¹Mombutiro, Mukuru wa memene ejuru nehi. ²Ehi rari kumui ariri tjo. Ondurera jari kombanda jourekoto. Ombepo ja Mukuru airinga kombanda jomeva.³Mukuru atja, "Ngapekare no ndjerera," nu pakara nondjererera. ⁴Mukuru amunu ondjerera, okutja ombua. Ahaṋa ondjerera mo ndorera. ⁵Mukuru uaisana ondjerera ''ejuva,'' nu ondorera ejiisana ''ongurova.'' Nu pakara ongurova nu apekara omuhuka, ejuva etenga.⁶Mukuru atja, '' Ngapekare evaverua mokati komeva, nu ngarihane omeva ko meva. '' ⁷Mukuru uaungura evaverua ahana omeva ngari kehi je varerua komeva ngari kombanda je varerua. Pakara nao. ⁸Mukuru aruku evaverua ''ejuru ''. Nu jarira ongurova, airire omuhuka, ejuva oritjavari.⁹Mukuru atja , ''Omeva ajehe kehi jejuru ngaje ongarere pona pemue, nu ngapekare ehi ekukutu.'' Pakara nao. ¹⁰Mukuru uaruka popakukutu ''ehi,'' nu omeva nga ongara aruku ''okuvare''. Amunu kutja oviua.¹¹Mukuru atja, ''Ehi karijete ovihape: omiti vio zondui no miti mbino vihape mbino ozondui mo vihape, tja po mihoko viavio.'' Pakara nao. ¹²Nu ehi rakara no vihape, omiti mbijeta ozondui otja po mihoko viavio, no miti mbijeta ovihape mbino ozondui otja po mihoko viavio. Mukuru amunu kutja oviua. ¹³Nu pakara ongurova nu apekara omuhuka, ejuva oritjatatu.¹⁴Mukuru atja, '' Ngapekare no zondjerera kejuru okuhana ejuva ko ngurova nu vikare otjo viraisa , ku tuvese, ko majuva no zombura. ¹⁵Ngapekere nozondjerera kejuru okujerisa ehi.'' Pakara nao.¹⁶Mukuru uaungura ozondjerera mbari ozonene, ondjerera onene okupangura ejuva, no ndjerera onditi okupangura ongurova. Aungura ozonjese uina. ¹⁷Mukuru ezetua mejuru okujerisa ehi, ¹⁸oku pangura ejuva no ngurova, no ku hana ondjerera mo ndorera. Mukuru amunu kutja oviua. ¹⁹Nu jarira ongurova nu airire omuhuka, ejuva oritjaine.²⁰Mukuru atja, '' Omeva ngaje ure no uingi uo vinamuinjo ,ozondera ngaze tuke kombanda jehi mevaverua re juru.'' ²¹Mukuru a meme ovipuka vio meja, no vina avihe ovina muinjo otja po mihiko viavio, ovipuka mbi kaenda na imbi vio meva , no zondera zo vivava otja ko mihoko viazo. Mukuru amunu kutja oviua.²²Mukuru ave sere ondaja atja, atja, '' Kuatasanee nu tandavaree mu urise omeva mo kuvare. Ozondera ngaze tandavare kombanda jehi .'' ²³Nu jarira ongurova nu airire omuhuka, ejuva oritjatana.²⁴Mukuru atja, ''Ehi ngari jete ovina muinjo, otja po mihoko viavio, ovitumbua, ovikokozoke, no vipuka vio kuti, atjihe otja ko muhoko uatjo.'' Pakara nao. ²⁵Mukuru a meme ovipuka vio kuti tja po mihiko viavio, ovitumbua otja po mihoko viavio, no vikokozoke avihe kombanda jehi. Amunu kutja oviua.²⁶Mukuru atja, ''Ngatu ungure omundu mo saneno jetu , mo tjisanekero tjetu. Ngave kare no uvara kombanda jo mahundju uo kuvare , kombanda jo uzera ue juru, kombanda jo vitumbua, kombanda ehi arihe .'' No kombanda uo vina avihe mbi kokozoka mehi.'' ²⁷Mukuru ua mema omundu mo saneno je. Mo saneno je ue mu mema. Omurumendu no mukaendu ue ve mema.²⁸Mukuru eve sere ondaja nu atja nai kuvo, ''Kuatasanee , nu mutandavare. Urisee ouje, nu ukare kehi jenu. Karee no uvara kombanda jo mahundju uo kuvare, kombanda jo uzera ue juru, no kombanda uo vina muinjo avihe mbiri mo uje.'' ²⁹Mukuru atja, tara, mbe mupa omiti avihe mbiri kombanda jehi, no miti mbino ovihape mu muno ozondui. Mavi rire ovikuria venu.³⁰Ko vipuka avihe mehi, ko zondera azehe ze jeru, no ko vina avihe mbi kokozoka kombanda ehi, no ko vipuka avihe ovina muinjo, mba jandja ko ovijao vio miti otjo vikuria.'' Pakara nao. ³¹Mukuru ua muna ovina avihe mbia ungura. Tara, viari oviua . Ja rira ongurova nu airire omuhuka ,ejuva oritja hamboumue.

¹Nu Ejuru nehi tji viamanuka,no ovinamunjo avihe mbi urisa ehi. ²Mejuva oritjahambombari Mukuru ueja ko ndjandero jo tjiungara tja mana,nu asuva mejuva oritjahambombari moviungura avihe mbia ungura. ³Mukuru ua sera ejuva oritjahambombari ondaja nu eri japura,orundu Mukuru ua suva moviungur vihe mbia mema nu ku ongura.⁴Imbi viari ovitjitua viomajuru nehi,tji via memua,mejuva ndi Jehova Mukuru tja ungura ehi no majuru. ⁵Kapari no tjihua mokuti Kombanda ouje,nu kapari ovihape vio kuti mbi via hapa,orundu Jehova Mukuru tjandje keja rokisa umbura Kombanda ouje,nu kapari omundu oku kuna ehi. ⁶Nu ombundu jaja kombanda okuza mehi nu ai ningeke ehi arihe.⁷Jehova Mukuru ua mema omundu kuza mo ruuma rehi,nu asuvire mo majuru je omuinjo ohupo,nu omundu a reri omunamuinjo. ⁸Jehova Mukuru ua kunine otjikunino ke koro romuhuka,mo Eden,nu imbo a tjamo omundu ngua memene.⁹Okuza mehiJehova Mukuru ua ungura omiti avihe oku hapa mo mbuniko ombua jo oviriua.Nu muari omuti uo hupo mbuari mokati otjikunino,no omuti uo ndjiviro jo uua no uvi. ¹⁰Ondondu ja tirira moEden oku hira otjikunino.koza mbo airihana nu airire ozondondu ine.¹¹Ena ra indjo ondenga oPishon.Ojo ondji tirira mehi arihe ra Havilah,ku kuno ogolto. ¹²Ogolto jehi ndi ombua.Rukuao muno bdellium no maue uo onyx.¹³Ena rondondu oitja vari oGihon.Ndji tirira mehi arihe ra Cush. ¹⁴Ena rondondu oitja tatu o tigris,nu ojo itirira okuza komuhuka ua Ashur.Ondondu oitja ine oEuphrates.¹⁵Jehova Mukuru a toora omurumendu nu emu tua motjikunino tja Eden okuungura mutjo no kutjitjevera. ¹⁶Jehova Mukuru a pangura omurumendu,atja ,"Mungamua omuti motjikunino onousemba okuria pu movanga. ¹⁷Nu ko muti uondjiviro jo ouua no uvi kosere okuna,orondu ejuva ndi mori ko,tjiritjiri mo tu.''¹⁸Nu Jehova Mukuru uatja,''Ka kokuua okutja omurumendu a kare peke.Ami mbe muungurire omuvatere ngue mu puire." ¹⁹Kuza mehi Jehova Mukuru ua mema ovipuka avihe vio mokuti no uzera auhi uejeru.Nu e vijeta ko morumendu kutja a tare kutja me vi ruku vi.Ngamua Omurumendu ena nda isana mo tjinamujo,onda rira ena ratjo. ²⁰Omurumendu ua ruka omana movitumbua avihe,kouzera auhe vejuru,no movipuka vio kuti.Nu ko murumendu ka pemunikire omuvatere ngue mu puire.²¹Jehova Mukuru ua eta ozombotu ozondeu ko morumendu,o murumendu a rara.Jehova Mukuru a toora orupati rue rumue nu a setike onjama pa toora orupati. ²²Norupati ndui Jehova Mukuru ndua toora mo murumendu,ua ongura pu omukazendu nu e mueta ko murumendu. ²³O murumendu a tja,''Mo ire je,Ingue etupa romatupa uandje,nu njama jo jama jandje.Eje ma rukua 'omukazendu,' Oundu uazu mo murumendu.''²⁴Mu nao omurumendu maisa ihe na ina,a uana kono mukazendu ue,a virere onjama Imue. ²⁵Avehe vari muzu,omurunendu no mokazendu ue,nu kavari no honi.

¹Ndjambi atja ku Noah," Indjo,ove no vo ndjiuo joje, motjitendeze, orundu mba muna kutja oove omusemba Po murungu uandje mo vandu vo ruveze ndui. ²Mo vipuka avihe ovikoheke mo jeterere ovitume hambombari no vikaze hambombari.Movipuka imbi mbi-heri ovikoheke,muvio jeta vivari,otjitume no tjikaze. ³Nozondera ze juru,eta hambombari ozondome no nḓenḓu hambombari,kutja omuhoko uao uhupe kombanda jehi.⁴Orondu mo majuva hambombari me ungura kutja ombura eroke kombanda jehi oure omajuva omirongo vine no utuku omirong vine. Me ku njona kombanda jehi ovina muinjo avihe mbi mba ungura. ⁵Noah otja ungura ovina avihe Jehova imbi mbe mu raa.⁶Noah uari nozombura omasere hamboumue omupopo tjiueja mouje. ⁷Noah,no vanatje ve ovazandu, no mukaendu ue, no vakaendu vo vanatje ve ovazandu va hita motjitendeze mena ro meva uo mupupo.⁸Ovipuka ovikohoke na mbiheri ovikohoke,ouzera, no vikokozoke avihe kombanda jehi, ⁹Vivari vivari,otja Mukuru mba raera Noah. ¹⁰Nu otjipakara kutja kombunda omajuva hambombari,omeva uo mupupo jeja kombanda jehi.¹¹Mo zo mbura omasere hamboumue zo hupo ja Noah,mo mueze oitja vari, ejuva oritja murongo na hambombari ko mueze, mejuva ndo, otuharui toure koto atu paturuka, nu utuiho tue jeru tua patu ruka. ¹²Ombura aji utu okuroka mo uje oure omajuva omirongo vine no utuku omirongo vine.¹³Mejuva tjingee indo Noah no vanatje ve ovazandu, Shem, Ham na Japheth no mukazendu ua noah, no vakazendu ve tatu vo vanatje ve ovazandu puna vo, va hita mo tjitendeze. ¹⁴Vahita puno vipuka vio mokutu avihe otja po mihoko viavio, no vitumba avihe otja po mihoko viavio, no vikunguzuke avihe mbi kunguzuka kombanda jehi otja ko mihoko viavio peke peke, no uzera auhe otja po mihoko uao, no muhoko auhe uo tjipuka tji tji no ovivava,¹⁵Ovina muinjo ko vivari vivari veja ku Noah nu avi hiti mo tjitendeze. ¹⁶Ovipuka mbi via hita vari ovitume no vikaze vio vina muinjo avihe; via hita moukoto otja imba Mukuru tje mu raa. Tjana Jehova a pata omujero.¹⁷Nu omupupo ueja kombanda jehi omajuva o mirongo vine,nu omeva ajeriuesa ajejere otjitendeze kombanda jehi. ¹⁸Omeva jasiringa jehi,nu otjitendeze atjitendeza kombanda jomeva,¹⁹Omeva ja jeruruka tjinene kombanda jehi ajekutjire ozondondo ozonde azehe ndari kehi jevaverua. ²⁰Omeva jajeruruka oure uo zo cubic o mirongo na ndano kombando ozondundo.²¹Nu ovina muinjo avihe kombanda ehi via koka-ouzera, ovitumbua, ovipuka vio mokutu, no vipuka avihe vio muinjo kombanda jehi, no vandu avehe. ²²Ovina muinjo auihe mbi hupa kombanda jehi,mbi suvana omuinjo uo hupo no majuro, via koka.²³Nu ovina muinjo avihe mbi vari kombanda jehi avi pupua, ovandu no vipuka no vikunguzuke,no uzera ue juru. Avihe via kozeua kombanda jehi. Noah erike na imba mbu vari punaje mo tjitendeze ombu va isiua po. ²⁴Omeva ja kara kombanda jehi omujuva esere no mirongo vitano.

¹Nu Abram ua ya ku Egypt nu a hiti mu Negev eje, nomukazendu ue, na avihe mbi ari navio. Lot naje ua ja puna wo. ²Abram ua tumbire tjinene ovinamuinio, nosilveri, nogoldo.³Eje ai komurungu noujenda ue okuza ku Negev okuenda ku Bethel, ko ruveze ku kuari ozondonda zauo rutenga, pokati ka Bethel na Ai. ⁴Eje ua ja ko ruveze ku kwari otjipunguhiro tjinga a tungiremoruveze ndu rua kapita. Poruveze ndo ua isana ena ra Jehova.⁵Nu Lot, ngua kaondja puna Abram, uina uari nozonjanda, ozongombe, nozondanda. ⁶Ehi ka ari jenene okuve tjinda ave vari pamwe, motjimbe tjo kutja ovina viauo viari ovingi tjinene, ko kutja ave ha kara pamwe. ⁷Tjazambo, pa kara noviposa pokati kovarise vovitumbua via Abram no varise vo vitumbua via Lot. Ovakanana nova Perizzite va turire mehi moruveze ndo.⁸Nu Abram ua tja ku Lot, "Ape ha kara ovita pokati kandje naove, no pokati kovakarere vandje na imba mbo voje; kombanda ja avihe, ouete omuhoko. ⁹Indi kahi arihe pomurungu uoje are? Tenga po nu uri haṋe puna ami. TJinga wai ko kumuho, ami mei kokunene. Nu tjinga uai ko kunene, ami mbei kokumuho.''¹⁰Nu Lot ua jevajeva, nu amunu omivanda avihe via Jordan via hirirue naua ominda avihe okujenda ku Zoar, tjimuna otjikunino tja Jehova, tjimuna ehi ra Egypte. Imba tjandje Jehova ka njona Sodom na Gomora. ¹¹Nu Lot ueri tororera omivanda avihe via Jordan nu ai komuhuka, nu omuhoko otji ua haṋika.¹²Abram ua ka tura mehi ra Kanana, nu Lot ua ka tura mokuti ko vihuro. Eje ua ka tuako ozondunda ze kokure otja Sodom. ¹³Nambano ovarumendu va Sodom vari ovarunde tjinene ku Jehovah.¹⁴Jehova uatja ku Abram, Lot tjinga a za noku haṋika kunaje, ''Tara po ruveze punga a ua kurama okuza komanene, komamuho, komuhuka, no kongurova. ¹⁵Ehi indi arihe ndimo munu, mbe jandja kove no kozondekurona zoje nga aruhe.¹⁶Mbe tjiti kutja ozondekurona zoje ze kare otjomuheke uehi, ko kutja tjipena ngu ma jenene okuvara omuheke uehi, ozondekurona zoje nazo maze jenene oku varua. ¹⁷Sekama, u kaondje mourw nouparanga uehi, orondu mberi jandja kove.'' ¹⁸Nu Abram ua toora ondanda je, nu ai a ka tura meṋe jomimbonde via Mamre, mbi ri mo Hebron, nu ingo okunga a ka tungira Jehova otjipungihiro.

¹Nu pakavu nao mo: majuva ua Amrapel, ombara ja Shinar , Arioch, ombara ja Ellesar , Kedorlaomer, ombara ja Elam na Tidal, ombara ja Goyim, ²ktja va uta ovita kuna Bera , ombara ja Sodom, Admah, Shemeber, Ombara ja zeboyim, no mbara ja Bela (rukuao ndji isaneua zoar).³Nu ozombara indo ndano nda za uana ko otja ua Sindim ( rukuao ndji isaneua omorongo uo mongua). ⁴Ozombura omurongo nambari va unguirira Kedorlaomer, nunguari mombura o itja murungo nu ndatu ve mu pimkira. ⁵Nu mombura o itja murungo na ine , Kedorlaomer no zombara ndari punaje veja ave taurire mu Rephain ko Ashteroth Karnaim, ova Zuzites mo Ham , ova emites mo Shaveh Kiriathaim , ⁶no va Horirtes mehi rao ro zondundu ra Seir , ngato El Paran, tjitjiri popezu no kuti onguza.⁷Nu otjiva tanauka aveja ko En Mishpat ( rukuao ndji isaneua Kadesh), nu ave taara ehi arihe ro va Amalek, nu uina ova Amorite mba turire mo Hazezon Tamar. ⁸Nu ombara ja Sodom , ombara ja Gomorah, omubara ja Adman, ombara ja Zeboyim, no mbara ja Bela ( rukuao ndjiisaneua Zoar) va pita ave ke ritunina ovita ko tjana tja Siddim ⁹okumisa Kedorlaomer , ombara ja Shinar , Arioch , ombara ja Ellasar; ozobara ine okuruisa ozo mbara ndano.¹⁰Nambano o notjana tja Siddim tje urire ovitoto vyo makara nu ozombara za Sodom na Gomorah tjiza tupuka aze uire moukoto. Imba mba seupo va tupuka ko zo ndundu. ¹¹Nu ku nao, ozombara za uonga ovinandengu vya Sodom na Gomorrah no zao azene , avei mozo ndjira zao . ¹²Tjivaja va toora Lota , omuna uo muangu ua Abram nguaa kara mo sodoma , pueno uini ue quhe.¹³Umue ngua tuara ueja nu araera Abram omu Heperi. Ija kara po mimbonde vya Mamre, omu Amorite, nguari omukuatua ua puna Eshkol ua Aner, avehe naberi kutire pamue na Abram. ¹⁴Nu Abram tja zava kutja ovanavita va kambura omuhoko ue, ua pitisa o varumendu ozombangane omasere jetatuno murongo na hambondutu mba kuaterua mo ndjio je , nu eve ramba nga ko Dan.¹⁵Nu utuku ua hana ovarumendu ve okuka ruisa ovanavita. Eje no vakaerere ve ve ramba ngako Hobab, kombanda ja Damascus. ¹⁶Nu uaka ovindengu avihe, nu noho okotora omuhako ue Lota novina vye, no vakuzendu, no vame.¹⁷Nu Abram tjaza no ku taara Kedorlaomer no zombara ndari punaje, ombara ja Sodom ja pita o kuke mo tjakanena ko tjana ua Shaveh (rukuao mbu isaneua otjana tjo ombara). ¹⁸Melchizedek , ombara ja Salem ua pitisa o omboroto no vine. Jan omuhonge ua Mukuru omukombad-mbunda .¹⁹Nu emu sere ondaja otja, ''Abram sarua ondja , Mukuru omukomband-mbanda ngua mema ejuru nehi. ²⁰Nga serue ondaja ingui muhona ngo mukomband-mbanda, ngui ngue kupe ovanavita vyoe meke.'' Nu Abram emupe otjitja murongo tjo vina atjine .²¹Ombara ja Sodom atja ku Abram, '' ndjipa ovandu nu untoorere o rutombo aruhe."' ²²Abam atja ko ombara ja Sodom, '' mba jerere eke randje ku Mohona; Mukuru omukomband-mbanda ngui ngua mema ejuri nehi, ²³kutja nina ku toora urusepa , ondatua jo vikapute po o atjihe tjoe, katja onaa katja, '' mba tumbisa Abraham. ²⁴Hina tjira tjime toora pendje na imbi mbaya riua ijo vazandona, na imbi vyo varumendu mbaja puna uami. Jandjera Aner, Eshkol na Mamre oku toora.

¹Kombunda ovina mbi embo ra Ndjambi reja ku Abram mo mbunikiro, aritja, ''Otira ko, Abram! Ouami oruvao roje no tjisuta tjoje otjinene''. ²Abram atja, ''Muhona Ndjambi, ove mondjipe ije, ami ambihina omuatje, nu ngu mari eta randje o Eliezer ua Damascus?'' ³Abram atja, ''Orondu ko ndjipere ozo ndekurona, tara, omue ngua kuata mojandje eje o murumate ueta randje!''⁴Nu, tara, embo ra Ndjambi reja kuje,aritja, ''Omurumendu ingui ka ngu marire omurumatame ueta roje; nu posia ngu me kuza move onguri omurumate ueta roje.'' ⁵Nu emu pitisa pendje,nu atja, ''Tara kejuru,nu vara ozonjose tjimo peuru oku vara.'' Nu atja kuje,''Oopo zo ndekurona zoje mazekara nao.''⁶Ua itavera Ndjambi, nu emuvara otjo musemba. ⁷Atja nai kuje, ''Ouami Ngjambi, ngu mbe ku isa ko Ur ro Chaldeans, oku kupa ehi indi o tjeta.'' ⁸Ua tja,'' Muhona Ndjambi, me tjiuavi kutja ami me riri eta?''⁹Arire tje mu heje kutja, " Ndjijetera ondana ondema jozo mbura ndatu,ongombo ondendu jozo mbura ndatu, no nguti, no ka ngutiona.'' ¹⁰Uemu jetera ovina imbi avihe, nu evihana mokati, nu atuapo ohinga aihe ozombamba, nu kahane ouzera mokati. ¹¹Nu ouzera mbu jeva tjiua uirira kombanda jo mitundu, Abram atirisa.¹²Nu ejuva tjimarija ko kuhita, Abram atuaererua ijo zombotu, nu, tara, ondorera nu ohimise jemu taara. ¹³Nu Ndjambi atja nai ku Abram, ''tjiua tjiri kutja ozondekuronazoje ma ve karira ovandu va mbangu mehi ndi ri heri orao, nu mave kahuurua no ku tatumisiua ozombura omasere jane.¹⁴Nu me ka pangura omuhoko mbo mbu mave keungura, nu kombanda ja nao mave ka kara no utumbe ouingi. ¹⁵Nu mo kujaruka koo iho mo hange, nu mo ka pakua mo zo mbura ozombua zo ukurundu. ¹⁶Mo muhoko uo itja ine mave kotoka imba rukuao, orondu ouvi uo va Amorites ka uja vasa ondondo jao.''¹⁷Ejuva tjira hita nu akua zorere, tara, onjingo jo muriro ndji maisuma omuise ne rambe ro ru rurumo ra kapita pokati ko tumbembera. ¹⁸Me juva Ndjambi ua ungura o ngutasaneno kuna Abram, a matja, ''Kozo ndekurona zoje mejandja ko ehi indi, okuza ko ndondu ja Egypt oku vasa ko ndondu onene, indji Euphrates, ¹⁹ova Kenites, ova Kenizzites, ova Kadmonites, ²⁰ova Hittites, ova Perizzites, ova Rephaites, ²¹ova Amorites, ova Canaanites, ova Girgashites, no va Jebusites.''

¹Abrahaman ua kaondja okuza ingo okujenda komunda uehi ra Negev, nu aka tura pokati ka Kadesh na Shur. Eje uari ouo zonganda a atura mo Gezar. ²Abraham uatja ohunga na Sarah omukaendu ue, ''Eye omutena kuandje.'' Nu Abimelek ombara ja Gerar ua raa nu atoora. ³Nu Mukuru ueja ku Abimelek moruroto utuku, nu atja kuje,''Tara,Ove omurumendu ngua koka motjimbe tjo mukazendu ingui ngu ua toora, orundu eje omukazendu uo mundu.''⁴Nambano Abimelek tjandje ke eja popezu naje neje atja,''Muhona ,ma peja ojenene okuzepa noho otjiuana otjitakame? ⁵Kaje omuine are ngua tja kuami,'Eje omutena kauandje?'' Nu omukazendu omuini uatja ,' Eje omutena kuandje.'Ami mba tjiti otjina itji noutakame uo mutina uandje no ku hina otjipo mo make uandje.''⁶Nu Mukuru uatja kuje mo ruroto, "Ii, me tjiua mourekoto uo mutima uoje ua tjiti nai, nu uina otji mbe ku tjevere kutja ohe ndji katukire. Mena ra nao hinaa mbeku jandjere kutja umuṱune. ⁷Mena ra nao, jarura oserekaze jo murumendu, orondu omuporofete. Meku kumbire, nu morire omuna muinjo. Nu tjiuhe mu jarurire, tjiua kutja ove na avihe mbiri ovioje ma viṱu."⁸Abimelek ua penduka omuhuka omunene rukuru nu a isanene ovakarere ve avehe kuje. Eje ue ve raera ovina imbi avihe, nu ovarumendu va urumine tjinene. ⁹Tjazumbo Abimelek a isana Abraham nu atja kuje,''Ue tutjitivi? Me ku katukira vi, tjinga aua eta ouvi ounene kombanda jandje no ko uhona uandje?Ove ue ndji ungura oviungura mbi vihasere okutjitua.''¹⁰Abimelek atja ku Abraham, ''ua tukua ije okutjita otjina itji?'' ¹¹Abraham atja,''Mo tjimbe tjo kutja mbe ripura,' tjiri kapeno ondira ku Mukuru mo ruvese ndui, nu ovo ma ve ndjisepa motjimbe tjo mukazendu uandje.' ¹²Pendje na nao, eje tjiri omutena kuandje, omuatje ua tate, nu ka muatje ua mama; nu eje a rire omukazendu uandje.¹³Nu Mukuru tje ndji tjita kutja mbi pite mo ndjiuo ja tate nu mbi toore oujenda okuza po ruvese okujenda ku ruarue, Mbatja kuje, ' Ove mozo oku ndji raisira outakame imbui otja Mokazendu uandje: Ko ruvese aruhe ko ma tuii, mo zo kutja nai ohunga naami.'' Eje omutena kuandje.'' ¹⁴Tjana Abimelek ua toora ozondu no zongombe, no varumendu no vakaendu ovakarere, nu eve jandja ku Abraham. Tjana aja rura Sarah, omukaendu ua Abraham,kuje.¹⁵Abimelek atja, ''Tara, ehi randje riri mu murungu uoje. Ka tore apehe pu mo vanga.'' ¹⁶Ku Sara atja,'' Look, Mba pe omutena koje ovi silveri. Oku suta ondjo indji ndja tjitua kove me meho jaimba mbe ri punaove, nu po murungu ovandu avehe, ove uasembamisiua okuura.''¹⁷Tjana Abraham a kumbu ku Mukuru, nu Mukuru averura Abimelek, omukazendu ue, ovakarere ve vo vakaendu kutja ve jenene oku kara no vanatje. ¹⁸Orondu Jehovah ua patere avihe ovikuatero via imba ovio ndjiuo ja Abimelek mena ra Sarah, omukazendu ua Abraham.

¹Ndjambi ua jandja ombango ku Sarah otjia tja tjere ma tjiti, nu Ndjambi ua tjiata ku Sarah otjia tja Kuizikire. ²Sarah ua tumbapara nu a panduka omuatje omuzandu na Abraham mo ukurundu ue, otjia mo ruveze ndua tuapeua i Mukuru ngua hungirire kuje. ³Abaraham ua ruka omuna ue ,ingui ngue mupeua , ingui Sarah ngue mupandukira, Isaac. ⁴Abraham ua sukarisa omuna ue Isaac tjari nu majuva hambondatu, otja Mukuru tje mutia.⁵Abraham uari no zombura esere omuna ue Isaac tja pandukua. ⁶Sarah uatja ,''Mukuru ua tjita kujia mbi jore; auhe ngu mazuu ma joro punaami." ⁷Nu noho uatja , " Oune ngu tja tja ku Abraham Sarah mapeja a panduka ovanatje, nu mbe mu pandukira omuatje omuzandu mo ukurundu ue.⁸Omuatje uekura nu akurua komaihi, nu Abraham ua unguara omukandi omunene mejuva indi Isaac nda kurua ko maihi. ⁹Sarah ua muna omuna ua Hangar ingo Mu Egypte, ngua pandukiriire Abraham, a njekerere.¹⁰Nu atja ku Abraham, '' Rambaera pendje omukaendu omukarere ngui no muna ue, orondu omuna uo mukaendu omukarere kena ku rumata eta puna omuna uandje, Isaac.'' ¹¹Itji tjari otji ihamise ku Abraham mena romuna ue.¹²Nu Mukuru uatja ku Abraham, '' O ihamisiua orondu omuzandona uoje no mena ro mukazona uoje omukarere. Puratena ko mambo aehe ja Sarah mu avihe mbi me ku heje mo tjina tji , orondu omena ra Isaac ozondekurona zoje mu mazeja okutjiukua. ¹³Uina me ungura omuna uo mukaendu omukarere otjiuana orondu 0ndekuruna joje.''¹⁴Abraham ua penduka rukuru mo muhuka ,a toora otjikuki no ndjatu jo mukova jo meva , nu a jandi ku Hagar , a tua mo tjituve tje. E mupe omuzandona nu e mu hindi kuarue . Nu ua sekama ai arianga mo kuti kua beershaba. ¹⁵Omeva tji ja manuka mo ndijatu jo meva jo muti umue. ¹⁶Nu ai, a kahaama popezukure nge , pu peta oure uo maumbiro uo uta, nu atja , ''' E ha munu ondiro jo muatje .'' Ngunda aa haama nao , uaere eraka re nu ariri .¹⁷Mukuru uazuva eraka ro muzandona, nu omujengeli ua Mukuru ua isana Hagar okuza mejuru , nu atja kuje, ''Una ouzeu ua tjike , Hagar ? O uruma , orondu Mukuru ua zuu eraka ro muzandona okuza imbo peri. ¹⁸sekama , toora omuzandona , nu museuparisa ; oronda me mu ungura otjiuana otjinene.''¹⁹Nu Mukuru ue mu paturura omeho, nu amunu ondjombo jo meva . Nu uaja ekeurisa ondjatu jo mokova no meva nu a pe omuzandona okunua. ²⁰Mukuru uari puna omuzandona , nu ekuru .Ua kara mokuti onguza nu arire omuumbe uo vika. ²¹Ua kara mokuti onguza kua Paran, nu ina emupahere omukazendu okuza melu ra Egypte.²²Pakara nao mo ruveze ndo kutja Abimelek na Phicol omunane uo tjira tjo vita tje ua hungira na Abraham , atja, '' Mukuru uri puna ove mu avihe mbi mo ungura. ²³Nu kunao jana kuami na Mukuru katja ko na ku ungura kuna ami no tjineja , nandarire no zondekurona zandje. Urika kuami na kouje mu ukara ongutasaneno jo uzikame mbu mbe ku urikira.'' ²⁴Abraham otja, '' Me jana .''²⁵Abraham uina ua jandja ongendo ku Abimelek komunda uo ndjombo jo meva indji ovakarere va Abimelek ndji va toora muje. ²⁶Abimelek atja tji . Ko ndji raerere komurungu ua nai; hija zuva komunda uatjo pendje na ndino .'' ²⁷Ku nao Abraham ua toora ozondu no zongombe nu a jandja ku Abimalek , nu ovarumendu aveevari a ve unguura ongutasaneno.²⁸Nu Abraham a tua azondjona ozondema hambombari kuzo ozeni. ²⁹Abimelek atja ku Abraham , '' Ozondjona ozondema hambombari ndu ua tuka ma ze hee tjike ? '' ³⁰A ziri, '' Ozondjona ozondema nda mo ze jakura okuza meke randje , kutja irire otjikaneno tjandje, kutja mba topora ondjombo ndji.''³¹Nu ua isana oruveze ndo Beesheba, orondu imbo oveevari opu va unguira orujano ruauo. ³²Va ungura ongutasaneno po Beershaba, nu tjana Abimelek na phicol, otjiuru tjo ripa ro vita tje, a ve jaruka kelu ro va Philistine.³³Abraham ua kuna omuti uo omunguati mo Beersheba. Imbo a isana ena ra Ndjambi, Mukuru ngu hina ondjandero. ³⁴Abraham uakara , otjo mundu uambangu mehi ro va philstines omajuva omengi.

¹Peja kokutja kombunda jo vina mbi Mukuru a rore Abraham .Ua tja kuje, '' Abraham !'' Abraham atja, ''Ouami ngui .'' ²Kuzambo Mukuru atja, '' Toora omuna uoje, omuna uoje erike , ngu ua suvera, Isaac, nu kaende kehi ra Moriah. Mujandja otjo mbunguhiro oningirisiua pu imue jo zondundu ngo, ndji me ku tjivisa.'' ³Ku nao Abraham ua penduka rukura menjunguhuka , akutire okasino ke , nu a toora vevari vo vazandona ve, puna Isaac omuatje ue. Ua konda ozongune zo mbunguhiro oningiririsiua, nu autu oujenda uo ku jenda ingui Mukuru katja nga jende.⁴Mejura oritjatatu Abraham ua era omeho nu munu oruveze a ruri kokure. ⁵Abraham atja ko vazandona, ''Seusee mba no kasino , nu ami no muzandona ma tuii nguina. Ma tu ka kumba nu a tu kotoka kuene.'' ⁶Nu Abraham ua toora ozongune zo mbunguhiro oningiririsiua atua kombanda ja Isaac omuzandu ue. Atoora meke re omuriro no ruviuo; nu aveevari avei .⁷Isaac ua hungira kuna Abraham ihe nu atja, ''Tate,'' nu atja , ''Ouami ngui, muzandu uandje.'' Atja, '' Muna, ozongune no muriro ovimbi, nu ondjona jo mbunguhiro oningiririsiua ipi ?'' ⁸Abraham atja, ''Mukuru eje omuini ma jandja ondjona jo mbunguhiro oningiririsiua, muzandu uandje.'' Ku nao , avei komurungu, aveevari pamue.⁹tji va vaza po ruveze Mukuru pe muraera, A braham ua tunga otjipunguhiro mbo nu atuapo ozongune. Kuzambo a pandeke Isaac omuna ue, nu e mu rarisa potjipunguhiro, pombanda jozonguane. ¹⁰Abraham ua njotora okuuoko kue nu a toora oruviuo ktja a zepe omuna ue.¹¹Nu omujengeli ua Mukuru ue mu isana okuza kejuru nu atja, Abraham, Abraham!'' nu atja, '' Ouami ngui.'' ¹²Atja, '' otua eke roje ko muzandona, poo oungura tji ma tji mu ihamisa , orondu me tjiua kutja utira Mukuru, a me mumu kutja ko ruruparere omuna uoje, omuna uoje erike, kua me.''¹³Abraham ua tara kombanda nu muna , mongotue je pari no nduezu jo ndu ndja kamburua ijo tutavi mozonja. Abraham uaja nu a ka toora onduezu jo ndu nu e i jandja otjo mbunguhiro oningiririsiua poruveze ro muna ue. ¹⁴Ku nao Abraham ua ruka oruveze ndo, ''Njambi majandja , '' nu ku za nai nga ku ndino,'' po mbanda jo ndumdu ja Ndjambi ma tji jandjua.''¹⁵Omujengeli ua Ndjambi ua isana Abraham orutjavari okuza kejuru. ¹⁶Nu atja-inga o mazikamisiro ja Ndjambi- muami omuini mba tjita orujano kutja mokutja ua tjita otjina ihi, nu nu ko ruruparere omuna uoje, omuna uoje erike, ¹⁷Me ku sere ondaja katjiri nu me ku uezirepo tjinene ozondekurona zoje otjo zonjose zo majuru, no tjehi ndiri mene jo kuvare; nu o zondekuronana zoje ma ze kara no usemba uo mmvero vio vanavita vavuo.¹⁸Oviuana avihe mavijo ku serua ondaya, mo zozndekurona zoje, ozondu ua zuva keraka randje. ¹⁹Nu A braham ua jaruka ko vazandona ve, nu a ve sekama nu avei pamue oku jaruka ko Beershaba.²⁰Peja kutja kombunda jovina mbi kutja Abraham ua raerua, '' Milkah ua panduka ovanatje, uina,no muangu uoje Nahor.'' ²¹Vari uz otjiveritje, buz omuangu ue, Kemuel ihe ja Aram, ²²Kesed, Hazo, Pildash, Jidlaph, na Bethuel.²³Bethuel uarira ihe ja Rebekah . Imba oo vanatje hambondatu imba Milkah mba bandukira, Nahor, Omuangu ua Abraham. ²⁴Omusuko ue, nguari nena Reumah, uina ua panduka Tebah, Gaham, Tahash, na Maakah.

¹Embo ro ngongorasaneno jo vakuate va Jesus Kristus, omuna ua David, omuna ua Abraham. ²Abraham ua kuata Isaka; nu Isaka ua kuata Jakova; nu Jakova ua kuata Juuta no vazandu ovakuao; ³Nu Juuta ua kuata Peres na Zerah mu Tamar, nu Peres ua kuata Hezron, nu Hezron a kuata Ram.⁴Nu Ram ua kuata Amminadab, nu Amminadab ua kuata Nahason, nu Nahason ua kuata Salmon. ⁵Nu Salmon ua kuata Boaz mu Rahab, nu Boaz ua kuata Obed mu Ruta, nu Obed ua kuata Jesse ⁶Nu Jesse ua kuata David, ombara, nu David ua kuata Solomon mo mukazendu ngui nguari oua Urija⁷Nu Solomon ua kuata Rehoboam, nu Rehoboam ua kuata Abija, nu Abija ua kuata Asa. ⁸Nu Asa ua kuata Jehoshafat, nu Jehoshafat ua kuata Joram, nu Joram ua kuata Uzija.⁹Nu Uzija ua kuata Jotham, nu Jothan ua kuata Ahab nu Ahab ua kuata Hezekija. ¹⁰Nu Hezekija ua kuata Manase nu Manase ua kuata Amon nu Amon ua kuata Josija ¹¹Nu Josija ua kuata Jekonija no vakuao ovazandu mo ruveze ndui ro mahuuriro ua Babilon.¹²Nu kombunda ja tjivaza no ku huurirua ko Babilon, Jekonija ua kuata Saratiera nu Saratiel ua kuata Zerubabel. ¹³Nu Zerubabel ua kuata Abiud, nu Abiud a kuata Eliakim, nu Eliakim a kuata Azor. ¹⁴Nu Azor a kuata Zadok, nu Zadok a kuata Akim, nu Akim a kuata Eliud,¹⁵Nu Eliud a kuata Eleazar, nu Eleazar ua kuata Matan nu Matan ua kuata Jakova, ¹⁶Nu Jakova ua kuata Josef, eje nguari omurumendu ua Maria mu muaza Jesus, ngu isaneua Kristus. ¹⁷Okutja okuza ku Abraham ngaku David pa kara otukuato omurongo na tune, okuza ku David nga ko mahuuriro ua Babilon pakara otukuato omurongo na tune nu okuza ko mahuuriro ngako nguatero ja Kristus pa kara otukuato omurongo na tune.¹⁸Nu onguatero ja Jesus Kristus jari nai. Ina, Maria, ua varekerue I Josef, nu ovo ngunda ave hija kara pamue eje ua vazeua a aririsiua otjingundi ijo Mbepo Ondjapuke. ¹⁹Mokutja Josef omurumendu ue uari omundu omusemba, eje ka vangere oku mu jamburura mokati kovandu, nu eje otja tia okumuesa ngumumu uriri.²⁰Nunguari eje ngunda ameripura notjina tji, tara, omuengeri ua Muhona otjeri raisa kuje moruroto natja, “Josef, muna ua David otira okutoora Maria otjo mukazendu uoje, orondu oungundi mbua toora ouo Mbepo Ondjapuke. ²¹Eje meeku panduka omuatje omuzandu, nu enare mo muruku Jesus, orondu eje tjimee ku jama ovandu ve komauvi uao.²²Imbi via karapo oku jenenisa itji Muhona tja hungirire mo muprofete: ²³“Tareje omusukona ma rire otjingundi, nu ma panduka omuatje omuzandu, nu mave muruku Emmanuel” tjimari tanaurua okutja Mukuru uri pena ete.”²⁴Nu Josef tjaza no kupenduka, ua tjita otja ingui omuengeri ua Muhona pe mu raerere, nu a tuara Maria konganda otjo mukaendu ue. ²⁵Nunguari kena pa uana kuenae otjomurumendu no mukaendu ngatja panduka omuna ue otjiveri, nu emuruku Jesus.

¹Nu Jesus tjaza nokukuatua mu Bethlehem mu Judea, mo majuva uo mbara Herod, ovarumendu ozonongo ovarese vozonjose ve ere ko Jerusalem okuza komuhuka, ²Nu avepura kutja, “Uripi ingui ngua kuatua otjo mbara jova Juuta. Orondu ete tua munu onjose je okuza komuhuka nu otjitueja okurikotamena ku je.” ³Nu Ombara Herod tjazanokuzuva ovinambi, otja zungana tjinene mouripura, puena itji otjihuro atjihe tja Jerusalem.⁴Nu eje tjaza noku uoronganisa oviuru vio vapristeri no vahonge vo Veta, otjvepura kutja, “Kristus uasoku kuaterua pi? ⁵Nu ovo vatja nai kuje, Mu Bethlehem tja Judea, mokutja patjngua nai ijo muprofete, ⁶“nunguari ove Bethlehem mehi ra Juuta, kaove okatiti mokati ko vanane va Juuta, mokutja move mamuje kuza omunane, ngumarisa ovandu vandje va Israel.”⁷Nu Herodes otja isana ovarumendu imbo zonongo nu a kondonona muvo kutja onjose ja munika moruveze rune. ⁸Nu eje ue ve hinda ku Betlehem natja, “tuendeje nu kakondononeje naua kutja inga okanatje nga keripi, nu tjimuazu no kuke muna, nu tjimue ke munu ndji hindiree embo, ami uina mbi je ku rikotamena kuko.⁹Novo tji vaza noku zuva ombara arire tji va kaenda. Nu tara onjose ndji ve imuine ko muhuka arire tji je ve hongorere, ngatjijeja nai kurama kombanda jo pona imba pupari okanatje. ¹⁰Nu tjiva munu onjose arire tji va joroka tjinene no ndjoroka onene.¹¹Novo tjivahiti mo ndjiuo arire tji va munu okanatje akeri puena ina Maria, nu arire tji vau ondurumika nu a ve rikotamene kuko: nu ave paturura ovihuze viao nu ave jandja ku Je ovijandjeua vio ngolto novi tuimisiua vio munuko omuua no vinuke oviua viepia. ¹²Nu mokutja va raerua I Mukuru mo ruroto kutja ave jaruka ku Herodes ovo va tuara ondjira jarue oku jenda kehi rao.¹³Nu ovo tjivaza nokujenda, tara, omujengeri ua Muhona ua Munika ku Joosefa mo ruroto natja, sekama, toora okanatje na ina nu tauriree ko Engipte mu kakare ngo, nga tji mua zuu embo okuza kuami: Orondu Herota tji meeku paha okanatje okukezepa. ¹⁴Neje otja sekama, a toora okanatje na ina outuku, na taurire ko Engipte. ¹⁵Neje ua kara ngo nga Herota tja ta: kutja ku jenenisiue itji tji tja hungirirue i Muhona no tjinjo tjo muprofete ue kutja, “Ami mba isana omuna uandje okumupitisa ko Engipte.”¹⁶Kuzambo Herota tja za noku tjiza kutja ovarumendu imba ozonongo ve mu tikura, arire tja to mazenge tjinene. Nu eje otja hindire na rakiza kutja ounatje auhe mo Betlehem na motukondua tuatjo mbuari nozombura mbari no kehi ja nao ngau zepiue, ama sasanekere koruveze indui ndua kondononene ovarumendu imbozonongo.¹⁷Okutja otjikua jenenisiua omambo uo muprofete Jeremija nga tjere: ¹⁸‘Mo Rama kua zuvaka eraka, omauriro nomaririro no mutambo omunene, Rakera ama ririre ovanatje ve, ama panda oku huhuminiua orondu tjandje vatu.¹⁹Nunguari Herota tjaza noku ta, tara, omujengeri ua Muhona ua munika mo ruroto ku Joosefa ko Engipte, ²⁰Natja, sekama nu toora okanatje na ina mu jende kehi ra Isiraera; orondu imba mbuja ve paha okuke zepa vata. ²¹Neje ua sekama a toora okanatje na ina nu aveja kehi ra Isiraera.²²Nunguari tja zuva kutja Arkelaus ua pingena ihe Herota mouvara kombanda ja Judea, eje ua tira okujenda ngo. Nu tjaza no ku peua omaronga i Mukuru moruroto eje ua tumbuka nai ko tukondua tua Galilea: ²³Neje ueja na tura mo tjihuro tjija tji isaneua Nasareta, kutja pe jenenisiue itji tji tja hungurirue ijo vaprofete, kutja eje meeku isaneua o MuNasarene.

¹Momajuva ngo kueere Johanesa ingo mupapitise, a mazuvarisa mokuti ongaango kua Judea, ²Amatja, tanaukiree omauvi uenu: orondu ouhona ue Juru uri popezu. ³Orondu ingui ongua heerue ijo muprofete Jesaja tja tjere, ‘eraka ra umue ndi mari ravaere mokuti ongaango: tuneje ondjira ja Muhona, teremaniseje omirari vie.’⁴Nu Johanesa ua zarere ombanda jo mainja uo ngamero, nekuamo romukova pehuri novikuria vie viari ozombahu no vihira vio njutji. ⁵Nu ovature va Jerusarema naimba ovehi ra Judea arihe, naimba avehe mba turire mongoroka ja Jordan veere kuje; ⁶Nave papitisiua ije mondondu Jordan ama ve rihepura omauvi uao.⁷Nunguari eje tja muna ova Farisei no vaSadukai ovengi ama veja ko mbapitisimo je, eje ueve heja kutja, ndekurona uene jo zonjoka mua tirisiua ijani oku taura ko mazenge ngu maeja. ⁸Ene muaso kujeta ovihape mbia puira ondanaukiro: ⁹Nu ngaa murihee nai momitima vienu, ete tuna tate uetu Abraham: Orondu ami me muraere, Mukuru majenene oku ungurira Aparahama ovanatje po maue nga.¹⁰Nu nai ekuva ra tuua pomize viomiti: nu omuti auhe mbu hina kujeta ovihape oviua mau kerua pehi nau umbua momuriro. ¹¹Ami tjiri mbi mu papitisa no meja oku raisa kutja mua tanaukire omauvi uenu: nunguari Ingui ngu meja kombunda jandje omunamasa puami , ngumbi hina ku jenena noku tjinda ozongaku zE: Eje mee ku mu papitisa no Mbepo ndjapuke no muriro. ¹²Meke re muno tjisise tje, nu ma komborora otjitondero the ketupa, na uongere ondui indji ombua mondjiuo jo mbuikiro no vitatu ma njosa no muriro, mbu ha zemi.¹³Nu Jesu uaza ko Galilea nu aiku Johanesa ko Jordan oku ka papitisiua ije. ¹⁴Nunguari Johanesa ua kondja okutjaera Jesu amatja, ouami ngume hepa oku papitisiua ijove nambano ove moja kuami are? ¹⁵Nu Jesu uemu zira natja, jandjera kutja pe kare nao mo ruveze ndui, orondu matu puirua ijo ku jenenisa ousemba tjitua tjiti nai. Okutja Johanesa otja itavera.¹⁶Nu Jesu ua papitisiua, nu tjimanga tja pita momeva: nu tara, omajuru je mu paturukira nu eje ua muna Ombepo ja Mukuru amai heruka otjo nguti nai uirire kombanda je. ¹⁷Nu, tara, eraka raza kejuru nu aritja, ingui Omuna uandje omusuverua mumbi joroka katjootjiri.

¹Kuzambo Jesu ua hongorerua ijOmbepo okujenda mokuti ongaango okukarorua ijo munauvi. ²Nu tjaza noku ritjaera kovikuria omajuva omirongo vine ua tire ijo ndjara tjinene. ³Ingui Omurore otjeja kuje natja, tjiuri Omuna ua Mukuru pangura omaue nga kutja je rire omboroto. ⁴Nunguari Eje ua zira na tja, patjangua kutja omundu kena ku hupa no mboroto poruajo, nunguari ma hupu nembo arihe ndi marizu motjinjo tja Mukuru.⁵Kuzambo Omunauvi ua tuara Jesu kotjihuro tjo tjijapuke, nu ekemutua ponganda jo Ndemberi, ⁶Na tja kujE, tjiuri Omuna ua Mukuru, riumba pehi: orondu tjipatjangua, Eje ua rakiza ovaengeri ve komunda uoje: Nu ovo mavekutjindi momake uao, kutja nangarire moruveze rumue o ha vete ombaze joje meue.⁷Jesu uatja nai kuje, nu patjangua rukuao: kona kurorako Muhona Mukuru uoje. ⁸Omunauvi ua toora Jesu rukuao nu emu tuara kondundu onde tjinene nu emu raisireomauhonapare aehe uo mouje no ngenangeno jao, ⁹Na tja kujE, ovina mbi avihe me kupe tjiueri uisire pehi nu orikotamene kuami.¹⁰Kuzambo Jesu otjatja kuje, tuende Saatana: mokutja patjangua, mo rikotamene ku Muhona Mukuru uoje nu Eje erike arire ngu ua ungurire. ¹¹Nu omunauvi otja zapo puje nu, tara, ovaengeri veja nave mu zeuparisa.¹²Nu Jesu tja zuva kutja Johanesa uaumbua mo ndorongo, ua sekama ai ko Galilea; ¹³Eje uaza ko Nasareta, nu eje ku kara mo Karpenaum, tjitjiri po kuvare po miruko via Zebulona na Naftali¹⁴Kutja ku jenenisiue omambo inga nga hungirirue ijo muprofete Jesaja, tja tjere, ¹⁵Ehi ra Zebulona nehi ra Naftali, posi jo ndjira jo ko kuvare, hembandina ja Jordan, Garireja tjo viuana; ¹⁶Ovandu mba haamene mo ndorera va muna o ndjerera onene, nu kuimba mba haamene mekondua na mo tjizire tjo ndiro ondjerera ja jerere kombanda jauo tjimanga.¹⁷Okuza moruveze ndo Jesu ua utire okuzuvarisa a matja, tanaukireje omauvi uenu: orondu ouhona ue juru ua tumbuka.¹⁸Nu ngunda Jesu a makaenda mene ro muruko uo muronga ua Galilea, ua muna ovarumendu vevari oomuangu nerumbi, Simon nguja isaneua Petrusa rukuao, ne rumbi re Andreas, mbuja ve umbu ozombate momeva ovo tjivari ovapate vo mahundju. ¹⁹Neje uatja kuuo ndji kongorereje nu ami me mu ungura ovapate vo vandu. ²⁰Novo motjimanga va jesa ozombate zao nu ave mukongorere.²¹Nu tja kaenda okuzambo a munu oomuangu nerumbi ovakuao, James omuzandu ua Zebedias na Johanesa omuangu ue averi mo skepi puna ihe jao Zebedias, a mave tunu ozombate zao; nu Eje eve isana. ²²Motjimanga ovo otjiva esa oskepi na ihe nave mu kongorere.²³Nu Jesu ua rianga mu Galilea atjihe a mahongo mo zombongo zao rukuao a mazuvarisa ombuze jouhona ue juru, nu a mapanga omauvere uo zongaro pekepeke no mitjise vio mihingo pekepeke movandu. ²⁴No mbuze je ja handjaukire mouje auhe ua Siria: nu otjija veeta kujE avehe imba mbaverere omitjise no zombamisiro pekepeke, na imba mba havererue ijo zombepo ozombi, no vavere vo moukoto, naimba vo kuua orumbamba no viremane nejE ueve verukisa. ²⁵Neje ua kongorerua ijo vimbumba vio vandu ovengi okuza ko Galilea, nako Decapolis, nako Jerusalem, nako Judea nokuza hembandina ja Jordan.

¹Neje tja muna ouingi uo vandu, ua ronda ko ndundu, a haama pehi nu ovahongeua ve arire tji veja kujE: ²Neje ua patururire otjinjo tje neve hongo, atja, ³Ovaningandu imba mberi ovasiona mo mbepo: orondu ouao ouhona ue juru, ⁴Ovaningandu imba mbe noruhoze: orondu ovo ma vee ku huhuminua⁵Ovaningandu imba mbe risusuparisa: orondu ovo mavee ku rumata eta rehi. ⁶Ovaningandu imba mbeno ndjara no njota jousemba: orondu ovo mave munu ozondero zao ⁷Ovaningandu imba mbeno tjari: orondu ovo mave tirua otjari ⁸Ovaningandu imba ovakohoke mo mitima: orondu ovo mave munu Mukuru⁹Ovaningandu imba mbe tjita kutja pe kare ohange: orondu ovo mavee ku isaneua ovanatje va Mukuru ¹⁰Ovaningandu imba mbe hangaurua mena rousemba:orondu ouao ouhona ue juru¹¹Ovaningandu ouene, ovandu tji mave mu jamburura, nave mu hangaura nave mu korere ovizeze amave mu hungire ovina avihe ovivi mokutja ouene ovandje. ¹²Njandee nu jorokee tjinene: orondu ondjambi jenu mejuru onene: orondu otjinga ava hangaurire ovaprofete mbeja komurungu uenu.¹³Ouene o mongua uehi: nunguari omongua tji ua pandjarisa omutjato uao, mau rurisiua na tjike? Okuzambo tjandji kautjina hepero, otjao tjandji oku imbirahiua, oku ka jatua ijo vandu nozombaze. ¹⁴Ouene ondjerera jo uje: Otjihuro tji tja tungua kombanda jondundu kamaa tji horekua.¹⁵Tjingee ovandu tji ve ha jakisa erambe kuzambo averitua kehi jo tjijaha otjikoto, nunguari veri tua ko mureko uaro nu ari jerisa ondjiuo aihe. ¹⁶Mondjira otjingejo ondjerera jenu ngai jere po murungu uo vandu kutja ve mune oviungura vienu oviua nu ve hivirike Iho nguri mejuru.¹⁷Ngaa mu tjangovasi ami mbeera oku isapo oveta poo ovaprofete, Ami hi jereere oku isapo mbi nguari mbeera okuvijenenisa. ¹⁸Tjiri me raere ene, ngunda ejuru nehi avihija jandekua, kapena nangarire omatjangero omatitititi poo okauru ko kokai okatitititi ko tjitjange ku make pandjara mo veta ngatji avihe tji via jenenisiua.¹⁹Okutja kaani auhe nguma katuka ko matuako inga o matitititi inga, nu a hongo ovandu nao, eje ma isaneua omutitititi mouhona uejuru: nunguari ingui ngu meje takamisa nu a hongo ovandu nao nao ma isaneua omunene mouhona ue juru. ²⁰Orondu me raere ene, andu ousemba uenu tjiua kapita ousemba uo vatjange nOvafarasai kanaa mu hiti ko mouhona uejuru.²¹Ene muazuva kutja kuazire nai kovandu va rukuru, ko nakuzepako; nu auhe ngu ma zepa ma kara moumba uo mbanguriro: ²²Nunguari Ami metja nai kuene, auhe ngua pindikire omukuatua pamue nae no kuhina zeva ma kara moumba uo mbanguriro: nu auhe nguma hee omukuatua pamue nae kutja, Tjinauriri, ma kara moumba po murungu uo tjimbumba tjo vanene; nunguari auhe nguma tja, Jova ove, ma kara moumba uo muriro uo tjovasengua.²³Okutja ove tjiua eta otjijandjeua tjoje pe zuko ro maningiririsiro nu ngunda auri mbo ozemburuka kutja omukuatua pamue naove umue kutja u nombiri naove; ²⁴Jesa otjijandjeua tjoje pomurungu ue zuko ro maningiririsiro, u kaende u ka hangane kuena omukuatuapamue naove rutenga, nu arire tji ua kotoka okuje ku punguha otjijandjeua tjoje.²⁵Itaverasana kuena omunavita naove tjimanga ngunda a muri mondjira, tjaa omunavita ngee ku jandja ko mupangure, nu omupangure eku jandja ko muporise, nu oumbua mo ndorongo. ²⁶Tjiri metja nai kove, konoo piti nangarire mo muano umue nga tjiua sutu okamariva ko maandero²⁷Muazuva kutja kuazire, kona ku katukako orukupo: ²⁸Nunguari Ami metja nai kuene, omundu auhe ngua tara mo mukazendu ne mu sesemana, ua katuka korukupo puna je mo mutima ue.²⁹Nu eho ruoje ro kokunene tjima ri kukatukisa homona ro nu uri imbirahi: orondu tji mapengara kutja okanepo koje kemue ke pandjara po kutja orutu ruoje aruhe ru umbue mo tjovasengua. ³⁰Nu eke roje ro komanene tjimari ku putarisa konda ro nu uri imbirahi: orondu tji mapengara kutja okanepo koje kemue ke pandjara po kutja orutu ruoje aruhe ru umbue mo tjovasengua.³¹Kuazire auhe ngua ramba omukazendu ue nge mupe ombapira jo rujaro: ³²Nunguari Ami metja nai kuene, auhe ngua ramba omukazendu ue, aeheri mena ro ruvakiro, ma unduririre omukazendu ingo oku katuka ko rukupo: nu auhe nguma kupu omukazendu ngua rambua mo rukupo ma katuka korukupo.³³Rukuao muazuva kutja imba ova rukuru va tjere, kona ku jana ko posio, nunguari jenenisa imbi mbi ua jana ku Mukuru. ³⁴Nunguari Ami metja nai kuene, Amu janako kaparukaze: amu jana nejuru orondu oro tojihavero tjouhona tja Mukuru: ³⁵Poo nehi orondu oro otjihavero tjo zombaze zE: Poo na Jerusarema orondu otjo otjihuro tjo Mbara Onene.³⁶No tjiuru tjoje kona ku jana ko natjo, orondu konoo jenene oku tanaura ondjise imue okurira ombapa poo ondorozu. ³⁷Nunguari omambo uenu ngaje rire o ii poo kako: mokutja ajehe nga kapita inga tjandje majezu ko munauvi.³⁸Mua zuva kutja kuazire, eho keho, nejo kejo: ³⁹Nunguari Ami metja nai kuene, a mu pirukire the mu tumbu navi: nu auhe ngue ku tono orupiu ko tjitama itjo tjo kunene mu tanaurira itjo tjikuao uina.⁴⁰Nu omundu auhe ngue ku tuara ko veta a ma paha ombanguriro jo ku sutua no hema joje, mu pa no mbaikiha joje. ⁴¹Nu auhe ngu meku undura kutja u kaende puenae omaela imue, kaende puenae ozomaela mbari. ⁴²Jandja ku ingui ngu ma ningire kove, nu o jandja etambo ku ingui ngu ma vanga oku jazema kove.⁴³Mua zuva kutja kuazire, suvera ovararanganda uoje nu tonda omunavita naove. ⁴⁴Nunguari Ami metja nai kuene, suvereje ovanavita naene nu seree ondaja kuimba mbe mu senga, unguree ouua kuimba mbe mu njengua, nu mu kumbire imba mbemu tumba navi na imba mbe mu hangaura; ⁴⁵Kutja mu sore okurira ovanatje va Iho uenu nguri mejuru: orondu eje u tjita ejuva re kutja ri jere kombanda jo vavi no vaua, nu a rokisa ombura kombanda jo vasemba no vahasemba.⁴⁶Mokutja ene tji mamu suvere imba mbe mu suvera mama munu onadjambi ja tjike? Ovasutise vo vimariva vio uhona momahi kave tjiti nao ovo uina? ⁴⁷Nu tjimamu minike ovakuatua pamue naene uriri, tjandje mua ungura tjike okukapita Ovasutise vo vimariva vio uhona momahi? ⁴⁸Opumuaso ku rira ovapiuke tjimuna Iho uenu nguri mejuru tjeri omupiuke.

¹Takamiseje kutja amuha tjiti ovitjitua vienu vio tjari po murungu uo vandu kutja mu munikue ivo: orondu tji mua tjiti nao kanaa mu munu ondjambi okuza ku Iho nguri mejuru. ²Okutja tji mo tjiti ovitjitua vio tjari o tono ohiva po murungu uoje tjimuna ovanatjavivi tji ve tjita mozo sinagog na mo mivanda, kutja ve tangue ijo vandu. Tjiri, Ami metja nai kuene, ondjambi jao vei muna hapo aihe.³Nunguari tjimo tjiti ovitjitua vio tjari, eke roje rokumoho aritjiua kutja indo rokunene mari ungura tjike: ⁴Kutja ovitjitua vioje vio tjari vikare mohamunika: Nu Iho ngu muna mohamunika Omuini mee ku kupa ondjambi joje porutjandja.⁵Tji mamu kumbu amu tjiti otjo vanatjavivi: mokutja ovo va suvera okukumba a vakurama mo zosinagog na mo matanaukiro uo mivanda kutja ovandu ve vemune. Tjiri, Ami metja nai kuene, ondjambi jao veimuna. ⁶Nunguari ove tji mo kumbu, hita mo katuuo koje, nu tjiuazu no jezera omuvero, kumba ku iho nguri mohamunika; Nu Iho ngu muna mohamunika Omuini mee ku kupa ondjambi joje porutjandja. ⁷Nunguari tji mo kumbu, o uondjorora tjinene tjimuna ovanavisenginina: orondu ovo ve tjangovasi mave zuvakerua mena ro ku hungira tjinene.⁸Nunguari ene amu kara otjao: orondu Iho utjiua ovina avihe mbi mu hepa ngunda a mu hije Mu ningira. ⁹Nene opumuaso ku kumba mo muano mbui: Tate uetu ngu u ri mejuru, Ena roje ngari japurue. ¹⁰Ouhona uoje ngau je. Ombango joje ngai tjitue na kombanda jehi otja mejuru.¹¹Tupao mejuva indi omboroto jetu jaaruhe. ¹²Nu tu jesira ozondjo zetu, otja ete tjimatu jesire ovanandjo naete ¹³Nu otu nanene mo marorero, nunguari kutura ete kouvi: Orondu ouhona ouoje, nomasa, noujere aruhe ngaaruhe, Amen.¹⁴Orondu tjimamu jesire ovandu ozongatukiro zao: Iho mejuru Eje uina meku jesire. ¹⁵Nunguari tjiuhina ku jesira ovandu ozongatukiro zao Iho Eje uina kena kuku jesira ozongatukiro zoje.¹⁶Nu rukuao tjimue ritjaere ko vikuria a mu njingisisa omirungu vienu kondjenda tjimuna ovanatjavivi tji ve tjita: mokutja ovo ve kuhisa omirungu viao kutja ve munike ko vandu kutja veritjaere kovikuria. Tjiri, Ami metja nai kuene, ondjambi jao veimuna. ¹⁷Nunguari ene tji mueritjaere ko vikuria, rihuee omaze moviuru mu rikohee momirungu; ¹⁸Kutja a muha munika ko vandu kutja mue ritjaere ko vikuria, nunguari mu munike kuiho nguri mo hamunika: Nu Iho ngu muna mohamunika Omuini mee ku kupa ondjambi joje porutjandja.¹⁹Amuri puikire ovihuze kombanda jehi, ozohua muzeria nomureru a u zunda, no marunga muje teja nae hiti nae vaka: ²⁰Nunguari ripuikiree ovihuze mejuru, ozohua ku ze hari nomureru ku u ha zunda, nomarunga kuje ha teja a e hiti, kuje ha vaka. ²¹Orondu ingui ku kuna ovihuze vioje, omutima uoje oku u kara.²²Ondjerera jo rutu ruoje eho: okutja indie ho roje tjiriri naua, orutu ruoje aruhe maru ura ondjerera. ²³Nu nguari eho roje tji ri nouvi, orutu ruoje aruhe maru ura ondorera; okutja nu indji ondjerera ndjiri move tjija rire ondorera, ondorera ndjo tjandji itapi! ²⁴Kapena mundu nguma jenene oku ungurira ovahona vevari: orondu maso ku njengua ingo umue na suvere ingo mukuao; poo a tenge ingo umue na tengurura ingo mukuao. Kanaa mu jenene oku rira ovakarere va Mukuru no vo vimariva.²⁵Opu mezu okutja nai kuene, amu rikende no hupo jenu, kutja ma muri tjike poo ma munu tjike; poo no tutu tuenu kutja mamu zara tjike. Tjii o hupo kai na ndengu povikuria, nu orutu karu na ndengu pomuzaro are? ²⁶Taree ko zondera mo mbepo: ozo kaze kunu nu kaze teja, nu kaze uongere mo zondjiuo zo mbuiko: nunguari Iho nguri mejuru u zekora. Nu ene kamuna ndengu okuze kapita are?²⁷Nouani mokati kenu mokurikenda kue ngu ma jenene okuueza oure ue nangarire katiti? ²⁸Onguae tji mu rikenda no mituaro? Kaitji mu tara ozongara zozonjanga mokuti, kutja ze hapa vi. Ozo kaze ungura ouzeu nu kaze zengi otusepa mumue: ²⁹Nunguari metja nai kuene, nangarire Solomona moujere ue auhe kena pa huikikirue otja imue jazo.³⁰Nambano Mukuru tje zareka ehozu ro kuti pupetambo, ndi karapo ndino nu muhuka ari umbua mezuko, kamaa zareke ene okukapita nao, ouene vonangamburiro okatiti? ³¹Okutja a murikende, amutja, matu ri tjike? poo, ma tunu tjike? poo, matu zara tjike?³²Orondu ovina mbi avihe ovanavisenginina ombive paha: nu Iho mejuru utjiua kutja ovina avihe mu vi hepa. ³³Nunguari rutenga paheje ouhona ua Mukuru nousemba ue; nene ma mu uezirua imbi avihe. ³⁴Okutja amu rikende na muhuka: orondu muhuka ri no merikendero uaro orini. Ejuva arihe rino mauzeu uaro nge rijenena.

¹Amu pangura, kutja amu ha pangurua. ²Orondu mamu pangurua na indji ombanguriro ndji ma mu pangura najo: nu itji otjisanekero tji ma mu ungurisa ko vakuenu otji ma mu sanekerua natjo.³Onguae tji mo munu okarupambaro ku keri meho ro mukuenu, nu tjiu hina ku muna ombande ndjiri meho roje? ⁴Poo mo jenene okuheja vi mukuatua pamue naove kutja kurama mbiku suvire okarupambaro meho; nu tara ove a u no mbande meho. ⁵Munatjavivi ove, rutenga isamo o mbande meho roje omuini; nu kuzambo mo munu naua nu o sora oku suvira o karupambaro meho ro mukuatuapamue naove.⁶O jandja ovina ovijapuke ko zombua, poo omaue omahuze ko zombinda tjaa ngaa ze vi tondo no vikoti kuzambo a zetanauka aze mu njondorora.⁷Ningira nu matji jandjeua kove; paha nu mo munu; kongora nu mo jezururirua: ⁸Orondu auhe ngua ningire u jakura; nu ingui ngu ma paha umuna; nu ingui ngu ma kongora ma jezururirua. ⁹Poo ouani omurumendu mokati kenu tja ningirua ijo muna ue omboroto ngu mupe eue? ¹⁰Poo tja ningire ehundju me mupe onjoka are?¹¹Tjii nambano ene mbu muri ovanauvi, tji mu tjiua okujandja ovijandjeua oviua ko vanatje venu, Iho nguri mejuru kena kujandja ovina oviua tjinene kombanda jenu ku imba mbu mave ningire kuje? ¹²Okutja ovina avihe mbimuzera kutja ovandu ve vi tjite ku ene; ene uina vi tjitee kuvo: orondu indji ojo oveta no vaprofete.¹³Hitireje po muvero imbo mukuani: orondu omupaturuke omuvero nu ombaranga ondjira ndji tuara njoneno, nu ovengi mbe pitira mujo. ¹⁴Nunguari o mukuani omuvero nu okasina ondjira ndji mai tuara ko muinjo nu ovatiti mbe I muna.¹⁵Ritjevereje ko vaprofete vo tjiova, mbeja kuene mo muzaro uo zondu, nu moukoto averi o zombungu ozonjondorore. ¹⁶Ene mamu je ku ve tjivirua kovihape viao. Ovandu ve nikora omandjembere mo miti vio mauija are, poo omikuju mo minanjiva. ¹⁷Otja tjiperi omuti auhe omuua u ruka ovihape oviua; nu omuti omuvi u ruka ovihape ovivi.¹⁸Omuti omusemba kamaa u ruku ovihape ovivi nu omuti omuvi kamaa u ruku ovihape oviua ¹⁹Omuti auhe mbu hina ku ruka ovihape oviua mau kerua pehi nau umbua mo muriro. ²⁰Okutja mamu je ku ve tjivirua kovihape viao.²¹Kaje ngui auhe ngu matja ku Ami, Muhona , Muhona nguma jenene oku hita mouhona uejuru; nunguari eje ngui ngu ma tjiti ombango ja Tate nguri mejuru. ²²Ouingi ejuva ndo mau je kutja nai ku Ami, Muhona, Muhona, katu ungurire otjiporofeto mena roje? Nu katu undururire ozombepo ozombi pendje mena roje? Nu katu ungurire ovitjitua ovingi ovihimise mena roje? ²³Ami otji mee ku hongonona nai kuvo, Ami hina pu mbe mu tjivirue: virukeje pu Ami, ouene mbu mu ungura ourunde.²⁴Okutja omundu auhe ngua zuu omambo uandje inga neje tjiti, me mu saneke ko murumendu o nongo ngua tungire ondjiuo je kombanda jo ruuua: ²⁵No mbura ja rauka , omipupo avija, ovivepo avi singi nu avi rivanda no masa kombanda jo ndjiuo ndjo; nunguari ojo kai uire: orondu ja zikirue kombanda jo ruuua.²⁶Nu ingui ngua zuu omambo uandje inga ne he je tjiti, memu saneke ko murumendu ejova ngua tungire ondjiuo je kombanda jo muheke: ²⁷No mbura ja rauka , omipupo avija, ovivepo avi singi nu avi rivanda no masa kombanda jo ndjiuo ndjo; nojo ja uire: nomauiro uajo jari omanene tjinene.²⁸Nu pa kara nai kutja Jesu tja manene okuhungira omambo inga ajehe, ovandu va himisirue imbi mbija hongo, ²⁹Orondu Eje kaa hongo otjo vatjange nguari ija hongo otjo mundu a e nouvara.

¹Tja heruka okuza ko ndundu ua kongorerua ijo tjimbumba tjo vandu otjinene. ²Nu tara umue ngua verere ongana ueja neri kotomene kuje atja, Muhona tjimovanga mondji kohorora. ³Nu Jesu ua uonjonona eke re, nemu tunu, natja, Ami mevanga, ove kohoka. Nu tjimanga ongana je a I kohororua.⁴Nu Jesu uatja kuje, tjita kutja o haraere omundu otjinatji, nunguari tuende nu ukeri raise ko mupristeri, nu u kajandje otjijandjeua tji Mose tja pangurire, tji rire otjihongonone kuvo.⁵Nu Jesu tjeere mo Kapernaum, ua tjakanenenue ijo mukendurio ngue rijarikanene ombatero kuje: ⁶Amatja, Muhona omukarere uandje uaremana uri mo mara konganda nu u hihamisiua tjinene. ⁷Nu Jesu uatja ku je Ami meja nu eje ku mu verukisa.⁸Nu o mukendurio ua zira natja, Muhona, ami hina ndengu jo kutja ove u hite kehi jo mututu uandje: nunguari hungira indi embo uriri nu omukarere uandje ma verukisiua. ⁹Orondu ami ouami omurumendu ngu mbiri kehi jouvara, ngu mbina ovarue kehi jandje: nu mbi heja omurumendu ngui kutja kaende, na kaenda; nu komukuao etja indjo, neja; nu ko mukarere uandje etja, tjita nai, na tjiti. ¹⁰Nu Jesu tja zuva tji, ua kumua tjinene natja kumba mbe mu kongongorere, tjiri metja kuene, hija vaza ongamburiro onene ndji tamba, kako, na mo Isiraera.¹¹Nu metja nai kuene, ovengi ma vje kuza koutjiro na ko matokero, nu ave haama pehi puena Abraham, na Isaka na Jakova mouhona uejuru. ¹²Nu imba ovanatje vouhona ovo mave nakerua pendje mo ndorera kokure: nu ingo maku ka kara oruhoze no makueero uo majo. ¹³Nu Jesu ua tjere ko mukendurio, toora ozondjira zoje ujende; nu otja ko ngamburiro joje ngape kare nao ku ove. Nu omukarere ue ua verukisiua mo iri otjingejo ndjo.¹⁴Nu Jesu tja vaza ko ndjiuo ja Petrusa, ua muna ina jo mukaendu ua Petrusa a a rarisiua, a a vere otjindjumba. ¹⁵Neje ua tuna keke re: nu otjindjumba a tji piti muje: neje a sekama a ruku oku ve ungurira.¹⁶Nu omapeta tjije ja arire tjiva eta ovandu ovengi mba huurirue ijo zombepo zo ndorera: nu eje ua nakera ozombepo inda pendje nembo re, na verukisa avehe imba mbari ava vera: ¹⁷Kutja ku jenenisiue imbi mbia hungurirue ijo muprofete Jesaja, tja tjere, “Eje omuini ua toorere omapungarero uetu nge jetua ijo mitjise vietu vio tuaatujende na vereke omitjise vietu.”¹⁸Nu Jesu tja muna ouingi uo vimbumba mbie mu koverere, ua rakiza kutja ku kondue hembandina. ¹⁹No mutjange umue ueja natja kuje, “muhonge, ami me ku kongorere akuhe ku moi.” ²⁰Nu Jesu uatja kuje, “ozombandje zeno mina no zondera me juru zeno viruuo; nunguari ingui omuna uo mundu kena petua itjiuru.”²¹Nu umue uo vahongeua ve uatja kuje, “Muhona, kurama mbi jende mbi ka pake tate rutenga.” ²²Nunguari Jesu ua tja kuje, “ndji kongorera nu jesa ovati ve pake ovati vao.”²³Neje tja hita moskepi, ovahongeua ve vemu kongorera. ²⁴Nu tara, pa penduka otjivepo tjo mbura otjinamasa mo muronga, tji tja tjita kutja oskepi tji kutjirue ijo zo ngazona: nunguari eje tjandji ua rara. ²⁵Nu ovahongeua ve veja kuje, ave mupendura na vetja kuje, “Muhona, tu jama, matu koka.”²⁶Neje uatja nai kuvo, “mua urumisiua i tjike ouene vana ngamburiro okatiti?” Kuzambo otja sekama na kandaiza ovivepo no kuvara omaporero omanene. ²⁷No vandu mbari puena je va himua tjinene na vetja, “ingui omungendu, ngu jenena oku puratenua ijo vivepo no muronga na vi zuu kuje.”²⁸Nu tja konda hembandina kehi ra Gadara, ua uana na vevari, mba huurirue ijo zombepo o zombi a mavezu mozombongo. Ovo vari ovindandi tjinene no vandu ave ha jenene oku kaenda mo ndjira ndjo. ²⁹Nu tara, ovo va urira kombanda a mavetja, “ete tuna tjike oku ungura kuena ove Jesu, Muna ua Mukuru?” Ove ue jere nguno ok utu hihamisa ko murungu uo ruveze ruetu are?”³⁰Nu pari orupanda ruo ozombinda ozengi ndu ja zeri kokure na imba puvari. ³¹Nu ozombepo ozombi opu ze riheka kuje na zetja, tji motu nakere pendje, tu jandjera kutja tu jende tu ka hite mo rupanda ruo zombinda nduina.” ³²Nu Jesu uatja kuzo, “tuendee,” nozo tjiza pita zaka hita mo rupanda ruo zombinda: nu tara orupanda aruhe ruo zombinda otji rua tupuka no masa keo nu aru ka uira mo muronga na ru jandekua ijo meva.³³Nu imba ovaries vazo va tupuka, a ve toora ozondjira zao a vei ko tjihuro nave ka horora ovina avihe, naimbi mbia tjitua kuimba mba huurirue ijo zombepo ozombi. ³⁴Nu, tara, otjihuro atjihe tjeja oku uana na Jesu: nu tjive mu muna arire tji ve muningire kutja a pite mo miruko vio mironga viehi rao.

