Bible

Matthew

Chapter 1

¹Emumu ọnẹ a wa Ijsọs Ekraist uùbanẹ ẹka nẹ, Ẹdavid oògben ²Abraham oogben. Abraham a wa Isik wẹ ẹda, Isik din a wọ Ejakọb wẹ ẹda, aka Ẹjakobi dina wọọ́ Ijud wẹ ẹda àka yọ ọda abẹ. ³Ijud wọọ̀ Ẹpẹrẹs wẹ ẹda ako Ẹsẹra nẹnẹ Ẹtama ba na, Ẹpẹrẹs a yẹ, a wọọ́ Ehẹṣirọn wẹ ẹda, aka Ẹhẹsiron ayẹ awọ Ẹram wẹ eda.⁴Ẹramu ayẹ a wọọ̀ Aminadab wẹ ẹda, Aminadab awọ Ẹnashọm ẹda aka Ẹsalmon dina wọọ́ Ẹṣalimọn wẹ ẹda. ⁵Ẹsalmon ayẹ a wọọ́ Ẹboas nẹnẹ Irahab ba na. Ẹboas ayẹ a wọọ́ ọbed we ẹdi nẹnẹ Irut ba ne, Obedi ayẹ a wọ Ijese wẹ ẹda. ⁶Ijese ayẹ a wọọ́ Ẹdafidi obin wẹ ẹda, Ẹdafid ayẹ a wọọ̀ Isolomọn wẹ ẹda nẹnẹ Uriya ba nẹ ya na.⁷Isolomon ayẹba wọ Irehobuham wẹ ẹda Irehobuham nẹnẹ a wọ Abijah wẹ ẹda na, Abija ayẹ a bọọ́ Asa. ⁸Asa ayẹ a wo Ijehosafat wẹ ẹda Ijehoṣafat ayẹ a wọọ̀ Ijoram wẹ ẹda Ijoram a wo Ussiah ẹṣẹnsa.⁹Ussiah ayẹ a wọọ Ijọtam wẹ ẹda Ijotam ayẹ awọ Ahas wẹ ẹda ṣa na Ahas aya a wọȯ́ Iheseka wẹ ẹda. ¹⁰Iheseka ayẹ a wọọ́ Ẹmọnase wẹ ẹda Imanase ayẹ a wọọ̀ Amọn wẹ ẹda , Amọn mi wọọ́ Ijosaya wẹ ẹda. Ijosaya awọ ọ ¹¹Ijekeniya ẹṣẹn ṣa aka yọọ̀ ọda abẹ ọgbọna bi ye gu ba furọ Ibabilon na.¹²Ọgbọna bi yebm gu ba yọ Ibabilon na Ijokoniya wo ọ Ẹṣẹẹtiẹl wẹ ẹda Eṣẹltiẹl a wọ Iserubabel ẹsẹn ṣa. ¹³Iserubabel ayẹ a wọọ̀ Abid wẹ ẹda, Abid ayẹ a wọọ̀ Eliyakim wẹ ẹda, Eliyakim a dina wa wẹ ẹda. ¹⁴Asor ayẹ a wọọ́ Ẹsadok wẹ ẹda, Ẹsadok a wọ Akim wẹ ẹda, Akim edina a wọ Elidu wẹ ẹda.¹⁵Elidu ayẹ a wọ Eleasar wẹ ẹda, Eleasar ayẹ a wọ Emathan wẹ ẹda, aka Emathan ayẹ a wọ Ẹjakọbi wẹ ẹda. ¹⁶Ẹjakob ayẹ a wọ Ijosẹf wẹ ẹda nẹnẹ wọ Imeri oforo na, nẹ bọ Ijisọs na, nẹnẹ be yọọ́ Ekraist na. ¹⁷Ubani fẹyanfẹyan wọọ Abraham ẹpan rọọ Ẹdafid ẹpan wọ ubabi ẹfọ akẹna wọ ọ Ẹdafid ẹpan rọọ ọgbọ ọna bi ye gu uba yọ Ẹbabilon na wọ ọọ ubani ẹfọ akẹna, furọ ọgbọ ọna bi ye gu ba yọ Ebabilon na rẹ ọgbọna bi ya bọ Ekraist na wọ ubani ẹfọ akẹ ẹna.¹⁸Akọ bi siye bọ Ijisọs Ẹkraist na. Wuya nẹnẹ be yọ Imeri na, bẹ sẹ ya wije nọ Ijosẹf ka e suya, à ma ṣa na bi ye su abẹ, bẹ gbe ka ewi inyie ẹfunwẹnfunwẹn ọnwọnwọn ọrẹ. ¹⁹Ámà Ijosẹf a yọ oforo, wọ ọṣẹrẹro eme nika ayẹ fọ ẹpa kọya erokoro etin, eè roro akọ ayẹ e ke siye yuru ya ẹbẹnbẹn na.²⁰Akọ e si ye roro ẹga abẹ na, Angẹl Idu ẹka fọọ iwu yẹn ya ọmuọwẹn ibẹ a ga nẹ ya ka, "Ijosẹf Ẹdafid ogben, ọrọrẹ ama sọ wọ ka u su Imeri aka wọ oworo na, uba ka, nyọn nẹnẹ e su na, Ẹfunwẹnfunwẹn ọnwọnwọn a fọ inyon ma yẹ nẹ ya. ²¹Aka bọ ogben, yo ̣iwuru eke ki gbe Ijisọs, ayẹ aka na yọ erokoro fan furo iluwe."²²Ọnẹ fẹyanfẹyan ayẹ a ṣẹrọ ka Idu mẹga nẹnẹ a ga iyọ ọgẹsẹro owo ka, ²³"Balẹ, oyegben onẹbẹ e ke si inyon á ka bọ ogben nọ oforo, be ke di ne ki ye yọọ̀ Imanuel" - nẹnẹ wọ "Osibina bi le tu."²⁴Ijosẹf sọma fura uba, e siye akọ Idu Angẹl siye buru nẹ ya na, emi fọ yọ oworo e su ya. ²⁵Ama, eme dina mẹ siye ere ogbọna a ogben nọ oforo. A bẹ yọ iwuru Ijisọs.

Chapter 2

¹Keke nẹnẹ bẹ bọ Ijisos ọ ọ́ Ẹbẹtilẹhẹm na, obin Ẹhẹrȯd ọgba, ẹdayinro ẹnamẹ furọọ́ ọṣẹrẹ nẹnẹ eeyi we wa ṣa na fọ mọ Ijerusalẹm bi ye sin ka, ²"Ẹtẹka a ma na ọnẹnẹ bẹ ba akọ́ ijuu ro obin? Tẹ gba yọọ́ ẹsẹkpẹnẹ ọbẹrẹ ka tẹ ṣa tẹ kpun ya." ³Ọgbọna Ẹrọd obin wọ na, yọ ibe beé, akọ Ijerusalẹm ro fẹnyan fẹnyan.⁴Ẹhẹrod eye Aṣigiri ro ẹẹ́pan akọ isikirab ro abẹ fẹnyan fẹnyan jese a ṣa eṣin ba ka, "Ẹtẹka bè éke we ba Ekraist ayẹ a?" ⁵Bẹ gáánẹ ya ka, "Ọọ̀ Ẹbẹtilẹhẹm, Ijuda ije, ẹsẹro abẹ siye wọrẹ na, ⁶'Àmá awọ, Ẹbẹtilẹhẹm, Ijuda ije, ama wa anọ ekere ẹnanẹ e jobi Ijuda na, ino ẹẹpa ayọ ẹfẹna e ke jọ obin na, nẹnẹ a ka fọ mẹ erọ Isreal ro sẹnẹ ọrẹ na.'"⁷Ọgbọnẹ bẹ, Ẹhẹrod eye ẹdayẹn ro abẹn wọ ẹbẹbẹ eṣin ba ọgbọna ẹsẹkpẹnẹ ayẹ we ṣa na. ⁸Emi file ba yọ Ẹbẹtlẹhẹm, a gẹ ka, "Nẹkẹ yọ ni ya fọ ọlọn ni ogben nọ owowo ayẹ. Ọgbọna na gbẹ na, nẹ ṣa ga nẹ mọ ka mẹ ẹ yọ i je ne kpun ya."⁹Ọgbọna bẹ wọbẹga nẹnẹbobinga na, bi mi yọ bọ ọrẹ ẹṣẹkpẹnẹ nẹnẹ bẹ gba ọgbọna a ṣa jọmọ ẹfẹna ogbe nowowo ayẹ ma na. ¹⁰Ọgbọna bẹ gbọ ẹsẹkpẹnẹ ayẹ na, bẹ bẹn a kọ ẹbẹnbẹn nọ ọkẹka.¹¹Bẹ fọmọ ubu owo ayẹ bi je ne tọó ogben nowowo ayẹ akọ Imari nẹnẹ wa wuya na. Bẹ falẹ guma ayẹn ri bi kpun ya. Bẹtọra bọ uṣe nẹnẹ arọn ma na, bẹ fọọ ọwa nẹya nẹnẹ wọ iwura, ẹfrankises akọ Ẹmaa. ¹²Osibina wuna bọ ọtọn omuwe ni ibe ka bi me pila yọọ jene tọọ́ Ẹhẹrod ọnẹbẹ uba bi pilayọ bọ iken nẹnẹ biwe ṣa na, akọ bi si ye yọ ọrẹ ọbẹn na.¹³Ọgbọna be yọ ke na, Angẹl Osibina ẹka fọ iwu nyẹn nọ Ijosẹf ọ́muwẹ nọ ibe a ga nẹ ya ka, "Fura, fọ ogben no owowo ayẹ, aka wuya, ni mune yȯ Ijipit. Nẹ ma nọ ẹfẹnẹbẹ jene re ọgbọna ayẹ owenwan aka ayẹ wiya." ¹⁴Ujoguwe ayẹ Ijosef fura a fọ ogben nowowo ayẹ aka wuya bi ṣu ma yọ Ijipit. ¹⁵Ẹfẹnẹbẹ a ma re ọgbọna Ẹhẹrod fo ọnẹ a wọ ọṣẹrẹ nẹnẹ Idu ga iyọ ẹsẹro uba ka "Ijipit ibe ayẹ bi yé ye mọ ogben we ṣa."¹⁶Ọgbọna Ẹhẹrod gba ka ẹdayinro abẹ fọ ya yẹ si yọ osi na, iwu mi na kan ya. E file ka bẹ wan nọ egbe nọ iforo owowo nẹ nẹ wọ́ọ́ Ẹbẹtlẹhẹm akọ ikẹn nẹnẹ kọ ya gegere na wọọ ẹyẹn nẹbọrẹ holo, wọ ọgba nẹnẹ ẹdayẹnro abẹ sa towẹ na.¹⁷Ọnẹ a wọ ọṣẹrẹ nẹnẹ bẹ ga esero nẹnẹ wọ Ijeremiah owo na. ¹⁸"Bẹ wọ ohun ọnẹbẹ Ẹrama, e yiwo akọ ibe obibe, Ireṣẹl eyi iwo anẹ yọ ogben na bẹ, e di ne yuru abẹriwu, uba bi me pi le wa mọ ọ."¹⁹Ọgbọna Ẹhẹrọd fuwo na, balẹ, Angẹl idu mẹka fọ iwu yẹn ya ọmuwẹ to ọ Ijosef ọ ọ Ijibit a gẹ ka, ²⁰"Fura o fowo ogben aka wuya nẹ yọ Isrel ije, ka ẹnanẹ e ni ogben na yẹ ufo na bi fo ke." ²¹Ijosef fura, a fọ ogben aka wuya yọ Isrel ije.²²Ama ọgbọna a wo ka Arkẹlaus a wọ obin wọ ijudia nẹnẹ na wẹda Ẹhẹrọd ẹẹpa na ọrọrẹ a san ya akọ eke siye yọ ẹfẹnẹbe na. Ọgbọna Osibina wuna yọ ọtọn ọ́muwẹn nibe na, e fura a yọ ikẹn nẹnẹ wọ Egalili na. ²³E mi yọ, a ma nọ ikẹn nẹnẹ be yọ Enasareti na. Ọnẹ wọ ọṣẹrẹ nẹnẹ bẹ ga ẹsẹro abẹ owo na, ka be ke ki ye yọ Ẹnasareti ro.

Chapter 3

¹Isubu ẹnabẹ Ẹjọọn nẹnẹ wọ Ebaptis na ṣa a gọ Osibina ẹga ọ ọ́ uku-ibe nẹnẹ wọ Ijuda ẹka na a á gẹ ka, ²"Niroro ibe pila, ka Osibina ẹsẹn e turu a sa." ³Ka ẹfẹna bẹ ga yẹ ga wọ ẹsẹrọ nẹnẹ wọ Asaya owo na ka, "ẹfẹna yọ ọhun bẹ wọ uku-ibe nẹnẹba gẹ ka, Ni guru idu mọrẹ wije, ni tebi yọ ọrẹ e wọ ọṣẹrẹ."⁴Akana, Ẹjọọn fi le alẹgbẹ nẹnẹ su ọ ọ agogo ẹẹpẹn akọ oparẹ se yi sin yọ ijen wọ ijolo akọ ewọntọn ibubunu. ⁵Ọgbọnẹbẹ ayẹ Ijerusalẹm, Ijudia fẹnyan fẹnyan, akọ iken nẹnẹ gegere Ẹjọdan ogbolo na jene gure. ⁶É rimomo nọ abẹ fẹnyan fẹnyan Ẹjodan, ogbolo bi kebsi ye onuba nọ bọ iluwe.⁷Ama ọgbọna a gbọ Efaris akọ Esadus ọyọyọ ka bi ni ya ṣa ayẹ fọ ba rimomo ogbolo na, a ga nẹ ba ka, "Anọ ẹpẹnidudu egben nẹnanẹ, ẹra ga nẹ nọ ka ni mune furọ iwu ọkẹkan nọ ọdudu nẹnẹ, ṣa na? ⁸Ni mu nọ ilukutu ororibe pila nẹnẹ sije na. ⁹Ni me roro nẹ kẹ gẹ inọ etin ka, 'Ti su Abraham akọ tọ ẹdẹda.' Ẹ ga nẹ nọ ka Osibina din na kpan mọ egben jọmọ anọ Abraham fura ọtarẹ ẹnanẹ iwu.¹⁰Ama akana bẹ fọ ọdọ wọ oti fẹnyan fėnyan nẹnẹ e me mu nọ ilukutu oboro na ibe ke wuru ya bi gumaba wọ ẹra. ¹¹Irinu wọ imomo ebi nọ ororrbe pila. Ama ẹfẹna a ṣa imo urun na gbodi fọrẹ mọ, ime guwe ẹfẹna dina fọ yọ ofilọ ọṣẹna na. Aka fọọ ẹfunwẹnfunwẹn ọnwọnwọn akọ ẹra eke ri nọ imomo. ¹²Yọ utun mọ ẹpẹn wọ yọ uba nẹnẹ aka mọ nọ iku furọ nẹnẹ aka kọ yọ ibire ẹpẹn wọ iyọ uturu na. Ama yọ iku fẹnyan fẹnyan ayẹ aka kẹnẹ ẹra nẹnẹ be dine wu na."¹³Ijisos mi wọọ́ Ẹglili ṣa yọ Ẹjọdan ogbolo ka Ẹjọọn aṣa ri ya yẹ imọmọ ebi.¹⁴ Ama Ẹjọọ́n a wọ mọ iwu ka ayẹ sẹya jọmọ a ga nẹ ya ka, "Awọ abọwọ ka uri mọ imọmọ ebi, sana awọ mi ṣa to mu?" ¹⁵Ijisos gu nẹ yọ owo ka, ẹfọ ọrẹ nẹ wọ akana ka e wọ ọṣẹrẹ ka ti siye ọṣẹrẹ ọọ́rẹ." Ọgbọnẹbẹ ayẹ, Ẹjọọn ya nẹ.Ọgbọn be ri yọ imomo ebi na, Ijisos wọ ebi ibe pọ ṣa, e ve wọ ero fẹnyan fẹyan ayẹn akọ Osibina ẹṣẹn siye jin nẹ ya na . A gbọọ Osibina ẹfunwẹnfunwẹn ka e holo ososi aṣa akọ Ẹsọpka nẹnẹ ṣa jọmọ yẹrẹ ya na. Bẹ wọ ka, ohun ve ṣa Osibina ẹṣen a gẹ ka ọnẹ a wa mọ ẹfunwẹnfunwẹn na. Mọ ibe rọn to ya."

Chapter 4

¹Ọgba ayẹ, ayọ ẹfunwẹnfunwẹn ọwọnwọn fọọ Ijisos yọ ọdọn ka eṣu a mẹ balẹ. ²Ọgba nẹnẹ a nọ awẹ nọ isubu ibọrẹ akọ ujo ibọrẹ na, awọn mi sa a sẹ ya. ³Ọmabalẹrọ ṣa to wẹ aga nẹ ya ka, "Aka ka awọ a wọ Osibina ogben, buru ọtarẹ ẹnanẹ ka bi sinọ ẹkarẹ." ⁴Ama á Ijisos gu na yọ owo edi na ga nẹ ya ka, "Bẹ́ wọrẹ, 'Orokoro ogben e din na wọ ẹrọ ubaka ẹkarẹ ọyarẹ, eme fura ka ẹga nẹnẹ we a ṣa ọọ Osibina owo na.'"⁵Ọgbọnẹbẹ, esu ayẹ da fọ ẹ ẹ fọmọ ikẹn nọ ọnwọnwọna fọọ ẹẹ yọ ẹfẹna fọ fọrẹ ẹtẹmpul ayẹ na, ⁶aga nẹya ka, "We din ka Osibina ogben ayẹ ọwạ́ ṣu wa holo wije, ka bẹ wọrẹ ka, 'Eke buru yọ Angel abẹ ka kẹ ṣẹlẹ wọ,' aka 'Ba ka kpan wọ pọ uba, ka uma fọ ọṣẹn ta ọtarẹ.'"⁷Ijisos guna yọ owo ka, "Bi di na kẹ wọrẹ, 'We ee bgbado, ma wọ idin nẹnẹ wọ Osibina na balẹ.'" ⁸Bilamo, esu fọmẹ pọ ọrẹ ọsi nẹnẹ fọọ na, a fọọ ẹrọ ọnẹ ẹṣẹn aka yọ ugbugbodi yẹn ya. ⁹A ga nẹ ya ka, "Ẹpẹn fẹnyanfẹnyan ẹnanẹ iya nẹ wọ, we di falẹ ugumu iberi u kpun mu."¹⁰Ijisos ga nẹbya ka, "fura ẹkọnẹ esu! ka bẹ wọrẹ ka, 'wọ idu nẹnẹ wọ Osibina na ayarẹ we ke kpun ayarẹ we ke di ne si yọ okoto nọ.'" ¹¹Ọgbọnẹbẹ ayọ esu ayẹ eme tebiya nẹ iganigan ayo angel abẹ ṣa si yọ okoto nẹya.¹²Ọgbọna Ijisọs wọọ ka be fọọ Ẹjọọn dọn bọ uba na, ee pila yọ Ẹgalili. ¹³E furọ Enasaret a yọ a má nọọ Ekapanum nẹnẹ wọ Ẹgalili okun na, nẹnẹ wọ Isebulon Ẹnapital ijeh na.¹⁴Ọnẹ siye ka efọ fiye ẹga nẹnẹ Isaiya ẹsẹro ga na, ¹⁵''Isebulọn akọọ Ẹnapital ije, ṣu ke yọ ọkun sun mọọ Ẹjọdan Ẹgalili nẹnẹ wọ ikuwero abẹ na. ¹⁶Erokoro ẹnanẹ ma nọ esiri na, bẹ gba ọgbandala ọkẹka, aka ẹnanẹ manọọ okaminasa akọ ufo ushi, ibọ ẹpan ayọ ọsọ we we sa.''¹⁷Wọ ọgbọnẹ bẹ yọ ayọ Ijisọs we tọn mẹ Osibina ẹga ọga nẹ, '' Niroribe pila, ka Osibina ẹsẹn eturu tọọ ubowo.''¹⁸Akọ e siye jejen ne ṣun mọ Egalili okun mọ ọtọn na, a gbo ọda ẹbọrẹ Ẹsaimọn nẹnẹ be yọ Ipita na, akọ Anduru yọ ọda, bi ya nẹmọ agẹ wọ okun, uba aka ọsẹ ayẹrẹ bẹ wa. ¹⁹Ijisos ga nẹ ba ka, ''Nẹ kẹ ṣa, nẹ yẹrẹ mọ, ka ma ka fọ nọ ṣina ọsẹ erokoro.'' ²⁰Iganigan bi tebi bọ agẹ bi ya yẹrẹ ya.²¹Akọ Ijisọs si ya yọ na, a gbọọ ọda ẹbọrẹ Ijemis nẹnẹ wọ Isebede ogben na akọ Ẹjọọn yọọ ọda '. Bi wọ ọkọ ebi ẹka ibe aka bọ ẹdẹda bi ye guru bọ ẹga ee ye ba. ²²Iganigan aye bi fura ọkọ ebi ẹka ayẹ bi tebi bọ ẹdẹda wọ iyibe bi ya yẹrẹ ya.²³Ijisọs fọ mọ ẹfa ororo Ẹgalili, e te ba ibọ Isinagọgu, a gọgọ ẹpẹpan oboro nẹnẹ wọ Osibina ẹsẹn na, edina fọ erọ iwu a gan furọ igun obobo nẹnẹ ka sẹ bọ ọyọyọ na. ²⁴Ẹkpẹpan nẹnẹ e siye na pan wara Isiriya ije, ero ke fọ bọ ero nẹnẹ igun mọ ẹlẹla ke sẹ na, ẹnanẹ ẹfunwẹnfunwẹn nọ odudu ke wo iwu na, ẹnanẹ ijipapa ke sẹ na, ako ẹnanẹ fu iwu na. Ijisọs fọọ bọ iwu gan. ²⁵Erokoro ọyọyọ yẹrẹ ya furọ Egaliti Ẹdẹcapolis Ijerusalẹm akọ Ijudia aka Ẹjọdan osun.

Chapter 5

¹Ọgbọna Ijisọs gbọọ akpẹ abẹ na a kpọ yọ ọrẹ osi. Ọgbọna a ma na, yọ e égbenurun mẹka ṣa tọ ẹ.² E jin yọ owo e te ba, a gẹ ka,³ Okurubile a wa nọ ẹnanẹ eme su ẹfunwẹnfunwẹn na ka bọ ẹkẹrẹ a wọ Osibina ẹṣẹn. ⁴Okurubile a wa nọ ẹnanẹ e yi na, ka be ke fun bi be.⁵Okurubile a wa nọ ẹnanẹ eme guwe na, a bẹ e ke jọ ẹrọ ẹkẹrẹ. ⁶Okurubile a wa nọ ẹnanẹ awọn a sẹ aka ebi ọkọrẹ a sẹ a nọ ọṣẹrẹ iwu na, be ke fe ba. ⁷Okurubile a wa nọ eyiro ka kabẹ a ka gbọ eyi. ⁸Okurubile a wa nọ ẹnanẹ bọ uloko wọn na, abẹa ka gbọ Osibina.⁹Okurubile a wa nọ ẹnanẹ e guru ẹga na, abẹ be ke ki yọọ Osibina eègben. ¹⁰Okurubile a wa nọ ẹnanẹ be ke kurujanyẹn ubaka na bẹ ẹka awọ Osibina ẹṣẹn.¹¹"Okurubile a wa nẹ wọ ọgbọna ero e wuna wọ ije bi din na fọ ekurujanyẹn je wu aka bibdina kẹ ga ẹga idudu ẹlẹla isoma ki to wu nẹ mọ. ¹²Nẹ kẹ bẹn ni din na fọ ẹ kẹ kpo, ubaka wọ ẹkẹrẹ gbodi Osibina ẹṣẹn. Ọrẹ ọnẹ ayẹ erokoro we kuruje ẹṣẹro abẹ ayẹn urun.¹³"Anọ a wọọ ẹrọ ọnẹ oòbu. Ama oobu aye, a nẹ yọ ọrọnrọn fuwa, gana be ke siye siyẹn ka epila rọ ma? Eme pila rọn mọ uro nọ ojije eme fura ka bi guma ẹ fura bẹ fọọ ọṣẹn kẹ dẹn ya. ¹⁴Anọ a wọ ọsọ nẹ ẹrọ. Iken nẹnẹ wọọ́ ọrẹ osi na e din na bẹbẹ.¹⁵Be di ne pi ọsọ bi de wọ ugi ibe, ama da ka bi ya ka, gba ayẹn nọ ero fẹnyan nẹnẹ wọ ubowo ayẹ na. ¹⁶Tebi wọ ọsọ a kẹ ba ero ayẹn nẹnẹ e gbe ka ka be aka kẹ gba oboro nẹnọ we siye na bi ya fọọ ugbugbodi kẹ nẹ nẹ Ẹdẹda nẹnẹ wọ apan na.¹⁷''Ni me roro ka ẹ ṣa bọ ububuru sa ẹsẹro ẹka fuwa. I na ṣa ka ibe ba, ama ẹ ṣa sa ifiye ẹ. ¹⁸Ikuwa ẹ ga nẹ nọ ka eme fura ka ososi aka ije ṣun yọ, tete yi ten e ke tiye fura ububuru, emé fura ka ẹpẹn fẹnyan fẹnyan wọ ọṣẹrẹ na.¹⁹Ọnẹbẹ uùba ẹfẹna fẹna a fọ ayẹn wan ọnẹ kere fọrẹ ububuru ẹnanẹ na aka edine te ero obuba akọ e si ye siyẹ na ayẹ aka wọ ẹfẹna wọ urun ro Osibina ẹṣẹn. Ama ẹfẹnẹ fẹna e siyọ utun e di ne ki te ba ayẹ be ke ye ka e gbodi Osibina ẹẹsẹn. ²⁰Amẹ ẹ ga nẹ nọ ka eme fura ka i nọ ọṣẹrẹ fọrẹ Isikraib aka Ẹfarisiro ẹka, eme su ọgba nẹbu di na fọ mọ Osibina ẹẹṣẹn na.²¹'' Ọ wọ akọ bi si ya gẹ esuba ka, 'Uma wan nọ oro aka, Ẹfẹna fẹna a wan nọ oro na, eke wọ ayẹn nọ ọrọnrọna nẹnẹ wọ ẹkarẹ ọṣẹnṣẹn na. ²²Ama ẹ ga nẹnọ ka ẹfẹnẹfẹna a ka kaniwu to yọ ọda na, 'ka yẹ e ke wọ ayẹn nọ ọrọnrọna nẹnẹ eke wọ ẹkarẹ oṣẹṣẹn na; aka ẹfẹnẹfẹna a ga nọ yọ ọda, Awọ orokoro gbogba ọnẹ!' ka yẹ e ke wọ ayẹn nọ ọrọnrọna nẹnẹ eke wọ ọpa eka na; ẹfẹnafẹna aka ga ka 'Awọ abẹyẹ ọnẹ e ke wọ ayẹn nọ ọrọnrọna nẹnẹ wa ẹra ibe ẹka na.²³Uùba, wa fọ ọwa kẹ nọ Osibina iyọ akpa u mi wọ ẹfẹnẹbẹ yẹn ka anọ aka wọ ọda ama. ²⁴Tebi wọ ọwa wọ iyọ akpa ẹrẹn, ọ yọ wọ ọrẹ. Oṣoro guru aka wọ ọda, ṡana u pila ṣa fo wọ ọwa nọ Osibina.²⁵Guru aka wọ ebero kiyakiya ọgbọna ne bike kẹ yọ ẹkarẹ ubo na, sa wọ ebero a fọ wọ a dọn mọ ọṣẹnẹkarẹ uba, aka ọṣẹnẹkarẹ ayẹ a fọ wọ e wọọ́ ẹnwan. ²⁶Ikuwa ẹ ga nẹ wọ, we ke di we ṣa ẹfẹnẹbẹ eme fura ka u duna ikiba fẹnyan fẹnyan nẹnẹ uje na.²⁷'' Nẹ wọ ka bẹ gẹ ka, ume buwe ọtẹtanuba.' ²⁸Ama ẹ gá ẹ nọ ka ẹfẹnẹfẹna a fọ ayẹn balẹ iyarọ amabuwe ọre na ayẹ tọmẹ a siye buwe ọtẹtanuba iyọ uloko.²⁹Ada ka wọ ayẹn ojijen ayẹ aka fọ wọ falẹ polẹ ha ve ṣa ọ nẹ ya fuwa. Aka rọn nẹ wọ ka ẹfa ọyẹrẹ iwo iwu e fu be fuwa fọrẹ ka bẹ nẹ wọ iwu fẹnyan fẹnyan wọ ẹra. ³⁰Ada ka wọ uba ojijen oya aka wọ rẹ wọ falẹ, ṣẹn ya ọ nẹ ya fuwa. Aka rọn nẹ wọ ka ẹfa ọyẹrẹ iwo iwu e fu be fuwa fọrẹ ka bẹ nẹ wọ iwu fẹnyan fẹnyan wọ ẹra.³¹Bi din na gẹ ka, 'Ẹfẹnẹfẹna e gu yọ oworo furọ ubobna, tebi oro ayẹ a fọ ẹwọrẹ oyuru wọ ije nẹ ya.' ³²Ama ẹ ga nẹ nọ ka ẹfẹnẹfẹna e yuru yọ oworo na, eme fura ka a wa ka e siye amabuwe gbagba, sẹ ya ṣina nọ ọtẹtanuba.³³''Bila mọ, nẹ wọ ka be gẹ yọ eésubu ka, uma ba ọpẹn isoma ẹka, ama nẹ fọ nọ ọpẹn je ne tọọ idu. ³⁴Ama ẹ ga nẹ nọ ni me si bọọ ọpẹn otuntun sa nẹ fọ ososi bọọ ọpẹn ubaka ayẹ awa Osibina; eme di na wọ ẹrọ ọnẹ, ka aya a wa yọ ọ fọ ọṣẹn yẹrẹ; ³⁵eme di na wọ Ijerusalem, ka ayọ wọ iken nọ ọkẹka nọ obin nẹnẹ fọrẹ ẹka.³⁶Eme dina wa ka ọ fọ ẹpan bọ ọpẹn ka we di na sẹ ẹpẹn nọ ọyẹrẹ i wọ ẹpan ṣin nọ okukuru sa oririn. ³⁷Ama tebi ya ka wọ ẹga ewo ẹka a wa ka 'En, en,' sa 'Ehe, ehe'. Ọnẹ na oduduro ọrẹ e we ve ṣa.³⁸''Nẹ wọ akọ bi si ye gẹ na ka, 'ayẹn nọ ayẹn aka irun nọ irun'. ³⁹Ẹ ga nẹ wọ, u me mune nọ ẹfẹna e siye yọ odudu na. Ọnẹbẹ urun, ẹfẹnẹfẹna e kuru wu ẹbayẹn aṣiṣin ojinjen na, bi lọọ ọọboro nẹ ya.⁴⁰Ẹfẹnẹfẹna é éke roro ka ayẹ ṣe nẹ ẹwọra nẹ wọ ẹkarẹ ubo na, edi ne ni ka ayẹ na wọ alẹgbẹ yọọ́na, tebi wọ ewuru nẹ yọ bile amọ. ⁴¹Ẹfẹnẹfẹna afọ iwogbigben wuna wọ jinjen nọ emali ọyẹṛ na, yẹrẹ ya yọ emali ẹbọrẹ. ⁴²Fa nọ ẹfẹnẹfẹna ẹ ṣin iwọ uba na, ume di ne bila urun nọ ẹfẹna eni ka ayẹ bọwọ iwọ uba na.⁴³''Ọwọọ́ ka bi si ya kọ ga ẹ, 'u ni wọ ọbawọ ama u goli wọ ebero'. ⁴⁴Ama ẹ ga nẹ wọ ka, ni wọ ebero ẹga udine siye adura kẹ nẹ ẹnanẹ e siye ekuru jayẹn nẹ wọ na, fọ okurubile nọ ẹnanẹ e ṣuwa wọ adan na, siye oboro nọ ẹnanẹ goli wu na. ⁴⁵Udi da ogben nẹ nẹ Ẹdẹda nẹnwȯ ososi na. Uba ka ayẹbe ji nọ eyi e wọ́ odudu akọ oboro ẹẹpan, ayẹ edina ṣa osi e wọ ẹnanẹ e siye ọṣẹrẹ akọ ẹnanẹ eé siye ọṣẹrẹ na.⁴⁶Ka we nọ ẹnanẹ ni wọ ẹga na, ẹkẹrẹ ọọ́ na wa ka gba aá? Me seyi ka ẹnanẹ a nọ amana na ka bẹ e siyẹẹ? ⁴⁷Ada ka ọ gan wọ ọda abẹ ayarẹ, ẹna u siye fọrẹ ero ubub? Me seé ka kọ ikuwero abẹ e siyẹẹ́? ⁴⁸Ọnẹbẹ uùba we ke gbadọ gule, akọ nẹ ososi siye gule na.

Chapter 6

¹'' Nẹ kẹ yẹ ka nime siye ọṣẹrẹ utun ka erokoro e di gba nọ, esiye egan wa ni ma yọ gba ẹkọrẹ na i no ẹdẹdabnẹnẹ wọ apan uúba. ²Na kẹ wa ọwa ni ma bọọ́ obowo ka bẹ gba nọ ka ne siye esee, aákọ irekureku ro abẹ siye si yẹ Isinagogu akọ orikpokpo na, bi di fọ ugbugbodi nẹ ba erokoro ayẹn. Ẹgaba e gabnẹnọ, bẹ na bọ ẹkẹrẹ gule.³Ama we siyọ eseese ume ya ka wọ oguruba e din ẹkẹna uba ojijen e siye na ⁴ubaka wọ ese e di wọ ẹbẹbẹ. Ọgbọnẹbẹ ayẹ nẹ Ẹdẹda nẹnẹ a gba ẹbẹbẹbna eke siye duna wọ esee nẹ.⁵''Ọgbọna ne ki siye adura na, ni me siye akọ irekurekuro na, ka bi deki ni ka bi jọmọ ki siye adura Isinagogu akọ orikpokpo ọọ́pa ka erokoro e di gbe ba. Ẹgaba ayẹbẹ ga nẹ nọ bẹ na bọ ẹkẹrẹ ke. ⁶Ama anọ, ọgbọna ne ki siye adura fọn ubrirbe yo. Ju wọ ujun u mi siye adura nẹ wọ Ẹdẹda nẹnẹ wọ ẹbẹbẹ na. ⁷Ọgbọna bẹ ayẹ wọ Ẹdẹda nẹnẹ a gba wọ ẹbẹbẹ na eke siye fọ esee duna wọ nẹ ẹbẹbẹ na. Ọgbọna we ki siye adura na, u ma fo ẹga ọyẹrẹ kẹ ga siye siye na, ka bi roro ka ẹga ọyọyọ nẹnẹ ba ga na ayẹ ba ka sana a wọ ba.⁸Ọnẹbẹ uúba, u me siye akọ abẹ na, uba ka nẹ Ẹdẹda di ẹkẹna we ni na ṣana udi ki ṣin. ⁹Ọnẹbẹ uúba ki siye adura akọ: 'Tọ Ẹdẹda nẹnẹ wọ ososi na, tẹ fọ okurunọ nẹ wọ iwuru nẹnẹ wọ ọnwọnwọn na. ¹⁰Ka wọ ẹẹṣẹn a sa. Tebi wọ ini a du osisiye ẹrọ ọnẹ akọ bi siye si ye ososi na.¹¹Wa tọ amọnẹ isubu owo ijen nẹ to. ¹²Fọọ tọ uubanẹnẹ ti je na wa tọ, akọ ka tọ siye fọọ ẹpan ne gbun mọ ẹnanẹ je tu uba na. ¹³U me ya ka te fọn ọmabalẹ ama na tọ furọ odudu uúba, wọ ẹka awọ ẹẹsẹn aka iwogbigbe akọ ugbugbodi erọ nẹnẹ eme su ọtaa na. Amin.¹⁴Ka wa fọ ẹpan gbun ẹnanẹ na sun mogben na, nẹ Ẹdẹda apan eke di na fọ wọ ẹpan gbun wu. ¹⁵Ama adaka u ma fọ ẹpan gbun ẹnanẹ ṣun wọ ogben na, ẹgan ka nẹ ẹda apan eke siye fọ ẹpan gbun wu nẹ.¹⁶''Ọgbọna wa kẹ na awẹ na, ume wuna ayẹn akọ irekureku ro na, ka ibi de bebo ayẹn fuwa ka erokoro e din din ka ba na awẹ '. Ẹgbaba ẹ ga nẹ nọ, bẹ na bẹkẹrẹ gule ke. ¹⁷Ama awọ, ọgnọna wa kẹ na awẹ na, fọọ amọ gberi wọ ẹpan ṣa na upuwa wọ ayẹn fuwa. ¹⁸Ka ero ibuba eme di gba ka wa nọ awẹ, ama nẹ ne Ẹdẹda apan nẹnẹ wọọ ẹbẹbẹ na ayarẹ e din;aka ka wọ Ẹdẹda nẹnẹ a gba wọ ẹbẹbẹ nọ aka fọwọ ẹkẹrẹ nẹ wọ.¹⁹''Uma kọ arọn jese nẹ wọ iwu ẹrọ ọnẹ, ẹfẹna ẹkọrẹ akȯ ẹfẹkawọ eke we be na, akọ ẹfẹna oyiri abẹ din na pẹn a fọn bi yirẹ na. ²⁰Ọnẹbẹ bọwọ na a wa ka ', jese wa arọn wọ Osibina ẹẹṣẹn, ẹfẹna ẹkọrẹ akọ ọfẹkawọ e dibne be yẹ fuwa na, akọ ẹfẹna oyiri abẹ be din na pẹn a fọn e yire na. ²¹Ka ẹfẹnẹfẹna wọ arọn ama na ẹfẹnẹbẹ ka wọ uloko aka ma nẹ.²²Ayẹn a wọn' ifitila iwu. A da ka, wọ ayẹn rọmnuro, iwu fẹnyan fẹnyan aye e fe nọ ọsọ. ²³Ama wọ ayẹn ma ron mu ro, wọ iwu fẹnyan fẹnyan fe nọ esiri. Ọnẹbẹ uùba a da ka ọso nẹnẹ wọ i wọ iwu n esiria wa, gana esiri ugbugbodi ayẹ eke siye gbodi taa! ²⁴Koro ọyẹrẹ e dine siyọ okoto anọ ọga ẹbọrẹ nẹga, ama dọ ẹgan edina fọ iwu fẹnyan ki siye kẹ nọ ọbẹn ṣana a fọ ayẹn kẹ wan ọbẹn. Ọnẹbẹ uùbawe di ne siye okoto ke nọ Osibina Kọ arọn.²⁵Bilamọ ẹ ga nẹ wọ, u ma sẹn eyẹ ube nẹ wọ ẹrọ ẹkẹna webke je aka ẹkẹna wa ka wa na;ṣabwi wu, aka ẹkẹna webke file na. Me seyibka wȯ ẹrọ fọrẹ ijen aka wọ iwu fọrẹ ẹsa? ²⁶Balẹ ọnẹnẹ ẹnanẹ ebpiri ososi na. Bi me bire sa kparẹ sa kọ jese wo utu awa ne Ẹdẹda ososi wa ba eeje. Ani me kpoina fọrẹ ba họ?²⁷Ọọna inọ iwu nẹnẹ a sẹn eyibe ne din ne kuru teteyinte bile i yọ ẹrọ aá? ²⁸Ẹnanẹ na sẹn eyibe e wọ ẹkẹna ne ke file na? Roro akọ idodo nẹnẹ wọọ́ ọdan na, akọ si ye eguwe na. Bibma gbe akanyan, bi me dibne wọ ẹsa. ²⁹Kẹgankẹgan ki ganẹ nọ ka, Isolomon aka yọọ́ ugbugbodi bi me fi le yọ ẹsa akọ ọyẹrẹ ẹ na nẹ na.³⁰Ada ka Osibina siye ẹga file ẹmẹ wọ ọdan na ẹsa akọ, nẹnẹ e gbe ka e wa mọ amọnẹ nẹ usiye bi nẹ ya wọ ogugula na, gana gana eéba esiye fọ ẹsafile wu aá a wọ nẹnẹ su ọnawo teteyinten na. ³¹Ọnẹbẹ uba u ma kẹ sẹn eyibe ka, Ẹnabme ke je aa?' 'Sa ẹname ke fi ka aa?'³²Ikuwero abẹ de ki ni ẹpẹn ẹnanẹ, ama nẹ Ẹdẹda nẹnẹ wọ ososi na di ka we nibẹpẹn ẹnanẹ. ³³Ama ki ni yọ Ẹẹṣẹ aka yọ ọṣẹrẹ, ọgbẹ na bẹ ayẹ a ka fọ ọ ẹpẹn ẹnanẹ fẹnyan fẹnyan nẹ wọ na. ³⁴Ọnẹbẹ uùba, u ma ṣẹn eyibe nọ usiye ka usiye ayẹ aka ṣẹn eyibe kẹ nẹ yọ iwu isubu ororo su idudud nẹnẹ fẹẹ na.

Chapter 7

¹''Ni ma ṣẹn ẹkarẹ, ka bi ma ṣẹn ka nọ ẹkarẹ. ²Ka akọ ẹkarẹ nẹnẹ ọọ́ ṣẹn na ayẹ baka sẹn nẹ kawọ, akọ usiye mẹ nẹ erobega be ke di ne siye mẹ nẹwọ nẹ.³Ẹna nẹ w balọ iku teteyinten nẹnẹ iwọ ọda ayẹn na, ama awọ u mu gbọ ọ okun igbeli nẹnẹ wọ iwo ayẹn na? Gana we ke siye⁴ ga nẹ wọ ka, 'Jọmọ itiye iku nẹnẹ wo wọ ayẹn na fura,' nẹnẹ okun igbeli ayẹn na? ⁵Anọ irekurekure ẹnanẹ! Ta yẹ ti ye okun igbeli nẹnẹ wọ iwọ ayẹn na fura, ọgbẹ nẹbẹ ayẹ we ke di gbọ, ije oboro nẹnẹ we ke di ne tiye iku nẹnẹ we ke d ne tiye iku nẹnẹ wọ iwọ ọda ayẹn na.U ma fọọ ẹpẹn nọ ọwọnwọn nọ uwo abẹ aka u ma nẹ wọ urunro wọ ọnọma abẹ ẹrẹn. E siye ẹgan wa ibafọ ọṣẹ na dẹn ya a sọ ije bi mi bila fẹnẹ wọ tan.⁷''Ṣin, ba ka nẹ wọ. Ni ii, we ke dina gba, kọ ọrẹ ujun, be ke jin nẹ wọ. ⁸Nẹ erọ fẹnyan nẹnẹ e ṣi na, a gba a na; Nẹ ero fẹnyan nẹnẹ a kọrẹ ujun na, be ke jin ya nẹ ya. ⁹Sa nọ ọna, nẹnẹ yọ ogbe nẹ ṣin yo iburedi ẹga, a da fọ ọtarẹ nẹ yaa? ¹⁰Sa e sin ayẹrẹ ẹga, nẹnẹ a ka fọ ẹpẹnidudu nẹ ya na?¹¹Ọnẹbẹ uùba aa da ka awọ nẹnẹ ọ wọ orokoro odudu na din nọ akọ bi si ya fọọ ẹpẹn oboro a nọ wo ogbe na, gana gana ayẹ́ wọ Ẹdẹda ososi eke siye fọ ẹpẹn oboro nọ ẹnanẹ e sin i uo uba? ¹²Ọnẹbẹ uùba ẹkẹnẹkẹna we ni ka ero e siye to wu na, ka awọ u siye to ba, ọnẹ ayẹ awọ obuburu aka ẹsẹrọ nẹ.¹³''Fọọ opolo nẹnẹ a puwẹn na. Ka opolo nẹnẹ ṣan akọ ọnẹ lẹ yayẹn na a wọ opolo nẹnẹ yọ ofufu na, ero ọyọyọ e dina yọọ ọrẹ ayẹ ee ṣun. ¹⁴Ama opolo ayẹ e pu aka ọrẹ ayẹ dine nubma nẹnẹ yọọ ọnafan na, ama ero keke abẹ a gbẹ.¹⁵''Nẹ sẹ iwu akọ ẹ̀sẹrȯ iṣoma ẹka abẹ ẹnanẹ fọ ududo alẹgbẹ file amá bẹ wọ ọnẹ ọda mẹka nẹnẹ fẹnẹ erokoro a ta na. ¹⁶Aka bọ ikukutu ayẹ we ke din ba. Ero de jere urumu furọ ẹwọn ẹmẹ sa ifihi furo ẹwọn iwu? ¹⁷Ẹgbalẹ ayẹ oti oboro ilukutu oboro ede muu, ama oti odudu ilukutu odudu ede fọ weṣa.¹⁸Oti oboro e din na fọwọ ilukutu odudu e wesa, ẹgan nọ oti odudu e dina fọ ilukutu oboro ewe ṣa na. ¹⁹Oti koti nẹnẹ e me mu nọ ilukutu oboro na, bi wuru ya bi do yọ ẹra. ²⁰Ẹgan, we ke siye kpeli ba aka bọ ilukutu nẹ.²¹Amá wọ ero fẹnyan nẹnẹ aga a ne mọ ka, 'Idu, Idu,' abẹ aka fọn mọ Osibina ẹẹsẹn eme fura ka ẹnanẹ e siye mọ Ẹdẹda nẹnẹ wọ ososi na yọ ini. ²²Ero ọyọyọ a ka ga nẹ mọ isubu ayẹ ka, 'Idu, Idu, me se yi ka tẹ gọ ẹsẹ iwo iwuru, ti gu ẹfunwẹnfunwẹn idudu fura iwọ iwuru, aka iwọ iwuru ti si yọ ojinorowafuwa? ²³Ȯgbọnẹbẹ ayẹ ma ka gẹ yọọ́ ogbadala nẹ nọ ka 'Isi di nu gba! Ni fura mọ rẹ anọ nẹnẹ nẹ yẹrẹ ububuru na!²⁴"Ọgbọnẹbẹ, ero fẹnyan a wọ mọ edina na mọ wọ na eke ki we akọ ẹdayẹnro ma yọ ubowo yẹ rọ ọtarẹ osi na.²⁵ Osi ṣa, ogbolo ṣa aka eperi siye yẹrọ ubowo ayẹ ama e me wuru, ubaka bẹ mẹ wọ ọtarẹ.²⁶Ama ero fẹnyan nẹnẹ a wọ mẹ ẹga eme si yọbutunvsiye na e ke ki we akọ abẹyẹ nẹnẹ ma yọ ubowo yẹrọ oṣẹṣe osi. ²⁷Osi ṣa, ogbilo ṣa aka eperi siye e kpukpusẹ ubowo ayẹbe fu ya fẹnyan.''²⁸Ọgbọna e siye na nẹnẹ Ijisos ga yọ ẹga kuwe na, erokoro arimarimi nẹnẹ jese na ji no owo fuwa nọ otite ọnẹ. ²⁹Ubaka e ba ako ẹfẹna su uburu na ama wa akọ Isikiraburo na.

Chapter 8

¹Ọgbọna Ijisọs holo ṣa ọrẹ osi, ero asanmansan yẹrẹ ya. ²Naá gbẹẹ́, ẹkọmatẹdarọ ṣa towẹ a tọ mọ ẹpan iyọ ẹrẹn, a ga ka ''Idu, we ki ni ka usiye, udi na sẹ mọ e ṣina ọnwọnwọn.'' ³Ijisọs yọrẹ yọ uba a dẹ ya, a gẹ ka, ''Me ni. Ṣin nọ ọnwọnwọn.'' Iganigan yọ iwu ṣi nọ ọnwọnwọn furọ ẹkọnmatẹda ayẹ.⁴Ijisọs ga nẹ ya ka, '' Gbẹ ka uma ga nẹ oro. Kẹ yọ wọ ọrẹ, yọ uwa fọbwọ iwu yẹnọ aṣigiri, ọ ọ fọ ọwa nẹnẹ Imosis buru na, nọ ubedi nẹ ba''.⁵Ọgbọna a fọ ma ṣa Ẹkapenamu na, Ẹsọturọnu ọbẹ ṣa tọmẹ, a tẹẹ yọ ekwin, ⁶edina gẹẹ ka, ''Idu, mọ okotoro buwe wọ ubowo e fuwọ iwu edina wọ ọ ọnunuma.'' ⁷Ayẹ Ijisọs ga nẹ ya ka, ''Ma ka ṣa fọ yọ iwu gan.''⁸Ẹsẹturoni ayẹ guna yọ owo ka ''Idu, ime guwe nẹnẹ udina fọn mọọ ubowo na. Ki ga ẹga ayẹ ka mọ okotoro iwu aka gaan. ⁹Ka amẹ ẹbẹba bi tiye mu aka uburu na, idine su ẹkoro nẹnẹ wọ imọ abẹ na. Ida ga nọ ọnẹ ka '' Kẹ yọ,'' edina ke ṣa, dina nọ mọ okotoro, 'Si ye ọnẹ,'edine si ye.'' ¹⁰Ọgbọna Ijisọs wọ ọnẹ na, e ji yọ owo fuwa a ga nọ ẹnanẹ a yẹrẹ ya na, ''Ikuwa ẹ ga nẹ nọ, me mi gḅọ ẹfẹna su ọnawọ akọ Isrel ije fẹnyan na.¹¹Ẹ ga nẹ nọ, ọyọyọ aka ṣa ẹfẹna eyi we waṣa na akọ ẹfẹna eyi we a fọọ na, ba ka ma nọ ọparẹ ọyẹrẹ akọ Abraham, Isaac akọ Ijacob, Osibina ẹẹṣẹn. ¹²Ama egben ẹnanẹbwọ ẹẹsẹn nẹ ẹka na be ke gu fura bi di ne guma ba wọ esiri ibe ẹfẹna iwo akọ irun mọ ọtamowo ekewe wa beka na.'' ¹³Ijisos ga nọ ẹsẹturoni ro ayẹ ka,''Kẹ yọ! Akọ usiye na wọ na, ẹ ga nẹ ekewe siye wa nẹ wọ na.'' Iganigan ayẹ yọ okotoro ayẹ iwu gan nẹ.¹⁴Ọgbọna Ijisos fọ mọ Ipite ubowo na, a gbọ Ipita yọ oworo wuya ka iba sẹ ya wọ ọbẹlẹ. ¹⁵Ijisos fọọ uba dẹ yọ uba, ẹgan nọ iba ayẹ teyi ya nẹ. Emi fura e si yọ okoto a nẹ ya.¹⁶Ọgbọna iyi bẹrẹ na, Ero fọọ ẹnanẹ ke su ẹfunwẹnfunwẹn idudu ṣa tọọ Ijisos e gu ẹfunwẹnfunwẹn idudu abẹ wẹ ṣa akọ ẹga edina fọ ẹnanẹ igun sẹ na iwu gan. ¹⁷Ọnẹ a wọ ọsẹ̇pa nẹnẹ Isaya ẹsẹro ga na, ''Ayẹbẹbẹba na tọ iwu onunuma edina na tọbigun siye yọ ẹka.''¹⁸Ọgbọna Ijisos gbọọ erokoro ọyọyọ nẹnẹ gegere na, a gẹbka bibsun yọ ọsarẹ ọọboro nẹnẹ wo Ẹgalili okun na. ¹⁹Ọgbọnẹbẹ ayẹ isikirabu ọbẹn ṣa to wẹ aga nẹbya ka, ''Otitero, ma ka yẹrẹ wọ yọ ẹfẹnẹfẹna wa yọ na.'' ²⁰Ijisos ga ya ka, ''ene su ọdọrẹ, akọ ọnẹnẹ nẹnẹ e piri ososina su bọ ọkọ, ama Osibina ogben e me su ẹfẹna a fọ ẹpan na yẹrẹ na.''²¹Ọyẹrẹ iyọ ogbenurun meka ga nẹ ya ka ''Idu, fọwọ ọrẹ nẹ mọ ka iye re ẹdẹda.'' ²²Ama Ijisos ga nẹ ya ka, ''Ke yẹrẹ mo, tebi eporo abe bi ki re bọ eporo.''²³Ọgbọna Ijisos fọ mọ ọkọ ebi ẹka na, yọ egbenurun mẹka yẹrẹbya fọn ya. ²⁴Nẹ balẹ ya, eperi ọkẹka nẹnẹ wọ okun weṣa na fura nẹnẹ e gbe ka ka, emi ri ọkọ ebi ẹka nẹnẹ sẹ ka okun ebi pọra a ṣọ ososi e ri ba. Ama Ijisos e buwe. ²⁵Yọ ẹgbenurun mẹka ṣa tọ wẹ bẹ sọ mẹ, bẹ ga nẹ ya ka, ''Wọn taa, Idu; itefuwa ọnẹ fo!²⁶Ijisos ga nẹ ba ka, ''Ẹna sọ nọ ọrọrẹ aa anọ nẹnẹ nọ anawọ kere na?" Ọgbọnẹbẹ e fura amọ eperi ayẹ ga akọ okun ma yẹ iganigan ayẹ apẹ sẹ ṣii. ²⁷Ojinirowo fuwa ayẹ a wa nọ erokoro nẹnė jese na bẹ gẹ ka, "Orokoro ọlọ ọna a wọ ọnẹ aa e gbe ka a mọ eperi akọ okun gẹga bi di ne siye akọ e siye ga na?"²⁸Ọgbọna Ijisos ṣun wọ oṣun na mi yȯ ọ iken nẹnẹ bee yọ Ẹgadareni na, erọ ẹbọrẹ nẹnẹ ẹfunwẹnfunwẹn idudu wọ iwu na ṣa towẹẹ. Bi wọọ ọ̀sọ́ ibe be waṣa bi dine jẹ afuwẹ nẹnẹ e gbe ka ka, erokoro ẹnanẹ e ṣun na bi mebpile din ṣun. ²⁹Ọgbọnẹbẹ, bi yii iwo weṣa ka, "Ẹna ta ka fọ wọ siye aa, Osibina ogben? Ọọ ṣa ka oṣa fọ ayẹn rọnatọ ṣa na ọgba nẹnẹ bi te na eki re ho?"³⁰Ọgbọnẹbẹ ọnọma ẹpan nọ ọyẹyẹ be jọ ijen nọ ẹfẹnẹbẹ, eme fon nọ ọrẹ nẹba. ³¹Ẹfunwẹnfunwẹn nọ idudu abẹ ki a tẹyọ Ikuwa ka, "We gu tu weṣa, gu tu wọọ ọnọma ẹnanẹ iwu." ³²Ijisos ga nẹ ba ka "Nẹ kẹ yọ!" Ẹfunwẹnfunwẹn nọ idudu abẹ ve ṣa ibọ iwu bẹ fọ mọ ọnọma abẹ iwu yọọ; iganigan, ọnọna abẹn fẹnyanfẹnyan mune holo ọrẹ fọmọ okun mọ ibe abẹ fẹnyanfẹnyan fọ wọ ebi ibe.³³Ẹnanẹ e siyọ ọnọma abe itoju na mune fọ mọ iken yọ bẹ ga fẹnyan fẹnyan nẹnẹ bọ ayẹn gba na aka ẹkẹna to ẹnanẹ su ẹfunwẹnfunwẹn nọ idudu abẹ na. ³⁴Ọnẹbẹ uba, erọ fẹnyan fẹnyan nẹnẹ wọ iken na yẹ na ve ṣa ṣa towo Ijisos. Ọgbọna bẹ gbe na, bẹ tẹyọ ekwin ka e furọ abọ iken.

Chapter 9

¹Ijisos fọ mọ ọkẹ ebi eka, sun yọ ọsun yọ reyọọ iken. ²Balẹ, bẹ fọọ ofo iwu nẹnẹ buwe wọ ọbẹlẹ na ṣa towẹ. Ọgba na a gba bọ ọnawọ na, Ijisos ga nọ ofo iwu ayẹ ka "Ogben, a siwu. Ẹ fọ wọ iluwe iye gbun wu."³Balẹ, Ẹscribes ro ẹbẹn na gẹ ibọ etin ka, "Ore ọnẹ a siye ẹnakẹ." ⁴Ijisos din bo iroro fẹnyan a gẹ "Ẹna nẹ nẹ roro odudu inọ uloko na?" ⁵Ọọna abẹrẹ iwu ọ ga, 'Ẹ fọ wọ iluwe iye gbun wu; sa ẹ ga ka 'Fura uki jejen? ⁶Ama ẹrọ ka a fọ iluwe gbun mọ oro "A ga nọ ofo iwu, "Fura, kọlẹ wọ ọbẹlẹ kẹ yọ wọ ubewo.''⁷Ẹgan nọ oro ayẹ siye fura a yọ yọ́ ubowo nẹ. ⁸Ọgbọna erokoro ẹnanẹ furu na gbọ ẹkẹna esiye na, ọrọrẹ sọ ba, be fọ ugbugbodi a nọ Osibina, nẹnẹ fọ oburu ọnẹ nọ orokoro na. ⁹Akọ Ijisos siye ṣun mọ ẹfẹnẹbẹ na, a gbọ oro ọbẹ nẹnẹ be yọọ Ematiwu na, a ma nọ ọ ọna amanaro abe uturu. A ga nẹ ya ka, "kẹ yẹrẹ mọ". Ama tọ owo e fura a a yẹrẹ ya.¹⁰Akọ Ijisos siye ma ka ayẹ eki jijen na, balẹ ẹnanẹ a nọ amana na akọ iluwe ro abe yọ ṣa towẹ be mẹ ye jijen aka yọ egbenuru mabẹ. ¹¹Ọgbọna Efarisi ro abẹ gbẹ na, be ga a nẹ yọ egbenuru mabẹ ka, " Ẹnanẹ nọ otitero mọ ọna amanaro akọ iluwe ro abẹ e jijen na?"¹²Ọgbọna Ijisos wo ọnẹna, a ga nẹ ba ka, "Erokoro ẹnanẹ bọ iwu ga na bi me ni ẹfẹna aka fọ bọ iwu ga na, eme fura ka ẹnanẹ e yan na. ¹³Nẹ yọ ni piya ẹkẹna ẹ ga ọnẹ na: 'Ini wọ eyi ayẹn ama wa wọ iyanpun.'"¹⁴Ọgbọnẹbẹ ayọ Ẹjọọn egbenuru mẹka ṣa towẹ bẹ ga nẹ ya ka "Ẹnanẹ atọ akọ Ẹfarisi ro abẹ da kẹ na awẹ ọgba fẹnyan ama wọ egbenuru mẹka abẹbbibma na awẹ na?" ¹⁵Ijisos ga nẹ ba ka "Uú gbe egben nẹnẹ wọ ovia ubowo na di na kẹ nọ awẹ nẹnẹ bọ oforo wọ ibọ efa na? Àma isubu ayẹ a ka ṣa nẹnẹ ba ka nọ ovia oforo fura ibọ uba na, ogbonegbe ayẹ ba ka na awẹ nẹ¹⁶Eme su ẹfẹna aka fọ ẹsa owowo siye ẹsa nẹnẹ dọn na a ja fẹnẹ yọ ọfẹfẹnẹ aka wo odudu.¹⁷Eme dine suvka erokoro bẹ fọ adẹ owowo wọọ otẹlẹ osusun. Be siye ẹga, ọtẹlẹ ayẹ e dinebbe. Eme fura ka, bẹ fọọ adẹ owowo ayẹ wọ ọtẹlẹ owowo ayẹ ẹbọbọ e ke siye guru."¹⁸Ọgbọna Ijisos ga ẹnanẹ fẹnyan fẹnyan aa nẹba na, balẹ oro ọkẹka ọyẹrẹ ṣa a tẹmẹ ẹpan nẹya. A gẹ ka "Mo ogbe nọ oyegbe fuwo akana, ama kẹṣa ọ fọ uba dẹẹ ya, i din ka eke fura wọ ẹro." ¹⁹Iganiga a yẹ Ijisos fura a yẹrẹ ya yọọ, aka yọ egbenurun mẹka abẹ.²⁰Balẹ, iyaro ọbẹn nẹnẹ e jọ oya ubaka eé siye ọọ́pa nẹnẹ jọmọ nọ ẹyẹn nẹ ẹfọkẹbọrẹ wọ urun ṣa towẹ a fọ ọ́ uba aá dẹ yọ alẹgbẹ ọtọn. ²¹A ga nẹ yọ iwu ka, "Me di ki fọ uba sẹ yọọ alẹgbẹ ọtọn ', mọ iwu aka gan." ²²Ama Ijisos bilaba gbẹ ẹ́, a gẹ ka, "Ogbe nọ iyaro, pamiwu; wọ ọnawọ fọ wọ iwu gaan." Iyaro ayẹ iwu di na gan ewakati ayẹ.²³Ọgbọna Ijisos re ọkẹkan ayẹ ubowo na a gbọọ ẹnanẹ eeyi agale akọ erokoro ẹnanẹ be yi igoloko na. ²⁴A gẹ ka "Ni fura ẹkọnẹ, ka oyegbe na yẹ eme fowo, ama eè buwe." Bẹ muwẹ ya akọ osi.²⁵Ọgbọna erokoro abẹ ve yọ na, a fọ mȯ uburibe ayẹ a sọ yọ uba, oyegbe na ye fura jọmọ. ²⁶Ọnwọnwọn ọnẹ ayẹ bike wọ nẹ iken nororo nẹnẹ gẹgẹre iken na yẹ na.²⁷Ijisos ṣu mọ ẹfẹnẹbẹ yọ, openayẹn nẹ ẹbọrẹ yẹrẹ ya. Bi ye yi ọga bi di na gẹ ka "Sọ teyi Idavid ogben!" ²⁸Ọgbọna Ijisos fọ mọ ubowo na openayẹn nẹ bọbọ ṣa tọmẹ. Ijisos ga nẹba, "Ijẹ nẹ na wọ ka idin siyọ ọnẹ?"bBẹ nẹ ya ka, "Ẹẹn Idu."²⁹Ọgbọnẹbẹ ayẹ Ijisos fọwọ ubo dẹẹ́ na ayẹnb gẹ ka, "Eki we nẹwọ akọ usiye na wọ na," ³⁰Bọ ayẹn ṣave jiin. Ọgbọnẹbẹ Ijisos gọ ububuru nẹba ka, "Ne, gbẹ ka koro ọyẹrẹ a ma wọ ọnẹ nẹnẹ ṣẹlẹ ọnẹ na. ³¹Ama ero ẹbọrẹ ẹnabe fọmọ iwuru yọ bẹ gẹ yẹ ne nọ ẹfan fẹnyan fẹnyan iken nẹnẹ gegere ba na.³²Akọ ero ẹbọrẹ ẹnabẹ siya yọ na, bale be fọọ oṣowo ọbẹn nẹnẹ ẹfunwẹnfunwẹn odudu wọ iwu na sa tọọ Ijisos. ³³Ọgbọna bi gu ẹfunwẹnfunwẹn odudu ayẹ we yọ na, oṣowo ayẹ gẹga. Owo ji nọ erokoro nẹnẹ buru wọ ẹfẹnẹbẹ na fuwa be gẹ ka, "Temi da gba ọlọn akọ gba Isreli fẹnyan fẹnyan!" ³⁴Ama Efraisi ro abẹ a gẹ ka "Uba ka aya wọ ẹfunwẹnfunwẹn nọ odudu ro ẹpan yuba awọrẹ edi gu ẹfunwẹnfunwẹn odudu ayẹ weṣa."³⁵Ijisos ṣu fọmọ iken nọ ọkẹka akọ iken ni ikeke. E ki ye te Isinagogu, a pọ ẹpẹnpanoboro nẹnẹ wọ Osibina Ẹẹsẹn nẹka na edina fọ erokoro iwu a gu fura igu mọ idudu akọ onunuma. ³⁶Ọgbọna a gbọ erokoro ẹnamẹ furu na, a sọn beyi, ubaka bọ ibe be aka ka ba damu. Ibe ki wan udodo nẹnẹ bi me su ọṣẹlẹda na.³⁷Aga nọ yọ Egbenurun mẹka ka, "Ọpẹparẹ ayẹ yọọ ama utunro abẹ bibma yọ. ³⁸Iyọ urunba, nẹ kẹ bẹlẹ Idu nẹnẹ wọ Idu ọpẹnpare na, ka edi file utunro abẹ wọ iyọ ọpẹpare."

Chapter 10

¹Ijisos ye yọ ẹgbẹnurumẹka ẹfọkẹ bọrẹ bile a fọ uburu nẹba ẹfunwẹnfunwẹn nodudu, ka bi gu ba weṣa, bi di na fọ kẹ gan igu mẹ ẹlẹla akọ osisile ẹlẹla.²Ẹgbe nurumẹka ẹfọkẹbọrẹ iwuru aya wọ nẹ. Oṣoro, Isimoni (nẹnẹ bi di ne yọ Ipita na), akọ Anduru yọ ọda; Ijamisi nẹnẹ wọ Izebede ogben na, ako Ẹjọọn yọ ọda; ³Ipilipu, akọ Ẹbartolomewu; Etomosi, akọ Ẹmatiwu nẹnẹ a nọ amana na; Ijemisi nẹnẹ wọ Alpacus ogbe na, akọ Etadiosi; ⁴Isimioni nẹnẹ wọ Izeliotu na, akọ Ijudasi Isikaroti, nẹnẹ aka fọ ẹ yẹ na.⁵Abẹ ẹfọkẹbọrẹ ayọ ijesu file we yọ. Aga nẹ ba ka, "Nima yọ ẹfẹna nẹnẹ Egentili abẹ a ma na, nibme dina fọmọ iken nẹnẹ Ẹsamaritani abẹ ma na. ⁶Ne yọ je ne to ududo ẹnanẹ ya nẹnẹ wọ Isreali ẹka na; ⁷akọ ni siye yọ na, nẹ pọ ẹpẹpa nẹ gẹ ka, 'Osibina ẹẹsẹn turu aaṣa.'⁸Nẹ fọ ẹnanẹ iwu ama ga na, nẹ sọma ẹnanẹ fọbna, nẹ ṣẹ ẹkọnmatẹdaro sinọ ọnwọnwọn aka ni gu ẹfunwẹfunwẹn nodudu weṣa owẹwa bi ya nẹnọ owẹwa neke di na nẹba. ⁹Ni ma fọ igolu, isiliva, abi ekopa inọ apolo. ¹⁰Ni ma fọ apo ọyẹfa nọ ejen nayẹ abi alẹgbẹ ọbẹn, abi ofilọṣẹn, abi ogbolo, ka uturuo abọwọ ka a gba yọ ijen.¹³¹⁴Nọ ẹnanẹ eke yuru nu na abi bẹ wọ nọ ẹga wọ ọtọn na, ne fura ubowo ayẹ abi iken neye, ni pu yọ atọn fura inọ ọṣẹn.¹⁵ Ikwa ayẹ ẹ ga nẹnọ, eke su ọna wọ iwu nọ Isodomu akȯ Igomorabisubu ọṣẹnẹkarẹ foro iken na yẹ.¹⁶"Balẹ, akọ isiye file nu weyọ akọ ududa nẹnẹ wọ etin na, ni su iroro akọ ẹfẹnijẹka ni di na wọ akọ esọ kpa na. ¹⁷Nẹ fọ ayẹn to ije balẹ ero! Ba ka fọ nọ dọmọ ọọ̀pa abẹ uba, aka ka be ke dina be nọ onini ibọ isinagogu ibe. ¹⁸Ọgbọnabẹ ayẹ ba ka fọ nọ ṣo Igomina abẹ ẹrẹn akọ ibin na be imọ uba ọrẹ, akọ ubedin nẹba akọ Egentili abẹ.¹⁹Ọgbọna ba fọ nọ yẹn na, ni ma lakata akọ nekesiye gọ ẹga aka akọ nekesiye gẹ na, ka ẹkẹna naka ga na ba ka nẹnọ ọgba ayẹ. ²⁰Ama aka awọ aka gẹga, ọma ẹfunwẹnfunwẹn nẹnẹ wa ẹdẹda eka na ayẹ aka gẹga iwo iwu.²¹Ọda aka fọ yoda nọ ufo, aka ẹdẹda yọ ogben. Egben neke fura tọ bọ ẹdẹda aka iya rẹ ka baka fọ ba nọ ufo wan. ²²Beke goli nu ubaka mọ iwuru. Ama ẹfẹna aka fọ ẹpan tẹ re yọ ẹsẹpa na oronẹbẹ ayọ aka fan nẹ. ²³Ọgbọna be ki goli nu iken nẹnẹ na, ni mune yọ ikenọ oboro, ka ikwa ayẹ ẹ ga nẹnọ neke mi sumọ iken nẹna nẹ fẹnyan ṣana Osibina ogben na ṣa.²⁴''Ogbenuru mẹka ama fọrẹ yọ otitero, abi okotoro afọrẹ yọ ọga. ²⁵Ekefu gule ka ogbenuru mẹka ayẹ okotoro ẹka we akọ yọ oga na. Adaka bi yọ ọga nẹnẹ wọ Ibeelzubuli ubowo, gana ekesiye wọ oruro ta awuru nẹnẹ bẹ ke ye yọ uboro abẹ²⁶Unẹbẹ uba nima sọn bọ ọrọrẹ eme su ẹkẹna biya bẹbẹ nẹnẹ eke we ṣa na, eme dine su ẹkẹna bẹbẹ nẹnẹ be ke di na. ²⁷Ẹkẹna e ga nẹnọ esiri na, gẹ yọ erumẹka, aka ẹkẹna nẹ mọsọ wọ inọ ọtọn na, nẹ gẹ weṣa ubowo osi.²⁸Ni ma sọmọ ẹnanẹ wa nọ iwu ama bime di wa nọ ẹfunwẹnfunwẹn ẹra ibe ọrọrẹ. ²⁹Ẹsọkpa ebọrẹ ama aye bi da jọ anini ekeko họ? Ama eme su ọnẹbẹ aka falẹ nẹnẹ Ẹdẹda eme din wa mọ na. ³⁰Bilamọ nọ ẹpẹn nẹnẹ wo nẹpa na bi ke gan ba. ³¹Ni ma sọmọ ọrọrẹ. Ni kpoina fọrẹ Ẹsọkpa ọyọyọ.³²Ọnẹbẹ uba, ẹfẹnafẹna a na mọ owo erokoro ẹrẹn na, me ke dina na yọ owo ito Ẹdẹda ẹrẹn nẹnẹ wọ ẹẹṣẹn na. ³³Ama ẹfẹna e yurumu erokoro ayẹn na, me ke dina yuruya imọ ẹdẹda ẹrẹn nẹnẹ wọ ẹṣẹn na.³⁴''Ni me roro ka ẹ fọ abẹriwu ṣa holo sọ ẹrọ. Ima ṣa ka ẹ fọ abẹriwu ṣa ama ogbodo. ³⁵Ẹṣa ka ibila ogbeniforo ayẹn to wẹda, akọ ogbeniyaro ayẹn to wuya aka ogbenoro ayẹn to oforowuya. ³⁶Ero ọọ ebero aka wọ yọ ubowo weṣa.³⁷Ẹfẹna su wẹda aka wuya unini fọrẹ mọbna, ama bọwọ mọ ọma siye; ẹfẹna eni yọ ogbenoforo abi ogbeniyaro fọrẹ mọbna, ma bọwo mọ ọma siye. ³⁸Ẹfẹna ama fọ yọ, agbelebu akẹ yẹrẹ mọ na ama bọwọ mọ ọma siye. ³⁹Ẹfẹna a yẹn yẹrọ na aka nẹya fuwa. Ama ẹfẹna a nẹ yẹrọ fuwa na imọ uba na aka gbẹẹ.⁴⁰''Ẹfẹna nanọ biliwu na namọ biliwu, ẹfẹna edina namọ biliwu na dina nọ ẹfẹna file mu na biliwu. ⁴¹Ẹfẹna a na ẹsẹro uba ka ẹsẹro ya na aka nọ ẹsẹro ọ ẹkẹrẹ akọ ẹfẹna a nọ ikwaro ubaka a wọ ikwaro na aka nọ ikuwaro ẹkẹrẹ.⁴²Ẹfẹnẹfẹna a wọ ọyẹrẹ ikeke ẹnanẹ esi wọọ ebi ofunfun ọbọ ọyẹrẹ wa na imọ ogbenuru mẹka iwuru na, ikwa e ga nẹ wọ, eme su ọrẹ nẹnẹ edina nẹ yọ ẹkẹrẹ fuwa na.''

Chapter 11

¹Aṣa ọgbọna Ijisos yọ egbenurun mėka ẹfọkẹbọrẹ gọ ẹga na, e fura ẹfẹnẹbẹ je ne te edina waasu iken na bẹ. ²Akana ọgbọna Ẹjọọn wọ fẹyan fẹnyan nẹnọ Ijisos siye na akọ e siye wọ ẹwọn na, e file yọ ogbenurun mẹka itun nẹ ya ³a ga ne ya ka, ''Awọ a wọ ọnẹnẹ bika á ṣa na, abi ti ki nọ oro ọbẹ?"⁴Ijisos gunowo a ga nẹba ka, "Nẹ yọ ni ya ganẹ Ẹjọọn ẹkẹna ne gbaá akọ ẹnẹnẹ ne wọ na. ⁵Ọpẹnayẹn na bẹ ba gbọ ayẹn, otu ọṣẹn be jejen, ekọnmatẹdaro ṣinọ okumoku, oṣọtọn emina wọ ẹga, bẹ fọ ẹnanẹ fọ na pila ṣọ ẹrọ, aka bẹ ga ẹpẹpanọboro ayẹ nọ iwa rọ. ⁶Okukurubile awọ nọ ẹfẹna ama ṣẹ mo na''⁷Akọ ero abẹ siye a yọ bọ ọrẹ na, Ijisos tọmẹ a ga a nẹ apẹ nẹnẹ furubna Ẹjọọn ẹga, "Ena ni jen na balẹ ọdan na- ẹmẹ nẹnẹ eperi afọ na? ⁸Ama ẹna ni weyọ jẹna gba- oforo nẹnẹ file alẹgbẹ? nẹnẹ bẹrẹ na manọ ibin nubo na.⁹Ama ẹna ni weyọ je na gba- á ẹsẹro o? Ẹh, ẹga nẹnẹ, aka afọrẹ ẹsẹro. ¹⁰Ayẹ awọ ẹfẹna bẹ wọra yọ ẹwọra na ka 'balẹya, me file mọ utunro ṣa wọ ẹrẹn nẹnẹ eke guru wọrẹ ke karẹwọ na.'¹¹Ẹ ga nẹ wọ ikwa ẹka, emi su ẹfẹna mi fura ọ ọ ẹnanẹ iyaro ba na nẹnẹ sọ ugbugbodi akọ Ejọọn nẹnẹ wọ Ẹbaptisi na. Ama ọnẹnẹ kere fọrẹ Osibina ẹẹ́sẹn ebgbodi fọre ya. ¹²Wọ Ẹjọọn nẹnẹ wọ Baptisi ẹka na titi re amọnẹ, Osibina ẹẹsẹn wọ ọfọ iwọgbigbe fọn, iwọgbigben rọ abẹ fọ iwọgbigbe a fọ ya.¹³Ka ẹsẹro abẹ aka ububuru ba gọ ẹsẹ ṣana Ẹjọọn dina sa; ¹⁴we ki nika ọ nawọ, aya wọ Elijah nẹnẹ bika aka ṣa na. ¹⁵Ẹfẹna e subọtọn nẹnẹ aka wọ na awọ ro.¹⁶Ẹna ma ka fọọ ubanẹ ọnẹ ma a? Eki wa kọ egbenikeke nẹnẹ be siyarẹ eji na, nẹnẹ bẹ ma biye ye abẹ ¹⁷bi a gẹ ka, 'ti yi agele nẹ nọ, ni me ṣa yayọ. Ti bibe fuwa, nime yiwo.'¹⁸Ẹjọọn ṣa ama fọ owo dẹyẹ ẹpasẹ abi a wọọ ewani, bi a ga ka, 'E su ẹfunwẹnfunwẹn odudu.' ¹⁹Osibina ogben ṣa e je a wa be gẹ ka, 'Baleya, eni ijen nẹga edina wọ adẹro, a mọ ọnawana abẹ akọ ẹsẹrọ abẹ e jọ ọrẹ!' Ama a ṣẹ nọbese nọ ẹdayịn iyọ ogben nuba.''²⁰Ọgbọnẹbẹ iyọ Ijisos tọmẹ a mọ iken nẹnẹ ewe siyọ ojinorowo fuwa na ga ubaka bime roribe pila. ²¹''Ẹlẹ nọ, Iṣorasini! Ẹlẹ wọ, Ẹbẹtisaida! Adaka bi siye ojinorowo fuwa ọọ Ẹtaya aka Isidoni nẹnẹ bime siye nẹnọ na, ẹbana bi roribe pila kabọ ẹyẹnẹbẹ iwuobibe ẹsa aka ewurun. ²²Aka boriwu nọ Ẹtaya akọ Isidoni isubu osẹnẹkarẹ fọrẹ nọ.²³Awọ Ẹkapanaumi, ini roro ka ba ka fọ nọ pọ Osibina ẹẹṣẹn? Ẹhẹn, ibe ke holo nu ṣa Ẹhadesi. Adaka Isodomu ayẹ biye siyọ ojinorowo fuwa nẹnẹ bi siye ino iwu na ẹbana bi ki wamọ re amọne. ²⁴Ama ẹ ga nẹ nọ ka aka beriwu nọ isodomubijeh isubu ọsẹnẹkarẹ fọrẹ nọ.''²⁵Ọgbọnẹbẹ Ijisos ka, "Iyeyiwu, Tẹda, Idu nẹnẹ bo apn akọ ije na, ubaka ọfọ ẹpẹn nẹnanẹ, bẹbẹ ẹdayi akọ iroro ro, o ṣa uwa yẹn nọ egbenikeke. ²⁶Eh, Tẹda, ubaka ọnẹ romuro iwo ayẹn. ²⁷Ẹpẹn fẹnyan fẹnyan ayẹ Tẹda; a a dọn mọ uba, eme subẹfẹna dinọ ogben eme furaka Ẹdẹda eme furaka ogbenbna eme furaka ẹfẹna yọ ogben tiye ka a yẹn ya na.²⁸Nẹ fọ mọ uṣe ṣe nidi piya imọ uba, ubaka ibe ọbẹbẹrẹ akọ uloko ofufun rọ ẹ wa, we ke dina ²⁹gbọ ẹyẹnọfile nọ nọọ usi. ³⁰Ka mọ uṣe mi bẹrẹ aka mọ ẹyakata mi ṣọ ije.''

Chapter 12

¹Ọgbẹnabẹ Ijisos yọ egineerum su ọsẹ isubu. Yọ egbenurumẹka tọmẹ bi a parẹ ebulu bi a tan ya. ²Ọgbọna Ẹfarisi abẹ gba ba na, bẹ ga nọ Ijisos "balẹ wọ egbenurumẹka be siye ẹkẹna e me wọ ububuru ọsẹ isubu."³Ama Ijisos ga ba ka, "Ine mi ga mọ ẹkẹna Idavid siye, ọgbọna awọn a sẹyẹ na, akọ erokoro ẹnanẹ yẹrẹ ya na? ⁴A fọ mọ Osibina ubowo a fọ ẹpasẹ nẹnẹ ọtẹtan o je akọ ọtẹtan nọ ẹnanẹ a yẹrẹ ya na ama wọ ojije nọ asigiri abẹ⁵Imemi gan ya obuburu ka ọsẹ isubu aṣigiri nẹnẹ wọ etempili na da bila osẹ isubu be do na bọ ebe. ⁶Ama ẹ ga nẹnọ ka ẹfẹna fọrọ etempili na wọ ẹkọnẹ.⁷Nẹ din nọ ẹkẹna ẹ ga na, 'Eyi ayẹni ni ino uba fọrọ ẹyanpun,' e ba na nẹ ṣenebe nọ ẹfẹna eme jọ ebe na. ⁸Osibina ogben aya wọ Idu ọsẹ isubu."⁹Ọgbọnẹbẹ ayẹ Ijisos fura ẹfẹnẹbẹba fọn bọ Isinagogu yọọ. ¹⁰Balẹya, e suboro ọbẹn nẹnẹ fuu uba na. Efarisiro si nọ Ijisos a gẹ ka, "Ijẹẹ e wọ ububuru ka bẹ fọ oro iwu gan ọsẹ isubu?" Bi di yiri iluwe wo yọ ọfe.¹¹Ijisos ga nẹ ba ka, Ẹra aka wọ orayẹ iniwu nẹnẹ ino iwu su ududo oyẹrẹ a da ka ududo ayẹ falẹ fọmọ upolo ọsẹ isubu e ke wune weṣa upolo mi be ba? ¹²Gana gana orokoro siye su ugbugbodi iduduna ayẹn fọrẹ ududo! Ọnẹbẹ uba e wo ububuru ka ti ki siye oboro ọsẹ isubu."¹³Ijisos ga nọbẹfẹna fọ ibu na "Yọrẹ wọ uba." a yọrẹ yọ uba uba ayẹ pila wọ ipo, akọbuba ọboro siye we na. ¹⁴Ama Efarisiro abẹ ib we yọ, bi je ne siye yọ ọkọfalẹ. Bi ye ni akọ be ke siye fwẹ nọ ufo nwa na.¹⁵Akọ Ijisos ye gbẹ na , e furọ ẹfẹnẹbẹ. Erọ ọyọyọ yẹrẹ ya edina fọ akẹsẹ nẹba. ¹⁶Edine buru ba ka bima ganẹ koro ọyẹrẹ. ¹⁷Ka Idu ẹga edi sẹrẹ, ẹkẹna be ga ẹsẹrọ Isaya owo na ka.¹⁸"Balẹ, mọ okotoro nẹnẹ itiye na; mọ uniniro ọnẹnẹ mọ usi ibe rọnwọ na. Ma ka fọ mọ ẹfunwẹnfunwẹn wọ yọ iwu, aye aka fọ ọnẹbọwọ na nọ ikuwero.¹⁹Ọke numa abi yiwo weṣa; eke dine ya ka bẹ wọ yọ osin nane. ²⁰Aka bọwọ ẹnanẹ fọ iwu papanana; eke wu ẹra nẹnẹ a ná na, re ọgbọna a fọ ọnẹnẹ bowọ na nọ ẹnanẹ biya na, ²¹iyo iwuru ayọ ikuwerọ abẹ ekewe su ọfọ ayẹ yẹrẹ."²²Ọgbọnẹbẹ oro nẹnẹ ama gba, ama wọ na nẹnẹ ẹfunwẹnfunwẹn odudu wo yọ iwu na, be fwe ayẹ a gọ ẹga edin gbọ ayẹn. ²³Erȯ fẹnyan fẹnyan jin nọ owo fuwa bi a gẹ ka "Awuka oro ọnẹ din nawo Idavidi?"²⁴Ọgbọna Ẹfarisiro abẹ wọ ojinorowo fuwa ayẹbna, bẹ gẹ ka "Oro ọnẹ a me gwu ẹfunwẹnfunwẹnodudu emefuraka Ebeelzubulu ẹfunwẹnfunwẹn odudu abẹ obin." ²⁵Ama Ijisos din bọ iroro a ga nẹba ka, "Ẹẹsẹn ororo ruwa nẹnẹ rumu nẹ yọ iwu na e de si nọ ije, iken kiken abi ubowo kubowo nẹnẹ e ruwa nẹ yọ iwu na edine jọmọ²⁶Eṣu e gwu wẹṣa ibi ruwa ọnẹbẹ. Gana yọ ẹẹsẹn e ke siye jọmọ aa? ²⁷Ada ka ii gu ẹfunwẹnfunwẹn odudu weṣa ọọ Ibeelzebulu iwuru erọ iwuru aye nọ egbẹ nabe ewe gu ba weṣaá? Ọnẹ uba ba ka wọ ọsẹnẹkarẹ.²⁸Adaka ii gun ẹfunwẹnfunwẹn odudu weṣa aka Osibina ẹfunwẹnfunwẹn, ọgbọnẹbẹ Osibina ẹẹṣẹn wonọ ẹpan. ²⁹Gana oro eke siye fọmọ iwogbigbe ro ubowo a ṣa a kọ yọ arọn nẹnẹ e gbe kaáka ama parẹ yọ uba akọ ọṣẹn na? Ọgbọnẹbẹ ayẹbe dina kọ yọ arọn fẹnyan fẹnayan furo yubowo. ³⁰Ọnẹbẹ e me jọmọ gbelimu na eme ni mu, ọnẹnẹ ama kọ jese na ada kẹ pan kẹ wara.³¹Mẹ ga a nẹnọ aka na ka, ẹsẹ akọ ẹnakọ fẹnyan ba ka fọbẹpan gbun mọ erọ ama ẹnakȯ osiye tọọ ẹfunwẹnfunwẹn e me su ẹpan nọ ogbun. ³²Ẹfẹnafẹna a ga ẹga nẹnẹ ama bọwọ ka ga tọ ọ Osibina ogben na, ọnẹbẹ bi din na fọọ ẹpan gbun. Ama ẹfẹnafẹna a ga ẹga nẹnẹ ama bọwọ ka a g nọ ẹfunwẹnfunwẹn ọnwọnwọn, ọnẹbẹ e me su ẹpan no gbungbun ẹrọ ọnẹ akọ ọnọne a ṣa na.³³Ni siye ka oti arọmuro, ika yọ ilukutu arọ muro, abi ni siye oti ka e be, ka yọ ilukutu eke be, ilurukutu biye peli oti. ³⁴Anọ ẹpẹnididu ẹgbẹn, ọgbọna egbekaka ẹpẹnidudu nẹ wa na, gana ne ke siye ga oboro aah? Ka ọyọyọ nẹnẹ wọ uloko na ayẹ owo da ga weṣa. ³⁵Orokoro oboro nẹnẹ su iroro oboro iyọ uloko na ayẹ a da fọ ẹpẹnoboro weṣa, akọ orokor odudu nẹnẹ iroro odudu wọ yọ uloko na, ẹpẹnidudu ayẹ a da fọọ weṣa.³⁶E ga nẹnọ ka isubu ọṣẹnẹkarẹ ero fẹnyan aka ga akọbbi siye gọ ẹga odudu weṣa owo na. ³⁷Uba ka ẹkẹna ọ ga owo na ayẹ ba ka fọọ ese nẹwọ, aka ẹkẹna ọ ga owona ayẹ be ke fuuwu."³⁸Ọgbọnẹbẹ ayẹ, Isikaraburo akọ Ẹfarisiro guna Ijisos owo ka, "'Otitero, te ni ka te gba ami iwọ uba." ³⁹Ama Ijisos gunowo a ga nẹba ka, " Ubani nẹnẹ wọ ẹpẹnidudu akọ oriosẹsẹ eka na de ki ni ami. Ama eme su ami nẹnẹ ba ka nẹba na emefuraka Ijona nẹnẹ wọ ẹsẹro ami na. ⁴⁰Akọ ijọna siye lo ọ isubu ẹta akọ ujugwe ẹta ayẹrẹ ọkẹka ibe na, ẹga nọ Osibina ogben neke siye siye isubu ẹta akọ ujojwe ẹta ẹrọ ọnẹ uloko.⁴¹Ininevehi erọnbeke fura jọmọ ọgbẹna ba ja sẹnọ ubanẹ ọnẹ ẹkarẹ na bẹbke dina mọ ba gbeli. Ka bi rorobe pila ọgbọna bẹ wọ Ijona ẹpẹpa na bi roro ibe pila, balẹ ẹfẹna gbodi fọrẹ Ijona na wọ ẹkọnẹ.⁴²Iyaro obin nẹnẹ wọ Soutu eke fura ọgbọna ba kẹ ṣẹnẹkarẹ nọ erokoro nẹnẹ wọ ubani ọnẹ na beke dina fuwu ba. Iyaro ayẹ wọ ẹrọ ọọta ṣa wọ Isolomoni ẹdayin, sọọ gbẹ ẹfẹna gbodi fọrẹ Isolomoni nẹ wọọ ẹkọnẹ.⁴³Ọgbọna ẹfunwẹnfunwẹn odudu e fura oro iwu na, e de ṣu mọọ ẹfẹna eme subebi na ede ki ni ẹfẹna ekewe filẹ na, ama ama gbẹẹ. ⁴⁴Edemi ṣa gẹ ka, 'Me éke pila yọ ubowo nẹnẹ iye we ṣa na,' ọgbọna e pila na, a gbẹ ka pọra ubowọ ayẹ bi ni de guru. ⁴⁵Emi ṣa pila yọ e je na kọọ ẹfunwẹnfunwẹn nodudu ufumbọrẹ nẹnẹ sile fọrẹ yọ ẹka na abẹ fẹnyan sa a manọ ubowo ayẹ. Emi gbe ka oforo ayẹ uruba mi wọ odudu fọrẹ yọ ọtọmẹ. Ẹga nẹ eke siye we nọ ubanẹ odudu ọnẹ.''⁴⁶Ọgbọna Ijisos mọ ọ ero abẹ a yọ ẹga na, wuya aka yọ ọda abẹ jọmọ ọyẹ, biye ni akọ be ke siye mẹ gọ ẹga na. ⁴⁷Ọgbọnẹbẹ ayọ oro ọbẹ ga nẹ ya ka "Balẹ, niya aka wọ ọda abẹ jọmọ ọyẹn, be ni ka be ma wọ gẹga."⁴⁸Ama Ijisos guna yọ owo ka, ẹra ga nẹ ya, "Ẹfẹna wa tiya aka ẹnanẹ wa mọ ọda na?" ⁴⁹Ọgbọnẹbe ayẹ a yọ rẹ yọ uba nọ yọ ẹgbẹnurun mẹka abẹ a gẹ ka, "Balẹ ya, ẹnẹna wa mọ iya aka mọ ⁵⁰ọd abẹ na! Ẹfẹnafẹna e siye ye Tẹda ibe opin nẹnẹ wȯo ososi na, oronẹba a wa mọ ọda aka tiya ne."

