Bible

Matthew

Chapter 1

¹Eto Bada Iesu amo David ta ohihi, eto David amo Abraham ta ohihi ra, eto enana ta ohihi ta jajavo pepa ta kakajekari amore evira. ²Eto Abraham amo Isaac ta mama ra, eto Isaac amo Jacob ta mama ra, eto Jacob amo Judah te amita namei kamei te amita mama ra. ³Eto Judah amo Perez te Zerah te amita mama, eto enana ta e amo Tamar ra, Perez amo Hezron ta mama ra, eto Hezron amo Ram ta mama ra.⁴Eto Ram amo Amminadab ta mama ra, Amminadab amo Nahshon ta mama, eto Nahshon amo Salmon ta mama ra. ⁵Salmon te Rahab te amo Boaz ta e mamo ra, Boaz te Ruth te amo Obed ta e mamo ra, eto Obed amo Jesse ta mama ra. ⁶Jesse amo Israel ta tihi jigari embo pajire David amita mama ra, David te Uriah ta ae amite amo Solomon ta e mamo ra.⁷Eto Solomon amo Rehoboam ta mama ra, Rehoboam amo Abijah ta mama, eto Abijah amo Asa ta mama ra. ⁸Eto Asa amo Jehoshaphat ta mama ra, Jehoshaphat amo Joram ta mama, eto Joram amo Uzziah ta epe ra.⁹Eto Uzziah amo Jotham ta mama ra, Jotham amo Ahaz ta mama, eto Ahaz amo Hezekiah ta mama ra. ¹⁰Eto Hezekiah amo Manasseh ta mama ra, Manasseh amo Amon ta mama, eto Amon amo Josiah ta mama ra. ¹¹Josiah amo Jechoniah te amita namei kamei amiga umbuto Babylon enda ta tipura pahuera iji amite ta epe ra.¹²Eto Babylon enda ta tipura umbuto pato ikihara amita ambota, Jechoniah amo Shealtiel ta mama ra, eto Shealtiel amo Zerubbabel ta epe ra. ¹³Eto Zerubbabel amo Abiud ta mama ra, Abiud amo Eliakim ta mama, eto Eliakim amo Azor ta mama ra. ¹⁴Eto Azor amo Zadok ta mama ra, Zadok amo Achim ta mama, eto Achim amo Eliud ta mama ra.¹⁵Eto Eliud amo Eleazar ta mama ra, Eleazar amo Matthan ta mama, eto Matthan amo Jacob ta mama ra. ¹⁶ Eto Jacob amo pamone Mary ta ivu Joseph amita mama ra, eto pamone amina Bada ingenu embo na mei amita javo Iesu ke ijera. ¹⁷Avoeto ohihi peae Abraham ta igoi te eto puto David ta igoi na kane ena amo ohihi tapa potin (14) ra, David igoi te eto puto Babylon enda ta tipura umbuto pahuera amo ainge ohihi tapa potin (14), eto Babylon enda ta tipura mihere kevuja ai eto puto Iesu e na ingena iji amite vahi amo ohihi tapa potin (14) ra.¹⁸Eto Bada Iesu ta ingari avo dei einge ta ijekihaja. Amo kakara Mary avo Bada Iesu ta e aisuja mihei avo pamone be avo e mamo na embo javo Joseph amiga jimbaja kerihara, rate enana avo puto vahita evae mihei pamone be avo mahu Ahihi Otohu ta sovera na enu urete ena avo keguera. ¹⁹Rate Joseph pamone amita ivu amo embo javotoho avoeto pamone avo embo peae ta tihi ta ari me kiari avo uje ae eto, enana jimbara kerari avo embo kiae be isimbata toasi hotembihaja.²⁰Eto ke peae erevi Joseph na hotembihe mihei, Mama Otohu ta anera na ehure ta embo amita dei puto, ke einge ijija, Joseph, David ta ohihi, pamone Mary no ae umbari avo mane joru aisoa, amita be amo mei evi pamone emita jota irerembiha amo Ahihi Otohu na ehi urete ere ua. ²¹Eto pamone emo mei singa ingasuja, eto inena mei emita javo amo Bada ikejo, amita be avo mei emina tohota embomei avo enana ta ari vasiri sasamuna ta orekasuja.²²Eto pure peae be erevi ijekihaja amo do Mama Otohu na harika embo Isaiah ta dei enu mahu kajari avo be ua, amo ke einge ijija, ²³"eto keisi keisi evujo, kakara eha embo ga evae avo urete asuja eto mei singa ingasuja, eto enana na mei amita javo amo Immanuel ikasora." Eto javo Immanuel amita ke be amo " Mama Otohu ungotena moga mihia."²⁴Eto Joseph amita evo ta ereto Mama Otohu ta anera na pure do embo amina aja ena avo uija amo Joseph na pamone avo amita ae ainge jimbuna. ²⁵Rate embo avo pamone amiga evae hoi kakane eto mihinu pamone avo mei singa ingihaja. Ainge enu Joseph na mei amita javo Bada ikihaja.

Chapter 2

¹Eto mei Jesus avo Mary na da Bethlehem dei Judea amita jota ta mihia eto tihi jigari embo Herod amita iji te avo ingena, eto ainge enu, avo kuro ehekari embomei iji bihari hena ta iriora amina tohota kuro bihina avo kito avo Jerusalem putuhara, eto ke etoingari einge uera, ²''Jews ta jihi jigari mei ingehera amo davore? Amita be amo nango tohota kuro iji bihari hena ta bihei kehera, eto nango embo be avo jakeka aisi ije puvera.'' ³Eto ke erevi tihi jigari embo Herod na ingina , amo embo be amo osaga ena, eto embomei peae Jerusalem aita mihera amo bara osaga uera.⁴Ainge eto avo Herod na giu pari tihi jigirikari embo pepeni te avotari ke pepeni kakajeokari embo pepeni peae avo umbunu puto vahita uera, eto avo enana etoingari einge ena,''Iesu mo dei daige hena ta ingara ke ari re avo ungona na be ke avo keisi erena?'' ⁵Ainge ehei avo enana na Herod hena ke einge ijera,''Da Bethlehem dei Judea amita jota ingasora, amita be amo Godi ta kiane embo na iji ku beta ke einge kajena, ⁶'Rate ungo da Bethlehem embomei enda Judah amita jota miheva, amo Judah ta da pepeni mihera avo inono ra, amita be amo ungo hena eto avo tihi jigari embo purusuja amina nau embomei Israel re simba aisuja.'''⁷Ainge eto avo Herod na kuro ehekari embomei avo embo kiae onjikari ta iji deina kuro amo bihinu avo etoingari ena. ⁸Eto avo enana be amo Bethlehem ikenu pahore, avo ke einge ena,''Pambuto kito amo mei Jesus avo etokogobe eto ahe evujo. Eto mei avo hambuto kito, amo na ke ikevujo purou ingito, avo na bara pambuto mei be amo jakeka ane.''⁹Eto Herod na ke ehei ingito amita ambota, amo enana be amo pahuera, eto pahuera amita jota, amo kuro enana ta da mihere bihunu kegara amina kihi enu kegue hae eto pahore pato mei Jesus mihia aita heteto jamo ena. ¹⁰Eto enana na kuro avo pato hetenu kegara, amo enana amo hanana uve osa pajire be uera.¹¹Aingeto avore enana amo bande jota horeto avo mei Jesus amite tohota eh Mary ga kegara. Eto mei amo paunge tetereto avo jakeka uvera. Eto enana ta donda hande ikasi hambeka ta umputuhara amo peseto avo donda gold na ari, frankincense, eto myrrh avo hande ikihara. ¹²Eto enana be avo mume te ai evere avo Godi ta arnera ehure ta puto enana avo mane Herod hena egerembara ke enu ingito , avo dei ohu neita tiuketo avo enana ta da ta pauhera.¹³Eto enana avo pauhera amita ambota, avo Joseph mume te evei avo Godi ta arnera na ehureta puto ke einge ena, Joseph umo ere, ereto mei Jesus te tohota eh ga umba, eto avo da Egypt pambujo. Eto ai mihijo avo nane dei avo toae ano avo toasoa, amita be amo Herod re mei avo jombure eto tau sari aja ije uva ro.'' ¹⁴Aingeto avo mume amite avo, Joseph be amo ereto mei te eh te umbuto avo da Egypt aita pahera. ¹⁵Eto enana be amo da Egypt ai irisi mihere Herod amo sari ena. Eto pure emore do Godi na tohota kiane embo na ke einge aja enu ena aravo be ijekena,'' Nane da Egypt ai eto nau mei aravo jage ehena.''¹⁶Eto Herod be amo embomei iji bihari hena ta eto putuhara amina embo be avo urumba ehera ainge avo kina, eto embo be amo hini kambari samuna be ena. Eto aingeto avo mei hatira singa peaebe Bethlehem ta eto da engihita peambe ai mihera jua tahavo nei eto amita huta behija avo tohota isoro embomei ikenu pato tetekehere sasari uvera, iji do kuro kegara amina inono beta ehere ingina ai heteto ena.¹⁷Eto kiane embo Jeremiah na iji ku beta ke do ari mihia avo be ijeekena, eto ke amore einge ari ra, ¹⁸'' Da Ramah aita haveve pajire be avo ingihera, eto haveve amore si erera eto sorara pajire ra, eto Rachael na tohota mei hatira embo si eria, eto pamone be amo kekota aro amo uje ae uva, amita be amo enana re peaesasari ehera.''¹⁹Eto eha Herod avo sari ehei, avo pure einge uvera, Joseph Egypt mihei avo Godi ta arnera naehure ta putuhaja, eto puto ke einge ena, ²⁰'' Umo ereto avo mei te eh te umbuto avo Israel embo ta enda ai pambujo, amita be amo mei amo evi taro sari aja ije uvera embomei amo mahu sari ehera.'' ²¹Aingeto arnera na ke ainge enu avo Joseph be amo ereto, mei te eh te uhaja, eto avo Israel embomei ta enda ta puto horihaja.²²Rate Joseph na ke ingina amo Archalaus avo tohota mamo ta besi avo amina umbuto avo da Judea avo simba uva, eto embo be avo ai pambari avo joru be ena. Eto amita ambota Godi na ehure ta embo be avo ke enu inginu, avo embo be amo da avo toto Galilee pahuija ²³eto pato da pajire javo Nazareth ai mihaihija. Eto pure erevi ari amore do Godi ta kione embomei na iji ku beta Jesus avo javo Nazarene ke ara ari mihia aravo be puto ijekehija.

Chapter 5

¹Eto Iesu na embomei puto horukihara avo kina, amo embo be amo heti bende ta bihito pato arumbenu avo tohota ambotane amo embo be avo hena iyera. ²Eto enana avo imihe puvere, avo Iesu na ahepoeakari ke eingego avo ijija, ³''Javotoho amo ahihi ta ivo ambupu uve mihera amita ra, amita be amo uhuta hotari amo ta ra. ⁴Eto osasa amo amina sorara ta mihera ra, amita be amo Godi na enana re simba re aisuja.⁵Eto jamotoho amo amina enana jamo eto mihera amita ra, amita be amo Godi na enana ta enda ikau irisora. ⁶Eto javohoto be eto irari ta beuje eto hauje avo euja amita ra, amita be amo Godi na enana do uje ora amore ikaisuja. ⁷ Eto osasa avo jamojamo ga mihera, amita be amo Godi na enana hena jamojamo ikau umbaisora. ⁸Eto javohoto amo amina jo upoga ojogo be ga mihera amita ra, amita be amo enana na Godi re keisora.⁹Eto javotoho amo embomei amina peka umbuto puvuora amita ra, amita be amo Godi na enana re tohota mei undi ke aisuja. ¹⁰Eto javotoho amo emnomei amina pure javotoho ore embo enana sisihiukihera amita ra, amita be uhuta hotari amo enana ta ra.¹¹'' Eto javotoho amo ungo embomei amina na keije ove embomei na ungo hena ke ingari jajai mane eto memega ikeora, ke sasamuna keite kainte ke sokovana ere mihia amita ra. ¹²Eto osa uve hanahana pajire be evujo, amita be amo uhuta no kogombari mihia amore pajire be ra. Eto Godi ta kione embomei iji kubeta mihaehera amore embomei na ari wasiri einge dombo avo enana hena ari ra.¹³ ''13 Eto ungo re haso ainge amina enda emita jota miheva. Rate haso ta gamo irae aisuja kito, amo daingeto aro haso ta gamo mo ahako purou? Amita jigama ahako javotoho aisora re irae ra ambote umbuto deitambu ta gosikaro avo embomei na utu na haito ima huma ururu jasasuja. ¹⁴Eto ungo re embomei enda emita jota mihera amita usasa ra. Eto ungo re da heti ibeta ikari amita usasa mume te onjikari haite mane eto pingi pingi euja ainge ra.¹⁵O embomei na harimo ijimbeto ovu huta mane ikeora, rate tohota i kohu ta ikeore, avo peambe oro jota amo usasa ijeija. ¹⁶Eto ungota usasa avo embomei ta dei tovujo avo piriri piriri ururu avo enana na ungota ari wasiri javotoho avo keuge avo ungota Mama uhu toho avo jakeka are.

Chapter 6

¹Eto Iesu na ke einge ena; eto ungo pure jajavotoho ari embo na ungo pure jajavotoho do ere ova avo mane embo ta tihi ta avo enana ungo kito osa ara mane aisova, eto ungo ainge aisova amo ungota javotoho mine ungota Mama uhu ta mihia amina mane ikau umbasova. ²Avoeto ungo donda irae embomei ta dei hande do ikasi ue kito amo embo mane ikavo ungo kihi umbuto pahue huin hukihe embo ta jo umbasi inono tihi poembari embo na gui pari ari bande jo ta eto dei tambu ta embo na kiora ahemba eora ainge avojo, eto hande dei einge ta eora embo amo embomei na enana osa ara ijie eora. Eto nane ungota dei ke be erena enana ta pure jajavotoho ta mine mahu umbere irae ehija avoeto Mama Otohu na hande nei mane ikau umbasora.³Rate ungo donda irae embomei ta dei hande ikasi ue kito amo embo nei no egihi ta avo kioro ojiketo kiae ikevujo, ⁴ainge aisoa kito avo no hande amo ojikari ta ikeha. Eto ungota pure javotoho do ere ova avo ungota Mama na ungo ojikari ta kito ungota pure ta javotoho mine ikasuja.⁵Eto Iesu na ke einge ena; ungo pari aisi ue kito inono tihi poembari embo na pari ado na eora ainge avojo,eto enana amo embomei na kito osa ara Mama Otohu jakeka ari bande jo ta eto dei tambu kaja ta arahe tambu ta ereto heteto pari asi ujeje eora eto ari einge eora amita mine amo embo na kito osa eora. Avoeto nane ungota dei ta ke be erena, enana ta pure ta javotoho mine amo mahu umbere irae ehija. ⁶Rate ungo Mama Otohu ta dei pari aisi ue kito amo ungota bande rum jo ta horeto, bekuri ahuruketo ungota Mama ta dei ojikari na pari evujo. Eto ungota Mama na ungo ojikari ta do eheva avo kija amina javotoho mine ikau umbasova. ⁷Eto ungo pari ue kito, amo inono tihi poembari embo na pari vahi mahu eora avo ehako mahuko pari ue ke sio sao ijie koso be gorumbeto pambuora, eto enana hotembeora avo enana ta mama godi sokova amina ingisuja amita be avo enana ta pari ke isamane be na eora aingeko avojo.⁸Avoeto, enana Mama Otohu kiae embomei emina eora ainge avojo. Eto ungota Mama Godi na ungo donda deirami uje ova amo mahu kegoi ungore ambota penunu re ereva. ⁹Avoeto pari ta ke einge ijie pari evujo: Mama nangota uhu ta irioa, javo no otohu avo otohu aisora. ¹⁰Uhu ta tihi jigioa uje no eora ainge dombo enda ta ikejo puroi.¹¹Nangota indari iji hekeri ikejo.¹²Eto embomei na nangota dei ta ari sasamuna do eora avo hotembeto to ora ainge dombo nangota ari sasamuna inena hotembeto tojo. ¹³Nango engekari ta umbuto pambaojo, eto samuna ta nango oreke.' ( Eto no tihi jigari te sovera te usasa te daroho irisora avora.)¹⁴Eto ari sasamuna hotembeto toari amo eingera, eto ungo na embo ta ari sasamuna hotembeto toasova ainge dombo ungota Mama uhu toho amina ungota ari sasamuna amo hotembeto toasuja. ¹⁵Rate ungo na embo ta ari sasamuna hotembeto toae amo ainge dombo ungota Mama uhu ta iriuja amina ungota ari sasamuna mane hotembeto toasuja." Iesu na ainge ahepoekena.¹⁶Eto Iesu na ke nei einge ena, eto ungo indari toto kito amo tihi poembari embo na indari toto osaga tombu ue iriora ainge avojo. Eto enana tombu pe umo kuhahe eto aku kajae ainge eora amo embo na kito enana indari toto mihera avo otohu ara eora ainge avojo. Eto nane ungo ga ke be erena amo enana ainge eora amo enana ta ari javotoho mine amo mahu umbere ra. ¹⁷Rate ungo indari toto mihie kito amo u seha na aku ta jigito umo na tombu pe egeto ¹⁸ainge aisoa kito na avo embo nei na ungo indari toto miheva amita hajire mane keisora, rate ungota Mama amina pere ojikari na kito eto ungota Mama na ojikari na do eheva kegua amina ungota pure ta javotoho mine ikau umbasova.¹⁹Eto ungo enda donda umbuto birihu ue iketo irovojo, amita be amo ungota hajae bajae amo kakorosi na jirembasuja ain pijeja bihisuja eto pegene embo na bande pejeto horeto pegene asora. ²⁰Rate Mama Otohu ta irari besi ai ta ungota hajae bajae avo tahavo ta ikevujo, eto kakorosi te ain pijeja te mane aro samuna aisuja, eto pegene embo na mane bande pejeto horeto pegene aisora. ²¹Eto no donda irari besi ai ta no jo hotembari te ga peae ai irisuja.²²Eto no tihi amo no ado uhu ta usasa ra. Avoeto no tihi avo javotoho amo no ado uhu peae amo usasa pere aisuja. ²³Rate no tihi avo samuna aisuja amo no ado uhu peae amo mume pere aisuja. Avoeto, usasa jo no ta amite vahi amo mume kamba kamba aisuja, eto mume kamba kamba amita pajirari heka amo do ihokore. ²⁴Eto vahi damina embo herijo ke agi ari haite manera . Eto nei tumo ue eto nei vahi tunga umbasuja, o ainge embo nei amita ke agi ue nei amita ke uje ae aisuja. Ainge dombo, inena Mama Otohu ta ke te mani te inono ta tunga umbari haite manera.²⁵Eto Iesu na ke einge ena, '' Avoeto nane ungota dei erena amo ungota irari umbari ta osaga avojo, ungo do indito evisova eto do asuketo hembasova avo hotembu hotembu avojo, eto vasiri no pajire ra amo indari pere mane eto ado no pajire ra amo asukari pere manera. ²⁶ Eto di uhu ita eora avo kivu. Eto enana donda be kokoveketo be ei tureto umbuto horoma ta mane ikeora, rate ungota Mama uhu toho amina enana ta indari ikihei indiora. Rate ungo amo moha be hambo hoave ainge Mama Otohu ta sage tambu ta rate di avo manera.²⁷Eto ungo embo nei amina osaga na au amita enda irari jua nei hamo ta tembao iji koso mane aisuja. Avoeto donda umo uje oa avo hotembihe osaga aojo. ²⁸ungo iribo deirami asukaeheve amita mane osaga keisova te i enda ta ereuja buji hari nei te nei rate pejeto mihera avo kegue hotembevujo. Eto enana pure mane eora eto enana iribo mane kembuora. ²⁹Rate nane ungota dei ta erena, Israel ta tihi jigari pajire donda embo be Solomon amita iribo asukari amo i buji emita kiari sago javotoho amiga inono ae ra.³⁰Eto Mama Otohu na daingeto i buji enda mihera amita dei iribo asukari javotoho ikeoi asukeuja eto iji oroho irisuja eto iji nei amo karau eto enda beasora, rate ungo i buji ainge mane ungo embo avoeto Mama Otohu na ungota dei iribo mane ikau asukavote? Eto ungo Mama Otohu kebe jo be na ae eova embomei ra. ³¹Avoeto osaga kegue nango do indie kuhihe aro eto nango do ohue asihe aro ainge avojo.³²Eto ke ainge amo Mama Otohu kebe jo na ae embomei na pere donda peae erevi ahe eora rate no Mama uhu toho na donda peae erevi ujeje oa amo mahu kiuja. ³³Rate kihi be kihi amo Mama Otohu ta javotoho tihi jigari avo ahe evujo eto amina ungota indari donda te asukari donda te peae be emore ungota dei ta ikasuja. ³⁴Avoeto evito ta osaga do puvuruja avo mane hotembasova. Evito ta osaga do puvuruja amo iji amite aro tambu aisuja. Eto iji hekeri amita osaga amo emahe inono ra.