¹Neje ua hita moskepi, na kondo hembadina neja ko tjihuro tje omuini. ²Nu, tara, va eta kuje omurumendu umue ngua remana ngua rarisirue mo mbete: neje tja muna ongamburiro jao uatja nai ku ingui omuremane; joroka mo muinjo muatje, ove ua jesirua omauvi uoje.³Nu tara, vemue vo vatjange va tjere nai mo mitima viao, omurumendu ngui ma jamburura Mukuru. ⁴Nu Jesu ua tjivirue ouripura uao natja nai, “onguae tjima mu ripura ouvi mo mitima vienu?” ⁵Nambano opapupu o o pene, okutja ove ua jesirua omauvi uoje; poo okutja sekama nu u kaende.” ⁶Nunguari kutja mu tjiue kutja omuna uo mundu unouvara oku jesira ovandu omauvi uao kombanda jehi, (eje o o ku tja nai ku ingo muremane), sekama, toora ombete joje nu ujende kojoje.”⁷Neje ua sekama nai ko ndjiuo je. ⁸Nunguari imbui ouingiuingi uo vandu tji ua muna tji, va himua tjinene na ve hivirike Mukuru ngua jandja omasa nge tamba ko vandu. ⁹Nu Jesu tjija kapita okuzango, ua muine omurumendu ngu ja isaneua Mateusa, ngua haamene po ruveze ruo masutisiro uo vimariva vio uhona uehi: neje uatja kuje, ndji kongorera. Neje ua sekama ne mu kongorere.¹⁰Nu pa kara nai kutja Jesu tja haama pehi periro mondjiuo, peja ovasutise vo vimariva vio uhona mehi no varunde ovengi veja a veje ku haama puena je no vahongeua ve. ¹¹Nu Ovafarisei tji va muna tji vatja nai ko vahongeua ve, “onguae omuhonge uenu tji mari puena ovasutise vo vimariva vio uhona mehi no varunde?”¹²Nu Jesu tja zuva tji, eje uatja nai, “imba mberi naua kave hepa onganga nunguari I hepiua I imba mba vera. ¹³Nu tuendee mu ke rihonge kutja itji tji heja tjike, Ami mbi zera otjari nunguari hi zeri ombunguhiro: orondu ami hi jere okuisana ovasemba nunguari mbe jera okuisana ovanauvi ko ndanaukiro jo ku poka kouvi.¹⁴Kuzambo ovahongeua va Johanes veja kuje nu avetja, onguae ete no Vafarisei tji tuno kuri tjaera kovikuria potuingi, nu ovahongeua voje tji ve heri tjaere kovikuria. ¹⁵Nu Jesu uatja nai kuvo, tjii ovanatje mberi mo mukandi mave jenene okurira ngunda omukupe aeri puena vo are? Nunguari omajuva ma eja ingui omukupe tji mee ku toorua muvo, nu otji mavee ku ritjaera kovikuria.¹⁶Kapena mundu ngu rapa omutuaro omukuru ne rapi epe, orondu e rapi indi epe marije ku njondorora omutuaro imbui o mukuru, nu omataukiro uapo majee ku rira omavi komeho.¹⁷Nu uina ovandu ka ve tua omavinu omape mo zondjatu zo mikova ozonguru: orondu omavinu omape maje pamuna inda ozondjatu zo mikova, nu omavinu ajetika, nozondjatu a ze zundara: nunguari vetua omavinu omape mo zondjatu zo mikova ozombe navivari a vi takamsiua.¹⁸Neje ngunda a mahungire omambo nga kuvo, tara, omunane umue ueja kuje, e rikotamene kuje natja, omusuko uandje uatu nainai; nambano ove indjo uje ku mu jambeka eke neje ma hupisiua. ¹⁹Nu Jesu ua sekama nemu kongorere, ovahongeua ve uina ve mu kongorera.²⁰Nu, tara, omukazendu ngua verere oruandara ozombura omurongo na mbari, ueja kombunda je na tunu kotjikoro tjo mbanda je kehi: ²¹Orondu eje tje riheere nai muje omuini, indi tjimba tunu kombanda je uriri ami me verukisiua. ²²Nu Jesu omuini ua tanauka nu tje mu munu atja, joroka mo muinjo: ongamburiro joje je ku verukisa. Nu omukazendu ngo ua verukisiua mo iri ndjo.²³Nu Jesu tja hita mo ndjiuo jo munane, ua muna ovaimbure no vandu a mave kuenene, ²⁴Neje uatja nai kuvo, tu pee oruveze: orondu omusukona ka tire nunguari ua rara. Novo arire tji ve mujoro no manjengu.²⁵Nunguari ovandu tji vaza no ku pitisiua pendje, eje ua hita, emukambura keke, neje a sekama. ²⁶Nu ombuze ndji ja pita nai handjauka mehi ndo arihe.²⁷Nu Jesu tja kaenda okuzambo, ovarumendu ve vari ovapotu ve mukungkorera ama ve ravaere ama vetja, tutjariparera ove Muna ua David. ²⁸Neje tjaza no kuhita mondjiuo ovarumendu imbo vapotu veja kuje: nu Jesu uatja kuvo, ma mu itavere kutja me jenene oku ungura otjina tji? Novo vatja kuje, ii Muhona.²⁹Neje arire tja tunu ko meho uao natja, ngape kare kuene otja ko ngamburiro jenu. ³⁰No meho uao ja patururua; nu Jesu eve rakiza nomasa, atja, tjitee kutja ape haningi nguma tjiua otjina tji. ³¹Nunguari ovo, tjivazu noku jenda, vaka handjaura ondangu je mehi ndo arihe.³²Nu imba tji ja ve piti, tara, varue va jetere kuje omurumendu omboro ngua huurirue ijo mbepo ombi. ³³Nu ombepo ombi tjijaza no ku nakerua pendje omundu ingui omboro arire tja hungire, nu ouingiuingi uo vandu mbari mbo ave kumua, na vetja, itji katjija rora oku kara po mo Isiraera. ³⁴Nunguari imba Ovafarisei va tjere, u ramba ozombepo ozombi no kavara ko zombepo ozombi.³⁵Nu Jesu ua riangere mo vihuro viao avihe na mozonganda zao azehe, ama hongo mo zo Sinagoge zao, ama zuvarisa ombuze jouhona, a mapanga omauvere uo zongaro pekepeke no mitjise vio mihingo pekepeke movandu. ³⁶Nunguari tja muna ouingiuingi uo vandu, eje u eve tira otjari orondu ova vaurirue, nu va pizukire no kuti akuhe tjimuna ozondu nde hina murise.³⁷Kuzambo eje uatja nai ko vahongeua ve, ovinikorua tjiri ovingi nunguari ovaungure ovahena; ³⁸Kumbee nguari ko Muhona uo manikorero, a hinde ovaungure mo vinikorua vie.

¹Neje tjaza no ku isanena kuje ovahongeua imbo murongo na vevari, Eje ue vepa omasa kombando zombepo ozohakohoke, okuze nakera pendje, no ku panga omauvere uo zongaro pekepeke no mitjise vio mihingo pekepeke.²Nambano mana uo vaapostele imbo murongo na vevari ouonga; omutenga o Simona ngu isaneua Petrusa na Andreas erumbi re; Jamesa omuatje ua Zebedia na Johanesa omuangu ue; ³Filipa na Batolomeas; Tomasa na Mateusa ingo mu sutise uo vimariva vio uhona mehi; Jamesa omuatje ua Alfeusa, na Lebausa uo fano ja Tadeusa; ⁴Simona ua Kanana na Judas Iskariota ngue mu randisa.⁵Jesu ua hinda imba omurongo na vevari ne ve rakiza, atja, a mu tuara ondjira jo vanavisenginina nu amu hiti movihuro vio Vasamaria: ⁶Nunguari tuendee kozondu nda pandjara zo ndjiuo ja Isiraera. ⁷Nu otja tji ma mui, ka zuvarisee, ama mutja, ouhona uejuru ue ja popezu.⁸Verukiseje ovavere, kohororeje ovana mitjise omitirise vio mukova, pendureje ovati, nakereje pendje ozombepo ozombi: mua peuo tjari nu ka jandjeje otjari. ⁹Amu toora otjigoldo, poo o silveri, poo ongoporo mo vikoma vienu, ¹⁰Poo ondjatu jo ujenda, poo ozondjasa mbari poo ozongaku poo ozonguinja: orondu omuungure auhe tja po ku peua ombaruriro je.¹¹Nu motjihuro atjihe poo otjirongo atjihe mu mua hiti, pahee mutjo omunandengu, nu mu kare poje ngatji mamu kumuka. ¹²Nu tji mamu hiti mondjiuo i minikee. ¹³Nu ondjiuo ndjo tji iri onandengu ohange jenu nga ije kombanda jajo: nu tji iheri onandengu ohange jenu ngai kotoke kuene.¹⁴Nu kaaniauhe tje hina ku mu jakura poo ku zuva omambo uenu, ene tji mamu piti mondjiuo ndjo poo mo tjihuro tjo, pukumuneje ko zombaze zenu. ¹⁵Tjiri metja nai kuene, mapee ku ngara tjinene kehi ra Sondoma na Gomora me juva ro mbanguriro, oku kapita ko tjihuro tjo.¹⁶Tareje, me muhindi pendje otjozondu mokati ko zombungu: okutja opu muaso kurira ozonongo otjo zonjoka, na murire ovapore otjo zonguti. ¹⁷Nunguari ritjevereje kovandu: orondu ovo mave mu tuara po murungu uo vimbumba vio vanane nave mu renge ozongora mo zo sinagoge. ¹⁸Nu mamu tuarerua Ami po murungu uo vanane no zombara, kutja mu rire otjizemburukisiro kuvo na ko vanavisenginina¹⁹Nunguari tji mua tuarua amu rikende kutja mamu ka hungira vi poo tjike: orondu ma mu je ku peua mo iri otjingejo ndjo itji tji muaso ku hungira. ²⁰Orondu ka uene mbu ma mu hungire, nunguari Ombepo ja Iho ngu ma hungire muene.²¹Nu oomuangu ne rumba mavee ku tuarasana kondiro, no ihe ma tuara omuatje ue: no vanatje mavee ku pirukira ovakuate vao, nave tjiti kutja ve zepiue. ²²Nu mamu je ku njengiua ijo vandu avehe mena rena randje: nunguari ingui ngua takama nga ko maandero, eje ma jamua. ²³Nu tji ve mu hangaura mo tjihuro tji taurireje ku tjarue: tjiri metja nai kuene, ngunda amu hija tupuka mo vihuro via Isiraera avihe tjandje Omuna ua mundu tjandje ua kotoka.²⁴Omuhongeua keri komando muhonge ue, poo omukarere kombanda jo muhona ue. ²⁵Opo pajenena kutja omuhongeua a kare otjo muhonge ue, no mukarere a kare otjo muhona ue. Nambano tji va isana ombara jo ndjiuo Beelzebuba, mavee ku isana imbo vo ndjiuo je vi oku kapita mba.²⁶Nunguari amu ve tira ko: orondu kapena tjimue tja imbi mbia vandekua tjitji hina ku vandururua: na tjitja horekua tjitji hina ku tjiukisiua. ²⁷Atjihe tji mbe mu raerera mo ndorera ene ka hungiree mo ndjerera: nu tjiua zuu no kutui ka zuvariseje kombando mitutu vio zondjiuo.²⁸Amu tira ko imba mbe zepa orutu nunguari mbe he peuru okuzepa omuinjo: nunguari tireje ingui ngu jenena kuzepa orutu no muinjo motjovasengua. ²⁹Ozondjandja mbari kaze randua ko kapeni kemue are? Nu kapena nangarire imue jazo ndji mai uire pehi pendje na mo mbango ja Iho. ³⁰Nunguari nainda ozondjise zenu mo viuru za varua azehe. ³¹Okutja opu mu hasere okutira orondu ene muno ndengu oku kapita ozondjandja.³²Kaaniauhe ngu mendji hongonona po murungu uovandu, Ami uina me mu hongonona po murungu ua Tate nguri mejuru. ³³Nunguari kaaniauhe ngu mendji patina po murungu uovandu, Ami uina me mu patina po murungu ua Tate nguri mejuru.³⁴Ngaa mu tjangovasi Ami mbe jera oku jeta ohange mehi: Ami hi jere okujeta ohange, nunguari engaruvio. ³⁵Orondu Ami mbe jera oku jeta oku hina nduvasaneno pokati ko muna na ihe, pokati ko musuko na ina, na pokati ko mukazendu na ina jo murumendu ue. ³⁶Nu ovanavita no mundu ma rire imba ovo ndjiuo je omuini.³⁷Ingui ngu ma suvere ihe poo ina oku ndji kapita ka puiririrue ijAmi: nu ingui ngu ma suvere omuna ue poo omusuko ue oku kapita Ami ka puiririrue ijAmi. ³⁸Nu ingui ngu hina ku toora otjikoroise tje na kongorere Ami, ka puiririrue ijAmi. ³⁹Ingui ngua munu omuinjo ue me u pandjarisa nunguari ingui ngua pandjarisire Ami omuinjo ue, eje me umunu.⁴⁰Ingui ngue mu jakura ue Ndji jakura, nu ingui ngue Ndji jakura ua jakura ingui ngue Ndji hinda. ⁴¹Ingui ngua jakura omuprofete mena ro kutja omuprofete ma jakura ondjambi jo muprofete; nu ingui ngua jakura omundu o musemba mena rokutja omundu omusemba ma jakura ondjambi jo mundu omusemba⁴²Nu kaaniauhe ngua jandja ekopi ro meja omatarazu ku umue ua imbui outiti imbui e mu pere mena ro kutja omuhongeua uriri, tjiri me tja nai ku ene, eje kena muano mbu maa pandjarerua ijo tjisuta tje.

¹Nu pa kara nai kutja, Jesu tjaza no ku mana oku rakiza ova-hongeua ve imba omurongo na vevari,ua kumuka imbo oku ka honga noku zuvarisa mo vihuro viao. ²Nambano Johanesa tja zuva aeri mondorongo oviungura via kriste,eje ua tuma vevari vo vahongeua ve, ³Natja ku Je,Tjii oove ngu ua sere okuja poo ngatu undje uarue?⁴Jesu ua zira natja kuvo,tuendee nu mukaraere Johanesa ovina imbi mbi mamu zuu na imbi mbi mamu munu: ⁵Ovapotu mave munu,oviremane vio pehi mavi kaenda,ovana mitjise omitirise vio mikova ma ve kohororua,nu no zomboro maze zuu,ovati mave pendurua,no vasiona mave zuvarisirua ombuze ombua. ⁶Nu Omuningandu ingui,kaaniauhe ngu hina ku ivaiva mena randje.⁷Novo tjaa ve sekama okujaruka,Jesu ua uta okutja nai komunda ua Johanesa ku imbui ouingiuingi uo vandu,ija mu ka paha oku muna tjike tjija mui mo kuti ongaango? Oruu ndu maru singua ijo mbepo? ⁸Nunguari mua ire oku ka muna tjike? Omurumendu ngua zara omituaro omitarazu?Taree imba mbe zara omituaro omituaro omitarazu veri mozondjiuo zovahona.⁹Nunguari mua ire oku ka muna tjike? O muprofete? Ii,metja nai kuene,nu tjiri oku kapita omuprofete. ¹⁰Orondu ingui onua heerue tji pa tjangerue nai,tara,Ami me hindi omuhindua uandje po murungu uoje nguma ka tuna ondjira joje ko murungu uoje.¹¹Tjiri metja nai kuene, muimba mba kuatua ovakazendu kapena umue ngua karere po ngua kapitire Johanesa omupapitise: nu nan-garire tji peri nai ingui omuhinandengu puvo avehe mouhona ue juru ue mu kapita. ¹²Nu okuza ko majuva ua Johanesa omupapitise ngaku nai,ouhona uejuru u hihamisiua ko tjomasa,nu ovanamasa mave u toora komasa.¹³Orondu ovaprofete no veta va profetere nga ko ruveza rua Joha-nesa. ¹⁴Nu tji mamu zeri okujakura tji,ingui eje Eria ngua sere okuja. ¹⁵Ingui nguno matui okuzuva,nga zuve.¹⁶Nunguari ondekurona ndji hi isaneke ku tjike? Iri tjimuna ovanatje ava haama mo marandisiro,nu a mave ravaere ko vakuao, ¹⁷A mavetja,tue mu tonena oviha na muha pundu;tue mu hongo-nonena omutambo na muha riri.¹⁸Orondu Johanesa keere a e ria poo a e nua,ne vetja u nombepo ombi. ¹⁹Omuna uo mundu ueje a e ria na e nua nu,mavetja,taree,ouru-mendu ngu ria tjinene,omunue uo mavinu,epanga ro vasutise vo vimariva vio uhona mehi no rovarunde.Nu ounongo mau kenga-misiua ijo vanatje vao.²⁰Neje ua uta oku tamba ovihuro imbi oviungura vie ovinamasa muvia tjitiririrue,orondu ovio kavi ri vererere omauvio navije ta-naukire: ²¹Ouee kove Korasin! Ouee kove Betsaida! Orondu ovingura ovina-masa mbia tjitua muene andaku via tjitirue mo Tiras na Sidon an-daku vie riverera omauvi uavio na vije tenaukire rukuru momakutu na momutue. ²²Nunguari metja kuene,mapee ku ngara tjinene kehi ra Tiras na Sidon me juva ro mbanguriro,oku kapita kuene.²³Nove Kapernaum ngu ua tongomisiua nga kejuru,mo kotorua kehi ko tjovasengua: Orondu ovingura ovinamasa mbia tjitua muene andaku via tjitirue mo Sondoma andaku tja kara ko nga ke-juva ndino ndi. ²⁴Nunguari metja kove,kutja mapee ku ngara tjinene kehi ra Son-doma me juva ro mbanguriro,oku kapita kove.²⁵Mo ruveze nduo Jesu ua zirire natja:Me tja okuhepa kove,ari-kana Tate,omuhona uejuru nehi,orondu ove tji ua horekere ovina mbi ko zonongo no vanazondunge.nu tji ue vihorora ko unatje. ²⁶Peri nao Tate orondu ove ua zera kutja pe kare nao po murungu uoje. ²⁷Ovina avihe via jandjeua kuAmi i Tate: nu kapena mundu ngut-jiua Omuna pendje na Tate; tjingee tji pehina omundu umue ngu tjiua ingui Ihe,pendje nOmuna,na ingui auhe Omuna ngua vanga oku mu raisa kuje.²⁸Indjeje kuami amuhe mbu mu ungura ouzeu nu mbu mua tjinda ouzeu,name me mupe osuviro. ²⁹Ritoorereje omutenge uandje,nu mu rihonge muAmi,orondu Ami ouami omurisusuparise uo mutima omutarazu:nene ma mu munu orusuvo kominjo vienu. ³⁰Orondu omutenge uandje omupupu no mutuaro uandje omupupu.

¹Moruveze nduo Jesu ua kaendere mokati ko vikunino vio vikokotua mesabata;imba ovahongeua ve va tiro ndjara,noho otji va jaruka oku pora ozondjatu zo vikikitua na veri. ²Nunguari Ovafarisa va muna tji nave tja kuje,tara,ovahongeua voje ma ve tjiti otjina tjitja zerikua oku tjitua mesabata.³Neje uatja nai kuvo,ene mua resa itji David tja tjitire,eje tja tiro ndjara pamue na imba mbari puena vo are; ⁴Kutja ua hita vi mo ndjiuo ja Mukuru,tja karia omboroto jo masaisiro,ndjari ondere kuje naimba mbari puenae, ndja puiririre okuriua ijo vapristeri uriri?⁵Poo kamu ja resa mo veta,kutja mo majuva uesapana ovapristeri mbe ungura mondemberi ve katuka ko matuako uesapata nave ha tura ondjo? ⁶Nu metja nai kuene,pono mba pena umue ngua kapita ondemberi.⁷Nunguari andaku mua tjivirue kutja itji tji heja tjike,Ami mbi zera otjari,kazombunguhiro kako,andaku kamu pangurire ovehinandjo. ⁸Orondu Omuna uo mundu omuhona uesapata uina.⁹Neje tja sekama mbo, ua kaenda a kahita mosinagoge jao: ¹⁰Nu tara muari no murumendu umue nga uonjene eke.Novo ve mu purire,avetja,tjii oko kuua otja koveta oku verukisa mo majuva uesapata? orondu tjija ve vanga oku mu vara omunandjo.¹¹Neje uatja nai kuvo,ouani omundu ngu ma hara mokati kenu aeno ndu imue,nu tjija uire motjitoto mesapata ehe i kambura nei jerere pendje. ¹²Nu nambano odengu jo mundu kai kapitire ojondu tjinene are? Mezeva ndi okutja okokuua otja ko veta oku ungura ousemba mo majuva uesapata.¹³Kuzambo eje otja tja nai ku ingui omurumendu,uonjonona eke roje.Neje a uonjonona ro,noro ari jaruruako arihe,tjimuna indi ekuao. ¹⁴Nu Ovafarisei va pita pendje nave ka uana oku muripurira kutja mave mu zepa vi?¹⁵Nunguari Jesu tja tjiua tji,eje ua zapo mbo: nu ouingiuingi a u mu kongorere,neje eve verukisa avehe; ¹⁶Neve rakiza nomasa kutja ave mu horora: ¹⁷Kutja ku jenenisiue itji tjitja hungirirue ijo muprofete Jesaja,tja tjere,¹⁸Tareje omukarere uandje ngu mba toorora,omusuverua uandje omuinjo uandje mu ua joroka katjootjiri: Metua ombepo jandje kombanda je,neje ma raisa ombanguriro ko vanavisenginina.¹⁹Kanaa pose nu kanaa ravaere,nu kapena mundu ngu ma zuu eraka re mo zondjira. ²⁰No ruu ndua tukara eje kamaa teja,ongoze je rambe ndji mai tuimisa omuise eje kanaa zemisa,nga tja eta ombanguriro jousemba ko ndoneno. ²¹No vanavisenginina mavee ku kara no ngamburiro mena re.²²Kuzambo otjikua etua umue kuje ngua huurirue ijo mbepo ombi, omupotu no nu ngua pata eraka,neje ue mu verukisa kutja ingui o mupotu ngua seta eraka arire tja hungire nu amune. ²³Nu ovandu avehe va himinue nu ave pura kutja,ingui kaje omuna ua David are?²⁴Nunguari imba Ovafarisei tji va zuva itji,ovo vatja,omurumendu ngui u ungurisa Belzebub omunane uo zo mbepo ozombi oku pitisa ozombepo ozombi mo vandu. ²⁵Nu Jesu tja tjivirue ouripura uao ua tjere kuvo,ouhona auhe mbu mau rihana ouini mau jetua ko njoneno; nu otjihuro poo ondjiuo aihe ndji mai rihana kujo oini kanaa i zikama:²⁶Nu satan tjima nakere satan pendje ue rihana kuje omuini; nu nao ouhona ue mau jenene oku zikama vi? ²⁷Ami tji mbi ungurisa Belzebub oku nakera ozombepo ozombi pendje, ovanatje venu veze naka na une? Okutja ovo ombu mave rire ova pangure venu.²⁸Nunguari tji mbi nakera ozombepo ozombi pendje no Mbepo ja Mukuru, indino ouhona ua Mukuru ueja kuene. ²⁹Poo omundu ma jenene vi oku hita mondjiuo jo munamasa na pundu omituaro vie,the ha tengere po ku pandeka ingui omunamasa na rire tja sora oku punda ondjiuo je? ³⁰Ingui ngu heri puna ami omunavita na ami,nu ingui ngu hina ku uonga puena ami, ma rimbi pendje.³¹Ojimetja nai kuene,omauvi no majambururiro ajehe maje jenene oku jesirua ovandu,nunguari omajambururiro ngu maje jamburura Ombepo Ondjapuke kanaa jesirua ovandu. ³²Nu kaaniauhe ngua hungire emboe hazendu komuna uo mundu,ma jesirua ro:nunguari kaaniauhe ngua hungire embo e hazendu ko Mbepo Ondjapuke kanaa jesirua ro,kutja omouje mbui poo mu imbui mbu mauja.³³Ipevari,ungura omuti omuua,no vihape viao oviua,poo ungura omuti omuvi no vihape viao ovivi,orondu omuti u tjiukirua ko tjihape tjao. ³⁴Ouene ndekurona jo zonjoka,mamu jenene vi oku hungira omambo omaua ene amuri ovarunde? ³⁵Omundu omuua u pitisa pendje ovina okuza mo mbuikiro jo vihuze mo mutima ue:nu omundu omuvi u pitisa pendje ovina ovirunde okuza mo mbuikiro jourunde mo mutima ue.³⁶Nu metja nai kuene,embo arihe romungandjo ovandu ndi va hungire,mavee ku ziririra ro mejuva ro mbanguriro. ³⁷Orondu mo mambo uoje moje ku varua otjo muhinandjo,nu mo mambo uoje moje ku varua omunandjo.³⁸Kuzambo vemue vo vatjange Novafarisei va zirire,na vetja,muhonge matu zeri oku muna otjisanekero okuza move. ³⁹Neje ua zira natja kuvo,ondekurona jo urunde no ruvakiro mau paha otjisanekero: nu kapena tjisanekero tjimatji jandjeua kuuo pendje jo tjisanekero tjo muprofete Jona. ⁴⁰Orondu otja Jona tja kara omajuva jetatu no mautuku jetatu mezumo ro tjihundju otjinene; Omuna uo mundu opu ma kara omajuva jetatu no mautuku jetatu mo mutima uehi.⁴¹Ovandu va Ninive mavee ku sekama puena ondekurona ndjii mo mbanguriro na vei munondjo: orondu ovo vere vera nave tanaukire omauvi uao mena ro mazuvarisiro ua Jona; nu tareje, imba pena ngua kapita Jona.⁴²Oserekaze ombara ja Sheba mai je ku sekama puena ondekurona ndji mo mbanguriro nai i munondjo: orondu ojo ja zire ko maandero uehi okuje ku zuva ounongo ua Solomona; nu tareje,imba pena ngua kapita Solomona.⁴³Ombepo o hakohoke tjija piti mo mundu,i kaenda ai tuurunga otuveze tu tua kukuta,amai paha omasuviro,nai hejemunu. ⁴⁴Nu ojo otjiitja,me jaruka ko ndjiuo jandje mu mba pitire; nu ojo tji jeja, otjimai ivaza a iri tjo,aja kombua nu aja mbimbirua. ⁴⁵Indino ojo otji ijenda,nai keri jeterera ozombepo hambombari ndei kapita kourunde,nu aze hiti,nu aze tura mbo: nu ongaro jo mundu ingo indjo jo maandero ai rire ombi pu indjo ndenga,otja itjo otji makuje ku tjitua ko ndekurona orunde ndji.⁴⁶Eje ngunda a mahungire kueno vandu,tara,ina no vangu ve va kuramene pendje ama ve zeri oku hungira kuena e. ⁴⁷Nu umue uatja nai kuje,tara, njoko no vangu voje va kurama pendje mave zeri oku hungira kuena ove.⁴⁸Neje ua zira nu atja nai ku ingui ngue mu raera,Mama ouani? Nu ovangu vandje o ouani? ⁴⁹Neje ua uonjononena okuuoko kue ko vahongeua ve natja,tara,mama no vangu vandje. ⁵⁰Orundu kaaniauhe ngu ma ungura ombango ja Tate nguri mejuru,inguo eje omuangu uandje,omutenakuandje na mama.

¹Mejuva ndo Jesu ua pita mo ndjiuo naka haama po posijo uo muronga. ²Nu otjimbumba tjo vandu ovengi ua uongarera kuje,neje a hiti mo kaaha a haama,nu otjimbumba tjo vandu a tja kuruma mene ro muronga.³Nu Jesu a hungire ovina ovingi no visanekero,natja tareje,omukune ua pitire okuka kuna; ⁴Nu eje tjija kunu ozondui tjiva za uira mene ro ndjira,no zondera zeja nu e ze zeri: ⁵Tjiva za uira mo maue,Puzehari nehi nda jenene:nu ozo za pita tjimanga mokutja ka pari nehi ekoto: ⁶Ejuva tji raza no ku ronda arire tji za pji, nu mokutja kazari no muze aze kukuta.⁷Nu tjiva za uira mokati ko makuija,no makuija tjija hapa a jeze sina. ⁸Nunguari zemue za uira mehi eua,nu aze jeta ovihapa,tjiva omirongo hamboumue,tjiva omirongo vitatu, ⁹Nguna omatui okuzuva ngazuve.¹⁰Nu ovahongeua veja nu avetja kuje,onguae tji u hungira kuena vo no visasanekero? ¹¹Neje ua zira natja kuvo, mokutja pa jandjeua kuene okutjiua oviundikua vio uhuna uejuru,nunguari kuvo kape jandjerue. ¹²Orondu kaaniauhe nguno tjina,eje ma peua,nu akara novena ovingi oku tanana:nu ingui ngu hina tjina,na itji tje natjo matji toorua muje.¹³Pumbizo ku hungira kuena vo no visasanekero o mokutja,ovo a mavetara kave munu,a mave puratene kave zuu nu kave pangununa. ¹⁴Nu muvo mu jenenisiua otjiprofeto tja Jesaja,tji tjitja, ingui oku zuva mamu zuu nu ka muna ku pangununa, nu okumuna ma mu munu nu kamuna ku kondonona.¹⁵Orondu o mitima vio vandu imba via nuna,nu omatui uao ja rira omangundi okuzuva,nu omeho uao ja patua,kutja apeha ningi kutja mo ruveze rumue ve mune no meho uao poo ve zuve no matui uao nu ve pangunune no mitima viao nu ve tanaurue kutja Ami mbi ve verukise.¹⁶Nunguari omaningandu omeho uenu orondu je muna:no matui uenu orondu je zuva. ¹⁷Tjiri metja nai kuene,kutja ovaprofete ovengi no varumendu ovasemba ovengi va zerire okumuna ovina mbi mbimumuna; no ku zuva ovina mbi mbimuzuva,nu kave vi zuvire.¹⁸Nambano zuvee otjisasanekero tjo mukune. ¹⁹Omundu auhe tja zuu indi embo rouhona nu ehe ri pangununa naua, a peja ingui omunauvi,na hakana tji tjari atja kunua mo mutima ue.Ingui ngua jakura ondui mene rondjira.²⁰Tji tja kunua mehi ro maue, omundu ngu mazuu embo,nu tjimanga a jakura ro no ndjoroka. ²¹Nunguari a e hina muze muje omuini,eje otje Takama oka ruveze okasupi,nu ombamisiro po okohangaurua tji kueja mena rembo eje u putara mo tjimanga.²²Tji tja kunua mokati ko makuija ;ingui omundu ngu zuva embo;nu omerikendero uo vipukise, vio tutumbo to uje atu sina indi embo;a ha jeta ovihape. ²³Nu ondui ndji ndja kunua mehi eua, itji omundu ngu zuva embo na pangununa ro,nu rukuao ngu jeta otjihape,tjiva esere,tjiva omirongo hamboumue,tjiva omirongo vitatu.²⁴Jesu eve pa otjisasanekero otjikuao natja,ouhona uejuru mau sasanekua ko murumendu ngua kuna ondui ombua mo tjikunino tje: ²⁵Nunguari ngunda ava rara,omunavita nae tjeja na kunu ozondombora mokati ko vikokotua vie,nai ²⁶Nu imbio vikunua tjivia zu no ku pita jeta ovihape, inda ozondombora za munika uina.²⁷Nu imba ovakarere vo munionganda veja nu a vetja kuje,munene,tjii ove ko kunine ondui ombua mo tjikunino tjoje? inda ozondombora,ma zire pi? ²⁸Eje uatja kuvo,omunavita ongua tjiti itji.Ovakarere va tja nai ku je,ete ngatu jende tu ka tukura uonge?²⁹nunguari eje uatja,kako,tjaa rumue tji mamu uongo inda ozondombora ngaa mu putura omiti vio vikokotua muena zo. ³⁰Viesee vi hape pamue nga ko makondero: nu moruveze ruo teero ami mee kutja nai kovakonde,uongeree kumue inda ozondombora rutenga nu ze kutee kumue mo mikuta kutja ze huikue: nu uongereje ovikokotua mo viruuona viandje vio mbuikiro.³¹Eje ue pa otji sasanekero otjikuao,natja,ohuna uejuru ua sana kondui jomumosteri ndja toorua ijomundu,nu a kunu jo motjikunino tje: ³²Ojo ndjiri okatitititi mo zondui azehe,nu ojo tjije kuru,I kapita ovihape a vihe nua irire omuti,nu ozondera zo mo mbepo zeja naze tura mo vitavi viauo.³³Ueve serekarera otjisasanekero otjikuao,Ouhona uejuru uasana ko surise, omukaendu ndja toora na uaneke mo ruhere ruo zomboroto ruozolita omirongo vivari na mbari nga tjirua suru aruhe.³⁴Jesu ua hungirire ovina mbi avihe ko uingiuingui uo vandu no visanekero:nu no kuhina tjisasanekero eje kaa hugire kuena vo. ³⁵kutja ku jenenisiue itjintji tja hungirirue ijo muprofete,tja tjere,me paturura otjinjo tjandje no visasanekero,me hungire ovina mbia undikirue okuza ko mbutiro jouje.³⁶Jesu kuzambo ua isa ouingiuingi uo vandu nu ahiti mondjiuo:nu ovahongeua ve veja kuje nu avetja,tumangururira otjisanekero itjo tjo zondombora mo tjikunino. ³⁷Eje ua zira nu atja nai,ingui ngua kuna ondua ombua Omuna uo mundu; ³⁸Ojikunino ouje,ondui ombua ovanatje vo uhona; nu indo zondombora ovanatje va ingui Omurunde; ³⁹Omunavita ngue ze kuna Omunauvi; omakondero omajandero uouje; nu ovakonde ovaengeri.⁴⁰Nu otja inda ozondombora tji maze uongua nu aze huikua mo muriro,otji mapee ku kara ko maandero uouje mbui. ⁴¹Omuna uo mundu mee ku hinda ovaengeri ve, nu mavee ku uongera pendje ovina avihe ovijaukise,na imba mbe tjita ourunde. ⁴²Nu mave umbua me zuko ro muriro:nu ingo maku ka kara omauriro no makueero uomajo. ⁴³Nu imba ovasemba otji mavee ku kenakena otje juva mouhona ua Ihe jao. Ngunomatui nga zuve.⁴⁴Ouhona uejuru u asana ko tjihuze tji tja horekua motjikunino,Omundu ue tjivaza na horeke,nu mo ndjoroka a kaenda,a karandisa ovina avihe mbienavio, na randa otjikunino tjo. ⁴⁵Rukuao,ouhona uejuru ua sana ko mundu ngu randa no ku randisa,ngu ja paha omaue omahuze: ⁴⁶Nu tjamuna rimue ena ndengu jo tjimariva tjohaveha,ngua ire na karandisa avihe mbia ri navio n aka randa ro.⁴⁷Rukuao,ouhona uejuru uasana ko mbate jo mahundju,ndja umbiruemo muronga,nai uongo omahundju uo zo ndungiro azehe: ⁴⁸Ojo tji jaza nokuura,ovo vei nanena komukuro,nave haama pehi,nave uongere inga omasemba mo vitjuma nu inga omavi ave nakere kuarue.⁴⁹Nu mapee ku kara nao komaandero uouje:ovaengeri maveja nave hana ovarunde movasemba, ⁵⁰Nu mave umbua me zuko ro muriro: nu ingo maku ka kara omauriro no makueero uomajo.⁵¹Nu Jesu uatja nai kuvo,ene mua pangununa ovina mbi avihe? Novo vatja nai kuje ii Muhona. ⁵²Neje otja tja nai kuvo,okutja omutjange auhe ngua hongua imbio vio uhona uejuru,uri otjo munionganda,ngu ma pitisa mo vihuze vie ovina ovipe novikuru. ⁵³Nu pa kara nai kutja,Jesu tjaza no ku mana ovisasanekero mbi, ua kumuka ponambo,⁵⁴Nu tjeja kehi re omuini a hongo mozo sinagoge jao,nu ave himua tjinene na vetja,omurumendu ngui ua isapi ounongo noviungura ovinamasa mbi? ⁵⁵Ingui ka muna uo muhonge uo miti are? Ina ka isaneua Maria? Ovamuangu ve kao Jamesa,na Joses,na Simona na Judas are? ⁵⁶Imba ovatenakue kaveri mokati ketu avehe are? Nu nambano omundu ngui ua isapi ovina mbi avihe?⁵⁷Novo arire tji va pindikisiua ije.Nunguari Jesu uatja nai kuvo,omuprofete kena pona peha munu ondengero andu mehi re omuini na mo ndjiuo je omuini. ⁵⁸Nu aha tjiti ovihumise ovingi ingo mena ro ku hina ngamburiro kuao.

¹Ingui omutetraka,ua zuva ombuze ohunga na Jesu. ²Natja ko vakarere,ingui o Johanesa omupapitise:ua penduka mo tjovakoke:nu nambano omasa nga ongu maje ungura muje.³Orondu Herota ua kamburire Johanesa, e mu umba motjo mbanguriro,mena ra Herodias,omukazendu ua Philip omuangu ue. ⁴Orondu Johanesa ua tjere nai kuje, oku kara punaje otjo mukazendu uoje. ⁵Herota ua vanga oku muzepa,nunguari ua tira ouingi uo vandu mbu ja u mu vara otjo muprofete.⁶Nunguari me juva ro nguatero ja Herota,omusuko ua Herodias ua pundire po murungu uao nu a jorokisa Herota. ⁷Eje opaza oku mu kuizikira no rujano kutja me mupe ojina otjihe tja ningire. Neje tjaza no popua I ina, uatja ndipa mbenomba otjiuru tja Johanesa omupapitise mo tjijaha.⁸Neje tjaza nopopua I ina,uatja ndjipa mbenomba otjiuru tja Johanesa omupapitise mo tjijaha. ⁹Nu Ombara a pindikisiua tjinene ijo maningiriro nga; nunguari mena ro rujano rue,na imba mba haamene puena e periro,A pangura iho tji tji tjitue.¹⁰Neje ua hinda a ka konda otjiuru tja Johanesa Motjo mbanguriro. ¹¹No tjiuru tje tja jetua mo tjijaha natji jandjua ko musuko ngui: neje e tjijeta ku ina. ¹²No vahongeua ve veja na ve toora orutu,ave ka paka ro,navei ave ka raera Jesu.¹³Nu Jesu tja zuva tji, ua kumuka po ruveze nduo mo Kaaha nai mo kuti ongaango peke,no vandu tjivaza noku zuva ve mu kongorera ko zombaze okuza ko vihuro. ¹⁴Nu Jesu tja pita ua muna otjimbumba otjinene tjo vandu eve tire tjari na verukisa ovavere vao.¹⁵Nu omapeta tjije ja ovahongeua ve veja kuje navetja,ingui okuti ongaango ne juva ra toko;piza otjimbumba tji, kutja ve jende mo virongo ve ke rirandere ovikuria.¹⁶Nu Jesu uatja ani kuvo,kave na ku hepa okujenda, vepee tjimaveri. ¹⁷Novo vatja nai kuje, ete tuno zomboroto ndano no mahundju jevari mba. ¹⁸Jesu a tja, eteje mbio kuami.¹⁹Nu Jesu a pangura otjimbumba tjo vandu, oku haama pehi mehozu, na toora indo zomboroto ndano no nda no mahundju jevari na tara kejuru na sere ondaja kuvio,na kojora na jandja inda ozomboroto ndano no nda no mahundju jevari, na tara kejuru na sere ondaja kuvio,na kojora na jandja inda ozomboroto kovahongeua ve,novahoneua ave jandja ko uingiuingi uo vandu. ²⁰Navehe varia nave kuta; nu va toora imbui outekero mbua hupire na u urisa ovihanda omurongo na vivari. ²¹Nu imba mba ria vari ovarumendu ngeri omajovi jetano pendje jo vakaendu no vanatje.²²Nu tjimanga Jesu ua rakizire ovahongeua ve kutja ve ronde mo skepi, kutja ve konde hembandina ko murungu ue,eje ngunda ama piza ouingiuingi uovandu. ²³Neje tjaza noku piza ovandu eje ua ronda ko ndundu peke oku ka kumba:nu omuihi tji ueja tjandje uringo peke. ²⁴Nunguari itji okaaha moruveze ndui tjandje tjiri pokati ko muronga, am tji umbua ijo jo zongazona munda na munda:orondu ombepo ija i singi ohunga navo.²⁵Me njunguhuka uoutuku ingo jetjaine,ueje kuvo,ama uondjo kombando muronga. ²⁶Nu ovahongeua tji ve mumuna ama kaenda kombando muronga,va urumine navetja,otjiruru,novo ave uru orondu tjiva urumine. ²⁷Jesu ua hungira kuna vo natja, vandipanee; ouami; amu uruma.²⁸Nu Petrusa ue mu zira natja,Muhona, tjeri ove, ndji isana okuja kove momeja. ²⁹Jesu a tja, indjo, Nu Petrusa ua heruka moskepi na kaenda momeja,okujenda ku Jesu. ³⁰Nunguari tja muna otjivepo otjinamasa eje uaaruka okutira,neje tja uta oku tomaina eje ua ravaera atja,Muhona,ndjijama.³¹Jesu tjimanga a uonjonona eke re,a kambura Petrusa, natja kuje, oove munangamburiro okatiti ua ivaivire tjike? ³²Nu Jesu na Petrusa tjiva zu no ku hita mo Kaaha ombepo arire tjija u pehi. ³³Nu ovahongeua ve mbari mo kaaha, ave rikotamene kuje,ama vetja, tjiri oove Omuna ua Mukuru.³⁴Nu tjiva konda hembandina veja mehi ra Genesareta. ³⁵No vandu vo tjirongo tjo tjiva zemburuka kutja Jesu,arire tjiva hindi ovandu mehi rao arihe no ngondoroka,nave jeta kuje avehe mbari nomitjise; ³⁶Nave muningire kutja eve jandjere oku tuna kotjikoro tjo mbanda je kehi: navehe mba tunine jova verukisiua.

¹Novafarasai no vatjange veja ka Jesu o Kuza ku Jerusarema avetja, ²Onguae ovahongeua voje tji ve katuka ombazu jo vanene? Orondu ovo kaveri koho omake oua tjima veri. ³Eje ua zire natja nai kuvo,onguae tji mu katuka ko matuako ua Mukuru mena ro mbazu jenu?⁴Orondu Mukuro uatja,jozika iho na njoko:nu agua sengi ihe poo ina nga te. ⁵Nunguari ene mutja,kaaniauhe ngua hee ihe poo ina kutja,otjina tjitje mu vatera natjo otjijandjeua ku Mukuru; ⁶Omundu ngo kena ku hepa o ku jozika Ihe,munao mua tjiti embo ra Mukuru omungadjo. Omakaruhungi omasemba jene mbo ra Mukuru,nu jaruee omakahungi jeno matuako,Ouzeu o ku tuka imbi mbiri vio mina ro zo mbazu zenu.⁷Vanatjavivi uene Jesaja ua profetere komunda uenu tja tjere, ⁸Ovandu vendji jozika no mina viuo;nunguari omutima vio viri ko kure naami. ⁹Nunguari omerikotameno uao kuami omungandjo orondu ovo ve honga omutuako uo vandu tjimuna omahongero nguma jezu Kuami.¹⁰Neje ua isana otjimbumba kuje natja kuo,puratinee nu mu pangunune: ¹¹kapena tji tji hita mo tjinjo a tji zunda omuinjo:Nunguani tji ma tji piti mo tjinjo otjitji zunda omundu.¹²Kuzambo ovahongeua ve otjiveja na tja nai ku Jesu,mo tjiua kutja Ovafarisei va pindike tji vazu no ku zuva omambo nga? ¹³Jesu a ziri natja,otjihape atjihe tji tji ha kuninue i Tate mejuru, ma tji puturua. ¹⁴Veseje ve kare: ovo vapotu vo vapotu.Nu omupotu tjima nana omupotu,avejevari mave urire motjitoto.¹⁵Nu Pertusa ua hungira natja ku Jesu, tu mangururira otjisasanekero tji. ¹⁶Jesu atja, ene uina kamuja pangununa? ¹⁷Kamuna ku tjiua kutja a tji ka pita pendje mo karuo.¹⁸Nunguari ovina mbi mbi pita motjinjo viza moukoto mo mutima; novio vitunda omundu. ¹⁹Orondu mo mutima omu muza ouripura uouvi,uo kuzepa,uo ku katuka orukupo, uoruvakiro,uo ruvakiro, uo kuvaka,uovizeze,uo ku jamburura Mukuru: ²⁰Imbi oovina mbi tunda omundu:nunguari okuria no make nge ha koherue kaku tunda omu²¹Kuzambo Jesu ua kumuka mbo na rire tjai ko miruko via Tirasa na Sidona. ²²Nu tara,Omukaendu uo mo kanana ueja a mazu ko rukondua ndo,na ravaire natja,ndji tjanparera muna ua Davida omusukona uandje ua hitua na uangaurua ijo zo Demone. ²³Jesu ke muzirire embo,Ovahongeua ve veja nave mu ningire,na vetja,muramba a kaende, orundu tji ende ame tu ravaere.²⁴Jesu ua zira natja, huhindirue ku kaani pendje,ko zondu nda pandjara zo ndjiuo ja Israela. ²⁵Neje ueja ne rikotamene kuje amatja,Muhona,ndji vatera. ²⁶Nunguari Eje ua zira,natja,kako kuua oku toora omboroto jo vanatje nooku i umbira ozombona.²⁷Neje uatja, ouatjiri Muhona: nunguari nainda ozombona zerio outetero mbu ma ure peru kotjitihe tjo muini. ²⁸Nu Jesu otje muzira natja, tjiri mukazendu,ongamburiro joje enene:ngape tjitue kove otja imba pumo zeri.Nu omusuko ue ua verurua moiri otjingejo.²⁹Nu Jesu uaza ngo nai kuta komuronga ua Galilea,na rondo ko ndundu na ka haama pehi ngo. ³⁰ No tjimbumba ovinene avija kuje,ave jeta ovaremane,ovapotu,ozomboro,ozondjahe,novakuao ovengi nave vetua pozombaze za jesu,neje arire tje ve verukisa: ³¹No imbio vimbumba ave himua tjinene tji mave munu ozomboro tji maze hungire,ozondjahe tjimaze veruka,ovaremane tji mave kaenda,novapotu tji mave munu;nave hivirike Mukuru ua Isiraera.³²Kazambo Jesu ua isana ovahongeua ve natja, meto tjari no Otjimbumba tjo vandu mba,orondu va kara puena Ami omajuva jetatu nu kavena tjima veri: nu hinee ve jarura ave nondjara tjaa ngaa ve seukire mondjira. ³³no vahongeua ve vatja nai kuje,matu isapi omboroto mo ngaango ndji mai jenene oku risa ouingiuingi uo vandu mbe tamba? ³⁴Nu Jesu uatja nai kuvo,Muno zomboroto ngapi? Novo vatja, hambombari, no uhundju outiti mbu hina ndengu. ³⁵Neje ua pangura kutja otjimbumba tjo vandu ngau haame pehi.³⁶Neje ua toora ozomboroto ndo hambombari no mahundju,a janda ondangi,eze kojara neze kojora neze jandja ko vahongeua ve novo ave ze jandja Ovimbumba vio vandu. ³⁷Navehe averi nve kuta: Nu va uonga outekatekero mbua hupire nu au urisa ovimbamba humbombari. ³⁸Nu imba mba ria vari ovarumendu omajovi jane pendje jo vakaendu no vanatje. ³⁹Nu Jesu ua piza ovimbumba na hiti mo mo kaaha,nai ko rukondua rua Magadara.

¹Ovafarisei no Vasadukai veere, nave muroro nu ko mu pura kutja ngeve raisire otjisanekero tji matji zu kejuru. ²Neje ua zira natja nai kuvo, tji kuarire omapeta mutja, maku kara noutjiro ouua orondu ejuru tjira seraere.³Nu momuhuka mutja, ndinondi ma ku tji navi, orondu ejuru tjira seraere nu tjira sivi. Vanatjavivi uene mamu jenene oku pangununa ombunikiro je juru; nu mamu urua ijoku pangununa ovisanekero vio tuveze? ⁴Ondekurona jo urunde no ruvakiro mai paha otjisanekero: nu kapena tjisanekero tjimatji jandjeua kujo pendje jo tjisanekero tjo muprofete Jona. Neje Jesu arire tje vesa na kaenda.⁵Novahongeua ve tjiva konda hembandina va zemba oku tuaerera omboroto. ⁶Kuzambo Jesu otjatja nai kuvo, takamiseje nu ritjevereje ko surise jovafarisei no Vasadukai. ⁷Novo ve ripurire mokati kavo oveni amavetja, omokutja ka tu toorere omboroto. ⁸Jesu tja tjiua kutja mave ripura nai, Eje uatja nai kuvo, ouene, vanangamburiro katiti, onguae tji mamu ripura mokati kenu kutja, omokutja kamu jetererere omboroto.⁹Ngunda ka muja pangununa, poo ka muna ku zemburuka ozomboroto ndano indo zo majovi jetano, nokutja mua toora ovihanda vingapi? ¹⁰Poo zomboroto hambombari indo zo majovi jane, nokutja mua toora ovihanda vingapi?¹¹Onguae tji mu hina ku pangununa kutja hi mbari ame hunguire komundo mboroto tjimbatja takamiseje nu ritjevereje ko surise jo Vafarisei no Vasadukai? ¹²Nu ovo otjiva pangununa kee ve heje kutja ngave takamise osurise jo ruhere ro mboroto, nunguari ija heje omahongero uo Vafarisei no Vasadukai.¹³Nu Jesu tjeja ko miruko via Cesaria Filipi ua purire ovahongeua ve natja, ovandu vetja Ami Omuna uo mundu ouamiani? ¹⁴Novo avetja, tjiva vetja oove Johanesa Omupapitise: tjiva, Erija; tjiva, Jeremija, poo umue uo vaprofete. ¹⁵Neje uatja kuvo, ene mutja ouamiani? ¹⁶Nu Simon Petrusa ua zira natja, oove Kriste Omuna ua Mukuru ngu hupa.¹⁷Nu Jesu ua zira natja kuje, oove omuningandu Simona, muna ua Johanesa, orondu ombindu no njama kai vandururire tji kove, nunguari o Tate nguri mejuru. ¹⁸Nu metja nai kove, oove Petrusa, nu kombande ue ndi me tungu o kereka jandje, nu omivero vio tjovasengua kanaa je i taara ko.¹⁹Nu mekupe ovipaturure vio uhona uejuru: nu atjihe tji ua pandeke kombanda jehi matji pandekua no mejuru: nu atjihe tji mua pandura kombanda jehi matji pandurua no mejuru. ²⁰Neje ua rakiza ovahongeua ve kutja ave raere ko mundu kutja eje o Jesu ingui Kriste.²¹Okuza mo ruveze indo okujenda ko murungu Jesu ua utire oku raisira ovahongeua ve kutja eje ua sere oku jenda ko Jerusarema, na ka hihamisiua tjinene ijo vanene, no vapristeri ovanene, no vatjange, na ka zepiua, na pendurua rukuao mejuva oritjatatu. ²²Nu Petrusa ue mu toora nautu oku mu posa amatja, itji ngatji kare kokure naove Muhona, itji kanaa tji tjitua kove. ²³Neje Jesu ua tanauka natja kuje, konda kongotue jandje satan: oove otji putarise kuami: orondu ouripura uoje kauri movina imbi mbiri ovia Mukuru, nunguari uri muimbio vio vandu.²⁴Kuzambo Jesu uatja nai kovahongeua ve, omundu auhe nguma vanga oku ja kombunda jandje, ngeri patane omuini na tore otjikoroise tje, nendji kongorere. ²⁵Orondu auhe ngua jama omuinjo ue meu pandjarisa: nu auhe ngua pandjarisire Ami omuinjo ue indino me umunu. ²⁶Orondu omundu ma kotokerua itjike, tja huura ouje auhe na pandjarisa omuinjo ue? Poo omundu ma jenene oku jandja tjike poruveze ro muinjo ue?²⁷Orondu Omuna uo mundu meja moujere ua Ihe no vaengeri ve, nu a sutu omundu auhe otja ko viungura vie. ²⁸Tjiri metja nai kuene, pena vemue mba kurama imba mbe hina ku rora ondiro, nga tjimave munu Omuna uo mundu ameja mouhona ue.

¹Kombundo majuva hamboumue Jesu ua toora Petrusa, Jamesa na Johanesa, omuangu ue, neve tuara kombando ndundu onde, mourike uao. ²Neje ua tanaurua ombunikiro po murungu uao: nu omurungu ue au kenakena otja ejuva, nu omituaro vie avi jepaere otja ondjerera.³Nu tareje pamunika kuvo Mose na Erija amave hungire kuena e.kuvo Mose na Erija amave hungire kuena e. ⁴Nu Petrusa ua zira natja nai ku Jesu, Muhona oko kuua kutja ete turi mba: tji mo vanga itja ngatu ungure ozondanda ndatu, imue irire ojoje, imui irire oja Mose nu imue irire oja Erija.⁵Ngunda ama hungire, tara, otjikamba otjijere tje ja kombanda jao: nu tara, eraka raza motjikamba amaritja, ingui Omuna uandje omusuverua mumbi joroka katjootjiri, ene zuvee kuje. ⁶Novahongeua tji veri zuva ovo vauo ndurumika, orondu va urumine tjinene. ⁷Nu Jesu ueja, eve tunu natja, jeurukee nu amu uruma. ⁸Novo tjiva jera omeho uao, kave muine omundu uarue, pendje na Jesu uriri.⁹Nu ovo tjija ve heruka ko ndundu, Jesu ueve rakiza amatja, amu Serekarere ombunikisiro ndji komundu nangarire umue, nga Omuna uomundu tja penduka movakoke. ¹⁰Nu ovahongeua ave mu pura kutja, nu onguae ovatjange tji vetja Erija ua so kuja rutenga?¹¹Nu Jesu ua zira nu atja nai kuvo, ouatjiri Erija uaso kuja rutenga, ouatjiri Erija uaso kuja rutenga nu a jarurapo ovina avihe. ¹²Nunguari metja nai kuene, kutja Erija ueja hapo nu ovo kave mu tjivirue, nu va tjita kuje imbi avehe mbija ve vanga. Mondjira otjingejo Omuna uomundu otji mee ku hihamisiua ivo. ¹³Nu ovahongeua va pangununa kutja ma hungire kuena vo komunda ua Johanesa ingo mu papitise.¹⁴Novo tji veja ko mbunga, peja omurumendu umue kuje, a vete ozongoro mehi po murungu ue, natja, ¹⁵Muhona, tjariparera omuna uandje, orondu ua vera oviuoze nu otje hangaurua tjinene.Otuveze otuingi u uira mo muriro poo mo momeva. ¹⁶Nu mbemu jeta ko vahongeua voje nu kave peurire oku mu verukisa.¹⁷Jesu ua zira nu atja, Ouene ndekurona ohinangamburiro nu ndja puka me kara puena ene ngapi? Me mukarere nomuretima ngapi? Mu jeteje nguno kuami. ¹⁸Jesu ua kandaiza ombepo ombi, nu ojo ai piti muje: nu omuatje ua verukisiua okuza mo iri ndjo.¹⁹Kuzambo ovahongeua veja ku Jesu kotjikoro, nave mu pura kutja, onguae ete tji tua urua ijo ku i nakera pendje? ²⁰Jesu atja nai kuvo, omena ro ngamburiro uenu o nditi.Orondu tjiri metja nai kuene, tjiuno ngamburiro ndjita pondui jo mosteri mo heje ondundu ndji kutja zukuka mba ujende ko ruveze nduina, nu ai zapo; no kapena tji tji hina ku urika kove. ²¹Nunguari indo zo ngaro ndji kazepiti pendje nongumbiro nomeritjaerero ko vikuria.²²Novo ngunda ava handura mu Galilea, Jesu uatja nai kovahongeua ve, ''Omuna uomundu mee ku jandjeua onjondui momake uovandu, ²³Nu mavee ku Mu zepa,nu mejuva oritjatatu a pendurua rukuao.'' Imba ovahongeua ve arire tji kara no mihihamuatima tjinene.²⁴Nu tji veja ko Kapermaum, Ovarumendu imba ovauonge vo tjimariva tjouhona mehi veja ku Petrusa nave mu pura kutja, ''tjii omuhonge uoje ka sutu otjimariva tjouhona?'' ²⁵Eje uatja ''ii.'' Nunguari Petrusa tjeja kondjiuo,Jesu e mu tengere po okuhungira natja, ''Ove mo munu ko vi Simona? Ozombara zo kombandehi ze sutisa une otjimariva tjo murando poo otjimariva tjouhona mehi?Koza kovanatje vazo poo ovandu varue?''²⁶Petrusa uatja nai kuje, katjiri ovandu varue. Jesu opa tjera nai kuje, okutja ovanatje ovo va kutuka.²⁷Nunguari kutja ete atu he ve pindikisa, tuende ko muronga uka umbe ombate, nu u tore ehundju indi etenga ndiua pata; nove tjiua paturura otjinjo tjaro, mo munu mo otjimariva: toora tjo nu ke jandjere ami naove kuvo.

¹Nu moruveze kueja ovahongeua ku Jesu ama vetja, nguri omunenene mouhona uejuru ouani? ²Nu Jesu ua isanena okanatje okatiti kuje, nu eke tua pokati kao, ³Natja kuvo, tjiri metja nai kuene, andu tji mua tanaurua nu amu kara otjo unatje outiti, kanaa mu hiti mouhona uejuru.⁴Auhe nguma jenene okurisusuparisa oku teka po kanatje nga, ingo eje omunenenene mouhona uejuru. ⁵Nu auhe nguma jakura okanatje okatiti ku keri nao mena randje, ma jakura Ami. ⁶Nu auhe ngu ma putarisa kemue kaimbui outiti mbui mbui mbua kambura mu Ami, itja pe ngara tjinene kuje tja kutua ongoua onene mosengo, na tomuinisiua mourekoto uo muronga.⁷Ouee kouje mena ro viputarise! Nunguari pena ohepero jo kutja ovi putarise vi kare po; nunguari ouee komundu ngu ma jeta otjiputarise. ⁸Nu eke roje poo ombaze joje tjima vi ku putarisa, konda vio nu uvi imbirahi: orondu ma pe ngara oku hita mo muinjo auri otjiremane poo auhina vinepo tjiva koku umbua mo muriro uaaruhe aunomake jevari nozombaze mbari.⁹Nu eho roje tji mari ku putarisa,homona nu u imbirahi ro,orondu mape ngara kove oku hita mo muinjo neho rimue poku umbua mo muriro uo tjovasengua auno meho jevari.¹⁰Takamiseje kutja amu ha njengura kemue ka imbui outiti imbui.Orondu metja nai kuene, kutja ovaengeri vao mejuru ve tara omurungu ua Tate nguri mejuru aruhe. ¹¹Orondu Omuna uomundu ueera oku jama imbi mbia pandjara.¹²Ma mu munu ko vi? Omundu tjena ozondu esere, nu imue ai pandjara, eje kena ku jesa inda omirongo muviu na muviu na hiti mozondundu oku ka paha indjindja pandjara. ¹³Nu tjei munu, tjiri me tja nai kuene, eje ma jorokere ondu indjo okukapita inda omirongo muviu na muviu nde ha pandjarere. ¹⁴mo muano imbo, ka mbango ja Iho nguri mejuru kutja kemue ka imui outiti mbui ke pandjare.¹⁵Omotena uee tje ku katukire, kaende uke mu raire ongatukiro je kotjikoro amuri mu vevari uriri, nu tje ku puratene, tjandje ua munu omukuatuapamu naove. ¹⁶Nunguari tje heku puratenene,isana umue poo vevari kutja motjinjo tjo zohatoi mbari poo ndatu embo arihe ri zikamisiue.¹⁷Nu tja panda oku puratena vo uina, tuara otjina tji ko kereka.Nunguari tja panda oku puratena no kereka ove ruka oku muvara aajo omundu uo zonganda poo omusutise uo tjimariva tjouhona mehi.¹⁸Tjiri metja nai kuene, atjihe tjimamu pandeke kombanda jehi na mejuru matji pandekua; nu atjihe tjimamu pandura kombanda jehi na mejuru matji pandurua ¹⁹Rukuao, metja nai kuene, kutja vevari venu tji vaitaverasana ohunga notjina atjihe tji mave ningire, ovo mave ungurirua tjo i Tate uandje nguri mejuru. ²⁰Orondu vevari poo vetatu pu va uoronganene mena randje, Ami tjandje mbi ri mbo mokati kao.²¹Kuzambo Petrusa otjeja na atja ko Jesu, ''Muhona, omutena uandje uaso ku ndji katukira po tungapi ami ngunda ame mu jesire? Po tu hambombari poo?'' ²²Jesu uatja kuje, ''Ami hinee ko raere potuhambombari,nunguari povikando omirongo hambombari potuhambombari.²³Okutja ouhona uejuru opu mau sanekerua ko mbara ndja pahere kutja ova karere vajo ve zirire ozondjo zao. ²⁴Nu tja uta oku ve varura, pa etua umue nguari nondjo jo zotelenda omajovi omurongo. ²⁵Nunguari otja the hari notjina oku suta natjo, ombara ja pangura kutja eje nga randisiue, no mukaendu ue , no vanatje ve novina vie avihe, kutja i mune otjisuta.²⁶Nu omukarere ngui ueri uisira pehi nu e rikotamene kombara amatja, 'Muhona,ndji karera no muretima, mee ku sutu ovina avihe. ²⁷Nu omuhona uo mukarere ngui, otje mu tira ondjenda, e mukutura nu emu jesire ondjo je aihe.²⁸Nu omukarere otjingeje ngui tja pita pendje otja muna omukarere omukuao ngua ri nondjo je jo zondinari esere. Atuako make ue kuje, emu pukaura ko sengo, natja, 'ndji suta ondjo ndji ua kambura ku ami.' ²⁹Nu omukarere ingui omukuao ingui ue riuisa po murungu ue nu eriheke kuje amatja, ndji karera no muretima, mee ku sutu ovina avihe.³⁰Nu omukarere o motenga ka vangere nu otja ja nu ekemutua mondorongo, ngatja sutu ondjo je aihe. ³¹Nu ovakarere ovakuao tjiva muna itji tji tja tjitua, va hihamua tjinene momitima viao nu ave ka raera omuhona uao otjina itji tji tja tjitua.³²Nu omuhona ue tjaza no ku muisana uatja nai kuje, mukarere ove ourunde, mbe ku jesire ondjo joje aihe mokutja ove ua zeri nao: ³³Onguae ove tjiuha tjariparerere omukarere omukuenu tjimuna ami tji mbe ku tjariparerere?³⁴Omuhona ue ua pindikire tjinene nu emu jandja kova tatumise, ngatja sutu ondjo je aihe. ³⁵Mo muano otjingeuo Tate uandje nguri mejuru otjima tjiti ku ene, tjimu hina ku jesira okuza mo mitima vienu, auhe ko mukuao ozongatukiro ze.

¹Nu pa kara kutja Jesu tja manene oku hungira omambo nga, ua za mu Galilea ko rukondua ma Jutea hembandina jo ndondu Jorotana. ²Ovimbumba vie mu kongorera,nu a e vi verukisere mbo.³Ovafarise veere kuje,a mave mu roro ave tja,Kuje,"Tjii hapo pe ri otja ko veta omorumendu oku isa omukazendu ue,mo mazeva kaani?'' ⁴Jesu ue vezira na tja,''ka mu resere kutja ingui ngue vemema,ko mbutiro,ue vemema averi omurumendu no mukazendu?''⁵Ngue ve mema noho va tjere,mezeva indi,omurumendu opu maisa ihe na ina nua tizasana kuno mokazendu ue,nu avejevari mave rire onjama imue. ⁶Mu nao kave tjiri vevari nunguari onjama imue;Puma Pehee kutja itji tjitja uanekua i Mukuru ape ningi umue ngu metji hana.⁷Na vetja kuje," No , nguae Mose tje tu heere tjaomurumendu nga tu jandje ombapira jo ku isa orukupo tjana urire tji ue mu jarura?'' ⁸Neje ua tja kuvo,"Mose ue mu jandjera mena ro mekukututima o ku isa ovakazendu venu:nu kombutiro kapari nao. ⁹Metja nai kuene,Kaani ngua isa omukazendu ue pendje ne zeva ro ku katuka orukupo,na kupu uarue,ma katuka orukupo uina,nu omukazendu ngu ma kupu omukazendu ngu ri nao, uaina ngua iso rukupo,ua katuka uina.¹⁰Ovahongeua vatja ku Jesu, Nu nderi oongaro ndji jo murumendu ndji jaso ko kara kuna omukazendu,nanguari ka ko kuua o ku kupa. ¹¹Posija Jesu ua tja kuvo,ka ngamua omundu o ku jakura omaheja nga, nunguari o ku mba peua uo. ¹²Mo kutja pena ouhona mbu kuatua,a pekara na mbu ungurua ijo vandu,nu noho a pe kara na imbui ovandu mbu ve rizika oveni kutja otjiungura tja Muhona tji njomoke.Nu ku kaani ngu majakura omahongero nga,nga jakure.¹³Tjana otji kuaetua ounatje outiti tjiua kuje kutja e u jambeke omake no ku kumba;nu ovahongeua ave ve kandaiza. ¹⁴Nu Jesu ua tjere,Jandjeree ounatje o utiti,nu amu tjaere,orondu ouhonna uejuru oua imba mberi otjauo. ¹⁵Ue ujamberekere omake narire tjai.¹⁶Nu tara pari omurumendu ngueere ku Jesu,ngua pura a tja; Muhonge,otjikuae otjina otjiua tji mbaso ku tjita kutja mbi mune omuinjo uaaruhe? ¹⁷Jesu ua tjere kuje,onguae tjimo ndji mo ndji pura kutja o tjikuae otjiua?Tjimue uriri otjiua,Nu tji movanga oku hita mo hupo takamisa omatuako.¹⁸Omurumendu uatja nai kuje,jene? Jesu ua tjere,ko nakuzepa ko,ko nakukatuka ko orukupo,ko nakuvaka ko,ko nakujandja ko ouhatoi uo vizeze, ¹⁹Jozika iho na njoko: nu u mo suvere omuraranganda uoje tjimuna tji ue risuvera.²⁰Nu omurumendu ingui omutanda uatja kuje,ovina imbi avihe mbevi takamisa: nu ngunda me hepa tjike? ²¹Jesu atja nae kuje,tjimo veri oku rira omusore omumanisa,tuende u ka radise ovina aihe mbi u navio nu u jandje kovasiona nu mo kara no tjihuze mejuru:tjana uje nu undji kongore re. ²²Nu ingui omurumendu omutanda tja zuvire auihe Jesu,arire tja kaenda noruhoze orondu tja tumbire.²³Jesu ua tjere nai kovahongeua ve,tjiri metja nai kuene,opopazeu omutumbe oku hita mouhona uejeru. ²⁴Rukuao metja nai kuene,opapupu kongamero okuhita mondovi jonane po murumendu omutumbe okuhita mouhona ua Mukuru.²⁵Novahongeua ve tjiva zuva itji va kumua tjinene,navetja,ouani nguma jenene oku jamua? ²⁶Jesu ua tarere ku vo,natja nai,kovandu itji kanaa itji kanaa tji urika,nunguari ku Mukuru ovina avihe viurika. ²⁷Tjana Petrusa ua zira natja kuje,tara,ete tua isa ovina avihe natu ku kongorere;nu matu je ku kara na tjike?²⁸Jesu ua tjere nai kuvo,tjiri metja nai kuene,kutja,ene imba mbu mue ndji kongorera,ma muje ku haama kovihavero viouhona omurongo na vivari oku pangura omihoko omurongo na vivari via Isiraera,oruveze orupe,Omuna uo mundu tja haama kotjitorone tje tjouhona tjoujere.²⁹Kaani ngua Isa omatundu, ovakuatuapamuenae, ihe,ina, ovanatje,poo omahi mena randje,ma jakura potumasere okukapita nu a rumata omuinjo uaaruhe. ³⁰Nunguari ovengi mberi ovatenga mave jarura ovaseinina;nu ovaseinina averire ovatenga.

¹Orondu ouhona uejuru uri otja omuine uehi ngue ritupuka oku kuta ovaungure oku ka ungura motjikunino tje tjo muvite. ²Nu tjaza noku zuvasana kuena ovaungure oku vesuta otji silveri tjimue mejuva, Eve hindi ko tjikunino tje tjo muvete.³Ua pita rukuao mo ire oitjatatu,ua muna ovakuao ava kurama ave hina tji maveungura mo ruveze ro marandisiro. ⁴Nu kuvo,ua tjere,ene uina tuendee ko tjikunino tjo mivite,nu me mupe atjihe tji tjiri otjisemba.Nu ovo a ve kaungura.⁵Nu uapita rukuao mo ire oitja hamboumue no itja muviu naka tjita otjinge tjo. ⁶Nu mo ire oitja murongo na imue,eje ua pita,nu aka vaza tjiva ovakuao ave hina tjimave ungura,natja kuvo,onguae tjimua uhuara ejuva arihe a mua kurama mba uriri amuhina tji mamu ungura? ⁷Novo vatjere kuje,orondu kapena mundu ngue tu kutu.Neje uatja nai kuvo,tuendee ene uina ko tjikunino tjo muvite.⁸Nu ongurova tjija tumbuka omuhona uo tjikunino tjo muvite ariretja tja nai ko tjiuru tjo vaungure ve,isana ovaungure nu vepe otjisuta tjao, okuuta kuimbo vomaandero ngaku imbo vatenga. ⁹Nu tjive ja imba mba kutua mo ire oitja murongo na imue va jakura auhe otjisilveri tje. ¹⁰Nu imba ovatenga tjiveja,va tjongouasi kutja ovo meveje ku jakura ovingi oku kapita mba;nu ovo uina va jakura omundu auhe otjisilveri.¹¹Nu tjivazu no kutji jakura ave unaunine omuni uo,tjikunino. ¹²Va tjere imbo vo maandero imba va ungura otjiungura tjo ire imue uriri,nu u eve tekisa puena ete mbu tua uhuara ama tu ungura omutenja auhe amatu vaurua ijo mutenja.¹³Neje ua zira umue uavo natja nai,panga,hina ndjo ndji mbe ku tjiti;ove ko itaverasanene kuena ami otjisilveri? ¹⁴Toora itji tji tjiri otjoje u tore ondjira joje:Mbe ritoororere ku jandja kuimbo vomaandero imba tjimuna kuene.¹⁵Tjii oveta ka ijandjere kutja ami mbi tjite pu me vanga no vina viandje?Eho roje erunde mokutja ouami omusemba? ¹⁶Okutja ovaseinina mave rire ovatenga novatenga ovaseinina:orondu ovengi va isaneua nunguari ovatiti mba toororua.¹⁷Nu Jesu tjaai ko Jerusalem, ua toorera ovahongeua imba omurongo navevari kotjikoro mondjira, nu atja nai kuvo, ¹⁸Taree, matuii ko Jerusalem; nu Omuna uo mundu ma ka randisiua ko vapristeri ovanene, na ko vatjange nu mavee kumu pangurira ondiro, ¹⁹Nave mujandja kovanavisenginina oku mujamburura, nokumutona nokumuzepa: nu mejuva oritjatatu eje ma penduka rukuao.²⁰Kuzambo ina jo vanatje va Zededias otjeja kuje pueno vazandu ve, am ve rikotamene kuje nu ama ve zeri otjina tjimue muje. ²¹Jesu uatja kuje, mo zeri tjike? Uatjere kuje, tjita kutja ovanatje vandje vazandu imbo vazandu vevari imba, ve haame umue ko kunene kuoje, umue ko kumoho kuoje mouhona uoje.²²Nunguari Jesu ua zirere natja, ka muna kutjiua tji mamu ningire. Ene mamu jenene oku nua ke kopi ndi menuko? Novo vatja kuje, matu jenene. ²³Neje uatjere kuvo, ene tjiri mamu nu ke kopi randje nu ingui oku haama ko Kunene kuandje na ko kumoho kuandje ka kuandje okujandja, nunguari maku je ku jandjeua kuimba mba tuninua ko i Tate.²⁴Nu imba ovahongeua omurongo tji va zuva tji arire tjiva pindikire imba ovakuatuapamue vevari imba.²⁵Nu Jesu u eve isanena kuje natja, mamu tjiua kutja ovanane voviuana ve vi honoparera nave kara nouvara tjinene kombanda javio ²⁶Nunguari kapeso ku kara nao mokati kenu: nunguari auhe nguma rire omunene mokati kenu nga rire omukarere uenu; ²⁷Nu auhe nguma zeri okurira omutenga mokati kenu, nga rire omukarere uenu: ²⁸Otja ingui Omuna uo mundu tje hereere oku je ku ungurirua nunguari okuje ku ungurira, noku jandja ohupo je otjo mbunguhiro okujama ovandu ovengi.²⁹Novo tji va pita okuza mu Jeriko ombunga jo vandu je mu kongorerere. ³⁰Pari ovarumendu vevari ovapotu mba haamene mene ro ndjira, tjiva zuva kutja Jesu ma kapita, va ravaerere, ama vetja, tjariparera ete arikana Muhona, Muna ua David. ³¹Nu indjo mbunga jo vandu je ve kandaiza aitja ngave riporinde: nunguari ovo otjiva ravaerera kombanda oku kapita ama vetja, tjariparera ete ariana Muhona, Muna ua David.³²Nu Jesu ua kuramene aha njinganjinga, neve isana, atja, mamu vanga kutja mbi mu tjitire tjike? ³³Novo vatja nai kuje, Muhona kutja omeho uetu je paturuke. ³⁴Nu Jesu ueve tira ondjenda, nu atunu komeho uao: nu tjimanga omeho uao ae jaruka oku muna nu ave mu kongorere.