Chapter 13

¹munubẹ Ijisos wọ ubowo ayẹ, we ṣa eje na ma nọ ebi ọtọn. ²Ero ọyọyọ ve ṣa ṣ́a tọwẹ be tekiri kwẹ, e fura a fọ mọ ọkọ ebi ẹka ma nọ iyọ ibẹ ama ero ububa ma nọ ebi ọtọn.³Ijisos ma ba gọ ẹga ọyọyọ aka utiten. A gẹ ka, "Nẹ balẹ ya, erunro, yọ erun je ne bire ibire. ⁴Akọ esiye e bire na, ibire ẹbẹnfalẹ wọ oripopo ọòtọn, ọnẹnẹ abẹ ṣa sẹẹ ya rọwa. ⁵Ibire ẹbẹn falẹ wọ ije osisile, nẹnẹ atọn mọ yọyȯ ama ma na. Iganigan bi ruwa ne ubaka atọn ma yẹ ama fọn me ije. ⁶A má ọgbọna eyi we ṣa na, bi ke kẹnẹ ubaka bi me su ẹyẹn, bi mi wele ge de fuwa.⁷Ibire ẹpẹn nọ obuba falẹ wọ ẹmẹ nẹnẹ su ẹwọn na kwe gwe bẹ sẹba rowa. ⁸Ibire obuba falẹ wọ ije nẹnẹ romuro na bi gwe fwọ ibire oboro ve ṣa, ẹbẹ ọrẹ ipi fọrẹ, ẹbẹn ita sanọ ẹbẹn ogbọlọ ketifọ. ⁹Ẹfẹna e su ọtọn na, a kẹ wọọ́."¹⁰Egbenurun mẹka ṣa bẹbga nọ Ijisos ka, "Ẹnanẹ ọ mọọ́ ape, a gẹga akọ ọgariga aá?" ¹¹Ijisos guna b owo ka, anọ bi ya nọ ka ni dinọ ẹbẹbẹ nẹnẹ wọ Osibina ẹsẹn na, ama abẹ bi ma nọọ́. ¹²Ẹfẹnẹfẹna e su na ayẹ baka fọ ọyọyọ bile nọ. Ama ẹfẹna e me su na, ọnẹnẹ e su na ayẹ ba ka na fura yọ ubọ¹³Yọ uba awọrẹ ẹfọ utilen ma ba gọ ẹga: ubaka ọgbẹgba bi ma gba; akọ ọnwọnwọn bi ma wọ eme di ne ye ba. ¹⁴Nẹ ba ayọ ọgẹsẹ nẹnẹ wọ, Ẹisaya na ẹga ṣa ṣẹrẹ nẹnẹ gẹ ka, ọnwọnwọn na ka gba, ama ne ke di peli.¹⁵Ubaka erokoro ẹnanẹ uloko e we akọ umu nọ ẹka na, bọ ọtọn run nọ ọnwọnwọn bi pu bayẹn ka bi ma gbọ ijeé, bi me dina fwọ bọ ọtọn wọ, bi me di bila, ime difọ bọ iwu gan.¹⁶Okukurubile a yẹ a wa nọ ayẹn ubaka na gbọ ije; aka nọ ọtọn, ka ba wọ ọ. ¹⁷Ikwa ayẹ e ga nẹ nọ ka ogẹsẹ ọyọyọ akọ ọṣẹrẹ rọ abe enika bẹ gba ẹkẹna ani ke gba ẹnanẹ na, ama bi ma gbẹẹ. Be nibka bẹ wọ ẹkẹna nẹ wọ na ama bi ma wọ ya.¹⁸Ni piyatọn nọ utinten nẹnẹ wọ eruro nẹnẹ bire yȯ ibire ẹpẹn na. ¹⁹Ọgbọna ẹfẹna a wọ́ ẹsẹn nọ ẹga na, ama e me yẹẹ́ na, orokoro odudu ọnẹbẹ a da ṣa a da ṣẹ nọ ibire oboro ọnẹbẹ fura yọ uloko. Ọnẹ a wọ ibire nẹnẹ bi bire wọ oripopo ọtọn na.²⁰Ọnẹnẹ bi bire wọ ije osisile na ayẹ awọ ẹfẹna wọ ẹga ayẹ na nẹnẹ dina nẹ aka ibe ọrọrọn na. Ọnẹnẹ bi bire wọ ije osisile na ayẹ awọ ẹfẹna wọ ẹga ayẹ na nẹnẹ dina nẹ aka ibe ọrọnrọn na, ²¹ama eme su ẹyẹn iyọ iwu a nẹ wọ iwu ọgba keke. Ọgbọna ayẹn nọ ọrọrọna akọ ọmabalẹ e furọ ẹga yẹ ọrẹ na, a da lakata falẹ.²²Ọnẹnẹ bi bire wọ ẹwọn mọ etin na, ọnẹ a wọ ẹfẹna wọ ẹga ayẹ na, á ama ẹrọ ọnẹ ẹka akọ arọn mọ awọrẹ ju ya file eme ya ka ebmu no ilukutu. ²³Ibire nẹnẹ bi bire wọ ije oboro ọnẹbẹ na wọọ́ ẹfẹna wọ ẹga ayẹ edine yẹ na. Ayẹ emuno ilukutu, a parẹ ọrẹ ipipi, ẹbẹn ita, akọ ẹbẹn ọgbọlọ ketifọ akọ e siye bire yọ ọyọyọ na.²⁴Ijisos dina gọ utiten nọbẹ nẹ ba. Aka "Osibina ẹsẹ ewa kọ oro nẹnẹ bire ilukutu oboro wo yọ erun na. ²⁵Ama ọgbọna erokoro ke bwe na, yọ ebero abẹ ṣa bi bire ẹmẹ wọ na, yọ ebero abẹ ṣa bi ire ẹmẹ wọ egin nọ etin be yọọ́. ²⁶Ọgbọna ibire ayẹ gwe we a ṣa na, akọ eme nẹnẹ bi bire na ka ye e gwe.²⁷Ẹfẹna bọọ́ ije na okotoro ṣa tọọ́ bẹ ga nẹ ya ka amọ ibire oboro ubire wọ iwọ erun? ẹna nẹ ẹmẹ mi gwe bila mo na?' ²⁸"A ga nẹ ba ka, 'Ume ni ka ti je na boro ba fuwa họọ́?²⁹Obije ka hẹ hẹ. Ubaka na kẹ bọrọ ẹmẹ na bẹ, ni dina boro egin na be bilamo.' ³⁰Ni tebiya bibile gwe re bile re ọgbọna ba ka parẹ ba na. Ọgbọna ba ka parẹ ba na, ma ka ganọ ẹnanẹ a ka parẹ ba na ka, Bẹ tayẹ bọrọ ẹmẹ na be, be parẹ ba jese ṣa na be kẹnẹ ba, ama bi jese nabe wọ ọpọn.""³¹Bilamọ, Ijisos dina tọ utiten nọ ọbẹn nẹba. A gẹ ka, "Osibina ẹẹsẹn e wa akọ emastadibibire na nẹnẹ oro de je ne bire wọ iyọ eruna. ³²Ibire ọnẹ aye ẹkẹrẹ fọrẹ ibire fẹnyan fẹnyan ne ẹpẹn nẹnẹ wọ oba na. Ede si nọ oti, nẹnẹ ọnẹnẹ abẹ da sa siye ọkọ wọ na.''³³Ijisos di ne ki ga utiten nẹbẹ nẹ ba, "Osibina ẹẹsẹn abalẹ akọ ọba nẹbiyarọ ebile ẹwo ọmẹma ọbọ ẹta na, je ne re yọ ofufuna.''³⁴Ẹpẹn fẹnyan fẹnyan ẹnanẹ ayẹ Ijisos fọọ utinten ga nọ ero abe; eme sil ẹga nene a ga nẹba nẹnẹ ama wọ utiten na. ³⁵Ọnẹ e wọ ọṣẹrẹ akọ ẹga nẹnẹ bibye file ẹsẹro abẹ wuru ṣa na e di ṣẹ, ọgbọn a gẹ ka, "Me ke yi mọ ọwọ aka utiten, ma ka gọọ ẹkẹna wọ ẹbẹbẹ ka bọ ọgbọna bi we fọ ẹrọ ọnẹ pa na."³⁶Ijisos mi fura ẹrọ abẹ ẹfaá na a fọ mọ ubo yọ. Yọ egbenuru mẹka ni ya ṣa bẹ ga nẹ ya ka, "Sẹ rẹ ọo utinten nẹnẹ wo ẹmẹberun mẹka na.³⁷ Ijisos gunowo ka, "Ẹfẹna bire ibire oboro ọnẹbẹ na ayẹ awọ Osibina Oogben.³⁸ Ẹmẹ ayẹ awọ erọ; ibire oboro, ayẹ a wọ Osibina ẹẹṣen negben, Ẹmẹ ayẹ a wọ eeṣu. ³⁹Ebero nẹnẹ bire ba na a wọ eesu. Eparẹ ayẹ a wọ ẹrọ ọọta ẹnanẹ aparẹ na wọ angeli abẹ.⁴⁰Ọnẹbẹ uba, akọ bi si ya á kọ eme na yẹ e je se na, nẹnẹ ẹra a kẹnẹ ya na, ẹ ga nẹ e ke siye we ẹrọ ayẹ ọọta. ⁴¹Osibina oogben eke file yọ angeli abẹ, ba ka kọ ẹpẹ fẹnyan nẹnẹ wọrẹ ero a siye iluwe na.⁴² Bẹ ka gumabe wọ ẹra ibẹ, ẹfẹna be keki yọ iwo akọ be kẹkẹ tan mọ irun mọ⁴³ owo na. Ọgbẹnabẹ ayọ ọṣẹrẹro aka kẹ ba akọ eyi na, ibọọ́ ẹdẹda ẹẹsẹn. Ẹfẹna e su ọtọn na, akẹ wọ rọ.⁴⁴"Osibina ẹẹsẹn e wa akọ arọn nẹnẹ biya bẹbẹ erun mibe na. Oro gbẹ a á bẹbẹ. Iyọ ẹbẹbẹn a yọ, e je na jọó yọ arọn nẹnẹ e su na, e gin nọ erun ma yẹ. ⁴⁵Bilamọ, Osibina ẹẹsẹn e wa kọ ọrọ nẹnẹ a dọ eji na nẹnẹ e ni ẹpearli oboro oyin. ⁴⁶Ọgbọna a gbọọ́ ẹpearli oboro ọnẹbẹ na e de pila yọ ubowo je na jọọ́ yọ arọn fẹnyan nẹnẹbe yin ya na.⁴⁷Bilamọ Osibina ẹẹsẹn e wa akọ ẹwan nẹnẹ bẹ nẹ wọ ogbolo na asa sọ ọ́ ẹpẹn nọ obobo. ⁴⁸Ọgbọna w feé na, osayẹrẹ abe fwe ebi we sa wọọ́ oṣun. Bẹ ma bẹ sẹ yọọ iboro wọ ẹpẹn, ama yọ odudu bi gumaba fuwa.⁴⁹Akọ e ke si ye wa ẹrọ ọtaá na. Angeli abẹ aka ṣa sẹ yọ orokoro idudu fura erokoro iboro etin.⁵⁰ Be ke guma ba wọ ẹra ibe, ẹfẹna iwo aka irun mọ ọtẹtan.⁵¹"Ẹnanẹ fẹnyan ye nu họ?" Yọ ẹgbenu mẹka ka "he." ⁵²Ijisos mi ṣa ga nẹ ka, Ẹwọrẹ rọ abẹ nẹnẹ si na mọ ogbenu mẹka nọ Osibina ẹẹsẹn e wa kọ oro nẹnẹ bo ubowo na, nẹnẹ kọọ́ uṣe osusu akọ owowo we ṣa iyọ arọn nẹnẹ e su na.'' ⁵³Emi ṣa ọgbọna Ijisos gọọ́ utiten ẹnanẹ ke na, e fura ẹfẹnẹbẹ.⁵⁴Ijisos mi ṣa fọn wọ yọ yi ikene e te ero Isinagogu ibe. Ọnẹ ṣa wọ ojinoro fuwa bẹ gẹ ka "Ẹ ta oro ọnẹ we gba yọọ́ ẹdayin akọ iwogbigben ojinorowo fura ẹnanẹ aá? ⁵⁵Aama wọ ẹkapẹta oogbe ho? Aama wọ Imarivbe ye wuya? Aama yọ ọda iforo abẹ a wọọ́ Ijamisi, Ijosef, Esamoni ako Ijuda? ⁵⁶Ama yọ ọda ọda iyarọ abẹ e wọ tọ etin nọ nẹ? Ẹ ta e we gbọ ẹpẹn nẹ na nẹ aá?''⁵⁷Ọnẹ wọrẹ bẹ fọọ́ ọṣẹn ta iyọ ọrẹ. Ama Ijisos ga nẹ ba ka, ''Ọsẹrẹ ro eme su ugbugbodi iyo iken aka yọ ubowo.'' ⁵⁸Eme pile siyọ ojinorowo fuwa ẹfẹnẹbẹ ubaka bọ ọnawọ.

Chapter 14

¹Ọgbọnẹbẹ, Hẹrọdu nẹnẹ wọ ẹtẹtiraki na wọ Ijisọs ẹga. ²A ga nọ yọ okotoro abẹ ka "Ẹjọọn nẹnẹ wọ Ẹbaptisi ẹka na; a palẹ ṣa eporo. Akana iwogbigbw nẹnanẹ e siye utun iyọ iwu."³Ka Hẹrọd ṣẹ Ẹjọọnu ju, parẹ ya, emi ṣa anẹ ya wọ ẹwọn Herodiya uba, yọ ọda Ipilip oro. ⁴Ka Ẹjọọn ga nẹ ya ka, "Eme wọ ububuru ka u su ya aka wọ oro na." ⁵Ẹbana Herod siye ufowo wa yan, ama a sọ mọ erokoro ọrọrẹ, ubaka bi din ya ka bọ ọgẹsẹro.⁶Ọgbọna Herodu yọ ọbẹba imu re na, Herodiya ogben no iyaro yọ ayọ etin nẹnẹ rọ mọ Herod ibe na. ⁷Iyọ ogunowo, a rọ mọ owo akọ ọpẹn ka ayẹ a ka fọ ẹkẹnẹkẹna a si ya yẹ na nẹ ya.⁸Akọ wuya siye mẹ gẹ su na, a gẹ ka, "Fọọ ẹjọ́ọ́n nẹnẹ wọ Ebaptisi ẹpan wo mọ obọ." ⁹Obin nọ ibe be akọ e siye sin na, ama owo nẹnẹ a rọn akọ ọpẹn nẹnẹ a ba na, bilọò ero nẹnẹ ke mẹ ma e je ejeme na, a ga ka bi siye siye akọ e siye ni na.¹⁰E file je na tọọ Ejọọn nẹnẹ wo Ebaptisi ẹpan ẹwọn ibe. ¹¹Bi mi fọọ yọ ẹpan na yẹ wọ ọbọ nọ oyegben naye, a nẹ e jen na nẹ wuya. ¹²Ọgbọnẹbẹ ayẹ yọ egbenurunmẹka ṣa fọọ eporo ayẹ, bi re è ọgbọna bi rẹ ke na, bi je na ga nọ Ijisọs.¹³Ọgbọna Ijisọs wọ ọnẹ na, e fura ike na yẹ a fọn mọ ọkọ ebi ẹka yọ ẹfẹna sẹ keri na. Ọgbọna ero wọ na, bi wọ iken nọ obobo fọ ipisi a yẹrẹ ya. ¹⁴Ijisọs we yọ, a ṣa gbọọ erokoro ọyọyọ. a sa e su eyi nẹ ba a fọ ẹnanẹ iwu eme siye na gan.¹⁵Ọgbọna iyi bẹrẹ na, yọ egbenurunmẹka ṣa tọ ẹ bẹ ga nẹ ya ka, "Ẹkọnẹ wọọ̀ ọdan ọgba di na yọ ke. Ga nọ ero abẹ ka bẹ kẹ yọ, bi di fọ mọ iwuru je ne yin nọ ijen nẹ biwu."¹⁶Ama Ijisọs ga nẹ ba ka, "ba ka yọ. Nẹ fọ ijen nẹ ba nẹnẹ be ke je na." ¹⁷Bẹ ga nẹ ya ka, "Ti su wọ ẹkọ nẹ ẹpasẹ upi akọ ayẹrẹ ẹborẹ." ¹⁸Ijisọs ka, "Ni ya sa."¹⁹Ijisos ga nọ erokoro abẹ ka bẹ ma nọ ẹmẹ nọ osi. A na bọọ́ ẹpasẹ upi ayẹ akọ ayẹrẹ ẹborọ. A pa mọ ayẹ balẹ ososi, a sẹ ya si nọ ọnwọnwọn e kuru ya, a fẹẹ́ nọ yọ ẹgbenurumẹka, ṣa na yọ egbenurumẹka abẹ mi a nọ erokoro ẹnanẹ ke ma na. ²⁰Abẹ fenyan bi je bi ke feè. Bẹ kọ ọnẹ ku na jese - ugi ẹfọkẹbọrẹ feé. ²¹Ẹnanẹ jijen na wọ iforo obo iya akọ egben na bẹ.²²Iganigan Ijisọs ga nẹ yọ egbenurunmẹka ka be fọ mọ ọkọ ebi yọ ya yẹ re yọ oṣu, ṣa na ayi di ke pan mọ erokoro abẹ. Ogbọna a pan mọ erokoro abẹ. ²³Ogbọna a pan mọ erokoro abẹ na, a pọ yọ ọrẹ osi ayayẹrẹ je na siye adura. Ọgbọna oju guwe na, ayarẹ e wọ ẹfẹnẹbẹ. ²⁴Ama ọkọ ebi ẹka ayẹ fọ mọ ọrẹ nọ oṣin, epere oṣisile ee tẹyẹba a yọ ẹrẹn akọ urun, uba ka eperi ayẹ a siyeba yọ bọ ọrẹ²⁵Ọgbọna e re wakati ọnẹnaro ọseṣele ujona Ijisọs ni ba ṣa, e e jejen nọ ebi osi. ²⁶Ọgbọna yọ egbenurumẹka gbẹẹ ka e jejen nọ ebi osi na, ọrọrẹ sọn ba, ka "ẹjẹjẹnẹbo ya," bi yọ ọga we ṣa akọ ọrọrẹ. ²⁷Ijisọs di ne gu no wo iganiga ka "Ni gbuloko! Ame ya ọrọrẹ ama sọn nọọ́."²⁸Ipita gun na yo owo ka, "Idu, a da ka awọ ya, buru mu ka e ṣa to wu ebi osi." ²⁹Ijisọs ka, "Kẹ ṣa." Ipita holo fura ọkọ ibe ee jejen ebi osi a yọ to Ijisọs. ³⁰Ọgbọna Ipita gbọọ́ eperi oṣisile nẹnẹ a ṣa na, ọrọrẹ pina ri ya. Akọ e siye e holo ayọ ebi igben na, e yiwo weṣa a gẹ ka, "Idu na mọ fan!"³¹Ijisọs lakata yọ rẹ uba, a sọọ Ipita uba, a ga nẹ ya ka, "Awọ o su ọnawọ keke ọnẹ ẹ na nẹ we siye uloko ẹbọrẹ bọrẹ na?" ³²Ọgbọna Ijisọs ako Ipita fọ mọ ọkọ ibe na, eperi ayẹ sẹ jọmọ. ³³Ọgbẹnẹbẹ ayẹ yọ egbẹnurumẹka nẹnẹ wọ ọkọ na bẹ fọ ẹpan dẹ ijen nọ Ijisọs bẹ gẹ ka, "Ikuwa Osibina oògben nọ wa."³⁴Ọgbọna bi ṣu wọ oṣun na, be ṣọọ́ iken nẹnẹ be yọọ̀ Igennesareti na. ³⁵Ọgbọna ẹnanẹ wọ ẹfẹnẹbẹ peli Ijisọs na, bi file utun yọ ẹfa ororo nẹnẹ ge gere iken na yẹ na, eroro ke fọọ ẹnanẹ ke yia na ṣa. ³⁶Bẹ tẹ yọ ekuwi ka a ya ka be fọ uba dẹ yọ ẹsa ọtọm, ako bi siye yọ ta fọ uba dẹ yọ ẹsa ọtọn na, ẹga bọ iwu siye gan nẹ.

Chapter 15

¹Ọgbọnẹbẹ a yọ Ẹfarisisi akọ Isikirab abẹ wọọ̀ Ijerusalẹmu ṣa tọọ̀ Ijisọs. Bi ka, ²"Ẹnanẹ wọ egbenurumẹka yuru osisiye nẹnẹ wọ isuda ẹka na? uba ka be puwa bọ uba be ki jọọ̀ ẹpasa na." ³E gu na bọ owo a gẹ ka, "Ẹnanẹ kọ anọ ni yuru Osibina ububuru nọ oọ̀ ije ẹpẹn na?⁴Osibina ka, 'fọ okurunọ nẹ nẹda aka ni ya, aka 'Ẹfẹna a gọ wẹda aka wuya ebe na eke fọ.' ⁵Ama ni ka, ẹfẹna a ga nẹ wẹda aka wuya, "Ubogugiwe nẹnẹ e gbo na imọ uba na mi wọ ọwa nọ Osibina," ⁶oronẹbẹ eme pile su ka a fọ ugbugbodi nẹ wẹda.' ọre onẹ nẹ sọ Osibina ẹga si nọ ufolo.⁷Anọ o si yọ irekureku ẹnanẹ! ikuwa ayọ Isaya ga nẹ nọ ogbẹ na a gẹ ka, ⁸Ẹrokoro ẹna nẹ fọ owope fọ okurunọ a nẹ mọ, ama bọ uloko fọ mọ ọrẹ nẹ mọ. ⁹Be pun mu ufolo ubaka bẹ fọọ̀ erọkoro ububuru e te ero."¹⁰Emi yọọ̀ erokoro ẹnanẹ jese na ka, "Ni pi ya tọn ni di na wọọ̀ - ¹¹Ama wọ ẹpẹn nẹnẹ fọn mọ owo na aya aa ṣọọ oro ṣi nọ abẹyẹ. Ama ẹkẹna wọ oro owo we ṣa na, aye a da sọ oro sina abẹ yẹ."¹²Yọ ẹgbenurumẹka ṣa ga na Ijisọs ka, "Nje u din ka Efarisisi ro abẹ a kan ni iwu ọgbọna bẹ wọ ẹkẹna o ga na?" ¹³Ijisọs ga ne ba ka, "Otikoti nẹnẹ Tẹda apan e me bire na i ba ka bọrẹ. ¹⁴Te yi bọ wọ ibẹ ka, ọpẹnayẹn nẹnẹ e toro ọrẹ na bẹ wa. Opeyẹn e ki te openayen nọben nẹ ọrẹ abẹbọbọ eke bile falẹ fọ mọ uponlo."¹⁵Ipita gu na Ijesu owo ka, "Sẹ rọọ́ utiten nọnẹ eṣen nẹ tọ." ¹⁶Ijisọs ka, "Ika anọ ini me su odidun họ? ¹⁷Ini me din ka, ẹkẹnakẹna a fọ mọ owo na de ṣu yọ epuru bi de dọ wọẹ ẹpẹpan á?¹⁸Ama ẹkẹna e we ṣa owo na uloko e de we ṣa. Aba wọ ẹkẹna da fọ oro ṣi nọ abẹyẹ na. ¹⁹Uloko ayẹ ebe de we ke se ṣa ọwanoro, onọsẹsẹ uba obuwe nẹ oyiri, ọ jọmọ nọ ẹkẹna yọ ayẹ ne me to na, odudu oga owo. ²⁰Ẹkẹna da sọ oro ṣinọ abẹyẹ na wọ nẹ bẹ. Ama oro nẹnẹ eme puwa uba ṣa na e jọ ijen na ama si yọ abẹyẹ."²¹Ijisọs mi ṣa fura ẹfẹnẹbẹ e mi ṣun yọ iken nẹnẹ be yọọ́ Etayo akọ Sidoni na. ²²Balẹ, Ekananite ro nẹnẹ wo iyaro na wọ ẹfẹnẹbẹ ṣa. E yi ọga we ṣa a gẹ ka, "Ṣọọ̀ mọ eyi, Idu, Edafid ogben! Ẹfunwẹnfunwẹn nodudu sẹ mọ ogben nọ iyaro ṣin." ²³Ama Ijisọs ama tọ efuwa owo. Yo ̣ẹgbenurumẹka ṣa tọ ẹ bi ya yẹ yọ ekuwi ka, "Ga nẹ ya ka akẹ yo, ubaka e yọọ́ ọgá a yẹ rẹ tọ."²⁴Ama Ijisọs guna ba owo ka, "Bi me file mọ utun nẹ koro kọyẹrẹ eme fura ka ududo ẹnẹna ya furọ ọ́ Isreal ubowo na." ²⁵Ama a ṣa a tọmẹ wo iyọ ẹrẹn a gẹ ka, "Idu, goó mọ uba." ²⁶Egunowo a gẹ ka, "A ma bọwọ ka bẹ nọ egbe nọ ekara be nẹ ya nọ uwoó."²⁷E gunọ owo ka, "Ẹgan ya nẹ Idu àmá kọ uwoó da kẹ sẹyọ ẹpẹrẹ nẹnẹ a falẹ ọga apa na ki je." ²⁸Ijisọs gu ne yọ owo ka, "Iyaroro, wo ọnawọ gbodi; a si ye ẹga wa ako usi ye rorẹ na." Yọ ugben no iyaro di na gba onafa ẹwakati ayẹ²⁹Ijisọs fura ẹfẹnẹbẹ yọ oturu tọọ́ Egalili ebi. E ṣu ọrẹ osi a ma nọ ẹfẹnẹbẹ. ³⁰Ẹrokoro arimarimi ṣa tọ ẹ. Bi ke fọ ọ ofubaá openayẹ, oṣowo, akọ ọfọ ọṣẹ na be aka erokoro oyoyo nene bọ iwu a ma gan na. Bi ka kọ ba wọ Ijisọs ẹṣẹn, e di na fọ bọ iwu ke gan. ³¹Ẹrokoro arimarimi abẹ ji nọ owo fuwa ọgbọna be gba akọ oṣhowo si ya gẹ gan na, ofu uba akọ ọṣẹ si ye gan na akọ ope nayẹ na bẹ si ya gbọọ ayẹn na. Bẹ fọ Osibina nẹnẹ wọ Israch ẹka na pọ.³²Ijisọs ye yọ ẹgbenurumẹka a ga nẹba ka, "I su eyi no erokoro ẹnanẹ uba ka isubu otẹtaro nẹnẹ bẹ ma na kẹ mọ na wọ ọnẹ bi me dine su ẹkẹna be ke je na. Ime di ne nika ẹ ga nẹba ka bẹ kẹ yọ ubowo akọ ibe ufolo igun ma sẹ ba, ubi e me dina fọ ba falẹ oripopo." ³³Yọ ẹgbenurumẹka ganẹ ya ka, "Ẹtẹka te kẹ we gba ẹpasẹ nene e ki we guwe erokoro arimarimi enanẹ na ọdamobile ọnẹ aà?" ³⁴Ijisọs ga nẹ ba ka, "Epase ọbọ ga na ni su aà?" Bi gun nẹ yọ owo ka "Ufọmborẹ akọ ayẹrẹ keke." ³⁵Ijisọs gọ ububuru ka erokoro abẹ be ma nọ ijeh.³⁶A na bọ ẹpasẹ ọbọ ufọmbọrẹ ayẹ akọ ayẹrẹ ayẹ, ọgbona a ga mọ eba na, e kuru ẹpasẹ abẹ ṣana a nọ yọ egbenurumẹka. Ẹgbenurumẹka abẹ mi ruwẹ nọ erokoro abẹ. ³⁷Ẹrokoro abẹ bi je bi di ne feé. Bi jesé ọnẹnẹ ku na wọ ugi ufọmbọrẹ. ³⁸Ẹnanẹ jọọ ijen na wọ etousani ena nene wọ iforo na wọ obo nọ iyaro aka egbenikeke nẹnẹ bi ma gan na. ³⁹Ijisọs mi ga nọ erokoro abẹ ka bẹ kẹ yọ eme fọ mọ ọkọ a yọ iken nẹnẹ be yọ Emagadani na.

Chapter 16

¹Efarisisi aka Esaducisi abẹ ṣa mẹ balẹ bi sin ya ka a fọ opipeli wọ ososi ṣa. ²Ama e gunowo a ga nẹ ba, "Ọgbọna e rọ iyi ọbẹbẹrẹ na ni da ka, 'Apẹn na ka romuro, ubaka ososi rọna.'³Ọgbọna a wọ urorumẹka na, ni da ka, 'Apẹn siye rọna ama a yọ isi, apẹn na ka romuro, amọnẹ. Ama ni din na ga akọ nẹ ososi siye we na, ama ni me din gaá akọ apẹn siye we ọgba na. ⁴Ebe akọ onọsẹsẹ ubani be ni opipeli, ama e me su opipeli nẹnẹ ba ka yẹn ba na eme fura ka a wọ Ijonah opipeli." Ẹfẹnẹbẹ Ijisọs teyi ba wo a yọ nẹ.⁵Ọgbọna yọ ogbenurumẹka re oṣhun na, ayẹn luwe ba ka bi tiye ẹpasẹ dọn. ⁶Ijisọs ga nẹ ba, "Nẹ fọ ayẹn tọọ̀ ije ni din na sẹ lẹ iwu ubaka ọba nẹnẹ wọ Efarisi akọ Esadusisi ẹka na." ⁷Ẹgbenurumẹka abẹ mọ abẹn na ge ka ubaka, "Ti ma tiye ẹpasẹ dọn." ⁸Ijisọs din nọ ẹkẹna be roro na, "Anọ nẹnẹ nọ ọnawo kere na, ẹnanẹ ne rorẹ ino etin ka ubaka ni ma fọ ẹpasẹ dọn họn?⁹Inime pila yẹn nọ ẹpasẹ upi nọ akọ ugi ọpa nẹnẹ nẹ kọ bile na họn? ¹⁰Ni me di na yẹn akọ ẹpasẹ ufombọrẹ nọ, aka ugi ọpa nẹnẹ nẹ kọ jese na họn,?¹¹Gana e si ye wa nẹnẹ ni me su ọna ka ama wọ ẹpasẹ ẹga ma gaá? Nẹ sẹ nọ iwu ọpara ọọ́ Ẹfẹnẹbẹ akọ Ẹsadusisi abẹ ọrẹ." ¹²Ẹfẹnẹbẹ a ye, bi ye su ọna ẹga nẹ a ga a nẹ ba na ka ama wọ ọba nẹnẹ wọ ẹpasẹ na, ama ka bẹ sọọ́ ọpara ọọ́ otite nẹnẹ wọ Ẹfarisisi aka Esadusisi na.¹³Ọgbọna Ijisọs ṣọọ̀ iken nẹnẹ kẹ yọ Isiseriya Ipilipi na, e ṣin yọ egbenurumẹka ka , "Era erokoro roro ka Osibina Ogben wa?" ¹⁴Bi ka, "Ẹbẹ ka Ẹjọọn Orimomo; ẹbẹ ka, Elijah; ibuba ka, Ijeremiya, abi ọyẹrẹ ọgọṣẹro abẹ." ¹⁵E ṣin ba ka, "Ama ẹra ni ka amẹ waá? ¹⁶Esamoni nẹnẹ wa Ipita na gu na owo ka, "Awọ a wọ Ẹkraist, Osibina oogben."¹⁷Ijisọs gu nẹ yọ owo ka, "Okurubile ayẹ a wa nẹ wọ Isimoni Ijona oògbe, ama wọ iwukpe tabi ẹyọn a fọ ọnẹ yẹ wọ, ama da ka mọ Ẹdẹda nẹnẹ wọ apan na. ¹⁸I di na ga nẹ wọ ka, awọ a wọ Ipita, ọtarẹ osi ọnẹ ma ka mọ ubowo wo. Ẹra opolo e ke di fọ rẹ ya.¹⁹Ma ka fọọ̀ ọkọkọrọ nẹnẹ wọ Osibina ẹẹsẹn nẹka na dọn wọ uba. Ẹkẹnakẹ wa parẹ ẹro na ẹgan be ke siye parẹ yọ ẹẹsen nẹ ẹkẹnakẹna wa tọra ẹrọ na egan be ke siye tọrẹ yọ ẹẹsen nẹ." ²⁰Ijisọs buru yọ egbenurumẹka ka bi ma ga nọ orokoro ka ayẹ a wọ Ekraist.²¹Wọ ọgbọnẹbẹ yọọ ayọ Ijisọs we a ga nẹ yọ ẹgbenurumẹka ka ayẹ à kà yọ Ijerusalẹm ayẹ e ke je oya obobo ọọ̀ isuda akọ́ asigiri ẹẹ̀pan akọ isikirab abẹ uba, ba ka wan ya yẹ, ayẹ e ke di nẹ fura wọ ẹrọ isubu ọtẹtaro. ²²Iginiga ayẹ Ipita yẹè wọ ẹfẹ a mẹ ga, ka, "Ọnẹ a ka sẹ rọ, Idu; ọlọ ọnẹ e ke to wu." ²³Ama Ijisọs bila a ga nọ Ipita, "Pila mọ uru, Ẹsu! a wọ a wọ ọtarẹ nẹnẹ e ju mọ ọrẹ na, awọ ume roro ẹpẹn nẹnẹ wọ Osibina ẹka na, ama da ka erokoro ẹka."²⁴Ijisọs ga nẹ yọ egbenurumẹka ka, "Ẹfẹnẹfẹna e ki ni ka ayẹ yẹrẹ mọ na, e ke yuru yọ iwu, a fọ yọọ́ agbelebu, ṣana akẹ yẹrẹ mọ. ²⁵Ẹfẹna e ki ni ka ayẹ fan na aka nẹ yọ ẹfunwẹnfunwẹn fura, aka ẹfẹna a nẹ yọ ẹfunwẹnfunwẹn fuwa nẹ mọ uba na, a ka gbẹẹ́. ²⁶Ẹna aka wa oro ọnẹbẹ ẹkẹrẹ ọgbọna e je ero ọnẹ fenyan ẹkẹrẹ emi nẹ yọ ẹfunwẹnfunwẹn fu wa á? Ẹna oro di na fọ e si yọ ẹfunwẹnfunwẹn naá?²⁷Osibina oogben a ka ṣa iyọ wẹda ugbugbodi aka yọ angeli abẹ. Ọgbọnẹbẹ ayẹ a ka fọ ororo ẹkẹrẹ nẹya aka yọ uba utun na. ²⁸Ikuwa ẹka aye ẹ ga nẹ nọ, nọ ọyọyọ nẹnẹ jọmọ ẹkọnẹ na nẹnẹ ba ká gbọ ufowo eme fura ka bẹ gbọọ́ Osibina oogbe akọ e si ye a ṣa iyọ ẹẹsẹn na."

Chapter 17

¹Isubu ọpọnoyẹrẹ ro, Ijisọs fọọ́ Ipita, Ijamisi, akọ Ẹjọọn yọ ọda, a fọ ba pọ yọ ọrẹ osi. Yọ iwu bila ibo ayẹn. ²Yọ áyẹn a ba akọ eyi na, aka yọ alẹgbe e pii akọ ọsọ na.³Bale, Imose akọ Elijah we yẹn ba bẹ mẹ ya gọ ẹga. ⁴Ipita gun na owo a ga nọ Ijisọs ka, "Idu, arọn ka ti wọ ẹkọ nẹ. We ki ni ma ka mọ uturu ẹta - ọyẹrẹ nọ Elijah."̄⁵Akọ e si ye ki ya gọ ẹga na, balẹ ososi pii ri ba, balẹ ya ohun mọ ọbẹ wọ ososi gẹ ka, "Ọnẹ a wọọ́ mọ oògbe nẹnẹ ini na, nẹnẹ mọ ibe rọn to na. Ni pi yọ atọn." ⁶Ọgbọna yọ egbenurumẹka wọ ẹnanẹ na bẹ falẹ gun mọ ayẹn ri, ọrọrẹ a sọn ba. ⁷Ọgbọnẹbẹ Ijisọs ṣa a fọọ́ uba dẹ yẹ ba a gẹẹ́ ka " Ni fura ni ma sọmọ ọrọrẹ." ⁸Ọgbọn bẹ balẹ apan na bi ma gba oró eme fura ka Ijisọs ayayẹrẹ.⁹Akọ bi si ye holo aṣa ọrẹ osi na, Ijisọs buru ba, ka ka "Ni ma gọ ayẹn nẹnẹ nẹ gba ọnẹ na nẹ koro oyẹrẹ emefuraka ogbọna Osibina oogbe palẹ ṣa eporo na." ¹⁰Yọ ẹgbenurumẹka ṣin ya, ka, "Ẹnanẹ isikirabu abẹ è gẹ ka, Elijah a ka ta yẹ ṣaá?¹¹Ijsọs gun na bọ owo ka, "Elijah a ka ta yẹ ṣa ṣá fọ ẹpẹ fẹnyan wọ iyọ ọsẹrẹ. Amá ẹ ga nẹ nọ, Elijah ayẹ ṣa ke, amá bi me peli ya. ¹²Amà bi siye ẹkẹna barẹ ba nẹ kiwe tọ yẹ. Ẹgalẹ ọnẹ ayẹ ka Osibina oogbe ne ke siye jọ ọya ibọ uba nẹ." ¹³Ọgbọnẹbẹ ayẹ e mi we yọ ẹgbenurumẹka abẹ ayẹn ka, Ẹjoon Orimomo ẹga ayẹ a gaá.¹⁴Ọgbọna bẹ ṣa tọọ erokoro abẹ na, oro oforo ọbẹ ṣa tọ ẹẹ, e gu ma ekute wọ iyọ ẹrẹn a ge ka, ¹⁵"Idu sọn mọ ogbe nọ eyi, ka e su ijipapa nẹnẹ fọ ye numa na. Ọgba ọyọyọ a da falẹ wọ ẹra ibe aka ebi ibe. ¹⁶Ẹ fọ ya ṣa wọ ẹgbenurumẹka ẹfa bi me di fọ yọ iwu gan."¹⁷Ijisọs gu nẹ yọ owo ka, "Ubani nẹnẹ e me su ọna wọ akọ osi ye i ro abẹ, isubu ga na ma ka ma nọ ma na? Isubu ga na ma fọ ma nọ siwu aà? Nẹ fọwẹ ṣa to mu." ¹⁸Ijisọs mọ ẹfunwẹnfunwẹn odudu ayẹ mẹ ga, o fura yọ iwu, ogben na yẹ su ọnafan wọ ọgba ayẹ yọ.Ọgbọnẹbẹ ¹⁹ayọ Ijisọs ẹgbenurumẹka ṣa tọ ẹ ẹbẹbẹ bẹ gẹ ka, "Ẹnanẹ ti me di gu ya we ṣaà?" ²⁰Ijisọs ga nẹ ba, ka, "Ubaka nọ ọnawọ kere. Ikuwa ẹ ga nẹ nọ, nẹ su ọnawọ nẹnẹ si kere akọ emustardi ibire ọyẹrẹ, ni di na ga a nọọ ọrẹ ọnẹ, 'Turu fura ẹkọnẹ yọ ẹfẹnẹbẹ,' e ki di ne turu, eme di ne su ẹkẹna eke feé na ayẹn o siye na." ²¹Amà ẹfunwẹnfunwẹn odudu ọlọ ọnẹ e din na ṣana e we ṣa emefuraka adura akọ awẹ.²²Akọ bi siye ma nọ Egalili na, Ijisọs ga nọ yọ ẹgbenurumẹka ka, "Ba ka fọọ Osibina oògben dọ mọ ẹrokoro ubá, ²³be ke dina wa ya, isubu ọtẹtaro a ka sọma palẹ ṣa." Yọ egbenurumẹka ṣa e bọ ibe efuwa.²⁴Ọgbọna bẹ ṣa iken nẹnẹ bee yọ Ekapenoumi na, iforo ẹnanẹ a nọ amana ṣa tọ ọ Ipita be gẹ ka, "Nọ otite ro a toọ amana họọ́? ²⁵A ga nẹ ba ka, "hẹ." Ọgbọna Ipita fọ mọ ibuwo na, Ijisọs yọ yọ ẹrẹ a ga nẹ ya ka, "Ẹna uroro aà, Isimion? Ẹra uba ayọ ibi nọ ẹrọ ẹka da kẹ na amana á? Ibọò oogbe nọ oforo uba abi ọga uba?"²⁶"Ọga uba," Ipita gun nẹ yọ owo. Ijisọs gẹ ka "egbe nabẹ faan." ²⁷Uba ka ọna amana abẹ bi ma ka nọ iwu, ṣu yọ nẹ nẹ mọ agẹ wọ yibẹ ni wu nọ ayẹrẹ nẹnẹ tayẹ fọn ya na we ṣa ọgbona ne ji nọ ayẹrẹ ayẹ owo na, na ka gbọọ ikiba esekeli ọyẹrẹ amọ. Ti yẹ uwa nọ ẹnanẹ a nọọ amana na, uwe duna nẹ wọ aka amẹ."

Chapter 18

¹Ogbonebe yọ egbenurumẹka ṣa tọ ọ Ijisọs bẹ gẹ ka, "Ẹra fọrẹ aá Osibina ẹẹsẹn na?" ²Ijisọs yoọ ogben nọ okeke ọyẹrẹ ṣa yọ ẹfa, a fọ ẹ wọ ibọ́ etin, ³a gẹẹ̀ ka, "Ikuwa ayẹ ẹ ga nẹnọ eme fura ka ni bila ṣina akọ egbenikeke abẹ na, ne dina fọ mọ Osibina ẹẹsen .⁴Bilamọ ẹfẹnafẹna e holo yọ iwu akọ ogbenikeke ọnẹ na ayẹ e gbodi fọrẹ Osibina ẹẹṣen . ⁵Ẹfẹnafẹna a nọ ogben nọ okeke ọnẹ wọ iwu na imọ iwuru na, a na mọ. ⁶Amá ẹfẹnafẹna a wọrẹ ka egbenikeke ẹnanẹ nẹnẹ na mọ e si ore na, e fu ron ka bẹ para ọtarẹ ọkẹka wo yọ ofe, bẹ ne ya wọ ebi okeka nẹnẹ aka ro wẹ na.⁷Ẹlẹ nọ ẹrọ ubaka eduduru ọtọ ọṣẹn! E di ne siye ka eduduru ọtọ ọṣẹn e me wa mọ, amá ẹlẹ nọ ẹfẹna ọrẹ eduduru ọtọ ọsẹn nọnẹ we ṣa na! ⁸A da wọ uba abi wọ ọṣẹn a wọrẹ, ka o tọ ọsẹn, ṣẹ ya fura ọnẹ ya fuwa. E ké fu rọn nẹ wọ ka ọ ṣẹ nọ uba ọyẹrẹ abi ọsẹn nọ ọyẹrẹ ọ gba ọnafan fọrẹ ka nẹ wọ́ wọọ́ ẹra nẹnẹ e me su ọta na akọ wọ uba akọ ọsen nọ ẹbẹbọ wọ ogugule.⁹Ada ka wọ ayẹn a wọ rẹ wọ a tọ ọṣẹn pọ lẹ ya ọ nẹ ya fuwa. Akẹsẹ ka ọ fọ mọ ẹrọ ako ayẹ nọ ọyẹrẹ fọ rẹ ka bẹ nẹ wọ wọọ́ ẹra ibe akọ ayen nẹbọbọ.¹⁰Oba ka uma fọ ayen wa nọ ikeke ẹnanẹ. Ẹ ga nẹ nọ ka ẹẹsen bọ angel abe, da kẹ balẹ Osibina nẹnẹ wọ apan. ¹¹Osibina Oògben ṣa ka ayẹn nọ enanẹ ya na fan.¹²Ẹna àwó uroro aá? Esu ẹfẹna e su ududo ipi na, ṣa na oyẹrẹ yaa, ama e ke te bọ ebuto wọ ọrẹ ẹfẹ e mi je ne ni ọyẹrẹ nẹnẹ ya na? ¹³Adaka a gbẹé, ikuwa ayẹ ẹ ga nẹ nọ, iyọ ibe a ka rọn mọ ọyẹrẹ ọnẹbẹ osi fọrẹ ebuto nẹnẹ e me ya na. ¹⁴Ẹga wa wọ Ẹdẹda nẹnẹ wọ apan na ibe opin ka ọyẹrẹ egbenikeke ẹna na e fuú.¹⁵"Ada ka wọ ọda luwe to wu, yọ uwa to wẹ ọ mẹ ga onẹbọbọ aya rẹ etin ada ka e pi wọ atọn, awọ u pila wọ ọda wọ oṣẹrẹ. ¹⁶Ada ka eme pi wọ atọn, nọ oro ọyẹrẹ abi ero ẹbọrẹ bile iwu bi di ná wọ ubedi ubaka ẹga fẹnyan nẹnẹ bẹ ga na e di wa bọ ayẹn.¹⁷Edina da ka e me piya bọ atọn , fọọ́ ẹga ayẹ yọ Osibina ubowo. Edi ne yuru ka ayẹ pi yọ atọn Osibina ubowo, ke balẹ ya akọ ẹfẹna eme su onawo akọ ọnamana.¹⁸Ẹga ikuwa ayẹ ẹ ga nẹ nọ ẹkẹnẹkẹna ọ parẹ ẹrọ na ẹ gan be ke si ye parẹ yọ ẹẹṣẹn na, ẹkẹnẹkẹna wa tọra ẹẹsen na ẹ gan be ke si ye tọrẹ yọ ẹrọ nẹ.¹⁹ I di ne ki ga nẹ nọ akọ ni si ye esin na. ²⁰Ka wọ ẹfẹna ero ẹbọrẹ aka ẹta e we jese imọ iwuru na, me ke wọ ibọ etin."²¹Ogbọnẹbẹ ayọ Ipita ni ya ṣa a ga nọ Ijisọs ka, "Idu, isa gana mọ ọda e ke siye iluwe to mu ṣa na ẹ fọ ẹpan gbun ya? Isọ ufọmbọrẹ họ?" ²²Ijisọs ga nẹ ya ka, "I ma ga nẹ wọ ka iṣọ ọ ufọmbọrẹ, ama da ọgbona e rọ iso.²³Ọnẹbẹ uba Osibina ẹẹsẹn e ki wa akọ obin nẹnẹ e ni ka ayẹ ma yọ okotoro abẹ siye yọ ikiba ẹmẹsẹ na. ²⁴Akọ e siye tọ mẹ ẹmẹsẹ ayẹ na, bẹ fọ yọ okotoro ọyẹrẹ nẹnẹ je yọ uba nẹnẹ wọ asẹn nefọ ẹtalenti na. ²⁵Akọ e me siye su ẹkẹna e ke dunẹ pila na, yọ ọga buru ka bẹ jọ ya bile yọ oworo akọ yọ egbe na bẹ aka ẹpẹ fiyan nẹnẹ e su na bi ye duna uba nẹnẹ e je na.²⁶Yọ okotoro ayẹ gu mọ iberi a fọ ẹpan dẹ yọ ijeh, a ga nẹ ya ka, 'Ọga, sọọ isuru nẹmọ me ko duna wọ fenyan.' ²⁷Ọnẹbẹ okotoro ayẹ ọga ayẹ su eyọsọn nẹ ya, e te bi ya afọ uba ayẹ wọẹẹ.²⁸Ama okotoro ayẹ we yọ a gbọọ yọ okotoro ọpa, nẹnẹ je yọ edenari ipi na. A sẹ ya a wọn yọ ẹgẹrẹ, a gẹ ka, 'Du na mọ ọpa nẹnẹ u je mu na.' ²⁹Yọ okotoro ọpa gu mọ iberi a tẹ yọ ekwi, a ge ka, 'Sọọ isuru nẹ mọ, ka me ke duna wọ.'³⁰Ama okotoro oṣoro yuru. A yọ e je ne ju ya wọ ubuwu re ọgbọna e ke dunẹ yọ uba ayẹ na. ³¹Ọgbọna yọ okotoro ọpa abẹ gbọ ẹkẹna bọ okotoro ọpa siye na, eyi sọ ba. Bẹ yọ bi je na ga ne bọ ọga ẹpẹn nẹnẹ ke ṣẹlẹ na.³²Ọgbonẹbẹ ayẹ okotoro ọnẹbẹ yọ ọga ye ẹ a ga nẹ ya ka, 'Awọ okotoro oṣe ibe odudu ọnẹ ẹ fọ ẹpan gbun wu uba fenyan nẹnẹ u je mu na ubaka ọ tẹ yẹ mọ ekwin. ³³Ama bọwọ ka u sọọ eyi nọ wọ okotoro ọpa á ako isiye su eyi nẹ wọ ta na?'³⁴Yọ oga kaniwu a fọ wẹ dọn mọ ẹnanẹ e ke je yọ oya jene re ọgbọna e ke di ye du na yọ uba fenyanfenyan na. ³⁵Ẹ ga nẹ mọ Ẹdẹda nẹnẹ wọ ẹẹsẹn na e ke siye to nu a da ka ni ma fọ ẹpan gbun nọ ọda nẹnẹ ṣẹ nọ na na bọ nọ uloko.

Chapter 19

¹Ọgba ṣa nẹnẹ Ijisọs ẹga ẹnanẹ kuwe, e ṣu furọ Ẹgalili e su yọ iken nẹnẹ be yọ Ijudia na ṣin mọ Ẹjọdani ogbolo wọ Oṣun. ²Erokoro ọyọyọ yẹ rẹ ya, a fọ bọ iwu gaan nọ ẹfẹnẹbẹ.³Ẹfarisisi ro abẹ ṣa to ẹ, bẹ mẹ ya balẹ bẹ gẹ ka, "Ijẹẹ́ e wọ ububuru ka oforo e yuru yọ oworo ẹga kega nẹnẹ a wọ bọ etin na?" ⁴Ijisọs gun nọ owo a gẹ ka, "I ne mi gan ya ka ẹfẹna ma ba na a ma ba oforo akọ iyaro?⁵Ẹfẹna di na ma ba na di na gẹ ka, 'ọnẹ uba oforo eke tebi wẹda aka wuya e ke je na fọ iwu gbeli yọ oworo, abẹ ẹbọbọ eke ṣi nọ iwu ọyẹrẹ ṣa ama wọ ẹgan ne siye we nẹ. ⁶Abẹ ẹbọbọ mi ṣin nọ ọyẹrẹ. Ọnẹbẹ uba ẹkẹnakẹ na Osibina a sẹ bile na, koro kọ ọyẹrẹ a ma tẹlẹkẹsẹ ya."⁷Bẹ ga nẹ ya ka, "Enanẹ Imose buru tu ka tẹ fọọ ọwọra oyuru ṣa na bi mi gu ya à? ⁸A ga nẹ ba ka, "Nọ nọ uloko ọsisile, Imose ya nọ ka ni yuru nọ iworo, ama wọ ọtọmẹ ṣa ama wọ ẹgan ne siye we nẹ. ⁹Ẹ ga nẹ nọ ẹfẹnẹfena ẹ yuru yọ oworo na, eme fura kọ esero ọse e mi je ne su oro ọbẹ a sọ esero; oforo nẹnẹ di ne je ne su oworo nẹnẹ bi yuru na, ka yẹ sọ esero."¹⁰Ẹgbenurumẹka ga nọ Ijisọs ka, "A da ka akọ ẹga siye wọ oforo akọ oworo etin na, ama rọn ka oro e su oro." ¹¹Ama Ijisọs ga nẹ ba ka, "Ama wọ ero fenyan e di na nọ ẹga ọnẹ, ama nọ ẹnanẹ bi ya nọ na. ¹²Ka e su eunuchs nẹnẹ we ẹgan ka ba wuya ibe ṣa na, e di nẹ su eunuchs ẹbẹn nẹnẹ ero ṣe ṣin nọ eunuchs na, e di ne su ẹnanẹ sẹ bọ iwu ṣin nọ eunuchs na ubaka bi di fọ mọ Osibina ẹẹsẹn. Ẹfẹna a nọ otite ọnẹ wọ na, a nẹ wọ."¹³E siye bẹ kọ egbenikeke ṣa to wẹ ka a fọ yọ uba wo bọ ẹpan edina siye adura ne ba ama yọ egbenurumẹka ma ba ga. ¹⁴Ama Ijisọs ka, "Nẹ fọ ọrẹ nọ ẹgbenikeke ẹnanẹ, ni me pila ju ba ka bẹ ṣa to mu, ka Osibina ẹẹṣẹn wa ikeke ẹnanẹ ẹka." ¹⁵A fọ yọ uba yẹrẹ egbẹ nabẹ ẹpan, e mi fura ọọ ẹfẹnẹbẹ.¹⁶Balẹ, oro ọbẹ ṣa tọọ Ijisọs a gẹ ka, "Otitero, ẹna wọ ẹpẹn nọ oboro nẹnẹ I di ne siye i di gbọọ ẹrọ nẹnẹ e me su ọtaa na?" ¹⁷Ijisọs ga nẹ ye ka, "Ẹnanẹ we ṣin mọọ ẹkẹna rọn muro na? Ọyẹrẹ ayarẹ a rọn muro, ama we ki ni ka ọ fọmọ ẹrọ sẹ yọ ububuru dọn."¹⁸Oro ayẹ gu nẹ ya ka, "Ububuru ọọ na? Ijisọs ka, "Uma wan nọ oro, uma sọ oni, uma yi rọ oyiri, uma jọmọ nọ ẹga nẹnẹ ayẹn nẹ mẹ to na. ¹⁹fọọ okurunọ nọ wọ ẹdada aka niya, udi ne ni wọ ọbawọ aka wọ iwu na."²⁰Oro ayẹ ga nẹ ya ka, "Fẹnyan ọnẹ ayẹ ike siye nẹ. Ẹna ipile ni ya?" ²¹Ijisọs ga nẹ ya ka, "Wẹ ki ni ka, ọ wa perfect, yọọ, uje na jọ wọ arọn fenyan uwa nọ ẹnanẹ eme su na, we ke su arọn wọ Osibina ẹẹsẹn ọọ ṣa o ke yẹrẹ mọ." ²²Ama ọgbọna oro ayẹ wọ ẹkẹna Ijisọs ga na, e fura ẹfẹnẹbẹ akọ ibe obibe ubaka e su arọn mọ ọyọyọ.²³Ijisọs ga nẹ yọ egbenurumẹka, "Ikwa ayẹ ẹ ga nẹ nọ, e numa ka arọnrọ ka a fọn mọ Osibina ẹẹsẹn. ²⁴I di nẹ ki ga nẹ nọ ka, a bẹrẹ iwu nọ agogo a yọ ọrẹsẹ ayẹn ṣun fọrẹ arọnro a fọ mọ Osibina ẹẹsẹn."²⁵Ọgbọna nẹnẹ yọ egbenurumẹka wọ na, e jin bọ owo fuwa bẹ gẹ ka, "Era e ke mi gba ọnafa na?" ²⁶Ijisọs balẹ ba a gẹẹ ka, "Aka erokoro ọnẹ eme su osi yẹ, ama aka Osibina ẹpẹn fenyan wọ osisiye." ²⁷Ipita gun nọ owo a ga ne ya ka, balẹ ti tebi ẹpẹn fenyan ti ya yẹrẹ wọ. Ena aka wa tọ ẹka aà?"²⁸Ijisọs ga nẹ ya ka, "Ikwa ayẹ ẹ ga nẹ wọ, ẹrọ owowo ọgbọna Osibina oògbe aka ma nọ iyọ apa nẹnẹ su ugbigbodi ọnẹbẹ na, anọ nẹnẹ a yẹrẹ mọ na, ka nọ aka manọ apa ẹfọkẹbọrẹ nẹ kẹ ṣe nọ ẹkarẹ ke no, ukuba ẹfọkẹbọrẹ nẹnẹ wọ Isreal ẹka na.²⁹Ẹfẹna e tebi ubowo, oda oforo ako iyaro abẹ, ẹdẹda iya, egbe na bẹ, bilọ ijeh nẹ mọ iwuru uba, aka nọ ọrẹ ipi eke dina nọ ẹrọ nẹnẹ eme su ọtaá na. ³⁰Ama ero ọyọyọ nẹnẹ wọ ẹrẹn na ba ka ṣo urun, urun ro eke ṣi nọ ẹrẹn ro.

Chapter 20

¹Osibina ẹẹṣẹn e wa ka obiye nẹnẹ wẹṣa urorumeka ee nọ uturo nẹnẹ a ka mẹ siye utun iyo uyi éeba na. ²Ọgbọna abẹ aka utunro abẹ nọ owo wọ opa nẹnẹ baka na ná nẹnẹ wọ edanarivsi ọyẹrẹ isubu na, e mi file ba yọ uyi éeba ayẹ.³E di ne ki we yọ ẹwakati ọtẹtaro a gbọọ ẹnanẹ e nọ utun na ka bi jọmọ ufolo eji. ⁴Nẹ ba a gẹ ka, 'Ka nọ bilamọ, nẹ kẹ yọ mọ uyi éeba ma ka fọ ẹkẹna wọ ọsẹrẹ na nẹ nọ: Bẹ yọ je ne siye utun mayẹ.⁵E di ne ki we yọ ẹwakati ọpọnọyẹrẹ ro akọ ẹwakati ubọyẹrẹ ro, e di ne ki siye akọ e siye siye nọ ero iṣoro na. ⁶Isọyẹrẹ bila mọ ẹwakati ẹfọkọrẹ di ne ki we yọ a gbọ ero ka bi jọmọ. A ga nẹ baka, 'Ẹnanẹ, ni jọmọ ni me siye kenakide ka bọ uroru na?' ⁷"Bi gu nẹ yọ owo ka, "Ubaka koro ọyẹrẹ e mi ṣa fọ utun nẹba go.' "A ga nẹ ba ka, 'Nẹ yọ niye siyo utun uyi ẹ́ẹba.⁸Ọgbọna iyi bẹrẹ na, ẹfẹna bọ ọ uyi ẹ́ẹba na ga nọ yọ ọfayẹnta yọ ọba na ka, 'Yọọ́ utunro abẹ u dunaba bọ ikiba, a tọmẹ ẹfẹna munurun na dunẹ rẹ oro oṣoro.' ⁹"Ọgbọna utunro nẹnẹ bẹ na ẹwakati ẹfọkọrẹ na bọ ikiba na, bọ ọyẹrẹ ọyẹrẹ nọ ọ edinrivsi ọyẹrẹ. ¹⁰"Ọgbọna nẹnẹ utunro oṣoro abẹ ṣa na, bi ye roro ka ba ka gba na fọrẹ ero omunirun, ama edanariusi ọyẹrẹ kabẹ gba na.¹¹Ọgbọna bẹ na bọ ọ ikiba bi e huhunu ka ẹfẹna bọ Ijeh na eme di siye. ¹²Bẹ gẹ ka, utunro ẹnanẹ bẹ na munurun na fọ ọ ba siye ebori, abẹ nẹnẹ be fọ ọ iwu nọ ọya nẹnẹ wọ utun mayẹ na ti di na fọ ẹpan nọ eyi ọbọwọ iwu.'¹³"Ama ẹfẹna bọ uyi ẹẹ́ba na guna, ọyẹrẹ ibọ iwu ka, 'Mọ ọrẹ, i me siye nu ododu go, me siye ka nẹ na ka edenarivsi ọyẹrẹ na ka ná a? ¹⁴Nẹ nọ ọnẹnẹ wa nẹka na nẹ kẹ yọ nọ ọrẹ. I tiyẹ we ṣa ka ẹ fọ ọ ẹkẹna iya ero omunurun na nẹ ka nọ.¹⁵E me wọ obuburu nẹ mọ ka isiye ẹkẹna ini na akọ ẹkẹna isu na á? Abi u su ọ ayẹ nodudu waoaka ẹ romuro họ?' ¹⁶Ẹga nọ oro omunuru eke ṣi nọ oro oṣoro, osoro aka wọ omunurun."¹⁷Akọ Ijisọs ee ṣun ma yọ Ijerusalem na. e yọ ọ́ ẹfọkẹbọrẹ wọ ẹfẹ, akọ bi siye a yọ ọ na a ga nẹ ba ka, ¹⁸"Balẹ, tẹ pọ a yọ Ijerusalem, baka fọọ orokoro óogben dọmọ aṣigiri ẹẹ́pan akọ isikirabu. Ba ka sẹ yọ ebe ufo ọrẹ, ¹⁹be ke dina fẹ dọn mọ ikuwero uba, ba ka fọyẹ si yọ osi, ba ka be yọ onini, sana bi mi fọyẹ kan wọ ọgalati. Ama isuba ọtẹtaro eke fura."²⁰Ọgbọnẹbẹ iya nẹnẹ bo Izebedee egbe na ṣa tọọ Ijisọs aka yọ egben. A tọmẹ ẹpan nọ iyọ ẹrẹn e ṣin nọ ẹpẹn nọ iyuba. ²¹Ijisọs ga nẹ ya ka, "Ena we ni yaa?" E gun nẹ yọ owo ka, "Buru ka mọ egben nẹbọbọ nane bi di ma, ọyẹrẹ iwo uba ojije, ọbẹ iwo uba oguruba, iwọ ẹẹsẹn."²²Ama Ijisọs gun nọ owo a gẹẹ ka, "Ume din nọ ẹkẹna we ṣin na. Udina wọ ẹbi upiri nẹnẹ me ni ka iya wa ebi akana họ?" Bẹ ga nẹ ya ka "abẹ bi gwe." ²³A ga ne ba ka, mọ ọwebi ayẹ ka mọ eke we wa ikwa. Ama ka ne ma nọ imọ uba ojije aka imọ uba oguruba ama wa mọ ẹka ka iya nẹ nọ, ama a wa nọ ẹnẹna mọ Ẹdẹda e siye wọ ijeh na." ²⁴Ọgbọna nẹnẹ egbenurumeka ẹfọ obuba wọ ọnẹ na, iwu a kan ba e to ọda ẹbọrẹ ẹnabẹ.²⁵Ama Ijisọs ye ba to yọ iwu a ga nẹ ba ka, "Ni din ka ẹnanẹ e siye ẹẹpa na nọ ikuwero na aba fọrẹ ba, aka bọ ọmọnayẹ aya ṣi yọ uburu ayẹrẹ bọ ẹpan. ²⁶Amá bọmọ ka e siyẹ gan wa inọ etin. Abọmọ ka, ẹfẹna e ki ni ka ayẹ sinọ oro ọkẹka inọ iwu na a ka wa nọ okotoro ro, ²⁷aka ẹfẹna e ki ni ka ayẹ wọ oṣoro inọ iwu na eke ni lati wa nọ okotoro, ²⁸akọ Osibina Oògben e me siye ṣa ka bi siye okoto nẹ ya yẹ na, ama kq ayẹ siyọ okoto bile ka ayẹ fọ yọ ẹfunwẹnfunwẹn wije nọ ero ọyọyọ oyin pila.²⁹Akọ bi siye furọ Ẹjẹriko na, erokoro furu a yẹrẹ ya. ³⁰E su openayẹn nẹbọrẹ nẹnẹ ma nọ orikpokpo ọtọn na. Ọgbọna bẹ wọ ka Ijisọs e ṣun na, bi yi ọgá, "Idu, Idavid oogbe, sọ tọ eyii." ³¹Erokoro ẹnanẹ fura a yẹrọ Ijisọs na ma ba ga, bi a ga a nẹba ka bi pu bọ owo, ama bi yọ iwọ ayẹ a pọ ososi a fọrẹ ẹgan, "Idu, Idavid Oògben, sọn tọ eyi."³²Ọgbọnẹbẹ Ijisọs jọmọ ṣi, e ye ba a gẹ ka, "Ẹna ne ni ka isiye nẹ nọ aa?" ³³Bẹ ga nẹ ya ka, "Idu, ka tọ ayẹn ne jin." ³⁴Ọgbọnọbẹ Ijisọs, akọ eyi siye sọ ya na, fọwọ uba dẹyẹ ba ayẹn, Iganiga bẹ ga bọ ayẹ pila bi ya yẹrẹ ya.

Chapter 21

¹Akọ Ijisọs aka yọ ẹgbenurunmẹka siye ni ke re Ijerusalem biya fọ mọ Ebethphage na, rọ ọ Olives ọrẹ, ayẹ Ijisọs file yọ ẹgbenurunmẹka ẹbọrẹ, ²aga a nẹba ka, nẹ yọ iken nẹnẹ wọ ẹrẹn na, na ka gbọọ ẹkẹtẹkẹtẹ nẹnẹ bi yiri na, aka yọ ọgbẹ no okeke nẹnẹ jọmọ keyan. Nẹ tọra ba nọ fuwẹ ṣa to mu. ³Esu ẹfẹna ṣinu ẹga iyọ ẹpan na, nẹ ga nẹ ya ka, 'Idu enika ayẹ e lọmọ,' oro ayẹ aka fọba file ṣa iganigan.⁴Akana, ọnẹ ṣa ka sẹga ẹnanẹ bẹ ga ọgẹsẹ owo na edi wọ ọṣẹrẹ. Ayẹ ka, ⁵"Ga nọ Ezionu oògben niyaro, 'Balẹ wọọ Obin na ṣọ o towu, a tọmẹ ẹpan a pọọ ẹkẹtẹkẹrẹ akọ ẹkẹtẹkẹtẹ oògben."⁶Ọgbọnẹbẹ ayẹ yọ egbenurunmẹka je ne siye akọ e siye file ba na. ⁷Bẹ fọọ́ ẹkẹtẹkẹtẹ aka yọ ogben ṣa tọwẹ bi guma ẹsa wo yọ urun, sana Ijisọs a ma na yẹrẹ ya. ⁸Ọyọyọ orokoro ẹnanẹ ayẹrẹ ya na bora bọ ẹsa ke wo ọrikpokpo, ibuba ṣẹ nọọ́ oti ẹba bike bọrẹ wọ orikpokpo.⁹Ẹrokoro ẹnanẹ wọ Ijisọs ẹrẹn akọ ẹnanẹ ayẹrẹ ya na bi ye yi ọga, "Hosanna nọ Idavid oògben! Okurubile wọ ẹfẹna ṣa Idu mọ iwuru na! Hosanna Osibina ẹẹṣẹn!" ¹⁰Ọgbọna Ijisọs fọ mọ Ijerusalem na, iken na yẹ egbun be ṣin ka, "Era wọ ọnẹ aa?" ¹¹Igule aye gunọ owo ka, "Ọnẹ a wọ Ijisọs nẹnẹ wọ ẹsẹro nẹnẹ wọọ́ Ẹnazaret Ẹgalili iken ṣa na."¹²Ijisọs mi fọ mọ ẹtẹmpulu yọ. E gu ẹnanẹ ṣa a jọ akọ ẹnanẹ ṣa e yin ẹtempulu na, e gu mọ ẹnanẹ e bilọ ikiba okparẹ ayẹn ri akọ adan nẹnẹ ẹnanẹ a jọ ọ esokpa na ma na.¹³ A ga nẹ ba ka, "Bẹ wọrẹ 'Mo ubowo ayẹ be ke ki yọ ọ adura ubowo, 'ama anọ mi sẹ ya ṣin nọ ọ oyiri ọdọrẹ." ¹⁴Ọgbọnẹbẹ ayọ openayen akọ ofoṣẹn ṣa tọwẹ yọ ẹtẹmpulu, e ke fọ bọ iwu gaan.¹⁵Ama ọgbọna aṣigiri ẹẹpan akọ isikirabu gbọọ ojinorowofuwa nẹnẹ e siye na, aka ọgbọna be wọ ka egbenikere abe a yi ọga ẹtẹmpulu biya gẹ ka, "Hosanna nọ Idavid Oògben," biya kan nọ iwu. ¹⁶Bẹ ga nẹ ya ka, "Ọ wọ ẹkẹna ba ga naa?" Ijisọs ga nẹ ba ka, "Ẹh! Ama ine mi gan ya ka, "Egbenikeke owo akọ ẹnanẹ e yọ ẹba na ayẹ bi ya e siye uyeyi?" ¹⁷Ọgbọnẹbẹ Ijisọs te yi ba na e we yọ fura iken nẹnẹ be yọ ọ Ẹbẹthani na e buwe ẹfẹnẹbẹ.¹⁸Urorumẹka akọ nẹnẹ e siye pila ṣọọ iken nayẹn na, awọn a sẹ ya. ¹⁹Ọgbọna a gọọ ọja oòti orikpokpo ọtọn na, a yọ yọ igben a ma gbọọ́ ẹpẹn namọ eme furaka yọọ emumu. A ga nẹ ya ka, "We kebpila mu nọ ilukutu," iganigan ayẹ e yeyi nẹ.²⁰Ọgbọna nẹnẹ yọ ẹgbenurunmẹka gbẹ na, eji bọ owo fuwa bẹ gẹ ka, "Ga nọ ọja oti ọnẹ, siye yeyi iganigan aa?"²¹ Ijisọs gunowo a ga nẹ ba ka, "Ikuwa ayẹ ẹ ga nẹnọ, we su ọnawọ nẹnẹ nọ uloko eme bila na ine siye ekena bi siye nọ oja oóti one na, ama ni di dina ga nọ ọrẹ one ka, 'bẹ panwọ fura ijeh be nẹ ya wọ ogbolo; eke di ne siye ẹgan wa. ²²Ẹkẹnakẹna we ṣin nọ adura na, wa nawọ wa ka gbẹẹ."²³Ọgbọna Ijisọs sọọ ẹtẹmpulu na, aṣigiri ẹẹpan akọ isuda nẹnẹ wọ iken na ṣa tọmẹ akọ e siye te na, "Era yọ uburu iwe siye ẹnanẹ, era e dina for uburu ayẹ nẹ wọ aa?" ²⁴Ijisọs gunowo a ga ne ba ka, "Ka amẹ eke dina ṣin nọ ẹga. Na ga nẹ mọ, ma ka ga nẹ nọ ẹfẹna uburu nẹnẹ ibye siye ẹnanẹ na.²⁵Ẹjọọn orimomo - ẹteka e we ṣaa? Ẹẹṣẹn nẹ we ṣa abi orokoro uba? Bẹ mọ abẹ mẹẹsẹ, bi ya hẹ ka, "Taa ka, "Ẹẹṣẹn ya, a ka ga nẹ tọ ka, 'Ẹnanẹ ni mane wọ na?' ²⁶Ama ta aka, 'Erokoro uba, 'tẹ sọmọ apẹ ọrọrẹ, ubaka bẹ gba Ẹjọọn akọ ẹsẹro ." ²⁷Ọgbọnẹbẹ ayẹ bi mi gunọ Ijisọs owo bẹ gẹ ka, "Ti me din." Ebdin na ga nẹ ba ka, amẹ eke din na ga nẹ nọ uburu nẹnẹ iye siye ẹpẹn na nẹ na.²⁸Ama ẹna ni roro aa? Oro ọbẹ su ogbennọ oforo ọbẹrẹ. E je ne to oṣoro a gẹ ka, 'Ogben, kẹ yọ uwe siye utun ìmọ uyi - ẹẹ́ba. ²⁹"Ogben nọ oforo ayẹ gunẹ yọ owo a gẹ ka, Me ke siye,' ama iyuruba eroro pila e je ne siye utun mayẹ. ³⁰"Bilamọ ẹdẹda ayẹ je ne tọwọ. Ogben nọ oforo ọboro e di na ga ne ya akọ e siye ga nọ osoro na. E gu nẹ yọ owo a gẹ ka, 'ma ka yọ, sir,' ama e me jen.³¹Ọwọ na ogben nẹ bọbọ e siye wẹda ibe opin na?" Bẹ gẹ ka, "Ogben nọ oṣoro ya. Ijisọs ga nẹ ba ka, "Ikuwa ayẹ ẹ ga nẹ nọ, ọna amana ro abẹ akọ ọfarakọsiy ubeli abẹ aka fọmọ Osibina ẹẹṣẹn fọrẹ nọ. ³²Ẹjọọn ṣa to nu ọṣẹrẹ ọrẹ, ama ni ma nẹ wọ. Ama ọnamana abẹ akọ ọfarakọsuyibele abẹ nọ wọ. Ama awọ, ka kọ ni siye gba ọnẹ na, ni me rorobila ka anọ nẹnẹ wọ.³³Ni dine pi ya atọn nọ utiten nọ abẹ. E su oforo ọbẹ, o bọ ijeh. E birọ uyi-éeba, e ju ọba gẹgẹrẹ, a pọ ẹfẹna bi we yun mọ ẹwani ilukutu na wa mọ amọ orosi oṣẹlẹ ẹfa, e mi a bọwọ ẹfẹna e birọ uyi-eèba na, e fura ayọ iken nọbẹn.³⁴ Ọgbọna isubu turu aṣa nọ ẹparẹ na, e file yọ okotoro abẹ je ne to ọ ọ ẹfẹna afọ uyi-éeba ayẹ nọ dọn na ka be na ọ iluku ṣa.³⁵Ama ẹfẹna a fọ ayẹ na tọ ọba ayẹ na sẹ yọ okotoro abẹ, bẹ ọyẹrẹ, wa nọ ọbọ ṣa na a nẹ mọ ọbẹ nọ ọtarẹ. ³⁶Bilamọ, ẹfẹna bi ọba na din ne ki file okotoro ẹbẹn yọ, fọrẹ oṣoro, ama ofayẹn tọ Ọba ayẹ din ne ki siye ba akọ e siye siye ero isoro na. ³⁷Ọgbọna ọnẹbẹ ṣu na, ẹfẹna bi ọba na file yọ ogben je ne to ba, a gẹ ka, 'Ba ka fọ ẹpanọtọtọmẹ nẹ mọ ogben.'³⁸"Ama ọgbọna ọfayẹn tọ ọba abe gba yọ ogben na, bi ya gẹ yọ abẹn nọ etin, 'Ọnẹ ayẹ a wa yọ ọkogun nẹ. Nẹkẹṣa, ni jọmọ tẹ wa ya ti di kọ yọ oogun.' ³⁹Bẹ sẹ ya, bi wunẹ we ṣa ọba ibe bẹ wa ya.⁴⁰Akana, ọgbọna ẹfẹna bi ọba na ṣa ẹna eke siye akọ ẹnanẹ fọ ayẹn tọ ọba na?" ⁴¹Bẹ ga nẹ ya ka, "Eke fu ẹrokoro idudu ẹ na bẹ ọrẹ nẹnẹ ṣile na, e ke dina fọ ọba ayẹ, dọ mọ ero ẹbẹn nọ uba, ẹnanẹ a ka fọ yọ ẹka nẹ ya ọgbọna ẹparẹ ogba e re na."⁴²Ijisọs ga nẹ baka, 'Ini ma ga ya emumu ọnwọnwọn, 'Ọtarẹ nẹnẹ ọ mọ ubowo yuru ba ayẹ emi wọ oogun ọọ̀tarẹ. Ọnẹ wọ Idu mọ uba ṣa, edina rọmuri itọ ayẹn'?⁴³Ọnẹbẹ uba, ẹ ga nẹ nọ, ba ka nọ Osibina ẹẹṣẹn fura nọ uba, ba ka a nȯo iken nẹnẹ mu nọ yọ ilukutu na. ⁴⁴Ẹfẹnafẹona a falẹ bọ ọtarẹ ọnẹ na e ke pupuse wije. Ama ẹfẹna e di na falẹ sẹ na eke mumuṣe."⁴⁵gbọna aṣirigi ẹẹpan akọ Ẹfarisi abẹ wọ ọ utiten na yẹ na, e ye ba ka abẹ ama a gẹ ẹga. ⁴⁶Bi ye ni ọrẹ akọ be siye sẹ ya na, ọrọrẹ a sọ ba ubaka erokoro ẹnanẹ furu wọ ẹfẹnẹbẹ na, ubaka ẹro abẹ, a balẹ ya akọ ẹsẹro na.

Chapter 22

¹Ijisọs din ne ki fọ utiten ma ba gọ ẹga ka, ²"Osibina ẹẹṣẹn a wa akọ obin nọbẹ nẹnẹ siye arede ejẹmẹ nẹ yọ ogben noforo nẹnẹ e ni ke su oworo na. ³E file yọ okotoro abẹ ka bi ye yọ ẹnanẹ bi file nọ ka bẹ ṣa arede ejeme na, ama bi ma ṣa.⁴Obin nayẹ din ne ki file yọ okotoro ẹbẹn, aa gẹ ka, "Ga nọ ẹnanẹ bi file ye na, "Balẹ mọ ijen gben ke. Mọ oxen akọ ududo nẹnẹ ẹ. Ba na ike wa ba, fenyanfenyan gule nọ ojije. Nẹ kẹ ṣa arede ẹjẹmẹ ayẹ."⁵Ama bi me gun nẹ yọ yọ ọ ubele. ⁶Ẹbẹn sẹ obin yọ okotoro, fọ ẹpan kọ ba, bi din wan ba. ⁷Obin ṣa kan nọ iwu, e filẹ yọ ẹkọnro abẹ bẹ ṣa bi fuú ọwanoro abẹ bi din na kẹnẹ bọ iken.⁸Emi ṣa a ga nẹ yọ okotoro abẹ ka, arede ayẹ tọmọ, ama ẹnanẹ bi file ye na ama bọwọ ba. ⁹Ọnẹbẹ uba, nẹ yọ orikpokpo ọkẹka ayẹ oṣún ni jese ero fenyan nẹnẹ na gba. ¹⁰Okotoro abẹ yọ orikpokpo ọkẹka be ko erokoro jese ne bẹ gba na, ko odudu ko oboro. Ayẹ agbara fe nọ erokoro nẹnẹ bi ye ṣa ma ba je imu na.¹¹Ama ọgbọna nẹnẹ obin nayẹ ṣa balẹ erokoro abẹ na, a gbọ ọ oforo ọbẹn nẹnẹ e me file areda ẹsa na. ¹²Obin na yẹ ga nẹ ya, 'Ọrẹ, gana usiye ṣa ẹkẹna uruba nẹnẹ ume file arede alẹgbẹ na?' Ama oforo aye eme din ji nọ, yọ, owo.¹³Ọgbọnẹbẹ ayẹ obin ga nẹ yọ okotoro abẹ ka, 'Nẹ pare oforo ọnẹ yọ uba akọ ọsẹn, nẹ nẹ ya wọ esiri ibe, ẹfẹna iwu akọ otamirumọ owo aka ma ¹⁴na.'Ka ero ọyọyọ bi ye, ama ero okeke ayẹ bi tiye."¹⁵Ọgbọnẹbẹ ayẹ Efarisi abẹ we yọ bi je ne roro akọ be ke siye fọ yọ ẹga bi a sẹ ya na. ¹⁶Ọgbọnẹbẹ ayẹ bi file bọ ẹgbenurunmẹka ṣa to wẹ, Eherodians dine bile bọ iwu. Bẹ ga nọ Ijisọs, "Otitero, ti din ka ikuwa ro ọ wa, ka u di ne te Osibina ọrẹ ikuwa ẹka. Awọ u ma balẹ ero ayẹ ṣa na ọ kẹ ga ikuwa, aka ko ọ fọọ́ ikuwa a yẹn. ¹⁷Ga nẹ tọ, ẹna u roro ah? Ijeé e wọ?"¹⁸Ama bọ ibe odudu ye Ijisọs a gẹ ka, "Ẹnanẹ nẹ ma má balẹ na; anọ irekureku ẹnanẹ? ¹⁹Fọ ẹtọrẹ nẹnẹ biya ta amana yẹ mọ." Ọgbọnẹbẹ ayẹ tiye edanarius ọyẹrẹ ṣa to wẹ.²⁰Ijisọs ga nẹ ba ka, "Ẹra usi akọ iwuni a wọ ọnẹ aa? ²¹Bẹ ga nẹ ya ka, "Isisa ẹka." Ẹfẹnẹbẹ ayẹ Ijisọs we ga nẹ ba ka, "Nẹ fọọ ẹkẹna wọ Isisa ẹka nẹ ya, aka ọnẹnẹ wọ Osibina ẹka na nọ Osibina." ²²Ọgbọna bẹ wọ ọnẹ na, e jin bọ owofuwa. Ọgbonẹbẹ ayẹ bi te bi ya bẹ yọ bọ ọrẹ.²³Emunube iwu, Ẹsadusi ro abẹ nẹnẹ gẹ, ka eme su ọpaleṣa na, ṣa to wẹ. Bi ṣin yaka, ²⁴bẹ gẹ ka, "Otitero, Imoses ka, 'A da ka e su oforo nẹnẹ fuwo, nẹnẹ e me su ogben na, e wọ ọṣẹrẹka yọ ọda e su yọ oworo e di bọọ ogben nẹ yọ ọda ayẹ.'²⁵E su ọda ufọmbọrẹ nẹnẹ wọ oforo na. Oṣoro su oworo e mi ṣa fowo. Akọ e me siye su ogben na, e tebi yọ oworo nẹ yọ ọda. ²⁶Ogbonebe yọ ọda ọoboro di ne ki siye akọ oṣoro na kọ ọ ọtẹtaro, jene re ufọmbọrẹ ro. ²⁷Yọ urun ba, iyaro ayẹ fuwo. ²⁸Akana, ọpalẹṣa, ẹra oworo a ka da abẹ, ọda oforo ufọmbọrẹ ẹnanẹ aa? Ubaka abẹ fenyan e su ya."²⁹Ama Ijisọs gunowo a ga nẹ ba ka, "Ne ṣi siye ubaka ni me din nọ emumu ọnwọnwọn abi Osibina iwogbigben. ³⁰Ọsọma palẹṣa, bi ma yọ su oworo abi bẹ fọ ba nọ oforo. Ama ibe ke ki we akọ angeli abẹ ososi na.³¹Wọ ọpalẹṣa nẹnẹ wọ ẹnanẹ fuwo na, ine mi gan ya akọ Osibina siye ga nọ ka, ³²'ama wọ Osibina nẹnẹ wọ Abraham, Isaac, akọ Ijacọb. Osibina na'? Osibina ama wọọ Osibina ekporo ẹka, ama nọ ẹroro." ³³Ọgbọna ẹrokoro asamasama wọ ọnẹ na, e jin bọ owo fuwa iyọ otite.³⁴Ọgbọna Ẹfarisisi abẹ wọ akọ Ijisọs siye pu Ẹsadusi abẹ owo na, be kọ abẹn jese. ³⁵Ọyẹrẹ ibọ iwu, nẹnẹ dinọ ububuru aka yọ ubibe na, ṣin yọ ẹga, a mẹ ya balẹ -³⁶ "Otitero, ọọna wọ ububuru nẹnẹ fọrẹ ububuru na?"³⁷Ijisọs ga nẹ ya, "Ni wọ Idu wọ Osibina aka wọ uloko fenyan aka wọ uṣi fenyan aka wọ ọkan fenyan.' ³⁸Ọnẹ a wọ ububuru nẹnẹ fọrẹ na akọ oṣoro.³⁹Bilamọ, ububuru ọọboro eki wa akọ ọnẹbẹ na sọ unini nẹ wọ ọbawọ aka wọ iwu na.' Ububuru ẹbọbọ ⁴⁰ẹnanẹ ayọ ububuru fenyan akọ ẹsẹro abẹ ma yẹrẹ na."⁴¹Akana akọ Ẹfarisisi abẹ siye ki kọ bile na, Ijisọs ṣin ba ẹga. ⁴²A gẹ ka, "Ẹna ni roro Ẹkraist ẹga na? Ẹra ogben na a wa a?" Bi gun nẹ yọ owo ka, "Idavid oògben."⁴³Ijisọs ga nẹ ba ka, "Ga na Idavid siye yẹ yọ Idu ẹfunwẹnfunwẹn a gẹ ka, ⁴⁴'Idu ma wa mọ Idu, "Ma nọ imọ uba ojinjen, re ọgbọna ma fọ wọ ebero sino, apa ọfọ ọṣẹ yẹrẹ"?⁴⁵Adaka, Idavid mi yọ Ẹkraist 'Idu', ga nọ emi siye wọọ Idavid oògben naa? ⁴⁶Eme su ẹfẹna di gun nẹ uọ owo na, eme di ne si ẹfẹna pile din ṣin yọ ẹga wọ esunubẹ yọ.

Chapter 23

¹Ọgbọnẹbẹ ayẹ Ijisọs mo erokoro asamasa aka yọ ẹgbenurunmẹka abẹ ga ẹga. ²A gẹ ka, 'Isikirabu akọ Ẹfarisis abẹ ma nọ Imoses adan. ³Ọnẹbẹ uba ẹkẹnakẹna ba buru ka usiye na, siye ba ni di na ka fọ ayẹn ke tọ ije. Ama ni ma ma bọ ayẹn ibo siye, ubaka ba gọ ẹga bee siye utun.⁴Ẹh, bi su uṣe nẹnẹ ruun edina numa ọfọ na, bi de mibpa ya yẹrọ erokoro agumabọ. Ama abẹ ẹbẹba nẹ bọ iwu bi ma fọ ẹbẹbẹrẹ dẹ ya ka bẹ pan ya. ⁵Ibide siye bọ ẹpẹn fẹyan ka erokoro bi di ke gbẹẹ́. Ibide siye bọ apolo ka e ṣaán bi dina ṣan mọ bọ alẹgbẹ ọọ̀tọn.⁶Bi nọọ́ ẹkẹkaro aàdan mọ ma nọ ejeme akọ isinagọg, ⁷aka otiyoro gaan mọbeji ibe, aka ka erokoro eki ye bọọ 'otitero'.⁸Ama be di ne ye wọ 'otitero', ubaka otitero ọyẹrẹ e wa mọ anọ obuba mi wọ ọda oforo abẹ. ⁹Ume di ne ye korokoyẹrẹ ẹrọ ọnẹ aká nẹda na, ubaka Ẹdẹda ọyẹrẹ ubsu ọnẹnẹ wọ ẹẹ̀ṣẹn na. ¹⁰Eme di na bọwọ ka bi ki ye wọ 'otitero', ubaka otitero ọyẹrẹ e wa mọ, ayẹ ebdina wọ Ẹkraist.¹¹Ama ẹfẹna wọ oṣoro ẹrẹn na inọ iwu ayẹ aka wa nọ okotoro. ¹²Ẹfẹnẹfẹna a fọọ́ yọ iwu pọ na ibe ke holo ya, ẹfẹnẹfẹna e di na fọ yọ iwu holo na ayẹ ba ka fọ pọ.¹³Ama fẹlẹ wọ, anọ Iscribe akọ Ẹfarisi, Irekureku ro abẹ! Nibju ososi ẹẹṣẹn sọ erokoro ka anọ ẹbẹba ni ma fọ ọ ya, ni me di na yakọ ẹnanẹ e ni ka be fọọ na be fọọ ọn.¹⁴ Fẹlẹ nọ, Iscribe akọ Ẹfarisi, Irekureku ro abẹ! Ni da pamọ ukukuro abẹ ubowo ọgbọna na gbadura ọyọyọ na. Ne ka nọ ebe ọyọyọ.¹⁵ Fẹlẹ nọ, anọ Iscribe akọ Ẹfarisi ro, Irekureku ro abẹ! Ni da yọ ebi akọ ije ṣu na gbọ oro ọyẹrẹ bila, ọgbọna e mi ṣina nọ iwu na, ni da sẹ ya ṣino ogbenoforo ẹra ẹka nọ iwu na.¹⁶"Fẹlẹ nọ anọ openayẹn otoro ọrẹ, anọ nẹ gẹ ka, 'Ẹfẹnẹfẹna a fọọ etempili ṣalu wọ adan na, ama wa ẹgaá. Ama ẹfẹnafẹna a fọ igolu ẹtẹmpulu ẹka e ṣu wa adan na, adan ma yẹ aka kẹ yẹrẹ ya.' ¹⁷Anọ umu openayẹn ẹnanẹ! Ọọ̀na afọrẹ aa, igolu abi ẹtempulu nẹnẹ fọ igolu ṣin nọ ọnwọnwọn na?¹⁸Ka, 'Ẹfẹnẹfẹnẹ a fọọ akpasẹ bọ ọpẹn na, ama wa ẹga. Ama ẹfẹnẹfẹnẹ a fọọ́ ọwa nẹnẹ wọ akpasẹ osi bọ ọpẹn na, ọpen nayẹ aka ke yẹrẹ ya. ¹⁹Anọ openayẹn nẹnanẹ! ọọ na fọ rẹ aa, ọwa abi akpasẹ nẹnẹ fọ ọwa sin nọ ọnwọnwọn họ?²⁰Ọnẹbẹ uba, ẹfẹna a fọọ akpasẹ bọ ọpẹn na a fọ ẹẹ bọ ọpẹn akọ ẹpẹn fẹyan nẹnẹ wọ iyọ osi na. ²¹Ọnẹnẹ a fọọ ẹtẹmpul bọ ọpẹn na, aa bọ ọpẹn akọ ẹfẹna amanọ iyọ ibe na. ²²Aka ọnẹnẹ a fọ Osibina ẹẹ̀ṣẹn bọ ọpẹn na, a fọọ Osibina akpa bọ ọp̣en aka ẹfẹna ma nọ iyọ osi na.²³"Fẹlẹ nọ, iscribe akọ Ẹfarisi, osi yọ irekureku abẹ! Ubaka ka ana nọ ọsẹnẹfọ iminti akọ idilli akọ ikumini, ama nẹ fọọ ẹga nẹnẹ gbodi fọrẹ obuburu wije osisiye - ẹkarẹ oṣẹn, eyi ọọsọn, ọnawọ. Ama ẹnanẹ abọwọ ka ni siye ne aka ni tebi ẹnabẹ osisiye. ²⁴Anọ openayẹn otọrẹ, nẹ fọ edagba ṣe nẹ gwu ọsọna!²⁵"Fẹlẹ nọ, Iscribe akọ Ẹfarisi, irekureku ro! anọnẹnẹ ne puwọ, ọwọ ebi akọ ọbọ uọ urun, ama bọ ibe fe nọbawọrẹje akọ isisin. ²⁶Anọ Ẹfarisi openayen! Ne ta yẹ puwọ ọwọ ebi akọ ọbọ yọ ibe ṣa nọ uọ urun e di wọn.²⁷"Fẹlẹ nọ, iscribe akọ Ẹfarisi, osi ye irekureku ro abẹ! Ineki wọ akọ ọsọ nẹnẹ bi bwukusu na, nẹnẹ yọ ọyẹn su uroro na, ama iyo, ibe e fee nọ orokoro oòfu akọ ẹpẹn fẹnyan nẹnẹ ama wa ọnwọnwọn na. ²⁸Ẹgalẹ ọọboro, ni de wọ ayẹn ka ne siye ọṣẹrẹ erokoro ayẹn, ama nọ ibe fee nọ irekureku akọ ẹfayẹn wa nọ ububuru.²⁹"Fẹlẹ, nọ, iscribe akọ Ẹfarisi, irekureku ro abẹ! Anọ a mọọ ẹsẹro abẹ ọsọ ni dina guru oṣẹrẹro abẹ ọsọ. ³⁰Ni ka, 'A da ka itọ ẹdẹda ọgba ayẹ ti we wọ ẹrọ, ee ba na ti su uba wọọ esero abe ufo nẹnẹ bọ uba eke fe nọ bọ ẹyọn na.' ³¹Ọnẹbẹ uba nẹ nọọ ubedi geli nọ iwu ka anọ a wọ ẹnanẹ wa nọ esero abẹ oògbe.³²Ni di ne fiye ọmẹma nẹnẹ nẹda abẹ maá na. ³³Anọ ẹpẹnidudu, anọ obuburu ẹgbenegbe, ga na ne ki siye furo, ẹkarẹ ọṣeṣen nẹnẹ wọ ẹra eka na?³⁴Ọnẹbẹ uba, balẹya, me filọ ẹsẹro abẹ akọ odinẹga abe akọ iscribe abẹ ṣo o tonu. Bọ ọyọyọ na ka wan, ne kebdi na ṣẹn nọ ebe, akọ bọ ọyọyọ na ka bọ ọkpara inọ isinagọgu, neke di ne guú ba furo ike nọ ọbẹn yọ ọbẹn. ³⁵Yọ ẹkẹrẹ a wa ka ọṣẹrẹ ro abẹ fėonyan ẹuọn nẹnẹ bi guma wọ ije ẹrọ ọnẹ, furo Abel ọṣẹrẹro, rọọ́ Ẹsakaraya nẹnẹ wọọ Ẹbarakiah oógben na, nẹnẹ nẹ wa nọ ẹfa owonwon akọ akpasẹ ẹtin na wọọ inọ ẹpan fenyan. ³⁶Ikwa ayẹ ẹ ga nẹ nọ, ẹpẹn fenyan ẹnanẹ eke guma wọ ubanẹ ọnẹ ẹpan.³⁷"Ijerusalem, Ijerusalem, anọ nẹnẹ nẹ wan nọ ẹsẹrẹro abẹ ni chi na gban mọ ẹnanẹ bi file nẹ nọ na ọtare! Isọọ ọyọyọ ayẹ ide ni ka ẹ kọ nọ egben jese, akọ abẹsẹ iya de siye kọ yọ egben jese wọ iuo, abewo ibe na, ama ni me ni! ³⁸Balẹ, nọ ubo ṣin, nọ ẹparẹ. ³⁹Amẹ ẹ ga nẹ nọ, ne ke pila gbamọ wọ ọgbọnẹ yọ emefura ka ọgbọna na gẹẹ ka, "Okukurubile ayẹ a wọ ẹfẹna a ṣaa Idu iwuru na."

