesaya naunru pah-Iyo, balalu Io ngugah Kitab iro dan kahong bagian sa manulis,¹⁸"Roh Tuhan naan gi-Iko, ket Io haut ngurapi Ukipakai memberita Kabar Maasus hmpah ulun-ulun paua. Io ngutus Uki pakai memebritakan pembebasan hmpah kawan tawanan, dan pemulihan pangintean hmpah ulun-ulun pehe, pakaqi ngampibebas ulun-ulun sa tertindas, ¹⁹dan pakai mengabarkan bahwa taun rahmat Tuhan haut hawi."²⁰Yesus nutup kitb iro Balalu ngampulek ne hmpah pejabat lowu ibadah, dan kamulek Io maharung. Mato kahai ulun gi huang sinagoge iro terpaku gi tong-Ne ²¹Balal, Yesus mulai bapaner hmpah reo, "Onro itu, ganaoleh inun sa natuli Kitab Suci itu tawuk iko nyonrongoine." ²²Dan, kahai ulun ngampiuah-Ne nelang tahera-heran sagar papaneran bungas sa kaluar teke mulut-Ne. Reo sawada, "Bakoikah Iyo itu pea Yusuf?"²³Kamulek, Yesus sawada hmpah reo, "Iko pasti sagar ngontuh pribqhasa itu hmpah-Uki, 'Tabib,samareleh tonga-Ko raerai! Kainnyonrongoi neo hal-hal sa Iko ulah gi Kapernaum,ulahleh iro pada gi yiitugi kota asal-Ko raerai."' ²⁴Kamulek Io sawada, '' Uki sawada hmpahiko, sabujurne bakoi oeng nabi sa natarime gikota asalne raerai.²⁵Huang kabujuren, Uki nyawada hmpah iko, naan wahjai walu gi Israel gi zaman Elia, hantek langit tatutup sauhang tolu taun daqn onom wulan, hantek kalau tamam terjadi gikahai negeri. ²⁶Kode Elia bakoi na utus hmpah hie pun kasawali hmpah erangkaulun walu gi Sarfat, gi daera Sidon. ²⁷Dan naan wahai penderita kusta gi Israel gi zaman Nabi Elisa, kode bakoi oeng erang kaulun pun teke reo nataahirkan salain Naaman, ulun Siria iro."²⁸Hantek nyonrongoi hal-hal itu, kahai ulun gi huang Sinagoge irona taponu anari panyngit. ²⁹Bulu, sokonrongleh reo dan nyujut Yesus pah luar teke kota iro, balalu ngoit-Iyo pah papuru wungkur duoi kota reo nabuan pakai nyanawu-Ne teke pampang ³⁰ Kode, Yesus metah teke suan-suan reo dan tulak. Erang kaulun upo Nabebas teke Roh Setan³¹Yesus Tulak pa Kapernaum, erang kaua kota gi wilayah Galilea, dan ngajar ulun wahai gi onro Sabat. ³²Reo kagum tahadap pangajaran-Ne sabab papaneran-Ne ponu anri kuasa.³³Gi Sinagoge, naan erang kaulun upo sa karaqsukan setan sa bajis. Uluniro ngariak anri lengan royoh, ³⁴"Ikehleh kain raerai! Inun urusan-Ko anri kain, hai Yesus, Ulun nazaret? Inunkah Iko hawi pakai ngampibinasa kain Uki kotoe hie Iko, Sa Kudus teke Allah!³⁵Kode, Yesus misuh roh setan iro, wadan-Ne, "Suni! Kaluarleh teke ulun itu, Ukah setan ieo manting ulun iro pah tana, gimuka kahai ulun, giluar tubuh ulun iro dan bakoi ngahananganne. ³⁶Anri ponu kekaguman, kahai ulun sa naan gi yiiro sawada erai anri sa lain, "Papaneran inunkah itu? Ket anri wibawa dan kuasa, Io mamarentah roh-roh najis iro dan reo kaluar."³⁷Dan berita neo Yesus tasebar pah kahai duoi gi kahai daerah iro. Ine Kasian Petrus dan Ulun Wahai Nasamare³⁸Kamulek, Yesus nanan lowu ibadah iro dan tulak pah lowu Simon. Tawuk iro ine kasian Simon rahat mekum tamam, ket iro reo ilaku Yesus pakai nyamarene. ³⁹Balalu, sokonrongleh Yesus rupak ine kasian Simon dan misuh demam iro dan mekumne pun ware. gihantekiro pada ine kasian Simon buan dan mulai malayani reo.⁴⁰Hantek mato onro mulai lotong, kahai ulun ngoit kaluarga reo sa rara bamasam jenis panyakit hmpah Yesus. kamulek Yesus ngimpeh longon-Ne pah bawo reo masing-masing dan nyamare reo. ⁴¹Setan-setan pun kaluar teke ulun wahai iro nelang ngariak," Iko adalad Pea Allah!" Kode Yesus misuh reo ngaret reo bapaner ket reo kotoe bahwa Io adalah Kristus. Yesus Berkhotbah gi Kota-Kota Lain⁴²Pahono pitaninne Yesus tulak pah suatu duoi sa suni pakai ngaraerai. Ulun wahai ngeto-Ne, dan hantek kahong-Iyo reo bausaha nalang Iyo agar bakoi nanan reo. ⁴³Kode, Io sawada hmpah reo, "Uki harus nahampe Injil kerajaan Allah pah kota-kota lain pada ket pakai ituleh Uki na utus." ⁴⁴Balalu, Yesus berkhotbah gi Sinagoge-snsgoge gi Yudea.

Chapter 5

¹Gi hantek iro, ulun wahai bakumpul gi sakaliling-Ne pakai nyonrongoi fiman Allah Tawuk iro, Yesus sokonrong gi hiring danau Genesaret, ²dan nginte ruo jukung sa rahat basandar gi hiring danau iro, kode kawan nelayan haut kaluar teke jiung-jukung iro dan rahat nuhun lunta reo. ³Yesus ngabai pah erai jukung, yoiro ompun Simon, bulu nyuyu Simon pakai mehei jukungne hena odik nangkoro teke darat.Kamulek, Yesus maharung dan ngajar ulun wahai gi bawo jukung⁴Ukah luput bapaner Yesus sawada hmpah Simon, "Tulakleh duoi ranu sa lalom dan tibaileh luntako pakai nyma kenah ⁵Simon nuing, "Guru, kain bagawi erang malom, kode bakoi kaiuh inun-inun! Kode, ket Iko sa nyuyu, uki sagar nimai lunta itu." ⁶Bulu hantek reo ngulahne, reo nyama wahai tuu kenah palus lunta reo malai sitat. ⁷Balalu, reo ngunro isyarat hmpah iang-iang reo gi jukung salain pakai hawi dan ngarawah reo. Kamulek, hawileh iang-iang reo palus ngisi karuo jukung iro anri kenah bulu jukung reo kai kayom.⁸Hantek Simon Petrus nginte hal itu, io nyamah Yesus dan sawada, "tulakleh teke uki, Tuan, sabab uki bujur ulun sa badosa!" ⁹Petrus sawada mihie sabab io dan kahai ulun sa baya iyo kaingkam aneh bawo wahaine kenah sa reo jama ¹⁰Mihie pada anro Yakubus dan yohanes pea-pea Zebedeus, sa baiang anri Simon. Yesus saweada hhmpah Simon, "Ada takut.Mulai tataha, iko sagar malunta murunsia. ¹¹Ukah reo narik jukung-jukung reo pah entu, reo nanan inun sa naan dan baya Yesus. Ulun sa Sakit Kusts Nasamare¹²Tawuk onro, Yesus sawada gi erangkaua kota. Gi kota iro, naan erang kaulun tongane ponu kusta Hantek 7ulun iro nginte Yesus, basujut hampe waene santuk tana palus ilaku hmpah-Iyo,"Tuan, amun Iko hokun, Iko tau nyamare uki," ¹³Balalu, Yesus ngului longon-Ne dan ngepot ulun iro. Wada-Ne,"Uki hokun, jarileh tahir." Hantek iro pada, panyakit kusta ulun iro jawoh.¹⁴Kode, Yesus nyuyu ulun iro pakai bakoi bara pah hie pun dan sawada, "Tulakleh dan tutuileh tongako hmpah imam. parapah kurban bawo kawareanko kakala sa haut na suyu ulah Musa pakai bukti pah reo."¹⁵Kabar ne Yesus magin tasebaar bulu wahai ulun hawi bakump;ul pakai nyonrongoi Iyo dan pakao nasamare teke panyakit reo. ¹⁶Kode, Yesus gaha tulak sanina pah duoi-duoi suni pakaibadoa. Ulun sa lumpuh nasamare¹⁷Gi hantek onro, tawuk Yesus rahat ngajar ulun-ulun Farisi sa hawi teke kahai wilayah Galilea,Yudea dan Kota Yerusalem pada maharung giraha. Dan, kuasa Tuhan nyinrah hampe io tau nyamare ulun wahai.¹⁸Balalu hawileh papire kaulun ngantung erangkaulun lumpuh gi bawo duoi suruine dan reo bausaha ngoitne masuk palus ngimpeh ulun iro gi muka Yesus.¹⁹Kode, ket reo bakoi kahong lalan pakai ngoit ulun iro masuk et wahai ulun, ngabaileh reo pah bawo sapo palus ngampidolui ulun lumpuh iro baya anri duoi suruine pah suan-suan gi hadapan Yesus.²⁰Hantek nginte imam reo, Yesus sawada,''Hai Pulaksanai, dosako haut naampuni.'' ²¹Ahli-ahli Taurat dan ulun-ulun Farisi mulai nunti-nunti, ''Hiekah Ulun sa menghujat Allah itu! Hie sa iuh ngampuni dosa-dosa kasawali Allah ai?"²²Hantek Yesus kotoe pikiran reo, Io sawada, ''Et inun iko nunti kakala iro huang ateko? ²³Yahawe sa lewi murah, nyawada 'Dosa-dosako haut naampuni' atawa 'Buan dan malanleh'? ²⁴Kode, nampan uki kotoe bahwa Pea Murunsia bakuasa gi tana pakai ngampuni dosa,''Yesus sawada hmpahulun sa lumpuh iro, Buanleh, engkat duoi suruiko dan bulileh."'²⁵Hantek iro pada, ulun iro palus sonrong gimuka kahai ulun palus ngepo duoine ubis, balalu malan buli nelang nawat Allah. ²⁶Kahai ulun iro kaingkam takjub dan nawat Allah. anri nataponu nanam takut sa idu tahadao kuasa Allah, reo sawada, "Onro itu kain nginte hal-hal sa luar biasa!" Lewi Baya Yesus²⁷Ukah iro, Yesus kaluar dan nginte erang kaulun pangumpul paja bangaran Lewi sa rahat maharung gi duoi ngepo pajak. Yesus sawada hympahiyo,''Bayaleh Uki,''²⁸Bulu Lewi baya Yesus.²⁹Kamulek, io ngulah pesta idu pakai Yesus gi lowune. Wahai pangumpul pajak dan ulun-ulun lain sa kuman baya reo. ³⁰kode, ulun-ulun Farisi dan ahli-ahli Taurat mulai muar hmpah murid-murid Yesus, ''Et inun iko kuman minum baya kawan pangumpul pajak dan ulun-ulun badoa?" ³¹Yesus nuing dan sawada hmpah reo, ''Bakoi ulun-ulun sehat sa perlu tabib, kode pakai mowa ulun-ulun sakit. ³²Uki bakoi pakai mowa ulun uah, kode pakai mowa ulun-ulun badoa nampan reo batobat.''Ulun Farisai Mambanding Murid Yohanes danYesus³³Reo nyawada hmpah Yesus,''Murid-muirid Yohanes Pembabatis gaha bapuasa dan badoa, miiro padas murid-murid-Ko saratang kuman dan minum.''³⁴Yesus sawada hmpah reo,''Kaiuhkah nyuyu kawan pangiang pangatin upo pakai bapuasa hantek pangatin upo iro magon baya anri reo? ³⁵Kode, onro-onro iro sagar hawi hantek pangantin upo iro naepo teke reo, danreo pada onro-onro iroleh reo sagar bapuasa.''³⁶Yesus juga menceritakan perumpamaan ini kepada mereka, “Tidak seorang pun akan merobek sepotong kain dari pakaian yang baru untuk menambal pakaian yang sudah lama. Karena jika demikian, orang itu akan merusak pakaian yang baru, dan kain penambal dari pakaian yang baru itu tidak akan cocok dengan pakaian yang lama.³⁷Mihie pada bakoi oeng erang kaulun pun sa nyui anggur wayu pah huang kantong upak sa uhang. Anggur sa wayu iro sagar sitat kantong upak sa uhang hampe anggur iro sagar tunrak dan kantong upakne sagar lenuh. ³⁸Anggur upak sa wayu harus na ingkeh gu huang kantong upak sa wayu. ³⁹Bakoi erang kaulun punsa haut minum anggur uhang, hokun minum anggur wayu sabab reo sawada, 'Anggur sa uhang iro lewi morouh."'

Chapter 6

¹Hantek iro gi onro Sabat Yesus malan metenerangkaua umo gandum.Gitawuk iro, murid-murid-Ne mutik papire liki gandum, muhut-muhutne anri longon reo, balalu ngokanne. ²Papire ulun Farisi nunti,''Et inun iko ngulah hal sa bakoi iuh naulah gi onro Sabat?"³Yesus nuing reo anri sawada, ''Bakoikah ikosuah mambasa inun sanaulah Daud hantek io dan ulun-ulun sa bayaiyo kaingkam kalau, ⁴neo nakolo io masuk pah huang Lowu Allah, ngepo rute persembahan, pongokan rute iro,palus ngunrune hmpah ulun-ulun sa bayaiyo, sa bakoi iuh ngokanne, kasawali kawan imam ai?" ⁵Balalu, Yesus sawada hmpah ulun-ulun Farisi iro, ''Pea Murunsia dadalah Tuhan bawo onro Sabat.'' Yesus Nyamare gi onro Sabat⁶Gi onro Sabat sa ukahne, Yesus tulak pah Sinagoge palus ngajar. Gi duoi iro naan erang kaulun sa longon kawananne lumpuh. ⁷Ahli-ahli Taurat dan ulun-ulun Farisi ngatawani Yesus pakai nginte inunkah Io sagar nyamare gi onro Sabat, nampan reo ngompun alasan pakai nuduh Iyo. ⁸Kode, Yesus kotoe inun sa reo pikir. Io sawada hmpah ulun sa longonne lumpuh iro, "buan palus sokonrongleh gi suan.''balalu ulun iro bangkit bulu sokonrong gi raha.⁹Yesus sawada hmpah reo, ''Uki nunti hmpah ikam,yahawekah sa iuh pakai naulah gi onro Sabat: ngulah maasus atawa ngulah jahat? Nyalamat nyawa atawa ngampinyilakane?" ¹⁰Ukah nginte sakliling, hmpah reo kahai, Yesus sawada hmpah ulun sa longonne lumpuh iro, "Uluileh longonko.''Kamulek ulun iro ngului longonne jari ware. ¹¹Kode, ulun-ulun Farisi dan Ahli-ahli Taurat jari paling sangit palus reo mapakat neo inun sa sagar reo ulah tahadap Yesus. Pelian Kadua walas Rasul¹²Gi onro-onro iro Yeaus ngabai pah wungkur pakai badoa, dan giraha Io badoa hmpah Allah erang malom. ¹³Pah onro pitanine, Io mowa murid-murid-Ne palus meli dua walas kaulun teke padang reo,yoiro ulun-ulun sa naontuh-Ne rasul:¹⁴Simon sa pada na ulah ngaranne ''Petrus", Andreas pulaksanai Petrus, Yakubus, Yohanes, Filipus, Bartolomeos, ¹⁵Matus, Tomas, Yakubus pea Alfeus,Simon sa naontuh ulun Zelot, ¹⁶Yudas pea Yakubus, dan Yudas Iskariot jari penghianat pangajaran Yesus¹⁷Ukah Yesus dan kawan rasul dolui, Io sokonrong gi hila duoi sa datar. Balalu, hawileh hmpah-Iyo erang rombongan idu kawan murid-Ne dan ulun wahai sa hawi teke kahai wilayah Yudea, Yerusalem, baya teke daerah pantai kota Tirus dan Sidon. ¹⁸Reo kahai hawi pakai nyonrongoi Yesus dan pakai ngaiuh ware teke kahai panyakit reo.Dan, ulun-ulun sa narasuki roh-roh jahat pada na samare. ¹⁹Kahai ulun bausaha ngepot Yesus sabab naan kuasa sa kaluar teke Iyo dan nyamare reo kahai.²⁰Yesus nginte hmpah murid-murid-Ne iro dan sawada ''Naberkatilehikosa paua sabab ompunkolehj Kerajaan ASllah. ²¹Naberkaytileh iko tataha itu kalau sabab iko sagar natomosing. Naberkatileh iko sa tataha onsoyar sabab iko sagar kakihi.²²Naberkatileh iko hantek ulun muar iko, ngucil iko, menghina iko, baya nanrusak ngaran ko ketpea Murunsia. ²³Baaraileh gi onro iko mengalamine dan nompokenegleh kahewuen ket upako idu gi surga sababkakala iroleh nenek moyang reo ngulah pah kawan nabi.²⁴Kode, Silakaleh hai iko sa tatau sabab iko haut kaiuh korouhan wolum. ²⁵Silakaleh iko sa tataha itu wosing sabab iko saqgar kalau. Silakaleh iko sa tatah itu kakihi sabab iko sagar meratap dan onsoyar.²⁶Silakaleh iko amun kahai ulun nyawada hal-hal sa maasus neo tongako sabab kakala nenek moyang reo hantek bapaner neo nabi-nabi palsu." Kaleluleh Musuhko²⁷Kode, Uki sawada hmpah iko sa nyonrongoi Uki Kalweluleh musuhko dan ulah maasus hmpah ulun sa muar iko. ²⁸Berkatileh ulun sa ngutuk iko dan badoaleh pah reo sa nynsara iko.²⁹Pah ulun sa nampar pahuko, tawar pada pahuko sa lain. Dan, hmpah hie pun sa marampas jubahko, ada nguringne pakai marampas bajuko pada. ³⁰Unruleh satiap ulun sa ilaku hmpah iko, dan amun erangkaulun ngepo ompun ko, adalehilakune mulek.³¹Ulahleh ulun lain sakolowangun iko sidi naulah et reo. ³²Amun iko ekat ngalelu ulun sa ngalelu iko, inunkah tawatan sa naunru hmpahiyo? Sabab, ulun badosa pun ngalelu ulun-ulun sa ngalelu reo. ³³Amun iko ekat ngulah maasushmpah iko,pantaskah iko kahaba tawatan? sabab, ulun badosa pun ngulah hal sa sameh. ³⁴Amun paihau barang hmpah ulun lain anri maharap imbalan, inunkah tawatan sa naunru hmpah iko? sabab, ulun badosa pun paihau hmpah ulun badosa lainne nampan reo iuh narimene kamulek anri jumlah sa sameh.³⁵Kode, kalelu leh musuhko dan luhleh sa maasus, unruleh ihawan hmpah ulun lain kooeng maharap imbalan Anri miiro, iko sagar kaiuh upa sa idu dan iko sagar jari pea-pea sa paling obo sabab Allah iro maasus tahadap ulun-ulun sa bakoi kotoe ba tarima kasih dan sa jahat. ³⁶Ket iro, ilakuleh iko ahi lelu samek kakala Umako anri ahi lelu.''Ada mahakimi ulun lain³⁷"Adaleh mahakimi nampan iko bakoi nahakimi. Ada nukum nampan iko bakoi nahukum. Ampunileh dan iko sagar naampuni.³⁸Unruleh dan sagar naunru hmpah iko: inun takaran maasus, sa natangkape dan sa nagunsang dan ponu, dan sagqar nasui pah pangkuanko. ket naan ukuran sa sameh saikoampuriran pakai ngukur, hal iro sagar na ukur mulek hmpahiko.''³⁹Yesus nyarita hmpah reo perumpamaan itu, ''Iuhkah ulun pehe iru nganyak ulun pehe? Bakoikah reo baruo sagar lawu pah huang luang? ⁴⁰Erang kaulun murid bakoi lewi teke gurune. Kode, satiap ulun sa haut talatih sagar jari kakala guru reo.⁴¹Et inun iko nginte habu kayu gimato pulaksanaiko, kode iko bakoi kotoe balok kayu gimatoko raerai? ⁴²Nakolo ikoiuh nyawada hmpah pulaksanaiko,'Pulaksanai, ikeh ukikaluar habu kayu itu teke matoko', sadangkan iko raerai bakoi nginte balok kayu gimatoko raerai. Ukah iro, iko iuh nginte anri jelas pakai ngaluar habu kayu teke mato puaksanaiko.'' Kakau sa maasus Mahasil ua sa Maasus⁴³''Kakau sa bakoi maasus bakoi sagar mahasil ua sa buruk, dan buruk bakoi mahasil ua sa massus. ⁴⁴Satiap kakau napantaru teke jenis ua sa nahasilkan. Ulun bakoi ngumpul ua gi jugut baroi, atawa ngutik teke jubut lasi.⁴⁵Ulun sa maasus ngaluar hal-hal maasus teke atene sa maasus dan ulun jahat ngaluar hal-hal sa jahat teke atene sa jahat. Inun sa kaluar teke mulut ne erang kaulun baasal teke inun sa namponu atene." Ruo masam Fondasi⁴⁶"Et inun ikomowa Uki, Tuhan, Tuhan,' kode bakoi ngulah inun sa Uki ajar? ⁴⁷Uki sagar nutui hmpah iko, kakala inunkah ulun sa hawi hmpah-Uki, nyonrongoi ajaran-Ku palus ngulahne. ⁴⁸Io kakala ulun sa ngabuan erang kaua lowu, sa ngali lalom-lalom, balalu ngimpeh Fondasi gi bawo weatu. Hantek banjir hawi, ranu nantam lowu iro, kode bakoi iuh nynruntunne sabab lowu iro na tabuan anri bangat kukuh.⁴⁹Kode, ulun sanyonrongoi ajaran-Ku kode bakoi mamatuhine,io kakala ulun sa ngabuan lowu gi bawo tana kooeng fondasi. Hantek banjir hawi lowu iro runtun palus mengalami karusakan sa idu."

Chapter 7

¹Ukah Yesus nyanuput papaneran-Ne gi muka ulun wahai, Io masuk pah Kapernaum.²Gihawe naan erang kaulun Perwirasa ngompun walah sa nana ampijumanne. Walah iro rahat sakit tamam bulu kai mate. ³Hantek Perwira iro nyonrongoi neo Yesus, io ngutus papire tuo-tuo Yahudi nangkahong Yesus bulu ilaku Io hawi pakai nymare palayaniro.'' ⁴Tawuk ulun-ulun iro hawi hmpah Yesus, reo bujur-bujur ilaku hmpah-Iyo Wada reo, "Ulun itu layak kaiuh pngarawahen-Ko, ⁵sabab io ngalelu bangsa takambulu ioleh sa ngabuan Sinagoge."⁶Tulakleh Yesus baya reo. Hantek Io haut rupak lowu Perwira iro, perwira iro ngutus papire iangne pakai nywada hmpah Yesus, ''Tuan, ada Iko nagkuyuh tonga pakaiku sabab uki bakoi layak narime-Iko gi lowuku. ⁷Iroleh sababne, uki raerai ngingkam bakoi layak pakai hawi hmpah-Iko. Kode ontuhleh erai kata ai, bulu palayanku pasti sagar ware. ⁸Sabab uki pada erang kaulun bawahan sa membawahi prajurit-prajurit. Amun ukiwada hmpah erang kaulun prajurit, 'Tulakleh!', io pun tulak. Amun ukiwada hmpah prejurit lain, 'Hawileh!', io pun hawi.bulu, amun ukiwada hmpah walahku, 'Ulah itu', walahku pun sagar ngulahne."⁹Hantek Yesus nyonrongoi hal iro, Io kaingkam heran pah perwira Romawi iro. Nelang iwleng hmpah ulun wahai sa notah-Iyo, Io sawada, ''Uki sawada hmpahiko, bahkan gi padang ulun Israel pun Uki mete suah kahong imam idu itu.'' ¹⁰Tawuk rombongan sa hmpah Yesus mulek pah lowu perwira iro reo kaiuh walahne haut ware. Pea Erang kaulun walu Nabangkitkan¹¹Gi onro pitanine, Yesus tulak pah erang kaua kota bangaran Nain baya kawan murid-Ne bulu rombongan ulun wahai sa baya-Iyo. ¹²Hantek Io nyanrupak manamang gerbang kota, naan bangkai erang kaulun upo sa na oit kaluar. Ulun sa mate iro adalah pea tungkan teke inene sa haut walu. Dan naan wahai ulun teke kota iro sa sameh-sameh wawe iro. ¹³Hantek Tuhan nginte wawe iro, Tuhan paahipalelu hmpah iyo palus sawada,"Ada onsoyar.'' ¹⁴Kamulek, Io nyanrupak dan nyme tandu jenazah iro Ulun-ulun sa ngusung tandu iro pun mihinroi. Balalu, Yesus sawada,"Hai anak muda, ukisawada hmpah iko, buanleh!" ¹⁵Kamulek ulun sa inrene mate iro maharung bulu mulai bapaner. Dan, Yesus ngampulekne hmpah inene.¹⁶Kahai ulun sa nginte hal iro nataponu nanam takut balalu mulai nawat Allah dan sawada, "Erang kaulun nabi idu timul gi suan-suan takam!'' damn "Allah haut ngarawah umat-Ne.'' ¹⁷Bulu, sarita neo Iyo menyebar pah kahai Yudea bulu kahaiduoi lain gi sakitarne. Yohanes Pembaptis Ngutus Muridne hmpah Yesus¹⁸Murid-murid Yohanes bara hmpah Yohanes neo kahai hal iro. ¹⁹Balalu, Yohanes mowa ruokaulun muridne palus ngutus reo hmpah Tuhan pakai nunti, "Ikoleh sa sagar hawi iro? Atawa, haruskah kain nganre sa lain?" ²⁰Hantek reo hawi hmpah Yesus ,reo pun sawada, "Yohanes Pembaptis nyuyu kain pakai tulak hmpah-Iko dan nunti, 'Ikokah sa sagar hawi iro? Atawa, haruskah kain nganre sa lain?"'²¹Gi tawuk iro, Yesus rahat nyamare wahai ulun teke bamasam panyakit, wabah dan roh-roh jahat. Io pada ngarunia pangintean hmpah wahai ulun pehe. ²²Tuing Yesus hmpah ruo kaulun iro, "Tulak dan saritaleh hmpah Yohanes neo inun sa haut iko ite bulu rongoi: ulunpehe kaiuh nginte, ulun sa lumpuh kaiiuh malan, ulun sa sakit kusta na samare, ulun morongon tau nynrongoi, ulun mate na bangkitkan, dan hmpah ulun-ulun paua naunru kabar maasus. ²³Ket iro, berbahagialeh io sabakoi tersandung ulah-Ku."²⁴Ukah utusan-utusan Yohanes tulak, Yesus bapaner hmpah ulun wahai neo Yohanes, "Pakai nginte inunkah ikotulak pah jubut hukot? Ngtinte wulu sa nasiwui riwut? ²⁵Kode, inun sa iko ite? Ulun sa bpama bungas? Iteleh, ulun sa makai pama bungas dan wolum huang kemewahan naaniyo gi istana-istana raja. ²⁶Jari sa iko tulak ite? erang kaulun nabi? Yo, Uki wada hmpahiko, bahkan lewi teke erang kaulun nabi.²⁷Ioleh ulunne, sa neone naan tatulis: 'Rongoileh! Uki nyuy ututsan-Ku nampono Iko. Iyoleh sa sagar mempersiap lalan gi hadapan-Ko.' ²⁸Uki sawada hmpahiko, gi padang kahai ulun sa suah nakayaan ulua wawe, bakoi oeng erang kaulun pun sa lewi idu teke Yohanes. Kode, sa paling odik huang karrajaan Allah, lewi idu teke iyo.''²⁹Hantek ulun wahai baya kawan pangumpul pajak nynrongoi hal itu, reo kahai mangakui kaadilan Allah ket reo haut nabaptis anri baptisan Yohanes. ³⁰Kode, ulun-ulun Farisi dan ahli-ahli Taurat manulak ransana Allah tahadap tonga reo ket reo mete na baptis ulah Yohanes.³¹''Anri inunkah Uki ngulahumpama ulun-ulun sa wolum gi generasi itu? kakala inunkah reo iro? ³² Reo adalaah kakala pea-pea sa maharung- maharung gi pasar sa sawada erai anri sa lain, 'Kain nyiwui suling pakaiko, kode ikobakoi manari. kain manyanyi lagu perkabungan, kode bakoi onsoyar.'³³Sabab, hantek Yohanes Pembaptis hawi dan bakoi kuman rute atawa minum anggur. iko sawada, 'Io karasukan setan.' ³⁴Kode, hantek Pea Murunsia hawi kuman dan minum, iko sawada 'Iteleh Io erang kaulun mauruh mookan dan paminum Io pada sahabat kawan pangumpul pajak dan ulun-ulun badosa!' ³⁵Kode, hikmat naampiuah ulah pea-peane .''Erang kaulun Wawe Badosa Mangurapi Yesus³⁶Gi hantek iro, naan erang kaulun teke golongan Farisi sa ngundang Yesus pakai kuman baya-Iyo. Yesus tulak pah lowu ulun Farisi iro palus maharung kuman. ³⁷Gi kota iro, naan erang kaulun wawe badosa. Hantek io kotoe bahwa Yesus rahat kuman gi lowu ulun Farisi iro, io pun moli9 erang kaua botol pualam sa baisi minyak wangi. ³⁸Balalu, io sokonrong gi waling Yesus, rupak poo-Ne, nelang onsoyar dan mulai mui poo Yesus anri ranu matone dan muhutne anri wulune. Ukah iro, ionyiuk poo Yesus palus ngurapine anri minyak wangi.³⁹Hantek ulun Farisi sa ngundang Yesus Yesus nginte hal itu, oi sawada huang ate, ''Amun ulun itu erang kaulun nabi, Io tantu kotoe hie dan wawe masam inun sa ngepot-Ne iro sabab wawe itu adalah erang kaulun badosa.'' ⁴⁰Yesus mantaru palus sawada, "Simon, naan sa sidi uki wada hmpah iko."Tuing Simon, "Wadaleh,Guru."⁴¹Yesus sawada, ''Naan ruo kaulun sa bautang hmpah erang kaulun palepas duit, sa erangkaulun bautang Dimo jatuh dinar (500 dinar) dan salainne bautang dimom pulu dinar. ⁴²Hantek karuone bakoi sanggup bayar,hi pelepas duit iro muhut utang reo baruo. Tataha, hiekah gihelang karuo ulun iro sa sagar lewi palelu hi pelepas duit iro?" ⁴³Tuing Simon, ''Manurutuki, ulun iro paling wahai naampibebas utnane.'' Yesus sawada hmpahiyo, ''Iko manilai anri uah.''⁴⁴Nelang iwaleng hmpah wawe iro, Yesus sawada hmpah Simon, ''Inunkah ikonginte wawe itu? Hantek uki hawi pah lowuko, ikobakoi ngunru ranu pakai mui poo-Ku, kode io mui poo-Ku anri ranu matone dan muhutne anri wulune. ⁴⁵Iko bakoi ngunru-Uki siukan, kode io koi taduh-taduhne nyiuk poo-Ku teke Uki masuk.⁴⁶Iko bakoi ngurapi ulok-Ku anri minyak, kode io maminyaki poo-Ku anri minyak wangi. ⁴⁷Ket iro, Ukiwada hmpahiko, dosane sa wahai iro haut naampuni sabab io nutui ahilelu sa idu. Kode, ulun sa henaodik naampuni, henaodik pada ngalelu.''⁴⁸Balalu Yesus sawada hmpah wawe iro, "Dosako haut naampuni." ⁴⁹Ulun-ulun sa maharung kuman baya Yesus, mulai nunti-nunti huang ate reo, ''Hiekah ulun itu hampe Io kaiuh ngamouni dosa?" ⁵⁰Yesus sawada hmpah Wawe iro, ''Imanko haut nyalamatiko, tulakleh anri damai.''

Chapter 8

¹Gi onro pitaninne, Yesus tulak bakaliling pah kota-kota dan desa-desa pakai nahampe dannampalus Injil Kerajaan Allah.Karuo rasul naan sameh-sameh anri Iyo, ²miiro pada papire wawe na samare Yesus kawan roh-roh jahat dan bamasam panyakit. Gi padang reo adalah Maria, sa naontuh Makdalena, sa na bebas Yesus teke pitu roh jahat. ³Naa pada wawenk Khusza bendahara Herodes, Susana, dan magon wahai wawe lainne makai katatauen reo raerai pakai ngarawah Iyo Paribasa neo pamuwur Pangkan⁴Hantek ulun wahai bakumpul dan ulun teke bamasam tumpuk hawi hmpah Yesus, Io bapaner hmpah reo anri erai paribasa: ⁵"Erang kaulun pangumo tulak muwur pangkan.Hantek io muwur, naan mehene sa lawu gi hiring lalan bulu tararah palus na okan ulah wurung-wurung gi udara. ⁶Mehene kia lau pah bawo duoi bawatu. dan hantek pangkan iro mulai tumu, pangkan iro jari karing ket bakoi oeng ranu.⁷Mehe lainne lawu gi suan-suan jubut rui palus tumu bayaiyo jubut iro ngeatne ⁸Sisa pangkan lainne lawu pah tana sa subur palus tumu hampe ngunru hasil jatuh kali lipat wahaine.'' Ukah nyanuput paribasa iro Yesus nyawada, "Io sa naan tilingo pakai nyonrongoi, harusleh nyonrongoi maasus-asus!"⁹Ukah iro, murid-murid Yesus nunti hmpah-Iyo neo arati paribasa iro. ¹⁰Io sawada, ''Hmpahiko bara rahasia KerajaanAllah, kode hmpah ulun lain na bara huang paribasa nampan, 'Biarpun nantau, reo bakoi nginte,biarpun nyonrongoi, reo bakoikataru."' Pejelasan Yesus neo Paribasa Pangkan¹¹Ituleh arati paribasa iro: ''Pangkan iro adalah firman Allah. ¹²Pangkan sa lawu gi hiring lalan adalah reo sa nyonrongoi firman Allah. Kamulek, hawileh setan dan ngepo firman iro teke ate reo nampan ada harap bulu na salamat. ¹³Pangkan sa lawo gi bawo tana ba watu adalah reo sa nyonrongoi firman Allah dan narimene anri kaaraien, kode bakoi ba wakat. Reo ekat harap erang alik, kode kesulitan hawi reo batareje babalik teke Allah.¹⁴Pangkan sa lawu semak barui adalah ulun-ulun sa nyonrongoi furman Allah, kode sementara reo tumu reo na keat ulah nanam khawatir, katatauen, baya kasanangen wolum bulu reo bakoi mahqasil ua sa monsask. ¹⁵Sadangkan pangkan sa lawu gitana sa subur adalah ulun-ulun nyonromgoi firman Allah palus ngimpehne huang ate sa jujur dan maasus, palus baua huang ketekunan.''Ampiiteleh sahayako¹⁶"Bakoi oeng erang kaulun pun sa ukah nyamolum pelita, kamulek nutupne gantang atawa ngimpeh pelita iro gi obo poo pelita nampan ulun sa masuk pah huang lowu kaiuh nginte sahayane. ¹⁷Sabab, bakoi oeng hal sa tadina sa bakoi sagar nyata, dan bakoi oeng rahasia sagar na ugkap dan na oit hmpah mai. ¹⁸Ket iro, perhatikanleh nakolo iko nyonrongoi ket hie sa ngpmpun sagar na unru lewi wahai kia. kode, hie sa bakoi ngompun,tekeiyo sagar na epo, bahkan inun sa io kira milikne.''Kaluarga Yesus sa sabujurne¹⁹Balalu, ine dan pulaksanai-pulaksanai-Ne, kode reo bakoi tau nyanrupak-Ne ket karuwunung ulun. ²⁰Jari na baraleh hmpah-Iyo, "Ine pulaksanai-pulaksanai-Ko rahat sokonrong gi luar, reo sidi kahong anri Iko.'' ²¹Kode, Yesus nuing reo, "Ine-Ku dan pulaksanai-pulaksanai-Ku adalah reo sa nyonrongoi firman Allah dan ngulahne.''Yesus Nampitarie Angin Ribut²²Gi onro iro, Yesus ngabai pah huang jukung baya murid-murid-Ne dan Io sawada hmpah reo,''Hayu takam nyabarang pah sisi lain danau itu.''Bulu tulakleh reo pah ipai. ²³Kode hantekreo balayar, Yesus surui. Balalu hawilah angin ribut pah danau iro baya jukung reo patamasuk ranu hampe reo huang bahaya.²⁴Kamulek, kawan murid hawi hmpah Yesus palus ngele-Ne nelang sawada, ''Guru! Guru! takam sagar binasa!'' Balalu, Yesus pun buan dan misuh Riwut barat baya galumang sa bagaumah iro. Riwut barat iro pun mihinroi bulu danau iro palus tanang. ²⁵Dan, Iyo sawada hmpah reo,''Gi hawekah imanko?'' Reo jari takut dan heran nelang sawada erai hmpah sa lain, ''Hiekah Ulun itu? Io bahkan ngunru parentah hmpah angin dan ranu, dan reo mamatuhi-Ne.''erang kaulun Gerasa Nabebas teke roh jahat²⁶Balalu hampeleh Yersus baya murid-murid-Ne gi wilayah Gerasa, gi ipai Galilea. ²⁷Gi tawuk Yesus dolui pah entu, io na tangkahong ulah erang kaulun upo teke kota iro sa narasuki ulah roh jahat. Ulun iro haut uhang bakoi nyui pama bulu bakoi duloi gi lowu, melainkan gi plowong.²⁸Hantek ulun iro nginte Yesus, io palus ngariak bulu samah gi hadapan-Ne. anri lengan royoh io sawada, "Inynkah urusan helang Iko dan uki,hai Yesus, Pea Allah sa maha tinggi? Uki ilaku hmpah-Iko, ada siksa uki!" ²⁹Hal terjadi ket Yesus n yuyu roh jahat iro kaluar teke ulun iro. Setan iro gansang narik-narik ulun iro hampe io narantai, na borgol, bulu najaga kode io kaiuh nyametis rantaine bulu na oit ulah setan pah duoi-duoi sa suni.³⁰Kamulek, Yesus nunti hmpah ulun iro, "Hie ngaranko?"tuing ulun iro , "Legion "ket naan wahai setsn sa marasukine. ³¹Setan-setan iro ilaku hmpah-Iyo nampan Io ada nyuyu reo pakai tulak pah jurang maut.³²Gi duoi iro, naan erang kasawayan wawui sa rahat ngeto pongokan gi wungkur. Setan-setan iro ilaku hmpah Yesus pakai ngaret reo pakai masuk pah huang sawayan wawui iro, blu Yesus ngizin reo. ³³Bulu setsn-setan iro pun kaluar teke ulun iro palus masuk pah huang wawui-wawui, balalu sawayan wawui iro malempat dolui hiring wungkur sa suram pah danau bulu lotong.³⁴Hantek kawan pakatik wawui ngintene, reo malempat dan nyarita kajadian iro gi kota dan gi tumpuk sakitarne. ³⁵Jari, ulun wahai hawi pakai nginte inun sa terjadi. reo hawi hmpah Yesus palus kahaba ulun sa haut nabebas teke setan-setan iro rahat maharung gi rupak poo Yesus, haut waras pikiranne. Hal itu ngulah reo takut.³⁶Reo sa kajadian itu nyarita hmpah ulun lain nakolo ulun sakarasukan setan iro na samare. ³⁷Balalu, kahai ulun sa duloi gidaerah sakitar Gerasia ilaku Yesus pakai nanan reo sabab reo na ancam ulah katakuten sa idu. Ket iro Yesus ngabai pah jukung dan mulek pah Galilea.³⁸Kode,ulun sa haut nabebas teke setan-setan iro ilaku hmpah Yesus nampan io iuh sameh-sameh anri Yesus. Kode, yesus nyuyu tulak wada-Ne, ³⁹"Bulileh pah lowu ko palus saritaleh hal-hal idu sa haut Allah ulah pah iko." Ulun iro pun tulak pah kahai hujung kota bulu nyarita inun sa haut Yesus ulah pah iko. Pea Yeirus Nabangkitkan baya Erang kaulun Wawe Nasamare⁴⁰Hantek Yesus mulek pah Galilea, ulun wahai nyamut-Ne ket reo kahai haut nganre-Ne ⁴¹Gi yiiro naan erang kaulun bangaran Yairus sa hawi hmpah-Iyo, ioadalah erang kaulun kapala Sinagoge. Nelang tunuk nyamah gi poo Yesus, Yairu ilaku nampan Io hawi pah lowune ⁴²Ket io naan erangka ulun putri tungkan sa kira-kira baumur dua walas taun, dan pea iro kai mate. Bulu, hantek Yesus nuju pah raha, ulun wahai mangkahipit gi sakaliling-Ne.⁴³Gi yiiro naan erangka ulun wawe sa haut menderita maraya wiet sa uhang dua walas taun, dan bakoi erang ka ulun pun sa iuh nyamare ne. ⁴⁴Wawe iro nyanrupak Yesus teke waling palus nyme hujung jubah-Ne, bulu hantek iro pada maraya ne mihinroi⁴⁵Balalu, Yesus sawada, "Hie sa nyame Uki?" Ket kahai ulun manyangkal, Petrus sawada, "Guru, ulun wahai bakumpul gi rupak-Iko bulu ipahipit anri-Iko!" ⁴⁶Kode, Yesus sawada, "Erangka ulun nyame-Uki ket Uki kaingkam naan kuasa sa kaluar teke-Iko."⁴⁷Hantek wawe iro nginte bahwa bakoi kaiuh nina tonga, io hawi hmpah Yesus anri neter bulu basujud gihadapan-Ne. Gi muka kahai ulun, io nyarita kolowangun io nyame Yesus dan kolowangun io anri hantek oi nasamare. ⁴⁸Kamulek, Yesus sawada hmpah iyo, "Pea-Ku, imanko haut nymare iko. Tulakleh huang damai sejahtera."⁴⁹Hantek Yesus magon bapaner, erangka ulun teke lowu kapala Sinagoge itu hawi palus sawada hmpah Yairus,"Putriko haut nanan. Adakia Nyanrepot Guru." ⁵⁰Kode, nyonrongoi hal iro Yesus sawada hmpah Yairus, "Ada takut. Harapleh bulu peako sagar salamat."⁵¹Hatek Yesus hampe gi lowu Yairus, Io bakoi kaiuh hie pun masuk baya-Iyo ekat Petrus, Yohanes, Yakobus, baya uma dan ine pea iro.⁵²Kahai ulun onsoyar baya iwada pea wawe, kode Yesus sawada,"Ada onsuyar, io bakoi nanan kode surui.''⁵³Ulun wahai iro pun ngakihi-Iyo ket reo kotoe pea wawe iro haut nanan.⁵⁴Kode, Yesus ngepot longhonpea iro dan mowane, "Buanleh, Nak!" ⁵⁵Bulu mulekleh roh pea iro palus hantek iro pada io sokonrong. Balalu Yesus nyuyu nampan pea iro na unru inun-inun pakai naokan. ⁵⁶Karuo ulun muntuo iro takjub, kode Yesus nguring reo pakai nyawada hie pun neo inun sa haut terjadi.

Chapter 9

¹Kamulek, Yesus mowa kadua walas murid-Ne ngunru reo kuasa dan otoritas bawo roh-roh dan pada ;pakai nyamare pamyakit. ²Io ngutus reo pakai mawarta neo Kerajaan Allah dan memuliakan.³Wada-Ne reo Ada ngoit inun pun huang perjalanan, ada ngoit tungkeh, tas,rute, duit, atawa bahkan ruo kalamar baju. ⁴Pah lowu hawe pun sa iko masuki, duloilehgi raha hampe iuko tulak teke duoi iro.⁵Bagi reo sa bakoi hokun narime iko,tananleh kota iropalus kebasleh habune teke poo ko pakai pangitungen tahadap reo." ⁶Kamulek tulakleh kawan rasul dan bakaliling pah tumpuk-tumpuk nelang mawarta Injil dan nyamare ulun-ulun sakit gi hawe-hawe. kabingungan Herodes neo Yesus⁷Herodes, sang raja wilayah,nyonrongoi neo hal sa rahat terjadi dan io tuu bingung sabab papire kaulun nyawada bahwa Yohanes Pembaptis haut bangkit teke padang ulun mate, ⁸sadangkan sa lain sawada bahwa Elia haut timul kamulek, bulu naan pada sa sawada naan erang kaulun teke kawan nabisa wolum gi zaman pono haut bangkit. ⁹Herodes sawada, "Uki haut notok ulok Yohanes. Jari hie kah Ulunsa sa neo-Iyo uki rongoi kabar sa mihie itu?" Bulu, Herodes tuu sidi pakai kahong Yersus. Pongokan pakai Dimo Ribu Kaulun (Lima Ribu Orang)¹⁰Hantek kawan rasul mulek, reo nyarita hmpah Yesus segala inun naan sa haut reo ulah bulu io ngajak reo pakai ngaraerai pah erangkaua kota bangaran Betsida. ¹¹Kode, ulun wahai kotoe hal iro dan reo pun notah-Ne Bulu, nelang nyamut reo,Yesus bapaner hmpah reo neo Kerajaan Allah dan pada reo sa perlu ware¹²Hantek onro mulai kamalom, kadua walas murid Yesus hawi hmpah-Iyo palus sawada, "Suyuleh ulun-ulun iro tulak pah tumpuk-tumpuk dan pedesaan gi sakitar yiitu pakai ngeto duoi onsan baya pongokan ket gi yiitu takam duloi gi duoi terpencil." ¹³Kode, Yesus sawada hmpah reo, "Ikoleh sa ngunru reo kuman."Tuing murid-murid-Ne "Kain eket ngompun dimo rute dan ruo kenah, kasawali amun kain tulak moli pongokan pakai kahai ulun itu." ¹⁴Gi raha naan sakitar dimo ribu kaulun upo Yesus sawada hmpah mujrid-murid-Ne, "Suyuleh reo maharung sacara bakalompok, kira-kira dimompulu kaulun per kalompok."¹⁵Bulu, reo pun uluh sesuai anri sa Yesus parentah paluas nyuyu kahai ulun iro maharung. ¹⁶Balalu, Yesus ngepo dimo rute baya euo kenah iro mahangut pah langit, memberkatine, molah-molahne, palus ngunrune hmpah kawan murid nampan reo nyadiane hmpah ulun wahai ¹⁷Dan, reo kahai kuman hampe wosing. Kamulek, sisa-sisa totokan rute sa nakumpul naan dua walas karanyang ponu.Petrus Mangakui Yesus adala Kristus¹⁸Tawuk Yesus rahat badoa ngaraerai, murid-murid-Ne naan baya anri-Iyo Balalu, Io nunti hmpah reo,"Hiekah Uki itumanurut ulun wahai?" ¹⁹uing reo,"Yohanes Pembaptis, sa lain nyawada Elia, dan sa lainkia nyawada Iko adalah naan erai teke nabi-nabi gi zaman pono sa bangkit kamulek."²⁰Kamujlek, Yesus sawada hmpah reo, "Kode, manurut iko, hiekah Uki?" Tuing Petrus, "Iko adalah Kristus teke Allah." ²¹Kode, Yesus ngampiitung reo anri karas dan marentah reo pakai bakoi nyawada pah hie pun neo hal itu. Yesus Nyawada pampate-Ne ²²Kamulek, Yesus sawada, "Uki Murunsia harus menderita wahai hal dan natolak ulah tuo-tuo, imam-imamkepala dan ahli-ahli Taurat, Balalu na wunu dan sagar na bangkitkan gi onro sa katolu."²³Yesus sawada hmpah reo, "Amun erangkaulun sidi baya Uki, io harus manyangkal tongne raerai, dan mikul balasangarne satiap onro, dan baya Uki. ²⁴Sabab, hiepun sa bausaha nyalamat nyawane, sagar kajawohan nyawane. Kode, barang siapa kajawohan nyawane ket Uki, io sagar nyalamatne. ²⁵Inunkah untungne amun erangkaulun kaiuh kahai dunia, kode mate atawa kajawohan nyawane raerai?²⁶Hmpah ulun sa kaingkam bangan ket Uki baya papaneran-Uki, Pea Murunsia pun mangakui ulun iro hantek Io hawi huang kemuliaan-Ne dan kemuliaan Uma-Ne, baya kawan malaikat barasis. ²⁷Uki nyawada sa sabujurne hmpah iko naan papire ka ulun gi padang iko sa sokonrong gi yiitu sa bakoi sagar mate sa mete nginte Kerajaan Allah." Yesus baya Musa dan Elia²⁸Kira-kira, walu onro ukah Yesus nahampe pangajaran-Ne iro, Io ngajak Petrus, Yohanes, dan Yakobus ngabai pah gunung pakai badoa. ²⁹Hantek Yesus rahat badoa, rupa wae-Ne baubah dan pakaian-Ne palus wula berkilau.³⁰Kamulek, iteleh ruo kaulun rahat bapaner anri-Iyo. karuo ulun iro adalah Musa baya Elia, ³¹sa nantarang tonga huang kemuliaan dan bapaner neo papampate Yesussa sagar hinang na ganapi.³²Gi tawuk iro, Petrus baya iang-iangne rahat nakuasai nanam saruru sa wiet, kode reo bujur-bujur sadar, reo nginte kemuliaan Yesus baya ruo ka ulun sokonrong sameh-sameh anri Iyo. ³³Hantek Musa dan Elia sagar nanan Yesus, Petrus sawada, "Guru, ware takam tatap gi yiitu. Kain sagar nyokonrong tolu kemah, erai pakai-Ko erai pakai Musa, dan erai pakai Elia." Kode, Petrus bakoi manyadari inun sa na wadane iro.³⁴Hantek Petrus rahat nyawda hal iro, hawileh rakun nyalinung reo bulu Petrus, Yohanes, dan Yakobus, palus takut hantek reo masuk huang rakun iro. ³⁵Kamulek tarongoi leh lengan teke rakun iro, "Ituleh Pea-Ku Iyoleh sa kupeli, rongoileh Ito." ³⁶Ukah lengan iro mihinroi, Yesus ekat haba raerai. Reo marahasiane dan bakoi bara pah erangka ulun pun gi on ro-onro iro neo inun sa reo ite.Erangka ulun Pea Upo Nabebas teke Roh Jahat³⁷Pah onro pitaninne, hantek reo dolui teke gunung, erangka rombongan idu ulun wahai hawi hmpah Yesus. ³⁸Erangka ulun teke ulun wahai iro sawada, "Guru, uki ilaku hmpah-Iko, luoh leh peaku erai-eraine. ³⁹Iteleh, naan roh sa nguasaine, dan tiba-tiba io ngariak. Roh iro pada ngagusang-gunsangne hampe mulutne bawure, roh iro hulung nyanskitne dan bakoi hokun nananne. ⁴⁰Uki haut ilaku hmpah murid-murid-Ko pakai ngunur ne lkode reo bakoi iuh ngulahne."⁴¹Tuing Yesus, "Hai, Ikam generasi sa bakoi harap dan tawang! Pir uhang kia Uki harus nanan baya-Iko dan basabar tahadap iko? Uitleh peako iro pataha." ⁴²Hantek pea iro rahat nyanrupak hmpah Yesus, roh jahat iro mambantingne pah tana palus ngagunsang-gunsangne. Kode, Yesus misuh roh najis iro, nyamare pea upo iro, Balalu ngampulekne hmpah umane. Yesus Nyurah Pampate-Ne⁴³Kahai ulun kaingkam takjup bawo kuasa Allah, kode hantek reo taheran-heran tahadap kahai sa na ulah Yesus, Io sawada hmpah murid-murid-Ne, ⁴⁴"Rongoileh papaneran iu maasu-asus: Pea Murunsia sagar na sarah pah suan murunsia." ⁴⁵Kode, kawan murid bakoi mamahami maksud papaneran itu dan hal iro tadina pah reo balalu reo bakoi kaiuh mamahamine. Kode, reo takut nunti hampah Yesus mengenai arati papaneran iro. Hiekah sa terutama?⁴⁶Hantek iro, erai pertengkaran terjadi gi padang murid-murid Yesus mengenai hie sa terutama gi padang reo ⁴⁷ Kode, Yesus kotoe oikiran ate reo, Balalu Io ngepo erangkaulun napea odik dan ngajakne sokonrong gi higa-Ne ⁴⁸Balalu, Io sawada hmpah murid-murid, "Satiap ulun sa narime napea odik itu huang ngaran-Ku, io narime Uki. Dan, hie pun sa narime-Uki sa ngutus Uki. Sabab, sa paling hina gi padang iko, iyoleh terutama." Pihak sa sameh⁴⁹Yohanes nuing-Ne bulu sawada, "Guru, kai ngite erangkaulun ngusir roh jahat huang ngaran-Ko dan kain bausaha nyntaduhne ket io bakoi tamasuk kolompok takam." ⁵⁰Kode, Yesus sawada hmpoahiyo, "Ada nyantaduhne ket hie pun sa bakoi dawan iko, io memihak iko." Yesus na tolak gi Samaria⁵¹⁵¹Hantek waktune samagin rupak bagi Yesus pakai na tongkobo,io meneguhkan ateko pakai tulak pah Yerusalem. ⁵²Io nyuyu papire utusan nampono-Iyo. Balalu,utusan-utusan iro pun barangkat dan masuk pah erai desa gi daearah Samaria pakai menyiapkan segala inun naan pah Iyo. ⁵³Kode, ulun-ulun gi duoi iro bakoi narime Yesus ket rahat nuju pah kota Yerusalem.⁵⁴Hantek murid-murid Yesus, iyoiro Yakobus dan Yohanes, nginte hal itu, reo sawada, "Tuhan, inunkah Iko hamen kain pakai nyuyu apui dolui teke langit dan nangkawis reo?" ⁵⁵Kode, Yesus ikulik pah waling bulu nagur reo. ⁵⁶Balalu, Yesus dan murid-murid-Ne tulak pah desa sa lain. halangan pah Baya Yesus⁵⁷Hantek reo rahat huang perjalanan, naan erangkaulun sawada hmpah Yesus, "Uki sagar baya Iko pah hawe pun Iko tulak." ⁵⁸Yesus pun sawada hmpah iyo, "Rubah ngompun luang pakai nanan baya wureung-wurung gi udara dan ngompun hanaine. Kode, Pea Murunsia bakoi ngompun duoi pakai mihinroi."⁵⁹Yesus sawada hmpah erangkaulun sa lain, "Bayaleh Uki!" Kode ulun iro sawada, "Tuhan, izinkan uki tulak palus dowong umaku lewi pono ⁶⁰Kode, Yesus sawada hmpah iyo, "Ikehleh ulun mate dowong ulun mate reo, kode iko harus tulak dan mawarta neo kerajaan Allah."⁶¹Dan,naan erang ka ulun kia sawada, "Uki sagar baya Iko, Tuhan, kode izinkan uki bapamitan lewi pono anri kaluarga." ⁶²Yesus sawada hmpah iyo, "Bakoi oeng erang ka ulun pun sa haut ngimpeh lonngonne gi bajak, kode magon ikulik pah waling, sa pantas pah Kerajaan Allah."

Chapter 10

¹Ukah iro, Yesus menetakan pengikut sa lain, palus Io ngutus reo tulak ba ruo-ruo pakai nampono-Iyo pah satiap kota dan duoi sa sagar na totah-Ne. ²Wada-Ne hmpah reo, "Hasil panen memeang tuu wahai, kode panggawine ekat naan henaodik. Ulah ket iro, lakuleh hmpah Tuan sa ngompun hasil panen uro pakai ngutus panggawi-panggawi pakai ngumpul hasil panen-Ne."³ "Tulakleh! Uki ngutus iko ialah pea babiri gi suan-suan sawayan seigala. ⁴Ada ngoit kantong duit, tas, atawa sandal. dan, ada manytane hiepun huang perjalan.⁵Pah lowu hawe pun sa iko abai ontuhleh lewi pono 'Damai sejahtera bawo lowu itu.' ⁶Ada ulun sa naan gi iro cinta damai, damai sejahterako sagar duloi baweone. Kode amun bakoi, damai sejahterako iro sagar mulek hmpah iko. ⁷Duloileh gilowu iro. Kumanleh bulu minumleh inun sa reosadia pah iko, ket erangkaulun panggawi pantas kaiuh upane Ada bapindah-pindah teke erai lowu pah lowu sa lain.⁸Papire kali iko masuk pah erai kota bulu ulun-ulun gi raha nyamutiko, kuman pongokan sa reo sadia gi hadapaniko. ⁹Samare ulun-ulun sakit sa duloi gi rahsa, palus wada hmpah reo, "Kereajaan Allah haut rupak giiko.'¹⁰Kode, amun masuk pah ereai desa dan ulun-ulun giraha bakoi nyamutiko, tilakleh pah lalan-lalan kota irodan sawada, ¹¹"Bahkan habu teke kota ko sa nemoelgi poo kain sagar kain bebasakan gi muka iko. Kode, itungleh itu: Kerajaan Allah haut rupak. ¹²Uki sawada hmpah iko: gi onro iro,tangungan Sodom lewi meanteke tangungan kota iro." Pangitungen Pah sa Manolak Yesus¹³"Silakaleh iko,Khorazim! seandaine Uki ngulah mukjizat-mukjizat sa sameh giTirus dan Sidon, bulu reo pasti haut uhang batobat anri maharung dan makai kain kabung baya abu ¹⁴Kode, gi tawuk penghakiman, tangungan Tirus dan Sidon lewi mean teke tangunganko. ¹⁵Bulu iko,Kapenaum, inunkah iko sagar engkat pah surga? Bakoi iko sagar na tubuk pah dunia ulun mate!¹⁶Hie punsa nyonrongoi iko, nyonrongoi Uki. Kode, hie sa manolak iko, io pada manolak Uki. Blu hie manolak Uki, io manolak Iyo sa ngutus Uki." saetan-setan Tunduk tahadap panotah Yesus¹⁷¹⁷Kamulek kapitum pulu pengikut iro mulek anri baarai nelang sawada, "Tuhan, setan-seatan pun Tunduk pah kain huang ngaran-Ko ¹⁸Yesus sawada hmpah reo, "Uki nginte Iblis lawu teke langit kakala kelat. ¹⁹Kontoeleh bahwa Uki haut ngunruiko kuasa pakai narah nipo bulu alimangu,pada kuasa bawo kahai kakuaten musuh.Bakoi sagar naan nyansakit iko. ²⁰Kode adaleh iko baarai ket roh-roh iro tunduk hmpah iko, melainkan baarai mihewuleh ket ngaran ko tatulis gi surga." Yesus Badoa hmpah Uma²¹Gi tawuk iro, baaraileh Yesus gi huang Ruh kudus palus sawada,"Uki basyukur hmpah- Iko Uma, Tuhan bawo langit dan tana, sabab iko nina hal-hal itu teke ulun bijaksana dan cerdas. Kode, Iko nutuine hmpah gena-gena. Yo Uma, ket iroleh sa berkenan gi hadapan-Ko.²²Uma-Ku haut manyarah kahai ne hmpah-Uki, dan bakoi erangkaulun pun sa kataru Pea kasawali Uma. Dan, bakoi erangkaulun pun kataru Uma, kasawali Pea baya ulun-ulun sa hmpah reo Pea ba kabahomen pakai menyatakanne."²³Kamulek, Yesus bapaling hmpah murid-murid-Ne dan bapaner hmpah reo secara pribadi, "Berbahagialeh mato sa nginte inun sa iko ite ²⁴sabab uki sawada hmpah iko: wahai nabi dan raja sa tuu sidi nginte hal-hal sa iko ite tataha, kode reo bakoi ngintene. Dan, tuu sidi nyonrongoi hal-hal sa iko rongoi tataha, kode reo bakoi nyonrongoine."Ulun Samaria sa Baahi lelu²⁵Kamulek, erangkaulun ahli Hukum Taurat sokonrong pakai mansuba Yesus, wadasne,"Guru, inun sa harus uki ulah pakai ngaiuh wolum sa kekal?" ²⁶Tuing Yesus hmpah iyo,"inun sa na tulis huang Hukum Taurat? Inun sa iko baca gi huang ne?" ²⁷Ulun iro nuing, "Kaleluleh Tuhan, Allahko, anri saganap ateko, anri saganap jiwako, anri saganap kauatenko, dan anri saganap akal budiko. Dan, Kaleluleh sasameh iko murunsia kakala ikongalelu tonga ko raerai." ²⁸Yesus sawada,"Tuinganko iro uah. Ulahleh iro, bulu iko sagar wolum."²⁹Kode, ulun iro sidi ngampiuah tongane, bulu io sawada hmpah Yesus, "Dan, hiekah sasameh iko murunsia?" ³⁰Yesus nuing iro anri sawada, "Naan erangkaulun sa dolui teke Yerusalem pah Yorikho, io lawu pah longon kawan parampok sa marampas pakaianne dan mangkungne baleng huang keadaan kai mate.³¹Kebetulan, erangkaulun imam metah lalan iro. hantek io nginte ulun iro, io tulak miiro ai anri malan gi hila lalan sa lain. ³²Mihie pada sa naulah erangkaulun Lewi hantek hawi pah duoi iro dan nginte ulun iro, io nampetahne anri malan gi hila lalan sa lain.³³Kode, erangkaulun Samaria sa rahat huang perjalanan maetah gi iro. Dan, hantek io nginte ulun iro, io kaingkam pilelu hampah iyo. ³⁴Balalu, ulun Samaria iro nyanrupakne palus munut panonrongne. Io ngosokne anri minyak dan anggur, balau ngampabai ulun iropah obo keledai palus ngoitne pah erai panginapan, balalu natama ulun iro ³⁵Pah onro pitaninne, ulun Samaria ngaluaqr duit dinar dan ngunrune hmpah panjaga panginapan iro anri sawada, 'Tatamaleh ulun sa batan itu Dan, pirepun ikonagkawis duit pakaine, uki sagar ngatine hantek uki mulek."³⁶Balalu, Yesus sawada, "Manurut iko, hiekah gi helang katolu ulun iro sa jari sasameh murunsia teke ulun sa lawu pah longon kawan parasmpok iro?" ³⁷Tuing ahli Taurat iro, "Ulun sa nutui ahi lelu hmpah iyo." Balalu, wada Yesus , "Tulakleh, dan ulahleh hal sa sameh." Maria dan Marta³⁸Hantek Yesus dan murid-murid-Ne huang perjalanan, Yesus masuk pah erai desa baya erangkaulun wawe bangaran Marta nyamut Yesus gi lowune ³⁹Marta naan pulaksanai wawe bangaran Maria sa maharung girupak poo Yesus palus nyonrongoi pangajaran Yesus.⁴⁰Kode. Marta kajut sibuk ngawi kahai gawiansa harus na sanuput. Marta pun nyanrupak pah Yesus bulu sawada, "Tuhan, bakoi padulikah Iko bahwa pulaksanai wawekungaret uki ngulah kahai gawian itu raerai? Suyuleh iyo ngarawah iko!"⁴¹Kode, Tuhan nuingne, "Marta, Marta, iko khawatir bulu ngile tonga huang wahai hal. ⁴²Ekat erai hal sa penting. Maria haut meli bagian sa lewi maasus, dan bagianne iro bakoi sagar na epo teke iyo."

Chapter 11

¹Gi onro iro Yesus badoa gi duoi lain Hantek Io luput badoa erangkaulun teke murid-murid-Ne, sawada hmpah-Iyo, "Tuhan, ajarileh kain badoa sameh kakala Yohanes ngajar murid-muridne."²Kamulek Yesus sawada hmpah reo, "tawuk iko badoa, badoaleh kakalaitu: 'Uma, nabarasisleh ngaran-Ko. Hawileh kertajaan-Ko.³Unrulehhmpah kain pongokan sa sasukupne tiap-tiap, ⁴dan ampunileh satip ulun sa bahala tahadap kain.dan adaleh ngoit kain pah huang pencobaan."' Lakuleh,Etoleh, dan talitikleh⁵Kamulek Yesus sawada hmpah reo, "Seandaine salah satu teke ikam ngompun erangkaulun iang bulu iko tulak pah lowu iangko iro pada gi suan malom anri reo hmpah iyo, 'Iang, piihau uki tolu rute, ⁶ket erangkaulun iangku sa rahat ngulah perjalanan siang gi lowuku, kode uki bakoi oeng inun-inun gi lowu pakai na tawar hmpah iyo.' ⁷Mungkinkah iangko teke huang lowu nuing,'Ada ngangu uki! manamang haut na kunsi dan uki baya pea-peaku haut gi duoi surui. Uki bakoi tau buan pakai ngujnru inun pun hmpah iko.'⁸Uki nyawada hmpah iko bahwa bahwa meskipun iangko iro bakoi buan palus ngunru sesuatu hmpah iko ket iko sahabatne, kode ket iko hulung ilaku, io pasti sagar buan dan ngunru inun sa iko perlukan.⁹Jari, uki nyawada hmpah iko lakuleh, iko sagar narime. etoleh, iko sagar kahong. Talitikleh, manamang sagar na ugah pah iko. ¹⁰Sabab hiepun sa ilaku sagar narime. Hiepun sangeto sagar kahong. Dan hiepun sa nalitik, manamang sagar na ugah pah iyo¹¹11 Inunkah erangkauluin uma gi padang iko sa sagar ngunru nipo hmpah pea ne amun io ilaku kenah? ¹²Atawa ngunrune alimangu, amun io laku tolui? ¹³Amun sa jahat kotoe nakolo ngunru unruan sa maasu hmpah pea-peaiko, apalagi UmaKo sa gi surga. Io sagar ngunru Roh Barasis hmpah ulun-ulun sa ilaku hmpah-Iyo,"Yesus Makai Kuasa Allah¹⁴Gi onro iro, Yesus ngusir setan teke upo-upo sa pehe. ukah setan iro kaluar, ulun sa inrene pehe iro kaiuh bapaner dan ulun wahai jari heran. ¹⁵Kode, papire ulun sawada,"Io nguisir setan anri kuasa Beelzebul, Pemimpin setan."¹⁶Papire ulun Lain hamen nguji Yesus, reo ialku Iyo nutui naan tanda gi surga. ¹⁷Kode, Yesus kotoe inun sa reo rancana bulu sawada hmpah reo, "Satiap Kerajaan sa pasanarai dan saling manyarang sagar hancur.Dan, kaluarga sa anggata-anggatane saling bamusuhan sagar barantakan¹⁸Jari, amun Iblis pada barantakan bulu dawan tongane raerai, nakolo mungkin kerajaanne kaiuhtatap batahan? Uki nyawada mihie ket iko nyawada mihie ket iko Nyawada bahwa Uki makai kuasa Beelzebul pakai ngusir setan-setan. ¹⁹Amun Uki ngusir setan-setan anri abeelzebul anri kuasa hiekah pea-peako ngusir reo? Ket iro, reoleh sa sagar jari hakimko. ²⁰Kode, amun Uki makai kuasa Allah pakai ngusir setan, Kerajaan Allah haut hawi hmpah iko.²¹Amun erangkaulun sa wigas anri basanjata le4ngkap manjaga istanane raerai, harata keadaan aman. ²²Kode, amun naan ulun sa lewi wigas tekeiyo hamen manyarang bulu nyantalaune, bulu bulun iro lewi wigas iro harus marampas sanjata-sanjata sa na andal ulah ulun iro palus mambagi-bagi harata rampasanne. ²³Hie pun sa bakoi duloi gi pihak-Ku, io dawan Uki. Dan hie pun sa bakoi ngumpul baya Uki, io barantakan." Mulekne Roh Najis²⁴"Apabila roh najis kaluar teke tubuh erangkaulun, roh iro sagar bakaliling metah duoi-duoi sa karing pakai ngeto duoi mihinroi, kode io bakoi nangkahongne. ket iro io sawada, 'Uki sagar mulek pah lowusa haut uki tanan.' ²⁵Hantek io mulek, iokahong lowu iro huang keadaan tasapu barasis dan taatur rapi. ²⁶Kamulek, roh najis iro palus ngajak pitu roh sa lewi jahat tek iyo pakai masuk dan duloi gi lowu iro hampe keadaan ulun iro jari oro lewi buruk teke sa metene." Ulun-ulun sa berbahagia²⁷Hantek Yesus nywada itu, erangkaulun wawe sa duloi gi suan-suan ulun wahai nyawada, "Naberkatileh rahim sa haut ngayaan Iko dan ua dada sa ngampomo Iko." ²⁸Kode, Yesus sawada, "Berbahagialeh ulun-ulun sa nynrongoi firman Allah dan menaatine."Siri Yunus²⁹Hantek ulun-ulun sa bakumpul samagin wahai, Yesus sawada, "Generasi itu adalah generasi sa jahat; reo manutut ialah siri, kode bakoi erai siri pun sa sagar na tutui hmpah reo selain siri Yunus. ³⁰Kakala Yunus sa jari tanda bagi ulun-ulun Niniwe mihieleh Pea Murunsia sagar jari siri bagi generasi itu³¹"Gi onro kiamat, Ratu teke selatan sagar bangkit baya ulun-ulun teke generasi itu dan io sagar nukum reo ket io hawi teke hujung tana pakai nyonrongoi hikmat Salomo, sadangkan gi itu naan erangkaulun sa lewi idu teke Salomo.³² Gi onro kiamat, ulun-ulun Niniwe sagar bangkit baya generasi itu palus nukumne, ket ulun-ulun Niniwe batobat hantek Yunus bakhotbah gi hadapan reo, sadangkan gi itu naan erangkaulun sa lewi idu teke Yunus." Mato adalah Pelita Tonga³³"Bakoi erangka ulun pun sa ukah nyomolum lampu, sagar ngimpeh lampu iro gi duoi ta dina atawa gi pida gantang. sebalikne reo ngimpeh lampu iro gi poo lampu hampe ulun-ulun sa masuk kaiuh nginte sahayane. ³⁴Mato adalah lampu tonga ko. Amun mato ko maasus, kahai tonga ko sagar na tamponu anri mai. Kode, amun mato jahat, kahai tonga ko sagr na tamponu pisirom. ³⁵Ket iro, bahati-hatileh gi huang tonga ko bakoi jari sirom. ³⁶Amun tonga ko na tamponu anri mai dan bakoi oeng bagianne sa sirom, tontga ko iro sagar mai kahaine sameh kakala hantek erai lampu ngampi mai anri sahayane." Yesus nagur Ulun Farisi dan ahli Taurat³⁷Ukah Yesus luput sawada, erangkaulun Farisi ngundang-Ne pakai kuman. Io pun hawi, balalu maharung bulu kuman. ³⁸Kode, ulun Farisi iro heran hantek nginte Yesdus bakoi nuhun longon-Ne lewi pono sa mete kuman.³⁹Kode, Tuhan sawada hmpah iyo, "Ulun-ulun Farisi kakala iko ngabarasis bagian luar sangker dan piring, kode huang tonga ko ponu anri keserakahan dan kejahatan. ⁴⁰Hai ulun-ulun budu! Bakoikah Io sa ngulah bagian luar pada ngulah bagian huang? ⁴¹Ket iro, bagileh inun sa naan gi huang iko iro sebagai sedekah ko. Anri mihie, iko sagar bujur-bujur bartasis.⁴²Kode, silakaleh iko, ulun-ulun Farisi! Sabab, iko ngunru persepuluhan bawo hasil selasih,inggu, dan segala masam buloan kabun ko, kode ikongaret keadilan dan ahilelu Allah. saharusne, iko ulah kahai hal iro koeng ngaret hal-hal sa lain.⁴³Silakaleh iko, ulun-ulun Farisi ket iko sidi maharung gi duoi sa maasus gi Sinagoge dan pada sidi narime hormat gi pasar ⁴⁴Silakaleh iko ket iko kakala polowong sa koi batanda, sa na rarah-rarah ulun kooeng reo sadari."⁴⁵Kamulek, salah seorang ahli Taurat sawada hmpah Yersus, "Guru, hantek Iko nyawada hal-hal itu, Iko pada mahina kain." ⁴⁶Kode, Yesus nuing,"Silakaleh iko, hai ahli-ahli Taurat! sabab, iko ngimpeh beban sa wiet pakai na pikul ulun lain kode tonga ko raerai bakoi hokun nyme beban iro anri erai kingking pun⁴⁷Silakaleh iko ket ngabuan polowong pakai nabi-nabi sa na wunu ulah datu nini ko ⁴⁸Bahkan, iko menyatakan hmpah kahai ulun bahwa iko ngakui gawian datu niniko; reoleh sa munu nabi-nabi iro, kode iko sa ngabuan polowongne⁴⁹Ituleh sababne Allah huang hikmat-Ne sawada, 'Uki sagar ngutus nabi-nabi dan rasul-rasul hmpah reo, kode papire teke ulun-ulun sa uki utus iro sagar na wunu dan na siksa ⁵⁰nampan raya kahai nabi, sa na weawak teke dunia na cipta kiuh na tuntut teke generasi itu. ⁵¹mulai teke raya Habel hampe raya Zakhria, sa na wunu gi helang altar dan Bait Allah. Yo, Uki sawada hmpah iko bahwa generasi itu sagar ba tangung jawab tahadap hal itu.⁵²Silakaleh iko, hai ahli-ahli Taurat! Sabab iko haut ngepo kunsi pangantoean, kode iko raerai bakoi hokun masuk dan mahalang-halangi ulun lain pakai masuk."⁵³Ukah Yesus nanan duoi iro, ahli-ahli Taurat dan ulun-ulun Farisi mulai mamusuhi-Ne dan nyehek-Ne anri bamasam tuntian. ⁵⁴Reo ba komplot pakai nyama Yesus anri papaneran sa naontuh-Ne.

Chapter 12

¹Sementara iro, hantek naan rib uan ulun bakumpul dan reo saling mangkatijak, Yesus mulai bapaner hmpah kawasn murid lewi pono, "Bahati-hatileh tahadap ragi ulun-ulun Farisi, iyoiro kemunafikan.²Sabab, kahai sa tatutup sagar na ugah dan kahai ta dina sagar na nyatakan. ³Ket iro inun sa iko wada gi huang sirom sagar tarongoi gi huang mai dan sa iko keneh gi huang kamar sagar na berita gi bawo sapo-sapo lowu. Takut pah Allah⁴Uki nyawada hmpah iko, hai sahabat-sahabat-Ku, adaleh takut hmpah reo sa kaiuh munu tonga, kode ukah irobakoi kaiuh ngulah lewi oro kia. ⁵Kode, Uki sagar ngampiitung iko neo hie sa harus iko takuti; takutleh hmpah Iyo, sa ukah munu, pada bakuasa medak iko gi huang neraka.Yo, Iyoleh sa harus iko takuti⁶Bakoikah dimo kaukui wurung umpit naari eket sajuman ruo keping ai? Kode, bakoi erang kaukui pun teke wurung-wurung iro sa bakoi kiitung gi hadapan Allah ⁷Bahkan, jumlah wulu gi ulok ko pun tareken. Ada takut, iko oro lewi bajuman teke wahai wurung umpit." Pangitungen pah sa Manyangkal Yesus⁸"Uki sawada hmpah iko, satiap ulun sa ngakui Uki gihadapan ulun lain, pada sagar naakui ulah Pea Murunsia gi hadapan malaikat-malaikat Allah. ⁹Kode, setiap ulun sa manyangkal Uki gi muka ulun lain pada sagar na sangkal gi hadapan malaikat-malaikat Allah. ¹⁰Dan, hie pun sa nyawada inun-inun sa dawan Pea Murunsia iuh naampuni, kode hie punsa menghujat Roh Kudus bakoi sagar naampuni.¹¹Hantek reo ngoit iko pah Sinsgoge dan pah hadapan kawan pemimpin baya penguasa, ada khawatir neo nakolo iko membela tonga ko atawa inun sa harus iko wada, ¹²sabab tawuk iro pada Roh Kudus sagar ngajr iko neo inun sa iko wada." Paribasa neo Erangkulun Tatau¹³Erangkaulun teke padang ulun wahai iro sawada hmpah Yesus, "Guru, suyuleh pulaksaniku pakai babagi warisan anri uki." ¹⁴Kode, Yesus sawada hmpah iyo, "Pulaksanai, hie sa ngengkat Uki jari hakim atawa pangator bawo iko?" ¹⁵Kamulek, Yesus sawada hmpah reo, "Bajaga-jagaleh dan waspadaleh bawo segala bentuk keserakahan ket wolum erangka ulun bakoi bagantung pah wahaine harata sa io miliki."¹⁶Balalu, Yesus memberita erai paribasa hmpah reo,"Naan tana milik erangkaulun sa tuu tatau sa bahasil wahai tuu hasil panen. ¹⁷Jari, ulun iro bapikir huang atene,"Inun sa harus uki ulah ket uki bakoi ngompun duoi kia pakai ngingkeh hasil panenku? ¹⁸Dan, io sawada, Ituleh sa sagar uki ulah. Uki sagar mungkar lumbung-lumbungko dan ngabuan sa lewi idu. Gi iro, uki sagar ngingkeh kahai gandum baya barang-barang ku. ¹⁹Balalu, uki sawada hmpah jiwaku, "Hai jiwaku, iko ngompun wahai barang sa ta ingkeh pakai bataun-taun; mihinroi leh,kuman, minum,dan basanang-sanangleh!'²⁰Kode, Allah sawada hmpah uluniro, 'Hai, ulun budu! Malom itu pada, jiwako sagar na epo teke iko. Balalu,hiekah sa sagar ngompun barang-barang sa iko ingkeh iro? ²¹Mihieleh sa sagar terjadi gi ulun sa ngingkeh harata pah tongane raerai, kode bakoileh tatau gihadapan Allah." Ada khawatir²²Yesus sawada hmpah murid-murid-Ne, "Sabab iro Uki sawada hmpah iko, ada khawatir neo wolum ko, neo inun sa sagar iko okan. Atawa, khawatir neo tonga ko, neo inun sa sagar iko pakai. ²³Sabab, wolum lewi penting teke pongokan dan tonga lewi penting teke pakaian.²⁴Iteleh wurung-wurung ekak. reo bakoi namur atawa masi, reo pada bakoi oeng gudang atawa lumbung, kode Allah ngunru reo kuman. iko oro lewi bajuman teke wurung-wurung iro. ²⁵Hiekah gi padang ikam ket khawatir kaiuh namoh sehasta asi gi umur wolumne? ²⁶Amun iko bakoi kaiuh ngulah hal-hal sa odik itu, et inun iko mengkhawatir kan hal-hal sa lain?²⁷Katawani leh wunge bakung, kolowangun reo tumu. Wunge-wunge iro bakoi bagawi karas atawa memintal, kode Uki bakoi nyawada hmpah iko,bahkan Salomo huang kemuliaanne pun bakoi ba pakaian sa bungas salah satu teke wunge-wunge iro. ²⁸Amun Allah mahias rikut gi umo, sa onro itu tumu dan pitanin na umpe pah huang apui bakoi kah Io sagar mahias iko lewi teke iro? Hai, iko sa kurang harap!²⁹Jari, adaleh iko ngeto inun sa sagar iko okan atawa inun sa sagar iko minum, dan adaleh nahanang ate pah iyo. ³⁰Sabab,bangsa-bangsa gi dunia ngeto iro kahai, kode Umako kotoe bahwa iko memerlukanne.³¹Sabalikne, etoleh pono Kerajaan Allah, bulu kahaine itu pada na tamoh hmpah iko." Kumpulkan harata gi sorga ³²"Ada takut, hai kawanapea odik, ket Umako berkenan ngunru hmpah ikoKerajaan iro.³³Arileh inun sa iko miliki dan unruleh sedekah. Ulahleh pah iko kantong duit sa bakoi iuh rusak, yoiro harata gi surga sa bakoi iuh jawoh, sa bakoi iuh na epo maling atawa na tanrusak sigagagat. ³⁴Sabab, gi duoi harata ko duloi." gi iro pada ate ko duloi." Hamba sa Setia Ngulah Tugasne³⁵"Harusleh towingko tatap ba suruk dan lampu-lampu ko tatap malelap. ³⁶Jarileh kakala ulun-ulun sa nganre tuan ne buli teke pesta piaduan nampan reo tau hinang nguka manamang pah iyo, hantek tuan iro buli bulu nalitik manamang.³⁷Naunruleh hamba-hamba, sa haba tuanne bersiap sadia, hantek io hawi. Uki nyawada hmpah iko, sabujurne, io sagar nyuruk towing ne pakai malayani dan mempersila palayan-palayan pakai maharung. Io sagar hawi palus malayani reo. ³⁸Amun tuan iro hawi tawuk suan malom atawa dami haridan kahabareo rahat bariran mihie, nabekatileh reo!³⁹Kode kontoeleh, amun pemilik lowu kotoe jam pire maling sagar hawi pah lowune, io pasti bakoi sagar ngaret lowu ne na ampibobol. ⁴⁰Ulah ket iro, iko pada harus saratang basiap sadia ket Pea Murunsia sagar hawi gi tawuk sa bakoi iko sangka-sangka."⁴¹Kemudian, Peterus nunti hmpah-Iyo, "Tuhan, inunkah iko nyarita paribasa itu ekat hmpah kain atawa hmpah kahai ulun pada?" ⁴²Tuing Tuhan, Hiekah kepala nelayan sa setia dan bijaksana sa na harap tuan ne pakai ngawasi kawan hamba-hamba sa lain, pakai mgunru reo kuman gi hantek sa uah? ⁴³Naunru leh hamba iro, sa hanek tuan ne hawi, kahaba iyo rahat ngulah tugas ne. ⁴⁴Uki sawada hmpah iko, sabujur ne, tuan iro sagar meli iyo pakai ngawasi kahai none.⁴⁵Kode hamba ne iro sawada huang ate ne, "Tuanku bakoi sagar hinang hawi,' dan mulai meweh hamba ne upo baya hamba ne wawe lai ne, kamulek kuman dan minum hampe mahamui, ⁴⁶hantek tuan ne hawi pada gi tawuk sa bakoi na sangka-sangka dan bakoi na kontoe ulah hamba iro, sang tuan sagar munu hamba iro dan ngimpeh ne baya anri ulun-ulun sa bakoi setia.⁴⁷Erangka ulun hamba sa kotoe kasidien tuan ne, kode bakoi bersiap sedia atawa nugylah sesuai kasidien tuan ne sagar kahaba wahai wewehan. ⁴⁸Kode, hamba sa bakoi kotoe inun sa kasidien tuan ne palus ngulah hal-hal sa pantas kaiuh wewehan, io sagar kaiuh wewehan sa lewi hena odik. Satiap ulunsa na unru wahai, na tuntut wahai. Dan, reo sa na harap lewi wahai sagar na tuntut lewi wahai kia. Yesus ngulah Perpisahan⁴⁹Uki hawi pakai medak apui pah dunia, dan Uki baharap apui iro haut malelap! ⁵⁰Kode, naan babtisan sa harus Uki jalani,dan uki kaingkam tuu ta tekan hampe hal iro na ampiganap.⁵¹Inunkah iko manyangka bahwa Uki hawi pakai ngoit perdamaian gi bawo tana? Bakoi, Uki nyawada hmpah iko, melainkan perpecahan! ⁵²Mulai tataha, dimo kaulun huang erai keluarga sagar na pisah. Tolu kaulun sagar dawan ruo kaulun dan ruo kaulun sagar dawan tolu kaulun. ⁵³Reo sagar na pisah; Uma sagar dawan pea upo ne, bulu pea upo sagar dawan ine ne. Ine kasian sagar dawan nantu wawe ne dan nantu wawe ne dawan ine kasian ne."⁵⁴Balalu, Yesus sawada hmpah ulun wahai, "Hantek iko nginte rakun ba kumpul gi hila barat, iko hinang sawada, Uran sagar dolui,' dan uran bujur-bujur dolui. ⁵⁵Hantek iko ngingkam riwut nyiwui teke selatan, iko sawada, 'Onro itu sagar malayong tuu,' dan hal iro bujur-bujur terjadi. ⁵⁶Iko ulun munafik! Iko tau nanguh wangun langit dan tana, kode et inun iko bakoi tau nanguh zaman itu⁵⁷ "Kolowangun iko raerai bakoi tau mutus inun sa uah? ⁵⁸Hantek iko tulak naya musuh ko pakai nadap pemerintah, usahaleh pakai nyanuput masalah ko anri iyo huang perjalanan nampan bakoi nyujut iko hmpah hakim dan hakim sagar manyarah iko hmpah pangawal, dan pangawal iro sagar nubuk iko pah huang panjara ⁵⁹Uki sawada hmpah iko, iko bakoi sagar kaluar teke raha sa mete iko bayar utang ko hampe peser sa terakhir."

Chapter 13

¹Gi iro, naan papire kaulun sa bara Yesus neo ulun-ulun Galilea sa rayane na sampur Pilatus anri kurban parapah reo. ²Tuing Yesus hmpah reo, "Inunkah ikongakira ulun-ulun Galilea itu lewi badosa teke ulun-ulun Galilea lainne ket reo menderita kakala iro? ³Uki nyawada hmpah iko, amun iko bakoi batobat, ikam kahai pada sagar mate.⁴Atawa mngenai kawalu walas kaulun sa mate, hantek manara gi rupak kolam Siloam lawu dan meat reo, inunkah iko ngakira reo adalah pendosa sa lewi buruk teke kahai ulun sa duloi gi Yerusalem? ⁵Uki sawada hmpah iko, bakoi. Kode, amun iko bakoi batobat, ikam kahai pada sagar mate!" Kakau sa bakoi ba ua⁶Yesus pada nyarita paribasa itu: "Naan erangka ulun sa ngompun erang kawatang kakau ara sa na bulo gi kabun anggur ne. Kode,tawuk io hawi pakai ngeto ua gi kakau ara iro, io bakoi kahong iyo. ⁷Jari, sawada hmpah tukang kabun ne, 'Haut tolu taun uki hawi ngeto ua gi kakau ara itu, kode uki mete suah kahong erai pun. Towong ai kakau iro! Nakolo harus menyia-nyia kan tana pakai kakau iro?⁸Kode, tukang kabun iro nuing, 'Tuan, unru kakau iro keasempatan kia taun itu pakai ba ua. Ikehleh uki ngali tana gi sakitarne dan ngunru ne pupuk, ⁹mungkin kakau iro sagar bahasil ua taun hadap. Amun bakoi ba ua pada, Tuan tau nowong ne."' Yesus nymare gi onro Sabat¹⁰Tawuk iro yesus ngajar gi reai Sinagoge gi onro Sabat. ¹¹Gi raha naan erangkaulun wawe sa karasukan roh hampe ngulah ne sakit sa uhang walu walas taun. towing wawe iro bungkuk hampe bakoi kaiuh sokonrong witu./ tegak.¹²Hantek Yesus nginte ne, Io mowa wawe iropalus sawada, "Hai wawe, iko haut na bebas teke panyakit ko." ¹³Kamulek, Yesus meat longon-Ne gi wawe iro dan gihantek iro pada, io kaiuh sokonrong witu dan nawat Allah. ¹⁴Kode, pemimpin Sinagoge iro jari garigiten ket Yesus nyamare gi onro Sabat. Io sawada hmpah ulun wahai, "Naan onom onro pakai bagawi, ket iro, hawileh pakai na samare gi onro-onro iro, bakoi gi onro Sabat."¹⁵Kode, Tuhan nuing ulun iro, "Iko ulun-ulun munafik! Bakoikah ikam kahai napas sapi pakai keledai nuko sa ta suruk gi kanang palus nganyakne kaluar pakai minum gi onro Sabat? ¹⁶Ket iro, bakoikah wawe itu, erangkaulun keturunan Abraham sa haut na suruk sa uhang walu walas taun ulah Setan, pada harus na lapas teke belenggu ne iro gi onro Sabat?"¹⁷Hantek Yesus sawada mihie, kahai iang ne na kabangan, dan ulun wahai baarai bawo kahai perbuatan ajaib sa haut na ulah-Ne Paribasa Liki Sasawi dan Ragi¹⁸Kamulek, Yesus sawadas, "Kakala inunkah Kerajaan Allah iro? Anri inunkah Uki kaiuh ngulah paribasa ne? ¹⁹Kerajaan Allah iro kakala liki sasawi sa na epo ulun palus na bulo gi kabun ne; dan wurung-wurung gi udara ba hanai gi raan-raan ne."²⁰Dan kia Io sawada, "Anri inunkah uki ngulah paribasa Kerajaan Allah? ²¹Kerajaan Allah iro kakala ragi sa na epo erangkaulun wawe palus na sampur ne hjuagn tolu sukat tepung hampe kahai adonan iro ngamang." Ekat Hena odik sa Na salamat²²Yesus menyususri kota-kota dan desa-desa, io ngajar tarus malan nuju Yerusalem. ²³Balalu, erang kaulun nunti hmpah-Iyo, "Tuhan, inunkah ekat hena odik ulun sa na salamat?" Yesus sawada hmpah reo kahai, ²⁴"Bajuangleh pakai kaiuh masuk metah manamang sa hipit; saban Uki sawada hmpah iko, wahai ulun sagar bausaha masuk pah raha, kode reo bakoi sagar tau.²⁵Amun tuan ruamah sokonrong dan nutup manamang lowu ne, sadangkan iko sokonrong gi luar palus nalitik manamang nelang sawada, 'Tuan, karawah ukaleh pah kain.' Io sagar nuing, 'Uki bakoi kotoe teke hawe iko baasal.'²⁶Balalu, iko sagar nuing,'Kain haut kuman dan minum baya Iko. Iko haut ngajar gi lalan-lalan kota kain.' ²⁷Kode, Io sagar nuing, 'Uki bakoi katsru ikodan bakoi kotoe teke hawe iko baasal. Tulakleh teke hadapan ku, ikam kahai pelaku kejahatan!'²⁸Iko sagar onsoyar dan ngagiret kukut hantek nginte Abraham, Ishak, dan Yakub, baya kahai nabi duloi gi huang Kerajaan Allah sementara iko na tubuk pah luar. ²⁹Kamulek, ulun-ulun sagar hawi teke timur dan barat, dan pada teke utara dan selatan. Reo sagar maharung palus kuman gi huang Kerajaan Allah. ³⁰Sabujujrne, ulun-ulun sa terakhir sagar jari sa pertama dan ulun-ulun sa pertama sagar jari sa terakhir." Yesus harus tulak pah Yerusalem³¹Gi tawuk iro, papire kaulun Farisi hawi hmpah Yesus dan sawada, "Tulakleh, tanan duoi itu ket Herodes hame munu-Iko." ³²Yesus nuing reo, "Tulakleh dan wada hmpah rubah iro,'Onro itu dan pitanin, Uki sagar ngusir roh-roh jahat dan nymare ulun dangi onro katolu, uki sagar nyanuput gawian-Ku.' ³³Kode, Uki harus nampalus perjalanan onro itu, pitanin, dan onro erai nin ket bakoi mungkin erangkaulun nabi mate gi luar Yerusalem.³⁴Yerusalem, Yerusalem! Iko munu kawan nabi dan marajam ulun sa nautus hmpah iko! Baulang kali Uki kasungu ngumpul pea-peako gi pida elatne. Kode, iko bakoi hokun. ³⁵Tataha lowu ko sagar na ampikosaong dan jari suni. Uki sawada hmpah iko, iko bakoi sagar nginte Uki kia hampe tiba waktune iko sagar nyawada, 'Naberkatuleh Io sa hawi huang ngaran Tuhan!"'

Chapter 14

¹Gi onro iro Sabat, Yesus hawi pah lowu salah seorang pemimpin ulun-ulun Farisi pakai kuman rute baya iyodan reo kahai ngawasi Yesus. ²Tawuk iro, naan erangka ulun sa menderita busung ranu gi muka-Ne. ³Yesus sawada hmpah ulun-ulun Farisi dan ahli-ahli Taurat, Inunkah iuh nyamare ulun gi Onro Sabat?"⁴Kode, reo bakoi nuing-Ne. Kamulek, Yesus pun ngepot ulun sakit iro dan nyamare ne, balalu nyuyu ulun iro tulak. ⁵Yesus sawada hmpah reo, "Hiekah gi padang ikam sa amun pea ne atawa sapi upo ne lawu pah huang ugang gi onro Sabat, bakoi hinang narikne pah luar?" ⁶Bulu, reo pun bakoi kaiuh mamabantah papaneran-Ne. Duoi Kehormatan⁷Kamulek, Yesus nyrita erai paribasa hmpah tamu-tamu undangan hantek Io nginte kolowangun reo meli duoi-duoi maharung sa terhormat gi sakitar meja makan, wada-Ne hmpah reo, ⁸"Amun ikona undang ulah erangka ulun pah erai pesta piaduan, ada leh iko maharung gi duoi kehormatan ket tuan rumah iro mungkin haut ngundang ulun sa lewi terkemuka teke iko. ⁹Balalu, tuan rumah iro sagar hawi pah iko dan sawada, 'Unru leh duoi ko hmpah ulun itu!' Dan, iko pun harus pindah pah duoi sa oaling idok anri kaingkam bangan.¹⁰Kode, apabila iko naundang, maharungleh gi duoi sa paling waling nampan hantek ngundang iko hawi, io sagar sawada hmpah iko, 'Sahabat, pindahleh pah duoi sa lewi terhormat.' Anri mihie, iko sagar kaiuh kehormatan gi hadapan ulun-ulun maharung kuman baya anri iko. ¹¹Sabab kahai ulun sa nangkobo tonge ne sagar na tangkidok, kode io sa natangkidok tonga ne sagar na tongkobo." Undangan Kuman dan Walehan¹²Balalu, Yesus sawada hmpah ulun sa ngundang-Ne iro, Amun iko mengadakan jamuan kuman suan onro atawa kuman kamalom, ada ngundang iang-iang, pulaksanai-pulaksanai, kaum kaluarga, atawa tatanggako sa tatau ket reo sagar nymaleh iko anri undangan ko pakai kuman baya reo.¹³Kode, amun iko mengadakan pesta, undang leh ulun-ulun pa ua, ulun-ulun cacat, ulun-ulun lumpuh,dan ulun-ulun pehe. ¹⁴Dan, iko sagar na berkati ket ulun-ulun itu bakoi kaiuh nyamaleh iko kamulek; iko sagar kahaba walehanne gi tawuk kebangkitan ulun-ulun uah." Paribasa neo Undangan Jamuan Kuman¹⁵Hantek naan erangka ulun sa kuman baya-Iyo nyonrongoi papaneran-papaneran itu ulun iro sawada hmpah-Iyo, "Naberkatileh ulun sa sagar kuman rute gihuang Kerajaan Allah." ¹⁶Kode, wada Yesus hmpah ulun iro, "Naan erangka ulun sa mengadakann jamuan kuman kamalom sa idu dan io ngundang wahai ulun, ¹⁷sanhantek tawuk kuman kamalom haut tiba, ulun iro nyuyu hamba ne pakai sawada hmpah kawan tamu sa haut na undang iro, 'Hawileh, ket kahaine haut siap.'¹⁸Kode, kahai tamu undangan iro mulai ngulah alasan-alasan. Ulun pertama sawada, 'Uki wayu moli erai umo dan Ukiharus nginte ne tarimeleh pilakuan maaf ku.' ¹⁹Sa lain sawada, 'Uki wayu moli dimo pasamg sapi dan uki harus tulak mariksa sapi-sapi iro. tarimeleh pilakuan maaf ku.' ²⁰Sementara sa lain kia sawada, 'Uki wayu ai paadu. ket iro, uki bakoi tau hawi.'²¹Balalu, pelayan iro pun mulek dan malapor kahai ne hmpah tuan ne. Bulu najikan ne jari sangit, balalu sawada hmpah palayan ne, 'Hinangleh! Tulak pah lalan-lalan dan satiap gang kota itu. Oitleh hmpah uki ulun-ulun paua, ulun-ulun lumpuh, ulun-ulun kepa, dan ulun-ulun pehe.' ²²Kamulek, palayan iro sawada hmpah iyo, 'Tuan, uki haut ngulah inun sa iko suyu, kode magon naan duoi kosong.'²³Tuan iro sawada hmpahiyo, 'Tulakleh pah lalan-lalan idu dan setiap gang. Ajakleh ulun-ulun gi raha pakai hawi pah taha nampan lowu ku jari ponu. ²⁴Uki sawada hmpah iko, bakoi erangka ulun pun teke reo sa uki undang samete ne iro sagar menikmati pangokan sajian ku."' neo Notah Yesus²⁵Wahai ulun sa malan sameh-sameh anri Yesus.ukahie Yesus ikulik hmpah reo dan sawada, ²⁶"Amun erangka ulun hawi hmpah-UKi kode bakoi muar uma dan ine ne, wawen dan pea-pea ne, pulaksanai upo dan pulaksanai wawe ne, bahkan wolum ne raerai, io bakoi tau jari murid-Ku. ²⁷Hie pun sa bakoi mikul balasangar ne dan notah Uki, io bakoi tau jari murid-Ku.²⁸Hiekah gi padang ikam sa sidinyokonrong erai manara, kode bakoi maharung lewi pono dan hanreken biaya pakai kotoe inun kah io memiliki sukup duit pakai nyaluput ne? ²⁹Amun bakoi mihie, hantek io gimpeh fondasi dan bakoi sanggup nyanuput ne, kahai ulun sa nginte ne sagr ngakihi iyo. ³⁰Ulun-ulun iro sagar sawada,' Ulun itu mulai membangun kode io bakoi sanggup nyanuput ne.'³¹Atawa,raja hawe kah sa sagar tulak baperang dawan raja lain kode bakoi maharung lewi ponlo dan mempertimbangkan inun kah io baya 10.000 tantara ne kaiuh dawan musuh ne sa memiliki 20.000 tantar? ³²Amun io bakoi kaiuh nyantalau raja lain iro, io sagar ngirim erangka ulun utusan dan nunti syarat-syarat perdamaian hantek pasukan lawan ne iro magon oro. ³³Miiro pada anri ikam masing-masing, bakoi oeng erang ka ulun pun gi padang ikam sa kaiuh jari murid-Ku amun bakoi manyarah kahai none." Sira sa Mapahe Bakoi Oeng Riran ne³⁴Sira iro maasus, kode amun sira iro haut kajawohan nanam erang ne, nokolokah ngulah ne maerang kamulek? ³⁵Sira iro bahkan bakoi kia kaiuh na ampuriran pakai umo atawa pupuk hampe ulun ekat ngumpe ne Hie sa mgompun tilingo pakai nyonrongoi, ikeh leh io nyonrongoi!"

Chapter 15

¹Kawan pangumpul pajak dan ulun-ulun badosa nyanrupak hmpah Yesus pakai nyonrongoi-Ne. ²Kamulek ulun-ulun Farisi dan ahli-ahli Taurat mulai girigiten, "Ulun itu narime ulun-ulun badosa bulu bahkan kuman baya reo."³Kamulek Yesus nyawada paribasa itu hmpah reo, wada-Ne, ⁴"Hie kah gi padang ikam sa amun ngompun 100 kaukui babiri, dan kajawohan erangka ukui, bakoi sagar nanan 99 kaukui lain ne gi jubut hukot? Bakoi kah io sagar tulak ngeto sa tawang iro hampe io kahong ne? ⁵Dan hantek io kahong ne, io sagar ngeteh babiri iro gi bawo puluko ne palus tuu baarai.⁶Sahampe ne gi lowu, io sagar tulak nagkahong iang-iang dan tetangga-tetangga ne palus sawada hmpah reo,'Mihewu leh baya uki kat uki haut kahong babiri ku sa jawoh.' ⁷Uki sawada hmpah iko, mihie leh sagar naan kaaraien sa lewi idu gi surga bawo erangka ulun ba dosa sa batobatteke bawo 99 /suei pulu suei kaulun uah bakoi membutuhkan pertobatan. Paribasa Duit Perak sa Jawoh⁸Atawa wawe hawe sa ngompun sapuluh kiping duit perak, amun io kajawohan erai kiping gi helang ne, bakoi ngmpilelap lampu dan nyapu lowu ne, balalu ngeto keping duit iro anri hati-hati hampe io kahong ne? ⁹Dan, apabila io kahong ne, io mowa iang-iang baya tetangga-tetangga ne palus sawada hmpah reo, 'Baaraileh baya uki ket uki haut kahong erena keping sa jawoh iro,' ¹⁰Uki sawada hmpah iko, mihie pada naan kaaraien gi padang malaikat Allah ket erangka ulun ba dosa sa batobat." Paribasa Ruo Pea Upo Pea bungsu NananUma ne¹¹Kamulek Yesus sawada, ''Naan erangka ulun sa ngompun ruo napea upo. ¹²Pea sa bungsu sawada hmpah uma ne, 'Uma, ngunru hmpah uki bagian harata sa jari nuku.' Bulu, uma ne pun mamabagi katatawen ne hmpah ka ruo pea ne.¹³Bakoi uhang ukahie, pea bungsu iro ngumpul kahai none, balalu tulak pah negeri sa oro dan gi raha io namur-namur none iro ba foya-foya. ¹⁴Hantek io haut nangkawis kahaine, terjadileh bencana kalau sa tamam gi negeri iro dan io pun mulai bakaurangan.¹⁵Jari, tulakleh io palus bagawi gi erangka ulun penduduk negeri iro, sa nyuyu ne pah umo pakai ngunru kuman waswui-wawuine. ¹⁶Io sidi tuu nisi wuntung ne anri ua karob sa na okan wawui-wawui iro, kode bakoioeng erAngka ulun pun sa ngunru hmpah iyo. Pea Bungsu Buli hmpah Uma ne¹⁷Hantekpea bungsu iro sadar, io sawada, 'miiro wahaine panggawi-panggawi uma ku sa ngompun pongokan sa berlimpah-limpah, kode uki gi itu kai mate kalau. ¹⁸Uki sagar buan palus mulek hmpah uma ku. Uki sagar sawada hmpah iyo: Uma, uki haut badosa tahadap surga dan gi hadapan ko. ¹⁹Uki bakoi kia pantas na ontuh pea Uma, sanyarileh uki sebagai erangka ulun panggawi ko.'²⁰Bulu sokonrong leh io dan tulak hmpah uma ne. Kode, hantek napea iro magon tuu oro, uma ne nginte io baya dan ponu ahi lelu, umane iro malempat balalu maluk dan nyiukne. ²¹Kamulek, napea iro sawada hmpah uma ne, 'Uma, uki haut badosa tahadap surga dan gi hadapanko. Uki bakoi kia pantas na ontuh pea ko.'²²Kode, uma ne iro sawada hmpah palayan-palayan ne, 'Hinang! Oitleh jubah sa paling maasus balalu suileh hmpah iyo. Sui pada utas gi kingking longon ne baya sandal gi poo ne. ²³Oitleh pataha pea sapi sa molompu palus samalisleh. Hayu takan kuman dan arai mihewu, ²⁴Ket peaku irtu haut mate, kode tataha wolum kamulek! Io haut jawoh, kode tataha haut kahong! Bulu reo pun mulai arai mihewu."Pea sulung Sangit tahadap Uma ne²⁵"Tawuk iro, hi pea sulung rahat duloi gi umo, dan io haut duloi gi rupak lowu ne, io nyonrongoi lengan musik dan tari-tarian. ²⁶Jari, io mowa erang ka ulun teke hamba-hamba iro palus nunti neo inun sa rahat terjadi. ²⁷Tuing palayan iro hmpah iyo, Adi ko haut hawi, dan uma ko nyamalis pea sapi sa molompu,ket io mulek anri salamat.'²⁸Kode, napea sulung iro sangit dan bakoi hokun masuk hampe uma ne kaluar palus mambujukne. ²⁹Kode,io sawada hmpah uma ne, 'Ba taun-taun uki haut bagawi melayani iko dan bakoi suah mengabaikan suyuanko, kode iko bahkan bakoi suah ngunru uki erangka ukui kaming muda nampan uki tau ba pesta anri iang-iang ku. ³⁰Kode, hantek peako iro buli ukah nangkawis haratako anri pelacur-pelacur, uma nyamalis pea sapi sa molompu pakai ne.'³¹Bulu, uma ne nuing hmpah iyo, 'Peaku, iko saratang baya uki, dan kahai nuku adalah nuko. ³²Kode, onro itu takam harus ba pesta dan baarai sasbab adi ko itu haut mate, kode tataha io wolum kamulek; io haut jawoh, kode tataha haut kahong.'''