¹Jesu no vahongeua ve tjive ja popezu na Jerusalem na ve ja ko Bethphage, ko ndundu jo mininga, Jesu ua hinda ovahongeua ve vevari, ²Nu atja nai kuvo, tuendee ko tjiuana tjo komurungu uenu, nu tjimanga mamu ka muna okasino kuka kutua mbo nu okasinona akeri puena ko.U kuturee nu mu ujete kuami. ³Nu omundu auhe ngue mu hee otjina ene mamu tja nai kuje, Muhona me uhepa nu me ukotora tjimanga.⁴Nu imbi avihe via tjitirirue kutja ku jenenisiue itji tji tja hungirirue ijo muprofete, tja tjere, ⁵Raereje omusuko ua Sion, Tara Ombara joje mai ja kove, aje risusuparisa, aja kavire okasino, nokasinona, okanatje kokasino.⁶Nu Novahongeua va kaenda nave katjita otja indi Jesu tje ve rakiza, ⁷Nu ave jeta okasino nokasinona, kuzambo ave u raikihire no motuaro viao, neje arire tja kavire kuko. ⁸Ombunga jo vandu ovengi tjinene arire tji ja jara ozombanda zajo mondjira, tjiva ave kondo ovitavi komiti, nu ave vijara mondjira.⁹Nu ombunga ja imba mba hongorere naimba mba kongorerere, va ravaera amavetja, Hosana ko Muna ua David; Omunandjozikiro ingui ngu meja mena ra Muhona; Hosana mo kombandambanda. ¹⁰Nu Jesu tjeja mo Jerusalem otjihuro atjihe tja njinganjinga ama tjitja, ingui oune? ¹¹Ombunga jo vandu ovengi jatja, ingui o Jesu omuprofete ua Nasaret tja Galilea.¹²Tjabo Jesu ua hita mo ndemberi ja Mukuru, nu anakere pendje avehe imba mbuja ve randisa no kurandera mo ndemberi, na tjengura ovitihe vi ova pimbasane vo vimariva, no vihavero via imba mbuja ve randisa ozonguti. ¹³Neje uatja nai kuvo, patjangua, ondjiuo jandje ma ije ku isaneua ondjiuo jo ngumbiro; nunguari ene mue iungura ondimba jo marunga. ¹⁴Novapotu noviremane veja kuje mo ndemberi,neje eve verukisa.¹⁵Novapristeri ovanene novatjange tjiva muine imbi ovihimise mbija tjiti, novanatje ama ve ravaere mo ndemberi amavetja, Hosana komuna ua David, va njengua tjinene. ¹⁶Vatja kuje, tjii mozuu imba kutja mave tjavi?Jesu uatja nai kuvo, ii, ene kamuja resa, okuza movanatje na mounatje ounjame ove ua kongomona ondangero. ¹⁷Neje ue vesa, apiti mo tjihuro na i ko Bethani, naka rara ngo.¹⁸Nambano mo muhuka eje tjija jaruka ko tjihuro ua to ndjara. ¹⁹Tjamuna omukujumbua mene ro ndjira eje ua konda kuuo, nu aha vaza otjina muuo pendje no vijao uriri, na tja nai kuuo, ape ningi ovihape mbi maa vi hapa kove okuza nai ngaaruhe. Nu mokamanga omukujumbua opu ua kukutira mbo²⁰Novahongeua tjiva muna tji va himua, na vetja, omukujumbua ua kukuta vi mo tjimanga nao? ²¹Jesu ua zira natja nai kuvo, Tjiri metja nai kuene, tji mu nongamburiro amu ha ivaiva, kamuna ku jenena okutjita itji tji tja tjitua komukujumbua uriri, nunguari rukuao ene tji mua tja nai kondundu ndji, zukurua mba nu uka umbue mo muronga nu ape tjitua nao. ²²Ovina avihe, kangamua mbi mamu ningire mo ngumbiro, ama mu itavere, mamu vi jakura.²³Jesu tjeja mondemberi, ovapristeri ovanene novanene vo vandu veja kuje ngunda ama hongo nu avetja, ovina mbi uviungura nouvara une? Nu ouani ngue kupa ouvara mbui? ²⁴Jesu ua zira na tja nai kuvo, Ami uina me mu pura epurira rimue.Tjimue ndji raere, Ami me mu raere kutja ovinaimbi mbi viungura nouvara une?²⁵Ombapitisimo ja Johanesa ja zire pi? Kejuru poo movandu? Novo ave ripura kuvo oveni, amavetja, tjitua tja kejuru, mee ku tja onguae vari tjimu ha kamburire muje? ²⁶Nunguari tji tua tja movandu; ma tu tira ovandu; orondu avehe ve vara Johanesa otjo muprofete. ²⁷tjana va zira Jesu na vetja, katuna kutjiua. Neje atja nai kuvo, Ami uina otjimbi hina ku muraera kutja mbi ungura ovina imbi nouvara une?²⁸Nunguari mamu ripura vi? Omurumendu uari novazandu vevari; nu ueja ku ingotjiveri atja, muzandu, kaende uka ungure mo tjikunino tjandje tjo mivite ndino. ²⁹Eje ua zira natja, hina ku tjita nao; nu kombunda e rivere nu a kaeda. ³⁰Neje uaja ku ingo na hungire omambo otjingeuo. Neje ua zira atja, mei, tate: nunguari a ha i.³¹Pu imbo vevari mba ngua tjita ombango jaihe eje une? Ovo vatja nai kuje, ingo tjiveri. Jesu uatja nai kuvo, Tjiri metja kuene, ovasutise vo tjomariva tjouhona mehi no vakorondu mave mu tengere po mouhona ua Mukuru. ³²Orondu Johanesa ueja kuene mondjira jousemba nu ene kamu kamburire muje novasutise vo tjimariva tjouhona mehi no vakorondu va kambura muje.Nene tji muaza no kumuna tji ka mu rivererere ko ndanaukiro, kutja mu kambure muje.³³Zuvee otjisasanekero otjikuao: pari omuniondjiuo, ngua kunine otjikunino tjo mivite netji kovere norumbo, nu ase mutjo otjitoto tjoku kama omivite, na tungu motjiretundu tjomatjeverero na jazemisa tjo kovaungure narire tjai kehi rokokure: ³⁴Noruveze ruo vihape tji rueja popezu, ua hinda ovakarere ve kovaungure, kutja ve kemu jetere otjina ve vie.³⁵Novaungure va kambura imba ovakarere ve, ave tono umue, ave zepa umue, nu mu eave vete mo maue. ³⁶Rukuo ua hinda ovakarere ovakuao ovengi pu imba ovatenga, novo ave ke vetjita otjina otjingetjo. ³⁷Kombanda janao romaandero ua hinda kuvo omuna ue, amatja, mave ka tenga omuna uandje.³⁸Nunguari imba ovaungure vo tjikunino tji va muna ingui omuna, vatja nai muvo oveni, ingui eje omurumate ueta, indjeje, ngatu muzepe kutja tu punde eta re. ³⁹Novo arire tji ve mukambura, nave mu nakurire pendje jotjikunino tjo mivite na ve muzepa.⁴⁰Nambano ingui omuhona uo tjikunino tjo mivite itjo tjeja, mee ku tjitavi kovaungure vo tjikunino imbo? ⁴¹Novo vatja nai kuje, eje ma zepa ovanauvi mbo nondiro ombi, na jazemisa otjikunino tje tjomivite kovaungure vo vikunino varue mbu mave mupe ovihape vie moruveze rua vio.⁴²Jesu uatja nai kuvo, ''ene kamuna pu mua resere mo matjangua, 'eue indi ovatunge ndi va jara, oro ondarire otjiuru tjomauaneno uotjikoro: itji tja tjitua i Muhona ,notjo otjihimise mo meho uetu?⁴³Mezeva indi otji metja nai kuene, Ouhona ua Mukuru mau toorua muene, nau jandjeua ko tjiuana tji matji jeta ovihape via uo. ⁴⁴Nu auhe ngua uire keue indi ma tekateka, nu ingui auhe kura uire ma tukuturua.⁴⁵Novapristeri ovanene novafarisei tji va zuva ovisasanekero vie va tjiza kutja mavi tuvirire vo. ⁴⁶Novo va zerire oku mu tuakomake, nunguari va tirire ombunga jovandu, orondu ojo ijai mu vara kutja omuprofete.

¹Jesu ua zira na hungire kuena vo novisasanekero rukuao na tja, ²Ouhona uejuru mau sasanekua ko mbara rive ndja unguririre omuna uajo omukandi uo rukupo, ³Nojo ja hindire ovakarere vajo oku ka isana imba mba nangerererue omukandi: nunguari ovo kavari no ndero jokuja.⁴Nojo o mohuna ua hinda ovakarere ovakuao, amaitja, karaereje ovanangua kutja, tareje, ami mba tunu eriro, ozonduuombe novitumbua viandje mbia nuna via zepiua, novena anvihe via tunua viapu: indjeje komukandi uo rukupo.⁵Nunguari ovo va toora ombara oupupu, nave pizuka moviungura viao, umue kotjikunino tje, umue komarandisiro ue: ⁶Nu imba mba seua po, ave kambura ovakarere ve, ave ve jamburura, nave ve zepa. ⁷Ombara ja pindika,nai hindi ovimbumba viajo vio vita navi ka njona ovazepe imbo, nave njosa otjihuro tjao.⁸Kuzambo eje uatja nai, kovakarere ve, omukandi uo rukupo uapu, nunguari imba mba nangerue kavari ovanandengu. ⁹Nambano tuendee mo vitaova nu avehe mbu mua vaza, nangaeree komukandi. ¹⁰Nu ovakarere otji vaja movitaova, naveongere kumue avehe imba mbu veve vaza, ovasemba novahasemba, nomukandi ue ura ovanagua.¹¹Nombara tjija hita okuje ku muna ovanangwa, ojo ja muna po omurumendu umue ngu hari a azara ozombanda zo rukupo. ¹²Ombara ja tja kuje, Panga, ove ua hiti vi au ha zarere ozombanda zo rukupo? Nu omuromendo ka njamukurire ko.¹³Indino ombara ja tja nai kovakarere vajo, mu pandekeje omake nozombaze, nu mu mu pitise, nu mukemu umbe pendje mondorera kokure; nu ingo maku ka kara oruhoze nomakuejero uomajo. ¹⁴Orondu ovengi vo vandu va isaneua nunguari ovatiti mba toororua.¹⁷¹⁵Nu Ovafarisei otjiva pita, nave keripura kutja mave mu zengi vi nomambo ue omuini. ¹⁶Nave hindi kuje ovahongeua vao nova Herode kutja ve katje nai kuje, Muhonge, matutjiua kutja oove omunauatjiri, nu u honga ondjira ja Mukuru mouatjiri, nu ko rikende no mundu karive; orondu ove ko na konatja no ndengu jo mundu. Nambano tu raera oumune uoje? tjii okokuua otja koveta okusuta otjisuta tjouhona komukesare pooinde?¹⁸Nunguari Jesu ua muna ourunde uo uripura uao, narire tjatja, mamu ndji rorere tjike vanatjavivi uene? ¹⁹Ndji raisireje otjimariva tji tji suta otjouhona. Ovo otji va jeta otjipeni kuje.²⁰Jesu atja nai kuvo, otjiperendero no matjangua uani ngeri mutjo? ²¹Novo vatja kuje, oviomukesare. Neje otja tja kuvo, okutja muaso ku jandja komukasare imbio vio mukesare namujandja ku Mukuru imbio via Mukuru. ²²Ovo tjiva zuva omambo inga va temua, ave muesa nave kaenda.²³Ejuva otjingero Ovasadukai, mbetja ka kuna mbendukiro jo vati, veja kuje na ve mu pura, ²⁴Ave tja, Muhonge, Mose ua tjere, omurumendu tja koka no kuhina muatje, omukuatuapamue na e uaso ku ria omukazendu ue ne mu kuatere ovanatje;²⁵Muari ovakuatuapamue hambombari. Ingo mutenga ua kupa na tu aehina muatje, na jesire omuangu ue omukaendu ue: ²⁶Nu ku ingui outjavari eje uina pa kara nao, na kuingui outjatatu, nga ku ingo utja hambombari. ²⁷Nu oruseinina omukazendu eje uina a tu. ²⁸Nambano mombendukiro jo vati eje mee ku rira oua une muimba ohambombari, avehe otja tjive mukupire nai?²⁹Nu Jesu ua zira na tja kuvo, ene mua puka, mena rokutja kamu tjiua omatjangua poo ingomasa ua Mukuru. ³⁰Orondu mo mbendukiro jo vati, ovo kavena ku kupa nu kavena ku jandjeua morukupo, nunguari very otjo vaengeri va Mukuru mejuru.³¹Nunguari otja kombendukiro jovati, ene ka mu resere itji tji tja hungirua i Mukuru kuene, tja tjere, ³²Ouami Mukuru ua Abrahama, na Mukuru ua Isaka, na Mukuru ua Jakova? Mukuru ka Mukuru uovati nunguari ouovanamuinjo. ³³Nu ombunga jovandu tji ja zuva tji ojo ja himisiua ijo kuhonga kue³⁴Nunguari Ovafarisei tjiva zuva kutja Jesu ua muinisa Ovasadukai, ovo va uongarera pamue. ³⁵Nu umue uavo nguari omuhonge uo veta, arire tja Mu pura epurira, oku mu rora natja, ³⁶Muhonge, etuako enenenene mo veta oorine?³⁷Jesu uatja kuje, ove mo suvere Muhona Mukuru uoje nomutima uoje auhe, nomuinjo uoje auhe, nozondunge zoje azehe. ³⁸Indi oro etuako etenga ne nenenene.³⁹Nu oritja vari riri otjaro, ove mo suvere omuraranganda uoje otja ove omuini. ⁴⁰Omatuako inga ojevari inga ouo omureko ku ku rekareka oveta novaprofete.⁴¹Ngunda Ovafarisei ava uongarere pamue, Jesu ueve pura epurero. ⁴²Atja, ene mu ripuratjike komunda ua Kriste? Eje omuna uani? Ovo vatja kuje, omuna ua David.⁴³Jesu atja nai kuvo, nu onguae vari ingui David mombepo tje muisanene Muhona, tja tjere, ⁴⁴Muhona uatja nai ko Muhona uandje, ove haama kokunene kuandje, ngatjimba ungura ovanavita naove otjihavero tjozombaze zoje.⁴⁵Ingui David nguari tjime mu isana Kriste 'Mohuna', omuna ua David vi? ⁴⁶Nu kapena mundu ngue peura oku mu zira embo, poo oku uhuara ame mu pura omapurira okuza mejuva ndo.

¹Kuzambo Jesu ua hungira kuno ombunga novahongeua ve, ²Atja, Ovatjange novafarisei va haama kotjihavero tja Mose: ³Opu muaso ku takamisa na mu tjiti avihe imbi mbi mave mu raere oku takamisa; nu amu horere oviungura viao: orondu ovo ve hungira nave ha tjiti.⁴Orondu ovo tjive vava omitenge viohaveha, omizeu ko ku tjindua, nave vitua kovituve vio vandu; nunguari ovo mbi ve hina ndero jo ku vi vingurura nangarire na umue uo minue viao. ⁵Nunguari oviungura viao avihe ve vi ungurira kutja ve munikue ijovandu: ovo ve parangisa oukatonga uo matuako mburi movipara na komauoko uao, nu ve neneparisa omiruko vio zombanda zao,⁶Va suvera otuveze tuondongamo po mikandi, novihavero viondongamo mozosinagoge, ⁷Nokuminikua motuveze tuomarandero nomarandisiro, noku isaneua 'Rapi' ijovandu.⁸Nu ene amu isaneua 'Rapi,' orondu muna omuhonge umue, na ene amuhe ouene ovakuatuapamue. ⁹Nu amu isanako omundu umue tate kombandehi, orondu Tate uenu umue uriri ingui nguri mejuru. ¹⁰Poo oku isaneua ovahonge, orondu muna omuhonge umue, eje o Kriste.¹¹Nunguari ingui nguri omunenenene mokati kenu marire omukarere uenu. ¹²Nu auhe ngu meri tongamisa ma susuparisiua; nu auhe ngue risusuparisa ma tongamisiua.¹³Nunguari ouee kuene, Ovatjange Novafarisei, vanatjavivi! Orondu ene mu pata omuvero uouhona uejuru pomurungu uo vandu: ene tjinga mu ha hiti mu uo nu tjimu ha jandjere imba mbu mave hiti oku hita. ¹⁴Ouee kuene, Ovatjange Novafarisei, vanatjavivi! Orondu mu sasaura na mu ninaura ozondjiuo zovahepundu nu amu ungura otjiuova tjozongumbiro ozonde: Nu opu ma muje ku muna omberero ondeu tjinene. ¹⁵Ouee kuene, Ovatjange nOvafarisei, vanatjavivi! Orondu mu tapakana omuronga nehi oku muna omuhongeua umue; nu tjimue mu munu amu mu tjiti kutja arire omuatje uo tjovasengua potuvari oku kapita ene.¹⁶Ouee kuene vahongore ovapotu, mbu mu tja, kape natja, omundu auhe oku jana nondemberi; nunguari auhe ngua jana nogoldo jondemberi uaso ku jenenisa orujano rue! ¹⁷Majova uene nomapotu: otjinene po tjikuao otjikuae, ongoldo poo ondemberi ndji japura ongoldo?¹⁸Nu mutja, kape natja oku jana ne zuko ro mbunguhiro; nunguari auhe ngua jana no tjijandjeua tjombunguhiro tji tjiri muro uaso ku jenenisa orujano rue. ¹⁹Majova uene nomapotu: otjinene po tjikuao otjikuae, otjijandjeua poo ezuko rombunguhiro ndi japura otjijandjeua?²⁰Auhe ngu ma jana ne zuko ro mbunguhiro ma jana naro na imbi avihe mbiri muro. ²¹Nu auhe nguma jana nondemberi, ma jana najo na ingui ngua tura mujo. ²²Nu auhe nguma jana nejuru ma jana notjihavero tjouhona tja Mukuru, na ingui ngua haama kombanda jatjo.²³Ouee kuene, Ovatjange novafarisei, vanatjavivi! Orondu mu suta otjitjamurongo tjovitjatise vienu, oviminte, novianise novikumine, nunguari amuha takamisa ovina vio veta imbi ovinandengu oku kapita mbi; ombanguriro osemba, otjari nongamburiro: mbina mua sere okutjita nunguari amuha jesa imbio vikuao avi ha tjitirue. ²⁴Vahongore uene ovapotu, mbu mu njenda onde na mu nina ongamero.²⁵Ouee kuene, Ovatjange novafarisei, vanatjavivi! Orondu mu kohorora ekopi notjijaha kombanda kombanda, nunguari moukoto avie ura novipundua nozondero ozombi. ²⁶Ouene Vafarisei ovapotu, rutenga kohororeje imbi mbiri moukoto ue kopi no tjijaha, kutja kombanda uina kurire oku kohoke.²⁷Ouee kuene, Ovatjange novafarisei, vanatjavivi! Orondu mua sana ko maue uozombongo nga huua ouvapa, nu tjiri ngenombunikiro ombua kombanda, nunguari moukoto jeura omatupa uovandu mba koka nouhakohoke auhe. ²⁸Mo muano otjingeuo, ene kombanda mu munika otjovasemba kovandu, nunguari moukoto mue ura notjavivi nourunde.²⁹Ouee kuene, Ovatjange novafarisei, vanatjavivi! Orondu ene mu tunga omaue uo zombongo zovaprofete na mu tuapo ourenga kozondungiro zo maendo uovasemba, ³⁰Na mutja andaku tua hupire momajuva uootate, andaku katu ririre ovatirahi vo mbindu jovaprofete puena vo. ³¹Okutja otji mu rihatoira oveni kutja ouene ovanatje va imba mba zepire ovaprofete.³²Opu muaso ku urisa namu jenenisa imbi mbia utirue ijo ooiho. ³³Zonjoka uene, ndekurona jomasu, mamu jenene vi oku taura ko mbanguriro jo tjovasengua.³⁴Nunguari, tara, me hindi kuene ovaprofete, ovarumendu ozonongo novatjange Tjiva mamu zepa na mu papere kotjikoroise, tjiva mamu renge mozongora mozosinagoge zenu, amamu ve hangaura amumu ve ramba okuza motjihuro okujenda kotjihuro: ³⁵Kutja kombanda jenu ku raukire ombindu osemba aihe ndja tirahirue kombanda jehi, okuza kombindu ja Abel omusemba nga kombindu ja Sakaria omuna ua Barakia, ngu mua zepa pokati kondemberi ne zuko rombunguhiro. ³⁶Tjiri metja nai kuene, ovina mbi avihe mavi raukire kombando ndekurona.³⁷Jerusalem, Jerusalem, ove ngu u zepa ovaprofete nomaue imba mba hindua kove! Opotuingi ame vannga oku uongera ovanatje voje kumue, tjimuna ohunguriva tjii uongera ouzerona uajo kehi jovivava viajo, nu ove oha jandjere. ³⁸Tara ondjiuo joje je ku seuerua tjo. ³⁹Orondu metja nai kove, konoo uhuara a mo ndji munu, ngandu tjiuatja, omunandjozikiro ingui ngu meja mena ra Muhona.

¹Jesu ua pita na zapo pondemberi; novahongeua ve veja kuje na ve mu urikire ondungiro jondemberi. ²Nu Jesu uatja nai kuvo, Ovina mbi avihe kamuna ku vimuna are? Tjiri metja kuene, kapena kuje ku seua eje rimue imba kombandekuao, ndi hina ku imbiraheua pehi.³Nu tja haamene kondundu jo mininga, ovahongeua veja kuje mourike, na vetja, tu raera, ovina mbi ma vije ku tjitua rune? Notjisanekero tjo meero uoje no maandero uouje ma rire tjike? ⁴Jesu ua zira natja nai kuvo, tjevereje kutja ape ha ningi omundu ngu me mu pukisa. ⁵Orondu ovengi maveje kuja mena randje, ama vetja ouami Kriste; nave pukisa ovengi.⁶Ma mu je ku zuva komunda uo vita notutona tuo vita; ritjevereje kutja amu ha zungana mouripura: orondu imbi avihe mavi kara ko, omaandero ngunda aje hije ja. ⁷Orondu otjiuana matji sekamene otjiuana, nouhonapare au sekamene ouhonapare: nu mape kara ozondjara, nomitjise omihimise nomanjinganjingiro uehi, mo mahi pekepeke. ⁸Nu Imbi avihe omautiro uo mihihamo ominene.⁹Kuzambo mave mu jandja kutja muka tatumisiue, nave mu zepa. Nu oviuana avihe mavije ku mu njengerua indi ena randje. ¹⁰Kuzambo ovengi maveje ku putarisiua, nave hororasana nave njenguasana. ¹¹Nu makuje ku surumuka ovaprofete vo tjiuova ovengi, nave pukisa ovengi.¹²Mokutja ourunde mau je ku takavara, otjima ruje ku tarara. ¹³Nu ingui nguma tuurunga ourunde mbui na takama nga ko maandero, eje onguma jamua. ¹⁴Nombuze jouhona ndji, mai zuvarisiua mouje auhe, kutja i rire ouhatoi koviuana avihe; nu kuzambo ondjandero otji ma ija.¹⁵Nambano,tji mua munu Otjijaukise otjihaandjerua tjomanjoneno, tjitja serekanenue ijo muprofete Daniel, atja kurama moruveze orujapuke, auhe ngu ma rese nga pangunune: ¹⁶Avehe mberi mo Judea nga ve taurire kozondundu: ¹⁷Nu ahue nguri kombandondjiuo a heruka okuje ku toora tjimue mondjiuo: ¹⁸Poo ingui nguri motjikunino oku jaruka oku ka toora omituaro vie.¹⁹Nu ouee kumba ovingundi no va njamisise mo majuva ngo! ²⁰Kumbeje kutja omatauriro uenu aje ha rire ouo ku pepera poo ue juva ro Sabata: ²¹Orondu ma kuje ku kara ombamisiro onene, ndji hina ja karere ko okuza kombutiro jo uje nga ku nai, kako, nu ndji hina maa ije ku kara ko rukuao. ²²Andaku omajuva ingo kaje susuparisirue, katja pe kara onjama ndji mai jamua: nu mena ro vatoororua omajuva ingo majee ku susuparisiua.²³Okutja omundu the ku hee kutja, tara, Kriste ejengui poo uri mbena; o itavere ko. ²⁴Orondu mapeje ku surumuka ooKriste votjiuova, novaprofete vo tjiuova, nu mavee ku ungura ovisenekero novihimise ovinene; mberi kutja andaku itja pe urika, itjave pukisa naimba ovatoororua oveni. ²⁵Taree, mbe mu tjivisa komurungu uoruveze.²⁶Okutja,jivatja nai kuene, taree, uri mokuti ongaango; a muingo: taree, uri mo matuuo omaundikua, amu itavere ko. ²⁷Orondu otja indui orutjeno tjiruza koutjiro, naru jerisa nga komatokero; omeero uo muna uo mundu uina majee ku kara nao. ²⁸Orondu apehe omutundu pu uri, ozonguvi maze uongarere po.²⁹Nu tjimanga, kombunda jombamisiro jomajuva ngo, ejuva mari zorerisiua, nu omueze au ha jandja ondjerera jao, nozonjose kejuru azeu, nu omasa uomajuru aje njinganjingisiua.³⁰Okutja indino mapeje ku munika otjisanekero tjomuna uomundu mejuru.nu omihoko avihe kombanda jehi mavije ku ura, novio mavije ku muna Omuna uomundu ameja movikamba viejuru no masa noujere ounene. ³¹Eje ma hinda ovaengeri ve no mbosiro onene johiva, nu maveje ku uongera kumue ovatoororua ve okuza kozombepo mbepo ine, okuza komaandero jemue uejuru okujenda komakuao.³²Rihongeje otjisasanekero tjo mukujumbua. ngunda otjitavi tjauo atjiri otjitarazu, ama tji njomoka ovijao, mu tjiua kutja okurooro kuri popezu ³³Okutja mo muano otjingeuo, ene tji mamu munu ovina mbi, jeri popezu, mehee pomivero.³⁴Tjiri metja nai kuene, ondekurona indji kanaa i manuka ngunda ovina mbi avihija jenenisiua avihe. ³⁵Ejuru nehi mavi kapita, nunguari omambo uandje kanaa je kapita.³⁶Nunguari inde juva indo noire kapena mundu ngu tjiua, kako, novaengeri mejuru,no Omuna, pendje na Tate uriri.³⁷Nunguari otja inga omajuva ua Noua tjijari, na inga omajuva uomeero, uomuna uomundu otji maje kara. ³⁸Orondu otja mo majuva ngari ko murungu uo mupupo ija ve ri noku nua, ija ve kupu no ku jandja ko rukupo, nga kejuva Noua nda hita mondjiuo otjitjengeze, ³⁹Nu ovo kave tjivirue nga tji omupupo tji ueja nauve tuara avehe; omeero uomuna uomundu maje kara nao uina.⁴⁰Indino mape kara vevari motjikunino; nu umue ma toorua nu unmue a seua. ⁴¹mape kara ovakazendu vevari mbu mave kuee kotjikuejero; nu umue ma toorua nu unmue a seua. ⁴²Opu muaso ku tjevera orondu ka muna kutjiua oire Muhona uenu ndji meja.⁴³Nunguari tjiuee tji, kutja andaku omuniondjiuo ua tjiua kutja erunga marikeja momatjeverero ojetja ngapi, andaku eje ua kara katumba nu a ha jandjere kutja ondjiuo je i tejeue. ⁴⁴Okutja ene uina kareje a mue ritunu: orondu Omuna uomundu meja moire ndji mu hina ku ripurira ko.⁴⁵Nunguari omukarere omutakame nomunaunongo, ngua zikua ijo muhona ue kutja arire omunane uo ndjiuo je oku ipa ovikuria moruveze rua vio eje une? ⁴⁶Omuningandu omukarere ngui ngu meje ku vazeua ijo muhona ue ama tjiti nao. ⁴⁷Tjiri metja nai kuene, kutja eje meje ku mu ungura omunane kombanda jo vina avihe mbie navio.⁴⁸Nunguari omukarere omurunde ingo tja tja nai momutima ue, omuhona uandje uaomba okuja; ⁴⁹Nu arire tja ruku oku tona ovakarere ovakuao, no kuria nokunua pueena imba mbe ripurukisiua no meva ua mururu; ⁵⁰Omuhona uomukarere ingo meje mejuva nde hina ku muundja naro, na moire ndje hina kutjiua, ⁵¹Nu emu kondo pokati, nu emu kekere oruveze mokati kovanatjavivi: nu ingo maku ka kara oruhoze nomakuejero uomajo.

¹Indino ouhona uejuru mau sasanekua kovasukona omurongo, mba toorere omarambe, nu ave piti oku kauana kuena omukupe. ²Vetano vavo vari ozonongo nu vetano vari omajova. ³Imba mbari omajova va toora omarambe uao, nu ave he ritoorere omaze. ⁴Orondu imba ozonongo va toorere omaze mo vitjuma viao puena omarambe uao.⁵Nu ngunda omukupe ua uomba okuja,va kotura nu ave rara. ⁶Nunguari mokati koutuku pa kara omaravaerero, Tareje omukupe ueja, piteje pendje mu kauane naje.⁷Nu imba ovasukona avehe arire tji va penduka, nu ave tunu omarambe uao. ⁸Nu imba omajova vatja nai kuimba ozonongo, tupeuee ko komaze uenu, orondu omarambe uetu maje zemi. ⁹Nu imba ozonongo va zirire nai, kako; tjaa omaze ngaa je ha jenene kuete na ene: nunguari tuendee kuimba mbe randisa mu kerirandere oveni.¹⁰Nu ngunda avapiti oku karanda, omukupe arire tjeja; nu imba mbari ave ritunu va hita pueenaje mo mukandi uo rukupo: nu omuvero arire tjiua Patua. ¹¹Nu kombunda kueja ovasukona imba ovakuao, amavetja, Muhona, Muhona, tu jezurura. ¹²Nunguari eje ua zira natja, Tjiri metja nai kuene Ami hi mui. ¹³Opu muaso ku tjevera, orondu ka muna kutjiua ejuva noire Omuna uomundu ndji meja najo.¹⁴Orondu ouhona uejuru uri otja omurumendu ngua kukire oujenda oku jenda kehi ro kokure, nu ngua isanene ovakarere ve, nu evepe ovina vie. ¹⁵Nuku umue ua jandja ozotalenda ndano, ku umue a jandja mbari, nu ku uarue a jandja imue; auhe a peua otja pomasa noupenda ue; nu tjimanga arire tja kuka oujenda. ¹⁶Nu ingui ngua jakurire ozotalenda ndano ua kaenda nu a ka ungura navio momarandisiro nomarandero, nu a ungura ozotalenda ozonguao ndano.¹⁷Nu ingui ngua peua mbari eje uina ua tjita nao nu a muine po mbari ozonguao. ¹⁸Nunguari ingui ngua perue imue, ua kaenda, a kasa otjitoto mehi, nu a horeke ovimariva vio muhona ue.¹⁹Kombunda joruveze orure omuhona uovakarere imba ua kotoka, nu a nongonona otjimariva tje vepere puena vo. ²⁰Nu ingui ngua jakurire ozotalenda ndano ua jeta ozotalenda ndano ozonguao nu atja, Muhona, ove ua jandjere ozotalenda ndano kuami: nu tara, ami mba muna ozotalenda ndano ozonguao kombanda. ²¹Omuhona ue ua tjere nai kuje, ua ungura naua, mukarere omuua nomutakame, ove ua kara noutakame movina ovititi, nambano meku ungura omunane kombanda jovina ovingi: ove hita mondjoroka jo muhona uoje.²²Ingui ngua jakurire ozotalenda mbari eje uina ueja nu atja, Muhona, ove ua jandjere ozotalenda mbari kuami: nu tara, ami mba muna ozotalenda mbari ozonguao pombanda naindo. ²³Omuhona ue ua tjere nai kuje, ua ungura naua, mukarere omuua nomutakame, ove ua kara noutakame movina ovititi, nambano meku ungura omunane kombanda jovina ivingi: ove hita mondjoroka jo muhona uoje.²⁴Kuzambo ingui ngua jakurire otalenda imue ueja nu atja, Muhona, mbi kuii kutja oove omurumendu omuzeu, ngu u teja pu u ha kunine, nu ngu u uonga pu u ha handjaurire ondui: ²⁵Ami mba urumine nu ookujenda eka horeka otalenda joje mehi: nu tara itji tji tjiri otjoje otjotji.²⁶Omuhona ue ua zira nu atja nai kuje, mukarere ove omurunde nu otji ngundi, ove uatjiua kutja mbi teja pu mbi ha kunine, nu mbi uonga pu mbi ha handjaurire ondui: ²⁷Nu onguae tji u ha hitisire otjimariva tjandje mozombaanga, kutja ami tjimbeja mbije ku kambura itji otjandje notjiuezeua?²⁸Nambano tooreje otalenda ndjo muje nu I jandjeje ku ingui nguna ozotalenda omurongo. ²⁹Orondu auhe ngu notjina ma peua, na takavarisa ovina; nu ingui ngu hina tjina ma jekua na itji tje natjo. ³⁰Nakaurireje omukarere omuhina mbatero ngui pendje mondorera kokure; nu ingo maku ka kara oruhoze nomakuejero uomajo.³¹Nu Omuna uomundu tjimeja moujere ue; novaengeri ovajapuke avehe puenae, Eje meje ku haama ko tjhavero tjouhona tjoujere ue: ³²Nu pomurungu ue mape uongarere oviuana avihe; nu eje mee ku vehana, kumue, otjomurise tji ma hana ozondu mo zongombo. ³³Nu eje meje ku tua ozondu kokunene nu a ozongombo kokumoho.³⁴Kuzambo ombara mai je kutja nai kuimba mberi ko kuuoko kuajo ingo unene, indjeje ene mbu mua serua i Tate ondaja, hiteje mouhona mbua tuninua ene okuza kombutiro jouje: ³⁵Orondu ami mba tirondjara, nu amu ndjipe ovikuria: mba Eire onjota nu amu ndjipe omeva: mbari ouozonganda nu amu ndji jakura mozojenu: ³⁶Mbari muzu nu amu ndji hukike: mba verere nu amu kendji tara: mbari mondorongo nu amuja kuami.³⁷Nu imba ovasemba ma ve muziri ama vetja nai, Muhona, ete tue ku muna pi aua tondjara nu atu ku risa? Poo a uato ijo njota nu atu kupe omeva? ³⁸Tue ku muna pi auri ouozonganda nu atu ku jakura mozojetu? Poo auri muzu natu ku huikike? ³⁹Poo tue ku muna rune aua vere natu ke ku tara, poo auri mondorongo nu atu ja kove? ⁴⁰Nombara mai je ku zira naitja nai kuvo, tjiri metja nai kuene, otja indi ene tjimua tjita itji ku umue ua imba outiti ovakuatuapamue na ami ene mua tjita kuami.⁴¹Kuzambo otji ma ije ku tja nai ku imba mberi ko kuuoko kuajo ingo kumoho, zapueje puami ouene mbu mua sengua, mu hite momuriro uaaruhe mbua tuninua omunauvi novaengeri ve: ⁴²Orondu mba tire ijondjara namu he ndjipe ovikuria: mba tire ijonjota namu he ndjipe omeva: ⁴³Mbari ouzongada nua mu he ndji jakura mozojenu: mbari muzu nua mu he ndji hukike: a mbavera, mondorongo nu ami he kendji tara.⁴⁴Nu ovo uina maveje ku muzira ama vetja nai, Muhona, ete tue ku muna pi aua tondjara, poo onjota, poo auri ouozonganda poo auri muzu, poo aua vere poo auri mondorongo nu atu he vatere Ku? ⁴⁵Indino eje mee ku vezira, ama tja, tjiri metja nai kuene, otja indi tji mu ha tjitire itji ku umue ua imba outiti ovakuatuapamue na Ami, ene kamu tjitire nao ku Ami. ⁴⁶Nu imba ma vei nave ka hita mo mberero jaaruhe: nunguari imba ovasemba komuinjo uaaruhe.

¹Nu pa kara nai kutja Jesu tja mana oku hungira omambo inga ajehe, eje uatja nai kovahongeua ve, ²Mamu tjiua kutja kombunda jo majuva jevari marire omukandi uomakatukiro, nu Omuna uomundu ma jandjeua kokukapaperua kotjikoroise.³Indino ovapristeri ovanene, novatjange, novanene vovandu va uongarere pondjiuo jo mupristeri omunene, ngu ja isaneua Kaifas, ⁴Nu ovo ve ripura no muano uo ku kambura Jesu movineja kutja veke muzepe. ⁵Nu ovo vatja, arire mejuva romukandi, ngaa pe kara ezunganeno mokati ko vandu.⁶Nu ngunda Jesu tjari mo Bethanie, mondjiuo ja Simon ingui omunamutjise uo leperi, ⁷Kueja omukazendu kuje ngua tjindire ekende ro maze uo ndengu jokombanda uo alabasteri, nu a tirire ro motjiuru tje tja Jesu eje ngunda a eri periro. ⁸Nunguari ovahongeua ve tjiva muna itji, arire tjiva unauna nomapindi navetja, omanjoneno inga ja tjitirua tjike? ⁹Orondu otjinuke tji andazu tja randisiua kovimariva ovingi, nuavi jandjeua kovasiona.¹⁰Nu Jesu tja tjiua itji arire tja tja kuvo, Onguaije tji mamu kondjisa omukazendu ingui? Orondu eje ua tjiti otjina otjiua ku Ami. ¹¹Orondu ovasiona mave kara Pamue na ene aruhe nunguari Ami hina ku kara pamue na ene aruhe.¹²Mokutja eje tja tirire omaze inga morutu ruandje, eje ua tjitire ombakero jandje. ¹³Tjiri metja nai kuuene, akuhe ombuze ombua ndji ku mai ka zuvarisiua mouje auhe, itji omukazendu ngui tja tjiti, matji ka serekarerua, nua zemburukirua ko.¹⁴Kuzambo umue ua imbo murongo navevari, Judas Iskariot, uaja kovapristeri ovanene, ¹⁵Nu atja nai kuvo, ene mamu ndjipe tjike ami tji mbe mu jandja kuuene? Novo va zuvasanene kumue naje ovimariva omirongo vitatu vio silveri nu ave mupe. ¹⁶Okuza moruveze indo eje ua ruka oku paha omuano omuua uo ku mu horora noku mu jandja kuvo.¹⁷Nambano mejuva indi etenga ro mukandi uozomboroto ndeha surisirue ovahongeua veja ku Jesu, nua vetja kuje, ove mop aha kutja tu ke ku tunine pi kutja u ka rire ko eriro romakatukiro. ¹⁸Neje uatja, hitee motjihuro, mu jende komurumendu umue, mu katje nai kuje, Omuhonge matja, ''oruveze ruandje rua tumbuka; meje ku ungurira omakatukiro pamue no ovahongeua vandje mo ndjiuo joje. ¹⁹Novahongeua va tjita otja Jesu tje ve rakiza; nave tunine Omakatukiro.²⁰Nambano tji ra toko, eje ua haama pehi pamue na imba omurongo navevari. ²¹Novo ngunda ama veri eje uatja, ‘’tjiri metja nai kuuene,umue uenu mendji horora? ²²Novo va hihamenue tjinene, nauve utu auhe uao okutja nai kuje, ‘’Muhona tjiri kauami nu?²³Neje ua zira natja, ingui ngua hitisa eke re motjijaha Pamue na Ami, eje ongu mendji horora. ²⁴Omuna uomundu ma kaenda otja tji patjangua komunda ue; nunguari ouee komundu ingui ngu ma horora Omuna uomundu. Itja pe ngara komundu ingo andaku ka kuaterue. ²⁵Indino Judas ngue mu horora, ua zira natja, ‘’Muhonge, ouami?’’ Eje uatja nai kuje: Opo pu mo heje omuina.²⁶Nu ngunda ama veri Jesu ua toora omboroto, ei sere ondaja, ei teja nei jandja kovahongeua, na tja, Tooreje, rieje, indui orutu ruandje.²⁷Nu eje ua toora otjinuino, nu tjaza nokutjandangi, a jandja tjo kuvo natja, nueje kutjo amuhe, ²⁸Orondu indji ombindu jandje jo merikutirikumue omape, ndji mai tirahirua ovengi kondjesiro jo mauvi. ²⁹Nu metja nai kuene, hina ku nua ko rukuao kotjihape tji tjo muvite, nga tji mee ku tjinua koupe puena ene mouhona ua Tate.³⁰Nu tji vaza noku imbura etangero, arire tji vai kondundu jomininga. ³¹Nu Jesu uatja nai kuvo, amuhe mamu putarisiua mena randje ongurova ndjinondji: orondu patjangua, me tono omurise nu ozondu zorupanda maze pizukire kokure. ³²Nu tji mbazu noku penduka movati, me mu hongorere okujenda ko Galilea.³³Nu Petrusa ua zira natja nai kuje, ovandu avehe nanda ve putara mena roje, ami hinee putara ko. ³⁴Jesu uatja nai kuje, Tjiri metja nai kove, kutja, outuku mbunombui ohunguriva ngunda ai hija vandara, mondji patana tutatu.' ³⁵Petrusa uatja nai kuje, nandarire tjimbaso ku koka puena ove, ami hinee ripatana ove. Novahongeua avehe vatja nao uina.³⁶Nu Jesu ue ja puena ovahongeua ko ruveze nduja ru isaneua o Gethesmane natja nai kuvo, haameje pehi imba ngunda ame ka kumbira mbena. ³⁷Nu eje ua toora Petrusa puena ovazandu vevari va Zebedia, nu autu oku hara omuohamua mburuma. ³⁸Nu eje uatja nai kuvo, omuinjo uandje ua hara oruhoze tjinene, tjimuna oruo ndiro: ndji undjireje mba, nu kareje katumba puena Ami.³⁹Nu ua riama komurungu katiti, nu au ondurumika, na kumbu atja, Arikana Tate, tji mape urika, ekopi ndi nga rindji kapite: nunguari arire otja kombango jandje nu ngarire ombango joje. ⁴⁰Nu tjeja kovahongeua ueve vaza a va rara, natja nai ku Petrusa, otjikuaje tjima mu urua ijo ku kara katumba puena Ami oire imue? ⁴¹Kareje katumba nu mukumbe, kutja amu ha hiti momarorero: ombepo tjiri mai zeri nunguari onjama otjingundi.⁴²Eje ua kaenda rukuao orutjavari, nu a kumbu atja, Arikana Tate, otjinuino itji tjitji hina kundji kapita, no kuhetjinuine, ombango joje nga i tjitue. ⁴³Nu eje ueja nu eve vaza a varara rukuao, orondu omeho uao tji ja havererue ijozombotu. ⁴⁴Nu eje ue vesa na kaenda rukuao, na kakumba rukuao otjikando otjitjatatu, ama hongonona omambo otjingeuo.⁴⁵Nu ueja kovahongeua natja nai kuvo, raree vari nambano nu mu suve: tareje, oire ojondji, Omuna uomundu ma hororua na jandjeua momake uovarunde. ⁴⁶Sekameje, nu tu kaende, tareje uri popezu ingui ngu mendji horora.⁴⁷Nu ngunda eje ama hungire, tara, Judas, umue uaimba omurongo navevari ueja puena ombunga ndjeri panganene no mangaruvio nozonguinja ndja zire kovapristeri ovanene novanene vovandu. ⁴⁸Nambano ingui ngue mu horora ueve pere otjisanekero, atja, ingui ngu mba hupite tjandje ongurije: mu kambureje.⁴⁹Nu imbo otje ja ku Jesu, nu tjimanga eje ueja ku Jesu, natja, Minikua Muhonge; ne mu hupite. ⁵⁰Nu Jesu uatja nai kuje, Panga ove ungura tji ueere? Nu ove veja ave tua omake ku Jesu nu ave mu tuara.⁵¹Nu, tara, umue ua imba mbari puena Jesu ua uonjonona eke re, na homona engaruvio na kuapiza naro omukarere uo mupristeri omunene, ne emu kepura okutui. ⁵²Nu Jesu uatja nai kuje, jarura engaruvio ruoje po ruveze rua ro: orondu avehe mbe toora engaruvio mave tu ijengaruvio. ⁵³Mo ripura kutja hina ku jenena oku kumba ku Tate nai, neje tjimanga a hindi otjimbumba tjo vaengeri mba kapita omurongo nambari. ⁵⁴Nunguari tjipa tjitua nao omatjangua maje jenenisiua vi ngu ma jetja paso oku kara nai.⁵⁵Mo ire tjingejo Jesu ua tjere kombunga jovandu, mueja tjimuna mbu muja ke runga nomangaruvio nozonguinja a mueja kuAmi are? Mba haamene aruhe puena ene ame hongo mondemberi, nu kamuna mua tuire omake kuAmi. ⁵⁶Nu itji atjihe, tja tjitirua kutja omatjangua uovaprofete je jenenisiue. Indino ovahongeua avehe ve muesa nave tupuka.⁵⁷Nu imba mbe mu kambura ve mu tuara ku Kaifas, omupristeri omunene, ovatjange no vanene kuva uongarerere. ⁵⁸Nunguari Petrusa ue mu kongorera aeri kokure nga kondjiuo jomupristeri omunene, na hiti, na haama puena ovakarere kotjikoro.⁵⁹Nambano ovapristeri ovanene, novanene, naimba avehe votjira otjinane va pahere omahongononeno uo vizeze ohunga na Jesu, kutja ve sore oku muzepa; ⁶⁰Nunguari kavena ngu va muna; ii, nandi pejere ozohatoi zovizeze ozengi, ovo ngunda kavena tji va muna. Oruseinina peja ozohatoi mbari zo vizeze, ⁶¹Nazetja, omundu ngui uatja eje ma jenene oku hana ondemberi ja Mukuru, noku I tunga momajuva jetatu.⁶²Omupristeri omunene ua sekama natja nai kuje, kona tjimoziri? Otjikuae tji imba tjimave hatoire komunda uoje. ⁶³Nu Jesu ua muina uriri. Nomupristeri omunene ua hungira natja nai kuje, ami me ku janisa ku Mukuru omunamuinjo, kutja utu raere, kutja tjii oove Kriste, Omuna ua Mukuru. ⁶⁴Jesu uatja nai kuje, Opo pu ua hee: nunguari metja nai kuene, okuza ku nai mamu je ku muna Omuna uomundu a ahaama ko kuuoko kunene kuomasa, nu kombunda meeja movikamba viejuru.⁶⁵Indino omupristeri omunene ue rinjondorora omituaro, amatja, ua jamburura Mukuru. Tuna ozohatoi ndu matu uhuara ama tu hepa re? Tara nambano mueri zuvire ondjambu je. ⁶⁶Mamu ripura tjike? Ovo vazira navetja nai, Eje unondjo, ua sokuta.⁶⁷Nu arire tji vautu okumu tjekera omate momurungu nu ave mu tono ozongomi; nu tjiva ave muvete otupiu, ⁶⁸Ama vetja, tu profetera, ove Kriste, kutja ouanai ngue ku tono.⁶⁹Nu Petrusa ua haamene pendje mo rumbo ruondjiuo; nomusuko umue ue ere kuje, nu atja, ove uina uari puena Jesu ua Galilea. ⁷⁰Nu eje ua patanene po murungu uao avehe, nu atja, hina ku tjiua kutja mo hungire tjike.⁷¹Nu eje tja humburuka tjaja posijo muvero, omusuko omukuao uemumuna, nu atja nai kuimba mbari mbo, omurumendu ingui eje uina uari puena Jesu ua Nasareta. ⁷²Nu eje ua patina rukuao norujano natja, ami hi tjiua omurumendu ngui.⁷³Kombunda jo karuveze kuejere kuje imba mba kuramene mbo, nu avetja ku Petrusa, tjiri oove umue uavo orondu eraka ruoje mari ku horora. ⁷⁴Indino eje ua utire okusenga noku jana, amatja, ‘’hi tjiua omurumendu ngui.’’ Nu tjimanga ohunguriva ai vandara. ⁷⁵Nu Petrusa ua zemburuka embo ra Jesu, nda hungirire kuje, ‘’ohunguriva ngunda ai hija vandara, mondji patana tutatu.’’ Neje ua pita pendje na ka rira tjinene.

¹Nomuhuka tji ueja, ovapristeri ovanene avehe novanene vovandu vazuvasanene kutja ve zepe Jesu. ²Nu tji vazu noku mu pandeka, vemu tuara nave kemu jandja ku Pilatius, ingui omuhonapare.³Nu tjana Judas ingui ngue mu horora, tja muna kutja ua pangurirua ondiro, arire tje riverere ongaro je, nu a jarura ovimariva vio silveri imbi omirongo vitatu kovapristeri ovanene novanene vovandu, ⁴Amatja, ami mba tjiti ouvi mokutja mba horora ne jandja kuene ombindu ndji hina ndjo. Novo avetja, ete tuna ko natja na itjo? Tara kutja mo tjitivi? ⁵Nu eje ua umba imbi ovimariva vio silveri pehi mondemberi, na piti, na kaenda eke rireka.⁶Ovapristeri ovanene otjiva toora imbi ovimariva vio silveri, nu avetja, oveta ja zerika oku tua ovimariva mbi mombuikiro orondu otjisuta tjo mbindu. ⁷Nu ovo tjivazu no kuripura va zuvasana oku randa navio otjikunino tjomuungure uozonjungu kutja ve pake mutjo ovozonganda. ⁸Otjikunino tjo opu tja isanenua otjikunino tjo mbindu nga ku ndino.⁹Indino otji pa jenenisiua itji tji tja hungirirue ijo muprofete Jeremija tja tjere, novo va toora imbi ovimariva omirongo vitatu vio silveri, otjisuta tja ingui ovanatje va Isiraera ngu va vara ondengu. ¹⁰Nu ave vijandja kutja ve peue otjikunino tjo muungure uozonjungu otja imba pu mba raerua.¹¹Nu Jesu ua kurama pomurungu uo muhonapare: nu omuhonapare e mupura atja, oove Ombara jovajuuta? Jesu uemuzirire, ''opo pu ua hee.'' ¹²Nu tjima kumininua ijovapristeri ovanene novanene, eje ka ziririre ko. ¹³Pilatius opa tjera nai kuje, kona ku zuva kutja mave hatoire ovina ovingi vi ohunga naove? ¹⁴Nu eje kenambo nde mu zira nongarire embo rimue, nu omuhonapare opa himinua tjinene.¹⁵Nambano momukandi uomarurumino omuhonapare uasere oku kuturira otjiuana omupandekua umue, ngutja ningire. ¹⁶Nu moiri indjo vari nomupandekua ngua inganene nguja isaneua Jesu Barabas.¹⁷Okutja ovo tjiva uongarere pamue, Pilatius opa tjera nai kuvo, mamu zeri kutja mbi mu kuturire une, Barabas poo Jesu ngu isaneua Kriste. ¹⁸Orondu eje ua muine kutja ija ve tjitua ijeruru oku mu jeta kuje. ¹⁹Nu tjaza noku haama pehi motjihavero tjo mbanguriro, omukazendu ua hinda omaraa uokutja, otjiti otjina komurumendu omuhinandjo ingo: orondu ami mba hihamisiua tjinene mejuva ndi moruroto, mena re.²⁰Nunguari ovapristeri ovanene novanene va popere ombunga jovandu kutja i ningire onguturiro ja Barabas nu I jandje Jesu kondiro. ²¹Omuhonapare uatja nai kuvo, pu imba ovevari mba ouani nguma muzeri kutja mbi kuturire ene? Novo vatja Barabas. ²²Pilatius uatja kuvo, Nu nambano hitjitevi na Jesu, ngu isaneua Kriste? Novo avehe vatja, nga paperue kotjikoroise.²³Nu omuhonapare uatja, mena ra tjike, eje ua ungura ouvi ua tjike? Novo va ravaerera kombanda oku kapita amavetja, nga paperue kotjikoroise. ²⁴Nu Pilatius tja muna kutja kenee pe uru oku tanaura ondando jao, nokutja pa hapa ezunganeno enene, ua toora omeva nu erikoho momake pomurungu uombunga jovandu, amatja, ami hina ndjo jo mbindu jomurumendu ingui omuhinandjo ingui, ritarerereje oveni.²⁵Novandu avehe va zira avetja, Ombindu je ngai kare kombanda jetu novanatje vetu. ²⁶Kuzambo eje u eve kuturira Barabas: nu tjazu noku tona Jesu ozongora e mu jandja kutja a ka te.²⁷Kuzambo omasorondate uomuhonapare ve mu tuara po ruveze orupaturuke mondjiuo ehuarara jomuhonapare, notjimbumba tjao atjihe atji uongarere kuje. ²⁸Narire tji ve mu hukura, nave mu kutjire ombanda o pepurina. ²⁹Novo va zenga ekori rouhona ro makuija, nave tua ro kotjiuru tje, nave tua oruu meke re indenene: nave uoro ozongoro pomurungu ue, ave mu jamburura, ama vetja, Minikua Mbara jo Vajuuta!³⁰Nu ovo ve mu tjekerere omate, nave toora oruu meke re, nave mu tono motjiuru. ³¹nu tji vaza noku munjekerera va toora indjo mbanda muje, nu ave mu huikike omituaro vie omuini, nave mu tuara oku ke mu papera kotjikoroise.³²Nu ngunda am ve kaenda va muna omurumendu omuture ua Cyrene, Simona kena, nave mu toorisa otjikoroise komasa. ³³Nu tji veja pona puja pe isaneua Golgota, okutja oruveze ruotjikongo tjotjiuru, ³⁴Ve mupa owine ndja hovekua nonango: nu tjaza no kuirora, aha uhuara a manu ko.³⁵Nu ovo ve mu papera kotjikoroise, nu ave hanasana omituaro vie no mbeterero, ³⁶Nu kuzambo va haama pehi nu a ve mu tarere. ³⁷Nu kombanda jo tjiuru tje va tuapere omambo uondjo ndja perue, ''Ingui o Jesu Ombara Jo Vajuuta.''³⁸Nu pa paperua omarunga jevari kotjikoroise puenae, omue ko kuuoko ingo Kunene umue kokumoho. ³⁹Nu imba mbu ja ve kapita mbo ija ve mu tukana amve taka oviuru viao, ⁴⁰Nu ija vetja, ove ngumo zunda ondemberi nu oitungu rukuao momajuva jetatu, rijama omuini. Tji uri Omuna ua Mukuru heruka kotjikoroise.⁴¹Mo muano otjingeuo ovapristeri ovanene, novatjange, novanene, ve mu njekerera ama vetja, ⁴²Ija vatere ovakuao, nu eje omuini kena ku rivatera. Eje tjeri ombara ja Isiraera nga heruke kotjikoroise nambano nai nu matu kambura muje.⁴³Eje ue rijama ku Mukuru; nge mu kuture nai, tjeno mutjato kuje: orondu ija tja, ouami Omuna ua Mukuru. ⁴⁴Na inga omarunga nga papererue puena uo ouo uina je mu jamburura.⁴⁵Nambano okuza moire oitja hamboumue kua kara ondorera mehi arihe nga kiore oitja muviu. ⁴⁶Nu mangara moire oitja muviu, Jesu ua ravaera neraka enene, ama tja, Eli, Eli, lama sabachthani? Okutja Mukuru uandje, Mukuru uandje, ove ue Ndjesire tjike? ⁴⁷Tjiva mba kuramene mbo, tji va zuva tji vatja, omurumendu ngui ma isana Erija.⁴⁸Nu tjimanga imbo umue uavo ua purukuta a toora ohore, e tjijaveke mowine, eitua koru nemupe kutja anue. ⁴⁹Nu imba mba seuapo avetja, muesa erike, nga tu tarere kutje Erija meje ku mu jama. ⁵⁰Nu Jesu tjaza noku ura neraka enene, nu arire tja jandja ombepo je.⁵¹Nu tara, otjikatine tjondemberi tja njondoroka pokati, okuza kombanda nga kehi; nehi ari njinganjinga nomaue aje pamuka; ⁵²Nu omaendo aje paturuka, no otutu tuovajapuke ovengi mba rara atu penduka. ⁵³Natu piti momaendo kombunda jo mbendukiro je, nave hiti motjihuro otjijapuke, nu ave munika kovengi.⁵⁴Nambano omukendurio na imba mbari puena je ava tarere Jesu, tjiva muna omanjinganjingiro uehi naimbi ovina mbia tjitua, va urumine tjinene nu avetja, Ouatjiri ingui uari Omuna ua Mukuru. ⁵⁵Nu ovakazendu ovengi vari mbo am ve tarerere kokure, mba kongorera Jesu okuza ko Galilea, ama ve ungurire je. ⁵⁶Mokati kavo muari Maria Magdalene, na Maria inaa James na Joses, na ina jovazandu va Zebedias.⁵⁷Nu ongurova tjija tumbuka, peja omurumendu omutumbe ua Arimathaea, uena Josef, eje nguari omuhongeua ua Jesu: ⁵⁸Eje uaja ku Pilatius nu a ka ningira orutu rua Jesu. Nu Pilatius a pangura kutja orutu nga ru jandjeue ku je.⁵⁹Nu Josef tjaza noku toora orutu, ue ru mangere monguu ongohoke, ⁶⁰Nu eke ru rarisa meendo re omuini epe nda kororerue moruuua, nu a kunguzurire eue enene pomuvero ueendo nu a kaenda. ⁶¹Nu Maria Magdalene na Maria ingui omukuao va haamene mbo ava hungamasana neendo.⁶²Nu mejuva ra muhuka, okutja indi nda pingenene indi oromarongerero, ovapristeri ovanene novafarisei veja pamue ku Pilatius, ⁶³Ama vetja, matu zemburuka kutja omuuovise nguina ngunda ari nomuinjo ua tjere, kombunda jo majuva jetatu, me penduka. ⁶⁴Okutja pangura kutja eendo re ritjeverue katjootjiri nga kejuva oritjatatu: tjaa ovahongeua ve ngaa veja utuku nu ave muvaka, kuzambo ave hee ovandu kutja, Ua penduka movati: nu etiku inde seinina arire evi oku kapita inde tenga.⁶⁵Pilatius uatja nai kuvo, Tooree omutjevere: tuendee nu katjitee kutja ondjeverero ndji i kare otja tji mamu paha. ⁶⁶Ovo otji va kaenda nu aveka tuapo ondjeverero keendo, ave tuapo otjisetike puro novatjevere.

¹Nu komaandero ue sabata, ejuva etenga rotjiveke tjija riutu oku tja, Maria Magdalene na Maria ingui omukuao vaja oku katara ejendo. ²Nu tara pa kara omanjinganjingiro omanene uehi orondu omujengeri ua Muhona tja rauka okuza mejuru , nu eje ua kunguzura eue a isapo pomurungu uejendo nu a haama ku ro.³Ombunikiro je jari tjimuna orutjeno, nu omituaro vie viari omivapa tjimuna ovitutukende. ⁴Ovatjevere va uruma tjinene, ave zezera, nu ave kara tjimuna ovakoke.⁵Nu omuengeri ua zira nu atja nai kovakazendu, Amu tira: orondu me tjiua kutja mamu paha Jesu, ngua papererue kotjikoroise. ⁶Kepo imba orondu ua penduka otja tja heja. Indjeje mu mune oruveze Muhona pari a rara. ⁷Nu kaendee tjimanga mu ka raere ovahongeua ve kutja eje ua penduka movati; nu tareje, Eje ue muhongorere ko Galilea; nu ingo oku mamu kemu muna: tareje, ami mbe mu raere.⁸Nu ovo va hakahana ave piti momaendo, ave nomburuma nondjoroka onene; nu ave tupuka oku ka raera ovahongeua ve ombuze ndji. ⁹Nu ovo ngunda ama vei oku ka raera ovahongeua ve, Jesu ua uana kuena vo, nu atja, Minikuee amuhe. Nu ovo veja ave mutiza kozombaze nu ave rikotamene kuje. ¹⁰Nu Jesu otja tja nai kuvo, Amu uruma: tuendee mu ka raere ovanjarandje okujenda ko Galilea, ingo oku mave kendji muna.¹¹Nambano ovo ngunda ama ve kaenda, vemue vovatjevere va hita motjihuro, nu ave raere ovapristeri ovanene ovina avihe mbia tjitua. ¹²Nu ovo tji vaza noku uongarera pamue novanene, ve ripura, ave zuvasana nu ave jandja ovimariva ovingi kovatjevere, ¹³Nu ave tja, Itjee ovahongeua ve veere outuku nu ave vaka orutu rue ngunda a tua rara.¹⁴Nu itji tji tja zuvaka komatui uo muhegemone, ete matu mu popo, nu ene amu ha munika ondjo muitj. ¹⁵Nu ovo otji va toora ovimariva nu ave katjita otja indi tji vahongua: nu ombuze ndji ai handjauka mo Vajuuta nga kejuva ndinondi.¹⁶Kuzambo imba omurongo na ovahongeua na umue vaja ko Galilea, kondundu ndji va raererue I Jesu. ¹⁷Nu ovo tjive mu muna ve rikotamena kuje: nu tjiva ija ve ivaiva.¹⁸Nu Jesu ueja nu a hungire kuena vo nu atja, ouvara auhe mejuru na kombandehi ua jandjeua ku Ami. ¹⁹Nu ene kaendee, mena ra itji, ka hongeje oviuana avihe, ama mu vi papitisa mena ra Tate, no romuna, no rOmbepo Ondjapuke.²⁰Ama mu vehongo oku takamisa ovina avihe mbi mbe mu rakiza: nu tareje, Ami mbiri puena ene aruhe nga komaandero uouje.

¹Ombutiro jombuze oumbua ja Jesu Kristu, Omuna ua Mukuru; ²Otja tji patjangua momuprofete Jesaja, Tara, me hindi omuhindua uandje komurungu uoje, ngu ma tunu ondjira joje komurungu uoje. ³Eraka ra umue ngu ma ravaere mokuti ongaango tuneje ondjira ja Muhona, teremaniseje omirari vie.⁴Johanesa ue ere mokuti ongaango, ama zuvarisa ombatisimo jo meriverero nondanaukiro jomutima kondjesiro jomauvi. ⁵Nu ovandu avehe vokuti kua Judea, na imba ova Jerusalem ve ja kuje. Nave papitisiua ije mondondu ja Jordan ama ve hongonona omauvi uao. ⁶Nu Johanesa ua huikikire ombanda jomainja uozongamero, ne kuamo romukova motjikondambunda; nu ijari ozombahu novihira viokuti.⁷Nu eje ua zuvarisira, amatja, Pena umue omunamasa pu ami ngu meja kombunda jandje, ngumbi hina ku jenena nangarire ingui okurikota oku kutura ozondatua zo zongaku ze. ⁸Ami mbe mu papitisa momeva: nu Eje meje ku mu papitisa nOmbepo Ondjapuke.⁹Nu pa kara nai momajuva ingo kutja Jesu uaza ko Nasareta tja Galilea, nu a ka papitisiua i Johanesa mo Jordan. ¹⁰Nu tjimanga Jesu tja pita momeva, ua muna omajuru a ja paturuka, nu Ombepo a iri motjisano tjonguti ja raukira kombanda je. ¹¹Nu kuaza eraka kejuru ndatja, Oove Omuna uandje omusuverua, mu mbi joroka katjootjiri.¹²Nu tjimanga Ombepo je mu tuara mokuti ongaango. ¹³Nu eje uakara ngo mokuti ongaango omajuva omirongo vine, a erorua i Saatana; nu uari muena ovipuka viokuti, nu ovaengeri ave ungurira je.¹⁴Nambano Johanesa tjaza noku tuua mondorongo, Jesu ueja ko Galilea ama hongo ombuze ombua jouhona ua Mukuru. ¹⁵Amatja, Oruveze rua jenenisiua, nu ouhona ua Mukuru uri popezu: riverereje omauvi uenu kondanaukiro, nu kambureje mombuze ombua.¹⁶Nambano Eje ngunda ama kaenda posi jomuronga ua Galilea, Eje ua muna Simon, nomuangu ue Andrew ama ve umbu ozombate momuronga, ovo tjivari ovapate vomahundju. ¹⁷Nu Jesu uatja kuvo, Indjeje, mundji kongorere nu Ami me mu ungura kutja murire ovapate vovandu. ¹⁸Nu ovo tjimanga otjiva jesa ozombate zao nu ave mu kongorere.¹⁹Nu tja riama komurungu katiti okuzambo, ua muna James omuzandu ua Zebedias, na Johanesa omuangu ue, ovo uina averi moskepi ama ve tunu ozombate zao. ²⁰Nu Eje ue ve isana motjimanga, nu ovo ave jesa ihe jao Zebedias moskepi puena ovakutua, nu ave mukongorere.²¹Nu ovo vaja ko Kaperanauma, nu tjimanga imbo mesabata, a hiti mo sinangonge, nu a hongo. ²²Nu ovo va himisirue ijo kuhonga kue, orondu ije ve hongo otjo mundu aena ouvara, nu ka ahongo otjovatjange.²³Nu muari nomurumendu mosinangonge jao nguari nombepo ohakohoke, nu eje ua aura, ²⁴Amatja, Hanika na ete, katuna tjina kuena ove Jesu ua Nasareta? Ove ueja okutu njona are? Me ku tjiua kutja oove une. Oove Omujajapuke ua Mukuru. ²⁵Nu Jesu ua kandaiza o ndemone, natja, ''Muina nu u pite muje!'' ²⁶Nu indji Ombepo Ohakohoke tji jazu noku mu kunda pehi arire tjija piti muje no maravaerero omanene.²⁷Nu avehe va himinue tjinene nu ave jaruka okupurasana kutja, ''Itji otjikuae? Omahongero inga omape eno ouvara! Orondu eje ma pangura ozombepo ozohakohoke nozo aze zuu kuje?'' ²⁸Nu tjimanga ondangu Je ja handjauka pendje, mokuti akuhe ku kuri mongondoroka ja Galilea.²⁹Nu tjiva za noku pita mosinangonge ovo vateremanena kondjiuo ja Simona na Andreas, puena Jakobusa na Johanesa. ³⁰Nunguari ina jo mukazendu ua Simona uari momara, a a haverua ijo tjindjumba, nu ovo tjimanga ave mu raere. ³¹Nu Eje ueja, nu E mukambura keke, nu E mu sekamisa; nu otjindjumba tjimanga atji piti muje, nu eje a jaruka oku ve ungura.³²Nu ongurova ejuva tjirazu noku hita, va jeta kuje avehe imba mbari nomitjise na imba huurirue ijo zondemone. ³³Otjihuro atjihe tja uongarerere pomuvero. ³⁴Nu eje ua verukisa ovengi mba verere omitjise pekepeke, nu a nakere pendje ozondemone, nu eje ka jandjererere ko ozondemone oku hungira orondu ozo ija ze mutjiua.³⁵Nu Eje ua penduka rukuru, kunda a kua zorere , a piti nu ai koruveze nduku hari ovandu nu arire ka ka kumbira. ³⁶Nu Simona na imba mbari puena je ve mu paha. ³⁷Ovo tjive Mu vaza vatja nai kuje, ''ovandu avehe ma ve ku paha.''³⁸Nu Eje uatja nai kuvo, ''Ngatu jende ko vihuro vio ngondoroka, kutja mbi ka zuvarise ingo uina. Orondu itji otji mbe era.'' ³⁹Nu Eje ua rianga mu Ngarareja atjihe, ama zuvarisa mo zosinangonge zao nu ama nakere pendje ozondemone.⁴⁰Nu pe ere ku Je omurumendu ngua verere omutjise orupere, ame rijarikana ku Je, a vete ozongoro mehi pomurungu Ue, ama tja, ''tjimo vanga mondji kohorora.'' ⁴¹Nu Jesu ua to tjari tjinene nae, nu a uonjonona okuuoko kue, emu tunu, nu atja, ''Ami me vanga, ove kohoka.'' ⁴²Nu motjimanga omutjise orupere opu ua pitira muje nu eje a kohororua.⁴³Nu Jesu ua hungira oukukutu kuenae nu tjimanga e muesa kutja a kaende; ⁴⁴Nu Eje ua tjere kuje, ''tjita kutja o haraere omundu otjina, nunguari tuende nu ukeri raise ko mupristeri, nu u kajandje otjijandjeua tji Mose tja pangurire, tji rire otjihongonone kuvo.''⁴⁵45 Nunguari eje otja pita, nu a utu oku serekarera otjina tji tjinene, noku handjaura ombuze ndji nga kokure, pu pa tjita kutja Jesu aha uhara ama jenene oku hita motjihuro ama munika, nunguari a kare pendje mokuti ongaango. Nu kunda ovandu ovo ve ere kuje okuza komikuma avihe.

¹Nu Jesu tja kotoka mu Kaperanauma, kombunda jo majuva omatiti, ombuze jo kutja uri monganda ja handjauka. ²Nu tjimanga pa uongarere ovandu ovengi, nga tji pehari noruveze, na pomuvero poruauo,nu Eje ua zuvarisa embo kuvo.³Nu pe ere ovarumendu vane ava tjindi omuremane oku mujeta ku Je. ⁴Nu tji ve he pe urire oku ja posi Je mena rouingi uovandu, arire tji va isako omututu uondjiuo mbu uari kombanda ja Jesu, nu tji vaza noku topora ondovi, arire tjiva herurire po otjimata mu mua rarere ingui omurumendu omuremane.⁵Moku muna ongamburiro jao, Jesu uatjere ko murumendu omuremane,''Muatje, ove ua jesirua omauvi uoje.'' ⁶Nunguari pari vemue vo vatjange mba haamene mbo nu ovo ve ripurire momitima viao, ⁷Onguae omurumendu ingui tji ma hungire nai? Ma hungire ozondjambu ku Mukuru? Ouani ngu jenena oku jesira omauvi pendje na Mukuru erike?⁸Nu tjimanga Jesu tja muna mombepo Je kutja mave ripura nao mo mitima viao. Ua tja nai kuvo, ''Onguae tji mamu ripura ovina mbi momitima vienu? ⁹Nambano opapupu o o pene, oku raera omurumendu omuremane kutja, 'Ove ua jesirua omauvi uoje,' poo okutja, 'Sekama, toora otjimata tjoje nu u kaende?”¹⁰Nunguari kutja mu tjiue kutja Omuna uo mundu unouvara oku jesira omauvi kombanda jehi, ''Eje ua tjere nai ku ingo muremane, ¹¹''Ami me ku raere, sekama, toora otjimata tjoje, nu u jende kondjiuo joje.” ¹²Nu eje ua sekama mo hakahana, a toora otjimata, nu a piti mo ndjiuo po murungu uao, nu avehe va himinue tjinene nu ave hivirike Mukuru, amave tja, ''Katuna pu tua muine otjina tjo saneno indji.''¹³Nu eje ua kaenda rukuao kene romuronga, nu ombunga jovandu aihe aija ku Je, nu Eje eve hongo. ¹⁴Nu Eje tji ma kapita imbo, a munu Levi omuna ua Alfeusa, a a haama pehi po masutisiro uo tjimamariva tjouhona mehi, nu atja nai kuje, ''Ndji kongorera.'' Nu eje arire tja sekama nu emu kongorere.¹⁵Jesu a a ri eriro mondjiuo ja Levi, peno ovasutise vo vimariva vio uhona mehi no vanauvi ovengi veja a veje oku haama okuria puena je no vahongeua ve, orondu ovo vari ovengi nu ve mu kongorerere. ¹⁶Nu ovatjange nOvafarisei tji ve mu muna ama ri puena ova sutise vo vimariva viouhona mehi novanauvi, vatja nai ko vahongeua ve, “Onguae tji mari puena ovasutise vo vimariva vio uhona mehi no varunde?”¹⁷Nu Jesu tja zuva tji, eje uatja nai kuvo, “Ovandu mberi naua morutu kave hepa onganga, nunguari i hepiua i imba mba vera. Ami hi jere okuisana ovasemba nunguari mbe jera okuisana ovanauvi ko meriverero nondanaukiro jo ku poka kouvi.¹⁸Nu ovahongeua va Johanesa na imba vOvafarisei a ave ritjaere kovikuria.Ovandu tjiva veja nave tja nai ku Je, ''Onguae ovahongeua va Johanesa na imba ovOvafarisei tjive ritjaera kovikuria nu imba ovoJe tjive heri tjaere kovikuria?'' ¹⁹Nu Jesu uatja nai kuvo, ''Tjii ovanatje mberi mo mukandi mave jenene okuritjaera ovikuria ngunda omukupe aeri puena vo? Ingui omukupe ngunda a eri puena vo ovo ka vena okujenena oku ritjaera ko vikuria.²⁰Nunguari omajuva ma eja ingui omukupe tji mee ku toorua muvo, nu otji mavee ku ritjaera kovikuria mo majuva ingo. ²¹Kapena mundu ngu rapa erapi epe momutuaro omukuru. Orondu e rapi indi epe marije ku njondorora omutuaro imbui o mukuru, nu omataukiro uapo majee ku rira omavi katjiri.²²Kapena omundu ngu ma pakere omavinu omape mo zondjatu zo mikova uo mavinu ozonguru. Orondu omavinu omape maje pamuna inda ozondjatu zo mikova, nu omavinu ajetika, nozondjatu a ze zundaka. Nunguari omavinu omape je tuua mo zondjatu zo mikova uo mavinu ozombe.²³Nu mejuva ro Sapata Jesu ua kaendere mokati ko vikunino vio vikokotua, nu ovahongeua ve otji va jaruka oku pora ozondjatu zo vikokotua ngunda ama ve kaenda. ²⁴Nu Ovafarisei va tja nai ku Je, ''tara, onguae tji ma ve tjiti otjina tjitja zerikua oku tjitua mesapata.?''²⁵Neje uatja nai kuvo, ''Ene kamuja resa itji Davida tja tjitire, tjari nouhepe, indi tja tiro ndjara pamue na imba mbari puena vo? ²⁶Kutja ua hita vi mo ndjiuo ja Mukuru mo majuva ua Abiatha omupristeri omunene, tja karia omboroto jo maraisiro, ndja zerikua kovandu avehe, pendje novapristeri uriri, nu rukuao a jandja jo ku imba mbari puenae?''²⁷Nu Jesu uatja nai kuvo, ''Esapata ra ungurirua omundu nu omundu ka unguririrue Esapata. ²⁸Nu Omuna uo mundu otjinga aeri omuhona uesapata uina.''