Chapter 7

¹Eto Iesu na ke einge ena, umo embo nei ta ari samuna kito mane aisoa, eto umo ainge aisoa amo ainge dombo Mama Otohu na umote vahi kasasuja. ²Eto embo nei ta ari samuna kito ihi tirihea ainge dombo avo Mama Otohu na ari no avo embo nei hu umbea amita heka inono be ai ta umo kasasuja.³Eto ungota namei ta vasiri samuna isapa i ta momoru ainge tihi ta mihia avo ere kegova rate ungota vasiri samuna pajire be amo i uhu ainge ungota tihi mihia avo do eto kiae ere ove? ⁴Eto namei ta dei no tihi ta i momoru mihia avo kojikasi?' ungona ke ainge ereva te ungota tihi i uhu pajire na peikehija mihia avoeto daingeto avo? ⁵Ungo ari samuna hatihe ke sokova ari embomei eto ungota ari samuna i uhu ainge tihi ta mihia avo kihi umbuto gosuketo arahe au jai eto kegue namei ta ari samuna isapa i momoru ainge tithi ta mihia avo umbuto gosukevu.⁶Eto Mama Otohu ta ke amo otohu avoeto Mama Otohu ta ke ingito ke be ae embomei amita dei ikavojo, ainge aisova te enana amo ino o ainge hotembari tuhaupa te avoeto enda ikaro beau utu na hatiroro samuna ururu hapereketo kambuto heveto memeni ari embomei ra.⁷Eto Iesu na ke ijie einge ena, penunu ijiro ikau umbasoa, ahe ururo ikau keisoa, poporo ururo Mama Otohu na bekuri umo embo hirikasuja. ⁸Amita be amo embo amina penunu aisuja amita dei Mama Otohu na ikau umbasuja, ahe aisuja embo amina hambasuja, eto embo amina poporo aisuja amo Mama Otohu na bekuri hirikau embo amo horasuja. ⁹O ungo embo nei uhoho amo mei hatira te ra. Eto no mei na no dei ta indari penunu aisuja amo karu amita dei mane ikasoa. ¹⁰ Eto mei na umo o penunu aisuja amo koso o embo amita mane ikasoa.¹¹Avoeto ungo embo sasamuna rate daingeto ungota mei hatira ta dei hande javotoho ikasova amo ungo kiarira. Eto ungota Mama uhu ta mihia amo hande embo be avoeto embo amina penunu amita dei au donda isamane javotoho pere avo ikasuja. ¹²Eto Mose ta avotari ke pepeni peae te harika embo te ta ahe poekari peae amita ke susu be amo erevi ra. Eto pure peae be amita jota embo na no dei ta do ara ujeje oa ainge avo inena embo nei ta dei kihi ejo kioi.¹³Avoeto, dei tambu pe isapa ai ta horeto pambuvujo. Amita be avo dei tambu pe pajire pambari amo embomei pahue sari eora dei tambu ai pambavojo, eto embomei isamane be na dei ai ta ere pahora. ¹⁴Rate dei tambu pe isapa pambari haiteko mane gaiha avo ahe eto kito ai ta itito hututo ue pambavojo. Amita tutumo ta irari javotoho daroho umbasova, eto embomei heriso be na hambu ora.¹⁵Eto harika embo be mane amina Mama Otohu ta ke hande ue ahe poekari sokova aisora avoeto keisi keisi ue irivujo. Eto ungo amo Mama Otohu ta undurari o sipi aingera. Eto enana undurari o sipi ta hoga avo asuketo ungota dei puvurusora rate enana ta jo ta amo apu isoro ino ra. ¹⁶Eto (inena) i na be eto mihei kioa ainge avo harika embo sokova amita ahe ivo na enana deire avo harikau keisova ke amita be amo eingera. esi saese ai ta hamesi mane be eto mihei bujeora eto i koriri ai ta oga mane be eto mihei imbuora. ¹⁷Hajire vahi einge ta, i javotoho na be javotoho euja rate i samuna na be samuna euja.¹⁸Eto nei i javotoho na mane be indahu aisuja, ainge dombo indahu i na mane indari be javotoho aisuja. ¹⁹Eto indahu i mane be javotoho eora kito peae jaro beau i ta gosukaro evekasuja. ²⁰ Avoeto, enana indahu eto indari i amita be na enana deire amo harikeoi kiora ainge dombo enana Mama Otohu ta ke sokova ari embomei ta vasiri na harikau enana deire avo ungo be keisova.²¹Eto embomei peae nau ta Bada, Bada ke eora amina mane Mama Otohu ta tihi jigari besi ai ta horasora, rate embomei amina nau Mama uhu ta iriuja amita uje eora amina pere horasora. ²²Eto vasiri kasari iji amite embomei isamane be na nau dei ta ke einge aisora, Bada, Bada nango javo no ta Mama Otohu ta duru hande eora, ahihi sasamuna kurumbeora eto javo no ai ta javotoho ikari nei te nei te ere ovora, ke ainge aro ingito ²³enana ta dei ke mine einge aisona. 'Na ungo kiaera. Ungo ari sasamuna embomei avoeto nau ke ambo ae eova toto beto pambuvu irae ai, ke ainge aisona.²⁴Avoeto embo amina ke nau ingito ke avo agi aisuja embo amo inono uha embo na amita bande karu ado ta ihinu ²⁵eto ga beto jai buenga putuhunu pisara pajire puto bande amita hamo ta tena rate koheketo beae ra amita be avo bande amo karu ado ta iharira.²⁶Rate embo amina ke nau ingito eto ke avo ambo ae au embo amo inono hotembari irae embo na amita bande horasa ta ihinu ²⁷eto ga beto jai buenga putuhunu pisara pajire puvuto bande mimikenu benu jai na umbuto irae pambuna." ahe poekari ainge Iesu na ena.²⁸Eto Iesu na ke erevi peae enu puvuto irae enu embomei peae heti areto mihija amina ahe poekari erevi ingito mani mini ea, ²⁹amita be amo Iesu na enana ahe poekena amo enana ta avotari ke pepeni kiari embomei ta ke ainge mane tihi jigari embo be na ahe poekihia ainge ijie ra.

Chapter 8

¹Eto Bada heti i eto amita ambota beto putunu embomei isamane be amiga mihere kevuija ami eto amiga irae emi peae Iesu ta ambota oroviketo puvua. ²Eto embo vahi ando kinisena iketo ahurukari memega uei osaga kegue mihahija amina Iesu ta puvuto paunge teteri eto Iesu ta dei ke einge ena, '' Bada umo uje eto kito ejo ando nau javotoho ai'' ainge enu Iesu na, ''na ainge uje ere ona.'' ³ijie Iesu na amita ingeni avo jujuruketo hame ue ke einge ena, '' umo javotoho e,''ainge enu embo amita ando ta kinise amo irae enu javotoho ena.⁴Eto Bada na embo amita dei ke einge ena, '' inge embomei nei amita dei mane ke evi ao ingisora, te tihi tambu eto pambuto Mama Otohu humota ari embomei ta simba ari Mama ta dei ejo no ando javotoho kito embo peae au ingore eto Moses ta avotari ke pepeni ta kajari avo ue Mama Otohu ta hande peneha harau ta ikejo.''⁵Eto Iesu na da Capernaum aita horeto pahunu da Rome ta isoro tihi jigari embo vahi na Iesu ta dei puto penunu einge ena, ⁶''Bada, nau pure embo vahi avo korere eto hae ae bande jo ta besi hembereketo memega kegue osaga te mihia.'' ainge enu ⁷Iesu na ingito embo amita ke mine einge ijija, ''avora na no bande ta pambuto no pure embo avo ano kojasuja, ''ainge enu,⁸Rome ta isoro tihi jigari embo vahi amina Iesu ta ke mine timbuto einge ena, Bada ainge manera, ''na embo samuna avoeto nau bande ta mane pambasoa. Rate mihie pe na ke pere ejo nau pure embo avo kojai. ⁹Eto namote vahi nau isoro tihi jigirikari embo nei pepeni amita hu ta pure eona eto nau hu ta amo isoro embo mihera. Avoeto nau isoro embo ta dei pambu aisona pambasuja eto nei ta dei pura aisona purusuja eto nau pure embo ta dei evi e aisona aisuja avoeto pe na ke ejo kojai. ¹⁰Eto isoro ta tihi jigari amina ke ainge enu Iesu ingito osa eto embomei tohota ambota ere putohora amita dei ke einge ijija, na ungota dei ke be na pere erena, na da Judea ta Israel embo nei uhoho eingeko hambae ra.¹¹Rate nane ungota dei erena, embomei isamane be avo ihane ta eto sohe ta aingeto pondo ta puvuto Abraham te Isaac te eto Jacob amiga enana peae Mama Otohu na simba ue iriuja besi aita indari gaga ta arumbeto indari `indisora. ¹²Rate enana Israel embomei avo Mama Otohu ga irora huin ikena umbari uje ae eora avoeto Mama Otohu na gosukaua arahe pambuto mume ta beto mihie, si ijie ti kakambuketo kiroro kiroro ijie irisora.'' ¹³Eto ke ainge Iesu na embomei ta dei eto isoro tihi jigari embo ta dei ke einge ijija, ''umo pambujo no kebe ari amina, umo do uje ere oa avo ano keisoa,'' ainge ijinu embo amita pure ari embo avo iji amite kojena.¹⁴Eto Iesu na Peter ta bande pambuto Peter ta imbohi korere ando bevere avo ue besi ta hembereketo mihinu kito. ¹⁵Avore, Iesu na pamone amita ingeni aita hame enu korere ando bevere amo pamone avo toruhunu pamone amo ereto indari ageto Iesu ikenu indina.¹⁶Eto mume sihikihinu embomei na ahihi sasamuna na horari embomei isamane avo umbuto Iesu ta dei ta putara. Eto Iesu na amita ke na ahihi sasamuna na kurumbenu irae pahore embomei amina korere be ora avo enu irae kokojekea. ¹⁷Eto pure ainge aisuja amo harika embo Isaiah na mahu einge harikena, embo umo eonga na ungotenau korere bouka memega peae umbuto pambasuja.'' Ainge Isaiah na harikena.¹⁸Eto Bada na embomei isamane be embo be avo jorereto areto mihio kito jai jiroromba Galilee oiho ta pambasi uje eto amita ambotane ta dei enu e nga umbuto puvuo pambasi ore. ¹⁹Da Judea embo ta ke pepeni ahe poekari embo na Iesu ta dei puvuto ke einge ena, ''ahe poekari embo, umo dei dainge pambasi ere oe avo na umo ga pambasi ijie sija ere ona.'' ainge enu ²⁰Bada na embo amita ke mine einge ena, ''o koropu amo enda koveto enda ho ta evi ora eto di ita eora amo nga iketo iriora, rate Embo ta Mei hembereketo evisuja besi avo irae ra,'' ainge ena.²¹Eto Iesu ta ambotane vahi amina Iesu ta dei ke einge ena, ''tihi jigari embo, na to kihi pambuto nau mama kovane.'' Ainge ena. ²²Rate Bada na ambotane ta dei ke einge ena, tojo sari na sari enana ta ungo eonga kovihiroro umo na ambo ejo, ainge ena.''²³Eto Bada na amita ambotane ga e nga bihito pahuo. ²⁴Avore, pisara pajire ereto puvuto eva ta kajenu umo piri pajire be puto e nga iketo ahurukenu hururumbeto beasi ua. Rate Bada e nga jota evo ere ua. ²⁵Avo amita ambotane na pambuto ujihe ke einge ea, ''Bada; nango oroke e, nango sari aisi ora.'' ainge ijie ujiho,²⁶Bada na enana ta dei ke einge ena, ''ungo kebe ari nau dei irae embomei, ungo do ue joru mo ere ove?'' Ke ainge eto ereto pisara te eva tihiha te ta dei jamo ara ke enu, eva eriha amo beto jamo jamo ena. ²⁷Eto ambotane na kito mana mana eto ke einge ijera, ''embo emo do embo re, pisara te eva piri te na amita ke agi eto jamo ehere?'' ke ainge ea.²⁸Eto Bada eva oiho ta pambuto da javo Gadara aita puvuto embo heriso ahihi sasamuna na andirari amina use ta eto puvuto Iesu hahue ra. Eto enana amo use jota iriora na putohora avoeto enana isoro samuna be eora avoembo joru ue isa embomei na dei ainge mane pambuora. ²⁹Eto ahihi sasamuna na si gagahe te ijie ke einge ijera, '' Mama Otohu ta Mei umo nango ta dei do asi uje oe? Eto ine na Mama Otohu ta ke peive eto amita iji ikari nango memega ikasi eka ena avo umbae mihiru ine na oroho memega ikasi puvete?'' Ke ainge ea.³⁰Eto enana ta engihi ta o ohu ta isamane be simba ari embo na undihe mihera avo kito ³¹embahe na Bada ta dei penunu einge ea, ''nango ine na kurumbao pambara eto kito amo nango kurumbejo o ohu isamane be mihera oromita jota pambare,'' ainge eo ³²Bada na enana ta dei ke einge ena, ''ungo pambuvu,'' ainge enu embahe embo heriso avo toto o ohu ta jota pambuto horeo o peae amina heti i ta eto uhuveto beto pambuto eva jota beto jai indito sasari ea.³³Eto embo enana o ohu simba ue mihera amina pure do ijekiha avo kito joru uhuveto pambuto ahihi sasamuna andirari embo heriso amita dei pure do peae puvuna avo tirio ingia. ³⁴Eto da amita embomei peae be amina Bada kesi uje eto pambua. Eto pambuto Iesu kito irae eto, Iesu na enana ta dei avo toto pambaja ihine ijera.

Chapter 9

¹Eto Bada e nga vahi mahu bihito puvuna aita ambotane ga bihito ahako egerembeto eva oiho ta pambuto amita da Capernaum ta puvuna. ²Eto embo vahi utu popora ari besi ta hembereketo mihahija avo da Capernaum embomei na Bada putuhunu kito umbuto amita dei puvua. Eto enana kebe ue ora avo Bada na kito utu popora ari embo ta dei ke einge ena, ''no ari sasamuna avo hombeto toruhona avoeto osa osa ejo,'' ainge enu³Da Judea embomei ta Moses ta avotari ke pepeni ahe poekari embo na Bada na embo popora ta dei do uija amita duru avo ingito ungo eonga mine ara einge ijera, ''embo emo Mama Otohu na pere pure emo aisuja te amina aisi ke ijie Mama Otohu eso eria'' ainge ijio.'' ⁴Bada na enana ta hotembari do ere hotembihera avo kito enana ta dei ke einge ena, ''ungota hotembari ta hotembari sasamuna do eto ere ove? ⁵Eto pure suruha mo davore, embo na no ari sasamuna ere hotembeto toruhona aisuja amo ari ngaiha rete mo, ainge embo na umo kojeto ereto pambu aisuja amo ari haiteko mane re? ⁶Rate ungo kebe ae ere ova avoeto Mama Otohu na Embo ta Mei ta dei enda ta avora ari sovera ikari amina embomei ta ari sasamuna hotembeto touja avo ungo kebe kiova ava pure erevi aisona,'' ainge enana ta dei eto bajiriketo embo utu popora ari amita dei Bada na ke einge ijija; ''ereto, no evari besi umbuto, no bande ta pambujo,'' ainge enu;⁷Embo amo ereto tohota bande ta pambuna. ⁸Eto embomei ai ta mihera amina pure erevi embo utu popora ari amita dei uija avo kito, enana osa eto Mama Otohu jakeka uera, amita be avo embo amina sovera erevi embomei ta dei ikihaja. ⁹Eto Bada, dei avo toto pahue enda ta tihi jigirikari ta mani sirikari embo javo Matthew avo tohota pure ari bande ta arumbeto mihinu kito, ''umo na ambo e ainge enu, Matthew ereto Bada ambo ambo ena.¹⁰Eto Bada, Matthew ga amita bande ta pambuto arumbeto indari indisi unu, avore, mani sirikari embomei nei uhoho isamane be amite eto ari sasamuna embomei isamane be aingeto puvuto Bada te amita ambotane te ga peae arumbeto indari indie mihio, ¹¹avore, enana Moses ta avotari ke pepeni simba ari embomei na Bada na ari sasamuna embomei ga indie mihia avo kito amita ambotane ta dei eto ingari einge uera, ''do eto ungota ahe poekari embo na ari sasamuna embomei ga vahi ta ere indei?''¹²Eto Bada na Moses ta avotari ke pepeni simba ari embomei na ari sasamuna embomei ga indari keije ke ijera avo ingito, enana ta ke mine einge ena, ''embo amina ando bisita korere irae amo mane sivo ikari embo ujeje euja, rate embo korere ua amina pere sivo ikari embo ujeje re euja. ¹³Eto Mama Otohu ta ke kajari aita amo einge mihia, ungota o kaeto peneha pata tembari avo na uje ae rate ungo embomei memega ta mihera avo kito jojoga ava uje ere ona; eto ke emita be amo deire avo pambuto ungo eonga eheketo kivujo. Eto na putahana amo embo jajavotoho jage ano enana ta samuna kusijara purae rate embo sasamuna avo ano kokonjeketo Mama Otohu ta dei purora oru ue ere ona.¹⁴Eto John ta ambotane na Iesu ta dei puvuto ke einge ijera, ''enana Moses ta avotari ke pepeni simba ari embomei te nango te ungotenau ari mahu avoeto mahainge indari toto eora, rate do avoeto ambotane No na indari kusijae mahainge indari indie iriore? ainge eo ¹⁵Bada na enana ta ke mine einge ijija, eto jimbari embo avo pambae enana ga mihiru embomei jimbari pondo ta oru ehere puvera amo indari indae osaga kegue si ijie iroro te? Rate iji ere putuhua amikote jimbari embo avo embo na enana ta pondo jo ta umbuto pamhuroro avore enana osaga kegue si ijie indari kusijasora.¹⁶Eto irari mahu kihi ta ari amo inono bo mahu ainge papasekari ra. Eto embo na mane bo eha ta ipiki na bo mahu perara ari aita mane iketo ihirasuja, amo ipiki eha bo mahu ta iketo kajehija amo perara eto pambuto samuna be aisuja.¹⁷Eto nei amo embo na jai higi mahu aita jai mane timbu ora. Eto enana ainge aisora, amo jai higi amo gahihiru jai jojeketo beto pambu irae aisuja. Rate, enana na jai higi eha aita jai eha timbasora kito avo jai higi te jai te avo peae orekasora.¹⁸Eto Bada na ke erevi enana ga ijie mihinu avore, Judea ta tihi jigari embo vahi na puvuto amita dei paunge teteri eto embo amina ke einge ijija, ''Nau iae avo eha oroho ambija, rate umo pambuto ingeni amita ando ta tembao pamone avo ereto vasiri umbaja ere putoho na.'' Ainge nu ¹⁹Bada amita ambotane ga soueto ereto Judea tihi jigari embo amiga pambua.²⁰Eto dei ta pahuo pamone vahi amo jua 12 ainge avo sasaga pojihe mihahija amina Bada kito ²¹avo pamone amina umo eonga na ke einge ena, ''eto na Embo omita bo ta hame aisona, amo na kojasona.'' Ainge hotembihe kuta puvuto Bada ta gara ipiki ta hame unu ²²Bada hapereketo pamone avo kito, ke einge ena, '' kakara, tunga javotoho ejo. Eto umo Na kebe ere oa avoeto kojasoa,'' ainge ijinu iji amikote pamone amo kojena.²³Eto Bada na Judea ta tihi jigari embo ta bande ta puvuto horenu bija puri ta paku kambari embomei te eto pusuta puvuto mihera embomei amite aingeto sisi sasi ijie mihio kito.²⁴Bada na ke einge ena, ''ungo pambuvu irae ai, kakara emo amburae, rate teho evo ue mihia,'' ainge enu enana ai mihia na ke avo ingito Bada urumbihe ganini ijera.²⁵Amita ambo ta orope na embomei peae avo eo irae arahe ta pahuo kakara besi ta hembereketo mihina rumu ai Bada na horeto amita ingeni ta jiginu, kakara amo besi toto soueto vasiri erena. ²⁶Eto pure erevi ena amita duru avo dei amita embomei peae ta hande eo avo ingia.²⁷Eto Bada dei avo toto pahunu, tihi poa ari embo heriso amina ke ingito amita ambo ta putuhe gagahe ijie ke einge ijera, ''David ta ohihi, nango ta dei jojoga e.'' Ainge ijio ²⁸Bada pambuto bande jo ta horenu tihi poa ari embo heriso amo ambota puto horeo. Bada na enana ta dei ke einge ena, '' eto nane ungota tihi ano hirikasuja amo ungo kebe ove?'' Ainge enu, enana na Bada ta dei ke mine einge ea, ''Avora, Iesu nango kebe ere ora, ine na nango e tihi hirikai'' ke ainge eo²⁹Bada na enana ta tihi ta hame ue ke einge ena, ''nane ungo kebe do ere ova ainge aisona,'' Ainge ijinu ³⁰eto enana ta tihi hirikenu kia. Aingeto Bada na enana ta dei ke ngaiha einge ena, ''Eto nane ungota tihi ehene hirikehija ainge mane embo nei uhoho ta dei avo ingorojo.'' Ainge ena. ³¹Rate embo heriso amo Bada ta ke peive eto pambuto enana ta dei pure do ijekihaja amita duru avo embomei peae dei amita mihera avo eo ingia.³²Eto embo heriso tihi hirikena avo pahore, avore, embo vahi ke ambu mihahija amita be avo ahihi samuna na andirari avo embomei na umbuto Bada ta dei puvuo. ³³Bada na ahihi samuna kurumbenu pahuo, embo ke ambu amo ke enu embomei na kito mani mini eto ke einge ijera, ''Nango pure einge Israel enda ta kia kihi ta pure erevi ere kegora,'' Ainge ea. ³⁴Rate enana Moses ta avotari ke pepeni simba ari embomei na pure evi kito ungo eonga na pure ainge ahera avo Bada na ua avoeto enana Bada ga hini kambari ue ke einge ea, ''Amo ahihi sasamuna ta tihi jigari na amita dei sovera ikeuja avoeto, ahihi sasamuna ere kurumbiha.''³⁵Eto Bada na da pepeni memeni peae ai ta hehue, Judea embomei ta giu pari ari bande jo ta ahe poekihe, duru javotoho Mama Otohu umo eonga na amo embo ta tihi jigari embo avo ahemba ue eto embomei ta memega korere neite neite peae be avo irae enu kokojekea. ³⁶Eto embomei isamane be avo bouka memega na haito haito uei osaga kegue mihahera avo Bada na kina, rate inono o sipi ainge simba ari embo irae kito jojoga umbuna.³⁷Avoeto Bada na amita ambotane ta dei ke einge ena, ''I be na taherembeto sari ere ua, rate bujeto umbari embo avo heriso ra. ³⁸Avoeto i be Mamo ta dei sasau be pari evujo pure embomei nei uhoho ikau pambuto i be bujare.'' Ainge Bada na ena.