Chapter 16

¹Yesus sawada hmpah murid-murid-Ne, "Naan erangka ulun tatau sa ngompun kepala pelayan. Dan, hmpah ulun tatau iro na lapor bahwa kepala pelayan ne haut memboroskan harata ne. ²Ket iro, ulun tatau iro mowa kepala pelayan dan sawada , 'Inun sa uki rongoi neo iko itu? Unruleh pertanggung jawaban bawo tugas ko ket ikobakoi tau kia jari bendaharaku.'³Kepala pelayan iro pun bapikir, 'Inun sa sagar uki ulah ket tataha tuan ku haut mecat uki teke gawian ku? uki bakoi sukup wigas pakai manyangkul dan bangan pakai mengemis. ⁴Uki kotoe inun sa harus uki gawi nampan hantek uki na pecat sebagai bendahara, ulun-ulun sagar narime uki gi lowu reo.'⁵Kamulek, io pun mowa satiap ulun sa ba utang hmpah tuan ne. Hmpah ulun pertama io sawada, 'Pire utang ko hmpah tuan ku? ⁶Ulun iro nuing, 'Jatuh batminyak jaitun.'Epoleh surat utang ko, hinang leh maharung dan tulisleh Dimom pulu bat.' ⁷Kamulek hmpah pelayan iro nunti hmpah ulun lain, 'Pire wahai utang ko?' Ulun iro nuing ne,'Jatuh kor gandum.'Balalu bendahara sawada hmpah iyo, 'Epoleh surat utang ko dan tulisleh bahwa utang ko walum pulu pikul.'⁸Kamulek, ulun tatau iro nawat hmpah pelayan sa bakoi jujur iro ket io bertindak lewi pitar huang baurusan anri sasameh ne teke pea-pea mai. ⁹Uki sawada hmpah iko, ulahleh persahabatan anri sa bakoi uah nampan hantek mamon iro awis, iko sagar na samut gi lowu abadi.¹⁰Hiepun sa setia huang hal-hal sa odik, io pada setia huang hal-hal sa idu. Dan, hiepun sa bakoi jujur huang hal-hal odik, io pada bakoi jujur huang hal-hal sa idu. ¹¹Jari,amun iko bakoi kaiuh na harap pakai ngalola harata duniawi,, hie sa sagar maharap harata sa sabujur ne hmpah iko? ¹²Dan, amun iko bakoi iuh na harap huang ngampuriran hak ulun lain, hie sa sahgar ngunru inun sa saharus ne jari nuko?¹³Bakoi oeng pelayan sa iuh melayani ruo majikan ket io sagar muar majikan sa erai dan hamen majikan sa erai palus mengabaikan sa lainne. Iko bakoi iuh melayani Allatala baya mamon." Pangitungen pakai Ulun Farisi¹⁴Ulun-ulun Farisi, sa adalah pencita duit, nyonrongoi hal itu palus ngakupe Yesus ¹⁵Yesus sawada hmpah reo,"Iko adalah ulun-ulun sa ngampiuah tonga ko raerai gi hadapan murunsia, kode Allah kotoe isi ate ko sa sabujur ne ket sa na agung-agung kan gi padang murunsia adalah mudel sa mejijikan gi hadapan Allah.¹⁶Hukum Taurat dan Kitab kawan nabi na ajar hampe masa Yohanes, Kabar Maasus neo Kerajaan Allah hut na barita baya kahai ulun mamaksa pakai masuk pah huang ne. ¹⁷Kode sabujur ne, lewi murah pah langit dan tana pakai jawoh teke erai titik huang hukum Taurat na ampibatal. Neo pisarakan¹⁸"Setiap ulun sa nyansarak wawen ne palus paadu anri wawe lain, io ngulah zina. Dan, ulun sa namawe anri wawe sa na sansarak hong ne, pada ngulah zina." Ulun Tatau baya Lasarus¹⁹"Naan erangka ulun tatau sa saratang ba pakaian ungu dan kain linen, dan bersenang-senang setiap onro huang panatau. /kemewahan. ²⁰Gi manamang gerbang lowu ulun tatau iro, ubisleh erangka ulun paua bangaran Lazarus, sa tomgane sa ponu anri purat. ²¹Io baharap na unru kuman inun pun sa lawu teke meja makan ulun tatau iro; bahkan eteng-eteng hawi palus nilap purat ne.²²Hantek iro, ulun paua iro mate palus na oit ulah kawan malaikat pah santatang Abrahm. Ulun tatau iropada nanan balalu na dowong. ²³Gi huang maut, tawuk na siksa, ulun tatau iro nantau pah obo palus nginte Abraham gi oro baya Lazarus gi santatangan ne.²⁴Dan, ulun tatau iro sawada, 'Uma Abraham, pileluleh uki dan suyu leh Lazarus nyosop hujung kingking ne pah ranu palus nyonrongin lola ne sabab uki menderita huang lelep apui itu.'²⁵Kode,Abraham sawada, 'Nak, itungleh hantek iko magon wolum, iko haut narime hal-hal sa maasus, sementara Lazarus narime hal-hal sa buruk, tatah gi yiitu Lazarus na tantulu rariu, sementara iko na siksa.²⁶Selin itu kahai, naan jurang idu sa nampisah takam hampe ulun sa sidi nyabarang, teke yiitu pah duoi ko bakoi tau nyabarang, palus ulun sa teke duoi ko pada bakoi tau nybarang pah duoi kain.'²⁷Balalu, ulun tatau iro sawada, 'Amun miiro, uki laku hmpah uki Uma, utusleh Lazarus pah lowu uma ku ²⁸ket uki ngompun dimo pulaksanai upo. Ikehleh Lazarus ngampiitung reo nampan dihie reo bakoi masuk pah huang penyiksaan iotu.'²⁹Kode Abraham sawada, 'Reo ngompun Hukum Musa dan Kitab kawan nabi, ikehleh reo kotoe teke kahai ne iro.' ³⁰Wada ulun tatau iro kia Bakoi, Uma Abraham. Amun erangka ulun teke padang ulun mate hawi hmpah reo wayuleh reo sagar batobat.' ³¹Tuing Abraham hmpah ulun tatau iro, 'Amun pulaksanai-pulaksanaiko bakoi nyonrongoi Hukum Musa dan Kitab kawan nabi, reo bakoi sagar tau na ampiyakin, bahkan erang ka ulun sa bangkit teke padang ulun mate."'

Chapter 17

¹Kamulek, Yesus sawada hmpah kawan murid-Ne, "Batu sandungan pasti sagar naan, kode sislaklehulun sa ngulah panyababne, ²Lewi maasus erai watu kilangan na suruk gi wiung ne palus io na tawut pah huang laut teke io jari sandungan pah pea-pea odik itu.³Waspada leh pulaksanaiko ngulah dosa tahadap iko, tagurleh iyo; amun io manyasal dosa ne, ampunileh iyo. ⁴Bahkan, amun io badosa tahadap iko sawahai pitu kali huang erang onro, palus mulek hmpah iko pitu kali nelang sawada, 'Uki manyasal,'ampunileh iyo." Kuiasa Iman⁵Wada rasul-rasul irohmpah Tuhan, "Tamoh leh iman kain! ⁶Tuing Tuhan Hmpah reo, "Amun iko ngompun iman sa idu liki sasawi ai, iko iuh nyawada hmpah kakau nurbei itu, 'Tabunatleh teke tana dan tabulo leh fi laut,' palus kakau iro sagar taat hmpah iko." Hamba sa Manaati Parentah Tuan ne⁷"Hiekah teke padang ikam sa mgompun hamba, sa rahat mambajak atawa makatik, sagar sawada hmpah hamba ne iro hantek io mulek teke umo,'Hayu, maharung leh palus kuman'? ⁸Bakoikah io emah sagar sawada hmpah hamba ne iro, 'Persiapleh pongokan pakaiku dan bapakaian leh sa layak pakai melayaniku sakia uki kuman dan minum.ukah iro, wayuleh iko iuh kuman palus minum'?⁹Inunkah io sagar batarima kasih hmpah hamba ne iru ket ngulah sa na parentah ne? ¹⁰Miiro pada anri iko. Apabila iko haut ngulah kahai sa na paretah hmpah iko,harusleh io sawada, 'Kain adalah hamba sa bakoi bajuman. Kain ekat ngulah inun sawajib kain ulah."' Sapuluh Kaulun Kusta na samare¹¹Huang perjalanan-Ne nuju Yerusalem, menyusuri sepanjang perbatasan antara Samaria dan Galilea. ¹²Tawuk masuk pah erai desa, Io kahong anri sapuluh kaulun kusta sa sokonrong oro-oro teke-Iyo, ¹³dan reo sawada anri lengan royoh, "Yesus, Guru, kaleluleh kain!"¹⁴Hantek Yesus nginte reo, Io sawada hmpah reo, "Tulakleh palus tutuileh tongako hmpam imam-imam."Dan, hantek reo huang perjalanan, reo palus tahir. ¹⁵Hantek naan erai teke reo nginte bahwa tonga ne haut ware, io mulek dan nawat Allah asnri lengan royoh, ¹⁶Balalu basujut gi muka poo Yesus dan batarima kasih hmpah-Iyo. Ulun iro adalah erangka ulun Samaria.¹⁷Kamulek, Yesus sawada hmpah lun iro,"Bakoikah naan sapuluh kauluin sa haut na tahir? Gi hawekah suei kaulun sa lain? ¹⁸Bakoi oengkah gi padang reo sa mulek pakai memuliakan Allah salain ulun asing itu? ¹⁹Balalu, Yesus sawada hmpah iyo, "Buan dan tulakleh, imanko haut nyalamat iko."pahawian Kerajaan Allah²⁰Hantek na tunti ulah papire ulun Farisi neo hantek hawe Kerajaan Allah sagar hawi, Yesus nuing reo anri sawada, "Kerajaan Allah sagar hawi kooeng siri-siri sa iuh na ite, ²¹bakoi sagar oeng ulun sa sawada, 'Ite, Kerajaan Allah naan gi itu!' atawa 'Kerajaan Allah naan gi raha!' ket sabujur ne Kerajaan Allah naan gi suan-suan ikam."²²Kamulek, Yesus sawada hmpah murixd-murid-Ne, "sagar tiba waktune iko sidi tuu nginte erang onro teke onro-onro Pea Murunsia, kode iko bakoi iuh nginte ne. ²³Ulun-ulun sagar sawada hmpah iko, 'Ite, gi raha! atawa 'Ite, gi itu!' Kode, adaleh iko tulak dan notah ulun-ulun iro." Pihawian Pea Murunsia ²⁴"Sabab kakala kelat sa mamancar teke hujung langit sa eral pah hujung lamgit sa lain, mihie pada Pea Murunsia gi onro-Ne.²⁵Kode , Pea murunsia harus menderita wahai hal sa lewi pono dan natolak ulah generasi itu. ²⁶Dan, kakala sa haut terjadi gi onro-onro gi zaman Nuh, nihier pada dihie gi onro-onro Pea Murunsia. ²⁷Ulun-ulun kuman dan minum, piadu palua na adu hampe gi onro Nuh masuk pah huang bahtera dan hawilrh banjir idu balalu munu reo kahai.²⁸Sameh hal ne sa terjadi gi zaman lot, tawuk iro ulun-ulun kuman, minum, moli ngari,mulo dan membangun. ²⁹Kode, gi onro hasntek lot nanan kota Sodom, apui baya belerang lawu teke langit kakala uran dan munuj reo kahai.³⁰Miiro leh keadaan ne gi onro hantek Pea Murunsia na nyatakan. ³¹Gi onro iro, hie pun sa rahat duloi gi sapo lowu, baya barang-barang ne naan gi huang lowu, adalehio dolui pakai ngepo ne; dan hie pun sa rahat duloi gi umo,adaleh io buli.³²Itungleh inun sa terjadi gi waswen Lot! ³³Hie pun sa bausaha memelihara nyawa ne, sagar kajawohan nyawa ne. Dan hie pun sa kajawohan nyaw ne, sagar nyalamat ne.³⁴Uki sawada hmpah iko, gi malom iro sagar naan ruo kaulun sa surui gi erai duoi surui. Kode, sa erangka ulun sagar na oit, sadangkan sa lain sagar na tanan.³⁵Ruo wawe sagar manggiling gandum sasameh. Sa erangka ulun sagar na oit sadangkan sa lain sagar na tanan. ³⁶[Miiro pada ruo panggawi gi umlo, sa erangka ulun sagar na oit sadangkan sa lain sagar na tanan.]³⁷Balalu muirid-murid nunti hmpah Yesus, "Gi hawe, Tuhan?" Tuing Yeuzs hmpah reo, "Gi hawe naan bangkai, gi yiiro leh wurung mangamet sagar ba kumpul."

Chapter 18

¹Kamulek, Yesus nyarita erai paribasa hmpah murid-murid-Ne pakai bara pah reo bahwa reo harus saratang badoa dan bakoi berkecil hati. ²Wasda-Ne, "Gi erai kota, naan erangka ulun hakim sa bakoitakut hmpah Allah dan bakoi mahormati ulun lain.³Gi kota iro, naan erangka ulun walu sa terus-menerus hawi hmpah hakim iro dan sawada, 'Unruleh keadilan hmpah uki tahadap lawan ku.' ⁴pakai papire waktu, sang hakim bakoi hokun ngarawah walu iro. Kode, kamulek hakim iro sawada huang ate ne,' Meskipun uki bakoi takut hmpah Allah dan bakloi mahormati hie pun, ⁵kode reo walu itu terus-menerus ngangu uki, uki sagar ngunru keadilan hympah iyo nampan io bakoi manyusah uki anri pihawian ne sa terus-menerus iro."'⁶Balalu, Tuhan sawada,"Rongoileh inun sa na wada hakim sa bakoi adil iro ⁷Bakoi kah Allah sagar ngunru keadilan hmph ulun-ulun pelian-Ne sa sawada hmpah-Iyo koonro dan kamalom? inunkah Io sagar nunda-nunda hampe uhang pakai ngarawah reo? ⁸Uki sawada hmpah iko, Io sagar hinang ngunru keadilan hmpah reo. Kode, hantek Pea Murunsia hawi, inun kah Io sagar kahong iman gi tana?" Paribasa neo Ulun Farisi baya Pangumpul Pajak⁹Yesus pada nahampe paribasa itu hmpah papire ulun sa nganggap yonga reo uah palus memandang rendah ulun lain. ¹⁰"Naan ruo kaulun tulak pah Bait Allah pakai badoa. Sa erangka ulun adalah ulun Farisi dan sa lain adalah erangka ulun pangumpul pajak.¹¹Ulun Farisi iro sokonrong palus ngontuh doa neo tonga ne,'Ya,Allah, uki batarima kasih hmpah-Iko ket uki bakoi kakala ulun lain;kakala pemeras, penipu, pezina, atawa bahkan kakala pangumpul pajak itu. ¹²Uki ba puasa ruo kali erang minggu, uki ngunru sepersepuluh teke kahai penghasilan ku.'¹³Kode, hi pangumpul pajak sokonrong tamasuk oro, bahkan bakoi nantau pah langit. Sabalik ne, io netap-netap dada ne nelang sawada, 'Ya Allah. Ahilelu leh hmpah uki, hi pendosa itu.' ¹⁴Uki sawada hmpah iko, pangumpul pajak itu buli pah lowu ne sebagai erangka ulun sa lewi naampiuah tekeulun Farisi iro sabab ulun sa nongkobo tonga sagar na tangkidok, bulu ulun sa nangkidok tong sagar na tongkobo Yesus baya Pea-Pea¹⁵Balalu, ulun-ulun ngoit pea-pea reo sa magon odik hmpah Yesus nampan Io nyame reo. Kode, hantek kawan murid nginte ne, reo mulai nyanngit ulun-ulun iro. ¹⁶Kode, Yesus mowa pea-pea iro pakai hawi hmpah-Iyo palus sawada, "Ikehlehpea-pea odik iro hawi hmpah uki, ada natahalang reo sabab Kerajaan Allah adalah milik ulun-ulun sa kakala reo itu. ¹⁷Uki nyawada sa sabujur ne hmpah iko, hie pun sa bakoi narime Kerajaan Allah kakala erangka ulun napea odik, io bakoi sagar suah masuk pa huang ne Ulun Tatau baya Kerajaan Allah¹⁸Naan erangka ulun pemimpin reo nunti hmpah Yesus, "Guru sa maasus, inun sa harus kain ulah pakai kaiuh mawarisi wolum sa kekal? ¹⁹Tuing Yesus hmpah iyo, "Kolowangun iko ngontuh Uki maasus? bakoi oeng erangka ulun pun sa maasus kasawali Allah raerai. ²⁰Iko kotoe neo hukum-huhkum itu: 'Ada berzina, ada ngalat. ada ngunru kasaksian palsu, bulu haormatileh uma baya ine ko."' ²¹Tuing ulun iro, "Uki haut menaati kahai iro teke uki kia muda."²²Hantek Yesus nyonrongoi ne ,Io sawada hmpah ulun iro, "Magon naan erai hal sa iko miliki bulu nabagi hmpah ulun -ulun paua, bulu iko sagar ngompun harta gi surga; dan unru leh, bayaleh Uki." ²³Hantwk ulun iro nyonrongoi papaneran Yesus iro, io jari tuu sedih /bakoi morouh sabab io tuu tatau.²⁴Kamulek yesus nantau iyo palus sawada, "Miiro halin ne pah ulun-ulun tatau masuk pah huang Kerajaan Allah! ²⁵Bahkan, lewi murah pah erang kaukui unta pakai masuk metah luang pilos teke ulun tatau masuk pah huang Kerajaan Allah." Panotah Yesus sagar Narime Wolum Kekal²⁶Ulun-ulun sa nyonrongoi papaneran iro sasawda,Amun miiro, hie sa tau na salamat? ²⁷Tuing Yesus, "Inun sa mustahil pah mururnsia adalah mungkin pah Allah."²⁸Balalu, Petrus sawada, "Iteleh, kain haut nanan kahai sa kain miliki palus baya Iko." ²⁹Yesus sawada hmpah reo, "uki nyawada sa sabujur ne hmpah iko, bakoi erangka ulun pun sa haut nanan lowu, wawen, pulaksanai-pulaksanai,ulun muntuo, atawa pea-pea ne demi Kerajaan Allah, ³⁰³¹Balalu, Yesus ngumpul kadua walas murid-murid-Ne dan sawada hmpah reo, "Rongoi, takam sagar tulak pah Yerusalem baya kahai sa haut na tulis ulah kawan nabi neo Pea Murunsia sagar na ampi ganap. ³²Io sagar na sarah hmpah ulun-ulun sa bakoi kataru Allah. Io sagar na kakupe, na aniaya,palus na rura. ³³Dan, ukah reo meweh-Ne, reo sagar munu-Ne. Kode,gi onro sa katolu, Io sagar bangkit kamulek."³⁴³⁴Kode, kawan murid bakoi kataru erai pun teke hal-hal itu ta dina pah reohampe reo bakoimemahami inun pun sa haut na wada. Yesus Nyamare Ulun Pehe³⁵Gi tawauk Yesus kai hampe gi kota Yorikho, naan erangka ulun pehe sa rahat maharung gi hiring lalan nelang mengemis. ³⁶Hantek ulun pehe iro nyonrongoi ulun wahai metah, io nunti inun sa rahat terjadi. ³⁷Dan, ulun-ulun sawada hmpah iyo, "Yesus teke Nazaret nahat metah."³⁸Bulu, sawadaleh ulun pehe iro, "Yesus Pes Daud, kaleluleh uki! ³⁹Ulun-ulun sa malan gi muka rombongan, nyangit ulun pehe iro nyuyu ne montong. Kode, io ngariak lewi royoh, "Pea Daud, pileluleh uki!"⁴⁰Balalu Yesus mihinroi palus nyuyu nampan ulun pehe iro na oit hmpah-Iyo. Hantek ulun pehe iro nyanrupak, Io nunti hmpah iyo, ⁴¹"Inun sa iko sidi nampan uki gawi pah iko?" Ulun pehe iro nuing, "Tuhan, uki hokun mato ku tau nginte."⁴²Yesus sawada hmpah iyo,"Nginteleh, iman ko haut nyamare iko." ⁴³Hantek iro pada, io kaiuh nginte palus kaiuh notah Yesus nelang nawat Allah. Hantek ulun wahai iro nginte hal iro, reo pada nawat Allah.

Chapter 19

¹Bulu, masukleh Yesus palus metah kota Yerikho. ²Gi raha naan erangka ulun upo bangaran Zakheus, io adala kepala pangupul pajak dan erangka ulun tatau.³Io bausaha nginte Yesus, kode bakoi kaiuh ket tahalang ulun wahai; sabab tonga ne idok. ⁴Jari Zakheus malempat nampono ulun wahai palus ngabai erai kakau ara pakai nginte Yesus ket Io sagar metah lalan iro.⁵Hantek Yesus hampe gi duoi Zakheus duloi, Io mihangut palus sawada hmpah iyo,"Zakheus hinangleh dolui ket onro itu uki harus onsan gi lowuko." ⁶Bulu Zakheus pun dolui palus narime Yesus anri baarai. ⁷Kode, hantek kahai ulun nginte hal iro,reo mulai girigiten palus sawada, "Io jari tamu gi lowu erangkaulun badosa."⁸Kamulek, Zakheus sokonrong palus sawada hmpah tuhan, "Tuhan, iteleh, saparu teke harata uki sagar uki unru hmpah ulun pa ua. dan amun uki nyansirom harata erangka ulunuki sagar nyampuli ne opat kali lipat." ⁹Bulu, Yesus sawada hmpah Zakeus, "Gi onro itu, kasalamatan haut hawi pah bawo lowu itu ket ulun itu pada pea Abraham. ¹⁰Sabab, Pea Murunsia hawi pakai ngeto palus nyalamat sa jawoh."Hamba sa Setia dan Hamba sa Jahat¹¹Sementara reo nyonrongoi kahai itu, Yesus nampalus nyarita erai paribasa ket Io haut rupak anri Yerusalem dan ket reo manyangka bahwa Kerajaan Allah sagar hinang hampe. ¹²Ulah ket iro, Io pun sawada, Erangka ulun bangsawan tulak pah negeri sa oro pakai naengkat jari raja, dan ukah iro io sagar buli.¹³Kamulek, tuan iro ngumpul sapuluh ka ulun palayan ne palus ngunru reo duit sa idu 10 mina. Wada ne hmpah reo, 'Badagang leh ngampuriran duit itu hampe uki mulek.' ¹⁴KOde, ulun-ulun sabangsa ne muar iyo palus ngirim perwakilan ukah io barangkat pakai sawada, "Kain bakoi hokun ulun itu jari raja bawo kain.' ¹⁵Ukah naengkat jari raja bangsawan iro mulek palus mamarentah hamba-hamba sa haut na unru ne duit iro nawowa nadap iyo nampan io kaiuh ngontoe pire idu kauntungan sa reo iuh teke badagang.¹⁶Palayan sa pertama hawi palus sawada, 'Tuan, duit erai mina nuko iro haut bahasil 10 mina kia.' ¹⁷Raja iro sawada hmpah iyo, 'Maasus tuu, hai iko hamba sa maasus! Ket iko setia huang urusan sa odik, iko sagar memerintah bawo sapuluh kota.'¹⁸Palayan sa karuo pun hawi, 'Tuan, duit erai mina nuko itu haut bahasil dimo mina.' ¹⁹Balalu, sang rajasawada hmpah hamba iro, 'Baaraileh iko bawo dimo kota.'²⁰Hamulek, hawileh hamba sa erai kia palus sawada, 'Tuan, itu duit mina erai mina /1 mina nukosa uki impeh huang sapu tangan. ²¹Uki takut hmpah iko sabab iko ulun san mape. Iko ngepo inun sa bakoi suah iko impeh palus masi inun sa bakoi iko bulo.'²²Kamulek, raja iro sawada hmpah iyo, 'Uki sagar ngadil iko sesuai anri papaneran ko, hai iko hamba sa jahat! Jari, iko kotoe bahwa uki adalah ulun sa karas sa ngepo inun sa bakoi suah uki impeh dan masi inun sa bakoi iko bulo? ²³Amun miiro, kolowangun iko bakoi ngingkeh duit ko gi duoi ulun ngimpeh duit ku gi duoi ulun nyanjalan duit hampe hantek uki mulek, uki sagar narime duit ku iro baya anri bunga ne?'²⁴Balalu, raja iro sawada hmpah ulun-ulun sa sokonrong gi yiiro, 'Epo mina iro teke iyo palus unru leh hmpah ulun sa ngompun 10 mina.' ²⁵Kode, reo sawada hmpah sang raja, 'Tuan, hamba iro haut ngompun 10 mina.'²⁶Tuing raja iro, 'Uki sawada hmpah iko, satiap ulun sa ngompun sagar na unru lewi, kode teke ulun sa ngompun inun pun kahai sa none sagar na epo. ²⁷Kode, neo musuh-musuh ku sa bakoi hamen uki jari raja bawo reo, oit leh reo pataha palus wunuleh reo gi hadapanku."' Yesus Na samut Sebagai Raja²⁸Ukah Yesus nyawada hal-hal iro, Io malan lewi pono nuju Yerusalem.²⁹Hantek Io hawi gi rupak desa Batfage dan Betania, rupak bukit bangaran Bukit Zaitun, Io ngutus ruo kaulun murid-Ne ³⁰Wada-Ne hmpah reo, Tulakleh pah desa sa naan gi muka iko iro. Dan ,hasntek iko masuk pah raha, iko sagar nginte erangkaukui pea keledai sa ta suruk dan mete suah na sungket ulun. Lapasleh pea keledai iro palus oit leh pataha. ³¹Amun naanulun nunti hmpah iko, 'kolowangun ikongoit keledai iro?', wada miitu:Tuhanmemerlu iko."³²Balalu, tulakleh ka ruo murid sa nautus-Ne iro palus kahong segala sesuatune sa uah kakalaq sa na wada-Ne hmpah reo. ³³Sakia reo napas pea keledai iro, ompun ne nunti hmpah reo, Kolowangun iko napas pea keledai iro?" ³⁴Reo pun nuing, 'Tuhan memerlune." ³⁵Balalu, reo ngoit pea keledai iro hmpah Yesus palus ngimpeh pakaianne gi bawo lutuk keledai iro, ukahhie nangkabai Yesus pah bawone. ³⁶Hantek Yesus metah jalanan, ulun-ulun namik pakaian reo gi lalan.³⁷Dan, hantek Yesus haut pagin rupak Yerusalem, iyo lalan sa paiwa teke arah bukit Zaitun, kahai panotah-Ne mulai nawat Allahanri baarai baya lengan royoh reo basyukur hmpah Allah bawo kahai mukjizat sa haut takam ite. ³⁸Reo sawada, "Naberkatileh Io sa hawi sebagai Raja huang ngaran Tuhan, damai sejahtera gi surga dan klemuliaan gi duoi sa maha tinggi!"³⁹Papire ulum Farisi teke kumpulan ulun wahai iro sawada hmpah Yesus, ''Guru, tagurleh murid-murid-Ko." ⁴⁰Kode, Yesus nuing, "Uki sawada hmpah iko,amun reo suni,watu-watu ituleh sa sagar bapaner."Yesus Onsoyar pah Yerusalem⁴¹Tawuk Yesus haut gi rupak kota Yerusalem palus nginte kota iro, Io pun onsoyar pah iyo. ⁴²Wada-Ne, "Seandaine onro itu iko kotoe inun sa ngampihawi damai sejahtera bawo iyo. Kode, tatahas hal iro tadina teke mato ko.⁴³Sabab sagar hawi waktune hantek musuh-musuhko sagar membangun tembok penghalang gi sekeliling iko palus ngapung iko teke kahai arah. ⁴⁴Reo sagar nyanruntun iko, iko baya pea-pea ko sa nyalinung gi tembok ko.Dan, reo bakoi sagar nyisa erai watu pun ta susun gi bawo watu sa lain gi huang iko sabab iko bakoi kataru waktu hantek Allah ngarawah kio."Yesus Ngusir Ulun-ulun sa Maarian gi Bait Allah⁴⁵Kamulek, Yesus masuk pah Bait Allah tala dan mulai ngusir kaiuar ulun-ulun sa baarian gi raha. ⁴⁶Wada-Ne hmpah reo, 'Naan tatulis: Lowu-Ku sagar jari lowu doa,' kode iko haut nynyarine sebagai sarang parampok!"⁴⁷Balalu, Yesus ngajar gi Bait Allah tala satiap onro. Kode, imam-imam kepala, ahli-ahli Taurat, baya kawan pemimpin bangsa iro ngeto sara pakai munu-Ne. ⁴⁸Kode, reo bakoi kotoe kolowangun ngulahne sabab kahai ulun ngepot pisit papaneran Yesus.

Chapter 20

¹Gi papire onro, Yesus rahat ngajar gi Bait Allah palus memberita Injil, imam-imam kepala dan ahli-ahli Taurat ibaya anri tuo-tuo hawi hmpah-Iyo. ²Reo sawada hmpah-Iyo, "Wadaleh hmpah kain anri kuasa inunkah Iko ngulah hal-hal itu? Atawa, hiekah sa ngunru-Iko kuasa itu?"³Tuing Yesus hmpah reo, "Uki sagar nunti erai tuntian hmpah iko.Tuingleh Uki, ⁴teke hawekah asal babtisan Yohanes? Teke surga atawa teke murunsia?"⁵Reo barunding hal iro gi padang reo anri sawada, "Amun takam nuing,'Teke surga,'Io sagar sawada, 'Amun miiro,kolowangun iko bakoi harap hmpah Yohanes?' ⁶Kode, amun takam sawada,'Teke murunsia,'kahai ulun sagar hanrajak takam hampe mate ket reo yakin bahwa Yohanes adalah erangka ulun nabi."⁷Jari, reo pun nuing bahwa reo bakoi kotoe teke hawe babtisan iro baasal. ⁸Kamulek, Yesus sawada hmpah reo, Amun miiro, Uki pada bakoi sagar bara iko anri kuasa inunkah Uki ngulah hal-hal itu." Paribasa neo Kawan Panyewa Kabun Anggur⁹Balalu, Yesus nyarita paribasa itu hmpah ulun wahai, "Naan erangka ulun sa mulo anggur balalu ngampisewa hmpah papire pangumo, palus tulak pah negeri sa oro pakai waktu sa uhang. ¹⁰Hantek musim masi tiba, io nyuyu erangka ulun palayan ne tulak hmpah pangumo-pangumo iro nampan reo nguneru hmpah iyo hila teke hasil kabun anggur iro kode, kawan pngumo iro mopok palayan iropalus ngunur ne tulak anri bakoi bahasil./hampa¹¹Dan iyo pun ngirim palayan sa lain, kode pangumo-pangumo iro pada meweh palayan iropalus ngulah gawi anri hina, balalu ngunur ne tulak anri hampa. ¹²Balalu, ompun kabun anggur iro ngutus palayan sa katolu hmpah kawan pangumo iro, kode pangumo-pangumo iro pada namatan palayan sa erai itu palus ngunur ne kaluar.¹³Ompun kabun iro pun sawada, 'Inun sa harus uki ulah? Uki sagar ngirim peaku sa ku kalelu, mungkin sagar mahormati ne.' ¹⁴Hantek kawan pangumo nginte pea ompun kabun, reo barunding erai anri sa lain, 'Io adalah ahli waris ompun kabun anggur itu, hayu takam wunu iyo nampan warisanne jari no takam¹⁵Kamulek, reo pun nyimah napea iro pah luar teke kabun anggur palus munu ne. Balalu, inun sa sagar na ulah uluah ompun kabun anggur iro hmpah reo? ¹⁶Io sagar hawi palus ngampibinasa pangumo-pangumo iro,balalu nyewa kabunne hmpah ulun lain. "Hantek ulun wahai nyonrongoi paribasa itu, reo sawada, "Adaleh hal itu hampe terjadi!"¹⁷Kode, nanatau reo dan sawada, "Amun miiro, inunkah arati ayat itu: "Watu sa na umpe ulah tukang bangunan haut jari watu penjuru'? ¹⁸Satiap ulun sa lawu pah bawo watu iro sagar hancur lenuh lunak palus hie punsa weat watu iro sagar ramuk!"¹⁹Hantek ahli-ahli Taurat baya kawan imam kepala menyadari bahwa paribasa iro bapaner ne'o reo, reo sidi nyama Yesus tawuk iro pada. Kode, reo takut hmpah ulun wahai. tuntian ne'o Bayar Pajak ²⁰Kamulek, kawan ahli Tuarat ngawasi Yesus dan ngirim papire ka ulun mata-mata sa pura-pura tulus nampan reo kaiuh ngakal Yesus anri tuntian nampan reo tau nyama-Iyo ngampuriran papaneran-Ne raerai palus nyarah Iyo pah huang kuasa dan wewenang gubernur.²¹Ulun-ulun suyuan iro pun nunti hmpah Yesus, "Guru, kain kotoe bahwa Iko nyawada palus ngajar sa uah. Iko pada bakoi mambeda-bedakan ulun, kode ngajar lalan Allah talahuang kabujuren. ²²Inunkah kain iuh bayar pajak hmpah kaisar atawa bakoi?"²³Kode, Yesus kotoe kelicikan reo palus sawada hmpah reo, ²⁴Suba tutui hmpah-Uki erang keping dinar. Gamar baya tulisan hiekah sa naan gi duit iro?" Tuing reo,"Gamar baya tulisan Kaisar."²⁵Maka,Yesus sawada hmpah re ,"Amun miiro, unru leh hmpah Kaisar, dan unru leh hmpah Allah tala inun sa jari milik Allah tala." ²⁶Anri mihie, ulun-ulun iro bakoi tau ngakal Yesus anri papaneran-Ne raerai gi muka ulun wahai; reo heran bawo tuingan-Ne palus suni. Tuntian Ulun Saduki²⁷Kamulek, hawileh hmpah Yesus papire ulun Saduki, iyoiro golongan sa bakoi harap naan ne kebangkitan, palus nunti hmpah-Iyo, ²⁸"Giru, Musa manulis pah takam, amun erangka ulun upo nanan, sadangkan io naan wawen dan bakoi oeng pea, pulaksanai upo ne harus menikahi walu pulaksanai ne iro dan membangkit kan keturunan pah iyo.²⁹Miitu, naan pitu kaulun ipulaksanai. Pulaksanai sa pertama piadu, kode nanan kooeng pea. ³⁰Kamulek, pulaksanai sa karuo menikahi wawe iro palus nanan pada kooeng ngompun pea. ³¹Balalu pulaksanai ka tolu menikahi wawe iro palus hal iro terjadi hampe pulaksanai ne kapitu, kode reo kahai nanan kooeng ngompun pea. ³²Giakhir ne wawe iro pada nanan. ³³Ulah ket iro,gi onro penghakiman, hiekah sa sagar jari hong teke wawe iro ket kapitu ipulaksanai iro haut menikahi ne?"³⁴Tuing Yesus hmpah reo, "Ulun-ulun gi zaman itu piadu dan naadu, ³⁵kode ulun-ulun naanggap pantas pakai kaiuh hila huang dunia sa sagar hawi, dan huang kebangkitan teke padang ulun mate, bakoi sagar piadu dan naadu. ³⁶Reo bakoi tau mate kia ket reo sameh anri kawan malaikat. Reo adalah pea-pea Allah tala ket reo haut na bangkitkan teke pampate³⁷Musa bahkan haut nutui ne'o kebangkitan ulun-ulun mate huang hila sa mancatat ne'o samak rui sa rakit. Huang hila iro, Allah Abraham, Allah Ishak, dan Allah Yakub.' ³⁸Io bakoi Allah ulun mate kode Allah ulun sa wolum, ket kahai ulun wolum gi hadapan-Ne³⁹Ukah iro, papire ahli Taurat sawada, "Guru, tuingan-Ko uah." ⁴⁰Dan, bakoi oeng kia ulun sa ronu ngunru tuntian hmpah-Iyo. Kristus adalah Tuhan⁴¹Kamulek, Yesus sawada hmpah reo, "Kolowangun tau ulun-ulun sawada bahwa Kristus adalah Pea Daud? ⁴²Padahal huang Kitab Mazmur, Daudraerai sawada, 'Tuhan Allah sawada tuanku, "Maharungleh gi hila kawanan-Ku, ⁴³hampe Uki ngimpeh musuh-musuh-Ko gi pida poo-Ko."' ⁴⁴Amun Daud nguntuh Kristus sebagai Tuan,' nakolo mungkin Kristus adala pea Daud?" Pangitungen pakai Bahati-hati tahadap Ahli Taurat⁴⁵Hantek ulun wahai nyonrongoi, Yesus sawada hmpah murid-murid-Ne, ⁴⁶"Mihinroileh tahadap ahli-ahli Taurat sa sidi malan-malan makai jubah obo, sanang na hormati ulun gi pasar, sa sidi maharung gi duoi paling obo gi sinagoge-sinagoge, gi pesta-pesta.⁴⁷Reo marampas lowu-lowu kawan walu palus badoa obo-obo nampan na ite ulun. Ulun-ulunkakala itu pasti sagar narime hukuman sa lewi wiet."

Chapter 21

¹Hantek Yesus nantau pah obo, Io nginte papire ulun tatu namasuk parapah reo pah kotak parapah. ²Io pada nginte erangka ulun wawe walu paua namasuk ruo keping duit tambaga. ³Yesus sawada, Uki sasabujurne hmpah iko, walu paua itu ngunru lewi wahai teke kahai ulun tatau iro. ⁴Sabab, reo ngunru parapah teke kelebihan reo, kode walu itu ngunru parapah ne teke kakurangan ne, iyoiro kahai sa none pakai nampalus wolum." Siri-siri Akhir Zaman⁵Hantek papire murid basurah ne'o Bait Allah sa na hiasi anri watu-watu bungas baya parapah-parapah, Yesus sawada, ⁶"Sagar hampe waktune, kahai sa iko ite itu sagar na ampihancur Bakoi oeng erai pun watu sa sokonrong gi bawo watu sa lain sa bakoi sagar na sanruntun."⁷Balalu, kawan murid nunti hmpah-Iyo, "Guru, hantek hawe hal iro sagar terjadi? Bulu inun siri-siri bahwa kahai itu sagar terjadi?" ⁸Tuin Yesus, "Bahati-hatileh nampan iko bakoi na santawang sabab wahai ulun sagar hawi makai ngaran-Ku bulu sawada, 'Ukileh Iyo,'dan 'Waktune haut rupak,' Adalehiko baya reo. ⁹Kode, hantek iko nyonrongoi ne'o peperangan dan pembrontakan, adaleh iko takut ket hal-hal iro memang harus terjadi lewi pono, kode kesudahanne bakoi sagar hinang hawi."¹⁰Kamulek Yesus sawada hmpah reo, "Bangsa sagar bangkit dawan bangsa baya kerajaan sagar bangkit dawan kerajaan ¹¹Sagar terjadi gijut sa dahsyatbecana kalau, dan bamasam-masam panyakit gi papire duoi. Pada sagar timil peristiwa-peristiwa sa maka takut baya siri-siri teke langit.¹²Kode, samete kahai ne itu terjadi, ulun-ulun sagar nyama palus ngakasah iko. Reo sagar manyarah iko pa sinagoge reo palus namasuk iko huang penjara-penjara. Reo pada sagar ngoit iko nadap kawan raj baya gubernur ulah ket ngaran-Ku ¹³Kode, hal iro sagar terjadi kesempatan pah iko pakai basaksi.¹⁴Ulah ket iko, tatap leh ateko pakai bakoi mamikir inunsa sagar iko wada pakai membela diri, ¹⁵sabab uki sagar ngunru papaneran baya kebijaksanaan hmpah iko sa bakoi iuh na lawan dan na tantang ulah musuh-musuhko.¹⁶Iko sagar na hianati ulah ulun muntuo ko pulaksanai upo ko, kaluargako, baya iang-iangko, bulu reo sagar munu papire ka ulun gi padang ikam ¹⁷Iko sagar na kuar ulah kawan ulun ket ngaran-Ku. ¹⁸Kode, bakoi erang kawila wulu pun teke ulokko sa sagar lawu. ¹⁹Anri katabahen ko, iko sagar kaiuh wolum ko." Bara ne'o kahancuran Yerusalem²⁰"Kode, hantek iko nginte kota Yerusalem na totah uluh pasukan-pasukan tantara, iko sagar kotoe bahwa kahancuranne haut rupak. ²¹Gi tawuk iro, ulun-ulun sa naan gi wilayah Yudea harus melarikan diri pah pegunungan, ulun-ulun sa duloi gi huang kota harus tulak kaluar kota,dan ulun-ulun sa duloi gi desa-desa bakoi iuh masuk pah kota Yerusalem. ²²Iroleh onro-onro penghukuman nampan kahai hal sa haut ta tulis na ampiganap.²³Silakaleh wawe-wawe sa rahat siwuntung dan ngampumu gi tawuk iro sabab sagar terjadi kararaen sa luar biasa gi negeri itu, baya murka sa idu bawo bangsa itu. ²⁴Reo sagar na wunu anri pedang palus na tawan ulah bangsa-bangsa. Kota Yerusalem sagar na kuasai bangsa-bangsa asing hampe masa kejayaan bangsa-bangsa iro baakhir." Pihawian Pea Murunsia huang Kemuliaan²⁵"Sagar naan siri-siri gi mato onro, wulan, dan wawahiang-wawahiang. Gi tana, bangsa-bangsa sagar takut huang kabingungan ulah ruyuh lautan baya lengan galumang. ²⁶Ulun-ulun sagar tariah ket takut dan panganrean hal-hal sa sagar terjadi bawo tana itu sabab kahai kuasa sa naan gi langit sagar na gagunsang.²⁷Kamulek, reo nginte Pea Murunsia hawi huang rakun anri kuasa dan kemuliaan sa idu. ²⁸Apabila hal-hal itu mulai terjadi, sokonrongleh dan engkatleh ulok ko ket waktu pembebasan ko haut rupak." Paribasa kakau Ara²⁹Kamulek Yesus nyarita erai paribasa hmpah reo: "Iteleh kakau ara baya kahai kakau sas lain. ³⁰Apabila kakau-kakau iro numu raon-raon ne , iko sagar kataru dan kotoe bahwa musim malayong haut rupak. ³¹Miiro pada apabila iko nginte kahai iro terjadi, iko sagar kotoe bahwa Kerajaan Allah haut rupak.³²sabujurne Uki sawada hmpah iko, generasi itu bakoi sagar mate hampe kahai itu terjadi. ³³Langit baya tana sagar jawoh, kode papaneran-Ku bakoi sagar metah." Siap Sadialeh setiap waktu³⁴Bahati-hatileh nampan ateko bakoi na tamponu anri kasidien pakai bapesta,bermabuk-mabukan mengkhwatirkan wolum. Dan onro iro sagar hawi bawo ikokakala parangkap. ³⁵Sabab, onro iro sagar hawi pah bawo kahai sa naan gi kahai muka bumi itu.³⁶Bajaga-jagaleh satiap waktu dan saratang badoa nampan iko kaiuh kakuaten pakai nangkosit tonga teke hal sa sagar terjadi iro bulu pakai sokonrong gi hadapan Pea Murunsia."³⁷Gi suan onro, Yesus ngajar ulun wahai gi natar Bait Allah, kode gi onro kamalom Io nanan kota palus onsan gi Bukit Zaitun. ³⁸Dan, pita-pita, kahai ulun hawi hmpah-Iyo gi huang Bait Suci pakai nyonrongoi-Ne.

Chapter 22

¹Hari raya Roti bakoi Baragi sa na ontuh hari Paskah haut rupak. ²Imam-imam kepala dan ahli-ahli Taurat ngeto cara pakai munu Yesus, ket reo takut tahadap ulun wahai. Penghianatan Yudas³Kamulek, masukleh Setan pah huang Yudas,sa na ontuh Iskariot. Io adalah salah satu teke kadua walas murid.⁴Bulu tulakleh Yudas balalu barunding anri imam-imam kepala baya pengawal Bait Allah ne'o kolowangun io kaiuh manyrah Yesus hmpah reo.⁵Dan, reo tuu sanang dan sepakat ngunru diut. ⁶Bulu, Yudas setuju palus mulai ngeto kesempatan pakai manyarah Yesus hmpah reo tawuk bakoi oeng uluin wahai. Pongokan Paskah⁷Kamulek, hampeleh hari raya Roti Bakoi Baragi pakai marapah pea babairi Paskah ⁸Gi tawuk iro, Yesus nyuyu Petrus baya Yohanes,wada-Ne "Tulak palus persiap pongokan Paskah pakai na okan."⁹Wada reo hmpah Yesus Gi hawekah Iko sidi nampan kain memepersiapne?"¹⁰Tuing Yesus hmpah reo, "Hantek iko haut masuk pah kota, iko sagar kahong anri erangka ulun upo sa ngoit kendi; totahleh io pah lowu sa sagar na asukne, ¹¹bulu wada hmpah ompun lowu iro, 'Guru nunti hmpah iko: Gi hawekah ruang tamu duoi Uki iuh kuman Paskah baya murid-murid-Ku?¹²Maka,io sagar nutui hmpah iko erai ruangan idu gi lantai obo, sa parabotne haut siap na persiap pongokan pakai takam gi raha." ¹³Balalu, Petrus baya Yohanes tulak palus kahaba kahaine terjadi kakala sa na wada Yesus palus reo pun mempersiap pongokan Paskah. Perjamuan Paskah¹⁴Hantek haut hampe waktune, Yesus baya kawan rasul maharung kuman gi kalilingan meja ¹⁵Kamulek, Yesus sawada hmpah reo,"Uki sidi tuu kuman pongokan Paskah itu baya ikam, samete Uki sansara. ¹⁶ Sabab Uki sawada hmpah iko, Uki bakoi sagar ngokan ne kia hampe onro itu na ampiganap huang Kerajaan Allah."¹⁷Balalu, Yesus ngepo sangker baisi anggur palus ngontuh syukur, kamulek sawada,"Epoleh sangker itu palus bagileh gi padang ikam. ¹⁸Sabab, Uki sawada hmpah iko bahwa mulai tataha Uki bakoi sagar minum anggur hampe Kerajaan Allah hawi."¹⁹Kamulek, Yesus ngepo roti palus ngontuh syukur, Io molah-molah roti iro bulu ngunru ne hmpah reo nelang sawada,"Roti itu adalah tubuh-Ku sa na unru hmpah iko;ulahleh itu sebagai pangitungen pah Uki." ²⁰Mihie pada, ukah kuman, Yesus ngepo sangker anggur palus sawada, "Sangker sa na sui pah iko itu adalah Janyi wayu huang raya-Ku bara ne'o Ulun sa manyarah Yesus²¹Kode, iteleh longon ulun sa sagar manyarah Uki naan baya anri Uki gi meja itu. ²²Sabab, Pea Murunsia sagar tulak anri sara kakala sa haut na impeh, kode silakaleh ulun sa manyarah Uki!" ²³Murid-murid-Ne nunti erai anri sa lain ne'o hie gi padang reo sa sagar ngulah ne. Jarileh Ulun sa malayani²⁴Pagegeran pada terjadi gi padang kawan rasul ne'o hiekah gi padang reo sa na anggap paling idu. ²⁵Kode, Yesus sawada hmpah reo, "Raja-raja bangsa sa bakoi mantaru Tuhan ba kuasa bawo rakyat ne, dan ulun-ulun sa bakuasa bawo raja-raja iro na ontuh Panyalinung Rakyat.'²⁶Kode, iko ada kakala iro sabalikne, sa paling idu gi padang ikam harus bertindak kakala sa paling muda, baya pemimpin harus jari kakala pelayan. ²⁷Hie sa lewi idu, ulun sa maharung kuman atawa sa melayani? Bakoi kah ulun sa maharung kuman? Kode, Uki naan gi suan-suanko sebagai ulun sa melayani.²⁸Iko adalah ulun sa tatap baya-Uki huang purija-purija-Ku. ²⁹Ket iro, Uki ngunru hmpah iko erai Kerajaan, kakala sa unru Uma-Ku hmpah-Uki, ³⁰nampan iko iuh kuman baya minum erai meja anri-Uki huang Kerajaan-Ku. Dan, iko sagar maharung gi bawo tahta paskai mahakimi ka dua walas suku Israel." Petrus sagar Manyangkal Yesus³¹"Simon, Simon, rongoi Uki. Setan manuntut pakai ngitap iko kakala gandum ³²kode Uki haut badoa pakai ko nampan iman ko ada lawu. Dan, ukah iko batobat, ampikuat pulaksanai-pulaksanaiko."³³Kode, Petrus sawada hmpah Yesus, ''Tuhan uki siap na penjara bahkan mate baya-Iko!" ³⁴Tuing Yesus hmpah iyo, Petrus, onro itu manu jagau bakoi sagar nanru sa mete tolu kali iko manyangkal bahwa iko mantaru Uki." Basiap-Siapleh menghadapi Kesulitan³⁵Kamulek, Yesus nunti hmpah kawan murid, "Hantek Uki ngutus iko kooeng kantung duit, tas, atawa sandal, inunkah iko kakurangan inun-inun? Tuing reo,"Bakoi.''³⁶Wada-Ne hmpah reo, ''Kode tataha, hie pun sa ngompun kantong duit atawa tas, oitleh. Dan hie sa bakoi ngompun pedang, ikehleh io ngari jubah ne bulu moli pedang.³⁷Sabab, Uki sawada hmpah iko bahwa inun sa tatulis huang Kitab Suci itu harus na ampi ganap gi huang Uki, 'Io sagar ta reken baya ulun-ulun ba dosa.' Sabab, sa ta tulis ne'o Uki rahat terjadi tataha." ³⁸Balalu reo sawada, "Iteleh Tuhan, gi yiitu naan ruo pedang Dan, Yesus sawada hmpah reo, "Iro sukup." Yesus Badoa gi Taman Getsemani³⁹Kamulek, Yesus kaluar palus tulak kakala pah Bukit Zaitun kakala biasa na ulah-Ne baya murid-murid-Ne pada tulak notah Iyo. ⁴⁰Hantek Yesus hampe gi duoi iro, Io sawada hmpah reo, "Badoaleh nampan iko ada masuk pah huang purija."⁴¹Kamulek, Yesus nangkoro tonga teke reo kira-kira sa oro tumukan watu, balalu nepet ulok katuk palus badoa, ⁴²"Uma, amun Iko hokun, epoleh cawan itu teke-Uki Kode, adaleh kasidien-Ku sa terjadi melainkan kasidien-Ko."⁴³Ukah iro, erangka ulun malaikat teke surga nantarang tonga hmpah-Iyo palus ngampikuat-Ne. ⁴⁴Dan huang penderitaan-Ne, Io badoa lewi tuu-tuu kia; lahik-Ne jari kakala petakan raya metak pah tana.⁴⁵Hantek Yesus luput ba doa, Io tulak hmpah murid-murid-Ne palus kahaba reo raha surui ket bersedih. ⁴⁶Yesus sawada hmpah reo, "Buan palus ba doaleh nampan iko ada masuk pah huang purija." Panyammaan Yesus⁴⁷Hantek Yesus magon basurah, hawileh erai rombongan ulun; dan io na ontuh Yudas, salah satu teke kadua walas murid iro, memimpin reo. Balalu, Yudas nyanrupak Yesus pakai nyiuk-Ne. ⁴⁸Kode, Yesus sawada hmpah iyo, "Yudas, inunkah iko manyarah Pea Murunsia anri siukan?"⁴⁹Hantek murid-murid sa sokonrong gi kalilingan-Ne nginte inu sa sagar terjadi, reo sawada, "Tuhan, harus kah kain manyarang anri pedang?" ⁵⁰Kamulek, salah satu teke kawan murid iro manyarang pelayan Imam Agung hampe nampiras tilingo kawanan ne. ⁵¹Kode Yesus sawada, "Haut, sukup!" Balalu, Yesus nyame tilingo peleyan iro palus nyamare ne.⁵²Kamulek, Yesus sawada hmpah imam-imam kepala, kepala pengawal Bait Allah, baya tuo-tuo sa hawi pakai nyama-Ne, "kolowangun ikam kahai hawi anri pedang baya pamopok seakan-akan hamen nyama parampok? ⁵³Hantek Uki baya iko gi Bait Allah satiap onro, iko bakoi nyama Uki. Kode, ituleh wayah ne pah iko dan pah kuasa pisirom."Petrus Manyangkal Yesus⁵⁴Ukah nyama-Iyo, ulun-ulun iro pun ngarairing palus ngoit Yesus pah lowu imam idu. Kode, Petrus notah reo teke oro. ⁵⁵Dan ukah ulun-ulun iro nyamolum apui gi suan-suan natar palus maharung sameh-sameh' Petrus pada maharung gi padang reo.⁵⁶Kode, erangka ulun palayan wawe sa nginte Petrus maharung rupak parapian iro memperhati wae Petrus balalu sawada, "Ulun itu pada baya anri-Iyo.'' ⁵⁷Kode, Petrus manyangkal, wadane, ''Hai wawe, uki bakoi kataru Iyo.'' ⁵⁸Bakoi uhang ukahhie, erangka ulun sa lain nginte ne palus sawada, ''Iko pada tamasuk salah satu tke reo!" Kode Petrus sawada, ''Bakoi, uki bakoi salah satu teke reo!"⁵⁹Kira-kira erang jam ukahhie, erangka ulun sa lain kia sawada anri yakin, ''Pasti ulun itu pada baya anri-Iyo, sabab io pada ulun Galilea." ⁶⁰Kode, Petrus sawada, "Uki bakoi kotoe inun sa iko surah!"Tawuk iro pada, sakia Petrus magon basurah, nanru leh manu jagau.⁶¹Balalu, bapaling leh Yesus palus nantau Petrus. Dan, Petrus kaitung pah papaneran Yesus, bahwa Io sawada hmpah iyo, ''Samete manu jagau nanru onro itu, iko haut manyangkal Uki sa wahai tolu kali.'' ⁶²Ukah Petrus tulak pah luar palus onsoyar anri tuu sedih Panjaga Menganiaya Yesus⁶³Ulun-ulun sa nahan Yesus mulai ngakupe palus ngakasah-Iyo. ⁶⁴Reo nutup mato-Ne palus sawada, "Bernubuatleh! Hie sa meweh Iko?" ⁶⁵Reo pada nyawada wahai hal lain sa manantang-Iyo anri menghina-Ne. Yesus gi Hadapan Pemimpin Yahudi⁶⁶Pah onro pitani ne, tuo-tuo pemimpin Yahui, imam-imam kepala, baya ahli-ahli Taurat ba kumpul palus ngoit Yesus pah Mahkamah Agama reo. ⁶⁷Reo sawada, "Amun Iko adalah Mesias, wadaleh hmpah kain.'' Kode Yesus sawada hmpah reo, "Amun Uki bara pah iko, iko bakoi sagar harap hmpah-Uki. ⁶⁸Dan amun Uki nunti hmpah iko, iko bakoi sagar nuing.⁶⁹Kode, mulai tataha Pea Murunsia sagar maharung gi hila kawanan Allah tala sa maha kuasa.'' ⁷⁰Reo kahai sawada, ''Amun miiro, inunkah Iko Pea Allah? Yesus nuing reo, "Ikoleh sa nyawada bahwa Ukileh Iyo.'' ⁷¹Kamulek reo sawada,''Kasaksia inun kia sa takam perlu? Takam haut nyonrongoine raerai teke mulut-Ne!"

Chapter 23

¹Kamulek, kahai ulun iro palus ngoit Yesus pa hadapan Pilatus. ²Dan, reo mulai nuduh yesus anri sawada, "Kain kahaba Ulun itu nyantawang bangsa kain dan malarang kain pakai bayar pajak hmpah Kaisar, bulu nyawada bahwa Io adalah Kristus, erangka ulun Raja.''³Pilatus nunti hmpah Yesus,''Inunkah Iko Raja ulun Yahudi? Yesus nuing, ''Iro sa iko wada." ⁴Kamulek, Pilatus sawada hmpah imam-imam kepala baya ulun wahai, "Uki bakoi kahong kahalaen gi ulun itu." ⁵Kode, reo manuntut nelang sawada anri royoh, "Io menghasut ulun-ulun anri ajaran-Ne gi kahai wilayah Yudea mulai teke Galilea hampe gi yiitu Yesus Na oit hmpah Herodes⁶Hantek Pilatus nyonrongoi hal iro, io nunti inunkah Yesus ulun Galilea. ⁷Dan, ukah io kotoe bahwa Yesus baasal teke wilayah kekuasaan Herodes,Pilatus pun ngirim Yesus hmpah Herodes sa tawuk iro rahat duloi gi Kota Yerusalem.⁸Hantek Herodes nginte Yesus, io tuu sanang. Io haut uhang sidi kahong anri-Iyo ket io haut nyonrongoi wahai hal ne'o Yesus sabab io baharaptau nginte naan mukjizat sa na gawi ulah Yesus. ⁹Balalu , Herodes ngunru wahai tuntian hmpah Yesus, kode Yesus bakoi ngunru tuingan inun pun hmpah iyo. ¹⁰Imam-imam kepala baya ahli-ahli Taurat sa sokonrong gi raha nuduh Yesus anri tuu gesit.¹¹Bahkan, Herodes dan kawan tantarane pada nangkidok palus ngakupe Yesus. Ukah iro reo nyui jubah sa bungas balalu ngirim-Ne mulek hmpah Pilatus. ¹²Pono, Pilatus baya Heroides saling bamusuhan, kodegi onro iro reo ba sahabat. Pilatus Gagal Ngampibebas Yesus¹³Kamulek, Pilatus ngumpul imam-imam kepala, kawan pemimpin Yahudi, baya ulun wahai, ¹⁴balalu sawada hmpah reo, "Iko ngoit Ulun itu hmpah uki sebagai erangka ulun nyantawang ulun wahai. Kode, hantek uki ngadili-Iyo gi hadapanko, uki bakoi kahong kahalaen kakala sa iko tuduh hmpah-Iyo.¹⁵Herodes pada bakoi kahong kahalaen-Ne hampe io ngirim Ulun itu mulek hmpah takam. Iteleh, Io bakoi ngulah kahalaen sa layak kahaba hukuman mate. ¹⁶Ket iro, ukah uki menghajar-Iyo, uki sagar napas-Iyo ¹⁷[Gi satip hari raya Paskah, Pilatus harus ngampibebas erangka ulun tahanaan pakai ulun wahai.]¹⁸Kode, ulun wahai iro ngariak sameh-sameh, "Idarleh Ulun itu! Tongkositleh Barabas pakai kain!" ¹⁹[Barabas adalah erangka ulun na penjara ket talibat huang pembrotakan gi kota dan pada melakukan pembunuhan.]²⁰Ket Pilatus sidi nangkosit Yesus, maka hinra kia io basurah hmpah ulun wahai. ²¹Kode, reo tatap ngariak, "Balasangar Iyo! Balasangar Iyo!" ²²Pakai katolu kaline Pilatus nunti hmpah reo, "Kolowangun? Kajahatan inun sa haut na ulah Ulun itu? Io bakoi bahala. Uki bakoi kahong kahalaen inun pun gi-Iyo sa layak kahaba hukuman mate. Ket iro, uki sagar menghajar-Ne balalu nongkosit-Ne."²³Kode, reo terus bersikeras baya manuntut anri lengan royoh nampan Yesus na balasangar.Dan, lengan reo pun manang. ²⁴Akhirne, Pilatus memutuskan pakai namponu tuntutan reo. ²⁵Io ngampibebas ulun sa na laku ulah ulun wahai, sa na penjara ket ngulah pembrotakan dan pembunuhan. Kode, manyarah Yesus hmpah kasidien reo.Mambalasangar Yesus²⁶Hantek kawan tantara ngoit Yesus tulak, reo pada nahan erangka ulun,iyoiro Simon teke Kirene sa wayu hawi teke desa. Kawan tatntara ngimpeh balasangar Yesus gi pulukone palus nyuyu mikul balsangar iro gi waling Yesus.²⁷Wahai ulun sa notah Yesus, bulu gi padang reo naan wawe-wawe sa onsoyar palus meratapi Iyo. ²⁸Kode, Yesus ikulik hmpah reo dan sawada, "Hai putri-pitri Yerusalem, ada iko onsoyar pah Uki. Soyarleh tongako raerai baya pea-peako.²⁹Sagar hampe waktune hantek ulun-ulun sagar sawada, 'Berbahagialeh wawe-wawe sa tamanang, baya sa rahim ne bakoi suah ngayaan anapea dan sa umu ne bakoi suah ngampumu.' ³⁰Gi tawuk iro reo sagar sawada hmpah gunung-gunung, 'Runtunleh pah bawo kain!'dan pah bukit-bukit, 'timukleh kain! ³¹Sabab, apabila reo ngulah hal-hal itu hantek kakau magon wolum, inun sa sagar terjadi hantek kakau karing?"³²Naan pada ruo kaulun penjahat na oit sagar na hukum mate sameh-sameh anri Yesus.³³Hantek reo hampe gi erai duoi sa bangaran "Tengkorak,' kawan tantara mambalasangar Yesus baya karuo penjahat iro, erangka ulun gi hila kawanan-Ne baya erangka ulun kia gi hila kewi-Ne. ³⁴Kamulek Yesus sawada, ''Ya Uma, ampunileh reo, ket reo bakoi kotoe inun sa reo ulah." balalu kawan tantara medak undi pakai mambagi-bagi pama-Ne gi padang reo.³⁵Ulun wahai sa sokonrong gi raha manyaksi kahai ne, kode kawan pemimpin Yahudi ngakupe Yesus nelang kakihi ngakupe. Reo sawada, Io nyalamat ulun lain, jari ikeh leh Io nyalamat tonga-Ne raerai amun Io adalah Kristus, sa Napeli ulah Allah tala!"³⁶Kawan tantara pada ngakupe Iyo, balalu reo hawi palus pitawar anggur mohori hmpah-Iyo, ³⁷dan sawada,''Amun Iko Raja ulun Yahudi,salamatkanleh tonga-Ko raerai!" ³⁸Dan, naan pada erai tulisan gi bawo-Ne "ITULEH RAJA ULUN YAHUDI."³⁹Salah satu teke penjahat sa ta gantung gi raha menghina Yesus, wadane,"Bakoikah Iko Kristus salamatkanleh tonga-Ko baya kain!" ⁴⁰Kode, penjahat sa lainne nagur io palus sawada,''Bakoikah iko takut hmpah Allah tala ket iko pada narime hukuman sa sameh? ⁴¹Takam memang haut saharusne narime setimpal anri inun sa haut takam ulah,kode Ulun itu bakoi ngulah kahalaen inun pun⁴²Balalu, io sawada hmpah Yesus, ''Ya Yesus, itungleh uki hantek Iko masuk pah huang Kerajaan-Ko.'' ⁴³Kamulek Yesus sawada hmpah iyo, ''Uki nyawada sa sabujurne hmpah iko, onro itu iko pada sagar baya Uki gi huang Firdaus.'' Pampate Yesus⁴⁴Tawuk iro sakitar pukul 12 suan onro, pisirom nutup kahai daeara iro hampe pukul 3 nanyap ⁴⁵ket mato onro jari sirom baya tirai gi huang Bait Allah pairah jari ruo/2 bagian.⁴⁶Balalu Yesus sawada anri lengan royoh, ''Ya Uma, pah huang longon-Ko Kuserahkan nyawa-Ku.'' Ukah nyawada iro, Yesus menghembus hengo-Ne terakhir. ⁴⁷Hantek kepala pasukan nginte inun sa haut terjadi, io memuliakan Allah tala palus sawada, ''Bujur, Ulun itu bakoi bahala⁴⁸⁴⁸Hantek ulun wahai sa hawi sameh-sameh pakai nginte peristiwa iro manyaksi inun sa terjadi, reo buli nelang netap-netap dada reo. ⁴⁹kahai sa sa kataru Yesus baya papire paribasa sa haut notah-Ne teke Galilea sokonrong oro-oro dan manyaksi hal-hal itu Yesus na dowong⁵⁰Naan erangka ulun upo bangaran Yusuf, anggota Dewan Panasehat, erangka ulun sa maasus dan uah. ⁵¹(Io raerai bakoi nyarukuian kaputusan dan tindakan reo) Yusuf baasal teke kota Arimatea, erai kota ulun Yahudi. Io pada erangka ulun sa nganre-nganre Kerajaan Allah.⁵²Io tulak hmpah Pilatus palus laku bangkai Yesus. ⁵³Balalu, io pun ngmpidolui bangkai Yesus teke kayu balasangar palus munut ne anri kain linen. ukah iro, io nangkubis-Ne gi huang erai polowong sa na peet gi bukit batu. Gi raha, mete suah naan erangka ulun pun sa na tangkubis.⁵⁴Onro itu adalah Onro persiapandan onro Sabat sagar hinang na mulai.⁵⁵Paribasa-paribasa sa hawi baya Yesus teke Galilea notah Yusuf. reo nginte polowong iro dan kolowangunbangkai Yesus na tangkubis gi huang ne.⁵⁶Ukah iro reo buli palus mempersiap rempah-rempahamput minyak pakai musut bangkai Yesus. Gi onro Sabat reo mihinroi sesuai anri hukum Taurat

Chapter 24

¹Gi onro pertama minggu iro, hantek onro magon tuu pita,wawe-wawe tulak pah polowong Yesus nelang ngoit rempah-rempah sa haut reo persiap. ²Dan reo kahaba watu idu haut taguling teke polowong. ³Kode, tawuk reo masuk, reo bakoi kahong bangkai Tuhan Yesus.⁴Hantek reo magon taheran-heran ket hal iro tiba-tiba naan ruo kaulun samakai pama milau-milau sokonrong gi higa reo. ⁵Wawe-wawe iru tuu takut palus nyuntup wae reo, kode karuo ulun iro sawada, "Kolowangun iko ngeto ulun sa wolum gi padang ulun-ulun mate?⁶Yesus bakoi oeng gi yiitu, Io haut bangkit. itungleh ne'o inun sa haut na wada-Ne hmpahmiko hantek Io magon gi Galilea. ⁷Io sawada bahwa Pea Murunsia harus na sarah pah longon ulun-ulun ba dosa,na balasangar, palus sagar bangkit kamulek gi onro katolu."⁸Bulu, wawe-wawe kaitung pah papaneran Yesus. ⁹Ukah reo mulek teke polowong Yesus, reo nyarita kahai peristiwa iro hmpah kasawalas rasul amput kawan panotah Yesus sa lainne. ¹⁰Wawe-wawe sa nyarita hal iro hmpah kawan rasul adalah Maria Magdalena, Yohana, Maria ine Yakobus,bayapapire wawe lain.¹¹Kode, papaneran wawe-wawe iro na anggap rarupus uluh kawan rasul dan reo bakoi harap hmpah wawe-wawe iro.¹²Kode, Petrus sokonrong palus malempat pah polowong Yesus.Io mambungkuk palus nginte pah huang, kode io ekat kahong kain linan pamunut bangkai. Ukah iro, Petrus buli anri tuu heran bnawo inun sa haut terjadi. Yesus nantarang Tonga hmpah Panotah-Ne gi lalan Nuju Emaus¹³Gi onro iro pada, ruo kaulun panotah Yesus barangkat pah erai desa ba ngaran Emaus sa jarakne kira-kira onom pulu stadia teke kota Yerusalem. ¹⁴Karuo ulun iro nyurah ne'o kahai peristiwa sa terjadi.¹⁵Hantek reo rahat bapaner-paner dan batukar pikiran, Yesus sokonrong hawi nyanrupak bulu malan sameh-sameh reo. ¹⁶Kode, mato reo tahalang hampe reo bakoi kaiuh mantaru Iyo.¹⁷Yesus sawada hmpah reo, "Inun sa ikam baruo paner nelang malan? karuo ulun iro mihinroi palus wae reo tuu sedih ¹⁸Salah seorang teke reo sa bangaran Kleopas sawada hmpah-Iyo, "Inunkah Iko ereai-eraine ulun asing gi Yerusalem sa bakoi kotoe ne'o inun sa terjadi gi raha wayu-wayu itu?"¹⁹Yesus sawada Iyo Ne'o Yesus teke Nazaret. Io adalah erangka ulun nabi sa ponu kuasa huang papaneran baya perbuatan-Ne gi hadapan Allah tala dan gi hadapan kahai bangsa kain ²⁰Kode, imam-imam kepala dan kawan pemimpin kain manyarah Iyo pakai na hukum mate, palus reo mambalasangar-Ne.²¹Sabujurne kain baharap bahwa Ioleh sa sagar ngampibebas bangsa Israel. Kode,onro itu adalah onro ka tolu teke kahaine iro terjadi.²²Kode, papire wawe teke padang kain haut nyangkemah kain. Hantek reo duloi gi polowong pita-pita tuu, ²³reo bakoi kahong bangkai Yesus. Balalu, reo mulek palus nyawada bahwa reo haut nginte tantarangan malaikat-malaikat, sa nyawada bahwa Iyo wolum. ²⁴Kamulek, papire teke kain tulak pah polowong palus kahaba pada kakala sa na wada ulah wawe-wawe iro. Kode, reo bakoi nginte Yesus.''²⁵Kamulek Yesus sawada hmpah reo, "Oh, miiro budune iko bulu moloma ate pakai harap kahai inun sa haut na wada ulah kawan nabi. ²⁶Bakoikah Kristus harus ngingkam penderitaan itu palus masuk pah huang kemuliaan-ne.'' ²⁷Balalu, Yesus menjelaskan kahai inun sa ta tulis huang kahai Kitab Suci ne'o tonga-Ne, mulai teke Kitab Musa hanpe kahai Kitab kawan nabi.²⁸Hantek reohaut rupak pah desa Emaus, Yesus palus malan seakan-akan hamen nampalus perjalanan-Ne ²⁹Kode, reo nahan Iyo anri sawada, "Duloileh baya kain sabab onro haut kai kamalom palus mato onro kai lotong.'' Maka, Yesus duloi baya reo.³⁰Hantek Io bagabung baya reo gi meja makan, Yesus ngepo roti palus memberkati ne. Io molah-molah ne,balalu ngunru ne hmpah reo. ³¹Tawuk iro, mato reo tabuka bulu reo kataru Yesus. Kode, tiba-tiba Yesus jawoh teke pangintean reo. ³²Ukah iro,sawada leh reo erai anri sa lain, "Bakoikah ate takam bakobar-kobar hantek Io basurah anri takam sa uhang perjalanan dan hantek Io menjelaskan Kitab Suci hmpah takam?"³³Gi tawuk iro pada,reo sokonrong palus mulek pah Yerusalem.reo nangkahong kasawalas muri baya ulun-ulun sa baya reorahat bakumpul sameh-sameh. ³⁴Murid-murid iro sawada hmpah reo baruo,''Tuhan bujur-bujur haut bangkit palus nantarang tonga hmpah Simon!'' ³⁵Karuo panotah iro pada nyarita inunsa haut terjadi huang perjalanan reo. Reo nyarita kolowangun reo mantaru Yesus hantek Io molah roti. yesus Nantarang Tonga hmpah Panotah-panotah-Ne³⁶Hantek karuo ulun iro magon nyarita peristiwa itu, Yesus sokonrong gi suan-suan reo palus sawada hmpah reo, ''Damai nyinrahko.'' ³⁷Kode, reo emah dan takut Reo manyangka bahwa reo rahat nginte kamme³⁸Kamulek, Yesus sawada hmpah reo, "Kolowangun iko emmah palus karaguan timul gi ate ko? ³⁹Iteleh longon-Ku baya poo-Ku itu bujur-bujur Uki jame leh Uki dan iteleh, kamme bakoi memiliki daging baya taulang kakala sa iko ite gi-Uki.'' ⁴⁰Ukah Yesus nyawada itu, Io nutui longon baya poo-Ne hmpah reo.⁴¹Sementara reo magon mete harap ket arai palus taheran-heran, Yesus nunti hmpah reo, ''Inunkahgi yiitu ikongompun bana pakai na okan?'' ⁴²Balalu reo ngunru erangka hila kenah pangang hmpah-Iyo. ⁴³Yesus ngepo kenah iro baya pangokanne gi muka reo.⁴⁴Kamulek, yesus sawada hmpah reo, "Ituleh papaneran sa Uki wada hmpah iko hantek Uki magon baya iko.Kahai sa ta tulis ne'o Uki huang hukum Taurat Musa, Kitab kawan nabi, dan Mazmur harus na ampiganap.''⁴⁵Kamulek Yesus ngugah pikiran reo hampe reo kaiuh memahami Kitab Suci. ⁴⁶Yesus sawada kia hmpah reo, "Naan tatulis bahwa Kristus harus menderita palus bangkit teke padang ulun mate gi onro katolu. ⁴⁷Dan, pertobatan pakai pengampunan dosa sagar nyata huang ngaran-Ne hmpah kahai bangsa, mulai teke Yerusalem.⁴⁸Iko adalah saksi-saksi teke kahai itu. ⁴⁹Kontoeleh, Uki ngirim janyi Uma-Ku hmpah iko. Kode duloi leh gi kota Yerusalem hampe iko na ampilengkap anri kuasa teke duoi obo.'' Yesus Taengkat pah Surga⁵⁰Kamulek, Yesus ngajak kawan panotah-Ne pah luar kota hampe gi Betania. Gi raha, Io ngengkat longon-Ne palus memberkati reo. ⁵¹Hante Yesus memeberkati reo, Io bapisah teke reo palus taengkat pah surga.⁵²Balalu, reo nyamah-Ne palus mulek pah Yerusalem anri tuu baarai. ⁵³Reo saratang duloi gi huang Bait Allah palus nawat Allah tala.

John

Chapter 1

¹Gi awal mulane adalah Firman, Firman iro sameh-sameh anri Allah dan Firman iro adalah Allah ² Firman iro haut sameh-sameh anri Allah hantek semula ³segala sana cifta metah Iyo koi oeng Iyo segsls inun sa haut naan itu bakoi mungkin tau naan⁴Gihuang Iyo naan wolum dan wolum iro adalah mai murunsia ⁵ Mai iro sahaya gihang sirom bakoi iuh nguasai ne⁶Naan erangkaulun sa na utus Allah ngaran ne Yohanes ⁷Iyo hawi sebagai saksi pakai nahampe kasaksian neo mai iro nampan metah iyo ulun jari percaya ⁸Yohanes raerai bakoileh mai iro kode yo hawi nahampe kasaksian neo mai iro⁹Mai sa sejati sa ngampimai kahai ulun akan hawi pah dunia¹⁰Mai iro haut naan gidunia dan dunia itu na sanyari ulah ne kode dunia bakoi mantaru-Ne ¹¹yo pah none kode none iro bakoi narime yo¹²Kode reo sa narime Iyo na unru ne kuasa pakai jari pea-pea Allah,yoiro reo sapercaya hmpah ngaran Ne.¹³Reo kayaan bakoi tke raya atawa kasidien daging, atawa tke kasidien kawan upo melain kan teke Allah.¹⁴Firman iro haut jari daging dan duloi gi helang takam. Takam haut nginte kemuliaan -Ne yoiro kemuliaan Pea Erai Uma, ponu anri anugerah dan kebenaran. ¹⁵Yohanes ngunru kasaksian neo Iyo anri nyawada,'' Ituleh Iyo sa uki maksud hantek uki asawada, ukah uki nampono samete uki .¹⁶Teke kaponuan-Ne, takam kahai narime anugerah demi anugerah. ¹⁷Sabab, Hukum Taurat na unru metah Musa; kode anugerah dan kebenaran hawi metah Yesus Kristus.¹⁸Koi erang kaulun pun suah nginte Allah, kode Pea Erai Allah sa naan gi walakehan Uma ngampinyata-Ne. Kasaksian Yohanes Pembaaptis¹⁹Ituleh kasaksian Yohanes hantek ulun-ulun Yahudi ngutus imam-imam dan ulun-ulun Lewiteke Yerusalem pakai nunti hmpah Yohanes,"Hie kah iko?" ²⁰Yohanes mangaku,dan io bakoi nyangkalne io mangaku Uki bakoi Kristus iro." ²¹Reo nunti hmpahiyo," Amun miiro Hiekah iko? Inunkah iko Elia?" Iyo nuing,"Uki bakoi Elia," Inunkah iko Nabi iro? Io nuing Bakoi,"²²Kamulek, reo sawada hmpahiyo "Hiekah iko, ket kain harus ngunru tuingan hmpah ulun sa ngutus kain?" ²³Yohanes nuing anri papaneran NabiYesaya , Ukileh lengan ulun sa nawada Nabi Yesaya nyawada gi jubut hukot samituleh lalan pah Tuhan!'"²⁴Ulun-Ulun Yahudi sa nautus iro adalah ulun Farisi. ²⁵Balalu, reo sawada hmpah Yohanes, "jaka iko bakoi Mesias, bakoi Elia, da bakoi Nabi iro nakolo iko mambaptis?"²⁶ Yohanes nuing reo, " Uki mambaptis anri ranu, kode gihelang iko sokonrong erangkaulun sa bakoi iko kenal. ²⁷Iyoleh sa akan hawi ukah uki. ngugah tali sandal-Ne pun uki bakoi pantas." ²⁸Kahaiiro terjadi gi Betania, gi ipai Sunge Yordan, duoi Yohanes mambaptis. Pea Babiri Allah²⁹Pah pitanin onro ne Yohanes nginte Yesus hawi h,pahiyo danYohanes sawada Iteleh Pea Babiri Allah sa muhut dosadunia! ³⁰Iyoleh sa uki maksud hantek uki sawada ukah uki akan hawi erang kaulun sa lewi idu teke uki ket Io haut naan samete uki ³¹Pono uki bakoi mengenal Iyo, kode nampan Io nanyatakan hmpah ulun-ulun Israel, maka uki hawi mambaptis anri ranu."³²Dan, Yohanes basaksi wadane," Uki nginte Roh dolui teke langit kakala wurung merpati dan Roh iro duloi pah iyo ³³Uki raerai bakoi mengenal Iyo kode Io ngutus uki pakai mambaptis anri ranu sawada hmpah uki Iyo sa bawo-Ne iko nginte Roh dolui dan duloi, Iyoleh sa akan mambaptis anri barasis ³⁴Uki raerai haut nginte dan ngunru kasaksian bahwa Iyo ituleh Pea Allah Murid-Murid Yesus sa Pertama³⁵Pah pitanin onro ne, Yohanes sokonrong kia baya ruo ulun muridne, ³⁶dan io nginte Yesus rahat malan. Yohanes sawada Iteleh, Pea Babiri Allah³⁷Karuo muridne nyonrongoi papaneranne iro balalu reo notah Yesus. ³⁸Yesus ikulik pa waling dan hantek nginte reo rahat notah-Iyo Io sawada hmpah reo,"Inun sa iko eto?" Reo sawada hmpah-Iyo, " Rabi (sa jaka naterjemah aratine:Guru),gi hawekah Iko duloi?" ³⁹Iyo sawada hmpah reo, " Hayu dan iko akan ngintene." Kamulek, reo hawi dan nginte duoi Iyo duloi dan reo duloi baya-Iyo onro iro ket waktu irro kira-kira adalah jam sapuluh.⁴⁰Salah satu teke karuo murid sa nyonrongoi papaneran Yohanes balalu notah Yesus iro adalah Andreas pulaksanai Simon Petrus ⁴¹Sametene, Andreas nangkahong Simon, pulaksanaine,''Kain haut nangkahong Mesias (sa naterjemah jari ' Kristus')." ⁴²Kamulek, Andreas ngoit Simon hmpah Yesus. Yesus nginte Simon dan sawada,''Iko Simon, pea Yohanes.iko aka na wowa Kefas (sa baarati 'Petrus' atawa 'Watu'),''⁴³Pah pitanin onrone, Yesus bamaksud tulak pah Galilea. Io kahong Filipus dansawada hmpahiyoBayaleh uki!" ⁴⁴Filipus baasal teke Betsaida, kota duoi Andreas dan Petrus duloi. ⁴⁵Filipus kahong anri Natanael dan sawada hmpahiyo, ''Kain haut nangkahong Iyo sa natulis ukah Musa huang Hukum Taurat dan ulah kawan nabi, yoiro Yesus teke Nazaret, pea Yusuf.''⁴⁶Natanael sawada hmpahiyo, ''Mungkinkah sesuatu sa maasus hawi teke Nazaret?'' Filipus sawada hmpahiyo,'' Hawi dan iteleh.'' ⁴⁷Yesus nginte Natanael hawi hmpah-Iyo dan bapaner mengenai Natanael, ''Iteleh erangkaulun Israel sejati, bakoi oeng kepalsuan gihuang iyo!'' ⁴⁸Natanael nunti ''Nokolo Iko mengenal uki?'' Yesus nuing, "Samete Filipus mowaiko, uki haut nginte iko hantek iko naan gi pida kakau ara,''⁴⁹Tuing Natanael, ''Rabi, Iko adalah Pea Allah. Iko adalah Raja ulun Israel.'' ⁵⁰Yesus nuing dan sawada hmpahiyo, ''Ket uki sawada hmpahiko, 'Uki nhaut nginte iko gi pida kakau ara', maka iko percaya? iko akan nginte hal-hal sa oro lewi idu teke itu!'' ⁵¹Balalu, Io nampalus, " Sabujurne, Uki sawada hmpah iko, iko akan nginte langit taugah dan malaikat-malaikat Allah ngabai dolui malayani Pea Murunsia.''

Chapter 2

¹Gi onro sa katolu, naan pesta perkawinan gi Kana, Galilea, dan ine Yesus naan gi raha. ²Yesus dan murid-murid-Ne pada naundang pah pesta perkawinan iro.³Hantek ranu anggur awis, ine Yesus sawada hmpah-Iyo, '' Reo kaawisan ranu anggur.'' ⁴Yesus nuing, ''Wawe, inun hubunganne anri-Uki? Waktu uki mete tiba.'' ⁵Ine Yesus sawada hmpah kawan palayan,''Inun pun sa Iyo wada hmpahiko, uluah iro.''⁶Gi raha, naan gentong teke watu, sa biasa na pakai ulun Yahudi gi upacara penyucian. Masing-masing gentong iro muat kira-kira ruo atawa tolu buyung. ⁷Yesus sawada hmpah kawan palayan, ''Isileh gentong-gentong iro anri ranu.''Dan, reo ngisi gentong-gentong iro ranu hampe ponu. ⁸Kamulek, Yesus sawada hmpah reo, ''Tataha, epoleh henaodik dan oitleh hmpah pemimpin pesta.'' Balalu, reo ngoitne hmpah pemimpin pesta.⁹Hantek pemimpin pesta ngingkam ranu sa haut jari anggur iro, dan io bakoi ngontoe teke hawe iro baasal (kode kawan palayan sa ngepo ranu irokotoe), maka pemimpin pesta iro mowa pangantin upo, ¹⁰dan sawada hmpahiyo, '' Satiap ulun sa nyadia ranu anggur sa maasus terlewi pono dan hantek kahai ulun puas minum, wauleh na sarungan anggur sa kurang maasus. Kode iko nyimuh anggur sa maasus hampe tataha.''¹¹Tanda ajaib pertama itu Yesus ulah gi Kana, Galilea, dan menyatakan kemuliaan-Ne.¹²Ukah iro, Yesus dolui pah Kapernaum baya ine, pulaksanai-pulaksanai dan murid-murid-Ne.Reo duloi gi raha sa uhang papire onro. Yesus gi Bait Allah¹³Hari Raya Paskah ulun Yahudi haut rupak dan Yesus pun ngbai pah Yerusalem. ¹⁴Gi Bait Allah Io nginte ulun-ulun ngri lamu, babiri dan merpati, baya kawan panurup duit maharung gi raha.¹⁵Yesus ngulah sambuk teke tali dan ngunur reo kahai kaluar teke Bait Allah, tamasuk kahai babiri dan lamu reo. Io pada ngupe duit-duit koin teke kawan oanurup duit dan maleng meja-meja reo. ¹⁶Hmpah kawan pangari merpati, Yesus sawada, '' Oit kaluar kahai itu teke yiitu! Ada nynyari lowu Uma-Ku duoi pakai jual beli!''¹⁷Murird-murid-Ne kaitung bahwa naan tatulis : '' Cinta akan lowu-Ko ngmpietong Uki.'' ¹⁸Kamulek, ulun-ulun Yahudi nuing dan sawada hmpah-Iyo, '' Tanda ajaib inun sa Iko tutui hmpah kain sehingga Iko bahak ngulah hal-hal itu?'' ¹⁹Yesus nuing

²⁰Reo nuing, ''Perlu opat pulu onom taun pakai nabuan Bait Alllah itu, dan Iko akan nabuan huang waktu tolu onro?'' ²¹Kode, sa Yesus maksud Bait Allah adalah tubuh-Ne raerai. ²²Ket iro hantek Yesus na bangkit teke padang ulun mate, murid-murid-Ne kaitung akan papaneran itu; dan reo percaya gi Kitab suci dan papaneran Yesus ontuh.²³Hantek Yesus naan gi Yerusalem sauhang Perayaan Paskah, wahai ulun percaya huang ngaran-Ne ket nginte tanda-yanda ajaip sa na ulah-Ne ²⁴Kode, Yesus raerai bakoi percaya tonga-Ne hmpah reo ket Io mengenal kahai ulun, ²⁵dan bakoi perlu hie pun pakai ngunru kasaksian neo murunsia sabab Io kotoe inun sa naan huang ate murunsia.

Chapter 3

¹Naan renakaulun Farisi bangaran Nikodemus. Io adalah erangkaulun pemimpin bangsa Yahudi ²Hantek kamalom, io hawi hmpah Yesus dan sawada, " Rabi, kain kotoe bahwa Iko adalah Guru sa hawi teke Allah ket bakoi oeng erangkaulun pun sa iuh ngulah tanda-tanda ajaipsa Iko ulah, kasawali Allah naan bayaiyo.''³Tuing Yesus hmpahiyo, ''Sabujur-bujurne Uki sawada hmpah iko, jaka erangkaulun bakoi na kayaan kamulek, oi bakoi iuh nginte Kerajaan Allah.'' ⁴Nikodemus nunti, ''Nakolo mungkin erangkaulun iuhna kayaan kamulek amun io haut mutuo? Iuhkah io masuk kia pah huang rahim inene dan nakayaan kamulek?''⁵Tuing Yesus hmpahiyo, Uki sabujurne, Uki sawada hmpahiko, jaka erangkaulun na kayaan teke ranu dan Roh, io bakoi iuh masuk pah huang Kerajaan Allah ⁶Inun sa na kayaan teke daging adalah daging dan inun sa na kayaan teke Roh adalah roh.⁷Ada leh heran ket Uki sawada hmpah iko' iko harus na kayaan kamulek.' ⁸Riwut nyiwui pah hawe pun io hokun dan iko nyonrongoi lenganne, kode iko bakoi kotoe teke hawe asalne dan pah hawe io akan tulak. Miiro pada anri satia ulun sa na kayaan teke Roh.''⁹Nikodemus nunti, ''Nakolo mungkin kahai hal iro terjadi?'' ¹⁰Yesus nuing Bakoi kah iko guruulun Israel, kode iko bakoi kataru kahai hal itu? ¹¹sabujur-bujurne, uki nyawada hmpahiko bahwa kain bapaner neo inun sa kain kontoe dan ngunru kasaksian neo inun sa kain ite, kode iko bakoi narime kasaksian kain.¹²bara paiko neo hal-hal duniawi ae iko bakoi percaya, nakolo mungkin io akan percaya amun Uki bara paiko neo hal-hal surgawi? ¹³Bakoi erangkaulun pun suah ngabai pah surga, kasawali Iyo sa haut dolui teke surga, iyoiro Pea Murunsia.¹⁴Sameh kakala Musa ngampabai nipo tambaga gi jubut hukot, mihie pada Pea Murunsia harus na tongkobo ¹⁵nampan satiap ulun sa percaya hmpah-Iyo kajuat wolum sa kekal.¹⁶Ket Allah bangat ngalelu dunia itu Io ngunru Pea-Ne sa tungkan nampan satiap ulun sa percaya hmpah-Iyo bakoi binasa, melainkan kajuat wolum sa kekal. ¹⁷Ket Allah ngutus Pea-Ne pah huang dunia bakoi pakai mahakimi dunia, melainkan nampan dunia na salamat metah Pea-Ne ¹⁸Ulun sa percaya hmpah-Iyo bakoi akan nahukum, kode ulun sa bakoi percaya haut naan gi pida hukuman ket io bakoi percaya pah ngaran Pea Tungkan Allah.¹⁹Ituleh hukuman iro: maihaut hawi pah huang dunia, kode murunsia lewi sidi pisirom teke mai ket inun sa reo ulah adalah jahat. ²⁰Ket satiap ulun sa ngulah jaha muar mai dan bakoi hawi pada hmpah mai iro nampan ulahan-ulahanne bakoi na ungkit-ungkit. ²¹Kode, ulun sangulah kebenaran hawi hmpah mai iro nampan nanyatakan ulahan-ulahanneiro naulahne gi huang Allah.'' Yohanes Basaksi neo Yesus²²Ukah iro, Yesus dan kawan murid-Ne tulak pah tana Yudea. Gi raha, Io nangkawis waktu baya reo dan mambptis. ²³Yohanes pada membabtis gi Aimon rupak Salim ket naan wahai ranu giraha. Ulun-ulun bahawian dan nabaptis ²⁴Tawuk iro Yohanes mete na tamasuk pah huang penjara.²⁵Dan, timulleh perdebatan helang papire murid Yohanes dan erangkaulun Yahudi mengenai penyucian. ²⁶Reo nangkahong Yohanes dan sawada, ''Guru, Ulun sa baya iko gi ipai Yordan, sa neo Iyo iko haut basaksi, iteleh, Iyo pada mambaptis dan kahai ulun hawi hmpah-Iyo.''²⁷Yohanes nuing, ''Murunsia bakoi iuh narime inun pun kasawali hal iro na unru hmpah io teke surga. ²⁸Iko raerai iuh ngunru kasaksian bahwa uki suah sawada Uki bakoi Mesias,' kode uki na utus pakai nampono-Iyo.²⁹Ulun sa ngompun mempelai wawe adalah mempelai upo kode sahabat mempelai upo, sa sokonrong dan nyonrongoine, bangat baarai nyonrongoi lengan mempelai upo. Jari, kaaraien ku itu haut nasanyri ponu ³⁰Iyo harus magin idu dan uki harus magin odik.''³¹''Io sa hawi teke obo adalah gi obo kahaine, Io sa baasal teke tana adalah teke tana dan bapaner neo hal-hal sa naan gi tana. Io sa hawi teke surga adalah gi bawo segala sesuatu. ³²Io ngunru kasaksian neo inu sa naite dan na rongoi-Ne kode ulun-ulun bakoi narime kasaksian-Ne ³³Ulun sa narime kasaksian-Ne ngakui anri kapinuu bahwa Allah iro bujur.³⁴Sabab, ulun sa na utus Allah akan nahampe papaneran Allah ket Allah ngunru Roh sa bakoi tabatas. ³⁵Uma ngalelu Pea dan haut manyarah segala sesuatu pah huang longon-Ne ³⁶Ulun sa percaya hmpah Pea ngompun wolum sa kekal, kode ulun sa bakoi menaati Pea bakoi akan nginte pamolum melainkan murka Allah tatap naan giiyo.''

Chapter 4

¹Hantek Tuhan kotoe amun ulun-ulun Farisi haut nyonrongoi bahwa Io bahasil dan mambaptis lewi wahai murid teke Yohanes, ²biarpun Yesus raerai bakoi mambaptis melainkan murid-murid-Ne), ³Io nanan Yudea dan mulek kia pah Galilea.⁴Kode, Io harus metah wilayah Samaria. ⁵Hampeleh Yesus gi Samaria, gi erangkaua kota sa bangaran Sikhar sa taimpeh gi rupak tana sa pono na unru Yakup hmpah peane Yusuf.⁶Sumur Yakub naan gi raha. kamulek, Yesus sa uyuh ket perjalanan, maharung gi hiring sumur iro hantek iro, kira-kira jam ka onom. ⁷Hawileh erangkaulun wawe Samaria pakai nima ranu. Yesus sawada hmpahiyo, ''Unruleh Uki minum.'' ⁸(Saba, murid-murid-Ne haut tulah pah kota pakai moli pama.)⁹Wawe Samaria iro sawada hmpah Yesus, ''Nakolo, mungkin Iko,ulun Yahudi ilaku ranu minum hmpah uki sa adalah wawe Samaria?''(Sabab, ulun Yahudi bakoi panagur anri ulun Samaria). ¹⁰Yesus nuing dan sawada hmpah io,''Jaka iko kotoe neo karunia Allah dan kotoe hie sa sawada hmpahiko,'Unruleh Uki minum ', iko pasti akan ilaku hmpah-Iyo, dan Iyo akan ngunru iko ranu wolum.''¹¹Wawe iro sawada hmpah-Iyo, ''Tuan, Iko bakoi ompun timma dan sumur itu bangat lalom, teke hawe Iko akan ngaiuh ranu wolum iro? ¹²Inun kah Iko lewi idu teke nenek moyang kain, Yakub, sa ngunru sumur itu baya kahai pea dan parinuanne?''¹³Yesus nuing dan sawada hmoah io, ''Satiap ulun sa minum teke ranu itu akan malah kia, ¹⁴kode ulun sa minum teke ranu sa unru hmpahiyo bakoi akan suah malah kia; melainkan ranu sa uki unru hmpah io iro akan jari mato ranu gi huang tonga ne sa akan tarus mamansar hampe hmpah wolum sa kekal.''¹⁵Wawe iro sawada hmpah Yesus, ''Tuan, unruleh uki ranu iro nampan uki bakoi akan harus kia dan uki bakoi perlu hawi kia pah yiihi pakai nimma ranu.'' ¹⁶Yesus sawada hmpah io,''Tulakleh wowa hongko dan mulekleh pah yiihi.''¹⁷Wawe iro nuing,''Uki bakoi ngompun hong.''Wada Yesus hmpah io, ''Iko bujur hantek sawada, ''Uki bakoi ngompun hong'. ¹⁸Ket iko haut suah ngompun dimo hong, dan kawan upo sa duloi baya iko tataha bakoi leh hong ko. Huang hal itu, iko sawada bujur.''¹⁹ Wada wawe iro hmpah-Iyo,''Tuan, tataha uki kotoe bahwa Iko adalah erangkaulun Nabi. ²⁰Nenek mayang kain nymah gi gunung itu, kode bangsa-Ko nyawada bahwa Yerusalem duoi ulun nyamah.''²¹Yesus sawada hmpah io, ''Percayaleh hmpah-Uki, hai wawe! Akan tiba waktu ne hantek bakoi gi gunung itu atawa gi Yerusalem ulun nyamah Uma ²²Iko nyamah sa bakoi iko kenal, kode kain nyamah sa kain kenal ket kasalamatan hawi teke bangsa Yahudi.²³Kode, akan tiba wayahne, yoiro tataha panymah-panyamah Uma huang Roh dan kebenarannyamah Uma huang roh dan kebenaran; sabab Uma manutntut sa kakala iro pakai nyamah Iyo. ²⁴Allah adalah Roh dan reo nyamah Iyo harus nyamah-Iyo huang roh dan kebenaran.''²⁵Wawe iro sawada hmpah-Iyo, ''Uki kotoe bahwa Mesias akan hawi (Io sa naontuh Kristus) Hantek Io hawi, Io akan bara segala sesuatu hmpah kain.'' ²⁶Tuing Yesus hmpah io.''Uki, sa rahat bapaner hmpah iko adalah Iyo.''²⁷Tawuk iro, hawileh murid-murid-Ne dan reo heran nginte Yesus rahat bapaner anri erangkaulun wawe. Kode, bakoi erangkaulun pun sa nunti hmpah-Iyo ''Inun sa Iko eto?'' atawa ''Nakolo Iko bapaner anri iyo?''²⁸Kamulek, wawe iro nanan kendi ranune dan tulak pah kota palus sawada hmpah ulun-ulun gi raha, ²⁹'' Hayu, iteleh naan erangkaulun sa nyawada hmpah iko segala sesuatu sa haut uki ulah. Mungkinkah Iyo Mesias iro?'' ³⁰Reo pun tulak pah luar kot dan nangkahong Yesus.³¹Sementara iro, murid-murid-Ne mandasak Yesus anri sawada, ''Rabi, kumanleh.'' ³²Kode, Yesus sawada, ''Uki ompun pongokan sa bakoi iko kenal.'' ³³Balalu, murid-murid nunti erai hmpah sa lain, ''Inunkah bakoi oeng sa ngoit sesuatu hmpah-Iyo pakai naokan?''³⁴Yesus sawada, ''Pongokan-Ku adalah ngulah kabahomen Iyo sa ngutus Uki dan nynuput gawian-Ne ³⁵Bakoikah iko sawada, 'Opat wulan kia musim masi tiba'? Iteleh, Uki sawada hmpah iko, ugaleh matoko dan iteleh umo-umo haut malintang pada, na wasi. ³⁶Tataha pada, iyo sa masi haut narime upa ne dan ngumpul ua pakai wolum kekal sehingga pamasi dan pamiah iuh baarai sameh-sameh³⁷Huang hal itu papaneran itu bujur, 'Sa erang kaulun miah dan sa lain masi.' ³⁸Uki ngutus pakai masi sesuatu sa bakoi iko gawi; ulun lain haut masuk pah huang gawian reo.''³⁹Wahai ulun Samaria tekee kota iro jari percaya hmpah Yesus ket papaneran wawe iro sa ngunru kasaksian ''Iyo ngunru uki kahai hal sa haut uki ulah.'' ⁴⁰Jari hantek ulun-lun Samaria iro hampe hmpah Yesus, reo narime-Ne pakai duloi baya reo dan Yesus duloi gi raha sa uhang ruo onro.⁴¹Dan, naan lewi wahai ulun kia percaya ket papaneran Yesus raerai. ⁴²Reo sawada hmpah wawae iro, '' Bakoi kia ket papaqneran ko kain jari percaya melainkan ket kain raerai haut nyonrongoi,dan kain kotoe bahwa Iuo bujur-bujur Juru Salamat dunia.'' Pea Pagawai Istana na samare⁴³Ukah ruo onro, Yesus nanan duoi iro dan nuju Galilea. ⁴⁴(Sametene, Yesus raerai haut ngunru kasaksian bahwa erangkaulun nabi na hormati gi negerine raerai.) ⁴⁵hantek Yesus tiba gi Galilea, ulun-ulun Galilea nyamut-Ne ket reo haut nginte segala sesuatu sa na gawi Yesus huang perayaan Paskah gi Yerusalem ket reo pada tula pah perayaan iro.⁴⁶Ket iro Yesus hawi kia pah Kana, Galilea, duoi Io suah ngulah ranu jari anggur. Gi Kapernaum naan erangkaulun pagawai sa pea upone rahat sakit. ⁴⁷Hantek pagawai istana iro nyonrongoi bahwa Yesus haut hawi teke Yudea pah Galilea, io tulaqk dan nankahonh ilaku hmpah Yesus nampan hawi dan nyamare pea ne ket peane haut kai mate.⁴⁸Balalu Yesus sawada hmpahio, Amun iko bakoi nginte tanda-tanda dan hal-hal ajaib, ikobakoi hokun percaya.''⁴⁹Pagawai istana iro sawada, ''Tuan, hawileh samete uki mate.''⁵⁰Yesus sawada hmpahiyo, Bulileh, peako wolum!'' Ulun iro percaya pah papaneran sa na wada Yesus hmpahiyo dan tulakleh ulun iro.⁵¹Hantek pagawaiistana iro magun huang perjalanan, walah-walahne kahong anri iyo dan bara bahwa pea upone wolum. ⁵² Pagawai istana iro nunti hmpah reo neo jam pire kondisi peane mulai maasus. Dan, reo nuing, ''Anrape kira-kira jam kapitu demamne jawoh.''⁵³ Uma pea iro kotoe, gi tawuk iroleh Yesus sawada hmpah io, ''Peako wolum."Jari pagawai istana iro dan kahai kaluargane palus percaya hmpah Yesus. ⁵⁴ Iroleh tanda ajaib karuo sa naulah Yesus ukah bulu teke Yudea pah Galilea.

Chapter 5

¹Ukah kahai iro, naan perayaan hari raya ulun Yahudi dan Yesus ngabai pah Yerusalem. ²Gi Yerusalem, gi rupak manamang Gerbang Babiri naan erangkaua kolam sa huang bahasa Ibrani na ontuh Betseda, sa ngompun dimo sampatai. ³Gi sampatai-sampatai iro, naan wahai ulun sakit ubis: ulun pehe, ulun kepa,dan ulun lumpuh ( reo nganre ranu gi kolam iro gagumah. ⁴Sabab gi hantek-hantek tertentu, malaikat Tuhan akan dolui pah kolam dan ngampigarak ranune. Ulun sa pertama kali masuk pah kolam ukah ranu gagumah, akan na samare teke panykit inun pun sa na deritane).⁵Gi yiiro, naan ulun sa haut sakit sauhang tolumpulu walu taun ⁶Hantek Yesus nginte iyo ubis gi yiiro dan kotoe bahwa io haut uhang tuu menderita sakit, Yesus nunti hmpah iyo, ''Inunkah iko hokun na samare?"⁷Ulun sakit iro nuing, " Tuan, bakoi oeng ulun sa ngampi dolui uki pah huang kolam hantek ranu bagagumah, kode sementara uki bausaha ulun lain haut dolui nampono uki.'' ⁸Yesus sawada hmpah iyo, ''Sokonrongleh! engkatleh tilamko dan malanleh.''⁹Hantek iro pada, ulun iro na samare, io ngengkat tilsmne dan malan. Kode onro iro adalah onro sabat.¹⁰Ket iro ulun-ulun Yahudi sawada hmpah ulun sa na samare iro, ''Onro ito onro Sabat, iko bakoi iuh ngengkat tilamko .'' ¹¹Kode io nuing, "Ulun sa nymare uki, Iyoleh sa sawada hmpah uki, 'Engkat tilamko dan malanleh.'''¹²Reo nunti hmpah iyo Hiekah Ulun sa sawada hmpah iko, 'Engkatleh tilamko dan malanleh'?'' ¹³Kode, ulun sa haut na samare iro bakoi kotoe Iyo ket Yesus haut sanina teke ulun wahai gi duoi iro.¹⁴Ukah iro, Yesus kahong kia anri ulun iro gi Bait Allah dan sawada hmpahiyo, ''Ronoi iko haut ware. Ada ngolah dosa kia nampaqn bakoi jari hal sa lewi buruk hmpah iko!" ¹⁵Ulun iru tulak dan nyarita hmpah ulun-ulun Yahhudi bahwa Yesusleh sa haut nymare ne¹⁶Ket iro ulun-ulun Yahudi menganiaya Yesus ket Io ngulah kahai iro gi onro Sabat. ¹⁷Kode Ysus sawada hmpah reo, ''Uma-Ku magun bagawi hampe hantek itu, maka uki pun magun bagawi.'' ¹⁸Tuingan iro ngulah ulun-ulun Yahudi bausaha lewi wiet kia pakai maunu Yesus, bakoi ekat ket Yesus malangar onro Sabat, melainkan pada ket ngontu Allah sebagai Uma-Ne raerai,baarati nyansameh tonga-Ne raerai anri Allah. Kuasa Allah huang Yesus¹⁹Kamulek, Yesus nuing reo wada-Ne, ''Sabujurne, Uki sawada hmpahiko Pea bakoi iuh ngawi sesuatu teke tonga-Ne raerai, jaka io bakoi nginte Uma ngawine; ket inun sa nagawi Uma, iro pada na sa gawi Pea. ²⁰Sabab Uma ngalelu Pea dan ngampiite hmpah Pea segala sesuatu sa Io raerai ulah, daqn Uma pada akan ngampiite hmpah-Iyo gawian-gawian sa lewi idu kia nampan iko takjub.²¹²¹Sabab, sameh kakala Uma membangkitkan ulun mate dan ngunru reo pamolum, mihie pada Pea ngunru pamolum hmpah hie sa Io sidi. ²²Uma bakoi mahakimimi hie pun, kode haut ngunru kahai penghakiman iro hmpah Pea, ²³Nampan kahai ulun mahormati Pea kakala reomahormati Uma. Ulun sa bakoi mahormati Pea, bakoi mahormati Uma sa ngutus-Ne.²⁴Sabujur ne Uki nyawada hmpah iko ulun sa nyonrongoi papaneran-Uki dan percaya hmpah Iyo sa ngtutus Uki sa ngompun wolum kekal, dan bakoi masuk pah huang penghakiman ket io haut pidah teke pampate pa pamolum.²⁵Sabujurne Uki sawada hmpah iko, waktu akan tiba dan haut tiba tataha, hantekulun-ulun mate akan nyonrongoi lengan Pea Allah dan reosa nyonrongoi iro akan wolum.²⁶Ket sanakolo Uma ngompun wolum gi huang tonga-Ne raerai, mihie pada Io ngunru hmpah Pea wolum gi huang tonga-Ne raerai, ²⁷Dan Uma ngunru kuasa hmpah Pea paka nyanjalan penghakiman ket Iyo adalah Pea Musa.²⁸Ada heran akan hal itu ket wayahne akan tiba hantek kahai ulun sa naan gi huang plowongakan ngyonrongoi lengan-Ne ²⁹dan reo akan kaluar, yoiro reo sa haut ngulah maaswus akan nuju kebangkitan wolum. sadangkan reo sa ngulah jahat, nuju kebangkitan penghakiman.³⁰Uki bakoi iuh ngulah inun-inun teke tonga-uki raerai. Uki mahakimi sesuai sa uki rongoi dan penghakiman-Uki adil ket Uki bakoi ngeto kabahomen-uki raerai melainkan kabahomen Iyo sa ngutus Uki.'' Kasaksian neo Yesus Baasal teke Allah Uma ³¹" Ada Uki basaksi neo tonga-Uki raeraikasasian-Uki bakoi bujur. ³²Kode, naan sa lain sa basaksi neo Uki, dan Uki kotoebahwa kasaksian sa naunru-Ne neo Uki iro bujur.³³Iko haut ngutus hmpah Yohanes dan io haut ngunru kasaksian neo kebenaran. ³⁴Kode kasaksian sa Uki tarime bakoi murunsia. Uki nyawada hal nampan iko nasalamat. ³⁵Yohanes adalah lampu sa malelap dan ba sahaya, dan iko sidi kaaraien erang alik huang sahaya.³⁶Kode , kasaksian sa Uki miliki lewi idu teke kasaksian Yohanes. Sabab, gawian-gawian sa na sarah Uma hmpah-Uki pakai na sanuput, yoiro gawian-gawian sa rahat Uki ulah tataha ngunru kasaksian neo Uki bahwa Umaleh sa ngutus Uki ³⁷Dan,Uma sangutus Uki iro raerai haut ngunru kasaksian neo Uki Kode iko bakoi suah nyonrongoi lengan-Ne maupun nginte rupa-Ne ³⁸ Dan, firman-Ne bakoi duloi huang ateko ket iko bakoi percaya hmpah Iyo sa utus-Ne.³⁹Iko mampelajari Kitb Suci ket iko ngakira bahwa gi huang Kitab Suci iko akan kaiuh wolum sa kekal; dan Kitab iro pada ngunru kasaksian neo Uki, ⁴⁰Kode bakoi hokun hawi pah-Uki nampan iko wolum.⁴¹Uki bakoi narime kemuliaan ⁴²Kode Uki mengenal iko, bahwa iko bakoi ngompun kasih Allah gi huang tonga ko.⁴³Uki hawi bawo ngaran Uma-Ku, kode iko bakoi narime Uki. Jaka ulun hawi bawo ngaran reo raerai, iko akan narimene. ⁴⁴Nakolokah iko iuh percaya, jaka iko narime tawatan teke erangkaulun hampi sa lain dan bakoi ngeto tawatan sa hawi teke Allah sa Esa?⁴⁵Ada ngakira bahwa Uki akan nuduh iko gi hadapan Uma; sa nuduh ikoadalah Musa, yoiro ulun sa hmpahiyo iko baharap ⁴⁶Sabab, jaka iko percaya hmpah Musa, iko harusne percaya hmpah-uki ket Musa manulis neo Uki.⁴⁷Kode jaka iko bakoi percaya gi inun sa Musa tulis, nakolo mungkin iko percaya hmpah papaneran-Uki?"