¹Nu Jesu ua hita rukuao mosinangonge, nu pari nomurumendu imbo nguari neke nda uonja. ²Nu ovandu tjiva ve mu tarererere katjiri kutja me mu verukisa mesapata poo inde, kutja ve sore oku mu vara omunandjo.³Nu Jesu uatja nai komurumendu ingui nguari neke nda uonja, ''Indjo u kurame pokati kovandu avehe, ⁴Nu Eje uatja nai kovandu, ''Okusemba oku ungura ouua meSapata poo oku ungura ouvi, Oku jama omuinjo poo okuzepa?'' Nunguari ovo va muina uriri.⁵Nu tjaza noku riangisa omeho Ue muvo a a pindike, ama hihamisiua ijo makukutiro uomitima viao, eje uatja nai ku ingui omurumendu,'' uonjonona eke roje. Eje ua uonjonona ro, nu eke re ari veruka arihe. ⁶Nu Ovafarisei va kaenda nu tjimanga ave kemu tanda puena ovaherote kutja mave mu zepa vi.⁷Nunguari Jesu ua kaenda puena ovahongeua ve nu ave I komuronga, nu ombunga jovandu okuza ko Galilea ve mu kongorera, noku za ko Judeja, ⁸Noko Jerusalema, noko Idumea, noku za hembandina ja Jordan noku za ko mikuma via Tirasa na Sidona. Nu tjija zuva ovina ovinene mbija tjiti, ombunga onjingi jovandu otjije ja ku Je.⁹Nu Eje ua hungira kuena ovahongeua ve, kutja ve kare ava tunu okaskepi okatiti, oku tjitira kutja ovandu ave he mu jata, orondu ovo tji vari ovengi tjinene. ¹⁰Orondu Eje ua verukisire ovengi, nu ovandu mba vera ija ve undurasana, ama ve kondjo kutja ve tune kuje.¹¹¹²11 Nu ozombepo ozohangohoke ijaze uire pehi pomurungu ue tjize mu munu nu aze ravaere ama zetja, ''oove Omuna ua Mukuru.'' Nu Eje ue ze rakiza nomasa kutja aze mu horora kutja Eje ouani.¹³Nu eje ua ronda kondundu nu a isana imba mba zerire, nu ovo ave ja ku Je. ¹⁴Nu Eje a zeuparisa omurongo navevari (nu eve ruku ovaapostolo), kutja ve kare puena Je, nu eve tume pendje oku ka zuvarisa ombuze, ¹⁵Nu ve kare no uvara uoku verukisa omitjise, noku nakaurira ozondemona pendje. ¹⁶Ua zeuparisa imba omurongo na vevari, Simona, Jesu ua jandja o sano ja Petrusa.¹⁷Na Jakobasa omuna ua Zebedias, na Johanesa omuangu ua Jakobasa, nu eje ue vepa o sano ndji Boanergesa, okutja ovazandu ve raka ro mbura. ¹⁸Na Andreasa, na Filipi, na Bartolomeusa, na Mateusa, na Tomas, na Jakoba omuna ua Alfeusa, na Thadeusa, na Simona ua Kanana, ¹⁹Na Judas Iskariot ngue mu randisa.²⁰Nu eJe ai konganda, nu ombunga jo vandu ja uongara rukuao, nu ovo ave ha sora nangarire ingui oku ria omboroto. ²¹Nu mokuzuva tji, ovazamumue ve, otji va sekama oku ke mujeta, orondu tji ja avetja, ''Ua vere oviuoze.'' ²²Nu ovatjange mba zire ko Jerusalema va tjere, ''Eje una Belzebub, nu u nakera ozondemona pendje no hongora jozondemona.''²³Nu Jesu ueve isanena ku Je natja nai kuvo, movisasanekero, ''Saatana ma jenene vi oku nakera Saatana pendje?'' ²⁴Nu ouhonapare auhe mbu mau rihana nu au pirukirasana kuuo ouini, ouhonapare imbo kanaa u zikama ko. ²⁵Nu ondjiuo aihe ndji mai rihana nu ai pirukisana kujo ojini, ondjiuo indjo, kanaa i zikama ko.²⁶Nu Saatana tje risekamene omuini okuriruisa, nu eri hana, kanaa zikama ko, nunguari okutja ueja kondjandero. ²⁷Kapena mundu ngu ma jenene oku hita mondjiuo jomunamasa nu a pundu ovina vie andu tja pandeke omunamasa rutenga, nu imbo otji ma jenene oku punda ondjiuo je.²⁸Tjiri metja nai kuene, ovanatje vovandu mave jenene oku jesirua omauvi ajehe, nozondjambu azehe ndumave jamburura nazo Mukuru, ²⁹Nunguari auhe ngu ma jamburura Ombepo Ondjapuke kanaa munu ko ondjesiro, nunguari uri mo umba uo mbanguriro jaaruhe. ³⁰Jesu uatja nao mena rokutja, ovo va tjere, ''eJe u nombepo ohakohoke.''³¹³²

¹Nu Eje ua utire okuhonga rukuao mene romuronga,nu ombunga oningi jovandu ja uongarerere puje. Nu Eje opa hitira mosikepi tji tjari mo muronga, nu a haama mutjo, nu ombunga aihe jari pehi momukuro uomeva. ²Nu Eje u eve honga ovina ovingi nomasasanekero, nu atja nai kuvo otja tji ja hongo.³''Purateneje, tareje. omukune ua pitire okuka kuna. ⁴Nu pa kara nai eje tjija kunu kutja ozondui tjiva za uira mene ro ndjira, no zondera zomejuru zeja nu a ze zeri. ⁵Tjiva za uira mehi romaue, pupehari nehi nda jenene.Nu ozo za pita tjimanga orondu ka pari nehi ekoto.⁶Nunguari ejuva tji raza no ku ronda arire tji za pii, nu mokutja kazari no muze aze kukuta. ⁷Nu tjiva za uira mokati ko makuija, no makuija tjija hapa a jeze sina nu aze ha jeta otjihape.⁸Nunguari zemue za uira mehi eua, nu aze jeta ovihape mbia hapa nu a viningipara, nu za jeta tjiva omirongo vitatu, tjiva omirongo hamboumue, tjiva esere. ⁹Nu Eje uatja nai kuvo, ''Auhe nguna omatui okuzuva ngazuve.''¹⁰Nu Jesu tja seua peke, imba mbari punaje, na imba omurongo na vevari ve mupura komunda uo tjisasanekero tji? ¹¹Nu Eje uatja nai kuvo, ''Pa jandjeua kuene okutjiua oviundikua vio uhona uejuru. Nunguari imba mberi pendje mave peua ovina avihe movisasanekero, ¹²kutja tjima vetara, ii mavetara, nave ha munu, oku puratena mapeja ave puratene nu aveha pangununa, tjaa ngaave tanauka nu Mukuru eve isire.''¹³Nu Eje uatja nai kuvo, ene kamuna ku tjiua otjisasanekero itji? Nu nanguari mamu je ku tjiua vi ovisasanekero ovikuao? ¹⁴Omukune u kuna embo. ¹⁵Nu imba ovo mberi mene jo ndjira embo tji mari kunua, nunguari ovo tji vazu noku zuva, otji peja Saatana, nu a hakana indi embo ndari a rakunua mo mitima viao.¹⁶Nu imba ovo uina ovo imba mba sana na inda nda uira mokati komaue; ovo mba mbe zuva embo, nu tjimanga ave jakura ro no ndjoroka; ¹⁷Nunguari ka ve na muze muvo oveni, nu otji ve takama oka ruveze okasupi. Nu kombunda ombamisiro poo okuhangaurua tji kueja mena rembo ovo ve putara mo tjimanga.¹⁸Nu inda tjiva ozonda ndu maze kunua mokati ko makuija. Imba ovo imba mbe zuva embo, ¹⁹Nu omerikendero uo uje mbui no mbukisiro jo rutumbo, nozondero zo vina viarue tji za hiti, a ze sina indi embo, nu ari ha jeta ovihape. ²⁰Nu inda nda kunua mehi eua, imba ovo mba mbe zuva embo nu ave jakura ro, nu ave jeta otjihape, tjiva omirongo vitatu, tjiva omirongo hamboumue, tjiva esere.²¹Nu Jesu uatja nai kuvo, ''Tjii ujeta erambe mondjiuo kutja ri tuue kehi jotjihanda poo kehi jombete? U ri hitisa moukoto nu orituapo potjitihe. ²²Orondu kapena tjimue tjitja horekua tjitji hina oku tjiukua, poo tjimue tjitja undikua tji tji hina oku vandururua. ²³Omundu auhe nguna omatui okuzuva nga zuve''²⁴Nu Eje uatja nai kuvo, ''Takamiseje mbi mamu zuu, otjisaneke itji tji mamu saneke natjo ene otji mamu sanekua natjo, nu amu ueziruako ovingi. ²⁵Orondu ingui ngu notjina ma peua ovingi, nu ingui ngu hina tjina ma jekua naitji tje natjo.''²⁶Nu Eje uatja, ''Ouhona ua Mukuru uri tjimuna omundu ngua ka umba ondui mehi. ²⁷A ka rara outuku, nu a penduka omutenja, nu ondui ojo ai piti nu ai hapa nu eje ae hina tji matjiua. ²⁸Orondu ehi ri ripitisira otjihape kuro orini, rutenga otjijao, kuzambo okutui nu kombunda ondjatu jozondui. ²⁹Nunguari otjihape tji tja horo, tjimanga ma pitisa oruvio orukonde, orondu omakondero tji je ja.''³⁰Nu Eje uatja nai rukuao, ''Matu saneke ouhona ua Mukuru ku tjike, Poo otjisasanekero tjine tji matu u sasaneke ko? ³¹Ouo uasana kondui jomosteri, ndjiri kutja tji mai kunua mehi onditi pozondui azehe nderi kombandehi. ³²Nunguari tjija kunua, ojo i kura, nu ai kapita ovihape avihe viotjikunino, nu ai hara ovitavi ovinene, kutja ozondera mejuru ze tunge oviruuo viazo momuzire uajo.''³³Nu Eje ueve serekarera embo no visasanekero ovingi tjimuna imbi, otja pu ja ve jenene oku zuva ro. ³⁴Nu Eje ka a hungire kuena vo nokuhina tjisasanekero. Nunguari tja seua peke puena ovahongeua ve ijeve pangununine ovina avihe.³⁵³⁶³⁷35 Nu mejuva otjingero, ongurova tjijeja, uatja nai kuvo, ''Ngatu konde hembandina.'' 36 No ovo ave hanika no mbunga jovandu, otjiva toora Jesu nu avei punae, ovo tjive mu vazere a a rondo moskepi hapo. Nu pari ouskepi oukuao outiti puena Je.37 Nu pa sekama otjivepo otjinamasa, nu ozongazona zatjo ze ri vandere moskepi nga tji tje ura omehi.³⁸Nu Jesu ua rondere kombunda mosikepi, a a rara potjikusinga.Nu ovo ve mupendura nu avetja kuJe, ''Muhonge, kona konatja tji matu koka?'' ³⁹Nu Eje ua sekama, a kandaiza ombepo nu atja nai komuronga, ''Ohange, porimana!'' Nu otjivepo tja kurama nu aku poro tjinene.⁴⁰Nu Eje uatja nai kuvo, ''Onguae tjimua uruma nai? Onguae tjimu hina ongamburiro? ⁴¹Nu ovo va urumine tjinene nu ave purasana nai, ''Ingui nanguari ouani, ngu puratenua ijo mbepo nomuronga nu avi zuu ku Je?''

¹Nu ovo va konda hembandina jomuronga nu ave hiti mehi ra Gadarenes. ²Nu Jesu tjaa piti mosikepi, ua hakaena nomurumendu nguari nombepo ohakohoke amazu mo zombongo,³Omurumendu ua turire mozombongo.Nu kapena mundu ngu ja jenene oku mu pandeka, kako, nangarire noketanga. ⁴Orondu movikando ovingi ua pandekerue nomapando uovitenda nozoketanga. Nu eje ija poro ozoketanga nu a njanjaura omapando uovitenda.Nu kapena umue ngu ja jenene oku mu ura komasa.⁵Nu aruhe, outuku nomutenja ija kara mozondundu namozombongo, ama uru nokurikonda omuini nomaue omatue. ⁶Nunguari eje tja muna Jesu, ngunda a eri kokure, otja tupuka ku Je nu e rikotamene kuje,⁷Nu a urire kombanda, nu atja, ''Mbi notjiungura tja tjike kuena ove, Jesu, Ove Muna ua Mukuru uo kombandambanda. Me ku ningire mena ra Mukuru kutja ohendji hihamisa. ⁸Orondu Eje tjandje ua tjere, ''Pita momurumendu ingui, mbepo ove ohakohoke.⁹Nu Jesu ue mu pura kutja, Ena roje otjikuae?'' Nu eje ua zira amatja, ''Ena randje o Legione, orondu ouete tuvengi.'' ¹⁰Nu eje ue riheka tjinene kutja eheze rambere pendje ne kondua indo.¹¹Nambano pari nozombinda ozengi ndu ja zerire popezu posi jondundu. ¹²Nu inda ozombepo azehe otji ze rijarikana ku Je, azetja, ''Tu hinda kozombinda kutja tu ka hite muzo. ¹³Nu Jesu ueze jandjera oku tjita nao tjimanga, nu inda ozombepo ozohakohoke za pita nu aze ka hita mozombinda, nu orupanda a arire tji rua purukutire po tjikere, aru uire mo muronga, nu mangara jari omajovi je vari uo zombinda, nda siniua ijo muronga na zekoka.¹⁴Nu imba ovarise vozondu arire tji va tupuka nu ave ka horora itji kotjihuro na mehi ra po, nu ovandu otji va pita oku kamuna kutja itji tji tja tjitua otjikuae. ¹⁵Nu ovo veja ku Jesu, nu ave munu ingui ngua huurirue ijozondemone, ingui nguari na Legiona, a a haama pehi, nu a a zara, a eno ozondunge ze azehe; nua arire tji va uruma.¹⁶Nu imba mba muna ve ve raera kutja kua tjitua tjike komurumendu ingui ngua huurirue ijozondemone na kozombinda. ¹⁷Nu ovo arire tji va utu okurijarikana kuJe kutja nga pite mekondua rao.¹⁸Nu eje tjeja moskepi, omurumendu ingui ngua karere hapo a ahuurirue ijo zondemone ue rijarikana kuJe kutja a kare puena Je. ¹⁹Nunguari Jesu ke mu jandjerere, Eje uatja nai kuje, ''Tuende konganda kova zamumue voje nu uke ve serekarere kutja Muhona ueku ungurire ovina ovinene vi, nu ue ku tjiriparere.'' ²⁰Nu eje ua kumuka nu arire tja utu oku hongonona porutjandja mehi ra Dekapolisa kutja Jesu ue mu ungurira ovina ovinene pupetapi, nu ovandu avehe va temua.²¹Nu Jesu tja konda hembandina rukuao mosikepi, ovandu ovengi va uongarerere ku Je, nu Eje uari popezu nomuronga. ²²Nu tara peere umue uo vanane vo sinangonge, Jairusa kena, nu eje tje mu muna ua uira pozombaze Ze. ²³Nu e rijarikana ku Je tjinene amatja, ''Omusukona uandje ingui okatiti uri poo ku koka uri momara.Me ku ningire, indjo u jambeke omake uoje kuje, kutja a verukisiue nu eje a hupe.'' ²⁴Nu Eje ua kaenda puenae, nu ovandu ovengi tjinene ve mu kongorerere nu ave undurasanene mu Je kominda avihe.²⁵Nu omukaendu uorive ngua karere ae ziza ombindu ozombura omurongo na mbari, ²⁶Ngua hihamisirue ovina ovingi momake uozonganga ovengi, nu ngua ungurisire atjihe tjari natjo nunguari aha munu ombatero, pendje na imbui omutjise mbuja u riama komurungu. ²⁷Tja zuva komunda ua Jesu, eje ua hita mo tjiuangungu aende kombunda Je nu arire tja tunu ombanda Je.²⁸Orondu eje ua tjere, ''Tji mba tunu nangarire komituaro vie, ami me veruka.'' ²⁹Nu tjemu tuna, tjimanga omburo jombindu je ja puirisiua, nu eje ueri muna morutu kutja ua verukisiua ko mutjise imbo.³⁰Nu tjimanga Jesu ua tjiua kutja omasa ja piti mu Je. Nu otja tanaukira kombunga jovandu nu atja,'' Ouani ngua tunu komituaro viandje?'' ³¹Nu ovahongeua ve va tjere nai ku Je, ''Mo munu ombunga jovandu ndji mai undurirasana move indji kuzambo otja, 'Ouani ngue ndji tunu?''' ³²Nu Jesu ua tara ongondoroka oku muna ingui ngua tjitire otjina tji.³³Nunguari ingui omukazendu tjinga ija tjiua kutja kua tjitua tjike muje, ua urumine na zezera. Nu otjeja a uire pomurungu Ue nu e Mu raere ouatjiri auhe. ³⁴Nu Eje uatja nai kuje, ''Muatje uandje omukazona, ongamburiro joje je ku verukisa, kaende mohange nu verukisiua komutjise uoje.³⁵

¹Nu Eje ua kumuka okuzambo, nu eja kehi re omuini,nu ovahongeua ve ve mukongorerere. ²Nu ejuva resapata tjira tumbuka, Eje ua uta okuhonga mosinangonge. Nu ovengi mbe mu zuvire va himinue, nu avetja, ''Ovina mbi ingui mevi isapi?'' Nu imbui ounge nongo mbua jandjeua kuje?'' ''Kutja novitjitua ovihimise mbia sana ingui mavi tjitua ijomake Ue? ³''Tjii ingui ka engo muhonge uouti, ingui omuna ua Maria, erumbi ra Jakobasa, na Josesa, na Juuta, na Simona? Ovatena kue kaveri puena ete imba?'' Nu ovo arire tji ve mu pindikire.⁴Nunguari Jesu uatja nai kuvo, ''Omuprofete kena peha munu ondengero pendje nomehi re omuini, na momuhoko ue namonganda je.'' ⁵Nu ope ha tjitire ovitjitua ovihimise ingo, pendje nokujambeka omake kovavere ovatiti mba verukisa. ⁶Nu eje ua temisirue ijo ku hina ngamburiro kuao. Nu Eje ua kondorokere no virongo ama hongo.⁷Nu Eje ua isanena imba omurongo na vevari ku Je, nu a ruku oku ve hinda kovevari vevari, nuue vepa omasa kombanda jozombepo ozohakohoke, ⁸Nu Eve raere kutja ave heri toorere ko otjina okuri rongerera oujenda, pendje nonguinja uriri; nangarire ondjatu, nangarire omboroto, poo ovimariva mekuamo; ⁹Nokutja ve tuako ovikapuite, nu ave ha toora ozondjasa mbari.¹⁰Nu Eje uatja nai kuvo, ''kangamua ondjiuo aihe mu mua hiti, kareje mujo, nga tji mua piti motjirongo tjo. ¹¹Nu ngamua auhe ngu hina ku mu jakura, poo oku mu puratena mo ndoropa jao, ene tji ma muzu imbo, pukumuneje oruuma kehi jozombaze zenu irire omahongononeno kuvo. Tjiri me tja nai kuene, omahihamisiro ua Sondoma na Gomora ma jee ku ngara tjinene pu ingo uo tjihuro tjo mejuva rombanguriro.¹²Nu ovo va kaenda nu ave zuvarisa kutja ovandu ngave riverere kondanaukiro jomauvi. ¹³Nu ovo va nakera ozondemona ozengi pendje, ave sopora ovengi mba verere nomaze, nu ave ve verukisa.¹⁴Nu ombara Heroda ja zuvire ombuze komunda ue, orondu ena ra Jesu tji ra zuvarere akuhe. Nu tjiva aa vetja, ''Okutja Johanesa omupapitise ua pendurua movati, nambano ovihimise ovinamasa otji mavi raisiue muje. ¹⁵Nunguari tjiva va tjere, ''Ingui o Erija. Nu varue va tjere, ''Omuprofete, poo uri otja umue uovaprofete ovakuru.¹⁶Nunguari Heroda tja zuva tji ua tjere, ''Johanesa ingui ngu mba konda otjiuru, ua penduka movati. ¹⁷Orondu Heroda omuini ua hinda kutja, Johanesa a kamburue, e mu pandekere mondorongo, mena ra Herodias (omukazendu uomuangu ue Filipi), orondu eje tje mu kupire.¹⁸Orondu Johanesa ua tjere nai ku Herod, ''Kakokuua otja koveta ove oku kupa omukazendu uo muangu uoje.'' ¹⁹Nu Herodiasa otja kara nongore naje, a zeri oku mu zepa, nunguari ehe peuru. ²⁰Mena rokutja Heroda ija tira Johanesa orondu ija tjiua kutja eje uari omurumendu omusemba no omujapuke, nu ope mu pera ondjeverero. Nu eje ue mu puratenene, emu himisa katjiri, nu ngunda eje a zuu kuje no ndjoroka.²¹Nunguari oruveze rue rijandja mejuva rimue, Heroda tja ungurire omukandi uejuva ronguatero je, mbua jetere ovahona vo kehi je, ovanane vovimbumba viovita, no zohongora za Gararea. ²²Nu ingui omusuko ua Herodiasa omuini otja hitire, a pundu nu a jorokisa Heroda no vaenda ve.Nu Heroda otja tjere nai ku ingui omusuko, ''Ningira atjihe tji mo paha kuami nu ami me kupe tjo.''²³Nu arire tje mu rijanene nu atja nai kuje, ''Otjina kaaniatjihe ove tjimo ningire kuami, ami me kupe tjo nga korumbembera rumue ruouhona uandje.'' ²⁴Nu eje ua pitire nu aka tja nai ku ina, ''Hi ningire tjike?'' Nu eje atja, ''Otjiuru tja Johanesa omupapitise. ²⁵Nu eje ua kotoka tjimanga, a teremana kombara nu atja, ''Ondero jandje okutja undjipe otjiuru tja Johanesa omupapitise mo mborota jo kati mohakahana.²⁶Nu ombara ja hihamenue tjinene, nunguari mena rorujano ndua tjiti kuje, na mena ro vaenda ve mba haamene puenae, ka pandere ko omaningiriro ue. ²⁷Mo hakahana ombara otjija hinda omutjevere nu a pangura kutja otjiuru tja Johanesa nga tji jetue. Nu omutjevere uaja nu aka konda otjiuru tje kondorongo. ²⁸Etji jeta motjijaha nu etji jandja komusuko ngui, nu omusuko etji jandja ku ina. ²⁹Nu ovahongeua ve tji va zuva ombuze ndji, arire tji veja, ave ka toora orutu rue nu averu tua mombongo.³⁰Nu imba ovaapostolo arire tjiva uongarere pamue pu Jesu, nu ave mu serekarere ovina avihe, ooimbi mbi vaka tjita na imbi mbi vaka honga. ³¹Nu Eje uatja nai kuvo, ''Indjeje ene oveni koruveze ongaango mu ka suve katit. Orondu tji pari ovengi mbuja veja noku kaenda, nu ovo tjivehari nangarire noruveze ruokuria. ³²Nu ovo va kumuka oveni mosikepi nu ave kondo kotjirongo ongaango.³³Nu ovandu ve vemuna tjija ve kumuka okujenda, nu mokutja ovengi ija ve vezemburuka, otjiva tupuka pehi komurungu uao okuza movihuro avihe nave kevevazera po, nu ovo arire tjiva uongarere puje. ³⁴Nu Eje tja heruka ua muna otjimbumba otjinene tjovandu, nu arire tja tondjenda navo, orondu ovo vari otjozondu nde hina omurise.Nu Eje otja utire oku ve honga ovina ovingi.³⁵Nu ejuva tji ra toko, ovahongeua ve veja kuje nu avetja, ''Indui oruveze nduri mongaango nu ra toko ³⁶Ve hinda ve kaende, kutja vehite movikunino mongondoroka, na moviuana veke rirandere oviriua orondu kavena tjina okuria.³⁷Nu eje ua zira nu atja nai kuvo, “Ene oveni vepeje ovikuria verie.'' Nu ovo vatja nai kuJe, ''E'te ngatu jende tu ka rande omboroto jondengu jozosilveri omasere jevari tu vepe verie?'' ³⁸Nu Eje uatja nai kuvo, ''Muna ozomboroto ngapi? Kaendee mu ka tare.'' Nu ovo tjivaza nokumuna, avetja, ''Ozomboroto ndano nomahundju jevari.''³⁹Nu Eje ua pangurire kutja avehe ngave ve haamisiue pehi movimbumba mehozu engirine. ⁴⁰Nu ovo va haamene pehi motuteto tuovimbumba, tjiva tuomasere tjivio tuomirongo vitano. ⁴¹Nu Eje tjaza noku toora inda ozomboroto ndano na inga omahundju jevari, ua tara kombanda mejuru, nu a sere vio ondaja, nu a kojora inda ozomboroto, eze jandja kovahongeua ve kutja vezetue pomurungu uovandu.Nu kuzambo a hana omahundju inga ojevari kuvo avehe.⁴²Nu ovo varia avehe ngandu tjive kuta. ⁴³Nu ovo va toorere ovihanda omurongo na vivari mbie urire outekatekero uo mboroto nomahundju. ⁴⁴Nu imba mba rire omboroto vari ovarumendu mangara omajovi jetano.⁴⁵Nu tjimanga Eje ua rakiza ovahongeua ve okuhita mosikepi, kutja ve ende komurungu Ue hembandina, ko Bethsaida ngunda Eje ama piza ovandu. ⁴⁶Nu tjaza noku ve piza, arire tja rondo kondundu oku ka kumba. ⁴⁷Nu omuihi tji ua tumbukire, osikepi tjari pokati komuronga, nu Eje uari peke pehi.⁴⁸Nu Eje ue vemuna tjija ve kondjo tjinene okuhinga osikepi, ombepo tjija i singi okuza ku mavei. Nu mangara moruveze ruo matjeverero orutjaine ruoutuku eje ueja kuvo ama kaenda kombanda jomuronga, Eje ua tiere oku ve kapita. ⁴⁹Nunguari ovo tji ve mu munu ama kaenda kombanda jomuronga, vatjangovasi otjiruru nu arire tjiva uru, ⁵⁰orondu ovo avehe ve mu muine nu va urumine. Nu tjimanga Eje ua hungira kuenavo nu atja nai kuvo, ''Vandipareje!'' OuAmi! Amu tira!''⁵¹Nu Eje uaja kuvo nu a hiti mosikepi, nu ombepo ai kurama oku singa. Nu ovo va himinue tjinene oku kapita omahimino muvo oveni nu ave temua. ⁵²Orondu ovo tji ve he rihongere motjihimise tjo mboroto, mena rokutja omitima viao via kukutire.⁵³Nu ovo tji vaza noku konda hembandina va hitire mehi ra Genesarete, nu ave kuramisa osikepi tjao. ⁵⁴Ovo tjiva uta oku pita mosikepi, ovandu ve muzemburuka tjimanga, ⁵⁵Nu arire tjiva tupuka mekondua indo arihe na mongondoroka jaro, nu ave tjindi ovavere movimata viao oku ve tuara ingui ku va zuvire kutja okeri.⁵⁶Nu akuhe ingui ka hitire, moviuana, movihuro na mozohambo novikunino, va rarisire ovavere momivanda, nu ave rijarikana kuje kutja ve tune nangarire kotjikoro tjombanda je. Nu avehe imba mbe mu tunine va verukisiua.

¹Nu ovafarisei novatjange vemue mba zire ku Jerusalem, veja kuJe ave muongarere.²Nu ovo tji vamuna ovahongeua ve tjiva ama veri ozomboroto nomake nga tundakere, okutja omake nge ha koherue, arire tjive ve vara ovanandjo. ³(Orondu OvaFarisei novajuuta avehe, kaveri noku hina ku koha omake uao naua, otja kombazu jovanene. ⁴Nu Ovafarasei tjimavezu komarandero, kaveriko ngunda ave hije rikoha. Ovo vapeua ovina ovingi ovikuao mbi va takamisa, tjimuna omakohero uomakopi, nozonjungu, novitjuma viongoporo novitihe.⁵Indino Ovafarisei novatjange va pura Jesu, ''Onguae ovahongeua voje tjive ha kongorere ombazu jovanene, ovo tji veria omboroto nomake nge ha koherue?''⁶Eje ua zira nu atja nai kuvo, ''Jesaja ua porofeterere naua komunda uenu vanatjavivi uene. Punga a patjangua, “Ovandu imba ve ndji jozika nomina viao nunguari omutima uao uri kokure na Ami.” ⁷Ovo ve rikotamena kuAmi omungandjo, amave hongo omatuako uotjindu tjimuna omahongero.⁸Orondu mua esa etuako ra Mukuru nu amu takamisa ombazu jovandu. ⁹Nu Eje uatja nai kuvo, ''Tjiri ene mu imbirahi etuako ra Mukuru kutja mu takamise ombazu jenu! ¹⁰Orondu Mose uatjere, Jozika iho na njoko, nokutja, ''Auhe nguma hungire ouvi ke koro ra ihe poo ina eje nga pangurirue ondiro.''¹¹Nunguari ene mutja, ''Omundu tja tja nai ku ihe poo ku ina, ''Itji atjihe tjitja tji rira otjinambatero tji uari a uaso kujakura kuami o Korbana'', (okutja, 'otjijandjeua tja Mukuru), ¹²Otjimutja kapetjina hepero jo mundu ingo oku jandja ku ihe poo ku ina. ¹³Momuano imbui otjimuhahizisa oveta ja Mukuru mena rombazu jenu ndji mua peua. Nu mu tjita ovina ovingi mbia sana ku imbi uina.¹⁴Nu Eje ua isanena otjimbumba tjo ovandu kuje, nu uatja nai kuvo, ''Purateneje kuAmi, amuhe nu zuveje naua. ¹⁵Kapena tjina tji tjiri pendje jomundu tji matji jenene oku mu tunda tjitja hiti muje. Nunguari ovina imbi mbi pita momundu, imbio ombi mu tunda. ¹⁶Omundu auhe tjeno matui okuzuva, ngazuve.''**¹⁷Nu Jesu tjaza noku hanika kunovandu, nu ahiti mondjiuo, ovahongeua ve ve mu purire komunda uotjisasanekero tji. ¹⁸Nu Jesu uatja nai kuvo, ''Ene uina kamuna ku pangununa naua otjina tji? Kamuna ku tjiua kutja otjina atjihe tjitjazu pendje nu a tji hiti momundu katjina ku jenena oku mu tunda, ¹⁹Orondu otjo tji tjihina ku hita momutima ue, nunguari tji matji hiti mezumo re, nu a tji kapitira mo rutao ruo ndova?'' Nu me hungi indi Jesu ua kohorora ovikuria avihe.²⁰Nu Eje uatja nai kuvo ''Itji tjitji pita momundu, itjo otji tji tunda omundu. ²¹Orondu okuza moukoto omundu, okuza momutima, omu muza ouripura uomaurunde, omaukorondu, ourunga, omauzepe, omakatukiro uo rukupo ²²omaukorokope, ozondjito zouvi, omatiku, ozondero zonjama zourunde, eho reruru, omajambururiro ua Mukuru, omeritongamisiro, oujova. ²³Ovina imbio viourunde imbi avihe viza moukoto nu ombi tunda omundu.''²⁴Okuzambo ua kumuka nu ai ke kondua ra Tira na Sidona.Nu a hiti mondjiuo, nu a ha vanga kutja pe kare omundu ngu ma tjiua kutja uripi, nunguari Eje ka jenenene oku rihoreka. ²⁵Orondu omukazendu uorive nguari nomusukona nguari nombepo ohakohoke, ua zuvire komunda uE, nu otjeere nu erivanda pehi pozombaze Ze: ²⁶Omukazendu ngui uari Omuhirika, uomuhoko ua Siro-fonike.Nu eje uerijarikanene kujE kutja a nakere pendje ondemone ndjari mo musuko ue.' ²⁷Nunguari Jesu uatjere nai kuje, ''Ovanatje ngave kutisiue rutenga. Orondu ka ko kuua okutoora omboroto jovanatje okuji umbira ozombua.'' ²⁸Nu eje ua zira nu atja nai ku Je, ''Ii Muhona, nu orondu nozombua ze ria outekero kehi jotjitihe tjovanatje.''²⁹³⁰29 Nu Eje uatja nai kuje, ''Mena rokutja nao kaende, ondemone ja piti momusuko uoje.''30 Nu eje uaaruka kondjiuo je, nu ua vaza omuatje a a rara pombete, nu ondemone ajai.³¹Nu ua pita rukuao ai ke kondua ra Tirana na hiti na Sidona, okujenda komuronga ua Galileja, ngandu ke kondua ra Dekapolisi. ³²Nu ovo va jetere umue ku Je nguari omboro, nu nguja ha hungire naua, nu ovo verijarikana ku Je kutja nga jambeke eke Re ku Je.³³Nu Eje uemu toorera kotjikoro emu pitisa mouingi uovandu, nu atua ominue Vie momatui ue, nu a tjeke omate, nu a tunu eraka re. ³⁴Nu a tara kejuru, a suvana nomasa, nu atja nai ku Je, ''Ephaphatha,'' okutja, ''Paturuka!'' ³⁵Nu mohakahana omatui ue aje patururua, nu epu reraka re ari kuturua, nu eje a utu okuhungira naua.³⁶

¹Nu momajuva ingo, ape kara rukuao otjimbumba tjovandu otjinene, nu kapari notjkuria tjimaveri. Jesu ua isanena ovahongeua ve ku Je nu atja nai kuvo, ²Otjimbumba tji matji ndji ningisire ondjenda, orondu ovo va kara puena Ami omajuva jetatu nu kavena tji maveri. ³Nu tjimbe ve hindi kozonganda zao nondjara, mave seuka mondjira, orondu ovengi mu vo vazire kokure.'' ⁴Nu ovahongeua ve ve muzira nai, ''Matu isapi omboroto ndji mai jenene oku kutisa ovandu imba mongaango indji?''⁵Nu Eje ue ve pura natja, ''Muna ozomboroto ngapi?'' Nu ovo avetja, ''hambombari.'' ⁶Nu Eje ua pangurire kutja ovandu ngave ve haame pehi. Nu Eje ua toora inda ozomboroto hambombari, nu a sere zo ondaja, Eze kojora, nu Eze jandja kovahongeua ve kutja vezetue pomurungu uovandu,nu ovo ve zetua pomurungu uovandu.⁷Nu ovo vari nouhundju outiti mbuhinandengu, nu Eje Ue u sera ondaja, nu A pangura ovahongeua kutja uina ngau tuue pomurungu uovandu. ⁸Nu ovo otji varia avehe nu ave kuta, nu ovo va uonga outekatekero mbua hupire nu ave urisa ovihanda hambombari. ⁹Nu imba mba rire vari mangara omajovi jane. Nu arire tje ve piza. ¹⁰Nu mohakahana Eje ua hita moskepi puena ovahongeua ve, nu aveja ke kondua ra Daramanutha.¹¹Nu Ovafarisei va hopoka aveja, nu ave utu ombata kuena Je. Amave paha kutja eve raisire itjisanekero okuza kejuru, ama ve mu roro. ¹²Nu Eje arire tja suvana tjinene mombepo Je, nu atja, ''Onguaje ondekurona indji tji mai paha otjisanekero? Tjiri, metja nai kuene, kapena tjisanekero tji matji jandjeua kondekurona ndji.'' ¹³Nu Eje uevesa mbo, a hiti mosikepi rukuao, nu a kondo hembandina.¹⁴Nambano ovahongeua va zembire ozomboroto, kavena ndu vari nazo mosikepi pendje nomboroto imue uriri. ¹⁵Nu Eje ue ve zemburukisire amatja, ''Takamiseje osurise jOvafarisei nosurise jo Heroda.''¹⁶Nu ovo ve ripurire mokati kavo oveni amavetja, omena rokutja katu toorere omboroto. ¹⁷Nu Jesu ua tjivirue tji nu atja nai kuvo,''Onguae tji mamu ripura kutja omena rokutja katu toorere omboroto? Kamuja muna ngunda poo oku kondononona? Poo mua kukutisa omitima vienu?¹⁸Muna omeho, nu kamu munu are? Nu mu nomatui nu kamu zuu are? Nu ka mu zemburuka? ¹⁹Tji mba kojorera ovandu omajovi jetano ozomboroto ndano mua uonga ovimbamba vingapi vio utekero?'' Nu ovo vatja nai ku Je, ''Omurongo navivari.''²⁰Nu tjimba kojora indo hambombari ozomboroto ko imba omajovi jane, mua uonga ovimbamba vingapi vioutekero uazo? Nu ovo avetja kuJe, 'hambombari.'' ²¹Nu Eje uatja nai kuvo, ''Nu onguae tjimu hija tjiua oukahu?''²²Nu Eje ueja kObethsaida. Nu ovandu otji va eta omurumendu omupotu ku Je nu ave rijarikana kutja a tune kuje. ²³Nu Jesu ua kambura omurumendu ingui omupotu keke, nu Emu nanene pendje jotjiuana. Nu Eje tjaza noku mu tjekera omate momeho, Uemu jambeka omake nu Emu pura kutja, ''Uno otjina tjimo munu?''²⁴Nu eje ua jerere omeho nu atja, “me munu ovandu tjimuna omiti mbi mavi kaenda''. ²⁵Nu Eje otje mu jambeka omake komeho rukuao, nu omurumendu ingui a paturura omeho ue, Eje ua verukisirue nu a munu ovina avihe naua. ²⁶Nu Jesu uemu hinda kutja a jende koje nu Atja, ''Ngoo hiti mo tjiuana poo oku raera tji ku kaani.²⁷Nu Jesu novahongeua ve va kaendere nu ave hiti movirongo via Kaesarea Filipi. Nu mondjira Eje ua pura ovahongeua ve, amatja, “Ovandu vetja Ouami une?” ²⁸Nu ovo otjiva zira nave tja, “Johanesa omupapitise. Nunguari tji vetja, 'Erija', nutjiva vetja, 'umue uovaprofete.'''²⁹Nu Eje uatja nai kuvo, ''Nambano ene mutja Ouami une?'' Nu Petrusa ua zira nu atja nai ku Je, “Oove Kristus.” ³⁰Nu Jesu ueve rakiza kutja ngaave raere ko nangarire omundu umue komunda Ue.³¹Nu Eje ua utire oku ve honga kutja Omuna Uomundu uaso ku hihamisiua movina ovingi, noku tondua ijo vanene, Novapristeri ovanene, novatjange, noku zepiua nu kombunda jomajuva jetatu a penduka. ³²Nu Eje ua hungira omambo inga porutjandja. Nu Petrusa ue Mu toorera po tjikoro nu arire tja utu oku mu posa.³³Nunguari Jesu tjaza noku tanauka nu a tara movahongeue ve ua posire Petrusa, atja,''Konda kongotue jandje Saatana! Orondu ove tjiu he rikende novina via Mukuru nunguari na imbio vio vandu.” ³⁴Nu Eje tjaza noku isanena ovandu puena ovahongeua ve ku Je uatja nai kuvo, “Auhe nguma zeri okundji kongorera, ngeri patane omuini, nu a tore otjikoroise tje nu endji kongorere.”³⁵Orondu auhe nguma paha oku jama omuinjo ue me upandjarisa, nunguari auhe ngua pandjarisire omuinjo ue Ami, no mbuze ombua, inguo ongume ujama. ³⁶Orondu mape kotorere omundu tjike, kutja a huure ouje auhe nunguari a pandjarise omuinjo ue omuini? ³⁷Poo omundu ma jenene oku jandja tjike poruveze ruomuinjo ue?³⁸Orondu auhe ngu tisiua i Ami poo ijo mambo uandje ohoni mondekurona indji joukorondu nouvi indji, Omuna Uomundu Eje uina meje ku mu tira ohoni, Eje tjimeja mongenangeneno ja Ihe puena ovaengeri ovajapuke.''

¹Nu Eje uatja nai kuvo, ''Tjiri Metja nai ku ene, pena vemue va imba mba kurama imba mbe hina ku rora ondiro ngatji va munu ouhona ua Mukuru ama uja nomasa.'' ²Nu kombunda jomajuva hamboumue Jesu ua toora Petrusa, na Jakobasa na Johanesa, Eve tuara kombanda jondundu onde, ovo poruao peke. Nu Eje otja tjitukisiua pomurungu uao. ³Nu omituaro vie via utire oku kenakena, avi jepaere oku kapita ovitutukende, oku kapita omajepaerisiro ngu maa je jenene okutjitua ijo mukohe kombanda jehi.⁴Nu Erija puena Mose va munika kuvo, nu ovo ija ve hungire kuena Jesu. ⁵Nu Petrusa ua zirire nu atja nai ku Jesu, ''Rabi okokuua kutja ete tu ri mba. Nu ngatu ungure oviranda vitatu, tjimue tjoJe, tjimue tja Mose na tjimue tja Erija.'' ⁶Orondu eje tjija ha tjiua kutja ngatjevi, orondu ovo va urumine tjinene.⁷Nu peere otjikamba tji ve pa omuzire. Nu eraka ra zire motjikamba, amaritja, ''Ingui omuna uandje omusuverua. Mu purateneje.'' ⁸Nu motjimanga, ovo tjiva jevajeva, kave muine ko omundu uarue rukuao pendje na Jesu erike puena vo.⁹Nu ovo tjija ve heruka kondundu, Eje Ueve rakiza kutja ngaa ve raere ko omundu umue ovina mbi vaka muna, ngandu Omuna uomundu tjazu noku pendurua movakoke. ¹⁰Nu ovo va takamisa omarakiza inga moukoto uao oveni, amave purasana kutja indji ''ombendukiro movakoke'' mai hee tjike?¹¹Nu ovo ve mupura, amavetja, ''Onguae ovatjange tji vetja Erija uaso kuja rutenga?'' ¹²Nu Eje ua zira nu atja kuvo, ''Erija tjiri uja rutenga oku puisa ovina avihe. Nunguari patjangua vi kutja Omuna uomundu ma hihamisiua movina ovingi nu A tondua? ¹³Nunguari Me tja nai kuene kutja, Erija tjiri ueja, nunguari ovo va tjitire kuje atjihe tjiva vangere otja tji patjangua komunda ue.''¹⁴Nu tji veja kovahongeua Ve, va muine otjimbumba otjinene tjovandu mbeve koverere, nu ovatjange ama ve patasana kuena vo. ¹⁵Nu tjimanga otjimbumba atjihe tjitje muna Jesu, tja himinue tjinene, nu atji tupuka ku Je atji mu minike. ¹⁶Nu Eje ua purire ovahongeua Ve, ''Mamu patasana tjike kuena vo?''¹⁷Nu umue motjimbumba ua zirire nu atja, ''Muhonge ami mba jeta kove omuna uandje nguna ombepo jouuoro. ¹⁸Nu apehe puje mupendukire imu vanda pahi. Nu eje a huku etutu, nu a kuee omajo nu a kukuta. Nu otjimba hungire kuena ovahongeua voje kutja ve I nakere pendje. Nu ovo kave pe urire.'' ¹⁹Ue ve zira nu atja, ''Ouee nondekurona okehinangamburiro, Me mu karere nomuretima ngapi? Mu jeteje ku Ami.''²⁰Nu ovo va eta omuzandona ku Je. Nu tjimanga ombepo tjije Mu muna, arire tjija pukaura omuzandu orutu aruhe. Omuzandona ua uira pehi nu a ranga ama huku etutu. ²¹Nu Jesu ua pura ihe, ''Ongaro indji ua kara najo okuza ku rune? Nu ihe atja, okuza koutiti ue. ²²Otuveze otuingi je mu umba mo miriro na momeva okumuzepa. Nunguari tji una tji mo jenene okutjita, tjariparera ete nu utu vatere.''²³Nu Jesu uatja nai kuje, ''Ove tjoua jenene oku kambura, ovina avihe viurika ku ingui nguma kambura.'' ²⁴Nu tjimanga ihe jomuatje ua riririre kombanda nu aeta omahoze, amatja, Muhona me kambura! Vatera okuhakambura kuandje.'' ²⁵Nu Jesu tja muine kutja ovandu ma ve jende ama ve utuka kuvo, Eje ua kandaiza indji ombepo ohakohoke nu atja kujo,''Mbepo ove ndji ha hungire nu ndji ha zuu, Ami me ku pangura, pita muje, nu ouhuara amo hiti muje rukuao.''²⁶Nu ojo ja urira kombanda, ai mu vanda pehi, ai mu pukaura, nu ai piti muje. Nu omuzandona ua kara tjimuna omukoke, nu ovengi va tjere, ''ua tu.?'' ²⁷Nu Jesu uemu kambura keke, nu E mu jere, nu omuzandona a sekama.²⁹²⁸Nu Jesu tjaza noku hita mondjiuo, ovahongeua Ve eve ja kuje, ave mu purire kourike uavo kutja, ''Onguae ete tji tua urua ijo ku I nakera pendje?''29 Nu Eje uatja nai kuvo, ''Inda ozongaro indji ka ze piti pendje nongumbiro nokuritjaera kovikuria.''³⁰Nu ovo tjiva kumuka okuza ingo, va pitira mehi ra Galilea. Nu Eje ua zerire kutja ape ha ningi nguma tjiua kuveri, ³¹Orondu Eje a a hongo ovahongeuaVe. Nu atja nai kuvo, ''Omuna uomundu ma jandjeua momake uovandu, nu ovo maveje ku Mu zepa. Nu tjivazu noku mu zepa Eje ma penduka mejuva oritjatatu. ³²Nu ovo kava zuvire naua kutja omambo inga ija je hee tjike, nunguari va tirire oku Mu pura.³³Nu ovo veja Kokaperanaum. Nu tjaza noku hita mondjiuo, Ueve purire kutja,'' Otjikuae tji mua jende ama mu hungire mondjira? ³⁴Nunguari ovo va muinine uriri. Orondu mondjira tjiva patasanene muvo oveni kutja ouani nguri omunenenene. ³⁵Nu Eje ua haamene pehi nu a isana imba omurongo na vevari nu atja nai kuvo, ''Auhe nguma zeri okurira omutenga, ngarire uomaandero ua avehe nomukarere ua avehe.''³⁶Nu Eje Ua toora okanatje, eke tua pokati kao.Nu tjaza noku ke toora noku ke pukata momaoko, arire tja tja kuvo, ³⁷''Ingui auhe nguma jakura umue uovanatje otja imba mena randje ma jakura Ami; Nu ingui auhe nguma jakura Ami, kena ku jakura Ami uriri nunguari Ingui ngue ndji hinda uina.''³⁹³⁸Nu Johanesa ue Mu zira, amatja, ''Muhonge, tua munu umue ama nakere ozondemone pendje mena roje nu atu mutjaere, mena ro kutja ketu kongorere.''

¹Nu Jesu tja kumukire okuza ingo, ueja ke kondua v ra Judeja aeri hembandina ja Jordana. Nu otjimbumba tjovandu tja uoronganena pu Je rukuao. Nu otja kongaro je ja hapo Eje Ueve honga rukuao. ²Nu Ovafarisei veja ku Je okuje ku mu rora, nu ave mu pura kutja, “Tjii kuri naua otja koveta omundu oku jesa omukazendu ue?” ³Nu Ue ve zira nu atja nai kuvo, ''Mose ua pangurire kutja muaso ku tjitavi? ⁴Nu ovo vatja, ''Mose ua jandjere ousemba komurumendu uoku tjanga ombapira jokuhanika nokumuesa.''⁵Nu Jesu ua zirire nu atja nai kuvo, ''Jari mena ro mitima vienu omikukutu opa tjangerere etuako ndi. ⁶Nunguari okuza kombutiro joviutua Mukuru Ue ve utire omurumendu nomukazendu.''⁷Mezeva indi omurumendu opu mazu oku jesa ihe na ina nu a kakatere komukazendu ue, ⁸Nu vevari imba mave rire onjama imue. ⁹Okutja itji tjitja kutua kumue i Mukuru ape ningi omundu ngu metji hana.''¹⁰Nu tji vari mondjiuo ovahongeua Ve ve ke Mu pura rukuao komunda uo tjina tji. ¹¹Nu Eje uatja nai kuvo, ''Auhe nguma jesa omukazendu ue nu a kupu omukaendu omukuao, ma katukire omukazendu ue orukupo. ¹²Nu omukazendu tja jesa omurumendu ue nu a kupua ijo omurumendu uarue, ma katuka orukupo.''¹³Nu ovo va jetere ounatje outiti ku Je kutja a jambeke omake ku uo. Nu ovahongeua Ve ve kandaizire imba mbe ve jeta. ¹⁴Nunguari Jesu tja muna otjina tji, ua njengua nu A tja nai kuvo, ''Ueseje ounatje uje ku Ami, nu amu u tjaere, orondu ouhona ua Mukuru oua imba mberi otjauo.¹⁵Tjiri metja nai ku ene, Auhe ngu hina ku jakura ouhona ua Mukuru otjo kanatje okatiti, eje kanaa hiti mu uo katjiri. ¹⁶Kuzambo Eje ua toora ounatje e u putaka mo maoko ue, nu Eu sere ondaja ame ujambeke omake.¹⁷Nu Eje tja utire ojenda Ue, omurumendu umue ua jendere ama utuka, a uoro ozongoro pomurungu Ue nu e Mu pura kutja, ''Muhonge Omuua, ami hi tjitevi kutja mbi kare nomuinjo uaaruhe? ¹⁸Nu Jesu ua tjere kuje, ''Onguae tjimo ndji isana omuua. Kapena umue omuua pendje na Umue, ingui o Mukuru Erike. ¹⁹Ove u tjiua omatuako: Kona ku zepako, kona ku katuka ko orukupo, kona ku vaka ko, kona ku hatoira ko omahongononeno uovizeze, kona ku tjita ko ovineja, jozika iho na njoko.'''²⁰Nu eje ua zira na tja nai ku Je, ''Muhonge, ovina imbi avihe mbevi takamisa okuza kouzandona uandje. ²¹Nu Jesu ua tara muje nu E mu suvere, nu Atja nai kuje, ''Mo kaere otjina tjimue uriri.Karandise ovina avihe mbi u navio nu u jandje kovasiona indino ove mo kara novihuze mejuru.Nukuzambo uje u toore otjikoroise nu undji kongorere.'' ²²Eje ua hihamua tja zuva omambo inga nu a kaenda noruhoze momuinjo, orondu eje ua tumbire tjinene.²³Nu Jesu ua jevajeva nu atja nai kovahongeua Ve, ''Opo pazeu tjinene ku imba mbenorutumbo oruingi oku hita mouhona ua Mukuru!'' ²⁴Nu ovahongeua va himisiua ijomambo Ue. Nunguari Jesu ua zira rukuao nu atja nai kuvo rukuao, ''Vanatje, opo pazeu oku hita mouhona ua Mukuru! ²⁵Opapupu pongamero oku tuurunga Mondovi jonane oku kapita omutumbe oku hita mouhona ua Mukuru.''²⁶Nu ovo va temua tjinene oku kapita, nu avetja nai mokati kavo oveni, Nunguari ouani ngu ma jenene oku jamua? ²⁷Nu Jesu ua zikire omeho Ue muvo nu atja nai, Itji kovandu kanaa tjiurika, nu kaperi nao ku Mukuru; Orondu ovina avihe viurika ku Mukuru. ²⁸Nu Petrusa ua uta okutja nai ku Je, Tara ete tua jesa ovina avihe nu tua kongorera Ove.²⁹Nu Jesu ua zira nu atja,''Tjiri Metja nai kuene, Kapena mundu umue ngua jesa ondjiuo, poo omarumbi, poo ovamuangu poo ovatena, poo ina, poo ihe, poo ovanatje, poo ovikunino mena Randje no Mbuze ombua, ³⁰Ngu hina ku jakura nai moruveze indui: potusere ozondjiuo, nomarumbi, novamuangu, novatena, nooina, novanatje, novikunino, puena ozombamisiro, nu mouje imbui mbuma uja omuinjo uaaruhe. ³¹Nu ovengi mberi ovatenga mave karira ovaseinina; nu ovaseinina mave karira ovatenga.''³²Nu ovo vari mondjira ama vei ko Jerusalem, Nu Jesu Ueve hongorerere. Nu ovo va himinue nu ave Mu kongorere ava uruma. Nu Jesu ua toora imba omurongo navevari posio, nu A utu oku ve raera ovina mbia sere oku ka tjitua ku Je. ³³Tareje, ma tu i ko Jerusalem, Nu Omuna uomundu ma ka jandjeua kovapristeri ovanene, na kovatjange. Nu ovo mave ke Mu pangurira ondiro nu a ve Mu jandja kovozonganda. ³⁴Nu ovo mave ke Mu njekerera, nu ave Mu tjekere omate, nu ave Mu renge ozongora, nu a ve Mu zepa. Nu mejuva oritjatatu Eje ma penduka.''³⁵Nu Jakobasa na Jojanesa ovanatje va Zebedeas, ve ja ku Je, navetja,'' Muhonge,Matu ningire kutja utu tjitire atjihe tji matu kuningire. ³⁶Nu Eje uatjere nai kuvo,''Mamu zeri kutja Mbi mu tjitire tjike?'' ³⁷Nu ovo vatjere nai ku Je, ''Tupa kutja tuka haame puena ove moujere uoje, umue kokunene kuoJe umue kokumoho kuoJe.''³⁸Nunguari Jesu ue vezira nai, ''Kamuna ku tjiua kutja mamu ningire tjike. Mamu jenene okunua ekopi ndi menu poo amu papitisiua nombapitisimo ndji me papitisiua najo?'' ³⁹Nu ovo vatja nai ku Je, ''Matu jenene.'' Nu Jesu uatjere kuvo, ''Ekopi ndi menu ne ma munu ke kop. Nu mamu papitisiua nombapitisimo ndji me papitisiua mo. ⁴⁰Nunguari oku haama kokunene Kuandje poo kokumoho Kuandje ka kuandje oku jandja, nunguari otua imba mbe tu tuninua.⁴¹Nunguari imba omurongo tji va zuva itji ovo va pindikira oo Jakobasa na Johanesa. ⁴²Nu Jesu Ueve isanena kuJe nu atja nai kuvo, ''Mamu tjiua kutja imba mbe varua ozombara zoviuana kutja ve honapara kombanda jao, nu ovanene vauo ve raisa ouvara uao muvo.⁴³Nunguari kapena ku kara nao mokati kenu. nunguari auhe nguma zeri oku rira omunene mokati kenu ngarire omukarere uenu, ⁴⁴Nu auhe uenu nguma zeri okurira omutenga, ngarire omukarere ua avehe. ⁴⁵Orondu Omuna uomundu kejerereere oku ungurua, nunguai Ue jere oku rira omukarere, noku jandja omuinjo Ue otjo tjisuta okujeta ondjamo kovengi.''⁴⁶Nu veja ku Jeriko. Neje tjaa zire mu Jeriko puno ovahongeua Ve no tjimbumba tjo vandu, omuna ua Timausa, Bartimausa, omupotu omuningire, ua haamene pondjira. ⁴⁷Nu tja zuva kutja o Jesu uo Munasareta, ua uta okuura natja, ''Jesu, Muna ua Daavita, kara notjari naami!'' ⁴⁸Ovengi va kandaiza omurumendu omupotu, amave muraere kutja nga muine. Nu nguari ua ravaera tjinene, ''Muna ua Daavita, kara notjari naami!''⁴⁹Nu Jesu ua kurama nu a raere kutja nga isaneue. Nu uovo va isana ingui omurumendu omupotu, ave tja nai, ''Vandipara! sekama! Eje ma isana ove.'' ⁵⁰Nu eje ua imbirahi posio ondjasa je, nu a zukuka, nu eja ku Jesu.⁵¹Nu Jesu uemu zira nu atja, ''Mo vanga kutja mbiku tjitire je?'' Nu omurumendu omupotu ua tjere, ''Muhonge, mevanga kutja mbi mune. ⁵²Nu Jesu ua tjere kuje, ''Kaende.Ongamburiro joje jeku verukisa.'' Nu motjimanga eje ua aruka okumuna, nu a kongorere Eje mo ndjira.

¹Nu ovo tji veja ku Jerusalema, vari popezu na Betipaje na Bethani, pondundu jo Mininga, Nu Jesu Ua hinda vevari vovahongeua Ve²Nu atja nai kuvo, ''Tuendeje konganda ndjiri ohunga na ene. Nu Ene tjimamu utu oku hita mujo, mamu vaza okasinona kuke hija rora oku kavirua. Ke kutureje nu mu ke jete kuami. ³Nu omundu kaani ngua tja nai kuene, 'Onguae tji mamu tjiti nai?' Itjeje, Muhona Me ke hepa nu Me ke hindi nguno tjimanga.'''⁴Nu ovo va kaenda nu ave kavaza okasinona ku ka kutua pomuvero pendje pomauaneno uozondjira nu ovo ave ke kutura. ⁵Nu vemue va imba mba kuramene imbo va tjere nai kuvo, ''Mamu ungura tjike, tji mamu kutura okasinona?'' ⁶Nu ovo veve raera omambo inga ngu va raua I Jesu, nu ovandu arire tji ve vesa.⁷Nu ovo va jeta okasinona ku Jesu, nu ave umbu ozombanda zauo kombanda jako. Nu Eje a kavire ku ko. ⁸Nu ovengi va jarere omituaro viao mondjira, nu tjiva va kondere ovitavi viomiti nu ave vi jara mondjira. ⁹Nu imba mba kaendere komurungu Ue na imba mba kongorere va ravaerere amavetja, ''Hosiana! Omunandaja ingui ngu meja mena ra Muhona. ¹⁰Ngau serue ondaja ouhona ua tate Daavita! Hosiana mokombandambanda!''¹¹Nu Jesu ua hita mu Jerusalema na mo Ndemberi nu a tara ovina avihe. Nu ejuva tji ra toko, a rire tja piti a i ku Betani puena imba omurongo na vevari. ¹²Nu mependukirua re juva, tjija vezu ko Bethani Eje ua tirondjara.¹³Nu Eje tja muna omukujumbua mbuari novijao kokure, uaja kuuo kutja nani maka muna otjihape muuo. Nu Eje tja tjeja puuo kena tja vaza muuo pendje jovitavi uriri, orondu oruveze ruomikujumbua tjandje karujeja. ¹⁴Nu Jesu ua hungirire nu atja kuuo, ''Kapena mundu ngu maari otjihape move rukuao.'' Nu ovahongeua ve va zuvire tji.¹⁵Nu ovo veere ku Jerusalema, Nu tja hita mo Ndemberi Jesu ua utire oku nakera pendje, ovarandise no varande mo Ndemberi. Eje ua tjengura ovitihe viovapimbasane vo vimariva no vihavero via imba mbuja ve randisa ozonguti. ¹⁶Nu Eje ka jandjerere nangarire omundu oku tjinda otjina mo Ndemberi.¹⁷Nu Eje Ue vehonga amatja nai kuvo, ''Tjii kape tjangerue kutja, 'Ondjiuo Jandje mai je ku isaneua ondjiuo jongumbiro joviuana avihe?''' *** ¹⁸Nu Vapristeri ovanene no vatjange tji va zuva tji, nu ave ruku oku paha kutja mave mu zepa vi. Orondu ovo ija ve mutira mena rokutja ovandu avehe va himisirue ijo ku honga Kue. ¹⁹Nu omapeta tjija tumbuka, ovo va pitire motjihuro.²⁰Nu momuhuka tjija ve kapita va muna omukujumbua aua kukuta okuza komize viao. ²¹Nu Petrusa ua zemburuka nu atja, ''Muhonge, tara! Omukujumbua mbuua sengire ua kukuta.''²²Jesu uazirire natja kuvo, ''Karee nongamburiro mu Mukuru. ²³Orondu tjiri metja nai kuene, Kutja auhe nguma tja nai kondundu indji, ove zukuka imbo nu u keriumbe momuronga, ae hina ku njengurisa tji momutima ue, nunguari ama itavere kutja ovina mbi mbi mahungire mavije ku tjitua, itji Mukuru otjima tjiti.²⁴Opu Me zu okutja nai kuene:Ovina avihe mbi mamu ningire mongumbiro, itavereje kutja mamu vi jakura, nu mavi rire ovienu. ²⁵Nu aruhe tji mua sekamene ongumbiro, jesireje tjimuno mundu nguna otjipo kuena ene, kutja Iho uenu nguri Mejuru E mu jesire ozongatukiro zenu. ²⁶***²⁷Nu ovo veere rukuao ku Jerusalem. Nu Jesu ngunda ama kaenda mo Ndemberi, Ovapristeri ovanene, novatjange, novanene veja ku Je. ²⁸Nu avetja nai ku Je, Ovina mbi u tjita nouvara uatjike, Nu ouani ngue kupa ouvara uoku tjita ovina mbi?''²⁹Nu Jesu ua zira nu A tja nai kuvo, Me mu pura epurira rimue, nu Ndji ziree nu ami Me mu raere kutja mbi tjita ovina mbi nouvara uatjike? ³⁰Ombapitisimo ja Johanesa, jazire kejuru poo omovandu? Ndjiziree.''³¹Nu ovo veri hungirira muvo oveni, amavetja, ''Tjituatja, ''jaza kejuru,'Eje mee kutja, Onguae vari tjimu ha kamburire mu je?'' ³²Nunguari tjituatja, 'ja za movandu'....'' ova va tirire ovandu, orondu avehe va varere Johanesa otja omuprofete katjiri. ³³Nu ovo va zira nu avetja nai ku Jesu, ''Katuna ku tjiua.'' Nu Jesu ua zira nai kuvo, ''Nu Ami uina opu mbi hina ku mu raera ouvara mbu mbi tjita nao ovina mbi.''

¹Nu Jesu ua utire oku ve honga kuena novisasanekero. Nu ua tjere, ''Omurumendu uorive ua kunine otjikunino tjomivite, nu e tji umbire orumbo, nu a se otjitoto tjo tjikameno tjomivite. Nu a tungu mutjo otjihongo tjondjeverero nu eje uetji jazemisa kovakune nu a kuka oujenda oure. ²Nu moruveze orusemba, eje ua hinda omukarere ko vakune vo mivite, kutja veke mupe ko ovihape vio tjikunino tjomivite. ³Nu ovo ve mu kambura, nu ave mu tono, nu ave mu ramba ae hina tjina.⁴Nu rukuao eje ua hinda omukarere omukuao kuvo, nu ave mu tete ozombara motjiuru, nu arire tjive mu tumbu nondjambu. ⁵Nu ua hinda omukuao rukuao, nu inguo va zepa.Nu va tumba no vakuao ovengi nondjambu, ave tono tjiva nu tjiva ave zepa.⁶Nu kunda ua serue no mundu umue okuhinda, nomuna Ue omusuvera, Nu Eje uari oomaandero okuhinda kuvo. ''Amatja, mave ka tenga omuna uandje.' ⁷Nunguari ovakune vo mivite imbo va tjere nai mokati kavo oveni, ''Ingui eje omurieta. indjeje, ngatu muzepe, nu eta maririre oretu.''' ⁸Nu ovo ve mu toora , nu ave mu zepa, nu ave mu nakere pendje jotjikunino tjomivite. ⁹Nambano omuini uo tjikunino tjomivite ingo matjitivi? Eje meja nu a njono imbo ovakune vo mivite nu a jandja otjikunino kovakuao.¹⁰Ene kamuna pu mua resere omatjangua inga, ''Eue indi ovatunge ndi va tonda onda rire eue rotjiuru romauaneno rotjikoro. ¹¹Itji tja tjitua i Muhona nu otjo otjihimise momeho uetu.'' ¹²Nu ovo oku zambo ovanane vo vaJuuta va vangere oku mukambura orondu va tjivirue kutja ua hungirire otjisanekero itji ohunga navo. Nu vatirire otjimbumba tjo vandu. Nu vemuesa nu ave kaenda.¹³Nu ovo vahindire ku Je vemue Vovafarisei Novaherode, kutja ve Mu zenge nomambo. ¹⁴Nu ovo tjiveja vatja nai ku Je, ''Muhonge, ko rikende nomundu karive, orondu ove kona konatja nondengu jomundu. Nunguari U honga ondjira ja Mukuru mouatjiri.''Tjii okokuua otja koveta okusuta otjisuta tjouhona komukesare poo inde. ¹⁵Ngatu jandje tjo poo atu jandja tjo?''Nu Jesu mokutja ua tjiza omatiku uao uatja nai kuvo, ''Onguae tji mamu ndji roro? Ndji jetereje otjimariva tjotjitenda kutja mbi tji mune.''¹⁶Nu ovo va jeta tjo ku Jesu. Nu Eje uatja nai kuvo, ''Otjiperendero nomatjangua ouani ngeri mutjo? Nu ovo vatja nai ku Je,''oviomukesare.'' ¹⁷Nu Jesu ua zirire nu A tja, ''Jandjeje komukesare imbio viomukesare, na imbio via Mukuru ku Mukuru.'' Nu ovo va himisiua Ije tjinene¹⁸Kuzambo Ovasadukai, imba mbetja kakuna mbendukiro jovati, veja ku Je. Nu ave Mu pura am avetja nai, ¹⁹''Muhonge, Mose ua tjangere nai kuete, ''omurumendu tja koka nu a esa omukaendu ue, no kuhina omuatje, omuangu ue uaso kuria omukazendu ue nu emu kuatere ovanatje.''²⁰Nambano pari ovakuatuapamue hambombari ovarumendu: nu ingo tjiveri ua kupa omuakendu nu atu ae hina ovanatje. ²¹Nu ingui outjavari ue mu kupa, ne eje uina atu ae hina muatje. Na ingui outjatatu eje uina. ²²Nu pouhambombari uao ve mu kupire nu ave ha jesa ovanatje. nu kombunda javo avehe omukazendu eje uina a koka. ²³Nambano mombendukiro ovo tjimave penduka, marire o uaune pokati kavo? Orondu ovo pouhambombari uao ve mu kupire.''²⁴Nu Jesu uatja nai, ''Indi kaezeva ro kutja muri posio, mokutja kamu tjiua omatjangua na inga omasa ua Mukuru? ²⁵Orondu ovo tji maveje ku pendurua movati, ovo kavena ku kupa poo oku jandjua morukupo, nunguari veri otjovaengeri mberi mejuru.²⁶Nu otja kovati, kutja mave penduka, Ene kamu resere membo ra Mose, kutja Mukuru ua hungirire vi kuenae mo Tjihua, tja tjere, ''Ouami Mukuru ua Abraham, na Mukuru ua Isaka na Mukuru ua Jakova? ²⁷Eje ka Mukuru uovati, nunguari o Mukuru uovanamuinjo. Ene otji muri posio tjinene.''²⁸Nu umue uovatjange ueja tjaza noku puratena ehungi rao; A munu kutja Jesu ueve zira osemba.Nu emu pura kutja, ''Etuako etenga puuo ajehe oorine? ²⁹Nu Jesu Uemu zirire nai, ''Etuako etenga muuo ajehe orondi, 'Zuva ove Isiraera, Muhona Mukuru uetu, o Muhona umue. ³⁰Nu ove uaso ku suvera Muhona Mukuru uoje nomutima uoje auhe, nomuinjo uoje auhe, nozondunge zoje azehe, nomasa uoje ajehe.' ³¹Nu indi oritjavari riri nai, 'Ove uaso ku suvera omuraranganda uoje tjimuna tji ueri suvera. Kape netuako rokombanda ja inga.''³²Nu omutjange uatja nai ku Je,'' Ua ziri osemba tjiri Muhonge! Orondu kuna Mukuru umue, nu kapena uarue pendje na Je. ³³Nu oku Mu suvera nomutima auhe, nozondunge azehe, muinjo auhe, nomasa aehe, noku suvera omuraranganda otja omundu omuini, kua kapita ovijandjeua ombomba oviningiririsiua avihe nozombunguhiro azehe.'' ³⁴Nu Jesu tja muna kutja ua ziri naua nounongo, Eje uatja nai kuje,''Ove ko ri kokure nouhona ua Mukuru.'' Nu kombunda ja ingui kapena umue ngua rorere oku pura Jesu omapurira omakuao.³⁵Nu Jesu ngunda ama hongo mo Ndemberi, ua zirire natja, ''Ovii ovatjange tji ve tja Kristu Omuna ua David? ³⁶Nu David omuini tja tjere nai Mombepo Ondjapuke, 'Muhona ua tjere nai ko Muhona uandje, ''Ove haama kokunene kua Ndje, nga tji Mba ungura ovanavita naove kehi jozombaze zoje.''' ³⁷Nu David omuini tji me muisana 'Muhona', nu nambano Kristu eje omuatje ue vi?'' Nu otjimbumba otjinene tje Mu puratena nondjoroka.³⁸Nu momahongero ue Jesu uatja nai kuvo, ''Ritakamiseje kovatjange, mba suvera okuzara ozombanda ozonde, noku minikua motuveze tuomarandisiro, ³⁹Novihavero viokondomba mozosinangonge, notuveze tuondengero pomikandi. ⁴⁰Mbe njondorora nu ave pundu ozondjiuo zovahepundu, nu ave kumbu ozongumbiro ozonde kutja ovandu veve mune.Imba ovarumendu imba mavee okujakura Omberero ondeu oku kapita.''⁴¹Nu Jesu ua haamene pehi ohunga notjikesa tjovimariva mo ndemberi; nu eje ua tarerere ovandu tjima ve umbu ovimariva motjikesa tjovimariva.Nu ovengi mbari ovatumbe va umbire mo ovimariva ovingi. ⁴²Nu peere omuhepundu umue omusiona, nu eje ua tuamene mo oumariva uvari uovitenda uo ndengu rumue jotjipeni.⁴³Nu Eje ua isanenene ovahongeua Ve ku Je, nu atja nai kuvo, ''Tjiri metja nai kuene, omuhepundu ingui omusiona ngui ua tuamo mo okukapita avehe imba mba umbu motjikesa tjovimariva. ⁴⁴Orondu avehe va andja okuza mouingi mbu ve nauo. Nunguari omuhepundu ingui, okuza mouhepe ue ua tuamo mo atjihe tjari natjo, okutja atjihe tji tja hupa natjo.''

¹Nu Jesu tjija piti mo Ndemberi, umue uo vahongeua ve uatja nai ku Je,''Muhonge, tara! Omaue uomungemuano nozondungiro zomungemuano! ²Nu mezirira Jesu uatja nai kuje, ''Mo munu ondungiro indji onene indji ? Kapena eue rimue imba ndi ma rije ku seua kombanda ekuao, ndi hina kuhaneua.''³Nu Eje tja haamene kondundu jomininga, ohunga no Ndemberi, Petrusa na Jakobasa na Johanesa na Andreasa arire tjive mu pura mourike uao, ⁴''Tu raera, ovina mbi ma vije ku tjitua rune? Nu otjisanekero tjo ma jenenisiro uovina mbi ma ije ku rira tjike?''⁵Nu Jesu ue ve zirire nu ua utire okutja nai, ''Tjevereje kutja ape ha ningi omundu ngu me mu pukisa. ⁶Orondu ovengi maveje kuja mena Randje nu, amavetja, 'Ouami Kristu' nama ve pukisa ovengi.⁷Nu ene tji mamu je ku zuva komunda uo vita notutona tuo vita, amu uruma ko, orondu imbi avihe viaso ku kara ko, nunguari omaandero ngunda aje hije ja. ⁸Orondu otjiuana matji sekamene otjiuana, nouhonapare au sekamene ouhonapare. Nu mape kara omanjinganjingiro uehi, mo mahi omengi, nozondjara. Imbi ombutiro jo mihihamo ominene.⁹Nunguari ritjevereje oveni. Orondu mave mu jandja kovimbumba vio vanane nu mozosinangonge mamuje ku tonua. Nu mamuje ku jeterua pomurungu uovanane nozombara mena Randje, ni tji marire omahongoneno kuvo uina. ¹⁰Nombuze indji, mai so kuzuvarisiua rutenga mouje auhe.¹¹Nunguari tji ve mu kambura nu ave kemu jandja, amu rikende komurungu uoruveze kutja mamu ka hungira tjike. Nunguari itji ma mu je ku peua mo iri otjingejo ndjo otji muaso ku hungira. Orondu handji ka uene mbu ma mu hungire, nunguari Ombepo Ondjapuke. ¹²Nu oomuangu ne rumbi mavee ku hororasana nave tuarasana kondiro, nu ihe ma horora na tuara omuatje ue. No vanatje mavee ku pirukira ovakuate vao, nave tjiti kutja ve zepiue. ¹³Nu mamu je ku njengiua ijo vandu avehe mena rena randje.Nunguari ingui ngua takama nga ko maandero, eje ma jamua.¹⁴''Nunguari tji mua munu Otjijaukise otjihaandjerua tjOmanjoneno, atja kurama moruveze pu tji hasere'' (auhe ngu ma rese nga pangunune), ''Okutja imba mberi mo Judeja nga ve taurire kozondundu, ¹⁵Nu ahue nguri kombandondjiuo a heruka okuje ku hita mondjiuo poo oku toora tjimue mondjiuo, ¹⁶Nu ingui nguri motjikunino ngaa jaruka oku ka toora omutuaro ue.¹⁷Nunguari ouee kumba ovingundi no va njamisise mo majuva ngo. ¹⁸Nunguari kumbeje kutja aiha rire ouo kupepera. ¹⁹Orondu momajuva ingo ma kuje ku kara ombamisiro onene, ndji hina ja karere ko okuza kombutiro jo vina mbia memua i Mukuru nga ko ruveze ndui, nu ndji hina maa ije ku kara ko rukuao. ²⁰Nu Muhona andaku omajuva ingo kaje susuparisirue, katja pe kara onjama ndji mai jamua. Nu mena ro vatoororua imba mba toorora, Eje ua susuparisi omajuva ngo.²¹Nu omundu umue tje mu hee kutja, ''Tareje, Kristu ejengui! poo ''Tara uri mbena!'' a mu itavere ko. ²²Orondu mapeje ku surumuka ooKristu votjiuova, novaprofete vo tjiuova, nu mavee ku ungura ovisenekero novihimise vio kupukisa, mberi kutja andaku itja pe urika, itjave pukisa naimba ovatoororua oveni. ²³Nunguari tjevereje! Mbe mu tjivisa ovina avihe komurungu uoruveze.²⁴''Nunguari kombunda jombamisiro ndjo, ejuva mari zorerisiua, nomueze au ha jandja ondjerera jao, ²⁵Nozonjose kejuru mazeu, nu omasa ngeri momajuru maje pukaurua.' ²⁶Nu kuzambo maveje kumuna Omuna uomundu ameja movikamba viejuru no masa noujere ounene. ²⁷Nu meje ku hinda ovaengeri Ve, nu maveje ku uongera kumue ovatoororua ve okuza kozombepo ine, okuza komaandero jemue uouje okujenda komaandero uejuru.²⁸Nambano rihongeje otjisasanekero tjo mukujumbua.Otjitavi tjauo tjima tjirire otjitarazu, ama tji njomoka ovijao, mu tjiua kutja okurooro kuri popezu. ²⁹Okutja mo muano otjingeuo, ene tji mamu munu ovina mbi, tjiuee kutja uri popezu, posijo pomivero.³⁰Tjiri metja nai kuene, ondekurona indji kanaa i manuka ngunda ovina mbi avihija jenenisiua avihe. ³¹Ejuru nehi mavi kapita, nunguari omambo uandje kanaa je kapita. ³²Nunguari uhunga ne juva indo noire kapena mundu ngu tjiua, kako, novaengeri mejuru, naingui Omuna, pendje na Tate uriri.³³Ene tjevereje, karee katumba, orondu kamuna kutjiua kutja oruveze orune.*** ³⁴Peri otja omurumendu ngua kukire oujenda okujenda kehi rokokure, ngua jesire ondjiuo je nu a jandja ouvara kovakarere ve, nu ku auhe a jandja otjiungura, nu a rakiza omutjevere uopomuvero oku tjevera.³⁵Opu muaso ku tjevera, orondu kamuna kutjiua kutja omunio ndjiuo meja rune, kutja ongurova, poo omokati koutuku, poo mohunguriva tjimai vandara, poo omomuhuka. ³⁶Tje ja motjimanga, nu E mu vaza a mua rara. ³⁷Nu tjime hee kuene Me hee ku avehe, Tjevereje!''