Chapter 10

¹Bada na tohota ambotane 12 ainge avo jage enu puto vahita eo enana ta dei ahihi sasamuna kurumbari pambari amite eto bouka memega korere neite kainte peae avo ari kokojekari amita sovera avo tohota ambotane ta dei ikena.²Eto ambotane 12 ainge Bada na amita agigi ari embo ara umbuna amita jajavo aravo erevi ra; eto ambotane kihi amo, Simon (amita javo nei eora amo Peter), eto amita namei Andrew; Zebedee ta mei singa James, eto amita namei John te; ³Philip, eto Batholomew; te Alphaneus ta mei singa James, eto Thaddaeus te; ⁴tigaho ari embo Simon, eto Bada umbuto isoro embomei ta ingeni ta ikaisuja embo , Judas Iscariot te aingeto ra.|te ainge ra.⁵Eto Bada na enana ambotane 12 ainge erevi ikau pamba ra uve avo oje kahari ke einge ena; eto Bada na oje kahari ke emiga , amita ambotane ta dei ikenu pahue ra, eto ke amo evira,'' Eto Mama Otohu kiae embomei amita dei tambu ai ta mane pambasova , eto Samaria embomei ta da jo aita mane horasova. ⁶Rate tihi tambu eto Israel ta o sipi pambari amita bande ta pambuvujo; ⁷eto ungo pahue , ke einge ijie ahemba evujo, Mama Otohu ta hotari purari avo ohapa ehija; avo ahemba evujo.⁸Avoeto embomei korere ta evujo kokonjekare, sare ta jigivujo erare, osese na andirari evujo javotoho are, eto ahihi sasamuna jo ta horari kurumbevujo pambare. Eto ungona teho be uhava ainge dombo mine teho ikevujo. ⁹Eto mani, ungota pausi ta juruketo umbuto pambavojo. ¹⁰Eto ungota isa begi retemo , bo ando ta asukari nei retemo, utu goru retemo, ainge hetu retemo avo umbuto pambavojo amita be avo pure embo amita donda do ujeje ere ua amo mahu sija ari mihia.¹¹Eto da pajire retemo isapa rete damita ungo horiheva aita embomei amina rami javotoho ai ta mihei avo kito, eto amiga mihimaka dei avo toto pambuvujo. ¹²Eto ungo bande ta horihe kito amo embo bande aita mihera avo pekevujo. ¹³Eto embomei bande aita iriora avo jajavotoho kito, amo ungo pekari avo tovujo bande amita puroi. Rate bande amita embomei avo javotoho mane kito, amo ungota pekari avo mane ikasova te tovujo.| jigivujo.¹⁴Eto embomei amina ungo umbae retemo, ungota ke ingae ore te, avo ungo bande avo retemo da avo rete avo toto pambasi ue kito, amo ungota utu ta endasa avo jandara| teterevujo beau pambuvujo. ¹⁵Eto nane ungota deita ke be na erena; amo da pepeni Sodom te Gomorrah te ta embomei na osaga memega Mama Otohu ta kasari iji amite keisora amo isapa, rate da pepeni memeni damita embomei ungo umbae ehere utu endasa teterihava amina amina amo osaga memega enana avo dembeto pajire be keisora.¹⁶''Eto evi kivujo, nane o sipi ainge ivo ambu avo embomei aheivo kambari ino o sasamuna ainge amita aheivo eora amita kokorota ikenene ere pahova, avoeto ungo inono koso o na amita hotembari jigama javotoho euja ainge ungota hotembari jigama javotoho aisova eto inono di dipo ainge jujune ambu ue nau pure evujo. ¹⁷Avoeto embomei ainge avo keisi keisi | simba evujo amita be avo enana amina ungore umbuto sesi ta tihi jigirikari amina ungore enana ta giu pari bande jota sihere na taisora |benjekaisora. ¹⁸Aingeto enana ungore jigito kororo eto umbuto puto da ta tihi jigarikari tihi bujuta ikaro namo avoeto hetasova amo amore enana ta eto Mama Otohu kiae embomei ta hajire avo keisora.¹⁹Eto embomei na ungo umbuto sesi ta tihi jigirikari ikasora, amita, ungo daingeto |doeto ke aisova amita osaga mane aisova, amita be avo ahihi otohu na ke derami aisova amo iji amite ungota dei ikau aisova. ²⁰Amita be avo ungo amina ke amo mane aisova, rate ungota Mama Otohu ta ahihi amina ungota jota heteto ke re aisuja.²¹Eto namei na namei umbuto sari ikaisuja; eto mamo na amita mei umbuto tihi jigirikari ta ikau kasasuja. Eto mei hatira na ereto enana ta e mamo ga hini kambari eto aro tihi jigirikari e mamo kasasora. ²²Eto embomei peae na ungo ga hini kambari aisora amita be avo nau javo avoembo. Rate embomei amina ke be ta heteto irisuja pato tutumo aisuja , embo amo Mama Otohu na orekaisuja. ²³Eto enana na ungo da pajire vahita teto kaeto aro kito; amo joru da nei ta pambuvujo; eto nane ungota dei ke be pere erena, amo |ungo Israel embomei ta da pepeni peae aita irae pambae mihirovo Mamo Mei avo purusuja.²⁴Eto ambotane amo iji mahainge amo amita ahepoeakari embo ta huta ra, |irisuja, ainge dombo agi uve pure ari embo amo iji mahainge amita pure mamo ta huta mihie pure aisuja. ²⁵Eto ambotane vahi na amita ahepoeakari embo ainge aisuja amo inono ra |tehora; eto pure ari embo vahi na amita tihi jigari embo amiga heka vahi aisuja amo avora|tehora. Eto enana na bande amita tihi jigari ta embahe ke aisora; ainge avo enana na amita oro pe vahi amita dei re jajavo sasamuna be avo aisora!²⁶Avoeto embomei ungo ga borujujune ke erera avo joru avojo, amita be avo Mama Otohu na donda mahu onjikari amo umbuto arahe au keisora. ²⁷Eto nane na ke derami ungo ga embo kiae ojikari ta mume te ke erene ingiheva, amo embomei peae amita tihi ta iji tambu ta erena; avo kivujo, eto ke derami ungota oje ta moseha na erene ingiheva; amo arahe tambu ahembahe aro embomei peae na ingisora.²⁸Eto embomei joru avojo. Enana ando bisi avo taisora, rate enana na ahihi mane taisora. / Taro sari aisuja. Rate, Mama Otohu avo joru evujo amita be avo amina peae ahihi te ando bisi te avo i peri ta ikau eveketo irae aisora. ²⁹Eto di memeni heriso avo hotembevu? Eto enana amo be mane avoeto ungona di heriso amo mani isapa vahi ta ombuto umbasova. Avorate, ungota Mama na di memeni peae enda ta ituruketo beora amo kiuja / amo keuge heka hei beora. ³⁰Rate ungota siro hu doinge mihia amo Mama Otohu na kiari ra / ehekeuja. ³¹Avoeto joru avojo. Mama Otohu ta dei ungo hena amo pajire be ra rate di memeni isamane be avo mane ra.³²Avoto embo amina nau javo avo embo ta dei ta / tihi ta ahemba aisuja amo nane ainge dombo amita javo avo nau Mama uhuta mihia amita tombuta jaha torue avo embo emo na tohora ainge aisona. ³³Rate embo amina embota tihi ta na kiae ke aisuja,amo nane ainge dombo Mama uhu ita mihia amita tombu ta kiae ke aisona.³⁴''Eto na peka umbuto putuhana ainge avo hotembavojo. Eto na puvena amo peka umbuto purisi purae ra, rate teto kajeto hauko hauko ari avo umbuto embo ta dei ta puvena. ³⁵Eto na putuhana amo mei ano mamo ga jujune aja, eto iae ano amita e ga jujune aja, eto mei ae na amita imbohiga jujune aja puvena. ³⁶Eto embo ta kitoho embo amo amita oro pe vahai avora.³⁷Eto embo amina tohota e te mamo te tunga umbari pajire na seriketo umbuja amo na osa ari haite mane ra; ainge dombo embo amina tohota mei te iae te tunga umbari pajire be na seriketo umbuja amo na osa ari haite mane ra. ³⁸Eto embo amina bouka memega eto sari avo umbariuje ae ua amo na ambo ari haite manera. ³⁹Eto embo amina irari umbari avo aisi ahe ere ua amo wasiri be amo mane umbasuja. Rate embo amina amita irari umbari avo ahe ae toto Iesu ambo ambo ua amo wasiri javotoho hambasuja / wasiri be avo hambasuja.⁴⁰'' Eto embo amita umo osa te ere uhua amo na avo osa te uhua; eto embo amina na osa te uhua vahi ainge avo embo amina na ikenu putuhena avo osa te ere uhua. ⁴¹Eto embo amina harika embo avo osa te umbasuja amo embo amo harika embo avoeto harika embo ta javotoho mine avo umbasuja; eto embo amina embo javotoho osa te umbasuja amo embo javotoho avoeto embo javotoho mine avo umbasuja.⁴² Eto embo nei amina Bada ta ambotane vahi ra rate javo irae amita dei umo umo jamo kapo ta timbuto indoja ikiha amita be avo embo amo ambotane vahi avoeto , nane ungota dei / ungo ke be na pere erena Mama Otohu embo amita javotoho mine amo / mane toasuja te ikau umbasuja."

Chapter 11

¹Eto Bada na tohota ambotane 12 ainge avo ahepoekenu irae enu amiata ambota, dei avo toto Judea embomei ta da pepeni ai ahepoekihe Mama Otohu ta duru javotoho ahemba aisi pambuna. ²Eto / avo John bapaitaito na tipura ta mihie Bada na pure do ere ua amita ke avo ingito, John bapaitaito na amita ambotane ta dei Bada ta ke ikenu umbuto ³eto Bada ta dei ta ke einge ea,'' Eto embo nango purou keisi simba ue mihera amo umo retemo, nei purou kesi nango simba iroro?"⁴Eto Bada na John ta ambotane ta dei ke mine avo einge ena, ''Pambuvujo, pambuto derami ungota tihi na kegova eto onje na ingiheva avo John evujo ingoi. ⁵Eto tihi poa ari amo tihi hirikehei kegora, utu popora ari amo hae ora, ando osese na andirari amo ando osese irae ere ua, onje sunjukari amo ke ingihera, eto nane Mama Otohu ta duru javotoho avo embomei Mama Otohu ta ke ingae amapaha amita deita ahemba ere ona. ⁶Eto javotoho amo embo amina rami nane ae jo beae/ hini kambari ae amita ra.⁷Eto John ambotane erevi putahara dei ai ahako egerembeto pahore avo Bada na John ta javo ta embomei horuheto mihera amita dei ke ihiketo einge ena, ''Eto kebe ona amo ungo enda ojaga tambu ta pisara garasi umbuto ima huma ua avo keisi pambae re?'' ⁸Eto ke be ungo enda ojaga tambu ta embo bo kiari sago javotoho asukari avo keisi pahavete? Ke be erena, amo embomei amita iribo kiari sago javotoho ainge asukeora amo donda embomei avoeto enana amo tihi jigirikari embomei pepeni' amita bande pepeni aita iriora.⁹Rate ke be ungo enda ojaga tambu ta harika embo keisi pambeve? Nane ungota deita avora erena, eto embo ungona kegova amo harika embo avo serikari embo pajire avo kegova. ¹⁰Eto embo John bapaitaito eremita ke avo harika embo Malachi na mahu be einge kajari mihia, ke amo evira 'Kivujo,na Mama Otohu nane nau ke ari embo avo ikehene ungota kihi pahue no dei sija ururu umo pambae ere ikehene pahua avora.'¹¹Eto nane ungota dei ke be pere erena, amo embomei peae amita jota mahu mihahera amina John bapaitaito serikari avo irae ra. Avorate embo javo irae ungotenau Mama Otohu tihi jigihe uhu ita mihia amita huta iriuja amo pajire eto John bapaitaito amo isapa ra. ¹²Eto John bapaitaito ta ke hande ari ke eto puvuto eha/ iji oroho emite, embomei na Mama Otohu ta tihi jigari besi ai horasi uje ue sunju sunju/ uju uju ue pahore , embo sasamuna na ai ta horasi embo nei mima mama ue ere putahara.¹³Eto Mama Otohu ta tihi jigari ke erevi amo mahu harike embo peae eto Moses ta ke pepeni amite peae mahu ari kajari mihia amo harika embo Ejijah ahako puvurusuja ainge ea/ ijera; ¹⁴avoeto ungo enana ta ke avo ke be arihaite aisova amo harika embo Malachi na Elijah ahako puvurusuja ena, amo John bapataito ta aheivo amo Elijah ta aheivo amiga inono ena ainge avo keisova. ¹⁵Eto ungo embo amina onje irirou/ mihirou kito ke erevi ingisi au kito amo tovujo embo avo ke erevi ingoi.¹⁶Eto embomei eha oroho mihera amita aheivo mo do ihokore?/ daingeto ehako mo ano? Amo inono mei memeni na da arahe tambu donda ta donda iketo mani umbari eto donda ombuto besi ai arumbeto jage mine ara ijie ¹⁷eto ke einge erera,'' Nangona ungota ja sesena ere ora, rate ungo ja tivari uje ae ova. Eto nango embo sari ari ta si pusu ta si havini erera rate ungo si ari uje ae ivo aheivo aingeto avo ove.'¹⁸John putahaja avo indari te umo agari amite toto mihina avo enana/ embo na kito ke einge ea, ''Embo emo ahihi sasammuna na horihaja avoeto indari indae ere ua ainge ijiera.' ¹⁹Eto embo ta mei puvija amina indari jajavotoho te umo agari amite peae ere indina avo embomei na kito ke einge ea, ''Embo erevi kivu, embo emo indari eto umo agari avo indari embo be ra amina mani sirikari embomei te eto ari sasamuna ari embomei amite ga namei euija ainge eora!' Rate Mama Otohu ta ari wasiri be avo kito ke be aisora ainge Bada/ Iesu na ena.''²⁰Eto Bada na ihiketo da pepeni dainge dainge pahue amita pure ari ijejembari pepeni nei te nei te ena amita embomei avo gaiha na isembena, amita be avo da amita embomei avo enana ta ari²¹ sasamuna kusinjeto toae mihera avo kito ke gaiha na einge ena/ ijija. ''Aio, da Chorazin te da Bethsaida te ta embomei ungota dei osaga memega pajire be purusuja! Eto pure ari ijejekari nei te nei te ungota tihi na keheva avo da Tyre te Sidon teta pure ainge ahena amo da heriso amita embomei na ari sasamuna mahube toasi bo begi na ihikari avo asuketo amisa na kuhaehera rate ungo na ari sasamuna toari uje ae ere ova. ²²Rate Mama Otohu na amita kasari iji amite tohota jojoga ari pajire avo da Tyre te da Sidon teta embomei ta dei au keisora eto ungo da heriso Cherazin te Bethsaida ta te embomei ta dei mane au keisova, amita be amo ungo na pure ari ijejekari pepeni avo ehene keheva te ungo na ke be ue ungota ari sasamuna ta jandirikae miheva avoeto.²³Eto ungo da Capernaun embomei, embomei nei uhoho ta jakeka poeka amina ungo umbuto uhu ita pamau te? Ainge manera, Mama Otohu na ungo re ikau pambuto i peri ta beto evekaisova. Eto ari ijejekari pepeni papeni ungota dei ehena ainge avo da Sodom aita ehena amo mihuru puto iji oroho emita purahija. ²⁴Rate mane ungota dei erena amo Mama Otohu na da Sodom embomei ta dei amita jojoga ari pajire be amita kasari iji amite au keisora. Eto da Capernaun embomei ta dei avo mane au keisova, amita be avo ungo ari sasamuna toae jigito miheva.''²⁵Eto iji amiko te Bada ta ke einge ena/ ijija, ''Mama uhu te enda te amita tihi jigari embo embo na umo jakeka ere ona, amita be avo inena ke moha erevi embo siro kiari javotoho umbari amita dei onjikiha, eto embomei amina umo ke be ora te siro kiari javotoho umbae eto ainge avo hotembeora amita dei ke moha erevi ehei kegora. ²⁶Eto avora, Mama, pure erevi inena kehei no deita javotoho ena avo uea. ²⁷Eto nau Mama na amita hotari tihi jigari ta avora ari peaebe amo nau deita ikena. Eto embo nei damina Mei kiae ra rate Mama Otohu na vahi ere kegua, eto ainge dombo embo nei damina Mama kiae ra, rate Mei na vahi ere kegua, avoeto embo amina rami Mei na ke moha ere kioja uje eto sirikaisuja amita dei ikau/ au keisuja. Ainge Bada na ena.²⁸Avoeto nau deta puravu, ungo embomei amina avotari ke pepeni erevi inono ta ambo ambo aisi ue osaga memega kiova eto nane ungota dei sipere ari/ jago indari ikane. =Eto ungo embo amina avotari ke pepeni erevi inono ta ambo ambo aisi ue osaga memega kiova avo nau deita puravu eto nane ungota dei sipere ari/ jago indari ikane. ²⁹Eto ungo nau embomei eto na ambo ambo evu, amita be avo na amo jo nau ta jamo eto javotoho be ra, avoeto ungore jago indari hambasova. ³⁰Eto nane pure derami ungota andota ikasona amo ungona umbari haitekora amita be avo pure nau ari amo ejeha ra/ bouka mane ra.''

Chapter 12

¹Eto iji isapa amita ambo ta Mama Otohu ta jango indari iji amite Bada na amita ambotane ga ebmomei ta koni urari pure jo aita ahe eto pahuo beuje unu Bada ta ambotane ihiketo koni eha gasa aisi ere ua amita ajoro avo hoeto indiera. ²Rate ari ainge ora avo Moses ta avotari ke pepeni simba ari embomei na kito, enana na Bada ta dei ke einge ea, ''ki, no ambotane na pure ovi do ere ora amo avotari ke pepeni aita Mama otohu ta jango indari iji te ara ari kajari irae avo ere ora.'' Ainge ea.³Rate Bada na enana ta dei ke mine einge ena, eto ungo David te amita embomei amiga ere ua amina beuje enu enana na do uera avo kajari mihia amo ungo eheketo kiae rete? ⁴Eto David na amita embomei amina amiga ere ua amina Mama Otohu jakeka ari bande jo aita horeto pambuto Mama Otohu ta ambe bande avo simba ari Mama na ikeoi iriuja avo umbuto indiera amo embomei teho na indora ari avotari ke pepeni aita avora ari ikari kajari irae avo enana na ambe aravo umbuto indiera, rate Moses ta avotari ke pepeni aita ambe bande jo ta avo indoja avora ari ikari kajari mihia amo bande amita giu pari ikari Mama mane na pere indisora avo ari kajari mihia.⁵Eto Moses ta avotari ke pepeni aita kajari mihia avo ungo mahu eheketo kegueva amore Mama Otohu ta jango indari iji amite Mama mane giu ari bande otohu jo aita iriora amina Mama Otohu ta jango indari iji amite o pure nei do mane ara ari avotari ke pepeni ai kajari avo enana na iji amite uera, rate Mama Otohu na Mama mane avo samuna ae ainge avo kegua amo do au? ⁶Rate Nane ungota dei ta ere na amo Embo vahi pajire be bande otohu erevi serikari amore oroho ei ungo ga mihia.⁷Eto Harika embo Hosea na ke emo mahu kajari mihia amina ke amo einge eria, 'Na jojoga ari avo uje ona rate o teto heveto peneha gaga ta ikari avo na uje ae ra ainge eria, avoeto ungo ke emina do ijie eria avo be keisova kito amo embomei amina avotari poekae teho amo mane kasasova. ⁸Amita be avo Embo ta Mei amo Jango indari iji amita Tihi jigari Embo be ra.''⁹Eto Bada koni uru jo ta mihija avo toto pambuto enana ta giu ari bande otohu amita jo ta horinu. ¹⁰Avore embo vahi ingeni popora ari avo bande otohu amita pe ai heteto mihina avo Moses ta avotari ke pepeni simba ari embomei na iketo kito Bada ta dei enana na eto ingari einge ea, ''eto Moses ta avotari ke pepeni aita embo na embo nei Mama Otohu ta Jango indari iji amite javotoho ari ikaja ari kajari mihei te?''