Chapter 6

¹Ukah iro, Yesus nyabarang danau Galilea, yoiro danau Tiberias. ²Wahai ulun notah Iyo ket reo nginte tanda-tanda ajaib sa Io ulah tahadap ulun-ulun sakit. ³Kamulek, Yesus ngabai pah bawo wungkur dan maharung gi raha baya murid-murid-Ne⁴Hantek iro perayaan Paskah ulun Yahudi haut rupak ⁵Nelang nginte pah ngawariung-Ne dan nginte ulun wahai hawi hmpah-Iyo Yesus sawada hmpah Filipus,''Gi hawekah takam iuh moli rute nampan ulun-ulun iro iuh kuman?" ⁶Yesus nyawada hal iro pakai nguji Filipus ket sabujur ne Io soknrong kotoe inun sa akan Io ulah.⁷Filipus nuing, "Rute sa juman 200 / ruo jatuh dinar bakoimakan sukup pakai reo, sekalipun masing-masing ekat kaiuh erangkahila odik ae,⁸"Naan erangkaulun murid-Ne yoiro Andreas, pulaksanai Simon Petrus,sawada hmpah Yesus, ⁹"Giyiitu naan erang kaulun pea sa ngompun dimo rute lole dan ruo kenah, kode inun aratine iro pakai ulun wahai itu?"¹⁰Yesus sawada, "Huyuleh kahai ulun pakai maharung."Gidoui iro wahai rikut, jari ulun-ulun iro maharung kira-kira dimo ribu kawan upo jumlahne. ¹¹Kamulek Yesus ngepo rute-rute iro dan ukah ngontuh syukur, Io mambagi rute-rute iro hmpah reo sa maharung; miiro pada naulah-Ne tahadap kenah-kenah iro sawahai sa reo sidi ¹²Hantek kahai ulun haut wosing, Yesus sawada hmpah murid-murid-Ne "Kumpul kawan puting-puting sa tasisa nampan bakoi oeng sa ta umpe."¹³Ket iro, kawan murid ngumpulne dan ngisi dua walas karanyang anri puting-puting teke dimo rute lole sa natanan reo sa luput kuman. ¹⁴Hantek ulun-ulun iro nginte tanda ajaib sa na ulah Yesus, reo sawada,"Iyo itu pasti Nabi sa na janyi akan hawi pah dunia. ¹⁵Ket kotoe bahwa ulun wahai iro baransana hawi dan mamaksa Iyo jari Raja bawo reo, Yesus nyingkir kia pah wungkur raerai. Yesus Malan gi Bawo Ranu¹⁶Hantek onro haut mulai kamalom, kawan murid dolui nuju pah danau ¹⁷dan ukah ngabai pah jukung, reo mulai nyabarang danau nuju Kapernaum. Onro haut mulai sirom, kode Yesus mete pada hawi nangkahong reo ¹⁸Danau mulai bagalumang ket riwut sa bangat tama nyiwui.¹⁹Kamulek, hantek reo haut iwehei jukung sa oro sakitar 25 atawa 30 stadia, reo nginte Yesus malan gi bawo danau dan nynrupak jukung sehingga reo takut ²⁰Kode, Yesus sawada hmpah reo, "itu Uki,ada takut!" ²¹Ukah iro reo hamen ngampabai Iyo pah huang jukung dan tiba-tiba jukung iro haut hampe pah duoi sa reo tuju. Ulun wahai ngeto Yesus²²Pah onro pitaninne, ulun wahai magun sokonrong gi ipai danau nginte bahwa bakoi oeng jukung lain gi yiiro kasawali erai jukung ae sa murid-murid haut masuk pah huangne. Kode, Yesus bakoi baya masuk pah huang jukung iro sameh anri kawan murid-Ne sa haut tulak raerai. ²³Hawileh jukung-jukung lain teke Tiberias pah rupak duoi ulun-ulun iro kuman rute, ukah Tuhan ngontuh syukur.²⁴Hantek ulun wahai nginte bahwa Yesus dan kawan murid-Ne bakoi oeng kia gi yiro, reo ngabai pah jukung-jukung iro dan tulak pah Kapernaum pakai ngeto Yesus. Yesus adalah Roh wolum ²⁵Tawuk ulun wahai iro kahong Yesus gi ipai danau, reo nunti hmpah Iyo, "Rabi, hentek hawe Iko tiba gi yiitu²⁶Yesus nuing reo dan sawada, "Sabujurne, Uki sawada hmpah iko, iko ngeto Uki bakoi iko haut nginte tanda ajaib,melainkan iko haut kuman rute hampe wosing. ²⁷Ada bagawi pakai ngeto pongokan sa tau binasa, melainkan pakai pongokan sa iuh batahan hampe wolum sa kekal, sa Pea Murunsia akan unru hmpahiko ket hmpah pea Murunsia iro, Uma, yoiro Allah haut ngunru pengesahan-Ne²⁸Balalu, ulun wahai iro nunti hmpah Yesus, "Inun sa harus kain ulah nampan kain ngwi gawian sa na kabahomen Allah?" ²⁹Yesus nuing dan sawada hmpah reo, "Ituleh gawian sa nakasien Allah: percayaleh hmpah Iyo sa haut na utus Allah."³⁰Reo nuntine hmpah-Iyo, " Amun miiro tanda ajaib inunkah sa akan Iko ulah nampan kain nginte dan percaya hmpah-Iko?Gawian inun sa Iko ulah? ³¹Nenek moyang kain kuman manna gi jubut hukot, kakala satatulis,'Iyo ngunru reo rute teke surga pakai na okan.'''³²Yesus sawada hmpah reo, "Sabujurne, Uki sawada hmpah iko bakoi Musa sa ngunru iko rute teke surga melainkan Uma-Kuleh sa ngunru iko rute sa sejati teke surga. ³³Sabab, Rute teke Allah adalah Io sa dolui teke surga dan ngunru wolum hmpah dunia." ³⁴Reo sawada hmpah-Iyo," Tuhan, unruleh kain rute iro senantiasa."³⁵Wada Yesus hmpah reo, "Ukileh rute wolum; ulun sa hawi hmpah-Uki bakoi akan kalau kia, dan ulun sa percaya hmpah-Uki bakoi akan malah kia. ³⁶Kode, Uki haut nyawada hmpahikobahwa sekalipun iko haut nginte Uki,iko tatap bakoi percaya. ³⁷Kahai sa naunru Uma hmpah-Uki akan hawi hmpah-Uki, dan sa hawi hmpah-Uki bakoi akan Uki unur.³⁸Sabab, Uki dolui teke surga bakoi pakai ngulah kabahomen-Ku raerai, melainkan kabahomen Iyo sa ngutus Uki. ³⁹Dan, ituleh kabahomen Iyo sa ngutus Uki: nampan kahai sa haut naunru-Ne hmpah-Ki iro bakoi oeng sa jawoh, kode Uki bangkitkan gi akhir zaman. ⁴⁰Sabab, ituleh kabahomen Uma-Ki, bahwa satiap ulun sa nginte Pea dan percaya hmpah-Iyo kaiuh wolum kekal,dan Uki akan membangkitkan iyo gi akhir zaman."⁴¹Ket iro, papire ulun Yahudi mulai ngarunyuut neo Iyo ket io sawada,"Ukileh rute sa dolui teke surga iro."⁴²Reo sawada,"Bakoikah Iyo itu Yesus, pea Yusuf, sa uma dan umane takam kenal? Nakolo mungkin Io iuh sawada, ' Uki haut dolui teke surga?'"⁴³Yesus nuig reo dan sawada, "Ada ngrunyuut gi padang ikam raerai ⁴⁴Koi erang kaulun pun iuh hawi hmpah-Ki kasawali Uma sa ngutus Uki narikne, dan Uki akan membangkitkanne, gi akhir zaman. ⁴⁵naan ta tulis huang kita kawan nabi: 'Dan, reo kahai naajar ulah Allah.'Satiap ulun sa haut nyonrongoi dan pahajar teke Uma akan hawi hmpah-Ki⁴⁶Haj irobakoi baarati naan ulun sa haut suah nginte Uma, kasawali Iyo sa hawi teke Allah; Iyoleh sa haut nginte Uma. ⁴⁷Uki sawada hmpahiko, 'Sabujurne, satiap ulun sa percaya ngompun wolum kekal,'⁴⁸Ukileh rote wolum. ⁴⁹Nenek moyangko haut kuman manna gi jubut hukot, kode reo mate.⁵⁰ Ituleh rite dolui teke surga, nampan ulun ngokanne dan bakoi mate. ⁵¹ Ukileh rote wolum iro sa haut dolui teke surga. Jakaulunkuman rute itu io akan wolum sa uhangne; dan rute sa akan Kiunru demi pamolum dunia iro adalah tubuh-Ki."⁵²Ulun-ulun Yahudi mulai badebat erai sameh lain, reo sawada, "Nakolo tau Ulun itu ngunru tubuh-Ne pakai na okan?" ⁵³Yesus sawada hmpah reo,"Uki sawada hmpah iko, sabujurne jaka iko bakoi kuman tubuh Pea Murunsia dan minum raya-Ne, iko bakoi ngompun wolum gi huang tonga ko.⁵⁴Satiap ulun sa kuman daging-Ku dan minum raya-Ku ngumpun wolum kekal, dan Uki akan mebangkitkan iyo giakhir zaman. ⁵⁵Sabab. daging-Ku adalah pongokan sa sejati dan raya-Ku adalah minuman sa sejati. ⁵⁶Hie sa kuman daging-Ku dan minum raya-Ku duloi gi huang Uki dan Uki gi huang iyo.⁵⁷Kakala Uma sa wolum ngutus Uki, dan Uki wolum ulah ket Uma, mihie pada io sa ngokan Uki, iyo akan wolum ket Uki. ⁵⁸Ituleh rute sa dolui teke surga, bakoi rute kakala sa haut na okan nenek mayangko dan reo mate, ulun sa kuman rute itu akan wolum sa uhang-uhang ne." ⁵⁹Yesus nywada kahaine itu gi Kapernaum hantek iro ngajar gi Sinagoge wahai panotah nanan Yesus⁶⁰Hantek wahai teke murid-murid nynrongoi hal itu, reo sawada, "Ajaran itu kajut karas. Hie sa sanggup narimene?" ⁶¹Ket kotoe bahwa kawan ponotah-Ne ngarunyuut neo hal iro, Yesus sawada hmpah reo, "Inunkah papaneran-Ku itu ngulah tasinggung?⁶²Amun miiro nakolo jaka iko nginte Pea murunsia ngabai kamulek pah duoi asal-Ne? ⁶³roh Allah sa ngunru wolum, sadang daging bakoi baguna sama sekali. papaneran-papaneran sa Kuwada hmpah iko adalah roh dan waolum.⁶⁴Kode naan papire gi helang iko sa bakoi percaya." Sabab teke awal Yeaua kotoe hie sa bakoi percaya dan hie sa akan menghianati Iyo. ⁶⁵ Yesus sawada "iroleh sababne Uki nyawada hmpahikobahwa koi erang kaulun pun iuh hawi hmpah-ku, kasawali hal iro na karuniakan hmpahiyo ulah Uma."⁶⁶Teke hantek iro, wahai ponotah-Ne mengundur kan diei dan taduh notah Iyo. ⁶⁷Ket iro Yesus sawada hmpah kadua walas murid-Ne, " Inunkah iko sidi tulak?" ⁶⁸Simon Petrus nuing Iyo, "Tuhan, hmpah hiekah kain akan tulak? Iko sa ngompun papaneran pamolum kekal. ⁶⁹Kain haut percaya dan mengenal Iko,bahwa Ikoleh sa Kudus teke Allah."⁷⁰Yesus nuing reo,"Bakoikah Uki raerai sa meli ikam, dua walas ka ulun itu? Biar mihie, salahsatu teke ikam adalah setan." ⁷¹Sa Io maksud adalah Yudas, dan Simon Iskariot,sabab Yudas adalah salah satu teke ka dua walas murid iro, kode io akan menghianati Yesus.

Chapter 7

¹Ukah iro, Yesus malan ngaliling Galilea. Io bakoi hokun malan gi Yudea sabab ulun-ulun Yahudi gi raha bamaksud munu Iyo. ²Ket iro hari raya ulun Yahudi yoiro hari raya Pono Raon, haut rupak.³Ket iro, pulaksanai-pulaksanai Yesus sawada hmpah-Iyo "Tulakleh teke yiitu pah Yudea nampan murid-murid-Ko pada akan nginte gawian-gawian sa Iko ulah. ⁴Sabab, bakoi oeng ulun ngulah inunpun secara sanina jaka io sidi na kenal secara umum. Jaka Ikongulah hal-hal iro tutuileh tonga-Ko hmpah dunnia."⁵Sabab, plaksanai-pulaksanai Yesus raerai pun bakoi percaya hmpah-Iyo. ⁶Yesus sawada hmpah reo,"Waktu-Ku mete tiba waktuko saratang tasadia. ⁷Dunia bakoi iuh muar iko kode dunia muar Uki ket Uki ngunru kasaksian neo dunia, bahwa perbuatan-perbuatanne adalah jahat.⁸Tulakleh ikam pah perayaan iro. Uki mete tulak pah perayaan iro ket waktu-Ku mete tiba." ⁹Ukah nywada mihie Yesis tatap duloi gi Galilea.¹⁰Kode, ukah pulaksanai-pulaksanai-Ne tulak pah perayaan iro Yesus pada tulak pah raha bakoi secara tarang-tarangan, kode secara suni-suni. ¹¹Ulun-ulun Yahudi ngeto Iyo huang perayaan iro, dan sawada, "Gi hawe Iyo?"¹²naan wahai pakakeneh gi padang reo wahai mengenai Iyo. Naan pada sa sawada," Io ulun maasus." Inun pada sa sawada, "Bakoi, Io nyntawang rakyat." ¹³Kode bakoi erangkaulun pun ronu bapaner terus terang mengenai Iyo ket takut hmpah ulun-ulun Yahudi. Yesus ngajar gi Bait Allah¹⁴Hantek perayaan iro magon palus, Yesus masuk pah Bait Allah dan mulai ngajar. ¹⁵Ulun-ulun Yahudi palus heran dan sawada, "Nakolo Ulun itu ngompun pangantoean sa mihie, padahal bakoi pahajar?" ¹⁶Yesus nuing reo dan sawada,"Ajaran-Ku bakoi baasal teke tonga-Ku raerai, kode teke Iyo sa ngutus Uki.¹⁷Jaka ereangkaulun hokun ngulah kabahomen Allah, io akan kotoe ajaran-Ku,inun kah itu baasal teke Allah atawa teke tonga-Ku raerai. ¹⁸Olun sa bapaner teke tongane raerai ngeto tabe pakai tongane raerai, kode ulun sa ngeto tabe pakai Iyo sa ngutusne, io bujur dan bakoi oeng kabakoi bujuren gi huang tongane.¹⁹Bakoikah Musa haut ngunru Hukum Taurst hmpah iko, koi erangkaulun pun teke helangko sa mamatuhi hukum iro? Et inun iko bausaha pakqai munu Uki?" ²⁰Olun wahai iro nuing, Iko kamasukan roh jahat! Hie sa bausah munu-Iko?²¹Yesus sawada hmpah reo, "Uki ekat ngulah erai gawian dan ikam kahai haeran. ²²Musa ngunru iku sunat, sabujurne iro bakoi teke Musa, kode teke nenek moyang dan iko nyunat ulun gi onro sabat.²³ Jaka erengkaulun na sunat gi onro Sabat sehingga Hukum Musa bakoi na langgar, et inun iko sangit hmpah-Uki ket Uki ngulah erangkaulun ware saponune gi onro sabat? ²⁴Ada mahakimi badasar pangintean, melainkan hakimileh anri penghakiman sa bujur ." Uki adalah sang Mesian.²⁵Kamulek, papire ulun sa duloi gi Yerusalem sawada,"Bakoikah Io itu sa hamen reo wunu? ²⁶Kode iteleh Io bapaner secara tarang-tarangan dan reo bakoi naywada inun pun hmpah-Iyo. Mungkinkah kawan pemimpin iro bujur-bujr kotoe bahwa Io adalah Kristus? ²⁷Kode, takam kotoe teke hawe Ulun itu baasal. Sementara iro, hantek Kristus hawi, padahal apabila Kristus hawi koi erangkaulun pun kotoe teke hawe Io baasal."²⁸Ket iro, sementara Yesus ngajar gi Bait Allah, Io nyawada, "Iko memang mengenal Uki dan kotoe teke hawe Uki baasal. Kode, Uki bakoi hawi teke tonga-Ku raerai, kode Iyo sa ngutus Uki adalah bujur, iko bakoi mengenal Iyo, ²⁹kode Uki baasal teke-Ne dan Iyoleh sa haut ngutus Uki."³⁰Balalu, reo bausaha nyama Iyo, kode koi erangkaulun pun iuh nyigul Iyo ket waktu-Ne mete tiba. ³¹Kode,wahai teke ulun-ulun iro percaya hmpah Yesus. Reo sawada,"Apabila Kristus iro hawi, inunkah Io akan ngulah lewi wahai tanda ajaib teke sa haut na ulah Ulun itu?" Pemimpin Yahudi bausaha nyma Yesus ³²Ulun-ulun Farisi nyonrongoi inun sa na paner ulun wahai iro neo Yesus, maka imam-imam kapala da ulun-ulun Farisi nyuyu kawan panjaga Bait Allah pakai nyma Iyo.³³Ket iro, Yesus sawada waktu-Ku sameh-sameh anri iko duloi erang alik kia dan ukah iro, Uki akan tulak hmpah Iyo sa ngutus Uki. ³⁴Iko akan ngeto Uki kode bakoi akan nangkahong-Ku Dan, gi hawe Uki duloi, iko bakoi iuh hawi pah raha,"³⁵Ulun-ulun Yahudi iru sawada erangkaulun pah sa lain, " Pah hawekah Ulun itu tulak pakai takam koimiuh nangkahong Iyo? Inunkah Io akan tulak pah Yahudi sa tasebar gi padang ulun-ulun Yunani, dan nggajar ulun-ulun Yunani? ³⁶Inun maksud papaneran-Ne sa nyawada, 'iko akan ngeto Uki, kode bakoi akan nanghahong-Ku. Dan, gi hawe Uki duloi, iko bakoi iuih hawi pah raha?"' Yesus Bapaner mengenai Roh Barasis³⁷Gi onro terakhir, yoiro papuru perayaan iro, Yesus sokonrong dan sawada,wada-Ne, " Jaka naan malah maasusleh io hawi hmpah-Uki dan minum ³⁸Ulun sa percaya hmpah-Uki, ialah sa nawada Kitab Suci,teke huang tongane akan ngalir aliran ranu wolum."³⁹Hal sa na maksud Yesus adalah Roh, sa akan natarime ulah ulun sa percaya hmpah-Iyo. sabab Roh iro mete na unru et Yesus mete namuliakan. Perdebatan neo Yesus⁴⁰Hantek reo nyonrongoi papaneran iro,papire teke reo sawada, "Ulun itu bujur-bujur erangkaulun Nabi." ⁴¹Ulun sa lain sawada, "Io adalah Kristus." Ulun sa lain kia sawada, Mungkinkah Kristus hawi teke Galilea? ⁴²Bakoikah Kitab Suci nyawada bahwa Kristus baasal teke katurunan Daud dan teke Betlehem ,tumpuk Daud pono duloi?"⁴³Balalau, terjadileh pidaraian gi helang ulun-ulun iro ket Iyo ⁴⁴Papire ulun teke helang reo sidi nyma Yesus kode koi erang kaulun pun nyigul-Ne. kabakoi percayaan Papire Pemimpin Yahudi⁴⁵Ket panjaga Bait Allah iro mulek hmpah imam-imam kapala dan ulun-ulun Farisi,sa nunti hmpah reo, et inun ikam bakoi ngoit Yesus?" ⁴⁶Kawan panjaga Bait Allah iro nuing, "Bakoi erang kaulun pun bapaner kakala Ulun itu!"⁴⁷Ulun-ulun Farisi iro nuing reo, "Anunkah ikam pada haut na santsawang? ⁴⁸Naankah erang kaulun teke helang pemimpin atawa ulun Farisi sa haut percaya hmpah-Iyo? ⁴⁹Kode ulun wahai koi kotoe Hukum Taurat itu adalah takutuk! Pembelaan Nikodemos⁵⁰Kode, naan erang kaulun teke reo,sa pono suah nangkahong Yesus, sawada hmpah reo, ⁵¹" Inunkah Hukim Taurat takam mahakimi erang kaulun samete nasonrongoi hal sa na wadane dan na kontoe hal sa io ulah?" ⁵²Reo nuing inunkah iko pada ulun Galilea. salidiki dan iteleh bahwa bakoi oeng nabi sa hawi teke Galilea." Wawe sa tajama berzina⁵³Kamulek, reo kahai buli pah lowu masing-masing.

Chapter 8

¹Kode Yesus tulak ph Bait Zaitun. ²Pita-pita bujur, Io hawi kia pah Bait Allah dan kahai ulun hawi pah-Iyo.Io maharung dan ngajar reo. ³Balalu ahli-ahli Taurat dan ulun Farisi ngoit erang kaulun wawe sa pahabaan ngulah zina, dan ukah ngimpeh wawe iro sokonrng gi suan-suan,⁴reosawad hmpah Yesus, "Guru, wawe itu tajama hantek rahat berzina ⁵Hukum Taurat Musa marentah takam pakai medak wawe sa masam itu anri watu. Inun pahaba-Ko neo hal itu? ⁶ Reo nywada mihie pakai nyuba Yesus nampan reo ngompun dasar pakai ngampihala Iyo. Kode, Yesus ijuku dan anri kingking-Ne, Io manulis gi tana.⁷Ket reo hulung nunti Iyo, Yesus sokonrong dan sawadahmpah reo, " Ulun sa bakoi ba dosa gi helang ikam hamenleh iyo jari sa pertama medak wawe itu anri watu." ⁸Balalu Yesus ijuku kia dan manulis gi tana.⁹Hantek reo nyonrongoi hal iro, reo mulai tulak erai per erai, mulai teke sa lewi montuo, dan Yesus na tanan earangkaulun tonga, anri wawe inre sa magon sokonrong gi suan-suan. ¹⁰Balalu Yesus sokonrong dan sawada hmpah wawe iro, " Hai wawe pah hawekah reo?Bakoi oeng kah ulun sa nukum iko? ¹¹Tuing wawe iro, Bakoi oeng Tuhan." Uki pun bakoi akan nukum ikoTulakleh, dan mulai tataha, ada ngulah dosa kia." Yesus Mai Dunia¹²Kamulek, Yesus sawada hmpah ulun wahai iro, wada-Ne, "Ukileh mai dunia. Satiap ulun sa notah Uki bakoi akan malan huqang pisirom, kode akan ngompun mai wolum." ¹³Kamulek, ulun-ulun Farisi sawada hmpah Yesus , " Iko basaksi neo tonga-Ko raerai, maka kasaksian-Ko bakoi bujur."¹⁴Yesus nuing reo, wada-Ne, " Seklipun Uki basaksi neo tonga-Ku raerai, kasaksian-Ku adalah bujur ket Uki kotoe teke hawe Uki hawi, dan pah hawe Uki tulak, kode iko bakoi kotoe teke hawe Uki hawi tulak. ¹⁵Iko mahakimi manurut sara kadagingan, sadangkan Uki bakoi mahakimi hie pun. ¹⁶Kode, seandaine pun Uki mahakimi, penghakiman-Ku iro bujur ket Uki bakoi mahakimi eramg kaulun tonga meleinkan baya Uma sa ngutus Uki.¹⁷Bahkan, huang Kitab Taurat tatulis bahwa kasaksian ruo ulun adalah bujur ¹⁸Uki basaksi neo Tonga-Ku raerai dan Uma sa ngutus Uki basaksi neo Uki."¹⁹Maka, reo nunti hmpah-Iyo, "Gi hawekah Uma-Ko?" Yesus nuing, "Iko bakoi mengenal Uki maupun Uma-Ku, jaka iko mengenal Uki,iko pada akan mengenal Uma-Ku." ²⁰Papaneran itu Yesus tahampe gi rupak perbendaharaan hantek Io ngajar gi Bait Allah, kode bakoi oeng erang kaulun pan sa nyamma Iyo ket waktu-Ne mete tiba. Yesus Bapaner neo Uma²¹Balalu, Yesus sawada kia hmpah reo, " Uki sagar nanan ikodan iko neto Uki,kode iko sagar mate huang dosa ku. Pah hawe Uki sagar tulak, iko bakoi i9uh hawi." ²²Kamulek, ulun-ulun Yahudi iro sawada, "Inunkah Io hokun munu tonga ket Io sawada Pah hawe Uki sagar tulak, iko bakoi iuh hawi'?"²³Kode, Yesus sawada hmpah reo, "Iko baasal teke iwa Kode Uki baasal teke obo. Iko baasl teke dunia itu, kode Uki bakoi baasl teke dunia itu. ²⁴Ulah ket iro, Uki nywada hmpahiko bahwa iko sagar mate huang dosako ket jaka iko bakoi percaya hmpah-Uki iko sagar mate huang dosa-dosako."²⁵Balalu, reo nunti hmpah-Iyo,"Hiekah Iko? Yesus nuing reo, "Uki haut nyawadane hmpahiko teke awal mula. ²⁶Naan wahai hal neo iko sa harus Uki wada dan hakimi, kode Io sa ngutus Uki adalah bujur dan inun sa Uki rongoi teke Iyo iroleh sa Uki tahampe hmpah dunia." ²⁷Reo bakui kataru bahwaYesus rahat bapaner hmpah reo neo Uma.²⁸Ulah sabab iro, Yesus sawada, "Hantek iko haut nongkobo Pea Murunsia, hantek iroleh iko sagar kotoe bahwa Uki adalah Iyo dan bahwa bakoi oeng sesuatu pun sa Uki ulahteke tonga-Ku raerai, melainkan Uki nyawada inu sa na ajar Uma hmpah-Uki. ²⁹Dan, Io sa ngutus Uki naan sameh-sameh anri uki, Io bakoi nanan Uki raerai ket Uki saratang ngulah hal-hal sa maasus hmpah-Iyo." ³⁰Sementara Yesus nyawada kahaine iro, wahai ulun percaya hmpah-Iyo.Pea-Pea Abraham dan Pea-Pea Iblis³¹Kamulek, Yesus sawada hmpah ulun-ulun Yahudi sa percaya hmpah-Iyo, " Jaka iko tatap huang firman-Ku, iko bujur-bujur murid-Ku, ³²dan iko sagar kotoe kebenaran, dan kebenaran iro sagar ngampibebas iko." ³³Reo nuing, "Kain adalah katurunan Abraham dan bakoi suah jaqri hamba hie pun. Jari et inun Iko sawada iko sagar bebas?"'³⁴Yesus nuing reo, "Sabujurne, Uki sawada hmpahiko, satiap ulun sa ngulah dosa adalah hamba dosa. ³⁵Erangkaulun hamba bakoi duloi huang erang kaua kaluarga pakai sauhangne, kode erang kaulun duloi pakai sauhangne. ³⁶Jari, apabila Pea ngampibebas iko, iko bujur-bujur bebas.³⁷Uki kotoe bahwa iko adalah katurunan Abraham kode iko sidi munu-Uki ket ajaran-Ku bakoi kahaba duoi gi huang iko ³⁸Uki nyawada neo hal-hal sa haut Uki ite baya Uma-Ku mihie pada iko ngulah hal-hal sa iko rongoi teke umako."³⁹Reo nuing dan sawada hpah-Iyo, "Abraham adalah uma kain."Tuing Yesus, "Jaka iko katuruna Abraham, iko saharusne ngulah inun sa Abraham ulah. ⁴⁰Kode, iko bausaha munu Uki, ulun sa bara pah ikokebenaran, sa Uki rongoi teke Allah. Abraham bakoi ngulah hal iro. ⁴¹Jari iko ekat ngulah inun sa na ulah uma ko raerai," Reo sawada hmpah-Iyo, "Kain bakoi nakayaan teke hasil perzinaan.Kain ngompun erai Uma yoiro Allah."⁴²Yesus sawada hmpah reo, "Jaka Allah Umako iko sagar ngalelu Uki ket Ukihawi dan baasal teke Allah. Dan, uki hawi bakoi bawo kabahomen-Ku raerai, melainkan Iyo sa ngutus Uki. ⁴³Inun sababne iko bakoi kataru inun sa Uki wada? iro ket iko bakoi iuh nyonrongoi firman-Ku. ⁴⁴Iko baasal teke umako, yoiro setan dan iko sidi ngulah kasidien-kasidien uma ko. Iyo adalah pembunuh teke awal mula dan bakoi ngepot gi kebenaran ket bakoi oeng kebenaran gi huang tongane.Jaka io nywada pojo, io nyawadane teke sipatne raerai ket iyo adalah pomojo dan uma pomojo.⁴⁵Kode, ket Uki nyawada kabujuren hmpahiko, iko bakoi harap hmpah-Uki ⁴⁶Hiekah gihelang iko sa iuh menyatakan bahwa Uki badosa? Jaka Uki nyawada kabujuren, et inun iko bakoi harap hmpah-Uki? ⁴⁷Hie pun sa baasal teke Allah, io nyonrongoi firman Allah; iroleh sababne iko bakoi nyonrongoine ket iko bakoi baasal teke Allah."Yesus Bapaner neo tonga-Ne dan Abraham⁴⁸Ulun-ulun Yahudi nuing Yesus dan sawada hmpah-Iyo " Bujur bakoi amun kain nyawada bahwa Iko adalah ulun Samaria dan Iko karasukan roh jahat?" ⁴⁹Yesus nuing, "Uki bakoi karasukan roh jahat, kode Uki mahormati Uma-Ku, kode iko bakoi mahormati Uki.⁵⁰Kode, Uki bakoi kemuliaan bagi tong-Ku raerai;naan Erai sa ngetone dan sa mahakimi. ⁵¹Anri sa bujurne Uki sawada hmpahiko, satiap ulun sa manuruti firman-Ku, io bakoi sagar suah nginte pampate."⁵²Ulun-uln Yahudi iro sawada hmpah Yesus, "Tataha kain kotoe bahwa Iko memang karasukan roh jahat! Sabab, Abraham dan kawan nabi pun haut mate. Kode, Iko sawada, 'Satip ulun sa manuruti firman-Ku, io bakoi sagar suah kaingkam pampate.' ⁵³Inunkah Iko lewi idu teke Abraham, uma kain, sa haut mate? Kawan nabi pada haut mate; anri hiekah Iko sasansameh tonga-Ko?"⁵⁴Yesus nuing, " Jaka Uki memuliakan tonga-Ku raerai, kemuliaan-Ku iro bakoi oeng aratine; Uma-Kuleh sa mrmuliakan Uki, sa neo-Ne iko sawada, Iyo adalah Allah kain."' ⁵⁵Kode, iko bakoi mengenal Iyo, jaka Uki nyawada bahwa Uki bakoi maenenal Iyo, Uki sagar jari pamojo sameh ialah iko, kode Uki mengenal Iyo dan Uki manuruti firman-Ne. ⁵⁶Umako, Abraham, baarai ket io sagar nginte onro-Ku. Io haut ngintene danbaarai."⁵⁷ Balalu, uluun-ulun Yahudi iro sawada hmpah-Iyo, " Umur-Ko ai mete oeng dimompulu taun, kode iko haut nginte Abraham?" ⁵⁸Yesus sawada hmpah reo, "Sabujurne Uki nyawada hmpahiko, samete Abraham naan,Uki haut naan." ⁵⁹Ket iro, reo ngepo watu pakai medak Iyo, kode Yesus nina tonga dan nanan Bait Allah.

Chapter 9

¹Hantek Yesus rahat malan , Io nginte ulun pehe teke kayaanne. ²Murid-murid Yesus nunti hmpah-Iyo, "Guru, hiekah sabadosa, ulun itu atawa ulun muntuone sehingga io nakayaan pehe?"³Yesus nuing, "Bakoi iyo atawa ulun muntuone badosa, melainkan gawian-gawian Allah na nytakan gi huang iyo. ⁴Takam harus ngawi gawian-gawian Iyo sa nguts Uki sauhang onro magun koonro; malom sagar hawi hantek bakoi oeng erang kaulun pun iuh bagawi. ⁵sa uhang Uki gi dunia, Ukileh mai dunia,"⁶Ukah nyawada mihie, Yesus nura pah tana dan ngaduk iwe-Ne anri tana balalu ngosokne gi mato ulun iro, ⁷dan sawada hmpahiyo, "Tulak, uileh tongako gi kolam Siloam." Siloam aratine "nautus'.Balalu, ulun iro tulak mui tongane, dan iyo mulek anri nginte.⁸Kawan tetangga dan reo sametene nginte iyo sebsgai ulun pehe sawada,"Bakoikah ulun itu sa biasane maharung dan mengemis?" ⁹Sebagian ulun sawada "Yo, iyoleh pengemis iro," sa lain sawada, "Bakoi,iyo ekat sarupa anri pengemis iro."Kode, ulun sa inrene pehe iro sawada, "Ukileh pengemis iro."¹⁰Balalu, ulun-ulun iro nunti hmpahiyo, "Nakolo matoko tau na kitop?" ¹¹Ulun iro nuing, "Ulun sa bangaran Yesus ngaduk tana dan ngosokne gi matoku. Kamulek, Io sawada hmpahuki, 'Tulak pah Siloam dan uileh tonga ko', jari uki tulak dan mui tonga,dan uki iuh nginte." ¹²Reo sawada hmpahiyo, "Gi hawekah Ulun iro? Io nuing, " Uki bakoi kotoe."¹³Kamulek, reo sa ngoit ulun sa inrene pehe iro hmpah ulun-ulun Farisi.¹⁴Naanpun onro hantek Yesus ngaduk tana dan ngugah mato ulun iro adalah onro sabat. ¹⁵Maka, ulun-ulun Farisi hinra kia nunti hmpah ulun iro nakolo io kaiuh nginte Io sawada hmpah reo, " Io ngosok adukan tana pah matoku, dan uki mui tonga dan uki kaiuh nginte."¹⁶Ket iro, papire ulun Farisi iro sawada, "Ulun iro bakoi baasal teke Allah ket Io bakoi mamatuhi onro Sabat."sa lain sawada, "Kode, nakolo mungkin ulun sa badosa kaiuh ngulah tanda ajaib itu?" Maka, timulleh pidaraian gi helang reo. ¹⁷Jari, mulek nunti pah ulun pehe iro "Inun pahabako neo Iyo ket Iyo haut ngugah matoko?" Ulun iro nuing, "Io adalah erang kaulun Nabi." ¹⁸Ulun-ulun Yahudi iro tatap bakoi harap hmpahiyo, bahwa ulun iro inrene pehe kode tataha kaiuh ngite, hampe reo mowa ulun muntuo teke ulun sa tataha kaiuh nginte iro,¹⁹dan nunti hmpah reo,"Inunkah itu peako, nakolo io tataha iuh nginte?" ²⁰Ulun muntuone nuing reo dan sawada, "Kain kotoe bahwa iyo pea kain dan bahwa io pehe teke kayaan, ²¹kode nakolo tataha io iuh ngite, kain bakoi kotoe; atawa hie sa haut ngugah matone, kain bakoi kotoe. tunti ai pahiyo, io haut dewasa; io sagar bapaner pakai tonga ne raerai."²²Ulun muntuone nyawada mihie ket reo takut hmpah ulun-ulun Yahudi. Sabab ulun-ulun Yahudi iro haut sapakat, bahwa satiap uilun ngakui Yesus sebsgai Kristus, sagar nakucilkan teke Sinagoge. ²³Iroleh sababne ulun muntuone sawada, "Io haut dewasa, tunti ai hmpahiyo."²⁴Jari, pakai karuo kaline ulun-ulun Yahudi muwa ulun inrene pehe iro, "Unru kemuliaan Allah, kain kotoe bahwa ulun itu badosa." ²⁵ Io nuing, "Inun ulun iro ulun badosa atawa bakoi, uki bakoi kotoe; sametene uki pehe kode tataha uki nginte."²⁶Reo sawada hmpahiyo, "Inun sa na ulah hmpahiko? nakolo Io ngugah matone?" ²⁷Io nuingreo, " Uki haut nyawadane hmpahiko, kode iko bakoi hokun nyonrongoine;et inun iko sidi nyonrongoine kia?Inunkah iko sidi jarimuri-Ne pada?²⁸Maka, reo menghina iyodan sawada, "Ikoleh murid Ulun iro, kode kain adalah murid-murid Musa. ²⁹Kain kotoe bahwa Allah haut bapaner hmpah Musa,kode neo ulun iro, kain bakoi kotoe teke hawe Io baasal!"³⁰Ulun iro nuing dan sawada hmpah reo, "Tuu aneh bahwa iko bakoi kotoe teke hawe Iyo baasal,padahal Iyo haut ngugah matoko. ³¹Takam kotoe bahwa Allah bakoi nyonrongoi ulun ba dosa, kode hie sa takut akan Allah dan ngulah kabahomen-Ne Allah nyonrongoi iyo.³²Teke pono hampe tataha, mete suah na rengei bahwa erang kaulun ngugah mato teke kayaan. ³³Jaka Ulun iro bakoi baasai teke Allah, Iyo bakoi kaiuh ngulah inun-inun."³⁴Ulun-ulun Yahudi iro nuing dan sawada hmpahiyo, "iko kayaan ponu anri dosa,dan iko hokun manggurui kain? Maka, reo ngunur ulun iro.³⁵Yesus nyonrongoi bahwa ulun-ulun Yahudi haut ngunur ulun pehe iro; hantek Yesus kahong anri iyo, Yesus sawada, "Inunkah iko harap hmpah Pea Murunsia?" ³⁶Ulun iro nuing, Hiekah Iyo iro, Tuhan,nampan uki harap hmpah-Iyo?" ³⁷Yesus sawada hmpahiyo, "Iko haut nginte Iyo. Iyo adalah sa rahat bapaner anriiko." ³⁸Ulun iro nuing Tuhan, uki harap! kamulek iyo suntup gihadapan-Ne.³⁹Yesus sawada, "Pakai penghakiman Uki hawi pah dunia itu nampan reo sa bakoi nginte, iuh nginte dan reo sa nginte, jari pehe." ⁴⁰Papire ulun Farisi sa naan di rupak-Iyo nyonrongoi hal iro, dan sawada hmpah-Iyo, "Inunkah kain pada pehe?" ⁴¹Yesus sawada hmpah reo, "Jaka iko pehe iko bakoi ngumpun dosa; kode ket iko sawada, 'Kain ngite', dosako tatap naan."

Chapter 10

¹Yesus sawada, "Anri sabujurne, Uki nywada hmpahiko, ulun sa masuk pah huang kanang babiri bakoi anri metah manamang, melaikan anri ngabai metah lalan lain, ulun iro adalah pangalat dan parampok. ²Kode, ulun sa masuk metah manamang, iyo adalah pakatik babiri.³Bagine, panjaga manamang ngugah manamang, dan babiri-babiri nyonrongoi lenganne, dan iyo mowa babiri-babirine raerai anri ngaran reo baya nganyak reo pah luar. ⁴Ukah ngaluar kahai babirine, io malan gi hadapan reo dan babiri-babirine sagar notah iyo ket reo menal lenganne.⁵Ulun asing bakoi sagar totah. kode reo sagar malempat teke iyoket reo bakoi mengenal lengan ulun-ulun asing." ⁶Parumpamaan iroleh sa na wada Yesus hmpah reo bakoi kataru inun sa wayu ai Yesus wada hmpah reo.⁷Ulun sabab iro, Yesus sawada kia hmpah reo,"Sabujurne, uki sawada hmpahiko, Ukileh manamang pah babiri-babiri iro. ⁸Kahai ulun sa hawi samtete Uki adalah pangalat dan parampok, kode babiri-babiri bakoi nyonrongoi reo.⁹Ukileh manamang.Jaka ulun masuk metah Uki ,io sagar nasalamat, dan sagar kaluar masuk, baya kahong padang rikut. ¹⁰Pangalat hawi pakai ngalat, munu dan membinasakan; Uki hawi nampan reo ngompun wolum,dan ngompun secara ponu.¹¹Ukileh pakatik sa maasus; pakatik sa maasus ngunru nyawa-Ne bagi babiri-babiri. ¹²erangkaulun upaan, bakoi erang kaulun pakatik, sa bakoi ompun babiri-bairi iro, nginte sarigala hawi, io nanan babiri-babiri iro dan malempat; sarigala iro sagar nyaput nampasai babiri-babiri iro. ¹³Io malempat et io erang kaulun upaan dan bakoi paduli pah babiri-babiri iro.¹⁴Ukileh pakatik sa maasus.Uki mengenal babiri-bairi-Ku dan babiri-babiri-Ku mengenal Uki ¹⁵sameh kakala Uma mengenal Uki dan Uki mengnal Uma; dan Uki ngunru nyawa-Ku bagi babiri-babiri iro. ¹⁶Uki pada ngompun babiri-babiri lain sa bakoi teke kanang itu; Uki harus ngoit reo pada, dan reo sagar nyonrongoi lengan-Ku; dan reo sagar jari erai sawayan anri erai pakatik.¹⁷Ket ituleh Uma ngalelu Uki, sabab Uki ngunru nyawa-Ku nampan Uki kaiuh ngepone kamulek. ¹⁸Bakoi erang kaulun pun haut ngepo ne teke-Uki, melainkan Ukileh ngunrune manurut kabahomen-Ku raerai. Uki ngompun hak pakai ngunru nyawa-Ku,dan Uki pada ngompun hak pakai ngepone kamulek. Ituleh parentah sa Uki tarime teke Uma-Ku."¹⁹Hinra kia,naan perpecahan gi helang ulun-ulun Yahudi ket papaneran Yesus iro. ²⁰Wahai teke reo sa sawada, "Io karasukan roh jaha dan palus rapoi. Et inun ikam nyonrongoi Iyo." ²¹Sa lain sawada, "Iro bakoi papaneran erang kaulun sa karasukan roh jahat.Iuhkah roh jahat ngugah mato ulun pehe?" Yesus dan Uma adalah Erai²²Gi tawuk iro, hari raya Penahbisan na tampalus gi Yerusalem. Hantek musim morongin, ²³dan Yesus rahat malan gi Bait Allah, yoiro gi sampatai Salomo. ²⁴Balalu ulun-ulun Yahudi bakumpul ngliling Iyo dan sawada hmpah-Iyo, "Pire uhang kia Iko ngaret Jaka iko Kristus wada babujur hmpah kain."²⁵Yesus nuing reo, " Uki haut nyawadane hmpahiko, kode iko bakoi harap. Gawian-gawian sa Uki ulah huang ngaran Uma-Ku, iroleh sa ngunru kasaksian neo Uki ²⁶Kode, iko bakoi harap ket iko bakoi termasuk babiri-babiri-Ku.²⁷Babiri-babiri-Ku nynrongoi lengan-Ku, Uki mengenal reo dan reo notah Uki. ²⁸Uki ngunru wolum kekal hmpah reo dan reo bakoi sagar suah binasa; dan koi erang kaulun pun nyingau teke longon-Ku.²⁹Uma-Ku, sa haut ngunru reo hmpah-Uki, lewi idu teke kahai, dan bakoi oeng erang kaulun pun iuh nyingau reo teke longon Uma. ³⁰Uki dan Uma adalah erai." ³¹Hinra kia, ulun-ulun Yahudi ngepo watu pakai medak Yesus.³²Kode Yesus sawada hmpah reo, "Uki haut nutui hmpahiko wahai gawian maasus teke Uma, gawian hawekah teke helangne sa ngulah iko hamen medak Uki anri watu?" ³³Ulun-ulun Yahudi iro nuing Iyo, "Bakoi ket suatu gawian maasus kain hamen medak Iko anri watu, melainkanket hujat; danket Iko, sa ekat erang kaulun murunsia, nyanyari tonga-Ko Allah."³⁴Yesus nuing reo, " Bakoikan tatulie huang Kitab Taurat ko, 'Uki haut bafirman, Iko adalah Allah'? ³⁵Jaka Allah ngontuh reo narime firman iro 'allah', padahal Kitab Suci bakoi tau naampibatal, ³⁶inunkah iko nyawada neo Iyo sa haut Uma Kudus kan dan utus pah huang dunia, 'Iko menghujat', ket Uki sawada hmpahiko, 'Uki adalah Pea Allah'?³⁷Jaka Uki bakoi ngulah gawian-gawianUma-Ku,ada harap hmpah-Uki ³⁸Kode jaka Uki ngulah gawian-gawian iro meskipun iko bakoi harap hmpah-uki, harapleh kawan gawian-gawian iro nampan iko kotoe dan kataru bahwa Uma gi huang Uki, dan Uki gi huang Uma." ³⁹Hinra kia, reo mansuba nyama Yesus, kode Io lolos teke reo.⁴⁰Balalu, Yesus tulak kia nyabarang sunge Yordan nuju pah duoi Yohanes pertama kali mambaptis pono dan Yesus duloi gi raha.⁴¹Wahai oulun hawi hmpah-Iyo dan sawada, " Meskipun Tohanes bakoi ngulah erai tanda ajaib pun, kode kahai sa nawada Yohanes neo Ulun itu tuu." ⁴²Dan, wahai ulun palus harap hmpah-Iyo gi raha.

Chapter 11

¹Naan erang kaulun upo sa rahat sakit ngaranne Lasarus teke Betenia, tumpuk Maria dan pulaksanai wawene, Maria. ²Maria ituleh wawe sa suah maminyaki poo Yesus anri minyak wangi dan muhut ne anri wulune, sa pulaksanai upone, Lasarushantek iro sakit.³Sabab iro, karuo pulaksanai itu ngirim kabar hpah-iyo sa sawada, "Tuhan, ulun sa Iko kalelu rahat sakit." ⁴Kode, hantek Yesus nynrongoi kabar iro, Io sawada, "Panyakit iro bakoi sagar tau ngulah pampate kode sagar menyatakan kemuliaan Allah nampan Pea Allah na muliakan metahiyo."⁵Yesus memang ngalelu Marta, dan pulaksanai wawene, dan Lasarus. ⁶Jari hantek Yesus nyonromgoi bahwa Lasaru sakit, Io sangaja duloi ruo onro kia gi duoi Io duloi. ⁷Ukahiro Yesus sawada hmpah murid-murid-Ne, "Hayu takam tulak kia pah Yudea."⁸Kawan murid sawada hmpah-Iyo, "Guru ulun-ulun Yahudi mete uhng itu bausaha medak Iko anri watu, inunkah Iko tatap sagar pah raha kia?" ⁹Yesus nuing, "Bakoikah naan 12 jam huang erang onro? Jaka naan ulun malan koonro, io bakoi kqatapian ket io nginte mai dunia.¹⁰Kode, jaka ulun malan koonro, io katapian ket mai iro bakoi oeng giiyo." ¹¹Ukah Yesus sawada mihie, Io sawada hmpah reo, "Iyang takam, Lasarus, haut surui, kode Uki sagar tulak pakai ngabuan iyo."¹²Murid-murid-Ne, sawada hmpah-Iyo, "Tuhan,jaka io haut surui io sagar ware." ¹³Yesus sabujurne bapaner neo pampate Lasarus, kode murid-murid ngakira Iyo bapaner neo surui huang aratine istirahat. ¹⁴Ket iro,Yesus kamulek sawada anri terus terang hmpah reo, "Lasarus haut mate,¹⁵

¹⁶Kamulek Tomas sa na ontuh Didimus, sawada hmpah murid-murid sa lain, "hayu takam pada tulak nampan takam iuh mate baya-Iyo."¹⁷Hantek Yesus tiba, Io kahaba Lasarus haut naan gi huang polowong sa uhang opat onro. ¹⁸naan pun Betenia ta impeh lima walas stdia orone teke Yerusalem. ¹⁹Wahai ulun Yahudi haut hawi nangkahong Maria dan Marta, pakai ngarariu reo bakaitan anri pulaksanaine iro. ²⁰Hantek nynrongoi bahwa Yesus haut hawi, Marta tulak dan nyamut-Ne, kode Marta tatap duloi gi lowu.²¹Marta sawada hmpah Yesus, "Tuhan seandaine Iko naan gi yiitu, pulaksanaiku pasti bakoi sagar mate. ²²Kode, tataha itu uki kotoe bahwa inun pun sa Iko laku teke Allah, Allah sagar ngunrune hmpah-Iko.' ²³Yesus sawada hmpahiyo, "Pulaksanaimo sagar bangkit."²⁴Marta nuing Iyo, "Uki kotoe sagar bangkit gi onro kebangkitan gi akhir zaman."²⁵Yesus sawada hmpahiyo. "Ukileh kebangkitan dan pamolum; hie pun sa harap hmpah-Uki io sagar wolum walau pun io haut mate, ²⁶dansatiap sa wolum dan harap hmpah-Uki bakoi sagar mate. Inunkah iko harap pah hal itu?"²⁷Marta sawada hmpah-Iyo, "Yo Tuhan, uki harap bahwa Ikoleh Kristus, Pea Allah, sa hawi pah dunia. "Yesus Onsoyar ²⁸Ukah nyawada hal iro, Marta tulak mowa Maria, pulaksanaine dan sawada secara pribadi, "Gurunaan gi yiitu dan Io mowaiko." ²⁹Nyonrongoi hal iro Maria batareje soknrong dan nangkahong Yesus.³⁰Hantek iro, Yesus mete hampe pah desa iro, kode magon gi duoi Marta nangkahong-Iyo. ³¹Ulun-ulun Yahudi sa baya Maria gi lowu iro,sa rahat ngarariu iyo, nginte Maria batareje bangkit dan tlak pah luar; reo notah iyo ket ngakira io sagar tulak pah lowong pakai onsoyar gi raha.³²Hantek Maria hampe pah duoi Yesus duloi, io nginte Yesus ilansar gi poo-Ne palus sawada hmpah-Iyo, "Tuhan, seandaine Iko naan gi yiitu tawuk iro, pulaksanaiku bakoi sagar mate."³³Hantek Yesus nginte Maria onsoyar, dan ulun-ulun Yahudi sa bayaiyo pada baya onsoyar, nynrongoi Yesus huang Roh dan tamam tagangu. ³⁴Yesus nuntine Gi hawe Lasarus iko lowong? Reo nuing Iyo, "Tuhan, hayu baya iteleh." ³⁵Yesus pun onsoyar.³⁶Maka, ulun-ulun Yahudi sawada, "Iteleh! Miiro Io tamam ngalelu Lasarus! ³⁷Kode papire kaulun gi helang reo sawada, "Bakoi taukah Io sa haut ngugah mato ulun pehe itu pada ngulah Lasarus bakoi mate?" Lasarus na bangkitkan teke pampate³⁸Yesus, sa hinra kia mengerang huang tonga-Ne, tulak pah polowong. Polowong iro adalah erang kaua gua dan erang kaua watu na impeh nutupne. ³⁹Yesus sawada, "Geser watu iro! Marta pulaksanai ulun nanan iro,sawada hmpah-Iyo, "Tuhan, tataha pasti naan ewo layun ket iyo haut nanan sauhang opat onro." ( 4 hari.) ⁴⁰Yesus nuing iyo, "Bakoikah uki haut nyawada hmpahiko bahwa jaka iko harap, iko sagar nginte kemuliaan Allah?"⁴¹Jari, reo ngengkat watu iro. kamulek, Yesus mihangut dan sawada, "Uma Uki basyukur hmpah-Iko ket Iko haut nyonrongoi Uki. ⁴²Uki kotoe bahwa Iko saratang nyonrongoi Uki, kode ket ulun-ulun sa sokonrong ngaliling-Uki, Uki nyawada hal iro nampan reo harap bahwa Ikoleh sa haut ngutus Uki."⁴³Ukah nyawada iro, Yesus nyawada anri lengan royoh, Lasarus, kaluarleh! ⁴⁴Ulun sa haut mate iro kaluar, longon dan poo ne magon tasuruk kafan, dan waene magon tatutup kai kafan. Yesus sawada hmpah reo, "Lqapaqs kain-kain iro tekeiyo dan ikeh io tulak!" Rancana pakai munu Yesus⁴⁵Ulun-ulun Yahudi sa hawi dilang Maria, dan nginte inun sa Yesus ulah, palus harap hmpah-Iyo ⁴⁶Kode papire teke reo dilang ulun-ulun Farisi dan bara reo inun sa haut na ulah Yesus.⁴⁷ Maka, imam-imam kapala dan ulun -ulun Farisi nyawada pertemuan Sanhedrin dan sawada, Inun sa sagar takam ulah! Sabab, Ulun itu ngulah wahai tanda ajaib. ⁴⁸Jaka takam ngaret Iyo tarus ialah itu,kahai ulun sagar harap hmpah-Iyo dan ulun-ulun Roma sagar hawi nanrampas duoi itu dan bangsa takam."⁴⁹Kode, erang kaulun teke reo baya Kayafas, sa jari imam idu gi taun iro, sawada hmpah reo, "Ikam bakoi kotoe inun-inun, ⁵⁰atawa mempertimbangkan bahwa lewi maasus erangkaulun mate pakai kahai bangsa teke kahai bangsa binasa."⁵¹Io bakoi nyawada ne teke tongane raerai, kode sebagai imam Idu taun itu, io bernubuat bahwa Yesus sagar mate pakai bangsa iro. ⁵²Dan bakoi ekat pakai bangsa Yahudi ai, melainkan pada pakai ngumpul jari erai pea-pea Allah sa taidu. ⁵³Maka teke onro iro,reo sapakat pakai munu Yesus.⁵⁴Ket iro, Yesus bakoi kia malan secara tarang-tarangan gi helang ulun Yahudi, kode Io tulak teke raha pah wilayah rupak jubut hukot pah erang kaua kota ba ngaran Efraim; dan Io duloi bi raha baya murid-murid-Ne. ⁵⁵Hantek iro, Paskah ulun Yahudi haut rupak, dan wahai ulun teke wilayah iro tulak pah Yerusalem samete Paskah pakai menyucikan tonga reo.⁵⁶Balalu, reo ngeto Yesus dan bapaner erai hmpah sa lain sementara reo sokonrong gi huang bait Allah, reo saling ipanunti, "Nakolo manurutko? Inunkah Io sama sekali bakoi sagar hawi pah perayaan itu!" ⁵⁷Naan pun imam-imam kapala dan ulun-ulun Farisi haut ngaluar parentah bahwa jaka erangkaulun kotoe gi hawe Io duloi, ulun iro harus malaporne nampan reo kaiuh nyama-Ne.

Chapter 12

¹Onom onro samete Hari Raya Paskah Yesus tulak pah Betenia, duoi duloi Lasarus, sa haut Io bangkitkan teke pampate. ²Gi raha, haut na persiap jamuan kuman kamalom pakai Yesus; dan Marta rahat malayani, kude Lasarus adalah salah satu teke reo sa maharung gi meje baya Yesus. ³Kamulek, Maria ngepo setenga kati minyk narwastu murni sa bangat rarang, balalu maminyaki poo Yesus dan nangkaringne anri wulune Maka, lowu iro na tamponu anri ewo harum minyak wangi ta ontuh.⁴Kode, Yudas Iskariot salah seorang murid-Ne, sa sagar menghianati Iyo, sawada, ⁵Nakolo minyak wangi iro bakoi na ari ai sajuman tolu jatuh dinar dan na unru pah ulun-ulun paua?" ⁶Io nyawada mihie bakoi ket io padulu hmpah ulun paua, melainkan ket io adalah erang kaulun pangalat, dan ket io ngoit kutak duit, io biasa ngepo duit sa nasui pah huang kutak iro.⁷Balalu, Yesus nuing, "Ikehleh wawe iro, io ngulahne sebagai persiapan polowongan-Ku.⁸Sabab, ulun paua saratang naan bayaiko, kode Uki bakoi saratang naan bayaiko." kawan imam kapala Sidi Munu Lasarus⁹Hantek sajumlah idu ulun Yahudi nyonrongoi bahwa Yesau naan gi Betenia, reo tulak pah raha, bakoi ekat ket Yesus, meleinkan pada ket sidi nginte Lasarus na bangkit kan teke pampate. ¹⁰Balalu imam-imam kapala barancana pakai munu Lasarus pada. ¹¹Ket Lasarus ulun Yahudi nanan reo danharap hmpah Yesus. Yesus masuk pah Kota Yerusalem kakala Raja¹²pa onro pitaninne, ulun wahai mahadiri pesta iro, hantek nyonrongoi bahwa Yesus sagar hawi pah Yerusalem, ¹³reo ngepo raon-raon palem dan tulak pah luar pakai nyamut Iyo dan mulai nyawada, "Hosana! Naberkatileh Iyo sa hawi huang ngaran Tuhan, Raja Israel!"¹⁴ Ukah kahaba keledai muda, Yesus maharung gi bawone kakala sa tatulis: ¹⁵"Ada takut hai putri Sion! Iteleh! Rajako hawi, maharung gi bawo erang kaukui keledai muda."¹⁶Awalne, murid-murid-Ne bakoi kataru kahai hal iro, kode hantek Yesus na muliakan, reo kamulek kataru bahwa kahai iro haut na tulis neo Iyo, dan bahwa reo haut ngulah hal iro paki Iyo Ulun wahai bapaner neo Yesus¹⁷Jari,ulun-ulun bayaYesus hantek Io mowa Lasarus kaluar teke lowong dan membangkitkan iyo teke pampate palus basaksi. ¹⁸Ulah sabab iro, wahai ulun nyamut Yesus ket reo nyonrongoi bahwa Iyoleh sa haut ngulah mukjizat iro. ¹⁹Makqa ulun-ulun Farisi sawada erai sameh lain, "Iko ite, inun satakam rancana bakoi bahasil. Iteleh, kahai dunia haut notah Iyo!" Yesus bapaner Neopamolum dan pampate²⁰Gi hantek iro, naan pada ulun Ynani gi helang reo sa tulak pakai baibadah gi pearayaan iro. ²¹Reo nangkahong Filipus, sa baasal tek Betsaida gi Galilea, dan sawada hmpahiyo, "Tuan, kain sidi kahong an ri Yesus!" ²²Filipus tulak dan bara Andreas dan Filipus tulak bara pah Yesus.²³Yesus nuing reo, "waktune haut tiba bagi Pea Murunsia pakai namuliakan ²⁴Anri sabujurne, Uki nyawada hmpahiko, kasawali liki gandum lawu pah tana dan mate, liki iro tatap erai ai; kode jaka liki iromate, mahasil wahai ua.²⁵Ulun sa mencintai nyawane sagar kajawohan nyawane, kode ulun sa mencitai nyawane gi dunia itu, sagar malihara pakai wolum kekal. ²⁶Jaka erang kaulun malayani Uki, io harus notah Uki; gi hawe Uki duloi; jaka erang kaulun malayani Uki, Uma sagar mahormati iyo."Yesus Bapaner neo Pampate-Ne²⁷Tataha, jiwa-Ku gelisah Inun sa sagar Kuwada? 'Uma, salamatkan leh Uki teke hantek itu? Kode, pakai tujuan ituleh Uki hawi hantek itu. ²⁸Uma muliakanleh ngaran-Ko!" Balalu, taromgoileh lengan teke surga, "Uki haut memuliakan ngaran-Ku dan Uki sagar memuliakanne kia." ²⁹Ulun wahai sa sokonrong gi yiiro dan nyonrongoine bahwa iro lengan ampeng, kode sa lain sawada, "Erang kaulun malaikat haut bapaner hmpah-Iyo!"³⁰Yesus nuing dan sawada, "Lengan iro tarongoi bakoi pakai kepentingan-Ku melainkan pakai kepentingnko. ³¹Tatahaleh penghakiman bagi duniaitu, tatahaleh panguasa dunia sagar na unur.³²Dan,jaka Uki natangkobo teke dunia itu, Uki sagar narik kahai ulun hmpah-Uki."³³Yesus nyawada hal iro pakai nutui anri pampate kakala inun Io sagar mate.³⁴Ulun wahai iro nuing Iyo, "Kain haut nyonrongoi teke Hukum Taurat bahwa Kristus sagar tatap duloi sa uhang-uhang ne; nakolo mungkin Iko sawada, 'Pea Murunsia iro harus naqtangkobo?' Hiekah Pea Murunsia iro?" ³⁵Yesus nuing reo, "Duloi erangalik kia Mai iro naan bayaiko. Malanleh sakia mai iro magon naan nampan pisirom bakoi sagar menguasaiiko; sabab ulun sa malan gi huang pisirom bakoi kotoe pah io tulak. ³⁶Hantek iko ngompun Mal iro, Harapleh pah mai iro nampan iko jari pea-pea mai." Ukah n7yawada mihie, Yesus tulak nina tonga teke reo.Papire ulun Yahudi bakoi harap hmpah Yesus³⁷Meskipun Yesus haut ngulah wahai tanda ajaib gi muka reo, reo tatap bakoi harap hmpah-Iyo ³⁸nampan ganapleh papaneran sa na tahampe uleh Nabi Yesaya, "Tuhan , hiekah saharap hmpah pemberitaan kain? Dan hmpah hiekah longon Tuhan na nyataka?"³⁹Iroleh sababne, reo bakoi iuh harap ket Yesaya pada sawada, ⁴⁰"Io haut nangkape ate reo, nampan reo ada nginte anri mato reo dan memahami anri mato reo, balalu iwaleng sehingga Uki nyamare reo."⁴¹Yesaya nyawada kahai itu ket io haut nginte kemuliaan Yesus dan io bapaner mengenai Iyo. ⁴²Meskipun mihie, wahai pada kawan pemimpin sa harap hmpah Yesus, kode ket takut hmpah ulun-ulun Farisi, reo bakoi nyawada ne tarus terang ket takut sagar na kucikan teke Sinagoge. ⁴³Sabab, reo lewi sidi narime kemuliaan teke murunsia teke kemuliaan teke Allah. Ajaran Yesus sagar Mahakimi Murunsia⁴⁴Kamulek, Yesus sawada wadaa-Ne, "Satiap ulun sa harap hmpah-Uki, bakoi harap hmpah-Uki melainkan hmpah Iyo sa ngutus Uki. ⁴⁵Dan satiap ulun sa haut nginte Uki, haut ngite Iyo sa ngutus Uki.⁴⁶Uki haut hawi sebagai mai pah dunia itu, nampan satiap ulun sa harap hmpah-Uki bakoi duloi huang pisirom. ⁴⁷Jaka erang kaulun nyonrongoi papaneran-Uki, kode io manuruti Uki bakoi mahakimi iyo; sabab Uki hawi bakoi pakai mahakimi dunia, meleinkan pakai nyalamst dunia.⁴⁸Hie sa manolak Uki dan bakoi narime papaneran-Uki, maka firman sa Uki wada sagar mahakimi iyo gi akhir zaman. ⁴⁹Ket Uki bako bapaner bawo kabahomen-Uki melainkan Uma sa ngutus Uki ngunru-Uki parentah bawo inun sa harus Uki wada dan Uki paner. ⁵⁰Dan, Uki kotoe bahwa parentah-Ne adalah wolum kekal. Sabab iro, hal sa Uki tahampe, Uki tahampe kakala sa nawada Uma hmpah-Uki."

Chapter 13

¹Samete Hari Raya Paskah, Yesus kotoe bahwa wayah-Ne haut tiba bahwa Io sagar nanan dunia itu hmpah Umaukah ngalelu ompun-Ne raerai gi dunia, Io ngalelu reo hampe ahir.²Sauhang kuman kamalom natampalus,setan haut masuk huang ate Yudas Iskariot, pea Simon pakai menghianati Yesus.³Yesus, hantek kotoe bahwa Uma haut nyarah segala sesuatu pah huang longon-Ne, dan bahwa Iyo hawi teke Allah, dan sagar mulek hmpah Allah, ⁴Io sokonrong teke jamuan kuman kamalomdannapqas jubah-Ne, palus ngepo kain linen dan nyurukne pah towing-Ne. ⁵Kamulek Io nyui ranu pah huang erang kaua baskom dan mulai mui poo muri-murid-Ne palus nangkaring poo reo sa tasuruk gi towing-Ne.⁶Balalu, Io hampe hmpah Simon Petrus dan io sawada hmpah Yesus, "Tuhan Iko mui poo-Ku? ⁷Yesus nuing dan sawada hmpahiyo, "Inun sa Uki ulah, iko bakoi memahamine tataha kode tahane iko sagar kataru." ⁸Petrus sawada, "Iko bakoi sagar suah mui poo ku!" Yesus nuing, "jaka Uki bakoi muiiko ikobakoi kaiuh bagian gi huang Uki." ⁹Simon Petrus sawada hmpah-Iyo,"Amun miiro Tuhan ada ekat pooku ai, kode pada longon dan ulokku."¹⁰Yesus sawada hmpahiyo, "Ulun sa haut mondrus ekat perlu nyuhu poone,kode haut barasis kahaine. Iko haut barasis, kode bakoi teke kahaine barasis." ¹¹ Ket Yesus kotoe hie sa sagar menghianati Iyo, iro sabab ne Io sawada, bakoi kahai tekeikam barasis."¹² Jari, ukah Yesus luput mui poo murid-murid-Ne, dan nyui kamulek jubah-Ne,dan mulek pah duoi-Ne Io sawada hmpah reo, "Inunkah ikam kataru inun sa Uki ulah hmpah ikam? ¹³Ikam ngontuh Uki Guru dan pada Tuhan. iro uah ket Uki memang Guru dan Tuhan. ¹⁴Jaka Uki, sa adalah Tuhan dan Guruko, haut mui pooko, iko pun harus mangkawui pooko.¹⁵Sabab, Uki haut ngunru suntu hmpahiko nampan iko pada ngulah kakala Uki ulah hmpahiko.¹⁶Anri sabujurne, Uki nyawada hmpah iko, erang kaulun hamba bakoi lewi idu teke tuanne, atawa erang kaulun utusan bakoi lewi idu teke ulun sa ngutusne.¹⁷Jaka iko haut kotoe kahaine itu, iko na berkati jaka iko ngulahne. ¹⁸Uki bakoi bpaner mengenai ikam kahai. Uki kottoe hie ai sa haut Uki peli, kode nas itu harus na ganapi, 'Ulun sa kuman rute-Ku haut ngengkat tungkane tahadap Uki.'¹⁹Uki bara tataha, samete hal iro terjadi nampan hantek hal iro terjadi, iko sagar harap bahwa Uki leh aiyo. ²⁰Anri sabujurne, Uki nyawada hmpah iko, satiap ulun sa narime ulun sa kuutus, narime Uki dan ulun sa narime Uki." Yesus bara Hie sa sagar menghianati Uki²¹Ukah Yesus sawada mihie, Io naampigelisah huang Roh dan basaksi,"Sabujur-bujurne Uki nyawada hmpahiko, naan erang kaulun teke ikam sagar menghianati Uki."²²murid-murid saling mangka ite erang kaulun hmpah sa lain dan palus bingung mengenai hie sa Iyo paner.²³Salah seorang murid-Ne maharung basunri gi dada Yesus. Iyoleh murid sa paling na kalelu Yesus. ²⁴Kamulek, Simon Petrus ngunru isarat hmpahiyo pakai nunti hmpah Yesus neo hie sa Io maksud. ²⁵Jari, murid sa basonri gi dada Yesus iro nunti hmpah-Iyo "Tuhan, hiekah ulun iro?"²⁶Yesus nuing, Ulun iro adalah iyo sa hmpahiyo Uki ngunru totokan rute itu ukah Ukinyosopne." Balalu ukah nyosop totokan rute iro Yesus ngunrune hmpah Ydas pea Ydas Iskariot. ²⁷Dan ukah Ydas narime totokan rute iro,Iblis marasukine, "Inun sa sagar iko gawi ulahleh wqawansit!"²⁸Bakoi erang kaulun pun teke reo sa rahat kuman iro kataru et inun Yesus nyawada mihie hmpah Yudas. ²⁹Papire teke reo manyangka ket Yudas lah sa ngepot kutak duit sehingga Yesus sawada hmpahiyo, "Wolileh hal-hal sa sa takam butuhkan pakai perayaan,"atawa nampan io ngunru sesuatuhmpah ulun paua. ³⁰Jari ukah narime totokan rute, Yudas tulak pah luar hantek iro pada; dan hantek iro haut kamalom. Yesus Bapaner neo Pampate-Ne³¹Ukah Yudas tulak, Yesus sawada, "Tatahalah wayahne Pea Murunsia namuliakan dan Allah napermuliakan metah Iyo ³² Jaka Allah napermuliakan Iyo gi huang Iyo,Allah pada sagar memuliakan Iyo gi huang tonga-Ne, dan sagar memuliakan Iyo anri hinang. ³³Pea-pea-Ku, Uki naan baya iko ekat erang alik kia. Iko sagar ngeto Uki, dan kakala sa haut na wada hmpah ulun-ulun Yahudi, tataha Uki wada pada hmpahiko, Pah hawe Uki tilak, iko bakoi iuhhawi.'³⁴Erai parentah wayu Uki unru hmpahiko, yoiro nampan iko saling mangkakalelu. ³⁵Anri miiro kahai olun sagar kotoe bahwa ikoadalah muridmurid-Ku yoiro jaka iko saling mangkakalelu."Pngitungen Yesus hmpah Petrus³⁶Simon Petrus nunti hmpah Yesus, "Tuhan,pah hawe kah Iko sagar tulak?" Yesus nuing iyo, "Pah hawe Uki tulak, iko bakoi iuh notah Uki tataha, kode tahane iko sagar notah Uki." ³⁷Petrus nunti hmpah-Iyo, "Tuhan,et inu uki bakoi iuh notah Iko tataha? Uki sagar manyarah nyawaku demi Iko." ³⁸Yesus nuing, Iko sagar manyarah nyawako bagi-Ku?Anri sabujurne Uki nyawada hmpahiko, manu sagar nangkuruut samete iko manyangkal Uki tolu kali."( 3 kali )."

Chapter 14

¹"Ada leh ate ko palus gelisah; haraplae hmpah Allah, harapleh hmpah-Uki. ²Gilowu Uma-Ku naan wahai duoi duloi; jaka bakoi mihie, Uki tantu haut nyawadane hmpahikokrt Uki tulak erang kaua duoi bagiko. ³Dan , jaka Uki tulak dan nyadia erang kaua duoi bagiko, Uki sagar hawi kamulek dan ngoitiko hmpah-Uki nampan gihawe Uki duloi, iko pun duloi.⁴Dan, iko kotoe lalan pah duoi Uki tulak." ⁵Balalu Tomas sawada hmpah-Iyo, "Tuhan, kain bakoi kotoe pah hawer Iko tulak, nakolo kain kotoe lalan iro?" ⁶Yesus sawada hmpahiyo, "Ukileh lalan dan kebenaran, dan pamolum. Bakoi oeng erang kaulun pun sa hawi hmpah Uma, amun bakoi metah Uki. ⁷Jaka iko haut mengenal Uki, iko pada haut mengenal Uma-Ku; mulai tataha, iko haut mengenal Uma dan haut nginte Iyo."⁸Filipus sawada hmpahiyo, "Tuhan, utileh Uma iro hmpah kain, dan iro haut sukup bagi kain." ⁹Yesus nuing iyo, "Filipus, haut sakian uhang Uki sameh-smeh iko, dan iko magon mete mengenal Uki?Barang siapa haut nginte Uki, io haut nginte Uma, nakolo iko tau sawada, 'Tutileh Uma iro hmpah kain?'¹⁰Inunkah iko harap bahwa Uki gi huang Uma dan Uma gi huang uki? papaneran-papaneran sa Uki wada hmpah iko, Uki nyawadane teke tonga-Ku raerai, kode Uma sa duloi gi huang Ukileh sa ngulah gawian-Ne. ¹¹Harapleh hmpah Uki, bahwa Uma gi huang Uki dan Uki gi huang Uma; atawa sabakoine, harapleh ket gawian-gawian iro raerai.¹²Anri sabujur ne, Uki nyawada hmpahiko,satiap ulun sa harap hmpah-Uki, gawian-gawian sa Uki ulah, iyo pada sagar ngulahne; dan gawian-gawian sa lewi idu teke teke kahai itu ket Uki tulak hmpah Uma. ¹³Inunpun sa iko laku huang ngaran-Ku iro sagar Uki ulah nampan Uma na muliakan gi huang Pea. ¹⁴jaka iko ilaku inun pun hmpah-Uki huang ngaran-Ku,Uki sagar ngulahne. Janyi neo oh Kudus¹⁵"Jaka ikongalelu Uki, iko sagar manuruti kahai parentah-Ku. ¹⁶Uki sagar ilaku hmpah Uma, dan Io sagar ngunru hmpahiko pangawat sa lain, nampan Io bayaiko sauhangne, ¹⁷YoiroRoh kebenaran, sabakoi iuh na tarime dunia, ket dunia bakoi nginte Iyo atawa mengenal Iyokode iko mengnal Iyo ket io duloi bayaiko dan sagar naangi huangko.¹⁸Uki bakoi sagar nanan iko kakala yatim piatu; Uki sagar hawi hmpahiko. ¹⁹Bakoi uhang kia. dunia bakoi sagar nginte Uki kia kode iko sagar nginte Uki; ket Uki wolum, iko pun sagar wolum. ²⁰Gi onro iro, iko sagar kotoe bahwa Uki gi huang Uma-Ku, dan iko gi huang Uki, dan Uki gi huang iko.²¹Hiepun sangepot parentah-Ku dan ngulahne dan ngalelu Uki; dan ulun sangalelu Uki sagar na kalelu ulah Uma-Ku, dan Uki sagar ngalelu iyo dan sagar menyatakan tong-Ku hmpahiyo." ²²Yudas, sa bakoi Iskariot, sawada hmpah-Iyo, " Tuhan, nakolo Iko sagar menyatakan tonga-Ko hmpah kain bakoi hmpah dunia?"²³Yesus nuing dan sawada hmpahiyo, "Jaka erang kaulun ngalelu Uki, io sagar manuruti firman-Ku; dan Uma-Ku sagar ngalelu iyo, dan kain sagar hawi hmpahiyo dan duloi bayaiyo. ²⁴ Kode, ulun sa bakoi ngalelu Uki, bakoi manurutri firman-Ku Dan, firman sa iko rongoi iro bakoi teke-Uki, melainkan teke Uma sa ngutus Uki.²⁵Kahai hal itu haut Uki wada hmpahiko sa uhang Uki magon bayaiko ²⁶Kode, pangarawah iro, yoiro Roh Kudus, sa sagar Uma utus huang naran-Ku, Iyo ngajar segala sesuatu hmpahiko, dan sagar ngitung ikogi kahai sa haut kuwada hmpahiko. ²⁷Damai sejshtera Uki tanan bayaiko; damai sejahtera-Ku Uki unru hmpahiko, bakoi kakala sadunia unru sa Uki unru hmpahiko. Ada ngaret ateko gelisah atawa gentar.²⁸Iko haut nyonrongoi bahwa Uki sawada hmpah-Iko, 'Uki sagar tulak, dan Uki sagar hawi kia hmpahiko.' Jaka Uki ngalelu Uki iko sagar baarai ket Uki tulak hmpah Uma, sabab Uma lewi idu teke Uki. ²⁹Uki haut bara tataha samete hal iro terjadi nampan hantek hal iro terjadi, iko sagar harap.³⁰Uki bakoi sagar bapaner lewi waha kia anriikoket panguasa dunia itu rahat hawi Io bakoi bakuasa henaodikpun bawo-Uki. ³¹Kode nampan dunia kotoe bahwa Uki ngalelu Uma, Uki ngulah uah kakala sa Uma parentah hmpah-Uki. Buanleh, hayu takam tulak teke yiitu."

Chapter 15

¹Yesus sawada, "Ukileh pokok anggur sa sejati dan Uma-Kulah pengusahane ²Satia jangkeng pah-Uki sa bakoi baua, na umpe-Ne dan satiap jangkeng sa baua nabarasis-Ne, nampan jangkeng iru baua lewi wahai.³Iko memang haut na barasis ket fiman sa haut Ukiwada hmpahiko. ⁴Tananleh gi huang Uki da Uki gi huang iko sameh kakala jangkeng bakoi iuh baua teke tongne raerai, kasawali io duloi gi pokok anggur, mihie pada iko baqkoi ba ua, kasawali iko duloi gi huang Uki.⁵Ukileh pokok anggur dan ikoleh jangkeng-jangkengne. Satiap ulun sa duloi gi huang Uki dan Uki gi huang iyo, io sagar baua wahai ket tapisah teke-Uki, iko bakoi iuh ngulah inun-inun. ⁶Jaka erang kaulun bakoi duloi gi huang Uki, io sagar na umpe kakala jangkeng palus karing; danulun ngumpul dan medakne pah huang apui, na tutung. ⁷Jaka iko tatap duloi gi huang Uki dan papaneran-Ku duloi gi huang iko, lakuleh inun ai sa iko sidi dan iro sagar nakabulkan bagiko.⁸Uma-Ku sagar namuliakan anri hal itu, yoiro jaka iko baua wahai dan anri mihie, iko adalah murid-murid-Ku."Parentah Yesus pakai saling mangkakalelu ⁹"Kakala Uma haut ngalelu Uki,mihieleh Uki haut ngaleluiko; tatap leh huang kasih-Ku.¹⁰Jaka iko manaati parentah-Ku, iko sagar duloi huang kasih-Ku sameh kakala Uki haut manaati parentah Uma dan duloi huang kasih-Ne. ¹¹Hal-hal itu Uki wada hmpahiko nampan kaaraien-Ku naan gi huang ko, sehingga kaaraienko palus ponu.¹²Ituleh parentah-Ku: Iko harus saling mangkakalelu, sameh kakala Uki haut ngalelu iko. ¹³Bakoi oeng kasih sa lewi idu teke kasih erang kaulun sa ngunru nyawane pakai sahabat-sahabatne.¹⁴ Iko adalah sahabat-sahabat-Ku jaka iko ngulah inun sa Uki paretah hmpahiko. ¹⁵ Uki bakoi kia ngontuh iko hamba ket hamba bakoi kotoe inun sa na gawi ulah tuanne. Kode, Uki ngontuh iko sahabat ket Uki rongoi teke Uma, haut Uki bara hmpahiko.¹⁶Bakoi iko sa meli Uki, meleinkan Ukileh sa meli dan haut ngimpeh iko nampan iko dan mahasil ua, dan ua tatap sehingga inun sa iko laku teke Uma huang ngaran-Ku, Iyosagar ngunrune hmpahiko, ¹⁷Ituleh parentah-Ku; iko harus mangkakalelu!" Yesus Ngampiitung kawan murid-Ne¹⁸ Jaka dunia muariko, iko kotoe bahwa dunia haut muar Uki samete muariko. ¹⁹Jaka iko teke dunia, tantuleh dunia sagar ngalelu ompun none; ket iko bakoi teke dunia, melainkan Uki haut meliiko teke dunia, ket hal iro leh dunia muar iko.²⁰Itungleh papaneran sa haut Ku wada hmpahiko: hamba bakoi lewi idu teke tuanne'. Jaka reo menganiaya Uki, reo menaati firman-Ku, reo pada sagar menaati papaneranko ²¹Kode kahaine iro sagar reo ulah tahadap iko ulah ket ngaran-Ku. Sabab,reo bakoi mengenal Iyo sa ngutus Uki. ²²Jaka Uki hawi dan nyawada kahaine iro hmpah reo, reo bakoi sagar ngompun dosa. Kode tataha, reo bakoi ngompun dalih pakai dosa reo.²³Satiap ulun sa muar Uki, io pada muar Uma-Ku. ²⁴Seandaine Uki bakoi ngulah gi helang reo gawian-gawian sa bakoi suah na ulah lain, reo bakoi ngompun dosa. Kode tataha, reo haut nginte kode tatap muar Uki dan Uma-Ku. ²⁵Kode, firman sa tatulis huang Kitab Taurat reo harus na ganapi: Reo ,muar Uki koi oeng alasan.'²⁶Hantek pangarawah iro hawi, sa sagar Uki utus hmpahiko teke Uma, yoiro Roh Kebenaran sa baasal teke Uma, Iyo sagar basaksi neo Uki. ²⁷Dan iko pada basaksi ket iko haut baya-Uki teke semula."

Chapter 16

¹"Kahai itu haut Uki wada hmpah iko nampan iko bakoi ta gunsang. ²Reo sagasr ngunur iko teke Sinagoge. bahkan, wayah ne sagar tiba bahwa satiap ulun sa munu iko sagar bapikir bahwa reo rahat berbakti hmpah Allh.³Dan hal-hal iro sagar reo ulah ket reo bakoi mengenal Uma atawa Uki. ⁴Kode, kahai iro haut Uki wada hmpahiko nampan apabila wayahne hawi, iko itung bahwa Uki haut nyawadane hmpah iko gi awal ket magon baya iko. Gawian Roh Kudus⁵Kode, tataha Uki sagar tulak hmpah Iyo sa ngutus Uki, dan koi erang kaulun pun teke reo sa nunti Uki, 'Pah hawe Iko sagar tulak?' ⁶Kode, ket Uki haut nyawada kahai itu hmpah iko,kesedihan namponu ateko. ⁷Kode, Uki bara kebenaran hmpahiko: lewi maasus bagiko Jaka iko tulak ket jaka Uki bakoi tulak, pangarawah iro (penolong itu) bakoi sagar hawi hmpah iko; kode jaka Uki tulak Uki sagar ngutusne hmpah iko.⁸Dan, hantek penolong iro hawi, Io sagar ngampisadar dunia teke dosa, kebenaran, dan penghakiman; ⁹neo dosa, ket reo bakoi harap hmpah Uki; ¹⁰neo kebenaran, ket Uki tulak hmpah Uma dan iko bakoi sagar nginte Uki kia, ¹¹dan neo penghakiman, ket pe4nguasa dunia itu haut nahakimi.¹²Magon wahai hal sa sidi Uki wada hmpah iko, kode ikobakoi koole nangungne tataha. ¹³Kode, hantek Io, Roh sagar nganyak iko pah huang kahai kebenaran. Sasbab Io bakoi bapaner bawao kasidien-Ne raerai, melainkan kahai hal sa Io rongoi iro leh sa sagar Io wada; dan Io sagar bara pah iko hal-hal sa sagar terjadi. ¹⁴Io sagar memuliakan Uki ket Uki sagar narime sa Uki tarime, dan sagar bara ne hmpah iko.¹⁵Segala sesuatu sa Uma miliki adalah mili-Ku Ulah sabab iro, Uki nyawada bahwa Roh kebenaran sagar na berita hmpah iko inun sa natatrime-Ne teke-Uki." Hanang ate jari kaaraien ¹⁶"Duloi erang alik ai, dan iko bakoi sagar nginte Uki kia,duloi erang alik ai, dan iko sagar nginte Uki."¹⁷Papire murid Yesus saling mangkatunti, "Inun maksud-Ne Io sawada hmpah takam, "Duloi erang alik ai, dan iko bakoi sagar nginte Uki kia dan hinra kia, duloi erang alik ai, dan iko sagar nginte Uki? dan 'ket Uki sagar tulak hmpah Uma?" ¹⁸Jari, reo nunti, "Inun sa Io maksud anri duloi reang alik ai'? Takam bakoi kotoe inun sa Io paner."¹⁹Yesus kot6oe bahwa murid-murid-Ne sidi nunti hmpah-Iyo, maka Io sawada hmpah reo, " Inunkah iko nunti gi helang iko raerai mengenai hal sa Uki maksud hantek Uki sawada, 'Duloi erang alik ai dan iko sagar nginte Uki kia; dan hinra kia duloi erang alik ai, dan iko sagar nginte Uki'? ²⁰Anri sabujurne, Ukinyawada hmpah iko, iko sagar onsoyar dan meratap, kode dunia sagar mihewu; iko mahanang ate, (berduka), kode dukacitako sagar baubah jari kaaraien. ²¹Hantek erang kaulun wawe ngayaan, io rara ket wayah ne pakaqi ngayaan haut tiba; kode ukah peane kayaan, io bakoi kiitung sagar kararaenne sa wiet ket kaaraien bahwa erang kaulun murunsia haut na kayaan psh dunia.²²Mihieleh iko pada mengalami kararaen hantek itu, kode Uki sagar nangkahong iko kia dan ateko sagar baarai dan bakoi oeng erang kaulun pun sa ngepo kaaraienko tekeiko. ²³Gi onro iro, iko bakoi sagar nunti inun pun hmpah-Uki Anri sabujur ne, Uki nyawada hmpahiko, inu pun sa iko laku hmpah Uma-Ku, Io sagar ngunrune hmpah iko. ²⁴Hampe Tataha, iko mete ilaku inun pun huang ngaran-Ku. Lakuleh dan iko sagar narimene nampan kaaraien ko paluis ponu." Kamanangan bawo Dunia²⁵"Uki haut nyawada hal-hal itu hmpah iko anri perumpamaan; wayahne sagar tiba hantek Uki bakoi kia bapaner hmpah iko anri perumpamaan, kode sagar bapaner hmpah iko anri terus terang neo Uma.²⁶Gi onro iro, sagar ilaku huang ngaran-Ku, dan Uki nyawada hmpahiko bahwa Uki mandoakan ne hmpah Uma bagiko ²⁷Sabab Uma raerai ngalelu iko ket iko haut ngalelu Uki dan harap bahwa Uki hawi teke Uma. ²⁸Uki baasal Uma dan hawi pah dunia; tataha, Uki sagar nanan dunia dan mulek hmpah Uma."²⁹Murid-murid-Ne sawada, "Nah, tataha Iko bapaner terus terang dan bakoi ngampuriran perumpamaan kia. ³⁰Tataha, kain kotoe bahwa Iko kotoe segala sesuatu dan bakoi perlu erang kaulun nunti hmpah-Iko. ket iro, kain bahwa iko hawi teke Allah." ³¹Yesus nuing reo, ''Harapleh iko tataha³²Iteleh! wayahne sagar hawi, bahkan haut hawi bagiko pakai na sansarak masing-masing buli pah duoi asalne raerai dan sagar nanan Uki raerai Kode, Uki bakoi raerai ket Uma baya-Uki. ³³Kahai itu Uki wada hmpah iko nampan gi huang Uki, iko memiliki damai saejahtera. Gi dunia sagar mengalami penganiayaan kode ampikuqt leh ate ko! Uki hut nyantalau dunia!"

Chapter 17

¹Iroleh papaneran-papaneran Yesus, kamulek Io mihangut pah langit dan sawada, "Uma, wayahne haut tiba, muliakan leh Pea-Ko nampan Pea-Ko pada iuh memuliakan Iko ²Sameh kakala Iko haut ngunru Iyo kuasa bawo kahai murunsia, nampan hmpah kahai sa Iko unru hmpah-Iyo, Io kaiuh ngunru wolum kekal.³Ituleh wolum kekal iro yoiru bahwa reo mengenal Iko, erai-eraine Allah sa bujur, dan mengenal Kristus Yesus sa haut Iko utus. ⁴Uki haut memuliakan Iko gi tana anri nyanuput gawian sa Iko unru hmpah-Uki pakai na gawi. ⁵Dan tataha, Yo Uma, muliakan leh Uki baya Iko anri kemuliaan sa Kumiliki baya-Iko samete dunia naan.⁶Uki haut menyatakan ngaran-Ko hmpah ulun-ulun sa Iko unru hmpah-Uki teke dunia itu. reo iro milik-Ko dan Iko haut unru reo hmpah-Uki dan reo pada menaati firman-Ko. ⁷Tataha, reo kotoe bahwa kahai sa Iko unru hmpah-Uki baasal teke-Iko. ⁸Sabab Uki haut ngunru hmpah reo firman sa Iko unru hmpah-Uki, dan haut narimene baya bujur-bujur kotoe bahwa Uki baasal teke Iko, dan reo harap bahwa Ikoleh sa ngutrus Uki.⁹Uki ilakudua pakai reo, Uki bakoi ilakudua pakai dunia, kode pakai reo sa haut Iko unru hmpah-Uki; sabab reo adalah milik-Ko ¹⁰Kahai sa Kumiliki adalah milik-Ko, dan kahai sa Iko miliki adalah milik-Ko; dan Uki haut namuliakan gi huang kahai iro. ¹¹Uki bakoi kia gi dunia itu, kode reo magon naan gi dunia itu, dan Uki haei hmpah-Iko. Uma sa Kudus, jagaleh reo gihuang ngaran-Ko, ngaran sa Iko unru hmpah-Uki, sehingga reo jari erai sakeh kakala Takam¹²Sauhang Uki baya reo,Uki haut nyaga reo huang ngaran-Ko sa haut Iko unru hmpah-Uki. Uki Uki haut nyaga reo dan bakoi oeng erang kaulun pun teke reo sa jawoh kasawli hi pea kebinasaan, nampan Kitab Suci na ganapi. ¹³Kode tataha Uki sagar hawi hampah-Iko; dan kahai itu Uki wada gi dunia itu nampan reo iuh ngompun kaaraien-Ku na tomponu gi huang ate reo. ¹⁴Uki haut ngunru firman-Ko hmpah reo, dan reo muar reo ket reo baasal teke dunia sameh kakala Uki bakoi baasal teke dunia.¹⁵Uki ilaku-Iko pakai ngepo reo teke dunia, kode pakai malindungi reo teke sa jahat. ¹⁶Reo bakoi baasal teke dunia. sameh kakala Uki baasal teke dunia ¹⁷Kaaraienleh reo huang kebenaran; firman-Ko adalah kebenaran.¹⁸Kakala Iko haut ngutus Uki pah huang dunia, mihieleh Uki ngutus reo pah huang dunia. ¹⁹Demi reo Uki menyuci kan tong-Ku nampan reo pada nasucikan huang kebenaran.²⁰Uki bakoi ekat ilakudoa pakai reo,kode pada ulun-ulun sa harap hmpah-Uki metah pemberitaan reo, ²¹nampan reo kahai jari erai, sameh kaskasla Iko, sa Uma, gi huang Uki dan Uki gi huang Iko; nampan reo pada jari erai gi huang Takam sehingga dunia harap bahwa Ikoleh sa haut ngutus Uki.²²Kemuliaan sa haut Iko unru hmpah-Uki, haut haut Uki unru hmpah reo nampan reo jari erai, sasmeh kakala Iko dan Uki adalah erai. ²³Uki gi huang reo dan Iko naan gi huang reo dan Iko naan gi huang Uki nampan reo jari erai seutuhne. Anri miiro, dunia sagar kotoe bahwa Ikoleh sa ngutus Uki. dan bahwa Iko ngalelu reo, sameh kakala Iko ngalelu Uki.²⁴Yo Uma, Uki sidi agar reo sa haut Ikounru hmpah-Uki pada naan baya-Uki gi hawe pun iko duloi, nampan reo nginte kemuliaan-Ku, sa haut Iko unru hmpah-Uki ket Iko ngalelu Uki samete permulaan dunia.²⁵Yo Uma sa adil, meskipun dunia bakoi mengenal Iko, kode Uki mengenal Iko; dan reo kotoe bahwa Ikoleh sa ngutus Uki. ²⁶Uki haut bara ngaran ko hmpah reo dan sagar tarus barane nampan kasih sa anriiyo Iko ngalelu-Uki naan gi huang reo, dan Uki naan gi huang reo."

Chapter 18

¹Ukah Yesus nyawada hal-hal itu Io tulak baya murid-murid-Ne pah ipai sunge Kidron, duoi habane erang kaua taman dan Yesus masuk pah huang ne baya murid-murid-Ne ²Yudas salah seorang murid sa menghianati Yesus, pada kotoe taman iro ket Yesus gansang bakumpul baya muri-murid-Negi raha ³Yudas, ukah narime sajumlah paeukan dan hamba-hamba teke imam-imam kapala dan ulun-ulun Farisi, hawi pah taman iro anri ngoit lentera, obor,dan sanyata.⁴Yesussa kotoe hal sa sagar terjadi pah-Iyo, maju pah muka dan nunti hmpah reo,"Hiekah sa iko eto?" ⁵Reo nuing, "Yesus teke Nazaret." Yesus sawada hmpah re, "Ukileh Yesus." Dan pada Yudas, sa menghianati Iyo, sokonrong baya reo.⁶Hantek Yesus sawada, "Ukileh Yesus," ulun-ulun iro mundur lawu pah tana. ⁷Kamulek, Yesus nunti kia hmpah reo, " Hiekah sa iko eto?" Reo nuing, "Yesus teke Nazaret."⁸Yesus nuing, "haut Uki wada hmpah iko, Ukileh Yesus. Jari, jakaiko ngeto Uki, ikehleh murid-murid-Ku itu tulak." ⁹Hal itu terjadi nampan ganapleh papaneran sa haut nawada Yesus: "Teke kahai sa iko unru hmpah-Uki, Uki bakoi kajawohan erai pun."¹⁰Simon Petrus, sa ngoit erang kawila pedang, musut pedang ne dan nampirasne pah palayan imam Idu, sehingga notok tilingo kawanan pqalayan iro; ngaran palayan imam Idu iro adalah Malkhus. ¹¹Maka,Yesus sawada hmpah Petrus, "Sui pedang iro pah huang kumpang ne! Cawan sa haut Uma unru hmpah-Uki bakoikah Uki harus meminumne?" Yesus Na oit pah hadapan Hanas¹²Kamulek, kawan prajurit-prajuritne baya kawan palayan ulun Yahudi nyama Yesus dan nyuruk Iyo, ¹³dan salewi pono ngoit Yesus hmpah Hanas, kasian Kayafas, sa adalah Imam Idu gi taun iro. ¹⁴Dan Kayafasleh matataan ulun-ulun Yahudi bahwa adalah hal sa bariran jaka erai ulun mate demi rakyat. Petrus bakoi ngakui Yesus¹⁵Simon Petrus dan erang kaulun murid Yesus. Murid sa lain iro nakenal ulah Imam Idu. dan io masuk baya Yesus pah huang natar istana Imam Idu.¹⁶Kode, Petrus sokonrong gi luar rupak manamang Kamulek murid sa lain iro, sa mengenal Imam Idu, mulek pah luar dan bapaner anri wawe panjaga manamang,balalu ngoit Petrus masuk.¹⁷Maka, wawe panjaga manamang iro nunti pah Petrus, "Bakoikah salah seorang murid teke Ulun iro?" Tuing Petrus,"Bakoi ¹⁸Ukah ngulah perapian, para palayan dan perwira sokonrong giraha ket hantek iro riwut taingkam morongin, dan reo berdiang. Petrus pada baya reo berdiang. Imam Idu Nunti hmpah Yersus¹⁹Kamulek, Imam Idu nunti Yesus neo murid-murid-Ne dan neo ajaran-Ne ²⁰Yesus nuing iyo, "Uki haut bapaner terus terang hmpah dunia. Uki saratang ngajar gi Sinagoge dan gi Bait Allah, duoi kahai ulun Yahudi bakumpul. Uki bakoi suah paner secara sanina. ²¹Et inun ikonunti hmpah-Uki? Tuntileh hmpah reo sa haut nyonrongoi inun sa Uki wada hmpah reo; reo kotoe inun sa haut Kuwada."²²Hantek Yesus sawada mihie, erang kaulun panjaga sa sokonrong gi yiiro nampar wae-Ne dan sawada, "Miirokah sara-Ko nuing Imam Idu?" ²³Yesus nuing iyo, "Jaka Uki nyawada sesuatu sa hala, tutuileh kahalaenne; kode jaka sa Ku wada bujur, et inun iko nampar Uki?" ²⁴Balalu Hanas ngirim Yesus huang keadaan tasuruk hmpah Imam Idu Kayafas. Petrus mulek Bakoi Ngakui Yesus²⁵Sementara iro, Simon Petrus magon sokonrong palus berdiang. Bulu , reo nunti hmpah iyo, "Bakoikah iko pada salah satu murid Ulun iro?" Petrus nyangkal dan nuing,"Bakoi.'' ²⁶Naan erangka ulun palayan Imam Idu, sa merupakan iang teke ulun sa talingo ne na totok Petrus, sawada,"Bakoikah ukinginte iko baya Iyo gi taman iro?" ²⁷Hinra kia, Petrus nyngkalne dan sahantek iro pada, manu nangkuruut. Yesus na oit nadap Pilatus²⁸Kamulek, reo ngoit Yesu teke duoi Kayafas pah gedung pangadilan, tawuk iro magon dami hari, dan reo raerai bakoi masuk pah huang gedung pangadilan nampan reo bakoi namere tonga , sehingga iuh kuman paskah. ²⁹Bulu Pilatus kaluar nangkahong reo bulu nunti, "Inunkah tuduhan ko tahadap Ulun itu?" ³⁰Reo nuing palus sawada hmpahiyo, "Amun Ulun itu bakoi ulun jahat, kain tantu bakoi sagar ngoit-Ne hmpah iko."³¹Pilatus sawada hmpah reo,"Oitleh Iyo dan hakimileh manurut hukumanko." Ulun-ulun Yahudi iro nuing ,"Adalah bakoi sesuai hukum bagi kain pakai nukum mate erangkaulun." ³²Itu terjadi pakai ngampiganap papanersn Yesus, sa nutui anri pampate kakala inun Io mate.³³Maka, Pilatus masus kamulek pah huang gedung pangadilan dan mowa Yesus dan nunti hmpah-Iyo,"Inunkah Iko Raja ulun Yahudi," ³⁴Yesus nuing, "Inunkah tuntian iro teke tongako raerai, atawa adalah ulun lain sa bara pahiko neo Uki?" ³⁵Pilatus sawada, "Inunkah uki erang kaulun Yahudi? Bangsa dan imam-imam kapala-Ko raerai manyarah Iko hmpah-Uki. Inun sa haut Iko ulah?"³⁶Yesus sawada, "Gawian-Ku bakoi teke dunia itu. Jaka gawian-ku teke dunia itu, palayan-palayan-Ku pasti sagar dawan nampan Uki bakoi nasarah hmpah ulun-ulun YHahudi. Kode, kerajaan-Ku bakoilah teke dunia itu.'' ³⁷Pilatus sawada, "Jari Iko erang kaulun Raja?" Yesus nuing, "Ikoleh nyawada bahwa Uki adalah raja. Pakai ituleh kayaan, pakai ituleh Uki hawi pah dunia, yoiro pakai basaksi neo kebenaran. satiap ulun sa baasal teke kebenaran sagar nyonrongoi lengan-Ku."³⁸Pilatus sawada hmpah-Iyo,"Inunkah kebenaran iro?" Dan ukah sawada mihie, Pilatus kaluar kia nangkahong ulun-ulun Yahudi, dan sawada hmpah reo, "Uki bakoi kahong kahalaen inun pun gi-Iyo. ³⁹Kode, iko ngompun erai kebiasaan bahwa Uki harus ngampibebas erang kaulun tahanan gi hari Paskah. Jari, inunkah iko hokun nampan ukingampibebas 'Raja Ulun Yahudi iro?" ⁴⁰Reo nuing kia anri ngariak, "Ada na ampibebas Ulun itu,melainkan Barabas!" Barabas adalah erang kaulun parampok.

Chapter 19

¹Pilatus ngepo Yesus dan mamarentah nampan Yeaua na sesah. ²kawan prajurit nare erang kaua mahkota jangkeng-jangeng ba roidan nyuine pah ulok Yesus, dan nyui jubah ungu hmpah-Iyo. ³Reo maju nyanrupak Yesus dan sawada, " Tabe, hai Raja uln Yahudi!" Balalu, reo nampar wae-Ne.⁴Pilatus kaluar kia dan sawada hmpah reo,"Iteleh! Uki sagar ngoit Yesus Kaluar hmpahiko nampan iko kotoe bahwa Uki bakoi kahong Kahalaen inun pun gi-Iyo." ⁵Balalu, Yesus kaluar anri nyui mahkota roi dan jubah ungu. Pilatus sawada hmpah reo, "Iteleh Iyo." ⁶Hantek imam-imam kepala dan kawan perwira nginte Yesus, reo ngariak, "Balasangar Iyo, Balasangar Iyo!" Kode, Pilatu sawada hmpah reo, "Uitleh Iyo dan balasangar raerai ket uki bakoi kahong kahalaen inun pun gi-Iyo."⁷Uluun-ulun Yahudi iro nuing Pilatus, " kain ngompun hukum iro Io nganggap tonga-Ne adalah Pea Allah." ⁸Hantek Pilatus nyonrongoi papaneran iro, io magin takut ⁹dan masuk kamulek pah gedung pengadilan, dan nunti hmpah Yesus "Teke hawekah asal-Ko?" Kode,Yesus bakoi nuingne.¹⁰Pilatus sawada hmpah-Iyo,"Iko bakoi hokun paner anriuki? Iko bakoi kotoe bahwa uki ngompun kuasa pakai ngampibebas-Iko dan ngompun kuasa pakai ngbalasangar-Iko?" ¹¹Yesus nuing, "Iko bakoi ngompun kuasa inun pun bawo tonga-Ku, kasawali kuasa iro naunru hmpah iko teke obo. Iroleh sababne, ulun sa manyarah Uki hmpah iko lewi idu dosane."¹²Ukah nyonrongoi hal iro, Pilatus bausaha pakai ngampibebas Yesus, kode ulun-ulun Yahudi ngariak,"Amun iko ngampibebas Ulun itu, bakoileh sahabat Kaisar; satiap ulun sa nganggap tongane raja baarati dawan Kaisar." ¹³Hantek Pilatus nyonrongoi papaneran iro, io ngoit Yesus Kaluar, dan maharung gi karusi pengadilan, gi suatu duoi bangaran Litotrotos, kode huang bahasa Ibrani naontuh Gabata.¹⁴Onro iro merupakan onro persiapan Onro kaonom (ke enam) huang erai mengo, erang onro sa mete onro Sabat.Gi onro itu, ulun Yahudi mempersiap tonga nyamut onro Sabat pakai Paskah, tawuk iro sakitar jam kaonom. Pilatus sawada hmpah ulun-ulun Yahudi, "Ituleh Rajako!" ¹⁵Maka, reo ngariak,"Sanywoh Iyo! Sanyawoh Iyo! Balasangar Iyo!" Pilatus sawada hmpah reo," haruskah uki ngabalasangar Rajako?"Imam-imam kepala nuing, "Kain bakoi ngompun raja selain Kaisar!"¹⁶Akhirne Pilatus manyarah hmpah reo pakai na balasangar. Yesus na balasangar¹⁷Yesus kaluar mikul balasangar-Ne raerai nuju pah duoi sa bangaran,"Duoi Tengkorak", sa bahasa Ibrani na ontu ''Golgota". ¹⁸Gi raha reo ngabalasangar Yesus baya ruo ulun lain sa na balasangar gi kawanan dan kewi Yesus, semsntara Yesus duloi gi suan.¹⁹Pilatus pada nulis erang kaua tulisan dan ngimpehne obo kayu balasangar. Tulisan iro malengan, "YESUS ORANG NAZARET, RAJA ORANG YAHUDI." ²⁰Wahai ulun Yahudi mambaca tulisan iro ket duoi Yesus na balasangar iro duloi gi rupak kota, dan ttulisan iro na tulis huang bahasa Ibrani, Latin, dan Yunani.²¹Bulu, imam-imam kepala ulun Yahudi sawada hmpah Pilatus, "Ada tulis Raja ulun Yahudi,'kode tulisleh, Ulun itu sawada, 'Ukileh Raja ulun Yahudi.'''²²Tuing Pilatus, ''Inun sa haut uki tulis,sagar tatap tatulis!''²³Kawan prajurit, hantek reo haut ngabalasangar Yesus ngpo pama-Ne dan mambagine jari opat erai bagian pakai masing-masing prajurit, pada jubah-Ne; jubah iro bakoi oeng kelimne, ekat na tenun teke obo pah pida kooeng jahitan. ²⁴Kawan prajurit iro sawada erai hmpah sa lain, "Adaleh takam ngirahne, melainkan ngumpe undi obone pakai nyametis hie sa sagar ngaiuhne, "Onro itu terjadi nampan ganapleh sa haut tatulis huang Kita Suci: ''Reo mambagi-bagi pama-Ku gi helang reo dan pakai jubah-Ku reo ngumpe undi!"²⁵Sementara iro, ine Yesus, pulaksanai wawe ine Yesus, Maria Wawen Klopas, dan Maria Makdalena, sokonrong gi rupak balasangar-Ne, ²⁶Hantek Yesus nginte ine-Ne dan murid sa Io kalelu sokonrong gi raha, Io sawada hmpah ine-Ne,"Wawe, Iteleh, itu Pea-Ko!" ²⁷Balalu Yesus sawada hmpah murid sa na kalelu-Ne io,"Ituleh ineko!"hantek iro narime ine Yesus duloi gi lowune. pampate Yesus²⁸Ukah iro, Yesus kotoe bahwa kahaine haut talasana, pakai ngampiganap Kitab Suci, Io sawada,"Uki malah!" ²⁹Gi yiiro naan erang kaua bejana ponu anggur mohori. Ket iro, reo nyuduk wunge karang sa haut na sulup pah huang anggur mohori gi erangkwatang hisop dannyunruk pah mulut Yesus.³⁰Ukah kaingkam anggur mohori iro, Yesus sawada, Haut luput." Kamulek, Io nunduk ulok-Ne dan manyrah nyawa-Ne.³¹Ket onro iro adalah onro persiapan, dan nampan bangkai-bangkai iro bakoi tatap duloi gi kay balasangar gi onro Sabat, sabab Sabat adalah onro idu, ulun-ulun Yahudi ilaku hmpah Pilatus nampan poo ulun-ulun sa na balasangar iro na santepu dan bangkai-bangkaine na ampidolui teke balasangar. ³²Balalu, kawan prajurit hawi dan nyantepu poo ulun sa pertama dan ulun sa lainne, sa balasangar baya Yesus. ³³Kode, reo hampe hmpah Yesus dan nginte bahwa Io haut mate, reo bakoi nyantrepu poo-Ne³⁴Kode, salah seorang prajurid iro nyuduk sokopangne pah apokan Yesus, dan gihantek iro pada, raya dan ranu mareh kaluar. ³⁵Ulun sa manyaksi peristiwa iroleh sa ngunru kasaksian itu, dan kasaksianne buju dan io kotoe amun io nyawada sa sabujurne, nampan iko pada harap.³⁶Sabab, kahai itu terjadi nampan ganapleh sa haut tatulis huang Kiab Suci: Koi erai pun teke tuulang-Ne sa sagar na santepu." ³⁷Dan kia huang bagian lain Kitab Suci sawada,"Reo sagar nginte Iyo sa haut reo suduk."Yesus Nalowong³⁸Ukah kahai iro, Yusuf teke Arimatea, sa pada jari murid Yesus kode secara sanina ket takut hmpah ulun-ulun Yahudi, ilaku hmpah Pilatus nampan io iuh ngepo bangkai Yesus; dan Pilatus nyarukuianne. Jari Yusuf teke Arimatea hawi dan ngepo bangkai Yesus. ³⁹Nikodemus, ulun sa pono nagkahong Yesus gi malom onro, pada hawi anri nguit minyak mur dan gaharu,sa wietne sakitar dimompulu kati.⁴⁰Maka, reo mgepo bangkai Yesus dan mungkusne anei kain linen sa naunru rarampah, sasuai adat palowongan ulun Yahudi. ⁴¹Gi rupak duoi Yesus na balasangar,haba erang kaua taman dan gi huang taman iro naan erang kaua polowong wayu sa koi erai bangkai pun suah na impeh gi raha. ⁴²Ket onro iro adalah onro persiapan bagi ulun Yahudi ,dan duoi polowong iro bakoi oro, reo ngimpeh bangkai Yesus gi raha.