¹Nambano paseuerue omajuva jevari kutja omukandi uomarurumino no uomboroto ndji ha surisiua. Nu ovapristeri ovanene novatjange va pahere ozondjira zoku kamburaJesu movineja noku Mu zepa. ²Nunguari va tjere, ''Arire mejuva romukandi tjaa ngaa pe kara ezunganeno pokati kovandu.''³Nu Jesu tjari mo Bethani mondjiuo ja Simona ingui omuna mutjise orupera, Eje tja haamene periro, kueja omukazendu ngua tjindire ekende rovinuke viondengu johaveha.Nu eje ua pamuna ekende rapo nu a tirire ro motjiuru tje. ⁴Nunguari pari vemue mba pindikire. Nu a veunauna nu avetja, ''Omanjoneno inga uotjinuke ja tjitirua tjike? ⁵Orondu otjinuke itji atja tjii randisiua kovimariva vio vitenda omasere jetatu nu a vi jandjeua kovasiona.'' Nu ve mu pindikiririre tjinene.⁶Nu Jesu uatjere, ''hanikee naje! Mamu mu zungire tjike? Eje ua tjiti otjina otjiua kuami. ⁷Orondu ovasiona ve kara puena ene aruhe, nu mamu jenene oku ungura ouua kuvo oruveze aruhe ndu mua vanga. Nunguari kamuna Ami aruhe. ⁸Eje ua tjiti tji me tjiuru, eje ueja komurungo ruveze, okusoporera orutu ruandje ombakero. ⁹Tjiri metja nai kuene, akuhe ombuze ombua ku mai ka zuvarisiua mouje auhe, itji omukaendu tja tjiti tji, matji ka serekarerua, na zemburukirua ko.¹⁰Nu Judas Iskariot, umue ua imba omurongo navevari, uaja kovapristeri ovanene oku ke Mu horora kuvo. ¹¹Nu ovapristeri ovanene tjiva zuva, va joroka nu ave mu raere norujano kutja mave mupe ovimariva. Nu eje arire tja ruku oku paha oruveze ndumaru jandjere kutja a sore oku Mu jandja kuvo.¹²Nambano ejuva inde tenga ro mukandi uozomboroto ndeha surisirue, tjija ku zepiua ondu jomarurumino, ''ovahongeua Ve vatja nai ku Je, Ove mo paha kutja tu ke Ku tunine pi kutja U ka rire ko eriro romakatukiro.'' ¹³Neje Ua hinda vevari vo vahongeua natja nai kuvo, ''hitee motjihuro, nu mamu ka hakaena nomurumendu ngua tjindi ehoro romeva mu kongorereje ¹⁴Nu akuhe kaka hita mondjiuo, mu kongorereje nuka hejee omuini uo ndjiuo kutja, 'Omuhonge matja, ''etuuo ro vajenda mu Me ka rira omakatukiro puena ovahongeua vandje ripi?'''¹⁵Nu eje me ke mu urikira etuuo enene rokombanda nda harekua nu nda tunua. Ngarire ku mu eke tu tunina.'' ¹⁶Novahongeua va kaenda, nu avei kotjihuro, nu ave vaza otja imba pa hee, nave tunine Omarurumino.¹⁷Nu tji ra toko, eje ueja puena imba omurongo navevari. ¹⁸Novo ngunda ava haama ama veri, Jesu uatja, ''Tjiri metja nai kuene, umue uenu ngu mari puena Ami me Ndji horora.'' ¹⁹Novo va hihamenue tjinene, nave utu okutja nai kuje ko umue umue, Ouami?''²⁰Nu Jesu ua zira natja nai kuvo,'' iumue ua imba omurongo na vevari, ingui ngu ma tjaveke omboroto motjijaha puena Ami. ²¹Omuna uomundu ma kaenda otja tji patjangua komunda ue. Nunguari ouee komundu ingui ngu ma horora Omuna uomundu! Itja pe ngara komundu ingo andaku ka kuaterue.''²²Nu ngunda ama veri Jesu ua toora omboroto, nei sere ondaja, nei teja. Nu ei jandja kuvo, na tja, ''Tooreje, riee, indui orutu ruandje.'' ²³Neje ua toora ekopi, nu tjaza nokutjandangi, a jandja ro kuvo, nu avenu muro avehe. ²⁴Neje uatja nai kuvo,'' Indji ombindu jandje jo ngutasanenokumue ombe, ndji mai tirahirua ovengi. ²⁵Tjiri metja nai kuene, hina ku nua ko rukuao kotjihape tjo muvite, nga kejuva ndina tji Meje ku nua kutjo koupe mouhona ua Mukuru.''²⁶Nu tji vaza noku imbura etangero, arire tji vai kondundu jomininga. ²⁷Nu Jesu uatja nai kuvo, ''amuhe mamu putarisiua, orondu patjangua, me tono omurise nu ozondu maze pizuka.'²⁸²⁹28 Nunguari tji mbazu noku penduka, me mu hongorere okujenda ko Galilea.'29 Nunguari Petrusa ua zira natja nai kuje, ''ovandu avehe nanda ve putarisiua, ami hinee putarisiua ko.''³⁰³¹30 Jesu uatja nai kuje, ''Tjiri metja nai kove, ndinondi,ii, outuku mbunombui ohunguriva ngunda ai hija vandara potuvari, mo ripatana Ami potutatu.''31 Nu Petrusa ua hungira nomasa, ''Nangarire tjimbaso ku koka puena ove, ami hinee ripatana ove nagarire.'' Nu ovo avehe vatja nao uina.³²Nu ovo veja po ruveze nduja ru isaneua o Gethesmane, Nu Jesu uatja nai kovahongeua Ve, ''haameje imba ngunda ame kumbu.'' ³³Neje ua toora Petrusa, na Jakobasa na Johanesa puena Je, na jaruka oku handuka noku hihamua omutima tjinene. ³⁴Neje uatja nai kuvo, ''omuinjo uandje ua hara oruhoze tjinene, tjimuna oruo ndiro, ndji undjireje mba, nu kareje katumba.³⁵Nu ua riama komurungu katiti, Jesu a uire pehi, na kumbu kutja, 'tji mape urika, oiri ndji i Mu kapite. ³⁶Nu Eje uatja nai, ''Abba Tate, Ovina avihe viurika Kove. Toora ekopi ndi mu Ami. Nunguari arire otja kombango Jandje nu ngairire ojo Je.³⁷Nu Ueja nu eve vaza a va rara, natja nai ku Petrusa, Simona, tjii ua rara, onguae tjima mu urua ijo ku kara katumba oire imue? ³⁸Kareje katumba nu mukumbe, kutja amu ha hiti momarorero.Ombepo tjiri mai zeri nunguari onjama otjingundi.'' ³⁹Eje ua kaenda rukuao, nu a kumbu, nu a hungire omambo otjingeuo.⁴⁰Neje tja kotoka rukuao, ueve vaza a varara orondu omeho uao tji ja havererue ijozombotu), nu kave tjivirue kutja nga ve Mu zire vi. ⁴¹Nu tjeja otjikando otjitjatatu Uatja nai kuvo,''Tjii kunda mua rara nu mua suva? Opuuo! Oire ojondji. Tareje! Omuna uomundu ma hororua na jandjeua momake uovarunde. ⁴²Sekameje; nu tu kaende. Tareje, ingui ngu mendji horora uri popezu.''⁴³Nu Eje ngunda ama hungire, Judasa, umue uaimba omurongo navevari ueja, puena otjimbumba tji tjeri panganene no mangaruvio nozonguinja nda zire kovapristeri ovanene, novatjange, novanene vovandu. ⁴⁴Nambano ingui ngue mu horora ueve pere otjisanekero, atja, ''Ingui ngu mba hupite tjandje onguri Omurumendu uapo. Mu kambureje, nu mu mu tuare mo ndakamisiro.'' ⁴⁵Nu Judasa tja uto okuvaza, motjimanga eja ku Jesu natja, ''Muhonge!'' Nu e Mu hupite. ⁴⁶Nu ovo vatua omake uao ku Je nu ave Mu kambura.⁴⁷Nu umue ua imba mba kuramene imbo ua homona engaruvio re na kuapiza naro omukarere uo mupristeri omunene, ne mu kondo okutui. ⁴⁸Jesu ua zira nu atja nai kuvo, ''Tjii mueja tjimuna mbu mueja oku kambura erunga, nomangaruvio nozonguinja a mueje ku kambura Ami are? ⁴⁹Mba karere puena ene aruhe ame hongo mondemberi, nu kamuna mue ndji kamburire. Nunguari otji mapetjitua kutja omatjangua je jenenisiue. ⁵⁰Nu avehe mbari puna Jesu ve muesa nave tupuka.⁵¹Nu omurumedu uorive omutanda, ngue rihuikikire onguju jo rorina uriri korutu rue, ua kongorerere Jesu. Nu ovarumendu tjive mu kambura, ⁵²ua esa onguju jo rorina, nu a purukuta, nu a tupuka muzu.⁵³Nu va tuara Jesu komupristeri omunene. nu Eje uari puena ovapristeri ovanene, ovanene novatjange mba uongarerere. ⁵⁴Nu Petrusa ue mu kongorera aeri kokure, nga moukoto uo tjituo tjondjiuo jomupristeri omunene. Nu a haama puena ovaungure, nu a uoto omuriro okurihengisa oupiu.⁵⁵Nu ovapristeri ovanene, naimba avehe votjira otjinane tjo Vajuuta va pahere omahongononeno uo vizeze ohunga na Jesu, kutja ve sore oku muzepa. Nu kavena tjiva muna. ⁵⁶Nu ovengi vaetere omahongoneneno uo vizeze ohunga naJe, nu omahongoneneo uao kau itaverasanene.⁵⁷Nu tjiva vasekama nu a veeta omahongononeno uo vizeze ohunga naJe, amavetja, ⁵⁸''Tue Mu zuva amatja, ''Ami Me hana o Ndemberi indji ndja tungua nomake, nu momajuva jetatu E tungu jarue ndji hina ku tungua nomake.''' ⁵⁹Nu ngunda omahongononeno uao uina kaje itaverasanene.⁶⁰Nu omupristeri omunene ua kurama pokati kauo nu a pura Jesu natja, ''Kona ezirira? Otjikuae itji imba ovarumendu tjimave hongonona ohunga naove?'' ⁶¹Nu Eje ua muina uriri nu a ha ziri otjina. Nomupristeri omunene ue mupura rukuao, atja, ''Tjii oove Kristu, Omuna Uomunandaja?'' ⁶²Nu Jesu uatja, ''Ouami; Nu mamu je ku muna Omuna uomundu a ahaama ko kuuoko kunene kuomasa, nu a meja movikamba viejuru.''⁶³Nu omupristeri omunene ue rinjondorora omituaro, amatja,''Matu uhuara ama tu hepa ozohatoi? ⁶⁴Mueri zuvire ondjambu je ku Mukuru. Mamu munu ko vi?'' Nu avehe ve Mu panguririre ondiro. ⁶⁵Nu tjiva arire tji vautu okumu tjekera omate noku Mu siringa komurungu nave mu turu ozongomi nu a vetja Kuje, ''Profetera! Nu ovaungure arire tjive Mu toora nave Mu tono.⁶⁶Nu ngunda Petrusa a haama kehi mo rumbo ruondjiuo, pe ere omusuko umue uovakarere vomupristeri omunene kuje. ⁶⁷Nu eje tjamuna Petrusa ama uoto, ua tara popezu kuje , natja, ''Ove uina uari puena Omunazarene, Jesu.'' ⁶⁸Neje ua patanene, amatja, '' ami himuii nu rukuao hina ku zuva kutja mo hungire ke koro raje.'' Neje ua pita nu ai posijo muvero uo pendje.Nu ohunguriva ai vandara.***⁶⁹Nu ingui omukarere uomusuko uemumuna, natja nai rukuao kuimba mba kuramene mbo,''Omurumendu ingui iumue uavo!'' ⁷⁰Neje ua patana itji rukuao. Nu kombunda jo karuveze okasupi imba mba kuramene imbo vatja nai ku Petrusa, ''Otjotjiri oove umue uavo, orondu oove uina oove omuGarareja.''⁷¹Nunguari eje ua utire okurisenga noku jana, amatja, ''Hi tjiua omurumendu ingui nguma mu hungire komunda ue.'' ⁷²Nu ohunguriva motjimanga ai vandara orutjavari. Nu Petrusa ua zemburuka omambo ua Jesu, nga hungirire kuje; ''Ngunda ohunguriva ai hija vandara potuvari, mo ndjipatana potutatu,'' nu e rituu nu a riri.

¹Nu momuhuka omunene, Ovapristeri ovanene, novanene, novatjange, notjira atjihe tjovanane vo Vajuuta, va hakaena nu ave pandeke Jesu, nu ave Mu tuara, nu ave ke mujandja ku Pilatusa. ²Nu Pilatusa ue Mu pura, ''Oove Ombara Jovajuuta?'' Nuue muzira uatja nai kuje, ''Opo pu ua hee.'' ³Nu ovapristeri ovanene ve Mu kuminina ovina ovingi.⁴Pilatiusa uemu purire rukuao natja, ''Kona tji mo ziri? Tara kutja mave hatoire ovina ovingi vi ohunga naove!'' ⁵Nu Jesu ngunda Kena tja zira Piratusa; nu eje opa himinua tjinene.⁶Nambano momukandi uomarurumino, Piratusa eje uasere oku kuturira otjiuana omupandekua umue, ngutja zeri. ⁷Nu pari omurumendu omupandekua ngua inganene nguja isaneua Barabasa, nguari mondorongo puena imba mbu va zepire pamue ovandu me inganeno. ⁸Nu otjimbumba tjovandu tjeja ku Piratusa nu averuku oku ningira kutja e ve tjitire otja indi tjija tjiti movikando avihe.⁹Nu Pilatus ue ve zira amatja, ''Mamu zeri kutja mbi kuturire ene Ombara Jovajuuta.'' ¹⁰Orondu eje ua tjivirue kutja omena re ruru kutja ovapristeri ovanene vejandje Jesu kuje. ¹¹Nunguari ovapristeri ovanene va popere ombunga jovandu kutja i ningire okukuturirua Barabasa.¹²Nu Pilatius uatja nai kuvo rukuao, Nu nambano hitjitevi naingui nguri Ombara Jovajuuta?'' ¹³Novo va ravaerera kombanda rukuao, 'Mu papera kotjikoroise!''¹⁴Nu Pilatius uatja nai kuvo, Neje ua tjita ouvi ua tjike?'' Novo va ravaerera kombanda oku kapita amavetja,'' Mu papera kotjikoroise.'' ¹⁵Nu Pilatius mena rokuvanga oku jorokisa itjo tjimbumba tjovandu, otje ve pandurira Barabasa. Nu ua tona Jesu ozongora arire tjemu jandja oku ka paperua kotjikoroise.¹⁶Nu omasorondate je mu tuara po ruveze orupaturuke mondjiuo ehuarara ndji ja I isaneua o Praetoriuma, nu ave isanene otjimbumba tjo atjihe tjo masorondate Kuje. ¹⁷Nouo va kutjira ombanda o pepuri mu Jesu, nu ave zengi ekori rouhona ro makuija, nave tua ko kotjiuru Tje. ¹⁸Novo va utire oku Mu minika, ama vetja, ''Minikua, Mbara Jovajuuta!''¹⁹Novo ve Mu tona motjiuru noruu, nu ave Mu tjekere omate. Nave uoro zongoro zao oku rikotamena ku Je. ²⁰Nu tji vaza noku munjekerera ve Mu hukura ombanda indjo pepuri, nu ave mu huikike omituaro vie omuini, nave mu tuara oku ke mu papera kotjikoroise. ²¹Nu omurumendu umue Simona omuture ua Sirene, ngu ja kapita imbo, amazu kotjikunino, (iheja Alekasanda na Rufusa) nu ovo ave mukuminine oku toora otjikoroise Tje.²⁴²²Nu omasorondate va jeta Jesu pona puja pe isaneua Ngorongota, (okutja, oruveze ruotjikongo tjotjiuru.). ²³Novo ve mupa ovinika ndja hovekua nomire okunua, nunguari Eje E hei nu ko. Nu vemupapera nu avehana omituaro Vie nombeterero kutja omusorondate auhe ma toora tjike.²⁵Nu jari moire oitjatatu ovo tji ve Mu papera kotjikorise. ²⁶Nu omambo uondjo ndja perue, ja tjangerue kombanda Je, ''OMBARA JOVAJUUTA.'' ²⁷Nu pa paperua omarunga jevari kovikoroise puenae, omue ko kuuoko Kue ingo kunene umue kokumoho Kue. ²⁸***²⁹Nu imba mbu ja ve kapita mbo ija ve mu jamburura, amave taka oviuru viao,nu ama vetja,''Ove ngumo hana ondemberi nu oitungu momajuva jetatu, ³⁰Rijama omuini, nu U heruke kotjikoroise!''³¹Mo muano otjingeuo ovapristeri ovanene va njekerera mokati kavo oveni puena ovatjange, ama vetja, ''Ija jama ovakuao, nu eje omuini kena ku rijama. ³²Jandjera Ombara ja Isiraera, nga i heruke kotjikoroise nambano nai kutja tu mune nu tu kambure.'' Nu imba mba papererue kovikoroise puena Je ve mu jambururire.³³Nambano okuza moire oitja hamboumue, kua kara ondorera mehi arihe nga koiri oitja muviu. ³⁴Nu moire oitja muviu, Jesu ua ravaera neraka enene, ama tja, ''Eli, Eli, lama sabakathani?'' Okutja Mukuru uandje, Mukuru uandje, ove ue Ndjesire tjike?'' ³⁵Tjiva mba kuramene mbo, tji va zuva omambo Ue nu tji vatja, Tara, Eje ma isana Erija.''³⁶Nu umue uavo ua purukuta a toora ohore, e tjijaveke movinika, eitua ko ruu nemupe kutja anue. Nu omurumendu uatjere, ''Muesa, nga tu tarere kutje Erija meje ku mu herura.'' ³⁷Nu Jesu Ua ura neraka enene, nu a koka. ³⁸Nu otjikatine tjondemberi tja njondoroka pokati, okuza kombanda nga kehi.³⁹Nambano omukendurio ngua kuramene ohunga na Jesu, tja muna kutja ua koka mondjira indji, ''Otjotjiri omurumendu ingui uari Omuna ua Mukuru.'' ⁴⁰Nu rukuao pari ovakazendu mba tarerere kokure. Mokati kavo muari Maria Magatarena, na Maria inaa Jakobasa ingo mutiti na Josesa, na Seruma, ⁴¹Tjari ku Ngarareja vemu kongorerere nave muungurire. Novakaendu ovakuao ovengi mbe ere puena Je ko Jerusalema.⁴²Nu ongurova tjija tumbuka, mena rokutja jari Ejuva romeritunino, okutja, ejuva komurungu uesabata, ⁴³Joosefa ua Arimateja ueja mbo. Uari omuzemburukise omutengua mounane, eje uina ngu ja undju ouhona ua Mukuru. Ua hitire nouvande pomurungu ua Piratiusa nu a ningire kutja a peue orutu rua Jesu. ⁴⁴Nu Piratiusa ua himinue kutja Jesu uatu hapo; Nu otja isanene omukendurio nu emu pura kutja Jesu Uatu poo.⁴⁵Nu Piratusa tjazu noku raerua ijo mukendurio kutja Jesu ua koka arire tja jandja orutu ku Joosefa. ⁴⁶Joosefa eje uari aa randa onguju jorinena.Nu e Mu turura ko tjikoroise, nemu mangere monguju indji jorinena, nemu rarisa mejendo nda kororerue okuza moruuua. Nu akunguzurire eue pomuvero uejendo. ⁴⁷Nu Maria Magatarene na Maria ina ja Joosesa va muna kutja Jesu ua pakua pi.

¹Nu e sabata tjira kapita, Maria Magatarene na Maria inaa Jakobasa na Saruma va randere ovinuke oviua kutja ve ka sopore orutu rua Jesu navio. ²Nu muhuka omunene, me juva inde tenga rotjiveke, veja pejendo ejuva tjija ri piti.³Novo va hungirire kumue nu avetja, ''Ouani ngu me ke tukunguzurira eue okuri isapo pomuvero uejendo?'' ⁴Nu ovo tjiva jera omeho, va muna kutja eue rakunguzurua ra isapeua, orondu oro rari enene tjinene.⁵Nu ovo tjiva hita mejendo, va muna omurumendu omutandona, ngua zarere ombanda ombapa onde, aa haamene kokunene, novo ave uruma. ⁶Neje ua tjere kuvo, ''Amu uruma. Ene mamu paha Jesu ua Nasareta, ngua papererue kotjikoroise. Eje ua penduka, kepo imba. Tareje oruveze pu vari a vemu rarisa. ⁷Nunguari kaendee, ka raereje ovahongeua Ve na Petrusa, kutja ''Eje ue muhongorere ko Gararea. Nu ingo oku mamu kemu muna otja tje mu raerere.''''⁸Nu ovo va pita mo hakahana nave tupuka okuza pejendo, orondu ovo ija vezezera nu tjandji va temua. Nu kavena tjiva hungira kuena umue nangarire, orondu tjandji va uruma.⁹Rukuru omuhuka omunene metenga rotjiveke, tjaza no kupenduka, ua munika rutenga ku Maria Magaterena ma nakerere pendje ozondemone hambombari. ¹⁰Neje ua kaenda nu aka raera imba mbari puena Je, mbari moruhoze ama ve riri. ¹¹Nu ovo, tjiva zuva kutja u nomuinjo, nu ua munikua ije, kave kamburire ko.¹²Nu komunda ja nai Eje ua munika mosaneno jarue kuvevari vao, ama ve kaenda amave rianga mokuti. ¹³Nu ovo vaja nu ave ka hepura itji kovavakuao, nunguari ovo nakuvo uina kave kamburiro ko.¹⁴Jesu kombunda ja nai, ua munika ku imba omurongo na umue, ava haama periro, Neje ue ve hungirira okuhina ngamburiro kuao no mitima viao omi kukutu mena rokutja kave itaverere imba mbe Mu muna tjaza noku penduka. ¹⁵Neje uatja kuvo, ''Tuendeje mouje auhe nu zuvariseje ombuze ombua koviutua avihe. ¹⁶Nu ingui ngua itavere nu a papitisiua ma jamua, nu ingui ngu hina ku itavera ma varua omunandjo.¹⁷Nu ovisanekero imbi mavi kongorere imba mbe kambura: Mena Randje mave nakere ozondemone pendje. Maveje ku hungira mo maraka omape. ¹⁸Maveje ku toora ozonjoka no make uao, nu tjiva nu otjina atjihe otjizepe, kanaa tjive hihamisa ko.Maveje ku jambeka omake kovavere, novo mave veruka.''¹⁹Nu Muhona'Jesu tjaza noku hungira kuena vo, Eje ua toorerua kombanda Kejuru nu aka haama kokunene kua Mukuru. ²⁰Nu ovahongeua Ve va kaenda nu ave ka zuvarisa akuhe, nu Muhona Ama ungura puena vo, Ama kongorerisa ovisanekero Kembo, oku zeuparisa ro.***

¹Ovengi mba tuako eke ko ku tjanga osemba ohunga novina mbia tjitua mokati ketu, ²Otja tji via serekarerue kuete, i imba mbe vi muine komeho, no vahandjaure Vembo, ³Mba vaza aeri naua kuami uina, tji mbaza noku kondonona ovina avihe naua okuza kombutiro, oku ku tjangera vio naua toja koku kongorerasana kuavio, mutengua omujozikua Theofilas, ⁴Kutja ove u tjiue naua outakame uo vina imbi mbi ua hongua.⁵Momajuva ua Herod ombara ja Judea, muari omupristeri uorive, ngu ja isaneua Sakarija, nguja ungurire morupa rua Abia. Nu omukazendu ue uazire movasuko va Aaron nena re uari Elisabet. ⁶Nu pouvari uao vari ovasemba pomurungu ua Mukuru, nu ava takamisa omatuako no zoveta za Mukuru azehe. ⁷Nu ovo kavari no muatje orondu Elisabet uari o ngandji. Nu ovo avejevari vari ave kurupa tjinene.⁸Nu pa kara nai kutja, eje ngunda ama ungura otjiungungura tjoupristeri otja korupa rue pomurungu ua Muhona, ⁹Komuhingo uongaro joupristeri, otjiungura tjo ku njosa ovinuke oviua mondemberi ja Muhona tja uira kuje mena rozohonga. ¹⁰Nu otjimbumba atjihe tjovandu tjari pendje ama tjikumbu oruveze ruomatuimisiro uovinuke.¹¹Nu pamunikire kuje omuengeri a a kuramene kokunene kuotjiningiririsiro tjovinuke. ¹²Nu Zakarias the mu muna ua kurunga nu omburuma aja muje,…(gnv) ¹³Nunguari omuengeri uatja nai ku Je, O tira ko, Sakaria, orondu ongumbiro jo je ja zuvirua, nu Elisabet mukazendu uoje me ku pandukire omuatje omuzandu, nu ove moje ku mu ruka Johanesa.¹⁴Nu ove mo kara nendjoroka nenjando, nu ovengi maveje ku njandera onguatero je. ¹⁵Orondu eje ma rire omunene pomurungu ua Muhona, nu kena ku nuako omavinu uo muvite poo omanuua omazeu. Nu eje meje ku urisiua Nombepo Ondjapuke okuza mezumo raina.¹⁶Nu eje meje ku tanaurira ovanatje ovengi va Israel ku Muhona Mukuru uao. ¹⁷Nu eje meje ku kaenda komurungu Ue mombepo na momasa ua Erija, oku tanaurira omitima viooihe kovanatje, novahazuva kounongo uovasemba, oku tuna ovandu kutja ve rongerere Muhona.¹⁸Nu Sakaria uatja nai Komuengeri, Itji ami meje ku tji tjiua vi? Ami tji mbiri omurumendu omukururume no mukazendu uandje tja uorongotisiua ijomajuva omengi. ¹⁹Nu mezirira omuengeri uatja nai kuje, Ouami Gabriel, ngu mbi kurama pomurungu ua Mukuru. Nu mba hindua kove oku ku hepurira ombuze ombua indji. ²⁰Nu tara, mo seti eraka, kona ku jenena oku hungira, nga ke juva ovina mbi ndi mavi tjitua, orondu ove ko kamburire komambo uandje ouo nguma jee ku jenenisiua moruveze ruauo.²¹Nu ovandu vaundjire Sakaria nu ave himisiua ijokutja ua uombisiua itjike pupetambo mondemberi. ²²Nu eje tja pitire pendje ke peurireko oku hungira kuena vo, nuovo va muna kutja okutja u aka kara nombunikisiro mondemberi.Nu eje ua ugnurire ovisanekero kuvo nokuhina kuhungira. ²³Nu pa kara nai kutja, omajuva ue uoku ungura otjiungura tjoupristeri tji ja manuka, eje ua jaruka kondjiuo je.²⁴Kombunda jomajuva ngo, omukazendu ue Elisabet otja rira otjingundi nu a tara oure uomieze vitano. Amatja, ²⁵Muhona Ua tjiti nai kuami momajuva inga,orondu omeho Ue tji jari kombanda jandje, oku isako ohoni jandje mokati kovandu.²⁶Nu momueze outja hamboumue omuengeri Gabriel ua hindua okuza ku Mukuru kotjihuro tja Galilea, tjitji isaneua Nasaret, ²⁷Komusukona ngu hija rara puena ovarumendu, ngua varekerue ijomurumendu uena ra Josef, ue tundu ra David. Nu ena ra ingui omusukona ngu hija rara puena omurumendu ingui rari Maria. ²⁸Nu omuengeri ueere kuje natja, Minikua ove nguua mbimbirua notjari otjinene. Muhona uri puena ove. Ove ua serua ondaja mokati kovakazendu. ²⁹Nu eje the mu muna arire tja zungua ijo mambo ue momuijno, nu e ripura kutja indji ombinika jomungemuano.³⁰Nu omuengeri uatja kuje, Otira Maria, orondu Muhona tja tjariparera ove. ³¹Nu tara! Ove mokutu oungundi motjikuatero tjoje, nu o panduka omuatje omuzandu, nu ena re mo mu ruku JESU. ³²Nu Eje marire omunene na isaneua Omuna Uomukombandambanda. Nu Muhona Mukuru ma jandja ku Je otjihavero tjouhona tja ihe David. ³³Nu meje ku kara nouvara kombanda jondjiuo ja Jakova ngaaruhe, nu ouhonapare ue kanaa u janda ko.³⁴Nu Maria otja tja komuengeri, Mape kara vi nai, ami tjimbi ha tjiua omurumendu. ³⁵Nu ouengeri ua zira natja kuje, Ombepo Ondjapuke mai ja kombanda joje, nomasa Uomukombandambanda aje kovere ove. Ingui Omujapuke ngu meje ku kuatua ijove opu meje ku isanenua Omuna ua Mukuru.³⁶Nu tara, omuramuee, Elisabet, eje uina ua kuta oungundi moukurundu ue, nu imbui omueze outja hamboumue ku ingui ngua isanenue kutja ongandji. ³⁷Orondu ku Mukuru kapena tjimue tji tji haurika. ³⁸Nu Maria uatja, Tara, ouami omukarere ua Muhona. Nga ku tjitue kuami otja kembo roje. Nu omuengeri ua zirepo puje.³⁹Nu momajuva ingo Maria, ua ire kehi rozondundu, kotjihuro tja Juda, mohakahana ⁴⁰Nu eje ua hitire mondjiuo ja Sakaria na minike Elisabet. ⁴¹Nu pa kara nai kutja, Elisabet tja zuva ombinika ja Maria, okanatje ka tuka motjikuatero tje, nu Elisabet arire the urisiua Nombepo Ondjapuke.⁴²Nu eje ua hungira neraka enene natja, Ove ua serua ondaja mokati kovakazendu, nu otjihape tjo tjikuatero tjoje tja serua ondaja. ⁴³Nu itji the ndji zire pi, kutja ina Jomuhona uandje uaso ku ja kuami. ⁴⁴Orondu, Tara, eraka rombinika joje tji rautu oku zuvaka komatui uandje, okanatje ka tukisiua ijondjoroka motjikuatero. ⁴⁵Nu uaserua ondaja ingui ngua kambura orondu ovina imbi mbia raerua I Muhona mavi jenenisiua.⁴⁶Maria uatja, omuinjo uandje maupe ondjozikiro ko Muhona, ⁴⁷Nombepo jandje ja joroka mu Mukuru omujame uandje.⁴⁸Orondu Eje tja muna oruveze oru hina ndengu ruo mukarere ue, nu tara okuza ku nai ozondekurona azehe mazeje kundji isana omunandaja. ⁴⁹Orondu Eje ingui Omunamasa uendji tjitire ovina ovinene, nu Ena Re Ejapuke.⁵⁰Nu otjari The tjiri kombanda jaimba mbe nondira ku Je, okuza kondekurona nga kondekurona. ⁵¹Eje ua tjita oviomasa nokuuoko Kue, Eje uapiza imba mbe ritongamisa mouripura uomitima viao.⁵²Eje ua hakurura ovanamasa kovihavero viouvara, nu A tongamisa ovehinandengu. ⁵³Eje Ue kutisa ovanandjara novena oviua, nu imba ovatumbe Ue ve ramba nokuhina tjina.⁵⁴Eje ua vatera omukarere Ue Israel, mo ku zemburuka otjari Tje, ⁵⁵Otja Tja hungirire kootate, ku Abraham nakondui je ngaaruhe.⁵⁶Nu Maria ua kara puena je ngeri omieze vitatu, nu a jaruka kondjiuo je omuini. ⁵⁷Noruveze rua jenenisiua ruokutja Elisabet a panduke. Neje ua panduka omuatje omuzandu. ⁵⁸Novararanganda ve nozamumue ve tjva zuva omuano Muhona mbua raisa otjari Tje otjinene ku je, ovo va karere nondjoroka puenae.⁵⁹Nu pa kara nai kutja mejuva oritja hambondatu ovo veja oku sukarisa okanatje, novo v eke ruka Sakarija, amave ke rukire mu ihe. ⁶⁰Nunguari ina ua zira natja, kako, nunguari eje ma rukua Johanesa. ⁶¹Novo vatja ku je, Kapena umue uo muhoko uoje ngu isaneua nena ndi⁶²Novo va ungura ovisasanekero ku ihe oku mu pura kutja ma vanga kutja omuaje a rukue une. ⁶³Neje ua ningirire otjitjangero, nu atjanga, amatja, Ena re o Johanesa. Novo va himua avehe.⁶⁴Nu tjimanga otjinjo tje arire tji tja patururua nereka re ari kuturua. Neje a hungire na tanga Mukuru. ⁶⁵Nondira ja raukira kombanda jaimba mba turire ongondoroka navo. Novina mbi via serekarerue mehi arihe ra Judea rozondundu. ⁶⁶Navehe mba zuvire ovina imbi, va puikire vio momitima viao, amavetja , Ingui marire omukemuatje? Orondu Eke ra Muhona rari puenaje.⁶⁷Nu ihe Sakarija ue urisirue Ijombepo Ondjapuke, nu a profeta amatja, ⁶⁸Nga jozikue Muhona Mukuru ua Israel, orondu tja varura na kutura ovandu ve.⁶⁹Nu nguetu jerururire onja jondjamo mondjiuo jomukarere Ue David, ⁷⁰Otja indi tja hungirire novinjo viovaprofete ve ovajapuke, mba karere ko okuza kombutiro jouje, ⁷¹Kutja matu jamua kovanavita naete, no keke raimba mbe tu tonda⁷²Oku jenenisa omakuizikiro uotjari nga tjitire kootate, noku zemburuka omerikutiro pamuee Ue omajapuke, ⁷³Norujano ndua janene ku tate Abraham ⁷⁴Kutja eje meje ku tjita kutja ete tu kuturue kutja tu sore oku mu ungurira nokuhina oma, ⁷⁵Moujapuke nousemba pomurungu Ue, omajuva ajehe uohupo jetu.⁷⁶Nove, mutje, moje ku isaneua omuprofete ua Ingui Uokombandambanda; orondu ove moje ku kaenda pomurungu ua Muhona oku tuna ozondjira Ze. ⁷⁷Oku jandja ondjiviro jondjamo kovandu Ve nondjesiro jomauvi uao.⁷⁸Mena rounjanutima uotjari tja Mukuru uetu, ouo mbua raukira kombanda jetu otjomapitiro uejuva okuza kombanda ⁷⁹oku jandja ondjerera ku imba mba haama mondorera na momuzororema uondiro, noku tumburira ozombaze zetu kondjira jotjari.⁸⁰Nomuatje ue kurire na kara nomasa mombepo, nu uari mokuti ongaango nga kejuva nda raisiua ko Isiraera.

¹Nu momajuva ngena, kua zire embo erajero komukesare Augustus, kutja ouje auhe utjangue omana. ²Nomatjangero inga omatenga ja tjitua Kirenius tja ri omuhegemone mo Sirie. ³Navehe vaja okukeritjangisa, auhe kotjihuro the omuini.⁴Josef uina uaza ko Galilea, motjihuro tja Nasaret, nai ko Judea, kotjihuro tja David, tji tja rukua Bethlehem,orondu tja zire mondjiuo na morukuato rua David. ⁵Uaja ngo Okukatjangua puena Maria, omukazendu ue omuvareka, nguari otjingundi.⁶Nu ngunda averi ngo, omajuva arire tjija jenene uokutja a panduke omuatje uee. ⁷Neje ua panduka omuzandu otjiveri tje, nemu manga mozonguju, narire the mu rareke metemba ndi risirua ovitumbua, orondu tji pe ha ri noruveze mondjiuo jovaenda.⁸Nu morukondo rue hi otjingeruo, muari ovarise mba tjeverere otupanda tuao outuku. ⁹Omuengeri ua Muhona ua raukira kuvo, noujere ua Muhona ue ve koverere nondjerera. Novo arire tjiva uruma tjinene.¹⁰No omuengeri ua tjere kuvo, ''A mu tira, orondu mbe mu jetere ombuze ombua jondjoroka onene, ndji mai ja kovandu avehe. ¹¹Ndino mua kuaterua Omujame motjihuro tja David! Nguri Kriste Omuhona! ¹²Nu itji matji rire otjiraisiro kuene, mamu ka vaza okanatje kuka mangua mozonguju kuka rarekua metemba ndi risirua ovitumbua.¹³Nu tjimanga pa munikire otjimbumba otjinene tje juru puena omuengeri, amatji tanga Mukuru, amatji tja, ¹⁴Oujere ku Mukuru mokombandambanda, nohange mouje, noupue movandu.¹⁵Nu pa kara nai, kutja otja imba ovaengeri tjiva zire puvo nu ave jaruka mejuru, ovarise arire tji va hejasana nai, Nambano ngatu jende ko Betlehem tu ka mune otjina tji tjitja tjitua, itji Muhona tja tjivisa kuete. ¹⁶Novo veja mohakahana nave vaza Maria, na Josef nokanatje kuka rara metemba ndi risirua ovitumbua.¹⁷Novo tji ve kemunu, arire tjiva zuvarisa porutjandja imbi mbi va raerua komunda uokanatje nga. ¹⁸Navehe imba mba zuva, va himisiua ijo vina mbi va raererue i jovarise. ¹⁹Nunguari Maria ua takamisa omambo inga ne ripura nauo momutima ue. ²⁰Novarise va jarukire, amave hivirike noku tangera Mukuru ovina vihe mbi va zuvire, noku muna, otja imba pu va raererue.²¹Nomajuva hambondatu tji ja jenennisiua kutja okanatje ke sukarekue, ena Re arire tjira rukua Jesu, nda rukirue i jomuengeri ngunda ae hija zezengua motjikuatero.²²Nu omajuva uokukohororua tji ja za noku jenenisiua otja koveta ja Mose, ove ve Mu jeta ko Jerusalem oku Mu jandja ku Mukuru; ²³Otja tji patjangua moveta ja Muhona,''Otjitume atjihe tji tja paturura otjikuatero matji isaneua otjijapuke tja Muhona,'' ²⁴Noku ka jandja ombunguhiro otja ku imba pupa heua moveta ja Muhona,''ozonguti mbari poo ovititipongona vivari.''²⁵Nu tara, muari nomurumendu mo Jerusalem, uena ra Simeon, nu omurumendu tjingeje ngui uari omutakame aeno ndira, ngua undjire omahekununino ua Israel, Nu Ombepo Ondjapuke jari kombanda je. ²⁶Nu pa tjivisirue kuje no Ombepo Ondjapuke kutja kanaa koka ndgunda ae hija muna Kriste ua Muhona.²⁷Neje ua jeterue ijOmbepo kondemberi. Nu ovakuate tjiva jeta okanatje Jesu, oku tjita otja kombazu joveta, ²⁸Indino otja toora okanatje momaoko ue, nu a tanga Mukuru natja, ²⁹Nambano jandjera omukarere uoje oku kaenda mohange, otja kembo roje,³⁰Orondu omeho uandje tjija munu ondjamo joje, ³¹Ndji ua tunina pomurungu uovandu avehe; ³²Ondjerera oku jerisa Oviuana viozonganda, oujere uovandu voje Israel.³³Nu ihe na ina va himisirue ijovina mbi mbia hungirirue ohunga na Je. ³⁴Nu Simeon ueve sera ondaja natja ku ina Maria, ''Tara, omuatje ngui ua zikirua omauiro nomajeuriro uo vandu ovengi mo Israel; noku rira otjisasanekero tjima tji pataneua; ³⁵Nengaruvio mari tuurunga omuinjo uoje omuini uina, kutja ouripura uomitima omingi u horoke.³⁶Omuprofete uena ra, Ana, omusuko ua Fanuel, ue tundu ra Aser. Eje ua hupire ozombura ozengi; neje ua karere ozombura hambombari puena omurumendu ue okuza kousuko ue. ³⁷Neje uari omuhepundu uozombura omirongo hambondatu na ine, ngu ja ha piti mondemberi, ae karera Muhona noku ritjaera kovikuria na mongumbiro outuku nomutenja. ³⁸Neje uina ueja moruveze otjingeruo na tanga Muhona, nu a hungire ohunga na Je kuimba avehe mba undjire oku randururua mo Jerusalem.³⁹Novo tji va mana oku tjita ovina avihe otja koveta ja Muhona, va jaruka ko Galilea kotjihuro tjao tja Nasaret. ⁴⁰Nu ingui omuatje ue kura, a hara omasa, eurisiua nounongo. Notjari tja Muhona tjari puna Je.⁴¹Nu ovakuate ve ija vei ko Jerusalem ombura nombura komukandi uo Marurumino. ⁴²Nu tjari nozombura omurongo na mbari, vaja ko Jerusalem otja komuhingo uo Mukandi. ⁴³Nu tjiva jenenisa omajuva, tjija ve jaruka, omuatje Jesu ua seua ko Jerusalem; Ovakuate ve ave hina kutjiua. ⁴⁴Nunguari ovo, va kaenda oujenda uoure uejuva, amave tjangovasi uri mokati kotjimbumba; nu otji va jaruka oku Mu paha movazamumue novatjiuasane.⁴⁵Novo tjive he Mu muine, va jaruka ko Jerusalem, ave otisa o ku Mu paha naua ingo. ⁴⁶Nu pa kara nai, kutja kombunda jomajuva jetatu ve Mu vaza mondemberi, aa haama mokati ovahonge, ame ze puratene noku ze pura omapurira. ⁴⁷Nu avehe mbe mu zuvire va temisirue ijo mapangununino ue nomaziriro ue.⁴⁸Novo tjive mu muna arire tjiva himua, ina uatja ku Je, Muatje, onguae tji ue tu tjiti nai? Tara, iho na ami tue Ku pahere nomihihamuatima. ⁴⁹Neje uatja kuvo, Ene muari ama mu ndji pahere tjike? Kamuna ku tjiua kutja mbaso ku pendapara moviungura via Tate. ⁵⁰Novo kave pangununineko indembo nda hungirire kuvo.⁵¹Nu Otja jaruka konganda punavo ko Nasaret, na kara nonduviro kuvo: Ina ua takamisire ovina mbi avihe momutima ue. ⁵²Nu Jesu ue kura mozondunge na momuseka, na mokusuverua i Mukuru novandu.

¹Mombura oitja murongo na ndano joMukesare Tiberius, Pontius Pilatus tjari omuhegemone mo Judea, na Herodes tjari omutetraki ua Galilea, na Filipus omuangu ue tjari omutetraki ua Iturea na mehi ra Trakonitis, na Lisanias tjari omutetraki ua Abilene, ²Annas na Kajafas averi ovapristeri ovanene, embo ra Mukuru reja ku Johanesa omuatje ua Sakaria, mokuti ongaango.³Neje ue ere mehi arihe rongondoroka ja Jordan ama zuvarisa ombapitisimo jondanaukiro jomeriverero kondjesiro jomauvi.⁴Otja tji patjangua membo romambo ua Jesaja omuprofete, kutja, “Eraka ra umue ngu ma ravaere mongaango, ‘Tuneje ondjira ja Muhona, teremaniseje omirari vie.⁵Otjana atjihe matji sirua, nondundu nomuru auhe mau heurirua kehi, nu mbia sotoroka mavi teremanisiua, nomirari viovipundauronde mavi serurua. ⁶Nonjama aihe mai munu ondjamo ja Mukuru’ ”⁷Kuzambo otja tja nai kotjimbumba tji tjeere oku papitisiua ije, “Ndekurona uene jo zonjoka, mua tirisiua ijani oku taura komazenge ngu mae ja.⁸Opu muaso kujeta ovihape mbia puira ondanaukiro jomeriverero, nu amu utu oku tja nai momitima vienu, Tuna Abraham otja tate uetu. Orondu tji me tja nai kuene, Mukuru ma jenene oku ungurira Abraham ovanatje pomaue nga.⁹Nambano ekuva ra tuua hapo komuze uomiti. Okutja omuti auhe mbu hina kujeta otjihape tjiua opu mau keua, nau umbua momuriro.”¹⁰Novandu ve mu pura navetja, “Nambano ngatu tjite vi?” ¹¹Neje ua zira natja kuvo, Ingui ngu nozondjasa mbari nga jandje ku ingui ngu hina jo. Nu ingui ngu novikuria nga tjite nao uina.¹²Kuzambo pe ja ovasutise votjisuta tjouhona oku papitisiua, nave tja ku je, “Muhonge ete nga tu tjitevi?” ¹³Neje uatja kuvo, “Amu sutisa ko oku kapita imba pu mua rakiziua.”¹⁴Tjiva ovasorondate uina ve mu pura kutja, “Nu ete ngatu tjite vi?” Neje uatja kuvo, “Amu tjiti otjomasa movandu, poo oku kuminina omundu, nunguari kareje nuhange motjisuta tjenu.”¹⁵Nai otja ovandu avehe tji vari nomaundjiro, ovandu avehe otjija ve ripura momitima viao kutja, tjii Johanesa rumue onguri Kriste poo ka je. ¹⁶Johanesa ua zirire natja kuvo avehe, “Ami tjiri mbi mu papitisa nomeva, nu ingui nguri omunamasa puami me ja, ngu mbi puire noku kutura ozondatua zo zongaku Ze. Eje mee ku mu papitisa nOmbepo Ondjapuke nomuriro.¹⁷Eje uno tjisise meke Re, nu ma komborora otjitondero Tje ketupa, na uongere ondui indji ombua mondjiuo Je jombuikiro, nu imbi ovitatu ma njosa nomuriro mbu ha zemi.¹⁸Neje ua ronga ovandu kovina ovingi am eve zuvarisire Ombuze Ombua. ¹⁹Nunguari Herodes ingui omutetraki tja vererue ije mena ra Herodias omukazendu uomuangu ue na mena romaurunde uarue Herodes nga tjitire, ²⁰Eje ua ueza ouvi mbui kombanda jao aehe, eje ua patera Johanesa mondorongo.²¹Nambano ovandu avehe tji vaza noku papitisiua pa kara nai,kutja Jesu uina tjija papisiua, nu ama kumbu, ejuru ra paturuka, ²²Nu Ombepo Ondjapuke ja herukira kombanda Je ai ri mombunikiro jonguti, neraka raza mejuru naritja, “Oove Omuna Uandje omusuverua, mo Ve mbi nondjoroka.”²³Nu Jesu uari nozombura mangara ndu maze utu oku kambura omirongo vitatu, ae ri omuna ua Josef (otja kouripura uovandu), omuna ua Heli, ²⁴Omuna ua Matat, omuna ua Levi omuna ua Melki omuna ua Jana omuna ua Josef²⁵Omuna ua Matatias omuna ua Amos omuna ua Naum omuna ua Esli omuna ua Nangai ²⁶Omuna ua Maat omuna ua Matatias omuna ua Semei omuna ua Josef omuna ua Juda²⁷Omuna ua Johannes omuna ua Resa omuna ua Zorobabel omuna ua Salatiel omuna ua Neri ²⁸Omuna ua Melki omuna ua Adi omuna ua Kosam onuna ua Elmodam omuna ua Er ²⁹Omuna ua Joses omuna ua Eliezer omuna ua Jorim omuna ua Matat omuna ua Levi³⁰Omuna ua Simeon omuna ua Juda omuna ua Josef omuna ua Jonan omuna ua Eliakim ³¹Omuna uaMeleas omuna ua Menan omuna ua Matata omuna ua Natan omuna ua David ³²Omuna ua Jese omuna ua Obed omuna ua Boas omuna ua Salmon omuna ua Nahason³³Omuna ua Aminadab omuna ua Aram omuna ua Esrom omuna ua Fares omuna ua Juda ³⁴Omuna ua Jakob omuna ua Isaak omuna ua Abraham omuna ua Tara omuna ua Nahor ³⁵Omuna ua Saruk omuna ua Ragau omuna ua Falek omuna ua Heber omuna ua Sala³⁶Omuna ua Kainan omuna ua Arfaksad omuna ua Sem omuna ua Noa omuna ua Lamek ³⁷Omuna ua Metusala omuna ua Enok omuna ua Jared omuna ua Maleleel omuna ua Kainan ³⁸Omuna ua Enos omuna ua Set omuna ua Adam ngua ri ua Mukuru.

¹Nu Jesu ua kotokere okuza ko Jordan ae ura Ombepo Ondjapuke, na tuarua i jOmbepo Ondjapuke mokuti ongaango, ²Ka ka rorua i jOmunauvi omajuva omirongo vine. Nu momajuva ngo kena tjina tja rire, nouo tji je ja komaandero, Eje otja tondjara.³Nu Omunauvi ua tja ku Je, Ove tjiuri Omuna ua Mukuru pangura eue indi kutja ri rire omboroto. ⁴Nu Jesu Ue mu zira amatja, Patjangua kutja, Omundu kena ku hupisiua i jomboroto poruajo, nunguari ije embo ndi ma ri zu ku Mukuru.⁵Nu Omunauvi ue Mu tuara kombanda jondundu onde, nu e Mu raisire omauhonapare aehe uouje moruveze orusupi, ⁶Natja ku Je, Ouvara imbui auhe me jandja ku Ove no ujere uauo, orondu ouo ua peua ami na kaani auhe ku mba vanga oku u jandja. ⁷Nu Ove tji uerikotamene ku ami, imbi avihe otjinga mavi rire ovioje.⁸Nu Jesu ua zira natja ku je, Konda kongotue jandje Satan, Orondu patjangua, Ove mo rikotamene ku Muhona Mukuru uoje nu Eje erike arire ngu ua karere.⁹Nu ue Mu jeta ko Jerusalem, ne Mu tua ponganda jo Ndemberi, natja ku Je, Tjiuri Omuna ua Mukuru ri umba pehi okuza imba. ¹⁰Orondu patjangua, Eje ua rakiza ovaengeri ve komunda uo Je, oku takamisa Ove; ¹¹Nu ovo mave ku tjindi momake uao, kutja nangarire moruveze rumue o ha vete ombaze jo Je meue.¹²Nu mezirira Jesu uatja ku je, Kuaza, Kona ku rora ko Muhona Mukuru uoje. ¹³Nu omunauvi tja mana omarorero ue, arire tja zapo puje okaruveze okatiti.Jesu ma njengiua mo Nasaret¹⁴Jesu ua jarukire momasa uOmbepo ko Galilea, nu ondangu je ja handjaukire motukondua atuhe ongondoroka. ¹⁵Nu Eje ua hongere mo zosinagoge zao, ama hivirikua i avehe.¹⁶Neje ue ja ko Nasaret ke kurisirua. Nu otja kongaro Je Eje uaja ko sinagoge mesabat nu a sekama oku resa. ¹⁷Neje ua peua embo romuprofete Jesaja. Neje tja paturura embo a munu pona pu pa tjangua nai,¹⁸Ombepo ja Muhona i ri kombanda jaNdje, orondu Eje ueNdji soporera oku zuvarisa Ombuze Ombua kovasiona. UeNdji hinda oku verukisa imba mba njanjauka omitima, oku hongonona ongutukiro kovahuurua, nokujarurapo oku muna kovapotu, oku kutura ovanavitumbo mba hihamisiua, ¹⁹Nokuzuvarisa ombura jo tjari tja Muhona.²⁰Neje ua pata embo a jarura ro komuungure, na haama pehi. Nu omeho ua imba avehe mbari mo sinagoge ja zikirue mu Je. ²¹Neje otja uta oku tja nai kuvo, Ndinondi omatjangua inga ja jenenisiua momatui uenu. ²²Nu avehe ve Mu kamburira nave temisiua i jomambo uotjari nguja e piti motjinjo Tje. Nu va tjere, Tjii ingui ka muna ua Josef?²³Nu Eje uatja nai kuvo, Tjiri mamu je ku ungurisa omuano imbui ku Ami, Nganga riverukisa omuini. Avihe mbi tua zuva kutja via tjitua ko Karpenaum tjita na muno mojenu uina. ²⁴Nu uatja, Tjiri metja nai kuene, Kapena muprofete ngu jakurua mehi re omuini.²⁵Nunguari Me mu raere ouatjiri, Muari ovahepundu ovengi mo Israel momajuva ua Erija, ejuru tjira paterue ozombura ndatu nomieze hamboumue, ondjara onene tji jar i mehi arihe. ²⁶Nu Erija ka hindirue ku umue uavo, pendje no ko Zerapath kotjihuro tja Sidon, komukazendu nguari omuhepundu. ²⁷Nu muari ovanalepere ovengi mo Israel moruveze ruomuprofete Erisha, nu kapena umue uavo ngua kohororerue pendje na Naaman Omusirie.²⁸Nu avehe imba mbari mo sinagoge, tji va zuvire ovina mbi, va tiro mazenge. ²⁹Novo va sekamene, nave Mu nakere pendje jotjihuro, nave mu nanene korutjene ruondundu, mumua zikirue tojihuro tjao, kutja ve ke Mu undurire pehi a ka ue ondjendje. ³⁰Nunguari Eje ua tuurunga mokati kao na toora ondjira je ai.³¹Nu Eje ueja ko Kapernaum otjihuro mo Galilea, nu a hongo vo momajuva ue sabat. ³²Novo va himisirue i imbi mbija hongo, orondu embo Re rari nouvara.³³Nu mo sinagoge muari omurumendu nguari nombepo jondemone ohakohoke, neje ua urira kombanda neraka enene, ³⁴Amatja, Hanika na ete, tuna tjike kuena ove, Jesu ua Nasaret. Ove uee kutunjona are? Me tjiua kutja oove une; Ingui Omujapuke ua Mukuru.³⁵Nu Jesu ue mu kandaiza, amatja, Muina nu pita Muje. Nu indji ombepo ombi tji jaza noku mu umba mokati kavo, ja pita muje nu ai he mu hihamisa. ³⁶Nu avehe va himinue, nu ave hungire mokati kao oveni amvetja, Indi enge mbo! Orondu Eje ma kandaiza ozombepo ozombi nomasa nouvara, nu ozo maze piti. ³⁷Nu omahumgi kuta ku Je jautu zuvako movirongo avihe mongondoroka.³⁸Jesu ua sekamene mosinagoge na kahita mondjiuo ja Simon. Nu ina jomukazendu ua Simon ua havererue i jotjindjumba otjizeu, novo ve mu hepura ku Je. ³⁹Neje u aka kurama posije na kandaiza otjindjumba notjo atji piti mu je. Nu motjimanga eje ua sekama nu autu oku ve ungura.⁴⁰Nambano ejuva tjira toko, avehe imba mbari novavere vomitjise pekepeke ve ve eta ku Je. Neje ua jambeka omake kuvo avehe nu Eve verukisa. ⁴¹Nozombepo ozombi uina za pita movengi, amaze uru, amaze tja, Oove Kriste Omuna ua Mukuru. Neje Ue ze kandaiza ne he ze jandjere oku hungira, orondu ija ze tjiua kutja onguri Kriste.⁴²Nu tjipatji Eje ua pita nai ko ngaango. Nu ovimbumba vie Mu pahere na vija ku Je, navi kakatere ku Je kutja aha zapo puvio. ⁴³Neje uatja nai kuvo, Ami mbaso ku zuvarisa ouhona ua Mukuru kovihuro ovikuao uina, orondu itji otji mba hindirua. ⁴⁴Neje ua zuvarisa mozosinagoge za Galilea.

¹Nu pakara nai kutja, otjimbumba tjovandu tjeri undururire mu Je okuzuva embo ra Mukuru, Neje ua kuramene mene romuronga ua Genesaret. ²Neje ua muine ouskepi uvari mbua kuramene mene romuronga. Nunguari tjandje imba ovapate vomahundju va piti muvio mave koho ozombate. ³Jesu ua hita mu kemue kouskepi imbui, ku ka ri oka Simon, Ne mu ningire oku ke humburure katiti ne hi. Nu Eje ua haama pehi nu a hongo ovandu ae ri mokaskepi.⁴Nu tjaza noku mana okuhungira Ua tja nai ku Simon, Hingiree popakoto, nu mu umbe ozombate zenu muumbuzure ozohi. ⁵Nu me zirira Petrus uatja ku Je, Muhonge, ete tua kondjo outuku auhe nu katuna tji tua pata. Nunguari motjimbe tjembo ro Je me umbu ozombate. ⁶Nu tjiva tjita nao va pata omahundju omengi nga ozomabte zao tjimaze ruku oku njondoroka. ⁷Novo otjiva nanga otjira tjao, tji tjari mokaskepi inga okakuao, kutja ve je okuvevatera. Nu ovo veja nu ave urisa ouskepi au je vari ngatji mau utu okutomuina.⁸Nu Simon Petrus tja muna itji, otje ri uisira pehi pozongoro za Jesu, amatja, Zapo pu ami, Arikana Muhona, orondu ouami omurumendu omunauvi. ⁹Orondu eje na imba mbari puena vo tjiva himisirue ijo uingi uomahundju ngu va pata. ¹⁰Na Jamesa na Johanes, ovazandu va Zebedius, mbari ovo tjira tja Simon tjo ku pata omahundju, uina va himinue nao. Nu Jesu uatja ku Simon, O tira, okuzamba mo rire omu pate uovandu. ¹¹Novo tji vaza noku nanena ouskepi uao komukuro, va jesa ovina avihe, nu ave Mu kongorere.¹²Nu pa kara nai, kutja, tjari motjihuro tjimue, tara, omurumendu ngue urire omutjise omuzeu uomukova! Neje tja muna Jesu ua ua ondurumika, nu e rijarikana ku Je atja, Muhona, Ove tjimovanga, Ove mo jenene oku ndji kohorora. ¹³Nu Eje ua uonjonona eke Re nu E mu tunu, amatja, Me vanga, ove kohoka. Nu tjimanga omutjise omuzeu uomukova au piti mu je.¹⁴Nu Eje Ue mu rakiza, Oraere ko omundu. Nunguari tuende nu u ke riraise komopristeri nu u ka jandje otjijandjeua tjoku kohororua kuoje, otja Mose tja pangurire tji rire ouhatoi kuvo.¹⁵Nunguari ombuze komunda Ue ja handjukira ko. Nu ovimbumba ovinene vieja oku je ku zuva, noku verukisiua i Je komitjise viao. ¹⁶Nunguari Eje ua za mo mokati kao ai mongaango nu a ka kumba.Jesu ma verukisa omuremane¹⁷Nu pa kara nai ejuva rimue Eje ngunda ama hongo, kutja, Ovafarisei nozonongo zoveta mba zire movihuro avihe via Galilea, na Judea, na Jerusalem za haamene mbo. Nu omasa ua Muhona uoku verukisa jari mbo.¹⁸Nu tara ovarumendu va jetere omurumendu omuremane ngua rarisirue mombete. Nu ovo va pahere oku mu jeta oku mu rarisa pomurungu Ue. ¹⁹Nu ovo ka ve muine ko omuano uo ku mu hitisa mena rouingi uovandu mbuari mbo. Nu ovo otjiva ronda komututu uondjiuo, nu ave mu herurire mokati kovihokere ae ri mombete ,mokati kovandu pomurungu ua Jesu.²⁰Nu tja muna ongamburiro jao, uatja nai ku je, Murumendu ove ua jesirua omauvi uoje. ²¹Nu ovatjange nOvafarisei va uta oku rihungirira, amave tja, Ingui ouani ngu ma hungire ozondjambu ku Mukuru? Ouani ngu ma jenene okujesira omauvi pendje na Mukuru erike?²²Nu Jesu tja tjizire omeripura uao, U eve zirire nu Atja, Mamu ripura na tjike momitima vienu? ²³Otjipupu potjikuao ootjine, okutja, ove ua jesirua omauvi uoje, poo okutja, Sekama nu rianga? ²⁴Nunguari kutja mutjiue kutja Omuna Uomundu una ouvara oku jesira omauvi kombanda jehi, Eje uatja nai komuremane, Metja nai kove, sekama, toora ombete joje nu u jende kondjiuo joje.²⁵Nu tjimanga eje ua sekama pomurungu uao, nu a toora itji tja rarere po, nu a kaenda ai kondjiuo je omuini ama hivirike Muhona. ²⁶Nu avehe va himinue nu ave hivirike Mukuru, nu ve urisiua nondira, nu avetja, Tua munu ovihimise ndinondi.²⁷Nu kombunda jo vinambi Eje ua kaenda nu aka muna omusutise uotjisuta tjouhona, ngua rukirue Levi, aa haama pondjiuo jo masutiro, nu atja nai ku je, Ndji kongorera. ²⁸Nu eje ua jesa avihe, a sekama, nu e Mu kongorere.²⁹Nu Levi ue Mu unguririre omukandi omunene mondjiuo je. Nu pari otjimbumba otjinene tjovasutise votjisuta tjouhona novakuao mba haamene pehi puena vo. ³⁰Nunguari imba ovatjange nOvafarisei va unaunina ovahongeua Ve, amavetja, Onguae tjima muri nokunua puena ovasutise votjisuta tjouhona novarunde? ³¹Nu Jesu ua zira natja kuvo, Imba mberi naua kave hepa omuverukise, pendje na imba mba vera. ³²Ami hi jereere oku isana ovasemba nunguari (mbe jera oku isana) ovarunde komeriverero uo ndanaukiro.³³Nu ovo vatja nai ku Je, Onguae ovahongeua va Johanesa tji ve ri tjaera kovikuria potuingi, noku kumba, tjingee imba ovOvafairsei, nu imba ovoje tji veria noku nua? ³⁴Neje uatja nai kuvo, Mamu jenene okutjita ovanatje ve tuuo romukandi uorukupo oku ritjaera kovikuria ngunda omukupe ae ripuena vo are? ³⁵Nu omajuva ma eja ingui omukupe tjima toorua muvo, nu okuzambo otji ma veje ku ri tjaera kovikuria momajuva ingo.³⁶Nu Eje ua serekarera otjisasanekero kuvo, Kapena mundu ngu rapa ekoti epe komutuaro omukuru, orondu indi epe mari njondorora, nu inde kuru karina ku puasana na inde pe.³⁷Nu kapena mundu ngu pakere omavinu omape mozondjatu zomikova ozonguru.Orondu omavinu omape maje pamuna inda ozondjatu zomikova, nu aje tika, nu ozondjatu aze zundara. ³⁸Nunguari omavinu omape jaso ku pakerua mozondjatu ozombe, nu avivari avitakamisiua. ³⁹Nu kapena mundu ngu manu omavinu omakuru nu tjimanga imbo a paha oku nua omape, orondu tji matja inga omakuru omaua.

¹Nu pa kara nai mesabata oritjavari okuza ku indi etenga kutja, kutja Eje ua pitirira mokati kovikunino viovikokotua. Nu Ovahongeua Ve va va pora ozondjatu zovikokotua, ave ze pukumuna momake nave ri. ²Nu tjiva vOvafarisei vatja kuvo, Onguae tjima mu tjiti itji tji tja zerikua oku tjitua momasabata?³Nu Jesu mezirira uatja kuvo, Ene kamuja resa itji, kutja David ua tjitire vi tja tire ijondjara, na imba mbari puena e? ⁴Kutja eje ua hita vi mondjiuo ja Muhona, tjaka toora nu a ri omboroto jomaraisiro, nu a jandja tjiva ku imba mbari puena e, indji ndja zerikua oku riua ijovandu avehe pendje novapristeri uriri? ⁵Nu Eje uatja kuvo, Omuna uOmundu omuhona uesabata uina.⁶Nu pa kara nai rukuao mesabata ekuao, kutja, Eje ua hitire mosinagoge nu a hongo, nu pari nomurumendu umue ngua uonjene eke rokunene. ⁷Nu ovatjange nOvafarisei ve Mu tarerere, kutja tjii ma verukisisa mesabata, kutja ve sore oku mu vara omunandjo. ⁸Nunguari Eje ua tjivirue ouripura uao, nu atja nai komurumendu ingui ngua uonjene eke, Sekama u kurame pokati. Nu eje ua sekama nu a kurama.⁹Nu Jesu uatja kuvo, Me mu pura otjina tjimue; Okonuua momajuva uesabata oku ungura ouua poo ouvi, oku jama omuinjo poo oku u njona? ¹⁰Nu Eje ua riangisire omeho Ue muvo avehe, na rire tja tja komurumendu, Uonjonona eke roje> Nu eje ua tjita nao. Nu eke re ari jaruruako rukuao tjimuna inde kuao. ¹¹Nu ovo ve urisirue oviuoze, nu ave hungire kumue kutja nga ve tjitevi ku Jesu.¹²Nu pa kara nai momajuva ingo, kutja Eje ua pitire nu ai kondundu oku ka kumba, nu Eje u aka kara mongumbiro ku Mukuru outuku auhe. ¹³Nu tji pa tji, Eje ua isanena ovahongeua Ve ku Je; nu A toorora muvo omurongo navevari mba isana ovaapostele:¹⁴Simon, Eje ngua ruka Petrusa, na Andreas omuangu ue, Jamesa na Johanesa, Filipus na Bartolomeus, ¹⁵Mateus na Tomas, Jamesa omuna ua Alfeus, na Simon nguja isaneua Zealotes, ¹⁶Na Judas ua Jamesa, na Judas Iskariot rukuao ngua ka rira omumuhorore.¹⁷Nu Eje ua herukire puena vo nu arire tja kurama morutjandja, mokati kotjimbumba tjovahongeua ve notjimbumba otjinene tjovandu, tji tja zire mehi arihe ra Judea na Jerusalem, nokomikuro vio mironga via Tiran a Sidon, mbe ere oku Mu zuva, noku verukisiua komitjise viao; ¹⁸Na imba mbari mondatumisire jozombepo ozohakohoke, no ovo va verukisiua. ¹⁹Nu otjimbmba atjihe tjovandu tja pahere oku tuna ku Je, orondu omasa ija jezu mu Je nu a je verukisa avehe.²⁰Nu Eje ua jerera omeho Ue kombanda jovahongeua ve, nu Atja, Ouene ovaningandu ene vasiona, orondu ouhona ua Mukuru ouenu. ²¹Ouene ovaningandu mbu mu nondjara mu nai, orondu mamu urisiua. Ouene ovaningandu mbu murira nai, orondu mamu je ku jora.²²Ouene ovaningandu ovandu tji mave munjengua, nu ave mu kondo koruuano ruao, nu ave mu jamburura nu ave mu nakere pendje otjovarunde, men arena rOmuna uOmundu. ²³Jorokeje mejuva indo, nu tukee ovindondoora vio ndjoroka. Orondu tareje, otjisuta tjenu otjinene mejuru. Orondu ooihe jao va tjitire ovina otjingevio kovaprofete.²⁴Nunguari ouee, ku ene mbu mua tumba! Orondu ene mua jakura orusuvo ruenu. ²⁵Ouee kuene mbu mue kuta nai! Orondu mamu je ku tondjara. Ouee kuene mbu mu jora nai! Orondu mamu je ku kara noruhoze nu a mu riri.²⁶Ouee kuene ovandu avehe tjima ve tanga ene! Orondu ooihe jao otjiva tjitire kovaprofete mbe hei ovouatjiri.²⁷Nunguari metja nai kuene mbu mua puratene, Suvereje ovanavita na ene, tjitee ouua ku imba mbe mu njengua, ²⁸Sreje ondaja ku imba mbe mu senga, nu kumbireje imba mbe mu tumba navi.²⁹Ku ingui ngue ku vete orupiu korutama rumue, jandja induo orukuao. Nu ku ingui ngua toora ondjasa joje, o panda nombaikiha. ³⁰Jandja ku ingui auhe ngu ma ningire ku ove, nu o paha ovina vioje ku ingui ngue vi toora.³¹Nu imba pu mamu zeri kutja ovandu ve tjite kuene, tjiteje nao uina kuvo. ³²Orondu ene tji mua suvere imba mbe mu suvera, mamu kotokerua i tjike? Orondu ovarunde uina va suvera imba mbe ve suvera. ³³Nu tji mamu tjiti ouua ku imba mbe tjita ouua kuene mamu kotokerua itjike? Orondu ovarunde ovo uina tjive tjita nao. ³⁴Nu tji mamu jazema ku imba mbu mu nomaundjiro uo ku jakura kuvo mamu kotokerua itjike? Orondu ovarunde uina ve jazema kovarunde, kutja ve jakure otjingevio.³⁵Nunguari ene suvereje ovanavita na ene, tjitee ouua, jazemeje amu hina maundjiro uotjisuta. Nu otjisuta tjenu matji rire otjinene, nu mamu je ku isaneua ovanatje vOmukombandambanda. Orondu Eje tjena otjari ku imba mbe hatja okuhepa novarunde. ³⁶Opu muaso ku kara notjari orondu Iho uina tje notjari.³⁷Amu pangura nu ene kamuna ku pangurua. Amu pe ondjo nu ene kamuna ku peua ondjo. Jesiree nu ene mamu jesirua.³⁸Jandjeje nu matji jandjeua kuene, otjisasanekero tjo ndengu ombua, atja tumbirua pehi, tji tja hakihiua, tji matji tikatika, mave jandja mekoro ruoje. Orondu tji mamu sasanekerua nondengu jotjisasanekero itji tji mamu sasaneke natjo.³⁹Nu Jesu ua serekarera otjisasanekero kuvo, Tjii omupotu ma jenene oku nana omupotu omukuao are? Kavena kuka uira motjitoto avejevari. ⁴⁰Omuhongeua keri kombanda jomuhonge ue, nunguari auhe ngua hongua ma kara otjomuhonge ue.⁴¹Nu onguae tjimo tara kokarupambaro kukeri meho romukuenu, nunguari o ha munu ombande ndjiri meho roje omuini? ⁴²Poo mo jenene vi oku heja omukuenu, Mukuetu, jandjera mbi isemo okarupambaro meho roje, ove omuini tji u hina kumuna ombande ndjiri meho roje omuini? Munatjavivi ove, rutenga nakera ombande ndjiri meho roje pendje, nu kuzambo otji mo munu naua oku homona okarupambaro ku ke ri meho romukuenu.⁴³Orondu omuti omuua kau jeta otjihape otjivi, nu uina omuti omuvi ka ujeta otjihape otjiua. ⁴⁴Orondu omuti auhe u tjiukua notjihape tjauo. Orondu ovandu ka ve nikora omakuju motusu, nu omapunda uomivite kaje ka porua momisaona.⁴⁵Omundu omuua u pitisa pendje ovina oviua okuza mombukiro ombua jovihuze momutima ue; nu omundu omuvi u pitisa pendje ovina ovirunde okuza mobuikiro jourunde momutima ue. Orondu otjinjo tji hungira okuza mu imbi mbia tumbara momutima.⁴⁶Onguae tji mu Ndji isana Muhona, Muhona, nu tjimu ha tjiti imbi mbi hungira. ⁴⁷Auhe ngu meja ku Ami, nu a zuu omambo uandje nua tjiti uo, Me mu raisire kutja eje u asana ku tjike; ⁴⁸Eje ua sana komurumendu ngua tungire ondjiuo, nu a se oukoto, nu aka zika omazikameno ua jo kombanda joruua, nu omipupo vieja, nu ondondu ai rivanda nomasa mondjiuo indjo, nu ai he i njinganjingisa ko orondu ojo ja zikirue kombanda joruuua.⁴⁹Nunguari ingui ngu ma zuu nu a ha tjiti, u asana komurumendu ngua tungire ondjiuo mehi noku hina mazikameno; ondondu mu je rivandere nomasa, nu ojo ai u motjimanga, nu omazundakero uondjiuo ndji jari omanene.

¹Jesu tjaza nokumana inga omambo ue aehe momatui uovandu, Eje ua hita mo Kapernaum.²Nu omukarere uomukendurio uorive nguari omusuvera ku je, ua verere nu ua ri pookuta. ³Nu eje tja zuva ohunga na Jesu, eje ua hindire ku Je ovanene vOvajuuta, ame rijarikana ku Je kutja eje ku verukisa omukarere ue. ⁴Nu ovo tji va vaza pu Je, ve rijarikana ku Je tjimanga, amavetja, Ua puirua ijo kuvaterua, ingui ngu uaso ku mu tjitira nai, ⁵Orondu eje ua suvera otjiuana tjetu nu ue tu tungira o sinagoge.⁶Nu Jesu ua kaenda puena vo. Nunguari Eje ngunda aeri kokure nondjiuo, omukendurio ua hindire omapanga ue ku Je natja ku Je, Muhona orivarura, orondu ami hi puiririrue ijokutja ove u hite kehi jomututu uandje. ⁷Ami opu mbi he ri varere a mbiri omunandengu oku rijera ku Ove; nunguari ove hungira embo nu omukarere uandje ma verukisiua. ⁸Orondu ami uina ouami omurumendu ngu mbiri kehi jouvara, ngu mbina ovasorondate kehi jandje, nu mbi tja nai ku umue, Kaende, nua kaenda; ku uarue, Indjo nu eja; nu komukarere uandje, Ungura tji, nu eje a ungura.⁹Nu Jesu tja zuva ovina mbi, arire tja himisiua ije. Nu a tanaukire kotjimbumba tji the Mu kongorerere, nu Atja kutjo, Metja nai kuene, Ami hina pu mba vaza ongamburiro onene nai, kako, na mOisrael. ¹⁰Nu imba mba hindirue, tji va jaruka kondjiuo, va kavaza omukarere ingui ngua verere aa veruka.¹¹Nu kombunda ja nao, Jesu uaka hita motjihuro tjija tji isaneua Nain, ovahongeua ve no tjimbumba tjo vandu tja kaenda puena Je. ¹²Nambano Eje the ja popezu nomuvero uotjihuro, tara, pari omukoke umue nguja pitisiua, nguari omuzandu omukuatua erike ua ina. Nu otjimbumba otjinene okuza motjihuro tjari puena je. ¹³Nu Muhona tje mu muna, ua tondjenda na je, natja ku je, "Oriri." ¹⁴Nu Eje otja riama popezu nu a tunu koruara, nu imba mbe mu tjindire ave kurama noku hina ku njinganjinga. Nu Eje uatja, murumendu omutanda, Me tja ku ove, Sekama! ¹⁵Nu ingui ngua kokere ua kengama nu autu oku hungira. Nu Eje E mu jandja ku ina.¹⁶Nu ondira ja raukira kombanda ja avehe. Nu ovo va hivirika Mukuru, amavetja, Omuprofete omunene ue kurisiua mokati ketu; Nu Mukuru ua varura ovandu ve. ¹⁷Nu ombuze indji ohunga na Je ja rimbarere mo Judea atjihe, na mehi arihe rongondoroka.¹⁸Nu ovahongeua va Johanesa ve mu raerere ovina mbi avihe. ¹⁹Nu Johanesa ua isana vevari vovahongeua ve, nu eve hindi ku Jesu, amatja, Tjii oOve Ingui nguaso ku ja, poo ngatu undje uarue? ²⁰Nu ovarumendu imba tji ve ja ku Je vatja, Johanesa omupapitise ue tu hindi ku Ove, amatja, Tjii oOve Ingui nguaso ku ja, poo ngatu undje uarue?²¹Nu moruveze otjingeruo indo, Eje ua verukisa ovengi komitjise noviverero viao, na kozombepo ozombi; nu kovengimbari ovapotu Eje ua jandja oku muna. ²²Nu kuzambo mezirira Jesu uatja kuvo, Kaendeje nu ka raereje Johanesa imbi mbi mua munu noku zuva; kutja ovapotu mave munu, ovitendu mavi kaenda, ovanalepere mave kohororua, ozomboro maze zuu, ovati mave pendurua, nu kovasiona maku zuvarisiua ombuze ombua. ²³Nu omuningandu ingui ngu hina ku putarisiua mu Ami.²⁴Nu ovahindua va Johanesa tji vaza noku kaenda, Eje ua utire oku hungira ohunga na Johanesa kovandu, Mua ira oku ka muna tjike mokuti ongaango? Oruu ndu ma ru singua ijombepo? ²⁵Nunguari mua ire oku kamuna tjike? Omurumendu ngua zara omituaro omitarazu? Tareje, imba mba zara ozombanda ozombua nu mberi meviaro very mozondjiuo zovahona. ²⁶Nunguari ene mua ire oku ka muna tjike? Omuprofete? Ii, Metja nai ku ene, Oku kapita omuprofete tjinene.²⁷Ingui ongua heerue tjipa tjangerue nai, Tara, Ami me hindi omuhindua uandje pomurungu uoje, ngu ma ka tuna ondjira joje komurungu uoje. ²⁸Orondu metja nai kuene, Mu imba mba kuatua ijovakazendu kapena umue ngua kapitire Jhanesa omupapitise: Nunguari ingui okatitititi mouhona ua Mukuru ue mu kapita.²⁹Nu ovandu avehe mbe muzuvire, novasutise votjisuta tjouhona, va jandjere ousemba ku Muhona, ovo tjiva papitisirue mo mbapitisimo ja Johanesa. ³⁰Nunguari Ovafarisei nOvahonge vo veta, va nakaurire ombango ja Mukuru ohunga navo, ovo tjive ha papitisirue ije.³¹Nunguari ovandu vondekurona ndji hi ve saneke ku tjike? Nu ovo veri otja tjike? ³²Veri tjimuna ovanatje ava haama mo marandisiro, nu a mave ravaere ko vakuao, nu amave tja, tue mu tonena oviha na muha pundu; tue mu hongononena omutambo na muha riri.³³Orondu Johanesa keere a e ria omboroto poo ae nua omavinu, nu vetja u nombepo ombi. ³⁴Omuna uo mundu ueja ae ria na e nua, nu mutja, taree, omurumendu ngu ria tjinene, omunue uo mavinu, epanga ro vasutise votjisuta tjo uhona no rovarunde. ³⁵Nunguari ounongo u kengamisiua ijo vanatje vauo.³⁶Nu umue uOvafarisei ue mu nangere oku karia puan je. Nu Eje ua kahita mondjiuo jOmufarisei ngui nu a kara pehi okuria. ³⁷Nu tara, omukazendu uotjihuro, nguari omurunde, tja tjivirue kutja Jesu ua haamene potjiriro po jOmufarisei, ua jendere nekende rovinuke viondengu jokombanda, ³⁸Nu a kurama pozombaze Ze kongotue Je ama riri, nu a utu oku koha ozombaze Ze nomahoze, nu e Ze piena nozondjise zotjiuru tje. Nu eje ua hupitire ozombaze Ze nu e Ze sopora novinuke.³⁹Nambano ingui Omufarisei ngue mu nangere tjamuna itji, ue ri hungirira moukoto ue omuini amatja, Omurumendu ingui, andaku omuprofete, itja tjiua kutja ouani, nu omungekaendu ngu me mu tunu, orondu eje omurunde. ⁴⁰Nu Jesu Ue mu zirire natja ku je, Simon, mbi na otjina tjimue oku hungira kuena ove. Nu eje uatja, Muhonge, hungira.⁴¹Pari novarumendu vevari mbari nozondjo zomujazemise uovimariva katjondumba. Umue uari nondjo jomasere jetano, umue uari nondjo jomirongo vitano. ⁴²Nu tjive hari notjina okusuta eje arire tje ve jesire avejevari. Nambano ndji raera eje une puvo ngu me mu suvere okukapita. ⁴³Simon ua zirire natja, Me tjangovasi ma rire ingui ngua jesirua ovingi oku kapita. Nu Eje uatja nai ku Je, Ove ua pangura osemba.⁴⁴Nu Eje ua tanaukira komukazendu, natja ku Simon, Mo munu omukazendu ingui? Mba hiti mondjiuo joje nu ove kondjipere omeva uozombaze zandje. Nunguari eje ua koho ozombaze zandje nomahoze ue, nu e Ze piena nozondjise zotjiuru tje. ⁴⁵Ove kona pu ue Ndji hupite, nunguari omukazendu ingui, kena pa kurama oku hupita ozombaze zandje.⁴⁶Ove ko soporere otjiuru tjandje nomaze, nunguari omukazendu ingui ua sopora ozombaze zandje novinuke. ⁴⁷Opu mezu oku tja nai kove, omauvi ue, ngeri omengi ja jesirua, orondu eje tja suvere tjinene, nunguari ingui ngua jesirua ouvi outiti, eje u suvera katiti.⁴⁸Nu Eje uatja nai kuje, Omauvi uoje ja jesirua. ⁴⁹Nu Imba mba haamene periro puena e va utire okutja nai muvo oveni, Ingui ouani ngu jesira omauvi uina? ⁵⁰Nu Jesu uatja nai komukazendu, Ongamburiro joje je ku jama; kaende mohange.