Galatians

Chapter 1

¹Paul amo aposol wahai ra eto amo embo ta ujeta pure erevi umbai ra rate I esu Keriso eto Mama Otohu amita sovera na dangeto peheto erena, ²eto namei kamei peaibe namoga da Galatia giu pari eora.³Eto ungo nau Mama Otuhu eto Iesu Keriso ta jojogari eto peka umo ga iroi.⁴Amita umo eonga be ungote nau ari sasapura eto enda ta sasamuna ungota umbarira amo Mama Otohu ta ujebera,⁵eto amita hena re tohota javo amo mahuainge ibeta irisuja. Awora.⁶Na saima tutu aera amita amo ungo embo amita jage avo peive eto sausaube kusingiaja eto amo Keriso ta jojoga-ari na ena. Eto na tututu eto ahereketo avo duru javotoho keijie pambuna.⁷Avo manerate duru javotoho nei amina puvuto miha, te embo neinei na ungota dei bouka ikasua eto Keriso ta ke avo sokova aisiova.⁸Te nangona o anera wahai na uhu ta puroi eto tota ujena duru javotoho nei ikasuja eto be inonota mane aisuja amo nangona ke do orere eto ungota dei ikari amo embo bouka ta beasuja. ⁹Eto iji mahu be ta nangona do ungota dei arire eto oroho ehako ungota dei aisona, te embo nei na puvuto duru javotoho ke sokova nei ikau eto inonota nangona ikihera,avo mane inonota pambasuja amo embo avo sapurata beasuja. ¹⁰Te oroho be amo na embo ta awara avo umbasi uje be onete o Mama Otohu ta?Te na embo ahe uve eto embo avo osa anote? Te na embo ta ujeje kihi aisona amo na Keriso ta pure embo manera.¹¹Eto nau namei kamei, ungo be keisova amo duru javotoho erena amo embo ta duru manera. ¹²Eto na avo embo neinei ta umbaera eto na avo embo na avo aipoikaira rate Keriso na, na ehure ta ikenu ehekena.¹³Eto umo avo nau ari mahu ingiheva eto do ehena Judaism jota amo nau ari sasamuna mamahu ra eto dangeto Mama Otohu ta giu pari embopo avo samuna beta hatiketo eto osaga memega avo ikehena eto na dangeto giu pari embo mei irai isona, avo aingeto hotembena. ¹⁴Eto nare Judaism jota ra eto na avo embo kiari pajire umbarira eto kihikihi eona eto nau namei kamei amita jota wahai wahai amo serikarira. Eto amo nau embo mei toho bera. Avo ehena amo nau epe jape ta hoihihi te ke te eto ari wasiri ta mamahu irari avo ehena.¹⁵Te Mama Otohu na,na avo eunga seriketo avo na tohota javotoho eto jojogari amina na jage ena, ¹⁶eto tohota mei avo awara eto nau deita ehekena, te tohota javo avo embo mei ari wasiri sasapura avo eora amita ugorota hande aisona,eto na avo sausau pambuto embo hamote te sasaha te eto ingari aira. ¹⁷Eto namo avo da Jerusalem ta pambaera rate embo aposols kihi ehera eto nare ambota ehena. Te namo avo da Arabia pambuto eto egerembeto puvuto da Damascus ehena.¹⁸Eto juwa heriso wahai avo irai ehei avo na da Jerusarem pambuto embo javo Sipas avo kito avo ¹⁹Tihigigari pajire Te embo aposol neineiavo na kiaira rate na embo amita namei Jems avo pere kena. ²⁰Eto nado ahari ta kajena amo na Mama Otohu ta tihita ke sokowa aira te ke be²¹Eto amita ambota ra neinei pambena eto amo da siria eto da siricia. ²²Te Judia embo meini avo Keriso giu pari eora amo na eto geko eto na bi kiaira ²³Eto embo meini re nau javo ingera eto ker re enge ehera te embo amo mahu be avo hatikasi eija amo ke humotari avo hande uwa. ²⁴EtoMama Oto hu amita javo jakakeeto osa ehera, amita beamo, nau deeita do aira.

Chapter 2

¹Eto juva fotin irai enu namo te Barnabas, te aingeto Titas umbuto da Jerusarem ta pambera.²Na ita pambena amita be amo ehure kehena eto enana ta jota duru javotoho avo Gentiles embo meini ta jota hande ehena. Te ke avo onjikari ta ehena te damina, na kegora avo pere orere eto ehena avo inonota, pambasuja eto na avo teho tutu-vari pere aira.³Te Titas, amo embo Greek, ra eto namoga iriuja avo hamo hoga tiukari ihine ehera. ⁴Eto name kamei sokowa embopo amina onjiketo puvuto ungona do keriso Iesu ga ora avo keisi puvera.Amo enana na dangeto ungona aro tipura pure, aisora avo uje ora. ⁵Te nangona enana ta deita avo uta pure pajire aira, avo eto umo avo ke be ai heteto irijo.⁶Te damina teho be otohu uva eto (dodo eora amo nau deita re be mane ijeke asuja eto, Mama Otohu amo mane araha ta sapura sesena euja )- eto na ke asona amo enana, avo pure be uve keije amo kegona, amo be manera. ⁷Avo eto, enana avo na kegora re na avo duru javotoho avo nau deita peaibe ikarira eto amo ke hamota hoga tiukari, embopo ta deita hande aisona eto ainge dombo Pita avo duru javotoho peaibe ikari amo embo mahu hamota hoga tiukari ta hande aisuja. ⁸Eto Mama Otohu avo Pita ta jota pure enu avo aposol tihijigari ena eto embo hamo hoga tiukari ta pure aisuja ,eto ainge dombo avo Gentile ta asona.⁹Eto James, te Cephas, eto John, amo enana avo sosi kihita iharira, eto enana avo embopo ta tihi ta iriora avo kito pure erevi amo nau, deita ikarira eto enana na ingeni be avo awora uve avo Barnabas te namote ikihera .Eto ainge ehera amo nango Gentiles ta deita pambasora eto pure amo embo hamo hoga tiukari ta deita aisona. ¹⁰Eto enana avo uje ehera amo nango dangeto donda irai embopo, avo hotembasora amo pure avo be uje aisi eona.¹¹Te iji amikote Cephas da Antioch, ta puvei avo nanena embo amo tombu ta isembena amita be amo pure eto kogo eto ai. ¹²Eto kihita amo embo neinei na James, ta hena ai eto puvuto Cephas te Gentiles te aingeto waita indera. Te iji amikote embo enana amo puvere, avo embo amo emahe heteija eto au veto puvuto Gentiles ga hetai ra. Te amo embo mei amita ke gagainha hamo ta hoga tiukari avo uje be kesi avo oju eheja.¹³Eto Jews nei uhoho amina waita horuketo ke sokowa avo hondate ora.Eto Barnabas amo ke sokowa enanata amina tihijigito angevota be heija ¹⁴Te iji te na enana avo kehena amo enanata ari wasiri avo inonota ke be, ai hetoto etogokoeto pambae ra eto Cephas amo embo peaibe, ta tihita ke ehena eto ''na avo amita deita enge ena umo re Jew ra, te do eto Gentile ta ari avo ambo ambo aisi avo mane ainge dombo Jew ta au, avo eto umo amo mane Gentiles embopo ihini eto no Jews ta ari aisora?''¹⁵Eto nango Jews avo aja na ingarira eto nango amo Gentiles avo ari sasapura embo meini manera; ¹⁶eto nango na kegora amo embo amo mane pure na eto avotari amina mane konjari umbasuja te amo humotari te ke be amo Keriso Iesu ta jota ra. Eto nango amo Keriso Iesu ke be uve aisora eto pure avotari amina hamo mane konjari umbasuja.¹⁷Te ungona avo Keriso keisora amo ungona amo konjari umbasora ,eto ungote na amo ari sasapura embopo ra te Keriso amo sasapura uje oite?Isapa asapa manera. ¹⁸Te namo avo pure mamahu avo mahu sasapura ena avo ihi aisona amo na amo araha be ta keisora amo na avotari poikari embo ra. ¹⁹Eto avotari jota mahu sari ehena amo avotari jota ra te Mama Otohu ta hena amo mahainge irisona.²⁰Eto namo amo keriso ta I atahu ai tehera. Eto namo amo nau oinga hetai ra te keriso amina jota namoga miha. Eto oroho mihena amo na hamo ga hetai ra te na avo Mama Otohu ta Mei avo humota eto ke be ga irisora amo na tunga uve eto nau deita puvuna. ²¹Eto na amo mane Mama Otohu ta jojogari avo tohai eona te javotoho avo na umbasora amo avotari jota ra te keriso amo teho be sariena.

Chapter 3

¹Da Galatians kava embo meina no tihita inja amina ikehi? No tihita Bada Iesu arahe ta i uha ari ai toru era. ²Doda wai evi ungo na evu keisi na: Ahihi Otohu pure avotari uija avo kembe aro oke inge va avore? ³Ungo kava re? Ahihi Otohu pure umo ga ihi kehija amo ando bisi ta sovera ta irae au?⁴Umo bouka memega pajire teho umbea -eto bouka memega teho umbea amo jaibere? ⁵Ungo Ahihi Otohu ikehi umbeva embo amo pure ari ijeje kari amo avotari, re o ke ingito kebe avo?⁶Abraham Mama Otohu ita" kembe ehei javo amita ikihija avo jiukari embo", ⁷ainge dombo kivujo, kembe ,ari embo amo Abraham ta hatira ra. ⁸Mama Otohu ta ke ta mihia, embo Gentiles neiuho ho avo mane enanata kembe, ari avo au jihu kasuja. Ambo tane ke ijera Abraham ,"No deita embo peaebe avo osa osa asora." ⁹Avo eto embo amina kembe jigija amo Abraham, ta hajae bajae osa osa aisuja embo amo kembe kembe ari embo.¹⁰Embo amina jota hotembari ikehe avotari pure ai pahua amo kasari, ta ''huta ra avo ke ta kajari, mihia avo kasari amo embo amina avotari, buku kajari ambo ambo ae ua amita ra." ¹¹Embo amina avotari ke avo ambo ua amina ae embo avo Mama Otohu ta tihita javotoho ae ra. Jihukari, "embo amo kembe ta iri ora." ¹²Avotari amo wasiri kembe manera avo embo amina avotari ai pure ua amo avotari ai irisuja.¹³Ae tumbae eto avotari amita jo ai mie re Iesu ungote na ombuto uhaja - eto Iesu na ''bouka no avo umbuto i ta'' ekihaja. ¹⁴Ai eto Bada Iesu, ta jo ai avo Abraham ta javotoho embo Gentiles amina umbasora. Ainge ue avo kembe na oje ari Ahihi avo umbasora.¹⁵Namei kamei nau ke ingivujo embo amina pure tahavota aisi avotari, ehija amo mane umbuto angove ta mane ikasuja o hamota ikasuja.¹⁶Eto noma kaje to oje uija amo Abraham eto ''nohota ahije ta.Eto ahije neta manera ahije,'' amo Iesu ra.¹⁷ Avo eto ke kasari jua 430 amita ambota putaja amina noma mahu Mama Otohu na ikeija amo ango mane asuja. ¹⁸Avo eto hajae bajae ke kasari, na umbuto puruja kito avo oje ari avo manera avo rate Mama Otohu na oje uija avo Abraham ikihaja.¹⁹Avote ke kasari ta bemo deire? Samuna avo ikija aige eto mihi ru Abraham ta oje ari ahije na aja ungoro embo na ke avotari avo ane ra na ehere sovera uja, ²⁰Ungoro embo amo isa mane rate embo wai eto Mama Otohu wai.²¹Eto ke avotari amo Mama Otohu ta oje ari, amiga rurune oi? Aige aera ke avotari avo inasiri kito amo pure jaja votoho amo ke avotari amina umbuto purusuja. ²² Avo rate doda peaebe hane ke ari samuna, ta tipura uhaja. Mama Otohu ege uija amita bere ungote na ore kajuja re ke be ari no Bada Iesu dei amina.²³Ke be ari purisi mie ungona ke avota ri, amina tipura umbuto jigito mie kembe ari putahaja. ²⁴Avora ke avotari ungona simba ari embo mie Iesu putahaja, aige au ungota avo kembe ari jihuka sora.²⁵Avo rate kembe ari avo puvija, ungona avo simba ari embo huja irae ra. ²⁶Eto ungota kembe ari Bada Iesu dei amina avo ungo peaebe avo Mama Otohu mei ra.²⁷Ungo embo peae be Iesu ta dei bapatito eheva avo Iesu aukeheva. ²⁸Amomo Jew temo Greek, tipura rete o tehore, embo rete o pamonere, ungo peae be amo wai Bada Iesu ta jotara. ²⁹Eto umo avo Iesu, kito umo amo Abraham ta ahihije ra avo eto doda peae be Abraham oje amo nora.

Chapter 4

¹Nare enge erena mei isapa be avo Mama ta besi umbasuja te amo tipura mei manera te amo hajaebajae pajirebe amita mamo ra. ²Avo rate Mama Otohu be ta simba eto oerero orero mihiru avo tota iji ikari avo puruja.³Eto ungona avo mei memeni ta mihe avo ungona avo enda ta aehepokari samuna amina tipura. ⁴Eto Mama Otohu ta iji inonota purei avo tota Mei singo vahai be avo pamone na ingihaja, rate Mei avo kasari ta jo ingihaja. ⁵Amo pure evi uja amo embo mei ke avotari amita tipura jo ta avo egerebeto umbasi putahaja.⁶Eto ungo na Mama Otohu ta meihatira,eto Mama Otohu na tota Mei Ahihi Otohu avo ikehi ungote nau jota putahaja,eto amina na ahemba eige eria, "Nau ,Mama." ⁷Oroho umo amo tipura embo mane ra, rate umo Mama ta mei bera,eto umo Mama ta mei ra,avo eto Mama ta hajaebajae amo no ra.⁸Eto iji amite umo Mama Otohu kiera,umo amore tipura ari eto embo amina tohota avotari ke ta,amo embo mei amo mama nei memeni ava. ⁹Ate oroho umo Mama Otohu kegoau,rate umo mahu Mama Otohu na kegaja,doavoeto umo engere beto pahoto ohihi pure mahu ta sasamuna evo irae be mane huti avoe? Umo ahako tipura asi uje oe?¹⁰Umo jua jua, hariga heha biuja eto nenga ehaha puja eto iji. ¹¹Na joru ona nau pure umo ga avo bemane eja.¹²Namei kamei na ungota dei penunu are na,ungona einge evu ja eto na ungo aige ane. Inena nau dei pure samuna aera. ¹³ Eto ungo evi kivujo iji ikari amikote na amburega tapa mie ungota dei pambuto Mama Otohu ta duru hande ue na. ¹⁴Nau hoga bisita ambure emina umo engakata ekeija, enana na toto pambae o na kusijae. Avorate enana namo avo Mama Otohu ta Anera aige dombo avo oro ijie namo avo uhara, na avo inono Bada Iesu umo emahe aige.¹⁵No osaosa oroho amo dei tare? Na ne umo harekihena, eto avora asuja kito avo no tihi kuruketo nau ekere kejo. ¹⁶Eto, na uo isoro embo ehene eto amita be avo mane no dei kembe pere avo ere ne?¹⁷Enana ta jo beta ujeje amo doeto umbaro enana ta dei puro, avote ke sokova ta ora. Enana uje adoeto umo peikaso ra aige ado umo enana dei hini kambari ae. ¹⁸Iji mainge avo pure jai aisi ujeje asora, eto mane na mihi rono pere avo pure jaijai aisi asoa.¹⁹Nau mei hatira, na ahako inono pamone na mei umbari eu meme kiuja aige one Iesu no dei ai irere. ²⁰Na ungo oroho irahe na aiga avo hotembi hena eto nau ke ta tunga ahere kehi ja, avo na ungo ta osaga ona.²¹ Ke evujo, embo amina kasari huta irisi uje oi, eto umo avotari ke mane igi oe? ²²Ke ta kajari mihia Abraham ta mei siga amo herijora, vahi amo pure pamone amina eto nei amo pamone teho amina. ²³Vahi amo pure pamone igihaja ando bisi ta ujeje ai ta, eto pamone nei amo kasiri irae amina amo oje ari mei avo igihaja.²⁴Doda erevi ahekihi ra avo ai doda erevi are ahe re kasuja avo ahekihi, eto pamone evi hagire amo noma herigo, nei vahi amo heti javo Sinai amina amo tipura mei hati ra avo igihaja. Amo pamone javo Hagar. ²⁵Eto Hagar ta hagire ua amo heti Sinai da Arabia ta aige; eto pamone amina ta hagire ua oroho amo da Jerusaiem, pamone aravo tohota mei hatira ga tipura pure ue mihera.²⁶Rate da Jerusalem uhu ta amo kasari irae. Eto pamone aravo ungote nau aja. ²⁷Ke kajari, "osaosa,umo pamone jo ojaga tambu ari eto mei igae iri oa sihari keto ejo eto osaosa gagaha ejo, umo embo amina mei umbari ta memega kiae, eto pamone kusijari ta mei hatira amo ijeta be eto pamone ivute amita amo heriso.²⁸Rate ungo namei kamei, inono Isaac aige,ungo avo oje airi amita mei undi. ²⁹ Iji ami kote, ando bisita ujeje ta igiha amina Ahihi Otohu ta ujeje ta igihaja avo jujune euja aige dombo avo oroua.³⁰Eto Ke Otohu amo do erei? 'Topura pamona ejo pambae tota mei ga. Eto tota mei tipura pamone na ingari amo mane pamone teho miha amita mei ta hajavaja hande eto mane umbasora. '³¹Avo eto, ungo namei kamei pehai be, ungo na avo tipura pamone ta meiundi mane ra te ungo na re pamone teho ta ra.

Chapter 5

¹Eto ungo mahu havu jekari Iesu na ikehi uhava. Avo eto gaiha eto hete jo mane ari samuna tipura embo asoa. ²Kigo, na Paul na ere na no bi hoga tiukeha kito amo Iesu na doda ne uhoho ta umo mane hodate asuga.³Na ahawo ere na embo amina bi hoga tikehija embo amita pure avo ta ri ke peae avo ambo ai suja. ⁴Iesu dei ta umo tiuke hija, eto avo tari ke amina umo au havu jeke jo; umo mane jojoga keisova.⁵Ahihi Otohu ta sovera eto kembe ari. Nago jamo eto pure gavotoho avo asi simba ora. ⁶Bada Iesu ta gota hoga tiukari o hoga tiukae re te amina ae samuna ae ra ate doda vahi re kembe ari avo jigito God avo tugaumba sora. ⁷Umo gai be mihea, embo amina kembe kembe avo ambo eoa peiki hei? ⁸Ke popoja emo embo umo jage ijija amita dei purae ra.⁹Sivo isapabe amina ei avo abe babu ari amo paji to biuja. ¹⁰Na kembe ona Bada dei eto umo mane hotembari nei umba so a. Eto embo amina no dei ta bouka ikiha amita mene re samuna umba suja.¹¹Namei kamei,eto na ungo hoga tikava ahemba ae ra rate do avo eto na moga jujune ove? Avo eto korosi ta peikari avo umbuto angove uja.¹²Avo eto embo amina umo pura hango,amo na uje ona ungo enga na enana ta bau avo kuru kaso ra.¹³Namei kamei umo re mahu buje kari ta jage ijija avo eto ari sasamuna aisi ahe aojo. Avo eto tumbari na honda te mine ara evujo. ¹⁴Moses ta avotari peae be kaji haja amo avotari ke waihi amita jota arahe ta ije keto putahaja. 'Avo eto embo nei tuga umb jo eto umo emahe na tuga uho ai ge dombo.' ¹⁵Avo rate umo boruguju ne ke eto usu pesu mine ara ari ke iji ekito avo eto kongo kango 'eto keisi ejo.' Embo amita wasiri avo inena indae irae ra.¹⁶Avo eto nane erena, ungo avo Ahihi Otohu ta gota hae evugo eto aige asova amina ando bisi ta ujeje sasamuna na amo mane asoa. ¹⁷Eto ando bisi ta ujjeje samuna na amina Ahihi Otohu ga jujune euja.Aige dombo Ahihi Otohu ujeje amina avo ando bisi ga jujune euja. Avo eto ando bisi te Ahihi Otohu te amo kitora. Avo eto umo pure do aisi uje oa amo mane asoa. ¹⁸Avo rate te umo Ahihi Otohu na tihi jigi ha amo ke kasari ta hunta irae ra.¹⁹Oroho emi kote ando bisi ta ujeje amo ara heta puvi ga: Hoga jiji gi ari ujeje, eto pure sasamuna aisi hombu hombo ari. ²⁰Keso kova i ove jakeka ari, eto Ahihi samuna avo jakeka ari, jujune teho taho, tumbari irae, ihi tira ri, embo neta dei hine kambari ari, nana ari, ke sasamuna ari, hau ko, hau ko ari, ²¹Ija ari wasiri gai indari ijisu ambu, gai indito ke sio sao iji ari embo ta dado umbari eto ari eige ua embo, na ungo mahu ehe ne igi hava aige ahako ehe na. Avo eto embo amina pure ere viue mihia kito avo God ta hoari mane umba suja.²²Avo rate Ahihi Otohu ta be re tuga umbari osaosa,jamojamo,ari javo toho,tunga umbari, jaja voto eto kembe asoa. ²³Ari bivigo bivigo eto umo emahe orero orero asoa amita avo tari irae ra. ²⁴Embo amina Bada Iesu ta embo amina ari samuna peae be amo Bada Iesu ga korosi ta sari uja.²⁵Avo eto, ungo te na Ahihi Otohu ta jo ta mihe ra, kito, aige avo ungo te na Ahihi Otohu ta jo ta hae asora. ²⁶Avo eto,ungo tena emahe mine ara mane ke sokova asora, embo neiaro jo be asuja eto embo ga hine kambari asoa.

Chapter 6

¹Namei kamei, wai amina rami ari samuna ta be suja kito, avo ungo amina Ahihi Otohu ari mihe va amina embo avo umbuto egere be to God ta jo ta puvujo eto bivigo bivigo ari Ahihi Otohu amina. Eto umo te bara mane ege kata be soa. ²Namei kamei, ga hoda te mina ara uhe bouka avo umbujo. Eto Iesu ke kajari avo be ehija.³Eto embo wai na umo emahe amo jai be avo hote basuja rate embo avo usu pesu wasiri ai mihia. Eto embo ere vi umo eo gana ke sokova eria. ⁴Ungo wai wai na ungo ta ahe ivo avo heka eto kijo. Aige eto umo emahe no javo avo jigijo bihu suja. ⁵Ungo wai wai na no ango avo emo evujo.⁶Embo amina oje kahari ke ikihera avo uhua amina doda javotoho avo ke ahe pokari embo ga hade evu jo. ⁷Ke sokova ao jo, God amo ke sokova ari embo mane,eto embo na doda dei rami uri hera, aige dombo avo puja sora. ⁸Embo amina ari samuna ta mine re wari usu pesu avo umbo suja. Eto embo amina doda be Ahihi ta uri ha amo wasiri ira ri dato avo umba suja.⁹Avo eto ungo te mane pure jai ari amina ivo ambu mane aso ra. Eto no iji bei nono au avo re ure ha amo pujasoa. Eto ungo ivo ambu ae kito. ¹⁰Avo eto ungo na dei habe ra emiko te, avo ungo te na embo peae be amita javoto ho asi ra, eto ungo te na amina giu pari jigi to mihe ra embo ami.¹¹Eto ahari pepeni igeni nau na kaje hena avo kivu jo.¹²Embo mei evi aro embo na jahatara ue avo no dei ke gaiha ando hoga tiukae ere ra. Ena na mane pure revitimbasi ue ra amita be re javo samuna umbari Iesu korosi amita ra.¹³Eto embo mei ando hoga tiukihara ami te ba ra amo ke avotari avo jigae ra. Ate enana mane uje re umo ando hoga tiuka soa aige ao avo re no bisi ta javo avo jaha ta sora.¹⁴Rate na mane javo jigo no biu suja ate tihi jigari embo Bada Iesu i uhaha ari ta sari ui ja amita javo avo aisona. ¹⁵Ando hoga tiukari re te o ango hoga tiukari re avo ehe kae ra. Rate, God keisi uje ma amo umo embo eha be samuna na sari eto ere heha avo ra. ¹⁶Eto embo amina heka eita iri suja amo God ta jamo jamo eto jojoga amo enana ta dei iru suja eto aige dombo avo Israel dei irisuja.¹⁷O ro eto pambija to ao embo ne na mane nau dei bouka umbuto puru sura.Rate nau ando pupuho umbuto ona Bada ta ra.¹⁸Avo ra namei kamei tihikiga embo Bada Iesu ta gogoga ari amita eto Ahihi Otohu amita avo ungo te tapa ra.Avo ra.