Chapter 24

¹Ijisọs we yọ furo, ẹtempul aá yọ yọ ọrẹ. Yọ ẹgbenurumẹka ṣa towẹ bẹ fọọ Ẹtẹmple ubowo a yẹn ya. ²Ama e gun nọ owo a ga nẹ ba ka, "Anọ a ma gba ẹpẹn nọ ẹnanẹ ẹ? Ikuwa ayẹ ẹ ga nẹ nọ, eme su otarẹ nẹnẹ be ke tebi wọ ọbẹ nọ osi na nẹnẹ be ke gbiya holo na."³Akọ siye ma nọ Oliv ọrẹ na, yọ egbenurunmẹka sa tọwẹ ẹbẹbe bẹ gẹ ka, "Ganetọ, ọgba ọọna ẹmẹ ja ẹnanẹ aka ṣerọ a? Ẹna a ka wọ opile nẹnẹ aka wa wọ ọṣeṣa na aka ẹrọ okuwe na?" ⁴Ijisọs gunabọ owo a ga nẹ ba ka, "Nẹ sẹ nọ iwu ka koro koyẹrẹ ama fọọ nọ sọọ ọrẹ. ⁵Ka ero ọyọyọ a ka ṣa imọ iwuru. Ba ka gẹ ka, 'Ama wọ Ẹkraist,' be ke ṣi ero ọyọyọ ọrẹ.⁶Na ka wọ ẹkọn mọ ẹga aka akọ bi siya kọ ẹkọ mọ ẹsa na. Nẹ gba ka ni ma ṣẹnẹyẹ ibe, ubaka ẹpẹn nẹnanẹ a ka ṣo ẹrọ ama ẹrọ e mi ṣa okuwe. ⁷Ka iken ne ke fura to ọ iken, ẹẹ̀ṣẹn neke fura tọ o ẹsẹn. E ke su ọbọrẹ, akọ ije ogbugbun nọ ẹfa ororo. ⁸Ama ẹpẹn ẹnanẹ fenyan ayẹ a wọ ọtọkẹ nọ ọba onunuma na.⁹Ọgbọnẹbẹ ayẹ ba ka fọ wọ dọmọ ẹrọnayẹn ka bẹ wa mọ. Be ke goli wu ẹrọ fenyan ubaka mọ iwuru. ¹⁰Ọgbọnẹbẹ ero ọyọyọ aka tọṣẹn, ba ka ṣiṣoma kẹ ba abẹn beke dine ki goli abẹn. ¹¹Ẹsero ọyọyọ nẹnẹ wọọ iṣoma eka na be ke fura si ero ẹyọyọ ọrẹ.¹²Ubaka obuburu ọfọ ayẹ wan aka ke yọọ, unini ọyọyọ eke mi ki fun. ¹³Ama ọnẹbẹ a fọ ẹpa tẹẹ re yọ ọsẹpana ayẹ a ka gba ọnafan. ¹⁴Ẹpepanoboro ẹẹ̀ṣen nọ ẹka ọnẹ, ayẹ ba ka ga ne nọ ẹrọ fenyan nẹnẹ a kọ wo ubudi nọ iken fenyan na. Ọgbọnẹbẹ ayẹ ẹrọ a ka ṣa oọta nẹ.¹⁵"Urẹbẹ uba ọgbọna wa gbọ ẹparẹ nẹnẹ wọ ọtẹtan nẹnẹ Ẹdaniel ẹsẹro ọnẹbẹ ga ọgbọna e jọmọ ẹfa ọnwọnwọn ọnẹbẹ na. ¹⁶"tebi ẹnanẹ wo Ijudiya na bi mune ke pọ ọrẹ osi abẹ, ¹⁷tebi ni me ya ka ẹnanẹ wo ubowo osi na bi holo ṣa ṣá tiye ẹpẹn nọ ubomo, ¹⁸aka ni me ya ka ẹnanẹ, wọ erun na pila ṣa tiye bo alẹgbẹ.¹⁹Ama fẹlẹ ẹnanẹ ṣọọ inyo akọ ẹnanẹ fọ ẹba a nọọ egben ogba ọnẹbẹ na! ²⁰Ne gba adura ka nọ omumune a ma wo ifu ọgba abi isubu ofile. ²¹Ka eke su eronanyẹn ọkėka l, ọlọnẹ eemi ṣẹro gba ka bọ ọgbọna biye mẹ ẹrọ na titi re amọnẹ, ẹhẹ, nẹnẹ e ki di ne pila wamọ na. ²²Eme fura ka ibẹ tọ isubu ayẹ kere, eme su nẹnẹ aka fan na. Ama nọ ẹnanẹ e tiye na, ba ka tẹ fura isubu ayẹ.²³Ọgbọnẹbẹ e su ẹfẹna ga nẹ wọ ka, 'Balẹ, Ẹkraist ayẹ a wọ nẹ!' abi Ẹkraist ayẹ a wọ ọnẹbẹ, uma nẹ wọ.²⁴ Nọ Ẹkraist nẹnẹ ama wa ikuwa ẹka akọ ẹsẹrọ nẹnẹ ama wa ikuwa ẹka eke fura eke dina fọ opeli ọkẹka yẹn aka ojinorowo fuwa, nẹnẹ e ke ṣi ọrẹ na, e di ne su osuje kọọ ẹnanẹ e tiye na. ²⁵Balẹ, ẹ ga nẹ nọ wọ ẹrẹn.²⁶Ọnẹbẹ uba, ba ga nẹwọ ka, 'Balẹ, e wọ ọdanmobile,' uma fọmọ ọdanmobile yọ ro abi balẹ ẹ wọ ubiribe abẹ,' uma na ba wọ. ²⁷Akọ ọsọ siye a ba e wa aṣa ọ easti na a ba ọrẹ onebe yọ ewesti, na, ẹga nọ Osibina oògbe ne ke siye ṣa nẹ. ²⁸Ẹfẹnẹfẹnẹ ọnẹ mọ ekporo aka ma na, ẹfẹnẹfẹbẹ ayọ, ọgọ abẹ de jese wo kẹ.²⁹"Ama iganigan nẹnẹ oronanyẹn isubu ẹnabẹ e ṣun na, eyi e wu akẹ tesiri, ọṣẹn neke bila ba, ẹṣẹkpẹnẹ aka falẹ ososi, akọ ososabẹ, iwogbigben eke gbun jigijigi.³⁰Ọgbọnẹbẹ ayẹ Osibina oògben opipeli aka fọ iwu yẹn nọ ososi, akọ erokoro ẹlarẹ obobo ekw yọọ ikukuru. Ba ka gbọọ Osibina Oògben ka a ṣa edudu ososi ẹka aka iwogbigben akọ ugnigbodi ọkẹka. ³¹Eke file yọ angeli abẹ akọ oyiyi ọkeka, aka be ke jese ẹnanẹ, e tiye na fura ekperi ẹnẹna, wọ ososi ọben ṣu yọ ọbẹn.³²"Ni piya ọọ ọja oòti. Iganigan nẹnė yọ ẹba owowo yọrẹ we a ṣa nẹnẹ emumu potopoto yọrẹ weṣa na, din ka ọbọrẹ ọgba turu a ṣa. ³³Bilamọ, ọgbọna na gbọọ ẹnanẹ fenyan na, abọwọ ka ni din ka e turu aṣa, ẹ wọ opoto owo.³⁴Ikuwa ayẹ ẹ ga nẹ nọ ubani ọnẹ e ki ṣu yọ titi re ọgbọna ẹpẹnbfenyan ọnẹ aka ṣo ẹrọ na. ³⁵Ososi akọ ẹrọ ọnẹ e ke ṣu yọ ama mọ ẹga eke ṣun yọ.³⁶Ama isubu aka ewakati nẹnẹ aka wa na koro kọyẹrẹ eke din, kọ angeli nẹnẹ wọ ososi na edi ne din, ka yọ Oogben ama Ẹdẹda ayarẹ.³⁷Akọ Inoah isubu siye wa na, ẹga ne ke siye wọ Osibina Oògben ọṣa nẹ. ³⁸Ako esubu ṣana eboju a ṣa, be je bi ya wa, bi ye su oworo bi din na fo oworo a nọ oro titi re emu na nẹnẹ Inoah fọ mọ ọkọ ibe na, ³⁹bi me di ne di kẹnakide ne ọgbọna eboju ṣa a kọ ba yọ na - ẹga nọ Osibina Oògben nọ ọṣẹṣa eke siye da nẹ.⁴⁰Ọgbọnẹbẹ ayẹ ero ẹbọrẹ eke wọ erun-ọyẹrẹ ba ka fọ yọ, be ke tebi ọyẹrẹ. ⁴¹Iyaro ẹbọrẹ be ke bile ke ye nọ ẹsan mọ ọgbọ - ba ka fọ, be ke tebi ọyẹrẹ.⁴² Ọnẹbẹ uba, nẹ kẹ ṣẹlẹ ọrikpokpo, ubaka ume dinọ ọgbọna wo Idu a ka ṣa na.⁴³Ama din nẹnẹ, a da ka ẹdẹda uboro din nọ ọgbọna oyiri aka ṣa ujokẹka na, e ba na akẹ ṣẹlọrẹ nẹnẹ e ke ya ka be pen ya yọ ubowo fọn na. ⁴⁴Ọnẹbẹ uba, wa ka nilati kẹ sẹlọrẹ ubaka Osibina Oògben aka ṣa ẹwakati nẹnẹ time roro su na.⁴⁵"Ẹra wọ ikuwa ro akọ odinega okotoro nẹnẹ yọ ọga ẹ siye epan wọ iyọ ubowo ka e di fọ ijen nẹ ba ọgba nẹnẹ bọwọ na? ⁴⁶Okurubile a wọ okotoro nẹnẹ yọ ọga a ka ṣa to ka e siyọ ikuwa ayẹ na. ⁴⁷Ikuwa ayẹ ẹ ga nẹ nọ ka ọga ayẹ a ka fọwẹ jobi yẹrọ iyọ oògun fenyan.⁴⁸Ama adaka okotoro odudu ọnẹbẹ gẹ yọ iyọ uloko ka, 'Mọ Ọga wu na yọ ẹsẹsa yuru,' ⁴⁹emi tọmẹ a bẹ yọ okotoro ọpa abẹ, e jẹ aa wa akọ adẹro, ⁵⁰ọgbọnẹbẹ ayẹ okotoro ọnẹbẹ ọga a ka ṣa isubu nẹnẹ e me roro su na ako ewakati nẹnẹ eme din na. ⁵¹Yọ Ọga eke je yọ oya fọ mọ ofu, e ke mi nẹ ya bilọ irekureku ro abẹ, ẹfẹna iwo akọ irun mọ ọtẹta na ka ma na.

Chapter 25

¹Ọgbọnẹbẹ ososi ẹẹ̀sẹn eke ki we akọ iyegben nẹnẹ fọ bọ ọyẹyẹ bi we yọ ọyẹn a yọ tọọ ovia oforo abẹ. ²Abẹ upi wọ abẹyẹ aka upi obuba wo ogbenayẹn. ³Ka ọgbọna ona abẹyẹ abẹ fọ bọ ọyẹrẹ na, bi ma fọ amọ dọn. ⁴Ama ovia ẹnanẹ wọ ogbenayẹn nabẹ kuru amọ wọ ẹpẹn dọn bilọ bọ ọyẹyẹ.⁵Akọ nẹnẹ ovia oforo ama ṣana ṣa na, ubuwa e moba bi buwe. ⁶Ama esuwobo ẹka bẹ wọ ọọ̀ga 'Balẹ, ovia ofori! Ni we yọ je ne towẹ.'⁷Ọgbọnẹbẹ ayẹ iyegbe nabẹ ke fura bẹ pamọ bọ ọyẹyẹ pọ ososi. ⁸Abẹyẹ abe ga anọ ogbenayen nabẹ 'Ne wa tọ amọ wọ ubaka tọ ọyẹrẹ a yọ ije.' ⁹"Ama ogbenayẹn abi gunowo ka, Akọ e ke siye go atọ akọ anọ na, ni fu je ne tọọ ẹnanẹ a jọọ na ni yin nẹ nọ iwu.'¹⁰Ọgbona be yọ jene yin na, ovia oforo ṣa ẹnanẹ siye kuwe ka bẹ yẹrẹ ya yọ ovia ẹjẹnẹ, na yẹrẹ ya fọọ bi di ne ju ujun mayẹ. ¹¹"Iyọ urunba oyegbe nẹnabẹ ṣa bẹ gẹ ka, 'Ọga, ọga, jin nọ ujun nẹ tọ.' ¹²"Ama e gun na bọ owo ka, 'Ikuwa ayẹ ẹ ga nẹ nọ, ime din nu.' ¹³Nẹ kẹ sẹlẹ ọrẹ ubaka, ni me din nọ isubu akọ ẹwakati.¹⁴"Eki wa ka ọgbọna akọ oro siye ni ka ayẹ fọ mọ iken nọbẹ na. E yọọ yọ okotoro jese a kọ yọ arọn fenyan nẹba. ¹⁵Nọ oro ọyẹrẹ a fọọ ẹtalenti upi nẹya nọ ọben a fọ ẹtalẹnti a fọ ẹbọrẹ nẹya, din ne ki nọ ọbẹn a fo ẹtalẹnti ọyẹrẹ nẹ ya. Oro ọyẹrẹ yẹrẹ nọọ ọpa nẹnẹ wa yo iwogbigbe na, oro ọyẹrẹ yẹrẹ nọọ ọpa nẹnẹ wa yọ iwogbigbe na, oro ayẹ emi yọ iken. ¹⁶Ọnẹnẹ nọọ ẹtalẹnti upi na yọ iganigan jẹ na tọmẹ ubele e mi ṣa jọọ ẹtalẹnti upi ẹkẹrẹ.¹⁷Ka ọnẹnẹ nọọ ẹtalẹnti ẹbọrẹ na ka yẹ e siye ube edi ne ki jọọ ẹtalẹnti ẹbọrẹ ẹkẹrẹ. ¹⁸Ama okotoro nẹnẹ nọọ ẹtalẹnti ọyẹrẹ na a yọ a pọọ ọdọrẹ a fọ yọ ọga ikiba re bẹbẹ wọ iyibe.¹⁹Ọgbọna e foo mọ ọrẹ keke na, okotoro abẹ ọga wura a ṣa e ye be nẹnẹ a ma siye eto akọ bi siye do eji aye ta na. ²⁰Okotoro nẹnẹ nọ ẹtalẹnti upi ṣa na a fọọ ẹtalẹnti upi bila mọ ṣa. A gẹ ka, 'Ọga, ọ fọọ ẹtalẹnti upi nẹmọ. Balẹ ẹ jọ ẹtalẹnti upi ẹkere bilamọ.' ²¹"Yọ ọga ga nẹ ya ka, 'Wẹ siye okotoro oboro nẹnẹ e siye ikuwa na: U siye ikuwa wọọ ẹpẹn nọ okeke. Ma ka fọ wọ siye ẹpan yẹrọ ẹpẹn nọyọyọ. Fọn wọ iwọ ọga ẹbẹnbẹn.'²²Okotoro nẹnẹ nọọ ẹtalẹnti ẹborẹ na ṣa a gẹ ka, 'Mọ Ọga ọ fọọ ẹtalẹnti ẹbọrẹ nẹ mọ. Balẹ, e je ẹtalẹnti ẹbọrẹ ẹkẹrẹ.' ²³"Yọ Ọga ga nẹ ya ka, 'We siye, okotoro oboro nẹnẹ e siye ikuwa na! U siye ikwa wọọ ẹpẹn nọ okeke. Ma fa fọ wọ siye ẹpan yẹrọ ẹpẹn nọ ọyọyọ. Fọn wọ iwọ Ọga ẹbẹnbẹn.'²⁴Ọgbọnẹbẹ ayọ okotoro nẹnẹ nọọ ẹtalẹnti ọyẹrẹ ṣa a gẹ ka, 'Mọ Ọga i din ka orokoro nẹnẹ da kẹ balẹ ẹpẹn toni toni na ayẹ ọ wa. U da kẹ kọ ẹparẹ ẹfẹna uma wa pan na. ²⁵Ọrọrẹ sọ mọ, ẹ yọ ije na fọ wọ ẹtalenti re wọ ije. Balẹ ọnẹnẹ a wa wọ ẹka na ayẹ a dọn mọ ọnẹ.'²⁶Ama yọ Ọga gun nẹ yọ owo a gẹ ka, 'Awo okotoro oṣibe odudu akọ ọsọranyẹn ro, u din ka i da kẹ pare, ẹfẹna ime bire wo na, ako ẹparẹ ẹfẹna ima pan wo na. ²⁷Ọnẹbẹ uba e ba na ọ fọọ mọ ikiba bẹbẹ wọọ ẹbanki, imo opilaṣa e ba na ije na na mọ ikiba akọ ẹkẹrẹ.²⁸Ọnẹbẹ uba nẹ nẹyọ ẹtalẹnti ayẹ ni ya ẹfẹna su ẹtalẹnti ẹfọ na. ²⁹Nọ ẹfẹna su ọyọyọ na ayẹ be ke di na wa bilamọ, eke din ne siya - ọyọyọ. Ama fura ẹfẹna eme su kenakide na, e si da ka ẹkẹna eme su na ba ka ne fura yọ uba.³⁰ Nẹ nẹmọ okotoro nẹnẹ wa gbagba na wọ esiri ọyẹ nẹ ka, ẹfẹna iwo akọ irun mọ ọtẹtan aka ma na.'³¹Ọgbọna Osibina Oogbe aka ṣa iyo ugbugbodi na, akọ angel onwọnwọn bile yọ iwu na, ọgbọnẹbẹ ayẹ aka ma nọ iyọ akpa ugbugbodi onẹbẹ. ³²Iyọ ẹrẹn ayẹ ba ka kọ iken fenyan wo, aka tiye ba obo fura abẹn akọ ọṣẹlẹda din ne siye rọ ududo abẹ wo obo fura umu na bẹ na. ³³Aka kọ ududo abẹ wọ uba ojijen, ama umu na bẹ wọ uba oguruba.³⁴Ọgbọnẹbẹ ayẹ obin na yẹ aka ga nọ ẹnanẹ wọ iyo uba ojijen na ka, 'Nẹ kẹ ṣa anọ nẹnẹ Tẹda fọọ okukurubile nọ na, ni jọọ ẹẹbẹn nọ gun nẹnẹ bi guru wo nọ ije ka bọ ọgbọna biya fọọ ẹrọ pa na. ³⁵Ọgbọna awọn a sẹ mọ na nẹ wa mọ ijen je; Ọgbọna ebi ọkọrẹ a sẹ mọ na nẹ wa mọ ebi wa; Ẹ wọ oòga nẹ na mọ wọ ubowo; ³⁶I wọ iwu ufolo nẹ fọọ ẹsa ri mu i mọ iwu eme siye nẹ siye mọ itoju; I wọ ẹwọ ibe nẹ ṣa a balẹ mọ.'³⁷Ọgbọnẹbẹ ayẹ ọṣẹrẹro e ke gu na owo a gẹ ka, 'Idu, ogbọ ọna tẹ gba wọ ka awọn a sẹ wọọ́ nẹnẹ tẹ fọ ijen nẹ wọ na? Abi ọkọrẹ nẹnẹ tẹ fọọ́ ebi nẹ wọ wa na? ³⁸Ọgbọna tẹ gba wọ ka ọwọọ́ ọọ́ga nẹnẹ tẹ na wọ wọọ́ ubowo na? abi iwu ufolo ni ri mọ ẹsa na? ³⁹Ọgbọna tẹ gba ka we yaan abi iwọ ẹwon tẹ?' ⁴⁰"Ọgbọnẹbẹ ayẹ obin na yẹ eke gun na bọ owo a gẹ ka, 'Ikuwa ayẹ ẹ ga nẹ nọ, ẹkẹna u siye nọ mọ ọda iforo ẹnanẹ na, a siyẹ nẹ mọ ke.'⁴¹Ọgbọna ayẹ aka ga nọ ẹnanẹ wo yọ uba oguruba na ka, 'Ni fura mọ ọrẹ, anọ nẹnẹ bi ṣuwa adan na wọ ẹra nẹnẹ eme su ọọ̀ta na, nẹnẹ bi guru karẹ esu aka yọ angeli abẹ na, ⁴²ubaka awọn a sẹ mọ, ama ni ma wa mọ ebi wa; ⁴³Ọgá ẹwa, ama ni ma na mọ wọ ubowo; iwufolo ama ni ma fọ ẹsa ri mu; me yaán oka wọ ẹwọn ama ni ma tọju mu.'⁴⁴"Ọgbọnẹbẹ kabẹ ke gun nọ owo ba ka ga ka, 'Idu, ọgba ọna ti ya gba wọ ka awọn a sẹ wọ abi ọkọrẹ abi o wọ ọọ̀ga abi uu wo ẹbọlẹ, abi iwo iwu ee me siye, abi u wọ ẹwọn nẹnẹ i me siye okoto nẹ wọ na? ⁴⁵"Ọgbọnẹbẹ, ayẹ eke gun nẹ yọ owo ka, 'Ikuwa ayẹ ẹ ga nẹ wọ, ẹkẹna ume siye nẹ ọyẹrẹ nẹnẹ kere fọrẹ ẹnanẹ na, anọ ni me siye nẹ mọ.' ⁴⁶Ẹnanẹ e ke ṣun wọ ọya nẹnẹ eme su ọọ́ta na, ama ọṣẹrẹ ro be ke wọ ẹrọ nẹnẹ eme su oòta na."

Chapter 26

¹A ṣa wọ ogbọna Ijisọs gọọ ẹga ẹnanẹ kuwe na, a ga nẹ yọ egbenurumẹka, ²"Ni din ka wọ isubu ẹbọrẹ amọnẹ ayẹ be ke je imu ofuruṣun be ke din na fọọ Osibina Oògbe nẹ baka ṣẹ nọ ufowo nọ na.'³Ọgbọnẹbẹ ayẹ aṣigiri ẹẹ̀pan akọo isuda abẹ jese bile ọọ utun nẹnẹ wọ aṣigiri ẹẹ̀pan nẹka na, nẹnẹ be ye ọọ Ekalapasi na. ⁴Bẹ jese nẹnẹ ba ka fọọ ẹdayin sọ Ijisọs ka bẹ wan ya. ⁵Bi ya gẹ ka, "Ama wọ imu ọgba, ka egbeése ama ṣọ ẹrọ erokoro etin."⁶Akana nẹnẹ Ijisọs wọọ Ẹsayimoni nẹnẹ wọ ẹkọnmatẹ daro ubowo na, ⁷akọ e siye fọ urun gbeli ọkparẹ ẹrẹn na, iyaro ọbẹn ṣa a fọ alabasita ọọ̀tẹlẹ nẹnẹ su amọ nọ oseji na, a ṣa e gumẹ wọ iyọọ ẹpan. ⁸Ọgbona yọ ẹgbenurumẹka gbẹẹ na, iwu a kan ba bẹ gẹẹ ka, "Ẹna uba a wọ rẹ nẹnẹ ebefuwa ore a ṣọ ẹrọ aa? ⁹Bi di na jọọ ọnẹ bi a gbọ ikiba ọyọyọ nẹnẹ ba ka a nọ ẹnanẹ eme su na."¹⁰Ama Ijsọs nẹnẹ di bọ iroro na ga nẹ ba ka, "Ẹnanẹ nẹ na damu iya ọnẹ na? Nẹnẹ e siye ẹpẹn nọ oboro to mu na. ¹¹Ọgba fenyan ẹnanẹ eme su na bi da maá kẹyẹ wọ ama a ma wọọ ọgba fenyan na ka su mu.¹²Ọgbọnanẹ e gun ma amọ nọ nẹ wo mọ iwu na, e siyẹ nẹ mọ orire. ¹³Ikuwa ayẹ ẹ ga nẹ wọ, ẹfẹnẹfena bi wa pọ ẹpẹnpan nọ oboro ọnẹ na ẹrọ fẹyan na, ba ka kẹ ga ẹkẹna iyaro ọnẹ siye na iyọ ọyẹn yẹn.¹⁴Ọgbọna ayẹ ọyẹrẹ iyọ ogbenurumẹka ẹfọkẹbọrẹ, nẹnẹ be yọọ Ijudasi Ẹskarọti na yọ je ne tọọ aṣigiri ẹẹ̀pan ¹⁵a gẹ ka, "Ẹna na ka nẹ mọọ aa me wunẹ dọ nọ uba na? Bẹ ṣa bẹ mọọ isiliva nẹnẹ ọyẹrẹ ọyẹrẹ ọgbọlọ kọ eti ẹfọ na nẹ ya. ¹⁶Wọ ọgbọnẹbẹ yọ ewe ee nọọ akọ e ki siye fọwẹ dọn bọọ uba na.¹⁷Akana ẹpasẹ ofufuwa isubu oṣoro yọọ ẹgbenurumẹka ṣa tọọ Ijisọs bẹ gẹ ka, "Ẹtẹka te ke guru nẹ wọọ nẹnẹ we ke we jọọ imu ofuruṣum mọ ijen na?" ¹⁸A gẹ ka, "Nẹ fọn yọ iken nọ nẹ je ne tọọ oro ọbẹ nẹ ga nẹ ya ka, 'Otitero ka, "Mọ ọgba turu tọọ ubowo. Me ke jọọ imu ofuruṣun iwọ ubowo aka mọ egbenurumẹka abẹ."¹⁹ Yọ egbenurunmẹka abẹ bi siye akọ Ijisọs si ye ga nẹ ba na, bi mi siye ofuruṣun mọọ ijen.²⁰Ọgbọna iyi bẹrẹ na, a ma aka yọ egbenurumẹka ẹfọkẹbọrẹ bi yẹ jọ ijen. ²¹Akọ bi siye ee jọ ijen na, a ge ka, ikuwa ayẹ ẹ ga nẹ nọ ka ọyẹrẹ ino iwu aka fọmọ yẹn." ²²Bọ ibe ṣa e bee, ọyẹrẹ ọyẹrẹ ibọ iwu bi ye ṣin ya ka, Amẹ i din ka ama wa ame, Idu?"²³E gun nọ owo ka, "Ọnẹnẹ ṣin nọ uba wọ ọbọ ọyẹrẹ nẹnẹ ti ye jọ ijẹn na ayẹ a ka fọ mọ yẹn. ²⁴Osibina Oògbe a ka yọ akọ bi si yẹ wọrẹ wọ ijeh iyọ ọrẹ na. Ama fẹlẹ oro ọnẹbẹ nẹnẹ fọ wẹ yẹ na! Eke fu rọn ka bi ma ba oro ayẹ." ²⁵Ijuda, nẹnẹ a ka fọ wẹ yẹn na ṣin ka, "Amẹ ya họn Otitero, "A ga nẹ ya ka, "Awọ ẹbẹba ọ fọ wọ owo gẹ ke."²⁶Akọ bi siye e jọ ijen na, Ijisọs a fọ ẹpasẹ a fọ okurubile wa mọ, e ru wẹ. A fọwẹ nọ ẹgbẹnurumẹka abẹ a gẹ ka, "Na, jee ọnẹ aya wọ iwu na."²⁷E tiye uwebi, a ga mọ ẹba, a nẹ gẹ ka, "Nẹ wẹẹ, anọ fenyan. ²⁸Ọnẹ ayẹ a wa mọ ẹyọn nẹnẹ wọọ covenant nẹnẹ i guma we ṣa nọ ṣa nọ ero ọyọyọ nọ ẹpan nọ ogbugbun iluwe. ²⁹Ama ẹ ga nẹ nọ ka, Mẹ ke pila manọ wọ ilukutu ẹwayini ẹka ọnẹ, eme fura ka emu na me ke pila wẹẹ akọ owowo na aka anọ imọ Ẹdẹda ẹẹsẹn."³⁰Ọgbọna bi tiye eguru na, bi we yọ be yọọ Olivi ọ̀rẹ́. ³¹Ọgbọnẹbẹ Ijisọs ga nẹ ba ka, "Anọ fẹyan ne ke falẹ fura ujoguwe eka ọnẹ imọ uba ọrẹ, ka bẹ wọrẹ ka, ma ka nẹ mọ ẹpẹn fọ mọ Osẹleda yọ ududo abẹ a ka pan wara.' ³²Ama ọgbọna ma sọma palẹ ṣa na, ma ka yọ nọ ẹrẹn fọ mọ Ẹgalili."³³Ama Ipita ga nẹ ya ka, "E si da ka ero fẹyan tọ ọsẹn iwọ iwu, amẹ me ke di tọọ ọsẹn iwo iwu." ³⁴Ijisọs ga nẹ ya ka, "Ikuwa ayẹ ẹ ga nẹ wọ, iju kẹka ọnẹ, ṣa na abese okokoriko e di ki yi we ke yuru mu isẹ ẹta." ³⁵Ipita ga nẹ ya ka, "E si da ka ima ka yẹ rẹ wọ fuwọ me ke yuru wu wije. "Kọ egbenurunmẹka abẹ siye ẹgan din na ga.³⁶Ijisọs akọ abe mi guru yọọ ẹfọbẹn nẹnẹ be yọọ Ẹgẹthsemani na a ga nọ yọọ egbenurunmẹka ka, "Nẹ ma nọ ẹkọ nẹ ka me pọọ a yọ apan nọ ọnẹbẹ iye siye adura." ³⁷A fọọ Ipita akọ Izebede egbe nọ oforo ẹborẹ bile iwu emi ṣa e bọ ibe fuwa e din na nọ umi. ³⁸Ọgbọnẹbẹ ayẹ a ga nẹ ba ka, "Mọ usi wọ ibe obibe nẹnẹ e me su ọ ga na, nẹnẹ eni ka ayẹ e rọọ ufowo owo na. Nẹ ma kare mọ ẹkọnẹ nẹ ma mọ kẹ sẹlẹ apẹn."³⁹A turu wọ ẹrẹn ṣun ba, falẹ gun mọ ayẹn rii, a a gbadura. A gẹ ka, "Mọ ẹdẹda, a da ka e su osiye, tebiya uwebi onẹ w ṣu mu. Ama a ma wa akọ isiye eni na, a ma da akọ awọ usiye e ni na." ⁴⁰A ṣa tọ yọọ egbenurumẹka e to ba ka be buwe, a ga nọ Ipita ka, "Ẹnawa, anọ ni me di mamọ ṣẹlẹ ọrẹ nọ ẹwakati ọyẹrẹ? ⁴¹Nẹ kẹ ṣẹlẹ ọrẹ ni din na ki siye adura ubaka ni ma falẹ wọ ọmabalẹ. Ikuwa ya ka ẹfunwẹnfunwẹn ee ni ama e ṣile nọ iwupe."⁴²E din ne ki pila yọ isọ ọboro je na siye adura. A gẹ ka, "Tẹda, adaka uwebi ọnẹ eme di yọ mọ ẹpan ṣun emefuraka ẹ wẹẹ, wọ ẹka a wọ osisiye." ⁴³E din ne ki pila ṣa a din ne to ba ka be buwe, bọ ayẹn run nọ uba. ⁴⁴E din nẹ ki teyiba, a yọ je nẹ siye adura isọ ọtẹtaro, ega ọwwọrẹ e di ne ki ga.⁴⁵Ọgbọnẹbẹ ayẹ Ijisọs ṣa tọ yọ ẹgbenurunmeka a ga nẹ ba ka, "Ine ki buwe ni dine filẹyẹ? Balẹ ẹwakati ayẹ e turu ṣa, nẹnẹ ba ka fọwẹ Osibina Oògbe dọmọ iluwero uba ka be fọwẹ yẹn. ⁴⁶Ni fura, ni we ṣa tẹ yọ. Balẹ ọnẹnẹ a ka fọ mọ yẹn na kẹ yẹ tọ."⁴⁷Akọ e siye wọ ẹga ayẹ a gaá na, Ijudas, ọyẹrẹ abẹ ẹfọkẹbọrẹ iwu ṣa. Ero ọyọyọ yẹrẹ ya ṣa fura asigiri ẹẹ̀pan akọ isuda abẹ ẹfa ṣa. Bẹ kọ ọgbọdọ akọ obigbo kẹ dọn. ⁴⁸Akana, ẹfẹna e ni ka ayẹ fọ Ijisọs yẹn na fọ opeli yẹn ba, a gẹ ka, "Ẹfẹna ma fọọ owo dọ yọ owo na ayẹ a wọ oro ayẹ Nẹ sẹ ya."⁴⁹Iganigan a ṣa tọọ Ijisọs a gẹ ka, "Ẹgawọ Otitero." a fọ owo do yọ owo. ⁵⁰Ijisọs ga nẹ ya ka, "Ọrẹ siye ẹkẹna ọ ṣa siye na." Ọgbọnẹbẹ bẹ ṣa bẹ fọ uba yẹrọ Ijisọs be sẹ ya⁵¹Baleya, ọyẹrẹ ẹnanẹ a yẹrọ Ijisọs yọrẹ yọ uba wẹsa, wuna yọ ọgbọdọ wẹṣa, a tọọ okotoro nẹnẹ wọ asigiri ẹẹ̀pan nọ ọtọn. ⁵²Ogbonẹbẹ ayẹ Ijisọs ga nẹ ya ka, "Pila wọ ogbodo wo iyọ apolo, ka ẹfẹnafẹna e tiye ogbodo to oro na aka yọ ọgbọdọ ọrẹ fuwu. ⁵³Awọ u roro ka me di ne ye Teda, nẹnẹ e ke file ilijioni angeli ẹfọkẹbọrẹ nẹmọ na? ⁵⁴Ama gana e ba na emumu ọwọnwọn e ke siye ṣere aa adaka ẹnanẹ ama ṣa ẹrọ na?"⁵⁵Ọgbọnẹbẹ Ijisọs ga nẹ erokoro ọyọyọ nẹnẹ furu na ka, "Ini ke dọmọ ọgbọdọ akọ oligbo wẹṣa ka ni ya sẹ mọ akọ oyiri na? Isubu fenyan i da kẹ ma nọ ma nọ etempulu ki tọọ ero, ama ni ma sẹ mọ. ⁵⁶Ama ẹnanẹ fenyan a ṣẹrọ ubaka ẹwọra nẹnẹ wọ ẹsẹro ẹka na e di wọ ofifiye." Ọgbọnẹbẹ ayẹ yọ egbenurunmẹka abẹ te bi ya bi ke mune.⁵⁷Ẹnanẹ sẹ Ijisọs na fọwẹ yọ Ekaiphasi nẹnẹ wọọ asigiri ọkẹka na ẹfẹna isikirabu ro akọ isuda abi jese wo na. ⁵⁸Ama Ipita yẹrẹ ya urunmurun yọ ọyen nọ etin nẹnẹ wọ asigiri ọkẹka ẹka na. A fọn yọ je na ma kẹ yọ ọṣẹlẹ ẹfa abẹ ka ayẹ edi gbọ ẹkẹna e ke mu yọ urun na.⁵⁹Akana asigiri ọkẹka akọ ọọ̀pa fenyan bi ye ni akọ be ke siye nọ ubedin iṣoma ẹka bi ya bọọ Ijisọs bi di jọ ufo neya. ⁶⁰Bi ma gba kọyẹrẹ, e si da ka enane ṣa ga ubedin iṣoma ẹka yọ weṣa. Ọgbọna e siye na abẹ ẹbọrẹ we ṣa ⁶¹a ge ka, "Oro ọnẹ ka, 'Amẹ i din na pẹn nọ etempulu Osibina eka onẹ me ke din na fuwẹ ma isubu ẹta iwu."⁶²Aṣigiri ọkeka fura jọmọ a ga nẹ ya ka, "U me di gun nọ owo họ? Ẹna wọ ubedin nẹnẹ bẹ jọmọ a ga e ṣu wa wọ aah?" ⁶³Ama Ijisọs dọ usu. Asigiri ọkẹka ga nẹ ya ka, "I buru wu Osibina ọkẹka iwuru, ga nẹ tọ adaka awọ a wa Ẹkraist, nẹnẹ wọ Osibina Oògben." ⁶⁴Ijisọs gun nẹ yọ owo ka, "Awọ ẹbẹba o fọ wọ owo gẹ ke. Ama ẹ ga nẹ wọ, wọ ọgbọnakọ yọ na ka gbọọ Osibina Oògben ka a ma nọọ uba ojije iwogbigben nẹka e ke wọọ eduduru Osibina ẹẹ̀sen wẹ ṣa."⁶⁵Ọgbọnẹbẹ ayẹ aṣigiri ọkẹka fẹnẹ yọ alẹgbẹ a gẹ ka, "A gọ ẹnakọ! Ẹna ti pila eni ubedin e siye aa? Balẹ, akana nẹ wọ ẹnako nẹnẹ a ga na. ⁶⁶Ẹna ni roro aa?" Bi gu na owo bẹ ge ka, "Ayẹ e jọọ ufowo ebe."⁶⁷Ọgbọnẹbẹ ayẹ bẹ tọọ efuwa e wo ya yen, bẹ bẹya, bi din ne fọn yọ ẹpẹn aka bọ ubu ibe, ⁶⁸bẹ gẹ ka, gẹ ẹsẹ nẹ tọ, awọ Ẹkraist. Ẹra wọọ ẹfẹna fon wọ ẹpen na?"⁶⁹Ipita ma nọ ọyẹ nọ etin, ayẹ okotoro ogbe nọ oyegbe ṣa tọwẹ a ga nẹ ya ka, "Ka awọ u wọọ ẹnanẹ a yẹrọ Ijisọs Egalili ro." ⁷⁰Ama e yuru ya ero fenyan ayẹn, a gẹ ka, "I me din nọ ẹkẹna na gaá na."⁷¹Ọgbọna e me yọ opolo na, okotoro ogben nọ iyaro ọbẹn di ne mi gbẹ a ga a nọ ẹnanẹ wọ ẹfẹnẹbẹ na ka, "Oro ọnẹ ka ayẹ a yẹrọ Ijisọs Enazareti ro na" ⁷²E di ne ki yuru ya akọ ọpẹn, "I me di nọ oro ayẹ!"⁷³Ọgbọna e siye keke na, ẹnanẹ jọmọ ẹfẹnẹbẹ na ṣa bẹ ga nọọ Ipita ka, "Egbe ta yẹ ka yẹ ka, aka akọ usiye a gọ ẹga na fọ wọ yẹn." ⁷⁴Ọgbọnẹbẹ ayẹ a tọmẹ e ṣu wo adan e di na bọ ọpẹn, "I me din nọ oro ayẹ, "Iganigan ayẹ okokorikọ yii. ⁷⁵Ipita yen nọ ẹga nẹnẹ Ijisọs ga na, "Ṣa na ọkọkorikọ e ki yi we ke yuru mu isọ ẹta." Ọgbọnẹbẹ ayẹ e we yọ e yi iwo ọsẹsẹ.

Chapter 27

¹Ọgbọna apẹn pan na, aṣigiri ẹẹ́pan akọ isuda abẹ fẹnyan bi ye ni akọ be ke siye si ye ufowo wan nọ Ijesu na. ²Be parẹ ya ubowo akọ ọṣẹn, be fuwẹ yọ je na nọọ Ẹpaleti nẹnẹ Ẹgọuọnọ na.³Ọgbọna Ijudas, nẹnẹ fuwẹ yẹn na, gbẹ ka bẹ ṣẹnẹ ufowo nọ Ijisos eroro ibe pila e pilọ isiliva ọgbọlọ kakọrọfọ nọ aṣigiri ẹẹ̀pan akọ isuda abẹ, ⁴a gẹ ka, "Amẹ ẹ sẹẹ nọ ka ẹ fọ ẹyọn nẹnẹ a ma ṣẹ na yẹn." Ama bẹ gẹ ka "Ẹna ọnẹbẹ wa nẹ taá? Awọ e mi di ne wọ iwu."⁵ Ọgbọnẹbẹ ayẹ a nẹ mọ Isiliva ikiba wọ iye ẹtẹmpulu, e fura ẹfẹnẹbẹ, e we yọ je ne file yọ iwu ọfẹ.⁶Asigiri ẹẹ̀pan kọ Isiliva ikiba ayẹ a gẹ ka, "E me wọọ obuburu ka tẹ fọọ ikiba ayẹ pika wọ apo ubaka ikiba nẹnẹ biye yin nọ ẹyọn na ya." ⁷Bi bile mẹẹsẹ, bẹ fọwọ ikiba ayẹ yin nọ ọmọọ ọtẹlẹ ije nẹnẹ ba ka fọ siye ẹfẹna be ke re ọgaá ki wọ na. ⁸Ọnẹbẹ uba ije ayẹ bi mi ne yọọ "Ije ẹyọ mẹka." titi re amọnẹ.⁹Ọgbọnẹbẹ ayẹ ọnẹnẹ Ijeremaya ẹsẹro ga na e di wọ ọsẹrẹ a gẹ ka, "Bi ti ye Isiliva ọgbọlọ kakọrọfọ ọpa nẹnẹ Istrali egben nọ oforo abẹ ya fọwẹ yẹn na, ¹⁰Bi mi a yin nọ ije, ọnẹ wọ ọmọọ ọtẹlẹ na, akọ Osibina siye tẹ bọ ọrẹ na."¹¹Ọgbọnẹbẹ ayẹ Ijisos jọmọ igomina ẹrẹn ayẹ igomina ṣin ya ka, "Awọ a wọ iju abẹ obin?" Ijisos gun nẹ yọ owo ka "Awọ ọọ gẹ." ¹²Ama ọgbọna nẹnẹ aṣigiri ẹẹ̀pan akọ Isuda abẹ siye yọ ẹfọta na, Ijisos eme gun nọ owo. ¹³Ọgbọnẹbẹ ayẹ Ẹpayileti ga nẹ ya ka, "Awọ uma wọ fẹnyan nẹnẹ bi ka usiye na?" ¹⁴Ama eme si tolo efuwa, nẹnẹ wọrẹ ka a wọ rẹ ka, a wọ ojinọ oro fuwa ọọigomin ayẹ na.¹⁵Akọ e de ye siye wa ọsisiye imuọgba ọla akọ na, Igomina sọ iwu ogbigbe o din ne tebi ẹwa ro ọyẹrẹ nẹnẹ apẹ nẹnẹ jese na ni na. ¹⁶Ọgbọnẹbẹ e su ọ ẹwaro odudu ọbẹ nẹnẹ be yọọ́ Ẹbarabbasi na.¹⁷Ọgbọna bi ke jese na, Ẹpayileti ga nẹ ba ka, "Ẹra ne ni ka ẹ tọra wije aah? Ẹbarabasi họ abi Ijisos nẹnẹ be yọọ Ekraist na?" ¹⁸E din ka ibe fọọ Ijisos ṣa dọn ya yẹ uba ibe ọsẹsẹn. ¹⁹Akọ e siye ki ma nọ ayọ ẹkarẹ ọsẹn nọ ọparẹ na, yọ oworo file utun nẹ ya ka, "Ume su uba wọọ oforo ikuwa ro ọnẹbẹ. Ubaka i je ọya gan nọ usiye amona ọmuwẹ nẹnẹ ma iwọ uba na."²⁰Ọgbọnẹbe ayẹ aṣigiri ẹẹ̀pan akọ isuda abẹ tẹyọ apẹ nẹnẹ jese na ka bi ṣin nọ Ẹbarabbas ọtọra wọ ije, ka wa nọ Ijisos. ²¹Igomina ṣin ba, "Ẹra ero ẹbọbọ ẹnanẹ ne ni ka i tebi ne nọọ ah?" Bẹ gẹ ka, "Ẹbarabbas." ²²Ẹpayileti ga nẹbba ka, "gana me ke siye si yọ Ijisos nẹnẹ be yọọ Ekriast?" Bi ke gun nọ owo ka, "Nẹ wan ya."²³Ọgbọnẹbẹ a gẹ ka, "Ẹna uba a wọrẹ aa, odudu ọọ̀na e siye aa?" ẹ gẹ ka ọgbọnẹbẹ ayẹ bi yi ọga fọrẹ na,"Nẹ wan ya." ²⁴Ọgbọna Epayilati gba ka fẹnyan nẹ ayẹ a ga na eperi ayẹ gẹ yẹ wo, aka ka egbẹẹse e ni ka ayẹ tọmẹ, e kuru ebi, pu wa yọ uba apẹ ayẹn, a gẹ ka "I me su uba wọ ikuwa ro ọnẹ ẹga. Anọ nẹ gba wa mọ."²⁵Ẹrọ fẹnyan gẹ ka, "Tẹ na ka yọ ẹyọn e wo tọọ ẹpan aka tọ egben nọ eka." ²⁶Ọgbọnẹbẹ ayẹ e tebi Ẹbarabbas nẹ ba nẹ ama e jẹ yọ Ijisos oya ṣana a fuwẹ dọn bọ uba ka bẹ kaya sẹ ọgbalati.²⁷Ọgbọnẹbẹ ayẹ igomina yọ ẹkọn mọ egben fọ Ijisos wọ ijọba ubowo bi jese ọgbanmọkọ abẹ fẹnyan. ²⁸Bẹ fẹ alẹgbẹ be fọ alẹgbẹ ọyayan filẹ. ²⁹Bi wọ ọọ ẹwọn mọ ade bi a yẹrẹ yọ ẹpan, bi din na fọọ ogbolo wọ ọọ yọ uba ojijen. Bi gun mọ ekunten wọ iyọ ẹrẹn, bẹ gẹ ka, ''Saki, iju abẹ obin!''³⁰Bẹ tẹ efuwa ri ya, be nẹ yọ ogbolo uba bi ye fon yọ ẹpan yẹrẹ abẹn yẹrẹ abẹn. ³¹Ọgbọna bẹ fọwẹ siye osi ke na, bẹ fọ alẹgbẹ ayẹ fura yọ iwu bi pila fọ yọ bẹ fọ alẹgbẹ file, bi mi fọwẹ yọ je na kan sẹ ọgbalati.³²Akọ bi siye we ṣa na, bẹ gba oforo abẹn nẹnẹ wọ Isirene ṣanẹ nẹnẹ gbọọ Esamoni na, nẹnẹ bẹ fọ iwogbigbebsẹ ka ayẹrẹ ba be na ubaka e di ma ba fọwẹ ọgbalati ayẹ. ³³Bẹ ṣa bi re ẹfẹna be yọ Igolgota na, nẹnẹ yọ igben wọ "Ẹpan nọ ẹfa." ³⁴Bẹ fọọ ẹwayini nẹnẹ sile na bẹ fọ amọ bilẹ bi ya nẹ ya wa.³⁵Ọgbọna bẹ kayan sẹ ọgbalati na, bi ruwa yọ alẹgbẹ dọn mọ abẹ nọ uba, bẹ mọ isiye ye ro alẹgbẹ ayẹ osi. ³⁶Be ma bi ya ṣẹlẹ ya. ³⁷Ọsun yọ ẹpan keke ayẹ be wọra ẹga nẹnẹ yọ ẹpan keke ayẹ bẹ wọra ẹga nẹnẹ bi ya sẹ ya na, nẹnẹ bẹbgan ya ka, "Ọnẹ a wọ Ijisos, nẹnẹ wọ iju abẹ Obin na."³⁸Oyiri ọbẹrẹ ayẹ bẹ kan sọ ọgbalati aka ayẹ, ọyẹrẹ iyọ uba ojijen akọ ọbẹ iyọ uba oguruba. ³⁹Ẹnanẹ e ṣun na bi ya parẹ ya etun, bi ye gbun bọọ ẹpan ⁴⁰bi a ge, "Awọ nẹnẹbka we ke wuru etempulu udine fọmẹ ma isubu ẹta na, na wọ iwu fan na! Akada Osibina oògbe ayẹ ọwa, holo ṣa ọgbalati nẹnẹ bẹ kan wọ wo na!"⁴¹Ẹga kọọ aṣigiri ẹẹpan fọwẹ ẹ si yọ osi, bilọọ isikirabu akọ isuda abẹ bẹ gẹ ka, ⁴²"A nọ ero fan ama eme din na yọ iwu fan. Aka ayẹ wọọ Isrel obin. E holo ṣa ọgbalati aya aa, ọgbọnẹbẹ ayẹ ta ka nẹ wọ ne.⁴³A fọ uloko yẹrọ Osibina , tebiya Osibina a nẹẹ fan nakana, adaka Osibina na ka ayẹ a ka nẹ fun na. Ka e si gẹ ka, 'Amẹ a wọ Osibina oògben.''' ⁴⁴Kọọ oyiri abe nẹnẹ bi bile ba kan sọọ ọgbalati na be fọ ya e si yọ osi.⁴⁵Wọ ọọ ẹwakati ọpọnọyẹrẹ esiri guma ri ije ayẹ titi re ọọ ẹwakati ubọyẹrẹ. ⁴⁶Ọgbọna e ni ke re ẹwakati ubọyẹrẹ na, Ijisos yọ ọga weṣa nẹnẹ gbun mọ ẹfa ororo na a gẹ ka, "Eli, Eli, lama sabachthani?," Nẹnẹ wȯ, "Mọ Osibina, ẹna nẹ u guru mu na?"⁴⁷ Ọgbọna ẹnanẹ jọmọ ẹfẹnẹbẹ wọ ya na, bẹ gẹ ka "E yọọ elijah."⁴⁸Iganigan ọyẹrẹ ibọ iwu mu ne je nẹ tiye ẹkankan, e gun mọ adẹ ohigiyan wa mọ, a parẹ ya sẹ ọgọlẹ, a yọ rẹ ya wọ yọ owo nẹ ya wa. ⁴⁹Ero obuba ka, "Ni tebi ya. Ni jọmọ te kebgba boya Elijah a ka ṣa nẹ fan." ⁵⁰Ọgbọnẹbẹ ayẹ Ijisos din ne ki yi ọga isọọ oboro wọ ẹpan rọ ẹpan rọ ije, ije gun ọtarẹ fẹnẹ⁵¹Ọsọ jin, erokoro ọnwọnwọn nẹnẹ jene buwe na bẹ sọma palẹ ṣa. ⁵²Bi ke weṣa fura ọsọ ibe iyọ ọpalẹṣa, be fọ mọ iken nọ ọnwọnwọn ọnẹbẹ, bi di na fọọ iwu yẹn nọ ero ọyọyọ. ⁵³Be mi vesa ọo etomb ayẹ ogbọna a suma palẹ sa le sa, emi mi fom àá ve sa to oro ọyọyọ⁵⁴Ọgbọna ọgbamẹkọn ẹẹpan akọ ẹnanẹ furu biya balẹ ijisos na gọ ije ogbungbun nẹnẹ siye na akọ ẹpẹn fẹnyan nẹnẹ ṣẹlẹ na, ọrọrẹ ọkẹka ṣa a sọn ba bẹ gẹ ka, "Ikuwa Osibina ọ ọ̀gben na ọnẹ." ⁵⁵Iyaro ọyọyọ nẹnẹ ke yẹrọ Ijisos furo Egalili sa ka bi siye yọ opo na wọ ẹfẹnẹbẹ bi ya yọrẹ ayẹn na balẹ ya. ⁵⁶Ibọ iwu yọ wọọ Imeri Emagidalini, Imeri nẹnẹ wọọ Ijamisi akọ Ijosẹf wuya na akọ Izebedee ogben oforo abẹ wuya.⁵⁷Ọgbọna e rọ iyi ọbẹbẹrẹ ẹka na, e su arọn ro ọbẹn nẹnẹ wọ Arematiya, nẹnẹ be yọọ Ijosefu na, nẹnẹ kayẹ wọ Ijesu ogbenurun mẹka na. ⁵⁸A ṣa e tọọ Epayilati e ṣin nọọ Ijisos eporo Epayileti fọ iwogbigben nẹba ka bẹ fọwẹ nẹya.⁵⁹Ijosẹf fọ eporo ayẹ, a fọ ẹsa okukuru nẹnẹbe wure na parẹ ya, ⁶⁰a bọrẹ wọọ ayẹ bẹba ọsọ nẹnẹ a biwu wọ ọtarẹ ibe na. Emi ṣa e gbiyọ ọtarẹ ọkẹka ju ọsọ ayẹ opolo sa na e fura ẹfẹnẹbẹ. ⁶¹Imeri Emagidalini akọọ Imeri ọboro wọọ ẹfẹnẹbẹ, bẹ ma gọ mọ ayọ tọọ ọsọ ayẹ.⁶²Ọgbọna e re isubu ọboro, nene yẹrọ ipalemọ isubu na, aṣigiri ẹèpan akọ Efarisi abẹ ṣa jese wọ epayilati ẹfa.⁶³ Bẹ gẹ ka, ẹdarọ tẹ yẹn ka ọgbọna ọwọrẹ oro ọnẹbebwọ ẹrọ na a gẹ ka, "Isubu ọtẹtaro ma ka pale ṣa." ⁶⁴Ọnẹbẹ uba, buru ka kẹ sẹlẹ ọsọ ayẹ titi re ogbona eke re isubu ọtẹtarọ na, ama dọ ẹgan yọ ẹgbẹnurumẹka bi ma ṣa yi rẹ ya ṣana bẹ ga kẹ nọ ero ka, 'A palẹ wọ eporo sa, emi ṣina ka awọrẹ omunuru eke mi wọ odudu fọrẹ oṣoro.''⁶⁵Ẹpayileti ga nẹ ba ka, "Ne fȯ ọsẹlẹ ẹfa ọyẹrẹ. Nẹ yọ ni je na sẹlẹ ya akọ e siye bọwọ na." ⁶⁶Bẹ yọ bi jẹ na gbe ka ọsọ ayẹ wọ ọṣẹṣẹlẹ, bẹ fọ ọtarẹ ayẹ ṣi yọ owo bibdin na fọ ọsẹlẹ ẹfa wọ opolo.

Chapter 28

¹Ọsẹ isubu iyi ọbẹbẹrẹ, akọ isubu oṣoro ọsẹ si ya gan na, Ẹmaria Ẹmagigalini akọẸmaria ọboro ṣa balẹ ọsọ ayẹ. ²Balẹya, ije opipina ọkẹka ṣa siye, ka Angeli iduna ẹka holo wọ ẹẹ̀sẹn ṣa, e gbi yọọ ọtarẹ ayẹ fura, a ma yẹrẹ ya.³Yọ ayẹn nẹbwa kọ ọ̀sọ́ na, yọ alẹgbẹ e wure akọ osọtare na. ⁴Ọrọrẹ odudu pina rọ ẹnanẹ a ṣẹlẹ ọsọ owo ayẹ na bi mi ne wa kọ eporo na.⁵Angel ayẹ jin no owo, a ga ka nọ iya abẹ ka, "Ni ma sọmọ ọrọrẹ, ka amẹndin ka Ijisos ne ni nẹnẹ be, kan sọ ọgbalati na. ⁶Eme wọ ẹkọnẹ, a pale ṣa kẹ akọ e siye ga na. Nẹ kẹ ṣa nẹ gbọ ẹfẹna e buwe wọ na. ⁷Nẹ ṣana fura je na ga nọ yọ egbenurun mẹka, ka a palẹ ṣa fur eporo. Bale, e wo no ẹrẹn na yọ, ẹgalili. Ẹfẹnẹbẹ ne ke gbẹẹ nẹ,' Bale, e ga nẹ nọ.''⁸Iganigan ayẹ iya abẹ furọ ọsọ ẹfa akọ ọrọrẹ bilọọ ẹbẹnbẹn nọ ọkẹka, bi mu ne je na to yọ egbenurun mẹka abẹ. ⁹Akọ bi siye ayọ ka bi ya ga nọ yọ egbenurun mẹka abẹ na, balẹ Ijisos gu rẹ ba a ga ba ka "Iwọbẹbẹrẹ!" Iya abẹ ṣa, be ba sẹ yọ ọṣẹn bi pun ya. ¹⁰Ọgbọnẹbẹ ayẹ Ijisos ga nẹ ba ka, "Ni ma sọn mọ ọrọrẹ. Ninya ga nọ mọ ero abẹ ka bẹ kẹ yọ Ẹgalili. Ẹfẹnẹbẹ be ke we gba mọ nẹ."¹¹Ọgbọna iyababẹba yọbna, balẹ, ẹnanẹ a ṣẹlẹ ọsọ na iwu, fo mọ iwuru yọ bẹ ga fẹnyan nẹnẹ bọ ayẹn gba na nọ aṣigiri ẹẹ̀pan nabẹ. ¹²Ọgbọna aṣigiri abẹbtọọ isuda abẹ na bi mẹẹsẹ wọ ẹga ayẹ na, bẹ fọ ikiba ọyọyọ nọ ọgbamekọ nabẹ ¹³bẹ ga nẹba ka, "Nẹ ga nọ ero obuba ka, 'Ijisos egbenurun mẹka abẹ ṣa ujogẹka sa yi re yọ epọrọ ọgbọna te buwe na.'¹⁴Ọgbọna igomina a wọ na, atọ e ke bile yọ uloko ta ka na nọ fan.'' ¹⁵Ọgbanmẹkọn abẹ nọ ikiba ayẹ bi din nevsiye akọ bi siye gs nẹ ba na. Ẹga ọnẹ mi wọ ọnẹ iju abẹ mẹsẹ e wo titi re amọnẹ na.¹⁶Ama yọ egbenurun mẹka ẹfọkọ ọyẹrẹ fọmȯ Egalili yọ bẹ yọ ọrẹ nẹnẹ Ijisos ga nẹ ba na. ¹⁷Ọgbọna be gbẹẹ na, bi pun yan, ama bọ ẹbẹ nẹ siye ọkọn mẹ bọrẹbọrẹ.¹⁸Ijisos ṣa tọọ ba a ma ba gọ ẹga a gẹ ka, ''Uburu fẹnyan bi ya nẹ mọ ẹẹ́sẹn akọ ẹrọ. ¹⁹Ọnẹ uba, nẹ yọ ni ye nọ egbenurun mẹka ẹrọ fẹnyan. Nẹ yọ ni ye ri ero imomo. Ẹdẹda, ọọ̀gben akọ ẹfunwẹnfunwẹn ọnwọnwọn iwuru.²⁰Ni teba akọ bi siye a tọn mọ ẹpan na nọ akọ isiye buru nu na. Balẹ, amẹ ibwọ inọ etin, titi re ọgbọna ẹrọ ayẹ eke kuwe na.''

Mark

Chapter 1

¹Ọnẹ a wa Ijẹsu Ikristi Osibina oògben ẹpẹpan oboro ọọ̀tọtọmẹ ne. ²Akọ nẹnẹ ọgẹsẹ iisayo sie wọrẹna, Balẹ ya mèefile mu utunro aṣa ọnẹnẹ ẹkẹ guru ọripopo na. ³Ohuh ọnẹbẹ nẹ eyọga ọdan mobelerena guru Osibina ọripopo wije gba ka ewo ọṣerẹ.⁴Ejoonu ṣa, e rimomo ọdan mobile edina apọ ẹpẹ pan edine rimomo ano ibe ororo pila nọ epan ogbugbun. ⁵Iken fẹyanfẹyan nẹwọ Ijudea aka ẹrọfẹyanfẹyan nẹnẹ wọ Ijerusalẹmu. Eri ba imomo Ijodani oògbolo bẹ nu ba nẹ bò iluwe. ⁶Ẹjoonu wọnẹ ẹfile agogo ẹpẹn aka ekoo oyi a pariṣin, a a tamọ ijolo odan ẹwonton.⁷Agẹ uburu, "Oro aka ṣa nẹnẹ aka gben nẹda fọrėo mọ na ẹfẹ nẹnẹ egbe ka yẹ ba ta oyi me dina tọ mẹ kẹ torana. ⁸Iri ni momo aka ebi, ama ayẹ eke ri ni momo aka Efunwenfunwen owonwon"⁹Asạ suun isubun oben nẹnẹ Ijesu sạ fura Enazareti Egalilee, Ẹjoonu riyi momo Ijodani ogbolo nẹya. ¹⁰Akonẹ Ijesu seyen ve ṣa fura ogbolo ayeo na agboka oṣosi jin wije akan Efunwenfunwen wolo sạ Osibina ẹsẹn akọ ẹṣokpa. ¹¹Owow diyen vensạ Osibina eṣen, kaa awọ awa mogben ikuwenka nẹnẹ ami niyen gan nạ.¹²Ogbon nẹbẹn ayẹ Efunwenfunwen ṣạa tẹ yẹ ba fon mọ odan mo bile yọọ. ¹³Èé won ọdan mo bile isubun iborẹn esuu ṣạ amẹẹ bale. Èé won enẹmẹkẹka etin, aka angẹli abẹ sạ biyen ṣọ okoto anẹyan.¹⁴Ọgbọ nẹ bẹ sẹ Ejoonu ju wu ubu na, Ijesu yọ Ẹgalili aa pọ ẹpẹ pan oboro Osibina ẹga na. ¹⁵Áá ge ka ogban ayen renke aka Osibina ikoekpen turu a ṣa niroro iben pila ne diyan naa Osibina epenpan owonwon won.¹⁶Àké èè siyen jenjen ogbolo nẹ wọ Egalili ẹka ọtọn na agbo Isimoni aka Anderu Isimoni ọda ka bẹ nẹ bo agẹ ewọ ogbolo, ọsa yẹrẹ bẹvwa. ¹⁷Ijesu ga nẹ ka, "Nekesa, nẹ yẹrẹmọ ma ka ṣẹ no ṣin nọ ọsẹverokoro na yẹ rẹ mọ na". ¹⁸Iganigan bèe ta yi ba agẹ bi ya yẹ rẹ ya.¹⁹Akọ nee Ijesu siye jejen turu wẹ ren keke na agba Ijemisi Izebede ogben ako Ẹjoonu ọda, bi wọvọkọ ẹbẹka biue guru ba agẹ. ²⁰Èé yenbạ bidinne tayi bẹn dẹda Izebedee ẹẹ ọkọ ebẹka aka bi ikotoro bẹ yẹ rẹ ba.²¹Bẹ ṣa bẹ fon mo ecapernaumu, aka ẹyẹ ofilẹyẹ isubu, ṣun èé tie ba. ²²Aṣa jịn ba owo fuwa nọ otietie nee tie ba na, ako nẹ éé siyen tie ba akone efen na su ububuru na ama akone Iscribiro abe siyen siyen na.²³Emefon mo rẹ ogben noforo newe bọ isinagogun ọnẹnẹ su efunwenfunwen odudu na yọga waṣa, ²⁴Ạ́ạ́ gẹ ka ẹna ato su osiye aka awaa Ijesu Ẹnazarẹti ẹko? Osạ kọ ọsa ùtùtu hun? Idin nẹfẹ na ọwa na. A wa wọ ọwọnwon nẹ wọ Osibina aka na. ²⁵Ijesu mọ efunwenfunwen odudu ayẹ ga aka, "pọwo uwo yi wu wa ṣa." ²⁶Efunwenfunwen odudu ayẹ ṣa fa ri je ẹmi wo yi wi wasa akọ esie kpamọ owo eyi oga na.²⁷Ejin ero fẹyan owo fuwa bi mi ṣin na bẹn ka, "Enana? otiti owowo akọ ububuru! éé buru efunwenfunwen nedudu bi diyen piyanton. ²⁸Bẹẹ ṣạ pọyẹpẹpan efan fẹyanfeyan jenene Egalilee ijen.²⁹agbon nẹnẹ ẹrẹ sa isinagogun bẹẹ sa fon mọ ubọ nẹnẹ wa Isimoni akọ Anderu bile ọ Ijamesi aka Ẹjoonu. ³⁰Akana Isimoni orowiyan wii egun obele nẹ wo bẹẹ sạ gan nee Ijesu yi gun megan. ³¹Aá mi sạ sẹya uba apanyan fura jọọmọ iba ayẹ furẹ yiwu áé fura ami sạ a yẹrẹba.³²I yọbẹrẹ ọnẹbẹ ọgbọna eyi fun na, bẹ kwọ ero fẹyan ne yan no ako ẹda nẹ sọ efunwenfunwen nedudu na. ³³Iken na yẹ feyan-feyan jese wọ opolo. ³⁴Afa akẹ sẹ ne erofeyan nẹ su igun na edine gu ọ ẹfunwẹnfunwen, we amo eme yaka efunwenfunwen idudu abẹ bẹ gẹ ga uba ka bi din yan.³⁵Efura ọro run mẹka firifiri, ọgbọ na apen, nẹ mi pan na, Efura ayọọ ẹfa ne ero ama ma na ẹfẹnẹbẹ a gba adura. ³⁶Isimoni aka ero nẹnẹ wi yefan na bi ni yane. ³⁷Bẹ gbẹ bẹ gan nẹ ka, "erofeyan eniwu".³⁸Agẹ ka, "Ne ṣa tẹ yọ ẹfạbẹn iken nẹ kạwọ ẹkọ na ubaka idin gẹ mẹ nẹ ike fẹnẹbẹ onu ba worẹ wẹsa ẹkọ ne. ³⁹Ene nọ Egalili ibe fẹyan,vesie iwa sun ibo, isinagigue edine gu efunwenfunwen idudu abe.⁴⁰Ẹkun mata da ro ṣa, Agun me kwu ten, atẹẹ ya ekwin ka, Wani, udi na fọ ma kẹ sẹ. ⁴¹Yeyi son ya, Ijesu yọ ru ba a dẹna, agan nẹyan ka, amen eni woo. ⁴²Iganigan awẹ ẹkun ma ta yẹ fura yi wu ne.⁴³Ijesu ṣa wonyan aga nẹ ya ka akẹ yọ. ⁴⁴Áá gan nọyan ka, "Gbaka uma gan nee koro oyere ama keyo. Ọfọ wewu yen ashigiri udiyen siyen iyanpuvne wo owowwow akonẹ Imose siye buruyan na, okọ ubedi na nẹba.⁴⁵Ama ewe yọ a gẹ ga yẹ ẹfa fẹ yan edina san mẹ ga ye. A san raka Ijesu eme pile de fon mi iwu ru akpẹ ama ama nọ iken ni ke ke. Kẹ gan kẹ gan erokoro ki wọ ẹfa fẹyan ni ya ṣa.

Chapter 2

¹Ọgbọna èè pila ṣa Ecapernaumu isubun kekebiwu naa, béé sạ wo ka ewe ubo. ²Ero ọyọyọ jese ẹ fẹ nẹ bẹ emipile su ẹfa. Ku ujun mowo, Ijesu gẹ ga nẹ ba.³Egben ni foro ẹben fọ ogben no foro ọben nẹnẹvfu uba ạkọ oṣen na; ero ena apanya. ⁴Ogbona bime din fẹ turu ubaka apen newo efenebe na béé nore pon utosi béé jin osẹrẹ nẹnẹ. Ijesu ma na béé mosu fiwen wujen akon obele nene biyanpareyan na.⁵Akọne Ijesu siye gba bọọ nawọ na agan no oro oforo nene fo uba aka oṣen na, "Ogbe bẹ fọ wi luwe ẹpan gbuwu." ⁶Ogba ọnebe Iscribu ẹben ma nẹ fẹ nẹ bẹ be roro ewo ibu loko, ⁷"Ga na oforo ọne eke sie ke ga kwa? Enako! Ẹra edina filuwe epan ne gbu mora ama do Osibina ayarera?"⁸Iganigan Ijesu din iyen funwen funwen aganeba ka, "Enane ni sia ko eroro inu loko na? ⁹Ọna abẹrẹ iwu oga ne ẹdẹda nẹ fọ uda akọ oṣen no nẹbẹna. 'Bẹ fọ wilue ẹpan gburu' ṣọ ga ka, 'fura fọ wọ bele, uki jejen'?¹⁰Ka udi din ka orokoro ogben su ububuru ẹroo ọnẹ ka fenpangbun" á á gan no ega no ofu uba ako oṣen na yẹ ka. ¹¹"E è ganne won, foru jowon, to wo bele, ọke yọ wu boo. ¹²Éé fura iganigan atie yọ obenle, e weyọ e wubo aye weṣa erofiya ayen, e jin na bẹ fẹ yan owo fua bẹ ugbugbodi nọ Osibina, bi mi ge ka, "Te mi gba ẹpan olako gba."¹³E dine ki wesa ogbolo oton, akpẹ fẹyan ṣa twẹ, edine teba. ¹⁴Ako nee éé slyen suu na, áá gban Ilevi Alphaeusi ogben a mạạ ken ona amana abe, áá gan neyan ka, "keyere mọ" áfura áá yere yan.¹⁵Ijesu áá jejen Ilevi ubo aka onạ amana abe ake iluero abe aka yegben urum meka abe, ubaka erokoro yoo naa yere yan na. ¹⁶Ogbona Iscribu, ẹnanẹ wọ Epharisi, gbaka Ijesu éé jinjen akon iluwero aka ona amana abe, béé gan no yegben urum meka ka, "Anawore áá jinjen akon ona amana abe akon iluwere abe.?¹⁷Ogbona Ijesu wow one na, ágan ne ba ka, "Erokoro nẹnẹ bi wu gan na, bee mee ni efen nane aka bale bi wu gan na; eme furaka, enane yaan na, abe eni efen na aka fon bi wu gan. Áá mee Imasa yee enane wọ osere na ama iluwe ro abe"¹⁸Akana Ejoonu yegben urum meka abe aka Epharisi ro abe bale Osibina ayen. Ero ẹben sạ twẹ ka, "Enawore nẹnẹ Ejoonu yegben orum meka ako Epharisi begben urum meka abe agbawe ama wọ ágben orum meka abe, bi ma gbawa?" ¹⁹Ijesu gan ne ba ka, "Ẹnane maba esia aredena bé dina nawe eki gbeka ovia oforo wo be tin na? Eki gbeka ovia oforo kivwo be tin, be dina nawe.²⁰Ama fura betin na, isubu olẹgan ba ka na wẹ. ²¹Eme su ẹfẹ na ga gawo ẹsẹsere owowo yere esạ osusu osi nạ. Esiyen gan dạ osare oben afene efura osare oben, owowo ejoomo yewu iko susu ejoomo ane yewu, aka esạ ayen eke ben fuwạ.²²Emea su efen nane ake guma aden owowo fele ạden osusu mo kono. Esiyen egan da aden ayen okono aka pen ka adan ako okone esiye ofu. One ubaka, aden owowo be de wow okono owowo ibe."²³Osi subu Ijesu suun egin nene bibire ebe, yegben urum ro abe sạ asee ejin epan. ²⁴Epharisi abe sạ gan neyan kạ, "Bale yan, ena wore áá nene wegben abe esiyen ekena amobo osisubu na?"²⁵Éé mi gan nee baka "Newo yan gban ogbon na awon asẹ Idefidi nạ, ekena esiyen nạ-áyen ako erokoro newo yen fan na- ²⁶akone asiyen fon Mosibina ubo yoo ogbon nee Abiathar awow Ishigiri epan ééje ekara nene wo Osibina epenpen nạ nenae ma buka ééje na akone otin siyen wore wijen na, amadaka Ishigiri abe ayare, áá diyan fon eben no enane yere yan sạ na ka bi jen?"²⁷Ijesu sa genka, Osibina maan osisubu no orokoro, amawa orokoro no osisubu. ²⁸One ubare, orokoro ogben mi sin na emaa, kon osisubu.

Chapter 3

¹Ijesu jejen eunmo isinagogu, esu oforo ne fuba ẹfẹnẹbẹ. ²Erẹbẹn ni wẹ fẹ nẹ bẹ baalẹ adako Ijesu aka fuọ yi wu gan Ẹsabati isubu na bidi kuọ tuẹ.³Ijesu gano oforo ne fuba na ka, "Fura jọmọ erokoro etin". ⁴Esie emi gano ero abe, "Granmuro ka oro siye obore so odudu be na fan, sa wan noro?" Bẹ duṣu.⁵A baale gegere bili aka iwu gkẹnkan, be yi saa ya bili buloko odudu, gano oforo ro, "Yọrẹ wuba veṣa." Ayorẹ ya ve ṣa yi ba gaan ya. ⁶Ẹfarisi bi rẹyọ iganigan akọ Ihẹrọdu abe bẹ bieroro akọnẹ be ke se wan ya na.⁷Ogba enabe Ijesu, aka ye ben nu run meka, yo ogbolo, ero ọyọyọ yẹ rẹ ba wo Egalili wo Ijudea, ⁸bi fura Ijerusalemu sun wo Idumea bi sun Ijordan oṣin nẹ sie etyr aka Isidon eka na. Ogbona be wo otun ne sie na, arokoro ape ṣa tie.⁹A gane ye Ẹgbenurumẹka abe ka bi nọ ikerese ebi eka nẹ ya yẹ erokoro yọ fọrẹba, bi me pila ẹe ya ye ba. ¹⁰Afo erọyọyọ iwu gan, ero ọyọyọ nẹnẹ su igun na bi turu etwe ka bi bin deya.¹¹Ọgbọ nọ efunwenfunwen odudu agbẹẹ bẹ da falẹ wije bi de yọ ga ka, "Awo awo Osibina Ogben." ¹²Afọ eburu nẹ ba ka bi ma fo ya ye yẹn.¹³Akpo yọ orosi, eyọ ẹnanẹ enina ba ṣa twẹ. ¹⁴Etie ẹfọ kẹ ebọrẹ (Eye ba Apostle) ubaka bidin mẹ ma edin fileba kẹ go utun mayẹ, ¹⁵aka bi du su uburu nẹnẹ be ke ki gwo efunwenfunwen idudu na. ¹⁶Etie abẹ efọ kọ ẹbọrẹ: Isimoni, ẹyẹ wo Ipita;¹⁷Ijemisi nẹ wọ Izebede ogben na bile Ẹjọọnu nẹ wọ Ijemisi eda, na yo ona aba Iboanergesi, nẹ wọ apara ogben na; ¹⁸akọ Anduru, Filipi, Ebatolomewu, Ematiu, Itomosi, Ijemisi nẹwọ Alufẹọsi ogben na, Etadiosi, Isimoni newa Izealoti, ¹⁹akọ Ijusasi, ne feyan na.²⁰Emi ṣa ayo ubo, akpẹ bi de jese, bimesisi gbore jijen. ²¹Ọgbọne yikuba wọya na, bẹ yọ fu uwogbẹn sẹ ya, bẹ ka, "Yi roro ema pila ye ba bẹ." ²²Iscribu ra be bi newo Ijerusalemu ka, "Efunwenfunwen ne wo Ibeelzebulu" aka "Efunwenfunwen ereroro egwo efunwenfunwen idudu."²³Ijesu ye ba aganẹ ba otiten, "Gana Esu eke se gu Esu? ²⁴Egbeka ikpepen ne ruwa yiwuba, ikpepen olegan edina jomo. ²⁵Ubuwo eruwa yi wu na ubowo olegan edina jomo.²⁶Esu efura to yiwu, eruwa ekedi jomo eke fu. ²⁷Eme su efena din na fon mọ ẹfẹ nẹ gbe nẹ da na ubo ede jene yere ye pen na ama da ka atie pareya ke na ṣa edi fun yo bo na.²⁸Ikwa ega nọ iluwe nẹ orokoro luwe na erokoro lue na ba ka fepan gbun ba ko elabo nẹ bẹ ga na, ²⁹ama ẹfẹnefena a ge labo no Efunwenfunwen ọwonwo na aka gba epan no gbun gbun, aba elue ero nemesutana." ³⁰Ijesu gẹ ubaka ba gẹ ka, "efunwenfunwen no dudu."³¹Wiya aka yọda bẹ ṣa bi wọn yẹn. Bi file nẹ ya. ³²Apẹ ma gegerẹ be ga nẹ ya ka, "Niya aka nero abe bi woyen, be sin we ga."³³Eguna bowo, "Era wa tiya aka moda?" ³⁴Abale ẹnanẹ ma kọ ya na a gẹ kaa, "Balẹẹ tiya aka moda bẹ! ³⁵Ẹfẹnafena siye Osibina ibopin na aya wa moda oforo iyaro, bile tiya."

Chapter 4

¹Bila mọ, à tọmẹ à tie ba à bi ọ ṣu, áka erokoro à ṣamaṣa ṣa jẹsẹ gẹgẹrẹ, à wọlọ fọ mọ oko ebi eka nẹ wọ ọgbọlọ ibẹ. Erokoro à ṣamaṣa abẹ mi sa jọọmọ kẹ ya ọgbọlọ otọn. ²À tie ba, ẹpẹn ọyọyọ akọ utitié, aka iyọ otitie, ẹkẹ na ama ba ga na ánẹ.³"Ne pimatọn! Eruro va yọ ka ayẹ à jẹ nẹ bire epen. ⁴Akonẹ à si yẹ à birẹ na, ibire ẹpẹn ẹbẹn falẹ wọ ọripọpọ, áka ọnẹnẹ abẹ ṣa sẹ ya bẹfuwá. ⁵Ibire ẹpẹn ẹbẹn falẹ wọ ọtarẹ ọsi, ẹfẹna nẹnẹ ẹ me ṣu atọn ọyọyọ na. Iganigan ẹ yẹ yi, ẹba, ubaka eméé ṣu atọb ọyọyọ wọ igbẹn.⁶Ama ọgbọna é yi wẹ sana, ibirẹ abẹn ṣa ye yi, áka ubaka béé mẹ ṣu e yẹn, béé yẹ yi fuwa. ⁷Ibírẹ ẹpẹn falẹ wọ ẹwọ ibẹ. Ibirẹ ẹwọ mẹka abẹ ṣa gu wẹ ju ibirẹ epẹn na abẹ aka bi me munilukutu.⁸Ibirẹ epẹn nẹ bẹ falẹ wọ ije ọbọrọ aka ẹ mu ni imumu nọ bọrọ aka à yọ aka ẹ di yan san, ọgbọlọ kakọrọ fọ aka ita aka ipipu ọrẹ." ⁹Ẹ mi ṣa ge ka, "Efena-efena, nẹnẹ ṣu ọtọn na, ẹ piya tọn!"¹⁰Ogbona Ijẹṣu wa a yẹ àrẹna, ẹnanẹ turu to yẹ aka ẹfọkẹbọrẹ abẹ sin ya ka, nipa utitie ne ẹ tie na. ¹¹À ga ne ba, "Nẹ nọwọ, bé fo ibẹnbẹn nẹ wọ ipẹpẹn Ọsibina ẹka yẹ. Ama nọ ẹnanẹ wọ ọyẹn ne ka abẹ na, Epen fenyan awa utitie nẹ ba, ¹²Ubaka, ọgbọna baá balevyan, yẹn bá bale yan, ama ba àka gbẹn áka ogbona bá wọw na, yẹn ba wow, ama béé me so ọyẹ, Ẹbana bi bila ạkạ ẹbana Osibina fo epan gḅuba.¹³À ga nẹ ba, "Ini mẹ ṣu ọyọ utitie ọnẹ? ga na nẹ kẹ si yẹ ṣu ọyẹ utitie fẹnyan nẹ ga na? ¹⁴Ẹfẹna jẹnẹ ibire na, bire ẹ ga ayẹ. ¹⁵Ẹnanẹ awọ ibire ẹpẹn nẹ fslẹ wọ ọripọpọ, ẹfẹna bi birẹ ibirẹ ẹpẹn wọ. Ogbona béé wọ na, Ẹsụ iganigan ṣa ti ye ẹ ga a yẹ fura bọkọn ibire epen ayẹ nẹ bi birẹ.¹⁶Aka ẹnanẹ awọ ibirẹ ẹpẹn nẹnẹ bi birẹ wọ ọtarẹ ọsi na, ẹnanẹ béé wọ ėi ga ayẹ, Iganigan akọ ẹbẹnbẹn. ¹⁷Ama bẹ mẹ ṣu ẹyẹn sijẹ ibi wu, ama bẹ fewuna nọ ọgba kẹkẹ. Ẹrẹ-nọba ọgbọna ẹyankata aka oma-bale àbsa ẹga nẹ nẹna wọw na, bẹ fale igabigan.¹⁸Bila mọ, ẹbẹ ana wọ ẹnanẹ bi birẹ wo ẹ wọw ibe na, be wa ẹnanẹ wọ ẹga ayẹ, ¹⁹ama ẹga ayẹ ẹrọ ọnẹ ẹpẹn aka à wọrẹ nẹ wọ ọṣuṣu-ikiba, aka ụnini nọ ẹpẹn nẹ fọn ma sa na, aka ega ayẹ ọjujusẹ, aka ubaka ẹmẹ mu-nọmumu. ²⁰Ẹnanẹ béé birẹ wọ ibẹ ọbọrọ awa ẹnanẹ wọ ẹ ga ayẹ, béé nẹẹ áka ẹ ga ayẹ mu ni ilukutu, ogbolo-kefo, íta ako, ibọ ipipi ọripọpọ.²¹Ijẹṣu ga nẹ ba ka, "Inẹ fọ ọsọ fọn mu bọ, ka ne fọ wọ ugi íbẹ akọ ẹbẹdi igbẹn? À wọ à fọ fon áka iwa fọ wọ ọsọ ọti ọsi. ²²Ubaka ẹmẹ ṣu ẹkẹ na ẹwọ ẹbẹnbẹn na, aka nẹnẹ bé mẹ din na, aka kẹna-kide ẹmẹ ṣu ẹbẹnbẹn aka nẹ ẹkẹ wẹ sa wa apẹ na. ²³À ṣu ọrọ-nẹnẹ ṣu ọtọn mọ ọwọwọ na, awo!"²⁴Á ga nẹ ba, "Piya atịn nẹ ẹkẹ na ma ga na, ubaka akọnẹ wọ si yẹ mẹn nẹ ẹrọ, ẹ gabe ke si ye mẹn nẹ ka wọ aka fọrẹ ẹgan béé ke ẹ bilẹ wa mọ nẹ. ²⁵Ubaka oro-koro nẹnẹ su na, oro-ọpẹgan ba ka fọ ọyọyọ nọ aka ọrọ-kọrọ nẹnẹ ẹ me su na, kẹkẹ nẹ dọn ya uba na, íba ka nẹ."²⁶À di ye ke ge, "Osibina ípẹpẹn ẹwa ka ọrọ-ọfọrọ ne birẹ ibirẹ ẹpẹn wọ jẹ na. ²⁷Á buwẹ ujọguwẹ aka à pan fora urunrumeka , aka ibirẹ ẹpẹn abẹ ruwa aka guwe, à ṣa ẹme din akonẹ be si ye guwe na. ²⁸Ijẹ à yẹ mu-nọmumu nẹ yẹ wu: ọsọrọ yọ ebade, à sivyẹ yọ ọtọn, à si yẹ yọ uri nẹ mọwa wọ ibire ẹpen à yẹ ọtọn na. ²⁹Ogbona ibirẹ ẹpẹn na à yẹ guwe ọpẹparẹ́ na, á file iganigan ọnọ utun si yẹ abẹ ubaka, ọpẹparẹ ogba rẉ kẹ."³⁰Bilẹ à mọ à gẹ ka, "Ẹna ta ka máá Osibina ipẹpẹn balẹ á, utitie ọna ti di ya ṣerẹ yọ ọṣen na? ³¹Ibirẹ epen nẹnẹ ṣu ọkikẹrẹ fore na ya, nẹnẹ, ọgbọna bi bire na, ọkikẹrẹ ya ibirẹ epen fenyan nẹ wọ ero ọnẹna. ³²Kẹgan, ọgbọna bi birẹ na, ẹ guwẹ, aba sina oti nẹnẹ guwẹ furẹ ọgba ẹpẹn nẹ bi birẹ na, aka à ka asama-gba ẹkẹka, ubaka ọnẹnẹ ọsọsị ẹka abẹ, bi din sa wọn bọ wọ yọ ososi ifunfun ẹfa."³³Akọn utitie ọyọyọ ọlakọ ẹtie ba, ako nẹnẹ ẹkẹ si din sẹrẹ yọ ọsẹn ne bana, ³⁴aka à ma gẹ ga ne ba amada ka, ẹlọn ọgarẹga ma ba ga. Ama ọgbọna à wa àyarẹ nẹ, à sẹrẹ yọ ọsẹn ẹpẹn fẹnyan nọ yọ ọgbẹn-nọrunmẹka abẹ.³⁵Íṣubu ọnẹ bẹ, ọgbọna ėba ọriri aka sa na, à ga nẹ ba ka, "Nẹ sa ti ṣu wọ ọṣu muba ọbọrọ." ³⁶Ọnẹ uba béé fura ápẹ etin, be fọn Ijesu bilẹ iwu yọ, à kọnẹ à si yẹ wọ ọkọ-juọmi ibẉ. Iṣu ọkọ-juọmi ẹbẹ nẹna yẹrẹ ya na. ³⁷Ọgba kẹkẹ ẹpẹri odudu ọkẹka fura, aka à ni ka à yi pupusr ọkọ-juọmi nẹ bẹ fọn na, ẹbi si sa fọ ọkọ-juọmi àye ibẹ.³⁸Ama Ijẹṣu àyẹ ẹbẹba wọ iyebẹ, ẹbuwẹ uba fọ yọ bẹ sọ mẹ fura, mẹ ga, "Otitiero, une si iwu ka, atọ fenyan ni ke fọ?" ³⁹À fura jọọmọ, àma eperi ako ẹbi ga, "Nọ iwu ọbẹnbẹnrẹ akana!" Ogbona bẹ eperi áyẹ se joomo, aka iganigan iwu ọbẹnbẹnrẹ sa.⁴⁰Ogbona bẹ à ga ne ba, "Ẹna wọrẹ nẹnẹ ọrọrẹ asọ nọ na? Inẹ me ki ṣu onawow?" ⁴¹Béé wọ ọrọrẹ ọkọka iwu aka béé ma à béé na ge ka, "Ẹra ẹpọtọ wọ ȯonẹ, ubaka eperi akọ ebi ba wọw ya, bi di yẹ piya tọn?