¹Nu pa kara nai kutja kombunda ja nao, Jesu ua tuurungire ovihuro novirongo avihe ama hongonona noku zuvarisa Ombuze Ombua jOuhona ua Mukuru. Nu imba omurongo navevari vari puena Je, ²No vakazendu vorive uina, mba kuturirue kozombepo ozombi na komihihamo; Maria nguja isaneua Magdalena, mu mua pitisirue ozombepo ozombi hambombari, ³Na Johana omukazendu ua Kuza, omutarere uondjiuo ja Herodes, na Suzana, novakuao mbe Mu unguririre nouini uao oveni.⁴Nu tji pa uongarere otjimbumba otjinene tjovandu, mbe ere ku Je okuza movihuro avihe, Eje ua serekarera omasasanekero: ⁵Omukune ua pitire okuka kuna ondui je. Nu eje tjija kunu ozondui tjiva za uira mene ro ndjira, nozo za jaterua mehi, nozondera zejuru zeja nu a ze zeri. ⁶Nu tjiva za uira kombanda joruuua, nu ozo za pita tjimanga nunguari aze kukuta tjimanga, mokutja ka pari notjeme.⁷Nu tjiva za uira mokati ko makuija, no makuija aje hapa puena zo, nu a jeze sina. ⁸Nu zemue za uira mehi eua, nu aze hapa, aze jeta ovihape, aihe esere. Nu tja zire noku hungjira ovina imbi ua ravaerere, Nguna omatui okuzuva ngazuve.⁹Nu ovahongeua Ve ve Mu purire nave tja,otjiisasanekero ihi matji heje tjike? ¹⁰Nu Eje uatja, pa jandjeua kuene okutjiua oviundikua vio uhona ua Mukuru, nunguari ku varue o novisasanekero, kutja, a mavetara ave ha munu, a mave zuu ave ha pangununa.¹¹Nambano otjisasanekero otjo tji: Ondui embo ra Mukuru. ¹²Inda zomene rondjira ovo imba mbe zuva; kuzambo ape ja Omunauvi nua hakana embo indi momitima viao, kutja ave ha kambura nu ave ha jamua. ¹³Nu inda zokambanda joruuua, ovo imba mbe zuva nu ave jakura embo nondjoroka, nunguari ave hina muze, mbe kambura oka ruveze okasupi, nu omarorero tji je ja ave jaruka ombunda.¹⁴Nu inda nda uira mokati ko makuija, ovo imba tji vazu noku zuva embo, mbe kaenda, nu mena romerikendero, no tutumbo neviaro rohupo indji, ave ha kengeza nu ave ha ningi ovihape. ¹⁵Nunguari inda zomehi eua, ovo imba zuva embo nomutima omuua nomutakame, nu ave takamisa ro, nu mena romuretima ave ruku ovihape.¹⁶Kapena omundu tjazu noku kamburisa erambe ngu vandeka ku ro otjitjuma poo a hitisa ro kehi jombete, nunguari eje u tua ro pongunde jaro kutja imba mbu mave hiti ve mune ondjerera. ¹⁷Orondu kapena tjimue tjitja horekua tjitji hina ku vandururua; poo tjimue tjitja undikua tji tji hina ku vandururua. ¹⁸Opu muaso ku tjevera kutja mamu zuu vi: orondu auhe ngu notjina ma peua: nu ingui ngu hina tjina ma jekua naitji tji matjimunika tjimuna u natjo.¹⁹Kuzambo ina no vangu ve otji ve ja ku Je, nu ovo kave pe urire oku vaza ku Je mena rouingi uovandu. ²⁰Nu Eje ua heua i vemue, mbatja, njoko no vangu voje va kurama pendje mave zeri oku ku muna. ²¹Neje ua zira nu atja nai kuvo, Mama novangu vandje ovo mbe zuva embo ra Mukuru nave jenenisa ro.²²Nu pa kara nai ejuva rimue kutja Eje ua hita mokaskepi puena ovahongeua Ve, nu atja nai kuvo, Ngatu konde hembandina jomuronga, nu arire tji va kumuka. ²³Nu okaskepi ngunda ama ke kaenda Eje arire tja rara. Nu pe ere otjivepo otjinamasa kombanda jomuronga nu okaskepi ka utire oku ura omeva nu ovo otji vari moumba ounene.²⁴Nu ovo veja ku Je nu ave Mu pendura, amave tja, Muhona, Muhona, mat utu! Nu Eje ua sekama nu a kandaiza otjivepo nozongazona zomeva, nu arire tji zau pehi nu ku poro. ²⁵Nu Eje uatja nai kuvo, Ongamburiro jenu ipi? Nu ovo va urumine nave temua narire tjiva purasana nai, Nunguari ingui ouani? Orondu Eje tje pangura ombepo nomeva nu avi zuu ku Je.²⁶Nu ovo va hingira okaskepi kehi ra Gadarenes ndari ombarakana na Galilea. ²⁷Nu tjaza imbo okujenda kehi, Eje ua uana kuena omurumendu uorive, ngua zire motjihuro, ngua karere nozombepo ozombi orure, ngu ha zarere omituaro nu nguja ha kara mondjiuo, nunguari nguja kara mozombongo.²⁸Nu tja muna Jesu ua urira kombanda, na uire pehi pomurungu Ue, nu neraka enene atja, Mbina tjike kuena Ove, Jesu, Muna ua Mukuru uOkombandambanda. Me ku ningire ondjihihamisa. ²⁹Orondu Eje tja pangurire indjo ombepo ombi kutja ngai pite momurumendu. Orondu ptuingi ija I mu hakana. Nu eje otja pandekerue nozoketanga nozongoze. Nu eje ija timbura inga omapando nu a hingirua ijombepo ombi mokuti ongaango.³⁰Nu Jesu Ue mu pura, atja, Ena roje otjikuae? Nu eje uatja, Ouami Legione, orondu ozombepo ozombi ozengi tjiza hitire mu je. ³¹Nu ozo zeri jarikana ku Je kutja E he ze pangura kutja ze pite ze kahite mourekoto.³²Nu imbo pari orupanda ruozondu ndu ja ze ri kondundu. Nu ozo ze rijarikana ku Je kutja eze jandjere oku ka hita mozondu. Nu Eje Eze jandjere. ³³Nu tjiza pita momurumendu otjiza kahita mozombinda. Nu indui orupanda otji rua purukuta nomasa nga potjikere nu aze uire momuronga nu zae siniuo meva.³⁴Nu imba ovarise vazo tjiva muna itji tji tja tjitua, arire tjiva tupuka a ve i nu a ve ka horora itji kotjihuro na mehi rapo. ³⁵Nu ovo va pita oku ka muna tji tja tjitua. Nu ovo veja ku Jesu nu ave vaza omurumendu ingui mu mua pitisirue ozombepo ozombi, a a haama pozombaze za Jesu, a a zara, nu ae nozondunge ze azehe: nu arire tjiva uruma.³⁶Nu imba mba muna ve ve raera omuano ingui ngua huurirue ijozombepo ozombi mbua verukisiua nauo. ³⁷Nu otjimbumba atjihe tjehi ra Gadarenes no ngondoroka, tje mu ningirire kutja a zumo mokati kavo, orondu ovo va urumine tjinene. Nu Eje ua hitire mokaskepi nu a jaruka.³⁸Nambano omurumendu ingui mu mua zire ozombepo ozombi ue Mu ningirire kutja a kare puena Je. Nunguari Jesu ue mu jarurire, amatja, ³⁹Jaruka kondjiuo joje omuini, nu uka raise kutja Mukuru ue ku ungurire ovina ovinene vi.Nu eje arire tja kaenda, nu a ka zuvarisa motjihuro atjihe kutja Jesu Ue mu ungurire ovina ovinene vi.⁴⁰Nu pa kara nai, kutja, Jesu tja kotokere ovandu ve Mu jakurire naua, mena rokutja ijave Mu undju. ⁴¹Nu tara, peja omurumendu uena ra Jairus, omunane uosinagoge. Nu eje ua uira pehi pozombaze za Jesu nu erijarikana kutja eje kondjiuo je. ⁴²Orondu eje uari nomusuko omukuatua erike, uozombura mangara omurongo na mbari, uari momara ae ri popezu nokukoka. Nunguari Eje ngunda ama kaenda ouingi uovandu otjija u ri neere mu Je.⁴³Nu omukazendu ngua verere o ruandara ozombura omurongo na mbari, ngua manenene ouini ue auhe mozonganga, nu ngu ha verukisirue ko i imue jazo, ⁴⁴Ueja kongotue Je, nua arire tja tunu kotjikoro tjombanda Je. Nu tjimanga omaziziro uombindu je ja kuramisiua.⁴⁵Nu Jesu uatja, Ouani ngue ndji tunu? Nu avehe tjiva patanene, Petrusa na imba mbari puena je va tjere, Muhonge, otjimbumba tje ku uongarere nu matji rineere mu Ove, nu Ove motja ouani ngue ndji tunu? ⁴⁶Nu Jesu uatja, Omundu umue ue Ndji tunu orondu Me tjiua kutja omasa ja piti mu Ami.⁴⁷Nomukazendu tja muna kutja jenene oku tara, ua jenda ama zezera nu a uire pehi pomurungu Ue, nu a hongonona ku Je pomurungu uovandu avehe kutja eje ue Mu tunine tjike, nokutja eje ua verukisiua vi tjimanga. ⁴⁸Nu Eje uatja nai ku je, Muatje, kara nomutima omuua. Ongamburiro jo je je ku verukisa. Kaende mohange.⁴⁹Ngunda Eje ama hungire peere umue okuza kondjiuo jomunane uosinagoge, amatja ku je, Omusuko uo je ua tu, otji kendisa Omuhona. ⁵⁰Nunguari Jesu tja zuva itji, Ue mu zira amatja, O tira, kambura uriri, nu eje ma verukisiua.⁵¹Nu Eje tja hita mondjiuo ka jandjererere omundu uarue oku hita puena Je pendje na Petrusa, na Jamesa, na Johanesa, nooihe na ina vomusukona. ⁵²Nu avehe va ririre nu ave mu jarere etando. Nunguari Eje uatja, Amu riri, eje ka tire, nunguari ua rara. ⁵³Nu ovo ve mujorere nomanjengu, mokutja ija ve tjiua kutja uatu.⁵⁴Nu Eje ue ve pitisa avehe pendje, nu E mu kambura keke, nu a isana amatja, Musukona penduka. ⁵⁵Nu ombepo je ja kotokere, neje a penduka motjimanga. Eje ua rakiza kutja nga peu otjina okuria. ⁵⁶Nu ovakuate ve va himinue tjinene. Nunguari Eje ua rakiza kutja ngaave raere ko omundu itji tji tja tjitua.

¹Eje ua isanena ovehonge Ve imba omurongo navevari pamue, nu E ve pe omasa nouvara kombanda jozombepo ozombi azehe, nokuverukisa omitjise. ²Nu Eje U eve hinda okukazuvarisa ouhona ua Mukuru, nokuverukisa ovavere.³Nu Eje uatja kuvo, Amu ritoorere ko otjina okurirongerera oujenda, nangarira ozonguinja, poo embo, poo omboroto, poo ovimariva, poo umue okukara nozombaikiha mbari. ⁴Nu kangamua ondjiuo aihe mu mua hiti, kareje mujo nga tji mua piti motjirongo tjo.⁵Nu ngamua auhe hina ku mu jakura, ene tji mamu piti motjihuro tjo, pukumuneje oruuma kehi jozombaze zenu, irire ouhatoi kuvo. ⁶Nu ovo va kumuka nu ave tuurunga ozondoropa amave zuvarisa Ombuze Ombua, nu amave verukisa akuhe.⁷Nambano Herodes, ingui omutetrarki, ua zuvire ovina avihe mbi ja vi tjitua i Je, nu arire tja temua orondu ovandu tjiva ija ve tja Johanes ua penduka movati; ⁸Tjiva avetja Erija ua munikire; nu tjiva va tjere umue uovaprofete va rukuru ua penduka rukuao. ⁹Nu Herodes ua tjere, Johanesa mba konda otjiuru, nambano ingui ouani ngu me korerua ovina mbi tamba? Nu Eje ua zerire okumumuna.¹⁰Nu ovaapostle, tjiva kotoka ve Mu raera avihe mbi va tjitire. Nu Eje Ue ve toorere kourike uao, nu Ai puena koruveze ndu hari novandu, ruotjihuro tja Bethsaida. ¹¹Nu ovimbumba viovandu tji via tjivirue, vie Mu kongorera. Nu Eje Ue ve jakura nu A hungire kuena vo ohunga nouhona ua Mukuru nu A verukisa imba mbari nouhepe uomberukisiro.¹²Nejuva tjira utire okutoka peja imba omurongo navevari, nu ave tja ku Je, Hinda otjimbumba tji tji kaende, kutja ve hite movihuro namozonganda nderi mongondoroka, ve ka mune omara novikuria, orondu pona puturi imba ongaango. ¹³Nunguari Eje uatja kuvo, Ene vepeje ve rie. Nu ovo vatja, Ete katuna otjina pendje jozomboroto ndano nomahundju jevari, andu tjitua karandera ovandu imba avehe ovikuria. ¹⁴Orondu pari novarumendu mangara omajovi jetano. Nu Eje uatja kovahongeua, Ve haamiseje pehi movimbumba vio mirongo vitano.¹⁵Nu ovo va tjita nao, nu ave ve haamisa pehi avehe. ¹⁶Nu Eje ua toora inda ozomboroto ndano na inga omahundju jevari, nu A tara kejuru, Evi sere ondaja, nu a teja, nu A jandja kovahongeua kutja ve jandje kotjimbumba. ¹⁷Nu avehe varia nu ave kuta. Nu ovo va toora ovihanda omurongo na vivari mbie urire outekatekero uomboroto nomahundju.¹⁸Nu pa kara nai, kutja, Eje ngunda ama kumbu peke, ovahongeua V eave ri puenae, Eje Ue ve pura, atja, Ovandu vetja Ouami une? ¹⁹Nu mezirira ovo vatja, Johanesa omupapitise; nunguari tjiva vetja, Erija, nu tjiva vetja, umue uovaprofete va rukuru ua penduka rukuao.²⁰Nu Eje uatja kuvo, Nunguariene mutja ouami une? Petrusa ua zira atja, Ingui Kriste ua Muhona.gnv. ²¹Nu Eje Ue ve rakiza nomasa nu E ve pangura kutja ngaave roro ave raere ko omundu otjina tji, ²²Amatja, Omuna uOmundu uasokuhihamisiua movina ovingi, noku ka tondua ijovanene, novapristeri ovanene nnovatjange, nu aka zepiua nu a pendurua mejuva oritjatatu.²³Nu uatja kuvo avehe, Auhe ngu ma vanga okundjikongorera, ngeri patane, nu a tore otjikoroise tje aruhe, nu e Ndji kongorere. ²⁴Orondu ngamuaauhe nguma jama omuinjo ue ma pandjarisa uo, nunguari auhe ngua pandjarisire omuinjo ue Ami, ingui ongu ma ujama. ²⁵Orondu mape kotorere omundu tjike kutja a huure ouje auhe, e ripandjarise omuini poo a nakerue kokure.²⁶Orondu ngamuaauhe ngua tisiua i Ami poo ijomambo uandje ohoni, Omuna uOmundu meje k tisiua ije ohoni tji Me ja moujere Ue, nouaIhe nouovaengeri ovajapuke. ²⁷Nunguari Me mu raere ouatjiri pena tjiva mba kurama imba mbe hina ku rora ondiro nga tjiva munu ouhona ua Mukuru.²⁸Nu mangara omajuva hambondatu kombunda ja tjaza nokuhungira ovina imbi, Eje ua toora Petrusa, na Johanesa, na Jamesa, nu ave rondo kondundu okukakumba. ²⁹Nu ngunda Ama kumbu, otjisano tjombunikiroje tja tanaurua, omituaro vie via rira omivapa nu avi kenakena.³⁰Nu tara, ovarumendu vevari ija ve hungire kuena Je, ooMose na Erija, ³¹Mba munikire moujere uejuru, nu ija ve hungire kuena Je ohunga nondiro ndja sere oku tjitua mOjerusalem.³²Nunguari Petrusa na imba mbari puenae va havererue ijozombotu. Nunguari mokupenduka otjiva muna oujere Ue na imba ovarumendu vevari mba kuramene puena Je. ³³Nu pa kara nai kutja ovo tjija ve kaenda, Petrusa uatja ku Jesu, Muhonge, okukuua kutja ete tu ri mba, nu kurama tu ungure oviranda vitatu, tjimue tjo Je, na tjimue tja Mose, na tjimue tja Erija; ae hina kutjiua kutja matjavi.³⁴Nu ngunda eje ama hungire nai, pa rauka otjikamba, nu atji ve kovere. Nu ovo va uruma tjija ve hiti motjikamba. ³⁵Nu muaza eraka motjikamba amaritja, Ingui Omuna uaNdje omusuverua, zuvee ku Je. ³⁶Nu eraka tji raza nokuhungira Jesu ua munika erike. Nu ovo va umanene, nu ka ve raerere ko omundu imbi mbi va muna momajuva ngo.³⁷Nu pa kara nai mejuva ependukirua, ovo tjiva heruka kondundu kutja va uana otjimbumba otjinene tjovandu. ³⁸Nu tara omurumendu mue u aura mokati kao amatja, Muhonge, me rijarikana ku Ove, tara komuna uandje, orondu eje omuatje uadje erike. ³⁹Nu tara ombepo i mu hakana, tjimanga a utu okuura, nu ojti i mupukaura nu a huku etutu. Nu I pita mu je nokumuhihamisa noku mutuamovitumbo. ⁴⁰Nu mba ningire ovahongeua voje kutja ve i nakere pendje, nu ovo kave pe urire.⁴¹Nu Jesu Ue mu zirire nu atja, Ouee nondekurona okehinangamburiro nu ndja puka ndji, Me kara puena ene, nu E mu karere nomuretima ngapi? Eta omuna uoje nguno. ⁴²Nu eje ngunda ama jende, ombepo otjije mu vanda pehi, narire tjije mu pukaura. Nu Jesu ua kandaiza indji ombepo, nu a verukisa omuatje, nu E mu jandja ku ihe.⁴³Nu avehe va temisirue ijomasa omanene ua Mukuru.Nu avehe ngunda ava temisiua ijovina avihe Jesu mbi ja tjiti, Eje uatja kovahongeua Ve, ⁴⁴Omambo inga ngaje punde kehi momatui uenu, Orondu Omuna uOmundu ma ka jandjeua momake uovandu. ⁴⁵Nunguari ovo kave pangununine ko embo indi, nu oro ra horekerue kuvo, kutja ave he ri tjiua. Nu ovo va tirire okumupura ohunga nembo indi.⁴⁶Nu pa pendukire omeripuriro mokati kao, kutja nguma rire omunenenene ouani. ⁴⁷Nu Jesu tja muna ouripura uomitima viao, Ua toorere okanatje nu E ke tua mene Re, ⁴⁸Nu A tja kuvo, Auhe nguma jakura okanatje inga mena Randje ua jakura Ami. Nu Auhe nguma jakura Ami ma jakura ingui ngue Ndji hinda. Orondu ingui ngu hina ndengu muene amuhe, ingo ongu ma rire omunene.⁴⁹Nu Johanesa ua zira nu atja, Muhonge, ete tua munu umue ama nakere ozombepo ozombi pendje mena Roje, nu otjitue mu tjaere orondu ka kongorere ete. ⁵⁰Nu Jesu uatja ku Je, Amu mu tjaere, orondu ingui ngu hina vita na ete uri kuena ete.⁵¹Nu pa kara nai omajuva tji ja jenenisiua kutja A jakurue kombanda kutja, Eje Ue rimana oku teremanisa omurungu Ue kOjerusalam. ⁵²Nu Eje ua hindire ovahindua komurungu Ue. Nu ovo va kaenda nu ave kahita motjirongo tjOvasamaria okukemutunina. ⁵³Nu ovo kave Mu jakurire, orondu omurungu Ue tjiua tarere kOjerusalem.⁵⁴Nu ovahongeua Ve, Jamesa na Johanesa, tjiva munu tji, vatja, Muhona, mo zeri kutja tu pangure omuriro okurauka okuza Kejuru kutja u vesesete, tjimuna Erija tja tjitire. ⁵⁵Nu Eje ua tanauka, E ve kandaiza, nu Atja, Ka muna ku tjiua kutja ouene ovombepo ine. ⁵⁶Orondu Omuna uOmundu ke ere okunjona ominjo viovandu, nunguari okuvijama.⁵⁷Nu pa kara nai kutja ovo ngunda amave kaenda mondjira, omurumendu uorive ua tjere ku Je, Muhona ami me Ku kongorere akuhe ku Mo i. ⁵⁸Nu Jesu uatja ku je, Ozombandje ze nomina, nozondera zejuru ze noviruuo; nunguari Omuna uOmundu kena pu ma tua otjiuru Tje.⁵⁹Nu Eje uatja nai komukuao, Ndji kongorera. Nunguari eje atja, Muhona, ndji jandjera kutja mbi jende mbi ka pake tate rutenga. ⁶⁰Nunguari Jesu uatja ku je, Jesa ovati vepake ovati, nu kazuvarise ouhona ua Mukuru.⁶¹Nu omukuao uina uatja, Muhona, ami me kongorere Ove, nunguari kurama mbi kavirikize imba mberi mondjiuo jandje rutenga. ⁶²Nu Jesu uatja ku je, Auhe ngua tuako eke kotjikune, nu a taviza kombunda, ka puiririrue jOuhona ua Mukuru.

¹Nu kombunda jovina imbi Muhona ua toororere ovakuao omirongo hambombari, nu E ve hindi kovevarivevari komurungu Ue kovihuro avihe novirongo ka sere okujenda. ²Indino Eje ua tjere kuvo, Tjiri, ovihape mbia hora ovingi tjinene, nunguari ovaungure ovahena. Opumuasokukumba kOmuhona uovihape mbia hora kutja a hinde ovaungure movihape Vie mbia hora.³Kaendee. Tareje, Me mu hindi otja ozondjona mokati kozomungu. ⁴Amu toora otjikoma, poo embo, poo ozongaku, nu amu minike omundu mondjira.⁵Nu mondjiuo aihe mu mua hiti, rutenga itjeje, Ohange nga i kare mondjiuo indji. ⁶Nu omuna uohange tje ri mo, ohange je nu mai kara kombanda ja jo. Nu tje he rim o, mai kotoka ku ene. ⁷Nu mondjiuo otjingejo kareje, amamu ri nokunua imbi mbi mamu peua; orondu omuungure ua puirua ijo tjisuta tje. Amuzu mondjiuo amu i kondjiuo onguao.⁸Nu motjihuro atjihe mu mua hiti, nu ovo ave mu jakura, rieje ovina imbi mbi mavi tuua pomurungu uenu. ⁹Nu verukiseje ovavere mbe ri mu tjo, nu mu tje nai kuvo, Ouhona ua Mukuru ue ja popezu na ene.¹⁰Nunguari motjihuro atjihe mu mua hiti, nu ovo ave he mu jakura, tuendeje kozondjira mokati katjo, nu mu tje, ¹¹Naindui oruuma ruotjihuro tjenu, ndua kakatere kuete, ma tu rupukumuna otja ouhatoi ku ene; nu nangarire tji per i nao, tjiuee itji nokuhinambata, kutja, Ouhona ua Mukuru ue ja popezu na ene. ¹²Nunguari Me tja nai kuene, kutja mapeje ku ngara tjinene mejuva indo ko Sondoma, oku kapita kotjihuro ijto.¹³Ouee kove Korasin! Ouee kove Betsaida! Andaku oviungura ovinamasa mbia tjitua move via tjitirue mo Tiran a Sidon andaku vie riverera kondanaukiro, avia haama momakutu na momitue rukuru. ¹⁴Nunguari mapeje ku ngara tjinene ko Tiran a Sodon mombanguriro, okukapita ku ene. ¹⁵Nu ove Karpemaun ngu ua jererua mejuru mo nakaurirua kehi kotjovasengua.¹⁶Ingui nguma zuu ene ma zuu Ami, nu ingui nguma njengura ene ma njengura Ami, nu ingui nguma njengura Ami ma njengura ingui ngue Ndji hinda.¹⁷Nu imba omirongo hambombari va kotoka rukuao nondjoroka, amatja, Muhona, inda ozombepo ozombi uina zeri kehi jouvara ue tu mena Roje. ¹⁸Nu Eje ua tja nai kuvo, Mba munu Saatana a mau otjorutjeno okuza kejuru. ¹⁹Tareje, Me mupe ouvara uokutomba ozonjoka nozondje, nomasa ajehe ua uomunavita, nu kapena tjina tjima tji mu pe otjipo nangarire. ²⁰Nu na tji per i nao, amu jorokisiua ijokutja ozombepo zeri kehi jouvara uenu, nunguari jorokereje kutja omana uenu ja tjangua mejuru.²¹Mo ruveze indo Jesu ua joroka mombepo nu atja, Okuhepa kove, Arikana Tate, o Muhona uejuru nehi, orondu ove tji ua horekere ovina mbi kozonongo novanazondunge, nu tji ue vitjiukisa kounatje. Ii, Tate, orondu pa tjatera ove kutja pe kare nao.²²Ovina avihe via jandjeua ku Ami i Tate; nu kapena mundu ngu tjiua kutja Omuna ouani pendje na Tate, poo kutja Tate oune pendje nOmuna, na ingui Omuna ku Me mu raisa.²³Nu ua tanaukira kovahongeua natja kourike uao, Omaningandu omeho ngu maje munu ovina mbi ma mu munu, ²⁴Orondu Me mu raere, ovaprofete ovengi nozombara va zerire okumuna ovina imbi mbi mamu munu, nu kave vi muine; novena imbi mbi mamu zuu nu kave vi zuvire.²⁵Nu tara, ohahende imue ja sekama okumurora nu aitja, Muhonge, hi tjite vi kutja mbi rumate omuinjo uaaruhe. ²⁶Eje uatja ku je, Mua tjangua tjike moveta? U i resa vi? ²⁷Nu eje mezirira uatja, Ove mo suvere Muhona Mukuru uo je nomutima uo je auhe, nomuinjo uo je auhe, nomasa uoje ajehe, nozondunge zo je azehe, nomuraranganda uo je tjimuna ove omuini. ²⁸Nu Jesu uatja ku je, Ove ua ziri naua, tjita nai nu ove mohupu.²⁹Nunguari eje mokuvanga okurisembamisa pomurungu ua Jesu ua tjere, Nu omuraranganda uandje ouani? ³⁰Nu mezirira Jesu ua tjere, Omurumendu uorive ua zire ko Jerusalem amai ko Jeriko, nu a uire momake uovapunde, mbe mu hukurire omituaro vie nave mutate ozombara, nu ave kaenda, ave muesa aeri ohinga kondiro.³¹Nu omupristeri uorive ua toorere ondjira otjingejo ohamuzemba, nu eje tje mu muna arire tja kapita posio ke koro rarue. ³²Nu momuano otjingeuo omuLevi tjari pourveze induo, ua tara mu je, nu a kapita posio kekoro rarue.³³Nunguari Omusamaria uorive nguari moujenda, ue ja pari, nu tje mu muna arire tje mu tire otjari, ³⁴Nu ai kuje, nu ariire tja manga oviruaro vie ama tirire omaze nomavinu muvio, nu emu tua kotjikavirua tje, nu emu tuara kondjiuo jovaenda, nu e mu hungu. ³⁵Numependukirua eje tjija kaenda, ua nana ovimariva vivari viovitenda nu evi jandja komuini uondjiuo jovaenda, natja, mu takamisa, nu atjihe tji ua ungurisa mu je pendje na imbi ami me je kukusuta tji mba kotoka.³⁶Nambano pu imba ovetatu imba ove momunu kutja eje une ngua rira omuraranganda ua ingui ngua uiririre momake uovapunde? ³⁷Eje uatja, Ingui ngue m tira otjari. Indino Jesu otja tja ku je, Kaende uka tjite nao uina.³⁸Nu pa kara nai kutja ovo ngunda amave kaenda, Eje ua hitire monganda jorive. Omukazendu uorive nguari nena ra Marta ue Mu jakura mondjiuo je. ³⁹Nu eje uari nomuangu uena ra Maria ngua haamene pozombaze za Jesu nu a puratene embo Re.⁴⁰Nu Marta ue rikendere noviungura ovingi bmia sere okuungura, nu eja ku Je, natja, Muhona, kona konatja kutja omuangu uandje uendji jesire oviungura peke. Okutja U mu raere kutja nge ndji vatere. ⁴¹Jesu ua zira nu Atja nai ku je, Marta, Marta, Ove ue rikende nokurivarura novena ovingi. ⁴²Nunguari otjina otjina hepero itjimue uriri, nu Maria ue ritoororere orupa indui oruua, ndue hina maa jekua.

¹Nu pa kara nai ejuva rimue tji ja kumbu pona porive kutja, Eje tjaza nokumana okukumba, omuhongeua Ue umue ue ja ku Je natja, Muhona tu honga okukumba otja Johanesa uina tja honga ovahongeua ve.²Nu Jesu ua tja nai kuvo, Tji mamu kumbu, itjeje, Tate uetu ngu u ri mejuru, Ena roje ngari japurue. Ouhona uoje ngau je. Ombango joje ngai tjitue na kombanda jehi otja mejuru.³Tupao omboroto jetu jaaruhe. ⁴Nu tu jesira omauvi uetu, otja ete tjimatu jesire ovanandjo naete. Nu otu nanene mo marorero, nunguari kutura ete kouvi.⁵Nu Eje Ua tja nai kuvo, Ouani muene tja kara nepanga, nu ai ku je mokati koutuku, nu atja nai ku je, Epanga, ndji jazema ozomboroto ndatu, ⁶Orondu epanga randje ndiri moujenda ra heruka pojandje, nu hina tji me tua pomurungu ue. ⁷Nu ingui uomuoukoto a zriri amatja, Ondji kondjisa. Omuvero ua patua nu ovanatje vandje ve ri puena ami mombete. Hinee pe uru okupenduka okujekukupa. ⁸Me tja nai kuene, Nangarire tje hino kupenduka okumupera kutja epanga re, eje ma sekamisiua ijomaningiriro nge hina ku janda, nu e mu pe ajihe tjima vanga.⁹Nu Ami Me tja nai kuene, Ningireje nu matji jandjeua kuene; paheje nu mamu munu; kongoreje nu mamu jezururirua. ¹⁰Orondu auhe ngua ningire u jakura; nu ingui ngu ma paha umuna; nu ingui ngu ma kongora ma jezururirua.¹¹Nu omurumendu omukuate une mokati kenu, ngu ma ningirua ijomuna ue omboroto nu e mu pe eue? Poo tje mu ningire ehundju ngu me mupe onjoka poruveze ruehundju? ¹²Poo tja ningire ei ngu me mu pe ondje? ¹³Tjii nambano ene mbu muri ovanauvi, tji mu tjiua okujandja ovijandjeua oviua ko vanatje venu, Iho nguri mejuru kena kujandja Ombepo Ondjapuke, tjinene kombanda jenu, ku imba mbu mave ningire kuje?¹⁴Nu Eje I ja nakere ombepo ombi pendje, ndji ja i ha hungire. Nu pa kara nai kutja indji ombepo tji ja za nokunakerua pendje ingui ngua patere eraka, ua utire okuhungira. Novandu va himinue. ¹⁵Nunguari tjiva vao vatja, Eje u nakera ozombepo ozombi pendje na Beelzebub, ombara jozombepo ozombi.¹⁶Nu tjiva va paha mu Je otjisanekero okuza kejuru, amave Mu roro. ¹⁷Nu Eje ua tjivirue ouripura uao, nu arire tja tja, Ouhona mbue rihana nu au pirukirasana kuuo ouini mau jetua konjoneno. Nu ondjiuo ndja hanika nu ai pirukire ondjiuo maji u.¹⁸Nu Saatana the rihana nu eripirukire ku Je omuini, ouhona ue mau zikama vi? Orondu tji mamu tja Mbi nakera ozombepo ozombi pendje mouvara ua Belzebul. ¹⁹Nunguari Ami tji mbi nakera ozombepo ozombi pendje nouvara ua Beelzebul, ovanatje venu ve ze naka na une. Ovo opumavezu okurira ovapangure venu. ²⁰Nunguari Ami tji Mbi nakera ozombepo ozombi pendje nOmunue ua Mukuru, kapena mbata Ouhona ua Mukuru ue ja kombanda je nu.²¹Omunamasa ngue ripangana novirue tja tjevere ondjiuo je, ovina avihe mbie navio mavi kara mondjeverero. ²²Nunguari omunamasa pu je tjeja kombanda je, nu emu taara, nu e mu jeka oviruise vie avihe mbia kambura muvio, ma hana ovipundua vie. ²³Ingu ngu heri puena Ami unovita na Ami. Ingui ngu hina ku uonga puena Ami ma pizza.²⁴Ombepo ombi tji ja piti momundu, I kaenda ai tuurunga otuveze tu tua kukuta, amai paha omasuviro, nu otja tji i heje muine, ojo itja, Me jaruka kondjiuo jandje mu mba za. ²⁵Nu ojo tji jakotoka otji I ivaza aja kombua nu a ja mbimbirua. ²⁶Indino ojo otjiijenda, nu ai kri jetera ozombepo hambombari ndi kapita kourunde, nu ozo aze hiti azetura mo, nu ongaro jomundu ingo indjo jomaandero air ire ombi okukapita indji ondenga.²⁷Nu pa kara ani eje ngunda A ma hungire ovina imbi kutja omukazendu umue ua ravaerera kombanda mokati novandu natja, Otjiningandu otjikuatero tji tje Ku tjindire, nomavere ngu Ua njama. ²⁸Nunguari Eje uatja, Ii, posi jokutja ovaningandu imba mbe zuva embo ra Mukuru nu ave takamisa ro.²⁹Nunguari ovandu jtiva uongarere tjinene pu Je, Eje ua utire okutja, Indji ondekurona onaurunde, ovo mave paha otjisanekero, nu kapena tjisanekero tji mai peua, pendje notjisanekero tjomuprofete Jona. ³⁰Orondu otja Jona pari otjisanekero kovandu va Ninive, Omuna uOmundu uina opumarire otjisanekero kondekurona indji.³¹Oserekaze ombara ja Sheba mai je ku sekama puena ondekurona ndji mo mbanguriro nai i munu ondjo: orondu ojo ja zire ko maandero uehi okuje ku zuva ounongo ua Solomona; nu tareje, imba pena ngua kapita Solomona.³²Ovandu va Ninive mavee ku sekama puena ondekurona ndji mo mbanguriro na vei munu ondjo: orondu ovo veri vera nave tanaukire omauvi uao mena ro mazuvarisiro ua Jona; nu tareje, imba pena ngua kapita Jona.³³Kapena omundu, tjazu nokujakisa eambe ngu tua ro momahorekero poo kehi jehoro, nunguari utuaro komureko uaro kutja imba mbu mave hiti ve mune ondjerera. ³⁴Ondjerera jorutu eho. Eho roje tjiri ri naua orutu ruoje aruhe otji ru ura ondjerera. Nunguari eho roje tjiri ri erunde, orutu roje rue ura ondorera. ³⁵Opumuaso ku tjevera kutja ondjerera ndji ri muene ka ndorera. ³⁶Orutu roje aruhe tji rue ura ondjerera, nokuhina nangarire okandorera, aruhe otjimaru ura ondjerera tjimuna ondjerera jerambe jekujerisa.³⁷Eje ngunda ama hungire omufarisei uorive ue Mu ningira kutja A ka rie puenae. Eje otja hita nu aka haama periro. ³⁸Nu Omufarisei tja muna tji, arire tja himua kutja Ke ri kohere omake komurungu ueriro.³⁹Nu Muhona uatja nai ku je, Nambano ene Vafarisei mu koha omakopi novijaha kombanda, nunguari moukoto mue ura okupunda nourunde. ⁴⁰Majova uene, ingui ngua ungura kombanda ka ngua ungura moukoto uina? ⁴¹Nunguari jandjeje ovio tjari okuza mu imbi mbi mu na vio, nu tarereje, ovina avihe ovi kohoke kuene.⁴²Nunguari, Ouee kuene Vafarisei! Orondu mujandja otjitjamurongo tjoviminde notjovihape avihe viotjikunino, nunguari amu he rikende nombanguriro norusuvero rua Mukuru. Imbi muasokutjita nunguari amu ha jesa imbio vikuao avi ha tjitirue.⁴³Ouee kuene Vafarisei! Orondu mua suvera ovihavero vio pondomba mozosinagoge, nokumunikua motuvere tuo marandisiro. ⁴⁴Ouee kuene vatjange, nOvafarisei, vanatjavivi! Orondu mu ri otja omaendo nge ha munika, nu ovandu ngu ve jata ave hina kutjiua.⁴⁵Nu pa zira umue uovahonge vo veta natja ku Je, Muhonge tjimo hungire nai motujamburura uina. ⁴⁶Nu Eje uatja, Ouee kuene uina vahonge voveta! Orondu ene mu haverisa ovandu omituaero omizeu okutjindua, nu ene amu ha roro okutuna komituaro omizeu imbio nagarire nomunue umue.⁴⁷Ouee kuene! Orondu mu tunga omaue uozombongo zovaprofete, ooiho ombe ve zepa. ⁴⁸Tjiri mu hatoira kutja mu itaverasana kuena ovitjitua viooiho. Orondu ovo tjiri ve ve zepa nu ene mu ve tungira omaue uomaendo.⁴⁹Ounongo ua Mukuru uina opu ua zire okutja nai, Me ve hindire ovaprofete novaapostele, nu tjiva mave zepa nua ve hangaura. ⁵⁰Kutja ombindu jovaprofete ndja tirahiua okuza komazikiro uouje, I paherue mondekurona indji; ⁵¹Okuza kombindu ja Abel nga kombindu ja Sakaria, ngua jandera pokati kezuko rombunguhiro nondemberi. Tjiri Metja nai kuene, mai je ku paherua mondekurona indji.⁵²Ouee kuene vahonge voveta! Orondu ene mua toora otjipaturure tjondjiviro, ene oveni amu ha hiti, nu imba mbu mave hiti amu tjaere.⁵³Nu Eje ngunda ama hungire ovina imbi, ovatjange nOvafarisei va utire okupindika tjinene, nokumupura omapurira ohunga novena ovingi, ⁵⁴Ama ve Mu tjungire na amave ningi kutja ve Mu kambure notjina tjimue tja hungire kutja ve Mu vare omunandjo.

¹Nu ngunda a peri nao, otjipa uongarere otjimbumba tjovandu otjinene, nga ovandu tjiva ruku okujatasana, Eje ua utire okutja nai kovahongeua Ve rutenga, Ritjevereje kosurise jOvafarisei, ndji ri otjavivi.²Orondu kapena tjina tji tja vandekua tji tji hina ku vandururua, po tjitja horekua tji tji hina ku tjiukisiua. ³Nu atjihe tji mua hungirira mondorera opumatjizuvakere mondjerera. Nu itji tji mua hokoreramomatui momatuuo matji ka zuvarisiua kombanda jomitutu viozondjiuo.⁴Nunguari Metja nai kuene mapanga, Amu tira ko imba mbe zepa orutu, nu kombunda janao ave ha jenene okutjita tjarue. ⁵Nunguari Me mu nangere ko ingui ngu muasokutira, Tireje ingui, tjazu nokuzepa nguna omasa uokunakera motjovasengua. Ii Metja nai kuene, Tireje eje.⁶Ozondjandja ndano kaze randa oupeni uvari are, nu kapena imue jazo ndji zembua pomurungu ua Mukuru. ⁷Nunguari nainda ozondjise zenu moviuru za varua azehe. Opu mu ha sere okutira ko, orondu ouene ovanandengu okukapita ozondjandja ozengi.⁸Nu rukuao Metja nai kuene, Auhe ngu Me ndji hongonona pomurungu uovandu, Omuna uOmundu Me mu hongonona pomurungu uovaengeri va Mukuru. ⁹Nunguari auhe ngu Me ndji patana pmurungu uovandu, ma pataneua pomurungu uovaengeri va Mukuru. ¹⁰Nunguari auhe ngua hungire embo e hazendu kOmuna uOmundu ma jesirua. Nunguari ingui ngua jamburura Ombepo Ondjapuke kene ku jesirua.¹¹Tji ve mujeta pomurungu uo zosinagoge, nook vapangure, nokomauvara amu rikende nokutja mamu kazira vi poo mamu ka tjavi. ¹²Orondu Ombepo Ondjapuke Me mu hongo moruveze otjingeruo indo tji muasokuhungira.¹³Nu umue mobunga ua tjere nai ku Je, Muhonge hungira kuena erumbi randje kutja a hanasane eta kuena ami. ¹⁴Nu Jesu uatja nai ku Je, Murumendu ounani ngue Ndji ungura omupangure poo omuhane kombanda jenu? ¹⁵Nu Eje uatja nai kuvo, Takamiseje nu ritjevereje keharu orondu ohupo jomundu, ka iri mouingi uovina mbia tumba.¹⁶Nu Eje ua serkarera otjisasanekero kuvo amatja, Ehi romurumendu omutumbe uorive ra jetere ovihape ovingi. ¹⁷Nu eje ue ripurire mu je omuini, kutja, Me tjiti vi, orondu hina mbuikiro mu me tua ovihape viandje? ¹⁸Nu eje uatja, Me tjiti nai; Me hana omatuuo uandje uo mbuikiro, nu e tungu omanene, nu e uongere mo ovihape novina viandje avihe. ¹⁹Nu kuzambo tji me tja nai komuinjo uandje, Muinjo ove una ovina ovingi mbia piakirua ozombura ozengi, suva, riaa, nuaa nu unjande.²⁰Nunguari Mukuru ua tja nai ku je, Jova ove, outuku imbui omuinjo uo je mau pahua move, nu nambano ivina imbi mbija puika mavi rire iviani? ²¹Nu auhe ngu me ri uongere ovihuze nu a ha rire omutumbe ku Mukuru uri nao.²²Nu Eje ua tjere kovahongeua Ve, Otji Me tjere nai kuene, Amu rikendere ohupo jenu, kutja mamu ri tjike; poo korutu, kutja mamu rihuikike tjike. ²³Ohupo ja kapita ovikuria, nu orutu rua kapita omituaro.²⁴Ripureje nomakuara, orondu ouo kaje kunu nu kaje teja, nu kajena ndjiuo jombuikiro poo otjiharana, nu Mukuru u je risa. Nu ene kamuvanandengu okukapita ozondera are? Gnv ²⁵Nu ouani muene ngu ma jenene oku ueza oure ue katiti nangerikende nauo? Gnv ²⁶Nunguari tji mu hina ku jenena oktjita inga okatiti, onguae tji mamu rikende na imbi avihe.²⁷Ripureje nozongara kutja ze hapa vi, ozo kaze ungura ouzeu, nu kaze zengi otusepa mumue. Nunguari Me tja nai kuene, nangarire Solomona moujere kena pa huikikirue otja imue jazo. ²⁸Nu nambano Mukuru tje huikika ehozu, ngeri mokuti ndino nu muhuka aje umbua mezuko, ma huikike vi ene oku kapita mba, ouene vanangamburiro okatiti?²⁹Nu ene amu paha kutja ma muri tjike poo mamu nu tjike, kuramiseje omerikendero. ³⁰Orondu ovina mbi avihe ombi paheua ijovijana viouje, nu Iho utjiua kutja mu vi hepa.³¹Nunguari paheje Ouhona ua Mukuru, nu ovihambi avihe mavi uezirua ko ku ene. ³²A mu tira, rupanda okatiti, orondu Iho u nonjune okumupa imbui ouhona.³³Randiseje imbi mbi muna vio, nu jandjeje ovijandjeua viotjari. Riungurireje ovikoma mbi ha kurupa, ovihuze mbi ha janda Kejuru, omarunga ku je ha vaza poo ozohua okunjona. ³⁴Orondu ingui ku kana ovihuze vioje, omutima uoje oku ma u kara uina.³⁵Ri pateje omakuamo uenu, nu omarambe uenu nga je kare ama je jaka, ³⁶Nu ene oveni kareje otjovandu mbu mave undju omuhona uao, oruveze aruhe ndu ma kotoka komukandi uorukupo, kutja eje tje ja nu a kongora, ve jenene oku mu jezurura motjimanga.³⁷Ovaningandu ovakarere mbu mave vaziua i jomuhona averi katumba. Tjiri Me tja nai kuene, eje me ritunu nu eve haamisa pehi, nu e ve ungura. ³⁸Ovaningandu ovakarere mbu mave mazeua nai, nangarire eje tjeja mondjeverero oitjavari, poo mondjeverero oitjatatu.³⁹Nunguari tjueje itji, kutja, andaku omuniondjiuo ua tjiua oiri erunga ndji mari ja, andaku ua kara katumba, nu a ha jandjere ondjiuo je okutejeua. ⁴⁰Opumuaso ku kara katumba uina, orondu Omuna uOmundu tji meja moiri ndji mu hi nakuripurira ko.⁴¹Nu Petrusa uatja nai ku Je, Muhona, mo hungirire otjisasanekero itji kuete, poo ku avehe uina? ⁴²Nu Muhona uatja, Nu hapo omukarere omutakame nomuaunongo ouani, ngu ma peua I jomuhona ue outarere kombanda jovakarere vondjiuo je, okuvepa ovikuria mbia jenene, moruveze ndua jenene. ⁴³Omuningandu omukarere ingui ngu ma vazeua amaa tjiti nao, omuhona ue tjimeja. ⁴⁴Tjiri Me tja nai kuene, kutja, eje me mu ungura omunane kombanda ja imbi mbie navio avihe.⁴⁵Nunguari omukarere ingo tja tja nai momutima ue, Omuhona uandje ua uombo okuja, nu autu okutona ovakarere imba ovarumendu na imba ovakazendu, nokuria, nokunua, nokuripurukisa nomeva. ⁴⁶Omuhona uomukarere ingo meja mejuva eje nde hina ku muundjirako, na mo iri ndje hina kutjiua, nu emu kondo pokati, nu e mu pe okaruveze ke mokati kovahambure.⁴⁷Nu omukarere ingo ngua tjivirue ombango jomuhona ue, nu e he ritunu, poo okutjita otja kombango jomuhona ue, ma rengua nozongora ozengi. ⁴⁸Nu ingui ngu ja ha tjiua nua tjiti ovina mbia sokutonenua, ma rengua ozongora outiti. Orondu ku auhe ngua peua ovingi, maku paheua ovingi. Nu ku ingui ovandu ku va jandja ovingi, mave paha mu je ovingi.⁴⁹Ami Mbe jera okuhinda omuriro kombanda jehi, nu ondero jandje okutja andaku ua jakura hapo. ⁵⁰Nunguari mbina ombapitisimo ndji mba sokupapitisiua mo; nu mbiri mombamisiro ndji rivi nga tji ja jenenisiua?⁵¹Ene mu tjangovasi Ami Mbe jera okujeta ohange kombanda jehi? Me raere ene, Kako, nanguari ohanikiro. ⁵²Orondu okuzamba, ma pe kara ovandu vetano mba haha metundu rimue, vetatu a va haha kuena vevari, vevari a va haha kuena vetatu. ⁵³Nu ihe ma hanika nomuna nomuna a hanika kuena ihe; nu ina ma hanika kuena omusuko nomusuko a hanika kuena ina; ina jomuzandu ma hanika kuena omukazendu uomuzandu ue nu omukazendu uomuzandu ma hanika kuena ina jomurumendu ue.⁵⁴Nu Eje ua tja nai kotjimbumba tjovandu rukuao, Tji mua munu otjikamba tji tja sekama kongurova, mutja, mu uta okutja , Ombura ma ija, nu ape kara nao. ⁵⁵Nu tjimua munu ombepo jokejuva komamoho amai singi, mutja, Omutjna ma utu, nu ape kara nao. ⁵⁶Vanatjavivi uene, mu jenena okupangununa ombunikiro jejuru nojehi, nu onguaje tjimu urua ijokupanguna oruveze indui.⁵⁷Ii nu onguae tji mu he ri pangurire imbi mbiri ovisemba na muene oveni? ⁵⁸Nu tjo moi puena omunavita naove komupangure, kondja kutja u kuturue ku je ngunda amu ri mondjira, tjaa ngee ku nanene komupangure, nu omupangure eku jandja komujenenise uoveta, nu omujenenise uoveta eku umbu mondorongo. ⁵⁹Me ku raere, Konoo piti mo nga tjiua sutu okamariva komaandero.

¹Nu moire otjingejo pari vemue mbe mu serekarera ohunga nOvagalilea Pilatus mba uanekere ombindu jao muena ozombunguhiro zao. ²Nu Jesu mezirira ua tjere kuvo, Mamu tjangovasi Ovagalilea imbo va ri ovarunde okukapita Ovagalilea avehe mokutja va hihamisiua novina mbia sana ingo? ³Me raere ene, Kako. Nunguari andu tji mua kara nomeriverero uondanaukiro, mamu njonua momuano tjingeuo amuhe.⁴Poo imba omurongo na hambondatu mba uirua ijotjiretundu tja Siloam natji vezepa mamu tjangovasi vari ovarunde okukapita ovandu avehe mbe ri mOjerusalem? ⁵Me raere ene, Kako. Nunguari andu tji mua kara nomeriverero uondanaukiro, mamu njonua momuano otjingeuo amuhe.⁶Nu Eje ua serekarera otjisasanekero itji uina, Omurumendu uorive ua ri nomukujumbua mbua kuninue motjikunino tje tjomivite. Nu eje ue ja nu a paha ovihape muuo nu a ha vaza otjina. ⁷Nu eje otja tja nai komuungure uotjikunino tje, Tara, ozombura inda ondatu inda mbe ja imba ame paha ovihape komukujumbua imbui, nu hina tjimbivaza, U kera pehi, onguaje tji u njona ehi nai?⁸Nu me zirira eje uatja nai ku je, Muhona, uesa ombura indji rukuao.nag tji mba se okukondorokisa uo nu mbi umbe mo ombumbi. ⁹Nu tji ua eta ovihape, tjandji okukuua, nu tjiu ha tjitire nao, ove mo u kere pehi.¹⁰Nu Eje I ja hongo mosinagoge imue mesabata. ¹¹Nu, Tara, pari nomukazendu ngua ri nombepo jomutjise ozombura omurongo na hambondatu, ne eje ua kotovarere, nu keje pe uru okuteremana.¹²Nu Jesu Ue mu muna nu E mu isanene ku Je, nu atja nai ku je, Mukazendu ove ua kuturua komutjise uo je. ¹³Nu Eje ua jambeka omake Ue ku Je, nu tjimanga eje ua teremanisiua nu a hivirike Mukuru. ¹⁴Nu omunane uosinagoge ua zira nomapindi, orondu Jesu ua verukisa mesabata nu atja nai kovandu, Pena omajuva hamboumue ovandu mu vasokuungura. Okutja indjeje momajuva ingo mu verukisiue, mu mu heri mesabata.¹⁵Nu Muhona Ue mu zirire, nu Atja, Munatjavivi ove, Auhe uenu ka kutura onduuombe je poo okasino ke nu eke tuara okukekehira. ¹⁶Nu omukazendu ingui, nguri omusuko ua Abraham, Saatan ngua pandekere ozombura omurongo na hambondatu inda kasere oku kuturua kepando indi mesabata?¹⁷Nu tjaza nokuhungira ovina imbi ovanavita na Je avehe va tisiuohoni. Nunguari ovandu avehe va kara nondjoroka mena rovitjitua ovihivirikua mbi ja tjiti.¹⁸Nu Eje uatja, Ouhona ua Mukuru ua sana ku tjike? Ami Hi u saneke ku tjike? ¹⁹Ouo ua sana kondui jomusteri, ndja toorua ijomurumendu nu a umbu motjikunino tje. Nu ojo ja hapa nu air ire omuti omunene, nu ozondera zejuru aze tura movitavi viao.²⁰Nu rukauo ua tjere, Ouhona ua Mukuru hi u saneke ku je? ²¹Ouo ua sana kosurise, omukazendu ndja toora na horeke moruhere ruomboroto ruomahoro jetatu, nga aruhe tji rua suru.²²Nu Eje ua tuurungire ovihuro novirongo ama hongo nua ae ri moujendo ue kOjerusalem. ²³Nu umue ua tjere nai ku Je, Muhona, jtii imba mbu mave jamua ovatiti? Nu Eje uatja nai kuvo, ²⁴Kondjiseje oku hitira momuvero imbui omukuani. Orondu Me tja nai kuene, ovengi maveje ku kondjisa okuhita mo, nu kavena kuje ku peura.²⁵Oruveze indui omuini uondjiuo ndua sekama nu a jezere omuvero, mamu utu oku kurama pendje nokukongora pomuvero, amamu tja, Muhona, Muhona tujezururira, nu Eje Me je kuzira natja, Ami hi muii, Muaza pi; ²⁶Indino ene mamu je ku jaruka okutja, Ete tua ria nu atunu mouripo uoje, nu i Jo hongo mozondjira zoviuana vietu. ²⁷Nunguari Eje Me je kutja, Me mu raere, Ami hi muii; na ku muaza. Zapueje pu Ami ouene, vaungure vourunde.²⁸Nu mapeje ku kara omaririro nomakueero uomajo tji mamu je ku muna Abrahama, na Isaka, na Jakova, novaprofete avehe mOuhona ua Mukuru, nu ene oveni amua umbua pendje. ²⁹Nu ovandu mave je kuza komuhuka, na kongurova, na komukuma uejuva kokunene, na komukuma uejuva kokumoho, nu mave je ku haama pehi mOuhona ua Mukuru. ³⁰Nu Tareje, pena ovaseinina mbu maveje kur rira ovatenga, nu pena ovatenga mbu maveje kurira ovaseinina.³¹Mejuva otjingeruo pe jere Ovafarisei vorive mba tjere nai ku Je, Pita imba, U kumuke imba orondu Herodes ma vanga okukuzepa. ³²Nu Eje uatja nai kuvo, Tuendeje ene, nu mu ka raere ombandje indjo kutja, Tara, Me nakere ozombepo ozombi pendje nokuverukisa ndinondi, na muhuka, nu mejuva oritjatatu Me puisiua. ³³Natji peri nao, Mba sokukaenda ndino, na muhuka na muhukaandina. Orondu kana ape urika kutja omuprofete a tire pendje na Jerusalem.³⁴Arikana Jersalem, Jerusalem, ngu u zepa ovaprofete, novete nomaue imba mba hindua kove, Mba zerire potungapi okuuonga ovanatje voje tjimuna ohunguriva tji i uongera kumue ouzerona uajo kehi jovivava, nunguari o panda! ³⁵Tara ondjiuo joje ja seuerua ove etundu. Nu tjiri Metja nai kuve, Konoo Ndji munu nga oruveze tjirueja ndu motja, Omuningandu ingui ngu me ja mena ra Muhona.

¹Nu pa kara nai Eje tja ire kondjuuo ja umue uOvafarisei ohongora okukaria ko omboroto mesabata, kutja ovo ve Mu tarerere tjinene. ²Nu Tara, pari omurumendu uorive ngua surire omitui pomurungu Ue. ³Nu mezirira Jesu ua hungirire kuena ovahonge voveta nOvafarisei, amatja, Tjii oveta ijandjera okuverukisa mejuva resabata?⁴Nu ovo va muina uriri. Nu Eje Ue mu toora, nu E mu verukisa nu E muesa a kaenda. ⁵Nu Eje U eve zira amatja, Ouani puene ngu ma kara nokasino poo onduuombe aja uire motjitoto nu a ha nana jo tjimanga mejuva resabata? ⁶Nu ovo kave pe urire okumuzira ko rukuao kovina imbi.⁷Nu Eje ua tuapo otjisasanekero ku imba mba nangerue, tjaza nokumuna omuano mbu ja ve ri toororere ovihavero viondongamo, nu Atja kuvo, ⁸Tji ua nangeua ijo murumendu auhe korukupo, o haama potjihavero tjondongamo, tjaa umue omunandengu pove ngaa nangua i je nu tjeja, ⁹Ingui ngue ku nanga atja nai kove, jandja oruveze ro je komurumendu ingui, nu ovo ojaruka okukahaama kotjihavero tjokombunda a ua tohoni.¹⁰Nunguari tjiua nangua, ka haame kotjihavero tjomaandero kutja ingui ngue ku nanga tjeja, a tje nai kove, Epanga, indjo kombanda imba. Itji matji ku pe ondengero pomurungu ua imba mba haama periro puena ove. ¹¹Orondu auhe ngue ritongamisa ma susuparisiua, nu ingui ngue risusuparisa ma tongamisiua.¹²Kuzambo uatja nai ku ingui ngue mu nangere, Tji ua ungura omariro uomapeta poo uongurova, onanga omapanga uo je, poo ovakuatuapamue naove, poo omuhoko uo je poo ovararnganda vo je ovatumbe, ovo tjaa ngaa ve ku nanga ape heje kutja ove ua munu otjisuta tjoje.¹³Nunguari tjimo ungura omukandi, nanga ovasiona, novipu, ovaremane novapotu, ¹⁴Nu ove mo serua ondaja orondu ovo kanaa ve ku sutu; orondu ove mo je ku sutua mombendukiro jovasemba.¹⁵Nu umue ua imba mba haamene puena Je periro tja zuva ovina imbi ua tja, Omuningandu ingui ngu meje kuria omboroto mOuhona ua Mukuru. ¹⁶Kuzambo Eje Ua tja nai ku je, Omurumendu uorive ua ungurire eriro enene romapeta, nu a nanga ovengi. ¹⁷Nu eje ua hinda omukarere ue oiri jomariro uomapeta okukatja nai kovanangua, Indjeje orondu ovina avihe via tunua.¹⁸Nu avehe vautire okutuapo omazeua uokuhina kujenda. Omutenga uatja nai ku je, ami mba randere ehi nu mbasokukeri muna,me ningire jakureje okuhin ku karapo kuandje. ¹⁹Umue uatja, Ami mba randere ozonduuombe ndano zotjijoke, mba sokukatara kutja zeri vi, me ningire jakuereje okuhina ku karapo kuandje. ²⁰Nu omukuao uatja, Ami mba kupire omukazendu, nu otji mbi hina ku jenena okuja.²¹Nu omukarere ingui ua kotoka nu a hepura ovina imbi komuhona ue. Nu omuniondjiuo u tjere nai komukarere, ue aa pindike, Tuende tjimanga mozondjira zomokati kotjihuro, nu uka jete nguno ovasiona, ovipu, ovaremane novapotu. ²²Nu omukarere uatja, pa tjitua otja indi tjiua hee, nu ngunda pena oruveze.²³Nu ingui omuhona uatja nai komukarere ue, Tuende kovitaova notumbo, nu ve jeta kotjomasa kutja ve hite nu ondjiuo jandje i ure. ²⁴Orondu Me tja nai ku ove, kapena umue ua imba mba nangerue ngu ma roro ko omariro uandje uomapeta.²⁵Nu pe jere ovimbumba ovingi vio vandu puena Je, nu Eje ua tanauka nu atja nai kuvo, ²⁶Omundu auhe tji me ja ku Ami, nu aha njengua ihe, na ina, nomukazendu ue, novanatje ve, novamuangu ve, nomarumbi ue, novatena, ii, nomuinjo ue omuini, kanaa rire ko omuhongeua Uandje. ²⁷Nu auhe ngu hina ku toora otjikoroise tje, nu endji kongorere, kanaa rire ko omuhongeua Uandje.²⁸Orondu ouani pokati kenu tja tanda okutunga otjiretundu, rutenga ngu hina ku haama pehi, nu tara kutja, matji hepa vingapi, nokutja eje u na mbia jenene okutjimana? ²⁹Kutja rumue tjazu nokujara omazikameno uatjo, aha urua ijoku tji mana, nu imba mbu mave tjimunu ave ha jaruka okumujora, ³⁰Amave tja, Omurumendu ingui ua uta okutunga nu uaurua ijokumana.³¹Poo ombara ja pi, tji ma ii kotjirua kuena ombara onguao, ndji ha haama pehi rutenga, nai ripura kutja mai hepa omajovi omurongo poo omajovi omirongo vivari okuhakaena kuena ingui ngue i pirukire. ³²Nu tji i hina ku peura, ngunda indji onguao air i kokure, ma i hindi ovahindua okuka paha omazuvasaneno uohange. ³³Nu momuano otjingeuo, kaaniauhe muene ngu hina ku hanika na itji atjihe tje natjo, eje kanaa rire ko omuhongeua Uandje.³⁴Omongua omuua, nunguari omongua tjiua pandjarisa omutjato uauo, ouo mau tjatisiua na tjike? ³⁵Ouo kautjina ku jenena nangarire okutuua mehi, poo mombumbi, nunguari ovandu ve u nakera pendje. Ingui nguna omatui okuzuva, nga zuve.

¹Kuzambo ovasutise votjisuta tjouhona novanauvi avehe va riamene ku Je okumuzuva. ²Nu omba Ovafarisei novatjange arire tjive Mu unaunine, amave tja, Omurumendu ingui u jakura ovanauvi nu a ri puena vo.³Nu Eje Ua serekarera otjisasanekero kuvo, Atja, ⁴Ouani omurumendu muene, tje na ozondu esere, nu tja pandjarisa imue ja zo, ngu hina ku jesa inda omirongo muviu na muviu mokuti ongaanga, na kapaha indji ndja pandjara, nga tje i munu. ⁵Nu tje i munu me i tua kovituve vie ae nondjoroka,⁶Nu tja vaza konganda, eje ma isanene kumue omapanga ue novararanganda, amatja nai kuvo, Jorokeje puena ami orondu tjimba munu ondu jandje ndja pandjarere. ⁷Metja nai kuene, momuano mbua sana ingui, mamu kara ondjoroka mejuru mena romunauvi ngue riverere kondanaukiro kombanda jovandu ovasemba omirongo muviu na muviu mbe hina ku hepa okuriverera kondanaukiro.⁸Poo omukazendu oune, the nvimariva vio vitenda omurongo, nu a pandjarisa tjimue, ngu hina ku jakisa erambe, nu a kombo ondjiuo, nu a paha jotjo tjinene, nga tje tji munu? ⁹Nu tje tji munu , eje ma isanene kumue omapanga ue novararanganda, amatja nai kuvo, Jorokeje puena ami orondu tjimba munu otjimariva tjandje tji tja pandjarere. ¹⁰Momuano mbua sana ingui, Metja nai kuene, mamu kara ondjoroka mokati kovaengeri va Mukuru mena romunauvi ngue riverere kondanaukiro.¹¹Nu Eje Ua tja, Omurumendu uorive ua ri novanatje ovazandu vevari. ¹²Nu ingui omuangu ua tjere ku ihe, Tate ndjipa otjirumatua tjouini uoje, tji tja sokurira otjandje. Nu eje ue ve hanena ouini ue.¹³Nu kombunda uomajuva omasupi, ingui omuangu ua uongera ovina vie kumue, na i kehi rokokure. Nu ingo eje uaka njona ouini ue mohupo jehambaneno. ¹⁴Nu eje tja za nokumana ovina avihe mbia ri navio kua karere ondjara onene mehi ondo, nu eje ua rukire okuhupira mouhepe.¹⁵Nu eje uaja nu e kerikutisa ku umue uovature vehi indo, nu eje ue mu hinda kovikunino vie okukarisa ozombinda. ¹⁶Nu eje ua zeririre okukutisa ezumo re noutekero mbuja u riua iozombinda, nu kapena ngue mu pere.¹⁷Nu kombunda eje ue rizemburuka, na tja, Ovakutua vengapi vat ate mbe kara nomboroto ndja jenene nu ave i hupisa, nua ami me tiro ndjara mba. ¹⁸Ami me sekama nu ei ku tate nu e ka tja nai ku je, Tate ami mba katukira Ejuru na pomurungu uoje, ¹⁹Nu hi thina ndengu jokuisaneua omuna uoje. Ndji tjita mbi rire tjimuna umue uovakutua voje.²⁰Nu eje ua sekama nu eja ku ihe. Nunguari eje ngunda ae ri kokure tjinene, ihe ue mu muna nu a tondjenda na je, nu arire tja tupuka nu a uire mosengo je nu e mu hupite. ²¹Nu ingui omuzandu ua tja nai ku je, Tate ami mba katukira Ejuru na momeho uoje, nu hi thina ndengu jokuisaneua omuna uoje.²²Nunguari ihe tjere nai kovakarere ve, Eteje nguno ombanda ndjeze kapita azehe, nu muzariseje jo, nu tueje okareinga keke re, nozongaku kozombaze ze. ²³Nu eteje nguno ongominja ndja nunisiua, mu i zepe, nu tu rie nu tu njdande, ²⁴Orondu omuna uandje ingui ua tire, nu u nomuinjo rukuao, eje ua pandjarere nu ua munika. Nu ovo va utire okunjanda.²⁵Nunguari omuzandu ue ingui otjiveri uari kotjikunino. Nu eje tjeja tja riama posi jondjiuo eje ua zuva ozongoma nomihiva. ²⁶Nu eje ua isana umue uovakarere nu e mu pura kutja imbi mavi heje tjike? ²⁷Nu eje ua tja nai ku je, Omuangu uo je ueja, nu iho ua zepa ongominja indji ndja nunisiua, mokutja eje ue mu jakura ae hina tjipo.²⁸Nu eje otja pindika nu a ha vanga okuhita. Nu ihe opa pitira pendje nu e mu ningire kutja a hite. ²⁹Nu me zirira eje uatja nai ku ihe, Tara ozombura inda azehe ndu mbe ku ungurira, nu hina ndi mba katukire komatuako uoje nangarire. Nu kona pu ue ndji pere nangarire okangombona kutja mbi njande puena omapanga uandje. ³⁰Nunguari ingui omuna uoje ingui tjeja, ngua ka njona ouini uoje movakorondu, ove ue mu zepire ondjona ndja nunisiua.³¹Nu eje ua tja nai ku je, Muatje uandje ovo u ri puena ami aruhe, nu ovona viandje avihe ovioje. ³²Nu pari osemba kutja tu njande, nokujoroka, orondu omuangu uoje ingui ua kokere, nu nambano u nomuinjo, ua pandjarere nu ua munika.

¹Jesu ua tja nai rukuao kovahongeua Ve, Pari omurumendu uorive omutumbe, nguari nomutarere uouini ue, ngua hororerue ku je kutja u njona ouini ue. ²Nu eje ue mu isana na tja ku je, Ovikuae imbi mbi me zuu ohunga na ove? Serekarera ongaro joutjevere uoje aihe, orondu rumue kona ku tji rira omutarere.³Nu omutarere ingui ua tja nai mu je omuini, Me tjiti vi? Orondu omuhona uandje ma toora outarere mu ami. Ami hina ku ura okusa, nu me tohoni okuningira otjomusiona. ⁴Mba mana kutja me tjiti vi, kutja tji mba rambua moutarere ovo ve ndji jakure mozondjiuo zao.⁵Nu otja isanena ku je avehe imba mba ri nozondjo zomuhona ue, nu atja nai komutenga, Ove una ondjo ja vingapi jomuhona uandje? ⁶Nu eje uatja, omaori omahoro esere rimue. Nu eje uatja nai ku je, Toora ombapira jo je jondjo tjimanga nu tjanga omirongo vitano. ⁷Nu eje uatja nai komukuao, Ove u nondjo ndji ta pi? Nu eje uatja ozondjatu zovikokotua esere. Nu eje ua tja nai ku je, Toora joje jondjo nu tjanga omirongo hambondatu.⁸Nu omuhona ue ua tangere ingui omutarere uondjiuo omuhasemba mena rokutja ua tjita ounongo. Orondu ovanatje vouje imbui mondekurona jao vena ounongo okukapita imba ovondjerera. ⁹Nu Metja nai kuene, Riungurireje oveni omapanga na mamona uouhasemba kutja tjima u janda mu jakurue momaturiro uaaruhe.¹⁰Ingui ngu ri omutakame mu imbui outiti omutakame na mu imbi ovingi. Nu ingui nguri omuhasemba moutiti omuhasemba na movingi. ¹¹Nunguari ove tji u ha ririre omutakame noutumbe uoujembui ouani ngu me ku pe outumbe uakatjiri. ¹²Nu ene tji uu ha ririre ovatakame mu imbio viovakuenu, ouani ngu memu pe itji tji tjiri otjenu oveni.¹³Kapena mukarere nguma ungurire ovahona vevari. Orondu eje tjinga a meje ku suvera ungo umue nu a njengua ingo mukuao, poo eje tjima kakatere ku ingo umue na njengura ingo mukuao. Kanaa mu jenene oku rira ovakarere va Mukuru novovimariva.¹⁴NOvafarisei uina, ovo mbari neharu, va zuvire ovina imbi avihe, nu ave utu okumunjekerera. ¹⁵And He said unto them, Ene ouene imba mbu mu risembamisa oveni pomurungu uovandu, nunguari Mukuru otjiua omitima vienu. Orondu itji tja tja jererua I jovandu kombanda otji jaukise momeho uovandu.¹⁶Oveta novaprofete va kara po nga ku Johanesa. Nu okuza koruveze indo Ouhona ua Mukuru uzuvarisiua, nu ovandu avehe ve ninikiza oku hita mu Uo. ¹⁷Nu opapupu ejuru nouje okujandekua, okukapita omba imue roveta okuuira pehi.¹⁸Auhe ngu ma jes omukazendu ue na kupu omukuao, ma katuka orukupo. Nu auhe ngu ma kupu ingui ngua jesiua ijomurumendu ue ma katuka orukupo.¹⁹Pa ri nomutumbe rive nguja zara ozombanda ozombua ozoheze, ozopepuri, nu nguja huire menjando reviaro ejuva nejuva. ²⁰Nu ap ri omusiona omuningire uorive, uena Nasarusa, ngua rarisirue pomurungu uomuvero ue, nu ngue urira oviruaro morutu aruhe, ²¹Ngu ja zeri okurikutisa noumborokotua mbuja uu, kotjitihe tjomutumbe. Nu ozombua uina ija ze ja nu aze rasa oviruaro vie.²²Nu pa kara nai kutja ingui omusiona omuningire ua koka, nu a tuarua ijovaengeri mekoro ra Abrahama. Omutumbe uina ua koka na pakua. ²³Nu motjovasengua momahihamisiro omanene, eje ua jera omeho ue, nu a munu Abrahama kokure, na Nasarusa aeri mekoro re.²⁴Nu eje ua urira kombanda na tja, Tate Abrahama tjariparera ami, nu hinda Nasarusa kutja a ka tjaveke ohonga jomunue ue momeva, nu eje ku tarareka eraka randje, orondu ami me hihamisiua morurumo indui.²⁵Nunguari Abrahama ua tja, Muzandu uandje, zemburuka kutja ove mohupo joje ua jakurire ovina imbi oviua, nu Nasarusa otja muine imbi ovivi. Nunguari nambano eje ma huhuminiua nove mo hihamisiua. ²⁶Nu pendje na imbi avihe, pokati ketu na ene pena orutjiva orunene, kutja imba mbu mave zeri okuza nguno okuja ingo ave he peuru, nu uina kanaa ve zu ingo ave ja kuete.²⁷Nu eje arire tja tja, nu opu me rijarikana kove, tate, kutja omuhinde kondjiuo jatate, ²⁸Orondu mbi novangu vetano, nu eje aka hatoire kuvo kutja ave heja kotjirongo tjomihihamo tji.²⁹Nu Abrahama ua tja nai ku je, Vena ooMose novaprofete, ngave zuve kuvo. ³⁰Nu eje ua tja, Kako, tate Abrahama, nunguari umue tjai kuvo okuza motjovakoke, ovo mave riverere kondanaukiro. ³¹Nu eje ua tja ku je, Tji ve ha zuvire Mose novaprofete, otji ve hina kuzuva nangarire umue ua pendurua movakoke.