Colossians

Chapter 1

¹Na Paul, Mama Otohu ta uje arina na siriketo uhaja Bada Iesu ta agigi embo duru javotoho amita ana namote eto ungote nau namei Timothy te na .²Ungo Mama Otohu ta embomei jajavotoho da Colossae ta Iesu kebe ue miheva amita dei ahari erevi ere kajihena. Eto Mama Otohu ungote nau mama amita jojoga ari te peka te avo ungota dei ikasuja. ³Eto nango iji mahainge ungo avoembo pari ue ungotenau Mama Otohu, ungotenau tihi jigari embo Bada Iesu amita mama avo jakeka eora.⁴Amo ungona Bada Iesu avo kebe ue Mama Otohu ta embomei peae avo tunga umbuova amita ke avo ijiore ingiora. ⁵Eto Mama Otohu ta duru javotoho ai ta amo ungota dei do purusuja amita ke moha amo ungona mahu kihi ingito donda javotoho avo hotembihe Mama Otohu tunga uhue eto kebe eova donda amo uhu ita ungota javota sija ari mihia. ⁶Eto ke emo no dei ta mahu putahaja. Amo duru javotoho vahai ere mina pure javotoho neite kaite amina iketo beto ereto pajire be endahe peae amita jo ta ere pahua. Eto ari einge erevi no dei ta ere ua amo umo Iesu ta ke moha avo ingiha iji amite Mama Otohu ta jojoga ari kebe avo umo mahu keguea.⁷Eto duru javotoho erevi ungote nau namei eto pure vahai embo Epaphras amina ungo ere inono be ta ahe poekenu kegueva, eto embo amo nango hondate eto Iesu ta pure avo kebe na ari embo javotoho ra. ⁸Eto nangota pure vahai embo Epaphras na Mama Otohu ta Ahihi Otohu amita hondate ari ta da Colossae ta Iesu umbari embomei mihera avo tunga umbuova avo nangota dei ta ehi ingera.⁹Iji peae amo ungo avoembo pari eora amo Mama Otohu na ungo vasiri peae do ava uje ere ua avo Ahihi Otohu na tohota kiari pajire be ungo ta dei ikau uhue be kiova pari ere ora. ¹⁰Eto nango pari ere ora amo ungo ahe javotoho inono Bada Iesu ta ainge ururovo Bada Iesu avo osa aja ue pari erera. Eto ainge dombo pari nei ora amo ungo Mama Otohu ta kiari na pajito vasiri jajavotoho neite kaite ururovo Mama Otohu na ungo kito tunga jai aisuja.¹¹Eto nango pari ere ora amo Mama Otohu na tohota ivo usasa te avo ikau ungo avo sovera ue osaga kiari iji te amo mane beasova te gaiha eto irisova. ¹²Eto nango pari ora amo Mama Otohu ta embomei na hoteto umbasora donda avo amina tohota tihi jigiuja dei aita simba ue mihia eto Mama Otohu na ungo donda avo umbari haite aisova jo ungota pure javotoho ena avoeto Mama Otohu osa ue tunga javotoho aisova pari erera.¹³Eto Mama Otohu na ungote namore ahihi sasamuna na amita hotari ta jigito mihie simba ue tihi ere jigihahija aravo oreto umbuto tohota tunga umbari Mei Bada Iesu amita hotari ai ungote nare ikihaja. ¹⁴Embo Bada Iesu amita sasaga amina ungote namore ombuto umbuna eto ari sasamuna ungote nau avo Iesu ta sasaga amina egeto hotembeto tohi irae ena.¹⁵Eto embo na Mama Otohu amo enana ta tihi na mane kiorate Iesu amo Mama Otohu ta tombu hajire vahi avo kiora. Eto Mama Otohu na tohota mei avo vahi kihi iketo donda irerembihaja peae be amo ambota ikena amo Iesu ta hu ta ikena. ¹⁶Mama Otohu na Bada Iesu ta jo ai donda peae be avo irerembihaja. Eto donda peae uhu ita eto enda ta,eto donda kegora eto donda mane kiora amo embahe neite neite ivo te eto embo okokose te tihi jigirikari embo te ahihi okokose peae amo Mama Otohu na donda peae be amo Iesu na hondate unu amiga ena amo Iesu ta uija. ¹⁷Eto donda peae be erevi irae iji te amo Iesu umo emahe na mihahija eto donda peae be erevi mihia amo Iesu na simba ere ua.¹⁸Mama Otohu ta mei Bada Iesu amo amita hoga vahi amita tihi jigari embo ra. Eto Iesu amo tihi jigari embo pajire Mama Otohu mei bugo avoembo sari ta kokoro ta jiginu vasiri te erena avoeto donda peae amita kokoro aita avo Iesu na besi umbuto tihi jigihe mihia. ¹⁹Eto Mama Otohu ta osa arire amita ahe ivo peae be avo tohota mei Iesu ta dei iroja uje ere ua, ²⁰amo donda peae irae pambari avo Mama Otohu na tohota mei Iesu hena eto donda peae be umbuto egerembeto embo amita dei ikihaja. Eto Mama Otohu na tohota mei Iesu ta sasaga korosi ita jojekehi bovuija amina peka uhue donda peae be enda ta, eto donda peae be uhu ita mihia avo peae be umbuto egerembeto embo avo hena ikihaja.²¹Eto da Colossae embomei iji amikote ungo amo Mama Otohu na kiae avoeto ungo amo embo amita isoro embomei ungota hotembari ta eto ungota ahe ivo sasamuna amina iketo tigari mihaheva. ²²Rate oroho emite Bada Iesu ta ado bisi ta sari korosi ita ena amina Mama Otohu ungo ga peka uhue ungo avo enu embo amita namei kamei ueva. Eto Mama Otohu pure einge uija amore ungo au Iesu ta sasaga na egau tongopa ambu, pehumba irae javotoho be avo Mama Otohu ta iriuja besi ai umbuto puto ikenu hetihava. ²³Eto mahainge ungota kebe ari avo ikavo susu kambuto jigito gaiha eto heteto kebe ue mane ivoambu aisova te hotembu hotembu ue, Mama Otohu na tohota duru javotoho ai oje ena amo ungo mahu ingari ra. Eto duru javotoho erevi Bada Iesu kebe eora embomei na Mama Otohu na ena embomei peae enda emita mihera amita vahi vahi ta dei ahemba uera. Eto duru javotoho ere mita Na, Paul, avo pure ari embo ue na.²⁴Eto na oroho ungo embo osaga memega ado bisi nau ta kegue mihena avoeto na osa osa ere ona. Eto Bada Iesu umbari embomei amo Iesu ta hoga vahi avoembo bouka memega umbuna aita osaga memega nau avo ado bisi eita amo keri kano inono aisuja. ²⁵Eto Mama Otohu na ungota dei pure javotoho ijekaja tohota ke sovera te avo nane na ungo Bada Iesu umbari embomei ta dei amo ingova Mama Otohu na umbuna. ²⁶Eto embo kihi mihahera amita dei Mama Otohu ta ke moha ojikari iriuja; rate oroho avo nane na ahemba ano ungote na tohota embomei ototohu na ingora na umbija. ²⁷Eto embo emita dei Mama Otohu na ke mahu asi sirikena amo tohota ke javotoho moha usasa te embo ta dei ojikari iriuja avo ungo sasaga nei embomei ta dei ere ahemba ua ke amo Iesu na ungota jota mihia avoeto ungo peae be avo Mama Otohu ta usasa ta irisova.²⁸Avoembo embo peae ta dei Iesu ta duru hande ere ora. Avoeto kiari neite neite ojekari neite neite na embo ahe poekihiroro Iesu ga tavota eto kiari na pajito embo eto Mama Otohu ta dei pambasora avo ahe ere poekihera. ²⁹Eto pure erevi asi ue amo na kupi pegogo ambu ue Iesu na vasiri te ivo na pure ana nau jota sovera ere ikihia amina pure erevi sove sove eto ere ona.

Chapter 2

¹ eto na be kiova uje ere ona amo ungo te da Laodicea embomei te eto embomei isamane be amo na ado bisi te pambene nau tombu kegava nei uhoho amo na kiaera; rate ungo avoeto nanena pure gahia pajire be eona avo ano kivujo. ² Eto na pure einge eona amore enana ta jo avo hondate ari umbara umbuto puto tunga umbari vahai hotembari vahai javotoho peae be pebihari, Mama Otohu ta koa tohota ai ke moha ta bui susu ojikari amo Iesu umo emahe ra. ³ Eto Iesu amita jota amo hotembari jajavotoho te koa kiari jajavotoho eto kore peae be aravo Mama Otohu na kerito ojikari mihia.⁴Eto na ke erevi erena amita be amo embo nei na mane ke popoja na ungoga ke gamo ke eora ue kioe uje ona. ⁵Eto kebe erena amo na ungoga aita ado bisi ta irae ra, rate Ahihi ta amo na ungoga mihena.Eto ungota kebe ari ta sovera Iesu ta dei amo javotoho inono ta mihia avo na kegue ungo osa be ere ona.⁶Eto Bada Iesu avo ungo tihi jigoja umbeva avoeto amita jota hae evujo. ⁷Eto inono i susu ta sisino na ikeo enda huta beto pambuto jigiuja ainge eto bande posi gaiha ta hihari iriuja ainge ko avo sovera na gaiha eto Iesu ta ado ai heteto irivujo. Eto ungo kebe ari na duru javotoho nagona ungo ta dei ahe poeke re keheva ai ta mihie iji maha ainge ungo Mama Otohu avo jakeka evujo.⁸Eto ungo eonga na simba javotoho na ue keisi keisi evujo; eto to ao embo nei na enana ta uha kiari na ungo ta dei ke sokova ijie ungo aro enana ta hotembari avo ambo ambo avo, amita be amo embomei einge ko amo enana ta hotembari epe ohihi ta eto ahihi sasamuna na doda uhu ta eto enda avo tihi jigiuja amo Iesu ta hotembari ai ta mane ambo euja. ⁹Eto embo Iesu aravo ado bisi ungote nau avo umbuto embo sarikihaja, rate Mama Otohu ta ahe ivo peae be avo Iesu ta dei pebihari mihia.¹⁰Eto umo Iesu ta jo ta Mama Otohu na mahu kerikari miheva. Avoeto ahihi sasamuna sovera te enana ta tihi jigirikari te peae uhu ta eto enda ta mihera amita tihi jigari amo Bada Iesu umo emahe be ra. ¹¹Eto ungo amo Iesu ta jo ta miheva avoeto ungo amo ado hoga tiukari umbari embomei be avora.Eto hoga tiukari emo embo na tiukae, rate Bada Iesu na ena. Amita be amo ungo ta ado ta beuje samuna ungo tihi jigi hahija amo mahu tiukenu irae uija. Avoeto hoga ta hauje sasamuna amo ungo ta dei ivo mane aisuja. ¹²Eto ungo avo Iesu ga mahu bapataito ta koviha ra, eto Iesu ta jo ai ta ungo ta kebe ari na erihava Mama Otohu ta sovera amina Iesu ga peae sari ari ta ahako jiginu erihaja.¹³Eto ungo avo kihi be ta ungota vasiri sasamuna na amina adirari ainge dombo ungota ado bisi ta ujeje samuna amita miheve Mama Otohu na ungo avo Iesu ga peae ehi erihara. Eto ungote nau ari sasamuna peae avo Iesu na hotembeto tonu irae ena. ¹⁴Eto avotari ke pepeni mahu kajari ungote namoga jujune aja ikari mihahija amo Iesu na peikenu irae unu engimbeto umbuto korosi i ta bihito nero uija.¹⁵Avoeto Bada Iesu na ahihi sasamuna te enana ta tihi jigirikari uhu ita enda ta mihera amita arumba te isoro ari kikonja te peae avo embo Ototohu uhu ta eto enda ta iri ora amita tihi buju peae ai ta Iesu na oreto unmbunu irae enu enana ahihi sasamuna aravo korosi ta wini uija avoeto tipura umbuto tihi jigito urumbeto pambuna.¹⁶Avoeto ungo toavo embo nei na ungo donda te umo te indari eto pondo ari iji rete o hariga eha bihari rete o sipere iji rete amina ungo kasarojo. ¹⁷Eto donda peae erevi donda be ambota puruja amita aririvo ra. Rate donda be amo Iesu ra.¹⁸Eto embo vahi na ehure ta donda do keauija avo ungo ta dei au ingova oite ainge dombo embo amina ungo eonga na namei ta huta mine bea ue Anera jakeka ava eria rate embo amina ungo ta jo be ari ke eria avo ungo ingovojo era embo mei einge ko amo jo mahu ta hotembari sasamuna avo enana na pere kiari javotoho avo uhuera. ¹⁹Ainge ue enana Iesu avo mane be jigiora eto embo amo ungote nau tihi jigari embo bera eto tihi jigari embo emina avo indari ikeoi avo amita ado uhu peae oi pambuija eto amina eoi avo paunge ta buvure peae puvuto ado erevi puto pajire be uija amo mama otohu ta sovera uija.²⁰Eto uhu te enda te erevi simba euja ahihi sasamuna amita ungo mahu Iesu ga ahueva avo Mama Otohu na ere kegua amo do avoeto ungo ahako enda emita pure umbuto ue irovo? ²¹Eto donda emo mane jejeho asoa; eto,donda emo mane indito keisoa; eto, donda emo mane jigi soa. ²²Eto ke einge eora amo teho enda donda ere vi jigigi eore irae euja amita ke ra eto ahe poekari einge amo teho enda embo ta ahe poekari ra. ²³ Eto ke ainge amo enda embo na enana ta koa kiari na ungo eonga na giu pari ari ta ke kajihara amo be irae avo ambo ara ihine eora nei amo mei memeni sira ko ungote nau ado bisi ta dei osaga memega umbuto purou kiora eora. Rate enana amo bouka be mane ra amita be amo ado ta hauje sasamuna amita gamo umbu ora.

Chapter 3

¹Eto ungo amo Mama Otohu na Iesu ga jiginu erihava, avoeto donda uhu ita Iesu Mama Otohu ta ingeni be ta arumbeto mihia besi hena ta avo ahe evujo. ²Eto donda do ita mihia avo hotebevujo, rate donda do enda ta mihia avo hotembavojo. ³Eto ungo amo mahu amburari ra eto ungota vasiri avo Iesu ga Mama Otohu ta jo ia ojikari mihia. ⁴Eto ungota vasiri ikari embo Iesu aravo putu huru iji amiko te ungote vahi avo embo amiga usasa pigipigi te ga purusoa.⁵Eto enda ta hauje sasamuna na ungota ado ta mihia avo tevujo sari ai, eto vasiri aravo erevi ra, ino na o na arako hoga jigigi ari tambu sira tambu sira,eto ari sasamuna tongopa te ue,eto ujeje sasamuna te, eto ado bisi ta hauje sasamuna ue eto kajuma ari embo amo ari vasiri rate embo na ehe re enana ta Mama Otohu uija. ⁶Eto ari vasiri einge amita hamota Mama Otohu ta hini kambari avo tohota mei hatira ke agi ae peive husota bihari amita dei ta toau purusuja. ⁷Eto ari eita avo ungote vahi ahe ueva amita be iji amiko te avo ungo vasiri aita miheve kevaja. ⁸Rate iji oroho emite avo ari vasiri sasamuna erevi be ungota vasiri ta jigito seukevujo irae ai eto vasiri amo erevi ra, hini kambari, ue hotembari samuna te embo kito ijie eto namei ta jo ke sokova na tari be ari ke avo ungota pe ta puroujo.⁹Eto ungo ke sokova mine ara avojo amita be avo embo mahu amite tohota ahe ivo te amo mahu toru hava. ¹⁰Eto ungo embo eha avo umbuto aukeva eto ungota hotembari avo enu eha ena inono Mama Otohu avo umo eonga na kegue avo embo ainge avo ungo re inono ta ove uija. ¹¹Eto dei einge ta avo Greek te Jew amo irae eto ado hoga tiukari rete mo o tiukae rete, kiari kiae, Scythian rete, tipura ari rete o embo teho rete, avorate Iesu avo peae be ava eto peae be emita jo ai ta avo Iesu mihia.¹²Avoeto Mama Otohu ototohu be ungote nau tunga umbari embo amina ungo re amita toho avo siriketo umbari embomei be avoeto ungona vasiri erevi ungota jo upoga ai ta iketo umbuto evujo- eto vasiri re evi ra, jojoga ari, javotoho ari namei ga mine bea ari, vasiri bivigo bivigo ari jamo jamo ungo dei iroi. ¹³Eto namei ga bouka mine ara umbuto ue jojoga ari mine ara evujo. Eto embo nei na umoga tumo ue ke au ingito kito, embo avo hotembeto tojo ungote nau tihi jigari embo Iesu amina umo avo hotembeto toru haja ainge. ¹⁴Eto donda peae be avo tunga umbari avo jigivujo amita be avo tunga umbari na donda peae avo inono ta jigito iriuja.¹⁵15 Eto tovujo Iesu ta peka amina ungota upoga avo simba aja eto Mama Otohu ta peka ere mina ungo peae be avo jage eto umbuto puto hamo vahai uija. Avoeto Mama Otohu avo jakeka evujo. ¹⁶Eto tovujo Iesu ta ke javotoho neite kaite ari amina ungota jo ta iroi. Eto koa ta kiari javotoho peae amina ahe poekari mine ara ue Mama Otohu ta ke ta Daivd te embo nei uhoho te havini kajari mihia amite embo Ototohu na giu pari havini kajari mihia amite peae Ahihi ta havini amite na Mama Otohu ta dei ta ungota upoga na havini ijie embo avo jakeka evujo. ¹⁷Eto ungo na pure do ere ova; ke ta ere te o ari vasiri na ere oe te, eto pure do peae be ere oa avo ungote nau tihi jigari embo Iesu amita javo ta evujo.Eto Iesu hena no osa ari avo ikejo Mama ta Mamo Otohu amita dei ta pambai.¹⁸Eto ungo pamone, ungota ipone mei ta utu huta horihe enana ta ke avo agi evujo. Eto ari vasiri ainge ere ova amo Iesu ta dei ta javotoho raro. ¹⁹Eto ipone mei, ungota iri mei avo tunga umbuvujo eto enana ta dei hini kambari avojo. ²⁰Eto mei hatira, ungota aja mane te mama mane te avo pure peae be ere minta agi evujo, eto vasiri einge amina Mama Otohu ta dei osa ari umbuto purusuja. ²¹Eto mama mane, ungota mei hatira hini kambari ara kune kahue eto enana ta jo avo mane beaisuja.²²Eto ungo embo nei ta ke agi ue pure ari embomei, ungota pure tihi jigari embo ta ke peae avo hera evujo. Eto ungota pure simba ua embo amina ungo kito jakeka aja mane asova; rate pure peae ta avo ungota jo upoga javotoho be amina pure ta tihi jigari embo pajire Bada Iesu uhu ita mihia avo joru eova avoeto pure evujo. ²³Eto ungo pure do ere ova avo hotembevujo,embo ta ae rate ungota pure tihi jigari embo Iesu amita oa ainge avo ijie pure evujo. ²⁴Eto ungo erevi be kivujo, pure ta tihi jigari embo be amo Iesu avo ungona hondate eto pure ere ova avoeto embomei ta hoteto umbasora donda amo ungo ta ikau umbasova. ²⁵Eto embo damina ari vasiri sasamuna ere ua amo ari sasamuna ere ova avo Mama Otohu na kaseto amita mine avo ikau umbasora, amita be avo Mama Otohu ta dei embo vahai tigaho ari avo irae ra.