Chapter 5

¹Bẹ sa ebi ọkeka ọṣun, ọsin nẹ bẹ è yọ egerasenesina. ²Ọgbọna Ijesu và sa, ọkọ ebi ẹka na ẹdẹda nọdudu na ve sa tọ yẹ?³Edẹda àye ma nọ sa ẹmẹ ṣu ẹfẹna nẹ di yẹ ju yọ ọrẹ na. ⁴Isọ ọyọyọ bẹ sạ ya yi ri ada sen fẹyan fura. Esesu ẹfẹna su iwogbigben kaye sẹya na.⁵Kujo kerun, ọsọ aka ọrẹ osi edeki yi oga, ada fotare ke ṣan yiwu. ⁶Ọgbọna ayọ ra yen gba Ijesu na, emune jene twẹ a tọme pan neyan.⁷È yọ òga, "Ena meke siye towa, awo Osibina Ẹdẹda ọkẹka Ogben? Efọ Osibina ẹbẹba tẹye wekwin, oma foya jemu." ⁸Aga anẹya, "Veṣa furawiwu awọ efunwenfunwen nodudu."⁹Ẹṣinya ka, "Ẹna wa wiwura?" Egunẹyowo, "Aka mi wu ru egbe Ilijọnu, tẹyọ." ¹⁰Ateyọ Ijesu ekwin ka éme gubabe fura ilijonu iwu.¹¹Ọgbọnẹ bẹ ọnọma nẹyo na wọ ọ̀rosi bejijen. ¹²bẹ tẹyẹkwin ka, "egubabe fọmọ ọnọma ẹbabẹ iwu." ¹³Etebi efunwenfunwen hidudu abe ka bi fẹsa iyiwu,bẹfọn mọnọma abe iwu, ọnọmabe holo orosi fọn mọn ebibe, ebi rọwaba ọnọma abire ẹpare ẹfọ.¹⁴Ero ẹnanẹ fijen anọ̀ ọnọma abe na gbẹkena siy na bi mune yọọ uwuru, bi jen na gẹ kẹna bayẹn gba na. Ero ọyọyọ mune yọ ẹfẹnẹbe jena gbe. ¹⁵Be ṣa Ijesu ẹfa, bẹ gba ẹdẹda nẹ efunwenfunwen nodudu fura iwu na, amanẹfẹbẹ efile alẹgbẹ, yọ̀ ifoni pilaṣạ; ọrọrẹ sun ba.¹⁶Ero ẹnanẹ gba ẹkẹna siyọ ọ ẹdẹda ne tayi su efunwenfunwen nodudu ọnẹbẹ na, ga feyàan nẹba bi diya gan nẹba ẹkẹna siye ọnọma abẹ na. ¹⁷Bi ya tẹ yẹ ekwin ka etebi ilijọnu abẹ.¹⁸Ọgbọna nẹnẹ áyo fọn mọkọ ebi ẹkana, ẹdẹda nẹnẹ ẹfunwẹnfunwẹn odudu fura iwuna ka aye nika aye yera kẹyọ. ¹⁹Ijẹṣu yuru, agẹnẹyan ka, "Epila yọ abo à ga nọ yẹrọ abẹ ẹkẹna nẹnẹ Ọsibina siye nẹyan na, akọ ẹsiyẹ sọn yẹyi na." ²⁰Ẹdẹda ayẹ ẹmi yọ Decapolis à ga ẹpẹn ọkẹka nẹnẹ Ijẹṣu siye nẹ yayẹ na, ekwe jime rowo fuwa.²¹Ọgbọna nẹ Ijẹṣu sun wọsun i'botu na, ẹreọkọrọ ọyọyọ jese kẹya ebi ọtọn. ²²Ọrọ ọyẹrẹ nẹ wẹpan isinagọgu na, nẹ beyọọ Jairus aṣa, ọgbọna agbọ ọ Ijẹṣu na, ẹgan mayẹn ri iyẹ sẹn. ²³Ateye ekwin tẹyekwin ka, "Isu ayẹ ogben nokeke iyaro nẹnẹ eyan na, enike fo na, aka àsa fuba dẹ yẹ yọ ọgbẹn na yẹ edi kẹyesẹ." ²⁴Ayẹrọ ẹdẹda àyẹ yẹ ero ọyọyọ yẹrẹ ya.²⁵Ìya ọben wọ ẹfẹnẹbẹ nẹnẹ gun mẹyọn ẹyẹn ẹfọ kẹbọrẹ na. ²⁶Ẹjọya idokita ọyọyọ uba, ikiba feylnyao nẹ suna ẹlọwẹ kwe, wọ ígun mayẹ wọ odudu ebilamọ ẹnẹnẹ ábọ ka ẹki si yẹ na. ²⁷Ọgbọna awọ Ijẹṣu ẹga àsa na ẹrọkọrọ ọyọyọ ẹtin ewurundẹ yạ àlẹgbẹ nẹnẹ efile na.²⁸Iya aye agẹ ka, "Aye diki deyẹ ya lẹgbẹ ayiwu aka gan." ²⁹Ogbọna adẹyẹ yana, yẹ yọn ne guma na, eme pile guma eoeliya iyiwu ka, ayiwu gan.³⁰Ijesu peli ka iwogbigben fura yayẹ iwu, abalo ero ne jọwọn wiyẹ fana, eṣin ka ẹra fuba deyẹ yayẹ alẹgba?" ³¹Ye gben nurumẹka ka, "Erokoro ọyọyọ ọnẹ gana ekesie gaka sin ka, 'Ẹra dẹyẹ mà?'" ³²Ijesu balẹ gehere agbọ ọ ẹfẹna dẹyẹ yana.³³Ọgbọna iyaro ayẹ edin ekena ayi siye na, ọrọrẹ sọn ya, aṣa afalẹ woyẹnrẹn aga ikwa fẹyan nẹyan. ³⁴Aga nẹya ka, "Mogben wọ ọnawo fo wiwu gan. Kẹyọ iwu ọbẹbẹrẹ wígun kwe."³⁵Akọ esiye ake gẹgana, ero ẹbẹn ṣa isinagogu ro ẹrẹnro abẹ begẹ ka, "Wogben iyaroro fo ẹnanẹ umeki ya bẹrẹ ọ̀tẹ iwu na?"³⁶gbọna Ijesu yọrẹ ọtọn wọ ẹkẹna ba gana aganọọ isibagigu ẹrẹnro ka, "Bima ṣenẹyẹ ibe, miki su ọnawọ." ³⁷Ẹmẹ yaka kọrọ ọyẹrẹ áyẹrẹ yaye ẹmẹfuraka, Ipita, Ijamisi aka Ejọọnu, Ijamisi yọ da. ³⁸Bẹ ṣa isinagogu ẹrẹnro ube agbaka ero keyi iwo, bi ke bibe fuwa.³⁹Ogba nẹnẹ afọn ubowo aye na aganẹba ka, "Enanẹ bi be ibe efuwa biye yiwo na? Aka ogbenayẹ eme fo ebwe." ⁴⁰Biya muẹ ya etebi abí ibuba woyẹn, afo ogben naye woda aka wiya, aka ẹnanẹ bi guru yọ na fon mọ ubowo, ẹfẹna ọgbẹn nayẹ mana.⁴¹Asọ̀ ogben naye uba aka, "Talitha, koum!" yi gben na waka ọgbẹn nọ yẹgbẹn kpan fura." ⁴²Ọgbẹn naye alakata fura ẹ ẹ̀jẹnjẹn ọgbẹn (ẹyen ẹfọkebọrẹ ya). Ega yẹ jin babẹ feyan owo fuwa. ⁴³Aganẹba kakoro ọyẹrẹ egbada wọ aganebaka bi nọ ijen neya je.

Chapter 6

¹Ẹfura ẹfẹnẹbẹ ayo yọ iken, yen gben urunmẹka yẹ́rẹya. ²Emunẹ ẹsabati re na, ẹtẹ isinagọgu. Ẹrọ ọyọyọ wọya ejin bowo fuwa. Bẹ ka ẹtẹ ka ewe gbọ ọ otite ọna? Ẹna wọ ọ ayen nogbigben ọlọnẹ nẹ biya nẹya na? "Ọọna wọ utun mo jinrowọfuwa nẹnẹ afọ yuba esie na?" ³"Ama wọ̀ Ijosefu ne siye ekapenta na aka Imeri ogben, ámà a Ijamisi, Joses, Ijudasi aka Isimioni osuda? Iyeda iyaroro ibe me witẹfa ẹkọne? Ijesu pẹn bọ sẹnẸfẹna beyọ ọ Joses aye beyọ Ijosẹfu.Ijosefu wuru aye beyio Joses igriki⁴Ijesu gẹ ka, "Ogese èsu ugbugbudi iyiken, aka iye ero eti aka iyubowo." ⁵Emedi siyọ ọ utun mọ keka efuraka afọ uba yẹrẹ ero keke afobiwu gan. ⁶Ọna wọ nẹnẹ beme suna ejinwofuwa. Ayo iken nikeke eeteba.⁷Eye yọ ọ egbenu rumeka eruwaba wẹbọre bọrẹ, afọ o iwogbigben nẹba nọ esiri efunwenfunwen. ⁸agan neba ka bime tiye kenakide dọn nọ ejen nene bayona, efuraka oti ayere, baka fọ ka iburedi dọn- ⁹aka bi file ẹbata, bime file ṣa ẹbọrẹ.¹⁰Aganẹba ka, "Ba fọn ubowo, bẹ ma re ọgba nẹnẹ be ke fura na. ¹¹Esu iken nẹnẹ aka nayọ neke die pia watọn na, ne ki fura ni punewulen fura inọṣẹ aka ubedi nanẹba."¹²Bi veyi, bẹ ga anero ka bi roro ibe pila. ¹³Bi gu efunwenfunwen nodudu fura ìro iwu, bi dia fọ amọn ọwọwọn deye ẹnanẹ biwu emesiye na bẹ fobiwu gan.¹⁴Obin nẹ beyọ ọ Eherodu na wọ fẹyan nẹ esie na. Ijesu yiwuru fọn ẹfa fẹyan. Erẹben na gẹ ka, "Ijosefu Ebaptisi aya palẹ we eporo sa, aya wọrẹ utun mo jinọ owofuwa ọnẹ esosie." ¹⁵Erebẹn ka, "Elijah ya." Ẹbẹn ka, "Ọgesẹ kayewa aka ogese isusun na."¹⁶Ọgbọna Eherodu wọ na aka, "Ejoonu nẹnẹ aye ṣenẹpan aya palẹsa." ¹⁷Eherodu file ka biya sọ ọ Ẹjọọnu afe wọ ọ ẹwan ubu no o Herodias (yọ ọda Ifilipi ooro) nene esu na.¹⁸Ẹjọọnu ganọ Eherodu ka, "Eme wo ọsẹrẹ ka esu yọda ooro." ¹⁹Iherodias kan ni wu tue enika ayẹ wanya, ama emedi wanya, Ẹhẹrọdu sọ̀mọ́ Ejọọnu ọrọrẹ edika oro ọwọnwọn ya, ama fuba dẹyẹ wa. ²⁰E e piyaton, yi be demi rọn.²¹Isubu ṣa nẹnẹ Eherodu eni ka ayi siye obisubu, esie ejemẹ no yọ utun ro aka ẹrẹn ro abe Egalili. ²²Ẹhẹrodu yogben iyaro aṣa ayoyo, Eherodu aka yega abe bibe rọn. Obin ṣin yogben niyaro ayẹ ka, "Ẹna enika ayi siye neya ayẹ."²³Abọ ọpen ka, "Ẹkẹna ẹkẹna eṣin na ayaka nẹya re yọ arọn ọṣẹnẹbọrẹ." ²⁴Ejen neto wiya, iṣin wiya ka, "Ẹna ayaka gannẹ wẹda ka aye na? Wiya gan nẹya aka aganẹ wẹda ka, "Ẹjọọnu Baptisi ẹpan ayayẹ eni." ²⁵Alakata pila yọ́ọ obin efa aganeya ka né fọ Ejoonu Baptisi epan nẹyayẹ eyibọnẹ.²⁶Egọne sẹ obin niwu, eme su ė̇kẹna epile diye siye na uba ka abọpẹn aga ẹga nẹwo ẹfẹnẹbẹ na. ²⁷Obin filọ ọ ọgbamẹkọn ka ayọ afọ Ẹjọọnu epan ṣa. Ọgbamẹkọn ayẹ ayọ ẹwan ibe aṣeya ẹpan. ²⁸Afọ̀ ẹpan ayẹ anọ iyaro ayẹ ogben niyaro ayẹ afẹpan nayẹ nẹ wiya. ²⁹Ọgbọna ye gbenuru mẹka wọ na, bẹ ṣa bẹ fọ yeporo yọ ọọsọ.³⁰Ijesu yegben nuru mẹka ṣa bẹ gan neya fẹyan nẹnẹ bike sie na, aka ọnẹnẹ bi kiwe te érò na. ³¹Agan nẹba ka, "Be ṣa bi filẹyẹ nogba keke." Ero ọyọyọ baṣa bayọ, bama gbọrẹ jijen. ³²Bẹ fọn mọn íbotu bẹ yọọ ẹfanẹnẹ ero ama yọ wona.³³Be gbaba ka be fura, ero ọyọyọ peliba, bi kwe fọṣẹn mune yo abatayire fọrẹba. ³⁴Ọgbọna be ṣa kẹyẹ ẹbi ọtọn na agba ẹro ọyọyọ, beyi sọnya biyewo akọọ ududo neme su ẹrẹnrọ na. Atome eteba ẹpẹn nọyọyọ³⁵Ọgbọna ọgba yo na, yegben nurun mẹka ṣa bẹ gan nẹya iyi ṣen nẹkọnẹ, ọgba diya yọ. ³⁶Gan nẹba ka fẹ fọn yọ uwuru ibe, biye yin nije je.³⁷Egunowo aganẹba ka bi nepẹn nẹbaje, bẹ ganẹya ka, ama bekeje ni yinọn iburẹdi ẹdaina ẹparẹ eka aneba? ³⁸Éṣin ba ka iburedi gana bisua? Bẹka iburedi upi aka ayẹre ẹbọrẹ.³⁹Agan nọ ero feyan ka be ma nọ ọ igiresi osi. ⁴⁰Bẹ ma ipipi aka ibọrẹ kakọrọfọ. ⁴¹Ano iburẹdi upivako ayẹrẹ ẹbọrẹ aye, a payan pososisi esie adura wamo. Eruwọ iburẹdi ayẹ no yegben nurumẹka ka biruwẹ ne iro abẹ.⁴²Abẹ fẹyan bije bife. ⁴³Iburẹdi nẹnẹ ku na wọ ugi ẹfọkẹbọrẹ kayẹrẹ ọyọyọ die ku. ⁴⁴Ero ẹṣẹn upi atamon iburedi aye ku.⁴⁵Aganọ yọ igben nurumeka ka be fon ibotu, beyọ yayẹ ẹrẹn yo Bethsaida, emi gan nọ erabẹ ka bẹ kẹyọ. ⁴⁶Ọgnọna bike yọna apo yo orẹ osi jen na gbadura. ⁴⁷Iyi bẹrẹ ibotu webi éetin ayayẹrẹ ewo ijosi.⁴⁸Agba ba ka eperi egbubọ ibotu. Esiri ta ọgbọ nẹbẹ. Ujoge ẹkọnẹbẹ eni ba ṣa, eejen jen ebosi, eku keke eṣun ba. ⁴⁹Ọgbọna be gbaka oro ejen jen ebi osina, biye roro kabeporo ejẹnjẹn bo ya, bi yo ọga. ⁵⁰Ọgbọna agbaka ọrọrẹ asọn ba na alakata gan neba ka ayeya, aka bi suloko, bi ma sọn mọrọrẹ.⁵¹Afọmọ ibotu toba eperi aye ejọmọn, egayẹ jinbowo fuwa. ⁵²Ẹga yẹ eme yẹba, buloko ṣile.⁵³Ọgbọna bi ṣun woṣun na, bi ro Genesaret be ṣo ibotu ayẹ jomọn. ⁵⁴Ogbona bi vẹsa ibotu na erokoro peli ya. ⁵⁵Bi kwee mune akọ bero ne yan na, ọbẹlẹ osi ṣa yẹfa efa kẹfa na mana.⁵⁶Ọgbakọgba nafọn ikeno keke akọ iken no kẹka na, bi da kọ igun ro weji. Bi da tẹyẹya ekwin ka, ejomọn be fuba dẹyẹ yẹsa ọtọn. Ero fẹyan nẹ dẹyẹ ya na bi igun yọ.

Chapter 7Efarisi ako escribes ne wo Jerusalemu tekiriko ya.

²Be gbaka Ijesu egbenurumeka tami buredi aka uba na ma wona uba ka be me puwuba. ³No farisiro ako Ijewu nabe be jijen ka bi we puwuba uba ka bi je gbeli otetan ne wo isuda ekana. ⁴Ogbone efarisiro ejeno ejiwura na wefraka ebe forebi ako epen oyoyo ne be siye na, epena ko ka bi puwe uwebi, otele, osho ne bi ye jijena.⁵Efarisiro ako iscribu rabe sino Ijesu, e na wore ne we gbenu rumeka ejejen isuda etetan. Bida tamo eburedi ne be puwu bana?⁶Ama a gane ba ka, Isaiah gese ako ofayen siyero ako bi siya awore na, Ere na ne fi gbugbodi anemo aka bo owo ope ama bokan fon ne mo. ⁷Bo iyanpun ufolo, otite ne worokoro ekana aka bo otite.⁸NI teyi Osibina ububuru wije no erokoro otitie. ⁹Agane ba ka, gana esewa ka ni yuru Osibina ububuru ni mi no erokoro otite. ¹⁰No Imose ge ka, fu ugbugbodi no edea aki iya, Efena ago odudu to weda aka wiya na aka lati foo.¹¹Ama, ogeka efena a ga ne weda aka wiya noo oguba imuba na. ¹²Oge se ka we ke pila fore aneya ke esepen ne we da. ¹³Ne so Osibine ga ṣino aka no otitte nee ni ye wije na. Aka epeno yooyo ne ne siye na.¹⁴a ediye ki yaa pe a ganeba kaa, Nipimatun, ano sesese eye nu gwe ka. ¹⁵Eme sekena ni orokoro oyen ne diya so oro eèbẹ na ama do ekena ne diya fomo oro iwu na. ekena de wesa oro iwupe na ayẹ diya beye fuwa. ¹⁶Efene efene¹⁷Ogbone Ijesu furo akpẹ eetin na epila fomu ubo, yee gben orumeka sinya kan ekena utiten onebe jowon no na. ¹⁸Ijesu ge ka, Ikane me pila sun odidin? Na me gbe ka ekena fomo oro iwupe oyen na diye boro efuwa. ¹⁹Ubaka eèdiya fomo okna, ama ada fọmọ epuru ediye mi sun dwe wesa? Onu ba Ijesu see ojijie fenyan sino owowon.²⁰Age seka, epen ne wo orokoro iwu vesa na aye diya beye fuwa. ²¹Orokoro iwupe, iyo okan aye odudu oriror, esero osese, oyiro oriyiri, owanoro, ²²Osiye gbogba gbogba, noreka siye, ibodudu, awore, ayen odud, Bi boro fuwa, Agunmabo okwo, onabe, ²³utun modudu enane cabo ibe ede wesa, abe ede boro kifuwa.²⁴Asa efura ibe tin esun yio osin ne wo tiri aka Sidoni. Efenebe aye aya fomu bo obe eme diya nika ero bi din kaye we he ne be, ama emedi fo yi wu beben. ²⁵Akone, iyaro oben ne su ogbenikeke ne su efunwenfunwen odudu wiwu ne wo ye ga na, E e fura sa gumekute wi yeren. ²⁶Ogbone iyaro aye wa Igrikiro syrophocian ro ya, asa a teyikwin ka egu efunwenfunwen odudu fura aye gben iwu.²⁷Asa gane ya ka, Be teyi befo igen no egben nabe ke, ka a ma ron ke egben no iburedi be neya nuwo. ²⁸Iyara aye gunowo ka, Awo Mosi, uwo ebeba itabulu igben deki jo one fale wije na.²⁹Asa a gane ya ka ubaka ekena oga na ee va wore re fura okeyo. Esu efunwenfunwen fura wogben niwu ke. ³⁰Iyaro aiye pila yubo eto ka yio gben gumo orore ta esu efunwenfunwen fura yiwu ke.³¹Ediye ki fura osin nonebe ne wa Tiyeri sun mo Isidoni gene ve wo Egalili ogbolo fomo osin ne wa Decapolisi. ³²Be foo osoo se twe be teey kwin ka a fuba yere iwu.³³Ako ne be siye fwe wo opa na, asa a esinuba filio iyio oton, a tefwa ediya fuba dee elare. ³⁴Asa ebilayen balo ososi aga ne ya ka, Ephatha ona wa ka jino. ³⁵Ama ogba yo ayen jin ye lare ne pare na tora. Asa a tome agega akone siye bowona.³⁶Ijesu gane ba ka bi ma gene korofe ama akone esiye ganeba na, egan bi siye pey pepan nero ne. ³⁷Ojinoro fuwa awa neba bi ya ge ka esiye utun fenyan wo oboro. Ke e si so osoton wega ake efena soo na gega."

Chapter 8

¹Ogbonabe, a pee okuku wamo be me su ekana beke je na, Ijesu ye yin egben urumeka agane ba ka, ²Ni su eyi no ape ne mana ubaka be ma ke mo ako odisi na eme diye sekena be ke je na. ³Ma ka be ke yubo, ima fijen neba, ubi di ya se be ore, ore lore iyin ne be, ⁴Yee gben urumeka gune owo ka, eta ti di ya gbo epase oyoyo ne diye fe apee odan mobile ne diye faape one na.⁵Esin ba ka, Epase gana ni suwa? Bi gunuwo ka, "Ufonbore." ⁶A gane a pe ka be ma ni je. Aso epase ufonbore aye, afo okukurubile wamo e fifise. Aa don ye gben urumeka abe uba ne file na apee abe na.⁷Bi su ayere keke, ogbone afo okukurubile wamo na, A gane ye gbenurumeka ka bi ruwe neba. ⁸Bi je bi fee, be ko one kuna wo ugi okeka ufonbore. ⁹Erobo ne gule na wa epenako asen ne na. Urunba aye a ganeba ka be ke yoo. ¹⁰Iganigan afomo oko ebeka aka yo ogbenuremeka bi sun you osin ne wo Dalmauthana.¹¹Efarisiro abe sa bi ye soo osakata akaye. Bi ye sin ya ka a fon opipeli ka bi ya mee bale. ¹²A fwen kibe aka, Ena wore ne eroro akana eno epeno opipeli? Ukwa e ganeno, eme so epeno opipeli ne ero ogbone na. ¹³A sa eteyiba, a fomo oko ebieka e sun yo opin no be.¹⁴Ogbone ye gbenurumeka ayen luwe ka be fo epase don. Be me su fore epase oyere oko ebieka. ¹⁵A sa gane ba ka, Ni su atompipi ka ayen otije no efarisi ako Herodu o oba.¹⁶Egbenurumeka pila mese we gaye be ganabe ka, "Uba ka te me suu epase." ¹⁷Ijesu din, a ganeba ka, Enane ne ni wi iroro ako iburedi na? Eme vemayen hon? Eme yenu gwe? Ini iroro fun?¹⁸Ni su ayen, ina aagbije? NI so otun inaa we ga? Ne me pila yen? ¹⁹Ogbone ififise epase upi ape newo esen nupi, ugi gana efe ne wo epase ne ku na, ne neko jese na? Be gan neya ka, "Ufonbore".²⁰Ogbone. ²¹Agane ba ka, "Ami ne mi din?"²²Be saa Bethsidia, enane we ehenebe na fo openayen se twe aa tee ye kwin ka a fuba deyaye. ²³Ijesu so openayen-uba, vesa fura na, a fuba yere ya, Esin ya ka, "Ena gba?"²⁴A bale apan epila ka, ma gbo ero na bale ako iti ne jenen na. ²⁵Ediye ki fo yuba fuba deya yen, yaa yenso pila niya sa asa aa gbefa feyan. ²⁶Ijesu sa ganeya ka, aki yubo ama fomi iken aye."²⁷Ijesu aka yo egben urunmeka sa iken ne wo Casesare Philipi na, oripopo esin ye gbe urumeka ka, "Era ero roro kee wa?" ²⁸Bi gune yowo ka, "Ejoonu Baptist. ebe ka, 'Elijah' ebe ka, ore'emenero.'"²⁹Esin baka, Ano wo, era ni roro ke wa Ipita gane ya ka, "Awa wi Ikristi." ³⁰Ijesu wonba ka bi ma gane korore efena aiye wana.³¹A tome yio otite ka, Orokoro Oogben eke joya nepenoyoyo, Isuda, Asigiri epan ako iskribu abe be ke yuriya bidia wayan ama isubu otetaro ako soma palesa. ³²Agega one yineba, Ipita moyan wefwe a me ga.³³Ama Ijesu, bila, abaleyo amo Ipita ga ka, "Bila wu mu run, Esu! Uma fowokan rere ekena wo Osibina ekena ama do ama do eroro epen. ³⁴Orokoro ne eni ka yere mo na a ka late yuru yuru yiwu wije. Afo yio oti ogbala ake yere mo.³⁵Orokoro ne eni kayi nayiwu fan na ada niya fuwa, egan efena ne your ero fuwa na uba ka mi wuru ako umumu onoboro na aka gbo onafan. ³⁶Ekere ona eke wamo na oro eje erone fuwa? ³⁷Ena oro diye wije ubaka ye fwenfwen.³⁸Efena somu si na aka me ga ogba oni osese kao iluwe ero na oro ogben aka son yu si ogbone eke pilasa iyu gbugbodina aka iyo Angeli owonwon abena.

Chapter 9

¹Ga nẹ ba ka, "Ekwa agana ne ben bẹ joomo ekọ nẹ, baka gba ufọ ṣana bẹ gba Osibina ẹ̀sẹn iwogbigben." ²Ísubu ọpẹnọrẹ ṣun, Ijesu fọọ Ijemisi akọ Ẹjọọnu bile yi wa pọ ọrẹ nẹnẹ pọ ọsosi, abayẹrẹ. Ebiliwu iba ayẹn. ³Esa nẹ efile na emina ba bio bio, okukuru fọrẹ opu ẹsa ro di e puwa akẹ ekọyẹn ẹrọ nẹ.⁴Elija bi Emose fi wi yen ba, be mi Ijesu a gẹhe. ⁵Ipita gunowo a gani Ijesu, "Itiṣa, arọnka ti wẹ kọ tei ti mọ uturu eta, oyire newo, oyirẹ nọ Imose, ako Elija" ⁶(Emedin ekena abọwọ ka gaana, ọọrọrẹ ṣẹ ba.)⁷Edudura ri ba. Egọdan vesha iduduru, "Mo gbẹn ni nina awọ ne wọ yẹ ka." ⁸Iganigan ọgbọ nẹ bi ne neyẹn na, bi ma gba koro kore, efuraka Ijesu ayarẹ.⁹Akọnẹ bi se holo ọrẹ, ehuru nẹ ba ka bi ma gan noro ẹkẹna be gba eehina ogbona Osibina ogbẹn aka sọma wiporo ve sha. ¹⁰Bẹ fuọ ẹga yẹ wi be, bi mi mẹsẹ ega abẹ nẹ tin ẹkẹna "suma we poro" wa na.¹¹Bi sin ya, "Ẹna wọrẹ ọwọri kokori abẹ ga ka, Elija aka tai sha?" ¹²Aga nẹ ba, "Elija sha e bila ẹpẹn feyan. Ena waka bẹ wọra orokoro ogben gbadọ joya ẹpẹn oyoyo nẹ fuyẹn wọn ya. ¹³Ega nẹ nọ Elija ṣa, bi siye ẹkẹnẹ beni tuẹ, akọnẹ bi se wọrẹ nẹ ye ka."¹⁴Ọgbọnẹ bẹ ṣa to egbenurumeka abẹ, apẹ ọyọyọ kọ wẹ ba, isikribu abẹ ma ba su osakata. ¹⁵Bẹ gbi Ijesu, ejin apẹ owofuwa,¹⁶ bi mune jena ganya. E sin ye gben urumeka abe, "Ena we kena ni sokata na?"¹⁷Ọrọ ọrẹ apẹ gunowo ka, "Otitero, ẹfọ mogben ṣa towu. Esu efunwenfunwen ne me di ya ka agẹga. ¹⁸Ada sẹya nẹ wi je yio wo a ṣo fọfọ, ada parẹ yin run, yiwi da aprẹ. I chin wegben urumeka abe bi guya weṣa. ¹⁹Eguna bowo, anọ ubanẹ na ma naeọ isa gana maka ma nama? Esa gana maka mana fiwu na? Fuwẹ ṣa nẹ mọ.²⁰Bẹ fuwogbẹn oforo ayẹ nẹ ya ogbone efunwenfunwen gbọ Ijesu, iganigan anẹ ya wọ ọyẹrẹ eni ka e fuo ọgben na yẹ falẹ wije aṣo ọfọfọ owo. ²¹Ijesu ṣin wẹda, "Kabọ gbọ na ewaka? wẹda ga ka bo ogben. ²²Isi oyoyo ada nẹ ya wẹra akọ ebi ka fuya. Esu o guba ni diye sie san teyi ni gwo tuba."²³Ijesu ganẹ ya, "'We di siyẹ'? Epẹn fẹnya wo si sie nẹ ẹfẹna na wọ." ²⁴Iganigan ogben na yẹ wẹ da yo ga agẹ ka, "Enawọ go mẹ na ma naeo na. ²⁵Ijesu gba pẹ bi munaṣa to ba, ama ẹfunwẹnfunwẹn odudu ga ka, "Awo, efunwenfunwen oṣowo oṣotan bẹsa ome pila fuo wọ gnọ nẹ."²⁶Eyo ga, ọyọyọrẹ eve ṣa. Ogben weka ẹfo bọ oyoyo ge ka efo." ²⁷Ama Ijesu sẹ yòba fura, ogben nayẹ fura jọmọ.²⁸Ogbone Ijesu fọn mubu na, ye gben urunmẹka ṣin ẹbẹbėo ọrẹ ka, "Ena wọrẹ guya we ṣa?" ²⁹Aga nẹ ba, "Ọlọnẹ e diye siye efura ka adura."³⁰Bi we yọ fure fẹ nẹ bẹ yọ Egalili emenika kororẹ edib efena bẹ ma na. ³¹Ete yio egbenuru eka. Aganẹba, "Orokoro ogben ba ka fẹ nọ ẹrọ ro uba, ba ka wan ya. Ọgbọ nẹ ba ka, wanya na, isubu otẹtaro aka sumọ we poro ve ṣa. ³²Eme ye ba nẹ ẹkẹna aga na, ọrọ rẹ a san ba ka bi ṣin ya.³³Bẹ re Kapanaumi. Urunba nẹ bẹ fuon mu bo, e ṣin ba, "Ena wọ ẹkẹna na mẹse oru popo? ³⁴Bẹ duṣu. Bi sosakata kẹra fọrẹ. ³⁵Ama, abẹ efọkrẹbẹrẹ jese aganẹ ba, ẹfẹ enọ oṣoro aka dọ omunurun aka okoto feyan.³⁶fuọ ogbenikeke wi betin. A fuẹ dọn uba aganẹ ba, ³⁷"Ẹfẹ na ognẹn nẹnẹ imi uwuru, anamọ; ẹfẹ na ma nẹ na ama nẹ ẹfẹna file mu na!³⁸Ẹjọọnu ganẹya, "Otitero, tẹ gbe fẹna egu efunwenfunwen odudu iwuru ti seya jọmọ, ubaka ama yẹrẹ tọ." ³⁹Ama Ijesu ka, "Ni ma ju yọrẹ eme su ẹfẹna eke sie utun ọkẹka imiuwuru, emi bila ga odudu yẹrẹ mọ.⁴⁰Ẹfẹna me jutorẹ awa teka. ⁴¹Ẹfẹna fuọ uwebi no ra wa imi uwuru nẹnẹ owa Ikristi eka ikwa ẹga ka yẹ kẹrẹ aka nẹ fuwa.⁴²Ẹfẹna fẹnẹ awọrẹ ikeke ẹnanẹ na mọ wọ ehukuru ochẹn, aka kẹsẹ ka bẹ parẹ otarẹ ọyẹb nẹ pẹn wo yọ ẹ gẹrẹ bẹ nẹya wo okun. ⁴³Wuba awọrẹ wọ kọ chukuru, tiẹ fura. Akẹsẹ ka a fuọn ẹro na ma bẹriwu fuọrẹ ka uba ẹbọbọ a yẹ ra ẹra nẹ be diye . ⁴⁴Ni bọ⁴⁵E gbe ka wọ ⁴⁶⁴⁷E gbe ka wọ iyen ⁴⁸ẹfẹna ecore bẹ a fọ⁴⁹Nọ ⁵⁰Obu ranmuro, ama yio bore efura mọ gana eke pila ṣa? ṣu obu iniwu, ni wọ ọbẹrẹ to abẹn.

Chapter 10

¹Ijesu fura ẹfẹnẹbẹ ayọ Ijudia oṣin ṣun Jordan ogbolo apẹ ọyọyọ ṣe toya isọ oboro. Eteba akọnẹ ede se ki siye na. ²Ẹfarisi niya ṣa mẹ balẹ bi ṣin, "A bọwọ ka oforo eyuru yio ro?" ³Egunowo, "Ena Imose buru ga?" ⁴Bẹ ga ka, "Imose ya ka awori iwe eguru ya, emi guu ya ve."⁵"Nu uloko ṣile ayawore a fọ buru bile amọ," Ijesu ganẹba. ⁶"Ama wọ ọtẹtọmẹ omẹma, Osibina siye ba oforo ako oroo.⁷ọ unẹ uba oforo eke teyi weda akọ iya emi jebile yoroo, ⁸abẹ buọbọ ṣinẹ uwupe ọyẹrẹ. Bi ma wa eborẹ, oyẹrẹ ya. ⁹Onẹbẹ uba ekena Osibina aṣe bile na, kororẹ eme ruwaba."¹⁰Ogbonẹ bi wubo, egbenurumẹka bi de fu yanṣi yeri ẹgaa yẹ. ¹¹Aganẹba, "Ẹfẹna euuru yioro esu oroben esie onọsese tuwẹ." ¹²Eyuru yio foro jene su oforo ọbẹn, esie onọsese tuwẹ."¹³Bẹ kwọ egben ni keke se tuwẹ ka fuba dẹyẹ ba, ama egbenurumẹka bi me ya, bẹ wanba. ¹⁴Ogbonẹ Ijesu gbe, yibe amayan, a ganẹ ba ka, "Teyi egben bẹ ṣa mẹfa, ume jubọrẹ Osibina ẹṣen awọ akọ ẹnanẹ wa aka bẹ.¹⁵Íkwa ẹgan nẹ nọ, ẹfẹna ka na Osibina ẹsẹn aka ogben aka funya." ¹⁶Afuyọ egben na bẹ wuyiba, ekuru bile nẹ ba, afuu yuba dẹyẹ ba.¹⁷Ọgbọne a tọmẹ yọ ejen na, oforo obẹn mune tuẹ egumekute neya eṣin, "Otero boro, enameke siye idi siye idi su erọnemesota?"¹⁸ Ijesu ga ka, "Ena worẹ uyemu otero boro? Eme soro oboro efuro Osibina ayarẹ. ¹⁹Udino ububuru: Uma wanoro, uma siye onẹṣeṣe, ume yire oyiri, ume kegbeli iṣoma, fu okukura na edada aki iya."²⁰Urayẹ ka, "Otero, fẹyan ẹpẹnẹ na mi siye kabo Ikirisa." Ijesu baàle eni yẹga. ²¹Aga neyo, "Epanọyẹrẹ ẹku. jóo ẹpẹn nẹnẹ u su, yano ẹnanẹ emusu, we ke su arọn wo Osibina ẹẹ̀ṣẹn. Ṣa ọ yẹrẹ mọ." ²²Wẹ ga ona gaá e bile fuwa, amaà esu arọn.²³Ijesu balẹ hehero agane yọ egbenurumeka, "Eke chile nọ enane su aron bi di fuan Osibina ẹṣen! ²⁴Yo egbenurunmeka ejin bowo fuwa yẹrẹ ega yẹ. Ama Ijesu gan ne ba bilamọ, "Egben, eṣile nọ ero ṣa na bẹ fuon Osibina ẹṣẹn! ²⁵Aka bẹrẹ (Authority) ayọ orẹsẹ ayẹn forẹ ẹfẹna saran ka fuọn mo Osibina ẹṣẹn."²⁶Eji bowo fuwa bẹ gana bẹ, "Ẹre ke su ọna fan?" ²⁷Ijesu baà ba a gẹ, "Bile orokoro emesosiye, ama no Osibina ẹpẹn fenyan sosiye nẹ ya.²⁸ Ipita aga nẹ ya, "Baale fẹyan ti teyi tẹ yẹrẹ wọ."²⁹Ijesu gẹ̀ẹ ka, "Ikwa ayẹga, eme su ẹfẹna teyi ubuo odua ofuoro iyaro iya ẹdẹda egbẹn ijé nẹ mi uwuru bile ẹpẹpan oboro. ³⁰Ona ka na ọrẹ ipi ẹrọ nẹ ubuo bilo da oforo iyaro bile iya egben bile ije, ọkọto bilo ẹrọ na ṣa ne me sọta. ³¹Ama ẹnanẹwọ oṣoro baka womuru."³²Bi wọrụ popo ayọ Jerusalemu Ijesu yẹnrẹn nẹ ba. Egbenurumeka abẹ ejin ba owọ fuwa bile enane ayẹrẹ ya urun ba sọmọrẹrẹ. Ijesu fuọ egbenu turo abe a tame gabẹ ba ka odudu na ke to ya yẹ. ³³"Bàale tayo Jerusalẹmu, ba ka fuọ orokoro ogbẹn dọmọ Ashigiri epan bile, iskribe. Be ke beyaye fuwa no ufo be foyayẹ danmọ ikeferi abẹ. ³⁴Baka foyayẹ si yosi, tẹyẹ fuwa m be yonini bilw ufo. Ama isubu ẹta ẹsoma we poro."³⁵Jamisi bi Ẹjọọnu, Zebede egben, bẹ ṣa toya bẹ ga ka, otoro, teninu ka ni siye ẹkana teni na. ³⁶Aganẹ ba,"Ẹna ne ni ka iseyi nẹna?" ³⁷Bẹ gẹẹ́ ka, "Teyi tẹ ma kẹ mọ iwọ ugbigbodi, uwojigen aka uburuba."³⁸Ama Ijesu gunabowo, "Ni me din ẹkẹn ni ṣin. Neki di wa ebi fura uwebi nẹ makawa, bile ọfubayẹrẹ pan? ³⁹Bẹ ga nẹ ya, "Esosie". Ijesu ganẹ ba uwebi ọnẹ maka webi na ka wa, bilọ ofuba yẹrẹ pan, ba ka fuba yẹrẹ nọ. ⁴⁰Ama efena ka ma ojijẹn akọ uburuba ama wa meka osisiye, ama awo nọ ena nẹ bi guru ya nọ na.⁴¹Ọgbọnẹ abẹfo egbenurunmeka wọ ya na, be kàa niwu to Jamisi ako Ejọọnu. ⁴²Ijesu yeba agẹ̀ẹ ka, "Ni din nẹ na waṣe rò yẹri Gentili ẹpan bilọ bi utun ro uwigbigben nẹ be lo na.⁴³a ọnẹ aka da ọrẹ nẹ inetin. Ẹfẹ na ni okẹka ini wu na atai wọ otun ro, ⁴⁴Ẹfẹ ne mi oṣoro iniwu na esie ọran nero fẹyan ke. ⁴⁵Orokoro ogben ama ṣa ka bi siye okoto ni yayẹ ama ka esi okoto bile ye fuenfuen aya je ji nerọ ọyọyọ.⁴⁶Bi rẹ Ijẹrico. Efurẹ Ijeriko abi ka egbenurumeka aka apẹ, Itimausi, Batimausi, abẹlẹ ro ni penanyẹn, ma nọ rupopo ọtan. ⁴⁷Ọgbọna a wọka Ijesu nẹ wa Nasarẹti, atọmẹ eyoga ka, "Ijẹṣu, Dafidi Ogben, ṣọ meyi!" ⁴⁸Ereyọrọ mẹ openanyẹn ga, ka epuyowo. Ama eyoga fọrẹgan, "Idavi Ogben, sọ meyi!"⁴⁹Ijesu jọmọ eburu ka biye sha. Bi yio openanyẹn ro, "Suloko! Fura! Eyewu. ⁵⁰Anẹ yi kotu fuwa, a pan fura, aṣi Ijesu efa.⁵¹Ijesu geé ka, "Ena we ni ki siye nẹwọ́ ọ?" Openayẹn ro ka, "Otaro, me nibkẹ na mayẹn pila." ⁵²Ijẹṣu mi ga nẹ ya ka, "Keyọ. Wọ onawo fuo wi wu gan." Iganigan ada gbayẹn ayẹrẹ ya orupopo.

Chapter 11

¹Aka akọ bi siye re Ijerusalem na, bi toru to Ẹbẹfayi akà Ẹbẹfan óliuu oòre, Ijesu mi file ye agbenurumẹka eborẹ í ye ebenurunmẹka abẹ iíwu. ²e mi ga nẹ ba ka, "fọn iken nẹnẹ gọn ta anyen na. Nè e ki fọn ya na, nà áka gba ẹkẹtẹkẹtẹ oògben nẹnẹ bè e mi kpọ gba na. Nẹ tọra ẹ wuje ni mi fo ẹ ṣa to mu. ³E su ẹfẹna nẹnẹ è é ṣin ka," Ẹna a kpẹrẹ no è é siye ẹnanẹ na?" nẹ ga ka, "Idu ni ya olo éke mi fọ ẹ file ṣa iganigan."⁴Bi mi yọ bi to ẹkẹtẹkẹtẹ oògben nẹnẹ be parẹ wo ujun oòwo ọ́nyẹn óṣin ayẹ, bi mi tọra ẹ wuje. ⁵Ero ẹbẹn jọmọ wo ẹfẹnẹbẹ a ga nẹ ba ka, "Ẹna nè e siye a, nẹnẹ nà a tọre ẹkẹtẹkẹtẹ oògben ayẹ wuje na." ⁶Bẹ ga nẹ ba akọ Ijesu siye siye ga nẹ ba, ero ẹnabẹ mi ya ka bẹ yọ bọ ọrẹ.⁷Bẹ fọ ẹkẹtẹkẹtẹ oògben ayẹ sạ Ijesu ẹẹ̀fa bi mi bora bẹ ẹsa yẹrẹ ya, e mi ma yẹrẹ ya. ⁸Ero ọyọyọ mi bọra bẹ ẹsa wo orikpokpo, ẹbẹn bọra oti ẹẹ̀ba abẹ nẹnẹ be kọrẹ áhọhọrọ abẹ na.⁹Ẹnanẹ yọ yẹ ẹrẹn akà àbẹ nẹnẹ à á yẹrẹ ya na è é yi ka, "Ihosana! okurubilero a wa ẹfẹna nẹnẹ ṣa Ídu iiwuru. ¹⁰Okurubilero a wa tẹ ẹdẹda Ẹdavidi ẹẹ̀ṣẹn nẹnẹ à á ṣa na! Ihosana ápan ọfọfọrẹ!"¹²Ijesu mi fọn Ijerusalẹm ibe yọ e mi fọn Ẹtempili ibe yọ e mi bilanyẹn gegere balẹ ẹpẹn fẹnyan. Akana ọgba yọ ke, e ve yọ Ẹbẹtani ayẹ akà abẹ ẹfọkẹbọrẹ ayẹ. ¹²Isubu ọọborọ ọgbọna nẹnẹ bi ve è é fura Ẹbẹtani na, anwon à á sẹ ya.¹³Ọgbọna nẹnẹ a yọrẹ anyẹn gba ọja oòti nẹnẹ su emumu na, e jen ka a balẹ sa à áka gba ilukutu í yo osi, ọgbọna nẹnẹ e mi re ẹfẹnebe na, a ma gba kenakide efura ka emumụ abẹ aare, ubaka a ma wa ọja abẹ ọgbe. ¹⁴A ga ya ẹga ka, "kọroorẹ e diya tan ilukutu í wi iwu:" Ye egbenurunmeka abẹ mi wobya.¹⁵Bẹ ṣa Ijerusalemu, e mi fon Ẹtẹmpili ibe e min e gu ubelerọ akà onyinro abẹ nẹnẹ wo Ẹtẹmpili ibe. E bila obilikiba abẹ òokparẹ anyẹn ri akà ero abẹ nẹnẹ à á jọ ẹsọkpạ abẹ na aàdan.¹⁶E me ya ka korọọrẹ a fọ kẹnakide nẹnẹ bi diya jọ na ṣun Ẹtẹmpili.¹⁷Ite te ba a ga ẹ ka, "I bi ma wọra ẹ họn ka," mu ubo bè éke ki ye adura uòbo ni iken fenyan'? Àmá nẹ sẹ ya ṣina eyiri abe uòba. ¹⁸Aṣigiri abẹ ẹẹ̀pan akà Ẹskribu abẹ wọ ẹpẹn ẹnanẹ a ga na, bi min e ni ọrẹ nẹnẹ bà áka a nwan ya na. Bẹ sọn yo ọrọrẹ ubaka yo otite jin akpe owo fuwa. ¹⁹Ọgbana nẹnẹ e re iyọbẹbẹrẹ na, bi fura iken ayẹ²⁰Akọ bi siye è é jejen urorunmẹka na, bẹ gba ka ọja oòti ayẹ yeyi jen e re yẹ ẹnyẹn abẹ. ²¹Ipita nyen e mi ga e ka, "Ẹrabi, balẹ ya! Oja oòti nẹnẹ u ṣuwa adan na welegede ke jen e re ye enyẹn abẹ.²²Ijesu guna bo owo ka, "Ni ṣu onawọ Òsibina. ²³Ẹgaba ẹ ga nẹ nọ ka è é su ẹfẹna à á ga ẹ no ọrẹ ọnẹ ka, "Kpan fura u mi nẹ wi iwu file okun ibe, è é gbe ka e me siye ibe ẹbọrẹ í yẹ ẹyẹ àmá a nawọ ka ẹkẹna ayẹvga na à áka ṣẹlẹ, ẹkẹre ayẹ Osibina éke siye nẹ.²⁴Ọnẹbẹ uùba ẹ ga nẹ nọ ka: Ẹkẹnẹkẹna nè e siye adura nẹ bẹlẹ nọ nạ, nẹ nawọ ka nẹ na ẹ kẹ, è éke diye ṣina nẹ ẹka. ²⁵Ọgbọna nẹnẹ wè e fura ni mi siye adura na, nẹ gbadọ fẹpangbun ẹkẹnẹkẹna nè e su don (Authority) , ka nẹ Eda nẹnẹ wo ososi na e di fo ni iluwe ẹẹ̀pan gbun ka anọ. ²⁶Àmá wà a ma fọ bi iluwe ẹẹ̀pan gbun ba, ka nẹ Ẹda nẹnẹ wo ososi na a àka fọ ni iluwe ẹẹ̀pan gbun nu.²⁷Bi diye pila ṣa Ijerusalemu. Akọ Ijesu siye è é jejen Ẹ́tẹmpili, Aṣigiri abẹ ẹẹ̀pan, Eskribu abẹ, akà isuda abẹ ṣa to ẹ ²⁸Bẹ ga nẹ ya ka, "uburu ọọna uùba u e siye ẹkẹna enanẹ a, era e diya fo uburu rẹ ọ ka u ke siye ba a?²⁹Ijesu mi ga nẹ ba ka, "mè éke ṣin nu ọṣinṣin ọọrẹ. Nẹ ga nẹ mọ ka amẹ éke diya ga nẹ nọ uburu nẹnẹ kperẹ mo è é siye ẹkẹnạ ẹnanẹ. ³⁰Ẹjọọnu imomoriri, ososi e we ṣa erokoro ẹfa? Ni guna mo owo."³¹Bẹ ma abẹn mesẹ bẹ nyanminowo bi mi ga ka, "Tà a ga ka, 'kaba ososi', à áka ga ka,'Ẹna e mi wọrẹ nẹnẹ ni ma na ẹ wọ na? " ³²Àmá ta a ga ka, 'kaba orokoro ẹẹ̀fa. Bà a sọn ero abẹ ọọ̀rọrẹ ubaka ero fenyan a nawọ ka Ẹjọọnu wa ẹ̀sẹro nẹ. ³³Bi guna Ijesu owo bi mi ga ka, 'Ti me dia.' ka egan Ijesu siye mi ga nẹ ba ka, "ka amẹ à áka ga nẹ nọ efẹna uúburu í e siye ẹkẹnẹ ẹnanẹ na."

Chapter 12

¹Ijesu tọmẹ á tá utitén aka oró bire ilukutu wọ yọ iyi ẹẹ́ba, e ju ya gẹgẹrẹ ẹ dina pọ upọlọ nọ ẹfẹna bẹ kwẹ ki yumẹ́ na. A mạ ẹfa ọfọfọ nẹ yị oṣẹle, edina fọ iyi eéba aye bọwọ ẹnane a ka kẹ fayẹ ke tẹẹ́ na. Iyurunva áa yọ ẹfa. ²Ọgbá nẹnẹ bọwọ́ na, E file yọ utunro jena balẹ ẹnanẹ mẹ ya fayẹn na tọ iyi-ẹẹ́ba ayẹ na, ka bẹ fọn iyi imumu epara yọ ṣa nẹya ayẹ. ³Ama, be sọ utunro ayẹ, bẹn nẹya, bi di na filẹ pila yọ akọó uba ufolo.⁴Bilá mọ edine ki file utunro ọbẹ nẹẹ́ba, bẹ sẹya bẹ pẹ yẹ epa, bi dina fẹ ẹpa kọya. ⁵E dine ki file utunro ọbẹ, ọnẹ bẹ́ bẹ wan ya, ọyọyọ nẹnẹ edi ne ki file na, bi di ne ki siye ba akọ bi si ye sị ye eriṣoro na, bẹ bẹba, ọyọyọ bẹ wan nẹ fuwa.⁶Edi ne kii su oro ọyẹre nẹnẹ e ke file na, yoó ogbe, ẹfẹna eni ikwa eka na. Ayẹ a wa oro omunuru nẹnẹ e file nẹba na. A gẹ ka, ⁷''Ama, ẹnane e siye utu mọ iyi eéba na ganẹ abẹn, 'Ọnẹ ẹ wa yọ ọ́pa a wọ ne. Nẹkẹ ṣa, tẹwan ya, yọ arọn aka wa tẹka.'⁸Bẹ seya, bẹ wan ya, bẹ nẹ ya we ṣa iyi eéba ibe. ⁹Akaána, ẹna ne ni ka ẹfẹna bi iyi eéba ayẹ esi ya? Aka sa wań nọ ẹnanẹ a fọ iyi eéba ayẹ nọ na. Iyi urùba aáka dọ merọ ẹbẹ nuba.¹⁰Uwe mi gan mọ emumu ọwọnwọn ọnẹ? Ọtarẹ nẹnẹ ọmọọ́ ubowo yuru wọ ije ná a yẹ emi ṣina ogũn ọtarẹ. ¹¹Ọnẹ wọ Idu mẹfa ṣa, e di na rọn muro ita ayẹ. ¹²Ọgbọ na a gẹ ẹnane ke na, Ijiwiṣi ẹrẹnro abẹ bibe ni akọ be ki siye sẹ Ijesu na akọó utiten nẹnẹ Ijesu ga na sẹbaà, amaá ọrọrẹ a sọn ba akọ bi siye gbọó erokoro maári na. Ọnẹ bẹ uba, bi tebbi ya bi ya yọ bọrẹ.¹³Iyurun ba, bi file Efarisiro akọ Ehoeodianro abẹ bi di fọ yọ ẹga owo ẹka sẹ ya. ¹⁴Ọgbọ na be ṣa na, bẹ ga nẹ ya ka, "Otitero, ti di ka ume sọ ọgba nọ ero ibe opin, wẹ dina fọ ẹga e bóró, Osibina ẹga ayẹ u de ki teéro. Injẹé obuburu ọṣẹrẹ awa ka ti duna amana kẹ nọ isisa họ abi ama wẹ gan? Ti duna họ abi ti me duna?" ¹⁵Ama Ijesu din ka irekureku be siye a ṣaá ga nẹ ba ka, "Ẹ na nẹ ma ma balẹ na? Nẹ fọ bi ikiba ṣa ayẹ gbẹẹ́."¹⁶Bi tiye ọyẹrẹ sa nọ Ijesu. E ṣi ba ka, ẹra uṣi aka iwuru e wa mọ na? Bi ka, "Isisa" eka. ¹⁷Ijesu ka, "Fọ ẹkẹ na wa Isisa ẹka na ni Isisa, aka ẹkẹ na wa Osibina ẹka na nọ Osibina." Ọnẹ ji bowo fun wa ṣu mọ ọgbẹn.¹⁸Iyurunba Ẹsadusi abẹ, nẹnẹ gẹ ka eme su ọsọma palẹsa na, ni ya ṣa. Bi ṣin ya ka, ¹⁹"Otitero, Imose wọrẹ nẹ tọ ka, oro yọ osuda e foó e te bi oworo wije, nẹnẹ eme su ogbe na, abọwọ ka yọ ọda ayẹ emi ki su yọ oworo nẹnẹ a ka begbe mẹya iyọ osuda iwuru na.²⁰Ẹdẹda gbennú ufọbọrẹ; oóṣoro su oworo iyuruba e foó, e me su oógben. ²¹Yẹ rẹ ya, ọfọrọ ọọ́boro dine ki suya, kayẹ di ne fo, e ne su oógben wije, kọ ọtetaro di nw ki siye aka ẹnanẹ wẹrẹ na. ²²Abẹ ufọmbọrẹ bi me su ogbe wẹrọ. Iyuruba, oworo ayẹ ka yi fọ. ²³Ọsọmapaleṣa ọgba, ọgbọ na bi fura na, ẹra oworo aka da? uruba nẹ ọda ufọmbọrẹ su ya akọ oworo na."²⁴Ijesu ge ka, "Ama wa nọ ọsọsọna igne na wọnẹ, ama da ka ni me dino, Osibina iwu-ogbigben sọ emumu ọwọwọ? ²⁵Ọgbọ na ẹnanẹ fọ ba palẹ ṣa na, bẹ sụ ọwọwọ, be dina fọ ba nọ ọfọrọ, ama ibẹ kẹ ki wa ka Angeli nẹnẹ wọ Ọsibina ẹẹṣẹn na.²⁶Wọ eéporo ẹnanẹ bẹ paleṣana, ine mi ga yọọ́ Imose ẹwọra, ẹmẹ nibe ẹga, akọ Osibina se mẹ gẹga ka, ²⁷'Ama wọ Osibina Aburahamu ẹẹ́ka, Isaki Osibina, akọ Ejakobu Osibina'? a wọ́ Osibina nọ ufurọ á ma nẹ nọ ẹrọ rọ ọyọyọ. Ni ke ṣona falẹ."²⁸Ọọ́re isikirabu abẹ iwu sa wọ ẹga ọnẹ; a gba ka Ijesu gunabowo ọṣẹrẹ. E ṣi ya ka, "Ububuru ọna a fọre ububuru fenyan fenyan. ²⁹Ijesu pila yẹ ka, "Ọnọnẹ fọrẹ ububuru fenyan fenyan na aya wọ, 'Isireli nẹ wo ro, Idu nẹnẹ wọ Osibina na, Idu ayẹ ọyẹrẹ́ ya. ³⁰We ke ni lati wu unini nọ Idu wọ Osibina aka wọ uloko, aka wọ uṣi, aka wọ efunwenfunwen aka wọ iwogbigbe feyan feyan.' ³¹Ububuru oóboro aya wọnẹ, 'We ke ni lati su unini nọ wọ ọbawọ aká wiwu na. Eme pi le su ububuru nẹnẹ, pila fọrẹ ọnẹna."³²Isikirabu ayẹ ka, "Otitero oboro! Ọ gẹikwa ka Osibina ọyẹrẹ ya, aka ka ẹmẹ su oro ọbw nẹnẹ turu twe na. ³³Ka oro a fọ yu uloko fẹyan fẹyan aka yọ odíndin fẹyan fẹyan aka yọ iwogbigbe fenyan fenyan ẹ ni yan, aka ka oro eni yọ ọbawọ ẹgan, aka yibiwu na, afọrẹ iyán opupu aka esará osisiye. ³⁴Ọgbọ na Ijesu gba ka afọ edayin ga ẹga na, a ga nẹ ya ka, "Awọ ume fomọreoo nọọ́ Osibina ẹẹ́ṣ̀en." Iyuru ba, e me pi le su ẹfẹna pi le di ne ṣinọ Ijesu ẹga na.³⁵Ọgbọ na Ijesu e te etepulu íbe ná, a gẹ ka, "Gana e si ye wa ka, isikirubu ro abẹ gẹvka Kristi aya wọ Èdafidi Oógben na? ³⁶Edafidi ayẹ ẹbẹba, ẹfunwẹnfunwẹn ọnwọnwọn gẹ ka, 'Idu ga nẹ mi Idu, "Ma nọ imu uba ojije re ọgbọ na ma ka for webe ro abẹ ṣi nọ ẹfena wa ka fọ siye apa ọ fọ ọṣẹ yẹ rẹ na." ³⁷Edafidi ẹbẹba ye yií 'Idu', gana Ikristi e ke mi siye kẹ wa Edafidi Oógben na?" Erokoro nẹnẹ fira na, fọ ibe ọrọrọ ebpivye ya tọn.³⁸Iyọ otite, Ijesu ka , "Nẹnẹ ṣe lẹ niwu isikiraburo abẹ uba, ³⁹nẹnẹ da ki file ewuru ọlọlọrẹ kẹbganọ ejibe na, nẹnẹbdine suú adan mọ ọkeka isinagogu ibe na aka ẹfa okirunọ ojebilẹ. ⁴⁰Bi de ne je ikukuruda ubowo sije, bi di na kẹ gbadura ọlọlọrẹ ka erokoro edi gba ba be. Ere nanẹ beke je ebe ọkẹka."⁴¹Iyuruba, Ijesu ma gọ mọ apoti ikiba ẹka etempili ẹfa; aba lẹ erokoro akọ bi siya ne mọ ikiba eéwọ apoti ibe na. Arọn ro abẹ nẹ mi ikiba ẹkẹka e wọ apoti ibe. ⁴²A ṣa ikukuruda nẹnẹ wọ iwa ro na ṣa nẹmọ ikiba uto ẹbọrọ nẹnẹ wa kọ ẹkọbọ ọsẹ nẹbọrẹ na.⁴³E yeé yegbe nuru mẹ kava ga nẹ ba ka, ikwa ayẹ mẹ ga anẹ nọ aka na, ikukuruda iwo ro ọnẹ ne wọ ikiba ọbọ na fọrọ ẹkeoona abẹ fiyan fiyan nẹnẹ nemikiba wọbọ na. ⁴⁴Abẹ fenyan fenyan nẹ mọ ọyọyọ nẹnẹ bi sun na wọbọ. Ama á ikukuruda ọnẹ, iyọó uyẹri, nẹ fenyan fenyan nẹnẹ e su ero, aka epọrọ na wọ ọbọ."

Chapter 13

¹Akọ Ijesu siye fura etempili jejen na yo, na, ọọ́re iyọ ogben nuru meka ṣi ya ka, "Otitero, bale ọtarẹ ako ubowo oboro boro ẹnane!" ²A ga nẹ ya ka, "Ọ gba ubowo ẹkẹna, ẹkẹka ẹnanẹ? Eme su ọtarẹ ọyẹrẹ nẹnẹ eke jọmọ yere abẹn nẹnẹ be ke pupuse na."³A kọ e siye ma nọ ogegere ge nene wọ olivu ọrẹ́ na nẹnẹ bibla yẹn gọmọ etempili na, Ipita, Ijemisi, Ejoónu akȯoọ́ Anduru bẹbẹ ṣi ya ka, ⁴"Ga nẹ tọ, ọgba ọọ́na ẹpẹ nẹnane eke sihe á? Ena a ka wo opipeli nẹnẹ ta ka gba ọgbanẹ́ ẹpẹ nẹnanẹ eke siye na?"⁵Ijesu tọme a ga anẹ ba ka, "Nẹ̀ se niwu ni me ya ka koro ọyẹrẹ e ju gu na nọ ọrẹ. ⁶Ero ọyọyọ a ka ṣa imi iwuru baka ga ka, 'Amẹn awa ayẹ nẹ' Be ke di ne ṣi ero ọyọyọ ọrẹ́.⁷Ọgbọ na ńa kawọ ẹkọn mẹ ga aka ognọ na beke dina kẹ ga ẹkọn me ga na, nima ṣẹnẹyi be; enane aka kẹ ṣẹrọ, ama isubu omunuru emi re. ⁸Ka ike ne ke fura to abẹn, Eése ne ke dina fura ta abẹn. Ije ojijina eke siye ẹfa ọyọyọ akọ ọbọrẹ. Ọnẹ akọ wọ ọtọmẹ ọ́óbá onunuma.⁹ẹ kẹ ṣẹlẹ iwu. Ba ka fọ nọ dọnọ ẹnanẹ wọ ọpa, beke dina benọ́ isinagogu. ke jọmọ wọ ẹgọvọnọ akọọ́ ibin na bẹ ẹrẹn imu uba nọ ubẹdi nẹba. ¹⁰Amaá na kq tai pọ ẹpẹpanoboro ayẹ gegere ẹro fẹyan fẹyan.¹¹Ọgbọ na ba sẹ nọ bẹ fọọ́ nọ dọ buba na, nima ṣenẹyi be ẹkẹna na ka ga na. Nọ ewakati ọnẹbẹ, ẹkėona ba ka ga na, be ke wo nọ ẹfwẹnfwẹn; ama wa wa nọ aka gẹga ama ẹfunwẹnfunwẹn onwonwọ. ¹²Oda aka fọ ọda dọ mọ ufo uba, aka ẹdẹda yọ ogben. Egben ne ke fura to ẹfẹna ba bá na be ke dina fọó ba do mọ ufo uba. ¹³Ero fẹyen e ke goli wu imi iwuru uba. Amaá ẹfẹnẹ fẹna a fiwu nẹ re isubu omunuru na, oró ayẹ ba ka na fan.¹⁴Ọgbọ na wa gbọ ọtẹtan nẹnẹ sẹ ẹfa ṣinẹ ẹtapere na, "Ga nọ ẹnanẹ wo Ijudia na ka bi mune kẹ pọ ọrẹ́ osi, ¹⁵ga nọ ẹnanẹ pọ ubowo osi na ka bi me holo fọ mọ ubowo ani je na kọ uṣe ubowo, ¹⁶ni di na ga nọ ẹnanẹ wọ odan na ka bi ma ṣọ ubowo ka ba ṣo tiye bọ ifu ẹsa.¹⁷Ada ma wa nọ ẹnanẹ ṣọ iyo na aka ẹnanẹ a wọ ogben nẹba na isubu ẹnābẹ. ¹⁸Ne ki siye adura ka ẹnanẹ a ma ṣẹ ero ifu odudu ọgba. ¹⁹No isubu ẹnanẹ ayẹ nọrọrọna okukokuku, nẹnẹ e mi ṣọ ẹrọ gba ka ba ọtọtọmẹ, kabọ ọgbȯo na Osibina we mẹ ẹrọ na, re akana, ẹẹ́hẹ, e dine pila ṣẹrọ. ²⁰Eme fura ka Ídu tẹ isubu abẹ kere, eme su ẹfẹna a ka gbọ ọnafa na. Nọ ẹnanẹ Osibina tiye na, Apẹrẹ ẹnanẹ e filuba tiye na, a tọó isubu abẹ.²¹E su ẹfẹna ga nọ wọ ka, 'Balẹ Ikristi aya wọ nẹ! abi 'balẹ aya wọ nẹ bẹ! Nima na wọ. ²²Iṣoma Ikristi akọ ẹsero isoma be ke weṣa ba kq fọ ami akọọ́ ojinowo fua fura ka bi a wọ rọ ero, e su osiye, kọ ẹnẹna e fuluba tiye na. ²³Nẹ fayen tije! Ẹ ga nẹ nọ ẹga nanẹ fẹyan wurun ṣa.²⁴Ọgbọ na ne ayẹ nọrọrona ọnẹ e ṣu na, eéyi aka wọ esiri, ọóṣẹ aáka fọ ọsẹ ṣa, ²⁵ẹsẹpẹnẹ abẹ ba kaá falẹ wọ ososi wije, aka iwogbigbe nẹnẹ wọ Osibina ẹẹ́ṣẹn na e ke gbun jigijigi. ²⁶Ọgbẹ na bẹ ba ka gbọọ́ Osibina ogbe nẹnẹ ve a ṣa idudurudu na akọ iwogbigbe okeka aka yugbugbodi. ²⁷Ogbẹ e ke file yọ angeli abẹ ka be kọ ẹnanẹ e filuba tiye na jese eperi ogun mẹ nẹna, wọ ẹfẹna ẹro ta na rọrọ́ ẹ fẹ na ososi ta na.²⁸Ni piya fura ọjah oti. Ogbọna yọ ẹba a bẹrẹ na nẹnẹ emumu pu fura iyi iwu na, ni din ka oniyi ṣa ke. ²⁹Bi lamọ, wa gba ka ẹnanẹ a ṣẹrọ, din ka yọ ọsa turu to opolo.³⁰Ega ikwa ẹ ga nẹnọ, ubani ọnẹ eke mi fuú ṣanọ ẹpẹnẹ nane fo iwu yẹn. ³¹Ososi akọ ije e ke ṣu yọ, ama mo ẹga e ke di ṣu yọ. ³²Nọ isubu akọ wakati odidi, eme su ẹfẹna din na, e mw si wọ angeli abẹ nẹnẹ wọ Osibina ẹẹṣẹn na, abi yọ ogben, ama da ka Ẹdẹda na.³³"Ni ki patọn, nẹ fenyan ti je, nitorika ni me dinọ ọgbọ na aka wa na. ³⁴E ke ki wa ka akọ oro siye a yọ ẹfa na e tebi yubo, ṣana a fọ yutunro abe wọ ubowo abẹ, oróró aka yọ utun, e buru ọsẹlẹ ubowo ayẹ ka eme bwe.³⁵Uyuruba nẹ fenyan tije nitorika u me dino ogbena ọga nẹnẹ bu ubowo na aka ṣa na; edina da iyọ ọbẹbẹrẹ eka, edina dọ esiwobo ẹka, ọgbọ na abẹsẹ e ki yi na abi uroru mẹka. ³⁶A da ka asa ọgbẹna uma dayẹ su na, unẹ ya ka e to wu ka we bwe. ³⁷Ẹkẹna ẹ ga nọ wọ na, ayẹ ẹ ga nọ ero fenyan fenyan ne fayen wije!"

Chapter 14

¹Ee kú isubu ẹbọrẹ ṣana imu nẹnẹ wa ofurusu ẹka na akọ́ imu nẹnẹ wa ẹkare nẹnẹ bi me file ọbá na. Asigiri ẹẹ̀pa akọ isikirabu ro abẹ kọpa bile bi e roro akọ be ke siye sẹ Ijesu bi di wan ya na. ²Bii ya gẹ ka, "E diná wa imu ọgba, eme je na wore eegese ṣẹrọ erokoro nẹnẹ furu na iwu."³Akọ Ijesu siye yọọ́ Ẹbẹtani a fọ mọ Isimoni ẹkọmatọdarọ ubowo, akọ́ e siye ma furu gbeli ọparẹ ẹrẹ na, iyaro ọbẹ fọ alabasta eèpi nẹnẹ fe e nọ enardi ọseji nẹnẹ bi me bile na. A pẹn nọ eèpi ayẹ e gu ma enardi ayẹ wo yẹ ẹpa. ⁴Ama ero ẹbẹ na kaniwu Bẹma abẹ na gẹ ẹga, be gẹ ka, "Ẹna ee ṣe ebefuwa ẹna nẹ ṣa? ⁵Utirare ọnẹ abọ́wọka bẹjọ fọrẹ ẹparẹkipi ẹdẹnari na, nẹnẹ abọwọ ka bẹ jọọ bi anọ iwaro abẹ na." Iyuruba, bẹ mẹ ga.⁶Ama Ijesu ka, "Bi tebi ya sọọ. Ẹna nẹ bi po ẹyẹ e wo yi be a a? Epe no oboro ayẹ e si ye ne mọ. ⁷Ogba fẹyan ni de su iwaro wo inọ eèti, ọgbọna gbọna ne ni na ni di ne siye oboro anẹ ba, ama ne di ne su mu ọgba fẹyan. ⁸E siye ẹkẹna abọwọ ka e siye na. E guru mi iwu wije karẹ mọ oriŕe.⁹ Egaba ayẹ ẹ ga nẹ nọ, ẹfakefa nẹnẹ bi ya pọ ẹpapepanoboro ọnẹbẹ ẹrọ fenyan fenyan na, I ba kẹ ga iyaro ọnẹ ẹga ọgba fẹyan, nẹnẹ ba ka kẹ yẹn yọ uba utun na."¹⁰Ọgba ọnẹ bẹ Ijudasi isiksroti, ọyẹrẹ abẹ ẹfọkẹbọrẹ e je ne to asigiri eèpa igan ne dd fwẹ dọ bi uba. ¹¹Ọgbọna asigiri eèpa wọ na, bibe rọn bi mi ga nẹ ya ka ba ka fọ ikiba nẹ ya. Wọ ọgbọnẹbẹ yọ ayẹ ewe nọ ọọre akọ e ke siye fọ ẹ dọ bu ba na.¹²Isubu oṣoro nẹnẹ ba ka ta mẹ ẹkare nẹnẹ bi me filọ ọba na, ọgbọna be siye inyapu nẹnẹ wọ ududu ogben ofuruṣu na, yọ egben nu uru mẹka ga nẹ ya ka, "Ẹtaka we nika tẹ yọ je ne guru wije, nẹ wẹ je ije nẹnẹ wọ ofuruṣu imu na?"¹³ E file yọ egben nuru ẹborẹ a ga nẹ ba ka, "Ne fọ mọ iken na yẹ na ka gba oro ọbẹ nẹnẹ ṣe ebi wọ ugbola na aka ṣa gure nu. Nẹ yẹ rẹ ya. ¹⁴Ubowo nẹnẹ a fọn na, nẹ yẹrẹ ya fọn ni din na ga nẹ ẹfẹ na bọ ubowo na ka, 'Otitero gẹ ka, "Ẹtẹ ka a wa mọọ ẹfa ofifilẹ nẹnẹ me ke we je ofuruṣu imu aka mọ egben nuru mẹ ka a na?"'¹⁵A ka fọ ẹfa nẹnẹ ṣa na nẹnẹ bi guru aka ọmẹma na yẹn nọ. Ni guru ẹfa ayẹ kakẹ tọ." ¹⁶Yọ ẹgbẹn nuru mẹ ka mi fura yọ iken na yẹ. Bi di ne tọọ ẹpẹn fẹyan akọ e siyẹ ga nẹ ba na, bi di ne siye ofuruṣu ijen akọ́ ee siye ga nẹba na.¹⁷Ọgbọna iý bẹrẹ na, a ṣa aka yọ ebẹn nuru mẹka abẹ. ¹⁸Akọ bi siye ma nọ ọparẹ e je ijen na, Ijesu gẹ ka, "Ẹgẹba ayẹ ẹ ga nẹ nọ ọnẹ, ọọ̀rẹ iwu nẹnẹ ma mọ e jijen ọ ọparẹ ọnẹ na, aka fọ mọ yẹn." ¹⁹Abẹ fẹyan ibe be, abẹ ọọ̀rẹ ọọ̀rẹ e e ṣin ya ka, "Amẹ ya họn?"²⁰Ijesu gunowo a ga nẹ ba ka, "Ọyẹrẹ anọ ẹfọkẹbọrẹ iwu ya, ọnẹnẹ ti bile ṣin nọ uba fi lo ọbọ ọwọrẹ e jije na. ²¹Aká Osibina ogben a ka yọ akọ bi siye wọrẹ nẹ ya na. Ama fẹlẹ ẹ oṙ ọnẹ nẹ nẹnẹ a ka fọ Osibina ọgbẹn yẹ na! Eke fu rọn ka bi ma bẹ wọ ẹrọ."²²A kọ bi siye jije na, Ijesu fọ ẹkara a gọ okurubile wa mọ, aṣa pẹn ya. A a nẹba ọyẹrẹ ọyẹrẹ a gẹ ka, "Na mọ, ọnẹ a wa mọ iwu pe nẹ." ²³E di na fọ uwebi, a gan mọ ẹba, a a nẹ ba, bi ke a wa. ²⁴A ga nẹ ba ka, "Ọnẹ a wa mọ ẹyọn nẹ iye jọ ọọ̀pa nẹnẹ na, ẹyọn nẹnẹ bi gun ma nọ ero ọyọyọ na. ²⁵Ẹgaba ẹ ga nẹ nọ, me ke pila ma nọ wa ilikutu nẹnẹ wa evini ẹka na, e ṣi na emu nu bẹ nẹnẹ ma ka eẹ yọ owo i Tẹda eéẹen na."²⁶Ọgbọna bi ti ye eguru na,bẹ pọ yọ olivu ọrẹ. ²⁷Ijesu ga nẹ ba ka, "Anọ fẹyan na ka falẹ, bẹ wọrẹ ka, 'Ma ka nẹmẹpẹ fon mọ ọsẹlẹda, yọ ududo a ka pan wara.'²⁸Ama ọgbọna ma palẹ ṣa na, ma ka yọ nẹrẹ fọ mọ Egalili." ²⁹Ipita ga nẹ ya ka, "Ada kavero fẹyan falẹ, ama a ka falẹ."³⁰Ijesu ga nẹ ya ka, Ẹgaba ẹ ga nẹ wọ, amọnẹ ẹ amọnẹ, ujogwe ọnẹ ṣana ọkọkọrikọ e ki yi isẹebọrẹ we ke yu ru mu isèeta." ³¹Ama Ipita ka, "Ada ka imee ke si fo, me kee yuru wu." Abẹ feyan e din si ya kobfọ uba tu uloko.³²Bi jejenre ẹfẹna be yọọ Egetsemani, Ijesu ga nẹ yọ egben nuru meka ka, "Nẹ ma karẹmọ eẹ̀kọ ma yọ siye adura." ³³A fọ Ipita, Ijamisi akọ Ejoonu bi le iwu esiye ẹdọ a a fọ yi wu edi ne bi ibe efuwa. ³⁴A ga nẹ ba ka, "Mọ uṣi e me pile di fọ onunuma ọnẹ nẹnẹ e ni ka fọmọ re ọsọ owo. Ni jọmọ ẹkọnẹ nẹ kẹ ṣẹlẹ oripopo kẹkarẹ mọ."³⁵Akọ e siye turu aá yọ na, Ijesu falẹ wi je e siye adura ka eé su osiye, ewakati ọnẹ e furu ya yẹ ṣun. ³⁶A gẹ ka, "Abba, Tẹda, ẹpẹn fẹyan su osiye aka awọ. Mo nọó uwebi ọnẹ fura mẹ ẹrẹn. Ama wa mo ibe opin, ama aá weka."³⁷pila ṣa ṣa to ba ka be bwe, a ga nọ Ipita, "Isimoni, u we bwe họn? Ume sidi ma mọ ṣẹlẹ oripopo nọ ewakati oyẹrẹ? ³⁸Nẹ kẹ ṣelẹ ni di na kẹ gadura ni me di fọ mọ ọmabalẹ. Efunwẹnfunwen aye e ni ama a dọ iwupe." ³⁹E di ne ki jeje yọ je no siye adura. E di ne ki lo egan nẹnẹ ata yi lo na.⁴⁰Ọgbọna edi ne ki pila ṣa na, e to ba ka be bwe, bayẹ di ne run. Bi me di nọ ẹkẹna ba ka ga nẹya na. ⁴¹E di ne ki ṣa isọ ọtẹtaro a ga nẹ ba ka, "Ine ki bwe ni di ne file? Aromegan! Ẹwakati ayẹ ere. Balẹ! Osibina Ogben bẹ fwẹ dọ mọ iluwero abẹ uba. ⁴²Ni fura; tẹ kẹ yọ. Balẹ ya, ẹfẹna aka fọmọ yẹn na e turu a ṣa."⁴³Ọgbọna e ki wọ ẹga ayẹ a ga na, Ijudasi, ọọ̀rẹ ẹfọkẹbọrẹ iwu, ṣa, aka ero ọyọyọ nẹnẹ a yẹrẹya na bẹ kọ ọgbọnọ bila, oligbo, fu rọ asigiri eèpa, isikirabu abẹ akọ isuda abẹ. ⁴⁴Ẹfẹ na fwẹ yẹ na fọ opipeli yẹ ba, a ga ne ba ka, "Ọnẹnẹ ma fọ owo dọ owo na ayẹ ya. Nẹ sẹ ya ne fwẹ ke ne ju wọ ubu. ⁴⁵Ọgbọna Ijudasi rẹ na, iganigan ayẹ eé ni Ijesu yọ a ga ne ya ka, "Otitero," e mi fọ owo do yo owo. ⁴⁶Ẹ ga bi siye sẹ ya nẹ.⁴⁷Ama ọọre ibiwu nẹnẹ turu to ba na, wuna yọ ọgbọdọ we ṣa a a ṣe nọ asigiri eèpa nọ utunro ọtọn wije. ⁴⁸Ijesu ga nẹ ba ka, Ini ve ṣa, ṣa sẹ oyiri họn, akọ ọgbọdọ bilọ oligbo ni di sẹ mọ họn? ⁴⁹Ogbona I wọ inọ etin isubu I ye te etempili, ni ma sẹ mọ. Ama ibivsiye ọnẹ ka fẹyan nẹnẹ bẹ wọra wọ emumu ọwọnwọn na e di wọ ọṣẹrẹ." ⁵⁰Ero fenyan nẹnẹ jọ mọ kẹ ọọ Ijesu na bi ke mu ne.⁵¹Oforo ọbẹ, nẹnẹ fọ ẹsa nẹnẹ e me run na ri yiwu na, aá yẹrẹ Ijesu. Ọgbọna ẹnanẹ sẹ Ijesu hẹ na bẹ sẹ ya. ⁵²Ee tebi yọ ẹsa ayẹ e mu nu akọ ẹbọlẹ.⁵³Bẹ fọ Ijesu yọ aṣigiri ọkẹka yẹ ẹfa. Aṣigiri eèpa, isuda akọ isikirabu abẹ furu kọ ya. ⁵⁴Akana, Ipita a yẹ rẹ urun, rọ ogbona bi ya fọ mọ asigiri okeka ubo etin na. A má kẹẹ ẹna nẹ a ṣẹlẹ ẹfẹnẹbẹ na, nẹnẹ a wọ ẹra ka ee gu ifu fura iwu.⁵⁵Akana, asigiri eèpa aka Ijuwuṣi ọpa fẹyan feyan bivye nọọ ubedi nẹnẹ ba ka jọ ufo nẹya na. Ama bi ma gba kẹ ẹna kide. ⁵⁶Abẹ ọyọyọ gọ ubedi nẹnẹ a ma wọ ikwa ẹka na to ẹ, kẹ ga kẹ ga, bọ ubedi a ma ṣẹrẹ.⁵⁷Eben fura joomo bẹ fọ ubedi iṣoma ẹka bi a ṣe ya; Bi ka, ⁵⁸"Te wọ ya ka, 'Me kee pupuse etempili nẹnẹ be fọ uba mẹ na, ma ka mọ ọbẹ nene bi ma fọ uba ma na isubu ẹẹ̀ta."' ⁵⁹Kẹ ẹga, bo ubedi ama ṣẹrẹ.⁶⁰Aṣigiri okeka fura jooma iibọ etin e ṣi nọ Ijesu ka, "Ẹna nẹ ume di gunowo na? Ena a wọ ubedi nẹnẹ ere nanẹ a ga a sẹ wọ naá? ⁶¹Ama e me guna bi owo. Isọ oboro, asigiri ẹẹ̀pa di ne ki fwṛ ṣi ka, "Awa wọ Kristi, Ogben nẹnẹ su okurubile na?" ⁶²Ijesu ka, "Amẹ ya; wa ja gba Osibina Ogben ọgba na aka ma nọ ọ uba ojije uwogbigbe nẹka na, eke di na ṣa akọ idudurudu nene wọ ọ Osibina ẹẹṣẹn na."⁶³̣igiri eèpa fẹnẹ yọ alẹgbẹ a gẹ ka, i ti pile su ẹfẹna a ka ga ekena e si ye na hon? Nẹ wọ enako nẹnẹ a ga na. ⁶⁴Ẹ na wa nọ ibe opin na. Abẹ fenyan be ṣẹn nebe mẹ ya ka abọwọ ka be wan ya. ⁶⁵Bẹ ẹbẹn tọ efuwa e ri ya, bi ri ya yẹn bi di ne fo yẹ pẹ ga a nẹya ka, "Gẹ ẹsẹ!" Utunro abẹ bẹ sẹ ya bi ya nẹya.⁶⁶Akọ Ipita siye wọ ubo ayẹ ewu na, ọọrẹ utunro oyegben nẹnẹ mọ asigiri ẹẹ̀pa ne siyr utun na ṣa toẹ. ⁶⁷A gba ka Ipita e wẹra, e turu toẹ a balẹya a ge ka, "Awó, uubile ẹnanẹ a yẹrẹ Ijesu, Enasareti ro." ⁶⁸Ama e yuru ya, a gẹ ka, "I me din i me dine di nọ ẹkẹna wa ga na." E fura e ṣu yọ oripopo owo. Ọgnọnẹbẹ ayẹ abẹsẹ osoro yii nẹ.⁶⁹Ama utunro oyegbe na ye di ne ki gbẹ a tọme a ga a nẹ ẹnanṙo jọmọ ẹfẹnẹbẹ na. "Oro ọnẹ ọọ̀re ibi iwu ya." ⁷⁰Ama e di ne ki yuru ya isọọ ọọboro. Ọgba keke nẹnẹ ẹnanẹ turu tọ Ipita a gẹ ka, "E gbe ta yẹn ka, ọ wa ọọ̀rẹ ibiwu, ubaka Egaliliro ọ wa."⁷¹Ama a tọmẹ ee ṣu wa yi wu adan e di na bọ ọpẹn, "I me di nọ oro ọnẹ nẹnẹ na ga yẹ ga ọnẹ na ime din ya. ⁷²Ọgba ȯonẹ be gọọ a yẹ abẹsẹ yi isọò oòboro. Ọgba ọnẹ bẹ ayẹ Ipita ṣa yẹn ẹga nẹnẹ Ijesu ga nẹ ya ka: "Ṣa na abẹsẹ e ki yi isẹ ẹbọrẹ, we kevyibru mu isẹẹ̀ eèta." E biwu fu wa e e yi iwo.

Chapter 15

¹Urorọn mu jujo, aṣigiri abẹ fẹyan fẹyan ṣa kojese akon enane wesuda akon iscribu aka Ijewisi rabe feyanfeyan. Ogbon nebe be panre Ijesu ke, be fowen ayoo béé fowe don mo Epilati uba. ²Epilati sạ sin yan ka, awa wan Ijewisi ro obin?" Áá guna yan owon ka, "O gen ke." ³Ashigiri abe epan mi sạ ako étoye ore oyoyo.⁴Epilati diyen ki fow shin ka, uma gengan ore oyoyo be we ko etomu. ⁵Ama Ijesu éma pila guna Epilati owon, aka éé mivsa jin ne Epilati owon fuwa ke ma gun nowo.⁶kana ogban nene be siyen osisiyen na yan. Epilati su osisiyen ka ayen aki jin oro oroore fura ewan ibe ewanro nene béé nena, ⁷asạ su oro oforo nene béé yen Ebarabbasi newo ewan akon enane esi yutun odudu akon béé wan noro na ne fura iken ééto na. ⁸Igule sạ ton Epilati, béé ton yenpin ka a siyen nebaben akone esiyen siyen aka abe igan na.⁹Epilati sạ guna ba owon kạ "Inenikan itebin neno Ijewesiro Obin? ¹⁰Ubaka éé din ka, Igoli uba ayan wore nene ashigiri eoan fon Ijesu don yanyen uba. ¹¹Ama ashigiri abe be pan sạ gbe erokoro egule ne joome na ka bi yen oga pososi ka bi tebi Enarabbasi ne baben, bi ju Ijesu wobo.¹²Epilati sạ guna ba owon, ediyan gen ka, "Ena neni ka esiyen nene Ijewesiro Obin?" ¹³Béé yogan bi lamo kạ, "Kayan won oti ogbala!"¹⁴Epilati sạ meba gen ka, "Ena awon odudu nene nitoo iyuba na, ama bi diyen ki yin oga bilamo aka amo ka, ka yan wo oti ogbala. ¹⁵Epilati mesạ seyen one béé ne na éé jin Ebarabbasi neba. Áá sạ foyan jen Ijesu aka éé diyan fowe don ba uba ka béé ka yan wow oti-ogbala osi.¹⁶Ognamekoro abé fowe fon ipọọ yoo be sạ yen ogbamekoro ebuba jese. ¹⁷Béé fon epurupulu éwara file Ijesu, béé sa wọ omuu ako ewon, beyen file yepan. ¹⁸Béé sạ men pan aneyan ka, "Aton ékuru ano Obin Ijewesiro eka na bi áá men pan aneyan.¹⁹Béé fon ogbondo atenyepan aka bi diyan tenye fuwa. Bidiyen gumekute béé fenpan ade ijen aneyan. ²⁰Ogbona béé fob siyosi ke na, béé fanyen sạạ epurpula aka edina fon ayen ebenba esạạ filee aka bi sạ fon ataa ayoo efen na neke wen fon wo oti-ogbala na. ²¹Oro oforo oben, Isimoni Ecyreni eka sạ ẹ́sun masa iken nayen (áá yen awon ededa no Alexander aka Irufusi) aka béé fon iwu ogbingben senyan ka amaa Ijesu fon oti-ogbala ayen.²²Ogbamekoro abe fon Ijesu ren efen na beyan igolgota na. (Nene béé fon elaran yen "Efen na bi ren erokoro ewon na"). ²³Béé fon ewiyini nene béé bile ako emyrrh, ama amaa wen. ²⁴Béé kayan won oti-ogbala osi, bee sạ ruwan yen wuru biyan tenba iyosi, béé yen ni ka béé den one ogbameko oroore eke tiuen na.²⁵Ubaka ogna otetaro erumeka bekayan won oti-ogbala osi. ²⁶Iyanpan béé wora, ekena esiyen na wamo. "Obin nene won Ikewesi eka na." ²⁷Éyen fee, béé kan mo oyiri ebore wuyen fee, oben uba ojinjen aka óbọrọ uba oboruba. ²⁸Akone bi siyen wore igan na, emasu emake 15:28, Osibina egan fiyen negan ka, béé ganyan bele enane amafon uburu si utun na.²⁹Abẹ nene esun na peliyan, béé gbumepan be diyan genka "Aleyan! awom ne ake se Etenpulu shi nijen na, Udiyan fow maa isubu eta iwu, ³⁰Na wewu aka udiyen wolo sạ oti-ogbala osi.³¹Akone bi ki siyen fow esiyosi onena ayen kọ iscribus, béé gen ka, "Áá na ero fan ema din na yewu fan. ³²Adaka Ikristi, Isrealiro Obin ayen owan, wolo sa akana oti-ognala osi, aton edin gbawon, ti din na nawonwon." Enane be ka oti-ogbala kenyan na, din na gengan woyewu.³³Awuge opono eren iwu, nene ujoo eguwen efan feyan fayen na, jene ren augo ubon-oyere iwu. ³⁴Ogbun neba iwu Ijesu yiwon venṣa aka owun okeka ka, "Eloi, Eloi, Lama Sabachthani?" Onene be diyan sere egan ayen epan ka, "Mosibina, Mosibina, ena wonre nene uteyi mu wejen na?" ³⁵Erokoro ebe nene joomo efen nebe na won yen gan béé gen ka, "Nebaleyan, áá yen Elijah."³⁶Oro oben mune, afon aden osese wow yowon aka eka-ikayin, efile oti, aren yan file yowon ka awen oro oforo ayen hen ka, ne joomu ten gben adaka Elijah eke wolo sạ fon wejen na." ³⁷Ijesu misạ yoogan aka owun okeka fen sạ sana éfọ. ³⁸Esạạ nene beyen rie etempulu na ruwan won ẹbòrée, wososi jenere ijen.³⁹Ogbona osi-utun Osibina ubovnene abale Ijesu ayen na, gben ka efo oripopo one na, anowon ka, "Ikuwenka Osibina Ogben ayan wan one." ⁴⁰Edeyen ki su oro iyaro nene joomu won efe na fonmore na. Ibewu oro aka Emaria Magdaleni, Emari (Ijamesi wuyan, yo dạ aka Ijosesi). ⁴¹Ogbona áá wọ Egalili béé yereyan bediyan siyen okotoro aneyan ero iyaro oyoyo ibi wu yereyan sa Ijerusalemu.⁴²Ogbona iyi abere na, ubaka isuubu ayen wan emuna ban kọ esạạ ano eyew ofilee isubu na. ⁴³Ijoseph nene won Arimathea sạ efen neben áá wa efen na bi kuru ano wa igule, awa oro oyere nena joomo akare Osibina ipenpen na. Áá filoko fon jenen ton Epilati aka adiyen shin yan no Ijesu yewu pen. ⁴⁴Oji noro owon fuwa ayan wan no Epilati igbona awo ka Ijesu so ba fon ke⁴⁵Ogbona Epilati din fura osi-utun Osibina ubo oben uba na, eyanka Ijosefu afọn Ijesu iwu-pen. ⁴⁶Ijosefu yin no elilen esạạ. Áá fowe wolo sạ oti-ogbala osi, afo elinen esạạ pare yan, sana afo file otare na apan na ibe, áá misạ gbe yotare ari otare ayen owow. ⁴⁷Emaria Magdalene aka Emaria, nene wow Ijosesi gban efen na biren Ijesu iwu pen wo na.

Chapter 16

¹Ọgbona ọsisụbú suu na, Emaria Emagdalene, Emaria Ijamesi Wiya, akon Esalome fon iturari nene béé kéé gberi Ijesu iwu na. ²Uron mujujoo, isubụ ọsọlrọ ọsẹ, béé suun mayoo ọsọ ogbon nebe eyi vesạ ki.³Béé áá gan anabe ka, "Era eke aka, maa ton gbeyotare fura ọsọ one owon áá. ⁴Ogbona béé pan mayen pọ na, béé gban ka otare ayen, be gbeyen fura, ubaka otare okeka yan.⁵Béé fob ọsọ ayen aka béé gban oro oforo nene file ewuru okukuru na, áá mano uba ojinjen ẹfán, aka béé sạ woka. ⁶Áá gạn nebaka, "Nima somo orore ano eni Ijesu, Enazareti, nene béé kan wọ oti-ognala na. Áá sọmạ fạlẹ sạ! Áá mạ pịlạ wekone. baleyan efen na béé bore wo ma. ⁷Ama yoo, gan ne égben orum meka abe aka Ipita, áá yoo mẹrẹ Egalilee. Efen na neke we gben akone esiyen ma no gen na."'⁸Béé venyo fura ọsọ ake ásạ jin ba owow fuwa béé ámone bea áfale oripopo béé sa be maa gan ne koro oyere, ubaka orore sạ ásọọ bạ.⁹(Authority) ¹⁰Áá sạ gan no enane wu yefan na, akone bi siyen biben efuwa aka eyiwow na. ¹¹Béé wow ka áá kiwero aka áá file yutun ne bạnẹe, ạma béé maa newow.¹²Akone epan nẹnạ nẹ siyen sụu nạ áá sạ fon iwu yen oripopo ọbọbọ no abe ebore akone béé siyen jenje afen ike ayen na. ¹³Béé jenjen jena gan no yegben nụrụmro ạbẹ ama béé ma naba wow.¹⁴Ijesu mi diyen ki fon iwu yen ạbé efokonokonoro akon ne béé siyen maa gbeli abe itabulu osi, aka áá maba gan onawow nene bi me suna aka ibu-uloko oshishile, ubaka béé ma nawow enane gbe yayen ogbona ayon sọma pale sạ na. ¹⁵Áá gan ne ba ka, "Ne venyo ero feyan feyan, aka ne ke pọ epenpan noboro nero feyan. ¹⁶Efen na nawow ako ano uba ofoyere na baka ne fan, aka áá maa nawow bake yuruyan wejen.¹⁷One awa amin nene áká wa no enane nawow na: Imi wuru béé ke gu efunwenfunwen neduda vanyo. Beke diyan fen elare owowo ke gen gan. ¹⁸Béé ka fon ba tie epen nedudu pososi, aka adaka béé waa epenkepen nene dina wan noro na, eke siyen be gan. Baka fọ uba yẹrẹ ẹnanẹ è é nyan, na akà fọ bi iwu gan."¹⁹Akọ nẹ Idu siye ma ba gé egà nạ àà mi ṣa pọ yọ Ọsibina efạvàká ạmạ no Osibina ụba ọjinjẹn fạ. ²⁰Yẹ è gben nọ rum mẹkạ ạbẹ sạ yọ bẹ mi nạà gạ Osibina è gạ fạ fẹyán fẹyán, uba ka Idu gọ bụbạ ụtụn àká yẹ gạ à pẹn re fọ ịwụ ịbẹ tịn.