¹Jesu ua tja nai kovahongeua Ve, Kanaape kara kutja oviputarise avi he ja, nunguari ouee ku ingui ngu ma jende navio. ²Mape ngara kuje kutja eue romakuejero rirekarekisiue mosengo je nu a umbue momuronga okukapita kutja eje a putarise kemue imbui outiti mbui.³Ritjevereje ene oveni. Omukuatuapamue naove tje ku katukire, mu posa. Nu the riverere kondaukiro, mu jesira. ⁴Nu the ku katukire potuhambombari mejuva rimue, nu potuhambombai mejuva indo a tanaukire kove atja, Meriverere kondanaukiro, ove uasokumujesira.⁵Ovaapostel va tja nai ku Muhona, "Ueza ongamburiro jetu". ⁶Nu Muhona ua tja, "Andaku mu nongamburiro ndji ta pondui jomusteri, itja mu tja nai komuti imbui, 'Zukuka nomize nu uka kunue kokuvare,' nu ouo au zuu kuene.⁷Nunguari ouani muene, tje na omukarere nguma kunu poo nguma risa ozongombe, tja uto ku heruka okuza kotjikunino ngu me mu heje kutja, Indjo, haama pehi u rie? ⁸Nunguari eje kanaa tja nai kuje, Tuna otjina tjimue mbi rie, rivaranga naua ngunda a mo ndji karere, nga tjimba ri nokunua. Kombunda ja nao otji mo ri nokunua.⁹Eje ma pose ondangi komukarere ngua ungura ovina mbia rakiziua? Hina ku muna nao. ¹⁰Okutja momuano otjingeuo, ene tjimua ungura ovina avihe mbi mua rakiziua, itjeje, ouete ovakarere mbutu ha puiririrue ondjambi, tua ungura imbi mbi tua sokuungura uriri.¹¹Nu pa kara nai kutja Eje tji jai kOjerusalem, ua tuurungapokati ka Samaria na Galilea. ¹²Nu Eje tji ja hiti motjirongo tjimue ua tjakanekua ijovarumendu ovanalepere omurongo, mba kuramene kokure. ¹³Nu ovo va jera omaraka uao kombanda nu ave tja, Jesu, Muhona, tjariparera ete.¹⁴Nu Eje the ve muna uatja nai kuvo, Kaendeje mu ke ri raise kovapristeri. Nu pa kara nai kutja ovo ngunda amave kaenda, ovo va kohororua. ¹⁵Nu umue uavo tja munu kutja ua verukisiua, arire tja jaruka, ama hiririke Mukuru neraka enene. ¹⁶Nu eje ua ua ondurumika pozombaze za Jesu, ama tja okunene okuhepa ku Je, nu eje ua ri Omusamaria.¹⁷Nu Jesu ua zirire na tja, Ka vari omurongo mba kohororua? Nunguari imba muviu vepi? ¹⁸Kapena umue ngua munika okuje ku hivirika Mukuru pendje na ingui uozonganda ingui are? ¹⁹Nu Eje ua tja ku je, Sekama, u kaende, ongamburiro joje je ku verukisa.²⁰Nu tja purirue ijOvafarisei kutja ouhona ua Mukuru mau ja rune, Jesu ue ve zirire nu Atja, "Ouhona ua Mukuru kau na kuja nomerimunikisiro, ²¹Nu ovandu kavena ku je kutja, 'Tareje, ouombui', poo, 'Tareje ouombuina, Orondu tareje, ouhona ua Mukuru uri mokati kenu'.²²Nu Eje ua tja nai kovahongeua, Omajuva maje ja nguma mu mu je ku zera okumuna rimue romajuva uOmuna uOmundu, nunguari kamuna ku je ku ri muna. ²³Nu ovo mave je kutja nai kuene, Tara mba!, poo Tara mbena! Nu a mui kuarue poo okukongorera. ²⁴Orondu toja orutjeno tji ru jerisa evaverua okuza kotjokoro tjimue nga kotjikuao, Omuna uOmundu otji ma kara mejuva Re.²⁵Nunguari rutenga Eje ua sokuhihamisiua movina ovingi, nu a jarua ijondekurona indji. ²⁶Nu otja tjipari momajuva ua Noa, otjima peje ku karar nomomajuva uOmuna uOmundu, ²⁷Ijave ri nu ave nu, nu ave kupu ovakazendu, nu ave jandjeua korukupo, nga kejuva Noa nda hita meruuo otjitendeze, nomupupo tji ueja na u venjono avehe.²⁸Nu momuano otjingeuo uina otji pari momajuva ua Lot, ijaveri, ijavenu, ija ve randa, ija ve randisa, ija ve kunu, ijave tungu; ²⁹Nunguari ejuva Lot nda pita mOsondoma, kua roka omuriro nosurungu okuza kejuru, na u ve njono avehe.³⁰Otji mape kara na mejuva indi Omuna uOmundu ndi ma vandururua. ³¹Nu mejuva indo, ingui nguri kombando ndjiuo, nu ovina vie a vi ri mondjiuo, ngaa heruka okukevi toora. Nu momuano tjingeuo, ingui nguri kotjikunino, ngaa jarukire ovina kombunda.³²Zemburukeje omukazendu ua Lot. ³³Auhe nua zeri okujama omuinjo ue me u pandjarisa; nu auhe ngua pandjarisa omuinjo ue me u jama.³⁴me raere ene, Moutuku mape kara ovandu vevari mombete imue, nu umue ma toorua nu ingo uarue a jesiua. ³⁵Ovakazendu vevari mave kuee pamue, nu ingo umue a toorua nu ingo mukuao a jesiua. ³⁶Ovarumendu vevari mave kara motjikunino, nu ingo umue a toorua ni ingo mukuao a jesiua.³⁷Nu ovo va zira nu avetja, Pi Muhona? Nu Eje ua tja nai kuvo, Imba pu peno rutu, imbo ozonguvi opuzeka uongarera.

¹Nu Eje u eve serekarera otjisasanekero rukuao okuvehonga kutja ovandu va sokukumba aruhe na ve haurua, ²Nu Atja, "Pa ri omupangure uorive motjihuro tjorive, ngu ja ha tira Mukuru nu ngu hari nondengero komundu.³Nu muari omuhepundu motjihuro otjinge tjo, nu eje ueja ku je na tja, 'Ndji Japura komunavita na ami'. ⁴Nu ingui omupangure ka tjitire nao oruveze orure; Nunguari kombunda ua tja nai muje omuini, 'Nangarire tji mbi ha tira Mukuru nu tji mbi hina ndengero komundu, ⁵Mokutja omuhepundu ingui u ndji varura, me mu vatere, tjaa ngee ndji kurungisa nomeero ue uaaruhe."⁶Nu Muhona ua tja, Zuveje kutja ingui omupangure omuhasemba ma tja vi. ⁷Nu Mukuru kanaa vatere ovatoororua ve omuini, mbe ririra ku je omutenja noutuku, nande ve karere nomuretima. ⁸Me mu raere, Eje Me ve vatere tjimanga. Nunguari ingui Omuna uOmundu tji me ja ma vaza ongamburiro kombanda jehi.⁹¹⁰9 Nu Eje ua serekarera otjisasanekero tji, ku vemue mba kamburire muvo oveni, kutja ovasemba nu mbu ja ve njengura ovakuao: "10 Ovarumendu vevari va ire kondemberi okukakumba, umue uari Omufarisei, omukuao aeri omusutise uotjisuta tjouhona.¹¹Omufarisei ua kuramene nu a kumbu nai ku je omuini, 'Mukuru, metja okunene uri okuhepa kove kutja ami hiri otjovandu varue, ovatikure, ovahasemba, ovakatuke votukupo, nangarire otja ingui omusutise uotjisuta tjouhona ingui. ¹²Mbiri tjaera kovikuria tuvari motjiveke, mbi jandja otjitjamurongo tja imbi avihe mbi mbi navio'.¹³13 Nu ingui omusutise uotjimariva tjouhona ua kuramene kokure, nu ka vangere nangarire ingui okujera omeho ue kejuru, nu ueritonene motjari amatja, 'Mukuru, tjariparera ami, omurunde'. ¹⁴Metja nai kuene, omurumendu ingui ua ja konganda koje a a sembamisiua okukapita ingui omukuao. Orondu auhe ngue ritongamisa ma susuparisiua nu auhe ngue risusuparisa ma tongamisiua."¹⁵Nu ovo va jetere ounatje ku Je kutja E u jambeke omake, nunguari ovahongeua Ve tjive ve muna, ve ve kandaiza, ¹⁶Nunguari Jesu ue ve isanena ku Je na tja, Jandjereje ovanatje ovatiti okuja ku Ami, amu ve tjaere, orondu Ouhona ua Mukuru oua imba mbe ri nai. ¹⁷Tjiri Metja nai kuene, Auhe ngu hina ku jakura Ouhona ua Mukuru otja okanatje, kanaa hiti muuo.¹⁸Nu omunane uorive ue Mu pura, amatja, "Muhonge Omuua, hi tjite vi kutja mbi rumate omuinjo uaaruhe? ¹⁹Nu Jesu uatja nai ku je, "Onguae tji mo isana Ami omuua? Kapena umue omuua, pendje na Umue, Mukuru. ²⁰Ove u tjiua omatuako, O katuka ko orukupo, O zepa ko, O vaka ko, O jandja ouhatoi uovizeze, Jozika iho na njoko." ²¹Nu eje ua tja, Inga ajehe mba takamisa okuza koutiti uandje.²²Nu Jesu tja zuva ovina mbi, Eje ua tja nai ku je, "Ove ngunda mo kaere otjina tjimue. Randisa avihe mbi u navio nu u hanene ovasiona, nu ove mokara novihuze mejuru. Nu uje u Ndji kongorere." ²³Nu tja zuva tji, eje ua hihamua tjinene, orondu ua tumbire tjinene.²⁴Nu Jesu tja muna kutja ua hihamua tjinene, Eje ua tja, Opopazeu vi ku imba mbe notutumbo okuhita mOuhona ua Mukuru. ²⁵Orondu okupupu ongamero okutuurunga ondovi jonane, okukapita omutumbe okuhita mOuhona ua Mukuru.²⁶Nu imba mba zuva itji, va tja, nunguari ouani ngu ma jenen okujamua? ²⁷Nu Eje ua tja, Ovina imbi mbi ha urika kovandu, vi urika ku Mukuru.²⁸Petrusa atja, "Tara, tua jesa avihe, na tu kongorere Ove." ²⁹Nu Jesu atja nai kuvo, "Tjiri, Metja nai kuene, Kapena mundu ngua jesa ondjiuo, poo ovakuate, poo ovakuatuapamue, poo omukazendu, poo ovanatje, mena rOuhona ua Mukuru, ³⁰Ngu hina ku jakura potuingi okukapita imba moruveze indui, nomuinjo uaaruhe mouje mbu mauja."³¹Kuzambo Eje ua toora imba omurongo navevari na tja nai kuvo, "Tareje, ma tuii kOjerusalema, nu ovina avihe mbia tjangua ijovaprofete ohunga nOmuna uOmundu mavi jenenisiua. ³²Nu Ma jandjeue kovanavisenginina, na njekererua, na jambururua, na tjekerua omate. ³³Nu mave Mu tono ozongora nave Mu zepa, nu mejuva oritjatatu Eje a penduka rukuao."³⁴Ovo kave pangununine ko tjimue tjovina imbi. Nu omambo inga ja horekerue kuvo nu uina kave tjivirue ovina mbi Ja hungire.³⁵Nu pa kara nai kutja Eje tjeja popezu na Jeriko, omupotu uorive ua haamene mene rondjira ama ningire. ³⁶Nu eje tja zuva otjimbumba ama tji kapita ua pura kutja, Otjikuatjike? ³⁷Nu ovo ve mu raera kutja Jesu ua Nasareta ma kapita.³⁸Nu eje u aura, na tja, "Jesu, Muna ua David, ndji tjariparera." ³⁹Nu imba mbar i komurungu u eve mu kandaiza kutja, nga muine.Nu eje u aura okukapita, "Muna ua David, ndji tjariparera."⁴⁰Jesu ua kurama, nu a pangura kutja nga jetue ku Je, Nu Jesu tjeja popezu ue mu pura kutja, ⁴¹"Ove mo zeri kutja Ami mbi ku tjite vi? Nu Eje ua tja, Muhona kutja mbi jakure okumuna kuandje."⁴²Jesu atja nai ku je, "Jakura okumuna koje! Ongamburiro joje je ku verukisa." ⁴³Nu tjimanga eje ua jakurire okumuna kue nu e Mu kongorere ama hivirike Mukuru. Nu tjiva muna ovandu avehe va jandja ondangero ku Mukuru.

¹Jesu ua hitire nu kapita mu Jeriko. ²Nu Tara, mua ri omurumendu, uena Sakeusa, nguari umue uoviuru viovasutise votjisuta tjouhona, nu eje ua tumbire.³Nu eje ua zerire okumuna Jesu kutja Eje ouani. Nu ke pe urire mena rouingi uovandu nomena rokutja eje uari okatikona momuhapo. ⁴Nu eje ua tupuka komurungu nu a ka ronda omuti kutja a sore okumumuna, orondu Eje tja sere okukapita imbo.⁵Nu Jesu Tje ja poruveze indo, Ua tara kombanda, nu E mu munu, na tja ku je, Sakeusa, hakahana, heruka, orondu ndinondi Mba sokukakara mondjiuo jo je. ⁶Nu eje ua hakahana, nu a heruka, nu e Mu jakura nondjoroka. ⁷Nu ovo tjiva muna tji, va unauna, amave tja, Eje ua ka rira omujenda uomurumendu omurunde.⁸Sakeusa ua sekama na tja ku Muhona, "Tara, Muhona, orumbembera rumue ruouini uandje me jandja kovasiona, Nu tjimba toora otjina momundu nohongononeno uomakuminina, me tji jarura potune." ⁹Jesu Ua tja nai ku je, "Ndino ondjamo je ja kondjiuo ndji, orondu eje uina omuna ua Abraham. ¹⁰Orondu Omuna uOmundu ue jera okupaha nokujama imbi mbia pandjarere."¹¹Ngunda ama ve zuu ovina imbi, Eje Ua ueza nu eve serekarere otjisasanekero, orondu uari popezu na Jerusalema, nu ovo ija ve ripura kutja Ouhona ua Mukuru uasokurimunikisa tjimanga, ¹²Eje otja tja, "Pari omurumendu ngua zire monganda jouhona, nu eje ua kuka oujenda kehi rokokure okukazikua ombara, nokukotoka.¹³Nu eje ua isanene ovakarere ve omurongo nu a jandja kuvo ovipondo omurongo, na tja kuvo, 'Unguriseje nga tji mbe ja.' ¹⁴"Nunguari ovandu ve ija ve munjengua, nu va hindire omaraa kombunda je, amave tja, 'Ka tuna ku vanga omurumendu ingui kutja a kare nouvara kombanda jetu.' ¹⁵Nu pa kara nai kutja eje tja kotoka, tjaza nokujakura ouvara, otja pangura kutja ovakarere ve, imba mba jandjere ko ovimariva, ve isanenue ku je, kutja a tjiue kutja auhe ua ueza na vingapi nokuranda nokurandisa.¹⁶Otji peja ingui omutenga, amatja, o pondo joje ja kuata ovipondo omurongo. ¹⁷Nu eje uatja ku je, "Ua ungura naua, mukarere ove omuua, ove tjinga ua kara noutakame mokana okatiti, mo kara nouvara kombanda jovihuro omurongo.'¹⁸"Nu outjavari ueja, amatja, 'Muhona o pondo joje ja kuata ovipondo vitano.' ¹⁹"Nu eje ua hungira omambo otjingeuo ku je, Ove mo kara nouvara kombanda jovihuro vitano.'²⁰"omukuao ue ja, na tja, 'Muhona, osiringa joje ojo ndji, ndji mba mangere mokarapi, ²¹orondu ami mba tirire ove mokutja oove omurumendu omuzeu, ngu u toora imbi mbi ha tuiirue ijove pehi, nokuteja mbi ha kuninue ijove.'²²"Nu eje ua tja ku je, 'Me ku pangura no mambo uee uoje omuini, mukarere ove omurunde. Ove ua tjiua kutja ouami omurumendu omuzeu, ngumbi toora imbi mbi ha tuiirue ijami pehi, nokuteja mbi mbi ha kunine. ²³Nambano onguae tji u ha hitisire otjimariva tjandje kozombaanga, kutja tjimba kotoka mbije ku kambura itji otjandje notjiuezeua.²⁴Nu eje ua tja nai ku imba mba kuramene mbo, 'Tooreje opondo ndjo mu je nu I jandjeje ku ingui ngu novisiringi omurongo.' ²⁵"Nu ovo va tja ku je, 'Muhona eje u novipondo omurongo.'²⁶"Orondu Me tja nai kuene, Ku ingui nguna otjina maku jandjeua, nu ingui ngu hina tjina ma jekua na inga ke na ko. ²⁷Nunguari imba ovanavita na ami, mbe ha vangere kutja mbi kare nouvara kombanda jao, ve eteje imba mu ve zepire pomurungu uandje."²⁸Nu tjza nokuhungira nai Ue ve hongorera, ama rondo okujenda kOjerusalema.²⁹Nu pa kara nai kutja, Eje tjeja popezu na Betfage na Betanie, pOndundu jOmininga, ua hinda ovahongeua Ve vevari, ³⁰amatja, "Tuendeje kotjirongo tji tjiri komurungu uenu, nu tji mua hiti mutjo mamu kamuna okasinona kuka kutua, ku ke hija kavirua, ke kutureje mu ke jete nguno. ³¹Nu omundu auhe ngue mu pura, Mamu ke kuturire tjike? 'Mamu tja nai ku je, Muhona Me ke hepa."³²Nu imba mba hindirue va ja, nu ave ka vaza otja imba pe ve raere. ³³Novo ngunda ama ve kutura okasinona, oveniako va tja nai kuvo, Mamu kuturire tjike okasinona? ³⁴Novo vatja, Muhona Me ke hepa. ³⁵Nu ovo v eke jeta ku Jesu, nu ave umbu ozombanda zao ku ko, nu ave vatere Jesu okukekavira. ³⁶Nu otja tja kavirire, ovandu va umbire ozombanda zao mondjira.³⁷Nu Eje tjari vazere popezu, pomaherukiro uOndundu jOmininga, otjimbumba atjihe tjovahongeua tja utire okunjanda nokutanga Mukuru neraka enene mena rovitjitua avihe ovinamasa mbi va muine, ³⁸Amave tja, "Oningandu Ombara ndji ma ija mena ra Muhona, Ohange mejuru, noujere mokombandambanda."³⁹Nu vemue vOvafarisei mbari mombunga va tjere ku Je, "Muhonge, kandaiza ovahongeua vo Je." ⁴⁰Jesu ua zira na tja kuvo, "Me mu raere kutja, imba tjiva muina, omaue maje ravaere."⁴¹Nu Jesu tja riama popezu, Ua tara motjihuro, nu a ririre tjo, ⁴²Amatja, "Andaku ove, tjiri ove, ua tjiua ovina mbi mavi ku pe ohange, nangarire mejuva roje indi! Nunguari ovio nai via undikua kove.⁴³Orondu omajuva maje ja kombanda joje, ovanavita naove ngu maveje ku kondorokisa ove orumbo, nave ku kondoroka, nave ku jezerere moukoto kominda avihe. ⁴⁴Nu mave ku njondororere pehi, novanatje voje moukoto uoje, nu kavena ku jesa eue kombanda jeue move orondu ove kotjivirue oruveze ruokuvarurua koje."⁴⁵Nu Eje uUa ka hita mondemberi, nu a ruku okunakera pendje imba mbu ja ve randere moukoto nokurandisa, ⁴⁶Amatja nai kuvo, "Pa tjangua, Ondjiuo jandje ondjiuo jongumbiro, nu ene mue i ungura ondimba jomarunga."⁴⁷Nu Jesu ua hongere aruhe mondemberi. Nunguari ovapristeri ovanene, novatjange, novanene vovandu ijave vanga okumuzepa. ⁴⁸Novo kave muine kutja ngave tjitevi, orondu ovandu avehe va kakaterere ku Je, amave puratene.

¹Nu pa kara nai mu rimue romajuva ngo, Eje otja tjija hongo mondemberi, Ama zuvarisa Ombuze Ombua, kutja ovapristeri ovanene, novatjange, ve mujendera puena ovanene, ²Novo va hungira kuena Je, nave tja, "Tu raera, ovina imbi u vi tjita nouvara une, Poo ouani ngue mu pa ouvara mbui"³Eje ua zira na tja kuvo, "Me mu pura otjina tjimue nu ndji zireje: ⁴Ombapitisimo ja Johanesa ja zire kejuru, poo, movandu?"⁵Novo ve ripura mokati kavo oveni, amave tja, "tji tua tja, 'kuza kejuru', Nu onguae tji mu ha kamburire mu Je? ⁶Nunguari tji tua tja ojovandu, ovandu imba avehe mave tu vete omaue orondu, orondu ovandu avehe ve itavera kutja Johanesa uari omuprofete."⁷Novo va zira amave tja, kavena ku tjiua kutja ja zire pi. ⁸Jesu ua tja nai kuvo, "Ami uina opumbihina ku mu raerera kutja ovina mbi mbi tjita nouvara une?"⁹Nu Eje ua uta okuserekarera ovandu otjisasanekero tji, "Omurumendu rive ua kunine otjikunino tjomivite, na jazemisa tjo kovaungure narire tjai kehi rokokure. ¹⁰Nu moruveze ruomahorero uovihape, eje ua hinda omukarere kovaungure votjokunino kutja ve mupe tjiva viovihape viomivite, Nunguari ovaungure votjikunino ve mu tona nu a ve mu ramba make.¹¹Nu eje ua hinda omukuao rukuao, novo ve mu tona uina, ave mu tjiti ondjambu, nu ave mu ramba make. ¹²Nu eje ua hinda outjatatu rukuao. Novo ve mu teta ozombara uina, nave mu nakere pendje.¹³Nu ingui omuhona uotjikunino tjomivite otja tja, Hi tjite vi? Me hindi omuna uandje omusuverua, rumue mave ka kara nondengero ku je tji ve mu munu. ¹⁴Nunguari imba ovaungure votjikunino tji ve mu muna, ve ripura mokati kavo oveni, amave tja, 'Ingu eje omurumate ueta, indjeje, ngatu mu zepe kutja eta ri rire oretu.'¹⁵Novo otji ve mu nakera pendje notjikunino tjomivite na ve mu zepa. Nambano ingui omuhona uotjikunino tjomivite meje ku tjitavi kuvo. ¹⁶Eje meja nu eje ku njona imba ovaungure votjikunino, ua jandja otjikunino tjomivite kovakuao. Nu tjiva zuva itji va tja, "Ape kara nao."¹⁷Nu Eje ueve tara, na tja, "Nu nambano itji otjikuae tji tja tjangua, Eue indi ovatunge ndi va tonda, oro onda rire otjiuru tjomauaneno uotjikoro? ¹⁸Nu auhe ngua uire keue indi matekateka, nu ingui auhe ku ra uire ma tukuturua arire oruuma."¹⁹Nu ovapristeri ovanene novatjange va vangere okumutuako omake moire otjingejo ndjo orondu ovo tji va tjizire kutja ua tuvirire vo motjisasanekero tji. Nunguari, ovo va tirire ovandu. ²⁰Novo va jarukire okumutjungira, na rire tjiva hindi ovaungure vovineja, mbe ritjindire ajo ovasemba, kutja ve ke Mu kambure nembo Re rimue, kutja ve Mu jandje kouvara uomuhegemone.²¹Novo ve Mu purire amave tja, "Muhonge, matu tjiua kutja Ove U hungira, nu U honga osemba, nu Kona konatja nondengu jomundu, nunguari U honga ondjira ja Mukuru mouatjiri. ²²Tjii okokuua otja koveta okusuta otjisuta tjouhona komukasare poo indee?"²³Nunguari Eje ua tjiza ovineja viao, na tja kuvo, Onguae tjima mu Ndji roro? ²⁴"Ndji raisireje otjipeni. Otjiperendero nomatjangua uani ngeri mu tjo?" Novo va zira nave tja, "Ouomukekasare."²⁵Nu Eje ua tja kuvo, "Okutja muaso ku jandja komukesare ombio viomukesare, na ku Mukuru imbio via Mukuru." ²⁶Nu kave pe urire okumupata nomambo pomurungu uovandu, na rire tjiva muina, ava temisiua ije zirira Re.²⁷Kuzambo peja vemue vOvasadukai, imba mbe pirura ombendukiro momahungi uao, mbetja ka ina ku kara ko, nu ave Mu pura, ²⁸Amave tja, "Muhonge, Mose ue tu tjangererere, Erumbi romundu tja koka ae nomukazendu, nu tja tu ae hina vanatje, omuangu ua uasokuria omukazendu ue nu e mu pandukire ovanatje.²⁹Nambano pari ovazandu oomuangu nerumbi hambombari. Nu ingo mutenga ua kupa nu a tu ae hina vanatje. ³⁰Nu ingui outjavari a ri omukazendu ingui, nu eje uina a tu nokuhin muatje. ³¹Nu ingui outjatatu, nu momuano otjingeuo imba ohambombari, kave jesire ovanatje nu ave tu. ³²Nu kombunda javo avehe, omukazendu a tu. ³³Nambano mombendukiro ma rire omukazendu ua une puvo avehe? Imba ohambombari otja tji ve mu kupire."³⁴Nu Jesu mokuzira, Ua tja nai, Ovanatje vouje mbui ve kupua nu ve jandjua kotukupo. ³⁵Nunguari imba mba varua ovanandengu okumuna ouje mbuina, nombendukiro movati, kavena ku kupa nu kavena ku jandjua kotukupo. ³⁶Nu kavena ku uhuara amave koka ko, orondu ovo veta puena ovaengeri, nu ovanatje va Mukuru, orondu ovanatje vombendukiro.³⁷Nambano kutja ovakoke ve pendurua, na Mose ua raisire tji poTjihua, tja isana Muhona, Mukuru ua Abrahama, na Mukuru ua Isaka, na Mukuru ua Jakova. ³⁸Orondu eje ka Mukuru uovati, nunguari uovanamuinjo. Orondu avehe ve hupa ku Je."³⁹Nu ovatjange vemue va zirire nave tja, Muhonge, Ove ua hungire naua. ⁴⁰nu okuzamba kave rorere okumupura omapurira rukuao.⁴¹Nu Eje ua tja kuvo, "Omokutjavi tji vetja Kriste Omuna ua David? ⁴²Ingu David omuini ua tja nai membo romapialme, MUHONA ua tjere na kOmuhona uandje, Ove haama ke ke randje indo rokunene, ⁴³Nga tji mba ungura ovanavita naove otjihavero tjozombaze zoje. ⁴⁴Nu David omuini tji me Mu isana Muhona, Eje omuna ue vi?"⁴⁵Nu Eje Ua tjere nai kovahongeua Ve, ovandu avehe ava puratene, ⁴⁶Ritakamiseje kovatjange, mba suvera okuzara ozombanda ozonde, nokuminikua motuveze tuomarandisiro, novihavero viokondomba mozosinagoge notuveze tuondengero pomikandi. ⁴⁷Mbe njondorora na ve pundu ozondjiuo zovahepundu, nu motjiuova ave kumbu ozongumbiro ozonde; Omberero ja imba mai je ku rira ondeu okukapita.

¹Jesu ua jerere omeho, na rire tja munu ovatumbe ameve umbu ovijandjeua viao motjikes tjovimariva. ²Nu Eje rukuao ua muna omuhepundu uorive omusiona ama umbu oumariva uvari uovitenda moukoto. ³Nu Eje Ua tja, Tjiri Me tja nai kuene, kutja, omuhepudu ingui omusiona ingui ua umbu moukoto okukapita avehe. ⁴Orondu avehe va umbu ovijandjeua ku Mukuru okuza mouingi mbu ve nao, nunguari eje okuza mouhepe ue ua umbu atjihe tjaru natjo moukoto.⁵Nu vemue va hungirire komunda uOndeberi kutja ja mbimbirirue nomaue omaua novijandjeua, nu Eje Ua tja nai, ⁶"Otja ku imbi ovina mbi mamu munu, omajuva maje ja, ngeri kutja kapena eue rimue ndi mari je ku seua kombanda je kuao, ndi hina ku umbua pehi."⁷Novo ve mupura amave tja Muhonge, ovina mbi mavi je ku tjitua rune? Notjisanekero tjomajenenisiro uovina mbi ma ije kurira tjike?" ⁸Jesu ua tja, Tjevereje kutja ape ha ningi umue ngu me mu pukisa, orondu ovengi mave je kuja mena Randje amave tja, OUAMI. Nu rukuao, Oruveze rua tumbuka! Amu ve kongorere. ⁹Nu tji mamu zuu komunda uovirua nomazunganeno, amu uruma, orondu ovina mbi viasokukarapo rutenga, nunguari ondjandero kai na ku karera po imbo."¹⁰Kuzambo Eje uatja kuvo, "Otjiuana matji sekamene otjiuana, nouhona au sekamene oukuao. ¹¹Nu mape kara omanjinganjingiro uehi motuveze pekepeke, nozondjara nomitjise omize. Noozombunikiro ozondirise novisanekero ovinene mavi kara mejuru.¹²Nunguari komurungu ua imbi avihe, mave tuako omake kuene nu ave mu tatumisa, amave mu nanene pomurungu uozosinagoge na mozondorongo, nave mujeta pomurungu uozombara novanane mena Randje. ¹³Nu itji ma tjije ku tanaukira ouhatoi kuene.¹⁴Opumuasokutakamisa itji momitima vienu kutja kamuna ku ripura omazirira ngu mamu ka jandja. ¹⁵Orondu Ami Me mupe otjinjo nounongo ovanavita na ene mbive hina ku peura okutara poo okupatana.¹⁶Nene ma mu je ku hororua ijovakuate venu, ovakuatuapamue naene, omuhoko vienu nomapanga. Novo maveje ku tjita kutja tjiva venu ve zepiue. ¹⁷Nu avehe mave je ku mu tondera Ene Randje. ¹⁸Nunguari kapena ndjise joviuru vienu ndji mai je ku pandjara. ¹⁹Mena romiretima vienu mamu je ku takamisa ominjo vienu.²⁰Nu tji mamu je ku muna Ojerusalema atja koverua ijovimbumba viovasolndate, imbo tjiuee kutja omanjoneno uatjo ja tumbuka. ²¹Indino imba mberi mu Judea ngave taurire kozondundu. Imba mberi mokati katjo ngave pite mutjo. Nu imba mberi pendje ave kahita mutjo. ²²Orondu inga omajuva uomerisutisiro, kutja imbi avihe mbi tjangua vi jenenisiue.²³Ouee ku imba ovingundi novanjamisise, momajuva ingo. Orondu ma peje ku kara ombamisiro onene kombanda jehi nomazenge kombanda jovandu imba. ²⁴Nu maveje ku uisiua ijoutue uengaruvio, nave tuarua ovahuurua koviuana avihe. Nojerusalema ma tjije ku ajtua ijovahakambure, nga otuveze tuovahakambure tjitua jenenisiua.²⁵"Mape kara novisanekero mejuva na momueze na mozonjose; nomburuma nomajaraarero moviuana kombanda jehi, Omironga nozongazona amavipose, ²⁶Omitima vio vandu amavi ngundipariua ijomburuma, nokutarera ovina imbi mbi mavija kombanda jehi. Orondu omauvara uomajuru maje njinganjingisiua.²⁷Nu kuzambo otjima ve je ku muna Omuna uOmundu ameja motjikamba nouvara noujere ounene. ²⁸Nu ovina mbi tji via utu okujenennisiua, jereje oviuru vienu kombanda, orondu onguturiro jenu tji ja tumbuka.²⁹Jesu ua hungira otjisasanekero kuvo, "Tareje omukujumbua nomiti avihe, ³⁰Tjivia via njomoka, na mu munu muritjivirua oveni kutja oruteni rua tumbuka. ³¹Nu momuano otjingeuo tji mua munu ovina imbi amavi jenenisiua, tjiuee kutja Ouhona ua Mukuru ua tumbuka.³²Tjiri Me tja nai kuene, Ondekurona indji kai na ku kapita ko ngunda ovina imbi avi hija jenenisiua. ³³Ejuru nehi mavi kapita, nunguari omambo uandje kanaa je kapita ko.³⁴"Nunguari rutjevereje, kutja omitima vienu avi urisiua neraru nomerikendero uohupo, nu ejuva indo arija muene tjimanga, ³⁵Orondu oro mari ja otjo nguehe kombanda ja imba avehe mba tura kombanda jehi.³⁶Opu muasokukara katumba noku kumba aruhe, kutja mu varue ovanandengu kutja mu je ku jepa ovina mbi avihe mbi mavi je ku jenenisiua, noku kurama pomurungu uOmuna uOmundu."³⁷Nu momutenja ija hongo mondemberi, nu ngurova ija piti aka kara kondundu, ndji isaneua Ondundu Jomininga. ³⁸Novandu avehe ija veja ku Je rukuru muhuka kondemberi, oku Mu zuva.

¹Nambano omukandi uomboroto ndji ha surisiua, mbu isaneua Omarurumino, ua ri popezu. ²Novapristeri ovanene novatjange va pahere kutja mave Mu zepa vi; nunguari ija ve tira ovandu.³Nu Saatana otja hita mu Judas, uo sano ja Iskariot, nguari umue ua imba omurongo navevari. ⁴Nu eje otja kaenda nu aka hungira kuena ovapristeri ovanene nozohongora zovaungure vOndemberi, kutja me Mu horora vi kuvo.⁵Novo va tjaterua tjinene nave zuvasana ovimariva kuenae. ⁶Neje ua zuvasana kuena vo, nu a ruku okupaha oruveze oruua ruo ku Mu horora kuvo, ovimbumba viovandu a vi heri po⁷Indino otji peja ejuva rombroto ndji ha surisiua, ondjona jomarurumino ndi I zepiua. ⁸Nu Jesu ua hinda Petrusa na Johanesa, na tja, "Kaendee mu ke tu tunine omarurumino kutja tu rie." ⁹Nu ovo vatja nai ku Je, Mo vanga kutja tu ka tune pi?¹⁰Nu Eje Ua tja nai kuvo, "Tareje, ene tji mua hiti motjihuro, nu mamu ka hakaena nomurumendu ngua tjindi ehoro romeva. Nu mu kongorereje nga kondjiuo mu ma ka hita. ¹¹Nu ene mamu katja nai komuniondjiuo, Omuhonge matja nai kove, Etuuo rovaenda ri pi, mu Me ka rira omarurumino puena ovahongeua vandje?"¹²Nu eje me ke mu raisira etuuo enene rokombanda nda harekua. Ene ka tunee ndo." ¹³Novo va kaenda na ve kavaza otja imba pa hee, nu ave tunine omarurumino.¹⁴No ire tji je ja, Eje Ua haama pehi puena ovaapostel imba omurongo navevari. ¹⁵Nu Eje Ua tja nai kuvo, "Mba zerire tjinene okuria Omarurumino inga puena ene ngunda A mbi hija hihamisiua. ¹⁶Orondu Me tja nai kuene, Hinee je ri ko rukuao, ngatji ja jenenisiua mOuhona ua Mukuru."¹⁷Nu Eje Ua toora ekopi, A jandja ondangi, na tja, "Tooreje indi nu mu hane ro mokati kenu. ¹⁸Orondu Metja nai kuene, Hina ku nua ko kotjihape tjomuvite, nga Ouhona ua Mukuru tji ue ja."¹⁹Nu Eje ua toora omboroto, A jandja ondangi,narire tja teja jo nu E i jandja kuvo, amatja, 'Indui orutu rua ndje ndua jandjerua ene, tjiteje itji oku Ndji zemburuka.' ²⁰Momuano tjingeuo Ua toora ekopi, kombunda jovikuria, natja, Ekopi ndi omerikutirokumue omape mombindu ja Ndje, ndja tirahirua ene.²¹Nunguari, tareje, eke ra ingui ngu me Ndji horora riri ouena Ami potjitihe. ²²Nu tjiri, Omuna uOmundu mai, otja tji pa tieua, nunguari ouee komundu ingui ngu me Mu horora!" ²³Novo va utire oku purasana mokati kavo oveni, kutja ouani muvo nguma tjiti otjina tji.²⁴Nu uina pa kara ozombata mokati kavo jokutja ouani muvo ngu ma rire omunenenene. ²⁵Nu Eje Ua tja nai kuvo, Ozombara zoviuana ze honapara kombanda javio. Nu imba mbe nouvara kombanda javio ve isaneua ovaparure vavio.²⁶Nunguari ene kamuna ku kara nao, nunguari ingui nguri omunenenene mokati kenu nga kare otja omutiti, nu ingui omunane nga kare otja omukarere. ²⁷Orondu ingui omunene pomukuao eje une, ingui ngua haamene okuria poo ingui ngu me mu ungura. Kaje ingui ngua haamene okuria are? Nunguari Ami mbiri mokati kenu otja omukarere.²⁸Ene ouene imba mbu mua kara puena Ami momarorero Uandje. ²⁹Nu Ami Me kekere ene ouhona tjimuna Tate the Ndji kekera ouhona. ³⁰Kutja mu je ku ria nokunua potjitihe Tjandje mouhona Uandje, nu mu haame movihavero viouhona oku pangura omihoko via Isiraera imbi omurongo navivari.³¹"Simon, Simon, tjevera, Saatana ua zeri ove, kutja e ku sise otjo ruhere. ³²Nu Mbe ku kumbire kutja ongamburiro joje ai ha suaka. Nu ove kombunda tji uazu noku tanaurua, zeuparisa ovakuenu."³³Nu eje ua tja nai ku Je, "Muhona, ami mbe rirongerera okujenda puena ove akuhe, kondorongo poo kondiro." ³⁴Jesu uazira, "Me ku raere Petrusa, ohunguriva kanaa i vandara ndinondi, ngunda auhije ndji ripatana potutatu."³⁵Nu Jesu uatja nai kuvo, "Tji Mbe mu hindire nokuhina tjikoma, poo embo, poo ozongaku, muna tjimue tji mu aka hepere?" Novo vazira, "katjipo." ³⁶Nu Eje Ua tja nai kuvo, "Nunguari nambano, auhe nguna otjikoma nga tore, nu momuano otjingeuo ingui nguna ondjatu nga tore. Nu ingui ngu hina engaruvio nga randise omutuaro ue a rande engaruvio.³⁷Orondu Me tja nai kuene, kutja na inga rukuao nga tjangua jaso kutja ja jenenisiue mu Ami, kutja Eje ua varua muena ovarundu. Orondu ovina mbiri ohunga na Ami vina ondjandero." ³⁸Novo va tjere, "Muhona, tara, pena omanga jevari mba." Nu Eje Ua tja nai kuvo, "Opuuo."³⁹Jesu uapita nu otja komuhingo ue, ai kondundu jomininga, nu ovahongeua ve uina ve mu kongorera. ⁴⁰Nu Eje tjari poruveze Ua tja nai kuvo, "Kumbeje kutja amu ha hiti momarorero."⁴¹Nu Eje Ua humburuka puvo mangara oukokure ueue tji ra umbua, nu A uoro ozongoro na kumbu, ⁴²Tate, Ove tji mo vanga isapo ekopi ndi mu Ami, nunguari arire ombango jandje nu nag rire ojoje ndji ma i ungurua.⁴³Nu omuengeri okuza kejuru ua munikisiua ku Je okumuzeuparisa. ⁴⁴Nu Eje aeri momuhihamo omunene otja kumba tjinene. Norukutu Rur rua karere otjo mata uombindu omanene, nga uiririre pehi.⁴⁵Nu Eje tja tumunuka okuza mongumbiro, The ja kovahongeua Ve, ueve vazere ava rara, tjinga va havererue ijoruhoze. ⁴⁶Nu Eje Ua tja nai kuvo, "Onguae tji mua rara? Jeurukeje mu kumbe tjaa ngaa mu hiti momarorero."⁴⁷Nu Eje ngunda A ma hungire, tara, otjimbumba otjinene! Nu ingui nguja isaneua Judas, nguari umue ua imba omurongo navevari, ueve hongorera, a riama ku Jesu nu e Mu hupite. ⁴⁸Nu Jesu Ua tja nai ku je, "Judas mo horora Omuna uOmundu noruhupito?"⁴⁹Nu imba mbari puena Je tjiva muna kutja mape kara tjike, va tjere ku Je, "Muhona, ngatu ve kuapize nomangaruvio?" ⁵⁰Nu umue uavo ua kuapiza omukarere uomupristeri omunene nu emu kondo okutui kue okunene. ⁵¹Nu Jesu uatja, "jandjereje tji nga mba opuuo!" Eje ua tuna kokutui kue nu emu verukisa.⁵²Nu Jesu Ua tjere nai kovapristeri ovanene, nozohongora zovatjevere vondemberi, mbe ere ku Je, "Mamuja nomanga-ruvio no onguinja tjimuna mbu mua teza omupunde? ⁵³Ami mbari mondemberi omajuva ejehe puena ene nu kamuna ndi mue Ndji jerera eke. Nunguari indji oire jenu nouvara uondorera."⁵⁴Novo ve Mu tuara, ave mu hongorere kondjiuo jomupristeri omunene. Nu Petrusa ua kongorerera kokure. ⁵⁵Nu ovo tji va zire nokujakisa omuriro morupanda ruondjiuo, nu tjiva haamene pehi, Petrusa ua haamene pehi mokati kao.⁵⁶Nu omukarer omusuko uorive ue mu muine tja haamene pomuriro, nu e mu tara tjinene na tja, "Omurumendu ngui uina uari puena Je." ⁵⁷Nu Petrusa ua patana, amatja, "Mukazendu, ami hi muii." ⁵⁸Nu kombunda uokaruveze okatiti, omukuao ue mu muna, na tja, "Oove umue uavo." Nu Petrusa ua tja , "ka uami."⁵⁹59 Nu mangara kombunda joruveze ruo ire ombomba, omukauo ua zeuparisa embo ndi noupandi na tja, "Ouatjiri omurumendu ingui ua ri puena Je orondu eje uina oua Galilee". ⁶⁰Nu Petrusa ua tja, "Murumendu hina ku tjiua kutja mo hungire ohunga na tjike." Tjimanga, eje ngunda ama hungire ohunguriva ai vandara.⁶¹61 Nu Muhona Ua tanaukire nu a tara mu Petrusa.Nu Petrusa a zemburuka embo ra Muhona, indi tje muheja kutja, "Ohunguriva ngunda ai hija vandara mo Ndji ripatana potutatu." ⁶²Nu Petrusa ua pita pendje na karira nomuhihamua tima.⁶³Novarumendu mba kamburire Jesu ve Mu njekerera nave Mu tono. ⁶⁴Novo tji vaza nokumukutjira komeho, ve mu tona momurungu nu ave Mu pura, ama ve tja, "Profeta kutja ouani ngue ku tono?" ⁶⁵Nu va hungirire ozondjambu ozengi ku Je.⁶⁶Nu tji paza nokutja, ovanene vovandu novapristeri ovanene, novatjange va uana, nu ave Mu nanene pomurungu uotjira tjao, ama ve tja, ⁶⁷"Oove ngu uri Kriste? Tu raera." Nu Eje Ua tja nai kuvo, "Na nge mu raere kanaa mu itavere. ⁶⁸Nu Ami tji Mbe mu pura kanaa mu ndji ziri poo okuNdjesa okukaenda.⁶⁹69 Okuzamba Omuna uOmundu otji ma ka haama kokuuoko okunene kuomasa kua Mukuru. ⁷⁰Indio avehe otji va tja, "Okutja Ove oOve Omuna ua Mukuru?" Nu Eje Ua tja nai kuvo, "Mutja nao, orondu OUAMI." ⁷¹Nu ovo va tja, "Matu hepa ouhatoi ua tjike okukapita imbui? Ete oveni tji tue ri zuvire motjinjo Tje."

¹Notjimbumba atjihe otji tja sekama nu atji Mu nanene ku Pilatus. ²Novo va utire oku Mu pahera ondjo, amave tja, "Tua vaza omurumendu ingui a ma pukisa otjiuana, a ma tjaere otjiuana okusuta otjouhona komukesare, Ama tja Eje omuini onguri Ombara, Kriste."³Nu Pilatus ue Mu pura, na tja, "Oove ngu u ri ombara jOvajuuta?" Nu Eje Ue mu zira na tja, "Opo pu mohee." ⁴Kuzambo Pilatus ua heja ovapristeri ovanene notjimbumba tjovandu kutja, "Ami hina kumuna ondjo momundu ngui." ⁵Novo va ndandiparere tjinene, amave tja, "Uzunganisa ovandu, nokuhonga kue mehi arihe ra Judea, okuza kOgalilea nga nguno."⁶Nu Pilatus tja zuva Ogalilea, ua pura kutja, Omurumendu ingui hapo o ua Galilea? ⁷Neje tja jtiua kutja uaza kehi rouvara ua Herodes, ue Mu hinda ku Herodes, eje uina nguari mOjerusalema oruveze nduo.⁸Nu Herodes tja muna Jesu, eje ua joroka tjinene, orondu eje ua pahere okumumuna orure, mena rokutja ua zuvire ovina ovingi ohunga na Je. Eje ua tjangovasi ma munu otjihimise tjimue amatji tjitua i Je. ⁹Nu eje ue Mu purire nomambo omengi, nunguari Eje ke mu zirire kotjina. ¹⁰Nu imba ovapristeri ovanene novatjange, va sekamene nave mu paha ondjo tjinene.¹¹Nu Herodes novasorondate ve Mu njekererere noku mu huikika ozombanda zeviaro, nu kuzambo e Mu jarura ki Pilatus. ¹²Nu mejuva otjingeruo, Pilatus na Herodes va hangana, orondu ovo komurungu ua nai va ri novita kumue.¹³Nu Pilatus tja zire nokuisanena pamue ovapristeri ovanene, novanane, novandu, ¹⁴Ua tja nai kuvo, "Mua jeta omurumendu ngui kuami otja umue ngu pukisa ovandu. Nu Tareje, tji mbazu nokumukondononena pomurungu uenu, hi vazere ondjo momurumendu ingui ohunga novina, mbi mamu hatoire.¹⁵Kako, na Herodes uina, orondu ami mbar i a mbe mu hindi ku je, nu tareje, kapena tjina tji tja puirua ijondiro tji tja ungurua ijomurumendu ingui. ¹⁶Opume Mu tonene ozongora ne mu kutura. ¹⁷Orondu pari ohepero kutja eve kuturire umue momukandi.¹⁸18 Novo va urira tjimue kombanda, amave tja, "Ingui nga ze po nu tu kuturira Barabbas!" ¹⁹Barabbas omurumendu ngua umbirue mondorongo mena rezunganeno nda karere motjihuro,nokuzepa.²⁰Pilatua ngua otja tja vangere okukutura Jesu ua hungirire kuena vo rukuao. ²¹Novo va ura, amave tja, "Papera kotjikoroise, Mu papera kotjikoroise!" ²²Neje ua tja nai kuvo orutjatatu, "Mena ra tjike? Eje Ua tjita ouvi ua tjike? Ami hi muine ezeva rokuMuzepa, opu me Mu tonene ozongora nu e Mu kutura."²³Novo ve mu ninikiza nomaraka omanene, amave paha kutja A zepiue. Nomaraka uao na inga ouovapristeri ovenene a tona. ²⁴Nu Pilatus otja jandja ombanguriro kutja ngape kare otja pu ja ve vanga. ²⁵Neje u eve kuturira ingui ngua hitisiririrue ezunganeno nokuzepa mondorongo, ngu va pahere, nunguari a jandja Jesu kombango jao.²⁶Nu ngunda amave Mu tuara va tua omake uao ku Simona ua Kirene, ngu a zu mokuti. Novo va tuire otjikoroise ku je oku tji tjinda kombunda ja Jesu.²⁷Nu Eje ua kongorererue ijotjimbumba otjinene tjovandu, novakazendu, mbu ja ve urire Je nokumuririra. ²⁸Nunguari Jesu ua tanaukiririre kuvo natja, "Vasuko va Jerusalema, amu Ndji ririre, nunguari riririreje oveni novanatje venu.²⁹Orondu, Tareje, omajuva ma jeja mu ma veje kutja, 'Ovaningandu ozongandji, novikuatero mbi ha kuatere, nomavere nge hina ja njamisisire.' ³⁰Nu otji ma veje kutja nai kozondundu, Uireje kuete, nu kozondunda, 'Tu kutjireje.' ³¹Orondu tji mave tjitiovina mbi komuti omutarazu, ku imbui omukukutu maku tjitua vi?"³²Nu apri novakuao vevari, ovazunde, mba tuarerue puena Je okukazepiua.³³Novo tji va vaza pona pupe isaneua "oKalvary," imbo opuve ve paperera kovikoroise, Eje puena imba ovazunde, umue aeri kokuuoko okunene umue aeri kokuuoko okumoho. ³⁴Nu Jesu uatja, "Tate, ve jesira orondu kavena ku tjiua tji mave tjiti." Nu ovo va hanasana ozombanda Ze, nokuumba ozohanga.³⁵Novandu va kuramene nave tarere. Nu ovanane rukuao mbari puena vo ve Mu njekererere nave tja, "Eje ua jamene ovakuao, ngeri jame omuini tjeri Kriste, Omutoororua ua Mukuru."³⁶Nu ovasorondate uina ve mu njekerera, amave ja kuje, okumupa o vineka. ³⁷Amave tja, tji uri ombara Ovajuuta, rijama omuini. ³⁸Nu omatjangero ja tjangua kombanda Je mOtjihirika, nOtjilatina, nOtjiheperi, "INDJI OMBARA JOVAJUUTA."³⁹Nu umue uovazunde imba mba paperua, ue Mu jamburura, na tja, "Ove tji uri Kriste rijama omuini na ete." ⁴⁰Nunguari ingui omukuao mezirira ue mu kandaiza na tja, "Ove kotira Mukuru are, ngunda a ua munu ombanguriro otjingejo? ⁴¹Nu ku ete aeri mousemba, rorndu ete tjitua munu otjisuta tji tja puira ovitjitua vietu, nunguari Omurumendu kena tjina tja zunda."⁴²Neje ua tja ku, "Jesu, Muhona, ndji zemburuka tjo mo ja mouhona uoje." ⁴³Nu Jesu Ua tja nai ku Je, "Tjiri Me tja nai kove, ndinondi ove mo kara puenaAmi mOparatisa."⁴⁴Nu mangara moire oitja hamboumue, kua kara nondorera kombanda jehi arihe nga ko ire oitja muviu. ⁴⁵Nu ejuva ra zorerisiua nu otjitjivikize tjomondemberi tja taurua pokati.⁴⁶Nu Jesu ua urire neraka enene, nA tja, "Tate Me jandja ombepo jandje momake uo Je." Nu tjaza nokutj nai, ua suvanena ombepo Je pendje. ⁴⁷Nunguari ingui omukendurio tja muna tji tja tjitua, ua hivirika Mukuru, ama tja, "Tjiri ingui ua ri omurumendu omusemba."⁴⁸Nu ovandu avehe mba uongarerere okumuna tji, nu mba muna ovina imbi mbia tjitua, ve ritona motukoro nave jaruka. ⁴⁹Nomapanga Ue ajehe, novakazendu mbe Mu kongorerere okuza kOgalilee, va kuramenene kokure amave tarere ovina imbi.⁵⁰Nu tara pari nomurumendu omunauvara ngu ja isaneua Josef, eje ua ri omuua nomusemba. ⁵¹Ingui eje ka a itaverasanene nondiero na itji tji tja tjitua. Eje ua zire kOarimathea, otjihuro tjOvajuuta, nu eje uina ua undjire omeero uOuhona ua Mukuru.⁵²Nomurumendu ingui ua ire ku Pilatus, nu a ka ningira orutu rua Jesu. ⁵³Neje ue Ru turura, nu E ru manga monguju, nu e Ru rarisa mombongo Je ndja kororerue meue, mu mu hina mua rarisirue omundu.⁵⁴Nejuva ndo rari oromarongerero, nu esabata a ra tumbuka. ⁵⁵Novakazendu imba mbe ere puena Je okuza kOgalilee, uina va kongorera nave kamuna indi ejendo, nokutja orutu Rue rua rarisiua vi. ⁵⁶Novo va jaruka nave katuna ovinuke novisopore. Novo va suvire mesabata, otja koveta.

¹Nambano mejuva etenga rotjiveke, rukuru muhuka omunene ovo veja ke endo, ava tjindi ovinuke, mbi va tunu, averi puena ovakuao varue. ²Novo va vaza eue a ra kunguzurua ara isapeua pejendo. ³Nuvo va hitire moukoto, nave ha vaza orutu rua Muhona Jesu.⁴Nu pa kara nai ovo ngunda ava temua averi mbo, kutja tara, ovarumendu vevari vozombanda ozongenangene va kuramene mene rao. ⁵Novo va urumine nu ave uorere omirungu viao pehi mehi, nave tja kuvo, "Mamu pahere tjike omunamuinjo movati?⁶Eje kepo imba, nunguari ua penduka, zemburukuje Eje tja hungirire kuena ene ngunda aeri kOgalilee. ⁷Tja tjere, Omuna uOmundu uasokujandjeua momake uovandu ovarunde, nu a penduka rukuao mejuva oritjatatu."⁸Novo va zemburuka omambo Ue, ⁹Nave kotoka okuza kombongo, nave serekarere ovina imbi ku imba omurongo na umue, na ku imba avehe. ¹⁰Maria Magdalene, na Joana, na Maria inaa James, novakazendu ovakuao mbari puena vo, omba serekarerere ovina imbi kovakuao.¹¹Nu omambo uao ja karere kuvo otja ovihambarere, novo kava ve itaverere. ¹²Nu Petrusa otja sekama na tupuka ke endo, nu tja munine moukoto a munu ozonguju a za tu ua potjikoro ovine. Nu eje a kaenda aa himua a me ripura kutja pa kara tjike.¹³Nu, tara, mejuva otjingero vevari vao va ja kotjirongo, tja Emaus, tji tjari mangara ozomile hambombari okuza mo Jerusalema. ¹⁴Novo va serekarera pamue ovina imbi avihe mbia tjitirue.¹⁵Nu pa kara nai kutja ovo ngunda amave serekarere nokuripura, Jesu omuini ua riama popezu navo nu A kaenda puena vo. ¹⁶Nu omeho uao ja paterue kutja ave he Mu tjiua.¹⁷Jesu uatja kuvo, "Omange mbo ngu mamu serekarere otj tji mamu kaenda? Va kurama mbo avahara oruhoze. ¹⁸Nu umue uavo, Cleopas kena ua zira na tja ku Je, "Ove oove omuriange uriri mOjerusalema, ngu u hina ku tjiua ovina mbia karere po momajuva inga?"¹⁹Jesu uatjere kuvo, "Ovikuae?" Novo va tja nai ku Je, "Ovina mbiri ohunga na Jesu ua Nasareta, nguari omurumendu, Omuprofete uovitjitua ovinamasa nembo enamasa pomurungu ua Mukuru novandu avehe, ²⁰Nokutja ovapristeri ovanene, novanane vetu ve Mu jandjere vi kombanguriro jondiro nave Mu papere kotjikoroise.²¹Nu ete tuari nomaundjiro uokutja Eje ongu me je ku randurura o Israel. Ii, pendje ja imbi avihe, ndino ejuva oritjatatu nganda ovina imbi a via tjitirue,²²Novakazendu vorive mokati ketu mbai kombongo muhuka omunene vetu himisa, ²³Ovo kave vazere orutu Rue mejendo, notji veje, nave tja, va munu ombunikisiro jovaengeri, mba tja Eje U nomuinjo. ²⁴Nu vemue va imba mbari puena ete vai kejendo, nave ke ri vaza otja imba ovakazendu pu va hee. Nunguari Eje kave Mu muine.²⁵Nu Eje otja tja nai kuvo, "Ouene varumendu omajova, vomitima viongono oku itavera avihe ovaprofete mbi va hungirire. ²⁶Kriste ka A sere oku hihamisiua movina mbi nokuhita moujere Ue?" ²⁷Nu okuuta ku Mose novaprofete avehe, Eje ua honga vo okuza momatjangua ohunga na Je.²⁸Novo veja popezu notjirongo ku ja vei, Jesu atjiti tjimuna ma kapita. ²⁹Nunguari ovo ve Mu tjaerere, "kara puena ete, orondu omapeta ja tumbuka nejuva ra toko." Jesu uahita okukara puena vo.³⁰Nu pa kara nai kutja Eje tja haamene pe riro puena vo, Ua toora omboroto n Ei sere ondaja, na kojora jo nu Ei jandja kuvo. ³¹Nomeho uao ja patururua novo ave Mu zemburuka. Nu Eje ua zenga pomurungu uao. ³²Novo vatja nai, umue komukuao, "Omitima vietu ka viari ama vi pji moukoto uetu, Eje tjari a ma hungire kuena ete mondjira, Eje tjari a Me tu mangururire omatjangua?"³³Novo va sekama mo ire otjingejo indjo nave jaruka kOjerusalema, nave vaza imba omurongo na umue ava uongarere pamue, na imba mbari puena vo. ³⁴Nave tja, "Muhona ua penduka katjiri nu Ua munika ku Simon." ³⁵Novo va serekarera ovina mbia tjitua mondjira, nokutja ovo ve Mu zemburuka vi momakojorero uomboroto.³⁶Novo ngunda amave hungire nai, Jesu omuini ua kuramene mokati kao, nA tja kuvo, "Ohange ngai kare puena ene". ³⁷Novo va urumine tjinene, amave tjangovasi mave munu otjiruru.³⁸Jesu ua tja nai kuvo, "Mua urumisiua i tjike? Nu onguae omauripura uenu tji maje jeruruka momitima vienu? ³⁹Tareje, omake Uandje, nozombaze kutja Ouami omuini! Ndji tuneje nu mu mune, orondu ombepo ka ina njama nomatupa, otja tji mamu munu kutja Mbi navio." ⁴⁰Nu Eje tjaza noku hungira nai, Eje Ue ve raisira omake Ue nozombaze Ze.⁴¹Novo ngunda ave hina ku kambura mena rondjoroka nokuhimua, Jesu uatja nai kuvo, "Muna ovikuria imba?" ⁴²Novo ve mupa okatjaive kehundju nda pji, novihira viozonitji, ⁴³Nu Eje ua jakura na rire pomurungu uao.⁴⁴Eje Ua tja nai kuvo, "Tji mbari punaene, Mba hungirire kuene kutja ovina avihe mbia tjangua I Mose novaprofete na momapialme ohunga na Ami via sokujenenisiua."⁴⁵Kuzambo Eje otja paturura omapangununino uao, kutja ve pangunune omatjangua. ⁴⁶Eje Ua tja kuvo, "Otji pa tjangerue notjipapuire kutja Kriste ahihamisiue, nokupenduka movati ejuva oritjatatu. ⁴⁷Nomeriverero uondanaukiro nondjesiro jomauvi ja sokuzuvarisiua moviuana avihe mena Re okuuta mOjerusalema.⁴⁸Nu ouene ozohatoi zovina mbi. ⁴⁹Nu tareje Me hindi otjikuizikiua tja Tate kombanda jenu, Nunguari kareje motjihuro tja Jerusalema ngatji mua zarekua nomasa okuza kombanda."⁵⁰Jesu ueve hongorerere nga popezu na Bethanie. Na jerere omake ue kombanda ne eve sere ondaja. ⁵¹Nu pa kara nai kutja Eje ngunda ame ve sere ondaja ua haniua kuena vo, nu atoorerua kombanda Kejuru.⁵²Novo ve Mu hivirika nave jaruka kOjerusalema nondjoroka onene. ⁵³Novo va karere mondemberi oire aihe amave tanga nokujozika Mukuru.

¹Kombutiro pari indi Embo, nu indi Embo rari puena Mukuru, nu indi Embo rari ²Mukuru.Eje uari puena Mukuru ³kombutiro.Ovina avuhe via memua i Je, nu pendje na Je kapena tjimue tji tja ungurua mu imbi mbia ungurua.⁴Nu mu Je muari omuinjo nu omuinjo imbui ombuari ondjerera jovandu. ⁵Nu ondjerera I jera mondorera; nu ondorera kai i taarere ko..⁶Pari nomurumendu ngua hindirue okuza ku Mukuru, nguari nena Johanesa. ⁷Ingui eje ueja oku hatoira, oku hatoira komunda uondjerera, kutja ovandu avehe ve itavere mena re. ⁸Eje kaari Ondjerera indjo; nunguari eje ua hindirua kutja a hatoire komunda uOndjerera indjo.⁹Ondjerera jouatjiri, ndji jerisa ondjira jomundu auhe ngu me ja mouje.¹⁰Eje uari mouje, nu ouje ua ungurirue i Je, nunguari ouje kau Mu tjivirue ko. ¹¹Eje ue ja ku imba o Ve omuini, nu imba o Ve omuini ka ve Mu jakurire ko.¹²Nunguari ku imba avehe mbe Mu jakurire, Eje ua jandja omasa uo ku rira ovanatje va Mukuru, okutja ku imba mba itavera mena Re, ¹³Mbe ha kuaterue ijombindu, poo ijonjama, poo ijombango jomurumendu, nunguari i Mukuru.¹⁴Nu indi Embo ra rira onjama, nu a ritura mokati ketu. Nu ete tua muna oujere Ue, oujere otjo ua ingui Omukuatua erike ua Ihe, ngue ura notjari nouatjiri. ¹⁵Johanesa ue Mu hatoire, a uru, amatja, Ingui ongu mba here tji mba tjere, Ingui ngu me ja kombunda jandje uri kombanda jandje, orondu ua rip o komurungu uandje.¹⁶Nu okuza moku ura Kue ete tua jakura otjari kombanda jotjari. ¹⁷Orondu oveta ja jandjerua mu Mose, nunguari otjari nouatjiri vieja mu Jesu Kriste. Kapena mundu ngua muine Mukuru nangarire moruveze rumue; ¹⁸Omuna omukuatuaerike nguri mekoro ra Ihe, Ue Mu tjiukisa.¹⁹Nu inga omambo ua Johanes, Ovajuuta tji va hindire ovapristeri nOvalevi okuza ko Jerusalem oku ke mu pura kutja, Oove une? ²⁰Eje ue rikorere, nu keri horekere ko, nunguari ue rikorere, Ami kami Kriste. ²¹Nu ovo ve mu pura, Nu nambano oove une? OOve Erija? Neje uatja, Kaami. Oove ingui omuprofete? Nu eje ua zira, Kako.²²Nu ovo otji vatja ku je, Nu nambano oove une? Tuaso ku ka jandja ezirira ku imba mbe tu hindi. Motjavi ohunga naove omuini? ²³Eje uatja, Ouami eraka ra umue ngu ma ravaere mokuti ongaango, teremaniseje ondjira ja Muhona, otja omuprofete Jesaja pa heere.²⁴Nu imba mba hindirue vari Ovafarisei. ²⁵Ovo ve mu pura navetja ku je, Nu onguae tjiu papitisa tjiu heri Kriste, poo Erija, poo ingui omuprofete.²⁶Johanes ueve zira amatja, Ami mbi mu papitisa nomeva, nunguari pena Umue ngua kurama mokati kenu ngu mu hei; ²⁷Eje ingui, ongu meja kombunda jandje, nu nguri kombanda jandje, ngu mbi ha puiririrue ijo ku kutura nangarire ondatua jorukaku rue. ²⁸Ovina imbi via tjitua mObetabera hembandina ja Jordan, Johanes ku ja papitisa.²⁹Mejuva ependukirua, Johanesa ua muna Jesu a meja ku je, nu atja, Tareje Ondjona ja Mukuru ndji mai isako ouvi uouje. ³⁰Ingui ongu je hee tjimba tjere, kombunda jandje ma kuja omurumendu nguri kombanda jandje, orondu Eje uari po komurungu uandje. ³¹Ami hije Mu tjiua, nunguari kutja Eje a raisiue ko Israel, ami otji mbe era ame papitisa nomeva.³²Johanes ua hatoirire amatja, Ami mba munu Ombepo a mai heruka okuza kejuru otjonguti, nu ai kakara kombanda Je. ³³Ami hije Mu tjiua, nunguari Ingui ngue ndji hinda oku papitisa nomeva, eje omuini uatja nai ku ami, Kombanda ja ingui ngu ua munu Ombepo ami herukire nai kara mu Je, eje ingo ongu ma papitisa nOmbepo Ondjapuke. ³⁴Nu Ami mba muna nu Otji me hatoire kutja ingui Omuna ua Mukuru.³⁵Nu rukuao mejuva ependukirua, Johanesa ua kuramene puena vevari vivahongeua ve. ³⁶Nu tja tarere mu Jesu, ama kaenda, atja, Tareje, Ondjona ja Mukuru.³⁷Nu ovahongeua imba ovevari ve mu zuvire tji ma hungire nu arire tji va kongorere Jesu. ³⁸Nu Jesu ua tanauka nu E ve munu ave Mu kongorere, natja kuvo, Mamu paha tjike? Nu ovo vatja Rabi, (okutja tji mape tanaurua, Muhonge), u kara pi? ³⁹Nu Eje uatja kuvo, indjeje mu mune. Ovo veja nu ave munu pe kara, nu ave uhuara puana Je ejuva indo, orondu jari mangara oiri oitja murongo.⁴⁰Umue ua imba ovevari mba zuvire Johanes ama hungire nu ave Mu kongorere, uari Andrew, omuangu ua Simon Petrusa. ⁴¹Rutenga u aka vaza erumbi re Simon Petrusa natja ku je, tua munu ingui Messiah, tjima pe tanaurua okutja, ingui Kriste. Nu eje ue mu jeta ku Jesu. ⁴²Nu Jesu tje mu muna, uatja, Oove Simon omuna ua Jona, ove mo isaneua Cephas, okutja tji pe tanaurua Petrusa.⁴³Ejuva ndi mari ja Jesu ua zerire oku jenda kOgalilea. ⁴⁴Nu Eje ua vaza Filip natja ku je, Ndji kongorera. Nu Filip uari oua Bethsaida, otjihuro tja Andreas na Petrusa. ⁴⁵Filip ua vaza Nathaniel, natja ku je, Ete tue Mu munu ingui Mose moveta novaprofete kuva tjangererere, Jesu ua Nasareta.⁴⁶Nu Nathaniel uatja ku je, Ko Nasareta maa kuzu otjina otjiua. Filip uatja ku je, Indjo umune. ⁴⁷Jesu ua muine Nathaniel a meja ku je, nu E mu tja, Tareje, Omuisrael katjiri, mu mu hina ovineja. Nathaniel uatja ku Je, Ove Ue ndji tjivirua pi? ⁴⁸Jesu ua zira natja ku Je, Ami Mbe ku munu ngunda Filip ae hije ku isana, ngunda auri kehi jomukujumbua.⁴⁹Nathaiel ua zira natja ku Je, Rabi Oove Omuna ua Mukuru, Oove Ombara ja Israel. ⁵⁰Jesu ua zira natja ku je, Mena rokutja Mbe ku hee kutja, Mbe ku munu kehi jomukujmbua, mo itavere? Mo je ku muna ovina ovinene oku kapita imbi. ⁵¹Nu Eje uatja ku je, Tjiri, tjiri, Metja kove, Okuza ku nai mamu munu omajuru aja paturuka, nu ovaengeri va Mukuru amave rondo noku herukira kombanda jOmuna uOmundu.

¹Nu mejuva oritjatatu pari omukandi mOkana tja Galilee. Nu inaa Jesu uari ngo. ²Nu Jesu novahongeua Ve va nangerue korukupo.³Novo tjiva hepere omavinu, inaa Jesu ua tjere nai ku Je, Kavena mavinu. ⁴Jesu Ua tja nai ku je, Mukazendu, mbina tjike kuena ove? Oruveze ruaNdje ngunda ka ru jeja. ⁵Ina ua tjere kovakarere, Atjihe Tje mu hee, tjiteje tjo.⁶Nu pari ozonjungu zomaue hamboumue nde tizirua omeva, otja komuano uokukohororua kOtjijuuta, aihe aina mangara omahoro jevari poo jetatu. ⁷Nu Jesu Ua tja nai kuvo, Uriseje ozonjungu nomeva. ⁸Novo ve ze urisire nga pomina. Nu Eje Ua tja nai kuvo, Uoteje nambano nu tuareje komunane uomukandi. Novo va tuara ku je.⁹Nu ongui omunane uokandi tja rora inga omeva nga tanaurirua komavinu, (nu eje kaa tjiua kutja ja zupi nunguari imba ovakarere ija ve tjiua), omunane uomukandi ua isana omukupe, Natja ku je, ¹⁰Ovandu avehe ve jeta omavinu inga omaua komautiro, nu ovandu tjiva zu nokunua naua, arire tjiva jeta inga nge heri omaua, nambano ove ua puike omavinu inga omaua ngamba.¹¹Indji ombutiro jovihimise Jesu Ua tjita mOkana tja Galilee. Otjo tja vandurura oujere Ue, novahongeua V eave kambura mu Je.¹²Kombunda ja itji, Eje Ua ja ko Kapernaum, Eje na ina, novamuangu Ve, novahongeua Ve. Novo kave ka karere ngo omajuva omengi.¹³Nu omukandi uomarurumino uOvajuuta ua ri popezu, nu Jesu Ua ja kOjerusalema. ¹⁴Nu Eje Ua vaza imba mbu ja ve randisa ozonduuombe, nozondu, nozonguti, novatjendje vovimariva.¹⁵Nu Eje tjaza nokuungura ongora jozongoze, Ue ve rambera pendje avehe, nozondu nozonduuombe, nu a uisire pehi ovimariva viovatjendje natanuna ovitihe. ¹⁶Nu Eje Ua tja nai ku imba mbu ja ve randisa ozonguti, Isapueje ovina imbi imba, nu amu tanaurire kondjiuo jomarandisiro.¹⁷Novahongeua Ve va zemburukire kutja patjangua, "ozonduma zondjiuo joje zendji mana." ¹⁸Nu Ovajuuta otji va zira nave tja ku Je, Otjisanekero tjaje tjimotu raisire, Ove tjimo tjiti ovina mbi. ¹⁹Jesu ua zira na tja kuvo, Zundeje ondemberi indji nu momajuva jetatu Ami Me i jerurura.²⁰Nu Ovajuuta otji va tja, "Ondemberi indji ja tungua ozombura omirongo vine na hamboumue, nu Ove mo i jerurura momajuva jetatu are?" ²¹Nunguari Eje ija hee ondemberi joutu Rue. ²²Nu nambano Eje tjaza nokupenduka movakoke, ovahongeua Ve otji va zemburuka kutja Eje ua tjere nai kuvo, nu ave kambura momatjangua.²³Nambano Eje tjari mOjerusalema mOmarurumino, ovengi va kamburire mEna Re tjiva muna ovihimise mbi ja tjiti. ²⁴Nunguari Jesu ke Ri jandjere kuvo, orondu Eje ija tjiua ovandu avehe, ²⁵Nu kahepere ko ouhatoi uomundu. Orondu Eje ije tjiua tji tjiri momundu.

¹Pari nomurumendu uOvafarisei, uena Nikodemus, omunane uOvajuuta. ²Eje ueja ku Jesu ongurova na tja ku Je, Rabi ete matu tjiua kutja oove omuhonge ngua za ku Mukuru. Orondu kapena mundu nguma tjiti ovihimise mbi U tjita, andu Mukuru tjeri puenae.³Jesu Ua zira nA tja ku je, Tjiri, tjiri, Me tja nai kove, andu omundu tja kuatua rukuao, eje ke na ku muna Ouhona ua Mukuru. ⁴Nikodemas ua tja nai ku Je, Omundu ma jenen vi okukuatua eje aa kurupa? Eje ma jenene okuhita orutjavari motjikuatero tja ina na kuatua?⁵Jesu ua zira, Tjiri, tjiri, Me tja nai kove, andu omundu tja kuatua nomeva nOmbepo, eje kanaa hiti mouhona ua Mukuru. ⁶Itji tji tja kuatua ijonjama onjama, nu itji tji tja kuatua ijOmbepo ombepo.⁷Ohimua kutja Ami Mba tja nai kove, Uasokukuatua rukuao. ⁸Ombepo i singira ku mai vanga nove, u zuva ombosiro ja jo, nu kotjiua ku mai zu poo ku ma jii. Otji peri nao kuimba mba kuatua ijombepo.⁹Tjiri, tjiri, Me tja nai kove, Tu hungira mbi ma tu tjiua na tu hatoire mbi tua muna. ¹⁰Nu ka mu jakura omahongononeno uetu. Nu Jesu Ua zira nA tja ku je, Oove omuhonge ua Israel, nu ko tjiua ovina mbi. ¹¹Tjiri, tjiri, Me tja nai kove, Tu hungira mbi ma tu tjiua na tu hatoire mbi tua muna. Nu ka mu jakura omanongoneno uetu.¹²Tji Mbe ku raere ovina viokombanda jehi, nu tji u hina ku kambura, mo itavere vi tji Mbe ku raere ovina viejuru. ¹³Nu kapena mundu ngua rondere ke Juru, pendje na ingui ngua heruka okuza me Juru, okutja Omuna uOmundu nguri me Juru.¹⁴Notja Mose tja jerere onjoka mongaango, Omuna uOmundu otji meje ku jerua, ¹⁵Kutja auhe ngua itavere mu Je aha pandjara nunguari a kare nomuinjo uaaruhe.¹⁶Nu Mukuru Ua suverere ouje nao, nA jandja Omuna Ue omukuatua erike, kutja auhe ngua itavere mu Je aha pandjara, nunguari a kare nomuinjo uaaruhe. ¹⁷Orondu Mukuru ka hindire Omuna Ue mouje okupangura ouje, nunguari kutja ouje peje u jamue mu Je. ¹⁸Ingui ngua itavere mu Je ke ri mombanguriro, nunguari ingui ngu hina ku kambura mu Je eje ua pangurua hapo, rondu ka itaverere mEna rOmuna ua Mukuru Omukuatua erike.¹⁹Nu indji ojo ombanguriro, kutja ondjerera jeja mouje, novandu va suverere ondorera okukapita ondjerera, orondu ovitjitua viao oviourunde. ²⁰Orondu auhe ngu tjita ouvi, nu uina ke ja kondjerera, mena rokutira kutja ovitjitua vie ngaavi vandururua. ²¹Nunguari ingui ngu tjita ouatjiri u ja kondjerera kutja ovitjitua vie vi tjikue, kutja okuviri, nu vi tjitua mu Mukuru.²²Kombunda jovina mbi Jesu novahongeua Ve va hita mehi ra Judea, k aka kara puena von a papitisa. ²³Nu Johanesa uina ija papitisa mOAenon, posi ja Salim, orondu pari nomeva omengi mbo. Novo ve ere nave papitisiua. ²⁴Orondu Johanesa ngunda tjandje ke ja nakerua mondorongo.²⁵Nu pa karere epurira okuza kovahongeua va Johanesa ohunga nomakohororero uOvajuuta. ²⁶Novo ve ja ku Johanesa nave tja nai ku je, Rabi, ingui ngua ri puena ove hembandina ja Jordan, ingui ngu ua hatoiririre, tara, Eje ma papitisa, novandu avehe mave ja ku je.²⁷Johanesa ua zirire na tja, Omundu kanaa jakura ko otjina andu tji tja jandjeua ku je okuza kejuru. ²⁸Ene oveni mamu ndji hatoire, kutja, ami mba tjere, Kaami Kriste, nunguari mba hindua pomurungu Ue.²⁹Ingui nguno omukupua omukupe, nunguari indi epanga romukupe, ngu kurama ne mu zuu u joroka tjinene mena reraka romukupe. Indino ondjoroka jandje je urisiua. ³⁰Eje nga ueziue name hi henunuke.³¹Eje ingui ngu ma zu kombanda uri kombanda ja avehe: ingui ngu mazu kombanda jehi ouo kombanda jehi, nu u hungira oviokombanda jehi. Ingui ngu mazu kejuru uri kombanda ja avehe, ³²Nu Eje u hatoira ovina mbia muna na mbia zuva, nunguari kapena ngu jakura omambo Ue. ³³Ingui ngu ma jakura omahongononeno Ue, ma hatoire tji, kutja Mukuru Ouatjiri.³⁴Orondu ingui MUkuru nga hinda u hungira omambo ua Mukuru, Orondu Mukuru Ke Mu pere Ombepo notjijenenise. ³⁵Ingui Ihe ua suvera Omuna, nu ua jandja ovina avihe momake Ue. ³⁶Ingui ngu itavera mOmuna unomuinjo uaaruhe, nu ingui ngu ha itavere mOmuna kanaa munu omuinjo; nunguari omazenge ua Mukuru jeri kombanda je.