Chapter 4

¹Eto ungo tihi jigari embo na ungota pure ari embo ta donda mo deirami ungota pure ari embo ta re avo osa ari na inono be ta ikevujo.Eto ungo be kivujo; embo ungo ainge amo Mama Otohu ungota tihi jigari embo uhu ita mihia.²Eto pari iji mahainge evujo. Eto pari ue keisi keisi ue mihie avo Mama Otohu jakeka evujo. ³Eto pari ue mihie kito amo nangote vahai pari evujo; eto Mama Otohu na nangote embomei umbuto purou Iesu ta duru mahu ae kiae ke moha ojikari iriuja avo enana ta dei ta hande aro ingora na pari evujo. Eto Bada Iesu ta duru javotoho hande eona avoeto na oroho tipura eto mihena. ⁴Eto namo avoeto Mama Otohu ta dei pari uvujo Bada Iesu ta duru erevi embomei ta dei inono ta ano arahe au ingore.⁵Eto ungo hotembari jigigi javotoho na ue ahe ivo ungota avo Iesu umbari embo ta ainge avo uvujo Bada Iesu umbae embo na kiore; eto ungota iji avo mane ajaja aisova rate pure do Mama Otohu ta dei aisi oa avo evujo. ⁶Eto ungota ke avo iji mahainge tovujo jojoga te gamo te ainge eto putuhuru embomei na tunga osa osa na ingore. Eto umo embomei vahai vahai avo dainge eto simba javotoho na aisoa eto enana ta etoingari avo ao ingisora avo umo be kijo.⁷Eto nau dei ta bouka do ere putuha avo Tychicus na ungota dei ta au kesova. Rate Tychicus avo nau tunga umbari namei bera; eto ungote nau tihi jigari embo Bada Iesu amita pure ta namoga otavo eto pure ari embo javotoho bera. ⁸Eto na Paul amina embo Tychicus avo ikehene ungota dei ta ere pahua ava eto amina avo nangota dei ta pure do ere ua avo au kegurovo eto embo amina ungota jo upoga avo hondate aja uje ere ona. ⁹Eto Tychicus avo onesimmus ungote nau Mama Otohu ta pure kebe na ari namei javotoho be amiga ere putohora ava. Eto embo amo ungote nau pure ari embo vahai ra. Eto enana amina avo pure do peae eita nau dei ta ere putuha amo aro ingivujo.¹⁰Eto nau tipura vahi embo Aristarchus amina ungota dei ta pekari ikehi ere pahua. Eto ainge dombo Barnabas ta simbo Mark amina ungota dei pekari ere ikiha. ( Eto ungo embo amita do aisuja amita ke amo mahu umbeva; avoeto embo avo no dei purou kito, jo osa na umbuvujo), ¹¹Eto embo javo Jesus ke ijie Justus ke eora amite vahi ungota dei pekari ere ikiha. Eto ado hoga tiukari ( Jews) embo erevi pere avo Jews embo peae amita kokoro ta namoga Mama Otohu ta hotari avoembo pure vahi ta ari embo ra. Eto enana na simba javotoho be na ehera.¹²Eto ungota da embo vahai eto Bada Iesu ta pure ari embo Epaphras amina ungo ere pekiha. Eto embo amo iji kaikari ungo avoeto pari ta sove sove euja amo ungo gaiha eto heteto Mama Otohu ta uje peae be avo inono be ta kiova avo pari euja. ¹³Eto ungo embomei peae be da Laodicea te da Hierapolis ta miheva avoeto embo amina pure gaiha be euja avo nanena embo avo kegona avo kebe na ungota dei ta ere na. ¹⁴Eto korere embomei ta sivo ikari embo javotoho,Luke amite nau pure vahai embo Demas ainge eto ungo ere pekiha ra.¹⁵ Eto Bada Iesu umbari embo pamone peae da Laodicea ta mihera amite pamone Nympha te Bada Iesu umbari embomei peae pamone amita bande ta horuketo giu pari eora amite avo ere pekihena ejo ingore. ¹⁶Eto ahari erevi ungo peae eheketo irae kito amita ambo ta amo da Laodicea embomei ta giu pari ari bande jo ta ehekevujo, eto ainge dombo umo eto kito avo da Laodicea ta ahari avo enana ta dei ehekejo ingore. ¹⁷Eto embo Archippus avo ejo ingoi Bada Iesu ta dei pure uhaja avo etokito au irae i.¹⁸Eto na Paul nane na pekari erevi nau ingeni be amina ere kajihena .Eto na Bada Iesu ta duru javotoho avoeto na tipura ta mihena avo hotembevujo. Eto ungote nau Mama Otohu ta jojoga ari amina ungo ga iroi.

1 Thessalonians

Chapter 1

¹Eto nango, Paul te Silvanus te Timothy te aingeto ungota dei ahari erevi ere kajihera kivujo. Aio da Thessalonia giu pari embomei Mama Otohu Mamo ta, eto tihi jigari embo Bada Iesu ta toho uhone. Eto Mama Otohu ta jojoga arina ungota dei ta peka ikai.²Ungo peae re Nangona Mama Otohu hena mahainge osa ue pari ikeora. ³Eto ungota humota arina pure do ungota jo be amina ova avo pere mane rate embomei nei tunga uhue hondate eto pure eova, eto ungota kebe ari irirote mane ungotenau tihi jigari embo Bada Iesu amita dei iriuja avo nangona Mama Otohu eto Mama ungotenau amita tombuta hotembihera.⁴Eto nango ere kegora Mama Otohu na tunga uhaja embo amo Mama Otohu na ungo avo siriketo umbuna. ⁵Amita be avo nangona Iesu ta duru javotoho avo ungota dei hande uera avo nangona do erera avo pere mane, rate Ahihi Otohu ta sovera amiga Mama Otohu ta ke ere re aita amo ari kokonjekari eto pure hajire pepeni ehaha ijejekihaja. Eto dei tambu vahi einge amita jota, nango embo mo deina ai ungo avoembo nangona mihahere kevuija avo ungo be kivujo.⁶Eto ungo bouka memega pajire amita jo aita Ahihi Otohu na Mama Otohu ta ke ehera avo jo osa te umbava avoeto nangote eto tihi jigari embo Bada Iesu te ta aheivo ainge mahu ueva avo evujo. ⁷Avoeto ungo avo mahu da Macedonia te da Achaia te amita Mama Otohu humota ari embomei peaebe mihera amita ahekihira embo ueva.⁸Amita be avo ungota dei hena eto Mama Otohu ta ke avo hande ove pahua havi amo inono bero toruere havi pambuja ainge avo da Macedonia ai pere aera te da Achaia amite vahi havi ere pahua. Rate ungota humota Mama Otohu ta dei amita havi avo da peae aita ere pahua. Avoeto nango uje ae amo ke teho sio avo mane aisora. ⁹Da nei uhoho angoveta Bada Iesu umbari mihera amina nango ungota dei pahuore nango kito umbuto simba ueve nangota ke avo ijiere ingihe ungo daieto godi ingeni na ari avo kusinjeto toto Mama Otohu vasiri te eto kebe avo agi eova avo embo na nangota dei ijiore ingiora. ¹⁰Eto Mama Otohu na tohota Mei Bada Iesu avo sari ta jigunu vasiri te ereto pambuna avo uhuta eto puto embo amina ungotena orekasuja avo ungo simba ere ova.

Chapter 2

¹Eto ungo emahena be kivujo nau namei kamei, eto nangota purari ungota dei ta amo teho puraera te be mihei putaha ra. ²Ungo kegova kihi be amo nango da Philippi aita memega kegue simba samuna ue urubihere me kevara. Rate nango sovera eto ungotenau Mama otohu ta ado ai heteto ungota dei Mama otohu ta duru javotoho avo boru jujune pajire be amita jota ivo eto erena.³Eto nangota jakeka poeka amo ke sokova ta mane, samuna ta mane eto ke sokova ta mane ra. ⁴Naugo re Mama na avotari ehija eto ke wasiri evi nangota dei ikihaja, ambote nango ke aisora, embo dei ta dei mane aro osaaisora rate Mama ta dei aisora.Embo amina vahi avo ungotenau jo upoga re kiuja.⁵Eto nango mane ke sokova ga puto javo tigoro behisuja, eto ungo kegova, kesova na wasiri tigahu avo mane ahuru kasora. Mama amo ungotenau ke kiari embo ra. ⁶Nango mo embo ta dei usasa ahe aro te mo, ungota dei o embo nei ta dei ta keisi aro. Nango kegora wasiri javotoho avo umbera, eto Iesu ta pure ari embo ainge avo ora.⁷Rate nango re javotoho be ungota kokorota aja na tohota mei hatira simba euja ainge avo ora. ⁸Emita jota nango re ungo ujeje ari mine umbari avo umbe ora. Nango osa uve ungo ga hande aisora amo Mama ta ke wasiri evi pere mane ra rate nangota wasiri ga tapa. Amita be ungona nangota dei wasiri javotoho be avo eova. ⁹Eto ungo hotebasova nangota namei kamei, nangota pure gainha ari eto korahi ije te mume te eto amo nango re pure aisora, uve avo ungo neihoho avo mane toaro beasoa, Mama ta duru javotoho evi ke ijiru.¹⁰Ungo re ke kiari embo mei ra, eto Mama te tapa, doeto otohu uva, daroho be, eto pehumba ambu amo nangota ari wasiri ungo hena ta eora, ungo amina ke be eaova amita dei. ¹¹Ainge dombo ungo kegova nango dainge eto iriora amo ungo vahi vahi kegova eto mama na daingeto tohota ta mei hatira be amiga irisi euja aigeko ra. ¹²Ungo onje ke ka hihe, nondate uve eto ungo ahepoekaro haire aisova, wasiri javotoho Mama ta aminga, amina ungo jage ena tohota hotari dei ta eto tohota usasa amita jota.¹³Eto emina ua amo nango Mama osa mahainge ora. Eto ungo mama ta ke umbeva nangota dei ingito avora ari ehe va, embo ta ke ainge avo ae ra, rate ke be ainge avo eheva. Mama ta ke amina pure uva ungota dei ta.¹⁴Eto ungo, namei kamei amo Mama ta giu pari embomei da Judea aita amita ari wasiri avo umbeva, Iesu Keriso ta jo ta ra. Eto ungo memega vahi avo umbeva ungo ta da embo mei be amina uvera ainge Jews embo ta dei ta. ¹⁵Embo amina Iesu pajire avo teto Iesu ta pure embo teto avo nango umbuto ikehere angove uvara.Enamane Mama osa ae rate enana re isoro embo ainge uva ra embo peae ta dei. ¹⁶Ena mane na nango avoari ikari uvara,mane gentile embo ta dei ke avo wasiri umbara uwera.Amita ke susu re enamane mahaige ena ta ari samuna be avo ke yo re bi nue ja.Rate hini kambari na enamina re ike to anuru ka suja iji tutumota.¹⁷Rate namei kamei, nango re, iji tuhapa be emita jota ungoga ando bisi ta kaheketo mihera, rate nangota jo upoga ga kahekae ra. Nango re iji tuhopa emita jota daingeto ungota tombu kiaehera ainge avo ujeje be ora.¹⁸Nango ungota dei pursi uji be ora- na Paul amina vahi eto ehako aisona- rate embahe na nango haekehija.¹⁹Eto nangota uje mo dei re,o,osa mo,o wasiri sarika umbari Iesu pajire ta jo ta mo dei re tohota purari ta? Eto umo mane re? ²⁰Eto umo re nangota usasa eto osaosa ra.

Chapter 3

¹Avorate,nangona iji koso irari sago aea eto kito avore nango avo Athens irisora ainge avo hotembehere javotoho ehija.²Eto Timothy,nangota namei eto Mama Ohoto ta pure embo avo Iesu ta ahepoeakari embo euja,aravo ungota humota ari aravo sovera ari eto hondate ari ke aja ikehere pahuija.³Ainge au embomei vahai vahai aravo osaga memegana mane iketo aharukaja.Eto ungo eongana kegova nango re pure aege tihi jingora ari ra.⁴Eto kembe ora,nango ungoga mihere kegaja,amo ungo mahu ehara ta ke ijera situ petu emore memega te ra,eto mahu ijekihei ungo kogova ava.⁵Eto ke amina ehei,na be hetarihaite mane eto kito avo Timothy na ungota humota ari avo kioja ikehene pahuija.Eto embahe na ungo etoaroka eto jo indou ungotenau pure gaiha aravo beambu aja uva.⁶Rate Timothy ungota humota ari eto tung umbari amita duru javotoho aravo nangota dei umbuto putuhaja.Eto ungona nango mahaige hotembeova amo ke enu ingihara,eto ungona nango keisi ujeje be eova ainge dombo nango ungo keisi ujeje be ora.⁷Amita be ke amina ehei,name kamei,nangota memega eto situ petu peaembe amore hondate ena amita be amo ungota humota amina.⁸Eto ungotenau oroho trisora,rate ungo Iesu ta jota gaiha eto hetevujo.⁹Eto ungota osa ari ke derami ra amo nangona Mama Otoho ta dei ikaro,eto nangota osa peaembe Mama Otoho ta dei amo ungo hena ikaro?¹⁰Nangona iji eto mume amo ungo pari gaiha be aro ungota tombu au keisi eora eto ungota humota ari deina oi bouva avo au kito hondate aisi eora¹¹Eto nango pari ora Mama Otohu amo Mama vahai be ra,eto ungotenau Bada Iesu,amina nangota deitambu ungo hena avo tihi jigisuja.¹²Humota ora Iesu na ungo jigou bihisova eto tunga umbari mina ara avo pajire be asiova eto embomei peaembe amo tunga umbasova,ainge dombo nango ungo tunga uhora.¹³Eto nango pari ora ungotenau Bada Iesu te tohota ambotane mahu sasari ari amiga purisi uve amo ungota jo upoga avo sovera ikasuja,ainge au avo ungo pehumba ambujo otohu be amiga Mama,Mama Otohu ta dei aita hetasova.

Chapter 4

¹Tutumo be ta,namei kemei ,Iesu I be I ta amita dei ai nago na mo hodate ue erera eto mo nago na ta dei ahepoekari uhea daige eto hae ue ao Mama Otohu tunga jai aisuja avo.Eto dei eige ga tapa hae an,ainge ko avo umo na be mahige. ²Iesu I be I ta amita dei ahapoekari nago na ikihara amo kehara.³Amita be amo Mama Otohu ta ujeje ra,no javotoho ari,amina au avo ari wasiri tiumbasoa.⁴Ainge eto ungo wahi wahi daige to tohota ado avo javohoari ta jo ai eto otohu ari ai mo euonga umbau.⁵Amine umbari eto ujeje huje avo amane ra (inono Gentile na Mama Otohu kiae uera ainge ko).⁶Embo amine toau tohota namai umbuto samuna ta ikasuja eto au tohota namai sokova ainge ko aisuja bouka ami ta ta.Ami ta be amo mama I be I ta amina pure samuna peae mahu ari amita ari mine amo re aisuja,ino no nago mo ke pe te mahu ehere igiha ainge ra eto bebe ra.⁷Eto Mama Otohu na ungot na jage ena amo togopa te irora ae rate jai be jai ara ke ijija.⁸Avembo embo amina erevi ujeae ue amo embo mai avo ai rate Mama Otohu aravo aisuja,embo amina avo tohota ahihi otohu ikena no dei ta.⁹Namai kamai ta tunga umbari avo ige,umo embo nai na no dei kajaro keisi ije mane aisoa,umo euonga be avo Mama Otohu na ahepoeke na tunga umbari mine kara aije.¹⁰Ke ejo, no namai kamai macedonia ai peae mihera amita javo ta,rate nago no dei ta aisora re,namai kamai,eto ainge ko avo mahige evujo.¹¹Eto nago ta uje amo jomo eto iroae uje ora,ainge avo pure no be avo eto,etopure igini no be amina ejo,inono nago na no dei ke ije ra ainge ko.¹²Ainge ue avo embo mai teho arahe ta mihera amo re umo toto kihi eto hae inono ta re aisoa,eto ujeje nai te kain te mane kesoa.¹³Umo kiari vahi ainge avo nango ujeae ora, namei kamei, amina avo ora. Ainge aisoa avo umo osaga memega mane keisoa inono nei uhoho amina kembe ai eora ainge eoa na. ¹⁴Rate ungotenane Iesu umbuto ahako erena avo ke be aisora, ainge ururoro re Mama Otohu na Iesu ga embomei amina tohota jota evo ue mihera amo umbuto purusuja. ¹⁵Eto Mama ibeta amita ke na nangona no dei erera, eto ungotna amina eha mihera, amina Iesu ibeta amita purari aita tori iriora, amo mane evo ue mihera amita ambota re pambasora.¹⁶Bada Iesu emahe na uhu ita eto beto purusuja. Eto Iesu amo anera peae amita tihi jigari embo pajire amita gagahe havi te Godi ta hui amite ainge eto huihe beto hururoro embo amina Iesu umbuto sari ena avo hotota eto kihi erasora. ¹⁷Rate ungotena amina Bada Iesu umbari eha mihera amo ambota bihito peae enanaga onje ta mine hamba etoijiroro avo Iesu uhu ugorota hambasora. Eto dei einge ta avo ungote nare mahainge Iesu ga irisora. ¹⁸Avoeto, ke eremina hondate mine ara evujo.

Chapter 5

¹Eto Iesu humota ari embomei, nega oroho Bada Iesu egerembeto purusuja amita hajire do ijejeketo ere putohoi amita ke avo nangona ungota dei ta mane kajaro keisova. ²Eto ungo eoga na be ere kegova amo ungotenau tihi jigari embo Bada Iesu ta purari iji amo inono pengene embo aingeto mume jo ta purusuja. ³Eto embo na peka te irari bivingo bivingo te avo ke ere re, usu pesu avo etoarako sau be enana ta dei purusuja amo inono urete pamone na mei ingasi ue memega kiuja ainge. Eto enana joru pambasora dei ho avo irae ra.⁴Rate ungo nau namei kamei ungo amo mume ta irae avoeto Iesu purusuja iji amina inono pegene embo aingeto ungo hambau tututu mane aisova. ⁵Eto ungo peae amo usasa te iji emite ta mei hatira ra. Avoeto ungotena amo mume sihukiha emite mume kamba kamba amite ta meihatira mane ra. ⁶Avoeto ungotena nei uhoho eingeko amina evo arako mane aisira, rate ungotena emahe na kesi kesi ue eto simba arana. ⁷Amita be avo embo amina evo euja; amo mume te eviuja. Eto embo amina umo eveka indiuja amo mume te india.⁸Rate ungotena avo iji ta mei hatira, avoeto ungotena emahena simba ue kebe ari te tunga umbari te avo inono hambo ainge avo sasageta turere karana eto orekari umbari ta humota avo ungotenau siro ta peika ainge avo asukasora. ⁹Eto Godi na ungotena siriketo umbuna amo bouka memega avo kiora aera, rate ungotenau tihijigari embo Bada Iesu ta dei ta orekari umbara ena. ¹⁰Eto Bada Iesu na ungotena avoembo korosi ita ambuna avoeto ungotena eha mihere o ahore amo avorate ungotena Iesu ga peae irisora. ¹¹Avoeto ungo oje kahari mine ara eto hondate mine ara do mahu ere ova ainge evujo.¹²Eto nangona ungo Iesu umbari avo etoingari ora amo embo amina ungoga pure gaiha Bada Iesu ta pure ta ungo tihi jigihe eto Iesu umbari embo ta oje kahari ke avo ungota dei ere ikiha amita dei osa ari ke javotoho na hondate evujo.¹³Eto nango ahako ungota dei ere ra amo tihi jigikari tunga pajire be umbuvujo amita be amo enana ta pure eora amita peka mine ara umbuvujo.¹⁴Nangona ungota dei ta ke amo:irari sio sao mihera avo ke evujo irari javotoho are jo beari mihera avo hondate evujo eto jo jamo jamo te ga enana peae avo kivujo.¹⁵Eto ungo erevi be kivujo,nei damina mane amina samuna ehija avo mine samuna embo nei uhoho ta ikavoja.Rate deirami ari javotoho te avo ambo kurumbari mine ara eto peae avo embo aisora.¹⁶Eto osaosa mahainge evujo.¹⁷Eto sipere ue pari mane aisova te pari kaikari evujo.¹⁸Eto pure peae emita Godi avo jakeka evujo.Amita be amo ari einge amo Godi ta uje Bada Iesu ta jota amo ungota ra.¹⁹Eto Godi ta Ahihi Otohu ungoga pure aisi ua avo peikavoja.²⁰Eto Ahihi Otoho na donda modeirami amina embo amiga eria avo hinikambari avoja.²¹Rate ke peae putuha amo Godi ta dei eto putohoite avo ungo be eto kivujo.Eto ke javotoho deina putohoi avo jigito irivujo.²²Ari sasamuna neite kainte peabe avo toto hoi kakane evujo.²³Eto peka Godi amina ungo avo au samuna irae javotoho embo amita tihi ta.Eto ungota ari vasiri peae avo au samuna irae javotoho Bada Iesu purusuja avo simba ere ova.²⁴Eto embo amo kebena pebihari amina umo re hondate aisuja.²⁵Eto Iesu kebe ari embomei,nangote vahi pari evujo. ²⁶Eto namei kamei peaebe avo nangota havo javotoho amina ere pekihera. ²⁷Eto ahari erevi namei kamei paeambe amita deita ehekae nane Mama Otohu amita javota ahoka ere ona. ²⁸Eto ungotenau tihi jigari embo Bada Iesu amita jamojamo ari ungo hena irisuja.