Chapter 20

¹Gi onro pertama mingu iro, Maria Makdalena tulak pah plowong Yesus pita-pita tuu, hantek onro magon sirom, dan nginte watu panutup plowong haut tageser teke plowong iro. ²Maka, io malempat dan nangkahong Simon Petrus dan murid lain san nakalelu Yesus, dan sawada hmpah reo,"Reo haut ngepo Tuhan teke plowong, dan kain bakoi kotoe gi hawe reo ngimpeh-Ne."³Bulu , Petrus dan murid sa lain iro tulak pah plowong. ⁴Karuone malempat sameh-sameh, kode murid sa lain iro malempat lewi wansit teke Petrus sehingga io hampe lewi pono pah plowong. ⁵Io manam dan nginte pah huang, dan nginte kain linen pamungkus bangkai Yesus ta impeh gi raha,kode io bakoi masuk pah huang.⁶Kamulek, Simon Petrus hawi, notah iyo, dan masuk pah plowong dan io nginte kain linen pamungkus taimpeh gi raha ⁷Dan kain panutup wae sa pamunut ulok Yesus bakoi ta impeh baya kain linen pamungkus inre, kode haut tagulung gi duoi sa babeda.⁸Kamulek, murid sa lain inre, sa lewi pono hampe pah plowong, pada masuk. Io nginte dan harap. ⁹Sabab,samete kqajadian iro, reo mete kataru Kitab Suci, bahwa Yesus bangkit kamulek teke pampate. Yesus Nantarang Tonga hmpah Maria Makdalena ¹⁰Jari, karuo murid iro buli pah lowu.¹¹Kode, Maria sokonrong gi luar plowong dan onsoyar, io manam pah huang plowong iro, ¹²dan io nginte ruo malaikat ba pama wura rahat maharung gi duoi bangkai Yesus na tangkobis sametene. Sa erai maharung bagian ulok dan sa eraine gi bagian poo. ¹³Karuo malaikat iro nunti pah Maria, "Wawe, et inun iko onsoyar?" Maria nuing malaikat iro,"Reo haut ngepo bangkai Tuhanku dan uki bakoi kotoe gi hawe reo ngimpeh Iyo."¹⁴Ukah nyawada mihie, Maria ikulik pah waling dan nginte Yesus sokonrong gi yiiro, kode bakoi kotoe amun iro adalah Yesus. ¹⁵Yesus nunti hmpahiyo, "Wawe, et inun iko onsoyar? Hiekah sa iko eto?" Ket ngakira Io adalah panjaga taman, Maria sawada hmpah-Iyo, "Tuan, amun Tuan haut mindah-Ne bara uki gi hawe Tuan haut ngimpeh-Ne."¹⁶Yesus sawada hmpahiyo,"Maria." Maria pun bapaling dan sawada hmpah-Iyo huang bahasa Ibrani, "Rabuni'', saaratine ''Guru''. ¹⁷Yesus sawada hmpah iyo, ''Adaleh iko ngepot Uki ket uki mete tulak hmpah Uma. Kode tulakleh hmpah pulaksanai-pulamsanai-Ku dan wada hmpah reo, Uki sagar tulak hmpah Uma-Ku dan Uma-Ko hmpah Allah-Ku dan Allahko.''' ¹⁸Maria Makdalena tulak dan bara murid-murid, "Uki haut nginte Tuhan,"dan bahwa Yesusleh sa haut nywada hal-hal itu hmpah iyo. Yesus Nantarang Tnga hmpah Murid-murid-Ne¹⁹Hantek onro iro haut kamalom, yoiro onro pertama huang minggu iro, dan manamang-manamang duoi kawan murid bakukpul tatutup hmpah ulun-ulun Yahudi, Yesus hawi dan sokonrong gi suan-suan reo baya sawada,"Damai sejahtera bagi iko!'' ²⁰Ukah nyawada mihie, Yesus nutui longon dan apokan-Ne hmpah reo. Kawan murid bangat baarai hantek reo nginte Tuhan.²¹kamulek, Yesus sawada hmpah reo kia,''Damai sejahtera bagi iko sameh kakala Uma haut ngutus Uki, mihie pada tataha Uki ngutus iko ²²Dan ukah nyawada mihie, Yesus mengembusi reo dan sawada,''Tarimeleh Roh Kudus!²³Amun iko ngamoun dosa erang kaulun, maka dosa ulun iro na ampuni. Amun naan sa dosa-dosane bakoi iko ampuni, maka dosa reo bakoi na ampuni.''Yesus Nantarang Tonga hpah Tomas²⁴Tomas, slah seorang teke ka 12 Murid sa na ontuh Didimus, bakoi oeng baya reo hantek Yesus hawi. ²⁵Maka, murid-murid sa lain bara pah iyo,'' Kain haut nginte Tuhan.'' Kode, Tmas sawada hmpah reo, ''kasawali uki nginte bakas paku gi lopngon-Ne dan namasuk kingkingku pah huang bakas paku iro, baya namasuk longon ku pah huang apokan-Ne Uki sagar harap."²⁶Walu onro kamulek murid-murid mulek bakumpul gi lowu iro,dan Tomas naan baya reo. Meskipun manamang-manamang tatutup Yesus hawi dan sokonrong gi suan-suan reo, palus sawada, "Damai sejahtera bagi iko!'' ²⁷Kamulek, Io sawada hmpah Tomas, ''surungleh kingkingko gi yiitu daniteleh longon-Ku dan surung longon ko gi yiitu dan impeh gi apokan-Ku Ada bakoi harap, kode harapleh²⁸Tomas nuing Yesus, ''Yo, Tuhanku dan Allah!'' ²⁹Yesus sawada hmpah iyo,''Inunkah iko tataha harap ket iko haut nginte Uki? Naerkatileh reo sa bakoi nginte, kode harap." Tujuan Yohanes Manulis Kitab Itu³⁰Magon wahai tanda ajaib lain sa naulah Yesus gi muka murid-murid-Ne, sa bakoi tatulis huang Kitab itu. ³¹Kode, kahai itu natulis nampan iko harap bahwa Yesus adalah Kristus, Pea Allah, dan nampan metah kaharapenko iro, iko kaiuh wolum gi huang ngaran-Ne.

Chapter 21

¹Kamulek, Yesus nantarang tonga kia hmpah murid-murid-Ne gi rupak danau Tiberias. Io nantarang tonga-Ne anri sara sebagai berikut: ²Simon Petrys Tomas sa naontuh Didimus, Natanael teke Kana gi Galilea, pea-pea Zebedeus dan 2 murid sa lain rahat ba kumpul ³Simon Petrus sawada hmpah reo,''Uki sagar tulaknyama kenah.''kain sagar tulak baya iko.'' Reo kahai tulak pah luar dan ngabai pah jukung,kode malom iro, reo bakoi nyama inun-inun.⁴Hantek subuh menjelsng Yesus sokorong gi pantai, kode muri-murid bakoi kotoe bahwa iro adalah Yesus. ⁵Iyo sawada hmpah reo,''Pea-pea, inunkah iko ngompun kenah? Reo nuing ,''Bakoi.'' ⁶Io sawada hmpah reo, "Lampi lunta ko pah hila kawanan julung, dan iko akan kaiuh.'' Maka, reo nimai lunta, kode bakoi kaiuh narik luntane ket wahai kenah.⁷Ulah sabab iro,murid sa na kalelu Yesus sawada hmpah Petrus, "Iro Tuhan!" Hantek Simon Petrus nyonrongoi bahwa iro Tuha, io nyui pamane ket io napas bajune hante bagawi, dan mitun pah danau. ⁸Murid-murid sa lain anri jukung dan narik lunta sa ponu anri kenah. Sabab, reo bakoi oro teke darat, jarakne kira-kira 200 hasta. ⁹Hantek reo hampe gi darat,reo nginte wayo apui anri kenah sa taimpeh gi bawone dan pada rute.¹⁰Yesus sawada, "Oitleh papire kaukui kenah sa wayu ai iko jama." ¹¹Simon Petrus ngabai pah jukung dan narik lunta sa ponu anri kenah idu pah darat jumlahne 153 kaukui. Meskipun kenah iro miiro wahai, luntane bakoi sitat.¹²Yesus sawada hmpah reo,"Hayu dan kumanleh."koi erai pun murid-murid iro ronu nunti hmpah-Iyo,''Hiekah Iko ket reo kotoe bahwa Io adalah Tuhan. ¹³Yesus hawi dan ngepo rute iro palus ngunrune hmpah reo. Mihie pada na ulah-Ne anri kenah iro. ¹⁴Ituleh katolu kaline Yesus nantarang tonga hmpah kawan murid-Ne ukah Io nabangkitkan teke padang ulun mate. Yesus ilaku Petrus makatik Babiri-babiri-Ne¹⁵Ukah reo luput kuman, Yesus sawada hmpah Simon Petrus, ''Simon,pea Yohanes inunkah iko ngalelu Uki lewi teke kahai itu?"Petrus nuing ''Bujur Tuhan, Iko kotoe bahwa uki ngalelu Iko.'' Kamulek, Yesus sawada hmpahiyo, "Pakatik babiri-babiri-Ku!" ¹⁶Yesus sawada kia pakai karuo kaline hmpahiyo, "Simon, pea Yohanes, inunkah iko ngalelu Uki?" Petrus nuing Bujur Tuhan, Iko kotoe bahwa uki ngalelu Iko." Yesu sawada hmpah iyo "Pakatik babiri-babiri-Ku"¹⁷Yesus sawada hmpahiyo pakai katolu kaline,''Simon, pea Yohanes, inunkah iko ngalelu Uki" Ate Petrus palus sedih ket Yesus nunti pakai katolu kaline,''Inunkah iko ngalelu Uki?'' Balalu Petrus sawada hmpah-Iyo," Tuhan, Iko kotoe segala sesuatu. Iko kotoe bahwa uki ngalelu Iko!" Yesus sawada hmpahiyo, "Pakatik babiri-babiri-Ku! ¹⁸Uki nyawada sa sabujurne hmpahiko, tawuk iko muda, iko raerai sa nyuruk towingko dan malan pah hawe pun iko hokun; kode tawuk iko jari muntuo, iko sagar ngansang longonko dan ulun lain sagar nyuruk towingko, dan ngoit iko pah duoi sa bakoi iko sidi.''¹⁹Yesus nyawada hal itu pakai nutui anri pampate kakala inunkah Petrus memuliakan Allah.Dan ukah nyawada hal iro, Io sawada hmpah Petrus, ''Ikoleh Uki!'' Inun sa sagar Terjadi anri murid sa bangat Na kalelu Yesus?²⁰Petrus ikulik dan nginte murid sa bangat na kalelu Yesus rahat notah reo. Io adalah murid sa maharung rupak dada Yesus gi perjamuan kamalom dan,''hiekah ulun sa sagar menghianati Iko iro?" ²¹Hantek nginte iyo, Petrus nunti hmpah Yesus,"Tuhan, nakolo anri iyo?"²²Yesus nuing, "Seandaine Uki hokun io tatap wolum hampe Uki hawi kamulek, inun urusan? Iko, bayaleh Uki!" ²³Maka,papaneran Yesus itu ta sebar gi padang pulaksanai-pulaksanai irobahwa muridne bakoi sagar mate, padahal Yesus bakoi nyawada hmpahiyo bahwa io bakoi sagar mate melainkan ekat sawada, "Seandaine Uki hokun io tatap wolum hampe Uki hawi kamulek, inun urusanko?"²⁴Iyoleh murid sa basaksi mengenai kahaine itu dan haut manulisne itu dantakam kotoe bahwa kasaksianne iro uah. ²⁵Magon naan hal lain kia sahaut Yesus ulah amun natulis era per erai, uki inam kahai dunia itu pun bakoi sagar sukup pakai kahai Kitab sa harus natulis iro.

Acts

Chapter 1

¹Huang buku sa na tulisku sametene,Teofilus,neo kahai sa Yesus ulah dan ajarkan, ²hampe pah onro tawuk Io na enat,ukah Io ngudru parentah,metah Roh Kudus pah rasul-rasul sa haut na peliNe. ³Pah reo,Io pada nutui tongaNe raerai wolum ukah Io menderita,andri wahai bukti, nelang nantarang tonga mpah reo saohang epat pulu onro dan bapaner neo Kerajaan Allah.⁴Sementara ibaya andri reo,Io nyuyu reo pakai bakoi nanan Yerusalem,kude ngandrei janyi Uma,sawada-Ne,''Iko korongoi teke Uki, ⁵ket Yohanes napondrus andri ranu,kude iko sagar na apondrus andri Roh Kudus,bakoi ohang teke tataha.'''Yesus Taenat mpah Surga⁶Ket iro,tawuk reo bakumpul sasameh,reo nunti pah-Io, ''Tuhan,inunkah itu waktune Iko memulihkan kerajaan ma Israel?'' ⁷ Io sawada pah reo, ''bakoileh pi iko pakai ngontoe neo waktu dan masa sa haut na tetapkan daya Uma huang kuasa-Ne. ⁸Kude,iko sagar narime kuasa tawuk roh Kudus haut hawi pah iko dan iko sagar jari saksi-saksi-Ku gi Yerusalem,gi katuluh Yudea dan Samaria,dan hampe pah bagian bumi paling hujung.''⁹Dan, ukah Io nyawada hal-hal itu,sementara reo nginte,Io taenat dan awan ngoit-Oi jawoh teke panginteen reo. ¹⁰Balalu,hantek reo masih nginte pah langit,sementara Io tulak,iteleh,naan ruo kaulun upo bapama wura sokondrong gi hila reo, ¹¹dan sawada, ''Hai ulun-ulun Galilea,wuah inunko sokondrong nelang nginte pah langit? Yesus itu,sahaut taenat teke helang iko pah surga sagar hawi mulek andri cara sa sameh iyalah iko nginte-Ne tulak mpah surga.'' Mameli Erang kaulun Rasul Wayu¹²Udi iro,reo mulek mpah Yerusalem teke bukit sa naontuh Zaitun,sanaan riet Yerusalem,orone seperjalanan Sabat. ¹³Hantek reo masuk,reo ngabai mpah ruang obo,duoi reo duloi. Petrus,dan Yohanes,dan Yakobus,dan Andreas,Filipus,dan Tomas,Bartolomeus,dan Matius,Yakobus pea Alfeus,dan Simon ulun Zelot,dan Yudas pea Yakobus.¹⁴Reo kahai andri se ate batekun huang doa sasameh andri kawan wawe dan Maria,ine Yesus,serta pulaksnai-pulaksanai-Ne.¹⁵Hang ondro-ondro iro,Petrus sokondrong gi helang pulaksanai-pulaksanai saiman (ulun rama kira-kira jatuh ruampulu jumlahne),dan sawada, ¹⁶''Pulaksanai-pulaksanai,Kitab Barasis harus nagenapi,sahaut nawada sametene daya Roh Kudus metah wawa Daud neo Yudas,sajari pamimpin maulun-ulun sanyama Yesus.¹⁷Sabab, io nareken gi helang takam dan kaiyuh bagian huang pelayanan itu. ¹⁸Tataha, ulun itu meli sebidang tana andri upa teke kejahatanne,dan ukah ulokne lawu lewi pono,bagian suan tongane darai,dan kahai isi wuntungne taburarai. ¹⁹Dan,hal itu haut na kontoe daya kahai ulun sa duoi gi Yerusalem sehingga tana itu huang bahasa reo na ontuh Hakal-Dama,artine Tana raya'(tanah darah).²⁰Sabab,haut tatulis huang kitab Mazmur: 'Ingkehleh uneng duoine jari suni,dan ingkehleh gi raha koi oeng erai kaulun pun saduoi gi huangne,'Ingkehleh salainne ngalap jabatanne.'²¹Ket iro,erai kaulun teke reo sa ibaya andri takam saohang Tuhan Yesus masuk dan kaluar teke helang takam, ²²mulai teke baptisan Yohanes hampe pah ondro tawuk Io naenat teke helang takam,salah satu teke reo itu harus jari saksi neo kebangkitan-Ne ibaya takam.'' ²³balalu,reo ngusul rueh kaulun,iyoiro Yusuf sana ontuh Barsabas,sapada naontuh Yustus,dan Matias.²⁴Ukah iro,reo ilaku doa,''Iko,Tuhan sa kataru ate kahai ulun.Tutuileh mpah kain hie gi antara karueh ulun itu sa haut Iko peli, ²⁵pakai narime bagian pelayanan itu dan jabatan rasul ,teke Yudas sa haut manyimpang pakai tulak mpah duoine raerai.'' ²⁶Ukah iro, kawan rasul ngumpe undi gi helang reo dan undian lawu pah Matias sehingga io tareken baya andri sawalas rasul.

Chapter 2

¹Tawuk ondro Pentakosta niba,reo kahai sasameh naan gi duoi sa sameh. ²Dan,tiba-tiba narongoi teke langit,lengan iyalah siwuyan riwut mehet,dan lengan iro namponu isi lowu duoi reo rahat maharung. ³Dan,taite pah reo lola-lola iyalah lelap apui sabahamur dan tudi gi bawo reo masing-masing. ⁴Maka,reo kahai na tomponu andri Roh Kudus dan mulai bapaner huang berbagai bahasa,iyalah sa naundru Roh Kudus pakai reo ontuh.⁵Gi tawuk iro,naan ulun-ulun Yahudi sa duoi gi Yerusalem,ulun-ulun saleh teke tiap-tiap bangsa gi pida langit. ⁶Dan, hantek lengan iro narengei,sakumpulen ulun rama hawi sameh-sameh dan bingung et satiap ulun rahat nyondrongoi reo bapaner huang bahasa reo raerai. ⁷Reo takjub dan heran,nelang sawada,''Bakoikah reo kahai sarahat bapaner adalah ulun-ulun Galilea?⁸Dan, kolowangun mungkin masing-masing takam korongoi reo andri bahasa duoi takam nakayaan? ⁹Ulun-ulun Partia,dan Media,dan Elam,Dan penduduk Mesopotamia,Yudea dan Kapadokia,Pontus dan Asia, ¹⁰Frigia,dan Pamfilia,Mesir dan daerah-daerah Libia tete Kirene,dan pendatang-pendatang teke Roma,baik ulun Yahudi maupun kawan proselit, ¹¹ulun-ulun Kreta dan Arab.Takam korongoi reo bapaner andri bahasa takam neo gawian-gawian idu Allah.''¹²Dan,reo kahai takjub dan bingung nelang sawada erai andri salain,''Inun arti kahai itu?'' ¹³Kude,ulun lain kakihi reo dan nyawada,''Reo namabukkan daya anggur wayu.'' Petrus Bapaner mpah Ulun wahai¹⁴Kude,Petrus sokondrong andri kasawalas rasul,ngenat lenganne dan sawada pah reo, ''Hai ulun-ulun Yahudi dan kahai saduoi gi Yerusalem,ingkehleh nakontoe dayako dan perhatikanleh papaneranku. ¹⁵Sabab, ulun-ulun itu bakoi mabuk,iyalah sana tanguh dayako et onro wayu jam tolu,¹⁶kude ituleh sanawada metah Nabi Yoel: ¹⁷'Dan,gi onro-onro terakhir sagar terjadi,Allah bafirman:bahwa Uki sagar mencurahkan Roh-Ku bawo kahai murunsia.Dan,pea-peako upo dan pea-peako wawe sagar banubuat dan pea-pea mudako sagar kite panginteen,dan ulun-ulun muntuo sagar nganupi upi-upi.¹⁸Bahkan pah obo hamba-hamba-Ku upo dan hamba-hamba-Ku wawe hang ondro-ondro iro,Uki sagar mencurahkan Roh-Ku dan reo sagar bernubuat. ¹⁹Dan,Uki sagar ngampi ite mukjizat-mukjizat gi langit,gi obo,dan tanda-tanda ajaib gi bumi,gi iwa,raya,dan apui,dan kabut atuk.²⁰Mate ondro sagar naubah jari sirom dan wulan jari raya,samete ondro Tuhan sa idu dan mulia hawi. ²¹Dan sagar terjadi,satiap ulun samowa ngaran Tuhan sagar na salamat kan.'''²²''Hai ulun Israel,rongoileh papaneran itu.Yesus,Ulun Nazaret,erangka ulun sa nanyatakan teke suan iko daya Allah andri hal-hal ajaib,mukjizat-mukjizat,dan tanda-tanda,sa haut Allah tutui gi suanko metah Io,iyalah sa iko raerai kontoe. ²³Yesus itu,sanasarahkan manurut rencana sa haut na tentukan dan pengetahuan Allah sametene,iko wunu andri nyalib-Ne metah longon ulun-ulun durhaka. ²⁴Kude,Allah membangkitkan-Ne,dan nongkosit-Io teke penderitaan maut et bakoi mungkin bagi-Ne nakuasai daya pampate.²⁵Sabab,Daud suah sawada neo Yesus, 'Uki kiite Tuhan balajur naan gi hadapan ku,et Io naan gi hila kawanku sehingga uki bakoi sagar nagoyahkan. ²⁶Daya sabab iro,ateku baarai dan lolaku basorak-sorak.Tongaku pada sagar duoi huang pengharapan,²⁷et iko bakoi sagar nanan jiwaku naan gi dunia ulun mate,atau ngaret tonga Ulun Kudus-Ko ginte kebinasaan. ²⁸Iko haut bara mpah uki lalan pamolum.Iko sagar ngulah uki ponu arai mihewu andri rowawa-Ko.'²⁹Pulaksanai-pulaksanai,uki kaiyuh bapaner pah iko andri yakin neo uma leluhur takam,Daud,bahwa io haut mate dan na dowong dowong,dan polowongne tatap naan baya takam hampe onro itu. ³⁰Jari,et io adalah erangkaulun nabi dan kotoe bahwa Allah haut bajanyi andri sumpah pah io pakai ngampiharug isa teke keturunan Daud gi bawo tahtene. ³¹Ket iro,Daud sakiite hal itu sametene,io bapaner neo kebangkitan Kristus 'Io bakoi sagar natanan gi dunia ulun mate,dan tonga-Ne bakoi kiite kebinasaan.'³²Yesus ituleh sa Allah bangkitkan dan kain kahai adalah saksi neo hal itu. ³³Ket iro,ukah naampobo daya longon kawan Allah dan narime janyi teke Uma neo Roh Kudus,Io haut mencurahkan,inun sa haut na ite maupun na rongoi daya ko.³⁴Sabab,Daud bakoi ngabai pah surga,kude io raerai sawada, ''Tuhan sawada pah Tuanku, 'Maharungleh gi hila kawan-Ku, ³⁵hampe Uki ngulah musuh-Ko jari tumpuan poo-Ko.''' ³⁶''Ket iro,ingkehleh kahai lowu Israel kotoe andri pasti bahwa Allah haut ngulah-Ne Tuhan dan Kristus,ituleh Yesus sa haut iko salibkan.''³⁷Tawuk reo korongoi hal itu,tasodoklah ate reo,balalu sawada pah Petrus dan kawan rasul lainne,''Pulaksanai-pulaksanai,inunsaharus na ulah kain?'' ³⁸Balalu,Petrus sawada pah reo, ''Batobatlah dan tapondrusleh tongako masing-masing huang ngaran Kristus Yesus pakai ngampun dosa-dosako,dan iko sagar narime karunia Roh Kudus. ³⁹Sabab,janyi itu adalah pah iko,dan pea-peako,dan pah kahai ulun samasih oro,sahene Tuhan Allah takam sagar mowane.''⁴⁰Dan, andri wahai papaneran lain,Petrus basaksi andri sungguh-sungguh dan baseru mpah reo,wadane, ''salamatkanleh tongako teke generasi samelok itu!'' ⁴¹Ulun-ulun sanarime papaneran Petrus na apondrus dan gi onro iro jumlah reo na tamoh sakitar tolu ribu tonga.Persekutuan Ulun-Ulun harap ⁴²Reo batekun huang pengajaan rasul-rasul dan huang persekutuan,huang nyandarai rute,dan huang lakudua.⁴³Dan, katakuten hawi pah obo satiap jiwa,dan hene hal ajaib nelang tanda-tanda saterjadi metah kawan rasul. ⁴⁴Kahai sapercaya bakumpul sasameh dan ngompun segala sesuatu ne sasameh. ⁴⁵Balalu,reo ngari harata bana none,ukah iro mambagi-bagine pah kahai ulun,sesuai kebutuhanne masing-masing.⁴⁶Tiap ondro,andri isa ate reo ro bakumpul sasameh gi Bait Allah dan nyandarai rote teke lowu mpah lowu.Reo narime pangokan reo andri arai dan tulus ate, ⁴⁷nelang memuji Allah,dan reo nakatuju daya wahai ulun.Dan tiap ondro Tuhan namoh jumlah reo,iyoiro ulun-ulun sana salamatkan.

Chapter 3

¹Erai onro,Petrus dan Yohanes tulak mpah Bait Allah tawuk jam ilaku doa,iyoiro gi jam kasuei. ² balalu,erangkaulun upo salumpuh teke huang kandungan inene na ayak.Satiap onro reo ngingkeh io gi manamang gerbang Bait Allah sa bangaran Manamang Gerbang Indah pakai laku sadakah teke ulun-ulun sasagar masuk mpah Bait Allah. ³ Hantek io kaite Petrus dan Yohanes kai masuk mpah Bait Allah,io laku sadakah.⁴ Balalu,Petrus,andri Yohanes,ngintene dan sawada, ''Ite kain.''⁵ Ulun lumpuh iro mengarahkan perhatianne pah Petrus dan Yohanes,nelang baharap narime sesuatu teke reo.⁶ Kude,Petrus sawada,''Uki bakoi oeng perak atawa amas,kude sanaan witu uki sagar na undruku pah iko.Huang ngaran Kristus Yesus ulun Nazaret iro,buan dan malanleh!''⁷ Kamulek, Petrus ngepot longon kawan ulun iro dan ngarawahne sokondrong.Hantek yiro pada,poo dan pagalanganne jari kuat. ⁸ Andri nampekung,io sokondrong dan mulai malan.Balalu,io masuk mpah huang Bait Allah sindrah Petrus danYohanes,nelang takia,dan nanturak-turak,nelang mamuji Allah.⁹ Kahai ulun ngintene malan dan mamuji Allah,¹⁰ dan reo kataru ulun irolah sa biasane maharung gi Gerbang Indah Bait Allah pakai ilaku sadakah.Reo na tamponu andri rasa takjub nelang kagum bawo hal sahaut terjadi pah io.Petrus Bapaner pah ulun Rama¹¹ Sementara ulun iro ikepot gi Petrus dan Yohanes,kahai ulun nempat pah reo gi Sampatai Salomo,andri rasa takjub.¹² Balalu, hantek Petrus ngintene,io sawada pah ulun rama iro,''Hai ulun-ulun Israel,wuah inun iko heran neo hal itu atau et inun iko nginte kain seolah-olah andri kuasa kain raerai,kain haut ngulah ulun itu malan?¹³ Allah Abraham,dan Ishak,dan Yakub,Allah datu nini takam haut memuliakan hamba-Ne,Yesus sa iko sarahkan dan iko tolak gi hadapan Pilatus tawuk io memutuskan pakai nongkosit-Ne.¹⁴ Kude, iko bakoi narime Sa Kudus dan Uah,dan iko ilako erang kaulun penjahat na tongkosit pah iko,¹⁵ dan iko munu Sang pangundru Wolum,sahaut Allah bangkitkan teke helang ulun mate.Neo itu,kain adalah saksi-saksi. ¹⁶ Dan badasarkan iman huang ngaran-Ne,iyoiro ngaran Yesus,haut ngampi kuat upo sa iko ite dan kenal itu. Dan, iman sahawi metah Io haut ngundru kasehatan sa sempurna pah upo itu gi hadapan iko kahai.¹⁷ Tataha,pulaksanai-pulaksanaiku,uki kotoe bahwa iko batindak huang kabakoi kotoeko iyalah sa na ulah kawan pemimpinko. ¹⁸Kude,sa Allah tahampe sa metene metah wawa kahai nabi bahwa Kristus sagar menderita,haut Io genapi.¹⁹ Ket iro,batobatleh dan iwalengleh pakai dosa-dosako na puhut, ²⁰ sehingga hantek kelegaan hawi teke pihawian Tuhan,dan pakai Io ngutus Kristus sahaut na tetapkan pah iko,iyoiro Yesus,²¹ saharus surga tarime hampe mpah waktu pemulihan kahai sesuatu iyalah sa haut Allah wada metah kawan nabi-Ne sa kudus tika zaman sali, ²² Musa sawada,'Tuhan Allahko sagar membangkitkan pah iko erang kaulun nabi iyalah uki teke penah pulaksanai-pulaksanaiko raerai.Iko harus nyondrongoi segala sesuatu sa Io wada pah iko.²³ Dan sagar terjadi,satiap jiwa,sa bakoi nyondrongoi nabi iro sagar nasamawai teke kawan bangsa.'²⁴ Dan,kahai nabi sasuah bapaner,malai teke Samuel dan reo sahautne pada memberitakan onro-onro itu.²⁵ Iko adalah katurunan teke kawan nabi dan teke perjanjian sa haut Allah andri datu niniko,andri sawada pah Abraham,'Metah umangko,kahai katurunan gi muka bumi sagar na berkati.' ²⁶ Allah,ukah membangkitkan hamba-Ne,ngirim-Ne pah iko lewi pono memberkatiko andri ngulah satiap ulun teke penah iko iwaleng teke kejahatan."

Chapter 4

¹ Tawuk Petrus andri Yohanes bapaner pah ulun rama,hawi pah reo kawan imam,kapala penjaga Bait Allah dan ulun-ulun Saduki, ²andri tuu sangit et reo ngajar ulun rama nelang memberitakan gi huang Yesus naan kebangkitan teke helang ulun mate. ³ Balalu,reo nyama Petrus andri Yohanes dan nyui reo mpah huang penjara hampe pitaninne et ondro haut kamalom. ⁴ Kude,wahai teke reo sahaut korongoi papaneran kawan rasul jari harap,dan jumlah upo gi penah reo jari kira-kira dime ribu kaulun.⁵ mpah pitaninne,pamimpin-pamimpin,muntuo-muntuo reo bakumpul baya gi Yerusalem, ⁶ andri kawan Imam Idu Hanas, dan Kayapas,Yohanes,Aleksander,dan kahai ulun teke keluarga Imam Idu. ⁷ Tawuk reo ngingkeh Petrus dan Yohanes gi suan,reo nunti, "Andri kuasa inun atau andri ngaran hiekah iko ngulah hal itu?"⁸ Balalu,Petrus, na tomponu andri Roh Kudus,sawada pah reo,'' Kawan pamimpin bangsa dan muntuo-muntuo,⁹ amun kain na pariksa onro itu et suatu ulahan maasus sa haut kain ulah nadap ulun sa maloma itu,andri cara inun ulun itu haut na samare?¹⁰ Ingkehleh hal itu nakontoe iko kahai dan kahai ulun Israel bahwa ket ngaran Kristus Yesus,ulun Nazaret,sa iko salibkan sahaut Allah bangkitkan teke helang ulun mate,ulun itu sokondrong gi hadapanko huang keadaan sehat.¹¹ Yesus itu adalah: 'Watu sa bakoi na tarime dayako,tukang-tukang bangunan,sahaut jari Watu Penjuru.Watu sapertama dan sa tuu penting teke suatu bangunan.¹² Dan, koi oeng gi huang hiepun lainne et bakoi oeng ngaran lain gi pida langit na undru gi antara murunsia sa et ngaran iro takam kaiyuh kasalamaten."¹³ Hantek reo kiite karonuen Petrus dan Yohanes dan kataru bahwa reo adalah ulun-ulun bakoi terpelajar dan awam,reo jari heran dan mulai kataru bahwa karuone suah baya Yesus.¹⁴ Dan,ukah kiite ulun sahaut na samare iro sokondrong gi hila Petrus dan Yohanes,reo bakoi tau mambantahne.¹⁵ Kude,hantek reo nyuyu Petrus dan Yohanes nanan Sanhedrin Dewan Yahudi panga obo pakai urusan agama dan sipil reo baruding erai andri salain,¹⁶ andri sawada,"Inun saharus na ulah takam nadap karuo ulun itu? sabab, erai tanda saluar biasa haut terjadi metah reo dan miiro nyata pah kahai ulun sa duloi gi Yerusalem,dan takam bakoi tau nyangkalne.¹⁷ Kude,pakai hal itu bakoi magin tasebar gi kawan ulun-ulun,hayu takam ngancam reo pakai bakoi lagi bapaner pah hiepun huang ngaran iro."¹⁸ Kamulek,reo mowa Petrus dan Yohanes,balalu nyuyu karuone pakai bakoi bapaner atau ngajar inunpun huang ngaran Yesus.¹⁹ Kude, Petrus dan Yohanes nyawab dan bapaner pah reo,''Putusleh sa uah huang pandangan Allah,pakai nyondrongoi iko lewi teke Allah?²⁰ Sabab, kain bakoi tau kacuali ngontuh hal-hal sahaut kain ite dan rongoi."²¹ Maka,hantek reo tarus ngancam Petrus dan Yohanes,reo ngaret rasul-rasul iro tulak,ukah bakoi kahong cara pakai nukum karuone et daya ulunrama memuji Allah bawo inun sahaut terjadi.²² Sabab,ulun sa piio tanda kesembuhan haut nanyatakan,haut baumur lewi teke epat pulu taun.Petrus dan Yohanes Mulek pah Pulaksanai-Pulaksanai Seiman²³ Hantek haut na tongkosit,Petrus dan Yohanes tulak pah kawan iangne raerai dan basurah kahai sesuatu sa napaner daya kawan imam kapala dan muntuo-muntuo pah reo.²⁴ dan,hantek iang-iangne iro korongoine,reo ngenat lengan reo mpah Allah andri isa ate dan sawada,"Ya Tuhan,Ikoleh sa haut ngulah langit,tana,laut,dan kahai isine,²⁵ sanyawada,metah Roh Kudus,metah wawa hamba-Nu,Daud datu nini kain:²⁶ Raja-raja dunia basiap-siap,dan kawan panguasa bakumpul baya,dawan Tuhan dan dawan Sa Naurapi-Ne.'²⁷ Sabab, sabujurne gi kota itu haut bakumpul sasameh pakai dawan Yesus,Hamba-Ko Sa Kudus,sa Iko urapi,baik Herodes dan Pontius Pilatus,sasameh andri bangsa-bangsa lain ,dan ulun-ulun Israel,²⁸ pakai ngulah kahai sesuatu sa et longon-Ko dan rancana-Ko haut tentukan sametene pakai terjadi.²⁹ Dan tataha,Tuhan,iteleh ancaman-ancaman reo dan karuniakanleh hamba-hamba-Ko itu pakai mambaritakan firman-Ko andri sagala koronuen,³⁰ sementara Iko ngulur longon-Ko pakai nyamare dan tanda-tanda nelang keajaiban-keajaiban terjadi et ngaran hamba-Ko saKudus,Yesus." ³¹ Dan ,ukah reo ilakudoa,tagagunsanglah duoi reo bakumpul sasameh dan reo na tomponu andri Roh Kudus,nelang tarus mambaritakan firman Allah andri ronu. Pamolum Ulun Percaya³² Dan,kumpulan reo sapercaya jari isa ate dan jiwa.Koi oeng erang kaulunpun sasawada bahwa barang milikne adalah none raerai,kude segala sesuatu adalah milik reo sasameh.³³ Balalu,andri kuasa sa idu kawan rasul ngundru kesaksian reo neo kebangkitan Tuhan Yesus dan anugerah sa idu naan bawo reo kahai.³⁴ Koi oeng erai kaulunpun sakakurangen gi penah reo ket kahai ulun naan umo atawa lowu,ngarine,dan ngoit hasil arianne,³⁵ balalu ngingkehne gi poo para rasul,dan nabagi-bagikan pah masing-masing ulun sasuai andri pangekene.³⁶ Mihie pada Yusuf,ulun Lewi,katurunan Siprus,sapada na wowa day a para rasul,Barnabas,sabaarati 'pea penghiburan'³⁷ ,ngari umo none dan ngoit duitne,balalu ngingkehne gi poo kawan rsul.

Chapter 5

¹ Kude,naan erang kaulun upo bangaran Ananias andri wawenne,Safira,ngari harata none.² Dan,andri pongontoe wawenne ,Ananias nahan sabagian hasil arianne ma io raerai,dan eket ngoit sa sebagian,balalu ngingkehne gi muka poo kawan rasul.³ Kude,Petrus sawada,"Ananias,et inun Iblis nomponu ateko sehingga iko poojo mpah Roh Kudus dan nahan hasil sabagian tana iro? ⁴ Tawuk masih mete na ari,bakoikah tana iro nukam?Dan ukah,ngari ne,bakoikah tana iro naan gi iwa kuasako?Ket inun iko mamikir ulahan itu gi huang ateko? Iko bakoi poojo pah murunsia,kude pah Allah." ⁵ Balalu, hantek korongoi papaneran iro, Ananias lawu dan nepa hengo sa panglisan. Maka terjadi katakuten sa idu tahadap kahai ulun sakorongoi hal iro.⁶ Papire ulun uro hawi, mangapani ne,dan ngenat ne mpah luar,balalu dowongne.⁷ Kamulek,huang waktu kira-kira tolu jam,wawen Ananias hawi,kude io bakoi kotoe inun sa haut tarjadi.⁸ Dan,Petrus sawada pah io, "Wada pah uki,inunkah iko ngari tana iro andri haraga saidu itu?"Dan,Safira nyawada, "Iyo,saidu itu."⁹ Kamulek Petrus sawada, "Ket inun iko andri huongko sapakat sasameh pakai mansuba Roh Tuhan? Ite,rarah poo ulun ukah dowong huongko kia naan gi muka manamang dan reo pada sagar mikul iko pah luar."¹⁰ Tiba-tiba, Safira lawu gi muka poo Petrus dan nepa hengo pangalisan. ¹¹ Maka, terjadilah katakuten sa idu gi suan kahai jemaat dan ulun-ulun sa korongoi hal itu. Tanda-Tanda Ajaib Teke Allah¹² Wahai tanda ajaib dan mukjizat terjadi gi penah ulun rama metah longon kawan rasul dan reo kahai andri se ate duoi gi Sampatai Salomo.¹³ Koi oeng teke sa lainne ngampironu tonga pakai bagabung andri reo,kude ulun-ulun tuu memuliakan reo.¹⁴ Dan,naan makin rama jumlah ulun sa percaya gi huang Tuhan,sejumlah idu,baik upo maupun wawe. ¹⁵ Ket iro,reo bahkan mikul ulun-ulun sakit mpah lalan-lalan dan nangkubis reo gi obo tandu dan tilam uyam pakai hantek Petrus hawi,sa bakoine ama ne kaiyuh uah papire teke reo.¹⁶ Pada,naan wahai ulun teke kota-kota gi sakitar Yerusalem hawi sasameh,ngoit ulun-ulun sakit dan reo sa na rasuki daya roh-roh jahat.Reo kahai na samare. Para Rasul Najama¹⁷ Kude,kawan imam idu bangkit,baya kawan pangikutne,iyoiro golongan Saduki,*dan reo na tomponu andri iri ate. ¹⁸ Reo nyama kawan rasul dan nyui ne mpah huang penjara umum.¹⁹ Kude,hantek onro kamalom,erang kaulun malaikat Tuhan ngugah manamang-manamang panjara,ngoit reo kaluar,dan sawada, ²⁰ "Tulak,sokondrong,dan baraleh mpah ulun-ulun gi Bait Allah kahai firman neo pamolum itu."²¹ Dan,ukah reo korongoine,gi subuh,reo masuk mpah huang Bait Allah dan mulai ngajar.Hantek Imam Besar dan ulun-ulun baya io hampe,reo ngumpul Sanhedrin dan kahai majelis muntuo-muntuo Israel,balalu nyuyu ulun mpah penjara pakai ngoit rasul-rasul iro nadap reo.²² Kude,hantek ulun-ulun na suyu iro hampe,reo bakoi kahong karuo rasul iro gi penjara,Balalu,reo mulek dan ngunru laporan, ²³ andri nyawada,"Kain kahong penjara iro takunsi andri kahai pengamanan dan kawan panjaga sokondrong gi muka manamang,kude hantek kain ngukane,kain bakoi kahong eraipun ulun gi huangne."²⁴ Dan,kapala panjaga Bait Allah dan kawan imam kapala korongoi papaneran iro,reo tuu bingung andri kawan rasul iro dan nunti-nunti kolowangun mungkin hal iro tau tajadi.²⁵ Kamulek,erang kaulun hawi dan nyawada pah reo,"Ite! Ulun-ulun sa iko sui mpah huang penjara rahat sokondrong gi Bait Allah dan ngajar ulun rama."²⁶ Balalu,kapala panjaga Bait Allah baya pangawalne tulak dan ngoit rasul-rasul iro,kude bakoi andri kakarasen ket reo takut napedak watu et ulun rama.²⁷ hantek reo haut ngoit Petrus dan Yohanes,reo ngampi nadapne mpah²⁸ Sanhendrin.Balalu,Imam Besar nunti reo, wadane,"Kain haut nguring iko andri karas pakai bakoi lagi ngajar gi huang ngaran iro,kude iko haut namponu Yerusalem andri ajaranko dan iko bamaksud pakai nangung raya Ulun itu pah kain."²⁹ Kude,Petrus dan kawan rasul nyawab,"Kain harus lewi menaati Allah teke murunsia. ³⁰ Allah datu nini kain haut mambangkitkan Yesus,sahaut kam wunu andri ngagueng-Ne gi bala sangar. ³¹ Allah ngampobo Io gi longon kawan-Ne jari Pamimpin dan Juru Salamat pakai ngundru pertobatan mpah Israel dan pangampunen bawo dosa-dosa. ³² Dan,kain adalah saksi-saksi teke kahai itu,dan mihie pada Roh Kudus,sa haut Allah undru mpah ulun-ulun sa manaati-Ne."³³ Hantek reo korongoi hal iro,ate reo tasodok dan bamaksud pakai munu kawan rasul iro. ³⁴ Kude, erai ulun Farisi bangaran Gamaliel,erai ulun guru Taurat sa nahormati kahai ulun,sokondrong gi hadapan Sanhendrin dan nyuyu pakai kawan rasul iro na oit mpah luar erang alik.³⁵ Balalu,io sawada pah reo,''Hai ulun-ulun Israel,parhatileh andri saksama inun sagar na ulahko nadap ulun-ulun itu? ³⁶ Sabab, papire waktu tapuitah,Teudus bangkit,mangaku io sebagai ulun penting dan kira-kira naan opat jatuh kaulun sa bagabung andri io.Kude,io na wunu dan kahai pangikutne bahamuran,hampe koi oeng budas. ³⁷ Ukah Teudas,Yudas teke Galilea bangkit,gi ondro-ondro sensus,dan ngoit rama ulun pakai uma io.Io pada na wunu dan kahai ulun sauma io bahamuran.³⁸ Ket iro,huang kasus itu,uki manasehat ikam:Tongkoro ulun-ulun itu dan ingkehleh reo.Sabab,amun rancana dan gawian itu baasal teke murunsia,hal iro bakoi sagar bahasil. ³⁹ Kude,amun rancana itu baasal teke Allah,iko bakoi sagar tau ngampi hindroine.Bahkan,iko mungkin sagar natangkahong rahat dawan Allah.''⁴⁰ Reo manurut nasehat Gamaliel.Kamulek,ukah mowa karuo rasul iro,reo ngakasah karuone dan nguring kawan rasul pakai bapaner huang ngaran Yesus,balalu nongkositne.⁴¹ Ket iro,rasul-rasul iro tulak teke hadapan Sanhendrin andri baarai mihewu sabab reo naanggap layak menderita panghinaan demi ngaran-Ne.⁴² Dan,satiap ondro gi Bait Allah dan teke lowu mpah lowu,reo bakoi suah mihindroi ngajar dan mambaritakan Injil Barita kasalamaten.Pahawi Yesus Kristus dan namulaine pamarentahan Allah gi dunia itu bahwa Yesus adalah Kristus.

Chapter 6

¹ Gi ondro-ondro iro,hantek jumlah murid tarus batamoh,suatu keluhan hawi teke ulun-ulun Helenis nadap ulun-ulun Ibrani asli et janda-janda reo bakoina perhatikankan huang palayanen pangokan satiap ondro.² Maka,karuowalas rasul iro mowa kahai murid dan sawada,"Bakoi uah pah kain pakai meng abaikan firman Tuhan demi malayani meja. ³ Ketiro,pulaksanai-pulaksanai,peli leh pitu kaulun teke penah iko sa tabukti maasus,ponu andri Roh Kudus dan hikmat,sasagar kain angkat neo tugas itu. ⁴ Sadangkan, kain sagar batekun huang lakodua dan huang pelayanan firman."⁵ Pernyataan iro gampi sanang ate kahai ulun.Dan,reo mili Stepanus,ulun saponu andri iman dan Roh Kudus,andri Filipus,Prokhorus,Nikanor,Timon,Parmenas,dan Nikolaus,erang kaulun proselit teke Antiokia.⁶ Reo itu naoit mpah hadapan kawan rasul,dan ukah lakudoa,kawan rasul gingkeh longon reo bawo pitu ulun iro.⁷ Firman Allah palus tasebar dan jumlah murid gi Yerusalem magin batamoh.Bahkan,sakalompok idu imam jari taat pah iman iro. Tajamane Stepanus⁸ Dan,Stepanus,ponu andri anugerah dan kuasa,haut ngulah hal menakjubkan dan tanda-tanda ajaib gi suan ulun rama.⁹ Kude, papire kaulun teke Sinagoge sa naontuh ulun-ulun Libertini,baik ulun Kirene,atau ulun-ulun Aleksandria,dan papire teke Kilikia dan Asia,bangkit dan badebat andri Stepanus.¹⁰ Kude,reo iro bakoi mampu dawan kabijaksanaan dan Roh sa andri-Io Stepanus bapaner.¹¹ Balalu,andri suni-suni reo mahasut papire ulun pakai bapaner,"Kain haut korongoi ulun itu ngontuh papaneran hujatan nadap Musa dan Allah!"¹² Dan, reo nyurung ulun rama,muntuo-muntuo,dan ahli-ahli Taurat, balalu nangkahong Stepanus, nyamane,balalu ngoitne mpah hadapan Sanhendrin.¹³ Reo menghadapkan saksi-saksi palsu sasawada, "Ulun itu bakoi suah mihindroi ngontuh papaneran sa dawan duoi kudus itu dan Hukum Taurat.¹⁴ Sabab,kain haut korongoi io nyawada bahwa Yesus teke Nazaret sagar nyanenuh duoi itu dan ngubah adat istiadat sa haut na wariskan Musa pah takam. "¹⁵ Dan, hantek nginte rowawa Stepanus,kahai ulun sa maharung huang Sanhendrin kite rowawane nyalah rowawa malaikat.

Chapter 7

¹ Kamulek, imam besar sawada, "Inunkah bujur mihie?" ² Dan, Stepanus sawada pulaksanai-pulaksanai dan uma-uma,sondrongoi uki. Allah sa Mahamulia tampak pah datu nini takam, Abraham, hantek io masih naan gi Mesopotamia,sa mete io duoi gi Haran, ³ dan sawada pah io, 'Tulakleh teke tanako dan teke kawan pulaksanaiko,balalu hawileh mpah tana sa sagar na tutui-Ku pah iko.'⁴ Ukah iro,Abraham nanan tana ulun Kasdim dan duoi gi Haran. Ukah umane nanan, Allah nyuyune pindah mpah tana itu, duloi tataha iko duoi. ⁵ Kude, Allah bakoi ngundru warisaan pah io,bahkan setapak tanapun bakoi, kude bajanyi pakai ngundru pah Abraham jari none dan katurunan sa udi io, meskipun Abraham mete naan pea.⁶ Kude,Allah sawada miitu, bahwa katurunenne sagar jari pendatang gi tana sa asing dan bahwa reo sagar nasamalah nelang na aniyaya saohang opat jatuh taun. ⁷ 'Kude, Uki sagar nukum bangsa sa nyamalah reo,'wada Allah, 'Dan, ukah iro reo sagar kaluar teke raha dan baibadah pah Uki gi duoi itu.' ⁸ Balalu,Allah ngundru pah Abraham perjanjian sunat, maka Abraham jari uma Ishak dan nyunatne hantek baumur walu ondro, dan Ishak jari uma Yakub, dan Yakub, karuo walas uma leluhur.⁹ Ket iri pah Yusuf,uma leluhur takam ngarine mpah Mesir.Kude, Allah nyindrah Yusuf,¹⁰ dan nyalamatne teke kahai penderitaan, nelang ngundrune anugerah dan kebijaksanaan gi hadapan Firaun, Raja Mesir, sangulahne jari pamimpin bawo Mesir dan kahai istanane.¹¹ Hantek,bencana kalau terjadi gi kahai Mesir dan Kanaan, nelang ngulah penderitaan sa tuu idu, dan datu nini takam bakoi tau kaiyuh pangokan. ¹² Kude, hantek Yakub korongoi bahwa naan gandum gi Mesir,io nyuyu datu nini takam hawi mpah raha sakaerai kaline. ¹³ Gi pahawian karuo, Yusuf ngulah pakai io na kotoe daya kawan pulaksanaine, dan kaluarga Yusuf jari jelas pah Firaun.¹⁴ Ukah iro,Yusuf ngirim pesen nelang ngundang Yakub, umane, dan kahai kawan pulaksanaine, kahaine bajumlah 75 jiwa.¹⁵ balalu, Yakub dolui mpah Mesir dan io mate gi raha, io dan datu nini takam. ¹⁶ Teke raha, reo napindah mpah Sikhem dan natungkubis gi polowong sahaut Abraham woli andri sajumlah duit teke pea-pea Hemor gi Sikhem.¹⁷ Kude, hantek magin riet waktu perjanjian iro, sahaut Allah ikrarkan pah Abraham, bangsa bangsa iro batamoh dan nalepet gandakan gi Mesir, ¹⁸ hampe naan raja lain bangkit bawo kahai Mesir, sa bakoi kotoe neo Yusuf. ¹⁹ Raja iro memperdaya bangsa takam nelang nganiyaya datu nini takam sahingga maksa reo ngumpe gena-gena reo sahingga reo bakoi kaiyuh batahan wolum.²⁰ Gi tawuk iro, Musa nakayaan dan tuu elok gi mato Allah.Dan,Musa naasuh gi lowu umane salawah tolu wulan. ²¹ Dan, hantek io haut na umpe, putri Firaun ngepone dan ngampi idune iyalah peane raerai.²² Maka,Musa nadidik huang kahai hikmat ulun-ulun Mesir dan io bakuasa huang papaneran dan gawianne. ²³ Kude, hantek Musa ganap baumur opat pulu taun, timul gi huang atene pakai dilang kawan pulaksanai-pulaksanaine, iyoiro katurunan Israel.²⁴ Dan hantek kite salah satu teke reo naperlakukan andri bakoi adil ulah ulun Mesir, Musa hawi ngalun ulun sa naaniyaya iro dan nyamalehne andri munu ulun Mesir iro. ²⁵ Musa nanguh bahwa pulaksanai-pulaksanaine sagar kataru bahwa Allah ngundru reo kasalamaten mitah io, kude reo bakoi kataru²⁶ gi ondro berikutne, musa nangkahong ulun Israel rahat babur, dan io bausaha ngampi damai reo, andri sawada,'Hai,bakoikah naun naan hubungan pulaksanai, et inun mangka kahanang?' ²⁷ Kude, ulun sangahanangen pulaksanaine iro nyurung Musa mpah tuhi nelang sawada, 'Hie sangulah iko panguasa dan hakim bawo kain? ²⁸ Inunkah iko hamen munu uki iyalah iko munu ulun Mesir iro andrape?'²⁹ Korongoi papaneran ulun iro, Musa tulak dan jari pandatang gi tana Midian. Gi raha ,io jari uma teke ruo pea upo. ³⁰ Ukah ganap opat pulu taun, erang kaulun malaekat nantarang tonga pah Musa gi jubut hukot gunung Sinai, huang lola apui gi semak roi.³¹ HantekMusa kiitene, io heran andri pingintene iro.Dan, hantek io nyandriet pakai mambidikne, hawi lengan Tuhan, ³² 'Ukileh Allah datu niniko,Allah Abraham, dan Allah Ishak, dan Allah Yakub.' Musa balalu neter takut dan bakoi ronu mambidikne.³³ Kamulek, Tuhan sawada pah io, 'Ukaleh sarumpah teke pooko et gi hawe iko sokondrong adalah tana barasis. ³⁴ Uki tuu-tuu haut kiite penderitaan umat-Ku sa naan gi Mesir dan haut korongoi rintihan reo. Dan, Uki haut dolui pakai manyalamatkan reo. Dan tataha hayulah, Uki sagar ngutus iko mpah Mesir.'³⁵ Musa, sahaut bakoi na tarime andri sawada,'Hiekah sanyanyari iko panguasa dan hakim bawo kain?' Io adalah ulun sanautus Allah pakai jari, baik panguasa maupun panyalamat, metah longon malaeket sa nantarang tongane pah io gi semak roi. ³⁶ Ulun itu ngoit reo kaluar, nelang ngulah mukjizat dan tanda-tanda ajaib gi tana Mesir, dan gi Laut Mea, dan gi jubut hukot sa ohang opat pulu taun. ³⁷ Musa ituleh sa sawada pah bangsa Israel, 'Allah sagar mambangkitkan pah iko erang kaulun nabi iyalah uki teke penah pulaksanai-pulaksanaiko.'³⁸ Io ituleh ulun sa naan gi penah jemaat gi jubut hukot andri malaekat sabapaner pah io gi Gunung Sinai, dan andri datu nini takam, dan io haut narime firman sawolum pakai na undru pah takam. ³⁹ Datu nini takam bakoi narime dan bakoi hakon taat pah Musa, kude nyingkirne dan hamen mulek mpah Mesir huang ate reo, ⁴⁰ andri sawada pah Harun, 'Ulahleh kain dewa-dewa sasagar bajalan gi muka kain et Musa itu, sa ngoit kain kaluar teke tana Mesir, kain bakoi kotoe inun sahaut terjadi gi io.'⁴¹ Gi tawuk iro, reo ngulah erai sampatung pea babiri, dan ngundru persembahan pah berhala iro, nelang sorak-sorai andri ulahan-ulahan longon reo. ⁴² Kude, Allah iwaleng teke reo dan ngaret reo nyamah bala tantara langit, iyalah satatulis huang kitab kawan nabi, 'Inunkah iko ngoit pah-Uki satua samalisan dan persembahan sa ohang opat pulu taun gi jubut hukot,hai umat Israel?⁴³ Iko ngoit kemah Molokh dan bintang dewako, Refan, sampatung sana ulahko pakai nyamahne, dan Uki sagar ngumpe iko mpah sabarang Babel.'⁴⁴ Datu nini takam ngompun Kemah Kesaksian gi jubut hukot, iyalah sa Allah parentahkan hantek bapaner pah Musa, pakai ngulahne sesuai andri gamaran sahaut na itene. ⁴⁵ Ukah narime kemah iro, datu nini takam ngoit ne masuk andri Yosua, hantek nandrabut tana reo teke bangsa-bangsa lain, sa haut Allah singkirkan teke hadapan datu nini takam, hampe gi jaman Daud. ⁴⁶ Daud kaiyuh ahi lelu gi hadapan Allah dan lako pakai kaiyuh duloi duoi pah Allah Yakub.⁴⁷ Kude, Salomo sanabuan erang kaua lowu pah Io. ⁴⁸ Kude, sa Maha obo bakoi duoi gi huang lowu sa na ulah daya longon murunsia, iyalah sa napaner daya nabi, '⁴⁹ Langit adalah tahta-Ku dan tana adalah tumpuan poo-Ku. Lowu inun kah sa sagar iko tubuan pah Uki?'Allah bafirman, 'Atau, inunkah duoi peristirahatan-Ku? ⁵⁰ Bakaoikah longon-Ku sa ngulah kahai itu?'⁵¹ Hai, iko sa ulun-ulun sa mape ulok, andri ate dan talingo sabakoi basunat, iko aur nantang Roh Kudus' iyalah sa haut naulah daya datu niniko! ⁵² Nabi-nabi awe sabakoi nasiksa daya datu niniko? Dan, reo munu ulun-ulun samete ne haut mengumumkan pihawian Sang Kabujuren, sa tataha haut ngulah iko raerai sebagai penghianat dan pembunuh. ⁵³ Iko, sa haut narime Hukum Taurat iyalah sa haut na tahampe daya kawan malaekat, kude iko bakoi nyagane!" Stepanus na wunu⁵⁴ Hantek reo korongoi hal-hal itu, ate reo tasodok dan menggertakkan kukut reo nadap Stepanus. ⁵⁵ Kude, Stepanus natomponu daya Roh Kudus nginte mpah langit dan kiite kemuliaan Allah, dan Yesus sokondrong gi hila kawan Allah. ⁵⁶ Stepanus sawada, "Rongoi! Uki kiite langit ta ugah dan Pea Murunsia sokondrong gi hila kawan Allah."⁵⁷ Kude, reo nantiak andri lengan mehet, dan nutup talingo reo, nelang sapakat nyarang Stepanus. ⁵⁸ Balalu, reo ngoit ne kaluar teke kota dan mulai medakne andri watu. Ukah iro, kawan saksi mato nguka jubah reo gi poo erang kaulun bujang bangaran Saulus.⁵⁹ Dan, reo tarus merajam Stepanus sa rahat baseru dan sawada, "Tuhan Yesus, tarimeleh rohku.'' ⁶⁰ Kamulek, ukah isudu, io baseru andri lengan mehet, "Tuhan, ada na tangung dosa itu pah reo!" Dan, ukah nyawadane, io pun mate.

Chapter 8

¹ Dan, Saulus pada satuju pembunuhan Stepanus iro. Saulus mambinasakan jemaat gi Yerusalem Gi ondro iro, suatu penganiayayaan sa idu nadap jemaat gi Yerusalem, dan reo kahai tapencar mpah wilayah-wilayah Yudea dan Samaria, kacuali kawan rasul. ² Papire ulun saleh dowong Stepanus dan ngampihawi ratapan sa miiro idu nadapne. ³ Kude, Saulus bausaha mambinasakan jemaat andri masuk mpah lowu-lowu.Io nyeret upo wawe, balalu manyarahne mpah penjara. Filipus Memberitakan Injil gi Samaria⁴ Balalu, reo sahaut tapencar iro bakaliling nelang memberitakan injil.⁵ Filipus duloi mpah Samaria dan memberitakan neo Kristus.⁶ Dan, ulun rama andri isa ate memperhatikan inun sa Filipus paner hantek reo korongoi nelang kiite tanda-tanda ajaib sa naulahne. ⁷ Sabab, roh-roh jahat kaluar teke ulun-ulun sa narasukine, nelang ngariak andri lengan mehet, nelang hene ulun lumpuh dan kepa nasamare. ⁸ Ket iro, naan arai hewu idu gi kota iro.⁹ Kude, naan erang kaulun upo bangaran Simon sametene mampraktekkan sihir gi kota dan ngulah kagum kahai ulun Samaria, andri ngontuh bahwa io adalah ulun idu. ¹⁰ Kahai ulun, mulai teke ulun panga odik hampe ulun panga idu, sawada, "Ulun itu adalah kuasa Allah sa naontuh 'Idu'." ¹¹ Maka,reo ngundru perhatian pah io et haut mihie ohang io haut ngulah reo takjub andri alimu sihirne.¹² Kude, ukah ulun-ulun iro harap andri Filipus samemberitakan injil neo kerajaan Allah dan ngaran Kristus Yesus, reo na baptis, upo maupun wawe.¹³ Bahkan,Simon raerai harap dan ukah io nabaptis, io naan tarus gi riet Filipus, dan hantek nginte bamasam mujizat dan tanda-tanda ajaib saterjadi, io jari takjub.¹⁴ Gi tawuk iro, hantek rasul-rasul gi Yerusalem korongoi bahwa ulun-ulun Samaria haut narime firman Allah, reo ngutus Petrus dan Yohanes mpah ulun-ulun gi raha, ¹⁵ sahawi dan ilaku dua pah reo pakai reo narime Roh Kudus. ¹⁶ Sabab, Roh Kudus mete duloi bawo erang kaulunpun teke reo, reo ekat haut nabaptis gi huang ngaran Tuhan Yesus . ¹⁷ Balalu, Petrus dan Yohanes menumpangkan longonne bawo reo dan reo narime Roh Kudus.¹⁸ Hantek Simon kiite bahwa Roh Kudus naondru metah penumpangan longon rasul-rasul, simon ngampi tawar duit pah rasul-rasul iro, ¹⁹ andri sawada, "Undru pada pah uki kuasa itu pakai satiap ulun sa pah io uki menumpang kan longon sagar narime Roh Kudus."²⁰ Kude, Petrus sawada pah Simon, "Semoga duitko iro binasa baya iko et iko bapikir iko kaiyuh karunia Allah andri duit ! ²¹ Iko bakoi oeng bagian atau hak huang hal itu et ate ko bakoi witu gi hadapan Allah. ²² Jari, batobatleh teke kajahatenko itu dan laku doaleh pah Tuhan pakai, amun mungkin, niat ateko iyuh na ampunkan pah iko. ²³ Sabab, uki kiite bahwa iko naan gi huang aperu sa mapait dan huang tampaleng kajahaten."²⁴ Kude, Simon nyawab dan sawada," Laku doaleh ma uki mpah Tuhan pakai inun sa haut iko wada bakoi ngatekan uki."²⁵ Maka,ukah Petrus dan Yohanes basaksi andri tuu-tuu dan sawada firman Tuhan, reo mulek mpah Yerusalem nelang mambaritakan Injil mpah wahai desa ulun Samaria. Filipus Mambaptis Ulun Etiopia²⁶ Kamulek, malaekat Tuhan bapaner pah Filipus,wadane, "Buanleh dan tulakleh mpah Selatan, mpah lalan sa dolui teke Yerusalem nuju Gaza. Lalan iro adalah lalan suni."²⁷ Filipuspun buan dan tulak. dan, naan erang kaulun Etiopia, sa adalah sida-sida teke erang kaulun pejabat pangadilan Sri Kandake, Ratu Kerajaan Etiopia. Io batangung jawab bawo kahai harta sang ratu. Io haut hawi mpah Yerusalem pakai sambayang, ²⁸ dan rahat mulek buli, nelang maharung gi huang karetane dan mambasa kitab Nabi Yesaya.²⁹ Balalu, Roh sawada pah Filipus, "Tulak dan bagabungleh andri kareta iro. "³⁰ Maka, Filipus nempat mpah kareta iro dan korongoi ulun iro rahat mambasa kitab Nabi Yesaya. Filipus nunti pah io," Inunkah tuan kataru inun sa rahat tuan basa?" ³¹ Dan, ulun iro nyawab, "kolowangun uki tau,kacuali naan ulun mambimbing uki?" Maka, io ngundang Filipus pakai ngabai dan maharung baya io.³² Gi tawuk iro,bagian teke Kitab Suci sa rahat na basa adalah itu, "Io na oit iyalah erang kaukui babiri ma uneng panyamalisan, dan iyalah erang kaukui pea babiri samete na gunting wulune muna sehingga io bakoi nguka wawa-Ne. ³³ Huang kahinaan-Ne, kabakoi adilan na rampas teke-Io. Hie sa tau ngesah katurunan-Ne? Sabab, wolum-Ne haut na rampas teke dunia."³⁴ Kamulek, sida-sida iro nyawab dan sawada pah Filipus," Uki lako pah iko, neo hie sang nabi nyawada itu, neo tongane raerai atau neo ulun lain?" ³⁵ Balalu, Filipus nguka wawane, dan mulai teke Kitab Suci itu, io bakhotbah neo Yesus pah io.³⁶ Dan, hantek reo tulak nampuh kiaan, reo hampe gi uneng sa baranu, dan sida-sida iro sawada,"Iteleh, naan ranu! Inun sa nahalang uki pakai nabaptis?" ³⁷ [ Balalu,Filipus sawada, "Amun tuan harap andri sa ponu ate tuan, tuan iyuh." Balalu, io nyawab dan sawada, "Uki harap bahwa Kristus Yesus adalah pea Allah."] ³⁸ Kamulek, sida-sida iro nyuyu kareta pakai tarie. Dan, reo baruo dolui mpah ranu, Filipus dan sida-sida iro, balalu Filipus mambaptisne.³⁹ Ukah reo ruo kaluar teke ranu, Roh Tuhan ngoit Filipus tulak, dan sida-sida iro bakoi kiitene lagi, balalu nampalus kiaenne nelang baarai mihewu. ⁴⁰ Kude, Filipus kahaba tongane naan gi Asdod, dan hantek io metah gi kawasan iro, io mambaritakan Injil mpah kahai kota hampe io tiba gi Kaisarea.

Chapter 9

¹ Kude, Saulus, nelang tarus ngulah ancaman dan pembunuhan nadap murid-murid Tuhan, tulak nadap Imam Idu, ² dan lako surat teke io, sa natuju mpah sinagoge-sinagoge gi Damsyik sehingga amun io kahong hiepun sa harap mpah Lalan iro, baik upo maupun wawe, io kaiyuh ngoit reo pakai na balangu gi Yerusalem.³ Kangohang io rahat malan, io magin riet andri Damsyik, dan tiba-tiba raai teke langit memencar ngaliling io. ⁴ Balalu, io lawu mpah tana dan korongoi lengan sa iwada pah io, "Saulus, Saulus,et iko maniyaya Uki ?"⁵ Saulus nunti, "Hiekah Iko, Tuan?" Dan, Io sawada," Ukilah Yesus, sa iko aniyaya. ⁶ Kude, buan dan masuklah mpah kota, dan iko sagar na bara inun sa sagar na ulah ko." ⁷ Ulun-ulun sa tulak baya andri Saulus sokondrong koi oeng bapaner ukah korongoi lengan iro, kude bakoi kite hiepun.⁸ Saulus sokondrong teke tana, dan meskipun matone taugah, io bakoi kite inun-inun. maka, ulun-ulun iro nganyakne andri longon dan ngoitne masuk mpah Damsyik. ⁹ Dan, kangohang tolu ondro, saulus bakoi kaiyuh nginte dan pada bakoi kuman atawa minum.¹⁰ Gi tawuk iro,naan erang kaulun murid gi Damsyik, bangaran Ananias. Tuhan bapaner pah io huang panginteen,"Ananias!" Maka, Ananias sawada,"Itu uki, Tuhan." ¹¹ Balalu, Tuhan sawada pah io, " Buan dan tulakleh mpah lalan sa na ontuh Lalan Witu, dan gi lowu Yudas, etoleh ulun Tarsus sa bangaran Saulus et, iteleh, ulun iro rahat laku doa, ¹² dan io haut kaiyuh panginteen bahwa erang kaulun bangaran Ananias hawi dan manumpangkan longonne mpah obone pakai io tau kiite kia."¹³ Kude, Ananias nyawab, " Tuhan, uki haut korongoi teke wahai ulun neo ulun itu, tuu hene ne kajahaten sa haut io ulah nadap umat Kudus-Ko gi Yerusalem, ¹⁴ dan gi itu io naan kuasa teke imam-imam kapala pakai mambalangu kahai ulun sa mowa ngaran-Ko." ¹⁵ Kude, Tuhan sawada pah io, " Tulakleh ket ulun itu adalah alat sa Uki peli pakai ngoit ngaran-Ku mpah hadapan bangsa-bangsa lain, dan raja-raja,serta bangsa Israel. ¹⁶ Sabab, Uki sagar nutui pah io tuu wahai io harus menderita demi ngaran-Ku."¹⁷ Maka, Ananias tulak dan masuk mpah lowu iro, dan ukah ngingkeh longonne bawo Saulus, io sawada, "Pulaksanai Saulus, Tuhan Yesus sa nantarang tonga pah iko huang perjalanan ko mpah itu, haut ngutus uki pakai iko tau nginte kia dan na tomponu andri Roh Kudus." ¹⁸ Balalu, seketika iro pada, sesuatu iyalah sihi-sihi kenah lawu teke matone dan io kaiyuh nginte kia. Ukah iro, io buan dan na baptis. Saulus Mulai Memberitakan neo Yesus ¹⁹ Dan, ukah kuman,Saulus na ampi kuat. Io andri murid-murid gi Damsyik saohang papire ondro.²⁰ Dan, mulai io mambaritakan Yesus gi sinanoge-sinanoge adri sawada, "Yesus adalah Pea Allah." ²¹ Kahai ulun sakorongoine takjub dan sawada, "Bakoikah io itu sa naan gi Yerusalem munu reo sa ngontuh ngaran iro dan sa haut hawi mpah itu andri maksud ngoit reo huang keadaan tabalangu pah hadapan imam-imam kapala?" ²² Kude, Saulus jari magin kuat dan ngampi bingung ulun-ulun Yahudi sa duoi gi Damsyik andri membuktikan bahwa Yesus adalah Kristus. Saulus Lolos teke Papire Ulun Yahudi²³ Udi ganap papire ondro, ulun-ulun Yahudi basakongkol pakai munu Saulus, ²⁴ kude pasekongkolan reo iro haut na kotoe daya Saulus. Reo ngawasi manamang-manamang gerbang kaondro kamalom pakai reo kaiyuh munune. ²⁵ Kude, murid-murid Saulus ngoitne gi tawuk kamalom dan ngampi doluine metah erang kaua tembok andri ngulurne mpah iwa gi huang erangkaua karanyang. Saulus gi Yerusalem²⁶ Hantek Saulus tiba gi Yerusalem, io mansuba pakai bagabung andri kawan murid. Kude, reo kahai takut pah io et bakoi harap io adalah murid. ²⁷ Kude, Barnabas nanrepang Saulus dan ngoitne pah kawan rasul, balalu basurah pah reo kolowangun io haut kite Tuhan gi huang perjalanan, dan bahwa Tuhan haut bapaner pah io, nelang kolowangun io andri ronu haut bapaner huang ngaran Yesus gi Damsyik.²⁸ Dan, Saulus sasameh andri reo hantek reo masuk dan kaluar teke Yerusalem nelang bapaner andri ronu huang ngran Tuhan. ²⁹ Io bapaner dan basual andri ulun Helenis, kude reo bausaha munu io. ³⁰ Hantek pulaksanai seiman kotoe hal itu, reo ngoitne dolui mpah Kaisarea dan ngutus io mpah Tarsus.³¹ Ket iro, jemaat gi kahai Yudea, dan Galilea, dan Samaria kaiyuh damai dan tumu. Dan, wolum huang takut akan Tuhan dan huang penghibura Roh Kudus, reo tarus batamoh rama. Petrus gi Kota Lida dan Kota Yope ³² Gi erai waktu, hantek Petrus ngaliling kahai wilayah iro, io pada dilang ulun-ulun kudus saduoi gi Lida.³³ Gi raha, io kahong erang kaulun bangaran Eneas, sahaut ubis saohang walu taun et io lumpuh. ³⁴ Balalu, Petrus sawada pah io,"Eneas, Kristus Yesus Nyamare iko. Buan leh dan tangkasus duoi ko surui!"Dan, seketika iro pada, Eneas buan. ³⁵ Maka, kahai ulun sa duoi gi Lida dan Saron ngintene dan reo iwaleng pah Tuhan.³⁶ Erai waktu,gi Yope, naan erang kaulun murid wawe bangaran Tabita, amun na terjemahkan baarati Dorkas. Io ponu andri gawian maasus dan tindakan sadakah. ³⁷ Gi ondro-ondro iro ,io sakit dan mate. Balalu, hantek ulun-ulun haut ngapondrus ne, reo nungkubis ne gi ruang obo.³⁸ Ket Lida naan gi rupak Yope, kawan murid, ukah korongoi bahwa Petrus naan gi raha, ngutus ruo kaulun pah Petrus dan laku pah io, "Ada nunda tulak mpah duoi kain!" ³⁹ Maka,Petrus bangkit dan tulak andri reo. Dan, io hampe, reo ngoit petrus mpah ruangan obo. Kahai kawan walu sokondrong gi hila Petrus nelang ngiak, nelang nutui tunik-tunik dan pama-pama lainne sabiasane na ulah daya Dorkas hantek io baya andri reo.⁴⁰ Kude,petrus nyuyu reo kahai kaluar, balalu isudu dan ilaku doa. kamulek io iwaleng nadap bangkai Tabita dan io sawada,"Tabita, buanleh!" Balalu wawe iro nguka matone dan hantek io kiite Petrus, io maharung. ⁴¹ Maka,Petrus nyurung longon pah io dan ngarawah ne sokondrong. Kamulek, nelang mowa ulun-ulun kudus dan kawan janda, io nutui bahwa Tabita wolum. ⁴² Dan, kejadian iro tasebar gi kahai Yope, dan rama ulun harap pah Tuhan. ⁴³ Maka, Petrus duloi sukup ohang gi Yope baya erang kaulun bangaran Simon, eran kaulun penyamak kudit.

Chapter 10

¹ Erai waktu,gi Kaisarea, naan ulun sabangaran Kornelius, erang kaulun perwira teke iun sa na ontuh pasukan Italia, ² ulun saleh sa takut akan Allah, miiro pada kahai ulun sa naan gi lowune, dan ngundru rama sadakah pah ulun-ulun dan saratang ilaku doa nadap Allah.³ Gi erai nanyap, sakitar jam kasuei ondro iro, io kite andri jelas huang panginteen, erang kaulun malaekat Allah hawi dan sawada pah io,"Kornelius!" ⁴ Balalu, io nginte malaekat iro andri koi ronu dan sawada, "Inun itu, Tuan?" Dan, malaekat iro sawada pah io, "Lakudoa dan sadakahko haut ngabai sebagai suatu peringatan gi hadapan Allah. ⁵ Tataha, suyuleh ulun-ulun mpah Yope dan wowaleh erang kaulun sa bangaran Simon, sa pada na ontuh Petrus, ⁶ io duoi baya andri erang kaulun penyamak kudit bangaran Simon, sa lowune naan gi hiring laut."⁷ Hantek malaekat sa bapaner pah io haut tulak, Kornelius mowa ruo kaulun palayanne dan erang kaulun prajurit sa saleh teke kawan ulun-ulun sa malayani kaperluan pribadine, ⁸ ukah manjelaskan kahai sesuatu pah reo, io nyuyu reo mpah Yope.⁹ Ma pitanin ne, hantek reo naan gi huang perjalanan dan magin riet kota iro, Petrus ngabai paobo hatap lowu, sakitar jam ka onom, pakai ilaku doa. ¹⁰ Balalu, io kiinam kalau dan hamen kuman, kude, hantek ulun-ulun rahat nyiap pongokan, Petrus kaiyuh erang kaua panginteen, ¹¹ dan io kiite langit ta ugah dan sesuatu iyalah kain sa tuu buka dolui dan taulur teke kaopat punyune hampe mpah tana. ¹² Gi huangne, naan kahai jenis satua bapoo opat, dan satua-satua ilansar gi tana, dan wurung-wurung gi udara.¹³ Kamulek, hawilah lengan sabapaner pah io, "Buanleh, Petrus, samalisleh dan okanleh!" ¹⁴Kude, Petrus sawada, "Bakoi, Tuhan. Sabab uki bakoi suah kuman inunpun sa haram dan najis." ¹⁵ Dan, lengan iro sawada kia pah io ma karuo kaline, " Inun sa haut Allah tahirkan, ada sekali-kali iko ngontuh haram." ¹⁶ Hal itu terjadi tolu kali, dan tiba-tiba kahai iro taenat mpah langit.¹⁷ Hantek iro, rahat Petrus masih tuu bingung mamikir inun arti panginteen sa haut naite ne iro, hawilah ulun-ulun sa na utus daya Kornelius rahat ngantilau lowu Simon, nelang sokondrong gi muka manamang gerbang, ¹⁸ nelang mowa, reo nunti inunkah Simon, sa na ontuh Petrus, menumpang gi raha.¹⁹ Sementara Petrus rahat marenung panginteen ne iro, Roh sawada pah io, "Iteleh naan tolu upo sa rahat keto iko. ²⁰ Buan dan duloi, tulak leh andri reo tanpa ragu et Uki haut ngutus reo." ²¹ Balalu, Petrus duloi pah ulun-ulun iro dan sawada, "Ite, ukilah sa ulun sa iko keto. Inun alasan pihawianko?"²² Reo sawada, "Kornelius, erang kaulun perwira, ulun sa uah dan takut akan Allah, sa nakotoe maasus gi antara kahai bangsa Yahudi, haut naampi itung daya malaekat kudus pakai nyuyu iko hawi mpah lowune dan pakai nyondrongoi papaneran ko." ²³ Petrus ngundang reo masuk dan ngondru reo tumpangan gi iro. Pitaninne, io buan dan tulak andri reo, dan papire pulaksanai seiman teke Yope ngiang io.²⁴ Gi ondro berikutne, reo masuk Kaisarea. Kornelius haut ngandrei reo dan haut ngumpul kula kawan nelang kawan iyang sa riet io.²⁵ Hantek Petrus masuk, Kornelius manalu io, balalu isudu gi poo Petrus dan nyamahne. ²⁶ Kude, Petrus ngarawah io sokondrong nelang sawada, "Sokondrongleh!Uki ekat murunsia biasa pada."²⁷ Sementara Petrus bapaner andri Kornelius, Petrus masuk mpah huang dan kahong tuu hene ulun bakumpul ibaya. ²⁸ Balalu, Petrus sawada pah reo, "Iko kotoe bahwa adalah kekejian pah ulun Yahudi pakai bahubungan atau dilang ulun bakoi Yahudi, kude Allah haut nutui pah uki bahwa uki bakoi seharusne ngontuh hie pun haram atau najis. ²⁹ Iroleh sababne, uki bakoi kabaratan hantek iko nyuyu uki hawi.Ket iro, uki nuntine pakai alasan inun iko mowa uki?"³⁰ Dan, Kornelius sawada, "Opat ondro sapono hampe jam itu, gi jam ka suei, uki rahat ilaku doa gi lowuku, dan ite, naan erang kaulun sokondrong gi hadapanku makai pama sa bakilauan. ³¹ Balalu, sawada, 'Kornelius, laku doako haut na sandrongoi dan sadakahko haut na itung gi hadapan Allah. ³² Et iro, suyuleh mpah Yope dan lakuleh Simon sa na ontuh Petrus pakai hawi. Io rahat manumpang gi lowu Simon, erang kaulun penyamak kudit, gi hiring laut.' ³³ Ket iro, uki segera nyuyu ulun pah iko, dan iko haut maasus ate hamen hawi. Tataha, takam kahai naan gi itu, gi hadapan Allah, pakai nyondrongoi kahai sesuatu sahaut Allah parentahkan pah iko daya Tuhan.'' Petrus Memberitakan Injil gi Lowu Kornelius³⁴ Balalu, Petrus nguka wawane dan sawada, "Tataha, uki bujur-bujur kataru bahwa Allah bakoi nutui keberpihakan. ³⁵ Kude, gi satiap bangsa, ulun sa takut pah Io dan ngulah inun sa uah, dan berkenan pah Io.³⁶ Firman sa Allah tahampe mpah bangsa Israel iwara kabar maasus damai sejahtera metah Kristus Yesus, Io lah Tuhan bawo kahaine. ³⁷ Iko raerai kotoe peristiwa sa haut terjadi gi kahai yudea, malai teke Galilea, ukah baptisan sa Yohanes baritakan, ³⁸ iko kotoe Yesus, Ulun Nazaret, kolowangun Allah mengurapi-Ne andri Roh Kudus dan andri kuasa. Io tulak bakaliling ngulah pimaasus dan natama kahai ulun sa natindas daya roh jahat et Allah nyindrah Io.³⁹ Kain adalah saksi-saksi teke kahai hal sa haut Yesus ulah, baik gi daerah ulun Yahudi maupun gi Yerusalem. Reo haut munu Yesus andri ngaguengne gi obo balasangar. ⁴⁰ Kude, Allah nubuan-Ne gi ondro sa katolu dan memperkenan kan Io pakai nantarang tonga, ⁴¹ bakoi pah kahai ulun, kude pah kain, saksi-saksi sa haut na peli daya Allah samete ne, sa kuman dan minum andri-Io ukah Io buan teke helang ulun mate.⁴² Dan, Io nyuyu kain pakai bara pah ulun-ulun dan basaksi andri tuu-tuu bahwa Io leh sa natetapkan daya Allah jari hakim bawo sa wolum dan sa mate. ⁴³ Bagi Io, kahai nabi basaksi bahwa satiap ulun sa harap gi huang-Ne sagar narime pangampunen dosa metah ngaran-Ne." Allah Nutui bahwa Io Narime Kahai Ulun⁴⁴ Sementara Petrus masih ngontuh papaneran iro, Roh Kudus dolui pah obo kahai sa korongoi firman iro. ⁴⁵ Dan, ulun-ulun harap dan sa basunat, sa hawi andri Petrus, takjub et karunia Roh Kudus haut na curahkan, pada pah bangsa-bangsa lain.⁴⁶ Sabab, reo korongoi ulun-ulun iro bapaner huang berbagai bahasa dan nawat Allah. Balalu, Petrus sawada, ⁴⁷ "Koineh koi oeng erangkaulun pun sa tau nahalang ranu pakai na baptiskan pah ulun-ulun sa haut narime Roh Kudus sameh ialah takam itu?" ⁴⁸ Maka,Petrus marentah reo pakai na baptis gi huang ngaran Kristus Yesus. Kamulek, ulun-ulun iro lako pakai Petrus duloi baya reo papire ondro.

Chapter 11

¹ Sementara iro, kawan rasul dan pulaksanai-pulaksanai seiman sanaan gi Yudea korongoi bahwa ulun-ulun bakoi Yahudi pada haut narime firman Allah. ² Ket iro, hantek Petrus ngabai mpah Yerusalem, ulun-ulun sa basunat basalisih pandapat andri io, ³ andri sawada, "Iko tulak pah ulun-ulun bakoi basunat dan kuman andri reo."⁴ Kude, Petrus malai menjelaskan ne sacara urut pah reo, wadane, ⁵ "Uki rahat laku doa gi kota Yope, dan huang keadaan bakoi sadar, uki kite erang kaua panginteen, sesuatu iyalah lamar kain buka dolui, sa taulur andri ka opat punyu ne teke langit, dan benda iro nyandriet mpah uki. ⁶ Ukah uki nginte ne, uki memperhatikan dan kiite satua-satua bapoo opat gi tana, satua-satua liar, satua-satua ilansar, dan wurung-wurung gi udara.⁷ Uki pada korongoi naan lengan sa bapaner pah uki, 'Buan, Petrus, samalis dan okanleh!' ⁸ Kude, uki sawada, 'bakoi, Tuhan. sabab koi oeng sa haram atawa najis suah masuk mpah huang wawaku.' ⁹ Kude, lengan iro nyawab karuo kaline teke langit, 'Inun sa haut Allah tahirkan, ada sakali-kali iko ngontuh haram!' ¹⁰ Hal itu terjadi tolu kali, balalu kahaine iro na tarik mulek mpah langit.¹¹ Iteleh,hantek iro pada, naan tolu kaulun sa na utus pah uki hawi mpah lowu duoi uki duloi, teke Kaisarea. ¹² Kamulek, Roh nyawada pah uki pakai tulak andri reo andri bakoi ragu-ragu. Kaonom pulaksanai seiman itu pada tulak andri uki dan kain masuk mpah lowu ulun iro. ¹³ Balalu, io nahampe pah kain kolowangun io haut kiite malaekat sokondrong gi lowu ne dan sawada, 'Suyuleh ulun mpah Yope dan lakuleh Simon sa ontuh Petrus hawi piitu, ¹⁴ dan io sagar nyawada pesen pah iko sa daya pesen iro iko sagar nasalamatkan, iko dan kahai ulun sa duoi gi lowu ko.'¹⁵ Sementara uki malai bapaner, Roh Kudus dolui bawo reo, sameh iyalah gi awalne terjadi bawo takam. ¹⁶ Maka, uki kiitung papaneran Tuhan, hantek Io sawada, 'Yohanes mambaptis andri ranu, kude iko sagar na baptis andri Roh Kudus.'¹⁷ Jari, amun Allah ngundru karunia sa sameh pah reo iyalah sa Io undru pada pah takam ukah harap gi huang Tuhan Yesus Kristus, hie kah uki sehingga uki kaiyuh nahalang Allah?" ¹⁸ Hantek reo korongoi hal-hal iro, reo jari tanang dan nawat Allah andri nyawada , "amun miiro, Allah pada haut mengaruniakan pah ulun-ulun bakoi Yahudi pertobatan sa nuju pah wolum. " Injil Hampe mpah Antiokia¹⁹ Kamulek, ulun-ulun sa tapisah-pisah et panganiyayaan sa terjadi nadap Stepanus, manyebar hampe mpah Tunisia,Siprus,dan Antiokhia, andri bakoi mambaritakan firman Tuhan pah hie pun kecuali pah ulun-ulun Yahudi. ²⁰ Kude, naan papire kaulun teke reo, iyoiro ulun-ulun Siprus dan Kirene, sa hawi mpah Antiokia dan pada bapaner pah ulun-ulun Helenis, nelang memberitakan neo Yesus . ²¹Longon Tuhan nyindrah reo, sejumlah rama ulun jari harap dan iwaleng pah Tuhan.²² Barita neo reo hampe pah talingo jemaat gi Yerusalem, dan reo ngutus Barnabas mpah Antiokhia. ²³ Hantek Barnabas hampe dan kiite ahi lelu Tuhan, io baarai mihewu dan menasehati reo kahai pakai tatap satia pah Tuhan andri ate sa teguh. ²⁴ Ket Barnabas adalah ulun sa maasus, ponu andri Roh Kudus dan iman, sejumlah idu ulun na oit pah Tuhan.²⁵ Ukah iro, Barnabas tulak mpah Tarsus pakai keto Saulus. ²⁶ Dan, ukah io kahongne, io ngoit ne mpah Antiokhia. saohang erang taun, reo kahong andri jemaat dan ngajar rama ulun. Dan, gi Antiokhia, murid-murid sa pertama kali na ontuh " ulun Kristen".²⁷ Gi ondro-ndro iro, papire nabi duloi teke Yerusalem hawi mpah Antiokhia. ²⁸ Erang kaulun teke reo bangaran Agabus, sokondrong dan maramal andri karawahen Roh bahwa sagar terjadi juju gi kahai dunia. Dan, juju iro terjadi gi masa pamarentahan Klaudius²⁹ Balalu, kawan murid memutuskan neo ngirim sumbangan, sesuai andri kemampuan reo masing-masing, pah pulaksanai-pulaksanai seiman sa duoi gi Yudea. ³⁰ Dan, pada sa na ulah daya reo, ngirim sumbangan iro pah kawan penatua metah longon Barnabas dan Saulus.

Chapter 12

¹ Gi tawuk iro,Raja Herodes ngenat longonne bawo papire ulun teke jemaat neo menganiaya reo. ² Io munu Yakobus, pulaksanai Yohanes,andri pedang.³ Hantek Herodes nginte bahwa tindakan ne iro nyansanang ate ulun-ulun Yahudi, io nampalus ne andri nyama Petrus pada. Hal iro terjadi saohang Hari Raya Roti Bakoi Baragi. ⁴ Ukah io nyama Petrus, io nyui ne mpah huang penjara dan nyarah ne pah opat pasukan prajurit neo mengawasine, nelang bamaksud, ukah Paskah ngoit ne pah hadapan ulun rama.⁵ Maka, Petrus natahan gi huang penjara, kude laku doa pah Petrus tarus manarus na tangkabai pah Allah daya jemaat. Malaekat Tuhan Nongkosit Petrus teke Penjara ⁶ Gi erai malom, hantek Herodes ngono ngoit Petrus mpah luar, Petrus rahat surui gi helang ruo prajurit, na suruk andri ruo rantai, dan kawan panjaga gi muka manamang rahat mengawasi penjara.⁷ Dan, ite, erang kaulun malaekat Tuhan sokondrong gi rupak Petrus dan raai basinar gi sel panjara iro, balalu malaekat iro nepuk hengkang Petrus dan ngele ne, andri sawada, "Hinang buan!" Dan, rantai-rantai iro lawu palapas teke karuo longon ne. ⁸ Balalu, malaekat iro sawada pah io "Surukleh towing ko dan pakaileh sandal ko." Dan, io ngulah mihie. Kamulek, io sawada, "Pakai leh jubah ko dan uma uki!"⁹ Balalu,Petrus kaluar dan uma malaekat iro. Io bakoi kotoe bahwa inun sa terjadi metah malaekat iro nyata, kude nanguh bahwa io rahat kite suatu paninungen. ¹⁰ Hantek reo haut mitah panjaga kaerai dan karuo, reo hampe gi manamang gerbang jatang sa nuju mpah kota. Manamang gerbang iro tauka andri raeraine pah reo, balalu reo kaluar dan malan hampe gi lorong, dan tiba-tiba malaekat iro nanan Petrus.¹¹ Hantek Petrus sadar andri inun sa terjadi bawo io, io sawada," Tataha, uki bujur-bujur kotoe bahwa Tuhan mangutus malaekat-Ne dan nyalamat uki teke longon Herodes dan teke kahai hal sa naharap daya ulun-ulun Yahudi." ¹² Ukah Petrus menyadari ne, io tulak mpah lowu Maria, ine Yohanes pada na ontuh Markus, gi hawe rama ulun bakumpul sasameh dan ilaku doa.¹³ Hantek Petrus ngatuk manamang gerbang, erang kaulun palayan wawe bangaran rode hawi pakai nguka ne. ¹⁴ Ukah io kataru lengan Petrus, et tuu arai mihewu io bakoi nguka manamang, kude nempat mpah huang dan bara bahwa Petrus rahat sokondrong gi manamang grbang. ¹⁵ Reo sawada pah Rode, "Iko bakoi waras!"Kude, Rode tatap iwada bahwa memang mihie, dan reo tatap sawada, Iro adalah malaekat."¹⁶ Kude,Petrus gutus ngatuk, dan hantek reo nguka manamang, balalu kiite Petrus, reo emah. ¹⁷ Kude, ukah Petrus ngundru isarat andri longon ne pakai reo tanang, io menjelaskan pah reo kolowangun Tuhan haut ngoit ne mpah luar panjara. dan, io sawada, "Tahampeleh hal itu pah Yakobus dan pah pulaksanai-pulaksanai seiman." Balalu, io barangkat dan tulak mpah duoi lain.¹⁸ Hantek niba suan ondro, terjadilah kakacawen sa bakoi odik gi antara kawan prajurit neo inun sa haut terjadi pah Petrus. Pampate Herodes ¹⁹ Hantek Herodes keto Petrus dan bakoi nangkahong ne, io mamariksa kawan penjaga dan ngundru parentah pakai reo na wunu. Balalu Herodes duloi teke Yudea mpah Kaisarea dan duoi gi raha.²⁰ Tawuk iro, Herodes tuu sangit nadap ulun-ulun Tirus dan Sidon, balalu andri sapakat, reo hawi nadap Herodes, dan ukah mambujuk Blastus, pangurus lowu rean raja, reo ilako pakai perdamaian et wilayah reo kaiyuh pasokan pangokan teke wilayah Herodes. ²¹ Gi ondro sa haut reo tentukan, Herodes makai pama kerajaan, maharung gi tahta pangadilan, dan nahampe pidato pah reo.²² Rakyat gutus ngariak, "Itu adalah lengan allah, bakoi murunsia!" ²³ Sakatika iro pada erang kaulun malaekat Tuhan nampar io et io bakoi ngundru kamuliaen pah Allah dan io na okan sasing-sasing, balalu mate.²⁴ Kude, firman Tuhan samagin tumu dan balepet ganda. ²⁵ Balalu, Barnabas dan Saulus mulek teke Yerusalem ukah reo nyanuput palayanen reo, nelang nganyak Yohanes, sa pada na ontuh Markus.

Chapter 13

¹ Suatu saat, naan gi antara jemaat Antiokia, nabi-nabi dan guru-guru, iyoiro Barnabas, Simeon sa na ontuh Niger, Lukius teke Kirene, Menahem sana ampi idu sasameh Herodes raja wilayah, dan Saulus. ² Sementara ulun-ulun itu rahat sambayang pah Tuhan dan bapuasa, Roh Kudus sawada, "Khususkan lah Saulus pah-Uki Barnabas dan Saulus pakai tugas sa pakai iro Uki haut mowa reo." ³ Kamulek, ukah reo bapuasa dan laku doa,nelang manumpang kan longon reo bawo Barnabas dan Saulus, reo ngutus ka ruone tulak. Barnabs dan Saulus gi Pulau Siprus⁴ Maka, ukah na utus tulak daya Roh Kudus, Barnabas dan Saulus duloi mpah Seleukia, dan teke raha reo balayar mpah Siprus. ⁵ Hantek reo niba gi Salamis, reo mambaritakan fiman Allah gi sinagoge-sinagoge ulun Yahudi, balalu reo pada ngoit Yohanes sebagai pelayan reo.⁶ Hantek reo tulak menjelajahi kahai pulau hampe mpah Pafos, reo kahong erang kaulun tukang sihir, erang kaulun nabi palsu Yahudi, sa bangaran Baryesus.⁷ Io sindrah andri Prokosul Sergius Paulus, erang kaulun sa cerdas, sa lako Barnabas dan Saulus hawi pah io dan hamen nyondrongoi firman Allah. ⁸ Kude,Elimas, tukang sihir iro, et miiroleh ngaran ne na terjemahkan, manantang Barnabas dan Saulus, andri bausaha ngampikelok Prokonsul iro teke imanne.⁹ Kude, Saulus, sa pada na kenal sebagai Paulus, na tomponu andri Roh Kudus, waoh Elimas, ¹⁰ dan sawada," Hai iko,sa ponu andri kawan tipu muslihat dan kahai kajahaten, iko adalah pea Iblis, iko adalah musuh teke kawan sauah, bakoi hamen kah iko mihindroi ngampikelok lalan Tuhan sa witu?¹¹ Tataha, iteleh, longon Tuhan hawi bawo iko dan iko sagar jari pehe dan bakoi kiite mato ondro sa ohang papire waktu." Seketika iro pada, kabut dan pisirom dolui bawo io dan io tulak bakaliling pakai nganyak longon ne. ¹² Balalu, Prokonsul iro jari harap hantek nginte inun sa haut terjadi et io kagum nadap ajaran Tuhan. Paulus dan Barnabas Tulak mpah Kota Antiokia gi Wilayah Pisidia¹³ Suatu saat, Paulus dan ulun-ulun sa baya io balayar teke Pafos hampe mpah Perga, gi Fampilia, kude Yohanes nanan reo dan mulek mpah Yerusalem. ¹⁴ Kude,Saulus dan Barnabas nampalus kiaen teke Perga dan hampe gi Antiokhia, gi Pisidia. Dan, gi ondro Sabat, reo tulak mpah Sinanoge dan maharung gi raha. ¹⁵ Ukah pambacaan Hukum Taurat dan kitab para nabi, kapala-kapala sinanoge nyuyu ulun bapaner pah karuo rasul iro, "Pulaksanai-pulaksanai, amun iko naan papaneran penghiburan pah ulun-ulun itu, wdaleh."¹⁶ Maka, Paulus sokondrong dan ngundru isyarat andri longonne dan sawada, "Hai ulun-ulun Israel dan iko sa koi ronu akan Allah, rongoileh! ¹⁷ Allah bangsa Israel itu haut meli datu nini takam dan nongkobo bangsa takam saohang reo duoi gi tana Mesir dan andri longon sa ta enat, Io mamimpin reo kaluar teke iro. ¹⁸ Saohang sakitar opat pulu taun, Io basabar nadap tingkah laku reo gi jubut hukot.¹⁹ Dan, ukah Io membinasakan pitu bangsa gi tana Kanaan, Io mawariskan tana iro. ²⁰ Kahai itu terjadi kira-kira saohang 450 taun. Ukah iro ,Allah nyarah pah reo hakim-hakim hampe gi masa Nabi Samuel.²¹ Kamulek, reo lako erang kaulun raja, dan Allah ngundru reo Saul, pea upo Kish, ulun teke suku Benyamin, saohang opat pulu taun. ²² Ukah Allah nyingkir Saul, Allah mambangkitkan Daud neo jari raja reo, sa neo io Allah haut basaksi dan bapaner, 'Uki haut kahong Daud, pea upo Isai, ulun sa uah gi ate-Ku, sa sagar ngulah kahai kabahumen-Ku.'²³ Teke katurunan ulun itu, Allah, seuai janyi-Ne, ngoit mpah Israel erang kaulun juru salamat, iyoiro, Yesus. ²⁴ Samete pihawian Yesus, Yohanes haut mambaritakan sametene neo baptisan pertobatan pah kahai ulun Israel. ²⁵ Dan, semetara Yohanes rahat nyanuput tugas ne, io gutus bapaner,'Iko kira hie uki itu? Uki bakoi Io sa namaksud adalah Mesias. Kude, iteleh, Erang kaulun hawi ukah uki, sandal gi poo-Ne uki bakoi layak ngukane.'²⁶ Pulaksanai-pulaksanai, katurunan kaluarga Abraham dan ulun-ulun gi suan iko sa koi ronu andri Allah, pah takam barita kasalamaten itu haut na tahampe. ²⁷ Sabab, reo sa duoi gi Yerusalem dan kawan pamimpin reo, sa bakoi kataru Io dan bakoi memahami papaneran kawan nabi, sa na baca tiap ondro Sabat, haut mangganapi papaneran kawan nabi iro andri menghukum Yesus.²⁸ Dan, sakalipun reo bakoi nangkahong alasan inunpun neo hukuman mate, reo lako Pilatus pakai munu-Ne. ²⁹ Dan, hantek reo menggenapi kahai sa tatulis neo Io, reo ngampi dolui-Ne teke balasangar dan ngampi ubis-Ne gi huang polowong.³⁰ Kude, Allah membangkitkan Io teke kawan ulun mate, ³¹ dan saohang baondro-ondro, Yesus nantarang tonga pah ulun-ulun sa ibaya andri-Io teke Galilea hampe Yerusalem, sa tataha jari saksi-saksi-Ne bagi bangsa itu.³² Dan, kain ngoit pah iko Kabar Maasus neo janyi Allah pah datu nini takam, ³³ bahwa Allah haut manepati janyi iro bagi takam, pea-pea reo, andri mambangkitkan Yesus, iyalah sa tatulis huang kitab Mazmur pasal ruo: 'Iko adalah pea-Ku. Ondro itu, Uki haut jari Uma-Ko.' ³⁴ Neo Allah sa membangkitkan Yesus teke kawan ulun mate, bakoi sagar mulek pah kabinasaan, Allah haut sawada, 'Uki sagar ngundru iko berkat sa kudus dan iyuh na harap, sa na undru pah Daud.'³⁵ Irolah sabab ne, Io pada sawada huang Mazmur sa lain, Iko bakoi sagar ngaret Ulun Kudus-Ko kiite kabinasaen.' ³⁶ Sabab, Daud, haut malayani generasine raerai et kabahumen Allah, balalu mate, dan na tungkubis gi suan datu ninine, nelang kiite kabinasaan, ³⁷ kude Yesus sa Allah bangkitkan teke kawan ulun mate, bakoi kiite kabinasaen.³⁸ Ket iro, ingkehleh nakotoe daya ko, pulaksanai-pulaksanai bahwa metah Io ituleh pangampunen bawo dosa-dosa nanyatakan pah iko, ³⁹ dan metah Io, satiap ulun sa percaya na tongkosit teke kahai sesuatu ne, sa teke ne iko bakoi kaiyuh na tongkosit daya Hukum Taurat Musa.⁴⁰ Jari, bahati-hatileh pakai hal-hal sa na ontuh gi huang kitab kawan nabi bakoi terjadi pah iko: ⁴¹ 'Iteleh, hai kawan pengejek! Emah dan wawaileh, et Uki ngulah gawian gi zamanko, erang kaua gawian sa bakoi sagar iko harap, bahkan amun erang kaulun menjelaskan ne pah iko.'"⁴² Sementara Paulus dan Barnabas kaluar, ulun-ulun lako pakai reo nahampe neo firman iro gi ondro Sabat barikutne. ⁴³ Ukah panangkahong gi Sinanoge iro luput, rama ulun Yahudi dan kawan proselit sa bakoi ronu andri Tuhan baya Paulus dan Barnabas, sa bapaner pah reo dan nyurung reo pakai tarus duoi gi huang anugerah Allah.⁴⁴ Gi ondro Sabat berikutne, hampir kahai ulun gi kota bakumpul neo nyondrongoi firman Tuhan. ⁴⁵ Kude, hantek ulun-ulun Yahudi kiite sa rami iro, reo natomponu iri ate dan mulai manantang inun sa na paner daya Paulus nelang menghujatne.⁴⁶ Balalu, Paulus dan Barnabas manjawabne andri ronu dan sawada, ''Hal itu penting bahwa firman Allah saharusne nanyatakan pah iko lewi pono. Et iko bakoi narime ne dan nganggap iko bakoi pantas kaompun wolum sa kekal, iteleh kain bapaling pah bangsa-bangsa lain. ⁴⁷ Sabab, miituleh Tuhan ngundru parentah pah kain: 'Uki haut ngulah iko piraai mpah bangsa-bangsa lain pakai iko kaiyuh ngoit kasalamaten hampe mpah ujung dunia."⁴⁸ Hantek ulun-ulun bakoi Yahudi iro korongoi hal itu, reo baarai mihewu dan nawat firman Tuhan. Dan, sa wahai sa haut na tentukan neo wolum kekal, jari harap. ⁴⁹ Maka, firman Tuhan manyebar mpah kahai wilayah iro.⁵⁰ Kude, ulun-ulun Yahudi menghasut wawe-wawe saleh sa tahormat dan ulun penting gi kota, dan membangkitkan panganiyayaan nadap Paulus dan Barnabas, nelang ngunur karuo ne kaluar teke daerah perbatasan reo. ⁵¹ Kude, nelang ngebas habu teke poo reo nadap ulun-ulun Yahudi gi raha, Paulus dan Barnabas tulak mpah Ikonium. ⁵² Dan, kawan murid na tomponu andri arai mihewu dan andri Roh Kudus.

Chapter 14

¹ Dan, tajadilah gi Ikonium, Paulus dan Barnabas masuk sindrah mpah Sinanoge ulun Yahudi dan bapaner sedemikian rupa sehingga sejumlah idu ulun, baik ulun Yahudi maupun ulun Yunani, jari harap. ² Kude, ulun-ulun Yahudi sa bakoi harap menghasut ulun-ulun bakoi Yahudi dan nandracun pikiran reo dawan ulun-ulun harap.³ Maka, reo duoi gi raha huang waktu sa ohang nelang bapaner andri ronu neo Tuhan, sa ngundru kesaksian neo barita anugerah-Ne, nelang mengaruniakan tanda-tanda ajaib dan mukjizat-mukjizat sa terjadi metah longon reo. ⁴ Kude, ulun-ulun gi kota iro tabagi-bagi, sabagian bapihak pah ulun-ulun Yahudi dan sabagian pah kawan rasul.⁵ Hantek suatu usaha na ulah, baik daya ulun-ulun bakoi Yahudi maupun ulun-ulun Yahudi, andri kawan pamimpin reo, pakai nganiyaya dan medak kawan rasul andri watu, ⁶ ukah Paulus dan Barnabas kotoene dan nempat mpah Listra dan Derbe, kota-kota gi Likaonia, dan mpah wilayah gi sakitar ne. ⁷ Dan, gi raha, reo tarus mambaritakan injil. Paulus gi Kota Listra dan Kota Derbe⁸ Gi Listra, naan erang kaulun rahat maharung sa lamah poo ne, teke huang kandungan ine ne bakoi suah malan. ⁹ Ulun iro rahat nyondrongoi Paulus hantek io rahat bapaner, ukah Paulus waoh dan kiite bahwa ulun itu naan iman pakai na samare, ¹⁰ Paulus bapaner andri lengan mehet, "Sokondrongleh witu andri poo ko." Balalu, ulun iro nanturak dan mulai malan.¹¹ Hantek ulun rama kiite inun sa haut Paulus ulah, reo nganat lengan reo andri bapaner huang bahasa Likaonia, "Dewa-dewa haut duloi mpah suan-suan takam dan jari sarupa andri murunsia!" ¹² Ulun-ulun iro ngontuh Barnabas adalah Zeus dan Paulus sebagai Hermes et io sa mimpin papaneran. ¹³ Imam dewa Zeus, sa kuil ne naan gi luar kota, ngoit babiri-babiri upo dan rangkaian wunge mpah manamang gerbang kota. Io dan ulun rama iro hamen mempersembahkan kurban pah Paulus dan Barnabas.¹⁴ Kude, hantek rasul Barnabas dan rasul paulus korongoi hal iro, reo ngirah pama reo dan nempat masuk pah suan ulun rama iro, nelang baseru, ¹⁵ dan sawada, "pulaksanai-pulaksanai, et inun iko ngulah kahai itu? Kain pada murunsia biasa sameh iyalah iko dan ngoit kabar Maasus pah iko pakai iko iwaleng teke hal-hal sia-sia itu pah Allah sa wolum, sa ngulah langit, dan bumi, dan laut, dan kahai sa naan gi huang ne. ¹⁶ Gi generasi-generasi sa pono, Io ngaret kahai bangsa malan baya lalan-lalan ne raerai.¹⁷ Kude, Io bakoi ngaret tonga-Ne tanpa saksi. Sabab, Io ngulah sa maasus andri ngundru pah iko uran teke langit dan musim-musim ba wua sa memuaskan ate ko andri pongokan dan arai hewu." ¹⁸ Sekalipun andri sawada kahai hal iro, reo mahalin ngampihindroi ulun rama iro pakai bakoi memperembahkan kurban pah reo.¹⁹ Kude, ulun-ulun yahudi hawi teke Antiokia dan Ikonium, dan ukah mambujuk ulun rama iro, reo medak Paulus andri watu dan mait ne mpah luar kota et nanguh bahwa Paulus haut mate. ²⁰ Kude, hantek kawan murid ngaliling Paulus, io sokondrong dan mulek masuk mpah kota. Gi ondro berikut ne, io barangkat sindrah andri Barnabas mpah Derbe. Mulek mpah Kota Antiokhia gi Wilayah Siria²¹ Ukah reo mambaritakan injil gi kota iro, dan haut ngulah hene murid, reo mulek mpah Listra, dan mpah Ikonium, dan mpah Antiokhia, ²² nelang nangkape jiwa kawan murid, nyurung reo pakai batekun huang iman, dan sawada bahwa takam harus memasuki Kerajaan Allah metah hene panderitaan.²³ Hantek Paulus dan Barnabas nutui penatua-penatua pah reo gi satiap jemaat, ukah laku doa andri bapuasa, reo nyarah kawan panatua iro pah Tuhan, sa pa-Io reo haut harap. ²⁴ Kamulek, reo metah Pisidia dan hampe gi Pamfilia. ²⁵ Balalu, hantek reo haut nahampe firman gi Perga,reo dolui mpah Atalia. ²⁶ Teke raha, reo balayar mpah Antiokhia, duoi reo haut nasarahkan pah anugerah Allah neo gawian sahaut reo sanuput.²⁷ Hantek reo hampe dan bakumpul andri jemaat, reo malapor kahai hal sa haut na ulah daya Allah baya andri reo dan nokolo Io haut nguka manamang iman pah bangsa-bangsa lain. ²⁸ Dan, reo duoi baya kawan murid neo waktu sa ohang.