Luke

Chapter 1

¹Ero ọyọyọ tuba bile ka bẹ wọra eke na nẹnẹ ṣa ṣu ke na itọ etin. ²Akọ nẹnẹ bi siye a dọn buba na ero ẹnanẹ we erisoro fọ ba nyẹn gbena akọ okotoro nọ ẹga abẹ. ³Egan nọ esiye wọ oboro nẹ mo nẹ, ubaka ini ẹga igben ka bi din wọrẹ, ka ba yọ ọtọtọmẹ awọ Itiyofilosi nẹnẹ kpoina na. ⁴Ka u din di nọ ẹpẹn fẹyan nẹ bi tewu na.⁵Ogba ne wa Ihẹrodu obin nẹ wọ Ijudiya ẹka na, Asigiri ọnẹ nẹ be ye Esakaraya na oṣin nẹ wọ Abijah na; yo ooro Elisabeti a wọ ubane nọ Erọnu. ⁶Abẹ ẹbọbọ wọ ọṣẹrẹ ro Osibina ẹrẹn, bi e jejen nẹnẹ eme su ebeé í yọ ububuru fẹyan Idu mọ ọrẹ na. ⁷Ama bi me su egben uba ka Elisabeti wọ ugbeni, abẹ ẹbọbọ turu áapọ ibọ ẹyẹn.⁸Ọgba ọnẹbẹ Esakaraya wọ Osibina ẹrẹn, e e siye yutun ọnẹ je gbeliya na. ⁹ Akọ ese wa bọ osiye na, Asigiri nẹ utun eke to na ka bẹ fọ mọ utun na, Bẹ ṣa bi tiyẹ ka a fọ mọ Etempili ka akẹ nọ iturari. ¹⁰Apẹ asama san jese wọ ọyen biye siye adura ogbona ba kẹ nọ iturari na.Ọgba ayẹ Angeli ¹¹Osibina ẹka ṣa fọ yi iwu yẹn ya ejọmọ wọ ubojijen ọkẹ yọ ẹfẹna be fọ iturari ekpese wo na. ¹²Ọgbọna Esakaraya gbẹ na yibe be ọrẹrẹ ṣa pina ri ya. ¹³Ama Angeli ga nẹ ya ka, "Uma sọmọ ọrẹrẹ Ẹsakaraya, wa adura na. Wọ ooro Elisabeti a ka bọ ogben nọ oforobnọ ọ. We ke ye yọ iwuru Ẹjọọna.¹⁴We ke su ibe ọrọrọ a kọọ ẹbẹbẹn, aka ero oyoyo eke feẹ nọ ẹbẹbẹn iyọ ọbẹba. ¹⁵Aka dọ oro ọkẹka Osibina eren. Ee gbadọ awọọ éwaini ayẹ to ka adẹ oṣi ṣile, eke fe nọ efwenfwen nọ owọnwọn kaba wuya ibe.¹⁶Ero oyọyọ ubane Isireli eke pila ni Idu bosi ṣa. ¹⁷Eke jọ mọ wo yọ Idu ẹrẹn iyọ ẹfwẹnfwẹn akọ iwogbigben nẹ wọ Elijah ẹka na nẹke bila woko ne bẹ ẹdẹda to ọ egben akọ ọtọmọ sisi toọ ẹga odindin nẹ wọ ọṣẹrẹ na ka ẹ guru ki wije kẹ karẹ Idu ero nẹnẹ kwesa a karẹya na.¹⁸Esakaraya ga nọ Angeli, "Gana me ke siye di nọ ọnẹ a? ka mo ooro ti ye ayẹrẹ iye ẹyẹn." ¹⁹Angeli guna yọ owo ka, "Amẹ Gabrieli, nẹ jọmọ Osibina ẹrẹn na i bi file mu ka ẹ ma wọ gẹga, ka ẹ ga ọwọwọ oboro nẹ wọ. ²⁰Onẹ uba! we ke pile di ga ẹga rw ọgbọna ẹpẹnanẹ aka ṣa ẹfọ na. Ubaka uma na mọ mẹga wọ, ẹga na ka ṣẹro ọgba nẹ aka sa na.²¹Akana, ero a ka rọ Ẹsakaraya e jin bo owo fu wa ka e lo ọgba etempili ibe. ²²Ama ọgbọna e wu ṣa na, e me pile di gẹ ga nẹba. Bi peli ya ka ogba ẹsẹ ọgbọna e wọ etempili na. E mi na fọ uba a gọ ega a nẹ bẹ uṣuṣu. ²³Ọgbọna opunpun isubu ṣun na, e fura ayọ ubowo.²⁴Ọgbọna isubu ẹnanẹ ṣun na yọ ooro Elisabeti wọ iwu ẹbarẹ sun na upi a sẹ yọ iwu ẹbẹbẹ. A sa gẹ ka, ²⁵"Ọna a wọ ẹkẹna Osibina siye nẹ mọ na ọgbọna a balẹ mọ aka yọ ese ọfẹka ka ẹ di mu mọ ubi fura ayẹn erokoro ẹrẹn.²⁶Ọsẹn ọpọnọrẹ ro, Osibina file Angeli Igaburẹli yọọ iken nẹ wọ Egalili nẹ be yọ Enabareti na. ²⁷ Nọ oyegben nẹ e ni ka ayẹ su ofore nẹ wọ Ijosefu, nẹnẹ wọ Edafidi ubanẹ, oyegben ayẹ e gbọọ Imari. ²⁸Eni ya ṣa a ga nẹ ya, "egan wọ awọ nẹnẹ fe nọ ukukurubile na. Idu jọmọ gbe li wu." ²⁹Asa ẹga ayẹ ṣa lọgọsẹ wo ya yẹn e ji yọ owo fuwa ẹkẹna ẹga ma yẹ wa nọ na.³⁰Angeli ayẹ ga nẹ ya ka, "Uma sọmọ ọrọrẹ Imari, ka ọ gbọ okukuru bile Osibina ayẹn. ³¹Gbẹẹ, we ke sin iyoo iwo epuru wa ka bọ Oògben noforo. We ke yeẹ yọ iwuru 'Ijesu'. ³²Aka wa oro ọkẹka, be ke ki ye yọ Osibina nẹ fọrẹ na ogben. Osibina aka fọọ ẹẹse nẹ wọ Edafidi ubanẹ na nẹyan. ³³Eke jobin wọ Edafidi ubo nẹ ero nẹnẹ e me su ọtaá na, eke sọ okwi kwe iyẹ́ eẹ́sẹn.³⁴Imari ga nọ Angeli ka, "Gana ọnẹ e ke si ye ṣẹrọ a a, Ọgbọna me mi di nọ oforo na?" ³⁵Angeli gu nẹ yọ owo a ga nẹ ya kq, "Efwẹnfwẹn ọnwọnwọn e ke holo fọ wi iwu, aka iwogbigbe nene wọ Osibina nẹnẹ wọ apanapana eke ri wu. Ọwọnwọn ro nẹnẹ ba ka ba na ayẹ be ke ki yọ Osibina ogben.³⁶Baleya wọ ọda Elisabeti ka yẹ wọ iwu ẹbọrẹ iyọọ ọdọ dọn. Ọṣẹ nọ nẹ a wọ ọsẹn nọ ọpọnọyẹrẹ ro ayẹ amá na ka na, ẹfẹna bi ka a wa ugbeni na. ³⁷Eme sẹkẹna eme so siye nọ Osibina na." ³⁸Imari gẹ ka, "balẹ, ama wo óye gben okotoro nọ Idu. Te yi e siyẹ gan da akọ nẹ usiye ga na." Angeli ayẹ mi tebi ya.³⁹Imari ṣa fura ọgbọnẹbẹ alakata pọ ọrẹ ishin yọ Ijudiya. ⁴⁰Asa a yọ Esakaraya ubo ga mọ Elisabeti. ⁴¹Ọgbọna Elisabeti woọ Imari ẹgan na ogben nẹ wọ iyiwuna fura pososi, Elisabeti asa efe nẹ Ẹfwenfwen ọwọnwọn.⁴²A pa mọ ọwọ e yọ ọgá ka, "Ukukuru bile awa noọ iyaro etin akọ ukukuru bile awa nọ omumu nẹnẹ wọ wogben nubo na. ⁴³Ẹna nẹ a ṣẹ̀lẹ to mu ka iya nẹnẹ wa mọ̀ Idu wuya na ṣa tt mu? ⁴⁴Balẹ ya, ọgbọna wẹ ẹga to mọ ọtọn na ogben nẹ wọọ ogbenu bo na furu pososi nọ ẹbebẹn. ⁴⁵Ukukuru bile ana nẹ ẹfẹna nawọ ka ofife aya ka wa ẹkẹna Idu ga nẹ ya na."⁴⁶Imari gẹ ka, mẹ Ẹfwenfwen fọ uyeyi nọ mọ Idu, ⁴⁷aka mẹ ẹfwenfwen fe nọ ẹbẹnbẹn nọ Osibina nẹnẹ wa mọ onafa na.⁴⁸Ka abalẹ mọọ́ ọlọ́n ma awuma nẹnẹ yọ ovan ni iyaro ẹka ma na, nẹ gbẹ, wa amọne yọọ ubani feyan ẹrọ eke mi ki ye mọ okurubilero. ⁴⁹Ẹfẹna gbẹn ẹba na siye ẹpẹn nọkẹka ọnẹ nẹmọ, aka yi iwuru awọ ọwonwọn, be ke ki yemu okuruno.⁵⁰Yeyi aka da nọ ubane jenero ubane ne enane suú yọọ ọrọrọre na. ⁵¹Aafọ yọ iwogbigben yẹn, a tẹlẹkẹsẹ ẹna nẹ aakọ agumabo na aka bọ iroro woko ẹka.⁵²Aá tọọ ibin negbe abẹ holo ṣa iya apa emi ṣa fọọ́ ọlọnro abẹ pọ. ⁵³Efeé ẹnanẹ awọn a ṣe na akọ ẹpẹn niboro, ama ẹnanẹ su arọn na e gu ba ve akọ uba ufolo.⁵⁴Aa fọ oguba nọ Isireli yọ ọ́ okotoro, ka bi di yẹn ka bi sun eyi. ⁵⁵(Akọnẹ esiye ga nẹ bẹ ẹdẹda abẹ) nọ Abrahamu aka yọ ubane nẹrọ nẹ eme su ọta na.⁵⁶Imary ma kẹ ọ Elisabeth nọ oṣen neta iyuruba epila yọ ubowo. ⁵⁷Ọgba re ka Elisabeti a boo ogben edina bogben no foro. ⁵⁸Yọ osinro aka yọ ukuba abẹ wọka Idu fọọ́ yọ eyi ayẹ nọ okeka bale ya, bẹ ṣa mẹ bẹn.⁵⁹Yi isubu ọnọkọnọkọro be sa fọwẹsẹ ogben naiyẹ. Eeba bi ki ye yọ Esakaraya nẹnẹ wa wẹda iwuru na. ⁶⁰Ama ogben nayẹ wuya gunuwo ka "Ẹ hen. Be ke ki ye yọ Ejọọnu". ⁶¹Bẹ ga nẹ ya ka, "Eme suu ẹfẹna nẹ wọ inukuba nẹnẹ be yo iwuru ọnẹ na".⁶²̣ fọ opipeli yẹn wẹda akọ ne bi siye ni kaa bẹ bẹ yi iwuru. ⁶³Wẹda su e ṣin ka be fọ Ẹẹwọra ọọ̀parẹ nẹ ya yẹba wọra ka, "Yọ iwuru e gbe Ejoonu." Jin bowo fuwa na.⁶⁴Iganigan yọ owo jin yọ ėlarẹ tọra. A gega asa fọ uyiyeyi nọ Osibina. ⁶⁵Ọrọrẹ sa pina ri ẹnanẹ bẹ ga nẹ nọ ike nẹ na nẹ ke wọ ọrẹ osi Ijudia na. ⁶⁶Ero ṣeṣe nẹ wẹga yẹ na bi ye wọ ibuloko, biya ge ka, "ena ogben na yẹn a ke ṣina a?" ubaka Idu uba jọn gbeli ya.⁶⁷Weda Ẹsẹkaraya ṣa fe nọ Efwenfwen nọwọnwọn a gẹsẹ ka, ⁶⁸"Uyiyeyi awa nọ Idu, nẹ wọ Isreali Osibina na. Ubaka a sa guba osepan nẹ wọ ọnẹnafan nẹ wa yọ ero abẹ na.⁶⁹ọ ọfọpọ nọ tọnẹnafan nẹ tọ, Edafidi yọ utunro ubowo we ṣa. ⁷⁰Ako esiye gẹ iyọ ẹsẹro ọwọnwọn owọ abẹ ka bọ esubu ṣa na. ⁷¹Ọnafan fura itọ ebero uba aka fura ẹ nanẹ e goli tu na.⁷²Eke siye ẹnanẹ ka a fọọ yọ eyi ayẹ balẹ tẹda abẹ aka bẹ yẹn yọ ọḷ̀pa ọwọnwọn nọnẹbẹ, ⁷³Ọpẹn nẹnẹ amọ tẹdeda Abrahamu ba na. ⁷⁴E jọ ọpa nẹto ka akọnẹ bi siye natọ fan fura itọ ebero abẹ uba, ti ki siye okoto kẹnẹya ti masọ mọ ọrọrẹ. ⁷⁵Ọọ ọwọnwọn akọ ọsẹrẹ iyẹnrẹn ọgba fẹyan.⁷⁶Ẹ èh, aka awọ, ogben, be ke ye wọ ọọgẹsẹ nẹnẹ fọrẹ na, wa ka yenren guro oripopo, nẹ yọ ọṣesa. ⁷⁷Ka bẹ fọ udindin nẹ wọbọnafan nẹ yero abẹ nẹ ofepan gbun nẹ wọ iluwe ẹkan na.⁷⁸Ọnẹ aka sẹro ubaka Osibina yọ eyi. ⁷⁹Ke di ba nẹ ẹnanẹ wọo esiri na aka ẹnanẹ wọo uṣi nẹ wọ ufo ẹka na. Eke siye ẹnanẹ ka edi tetu ọrẹ yọ iwuọbẹbẹnẹ.⁸⁰Akana ogben gwe asa eṣile o efwenfwen,Ewo odan mo bile jene rọ ọgbọna a fọ yi iwu ye nọ.

Chapter 2

¹Akana ogba ẹnabẹ, isisa ọgọtọsi fọ ọ ma ga file ka ogamero ẹpan nẹpan a sẹro nọ ero fẹyan nẹ wọ ije osi na. ²Òna wọ ero ọgẹgan ọgbọna ikuyirinọsi jọọ Ẹgọvọnọ isiriya na. ³Ọnẹbẹ uba, ero fẹyan ṣa yọ bọ iken ka bẹ fọ iwuru wije nọ ero ogenga.⁴Ijosẹfu kaa yẹ yọ Ẹgalili, iken nẹnẹ be yọọ Enasaretu, yọọ Ijudiya genere Dafidi iken, nẹ be yọọ Ebẹtilẹhẹmubna, ubaka e wo ukuba nẹ wọ Dafidi ẹka na. ⁵A yọ ẹfẹnẹbẹ akọ Imari jẹ na fọ iwuru wije, nẹ bẹ bẹlẹ wije edina wọ iwu ẹbọrẹ na.⁶Akana, a ṣa ṣun ka ọgbọna bi wẹ ẹfẹnẹba na, ọgba rẹ nẹnẹ aka bọ ogben na. ⁷Asa bọ ogben nọ oforo yọ ogben osoro, Afo esa e guru yi wu a fọ ẹ bu ee wọọ ududo obwe ẹfa na bi gu mẹsa na.⁸Oṣẹlẹ ududo ẹnanẹ wọ osin nọ nẹ bẹ nẹ ba ṣẹlẹ bọ ududo ẹfa ogandala ojekeka na. ⁹Angeli Idu mẹka fi wu yen ba, akọ Idu mọ ugbugbodi pi yẹn gegere ba, ọrọrẹ ọkẹka gun ma ri ba.¹⁰Angeli ṣa gamẹba ka, "Ni ma sọmọro rẹ ubaka ẹ fọ fọọ ẹbẹnbẹn nẹ ero feyan. ¹¹Amọnẹ bẹ ba tọ onafaan ro nẹ tọ iken nẹnẹ wọ Edafidi èka na, ayẹ a wọ Ikristi tọ Idu! ¹²Ọna awọ opipeli nẹnẹ ba ka nẹwo na: wa ka gbọ ogbẹn nayẹ ka bẹ fọẹ eẹ̀sa bẹ parẹya bẹ fọe bwe wo, udodo ubor.¹³Iganigan, ọkọbile nẹ wọ Angeli abẹna akọ erokoro a sama san Osibina ẹẹsẹ bẹ fọ uyiyeyi a nọ ¹⁴Ugbogbodi awa nọ Osibina ne wọ apa na aka iwọ bẹbẹrẹ wọ ero aka, erokoro ẹnane yọ ibe rọn to na.¹⁵Aṣa ka, ọgbọna Angeli abẹ fura bọrẹ mi pọ yọ ososina, osẹelu odudo ga nabẹ ka,"Ni jọmọ tẹ yọ Ẹbẹtilẹhẹmu ti di na gba ẹkẹna sẹlẹ na, nẹnẹ Idu a yẹn tọ na. ¹⁶Bi mune yo, bi tọ Imari Ijosefu, aka ogben no owowo aye, nẹnẹ bẹ fọọ bwe ududo ubo na.¹⁷Ọgbọna bẹ gbẹ na, bẹ ganẹya ẹẹse nẹnẹ bẹ ga tọ ogbenayẹ na. ¹⁸Enane wọ na, awa eken a jin bowo fuwa na nẹ ẹkẹna osele ududo abẹ ga nẹba na. ¹⁹Ama Imari e roro fẹyan nẹnẹ ayi ke wọ na e dine bẹ na se ya iyọ uloko. ²⁰Ọṣẹlẹ ududo abẹ pila ṣa, be fọ ugbugbodi aka uyiyeyi a nọ Osibina nẹ bi ke wọ aka one bi ke gba na, akọ bi siye ga nẹba na.²¹Ọgbọna isubu onokonokono a yọ a kwe na, ogbona be ni ka bi fuwẹsẹ na, iwuru neya Ijesu, iwuru nẹnẹ angeli abẹ ya nẹ ya sana bi ya wa yọ iyo iwuja ibe na.²²Ọgbena ọgbare opuwa wọn sun na, akọ Imose ububuru siye wọrẹ na fọẹ fọ mọ etempile nẹ wọ Ijerusalemu ka bẹ fọẹ dọ mọ Idu uba. ²³Akọ bi siye wọrẹ wọ Idu uburu na, "Iforo fẹyan nẹ wọn ogbe nosoro ji wuya ogbenuba na ibaka ti yobo nọ Osibina. ²⁴Bi mi siye iyanpun akọne ̣ bi siye gẹ Idu uburu na, "Esokpa ẹbọre sa ilekuku ẹbọrẹ nẹnẹ gwe aṣa na.²⁵Uuh gbẹ ṣo, ẹdẹda ọbẹn wa mọ ni Ijerusalemu nẹ yọ iwuru e gbe Simeoni na, oro ayẹ ọsere ro ya ako ofayen yere. Aṣa ee nọ ofun mi be no Isreali, Efunwẹnfunwẹn onwọnwọn jọmọ gbeli ya. ²⁶Ẹfuwẹnfunwẹn ayẹn ya ka a àka fayẹn gba ufo ṣa na edi kẹ gbo Osibina.²⁷Akà ẹfunwẹnfunwẹn se fwẹ na, saa itempeli. Ọgbọna ededa akọ iya fọ ogben Ijesu, ka bi siye akọ bi siye wọrẹ wo ibo obuburuna, ²⁸A fọẹ dọn a fọ uyiyeyi nọ Osibina, agẹ ka, ²⁹Ọgbonẹ jọmọ wọ okotoro efura akọ̀ iwobebere, Idu akọ wọ ega si ye wa na.³⁰Ubaka mo ayẹn gbọ onenafan, ³¹Ne usiye yọọ ọrẹ wo ije akpẹ fẹyan ayẹn na: ³²Ọsu nọ wọ ọfọyẹn nọ ikwe ro abẹ akọ ugbugbodi nọ Isreali erona.³³Wẹda aka wuja ojinorowo fuwa, yẹro ẹkẹna bi kwe ga yẹro ogben nayẹ ẹpan na. ³⁴Isimeoni fọọ okukuru bile nẹ bẹ a g nọ Imari nẹnẹ wa wuja na, "Uuh ge sọ ogben nọnẹ ayẹ bi tiye nọ ọfẹfale aka ofufura nero ọyọyọ ọọ̀ Israeli aka opipeli nẹnẹ bi yuru na_ ³⁵Ọgbọdọ aka fọn wọ uloko_ ubaka ẹpẹn nẹ wọ ero oyoyo uloka à á yẹn."³⁶Ọgẹsẹ ọbẹ nẹ bẹ yọ Ana wẹ ẹfẹnẹbẹ. Aya wo Epanueli ogben nẹnẹ wọ osin ne wo Aṣa na. Ewo yọ ọdodon abi ka yọ oforo bile aàma nọ ẹyẹn nu fọmbọrẹ akọ e siye suya oyegbe na ³⁷E wọ ikukuru nọ ẹyẹn igbo fu kọ etina. Eme ṣo ogbọna eteyi etempeli wije na ama a siyọ okoto akọ awẹ, ako adura, kujo kerun. ³⁸Ẹwakati ọnẹbẹ e turu to ba a ga mọ Osibina ẹba, a ga ogben na yẹga a nọ ero feyan nẹnẹ a karẹ Ijerusalemu yọ ọnafan.⁴⁰Ogbona bi ma gbẹna, bi pila yọọ Ijerusalemu, bi ye ni ya ẹfẹnẹbẹ ⁴⁶Isubu ẹba ṣuun, be gbe yọ ẹtempeli, amanọ otite rabẹ etin, ee pi ba tọn ediye ṣin bẹ ga, ⁴⁷Ẹrọ fẹyan nẹ wọ ya na jinowofuwa ubaka yọ odindin aka yọ owo oguguna.⁴¹Wẹ da aka wiya de ki jw nọ Ijerusalemu eyen neyen nọ imu ọnẹ wa ofuruṣu. ⁴²Ògbọna awa ẹyẹn ẹfọkẹbọrẹ ro na, bi di ye ki yọ akọnẹ bo osisiye ogba siye wana. ⁴³Ọgbọna bẹ ma ne isubu ọpanẹ aàbọka be ma ne na ni imu ayẹ na, Bi pila ṣa ubo. ama Ijesu ama yẹrẹ ba pila yubo yo ẹdada akọ wuya bi me din. ⁴⁴Bi roro ka e wọ ero nẹnẹ bi bile yọ ubo na etin. Bi mi tọme bi ye niya ibọ ukuba etin ako ere abẹ⁴⁵Ogbona bi ma gbẹna, bi pila yọọ Ijerusalemu, bi ye ni ya ẹfẹnẹbẹ ⁴⁶Isubu ẹba ṣuun, be gbe yọ ẹtempeli, amanọ otite rabẹ etin, ee pi ba tọn ediye ṣin bẹ ga, ⁴⁷Ẹrọ fẹyan nẹ wọ ya na jinowofuwa ubaka yọ odindin aka yọ owo oguguna.⁴⁸Ọgbona bẹ gbẹ na, ejinbowofwuwa wuya ga nẹ ya k, "ogben, enane usiyakọ siyetu na? Balẹ nẹda aka amẹ wu umi nẹ teniwu na." ⁴⁹Aganẹ ba ka, ẹna wọrẹ nẹnẹ nẹ ni mu na? ini me din ka me ke siye mọ ẹdada utun họn? ⁵⁰Amaà e me ye ba ẹkẹna à ga aka ẹga ẹnanẹ na.⁵¹Asa ayere ba yubo ne wa Nazarethi na, aka ẹpa nọ ọtọtọmẹ ne ba. Feyan feyan nẹnẹ e siye ẹnane na wọ ẹkẹna fọ wuya ẹgba nẹ funa na. ⁵²Ama Ijesu e gwe wọ odindin ọrẹ, iwupe ọrẹ ako Osibina eèyi aka yero abe nko Osibina.

Chapter 3

¹Ẹyẹn ẹfọkupiro nẹnẹ Itibariusi caesar we e jobin na, Epontius pilate ayẹ wọ ọ Ijudiya ẹgọvọnọ Eherodi aya wọ Tetrarch wẹ Ẹgalili, yọ da Ifilipi wọ Tetrarch won ifena beyo Ituraea aka Etrachoritisi akọ Lysanias aya wọ tetrach wọ Abilene. ²Aṣigiri ọkẹka ẹpan Annasi akọ Icaisphasi, Osibina yẹ ga wole ṣa tọ Ejoonu Ezechariah ọgben ọdamo bile.³Ayọ okaminasa ne wo Ijordani na aga Osibina ẹga, ediya gẹ ga ororo ibe pila nẹ ẹpan nogbungbun ne iluwe.⁴Akọ bi siye wọrẹ wọ ọgẹsẹ Isaih emumu na wọra na ka "Oro eyi oga okaminasa ka guru Idu oripopo, tabi yọ oripopi ewo ọṣẹrẹ.⁵Upolon fẹyan beke fie, ore aka otutu feyan baka se ṣina ije, oripopi na ma yọ ọsẹrẹ na beke tinya emi yọ ọṣẹrẹ oṣi nama nonmuro na, me ke siye orpopi wamo. ⁶Iwupe feyan aka gba Osibina yo nafan.⁷Ejoonu gano ero ọyọyọ ne ve aṣa ne keri momo na, aga anẹba ka anọ ẹpẹn ẹnanẹ wo idudu na egben. Era ganẹnọ ka nimune fura okẹkan nasa na?⁸Ni mụni ilukutu ne ke wọ roribe pila na, ni ma gẹ ka ti su Abrahamu nẹnẹ wa tẹ ẹdẹda na, osiba dia fọ ẹgben fura nọ Abrahamu ọtarẹ ẹnanẹ.⁹Akanọnẹ ọdọ wije ne baka bọrọ oti ẹ yen oti koti ne ma munibire oboro na baka ṣe ya bi gun mẹ we ra.¹⁰Akpẹ abe ye eṣiyan ka ẹna teke siya? ¹¹Eguna bowo ka ẹfẹna esu ėsa ẹbọrẹ na ada fọyere nẹ ẹfẹna i mesu na, kẹ fẹna die su ijen na esie ẹgan sie.¹²Ka ẹnanẹ ana amanana ṣa ka eribabẹ imomo, bẹ gan neya ka otitero, ena teke siya? ¹³Agan nẹba ka, bima nọ ọ ikiba fọrẹ ọpa nẹ bẹ ganẹ ba ka bẹ nana.¹⁴Ọgbamẹkọnro abẹ ṣiyan ka abewo? Ẹna abẹ ekesiya? Aganẹ ba ka bima fọ iwogbigben nọ ikiba fura ero uba, bi me diya ṣiṣoma kuru ikiba nẹ be duna ba na efile bayẹn¹⁵Ero ro fayẹn woripopo ka Ikristi aka sa, eroro diye roro ibibe ka sa Ejoonu aya wọ ọ Ikristi aye na. ¹⁶Ejoona gu nowo agẹneba ka ayi riba imomo aka ebi, amaa esu ẹfẹna asa na, esu iwogbigben fọrẹ yayẹ ayi me gwe ka aye tọra yọ ėbata oyi. Eke rinu imomo aka efunwenfunwen nọ wọnwọn aka ẹra.¹⁷Yọ ọ utumẹpẹn fẹyan dọn ya nẹnẹ eke guru ẹfa feyan na, eke diye jese yọ egin wọ ọ uturu.Enanẹ wọ esahọna aka fọ ẹra kẹnẹba era nemesu¹⁸Ako ogboruloko ẹbeoon Ejoonu diya pọ ẹpẹpan noboro anọ ero. ¹⁹Ako bisie wo ka Eherodu Etetracha na aka ẹpẹn idudu nene Eherodu sie na. ²⁰Edia fo onẹ bilamọ aka ayi ju Ejoonu won ẹnwan ubu.²¹Ọgbọna ero feyan kwe rimomo kwe na, ko ọ Ijesu die rimomo aka esiye agbadura na, ososi jin. ²²Efunwefunwen ọwọn won iwepe ọre eholo ṣa aka ilekunu na, bẹ wo owo Osibina ẹsẹn ka "One awa mọ ogben nẹnẹ ini yẹga na miberọn to na."²³Ọgbọna Ijesu tọme yutun na (ako erokoro sie gẹ na) Ijosefu Eheli ogben. ²⁴Emuthati ogben, Elevi ogben, Emalchi ogben, Ijamnaili ogben Ijosefu ogben.²⁵Ijosefu, Ematayasi ogben Amos ogben, Enahun ogben, Esli ogben, Enaggai ogben. ²⁶Emaath ogben, Emattaci ogben Esemiri ogben, Ijosefu ogben, Ijoda ogbe.²⁷Ijodasi, Ijoana ogben, Irhesa ogben, Izerubbabelli ogben, Esalatjieli, Enerisi ogben. ²⁸Emetchi ogben, Addi ogben, Ecosam ogben, Elmadam ogben, Er ogben. ²⁹Ijoshua ogben, Eliezar ogben, Ijorimi, Emattai ogben, Elevi ogben.³⁰Elevi Isimeoni ogben, Ijudah ogben, Ijosefu ogben, Ijonam ogben, Eliakim ogben. ³¹Emalea ogben, Emenna ogben, Emathathasi ogben, Enathan, Idavidi ogben, ³²Ijesse ogben, obed ogben, Iboazi ogben, Isalmoni ogben, Enashomi.³³Enashoni wọ ọ Amminadab ogben, Admin ogben, Ami ogben, Ehezroni ogben, Eperezogboni, Ijudah ogben, ³⁴Ijacob ogben, Isaac ogben, Abraham ogben, Eterah ogben, ³⁵Enahor ogben, Eserug ogben, Ireu ogben, Epeleg ogben, Eber ogben, Eshelah ogben.³⁶Eshelah Icainan ogben, Arphaxed ogben, Eshem ogben, Inoah ogben, Elamecj ogben. ³⁷Emetjuselah ogben, Enoch ogben Ijared ogben, Emahalateel ogben, Icainani ogben, ³⁸Enos ogben, Seth ogben, Adam ogben, Adam, Eseth ogben.

Chapter 4

¹Ijesu efe nọ efunwenfunwen nọwọ wọn, ọgbọna iwọ Ejọdani ọgbọlọ sa na, efuwenfuwen ọwọn ọwọn fue ọwọn fue yo ọdanmọle. ²Isubu ibore, esu mẹ bale. Emẹ je kena kide isubu ẹnabẹ awọn sẹya ọgbanẹbe.³Esu ganẹya ka, "adaka osibina ogben nawa a sọ ọtare ọnegbe si no ekara. ⁴Ijesu gan neya ka "ama wo o ije ayayẹrẹ aforo amunẹro"⁵Esu da fue pọyo, afo erọ feyan yen ya.⁶ Esu ganeya ka aye aka fọ ọ ububuru akabo ugbugbodi neya Esu ka feyan enane biya neya ye efena bareyayena, aye diya nọ. ⁷We di tome epan upun mu, feyan aka da weka.⁸Ijesu gane yaka "Be wore wije ka, wọ ọ osibina Idu ayayere weke pan udie sie yeka".⁹Esu da fo Ijesu yọ ọ Ijerusalemu afue yo etempulu osi aganeya ka "Wa wo osibina ogben suwa hole ekone.¹⁰Be wore ko Eke file yọ ọ Angel abe ka, bi ri wu." ¹¹Ba ka fọ buba se wọ umedi fo sen kọre otare.¹²Ijesu gu neyowo aka be ge ka uma ma wosiba Ededa bale" ¹³Ogbone esu mo ọ Ijesu bale kena, etebiya de re ogboben"¹⁴Ijesu pila sa Egalilee aka efunwenfuwen iwo gbigben, ero ọyọyọ ke wo okanimasa ọnebe. ¹⁵Atomem eete Isinagọgu, erokoro feyan biye yeyiya.¹⁶Asa Enazarethi efena bi we seleya na, aka esie wa bije epen na afọmo isinagogu Esabati isubu efura, apamowo pososi agan ya. ¹⁷Ikokori nene ogese Isaiah wore na, biya neya, ejinya agba efena be wore ka.¹⁸Osibina ye efunwenfunwen wo miwu uba ka afo amo gbari mu eke pọ yepepan no boro no ọ iwaro, aka ọtọtora nọ enane be pare na, ayi diye jinọ ọ openayen ayen. ¹⁹Ayi diya ga eyen ne wo Idu yafa na.²⁰Eri ikokori aye ipile no uturun ro abe afigben ma. Ero feyan ne wọ ọ isinagogu na gọn yayen. ²¹Amaba agega "Amone be ga osibina yega neno" ²²Ero feyan ne wefenebe na ga yega oboro, aka ega oboro ne viyowo evasa na, biyesin ka "Ama wọ ọ Ijosefu ogben na wọ ne?"²³Aganaba ka "Ikwa eka me ke te uteten one ne mo "idokita fọ wiwu gan. Feyan ne te wọ ka usie e capernaum na die siye olonebe i wiken." ²⁴Aga ne ba ka ikwa emesu gese ro me yo iken ro da kuru no na"²⁵Ikwa, maka ganenọ ka ikukuruda yọ wọ Israel, Elijah ọgba nene ososi ju eyen neta aka osen nọ poloyere, oboro odudu sa iken aka osin no ne be. ²⁶Be me file Elijah ne kabo royere, eme fura ka ikukuruda ama nọ ọ efena beyọ ọ Ezaraphati sidonna. ²⁷Ero ọyọyọ ne su ekumata ope na yo wo Israel Elisha Ogese ogba, eme su onene afi wu gan na, emefuraka Enaamari Isiriaro.²⁸Ero feyan ne wọ ọ Isinagogu na kan niwu, ogbona be wo ega enanena. ²⁹Be kpan fura, be fọ ieogbi gben fue fura iken yọ ọfa ogoli goli ne wo ore na ne biken ma, biye nika bi pi yoko oneaye. ³⁰Esun mi betin, ayo efobe.³¹Esun yo ecapernani Egalilee osin, e ete ba Esabali isubu. ³²Yọ otite ne tena ejin bowo fuwa uba ka uburu aye agega.³³Isinagegu esu ededa ọben ne su efunwenfunwen odudu na, eyọga pososi ³⁴A! Ena etotu atekawa Ijesu Enazarethiro? Osa ka ufutu họn? Idin efena owa na awa wọ ọwọn wọn Osibina.³⁵Ijesu mo ọ efunwenfunwen ayega "Oma gega vesa fura yiwu" ogbona efunwenfuwen ededa aye falena, evesa furayiwu, eme sie kena kide.³⁶Ejino ero ọyọyọ owo fuwa bi ke gan anaben be ka "Eya ọla ọna awọna?Agọ buru aka uburu, efunwenfunwen ni dudu ke visa" ³⁷Yọ elagasa erọọ efa feyan osin no be.³⁸Ijesu efura Isinagogu afo mon simon ubowo. Simon yọ ọ ooro wiya iwu emesire, iba seya, be teyeya ekwin. ³⁹Efura jọmọ, eyi ọga ro iba aye, iganigan, iya aye efura esio oko to aneba.⁴⁰Ogbona iyi bere na, be ko igun ro sa tue afo uba yere babe feyan afọ abe feyan iwu gan. ⁴¹Efunwenfunwen no dudu vesa aben ọyọyọ iwu, bi ke e eyi ọga ka "Awa wọ ọ osiba ogben" Ijesu ama efuen fuen abe ga, eme yaba ka be gega, uba ka bi din ka aya wo ikristi.⁴²Ogbona usie gan na, ayo ọ efenane ero ma mana. Ero ọyọyọ ke eniyan, be sa toya etene be Bi me nika bi teya ka ayọ. ⁴³Aganeba ka "Aya ka gọ osibina ega nọ ọ osin nọyọ yo, uba ka ekena wore bi file yaye sa na awone" ⁴⁴Aga no osibina ega Isinagogu Ijudea feyan.

Chapter 5

¹Akana a ṣa ka erokoro tẹkiriko Ijesu bi di ne patọ a nọ Osibina ega na, ka e jọmọ wọ ogbolo ọọ̀tọ newọ egennesareti ekana. ²A gbọ oo ọkọ ebi ẹbọrẹ oògbolo otòn. Osayẹrẹ abẹ bi wọn iyọ ibe weṣa biye puwa ba agẹ. ³Ijesu fọ mọ ọkọ ebi ẹka nẹnẹ wọ Isimoni ẹka na, a ga nẹ ya ka eturu fọ mọ ẹbibẹ keke. A ma nọ iyibe ee te ero abẹ.⁴Ogbona keke. A ma nọ iyibe ee te ero abẹ. e tee ba ke na, a ga nọ Isimioni ka, "Wọ ọkọ ebi ẹka fọ mọó ẹfẹna lon na a nẹ yọ ayẹ wọ ebi. ⁵Isimoni gunowo ka, "Mọọga, ujofeya tiye siye ùtun ti ma gbasẹ, àmá akọ usiye gẹ na, maka holo magẹ abẹ webi" ⁶Ọgbọna bi siye ọnẹ na, bẹ sayere ọyọyọ, bage aáfẹna. ⁷Ọnẹ uba, bi yọọ ero nẹnẹ bi bilẹ a sayẹrẹ e bile na, ka be ṣa go babẹ uba. Be ṣa be. Kọ ayẹrẹ fọọ ọkọ ẹbọbọ nẹnẹ egbe kaka ọkọ ayẹ a fọn mebi.⁸Àmá Isimoni Ipita, ọgbọna a gbena, egunmekuten wọ Ijesu ikwin, ageka, "Tebimu ka iluwe ro ẹwa, mi Idu." ⁹Ọnẹ jibowofuwa, aka ẹnanẹ bibile we ẹfẹnẹbẹ na, oyere ọyọyọ ọpanẹ bẹ gba sẹ na. ¹⁰Ẹnanẹ wọ ẹfẹnẹbẹ na wọ Ijamisi aka Ejọọnu, Izebebe egben, nẹnẹ wọọ Isimioni ọbawọ na. Ijesu ganọ Isimioni ka, "uma sọmọrọrẹ, ubaka wakanayọ erokoro we ke mi ke sẹ." ¹¹Ogbona bẹ fọọ ọkọ ebi ẹka rọ ebi ọtọn na, bi tẹbi ẹpẹfiya bi mi na yẹrẹ ya.¹²Asa ọgbọna a fọn mọ iken nọ kẹka ọbe na, ẹdẹda ọbẹ nẹ fẹ nọ ekumatada wọ ẹfẹnẹbẹ ọgbọna a gba Ijesu na, a falẹ gu mayen ri aá tẹẹ ekwi, ka, "Idu, we ki ni, udina fọ mi iwu a gan." ¹³Iganiga, Ijesu yọruba dẹ ya, agẹ ka, "me ni ṣin nọ ọnwọnwọn" Igannigan aye ẹkunmatada fura yọ iwu.¹⁴Aganeyaka ama ganẹ korọrẹ ama a ganẹ ya ka, ke yọ wọrẹ yọ uwa fọ iwu yẹ nọ Aṣigiri ọ fọọ inyapun nẹ wọ opua wọn, ako imose siye buru ya na ubedi nẹ ba."¹⁵Ámà yega sạ san wara ne nọ efororo erokoro ọyọyọ ṣa ka bẹ wọ yọ otite bi dina nọ iwu ọgẹga fura yu na. ¹⁶Iṣoyoyo ada yon dan jena gbadura Ámà a da ki wuna yùrú yọ ọdan je na gbadira.¹⁷A ṣa e ṣun ka, ọgbọna ee tẹba na, Efarisiro akọ otitero nẹnẹ dinọ obubururu nẹnẹ wọ ike obobo ṣa Ẹgalili ako Ijudia ako Ijerusalemu. Idu iwogbigbe dọn ya ka afọ ero iwu gan.¹⁸Akana, iforo ẹbẹn ṣa akọ ọbẹlẹ nẹnẹ ẹfena fọ ọṣẹ nakọ uba na, bi eé ni akọne be ke siye foẹ fọmọ ubo nẹnẹ a ma na bi fọẹ wọ iyẹrẹ. ¹⁹Bi me di gbọrẹ fọẹ fọmọ ubo akọ erokoro siye yọ na, ega nẹ pọ ubo osi, bi sẹ holo wọn ubo etin ọdọrẹ nene wo ibo ẹpa na, wọ Ijesu ẹrẹn.²⁰Ọgbọna agba bọ ọnawọ na, Ijesu ka, "oforo bẹfọ wiluwe ẹpan gbuwuke." ²¹Isikirabu akọ Efarisiro tọmẹ biye ṣiyẹ ga, "ka, Era wọ ọrọnẹ nẹnẹ a gọọ ẹnakọ ona a? Erab edina fo ẹpagumoro ama dọ Osibina?"²²Ámà Ijesu, ọgo, na eveyayẹn ẹkẹna be roro na, eè gunowo à á gẹ nẹba ka, Onaabereparioga, befowiluwe "Ẹnanẹ nẹ ne ṣinọ oṣiṣi ọnẹ inọ uloko ah? ²³Ku nididinka ọ̀ ọ́ na a bẹrẹ ọ ga, Bẹ fọ ẹpan gun wu' aka ka, 'fura uki jeje'? ²⁴orokoroogbe ṣoiwogbririgben²⁵Iganigan ẹ fura ibẹ ẹrẹn a fọ yọ ọbẹlẹ nẹnẹ e bwe na. Emi yọ yubo a fọ́ọ́ ugbugbidi a no Osibina. ²⁶Ejinọ ero fẹyan owo fuwa be fọ uyeyi a nọ Osibina. Ọrọrẹ fọn biwu, bi a gẹ ka Te gọọ́, ẹkẹna ayẹ ne mi gba gbá na amonẹ." ega one sunkena, Ijesu we furefenebe agbo amanaro negbo Elieli na amana.²⁷Ọgbọna ẹnanẹ ṣun na, Ijesu fura ẹfẹnẹbẹ a gbọ uturu. Aganeya ka, "Yeremo" ²⁸Ilevi fura à á yẹrẹ ya, e tebi fẹyanfẹyan nẹnẹ e su na wije.²⁹Ayẹ, Ilevi we siye ejeme, ọkẹka nọ Ijesu iyọ ubo. Ẹnanẹ a ma amana yọ wẹ fẹnẹbẹ akọ ero oyoyo nẹnẹ mane opara e jije na. ³⁰Àmá Efarisiro aka Isikiraburo bie huhunu anọ yegbe nurumeka ka, "Ẹnane neje niyawa akọ onamana akọ iluwero na?" ³¹Ijesu gunabowo ka, "Enane bo iwu siyena a yọ ọbaligwro ẹfa; amada ẹnanẹ eyanaa. ³²Ima ṣa nọ osherero, ama daka iluwero nọ ororibe pila.³³Bẹ ganẹya ka, "Ejọọnu yọ egbenurunmeka bidakẹ nawẹ aka adura ogba feyan, aka Efarisiro. Egbenurunmeka dekisiye." ³⁴Ijesu ganẹba ka, "Esẹfẹna dina sọ ẹnanẹ ayẹrọ ẹfẹna afọ ovia na ka bẹ kẹ nawẹ, nẹnẹ ẹfẹna afọ ovia na ki wo betin họn? ³⁵Ama isubu a ṣa nẹnẹ ba ka fọ oforo ayẹ fura ibọ etin na, ogbọnabẹ aye ba ka nọ awẹ na."Ijesu tọ utiten nẹba. "Emesu ẹfẹna aka fene fura ewuru owowo gawọ ewuru osunsun Esiye ẹgan siye, ewuru owowo aye, owowo ayẹ yẹsẹsẹrẹpẹ aka mọ ewuru osunsun suú utun.³⁷Emesu ẹfẹnẹ ada fọ ewayini owowo wo upiri osunsun na. Esiye, ewayini owowo aye aka pẹno upiri ayẹ, ewayini ayẹ eke guma fuwa kọ upiri ayẹ eke be. ³⁸Ama ewayini owowo bè é ke wọ upiri owowo. ³⁹Emesu a wa ewayini osunsun e da be fọ owowo nẹya yẹ, aka ga ka, "Osunsun arọmuro fọre ekemi geka, osusun ma runmorofore."

Chapter 6

¹Ọnẹ ṣẹro Ẹsabati isubu Ijesu è é ṣun mọ egin neru ako yọ egbenurumẹka abẹ biya sẹyọ egin nẹpa biya kukuse yuba a tan. ²Àmá Efarisiro eben ka, "Ẹnanẹ nẹ siye ẹkẹna obuburu ka bime siye ẹyẹ ofile isubu na?"³Ijesu gunabowo ka "Ini mesi gamọ ẹkẹna Edafidi siye ogbona awòn asẹ ya na, Aye aka iforo nẹnẹ wọ iyẹfa na? ⁴Afọ mọ Osibina ubo e ti yọ ekara nẹnẹ biya wọ Osibina apasẹ e jẹẹ a mọ edina nọ ẹnanẹ ayẹrẹ ya na ka bi jẹ̀ẹ̀, èsí wa ka asigiri abẹ ayare edina jẹ̀ẹ̀ na." ⁵Emi ganeba ka "Orokoro ogben wọ Idu ne eyofile."⁶E di ne ki ṣero Esabati isubu ọbẹn ayọ Isinagogu ete ẹnane wọfẹnẹbẹ na. Ogbennoforo ọben wẹ fẹnẹbẹ nẹ yuba ojijen welegede na. ⁷Iskriburo akọ Efarisiri wefenebe bituru niyayo biya balẹya sa aka fọ oriwu gan Esabati isubu na, erigana bidi kurubẹ. ⁸Edin nẹ kẹna be roro na, aganẹ ẹfẹna yọ uba welegedena ka, "Fura jọmọ erofeyan eren." orayẹ fura jọmọ ẹfẹnẹbẹ⁹Ijesu ganebaka, "Iṣinu, njẹ e wọ obuburu ka bi siye oboro abi odudu, ka tẹ noro fa abi ti bapẹ fua?" ¹⁰A ṣa abalẹba gegere agane oraye ka "Yore wuba weṣa" Esiyegansiye yọ uba pila woṣore. ¹¹A ṣa iwu aàkaba bi a ganabẹ ekena be ke siye Ijesu na.¹²Edina ṣa ka isubu ẹnabẹ ka ayọ ọrọsi je ne si yọ adura. E si yọ adura fọ mọ esobẹka no Osibina. ¹³Ọgbona epẹn kpanna, eye yọ egbenurumẹka, etiye ẹfọkẹbọrẹ ibiwu nẹnẹ a fọ iwuru nọ nẹ wa Apostoli eka na.¹⁴Apostoli abẹ iwuru wọọ Isimoni (nẹnẹ abọọ Ipita na) aka yọ ọdabẹ Anduru, Ijemisi, Ẹjọọnu Ifilipi, Ẹbatilomewu, ¹⁵Ẹmatiwu, Ẹtọmọsi, Ijemisi nẹwọ nfeyusi ekana, Simoni nẹbeyọ Isiloti na, ¹⁶Ijudasi Ijamisi ogben, akọ Ijudasi Iskaroti, nemi sinọ osifowanọro.¹⁷Igan aye Ijesu kọba holo wọ orosi ṣa wo ije nẹnẹ lẹ ẹ ya yẹ na aka yegbenurumẹka bilọ ero ọyọyọ wọ Ijudia akọ Ijerusalemu aka ebi ọkẹka ọ̀ọ̀ton ọne Ẹtaya aka isidoni ẹkana. ¹⁸Bi we ṣa ṣa piyaton aka bẹ no ọkẹsẹ ibọ̀ọ̀ igun. Ẹnanẹ efunwenfunwe nidudu wiwuna gba ọkẹsẹ. ¹⁹Erofẹyan nẹnẹ wa akpena awọmiwu ka abidin dẹya ubaka iwogbigbe ọ fọ ero iwu ga woyiwu we asa edina fọ ọkẹsẹ nẹ abefeyan.²⁰Shana abalẹ ye ye gbenurumẹka abẹ ageka, "Ukukurubile awanọ anọ iwa ro, ubaka awọ Osibinẹẹṣẹn. ²¹Ukukurubile awanọ ẹnanẹ awọn asẹ akanana, ka wekefe. Ukukurubile awanọ ẹnanẹ eèyiwo na, ọrọnma ka wa nẹka.²²Ukukurubile awanọ ọgbọna erokoro egoliwuna, ọgbọna bẹ mowugbeli bidina akpare wetuna biyuru wiwuru akọ orokorooduduna, ubaka Orokoro ogbenna. ²³Kẹbẹn isubu ayẹ udine suwa kẹ pososi nẹ ẹbẹbẹn, ubaka egbenmayẹn ka wẹkẹrẹ wosibina ẹẹsẹn egan ba bero iṣoro abeẹ̀ siye to Ẹsẹro abẹ na.²⁴Ámà fẹlẹ nọ anọnẹ ni su arọn na, ubaka nẹna iwọbẹbẹrẹ ke na. ²⁵Fẹlẹ nọ anọ nẹnẹ ni fe kẹna, awon aka senọ iyurunba. fẹlẹ nọ anọ nẹnẹ na mọẹ nakana na, neke yukukuru neke dine yiwo esiyena.Fẹlẹ eọ awọ nẹ eroro a ga wega oboro na, ako bọ bẹro isoro siye aiye wọ ẹsẹro iṣomẹka abẹ na.²⁷"E ga ànọ́ anọ ẹnanẹ ne piyatọ na, ega nẹnọ ka ni ni neboro nidine ki siye oboro ki to ẹnanẹgoliwuna. ²⁸Fọ okukurubile nọ ẹnanẹ èè suwawadan na udine sie adura ke nọ ẹnanẹ fọọ oya e je wu na.²⁹Ne efena ekuruwu ebaṣiṣi ọsarẹ ọrẹ na, oro etiye wọ ewuru uma fo wo ibeka bebeneya. ³⁰Ẹfẹnẹfẹna eṣin wu na. Osu ẹfẹna tiye ẹkẹna wa wẹka na, ume pile ṣiya ka epilẹ nẹwọ.³¹Akọ usiye ni ka bi siye to wu na, siyẹga siye to ba. ³²We sọọ unini to ẹfẹna su unini to wu na, ẹ su okurubile nẹ wamo ne wọ na? kẹga kọ iluwero abẹ be siyẹ. ³³We siye oboro kẹno ẹnanẹ esiye oboro etowu na, ẹkẹrẹ ọna ewamọnẹwa.? Kọ iluwero de ki siyegan. ³⁴Egbeka wa bọ ẹnanẹ udinka bidine duna wọ pila na, ena wa wẹkẹrẹ amọ na? Kọ iluwero da fọ ẹpẹn kẹ bọwa bẹ, bi de dine duna pila akọ bi siye bọwe na.³⁵Ama ni webero ega udina siye oboro ki toba. Bọwọ ba ume dine roroka ekere iyuruba, wọ ẹkẹrẹ aka gbodi weka dina wọọ̀ Osibina nẹnẹ wapana ogben, ka yẹ bẹba esiye ese e tọ ọ ẹnanẹ a gamẹba na aka erokoridudu. ³⁶Sọeyi ọsọsọ ako neda siye su eyina.³⁷Uma sẹnẹkarẹ, bi ma dine ṣẹnẹkarẹ nẹ wọ. Uma ṣẹ nẹbe, bi me dina ṣẹ webe fo ẹpan gbu mero, bi di fọ ẹpan gbu kawọ.³⁸Waa, be ke dina wa wọ ofife ka bowo-rẹ ya holo, gbu ya bile eguma ki wije-e di ne guma wo wọ ọtọpa. Aka akọ usiye mẹ na, ẹgan be ke siye mẹẹ̀ nẹ wọ na."³⁹Edina gọọ̀ utite nẹba. "Eèsu osiye ka openayẹ a fọ openayẹ nọbẹ ṣẹnọrẹ họn? Ada ka e siyẹ, abẹ ẹbọbọ a ka falẹ wọ upolon, ama wẹ ga sọ? ⁴⁰Ogbennurunmẹka edina fọre ẹfẹnafẹna be te oboro na di na ke balẹ aka yọ otitero na.⁴¹Ẹnanẹ udakẹ balẹ iku okeke nẹ wọ iwọda ayẹn àmá umedinka iku ọkẹka wo wa aye na? ⁴²Gana wekesiye ganẹ wọdaka, ọda, jọmọ itiye iku okeke nẹnẹ wo wayẹ na ọgbạna awọ umesisi gba iku ọkẹka nẹ wo wa ayen na? Awọ irekureku ro onẹ! Tayi tiye ikuokeka nẹnẹ wo wayen na, ọgba onẹbẹ we kemi noboro tiye iku okeka nẹnẹ wo woda ayẹ na.⁴³Eme su oti oboro nẹnẹ di ne muni ilukutu omuẹmuẹn, eme dine su oti omuẹmuen e dine mu nọ ilukutu oboro na họn. ⁴⁴Ọnẹ uba oti obobo ayẹ bi din nọ ilukutu nẹnẹ edeki mu na. Be dine jesu ilukutu nẹnẹ wọ Ifigi ẹka na furọ ẹwọn mọ oti sa ka be kọ igirapu fura ọọ ibiria emee.⁴⁵Oroko oboro oromuro nẹnẹ e su wọ iyọ uloko na e de mu nọ ẹga oboro, ako orokoro odudu iyọ uloko odudu eke di ne ki mu nọ ega odudu. Ọyọyọ nẹnẹ wọ itọn uloko na ayọ ẹga die ki we ṣa owo.⁴⁶"Ẹnanẹ nẹ yẹ mu 'Idu, Idu,' àmá ni me siye ẹkẹna i ka nisiye na? ⁴⁷Ẹfẹnẹfẹna aṣa mẹfa awọ mẹga edina e e siyutu na ma ka ga nẹnọ efena awana. ⁴⁸Abalẹka oro nẹnẹ a mo ubo a pọ uponlo nẹnẹ lo na nẹnẹ e suyọ ubo ayẹ ọpẹpa wo ọtarẹ nẹnẹ sile na. Ogbọna ogbolo sa na, ebi ọkeka nẹnẹ a ra e sumọ ubo ayẹ na àmá ebi aye e me di gbu ya, ubaka bẹ mẹ yoboro⁴⁹Àmá ẹfẹna wọ mẹga eme siyutu na, e ki wa ka, ubo nẹnẹ bẹ ma wọ ije osi nẹnẹ yọ ọpẹpa eme wọ ọtare osi na. Ogbọna ebi ọkẹka a sa na, nẹnẹ ebi ayẹ ṣu mọọ̀ ubo ayẹ na wuru ya wije, ubo ayẹ mi ṣino ẹtapere.

Chapter 7Ọgbọna Ijesu ga ẹ ga fẹyan nẹ erokoro abẹ na, a fọn Ẹkapanamu.

²E su ọgbamẹkọnrọ nẹ su ọvan nẹ wọ ọtọn nẹ ya na, igun ni ka wan ya. ³Ọgbọna ọgbamẹkọnro ayẹ wọ Ijesu ẹga na e file Ijuro ẹkẹkaro nẹ ya, ka a ṣa fọ yọ okotoro iwu gan. ⁴Ọgbọna bi re Ijesu ẹfa na bẹ te ye ekwin ka "A wa ẹfẹna abọ ka u gwe uba na. ⁵Ubaka, eni ti iken ẹ ga, a yẹ a má isinagọgu nẹ tọ."⁶Ijesu mi ki yọ yọre a yọ. Àmá ọgbọna eme pile fọn nọ ubo na, ọgbamekanro fi le yẹ ẹrẹ ka be ga nẹ ya ka, "Idu, u mẹ juwa, ubaka i me gwe ka ọ ṣa mu ubo. ⁷Ọnẹ uùba, i me si roro ka i si a ṣa e to wu, ki ga ẹga ọọrẹ mọ okotoro aka kẹẹsẹ. ⁸Ka me wa ẹfẹna wo ugbẹn igbẹn na, ma ga nẹ ọnẹ, 'Yọ, ' a yọ, ma ga nẹ ọbẹn ṣa a ṣa, aka nẹ mo ọvan 'sie ọnẹ' è siẹ ẹ."⁹Ọgbọna Ijesu wọ ọnẹ na, e jin yo wo fuwa e bila balẹ apẹ na yẹrẹ ya na, a gẹ ka, "Ẹ ga nẹ nọ, ka Isireli i ma gba ọnawọ ọla ọnẹ." ¹⁰Ọgbọna ẹnanẹ bi file na pilaṣa ubo ayẹ na, bẹ ṣa to ka okotoro ayẹ kẹẹsẹ.¹¹Ọgbọna nè bẹ ṣa e ṣun, Ijesu yọ iken nẹ be ye Inaini na, aka yọ egbenurunmẹka aka erokoro asanmasan yẹrẹ ya yọ. ¹²Akọnẹ e sie turu to iken aye o opolowo na, bale bẹ fọ oforo obẹn nẹ bẹ fọ ve a yo re na, a ye arẹ wi ya ba (nẹ wa ikukurudu na), erokoro asanmasan wọ yẹ ẹfa. ¹³Ọgbọnẹ Idu gbẹ na, yọ eyi ṣa a sọn ya e mi ga nẹ ya ka, u me ye iwo." ¹⁴Ayẹ mi yọ a dẹyẹ ọkparẹ nẹ bẹ fọ ekporo ayẹ wo na, ẹnanẹ fọ ẹ na jọmọ ṣi. A gẹ ka, "Ikirisa, ẹ ga nẹ wọ, fura." ¹⁵Oforo ayẹ nẹ fọ na fura ma à á gẹ efura edina gega, Ijesu fene wiya¹⁶Orore pina riba feyan bẹ fo uwewi anosibina, "Esero okeka fura itogba aka Osibina bale yero abe," ¹⁷Eepannone wa Ijesu eka onena asari fọ Ijudea feyan ako osin enane coyana.¹⁸Ejoonu egberunmẹkabe ge go ne feyan. ¹⁹Igan Ejoonu yọọ ye gbennurunmẹka ebure efileba no Idu ka, "Awa we fena aka ṣa na sa te ke ben?" ²⁰Ọgbọne bi turu tọ Ijesu na egbe iforo abeka, "Ejoonu Ebatisika efile tu no ka ta ge ka, "Awa we fenashana, sa te ke karo be? "²¹Ẹwakati ọnẹbe a fọ ero ọyọyọ iwu gan fura igun aka fura ẹfunwẹfunwẹn idudu, e jin openayẹn ayẹn. ²²Ijesu guna owo a ga nẹ ba ka, "ogbọna na yọ nọ rẹ ke na, nẹ ga utun nẹ Ejọọnu ẹkẹna ne gba aka ọnẹ nẹ wọ na opẹnayẹn à á gba ayẹn ofo ọsẹn è é jenjen, ẹkọmatedaro mi wọn osiọtọn a a wo ọtọn, ero ẹnanẹ fo na bẹ sọ ma ba palẹṣa wo ẹrọ, bẹ kpọ ẹpẹnpan oboro nẹ ẹnanẹ eme su na. ²³Ukukurubile a wa nẹ ẹfẹna ama ga ka ayẹ eme pila na mọ wọ, ubaka ikpisi nẹ mẹ tie na.²⁴Ogbọna Ejọọnu yọ utunro abẹ yọ ke na, Ijesu mi ga nẹ akpẹ abẹ Ejọọnu ẹga "Ẹna ọ yọ ọdan ubeleri jen na gba? Emumu nẹ ekperi a fọ na họn? ²⁵Àmá ẹna a wo u ve yọ jen na gba? Oforo nẹ file alẹgbẹ nẹ bẹrẹ na họn? Balẹ ẹnanẹ e file alẹgbẹ ọsẹn eji na wo obin agbara. ²⁶Ẹna awọ u kpoto ve yọ jen na gba? Ọgẹsẹro họn? Ẹẹn, ẹ ga nẹ na ọnẹ fọrẹ ọgẹsẹ ro na.²⁷Ẹfẹna bẹ wọrẹ nọ nẹ, 'Balẹ, amẹ e file mu utunro yọ nẹ rẹn nẹ eko guru ọrẹ nẹ nọ na.' ²⁸Ẹ ga nẹ nọ, ẹnanẹ iyaro ba na, eme su ẹfẹna fọrẹ Ejọọnu na. Ámà ẹfẹna kere fọrẹ Osibina ẹsẹn na, e gbodi fọrẹ ya."²⁹(Ọgbọna ero fenyan wo ọnẹ na, kọ ọna amana abẹ, gẹ ka Osibina wa ọsẹrẹro, ubaka ka abe rimọmọ akọ Ejọọnu yọ orimọmọ. ³⁰Àmá Efarisiro abẹ aka odin uburu abẹ bi yuru ekena Osibina ni nẹ ba na, ubaka Ejọọnu emi rimọmọ nẹ ba.)³¹"Ẹna me ke mi fọ ero ẹnanẹ ma? Gana bi sie we a? ³²I be we akọ egben ikeke nẹ be si a are eji na, nẹ ma bi ye ye abẹn ka, 'Ti yu ufere nẹ wọ, u ma yọ a yọ. Ti tie eekpora egun nẹ wọ u me yi wọ.'³³Ubaka Ejọọnu Orimọmọ ṣa eme je ijen a ma wa ewayeni, ni mi ga ka, 'E su ẹfunwenfunwen odudu.' ³⁴Oroko oogben ṣa éè je àá wa, anẹ gẹ ka, 'Balẹ oji jen ọkorọ aka ọwa adẹ ọnelero aka iluwero ọrẹ!' ³⁵Àmá bẹ ṣẹn ese ne adayẹn i yọ egben nọ rẹ."³⁶Ẹfarisiro ọbẹn ye Ijesu ka a ṣa mẹ ya yẹ jen ijen. Ogbọna Ijesu fọn Efarisiro ayẹ ubo na, ama ọkparẹ ka ayẹ e je ijen. ³⁷Balẹ, iyaro ọbẹn wo iken ayẹ nẹ wa iluwero na. Ọgbọna a wa ka i wọ Ẹfarisiro ubo e je ijen na, a fọ amo ogberiwu nẹ wo alabasita akpalaba na yo. ³⁸Akọ e sie jomo wo yọ urun turu to yo ẹṣẹn è é yi wọ à á tẹ ẹ yẹ ẹsẹn aka yi wọ a yi mi fọ yẹ ẹpẹn epan mu yan, ayẹ mi fọ owo do yẹ ẹsẹn a fọ amọ wu yẹ.³⁹Ọgbọna Efarisiro nẹ ye Ijesu yọ yu ubo gba ọnẹ na, e mi roro i yọ iwu, ka, "A da ka ẹdaro ọnẹ wa ọgẹsẹro ebana e din oro ọla ne iyaro ọnẹ wa na na di ya ka a dẹẹ ya na, ka iluwero ya." ⁴⁰Ijesu mi guna owo a ge ka, "Isimoni, Isu ẹkẹna me ni ka ẹ ga nẹ wọ na" A ga ka, Gẹẹ Otero!"⁴¹Ijesu ga ka, "E su ọbọwọ oro ikiba nẹ bọwọ ero ẹbọrẹ ikiba na. Ọọrẹ je idenari ipi upi, yọ ọbawo je ibọrẹkakọrọfọ ⁴²Ọgbọna bi me di dune na, a fọ ẹpan gbun ba bẹ bọbọ. Ọnẹbẹ uùba ọ ọna ibo iwu eke ni yẹ ga fọ rẹ a? ⁴³Isimoni guna yọ owo a ge ka, "I roro ka ẹfẹna a fọ ẹpan gbun oyoyo na." Ijesu ga nẹ ya ka, "Ọ sẹn ọkarẹ ayẹ ọsẹrẹ."⁴⁴Ijesu bila to iyaro ayẹ abya nẹ Isimoni ka, "Ọ gba iyaro ọnẹ. E fọn wu ubo u naa wa mo ebika iye puwa ẹsẹn, àmá aye tẹẹ̀ me ẹsẹn aka yi iwo e mu ba aka yẹ ẹpẹn ẹpan ẹka. ⁴⁵U ma fọ owo do mu, àmá akọ i sie we fọn ẹkọ na ama sẹ jomo ka ayẹ fọ o wo do mẹ ẹsẹn.⁴⁶U ma fọ amọ gberi mẹ ẹpan, àmá ayi gberi mẹ ẹsẹn aka amọ. ⁴⁷Ọnẹbẹ uùba e ga nẹ wọ ka, yi iluwe, nẹ yọ na, bẹ fọ ẹpan gbun ya-ka esu unini ọyọyọ. Àmá ẹfẹna bẹ fọ ẹpan gbun ya nẹ keke na, e su unini keke."⁴⁸Ayẹ mi ga nẹ ya ka, "Bẹ fọ wọ iluwe ẹpan gbun wu." ⁴⁹Ẹnanẹ mẹ e je ijen na mi a ga i bi wu ka, "Ẹra ekpoto wa ọnẹ a ne fọ iluwe ẹpan e gbun na?" ⁵⁰Ijesu mi ga nẹ iyaro ayẹ, "Wọ ọnawọ na wọ fan. Gẹ yọ iwu ọbẹbẹrẹ."

Chapter 8

¹À esiye wụrụn ọgbọnạ Ịjẹsụ tọ mẹ yẹ ejen nẹ gegere á dị̇ ịké ẹkẹká ạkọ́ ikẹ nikeke nạ á ago Osibina ẹgo á dị yạ po é pẹn pạn oboro nẹnẹ wọ Osibina epepan ẹká nạ efọ kẹ bọrẹ yẹ fạ, ²ạkọ́ nẹ ọró iyaro nene ạfó ịwụ gạ fụrạ efunwenfunwen Idudu uba ạkó ịgú nạ Ẹ́mạrịa nẹnẹ bẹ yẹ Émạgdạlini, é fạ nẹ bẹ gụ ẹfunwenfubwẹn Idudu ụfọn bọrẹ fụrạ iwụ nạ; ³Ijọanaá, Íchuza óro Ehẹrodu ọkọtọ àbẹ pan Isusanna; àkạ à ro ọ̀yọyọ nẹnẹ tị yẹ fụrạ́ íbọ ósịsụ nẹ bạ nạ.⁴Úbạkạ èrọ koro àsạ másạ áyẹn àjẹsẹ àkạ èro koro fura íkẹ nẹ ké àsạ átạ ógạ rẹ gạ. ⁵"À erunro óbẹ fẹ yọ jẹ nẹ bịrẹ íbịrẹ èpẹn. àkọ nẹ à ṣi yẹ̀n bịrẹ nạ̀, èbẹn fạlẹ wọ òripọpo àkạ ẹṣẹn dẹ yạn sị jẹn, àkạ ònẹnẹ pịrị sạ kọ yạ. ⁶Èbẹ fạlẹ wọ òtáré ósị, àkạ àkó ne, èsị yẹ gụ wẹ nạ, à yeyi fụwạ́, ubaka àmạ gbàn ébi wạ⁷Èbẹ fale fọ ẹ́wọ́n àka ẹ̀wọ́n ma, ye gụ wẹ àkọ ibịrẹ épẹn nạ yẹ àka ásẹ ya ìfịrị. ⁸Àmạ èbẹn fạlẹ wọ íjẹ ọ̀boró àkạ emu ni ilukutu nẹnẹ yọ́ àsạ másạ nạ àkọ nẹ Íjẹsụ sị yẹ gạ epẹn nẹ nạ. Nạá, ȧạ́ yọ gạ vẹ sạ, "Efẹna fẹnạ èsụ ọ́tọn nạ áka, wọ nạ áwọ.⁹Yẹ gbẹ̀n nụ rụrọ àbẹ ṣhin yạ kạ ènạ wạ ógạ régạ ȯnẹ ígbẹ nạ? ¹⁰Áá gẹn ká, "Édạn yẹn nẹnẹ wọ Osibina ésẹẹ èkạ nạ bị á nẹ nọ́, ámạ no èrọkọrọ ẹbúbá àmẹ ten utiten, òbẹgbạ béé dị yạn gbạ, ákạ ọ́wọ wọ béé dị yé dịn.'¹¹Àkạnạ utiten à yẹ ígbẹ à nẹ: Íbịré epen à ye à wạ Osibina è gạ. ¹²Ènạnẹ fạlẹ wọ óripọpọ, àbẹ àwạ orokọrọ ènạnẹ wọ yạ na àmạ èṣụ ṣạ, tì yẹ è gạ yẹ fụrạ́ bọ èfùnwẹn ùnwẹn bí mạ dị ná wọ ákạ bẹ mạ gbạ ónáfạn. ¹³Ènáné falẹ wo ótárẹ́ na, àwạ énánẹ́ gbẹkáká bẹ́é wọ ẹ́ ga àyẹ, bẹ́é ne ákọ ébébén. Ama bé má sụ ẹ́yẹn wije béé nạ wọ nooo ògbȧo kéké, ogbona òmạ bạlẹ ṣa nạ bẹ fạlẹ́.¹⁴Íbịré èpẹn ne, fạlẹ wọ èwọn àbẹ àwọ èró kóró nẹnẹ wow Osibina è ga, nạ àma, àkọ́ nẹ bí sị́ yá yó òripópọ́ nạ, béé sạ nẹ mè gạ àbẹ fụwạ ùbá kạ bi iwo ítójụ àká íkịbá àkẹ èrọ ònẹ èpẹn àka, bẹ́ẹ́ ilụkutu ạ̀mẹ gúwẹ. ¹⁵Àmạ́ ìbịrẹ ẹpén nẹnẹ fále wọ íjẹ́ oboro, énánẹ́ àwạ èrọkọrọ, nénẹ́ wọ égạ yẹ àkạ ẹfunwẹnfunwẹn oboro, bé sé ya dạdạ àkạ bi di yẹ mụ̀ nị́ ilukutu àkọ ófụfụ àkạ íwụ ònéṇa¹⁶È mẹ́ sụ òrọ́ nẹnẹ́ pí ọ́sọ àkạ áfọ ọọ̀bọ épẹn ri yạ sị jé bọ yạ́ àfọ file Ébẹdị ígbẹ́n. Àkẹ nị kạ́ àyẹ fọ wọ èfẹ́ nạ erokoro féyạ́nféyạ́n neṇe fọ́ mo ùbọ́ ị́bẹ́ àkẹ́ wẹ kẹ gbẹ́ óṣó àyẹ. ¹⁷Ùḅá kạ è mẹ sụ ékẹ nạ bé á bẹbẹ nẹnẹ àkẹ wẹ ṣạ wọ́w ọ́gbạ́n dánlá nạ. ¹⁸Ònẹ ùbạ nẹ fọ ọ́tọn pị mạ tọn, nẹ èfé nạ sụ, òyọyọ bá ḳá nẹ yạ, àmạ ne éfẹ nạ néné ṃé sụ́ nạ, onẹnẹ èrọká à yị sụ nạ íbá ká nẹ́é fụrạ yọ bạ́".¹⁹Ògbọnạ́ èsị ye nạ, wúyạ́ àkạ uọ òdạ àbẹ sạ tọ, ẹ̀ àmạ béé me di turu re yẹ fạ ubaka erokoro àpẹ́é. ²⁰Béé gạ́ nẹ yá, "Nika aka wọ dạ abẹ àkạrẹ wọ òyẹni ni ka béé gbạ́n wọ". ²¹Àma Ijesu gúná bạ owo aka à gẹ ne bá ka, "Tiya akạ módá àbẹ awạ enạnẹ wọ Osibina è ga nạ aka bi è siyẹ na".²²Àkạnạ ísụbụ núṛún méḳá àbẹ à sạ gạ nẹ bạ kạ. "Nẹ ṣạ tẹ́ yọ́ ọṣún è bị ònẹ béé sạ sụ má yọ". ²³Àma àko nẹ bị sị yé we èḅí osi na, úbádẹẹ́ ékpéri òkéká sạ holo tó bạ èbị ọsi akạ bị imótọ́ èbi èka sáá nẹ bị èyákátá mi ṣa to ba²⁴Ogbona be iwu Ijẹsu ye gbén núrúméká ne ya sa béé sóó mẹ fúrá bi yéyẹ́n "Oga! Oga! ti ni ke fọ́ gọ áá súmá àkạ áá mẹ bị àyẹ àkạ yẹ ẹyakata gá, ususu sa iganigan ebi àyẹ eyakata jọọmọ ṣúṣú. ²⁵Éé mị sạ gạ nẹ bạ kạ, "Étéká nọ ọnawów máná? ama báá sọọ mọ rọrẹ́ àkạ é dị yẹ jị́n bạ ọwów fúwá aka béé mị nẹ ṣin àbẹ ka, "Ẹrá wọ ònẹ nạ? nene á buru èperi aka èbi wọ ònẹ nạ? nene à buru èperi aka èbi aka béé yẹ pi yá tọn?²⁶Béé súú àyọ ogbala èbi néné wạ Egerasenesi, nene wọ ọsooún nọ Ẹ́gálíleé nạ. ²⁷Ogbona Ijesu holo wọn ijẹ òyiyéyí, áá gúrẹ́ órọ ófóró wọ ike vẹ sạ néné sụ efunwenfunwen odudu. Ogban òlooolọré áá mẹ fịlẹ è sạạ aka áá mẹ pịladị mạ núbọ́ íḅé amạ áá máá nẹ wọ ȯsọ èfạ²⁸Ógbóná àgbạ́ Ijesu, áá yiwo ve ṣa àkạ à fạlẹ wụ jẹn íyẹrẹ́ aka à gẹn àkọ ȯwún mọ kẹkạ́ "Ẹnȧ wú sú ósiýé àkạ àmẹ Ijésú, Òsíḅiná nẹnẹ fȯré nạ ògbén éé tẹ wẹ ekwin úmạ fóyạ jẹ mụ. ²⁹Uba ka Ijesu uburu àkạ efunwenfunwen ke wẹ sạ òfọrọ àyẹ ìwụ́, ùbạkạ ìṣí òyọyọ àyẹ àdạ sẹ yạ sịń nị kẹ nạ aka kạkȯnẹ bé ṣiyé fọ ísẹnẹ pạ́ré yạ úbạ nạ, béé di ya fọ èrọ́ néná àbạlẹ yạ, áá dạ pọpọsé ísẹnẹ àká éfúnwénfúnwen áse, yạ égán àda, fẹ pán mọọ òdámá òbịlẹ.³⁰Ìjésú sạ ṣin yạ kạ, "Énáwá wiwúrú á? à sạ gẹ kạ, "Legoni" Úbáká Efunwenfunwen oyoyo áyé àmạ íyiwu. ³¹Béé sạ àtẹ yẹ ekwin ké mạ gu bạbẹ fạ yo ébị́ íbẹ.³²Àkọ bi sị yẹ á gạ nạ onoma éjinjén órẹ́ á ye fẹ éfúnwénfúnwén nédúdú àbẹ tẹ yẹ pịn kẹ tẹyị bạ́bẹ́ fọ mọ ónómá ábẹ íwụ́, ásạ tẹyị bá fọ mónómá ábẹ íwụ́. ³³Úbạ ka éyạ bạ éfúnwénfúnwén nédúdú àbẹ fạ fura oforo àyẹ íwụ béé fọ mọ ònómá ábẹ íwụ́, ónómá àbẹ mị sạ mụ́né wọlọ ẹfẹ nạ bẹ mạ nạ jéjé fuon mébí íbẹ àkạ bi sịyẹ ófú fúwá.³⁴Ògbóná énáné àsẹlẹ ònómá àbẹ gḅá ẹkẹ́ nạ sẹlẹ rọ ònómá àbẹ nạ,béé múné jẹnạ gẹ ikẹn àkạ íkẹn nẹ kẹ yạ nạ. ³⁵Èrókóró àbẹ fạ sạ gḅá èkẹ nạnẹ àsẹlẹ nạ àkạ bẹ sạ to Ijesu, bi dịyạ oro-oforo nẹnẹ efunwenfunwen iḍùḍú wẹ fạ sạ nạ áá mạạ́ ni Ijesu ẹgȯ, ètịyẹ́ ésạ fịlẹ. òṛóṛé sạ sọ bạ.³⁶Èńańe gbé na, sạ gạ nẹ bạ àkọ nẹ èṣiyạ gụ éfúnwénfúnwén nédúdú àbẹ fạ yọ nạ à dị nạ nẹ́é fạ nạ. ³⁷Érókóró àmạ nọ Igenesaretin na ṣa te yí Ìjéṣú ekwin kẹ fụrạ àbịkẹn, ùbạkạ yọ òṛóṛé mị sạ à san bạ, áá mị sạ fọ mọ imọtọ èbị èkạ èka kạ bị dị pịlạ kẹ yọ ẹfá ne bi wẹ sa na.³⁸Oro-oforo nene éfúnwénfúnwén nédúdú wú yíwụ wẹ sạ nạ,tẹ yẹ èpịn kạ à yẹ yéṛé yạ kẹ yọ ámạ Ijéṣú fịlẹ fạyọ à gẹ kạ. ³⁹"Pila yọ wu bo aka òfọ wuwo ẹ̀ka gẹ Ósịbịnạ si ye nẹ wọ nạ" Òrọ-óf̣ọrọ à yẹ mi sa fa yo à gẹ ẹkẹ́ nạ Ijẹsụ sị yẹ nẹ à yẹ à nẹ nị kẹ à ye féyanféyan.⁴⁰Àkọnẹ Ijẹsụ sị yẹ pịlạ nạ, àpẹn sa gụrẹ́ ubaka abe feyanfeyan à kạrẹ́ yạ́ é mị sị yẹ. ⁴¹Oro-oforo nẹ gḅe Ejairusi, nẹnẹ ka ye wa òyẹrẹ isuda abe iwu isinagogu sạ tọ àkạ àfạlẹ wẹ Ìjésụ ọ̀sẹn,à tẹ yẹ ekwin ka à sạ à uẹ ùbọ. ⁴²Ùbạkạ yọ gḅén ìyaro òré nẹ́nẹ́ èsụ nạ, néné àmạ fọrẹ èyẹn ẹ̀fọkẹḅọrẹ nạ, à wu igụn mo bẹlẹ wụ èṭin.⁴³Èfénẹ́ bẹ, á sụ íyáṛọ́ òbẹ nẹnọ ẹ̀yọnà gúmá iwu no èyẹn èf̣okebọrẹ́ nẹnẹ lọ yẹ ki ba féyạnfẹyạ́n kụwé. ⁴⁴Áá nẹ Ijẹsụ sạ, àdẹ yẹ ẹsạ ạ̀tọn aka igan nigan èyọn nẹne gúmá sẹ jọọmọ:⁴⁵Ijẹsụ sạ gẹ kạ èṛá dẹ mọ à, ogbona koro òyẹr̀ẹ àmạ nọwọ nạ, Ipịtạ gẹ kạ, "mẹmạ́, àpẹn erokoro ako jese wu,bi diya ṛẹn wọ. ⁴⁶Ámạ Ijesu ge ka, "Èsụ òro nẹnẹ dẹ mọ na, Ubaka í din ka Ìwóg̣obéng̣bén wọ wụ wạ sạ.⁴⁷Ógbónạ iyaro à ye gba ka àyẹ è diya fọ ìwu bẹbẹ nạ, áá pẹri vo sa aka à fạlẹ wọ Íjẹsụ òṣẹn. Àpẹ àyẹ ànọ wọ ẹkẹnạ́ wọrẹ yạ yẹ dẹ yị Ijésú nạ àkạ àkọnẹ àà ye si ye su iwu ògẹgạ Íg̣án-nígạn nạ. ⁴⁸Áá mi sạ gạ nẹ yạ ka, "Ọrọ-ịyạrọ, wọ onawọ sẹ wẹwụ gạ́n. Kẹ yọ àkọ íwụ-ọbẹbẹrẹ.⁴⁹À kọnẹ àá sị uẹ à gẹ gạ nq̣, ọrọ-ọbẹ fura isinagogu àmạạ ubọ sạ, à ge ka, "Wọ ọgbẹn nẹyạrọ́ fọ. Ùmạ pịla si ye etitero àyẹ nọrọrọnạ bẹlạ mọ. ⁵⁰Àmạ ọ̀gbọnạ́ Ijẹsụ́ wọ ọnẹ nạ, à gạ nọ Ẹjairasi kạ, "Ùmạ pịlạ sọmọ; àwọ nạwọ àkạ gbạ ìwụ-ógẹgạn."⁵¹Ọ̀gbọnạ àà sạ ùbọ à yẹ nạ, à mẹ yạ kạ kọrọ ọyẹrẹ à gụrụ fọ ạkạ àyẹ, àmạ kọrọ ọyẹrẹ à gụrụ fọ ạkạ àyẹ, àmạ dạkạ Ipita ạkạ Ejọọnu ạkạ Ijẹmịsị ạkạ ogben na yẹ wẹda ạkạ wiya. ⁵²Ùnẹ ụbạ ẹ́nạnẹ à yị yạ nạ àkạ ẹ́nạbẹ à bibe àfuwa ano ọgben na ye na, à gạ nẹ nẹ bạkạ "Nẹmẹ pịlạ yịwọw: àá mẹvfọ àmạ ébụwẹ. ⁵³Àmạ béé muẹ yạ, ụ́bạkạ bị dịn kạ èfọ kẹ.⁵⁴Àmạ áá sẹ yọ ụba àyẹ ka, "Ọgbẹ́n fụrạ jọọmọ!" ⁵⁵Ye ẹ̀fụnwẹnfụnwẹn pịlạ sạ, àkạ à pạ́n fụrạ Ígạn-nịgạn. Èé bụrụ bạ kạ bẹ fọ ijẹn nẹ yạ. ⁵⁶Owo sa èé jịn ogbẹn yẹn deda àkọ wẹ ìyạ fụwạ, àmạ àà bụrụ bạ kạ bị mạ gạ nọ ọrọ ẹkẹ nạ sẹlẹ nạ.

Chapter 9

¹Àá ṣa èè yẹ ẹfọkẹbọrẹ jẹsẹ aka à fọ iwọ ogbigben àka ububuru nẹnẹ ba ke ki hu efunwenfunwen nedudu ako igun fa yo na neba. ²Aa file ba ka yọ ka bẹ kẹ ga Osibina ipepen aka bèè sẹ ẹnanẹ à ya na iwu gan.³Aa gẹ nẹ ba ka, ''nẹma tiye kebakide dọn ni me tiye oti neme ti ye ikiba uba don, nema ti ye ẹpasẹ don, ni me ti ye ikiba dọn eme ṣu ẹkẹna nẹnẹ ni ti yẹ dọn na. ⁴Ubuwo kubo nẹnẹ na ka fọn na, nẹ ma ba maa jenere ọgba nẹnẹ na ka yọ na.⁵Efa ke fa nẹnẹ bi ma nanọ ọga na, ọgbọna nẹ fura ike na yẹ na, nẹ pina atọn nẹnẹ wọ inọ sẹ na ako osisiye na ka na wọ.'' ⁶Bi mi sa fura fọ mi iken nabẹ yọ bèè ya pọ epenpan oboro aka fuwa efa feyanfeyan.⁷Ẹherodu nẹnẹ wo etetirak eka se wọ feyan nẹnẹ a asele na, aka èè su eyan kata uba ka erokoro ebẹn Ejọọnu osiye uba oyẹrẹ epan a ye a pila sa fura eporo uwuru. ⁸aka erokoro ebe a ge ka Elihah a fiwu yẹn aka erokoro ebe fowo se ye ka Ogẹsẹro ọrẹ epila sa. ⁹Herodu sa gẹ ka ẹsẹn Ẹjọọnu epan era epila wọ efẹ na ma wọ yẹga na?'' emi nẹ ni ọrẹ nẹnẹ aka agba Ijesu na.¹⁰Ọgbọna Apọsteli abe pila sa na bee ga nẹ ya ako nẹ ya ẹpẹn na abẹ kẹ siye na ọgbọne be aa fọ ba bile iwu, bee fura ake ebẹbẹ yọ ike nọbẹ nẹnẹ bẹ yẹ Ẹbetisaida na. ¹¹Ama ọgbọna apẹ wọ na bee yẹrẹ ya. aa si ye bọ ọga aka aa ga ne ba ako ne Osibina ipẹpẹn siye wẹ na aka aa fọ ẹnanẹ bee wu e me yẹ na kesi.¹²Akana isubu a ye turu sa ekuwe, aka efokebore sa to yẹ bee gẹ ka, ''File apẹ ẹnane kẹ yọ bi din yọ ikẹn nẹ kọn tọn na jẹnẹ ni efa ọbubuwẹ akọ ijẹn, ubaka ti wo efe na tẹ di ya gba ọgubarọ.'' ¹³Ama aa ga nẹ ba ka nẹ fọ ẹpẹn nẹ ba jẹ bee ga nẹ ya ka, ''bi me su fọrẹ akara upi ako a yẹrẹ ẹbọrẹ eme furaka ti jẹn nẹ yin ni ijẹn nerokoro ẹnanẹ.'' ¹⁴(Erokoro nẹnẹ yẹrẹ o asẹme mase upi na.) Aa ga nẹ yẹ gbẹn nurun eka abẹ, nẹ fọ ba maa igutẹ iguile iborekokofọ ọgbọgbọ.¹⁵Bee sa siye akone a siye ga na, bee fọba maa. ¹⁶A sa naa akara upi aye ako a yẹrẹ ẹborẹ a yẹ, aa balẹ ososi aa gan ẹba wamọ aka aa ruwe wọ ọrẹ ikeke aka aa nọ yẹ gbẹn nurun mẹka abẹ ka bee ruwẹ nọ apẹ nẹnẹ maa na. ¹⁷A bee feyanfeyan ejen aka bi fe aka e di yẹ ku wẹ jẹn yọ egben nurunmẹka abe koya ugi ẹfokẹborẹ di yẹ fẹ.¹⁸Ọgban ọbẹ wa mọ ọgbọna Ijesu e si ya a dura na, yẹ gbẹn nurunmẹka abẹ biwo yẹ fa aa sin ba ka, ''Era erokoro ẹnanẹ poto gẹ ka ẹwa?'' ¹⁹Bee gu nẹ yowo ka, ''Ẹjọọnu ọfọ uba yẹrẹ ọrọ ẹpan ama a rokoro e bee gẹ ka Elijah, aka erokoro e bee di yẹ ki gẹ ka ọga ẹsẹro ọyẹrẹ a ye ọwa nẹfọ pila sa.''²⁰Aa mi sin ba, ''Ama era ano kẹ ẹwaa? Ipita pile yẹ ka, ''Ikristi Osibina ẹka a yẹ ọwa.'' ²¹Ama aa wọn ba ka be gbadọ a ga nọ ọrọkore, ²²ee mi sa, a gẹ ka, ''Orokoro ogben ẹkẹ jo oya nẹpan noyọyọ aka bee kẹ yuru ya wi jẹn, ẹnanẹ wọ isubu aka Ashigiriro ka wan ya, ama isubu otetaro aka suma pale sa.''²³Emi sa ga nẹ babẹ feyanfeyan ka, ''ọrọkoro a ki nẹ ka aye sa yẹrẹ mo aa ke tẹ yi epen feyanfeyan newa ẹro onẹ ka na, e ti yẹ ọgbalati akẹ yẹrẹ mọ. ²⁴Efena efena aka wọn yẹ rọ na aka nẹ a fuwa amáà ẹfẹna aka nẹ yẹ ero fuwa na, aka fan. ²⁵Oboro oo na ewo amọ na ka oro a fọ ẹro ọnẹ ẹ̀ẹ́ siye kere je, emi nẹ yi iwu fuwa?²⁶Efena ẹfẹna ame aka mẹ ẹga àko epan na, oro ọnẹbẹ ayẹ Orokoro Òógẹn aka kọ yẹ ẹpan ọgbọna aka sa iyo ugbugbodi aka. Ededa ugbugbodi aka angẹli ọwọnwọn abẹ. ²⁷Amàá ẹ ga nẹ wọ ẹgaba, e su ero ẹbẹn nẹnẹ jọọn ẹka nà á ka gba ufo ṣana bẹ kẹ gba Osibina Òóbin ojije.''²⁸Akọ nẹ e sie isubu ọnọkọnọkọnọ nẹ Ijesu ga ẹga ẹnanẹ na emi fọ Ipita aka Ẹjọọnu aka Ijemisi yọ ore osi ka bi jen ne sie adura. ²⁹Akọ nẹ e sie sie adura na, yọ ayẹn sa e bila, yọ alẹgbe ṣabe ṣina okukuru lèle le.³⁰Balẹ, iforo ẹbọrẹ mẹ a ga ẹga, Imose aka Ejija, ³¹be fọ iwu yẹn ugbugbodi bẹ mẹ a ga ako e ke sie fura, nẹ ayẹ nẹ ka fọ ṣa ṣun Ijerusalẹmu na.³²Ọgbọ nẹbẹ uba ṣa éè de Ipita aka ẹnanẹ ma kẹye ya na, amàá ọgbọna uba ayẹ ṣẹn wo ba ayẹn na be gba yu ugbubodi aka iforo ẹbọrẹ ne jọọn gbeli ya na. ³³Ako bi sie fura Ijesu ẹfa na, Ipita ga nẹ ya ka, ''Oga, eke fu rọn ka tẹ ma ẹẹka jọọn tẹ mẹ uturu ẹẹta, ọọrẹ nẹ wọ ọọrẹ nẹ Imose, ọọre nẹ Elijah.'' (Ayi me di ẹkẹ na aa ga na.)³⁴Akọ e sie aa ga ọnẹ na, idudurudu mi ṣa ri ba, abẹ mi a sọnmọrọrẹ akọ bi si a fọn idudurudu ayẹbna. ³⁵Bẹ wọ ẹgàa ọbẹn idudurudu ayẹ ka, ''Mọ ogbẹn oforo a nẹ, onẹ bi tie na, ni piya atọn nẹ a.'' ³⁶Ọgbọna ohun aye ga ẹga ke na, bi mi gba Ijesu ayẹ arẹ. Bẹ duuṣu bi ma ga nẹ korokoyẹrẹ isubu enabẹ ẹkẹne ba a ayẹn gba na.³⁷Emumube usie gan ne bi holo ọrẹ osi na erokoro asammasan ṣa gure ba. ³⁸Balẹ, oforo ogbẹn erokoro asanmasan eetin yi ọga, a gẹ ka, ''Otero, agwagwa bale mọ ogben oforo a, arẹ awa ọgbẹn nẹ i su na. ³⁹Ungbẹẹ, efuenfuen ȯbe akẹ fọn ya iwu iganigan aye de mi ki yi ọga oṣile ọsile ada wọrẹ kẹ yọrẹ ede dia ke ṣa afọfọ owo Eeya e te i ya, ede dia kẹ rẹn yo ron daa daa. ⁴⁰Ẹ tẹẹ wọ egbenurumẹka abẹ ekwin ka bi guya ve ṣa tulasi, Amáà bi me di siẹ.''⁴¹Ijesu mi guna owo a gẹ ka, ''Anọ ubanẹ nẹ eme su anawo, nẹ die be fuwa ọnẹ na, i si gana mèé ke pila ma keye nọ i kii gege na? Rọ wọ ogben oforo aye sa ekọ nẹ.'' ⁴²Ọgbọna ogben oforo ayẹ aa ṣa na, efuenfuen odudu ayẹ tẹ yẹ ẹba wọ ije awọrẹ ya aa yọrẹ. Amàá Ijesu ma efuenfuen odudu aye ga, a fọ ogben oforo ayẹ iwu gan, emi fọ e dọn wẹ ẹda uba.⁴³Osibina yọ ugbugbodi mi jin ba owo fuwa. ⁴⁴Akọ ẹpẹn fenyan nẹ èé sie ki sie jin ba owo èé fuwa na, e mi ga nẹ yọ egben urunmẹka abẹ, ka, ''Ni te i ẹga enane bẹ fọn nọ ọtọn: Ba ka jọ oroko ogbẹn wo erokoro ùúba.'' ⁴⁵Amàá ẹga ayẹ eme ye ba. Bi ya bẹbẹ ne ba, ka bi me di din yọ igben, kegankegan ọrọrọ eme ya ka bi ṣin ega ayẹ igben.⁴⁶Ọgbọnẹbẹ bi mi a yamina owo ee wo ẹfẹna aka da ẹrẹnro i bi iwu na. ⁴⁷Amàá, Ijesu ayẹ e di ẹkẹna be roeo i bọọ uloko na, a yẹ mi fọ ọgben ni keke wo yẹ ẹfẹ ⁴⁸emi ga nẹ ba ka, ''Ẹfẹna ẹfẹna aka na ogben ọnẹ i mi iwuru na, ana mọ bilamọ ẹfẹna ẹfẹna àá na mọ na ana ẹfẹna nẹ filemu na. Ẹfẹna ẹfẹna èé kere fọrẹ eni iwu na ayẹ a wa ne ẹpan.''⁴⁹Ẹjọọnu guna owo ka, ''Oga, tẹ gba oro ọbẹn nẹ ee gu ẹfuenfuen idudu ee ve iwo iwuru na, amàá tẹ sẹ ya jọọn ubaka ayẹ ama yẹrẹ tọ.'' ⁵⁰Ijesu mi ga ka, ''Ni ma sẹ ya jọọn.'' ubaka ẹfẹna ẹfẹna èé me bila ẹkon ayẹn to nu na, e joon gbeli nu.''⁵¹Ọgbọna isubu turu ṣa ka bẹ fọ ẹ yọ ososi na, ayẹ mi fọ ayẹn wo Ijerusalẹmu ka ayẹ yọ. ⁵²Ayi mi file otunro yọ ẹrẹn abẹ mi fọn Esamariyaro iiken ka bẹ ko esa wo ije karẹ ya. ⁵³Amaa ero ẹnanẹ wo ẹfẹnẹbẹ na bi me ni a, ubaka ayẹ yọ ayẹn wọ ka a yẹ yo Ijerusalẹmu.⁵⁴Ọgbọna yọ egbenurunmẹka, Ijemisi aka Ẹjọọnu gba ọnẹ na, bẹ ga ka, ''Idu, uka ti buru ka ẹra e ve fura Osibina ẹsẹn e fu ba họn?'' ⁵⁵Amaa e bila e wọn ba, ⁵⁶abẹ mi yọ iken ọbẹn.⁵⁷Akọ bi sie ayọ orikpokpo na, oro ọbẹn ga nẹ a ka, ''Màá ka yẹrẹ wọ yọ ẹfẹna ẹfẹna wa ka yọ na.'' ⁵⁸Ijesu ga nẹ wo ososi na su ọkọ, amàá orokoro oogbe e me su ẹfẹna na e di fọ ẹpan aa pan na.''⁵⁹Amàá e mi ga nẹ oro ọben, ''Kẹ yẹrẹ mo. Aye mi ga ka, ''Idu, tebimu i jen ne re te eda ke.'' ⁶⁰Amàá a ga nẹ ya ka, ''Tebi eekporo bi ki re abẹ eekporo. Amàá, awọ kẹ yọ u jen na kẹ ga Osibina yọ ikpikpen ẹga ẹfa fenya.''⁶¹Oro ọbẹn ayi da gẹ ka, ''Ma ka yẹrẹ wọ, Idu, amàá te i mu i jen na ga ẹnanẹ wo mu ubo ka mèé so ba.'' ⁶²Ijesu mi guna yọ owo ka, ''E me su ẹfẹna ne aa se agan e bila àá bale urun na èé di a fọn Osibina ẹṣẹn.''