1 Timothy

Chapter 1

¹Na Pol, na amo Bada Iesu ta agi ari embo amina ahari erevi ungotenau orekari embo Godi amita avarari ke namote ikehija amina Bada Iesu ungotenau humota eora amita ke aravo nane, ²Timothy ,nau mei be no kebe ari ta irioa amita dei ta ere kajihena: avoeto Godi ungotenau Mama eto Bada Iesu ungotenau tihi jigari embo amita jamojamo ari te, jojoga ari te, eto peka ari te avo umoga ra.³Eto na avo da Macedonia ai pambasi ue amo ke gaiha be avo no dei ta ijena, eto ke amo umo da Ephesus aita na simba mihie avo embomei nei uhoho na ahepoeakari nango eora avo toto ahepoekari nei avo mane ahepoeakara haekae ijiena. ⁴Eto ainge dombo nau uje amo enana avo haekao mane ohihi ta ihi ingisora eto emone mamone ta ohihi ta hatu kokoso be tutumo irae avo ari ingari rete o kajari rete avo mane ijukasora. Eto ohihi ta ihi te ohihi ta hatu ijumbari amita ke amina ehi embomei boru jujune ke ijie avo nango hondate eto Godi ta pure do aisi ere ua avo nangota kebe ari asora.⁵Eto eha amo avotari amita be amore tungambari jo upoga javotoho te, hotembari javotoho ga, eto kebe ari jo be amina ei avo puvuja. ⁶Eto embomei nei uhoho avo ari vasiri javotoho erevi tohere kuta pambei avo toto agoveta beto ke sokova sakova avo kebe ijie aheivo aravo kebe ue mihera. ⁷Eto enamane aravo Moses ta avotari ke amita ahepoeakari embomei ainge aisi ue ora, rate enamane amo ke do erera amo siro arahe ae ra o ke be amore be kiae ra. ⁸Rate ungotenane kegora avotari ke amo javotoho ra avo vahi na avotari be avo etokogokagobe eto jigama asuja.⁹Eto ungote ke erevi kegora amo, avotari ke emo Godi na embomei jajavotoho avo ije aera, rate Godi kiae embomei eto ke ingae ari embomei ta ra, eto embomei Godi kiae mihera amite ari sasamuna embomei amita ra, eto Bada umbae embomei eto jo sasamuna embomei ta ra. Eto avotari ke emore amina enamane ta e mamo tetekeora, eto embo teore sasari eora, ¹⁰eto tiha paiha eora, eto amina embo pere o pamone pere jihora, amina embomei pegene eto umbere enamane pure ari embomei ainge ara ora, eto ke sokova ta bibihikari, eto sokova ari embomei, eto ahepoeakari bebe avo mane ambo eora embomei amita deita avotari emore Moses hena ikihaja Godi na ikihaja. ¹¹ Eto avotari ke emore Godi ta duru javotoho usasa te avo Godi javotoho amina nau dei ta ikihaja ke avo nanena erena.¹²Na ungotenau tihi jigari embo Bada Iesu avo osa ona. Na sovera ari ikena, eto nau kebe ari avo kina, eto na avo tohota pure embo ana ena. ¹³Eto nare Bada hena ke popoja ari embo ra, eto Bada umbari embomei avo tari kajari uahena, eto embomei ta dei gaiha gaiha uahena. Amita be amo na Bada kebe ae ra eto pure do uahena amo na be kiae ra rate Bada ta jojoga ari amina nare umbuna. ¹⁴Eto ungotenau tihi jigari embo Bada Iesu ta tunga umbari amita jota mihia amina tohota jojogari avo humota ari aita tonu pajito bivihaja.¹⁵Eto Bada Iesu amo ari samuna embomei enda ta avo orekaisije putuhaja, eto ke emore ke be ra eto humota pajire be ga umbasora. Eto samuna tapa ta samuna re nane uvahena. ¹⁶Rate Godi na tohota pure ana ije avo nare tohota jojoga ari na hena ikena, eto ainge au avo, na ari samuna eona embo, avo Bada Iesu ta jo jamojamo ari amina peae amita dei au kiora ije ena. Eto embomei amina Godi hena humota wasiri daroho eora amita dei ahekira emore na hena au kiora ije ena. ¹⁷Eto eha tihi jigari embo Godi daroho iriuja, eto embo be amo mane pehasuja eto tihi na mane kiora, eto Godi amo eonga vahai be ra, avo otohu uve mahainge javo jigoro bihisuja. Avora.¹⁸Eto Timothy, nau mei be, nane ke emore umo hena ikihena, do Godi ta kione embo na umo Godi ta pure javotoho aisoa avo harika mahu ijija, ¹⁹eto no kembe ari te hotembari javotoho amiga ejo. Embomei nei uhoho amo ke evi uje ae eto avo enana ta kembe ari avo tohere bevaja. ²⁰Eto ari wasiri emore do Hymenaeus te Alexander aingeto ore, avo nane embahe na jigama aja toruhaja. Eto embahe na enana aravo jigama au kito avo mane Godi ta javota ke samuna ara ije avo tohuhana.

Chapter 2

¹Avoeto, donda peae amita kihi be, avo na uje ungona Godi ta dei penunu ari, pari ari, etoingari, eto osa ari embo peae amita javota pari ava uje erena, ²eto enda ta tihi jigari embo pepeni amina tihi jigia amo pari ta ikasora, eto amina au ungotenau irari avo peka te tunga jamo ari te eto wasiri javotoho te amiga Godi jakeka uve otohu aisora. ³Eto pari einge ere ora amo javotoho ambote Godi ungotenau Orekari embo amo ingito tunga jai euja. ⁴ Eto embo be amo embo peambe avo Iesu ta dei puto erekari umbara uje be euja.⁵Eto Godi amo vahi be ra, eto Godi te embo ta ke avo heka ari embo amo vahi be ra, eto embo amo Tihi tigari embo Iesu ra. ⁶Eto Iesu na ingana embo sari eto irari javotoho ikena, eto ainge ehei kegora amo Godi na embomei peae oreka iji re oroho ra. ⁷Eto ke emina ehei avo Iesu na nare tohota duru hande ari embo eto ambotane eto ahepoekari embo ana ije ena- Eto Na ke emore ke be avo erena, Na ke sokovana ae ra.⁸Avoeto, na uje embomei ototohu dei dainge dainge mihiera avo pari hini kambari ga o ke jindari ga mane pari aisora. ⁹Ainge dombo empamone bo aukari etokogo kago be eto aukasora, eto aro embo ta jo mane umbasora, eto siro tigari neite kainte eto hambo turiha nei be na ove ari mane aukasora, ¹⁰rate empamone ta dei do javotoho avo auketo Godi humota uve pure jai jai aisora.¹¹Eto pamone amo ahepoekari peae do erera avo jamo eto ambo aisuja. ¹² Eto na ahepokari o embo tihi jigoja avora ari pamone ta dei ikae ra, rate jamo eto iroja ehena.¹³Amita be Godi na Adam avo kihi ove ena eto avo Eve re ena. ¹⁴Eto embahe na Adam ke sokova ae ra, rate pamone na Godi ambo ae enu avo embahe na ke sokova na pamone ta dei enu avo ambo ena. ¹⁵Avo pere ae ra, Godi na enana mae ingasi ururu avo orekaisuja, eto enana ta kembe ari te tungambari te wasiri javotoho hotembari jai ga mahainge irisora kito avo orekaisuja.

Chapter 3

¹Ke emore ke be ra; embo amina tihi jigisi uje uva, amo pure javoto aisi uje uva. ²Avoeto tihi jigari embo amo aekambae embo na mane aisuja. Embo amo pamone vahi jimbari te amina aisuja. Eto embo be amo donda ikaro pure aisi mane aisuja, orere orere ari embo, pure inonota ari embo, eto embo jai te samuna te umbari embo amina aisuja. ³Eto embo amo umo gagaiha indari embo mane, boru pageto isoro ari embo mane na aisuja, rate, embo amo jo jamojamo te suruhate ga pure aisuja. Eto embo amo moni tigahu ari embo amina mane aisuja.⁴Eto embo amo tohota orope simba jai ari embo na aisuja, eto tohota mei hatira na embo be amo otohu pajire aisora. ⁵Eto embo amina tohota orope simba ari kiae kito, amo Godi ta embomei amomo daigeto simba au?⁶Embo be amo Bada eha pe eto umbarita ahepuhe ainge avo mane aisuja, eto sarika na pe bihou Godi na embahe sunjukena ainge avo aisuja. ⁷Eto embo amita ari wasiri emo Bada umbae ga amo javotoho aisuja, eto ainge au avo embo amo mane embahe ta ihiveta beto samuna hambasuja.⁸Eto ainge dombo, deacons, ahepuhe jaeto aisora, eto ke neite kaite mane pe aisora. Eto enana amo umo gagaiha mane kaiketo indisora eto hande ambu mane aisora. ⁹Eto enana ta kembe ari amo Godi na ehei kegara avo enana ta siro hotembari jaieto jigige uve irorejo. ¹⁰ Eto deacons ta pure amomo enana arihaiterete amo enana eonga kihi keisora, eto avo enana re pure aisora amita be amo enana re pure arihaite ra.¹¹Eto ainge dombo avo enana ta airimei te tapa re ahepuhe jai aisora, eto embo neita dei mane ke samuna aisora, rate pure tapa ta jo jamojamo te kembe ari tega pure aisora. ¹²Eto deacons amo pamone vahi jimbari te amina aisuja. Eto embo amo tohota orope te mei hatira te simba uve kiari amina aisuja. ¹³Eto enana amina enamane ta orope te mei hatira te simba eora amo ahepuhe javotoho eto humota ari Bada Iesu hena ta kembe ari pajire be mihia amiga umbuora.¹⁴Eto na ungota dei ke erevi kajihena, eto iji tuho be avo na ungota dei purusona avo kembe ona. ¹⁵Rate na iji porere aisona kito, amo ahari ungota dei kajehena emina Godi ta orope daingeto tihi jigisova amo au keisova, eto amo Godi daroho amita embomei ra, eto enana amo Godi ta ku teka ari embomei amina avo kaju ora.¹⁶Eto ungotena peae avora ari erera amo kembe ari ta hu amo pajire be ra: "Embo be amo ando bisi tega ijekihaja, eto Ahihi na harika ena amo Bada re embo be avoreija, eto arnera na kehera, eto dei peae amina tohota duru amo ehere arahe uvaja, eto enda embomei tutumo tutumo ta amina kembe uvara, eto embo be amo Godi na uhuta osaosa tega uhaja.

Chapter 4

¹Eto oroho Godi ta Ahihi Otohu na ke arahe beta eria na amburusona iji amita ambota amo embo nei uhoho amo amo enana ta humota ari Iesu ta dei ta avo toto enana ta hotembari te jo te avo peae ikaro ke sokova ari ahihi te eto ahihi sasamuna ta ahepoekari aita pambasuja, ²eto ahepoekari einge amo beuekeko ari embo na ke sokova amore eora, eto enana ta hotembari amo ke sokova ari amina inono auri beverete na beo ta bahike oere eveketo gaieto iriuja aingeko arira.³Eto embo eremina Bada Iesu kebe ari embomei na mane jimbara eto indari nei uhoho avo mane indora enana ta ahepoekari ta ijie ere haekihera te ke be amo Godi na donda peae be amo indora uija avoeto embo amina Godi ta ke moha avo kegue kebe ua amina indari avo Godi hena osa ari pari eto indora Godi na ena. ⁴Rate donda peae amo Godi na javotoho be avo ena. Avoeto indari davo rami ungotenane indisi ue kito amo Godi osa ue pari eto umbuto indisora avo mane uje ae aisora. ⁵Amita be amo Godi ta ke kajari mihia aita embo na pari uere indari avo javotoho eoi umbuto indiora.⁶Eto inena Bada Iesu humota ari embo pamone erevi ahepoekari Timothy ta ahari vahi ihikari 3 eto hane 16 amita ijena avo enana hondate eto inena ahako ejo ingore, ainge aisoa amo umo amore Bada Iesu ta pure ari embo javotoho ra. Amita be amo umo avo Godi ta ke sinjerite umbea eto ahepoekari javotoho avo ambo oa amina ehei no kebe ari Iesu ta dei avo gaiha be ehija. ⁷Rate endehe emita ihi neite kaite peae be avo pamone okokose na aroha ue eora aingeko ungona mane aisova be tovujo irae ai. Rate Godi ta ke na ungo emahe na oje kahari mina ara ue eto ungota aheivo amina dainge eto avo Godi osa asuja avo evujo. ⁸Amita be avo ado bisita ahepoekari umbari amita jijigi ari amo isapa eto bemane, rate Ahihi Otohu ta ahepoekari umbari amita jijigi ari amo donda peae amita ra. Eto Ahihi Otohu emina vasiri oroho mihera emite vasiri ambota purusuja amite oje ari avo peae jigito mihia.⁹Eto ke emo ke be avoeto ungotenau jo peae bena humota ue umbasora. ¹⁰ Avoeto ke emita susuta nango ivohuso ue pure gaiha be ehera. Amita be avo nangota humota ari avo Godi vasirite eha mihia ungotenau orekari embo amina embo pamone peae avo oreketo umbasuja, rate embo pamone amina Bada Iesu avo kebe ue mihia avo pere umbasuja amita dei ere ikihena.¹¹Eto ke erevi ahemba ue eto ahepoekari erevi nane na ehena avo ahako inena ahepoekevujo. ¹²Eto toao embo nei uhoho na umo avo be mane ainge avo kiorojo amita be umo avo singa eha isapa avoembo. Rate embo amina Iesu kebe ora amita umo avo enana ta ahekihira dei einge ta ejo; no ke ari ta, no aheivo ta, no tunga umbari ta, no kebe kebe ari ta, eto no vasiri javotoho ari ta avo ejo kiore. ¹³Eto nare purisi eto mihena avoeto inena embo ta tihi ta heteto Godi ta ke eheketo oje kahihe embomei ahepoekejo kiore.¹⁴Eto Ahihi Otohu ta hande Godi ta harika embo na umo hena harikihe pure einge ejo ijinu giu pari ari embo pamone ta tihi jigirikari na ingeni ohuruta tembihere kegana avoeto hande do ingiha dei no ta mihia avo kito kiarako mane aisoate amiga peae jijigi ejo. ¹⁵Godi ta Ahihi ta hande do umbea avo simba oreore ue amita jo aita ahe ejo; eto ainge aisoa amina Godi ta pure avo javotoho na oa ainge amita hajire avo embo peae na kesora. ¹⁶Eto ahepoekari do ikehene umbea aita umo emahe na simba orerete ejo. Eto ahepoekari do keha avo mahainge ejo. Eto pure einge aisoa amo, umote embo nei uhoho amina no ahepoekari ingiha avo ahepoekari sokova ingari amina siro hatikari amita ungo peae orekasoa.

Chapter 5

¹Eto ungo embo okose ta dei mane ke gaiha na aisoa. Avorate, mama ainge avo ije onje pagihe eto embomei ehaha avo namei kamei aingeto umbuto onje pagejo, ²eto pamone okokose amo ajamane ra, eto pamone ehaha amo jao tahe ra avo dei tambu javotoho ta onje pagevujo.³Empamone ipone ambuvujekari avo otohu evujo, enana amo doru empamone ra. ⁴Rate pamone doru mei hatira te o mei ahihije mihia kito, amo enana eonga daingeto enana ta orope ta otohu ari avo kihi uve keisora. Enana ta e mamo ta ari mine avo are, amita be amo ari wasiri emore Godi ta dei re javotoho ra.⁵Rate pamone amina doru mihia, eto pamone amo tohobara irae ra, amina tohota humota ari Godi hena ikihe eto mume te iji tapa amo Godi etoingari uve pari euja. ⁶Avoeto, pamone amina ando bisi ta ujeje avo uve iriuja pamone amore irisuja o sari aisuja.⁷Eto ke erevi evujo enana bara ingore, eto ainge aro enana avo embomei na mane pehumba are. ⁸Rate embo amina tohota tohobara be avo hondate ae euja, o tohota orope be avo hondate ae euja, embo amo kembe ari irae ena, eto tohota ari wasiri amo Bada umbae embomei ta ari wasiri avo seriketo ere uva.⁹Eto pamone doru embo vahi jimbunu sari enu iriuja, amita jua 6O na ehei bihija avo ekaleisia na tohota javo kajaro iroi. ¹⁰Tohota ari wasiri amo javotoho pere euja, mei hatira simba jai eutemo, o embo siosa osa te umbeu temo, o Godi ta pure ari embo ototohu ta utu egeu te, o embo bouka ta beto mihere hondate eute, eto pure javotoho avo jo iketo eute avo keisora.¹¹Rate ungo pamone dodoru ehaha, amita jajavo avo mane ekaleisia na kajaso beasuja. Amita be amo enamane ta ando bisi ta ujeje hauje avo aisi uve avo jiuhe Bada ta pure aisije noma ari avo tora. ¹² Eto ainge evujo avo enamane eongana mine samuna umbare amita be amo enana pure do aisi ije kihi Bada hena noma ijiera avo ae be aera. ¹³Eto ainge uve, avo enana be amo pure ambupu eto dande pe arina uve hembora. Eto pure ambupu pere ae ra, rate ke sokova sakova eora eto ando sipere mane eora, eto ke mane ahera avo ke eora avo enana re ere ora.¹⁴Avoeto na uje pamone doru ehaha avo jimbara erena, eto mei ingerekasora, eto tohota orope simba aisuja, eto ainge uve avo embahe ta dei mane besi ikaro ungotena tihi jigisuja. ¹⁵Amita be amo doru nei uhoho amo Bada toto embahe ambo ere ora.¹⁶ Pamone Bada umbari mihera amita jota doru mihera kito, amo pamona amina doru avo hondate are ejo,¹⁷Eto Bada umbari embnomei na embo pepeni enana tihi javotoho eto jiugora avo otohu pajire be are, enana amina duru hande uve ahepoeakari re ikeora. ¹⁸Eto Godi ta ke ta ke einge kajari mihia, '' O cow na rice be haito jasihiru hoga heukihuru amo tohota pe mane peikasora" eto '' Pure gaiha uva amita be amo umbasuja."¹⁹Eto embo pepeni tihi jiugora amita deita ungona pehumba siosa avojo rate embo heriso o heriso nei amina kegara amina avo pehumba are. ²⁰Embomei amina ari samuna ora avo embo peae ta tihi ta isembevujo avo embo nei uhoho amo kito pure samuna ari avo oju are.²¹Eto Godi te Bada Iesu te enana ta pure ari Arnera, avo kegore na ungota dei ke erena, eto embo mane heka aisoa, eto embo vahi avo pere mane ujeje ae ije nare ungota dei ke erena. ²²Eto turo eto embo ta ohuru ta ingeni tembaojo. Eto embo nei uhoho ta ari samuna avo ehehembaojo. Eto umo eongana no wasiri avo javotoho be ga irijo.²³Eto umo jaih pere mane indisoa. Rate, no hini eto korere neite kaite avoembote umona re jaih gaiha avo isapa isapa indijo. ²⁴Eto embo nei uhoho amita ari sasamuna re arahe be ta kiora, sumuna amina enamane umbuto imaka Godi ta kasarita ikeuja. ²⁵ Ainge ihoko, avo pure jajavotoho amore arahe be ta uvere kiora, eto onjikarita aisi aisora rate araha aisuja.

Chapter 6

¹Eto pure ari embomei peae amina enana ta tihi jigari embomei amita huta mihera aravo pure peaebe aravo etokogobeto otohu ga aisora, eto ainge aro Godi ta javota avo mane hatikasuja eto tohota duru javotoho aravo mane ke samuna aisora. ²Eto pure ari embomei amo humota ora amo enana ta tihi gigari embomei amina enana aravo otohu ae mane aisora amita be amo enana re Bada umbari embomei ra. Aavorate, pure embomei na tihi jigari embomei avo iji susambu argigi aisora. Eto tihi jigari embomei ta pure enana na argigi eora amore Bada umbari ambomei aravo argigi ora eto tunga umbasora. Eto ke erevi ehepoeakevujo arahe ai.³Rate embo amina ke sokova na ahepoeakiha eto Bada Iesu ungotenau tihi jigari embo amita ke moha be ingari uje ae uva, ⁴enana amore sarika ora eto kembe ari irae ra. Eto enana ta ujeje hauje samuna amita ke aravo iji susambu ke jindari te boru ga pageora eto ke erevi ijiea embomei ta donda aravo hotembari sasamuna eora, hane titimba eora, ke sasamuna eora, pehumba sasamuna eora, ⁵eto embomei hatembari ga iriora amiga iji susambu gaiha mine ara eora. Enana ta kembe ari tohere pambe, eto ari samuna amore moni umbari ta ohu keije hotembeora.⁶Eto eha embo na ari jajavotoho uve Godi ta duru javotoho ingihera amo pure jajavotoho aisuja, ⁷amita be ungotena enda ta puto mihera amo donda ga purae ra, eto enda eita peheto re donda ambu pambasora. ⁸Avorate, aungotena re indari umbari te iribo tega inono beta jigama uve iriora.⁹Eto eha embo amina hajabaja tega irisije ere ora amo engaka ta o na ihiveta timbito beora aingeko avo ora. Eto enana amo ujeje hauje sokova eto samuna injokobe amina tihi toura, eto pure nei uhoho na enana ta ari wasiri amo hatiketo usupesu uva. ¹⁰Eto wasiri sasamuna neite kainte ijejekiha amita susu amore moni tigahu ora amina ere uva. Eto embomei amina moni ujeje eora amo enana ta humota ari samuna na tihi teto umpauha eto enana ta jo amo osaga na piseto endetekihia.¹¹Rate Timothy, Godi ta pure ari embo, pure erevi tojo hoikane ai. Eto no sovera na etokito wasiri javojoho avo ehembaisoa, Bada umbari ta wasiri aisoa, gaiha eto irisoa, tungambari aisoa, pure javotoho aisoa eto jo jamojamo ga irijo. ¹²Eto no kembe ari avo isou eto gaiha na jigijo. Eto Godi na wasiri daroho araita umo jage ena aravo jigito irijo, eto umo embomei injokobe amita tihita Godi kembe uva avo be jigijo.¹³Eto Godi na donda tapa wasiri ikena, amina kegoi nane ke erevi umo hena ijiena, eto Bada Iesu kembe ari eona amo kina, eto Pontius Pilate kegoi avo ke ijena, ¹⁴ eto ke erevi mane sokova o mina ajirika ga umbasoa rate aingeto jigito mihijo ungotenau tihi jigari embo Bada Iesu avo ahako puroi.¹⁵Eto Iesu ta purari iji amo Godi na ikari iji ai au ijekaisuja -eto Godi , avo vahi javotoho ari ta Godi ra eto enda tapa emita ra, eto embo ibeta amina simba euja eto tihi jigari embo amina tihi jigiuja. ¹⁶¹⁷Eto embomei hajabaja ga enda emita jota mihera avo mane sarika eto donda kiae avo humota ari siosa aisora. Rate, Godi hena humota arejo. Embo be amina hajabaja bebe peabe avo ingana tunga jai ara ije ikihaja. ¹⁸Eto enana pure javotoho, eto hondate te argi ari te avo ke evujo ingito are, eto iji susambu hande ari avo ujeje are. ¹⁹Eto wasiri ainge ora amina au avo enana eongana susu javotoho avo Godi na ikasuja, eto wasiri daroho be avo thu eto jigisora.²⁰Eto Timothy, duru javoto ingiha avo jaieto jigijo. Ke sokovana eto siro kiari amina ke titimba erera avo hoi kane ejo. ²¹ Eto embo injokobe avo ke erevi ijiea avo enana ta kembe ari avo irae uva. Eto Godi ta jamojamo ari avo ungoga iroja erena.