¹Nambano Muhona tja tjivirue kutja Ovafarisei va zuza kutja Jesu ija ungura nokupapitisa ovahongeua ovengi okukapita Johanesa, ²Nandino Eje ka a papitisa nunguari jari ovahongeua Ve, ³Eje ua pitire mo Judea nai kOgalilee.⁴Nu apri nohepero kutja a pitire mOsamaria. ⁵Indino Eje ueja kotjihuro tja Samaria tji tji isaneua Sychar, popezu nehi Jakova nda jandjere komuna ue Josef.⁶Nondjombo ja Jakova jari mbo. Nu Jesu otja tja urisirue ijoujenda, Ua haamene pehi mene rondjombo. ⁷Nu pe ere omukazendu ua Samaria okuteka omeja. Jesu Ua tja kutja ku Je, Ndji pa ko mbinue. ⁸Orondu ovahongeua Ve va ire kotjihuro okukaranda ovikuria.⁹Ingui omukazendu ua Samaria otja tja ku Je, Mapeja vi kutja Ove, au ri Omujuuta, moningire okunua ku Ami, omukazendu ua Samaria? (Orondu Ovajuuta kave ungura kuena Ovasamaria). ¹⁰Nu Jesu Ua zirire nAtja ku je, Andaku mo tjiua otjijandjeua tja Mukuru, nokutja ouani ngu ma tja kove, Ndji pa ko mbinue, andaku ov ua ningire ku Je, nu Eje itje ku pa omeja omanamuinjo.¹¹Omukazendu ua tja nai ku je, Mutengua, Ove ko na tjitjuma nondjombo ongoto. Ove otjimo isapi omeja omanamuinjo ingo? ¹²Oove omunene put ate uetu Jakova, ngue tu pa ondjombo ndji, nu ngua nuine mu jo omuini, novanatje ve, nozongombe ze.¹³Jesu ua zirire nAtja, Auhe ngua nu omeva inga ma to njota rukuao, ¹⁴Nunguari auhe nguma nu omeva inga Ami ngu Me mupe, kanaa to njota rukuao. Nunguaru inga omeja inga ngu Me mupe, ma je rire mu je omburo jomeva ngu ma je pupire komuinjo uaaruhe.¹⁵Omukazendu ua tja nai ku Je, Mutengua, ndjipa omeva inga, kutja e hato njota, poo okuuhuara ameja imba okuje kuteka. ¹⁶Jesu uAtja ku je, Kaende u ka isane omurumendu uo je nu u je nguno.¹⁷Nomukazendu ua zira na tja, Ami hina murumendu. Jesu Ua tja ku je, Ove ua hungire osemba: Ami hina murumendu. ¹⁸Orondu ove ua kara novarumendu vetano, nu ingui ngu u nae nai kamurumendu uoje. Mu itji ua hungire ouatjiri.¹⁹Omukazendu arire tja tja ku Je, Me munu kutja Oove omuprofete. ²⁰Ootate ija very kotamenenene mondundu ndji, nene mutja kona ovandu ku vasokurikotamenenena o kOjerusalema.²¹Jesu Ua tja ku je, Mukazendu itavera Ami, oruveze maru ja, ndu mu hina kurikotamenena ku ingui Tate mondundu ndji poo kOjerusalema. ²²Ene mu rikotamena ku ngu mu ha tjiua, ete tu rikotamena ku tjitu tjiua, orondu ondjamo mai zire mOvajuuta.²³Nunguari oruveze maruja nu oruondui, indui overikotamene vouatjiri, ndu ma veje kurikotamena ku ingui Tate mOmbepo namouatjiri; orondu ingui Tate U paha mberi nao okurikotamena ku je. ²⁴Mukuru Ombepo nu imba mbu mave rikotamene ku Je vasokurikotamena ku Je mOmbepo na mouatjiri.²⁵Omukazendu ua tja nai ku Je, Me tjiua kutja Mesiah meja, ingui Kriste. Eje tjeja me je k utu raera ovina avihe. ²⁶Nu Jesu ua tja ku je, Ami ngu Me hungire kuena ove, OUAMI.²⁷Novahongeua Ve otji veja nave kumua kutja Ma hungire kuena omukazendu. Nunguari kapena ngue mu pura kutja, Mo paha tjike? poo, Onguae tji mo hungire kuenae?²⁸Omukazendu otja jesa onjungu je jomeva, nai kotjihuro, na tja kovandu, ²⁹indjeje mu je ku muna omurumendu ngue ndji raere ovina avihe mbi mba tjitire. Ingui kanguri Kriste? ³⁰Novo va pitire motjihuro, na veja ku Je.³¹Nu ngunda a peri nai, ovahongeua Ve ve mu Mu kondjisire, amave tja, Muhonge, riaa. ³²Nunguari Eje Ua tja nai kuvo, Ami Mbi novikuria okuria mbi mu hei. ³³Novahongeua Ve otji va tjere nai, umue komukuao, Pe nomundu ngue Mu jetere otjina okuria?³⁴Jesu Ua tja kuvo, Ovikuria viaNdje okutjita ombango ja ingui ngue Ndji hinda nokumana otjiungura Tje. ³⁵Nga a mu tja nai, ngunda pe nomieze vine kuzambo otjimakuja omakondero. Tareje, Ami Me tja kuene, Jereje omeho uenu nu tareje movikunino, orondu ovio via jepajerera omakondero hapo. ³⁶Nu ingui ngu ma kondo u jakura otjisuta, nu u uongera ovihape komuinjo uaaruhe, kutja ingui omukune na ingui omukonde ve joroke pamue.³⁷Nu mu itji omambo inga otji jeri ouatjiri, umue u kuna nomukuao a kondo. ³⁸Ami Me mu hindi okukakonda imba pu mu ha ungurire. Ovarumendu varue va ungura, nu ene mamu hiti motjiungura tjao.³⁹Novengi vOvasamaria vitjuhuro tjo va itaverere mu Je mena romahongononeno uomukazendu, nga tjere, Uendji raere avihe mbi mba tjitire. ⁴⁰NOvasamaria tji veja kuje, ve Mu ningira kutja a kare puena vo, nu Eje ua kara mbo omajuva jevari.⁴¹Novengi okukapita va itavera mena rembo Re, ⁴²Novo va tja nai komukazendu, Nambano ka tu tji itaverere mena romambo uoje, orondu ete tue Mu rizuvire oveni, nu tue ritjivirua kutja ingui oKriste katjiri, Omujame uouje.⁴³No kombunda jomajuva jevari Eje ua kumuka ingo nai kOgalilee. ⁴⁴Orondu Jesu omuini Ua hatoira kutja, Omuprofete ka munu ondengero mehi ronguatero je. ⁴⁵Nu Eje the ere mOgalilea, ovandu va Galilea ve Mu jakurire, ovo tjiva muine ovina avihe mbia tjitire kOjerusalema kOmukandi, orondu ovo uina va ire kOmukandi.⁴⁶Nu Jesu otjE ja rukuao kOKana tja Galilea, ingui ka tjitukisire omeva omavinu. Nu imbo pari omutenguandu uonguatero jouhona uorive, ngua verisire omuna ue kOkapernaum. ⁴⁷Neje tja zuvire kutja Jesu Ue ja mOgalilea okuza kOjudea, otja ja ku Je, nu e rijarikana ku Je kutja Eje ku verukisa omuna ue.⁴⁸Nu Jesu otja tja nai ku je, Andu tji mua munu ovisanekero novihimise kanaa mu kambura. ⁴⁹Nu ingui ouo nguatero jouhona ua tja, Mutengua, indjo ngunda omuatje uandje ae hija koka. ⁵⁰Nu Jesu Ua tja ku Je, Kaende, omuna uo je unomuinjo. Nomurumendu ngui ua itavera indi embo Jesu nda hungira ku je, na kaenda.⁵¹Neje ngunda ama jende, ovakarere ve ve mu tjakanena, nave mu raere kutja, omuna uo je unomuinjo. ⁵²Neje ue ve pura oiri ndja ruka oku pua najo. Novo va tja ku je, erero moire oitja hambombari, otjindjumba otjitja zire mo mu je.⁵³Nu ihe otja tjiua kutja jari moire otjingejo Jesu the mu here kutja, Omuna uoje unomuinjo. Nu eje otja itavera nondjiuo je aihe. ⁵⁴Itji otjihimise otji tjavari Jesu tja tjitire, Tje ere kOgalilea okuza kOjudea.

¹Kombunda ja itji pari omukandi uOvajuuta, nu Jesu Ua ja kOjerusalema. ²Nambano pena erindi Pomuvero Uozondu kOjerusalema, kOtjiheperi ndi isaneua Obethsada, ndino mivero vitano mbia rombua okuhova. ³Mu imbi mua rarere ovavere pekepeke, ovapotu, ovaremane, novatukare, mbu ja ve undju omazungiro uomeja. ⁴Orondu omuengeri I ja herukire merindi moruveze katjondumba, na zunganisa omeja. Nu ingui omutenga okuhita momeja tjijazu nokuzunganisiua ija verukisiua komutjise auhe mbua ri nao.⁵Nomurumendu uorive uari imbo ngua karere nouvere ozombura omirongo vitatu na hambondatu. ⁶Nu Jesu Tje mu muna aa saravara, nu tja tjiua kutja ua karere mongaro indjo orure, Eje Ua tja nai ku je, Mozeri okuverukisiua.⁷Omurumendu omuvere ue Mu zira, Mutengua, ami hina mundu okundjitua momeja tji ja zunganisiua. Nunguari ami ngunda a metja mei, umue u hita komurungu uandje. ⁸Jesu Ua tja ku je, Sekama, toora ombete jo je u kaende.⁹Nu tjimanga omurumendu ingo ua verukisiua, na toora ombete je, na kaenda. Nu ejuva ndi rari esabata.¹⁰Ovajuuta opuva tjera nai ku ingui ngua verukisiua, Ejuva resabata, otjizera ove okutjinda ombete jo je. ¹¹Eje ue ve zira, Ingui ngue ndji verukisiua, ongua tja nai kuami, Toora ombete joje u kaende.¹²Nu ovo otji ve mu pura, Ingui omundu ngue ku hee kutja, Toora ombete jo je u kaende ouani? ¹³Nu eje ka a tjiua inguingue mu verukisa, orondu Jesu tjandje uai, nu tjanje pena otjimbumba tjovandu pona mbo.¹⁴Nu kombunda Jesu Ueke mu vaza mondemberi, nA tja ku je, Tara ove ua verukisiua, o tjiti ouvi rukuao, tjaa otjiuonga otjivi okukapita tji ngaa tji uire kove. ¹⁵Omurumendu ua kaenda n aka raera Ovajuuta kutja o Jesu ngue mu verukisa.¹⁶NOvajuuta otji va utire okutatumisa Jesu nave paha okumuzepa, orondu tja tjitire ovina mbi mejuva resabata. ¹⁷Nunguari Jesu Ue ve zira, Tate U ungura ngamba, nu Ami otji Mbi ungura. ¹⁸Ovajuuta opu va pahere okumuzepa okukapita, mena rokutja Eje ka katukire esabata poruaro, nunguari rukuao Eje ua tjere Mukuru o Ihe, mu nao ame ritekasanisa puena Mukuru.¹⁹Nu Jesu otja zira Na tja kuvo, Tjiri, tjiri Me tja nai kuene, Omuna kena tjna Tje ri ungurira ku Je omuini, pendje na itji tji ma munu Ihe ama ungura. Orondu ovina kaani avihe mbi Ma ugura, ovina imbio Omuna Ombie ungura momuano otjingeuo. ²⁰Orondu ingui Ihe ua suvera Omuna, nu otje Mu raisira ovina avihe Eje omuini mbi Ma ungura. Nu Meje ku Mu raisira oviungura ovinene pu imbi kutja mu temue.²¹Orondu otja ingui Ihe The pendura ovati, nu Eve hupisa, momuano otjingeuo Omuna otje hupisa auhe ngu Ma vanga. ²²Orondu ingui Ihe kena mundu ngue pangura, nunguari ua jandja ombanguriro aihe kOmuna. ²³Kutja ovandu avehe ve tenge Omuna tjimuna tji va tenga Ihe, Ingui ngu hina ku tenga Omina ken a ku tenga ingui Ihe ngue Mu hinda.²⁴24 Tjiri, tjiri Me tja nai kuene, Ingui ngua zuu embo Randje, na itavere mu ingui ngue Ndji hinda, una omuinj uaaruhe nu kena ku ja kombanguriro, nunguri ua kondere komuinjo okuza kondiro.²⁵Tjiri, tjiri, Me tja nai kuene, oruveze maru ja norondui, ovati tji maveje kuzuva eraka rOmuna ua Mukuru; nu imba mba zuu mave hupu.²⁶Orondu otja ingui Tate, Tje nomuinjo mu Je omuini, nao Eje otja jandja kOmuna kutja a kare nomuinjo mu Je omuini, ²⁷Nu Eje Ue Mu pa ouvara okujeta ombanguriro uina orondu Eje Omuna uOmundu.²⁸Amu himisiuai itji, orondu oruveze maruja, avehe mbe ri momaendo ndu ma ma zuu eraka Re, ²⁹Nu maveje ku pita, imba mba ungura ouua kombendukiro jomuijnjo, nu imba mba ungura ouvi kombendukiro jombanguriro.³⁰Ami kuami omuini hina tji Me jenene okuitjitira.Ojta tji Mba zuu Mbi pangura, nombanguriro Jandje osemba, orondu Ami hi paha ombango Jandje omuini, nunguari ombango ja ingui Tate ngue Ndji hinda. ³¹Tji Mbe rihatoire omuini, ouhatoi Uandje ka uatjiri. ³²Pena Uarue ngu hatoirira Ami, nu Me tjiua kutja ouhatoi Mbue hatoirira nauo Ami ouatjiri.³³Ene mua hindire ku Johanesa neje a hatoirire ouatjiri. ³⁴Nunguari Ami hi jakura ouhatoi uovandu, novena Me hungire kutja ngahino mu jamue. ³⁵Eje uari erambe nda jaka nda jere, nene mua vangere okujoroka mondjerera je okaruveze okasupi.³⁶Nu Ami Mbina ouhatoi ounene okukapita imbui oua Johanesa, orondu oviungura imbi Tate mbie ndjipa kutja Mbi mane, oviungura imbi mbi ungura ovine vi hatoirira Ami, kutja ingui Tate Ue Ndji hinda. ³⁷Nu ingui Tate omuini ngue Ndji hinda, Ue Ndji hatoira. Ene kamuna ndi mua zuvire eraka Re nangarire, poo okumuna omuhapo Ue. ³⁸Nu kamuna embo Re nda tura muene, orondu ene kamu itavere mu ingui ngua hinda.³⁹Ene mu pianga omatjangua, orondu mutjangovasi mu uo ene mu nomuinjo uaaruhe. Nouo o nge hatoirira Ami. ⁴⁰Nne kamuja ku Ami kutja mu kare nomuinjo.⁴¹Ami hi jakura ondengero movandu. ⁴²Nunguari Ami Mbi muii kutja kamuna rusuvero rua Mukuru muene.⁴³Ami Mbeja Mena raTate, nunguari ene kamu Ndji jakura. Nu uarue tjeja mena re omuini ingo mama mu jakura. ⁴⁴Mamu itavere vi, ene mbu mu jakura ondengero, umue okuza komukuao, na mu ha paha ondangero indji ndjiza ku Mukuru porue?⁴⁵Ngaa mu ripura kutja Ami Me mu vara ovanandjo ku Tate, pena uarue ngu me mu vara ovanandjo, ingui Mose ngu mue rijamekako. ⁴⁶Orondu andaku mua itaverere mu Mose andaku mua itavera mu Ami, orondu eje ua tjanga ohunga na Ami. ⁴⁷Nunguari tji mu hina ku itavera omatjangua Ue, mamu itavere vi omambo Uandje?

¹Kombunda jovina mbi Jesu ua konda omuronga ua Galilea, okutja, omuronga ua Tiberias, ²Notjimbumba otjinene tjovandu tje Mu kongorerere, orondu ovo va muna ovihimise mbi ja tjiti movavere. ³Nu Jesu Ua rondo kondundu n aka haama pehi puena ovahongeua Ve.⁴Nu Omarurumino, omukandi uOvajuuta uari popezu. ⁵Nu Jesu tja jera omeho Ue, nu A munu otjimbumba otjinene tjija tjija ku Je, Eje Ua tja ku Filipus, Matu randa pi omboroto kutja imba verie? ⁶Eje Ua tja nai okumurora, orondu ija tjiua hapo kutja Meje ku tjita vi.⁷Filipus ue Mu zira, Ozomboroto zovimariva omasere jevari kanaa I jenene kuvo, kutja auhe a toore okana okatiti uriri. ⁸Andreas, umue uovahongeua Ve, omuangu ua Simon Petrus, ua tja nai ku Je, ⁹Pena okazandona imba ku kena ozomboroto ndano zovigarasa, nomahundju jevari outiti, nunguari imbio ovikuae mouingi mbu tamba.¹⁰Nu Jesu Ua tja, Ve haamiseje pehi. Nu pari nehozu eningi pona mbo. Ovandu otji va haama pehi, mangara omajovi jetano kotjivarero. ¹¹Nu Jesu ua toora ozomboroto, nu tjaza nokutja okuhepa, Ueze hanene kovahongeua, novahongeua ku imba mba haamene pehi. Nu momuano otjingeuo inga omahundju, pokuvanga kuao. ¹²Novo tji vaza nokukuta Eje Ua tja kovahongeua, Uongeje outekero mbua hupu, ape pandjara okana.¹³Novo opuve u uongera pamue nu ave urisa ovimbamba omurongo navivari noutekero uozomboroto ndano zovigarasa mbua hupa ku imba mba ria. ¹⁴Kuzambo imba ovandu imbo tji va muna otjihimise itji Jesu tja ungura, vatja, Ingui tjiri Eje Omuprofete, ngu me ja mouje. ¹⁵Nu Jesu tja tjiza kutja ovo vari poo ku Mu toora komasa, okumuungura ombara, Ua zapo rukuao nai kondundu peke.¹⁶Nongurova tji je ja, ovahongeua Ve va hita momuronga. ¹⁷Novo va hitire mokaskepi, nave kondo omuronga ava hungama kOkapernaum. Kua zorerere hapo nu Jesu ngunda ae hi jeja kuvo. ¹⁸Nomeja momuronga ja zunganene mena rotjivepo otjinamasa tji ja tji singi.¹⁹Novo tji vaza nokuhinga mangara va muna Jesu ama kaenda momuronga nu Ama riama posi joskaskepi, novo arire tji va tira tjinene. ²⁰Nunguari Eje Ua tja kuvo, Ouami, amu tira. ²¹Novo ve Mu jakura mokaskepi, ama ve vanga. Nu tjimanga okaskepi ka kara kehi ku ja vei.²²Nu mejuva ependukirua, ovandu imba mba kuramene hembandina tji va muna kutja kapari kaskepi karue okakuao pendje na inga ovahongeua va Jesu mu va rondere, nu tjiva muna kutja Jesu ka rondere mokaskepi puena ovahongeua ve, nokutja ovahongeua Ve va ire peke, ²³Nunguari ouskepi oukuao mbua zire kOtiberias, posi jopona imba pu va rira omboroto, Muhona tjaza nokujandja ondangi,²⁴Novandu tjiva muna kutja Jesu kepo na imba ovahongeua Ve uina, ovo oveni va hita mouskepi na vei kOkapernaum, amave paha Jesu. ²⁵Novo tji ve Mu vaza hembandina jomuronga, va tja ku Je, Rabi, Ue ja rune nguno?²⁶Jesu Ue ve zira Na tja kuvo, Tjiri, tjiri Me tja nai kuene, Kamuna ku Ndji pahera kutja mua muine ovihimise, nunguari oemna rokutja mua rire ozomboroto na mu kuta. ²⁷Amu ungurire ovikuria mbi mavi janda, nunguari imbi mbi mavi tuara komuinjo uaaruhe, imbi Omuna uOmundu mbi Me mu pe. Orondu Mukuru Ihe Ue Mu haka.²⁸Novo otji va tja ku Je, Ngatu tjite vi kutja tu ungure oviungura via Mukuru? ²⁹Jesu Ua zira Na tja kuvo, Otjiungura tja Mukuru otjo tji, kutja mu itavere mu ingui ngua hinda.³⁰Novo otji va tja ku Je, Nu Ove motu raisire otjisanekero tja tjike vari, kutja tu mune nu tu itavere Move? Mo ungura tjike? ³¹Ootate va rire omana mokuti ongaango, otja tji pa tjangua, Eje U eve pere omboroto ndjaza mejuru okuria.³²Jesu Ua tja kuvo, Tjiri, tjiri, Me tja nai kuene, Mose ke mu pere omboroto ndjo okuza Mejuru, nguari Tate Uandje mape ene omboroto ja katjiri okuza Mejuru. ³³Orondu omboroto ja Mukuru Eje ngui ngu mazu Mejuru na jandja omuinjo kouje. ³⁴Novo otji va tja nai ku Je, Tu pao omboroto indji aruhe.³⁵Jesu Ua tja kuvo, Ouami omboroto jomuinjo. Auhe ngu me ja ku Ami kanaa tondjara, nauhe ngu ma itavere mu Ami, kanaa tonjota. ³⁶Nunguari Ami mba tja nai kuene, Kutja ne mue Ndji muna nu ka mu itaverere ko. ³⁷Avehe Tate mba andja mave ja ku Ami, nu ingui ngue ja ku Ami, hinee mu imbirahi ko.³⁸Orondu Ami Hi herukire okuza Kejuru oku tjita ombango jandje, nunguari ombango ja ingui ngue Ndji hinda. ³⁹Nu indji ojo ombango ja ingui Ihe ngue Ndji hinda, kutja imbi avihe mbie Ndjipa E ha pandjarisa ko tjimue, nunguari Mbi tji pendure mejuva romaandero. ⁴⁰Nu indji ojo ombango ja ingui ngue Ndji hinda, kutja auhe ngua munu Omuna na itavere mu Je, tjaa a kare nomuinjo uaaruhe. Nu Ami Me mu pendura mejuva romaandero.⁴¹Novajuuta otji ve mu unaunina, orondu Ua tja, Ouami omboroto ndja heruka okuza Kejuru. ⁴²Novo va tja, Ingui ka Jesu, omuna ua Josef, uooihe na ina mbu tui are? Nambano Ingui onguae tji ma tja, Ami Mba heruka okuza Kejuru.⁴³Jesu otja zira Na tja kuvo, Amu unauna mokati kenu oveni. ⁴⁴Kapena mundu ngu ja ku Ami, andu ingui Ihe ngue Ndji hinda Tje mu nanene ku Je. Nu Me mu pendura mejuva romaandero. ⁴⁵Pa tjangua movaprofete, Navehe mave hongua i Mukuru. Omundu auhe ngua zuu na hongua i ingui Ihe, otji me je ku Ami.⁴⁶Kakutja pena omundu umue ngua muine ingui Ihe, pendje na ingui oua Mukuru, Eje Ua muna ingui Ihe. ⁴⁷Tjiri, tjiri, Me tja nai kuene, Ingui ngu ma itavere mu Ami, unomuinjo uaaruhe.⁴⁸Ouami omboroto jomuinjo. ⁴⁹Ooiho va rire omana mokuti ongaango, nu va koka.⁵⁰Indji ojo omboroto ndja heruka okuza Kejuru, omundu ndji ma jenene okuria ko na ha koka. ⁵¹Ouami Omboroto Onamuinjo ndja heruka okuza Kejuru. Auhe ngu mari komboroto ndji ma kara nomuinjo ngaaruhe. Nu tjiri omboroto ndji Me jandja onjama Jandje.⁵²Novajuuta va patasanene mokati kavo oveni nave tja, Omurumendu ingui Me tu pe vi onjama Je okuria? ⁵³Jesu Ua tja nai kuvo, Tjiri, tjiri Me tja nai kuene, Andu tji mua ri onjama jomuna uomundu, na munu ombindu Je kamuna muinjo muene.⁵⁴Auhe ngua ri onjama jandje na nu ombindu Jandje, u nomuinjo uaaruhe, nu Me mu pendura mejuva romaandero. ⁵⁵Orondu onjama Jandje ovikuria katjiri, nmbindu Jandje omanuua katjiri. ⁵⁶Ingui ngua ri onjama Jandje na nu ombindu Jandje, ma kara mu Ami, nu Ami E kara mu je.⁵⁷Notja ingui Ihe Omunanuinjo tje Ndji hinda, nu tji Mbi hupa mu ingui Ihe, ingui ngu ma ri Ami ma kara nomuinjo mu Ami uina. ⁵⁸Indji ojo omboroto ndja heruka okuza Kejuru, ka iri otja ooiho tji va ria omana nu va koka. Ingui ngu ma ri omboroto ndji ma hupu ngaaruhe. ⁵⁹Ovina imbi Eje Ue vi hungirire mosinagoge, otja tji ja hongo kOkapernaum.⁶⁰Novengi vo vahongeua Ve tji va zuva, va tja, Inga omambo omazeu, ouani ngu me je zuu. ⁶¹Nunguari Jesu Ua tjivirue mu Je omuini kutja ovahongeua Ve va unaunina itji, nu Eje otja tja kuvo, Mamu pindikisiua i itji?⁶²Nu mape kara vi tji mua munu Omuna uOmundu Ama rondo ingui kari hapo? ⁶³Ombepo o ndji jandja omuinjo, onjama ka ina tji i kotora nangarire. Omambo ngu Me hungire kuene ombepo nomuinjo.⁶⁴Nunguari pena vemue muene mbe ha itavere. Orondu Jesu Ua tjivirue okuza kombutiro imba mbe ha itaverere kutja oovene, nokutja ingui ngu me ke Mu horora ouani. ⁶⁵Nu Eje Ua tja, Ami opumba tjera nai kuene, kutja kapena mundu ngu me ja ku Ami, andu tji pa jandjeua ku je i Tate.Tate, ingui Ihe⁶⁶Okuza moruveze induo ovengi vovahongeua Ve va jaruka ombunda, nave ha uhuara amave kaenda puena Je. ⁶⁷Nu Jesu otja tja nai ku imba omurongo navevari, Ene uina mamu zeri okujenda? ⁶⁸Simon Petrusa otje Mu zira, Muhona, ete matu i kuani? Ove u nomambo uomuinjo uaaruhe. ⁶⁹Nu ete tu itavera nu tu tjiua katjootjiri kutja Oove Kriste, Omuna ua Mukuru Omunamuinjo.⁷⁰Jesu Ue ve zira, Hi mu toororere omurongo navevari are, nu umue uenu omunauvi? ⁷¹I ja hungire komunda ua Judas Iskariot omuna ua Simon, orondu eje onguari popezu nokumuhorora, aeri umue ua imba omurongo navevari.(Okuza imba nga….

¹Kombunda jovina imbi Jesu ua riangere mo Galilea, orondu tji ja ha jenene oku rianga mo Judea mena rokutja Ovajuuta ija ve zeri oku mu zepa. ²Nambano omukandi uOvajuuta uo viranda uari popezu.³Nu ovamuangu ve va tjere nai ku Je, Sekama imba nu u jende koJudea, kutja ovahongeua voje ovo uina ve ka mune oviungura mbi u tjita. ⁴Orondu kapena mundu ngu horeka oviungura vie nu eje ama zeri oku tjiukua porutjandja. Ove riraisa omuini kouje orondu u ungura ovina imbi.⁵Orondu na imba ovamuangu ve kaa ve itavere muje. ⁶Indino Jesu uatja nai kuvo, Oruveze ruandje karuje ja: nunguari oruveze ruenu ru kara arua tumbuka aruhe. ⁷Ouje kanaa u mu njengua: nunguari u njengua Ami orondu ami mbi hongonona komunda uauo, kutja oviungura viauo ovirunde.⁸Ene tuendee komukandi imbui: Ami hina ku jenda komukandi imbui nai orondu oruveze ruandje karuja jenenisiua. ⁹Tjaza nokuhungira omambo inga kuvo, Eje arire tja kara pehi mo Galilea.¹⁰Nunguari ovamuangu ve tji vazu noku jenda, Eje uina arire tja sekama oku jenda komukandi; nu Eje ka kaendere porutjandja nunguari kaenda ame rihoreke. ¹¹Ovajuuta ve mu pahere momukandi nu avetja, Eje u ri pi?¹²Nu pa kara omazumazumino tjinene komunda Ue mokati kovandu, tjiva ama vetja Eje omundu omuua: ovakuao ama vetja, aje kako, Eje u pukisa ovandu. ¹³Nunguari kapena mundu ngua hungirire komunda Ue porutjandje mena rokutira Ovajuuta.¹⁴Nambano pokati komukandi Jesu arire tjai kondemberi nu a hongo. ¹⁵Nu Ovajuuta va himinue nu ave tja, Omurumendu ingui ondjiviro jomambo ue ji isapi, je a e ha hongerue? ¹⁶Jesu ue ve zira nu atja, Okuhonga kuandje, ka kuandje, nunguari okua ingui ngue ndji hinda.¹⁷Auhe ngu ma ungura ombango je, eje meje ku tjiua okuhonga ingui kutja okua Mukuru poo mbi ri hungirira oveni. ¹⁸Ingui ngu me rihungirire omuini tjandje me ri pahere ondjozikiro: nunguari ingui ngu ma pahere ingui ngue mu hinda ondjozikiro, eje omuna uatjiri, nu kamuna ouhasemba muje.¹⁹Mose ke mu pere oveta are? Nu na tji peri nao kapena umue mokati kenu ngu takamisa oveta. Onguae tji mamu zeri oku ndji zepa? ²⁰Ovandu va zira nu avetja, ove ua huurua ijombepo ombi: ouani ngu ma zeri oku kuzepa?²¹Jesu ua zira nua atja nai kuvo, Ami mba ungura otjiungura tjimue nu ene amuhe amu himua. ²²Mose ue mu pere omasukarekero (nangarire tji je ha zire ku Mose nunguari koo iho;) nu ene mesabata mu sukarisa omurumendu.²³Nu omundu the jenena okusakarisiua mesabata, kutja oveta ja Mose ai ha katukua, onguae tji mue ndji pindikire mokutja Ami mesabata mba verukisa orutu ruomundu aruhe? ²⁴Amu pangura otja kombunikiro nunguari pangureje nozombanguriro ozosemba.²⁵Indino venue va imba ova Jerusalem va tjere, Tjii ingui kaje ingui ngu mave zeri oku zepa? ²⁶Nu tara, ma hungire pomurungu uo vandu, nu kavena tji mave hungire ku Je. Poo rumue ovanane mave tjiua naua kutja ingui Eje Kriste katjootjiri. ²⁷Nunguari ete matu tjiua omurumendu ingui ka za: nu ingui Kriste tji meja kapena ngu ma tjiua Eje ku ma zu.²⁸Nu Jesu otja ravaera mondemberi otja tjija hongo, nu atja, Ene ma mu Ndji tjiua nu rukuao mama tjiua kutja mba za pi; nunguari Ami hi rijetere omuini, Ingui ngue ndji hinda eje ouatjiri nu ene ka mu muii. ²⁹Nunguari Ami Mbi muii, orondu Mbaza ku Je, nu Eje Ue Ndji hinda.³⁰Novo va zerire okumukambura, nunguari kapena ngua tuako omake ku Je, orondu oruveze Rue ngunda tjandje ka ru je ja. ³¹Novengi vovandu va itaverere mu Je, nave tja, Ingui Kriste tji me ja meje ku ungura ovihimise okukapita imbi omurumendu ingui Mbia ungura. ³²Ovafarisei va zuvire kutja ovandu ija ve hokora ovina mbiri nai ohunga na Je. Novafarisei novapristeri ovanene va hindire ovaungure vo veta kutja v eke Mu kambure.³³Nu Jesu otja tja nai kuvo, Okaruveze okasupi ngunda Mbiri puena ene, nu kuzambo Mei ku ingui ngue Ndji hinda. ³⁴Ene mamu je ku Ndji paha namu he Ndji munu. Nu kumbiri ene kanaa mu ja.³⁵Novajuuta otji va tjere nai mokati kavo oveni, Eje u ri poo kujenda pi ete ku tu hina ku Mu muna? Eje uri poo ku jenda Komarimbarero Movahirika, nokukahonga Ovahirika? ³⁶Omambo jene inga ngu Ma hungire, Mamu je ku Ndji paha nu kamuna ku je ku Ndji muna, nu ku Mbiri, kamuna ku ja.³⁷Mejuva romaandero, ejuva indi enene romukandi, Jesu Ua sekama, Na tja nai neraka enene, Omundu auhe ngu nonjota, ngeje ku Ami eje kunua. ³⁸Ingui ngu ma itavere mu Ami, otja omatjangua pu ja tjere, okuza mezumo re mamu pupu ozondondu zomeja omanamuinjo.³⁹(Nunguari Eje ija hungire itji ohunga Nombepo, Indji imba mba itavera mu Je Ndji va sere okujakura, Orondu Ombepo Ondjapuke tjandje ngunda ka I ja jandjeua, orondu tjandje Jesu ngunda Ke ja jerisiua.⁴⁰Novengi vovandu tjiva zuva omambo inga otji va tja, Tjiri ingui eje Omuprofete. ⁴¹Varue va tja, Ingui o Kriste. Nunguari tjiva va tja, Kriste uasokuza mo Galilea? ⁴²Omatjangua ka je tjere, Kriste mazu mondui ja David, namo tjihuro tja Bethlehem David ma ri?⁴³Nu otji pa kara omahanikiro mokati kovandu mena Re.Litv ⁴⁴Tjiva muvo va vangere okumukambura, nu kapena mundu ngua tuire omake ku Je.⁴⁵Novaungure vo veta otji veja kovapristeri ovanene Novafarisei. Novo va tja kuvo, Onguae tji mu he Mu jetere? ⁴⁶Ovaungure voveta va zira, Kapena mundu ngua hungirire otja omurumendu ingui.⁴⁷Novafarisei otji ve ve zira, Ene uina kamu pukisirue nai? ⁴⁸Pena umue uovanane poo uo Vafarisei ngua itaverere mu Je? ⁴⁹Nunguari ovandu imba mbe ha tjiua oveta imba va sengua.⁵⁰Nikodemus ua tja nai kuvo, (ingui ngueja ku Jesu ongurova, nguari umue uavo), ⁵¹Tjii oveta jetu i pangura omundu ngunda ai hije mu zuva, nokutjiua tje ungura? ⁵²Ovo va zira nave tja nai ku je, Ove uina oove o ua Galilea? Paha nu u mune, kutja kapena muprofete nguza ko Galilea.⁵³Nomundu auhe uaja kondjiuo je omuini.

¹Nunguari Jesu Ua ja kondundu jomininga. ²Nu muhuka omunene Eje ue ja rukuao mondemberi, novandu avehe ave ja ku Je, nu Eje Ua haama pehi nu E ve hongo. ³Novatjange nOvafarisei, va ete ku Je omukazendu ngua kamburua ama katuka orukupo, nu tji vaza nokumukuramisa pokati,⁴Ave tja ku Je, Muhonge, omukazendu ingui ua vazeua ama katuka korukupo, mo tjiungura tja po otjini. ⁵Nambano Mose moveta ue tu pangurire kutja, vasokuvetua omaue. Nunguari Ove Mo tjavi? ⁶Va hungirire nai, okumurora, kutja nani mave munu ezeva rokumuvara omunandjo. Nunguari Jesu Ue rikota, nu A tjanga mehi nomunue Ue, aajo tjimuna kena ku ve zuva.⁷Novo otji ve ha kuramisire okumupura, nu Eje Ua tumunuka osemba, Na tja nai kuvo, Ingui ngu hina uvi mokati kenu nge mu ube eue etenga. ⁸Nu Eje Ue rikota rukuao Na tjanga mehi.⁹Nu imba mba zuva, va vererue ijourizemburuka uao, nave piti koumueumue, okuza komunene nga kouomaandero. Nu Jesu Ua seerue peke puena omukazendu ngua tuiirue pokati. ¹⁰Nu Jesu tja tumunuka osemba, Na ha munu uarue pendje nomukazendu, Eje Ua tja ku je, Mukazendu, imba ovekuvare vondjo ve pi? Kapena mundu ngue ku pangura? ¹¹Neje ua tja, Kepo Muhona. Nu Jesu Ua tja ku je, Na Ami hina kuku pangura. Kaende nu okakatuka rukuao.¹²Nu Jesu Ua hungira rukuao kuvo, amatja, Ouami Ondjerera jouje. Ingui ngu Me Ndji kongorere kanaa kaenda mondorera, nunguari ma kara nondjerera johupo. ¹³Novafarisei otji va tja nai ku Je, Mo ri hatoire omuini, ouhatoi uo Je ka uatjiri.¹⁴Jesu Ua zira Na tja kuvo, Noondi Me rihatoire omuini, ouhatoi Uandje ouatjiri, orondu Ami Me tjiua ku Mba za na ku Me i. Nunguari ene kamuna ku tjiua ku Mba za na ku Me i. ¹⁵Ene mu pangura otja konjama. Ami hina ngu mbi pangura. ¹⁶Nunguari nangarire tji Mba pangura, ombanguriro Jandje ouatjiri, orondu Hi rip eke, nunguari Ouami na ingui Tate ngue Ndji hinda.¹⁷Nu moveta jenu pa tjangua kutja, ouhatoi uovandu vevari ouatjiri. ¹⁸Ami Ouami ngu Me rihaoire, nu ingui ngue Ndji hinda, ingui Tate, U hatoira ohunga na Ami.¹⁹Nu otji va tja nai ku Je, Iho u ri pi? Jesu Ua zira, Ene kamu tjiua Ami poo Tate. Andaku mue Ndji tjiua, otji tja mu tjiua Tate uina. ²⁰Jesu Ua hungiririre omambo inga mombuikiro, Ama hongo mondemberi, nu kapena umue ngue Mu kamburire orondu oruveze Rur tjandje ngunda karu je ja.²¹Jesu Ua tja nai kuvo rukuao, Ami Me i. Nene mamu je ku Ndji paha. Nu mamu je ku tira mouvi uenu. Ku Me i, ene kamuna ku ja ko,kujako. ²²Novajuuta otji va tja, Tjii Eje Me Ri zepa, tjinga ama tja, Ku Me i, ene kamuna ku ja ko.²³Nu Eje Ua tja nai kuvo, ene muaza kehi; Ami mba za kombanda. Ene mua za mouje mbui; Ami Hi zire mouje mbui. ²⁴Opu Mba tjere mamu tire momauvi uenu. Orondu tji mu hina ku itavera kutja OUAMI, mamu tire momauvi uenu.²⁵Novo otji va tja ku Je, Oove une? Nu Jesu Ua tja kuvo, Ingui ngu mbe mu raera okuaz kombutiro. ²⁶Mbi novina ovingi okuhungira nokupangura ene muvio, Nunguari ingui ngue Ndji hinda Eje ouatjiri, nu Mbi hungira kouje ovina imbi mbi mba zuvire mu Je. ²⁷Novo kave pangununine kutja Eje ua hungirire kuvo ohunga na ingui Tate.²⁸Nu Jesu otja tja nai kuvo, Tji mua zu nokujera Omuna Uomundu, otji mamu je ku tjiua kutja OUAMI, nokutja Hi tjiti otjina kuami omuin, nunguari otja Tate Tje Ndji hongere, toji Mbi hungira ovina mbi. ²⁹Ingui ngue Ndji hinda u ri puena Ami. Ingui Tate Ke Ndje sire peke, orondu Ami aruhe Mbi ungura ovina mbi mu tjatera. ³⁰Eje tji ja hungire omambo inga ovengi va kamburire mu Je.³¹Nu Jesu otja tja Kovajuuta imba mba itavera mu Je, Ene tji mua pandere Pembo Randje, ouene ovahongeua vandje tjiri. ³²Nu mamu tjiua ouatjiri, nouatjiri au mu kutura. ³³Ovo ve Mu zira, Ouete ondui ja Abraham, nu katuna pu tuari momapando ua rive. Mo heje vi kutja, matu kuturua.³⁴Jesu Ue ve zira, Tjiri, tjiri, Me tja nai kuene, Auhe ngu hupa ohupo jouvi otjitikiha tjouvi. ³⁵Notjitikiha katji karerere mondjiuo, nunguari omuna u karerera. ³⁶Nu Omuna Tje mu kutura mamu kutuka katjootjiri.³⁷Me tjiua kutja ouene ondui ja Abraham, nunguari mamu vanga okundjizepa orondu Embo Randje ka ri na ruveze muene. ³⁸Ami Mbi hungira mbi Mba muna puena Tate, nene, otji muasokutjita imbi mbi mua muna puena iho.³⁹Ovo va zira nave tja ku Je, Abraham o Tate uetu. Jesu Ue ve zira, Andaku ouene ovanatje va Abraham itja mu ungura oviungura via Abraham. ⁴⁰Nunguari nambano mamu paha okundjizepa, omurumendu ngue mu raera ouatjiri mbu Mba zuva mene ra Tate. Abraham ka tja tjita nai. ⁴¹Mu tjita ovitjitua via iho. Ovo otji va tja nai ku Je, Ete ka tu kuatererue moruvakiro. Tuna tate umue uriri, nguri Mukuru.⁴²Jesu Ua tja kuvo, Andaku Mukuru o iho, itja mu Ndji suvera, orondu Ami mba pita, Ame zu mu Mukuru; orondu Ami Hi ri jererere omuini, nunguari Eje Ue Ndji hinda. ⁴³Nu onguae tji mu ha pangununa okuhungira Kuandje? O mokutja kamu jenene okuzuva omambo Uandje. ⁴⁴Ouene ovaiho Saatana, nozonduma za iho ondu mu tjita. Eje uari omuzepe okuza kombutiro, neje ka karere mouatjiri orondu kamuna uatjiri mu je. Tjima hungire otjizeze, u hungira okuza mu je omuini, orondu eje omuna vizeze, nonguri ihe javio.⁴⁵Nu mokutja Me mu raere ouatjiri, kamuna ku itavera mu Ami. ⁴⁶Ouani mkati kenu ngu me Ndji varura ouvi? Nu tji Me hungire ouatjiri, onguae tji mu hina ku itavera Ami. ⁴⁷Ingui ngu ri oua Mukuru u zuva omambo ua Mukuru. Nunguari ene tji mu heje zuu, o mokutja kauene ova Mukuru.⁴⁸Indino Ovajuuta ve Mu zirire nave tja ku Je, Katu hungire osemba tji tu tja Oove Omusamaria nu u nombepo ombi are? ⁴⁹Jesu Ua zira, Hina mbepo ombi, nunguari Mba jozika Tate, nunguari ene mu Ndji tengurura.⁵⁰Nu Ami hi paha oujere Uandje omuini, nunguari pena Umue Ngu u paha nu Ngu pangura. ⁵¹Tjiri, tjiri, Me tja nai kuene, Omundu tja takamisa Embo Randje kanaa munu ondiro.⁵²Nu Ovajuuta otji va tja ku Je, Nambano matu tjiua kutja u nombepo ombi. Abraham novaprofete va ta, nu Ove mo tja, Omundu tja takamisa Embo Randje, eje kanaa roro ondiro. ⁵³Ove ua kapita Tate Abraham ngua ta? Novaprofete va ta; mokondjo okuriungura omukendu?⁵⁴Jesu Ua zira, Tji Me ri jerisa omuini, oujere Uandje ka tjina; o Tate ngu jerisa Ami, ingui ngu mamu tja onguri Mukuru uenu. ⁵⁵Noo ndi mu he Mu tjivirue, nunguari Ami Mbi muii. Nu tji Mba tja hi Muii, Me rire omunavizeze tjimuna ene. Nunguari Ami Mbi Muii nu Mbi takamisa Embo Re. ⁵⁶Iho Abraham ua jorokerere okumuna ejuva Randje, ne ri munu, na tjaterua⁵⁷Ovajuuta otji va tja ku Je, Ngunda ko ja kambura ozombura omirongo vitano, nu Ove Ua muna Abraham? ⁵⁸Jesu Ua tja nai kuvo, Tjiri, tjiri, Me raere ene, Ngunda Abraham ae hija kara ko, OUAMI! ⁵⁹Ovo otji va toora omaue okumuveta. Nunguari Jesu ua tara Na piti mondemberi, A tuurunga mokati kao Na kapita.

¹Neje tji ma kapita a rire tja munu omundu ngua kuatua omupotu. ²Novahongeua Ve ve Mu purire, amave tja, Muhonge, Ouani ngua katuka, omurumendu ingui poo ovakuate ve, eje tja kuatua omupotu?³Jesu Ua zira, Naingui omurumendu ingui poo imba ovakuate ve, kapena ngua katuka, nunguari okutja oviungura via Mukuru vi raisirue mu je. ⁴Ami mbasokuungura oviungura via Ingui ngue Ndji hinda ngunda a kuri omutenja. Ongurova ma i ja auhe ndje hina ku sora okuungura mu jo. ⁵Ngunda A mbiri mouje, Ouami ondjerera jouje.⁶Eje tja za nokuhungira nai Ua tjekera pehi, Na ungura orunoko nomate, Na sopora omeho uomurumendu ingui omupotu norunoko, ⁷Na tja ku je, Kaende, u ke rikohe merindi ra Siloam, (tji pa tanaurua okutja, Tumua). Eje otja kaenda nekerikoha, na kotoka ama munu.⁸Ovararanganda, na imba mbe mu muine hapo kutja omupotu, otji va tja, Ingui kaje ingui ngu ja haama na ningire oviousiona. ⁹Tjiva va tjere, Ongurije. Varue va tjere, U asana ku je. Eje ua tjere, Ouami.¹⁰Ovo otji va tja ku je, Omeho uo je ja patururua vi? ¹¹Eje ua zira Na tja, Omurumendu ngu isaneua Jesu, Ua ungura omunoko, Na sopora omeho uandje, Na tja, Kaende kerindi ra Siloam nu kerikohe. Nami ei ne kerikoha ne jakura okumuna. ¹²Novo otji va tja ku je, Eje u pi? Eje atja, Hina ku tjiua.¹³Novo va tuara Kovafarisei ingui hapo ngua ri omupotu. ¹⁴Nu jar i ejuva resabata Jesu tja ungura orunoko Na paturura omeho ue. ¹⁵Kuzambo Ovafarisei uina ve mu pura kutja ua jakura vi okumuna. Eje ua tja kuvo, Ua tua omunoko momeho uandje, name e rikoho nu me munu.¹⁶Novafarisei tjiva otji va tja, Omurumendu ingui ka ua MUkuru, orondu ka Japura esabata. Ovakuao va tja, Omundu omurunde ma ungura vi ovihimise otja imbio? Nu mua kara omahanikiro mokati kavo. ¹⁷Ovo va tja nai rukuao komurumendu ingui omupotu, Ove motjavi ohunga na Je, Eje tjinga a paturura omeho uo je? Eje atja, Omuprofete. ¹⁸Nunguari Ovajuuta kave itaverere ohunga na je, kutja uari omupotu, na jakura okumuna, nga tji va isana ovakuate va ingui ngua jakura okumuna.¹⁹Novo ve ve pura, amave tja, Ingui omuna ue nu ngu mamu tja ua kuatua omupotu? Nambano ma muu vi nai? ²⁰Ovakuate ve ve zira nave tja, Matu tjiua kutja ingui omuna uetu, nokutja eje ua kuatua omupotu. ²¹Nunguari kutja eje ma munu vi nai, ka tuna ku tjiua. Poo kutja ouani ngua paturura omeho ue, ka tuna ku tjiua. Eje ue kura, mu puree. Eje me ri hungirire.²²Ovakuate va hungira omambo nga orondu ovo ija ve tira Ovajuuta, orondu Ovajuuta va zuvasanene hapo kutja auhe ngua hongonona kutja Jesu o Kriste, ma rambua mosinagoge. ²³Ovakuate ve opuvazokutja, eje ue kura, mu puree.²⁴Ovo otji va isana omurumendu ingui ngua ri omupotu rukuao, nave tja ku je, Jandja oujere ku Mukuru. Matu tjiua kutja omurumendu ingui omurunde. ²⁵Eje ua zira Na tja, Kutja omurunde poo, hina ku tjiua. Otjina tjimue tji me tjiua okutja mbari omupotu nu nambano me munu.²⁶Ovo otji va tja nai ku je rukuao, Eje Ua tjiti vi kove? Ua paturura vi omeho uo je? ²⁷Eje u eve zira, na tja, Ami mbe mu raere hapo nu kamu zuvire. Onguae tji mamu vanga okupuratena rukuao. Mamu zeri okurira ovahongeua ve uina?²⁸Ovo otji ve mu hungira omambo omavi nave tja, Oove omuhongeua Ue; nunguari ouete ovahongeua va Mose. ²⁹Matu tjiua oukahu kutja Mukuru ua hungira kuena Mose, nunguari otja ku ingui omurumendu ngui, katu muii kaza.³⁰Omurumendu ua zira na tja nai kuvo, Pena otjihimise mu itji, kutja ene kamuna kujtiua kutja Eje ua za pi, nu Eje ua paturura omeho uandje. ³¹Nambano matu tjiua kutja Mukuru ka puratene ovarunde, nunguari omundu tje tira Mukuru, nu the tjita ombango je, Eje U mu zuvira.³²Nganda ouje a ua utire, kapeja zuvaka kutja omundu umue ua patururire omeho ua umue ngua kuatua omupotu. ³³Andaku omurumendu ngui ka ua Mukuru, ka tja tjita otjina. ³⁴Ovo va zira nave tja ku je, Ove ua kuaterua mouvi auhe, nu motu hongo. Novo ve mu nakera pendje.³⁵Jesu Ua zuva kutja ve mu nakere pendje, nu Tje mu vaza Ua tja ku je, Ove u itavera mo Muna ua Mukuru. ³⁶Eje ua zira na tja, Eje ouani, Muhona, Ami mbi itavere mu Je? ³⁷Nu Jesu Ua tja ku je, Ove ue Mu munu, nu Eje ongu ma hungire kuena ove. ³⁸Neje ua tja, Ami me itavere. Neje ue rikotamena ku Je..³⁹Nu Jesu Ua tja, Ami mbe jera ombanguriro mouje, kutja imba mbe ha munu ve mune, nokutja imba mbe muna ve potupare. ⁴⁰Nu tjiva vo Vafarisei mbaripuena Je, va zuva omambo inga nave tja ku Je, Ouete ovapotu uina? ⁴¹Jesu Ua tja nai kuvo, Andaku ouene ovapotu, ka tja mu kara nouvi. Nunguari mokutja mamu tja, tu muna ouvi uenu ouvi uenu otji u ri po.

¹Tjiri, tjiri Me tja nai kuene, Ingui ngu hina ku hitira pomuvero uotjunda tjozondu, nunguari ngu ma rondere mo nondjira jarue, ingo erunga nomupunde. ²Nunguari ingui ngu ma hitire momuvero onguri omurise uozondu.³Omutjaere uopomuvero u mu jezururira, nozondu ze zuva eraka re, neje u isana ozondu ze omuini komana, neze hongorere pendje. ⁴Nu tja pitisa ozondu ze omuini, u ze hongorera, nozondu a ze mu kongorere, orondu ze tjiua eraka re.⁵Nomundu ngu ze hei, kazena ku kongorera nunguari maze tupuka naze zupo puje, orondu kaze tjiua omaraka uovandu mbu ze hei. ⁶Jesu ua serekarera otjisasanekero tji kuvo, novo kave pangununine ovina Mbi ja serekarere kuvo.⁷Jesu otja tja nai kuvo, Tjiri, tjiri, Me tja nai kuene, Ouami omuvero uozondu. ⁸Avehe mbe ere komurungu Uandje omarunga novapunde, nunguari ozondu ka z eve zuvire.⁹Ouami omujero. Auhe ngu ma hitire mu Ami, eje ma jamua, nu ma hiti moukoto noku pita pendje, na munu omario. ¹⁰Erunga ka ri ja pendje, nokujera okuvavaka, nokuzepa, nokunjona. Ami Mbe jera kutja ve mune omuinjo, nu ve kare nauo kouingi.¹¹Ouami omurise omuua. Omurise omuua u jandjera ozondu ze omuinjo ue. ¹²Nunguari omukutua, ngu heri omurise, ngu heri omuni uozondu, u muna ombungu ama ija, na jesa ozondu na tupuka. Nombungu mai ze kamburra nai piza ozondu. ¹³Omukutua u tupuka mokutja eje omukutua, nu kena konatja nozondu.¹⁴Ouami omurise omuua, nu Mbi tjiua ozondu Zandje, nu Mbi tjiukua I inda o Zandje. ¹⁵Otja Tate Tje Ndji tjiua Ami uina otji Mbi Mu tjiua, nu Me jandjere ozondu omuinjo Uandje. ¹⁶Nu Mbi na ozondu ozonguao nde heri ozotjunda tji. Mba sokuzehonorera uina, nu mazeje ku zuva eraka Randje. Nu mazeje ku rira orupanda rumue nomurise umue.¹⁷Nu Tate Otje Ndji suvera, orondu Me jandja omuinjo Uandje, kutja Mbi u toore rukuao. ¹⁸Kapena mundu ngu u toora mu Ami, nunguari Mbi u jandja mombango Jandje. Mbi nouvara uoku u jandja, nu Mbinouvara uoku u toora rukuao. Etuako ndi Mbe riakura ku Tate.¹⁹Pa kara omahanikiro rukuao pokati Kovajuuta mena romambo inga. ²⁰Novengi vavo va tjere, U nombepo ombi, nu ua puruka. Mamu Mu puratenene tjike? ²¹Ovakuao va tja, Inga ka mambo uomundu nguna ombepo ombi. Tjii ombepo ombi mai jenene okupaturura omeho uovapotu?²²Nu jari Kojerusalema, momukandi Uomajandjero, nu kuari okupepera. ²³Nu Jesu ua riangere mondemberi Moruhito rua Solomon. ²⁴Novajuuta otji veja nave Mu kondoroka, nave tja, Mo tu ivaivisa ngapi, tji uri Kriste tu raera ongahukiro.²⁵Jesu Ue ve zira, Ami Mbe mu raera, nu kamu itaverere. Oviungura Mbi Mbi ungura mena ra Tate, vi hatoirira Ami. ²⁶Nunguari kamu itavere, orondu kauene vemue vozondu Zandje. Otja tji mba hungire kuene,²⁷Ozondu Zandje ze zuva eraka Randje, nu Ami Mbi zei, nu ze kongorera Ami. ²⁸Nu Ami Mbi zepa omuinjo uaaruhe, nozo kanaa ze pandjara ko, nu kapena umue ngu me ze pora meke Randje.²⁹Tate ngue ze jandja ku Ami Ua kapita avihe, nu kapena umue nguma jenene okuzepora meke ra Tate. ³⁰Ami na Tate ouete umue. ³¹Ovajuuta otji va toora omaue rikuao okumuveta.³²Jesu Ue ve zira, Mbe mu raisira oviungura ovingi oviua okuza ku Tate; otjiungura tjine muvio tji mamu Ndji vetere nomaue. ³³Ovajuuta ve Mu zira, amave tja, Katuna ku ku vetera otjiungura otjiua nomaue, nunguari omena, rokujamburura Mukuru, orondu ove auri omundu, mo ri isapo Mukuru.³⁴Jesu Ue ve zira, Kape tjangerue, moveta jenu, Mba tja, Ouene oomukuru. ³⁵Eje Tje ve isanene oomukuru imba embo ra Mukuru ku rejere, nomatjangua kanaa je tejeua, ³⁶Mamu tja nai ku ingui Mukuru ngua Japura na hindi mouje, Ove Mo jamburura Mukuru, mokutja Mba tja Ouami Omuna ua Mukuru.³⁷Tji Mbi ha ungura oviungura via Tate, amu itavere Ami. ³⁸Nunguari tji Mbi vi ungura, nangarire tji mu hina ku itavera Ami, itavereje oviungura kutja mu tjiue nu mu itavere kutja Tate U ri mu Ami, nu Ami Mbiri mu Je. ³⁹Ovo otji va vangere rukuao okumukambura, nu Eje ua heza momake uao.⁴⁰Nu Eje ua ja rukuao hembandina ja Jordan koruveze indui Johanesa ka papitisira rutenga, nu Eje A ka kara mbo. ⁴¹Novengi veja ku Je nave tja, Johanesa tjiri kena tjihimise tja tjitire, nunguari ovina ahihe mbia hungirire ohunga nomurumendu ingui viari ouatjiri. ⁴²Novengi va itavera mu Je ingo.

¹Nambano omurumendu uorive, Nasarusa ua Bethanie, otjihuro tja Maria nomuangu ue Martha, ua verere. ²Maria ingui ongua soporere Jesu novinuke, na piena ozombaze Ze nozondjise ze; nu Nasarusa omutena kue ongua verere.³Nu imba ovatena otji va raa ku Je, kutja, Muhona, Tara, ingui ngu Ua suvera ua vere. ⁴Nu Jesu tja zuva itji, Ua tja, Imbui ka mutjise mbu mau tuara kondiro, nunguari ouo ujere ua Mukuru, kutja, muuo Omuna ua Mukuru a hivirikue.⁵Nu Jesu Ua suverere Marta, nerumbi re, na Nasarusa. ⁶Nunguari tja za nokuzuva kutja ua vera, Eje ua kara omuajuva jevari kona kari. ⁷Nu kombunda ja nao arire tja tja kovahongeua Ve, Ngatu hite mOjedea rukuao.⁸Ovahongeua va tja ku Je, Muhonge, Oupe nai uriri Ovajuuta ijave kondjo okukuveta omaue, nu Mo jaruka ngo rukuao. ⁹Jesu ua ziririre, Kamuna zoiri omurongo nambari mejuva are? Omundu auhe ngu ma kaenda omutenja ka putara, orondu u muna ondjerera jouje mbui.¹⁰Nunguari omundu tji ma kaenda outuku, eje ma putara, orondu kamuna ndjerera mu je. ¹¹Eje tja za nokuhungira ovina mbi, Ua tja kuvo, Epanga re tu Nasarusa ua rara, nunguari Ami mei kutja Mbi kemupendure mozombotu.¹²Novahongeua Ve otji va tja, Muhona, eje tja rara ma kara naua. ¹³Nunguari Jesu ija hungire ohunga nondiro je, ovo amave tjangovasi ma hungire ohunga nomasuviro uokurara. ¹⁴Jesu opa hungirira ongahukiro kuvo Na tja, Nasarusa ua tu.¹⁵Nu Ami Mba tjaterua mena renu, kutja Hi Mba ri ngo, kokutja ene mu itavere. ¹⁶Nu Tomas, ngu isaneua Didimus, opa tjera nai kovahongeua ovakuao, Ete uina ngatu jende kutja tu k ate puena Je.¹⁷Nu Jesu Tje ja, Ue mu vazere aa rarisiua mejendo omajuva jane hapo. ¹⁸Nambano Bethanie tja ri popezu na Jerusalema, oure mangara uozomaela mbari. ¹⁹Novajuuta ovengi ve jere okuhuhumina Marta na Maria, ohunga nomutena kuao. ²⁰Nu Marta tja zuvire kutja Jesu me ja, ue Mu tjakanena, nunguari Maria ua haamene mondjiuo.²¹Nu Marta otja tja nai ku Jesu, Muhona, andaku Ove Ua ri mba, andaku omutena kuandje ka a tire. ²²Nunguari ami me tjiua kutja nangarire nai, atjihe tji Mo ningire ku Mukuru, Mukuru Me tji jandja Kove. ²³Jesu Ua tja nai ku je, Omutena kuee ma penduka rukuao²⁴Marta ua tja nai ku Je, Ami me tjiua kutja ma penduka rukuao mombendukiro, mejuva romaandero. ²⁵Jesu Ua tja nai ku je, Ouami ombendukiro nomuinjo. Ingui ngu itavera mu Ami, nanda tu, eje ma kara nomuinjo. ²⁶Nauhe ngu nomuinjo na itavere mu Ami kanaa tu nangarire.²⁷Eje ua tja ku Je, ii Muhona, mbi itavera kutja, Oove Kriste, Omuna ua Mukuru, ngua sere okuja mouje. ²⁸Neje tjaza nokuhungira nai, ua kaenda, naka isana erumbi re Maria movineja, ama tja, Omuhonge ue ja nu me ke isana. ²⁹Nu tja uta okuzuva nai, eje ua sekama tjimanga, nai ku Je.³⁰Nambano tjandje ngunda Jesu ke ja hita motjihuro, nunguari U ri poruveze otjingeruo Marta pa uanene na Je. ³¹Ovajuuta mbari puena e mondjiuo amave mu huhumina, tjiva muna kutja Maria ua sekama tjimanga na piti, otji ve mu kongorera, amave tja, Mai kombongo okukaririra ngo. ³²Nu Maria tje ja pona Jesu pa ri, ne Mu muna, otja uira pozombaze Ze, ama tja ku Je, Muhona, andaku Ove Ua ri mba, andaku omutena kuandje ka a tire.³³Nu Jesu Tje mu muna ama riri, Novajuuta mbe ere puenaje amave riri, otja nona mombepo na zungana, ³⁴Na tja, Mue mu rarisa pi? Novo va tja ku Je, Muhona, indjo u katare. ³⁵Jesu ariri.³⁶Novajuuta otji va tja, Tareje kutja Ue mu suvevrere vi. ³⁷Nu tjiva vao va tjere, Okutja omurumendu ingui ngua patururire omeho uomupotu, ka tja jenena okutjita kutja na ingui aha tu.³⁸Nu Jesu ama nono rukuao Muje Omuini, otje ja pombongo. Ojo jar i ondimba, neue ra tuiirue pombanda ja jo. ³⁹Jesu Ua tja, Isapueje indi eue. Marta omutena uomuti, ua tja ku Je, Muhona, moruveze ndui eje ma nuka, orondu u nomajuva jane a a ta. ⁴⁰Jesu Ua tja ku Je, Ami Hi ku raerere kutja tji mo itavere momunu ujere ua Mukuru.⁴¹Novo va isapo eue imba omuti pa rarisirue. Nu Jesu ua jera omeho Ue, Na tja, Tate Metja okuhepa Kove, orondu Ove Ue Ndji zuvire. ⁴²Nu Ami Me tjiua kutja Ove U Ndji zuvira aruhe, nunguari Mba tja nai mena rovandu imba mba kurama imba, kutja ve itavere kutja Ove Ue Ndji hinda.⁴³Nu Tja za nokuhungira nai, ua ravaerera kombanda Na tja, Nasarusa pita u je! ⁴⁴Nomuti ua pita, a a mangua nozonguju zombakero kozombaze ze na momake, nomurungu ue a ua kutjirua nonguju. Nu Jesu Ua tja, Mu mangurureje, nu mueseje a kaende.⁴⁵Novengi Vovajuuta mbe jere ku Maria, nu mba muna ovina Jesu mbia tjita, va itavera mu Je. ⁴⁶Nunguari tjiva vao va ja Kovafarisei, nave ke ve raera ovina Jesu mbia tjita.⁴⁷Novapristeri ovanene no Vafarisei otji va isana ombongarero jotjira tjo vanane, nave tja, Ngatu tjite vi? Orondu omurumendu ngui u tjita ovihimise ovingi. ⁴⁸Tji tue muesa uriri nai ovandu avehe maveje ku itavera mu Je. Novaroma mave ja nave tujeka oruveze ruetu notjiuana.⁴⁹Nu Umue uao, Kaifas kena, ngauri Omupristeri omunene indji ombura ndjo, ua tjere nai kuvo, Kamuna tji mu tjiua kaparukaze, ⁵⁰Poo kamuna ku muna kutja mape tu puire kutja omundu umue a tire otjiuana, kutja otjiuana atjihe a tji ha njonua.⁵¹Neje ka hungirire nai omuini, nunguari otja Omupristeri Omunene ombura ndjo, ija profete kutja Jesu uasokutira otjiuana. ⁵²Nu kajari tjiuana tjo uriri, nunguari uina kutja a uongere kumue morutu rumue ovanatje va Mukuru mba rimbara mouje auhe. ⁵³Nokuza mejuva indo va utire okuripura pamue kutja mave Mu zepa vi⁵⁴Mena ra itji Jesu otja kuramisa okukaenda pu Ma munika mokati Kovajuuta, Na zuko ngo nai kuta kehi ongaango, kotjihuro tjena Efraim, Na ka kara ngo novahongeua Ve. ⁵⁵Nomukandi uo Vajuuta uo Marurumino ua ri popezu. Novengi va zire momaturiro uokuti okujenda ko Jerusalema komurungu uo Marurumino, okukerikohorora.⁵⁷⁵⁶Novo tji va pahere Jesu, nave hungire mokati kao oveni ngunda ava kurama mondemberi, Mamu ripura vi? Kutja Ke na ku ja Komukandi? /v57 Nambano imba Ovapristeri Ovanene no Vafarisei va pitisire va rakizire kutja, auhe ngu ma tjiua kutja uripi, nga horore kutja ve ke Mu kambure.

¹Nomajuva hamboumue komurungu uo Marurumino Jesu otje ja ko Bethanie, Nasarusa ka ri, ingui Jesu ngua pendurire movakoke. ²Ingo ve Mu ungurira eriro romapeta. Marta ija risa ovandu, nunguari Nasarusa ua ri umue ua imba mba haamene potjitihe puena Je. ³Kuzambo Maria otja toora ohinga jo lita jo vinuke vio ndengu jo vaheva, na sopora navio ozombaze za Jesu, na piena ozombaze Ze nozondjise ze. Nu ondjiuo je urisirue no munuko uo vinuke.⁴Nu omuhongeua Ue umue, Judas Iskariot, omuna ua Simon, ngue ke Mu horora kombunda, otja tja, ⁵Onguae o vinuke mbi tji vi ha randisirue ko vimariva vio silveri omasere jetatu, na vi jandjeua ko vasiona? ⁶Eje ka tjere nai mokutja ije rikendere o vasiona, nunguari jar i mokutja ua ri erunga, nu o ngu ja tjindi ondjatu jo vimariva, nu otji je ritoorere imbimbia tu ua moukoto.⁷Nu Jesu otja tja, Mueseje erike. Eje ua takamisiririre imbi ejuva ro mbakero Jandje. ⁸Orondu ovasiona mave kara puena ene aruhe, nunguari Ami hina ku kara puena ene aruhe.⁹Nu o Vajuuta ovengi otji va tjiua kutja U ringo. Novo ka ve jere mena ra Jesu erike, nunguari uina ve jera oku muna Nasarusa ngua pendurirue i Je movakoke. ¹⁰Nunguari Ovapristeri ovanene ve ripura kutja ve zepe Nasarusa uina, ¹¹Orondu mena re Ovajuuta ovengi vaja nave ka itavera mu Jesu.¹²Mejuva e pendukirua, tjitja zuva kutja Me ja ko Jerusalema, otjimbumba otjinene tjovandu, ¹³Tja toorere ovitavi viomavare, natji piti oku ke Mu tjakanena. Novo va ravaerere, Hosanna! Ja serua ondaja indji ombara ja Israel ndji mai ja mena ra Muhona¹⁴Nu Jesu tjaza noku vaza okasinona, Eje ua kavira ko, otja tji pa tjangua, ¹⁵O tira musuko ua Sion, tara, ombara joje mai ja a ja kavire okasinona.¹⁶Novahongeua ve kave tjivirue ovina imbi kombutiro. Nunguari Jesu tjaza noku jerisiua ovo otji va zemburuka kutja ovina mbi via tjangerererue Je, nokutja ovo va tjitire ovina mbi ku Je.¹⁷Notjimbumba itji tji tja ri puena Je, Eje tja isana Nasarusa mombongo, nu E mu pendura movakoke, otji tja hatoira. ¹⁸Mena ra itji, otjimbumba otji tje Mu tjakanena uina, orondu tjandje va zuva kutja Eje ua tjita otjihimise tji. ¹⁹Ovafarisei otji va tja nai mokati kavo oveni, Mamu munu kutja kamuna tji matji mu kotokere. Tareje, nambano ouje ua kongorere Je²⁰Nu muari Ovahirika vorive mokati kvo mbe jere oku rikotamena po Mukandi. ²¹Imba otji ve ja ku Filip, ngua zire ko Bethsaida tja Galilea, nave mu pura, amave tja, Mutengua, matu vanga oku muna Jesu. ²²Filip ua ja n aka raera Andreas. Nu oo Andreas na Filip, ave ka raera Jesu.²³Jesu Ue ve zira, ama tja, O iri jeja jo kutja Omuna uo Mundu a jerisiue. ²⁴Tjiri, tjiri, Me tja nai kuene, andu ondui jo vikokotua tji ja uire mehi nai koka, i rira imue, nunguari tji ja koka I jeta ovihape ovingi.²⁵Auhe ngua suvera omuinjo ue ma pandjarisa uo. Nu ingui ngu ma njengua omuinjo ue mouje mbui ma takamisire uo komuinjo uaaruhe. ²⁶Auhe ngu ma ungurire Ami, nge Ndji kongorere; nu akuhe ku Mbiri omukarere Uandje oku makara. Nu auhe ngu ma karere Ami, Tate Me mu pe ondjozikiro.²⁷Nambano omuinjo Uandje ua zungana, nu Hi tje vi? Tate Ndji jama ko iri ndji? Nunguari motjimbe tja itji, Ami otji mbe jera koiri ndji. ²⁸Tate jerisa ena roje.Nu otji kueja eraka okuza Kejuru, amari tja, Ami Mbe ri jerisa po tuvari, nu Me ri jerisa rukuao. ²⁹Nu otjimbumba tji tja kuramene mbo na tji zuu tja tja, kua tutuma. Ovakuao va tja omuengeri ua hungire kuena Je.³⁰Jeus Ua zira Na tja, Eraka ndi kari jere ra Ndje, nunguari omena re nu. ³¹Nambano ombanguriro jouje mbui, nambano omunane uouje mbui ma nakerua pendje.³²Nu Ami ti mba jererua kombanda okuza mehi, Me nanene avehe ku Ami. ³³Eje ua hungirire itji ama sasaneke omuhingo uondiro ndji Me je kuta na jo.³⁴Otjimbumba tjovandu tje Mu zirire, Tua zuva moveta kutja Kriste u hupa ngaaruhe. Nu ovi tji mo tja, Omuna uo Mundu uaso ku jerua kombnda? Omuna uo Mundu ouani? ³⁵Jesu Ua tja nai kuvo, Ngunda okaruveze okasupi ondjerera iri puena ene. Kaendeje ngunda a mu no ndjerera, tjaa ondorera ngaa ija kombanda jenu. Orondu ingui ngu kaenda mondorera ka tjiua kutja ma I pi. ³⁶Ngunda a mu no Ndjerera itavereje mo Ndjerera kutja tjaa mu rire ovanatje vo Ndjerera. Jesu ua hungira ovina mbi Na kaenda, Na horekua kuvo.³⁷Nunguari nangarire tja tjitire ovihimise ovingi nai pomurungu uao, ovo kave itaverere mu Je, ³⁸Kutja omambo uo muprofete Jesaja je jenenisiue, nga hungirire, Muhona ouani ngua itavera momazuvarisiro uetu? Nu okuuoko kua Muhona kua raisiua kuani?³⁹Mena ra itji ovo kave peurire oku itavera, orondu Jesaja uatja nai rukuao, ⁴⁰Eje ua potuparisa omeho uao na kukutisa omutima uao, kutja ave ha munu nomeho uao poo oku pangununa no mutima uao, nu ve tanaurue kutja Mbi ve verukise.⁴¹Jesaja ua hungira ovina mbi tja muna Oujere Ue, na hungire ohunga na Je. ⁴²Nunguari, na tji pari nai, ovengi uina okuza movanane va itaverere mu Je. Nunguari motjimbe tjo Vafarisei kave hongononene, orondu tjija ve tira kutja mapeja ave ramberua pendje no sinagoge. ⁴³Orondu ovo va suverere oku tangua ijovandu oku kapita oku tangua i Mukuru.⁴⁴Jesu Ua ravaera Na tja, Nu ingui ngu ma itavere mu Ami, kena ku itavera mu Ami, nunguari ma itavere mu ingui ngue Ndji hinda. ⁴⁵Nu ingui ngu ma munu Ami, ma munu ingui ngue Ndji hinda.⁴⁶Ami Mbe ja otja ondjerera mouje, kutja auhe ngua itavere mu Ami a ha kara mondorera. ⁴⁷Nu auhe ngua zuu omambo Uandje na ha itavere, Ami hina ku mu pangura; orondu Ami Hi jerere oku pangura ouje nunguari oku jama ouje.⁴⁸Ingui ngu me Ndji imbirahi, na ha jakura omambo uandje, una umue ngu me mu pangura; Embo indi ndi mba hungira, oro ondi ma ri mu pangura mejuva romaandero. ⁴⁹Orondu Ami Hi ri hungiririre, nunguari Tate ngue Ndji hinda Uendji rakiza, kutja Hi tje vi, nu Hi hungire vi. ⁵⁰Nu Me tjiua kutja etuako Re omuinjo uaaruhe. Otjina atjihe tji Me hungire, opu Mbi tji hungira tjimuna Tate Tje Ndji raera.