Chapter 10

¹Akana ẹ́pẹn ẹnanẹ uùrunba, Idu tiye ero itakakọrọfọ ẹbẹn, e mi file ba ẹbọrẹbọrẹ yẹ ẹrẹn yi ikẹn aka ̀ ẹfa abẹ nẹnẹ ayẹ ẹbẹba è é ni ka ayẹ a yọ na. ²A ga nẹ ba ka, "Ẹkparẹ ayẹ yọ, àmá ikotoro abẹ kẹrẹ. Ónẹbẹ uùba ṣin ẹkparẹ iÌdu ka e file ikotoro wo yẹ ẹkparẹ.³Nẹ yọ nọ ọrikpokpo. Ungbẹẹ, i file nu yọ akọ ududu eègben wo ọdan uùwo eètin. ⁴Ni ma fọ ikiba aàkpolo dọn, sa ejenro aàkpolo, sa ofilọṣẹn, ni me diya gan korọọrọ ọ́rikpokpo.⁵Ubokubo nẹnẹ nà a fọn na, tayi ga ka, 'Iwọbẹbẹrẹ a ma úbo ọnẹ!' ⁶À á daka iwọbẹbẹrẹro wo ẹfẹnẹbẹ, wi iwọbẹbẹrẹ a ma gbeli ya, àmá e è me wamọ na, è éke pila ni u ṣa. ⁷Ma wu ubo ọọrọrẹ ayẹ, u ki je u diya kẹ wa ẹkẹnẹkẹna bà a nẹ ọ na, ubaka a bọwọ ka okotoro a na ẹkẹna nẹnẹ e siye yu utun na. Ni i ne ne ububo.⁸Ikenkiken nẹnẹ nà a fọn, nẹnẹ bi diye we na nọ na, ni je ẹkẹnẹkẹna bè e wo nẹ ẹrẹn na ⁹ni mi fọ ẹnanẹ bi iwu e è me siye nẹnẹ wo ẹfẹnẹbẹ na gan. Nẹ ga ne ba ka, 'Osibina ẹẹ̀ṣẹn mi turu ni nu ṣa.'¹⁰Ọgbakọgba nẹnẹ nà a fọn iken nẹnẹ bì i ma na nọ na, ni ve wo yo oṣin abẹ ni mi ga ka, ¹¹'Ka ewulon í ni iken nẹnẹ do sẹ tọ ọṣẹn na ti pun ya ka a ṣẹn nẹ ẹkarẹ! Àmá ni din ka: Osibina ẹẹ̀ṣẹn mi turu ni nu ṣa.' ¹²Ẹ ga nẹ nọ ka ẹ́karọṣẹṣẹn iìsubu áka bẹriwu ni Isodom fọrẹ iken ayẹ.¹³Fẹlẹ ọ, Ikorasin! Fẹlẹ ọ, Ẹbẹtẹsayida! À á daka itun ẹkẹka nẹnẹ bi siye í wi ibe ka í bi siye ẹ Ítire akà Isidọn, ébana bi roribebila ọrẹ fon, bẹ ma ẹ́ṣaka ẹẹ̀sa akà ewurun. ¹⁴Àmá à áka bẹriwu ni Itire akà Isidọn ẹ́karẹ ọṣẹṣẹn fọrẹ na anọ. ¹⁵Awọ, Ẹkẹpanahum, u roro ka bà áka fọwọ kpọ yo ososi họn? Hẹnhẹn, í bè éke holo u yi Ihedis.¹⁶Ẹfẹnẹfẹna è é pi wa atọn na pi ma atọn, ẹfẹnẹfẹna e diye yuru u yuru mu, ẹfẹnẹfẹna e diye yuru mu na yuru ẹfẹna nẹnẹ file mu na."¹⁷Abẹ itakakorofo pila akọ ẹbẹbẹn, bẹ ga ka, ''Idu, ka ẹfunwẹnfunwẹn Idudu abẹ bẹriwu nẹ to í wi iwuru.'' ¹⁸Ijesu ga nẹ ba ka, "Mà a gba Eṣu akọ e siye wo ososi falẹ akọ ẹnyana na. ¹⁹Ungbẹẹ, ẹ fọ uburu nẹ nọ ka niya kẹ kpọ ẹpẹnidudu akà ọnẹna akà yẹrẹ ebero iìwogbigben fẹnyan, kẹnakide éke diya họrọ nọ. ²⁰Àmá ni ma kpẹrẹ ọnẹ aarẹ uùba bẹn, ka ẹfunwẹnfunwẹn abẹ beriwu nẹ nọ, àmá nẹ kẹ bẹn ubaka bẹ wọra ni iwuru wo ososi."²¹Ẹ́wakati ọrọọrọ ayẹ a bẹn Ẹ́funwẹnfunwẹn Ọnwọnwọn, e mi ga ka, "I yeyi u, Ẹdẹda, ososi iÌdu akà ẹrọ, ubaka ọ fọ ẹpẹn ẹnanẹ abẹ bẹbẹ nẹ ẹdanyẹnro akà odidinro u min a nyẹn ẹnanẹ bì i me te na, akọ egbenikeke na. Hẹn, Ẹdẹda, ubaka ẹgan e siye rọn wa anyẹn nẹ.²²"Bi wo tẹ Ẹdẹda ẹfa fọ ẹpẹn fėnyan dọn mu uba, e me diye su ẹfẹna nẹnẹ din ẹfẹna nẹnẹ Ogben wa na efura ka, Ẹdẹda, e me diye su ẹfẹna nẹnẹ din ẹfẹna nẹnẹ Ẹdẹda wa na efura ka Ogben akà ẹnanẹ a barẹ Ogben ka à á nyẹn na."²³E bila gegere to egbenurunmẹka abẹ e mi ga nẹ ba ẹ́bẹbẹ ka, "Okurubilero a wa ẹnane nẹnẹ gba ẹkẹna nẹnẹ nẹ gba na.²⁴ Ẹ ga nẹ nọ, ẹsẹro akà ibin abẹ nibka bẹ gba ẹpẹn abẹ nẹnẹ nẹ gba na àmá bi me di gba ba, ka bi diya wọ ẹpẹn abẹ nẹnẹ nẹ wọ na, àmá bi me di wọ ba."²⁵Ungbẹẹ, obubururo ọbẹn kpan fura ka e ni yo owo, a ga ẹ ka, "Otitero, ẹna i diye siye a i di gba ẹrọ nẹnẹ e me su ọta na na? ²⁶Ijesu ga ne ya ka, "Ena bẹ wọra wo obuburu a? Gana u siye gan ya a?" ²⁷E pila ye e mi ga ka, "Wè éke ni Idu wo Osibina áka wu uloko fenyan, áka wu uṣi fẹnyan, áka wo ogbigben fẹnyan, áka wo opin fẹnyan, akà wọ ọbawọ áka wi iwu na." ²⁸Ijesu ga nẹ ya ka, "U gunowo akọ e siye bọ na. Ki siye ọne, wè éke diye wo ẹrọ."²⁹Àmá ayẹ, è é ni ka ayẹ ṣẹn ese nẹ yi iwu, a ga ni Ijesu ka, "Ẹra a wa mọ ọbawọ a? ³⁰Ijesu guna yo owo e mi ga ka, Ẹdẹda ọbẹn wo Ijerusalẹm holo à á yọ Ẹjẹriko. A ṣa a falẹ wo eyiri abẹ uùba, bẹ bẹ ya, bi mi tebi ya akọ e siye ni ka e fo na.³¹Ka aṣigiri ọbẹn è é sun ọ́rikpokpo ọnẹbẹ, ọgbọna nẹnẹ a gba ẹ na, a yọ ọrikpokpo ọbẹn ṣun. ³²Kẹgankẹgan ka Elẹviro ọbẹn, ọgbọna nẹnẹ a ṣa ẹfẹnẹbẹ na, nẹnẹ e mi gba ẹ na, a yọ ọrikpokpo ọbẹn ṣun.³³Àmá Ẹsamariyaro ọbẹn, akọ e siye wo ejen na, ṣa ẹfẹna a gba ẹ na a ṣa a sọn ye eyi. ³⁴E turu to ẹ e mi gberi yo oron abẹ nẹ ya, e guma amọ akà ẹwanyin wamọ. A fọ ẹ kpọ yọ ọnẹ, e mi fọ ẹ yọ ọga uùba ọbẹn, à á balẹ ya. ³⁵Isubu ọọboro e tiye ẹdẹnari ẹbọrẹ, e min a nọ obuwe ayẹ, e mi ga ka, "Nẹ fọ anyẹn ta yi iwu, ẹkẹna nẹnẹ nè e lo bile amọ na, mè éke duna nọ ọgbọna nẹnẹ mè e pila ṣa na.³⁶Ẹra, ábẹ̀ ẹtẹta ẹnanẹ iìwu a wa ọbawọ nẹ ẹfẹna nẹnẹ falẹ wo eyiri abẹ uùba na? ³⁷A ga ka, ''Ọnẹ nẹnẹ sọn ye eyi na." Ijesu ga nẹ ya ka, "Kẹ yọ u mi ki siye ẹgan."³⁸Akọ nẹnẹ bi siye ki à á yọ ọ́rikpokpo na, a fọn iken ọbẹn, iyaro ọbẹn nẹnẹ bè e ye Ẹmata na na ẹ ọga wo yu ubo. ³⁹E su ọda ọbẹn nẹnẹ bè e ye Ẹmariya na, nẹnẹ ma wo Idu ẹẹ̀ṣẹn ẹfẹ à á wọ yẹ ẹga na.⁴⁰Àmá Ẹmata è é gbe akanyan ka e siye ijen nẹ ya. E ni Ijesu ṣa e mi ga ka, "Idu, ú ma gba ka mọ ọda tebi amẹ aarẹ ka i ki siye ijen ayẹ ẹ? Ọ́nẹbẹ uùba ga nẹ ya ka e go mu uba." ⁴¹Àmá Idu guna yo owo e mi ga nẹ ya ka, "Ẹmata, Ẹmata, wà a lakata u diye e gbe akanyan nẹ ẹpẹn ọyọyọ, ⁴²Àmá ẹpẹn ọọrẹ e kponyina nẹ. Ẹmariya tiye ọkpa nẹnẹ rọnmuro fọrẹ, ọnẹ nẹnẹ, be è diya na fura yu uba na.

Chapter 11I ọgbọ bọ Ijesu a gbadura efọbe Ogbọnọ ekwe siye na, yiọ ọgbenumeka ọre ganye ka, idu tetu akọbi siye gbadirọ na kama akọne Jonu siye tee yiọ egben urumeka na.

²Ijesu ganeba ka ''wake gbadura geka 'Edada teyi ugbugbọali aku awọwọn awa we ka Teyi wọ binọ jije aserọ³Fọ ọpase isubu eka neta. ⁴Fọ ti iluwe gbuntu akọ ti siye fọ tọ ọbawọ iluwe epan gbun ba na. Ume uruna tọ wọ ọma bale⁵Ijesu gane ba ka, mọre, bọwọ mọ epase eta. ⁶Kabọ ọgbọne mọre a sana i me sun evena idiya negena? ⁷ọne wubọ ne gune o na diya ka ume ni mọọ bi jujun ke me, gben aka me wọ ọlọre ọsi i me di fura ke efi epase nọwọ. ⁸Aganeyaka esi fura a fọ epasa ne ya uba ka owa yiọ re ana ubaka usi ega eke fura a fọ epase ayọyọ neya akọ e siye nina.⁹Idi ye gane wọ, sin baka newọ ni waka gba,kọrujun bekwe jinya newọ. ¹⁰Efena na aya da ke gba. efena eni na aya da ke agbe akọ efena akorujun nabe ke jin ya.¹¹Edada ọna wọ gbe a sinọ aiyerere aka fọr epinidudu neya na. ¹²E sin yu nọ abese eji Uwa ka fọọ Openọ mọ dọre ¹³Une uba, awọne ọwọ ọrọkọrọ ududuns udina fepeni ane yiọ ogbaọn enane we deda newọ ọsibine esena egana ọsibins efwefwe, ekesiye wa ne enane sin yana? Beelzebulu ọbin ne wọ efwefwe no dudu, egan ne siye gudu ne mo enane sinya na.¹⁴Ogbọne Ijesu egue efwefwen odudu ne dusuu na Ogbọne efwefwen odudu vesa na, Ededa ọne emedi geda na sa gega akpe ne wefeneba jinbowọfwwa. ¹⁵Erebe me we sueka kaye egwe esu.¹⁶Ebe mebale bi sin ya ka apere. Ne wọ sibina esen. ¹⁷Ama Ijesu dui bi iroro agane ba ka, Esen Kesen ne eruwa epile diye sọ ọkọjese?¹⁸Adaka esu ruwa yiwu gana ekese jọwọn. Ane ge ka I gwe. odudu ne wọ Beelzebulu efuenwenfuenwen. ¹⁹Me guwọ odudu Beelzebulu efuenwenfuenwen ase ona meke guno oke ore uba ako aba ka wa wọyọ osenekare, ²⁰Ama me gwe efenwenfuenwen aka mi gbogb epan, Ogbone be anye osibina esen aye aka jewon gbelu.²¹Ogbone efena ne suo enane aseleya yaa aron esiye efu. ²²Ama ogbone oro osisile a frue bana, Efena sile na da da ye kọne pen fenyan na a fenyan yerena ediye bee aromaye fuwa. ²³One eme jọwon gbeli mu na me berọ ya Aka efena ama kọjesena, ada tele kese.²⁴Ogbone efuenwen odudu efura ọfọrọ wu ado yọ efena eme swebi na je File ye Bima gba koro ore wa yio mubo ne iye fura na. ²⁵Akọne esiye joila, etuo ubu onebe kabe pọre bi tuwe pila wọ osere. ²⁶Ada yọ ada kwọ Efuenwewfuonwen ne sibe fọre yiwu na, sa ki jeki gbehja Edọ mi oraye sinọ ọkọn fọre ọsọrọ.²⁷Akọne eni siyi wana iyọbe sa eyọga akpe etin agoneya ka ukukuru bile a ya wa ọgbe nubu ne bawo na ako eba nu yona. ²⁸Ama a geka, ''Ukukunubile awa awa ne enane wọ ọsibine ga buje siyutun na''²⁹Akọ akpe siya yona Ijesu ge ka ubane odudu ogbane be nọ ani eme sogbna baka fo ami nebana efuraka ani ne wi Ijona ekena. ³⁰Ako Ijona siye wa ami ne Nineviti ro na egban ne orokoro ogban ekesiye wo ami ne ubane.³¹Iyọrọ ọbin igusu eke fina sa ekarọ neba ubaka efena ero etana aye asa ka awọ odidin ne wo Solomoni eka agbeka efuna gbọdi fore Solomoni na wekọIfọrọ ne we Nineveli ba ka sa jọwọn ekare ọsesen akọ ubane beke diye sene kane.Uba kabi roro ibe pila Ako Jona suja gọ ọsibine ga na, nee gbe ọrọbe ne fore Jọna na wekọ.³³Eme sefena de pọse ede wọ ebenben na sa ugi igbeni ama oso oti uba ka enane a fomubo na bi di gbo eyen. ³⁴Nayen awọ ọsọ Niwu fee nọ esiri. ³⁵Onu uba ne senwu ubakaesiri ³⁶Ogbe ne be ọgbọne ọsọ pi yen wi yi wu na.³⁷Ogbena a sega Jọwọn na ọfarisi rọsin yaka na sa me yaye jijen iyubo, Ijesu gen. ³⁸Efarisi aye awa ekena jin ye fuwana ka Ijesu ama tayi puma sana ejijen.³⁹Ama idu gane ya ka, ogbọne Efarisi be di mu ekọpu ọrun ako ọsho ama nibe fee nọ awọre akọ ọdudu. ⁴⁰Anọne ne me segọ ọdinadina amawe efena moyen na a yọ. ⁴¹Fọ ekena wiyibe na nọ enane eme suna. epenfiyan eke sino owonwon ne won⁴²Ebe awa no Efarisi uba ka nọ ọsen ne fọ ene sọ ọlilo, nu utugbun eme je gbeli ekere osensen ako osibina unini, Abọ kati siye ọsere akọ ọsibina unini time tayi epeni iboro wije.⁴³Adan ne na Efarisi, notorike nini omaneren Isynagogu aka egan ekekekeka eju etin. ⁴⁴Adan ne no, Ina bale ako oso ne me saa mi na erane siye jejenamo na me bi din⁴⁵Ogbonebe ayo otile rabe guna aganeba ka, ofitero aiye awaga. ⁴⁶Ijesu ge ka, ''Ebene woni, oterobe no uburu, kane fo ero wo onunuma ne sile na ama ne gbado afo uba a de ya aka ni gbogbo epan⁴⁷Eebe ne no, uba ka ne mọọ oso no ogese ro abe, be no ubane rabe aba wan ba. ⁴⁸Ni jowon ako, Ibeni ako ofubawo no eri isoro ne ne wana nidiya paa bo s.⁴⁹Ome uba, Osibine edayin, me ke filo ogese ako Apostoli sabe neba, beke goliba, bidiya wan be ben. ⁵⁰Ubane enane ba ka yiri ega se ne eyeon ogase rabe ne be wana kabọọ otome ne werona. ⁵¹Atome kaboi ebeli eyon sa re Zecharia eyon, ne be wan apase etin na. Een i ga ne ka ubane enane aye ba ke gunowo wibe ga.⁵²Ebe neno ano Odiyan siye uburu ubaka ni tiyo odidin okokoro, Onebeba ne diya fon; nediya fore ane efena eni kaye fon na.⁵³Ogbona Ijesu fura efenebena, Isiribiro ako Efarisi rabe sen yowo. e joo mo akare ya, ka a ye se Epen wesa,fura iyo Ogbona Ijesu fura efenebena, Isiribiro ako Efarisi rabe sen yowo. ⁵⁴e joomo akareya,ka aye se epen we sa, Fura iyo owow.

Chapter 12

¹Ọgbọna, ẹrọ asẹ ọyọyọ jese na biya pọ abẹnẹ ṣun, aga anọ yẹ gbẹn urun mẹka aka, "Be sọlọn nọ Ẹfarisi bọ ọba nẹnẹ wọ irẹ kureku na."²Ẹmẹ su ẹkẹna uwe su nebaka gba na ẹmẹ su ẹkẹna bẹbẹna nẹnẹ ẹrọ eke din na. ³Ẹkẹnẹ kẹna, wa ga esiri na baka wọ ogbandala, feyan mẹ wa ga wọ rọntọ uburibe na, bẹ kẹ yi yọga ubọ ọsi.⁴Mẹ ẹrẹ abẹ ẹga anẹnọ, nima sọn ẹrọ nẹgbeka iwupe aya yẹrẹ bi diya wan na, ẹfuro ọnẹbẹ ẹmẹ su ẹkẹna bi di pile siyẹ na. ⁵Ama maka ganẹwọ ẹfẹna abọwọ ka nẹ sọ yọ ọrọrẹ na. Sọn ẹfẹna nẹ gbẹka awan wọn, edi dina ne won efilẹ ẹra ibẹ na ọrọrọ Ẹ ga nẹ nọ sọn yọ ọrọrẹ.⁶Ama wọ Ẹparrowsi upi bẹ jọ nọ ẹkọbọ ẹbọrẹ họn? Kegan kegan kabọ oyẹrẹ eme luwe Osibina ayẹn. ⁷Wọ ẹpẹn fenyan nẹ wọwẹpan na bẹ ga ya Uma sọb ma orore usí ye ururu fore esparrowsi abẹ.⁸Ega nẹnọ ka ẹfẹnaka no owow ẹrọkọrọ ẹrẹn na, ọrọkọrọ ọgben kayẹ aka nọ ọwọw nẹ ọrọ ayẹ Osibina angeli ere na. ⁹Ẹfẹ nẹ yurumu ẹrọkọrọ ẹrẹn na beke yuru kaye Osibina yọ angeli ẹrẹn. ¹⁰Efene aga ẹga na ma bọwọ tọ orokoro ogben na, baka fọ ikuwe ẹpan gbun ya, ama ẹfẹna aka ga tọ efunwenfunwen owowon ẹga odudu na, ba aka fọ iluwe ẹpan gbun ya.¹¹Ọgbọna bẹ kọnọ sa, isinagọgu na, ofa a yẹ ta efa, aka uburu rọ abẹ, bẹ mẹ nẹ ka bi din aka be ke siye gẹ ẹ ga na, ¹²Efunwenfunwen ọwọnwọn aka ga nẹwo ẹkẹna wa ka ga na.¹³Ọrọ ọyẹrẹ aoẹ etin ga nẹ ya ka, "Ọtẹrọ ga nẹ mọ osuda ka eruwa re deda à rọn, ọpa nẹ wa mẹka ne mo. ¹⁴Ijesu ga ne ya ka, "Ededaro, ẹra ẹti ye mu ọsẹn nẹ karẹ ako opilawega yere wọ ẹpan na?" À¹⁵ ga ne ba nẹ fa á ye ti jẹ uma sọ ọlarẹ uba kq ọrọ wọ ero ẹmẹ wọ arọn è su na.¹⁶Ijesu ton utite ka, "Ikiba ro obẹn yo ẹrun siye boṙ-boro, ¹⁷Ẹrọrẹ nẹ yi iwu aka, "Ẹna mẹkẹ siye a? uba kq, amẹ mẹ ṣu fẹna àgẹ àka kọ erub ijen à bé, wo na? ¹⁸A ge ka, ẹkẹna me ke si ye na nẹ ma kẹ gidina efena ami ṣu nq mẹ máá a keka wọ ẹfẹnẹ bẹ à mẹ ími ko mo ibire ẹpẹn ako ẹpẹn ni buba ki wọ ẹfẹnẹ bẹ na.¹⁹ Maka ga nẹ mọ ẹfuen fuẹb ka, "Ẹfuẹn, usu arọn ọyọyọ fọ yo uburibẹ nọ ẹyẹ ofifile kije, kẹwa, ki jimu."²⁰Osibina ga ne ka awo ẹdẹda à bẹnyẹ ọnẹvujogowẹ ọnẹ ma ka na wọ mẹ efunwenfunwen, ẹpẹn fenyan nẹnẹ oko jese na, ẹra ẹkẹ bi ya? ²¹Ẹgan nẹ ẹrọkọrọ ẹnanẹ da kọ ba arọn ki jese ne bi wu na, nẹ mẹvsu arọn Osibina ẹfa na si yẹ wẹ nẹ.²²Ijesu ga nẹ yegbe urun mẹka abẹ, "Ni ma rọro nẹ ero ẹ ga, ẹkẹna ne ke jen na, ne wọ iwu pe, aka ẹkẹna ne ke file na." ²³Ẹrọ à fore ijen, iwupe di ya fọrẹ eṣa.²⁴Yẹn enẹnẹ abẹ, be me bire, bi ma parẹ. Be me su ẹfena nene be kọ ijen newo na, ama Osibina wa beje. Ore fenyan uwe fọrẹ ọnẹnẹ abẹ. ²⁵Nọn ona í ní iwu, Ẹ di ye tie sá kuru ogba keke ebile iyẹ ẹra a? ²⁶We me di sie ẹpẹn no keke ọnẹ bẹ, ọna emi wọ ero ẹbẹnẹ ka nẹ we roro na?²⁷Roro idodo abẹ-ako bi si ye guwẹ na ma fiwu joya, be me siye kẹna kide. Ega a nẹwọ ka Solomon iyọ ugbugbodi, eme file ẹsu ákabẹ na. ²⁸Osibina afo ẹsa ri ẹmen ni wọ ọ ije na, nẹnẹ ẹgne ka bi wa mọ amọnẹ ekire usie bi guma ba wẹ ra ibe, gana ekesie fẹsa file wa? Ano irokoro ne su ọnawo keke na.²⁹Ume ki ni ẹkẹna weke je áka ekena waka wa na, unedia kẹ lakata. ³⁰Ẹrọ fẹyan eni ẹpẹn nẹ nane, nẹ Ẹdẹda din ka ni ni ẹpẹn fẹyan.³¹Tayi ni Osibina ẹṣẹn, ẹpẹn ni bu ba ẹnanẹ ekemi da wẹ ẹka. ³²Ni ma sọb mọrọrẹ, ano udodo ikeke, nẹ dẹda ibe rọn ka ayẹ fo yẹṣẹn nẹnọ.³³Jọ warọn fẹyan, uwe sie ese sie ne wiwu apolo na ka òlọn na, su aron wo Osibina efa, nẹnẹ ede kwe na, ẹfẹna oyiri koyerẹ edie re na, aka ẹfẹna ẹkọrẹ kọ yẹrẹ edie bẹyefuwa na. ³⁴Ẹfẹna wọ arọn ma na ẹfẹnẹbẹ wọ ọkọn aka ma nẹ.³⁵"Guru wọ oja sẹ, die pi wọ ọsọ. ³⁶Ni ki we akọ ẹnane be ene bo Ẹrẹn na, ogbona be ke pila wura efena ooro akọọ oforo we su abena ejeme, ọgbọnq aka kore ujun na, ba ka lakata jin nọ ujun nẹyan.³⁷Okukuru bile ya no ikotoro abe nẹ bọ ẹrẹnro eke to ka beme bwe na ogbona eke pila ṣa na. Aka kọ ẹsa ka ayi gun nabowọ iba kq fọ igben ma eki gun na bowo. ³⁸Adaka erenro aye isi ọ ọboro ujoge eka aṣa edia ka ṣa isí ọtẹtaro ujoge ẹka elọ ba ka bẹ kọ ẹsa wije, okukuru bile awa nọ ikotoro abẹ.³⁹Din ọnẹ ka Ẹfẹna bi yọ ubowo na, etin ogbọna oyiri akasa, edie yaka oyiri afọn yaye ubowo. ⁴⁰Ko esa wije, une dina ọgbq na orokoro ogben aka ṣa na.⁴¹Ipita ṣin ka, Idu, uwe tọ utite one anẹtọ họn, sa nọ ọ ero fẹyan?⁴² Idu ka, "Ẹre su ọnawọ aka ogben nayen ne di fayen ata, anẹ yọ ọ idu na, Nẹnẹ yọ idu aka ga ka be fo ayen bqlo ikotoro íbuba na, bẹ fọ ọ bijen ne ba ọgba nẹnẹ bọwọ na. ⁴³Okukuru bile nọ okotoro nẹ yọ idu eke to ka esie ẹgan na ogbona epila ṣa na. ⁴⁴Ikwa ẹganẹnọ, aka fuẹ jobin yẹrọọ iyarọn fẹyan.⁴⁵Ama adaka okotoro ọnebẹ rorẹ iyọ ọkan ka, "Mọ ọ Idu emíṣa, atọmẹ eeje awa, ediya wa dẹ fe, ⁴⁶Okotoro yo idu aka sa ísubu aka ogba nẹnẹ ama fọ ayen wije na, eke firẹ wije, enọ ọ ẹfa nọ ẹnanẹ ama na wọ na.⁴⁷Okotoro ọnẹbẹ nẹnẹ din ẹkẹna yọ ọ idu enina, na ma kọ eṣa wije, neme die sie ẹkẹna yọ idu enina, iba ka beya ẹpa ọyọyọ. ⁴⁸Ama onẹnẹ eme din na, epa keke ba ka be ya. Ena nẹ be fọ ọyọyọ nọ na, abe be fọ ayẹn na balẹ ka baka fọ ọyọyọ veṣa, ke ẹnane bi die kwe fọ ayẹn yẹrẹ na oyọyọ be ke ṣin ba.⁴⁹"Ẹṣa ka ẹnemera wọ ẹro eba mi ibe aron adaka ibi pi ẹra ayẹ ke na. ⁵⁰Ama isu imomo on ne meke siye na, ama bere mi wu eme fura isiẹ ke.⁵¹Ini roro ka eṣa fọ iwọbẹbẹrẹ nọ ẹrọ nẹ? ama wẹgan, ẹga anẹnọ oruruwa ẹṣa siye. ⁵²Yo ọgbọnẹ yọ, eke su iro upi ubowo ọyẹrẹ nẹ beke ruwa na, ero eta eke fura tọ ero ẹbọre, ero ẹbọrẹ ekede fura tọ ero eta. ⁵³Ibe ke ruwa, Ededa aka yọ ọ ogben noforo eke ruwa, iya aka yo gben niyarọ eke ruwa, egben niyaro eke fura to biya, Iya eke fura tọ yo gben oworo, ogben no oro eke fura to yo oforo wiya⁵⁴Ijesu aga anẹ ero ko abẹ ka, "Na gba idurudu ka efura ẹfẹna eyi wa a fọn na, na ka gbaka ebi egun ma, egan neke siye da ne. ⁵⁵Ogbanene eperi eki wura na, enaaka, "aeyi eke fi dada ede di a dẹgan. ⁵⁶Anọ ofayensiyero, nidin akovbi sie epelu ako ẹro siye we na, aka ososi siye we na, ẹnanẹ ne me pile di ga aka ọgbọnẹ siye wa na.⁵⁷Ẹna nẹ nibma ṣẹn nẹ karẹ nẹ wọ ikwa na nẹniwu na? ⁵⁸Ọgbona anika wọ ebero na yo ọsẹnẹkarẹ efa na ako ni sie wo oripopo ayọ na, jọmọ ni guru ẹga ye anẹbọbọ etin, ume yaka evuna wo yọ ọ oṣenẹkare okeka ẹfa, kayi mediya fọwọ nẹ yọ ọ utunro na newo filọ enwan ibe na. ⁵⁹Ẹga nẹwo ka we eke veṣa fura efeneb, eṣina ogbọna udu na wọ ikiba fẹyan kwe ke na.

Chapter 13

¹Ogba ọnẹbẹ, err ẹbẹn nẹ wẹ fẹnẹbẹ na ga nẹ ya Egalili ro ọben nẹnẹ Ẹpiayẹleti fọ yọ ọ ẹyọn bile ọ ibọ iyanpun na. ²Ijesu ganẹ ba ka, "Ine roro ka Egalili ro one yọ ọ iluwe fọre Egalili ro ibu ba họn ubaka, ka abi je oya? ³Ama wẹgan, Ẹga nẹnọ.Ne me roro ibe pila, anọ fẹyan ineke fu ọrẹ nẹnẹ kayẹ yọ fu na?⁴Sọ ọ ero ẹfọkọnọkọnọ isiloamu nẹnẹ Ẹṣḷwẹ uùba fa lẹ fọn ba awan ba na, ini roro ka abe w'awọ ọ iluwe ro fọré Ijerusalemu họn? ⁵Ama we gan, Ẹgẹ. Ama ne me roro ibe pila, anọ fẹyan ika neke fu."⁶Ijesu ete utite ọbẹ nẹba, "Oro ọben bi rọ ọ ọja oti wo iyo ọba, aṣa e eni ilukutu amọ ama gba kọyẹrẹ." ⁷Ẹdẹda ayẹ aga nọ ẹfẹna mẹ ye siyutun ọba ayẹ na, "Ka ẹyẹb ẹta ọja oti na, ayi ma gba kenakide parẹ. Aka ewuru ya. Aka ẹnanẹ aka so ọ ije sie ofu na?⁸Ẹfẹna esie utun ọba ọnẹ na aganẹ ye ka, 'Ẹ ẹdaro, nẹvfọ ẹyẹn ọyẹrẹ nọ ọ ọja oti ayẹ. Aka ayẹ ẹkini ẹpẹn nẹ da fije kẹfa na ayi gumẹ wọ iyigben. ⁹Eèmu ilukutu ẹbẹyeṇ, arọn, é meemu te ṣẹ yan fuwa!"¹⁰Ijesu eete iainagogu ọbẹn Ẹsabati isubu. ¹¹Ọgba ọnẹbẹ, Iya ọbẹn wo ẹfẹnẹbẹ nẹnẹ su ẹfuẹn ẹfuẹn owelegede iwu nọ ẹyẹn ẹfọkọnọkọ nọ. Iya aye ede eme di yọrẹ fura.¹²Ọgbọna Ijesu gbẹ na, E eyẹ aga nẹya ka, "Iya, ẹ fọra wo wije fura iwọ igun owelegede iwu." ¹³Afọ yu uba yẹrẹ ya, iganigan iya ayẹ yiwu gan, iya ayẹ afo uyeyi nọ Osibina. ¹⁴Isinagogu ro ẹpan yọ ibe ama rọn wa, uba ka Ijesu afọ oro iwu gan Ẹsabati isubu. Isinagogu ro bẹ ẹpan ayẹ aganọ ero nẹnẹ wọ ẹfẹnẹbẹ na ka, "Isubu ọpọnọyẹrẹ aya wọ ọ utun iaubu, kẹ ṣa bẹ fọwọ iwu gan ama wọ ọ Esabati isubu.¹⁵Idu gun nẹ yowo, "Irekureku ro! Iinà tọra nọ onọ̀kpe aka nọ èkẹtekẹtẹ ẹfẹna ni yiri ba wo na ka bi jen na wọ ebi Esabati isubu họn? ¹⁶Abraham ogben iyaro nene ẹsuvparẹ nọ eyẹn ọfọkọnọkọnọ, ama bowọ ka bẹ tọrẹ wije Ẹsabati siubu họn?¹⁷Akọ ẹsie ga onẹ na, ẹrọ fenyan nẹnẹ asẹnya owo na, ẹpan kọ ba, ero fẹyan miya bẹn nọ utun mọ ọkẹka nẹnẹ ẹsei na.¹⁸Ijesu ka, "Gana Osibina ẹsẹn siye wa, ẹna ti di ya mẹ ẹ ya? ¹⁹Ewo aka Emustadi ííbíre nẹnẹ oro tie a nẹyan wo yo ogba ibe, eguwe eṣi nọ oti ọkẹka, ẹnẹnẹ wọ ọsọsi na, bi jen nẹ wọ ọkọ wọ ọti ayẹ ẹba"²⁰Ẹ di na ge ka ẹna ti di ámà Osibina ẹsẹn na? ²¹Ẹwẹ aka ẹwọ nẹnẹ iyaro gun ma bile na ifilawa ọbọ ẹta, titi re ọgbọna atẹrẹ ri ifilawa áye fenyan na.²²Ijesu àyọ ike ne keka aka ikeke, ẹtin, àyọ Ijerusalem ọrẹ àyọ. ²³Oro ọbẹn ga ne ya, "Idu ẹrọ keke baka na fon họn? Ė̄ga esie ga nẹba. ²⁴Asiwu ọ yọ ujun ne me ṣan nafọn, ubaka, Ẹganẹwọ ka ọyọyọ enika bẹ fọn ama be kedi fọn²⁵Ọgbọna ẹfẹna bi ybo aka kpan fura ẹfilẹ ujun na, uwe ke me joomo wọyẹn ọkọrẹ ujun, ogaka, 'Idu, Idu, jọọmo tẹ fọn.' "Eke guna wọ owo aga nẹ wo ka Ayi me dib wu aka ka ẹtẹka uwolo ṣa? ²⁶"We kemi gba ka, 'Ti je, tẹ wa iwẹrẹn. Iwẹren aka udi tetu itọ ọ oṣin.' ²⁷"Ama eke pila wẹ, aganẹ ka ayi me din efena uwa aṣana. Fura mọrẹ, awọ nẹ udeki luwe na.²⁸Iwọ aka irun ọtẹtan ẹkẹ wamọ, ọgbọna wa ka gbọ Abraham, Isaac, Jacob aka ọgẹsẹro fenyao Osibina ẹsẹn, ama baka nẹ wọ vẹ sa. ²⁹Be ke wọ ọbẹrẹ, ọgbẹ Arẹwa aka Igusi ba ka manọ ọpare Ọsibina ẹsẹn. ³⁰Din nọne, Ẹna nẹ ẹrọ fọ áyẹn wan na, aba ka da ọṣorọ, ẹnanẹ àyẹn dib na aba ka wa omunurun.³¹Ọgba ọnẹbẹ, Ẹfarisẹ ẹbẹn sa, bẹ ga ne ya ka, fura ẹkọnẹ ubaka Ẹherọdu eni ka àyẹ wan wọ." ³²Ijesu ka yọ oganọ ọ Asẹsarẹ balẹ ẹ Iigu efuẹn fuẹn nodudu efura iro iwu, idiya fọ ọ ero iwu agan, amọnẹ, usie aka isubu otetaro, me ke re ẹfena ma yo na. ³³Akone esie wana, esie ọsẹrẹ ka isiẹ kẹyọ amọne usie aka isubu nẹ yẹrẹya na ȱgbanẹ nẹ eme so sie ka bi be ọgẹsẹ fuwa ore veṣa Ijerusalem na.³⁴Ijerusalem, Ijerusalem, nẹnẹ wan ọgẹsẹ ro na, bẹ bọ ẹnanẹ bi filw ne ba na ọturẹ Isi gana idenika ẹ kọ nẹgbẹn jese akọ nẹnẹ abẹsẹ de sie tẹrẹ yọ abẹwọ ri yẹ gben na, umẹ rọrẹ. ³⁵Balẹ utebi wọ ubọ. Ega nẹwọ wa ka gba mọ eṣina ọgbọnẹ wa ka gaka, "Okukuru bile nọ ẹfẹna ṣa Osivina iwuru na."'

Chapter 14

¹Esiye isubu Sabbati, ayọ farasi nẹ wọ ẹrẹn ro jẹ ne jinjẹn bi ya baàle ya. ²Ẹfẹn nẹ bẹn igun ro ọben wa mẹ ni jọnwọn iyẹnre. ³Ijesu ṣin odindin kwero nẹ wọ obubururo bilo Farisi abẹ, "Aran obuburu ka bẹ furowugan ẹ Sabbati isubu sama buo?''⁴Bẹ diṣu Ijesu sẹ ya, a fiwu gayan, ẹ filẹ ka akẹ yo. ⁵Aganẹ ba, "Orona ni wi ni su ogben ta bi ẹkẹtẹkẹtẹ nẹ fale wọ ẹkanga ẹ Sabbati isubu nẹnẹ a ka vunẹweṣa?'' ⁶Bi me di gunẹ yowo nẹ pẹn na nẹ.⁷Ijesu gbọọ̀ ẹnanẹ bi ye bẹ ma nẹ fa okurunọ, e ti tu te aganẹ ba ka, ⁸Oro aye wu yọ arede ojebile, uma ma nẹ fa nẹ bi guru no okuronọ, orobẹ ni be ye nẹ su okurunọ furẹ wọ akaṣa. ⁹Ẹfẹnẹ ni ye anọ buọbuọ aṣa, aka ganẹ wọ, 'Fọ wo wẹ fa norobẹ̀ epanokwoko ṣa bi mi fuọ yẹ fa nẹ holo fọrẹ.¹⁰Ama, be yewu yefa yọ manẹfa ni holo fọrẹ ẹfẹnẹ nọ yewu aṣa, e di ga ka, 'Ọrẹ pọọ̀ ṣá.' Wu okurunẹ ero buba ayẹn aka dan. ¹¹Ẹfẹnẹ fọ yi pọ na be ke holo bilamo ẹfẹnẹ holo yi wu ba ka fuọ pọ.''¹²Ijesu ganọ ẹfẹna yẹ na ka, ''Wẹ sie ijen bilo ejeme ume ye weda bẹ, ukuba, wobawo ne ṣuran, be ke ye wu bi dun nawọ pila.¹³Ama we su ojebile, yiọ iwaro, ufuoṣen aku uba, openayẹn, ¹⁴Waka gbọ okurubile, be ke di dunowọ pila. Be ke dunawo isubu opalẹwe nọ osẹrẹro.''¹⁵Bẹ ọrẹ na ma itabili bile Ijesu wọ ẹgáa na nẹ a gẹé ka, ''Okorubile awa nọ ẹnanẹ eke ji jẹn Osibinẹsẹn!'' ¹⁶Amán Ijesu ganẹ ya, ''Esu oro ọbẹn nẹ si yi ijẹn okẹka eye erọ yọyọ. ¹⁷Ijẹn ẹgba re, efile yi tunro ka ganẹ ba ka ogbare ka bẹ kẹ ṣa.'¹⁸''Abẹ fẹ yan ga ka bẹ vabọrẹ. Osoro ka, 'Iyin ni je me mi balẹ ya, maka balẹẹ̀ ya. Aguga wa mẹrẹ.' ¹⁹Ọbẹn ka, 'Iyin kẹtẹkẹtẹ upi, me ni ka iya gbẹ akọnẹ eke se siyun tun. Aguga vamọrẹ.' ²⁰''Orobẹn ka, 'Ayi di foro, me ke di ṣa.²¹''Yio ikoforo sha ganẹ yoga ẹpẹnẹ nanẹ. Yọ ga ubuekaniwa.' ²²''Okotoro ka, 'Oga iburu nọ ga wo sisiye efa ki kuu.'²³''Yọga gani yi ikotoro, 'Veyọ orupopo nẹ ṣa ma yẹn ako ni puù na afoba mababalẹ bẹn fuon ṣa mubuo e di feè. ²⁴Ẹgẹ ka era na nẹ bi ye na ka tọrẹ mi jẹn.''²⁵Apẹ ọkẹka yẹrẹ ya yọ a bila a ya nẹ ba, ²⁶Ẹfẹ na ṣa tomu ne me goli we da wiya, egben, oda oforo iyaro bile ka yẹ bẹ ba erọ e di ya da mogbenburunmẹka. ²⁷Ẹfẹna fuọ yioti-ọgbalẹ akẹ yẹ re mọ ediya da mogben-nurunmẹka.²⁸Ẹfẹ na ni ka mọ ẹdẹdẹndẹ na ma ma ero akọ nẹ opa nọ ke guwẹ mẹ enanẹ agbẹ bẹ fuẹ si yio si? ²⁹Ama degan afọmẹ ofuọpa eme siye vẹpan, erofeyan na gbẹ 'bẹ tọmẹ ki sie si, ³⁰Bẹ gẹ, 'Oro nẹ tumẹ amẹ eme sie kuwe.'³¹Obin ona, ne nan' yio moobin obẹn gban mẹ kan, na ka man anọ imọron a daka aye ke di lo aṣen ẹfo jẹn na ma obin na ṣa aka aṣen ogbolo? ³²Ama dẹ gan ọgbamẹkọ ki fuen nẹ ya, efilẹ osiyiorayen e sin iwuobẹbẹrẹ ọrẹ ³³Ọnẹbẹ ka, ẹfẹna inewu na ma ne me teyi yio aven fẹyan e diye siye mogben urunmẹka.³⁴Obu ranmuro, ama yio ọrọ ran ẹfura mọ ẹta eke we ṣin obu obẹn na? ³⁵Eme pila wo boro nọ ẹran nẹ bi jese. Ibe ke gumẹ fuwa. Efene sọ fan na ka wọ, awo.''

Chapter 15

¹Amana re bile iluwe ro abẹ biya shọ Ijesu ẹfa ka bi fenyan ta. ²Ẹfarisi aka Isikribu bi hunhunu na bẹ bẹ gẹ ka, "Oronẹ agan iluwero, abẹ esi ma ba ejijen."³Ijesu ga utitie nẹ ba ka, ⁴Era ini iwu esu udodo epi ọyẹrẹ nẹ fura eke ni ya esin ebuto wọ ọdan eni ọyẹrẹ oni ya rọ ọgba ona ka gbẹ̀ẹ na? ⁵⁶Ọgbọ nẹ wura wibo, aganeyo ba wọ, 'Ma mọ bẹn ẹgba mu ududu nẹ ya. ⁷Ẹga nẹ nọ ka ẹbẹbẹn eke wọ si nọ iluwe ọyẹrẹ nẹ yọ fọrẹ aṣen ebuto nẹ mẹ rorobila⁸Iyaro one wa mọ nẹ ẹfadaka ẹfọ ẹno ọyẹrẹ fowa eki pi fitila, apọru ubo, eniya re ogbọ agbẹ na? ⁹Ọgbọna agbẹ na, ẹyẹ yọ ẹro abọ ko wobawo 'Nẹ ma wọ bẹn ẹgba mọ ẹfadaka na ni ya na.' ¹⁰Ẹga nẹ nọ ẹga nẹ wọ ebenben wa mo angeli Osibina ika ne iluwe ro ni rorobila¹¹Ọnọbẹ Ijesu ka "Ẹṣu ẹdẹda ni su egben egbe ne bore na, ¹²Ọnẹ wọ ogben ga nẹ wẹ, Ededa ka dededa fọ mo arọn ne mọ¹³Esie isubu okeke, ọnẹ wọ ogben aka àye arọn bile ayọ ike ne fọ mo re na ẹfẹnẹ bẹ, elo ya arọn kue. ¹⁴Akana ọgbọ na fẹyanekwe na ọbọrọ odudu we ṣa iken na ye, emi ne niì.¹⁵Emi fọ yi wi siye ikoto nọ iken ẹnabẹ bi filẹ ka a fọ ijen kẹ nẹ ọnọma abẹ. ¹⁶Bilọ ibe oranran aye wa ka ama ọnọma abẹn eje, koro kọ ọyẹrẹ ama vẹ ki na kide.¹⁷Ogben na yẹ mi ṣe roro ni yi wu, aga ka, Ero gana ẹ wẹ da okotoro nẹ gba eje, iwẹ ẹkọ nẹ e fo ayọ aka awọn! ¹⁸Meke fura ini tẹda ayọ ganẹya ka, "Edẹda ẹsẹ Osibina ẹṣen aka bile nu ¹⁹I mẹ pile gwe ẹfẹnẹ bẹ yẹ aka à wogben, fọ mọ akọ wi ikotoro."²⁰Ogbẹn na nọ efura ni wẹ daà ayọ. Ewọrẹ ofunmọrọ wẹ da gbẹ è eyi san ya emine sẹ ya filiwu a fuo owo duẹ yi awọ. ²¹Yọ ogbẹn ga nẹya, 'Tẹda ẹṣẹ Osibina ẹsan aka anọ eme pilẹ gwe ẹfẹnẹ be ye wogben.'²²"Wẹ da ga nẹ aàye ikotoro abẹ, 'Lakata fọ ewuruu nẹnẹ muro bi ye filẹ, ofiluba bi ye wo yuba bilọ ẹbata filẹẹ̀ ọṣẹn. ²³Bi da fuọ ọna ogben okẹka bẹ wanya. Ti joomo ti jen bile! ²⁴Mo gben fọ, emi wẹrọ. Ee ya ti mi gbẹẹ̀ Bẹ tọmẹ ejemẹ.²⁵Esie yio suda wura erun. Ọgbọ nọ eturu rubuo, awọ eguru bile aàyọ. ²⁶Emi ye bọ okotoro, eṣin ya ẹkanẹ yọ na. ²⁷Okotoro mi gẹ ka, 'Wọ da wura nẹ da wanọ ona okeke ne ya nubaka bẹ fi ibe ọranran akọ ọramarun.'²⁸Yio ogbẹn osuda ka ni wu ama fuọn m ubuo, wedo ve ṣa atẹ yekwin. ²⁹Osuda ga ka nẹ wẹ da, "Baàle ẹyẹn ọyọyọ nẹ isiye okoto nẹ wọ uma va mọ uṣun ka ati ka morẹ abẹ tiye je ejemẹ. ³⁰Ama wogben wura, eruwa ya aron no ọtanmarọkọ abẹ be wan no ona ogbẹn okeka.'³¹Wẹ da gan nẹ ya, 'Ogbon ọma kẹyẹ mọ fenyan ni su na wẹ ka ya. ³²Abọwọ ka tẹ kẹ bẹn ẹbẹnbẹn wọda ọnẹ fọ aka na awọrẹ eya akana tẹ egbe."

Chapter 16

¹Ijesu di yẹ ki ga nọ yọ ẹgbẹnurunmẹka abẹ, "Ẹṣu ọrọ ọfọrọ nẹnẹ ṣu aron na, ẹfẹna ṣu oro nene ẹ si ye ayẹrọn na, aka bẹẹ fọ ẹkarẹ tie ka ẹfẹna e si yẹ yanyẹron ọnẹ sẹ ya arọn à siye gbọgba gbọgba. ²Ubẹ uba arọnrọ ọnẹ sa yẹ amẹ ga ka, 'Ẹna wa ẹkẹna ma wọ iwọ ọrẹ na? Fọ wọ utun m bẹ yẹn mọ ubaka wẹ kẹ di pila si utun mẹkọ nẹ.'³"Ona utun si yẹ à yẹ sa ma yi iwu gẹ ka, 'Ẹna wẹ ẹkẹna mẹ kẹ si yẹ na, akọnẹ mi idu si ye ni ka à yẹ na mọ utun mọ nẹ na? E ma ṣu iwogbengben ka ẹpa ije, aka ẹ ṣu epanọkọkọ kẹ tẹ yẹ pin. ⁴Ẹ din nẹ kẹ na ma kẹ si yẹ na ubaka ọgbọna bẹ kẹ ti yẹ mu fura imu utun osi si ye na, erokoro aka na mọ ọga fọ bu bọ.'⁵Ogbona bẹ ọna utun si yẹ ọnẹ yẹ ọrọ ọrọrẹ nẹnẹ jẹ yọ oga uba abẹ na, aka esin ọrọ ọsọrọ gana ujẹ mọ oga à.? ⁶"À gẹ ka, ikọlọba ipi amọ ne wa olifi amọ.' "Ti yẹ wọ uba, ma ọwọra ibọrẹ kakọrọfọ.' ⁷"Ogbona bẹ iwu a ga nọ ọbẹ 'À ga ne ya ka, ẹpurapa uyeye à son na ipi ikiba à ga ne ya ka, 'Ti ye wọ ọwọrẹ epen wera ugbofu."⁸Yọ ọga ṣa yẹ yi yo utunro ọnẹ ubaka ẹ din nẹ ẹkare sẹn kakọnẹ si yẹ gbẹ ka ẹmẹ ṣu ọsẹrẹ wọ iwu na ubaka ẹrọkọrọ nẹ wa ẹrọ ọnẹ ẹka din ẹkarẹ ọsẹsẹ fọ rẹ enanẹ ye bi iwu ọsọ ẹgben na. ⁹Ẹ ga nẹ nọ sẹ ọrẹ na ni iwu ikua ẹpẹn nọ ọyọyọ iwu.¹⁰À yẹ nẹnẹ ṣu ikua ẹpẹn kẹkẹ iwu na, akẹ di yẹ ṣu ikua epen oyoyo iwu aka à yẹ ne me ṣu ọsẹn rẹ epẹn kẹkẹ iwu na akẹ di yẹ ṣu ikua ẹpẹn nọ ọyọyọ iwu. ¹¹Adaka wẹ me ṣu ikua oripopo nẹnẹ ù wẹ lọ arọn nọ fọ irikisie kọn jẹsẹ, era aka na wọ aka arọn ikua e ka kọri jẹsẹ na ¹²Adaka wọ mẹ ṣu ikua akọnẹ wọ si yẹ lọ ero ẹbẹn nọ ùsẹ na era aka fọ ikiba nẹ wọ nẹ wẹ ka á?¹³Ẹmẹ ṣu ọkọtọrọ ne di yẹ si yẹ okoto ạnọ ọga ẹbọrẹ na ubaka a kẹ goli ọbẹn aka eni ọbẹn ne ga, aka à ke ni ọbẹn à di yẹ goli yọ bawọ we din na da ọkọtọrọ nọ Osibina, ù di ya da okotoro nọ arọn nọ ùṣu na."¹⁴Aka na Epharisiro abẹ, ẹnanẹ ni ikiba ẹ ga na, wọwo ẹpẹn fẹnyan aka bẹẹ fọ yẹ si ọsie. ¹⁵À ga nẹ, "Nẹ sẹn nẹ iwu ẹkarẹ ẹrọkọrọ à yẹn ama Osibina din na ibẹ epen no erọkọrọ fọ uba ọkẹka sẹn na, ewẹ yẹnpẹrẹ Osibina à yẹn.¹⁶Ubu aka ogesero abẹ bi wọ ùṣuṣu rẹ ijoonu ogba wọw ọgba ọnẹ bẹ yọ Osibina yi ipẹpẹn ẹpan nọ pọpọ ba pọ aka ero fenyan ni ka abẹ fọ iwu ọgbẹgbẹn fọ ya. ¹⁷Ama à bẹn rẹ iwu nọ Osibina ẹsẹn aka ẹrọ ọnẹ ka ṣa ka bi ti ye ọwọra ọyẹrẹ fura iburu ubaka ẹmẹ wẹ gbọgba.Efena à ka sẹn ni iwe nọ yọ ọrọn na aka ẹṣu ọrọn ọbẹn à sọ oni, aka ẹfẹna à ṣu ya na ọnẹ bi yuru wọ jẹ na à sọ oni.¹⁹"Àkana ẹṣu oro oforo ne ṣu àron efena file ewuru epurplelu aka ilinen ẹsabọ ku wọn da ṣa ke rẹn yo ibẹn iwu. ²⁰Ọrọ ọtọrọ oben wa mọ à yẹ gbe ada kẹ ma, aka igben iyiwu, ²¹aka ẹdẹ ki ni ọrẹ akọ nẹ ẹkẹ si ye jije nẹ falẹ wu jẹ fura arọnrọ ọnẹ itebulu na.²²À sa ṣu ubaka ọrọ abẹlẹrọ ọnẹ sa ẹfọ aka angeli ṣa fọ yo Abrahamu ẹfa. Ikibarọ ọnẹ ka yẹ ṣa fo aka bi rẹn. ²³aka ọnunuma ibẹ, à pani ma à yẹ pọ ọsọsi aka gba Abrahamu efa ọfifọ aka Elazarus ì yẹ fẹ.Ọnẹ uba à yọ ọga aka à ge ka, "Ẹdẹda Abrahamu, sọn mẹ yi, aka filẹ Elazarusi, ka à fọ yo uba ọkẹkẹ ẹpan de à mi aka ẹfu mẹ ẹlarẹ, ubaka ẹ wọ ununuma ẹra ibẹ.'²⁵"Ama Abrahamu ge ka, 'Ọgben, yẹn ka iwẹ ẹro ọgba wọ na ẹpẹn nẹ bọrọ aka Elazarusi à yẹ ẹpẹn nedudu agba na ama aka na, a bẹn rẹ ya iwọ ekọnẹ aka à wọ uwọ iwu ọnunuma. ²⁶Ubaka, ẹfẹnyan ọpin nọ ọkẹka ju ọrẹ ubaka ẹnanẹ ẹni ka abi ṣu fura ẹkọnẹ ṣa ọṣu ọnẹ bẹn à me di ṣu aka eme ṣu oro nẹnẹ edi à ṣu ma ṣa ẹkọnẹ ẹrẹ tẹ fa.'²⁷"Arọnrọ à yẹ ge ka, ẹ tẹ wẹ pin, ẹdẹda Abrahamu, ka ù filẹ yọ tẹn ẹdẹda ubo- ²⁸Ubaka ẹ ṣu ọda upin-bi di bila fura ẹ bọ ọdudu nẹ bẹ si yẹ na ubaka bi me di sa onunuma efa ne ma nọ nẹ na.'²⁹"Ama Abrahamu ge ka, 'bèè ṣu emosi aka ọgẹsarọ abẹ tẹ yi ba bi pin ba tọn.' ³⁰"Ọrọ ofọrọ ikibarọ à yẹ pile yẹ ka, 'Nyen, Edẹda Abrahamu, ama oro ẹni ba yọ fura ẹpọrọ iwuru bèè kẹ ruri ibẹ pila.' ³¹"Ama Abrahamu ga ne ya ka bi me pin Emosi ako ọgẹsẹro abẹ bèè di yẹ bila oro esi fura. Ẹpọrọ iwuru sa na."

Chapter 17

¹Ijesu ga ne ye gbenurumẹka, "Eyi a wa ka ẹbẹrọ ekẹ jọrẹ ama ẹbẹ nẹ feno yu u uba ẹkẹ ṣaa na. ²Ẹkẹ fukẹ rọn bẹ yiri ọgbọ wi yọ fẹ bẹ nẹ fọ mọ ọkun ẹbi fọrẹ ka awọrẹ egben ni keke ṣiì orẹ.³Ne fayen ta ni wu, wọda ẹluwẹ seyenbe, ediya roribe jida, foyi iluwe pan gbun yan. ⁴Aa se to wu isu fọn bọrẹ isubu akọ isufọn borẹ ẹkẹ pila ni wu su ge ka, Etayi iluwe. Na ka lati fo yo ilu epan gbun yan!"⁵Apostoli abẹ ga nọ osi, fọ okukukuro bile wèto onaeo. ⁶Idu ge ka, "We su igbagbo ako emustadi na, wa ka ga no muibory oti, 'Be bore bi fuwe bire wa okun ibe ekediya gunawawo.⁷Ama nọ nẹ suwo ọkọkọrọ na wa a wuma odin ṣelo aka gane ya ka siyi ijen ne mo ije ofo ibeliti wo isin ofi yenemo. ⁸⁹Ama ga nọ utunrọ a ayẹ uba ka esiye ekena be gana ye ka esiye egan esiewa ne họn? ¹⁰Esisiegan ọgbọnẹ wẹ siyẹ ẹpẹn fẹyan nẹ bẹ gan, abọ ka bẹ ga ka atọ uturun rọ nẹ mẹ si ọsẹrẹ na ki sio one be ga ne to kati siye na."¹¹A sa wọ gba ka, ayẹ ijerusalemu ayere lobare wọ samaria yio Galilee. ¹²Akon siye fo mi ikena ye ayona asa gure Adete efo. Bi jowon fọmon neya. ¹³Be pa mowo pososi ka, "Ijesu, oga ṣuun teyi."¹⁴Ọmanẹ agbaba na aga ne ba ka, ne yọ ne fọ niyu yẹnọ Asigiri abẹ. Akọnẹ bi siyẹ ayo na be gbo iwu utiti. ¹⁵Ọgbọna bọrẹ gbe ka a yẹ ke se na ẹpilayo, ako ọga a fu ugbugbodi ano Osibina. ¹⁶Aṣa a fale wi Ijesu oṣẹn, Agayenba orone Esamaritaniro ya.¹⁷Ijesu ge ka, A ma wọ anẹ ẹfọ bẹ fi ugan? Ẹta ubọọrẹ mana? ¹⁸Eme pile ṣu erebe ne sa fo ugbugbodi nọ Ọsibina ẹmẹ fura ka ọọ̀ga ọnẹ na? ¹⁹A ga ne ya ka, "Fura, oke yio. Wa onenawo a fo wi wu gan."²⁰Epharisi abẹ bi de sin ka ọgbọna ọsibenẹ ẹsẹn aka saa, Ijesu guna bọwo agẹ ka Osibina esẹn a saa ọsẹsẹlẹ.²¹Aiye eto ka be ga ka, Baleya a a ya ne, ka a yane, A ma ne baleya, Ọsibina ẹsẹn ewuu ne tin.²²Aganẹ yio ẹgbẹnurumẹka Isubu asa nẹ kẹ ni nẹ gbo isubu ọnẹ wọ ọrọkọrọ ogben ama ne ke gbẹ ẹ. ²³Ọgbọnẹ ẹbẹ ba ka ga ne wo ka balẹ, ẹfenebe baleya ẹko, ama ume weyo aiye ẹto ka umune ke yere ba. ²⁴Akọ eyana siya a bana omena a ṣamayẹn na wọ ọsẹrẹ ọrẹ ọsọsọsi rẹ ẹfọbẹ ọsọsina, egane orokoro ogben eke siye da ne iyu subu.²⁵Ọsọrọ a wa ka eke jeya yere epen ọyọyọ bi di ye yuru ya aka yu ubane. ²⁶Akọ ẹsiyẹ wọ Inoah ọgbana ẹgan ẹke ayẹ sẹ ro ọrọkọrọ ọgbane ne. ²⁷Bi jẹ, bẹ wa, bẹ fọ abẹ akọnofọrọ akọ ọrọ jẹnẹrẹ isubu nẹ Inoah fọmọ ọkọ ẹbi ẹkana ẹbi saa ẹbẹba fuwa sẹsẹsẹ na.²⁸Ẹgan nẹ akọ ẹ siye siye ọ Eloti ọgbana ibẹ jẹ bi ya wa, bi ye yin biya jọ biye birẹ akọ ọpẹpare. ²⁹Ama ẹsuna Ẹlọti wẹ sa furuo Isọdọmu na, Ọsi era ka sa aka ekuku wọ sibane ẹsẹn wọbọ e fuba bẹ fẹnyan.³⁰Nẹ ẹnanẹ akọ suu na, aiyẹ ẹkẹ tuwo isubu nẹ wọ ọrọkọrọ ọgben nẹ ba ka fọyẹn na. ³¹Isubu ọnẹ bẹ enanẹ wọ ubọ oirosi ẹpan na bẹ mẹ wọlọ ka iba ku sẹ efuru bo, egan a wa ne enane wo ijijena bi me pila.³²Nẹ yẹmọ Ẹlọti ọrọ. ³³Ẹfẹn ẹfẹna àka yin yẹrọ na aka nẹ ya fuwa ama ẹfẹna nẹ yio ẹrọ fuwana ayẹ ada nẹ fan.³⁴Ẹe ga nẹ nọ, ujogwe ọnẹ bẹ ẹrọ ẹbọrẹ ẹkẹ buwẹ wọ ọlọrẹ bẹ ke ti ọrọrẹ, ọrọrẹ ẹẹ̀kẹ ku. ³⁵Iyarọ ẹbọrẹ ba ka ke yẹnẹ ẹfeu kubile, Bẹ kẹ tiye ọrọrẹ, be ke tayi yo bawo." ³⁶Ẹrẹ bọrẹ ẹkẹ wọ ẹrun, be ke tiyọ ọyẹrẹ bi tiyọ yọ bawọ wije.³⁷Bi sin ya ka ọgbọna, Idu a ga ne bẹ ka "ẹfẹna ọrọkọrọ iwupẹ mana efenebe anye iguu de gule wọ."

Chapter 18

¹Ọgbọbẹ bẹ ayẹ mi te utite nẹ ba ka akabe ke sie ki sie adura ogba fenyan a ma dọọ ba na, ²Ka, "È su ọṣẹnẹ karero iken ọbẹn nẹ nẹ ama sọn Ọsibina Ọ́ọ̀rorẹ na, Ẹmẹ dia tọmẹ ẹpan no erokoro.³Ukukuruda ọbẹn wo iken ayẹ, ayẹ de ni ya ṣa isisi a da ga ka, 'Góò mu uba, sẹn ese ọṣẹrẹ nẹ mọ i mọ ọgbẹrẹ uùbá. ⁴Nẹ ọgba ọlọlọrẹ e me ni ka ayẹ e go yu uba, amaa ọgbọna e sie keke na ayẹ mi ga nẹ yọ iwu ka, 'Mé è me sisi sẹn Osibina ọọrore tabi ẹtọmẹ ẹpan nẹ erokoro, ⁵Kegan kegan ubaka ikukurudu ọnẹ kọ ẹyankata tọ mu, mẹ kẹ gọ yu ubu ẹsẹn ese ọṣẹrọ nẹ ya, ama kọ tó ò mu akọ esie à à ṣa isisi na."'⁶Idu mi ga ka, "Piya ọtọn nẹ ẹkẹna ọsẹnẹkarẹ ne me su oṣẹrẹ aa ga na. ⁷Bale, uka Osibina áàka ṣẹn ese nẹ yọ́ò ẹnanẹ ẹtie na, nẹ yi iwọ áà nẹ ya ku ujọ kẹ ẹrun na? Aka sẹ ba ki jọọn hon? ⁸E ga nẹ nọ ka a ka ṣẹn ese osẹrẹ nẹ ba iganigan. Sibẹ, ọgbọna orokoro Óògben aka ṣa na, óòka aka gba ọnawo ẹrọ?"⁹Bilamo e di e ki te utiten ọnẹ nẹ ero ẹbẹn fọ ayen yẹrẹ bi iwu ka abẹ wa ọṣẹrẹro bi mi a fọ ayẹn á à wan ero ẹbẹn, ¹⁰Ifọrọ ẹbọrẹ Ẹtẹmpulu ibẹ ka bi yẹ siyẹ adura. Ọrọ-ọyẹrẹ wa Epharisesiro aka yọ ọbọrọ wa ọna amanarọ.¹¹Ọnẹnẹ wa Epharisesiro fura jọọma siyẹ adura nẹ yẹ wu akọ, "Osibina, Ẹ gawọ eba ẹme wa ka ero-ebuba-ọyirẹ, enane-amawọw. Onero-ọsẹsẹ ẹma di ya bale ako ọna-amanarọ ọnẹ. ¹²E nawẹ íṣu burẹ ọsẹ fẹbyan.Ẹ fọ mọ ọsẹnẹfọ imi kiba ẹwarẹ.¹³Ama ọnq-amanaro ọnẹ nẹnẹ jọọmọ ẹfẹnẹ bẹ na, ẹme si di ya pama yẹn pọ-ọsọsi balẹ Osibina ẹsẹn, ama afọ uba tilọkọ, à ga ka, "Osibina sọmẹyi iluwẹrọ. ¹⁴Ẹ ga nẹ nọ,ọrẹ-ọfọrọ yọ ubọ akọ ibe-ọbẹnbẹnrẹ akọ ẹbuba, ubaka ọrọkorọ na ka fọ yi iwu pọ na, íba ka fo we wọlọ wẹ jẹ, ama ọrọkọrọ na ka fọ yi iwu wọlọ na, i ba ka fọ pọ."¹⁵Ẹrọkọrọ abẹ dí ya kọ mẹ gbẹn ni kẹkẹ abẹ asa yẹ fa ubaka, Ẹ di dẹ yẹ ba, ama ọgbọna yẹ gbẹn norunmeka abẹ gbe ba ma, bee ma ba ga? ¹⁶Ama Ijẹṣu yẹ ba sa tọ yẹ wu, à ga nẹ ba ka, "Te yi Ẹgbẹn nikẹkẹ ẹnanẹ bẹ ni mu sa, aka nẹ mẹ pila gu ba. Ubaka Ọsibina ipẹpẹn wa nọ ikeke ẹnanẹ. ¹⁷Ikua Ẹ ma nọ ga, ọrọ-nẹnẹ aka nọ Ọsibina ipẹpẹn akọ Ẹgbẹn nikẹkẹ ẹnanẹ aka gba fọ.¹⁸Ọrọ-ọgbe nẹ wẹ ẹpan na, sib ya ka, ọtitierọ-ọbọrọ, ẹna amẹ ẹkẹ siyẹ amẹ ẹ di gba ẹrọ nẹ mẹ ṣu ọtana? ¹⁹Ijesu ga ne ka, "Ẹnawọrẹ nẹ ù yẹ mu ọbọrọ? Ẹ mẹ ṣu ẹfẹna wọ obora na, eme fura ka Osibina á yarẹ.²⁰ Ù dib nọ ububuru ni ma siye ọni, ni ma wanọrọ, ni mẹ yirẹ-ọyiri, ni ma fọ iwu gbẹlẹ Isọma, ne ugbogbodi nọ nẹ Ededa aka ne Iya abẹ. ²¹Ẹfẹna wa ẹrẹrọ à ye gẹ ka, "Ẹpẹn fẹnyan ẹnanẹ ámi yẹ si utun mẹ siyẹ ka ba ọgba nẹ bi ya ba mọ na.²²Ọgbọna Ijẹṣu wọw ọnẹna, à ga ne ya ka, "Ẹpẹn nọ ọyẹrẹ kuwu ọsi yẹ, gbaka ọjọ epen fẹnyan ne úṣu na, áka uruwa yi-ikiba nọ ẹnanẹ ẹmẹ ṣuna áka wẹ kẹ mẹ ṣu ẹfa Ọsibina ẹsẹn, umi sa kẹ yẹrẹ mọ. ²³Ama ọgbọna Erero ọnẹ wọw epen nẹnanẹ, á sa fẹ nọ iwu-okeka aka ibẹ ọbilẹ fuwa, ubaka à ṣu ẹkẹna bẹ yẹ ikiba ba.²⁴Ọgbọna Ijẹṣu, gbe ka ẹ bibẹ ẹfuwa na. ²⁵Ubaka aka bẹrẹ erakumi iwu ka, à ṣu mọ ọrẹsẹ à yẹ, no àrọnrọ ka fọ Osibina ẹsẹn.²⁶Ẹnanẹ wọw ẹkė na á ga na, "Ọgbọ a bẹ ẹra eke mi ṣu ọnafa? ²⁷Ijẹṣu gu na ba ọwọw ka, "Ẹkẹna ẹme ṣu ọ siyẹ aka ẹrọkọrọ na, ṣu o siuẹ aka Ọsibina.²⁸Ipita ge ka, unẹ uba, ti tẹ́yẹ ẹpẹn fẹnyan nẹ ti ṣu na aka ti ya yẹrẹ wọ. ²⁹Ijẹṣu ọgbọna be, mi sa ga nẹ ba, ikua, ẹ mq nọ ga, ẹ mẹ ṣu ọrọ nẹnẹ tẹ bi ubọ, uba kq yọ ọró, ubaka yọ ọda, ubaka yo ukuba, ubaka yẹ gben na abẹ, ubaka Osibina ipepe, ³⁰Ẹra akana ọyọyọ ọg an ọnẹ, aka iṣubu ne di ya sa na, ẹrọ-nẹ mẹṣu ọta na.³¹Ẹsí yẹ akọb ẹfọkẹbọrẹ jẹsẹ wu yẹ fa, "Nẹ balẹ ya, ta yọ Ijerusalemu, aka ẹpẹn fẹnyan áyẹ ọgẹsẹrọ wọra wọ ijẹ akọnẹ ọrọkọrọ ọgbẹn ákẹ siye sẹ utunma yẹ ẹpan na. ³²Ubaka ba kq fọ dọn mọ egantisi abẹ uba, aka fọ siyẹ ọsi, aka fọ ẹpan kọn ya, aka tọọ ẹfuwa riya na. ³³Akọnẹ bẹ kẹ siyẹ bẹn ya onini na, báá kq waw ya, aka iṣubu ọtẹtarọ á kẹ fura sa.³⁴"Bee nẹ́ din ẹpẹn nẹnanẹ aka ẹ ga ọnẹ wọ ẹbẹnbẹn nẹ ba, aka bee me din ẹ ga nẹ bẹ ga na.³⁵Á sa rẹ, akọnẹ Ijẹṣu siye afọ Ejeriko na, ọrọ-ọfọrọ nẹ pẹn na yẹn na, áma ọripọpọ ẹfẹ á bẹlẹ ẹpẹn, ³⁶aka á wọ akọnẹ apẹ ai ya yo na, á sib ka ẹna sele à. ³⁷Béé ga ne ya kq, Ijẹṣu Enazareti ẹka a yẹ á ṣu.³⁸Oro-ọpẹnayẹn nọnẹ ṣa yoga we sa, á ge ka, Ijẹṣu, Edafidi ọgbẹn, sọn mẹ ẹyi." ³⁹Ẹnanẹ a yẹrẹ ya na yọga riya kẹ pọn yọ ọwọw ama à yoga we sa bila mo, "Edafidi Ȱgben, sọn nẹ ẹyi."⁴⁰Ijẹṣu fura jọọmọ aka á buru ka béẹ́ fọ kẹ sa tọ ya yẹ. Ọgbọna ọpẹnayẹn àyẹ turu tọn na, Ije̱s̱u sin ya ka, ⁴¹"Ẹna wẹ ni ka í siyẹ nẹ wa?" À ga nẹ ya ka, "Idu, ẹ ni ka ekegba à yẹ."⁴²Ijẹṣu ga ne ya ka, nawa à yẹ pila. Wọ ọnawọw sẹwọ iwu gan. ⁴³Iganigan à na ya à yẹ pila aka à yere ya, à fọ ugbogbodi à nọ Ọsibina. Erokoro fẹnyan, ọgbọna béé gbe ọnẹna, bẹ fo ugbogbodi ànọ Osibina.

Chapter 19

¹Ijẹṣu fọn ẹ ṣu yọ Ẹjerikọ. ²Uùgbe ẹ ṣu oro ofaro nẹnẹ bẹ yẹ Ezacchaeusi. A wọ ọna amana ẹ di ṣu aron dọn.³Ẹni ka a ye gbo ẹfẹna wa Ijesu na, ama ẹmẹ di gbe ẹpẹ etin, ubaka awọ oro-okeke ⁴Ọnẹ uùba ẹ manẹ yo ẹrọkoro abẹ ẹrẹ apọ ọti Isycamori ọsi ka à yẹ ẹ di gbe.⁵Ọgbọn na Ijẹṣu ṣa ẹfa ọnẹ bẹ na, à pa mẹ pan pọ à yẹ, "Ezacchaeusi, wolo sa iganigan, ubaka amọ nẹ ma ka manẹ wọ ubọ. ⁶Unẹ uuba, a mọnẹ wolo ṣa, anẹ ọga akọ ẹbẹnbẹn. ⁷Ọgbọn nẹ ero-fenyao gbe na, abẹ fenyan yẹrẹ ya yo bi à ge ka. Eje ne wura ẹsẹrọ ọga⁸Ezachausi fura joomo à ga nọ ema ka, bale ya, Idu, mo arọn ọsẹnẹ bọrẹ, ẹ anọ ẹna amẹ ṣu na, ẹworẹ ọrọ ẹnanẹ jẹn aka epen fenyan, mà àka bila ne ba, Iṣa ẹnanẹ ọpanẹ ije ba na. ⁹Ijesu ga ne ya ka, "Amọ nẹ ọnafa fọ mu ubọ ọnẹ, ubaka Abrahamu ọgbẹn ka wọ wa. ¹⁰Ubaka ọrọkọrọ ọgben sa ka à yì ni ama wa ka àka ana ẹnanẹ ne fuwa na fa."¹¹Akọ nẹ bi si ye wo epen nẹnanẹ na, ẹ ti ye epan ẹga na ga na, è di ya ta uti tie, ubaka eni a rẹ, Ijerusalemu, aka bè roru ka Osibina ipẹpẹn ni ka wolo sa iganigan. ¹²À ge ubaka, oro-okukurubile ȯbẹ yọ ike nẹ fọ mọ rẹ, ka à yẹ è je na nọ ipepen nẹ yi iwu è di ye pila sa.¹³E ye efo i yọ ọkọtọrọ abẹ, à sa fo minasi ẹfọ ne ba, à ga ne ba ka nẹ yo ni ki si yẹ ubele re ogbon na ma ka sa na. ¹⁴Ama ijeda goli ya, bi file eri nẹ ya ka, 'Tè ke ya ka ọrọ-ọfọrọ ọnẹ ẹ jọbin wo tẹ pa.' ¹⁵A ṣa ṣu ogbon na à pila ṣa akọnẹ ẹ si ye nọ ikpepẹn na yẹ, ẹ ububuru yọ okotoro enanẹ ẹ ruwa ikiba nọ, ka bi ye ba sa, ubaka à ye di din ẹkẹrẹ nẹnẹ bi je ẹ bu bẹlẹ na.¹⁶"Ọrọ-ọsẹrọ ni ya sa, à ga ne ya ka, Idu wọ Eminasi si yẹ ẹfọ bila mọ.' ¹⁷Ọrọ okukuru nọ ọnẹ ya ka, 'awọ sẹ ike nu pi. Onuba ka usu ikuwa epen keke, we ke su ububuru ikẹ nẹ fọ ẹpan.'¹⁸Ọbọrọ sa, à ge ka, wọ Eminasi, Idu, di na siye upi ọbẹ.' ¹⁹"Oro okukuru bilerọ ọnẹ, 'ga ne ya ka, fọ uba sẹ ike nu pi.'²⁰Ọbẹn sa, a ge ka, Idu, wo eminasi anẹ ọnẹ iyẹ ṣu wa mọ, wọ eṣa ibẹ, ²¹Ubaka wọ ọrọrẹ àsọmọ. Ubaka a mẹ din ka osi nu ubarọ ọwa. Ẹkẹ na wu mẹ bi na à yẹ wu da ke na, aka ẹkẹ wu me bire na, à ye wa da ke pari.'²²"Oro-oforo, okukubile à ye ge ka, aka wọ owow ẹ ga à ye ma ka sẹn wọ ẹkarẹ awo okotoro odudu one. U din ka ẹfẹna da ke pare, ẹfẹ na imẹ bire wọ na, à ye ẹ wa. ²³Ẹna worẹ wọ mọ fọ mi ikiba wọ ebanki ubaka, ogbon na me pila sa, ẹ di nẹ aka ẹkẹrẹ?'²⁴Oro-oforo okurubile à ye ga nọ enane joomo na, nẹ na fura yọ u ba eminasi, àka ni ya nọ efena ṣu ẹfọ dọn na. ²⁵"Bẹ ga nẹ ya, 'Idu, esu ikiba ẹfọ.'²⁶"Ega nẹ nọ ena nẹ su na bẹ ke su bilamọ, ama ọnẹ emesuna, ọnẹ esu na bẹ nẹ. ²⁷Ama me bero, nẹnẹ eme ni ka ijobin wo bẹ pan na, kwo ba ṣa be wamba imayẹn."²⁸Ogbọnẹ a gẹ ga ẹnanẹ a yẹ rẹn nẹ ba aà yọ Ijerusalemu.²⁹Ọgbọnẹ eturu tọ bẹ ta fe gi akọ bẹ tani, ọrẹ be yẹ Olifẹti, e file egbenurumẹka ẹbọrẹ, ³⁰Agẹ "Yọ iken nẹ kẹ yọ tọ na. Akọ ni sa fuọn, na ka gbọ ẹkẹtẹ ogben nẹ koroire emi pọ. Toò re ėfue ṣa nẹ mọ. ³¹Esu ẹfẹna e ṣin nu na 'Ena wọrẹ uwa tọrẹ ya na?' gẹ, 'Idu eni ya nọ sisiye.''³²Ena nẹ bi file na bẹ yọ bẹ gbo ẹkẹtẹ́kẹtẹ́ ogben ako Ijesu ṣe gẹè na. ³³Akọnẹ bi sa tẹrẹ ẹkẹtẹkẹtẹ ogben, enanẹ bi ya gẹẹ̀ ka "Ẹna wọrẹ uya tẹrẹ ẹkẹtẹkẹtẹ ogben na?'' ³⁴Bẹ ga ka ''Idu e ni ya o lo.'' ³⁵Bẹ fuẹ ṣa Ijesu ẹfa, bẹ bọrọ ẹwuru ẹsa yẹ rẹ ẹkẹtẹkẹtẹ osi bi fi Ijesu mana amọ. ³⁶Aka be re ayọ nẹ, bẹ buọrẹ be ewuru wọrupopo.³⁷Ako bi se turu re efa ona ọrẹ nẹ na Olifi ohole, asarimasan ẹgbẹnurunmẹka bi bẹn be fu uyeyi nọ Osibina bile ohun okẹka nọ utun okeka nẹ bẹ gbo na, ³⁸Bẹ gẹ, ''Okuru nọ sibina nọ obin na ṣa Idu uwiru! Iwu ọbẹbẹrẹ Osibina ẹṣẹn, bile ugbugbodi!"³⁹Ẹfarisi ẹbẹn ni wo asamasa gẹ ka, ''Otitere ma wegben nirun eka ga." ⁴⁰Ijesu gun no wo a gẹ ka, "Egan nẹ wọ, enenẹ afowo ọtarẹ eke yọ ga vesha."⁴¹Ọgbọnẹ Ijesu turu rẹ iken, eyiwo nọ ya, ⁴²A gẹ ka, "Ada ka ni dini isubu, ano, ẹkẹna a fọ iwọ bẹ bẹrẹ! Ama bi ya bẹbẹ na jẹn.⁴³Isubu aka ṣa to nu ọgbọ nẹ nẹ bẹro be ke fura to nu bi joba kọọ̀ no bẹ rẹn nẹ ọrẹ kẹ rẹ. ⁴⁴Baka kẹrẹ nọ siye bili nọ gbẹn nọ wi nẹ fa. Bẹ ke ti yi ọtarẹ nẹ yẹrẹ abẹn ubaka ni me peli nisubu ọbalẹ.''⁴⁵Ijesu fuọn ẹtẹmpulu egwu ẹnana deji, ⁴⁶Aga nẹ ba, "Bẹ wọrẹ ya ka, 'Mubuo aka wa nẹ adura; ama nẹ sẹ ya ṣina iyiri ubu."⁴⁷Ijesu emi te isubusubu ẹtempulu. Bẹ Ashigiri ẹpan bile eskiribu be nọ rẹ ba ka ya wanya, abẹ awọ ẹrẹn re nọ ero abẹ, ⁴⁸Ama ọrẹ eme wuba mọ ubaka ero feyan bẹ piya atọn.

Chapter 20

¹Eṣa ṣun isubu ọrẹ akọnẹ Ijesu se te ero itempulu yẹrọ ẹpẹnpanoboro ẹga ashigiri ẹpan bilo isikribu bilo isudaro abẹ. ²Bẹ gẹ ka ''Ganẹtọ uburu ona uwe siye ẹnana ẹra va ẹ uburu ọnẹ.''³Egwu na ba owo aganẹba, ''Ameke ṣin o ṣin ne ganẹmọ. ⁴Orimọmọ Ẹjọọnu: Osibina ẹṣẹn ẹwẹ ṣa sọ ọrọkọrọ eka ya?''⁵Birore ibiwu, be gẹ, ''Ta kaka, 'Wo sibina ẹṣẹn ya, 'Aka ga ka, ẹnanẹ na ma nẹ ya wọ na?' ⁶Taka ka, 'wo erokoro uba ya, ero feyan aka gba tan ọtarẹ ibiyayẹnba ka Ẹjọọnu wọ ọgẹsẹ ro.''⁷Ọnẹbẹ bi gunowo ka abi me din ẹfẹna ewe ṣu na. ⁸Ijesu gane ba, ''Kama ka ganẹnọ uburu unẹ iyesie ẹnanẹ na.''⁹Aganọ erobẹ utitẹn, ''Edẹda bire iyọba, ayanero ka bi di bire ibire wọba ye, emi yọ ẹfa ni isubu ofonmọre. ¹⁰Ọgbọ ọnẹ ere na, efile yọ okotoro yọ ẹnanẹ bẹ na ọba yẹ ka bẹ fọ ọba yẹ ilukutu ṣa. Obaro abẹ bẹ bẹya bẹ fọ ẹpan kọ ya bi gu ya ẹbu ufolo yọ.¹¹Efile ikotoro ọbẹn yọ ibi da bẹya bẹ fuẹpan kwoi bi guya ako ubufolo yo. ¹²Ede ki file ọtẹtaro yọ bi rẹnyoro bile bẹn nenya re yẹ.¹³Idu ro nẹ bi ọba yw ga ka ẹnẹ meke siye? Mekefile mọ gbẹn nẹ ini yẹ ga yọ. Ediye siye bikurunẹya .' ¹⁴Enanẹ esiyọ utun oba yẹ bi roro ibiwu ka, 'Ọnẹ wọ ojegbeli ni jọmọ tẹ wanya, yio ọpa aka da tẹka.'¹⁵Bi mi nẹya we yọ furọ ọba bẹ wanya, Ẹna Idu ne bi oba yẹ eke siye to ba? ¹⁶Aka ṣa efuba nẹ fuwa, emi fọba nọ erẹben.'' Ọgbọ nẹ bẹ wọ ya na, bẹ ga, ''Bi ma woya gba!''¹⁷Ama Ijesu balẹ ba a gẹ ka, ''Ena wa yi gbẹn nẹ ẹkẹna bi siye bẹ wọra: 'Ọtarẹ nẹ nọ ẹnanẹ a mubue yuru emi ṣina ọtarẹ ope? ¹⁸Ẹfẹna a fale wọ ọtare eke pupusẹ bile ọnẹ otarẹ ayẹ aka falẹ yẹrẹ na, eke kpun ya aka ewunlo.''¹⁹Iskribu abẹ bilo Ashigiri ẹpan bi nọ rẹ ọnẹ baka sẹya na bile ka etuùti tẹ onẹ yẹrẹ ba bẹ. Ama bẹ sọmọ orokoro bẹ ọrọrẹ. ²⁰Bẹ mọsọ fọ ọlọn aba lẹ ya bi file enanẹ abale apẹn na ne ako awọrẹro ọsẹrẹ bi di sẹ ya iyọ ega ọga ga bi di sẹ ya nọ uburu ẹgomina ẹka.²¹Bi ṣinya ka, ''Otitero, ti din ka wa gi ikwa, we te ọsẹrẹ orupopo Osibineka. ²²Ewo ububuru ka bi duna amana ne ikesari sa bi teya?''²³Ama ewọ Ijesu odindin nẹ bọ ẹdayẹn odudu, agẹ ka, ²⁴Fi ikiba yẹn mọ. Era yọ usi ako iru ẹwamọ na?'' Bẹ ga ka, ''Ikesari.''²⁵Aganẹba ka, ''Ani Ikesari ẹkena wọ Ikesari na, bile amọ Osibina ẹpẹn nẹ Osibina ẹka.'' ²⁶Urunba bi ma gba uluwe iyẹrọ nẹ ẹkẹ na aga ero ẹrẹn, ejinbowo fuwa ne si, bimi pu bowo.²⁷Ọgbọnẹ Esadusi ṣa yẹ fa enanẹ ka osuma pilẹ eporo eme wamọ na, ²⁸bi ṣin ka, ''Otitero Imose aà wọrẹ nẹtọ ka oforo oda efọ esu oro, emi su ogbẹn yọ da yẹ emi su ya, edi bogbẹn nẹ yọda nẹ fo na.²⁹Ọda ufọnbọrẹ wa mọ osuda su oò ro, efo imesu ogbẹn nẹ ya, ³⁰ka yọ ọyẹrẹ. ³¹Ọtẹ taro suya bilo ọrẹ ọnẹ abu ufonbọrẹ nẹ suya, ama ba ogben nẹ fẹyan bi kwe fọ. ³²Ọsẹ pan, oro ayẹ mi fo. ³³Isubu opalẹ weporo ṣa ẹra oro aka daà? A bẹ ufuẹnbọrẹ esuya oro.''³⁴Ijesu ga nẹ ba, ''Eforo ibọ gba de su oro aka bi de fọ oro. ³⁵Ena nẹ bẹ gbaka bi gwẹ ẹgan ka bi su ọsọmapalẹ epero na be ke su oro bile ka bẹ fọ oro. ³⁶Be ke pila fo, abi ka angeli bi si no Osibina ogben ọsọmọ eporo pilaṣa.³⁷Ena nẹ fo be sọmọ fura, ako Imose se ya yẹn na ẹfẹ na ẹmẹ na kẹnẹ, ẹfẹna ewo yi Idu nẹ wọ Osibina Adamu bile Osibina Isaki aka Osibina Ijakobu. ³⁸Ekana, ama wa Osibina eporo ẹka, ama ọnọwẹrọ ubaka atọ fẹyan wamọ nẹ ya.''³⁹Isikribu ẹbẹn gunowọ ''Otitero, ni gunowo oboro.'' ⁴⁰Bi me pila mẹ balẹ ka bi pile ṣin ẹga ẹbẹn.⁴¹Ijesu ga nẹ ba, ''Gana bi se ga ka Ikristi Ijesu awọ Edafidi ogbẹn na? ⁴²Edafidi ẹbẹba gẹ Ẹsamu emumu, Idu gani Idu, 'Mana mu ba ojijẹn, ⁴³re ọgbọ na ma ka fọ we bero siye adan.' ⁴⁴Ẹdafidi mi yọ Ikristi 'Idu gana emi se wọ Ẹdafidi ogbe na?''⁴⁵Ọwọ wọ ero aganẹ ye gben urunmẹka, ⁴⁶''Sẹ nẹ wu nẹ isikribu abẹ, ẹnane bi de file ewuru bile ẹgẹ gan unini ẹka eji ẹfa bi adan okẹka isinagegu aka ẹfa ọbẹrẹwu ejeme efa. ⁴⁷Bi da fọn ikukuruda nẹ obefuwa, nẹ oyẹnyẹn na adura ọlọlọrọ. Ero ẹlẹ na bẹ na obibe okẹku.''