1 John

Chapter 1

¹Eto enda erevi irerembae kihi ta amo ungotenau orekari embo Bada Iesu na mihahija amita ke avo nango agigi ari embo na oje nangota ingihere ahepoekihahija tihi na keguera ingeni na hame uera eto vasiri te irari ta ke amo Iesu hena eto puvuja amita ke avo ungota dei ere kajihera. ²Bada Iesu amo Mamoga mihahija avo ikenu enda emita nangoga irisi puvunu tihi nangota na keguera, eto vasiri javotoho avo enu nangona keguera Iesu avo nangona ungo ta dei erera. Eto Bada Iesu emahe na amo vasiri irari daroho avo nango na ungo hena ahemba ere ora.³Eto nango na Mamo te Mei Bada Iesu te amiga otavo jo na ari mihera aita ungote vahi nangoga otavo avote do nango na ingihera eto do nango na keguera avo ungota dei ta erera. ⁴Eto nango ke erevi ere kajihera amo ungo kegue ehekihirovo nango tunga osa be aisora. ( Eto nango ke erevi ungota dei ere kajihera avo ungo kegue jo osa be aisova.)⁵Eto nangona embo amita dei ingira ke avo ungota dei ta ahemba ereora ke amo erevira, Mama Otohu amo usasa avoeto embo avo hena amo mume irae bera. ⁶Eto ungotena Bada Iesu ga otavo uera ainge ijie ungotena ari sasamuna ga irisora amo ungotena ke sokova erera eto ungotena kebe ta irae ra. ⁷Rate Mama Otohu amo usasa na jore rari aita mihia ainge ungote namote vahi amo usasa ta irisora, eto ungote na Mama Otohu ga umo jigari mine ara javotoho na aisora kito amo tohota Mei Bada Iesu ta sasaga korosi ita jojekehei bovaja amina ungote nau ari samuna peaebe avo egerekeuja.⁸Eto ungote nane aisora amo ungotena avo ari sasamuna irae ke asora amo ungotena ke sokova ungotena emahe na erera, eto kebe avo ungotenau dei ta iraera. ⁹Rate ungote nau ari sasamuna avo harikaisora amo Mama Otohu amo kebe eto javotoho avoeto ungote nau ari sasamuna amo hotembeto toto ungote nau sasamuna peae be avo tohota Mei ta sasaga na egasuja.¹⁰Eto ungote nane aisora amo ungotena avo ari samuna ae ke asora amo ungote nane Mama Otohu avo ehere ke sokova Embo ehija, eto Embo amita ke moha amo ungote nau dei ta irae ra.

Chapter 2

¹Nau mei undi, na ke erevi kakajikihena amita be amo ungo mane ari sasamuna avo eova erena.Rate embomei amina ari sasamuna ora, amo Bada Iesu vahai javotoho be amina Mama Otohu ga au tambu aisuja. ²Eto Bada Iesu na ungotena pere avo orekae ra rate enda tutumo tutumo peambe amiga oreketo uhaja. ³Avoeto ke erevi kaesora, eto ungotena amina Mama Otohu ta avotari ke kajari erevi jigisora kito amo Mama Otohu avo keisora.⁴''Na Mama Otohu kiari ra'', embo mei vahivahi na ke aingera erera, rate Mama Otohu ta avotari avo mane hera eora enana amo ke sokova ta bihari ra, eto ke be ari enana ta jota amo irae ra. ⁵Avorate Mama Otohu ta ke avo embo mei amina hera euja kito, amore Mama Otohu ta tungambari moha be amore embo mei amita deita irerembari iriuja. Avoeto Mama Otohu ungotenaga kaju ena ainge avo ungote keisora. ⁶Eto embo mei amina Mama Otohu ta jota mihe ke ainge eria kito amo Mama Otoho na haire euja ainge dombo avo ungotena hae ainge aisora.⁷Nau tungambari embo mei, na avotari ke erevi ungota deita eha pe eto kajihe ae ra, rate avotari ke emore ihikari beta mahu ungotena ari ingari aravo erena. Eto avotari ke emore ungotena mahu ingihara ava. ⁸Eto na ahako avotari ke erevi ungota deita eha be pe eto kakajikihena, eto ke erevi Mama Otohu ta dei aravo kembe ereuva eto ungotena te tapa, amita be amo mume kamba kamba amo mahu pahue irae uva, eto usasa parapa be amina mahu pingi pingi ereuva.⁹Eto embo mei vahai amina usasa ta jota mihe ke ainge eria eto doambo tohota namei kamei amo tunga umbae eoi amore mume kamba kamba amita jota mihuru iji eha ta pururuja. ¹⁰Eto emno mei vahai amina tohota namei kamei avo tunga umbiuja amo tohota jota usasa re iriuja eto embo mei amita jeneki honeki ainge arita nega amore irae aisuja. ¹¹Rate embo mei vahai amina tohota namei kamei avo mane tunga umbiuja eto embo mei amore mume kamba kamba amita jota mihe avore haire ora. Enana amo dei dainge hae eto pahora amo mane kiora, amita be re mume kamba kamba amina enana ta tihi pakona euja.¹²Nau mei hatira, nau ke erevi ungo hena kakajikihena, amita be amo ungotenau ari samuna amo Mama Otohu na Bada Iesu ta javo ta hotembeto toruhija. ¹³Mama mane, na ke erevi ungohena kakajikihena, amita be amo ihikari amina vahai bere amo ungo kegova. Eto embo ehaha amita deita nau ke erevi kakajikihena, amita be ungona ahihi samuna mahu situkihava. Na mei hatira memeni ta deita ke kakajikihena, amita be ungo Mama kegova. ¹⁴Eto ungo mama mane ta deita ke kajihena amita be amo ihikarita amina vahi be re amo ungo kegova. Eto ungo embo ehaha ta deita na ke kajihena amita be ungore sovera tera, eto Mama Otohu ta ke re ungota jota iriuja, eto ungona ahihi samuna mahu situkihava.¹⁵Eto ungo enda avo mane tunga umbasova o donda amita jota mihera avo tunga umbasova. Avorate amina enda avo tunga uhora, amo Mama ta tungambari enana ta deita amo mane irusuja. ¹⁶Amita be amo enda amita jota donda peambe re mihia-ando bisi ta ujeje hauje, eto tihi na keuge ujeje eora, eto javo jigari bihari ta ahihi-amore Mama ta ujeje mane ra, rate amore enda ta ujeje ra. ¹⁷Eto enda ta ujeje hauje amore pahue irae ereuva. Rate embo amina Mama Otohu ta ujeje avo eora amo enana re irari mahainge irisora.¹⁸Eto mei undi, iji erevi tutumo ereuva. Eto ungo mahu ke ehere ingihava giupari sokova avo purusuja, eto oroho giupari sokova avo injokobe mahu puvera. ¹⁹Eto enana amo ungotena toto pahue ra, rate enana amo ungotenau hiupari vahi mane ra. Eto enana avo ungotenega mihe kitore ungotenaga irahera. Rate enana ungotena toto pahuera, amina oi ungotena kegora amo enana ungotenaga irae ra.²⁰Rate ungotena peambe ke susu kegora; amo Mama Otohu ta ahihi otohu amo mahu ungotenau deita ikihaja. ²¹Eto ke erevi kajihena amita be amo ungo ke susu kiae urae kajae ra, rate na ke kajihena amita be re ungo ke susu mahu kegova eto amita be amo ke sokova amo ke susu amiga mane iriuja.²²Amina ke sokova ta bihari re eto Bada amo Iesu ra rate kiae ke eroi? Embo mei amore giupari sokova eora, amita be Mama te tohota mei Bada Iesu avo kiae ke eora. ²³Eto embo mei amina Bada Iesu kiae ke eria amore Mama ga irae ra. Eto embo mei amina Bada Iesu avo avora ari ke eria amo ainge dombo Mama avo avora ari eria.²⁴Eto ungo hena, ke ihikari do ehere ingihara avo ungota jota irisuja. Rate ke do ihikarita ehere ingihava avo ungota jota irisuja kito, amo ungo re Bada Iesu ta jota miheva ainge dombo Mama amo ungoga mihia. ²⁵Eto Mama ta noma ungotenau deita ikihaja amore evire-wasiri daroho mahainge irisora. ²⁶Eto ungo aravo embomei Mama ta jota irae amina tihi teto umbuto arahata pambuora ije aravo na ke erevi kajeona.²⁷Avoeto ungotena, Mama ta ahihi umbere ungotenau jota mihia, eto ungotena embomei nei na ahepoeakara uje mane aisora. Rate Mama ta ahihi otohu amina avo donda peambe ahepoeakasuja eto ke emore ke be ra eto ke sokova aera. Avoeto ungotena Mama ta jota mihuru ahihi otohu na ahepoeakasuja. ²⁸Eto iji oroho, nau tungambaro mei undi, Mama ta jota irivujo aingeto mihuru Mama ijekihuru amo ungotena mane mekimeki aisora rate heteto gaiha eto Mama keguroro purusuja. ²⁹Eto ungotena kegora Mama amo javotoho be ra, eto ainge dombo embomei amina wasiri javotoho be ora amo Mama ta mei ra.

Chapter 3

¹Eto Mama ta tungambari ungotenau deita ikihaja, eto enu Mama ta meiundi uera, ungotena evire avoeto enda ingana kiae ra,eto enda Mama kiae ra. ²Nau tungambari namei kamei oroho Mama ta meiundi ehera, iji ambota ungotena do ihokore amo kiae ra, rate Iesu egerembasuja iji amikote re, ungotena amore Iesu ainge dombo avo aisora, eto ungotena na Iesu amore be keisora. ³Eto umo amina Iesu aravo hotembihe javotoho oa,amore inono Iesu otohu be ainge avo aisoa.⁴Eto embo amina ari sasamuna aravo ereora amore Mama ta avotari ke aravo poekeora, eto ari sasamuna amore avotari na peikari irae ra. ⁵Ungo kegova amore Iesu re ari samuna avo umbau irae aja ije putuhaja,eto Iesu amo ari samuna irae ra. ⁶Eto embomei amina mane Iesu ta jota mihiea mahainge ari sasamuna aisuja.Embomei amina ari samuna aravo mahainge ere ora amore Iesu kehera ra o kegara re.⁷ Nau meiundi, toau embomei nei na ke sokova na umo tihi teto umbuto bambarojo. Eto amina wasiri daroho ora amore javotoho ra, inono Iesu javotoho be ainge ra. ⁸Embomei amina ari samuna aravo ere ora amore embahe ta wasiri aravo ere ora, amita be embahe na ihikari ta ari samuna re uija.⁹Eto embomei amina Mama na ingihaja amo mane mahainge ari samuna aisora, amita be amo Mama ta i beh amore enana ta jota mihia. Embomei amo mane mahainge ari sasamuna aisora, amita be re embomei amore Mama na ingari ra. ¹⁰Amita jota avo Mama te embahe ta meiunditi aravo au arahata ijejekasuja: Eto embomei amina wasiri daroho aravo ae eora amore Mama hena ta eto purae ra, eto ainge dombo enana ta namei kamei aravo mane tunga umbora.¹¹Avoeto duru do ihikari ta ungo ehere ingihava amore evire: ungotena re tungambari mineara aravo aisora. ¹²Ungotena re mane Cain na ena ainge aisora, amina ahihi samuna na enu tohota namei be aravo tehei pehihaja. Eto do ambo tohota namei tenu pehihai? Amita be amo tohota pure amo jai mane ra eto tohota namei ta amore javotoho be ra.¹³Nau namei kamei, ungo enda na uje ae ururu kito ungo re tututu avojo. ¹⁴Eto ungotena kegora amo pehari aravo toto wasiri uhara, amita be amo ungotenau namei kamei aravo tunga uhara. Eto embo amina tungambari aravo mane euja amore pehari amita jota iriuja. ¹⁵Eto embo amina tohota namei aravo tunga umbae euja kito amo embo amore saruka embo ra. Eto umo kegoa amo saruka embo amina mane wasiri daroho amita jota irisora.¹⁶Avoeto emina ehei ungotena tungambari avo kegora, amita be amo Iesu na ingana embo ije pehihaja. Eto ingana ainge dombo avo ungotenau wasiri avo namei kamei embo ije pehasora. ¹⁷Rate embo amina enda ta hajabaja ga mihia, eto tohota namei aravo hondate uje oi keguva, eto tohota jo ta jojogari embo amita dei aravo peikeuja, amo daingeto Mama Otohu ta tungambari amo embo avo hena irou? ¹⁸Nau mei hatira, ungote mane tungambari avo teho pe na ke aisora, rate ahivo ga aro ijejekaisuja eto ke be ga aisora.¹⁹Avoeto emina oi ungotena kegora amo ungotena re ke be na ora, eto ungotenau jo upoga aravo Mama Otohu hena ikihera. ²⁰Avora rate ungotenau jo upoga avo peikihera kito, amo Mama Otohu re ungotenau jo upoga serikari be ra, eto donda peambe amo kiari irae ari ra. ²¹Nau tungambari pere, avorate ungotenau jo upoga aravo ungotena peikae au kito, amore ungotenau ivo ari re Mama Otohu hena mihia. ²²Eto donda derami etoingari ora amo avo hena re umbasora, amita be amo ungotena na tohota avotari avo argiu eora eto pure do eora amo tunga jai euja.²³Eto tohota avotari re erevira: amore ungotena na tohota mei javo Bada Iesu aravo ke be aisora eto tungambari mineara aisora, do ingana hena tohota avotari ikihaja ainge dombo avo aisora. ²⁴Eto embo amina Mama Otohu ta avotari avo argi ora amo tohota jota mihia, ainge dombo Mama Otohu amo tohota jota mihia. Eto emina oi ungotena kegora amo Mama Otohu re ungotenau jota mihia, eto tohota Ahihi ungotena hena ta ikihaja amina.

Chapter 4

¹Nau tungambari namei kamei, ungo ahihi tapa be avo ke be avojo. Avorate, ahihi amomo Mama Otohu ta rete avo kivujo, amita be amo kiane embo injokobe avo endahe emita jota mihera. ²Eto ungona ari re eingeto avo Mama Otohu ta Ahihi re keisova-ahihi tapa amina Bada Iesu aravo ando bisi ta jota puvuna avo ke be ora amore Mama Otohu hena eto putuha, ³eto ahihi tapa amina Bada aravo ke be ae ora kito amo Mama Otohu hena eto purae ra. Ahihi amore giu pari sokova ta ra, do ungo ingihava amina putuha, eto oroho mahu enda jo eita mihia.⁴Mei undi, ungo re Mama Otohu ta mei undi ra, eto enana amo mahu ungona dembihava, amita be amo embo vahai ungota jota mihia amina embo vahai enda emita jota mihia amore re be serikari ra. ⁵Embomei amore re enda toho ra; avoeto enana na re enda ta ke aravo eora, eto enda embomei na enana ta ke aravo ingiora. ⁶ Ungotena re Mama Otohu ta mei undi ra. Embomei amina Mama Otohu kiari amina avo ungotenau ke re ingisuja. Eto eigeto avo ungotena re ahihi ke be te sokova te amore keisora.⁷Nau tungambari be pere, Mama Otohu ta tungambari amina ungote mineara tunga umbare, eto peambe amina tunga umbiuja amore Mama Otohu kiari ra eto tohota mei ra. ⁸Eto Mama Otohu amo tungambari ra. Embomei amina tunga umbae eora amo enana re Mama Otohu kiae amita eora.⁹Avoeto tungambari emina enu avo Mama Otohu na tohota tungambari amore ungotenau hena ta enu arahe ena, eto avo tohota mei Iesu avo vahai be aravo enda eita ikehi puvei avo ungotena mihera amita be amo tohota mei Iesu avoembo. ¹⁰Eto tungambari amore evire, ungotenane Mama Otohu tunga umbora avo ae ra rate Mama Otohu na ungotena tunga uhija, eto tohota mei Iesu aravo ingana ari samuna embo ije ikenu puto sari ena.¹¹Tungambari be pere, avorate Mama Otohu na ungotena aravo tunga be umbau kito, amore ungotena ainge dombo tungambari mine ara aisora. ¹²Mama Otohu avo embo damina kiari irae be ra. Rate ungote tungambari mineara ora, Mama Otohu amo ungotenau jo ta mihia, eto tohota tungambari amore ungotenaga jaibe mihia. ¹³Aingeto avo ungote keisora, ungotena amo tohota jota ra eto embo be amo ungotenau jota ra amita be amo embo be amina amita ahihi avo ikena avo eto. ¹⁴Ainge dombo Mama Otohu tohota mei ikenu beto enda embo orekena avo ungotenane kegara avo aro embo ingisora.¹⁵Embo amina Bada Iesu avo Mama Otohu ta mei ke ijie amita pe na harikaisuja, amo Mama Otohu amo amita jota ra eto embo be amo Mama Otohu ta jota ra. ¹⁶Ainge dombo Mama Otohu ta tungambari ungotenau deita amo mahu kegara eto kembe uera. Eto Mama Otohu amo tungambari ra eto umo amina tungambari amita jota irisoa amo, Mama Otohu ta jota ra, eto Mama Otohu amo no jota ra.¹⁷Avoeto tungambari erevi ehei ungotena vahi vahi ta dei jai uija, ainge au kasari iji amite heteto gaiha ara ke eto ena, amita be amo wasiri ungotenau enda eita amo Bada Iesu ta ainge ra. ¹⁸Tungambari amita jota oju iae ra. Tungambari jai amina oju amo umbuto angove aisuja. Rate embo amina oju aisuja amo mane tungambari amita jota au jai aisuja.¹⁹Ungotena tunga umbora amita be amo Mama Otohu na ingana re kihi tunga umbuna. ²⁰Eto ungote Mama Otohu tungambari ke ijie embo nei uje ae aisora amo ungotena amo ke sokova embo ra. Embo amina tohota namei kegaja aravo tunga umbae aisuja kito amo Mama Otohu avo amita tihi na kiae amo mane tunga umbasuja. ²¹Eto erevi Bada Iesu na ke pajire be ijija amo embo amina Mama Otohu avo tunga umbasuja.

Chapter 5

²Avoeto ungotenane na Mama Otohu amita mei hatira aravo tunga uhora ainge avo ungotenane keisora: eto ungotenane Mama Otohu avo tunga uhe eto tohota avotari avo ambo aisora. ³Eto emore Mama Otohu ta tungambari ra: eto ungotenane tohota avotari avo ambo aisora. Eto tohota avotari amo mane memega ikeuja.⁴Eto Mama Otohu ta jota mei undi peae amina putuhara amina enda re serikaisuja. ⁵Rate tahavo amina dei peae erevi dembasuja eto avo mane rate tahavo amina ke be aisuja Iesu aravo Mama Otohu ta mei ainge aravo aisuja.⁶Eto Bada Iesu tahavo amina sasaga te umo ta aingeto puvuna. Eto embo aravo umo ta pere purae ra, rate ainge dombo avo sasaga te umo tega putuhaja. ⁷Eto harika amo herijo nei vahai amina pure eora: ⁸ahihi, umo,eto sasaga ga eora. Eto herijo nei vahai emina avora ari re eora.⁹Rate ungotenane na embo mei ta hajire aravo umbasora, amo Mam Otohu ta hajire amo pajire be ra.Eto Mama Otohu ta ihi amore evire, embo aravo tohota hajire avo tohota mei ainge ena. ¹⁰Eto embo amina Mama Otohu ta mei Iesu avo ke be uva amo tohota ahi ra amiga irisuja. Embo amina Mama Otohu avo ke be ae uva amo eoga sokova embo ainge avo uva, amita be amo Mama Otohu na tohota mei Iesu avo ikenu putuhaja amita hajire aravo ke be ae euja.¹¹Eto hajire amore evire: Mama Otohu na wasiri daroho avo ungotenau hena ikihaja, eto wasiri emore tohta mei Iesu amita jota mihia. ¹²Eto embo amina Iesu umbija amo wasiri umbija. Embo amina Mama Otohu ta mei Iesu avo umbae kito amo wasiri umbae ra.¹³Nane umo hena ke erevi kajihana amo ano umo wasiri daroho umbea ainge avo kioe evena- eto umo amina Mama Otohu ta mei Iesu aravo ke be oa. ¹⁴Eto ainge dombo, emore ungotenau sovera Iesu hena oera, eto aingeto ungotenane na donda neite kainte avo tohota javota penunu eora, amo Iesu re ungotena ingiuja. ¹⁵Ainge dombo, eto ungotenane kegora amo Iesu na ungotena ingija- donda derami Iesu hena penunu erera- amo ungotena kegora amo Iesu na mahu ikehija.¹⁶Eto embo amina tohota namei ari samuna oi kegua amina ae pehari ta mine avo purae ra, embo amina re pari aisuja, au avo Mama Otohu na wasiri ikasuja. Nare embo mei amina ari samuna uve mane peheora amita dei erena .Eto ari samuna eora amita mine re pehari jota mihia; na ke erena amo embo amina aravo pari aja ae ra. ¹⁷Wasiri sasamuna peambe amore samuna ra, rate ari samuna mihia amita mine avo pehari irae ra.¹⁸Ungotenane kegora amo embo amina Mama Otohu na ingihaja amo mane ari sasamuna eora. Rate embo amina Mama Otohu na ingihaja amore Mama Otohu na eonga simba euja, eto embo be amo ahihi samuna na mane hatikaisuja. ¹⁹Eto ungotenane kegora amo ingana re Mama Otohuta hena eto putuhara, eto ungotenane kegora amo enda tutumo tutumo peambe amore ahihi samuna ta sovera jo aita mihera.²⁰Rate ungotenane kegora amo Mama Otohu ta mei Iesu amina puto avo ungotena re ehei hotembari arahe ena eto ainge au avo embo be avo ke be ra ainge avo kiora ena. Eto ainge dombo, ungotena re Mama Otohu ke be ari embo amita jota mihiera. Eto Mama Otohu emore ke be ra eto wasiri daroho ra. ²¹Eto mei undi, ungo eongana i na ove ari avo hoi kane evujo.

Pahina: Bible for 1 John, 1 Thessalonians, 1 Timothy, 2 John, 2 Peter, 2 Thessalonians, 3 John, Colossians, Galatians, Jude, Matthew, Philemon, Philippians, Titus

Formatted for Translators

Matthew

Galatians

Philippians

Colossians

1 Thessalonians

2 Thessalonians

1 Timothy

Titus

Philemon

2 Peter

1 John

2 John

3 John

Jude