Chapter 15

¹ Kamulek, papire ulun dolui teke Yudea dan ngajar pulaksanai-pulaksanai seiman, "Amun iko bakoi nasunat sesuai andri adat istiadat Musa Ulun-ulun teke Yudea itu adalah ulun-ulun Kristen Yahudi sa bapikir bahwa gereja gi Antiokhia hala et bakoi mengharuskan ulun-ulun Kristen non- Yahudi pakai na sunat secara jasmani sasuai andri hukum Yahudi, iko bakoi iyuh nasalamatkan." ² Balalu, hantek terjadi perselisihan dan perdebatan sa bakoi odik antara Paulus dan Barnabas andri ulun-ulun iro, reo mamutuskan bahwa Paulus dan Barnabas andri papire ulun lainne teke reo, harus ngabai mpah Yerusalem pakai kahong andri kawan rasul dan kawan penatua takait andri persoalan itu.³ Maka, ukah naatet mpah huang perjalanan daya kawan jemaat, reo metah Fenisia dan Samaria nelang basurah andri jelas neo pertobatan bangsa-bangsa lain, dan hal iro ngoit arai hewu sa idu pah kahai pulaksanai seiman. ⁴ Hantek reo hampe gi Yerusalem, reo nasamut daya kawan jemaat, kawan rasul, dan kawan penatua, balalu reo nyurah kahai sesuatu sa haut na ulah daya Allah metah reo.⁵ Kude, papire kaulun teke golongan Farisi sa haut harap sokondrong dan sawada, "Penting pakai nyunat reo dan pakai memerentah reo agar mematuhi Hukum Musa!" ⁶ Kawan rasul dan penatua bakumpul neo mambahas persoalan itu.⁷ Ukah berlangsung perdebatan sa obo gi raha, Petrus sokondrong dan sawada pah reo, "pulaksanai-pulaksanai, iko kotoe bahwa gi zaman sali Allah haut ngulah pelian gi suan iko bahwa metah wawaku, bangsa-bangsa lain sagar korongoi barita Injil dan jari harap. ⁸ Dan, Allah, sa kataru ate murunsia, haut basaksi pah reo andri ngundru Roh Kudus pah reo, sameh andri sa haut na ulah-Ne pah takam, ⁹ dan Io bakoi mambeda-bedakan takam andri reo, ukah Io menyucikan ate reo metah iman.¹⁰ Jari tataha, et inun iko nyuba Allah andri ngingkeh kuk sa wiet gi lepok kawan murid inun datu nini takam maupun takam, bakoi sagar sanggup nangungne? ¹¹ Kude, takam harap bahwa takam nasalamatkan metah anugerah Tuhan Yesus, sameh kala reo pada."¹² Kamulek, kahai kumpulan ulun iro suni dan reo nyondrongoi Barnabas dan Paulus, sementara karuo rasul iro menjelaskan kahai tanda dan mukjizat sa haut na gawi daya Allah metah reo gi suan bangsa-bangsa lain.¹³ Ukah reo taduh bapaner, Yakobus nyawab, "Pulaksanai-pulaksanai, rongoileh uki. ¹⁴ Simon haut menjelaskan kolowangun Allah teke awal haut memperhatikan bangsa-bangsa lain, pakai ngepo teke suan bangsa iro suatu umat neo ngaran-Ne.¹⁵ Papaneran kawan nabi menyetujui hal itu, iyalah sa tatulis, ¹⁶ 'Ukah itu, Uki sagar mulek. dan sagar nubuan kamulek Kemah Daud sa haut runtun. Uki sagar nubuan kamulek puing-puingne, dan Uki sagar nangkasusne, ¹⁷ pakai umat murunsia sa tasisa kaiyuh keto Tuhan, dan kahai bangsa lain sa na wowa metah ngaran-Ku, sa ngulah kahai itu,'firman Allah sangulah kahai itu, ¹⁸ haut na kotoe teke permulaan zaman.¹⁹ Jari, uki bapandapt bahwa takam saharusne bakoi ngampihalin ulun-ulun teke bangsa lain sa haut iwaleng nadap Allah. ²⁰ Kude, tkam seharusne nulis pah reo pakai reo nongkoro tonga teke hal-hal sa na cemari daya berhala-berhala, dan teke dosa-dosa seksual, nelang teke inun sa haut nakeat, dan teke raya. ²¹ Sabab, sejak generasi sa pono, Musa haut naan, gi satiap kota, ulun-ulun sa mambaritakanne ket nabasa gi sinanoge-sinanoge satiap ondro Sabat." Surat Pah Ulun Harap sa Bakoi Yahudi²² Balalu, na ite maasus daya kawan rasul, dan penatua, dan kahai jemaat, meli ulun-ulun teke suan reo pakai na utus mpah Antiokhia baya Paulus dan Barnabas. Reo ngutus Yudas sa na ontuh Barnabas, andri Silas, kawan pamimpin gi suan pulaksanai-pulaksanai seiman, ²³ dan reo nulis surat andri longon reo, mihie:²⁴ Ket kain haut korongoi bahwa papire ulun teke suan kain, sa pah reo kain bakoi ngundru parentah, haut ngangu iko andri papaneran reo samenggoyahkan jiwa ko, ²⁵ hal itu na ite maasus pah kain, ukah jari sapakat, pakai meli ulun-ulun dan ngutus reo pah iko baya andri pulaksanai-pulaksanai kain sa nakalelu, Barnabas dan Paulus, ²⁶ sa haut mempertaruhkan wolum reo demi ngaran Tuhan takam Kristus Yesus.²⁷ Ket iro, kain ngutus Yudas dan Silas, sa reo raerai sagar bara hal-hal sasameh sacara lisan. ²⁸ Sabab, alangkah maasus ne pah Roh Kudus dan pah kain pakai ngingkeh beban gi bawo iko sa bakoi lewi wiet teke sa perlu itu, ²⁹ bahwa iko ngampi oro tonga inun sa haut na persembahkan pah berhala, dan teke raya, dan teke inunsa mate na keat, dan teke dosa seksual.³⁰ Ukah reo bapamitan, reo dolui mpah Antiokhia, dan ukah ngumpul jemaat, reo nyarah surat iro. ³¹ Hantek ulun-ulun harap mambasane, reo ba arai mihewu et penghiburan iro. ³² Yudas dan Silas, sa reo raerai adalah nabi, meneguhkan dan menguatkan pulaksanai-pulaksanai seiman andri rama papaneran.³³ Dan, ukah reo duoi gi raha papire waktu, ulun-ulun saharap iro nongkosit reo buli andri damai pah ulun-ulun sa ngutus reo. ³⁴ [Kude, na anggap maasus pah Silas pakai tatap duoi gi raha.] ³⁵ Kude, Paulus dan Barnabas duoi gi Antiokia, nelang ngajar dan ngabar firman Tuhan baya andri pada rama ulun lain. Paulus dan Barnabas Bapisah³⁶ Ukah papire ondro, Paulus iwada pah Barnabas, "Ayu takam mulek dan dilang pulaksanai-pulaksanai seiman gi satiap kota, duoi takam bara firman Tuhan pakai kite kolowangun keadaan reo." ³⁷ Barnabas hamen pada nganyak Yohanes sa na bowa Markus. ³⁸ Kude, Paulus nganggap bahwa bakoi seharusne ngoit ulun sa haut nanan reo gi Pamfilia dan bakoi tulak baya reo pakai gawian iro.³⁹ Maka, terjadilah perselisihan sa tajam sahingga reo bapisah erai andri sa lain. Barnabas ngoit Markus dan balayar mpah wilayah Siprus, ⁴⁰ kude Paulus meli Silas dan tulak, ukah na sarahkan daya pulaksanai-pulaksanai seiman mpah huang anugerah Tuhan. ⁴¹ Dan,io metah Siria dan Kilikia nelang meneguhkan kawan jemaat.

Chapter 16

¹ Paulus pada hawi mpah Derbe dan Listra. Dan, iteleh naan erang kaulun murid gi raha, ngaranne Timotius, pea teke erang kaulun wawe Yahudi sa haut harap, kude umane adalah ulun Yunani. ² Io na kotoe maasus ulah pulaksanai-pulaksanai seiman gi Listra dan Ikonium. ³ Paulus hamen Timotius tulak baya andri io, maka io nganyakne dan nyunatne et ulun-ulun Yahudi sa duoi gi daerah iro. Sabab, reo kahai kotoe bahwa umane adalah ulun Yunani.⁴ Sementara reo malan metah kota-kota, reo nahampe ketentuan-ketentuan pah ulun-ulun harap pakai nataati, sa haut na putuskan daya kawan rasul dan penatua sa naan gi Yerusalem. ⁵ Maka, kawan jemaat na teguhkan gi huang iman dan jumlah reo batamoh satiap ondro. Allah mowa Paulus mpah Makedonia⁶ Balalu, reo tulak metah Frigia dan Galatia et haut na halang daya Roh Kudus pakai bapaner firman gi Asia bakoi benua Asia, kude wilayah kakuasaen Romawi sa ba ibu kota gi Efesus. ⁷ Hantek reo hampe gi Misia, reo bausaha tulak mpah Bitinia, kude roh Yesus bakoi ngijin reo. ⁸ Maka, ukah metah Misia, reo duloi mpah Troas.⁹ Suatu pinginte timul pah Paulus gi waktu kamalom. Erang kaulun teke Makedonia rahat sokondrong dan ilaku pah io, wada ne, "Hawi leh mpah Makedonia dan karawah kain." ¹⁰ Ukah Paulus kite pinginte iro, kain bausaha andri segera tulak mpah Makedonia, ukah menyimpulkan bahwa Allah haut mowa kain pakai mambaritakan Injil pah reo. Pertobatan Lidia¹¹ Ket iro, ukah balayar teke Troas, kain langsung balayar mpah Samotrake, dan gi ondro berikutne mpah Neapolis, ¹² dan teke raha mpah Filipi, kota utama gi wilayah Makedonia dan sebuah kota jajahan Roma. Kain duoi gi kota iro saohang papire ondro. ¹³ Balalu, gi ondro Sabat, kin tulak mpah luar manamang gerbang kota nuju ma hiring sunge, duoi gi awe kain bapikir bahwa gi raha naan duoi laku doa. Maka, kain maharung dan bapaner andri kawan wawe sa rahat bakumpul.¹⁴ Erang kaulun wawe bangaran Lidia, teke kota Tiatira, erang kaulun pangari kain ungu sa nyamah Allah. Tuhan nguka ate ne pakai mantaru inun sa na eau Paulus. ¹⁵ Dan, ukah Lidia dan kahai ulun sa duoi gi lowune nabaptis, io ilako pah kain, wadane, "Amun iko nganggap uki harap andri teguh pah Tuhan, hawi leh mpah lowu ku dan duoileh gi raha." Dan, io mandasak kain. Paulus andri Silas gi penjara¹⁶ Sementara, kain rahat tulak mpah duoi laku doa, erang kaulun budak wawe, sa naan roh pakai maramal notah kain. Io ngoit rama kauntungen pah kawan majikan ne metah ramalan-ramalanne. ¹⁷ Wawe iro ngapung Paulus dan kain nelang ngariak, "Ulun-ulun itu adalah walah Allah Sa Mahatinggi, sa bara lalan kasalamaten pah iko!" ¹⁸ Io gutus ngulah ne baondro-ondro. Paulus, et tuu sangit, iwaleng dan sawada pah roh iro, "Uki marentah iko huang ngaran Kristus Yesus pakai kaluar teke io!"Balalu, roh iro kaluar, sakatika iro pada.¹⁹ Kude, hantek kawan majikanne kiite bahwa harapan reo neo kauntungen haut wawai, reo nyama Paulus dan Silas, nelang nyeret reo mpah unengan umum Huang bahasa Yunani Kuno adalah "agora". Bafungsi jari pusat kota gi hawe ulun rama bakumpul. Gi hadapan kawan panguasa. ²⁰ Dan, hantek reo haut ngoit Paulus dan Silas pah hakim-hakim kapala, reo iwada, "Ulun-ulun itu adalah ulun Yahudi dan rahat ngulah kacau gi kota takam. ²¹ Reo ngajar adat istiadat sa bakoi uah pakai na tarime takam atau na ulah sebagai ulun Roma."²² Ulun rama iro buan sameh-sameh nyarang Paulus dan Silas dan kawan hakim kota ngirah lama Paulus dan Silas, nelang nyuyu reo pakai mepai karuone andri tungkeh. ²³ Ukah masih menganiyaya Paulus dan Silas andri hene pepayan, reo numuk io mpah huang penjara dan nyuyu kapala penjara pakai nyaga Paulus dan Silas andri ketat. ²⁴ Ukah narime parentah iro, kapala penjara nyui Paulus dan Silas mpah huang penjara bagian huang dan masung poo reo andri balangu.²⁵ Kira-kira suan malom, Paulus dan Silas rahat laku doa dan manyanyi lagu-lagu pujian pah Allah, dan kawan tahanan lainne korongoi reo. ²⁶ Balalu, tiba-tiba terjadi gempa bumi sa idu sahingga fondasi penjara iro gaguyuh. Dan, tiba-tiba kahai manamang ta uka dan balangu satiap ulun palapas.²⁷ Hantek kapala penjara buan dan kiite manamang-manamang penjara haut ta uka, io nyujut padang ne dan ane mitu et io nanguh kawan tahanan haut nempat. ²⁸ Kude, Paulus ngariak andri lengan mehet, "Ada mambahayakan tonga ko raerai et kain kahai gi itu!"²⁹ Kamulek, kapala penjara iro lako lampu dan palus nempat masuk, balalu nelang neter, io sujud gi hadapan Paulus dan Silas. ³⁰ Ukah iro, io ngoit reo kaluar dan sawada,"Tuan-tuan, inun sa harus na ulah pakai uki nasalamatkan?" ³¹ Dan, reo nyawab, "Harapleh gi huang Tuhan Yesus dan iko sagar nasalamatkan, iko dan kahai ulun sa duoi gi lowu ko."³² Kamulek, Paulus dan Silas mambaritakan firman Tuhan pah kapala penjara iro dan pah kahai ulun sa naan gi huang lowune. ³³ Ukah iro, io ngoit Paulus dan Silas, malom iro, dan mui batan-bata reo, balalu io dan kahai kaluargane na baptis.³⁴ Kamulek, kapala penjara ngoit Paulus dan Silas mpah lowune dan nyadia pongokan. Maka, io tuu arai mihewu, bahwa io dan kahai ulun sa duoi gi lowune haut harap mpah Allah.³⁵ Kude, hantek niba suan ondro, kawan hakim kota ngutus papire polisi, andri sawada, "Tongkosit ulun-ulun iro!" ³⁶ Dan, kapala penjara bara pesen iro pah Paulus, andri sawada, "Hakim-hakim kota haut nyuyu pakai nongkosit iko. Ket iro, kaluarleh tataha dan tulak leh huang kedamaian!"³⁷ Kude, Paulus sawada mpah reo, "Ulun-ulun itu haut mepai kain hang hadapan umum, tanpa na adili, ulun-ulun sa adalah warga Roma, dan haut numuk kain mpah huang penjara. Balalu, inunkah tataha reo ngaluar kain andri cara suni-suni? Bakoi! Ingkehleh reo raerai hawi dan ngaluar kain."³⁸ Kawan polisi iro bara papaneran-papaneran iro pah hakim-hakim kota. Reo takut hantek reo korongoi bahwa Paulus dan Silas adalah warga negara Roma. ³⁹ Maka, reo hawi dan lako maaf pah Paulus dan Silas. Ukah reo ngaluar Paulus dan Silas, reo lako pakai karuo ne nanan kota iro.⁴⁰Balalu,reo kaluar teke panjara dan masuk mpah lowu Lidia, dan hantek reo kiite pulaksanai-pulaksanai seiman,Paulus dan Silas maneguhkan ate reo, balalu tulak.

Chapter 17

¹ Suatu saat, hantek Paulus dan Silas haut metah Amfipolis dan Apolonia, reo hampe gi Tesalonika, gi hawe naan sinanoge ulun Yahudi. ² Balalu, sesuai kabiasaan Paulus, io masuk mpah penah reo, dan saohang tolu ondro Sabat bapaner andri reo teke Kitab Suci,³ nelang menjelaskan dan mambuktikan bahwa Kristus harus menderita dan bangkit teke helang ulun mate, "Yesus itu, sa rahat uki baritakan mpah iko, adalah Kristus." ⁴ Balalu, sabagian teke reo nayakinkan dan bagabung andri Paulus dan Silas, baya andri sejumlah idu ulun Yunani sa bakoi ronu pah Allah dan bakoi odik wawe-wawe tahormat.⁵ Kude, ulun-ulun Yahudi jari kasiwa dan nganyak papire ulun jahat sa bakaluyuran gi duloi umum, reo ngumpul rama ulun dan ngulah kakacawen gi kota, balalu manyerbu lowu Yason nelang ngantara Paulus andri Silas pakai ngoit reo mpah luar mpah ulun rama. ⁶ Hantek reo bakoi kahong Paulus dan Silas, reo mait Yason dan papire pulaksanai seiman mpah hadapan kawan pejabat kota, andri iwada, "Ulun-ulun itu, sa haut mengacau dunia, haut hawi pada mpah itu. ⁷ Dan, Yason nyamut reo, dan reo kahai batindak sa dawan hukum Kaisar andri sawada bahwa naan raja lain, iyoiro Yesus."⁸ Ulun rama dan kawan pajabat kota jari resah hantek korongoi hal iro. ⁹ Dan, ukah reo narime jaminan teke Yason dan salainne, ulun-ulun iro nongkositne. Paulus dan Silas mpah Kota Berea¹⁰ Pulaksanai-pulaksanai seiman segera nyuyu Paulus dan Silas, malom iro pada, mpah Berea, dan hantek reo hampe, reo tulak mpah sinanoge ulun Yahudi. ¹¹ Ulun-ulun Yahudi gi raha lewi maasus atene teke ulun-ulun sa naan gi Tesalonika et reo narime firman andri ponu samangat, nelang nyelidiki Kitab Suci satiap ondro pakai ngontoe amun hal-hal iro memang uah. ¹² Ket iro, hene teke reo jari harap,tamasuk wawe dan upo Yunani tahormat sa jumlahne bakoi odik.¹³ Kude, hantek ulun-ulun Yahudi gi Tesalonika kotoe bahwa firman Allah pada na bara daya Paulus gi Berea, reo pada hawimpah Berea pakai menggoyahkan dan meresahkan rama ulun. ¹⁴ Balalu andri nihinang, pulaksanai-pulaksanai seiman nyuyu Paulus tulak hampe mpah pantai, kude Silas dan Timotius tatap duoi gi iro. ¹⁵ Ulun-ulun sa ngiang Paulus ngoitne hampe mpah Atena, dan ukah narime erang kaua pesen teke Paulus ma Silas dan Timotius pakai hawi mpah io nihinang, reo pun tulak. Paulus gi Kota Atena¹⁶ Sementara Paulus ngandrei reo gi Atena, rohne kiinam na susahkan gi huang tongane et io kiite kota iro ponu andri patung-patung berhala. ¹⁷ Ket iro, io batukar pikiran gi sinanoge andri ulun-ulun Yahudi dan ulun-ulun teke bangsa lain sa takut andri Allah, uma gi duoi umum, satiap ondro, andri ulun-ulun sa kabatulan naan gi iro.¹⁸ Papire ahli pikir teke kalompok Epikuros dan Stoa pada bapaner andri io. Dan, papire iwada,"Inun sa hamen na paner hi pembual itu?" Sa lain sawada, "Iyalah ne io itu erang kaulun pambarita dewa-dewa asing," et io mambaritakan Yesus dan kebangkitan.¹⁹ Balalu, reo nganyakne dan ngoitne mpah Areopagus, nelang sawada, "Iyuhkah kain ngontoe ajaran wayu inun sa iko baritakan itu? ²⁰ Sabab, iko rahat ngoit papire hal sa mengherankan gi talingo kain. Kain hamen kotoe inun maksud hal-hal itu. " ²¹ (Saat itu, kahai ulun Atena dan ulun-ulun asing sa duoi gi raha tabiasa nangkawis waktu reo andri bakoi ngulah inunpun salain sawada atau nyondrongoi sesuatu isa wayu.)²² Maka, Paulus sokondrong gi suan-suan Areopagus dan iwada, "Hai ulun-ulun Atena, uki mengamati bahwa huang kahai hal iko tuu religius. ²³ Sabab, hantek uki rahat bakaliling dan nginte bana-bana sa na samah ko, uki pada kahong erang kaua altar andri tulisan itu, ' MPAH ALLAH SA BAKOI NA KENAL.' Ket iro, inun sa iko samah tanpa mengenal ne, iro leh sa uki baritakan pah iko.²⁴ Allah sa ngulah dunia dan kahai sesuatu sa naan gi huang ne, et Io adalah Tuhan bawo langit dan bumi, bakoi duoi gi huang kuil-kuil sa naulah andri longon-longon murunsia, ²⁵ bakoi pada Io nalayani andri longon-longon murunsia, seakan-akan Io keke sesuatu et Io raerai sa ngondru pah hie pun pamolum, dan hengo, dan kahai sesuatune.²⁶ Dan, Io menciptakan, teke erai ulun, kahai bangsa umat murunsia pakai duoi gi kahai muka bumi itu, ukah menetap kan musim-musim dan batas-batas duoi wolum reo, ²⁷ pakai reo ngeto Allah, dan amun memang mungkin reo kiiyuh menyentuh-Ne meskipun Io bakoi oro teke takam masing-masing.²⁸ Sabab, gi huang Io, takam wolum, bagarak, dan naan. 'Ket takam itu pada adalah katurunan-Ne." ²⁹ Jari, et takam adalah katurunan Allah, takam saharus ne bakoi bapikir bahwa keadaan ILahi iro iyalah amas, atau perak, atau watu, erai wujud sa naciptakan teke keterampilan dan pamikiren murunsia.³⁰ Ket iro, ukah mengabaikan masa-masa kabungulen, tataha Allah bara kahai ulun gi hawe-hawe pakai batobat, ³¹ ket Io haut menentukan suatu ondro hantek Io sagar menghakimi dunia huang keadilan metah erai Ulun sa haut na tentukan-Ne, ukah Io ngundru bukti mpah kahai ulun andri membangkitkan Ulun iro teke penah ulun mate."³² Dan, hantek reo korongoi neo kebangkitan teke helang ulun mate, papire ulun mulai ngasese, kude sa lain iwada, "Kain hamen nyondrongoi iko lagi neo hal itu." ³³ Maka, Paulus tulak teke suan-suan reo. ³⁴ Kude, papire ka ulun bagabung andri io dan jari harap, gi antara ne pada naan Dionesius, anggota Areopagus, dan erang kaulun wawe bangaran Damaris, serta papire ulun lain sa ibaya reo.

Chapter 18

¹ Ukah iro, Paulus nanan Atena dan tulak mpah Korintus. ² Dan, Paulus kahong ulun Yahudi bangaran Akwila, katurunan Pontus, wayu tuu hawi teke Italia andri wawenne, Priskila,et Klaudius haut marentah kahai ulun Yahudi nanan Roma. Paulus hawi pah reo, ³ dan et reo naan gawian sa sameh, Paulus duoi andri reo dan bagawi et gawian reo adalah ngulah tenda.⁴ Dan, Paulus batukar pikiran gi sinanoge satiap ondro Sabat dan bausaha pakai mayakinkan ulun-ulun Yahudi dan Yunani. ⁵ Kude, hantek Silas dan Timotius dolui teke Makedonia, Paulus malai mengabdikan tonga saponune neo mambaritakan firman, nelang basaksi andri tuu-tuu pah ulun-ulun Yahudi bahwa Yesus adalah Kristus. ⁶ Kude, hantek reo manantang dan memaki Paulus, io mapau lamane dan sawada pah reo, "Raya ko naan gi bawo ulok ko raerai! Uki barasis. Mulai tataha dan kangohangne, uki sagar tulak mpah bangsa-bangsa lain."⁷ Kamulek, io nanan duoi iro dan tulak mpah lowu erang kaulun sa bangaran Titus Yustus, ulun bakoi Yahudi sa nyamah Allah, sa lowu ne naan gi hila sinanoge. ⁸ Krispus,kapala sinanoge, jari harap gi huang Tuhan andri kahai ulun sa duoi gi lowu ne, dan rama ulun Korintus sa haut nyondrongoi Paulus jari harap dan nabaptis.⁹ Balalu, Tuhan bapaner pah Paulus gi erai malom huang erai pinginte, "Ada takut, kude tarusleh bapaner dan ada suni, ¹⁰ Ket Uki baya iko dan koi oeng erang kaulunpun sa sagar manyarang iko pakai nganiaya iko et rama umat-Ku gi kota itu." ¹¹ Maka, Paulus duoi gi raha sa ohang 1 taun 6 wulan, nelang ngajar firman Allah gi penah reo. Paulus Nahadapkan pah Galio¹² Kude, hantek Galio jari prokonsul Akhaya, ulun-ulun Yahudi andri se ate bangkit dawan Paulus dan ngoitne gi hadapan kurusi pengadilan, ¹³ andri sawada,"Ulun itu rahat mempengaruhi rama ulun pakai nyamah Allah sa balawanan andri Hukum Taurat."¹⁴ Kude, hantek Paulus ane nguka wawane, Galio sawada pah ulun-ulun Yahudi, "Amun itu adalah suatu persoalan pelanggaran atau kajahaten sa keji, hai ulun-ulun Yahudi, uki patut batangung jawab bawo perkarako. ¹⁵ Kude, amun itu persoalan neo papaneran, dan ngaran-ngaran, dan hukum ko raerai, uruslah raerai. Uki bakoi hakun jari hakim bawo hal-hal itu."¹⁶ Balalu, Galio ngusir reo teke ruang pengadilan. ¹⁷ Ukah iro reo kahai nyama Sostenes, kapala sinanoge, dan mepaine gi hadapan ruang pengadilan. Kude, Galio bakoi memperhatikan hal-hal iro. Paulus Mulek mpah Kota Antiokhia¹⁸ Ukah iro, Paulus duoi papire ondro lagi, balalu bapamitan andri pulaksanai-pulaksanai seiman dan balayar mpah Siria, sasameh andri Priskila dan Akwila. Gi Kengkerea, Paulus haut netek wulu ne et io haut ngulah nazar. ¹⁹ Kamulek, reo hampe gi Efesus dan Paulus nanan Priskila dan Akwila gi raha, kude io raerai masuk pah sinanoge dan batukar pikiran andri ulun-ulun Yahudi.²⁰ Hantek reo lako Paulus pakai duloi lewi ohang, Paulus bakoi manyatujui ne, ²¹ kude bapamitan andri reo dan sawada, "Uki sagar mulek pah iko amun Allah ngabahomne."Dan, io balayar teke Efesus.²² Ukah io dolui gi Kaisarea, io ngabai dan ngundru salam pah kawan jemaat, balalu dolui mpah Antiokhia. ²³ Dan, ukah nangkawis papire waktu gi raha, io nanan duoi iro dan ngaliling teke duoi erai mpah duoi sa lain ne gi wilayah Galatia dan Frigia, nelang menguatkan kawan murid. Apolos gi Kota Efesus dan Kota Korintus²⁴ Suatu saat, naan ulun Yahudi bangaran Apolos, katurunan Aleksanderia, io adalah erang kaulun sa terpelajar dan mahir huang hal Kitab Suci. ²⁵ Ulun itu haut na ajarkan neo Lalan Tuhan dan basamangat gi huang roh. Io bapaner dan ngajar andri teliti hal-hal neo Yesus, kude io ekat kotoe baptisan Yohanes ²⁶ Io mulai bapaner andri ronu gi huang sinanoge, kude hantek Priskila dan Akwila korongoi ne, reo narik ne pah hila dan menjelaskan pah io lalan Allah andri lewi uah.²⁷ Dan, hantek Apolos hamen nyabarang mpah Akhaya, pulaksanai-pulaksanai seiman meneguhkan io dan manulis pah murid-murid pakai nyamut pihawianne. Hantek io hampe, io rama ngarawah reo sa et nugerah haut jari harap, ²⁸ et io andri karas mambantah ulun-ulun Yahudi gi muka umum, nelang nutui teke Kitab Suci bahwa Kristus adalah Yesus.

Chapter 19

¹ Hal itu terjadi, sementara Apolos naan gi Korintus,Paulus metah daerah pedalaman dan hampe gi Efesus. Gi raha, io kahong papire murid. ² Paulus sawada pah reo, "Inunkah iko narime Roh Kudus hantek iko haut jari harap?" Reo nyawab, "Bakoi, bahkan kain mete suah korongoi bahwa naan Roh Kudus."³ Balalu, Paulus iwada, "Gi huang inun, kamulek, iko na baptis?" Jawab reo, "Gi huang baptisan Yohanes." ⁴ Paulus sawada, "Yohanes mambaptis andri baptisan pertobatan, nelang bara ulun-ulun neo harap pah Erang kaulun sa sagar hawi ukah io, iyoiro pah Yesus."⁵ Ukah reo korongoi hal itu, reo nabaptis gi huang ngaran Tuhan Yesus. ⁶ Kamulek, hantek Paulus menumpangkan longonne bawo reo,Roh Kudus hawi pah obo reo, balalu reo mulai bapaner huang bamasam bahasa dan bernubuat. ⁷ Reo kahai bajumlah kira-kira ruo walas ka ulun upo.⁸ Balalu, Paulus masuk mpah sinanoge dan bapaner andri ronu sa ohang tolu wulan, nelang batukar pikiran dan ngampiharap reo neo Kerajaan Allah. ⁹ Kude, hantek papire kaulun ngampi kape ate dan puang narime harap, nelang sawada hal-hal sa jahat neo Lalan iro gi hadapan ulun rama, Paulus nanan reo dan nganyak kawan murid tulak, nelang batukar pikiran satiap ondro gi sakulah Tiranus. ¹⁰ Hal itu balangsung saohang ruo taun sehingga kahai ulun sa duoi gi Asia korongoi firman Tuhan, baik ulun-ulun Yahudi maupun ulun-ulun Yunani. Pea-pea Skewa¹¹ Allah ngulah hene mukjizat sa luar biasa metah longon Paulus, ¹² sehingga sapu longon atau celemek sa haut nyantuk kudit Paulus na oit pah ulun-ulun sakit, maka panyakit reo jawoh dan roh-roh jahat kaluar teke reo.¹³ Kude, papire pangusir setan Yahudi sa malan bakaliling bausaha ngontuh ngaran Tuhan Yesus bawo ulun-ulun karasukan roh-roh jahat nelang sawada, "Uki nyumpah iko huang ngaran Yesus sa nabaritakan Paulus!"¹⁴ Pitu pea upo Skewa, erang kaulun imam besar Yahudi, sa ngulahne.¹⁵ Kude, roh jahat iro nyawab da sawada pah reo, " Uki kataru Yesus dan uki kotoe neo Paulus, kude hie iko?" ¹⁶ Balalu, ulun sa karasukan roh jahat iro nanturak mpah arah reo, dan bakuasa bawo reo, nelang nyantalau reo kahai sahingga reo nempat teke lowu iro huang keadaan tabentur dan tondrong. ¹⁷ Hal itu na kotoe daya kahai warga Efesus, baik ulun-ulun Yahudi maupun ulun-ulun Yunani. Dan, reo kahai jari tuu bakoi ronu dan ngaran Tuhan Yesus samakin na muliakan.¹⁸ Rama teke penah reo sa haut jari harap tatap hawi, neleng mangakui dan mambaritakan ulahan-ulahan reo. ¹⁹ Balalu, hene teke reo sa haut suah ngulah sihir, ngumpul buku-buku reo dan nutung ne gi hadapan kahai ulun. Dan, reo nandreken nilai buku-buku iro dan kahong nilai ne mencapai 50.000 keping perak. ²⁰ Jari, firman Tuhan tarus wolum dan bakuasa. Paulus Merencanakan perjalananne²¹ Ukah hal-hal iro luput, huang Roh, Paulus bamaksud tulak mpah Yerusalem ukah io metah Makedonia dan Akhaya, andri iwada, "Ukah uki naan gi raha, uki pada harus kiite Roma." ²² Dan, ukah ngutus ruo ka ulun sa melayanine mpah Makedonia, iyoiro Timotius dan Erastus, io raerai duloi papire waktu gi Asia. Demitrius Nyantimul Kakacawen gi Kota Efesus²³ sakitar tawuk iro, gi raha terjadi kerusuhan sa bakoi odik neo Lalan iro. ²⁴ Sabab, naan ulun bangaran Demitrius, erang kaulun pengrajin perak, sa ngulah kuil-kuil perak Dewi Artemis, ngundru penghasilan sa bakoi odik pah tukang-tukangne. ²⁵ Kawan tukang ne iro io kumpul baya andri panggawi-panggawi gi bidang sarupa dan sawada, "Pulaksanai-pulaksanai, iko kotoe bahwa kemakmuran takam baasal teke perusahaan itu.²⁶ Balalu, iko kiite dan korongoi bahwa, bakoi ekat gi Efesus melainkan ane gi kahai Asia, Paulus haut meyakinkan dan ngulah hene ulun iwaleng andri iwada bahwa allah sa na ulah andri longon murunsia bakoi lah Allah. ²⁷ Hal itu babahaya bakoi ekat usaha takam sagar lawu mpah huang kehinaan, kude pada kuil Dewi Artemis sa agung iro bakoi hena odik pun na reken, dan io, sa na samah gi kahai Asia dan dunia, sagar kawawayan keagungan ne."²⁸ Hantek reo korongoi hal itu, reo tuu sangit dan ngariak-ngariak, "Idulah Artemis, dewi ulun Efesus!"²⁹ Balalu, kota iro na tomponu andri kekacauan dan reo bagas sameh-sameh mpah gedung kasanian nelang nyeret Gayus dan Aristarkus, ulun Makedonia adalah iang seperjalanan Paulus.³⁰ Kude, hantek Paulus kai tulak masuk gi penah ulun rama iro, kawan murid bakoi ngaret ne. ³¹ Bahkan papire pembesar Asia sa baiyang andri io ngirim erang kaua pesen pah io dan baulang kali lako pah io pakai bakoi nyarah tonga mpah gedung kasanian iro. ³² Maka, sabagian ngariak sesuatu dan sebagian sa lainne, et kumpulan iro naan huang kakacawen dan sabagian idu teke reo bakoi kotoe inun alasan reo haut hawi bakumpul³³ Sebagian teke ulun rama iro manyimpulkan Alexander et ulun-ulun Yahudi haut nyurung ne pah muka, dan ukah Alexander ngundru isyarat andri longonne, io bamaksud ngulah pembelaan gi hadapan ulun rama.³⁴ Kude, hantek reo kataru bahwa Alexander adalah ulun Yahudi, sa ohang kira-kira ruo jam, reo kahai ngariak andri erai lengan, "Idulah Artemis, dewi ulun Efesus!"³⁵ Ukah panitera kota menenangkan ulun rama iro, io sawada, "Hai ulun-ulun Efesus, hie ulun sa bakoi kotoe bahwa kota Efesus adalah panjaga kuil Dewi Artemis sa agung sa duloi teke langit? ³⁶ Jari, et hl-hal iro bakoi iyuh na sual, iko saharusne tatap tanang dan bakoi batindak gagabah. ³⁷ Sabab, iko haut ngoit ulun-ulun itu mpah itu, sa bakoi marampok atau menghujat dewi takam.³⁸ Ket iro, amun Demetrius dan tukang-tukang sasameh andri io naan keluhan nadap erang kaulun, pengadilan na uka dan naan prokosul. Ingkehleh reo ngajukan tuntutan erai nadap lainne. ³⁹ Kude, amun iko hamen sesuatu hal sa lain, hal itu iyuh na selesaikan huang sidang rakyat manurut hukum. ⁴⁰ Sabab, takam naan gi huang bahaya pakai natuduh bawo karusuhan ondro itu et bakoi naan alasan inunpun sa iyuh takam jelaskan neo pertemuan sa kacau itu." ⁴¹ Ukah io bapaner hal-hal itu, io mambubarkan kumpulan ulun iro.

Chapter 20

¹ Ukah karusuhan iro luput, Paulus ngundang kawan murid, dan ukah menguatkan ate reo, io pamitan andri reo dan tulak nuju mpah Makedonia. ² Ukah io manelusuri wilayah-wilayah gi raha dan ngudru pah reo rama nasehat, io hampe gi Yunani. ³ Dan, gi raha Paulus duloi sa ohang tolu wulan. Ket ulun-ulun Yahudi ngulah persekongkolan pakai dawanne hantek io hamen balayar mpah Siria, io mamutuskan pakai mulek metah Makedonia.⁴ Paulus na iyang daya Sopater teke Berea, pea Pirus, daya Aristarkhus dan Sekundus, teke Tesalonika, dan Gayus teke Derbe, dan Timotius, serta Tikhikus dan Trofimus teke Asia. ⁵ Reo tulak lewi pono dan rahat ngandrei kain gi Troas, ⁶ kude kain balayar teke Filipi ukah Hari Raya bakoi baragi, dan hawi pah reo gi Troas huang 5 ondro, gi raha kain duloi saohang pitu ondro. Kunjungan Paulus sa Terakhir gi Kota Troas⁷ Gi ondro pertama minggu iro, hantek kain rahat baya bakumpul neo memecahkan rote, Paulus bapaner pah reo et bamaksud pakai barangkat pah ondro barikut ne, dan io nongkobo pesenne hampe suan malom. ⁸ Naan hene lampu gi ruang obo, duoi kain bakumpul.⁹ Dan, gi raha naan pemuda bangaran Eutikhus rahat maharung gi jendela dan lotong huang surui sa madis. Balalu, sementara paulus gutus bapaner huang waktu sa ohang, io magin lotong huang surui dan lawu teke lantai ka tolu dan na enat huang kaadaan haut mate. ¹⁰ Kude, Paulus dolui balalu nungkubis tonga pah obo ne, dan ngikub, nelang sawada, "Ada rawek et nyawa ne masih naan gi huang io."¹¹ Hantek Paulus mulek ngabai, balalu memecah kan rute dan kuman, io bapaner pah reo huang waktu sa ohang, hampe subuh. Ukah iro io barangkat. ¹² Reo ngoit pemuda iro buli huang keadaan wolum dan kiinam tuu tahibur. Perjalanan teke Kota Troas mpah Kota Miletus¹³ Kude, ukah tulak lewi pono mpah kapal, kain balayar mpah Asos andri maksud ngepo paulus gi raha et io haut merencanakan ne mihie, io raerai bamaksud tulak mpah raha andri malan. ¹⁴ Dan, hantek io kahong andri kain gi Asos, kain ngepo ne, balalu tulak mpah Metilene.¹⁵ Ukah balayar teke raha, kain hampe ma pitaniin ne gi Khios. Ondro barikutne, kain nyanriet Samos, dan erang ondro ukah iro kain hampe gi Miletus. ¹⁶ Sabab, Paulus haut mamutuskan pakai balayar metah Efesus pakai io bakoi nangkawis waktune gi Asia et io bagagas hampe gi Yerusalem, amun memungkin kan, gi ondro Pentakosta. Paulus Bapaner pah Penatua Efesus¹⁷ Teke Miletus, Paulus mengutus ulun mpah Efesus dan nyuyu kawan penatua jemaat hawi pah io. ¹⁸ Dan, hantek reo hawi pah io, io iwada pah reo, "Iko raerai kotoe, kolowangun uki wolum gi suan iko sapanjang waktu, teke ondro pertama uki irarah gi Asia, ¹⁹ nelang melayani Tuhan andri kerendahan ate, dan andri riu mato, dan andri pencobaan-pencobaan sa ngatekan uki metah persengkokolan ulun Yahudi, ²⁰ kolowangun uki bakoi nahan diri pakai ngabar pah iko kahai sesuatu sa baguna dan ngajar iko gi muka umum teke lowu mpah lowu, ²¹ babujur ngundru kesaksian, inun pah ulun-ulun Yahudi maupun ulun-ulun Yunani, neo pertobatan pah Allah dan baiman pah Tuhan takam, Yesus Kristus.²² Dan tataha, iteleh,andri na suruk daya Roh, uki rahat huang perjalanan mpah Yerusalem, tanpa kotoe inun sasagar terjadi pah uki gi raha, ²³ kacuali bahwa Roh Kudus basaksi andri tuu-tuu gi satiap kota pah uki bahwa penjara dan siksaan haut ngandrei uki. ²⁴ Kude, uki bakoi nganggap wolum uki baharaga pah tonga uki raerai sehingga uki kaiyuh nyanuput tugasku dan pelayanan sa uki tarime teke Tuhan Yesus, iyoiro pakai basaksi andri tuu-tuu neo Injil anugerah Allah.²⁵ Dan tataha, iteleh, uki kotoe bahwa bakoi oeng gi suan iko, sa pah iko uki bakaliling ngabar kerajaan, sagar kite rowawaku kia. ²⁶ Ket iro, uki basaksi pah iko ondro itu bahwa uki bakoi bahala bawo raya ko kahai. ²⁷ Sabab, uki bakoi nahan tonga pakai ngabar pah iko kahai rencana Allah.²⁸ Jagaleh tonga ko raerai dan kahai kawanan, sa bawo ne Roh Kudus haut ngulah iko pengawas pakai menggembalakan jamaat Allah, sa haut Io iyuh andri raya Ne raerai. ²⁹ Uki kotoe bahwa ukah keberangkatanku, serigala-serigala buas sagar hawi gi suan iko, bakoi menyayangkan kawanan itu. ³⁰ Dan, teke suan iko raerai sagar bangkit ulun-ulun sa bapaner neo hal-hal nyantawang pakai nyujut murid-murid teke reo.³¹ Ket iro, bajaga-jagaleh,nelang ngitung bahwa koondro dan kamalom, sa ohang tolu taun, uki bakoi mihindroi ngampiitung iko masing-masing andri riu mato. ³² Dan tataha, uki nyarah iko pah Tuhan dan pah firman anugerah-Ne sa sanggup ngele iko dan ngundru iko warisan gi antara kahai ulun sa na kudus kan.³³ Uki bakoi hamen perak, atau amas, atau pama hiepun. ³⁴ Iko kotoe raerai bahwa longon itu melayani keperluan uki dan reo sa ibaya andri uki. ³⁵ Huang kahai hal, uki haut nutui pah iko bahwa andri bagawi keras iyalah cara itu, takam harus ngarawah sa lamah dan ngitung papaneran Tuhan Yesus, bahwa Io raerai sawada, 'Lewi berbahagia ngundru teke narime."'³⁶ Dan, hantek io haut bapaner hal-hal iro, io isudu dan ilaku doa andri reo kahai. ³⁷ Balalu, naan hene kiak gi suan reo kahai dan reo ngikup diung Paulus, nelang nyiukne, ³⁸ reo tuu sedih, terutama et papaneran sa io wada bahwa reo koi sagar kite rowawane kia. balalu, reo ngiang Paulus mpah kapal.

Chapter 21

¹ Ukah kain bapisah teke reo dan haut tulak, kain langsung balayar mpah Kos, dan ondro berikut ne mpah Rodos, dan teke raha mpah Patara, ² Balalu ukah kain kahong erang kaua kapal sa nyabarang mpah Fenisia, kain ngabai kapal iro dan balayar.³ Hantek kain mulai kiite Siprus, kain metah ne gi hila kewi kain dan tatap balayar mpah Siria, balalu dolui gi Tirus et kapal sagar ngampi dolui muatanne. ⁴ Ukah kahong andri kawan murid, kain duloi gi raha sa ohang pitu ondro. Dan, metah Roh, reo tarus menasehatkan Paulus pakai bakoi ngabai mpah Yerusalem.⁵ Hantek waktu kain gi raha haut awis, kain barangkat dan nampalus perjalaan kain. Reo kahai, baya wawen dan peane, ngatet kain hampe mpah luar kota. Balalu ukah isudu gi pantai dan ilako dua, ⁶ kain bapamitan erai andri sa lain. ukah iro kain ngabai mpah kapal dan reo buli lagi mpah lowu.⁷ Ukah kain nangkawis perjalanan teke Tirus, kain hampe gi Ptolemais, dan kain nabe pulaksanai-pulaksanai seiman, nelang duloi andri reo sa ohang erang ondro. ⁸ Gi ondro berikutne, kain barangkat dan tulak mpah Kaisarea, balalu masuk pah lowu Penginjil Filipus, sa adalah erai teke pitu ulun iro, balalu duloi baya io. ⁹ Io naan opat pea perawan sa banubuat.¹⁰ Sementara kain duloi giiro papire ondro, erang kaulun nabi bangaran Agabus dolui teke Yudea. ¹¹ Balalu, ukah notah kain, io ngalap ikat towing Paulus dan nyuruk longon dan poo ne raerai, balalu iwada, "Ituleh sa Roh Kudus wada, 'Andri cara itu ulun-ulun Yahudi gi Yerusalem sagar nyuruk ulun sa naan ikat towing itu dan nyarah ne pah longon bangsa-bangsa lain."'¹² Hantek kain korongoi hal iro, kain dan ulun-ulun sa duloi gi raha ilako Paulus pakai bakoi ngabai mpah Yerusalem. ¹³ Kamulek, Paulus nyawab,"Inun sa na ulah ko, ngiak dan ngampilenuh ate ku? Sabab, uki siap, bakoi ekat pakai na suruk, kude pada pakai mate gi Yerusalem demi ngaran Tuhan Yesus." ¹⁴ Dan, et Paulus bakoi tau na yakinkan, kain suni dan sawada, "Ingkehleh kabahumen Tuhan sa Jari."¹⁵ Ukah ondro-ondro iro, kain basiap-siap dan tulak mpah Yerusalem. ¹⁶ Papire murid teke Kaisarea pada tulak baya andri kain, nelang ngoit kain pah lowu Manason, ulun Siprus, erang kaulun murid teke ohang, sa andri io kain duloi. Paulus Dilang Yakobus¹⁷ Ukah kain hampe gi Yerusalem, pulaksanai-pulaksanai seiman nyamut kain andri arai. ¹⁸ Balalu, gi ondro berikutne, Paulus tulak andri kain dilang Yakobus, dan kahai penatua hawi. ¹⁹ Ukah nahampe tabe pah reo, Paulus mulai basurah erai per erai hal-hal sa haut Allah ulah gi suan bangsa-bangsa lain metah pelayananne.²⁰ Dan, hantek reo korongoine, reo nawat Allah. Balalu, reo iwada pah Paulus, "Iteleh, pulaksanai, pire ribu ulun gi antara ulun-ulun Yahudi gi raha sa jari harap dan reo kahai giat neo Hukum Taurat, ²¹ dan reo haut na bara neo iko, iyoiro bahwa iko ngajar kahai ulun Yahudi gi suan bangsa-bangsa lain pakai manyimpang teke hukum Musa, nelang bara reo pakai bakoi nyunat pea-pea reo atau malan manurut adat istiadat takam.²² Balalu, inun sa harus na ulah takam? Reo pasti korongoi bahwa iko haut hawi. ²³ ket iro, ulahleh inun sa kain wada itu pah iko. Naan opat ulun teke kain sa naan gi pida nazar, ²⁴ Oit reo dan sucikan tonga ko baya andri reo, balalu bayarleh biaya-biaya reo sehingga reo tau mencukur ulok reo. Andri miiro, kahai ulun sagar kotoe bahwa paner kosong hal-hal sa haut na bara pah reo neo iko, kude bahwa iko raerai pada wolum manurut Hukum Taurat.²⁵ Kude, neo bangsa-bangsa lain sa jari harap, kain haut nulis surat dan memutuskan bahwa reo harus nyangkilah teke, 'dagingsa haut na persembahkan pah berhala-berhala, dan teke raya, dan teke inun sa na keat, dan teke dosa-dosa seksual.' "Paulus Na jama ²⁶ Kamulek, Paulus ngoit ulun-ulun iro, balalu ondro berikutnya, ukah io haut menyucikan tongane baya andri reo, io masuk mpah huang Bait Allah dan bara masa penyucian sagar ba akhir hantek kurban persembahan na undru pah masing-masing reo.²⁷ Hantek ane ganap pitu ondro, ulun-ulun Yahudi teke Asia, ukah kite Paulus gi huang Bait Allah, menghasut ulun rama dan nyama Paulus, ²⁸ nelang ngariak, "Hai ulun-ulun Israel, karawah! Ulun ituleh sa ngajar satiap ulun gi hawe-hawe dawan bangsa takam, dan Hukum Taurat, dan duoi itu. Dan, lewi lagi, io bahkan ngoit ulun-ulun Yunani mpah huang Bait Allah dan haut menajiskan duoi suci itu!" ²⁹ Sabab, semetene reo haut kiite Trofimus, ulun Efesus, baya andri io gi huang kota dan reo ngakira Paulus haut ngoitne masuk mpah huang Bait Allah.³⁰ Kamulek, kahai kota jari gempar dan ulun-ulun hawi bakarumun. Reo nyama Paulus dan nyeretne mpah luar teke Bait Allah, balalu manamang-manamang Bait Allah palus na tutup. ³¹ Sementara reo bausaha pakai munune, hampelah laporan pah kapala pasukan Roma bahwa kahai Yerusalem rahat huang kakacawen.³² Hantek iro pada, io ngoit perwira dolui pah reo. Dan, hantek ulun rama iro kiite kapala pasukan dan kawan prajurit, reo mihindroi mepai Paulus. ³³ Ukah iro, kapala pasukan nyandriet Paulus dan nyamane, nelang nyuyu pakai Paulus na suruk andri ruo rantai. Balalu, io mulai nunti hie Paulus dan inun sa haut na ulah ne.³⁴ Kude, sabagian teke ulun rama iro ngariak sesuatu dan sabagian sa lainne.Dan, hantek io bakoi kotoe andri pasti et karusuhan iro, io nyuyu pakai Paulus na oit mpah markas. ³⁵ Hantek io hampe gi tukat, Paulus harus na ayak daya kawan prajurit et amukan karumunan ulun, ³⁶ sabab, ulun rama iro palus ngapung reo, nelang ngariak,"Enyahkan io!"³⁷ Sementara Paulus sagar na oit masuk mpah markas, Paulus sawada pah kapala pasukan, "Iyuhkah uki bapaner sesuatu pah iko?" Dan, kapala pasukan iro nyawab, "Iko kotoe bahasa Yunani? ³⁸ Amun miiro, iko bakaoi ulun Mesir sa papire waktu taitah sanimul pemberontakan dan mimpin opat ribu ulun pamunu mpah padang gurun?"³⁹ Kude, Paulus sawada, "Uki adalah ulun Yahudi teke Tarsus, Kilikia, erang kaulun warga teke kota sapenting. Uki mohon, izinleh uki bapaner pah ulun-ulun itu." ⁴⁰ Dan, hantek kapala pasukan ngundru izin, Paulus sokondrong gi tukat dan ngundru isyarat pah ulun-ulun andri longonne. Balalu, hantek suasana haut jari tuu tanang, io bapaner pah reo huang bahasa Ibrani andri sawada.

Chapter 22

¹"Pulaksanai-pulaksanai dan Uma-uma, rongoileh pembelaanku tataha pah iko." ² Dan, hantek reo korongoi bahwa Paulus mowa reo huang bahasa Ibrani, reo samakin suni, dan Paulus iwada,³ "Uki adalah ulun Yahudi, nakayaan gi Tarsus, Kilikia, kude na ampiidu gi kota itu, na didik gi pida Gamaliel andri ketat sesuai hukum datu nini takam, dan jari giat pah Allah, sameh iyalah iko kahai gi ondro itu. ⁴ Uki menganiaya lalan itu hampe gi pampate, nyuruk dan nyui reo, baik upo maupun wawe, mpah huang penjara, ⁵ iyalah pada Imam Besar dan kahai majelis penatua kaiyuh basaksi pah uki. Teke reo uki narime surat-surat pakai Pulaksanai-pulaksanai gi Damsyik dan tulak pakai nyuruk reo sa naan gi raha mpah Yerusalam jari tahanan sa sagar na hukum.⁶ Maka, terjadilah, semantara uki raat huang perjalanan dan ane hampe gi Damsyik, kira-kira gi suan ondro, tiba-tiba naan raai teke langit maraai ngaliling uki. ⁷ Uki pasudu mpah tana dan korongoi lengan iwada pah uki, 'Saulus, Saulus, et inun iko nganiaya Uki?'⁸ Dan, uki nyawab, 'Hiekah Iko, Tuhan?'Balalu , io sawada pah uki, 'Ukilah Yesus teke Nazaret, sa rahat iko aniyaya.'⁹ Ulun-ulun sa naan baya uki kiite raai iro, kude bakoi kataru lengan Ulun sa rahat bapaner pah uki. ¹⁰ Dan, uki sawada, 'Inun sa harus uki gawi, Tuhan?' Dan, Tuhan nyawab uki,' Sokondrong dan tulaklah mpah Damsyik, dan gi raha, iko sagar na bara kahai sa haut na tetapkan neo sana gawi ko.' ¹¹ Dan, hantek uki bakoi tau kite et kamuliayaan raai iro, uki naayak daya ulun-ulun sa baya uki dan masuk mpah Damsyik."¹² Kamulek, naan ulun bangaran Ananias, ulun saleh manurut Hukam Taurat, dan nakataru maasus daya kahai ulun Yahudi sa duoi gi raha, ¹³ hawi pah uki, dan ukah sokondrong gi hila uki, io sawada, 'Pulaksanai Saulus, kiite leh!' Balalu saat iro pada, uki tau kiite lagi dan kiite io.¹⁴Dan, io iwada, 'Allah datu nini takam menetapkan iko pakai ngontoe kabahomen-Ne dan kiite Sa Uah, dan korongoi lengan teke wawa-Ne, ¹⁵et iko sagar jari saksi-Ne pah kahai ulun neo inun sa haut iko ite dan rongoi. ¹⁶Dan, tataha, et inun iko nunda-nunda? Buanlah dan undruleh tonga ko nabaptis, andri barasisleh dosa-dosako nelang mowa ngaran-Ne.'"¹⁷" Hantek uki mulek mpah Yerusalem dan raat ilako dua gi Bait Allah, uki na kuasai Roh, ¹⁸dan uki kiite Io bapaner pah uki, 'Nahinangleh dan segera kaluar teke Yerusalem et reo bakoi narime kesaksian ko neo Uki.'¹⁹ Balalu, uki sawada, 'Tuhan, reo raerai kotoe bahwa uki memenjarakan dan nyuruk reo sa harap pah-Iko teke erai sinanoge pah sa lain ne. ²⁰ Kamulek, hantek raya saksi-Ko Stepanus, na wawak, uki raerai rahat sokondrong gi raha, mayatujui dan nyaga pama-pama ulun-ulun sa munu ne.'²¹Ukah iro, Yesus iwada pah uki, 'Tulakleh! Sabab, Uki sagar ngutus iko oro mpah bangsa-bangsa lain."'²² Ulun rama iro nyondrongoi Paulus hampe pah papaneran ne itu. Ukah iro, reo kahai ngenat lengan reo dan iwada, "Enyahlah ulun iyalah iro teke bumi et io bakoi pantas pakai wolum!" ²³ Balalu, sementara reo gutus ngariak, dan medak jubah reo, dan namur habu ma udara, ²⁴ kapala pasukan marentah pakai Paulus na oit mpah markas, nelang menyatakan bahwa Paulus harus na pariksa andri cambukan sehingga io tau kahaba alasan et inun reo ngariak dawan io iyalah iro.²⁵ Kude, hantek reo haut ngansang ne andri tali-tali kudit, Paulus sawada pah perwira sa sokondrong gi riet io,"Inunkah sah pah iko pakai mancambuk erang kaulun sa adalah warga negara Roma?" ²⁶ Hantek perwira iro korongoi ne, io tulak pah kapala pasukan dan barane, wada ne, "Inun sa sagar iko gawi? Sabab, ulun itu adalah erang kaulun warga negara Roma,"²⁷ Maka, kapala pasukan iro hawi dan sawada pah Paulus, "Wada pah uki, inunkah iko warga negara Roma?" Dan, Paulus sawada, "Ya." ²⁸ Kapala pasukan iro nyawab, ''Uki kahong kewarganegaraan itu andri sejumlah idu duit." Dan, Paulus iwada, "Kude, uki jari warga negara et kayaan.'' ²⁹ Maka ulun-ulun sa sagar mariksa Paulus palus nanan ne dan kapala pasukan jari koi ronu hantek io kotoe bahwa Paulus adalah warga negara Roma dan bahwa io haut nyuruk ne. Paulus Bapaner andri Pamimpin Yahudi³⁰ Kude, gi ondro berikut ne, et kapala pasukan hamen kotoe alasan sabujur ne et inun Paulus na tuduh daya ulun-ulun Yahudi iro, io nongkosit Paulus dan marentah imam-imam kapala dan katuluh Sanhedrin pakai bakumpul, balalu io ngoit Paulus dolui dan ngampi hadapne pah suan reo.

Chapter 23

¹ Paulus nginte Sanhedrin dan sawada, "Pulaksanai-pulaksanaiku, uki haut nampalus wolumku andri saganap ate nurani sa maasus gi hadapan Allah hampe ondro itu." ² Balalu, Imam Besar Ananias marentah ulun-ulun sa sokondrong gi riet Paulus pakai nampar wawa Paulus. ³ Kamulek, Paulus sawada pah io, "Allah sagar nampar iko, hai iko tembok sa na cat wura! Inunkah iko maharung pakai manghakimi uki manurut Hukum Taurat, kude malanggar hukum iro andri nyuyu pakai uki na tampar?"⁴ Ulun-ulun sa sokondrong gi rietne sawada, "Inunkah iko menghina Imam Besar Allah?" ⁵ Kamulek, Paulus sawada."Uki bakoi kotoe, pulaksanai-pulaksanai, bahwa io adalah Imam Besar. Sabab, tatulis, 'Adaleh iko bapaner jahat neo erang kaulun pamimpin bangsako.' "⁶ Kude, hantek Paulus kotoe bahwa sabagian adalah ulun-ulun Saduki Aliran agama Yahudi sa bakoi harap neo kebangkitan dan pamelum sa sagar hawi. Dan salainne adalah ulun-ulun Farisi, Paulus baseru gi huang Sanhedrin, "Pulaksanai-pulaksanai, uki adalah ulun Farisi, pea ulun Farisi. Uki rahat na adili ket pangharapen dan kebangkitan ulun mate!" ⁷ Hantek Paulus iwada hal itu, timul perselisihan gi suan ulun-ulun Farisi dan ulun-ulun Saduki, dan kumpulan ulun-ulun iro tabagi-bagi. ⁸Sabab, ulun-ulun Saduki sawada bahwa koi oeng kabangkitan, koi oeng malaekat, dan pada koi oeng roh, kude ulun-ulun Farisi mangakui iro kahai.⁹ Maka, jarilah parawekan sa idu dan papire ahli Taurat teke kalompok Farisi sokondrong dan dawan andri karas, "Kain bakoi kahong sesuatu sa hala andri ulun itu. Kolowangun amun roh atau malaekat haut bapaner pah io?" ¹⁰ Balalu, hantek perselisihan magin bakembang, kapala pasukan sa koi ronu Paulus sagar na cabik-cabik daya ulun rama iro, balalu marentah prajurit-prajurit pakai dolui dan ngepo Paulus teke suan reo andri paksa, dan ngoitne mpah markas.¹¹ Gi malom barikutne, Tuhan sokondrong gi hila Paulus dan sawada, "Kuatkan ate ko et iko haut basaksi andri tuu-tuu neo Uki gi Yerusalem, andri miiro iko pada harus basaksi gi Roma."Rancana pakai Munu Paulus¹² Hantek suan ondro, ulun-ulun Yahudi ngulah persekongkolan dan nyuruk tonga reo raerai andri sumpah pakai bakoi kuman atau minum inunpun hampe reo munu Paulus. ¹³ Naan lewi teke opat pulu ka ulun sa ngulah persengkokolan itu.¹⁴ Reo hawi pah imam-imam kapala dan tua-tua, balalu sawada,"Kain haut nyuruk tonga kain raerai andri sumpah pakai bakoi ngokan inunpun hampe kain munu Paulus. ¹⁵ Tataha, et iro, iko sasameh andri Sanhedrin, bara pah kapala pasukan pakai ngoitne dolui pah iko, seolah-olah iko sagar mutus pakarane andri lewi taliti kia dan kain siap munu ne sa mete io nyanriet mpah duoi itu."¹⁶ Kude, pea upo teke pulaksanai Paulus sa wawe korongoi neo penyergapan iro, balalu io tulak dan masuk mpah markas, nelang bara pah Paulus. ¹⁷ Paulus mowa erai teke perwira dan sawada, "Oitleh pea muda itu pah kapala pasukan et io naan sesuatu neo na laporkan pah io."¹⁸ Maka, perwira iro ngoit ne pah kapala pasukan dan sawada,"Paulus, tahanan iro, mowa uki dan lako uki pakai ngoit pea muda itu pah iko et io naan na panerne pah iko." ¹⁹ Kapala pasukan ngepot longon pea muda iro, ngukui ne pah hila, dan mulai nunti pea muda iro secara pribadi, "Inun saharus nalapor ko pah uki?"²⁰ Balalu, io nyawab, "Ulun-ulun Yahudi haut sapakat lako iko pakai ngoit Paulus dolui mpah Sanhedrin pita nin, seolah-olah reo sagar nunti sesuatu sa lewi teliti neo io. ²¹ Jari, ada nyondrongoi reo et naan lewi teke opat pulu kaulun teke reo rahat mungun Paulus, sa basumpah pakai bakoi kuman atau minum hampe reo munu Paulus. Dan tataha, reo haut siap dan rahat ngandrei persetujuan ko."²² Maka, kapala pasukan nyuyu pea muda iro tulak, nelang ipesen pah io, "Ada bara pah hiepun amun iko haut bara pah uki neo hal-hal itu." Paulus Nakirim mpah Kota Kaisarea ²³ Kamulek, kapala pasukan iro mowa ruo kaulun perwira dan iwada, "Siapkan lah ruo jatuh tantara, andri pitumpulu panungkang kuda dan ruo jatuh prajurit basanyata, pakai tulak mpah Kaisarea, gi jam ka tolu malom itu. ²⁴ Sadiapada kuda pakai na tungkang Paulus dan oit io andri aman pah Feliks, gubernur iro."²⁵ Balalu, io nulis surat, sa miitu: ²⁶ Teke Klaudius Lisias. ²⁷ Ulun itu najama daya ulun-ulun Yahudi dan ane wunu here hantek uki hawi andri prajurit-prajurit dan nyalamat io, ukah kotoe bahwa io adalah erang kaulun warga negara Roma.²⁸ Ket uki hamen kotoe inun alasan reo nuduh io, uki ngoit ne dolui mpah Sanhendrin reo. ²⁹ Uki kahong bahwa io natuduh bawo persoalan-persoalan neo Hukum Taurat reo, kude bakoi oeng alasan inunpun pantas pakai hukuman mate atau panjara. ³⁰ Hantek na bara pah uki bahwa sagar naan persekongkolan pakai dawan ulun itu, uki hinang mamarentah kawan panuduhne pakai menyatakan tuntutan reo nadap io gi hadapan iko.³¹ Maka, kawan prajurit, sesuai andri parentah pah reo, ngepo Paulus dan ngoitne gi waktu kamalom mpah Antipatris. ³² Gi ondro berikut ne, reo ngaret kawan panungkang kuda iro tulak andri io, balalu reo mulek mpah markas. ³³ Hantek reo haut hampe gi Kaisarea dan nahampe surat iro pah gubernur, reo pada menghadapkan Paulus pah io.³⁴ Ukah guernur mambaca surat iro, io nunti teke wilayah awe Paulus baasal. Dan, hantek io kotoe bahwa Paulus baasal teke Kilikia, ³⁵ io sawada, "Uki sagar nyondrongoi iko ukah kawan penuduh ko pada hawi." Kamulek, io mamarentah pakai ngawal Paulus gi huang markas idu Herodes.

Chapter 24

¹ Dimo ondro ukah iro, Imam besar Ananias dolui sindrah andri papire tua-tua dan erang kaulun pangacara sa bangaran Tertulus. Reo mangajukan tuntutan nadap Paulus pah gubernur. ² Ukah Paulus na herau, Tertulus mulai manuduhne andri sawada, "Sabab metah Tuan, kain saratang kainam kedamaian dan perubahan-perubahan terjadi pah bangsa itu et kabijakan Tuan, ³ kain nyamutne andri sagala cara gi kahai duloi andri ponu arai hewu, Yang Mulia Feliks.⁴ Kude, pakai bakoi nangkawis waktuko kia, uki lako kamurahen ate ko neo nyondrongoi kain hena odik. ⁵ Sabab, kain haut kahong bahwa ulun itu adalah erang kaulun pangacau, sa nyantimul kakacauen gi suan ulun-ulun Yahudi gi kahai dunia. Dan, io adalah pamimpin sekte Nasrani. ⁶ Io bahkan bausaha menajiskan Bait Allah sehingga kain nyama ne.[ Kain hamen mengadili ne sesuai andri hukum kain.⁷ Kude, Lisias, kapala pasukan iro, hawi balalu nandrabut ne teke longon kain andri kakarasen, ⁸ nelang mamarentah ulun-ulun sa nuduhne pakai hawi nadap iko.] Andri mamariksane raerai, iko sagar kaiyuh ngontoe teke io neo kahai sa kain tuduhkan pah io." ⁹ Ulun-ulun Yahudi pada sapakat gi huang tuduhan iro nelang manegaskan bahwa kahai hal iro memang uah. Pembelaan Paulus gi Muka Feliks¹⁰ Hantek gubernur ngundru isyarat pah Paulus pakai bapaner, Paulus nyawab, "Ukah uki kotoe saohang bataun-taun bahwa iko haut jari hakim bawo bangsa itu, uki andri sanang ate membela tonga. ¹¹ Iko kaiyuh ngontoe bahwa bakoi lewi teke ruo walas ondro sapono uki ngabai mpah Yerusalem pakai baibadah. ¹² Reo bakoi suah nangkahong uki rahat basual andri hiepun atau manghasut kumpulan ulun, baik gi Bait Allah, sinanoge-sinanoge, maupun gi huang kota. ¹³ Reo pada bakoi tau mambuktikan pah iko inun sa reo tuduhkan pah uki tataha.¹⁴ Kude, uki mangaku pah iko, bahwa sesuai andri lalan iro, sa na ontuh reo sekta, uki baibadah pah Allah datu nini takam, andri harap pah kahai sesuatu sa sesuai andri Hukum dan sa tatulis gi huang kitab kawan nabi, ¹⁵ nelang nganak pangharapen gi huang Allah, sa pada reo andrei, bahwa sagar naan kabangkitan, baik pah ulun-ulun uah maupun sa bakoi uah. ¹⁶ Huang hal itu, uki bausaha pakai mamalihara ate nurani sa murni, baik gi hadapan Allah maupun murunsia.¹⁷ Tataha, ukah papire taun, uki hawi pakai ngoit sadakah pah bangsaku dan pakai ngundru persembahan-persembahan. ¹⁸ Sementara uki rahat ngawi ne, reo kahong uki, ukah uki nasucikan gi Bait Allah, tanpa karumunen ulun atau karusuhen. Kude, gi raha papire ulun Yahudi teke Asia. ¹⁹ Saharusne, reo lah sa naan gi hadapanko dan mangajukan tuduhan, amun memang reo naan sesuatu pakai dawan uki.²⁰ Atau, ingkehleh ulun-ulun iro raerai sa bara palanggaren inun sa reo kahong hantek uki sokondrong gi hadapan Sanhedrin, ²¹ kacuali erai pernyataan sa uki tantiak hantek uki sokondrong gi suan reo, 'Ket kabangkitan ulun mate, uki na hakimi gi hadapan iko ondro itu.'"²² Kude Feliks, sa naan pangatahuen lewi tepat neo Lalan iro, manunda kasus iro andri sawada, "Hantek Lisias, kapala pasukan iro, dolui, uki sagar nyametis kasusko."²³ Kamulek, Feliks marentah perwira iro pakai Paulus tatap na tahan, kude andri karinganen ate dan bakoi nahan iyang-iyangne pakai malayani io. Paulus Bapaner neo Imanne Huang Kristus²⁴ Ukah papire ondro, Feliks hawi andri wawenne, Drusila, sa adalah ulun Yahudi dan nyuyu Paulus hawi dan nyondrongoi Paulus bapaner neo imanne gi huang Yesus Kristus. ²⁵ Balalu, sementara Paulus rahat batukar pikiran neo kabanaran, pengendalian tonga, dan panghakiman sa sagar hawi, Feliks jari takut dan iwada, "Tulakleh tataha. Hantek uki kaiyuh kesempatan , uki sagar mowa iko."²⁶ Gi waktu sa sameh, Feliks baharap bahwa Paulus sagar ngundrune duit. Ket iro, Feliks gaha nyuyu Paulus hawi dan bapaner andri io. ²⁷ Kude, ukah ruo taun taitah, Perkius Festus manggantikan Feliks. Dan, et hamen nyansanang ulun-ulun Yahudi, Feliks ngaret Paulus gi huang panjara.

Chapter 25

¹ Tolu ondro kamulek, Festus niba gi provinsi iro, ukah io tulak teke Kaisarea mpah Yerusalem. ² Imam-imam kapala dan kawan pamimpin Yahudi mengajukan tuduhan dawan Paulus, dan reo palus mandasak Festus, ³ nelang ilakone pakai bamurah ate nadap reo andri nyuyu ulun pakai ngoit Paulus mpah Yerusalem, ukah reo merencanakan persekongkolan pakai munu Paulus gi suan perjalanan.⁴ Fetsus nyawab bahwa Paulus sagar tatap na tahan gi Kaisarea dan bahwa io raerai sagar hawi mpah raha bakoi ohang kia. ⁵ Maka", wadane," Ingkehleh kawan pamimpin gi suan iko dolui mpah raha baya uki, dan amun naan sesuatu sa hala andri ulun iro, ingkehleh reo sangaju tuntutanne nadap reo."⁶ Ukah Festus duloi gi suan reo bakoi lewi teke walu atau sapuluh ondro, io mulek mpah Kaisarea. Balalu, ma pitanin ne, io maharung gi karusi pengadilan dan marentah pakai Paulus na oit pah hadapan io. ⁷ Hantek Paulus hampe, ulun-ulun Yahudi sa dolui teke Yerusalem sokondrong gi sakaliling ne, andri ngaju rama tuduhan sa wiet dawan Paulus, sa bakoi sanggup reo buktikan. ⁸ Sementara iro, Paulus menyatakan pembelaanne,"Uki bakoi ngulah kahalaen inunpun sa dawan, Hukum Taurat Yahudi, Bait Allah, maupun Kaisar."⁹ Kude, et hamen nyansanang ulun-ulun Yahudi, Fetsus iwada pah Paulus, "Inunkah iko basadia ngabai mpah Yerusalem dan na adili gi hadapanku bawo tuduhan-tuduhan itu?" ¹⁰ Kude Paulus sawada, "Uki rahat sokondrong gi hadapan pangadilan Kaisar, duloi seharusne uki na adili. Uki bakoi bahala inunpun nadap ulun-ulun Yahudi iyalah sa iko raerai kotoe.¹¹ Jari, amun iko sa bahala dan ngulah sesuatu sa pantas na hukum mate, uki bakoi sagar nyuba nempat teke hukuman mate iro. kude, amun tuduhan reo nadap uki koi oeng sa uah, bakoi oeng eraipun ulun sa tau nyarah uki pah reo. Maka, uki ngaju banding pah Kaisar." ¹² Kamulek, ukah Festus barunding andri Sanhedrin, io nyawab, "Iko haut ngabai banding pah Kisar, maka pah Kaisar iko harus tulak."Festus Nunti pah Raja Agripa Neo Paulus¹³ ukah papire ondro taitah, Raja Agripa dan Bernike hampe gi Kaisarea pakai ngundru penghormatan pah Festus. ¹⁴ Sementara reo duoi gi raha sa ohang papire ondro, Festus manjelaskan neo kasus Paulus pah raja, wadane, "Naan erang kaulun sa natanan jari tahanan daya Feliks. ¹⁵ Hantek uki naan gi Yerusalem, imam-imam kapala dan kawan muntuo-muntuo Yahudi nahampe tuduhan-tuduhan dawan io dan lako pakai io na hukum. ¹⁶ Uki nyawab reo bahwa bakoi suatu kebiasaan pah ulun Roma pakai manyarah erang kaulun sa mete tatuduh kahong andri kawan panuduhne, wae andri wae, dan io na undru kesempatan pakai ngulah pembelaan nadap tuduhan-tuduhan iro.¹⁷ Maka, hantek reo hawi bakumpul gi itu, uki bakoi nunda kasus itu, kude pita nin ne, uki maharung gi karusi pangadilan dan mamarentah pakai ulun iro na oit nadap uki. ¹⁸ Hantek kawan panuduh ne iro sokondrong, reo bakoi nahampe tuduhan-tuduhan jahat iyalah uki bayangkan. ¹⁹ Kude, reo ekat naan papire sa bakoi nakatuju reo andri ulun iro neo agama reo raerai dan neo erang kaulun sa bangaran Yesus, sa haut mate, na tegaskan Paulus bahwa io wolum. ²⁰ Ket uki bingung kolowangun mamariksa kahai itu, uki nunti inunkah io kai tulak mpah Yerusalem dan naadili gi raha neo kasus itu.²¹ Kude, hantek Paulus naik banding pakai na tahan dan ngandrei kaputusan Kaisar, uki mamarentahkan pakai io tatap na tahan hampe uki kaiyuh ngirim ne pah Kaisar." ²² Balalu, Agripa iwada pah Festus,"Uki pada hamen korongoi raerai ulun iro." "Pitanin," Festus sawada, "Iko sagar korongoi ne."²³ Maka, gi ondro barikutne, Agripa dan Bernike hawi andri sagala kemegahanne dan masuk mpah huang ruang pengadilan andri kawan pasukan militer dan pamimpin-pamimpin kota iro. Kamulek, sesuai andri parentah Festus, Paulus na oit masuk. ²⁴ Festus sawada, "Raja Agripa dan kahai sa hawi sasameh kain gi itu. Iteleh ulun itu, sa na laku daya kahai ulun Yahudi pah uki, baik sa naan gi Yerusalem maupun sa naan gi itu, andri ngariak bahwa ulun itu seharus ne bakoi iyuh wolum lewi ohang kia.²⁵ Kude, uki kahong bahwa io bakoi ngulah inunpun sa satimpal andri hukuman mate. Dan, hantek io naik banding pah Yang Mulia, uki memutuskan pakai ngirimne pah Kaisar. ²⁶ Kude, uki koi oeng sesuatu sa pasti pakai na tulis pah tuanku. Ket iro, uki haut ngoit ulun itu gi hadapan iko kahai, dan khususne gi hadapan iko, Raja Agripa. Andri miiro, ukah pamariksaan itu na adakan, uki naan sesuatu pakai na tulis. ²⁷ Sabab, iyalah ne bakoi masuk akal pah uki pakai ngirim erang kaulun tahanan tanpa mangajukan tuduhan-tuduhan sa jelas nadap io."

Chapter 26

¹ Maka, Agripa sawada pah Paulus,"Iko naijinkan bapaner pakai mambela tonga." Kamulek, Paulus merentangkan longonne dan menyatakan pembelaan ne. ² "Sehubungan andri kahai hal sa natuduhkan pah uki daya ulun- ulun Yahudi, uki nganggap uki bauntung, Raja Agripa, et uki sagar menyatakan pembelaan uki gi hadapan ko ondro itu, ³ khususne et iko adalah ulun sa bujur-bujur kotoe kahai kabiasaan dan persoalan gi suan ulun-ulun Yahudi. Ket iro, uki lako pah iko pakai nyondrongoi uki andri sabar.⁴ Kahai ulun Yahudi kotoe cara wolumku teke masa mudaku, sa teke awal nangkawis wolumku gi suan bangsa ku raerai dan gi Yerusalem. ⁵ Ket haut ohang reo kotoe neo uki, amun reo hakon, reo kaiyuh basaksi bahwa uki wolum sesuai andri ajaran kalompok sa paling mapo teke agama takam, uki wolum sebagai ulun Farisi.⁶ Dan tataha, uki sokondrong gi itu pakai naadili et pengharapan ku neo janyi sa nasanyari Allah pah datu nini takam. ⁷ Janyi ituleh sa naharap daya ka ruo walas suku bangsa takam tau tacapai, sementara reo nyamah Allah andri bujur-bujur koondro kamalom. Dan, et pengharapan ituleh uki na tuduh daya ulun-ulun Yahudi, ya Raja. ⁸ Ket inun iko nganggap mustahil bahwa Allah sagar membangkitkan ulun mate?⁹ Ket iroleh, uki raerai ngira bahwa uki harus ngulah rama hal sa manantang ngaran Yesus teke Nazaret. ¹⁰Dan, iroleh sa naulah uki gi Yerusalem. Uki bakoi ekat nyui ulun-ulun kudus mpah huang penjara, ukah narime wewenang teke imam-imam kapala, kude pada hantek reo na hukum mate, uki manyatujui ne. ¹¹ Balalu, uki gaha nukum reo gi sinagoge-sinagoge dan bausaha maksa reo pakai manghujat Ngutuk ngaran Yesus. Dan, andri panyangit sa tuu idu nadap reo, uki nganiaya reo, bahkan hampe ma kota-kota asing."Paulus Basurah neo io pakahonganne andri Yesus¹² "Neo maksud iro pada, uki rahat huang perjalanan mpah Damsyik, andri wewenang dan panugasan teke imam-imam kapala. ¹³ Hantek suan ondro, ya Raja, gi suan perjalananku, uki kiite suatu samaraai teke langit, lewi maraai teke mato ondro, sa maraai gi sakaliling uki dan ulun-ulun sa malan sindrah uki. ¹⁴ Balalu, kain kahai pasudu gi obo tana, uki korongoi naan lengan pah uki huang bahasa Ibrani, 'Saulus, Saulus, et inun ko manyiksa Uki? Mahalin pah iko pakai nyepak galah rangsang.'¹⁵ Balalu uki nunti, 'Hiekah Iko, Tuhan?' Kamulek Tuhan nyawab,' Uki Yesus, sa rahat iko siksa. ¹⁶ Kude, buan dan sokondrong leh andri poo ko. Sabab, Uki haut nantarang tonga pah iko neo tujuan itu, iyoiro menetapkan iko sebagai walah dan saksi, bakoi ekat neo hal-hal sa haut iko ite, kude pada neo hal-hal sasagar Uki tutui pah iko. ¹⁷ Uki sagar nyalamat iko teke bangsa ko itu dan teke bangsa-bangsa lain, sa pah reo Uki ngutus iko, ¹⁸ pakai nguka mato reo sehingga reo iwaleng teke pisirom pah piraai teke kuasa Iblis pah Allah pakai reo narime bagian teke ulun-ulun sa haut nakuduskan et iman gi huang Uki.'"Paulus Menjelaskan neo Gawianne¹⁹ "Maka, Raja Agripa, uki bakoi suah bakoi taat nadap pinginteen surgawi iro, ²⁰ kude, pertama-tama, uki mambaritakan ne pah reo sa naan gi Damsyik, balalu gi Yerusalem dan gi kahai wilayah Yudea, pada pah bangsa-bangsa lain, bahwa reo harus batobat dan iwaleng pah Allah, andri ngulah gawian-gawian sa sesuai andri pertobatan reo. ²¹ Iroleh sababne, ulun-ulun Yahudi nyama uki gi Bait Allah dan bausaha munu uki.²² Hampe ondro itu, uki haut narime pangarawahen teke Allah sehingga uki sokondrong gi itu pakai basaksi, baik pah ulun-ulun odik maupun ulun-ulun idu andri bakoi nyawada hal lain, kacuali inunsana ontuh daya kawan nabi dan Musa neo sa sagar terjadi, ²³ bahwa Kristus harus menderita dan bahwa, andri alasan jari sa pertama bangkit teke antara ulun mate, Io sagar memberitakan raai, baik pah ulun-ulun Yahudi maupun pah bangsa-bangsa lain."Paulus Bausaha Meyakinkan Agripa²⁴ Sementara Paulus masih nahampe hal-hal huang pembelaan ne, Festus sawada andri lengan mehet, "Paulus, iko haut rapoi! pengetahuan ko sa tuu wahai iro ngulah iko bakoi waras." ²⁵ Kude, Paulus nyawab,"Yang Mulia Festus, uki bakoi rapoi, kude uki nahampe sa uah dan papaneran sa masuk akal. ²⁶ Sabab, Raja kotoe hal-hal itu dan pah io uki pada bapaner andri ronu. Sabab, uki yakin bahwa koi oeng erai pun teke hal-hal itu sa lolos teke perhatianne et itu bakoi terjadi gi duoi sa terpencil.²⁷ Raja Agripa, inunkah iko harap kawan nabi? Uki kotoe iko harap." ²⁸ Raja Agripa sawada pah Paulus, "Huang waktu sa singkat, iko haut meyakinkan uki pakai jari ulun Kristen." ²⁹ Balalu, Paulus nyawab, "Uki ilako pah Allah pakai hinang atau unte, bakoi ekat iko, kude pada kahai ulun sa nyondrongoi uki ondro itu, tau jari iyalah uki, kecuali rantai-rantai itu."³⁰ Kamulek , raja sokondrong, Bernike, dan kahai ulun sa maharung baya reo. ³¹ Balalu, sementara reo nanan ruangan iro, reo bapaner erai andri sa lain ne, "Ulun itu bakoi ngulah inun-inun sa pantas na bandingkan andri hukuman mate atau panjara." ³² Maka, Agripa sawada pah Festus, " Ulun itu haut iyuh na tongkosit amun io bakoi ngabai banding pah Kaisar."

Chapter 27

¹ ukah naputuskan bahwa kain sagar balayar mpah Italia, reo manyarah Paulus dan papire tahanan lainne pah erang kaulun perwira pasukan Agustan, sa bangaran Yulius. ² kain ngabai pah kapal teke Adramitium sa sagar balayar mpah berbagai pelabuhan gi sapanyangan pantai Asia. Kain balayar na iyang daya Aristarkhus, ulun Makedonia teke Tesalonoka.³ Gi ondro barikutne, kain hampe gi Sidon. Yulius memperlakukan Paulus andri ponu perhatian dan ngijin Paulus dilang iang-iangne neo ngurus kaperluan Paulus. ⁴ Teke raha, kain barangkat dan balayar metah Siprus et angin balawanan arah. ⁵ Ukah kain haut balayar metah pantai gi sapanyangan pantai Kilikia dan Pampilia, kain hampe gi Mira gi Likia. ⁶ Gi raha, perwira iro kahong erang kaua kapal teke Aleksandria sa rahat balayar mpah Italia, maka io mamindahkan kain pah kapal iro.⁷ Kain balayar andri gamat saohang papire ondro, dan andri susah payah kain hampe gi Knidus. Ket angin bakoi memungkinkan kain pakai tulak lewi oro, kain balayar metah pantai Kreta mpah arah tanjung Salmone. ⁸ Kain balayar metah tanjung iro andri susah payah dan hampe gi erai paduloian bangaran Pelabuhan Indah, sa naan gi riet kota Lasea.⁹ Ket kain sadar haut kajawohan hene waktu, dan saat tataha, perjalanan laut iro babahaya ket masa puasa ulun Yahudi haut metah. Paulus menasehati reo, ¹⁰ dan sawada pah reo, "pulaksanai-pulaksanai, uki kiite bahwa pelayaran itu sagar na sertai andri karusakan dan karugien idu, bakoi ekat muatan dan kapal ne, kude pada nyawa takam." ¹¹ Kude, perwira iro lewi harap pah nahkoda dan sa ompun kapal teke papaneran Paulus.¹² Ket bakoi maasus duoi gi pelabuhan iro sa ohang musim rongin, sebagian idu ulun satuju pakai tulak balayar teke raha dan hie kotoe reo kaiyuh hampe Feniks, erang kaua pelabuhan gi Kreta, sa nadap pah arah barat daya dan barat laut, dan duoi gi raha sa ohang musim rongin. Angin sa Tuu Kuat Nebu Kapal Paulus ¹³ Hantek angin sepoi-sepoi tasiwui teke arah selatan, reo bapikir bahwa reo haut hampe tujuan reo. Ket iro, reo nyujut jangkar dan balayar gi sapanyang pantai Kreta.¹⁴ Kude, bakoi ohang kamulek, angin nyalah topan, sa naontuh Euroklidon, bertiup teke pulau iro. ¹⁵ Hantek kapal kain na hebu daya angin iro dan bakoi sanggup kia nadap ne, kain manyarah dan ngaret kapal kain taombang ambing. ¹⁶ sementara kain bagarak menyusuri pulau odik sa bangaran Kauda, andri susah payah kain bahasil mengendalikan sekoci kapal kain.¹⁷ Ukah awak kapal kain ngampabai sekoci mpah obo kapal, reo makai tali-tali pakai ngarawah ngampi kuat kapal iro. Ket reo takut tadampar gi Sirtus, reo ngampidolui alat-alat kapal sehingga ngaret kapal reo taombang ambing. ¹⁸ gi ondro barikutne, et kain na ombang ambingkan andri hantaman badai sa miiro hebat, ulun-ulun malai ngumpe muatan kapal.¹⁹ Dan, gi ondro sa katolu, reo ngumpe alat-alat kapal andri longon reo raerai. ²⁰ Ket mato ondro maupun wiwihiang bakoi timul saohang papire ondro dan badai sa bakoi odik nebu kain, wawaileh kahai harapan kain neo pakai na salamat²¹ Ket rama ulun sa haut tulak tuu ohang koi oeng pangokan, Paulus sokondrong gi suan reo dan sawada, " Pulaksanai-pulaksanai, seharus ne iko manurut pah nasehatku dan bakoi balayar teke Kreta sehingga mengalami karusakan nelang karugian miitu. ²² Kude tataha, uki nyurung iko pakai tatap tabah et gi antara iko bakoi oeng sa sagar kajawohen nyawane, kacuali ekat kajawohen kapal.²³ Sabab, malom indre, naan malaekat Allah, sa kaompun uki dan sa na samah uki, sokondrong gi hadapan uki, ²⁴ nelang sawada, 'Ada takut, Paulus. Iko harus sokondrong gi hadapan Kaisar. Dan, ite, Allah haut bamurah ate pah iko dan kahai ulun sa balayar andri iko.' ²⁵ Ket iro, pulaksanai-pulaksanai, tabahkan ate ko et uki harap gi huang Allah bahwa kahai sasagar terjadi iyalah sa haut na bara pah uki. ²⁶ Kude, takam harus tadampar gi erang kaua pulau."²⁷ Kude, gi malom kaopat walas, sementara kain masih taombang ambing gi sapanyangan Laut Adria kira-kira suan malom, kawan awak kapal nanguh bahwa reo haut nyandriet daratan. ²⁸ Reo mengulurkan watu duga dan kahong bahwa lalom ranu ne ruampulu ropo. Hantek, reo maju hena odik kia, kamulek reo medak watu duga dan kotoe lalom ranu ne dimo walas ropo. ²⁹ Ket kain takut sagar kandas gi watu karang, reo ngampi duloi opat jangkar teke buritan dan lako dua neo hinang ko ondro.³⁰ Kude, sementara papire awak kapal bausaha pakai tulak teke kapal dan haut ngampiduloi sekoci pah laut andri pura-pura ngampiduloi jangkar-jangkar teke haluan, ³¹ Paulus sawada pah perwira iro dan kawan prajuritne,"Amun ulun-ulun iro bakoi duoi gi huang kapal, iko bakaoi tau na salamatkan." ³² Ukah iro, kawan prajurit netek tali sekoci dan ngaret ne taping.³³ Hantek tiba maraai, Paulus lako reo kahai pakai ngalap papire pangokan, andri sawada, "Ondro itu adalah ondro kaopat walas iko terus menerus naan gi huang ketegangan dan nahan kalau et bakoi kuman inunpun. ³⁴ ket iro, uki lako iko neo ngepo papire pangokan demi kasalamaten ko. Sabab, bakoi oeng erang kawila wulupun sasagar jawoh teke suan iko." ³⁵ Ukah iwada hal iro, Paulus ngepo rote dan ngantuh syukur pah Allah gi hadapan reo kahai, ngampi darai rote iro, dan malai ngokan.³⁶ Balalu, reo kahai na teguhkan atene dan reo raerai pada kuman. ³⁷ Jumlah kain kahai sa naan gi huang kapal naan 276 ka ulun. ³⁸ Ukah kuman hampe wosing, reo ngampidinei kapal andri ngumpe gandum mpah laut. Kapal Hancur dan Kahai Panumpang Salamat³⁹ Hantek malai suan ondro, reo bakoi kotoe naanne daratan, kude reo memperhatikan erang kaua teluk sa naan pantai, duoi reo memutuskan neo melabuhkan kapal gi raha amun memungkinkan. ⁴⁰ Maka, ukah medak jangkar-jangkar, reo nanan ne gi huang laut, dan gi waktu sa sameh, napas tali-tali kamudi dan ngampabai layar gi bagian muka kapal pakai angin ngoit reo hampe gi pantai. ⁴¹ Kude, kapal membentur karang gi duoi kahong ne ruo laut sehingga kapal kandas. Muka kapal tasangkut dan bakoi tau bagarak, sementara para kapal hancur et hantaman galomang.⁴² Kawan prajurit naan rencana neo munu kawan tahanan pakai koi oeng erang kaulunpun sa katamah dan tulak. ⁴³ Kude, perwira iro, baharap kaiyuh nyalamat Paulus, mencegah rencana reo. Io mamarentah pakai ulun-ulun sa tau katamah pakai nanturak lewi pono teke kapal dan nuju daratan. ⁴⁴ Dan, sisane sa naan gi bawo papan, dan naan pada sa ngampiriran bana-bana lainne teke kapal. Andri miiro, kahai ulun hampe gi daratan andri salamat.

Chapter 28

¹ Ukah kain metah ne andri salamat, kain kotoe bahwa pulau iro na ontuh Malta. ² Penduduk asli pulau iro nantarang pimaasus ate sa luar biasa. Sabab, reo nyamelum apui dan nyamut kain kahai et saat iro uran dan anginne tuu morongin.³ Hantek Paulus ngumpul jangkeng-jangkeng dan ngingkehne gi obo apui, erang kaukui nipo beludak kaluar et layong balalu mabalit longon Paulus. ⁴ Hantek penduduk asli kiite binatang babisa iro gagueng gi longon Paulus, reo sawada erai andri sa lainne, "Bakoi naragukan kia, ulun itu adalah erang kaulun pembunuh. Walaupun io haut salamat teke laut, Keadilan bakoi sagar ngaret io wolum."⁵ Kude, Paulus ngibas satua iro pah huang apui dan io bakoi menderita inunpun. ⁶ Ulun-ulun iro ngakira Paulus sagar bakah atau tumang dan mate hanek iro. Kude hantek reo ohang ngandrei dan bakoi kiite sesuatu sa bakoi uah terjadi pah io, reo baubah pikiran dan sawada bahwa Paulus adalah dewa.⁷ Erai ketika, gi sakitar duoi iro, naan tana sa na ompun daya pamimpin gi pulau iro sa bangaran Publius, sa nyamut kain dan manyak kain andri ramahne sa ohang tolu ondro. ⁸ Tawuk iro, uma Publius ubis gi duoi suruine et mekum dan disentri. Paulus hawi nyuwuk dan lako dua pah io, balalu ngingkeh longonne gi bawo ulun iro dan nyamarene. ⁹ Ukah peristiwa iro terjadi, ulun-ulun lainne gi pulau iro sa rahat sakit pada hawi pah Paulus dan nasamare. ¹⁰ Reo pada magin menghormati kain dan hantek kain siap balayar, reo nyadia kahai sesuatu sa na perlukan daya kain. Paulus Nuju Kota Roma¹¹ Ukah tolu wulan tapaitah, kain balayar gi huang erang kaua kapal teke Aleksandria, sa balabuh gi pulau iro sa ohang musim rongin andri makai Dioskuri sebagai lambangne. ¹² Ukah niba gi Sirakusa, kain duloi gi raha sa ohang tolu ondro.¹³ Teke raha, kain balayar metah pantai dan tiba gi Regium. Pitanin ne, angin selatan bertiup, dan gi ondro berikutne, kain tiba gi Putioli. ¹⁴ Gi raha, kain kahong papire pulaksanai seiman dan na undang pakai duoi baya reo sa ohang pitu ondro. balalu, kain tulak mpah Roma. ¹⁵ Dan, pulaksanai-pulaksanai seiman gi raha, hantek korongoi neo kain, hawi teke raha hampe gi Forum Apius dan Tres Taberne neo kahong kain. Hantek Paulus kiite reo, io basyukur pah Allah dan atene na kuatkan. Paulus gi Kota Roma¹⁶ Hantek hampe gi Roma, Paulus na ijin neo duloi raerai, andri erai prajurit sa mengawal ne. ¹⁷ Tolu ondro kamulek, Paulus ngumpul pamimpin-pamimpin Yahudi, dan ukah reo bakumpul, io sawada pah reo, "Pulaksanai-pulaksanai, meskipun uki bakoi ngawi inunpun sa dawan bangsa takam atau adat istiadat datu nini takam, kude uki na sarah jari erang kaulun tahanan teke Yerusalam pah longon ulun-ulun Roma. ¹⁸ Hantek reo haut mariksa uki, reo hamen nongkosit uki et koi oeng alasan neo hukuman mate pah uki.¹⁹ kude, et ulun-ulun Yahudi kabaratan, uki tapaksa naik banding pah Kaisar, bakoi baarti uki naan tuduhan neo dawan bangsaku raerai. ²⁰ Jari, iroleh sababne, uki haut lako neo nginte iko dan bapaner andri iko et uki na suruk andri rantai itu demi pengharapan Israel."²¹ Balalu, reo sawada pah Paulus, "Kain bakoi narime surat neo iko teke Yudea dan koi oeng eraipun teke pulaksanai-pulaksanai seiman sa hawi mpah itu neo ngundru kabar atau iwada sesuatu sa baleoh neo iko. ²² Kude, kain hamen korongoi teke iko inun pandapatko et neo sekte itu, kain kotoe bahwa gi hawe-hawe ulun-ulun manantangne."²³ Hantek reo haut menentukan erang ondro ma Paulus, reo hawi pah Paulus gi duoi panginapanne, baya andri serombongan ulun rama. Teke pita hampe kamalom, Paulus menjelaskan pah reo andri basaksi neo kerajaan Allah dan bausaha meyakinkan reo neo Yesus, baik teke Hukum Taurat Musa, maupun kitab kawan nabi. ²⁴ Papire ulun jari yakin metah inun sa na ontuh Paulus, kude sa lainne bakoi narime pakai harap.²⁵ Hantek reo bakoi satuju erai andri salain ne, reo balalu tulak ukah Paulus iwada pernyataan itu, "Memang uah inun sa na ontuh Roh Kudus pah datu nini ko metah nabi Yesaya, ²⁶ 'Tulakleh pah bangsa itu dan wadaleh: Iko sagar korongoi, kude bakoi sagar suah memahami, dan iko sagar kiite, kode bakoi sagar suah kataru.²⁷ Sabab, ate bangsa itu haut manabal dan talingone wiet neo korongoi. Reo haut nutup matone. Pakai ada reo kiite andri mato reo, korongoi andri talingo reo, kataru andri mato reo dan iwaleng. Kamulek, Uki sagar nyamare reo.'²⁸ ket iro, ingkehleh hal itu iko kotoe bahwa kasalamaten teke Allah itu haut na bara pah bangsa-bangsa lain dan reo sagar nyondrongoi ne.'' ²⁹ [ Ukah Paulus bara papaneran-papaneran iro, ulun-ulun Yahudi tulak andri hene perbedaan pendapat gi suan reo]³⁰ Paulus duloi sa ohang ruo taun ponu gi lowu sa na sewa ne raerai dan nyamut kahai ulun sa hawi pah io, ³¹ nelang mambaritakan Karajaan Allah dan ngajar neo Tuhan Yesus Kristus andri ronu dan koi oeng rintangan inunpun.

Romans

Chapter 1

¹Paulus,hamba Yesus Kristus sa nawowa jari rasul dan na khususkan bagi Injil Allah ²sa haut Allah janyi sametene metah Nabi-Nabi-Ne huang kitab suci ³tentang pea Ne samanurut daging nakayaan teke katurunan Daud.Kahai raja Israel na ontuh "pea Daud"raja pada tau na ontuh pea Allah.⁴dan sananyatakan sebagai pea Allah sabakuasa metah kebangkitan teke helang ulun mate manurut Roh kekudusan.⁵Metah Io,kain narime anugrah dan jabatan kerasulan pakai ngoit ketaatan iman gi suan kahai bangsa bakoi Yahudi demi ngaranNe,⁶tamasuk iko sa nawowa pakai jari milik Yesus Kristus.⁷Pah iko kahai sa naan gi Roma,sanakalelu Allah,dan sanawowa pakai jari ulun-ulun barasis:Anugrah nelang damai sejahtra pah iko teke Allah,Uma takam,dan teke Tuhan takam Yesus Kristus!Paulus sidi dilang Jemaat gi Roma⁸Pertama-tama aku basyukur pah Allahku metah Kristus Yesus bawo iko kahai et iman ko haut na nyatakan ma kahai dunia.⁹Et, Allah,sauki layani andri roh uki huang InjilAnak Ne,jari saksiku bahwa aku bakoi mihindroi ngitung iko kahai;¹⁰gi huang doaku,uki selalu ilako pakai sakirane tataha,et kabahumen Allah,akhirne uki bahasil dilang iko.¹¹Uki tuu hamen kahong iko pakai uki tau ngundru suatu karunia rohani pakai ngampi kuat iko,¹²iyoiro pakai takam na teguhkan sasameh et iman masing-masing,baik iman ko maupun imanku.¹³pulaksanai-pulaksanai,uki hamen iko katoe bahwa uki haut papirekali barancana pakai dilang iko,kude masih tahalang hampe tataha,pakai uki pada masi hasil wasian teke helang iko sanakolo teke helang bangsa-bangsa sa bakoi Yahudi lainne.¹⁴Uki bautang pah ulun Yunani pada pah ulun barbar,sa bahikmat maupunsa budu.¹⁵Et iro leh, uki tuu hamen mambaritakan Injil pah iko sanaan gi Roma.¹⁶Aku bakoi bangan akan injil,et Injil adalah kuasa Allah neo kasalamatan satiap ulun sapercaya;pertama-tama pah ulun Yahudi,udihie pada pah ulun Yunani.¹⁷Et gi huangne,kabujuren Allah teke iman pah iman,nyalah naan tatulis:Orang benar sagar wolum daya iman."Kasangiten Allah tahadap gawian dosa murunsia¹⁸et,panyangit Allah nanyatakan teke surga nadap kahai kefasikan nelang kajahaten murunsia sa manekan kabujuren andri kejahatan reo.¹⁹Et iro,inun sa iyuh na kotoe neo Allah haut jelas pah reo etAllah haut nutui ne pah reo.²⁰Memang,teke dunia na ulah,sifat-sifat Allah sa bakoi iyuh na ite,iyoiro kuasaNe sa kekal andri sifat keilahianNe,haut taite jelas neo napahami metah hal-hal na ulahNe sehingga reo bakoi tau badalih.²¹Kude,sekalipun reo kataru Allah,reo bakoi menghormatiNe sebagai Allah atau basyukur pah Io;sebalik ne,pikiran reo jari bakoi baguna dan ate reo sa budu jari sirom.²²Reo nganggap diri bijaksana,kude jari budu,²³dan nurup kemuliaan Allah sa bakoi banoda gamaran-gamaran murunsia sa fana,wurung-wurung,satua ba poo opat atau satua-satua ilansar.²⁴Et iro,Allah nyarah reo pah kabahumen ate reo sa hamen kecemaran sehingga reo saling mencemari tonga reo gi antara reo raerai.²⁵Et,reo nurup kabujuren Allah andri usu,dan sujud nelang nyamah mahluk ciptaan,bakoi sang pencipta sa tapuji kakohang-kohangne.Amin!²⁶Et iro Allah nyarah reo pah nafsu-nafsu sa hina,et wawe-wawe reo nurup hubungan sawajar andri sa bakoi wajar.²⁷miiro pada sa upo,reo nanan hubungan sa wajar andri wawe,kude menyala-nyala huang nafsunadap isa andri sa lain;upo andri upo ngulah gawian-gawian sa maka bangan;dan gi huang tongane masing-masing,reo narime hukuman bawo dosa-dosa reo.²⁸Dan, et reo bakoi hakun mangaku Allah huang pengetahuan reo,maka Allah manyarah reo pah pikiran-pikiran bobrok sehingga reo ngulah hal-hal seharusne bakoi reo ulah.²⁹Reo na tamponu andri segala macam sa bakoi wuah,kajahaten,keserakahan,muarmarikang,ponu andri iri ate,iwunu ipate,babur pamuru,tipu muslihat,dan kedengkian;reo adalah penggosip,³⁰pemfitnah,muar Allah,kasar,sombong bawawa idu,penemu kajahaten,bakoi taat pah ulun mantuo,³¹budu bakoi satia,bakoi baparasaan,nelang maraat.³²Dan, sekalipun reo katoe peraturan Allah nyawada bahwa ulun sa ngulah hal-hal samasam iro pantas mate,reo puang ekat tatap ngulahne,kude pada mandukung ulun-ulun sa ngaraja hal-hal iro.

Chapter 2

¹Et iro,iko bakoi kaiyuh badalih lagi,hai murunsia,hiepun sa menghakimi ulun lain,gana tawuk iko menghakimi reo,iko pada nukum diri ko;et,iko sa menghakimi pada ngawi hal-hal sameh.²takam katoe bahwa penghakiman Allah nasanawu andri adil gi bawo kahai ulun sa ngulah hal-hal samacam iro.³Kude,inunkah iko mangira kaiyuh kosit teke penghakimanAllah,hai murunsia,iyoiro iko sa menghakimi reo sa ngulah hal-hal miiro,kude pada ngulah hal sameh? ⁴Atau,inun kah iko ngangap remeh panatau kamurahenNe,kasabaranNe,dan kalapangan ateNe andri bakoi katoe bahwa pikaeh Allah batujuan pakai mimpin iko pah pertobatan?⁵Kude,et sikap mape ulok ko dan ate ko sa bakoi hakun batobat,iko rahat ngingkeh murka bawo ko raerai pakai ondro kemurkaan hantek penghakiman sa wuah teke Allah na nyatakan.⁶Io sagar mambalas kahai ulun andri ulahan reo masing-masing:⁷iyoiro pamolum kekal pah reo sa andri ketekunan huang ngulah kaeh ngantara kemuliaan dan kahormatan,⁸kude murka dan panyangit pah reo sa mementingkan tonga raerai nelang bakoi menaati kabujuren,kude uba sa bakoi uah.⁹Kude naan penderitaan dan kesulitan bawo kahai jiwa murunsia sa ngulah jahat,pertama-tama pah ulun Yunani.¹⁰Kude,kemuliaan,kahormatan,dan damai sejahtra sagar naan pah kahai ulun ngulah kaeh,pertama-tama pah ulun Yahudi ukah iro pah ulun Yunani.¹¹Et Allah bakoi mambedakan murunsia.¹²Pah ulun-ulun sa ngulah dosa tanpa mantaru Hukum Taurat reo sagar binasa tanpa Hukum Taurat.Kude murunsia-murunsia sa ngulah dosa gi iwa Hukum Taurat sagar na hakimi badasarkan Hukum Taurat.¹³Sabab,bakoi tukang sandrongoi Hukum Taurat sa na samuah gi hadapan Allah,kude ulun sa ngawine sa sagar nanyatakan wuah.¹⁴Et, hentek ulun bakoi Yahudi sa bakoi naan Hukum Taurat manjalankan secara alami inun sa na tuntut daya Hukum Taurat,maka reo,sa bakoi memiliki Hukum Taurat,adalah Hukum Taurat ma tonga reo raerai.¹⁵Hal itu nutui bahwa ulh gawi Hukum Taurat iro tatulis gi huang ate reo,nurani reo ngundru kesaksian,dan pikiran reo sagar saling manuduh atau ngalun reo,¹⁶hang ondro ketika Allah sagar menghakimi pikiran-pikiran murunsia sa tadina metah Yesus Kristus sesuai andri Injilku.Ulun Yahudi dan Hukum Taurat¹⁷Kude amun iko ngontuh diriko ulun Yahudi dan bagantung pah Hukum Taurat,nelang bamegah huang Allah,¹⁸mantaru kabahumenNe,katuju inun sa maasus,haut na ajar neo Hukum Taurat,¹⁹nelang yakin bahwo iko adalah penuntun pah reo sa pehe,piraai pah reo sa naan gi huang pisirom,²⁰pangajar pah ulun-ulun sa budu,guru pah ulun-ulun sa mete dewasa,dan et naan perwujudan pangatahuan dan wuah gi huang Hukum Taurat,²¹maka hai iko sa ngajar ulun lain,et on iko bakoi ngajar iko raerai?Iko sa ngajar reo pakai bakoi ngalat,bakoikah iko raerai ngalat?²²Iko sa nguring ulun bazina,bakoikah iko raerai bazina?Iko sa jijik ma berhala,bakoikah iko raerai marampok lowu berhala?²³Ikosa arai nadap Hukum Taurat justru ngabangan Allah andri mallanggar hukumNe!²⁴Sabab, naan tatulis:Ngaran Allah na kakupe kawan bangsa-bangsa lain et iko."²⁵Sunat memang naan nilaine amun iko mematuhi Hukum Taurat,kude amun iko pelanggar Hukum Taurat,maka sunatko jari bakoi basunat.²⁶Jari amun Sa bakoi basunat ngwi parentah-parentah hung Hukum Taurat,bakoikah sabakoi basunat iro nareken nyalah basunat?²⁷Dan bakoikah ulun sa bakoi basunat sacara lahiriah,amun io ngawi Hukum Taurat,sagar menghakimi iko,ulun sameskipun naan Hukum Taurat nelang basunat,kude pada pelanggar hukum?²⁸Sabab, sa na ontuh Yahudi sejati bakoileh ulun sa taite teke luarne,dan sunat sabujurne bakoileh ekat sunat gi tonga.²⁹Erang kaulun Yahudi sejati adalah ulun sabatine bujur-bujur Yahudi,dan sunat sabujurne adalah sunat sanalakukan gi ate,sana jalan kan daya Roh,bakoi daya hukum tatulis.Pujian nadap ulun miihi bakoi hawi teke murunsia,kude teke Allah raerai.

Chapter 3

¹Amun miiro,inunkah kalabihan ulun Yahudi?Atau,inun kauntungenne basunat?²Hene tuu,huang katuluh hal;tautama,pah reoleh na harapkan firman Allah.³balalu,amun papire ka ulun bakoi harap,inunkah ketidak percayaan reo ngampi batal kesetiaan Allah?⁴Sama sekali bakoi!Allah adalah bujur sekali pun satiap ulun adalah mapusu.Ialah naan tatulis:"Ikotabukti wuah huang papaneran-Ko,dn iko sagar manang amun murunsia menghakimi-Ko."⁵kude, sa bakoi uah takam justru nutui kebenaran Allah,inun sa harus takam paner?Iyuhkah takam nyawada bahwa Allah andri bakoi adil haut nukum tkam?[Aku sawada mihie sebagai erang ka ulun murunsia]⁶Sama sekali bakoi!Amun mihie,kolo wangun Allah kaiyuh menghakimi dunia?⁷Kude,amun metah poojoku,kabujuren Allah semakin memuliakan Ne,et on uki tatap nahakimi ialah erang kaulun pendosa?⁸Dan,(ilah sa na fitnahkan papire ka ulun nadap kain)et on bakoi nyawada,"Hayu,takam ngawi sa jahat pakai inun sa maasus timul teke kejahatan iro."Reo sasawada miiro pantas na hukum!Semua Ulun Nakuasai Dosa⁹Balalu inun?Inunkah takam labih maasus teke ulun lain?Sama sekali bakoi!Sabab,kain haut nyawada sametene bahwa baik ulun Yahudi maupun ulun bakoi Yahudi,naan gi pida dosa.¹⁰Iyalah naan tatulis, "Koi oeng erangka ulunpun ngulah wuah,erang kaulunpun bakoi.¹¹Koi ueng erang kaulun pun baakal budi.Koi ueng erang kulunpun ngeto Allah.¹²Kahai ulun iwaleng teke Io,reo sameh-sameh jari bakoi bariran.Bakoi ueng erang kaulunpun ngulh maasus,koi ueng erang kaulunpun."¹³"Gugurungan reo ialah polowong sa wawanga,lola reo marayu-ryu,racun nipo bawisa naan gi pida wiwi reo."¹⁴"Wiwi reo ponu kutukan andri kapaitan."¹⁵"Poo reo wnsit nyatundrak raya.¹⁶Kasusahen dan kahancuren naan gi lalan reo.¹⁷Dan,reo bakoi kotoe nakolo wolum gi huang damai."¹⁸"Takut pah Allah koi ueng gi hadapan mato reo."¹⁹Tataha takam katoe bhw inunpun sa na ontuh Hukum Taurat,natuju pah reo sanaan gi pida Hukum Taurat sehingga taringkup satiap wae,dan dunia naan gi pida penghakimanAllah.²⁰Koi ueng murunsia sa tau na samuah gi hadapan Allah andri ngawi Hukum Taurat et justru metah Hukum Taurat iro hawi pengenalan dosa.Allah Nyamuah Murunsia Metah Iman pah Yesus Kristus²¹Kude tataha,tanpa Hukum Taurat,kabujurenAllah haut na nyatakan,dan nasaksikan metah Kitab Taurat dan kawan nabi.²²Bahkn,kabujuren Allah metah iman pah Kristus Yesus na tuju pah kahai sa harap,et koi ueng perbedaan;²³sabab kahai ulun haut ba dosa nelang kajawohan kemuliaan Allah,²⁴dan nasamuah ulah kasih karunia-Ne secara cuma-cuma metah panowuhan gi huang Yesus Kristus;²⁵sahaut Allah nyatakan secara tabuka pakai lalan pendamaian gi hung raya-Ne metah iman.Hal itu nutui keadilan- Ne,et huang kasabaren-Ne,Allah haut ngaret dosa-dosa sa dahulu terjadi.²⁶Hal itu pada namaksud pakai nutui keadilan-Ne gi masa tataha pakai Io tabukti wuah dan nyamuah ulun sa baiman pah Yesus.²⁷Jari,gi hawe kemegahan tonga takam?Haut na idar!Et hukum inun?Et hukum gawian takam?Bakoi,kude et hukum iman.²⁸Et iro,ituleh sa naharap takam,bahwa murunsia nasamuh gi hadapan Allah metah iman,bakoi teke gawin-gawian badasarkan Hukum Taurat.²⁹Atau,inunkah Allah ekat Allah ma bangsa Yahudi?Bakoikah Io pada Allah ma bangsa sa bakoi Yahudi?Hiai,Ma bangsa bukan Yahudi pada,³⁰et Allah iro erai dan Io sagar nyamuah ulun-ulun sa basunat ulah iman,dan sa bakoi basunat metah iman.³¹Jari, inunkah kain meniadakan Hukum Taurat metah iman?Sekali-kali bakoi!Sabalikne, kain justru meneguh Hukum Taurat.