Chapter 21

¹Ijesu bi la yẹn palapan agbọ osa arọn onobebe ako bi sie fo one bi suuma e wo obo ikiba na. ²Aa gbọ iyọ ikukuruda ọbẹ ne me su dọna ka afọọ ẹkobo ẹbọrẹ woọ obo na. ³Egan ẹsiẹ gẹ ka, ikuwa a a ye ega nẹ no ka ime su a a ye ikukuruda ne fo ọyọyọ forẹ ba. ⁴Abẹ fẹyan one foo one fo ọkẹrẹkẹtẹ ne bi suuna. Ama ikukuro iyio iime su, fọọ fẹyan ne suu na ubaka a ye di ma nẹ rọ.''⁵Ogbone a ge etempeli ẹga na, ako bi siye guriya aka ọtarẹ na ako iyapun na. ⁶''Age ka, Ne ẹkẹnae ne na ne, ogba a sa nẹ otaro ben eke pila ku wo ben no Oṣina.''⁷Bi ṣin ya ka, ''Otitero, ọynọna ẹkẹ nẹ na nẹ aka da? Ena aka da bọ ọfọyẹna?'' ⁸Ijesu gun nowo ka ''Nẹ ṣo ọlọn nẹ gba ka awọ rẹ ẹmẹ wamo. Ubaka ero ọyọyọ a sa imiiwiuru bẹ gẹ ka, Aa ma wa àye, aka ọgba yẹ turu ṣa uma yẹrẹ ba filọbẹ. ⁹Omane ne na wọọ Ekun eso ma na aka ẹlọgọseme ni, uma ṣe nẹ yibẹ. Ubaka ẹpẹnẹnanẹ aka da aka oṣoro ama yio omunurun aka ṣa iganigan.''¹⁰Aa ga nẹ ba ka, iken eke fura to abẹn, Ẹsẹn eke fura tọ Ẹsẹn Ẹfo oyọyọ, oboro ako ijoolo. Epeni dudu ako ami aka sero wo won Osibina ẹṣẹn. ¹¹Aa ma ṣaa na enane ako osi si ye na toọrore na ako opipeli ne ke wo osibinẹsẹn na.¹²Aa ma ṣa na ẹnane ako baka fọ ọ iwogbigben se no aka baka fo ya jẹ nu, be ke e di ya fọnọ domu Isinagọgu aka ẹwan ro abe uba baka fọnọ ṣo ibin aka Igomina abe ẹ rẹn ubaka mọ iwuru. ¹³Ona ka wa oogba nẹ wọ ubedi.¹⁴Ọnẹ uba ni fue roro inọkan ni ma kwe sa ka iine ke pila efayen ṣa na ọgba e di ki rẹ, ¹⁵Ma ka fega aka odindin nẹ nọ no ebero abe eke di ya gba no se na.¹⁶Aa ma ba ka fono domo ubaro, edabe, ikubarabe ako ẹrẹ abẹ aka baka be ke di ya sẹ nọ bẹ wan. ¹⁷Be ke goli nu ubaka mi iwuru. ¹⁸Ama ẹpẹn ne wu ne pan na e èkefu. ¹⁹In no ọfọ iwu na ka ne ẹro.²⁰''Ọgbona ọgba mẹ kon ro aka te kiri ko yo Ijerusalemu na, ni din ka ne ke sino ọ ẹtapere. ²¹Ọnuba ẹna ne wo Juden na bi mu ne pọrẹ Osi enane wi ken naiye na bi fura, ẹnananẹ wọyẹn na bi me pila fọn mo ikimaye. ²²Ubaka oduduna ogba nẹ ẹpẹn fẹyan ne be wora wi wẹ na ẹdi ṣa ṣun.²³Ebe awa no ẹnanẹ wi wo ẹbọrẹ na aka ẹnanẹ a wọọ ogben ẹba na uba ka oya ọkẹka nije aiye akọ ọkẹkan nẹẹ ero. ²⁴Ọgbọdọ aka fọ ba falẹ ba ka sẹba ọvan iken ṣe sẹ se Ijerusalemu ne Egentile abe ba ka den sije jenere omena aka bere o Egentilesi abi wu na.²⁵''Ofoyen eke wa mọ Eyi, ọṣẹn, ako ẹsẹpẹnẹ aka ẹrọnẹ uuru abe be ke wo ibe obefuwa ako eye oṣen ibe uba ka okun yọ ogẹgẹn aka yẹ ẹfa. ²⁶Ẹkẹ sẹ na nẹ ubi aka sẹ na yẹrọ iiba atomopipi ano ekena sa towe ero na. uba ka iwogbigben ne wo Osibina ẹsẹn na eke egbun.²⁷Ọgba ọnẹ bẹ ba ka gbou Osibina ogben ne wi iduduruda hola a ṣaa iiyiwu iwogbigben aka yu gbugbodi. ²⁸Aa ma ọgbọna ẹpẹn feyan ẹnanẹ ake ṣa na, Ni fura jowon, ne pa me pan, ubaka no one na fan eturu sa.''²⁹Ijesu tu utiten obe nẹba, ne balo oja oti aka oti eben. ³⁰Be wule emumun, ina gbe ka ooni yi ogba turu ṣa. ³¹Eegan esiye wa ka omane wa gbe epenane ako, Ne ke din ka osibinarẹ ẹsẹn e turu sa.³²Ikwa, ẹ gan nẹ no, ubane eke ṣun gbu gba e sin ọgbọ na ẹpẹnẹ nanẹ ṣun na. ³³Osibina ẹ sẹn aka ero aka ṣaa ṣun. Ama me ga e e diye ṣun ma yọ.³⁴''Ni ki piyo abena ọtọn ubaka no okon ẹme fe no adẹ ọwẹwa wani iwu pe, ẹro ẹyankata, ubaka isubu eme joọujun sewo ako ẹtakutena. ³⁵Ubaka a ṣaa towe eroro ṣe ṣe na a ma nẹ rọ na.Aa ma ni jowon ṣii ne kwasw wije ogba sẹ ṣe ṣe, Adura ore ubaka ni di su iwo gbi gben ka nidiya fan fura ẹpẹnẹnanẹ na ka ṣa na ubaka nidi jowon orokoro ogben ẹrẹn.''³⁷Ogbena be ne e tero Etenpeli na aka ujogwe na, Ede weyo ede jọwọn ẹkẹna be ye oliveti na. ³⁸Ero fẹyan ṣa uro rumẹka ka bẹ wọ ya Etempulu.

Chapter 22

¹Imu ne wo Ẹkara ne be me filo obana e turu aṣa ne be ye ofuru suna. ²Asigiri ẹpan abẹ ako Iscribu ro abẹ biye nore akone be ke siye wani Ijesu na ubaka ba ṣomo erọkọrọ ọrọrẹ.³Esu ṣa fomo Ijudasi ọnẹ be ye Iscarioti ọyẹrẹ abe efokebore. ⁴Jusasu jene tọ ọ Asigiri ẹpan ako enro abe ama ba mẹsẹ akon aye ke siye fọ Ijesu yena neba na.⁵Bibe run be naka ba ka fi ikiba nẹ yan. ⁶Kayẹ na emi ne karọ ọgbone ekemi fuẹ yẹnnebe aakpe etin.⁷Isubu one wo ekara one be me filo oba na, ne be jimu ofuru ṣun na ududo Aagbo ne be ke siyọ iyan pun na. ⁸Ijesu sa efilo Ipeter aka Ẹjoonu ka. Ne yio ni guru ẹfa no ijen ufuru sun uba ka ti di je.'' ⁹Bẹ ga nẹ ya ka, ''ẹe ta we ni ka tii ye guru ẹfe wija?''¹⁰Eguna bo wo ka, ne balo ya na fomo iken yọ, Ẹdẹda ọben ne e yi ne na eke to nu. Ni yẹrẹ yaa yu bo na ka yo na. ¹¹Aane gane efena bubo na otitero gaa no ka, 'Eta wo ọga ubo mana nẹ me ke je ijeno furu sun aka me gben orumẹka abẹ?''¹²Aka fo uburibe ọkẹka nẹ bi guru na yen nọ. Ni si yio oguguru efenebe.'' ¹³Be sa be yo be gbo epen fenyan akone bi siye gane ba na, Bi sa bi sio ekara ne me su oba na ijen.¹⁴Ọgbọna ogba iyi re na, ama wije aka ye gbe nu rumẹka abẹ. ¹⁵Aga nẹ ba ka mibe oronron ya kẹ ẹ ẹ ma no jijen san na idi kii joya. ¹⁶Ẹ ga nẹ wo ka, me ke pile jijen ti ti rọ gba na osibi ne esen eke ye ka a sere na.''¹⁷Ijesu fọ iwẹbi ogbone agamẹ ba na a gẹ ka nẹ nọ nẹ, ni ruwẹ inetin. ¹⁸Aa ma ẹganẹnọ, maka wọọ ilukutu ẹwayẹni ne wo jenere ọgbonẹ Osibina aka ṣaa na.''¹⁹A ṣaa e tiye Ẹkara ọgbọna a gamẹ ba na, a bọyan a nẹba, A gẹ ka, ''Ona wa mi iwupe ne iyanẹno na nii ki siye ọnẹ imọ ọyẹn yẹn.'' ²⁰A fọ uwebi, ọgbọnẹ bi je bi iyọbẹrẹ ijen na agẹka ọnẹ a wọ uwebi ọna awọ ọṣẹṣsẹrẹ imẹ nyon ne bi gun ma vesa nẹ wọ na.²¹Ni su ọtọn mo pipi, oro uba nene aka fomo yẹn e we ekọnẹ kẹmọ ọparẹ. ²²No orokoro ogben na yo ako bi siye rore na. Ama ebe nọ oro ọnẹbẹ nẹnẹ fuẹ yẹn na!'' ²³Be tome beya mẹ sẹ abẹn netin ẹfẹna fẹna aka da ne ke siye ọnẹ na.²⁴Ọsakata ṣaa ewo ibe etin ka bọọ na fọrẹ a. ²⁵A ga nẹ ba ka, ibin abẹ nẹ wa Ẹgẹntiliawo idu yẹrẹ bẹ pan ako enane ne suu uburu yẹrẹ bẹ pan abe be ye ẹnane esie oboro na.²⁶Aa ma bọ ka e sie akọ da nẹ wọ ifena awa osere ro fore ine etin a ayẹ awa ogben okeke ako oro ne poina fọrẹ sina ẹfẹna sẹ yọ okoto na. ²⁷Ne fena fọrẹ na, oro ne ma ke oparẹ na oro ne siye oketo nai? ama we efana ama nọ ọparẹ i wu ne tin ako efena a si yo okotona.²⁸A na wẹnanẹ jọwọn gbeli mu imayẹn ọrọrọna na. ²⁹Itiye ijoba esen nẹnẹ Akone me ededa siye meka ne mo, ³⁰ka nidi ye ne wa iimo ọparẹ oṣensen eka na ikuba ẹfọkẹbọrẹ nẹ wọ Isreali ẹka na.³¹Simoni, Simoni, dinka, Eṣu eni ka aiye wan wo be pun wu aka egin na. ³²Aa ma i gbadura newo, ubaka wo ọnẹnawo emẹdi falẹ ọgbona weke bilurun fọ iwogbigbenne wo ọda bẹ.''³³Ipeter ganẹ ya ka, mosi a ne kwẹsa ka iyẹrẹ wọ fọn ẹwan ubu aka ufo. ³⁴Ijesu gun nẹyowo ka, ''Ẹeganẹwọ Ipeter abẹsẹ aka be ka saana udi ki yuri mu i sẹ ta uba ka udi mu.''³⁵Ijesu ganẹ ba ka, ''Ọgbọna ifile weyọ na nẹnẹ ne metiọ apolo dọn na, Aapo ne ijeneka na ake ebata na, Esu ekena ne me ṣuu na? Bi gu neyowo ka ''kẹnakide.'' ³⁶Edi ye ki ganẹ ba, oma nẹ one a suu apolo na, etiye don, Egan ne esie wo efena esuu apoo na, ọnẹ me suu ọgbọdọ na ajọọ yọ ẹsa eyin nọ ọyẹrẹ.³⁷Egan ne no, Ekena be wora wi iwe ne to mu na ediyesie kayima ṣẹrọ, ''Be ganya aka ẹnanẹ awọ ọtọn na ẹkẹna bẹ ga ka eke sie na a ya ṣero nẹ.'' ³⁸Bẹ ganẹ ya ka, bale ya, ọgbọdọ ẹbọrẹ a aya wọnẹ.'' A ganẹ ba ka arọmẹ ẹgan.''³⁹Ijesu sa a po yọ ọrẹ ne wọ Olivis na, akọ ede sie ki sie na ye egbenurumẹka yẹrẹya. ⁴⁰Ọgbọna bi re ẹfẹna bẹ na, agane ba ka, Ne, ''gbadura ubaka ne ma fọmọ ọmabalẹ.''⁴¹A ṣa efura be tin akọ ọṣẹn ẹfọna egume kwi ten aa gbadura, ⁴²agẹ ka, ''Ẹdẹda, we nii tiyọọ uwebi ọnẹ fura mọ rẹ, ama k mu unini ya ama teyi ada wẹka.''⁴³Iganigan Angeli wo ososi wolo ṣa a fọ yiwu yẹnya aka iwogbingben. ⁴⁴Ako ne esie wọ onunuma na a gbadura otila, yọ uri a saa eṣinọ ẹyọn nẹ ewule e wije na.⁴⁵Ọgbọnẹ a fura adura na, Aṣa to ye gbenurumeka etoba ka be bwe ubaka bi be fuwa ⁴⁶esin ba ka, ''Ẹnanẹ ne bwe na? Ni fura nẹ gbadura, ubaka ni gba omabalẹ.''⁵²Ijesu ganọ Asigiri ẹpan ka akọ ẹnane wọ ẹ tẹmpeli na ako isuda ne e me je gbeli a na, ''luni vesa no oyiri aka ogbodo ako oti? ⁵³Ọgba na ide wi nẹfa isubu isubu ni iini etempeli, ame na ma fuba yẹrẹ mi wu⁴⁹Ogbanarẹ ẹnanẹ tekiri kọwẹna Ijesu gbẹ ẹ ẹkẹna a se bẹ gẹ ka oga, Te ke do tọ ọgbọdọ?'' ⁵⁰Bọ oro oyẹrẹ loọ ẹpẹn ṣẹnọ ọyẹrẹ newa Asigiri okeka yo okotoro na yọ ọ ọtọn ojigen. ⁵¹Ijesu ge, ''One rȯn mẹga!'' A fuba dẹyọton aye, afo yi wu gan.⁵²Ijesu ganọ Asigiri ẹpan ka akọ ẹnane wọ ẹ tẹmpeli na ako isuda ne e me je gbeli a na, ''luni vesa no oyiri aka ogbodo ako oti? ⁵³Ọgba na ide wi nẹfa isubu isubu ni iini etempeli, ame na ma fuba yẹrẹ mi wu. Ama nọ gba anẹ aka esiri iwogbigben.''⁵⁴Ọgbọna bẹ sẹya no be fwẹ yọ Asigiri epan ubo. Ipeter mọ sọ ayẹ rẹ be. ⁵⁵Ọgbọna bi gunẹra ubu aye etin na, Bẹ ma bile Ipeter mani be tin.⁵⁶Oyegben obe gbe akọ nẹ esiye ma a wẹra na abalẹ ya yẹn agẹ ka, ''Edẹda ọnẹ kaye yẹrẹya.'' ⁵⁷Ama Ipita ṣen yowo, a ge ka, ''Awọ iya i me dinya.'' ⁵⁸No gba keke orobẹn gbẹ aganẹ ya ka ''Ka wọ ọwọ ọyẹrẹ ibiwu ikwa oforone kayi wenane jọwọn gbe ina na.''Ipita ka, ''Oforo ama wa ame.''⁵⁹Ogba aka wakati ọyẹrẹ na oforo ọben eyuru aka, ''ikwa oronẹ kayi we enane ayẹrẹ na. Egalilian ro ya.'' ⁶⁰Ama Ipita gẹ ka, oforo i me din e ẹkẹna wa gana.'' Eme fomore, ako esiye ki ge ga na abese beka.⁶¹kayi bila, Idu bila a yen bale Ipita ki Ipita yẹnka Osibina ega. Ogbone agan ka, ''Saa na abese ake beka amo none waka sẹn mọọ isẹ ta.'' ⁶²Ipita sun ve yọ ọyẹn eyi wo akibo bibe.⁶³Urunba ededa nene a ṣẹlẹ Ijesu na be fuẹ siye osi bidia beya. ⁶⁴Be foo esa bi ye riya yen bi ṣin ya ka, Gẹẹ sẹ, era wa efena fon we pena? ⁶⁵Be ga ẹpẹnọ yọyọ ẹbẹn jegbeli Ijesu, be ge ẹlabọ tọwẹ.⁶⁶Ako isubu aiye si ye re na isuda abe kwa bẹ jẹsẹ, Asigiri ẹpan aka Iscribi ro abe. Be fuẹ yọọ ọsẹnẹ karẹ abẹ ẹrẹn. ⁶⁷Bẹ gẹ ka ''Adaka awa wo Ikristi ganẹ tọ ama a game ba ka ''ma gane no, Na ka na wo.'' ⁶⁸me ṣin nu ne ke gunọwọ.⁶⁹Wakanọ nẹ yọ orokoro ogben aka mano uba ojigen ne wu gbi gben ne wo Osibina ke na.'' ⁷⁰Abe fẹyan gẹ ẹka, Aiye dika ''Osibina ogben ayowa?'' Ijesu gane ba ka ''Nẹ gẹ ka a aye ame wa.'' ⁷¹Be guno ka, ''Ena wore ne tee kimi efena ekesiye ubedi na? Ubaka atọ ẹbaba tee wo fura iyowo.''

Chapter 23

¹Abẹ fẹyan bi fura, bẹ fọọ Ijesuṣa Epayileti ẹfa. ²Bi ya tẹẹyowo ka, "Tẹ gba ẹdẹdaonẹ ne juguna tọ ọ iken oripopo na, eyuru ama ta amana nọ Ikesari a ayėo ka ayẹ awọọ Ikristi, Obin."³Epayiketi ṣiyan aka awạ wọ ọ Ijuwu ro obin? Ijesu gun nawo aka, "Ọ ọ́gẹ gan." ⁴Epayileti aganọ o Asigiri ẹẹpan aka oro ọyọyọ nene we fẹnẹ na, "Ima gba osi sie kọ yẹrẹ ẹdẹda ọne." ⁵Ama bi eme ya, bẹ ka, "Awọrẹ erokoro eejuguna Ijudiya fẹyan atomẹ Ẹgalili titt ṣa re eẹ́kọnẹ."⁶Ọgbọna Epayileti wọ ọnẹ na, eṣi ka, Ẹgalili ro ya họn? ⁷Ọgbọna nẹ awọ ka, Ẹhẹrosu yọ ọ uburu a fọọ Ijesu file nooo Ẹhẹrọdu, ubaka kaye wọ ọ Ijerusalẹmu ọgba ẹnabẹ.⁸Ọgbọ na Ẹhẹrọdu gbọ ọ Ijesu na, yi be rọn ubaka efo akọ e sie we nika ayẹ gbẹẹ na. Awọyẹga, ediye nika ayẹ gbọ ọ ojinorowo fuwa nẹnẹ esie na. ⁹Ẹhẹrọdu ṣin nọ Ijesu ẹga ọyọyọ ama Ijesu eme gun nẹyowo. ¹⁰Asigiri ẹẹpan aka isikribu ro ako iwu ọkẹkan biye won ya.¹¹Ẹhẹrọdu aka yọ ọ ọgbamekọn ro parọ Ijesu etun bi diya fọ yesiyosi. ¹²Bẹ fọ ẹsa nẹ rọn muro na file, be fue pila yọ ọ Epayileti ẹfa. Ẹhẹrọdu akọ Epayileti mi ṣin no ọrẹ emu nubẹ, ama ebe ero bẹ tayẹ wa.¹³Ẹpayeleti é éyọọ Aṣigiri ẹ ẹpan na abẹ aka ẹnanẹ wọ ọ ẹrẹnro na aka ẹrọ ọyọyọ. ¹⁴Aga nẹ ba ka, "Nẹ fọ ẹdẹda ọne sa mẹ fa akọ ẹfẹna fọ ọ oripopo edudu ayẹn nero na i ṣin rọ ẹdẹda ayẹ ẹgaiinayẹn, ima gba yọ ebe kọyẹrẹ, ẹpen fẹnyan nẹ nika esie na."¹⁵Ẹn ẹn, Ẹhẹrọdu pilẹ ṣa nẹtọ ubaka ama gba ẹkẹna wọrẹ nẹ baka ṣẹn ufo ikarẹ nē̇ya na. ¹⁶Maka dayajẹ ite biya." ¹⁷Akana, biye ṣile Epayileti iwu kq etebi ijuwuro obẹn nẹnẹ wọ ẹwan ro na imu isubu.¹⁸Abẹ fẹyan bi yọ ga ka, "Fọ ẹdẹda ọnẹ yọ ni tebi Ẹbarabbas nẹ tọ. ¹⁹Barabbas wọ ọ̀ ẹfẹna bi ju wọ ọ ẹwan ubu na nọ efuragoli nẹnẹ esie na aka ka awan noro.²⁰Ẹpayileti diya maba hẹga isi ọọ́boro e ebika ayi tebi Ijesu wije. ²¹Bi yọga ka, "Wanya wanya." ²²Ediya gan nẹ ba isọtẹtaro "Ẹna wọrẹ a ẹna wo ẹga odudu nẹ ẹdẹda ọnẹ sie na? oma gba ẹkẹna esie nẹ di ya wọrẹ ka bẹ wanya na. Ọnẹ uba ma foya jẹ me ke teyiya wije.²³Bi ki yuru, b́íye yi oga ka bẹ wanya. Bọ ọga mivwọrẹ ka Epayileti ka emi yẹrẹ bẹ ka. ²⁴Epayileti mi ya nẹ ba ekẹna be eṣina. ²⁵Etebi efẹna bẹ ka abe nibna nẹnẹ bi ju wọ ẹnwan ibe no efuragoli aka ka awan no ro.²⁶Ako bi sie fuẹ ayọna bẹ sọ o Isimoni nẹ wọ Isirini ro na, ewọ uwuru a ṣa, bẹ fọ ọgbalati aye ṣuwẹ akẹ yẹrọ ọ Ijesu.²⁷Ero ọyọyọ aka iyaro nẹ ẹga yẹ siwu na, aka ẹnanẹ eyi iwo na biya yẹrẹ ya. ²⁸Ijesu bi layẹn to ba aganẹbaka anọ Ijerusalem iyaro abẹ ni mw yi mi iwo, ama yiwo nẹ niwu aka negben na be.²⁹Nẹ balẹ isubu aṣa nẹnẹ ba ka ga ka okukuru bile aka da nọ ọ ogbeni abẹ aka ogben nubu na na ba na, aka ẹba na ma gba ogben yẹ ẹ na. ³⁰Ọgba ọnẹbẹ ba ka gạ nọ ọrẹ ka afale sẹ babẹ aka otutu eri babẹ. ³¹Ne sie ọnẹ ọgbọ na oti aye afa kpọtọ na, ẹna beke mi siya ọgbọna eyeyi na.³²Iforo eben, erokoro Idudu ẹbọrẹ aye bẹ fo yẹra ya yo ka biya wanba.³³Ọgbọna bi re ẹfẹna be ye ọ ifoni na, ẹfẹnẹbẹ bi kanyan ako erokoro ididu ẹborẹ ẹna bẹ woti oyẹrẹ iyọ ọ u aojijen yọ oọ́boro iyi uba uguruba. ³⁴Ijesu ka, "Ẹdẹda fọ bọ iluwe epan gbun ba ubaka be me dina ekena be siye na."Bi putre ruwa yẹ ẹsa³⁵Ero abẹ ki jọmọ bi ya balẹ ya bọ erẹn ro abẹ fuẹ esiosi, biya gẹ ka, "Anọ erebẹn fan, ana yi wu fan ada ka aya wọ ọ Ikristi Osibina eka nẉ bi tiye na."³⁶Kà ọgbamẹkọb ro abẹ fuẹ siyosi bẹ fọ ade̱ ogigiyan a anẹya. ³⁷Biya gẹ ka, "Adaka awa wọ ọ ijiwu ro obin na wiwu fan." ³⁸Esu ọfọuẹb ne biye wo yi wu na, "Ibiwu ro bọ obin nane."³⁹Oro odun ọyẹrẹ nẹ bẹ kan kan kaye wọ oti na itie ayẹn tuẹ aka, "Ama awa wọ Ikrsiti? Na wiwu aka atọ fan." ⁴⁰Yọ ọbawọ ewon ya aka, "Uma san mọn Osibina ṣẹn nọ ufo ẹkarẹ nẹ won na? ⁴¹Atọ ti wo ẹkọnẹ nọ epen nodudu ne ti sie na. Ama ẹdẹda ọnẹ eme sie ẹpẹn odudu kọyẹrẹ."⁴²Agẹ ka, "Ijesu, yen mọ ro ọgbọna wa ka ṣa wọ esen na." ⁴³Ijesu gan neya, "Ikwa, ega newọ amọnẹ wa ka ma kẹyẹ mọ Ẹparadise.⁴⁴Ọgba ọnẹ bẹ rw wakati ọpọnọyẹrẹ esiri ṣa eri ije ayẹn fẹyan titi jen ne rọ ẹwakati ubọyẹrẹ. ⁴⁵Eyi ṣina esiri. Ẹsa nẹ biyeri Ẹtẹmpulu ujun na eruwa wọ ẹbọrẹ.⁴⁶Ijesu yi oga aka, "Ẹdẹda, ẹfo mọ ẹfuẹnfuẹn dọn wuba." Ọgbọna aga ọnẹ kẹ na, aṣe nẹfuẹnfuẹn. ⁴⁷Ọgbọna Ipiro gba ẹkana siye na, afọ uyeni nọ Osibina, aka, "Ikwa Osibina oro aya wọnẹ."⁴⁸Ọgbọna ero ọkẹrẹkẹtẹ nẹnẹ ṣa ka bẹ gba ẹkẉ nane sie na, bi kwe pila bẹ fọ ọ uba efon mẹgban. ⁴⁹Ama erofẹyannẹ diuan na, aka iyaro nẹnẹ yẹrẉ ya ṣa ka bọ Egalili jọ mọ wọ ẹfaofifona balẹ ẹpẹ nẹnanẹ.⁵⁰Esu ẹdẹda nẹ be yị ọ̀ Ijọsefu nẹnẹ wọ ọpa na. Oro oboro ya edie su ikwa. ⁵¹Ẹdẹda ọnẹ ama fi iwu gbeli fayan nẹnẹ be roro bi die siyena.Arimatiyayẹ ewe ṣa, Ijiwuro oṣn, oroaye eni Osibina ẹsẹn.⁵²Ẹdẹda onẹ e etọ Epayileti aka afọ Ijesu eporo nẹ ya yẹ. ⁵³Afuwe holo ṣa, afọ ẹsa oboro parẹ ya afuwẹ wȱọọsọ nẹ bẹ fọ ọtarẹ siye na nenẹ be emi ro koro ọyẹrẹ wo na.⁵⁴Isubu nẹnẹ ba kọ ẹsa akq Ẹsabati ayọ tọmẹ. ⁵⁵Iyaro abẹ ẹnanẹ yẹ rọ ọ Ijesu wẹ Egalili vesa na, yẹrẹ ya be gba yọ osọ aka ako bi sie rẹ na. ⁵⁶Bi pika ṣa bi guru ẹpẹnẹbẹ aka iturari. Esabati,bi filẹuẹ akọ ibuburu siye ga na.

Chapter 24

¹Urorumẹka firi firi, isubu oṣoro ọsẹ bẹ ẹṣa ọ́sọ̀,bẹ kọ iturari nẹnẹ bi kwe siye na. ²Be gbẹ ka bi gbiya ọtarẹ ayẹ fura iyọ ọsọ. ³Bẹ fọn yọ ama ba ma gba Ijesu Idu yọn eporo.⁴Ésiè ka ẹpẹn ayẹ juguna wo bayẹn ba ma dayẹn su iforo ẹbọrẹ jọmọ gbeli ba, bi file ẹsa nẹnẹ ikuru yẹrẹn yẹrẹn na. ⁵Akọnẹ ọrọrẹ sie pina rọ ọ iyaro abẹ nabi geb mayẹn ri ije,bẹ ga nọ ọ iyaro abẹ, "Ẹna nẹ ne ni ẹfẹnawo ẹro na e eporo etin?⁶Ẹme wo ẹkọnẹ, bẹpayan fura! Ne yẹn akọne Esie gu nẉ nọ na ogbọna nẹnẹ eki wọ Egalili, ⁷A agẹka ba ka sẹ orokoro ogben nẹ iluwe ro abe baka kanya sọ oti, yọ isubu ọtẹtaro akakpan fura."⁸Iyaro ẹnanẹ yẹn yẹ ẹga. ⁹Bi fura osọ, bẹ ga ẹga fẹnya ẹnanẹ no abẹ ẹfọkọyẹrẹ aka ero ibuba. ¹⁰Ogba ọnẹ, Imari Magdalene, Joana, Imari, Ijamisi wiya aka iyaro ibuba nẹwo biwu na ga ẹga fẹyan enanẹ nọ aposteli abẹ.¹¹Ama ẹga ọnẹ ewo akọarọn ọbẹnben na nọ ọ aposteli abe, ba ma nọ ọiyaro abẹ wọ. ¹²Kẹgan kẹgan Ipita fura emune yọ ọ ọsọ,atọmẹ abale ọsọ ayẹ agba ẹsa abẹ Ipita mi fura ayọ yọ ubowo ẹpẹnfẹyan jinyowo fuwa.¹³Ọgba ọnebe abẹ ebore ba yọ ọ iken nẹ be yọ ọ Emmaus na, awo imeli ita nọ Ijerusalemu. ¹⁴Bi ke ma abẹn na gẹ ẹpẹn fẹyan nẹ ke sie na.¹⁵ie, ogbane nẹ ba mẹ ẹse, ororo ka agayẹ ka na, Ijesu ayẹ ẹbẹba veṣa ayẹrẹ bayọ. ¹⁶Be me ya ka bayẹn edi peliya.¹⁷Ijesu gane ba ka, "Ena wọ ẹkenana gana, ako ni sie jenjen na yọ na?" ¹⁸Boro ọyẹrẹ nẹ be yọ ọ Cleopas na, eguna yowo, "Awa yẹrẹ awọ oro oyẹrẹ Ijerusalemu ne medin ẹkẹna siye na isubu keke yurun?¹⁹Ijesu ga ne ba, "Ẹna wa?" abi gu nẹ yowo, "Epeb nayẹ eto Ijesu nẹwọEnazareti ro na, nẹnẹ wọ Ọgẹsẹ ro na, Egbodi ẹga, awa Osibina ẹrẹn aka ero feyan ẹrẹn. ²⁰Aka akọ nẹnẹ Aṣigiri ẹ ẹpan akọ ọ ẹrẹnrọ abe siye fwe ne ba ka be wa yan, bi diya kanyan woti na.²¹Te nawọ ka aye aka palẹ Isreal ṣa. Ẹ ẹn, ẹna afọra, egule isubu eta akana nenẹ ẹpẹnnẹ nanẹ ke siye na.²²Ama a, to iyaro ẹbẹn itiwu ji towo fuwa ubaka bi wo ọsọ ka bọ urorumujujo eka. ²³Ako nẹnẹ be me sie gba yọ ọ e eporo na, bi pila ṣa,biya gẹ ka abẹ gba ẹmẹnẹ Angeli abẹ nenẹ ge ka eki wo ẹro. ²⁴Iforo ẹbẹn nẹnẹ wo ti wu na, kabẹ yo o ọsọ kabẹ gbẹ akọ iyaro abẹ sie ga na. Ama bama gbẹ."²⁵Ijesu ga nẹ ba ka, "Anọ iforo abẹyẹ ẹnanẹ ni su ovuvunainọ ọ efuẹn efuẹn s̱a na nibdedi na ẹkẹna Ọgese̱ ro abe ga na! ²⁶Ama bọwọ ka Ikristi eje oya ẹnanẹ fọb yọ ọ ugbugbodi?" ²⁷Wọ Imose tọmẹm ṣub mọ ọ Ọgē̇sẹ ro abẹ fẹyan Ijesu ga fẹyan nẹ ba Osibina ẹga.²⁸Akọ bi siye turu etọ iken okeke ne ba yọ na, Ijesu sie aka ka yọ fon mọrẹ na. ²⁹Ama bẹ fọ ọ iwogbigben seya ka, "Ma kẹyẹ tọ, ubaka iyi bẹrẹ aṣa ọgba yọ" Ijesu fon yọ ama kẹue̱ ba.³⁰Ogbọna, ama kẹyẹ ba na nẹba yo jijen na etie ekara, esi adura wa mọ e ruwẹ, a nẹba. ³¹Bọ ayen jin bi peli ka aye ya, e fisi fura bọrẹ. ³²Bẹ ga ana bẹn ka, "Ama waka tọ ẹfuẹn ẹfuẹn akẹnẹ ogba nẹnẹ awa tọagega oripop, ejin nọ ọ Osibina ẹga ayẹn tọ?"³³Bi fura ọgba ọnẹbẹ, bi pila yọ ọ Ijerusalemu. Bẹ gba abẹ ẹfọkọyẹrẹ jese wọ ifa ọyẹrẹ. Aka ẹnanẹ ma kẹyẹ ba na.³⁴ Bi ya ge ka Idu pan fura ikwẹ ẹka afọ yọ iwu yẹn nọ Isimoni. ³⁵Bi kwe a aga ẹpẹnfeyan nẹ ke sie onipopo na, ako nẹnẹ bi sie peli Ijesu na ọgbọna ẹruwa ekara na.³⁶Akọ bi sie agẹga ẹnanẹ na, Ijesu ejọn mọn ibe etin aga nẹ ba ka, "Ako okukuru bile awa nẹnọ." ³⁷Ẹyẹ sẹnbibe, ọrọrẹ pina ri iba e ewo aka ibẹ gba ẹfuẹn fuẹn na.³⁸Ijesu ganẹ ba ka, "Ẹna nẹ na ṣenẹyibe na? Ẹna nẹ oṣin oṣinve aṣa ini ibe na? ³⁹Ne bale mẹẹba aka mẹ ẹṣẹ, Amẹ ya. Dẹyẹ mọ ọg ẹ. Ẹfuẹnfuẹn e esu iwupe aka ofu, ako ni sie gbamọ ka isu na." ⁴⁰Ogbona aga ẹnanẹ kwe na, a fọ yẹ ẹba aka yẹ ẹsẹn yẹn ba.⁴¹Bi meki na a wọ,ubaka bọ ibe rọn aka ẹpẹn ayẹ jin bowo fuwa. Ijesu ga nẹba ka, "Ni su ẹkẹna ne ke je na họn?" ⁴²Bẹ fo ayẹrẹ ne bẹ fa na nẹya. ⁴³Ana ba atanya iba ayen.⁴⁴A ganẹ ba ka, "Mọ ega nẹnẹ ẹga nẹnọ na ọgbọna iwo inẹfa na, ka fẹyan nẹ bẹ wọra Imose yọ obuburu akọ ọ Ọgẹsẹ aka Ẹsamu na osisie a ka da."⁴⁵Emi jin ba ọkan, bi dinọọ Osibina ẹga. ⁴⁶A ga nẹba ka, "Be wọrẹ wije ka Ikristi eke joya, eke diyapale e ekporo ṣa isubu ọtẹtarọ." ⁴⁷Ibe ororo pila aka iluwe ẹpan ogbungbun awọ ẹkẹna na kakẹ pọ yọ ẹpẹpan na iyọ o iwuru nọ ẹrọ fẹyan na, wọ ọ Ijerusalem tọmẹ.⁴⁸Ana wọ o ubediro epen fẹyan ẹnane. ⁴⁹Balẹ maka fọ ekẹna Teda ka aya ka nẹmọ na file nẹnẹ. Ama nẹ ma nọ ọ uwuru je ne re ọgbọna ba ka fọ iwo gbigben file nu ka ba ososi na."⁵⁰Ijesu ayẹrẹ be veṣa re ogbona bi turu Bethany na. Apan yọ uba pọ ososi esie adura nẹ ba. ⁵¹Ogbona esie adura anẹ ba na, etebiba be fwẹ yọ ọ Osibina ẹsẹn.⁵²Bi pun ya, bi mi pila yọ ọ Ijerusalem ako ibe ọrọnrọn. ⁵³Bi de mi kẹ ma nọ ọ Etempulu ogba fẹyan, bi da fọ uyeyi kẹ nọ Osibina.

John

Chapter 1

¹Wo ósorosoro ayẹ Ẹga we wamọ, Ega ayẹ ma gbeli Osibina, Osibina diya wa Eha ayẹ nẹ. ²Ọnẹ ọrẹrẹ a ma gbeli Osibina kaba osoorosoore nẹ. ³Iyọ ọrẹ bi a ma ẹpen fẹnyan nẹ, efura aye e me su ẹpen nẹnẹ bi pila bu ma nẹnẹ bẹ ma na.⁴Í yi ibe ayẹ ẹrọ ma nẹ; ero ayẹ ọsọ nẹ erọ abẹ nẹ. ⁵ Ọsọ ayẹ a a ba esiri eètin; esiri e me sisi di su afọrẹ yẹrẹ yẹ epan.⁶Oforo ọbẹn wamọ nẹnẹ bi file kaba Osibina ẹfa ṣa na, iyiru egbe Ẹjọọnu nẹ. ⁷ Ayẹ ọọrẹọọrẹ bi file nu ubedin nẹ, ka e di siye ubedin nọ ọsọ aye nẹ, ka ẹrọ feyan edi wo yẹ ọọrẹ nawọ. ⁸Ẹjọọnu a ma ayẹ awa ọsọ ayẹ, ema ibi file ka edi siye ubedin nọ ọsọ ayẹ.⁹Ọsọ ikua onẹ nẹ pi ọsọ yẹrẹ ẹrọ fẹyan nẹ a a ṣa ẹro ọnẹ na.¹⁰E wo ẹrọ ibe, ẹrọ ayẹ bẹ yio yọ rẹ ma, ẹrọ emi sisi di yan. ¹¹Eni yė ka abẹ ṣa, yẹ ka bi me sisi nẹ ya.¹²Ama ero ọyọyọ nẹ nẹ a nẹ wọ na abẹ a fọ iwogbingbe nọ ka bi di ṣina osibin eègben nẹ ka ero eègben na yi wuru wọ na. ¹³ Enẹ nẹ bẹ ba na ma wọ enyẹn ọrẹ na, sa ibe-opin nẹnẹ wa iwupe, na ma wọ orokoro iroro iibe-opin, ama Osibina ẹka.¹⁴Ẹ ẹ ga ṣina uwikpe ama tọ a a ma. Tẹ gba yi igirima-ri-igirima aka Osibina Ogbẹn nẹ wo wẹ da ẹfa ṣa nẹnẹ fiye ne ese aka ikua na. ¹⁵Ẹjọọnu siye ubedi nẹ ya eyi ọga, ka a wa oro nẹnė ẹga yẹ ga ka, oro onẹnẹ aṣa ì mu urun na, afọrẹ mọ¹⁶Ubaka iyo ofifiye ibe ayẹ atọ fẹyan we gba na, ese na. ¹⁷Ububuru wọ Imose u ba re ṣa, ama ese ikua wo Ijesu Kristi rẹ sạ. ¹⁸E me su oro nẹnẹ gba Osibina gba na; yọ Ogben ọọrẹ ọgbọgbọ nẹnẹ wo yẹ ẹgban na aya fọ ya nyen.¹⁹Ọnẹ a wo ube din Ejọọnu nẹ, ọgba nẹnẹ Ijuro file alufaa abẹ aka Ẹlevi eègben abe ṣa kabọ Ijerusalemu ka bi sịn ya ka, Ẹra u kpoto waa? ²⁰ Anowo, e me yuru; anowo ka, í ma wa onorofan ayẹ. ²¹ Bi ṣin ya ka, "Ẹra u mi wa kaa? Eliya ọ wa họn? Aga ka, "I ma wa ayẹ". Awọ awa ẹsẹro ayẹ họn? Egunowo ka, ẹnẹn.²²Onẹbẹ uùbu bẹ ga ya ka, Era u kpoto wa a? Kati di fọ owoguguna pila ne ero abẹ nene file tu na. Ena wà àka ga yẹrẹ wi iwu epan na a? ²³Aya ka, Amẹ a wa ore ohun nẹnẹ e e yi oga ọ́dan na, ni sie orikpokpo a sẹrẹ, kpẹnẹkpẹnẹ akọ nẹnẹ Aisaya ẹsẹro sie ye ga na.²⁴Ero nẹnẹ bi file nẹ wa Efarisiro abẹ ere. ²⁵Bi ṣin ya ka, bẹ ga yẹ ka, Eni e mi wọrẹ nẹnẹ we e ri ero imomo a, a a daka u ma wa onorfan, sa Elija, sa ẹsero ayẹna?²⁶Ẹjọọnu guna bo owo, ka, efọ ebi e e ri imomo: ama orr ọbẹn jomo wo ne etin nẹnẹ ni i me din na. ²⁷ Ayẹ wa oro nẹnẹ fọrẹ mẹ na, efẹnẹ i i me guwe otora yẹ ẹkatakpo oòyi na. ²⁸Bi sie ẹpẹn ẹnanẹ Ẹ́batabara Ijo dani oòsun, ẹfẹna Ẹjọọnu wẹ e ri ero imomo na.Ísubu ọọ boro Ẹjọọnu²⁹ gba ki Ijesu a a ṣa yẹ fa; aga ka, ungbẹẹ, Osibina ududo Oògben nene kọ ẹrọ iluwe yọ na! ³⁰Ẹfẹna ẹga ka a wa wọ nẹ ka, Oforo ọbẹn aba ṣa i mu urun,oro nẹnẹ fọrẹ mọ na, ubaka a tai wamọ fọrẹ mọ. ³¹I me sisi din ya: ama kadakada edi sina ọfọnyẹn ni Isreali, yuba aworẹ nẹnẹ i a sa ẹ fọ ebi e e ri ero imọmọ nẹ³²Ẹjọọnu mi si sie ubedib, aga ka, Egba Efuenfuen ka e holo a a ṣa kaba ososi aka eṣokpo na, e mi ma ẹ a a ma. ³³I me sisi dinya: ama oro nẹnė file mu ka e fo ebikiri ero imọmọ na, ayẹ ẹbẹba aga nẹ mọ ka, Efẹna ẹẹ̀pan wa a gba na, ka ẹfuẹnfuẹn Ọwọnwọn e e ri ero imọmọ nẹ. ³⁴Ẹgba ka ẹke, i mi sie ubedin ka, Ayẹ awa Osibina Ogben nẹ³⁵Isubu oboro nẹnẹ yẹrẹ ya na, Ẹjọọnu jọmọ, aka ero ẹbọrẹ i ye egbenurunmẹka abẹ iiwu, ³⁶Ako esie balẹ Ijesu ka e e jejen na a ga ka, ungbẹẹ Osibina ududo Oògben!³⁷Egbenurunmẹka abẹ ẹbọrẹ wọ akọ e sie ga ẹ na, bẹ yẹrẹ Ijesu urunmurun yọ ³⁸ Ọgba ọnẹbẹ ayẹ Ijesu bilanyẹn nẹ, agba ka ba a yẹrẹ áyẹ̀ urun; a ga nẹ ba ka, Ẹna ne e ni a? Bẹ ga nẹ ya ka, Erabi (nene waka,be e fuwa ga ọrẹ ọbẹn na, ọtẹro) eta wa ma na a? ³⁹Aga nẹ ba ka, Nẹ ṣa nẹ gbẹ ẹ. Bi ma ṣa, gba efena na nẹnẹ a a ma na, bi mi ma ẹ ma ni isubu ayẹ: ubaka a wa ẹpẹn akọ ewakati efọiìwu.⁴⁰Ọọrẹ ero ẹbọrẹ abẹ iìwu nene wọ Ẹjọọnu ega na, nẹnẹ mi yẹrẹ Ijesu urunmuru na, a wa Anduru Isimoni Ipita oòda. ⁴¹Ayẹ a tai gba Isimoni ayẹ ẹbẹba ọọ̀da, emi ga nẹ ya ka, íe gba Ọfanakpẹ ke, nẹnẹ wa be e fu ya ga ọrẹ ọbẹn na, onorofan. ⁴² Emi fọ ẹ ṣa Ijesu ẹfa. Ijesu balẹ ya, aga ka, Awo a wa Isimoni Ijonasi oògben ne: Ẹkẹfasi bè éke mi ki ye u, nẹnẹ be e fu ya ga ọrẹ ọbẹn na, ọtarẹ.⁴³Isubu nẹnẹ yẹyẹ ya na Ijesu ka sa ya yo Ẹgalili, à áka gba Ifilipi, emi ga nẹ ba ka, kẹ yẹrẹ mọ. ⁴⁴Ẹbẹtisaidaro a wa Ifilipi ne, iken nẹnẹ wa Anduru aka Ipita ẹka na. ⁴⁵Ifilipi gba ,Ẹnatanieli, emi ga ne ya ka, tẹ gba oro ayẹ nẹnẹ Ímosisi uùburu ibe aka ẹsẹro abẹ wọrẹ emumu ga yẹrẹ ẹpan na, Ijesu Enasẹrẹti ẹka, Ijosẹfu oògben.⁴⁶Ẹnataniẹli mi ga nẹ ga ka, Ésu ẹpẹn oboro nẹnẹ die reṣa kaba Enasareti hon? Ifilipi ga nẹ ya, keṣa ọ gbẹẹ. ⁴⁷Ijesu gba Ẹnataniẹli ka a a sa yẹẹfa, a ga ẹga yẹrẹ yẹ ẹpan ka, ungbẹẹ, Isirẹliro ẹtẹ, oro nẹnẹ awọrẹ e e me wo yi ibe na! ⁴⁸Ẹnataniẹli ga ne ya ka, Ėta u we din mu a? sana Ifilipi die ye u, ogba nẹnẹ ube wo oja oòti ígben na ẹ gba ọ.⁴⁹Enatanieli gunowo, aganẹ ya ka, Erabi, awa wa Osibina Oogben ne; awa wọ Isireli Obin. ⁵⁰ Ijesu gunowo, aga nẹ ya ka, uba ka ẹga no wọ ka, egba ọ ọja oòti igben ayẹ u a nawọ họn? Wa ka gba ẹpẹn na bẹ nẹnẹ fọrẹ ọnẹ na. ⁵¹Aganẹ ya ka, Ẹgaba, Egaba ayẹ ẹ ga nẹ ga nẹ nọ, Naka ososi eke jin wuje Osibina ẹẹjenẹno abẹ áka kẹ kpo, be, kẹ walẹ yẹrẹ orokoro Oògben ẹpan.

Chapter 2

¹Ísubu ọtẹtaro ba a fọ ovia ọbẹn Ẹkana Egalili ẹka nạ, Ijesu wiya wọ ẹfẹnẹbẹ. ² Bi ye Ijesu aka ye egbenurunmeka bile ẹ wọ ẹfẹna nẹ bi wa fọ ovia ya yẹ na.³Ọgbọna nẹnẹ ẹwaini kue ke na, Ijesu wiya ga nẹ, ya ka, Bi me pile ẹwaini ro. ⁴Ijesu ga nẹ ya ka, Ena e bile tu a iya ọnẹ ? Mọ ọ̀ ọgbe e e mi re. ⁵Wiya ga nọ ekotoro abẹ ka, ẹkẹnẹkẹnẹ a a ga na ni sie ẹ⁶Ọkọnọ ọpọnọrẹ nẹnẹ wa ọtarẹ, ẹka na,ayẹ bi ya ṣẹrẹ wije efẹnẹbẹ ako ijuwuro abẹ osise ye siewa na, òóre óre í bi iwu di a na re ẹbọrẹ sa ẹta na o. ⁷Ijesu ga nẹ ba ka, ni nyin ebi fi ye ba jen re owo. ⁸Emi ga ne ba ka, Ni kuru amọ reṣa akana, ni a nẹ ejemẹ oòdina. Bi mi fọ ẹ yọ.⁹Akọ nẹnẹ ejemẹ oòdina sie tọrẹ ebi ayẹ nẹnẹ bẹ sẹ sina ẹwaini na balẹ (ama okotoro abẹ nẹnẹ nyin ebi ayẹ na din), ejemẹ oòdinaye ovia oòforo ayẹ. ¹⁰Aga nẹya ka, Ororo da tai fọ ewaini nẹnẹ rọnmuro na wuje; ọgbọna nẹnẹ a a ero abẹ bi de mi fọ onẹ nẹnẹ a a ma rọmuro na ve sa: ama ọ fọ ewani ọnẹ nẹnẹ kue rọmuro na su jen e re akana.¹¹Ọnẹ a wa utuaojinorofuwa ọtọtọmẹ nẹnẹ Ijesu sie Ekana nẹnẹ Ijesu sie Ékana nẹnẹ wa Egalili ẹka na, e mi fọ yi igirima nyẹn; ye egbenufuumẹka abe: bi mà mȧ wo ẹfa ọnẹnẹ ni isubu ọyọyọ.¹²Ọgna nẹnẹ ọnẹ ṣun ke na, e holo yọ Ẹkapanaumu, ayẹ aka wiya aka yẹ ẹda abẹ, aka yẹ egbenurunmẹka abe: bi mà má wo ẹfa ọnẹbẹ ni isubu ọyọyọ.¹³Ijuro abẹ ofurunṣun turu a a Ijesu mi fura kpo yọ Ijerusalẹmu. ¹⁴Agba ero nẹnẹ a a jọ ona ẹṣokpa Ẹtẹmpili ibe aka ero abẹ nẹnẹ da ṣan ikiba na ka bẹ ma.¹⁵Emi fọ oyi dẹẹrẹ sie onini, e gu ero fenyan re fura Ẹtẹmpili ibe aka ona: emi guma ọṣanikiba abẹ ikiba fuwa, emi tabọ okparẹ ẹba falẹ. ¹⁶Emi ga na abẹ nẹnẹ a a jọ ẹsọpa na ka, Ne kọ ẹkẹnẹkẹnẹ fura ẹko nẹ; ni ma ṣe tẹ Eda uùbo.¹⁷Ye egbenurunmẹka abẹ mi yẹn ka bẹ wọrẹ ẹ ka, "Akanyan nẹ wu ubo dẹsẹ mọ" ¹⁸Ọgba ọnọbẹ ayẹ ijuru re abẹ gunowo, bi mi ga nẹ yẹ ka, okpikpeli ọọna wà áka nyẹn tọ a, akọ sie gbẹ ka we e sie ẹpẹn enane ma? ¹⁹Ijesu guno wo e mi ganẹ ba ka,Ni gidina Ẹtẹmpili ọnẹ, isubu ọtẹtaro mè ékepila mẹ e jọmọ.²⁰Ọgba ọnẹbẹ ayẹ ijuwuro abẹ gaka,Ẹyẹn iborẹ ketu-pọnọọrẹ ayẹ bi a mẹ Ẹtẹmpili ọnẹ, gana wè èkemi sie fọ isubu ẹta mẹ ẹ kpọ a? ²¹Ama yi iwupe Eẹtempili ẹga a a ga. ²²Ogba na nẹ e mi sọmapalẹsa fura eekporo na, ye egbenurunmẹka abẹ nyẹn ka a ga ẹga yọ ẹnẹ abẹ gba; bi mi na emumu onwonwon wọ, aka ẹga abẹ nẹnẹ Ijesu ga ke na.²³Ọgba nẹnẹ emi wo Ijerusalẹmu na, ó funrunṣa e e ̀ jeme ọgba ejemẹ ayẹ ebabu iisubu,ero ọyọyọ na yi iwuru wọ ọgbọna nẹnẹ bẹ gba utun ojinorofuwa nẹnẹ e ke sie na. ²⁴Ama Ijesu ama fọ yi wu gbeli ba, ubaka edin erokoro fenya, ²⁵Ayẹ e me sisi ṣa nọ ka kórò óòrẹ esie òròkòró ubedin nẹ áyẹ́: ubaka e din ẹkẹna nẹnẹ wo órókórò ibe na.

Chapter 3

¹Efarisiro obe iramo nene be e ye Inikodemosi na. Ijuro ya. ²Oforo one sa e e toọ Ijesu ujogweka, aganeya ka, Ẹrabi, ti din ka otero nẹnẹ ṣa ka ba Osibina ẹfa na ayẹ ọ wa. Ubaka eme su ẹfẹna nẹnẹ die sie utun ojinorofuwa nẹnẹ we e sie na, a a ma da ka Osibina jọ họn gbeli ya.³Ijesu gunowu emi gan ne ya ka Egaba, Egaba aiye ganẹ o, A ma da ka iba foro ba, e e di a gba Osibina eeṣen. ⁴ Inikodemosi ga nẹ ya ka, Gana be eke di sie fu oro ba a ọgba nẹnẹ e sina osuda ke na? E di e di e pila fon wiya ibe yọ isa ọọboro bi mi bạ e hon?⁵Ijesu guno wo ka,Egaba, Egaba ayẹ e ga ne o. A a ma da ka ibe fọ ebi aka efuenfuen ba oro, e e dia fon Osibina e e sen. ⁶Ẹkẹna nẹnẹ bẹ fo iwukpe oore ba na, iwukpe ya ne: ẹkẹna nene bẹ fọ Efuenfuen ọọre ba na, efuẹnfuẹn yanẹ.⁷Eme jinu owo fuwa, ubaka ẹ ga nẹ o ka, o gbadọ sina ofuba. ⁸Eperi de wura yọ efena nẹnẹ bare, yana, u de ki wọ yo ohun gbọgba ame u me din ẹfẹna nẹnẹ e we ṣa nạ aka efena nẹnẹ a a yọ na, ke egan efenaefena be ba efẹnafẹna bẹ ba Efuenfuen ọọre na sie e e we ne.⁹Inikodemosi gunowo, aga nẹ ya ka gana ekẹ nẹnane sie e we ẹgan na a? ¹⁰Ijesu gunowo, e mi ga nẹ ya ka, ama otero Isireli aye o wa, time din okenenane? ¹¹Egaba, Egaba ayẹ e ga ne o, Epẹnẹnanẹ ti din na e ega to a ga ne te e sie ubedin nẹ ẹpenanẹ te gba ke na, ni ma na tu ubedin.¹²A a da ka ẹ ga ẹro onẹ ẹga ne no nene ni ma namọ na, gana ne eke sie di nawo a, a a da ka e ga ososi ẹpẹn ne no a? ¹³E ẹ mi su efena nene kpo yo ososi gba na, a a ma da efẹna nẹnẹ holo ṣa ka ba ososi, Orokoro Oogben nene wo ososi na.¹⁴Ako Imosisi siẹ kpan epenidudu kpo ọsọsi sie kpan ka orokoro Oogben kpo ososi ne. ¹⁵Ka efenefena a a na e wo na ẹsu ero ne me ṣu otana.¹⁶Ubaka Osibina sie egan ni eroro ega nẹnẹfo yo ogben ọyẹyẹ ọgbọgbọ ne ero, ka ẹfẹnẹfẹna a na ẹ wo na ẹ me fu, ama edi su ẹro nẹnẹ e e me su ota na. ¹⁷ Ubaka Osibina eme file yo Ogben ṣa ẹrọ ka ṣen erọrọ ẹkarẹ sẹn ẹrọro ẹkare; ama ka bi di wo yọ ọọre na ẹrọro fan. ¹⁸ Efena nẹnẹ a a ne wọ na e mẹ jẹ ebe, a ma ẹfẹna nẹnẹ a a ma ne wo na je be ke, ubaka ama na Osibina ogben ọọre ọgbọgbọ iwuru wọ¹⁹Ọnẹ a wa ẹkerẹ ȯsensen ạyẹ ne ka, ọsọ ṣa ẹrọ ibẹ ke, erokọrọ abe ke ni esiri ẹga fora ọsọ, ubaka bu utun wa odudu. ²⁰Ubaka ẹfẹna esie odudu na aye e de goli ọsọ ne, a a ṣa ọsọ ẹfa kadakada ka bi me di ma yu uba utunga. ²¹Ama ẹfẹna nẹnẹ e e sie ikua na aye a da sa ọsọ efa,ka yu utun edi fo iwu nyẹn ka Osibina oorẹ bie sie ba nẹ²²Urumba Ijesu bile ye egbenurumẹka abẹ iiwu sa Ijudia, iijė, e mi ma ke bae e ri imomo. ²³Ka Ejoonu e e ri ero imomo Ainoni nẹnẹ ke Esabani na, ubaka ebi ọyọyo wo ẹfa onebe, ero a a ṣa, bi e ri ba imomo. ²⁴Ubaka be e mi ṣe Ejoonu file wo enwon ibe.²⁵Ogba ọnẹbẹ aye ọṣakata oben wamo, Ejoonu ogben wa mo. Ejoonu ogbenurunmeka ẹbẹn aka iburo aba ẹẹtin yẹrẹ opuwawon epan. ²⁶Bi mi ni Ejọọnu ṣa bi mi gane ya ka, Erabi, orone ne ni bile wo Ijodani oosun, nẹnẹ u sie ubedin yẹrẹ epan na ungbee e eri eri imomo ero feyan mi ni ya a a yẹ.²⁷Ejọọnu gunowo e mi ga ka, oro e di a gba kenakide na, ama da ka, bi anẹ ya kada ososi sa. ²⁸Ka anọ ẹbẹna sie ubedin ne mo. ka ẹ ga ka, i ma wa ọnorofan ayẹ ama ka i bi file mu ye eren nẹ ya.²⁹Ẹfẹna nẹnẹ bi ovia na a wa ovia ooforo ne, ama oforo oore, nene jomo a a wo ya na, ben ọyọyọ ubaka ovia ofọrọ aye oòhun onebe uba ebeben one fiye ke. ³⁰A aka gba da yẹrẹ ki bile amo ama i ma aka gbado te ki bile amo.³¹Ẹfẹna nẹnẹ sa kabo ososi na forẹ ero fenyan. Efena nene wa ero eka, e ke mi ke ga ẹro eka. Ifana nẹnẹ sa kaba ọsọsi na forẹ ero feyan. ³²Epan nene e ke gba aka nẹnẹ e ke wo na aye e e sie ubedin yere epan ne, e me sisi su obe din wo na. ³³Oro nene na yu ubedin ke na fo iduru do e ka, ikua a wa Osibina ne.³⁴Ubaka ẹfẹna nẹnẹ Osibina file ke na a ga Osibina Ogben ubaka Osibina ama fo orogo ma efuẹnfuẹn nẹ ya. ³⁵Ededani ogben ẹga e mi fo epen feyan don yuuba kẹ. ³⁶Efana nẹnẹ a a ma ogbeni wo na ṣu ero nene e e me su ota na, efena nene a a ma na ogben aka gba ẹrọ, ama Osibina iwọkekan ma yerẹ yẹ epan.

Chapter 4Ogbona nẹnẹ Ijesu

¹ din ako Efarisiro abe sẹ e e sina aka ka e e egbenurumẹka oyoyo ri imomo fora Ejoonu na. ²(Ama Ijesu ẹbẹba eme ri ero imomo, ye egbenurunmeka abe e ri ba imomo ne) ³Ẹtebi Ijudea wije, e mi da yo Egalili.⁴Ẹ ẹ di e sieka a ma yo Ẹsamaria eetin sun. ⁵Ogba ọnẹbe ayẹ e mi re Ẹsamaria iiken onẹn nene bee ye Isikari na, nẹnẹ ke ijẹ nẹnẹ Ejakabu va Ijosefu, yoo gbẹn na.⁶Ẹjakobu ẹẹkanga ki wo efa ọnẹbẹ uuba ako nene ejen ẹdọ sie dọ. Ijesu na ẹgan e sie ma wo ekanga owo nẹ, a wa ẹpẹn akọ ẹwakati oponore iiwu na. ⁷Iyaro ọbẹn Esamariaro, mi ṣaka ayẹ e nyin ebi, Ijesu ga ne ya ka, vamọ ẹ wa. ⁸Ubaka ye egbenurunmeka abẹ fon iken ibe yo ke ka bi nyin ijen.⁹Ogba ọnebe aye Esamaria iyaro aye ga ne ya ka, gana e sie gbe ka awo, nene wa ijuro ne, sie ẹ ẹ ṣin epen owewa i mu uba a, ame nene wa Esamaria iyaro na? Ubaka ijuru abẹ a a ma Esamariro abe e e sie bile. ¹⁰ Ijesu gunowo, e mi ga ne ye ka, "A adaka u din Osibina iifuese, aka efẹna nẹnẹ kpoto ga ne o ka vamọ e wa na, ẹbana u ṣin i yu uba emi vao ẹrọ ebi.¹¹Iyaro ayẹ ga nẹ ya ka, Edaro, u me ṣu onyinebi, ekanga aye die loon kaa eta u we gba ẹro ebi aye a? ¹²Ofọra Ejakobu te ededa hon, efena nẹnẹ va to ekanga ayẹ, na nẹnẹ ka, aye ebeba wa amo na, aka ye ẹgbẹn abẹ aka ye ena be?¹³Ijesu gunowo, e mi ga ne yaka ẹfẹnefẹna a a wa ebi onẹ iiwu na ebi okore eke pila sẹ ya. ¹⁴Ama efenafena aka wa ebi nẹnẹ ma ka nẹnẹ na iiwu, ebi okore eke pila sẹ ya, ama ẹbi nẹnẹ ma ka a ne ya na eke ṣino ekange ẹbi wo yi ibe nẹnẹ aka ṣo a kpo jen a fon ero neme e e ṣu ọta na.¹⁵Iyaro aye mi ga ne ya ka, Edaro, vamo ẹbi ayẹ ka ebo okore a ma semo, ka i me pila ṣa nyin ebi ẹkonẹ ¹⁶ Ijesu gana ya ka, yo u ye wo ofuro, u mi ṣa ẹkọnẹ.¹⁷Iyaro aye guno wo, e mi ga ne ya ka i ne su oforo, Ijesu gane ya Egaba ọ ga ka i me su oforo. ¹⁸Ubaka ọtai su oforo upi gba, onẹ nẹnẹ u su akana na a ma wa wo foro, yere one epan ọ ga ikua.¹⁹Iyaro aye ga ne ya ka Edaro, anyen ṣe mo ka esero aye o wa. ²⁰Tẹ ẹdẹda abẹ pun ọre onẹ ọsi ne ga kai Ijerusalemu a wa efa nẹnẹ bọ ọ ka ero e we ki pun nè.²¹Ijesu gana ba ka, Na ma wo iyaro one, ewakati aye a a ṣa nẹnẹ e gbe ka ẹkẹ pila wa ọre ọne ọsi sa Ijerusalemu, nẹ ẹkẹ ki pun ededa ne. ²² Ne e pun ẹkẹna nene ni i me din ekena nene te e pun na ubaka onafan wo Ijuro abẹ uuba ṣa.²³Ama ogbone a a ṣa ẹ sisi re akana, nene opunro ikua eka abe eke ki pun ededa Efuenfuen aka ikua. Ubaka ero ẹ la ẹgab aye ẹdẹda e e ni ka e ki pun aye ne. ²⁴Efuenfuen a wa Osibina, ero nẹnẹ e e pun ya na gbado pun ya ẹfuẹnfuẹn aka ikua.²⁵Iyaro aye gane ya ka, i dib ka ofanakpo aka ṣa nene te e ye ọnọnọfan na ogbona nẹnẹ a a ṣa na a a ka ga epen feyan ne to. ²⁶Ijesu ganẹ yẹ ka, A me nẹnė ma o a ga ega na a wa aye nẹ.²⁷Yẹrẹ onẹ epan aye ye ẹgḅenurunmẹka abe wura ne, ejin ba owo fuwa, ka a a ma iyaro a a ega, ama e me su ẹfẹna ga ka Ena we e ni a? Sa Ena a wore nene ọ ma e a a ga ega na a?²⁸Ogbo onebe ayẹ iyaro ayẹ mi tẹbi ye ẹmagẹga wuje ne a yi ikpisi ta ẹrẹn fon iken ibe a ga ne ero abe ka ²⁹Ne ke ṣa ne gba oforo oben, efena nẹnẹ ga epen fenyan nẹnẹ i sie gba na ne mọ ọ ka aye a wa onorofan ayee? ³⁰Ọgbọ onẹbẹ aye bi wo iken fura ne bi mi ni ya sa.³¹Bi wo amo a a ga ne ya ka Erabi, jijen. ³²Ama a ga nẹ ba ka, i subijen ojijen, nene ni ime din na. ³³Onẹbẹ uuba ayẹ ye ẹgbenurunmeka abe e e sin bi iwu ka Ẹṣụ efena nene fo ijen ṣa ne ya je na hon?³⁴Ijesu ga ne ba ka mi ijen a wa ka i siẹ ẹfẹna nẹnẹ file mu na yi ibe-opin aka ka i mi ya sie.³⁵Ama egan ni sie a a ga e ne ka ọṣẹn ena e ku akana nẹnẹ ekẹrokọrọ aka ṣan ne e? Ungbee, e ga ne wo, ne kpan anyẹn kpo ososi, ne bale a hohoro, bi wure ke a a kare ekerokoko. ³⁶Ẹfẹna nẹnẹ a a kpare na da iduna e mina a a ko ilikutu jese nẹ ro nẹnẹ eme ṣu ọta na, ka efena e e bire na ako ọnėnẹ a a kpare na edi be bile.³⁷Ubaka ẹko ẹga ọnẹbẹ we wa ikua ne, oben e e bire ọbẹn a a pare. ³⁸I filẹ nu kparẹ ẹfa nẹnẹ ni i me sie utun wo na, ẹro ẹbẹn ẹ sieoi utun ayẹ ni mi fon file bu utun ibe.³⁹Efarisiro oyoyoyo nene wa ikenro aiye na na e wo ubaka iyaro aye ega, nene sie ubedin ka, A ga epan fenyan nẹnẹ i sie gbana nemo. ⁴⁰Onebe uuba ogban nẹnẹ Efarisiro abe sa ye fa na be te ye ekuin ka a ma ba bẹ ma emi ma wo efenebe ni isubu ebore.⁴¹Ẹro ọyọyọ mi na ẹ wo ubaka aye ebebe eha. ⁴²Bi mi ga ni iyaro ayẹ ka, Akana te nawo, a ma wa ubaka we ga atọ ebeba wo ya ke, ti mi din ka aye a sa ọnọrọfan egaba ero Onafanro.⁴³Isubu ooboro urunba efura ẹfẹnẹbẹ a fon Egalili yo. ⁴⁴Ubaka Ijesu ẹbẹba ṣiẹ ubedin ka esero e e su uyi aye ebeba uwuru ⁴⁵Onẹnẹ uuba ogbona nẹnẹ e re Egalili na, Egaliliro abe na ẹ ubaka be gbe ẹpẹn fenyan nẹnẹ esie Ijerusalemu na Ejeme ogbe, ubaka abe ebeba yo ne ejẹmẹ ayẹ⁴⁶Ka egan Ijesu die sie fon ekemanene e we ṣe ebi ṣina ewaini na. Oforo ạrọnrọ obẹn wamo ẹfẹna nẹnẹ yio gben e e yan Ekapanamu na. ⁴⁷Ọgbạna awo ka, Ijesu fura Ijudia ṣa Egalili na, e ni ya ṣa a tẹ ye ekwi ka e holo sa a fo yo gben iiwu gan, ubaka ere ufo anyen.⁴⁸Ọgba oṇẹbẹ aye Ijesu gane nẹ yaka Efura ka i ne gba okpipeli aka ojinorowofuwa na aka nawo. ⁴⁹Oforo arọnro aye gane ya ka, idu,holo ṣa ṣanamo ogben edikifo. ⁵⁰ Ijesu gabẹ ya ka, ke ye wo ore, wo gben fan. Oforo aye na ega nẹnẹ Ijesu ga na aye na wo, e mi yo.⁵¹Akọ emi sie holo a ayo na, yo okotoro abe gure ẹ be ga ya ka, wo ogben fan ke. ⁵²Ogba onene ayẹ e sin ba ogba nene ewe tome a a kẹsẹ na. Bi mi ga ne ya ka, Eran ya ne ewakati ufonborọ iiwu aiye iba aye tebiyane.Ẹgan ẹdẹda aye sie din ka ewakati ọọrọọre aye iiwu one Ijesu we ga ne aye ka wo gben fan aye ebeba mi na wo, aka yu ubo fenyan.

Chapter 5

¹One urumba esu ijuro imu, Ijesu kpọ yọ Ijerusalemu. ²Ukpolonmebi ọbẹn wo Ijerusalẹmu ududo eji owo nẹnẹ be e ye Ebẹtẹsaida iniburu ẹ ẹlarẹ na nẹnẹ su ọlọrẹ upi na. ³Ero ọyọyọ nẹnẹ biwu emesie na openayẹn, ofuọsẹ aka enanẹ ediye jenjen na bi buwe wije akarẹ ebi ayẹ ọbọrọ. ⁴Ubaka, Osibina yọ ọ Angẹli ẹde holo fọnada bọwọ ebi ayẹ. Efẹnẹfẹna a tai ṣuwa wọ ebi ayẹ na, yọ iwu da gan fura igunkigun nẹnẹ ẹ e yan na.⁵Oforo ọbẹn wo ẹfẹnẹ nẹnẹ e e nyan nẹ ẹnyẹn ogbọlọkạfọrọfọketunọkọnọkọnọ na. ⁶Ako Ijesu sie gbe ka ayọre bwe wije na, edin ka efo ako nẹne ewe wo ọ ẹfebẹna, agan nẹya ka "Uwe e nika wọ iwu a gan hon?"⁷Oforo nenẹ e e nyan na guna yo owu ka, E'daro, íma gba oro nẹnẹ, ébana a fọ mọ wo ukpolonmebi ayẹ ibe, ọgbọna nẹnẹ ba bọwọ ebi ayẹ ma: ogba nẹnẹ ma a ke kọ ẹsa wuje na, oro ọbẹn da yọ mẹ ẹrẹn fon ya. ⁸Ijesu ga nẹya ka, kpan fura, kpan wọ ọlọrẹ, u mi ki jejen.⁹Iganigan a fọ oforo ayẹ iìwu gan, e mi kpan yọ ọlọrẹ e e jenjen. Isubu ọ̀ọ́rọ́ọrẹ ayẹ a wa ẹye-ofile iisubu ne.¹⁰Ọnẹbẹ uùba Ijuro abẹ ga nẹ oforo nẹnẹ bẹ fọ yi iwu gan na ka, Ẹyẹ-ofile iisubu a wa ọnẹ: ububuru ama fọ uba wamọ ka ọ kpan wọ ọlọrẹ. ¹¹ E gana bo owo ka, Ẹfẹna fọ mi iwu gan na, aye óóróorẹ a ga ne mọ ka, kpan wọ dọrẹ, u mi ki jejen.¹²Bi ṣin ya ka, oforo ọ ọna a ga nẹ ọ ka "kpen wọ ọlọrẹ u mi jejen a? ¹³ Ẹfẹna nene be fọ yi iwu gan na eme din ẹfena nene awa na ubaka Ijesu fura ẹfa ọnẹtẹ ke, ubaka ero ọyọyọ wọ ẹfa ọnẹbẹ¹⁴Íyu urumba Ijesu gba ẹ Etempili ibe emi ga ne ya ka "Ọgbẹ, bẹ fọ wi iwu gan, ume pile luwe, kadakada ka ẹpen na wa odudu fọrẹ ọnẹ na e me di to wu. ¹⁵Oforo ayẹ yọ e mi ga nẹ Ijuro abẹ ka, Ijesu abwa ẹfẹna nenẹ fọ yayẹ iwu gan na.¹⁶Ẹga ọnẹ uùba a wọrẹ nẹnẹ ijuro abe mina a a kọ eto Ijesu nẹ, bie ni orẹ nene bà áka a nwan ya na, ubaka esie ẹpẹn ẹnanẹ ẹyẹ-ofile iisubu. ¹⁷Ama Ijesu guna bo owo ka, "Te Eda e e sie utuu ṣa re akana, ka ame e e sie utun. ¹⁸ Ọnẹ uùba aye Ijuro abe mina e ni ọre nẹnẹ bà áka a nwan ya na, e me gbe ka ubaka e be eye-ofile iisubu fuwa ayẹ arẹ, ama ubaka a ga ẹ bile amọ ka, yẹ Ẹdẹda a wa Osibina ṣina ọpa.¹⁹Ọgba ọnẹbẹ ayẹ Ijesu guna bowo, a ga neba ka, Ẹgaba, Ẹgaba ayẹ ẹga nẹ nọ, Ogben e edie sie kẹnakide nẹ yi iwu, a ma da ẹkẹna nẹnẹ a a gba ka Ẹdẹda e e sie na: ubaka ẹpẹnkẹpẹnẹ ka ẹnabẹ ayẹ Ogben de sie nạ. ²⁰Ubaka Ẹdeda ni Ogben ẹga, a da fo ẹpen fenyan nẹnẹ ayẹ ebeba e e ki sie na nyẹn ya: à àka da fọ utun nẹne gbodi f̣ora ọnẹ na nyẹn ya, e din jin no owo fuwa.²¹Kpẹnẹkpẹnẹ akọ Ẹdẹda de sie soma eekporo palẹṣa na, nẹnẹ e de mi sẹ ba ṣina erọro na: ka ẹgan Ogben de sie sẹ ero nẹnẹ e e ni na ṣina erọro nẹ. ²²Ubaka Ẹdeda ama ṣẹn kórò ọ̀ọ́rẹ ekarẹ, ama a fọ ẹkarẹ ọṣẹṣẹn fenyan, dọn Ogben uùba ke. ²³Ero fẹnyan edi ki kuru no Ogben kpẹnẹkpẹnẹ akọ bi de sie kẹ nẹ Ẹdeda na. Ẹfẹna nẹnẹ eme kuru no Ogben na eme kuru nọ Ededa nẹnẹ file ya na.²⁴Egaba Ẹgaba ayẹ ẹ ga nẹ nọ ẹfẹnẹfẹna wọ mẹga ediya nọ ọ Efene nẹnẹ file mu ṣa na eke su ẹrọ ne me su ọta na, a àka ṣen fọn ẹkarẹ ọṣẹnṣẹn ibe; ama a gbala fura ufo fọn ẹrọ ibe ke.²⁵Ẹgaba, Egaba ayẹ ẹga, ogba aṣa ogba ayẹ edina wọnẹ, nẹnẹ eekporo abẹ áka wo Osibina Oògben oóhunna: ero abẹ nẹnẹ a a wo ya na éke wo ẹrọ.²⁶Ubaka kpẹnẹkpẹn akọ Ẹdẹda sie su ẹro áyẹ̀ ẹbẹba ibe na,kpẹnẹkpẹnẹ ka egan e sie tebi no Ogben ka e su ẹrọ áyè ẹbẹba ibe nẹ. ²⁷E di a va e iburu ka a kẹ ṣẹn ẹkarẹ, ubaka a wa òfòkòrò oògben.²⁸Ni me ya ka Ọnẹ e jin nọ owo fuwa,ubaka ogba ayẹ a a sa, ọnẹ nẹnẹ ero fẹnyan nẹnẹ e wo ọ́sọ ibe na áka wo yo ohun. ²⁹Bè éke mi ve ṣa: abẹ nẹnẹ sie oboro na, wo ọsọmapalẹsa ẹkarẹ ọsenṣen ẹka.³⁰Me edi e sie kenakide ne mi iwu: ako i sie a wo na, ayẹ i da ṣẹn ẹkarẹ nẹ: ikua a wa me ẹkare oṣẹsẹn nẹ; ubaka i me ni amẹ ẹbẹba ibe-opin, a ma da ka Ẹdẹda nẹnẹ file mu na ẹka. ³¹Me e ki sie ubedin nẹ mi iwu, mu ubedin a ma wa inua eka. ³²Oro ọbẹn a wa ẹfẹna nẹnẹ e e sie ubedin nemọ; ide din ka, ikua a wa mu ubedin nẹnẹ esie na.³³Ni file yọ Ẹjọọna ẹfa ke, e sie ubedin ni ikua ke. ³⁴Ama i ma na ubedin fura òròkòro uùba: ama ẹkẹnẹnanẹ ma a ga nẹ, kadakada ka ni di fan. ³⁵Ẹjọọna aya wa ọyẹyẹ nẹnẹ a a na na, nẹnẹ di a ba na: ni e ni ka nẹ bẹn i yọ ọsọ ibe nọ ọgba keke.³⁶I su ubedin nẹnẹ fọrẹ Ẹjọọnu ẹka na: ubaka utun nẹnẹ Ẹdẹda a a nẹ mọ kai sie ve ẹpan na, utun ọ̀ọ́rọ́ọrẹ nẹnẹ me e sie na, sie mu ubedin ka, Ẹdẹda e file mu. ³⁷Aka Ẹdẹda ẹbẹba nẹnẹ file mu na sie ubedin nẹmọ. Ne e mi wọ yọ ohun ki isi kọ́ọrọ́ọrẹ gba,sa yu ukpe. ³⁸Ni me su yẹ ẹga ka a kẹ ma wo ni ibe, ubaka ẹfẹna nẹnẹ e filẹ na ayẹ ni i ma nawọ nẹ.³⁹Ne e pila emumu ọwọnwọn balẹ ubaka ni roro ka i yi ibe ayẹ ni we su ẹrọ nẹnẹ eme su ọta na; abẹ e kpoto e e sie ubedin nẹ mọ nẹ. ⁴⁰Ni me de ni ka ne ṣa mẹ ẹfa, ka ni di su ẹrọ.⁴¹Ima na ugbigbodi fura òrókòró uùba. ⁴²Ama i din nu ka, ano ebẹba e me su Osibina uùnibi wo ibe⁴³Ẹṣa i tẹ Ẹdẹda iiwuru, ni ma na mọ: a a da ka oro ọbẹnṣa àyẹ̀ ẹbẹba iiwuru, aye nà áka na nẹ. ⁴⁴Gana ébana ni sie nawọ a, anọ nẹnẹ da na ugbugbodi fura aben uùba na, nẹnẹ e e me ni ugbugbodi nẹnẹ ṣa kada Osibina ayẹ ayẹrẹ efa na?⁴⁵Ni me roro ka, mà àka fo nọ ta Édẹda ẹfa: ẹfena nẹnẹ fọ a a ta na wamọ, ẹka Imosisi, ẹfẹna nẹnẹ fọ anyẹn yẹrẹ na. ⁴⁶A a da ka i nẹ na Inosisi wọ, è èbana nẹ na mọ wọ: ubaka a wọrẹ emumu yẹrẹ mẹ ẹpan. ⁴⁷ Ama a a da ka ni ma na ye mumu wọ gana né éke sie na mẹ ega wọ a ?

Chapter 6

¹Ẹpẹn ẹnanẹ uruuba, Ijesu sun wo Egalili oòkun ọòṣun, nẹnẹ wa Itiberiasi oòkun na. ²Ẹròkòrò marii mi yere ya ùrun, ubaka be gba yu utun ojinorowofuwa, nene e sie igunro abẹ iiwu na. ³Ijesu mi kpọ ọrẹ osi yọ, efa ọnẹbẹ ayẹ a ma bile ye egbenurunmẹka abe ne.⁴(Ofuruṣun eèjeme, ijuro abe iimu, mi turu a a ṣa. ⁵Ọgbọna nẹnẹ Ijesu mi kpan ya anyẹn kpọ na, nẹnẹ a gba èròkòrò marii nenẹ sa ẹfa na, a ga nẹ Ifilipi ka, "Eta tidi e we nyin ẹkara a, ero enanẹ e di jijen? ⁶A ga ọnẹ ka ayi ya mọ Ifilipi balẹ, ubaka ayẹ ẹbẹba din ẹkẹna nẹnẹ aye éke sie na.⁷Ifilipi guna yo owo ka, Ẹkara nẹnẹ re ẹpẹni ẹparẹ ėka na e me go ba, ororo e sisi tie ẹ tenyintenyi. ⁸Ọọrẹ i ye egbenurunmẹka abe iiwu, Anduru, Isimoni, Ipita ọọ̀da ga ne ya ka, ⁹Ogbenoforo ọbẹn wo ekọ nẹnẹ su ebali ẹkara ọbọwọ upi na, aka ayẹrẹ ikeke ẹbọrẹ: ama ẹna be wa èròkòrò marii ẹnane eétin a?¹⁰Ijesu mi ga ka, "Ni tebi ka ero abẹ ama." Ẹmẹn ọyọyọ wo ẹfa onẹbẹ. Egan iforo abẹ sie ma ne ero aka ẹsẹn ọrẹ upi na. ¹¹Ijesu mi tie ėkara ọbọwọ abẹ; ogbona nẹnẹ a gan ẹba ke na e ruwa ba nọ ye egbenurunmeka abi mi ruwe ba ne ero abẹ nẹnẹ ma na; kpẹnẹkpẹnẹ ka egan a wa na. ¹²Ọgbọna nẹnẹ bi fe ke na, a ga nẹ ye egbenurunmẹka abẹ ka, "Ne kọ ọnẹ nẹnẹ ku jese, eme su ọnẹnẹ ya na.¹³Ẹgan bi sie ko ka jese nẹ, iwuruwuru nẹnẹ be gba fura ebali ẹkara ọbọwọ upi aye na fe ugi ẹfọkẹbọre nẹnẹ ero abẹ nẹnẹ je na bwa wuje. ¹⁴ Ọnẹbe uuba ọgbọna nẹne abẹ utun ojinorowofuwa nẹnẹ Ijesu sie ke na, be ga ka, Ẹgaba ọnẹ a wa ẹsẹro aye nẹnẹ a a ṣa ẹ́rọ na. ¹⁵Ọgbọna nẹnẹ Ijesu mi fọ́ íroro balẹ ya ka, bà áka ṣa fọ iwogbigben ṣe áyẹ̀ je obin na, e mi de pila yọ ọrẹ osi ayẹ arẹ.¹⁶Ọgbọna iyi bẹrẹ na, ye egbenurunmẹka abẹ wale yọ òkun. ¹⁷Bi mi fọn ọkọ̀ ibe, bi mi yẹrẹ òkun san ya a a yọ Ẹkapanaumu. Esiri ta ke, Ijesu e e mi kẹ ṣa bẹ ẹfa. ¹⁸Okun mina a a fa ubaka eperi nẹnẹ gbe nẹda e e wura.¹⁹Ọgba nẹnẹ bi turu re ẹpẹn ako ẹfọlọngi ọgbọlọketupi sa ọgbọlọkakọrọfọ,be gba Ijesu ka e e jenjen okun okun osi, e turu e e to ọkọ̀; ọrọrẹ mi sọn ba. ²⁰Ama a ga ne ba, "Ame ya, ni ma sọnmọrọrẹ. ²¹Onebe uùba bẹ fọ ẹbẹbẹn nẹ ẹ wo ọkọ̀ ibe: Iganigan ọkọ aye re ije nẹnẹ ba a yo na.²²Isubu ọọboro ọgbọna nẹnẹ ero abẹ nenẹ wo òkun oòsun gba ka, e me su ọkọ ọbẹn ẹ́fẹnẹbẹ na, a a ma da ọnẹ nẹnẹ ye egbenurunmẹka abayẹrẹ ayọ. ²³(Ama ọkọ̀ ẹbẹn wo kaba Itiberiasi, ẹfa nẹnẹ idu gan ẹba ke na uurunba).²⁴Ọnẹbe uùba ọgbọna nẹnẹ ero abe gbaka, Ijesu e me wo efa ọnẹbẹ, sa ye egbenurunmẹka abẹ, ka abẹ ẹbẹba fọn ọkọ̀ yọ Ekapanaumu, bi e ni Ijesu. ²⁵Ọgbọna nẹnẹ bẹ gba e òkun oòṣun na bẹ ga ne ya ka, "Erabi, ọgba ọọna u a sa ẹkọnẹ a?"²⁶Ijesu guna bo owo a ga ka, "Egaba, egaba, ayẹ e ga nẹ nọ Ne eni mu, a ma wa ubaka nẹ gba utun ejinorowofuwa abe, ama ubaka nẹ tan ẹkara ọbọwọ ẹnanẹ, emi fiye nu. ²⁷Ni me sie okoto ni ijen nẹnẹ de funa, ama ni ijen nẹnẹ de wamọ jen ere ẹro nẹnẹ eme su ọta na, nẹnẹ òròkòrò oògben áka a nẹ no na: ubaka ayẹ a wa ayẹ nẹ ẹka nẹnẹ Ẹdẹda do iduru na.²⁸Ọgba ọnẹba ayẹ bẹ ga nẹ ya ka, "Ẹna tè éke sie a, ti di sie Osibina uùtun?" ²⁹ Ijesu gunowo a ga nẹ ba ka, "Ọnẹ a wa Osibina uùtun ne ka nẹ na ẹfẹna nẹnẹ e file na wọ.³⁰Ogba ọnẹbẹ ayẹ be ga nẹ ya ka, "Okpikpeli oọna wà áka a a nyẹn tọ a, nẹnẹ ti di abẹ na, tẹ na o wọ? Utun ọọna we e siea? ³¹Tẹ ẹdẹda abe tan ẹmana ọ́dan kpẹnẹkpẹnẹ ako bi sie wore ya na ka, 'A fo ijen ne ba je kaba ososi."³²Ogba ọnọbẹ ayẹ Ijesu ga ne ba ka, "Egaba, egaba aye e ga ne nọ, A ma wa Imosisi a va nẹ ẹkara kaba ososi nẹ, ama te Ẹda a va nẹ ekara ikua ẹka kaba ososi nẹ. ³³Ubaka Osibina ijen a wa ẹfẹna nẹnẹ holo sa kaba ososi na, nẹnẹ mi fọ ẹrọ nẹnẹ mi fọ ẹrọ nẹ ẹrọro. ³⁴Ogba ọnọbe ayẹ be ga ne ya ka, "Idu, ke va to ijen ọnẹ ọgba feyan.³⁵Ijesu mi ga nẹ ba ka, "Amẹ a wa ẹkaro ero eka nẹ: efẹnẹfẹna e e ni mu ṣa na anwọn àka ṣe ya; efena nẹnẹ e e mi na mọ wọ na, ebi ọkọrẹ èke pila se ya. ³⁶Ama ẹ ga ne nọ ka, Ne gba mọ ke, ni me sisi nawọ. ³⁷Ẹpẹn fenyan nẹnẹ Ededa a a ne mọ na, è éke ni mu sa; ẹfẹna nẹnẹ e e mi ni mu ṣa na, mà áka ta ẹ ve, aka akọ eke sie da na.³⁸Ubaka i holo ṣa kaba ososi, ama wa ka i ki sìe ame ẹbẹba ibe-opin. ³⁹Ọnẹ e kpoto wa Ẹdẹda nene file mu na iibe-opin ne ka ẹpẹn fenyan nẹnẹ a a ne mọ na, i ma nẹ kọ́ọrọ́ọre fuwa amọ, ama ka idi soma ba paleṣa isubu omunurun. ⁴⁰Ọnẹ wa Teda yọ iibe-opin ka ẹfẹna agba ogben, nene mi na ẹ wo na, e di su ẹrọ nẹnẹ e e me su ota na: mè éke mi soma ẹ palẹsa isubu omunurun.⁴¹Ogba ọnẹbẹ ayẹ ijuro abẹ e huhunu e to ẹ, ubaka a ga ka, "Ame a wa ijen nẹnẹ holo ṣa kaba ososi nẹ." ⁴²Bi mi ga ka, "Ámá Ijesu e kpoto wa ọnẹ ẹ, Ijosẹfu oògben, ẹfẹna nẹnẹ ti din wẹ ẹda aka wi iya na? Gana e mi sie di ga ka, "I holo ṣa kaba ososi a?"⁴³Ọ́nẹbẹ uùba Ijesu mi gunowo, aga ne ba ka, "Ni me huhunu ábẹn eètin. ⁴⁴E me su ẹfẹnẹfẹna di a ṣa mẹ ẹfa na, a a ma da ka tẹ Ẹdẹda nẹnẹ file mu na e uuna ẹ mè éke mi soma ẹ paleṣa isubu omunurun. ⁴⁵Be wore wo ẹsẹro abẹ ibe ka, Bè éke te ba fenyan kaba Osibina ẹfa ṣa. Ọnẹbẹ uùba ẹfẹna a a wọ ke na, nẹnẹ bi̇ di e te kaba Ẹdẹda efa ṣa na, ayẹ e ni mu a a ṣa nẹ.⁴⁶E me gbe ka e su oro nẹnẹ gba Ẹdẹda gba na, a a ma da ka ẹfẹna nẹnẹ sa kaba Ẹdẹda ẹfa na - ayẹ a gba Ẹdẹda gba. ⁴⁷Ẹgaba, ẹgaba ayẹ ẹ ga nẹ nọ, Ẹfẹna nẹnẹ a a na mọ wọ na, e su ẹrọ nẹnẹ e mé su ọta na.⁴⁸Amẹ a wa ẹrọ ekara nẹ. ⁴⁹Nẹ ẹdẹda abẹ tan ẹmana ọ́dan, ama bi ke fo.⁵⁰Ọnẹ a wa ẹkara nẹnẹ holo ṣa kaba ososi nẹ, nẹnẹ oro di a tan amọ nẹnẹ èke di fo na. ⁵¹Amẹ a wo ẹrọ ẹkara ọnẹbẹ nẹnẹ holo ṣa kaba osisi nẹ, e e su ẹfẹna a a tan ẹ́kara ọnẹ iiwu na, è èke wo ẹrọ otutunmotutun: ijen ayẹ nẹnẹ mà àka a nẹ ya na wa mi iwu,nẹ ẹ̀rọro ẹ̀ẹ̀rọ.⁵²Ọ́nẹba uùba ayẹ ijuro bẹ kan niwu e eto abẹn, bi di e su ọsakata ábẹn eétin nẹ, ka, "Gana oforo ọnẹ éke sie va tọ yi iwu tan a?" ⁵³Ọgba ọnẹbẹ ayẹ Ijesu ga nẹ ba ka, "Ẹgaba, ẹgaba ayẹ ẹ ga nẹ nọ, A a ma da ka i nẹ tan òròkòrò Oògben iiwu,aka ka nẹ wa yẹ ẹnyọn, ni me su ẹrọ wo ni ibe.⁵⁴Ẹfẹnẹfẹna a a tan mi iwu pe, nẹnẹ di a wa mẹ ẹnyọn na, e su ẹrọ nẹnẹ e e me su ọta na; mà áka sọmẹ palẹsa isubu omunurun. ⁵⁵Ubaka mi iwu wa ijen ẹgaba, aka mẹ ẹnyọn ẹpẹn ọwẹwa ẹgaba. ⁵⁶Ẹfẹna nẹnẹ a a tan mi iwu, nẹnẹ di a wa mẹ ẹnyọn na, a a ma wo mi ibe, ka amẹ a a ma wo yi ibe.⁵⁷Kpẹnẹkpẹnẹ akọ ẹrọ Ẹdẹda sie file mu na, nẹnẹ ẹ wa ẹrọro Ẹdeda ọọrẹ na; ka ẹgan a wa ẹfẹna nẹnẹ a a tan mọ na, ka ayẹ áka wa ẹrọro i mọ ọọrẹ. ⁵⁸Ọnẹ a wa ẹkara ayẹ nẹnẹ holo ṣa kaba ososi nẹ: a ma wa akọ nẹ ẹdẹda abẹ sie tan enana, nene bi fo na. Ẹfẹna nẹnẹ a a tan ẹkara ayẹ na, è èke wo ẹrọ otuntunmotuntun. ⁵⁹Ijesu a ga ẹga ẹnanẹ isinagogu ọgbọna e ete Ẹ́kapanaumu na.⁶⁰Ọ gba ọnẹbẹ yọ igbenurunmeka ọyọyọ nẹnẹ wọ na ka a, "Ẹga nẹnẹ numa na a wa ọnẹ ẹra e di a wọ ya a?" ⁶¹Ọgbona nẹnẹ Ijesu din i yi ibe ka, ye egbenurunmẹka abẹ e e huhunu ẹga ayẹ na, a ga nẹ ba ka, "ọnẹ sẹ ni wu họn?⁶²A a da ka nẹ gba òròkòrò Oogben ka a a kpo yọ ẹfẹna nẹnẹ a tayẹ ma na? ⁶³Ẹfuẹnfuẹn a da sẹ oro ṣina ẹrọ nẹ; iwupe e me su ẹkẹrẹ kọ ọro yẹrẹ; ẹga nẹnẹ ẹ ga nẹ nọ na, ẹfuẹnfuen bẹ wa, ẹrọ bi di ya wa.⁶⁴"Ama ero ẹbẹn wo ine e tin nẹnẹ a a ma nawọ na." Ubaka Ijesu din kaba ọtọtọmẹ sa ero abẹ nẹnẹ ama nẹ yayẹ wọ na, aka ẹfẹna nẹnẹ áka fọ áyẹ̀ nyẹn na. ⁶⁵A gẹ ẹ ka "Ọnẹ a wọrẹ ẹ ganẹ nọ ka, e me su ẹfẹna nẹnẹ di e ni mu a ṣa na, a a ma da ka i bi ya ibe ya nẹ ya kaba yẹ Ẹda ẹfa ṣa."⁶⁶Ọnẹ uba ye egbenurunmẹka ọyọyọ yọ, be me pila mẹ jenjen. ⁶⁷Ijesu a ga nọ abẹ ẹfọkẹbọrẹ ka, "I ka anọ e e nika ni pila họn?" ⁶⁸Isimoni Ipita gun nẹ yowo "Idu, ẹra ẹfa tà áka yọ a? Awọ e su ẹga abẹ nẹnẹ wa ẹrọ nẹnẹ e e me su ọta ẹka na, ⁶⁹Tẹ nawọ, ti di e din ka, awo a wa onọrofan ayẹ nẹ, Osibina ẹroro Oogben.⁷⁰Ijesu a gana ba "Ama anọ ẹfọkebọrẹ ite ẹ ọyẹrẹ i ni iwu e e me ṣina eṣe ke e?" ⁷¹ A a ga Ijudasi Isikariot, Isimoni oògben ẹka, ubaka ayẹ awa ọyẹrẹ ábẹ̀ ẹfọkẹbọrẹ iiwu nẹnẹ áka fọ ọ Ijesu yẹn na.