Chapter 4

¹Jari,inunkah sasagar takam wada neo Abraham,uma leluhur takam mnurut tonga?²Et amun Abraham na samuah metah ulahanne io naan alasan pakai bamegah,kude bakoi gi hadapan Allah.³Sabab,inun sa naontuh daya Kitab Suci?Abraham harap pah Tuhan dan Tuhan nandreken hal iro jari kabujuren."⁴Pah ulun sabagawi,upa sa na undru pah reo bakoileh suatu hadiah,melainkan hak reo.⁵Dan, pah reo sabakoi bagawi kude harap pah Allah sa nyamuah ulun fasik,iman reo na reken jari suatu kabujuren.⁶Bahkan Daudpun sawada betapa naberkatine erang kaulun hantek Allah nandreken kabujuren pah io tanpa nginte hal-hal sa haut io ulah: ⁷Berbahagialeh ulun sa naampuni pelanggaran-pelanggaranne,dan sa natutup dosa-dosane.⁸Berbahagialeh ulun-ulun sa dosane bakoi na reken daya Tuhan!"⁹Apakah berkat itu ekat pakai ulun sa basunat?Ataukah pada pah ulun sabakoi basunat?Et kain haut nyawada bahwa "Iman Abraham tareken sebagai kabujuren."¹⁰Balalu,iro na reken pah io?Samete atau ukah io na sunat?Bakoi ukah io na sunat,malainkan samete io basunat.¹¹Abraham narime tanda sunat sebagai meterai kabujuren iman samete io nasunat pakai io kaiyuh jari uma pah kahai ulun sapercaya bakoi basunat sehingga kabujuren iro pada na reken pah reo;¹²sekaligus jari uma pah ulun-ulun basunat sa bakoi ekat basunat kude pada takia huang lalan iman sasuah na etah daya uma takam,Abraham,samete io na sunat.Abraham narime janyi Allah metah imanne¹³Janyi pah Abraham dan pah katurunanne bhwa reo sagar kaompun kahai bumi bakoi sagar na tomponu metah Hukum Taurat,kude metah kabujuren iman.¹⁴Et,amun reo saba asal teke Hukum Taurat kaiyuh jari ahli waris,maka iman jari sia-sia dan janyi Allah nabatalkan;¹⁵et Hukum Taurat ngampihawi murka,kude amun koi ueng Hukum Taurat,maka gi iro pada koi ueng pelanggaran.¹⁶Ituleh et inun janyi itu baasal teke iman,pakai janyi itu badasarkan ahi lelu sehingga janyi itu pada ma pah kahai katurunan Abraham;bakoi ekat sabaasal teke Hukum Taurat,kude pada sa baasal teke iman Abraham,sa uma takam kahai,¹⁷(ialah sa tatulis,"Aku haut ngulah iko uma pahhene bangsa") gi hadapan Allah,sa io harap,iyoiroAllah sa ngundru pamolum pah ulun mate dan sa ngontuh sesuatu sa mete naan jari naan.¹⁸Huang pengharapan gi obo pengharapan io harap,sehingga io iyuh jari uma teke hene bangsa sesuai andri sa haut na wada,"Sagar jari mihieleh katurunan ko."¹⁹Dan,andri bakoi jari lamah huang iman,meskipun io kotoe tongane raerai ane mate et umurne kira-kira 100 taun teke rahim Sara pada haut mate;²⁰io bakoi na bimbangkan tahadap janyi Allah et kabakoi harap.Sabalikne,imanne na ampi kuat sehingga io ngundru kemuliaan pah Allah,²¹dan kainam yakin bahwa Allah bakuasa ngulah inun sa haut na janyiNe.²²Et iroleh,imanne "na reken sebagai kabujuren."²³Kude,bakoi ekat na tulis demi kapentingan Abraham ai,²⁴kude pada pah takam.Hal itu sagar na reken pah reo sa harap pah Io sa nyamolum Yesus,Tuhan takam,teke helang ulun mate.Iyoiro,Yesus sahaut nasarah pakai mate et dosa takam,dan sa haut²⁵ natabuan demi pembenaran takam.

Chapter 5

¹Et sabab iro,et takam haut nasmuah daya iman,maka takam haut badamai andri Allah metah Tuhan takam,Kristus Yesus;²metah Io,takam kaiyuh lalan masuk manuju iman pah anugrah Allah satataha jari dasar takam sakondrong,dan takam baarai huang pengharapan kemuliaan Allah.³Bakoi ekat iro,takam pada baarai gi huang penderitaan sa takam alami et takam katoe bahwa kararaen itu kaiyuh ketekunan,⁴ketekunan kaiyuh karakter sa tahan uji,dan karakter sa tahan uji menghasilkan kaharapen,⁵dan kaharapen bakoi mengecewakan,et kasih Allah haut na curahkan pah huang ate takam metah Roh Kudus sa haut nakaruniakan pah takam.⁶Hantek takam masih maloma,Kristus mate pah ulun-ulun durhaka gi katika sa uah.⁷Et, jarang naan ulun sa hakun mate pakai ulun uah,meskipun tau naan pada ulunsa hakun mate pakai ulun maasus.⁸Kude,Allah nantarang kasihNe pah takam,bahwa hantek takam magun jari pendosa,Kristus mate pah takam. ⁹Labih teke iro,ukah nasamuah daya rayaNe,takam sagar na salamatkan teke murka Allah.¹⁰Et,hantek takam pagun jari musuh Allah,takam haut na perdamaikan andri Allah metah pampatei pea-Ne,labih-labih lagi tataha et takam haut naperdamaikan andri Io.Dan kenyataan bahwa takam haut naperdamaikan andri Allah,maka takam pada pasti nasalamatkan metah wolum-Nya.¹¹Bakoi ekat iro,takam pada bamegah gi huang Allah metah Tuhan takam Yesus Kristus,sa metah-Ne takam tataha narime pendamaian Allah.Mate metah Adam,wolum Metah Kristus¹²Etiro,iyalah dosa haut masuk pah huang dunia metah erang kaulun dan pampate masuk metah dosa,miiro pada maut menyebar pah kahai ulun et katuluh ne haut badosa.¹³Sabab,dosa haut naan gi dunia samete Hukum Taurat Musa naan,kude dosa bakoi nareken Allah salama bakoi naan Hukum Taurat.¹⁴Kude mihie,maut bakuasa teke zaman Adam hampe Musa,bahkan bawo ulun-ulun sa bakoi ngulah dosa iyalah sa naulah Adam,sa adalah ama teke Io sasagar hawi.¹⁵Kude undruenan teke Allah iro bakoi sabanding andri dosa. Et, amun daya dosa erang ka ulun,wahai ulun haut mate,maka terlebih karunia teke Allah dan undruan metah karunia erang Kaulun iro,yaitu Kristus Yesus.¹⁶Dan, anugrah bakoi iyalah akibat teke dosa erang kaulun iro.Et penghakiman bawo suatu pelanggaran sagar ngoit hukuman,kude anugrah bawo wahai pelanggaran ngoit pembenaran.¹⁷jika et dosa erang kaulun,maut bakuasa bawo erang kaulun iro,talewi lagi ulun-ulun sanarime kelimpahan anugrah dan karunia kabujuren sagar mamarentah gi huang pamolum metah Erang kaulun iro,iyoiro Kristus Yesus!¹⁸Jari,sameh kala metah erai pelanggaran kahai ulun narime hukuman,miiro pada et gawian sauah erang kaulun pada kahai murunsia narime wolum dan pembenaran.¹⁹Etkabakoi taatan erang kaulun,wahai ulun jari pendosa.Kude,et ketaatan erang Kaulun,wahai ulun sagar nasamuah.²⁰Hukum Taurat natamoh pakai dosa batamoh wahai.Kude,gi duoi dosa meningkat,anugrah Allah sagar magin balimpah-limpah,²¹pakai sameh kala dosa bakuasa gi huang maut,ahi lelu pada bakuasa metah kabujuren sa mamimpin pah wolum kekal gi huang Kristus Yesus Tuhan takam.

Chapter 6

¹Jari inunkah saharus takam wada? Inunkah takam sagar tatap ngulah dosa pakai anugrah magin balimpah? ²Tentu bakoi!Kolowangun mungkin takam sa haut mate pah dosa masih wolum gi huangne? ³Atau baoikah iko katoe takam kahai sahaut na baptis pah huang Yesus Kristus haut na baptis ph huang pampate-Ne?⁴Et iro,takam haut na dowong sasameh Io gi waktu takam nabaptis pah huang pampateNe;pakai sameh iyalah Yesus sanabangkitkan teke helang ulun mate metah kemuliaan Uma,takam pada iyuh malan huang panyamayuan wolum.⁵Et, amun takam haut naampierai baya IO gihuang kasarupaen pampatei-Ne, takam pasti pada sagar naampierai huang kasarupaen kebangkitan-Ne.⁶Takam katoe bahwa murunsia ohang takam haut nasalibkan baya Kristus dan tonga dosa takam bakoi nasamawai sehingga takam bakoi sagar menghambakan tonga lagi pah dosa.⁷Et,satiap ulun sahaut mate,io haut natongkosit teke dosa.⁸Tataha,amun takam haut mate baya Kristus,takam harap bahwa takam pada sagar wolum baya andri-Io.⁹Takam kotoe bahwa Kristus sa haut nabangkitkan teke helang ulun mate bakoi sagar mate lagi;maut bakoi lagi bakuasa bawo Io.¹⁰Et,akan hal mate-Ne Io matenadap dosa hindra pakai makakohang ne,kude akan hal wolum Ne iro,Io wolum pakai pah Allah.¹¹Mihie pada iko,iko harus sadar bahwa tongako haut mate tahadap dosa,dan wolum pakai pah Allah gi huang Kristus Yesus.¹²Et iro,ada ngaret dosa menguasai tonga ko sa fana sehingga iko taat nadap kabahumenne.¹³dan, ada pada nyarah anggota- tonga ko pah dosa jari alat kajahaten.Kude,sarahleh tonga ko pah Allah sebagai sa wolum teke helang sa mate,dan anggota-anggota tongako jari alat kabujuren Allah.¹⁴Et, dosa bakoi sagar bakuasa bawoko et iko bakoi lagi wolum gi iwa Hukum Taurat kude gi iwa anugrah. Hamba kabujuren¹⁵Jari,inun sa harus takam gawi? Inunkah takam sa gsr ngulah dosa et takam bakoi wolum gi iwa Hukum Taurat,kude gi iwa anuggrah?Tentu bakoi!¹⁶IKo pasti kotoe bahwa hantek iko nyarah tonga ko jari walah sa taat pah sesuatu atau erang kaulun,iko jari walah pah pihak sa na taatiko;bik pah dosa sa mamimpin iko nuju maut,atau pah ketaatan sasagar nganyak iko nuju sa uah.¹⁷Kude, syukur pah Allah bahwa iko sa pono adalah walah dosa,tataha haut jari taat saponu ate pah pokok-pokok pangajaren sa haut naajarkan pah iko,¹⁸et iko haut na tongkosit teke dosa,iko jari budak kabujuren.¹⁹Aku bapaner makai istilah sa murunsia et kelemeen daging ko.Et,sameh iyalah sali iko nyarah anggota-anggota tonga ko jari walah kenajisan dan kajahaten sabaakibat pah kajahaten sa lewi oro,tataha sarahleh anggota-anggotako jari hamba kabujuren sa bahujung pah pengudusan.²⁰Et, tawuk iko masih jari walah dosa,iko kosit teke kabujuren ²¹Kude, kauntungen inun sana iyuh ko teke hal-hal sa tataha ngulah ko bangan?Et, akhir teke kahai itu adalah maut.²²Kudetataha,ukah na kosit teke dosa dn haut na perhamba daya Allah,iko kaiyuh wua baswo kesucian dan akhir ne adalah wolumsa kekal.²³ Et upa dosa iyoiro maut,kude karunia Allah adalah wolum sa kekal huang Yesus Kristus,Tuhan takam.

Chapter 7

¹Inunkah iko bakoi kotoe,hai pulaksanai-pulaksanaiku (et aku bapaner pah reo sakotoe Hukum Taurat),bahwa Hukum Taurat bakuasa bawo tonga erang kulun sakohang ulun iro wolum?²Et iroleh,erang kaulun wawe sa paadu tasuruk sacara hukum pah huongne sakohang io wolum;kude amun huongne mate,io sagar natongkosit teke hukum piaduanne.³Jari, amun wawe iro jari huong upo lain salagi huongne tatap wolum,io sagar na ontuh pezina,kude amun huongne mate,io bebas teke hukum sehingga io bakoi naontuh pezina amun paadu andri upolain.⁴Et iro, pulaksanai-pulaksanaiku,iko pada haut mate bagi Hukum Taurat metah tonga Kristus pakai iko jari milik salain,iyoiro Io sa haut nabangkitkan teke pampate sehingga takam kaiyuh menghasilkan ua bagi Allah.⁵Sabab,hentek takam masih wolum huang kedagingan,hawa nafsu dosa sana rangsang daya HukumTaurat bagawi huang anggota-anggota tonga takam pakai menghasilkan ua bagi maut.⁶Kude,tataha takam haut natongkosit teke Hukum Taurat,haut mate tahadap inunsah pono membelenggu takam sehingga takam tataha melayani huang keadaan wayu manurut Roh,bakoi manurut hukum ohang satatulis.Dosa dan Hukum Taurat⁷Amun miiro,inun sa sagar takam wada?Inunkah Hukum Taurat iro dosa?Sakali-kali bakoi!Sabalikne aku bakoi sagar mantaru dosa kecuali metah Hukum Taurat,et aku bakoi sagar kataru arti teke sidi milik ulun lain amun Hukum Taurat bakoi ngontuh"Ada sidi."⁸ Kude dosa ngalap kesempatan metah parentah iro pakai menghasilkan bamasam kbahumen huang tongaku;et tanpa Hukum Taurat dosa sagar mate.⁹Ponone uki wolum tanpa Hukum Taurat,kude hantek hukum iro hawi,dosa jari wolum dan uki mate;¹⁰dan parentah itu,saharusne ngoit pah wolum,justru nganyak uki pah maut.¹¹Et,dosa ngepo kesempatan metah hukum iro pakai nipu dan munu uki.¹²Jari Hukum Taurat iro adalah kudus,dan hukumiro kudus,wuah dan maeh.¹³Amunmihie,inunkah samaasus iro ngoit pampate pah uki?Sakali-kali bakoi!Dosaleh sa menghasilkan maut gi huang uki metah inunsa maasus pakai nyata bahwa dosa adalah dosa,dan metah hukum iro dosa magin nampak keberdosaanne.Pertentangan gi huang Tonga Takam ¹⁴Et takam kotoe bahwa Hukum Taurat basifat rohani,kude uki basifat jasmani,taari gi iwa dosa.¹⁵Et,uki bakoi kataru inun sa nagawi uki et uki bakoi ngulah hal sana ahengku,kude aku ngulah hal sana kuar ku.¹⁶Kude,amun uki ngulah suatu hal sa bakoi naaheng uki menyetujui bahwa Hukum Taurat iro maasus.¹⁷Jari tataha,bakoi lagi uki sa ngulahne,kude dosa sa wolum gi hung uki.¹⁸Sabab,uki kotoe bakoi ueng hal maasus sa wolum gi huang uki,iyoiro gi huang kedaginganku,et kabahumen iro naan gi huang tongaku,kude pakai ngawi samaasus iro bakoi.¹⁹Et,uki bakoi ngulah gawian maasus sanaahengku,kude uki ngulah hal sa jahat,sa bakoi na aheng dayaku!²⁰Jari,amun uki ngawi hal sa bakoi na aheng daya uki,iro bakoi lagi uki sa ngawine,kude dosa sa wolum gi huang uki.²¹ Jari,uki nangkahonghukum itu,iyoiro:hantek uki hamen ngulah hal sa maasus,kejahatan pada naan baya uki.²²Et,uki katuju akan hukum Allah gi huang batinku,²³kude uki kite hukum lain huang anggota-anggota tongaku sa bajuang dawan hukum akal budiku dan menawan uki pah huang hukum dosa sa naan gihuang anggota-anggota tongaku.²⁴Uki murunsia salaka!hiekah sasagar nyalamat uki teke tonga maut itu?²⁵Syukur pah Allah metah Tuhan takam,Kristus Yesus!²⁶Jari andri akal budiku,uki melayani hukum Allah,kode andri tonga jasmaniku uki melayani hukum dosa.

Chapter 8

¹Et sabab iro,tataha bakoi ueng lagi penghukuman pah ulun sa naan gi huang Yesus Kristus.²Sabab,hukum roh pamolum gi huang Yesus Kristus haut memerdekakan iko teke hukum dosa dan maut.³Sabab,inun sabakoi tau na ulah daya Hukum Taurat et nasaneme daya daging,haut Allah ulah andri sara haut ngtus Pea Ne raerai pakai jari sarupa andr murunsia sa badosa dan bakaitan andri dosa,Io nukum dosa gihuang daging,⁴pakai tuntutan Hukum Taurat na genapi huang takam sa bakoi wolum manurut daging,kude manurut Roh.⁵Sabab reo sa wolum manurut daging,mamikir hal-hal sa basifat daging,kude reo sa wolum manurut Roh,mamikir hal-hal sabasifat Roh.⁶

⁷Et pikiran sana tuju pah daging manantang Allah;sabab io bakoi tunduk pah Hukum Allah,bahkan bakoi tau ngulah ne.⁸Dan,reo sawolum gihuang daging bakoi tau nyansanang Allah.⁹Kude mihie,iko bakoi wolum huang daging,kude huang Roh amun Roh Allah memang duloi gi huangko sabab,amun erangkaulun bakoi ngompun Roh Kristus,io bakoileh milik- Ne.¹⁰Kude,amun kristus naan gi huang iko,walaupun tongako mate et dosa,kode Roh wolum et kabujuren.¹¹Kude,amun Roh Dia sa membangkit Yesus teke pampate duloi gi huangko,Io samambangkitkan Yesus Kristus teke pampate pada sagar ngundru wolum pah tongako sa fana metah Roh-Ne sa duloi gi huang ko.¹²Jari, pulaksanai-pulaksanaiku,takam adalah ulun-ulun sa bautang,kude bakoi pah daging,pakai wolum manurut daging.¹³Sabab, amun iko wolum manurut daging,iko sagar mate,kude amun et Roh iko nampate gawian-gawian tongako,iko sagar wolum.¹⁴Sabab,kahai ulun sa na pmpin Roh Allah adalah pea-pea Allah.¹⁵Sabab iko bakoi narime roh perbudakan lagi sa ngulah katakuten,kude iko haut narime Roh sahaut ngenat iko jari pea-pea Allah,smetah Roh iro tkam baseru,"Abba,Bapa!"¹⁶Roh iro raerai basaksi baya andri roh takam bahwa takam adalah pea-pea Allah,¹⁷dan amun takam adalah pea,takam pada adalah pewaris,pewaris Allah,dan sasameh pewaris andri Kristus;amun takam tuu-tuu uma menderita ibaya Io,takam pada sagar namuliakan sasameh andri Io.Pea-pea Allah sagar narime Kemuliaan¹⁸Sabab, uki nganggap bahwa penderitaan-penderitaan gi saat tataha itu bakoi iyuh nabandingkan andri kemuliaan sasagar na nyatakan pah takam.¹⁹Sabab, kahai ciptaan tuu-tuu ngandrei andri kasungu waktu pea-pea Allah nanyatakan.²⁰Sabab, kahai ciptaan haut natundukkan pah kesia-siaan,bakoi manurut kabahumenne raerai,kude manurut kabahumen Io sahaut menaklukkanne,bawo dasar pengharapan,²¹pakai kahai ciptaan iro raerai pada sagar namardekakan teke perbudakan kabinasaen nuju kemerdekaan pea-pea Allah sa ponu kemuliaan.²²Sabab takam kotoe bahwa kahai ciptaan sameh-sameh mengerang dan menderita mahanang ikayaan hampe taha ihi.²³Dan bakoi ekat itu,kude takam reraipun narime ua sulung Roh pada mengerang huang tonga takam raerai,nelang ngandrei pangangkatan sebagai pea,iyoiro panewuhan tonga takam.²⁴Et, takam nasalamatkan gihuang pengharapan.Kude,pengharapan sa taite bakoi lagi pengharapan,sabab hiekah sabaharap bawo sesuatu sa ukah na itene?²⁵Kude,amun takam mengharapkan sesuatu sa bakoi na ite daya takam,takam ngandreine andri tekun.²⁶Mihie pada,Roh ngarawah takam huang kalamahen takam;sabab takam bakoi kotoe kolowangun seharusne takam laku doa,kude Roh raerai sabasyafaat demi takam andri erangan-erangan sa bakoi taungkap daya kata-kata.²⁷Dan Io sa nyelidiki ate kotoe inun maksud Roh iro,et Io basyafaat pah ulun-ulun kudus sasuai andri kabahumen Allah.²⁸Dan, takam kotoe bahwa katuluh sesuatu bagawi sasameh demi pikaehan ulun-ulun sa ngalelu Allah,iyoiro reo sana wowa sesuai andri rencana Allah.²⁹Sabab,reo sa haut nataru-Ne teke samula,pada haut natentukanne teke semula pakai jari sarupa andri gamaran Pea-Ne,pakai Io jari sapanga tueh hang penah hene pulaksanai.³⁰Reo sahaut na tentukan-Ne teke semula, pada na wowa Ne;dan reo sa nawowa-Ne pada na ampi uah-Ne;dan reo sana ampi uah-Ne,pada namuliakan-Ne.Kasih Allah huang Yesus Kristus³¹Jari,inun sanawada daya takam neu kahai itu?Amun Allah gi pihak takam,hie sasagar dawan takam?³²Io sa bakoi menyayangkan Pea-Ne raerai,kude manyarah-Ne ma takam kahai,kolo mungkin Io ibaya andri Io(Dia) bakoi mengaruniakan segala sesuatu ph takam?³³Hiekah sasagar mandakwa ulun pilihan Allah?Allah sa nyamuah reo.³⁴Hiekah sa sagar ngundru hukuman?Yesus Kristus sa haut mate,bahkan sa ukah na bangkitkan teke pampate,maharung gihila kawan Allah pakai basyafaat pah takam.³⁵Hiekah sasagar nampisah takam teke kasih Kristus?Inunkah penindasan,atau kesulitan,atau panganiyayaen, atau kalao,atau tabontur, atau bahaya, atau pedang? ³⁶Iyalah naan tatulis,"Demi Iko,kain naan huang bahaya mau sapanjang waktu;kain naanggap nyalah babiri-babiri samalisan."³⁷Kude,huang kahaine itu,takam lewi teke kawan pamanang dayaNe sa ngalelu takam.³⁸SAbab, uki nayakinkan bakoi pampate maupun pamolum,bakoi pada malaekat-malaekat maupun pamarintah-pamarintah,bakoi pada hal-hal sa tataha maupun sasagar hawi,kakuasaen,³⁹bakoi pada sa naan gi obo maupun sa naan gi pida,ataupun suatu ciptaan lainne,mampu nampisah takam teke ahi lelu Allah,sanaan huang Yesus Kristus,Tuhan takam.

Chapter 9

¹Uki iwada sa uah huang Kristus,ukibakoi po ojo,dan lengan ateku uba basaksi sasameh andri Roh Kudus,²bahwa dukacitaku tuu idu dan tarus-manarus bersedih gi huang ateku.³Sabab,uki baharap agar tongaku takutuk,tapisah teke Kristus demi pulaksanai-pulaksanaiku,kaum sabangsaku secara jasmani ⁴iyoiro ulun Israel;kaompun hak paki na angkat jari pea-pea Allah,narime kemuliaan,janyi-janyi narime pangudruan Hukum Taurat,ibadah,serta janyi-janyi.⁵Reoleh keturunan um-uma leluhur,dan teke helang reoleh Kristus nakayaan manurut daging,Io saadalah Tuhan bawo segala sesuatu dan satapuji kakohangne.Amin!⁶Kude,Firman Allah bakoi gagal.Sabab,bakoi kahai ulun sa baasal Israel adalah ulun- Israel,⁷dan bakoi kahai keturunan Abraham adalah pea-peane,kude"sa naontuh katurunannu adalah sa baasal teke Ishak."⁸Hal itu baarati bahwa bakoi pea-pea sacara daging sa tareken sebagai pea-pea Allah,kude pea-pea perjanjian sa tareken sebagai katurunan.⁹sabab,ituleh wada janyi iro:"Gi tawuk ituleh Aku sagar hawi,dan Sara sagar naan erangkaulun pea upo."¹⁰Bakoi ekat itu,kude hantek Ribka pada sawuntung pea-pea teke erai kaulun,iyoiro Ishak, datu nini takam.¹¹Sabab,samete pea-pea iro nakayaan dan mete ngulah sesuatu samaasus atawa sa jahat,pakai tujuan Allah neu pelian-Ne nateguhkan bakoi et perbuatan kude et Io samowa,¹²nawada mpah Ribka,"Pea sa panga muntuo sagar melayani adine."¹³Iyalah naan tatulis,"Aku ngalelu Yakub,kude Aku muar Esau.¹⁴Jari,inun sa hamen nawada daya takam?Inunkah Allah bakoi adil?Sekali-kali bakoi!¹⁵sabab Io sawada pah Musa,"Aku berbelas kasih pah hie Aku hamen berbelas kasih,dan Aku sagar bamurah ate pah hie Aku hamen bamurah ate."¹⁶Jari,bakoi bagantung pah kabahumen kerja keras murunsia,kude gi Allah sa nutui kamurahen-Ne.¹⁷Sabab, Kitab Suci sawada pah Firaun:"Et pakai alasan ituleh Aku ngenat iko pakai Aku nutui kuasa-Ku gi huang iko,dan pakai ngaran-Ku nabara gi kahai bumi."¹⁸Jari,Allah berbelas kasih pah hiepun sa nabahom daya-Ne,dan nangkape ate sanabahom-Ne.¹⁹Jari,sagar sawada pah aku:"Et inun Io masih ngampihala?Sabab,hiekah sakaiyuh manantang kabahumen-Ne?"²⁰Sabalikne,hiekah iko,hai murunsia,sehingga iko mambantah pah Allah?akankah sesuatu sanaulah²¹ nyawada pah pangulahne,"wuah inun iko ngulah aku miitu?"Inunkah tukang tembikar bakoi berhak bawo tana liat;pakai ngulah teke gumpalan tana sa sameh suatu bejana sana pakai ne,u hal samulia,dan bejana salain sanapakai ne,u hal sahina?²²Nakolo amunAllah,ngabahom pakai nutui murka-Ne dan menyatakan kuasa-Ne,haut nangung kasabaren sa idu nadap bejana-bejana kemurkaan-Ne sahaut napersiapkan pakai kebinasaan? ²³Io ngulahne pakai menyatakan panatau kamuliaen-Ne bawo bejana-bejana belas kasihan-Ne,sa haut napersiapkan-Ne ne,u kemuliaan,²⁴iyoiro takam,sana wowa-Ne bakoi ekat teke ulun Yahudi,kude pada teke bangsa-bangsa lain.²⁵Iyalah pada na firmankan-Ne huang kitab Hosea: "Reo sabakoi umat-Ku,sagar naontuh-Ku umat- Ku.Dan sabakoi nakalelu,sagar na ontuh-Ku paling nakalelu."²⁶ Dan,gi duoi Allah nyawada gi masa pono: 'Iko bakoi umat-Ku,'gi duoi iru reo sagar na ontuh'pea-pea Allah sa wolum.'''²⁷Dan Yesaya panuuen Israel:'' Walaupun jumlah pea Israel ialah pasir gi laut,kude eket sisa-sisa reo sasagar na salamatkan, ²⁸Sabab Tuhan sagar ngulah firman-Ne gi obo bumi,sempurna dan segera."²⁹Sameh kala nanubuatkan daya Yesaya:''Amun Tuhan Semesta Alam bakoi nanan pah takam keturunan,takam haut jari kala Sodom dan sarupa Gomora.''³⁰Jari,inun sasagar takam wada?Bahwa bangsa-bangsa bakoi Yahudi sa bakoi uma kebenaran ,haut kaiyuh kebenaran,iyoiro kebenaran sa baasal teke iman;³¹Kude, bangsa Israel sabausaha ngandrei kebenaran Hukum Taurat justru bakoi hampe pah hukum iro?³²Ket inun,et reo bakoi notahne andri iman,kude andri gawian.Reo katapian batu sandungan.³³Iyalah naan tatulis:''Iteleh,Aku ngingkeh gi Sion erai batu sandungan dan erai batu karang,Dan hie sa harap pah-Io bakoi sagar nakabangan.''

Chapter 10

¹Pulaksanai-pulaksanai,kabahumen ateku dan doaku mpah Allah ma reo adalah pakai reo nasalamatkan.²Sabab,uki kaiyuh basaksi neo reo bahwa reo naan semangat pah Allah,kude bakoi badasarkan pada pengetahuan sa uah.³Sabab, reo bakoi kotoe kebenaran Allah dan bausaha nyamitu kebenanaran reo raerai,reo bakoi tunduk mpah kebenaran Allah.⁴Sabab,Kristus adalah kaganapen Hukum Taurat sajari kabujuren ma satiap ulun sapercaya.⁵Musa nulis neo kabujuren sa baasal teke Hukum Taurat,bahwa erang kaulun ngulah sa uah badasarkan hukum sagar wolum dayane.⁶Kude,kabujuren sabaasal teke iman sawada miiro,''Ada bapaner huang ateko,'Hiekah sasagar ngabai pah surga?'Artine,pakai ngoit Kristus dolui.⁷Atau'hiekah sasagar doui mpah jurang maut?'Artine,pakai ngoit Kristus ngabai teke helang ulun mate.⁸Kude,inunsa nawadane? ''Firman naan riet iko,iyoiro gi huang wawako dan gi huang ateko.''Iroleh papaneran iman sa kain beritakan.⁹amun andri wawako iko mangaku bahwaYesus adalah Tuhan,dan harap gi huang ateko bahwa Allah membangkitkan Io teke helang ulun mate,iko sagar na salamatkan.¹⁰Ket andri ate,ulun jari harap balalu kaiyuh kabujuren;dan andri wawa,ulun mangaku sehingga kaiyuh kasalamaten.¹¹Et Kitab Suci sawada,''Hiepun sa harap mpah Io bakoi sagar suah na kabangan.''¹²Sabab, koi oeng perbedaan ulun-ulun Yahudi dan ulun-ulun Yunani;Tuhan sa erai adalah Tuhan bawo kahai,sa balimpah katatawen mpah kahai ulun sa berseru mpah Io.¹³Sabab,''kahai ulun sa berseru huang ngaran Tuhan sagar nasalamatkan.''¹⁴Kude,nakolo reo sagar berseru mpah Io sa mete reo harap?Dan,kolowangun reo tau harap mpah Io sa koi suah reo rongoi?Dan,kolowangun reo tau karongoi,amun koi oeng samambaritakan-Ne?¹⁵Dan,kolowangun reo tau mambaritakan-Ne,amun reo bakoi nautus?Iyalah naan tatulis:''Tuu indah poo-poo reo sa hawi goit kabar maasus!''¹⁶Kude,bakoi kahai ulun manaati Kabar Maasus iro sabab Nabi Yesaya sawada,''Tuhan,hiekah sa haut percaya terhadap barita sa haut na rongoine teke kain?''¹⁷Jari,iman timul teke pondrongoyan daya Firman Kristus¹⁸Kude uki nunti,''inunkah ulun-ulun iro bakoi nyondrongoi?''Tentu reo korongoi sabab,''Lengan reo hampe mpah kahai dunia,dan papaneran reo hampe ma ujung-ujung bumi.''¹⁹Kude,aku sawada,''Inunkah bangsa Israel bakoi memahamine?''Pertama, Musa sawada,Aku sagar membangkitkan cemburuko nadap reo sa bakoi suatu bangsa,dan membangkitkan amarah nadap bangsa sa budu .''²⁰Dan andri ronu,Yesaya sawada:''Uki natangkahong daya reo sa bakoi ngeto Uki;Uki nantarang tonga mpah reo sa bakoi nunti neo Uki,²¹ Kude,neo Bangsa Israel Io sawada,''Sapanjang ondro Uki haut ngulur tangan-Ku pah bangsa sa bakoi taat dan dawan.''

Chapter 11

¹Maka uki nunti,''inunkah haut menolak umatNe?''Sekali-kali bakoi!Sabab, uki raerai pada erang kaulun Israel,keturunan Abraham,teke suku Benyamin.²Allah bakoi menolak umat-Ne,sahaut na peli-Ne teke semula.Inunkah iko bakoi kotoe inun sanawada daya Kitab Suci neo Elia,tawuk io mengadukan Israel mpah Allah?''³Tuhan,reo haut munu nabi-nabi-Ko,reo haut nyandruntun mezbah-mesbah-Ko,dan ekat uki raerai sa masih wolum,dan reo sagar munu uki.''⁴Kude, inun tanggapan ilahisana undru mpah io?''Uki masih ngaret 7.000⁵ ulun ma Uki,sabakoi suah sujud nyamah Baal.''Mihie pada saat itu,naan suatu sisa sana peli badasarkan anugrah.⁶Kude,amun badasarkan anugerah,maka bakoi lagi badasarkan ulahan,sabab amun miiro anugerah bakoi lagi jari anugerah.⁷Balalu nakolo?Bangsa Israel gagal kaiyuh inun sa na ketone,kude reo satapidi justru kaiyuhne,sementarasa lain haut nangkape atene ⁸iyalah naan tatulis:''Allah ngundru reo roh pakai siruru,mato sabakoi tau kite,dan silu sabakoi tau korongoi,hampe ondro itu.''⁹Dan Daud sawada,''Ingkehleh meja perjamuan reo jari tampaleng dan perangkap,jari watu sandungan,dan pambalasan mpah reo.¹⁰Ingkehleh mato reo naampisirom pakai reo bakoi tau kite,dan pungung reo naampi bungkuk tarus- manarus.''¹¹Jari,aku nunti,inunkah reo katapian pakai lawu?sakali-kali bakoi! Kude,et pelanggaran reo,kasalamaten haut hawi mpah bangsa-bangsa bakoi Yahudi,pakai ngulah reo ngadidit.¹²Sabab,amun pelanggaran reo jari panatau pah dunia,dan kagagalen reo jari panatau pah bangsa-bangsa bakoi Yahudi,maka lewi-lewi lagi kasampurnaan reo!¹³Tataha uki bapaner mpah iko,hai bangsa-bangsa bakoi Yahudi,justru ket uki adalah rasul pah bangsa-bangsa bakoi Yahudi,uki memuliakan pelayananku,¹⁴pakai uki kaiyuh ngulah pulaksanai sebangsa ngadidit,dan menyelamatkan papire kaulun teke reo.¹⁵Sabab,amun penolakan reo baarati pendamaian bawo dunia,inunkah artine penerimaan reo selain teke wolum teke helang sa mate? ¹⁶Amun roti kaisa adalah kudus,kahai adonan adalah kudus,maka jangkeng-jangkengne pada adalah kudus.¹⁷Kude,amun papire jangkeng haut na pepet,dan iko,sacara alami adalah panting liar sanacangkok gi helang reo dan baya kaiyuh bagian huang wakat dan dite kakau zaitun iro,¹⁸ada jari sakah nadap paka-paka iro.Kude amun iko sakah,itungleh bakoi iko sa nanrupang wakat,kude wakat sa nanrupang iko.¹⁹Mungkin iko sagar sawada,''Raan-raan iro napepet pakai uki kaiyuh nacangkokkan.''²⁰Iro bujur! reo napepet et reo bakoi harap,kude iko sakondrong witu ket iman.Adaleh sakah,kude takutleh ²¹sabab amun Allah bakoi paahi raan-raanasli, Io pada puang sagar paahi iko.²²Ket iro,perhati pikaehan dan kakarasen Allah;kakarasen mpah reo sa haut lawu,kude pikaehan-Ne mpah iko amun iko tatap duoi pikaehan-Ne.Amun bakoi,iko pada sagar natotok.²³Dan reo pada,amun reo bakoi tarus-manarus huang kabakoi harapenne,reo sagar nacangkok et Allah bakuasa pakai mancangkok reo mulek.²⁴Sabab, amun iko haut natotok teke inun sacara alami adlah kakau zaitun liar dan na cangkokkan makakau zaitun sana bulo,sabalawanan andri sifatko,bakoikah talewi lagi reo saadalah paka asli sagar nacangkokkan ma kakau zaitun reo raerai?²⁵Sabab,pulaksanai-pulaksanai,uki bakoi hakon iko bakoi kotoe rahasia itu pakai iko ada nganggap tongako bijaksana,bahwa sikap mape ulok haut menimpa sabagian Bangsa Israel hampe ma penggenapan bangsa-bangsalain niba.²⁶Andri miiro,kahai ulun Israel sagar nasalamatkan.Iyalah naan tatulis,''panewuh sagar hawi teke Sion,dan Io sagar nyanawit kefasikan teke Yakub.²⁷Da ituleh perjanjian-Ku andri reo,hantek Aku ngenat dosa-dosa reo.''²⁸Manurut Injil,reo adalah musuh demi iko,kude manurut pelian,reo adalah ulun-ulun sana paahi demi datu nini reo. ²⁹Sabab anugerah dan wowaan Allah bakoi tau na batalkan.³⁰Sabab, sameh kala iko sa pono bakoi taat mpah Allah,kude satataha haut narime ahi lelu et kabakoi taatan reo; ³¹mihie pada reo tataha bakoi taat pakai et ahi lelu Allah sahaut na nyatakan mpah iko reo pada sagar kaiyuh ahi lelu. ³²Sabab,Allah haut ngingkeh reo kahai huang kabakoi taatan paki Io kaiyuh nutui ahi lelu-Ne mpah kahai ulun.Pujian mpah Allah³³Oh,alangkah lalomne panatau dan kebijaksanaan dan pandrasaen Allah!Betapa bakoi taselidiki kaputusan-kaputusan-Ne dan bakoi taduga lalan-lalan-Ne! ³⁴Sabab,hiekah sa karasa pikiran Tuhan? Atau,hiekah sakaiyuh ngundru-Ne nasehat?''³⁵''Atau hiekah sa suah ngundru sesuatu mpah-Io sametene,dan harus nabalas daya-Ne?'' ³⁶Sabab sagala sesuatu adalah teke Io,dan daya Io,dan mpah Io.Pah Io leh kamuliaen hampe ma kangohangne! Amen.

Chapter 12

¹Ket iro,daya kamurahen Allah,uki nyurung iko,pulaksanai-pulaksanai,pakai iko mempersembahkan tongako jari persembahan sa wolum,sa kudus dan sa berkenan mpah Allah;iroleh ibadahko sa sejati. ²Adaleh jari sameh andri dunia itu,kude baubahleh et panyamayuen akl budiko,sehingga iko kaiyuh ngabalain inun sajari kabahomen Allah; inun sa maasus, inun sa berkenan mpah Allah,dan sa sampuraka.³Sabab,metah anugerah sa haut naundru pah iko,uki sawada mpah satiap ulun gi helang iko pakai ada mamikir hal-hal sa lewi obo teke saharus io pikirkan,kude pakai bapikir tanang sesuai ukuran iman sa haut Allah undru mpah masing-masing.⁴Sabab,iyalah erang kawatang tonga,takam ngompun hene anggota,kude masing-masing koi oeng tugas sasameh. ⁵Miiro pada takam,walaupun hene,kude tatap erai tonga huang Kristus.Dan, masing-masing takam anggota mpah salainne.Karunia-Karunia Rohani⁶Takam kaompun anugerah sa babeda-beda manurut kasih karunia sa na undru mpah takam.Amun pakai banubuat,maasusne takam gulahne sesuai andri bagian iman takam. ⁷Amun pakai melayani,maasusn io melayani,atau amun pakai ngajar,maasusne io ngajar.⁸Atau amun io pakai menghibur,maasusne io ngundru penghiburan,amun pakai ngundru ,maasusne io ngundru andri murah ate,amun pakai mamimpin,maasusne io mamimpin andri kesungguhan,amun andri nutui ahi lelu,maasusne io ngawine andri suka cita.Nasehat neo Wolum huang kasih⁹wareleh ahi bakoi pura-pura.Kuarleh sa jahat,dan ikepotleh mpah sa maasus .¹⁰Wareleh iko saling pamaahi andri lelu ipulaksanai dan saling nampono huang ngundru hormat,¹¹adaleh karajinenko kanur,wareleh iko menyala-nyla huang roh dan layanileh Tuhan. ¹²Baaraileh huang pangharapen,tabahleh huang kesesakan,dan batekunleh huang lakudua! ¹³Ubaleh ngalap bagian huang nyansukup pangeke-pangeke ulun-ulun kudus,bausahaleh huang nutui pikaehan.¹⁴Berkatileh reo sa manganiaya iko,berkatileh dan ada ngutuk! ¹⁵Baaraileh andri reo sa baarai,dan ngiakleh andri ulun sa ngiak. ¹⁶Pikirkanleh hal sasameh isa andri lain.Ada mamikir, hal-hal saobo melainkan arahkanleh mpah ulun-ulun sa naanggap ime.Adaleh nganggap iko bijaksana!¹⁷Ada mambalas mpah erang kaulunpun kejahatan andri kejahatan.Ulahleh sa maasus gi hadapan kahai ulun. ¹⁸Amun mungkin,sakirene hal itu tagantung mpah iko,wolumleh huang damai andri kahai ulun.¹⁹Pulaksanai-pulaksanaiku sa nakalelu,ada ikoraerai manuntut pambalasan,kude undruleh duoi pah murka Allah.Sabab naan tatulis,''Pambalasan adalah hak-Ku,Ukileh sasagar mambalasne,''firman Tuhan. ²⁰ Kude, amun musuhko kalau,undru io kuman,amun musuhko malah,undru io nginum.Andri ngulah itu,iko sagar ngumpul waye apui gi obo ulokne. ²¹Ada iko talau nadap kajahaten,kude santalauleh kajahaten andri pikaehan.

Chapter 13

¹Wareleh satiap ulun tunduk mpah pamarentah sabakuasa bawone sabab koi oeng pamarentah sa bakoi baasal teke Allah,dan reo natetapkan daya Allah ²Daya sabab iro,hiepun sa manantang pamarentah,io manantang ketetapan Allah,dan ro sa manantang sagar ngampihawi hukuman bawo io raerai.³Sabab, pamarentah bakoi menyebabkan katakuten pah sa ngulah kaeh,kude mpah sa ngulah jahat.Hakunkah iko wolum tanpa naan takut nadap pamarentah? Gawileh inun sa maasus,dan iko sagar kaiyuh pujian teke io ⁴sabab reo adalah pelayan Allah demi pikaehanko.Kude, amun iko ngawi sa jahat,takutleh sabab bakoi tanpa alasan pamarentah negei pedang.Reo adalah pelayan Allah,panuntut balas samenjalakan murka Allah mpah ulun sa ngulah kejahatan. ⁵Sabab iro,iko harus tunduk,bakoi ekat et murka Allah,kude pada ket ate nurani.⁶Iroleh sababne iko pada bayar pajak,sabab reo adalah kawan pelayan Allah sa mengbdikan tongane pakai hal iro. ⁷Undruleh mpah kahai inun sa harus iko undru;pajak mpah sa bahak narime pajak,cukai mpah sa bahak narime cukai, takut mpah ulun sa berhak narime rasa takut,hormat mpah ulun sa berhak narime rasa hormat.Ngalelu Ulun Lain adalah Hukum sa utama⁸Ada bautang inunpun mpah hiepun,kude paahileh isa andri sa lain et ulun sa paahi sasamehne haut memenuhi Hukum Taurat. ⁹Sabab, ada bazina,ada munu,ada ngalat,dan ada hamen,''dan amun naan parentah lain,kahaine haut tarangkum huang papaneran itu,''Paahileh sasamehko yalah tongako raerai.'' ¹⁰Ahi bakoi ngulah kejahatan mpah sasameh murunsia.Et iro,ahi adalah pangganapen Hukum Taurat.¹¹Miiro pada iko kotoe waktune ma iko saat itu pakai buan teke surui;sabab tataha kasalamaten haut lewi riet mpah takam teke waktu pertama kali takam harap. ¹²Kamalom haut metah dan koondro haut riet,ket iro hayu takam ngumpe gawian-gawian piieng dan makai perlengkapan sanyata piraai.¹³Hayu takam wolum andri sopan iyalah hang tawuk penah ondro,bakoi huang pesta pora andri kemabukan,bakoi huang pencabulan dan hawa nafsu,dan bakoi huang pibaburen nelang iri ate. ¹⁴Kude,kenekanleh Tuhan Yesus Kristus,nelang ada marawat tongako pakaki nampuas kabahumenko.

Chapter 14

¹Tarimeleh ulun samaloma imanne,kude bakoi mambantah pandapatne. ²Naan ulun sayakin bahwa io iuh kuman kahai jenis pangokan,kude ulun samaloma imanne ekat ngokan sayuran.³Ulun sa kuman adaleh manghina ulun sa bakoi kuman,dan ulun sa bakoi kuman adaleh menghakimi ulu sa kuman,sabab Allah haut narime io. ⁴Hiekah iko sehingga iko menghakimi hamba ulun lain?Sokondrong ataupun lawu,iro urusan tuanne raerai.Dan,io sagar sokondrong ket Tuhan ngulahne sokondrong.⁵Naan ulun manganggap erang ondro lewi penting teke ondro sa lain,sementara salain nganggap kahai ondro smeh.Satiap ulun harus bujur-bujur yakin huang atene raerai. ⁶REo sa mementingkan ondro terentu,mementingkanne pakai Tuhan.Dan,reo sakuman,kuman untuk Tuhan sabab io ngontuh syukur mpah Allah.Miiro pada reo sa bakoi kuman,reo bakoi kuman untuk Tuhan dan ngontuh syukur mpah Allah.⁷Sabab,koi erang kaulunpun teke takam sa wolum untuk tongane raerai,dan koi oeng erang kaulunpun samate untuk tongane raerai. ⁸Sabab, amun takam wolum,takam wolum untuk Tuhan,atau amun takam mate,takam mate untuk Tuhan.Jari, baik takam wolum atau takam mate,takam adalah milik Tuhan. ⁹Ket pakai iroleh Kristus mate dan buan,pakai Io jari Tuhan,baik bawo ulun-ulun mate maupun ulun-ulun wolum.¹⁰Kude,et inun iko menghakimi pulaksanaiko ?Atau,et inun iko nginte idok pulaksanaiko andri menghinane?Sabab, takam kahai sagar sokondrong nadap tahta pengadilan Allah. ¹¹Sabab naan tatulis, ''Et daya Uki wolum,Firman Tuhan,satiap lutut sagar nyamah mpah Uki,dan satiap lola sagar mangaku mpah Allah.''¹²Jari,satiap takam sagar ngundru pertanggungjawaban neo tongane raerai mpah Allah.Ada Ngulah Ulun Lain Badosa ¹³Ket iro, adaleh takam menghakimi,kude lewi maasus batekad pakai bakoi ngingkeh penghalang atawa erangkaua watu sandungan pah pulaksanai takam.¹⁴Uki kotoe dan haut nayakinkan huang Tuhan Yesus bahwa bakoi oeng sesuatupun sa najis teke hal itu raeai,kude pah ulun sa nganggap bahwa segala sesuatu adalah najis,maka hal itu najis pah tongane. ¹⁵Sabab,amun ate pulaksanaiko batan et sesuatu sa iko kuman,iko bakoi lagi wolum sesuai kasih.Adaleh iko membinasakan io andri pangokanko iro,ket Kristus pada haut mate mpah io.¹⁶Ket iro,ada ngaret inun sa naanggapko maasus nafinah jari sesuatu sa jahat. ¹⁷Sabab kerajaan Allah bakoileh ekat kuman andri nginum,kude neo kabujuren,damai sejahtra,arai mihewu huang Roh Kudus.¹⁸

¹⁹Jari, hayu takam notah hal-hal sangampi hawi damai sejahtra dan nabuan erai andri salain.²⁰Ada nandrusak gawian Allah ekat daya pangokan! Segala sesuatu halal,kode jahatleh pah ulun sa ngokan dn ngulah ulun lain badosa. ²¹Lewi maasus bakoi kuman daging atau nginum anggur,atau ngawi hal lain sa tau ngulah pulaksanaiko katapian.²²Kepotleh kayakinen sanaan gi iko pakai tongako raeri gi hadapan Allah.Baaraileh ulun sabakoi menghakimi tongane raerai nadap inun sa naanggapne maasus. ²³Kude,ulun sabimbang sagar nahukum amun io kuman,et io kuman bakoi badasarkan iman;dan kawan sesuatu sabakoi baasal teke iman adalah dosa.

Chapter 15

¹Jari, takam sawigas harus nangung kelemeen ulun sabakoi wigas,dan bakoi ngampisanang tonga raerai. ²Hayuleh satiap ulun gi penah takam ngampisanang sasamehne neo pikaehanne,pakai nabuan rohanine.³Sabab,Kristus bakoi nyansanang tonga-Ne raerai,kude iyalah naan tatulis,''Papaneran hinaan reo,sa menghina Iko,haut manimpa Uki.'' ⁴Sabab inunpun sahaut natulis pono haut natulis pakai ngajar takam pakai metah ketekunan dan penghiburan sa naundru Kitab Suci,takam kaiyuh ngompun pengharapan.⁵Semoga Allah,sumber kasabaren dan penghiburan ngundru iko anugerah pakai kaiyuh wolum huang erai ate andri salainne sesuai andri Yesus Kristus, ⁶sehingga andri erai ate dan erai lengan iko nawat Allah dan Uma Tuhan takam Yesus Kristus. ⁷Ket iro,tarimeleh erai andri salainne,sameh kala Yesus narime takam demi kemuliaan Allah.⁸Aku nyawada mpah iko bahwa Kristus haut jari pelayan pah ulun-ulun basunat dmi kabujuren Allah,iyo iro pakai meneguhkan janyi sa na undru pah datu nini takam, ⁹dan mpah bangsa-bangsa bakoi Yahudi pakai reo memuliakan Allah bawo ahi lelu-Ne.Iyalah naan tatulis, ''Sabab iro,uki sagar memuji -Ko gi antara bangsa-bangsa bakoi Yahudi;dan uki sagar menyanyikan mazmur pakai ngaran-Ko.''¹⁰Dan kia wadane, ''Baarai mihewuleh hai bangsa-bangsa,sasameh andri umat Allah!'' ¹¹Dan kia, ''Tawatleh Tuhan hai kahai bangsa! Ingkehleh kahai umat nawat Tuhan.''¹²Dan,Yesaya sawada lagi, ''Sagar hawi teke keturunan Isai,dan Io sagar bangkit pakai mamarentah bangsa-bangsa,dan gi huang Io,bangsa-bangsa sagar baharap.''¹³Kirane Allah sumber kaharapen namponuko andri sagala arai hewu dan damai sejahtera huang imanko sehingga iko sagar balimpah gi huang pengharapan et kuasa Roh Kudus.Pelayanan Paulus mpah Ulun-Ulun bakoi Yahudi¹⁴Pulaksanai-pulaksanaiku,uki raerai nayakinkan neo iko,bahwa iko ponu andri pikaehan,melimpah andri sagala pengetahuan,dan sanggup menasehati erai andri salainne.¹⁵Kude, uki haut mnulis andri tuu ronu mpah iko neo papire hal pakai ngampi itungko kamulek,et anugerah sahaut Allah undru pah uki, ¹⁶uki jari pelayan Yesus Kristus mpah bangsa-bangsa bakoi Yahudi jari imam pah Injil Allah,sehingga bangsa bangsa bakoi Yahudi kaiyuh jari parapah sa berkenan,sana kuduskan daya Roh Kudus.¹⁷Iroleh sababne,huang Yesus Kristus,uki iyuh bermegah neo hal sana ulahku demi Allah. ¹⁸ Sabab,uki bakoi sagar ronu bapaner neo sesuatu salain,kecuali sahaut naulah Kristus metah uki,pakai ngulah bangsa-bangsa bakoi Yahudi taat et papaneran dan ulahan, ¹⁹metah kuasa tanda-tanda ajaib nelang mukjizat-mukjizat,metah kuasa Roh sehingga teke kota Yerusalem dan sakalilingne hampe pah Ilirikum,uki haut memberitakan saponune Injil Kristus.²⁰Mihieleh uki batekad pakai memberitakan Injil gi duoi Kristus mete napantaru pakai uki ada nabuan gi bawo dasar sa haut na ingkeh ulun lain. ²¹ Iyalah naan tatulis, ''Reo samete suah narime barita neo Io sagar kite,dan reo sa mete suah korongoi sagar kataru.'' Aheng Paulus Dilang Kota Roma²²Ituleh sababne uki gaha tahalang neo dilang iko. ²³Kude tataha,et bakoi oeng lagi duloi gi daerah itu,dan et uki haut bataun-taun ohangne sidi dilang iko,²⁴maka tawuk uki tulak mpah Spanyol,uki baharap tau mihindroi dan kahong andri iko sehingga iko tau ngarawah uki pah raha,ukah talewi dahulu uki na araimihewu baya iko sunah erang alik. ²⁵Kude tataha,uki tulak mpah kota Yerusalem pakai melayani ulun-ulun kudus,²⁶sabab Makedonia dan Akhaya andri sanang ate ngundru sumbangan pah ulun paua gi penah-penah ulun kudus gi Yerusalem. ²⁷Reo tuu sanang ngulahne,sabab iro memang kawajiban reo.Ket amun bangsa-bangsa bakoi Yahudi haut narime bagian huang hal-hal rohani ompun ulun Yahudi,maka reo pada harus melayani ulun Yahudi huang kebutuhan jasmani reo.²⁸Ket iro,hantek uki haut nyanuput tugas itu dan memeteraikan hasil itu mpah reo,uki sagar tulak mpah Spanyol metah kotako. ²⁹Uki kotoe bahwa hantek uki dilangko,uki sagar hawi huang koponuan berkat Kristus.³⁰Tataha,uki ilako mpah iko,pulaksanai-pulaksanai,dmi Tuhan takam Yesus Kristus dan demi lelu Roh,pakai bagumul sasameh andri uki huang doa mpah Allah pakai pah uki, ³¹pakai uki natongkosit teke ulun-ulun sabakoi taat gi Yudea,dan pakai pelayananku demi Yerusalem berkenan pah ulun-ulun kudus. ³²Dan, daya kabahumen Allah uki kaiyuh hawi pah iko andri arai mihewu,serta kaiyuh kesegaran gi suan iko.³³Kirane damai sejahtera Allah nyindrah iko kahai. Amen.

Chapter 16

¹Uki manyarah mpah iko Febe,pulaksanai takam pada erangkaulun pelayan jemaat gi Kengkrea. ²Tarimeleh io gi huang Tuhan salayakne ulun-ulun kudus,dan karawahleh io huang segala sesuatu sanaperlukan teke iko sabab io rerai haut ngundru karawahen pah ulun rama dan pada pah uki.³Tahampeh tabe uki mpah Priskila dan Akwila,iang-iang sepelayananku huang Kristus Yesus, ⁴sahaut ngampitaruh hengo reo demi wolumku.Bawo reo,bakoi ekat uki sangontuh syukur kude pada kahai jemaat bakoi Yahudi. ⁵Tahampe pada tabeku mpah jemaat gi lowu reo.Tahampe pada tabeku pah Epenetus sana kaleuku,io adalah ulun ka isa gi Asia sa narime Kristus.⁶Tabe pah Maria sahaut bagawi tamam pakai iko. ⁷Tabe pah Andronikus andri Yunias,pulaksanai-pulaksanai sebangsaku sekaligus sameh tahanan sa pada nakenal gi antara kawan rasul,pada haut naan gi huang Kristus samete uki. ⁸ Tabe pah Ampliatus,sa uki kasihi gi huang Tuhan.⁹Tabe pah Urbanius,iang sepelayanan takam gi huang Kristus,pada pah Stakhis sa uki kalelu. ¹⁰Tabe pah Apeles,satabukti haut tahan uji huang Kristus.Tahampe pada tabeku pah kawan anggota keluarga Aristobulus. ¹¹Tahampe tabeku pah Herodion,pulaksanai sebangsaku.Tabe pah kawan anggota keluarga Narkisus,sanaan huang Kristus.¹²Tahampe tabeku pah Trifena andri Trifosa,sahaut uyuh rara gi huang Tuhan.Dan, pah Persis sa nakalelu,spada haut bagawi tamam gi huang Tuhan. ¹³Tabe pada pah Rufus,ulun pelian gi huang Tuhan,dan pada pah inene sa jari ine pah uki pada. ¹⁴Tabe pah Asinkritus,Flegon,Hermes, Patrobas,Hermas dan pulaksanai-pulaksanai sa ibaya andri reo.¹⁵Tabe pah pilologus dan Yulia,Nereus dan pulaksanaine wawe,pada pah Olimpas,dan kahai ulun kudus ibaya andri reo. ¹⁶Undruleh tabe isa andri salainne andri siuk kudus.Kahai jemaat Kristus nahampe tabe reo pah iko.¹⁷Tataha uki nyurung iko,pulaksanai-pulaksanai,awasileh reo sa nimul perpecahan dan katawangen,pada sa batantangan andri ajaren sahaut iko tarime;tongkoroleh reo. ¹⁸Sabab,ulun-ulun yalah iro bakoi melayani Tuhan takam Yesus Kristus,kude melayani hasrat reo raerai;dan andri paneran-paneran sa halus nelang paneran-paneran sanjungan,reo manipu ate ulun-ulun sa bakoi ngingkeh suriga.¹⁹Sabab,kataatenko haut kontoe kahai ulun,sabab iro uki baarai mihewu et iko.Kude,uki hamen pakai iko bijaksana ndap anunsa maasus dan barasis teke hal beleoh. ²⁰Allah sumber kasanangen sagar palus ngampi ramuk Iblis gi pida pooko.Anugerah Yesus,Tuhan takam,nyindrah iko.²¹Timotius,iangku sepelayananku,nahampe salam pah iko,dan pada teke Lukius,Yason,dan Sosipater,pulaksanai-pulaksanai sebangsaku. ²²Uki Tertius,sanulis surat itu,nahampe tabe ku pah iko huang Tuhan.²³Gayus,sa ngundru tumpangan pah uki dan pah kahai jemaat,nahampe salam pah iko.Erastus,bendahara kota,dan Kwartus pulaksanai takam,nahampe tabe pah iko. ²⁴(Anugerah Yesus Kristus,Tuhan takam,nyindrah iko kahai! Amen.)²⁵Ma Io sasanggup maneguhkan iko sesuai Injil sa naoitku dan pemberitaanku neo Yesus Kristus,dan sa sesuai andri penyingkapan rahasia sa haut nadina saohang ba abad-abad, ²⁶Kude satataha haut na nyatakan metah kitab-kitab kawan nabi,sesuai andri parentah Allah sakekal sahaut na bara mpah sagala bangsa pakai ngannyak nuju kataaten iman,²⁷mpah erai-eraine Allah sa ponu hikmat metah Kristus Yesus;kamuliaen hampe kangohangne! Amen.

1 Corinthians

Chapter 1

¹Paulus, na wowa sebagai rasul Yesus Kristus et kabahomen Allah tala, baya Sostenes, pulaksanai takam. ²Hmpah jemaat Alalah tala sa duloi gi Korintus, pakai reo sa na kuduskan huang Kristus Yesus sa na wowa pakai jari ulun-ulun kudus Ontuhan pah ulun-ulun harap kahai ulun gi setiap duoi sa mowa ngaran Tuhan takam Yesus Kristus, maasus gi duoi reo maupun takam ³Anugerah pakai ko dan damai sejahtera teke Allah tala Uma takam dan Tuhan Yesus Kristus. Paulus Basyukur hmpah Allah tala⁴Aku saratang ngontuh syukur hmpah Allahku ne'o iko ket anugerah Allah tala sa na un ru hmpah iko huang Yesus Kristus, ⁵bahwa huang kahai hal, iko naampitatau huang Iyo, huang kahai papaneran, dan kahai pangantoean, ⁶sameh kakala kasaksian ne'o Kristus haut na teguhkan huang iko.⁷Anri mihie, iko bakoi sagar kakurangan huang erai karunia pun sementara iko nganre penyataan Tuhan takam, Yesus Kristus, ⁸sa pada meneguhkan iko hampe gi akhirne nampan iko bakoi bercela gi onro Tuhan takam Yesus Kristus. ⁹Allah tala iro setia, sa uluh-Ne, Kristus Yesus, Tuhan takam. Perpecahan huang Jemaat¹⁰Tataha, uki matataan iko, Pulaksanai-Pulaksanai, et ngaran Tuhan takam Yesus Kristus nampan ikam kahai nywada hal sa sameh nampan bakoi oeng perpecahan-perpecahan gi padang ikam na ampilengkap huang pikiran sa sameh dan huang pahaba sa sameh. ¹¹Sabab, hait na unru pah uki ne.o ikopulaksanai-pulaksanaiku, kaluarga Kloe bahwa naan pasgegeran gi padang ikam.¹²Maksudku tataha adalah ikam masing-masing sawada, "Uki teke Apolos,'' dan "Uki teke Kefas,'' ¹³Inunkah Kristus ta bagi-bagi? Inunkah Paulus na balasangar pakai ko? Atawa, inunkah iko na babtis huang ngaran Paulus?¹⁴Uki basyukur hmpah Allah tala bahwa uki bakoi mambabtis erangkaulun pun teke ikam, kasawali Krispus baya Gayus, ¹⁵nampan ada erai pun sa iuh nyawada bahwa ikam na babatis huang ngaran ku. ¹⁶Uki pada mambabatis saisi lowu Stefanus; sa lewinene, uki bakoi kotoe inunkah uki haut mambabtis ulun sa lainne.¹⁷Sabab, Kristus bakoi ngutus uki pakai mambabtis, kodepakai ngunru Injil, bakoi huang hikmat papaneran, nampan balasangar Kristus bakoi na ulah sia-sia Kuasa dan Hikmat Allah tala¹⁸Sabab, papaneran ne'o balasangar adalah kabuduen pah reo sa rahat binasa, kode pah takam bakoi na salamat, hal iro adalah kakuaten Allah tala. ¹⁹Sabab, naan tatulis, "Uki sagar ngampihancur hikmat ulun sa bijaksana, baya kapintaren ulun sa panai, Uki sagar manulakne,"²⁰Gi hawekah ulun sa bijak? Gihawe kah ahli debat zaman itu? Bakoi kah Allah haut ngulah budu hikmat dunia itu? ²¹Ket huang hikmat Allah, dunia metah hikmat ne bakoi manaru Allah, bulu Allah berkenan metahkabuduen pambaritaan Injil pakai nyalamat sa maharap iyo.²²Sabab, ulun-ulun Yahudi ilaku siri-siri baya ulun-ulun Yunani ngeto hikmat. ²³Kode, kain ngabar Kristus sa na balasangar sa pah ulun-ulun Yahudi erai watu sandungan, dan ulun-ulun bakoi Yahidi, kabuduen.²⁴Kode, pakai reo na wowa, maasus ulun-ulun Yahudi maupun ulun-ulun Yunani, Kristus adalah kakuaten Allah adalah kakuaten Allah dan hikmat Allah. ²⁵Ket sa budu teke Allah adalah lewi bijaksana teke murunsia, dan sa moloma teke Allah adalah lewi wigas teke murunsia.²⁶Iteleh kaadaanko tawuk iko na wowa, Pulaksanai-pulaksanai, bakoi wahai sa bijaksan manurut daging, bakoi wahai sa bakuasa, bakoi wahai sa terpandang ²⁷kode Allah haut meli sa budu teke dunia pakai ngabangan sa bijaksana, dan Allah meli inun sa moloma teke dunia pakai ngabangan sa wigas.²⁸Dan, Allah meli sa bakoi terpandang idok, bahkan hal-hal sa bakoi baarati, pakai nyanyawoh hal-hal sa baarati, ²⁹nampan satiap murunsia bakoi iuh bamegah gi hadapan Allah.³⁰Ulah ket Iyo, iko naan huang Yesus Kristus, sa pakai takam na sanyari hikmat, kabujuren, kekudusan dan panowuhan teke Allah, ³¹nampan kakala tatulis, Ikehleh ulun sa memegahkan diri, bamegah huang Tuhan."

Chapter 2

¹Dan, hantek uki hawi hmpah iko, Pulaksanai-pulaksanai, ukibakoi hawi anri kehbatan papaneran atawa hikmat pakai ngabar rahasia Allah hmpah iko. ²Sabab, uki memeutuskan pakai bakoi ngontoe inunpun gi padang ikam salain mengenai Kristus Yesus, yoiro Io sa na balasangar.³Uki ibaya anri iko huang kalomaan, huang kaskuaten, dan tuu takut. ⁴Papaneranku maupun pikabaranku bakoi huang papaneran hikmat sa ngampiyakin, kode anri bukti Roh dan kuasa, ⁵nampan iman ko bakoi ba dasar gi hikmat murunsia, melainkan gi kuasa Allah. Allah Nutui Hikmat-Ne Metah Roh⁶Kain nyawada hikmat gi padang reo sa dewasa, kode bakoi hikmat zaman ituatawa penguasa-penguasa zaman itu sa sagar na binasa, ⁷melainkan kain nyawada hikmat Allah huang rahasia, hikmat sa tadina, sa Allah impeh sa mete permulaan zaman pah kemuliaan takam.⁸Bakoi oeng penguasa-penguasa zaman itu sa mantarune. Sabab, amun reo haut mantarune, reo bakoi sagar suah ngbalasangar Tuhan sa mulia. ⁹Kode kakala sa tatulis, "Inun sa mato metesuah ite, dan tilingo mete suah rongoi, dan mete suah timul huang ate murunsia, kahai iru Allah haut sadia pah reo sa ngalelu-Iyo."¹⁰Kode, Allah haut nyawada hal-hal iro hmpah takam meteh Roh ket Roh nyalidiki kahai hal, bahkan kedalaman Allah. ¹¹Sabab, hiekah gi padang murunsia sa kotoe hal-hal teke murunsia selain roh murunsia sa naan gi huang ne? Mihie pada, bakoi oeng erangkaulun pn sa kotoe hal-hal teke Allah selain Roh Allah.¹²Tataha, takam haut narime, bakoi roh teke dunia, melainkan roh sa teke Allah nampan takam iuh kotoe hal-hal sa na anugerahkan Allah hmpah takam. ¹³Hal-hal sa pada kain ontuh itu,bakoi huamng papaneran sa naajar ulah hikmat murunsia, melainkan sa naajar ulah Roh anri membandingkan hal-hal sa rohani anri sa rohani¹⁴Kode, murunsia sa bakoi rohani bakoi narime hal-hal sa baasla teke Roh Allah ket hal-hal iro merupakan kabuduen pah iyo. Io bakoi iuh memahamine ket hal-hal iru ekat iuh nanilai secara rohani. ¹⁵Murunsia sa rohani manilai kahai hal, kode io raerai bakoi nanillai ulah hie pun. ¹⁶Sabab, "Hiekah sa kotoe pikiran Tuhan hampe iuh matataan-Iyo?

Chapter 3

¹Kode, Pulaksanai-pulaksanai, uki bapaner hmpah iko kakala hmpah murunsia sa rohani, melainkan kakala hmpah murunsia duniawi, iyoiro kakala hmpah gene-gena huang Kristus. ²Uki ngunru iko minum susu, bakoi pongokan, ket ikam mete mampu, bahkan tataha iko pada mete mampu,³ket iko magon duniawi. Sabab, amun naan bihiri palus basual gi padang ikam, bakoikah iko magon duniawi dan wolum secara murunsia? ⁴Sabab, tawuk erangkaulun sawada, "Uki gi pihak Paulus,"dan sa lain, "Uki gi pihak Apolos,'' bakoikah itu baarati iko adalah murunsia? ⁵Balalu, hiekah Apolos iro? Dan, hiekah Paulus iro? Walah-walah sa et iyo iko palus harap kakala sa Tuhan karuniakan hmpah masing-masing.⁶Uki mulo, Apolos nyiram, kode Allahsa ngampitumu. ⁷Jari, bakoi sa mulo, bakoi pada sa nyiram,melainkan Allah tala sa ngampitumu.⁸Ulun sa mulo palus nyiram adalah erai, dan masing-masing sagar narime upane raerai sesuai anri usahne raerai. ⁹Sabab, kain adalah iyang erai gawian Allah; iko adalah umo Allah tala, bangunan Allah tala.¹⁰Sesuai anri anugerah Allah sa na karuniakan hmpah uki, kakala erangkaulun ahli bangunan sa terampil ngimpeh fondasi baya sa lain membangun gi bawone. Kode, satiap ulun harus ngatawani nakolo io membangun gi bawone. ¹¹Sabab, bakoi oeng erangkaulun pun sa iuh ngimpeh fondasi sa lain salain sa haut na impeh, yoiro Kristus Yesus.¹²Amun naan ulun sa mambangun gi bawo fondasi itu anri amas, perak, watu-watu bajuman, kayu, rikut, uyam, ¹³gawian sa na ulah setiap ulun sagar jelas ket onro iro sagar ngampinyatane anri apui, dan apui iro sagar nguji nakolo gawian satiap ulun.¹⁴Amungawian sa haut erangkaulun bangun iro batahan, io sagar narime upa. ¹⁵Amun gawian iro rakit awis, io sagar menderita karugian, meskipun mihie, io raerai sagar na salamat, kode kakala keadaan metah apui.¹⁶Bakoi kotoekah iko bahwa iko adala Bait Allah dan Roh Allah duloi gi huang iko?¹⁷Amun naan ulun sa ngampihancur Bait Allah, Allah sagar ngampihancur iyo ket Bait Allah adalah kudus yoiro iko.¹⁸Ada naan ulun sa nipu tongane raerai. Amun naan ulun gi padang iko ngakira bahwa io bijaksana gi zaman itu, ikehleh io jari budu nampan io iuh jari bijaksana. ¹⁹Sabab, hikmat dunia itu adalah kabuduen gi hadapan Allah. Sabab naan tatulis, "Iyoleh sa nyama ulun bijaksana huang kalicikan reo,'' ²⁰dan kia,"Tuhan kotoe pikiran-pikiran ulun sa bijaksana, kahaine adalah sia-sia.''²¹Ket iro, ada naan erangkaulun pun sa bamegah huang murunsia. Sabab, kahai sa naan adala nuko, ²²baik Paulus, Apolos maupun Kefas, baik dunia, baik wolum maupun pampate, baik hal-hal sa tataha maupun hal-hal sa sagar hawi; kahaine adalah nuko. ²³Dan, iko adalah nu Kristus, dan Kristu adala nu Allah.

Chapter 4

¹Miituleh harusne ulun hanreken kain yoiro sebagai walah-walah Kristus dan ulun-ulun sa na harap rahasia-rahasia Allah. ²Anri mihie, ulun-ulun sa na harap anri hal-hal sa bajuman harusleh membuktikan bahwa reo iuh na harap.³Kode, bagi uki bakoi leh penting maun uki nahakimi et iko atawa et kahai pengadilan murunsia. Bahkan,uki raeraibakoi mahakimi tongaku. ⁴ Sabab, uki bakoi manydari inun pun pah tongako raerai. Kode bakoi ket hal iro uki na ampiuah. melainkan Tuhanleh sa mahakimi uki.⁵Ket iro, adaleh mahakimi sa mete waktune, yoiro samete Yuhan hawi. Io sa sagar ngampimai hal-hal sa tadina huang pisirom dan sagar naampinyata maksud-maksud ate. Balalu, satisp ulun sagar narime tawatan teke Allah tala.⁶Pulaksanai-pulaksanai, uki haut ngampar hal-hal itu bawo tongaku raerai baya Apolos demi iko nampan gi huang kain, iko iuh pahajar pakai bakoi metah inun sa tatulis hampe bakoi oeng erang kaulun teke reo sa jari sakah/sombong erai tahadap sa lain. ⁷Sabab, hiekah sa mambeda-bedakan iko? Inun sa iko miliki sa bakoi iko tarime? Dan, amun memang iko narime ne, nakolo iko menyombongkan diri seolah-olah bakoi narime ne?⁸Iko haut na tamosing, iko haut jari tatau! Kooeng kain, iko haut jari raja! Uki bujur baharap iko bujur-bujur haut jari raja nampan kain pada iuh mamarentah baya iko. ⁹Sabab, manurut uki, Allah haut ngimpeh kain, kawanrasul, gi duoi sa terakhir, kakala ulun-ulun sa nasanawu hukuman mate; ket kain na sanyari tontonan pakai dunia, baik pakai malaikat-malaikat maupun murunsia.¹⁰Kain budu demi Kristus, kode iko bijaksana huang Kristus. kain moloma, kode iko wigas. Iko terhormat,kode kain hina. ¹¹Hamp[e tataha iru, kain kalau dan malah, bapama sitat warat,na weweh, dan wolum lanyau.¹²Kain berjerih payah bagawi anri longon kain raerai, Hantek kain na hina-hina, kain memberkati. Hantek kain na siksa, kain batahan. ¹³Hantek kain na fitnah, kain nuing anri ramah. Bahkan, hampe tataha kain kakala urai dunia itu, kotoran teke kahai ala beleoh¹⁴Uki manulis hal itu bakoi pakai ngabnangan iko, melainkan pakai matataan iko sebagai pea-pea sa uki kalelu. ¹⁵Sabab, sekalipun iko ngompun sapuluh ribu guru huang Kristus, iko bakoi ngompun wahai uma. Ket huang Yesus Kristus, ukileh sa jari umako metah Injil. ¹⁶Jari, uki nyurung iko, jarileh ulun sa manuruti teladanku!¹⁷Iroleh sabab ne, uki haut ngutus hampah iko Timotius,peaku sa ki kalelu dan sa setia huang Tuhan. Io sagar ngampiitung iko mengenai lalan-lalan kuhuang Kristus, kakala sa uki ajar gi hawe-hawe, huang jemaat. ¹⁸Papire teke ikam plus sombong seolah-olah uki bakoi sagar hawi kia hmpah iko¹⁹Kode, uki sagar hinang hawi hmpah iko, amun tuhan hamen, bakoi ekat papaneran ulun-ulun sombong iro, kode pada kuasa reo. ²⁰Sabab, karajaan Allah teke pikabaran Yesus gi dunia, Allah sa mamarentah huang wolum ulun harapbakoi huang papaneran, melainkan huang kuasa. ²¹Inun sa iko sidi? Inunkah uki harus hawi hmpah iko atawa anri roh kelemah lembutan?

Chapter 5

¹Memang haut na lapor bahwa naan perzinaan gi padang ikam, perzinaan sa bahkan bakoi oeng gi padang bangsa-bangsa lain, yoiro naan ulun ngepo wawen umane. ²Dan, iko sombong! Bakoikah saharusne iko justru berduka nampan ulun sa ngulah perbuatanitu na singkir teke padang ikam?³Memang, secara jasmani uki oro, kode uki hadir huang roh.Dan, uki haut nasanawu hukuman bawo ulun sa ngulah hal iro, seolah-olah uki hadir. ⁴Huang ngaran Tuhan Yesus, hantek ikam bakumpul, dan uki baya iko anri roh anri kuasa Tuhan takam, Yesus, ⁵uki haut nyametis pakai manyarah i

⁶Kesombongan ko bakoi maasus. Bakoi kotoekah iko bahwa hena odik ragi ai sagar hanragi kahai adonan? ⁷Barasisleh kahai ragi sa uhang nampan iko jari adonan wayu, sanakolo memang iko bakoi baragi. Sabab, Kristus, Babiri Paskah takam, haut na samalis. ⁸Ket iro, hayuleh takam merayakan pesta iro, bakoi anri ragi sa uhang, bakoi teke ragi kaburukan dan kajahatan, melainkan anri rute bakoi baragi teke kemurnian dan kabujuren.⁹Uki manulis hmpah iko huang suratku: ada bagaul anri ulun cabul. ¹⁰Maksudku, bakoi leh anri ulun-ulun cabul gi dunia itu, ulun-ulun serakah, kawan panipu, atawa anri kawan panyamah berhala.Amun mihie,iko saharusne kaluar teke dunia itu.¹¹Kode, tataha uki manulis hmpah iko ada bagaul anri ulun-ulun sa na ontuh pulaksanai amun io adalah ulun cabul, sarakah panymah berhala, pemfitnah, pamabuk, atawa panipu. Bahkan, ada kuman anri ulun kakala iro. ¹²Sabab, inunkah urusan ku mahakimi ulun-ulun luar? Bakoikah iko mahakimi reo sa naan gi huang jemaat? ¹³Kode, Allah tala sa sagar mahakimi reo gi luar jemaat. Ket iro, usirleh ulun sa ngulah kajahatan teke padang ikam.

Chapter 6

¹Hatek erangkauluyn teke iko memiliki perselishan anri sa lain, inunkah io ronu tulak ngeto kaadilan gi hadapan ulun-ulun sa bakoi uah dan bakoi gi hadapan ulun-ulun kudus? ²Inunkah iko kotoe bahwa ulun-ulun kudus sagar mahakimi dunia? amumn dunia na hakimi ulah ko, inunkah iko baskoi layak pakai ngadili perkara-perkara sa tuu odik? ³Inunkah iko bakoi kotoe bahwa takam sagar ngadili kawan malaikat? Apalagi ekat perkara-perkara biasa tiap-tiap onro!⁴Jari, amun ilko mahadapi perkara-perkara biasa kakala iro, nakolo iko ngoitne hmpah reo sa bakoi hanreken huang jemaat? ⁵Uki nyawada itu nampan iko bangan. Inunkah bakoi oeng erangkaulun gi padang ikam sa bijaksana, sa sanggup ngurus perkara-perkara gi padang pulaksanai-pulaksanaine? ⁶Salenga padang pulaksanai anri pulaksanai tulak ngeto kaadilan gi hadapan ulun-ulun sa bakoi harap!⁷Sabujurne, haut jari kagagalan pah iko ket iko ngompun perkara-perkara hukum gi padang ikam. Nakolo iko bakoi lewi sidi na ampihala? Nakolo iko bakoi lewi sidi na sanrugi? ⁸Sabalikne, iko raerai bahala palus nynrugi. bahkan, iko ngulahne tahadap pulaksanai-pulaksanaiko.⁹Inunkah iko bakoi kotoe bahwa ulun sa bakoi uah bakoi sagar mawarisi Kerajaan Allah? ada tawang! Ulun-ulun cabul, kawan panyamah berhala, ulun-ulun sa berzina, bencong, kawan homoseksual, ¹⁰kawan pangalat, ulun-ulun sa sarakah, kawan pamabuk, kawan pemfitnah, dan panipu-panipu, reo kahai bakoi sagar mawarisi Kerajaan Allah. ¹¹Papire teke ikampada kakala iro. Kode, ikam haut na barasis, haut nakuduskan, dan haut naampi uah huang ngaran Tuhan Yesus Kristus dan huang Roh Allah takam.Hindari Perzinaan¹²Kahai hal bakoi malo pah uki, kode bakoi kahai ne bariran. Memang kahai hal bakoi malo pah uki, kode uki bakoi hokun na samalah ulah inun pun. ¹³Pongokan, pakai wuntung, dan wuntung pakai pongokan, kode Allah sagar ngampibinasa ka ruo-ruone. Tubuh bakoi leh pakai perzinaan, melainkan pakai Tuhan, dan Tuhan pakai tubuh.¹⁴Allah membangkitkan Tuhan dan pada sagar membangkitkan takam et kuasa-Ne ¹⁵Inunkah iko bakoi kotoe bahwa tubuh ko adalah anggota-anggota Kristus? Inunkah uki sagar ngepo anggota-anggota Kristus dan nyanyari reo anggota-anggota pelacur?Sama sekali bakoi!¹⁶Inunkah iko bakoi kotoe bahwa ulun ngampiitung tongane hmpah pelacur jari erai tubuh anri iyo? Sabab, Io sawada, "Karuone sagar jari erai daging.'' ¹⁷Kode, ulun sa ngampiitung tonga anri Tuhan jari erai roh anri-Iyo.¹⁸Hindarileh perzinaan satiap dosa lain sa erang kaulun ulah adalah gi luar tongane, kode ulun sa berzina, badosa tahadap tonga ne raerai.¹⁹Inunkah iko bakoi kotoe bahwa tonga ko adalah bait Roh Kudus, sa naan gi huang ikam, sa iko tarime teke Allah, dan bahwa tongako bakoi nuko raerai? ²⁰Sabab,iko haut na towuh anri juman lunas.Ket iro, muliakanleh Allah anri tonga ko!

Chapter 7

¹Tataha, mengenai hal-hal sa iko tulis hmpah uki: adalah maasus pah kawan upo pakai bakoi nyame wawe. ²Kode, ket naanne perzinaan, setiap kawan upo saharusne ngompun wawenne raerai dan setiap wawe ngompun hong raerai.³Hong harus namponu kerwajiban ne tahadap wawenne, miiro pada wawen tahadap hongne. ⁴Wawen bakoi bakuasa bawo tonga ne raerai,melainkan hongne. Miiro pada hong bakoi bakuasa bawo tubuhne raerai, melainkan wawenne.⁵Adaleh iko saling mangka tongkoro, kasawali anri sarukuian sasameh pakai sementara waktu nampan iko laluasa ngunru waktu ko pakai ilakudua. Kamulek, wolum leh sameh-sameh kia nampan Iblis bakoi marebe iko ket kabakoi mampuanko huang pangadilan tonga. ⁶Kode, uki nyawada itu sebagai kelonggaran, bakoi sebagai parentah. ⁷Uki baharap kahai ulun kakala tonga ku. Kode, setiap ulun memiliki karunia ne raerai teke Allah, sa erangkaulun huang hal itu, dan sa lain huang hal iro.⁸Hmpah sa bakoi menikah dan kawan walu, uki nyawada bahwa lewimaasus kia pah reo amun tatap huang kaadaan kakala uki. ⁹Kode, amun reo bakoi tau ngandali tonga, saharusne reo menikah. Sabab lewi maasus menikah teke rakit ulah hawa nafsu.¹⁰Hmpah sa menikah, uki unru parentah-parentah itu (bakoi teke uki, melainkan teke Tuhan), yoiro wawen bakoi iuh nanan hongne. ¹¹(kode amun io haut talanyur nanan hongne, io harus tatap bakoi piadu, atawa mulek na ampidamai anri hongne), dan hong bakoi iuh nyansarak wawenne.¹²Hmpah sa salewine, uki mnyawada (uki, bakoi Tuhan) bahwa amun naan pulaksanai ngompun wawen sa bakoi harap, dan wawe iro hokun wolum baya iyo, adaleh io nyansarak wawenne iro. ¹³Miiro pada amun erangkaulun wawe ngompun hong bakoi harap, da kawan upo iro hokun wolum baya iyo, adaleh io nanan hongne iro. ¹⁴Ket hong sa bakoi harap iro na ampikudus ulah waen sa bakoi harap na ampikudus ulah hongne. Amun bakoi mihie, pea-peako adalah pea-pea najis, kode tataha reo kudus.¹⁵Kode, amun sa bakoi harap iro sidi bapisah, ingkeh io bapisah. Huang hal kakal itu, pulaksanai atawa pulaksanai wawe bakoi kia tasuruk. Kode, Allah haurt mowa takam pakai wolum huang damai sejahtera. ¹⁶Ket hai wawen, nakolo iko kotoe amun-amun iko sagar na salamat hongko? Atawa, nakolokah iko kotoe, hai hong, amun-amun iko sagar nyalamat wawenko?tatap huang kaadaan Hantek Na wowa Allah¹⁷Kode, kakala haut Tuhan impeh pakai setiap ulun sanakolo Allah haut mowa reo masing-masing tatapleh wolum huang kaadaan mihie. Mihie pada uki parentah hmpah kahai jemaat. ¹⁸Inunkah naan ulun sa nawowa hantek io haut na sunat? Adaleh io nyanyawoh siri-siri sunatne.Naankah ulun sa hantek na wowa io mete basunat? ada leh na sunat ¹⁹Sabab ba sunat maupun bakoi ba sunat, bakoi lah penting. Kode, sa penting adalah ketaatan tahadap parentah-parentah Allah tala.²⁰Setiap ulun harus duloi huang kaadaan kakala hantek io na wowa. ²¹Inunkah iko erangkaulun budak hantek na wowa? Ada iko mengkhwatirkan hal iro. Kode, amun iko pada iuh jari ulun sa merdeka, lewi maasus ampuriranleh kasampatan iro. ²²Sabab, io sa hantek na wowa huang Tuhan adalah budak, io adalah ulun mardeka milik Tuhan. Mihie pada, hantek ulun merdeka na wowa, io adalah budak Kristus. ²³Iko haut na towuh anri juman lunas, ket iro ada leh iko jari budak murunsia. ²⁴Pulaksanai-pulaksanai,harusleh setiap ulun tatap duloi baya Allah, huang kaadaan hantek io na wowa. Patataan Bagi Ulun sa Mete Menikah²⁵Tataha, ne'o ulun-ulun sa mete suah menikah, uki bakoi ngompun parentah teke Tuhan. Kode, uki ngun ru pandapat ku sebagai ulun, sa et ahi lelu Tuhan, iuh na harap. ²⁶Uki nganggap hal itu maasus huang mahalin tawuk itu, yoiro lewi maasus pah erangkaulun pakai tatap duloi kakala inun naanne.²⁷Inunkah iko tasuruk anri erangkaulun wawen? Adaleh ngusaha pisarakan. Inunkah iko mete ta suruk anri wawen?Adaleh iko ngeto wawen. ²⁸Kode, amun iko menikah, iko bakoi ba dosa. Dan, amun erangkaulun wawe bujang menikah, io bakoi ba dosa. Kode, reo sa menikah sagar menalami kesulitan-kesulitan wolum duniawi dan uki sidi iko ta hindar teke hal-hal iro.²⁹Pulaksanai-pulaksanai, maksud ku adalah waktu ne haut singkat. Jari mulai tataha, ikehleh reo sa ngompun wawen, wolumleh se olah-olah reo bakoi ngompunne, ³⁰reo sa onsoyar selah-olah bakoi onsoyar, reo baarai seolah-olah bakoi baarai reo sa moli seolah-olah bakoi ngompunne, ³¹dan reo sa ngampuriran hal-hal dunia itu,seolah-olah bakoi ngampuriran ne. Sabab, keadaan dunia itu rahat jawoh.³²Uki sidi iko bebas teke kakhawatiran Ulun sa bakoi menikah mamikir hal-hal mengenai Tuhan, nakolo io iuh ngampisanang Tuhan. ³³Kode, ulun sa menikah mamikir hal-hal duniawi, nakolo io iuh ngampisanang wawenne, ³⁴dan perhatianne ta bagi-bagi. Wawe sa bakoi menikah dan kawan wawe bujang mengkhawatikan hal-hal mengenai Tuhan nampan io jari kudus, baik tubuh maupun rohne. Kode,wawe sa menikah mengkhawatirkan hal-hal dunia itu, nakolo io iuh ngmpisanang hongne.³⁵Uki nyawada hal itu pakai kauntungan ko raerai, bakoi pakai hal sa maasus nampan pelayanan ko hmpah Tuhan bakoi tagangu.³⁶Amun naan ulun nganggap bahwa io haut ngulah hal sa bakoi pantas tahadap wawe bujangne ket wawer bujangne iro haut tipas umur dan kakala irolehsa harus ne,ikeh leh io ngulah inun sa kasdidien ne, io bakoi ba dosa; ikeh leh reo menikah. ³⁷Kode, io haut mantap huang ate ne, bakoi rahat gi pida paksaan, memiliki kuasa bawo kasidien ne raerai, dan haut nyametis huang ate ne pakai bakoi menikahi wawe bujang ne iro, bulu io pun bertindak anri maasus. ³⁸Jari, amun io menikahi wawe iro io berbuat uah, kode amun io bakoi menikahi wawe iro,perbuatan iro pun maasus.³⁹Wawen ta suruk sa uhang hong ne magon wolum. Kode, amun hong ne nanan, io bebas pakaimenikah anri hie ai sa na kasidien ne, asalkan ulun iro gi huang Tuhan. ⁴⁰Kode, manurut pandapat ku, io sagar lewi bahagia amun io tatap huang keadaan ne, dan manurut uki, uki pada ngompun Roh Allah.

Chapter 8

¹Tataha, mengenai daging-daging sa na parapah hmpah berhala-berhala. Takam kotoe bahwa takam kahai ngompun pangantoean. Pangantoean ngulah sombong, kode ahi lelu mambangun. ²Amun naan ulun sa ngakira bahwa io kotoe bamudel io mete kotoe sa saharusne io kotoe. ³Kode, amun erangkaulun ngalelu Allah tala, io na pantaru ulah Allah tala.⁴Ket iro, ne'o pongokan daging-daging sa na parapah hmpah berhala, takam kotoe bahwa bakoi oeng berhala gi dunia itu, dan bakoi oeng Allah tala kasawali Iyo, erai-eraine. ⁵Kode, amun naan sa na ontuh alla-allah, maasus gi surga mau pun gi tana, (sanakolo naan wahai "allah" dan naan wahai "tuhan"), ⁶kode bagi takam ekat naan erai Allah tala, yoiro Uma. Teke Iyoleh kahai inun la naan dan takam naan pah Iyo. Dan, ekat naan erai Tuhan, yoiro Kristus Yesus, sa ulah-Ne kahai ne naan, dan takam naan metah Iyo.⁷Meskipun mihie, bakoi kahai murunsia ngompun pangantoean itu. Kode, papire ulun,sa haut tabiasa anri berhala hampe tataha, ngokan pongokan iro sebagai pongokan sa naparapah hmpah berhala. Ket iro, hati nurani reo sa moloma jari tercemar.⁸Pongokan bakoi sagar nynrupak takam hmpah Allah tala. Takam pada bakoi sagar lewi buruk amun bakoi kuman, atawa bakoi pada lewi maasus amun takam kuman. ⁹Kode, itung leh bahwa kabebasanko itu ada hampe jari watu sandungan pah reo sa moloma. ¹⁰Ket, amun naan ulun sa nginte iko, sa ngompun pangantoean, kuman huang kuil berhala, bakoi kah hati nuranine, amun io moloma, sagar na teguhkan pakai kuman daging-daging sa naparapah pah berhala?¹¹Jari, metah pangantoean ko, ulun sa moloma iro, yoiro pulaksanaiko,sa pakaine Kristus haut mate, jari binasa. ¹²Jari, anri badosa tahadap pulaksanai-pulaksanai erai iman ko dan metah hati nuranine sa moloma, tahadap Kristus. ¹³Ket iro, amun pongokan panyabab pulaksanai erai imanku tersandung, uki bakoi sagar suah kuman daging hampe sa uhang-uhangne nampan uki bakoi ngulah pulaksanai ku tersandung.

Chapter 9

¹Bakoikah uki ulun bebas? Bakoikah uki adalah rasul? Bakoikah uki haut nginte Yesus Tuhan takam? Bakoi kah iko adalah hasil gawianku huang Tuhan? ²Amun bagi ulun lain uki bakoi rasul, paling bakoi uki adalah rasul bagi iko. Sabab, iko adalah metrai karasulanku huang Tuhan.³Itulehpembelaan ku tahadap reo sa sagar mariksa uki. ⁴Inunkah kain bakoi ompun hak pakai kuman dan minum? ⁵Inunkah kain bakoi ompun hak pakai ngoit amput erangkaulun wawen sa erai iman, sameh kakala rasul-rasul sa lain, pulaksanai-pulaksanai Tuhan, dan pada Kefas? ⁶Atawa, inunkah ekat Barnabas dan uki sa bakoi ompun hak pakai bakoi bagawi?⁷Hiekah sa suah mengabdi sebagai tantara anri biayane raerai? Hiekah sa mulo kabun anggur dan bakoi kuman uane? Atawa, hiekah sa makatik parinuan dan bakoi minum susu ne? ⁸Inunkah uki nyawada hal-hal itu manurut murunsia? Bakoikah Hukum Taurat pada nyawada hal-hal sa sameh?⁹Sabab, naan tatulis huang Hukum Taurat Musa,"Adaleh iko maraat lammu sa rahat ngiik gandum! Inunkah lammu sa rahat Allah katawani? ¹⁰Atawa, inunkah Io nyawada demi takam? Yo demi takamleh hal iro na tulis ket sa mambajak harus mambajak huang pengharapan dan sa ngiik harus ngiik huang pengharapan pakai kaiuh bagianne. ¹¹Amun kain namur wini rohani gi padang ikam, inunkah balabihan amun kain pada masi hal-hal materi teke ikam?¹²Amun ulun lain ngompunhak itu bawo iko, bakoi kah kain lewi ba hak kia? Meskipun mihie, kain bakoi ngampuriran hak iro. Sebalikne, kain nangung kahai inun la naan nampan kain ngunru bamasam halangan bagi Injil Kristus. ¹³Inunkah iko bakoi kotoe bahwa reo sa ngawi hal-hal sa kudus iro, kuman pongokan teke Bait Allah pada? Dan, reo sa malayani gi altar bagian teke kurban parapahan iro? ¹⁴Mihie pada, Tuhanmemerintah reo sa nahampe pikabaran Injil pakai wolum teke Injil pada.¹⁵Kode, uki bakoi suah makai erai pun teke hak-hak itu. Dan, uki bakoi manulis hal-hal itu nampan naulah kakala iro hmpah uki. Sabab, lewi maasus uki mate teke erangkaulun nindak kebanggaan ku. ¹⁶Ket, amun uki nahampe Injil, uki bakoi memiliki alasan pakai bamegah ket kewajiban iro naan bawo uki. Silakale uki, amun uki bakoi nahampe Injil.¹⁷Amun uki nahampe Injil ket kabahomenku raerai, uki naan upa. Kode, amun itu bakoi kabahomenku, itu adalah tugas sa na harap hmpah uki. ¹⁸Amun miiro, inunkah upaku? Upaku adalah hantek uki nahampe Injil, uki iuh nahampe Injil kooeng upa bulu bakoi ngampihala riran hakku huang Injil.¹⁹Kode, walaupun uki bebas bawo kahai ulun, uki nyanyari tongaku raerai walah pah kahai ulun nampan uki iuih ngampimanang lewi wahai kia. ²⁰Pah ulun Yahudi, uki jari kakala ulun Yahudi nampan uki iuh ngampimanang ulun Yahudi. Pah ulun sa gi pida Huku Taurat, uki jari kakala ulun sa wolum gi pida Hukum Taurat (meskipun uki raerai bakoi gi pida Hukum Taurat) nampan uki ngampimanang reo sa naan gi pida Hukum Taurat.²¹Pah reo sa kooeng Hukum Taurat, uki jari kakala kooeng Hukum Taurat (bakoine kooeng hukum Allah, kode gi pida hukum Kristus) nampan uki kaiuh ngampimanang reo sa kooeng Hukum Taurat. ²²Pah ulun sa moloma, uki jari moloma nampan uki iuh ngampimanang reo sa moloma. Uki haut jari kahai inun la naan pah kahai ulun nampan kahai sara uki iuh nyalamat papire ulun. ²³Uki ngulah kahai itu demi Injil nampan uki iuh kahaba bagian gi huang ne.²⁴Bakoi kotoekah iko bahwa reo malempat hung mudel pertandingan kahaine malempat, kode ekat erai sa narime hadiah? Jari, malempatleh samihie nampan iko ngaiuhne! ²⁵Satiap ulun sa bataning balatih menguasai tonga huang kahai hal. Reo ngulahne pakai narime mahkota sa fana, kode takam pakai ngaiuh sa abadi. ²⁶Sabab iro, uki bakoi malempat kakala iro kooeng tujuan. Uki bakoi nampar kakala ulun sa nampar riwut. ²⁷Kode, uki malatih tonga anri karas dan nguasaine nampan ukah uki nahampe Injil hmpah ulun lain, uki raerai bakoi na tolak.

Chapter 10

¹Sabab, uki bakoi hokun iko bakoi ngontoene, Pulaksanai-pulaksanai, bahwa kawan nenek moyang /datu nini takam, kahaine duloi gi rakun dan kahai ne metah laut. ²Reo kahai na baptis huang Musa, gi huang rakun dan huang laut. ³Reo kahai kuman pongokan rohani sa sameh, ⁴ dan kahaine minum minuman rohani sa sameh. Sabab, reo minum teke Watu ruhani sa baya sasameh reo, dan Watu iro adalah Kristus.⁵Meskipun mihie, Allah bakoi berkenan anri sebagian idu teke reo. Ket iro, na wunu gi jubut hukot. ⁶Tataha, hal-hal itu na sanyari suntu pah takam nampan takam jari ulun sa ba kasidien jahat sa nakolo reo sidi⁷Ada jari panyamah berhala kakala papire teke reo, kakala sa tatulis,"Bangsa iro maharung pakai kuman dan minum, balalu buan pakai tuli.'' ⁸Ada taka ngulah perzinaan kakala sa naulah papire teke reo hampe ruom pulu tolu ribu ulun mate huang erang onro⁹Takam pada bakoi iuh murija Tuhan, sa nakolo papire teke reo pada murija dan binasa et nipo-nipo. ¹⁰Ada pada bersungut-sungut sa nakoloreo pada bersungut-sungut dan nabinasakan et malaikat maut.¹¹Hal-hal itu terjadi bawo reo sebagai suntu dan natulis sebagai pangitungen pah takam, sa hmpah hie akhir zaman haut hawi. ¹²Ket iro, ikehleh ulun sa nanguhamun tongane teguh sokonrong waspada nampan io bakoi lawu! ¹³Bakoi oeng tingkes nelang purija sa suah meat iko kasawali tingkes nelang purija sa biasa pah murunsia. Dan, Allah adalah setia, Io bakoi sagar ngaret iko na purija lewi teke kamampuanko. Kode, ibaya anri tingke nelang purija iro, Io pada sagar nyadia lalan kaluar nampan iuh nangungne.¹⁴Ket iro, pulaksanai-pulaksanaiku sa na kalelu, balewa leh tongaku tekempanyamahan berhala. ¹⁵Uki bapaner kakala hmpah ulun-ulun sa bijaksana, pertimbangkanleh inun sa uki wada. ¹⁶Bakoi kah cawan berkat sa takam sykuri iro adalah persekutuan huang raya Kristus? Dan, bakoi kah rute sa takam piah iro adalah persekutuan huang tubuh Kristus? ¹⁷Ket naan erai rute, bulu takam wahai itu adalah erai tubuh; ket takam kahai jari bagian teke erai rute iro.¹⁸Katawanileh ulun-ulun Israel, bakoi kah reo sa kuman persembahan ngepo bagian huang altar? ¹⁹Jari, inunkah maksudku? Inunkah pongokan sa na persebah kan hmpahberhala adalah bamasam? Atawa, inunkah berhala adalah bamasam?²⁰Bakoi, Uki nyawada hmpah iko bahwa hal-hal sa bangsa-bangsa lain kurbankan, reo mangurbankanne pakai roh-roh jahat, bakoi pakai Allah. Dan, uki bakoi hokun iko bersekutu anri roh-roh jahat. ²¹Iko bakoi iuh minum cawan Tuhan dan pada cawan roh-roh jahat. Iko bakoi tau jari bagian teke jamuan Tuhan dan jamuan roh-roh jahat. ²²Atawa, inunkah takam membangkitkan kecemburuan Tuhan? Inunkah takam lewi wigas teke Iyo? Wolum pakai memuliakan Allah²³"kahai inun la naan bakoi malo,''kode bakoi kahai ne bariran. "Kahai inun la naan bakoi malo,''kode bakoi kahaine membangun. ²⁴Ada naan erai pun sa ngeto kebaikan pakai tonga raerai, melein kan kebaikan ulun lain.²⁵Pongokan inun ai sa na ari gi pasar daging kooeng mariksane demi hati nurani. ²⁶Ket, tana dan kahai isine adalah milik Tuhan. ²⁷Amun erangkaulun sa mete harap ngundang iko dan iko ba sadia pakai tulak, kuman leh inun ai sa na surung gi hadapan ko kooeng mariksane, demi hati nurani.²⁸Kode, amun naan sawada hmpah iko, "Pongokan itu haut na persembahkan hmpah berhala," ada iko kuman,demi ulun ngabar pah iko iro dan demi hati nurani. ²⁹Maksudku, bakoi demi hati nuraniko raerai, kode hati nurani ulun lain. Nakolo kebebasanku na impeh et hati nurani ulun lain? ³⁰Amun uki ngepo bagianku anri ontuhan syukur, nakolo uki bakoi naampihala ket pongokan sa bawo ne uki ngontuh syukur?³¹Jari, antah iko kuman atawa minum, atawa inun ai sa iko ulah, ulahleh kahaine iro pakai kemuliaan Allah. ³²Ada ngulah ulun tersandung, maasus ulun Yahudi, ulun Yunani, maupun Jemaat Allah, ³³kakala uki pada huang kahai hal ngampisanang kahai ulun, kooeng ngeto kauntunganku raerai, kode kauntungan pakai ulun wahai nampan reo iuh na salamat.

Chapter 11

¹Jarileh ulun-ulun sa manuruti taladanuk kakala uki pada tahadap kristus. Siri Kakuasaan ²Tataha, uki nawat iko ket iko ngampi itung uki huang kahai hal dan ngepot tradisi-tradisi kakala sa uki tahampe hmpah iko. ³Kode, uki sidi ikokataru bahwa ulok setiapkawan upo adalah Kristus, ulok wawe adalah kawan upo, dan Ulok Kristus adalah Allah. ⁴Setiap kawan upo sa ba doa dan bernubuat anri ulok sa ba tudung bakoi mahormati ulokne.⁵Kode, setiap wawe sa badoa atawa bernubuat anri ulok sa bakoi batudung, menghina ulokne, hal iro sameh kakal amun ulokne na kukur. ⁶Sabab, amun erangkaulun wawe baskoi nudungi ulokne, ikehleh io pada notok kahai wulune. Kode, amun ngabangan pah erangkaulun wawe notok wulu atawa ngukur io nudungi ulokne.⁷Kawan upo bakoi iuh nudungi ulokne ket io adalah gambaran dan kemuliaan Allah. Kode, wawe adalah kemuliaan kawan upo. ⁸Kawan upo bakoi baasal teke wawe, kode wawe baasal teke kawan upo.⁹Dan kawan upo bakoi na cipta pakai wawe, kode kawan upo. ¹⁰Iroleh sabab ne, wawe harus memiliki siri keuasaan gi ulokne ket kawan malaikat.¹¹Kode mihie, huang Tuhan, bakoi oeng wawe kooeng upo atawa upo kooeng wawe. ¹²Sabab, wawe baasal teke upo kayaan metah wawe. Dan, kahai inun la naan baasal teke Allah.¹³Pertimbangkanleh raerai, inunkah pantas pah erangkaulun wawe pakai badoa hmpah Allah anri ulok sa bakoi batudung? ¹⁴Bakoikah alam raerai ngajar hmpah iko bahwa amun upo memiliki wulu obo, hal iro merupakan kehinaan pah io? ¹⁵Kode, amun wawe memiliki wulu obo. hal iro adala kemuliaan pah iyo: Sabab, wulune iro na unru hmpah iyo sebagai panudung. ¹⁶Amun naan ulun sa magon sidi membantah, kain bakoi memiliki kebiasaan iro, mihie pada jemaat Tuhan. Hal-Hal sa Hala huamng Perjamuam Kudus¹⁷Huang ngunru parentah itu, uki bakoi nawat iko ket iko bakumpul bakoi pakai hal sa lewi maasus, kode pakai hal lewi buruk. ¹⁸Pertama, hantek iko bakumpul sebagai jemaat, uki nyonrongoi bahwa naan perpecahan gi padang ikam. Dan, uki maharap iyo sebagian ¹⁹Sabab, harus naan perpecahan gi padang ikam nampan reo tabukti tahan uji palus jelas gi padang ikam.²⁰Hantek iko bakumpul gi erai duoi sa sameh, hal iro bakoileh pakai kuiman perjamuan Tuhan. ²¹Ket hantek kuman, setiap ulun lewi pono pongokanne raerai hampe naan sa kalau dan sa lain mabuk. ²²Inun iko bakoi oeng lowu pakai kuman dan minum? Atawa, inunkah iko menghina jemaat Allah dan ngabangan reo sa bakoi oeng inun-inun? Inun sa harus uki wada pah iko? Haruskah uki nawat iko? Tantu ai bakoi.²³Ket, uki narime teke Tuhan inun sa pada uki sarah hmpah iyo, bahwa Tuhan Yesus, gi malom hantek Io na hianati, ngepo rute, ²⁴dan ukah ngontuh syukur, Io molah-molah ne palus sawada,''Ituleh tubuh-Ku, sa adalah pakaiko; ulah leh jari pangitungen pah Uki.''²⁵Mihie pada, Io ngepo cawan ukah kuman balalu sawada,''Cawan itu adalah janyi wayu sa huang raya -Ku. Perbuatleh itu, setiap kali iko meminumne, jari pangitungen pah Uki.''²⁶Sabab, setiap kali iko kuman rute itu dan minum cawan itu iko nahampe kabar pampate Tuhan hampe Io hawi.²⁷Ket iro, hie sa kuman rute atawa minum cawan Tuhan anri sara sa bakoi layak, io bahala tahadap tubuh dan raya Tuhan. ²⁸Murunsia harus nguji tonga ne raerai, anri mihie ikeh leh io kuman rute dan minum teke cawan iro. ²⁹Sabab, ulun sa kuman dan minum kiooeng ngakui tubuh Tuhan, io ngampihawi hukumanbawo tongane. ³⁰Iroleh sabab ne, nakolo wahai gi padang ikam sa moloma dan sakit, bahkan sukup wahai sa nanan.³¹Kode, amun takam manilai tonga takam raerai anri uah, takam bakoi sagar na hukum. ³²Kode, tawuk takam na hukum, takam na didik ulah Tuhan nampan takam bakoi nahukum sameh-sameh anri dunia.³³Jari, Pulaksanai-pulaksanaiku, hantek ikam bakumpul pakai kuman, saling ipanganre leh ³⁴Amun naan ulun sa kalau, maasusleh io kuman pono gi lowu ne nampan ada iko bakumpul paakai penghakiman. Dan, hal-hal lain sagar uki atur tawuk uki hawi.

Chapter 12

¹Tataha, mengenai karunia-karunia rohani, Pulakasanai-pulakasanai, uki bakoi sidi iko bakoi ngontoe ne. ²Iko kotoe bahwa hantek iko magon jari ulun-ulun sa mete kataru Allah, iko na santawang hmpah berhala muna, sa naikolo iko na pimpin. ³Ket iro, uki bara hmpah iko bahwa bakoi erai pun, sa bapaner et Roh Allah, sa sawada,''Yesus takutuk,''dan bakoi oeng erai pun sa iuh sawada, "yesus adalah Tuhan,'' salain et Roh Kudus.⁴Naan bamasam karunia rohani, kode Rohne sameh. ⁵Dan, naan bamasam pelayanan, kode Tuhan ne sameh. ⁶Naan ba masam gawian, kode Allah sa sameh sa ngawi kahai inun la naan ne huang kahai ulun.⁷Nakolo tiap-tiap ulun na karuniakan penyataan Roh pakai kebaikan sasameh. ⁸Hmpah sa erai na unru papaneran hikmat metah Roh dan hmpah sa lain papaneran pangantoean et Roh sa sameh.⁹Hmpah sa lain na unru iman et Roh sa sameh, hmpah sa lain karunia-karunia panyamare et Roh sa erai iro. ¹⁰Hmpah sa lain na unru gawian-gawian mukjizat, hmpah sa lain nubuatan. Hmpah sa lain na unru kamampuan pakai mambeda roh-roh, hmpah sa lain berbagai masam bahasa lola, dan sa lain ngunru arati bahasa-bahasa lola iro. ¹¹Kahaine itu na gawi et Roh sa erai dan sa sameh, sa mambagi hmpah masing-masing ulun, iyalah Io hamen. Setiap Ulun harap adalah Bagian teke Tubuh Kristus¹²Sameh kakal tubuh adalah erai, kode ngompun wahai anggota, dan kahai anggota tubuh, walaupun wahai, adalah erai tubuh, miiro pada Kristus. ¹³Sabab, et erai Roh, takasm kahai haut na baptis pah huang erai tubuh, baik ulun Yahudi maupun ulun Yunani, baik budak maupun ulun merdeka, baya takam kahai na unru minum tke eri Roh.¹⁴Ket tubuh bakoi terdiri teke erai anggota, kode wahai anggota. ¹⁵Amun poo sawada,''Ket uki bakoi longon, jari uki bakoi bagian teke tubuh,''bakoi baarati io bakoi bagian tubuh. ¹⁶Dan, amun tilingo sawada, ''Ket uki bakoi mato, uki bakoi anggota tubuh,''bakoi baarati io bakoi bagian tubuh. ¹⁷Amun kahai tubuh adalash mato, gi hawekah panyonrongian? Amun kahaine adalah tilingo, gi hawekah pangenguhan?¹⁸Kode, tataha Allah haut ngimpeh anggota-angota iro, setiap ulun teke reo, gi huang tubuh, sa nakolo sa Io hamen. ¹⁹Amun kahaine adalah erai anggota, gihawekah tubuh? ²⁰Jari, memang wahai anggota, kode eket erai tubuh.²¹Sabab iro, mato bakoi tau sawada hmpah longon,"Uki bakoi memerlu iko! Atawa kia, ulok hmpah poo,"Uki bakoi perlu iko!" ²²Sebalikne anggota-anggota tubuh sa intene lewi molomasabujur ne sa paling na perlu. ²³Dan, anggota-anggota tubuh sa takam pikir kurang terhormat, justru unruleh penghormatan lewi. Dan,anggota-anggota tubuh, sa takam anggap kurang layak tampil, harus na ulah pakai lewi layak tampil, ²⁴ket bagian-bagian sa haut layak tampil bakoi memerlukan ne. Kode, Allah haut ngatur tubuh iro anri ngunru penghormatan lewi idu hmpah anggota-anggota sa kakurangan,²⁵nampan bakoi oeng perpecahan huang tubuh, melainkan nampan anggota-anggota iro iuh ngatawani erai anri sa lain. ²⁶Amun erai anggota menderita, baya iyo. Amun erai anggota na muliakan, kahai anggota baarai baya iyo. ²⁷Tataha iko adalah tubuh Kristus dan ikam masing-masing adalah anggota-anggota ne²⁸Allah ngimpeh huang jemaat, pertama adalah kawan rasul, karuo adalah kawan nabi, katolu adalah kawan guru, kamulek mukjizat-mukjizat, karunia panyamare, pangarawahen, kepemimpinan, dan berbagai-bagai bahasa. ²⁹Inunkah kahaine rasul? Inunkah kahaine nabi? Inunkah kahaine adalah guru? Inunkah kahai adalah pangulah mukjizat?³⁰Inunkah kahaine memiliki karunia panyamare? Inunkah kahaine bapaner anri bahasa-bahasa? Inunkah kahaine ngunru arati? ³¹Kode, sidileh anri bujur-bujur karunia-karunia sa paling idu. Dan, uki sagar nutui hmpah iko lalan sa oro lewi maasus.

Chapter 13

¹Amun uki iuh bapaner huang bahasa-bahasa murunsia dan kawan malaikat, kode bakoi ngompun ahi lelu, uki adala agung sa malengan dan kangkanong sa ngaringking. ²Amun uki ngompun karunia bernubuat dan kotoe kahai rahasia dan kahai pangantoean, dan amun uki memiliki kahai iman pakai mindah gunung-gunung, kode bakoi ngompun ahi lelu, uki bakoi leh inun-inun. ³Amun uki ngunru kahai harataku pakai ngunru kuman hmpah ulun paua, dan manyarah tubuhku pakai na tutung,kode bakoi ngompun ahi lelu, henaodik pun bakoi oeng riran ne pah uki.⁴Ahi lelu iro basabar dan ba murah ate, ahi lelu iro bakoi ngadidit,bakoi mamegahkan diri, dan bakoi sombong, ⁵bakoi ngulah sa bakoi pantas, bakoi ngeto kepentingan tonga raerai, bakoi murah sangit, bakoi bareken kahalaen ulun lain, ⁶bakoi baarai bawo kabakoi bujuren,melainkan baarai ibaya kabujuren. ⁷Ahi lelu iro tahan nangung kahai inun la naan, maharap kahai inun la naan, dan sabar nangung kahai inun la naan.⁸Ahi lelu bakoi suah baakhir. Kode, amun naan nubuatan-nubuatan, sagar na tiadakan; amun naan bahasa-bahasa, sagat na santaduh; dan amun naan pangantoean sagar na sanyawoh. ⁹Sabab, takam kotoe sebagian ai dan takam bernubuat sebagian ai. ¹⁰Kode, hantek sa sempurna tiba, sa sebagian iro sagar na sanyawoh.¹¹Hantek uki kanapea, uki bapaner kakala kanapea, uki bapikir kakala kanapea, Hantek uki jari dewasa, uki nanan hal-hal sa kanapea iro. ¹²Ket tataha takam nginte huang saramin secara samar-samar, kode kamulek wae anri wae. Tataha, uki ekat mantaru sebagian. kode kamulek uki sagar mantaru saponu ne. ¹³Jari, tataha katolu hal itu sa tatap duloi,yoiro iman, kaharapen, dan ahi lelu; kode sa taidu teke katolune adalah ahi lelu.

Chapter 14

¹ Totah leh ahi lelu dan sidileh anri bujur-bujur karunia-karunia rohani, terutama nampan iko bernubuat. ² Sabab, hie sa bapaner huang bahasa lola, bakoi bapaner hmpah murunsia, kode hmpah Allah; ket bakoi oeng ulun sa kataru, kode io nyawada hal-hal sa rahasia huanh roh. ³Kode,ulun sa bernubuat bapaner hmpah murunsia pakai mambangun, patataan, dan tantulu rariu. ⁴Ulun-ulun sa bapaner huang bagasa lola mambangun tonga ne raerai, kode ulun iro bernubuat mambangun jemaat.⁵Uki baharap ikam kahai bapaner huang bahasa lola, kode talewi kia nampan iko bernubuat lewi idu teke ulun sa bapaner huang bahasa lola, kasawali amun io pada ngunru aratine hampe jemaat iuh narime peneguhan. ⁶Pulaksanai-pulaksanai, amun hawi hmpah iko dan bapaner huang bahasa-bahasa roh, inun untung ne pah iko, kasawali amun uki bapaner hmpah iko anri penyataan, pangantoean, nubuatan, atawa pangajaran?⁷Bahkan, banna-banna sa bakoi banyawa, kakala suling atawa kecapi sa ngaluar lengan,amun bakoi ngaluar perbedaan huang lenganne, nakolo ulun iuh kotoe alat inun sa rahat na tuli, suling atawa kecapi? ⁸Atawa, amun trompet ngaluar lengan sa bakoi jelas, hiekah sa sagar mempersiap tonga pakai ba perang? ⁹Mihie pada iko. amun anri lola ko, iko ngontuh papaneran sa bakoi iuhna pantaru, nakolo ulun kotoe inun nawada? Seolah-olah iko bapaner hmpah riwut.¹⁰Mungkin, miiro wahai jenis bahasa gi dunia bakoi erai pun teke iyo sa bakoi bamakna. ¹¹Kode, amun uki bakoi kotoe arati bahasa iro, uki sagar jari ulun asing pah iyo sa bapaner, dan ulun sa bapaner iro jari ulun asing pah uki.¹²Mihie pada iko, ket iko bujur-bujur bausaha pakai karunia-karunia rohani bausahaleh nampan baponuan/berkelimpahan pakai mambangun jemaat. ¹³Ket iro, harusleh ulun sa bapaner huang bahasa lola ilakudua nampan io iuh ngunru aratine. ¹⁴Sabab,amun uki ilaku dua huang bahasa lola, rohku badoa, kode pikiranku bakoi ba ua¹⁵Iari, inun harus uki ulah? Uki sagar ilakudua anri rohku dan uki pada sagar manyanyi anri pikiranku. ¹⁶Amun iko ekat ngontuh syukur anri roh ko nakolo anri roh ulun sa naan huang posisi bakoi ngompun karunia iro, iuh sawada,"Amin,'' bawo ontuhan syukur ko iro ket io bakoi kataru inun sa iko wada?¹⁷Sekalipun iko ngontuh syukur anri maasus, kode ulun lain bakoi na bangun. ¹⁸Uki ba syukur hampah Allah bahwa uki bapaner huang bahasa-bahasa lola lewi teke iko kahaine. ¹⁹Kode, huang jemaat, uki lewi maasus bapner dimo kata anri pikiran ku nampan uki pada iuh ngajar ulun lain, teke sapluh ribu kata huang bahasa lola.²⁰Pulaksanai-pulaksanai ada jari kanapea huang pamikiranko Jarileh gena-gena huang kejahatan, kode hyuang pamikiran ko jari leh dewasa! ²¹Kakala ta tulis huang Huku Taurat, "Et ulun-ulun sa ngompun bahasa asing dan et mulut ulun-ulun asing, uki sagar bapaner hmpah bangsa itu, kode reo bakoi sagar nyanrongoi Uki, firman Tuhan.''²²Jari, bahasa-bahasa lola adalah siri,bakoi pakai ulun harap, sadangkan bernubuat adalah siri bakoi pakai ulun sa bakoi harap, kode pakai ulun sa harap. ²³Amun kahai jemaat bakumpul sasameh huang erai duoi, dan kahaine bapaner anri bahasa-bahasa lola, balalu naan ulun-ulun sa bakoi kataru atawa ulun-ulun bakoi harap masuk, bakoikah reo sagar nyawada bahwa iko haut rapui?²⁴Kode, amun kahaine bernubuat, kamulek naan ulun sa bakoi harap atawa sa bakoi kataru masuk, io sagar na ampisadar et kahaine baya na nilai et kahaine. ²⁵Rahasia huang atene sagar nyata, io sagar palansar, dan nyamah Allah, ngakui bahwa sabujur ne Allah adalah gi padang ikam. Aturan-Aturan hung Pertemuan Jemaat²⁶Jari, tampalusan ne nakolo Pulaksanai-pulaksanai? Hatek ikam bakumpul, masing-masing ngompun mazmur, pangajaran,penyataan, bahasa lola erai penafsiran. Ikehleh kahai ulun na ulah pakai mambangun. ²⁷Amun naan bahasa lola ikehleh ekat ruo atawa paling wahai tolu kaulun, masing-masing secara bagantian, dan harus naan ulun lain sa ngunru aratine. ²⁸Kode, amun bakoi oeng ulun ngunru arati, io harus suni huang jemaat ikeh leh io bapaner hmpah tongtane raerai dan hmpah Allah.²⁹Ikeh leh ekat ruo atawa tolu nabi sa bapaner dan sa lain mempertimbangkan ne. ³⁰Kode, amun penyataan na ulah pakai maharung gi iro, ulun sa pertama harus montong.³¹

³² Roh-roh kawan nabi tunduk hmpah kawan nabi. ³³Sabab, Allah bakoileh Allah teke kakacauan, melainkan damai sejahtera, sameh kakala huang kahai jemaat ulun-ulun kudus.³⁴Wawe harus tatap montong huang jemaat ket reo bakoi naizin pakai bapaner, melainkan harus tunduk sa nakolo hukub Taurat pada nyawadane. ³⁵Amun naan bamasam sa sidi reo palajari, ikehleh reo nunti hmpah hongne gi lowu ket adalah hal sa ngasbangan pah wawe pakai bapaner huang jemaat. ³⁶Inunkah firman Allah baasal teke ikam? Atawa, inunkah ekat hmpah iko ai firman iro na tahampe?³⁷Amun naan bapikir bahwa io adalaherangkaulun nabi atawa ulun rohani, ikeh leh io mantaru bahwa hal-ahl sa uki tulis hmpah iko adalah perintah Tuhan. ³⁸Amun naan ulun sa bakoi mantaru itu io bakoi na pantaru.³⁹Jari, Pulaksanai-pulaksanaiku, anri bujur-bujur bernubuat, dan ada nguring ulun bapaner huang bahasa-bahasa lola ⁴⁰Kode, kahaine harus na ulahanri sopan da taatur.

Chapter 15

¹Tataha, Pulaksanai-pulaksanai, uki bara hmpah iko Injil, sa uki tahampe hmpah iko, sa gi huang ne ikam sokonrong teguh ²Et Injil iro pada na salamat, asal ikam ngepot teguh gi firman sa haut uki tahampe hmpah iko kasawali ikam harap anri sia-sia.³Uki haut nahampe hmpah iko, pertamas-tama sa penting,sa uki tarime bahwa Kristus mate pakai dosa-dosa takamsesuai anri Kitab Suci, ⁴Io haut na dowong, Io na bangkitkan gi onro katolu sesuai anri Kitab Suci,⁵dan bahwa Io haut nantarang tonga-Ne hmpah Kefas, kamulek hmpah sa ka dua walas iro. ⁶Ukah iro, Io nantarang tonga-Ne hmpah lewi teke dimo jatuh pulaksanai-pulaksanai sekaligus. Sebagian idu teke reo magon wolum hampe tataha, kode papire haut mate. ⁷Balalu, Io nantarang tonga-Ne hmpah Yakobus, kamulek hmpah kahai rasul.⁸Terakhir, sameh kakala hmpah napea sa kayaan samete waktune, Io pada nantarang tonga hmpah uki. ⁹Sabab, ukileh ta odik gi padang rasul-rasul-Ne dan bakoi layak na ontuh sebagai rasul ket uki menganiaya jemaat Allah.¹⁰Kode, ket anugerah Allah, uki adalah uki tataha. Dan, anugerah-Ne hmpah uki bakoileh sia-sia. Uki bagawi lewi giat teke reo kahai, kode bakoine uki, melainkan anugerah Allah sa nyinrah uki. ¹¹Ulah ket iro, maasus et uki atawa reo, mihieleh kain ngajar dan mihie leh iko haut harap. Kebangkitan teke Pampate¹²Amun Kristus na unru kabar bangkit teke pampate, nakolo papire gi padang ikam sawada bahwa bakoi oeng kebangkitan teke pampte? ¹³Amun bakoi oeng kebangkitan teke pampate, Kristus pada bakoi suah na bangkit kan. ¹⁴Dan,amun Kristus bakoi na bangkitkan sia-sialeh tahampean kain dan sia-sialeh pada imanko.¹⁵Talewi kia, kain pada haba sebagai saksi ojo Allah ket kain ngunru kasaksian bahwa Allah haut membangkitkan Kristus, sa bakoi sagar na bangkitkan-Ne, amun memang tuu haut ulun mate bakoi na bangkitkan. ¹⁶Sabab, amun ulun mate bakoi na bangkitkan, Kristus pada bakoi na bangkitkan. ¹⁷Dan, amun Kristus bakoi na bangkitkan, sia-sialeh imanko, dan iko magon duloi huang dosa-dosako.¹⁸Mihie pada, reo sa haut mate huang Kristus pada haut binasa. ¹⁹Amun pengharapan takam gi huang Kristus ekat pakai wolum itu ai.

²⁰Kode tataha, Kristus haut na bangkitkan teke padang ulun mate, sebagai ua tungkan teke kahai ulun harap sa hsut mate. ²¹Sabab,sameh kakala pampate terjadi metah erai ulun padaleh kebangkitan teke padang uln mate terjadi.²²Ket huang Adam kahaine mate, mihie pada huang Kristus kahai ne sagar na samolum. ²³Kode, tiap-tiap ulun manurut urutanne: Kristus sebagai ua tungkan, ukah iro reo sa adalah milik Kristus, gi pihawian-Ne mulek²⁴kamulek tiba kezsudahanne, yoirohantek io manyarah Kerajaan hmpah Allah Uma, hantek Io haut ngampibinasa kahai pemerintahan, kahai kekuasaan, dan kakuaten. ²⁵Sabab,Io harus memerintah hampe Allah ngimpeh kahai musuh-Ne gi pida poo-Ne. ²⁶Musuh terakhir sa sagar na binasakan adalah pampate.²⁷Sabab,Allah ngimpeh kahai inun la naan gi pida poo-Ne. Kode, hantek nawada bahwa kahai inun la naan haut na impeh gi pida-Ne, jelasleh bahwa itu bakoi tamasuk Allah raerai, sa ngimpeh kahai inun la naan gi pida Kristus. ²⁸Hantek kahai inun la naan na impeh gi pida Kristus,ukah iro Napea raerai pada sagar menaklukkan kahaine gi pida Kristus hampe Allah sagar jari segala-galane gi huang kahaine.²⁹Amun bakoi mihie inun kah sa sagar na ulah et reo na baptis pakai ulun sa mate? Amun ulun mate bakoi na bangkitkan sama sekali, balalu nakolo ulun-ulun mambaptis pah reo? ³⁰Dan,nakolo kain duloi gi huang bahaya setiap waktu?³¹Pulaksanai-pulaksanai setiap onro uki nadap pampate, demi kebanggaanku huang ikam sa uki miliki huang Yesus Kristus, Tuhan takam. ³²Secara murunsia, inunkah untungne bertarung anri binatang-binatang buas gi Efesus? Amun mate bakoi na bangkitkan, ''Hayuleh takam kumandan minum ket pitanin takam mate."³³Adaleh tatipu: "Pergaulan sa buruk ngampihancur kebiasaan-kebiasaan sa maasus.'' ³⁴Sadarleh mulek anri maasus dan ada ngulah dosa. Sabab, papire ulun bakoi memiliki pamantaruen pah Allah. Uki nyawada itu nampan iko bangan Kebangkitan Tubuh Rohani³⁵Kode, erangkaulun sagar nunti,''Nakolo ulun mate nabangkitkan? anri tubuh inunkah reo sagar hawi kia?" ³⁶Hai ulun hudu! inun sa ikam hamur bakoi sagar tumu wolum kasawali io mate lewi pono.³⁷Dan, inun sa iko hamur bakoileh tubuh buloan sa sagar tumu iro, melainkan liki sa bakoi ba upak kakala liki gandum atawa liki-likian lain. ³⁸Kode, Allah ngunru ne tubuh sa nakolo Io kahamenen-Ne dan masing-masing liki na unru tubuhne raerai-raerai. ³⁹Bakoi kahai daging adalah daging sa sameh,kode ekat erai daging murunsia, dan lainne daging binatang-binatang, dan lainne daging wurung-wurung, dan lainne daging kenah.⁴⁰Naan pada tubuh surgawi dan tubuh duniawi, kode kemuliaan sa surgawi iro babeda. ⁴¹Kemuliaan mato onro babeda, kemuliaan wulan babeda, kemuliaan wawahiang-wawahiang pada babeda ket erai wawahiang babeda anri wawahiang sa lain huang kemuliaan.⁴²Miiro pada anri kebangkitan ulun mate. Nadowong huang kebinasaan,na bangkitkan huang kabakoi binasaan. ⁴³Na hamur huang kehinaan, na bangkitkan huang kemuliaan. Na hamur huang kolomaan, na bangkitkan huang kakuataen. ⁴⁴Na hamur sebagai tubuh jasmani, na bangkitkan sebagai tubuh rohani. Amun naan tubuh jasmani, naan pada tubuh rohani.⁴⁵Kakala sa tatulis, "Murunsia pertama, Adam, jari jiwa sa wolum Adam sa terakhir jari roh sa ngunru wolum. ⁴⁶Kode mihie, sa rohani bakoi leh sa pertama. Sa pertama adalah sa jasmani, ukahiro wayuleh sa rohani.⁴⁷Murunsia pertama baasal teke tana, yoiro habu tana. Murunsia karuo baasal teke surga. ⁴⁸Sameh kakala sa baasal habu tana, mihie pada reo sa baasal teke habu tana. Dan, sameh kakala sa surgawi, mihie pada sa surgawi. ⁴⁹Sanakolo takam na cipta huang rupa murunsia baasal teke habu tana, takam pada sagar makai rupa murunsia sa surgawi.⁵⁰Uki nyawada itu hmpah iko, Pulaksanai-pulaksanai, bahawa daging dan raya bakoi iuh mawarisi Kerajaan Allah. Mihie pada sa iuh binasa, bakoi iuh mawarisi sa bakoi iuh binasa. ⁵¹Rongoileh! Uki nyawada hmpah iko erai rahasia, takam bakoi sagar mate kahaine, kode takam kahai sagar na ubah,⁵²satawuk iro, huang erangka pangitop mato ai, tawuk trompet sagar maeau, dan ulun mate sagar na bangkitkan kooeng kebinasaan, dan takam sagar na ubah. ⁵³Sabab, sa iuh binasa itu harus nyui sa bakoi iuh binasa. Dan, sa iuh mate itu, harus nyui sa bakoi iuh mate.⁵⁴Hantek sa iuh binasa itu nyui sa bakoi iuh binasa, dan bakoi iuh mate, bulu ganapleh firman sa haut ta tulis: ''Pampate haut na tolon huang kamanangen.'' ⁵⁵''Hai pampate, gi hawekah kamanangen? Hai maut, gi hawekah singot ko?⁵⁶Singot maut adalah dosa adalah Hukum Tarat. ⁵⁷Kode, takam ba syukur hmpah Allah sa ngunru takam kamanangen metah Tuhan takam, Yesus Kristus.⁵⁸Iari, Pulaksanai-pulaksanai erai iman sa na kalelu, sokonrongleh wigas, ada goyah, namponuleh saratang huang gawian Tuhan. Sabab, iko kotoe bahwa kauyuhen ko bakoi sia-sia gi huang Tuhan.

Chapter 16

¹Tataha ne.o pangumpulan duit pakai ulun-ulun kudus, ulahleh sesuai anri petunjuk-petunjuk sa na unru pah jemaat gi Galatia.²Gi onro pertama setiap minggu, masing-masing ikam nyisih ba msasam pangingkehanne sesuai anri sa ikam iuh nampan ada hantek uki hawi wayuna adakan pangumpulan.³Hantek uki hawi, uki sagar ngutus reo, hie pun sa ikam sarukuian,na tamaya anri surat-surat pakai ngoit pangunruan ko pah Yerusalem. ⁴Dan, amun sapatutne uki pada tulak, reo sagar tulak baya uki. Ransana Perjalanan Paulus⁵Kode, uki sagar hawi hmpah iko ukah uki metah Makedonia ket uki bamaksud pakai metah Makedonia ⁶Dan, mungkin uki sagar duloi baya iko atawa iko atawa nangkawis waktu sa uhang musim morongin nmpan iko kaiuh ngarawah uki huang perjalananku, pah hawepun uki tulak.⁷Sabab, uki bakoi hokun nginte iko tataha ekat erangalik ai. Uki baharap duloi papire waktu anri iko, amun Tuhan ngizinne. ⁸Kode, uki sagar duloi gi Efesus hampe onro Pentakosta, ⁹ket manamang sa laga pakai ngawi gawian sa penting haut tabuka pah ikosekalipun naanwahai sa balawanan.¹⁰Tataha, amun Timotius hawi, katawanileh nampan io bakoi kaingkam takut hantek baya iko ket io ngulah gawian Tuhan, sameh kakala uki pada. ¹¹Jari, ada naan ulun nantau ne idok. Karawahleh iyo huang perjalanan ne anri damai nampan io kaiuh mulek hmpah uki. Uki nganrene baya anri pulaksanai-pulaksanai gi yiitu. ¹²Tataha, ne'o pulaksanai takam Apolos, uki tuu nyurungne pakai dilang iko baya pulaksanai-pulaksanai sa lain, kode sama sekali bakoi hokun hawi tataha. Io sagar hawi amun naan kesempatan. Salam Panutup¹³Bahati-hatileh, sokonrongleh teguh huang iman. Bertindakleh kakala upo dan jarileh wigas. ¹⁴Ikehleh kahai sa ikam gawi, na ulah huang ahi lelu.¹⁵Uki nareje iko, Pulaksanai-pulakasanai, (ikam kotoe bahwa kahai isi lowu Stefanus adalah ua-ua pertama gi Akhaya, dan reo haut mengabdi kan diri reo pakai pelayanan ulun-ulun kudus), ¹⁶nampan ikam pada tunduk tahadap ulun-ulun kakala itu dan tahadap setiap ulun sa bagawi baya dan ba kauyuhen.¹⁷Uki baarai bawo pihawian Stefanus, Fortunatus, dan Akhaikus ket reo haut melengtkapi inun sa kurang teke ikam. ¹⁸Sabab, reo nangkasus rohku dan rohko. Ulah ket iro, hargaileh ulun-ulun kakala iro.¹⁹Jemaat-jemaat gi Asia nahampe salam pakai ikam . Akwila dan Priskila nahampe salam hangat huangt Tuhan hmpah iko, baya anri jemaat gi lowu reo. ²⁰Kahai pulaksanai gi yiiro ngirim salam pakaiko. Ontuh salam erai anri sa lain anri siuk kudus.²¹Uki, paulus, manulis salam itu anri longonku raearai. ²²Amun naan ulun sa bakoi ngalelu Tuhan, takutuk iyo. Oh Tuhan, hawileh! ²³Anugerah Tuhan Yesus nyinrah iko. ²⁴Ahi lelu ku nyinrah iko huang Yesus Kristus. Amin.

2 Corinthians

Chapter 1

¹Paulus erangka ulun rasul Kristus et kabahomen Allah tala dan Timotius, pulaksanai takam,hmpah jemaat Allah tala sa na,n gi Korintus baya kahai ulun kudus Ulun kudus na daftar Istilah sa na,n gi kahai Akhaya. ²anugerah pakai ko dan damai sejahtera teke Allah tala Uma takam dan Tuhan Yesus Kristus. Ontuhan syukur bawo Tantulu rariu Allah tala.³Naberkatileh Allah tala dan Uma Tuhan takam, Yesus Kristus, Uma sa ponu ahi lelu dan Allah tala segala tantulu rariu, ⁴sa nantulu kain huang segala penderitaan kain hampe kain pada tau ngarariu reo sa naan huang bamasam penderitaan andri penghiburan, sa kain raerai na hibur ulah Allah tala.⁵Sabab, sameh kakala penderitaan-penderitaan Kristus melimpah huang kain, mihie pada penghiburan kain melimpah metah Kristus. ⁶Amun kain menderita, haliro demi penghiburan dan kasalamatanko. Atawa, amun kain nahibur, hal iro adalah penghiburanko, sa bagawi huang ketabahan bawo penderitaan-penderitaan sa sameh,sa pada kain alami. ⁷Pengharapan kain bawo iko iro teguh ket kain kotoe bahwa sanakolo iko epo bagian huang penderitaan-penderitaan kain, mihie pada kain epo bagian huang penghiburan kain.⁸Pulaksanai-pulaksanai, kain bakoi sidi iko bakoi kotoe ne,o kahanangen sa kain alami gi Asia. Kain tuu na bebani lewi teke kakuatan kain hampe kain putus asa pakai pagon wolum. ⁹Bahkan, kain ngompun hukuman mate huang tonga kain raerai nampan kain bakoi yakin gi tonga kain raerai, melainkan gi Allah tala sa mambangkitkan ulun mate. ¹⁰Io haut nongkosit kain teke pampate sa mengerikan iro dan sagar nongkosit kain kia. Hmpah-Iyo kain baharap bahwa Io sagar nyalamat kain kia.¹¹Iko pada turut ngarawah kain metah doa-doako hampe wahai sa sagar basyukur bawo ngaran kain ket ahi lelu sa naunru hmpah kain metah doa-doa wahai ulun. Perubahan Ransana Paulus¹²Ituleh kabanggaan kain, yoiro kasaksian ate nurani kain bahwa kain wolum gi dunia itu terutama tahadap iko, anri katulusan dan kemurnian teke Allatala, bakoi hyuang hikmat dunia, melainkan huang anugerah Allatala. ¹³Sabab, kain bakoi manulis hal-hal lain hmpah iko salain sa iuh iko basa dan pantaru. Uki baharap iko sagar kataru saponune, ¹⁴iyalah pada iko haut mamahami sebagian ne,o kain yoiro bahwa kain adalah kabanggaanko,sanakolo iko pada adalah kabanggaan kain, gi onro Tuhan Yesus.¹⁵Huang kayakinan itu, uki bamaksud pakai lewi pono hawi pah duoiko nampan iko iuh ngaiuh anugerah pakai karuo kaline. ¹⁶Uki sidi dilang iko huang perjalananku pah Makedonia, balalu mulek kia hmpah iko sa ukah teke Makedonia nampan ikotau ngarawah uki huang perjalananku pah Yudea.¹⁷Ulah ket iro, inunkah anri kebimbangan uki maransana hal itu? Atawa, inunkah uki ransana, uki maransanane sasara sasameh na,n "yo, yo" dan ''bakoi, bakoi"? ¹⁸Sameh kakala Allatala setia, papaneran kain hm,pah iko bakoileh "yo" dan "bakoi".¹⁹Sabab, Pea Allatala, Yesus Kristus, sa bara et kain yoiro et uki Silas, dan Timotius, bakoileh "yo" dan "bakoi", melainkan "yo" gi huang Iyo. ²⁰Sabab, kahai janyi Allah adalah "yo" gi huang Kristus. iroleh sababne, metah Iyo, kain ngontuh "Amin" kain pakai kemuliaan Allatala.²¹Dan,Allah sa ngampi wigas kain sameh-sameh anri iko huang Kristus dan sa haut ngurapi takam, ²²sa pada haut memeterai kan takam danngunru Roh-Ne huang ate takam sebagai jaminan.²³Kode, uki bowa Allah pakai saksi pah jiwa uki bahwa pakai nahan tonga obo iko uki mete hawi kia pah Korintus. ²⁴Bakoi ket kain memerintah bawo iman ko, kode kain adalah bagawi baya iko pakai kaarayen ko ket huang iman ko, iko sokonrong wigas

Chapter 2

¹Jari, uki haut mutus pah tonga uki raerai bahwa uki bakoi sagar hawi kia hmpah iko huang hanang ate. ²Amun uki ngulah iko mahanang ate, hiekah sa sagar ngulah uki baarai, ekat io sa haut ulah uki mahanang ate iro?³Uki manulis, sanakolo uki ulash, nampan hentek uki hawi, uki bakoi sagar kiiuh kahanangen ate teke reo sa saharusne ngulah uki baarai. Sabab, uki kaingkam yakin pah iko kahai bahwa kaarayen uki sagar jari kaarayen ikam kahai. ⁴Teke wahaine kahanangen anri hanang ate, uki manulis hmpah iko anri wahai petak edu mato, bakoi pakai ngulah iko mahanang ate malah nampan iko iko tau kotoe ahi lelu sa uki miliki, khususne tahadap iko, Mengampuni sasameh sa Bahala⁵Kode, amun na,n sa ngulah kahanangen ate, io bakoi ngulah kahanangen pakai uki, kode gi tikas tatantu nampan ukibakoi lewi-lewi pakai ikam kahai. ⁶Pah ulun kakala iro taguran et sabagian idu teke ikam sukup bagine. ⁷Ket iro, iko sabalikne, lewi maasus ngampuni dan menghiburne nampan ulun sa kakala iro bakoi lotong et kahanangen ate sa lewi.⁸Jari, uki nyuun iko pakai ngunru ketegasan ahi lelu ko hmpah iyo. ⁹Sabab, pakai itu pada uki manulis hmpah iko, yoiro nampan uki kiiuh ngontoe bukti ne, inunkah iko taat huang kahai inun la na,n¹⁰ Erangka ulun sa iko ampuni, uki ngampuni ne pada. Sabab, inun sa haut uki ampuni, amun na,n sa harus uki ampuni, uki ngulah ne demi iko gi hadapan Kristus. ¹¹Anri mihie, Iblis bakoi sagar na untungkan teke takam ket takam kotoe maksud-maksud ne. Kapureen dan Kelegaan Paulus¹²Hantek uki hampe gi Troas pakai nahampe Injil hantek manamang ta uka pakai uki huang Tuhan, ¹³mete oeng kelegaan pah roh uki ket bakoi kahong Titus, pulaksanai uki. Jari, uki pirimisi hmpah reo dan tulak pah Makedonia.¹⁴Kode, syukur hmpah Allah , sa saratang mamimpin kain hmpah kamanangan gi huang Kristus dan menyatakan kaharuman pangatoean pah Iyo gi satiap duoi, metah kain. ¹⁵Sabab, kain adalah ewo harum Kristus pah Allah gi padang reo sa nasalamat dan gi padang reo sa rahat binasa¹⁶Pah sa erai, kain adalah ewo pampate, dan pah sa lain ewo pamolum. Kode, hiekah sa sanggup pakai hal-hal itu? ¹⁷Sabab, kain bakoi kakala iro wahai ulun lain, sa ngari firman Allah. sabalik ne, huang Kristus kain bapaner gihadapan Allah anri ketulusan, sanakolo utusan-utusan Allatala.

Chapter 3

¹Inunkah kain malai nawat tonga kain raerai kia? Atawa, iyalah papire ulun inunkah kain perlu surat tawatan pakai ko atawa teke iko? ²Ikoleh surat kain, sa tatulis huang ate kain, sa nakontoe,dan na basa ulah kahai ulun. ³Iko nutui bahwa iko adalah surst Kristus sa na layani ulah kain, sa na tulis bakoi anri tintah malahan anri Roh Allah tala sa wolum, bakoi gibawo loh-loh watu, malahan gi loh-loh ate murunsia.⁴Kayakinan kakala itu sa kain miliki tahadap Alltala metah Kristus. ⁵Bakoi baarti kain, anri tonga kain raerai, kuule nganggap suatu baasal teke tonga kain raerai, kode kuuleen kain baasal teke Allatala, ⁶sa haut ngulah kain kuule jari palayan-palayan janyi wayu, bakoi manurut huruf, kode teke Roh. Sabab, huruf iro nampate,kode Roh nyamolum.Kemuliaan Idu teke palayan Roh⁷Kode, amun palayan sa ngoit hmpah pampate, sa anri huruf-huruf na tulis gi loh watu iro hawi anri kemuliaan, hampe-hampe bangsa Israel bakoi tau wau wae Musa ket kemuliaan iro, padahal tawuk iro kemuliaan haut jawoh, ⁸koi neh palayan Roh ngompun kemuliaan sa bahkan lewi idu?⁹Sabab, amun palayan sa ngoit hukuman ngompun kemuliaan, lewi kia palayanan tu,u iro melimpah huang kemuliaan. ¹⁰sasabujurne inun sa pono na anggap mulia, huang hal itu bakoi kia na muliakan ket kemuliaan sa melimpah iro ¹¹Sabab, amun sa jawoh iro hawi anri kemuliaan, lewi kia sa kekal iro huang kemuliaan.¹²Ket ngompun kaharapen sa iyalah itu, kain ngampuriran koronuan idu, ¹³dan bakoi iyalah Musa, sa ngimpeh tutp gi wae ne nampan napea-napea Israel bakoi iuh nginte akhir teke inun sa jawoh iro.¹⁴Kode, pikiran reo haut na tangkape. hampe onro itu, huang pambasaan janyi sa uhang, tutup sa sameh pabun bakoi na engkat ket ekat gi huang Kristus tutup iro iuh na engkat. ¹⁵Bakoi neh hampe onro itu, hantek kitab Musa na basa, erangka ua tudung nutup ate reo. ¹⁶Kode, tawuk erangka ulun babalik hmpah Tuhan, tudung iro sagar na engkat.¹⁷Tuhan adalah Roh dan gi duoi Roh Tuhan hadir, gi raha nan kemerdekaan. ¹⁸Dan, takam kahai, sa anri wae takam ta tutup nyaramin kemuliaan Tuhan, ganyah na ubah hmpah gamar sa sameh teke kemuliaan hmpah kemuliaan, sameh iyalah Tuhan, sa adalah Roh iro.

Chapter 4

¹Ulah ket iro, tawuk kain kiiuh palayanan itu, sanakolo kain narime ahi lelu Allatala, kain bakoi ba odik ate. ²Kode, kain bakoi nairime hal-hal sa na ingkeh sa ngabangan, bakoi malan huang kalicikan atawa ngampipalsu firman Allatala, malahan anri pernyataan kabujuren, kain nantarang tonga kain raerai hmpah ate nurani satiapulun gi hadapan Allatala.³Bahakan amun injil kain magun tatutup pada, Injil iro ta tutup pakai reo, sa sagar binasa, ⁴sa gi helang ne,ilah dunia itu haut nampehe pikiran reo sa bakoi harap hampe reo bakoi iuh nginte mai kemuliaan Injil Kristus, sa adalah gamaran Allah.⁵Sabab, kain bakoi bara ne,o tong kain raerai, malahan Kristus Yesus pakai Tuhan dan teke kain raerai pakai palayan-palayan ko ket Yesus. ⁶Ket Allah, sa ba firman, ''Ikehleh mai ba sahaya huang ate takam pakai ngunru mai pangantoean ne,o kemuliaan Allah sa nan gi wae Kristus Yesus.⁷ Kode, harata itu kain ngompun huang bangah tana liat nampan kelimpahan kuasa iro baasal teke Allah dan bakoi teke tonga kain raerai. ⁸Kain natindas teke segala sisi, kode bakoi hapit. kain bingung, kode bakoi putus asa. ⁹ Kain na aniaya, kode bakoi na tanan. Kain na campak kan , kode bakoi na binasa. ¹⁰Kain saratang ngoit pampate Yesus huang tonga kain nampan pamolum Yesus pada na nyatakan huang tonga kain.¹¹Ket kain, sa wolum itu saratang na sarah hmpah pampate ket Yesus nampan pamolum Yesus pada na nyatakan huang tonga kain fana itu. ¹²Mihie leh pampate bagawi gihuang kain, kode pamolum bagawi gi huang iko.¹³Kode, anri ngompun roh iman sa sameh, sasuai sa haut tatulis,"Uki persaya, ket iro uki bapaner," kain pada bapaner. ¹⁴Sabab,kain kotoe bahwa Io sa haut membangkitkan Tuhan Yesus sagar membangkitkan kain pada sameh-sameh anri Yesus Kristus dan sagar ngoit kain baya iko gi hadapan-Iyo. ¹⁵Sabab, kahai hal itu terjadi pakai kepentingan ko nampan anugerah, sa pagin nyangkau wahai ulun, iuh melimpah ontuhan syukur pah kemuliaan Allatala. Wolum et Iman¹⁶Iroleh sabab ne,kain bakoi baodik ate. Biarpun tubuh lahiriah kain magin morosot keadaanne, kode murunsia batiniah kain saratang na ampiwayu tiap onro. ¹⁷Sabab, kahanangen mean sa tataha itu,ngawi pah kain erangka ua kelimpahan kekal kemuliaan sa lewi segsls-galane. ¹⁸Kain bakoi ngatawani hal-hal sa ite, malahan hal-hal sa bakoi ite. Sabab,hal-hal sa ite adalah sementara sadangkan hal-hal sa bakoi ite adalah kekal

Chapter 5

¹Ket kain kotoe bahwa amun kemah, duoi puduloi takam gi bumi itu na santempong, takam kaompun erang kua bangunan teke Allah, erang kua lowu sa bakoi na ulah anri longon, sa kekal gi surga. ²Sauhang takam na,n huang kemah itu, takam iwada ket takam kasongo pakai makai duloi puduloi surgawi takam. ³Sabab, hentek takam makaine, takam bakoi kia kahaba pelegeu.⁴Kongohang takam nan huang kemah itu, takam iwada dan takam na samiet ket takam bakoi sidi pelegeu malahan ba pama pakaian nampan sa fana iro na tolon ulah wolum. ⁵Tataha, Io sa ngampisiap takam pakai tujuan itu adalah Allatala, sa ngunru Roh hmpah takam pakai jaminan.⁶Ket iro, kain saratang tabah dan manyadari bahwa hantek kain na,n gi lowu huang tonga ittu, kain duloi gi luar Tuhan. ⁷Sabab, kain wolum et iman, bakoi et pangintean. ⁸Kode, kain tabah dan lewi sidi duloi gi luar ronga ittu balalu duloi baya Tuhan.⁹Ulah ket iro, kain bausaha numpan kain susuk hmpah-Iyo inunkah kain duloi gi lowu itu atawa duloi gi luar. ¹⁰Sabab, takam kahai harus na ampihadap gi muka kurusi pangadilan Kristus numpan satiap ulun narime kamulek hal-hal sa naulah ne, inunkah iro maasus atawa beleoh. Palayan Pendamaian¹¹Ket kain kotoe aratine takut pah Tuhan, bulu kain ngampi yakin ulun lain. Kode, kain haut nyata pah Allah dan uki baharap nyata pada pah ate nurani ko. ¹²Kain bakoi bausaha kia nawat-nawat tonga kain hmpah iko, kode kain ngunru iko kasampatan pakai bangga tahadap kain. Anri mihie, iko sagar na,n tuingan pakai reo sa bangga bawo hal-hal lahiriah dan bakoi bawo inun sa nan huang ate.¹³Amun kain bakoi jari tonga kain, hal iro adalah pakai Allatala. Amun kain jari tonga kain, iro pakai kepentingan ko. ¹⁴Ket ahi lelu Kristus nguasai kain hantek kain menyimpulkan bahwa gi erai ulun mate pakai kahai, bulu reo kahai ne mate. ¹⁵Dan, Iyo mate pakai kahai numpan reo sa wolum bakoi kia wolum pakai tonga reo raerai, malahan pah Iyo sa haut mate dan na bangkitkan demi reo.¹⁶Ket iro, teke tataha kain bakoi kataru erangka ulun pun manurut kaadaan lahiriahne. Bele kain suah kkataru Kristus sasarah lahiriah, kode tataha kainbakoi kia menilai-Ne iyalah iro. ¹⁷Jari, hie sa nan huang Kristus io adalah ciptaan wayu. Hal-halsa uhang haut metah, iteleh, hal-hal sa wayu haut hawi.¹⁸Kahai hal ittu adalah teke Allah, sa ngampidamai takam anri tonga-Ne metah Kristus dan ngunru takam palayanan damai iro, ¹⁹yoiro huang Kristus Allah ngampidamai dunia anri tonga-Ne raerai, anri bakoi ngereken kahalaen-kahalaen reo dan haut persaya tahampean damai hmpah takam.²⁰ Jari, kain adala duta-duta Kristus. Allah nutui wowaan-Ne metah kain. Kain bapaner hmpah iko demi Kristus, unruleh tonga ko na ampi damai anri Allatala. ²¹Iyo sa bakoi kataru dosa haut na ulah-Ne jari dosa ket takam numpan takam na santu'u Allatala hi huang Iyo.

Chapter 6

¹Dan, bagawi baya anri Iyo, kain pada nyuun iko numpan bakoi narime anugerah Allah anri sia-sia. ²Sabab, Iyo bafirman: "Gi tawuk uki susuk, Uki nyonrongoi iko, dan gi onro kasalamatan, Uki ngarawah iko." ³Kain bakoi ngunru sandungan hmpah hie pun nampan palayanan kainbakoi na kakupe,⁴malahan huang kahai sara kain nantarang tonga kain pakai palayan-palayan Allah, anri ponu kasabaren huang kahanangen, kahipitan, kahalinan, ⁵wewhan, kurungan pagegeran rara kapate, bakoi surui, kalauw, ⁶anri ponu kamurnian pangantoean, kasabaren, murah ate, Roh barasih,/Roh kudus, ahi lelu sa tulus, ⁷papaneran tu'u, kuasa Allah, sanyata tu'u gi longon kawanan dan kewi,⁸kemuliaan dan kakupean, wawarahen dan tawatan na anggap pakai panipu-panipu padahal kain tu'u ⁹Kain ayalah bakoi na pantaru, kode ta pantaru; ayalah sa ane mate, kode iteleh kain wolum; yalah ulun na kakasah, kode bakoi ta wunu; ¹⁰ayalah sa mahanang ate, kain pu,ua, kode ngulah ulun lain tatau, bakoi oeng inun-inun,kode kaompun kahai inun la na,n. /segala sesuatu.¹¹Kain haut nguka wowa kain hmpah iko, hai ulun Korintus, ate kain ta uka buka. ¹²Iko bakoi na tikas et kain, kode iko na tikas et ate ko raerai. ¹³Tataha,pakai mambalas sasameh uki bapaner ayalah hmpah pea-pea uki uka leh pada ate ko buka-buka. Pasangan sa bakoi saimbang¹⁴Ada jari pasangan sa bakoi saimbang anri ulun-ulun sa bakoi persaya. Sabab sameh inunkah sa na,n padang tu'u dan jahat? Atawa sameh inunkah sa kahaba padang mai anri sirom? ¹⁵Kasapatan inun kah sa na ompun Kristusanri Belial? Atawa, bagian sa na,n padang ulun persaya anri ulun sa bakoi persaya? ¹⁶Dan, kasapakatan inunkah sa na,n padang Bait Allah anri dewa-dewa? Sabab, takam adalah Bait Allatala sa wolum, ayalah firman Allatala, "Uki sagar dulo gi huang reo dan malan gi padang reo, dan Uki sagar jari Allatala reo, dan reo sagarjari Umat-Uki¹⁷"Ket iro, kaluarleh iko teke suan-suan reo, dan bapisah leh,"wada Tuhan. "dan, adaleh ngepot inun sa bere nampan Uki sagar narime iko.'' ¹⁸"Dan, Uki sagar jari Uma pah iko, dan iko sagar pea-pea-Uki upo dan pea-pea-Uki wawe,'' Mihie leh firman Tuhan, sa Mahakuasa.

Chapter 7

¹Ket takam kaompun janyi-janyi ittu, hai sa basaksi, hayuleh takam ngabarasis tonga takam kahai teke kahai bere tonga dan roh nelang paruna barasis huang koi ronu anri Allatala. Kaarayen Paulus²Unru leh duoi pah kain gi ate ko. Kain bakoi bahala hmpah hie pun, dan bakoi ngepo untung teke hie pun. ³Uki bakoi bakoi nyawada ittu pakai ngampihala iko,ket samete,ne uki haut nyawada hmpah iko bahwa iko na,n huang ate kain, pakai mate sasameh dan wolum sasameh. ⁴Kepersayaan uki idu bawo iko, kabanggaan uki idu tahadap iko, uki na tamponu anri penghiburan,uki melimpah anri kqaarayen huang kahai kasusahen kain.⁵Bahkan, hantek kain hampe gi Makedonia, tonga kain bakoi kiiuh ketenangan, malahan taaniaya teke kahai sisi, yoiro pagegeran teke luar dan katakuten teke huang. ⁶Kode, Allatala, sa menghibur ulun sa putus asa, menghibur kain anri pihawian Titus. ⁷Bakoi anri pihawian ne ai, kode pada ket penghiburan sa ngulah ne tahibur gi huang iko, kakala sa nasaita hmpah kain neo iko kasongo, kahanangen ate ko, semangat ko pakai uki hampe uki magi baarai.⁸Jari, bele uki haut ngulah iko mahanang ate ket surat uki iro, uki bakoi manyasali ne, iro ket uki ngtinte bahwa surat iru ngampi hanang ate ko bele ekat erang alik. ⁹Tataha uki baarai, bakoi ket iko mahanang ate, kode ket iko mahanang ate pakai batobat, ket iko mahanang ate sesuai anri kabahomen Allatala hampe ikobakoi na sanrugi huang hal inun pun ulah kain. ¹⁰Sabab, kahanangen ate sa sesuai anri kabahomen Allatala bahasil pertobatan sa bakoi na sasali dan memimpin hmpah kesalamatan. Kode, kahanangen ate duniawi bahasil pampate¹¹Sabab, katawanileh miiro wahai kahanangen ate sa sesuai anri kabahomen Allatala iro ngawi pah iko kasungguhan sa idu, pembultian bahwa iko bakoi bahala, kasangiten, katakuten,kasungu, samangat, dan pambalasan huang kahai hal, iko haut mambukti bahwa iko bakoi bahala huang hal ittu. ¹²Jari bele uki manulis surat hmpah iko, hal iro bakoi pakai kepentingan ulun sa ngulah hala dan bakoi pada pakai kepentingan ualun sa na ampihala, kode nampan kasungguhan ko tahadap kain na nyatakan hmpah iko gi hadapan Allatala.¹³Iro leh sababne, kain tahibur. Gi higa penghiburan kain iro, kain lewi baarai kia bawo kaarayen Titus ket rohne haut na segarkan ulah ikam kahai. ¹⁴Sabab, amun uki suah membangga-banggakan iko hmpah Titus, uki bakoi naperlu. Kode, sanakolo kain nyawada kahai inun la na,n hmpah iko huang kabujuren, m iiro pada kabanggaan kain gi hadapan Titus ta bukti bujur.¹⁵Dan, ahi lelune ta hadap iko ba tamoh idu, apabila io ngitung kataaten ko kahaine, nakolo iko nyamut pihawian ne anri koronu dan neter. ¹⁶Uki baarai ket huang kahai hal uki ngompun kayakinan gi huang iko.

Chapter 8

¹Tataha, Pulakasanai-pulaksanai, kain sidi iko kotoe ne,o anugerah Allatala sa haut na unru hmpah jemaat-jemaat gi Makedonia, ²bahwa huang hene ne subaan karaen, kelimpahan kaarayen dan idu ne kasusahen reo haut ba kalimpahan huang katatawenkatulusan ate reo.³Uki ba saksi bahwa reo ngunru sesuai anri kuuleen reo, bahkan lewi kuulee ne bawo karelaan reo raerai. ⁴Reo ilaku anri tu'u hmpah kain pah anugerah pakai baya ngepo bagian huang palayanan ulun-ulun barasis. ⁵Dan ittuleh sa reo ulah, bakoi ayalah sa kain harapkan, pang malai, reo ngunru tonga reo raerai hmpah Allah, ukah hie hmpah kain et kabahumen Allatala.⁶Jari, kain mandasak Titus, sanakolo io haut mamalai ne mihie pada io pada nyanuput bawian anugerah ittu gi padang ikam. ⁷Kode, sameh ayalah iko ba kalimpahan huang kahai hal, huang iman, papaneran, pangantoean, kahai uaha, dan huang ahi leluko tahadap kain, harusne iko pada bakalimpahan huang anugerah ittu.⁸Uki bakoi nyawada hal ittu pakai perintah, kode pakai ningkes metah kasungguhan ulun lain ne,o keikhlasan ahi lelu ko. ⁹Sabab, iko kotoe anugerah Tuhan takam Yesus Kristus, bahwa bele io tatau, io rele jari paua demi iko nampan metah kakurangen-Ne, iko jari tatau.¹⁰Dan, huang hasl ittu uki ngunru pahaba uki,hal ittuadalah pakai keuntungan ko, sa teke tau ari.iko bakoi ekat ngulah ne, kode pada ba kasidien pakai ngulah ne. ¹¹Jari, tataha, sanuput leh pada gawian iro numpan sapadan anri karelaan ko pakai nyanuput inun sa na,n gi iko. ¹² Sabab, amun na,n kesiapan ngunru unruan iro sagar na tarime, berdasarkan inun sa na ompun erangka ulun, dan bakoi berdasarkan inun sa bakoi na ompun ne.¹³¹³Hal ittu bakoi pakai ngapi mean ulun lain dan ngampi wiet iko, kode nampan na,n keseimbangan. ¹⁴Ikehleh kalewian ko tataha ngampisukup kakurangen reo nampan kelewian reo ukah iro ngampisukup kakurangen ikam. Anri mihie na,n keseimbangan. ¹⁵Kakala sa tatulis huang kitab Barasis, "Ulun sa ngumpul wahai, bakoi kelewian dan ulun san ngumpul hana odikbakoi kakurangen." Pengutusan Titus¹⁶Kode, syukur pah Allah sa ngimpeh huang ate Titus kasungguhan sa sameh sa anri uki kaompun pakai ko. ¹⁷Sabab, Io bakoi ekat narime anjuran kain, kode anri kasungguhan ne sa idu, io hawi pah iko bawo kabahumen ne raearai.¹⁸Baya Titus, kain ngutus pulaksanai sa na tawat-tawat kain gi padang kahai jemaat huang hal panampean Injil. ¹⁹Bakoi iro ai, iyo pada na tutui uluh jemaat-jemaat pakai tulak baya kain huang palayanan anugerah ittu, sa kain ulah pakai ngoit kemuliaan pah Tuhan dan pakai nantarang kerelaan kain.²⁰Kain tu'u ba hati-hati numpan bakoi oeng ulun sa sagar ngakupe kain huang pangunruan idu sa na atur kain ittu. ²¹Kain bausaha ngulah inun sa uah, bakoi ekat huang pangintean Tuhan, kode pada huang pangintean murunsia.²²Dan, baya reo kain ngutus pulaksanai kain sa haut gaha kain uji dan tabukti rajin huang wahai hal, lewi kia tataha io magin rajin ket io kaompun kayakinan sa idu tahadap iko. ²³Tataha ne,o Titus, iyo adalah pasangan dan iyang gawi uki sa sagan bariran pakai ko. Sadangkan ne,o pulaksanai-pulaksanai takam sa lain, reo utusan jemaat-jemaat, suatu kemuliaan pah Kristus. ²⁴Jari, tantarangleh hmpah reo, gi hadapan jemaat-jemaat, bukti ahi lelu ko dan kabanggan kain bawo iko.

Chapter 9

¹Pah uki, adalah balewian pakai manulis hmpah iko ne,o palayanan hmpah ulun-ulun barasis iro. ² Sabab, uki kotoe kerelaan ko sa uki bangga-banggakan ne,o iko hmpah ulun -ulun Makedonia yoiro bahwa Akhaya haut siap teke taun ari dan semangatko leh sa haut ngampi garak hila idu reo³Kode, uki ngutus pulaksanai-pulaksanai ittu nampan kabanggan kain ne,o iko bakoi na sanyari sia-sia huang hal ittu. Anri mihie, iko siap sadia yalah sa haut uki wada. ⁴Sabab, amun papire ulun Makedonia hawi sameh-sameh anri uki dan reo kahaba iko mete siap, kain (bakoi perlu kain nyawada iko) sagar na perlu ket kayakinan ittu. ⁵Ket iro, uki bapikir perlu pakai mandasak pulaksanai-pulaksanai ittu tulak lewi pono hmpah iko dan mempersiap pangunruan sa haut iko janyi sa mete ne. Anri mihie, pangunruan iro siap pakai jari pangunruan sukarela, bakoi ket tapaksa.⁶Uki nyawada hal ittu: hie sa nammur hena odik sagar masi hena odik pada, dan ulun sa nammur rama sagar masi rama pada. ⁷ Satiap ulun harus ngunru yalah sa haut io tantu huang ate ne, bakoi anri hanang ate atawa gi pida paksaan ket Allah ngalelu ulun sa ngunru anri kaarayen.⁸Dan, Allah sanggup melimpah kan kahai anugerah hmpah iko nampan iko saratang ngompun kahai kasukupen huang kahai hal dan ba kalimpahan huang satiap gawian maasus. ⁹Yalah sa tatulis: "Io haut mambagi-bagi, Io haut ngunru hmpah ulun pa,ua, tu,u ne tatap pakai kunguhang ne."¹⁰Tataha, Io sa nyadia wini pah panammur dan rute pakai pongokan, sagar nyadia dan papire lepetan rama wini ko pakai na hammur dan sagar na ampirama hasil-hasil kapinuu ko. ¹¹Iko sagar na ampi tatau huang kahai hal bawo kahai kamurahan ate ko, sas metah kain membanfgkit kan ontuhan syukur hmpah Allatala.¹²Sabab, pangarawahen ittu bakoi ekat ngampi sukup keperluan-keperluan ulun-ulun barasis, ode pada melimpahkan ontuhan syukur hm,pah Allatala metah rama ulun. ¹³Metah bukti palayanan itu, reo sagar memulia kan Allatala ket ketaatan ko hmpah pangakuan ko pah Injil Kristus, dan pakai kahai kemurahan ate ko huang babagi hmpah reo dan rama ulun. ¹⁴Dasn, huang doa-doa reo pakai ko, reo kasungu iko ket kasih karunia Allatala sa berlimpah bawo iko. ¹⁵Syukur hmpah Allatala bawo pangunruan-Ne sa koi ta ontuh!

Chapter 10

¹Uki, Paulus, tong uki raearai ilaku hmpah iko anri kalembutan dan kemurahan Kristus uki,sa bakoi ronu hantek bahadapan wae anri iko, kode ronu hantek oro teke iko! ²Uki ilaku hmpah iko nampan hantek uki hawi, uki bakoi perlu jari ronu anri kayakinan sa anri iyo uki ngareken pakai ronu dawan papire ulun sa nganggap kain wolum sasara lunok.³Memang, kain magun wolum huang lunok, kode kain bakoi bajuang sasara lunok. ⁴Sabab, sanyata-sanyata paparangan kain bakoi teke lunok, malahan teke kawigasen Allatala pakai nyaniek benteng-benteng.⁵⁵Kain nyanruntun pamikiran-pamikiran dan satip hal obo sa na tabuan ulah keangkuhan murunsia pakai manantang pangataruen hmpah Allatala. Kain dawan kahai pikiran dan menaklukan ne hmpah Kristus, ⁶dan kain swiap nukum kahai bakoi taat hantek ketaatan ko na ampi paruna.⁷Iteleh hmpah inun sa na,n gihadapan iko. Amun na,n ulun sa persaya tonga ne adalah ompun Kristus, ikehleh io mamikir kamulek hal itu, yoiro sanakolo io adalah ompun Kristus, kain gin mihie. ⁸Bahkan, amun uki kajut balewian membanggakan otoritas, sa Allah unru hmpah kain pakai numuan iko dan bakoi pakai ngampi hansur iko, uki bakoi sagar bangan.⁹Uki bakoi sidi nantarang seolah-olah uki sagat nyntakut iko anri surat uki. ¹⁰Sabab, reo sawada, "Surat-surat ne memang tegas dan karas, kode sasara kahdiran tonga, io moloma dan papaneran ne bakoi baarati."¹¹Ikeh leh ulun sa yalah iro mamikir hal itu, yoiro inun sa kain wada anri surat hantek kain bakoi baya iko, sameh yalah na ulah kain hantek baya iko. ¹²Sabab, kain bakoi ronu bakalompok atawa naning tonga kain anri papire ulun sa nawat-nawat tonga ne raerai. Kode, hantek reo ngukur tonga ne anri tonga reo raerai dan naning tongta ne anri tonga reo raerai, reo iro bakoi paham.¹³Kode, kain bakoi sagar bangga bawo hal-hal sa lewi tikasan kain, malahan manurut batasan teke katapen sa Allah haut bagi hmpah kain, yoiro batasan pakai nyangkau hampe hmpah iko pada. ¹⁴Sabab, kain bakoi lewi batasan kain, seolah-olah kain bakoi nyangkau hampe hmpah iko. Kainleh sa malai hampe hmpah iko anri Injil Kristus.¹⁵Kain pada bakoi bangga metah batasan kain anri bangga bawo kauyuhen ulun lain, malahan anri kaharapen bahwa sanakolo iman ko tummu, wilayah gawian kain gi padang ikam sagar magi na ampi buka kia, ¹⁶nampan kqain iuh nahampe Injil pah wilayah-wilayah gi luar iko, dan bakoi bangga bawo inun sa haut na sanuput gi wilayah gawian ulun lain.¹⁷"Hie sa sidi bangga, ikeh leh io bangga gi huang Tuhan." ¹⁸Sasbab, bakloi ulun sa nawat tonga ne raerai sa tabukti tahan uji, malahan ulun sa Tuhan tawat.

Chapter 11

¹Uki bahrap, iko sabar tahadap ki huang hena odik kabuduen uki, dan iko memang sabar tahadap uki. ²Sabab,uki kaingkam kasiwa hmpah iko anri kasiwa ilahi ket uki haut menunang iko anri erai ho'ong, yoiro mempersembahkan perawan sa barasis hmpah Kristus.³Kude, uki koronu, ada-ada,sameh kala nipo sa anri kelicikan ne nipu hawa, miiro pada pikiran ko sagar na santawang teke ketulusan dan kemurnian pengabdian huang Kristus. ⁴Sabab, iko sabar ai hantek erangka ulun hawi dan nahampe ne,o Yesus sa lain, sa babeda anri sa kain tahampe, atawa hantek iko narime roh sa babeda, sa mete suah iko tarime, atawa injil lain sa mete suah iko tarime.⁵Manurut, uki bakoileh kurang te kawan rasul luar biasa iro. ⁶Bele uki bakoi pannai huang papaneran, kude bakoi mihie huang hal pangantoean, ket rama masam sara, kain haut nantarang ne hmpah iko huang kahai hal.⁷Atawa, inunkah uki ngulah dosa hantek nangkidok tonga uki raerai nampan iko iuh na tangkobo ket uki nahampe Injil Allatala hmpah iko anri suma-suma? ⁸Uki marampok jemaat-jemaat lain anri narime upa reo pakai malayani iko. ⁹Dan, hantek uki sasameh iko dan mananya, uki haut nyamiet erangka ulun pun ket pulaksanai-pulaksani sa hawi teke Makedonia namponu keperluan uki.Dan huang kahai hal, uki nyaga pakai bakoi jari beban pah iko dan uki sagar tarus ngulah ne.¹⁰ Sanakolo kapinuu Kristus gi huang uki, kebanggan uki ittu bakoi sagar na halang gi wilayah-wilayah Akhaya. ¹¹Nakolo? Inunkah ket uki bakoi malelu iko? Allatala sa kotoene.¹²Kude, uki sagar tarus ngulah inun sa na ulah hampe uki bakoi notok kesempatan teke reo sa sidi kesempatan pakai kiiuh sameh kala kain huang hal-hal sa reo banggakan. ¹³Sabab, ulun-ulun yalah iro adalah rasul-rasul palsu, panggawi sa curang, sa manyamar pakai rasul-rasul Kristus.¹⁴Hal iro bakoi nyangkemah ket Iblis pun manyamar jari yalah malaikat mai. ¹⁵Ket iro, bakoi leh nyangkemah amun kawan palayan ne pada nyamar yalah kawan palayan kapinuu, sa ulah gawi reo iro sagar setimpal anri ulahanne raerai. Kararaen Paulus pah Kristus¹⁶Hinra kia, uki nyawada ada nan erai pun sa nganggap uki ittu budu. Amun miiro, tarime leh uki pakai ulun sa budu nampan uki pada iuh hena odik ba bangga. ¹⁷Inun sa uki wada huang hal kayakinan pah kabanggaan ittu, uki bakoi nyawada yalah kabahomen Tuhan, malahan yalah kabuduen. ¹⁸Wahai ulun sa bangga sasara lunok. Jari, uki pada sagar bangga¹⁹Sabab, iko miiro bijaksana hampe anri sanang ate iko basabar tahadap ulun budu! ²⁰Iko basabar, amun na,n ulun sa nyamalah iko nolon iko ngepo kauntungan bawo iko, nangkobo tonga ne, atawa nampar wae ko. ²¹Anri bangat bangan uki harus nywada bahwa kain kajut moloma pakai hal iro! Kode inun keh ulun lain ronu pakai bangga, uki bapaner yalah ulun budu uki pada ronu.²²Inunkah reo ulun Ibrani? Uki pada. Inun kah reo ulun Israel? Uki pada. Inunkah reo keturunan Abraham? Uki pada. ²³Inunkah reo malayani Kristus? Uki lewi-lewi kia uki bapaner yalah ulun rapui. kauyuhen uki lewi wahai, lewi gaha huang kurungan, wewehan-wewehan sa bakoi iuh reken, dan lewi gaha huang bahaya maut.²⁴Teke ulun-ulun Yahudi, sa wahai dimo kali uki haut narime opat pulu kurang erai sambukan. ²⁵Tolu kali uki na popok anri ue, erai kali na pedak watu, tolu kali uki duloi gi kapal kayom, erang malom dan erang onro uki na pait galumang gi laut. ²⁶Wahai kali huang perjalanan uki, uki ta ansam bahaya teke sunge, teke kawan parampok, pihak ulun-ulun Yahudi, dan ulun-ulun bakoi Yahudi. Uki na ansam bahaya gi kota, gi jubut hukot, gi laut dan pada teke pulaksanai-pulaksanai palsu.²⁷Uki haut ba kauyhen dan bagawi wiet, tatap bajaga, kalau dan malah, gaha bakoi oeng pongokan, huang kasidiedan kooeng pakaian. ²⁸Dan, salain hal-hal ittu,nan pada masalah ungkan onro sa jari tangung jawab uki pakai mamalihara bawo kahai jemaat. ²⁹Hie sa lebe? Hie sa lawu, dan uki bakoi mahanang ate?³⁰Amun uki harus bangga bawo hal-halnantarang kalomaan uki. ³¹Allatala dan Uma Tuhan Yesus, sa harus na tawat sa uhang-uhang ne kotoe bahwa uki bakoi poojo³²Gi Damaskus, gubernur gi pida Raja Aretas mangawasi kota Damaskus pakai nyama uki. ³³Kode, uki na ampi dolui huang erang kua karanyang teke erang kua jandela gi tembok hampe uki ta tongkosit teke longon ne.

Chapter 12

¹Uki haru bangga bele iro bakoi ngampi untung. Uki sagar nampalus pangitean-pangintean dan penyataan-penyataan teke Tuhan. ²Uki kotoe erangka ulun huang Kristus, sa ampat balas taun hie haut na oit pah sorga tingkat tolu atawa gi huang tonga ne, uki bakoi kotoe; atawa gi luar tonga, uki pada bakoi kotoe, Allatala sa kotoe.³Dan, uki kotoe nakolo ulun itu inun gi huang atawa gi luar tonga ne, uki bakoi kotoe. ⁴io na engkat pah Firdaus dan nyonrongoi papaneran sa ta ontuh, sa bakoi iuh na wada ulah murunsia. ⁵ Pakai ulun ittu uki sagar bangga, kode pakai tonga uki raerai, uki bakoi sagar bangga ekat bawo kalomaan-kalomaan uki.⁶Kode, amun uki sidi bangga, uki bakoi sagar jari budu ket uki sagar nyawada kapinuu. Kode, uki nahan ne nampan bakoi oeng ulun sa nantau uki lewi teke inun sa reo ite atawa sa reo rongoi ne,o uki. ⁷Pakai jaga numpan uki uki bakoi kajut bangga bawo penyataan-penyataan sa luar biasa iro bulu erang kua roi na unru huang lunok uki, yoiro utusan Iblis pakai nyusah uki nampan uki bakoi nangkobo tonga.⁸Ne,o hal ittu, uki ilaku hmpah Tuhan sa wahai tolu kali nampan hal iro nanan uki. ⁹Kode, Io sawada hmpah uki," Anugerah-Uki sukup pah iko ket kuasa-Uki na puruna huang kalomaan." Sababiro, uki lewi sanang bangga bawo kalomaan uki nampan kuasa Kristus duloi gi huang uki. ¹⁰Iroleh sabab ne, uki kiinam sanang huang kalomaan, huang kahanangen , huang kahalinan, huang kasansaraan, dan huang mahalin anri Kristus. ket hantek uki lebe,bulu uki wigas. Ahi lelu Paulus pakai Jemaat gi Korintus¹¹Uki haut jari budu ket iko mamaksa uki pakai iro, padahal uki sa harus ne na tawat ulah ko. Sabab, uki bakoi kurang inun-inun na banding kawan rasul sa luar biasa iro, bele uki uki bakoi oeng inun-inun ne. ¹²Tanna-tanna sa mambukti erangka ulun rasul haut ngampiite gi padang ikam huang kahai kasabaren, huang tanna-tanna, mukjizat-mukjizat dan keajaiban-keajaibn. ¹³Sabab, huang hal inunkah iko na tangkidok teke jemaat-jemaat lain, kasawali bahwa uki bakoi jari beban pah iko? Maafleh ka bakoi adil uki ittu!¹⁴Tataha, uki siap dilang iko sa ka tolu kali ne dan uki bakoi sagar jari beban pah iko ket uki bakoi ngeto inun sa iko ompun, malahan iko.Sabab, pea-pea bakoi wajib ngumpul harata pakai tuan ne, kode ulun muntuo pakai pea-peane. ¹⁵Dan, uki sagar anri sanang ngorban ompun uki dan tonga uki pakai ngalelu iko, inun kah iko sagar kurang ngalelu uki?¹⁶Kode, bele uki bakoi baban pah iko, iko nyawada uki licik dan ngoit iko huang tipu muslihat. ¹⁷Inunkah uki ngepo kauntungan tonga uki metah ulun-ulun sa uki utus hmpah iko? ¹⁸Uki nareje Titus pakai tulak ngutus pulaksanai kain pakai tulak baya iyo. Inun kah Titus ngepo kauntungan teke iko? Inun kah kain bakoi malan huang roh sa sameh dan malan hung lalan-lalan sa sameh?¹⁹Balalu, inun kah iko haut uhang mamikir bahwa kain ngalun tonga kain tahadap iko? Kain bapaner gi muka Allatala huang Kristus, kode hal-hal ittu, hai sa na piahi, adalah pakai namuan iko.²⁰Sabab, uki koronu, amun-amun hantek uki hawi, uki sagar nangkahong iko bakoi yalah sa iko harap. Ada-ada oeng pagegeran, ate bahiri, sangit, kepentingan tonga raerai, mantaka, hus-hes kasombongan, dan ngulah kacau. ²¹Uki khawatir hantek uki hawi kia, Allatala uki sagar nangkidok iko uki gi muka iko dan uki sagar mahanang ate bawo wahai ulun sa pono haut ba dosa sa mete ne dan tatap bakoi ba tobat teke bere sabul, dan hawa nafsu sa haut rweo ulah.

Chapter 13

¹Ittu adalah katolu kaline uki dilang iko. Harus naan katarangan teke rua atawa tolu saksi, bulu n e,o pakara na ontuh sah. ²Sametene, uki haqut ngampi itung reo sa badosa dan kahai sa lain ne . Tataha bele uki bakoi baya iko, uki ngampi it6ung reo yalah sa uki ulah huang kunjungan uki sa karuo, yoiro amun uki hawi kia, uki bakoi sagar manyayang reo,³ket iko manuntut bukti ne,o Kristus, sa bapaner di huang uki dan sa bakoi lebe tahadap iko, malahan bakuasa di huang iko. ⁴Sabujurne, Kristus gi balasangar huang kalebean,kode Io wolum ulah kuasa Allatala. Sabab, kain pada lebe di huang Iyo, kode kain sagar wolum sameh-sameh anri Iyo ket kuasa Allatala tahadap iko.⁵Ujileh tonga ko raerai pakai nginte, inunkah iko tatapdihujang iman ko. Periksa leh tonga ko raerai! Atawa, inunkah iko bakoi kataru tonga ko raerai bahwa Yesus Kristus naan gi huang iko, kasawali amun iko gagal gi huang ujian. ⁶Uki baharap iko sagar kotoe bahwa kain bakoi leh ulun sa bakoi tahan uji.⁷Kode, kain ilaku dua hmpah Allatala nampan uki bakoi ngulah kahalaen, bakoi nampan kain ite tahan uji, tatap nampan iko ngulah inun sa tu'u, bele pangintean ne kain haut gagal ujian. ⁸Kain bakoi iuh ngulah hal-hal sa batantangan anri kapinuu, malahan ekat pah kapinuu.⁹Kain sanang hantek kain lebe dan iko wigas. Doa kain adalah nampan iko jari paruna. ¹⁰Iro leh sabab ne, uki manulis hal-hal ittu hantek uki oro teke iko nampan hantek uki hawi, uki baqkoi perlu ngampuriran anri karas, kuasa sa Tuhan unru pah uki pakai numuan iko, dan bakoi pakai nyanruntun iko.¹¹Akhir ne, Pulaksani-pulaksani, ba arai leh. Bausaha leh jari paruna, hibur leh erai anri sa lain, erai ate erai pikiran leh, Dan, Allatala sumber ahi lelu damai sejahtera sagar nyinrah iko. ¹²Unru leh tabe erai anri sa lain anri siukan barasis.¹³Kahai ulun-ulun barasis ngirim tabe pakai ko. (13-14) Anugerah Tuhan Yesus Kristus, dan ahi lelu Allatala dan persekutuan teke Roh Barasis nyinrah ikam kahai

Hebrews

Chapter 1

¹ Ukah gi masa sa ohang, Allah berulang kali sawada mpah datu nuni takam metah kawan nabi ² gi ondro-ondro terakhir itu, Allah nyawada mpah takam metah Pea-Ne sa haut na peli-Ne neo jari pewaris bawo kahai sesuatu, sa metah-Ne pada Allah ngulah alam semesta. ³ Io adalah raai kemuliaan Allah dan gamaran sa sempurna teke sifat-Ne, Io pada sa menopang kahai sesuatu andri firman kuasa-Ne. Ukah ngulah penyucian dosa-dosa, Io maharung gi hila kawanan Sa Pangaidu gi duoi obo,⁴ sehingga Io jari oro lewi obo teke kawan malaikat ket Io mewarisi ngaran sa lewi obo teke ngaran reo. ⁵ Ket, suahkah Allah sawada mpah kawan malaikat, "Iko adalah Pea-Ku. Gi ondro itu, Uki haut jari Uma-Ko"? "Uki sagar jari Uma mpah-Io, dan Io sagar jari Pea-Ku."?⁶ Kude, hentek Allah memperkenalkan Pea sulung-Ne mpah dunia, Io sawada, "Ingkehleh kahai malaikat Allah nyamah Io." ⁷ Neo kawan malaikat, Allah sawada, "Io ngulah malaikat-malaikat-Ne jari angin, pelayan-pelayan-Ne jari apui."⁸ Sedangkan neo Pea-Ne, Io sawada, "Takhta-Ko, oi Allah, sagar naan ma kanguhang ne. Tungkeh kebenaran adalah tungkeh Kerajaan-Ko. ⁹ Iko mencintai sa uah dan muar andri kajahaten. Ket iro, Allah, yoiroAllah-Ko, haut mengurapi Iko andri minyak suka cita lewi teke sahabat-sahabat-Ko."¹⁰ Dan kia, "Iko, Tuhan, gi mulane Iko haut ngingkeh dasar bumi, dan langit adalah ulahan longon-Ko. ¹¹ Bumi andri langit sagar jawoh, kude Iko sagar tatap naan. Bumi andri langit sagar jabas yalah pama. ¹² Yalah jubah Iko sagar nepetne, dan yalah pama, reo sagar na ganti. Kude, Iko bakoi sagar baubah, dan taun-taun-Ko koi sagar suah baakhir."¹³ Dan, mpah malaikat-malaikat sa hawe, Allah suah sawada yalah itu, "Maharungleh gi hila kawanan-Ku, hampe Uki ngingkeh musuh-musuh-Ko gi pida kuasa-Ko"? ¹⁴ Bakoikah malaikat adalah roh-roh sa melayani, sa nautus neo ngarawah ulun-ulun sa sagar narime keselamatan?

Chapter 2

¹ Ket iro, takam harus lewi teliti memperhatikan inun sa ukah takam rongoi pakai takam bakoi taping.² Ket, amun ajaran na tahampe ulah kawan malaikat tabukti bakoi iyuh na ubah, dan satiap pelanggaran atau kabakoi taatan sagar narime hukuman sa adil, ³ nokolo mungkin takam tau lolos amun takam mengabaikan kasalamaten sa idu iro? Yoiro, kasalamaten sa panga malai na beritakan daya Tuhan, dan na buktikan kebenaranne mpah takam ulah ulun-ulun sa nyondrongoi-Ne ⁴ Salain iro, Allah pada ngundru kasaksian metah tanda-tanda nelang hal-hal ajaib, bamasam mukjizat pada karunia-karunia Roh Kudus sa na bagi manurut kabahumen-Ne. Yesus Jari Sameh andri Murunsia neo Nyalamat Murunsia⁵ Allah bakoi nyantalau dunia sa sagar hawi, yoiro dunia sa ganyah na paner takam, mpah kawan malaikat ⁶ Kude, naan erai ulun sa haut ngundru kasaksian huang erang kaua nas: "Hiekah murunsia sehingga Iko mamikirkan ne? Hiekah pea murunsia sehingga Iko memedulikanne?⁷ Neo erang alik, Iko ngulahne lewi idok teke malaikat; Iko memahkotaine andri kemuliaan dan hormat. ⁸ Iko nyantalau kahai sesuatu gi pida poone."⁹ Kude, takam ukah kite Yesus sa neo sementara na ulah lewi idok teke kawan malaikat, yoiro Yesus sa na mahkotai andri kemuliaan dan hormat ket haut menderita pampate pakai ulah anugerah Allah, Io tau kainam pampate pa kahai ulun. ¹⁰ Haut salayakne Io--sa pa Io dan metah Io kahai sesuatu naan--menyempurnakan Perintis Kasalamaten pea-pea-Ne metah penderitaan, neo ngoit reo mpah kamuliaan.¹¹ Ket, Io sa menyucikan maupun reo sa na sucikan, kahaine baasal teke erai Uma; iroleh sababne Yesus bakoi bangan ngontuh reo pulaksanai-pulaksanai-Ne ¹² andri sawada: "Uki sagar menyatakan ngaran-Ko mpah pulaksanai-pulaksanai-Ku. Gi suan kahai umat-Ko, Uki sagar manyanyikan pujian mpah Iko."¹³ Dan kia: "Uki sagar ngingkeh kayakinan-Ku mpah Allah." "Ituleh Uki, andri pea-pea sa haut na undru Allah mpah-Uki." ¹⁴ Ket pea-pea iro adalah murunsia sa kaampun raya dan daging , maka Yesus pada ngepo bagian huang keadaan reo pakai metah pampate-Ne, Io kaiyuh membinasakan io sa naan kuasa bawo pampate, iyoiro Iblis. ¹⁵ Dan, nongkosit reo sa saumur wolum ne na perbudak daya ketakutan dan pampate.¹⁶ Jari, jelaslah bahwa Io bakoi ngundru pangarawahen mpah kawan malaikat, kude mpah katurunen Abraham. ¹⁷ Ket iro, huang kahai hal Yesus harus jari yalah pulaksanai-pulaksanai-Ne, pakai Io kaiyuh jari Imam Idu* sa ponu ahi lelu dan satia huang pelayanan mpah Allah. Andri mihie, Io kaiyuh ngoit penebusan bawo dosa-dosa umat. ¹⁸ Ket, Yesus raerai menderita hentek na subai, maka Io kaiyuh ngarawah reo sa rahat na subai.

Chapter 3

¹ Ket iro, pulaksanai-pulaksanai sa barasis, iko sa kaompun bagian huang wowaan surgawi, iteleh Yesus, Sang Rasul pangakuan takam, ² sa setia mpah Io sa haut menetapkan-Ne, sameh yalah Musa sa setia huang kahai lowu-Ne. ³ Ket, Yesus na anggap layak neo kaiyuh kamuliaen sa lewi idu teke Musa,yalah hal ne erang kaulun tukang sa kaiyuh kahormatan lewi idu teke lowu iro raerai. ⁴ (Ket, satiap lowu na sokondrong ulah erang kaulun, kude Tukang teke kahai sesuatu adalah Allah).⁵ Musa setia huang kahai lowu Allah jari erang kaulun pelayan, neo ngundru kasaksian mpah hal-hal sa sagar na wada gi kemudian ondro. ⁶ Kude, Kristus setia sebagai Pea huang lowu Allah, yoiro takam,amun takam tatap ikepot teguh mpah kayakinan dan pengharapan sa takam banggakan hampe akhir. Palusleh Ibaya Allah⁷ Ket iro, yalah sa nawada Roh Kudus, "Gi ondro itu, amun iko korongoi lengan-Ne, ⁸ adaleh kakape,en ate ko yalah huang pemberontakan sa na ulah ko gi ondro pencobaan gi padang gurun,⁹ yoiro hentek datu niniko mansuba Uki dan kiite gawian-gawian-Ku kangohang opat pulu taun. ¹⁰ Ket iro Uki sangit mpah generasi itu dan sawada, 'Ate reo gutus tawang dan reo bakoi kataru lalan-lalan-Ku.'¹¹ Jari, Uki basumpah huang panyangit-Ku: 'Reo bakoi sagar masuk mpah duoi patirieen-Ku."'¹² Bahati-hatileh pulaksanai-pulaksanai, ada oeng gi suan iko sa naan ate sa jahat dan sa bakoi harap, sa ngulah iko iwaleng teke Allah sa wolum. ¹³ Sabalikne, nasehatileh erai andri sa lain tiap ondro, selama masih oeng sa na ontuh"ondro itu" pakai bakoi oeng gi suan iko sa na tangkapo ulah tipu daya dosa.¹⁴ Takam haut ngepo bagian gi huang Kristus, amun takam ikepot teguh pah kayakinan takam sa asal hampe mpah akhirne. ¹⁵ Yalah tatulis, "Gi ondro itu, amun iko korongoi lengan-Ne, ada nangkapo ateko yalah huang pemberontakan."¹⁶ Hiekah ulun-ulun sa ukah korongoi lengan Allah, kude memberontak? Bakoikah reo kahai sa kaluar teke Mesir gi pida kepemimpinan Musa? ¹⁷Dan, mpah hiekah Allah sangit kongohang opat pulu taun? Bakoikah mpah reo sa ngulah dosa sehingga bangkai reo bagalimpangan gi padang gurun? ¹⁸ Dan, mpah hiekah Allah basumpah bahwa reo bakoi sagar suah masuk mpah duoi patirieen-Ne, amun bakoi mpah reo sa bakoi taat? ¹⁹ Jari, takam kiite bahwa reo bakoi kiiyuh masuk ket kabakoi harap reo.

Chapter 4

¹ Ket iro, kongohang janyi neo masuk mpah duoi patirieen-Ne kia berlaku, ikehleh takam kiinam takut, amun naan gi suan takam gagal kiiyuh janyi iro. ² Memang uah, khabar maasus haut na bara mpah takam, yalah pada haut na bara mpah reo, kude khabar sa reo rongoi iro bakoi manguntungkan reo ket bakoi na ampi erai andri iman ulun-ulun sa nyondrongoine.³ Ket takam sa harap, sagar masuk mpah duoi patirieen iro, yalah sa na wada-Ne, "Uki basumpah huang panyangit-Ku: 'Reo bakoi sagar suah masuk mpah duoi patirieen-Ku,"' ⁴ Ket, huang erang kaua nast, Allah bapaner mihie neo ondro kapitu,"Gi ondro kapitu, Allah tarie teke kahai gawian-Ne." ⁵ Kude, yalah sa haut na wada Allah, "Reo bakoi sagar masuk mpah duoi patirieen-Ku."⁶ Jari, kia naan kamungkinan ulun masuk mpah duoi patirieen, dan naan sabagian ulun sa semetene haut korongoi kabar maasus, kude gagal masuk ket kabakoi taatan reo. ⁷ Jari, hindra kia Allah menetapkan erai ondro tertentu, sa na ontuh" ondro itu",sa haut na wada metah Daud oro ondro semetene, "Gi ondro itu, amun iko korongoi lengan-Ne, ada nangkapo ateko yalah huang pemberontakan."⁸ Ket, amun Yosua haut ngundru reo duoi patirieen, maka Allah bakoi sagar kia bapaner neo erai ondro sa lain gi kemudian ondro. ⁹ Amun mihie, maka kia naan patirieen gi ondro Sabat neo umat Allah. ¹⁰ Neo reo sa haut masuk mpah duoi patirieen Allah, reo pada haut baistirahat teke gawianne, yalah sa na ulah Allah teke gawian-Ne. ¹¹ Ket iro, hayu takam bajuang neo masuk mpah duoi patirieen iro, pakai bakoi erang kaulunpun lawu ket ngapung contoh kabakoi taatan sa sameh.¹² Ket, firman Allah iro wolum dan bakuasa, dan lewi komat teke padang ba mato ruo hawepun. firman iro nyodok oro hampe nampisah tonga andri hengo, antara sendi andri tuulang sum-sum, nelang sanggup manilai pikiran dan kabahomen ate takam.¹³ Koi oeng erai mahlukpun sa tadina teke pinginteen-Ne. Sebalikne, kahai sesuatu pelegeu nelang bakoi tadina teke mato-Ne. Mpah Io lah takam harus ngundru pertanggungjawaban bawo kahai sa na ulah gawi takam. Yesus Kristus adalah Imam Idu Takam¹⁴ Ket takam naan Imam Idu Agung sa haut ngabai mpah sorga, yoiro Yesus, Pea Allah, hayu takam tarus ikepot teguh pa pangakuan takam. ¹⁵ Ket, takam koi oeng Imam Idu sa bakoi kiiyuh memahami kelemeen-kelemeen takam, kude takam naan Imam Idu sa ukah na suba huang kahai hal, sameh yalah takam, kude Io bakoi badosa. ¹⁶ Ket iro, andri kayakinan, hayu takam hawi notah takhta anugerah pakai takam narime ahi lelu dan nangkahong anugerah neu ngarawah takam, hentek takam keke.

Chapter 5

¹ Ket, satiap imam idu sa na peli teke penah murunsia na tutui neu jari wakil murunsia huang hal-hal sa bakenan andri Allah, numpan io kiiyuh ngundru persembahan-persembahan dan kurban-kurban bawo dosa-dosa. ² Ket Imam Idu pada ponu andri kelemeen, maka io pada tau basikap lembut nadap ulun-ulun sa koi oeng pangatahuan dan murah tawang.³ Iro sababne, io wajib ngundru kurban pamuhutan dosa, bakoi ekat neu umat, kude pada neu tongane raerai.⁴ Bakoi oeng imam idu sa tau ngepo kahormatan itu neu tonga ne raerai, io ekat narime ne hentek io na bowa ulah Allah, Yalah halne Harun. ⁵ Mihie pada Kristus bakoi memuliakan tonga-Ne raerai neo jari erang kaulun Imam Idu, kude ulah Io sa nyawada mpah-Ne, "Iko adalah Pea-Ku. Gi ondro itu Uki haut jari Uma-Ko."⁶ Gi bagian lain Io pada nyawada, "Iko adalah Imam ma kangohangne, manurut peraturan Melkisedek."⁷ Huang wolumne jari murunsia, Yesus ngundru doa maupun palakuaan andri ratapan dan riu mato, mpah Io sa tau nyalamat-Io teke pampate. Dan, Io na sondrongoi ket kasalehan-Ne. ⁸ Walaupun Yesus adalah Pea, kude Io paajar neu taat metah penderitaan sa na alami-Ne.⁹ Andri ukah na sempurnakan , Io jari sumber kasalamaten kekal mpah kahai ulun sa taat mpah-Io, ¹⁰ dan Io haut na wowa ulah Allah jari Imam Idu sesuai peraturan Melkisedek. Malangkah Nuju mpah Kedewasaan Rohani ¹¹ Naan rama sa tau na ontuh neu hal itu. Kude, mahalin neu menjelaskanne ket iko haut jari unte neu nyondrongoi.¹² Ket, sekalipun tawuk itu iko seharusne haut jari pangajar, kude ternyata iko masih perlu erang kaulun neu ngajar iko kia neu prinsip-prinsip dasar neu firman Allah. Iko tatap perlu susu, bakoi pongokan sa padat. ¹³ Ket, ulun sa wolum teke susu adalah ulun sa mete bapangalaman huang memahami ajaran neu hal sa uah, io masih gena. ¹⁴ Kude, pongokan padat adalah pakai ulun-ulun sa haut dewasa, yoiro reo sa haut malatih indra reo neu ngabalain inun sa maasus dan sa jahat.

Chapter 6

¹ Ket iro, hayu takam nanan pangajaran dasar neo Kristus malangkah nuju kedewasaan, bakoi kia ngulek-ngulek ajaran dasar neu pertobatan teke gawian sa mate dan iman mpah Allah; ² ajaran neu pamuian dan penumpangan longon; ajaran neu kabangkitan ulun mate dan hukum kekal. ³ Dan, iroleh sa sagar na ulah takam, amun Allah ngijinne.⁴ Ket, bakoi mungkin mempertobat ulun-ulun sa semetene haut kiiyuh pencerahan, haut kiinam karunia sorgawi, haut ngepo bagian baya Roh Kudus, ⁵ mencicipi pikaehan firman Allah, dan nginam kuasa teke dunia sa sagar hawi. ⁶ Amun reo nanan lalan Kristus, maka masatahil neo ngampi wayu mulek pertobatan reo ket reo rahat ngampi salib Pea Allah neu sa karuo kaline dan ngamangan-Ne sacara ta uka.⁷ Ket, tana sa nyerap hene ranu uran sa lawu pa obo ne, nelang kiiyuh wasian sa ba manfaat pa reo sa manggarapne, sagar nirime berkat teke Allah. ⁸ Kude, amun tana iro ekat nyamolum rui andri rikut, maka tana iro bakoi baguna dan rupak andri kutuk, dan akhirne na tutung.⁹ Kude, pulaksanai-pulaksanaiku sa na palelu, sekalipun kain sawada mihie, kain meyakini hal-hal sa lewi maasus neu iko, yoiro hal-hal sa bahubungan andri kasalamatan. ¹⁰ Ket, Allah amaka sa bakoi adil. Io bakoi nanan kahai gawian andri leluko sa iko tutui demi ngaran-Ne andri malayani ulun-ulun barasis yalah sa tatap na ulahko.¹¹ Kain kosongo masing-masing iko nutui ketekunan sa sameh neu kaompun jaminan kaharapen sa sempurna hampe mpah akhir, ¹² pakai iko ada jari mawule, kude uma taladan ulun-ulun sa haut mewarisi janyi-janyi Allah metah iman dan ketekunan. Janyi Allah Bakoi Suah Baubah¹³ Hentek Allah bajanyi mpah Abraham, Io bajanyi bawo tonga-Ne raerai ket koi oeng sa lewi idu teke Io. ¹⁴ Allah nyawada, "Uki pasti sagar memberkati iko,"dan,"Uki pasti sagar malepetgandakan katurunanko."¹⁵ Dan, ukah ngandrei andri sabar, Abraham narime janyi iro.¹⁶ Murunsia basumpah demi erang kaulun sa lewi idu teke io raerai, dan sumpah na undrusebagai penegasan neu nyanuput kahai perbantahan. ¹⁷ Jari, hentek Allah sidi nutui andri lewi meyakinkan mpah ahli waris janyi-Ne bahwa tujuan-Ne bakoi sagar baubah, Io manjamin andri ngulah sumpah ¹⁸ sehingga andri ruo hal sa koi tau baubah iro, sa neu ne Allah masatahil poojo, takam sa hawi ngeto perlindungan sagar kiiyuh dorongan sa idu neu ikepot teguh mpah pengharapan sa na undru mpah takam.¹⁹ Pengharapan sa naan gi takam adalah jangkar pa jiwa takam kuat dan pasti, sa nowuh masuk hampe waling tirai, ²⁰ mpah duoi sa haut na asuk Yesus jari panguka lalan pa takam neu jari Imam Idu ma kangohangne, sasuai andri peraturan Melkisedek.

Chapter 7

¹ Ket, Melkisedek, Raja Salem dan imam Allah Sa Panga Obo, nangkahong Abraham ukah Abraham mulek teke mambantai raja-raja, dan memberkatine. ² Mpah Melkisedek, Abraham pada ngundru persapuluhan teke kahai harata rampasan sa na iyuhne. Pertama-tama, ngaran Melkisedek baarati "Raja Salem" sa baarati raja damai". ³ Io bakoi ba uma atau ba ine, bakoi ba tutur, dan wolumne bakoi baawal atau baakhir. Kude, yalah Pea Allah, io sagar jari imam ma kongohangne.⁴ Perhatikanlah, tuu agungne ulun itu, bahkan Abraham leluhur takampun nyarah mpah io persapuluhan teke kahai hasil rampasan perangne. ⁵ Manurut Hukum Taurat, pea-pea Lewi sa narime jabatan imam berhak ngumpul persapuluhan teke umat sa adalah pulaksanai-pulaksanai reo, walaupun reo sameh-sameh katurunan abraham. ⁶ Kude, Melkisedek sa bakoi teke katurunan Lewi, narime persapuluhan teke Abraham dan memberkati io sa ngepot janyi-janyi Allah.⁷ Dan, bakoi iyuh na sangkal, sa lewi idok na berkati ulah sa lewi obo. ⁸ Huang erai hal, persepuluhan na tarime daya murunsia fana sa tau mate. Kude, huang hal itu, na tarime daya ne, sa napastikan wolum. ⁹ Ket iro, tau na ontuh bahwa bahkan kaum Lewi sa berhak narime persepuluhan reo metah Abraham, ¹⁰ ket hentek Melkisedek nangkahongne, Lewi tatap naan huang tonga datu nini ne.¹¹ Tataha, seandaine kesempurnaan tau na capai metah keimanan Lewi (sa ket io, umat Israel kiiyuh Hukum Taurat), pakai inun naan imam lain sa harus na bangkitkan manurut aturan Melkisedek, dan bakoi imam teke garis katurunan Harun? Harun merupakan katurunan Lewi. ¹² Ket, amun aturan keimanan baubah, maka Hukum Taurat pun harus na ubah.¹³ Ulun sa rahat na paner takam itu baasal teke suku sa lain, dan bakoi oeng erang kaulun pun teke suku-Ne sa suah batugas sebagai pelayan altar. ¹⁴ Ket, haut jelas bahwa Tuhan takam baasal teke suku Yehuda, suku sa neo io Musa bakoi suah sawada inunpun sa bakaitan andri kawan imam. Yesus adalah Imam yalah Melkisedek¹⁵ Kahai hal itu jari magin jelas hentek takam kiite timulne erang kaulun Imam lain, sa sarupa andri Melkisedek, ¹⁶ sa jari imam bakoi badasarkan persyaratan katurunan jasmani, kude badasarkan kuasa pamolum sa bakoi tau binasa. ¹⁷ Ket, Kitab Suci basaksi neo Io: "Iko adalah Imam ma kangohangne, manurut peraturan Melkisedek."¹⁸ Gi erai sisi, peraturan sa ohang haut jumpuh ket naan kelemeen dan bakoi baguna, ¹⁹ dan, ket hukum iro bakoi menyempurnakan inun pun. Kude, gi sisi lain, naan pengharapan sa lewi maasus sa na perkenalkan mpah takam, dan pengharapan iro nyujut takam neo lewi rupak mpah Allah.²⁰ Dan ket pengharapan iro na oit mpah takam andri erang ka,ua sumpah--imam sa lain jari imam tanpa na sindrah sumpah. ²¹ Kude, Io jari Imam andri sumpah sa na ulah daya Io sa nyawada mpah-Ne, "Tuhan haut basumpah dan Io bakoi sagar baubah pikiran: 'Iko adalah Imam ma kongohangne."'²² Ket sumpah itu, Yesus haut jari jaminan teke perjanjian sa lewi maasus. ²³ Semete ne, naan hene imam sehingga hentek naan imam sa mate, naansa tau nganti ne. ²⁴ Kude, Yesus ngepot keimanan sacara tatap kongohang ne ket Io sagar wolum tarus kongohang ne.²⁵ Andri mihie, Yesus kiiyuh nyalamat reo andri sampurna reo sa hawi mpah Allah metah-Io, ket Io saratang wolum neo laku doa pah reo. ²⁶ Imam Idu yalah iro lah sa na perlu takam, iyoiro Imam Idu sa kudus, bakoi ba cela, murni, na balain teke ulun-ulun badosa, dan na tongkobo melebihi tingkat-tingkat sorgawi.²⁷ Yesus bakoi yalah kawan imam idu sa lain. Reo harus ngundru kurban tiap ondro, sa malai mpah dosa reo raerai, kamulek mpah dosa-dosa umat. Kude, Yesus bakoi perlu ngulahne. Io ekat ngundru kurban hindra pakai ma kongohangne, yoiro tonga-Ne raerai. ²⁸ Hukum Musa menetapkan murunsia sa ponu kelemeen neo jari imam-imam idu. Kude, sumpah sa baasal teke Allah, sa hawi ukah Hukum Musa, menetapkan Pea-Ne, sa haut na ulah sempurna hampe kongohangne.

Chapter 8

¹ Ituleh pokok sa utama papaneran takam: takam naan Imam Idu sa maharung gi hila kawanan takhta sa maha obo gi surga. ² Io malayani ruang panga barasis dan gi Kemah Suci sejati sa na sokondrong ulah Allah raerai, bakoi ulah murunsia.³ Ket satiap imam idu na tutui neo ngundru persembahan undruan dan kurban, maka Imam Idu itu pada harus ngoit sesuatu neo na persembahkan. ⁴ Amun Imam Idu itu wolum gi bumi, Io bakoi sagar jari imam ket gi bumi haut naan imam-imam sa ngundru persembahan sesuai Hukum Taurat, ⁵ yoiro reo sa baibadah manurut tiruan dan ama teke hal-hal surgawi yalah hentek Allah ngampi itung Musa hentek io sidi nyokondrong Kemah Suci:"Pastikanlah iko ngulah kahai sesuatune sasuai andri rancangan sa haut na tutuiKu mpah iko."⁶ Kude, tataha, Yesus narime tugas pelayanan sa oro lewi mulia ket perjanjian wayu sa na perantarai daya-Ne iro pada oro lewi obo dan na tetapkan berdasarkan mpah janyi-janyi sa lewi maasua. ⁷ Ket, amun perjanjian sa malai bakoi ba isi kahalaen, bakoi sagar oeng sa membutuhkan perjanjian sa karuo.⁸ Ket Allah nangkahong kahalaen murunsia, Io sawada, "'Itelah,saat ne sagar niba,'wada Tuhan, 'hentek Uki sagar ngulah perjajian wayu andri kaum Israel dan kaum Yehuda. ⁹ Bakoi yalah perjanjian sa ukah na ulahKu andri datu nini reo, yoiro hentek Uki nganyak reo andri longon-Ku neo mimpin reo kaluar teke tana Mesir. Ket reo bakoi satia mpah perjanjian sa na undru-Ku, maka Uki bakoi paduli andri reo,' wada Tuhan¹⁰ 'Ituleh perjanjian sa sagar na ulahKu andri kaum Israel sa ukah masa iro,'wada Tuhan: 'Uki sagar ngingkeh hukum-hukum-Ku huang pikiran reo, dan Uki sagar manulisne gi ate reo. Uki sagar jari Allah reo, dan reo sagar jari umat-Ku.¹¹ Reo pada bakoi sagar ngajar sasameh bangsane atau pulaksanaine andri sawada,'Pantaruleh Tuhan' ket kahai ulun sagar kataru Uki, teke sa odik hampe sa panga idu. ¹² Ket, Uki sagar palelu bawo pelanggaran dan dosa-dosa reo. Dan, Uki pun bakoi sagar kia ngitung kahalaen-kahalaen reo.'''¹³ Hentek Allah ngontuh perjanjian wayu, Io ngulah perjanjian sa ohang bakoi berlaku kia. Dan, inun sa haut bakoi berlaku kia dan ohang sagar jawoh.

Chapter 9

¹ Bahkan, perjanjian sa ohangpun baisi neo peraturan sambayang dan duoi sa barasis sa naan gi bumi. ² Ket mihielah Kemah Allah na persiapkan: hila luar, naan lampu, meja, dan rote sajian, na ontuh Duoi Kudus.³ Gi waling tirai ka ruo adalah bagian kemah sa na ontuh Ruang Mahakudus, ⁴ gi duoi iro naan altar padupaan sa na ulah teke amas dan Tabut Perjanjian sa kahai hilane na lapisi amas. Gi huang tabut iro, naan erang ka,ua kendi amas sa baisi manna, tungkeh Harun sa suah ngulungkung, pada ruo lempeng watu perjanjian. ⁵ Gi bawo ne, naan ruo kerup kemuliaan sa nyilinung Tutup Pendamaian, kude tawuk itu bakoilah waktu sa uah neo nyawadane sacara terperinci.⁶ Ukah kahaine itu na persiapkan sedemikian rupa, kawan imam masuk mpah bagian pertama teke kemah iro secara rutin, neo ngulah pelayanan sambayang mpah Allah. ⁷ Kude, ekat imam idu sa na ijin masuk mpah bagian karuo teke kemah iro, iro pun ekat hindra erang taun, dan ngoit raya neo na undru mpah Allah demi tongane raerai dan demi dosa-dosa umat sa na ulah tanpa sangaja.⁸ Roh Barasis menyatakan mpah takam bahwa lalan nuju Ruang panga barasis mete tauka kongohang Ruang Panga barasis kia naan, ⁹ hal iro adalah kiasan neo zaman itu. Mihie pada kawan undru,an dan kurban-kurban sa na undru bakoi tau nyampuraka nurani ulun-ulun sa sambayang, ¹⁰ ket ekat bakaitan andri pongokan, minuman, dan ritual pamuian neo tonga jasmani sa berlaku hampe tiba waktune na samayu. Sambayang huang Perjanjian sa Wayu¹¹ Kude, hentek Kristus hawi sebagai Imam Idu bawo hal-hal maasus sa sagar hawi, Io masuk metah duoi Barasis sa lewi idu dan lewi sempurna; sa bakoi na ulah longon murunsia dan bakoi suatu ciptaan. ¹² Io masuk Ruang Maha Kudus erai kali neo ma kongohangne, bakoi andri ngoit raya kaming upo dan raya pea sapi, kude andri ngoit raya-Ne raerai sehingga kiiyuh penewuhan sa kekal.¹³ Ket, amun pemercikan raya kaming upo, dan pada habu pea sapi wawe mpah ulun sa najis tau ngampi suci tonga jasmani reo, ¹⁴ lewi-lewi kia raya Kristus, yoiru Io sa metah Roh sa kekal ngundru tonga-Ne sebagai kurban sa bakoi cacat mpah Allah neo menyucikan ate nurani ko teke gawian sia-sia numpan iko tau malayani Tuhan sa wolum. ¹⁵ Neo alasan ituleh Kristus jari Perantara teke perjanjian sa wayu numpan reo sa haut na wowa Allah iyuh nirime warisan kekal sa haut na janyi-Ne; sabab pampate haut terjadi neo nowuh reo teke pelanggaran-pelanggaran sa na ulah reo gi pida perjanjian sa pertama.¹⁶ Amun naan surat wasiat, maka harus naan pampate teke ulun sa ngulah ne. ¹⁷ Ket, surat wasiat ekat payu amun ulun sa ngulahne haut mate; surat iro bakoi oeng kuasa selama ulun sa ngulah ne kia wolum.¹⁸ Iroleh sabab ne, uah inun perjanjian pertamapun bakoi berlaku amun bakoi oeng korban raya. ¹⁹ Ket, ukah Musa bara satiap parentah huang Hukum Taurat mpah umat Israel, io ngepo raya pea sapi andri kaming balalu nyampurne andri ranu. Dan, makai kain wol mea nelang erang kawatang hisop, io mitikne gi Kitab Taurat dan gi kahai umat ²⁰ nelang sawada, "Ituleh raya teke perjanjian sa haut Allah parentah neo iko taati."²¹ Andri cara sa sameh, Musa pada mitik Kemah Suci dan kahai perlengkapan sa na pakai huang sambayang andri raya. ²² Manurut Hukum Taurat, hampir kahai sesuatu na sucikan andri raya, dan amun koi oeng tundrak raya, bakoi sagar oeng pengampunan. Yesus Kristus adalah Kurban Pamuhut Dosa²³ Ket iro, kahai sesuatu sa melambangkan hal-hal surgawi tuu perlu na sucikan andri hal itu, kude kahai sesuatu sa gi surga na sucikan andri kurban sa lewi maasus. ²⁴ Ket, Kristus bakoi masuk mpah huang Ruang Mahakudus sa na ulah longon murunsia, sa ekat tiruan teke sa sesungguhne, kude Io masuk mpah huang surga iro raerai dan tataha naan gi hadapan Allatala demi takam.²⁵ Kristus pada puang ngundru tonga-Ne berkali-kali, yalah imam idu sa harus masuk mpah Ruang Mahakudus teke taun mpah taun andri ngoit raya sa bakoi rayane raerai. ²⁶ Amun mihie, Kristus harus menderita berulang kali teke dunia na ciptakan. Kude, Kristus ekat menyatakan tonga-Ne hindra kali neo ma kongohangne gi zaman akhir itu demi muhut dosa, andri cara ngundru tonga-Ne raerai.²⁷ Iyalah murunsia, sa na tentukan neo mate hindra kali dan ukah iro nadap penghakiman, ²⁸ mihie pada Kristus; Io na persembahkan ekat hindra kali neo nangug dosa rama ulun, dan sagar hawi ma ka ruo kaline, bakoi neo nangung dosa, melainkan neo ngoit kasalamatan mpah reo sa ngandrei Io.

Chapter 10

¹ Ket Hukum Taurat ekat naan ama neo hal-hal maasus sa sagar hawi dan bakoi gamaran sabujurne teke hal-hal iro, maka andri kurban-kurban sa sameh, sa na undru reo tarus manarus satiap taun, hukum iro bakoi sagar suah kiiyuh menyempurnakan reo sa hawi nyindriet. ² Amun sabalikne, bakoikah undru,an persembahan seharusne haut bakoi kia na lakukan ket hindra na sucikan, ulun-ulun sa sambayang iro bakoi kia kiinam naan ne kasadaran neo dosa? ³ Kude, huang persembahan kurban iro, reo justru na ampi itung neo dosa-dosa reo teke taun pah taun. ⁴ Ket, raya babiri upo dan kaming upo bakoi mungkin tau newuh dosa.⁵ Ket iro, hentek Kristus hawi mpah huang dunia, Io sawada, "Kurban dan persembahan bakoi Ko sidi, kude erai tonga haut na siap Ko mpah-Uki; ⁶ Iko bakoi bakenan mpah kurban bakaran dan kurban pamuhut dosa. ⁷ Balalu Uki sawada,'Ituleh Uki: Naan tatulis neo Uki huang walunan kitab, Uki hawi neo ngulah kabahumen-Ko oi Allah."'⁸ Ukah Kristus nyawada,"Kurban dan undruan, nelang kurban bakaran dan kurban pamuhut dosa bakoi Iko sidi, dan bakoi berkenan mpah-Iko,"( sa na persembahkan sesuai andri Hukum Taurat) ⁹ Io namoh, "Ituleh Uki. Uki hawi neo ngulah kabahomen-Ko." Jari, Yesus muhut sa panga malai neo menetapkan sa karuo. ¹⁰ Ket kabahomen-Ne, takam na kuduskan metah pengorbanan tonga Yesus Kristus, hindra ma kongohangne.¹¹ Satiap imam melakukan palayanan harianne teke waktu mpah waktu neo ngundru kurban sa sameh, sa bakoi suah tau muhut dosa; ¹² kude Kristus, ukah ngundru kurban ket dosa, hindra kali neo ma kongohangne, Io maharung gi hila kawanan Allah ¹³ dan ngandrei katika musuh-musuh-Ne na ulah jari pararahan poo-Ne. ¹⁴ Andri erai kurban, Kristus menyempurnakan reo sa haut na sucikan-Ne neo ma kongohangne.¹⁵ Roh Barasis pada jari saksi pa takam neo hal itu ket ukah sawada, ¹⁶ "Itulah perjanjian sa sagar Ku adakan andri umat-Ku ukah masa iro, wada Tuhan: 'Uki sagar ngingkeh hukum-hukum-Ku huang ate reo, dan Uki sagar manulisne huang pikiran reo."'¹⁷ Kumulek, Io nampalus, "Uki sagar bakoi ngitung dosa-dosa reo dan bakoi sagar kia ngitung kajahaten reo." ¹⁸ Tataha, hentek pangampunan pa kahaine iro haut ta sadia, maka bakoi na perlukan kia kurban neo newuh dosa. Sindri,etleh pah Allah¹⁹ Ket iro, pulaksanai-pulaksanaiku, ket tataha takam ronu neo masuk mpah Ruang Mahakudus ulah pengorbanan raya Yesus, ²⁰ andri lalan sa wayu dan wolum, sa haut na uka ulah Yesus mpah takam metah tirai, iyoiro tonga-Ne, ²¹ dan ket takam haut kaampun erang kaulun Imam Idu sa mengepalai lowu Allah, ²² maka hayulah takam nyindriet mpah Allah andri ate sa tulus huang keyakinan iman sa ponu, andri ate takam sa haut na barasis teke nurani sa jahat, dan tonga haut na wui andri ranu sa murni.²³ Hayu takam ikepot pisit gi pangakuan dan pengharapan takam ket Allah sa nyanyine adalah setia, ²⁴ hayu takam ngeto cara neo saling dorong huang ma,ahi dan ngawi gawian-gawian sa maasus, ²⁵ dan adaleh nongkoro tonga teke pertemuan sambayang sasameh takam, yalah na biasakan daya papire kaulun. Kude, hayu takam saling menguatkan, lewi kia ket iko kotoe bahwa ondro Tuhan haut samagin rite. Ada Dawan Allah²⁶ Ket, amun andri sangaja takam tatap ngulah dosa ukah kiiyuh pengetahuan neo sa uah, maka bakoi oeng kia kurban neo muhut dosa-dosa iro. ²⁷ Sa oeng ekatleh pangandreian sa maka takut penghakiman andri lelap apui sa sagar ngampi binasakan musuh-musuh Allah.²⁸ Badasarkan kasaksian ruo atau tolu ulun saksi, hie pun sa bakoi menaati Hukum Musa sagar na hukum mate bakoi oeng kiiyuh ahi lelu. ²⁹ Amun mihie, tuu lewi wietne penghukuman sa layak na tirime daya ulun sa narah Pea Allah, dan sa nganggap najis raya perjanjian sa haut menguduskan ne, dan sa menghina Roh* anugerah Allah?³⁰ Ket, takam kataru Io sa sawada, "Pembalasan adalah hak-Ku; Uki sagar menuntut pembalasan."Io pada sawada,"Tuhan sagar menghakimi umat-Ne." ³¹ Tuu maka takut amun takam lawu mpah huang longon Allah sa wolum. Pirikuleh Keberanian dan Kasabaren³² Kude, itungleh ondro-ondro sa haut tapaitah, ukah iko kiiyuh pencerahan, iko batahan huang perjuanganko nangung penderitaan sa wiet. ³³ Kadang-kadang, iko na hina dan na aniaya secara terbuka gi hadapan ulun rama, dan kadang-kadang iko pada baya gi huang penderitaan ulun-ulun sa na perlukan yalah iro. ³⁴ Iko pada palelu mpah reo sa na penjara, bahkan nirime andri mi hewu hentek harta nukam na jarah ket iko kotoe bahwa iko naan harta sa lewi maasus dan lewi kekal.³⁵ Ket iro, adaleh iko ngumpe kayakinan ko ket kayakinan ko iro ngampi hawi pahala sa idu. ³⁶ Ket iko perlu ketekunan neo ngawi kabahumen Allah sehingga iko kiiyuh inun sa na janyi-Ne. ³⁷ Ket,"Bakoi ohang kia, Io sa rahat hawi, sagar niba, dan bakoi sagar nunda.³⁸ Kude, ulun-Ku sa uah sagar wolum daya iman. Dan, amun io miheput koironu, maka jiwa-Ku bakoi sagar berkenan mpah io." ³⁹ Takam bakoilah ulun-ulun sa undur mpah kebinasaan, malainkan ulun-ulun sa baiman mpah pamaliharaan jiwa.

Chapter 11

¹ Iman adalah jaminan bawo kahai sesuatu sa na harap takam, dan bukti teke kahai sesuatu sa bakoi ite. ² Ket, ulah iman reolah ulun-ulun gi zaman pono kiiyuh pujian. ³ Ulah iman, takam kataru bahwa alam semesta na ciptakan andri firman Allah. Jari, inun sa ite dan bakoi na ulah daya inun sa na ite pada.⁴ Daya iman, Habel mempersembahkan mpah Allah kurban sa lewi maasus teke kurban sa na undru Kain. Metah persembahai iro, Habel kiiyuh kasaksian sa maasus teke Allah jari ulun sa uah; Allah ngundru kasaksian iro andri nirime kurban persembahanne. Dan,daya iman ne, meskipun io mate, Habel tatap tau bapaner.⁵ Ulah iman, Henokh na engkat pakai io bakoi harus mengalami pampate dan io bakoi kahong ket Tuhan haut ngengkat io; ket semete na engkat, io kiiyuh kesaksian jari ulun sa nyansanang Allah. ⁶ Bakoi mungkin nyansanang Allah tanpa iman, ket hiepun sa nyindrite pa Allah harus harap bahwa Allah ngundru pahala mpah reo sa ngeto Io.⁷ Ulah iman, ukah na peringatkan daya Allah neo peristiwa sa mete io kite, Nuh andri gentar dan taat nubuan erang ka ua bahtera neo nyalamat kaluarga ne. Andri itu Nuh nukum dunia dan jari pewaris kebenaran sa sesuai andri iman ne.⁸ Ulah iman, Abraham hentek na wowa Tuhan, taat neo tulak mpah duoi sa sagar na undru jari milik pusaka none. Dan, io tulak, biarpun io bakoi kotoe mpah hawe io sagar rulak. ⁹ Ulah iman, io tulak dan duloi gi tana asing, yoiro gi huang kemah baya Ishak dan Yakub; kawan pewaris teke janyi sa sameh, ¹⁰ ket Abraham ganyah ngandrei erang ka ua kota sa naan fondasi, sa perancang dan tukangne adalah Allah.¹¹ Ulah iman, Sara nirime kamampuan ne sawuntung dan ngayaan pea, meskipun io tamanang da haut kajut muntuo neo ngayaan, ket Sara nganggap Io haut bajanyi adalah satia. ¹² Ket iroleh, teke erai ka ulun sa haut tuu muntuo kai mate, huletlah katurunan sa ramane yalah wiwihiang gi langit dan sa jumlah ne bakoi tareken yalah wusi pasir gi pantai.¹³ Reo kahai itu haut mate huang iman andri bakoi kiiyuh inun sa na janyi, kude reo nginte dan nyamut janyi-janyi iro teke oro, andri kotoe bahwa reo adalah kawan pendatang dan ulun asing gi bumi. ¹⁴ Papaneran reo sa mihie, iro nutui andri jelas bahwa reo rahat ngeto erang ka ua tane ranu mpah reo.¹⁵ Ket, amun sa reo pikirkan adalah negeri sa reo tanan semetene, maka reo tau pada mulek kia mpah raha. ¹⁶ Kude, reo kosongo suatu negeri sa lewi maasus, yoiro negeri surgawi. Ket iroleh, Allah bakoi bangan na ontuh Allah reo ket Io haut nyadia erang kaua kota mpah reo.¹⁷ Ulah iman, hentek Tuhan ngujine, Abraham nyarah Ishak jari kurban; io sa haut nirime janyi-janyi iro rela ngundru pea tunggalne. ¹⁸ Neo pea iro, Allah suah sawada, "Andri ngaran Ishaklah katurunanko sagar na ontuh." ¹⁹ Abraham ngingkeh harap ne mpah Allah, bahkan io harap bahwa Allah sanggup nubuan ulun mate. Ibaratne, abraham haut kiiyuh Ishak mulek teke pampate.²⁰ Ulah iman, Ishak memberkati masa depan Yakub dan Esau. ²¹ Ulah iman, Yakub menjelang pampate ne, memberkati pea-pea Yusuf. Io nyamah mpah Allah andri mahandri mpah ulok tungkehne. ²² Ulah iman, Yusuf, pada akhir wolumne, bapaner neo kaluarne bangsa Israel teke Mesir dan ngundru perentah sehubungan andri tu,ulang-tu,ulangne.²³ Ulah iman, Musa, hentek io na kayaan, na dina sa ohang tolu wulan ulah ulun mutuone. Reo kite bahwa musa adalah gena sa tuu segah, dan reo bakoi takut nadap perentah raja. ²⁴ Ulah iman, Musa, ukah tumu io dewasa, bakoi hakon na ontuh pea putri Firaun. ²⁵ Io lewi mili menderita ibaya umat Allah teke menikmati kasanangen dosa sa ekat sementara, ²⁶ Io nganggap bahwa kehinaan Kristus lewi baharaga teke kahai panatau Mesir ket Musa nginte mpah pahala sa sagar hawi.²⁷ Ulah iman, Musa nanan Mesir tanpa naan panakut nadap murka Raja Firaun seolah-olah io tau kite Io sa bakoi ta ite iro. ²⁸ Ulah iman, Musa melaksanakan paskah dan mitik raya sehingga malaikat pampate ada nyantuk bangsa Israel.²⁹ Ulah iman, bangsa Israel malan nyabarang laut Mea, seakan-akan malan gi tana karing. Kude, hentek ulun-ulun Mesir mansuba ngulah hal sa sameh, reo na sonotong. ³⁰ Ulah iman, tembok Yerikho runtun ukah na kiling pitu ondro. ³¹Ulah iman Rahab, sundal iro, bakoi na wunu baya andri ulun-ulun sa bakoi taat ket io nirime mato-mato Israel andri damai.³² Dan, inun kia sa harus na wada ku? Uki bakoi oeng sukup waktu neo nyurah mpah iko neo Gideon, Barak, Simson, Yefta, Daud, Samuel, dan kawan nabi, ³³ daya iman haut menaklukkan kerajaan-kerajaan, ngulah sa uah, kiiyuh janyi-janyi, dan ngampi katup wawa singa-singa, ³⁴ nampare lelap apui, kosit teke mato pedang, na ampi wigas teke kelemeen reo, gagah perkasa huang pertempuran, dan menghalau kawan tantara asing.³⁵ Kawan wawe nirime mulek ulun-ulun mate reo metah kebangkitan, kude naan pada sa na aniaya dan menolak neo nirime pembebasan pakai reo kiiyuh kebangkitan huang pamolum sa lewi maasus. ³⁶ Sementara iro, naan pada sa na hina dan na sambuk, bahkan na balangu dan na panjarakan. ³⁷ Reo na rajam, na garagaji jari ruo, dan na wunu andri pedang. Naan pada sa mengembara andri nyui pama teke upak babiri atau upak kaming; reo tuu susah, na tindas, dan na ulah sa mamena. ³⁸ Dunia itu bakoi pantas mpah reo, reo mengembara gi padang gurun dan gunung-gunung, duoi gi helang-helang gunung, dan gawa-gawa gi pida tana.³⁹ Walaupun kiiyuh kasaksian sa maasus ket iman sa na miliki, reo bakoi nirime inun sa na janyi. ⁴⁰ Ket, Allah nyadia sesuatu sa lewi maasus pa takam, sehingga amun bakoi takam reo bakoi sagar jari sempurna.

Chapter 12

¹ Ket takam naan hene saksi sa ngililing takam yalah awan, hayu takam nanan kahai beban dan dosa sa nyuruk takam dan nempat andri tekun gi perlombaan sa na sadiakan gi hadapan takam. ² Ingkehleh mato takam tatuju mpah Yesus, Sang Pencipta dan Penyempurna iman takam, sa demi arai hewu sa haut na tetapkan bagi-Ne, rela nangug salib dan mengabaikan kehinaan salib iro. Dan, tataha, Io maharung gi hila kawanan takhta Allah. ³ Itungleh neo Yesus, sa tabah nadap permusuhan teke ulun-ulun badosa sehingga jiwako bakoi jari letih dan wetis harapan. Allah Iro Yalah Erang Kaulun Uma⁴ Huang perjuangan ko dawan dosa, iko mete hampe nundrak raya ko. ⁵ Dan, inunkah iko haut bakoi kiitung nasihat sa na undru mpah iko sebagai pea? "Hai peaku, ada nganggap enteng didikan Tuhan, dan ada kiinam odik ate hentek iko na tagur-Ne. ⁶ Ket, Tuhan ngakasah ulun sa na palelu-Ne, dan mencambuk ulun sa na tarime-Ne sebagai pea."⁷ Iko harus batahan demi didikan iro ket iro baarati Allah rahat memperlakukan iko sebagai erang kaulun pea; kia pada, pea masam inunkah sa bakoi suah na didik ulah umane? ⁸ Amun iko bakoi suah nirime didikan sa seharusne na tirime ulah kahai pea, iko adalah pea haram, bakoi pea sa sah.⁹ Salain iro, takam naan uma-uma gi dunia itu sa mendidik takam, dan sa na hormati takam; amun mihie, bakoi kah takam harus lewi kia menundukan tonga mpah Uma bawo kahai roh dan bawo kahai wolum? ¹⁰ Ket, amun uma takam sa naan gi dunia itu menghajar takam neo waktu sa singkat berdasarkan cara sa reo anggap maasus, Uma sa naan gi surga menghajar takam demi pi maasus takam raerai sehingga takam kiiyuh bagian huang kekudusan-Ne. ¹¹ Kahai didikan, tawuk na undru, memang bakoi nyansanang dan mahanang. Kude, ukah iro sagar menghasilkan ua kebenaran sa ngundru damai sejahtera mpah reo sa haut na latih ulah didikan iro. Perhatikanleh Cara Wolumko¹² Ket iro, kuatkanleh longonko sa lebe dan ulok katuk ko sa goyah, ¹³ ulahleh lalan sa mawitu pa poo ko numpan wisis sa lebe bakoi jari lumpuh, kude na samare.¹⁴ Apungleh perdamaian andri kahai ulun, dan apungleh kekudusan ket koi oeng kekudusan, bakoi erang kaulunpun tau kite Tuhan. ¹⁵ Pastikan numpan ada oeng erang kaulunpun kajawohan anugerah Allah; pastikan pada numpan ada oeng wakai mapait sa tumu dan nimul masalah balalu mencemari rama ulun. ¹⁶ Dan, pastikan pada pakai ada oeng ulun sa ngulah cabul atau bakoi suci yalah Esau sa ngari hak kesulunganne demi erang mangkuk pongokan. ¹⁷ Ket iko kotoe bahwa gi kemudian ondro, hentek Esau sidi warisan berkat iro, io bakoi na tirime dan koi oeng kia kesempatan neo batobat sekalipun io ngetone andri metak ranu mato.¹⁸ Ket iko bakoi hawi mpah gunung sa tau na santuk, mpah apui sa malelap, atau mpah pisirom, kekelaman, dan badai. ¹⁹ Ikopun bakoi hawi mpah lengan trompet, dan mpah lengan sa papaneranne ngulah kawan sa nyendrengeine ilaku andri sangat pakai papaneran iro bakoi na paner kia mpah reo. ²⁰ Ket reo bakoi tahan korongoi parentah sa na undru, "Bahkan amun erang kuukui satua sekalipun nyantuk gunung iro, maka satua iro harus na pedak watu hape mate." ²¹ Dan, mihie mengerikanne pemandangan iro hampe-hampe Musa pun nyawada, "Uki neter bakoi ronu."²² Kude, iko haut hawi mpah Gunung Sion, dan mpah kota Allah sa wolum, Yerusalem surgawi, dan mpah malaikat sa bakoi ta reken jumlahne, ²³ Iko haut hawi mpah perkumpulan idu jamaat sa terdiri teke pea-pea sulung Allah sa haut tadaftar gi surga, mpah Allah, Hakim bawo kahai ulun, dan mpah roh ulun-ulun bujur sa haut na sempurnakan. ²⁴ Iko haut hawi mpah Yesus, Perantara Perjanjian sa wayu, dan mpah raya sa na pitik, sa bapaner lewi maasus teke raya Habel.²⁵ Pastikanlah pakaiada iko koi nirime Io sa bapaner. Ket amun reo sa koi nirime Io sa ngundru peringatan teke bumi koi tau nongkosit tonga, maka takam pun bakoi sagar kiiyuh nongkosit tonga teke Io sa ngundru peringatan teke surga. ²⁶ Sali, lengan-Ne ngugunsang bumi, "kude tataha Io bajanyi, "Kude, hindra kia Uki bakoi ekat ngugunsang bumi, kude pada surga."²⁷ Ungkapan"hindra kia" nutui neo pemusnahan hal-hal sa tau na goyahkan, yoiro kahai sa haut na ciptakan, pakai hal-hal sa bakoi na goyahkan tau muneng tatap. ²⁸ Ket iro, ukah takam nirime kerajaan sa bakoi tergoyahkan, hayuleh takam nantarang syukur takam andri mempersembahkan sambayang sa layak mpah Allah, sa na sertai rasa hormat dan ponu kekaguman, ²⁹ Ket Allah takam adalah apui sa ngampi etong.

Chapter 13

¹ Palusleh mamalihara lelu ipulaksanai! ² Itungleh saratang neo ngundru tumpangan mpahulun-ulun asing ket andri ngulah hal iro, papire ulun haut menjamu malaikat-malaikat tanpa reo sadari.³ Itung leh ulun-ulun sa napenjarakan seolah-olah iko na penjarakan baya andri reo, itungleh pada ulun-ulun sa na aniyaya ket iko pada naan gi huang tonga. ⁴ Perkawinan harus na junjung andri ponu hormat ulah kahai ulun, dan jagaleh ranyang perkawinan pakai tatap murni, ket Allah sagar nukum ulun-ulun sa cabul dan kawan penzina⁵Tongkoroleh wolumko teke cinta uang, dan sukupkanleh tongako andri inun sa naan nukam ket Io raerai sawada: "Uki bakoi sagar nanan iko, dan bakoi sagar suah mengabaikan ko." ⁶ Jari, takam iyuh sawada andri ponu keyakinan: "Tuhan adalah penolongku, dan uki bakoi sagar takut. Inun sa tau na ulah ulun nadap uki?"⁷ Itungleh kawan pamimpin ko, reo sa haut ngajar firman Tuhan mpah iko. Perhatikan hasil teke cara wolum reo, dan contohleh iman reo. ⁸ Yesus Kristus tatap sameh, andrape, ondro itu, dan hampe ma kongohangne.⁹ Adaleh iko na santawang daya pangajaran saba masam-masam dan sa bakoi ko kataru; ket adalah hal sa maasus bahwa ate na kuatkan ulah anugerah, bakoi ulah aturan neo pongokan sa bakoi ngundru manfaat mpah reo sa menjalanine. ¹⁰ takam oeng altar sa teke ne ulun-ulun melayani Kemah Barasis bakoi berhak neo kuman. ¹¹ Dan, ket tonga teke satua-satua sa raya ne na oit ulah imam idu mpah Ruang Mahakudus jari persembahan penewuhan dosa na tutung gi luar perkemahan,¹² maka Yesus pada menderita gi luar gerbang kota demi menguduskan umat-Ne andri raya-Ne raerai. ¹³ Ket iro, hayu takam nangkahong Yesus gi luar perkemahan, dan mikul kehinaan sa haut na pikul-Ne. ¹⁴ Ket, gi bumi itu takam koi oeng kota sa sagar naan ma kongohangne, kude takam rahat ngandrei kota sa sagar hawi.¹⁵ Ket iro, metah Kristus hayulah takam tarus manarus ngundru kurban pujian mpah Allah, yoiro ontuhan wiwi sa memuliakan ngaran-Ne. ¹⁶ Ada iko koi kiitung ngulah maasus dan mambagikan inun sa naan nukam ket kurban yalah irolah sa nyansanang Allah. ¹⁷ Taatleh mpah kawan pamimpinko dan tunduklah mpah reo ket reolah sa nyaga jiwako sa harus ngundru pertanggungjawaban bawone. Andri mihie, reo sagar ngulahne andri arai hewu, bakoi andri berkeluh kesah ket hal iro bakoi sagar ngundru kauntungen mpah iko. Palakuan Laku doa¹⁸ Laku doale mpah kain ket kain harap bahwa kain naan ate nurani sa maasus, sa selalu bausaha ngulah kahai hal andri cara sa tahormat. ¹⁹ Uki mendesakko neo laku doa andri lewi basungguh-sungguh kia pakai uki hinang na ampulek mpah iko.²⁰ Tataha, Allah sumber damai sejahtera, sa haut membangkitkan mulek Yesus, Tuhan takam, Sang Gembala Agung bawo babiri-abiri-Ne, andri raya perjanjian sa kekal ²¹ kirane memperlengkapiko huang satiap hal sa maasus neo ngulah kabahomen-Ne. Dan, ingkehleh Io bagawi gi huang takam neo nyansanang ate-Ne metah Kristus Yesus, sa mpah Ioleh kamuliaen hampe ma kongohangne. Amen. Tabe Panutup²² Pulaksanai-pulaksanaiku, uki nyurung iko neo nyondrongoi papaneran nasehatku itu andri sabar haut na tulisku mpah iko andri singkat. ²³ Uki sidi bara mpah iko bahwa pulaksanai takam, Timotius, haut na tongkosit teke panjara. Dan, amun io hinang hawi mpah uki, maka uki sagar hawi andri io nangkahong iko.²⁴ Tahampe tabe kain mpah kawan pamimpinko dan mpah kahai ulun-ulun barasis. Pulaksanai-pulaksanai takam teke Italia nahampe tabe mpah iko. ²⁵ Anugerah Allah nyindrah iko kahai.

Revelation

Chapter 1

¹ Pernyataan teke Yesus Kristus, sa na undru Allah pah-Io neo na tantarang pah walah-walah-Ne neo hal-hal sa sagar terjadi. Yesus Kristus ngundru pernyataan itu metah malaikat-Ne pakai na tahampe pah Yohanes, walah-Ne. ² Yohanes haut jari saksi firman Allah dan pada Yesus Kristus, bawo kahai sesuatu sa haut naitene. ³ Na berkatileh ulun sa mambasa andri lengan sa mehet firman nubuatan itu dan na berkatileh pada reo sa nyondrongoi ne dan ngawi inun sa tatulis gi huang ne, et waktune haut riet. Tabe Yohanes pah Kapitu Jemaat gi Asia⁴ Teke Yohanes, pah kapitu jemaat sa naan gi Asia. Anugerah dan damai sejahtera pah iko teke Io Sa Naan, Sa haut Naan, dan sa sagar hawi; nelang teke kapitu roh sa naan gi hadapan tahta-Ne, ⁵ dan teke Kristus Yesus, Saksi sa setia, sa kaerai kali buan teke kawan ulun mate dan panguasa bawo raja-raja gi bumi. Pah Io, sa malelu takam dan nongkosit takam teke dosa-dosa andri raya-Ne, ⁶ dan haut nyanyari takam jari erai karajaan, imam-imam pah Allah dan Uma-Ne, pah Ioleh kamuliaan dan kekuasaan hampe ma kangohangne! Amen.*⁷ Iteleh, Yesus hawi andri awan-awan, dan satiap mato sagar kiite Io, bahkan reo sa haut nyodok-Ne; dan kahai bangsa gi bumi sagar meratap ket Io. Ya, itu sagar terjadi! Amen. ⁸ "Uki adalah Alfa dan Omega, firman Tuhan Allah, Sanaan, Sa haut Naan, dan Sa sagar Hawi, Sa Maha Kuasa." Panginteen Yohanes neo Pea Murunsia⁹ Uki,Yohanes, pulaksanai dan sasameh iko sa ngepo bagian huang kasusahen, dan huang katekunan gi huang Yesus, naan gi pulau sa naontuh Patmos ket firman Allah dan kesaksian Yesus. ¹⁰ Uki na kuasai Roh* gi Ondro Tuhan, dan uki korongoi lengan mehet teke waling iyalah lengan terompet, ¹¹ sa iwada, Tulis leh kahai sa iko ite pah huang erang kaua buku dan kirim iro pah kapitu jamaat: Efesus, Smirna, Pergamus, Tiatira, Sardis, Filadelfia, dan Laodikia."¹² Balalu, uki ikulik neo nginte lengan sa bapaner pah uki. Hantek uki ikulik, uki kiite pitu poo dian amas, ¹³ dan gi suan poo dian iro, uki kiite erang kaulun iyalah Pea Murunsia,* makai jubah hampe pah poo dan erang kaua salempang amas gi dada-Ne.¹⁴ Ulok dan wulu-Ne wura iyalah wulu domba, sa wura salju; dan mato-Ne iyalah lelap apui. ¹⁵ Poo-Ne mengilap iyalah tambaga sa iwaye huang papuian dan lengan-Ne iyalah guhuk ranu baah. ¹⁶Gi longon-Ne, Io ngepot pitu wiwihiang dan teke wawa-Ne kaluar erang kaua pedang komat bamato ruo, dan rowawa-Ne maraai iyalah mato ondro sa nyarak.¹⁷ Hantek uki nginte Io, uki tumang gi poo-Ne iyalah ulun mate. Kude Io ngingkeh longon-Ne pah bawoku dan sawada, "Ada takut; Uki lah Sa Awal dan sa Akhir, ¹⁸ dan Sa Wolum. Uki haut mate, kude iteleh Uki wolum hampe ma kangohang ne, dan Uki ngepot kunsi maut dan kunsi Hades. Dunia ulun mate atau karajaan maut.¹⁹ Ket iro, tulis lah hal-hal sa haut iko ite, dan hal-hal sa terjadi tataha dan hal-hal sa sagar terjadi sa ukah ne. ²⁰ Itulah rahasia neo pitu wiwihiang sa iko ite gi longon kawan-Ku dan pitu poo dian amas iro. Pitu wiwihiang iro adalah kawan malaikat teke pitu jamaat; dan pitu poo dian iro adalah pitu jamaat."

Chapter 2

¹"Pah malaikat jamaat gi Efesus tulis leh: Ituleh papaneran Io sa ngepot pitu wiwihiang gi longon-Ne dan sa malan gi helang pitu poo dian amas iro. ² Uki kotoe kahai gawian ko dan uyuh rara ko dan katekunan ko, kolowangun iko bakoi tahan nadap sa jahat, dan iko manguji ulun-ulun sa ngontuh tonga ne rasul,* kude sabujur ne reo bakoi lah rasul, dan nang kahong reo palsu.³ Iko naan katekunan dan batahan demi ngaran-Ku dan bakoi kataru uyuh. ⁴ Kude, Uki nagur iko et iko haut nanan ahi ko sa semula. ⁵ Ket iro, itunglah teke hawe iko lawu dan batobat nelang ulahleh inun sa haut iko gawi semula. Amun bakoi, Uki sagar hawi pah iko dan ngepo poo dianko teke duloine, kacuali iko batobat.⁶ Kude, itu sa naan gi iko: iko muar gawian-gawian kawan pengikut Nikolaus, sa pada na kuar-Ku. ⁷ Io sa naan talingo ingkehleh korongoi inun sa na wada daya Roh* pah jamaat-jamaat. Pah io sa manang, Uki sagar ngundru kuman teke kakau pamolum sa naan gi Taman Allah."Surat pah Jamaat gi Smirna⁸ "Dan, pah malaikat jamaat gi Smirna tulisleh: Ituleh papaneran teke Sa Awal dan Sa Akhir, sa haut mate dan wolum mulek: ⁹ Uki kotoe kasusahen dan panyusahko, kude sesungguhne iko tatau! Uki kotoe fitnah sa na tuju pah iko ulah reo sa ngontuh tongane ulun Yahudi, kude sa bujurne bakoi, melainkan sinagoge Iblis.¹⁰ Ada takut nadap inun sa sagar iko derita. Iteleh, setan sagar numuk papire teke iko mpah huang panjara pakai iko na uji, dan iko sagar mengalami penganiayaan sa ohang sapuluh ondro. Satialeh hampe mate, dan uki sagar ngundru pah iko mahkota pamolum. ¹¹ Io sa naan talingo ingkehleh korongoi inun sa na wada Roh pah jamaat-jamaat. Ulun sa manang bakoi sagar menderita et pampate sa karuo kali."Surat Mpah Jamaat gi Pergamus¹² Dan, ph malaikat jamaat gi Pergamus tulis lah : ituleh papaneran Io sa naan pedang kumat bamato ruo: ¹³ Uki kotoe gi hawe iko duloi, gi duoi tahta Iblis; kude iko ikepot gi ngaran-Ku dan bakoi nyangkal iman-Ku bahkan pada zaman Antipas, saksi-Ku sa setia sa nawunu gi suan iko, duoi Iblis duloi.¹⁴ Kude, uki nagur iko et naan papire gi suan iko sa baya ajaran Bileam, sa ngajar Balak pakai ngingkeh sandungan gi muka pea-pea Israel*, pakai kuman pongokan sa na persembahkan pah berhala* dan ngulah dosa-dosa seksual. ¹⁵ Mihie pada, naan papire gi suan iko sa ikepot pah ajaran Nikolaus.¹⁶ Ket iro, batobatleh! Amun bakoi, Uki sagar hawi pah iko dan memerangi reo andri pedang teke wawa-Ku. ¹⁷ Io sa naan talingo ingkehleh korongoi inun sa na wada Roh pah jamaat-jamaat. Pah io sa manang, Uki sagar ngundru manna* sa tadina; dan Uki sagar ngundru pah io erang kaua watu wura, dan erang kaua ngaran wayu tatulis gi watu iro, sa koi oeng eraipun ulun sa kotoe ne kecuali ulun sa narime ne." Surat mpah Jamaat gi Tiatira¹⁸ "Dan, pah malaikat jamaat gi Tiatira tulislah: Ituleh papaneran Pea Allah, sa mato-Ne iyalah lelap apui dan sa poo-Ne malelap iyalah tembaga huang papuian: ¹⁹ Uki kotoe gawian-gawian ko, kasih dan iman ko, pelayanan ko, dan kasabaren ko, dan bahwa gawian-gawian ko sa terakhir melampaui sa pertama.²⁰ Kude, Uki nagur iko ket iko ngaret wawe Izebel iro, sa mangaku sebagai erang kaulun nabiah, ngajar dan nyantawang pelayan-pelayan-Ku pakai bazina dan kuman pangokan sa haut na persembahkan pah berhala. ²¹ Uki haut ngundru ne waktu neo batobat, kude io bakoi hakon batobat teke zina ne²² Iteleh, Uki sagar numuk io pah obo duoi surui penderitan dan reo sa bazina* andri io sagar tumuk-Ku pah huang kasusahen sa idu, kacuali reo batobat teke gawian-gawian wawe iro. ²³ Dan, Uki sagar munu Pea-Pea ne andri pampate; dan kahai jamaat sagar kotoe bahwa Uki lah sa nguji pikiran dan ate ulun, dan Uki sagar ngundru pah iko masing-masing manurut gawian ko.²⁴ Kude, pah iko sa lain gi Tiatira, sa bakoi baya ajaran itu, sa mete kotoe rahasia-rahasia Iblis, Uki sawada, Uki bakoi sagar ngingkeh beban lain pah bawo ko. ²⁵ Kude, ikepotleh tarus pah inun sa haut iko miliki hampe Uki hawi.²⁶ Dan, pah ulun sa manang dan ngulah gawian-gawian-Ku hampe akhir, Uki sagar ngundru kuasa bawo bangsa-bangsa, ²⁷ dan reo sagar mamarentah bangsa-bangsa iro andri tungkeh jatang, na ampi lenuh bakeping-keping iyalah tembikar tukang periuk, ket Uki pada haut narime kusa teke Uma-Ku. ²⁸ Dan, Uki sagar ngundru pah io wiwihiang timur. ²⁹ Io sa naan talingo ingkehleh korongoi inun sa haut na wada Roh pah jamaat-jamaat."

Chapter 3

¹ "Dan, pah malaikat jamaat gi Sardis tulisleh: Ituleh papaneran Io sa ka ompun pitu Roh*Allah dan pitu wiwihiang iro: Uki kotoe gawian-gawian ko. Ulun sawada bahwa iko wolum, kude sabujurne iko mate. ² Waspadaleh, dan perkuatleh hal-hal sa masih naan, sa ane mate, Ket Uki mete nangkahong gawian ko sa sempurna huang pandangan Allah.³ Ket iro, itung leh inun sa haut iko tarime dan rongoi, taatileh iro dan batobatleh! Amun iko bakoi waspada, Uki sagar hawi iyalah erang ka ulun maling dan iko bakoi sagar kotoe jam pire Uki sagar hawi pah iko. ⁴ Kude, iko naan papire ka ulun gi Sardis sa mete ngampi cemar pama reo; dan reo sagar malan andri-Uki andri makai pama wura et reo layak.⁵ Ulun sa manang sagar nuwe pama wura dan Uki sagar muhut ngaran ne teke Kitab Pamolum. Uki sagar mangaku ngaran ne gi hadapan Uma-Ku dan gi hadapan malaikat-malaikat-Ne. ⁶ Io sa naan talingo ingkehleh io korongoi inun sa na wada Roh pah jamaat-jamaat."Surat mpah Jamaat gi Filadelfia⁷ "Dan, malaikat jamaat gi Filadelfia tulisleh: Ituleh papaneran teke Sa Kudus dan Sa Uah, sa ngepot kunsi Daud,* sa nguka dan koi oeng erai pun ulun tau nutup ne; sa nutup dan koi oeng eraipun ulun sa tau nguka ne: ⁸ Uki kotoe gawian-gawian ko. Iteleh, Uki haut nguka manamang pah iko, sa koi oeng eraipun tau nutup ne et kakuaten ko odik, kude iko haut ngandrei firman-Ku dan bakoi nyangkal ngaran-Ku.⁹ Iteleh, Uki sagar ngulah kawan sinagoge Iblis iro, sa mangaku sebagai ulun Yahudi, kude sabujur ne bakoi, kude poojo, Uki sagar ngulah reo hawi dan sujud gi poo ko, dan ngulah reo kotoe bahwa Uki malelu iko. ¹⁰ Ket iko haut malihara firman katekunan-Ku, Uki sagar malihara iko teke kasusahen sa sagar hawi pah kahai dunia, neo nguji reo sa duoi gi bumi. ¹¹ Uki sagar hawi. Kepot leh inun sa na miliki daya ko pakai koi oeng eraipun ulun sagar ngepo mahkota ko.¹² Io sa manang, Uki sagar ngulah io ori panyanga Bait Suci Allah-Ku, dan io bakoi sagar tulak lagi teke iro; dan Uki sagar nulis pah io ngaran Allah-Ku dan ngaran kota Allah-Ku, iyoiro Yerusalem wayu, sa iro dolui teke surga, teke Allah-Ku, dan ngaran-Ku sa wayu. ¹³ Io sa naan talingo ingkehleh korongoi inun sa na wada Roh pah jamaat-jamaat."Surat mpah jamaat gi Laodikia¹⁴¹⁴"Dan, mpah malaikat jamaat gi Laodikia tulisleh: Ituleh papaneran sang Amin, saksi sa setia dan uah, awal teke kahai ciptaan Allah: ¹⁵ Uki kotoe ulahan-ulahan ko, bahwa iko bakoi morongin atau malayong,. Alangkah maasus ne amun iko morongin atau malayong. ¹⁶ Jari, ket iko hangat, bakoi malayong ataupun morongin, Uki sagar ngaluar iko teke wawa-Ku.¹⁷ Ket iko sawada, 'Uki tatau, bakalimpahen, dan bakoi kakurangan inun-inun,'dan bakoi kotoe bahwa sabujurne iko sansara, malang puua, pehe, dan tabentur. ¹⁸ Uki manasehat iko neo moli teke-Uki amas, sa namurnikan andri apui pakai iko jari tatau, dan pama-pama wura pakai iko tau makai ne sehingga makabangan et iko tabentur bakoi sagar ta ite, dan ngupet salap gi mato ko pakai iko tau kiite.¹⁹ Reo sa na palelu-Ku, Uki tagur dan Uki kakasah; et iro, relaleh ate ko dan batobatleh! ²⁰ Iteleh!Uki sokondrong gi muka manamang dan ngatuk. Amun naan ulun korongoi lengan-Ku dan nguka manamang, Uki sagar masuk pah io dan kuman baya io, dan io baya-Uki.²¹Io sa manang, Uki sagar ngijin ne maharung baya-Uki gi tahta -Ku, sameh iyalah Uki haut manang dan maharung baya Uma-Ku gi tahta-Ne. ²² Io sa naan talingo ingkehleh korongoi inun sa na wada Roh mpah jamaat-jamaat."

Chapter 4

¹ Ukah iro, uki kiite erang kaua manamang tauka gi surga, dan lengan nien, sa rongoi ku iyalah lengan trompet bapaner andri uki, sawada, "abaileh mpah itu, dan Uki sagar ngampi ite pah iko inun sa harus terjadi ukah itu." ² Tawuk iro pada, uki na kuasai Roh* dan iteleh, erang kaua tahta gi surga dan Erang kaulun maharung gi bawo tahta iro. ³ Dan, Io sa maharung gi bawo tahta iro, taite iyalah watu permata yaspis dan sardis; dan naan salumparau gi sakaliling tahta iro, sa ta dinung iyalah zamrud.⁴ Gi kalilingan tahta iro naan ruam pulu opat tahta dan gi bawo tahta-tahta iro uki kiite ruam pulu opat mantuo-mantuo * maharung, makai jubah wura dan mahkota-mahkota amas naan gi ulok reo. ⁵ Dan, teke tahta iro kaluar samaran kelat dan guhuk lengan nanyu. Dan, naan pitu dian sa maraai gi hadapan tahta iro, sa adalah pitu Roh Allah.⁶ Dan, gi hadapan tahta iro pada naan sesuatu iyalah lautan kaca, iyalah kristal. Gi suan dan gi sakaliling tahta iro naan opat satua sa ponu andri mato gi bagian muka dan walingne.⁷Satua sa pertama iyalah erang kaukui singa, dan satua sa karuo iyalah erang kaukui babiri upo, dan satua sa katolu ba rowawa iyalah rowawa murunsia, dan satua ka opat iyalah erang kaukui langamet sa rahat samiding. ⁸ Ka opat satua iro masing-masing naan onom elat sa ponu andri mato, baik gi luar maupun gi huang ne; koondro kamalom, kaopat satua iro bakoi suah mihindroi bapaner, "Kudus,kudus, kudusleh Tuhan, Allah Sa Maha Kuasa, sa haut naan, sa naan , dan sa sagar hawi."⁹ Dan, satiap kali satua-satua iro ngundru kemuliaan, hormat, dan ontuhan syukur pah Io sa maharung gi bawo tahta, sa wolumpah kangohang ne, ¹⁰ ka ruam pulu opat muntuo-muntuo iro sujud gi hadapan Io sa maharung gi bawo tahta iro, dan nyamah Io sa wolum hampe pah kangohang ne iro, dan medak mahkota reo gi hadapan tahta iro nelang sawada, ¹¹"Ya Tuhan dan Allah kain, Iko layak narime kemuliaan, hormat, dan kuasa Ket iko haut menciptakan kahai sesuatu dan ket kabahumen-Ko kahai itu naan dan naciptakan."

Chapter 5

¹ Kamulek, uki kiite gi longon kawan Io sa maharung gi bawo tahta iro erang kaua walunan* kitab, sa naan tulisan gi hila huang dan luarne, sa nasegel andri pitu segel. ² Dan, uki kiite erai malaikat sa gagah baseru andri lengan mehet, "Hiekah sa layak nguka walunan kitab iro dan nguka segel-segelne?"³ Kude, koi oeng erang kaulun pun, baik sa naan gi surga, gi bumi, maupun gi pida bumi sa tau nguka atau nginte bagian huang walunan iro. ⁴ Maka, uki malai ngiak punuuen ket koi oeng eraipun kahong ulun sa layak neo nguka walunan kitab iro atau nginte bagian huang ne. ⁵ Kude, erai teke muntuo-muntuo* iro sawada pah uki , "Mihindroi leh ngiak! Ite, Singa teke suku Yehuda, katurunan Daud* ,haut manang sehingga Io kaiyuh nguka walunan kitab iro dan pitu segelne."⁶ Dan, uki kiite gi suan-suan tahta dan 4 satua nien, dan gi suan-suan kawan muntuo-muntuo iro erang ka ukui Pea Domba sokondrong, iyalah haut na samalis, sa naan pitu tandruk dan pitu mato, iyoiro pitu Roh Allah sa nautus mpah kahai bumi. ⁷ Pea Domba iro hawi dan ngepo walunan kitab iro teke longon kawan Io sa maharung gi bawo tahta.⁸ Dan, hantekPea Domba haut ngepo walunan kitab iro, ka opat satua dan ka ruampulu opat montuo-montuo sujud gi hadapan Pea Domba iro, masing-masing ngepot kecapi dan erang kaua cawan amas sa ponu andri menyan, yang adalah doa ulun-ulun kudus.⁹ Balalu, reo manyanyi nyanyian wayu, wadane: "Iko layak ngepo walunan iro dan nguka segel-segelne ket Iko haut na samalis, dan andri raya Ko, Iko hut nowuh ulun-ulun teke satiap suku, bahasa, kaum dan bangsa pah Allah. ¹⁰ dan Iko haut nyanyari reo jari suatu karajaan dan imam-imam pah Allah takam, dan reo sagar mamarentah bawo bumi."¹¹ Kamulek, uki kiite, dan uki korongoi lengan teke rama malaikat sa ngaliling tahta, 4 satua, dan kawan muntuo-muntuo iro. Dan jumlah reo baribu-ribu, bahkan puluhan ribu, ¹² baseru andri lengan mehet, "Layakleh Pea domba, sa haut na samalis iro, narime kuasa, dan panatau, dan hikmat, dan kakuaten, dan hormat, dan kamuliaen, dan pujian."¹³ Kamulek, uki korongoi satiap satua sa naan gi surga, dan gi bumi, dan gi pida bumi, dan gi laut, dan kahai sa naan gi huang, kahai iro sawada, "Pah Io, sa maharung gi bawo tahta, dan pah Pea Domba, kahai pujian, hormat, kamuliaen, dan kuasa hampe ma kangohangne!" ¹⁴ Dan, 4 satua iro iwada,"Amen"* dan kawan muntuo-muntuo sujud nyamah.

Chapter 6

¹ Kamulek, uki memperhatikan hantek Pea Domba nguka erai teke pitu segel iro, dan uki korongoi erai teke opat satua iro sawada andri lengan iyalah nanyu, "Hayu!" ² Maka, uki kiite erang kaukui kuda wura dan io sa maharung gi bawo ne ngepot erang kaua panah; dan erang kaua mahkota na undru pah io, dan io maju neo nyantalau dan ngampi manang.³ Dan, hantek Pea Domba iro nguka segel sa ka ruo, iko korongoi satua sa karuo sawada, "Hayu!" ⁴ Maka, majulah erang kaukui kuda lain sa bawarna mea iyalah lelap apui, dan io sa maharung gi bawo ne na undru kuasa neo ngalap kadamaian teke bumi sahingga murunsia sagar saling mangka wunu, dan erang kaua pedang na undru pah io.⁵ Dan, hantek Pea Domba nguka segel sa katolu, uki korongoi satua sa katolu sawada, "Hayu!" Maka uki kiite erang kaukui kuda bawarna wuyung dan io sa maharung gi bawo ne ngepot erang kaua timangan gi longon ne. ⁶ Balalu uki korongoi iyalah naan lengan teke suan kaopat satua iro sawada, "Erai supak gandum pakai 1 dinar dan 3 supak jelai pakai 1 dinar, kuda ada nandrusak minyak dan anggur ne!"⁷ Dan, hantek Pea Domba iro nguka segel sa kaopat, uki korongoi lengan satua sa kaopat sawada, "Hayu!" ⁸ Maka, uki kiite erang kaukui kuda bawarna hijau mula dan io sa maharung gi bawo ne bangaran Maut dan Hades notah ne. Dan, kuasa na undru pah reo bawo 1

⁹ Hantek Pea Domba nguka segel sa ka dimo, uki kiite gi pida altar* jiwa-jiwa reo sa haut na wunu ket firman Allah dan ket kasaksian sa haut reo pertahankan. ¹⁰ Reo baseru andri lengan mehet, "Pire ohang kia ya, Tuhan sa kudus dan bujur, Iko sagar nahan tonga teke menghakimi dan mambalaskan raya kain pah reo sa duoi gi bumi?" ¹¹ Dan, pah masing-masing jiwa iro na undru erang kaua jubah wura dan reo na bara bahwa reo harus baistirahat erang pitus kia, hingga jumlah iang-iang palayan dan pulaksanai-pulaksanai reo sa sagar na wunu iyalah reo jari ganap¹² Dan, uki kiite Pea Domba iro nguka segel sa kaonom, terjadilah gempa bumi sa dahsyat; mato ondro jari wuyung iyalah kain karung sa naulah teke wulu dan kahai wulan jari iyalah raya. ¹³ Dan, satua-satua gi langit balawuan pah bumi iyalah kakau ara sa ngampi ruruh ua ne sa monta hantek na gagunsang daya angin sa tuu royoh. ¹⁴ Dan, patuhi lah* langit iyalah kitab sa na walun, dan tiap gunung dan pulau na pindah teke duoi ne.¹⁵ Maka, raja-raja gi bumi, dan kawan pembesar, dan perwira-perwira,* dan ulun-ulun tatau dan bakuasa, dan kahai budak, dan ulun-ulun bebas sadina gi gua-gua watu gi pagunungan. ¹⁶ Reo iwada pah gunung-gunung dan watu-watu karang, "Runtunlah ngatekan kain dan dina leh kain teke hadapan Io sa maharung gi bawo takhta, dan teke murka Pea Babiri! ¹⁷ Sabab, ondro idu pah murka reo haut niba dan hie kah sa tau batahan?"

Chapter 7

¹ Ukah iro, uki kiite opat malaikat sokondrong gi opat penjuru bumi, rahat nahan kaopat angin bumi pakai bakoi oeng sa tasiwui gi darat, gi laut ataupun gi kayuan-kayuan. ²Kamulek, uki kiite malaikat lain timul teke unengan wolum ne mato ondro, andri ngoit segel teke Allah sa wolum. Io baseru andri lengan mehet pah kaopat malaikat sa haut na undru kuasa neo nyandrusak bumi dan laut nien, ³ "Ada nandrusak bumi, laut, atau kayuan-kayuan samete kain luput ngundru tanda segel pah ra'i walah-walah Allah takam."⁴ Uki korongoi jumlah reo sa na segel sa rama 144.000 ka ulun. Reo kahai baasal teke satiap suku pea-pea Israel:* ⁵ teke suku Yehuda ⁶ teke suku AsyerPasal 7⁹ Ukah iro uki kiite, sabujurne sejumlah idu murunsia sa bakoi tau na reken jumlah ne, teke kahai negara dan suku dan bangsa dan bahasa, sokondrong gi muka takhta dan gi hadapan Pea Babiri, makai jubah wura dan raan-raan palem gi longon reo; ¹⁰ dan reo baseru andri lengan mehet, "Kasalamaten pah Allah kain sa maharung gi bawo takhta, dan pah Pea Babiri."¹¹ Dan, kahai malaikat sa rahat sokondrong gi sakaliling takhta iro dan gi sakaliling muntuo-muntuo,* dan kaopat satua iro, reo sujud gi hadapan takhta iro dan nyamah Allah, ¹² andri iwada, "Amen! *Pujian kamuliaen dan hikmat dan ontuhan syukur dan kahormaten dan kakuasaen, dan keperkasaan pah Allah takam hampe ma kangohang ne. Amen!"¹³ Kamulek, 1 teke muntuo-muntuo iro bapaner dan nunti pah uki, "Hiekah reo sa makai jubah wura itu dan teke hawe reo hawi?" ¹⁴ Maka, uki sawada pah io,'Tuanku, iko kotoe."Balalu io iwada pah uki, "Reo adalah ulun -ulun sa haut kaluar teke panganiayaen sa idu dan haut nuhun jubah reo dan ngampi wurane huang raya Pea Babiri.¹⁵ Ket iro, reo sokondrong gi hadapan takhta Allah dan melayani Io koondro dan kamalom gi bait-Ne; dan Io sa maharung gi bawo takhta iro sagar duoi gi suan reo. ¹⁶ Reo bakoi sagar kala'u atau kakan minum; ataupun mate ondro bakoi sagar ngahanangan reo ataupun layong sa lainne. ¹⁷ Sabab, Pea Domba sa naan gi suan takhta iro sagar jari Gembala reo dan sagar nganyak reo mpah mato ranu pamolum; dan Allah sagar muhut ranu mato teke mato reo."

Chapter 8

¹ Dan, hantek Pea Domba nguka segel sa kapitu, naan suni-sinok gi surga kira-kira satengah jam ohangne. ² Dan, uki kiite kapitu malaikat sa sokondrong gi hadapan Allah, dan pitu terompet na undru pah reo.³ Balalu, malaikat lain hawi dan sokondrong gi altar*,ngepot pedupaan amas; dan pah io na undru rama dupa neo napersembahkan andri doa-doa ulun-ulun kudus gi bawo altar amas sa gi dahapan takhta iro. ⁴ Dan, atuk dupa iro, baya andri doa-doa ulun-ulun kudus, ngabai mpah hadapan Allah teke longon malaikat iro.⁵ Balalu, malaikat iro ngepo pedupaan dan ngisine andri apui sa na epo teke altar dan numukne mpah bumi; maka lengan ampeng sindrah andri kelat dan gempa bumi. Trompet Pertama hampe Trompet Kaopat na Siwui⁶ Ukah iro, pitu malaikat sa ngepot pitu trompet iro basiap-siap pakai nyiwui trompet reo. ⁷ Malaikat pertama nyiwui trompetne, maka terjadilah uran es dan apui basampur raya; dan na wawak pah bawo bumi, maka rakitlah sepertolu bumi dan sepertolu kayuan dan rakitlah kahai rikut hijau.⁸ Malaikat ka ruo nyiwui trompetne, maka sesuatu iyalah gunung okan apui na tumuk mpah huang laut; dan sepertolu teke laut jari raya, ⁹ maka sepertolu teke satua sa naan gi laut dan wolum gi laut jari mate. dan sepertolu teke kapal na ampi lenuh.¹⁰ Malaikat katolu nyiwui trompetne, maka lawu teke langit erang kaua wiwihiang idu, maraai iyalah suluh, dan wiwihiang iro ngatekan sepertolu teke sunge dan mato ranu. ¹¹ Ngaran wiwihiang iro Apsintus. Maka, sepertolu teke kahai ranu jari apsintus dan hene ulun mate ket ranu iro ket ranu iro haut na ulah mapait.¹² Malaikat kaopat nyiwui trompetne, maka terpukullah sepertolu mato ondro, sepertolu wulan, dan sepertolu wiwihiang sahingga sepertolu teke reo jari sirom, dan sepertolu koondro jari sirom dan mihie pada gi malom ondro.¹³ Balalu, uki kiite dan korongoi erang kaukui wurung raja wali samiding gi suan langit, sawada andri lengan mehet,"Salaka, salaka, salakalah reo sa duoi gi bumi ket lengan trompet katolu malaikat lain sa masih naan na siwui."

Chapter 9

¹ Balalu, malaikat kadimo nyiwui trompetne, dan uki kiite erang kaua wiwihiang lawu teke langit mpah bawo bumi, dan pah io na undru kunsi luwang jurang maut. ² Io nguka luwang jurang maut, maka ngabailah atuk teke luwang iro, iyalah atuk teke tungku sa idu, dan mato ondro dan angkasa jari sirom et atuk luwang iro.³ Kamulek, teke huang atuk iro kaluarlah angkalap-angkalap pah bawo bumi, dan reo na undru kuasa iyalah kuasa alimango gi bumi. ⁴ Dan, pah reo na pesen pakai bakoi nandrusak rikut-rikut gi bumi, weluman-weluman, ataupun kayuan-kayuan, melainkan ekat reo sa koi oeng segel Allah gi wae reo.⁵ Reo bakoi naizinkan pakai munu reo, kude pakai nyiksa reo sa ohang 5 wulan; dan siksaan iro sameh iyalah siksaan alimango tawuk io nyongot murunsia. ⁶ Gi masa iro, murunsia sagar ngeto pampate, kude reo bakoi nangkahongne. Reo hamen mate, kude pampate nyangkilah reo.⁷ Wujud angkalap-angkalap iro iyalah kuda-kuda sa nasiapkan pakai perang; dan gi bawo ulok reo naan sesuatu iyalah mahkota amas, rowawa reo iyalah rowawa murunsia. ⁸ Wulu reo iyalah wulu wawe dan kukut reo iyalah kukut singa, ⁹ dan dada reo iyalah baju jatang, dan lengan elat reo iyalah lengan kereta-kereta andri rama kuda sa bapacu mpah medan perang.¹⁰ Dan, ukui reo iyalah alimango dan naan songotne, dan gi huang ukui reolah naan kuasa neo ngampi hanang murunsia sa ohang 5 wulan. ¹¹ Raja sa marentah reo adalah malaikat jurang maut, sa huang bahasa Ibrani ngaranne adalah" Abadon. Ngaran duoi neo ulun-ulun mate huang PL, huang PB sa naontuh Hades atau Syeol (Bc. Ayb. 26:6 dan Mzr. 88:12).", dan huang bahasa Yunani ngaranne adalah "Apolion". ¹² Bencana sa pertama haut metah, kude masih nan 2 penderitaan sa sagar hawi. Trompet Kaonom Malengan¹³ Balalu, malaikat sa kaonom nyiwui trompet ne, dan uki korongoi lengan teke kaopat tandruk altar*amas sa naan gi hadapan Allah,¹⁴ iwada pah malaikat kaonom sa ngepot trompet iro, "Tongkositleh kaopat malikat sa nasuruk gi sunge Efrat sa idu iro," ¹⁵ Maka, kaopat malaikat iro, sa haut na persiapkan neo jam dan ondro, wulan dan taun iro, natongkosit neo munu 1

¹⁶ Jumlah tantara bakuda reo adalah 200 juta ramane; uki korongoi jumlah reo. ¹⁷ Dan, miiroleh uki kiite huang pinginteen* kuda-kuda iro dan reo sa maharung gi bawone; kawan panungkangne makai baju jatang bawarna mea malelap, kakuring sirom, dan milintang iyalah belerang dan ulok kuda-kuda iro iyalah ulok singa dan teke wawa reo kaluar apui, atuk, dan belerang.¹⁸ andri katolunelah 1¹⁹ Sabab, kakuaten kuda-kuda iro naan gi wawa dan ukui reo. Sabab, ukui reo iyalah nipo dan naan ulok, dan andri irolah reo nyiksa.²⁰ Kude, murunsia sa salamat, sa bakoi tawunu et bencana iro, tatap bakoi batobat teke gawian-gawian longon reo, bahwa reo bakoi iyuh nyamah roh-roh jahat dan berhala-berhala* teke amas, perak, tembaga, watu atau kayu; sa bakoi tau kiite, korongoi, ataupun malan, ²¹ dan reo bakoi batobat teke pamunu, sihir, * pencabulan, dan ngalat ngerut.

Chapter 10

¹ Balalu, uki kiite erai malaikat kuat lainne dolui teke surga, bapakaian awan dan salumparau naan gi bawo ulokne, dan rowawane iyalah mato ondro, dan poo ne iyalah tiang apui. ² Malaikat iro ngepot erang kaua kitab idok sa ta uka. Dan, Io ngampi rarah poo kawanne gi laut dan poo kewine gi darat,³ balalu ngariak andri lengan mehet, iyalah singa sa mengaum; dan ukah io ngariak, pitu guruh nanyu ngampi rengei lengan reo. ⁴ Hantek kapitu nanyu iro haut malengan, uki hamen manulisne, kude uki korongoi lengan teke surga sawada, "Segellah inun sa haut na wada daya kapitu nanyu iro! Ada nulisne!"⁵ Kamulek, malaikat sa iteku sokondrong gi laut dan gi darat iro ngenat longon kawanne mpah langit, ⁶ dan basumpah demi Io sa wolum kangohangne, sa ngulah langit dan kahai isine, dan bumi dan kahai isine, dan laut dan kahai isine, bahwa bakoi sagar naan penundaan kia, ⁷ kude gi masa lengan malaikat kapitu, hantek io hamen nyiwui trompet, maka tagenapilah rahasia Allah, iyalah sa na tahampe Ne pah kawan walah-Ne: kawan nabi*."⁸ Kamulek, lengan sa nien uki rongoi teke surga bapaner kia pah uki, wadane,"Tulak dan epoleh walunan kitab ta uka teke longon malaikt sa sokondrong gi bawo laut dan darat iro."⁹ Maka, uki tulak pah malaikat iro dan ilako io ngundru walunan kitab idok iro pah uki. Dan, malaikat iro bapaner pah uki, "Epoleh kitab itu dan okanleh, itu sagar ngulah wuntungko mapait, kude gi wawako, itu sagar bananam mamis iyalah riu wani."¹⁰ Balau, uki ngepo kitab idok gi longon malaikat iro dan ngokaanne, dan gi wawaku iro bananam mamis iyalah riu wani; dan hantek uki haut ngokanne, wuntungku jari mapait. ¹¹ Balalu, io bapaner pah uki, "Iko harus banubuat* kia gi hadapan rama bangsa dan kaum dan bahasa dan raja-raja."

Chapter 11

¹ Balalu, na undru pah uki erang kaua wulu, wangunne iyalah tungkeh pangukur, andri papaneran,"Tulak dan ukurlah Bait Allah dan altarne pada reo sa sambayang gi huang ne. ² Kude, ingkehleh sampatai Bait Allah gi hila luar, ada ngukurne ket iro haut na undru mpah bangsa-bangsa; dan reo sagar nijak-narah Kota Suci sa ohang 42 wulan.³ Dan, uki sagar ngundru kuasa pah ruo saksiku dan reo sgar banubuat* saohang 1260 ondro andri makai kain kabung." ⁴ Reo itu adalah 2 kakau zaitun dan 2 poo dian sa sokondrong gi hadapan Tuhan sa ngompun bumi, ⁵ Dan, amun naan ulun sa hamen ngampi hanang reo, apui kaluar teke wawa reo dan nutung musuh-musuh reo. Jika hiepun sa hamen ngahanangen reo, io sagar nawunu andri cara iyalah iro.⁶ Karuo ne iro naan kuasa neo nutup langit pakai uran bakoi dolui gi ondro-ondro nubuat reo; dan ngompun kuasabawo ranu neo ngubahne jari raya dan neo mepai bumi andri satiap malapetaka, sa gaha naaheng daya reo. ⁷ Dan, hantek reo haut nyanuput kasaksian reo, satua sa timul teke huang jurang maut sagar berperang dawan reo dan nyantalau reo, palus munu reo.⁸ Dan, bangkai karuo ne sagar baleng gi lalan kota idu, sa secara simbolis na ontuh Sodom*dan Mesir, duoi Tuhan takam pada na salibkan. ⁹ Dan, teke kahai bangsa dan suku, dan bahasa dan kaum sagar kiite bangkai karuo ne sa ohang 3,5 ondro dan bakoi sagar ngizin bangkai karuo ne na tungkubis gi kuburan.¹⁰ Dan,sa duoi gi bumi sagar basuka cita bawo reo dan baarai; dan reo saling ngirim hadiah erai andri sa lain ket karuo nabi itu nyiksa reo sa duoi gibumi. ¹¹ Kude, ukah 3,5 ondro, roh pamolum teke Allah masuk pah huang karuo bangkai iro, dan reo sokondrong gi bawo poo reo sehingga sa memperhatikan reo jari koi ronu. ¹² Balalu, reo korongoi lengan sa mehet teke surga bapaner pah reo, "Abaileh pataha!"Dan, reopun ngabai mpah surga huang awan, na saksi kawan musuh-musuh reo.¹³ Dan, gi tawuk iro, terjadilah gempa bumi sa dahsyat sehingga sepersapuluh kota iro runtun; dan pitu ribu ulun mate ket gempa bumi iro dan sa bakoi mate jari tuu takut, balalu nawat Allah sa gi surga ¹⁴ Bencana sa karuo haut metah; iteleh bencana sa katolu sagar hawi. Trompet sa Kapitu Malengan¹⁵ Balalu, malaikat sa kapitu nyiwui Trompetne, dan naan lengan mehet gi surga sa bapaner, "Pamarentah dunia haut jari pamarentah Tuhan takam dan Io Sa Naurapi-Ne*, dan Io sagar mamarentah hampe ma kangohangne."¹⁶ Kamulek, karuampulu muntuo-muntuo* sa maharung gi takhta reo, gi hadapan Allah, isudu dan nyamah Allah, ¹⁷ andri bapaner, "Kain basyukur pah-Iko, ya Tuhan, Allah sa Mahakuasa, Sa Naan dan Sa Haut Naan, ket Iko haut ngepo kuasa-Ko sa idu dan mulai mamarentah.¹⁸ Dan, bangsa-bangsa haut sangit, kude murka-Ko haut hawi, dan waktune haut tiba pah ulun-ulun mate neo nahakimi dan ngundru upa walah-walah-Ne, nabi-nabi*dan ulun-ulun kudus dan sa takut akan ngaran-Ko, sa odik dan sa idu, dan neo nyanenoh kawan panyanenoh bumi!"¹⁹ Kamulek, ta ukalah Bait Allah gi Surga dan taitelah Tabut Perjanjian Allah huang Bait-Ne, dan timul kelat dan lengan nanyu dan gempa bumi dan uran es sa royoh.

Chapter 12

¹ Ukah iro, naan erang kaua tanda sa idu gi langit: erang kaulun wawe ba pama mato ondro dan wulan gi pida poo ne dan mahkota teke dua walas wiwihiang gi ulokne. ² Wawe iro rahat sawuntung dan huang penderitaanne niba ngayaan, io ngariak kahanangan.³ Kamulek, naan erang kaua tanda sa lain gi langit: erang kaukui naga idu bawarna mea sa naan pitu ulok dan sapuluh tandruk dan pitu mahkota gi ulokne. ⁴ Ukui naga iro nyujut sepertolu wiwihiang gi langit dan numuk ne mpah bumi. Naga iro sokondrong gi hadapan wawe sa ngunu ngayaan iro pakai hantek wawe iro haut ngayaan, io tau nolon Pea ne.⁵ Wawe iro ngayaan erang kaulun Pea upo, sa sagar mamarentah bangsa-bangsa andri tungkeh jatang; kude Pea iro na rabut dan na oit pah Allah dan pah hadapan takhta-Ne.⁶ Wawe iro nempat pah jubut hukot, pah duoi sa na sadiakan Allah pah io pakai gi raha, io na palihara sa ohang saribu ruo jatuh enem pulu ondro.⁷ Dan, terjadilah paparangan gi surga, Mikhael dan kawan malaikatne berperang dawan naga iro. Naga iro berperang andri kawan malaikatne, ⁸ kude reo bakoi sukup kuat sehingga koi oeng kia duoi pah reo gi surga. ⁹ Naga idu iro na tumuk mpah pida, nipo montuo sa na ontuh Iblis atau Setan, sa nyantawang kahai dunia, io na tumuk mpah bumi, dan kawan malaikatne na tumuk mpah pida baya io.¹⁰ Dan, uki korongoi lengan mehet gi surga bapaner, 'Tataha, haut hawi kasalamaten, kuasa, dan karajaan Allah takam, nelang kekuasaan Kristus*-Ne et si panuduh pulaksanai-pulaksanai takam, sa nuduh reo gi hadapan Allah kaondro dan kamalom , haut na tumuk mpah pida.¹¹ Reo nyantalaune andri raya Pea Babiri, dan andri papaneran dan kasaksian reo; ket reo bakoi ma,ahi nyawa reo, bahkan nadap pampate. ¹² Ket iro, baarai mihewuleh, hai surga dan kahai sa duoi gi huang ne! Kude, salakaleh bumi dan laut ket Iblis haut dolui pah iko huang panyangitne sa idu ket io kotoe bahwa waktu sa na milikine singkat."¹³ Hantek naga iro kiite bahwa io haut na tumuk mpah bumi, io nganiyaya wawe sa haut ngayaan Pea upo nien. ¹⁴ Kude, wawe iro na undru ruo elat wurung raja wali sa idu pakai io tau samiding pah jubut hukot, pah duoi ne, gi hawe io na pariku sa ohang erai masa, ruo masa, dan setengah masa oro teke hadapan hi nipo.¹⁵ Nipo iro nyamur ranu iyalah sunge mpah arah wawe iro, pakai nyantaping wawe gi huang ne. ¹⁶ Kude, bumi ngarawah wawe iro; bumi nguka wawane dan nolon ranu sa na samur naga iro. ¹⁷ Balalu, naga jari sangit tuu mpah wawe iro dan tulak neo memerangi pea-pea sa lain teke wawe iro, iyoiro ulun-ulun sa mamalihara parentah-parentah Allah dan ikepot mpah kasaksian Yesus. ¹⁸ Naga iro sokondrong gi hiring laut.

Chapter 13

¹ Kamulek, uki kiite erang kaukui satua buas timul teke huang laut, naan sapuluh tandruk dan pitu ulok. Gi satiap tandrukne naan erang kaua mahkota dan gi satiap ulokne tatulis ngaran-ngaran hinaan. ² Satua buas sa naiteku iro mirip andri macan tutul, poo ne iyalah poo biang, dan wawane iyalah wawa singa. Naga iro ngundru satua buas iro kakuaten, takhta, dan kuasa sa idu.³ Uki kiite erai teke ulok-ulokne iyalah uah batan sa tau ngulah pampate, kude batan iro jari ware. Kahai dunia kagum dan uma satua buas iro. ⁴ Dan, reo nyamah naga iro ket haut nganyu kakuaten ne mpah satua buas iro; Dan reo nyamah satua buas iro andri sawada, "Hiekah sa iyalah satua buas itu dan hie kah sa sanggup berperang dawan io?"⁵ Dan, mpah io na undru wawa sa bapaner sombong dan menghujat, dan kuasa neo ngawi ne sa ohang 42 wulan. ⁶ Io nguka wawane huang hujatan dawan Allah, neo menghujat ngaran-Ne, dan kemah-Ne, dan reo sa duoi gi surga.⁷ Io pada na izin neo memerangi ulun-ulun kudus dan nyantalau reo; dan mpah io na undru kuasa bawo kahai suku, kaum, bahasa, dan bangsa. ⁸ Kahai sa duoi gi bumi sagar nyamah io, iyoiro satiap ulun sa ngaranne bakoi tatulis sejak dunia na sanyari huang kitab pamolum sa na ompun Pea Babiri, sa haut na samalis.⁹ Satiap ulun sa naan talingo wareleh io nyondrongoi itu: ¹⁰ "Apabila erang kaulun na tentukan sebagai tawanan, io sagar jari tawanan, apabila erang kaulun munu andri pedang, andri pedang io harus na wunu." Satua sa Kaluar teke Bumi¹¹ Balalu, uki kiite erang kaukui satua buas kaluar teke huang bumi; dan satua iro naan ruo tandruk iyalah pea babiri, kude io bapaner iyalah erang kaukui naga. ¹² Io menjalankan kahai kuasa satua buas sa pertama iro gi hadapanne, dan ngulah bumi dan reo sa duoi gi huang ne nyamah satua buas pertama, sa batan parahne haut na samare.¹³ Io ngulah tanda-tanda ajaib sa idu, bahkan ngampi dolui apui teke langit mpah bumi, gi hadapan ulun-ulun. ¹⁴ Dan, io nyantawang ulun-ulun sa duoi gi bumi andri tanda-tanda ajaib sa naizinkan mpah io neo na ulah gi hadapan satua buas sa pertama. Io iwada mpah reo sa duoi gi bumi neo ngulah sampatung satua buas sa pertama, sa batan daya pedang, kude tatap wolum.¹⁵ Io na izinkan neo ngundru hengo mpah sampatung satua buas iro sehingga sampatung satua buas iro tau bapaner dan ngulah ulun-ulun sa bakoi nyamah sampatung iro na wunu. ¹⁶ Dan, io ngulah kahai ulun, odik atau idu, tatau atau pauwa, walah atau ulun merdeka, na undru erai tanda gi longon kawan atau rai ne, ¹⁷ pakai bakoi erang kaulunpun kaiyuh moli atau ngari kacuali io sa naan tanda iro, iyoiro ngaran satua buas iro atau bilangan ngaran ne.¹⁸ Hal itu perlu hikmat. Ingkehleh ulun sa bijaksana nandreken angka satua buas iro ket angka iro adalah angka erang kaulun murunsia; dan angkane enem jatuh enem pulu enem.

Chapter 14

¹ Kamulek, uki kiite Pea Babiri sokondrong gi Bukit Sion, dan baya-Io naan 144 ribu ulun, sa naan ngaran Uma-Ne gi rai reo. ² Uki korongoi lengan teke surga iyalah guhuk ranu sa rama iyalah lengan nanyu mehet, kude lengan sa na rongoi ku iro iyalah lengan kawan pamain kecapi sa memainkan kecapi reo.³ Reo manyanyikan suatu nyanyian wayu gi hadapan takhta dan gi hadapan kaopat satua dan gi hadapan muntuo-muntuo*. Koi oeng eraipun ulun tau mempelajari nyanyian iro salain ka jatuh opat pulu opat ribu ulun sa haut na tewuh teke bumi. ⁴ Reo adalah ulun-ulun sa bakoi menajiskan tonga andri wawe-wawe ket reo perjaka. Reo adalah ulun-ulun sa uba Pea Babiri pah awepun Io tulak. Reo haut na tewuh teke suan murunsia jari ua-ua sa pertama mpah Allah dan Pea Babiri. ⁵ Bakoi oeng ojo huang wawa reo; reo bakoi bahala. Pesen teke Tolu Malaikat⁶ Uki kiite malaikat lain samiding gi suan langit, ngoit Injil* kekal neo na baritakan mpah reo sa duoi gi bumi dan mpah kahai bangsa, suku, bahasa, dan kaum ⁷ dan io bapaner andri lengan mehet, "Takutlah mpah Allah dan undrulah kamuliaen mpah-Io ket waktu penghakiman-Ne haut tiba; samahlah Io sa ngulah langit, bumi, laut, dan kahai mato ranu."⁸ Balalu, malaikat sa lain, sa karuo, ngapung dan iwada, "Runtun, haut runtun Babel sa idu iro ket io haut ngulah kahai bangsa minum anggur nafsu seksualne sa bejat."⁹ Kamulek, malaikat sa lain, sa katolu, ngapung karuo malaikat sametene, dan iwada andri lengan mehet, "Jika hiepun nyamah satua iro dan sampatungne, dan narime erai tanda gi rai atau longonne, ¹⁰ ulun iro sagar minum anggur murka Allah, sa na tuangkan andri kakuaten ponu mpah huang cawan murka-Ne, dan io sagar na siksa andri apui balerang gi hadapan malaikat-malaikat kudus dan gi hadapan Pea Babiri.¹¹ Dan, atuk siksaan reo ngabai kangohangne. Reo koi oeng waktu neo istirahat, koondro atau kamalom, iyoiro reo sa nyamah satua iro dan sampatungne, atau hiepun sa narime tanda ngaranne." ¹² Itulah ketekunan ulun-ulun kudus sa malihara parentah Allah dan iman reo gi huang Yesus.¹³ Balalu, uki korongoi lengan teke surga bapaner, "Tulislah itu: Malai tataha, naberkatilah ulun mate, sa mate gi huang Tuhan."Roh* sawada, "Bujur, pakai reo kaiyuh baistirahat teke uyuh rara reo ket gawian-gawian reo uba reo." Bumi Nawasi¹⁴ Balalu, uki kiite awan wura dan maharung gi bawo awan iro erang kaulun iyalah Pea Murunsia*,makai mahkota amas gi ulok-Ne dan arit* sakomat gi longon-Ne. ¹⁵ Balalu, malaikat lain kaluar teke Bait Allah, dan baseru andri lengan mehet mpah Io sa maharung gi bawo awan, "Ayunkan arit-Ko dan wasileh ket waktu pakai masi gi bumi haut hawi." ¹⁶ Maka, Io sa maharung gi bawo awan mangayunkan arit-Ne mpah bawo bumi, dan bumipun na wasi.¹⁷ Kamulek, malaikat lain kaluar teke Bait Allah sa gi surga, dan io pada naan arit sa komat. ¹⁸ Dan, malaikat sa lain kia, sa bakuasa bawo apui, kaluar teke altar*. Io baseru andri lengan mehet mpah malaikat sa ngepot arit komat iro, "Ayunkan arit ko sa komat iro dan kumpul leh gugusan ua anggur teke kakau anggur gi bumi."¹⁹ Maka, malaikat iro mengayunkan aritne mpah bumi dan ngumpul gugusan ua anggur teke kakau anggur gi bumi dan numukne mpah huang watu kilangan murka Allah. ²⁰ Pamianan ua anggur iro na ulah gi luar kota, dan raya mareh teke alat pamianan anggur iro kira-kira saobo kekang kuda dan sapanyang saribu onom jatuh stadia.

Chapter 15

¹ Uki kiite tanda lain gi langit, sa idu dan ajaib, pitu malaikat sa ngoit pitu bencana sa pangalisan, ket huang kapitu bencana iroleh murka Allah naakhiri.² Balalu, uki kiite suatu iyalah lautan kaca basampur apui dan reo sa haut nyantalau satua iro, sampatungne, dan angka ngaran ne, sokondrong gi iring lautan kaca iro andri ngepot kecapi Allah.³ Reo manyanyi nyanyian Musa,* walah Allah, dan nyanyian Pea Babiri: "Idu dan ajaib kahai gawian-Ko, ya Tuhan, Allah Sa Mahakuasa. Adil dan bujur kahai lalan-Ko, ya Raja kahai bangsa. ⁴ Hiekah sa bakoi takut mpah-Iko, ya Tuhan dan bakoi memuliakan ngaran-Ko? Sabab, ekat Ikolah sa kudus. Kahai bangsa sagar hawi dan nyamah gi hadapan-Ko ket keadilan-Ko haut nanyatakan."⁵ Ukah kahai hal itu, uki kiite Bait Allah, kemah kesaksian Allah gi surga, ta uka. ⁶ Pitu malaikat sa ngoit pitu bencana iro kaluar teke Bait Allah, bapakaian linen sa wura dan bakilau, dan makai salempang amas gi dada reo.⁷ Erai teke kaopat satua ngundru mpah kapitu malaikat iro pitu cawan amas, ponu murka Allah, sa wolum hampe makangohangne. ⁸ Bait Allah na tomponu andri atuk teke kemuliaan Allah dan teke kuasa-Ne; dan koi oeng eraipun ulun iyuh masuk Bait Allah samete pitu bencana teke kapitu malaikat iro baakhir.

Chapter 16

¹ Balalu, uki korongoi naan lengan sa mehet teke huang Bait Allah sa iwada mpah kapitu malaikat, "Tulakleh dan wawakleh kapitu cawan murka Allah iro mpah bumi."² Malaikat pertama tulak dan mawak cawan ne mpah bumi, maka timullah sabulintak sa menjijikkan dan mahanang mpah ulun-ulun sa makai tanda satua iro dan nyamah sampatungne.³ Malaikat karuo mawak cawanne mpah laut, maka laut baubah jari raya, iyalah raya ulun mate; dan kahai sa wolum gi huangne pun jari mate.⁴ Malaikat ka tolu mawak cawanne mpah sunge-sunge dan mato- mato ranu, dan kahaine jari raya. ⁵ Balalu, uki korongoi malaikat sa bakuasa bawo ranu sawada, "Iko adil, ya sa Suci, sa naan dan sahaut naan ket Iko menghakimi kahai itu. ⁶ Sabab, reo haut mawak raya umat-Ko sa kudus dan raya nabi-nabi-Ko*,kude Iko ngundru reo raya neo na minum. Reo pantas narimene." ⁷ Dan, uki korongoi altar* sawada, "Ya Tuhan, Allah Sa Maha Kuasa, bujur dan adillah penghakiman-Ko.'⁸ Malaikat kaopat mawak cawanne mpah bawo mato ondro, maka mato ondro na undru kuasa neo ngampi etong murunsia andri apui. ⁹ Murunsia naampi etong et layong saluar biasa, kude reo menghujat ngaran Allah sa kaompun kuasa bawo kahai bencana itu. Reo bakoi hakon batobat dan nawat Allah.¹⁰ Malaikat kadimo mawak cawanne mpah bawo takhta satua iro, maka karajaanne jari sirom; dan reo ngikit lola reo ket kahanangan, ¹¹ dan menghujat Allah sa gi surga ket hanang dan sabulintak reo; kude reo bakoi batobat teke gawian-gawian reo.¹² Malaikat kaonom mawak cawanne mpah sunge idu, iyoiro Efrat, maka ranune jari karing neo nyiap lalan mpah raja-raja teke Timur. ¹³ Balalu, uki kiite teke wawa naga, teke wawa satua iro, dan teke wawa nabi palsu kaluar tolu roh najis sa naite iyalah ja,ung, ¹⁴ ket reo adalah roh-roh jahat, sa ngulah tanda-tanda ajaib, sa tulak mpah raja-raja gi bumi neo ngumpul reo neo nadap paparangan gi ondro idu, iyoiro ondro Allah, Sa Maha Kuasa.¹⁵ (''Ite! Uki hawi iyalah maling. Na berkatileh ulun sa tatap kaelan dan malihara pamane sehingga io bakoi sagar malan andri tabentur dan ulun-ulun bakoi kiite kamaluanne.") ¹⁶ Kamulek roh-roh jahat iro ngumpul reo gi duloi, gi huang bahasa Ibrani na ontuh Harmagedon.¹⁷ Malaikat kapitu mawak cawanne mpah udara, balalu narongoi naan lengan sa mehet teke huang Bait Allah, teke takhta iro, iwada, "Haut luput." ¹⁸ Dan, naan kelat nyamar, lengan nanyu, dan gempa bumi sa tamam, iyalah mete suah terjadi teke murunsia naan gi bumi, tuu dahsyat gempa iro. ¹⁹Kota idu iro patuhi jari tolu bagian, dan kota-kota bangsa-bangsa runtun; dan Babel sa idu iro bakoi naampiloloi Allah neo na undru mpah io cawan anggur murka-Ne sa meluap.²⁰ Satiap pulau jawoh dan gunung-gunung bakoi na tangkahong. ²¹ Uran es sa idu kira-kira sa wiet 1 talenta, lawu teke langit ngatekan murunsia; kude murunsia menghujat Allah ket bencana uran es iro. Sabab, bencana iro miiro mengerikan.

Chapter 17

¹ Kamulek, erai teke kapitu malaikat sa ngepot pitu cawan iro nyantete dan bapaner mpah uki, wadane, "Pataha, uki sagar nutui mpah iko hukuman pah pelacur idu iro, sa maharung bawo rama ranu, ² sa andri io raja-raja gi bumi bazina dan reo sa duoi gi bumi haut mabuk ket anggur perzinaanne."³ Malaikat iro ngoit uki huang Roh mpah huang jubut hukot, dan uki kiite erang kaulun wawe maharung gi bawo erang kaukui satua bawarna mea sa ponu andri ngaran-ngaran hujat, sa naan pitu ulok dan sapuluh tandruk. ⁴ Wawe iro makai pama bawarna ungu dan mea sa nahiaskan amas, watu-watu permata, dan mutiara. Io ngepot erang kaua cawan amas sa ponu andri kekejian dan kenajisan perzinaanne. ⁵ Gi rai ne, tatulis ngaran, suatu rahasia;⁶ Uki kiite wawe iro mabuk ket raya ulun-ulun kudus dan ket raya saksi-saksi Yesus. Hentek uki kiite ne, uki kiinam tuu heran. ⁷ Balalu, malaikat sawada mpah uki, "Ket inun iko heran? Uki sagar iwada mpah iko rahasia wawe iro dan rahasia satua sa na abai ne, sa baulok pitu dan batandruk sapuluh iro.⁸ Satua sa na ite ko iro suah naan, kude tataha haut koi oeng, dan sagar kaluar teke jurang maut nuju mpah kebinasaan. Dan, reo sa duoi gi bumi, sa ngaranne bakoi tacatat huang kitab pamolum teke dunia na ciptakan, sagar heran hantek kiite satua iro, sa suah naan, kude tataha haut koi oeng, dan sagar timul kia.⁹ Hal itu membutuhkan akal dan hikmat. Pitu ulok iro adalah pitu gunung sa gi bawone wawe iro maharung. ¹⁰ Pitu ulok iro pada adalah pitu raja, dimo gi antarane haut lawu, erai raja masih naan, dan erai raja kia mete hawi, kude hantek io hawi, io harus duoi erang alik.¹¹ Satua sa pono suah naan, kude tataha koi oeng kia iro, adalah raja kawalu kude io tasui huang pitu raja indre, dan io nuju kabinasaan.¹² Sapuluh tandruk sa naite ko iro iyoiro sapuluh raja samete suah narime pamarentahan, kude reo narime kuasa sebagai raja sa ohang erai jam baya satua iro. ¹³ Reo naan tujuan sameh, dan reo ngundru kuasa dan wewenang reo mpah satua iro. ¹⁴ Reo sagar berperang dawan Pea Babiri, kude Pea Babiri sagar nyantalau reo ket Io adalah Tuhan bawo kahai tuhan dan Raja bawo kahai raja dan reo sa ibaya-Io adalah sa nawowa, napeli, dan sa setia."¹⁵ Kamulek, malaikat iro sawada mpah uki, "Ranu sa naite ko, sa gi bawone pelacur iro maharung, adalah masyarakat, ulun rama, bangsa, dan bahasa.¹⁶ Kasapuluh tandruk sa naite ko dan satua iro sagar muar hi pelacur. Reo sagar ngulah ne talantar dan tabentur, nelang ngokan daging ne dan nutung io andri apui. ¹⁷ Sabab, Allah haut ngingkeh hal iro gi huang ate reo neo mencapai tujuan-Ne andri satuju neo ngundru kakuasaen reo mpah satua iro hampe firman Allah na ganapi.¹⁸ Wawe sa naite ko iro adalah kota idu sa mamarentah bawo raja-raja gi bumi."

Chapter 18

¹ Ukah kahai itu, uki kiite malaikat lain dolui teke surga, sa naan kuasa sa idu, dan bumi na sandraai ket kamuliaenne. ² Io baseru andri lengan sa mehet, wadane, "Runtun! haut runtun Babel sa idu iro! Io haut jari duloi duoi setan-setan dan penjara mpah satiap roh najis, hanai mpah satiap jenis wurung sa najis dan sa na kuar. ³ Sabab, kahai bangsa haut mabuk anggur nafsu zinane, raja-raja gi bumi haut bazina andri io, dan padagang-padagang gi bumi jari tatau ket hawa nafsune sa idu."⁴ Balalu, uki korongoi lengan lain teke surga sawada, "Hai umat-Ku kaluarlah teke io pakai iko bakoi talibat huang dosa ne dan bakoi narime bencana sa sagar ngatekanne. ⁵ Sabab, dosa-dosane haut batumpuk hampe mpah langit dan Allah haut ngitung pelanggaran-pelanggaranne. ⁶ Perlakukan kota iro sameh andri io haut memperlakan, balaskan mpah io ruo kali lipat bawo perbuatan-perbuatanne, dan huang cawan sa napakai neo nyampur, sampurleh ruo kali lipat.⁷ Sarama io haut memuliakan dan ngundru kemewahan mpah io raerai, undruleh siksaan dan perkabungan mpah io sarama iro. Sabab, io sawada huang ate ne, 'Uki maharung iyalah erang kaulun ratu, uki bakoi walu dan bakoi sagar suah kiite perkabungan.' ⁸ Ket iro, huang erang ondro bencana-bencanane sagar hawi mpah io, iyoiro pampate, perkabungan, dan kala,u. Io sagar na tutung andri apui ket Tuhan Allah sa menghakimi io iro bakuasa."⁹ Raja-raja gi bumi, sa haut bazina dan wolum gi huang kemewahan baya io, sagar ngiak dan meratapine hentek reo kiite atuk apui nutung ne, ¹⁰ sokondrong oro-oro ket koi ronu nadap siksaanne, dan ngiak, "Salaka, Salakalah, kota sa idu, Babel, kota sa kuat iro! Sabab, huang erang jam penghakiman ko haut hawi!"¹¹ Padagang-padagang gi bumi sagar ngiak dan bakabung neo kota iro ket bakoi erang kaulunpun sagar moli dagangan reo kia, ¹² iyoiro amas, perak, permta, mutiara, kain linen halus, kain ungu, kain sutra, kain kirmizi, berbagai jenis barang teke kayu sa harum ewone, barang-barang sa taulah teke gading, teke kayu sa rarang, teke tembaga, jatang, marmer, ¹³ kayu mamis, rarampah, wewangian, mur, kamanyan, anggur, minyak, tepung halus, gandum, lembu sapi, babiri, kuda, kareta, budak bahkan nyawa murunsia.¹⁴ Reo sagar iwada, "Wua sakahamenen jiwa ko haut jawoh teke iko, kahai sa mewah andri indah haut jawoh teke iko, dan bakoi sagar na tangkahong kia."¹⁵ Kawan padagang barang-barang itu, sa jari tatau ket kota iro, sagar sokondrong oro-oro ket koi ronu nadap siksaan sa na alami kota iro, nelang ngiak dan bakabung. ¹⁶ Reo sawada, "Salaka! Salaka kota idu iro, sa bapama linen halus; sa makai kain ungu dan kain kirmizi, dan berhiaskan amas, watu-watu permata, dan mutiara! ¹⁷ Sabab, huang erang jam, kahai panatau iro haut na musnahkan!" Kahai nakhoda, panumpang, awak kapal, dan kahai ulun sa keto nafkah teke laut sagar sokondrong oro-oro,¹⁸ dan baseru hantek reo kiite atuk tutungan kota iro, "Kota saawe iyalah kota idu itu?" ¹⁹ Reo namur habu mpah ulok reo dan baseru nelang ngiak dan bakabung, wadane, "Salaka! Salakalah kota idu iro, sa teke io kahai sa kaompun kapal laut haut jari tatau ket kalimpahen ne! Sabab, huang erang jam, koa iro haut jari suni!" ²⁰ Baarai mihewulah bawo io, hai surga, hai ulun-ulun kudus, rasul-rasul,* dan nabi-nabi!* ket Allah haut nyanawu hukuman bawo kota iro mpah iko.²¹ Balalu, erai malaikat sa kuat ngenat erang kaua watu sa idune yalah watu kilangan dan numukne mpah laut nelang sawada, "Yalah ituleh Babel, kota idu iro, sagar na sanawu dan bakoi suah na tangkahong kia. ²² Lengan kawan pamain kecapi, panyiwui suling, trompet, dan alat musik lainne bakoi sagar ta sondrongoi kia gi huang ko. Bakoi oeng pengrajin, sa tau ngulah kahai karajinan, sa sagar na kahong gi huang ko. Lengan panggilingan bakoi sagar tasodrongoi kia gi huangko.²³ Raai lampu bakoi sagar maraai gi huangko. Lengan pangantin upo dan pangantin wawe bakoi sagar tasondrongoi kia gi huangko, ket padagang-padagangko adalah piidu-piidu gi bumi. Sabab, kahai bangsa haut na santawang ket sihirko.* ²⁴ Dan, gi huang kota iro nakahong raya nabi-nabi, ulun-ulun barasis, dan raya kahai ulun sa haut na wunu gi bumi."

Chapter 19

¹ ukah iro, uki korongoi lengan sa mehet yalah sakumpulan idu ulun gi surga sawada, "Haleluya! Kasalamaten, kamuliaen, nelang kakuasaen adalah milik Allah takam ² ket panghakiman-Ne bujur dan adil; ket Io haut mengadili palacur idu iro, sa nandrusak bumi andri kebejatanne, dan haut mambalaskan raya hamba-hamba-Ne mpah palacur iro."³ Mpah karuo kaline, reo sawada,''Haleluya! atuk palacur iro haut ngabai mpah kangohangne." ⁴ Balalu, karuampulu opat montuo-montuo* dan kaopat satua iro sujud dan nyamah Allah, sa maharung gi bawo takhta, andri sawada, "Amen!* Haleluya!"⁵ Kamulek, tarongoi lengan teke takhta "Pujilah Allah takam, hai iko kahai sa melayani Io, baik sa odik atau sa idu, sa mahormati Io!" Pesta Piaduan Pea Babiri⁶ Balalu, uki korongoi lengan yalah sakumpulan ulun rama, yalah lengan ranu baah, dan yalah lengan nanyu sa tamam, sawada, "Haleluya! Sabab, Tuhan Allah takam Sa Maha Kuasa mamarentah.⁷ Hayu takam baarai mihewu dan basorak-sorai, dan ngundru kamuliaen mpah-Io ket ondro piaduan Pea Babiri haut siap. ⁸ Mpah io haut na undru kain linen halus sa barasis dan cemerlang, neo na pakai ket kain linen iro adalah gawian uah sa na ulah ulun-ulun kudus."⁹ Kamulek, malaikat iro sawada mpah uki, "Tulislah itu: Naberkatilah ulun sa na undang mpah jamuan piaduan Pea Babiri !"' Dan io sawada kia mpah uki, "Itu adalah papaneran sa uah teke Allah."¹⁰ Balalu, uki isudu gi poo malaikat iro neo nyamah io. Kude, io sawada mpah uki, "Ada naulah iro ket uki pada walah iyalah iko dan pulaksanai-pulaksanaiko sa ikepot mpah kasaksian Yesus. Samahleh Allah ket kasaksian Yesus adalah roh nubuat.*" Panungkang Kuda Wura¹¹ kamulek, uki kiite surga tauka, dan kaluarlah erang kukui kuda wura; Io sa maharung gi bawone bangaran Setia dan Uah, dan huang kabujuren Io menghakimi dan berperang. ¹² Mato- Ne iyalah lelap apui, gi ulok-Ne hene mahkota, dan Io sa kaompun ngaran sa tatulis, sa bakoi na kotoe eraipun ulun, kacuali tonga-Ne raerai. ¹³ Io makai jubah sa ukah nasolop mpah huang raya, dan ngaran-Ne adalah Firman Allah.¹⁴ Kahai pasukan sa naan gi surga notah Io andri nungkang kuda wura dan ba pama kain linen halus sa wura dan barasih. ¹⁵ Teke wawa-Ne, kaluar erang kaua pedang komat sa napakai neo mepai bangsa-bangsa. Io sagar mamarentah bawo reo andri tungkeh jatang. Io sagar mian anggur huang watu kilangan, sa adalah panyangit Allah Sa Mahakuasa. ¹⁶ Gi jubah dan sapak-Ne tatulis ngaran itu: RAJA BAWO KAHAI RAJA DAN TUAN BAWO KAHAI TUAN.¹⁷ Kamulek, uki kiite erang kaulun malaikat sokondrong gi huang mato ondro. Io baseru andri lengan mehet mpah kahai wurung samiding gi langit, "Hayu, bakumpullah neo baya huang jamuan kuman idu Allah, ¹⁸ pakai iko kaiyuh ngokan daging kawan raja, daging kawan pangalima, daging ulun-ulun mapo, daging kuda-kuda dan reo sa maharung gi bawo ne, dan daging kahai ulun, inun iro ulun bebas maupun ulun mardeka, ulun odik maupun ulun idu."¹⁹ Balalu, uki kiite satua iro dan kawan raja gi bumi nelang pasukan reo bakumpul neo berperang dawan Io sa maharung gi bawo kuda wura iro dan dawan pasukan-Ne. ²⁰ Maka, satua iro na jama, baya nabi palsune sa haut ngulah tanda-tanda ajaib gi hadapan satua iro, sa andri ne io nyantawang reo sa narime tanda satua iro dan reo sa nyamah sampatungne. Reo kahai na tumuk mpah huang lautan apui sa malelap daya balerang.²¹ Dan, sisane na wunu andri pedang sa kaluar teke wawa-Ne sa maharung gi bawo kuda wura iro dan kahai wurung na tamosing andri daging reo.

Chapter 20

¹ Kamulek, uki kiite malaikat duloi teke surga, ngoit kunsi jurang maut dan erang kaua rantai idu gi longonne. ² Io nyama naga iro, hi Nipo Muntuo, iyo iro Setan dan Iblis, dan nyurukne saohang saribu taun, ³ numukne mpah huang jurang maut, nutupne, dan nyegelne pakai io bakoi tau nyantawang bangsa-bangsa kia, hampe saribu taun iro baakhir. Ukah iro, io sagar nongkosit sementara.⁴ Balalu, uki kiite takhta-takhta dan gi bawo ne maharung ulun-ulun sa na undru kuasa neo menghakimi. Uki kiite jiwa ulun-ulun sa na tuhi ulokne ket kasaksian Yesus dan ket firman Allah, dan reo sa bakoi nyamah satua iro atau sampatungne dan bakoi narime tanda satua iro gi raine atau longon reo. Reo wolum mulek dan mamarentah ibaya Kristus sa ohang saribu taun.⁵ Kude, ulun-ulun mate salainne bakoi wolum kia amun mete masa saribu taun iro baakhir. Ituleh kebangkitan sa pertama. ⁶ Naberkati dan barasisleh ulun-ulun sa kaiyuh bagian huang kebangkitan* sa pertama iro. Nadap ulun-ulun itu, pampate sakaruo bakoi bakuasa, kude reo sagar jari imam-imam Allah dan Kristus, dan sagar mamarentah andri Io saohang saribu taun. Panalau Iblis⁷ Ukah masa saribu taun baakhir, Iblis sagar na tongkosit teke panjarane. ⁸ Io sagar tulak neo nyantawang bangsa-bangsa gi koopat penjuru bumi, Gok dan Magok, dan ngumpul reo neo berperang. Jumlah reo iyalah pasir gi laut.⁹ Reo ngabai mpah dataran bumi dan ngepung perkemahan ulun-ulun barasis dan kota sa nakalelu. Kude, apui duloi teke langit dan ngampietong reo. ¹⁰ Balalu, setan sa haut nyantawang reo na lampi mpah huang lautan apui dan balerang, gi rahalah satua dan nabi palsu pada na lampi. Reo sagar na siksa koondro kamalom sa kangohang ne. Penghakiman gi Hadapan Takhta Wura¹¹ Ukah iro, uki kiite takhta wura sa idu dan Io sa maharung gi bawone, sa teke hadapan-Ne bumi dan langit jawoh dan bakoi na tangkahong kia duoi mpah reo. ¹² Dan, uki kiite ulun-ulun mate, idu dan odik, sokondrong gi hadapan takhta iro, balalu na ukalah kitab-kitab dan erang kaua kitab sa lain, iyoiro Kitab Pamolum, dan ulun-ulun mate iro nahakimi badasarkan inun sa natulis huang kitab-kitab iro, sasuai perbuatan reo.¹³ Laut manyarahkan ulun-ulun mate sa naan gi huang ne, maut dan Hades pada manyarahkan ulun-ulun mate sa naan gi huang ne dan reo na hakimi, masing-masing manurut gawianne. ¹⁴ Balalu, maut dan Hades na lampi mpah huang lautan apui. Ituleh pampate sa karuo -- lautan apui. ¹⁵ Apabila erang kaulun ngranne tatulis huang Kitab Pamolum, io sagar nalampi mpah huang lautan apui iro.

Chapter 21

¹ Kamulek, uki kiite langit sa wayu dan bumi sa wayu. Sabab, langit sa pertama dan bumi sa pertama haut jawoh; dan laut pada haut koi oeng. ² Balalu, uki kiite kota sa kudus, Yerusalem Wayu, dolui teke langit, teke Allah, dan haut nasiap yalah pangantin wawe badandan neo huongne.³ Uki korongoi lengan sa mehet teke takhta sawada, "Iteleh,kemah Allah naan gi suan murunsia. Io sagar duoi gi suan reo dan reo sagar jari umat-Ne. Allah raerai sagar naan gi suan reo dan jari Allah reo. ⁴ Io sagar muhut satiap ranu mato teke mato reo dan maut bakoi sagar naan kia, bakoi sagar naan kia perkabungan, tungkau atau hanang ket sa ohang haut metah.''⁵ Io sa maharung gi takhta iro sawada, "Iteleh, Uki nyanyari kahai ne wayu!"Wada-Ne kia,tulislah itu ket papaneran-papaneran itu tau na harap dan uah.'' ⁶ Kamulek, Io sawada mpah uki, "Haut luput! Uki adalah Alfa dan Omega, Sa Awal dan Sa Akhir. Uki sagar ngundru minum mpah satiap ulun sa kakan minum teke mato ranu pamolum secara cuma-cuma.⁷ Io sa manang sagar mewarisi kahaine itu; Uki sagar jari Allahne dan io sagar jari pea-Ku. ⁸ Kude, reo sa takut, bakoi harap, dan keji; tukang wunu, ulun-ulun sundal, tukang sihir,* kawan panyamah berhala,* dan kahai tukang ojo, sagar kaiyuh bagian reo huang lautan sa malelap et apui dan balerang. Ituleh pampate karuo.'' Yerusalem Wayu⁹ Kamulek, erai teke pitu malaikat sa ngepot pitu cawan sa ponu andri pitu bencana terakhir iro hawi dan iwada mpah uki, "Hayuleh, uki sagar nutui mpah iko pangantin wawe, wawen Pea Domba iro."¹⁰ Balalu, io ngoit uki huang Roh nuju mpah gunung sa tuu idu dan obo, nelang nutui mpah uki kota suci iro, Yerusalem, sa duloi teke langit, teke Allah,¹¹ ponu andri kamuliaen Allah dan raai ne yalah permata sa tuu rarang, yalah permata yaspis, tanang yalah kristal. ¹² Kota iro naan tembok sa idu dan obo andri ruo walas manamang gerbang. Gi manamang-manamang gerbang iro naan ruo walas malaikat dan ngaran-ngaran sa tatulis gi bawo ne, iyoiro ngaran karuo walas suku Israel.* ¹³ Naan tolu manamang gerbang gi hila timur, tolu manamang gerbang gi hila utara, tolu manamang gerbang gi hila selatan, dan tolu manamang gerbang gi hila barat.¹⁴ Tembok kota iro naan ruo walas watu fondasi dan gi bawo watu-watu fondasi iro tatulis ngaran karuo walas rasul* Pea Domba. ¹⁵ Malaikat sa bapaner mpah uki iro ngepot erang kaua tungkeh pangukur sa naulah teke amas neo ngukur kota iro, manamang-manamang gerbang ne, dan tembokne.¹⁶ Kota iro babentuk sagi opat, panyangne sameh andri lebarne. Io ngukur kota iro andri tungkehne, ruo walas ribu stadia; panyang, lebar, dan obone sameh. ¹⁷ Balalu, io ngukur tembok kota iro, jatuh opat pulu opat hasta, manurut ukuran murunsia, sa pada merupakan ukuran malaikat.¹⁸ Tembok kota iro na ulah teke permata yaspis dan kota iro na ulah teke amas murni, sabening kaca. ¹⁹ Fondasi tembok kota iro terdiri bawo kahai jenis permata sa rarang. Watu fondasi sa pertama iyoiro watu yaspis, sa karuo watu safir, sa katolu watu mirah, sa kaopat adalah watu zamrut, ²⁰ sa kadimo watu unam, sa kaonom watu sardis, sa kapitu watu ratna cempaka, sa kawalu watu beril, sa kasuei watu krisolit, sa kasapuluh watu krisopras, sa ka sawalas watu lazuardi, dan sa karuo walas adalah watu kecubung.²¹ Karuo walas manamang gerbang ne adalah ruo walas mutiara, masing-masing manamang gerbang naulah teke mutiara. Lalan kota iro na ulah teke amas murni, sabening kaca. ²² Uki bakoi kiite Bait Allah*gi huang kota iro ket Tuhan, Allah Sa Maha Kuasa, dan Pea Dombalah jari Bait Allah kota iro.²³ Kota iro bakoi perlu mato ondro atau wulan neo nyandraaine ket kamuliaan Allah nyandraai kota iro dan Pea Domba adalah lampu ne. ²⁴ Bangsa-bangsa sagar malan huang piraai kota iro dan raja-raja gi bumi sagar ngoit kamuliaen reo mpah huang ne. ²⁵ Manamang-manamang gerbang ne bakoi sagar suah na tutup gi suan ondro, dan bakoi sagar naan kamalom gi raha.²⁶ Reo sagar ngoit kamuliaen dan hormat bangsa-bangsa mpah huang kota iro. ²⁷ Kude, koi oeng eraipun sa najis sagar masuk mpah huang kota iro, pada ulun-ulun ngulah hal-hal keji atau ngulah ojo, melinkan ekat sa ngaran ne tatulis huang Kitab Pamolum Pea Domba.

Chapter 22

¹ Kamulek, malaikat iro nutui mpah uki sunge ranu pamolum, sa tanang iyalah kristal, mareh teke takhta Allah dan Pea Domba ² gi suan lalan kota iro. Gi karuo hila sunge, wolum kakau pamolum sa menghasilkan ruo walas jenis ua dan menghasilkan uane satiap wulan. Raon-raon kakau kayu iro nagunakan neo nyamare bangsa-bangsa.³ Bakoi oeng kia kutuk, kude takhta Allah dan Pea Domba sagar naan gi huang kota iro. Walah-walah-Ne sagar nyamah Io. ⁴ Reo sagar kiite rowawa-Ne dan ngaran-Ne sagar na tulis gi rai reo. ⁵ Malom sagar bakoi oeng kia sehingga reo bakoi memerlukan raai lampu atau mato ondro ket Tuhan Allah sagar nyandraai reo, dan reo sagar mamarentah ma kangohangne. Pihawian Yesus Kristus⁶Malaikat iro sawada mpah uki, "Kahai papaneran itu iyuh na harap dan uah. Tuhan, Allah teke roh kawan nabi,* nyuyu malaikat-Ne neo nutui mpah walah-walah-Ne inun sa harus segera terjadi. ⁷ Rongoileh, Uki segera hawi! Naberkatileh ulun sa mentaati papaneran-papaneran nubuat* kitab itu."⁸ Uki, Yohanes, sa haut korongoi dan kiite kahai itu. Hantek uki korongoi dan kiite kahane, uki isudu neo nyamah gi poo malaikat sa haut nutui kahai iro mpah uki. ⁹ Kude, io sawada mpah uki, "Ada ngulah iro! Uki adalah walah sameh iyalah iko dan pulaksanai-pulaksanaiko kawan nabi, pada iyalah reo sa mentaati papaneran-papaneran huang kitab itu. Samahleh Allah!"¹⁰ Kamulek malaikat iro sawada mpah uki, "Ada nyegel papaneran-papaneran nubuat huang kitab itu ket waktune haut riet. "¹¹Ingkeh ulun sa ngulah jahat tatap ngulah jahat, ulun sa bakoi suci tatap bakoi suci, ulun sa ngulah uah tatap ngulah hal sa uah, dan ulun sa kudus tatap menguduskan tonga ne."¹² "Rongoileh, Uki segera hawi! Dan, Uki ngoit upa-Ku, neo mambalas satiap ulun manurut perbuatanne. ¹³ Uki adalah Alfa dan Omega, Sa Pertama dan sa Paling Terakhir, Sa Awal dan Sa Akhir.¹⁴ Naberkatilah reo sa nuhun jubah reo sehingga reo kaampun kakau pamolum dan masuk mpah kota iro metah manamang-manamang gerbangne. ¹⁵ Sa giluar kota iro adalah eteng-eteng, ulun sa ngulah sihir, ulun-ulun cabul, kawan tukang wunu, kawan panyamah berhala, dan ulun-ulun sa sanang andri ojo.¹⁶ Uki, Yesus, haut nyuyu malaikat-Ku neo basaksi mpah iko neo kahai itu mpah jemaat-jemaat. Ukilah tunas dan katurunan Daud*, Sang wiwihiang Timur sa maraai."¹⁷ Roh* dan pangantin wawe iro sawada, "Hayu!" ingkehleh ulun-ulun sa korongoi itu sawada, "Hayu"Ingkehleh ulun sa kakan minum hawi; ingkehleh ulun sa basadia ngepo ranu pamolum secara cuma-cuma." Panutup¹⁸ Uki basaksi mpah kahai ulun sa korongoi papaneran nubuat kitab itu: "Amun naan sa namoh sesuatu gi papaneran-papaneran itu, Allah sagar namoh mpah io kahai bencana sa tatulis huang kitab itu. ¹⁹ Dan, amun naan sa nangkurang sesuatu teke papaneran-papaneran huang kita nubuat itu,Allah sagar ngepo bagianne teke kakau pamolum, teke kota kudus, dan teke hal-hal sa tatulis huang kitab itu."²⁰ Io sa basaksi neo hal-hal itu sawada, "Ya, Uki segera hawi." Amen*! Hawileh, Tuhan Yesus! ²¹ Anugerah Tuhan Yesus nyindrah iko kahai. Amen.

Paku: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Colossians, Ephesians, Galatians, Hebrews, James, John, Jude, Luke, Mark, Matthew, Philemon, Philippians, Revelation, Romans, Titus

Formatted for Translators

Matthew

Mark

Luke

John

Acts

Romans

1 Corinthians

2 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

Hebrews

James

1 Peter

2 Peter

1 John

2 John

3 John

Jude

Revelation