Chapter 7

¹Ọgbona ẹkẹnẹnana ṣun na, Ijesu ṣun mẹ Égalili, ubaka e me ni ka ayẹ a fọn me Íjudia, ubaka Ijuro abẹ nẹnẹ be ni ọrẹ ka bẹ nwan ya nạ²Ijuro abẹ ùgule nẹnẹ wa uturu ọṣẹsẹn turu a a ṣa.³Ọnẹbẹ uùba yẹ ẹda abẹ ga nẹ ya ka, fura ẹko yọ, umi yọ Ijudia, ka wo, egbenurumẹka abe e di gba utun abẹ nẹnẹ we e sie na. ⁴Eme su ẹfẹna siẹ ẹpẹnkẹpẹn ébebe na, a da ka ayẹbẹba e ni ka bi din ya yẹ ógbanadala na. We e ki sie ẹpẹn ẹnanẹ, fọ wi iwu nyẹn ẹroro.⁵Kẹ ega, yẹ ọda abẹ e me si nẹẹ wọ. ⁶Ijesu ọgba ọnẹbẹ ga nẹ ka, "Mọ ọgba e e mi re: ama nọ ọgbạ de wamọ ógba fenyan. ⁷Ẹrọre abẹ e e di e goli nu, ama bi goli mu ubaka í sie ubedi ka yu utun wa odudu.⁸Nẹ kpọ yọ ejemẹ ayẹ akana; ubaka mọ ọgba e e mi re. ⁹Ọgbọna nẹnẹ a ga ẹkẹnẹnanẹ nẹ ba ke na, e ki ma wọ Égalili.¹⁰Ámà ọgbọna nẹnẹ yẹ ẹda abẹ pọyọ ejemẹ ẹfa na, ọgba ọnẹbẹ ayẹ mi kpọ yọ ejeme, ayẹ nẹ, a ma wa ógbandala, àmá e jọmọ ẹ́bẹbẹ. ¹¹Ijuro abẹ bi ye ni ya ejemẹ ọgba, bi ṣin ka "Eta a ma na a?¹²Ihuhunu ọyọyọ mi wọ èròkòrò abẹ eètin í yu uba. Ero ẹbẹ ga ka,"Òròkòrò oboro ya." Ero ẹbẹ ga ka, "Hẹnhẹn,a wọrẹ ero abẹ a fọn mẹ ẹmẹ. ¹³Ama e ma su ẹfẹna ga yẹ ẹga ógbandala na ubaka ijuro abẹ ọrọrẹ.¹⁴Ọgbọna nẹnẹ ejemẹ re etin ke na Ijesu kpọ yọ Ẹtempili, e mina e e te ero. ¹⁵ Ijuro abẹ mi jinowofuwa, bẹ gẹ ka, "Gana oforo one siye din nọ emumu ọnẹ ri je a a,esí na e gbe ka e me kpia okpikia na." ¹⁶ Ijesu guna ba owo, a ga ka, "mo ótite a ma wa mẹ ẹka efura ka ẹfẹna nẹnẹ file mu na ẹka.¹⁷E gbe ka e su ẹfẹnẹfẹna e e ni ka ayẹ e siye yi ibe-opin na, è ke din ótite ayẹ, a a da ka Osibina ẹka ya na, sa mi iwu ẹka ma a ga. ¹⁸Ẹfẹna nẹnẹ a a ga yi iwu ẹka na e e ni ayẹ ẹbẹba ugbugbodi, ama ẹfẹna nẹnẹ e e ni ẹfẹna nẹnẹ file ẹ na ugbugbodi ayẹ a wa ikwaro, e me di e su ọnẹ nẹnẹ a a ma wa ọsẹrẹ na í yi ibe.¹⁹Me sei ka, Imose va nọ ububuru? e me di ne su kórò ọyẹrẹ ini iwu nẹnẹ fọ ububurub ayẹ siye utun na. Ena a wọrẹ nẹnẹ ni e ni ọrẹ ka nẹ nwan mọ na? ²⁰Ero abe gunowo bi mi ga ka, "u su ẹfwenfwen no odudu Ẹra e ni ka ayẹ nwan wọ a?²¹Ijesu gunowo a ga ne ba ka, "utun ọọre ọgbogbọ ayẹ ẹ kara siye ne anọ fenyan jinowo-fuwa. ²² Imose fọ ọ ẹfọọsẹ nẹno (a ma wa ubaka Imose ẹka ya nẹ, amá ededa abẹ ẹka), ọnẹbẹ uùba ni da fọọsẹ oro emu na nẹnẹ wọ ẹyẹ-ofile, iìsubu na.²³A a da ka bi da fọọse oro ẹyẹ-ofile iìsubu, ubaka ni ma file, fọn Imose ububuru, ẹna e mi ẉorẹ nẹnẹ ni a kaniwu e to mu na, ubaka ẹ fo oro ọọre iwu siye kaara ẹ́yẹ-ofile iìsubu?. ²⁴ Ni ma yẹrẹ anyẹnrọn uba ṣe nẹkarẹ amá nẹ kẹ ṣenọ ọsẹrẹ ẹkarẹ²⁵Ọgba ọnẹbẹ ayẹ ero ẹbẹn nẹnẹ wa Ijerusalemuro na ga ka, Ẹfẹna nẹnẹ be ni ka bẹ nwan na amá ayẹ a wa ọnẹ ẹ? ²⁶Wagbẹẹ, a a ga ẹga ógbandala, bi me sisi ga kẹnakide to ẹ. Eé dina da ka ẹnanẹ wa Épan na be, na din egaba ka, ọnẹ e kpoto wa onorofan ayẹ họ? ²⁷Ama ti din ẹfa nẹnẹ oforo ayẹ we ṣa na, Ama ọgbọna nẹnẹ Ikristi ayẹ a ṣa na, e me su ẹfẹna nẹnẹ éke din ẹfa nẹnẹ ebwe ṣa na.²⁸Ọgba ọnẹbẹ ayẹ Ijesu yi ọga Ẹtempili ibe akọ e siye e e te ero na ka, Ni din mu, ni di e din ẹfa nene i we ṣa na, i ma ṣa ne mi iwu, ama ikuwaro a wa ẹfẹna nẹnẹ file mu na, ama ni me din ya. ²⁹Ama i din ya, ubaka yẹ ẹfa i we ṣa aye e sisi file mu.³⁰Ọnẹbẹ uùba bi e ni ọrẹ ka bẹ sẹ ya, ama e me su kórò ọ̀ọ́re nẹnẹ di fọ uba de, ya na, ubaka yọ ewakati e e mi re. ³¹ Ama ọyọyọ ígule ayẹ nẹ wọ bẹ ga ka, ọgbọna nẹnẹ Ikristi ayẹ áka ṣa na, è éke di siye ojinorowofuwa nẹnẹ fọrẹ ọnẹ oforo ọnẹ siye na hon? ³²Efarisiro abẹ wọ ka, ero abẹ e e huhunu ẹ́ga ẹnanẹ yẹrẹ Ijesu ẹpan, Efarisiro abẹ aka alufaa ẹpan abẹ mi file utunro abe yọ ka bẹ sẹ ya.³³Ọnẹbẹ uùba Ijesu ga ne, ba ka, nọ ọgbo keke ayẹ i e wo ne etin, mè éke mi yo, ẹfẹna nẹnẹ file mu na eèfa. ³⁴Nè éke ni mu ama na aka gba mọ; ẹfẹ na nẹnẹ ma yọ nà éke di sa.³⁵Ọnẹbẹ uùba ayẹ ijuro abẹ we ma abẹn a a ga ẹ ka, "Eta oforo ọnẹ éke mi yọ a, nẹnẹ tẹ̀ éke di gbẹ ẹ na? Á áka yọ Igirikiro abẹ nẹnẹ panwara na eètin, e mi ki te ba họn? ³⁶Ẹga ọla ọọna a a ga ọnẹ a, Nè éke ni mu, na àka gba mọ, aka ẹfẹna nẹnẹ me yọ na, ne eke di ṣa?³⁷Isubu omunuru, nẹnẹ wa ejemẹ ayẹ iisubu ọkẹka na,Ijesu jọmọ e yi ọga, ka, "E e su ẹfẹnẹfẹna ebi ọkọre a a se na, e ni mu ṣa, a wa. ³⁸Ẹfẹna a a na mọ wọ na, kpẹnẹkpẹnẹ akọ bi siye wọrẹ wọ emumu ọnwọnwọn ọnẹ be na, ka kaba yi ibe ayẹ ẹrọ oògbolo ebi éke we ra ve kẹ ṣa nẹ."³⁹Amá a a ga ọnẹ yẹrẹ Ẹfwenfwen ọnwọnwọn nọ orẹ, ubaka be e mi sẹ Ijesu ṣina ugbugbodiro.⁴⁰Ọgbọna nẹnẹ ero ọyọyọ wọ ẹga ọnẹ na, be, ga ka, "Ẹgaba ọnẹ e kpoto wa ẹsẹro ayẹ nẹ." ⁴¹ Ero ẹbẹn ga ka, ọnẹ e kpoto wa Ikristi nẹ. Ama ero ẹbẹn ga ka, Egalili ayẹ Kristi éke we ṣa họn? ⁴²Ámá emumu ọnwonwọn ga ẹ ka, Ikristi éke wọ Edafidi ubanẹ ọọre ṣa aka Ẹbẹtilẹhẹmu, iken nẹnẹ Edafidi we ṣa na na?⁴³Ẹgan nẹ oruruwa sie wobe etin nẹ ubana ayẹ. ⁴⁴Ero ẹbẹn í bi iwu e e ni ka bẹ sẹ ya, ama e me su ẹfẹna fọ uba dẹ ya na.⁴⁵Ọnẹbẹ uùba utunro abẹ pila ni Efarisiro aka Asigiri eẹ́pa abe ṣa, bi mi ga nẹ ba ka, "Ena a wọrẹ nẹnẹ ni i ma sẹ ya ṣa na? " ⁴⁶Utunro abẹ gunowo ka, E me su ẹfẹna nẹnẹ ga ẹga aka oforo ọnẹ gba.⁴⁷Ọnẹba uùba Efarisiro abẹ guna bo wo ka, "Í bẹ wọrẹ ka anọ je họn? ⁴⁸É su oro ọọre ẹ́kẹkaro abẹ iiwu, sa Ẹfarisiro abẹ nẹnẹ na ẹ wọ na hoṇ? ⁴⁹Ama ero ọyọyọ enanẹ, nẹnẹ e e me din ububuru na, ṣina adanro ke.⁵⁰Inikodemosi (ọọ́re Eparisiro abe na, nẹnẹ nene to yi nọ Ijesu ṣa na) ga nẹ ba ka, ⁵¹Í tọ ububuru da kẹ ṣen noro ẹkanẹ ṣana e di kẹ din ẹkẹna nẹnẹ e sie na họn? ⁵²Bi gunowo bẹ ga nẹ ya ka, Egalatiyaro ka awọ wa họn? Pila ẹ ẹ balẹ ka eme su ẹsẹro kọ́ọrọ́ọrẹ nẹnẹ nẹnẹ wo Egalili kpan fura na.⁵³Ororo mi fura a yọ yu ubowo.

Chapter 8Ije

¹su mi kpọ olivi ọọ̀rẹ yọ. ²Urorun firifiri e mi de pila fọn Etempili yọ, ero abe mi ni ya ṣa; e mi ma e e te ba. ³Isikiraburo aka Efarisisiro abe ṣe iyaro ọben ṣa yẹ ẹfa, nẹnẹ bẹ sẹ ónọsẹ na. Bẹ sẹ ya jọmọ wọ etin.⁴Bẹ ga nẹ ya ka, "otitero, tẹ sẹ iyaro ọnẹ ónọsẹsẹ í yọ osisiye ẹbẹba. ⁵Ububuru, Imose buru ya nẹ to ka tẹ gban nero ẹgan nọ ọtare wan: amá ẹna ọ ga a?" ⁶Bẹ ga ọnẹ bi di bi a mẹ balẹ bi di gba ẹpẹn bẹlẹ yọ oṣen, ama Ijesu fuwuru e mi fọ yọ ẹbẹbẹrẹ a a wọrẹ ọwọra ije e siye akọ ayẹ a ma wọ ba na.⁷Ama ọgḅọna nẹnẹ bi ki e ṣin ya na, a kpanmiwu kpọ, e mi ga ne, ba ka, "Ẹfẹna nẹnẹ e me su iluwe í ni iwu na, a tayi gban yọ ọtarẹ." ⁸Emi de fuwuru, wọrẹ ewọra wi ije.⁹Ogbona nẹnẹ bẹ wọ ọnẹ na, bi e ve yọ ọyẹrẹyọrẹ, tọmẹ kaba osudosuda abẹ yọ jen ne re abẹ nẹnẹ munurun na. Iyọ osẹpa bi mi tebi Ijesu ayarẹ, aka iyaro ayẹ wọ etin. ¹⁰Ọgbọna Ijesu fura na, a ga ne ya ka, "iyaro ọnẹ, abẹ nẹnẹ fọwọ ṣa na o? E e me su kórò òóre nẹnẹ ṣen webe na a?" ¹¹A ga ka, "Emesu kòró ọ́ọ̀re, Idu." Ijesu di na ga nẹ ya ka, ka amẹ i ma ṣẹn we ebe. kẹ yọ u me pila siye iluwe.¹²Ijesu mi da ga nẹ ba ka, "Amẹ a wa ẹrọ ọọsọ nẹ ẹrọ; ẹfẹna nẹnẹ a a yẹrẹ mọ na èke jejen ésiri ibe, ama éke su ẹrọ ọọ̀so. ¹³Ọnẹbẹ uùba Efarisiro abẹ ga nẹ ya ka, "We e sie ubedi nẹ wi iwu; wu ubedi a maikwa."¹⁴Ijesu gunowo e mi ga ne, ba ka, "A a da ka i sisi siye ubedi nẹ mi iwu, mọ ubedi wa ikwa eka. I din ẹfa nẹnẹ i we ṣa na, I di e din ẹfa nẹnẹ ma a yọna, amá ne e di nẹ ẹfa nẹnẹ i we ṣa na, aka ẹfa nẹnẹ ma a yọ na. ¹⁵Nẹ yẹrẹ iwukpe ọrẹ a a ṣenẹ ẹkarẹ; i ma ṣẹn kórò ọ̀ọ́re ẹkarẹ. ¹⁶Ama me e sisi sẹnẹkarẹ, mẹ ẹkarẹ ọsẹnsẹn wa ikwa ẹka, ubaka a ma wa ame, aya rẹ ya, ama amẹ.Ẹdẹda nẹnẹ file mu na.¹⁷Ni sisi wọrẹ ẹ wọ nọ ubururu ibe ka, ikwa a wa ero ebọrẹ ubedi nẹ. ¹⁸Amẹ a wa ẹfẹna nẹnẹ siye ubedi nẹ mi iwu na, aka Ẹdẹda nẹnẹ file mu na siye ubedi nẹ mọ."¹⁹Ọnẹbẹ uùba bi mi ga nẹ ya ka, "Ẹta wẹ Ẹdeda ma na a?" Ijesu gunowo ka, "Ni me din mu, ka egan ni me din tẹ Ẹda; a a da ka i ni din mu, è ébana ni din ka tẹ Ẹda bile amẹ" ²⁰Ẹga ẹnanẹ ayẹ Ijesu ga ọkpọrọ ẹfa nẹ, akọ e sie e e te Ẹ́tẹmpili ibe na, kórò ọ̀ọ́rẹ e me si ṣẹ ya, ubaka yẹ ẹwakati e e mi re.²¹Ọnẹbẹ uùba e mi di na ga nẹ ba ka, "Ma a yọ; nè éke ni mu, nè éke mi fo ni ilume ibe. Ẹfa nẹnẹ ma a yọ na, ne èke di ṣa." ²²Ọnẹbe uùba ijuro abẹ ga ka, Á áka nwan yi iwu họn? Yu uba a wọrẹ ka a ga ka, 'Ẹfa nẹnẹ ma a yọ na, ne èke di ṣa.'²³E mi ga nẹ ba ka, "Ewu ni we ṣa; ẹ ṣa kaba ososi ẹro ọnẹ ẹka nẹ wa; i ma wa ẹro ọnẹ ẹka. ²⁴Ọnėbẹ uùba ayẹ i a ga nẹ nọ ka, Nè éke fo wọ ni iluwe ibe. Eme fura ka, i nẹ nawọ ka, AME YA, í nè éke fo wo ni iluwe íbe."²⁵Onobe uùba bẹ ga nẹ ya ka, Ẹra u kpoto wa a? Ijesu ga nẹ ba ka, "Ẹga ọ̀ọ́rọ́ọrẹ nẹnẹ ẹ tai ki ga ne nọ ọ́tọtọmẹ na. ²⁶I su ẹga ọyọyọ nẹnẹ ma ka ga na aka nẹnẹ mà áka a ṣẹn nẹ ẹkarẹ yẹrẹ nẹ ẹpan na, unẹbẹ uba, ikwaro a wa ẹfẹna nẹnẹ file mu ṣa na, ẹkẹna nẹnẹ i ke wọ kaba yẹ ẹfa ṣa na, ẹnabẹ ẹ ga a nẹ ẹrọro nẹ. ²⁷E me ye ba ka, Ẹdeda ẹga a a ga a nẹ ba bẹ nẹ́.²⁸Ọnẹbẹ uùba Ijesu ga nẹ ba ka, "Ọgbọna nẹnẹ na a kpan òròkòrò Oògben kpọ ke na, ọgba ọnẹbẹ ayẹ nè éke din ka, AMẸ A WA AYẸ nẹ aka ka e me su enaide nẹnẹ i sie na nẹ mi iwu, ama akọ tẹ Ẹda siye te mu na, i a ga ẹpẹn ẹnanẹ nẹ. ²⁹Ẹfẹna nẹnẹ file mu na jọmọ gbeli mu, e me tebi mu wije, ubaka me e siye ẹkẹna nẹnẹ barẹ na ógba fenyan. ³⁰Ako Ijesu siye a a ga ẹpẹn ẹnanẹ na, ero ọyọyọ na ẹ wọ.³¹Ijesu ga nẹ ijuro abẹ nẹnẹ na ẹ wọ ke na ka, "Ne e jọmọ wo mẹ ẹga ọgba ọnẹba ayẹ ka nẹ wa mo egbennurunmẹka ikwa ẹka nẹ; ³²ne éke din ni ikwa, ikwa ayẹ áka sẹ nọ ṣina ọfanro." ³³Bi guna yo owo ka, "Abrahamu ibire oògben tẹ wa; ti ma wa ọvan ki isi ọọrẹ nẹ kórò ọ̀ọ́re gba; ga na we ke siye gẹ k, Wa ka sẹ to ṣina ofanro?"³⁴Ijesu guna bo wo ka, "Ikwa ẹka,ikwa ẹka, ayẹ ẹ ga nẹ nọ Ẹfẹnẹfẹna e luwe na, ayẹ a wa iluwe ọọ̀van nẹ. ³⁵Ọvan a a ma nọ úbowo e fo mọ rẹ; ogben a da ma nọ úbowo fo mọ rẹ. ³⁶Ọnẹbẹ uùba, ogben a a ṣe nọ ṣina ọfanro, í nè éke ṣina ọfanro égaba.³⁷I din ka Abrahamu ibire oògben ayẹ nẹ wa; amá ne e ni ọrẹ ka nẹ nwan mọ, ubaka mẹ ẹga a ma gba ẹfa ma í ni ibe. ³⁸Ẹkẹna nẹnẹ ẹ gba i tẹ Ẹda ẹfa na ayẹ ma a ga, ka anọ e e sie ẹkẹna nẹnẹ ni ke gba i nẹ"³⁹Bi gunowo bẹ ga nẹ ya, "Aburahamu a wa rẹ da nẹ. Ijesu ga nẹ ba ka, A a da ka Aburahamu eègben nẹ wa, é ébana ni siye utun abẹ nẹnẹ Aburahamu siye na. ⁴⁰Ama akana ne e ni ọrẹ nẹnẹ nà áka a nwan mọ na, ẹfẹna nẹnẹ ga ikwa nẹ nọ na, ọnẹ, nẹnẹ i ke wọ na Ósibina ẹfa Aburahamu e me siye ọnẹ. ⁴¹Ni siye nẹ ẹdeda uùtun." Ḅẹ ga nẹ ya ka, "Bi ma ba tọ ónini ọọrẹ; ti su Edede ọọrẹ: nẹnẹ wa Ósibina na."⁴²Ijesu ga nẹ ba ka, "A da ka Osibina a wa nẹ Ẹdeda, è ébana ni ni mẹ ẹga, ubaka Ẹdẹda ẹfa i we ṣa i mi ṣa; e me gbe ka ẹ ṣa nẹ mi iwu, amá ayẹ e file mu. ⁴³Ẹna a wọrẹ nẹnẹ mẹ̀ ẹga e me ye nu a? ubaka ne e di a wọ mẹ ẹga a wọrẹ nẹ. ⁴⁴ Ẹsu nẹ ẹdẹdaẹka ayẹ ne e siye, nẹ ẹdeda osiye gbogbagbọgbanè éke siye. Ọwannoro aya wa kaba ọtọtọmẹ nẹ, eme di a jọmọ yẹrẹ ikwa ubaka e me su ikwa í yi ibe. Ogbọna nẹnẹ e e ki siye akpẹ na, kaba yi iwu ẹka e de we ga, ubaka akpẹro ya aka akpe wẹ ẹda.⁴⁵ka ẹga, ubaka ma a ga ikwu nẹ nọ, ni ma na mọ wọ. ⁴⁶Ẹra í ni iwu a ṣẹn mọ iluwe ebe gba a? Ma a ke, ga ikwa ẹna e siye a nẹnẹ ni i ma na mọ wọ na? ⁴⁷Ẹfẹna nẹnẹ wa Osibina ẹka na, à áka kẹ wọ Osibina ẹga; ọnẹ uùba a wọrẹ nẹnẹ ni i ma wọ nẹ, ubaka ni ma wa Osibina ẹka.⁴⁸Ijuro abẹ gunowo bẹ ga nẹ ya ka, Í ti i ma ga ẹ ẹgaba ka, Ẹsamariaro ayẹ ọ wa, aka ka u su Ẹsu ẹfwenfwen họn? ⁴⁹"Ijesu gunowo ka, I me su Eṣu ẹfwẹnfwẹn, ama i kuru a a nọ tẹ Eda, anọ e me kuru nẹ mọ.⁵⁰I me ni amẹ ėbẹba ugbugbodi; oro ọbẹn wa mọ nẹnẹ e e ni ya na aka nẹnẹ a a sẹn nẹ ẹkarẹ na. ⁵¹Ẹgaba, egaba ayẹ ẹ ga nẹ nọ, Ẹfẹna a a fọ mẹ ega sie utun na, a àka gba ufo otutun.⁵²Ijuro abẹ ga nẹ ya ka, Akana ti din ka u su Eṣu ẹfwẹnfwẹn nẹ. Aburahamu aka ẹsẹro abe; u mi ga ka, Ẹfẹna a a fọ mọ ẹga siye utun na, a àka tọọre ufo balẹ otutun. ⁵³Une gbodi fọrẹ Aburahamu tẹ ẹdẹda nẹnẹ fo na, họn? kọ ẹsẹro bi fo. Ẹra u roro ka ọ wa a?⁵⁴Ijesu gunowo ka, Me e ki kuru kẹ nẹ mi iwu, mo ugbogbodi e me gbe kenakide; tẹ Ẹda a wa ẹfẹna nẹnẹ kuru a a nẹ mọ na, ẹfẹna nẹnẹ nẹ ga ka Nọ Osibina a wa na. ⁵⁵Ni me ke din ya, ama i din ya. Me e si ga ka, 'I me din ya,' i mè éke ṣina akpẹro aka anọ na. Ọnẹbẹ uba, amẹ i din ya, i di a fọ yẹ́ ẹga e e siye utun. ⁵⁶Aburahamu nẹ ẹdẹda bẹn ka ayẹ gba mi isubu; a gbẹ ẹ e mi bẹn.⁵⁷Ijuro abẹ ga nẹ ya ka, "We ẹnyẹn e e mi re ibọrẹkakọrọfọ, gana u mi siye di gba Aburahamu a?" ⁵⁸ Ijesu ga nẹ ba ka, "Ẹgbaba, ẹgbada, ayẹ ẹ ga nẹ nọ, sana Aburahamu di e wamo, AMẸ I WAMỌ." ⁵⁹Bi tiye ọtarẹ nẹnẹ ba ka gban ya na, ama Ijesu fọ yi iwu bẹbẹ e fura ẹfẹ nẹ bẹ e mi fọ mẹ etempili yọ.

Chapter 9

¹Akọne Ijesu mi sie ṣun na, a gba oforo ọbẹn nẹnẹ penianyẹn ȯgba nẹnẹ bi webẹna. ²Yẹ egbenurunmẹka abẹ ṣin ya ka, "Otiterọ ẹra eluwe a oforo ọnẹ sa yu ubarọ abẹ nẹnẹ bia ba ẹ openayẹn na?"³Ijesu gunowọ ka, "Ama wa ubaka oforo ọnẹluwe, sa yu ubaro abẹ ama ka bi di fo Osibina utun yen nyẹn iyẹro. ⁴Ta la ti gbẹn ka ti fo utun nẹnẹ ẹfẹna filẹ mu na a a nẹ mọ ọgba nẹnẹ a wa erun na. Ujoguwe a a ṣa nẹnẹ kòrò ọ̀ọrẹ èke di sie utuna. ⁵Ee kida ka iwo ẹro amẹ a wa ẹrọ ọọ̀so."⁶Ọgba nẹnẹ Ijesu gẹ ga ẹnanẹ kue na, a te efuwa wuje, emi mẹ efuwa ayẹ bi idin emi fọ idin ayẹ ri openanyẹn na ya yẹn. ⁷Emi ga nẹ ya ka "yọ, u puwa Isiloomi" (bẹ e fu ya ga ọrẹ ọbẹn, fileyọ). Ọnẹbẹ uùba a yẹrẹ yọ ọrẹ yọ epuwa a a gbanyen.⁸Ogbonẹbe yo ọsinro abẹ aka ero nẹnẹ gba ẹ ùrun ṣa ka, Ámá ẹfẹna nẹnẹ da ma kẹ bẹ lẹpen na a wa ọnẹẹ? ⁹Ẹbẹn ga ka, Ayẹ ya: ẹro ibuba ga ka, "Henhen, egben ya" Ama aga ka emẹya.¹⁰Bẹ ga nẹ ya ka, Gana wa anyẹn sie jin a na a? ¹¹E gunowo ka, "Oforo ọbẹn nẹnẹ be eye Ijesu na a dẹn idin, emina ṣi ma anyen, e mi ga nẹ mo ka, 'yọ Isiloami upu wa wi wu.' Imi yọ, ipu wa: imi yọ ẹfọra, i mina a a gbanyen ¹²Bimi ga nẹ yaka Ayẹ mi o? Ẹgun nọ ka, imedin¹³Bẹ sẹ ẹfẹna nẹnẹ ya anyẹn pẹn gba na ṣa Efarisiro abẹ ẹfa. ¹⁴Ẹ yẹ ofile iisubu e di a wa isubu ayẹ nẹnẹ Ijesu dẹn idin ayẹ nẹnẹ e mijin ya anyẹn na. ¹⁵Onẹbẹ uùba ja Ẹfarisiro abẹ mi di ṣin ya, akọ e sie gbanyẹn na. Emi ga nẹ ba ka, A fọ idin de ma anyẹn, i mi puwa anyen imina a a gbanyẹn.¹⁶Ẹfarisi rẹ ẹbẹn gẹ ka, oforo ọnẹ ẹmẹ wo Osibina ẹfa ṣa ubaka a ma fọ ẹyẹ-ofile iisubu wuje. Ero ẹbẹn ga ka, Gana oforo nẹnẹ wa iluwero na èke din sie utun ojinorowfuwa akọ a? Oruruwa mi wo bẹ ẹtin ¹⁷Onẹbẹ uùba bi mi ga nẹ ẹdẹda nẹ penanyẹn ayẹ kạ Ẹna ọ ga yẹrẹ yẹ ẹpan na, ubaka e jin wa anyẹn na? Emi ga ka Ẹsẹro a wa. ¹⁸Onẹbẹ uùba ijuro abẹ a ma nawo ka, ya anyẹn pẹn gba aka ka e mina a a gbanyẹn jen ere ọgba nẹnẹ bi e ye ẹfana nẹnẹ bi jin ya anyẹn kẹ na uùbaro abẹ.¹⁹Bi mi ṣin ba oṣisin ka, ọnẹ a wa nọ ogben ẹfẹna nẹnẹ nẹ ga ka bẹ ba ẹ openanyẹn na hon? Gana e mi sie sie a a gba yẹn akana a? ²⁰Yu ubaro abẹ guna ba owo ka, "Ti din ka to ogbẹn a wa ọnẹ aka ka tẹ ba e openayẹn. ²¹Ako ẹmi sie a a gbanyẹn akana na ti mẹ din sa ẹfẹna nẹnẹ jin ya anyẹn na ti mẹ dini ikirisa ya; ni ṣin ya à àka karẹ nẹ yi iwu."²²Yọ ubaro abẹ ga ko ubaka bẹ sọn Ijuro abẹ ọọ̀rorẹ. Ubaka Ijuro abẹ fọ owo ẹfa ọọrẹ kẹ kạ ee su ẹfẹna a a nowo ka Ikristi ayẹ a wa bẹbèke gu ya fura Isinagoguibe. ²³Ọnuba yọ ubaro abẹ a a ga ka, "Ikirisa ya ni ṣin ya."²⁴Ọnẹbẹ uùba bi yẹ oforo openayẹn ayẹ iso ọọboro bẹ ga nẹ ya ka, fọ uyeyi nọ Osibina. tin din ka iluwero a wa oforo ọnẹ ²⁵Ọnẹbẹ uùba ẹdẹda ayẹ gunowo a ga ka, A a da ka iluwero a wa, i me dini ẹpẹn ọọrẹ i din ka i penanyẹn gba, i mina a a gbanyẹn akana.²⁶Ọnebẹ uùba bẹ ga nẹ ya ka Ẹna e sie nẹ ọ a? Gana e siè jin wa anyẹn? ²⁷Eguna bo owo ka, ẹtayẹ ganẹno ni ma wo ubaka ẹna awọrẹ nẹnẹ ni e ni ka nifu ya wọ a? i ka anọ e e nika ni ṣina ye egbenurunmẹka hon?²⁸Bẹ parẹyetun, bi mi ga ka, Awo a wa yo ogbenurunmẹka; ama atọ Imosisi egbenurunmeka te wa. ²⁹Ti din ka osibina ma imosisi ga ẹga: ama timẹdin ẹfẹna ẹdẹda onẹ we ṣa na.³⁰Oforo ayẹ gunowo a ga ka, ojinorowofuwa e kpoto wa ọnẹ na nibmebdin ẹfẹna nẹnẹ be we ṣa na ama ẹjin ma anyẹn. ³¹Ti din ka, Osibina a a wo iluwero ama e e su ẹfẹna e e pun Osibina na, nẹnẹ die esie yiibe-opin na, nẹnẹ die e sie yiibe-opin na ayẹ da wọ³²Kaba ọgbọna nẹnẹ ẹrọ we ruwayẹn na ti ma wọ ya gba ka, ẹfẹna openanyen anyẹn gba kaba ọgba nẹnẹ bi we ẹ na. ³³Aa daka oforo ọnẹ a ma ṣa kaba osibina ẹfa, e èbana e di sie kenakide. ³⁴Bi mi gunowo bẹ ga nẹ ya ka iluwe ibe ṣẹnẹnẹ bẹ ba ọ nẹ, u mina e e ni ka u te tu hon? Bi mi ta yẹ ẹba ve wo³⁵Ijesu wọ ka, be ta yẹ eba ve wo ọnye fu ra isinagogu. ọgbọnẹ nẹnẹ e mi gbe na Ọ̀ na osibina Oògben wọ hon? ³⁶Emi gunowo ka, Era Idu i di nu ẹ wọ? ³⁷Ijesu ga nẹ ya ka ̣ọgba ẹke, ayė e sisi wa ẹfẹna nẹnẹ ma ọ a a ga ẹga ọnẹ na ³⁸Ẹdẹda yẹ gẹ ka, idu, e nawọ e mi pun ya.³⁹Ijesu mi ga ke, Ẹkarẹ ọṣẹṣẹn uùba i a ṣa ẹrọ ọnẹ ka ero abẹ nẹnẹ a a ma gbanyẹn na bidi kẹ gbanyẹn; aka ka ero abẹ nẹnẹ a a gbanyẹn na bi di ṣina openanyẹn. ⁴⁰Ẹbẹn Ẹ̀farisiro abẹ iiwu nẹnẹ wo yẹ ẹfa na wọ ẹkẹnẹnanẹ, bi mibga nẹ ya ka i ka atọ penanyẹn hon? ⁴¹Ijesu ga nẹ baka, A a daka i ni penanyẹn e èbana ni su iluwe: ama akana nẹ ga ka, Ta a gbanyẹn; Ọnẹbẹ uùba ni

Chapter 10

¹Egaba, Egaba ayẹ ẹ ha nẹ nọ, Ẹfena a a ma yẹrẹ opolowo fọn udude ijin, ama nẹnẹ yẹrẹ ọrẹ oben kpọ na, ayẹ ọ̀ọ́rọ́ọrẹa wa oyiri aka ẹjagudane. ²Ẹfẹna nẹnẹ a a yẹrẹ opolowo fọn na, ayẹ a wa ọṣẹlẹ ududo nẹ.³Ayẹ ọfọrẹro de jinujun nọ nẹ. Ududo abẹ da wọ yo ohun ede mi ye yu ududo abẹ ẹnanẹ wa yẹ ẹka na iwuru,emi yọ bẹ ẹrẹn ve. ⁴Ọgba nẹnẹ e e mi ko yu ududo abẹ ve ke na a yọ bẹ ẹrẹn, ududo abẹ de mi yẹrẹ ya: ubaka bidin yo ohun⁵Be èke yẹrẹ ọga, ama ibè éke ki fura yẹ efa, ubaka bi me din ọga oòhun. ⁶ Ijesu tu utite onẹ nė ba ẹpẹn enane e kue ga na ẹba na eme ye ba.⁷Ijesu ganẹ ba ka, ẹgaba, ẹgaba ayẹ ẹ ga nẹ nọ, Ama a wa ududo abẹ uùjun nẹ. ⁸Ero fenyan nẹnẹ yọ mẹ ẹrẹn ṣa na, eyiri aka ejaguda abẹ a wa, ama ududo abẹ a am wọ ba.⁹Amẹ a wa ujin nẹ, e e su oro nẹnẹ yẹrẹ mẹ ẹfa fọn na, ayẹ bà áka na fon nẹ, è éke mi ve, è éke mi gba ẹmẹ. ¹⁰Oyiri a a ṣa a a ma daka a ṣa yire oyiri, aka ka a nwan: aka ka efu, ẹ ṣa ka bi di su ẹrọ, ẹka ka bi di su ya ọ́yọyọ nẹnẹ ṣunmowo na.¹¹Amẹ a wa ọṣesẹ ududo oboro, osele ududo oboro da fọ yẹ ẹrọ wuje ubaka yọ ududo abẹ. ¹²Okanron, nẹnẹ a a ma wa ọṣẹlẹ ududo na, ẹfẹna nẹnẹ ududo abẹ a a ma wa yẹ ẹka na, a a gba ka omina a a sa, e minẹ tẹbi ududo abẹ wuje, e mi mune. Omina e mi sẹ ududo abẹ ẹdẹmi pan ba wara. ¹³Ẹkẹ bọra eso, ubaka ọkanran a wa, a ma balẹ ududo abẹ.¹⁴Amẹ a wa ọsẹlẹ ududo oboro nẹ, i din mu ududo abẹ ka mẹ ka bi dinmu. ¹⁵Ẹdẹda din mu, ako nẹnẹ i sie din ẹdẹda na, imi fọ mẹ ẹro wuje ubaka ududo abẹ. ¹⁶ I sisi su ududo ẹbẹn nẹnẹ a a ma wa ijin ọnẹ ẹka na: ka abẹ mà áka fọ ṣa nẹ, bà áka wọ mo ohun: bè éke ṣina ijin ọọre, ọṣẹlẹ ududo ọọrẹ.¹⁷Ọnẹbẹ uùba ayẹ tẹ Ẹda e e ni mẹ ẹga nẹ, ubaka ẹfọ mẹ ẹrọ wuje, ka idi die tie ẹ pila. ¹⁸Kórò ọ̀ọ́rẹ a ma na ẹ fura mu uba, ama i e wuje nẹ mi iwu. I su iwogbigben ka i e wuje, idi e su iwogbigben ka i die tie ẹ pila. Iburu ọnẹ ẹ na furu tẹ ẹda ẹfa nẹ.¹⁹Ọnẹbẹ uùba orurowa mi di e wo ijuro abẹ eètin ubaka ẹga ẹnanẹ ²⁰ Ọyọyọ ibi iwu mi ge ka, Ẹṣu ẹfuẹnfuẹn a a yọ ire, ẹna a wọrẹ nẹnẹ ni a wọyẹ ega na a? ²¹Ẹbẹn ga ka, Ẹga ẹnanẹ a ma wa ẹfẹna nẹnẹ su eṣu ėfuẹnfuẹn ẹka. Eṣu ẹfuenfuen die jin openanyẹn abẹ anyẹn họn?²²Ọgba onẹ bẹ wo imu ọsẹsinọnwon e èjeme Ijerusalemu. ²³Ifu ọgba ye Ijesu e e jejen Ẹ́tempili ibe, isolomọnu ọọ̀lorẹ. ²⁴Ọnẹbẹ uùba ijuro abẹ sa kọọ ya, bẹ ga nẹ ya ka, Nẹ ẹmọọna wà áka a wọrẹ tọ sie ibe ẹbọre a? A a da awọ a wa ọnorofan ayẹ, ga ẹ nẹ tọ ọ́gbandala.²⁵Ijẹsu gu na bo wo ka ẹga nẹnọ ama ni ma na wo, utun nẹnẹ me siyẹ itẹda iwuruna wa ubẹdi nẹ mo. ²⁶Kẹ gan kẹ gan uma nawo ubaka umawu mu ududo.²⁷Mu ududo abẹ da wọ mo ohun idin ba, bida kẹ yẹrẹ mo. ²⁸Ẹ va ba ẹro nẹnẹ e e me su ọta na, bẹ̀ éka fo, ba ka na ba fura muuba.²⁹Tẹ Ẹda, ẹfẹna nẹnẹ fọ ba ne mọna, fọrẹ ero fẹnyan, eme su oro nẹnẹ éke di ṣẹn ba fura tẹ ẹda uùba na. ³⁰Amẹ aka ẹdẹda ọọrẹ tẹ wa. ³¹Ijuro abẹ bẹ ko ọtarẹ ka bẹ gban ya.³²Ijesu guna bo owo ka, utun obore ọyọyọ ayẹ yen nẹ iyẹ wi tẹ dẹ fa ṣa na ọọna ibiwu ne ni ka nẹ gban mo otarẹ na.? ³³Ijuro abẹ mi guna yo owo, ka, Ti ma gban ọ ọtarẹ ubaka utun oboro, ama ubaka ẹlabọ, aka ubuka awọ nẹnẹ ọ wa òròkòrò na ṣe wi iwu ṣina Osibina.³⁴Ijesu guna bo owo ka, bi ma wọrẹ ẹ we nu ububuru ka, Ẹga ẹka Osibina ikeke nẹ wa hon? ³⁵Ada ka e ye ba Osibina ekee abẹ, abẹ nẹ nẹnẹ bẹ fọ Osibina ẹ ẹga nọ na, Osibina ẹga ẹdiriẹ fuwa. ³⁶Uwa ka ga kẹ ya ka ẹfẹna ẹdẹna tiyẹ wo obo ẹ file ṣẹ ẹrona nika agẹlabo ubaka ẹ gẹ ka ama wo Osibina gben?³⁷A a da ka ime sie tẹ ẹda uùtun ni ma na mọ wo. ³⁸Ama me ki siẹ ba, wẹ me si na mo wo nọ utun ma bẹ wọ e riga udin ẹdirẹ gben wa yen ka ẹdẹda wo mi iwu ka mi dinẹ wo ẹdẹda iwu. ³⁹Bi mi dẹ no rẹ nẹ bẹkẹ wẹ siẹ na, ama afan buba.⁴⁰Ẹpila yo Ijordani ẹfẹna Ejoon we tai wẹ ri imomo na, ẹfa ọnẹbẹ e mi ma nẹ. ⁴¹Ero ọyọyọ ṣa yẹ ẹfa, bi mi ga ka, Ejọọnu eme sie utun ojinorowofuwa kọ̀ ọrọ́ọrẹ, ama ikua a wa ẹpẹn fẹnyan nẹnẹ a ga yẹrẹ oforo ọnẹ ẹpan na. ⁴²Ero ọyọyọ na ẹ wọ ẹ́fa ọnẹbe.

Chapter 11

¹Ọgba ọnẹbẹ oforo ọbẹn nẹ beye Elasarosi na e e yan. Ẹbetanire ya, Ẹmariya aka yọ da Ẹmata iiken. ²Emariya ayẹ a fọ afọmọ ọpọriwu pọra Idu iiwu, emi fọ yẹ ẹpẹn ẹpan mu yẹ ẹsẹn, yọ ọda Ẹlasarosi eyan.³Yo ẹda iyaro abẹ mi file no Ijesu, ka, "Idu, balẹ, ẹfẹna uni na eeyan." ⁴Ọgbọna Ijesu wọ ya na, agẹ ka, "Igun ọnẹ ama wa ufa ẹka, ama no Osibina iigirima,bi di ya a fo Osibina ogben okpo.⁵Ijesu ke ni Ẹmata ẹga aka yọ da, aka Ẹlasarọsi. ⁶Ọ́nėbẹ uùba ọgbọna awọ ka Ẹlasarọsi è é yan na, Ijesu ma isubu ẹbọre bilamo, efena ama na. ⁷Ọnẹ urunba a ga nẹ ye egbenurunmẹka, ka, "Nẹ ṣa ti pila yọ Ijudiya.⁸Te egbenrunmẹka abẹ gẹ ka, "Ẹrabi, eyibonẹ ne ijuro abẹ e e ni ka bẹ gban ọ ọtarẹ na, ú di e pila ya efenebe hon?" ⁹Ijesu gunowo ka, "Ámá ẹwakati efookẹbọrẹ e kpoto wọ erun ọọre e? Oro e e jenjen erunmeka, e e diye pilido, ubaka afo ẹrọ ọọ̀so a gba yen.¹⁰Ama e e jenjen ujoguwa ka, e ke pilido ubaka ọsẹ eme wo yi iwu. ¹¹Ẹkẹnẹnanẹ ayẹ a ga nẹ, ọnẹ urunba a ga nẹ ba ka, "Tọ ọre Ẹlasarọsi buwe ama ma yọ ka i di sọma ẹ fura uba.¹²Ye egbenurunmeka mi ga ne ya ka, "Idu, a a da ka e bwe, á áka kẹsẹ." ¹³Ama Ijesu a a ga yu ufo ẹka, ama bi roro ka, a a ga uba ofileye eka. ¹⁴Ijesu me peyan ne ba ka, "Ẹlasarọsi fo.¹⁵I ke bẹn ubaka anọ, ka i me wo ẹfa ọnẹbẹ ni di nawo. Ne ṣa tẹ yọ yẹ fa." ¹⁶Ẹtọmasi, nẹ be ye Ididimusi na, ga nẹ ye egbenurunmẹka ọpa abẹ ka, "Nẹ ṣa ka tẹ yọ, ti di bile Ijesu iwu fo."¹⁷Ọgbọna Ijesu re na, a gba ka bi re Ẹlasarọsi wo ọ́so ne isubu ẹna ke. ¹⁸Ebetani turu to Ijerusalẹmu re ẹpẹn akọ ẹfolonyi ẹfọkupi iiwu na. ¹⁹Ijuro ọyọyọ a ṣa Emata aka Emariya ẹfa, ka bi fun bi ibe nẹ bọ ọda ega. ²⁰Ọgbọna Emata wọ ka Ijesu a a ṣa na, e ve jen e gure ẹ, ama Emariya ma wo ubu.²¹Emata mi ga ne, Ijesu ka, Idu, a a da ka u wo ẹkọnẹ e èbana mọ ọda e fo. ²²Ama ka akana, i din ka ẹkẹnẹkẹna we e ṣin Osibina na, a aka nẹ ọ. ²³Ijesu ga nẹ ya ka, 'wọ ọda áka ṣomapalẹṣa²⁴Ẹmata ga nẹ ya ka, "I din ka à aka sọmapalẹṣa ọ́sọmapalẹṣa omunurun iisubu." ²⁵Ijesu ga nẹ ya ka, "Ama a wa ọsọmapalẹṣa, aka ẹrọ ne; efena ne a a na mọ wọ na, e e si fo, eke wo ẹrọ; ²⁶ẹfẹnẹfẹna e wo ẹrọ na, nẹ na mọ wọ na, e èke fo otutunm otutun. Ọ́ na ọnẹ wọ họn?"²⁷A ga nẹ ya ka, "Egan ya nẹ, Idu, ẹ nawọ ka, awọ a wa ọnorofan aye nẹ, Osibina Oògben, Ẹfẹna ne a a ṣa ẹrọ na." ²⁸Ọgbọna ne a ga ọnẹ ke na, e ve yọ ye yọ ọdạ Emariya bẹbẹ. Agẹ ka, "Otero ṣa ke, e e ye u. ²⁹Ogbona a wọ ọnẹ na, a kpan fura iganigan, a yọ yẹ fa.³⁰Ijesu emi ki fọn iken ayẹ, e ki wo efena Emata we gure ẹ na. ³¹Ọnẹbẹ uùba ọgbọna ijuro, ẹnanẹ wọ ubu ne be fun yi ibe na, gba ka Emariya kpan fura ẹ́lakata ve yọ na, bẹ yẹrẹ ya, bi sei ka a yọ ọ́sọ awo jen e yi iwo. ³²Ọgbọna Ẹmariya mi re efa nẹ Ijesu ma na nẹ a gba ėo na, a falẹ wo yọ ẹṣẹn a ge ka, "Idu, a a da ka u wo ẹkọ e èbana mọ ọda e fo."³³Ako Ijesu sie gba ẹ ka e e yi iwo, aka ijuro abẹ ne yere ya yọ bile e e yi iwo na, e gbun ya re yẹ efuenfuen, yi ibe ṣa ebe fuwa; ³⁴A ga ka, ẹta ni re ẹ wo a? Be ga nẹ ya ka, Idu ṣa, ọ gba ẹ. ³⁵Ijesu yi iwo.³⁶Ọnẹbẹ uùba ijuro abẹ gẹ ka, ungbẹẹ akọ nẹ e sie ni yẹ ẹga ta na. ³⁷Amá à ero ero ẹbẹn í bi iwu mi ga ka, "Ama ḅọ́ọ̀ ka oforo ọnẹ, ne jin openanyen anyen na, e e di e sie ka oforo ọnẹ e me fo họn?"³⁸Bilamọ e die ki gbun Ijesu iwu, a yọ ọ́sọ. Oba ọ ya nẹ, bi mi fọ otarẹ ju yo owo. ³⁹Ijesu ge ka, Ne fọ otarẹ ayẹ fura Emata, ẹfẹna nẹ fo ayẹ na ọòdu ga nẹ Ijesu ka, "Idu, a a nyẹn akana, ubaka e ṣina isubu ẹ na aka nẹ e we fo na. ⁴⁰Ijesu ga nẹ ya ka, "Í ma ga nẹ ọ ka, a a da ka ọ na wọ, wá à ka gba Osibina iigirima họn?"⁴¹Ọnẹbẹ uùba bi mi fọ ọtare ayẹ fura. Ijesu mi kpan yo anyen, a ge ka, "Ededu, e gan wọ ẹba ka u piya ọtọn nẹ mọ. ⁴²I din ka u de piya ọtọn kẹ nẹ mọ, ubaka ero ȯkẹrẹkẹtẹ ne jọmọ ẹnanẹ na abẹ a wore ka e ga ọnẹ, bi di nawọ ka awọ e file mu."⁴³Ọgbọna a ga ọnẹ ke na, e yi ọga de elee ka, "Ẹlasarosi, ve ṣa!" ⁴⁴Oforo ayẹ nẹ fo na mi ve ṣa; bẹ́ fo ọ́sọ ẹẹ̀sa pare yẹ ẹsẹn aka yẹ ẹba, bi mi fa ate gbe parẹ ya anyẹn. Ijesu ga nẹ ba ka, "Nẹ tọra ẹ ni tei ya ake yọ."⁴⁵Ọnẹbẹ uùba ijuro ọyọyọ ne ṣa Emariya ẹfa, nẹ gba ẹkẹna nẹ Ijesu sie na, na ẹ wọ. ⁴⁶Ama ero ẹbẹn í bi iwu ni Efarisiro abẹ yọ, bẹ ga nẹ ba ẹkẹna nẹ Ijesu sie na.⁴⁷Ọgna ọnẹba aye alufaa ẹpan abẹ aka Efarisiro abẹ ye ọ̀pá jese, bi ṣin ka, "Ẹna te ke sie a? ubaka oforo ọnẹ e e sie ojinorowofuwa ọyọyọ. ⁴⁸Te e tebi ya egan, ero fenyan áka na ẹ wo; Iromura abẹ éke mi ṣa na ti ije aka tọ uwuru bile amọ."⁴⁹Ama Ẹkaifasi, ọọre í be iwu, efena ne wa alufaa ọkẹka ényen ayẹ na, ga nẹ ba ka, "Ni me sisi din kenakide. ⁵⁰Ni me si balẹ ya ọrẹ ọbẹn ka, a kese ka oro ọọre e fo ne ero fenyan, kadakada ka uwuru fenyan e me fu."⁵¹Ama wa yo ibe opin a a ga ọnẹ, Ámà, aka alufaa ọkeka ẹnyẹn ayẹ na, a ga ẹsẹ ka, Ijesu éke fo ne uwun ayẹ; ⁵²e me sisi wa nu uwun ayẹ arẉ ama bile amọ e di kọ Osibina eègbẹn abẹ nẹnẹ ke pan wara na bile sie ọọrẹ ọgbọgbọ. ⁵³Ọnẹbẹ uùba we munu bẹ yọ ayẹ bi we bile fọ ọkpẹ ṣe ka bẹ nwan Ijesu ne.⁵⁴Ijesu e me pile jenjen ọ́gbandala ijuro abẹ eètin, ama e fura kaba, efa ọnẹbẹ yọ uwuru ọbẹn nẹnẹ kẹ ọdan na, a fọn iken ọbẹn nẹnẹ be e ye Efureimu na. Efa ọnẹbẹ ayẹ e mi ma kẹ ye egbenurunmẹka abẹ nẹ. ⁵⁵Ijuro abẹ ofurusuṇ eèjeme turu a a ṣa, ero ọyọyọ fura ọhọ kpọ yọ Ijerusalẹmu kabẹ sẹ biwu ṣina onwonwon ṣana ofuruṣun e di ki re.⁵⁶Bi e ni Ijesu, bẹ ma abẹn a gẹ, akọ bi sie jọmọ wo Ẹtẹmpili na, ka, "Ená ni roro a? ka a àka ṣa ejemẹ ayẹ hon?" ⁵⁷Alufaa ẹpan abẹ Ẹfarisiro abẹ buru ke ka e e su ẹfẹna e e din ẹfa nẹnẹ Ijesu ma na a a nyẹn, bi di sẹ ya.

Chapter 12

¹Ọgbọna eku isubu ọpọnọore nẹ ofuruṣun na, Ijesu ṣa Ẹbetani, ẹfa ne Elasarọsi nẹ Ijesu sọmapalẹṣa fura e ekporo uwuru á à ma na. ²Bẹ fa ujoguwe ijen ne ya ẹ́fa ọnẹbẹ, Emata e e rowa ijen, ama Ẹlasarosi wa ọọre ero abẹ iiwu nẹ ma bile ẹ wo ọkparẹ ẹfa na. ³Ọgba ọnọbe Emariyi ṣa e tie afọmọ ọpọriwu ogbọro nẹ ṣe eji na,akpalaba okunmokun a a pọra Ijesu ẹsẹn, e mi fọ yẹ ẹpan ẹẹ̀pẹn e e mu yẹ esen. Ubo ayẹ mi fe nọ ọpọriwu ayẹ eèsin.⁴Ijudasi Isikarioti, ọọrẹ i ye egbenurunmẹka abẹ ọnẹ aka jọ ya na, ge ka, ⁵"Ẹna a wọrẹ a nene bi i ma jọ afọmọ, ọpọriwu ọnẹ nẹ idenarii ipipeta ti mi a no uyeriro abẹ a?" ⁶Ako esie ga ọnẹ na, eme gbe ka e ni uyeriro abẹ ẹga, ama, ubaka oyiri ayẹ áwà. Ayẹ a fọ akpolo dọn, a yi de mi ki yire fura, ikiba nẹ bi e wo amọ na.⁷Ijesu mi ga ka, "Ni te bi a a fọ ẹkẹna esu nẹ isubu nẹ be ke re mu na su. ⁸Ne ke ki, su uyeriro ine tin. Ama, ná ká kẹ gba mọ isisi."̣⁹gba ọnẹbẹ Ijuro asanmasan wọ ka Ijesu wo ẹfa ọnẹbẹ, bẹ ṣa, eme gbe ka Ijesu ayẹ arẹ be ni ka be gba, bi di e ni ka be gba Ẹlasarosi nene Ijesu sọmapaleṣa e e kporo uwuru na. ¹⁰Aṣigiri ẹpan abẹ kọ je se ka bi di wan Ẹlasarosi ¹¹ùba a wọrẹ ijuro ọyọyọ mi yọ bẹ na Ijesu wo nẹ.¹²Isubu nẹ yẹrẹ ya na erokore asanmasan ṣa nẹ imu ọgbọna bẹ wọ ka Ijesu a a ṣa Ijerusalẹmu na, ¹³ bẹ ṣan ẹmuẹn dọn ve je ne to ẹ, bi e yi ọ̀gá, "Osanna! ukukurubile awa nẹ ẹfẹna ṣa Idu iwuru na, Isirẹli óòbi"¹⁴Ijesu mi ni ẹkẹtẹkẹtẹ óògben ama yẹrẹ ya; ako bi si e wọrẹ wo ije na, ¹⁵"uma sọn ọrọrọ, Isioni oogbẹn iyaro, bale, wọ obin a a ṣa, ama nọ́ ọ̀ eketekete óògbẹn."¹⁶Ama ta i ye yọ egbenurunmeka abẹ ọtọtọmẹ, ama à ọgbọna bi mi fọ ugbugbodi nẹ Ijesu na, bi mi yẹn ka bẹ wọrẹ ẹ iyọrẹ, aka ka abẹ e mi di e sie ekẹnẹnanẹ nẹ a.¹⁷Eroro asanmasan abe mi di a na owo ka abẹ bi wo yọ họ ọgbọna a ẹ́yè Elasarosi ve ṣa ọ́sọ na, na a sọma e palẹṣa eekporo uwuru na. ¹⁸Ka ọne ùùba a wọrẹ nẹ apẹ ve yọ je ne to e na, ubaka bẹ wọ ka e sie obinorowofuwa ọnẹ. ¹⁹Efarisiro abẹ mi ge i bee etin, "Balẹ, we die sie kẹnakide, ẹro a a yẹrẹ ya."²⁰Ọgbọnẹbẹ I girikiro ẹbẹn ba a yọ pun ímu ayẹ. ²¹Bẹ yo Ifilipi ẹfa nẹ wo Ebetsaida ne wo Egalili ṣa na, bi mi ṣin ya, ka, "Edaro, te ni ka tẹ gba Ijesu." ²²Ifilipi yọ a gẹ ne Anduru, Anduru ayẹ mi yẹrẹ Ifilipi jen na ga ne Ijesu.²³Ijesu mi guna bo wo ka, "Ewakati ayẹ ṣa kabe fọ ugbugbodi ne orokoro óògbẹn. ²⁴Ikweka, ikweka, e ga nẹ wo, é è me furaka iwiti ibire falẹ wo ije efo, e de ko jọọn egan; amáà e e fo, e de mu ilikutu ọyọyọ²⁵Efena ne e e ni yẹ ẹro ẹga na aka falẹ yu uba; amá à ẹfẹna nẹ e e goli yẹ ẹro na ẹro ọnẹ na aka fo ẹ su nẹ ẹro otuntunmotuntun. ²⁶Órókóró ne sie okoto nẹ mọ na, te i ya ayẹrẹ mọ; efa ne ma a ma na ayẹ ka mo okotoro aka ma. Órókóró ne sie okoto nẹ mọ na, aye Ededa aka fọ po.²⁷Ena ma ka ga a? mi be bé. 'Ededa, na mọ fan fura ẹwakati ọnẹ'? Amá à nẹ ọnẹ uùba ayẹ i ya sạ ẹwakati ọnẹ. ²⁸Ededa, fọ ugbugbodi nẹ wọ iwuru." Ọgbọnẹbẹ ohọn ọbẹn ve ṣa Osibina ẹsẹn a ga ka, "Efo ugbugbodi nẹ a ke, amẹ eke di a fo ugbugbodi nẹ yq bilamo." ²⁹Erokoro asanmasan nẹnẹ joon bẹ wo ya na mi gẹ ka a bí ì mu. Ẹbẹn ga ka, "Angel ga ẹga nẹ a."³⁰Ijesu mi gu na owo ka, "Ohọn ọnẹ ama kpẹrẹ mu ba ṣa a má à nu uba a wọrẹ. ³¹Akana a wa ọsẹnẹkarẹ ẹro ọnẹ eka: Akana ayẹ be ke gu osie ẹpan ẹro ọnẹ ve yọ.³²Ọgbọna ba ka fọ mọ kpo fura ẹro na, me ke wuna ero fenyan to mi iwu." ³³A ga ọnẹ ka a yẹ a a yẹn ufo ọla ọnẹ eke fo na.³⁴Erokoro asanmasan abi mi guna owo ka, "Te wọ uburu ka Ikristi aka ma otuntunmotuntun. Gana we ke mi sie ga ka, "Ba ka kpan orokoro óògben kpo a? Ẹra ekpoto wa. Orokoro oogbẹn ọnẹ a?" ³⁵Ijesu mi ga nẹ ba ka, "Na a ka ke gba ọ́sò nẹ ọgba keke. Ni jenjen ọgbọna nẹ naa gba ọsọ na, esiri eme di ṣa ri nu. Ẹfẹna e jenjen esiri na e e din ẹfa nẹ a yọ na. ³⁶Akọ ọsọ ki sie wo amọ na, nẹ ọsọ aye wọ ni di da ọsọ eègbẹn iforo. Akọ Ijesu sie ga ẹga ẹnanẹ nẹ bq ke na, emi fura je na bẹbẹ nẹ ba.³⁷Kẹgakẹgan ka Ijesu sie ojinorowofua i ba a ayẹn bi me ki nẹ ẹ wọ. ³⁸Ka Asaya ọgẹsẹro ega edi ṣa ṣun, ne ewe gẹ ka: "Idu ẹra na tẹ ẹ ga wọ a, aka ẹra bẹ fo Osibina uùbapu yẹn na?"³⁹Ọnẹ uùba, bi me di na wọ, uuba ka Asaya di e ki ge ka, ⁴⁰Ayi pén ba ayẹn, Ayi dib a fo bu uloko ṣile, Ama da ẹga, abọ́ọ̀ ka be fọ ba ayẹn kẹ gba bi di a fọ bu uloko ki yé, bi dibe bilá. Amẹ emi a fọ bi iwu a a gan?"⁴¹Asaya gabọnẹ ubqka àgbá Ijesu ugbugbodi emi di a ga ẹga yẹre ya. ⁴²Kẹgankẹgan, ẹpanro abẹ ọyọyọ na Ijesu wo; ama bẹ gbẹrẹ Ẹlasarosi abẹ uuba bi me ti ẹ owo ve ṣa, bi me di gu ba fura Isinugogu. ⁴³Bi ni ugbugbodi nẹ ve orokoro ẹfa ṣa na fo rẹ ọnẹ ve Osibina ẹfa ṣa na.⁴⁴Ijesu yi ọgá a gẹ ka, "Efena a a na mọ wọ na, ama wa amẹ ayarẹ a nawo, e di a na kẹ ẹfẹna file mu na wọ, ⁴⁵efẹna gba mọ na agba ẹfẹna file mu na.⁴⁶E ṣa aka ọ́sọ̀ na wo ẹro eri gan ẹfẹna ẹfẹna a a na mọ wọ na ama ma esiri. ⁴⁷Órokoro a a wọ mẹ ẹ ẹga emé è sie utun, Ma ka ṣẹn ẹkarẹ nẹ a, uba aka i ma ṣa ke ṣẹn ẹkarẹ nẹ ẹro, ama a kẹ na ẹro fan.⁴⁸Ẹfẹna e e yuru mu na, nẹ ama nà mẹ ẹ ga na, su ẹfẹna aka ṣen ẹkarẹ nẹ a na. Ẹga nẹ ẹga na aka ṣen ẹkarẹ nẹ a isubu omunurun. ⁴⁹Ubaka i ma ṣabga mi iwu ẹga, ama Ededa e file mu, Ayẹ e buru nẹ mọ ẹkẹ na ma a ka ga na. ⁵⁰I din ka yọ uburu ẹro otuntunmotuntun ya, ọnẹbe uùba ẹkẹna ẹga anebe ako Ẹdẹda sie ga ẹga nẹ mọ na, egan mi sie a gẹ nẹ.

Chapter 13

¹Akạna ṣana ofurusun e ejemẹ di ki rẹ Ijesu din ka yẹ ẹwakati rẹ kẹ na nẹnẹ èke wo ero onẹ yọ Ededa ẹfa na akọ e sie gbe ka e ni ye ẹka nẹnẹ wo ẹro na ẹẹ̀ga, e ni be ẹga jẹn ẹrẹ ²Akana eṣu èwọ Ijudasi Isikariọti eẹ̀yẹ Isimoni Oògben, ka afọ ẹnyẹn na, ẹfẹna bi yẹ we ejijẹn na.³Ijesu nẹnẹ din ka ẹ̀dẹda fọ ẹpẹn fẹyanfeyao dọn àyẹ uba kẹ na, àka ka Osibina eèfa na ⁴A kpan fura ujoguwe Ijen osi, emi fọ ya alẹgbẹ wuje wo osare oọre; ọgbona nẹnẹ e mi tie atẹgbẹ na, a bẹlẹ yi iwa iṣin ⁵Iyu runba è guma ebi wo okpakurudu obẹn e mi tomẹ ee puwa ye egbenurunmẹka abẹ eèsen, e mina a a fo ategbe nẹnẹ a a bẹlẹ isin na mu ba.⁶Ogba onẹbẹ ayẹ èrẹ Isimoni Ipita efa nẹ A ga ne ya ka, Idu ù we eni ka u puwa mọ esen họn? ⁷Ijesu gunowo e mi ga ne ya ka "Ẹkẹna nẹnẹ me e sie na ù me din akana: ama èèke ye u ọgba à à sa na. ⁸Ipita ga nẹ ya ka, wé èke puwa mo esẹn kotutun. Ijesu guna yo owo ka "me è me puwa ọ ù me okpa ì me ẹfa ⁹Isimoni Ipita ga nẹ ya ka, Idu ama wa me esen áye arẹ, ama aka me eba aka mẹ ẹpan bile amọ¹⁰Ijesu ga nẹ ya ka, Ẹfena nẹnẹ fora ke na e me ni fora ka bi puwa yẹ esẹn abẹ arẹ ama a nwom ẹ̀fa feyan: ni kuwe nwon, ama a ma wa anọ fẹnyan ¹¹ubaka è din efena nene àka fo àye yen na, onẹbẹ ụùba awọrẹ gẹ ka, ànọ fẹyan a àma nwọn¹²Ogba nene ẹpuwa bẹ esen ke na urunba, nene emi tie ya alẹgbe na nene é mi da ma na a ga ne ba ka, "ì ni din ekẹna nene i sie nẹ nọ naa? ¹³Ne e ye mu otero aka Idu: ne gba ẹ ga egan i sie wa nẹ ¹⁴E e gbe ka amẹ nene wa no Otero ẹbẹba e ki puwa abẹn eṣẹn ¹⁵Ubaka ẹfọ omanyen wuje nẹ nọ kẹ, ka ni di ki sie kpenekpene ako nene i sie sie to nu na.¹⁶Egaba, Egaba àye ega nẹ nọ okotoru a ma fọrẹ yi Idu; ka ẹgan ẹfẹna bi file na ama fọrẹ ẹfẹnanẹ okurubilero nẹ wa, a a da ka ne e sie ba na. ¹⁷Ne e din ekenenamẹ okurubilero nẹ wa, a a da ka ne e sie ba na ¹⁸A ma wa anọ feyan ẹka ma a ga nẹ: i din ero abẹ nẹnẹ i tie na: ama ka emumu ọnwonwon edi gben ẹfena ma mọ eejijen bile na kpan yi ititikoli t̀o mu.¹⁹Kaba akana ẹ ga nẹ nọ sana edi ki rẹ ka ọgbona nẹnẹ eere na, ka ni di nawọ ka amẹ ya ²⁰Ẹgaba, Egaba ayẹ ẹ ga nẹ nọ Ẹfẹna nẹnẹ a a na ẹfẹnẹfẹna i file na, na mo: ẹfẹna nẹnẹ a a na mọ na, na ẹfena nẹnẹ file mụ na.²¹Ọgbọna nẹnẹ Ijẹṣu ga ẹkẹnenanẹ ke na, yi ibẹ bẹ e mi sie ubedin, e mi ga ka "Egaba, Egaba, ayẹ ẹ ga nẹ nọ ka, Ọọre ì ni iwu àka fo mo nyẹn. ²²Yẹ ẹgbẹnurunmẹka abẹ bale abẹn anyẹn, bi e sie ibẹ ẹbọrọ yẹrẹ ọrọ nẹnẹ a ga na ẹẹ̀pan.²³Akana oro ọbẹn fọ ẹpan gbeli Ijesu ẹẹ̀gbaan, ọọreìye egbenurunmẹka abẹ iìwu ẹfẹna nẹnẹ Ijesu nẹ yẹ ẹga na ²⁴Ọnẹbe uùbaa ayẹ Isimoni Ipita fọ ụba yẹ ẹ, e mi ga nẹ ya ka, Ga nẹ to ẹfẹna nẹnẹ a a ga na. ²⁵Ẹfena nẹnė fọ ẹpan gbeli Ijesu eègbaan na sin ya ka, Idu era a waa?²⁶Onẹbẹ uùba Ijesu gunowo ka "Ayẹ àka da nẹ ẹfẹna nẹnẹ mà àka a pẹrẹ na. Ọgbona nene a apẹre ̣kẹ na, aanọ Ijudasi Isikarioti Isimoni oògbẹn ²⁷Epẹrẹ ayẹ urunba ayẹ Esa tani fọn yi ibẹ yọ. onẹbẹ uùba Ijesu ga ne, ya ka Ẹkẹna nẹnẹ wa ayọ osisie onebe na, kuru iyi wamọ u sie ẹ.²⁸E me sisi ṣu ẹfẹna Òkparẹ osi nene din ẹkẹna wọrẹ nẹnẹ aa ga ọnẹ nẹ ya na. ²⁹Ubaka ẹrọ ẹbẹn ì bi iwu roro ka, ubaka Ijudasi a dọn akpolo, ayẹ Ijesu aa ga nẹ ya ka, Nyin ẹpẹn ẹnane tẹ̀ èkẹ lo ne ejẹmẹ ayẹ; sạ ka a fọ ẹpẹn nu uyẹrirọ abẹ ³⁰Ọgbona nẹnẹ ẹ mi na ẹpẹrẹ ayẹ ke na e vẹ yọ iganigan: eba kẹ ri³¹Ogobona Ijudasi vẹ yọ kẹ na, akana ayẹ bẹsẹ Òrokòro Oògben ṣma Igirimaro nẹ e èke mi sẹ Osibina sina igirimaro iyi ibẹ ³²Ba a sẹ Osibina sina igirimaro iyi ibe, Osibina èke mi si ya sina igirimaro ayẹ èbeba ibe, è eke mi se ya sina igirimaro akanakana. ³³Anọ egbenikeke, no ọgba keke bile amọ ì e wo nẹ ẹtin. Nẹ èke ni mu kpẹnẹkpẹnẹ akọ i siẹ ga ni Ijuro abẹ na ka, Ẹfa nẹnẹ ma a yọ nẹ èke di sȧ' Ẹgan i sie ga nẹ nọ akana nẹ.³⁴Amẹ fọ ububuru ọwọwọ anẹ nọ ka, nẹ ni abẹ nẹ ga. ³⁵Onẹ ọọrẹ ẹrọkọrọ èke mi din nu ka mo ọgbẹn nọrunmẹka nẹ wa, ọgbọna nẹnẹ nẹ ni nọ obawọ eèga na.³⁶Isimioni Ipita ga nẹ ya ka, "Idu ẹta wa ayọ a?" Ijesu guna yo owo ka, "Efena nẹnẹ ma a yọ, na wẹ èke di yẹrẹ mọ akana, ama wa àka yẹrẹ mọ ọgba a à sa na. ³⁷Ipita ga ne ya ka, Idu ena a wẹrẹ nẹnẹ mẹ èke di yẹrẹ ọ akana a? mà àka kpẹrẹ wu uba fọ mẹ ero wujẹ. ³⁸Ijesu guna yọ ọwọ ka "Wa àka kpẹrẹ mu uba fọ wuje họn? Egaba, egaba, ayẹ ga nẹ ọ ọ ọkọkọrikọ èke yi ẹfura ka u yuru mu isẹ ẹta."

Chapter 14

¹Ni me yaka nẹ ẹyẹ ẹbẹ. Ne na Osibina wọ nẹ na ka amẹ wọ. ²Itẹ Ededa uùba ẹfa ọmẹma ọyọyọ ẹ wamo. A á ma dẹ ẹgan, è ébana ẹ ma ga ne, nọ ka, ma ayọ gụrụ ẹfa wọ nẹ jẹ. ³Me e jem guru efa wụjẹ nẹ nọ, mè ékẹ mi pịla sa, mè éke mi fọ nọ yọ amẹ ẹbẹba ẹfa, ka efa nẹnẹ ma a ma na, ka anọ ẹ di wọ ẹfa ọnẹbẹ bile mu.⁴Ni din ẹfa nẹnẹ ma a yọ na, ni di ẹ din nori kpokpo ayẹ. ⁵Etomasi ga ne ya ka, Idu, ti me din ẹfa nẹnẹ wa ayọ na, gana tè éke mi sie din orikpokpo aye a?" ⁶Ijesu ga ne ya ka, "Amẹ a wa orikpokpo aka, ikua aka ẹrọ nẹ; mẹ sụ efena di a sa Ẹdẹda eéfa a a ma d a ka mọ ọọre na. ⁷A a da ka i nẹ tai din mu, è ébana ni din ka tẹ Ededa. Kaba na, akana yọ na din ya, ni mi dia gba ẹ.⁸Ifilipi ga ne ya ka, "Idu fọ Ededa ayẹ nyẹn ton, è eke go tu". ⁹Ijesu ga na ya ka, "Ako nene í sie ma no ma ke no, we e mi ki sie egan din mu hon, Ifilipi? Efena nene gba mọ ke na, gba Ẹdẹda kẹ. Gana ú mi sie ga ka, fọ Ẹdẹda nyẹn tọn.?¹⁰Ú ma namọ ka, i wo Ededa ibe, aka ka Ededa wo mi ibẹ hon? Ẹ ga nẹnẹ ẹ ga a nẹ nọ na, a ma wa amẹ, arẹ ẹka, ama Ẹdẹda nene wo mi ibe na, ayẹ e sie yu utun. ¹¹Ne na mo wo ka iwọ Ẹdẹda iibẹ, aka ka Ededa wọ imi ibe, a á da ma de ẹgan, ne na mọ wọ ubaka utun abẹ ebeba uùba.¹²Egaba, egaba ayẹ ẹ ga nẹ nọ, Efena nẹnẹ aá na mọ wọ na, utun nẹnẹ me ẹ sie na ayẹ ka ayẹ éke sie nẹ, ụtụn nẹnẹ wa ọkẹka fọrẹbẹnanẹ na ayẹ ka ayẹ ékẹ sie na, ubaka ẹ yọ te Eda ẹfa. ¹³Ẹkẹnḍkẹna nè éke sie i mi ihuru na, ayẹ mè éka sie nẹ, bi di se Ẹdẹda sina igirimaro Ógben iíbẹ. ¹⁴Ne e sin kenakide i mi ihuru, mè éke sie e.¹⁵Ne e ni mẹ ẹ́gạ, nà áka fo mu ububuru sie urun, ¹⁶mè éke mi sun Ẹdẹda è éke mi va nọ ofunmibero ọbẹn e di ma nọ kẹ ma otutunmotutun - ¹⁷Eka Ẹfuenfuen ikua ẹka ya nẹ nẹnẹ ẹrọrọ e e di a ne no, ubaka bi ma gba e, bi me die di yạ, ama, è eke di éwo ni ibẹ.¹⁸me èke tebi nu wuje akọ ọrọ nẹnẹ eè mẹ su ẹdẹda na, mè ékẹ ni nụ sa. ¹⁹Nọ ọgba kẹkẹ bilẹ amọ, ẹrọ ékẹ pila gba mọ, ubaka iwo ẹrọ ka anọ éke bile mu wọ ẹrọ. ²⁰Ísubu ọnẹbẹ ayẹ nè éke dinka, i wo tẹ Ẹdẹda ibẹ nẹ, aka anọ i mi ibẹ, aka amẹ i ni ibẹ.²¹Ẹfẹna nẹnẹ mi fẹ ba ee sie utun na, ayẹ a wa ẹfẹna nẹnẹ ni mẹ ẹga na, ẹfẹna nẹnẹ éke ni mẹ ẹga na, te Ẹdẹda éke ni yẹ ẹga ka amẹ ni yie ega, mè eke mi fọ mi iwu nyen ya. ²²Ijudasi ga ne ya ka, (a ma wa Isikarioti ro) "Idu, gana e sie gbe ka wà áka fọ wi iwu nyẹn to a, nẹnẹ á a ma wa nẹ ẹrọrọ a?"²³Ijesu gunowo e mi ga nẹ ya ka, "E e ṣu ọrọ nẹnẹ ni mẹ ẹga na, á áka fọ mẹ ẹga ki sie utun, te Ẹdẹda é ke mi ni yẹ ẹga té éke mi ni ya sa, tè eke mi fọ yẹ ẹfa sie ẹfa ọmẹma. ²⁴Ẹfẹna nẹnẹ e e mẹ ni mẹ ega na, a àka fọ mẹ ẹga sie utun ẹ ga nẹnẹ na a wọ na a ma wa mẹ ẹka Ededa nẹnẹ file mu na ẹka.²⁵Ẹpẹn ẹnanẹ ẹ ga nẹ no kẹ ọgbọna nẹnẹ i a ma nọ a a ma na. ²⁶Ama ofunmibero ayẹ Ẹfuẹnfuẹn onwonwon ẹfẹna Ẹdẹda éka file í mi ihuru na, ayẹ te nu ẹpẹn fenyan nẹnẹ i ke ga ne nọ na. ²⁷Iwọbẹbẹrẹ ayẹ i e wuje nẹ nọ nẹ, mi iwobẹbẹrẹ i a nẹ no: a ma wa kpẹnẹkpẹnẹ akọ nẹnẹ ẹrọ de sie va oro na ayẹ í a nẹ nọ. Ni me ya ka nẹ ẹyẹ e be, ni me ya ka ọrọrẹ a sọn ya.²⁸Nẹ tai ki wọ akọ nẹnẹ i sie ga nẹ nọ ka, ma ayọ mè éke mi di e ni nu sa, è ébana nẹ bẹn ubaka ma ayọ Ẹdẹda eèda: ubaka te Ẹdẹda wa ọkẹka fọrẹ mọ. ²⁹Ẹ ga nẹ nọ akana ṣana edi gbẹn, ka Ọgbọna nẹnẹ e e gbẹn kẹ na, ni di nawọ.³⁰ma áka ma nọ ga ẹga ọyọyọ, ubaka ẹro onẹ igodoro sa, e me ke sa, kenakide í mi ibẹ, ³¹ama ubaka ero edi din ka í ni Ẹdẹda ẹèga, kpẹnẹkpẹnẹ ako nẹnẹ Ẹdẹda mi sie fọ ububuru nẹ mọ na, ẹgan i sie e sie ẹ nẹ, Nẹ kpan fura, nẹ jọhọn ti fura ẹkọnẹ."

Chapter 15

¹"Amẹ a wa iyi, ẹba ikua ẹka, te Ẹdẹda a wa obọba. ²Ẹba fanyan i mi ibe nẹnẹ e e me mu ilukutu na, ayẹ bẹ éke tie fura nẹ: ẹba fenyan nẹnẹ ekẹ mu ilukutu na, ayẹ áka kọrọ nẹ ẹ di mu ílukutu bile amọ.³Nẹ nwọn akana ubaka ega nẹnẹ ẹga nẹ nọ kẹ na. ⁴Nẹ kẹ ma wo mi ibẹ, ka amẹ áka ke, ma wo ni ibẹ.⁵Amẹ a wa iyi-ẹba nẹ, ano a wa ẹba. Ẹfẹna a a ma wo mi ibẹ, aka amẹ wo yi ibẹ na, ayẹ ẹke mu ilukutu ọyọyọ nẹ úbaka efura ka amẹ nẹ e diẹ sie kẹnakidẹ. ⁶Ẹ e ṣu ọrọ nẹnẹ a a ma ma wọ mi ibẹ na, bà áka kpan ya nạ fuwa akọ ẹba na, è éke mi yẹyi, ⁷bè èke mi ko ba jese, bè éke mi nẹ ba wo ẹra iíbe, bi mi kẹnẹ.⁸Ọnẹ ibẹ ayẹ bé èke wẹ ṣe tẹ Ededa sina igirimaro nẹ ka, ni ki mu ilukutu ọyọyọ, nẹ́ éke mi sina me ẹgbẹnụrụnmẹka. ⁹Kpenekpene akọ nẹnẹ Ẹdẹda sie ni mẹ ẹga na, ka ẹgan i sie ni nẹ ẹga nẹ, nẹ jọhọn wo mu únini líbe.¹⁰A a da ka nẹ fọ mu ububuru é e sie utun na, àka johon wo mu unini iibe, kpẹnẹkpẹnẹ akọ nẹnẹ i sie fọ te Ẹdẹda ububuru sie utun na, nẹnẹ i mi ma wọ yú unini iíbẹ na. ¹¹Epẹn ẹnanẹ ẹ ga nẹ nọ ke, mẹ ẹbẹbẹn e di wọ ni iibe, aka ka nẹ ẹbẹbẹn ẹ di fiyẹ.¹²Onẹ a wa mọ ọbúbúrú nẹ, ka ni abẹn ẹga kpẹnẹkpẹnẹ akọ nẹnẹ i sie ni nẹ ẹga na. ¹³Ẹ mẹ ṣu ọrọ nẹnẹ ṣu unini nẹnẹ gbodi fọra ọnẹ na, ka ọrọ a fọ yẹ wuje ubaka yẹ ẹrẹ abẹ.¹⁴Mẹ ẹrẹ abẹ nẹ wa, ne e sie ẹkẹnẹkẹna í buru nẹ nọ na. ¹⁵ I me pile ye nu okotoro, ubaka okotoro ẹ me din ẹkẹna nẹnẹ yi idu e é sie na, ama i yẹ nu ẹrẹ, ubaka ẹpẹn fẹnyan nẹnẹ i ke wọ kaba tẹ Ẹdẹda ẹfa ṣa na í a nyẹn nọ ke.¹⁶A ma wa anọ e tie mu, ama amẹ e tie nu nẹ, i mi fọ nọ wọ ọpan, ka ẹkẹnẹkẹna ne e sin Ẹdẹda í ihuru na, ẹ di a nẹ no. ¹⁷Ẹpẹn ẹnanẹ í buru nẹ nọ ka, ni abẹn ééga.¹⁸A a da ka ẹrọ goli nu, ni din ka, a tai goli mu ṣana ẹdi ki gọli nu. ¹⁹A a da ka ẹrọ ẹka nẹ wa, ẹrọ éke ni yẹ ẹka ẹ éga, ama í tie nu fụra ẹro iibẹ kẹ ubaka ọnẹ ayẹ ẹrọ eé gọli nu nẹ.²⁰Nẹ nyen ẹga nẹnẹ ẹ ga nẹ nọ kẹ na ka, okotoro a ma wa ọkẹta fọrẹ yi idu. A a da ka bẹ kọ to mu na, bà áka áka kọ to mu na, bà áka fọ ka nẹ eka sie utun. ²¹Ama ẹpẹn ẹnanẹ fenyan bè éke sie to nu nẹ, ubaka mi ihuru, ubaka bi me din ẹfẹna nẹnẹ filẹ mu na. ²²A a da ka í í ma sa ma ba ga ega, eèbana bi su iluwe, ama ọtọtọmẹ sa akana bi mẹ ṣu ẹga ọga ne bi iluwẹ.²³Efena nẹnẹ e egoli mu na, egoli ka tẹ Ẹdẹda bile mu. ²⁴A a da ka i mẹ ẹ mẹ sie utun ẹnanẹ íbẹ ẹtin, nẹnẹ oro ọbẹn e è mi sie gba na, bi mi goli amẹ aka tẹ Ẹdẹda. ²⁵A ma ọnẹ gbẹn ubaka ẹga nẹnẹ wọ, ububuru iibe e di gben ka, 'i bi ki goli mu gbọgba.'²⁶A ma ọgbọna nẹnẹ ofunmibero áka sa na, ẹfẹna nẹnẹ mẹ éka sa na, ẹfẹna nẹnẹ mẹ éke filẹ sa kaba Ẹdẹda ẹfa Efuenfuen ikua ẹka ọnẹbẹ nẹnẹ a a sa kaba Ẹdẹda ẹfa na, è éke sie ubedin nẹ mọ. ²⁷Ka anọ ékẹ sie ubẹdin nẹ mọ, ubaka ni wọ mẹ ẹfa kaba.

Chapter 16

¹"Ẹ ma nọ ga ẹga ẹnanẹ ụbaka ni maá falẹ. ²Bè éke gu nu fura isinagọgu ibe, ama ẹwakati ayẹ ẹtúrú sa, ọgbọna ọrọọrọrẹ ne wan nọ èkeki roro ka Iyanpu ayẹ ẹsiyẹ anọ Ọsibina.³Bè kẹ sie ẹpẹn ubaka bẹ me din no Ẹdẹda, bi me di me di ye din mu. ⁴Ẹ gẹ ẹga nẹnọ ubaka ọgbọna ẹwakati ayẹ asa na, wa ka yẹn ka ẹ ma nọ ẹga nẹ nọ ke. Ẹ ma ga nẹno Ẹpen nẹna nẹ Ọtọ tọ me, ubaka iwe nẹ fa.⁵Ama akana ma ayọ ẹfẹna nene filẹ mu ẹẹ̀fa; eme sisi su oro ọọre í ni iwu nẹnẹ sin mu ka, Eta u kpoto a a yo a? ⁶Ama ubaka ẹ ga ẹkẹnẹnanẹ nẹ nọ ibẹ. ⁷Ama ikua ayẹ ẹ ga nẹ nọ, áka rọ nẹ nọ Kạ Ẹ kẹ yọ, ubaka ma a yọ ọfunmbẹrọ éke ni nu sa, ama a à da ka ẹ yọ na, mè eke filẹ ẹ nẹ nọ.⁸Ọgbọna nẹnẹ iluwẹ ẹpan,ubaka bi aka yẹrẹ ọsẹrẹ ė̵pan, aka yẹrẹ ẹkarẹ ọsẹrẹn ẹpan. ⁹Yẹrẹ iluwe ẹpan, ubaka bi ma na mọ wọ; ¹⁰Yẹrẹ osere ẹpan, ubaka ma ayọ Ẹdẹda eèfa, ne èke pila da gba mọ; ¹¹Yẹrẹ ẹkarẹ ọsẹsẹnẹpan ubaka bẹ sẹn ẹrọ ọnẹ igodoro ẹkarẹ kẹ.¹²Í di e su ẹpen ọyọyọ nẹnẹ mà áka ga nẹ nọ na, ama nẹ ẹ di a fọ iwu na ẹ akana. ¹³Ama ọgbọna nẹnẹ ayẹ, ẹka Ẹfwẹnfwẹn ikua ẹka ọnẹbẹ a a sa na, à áka fo na anyẹn to ikua fẹnyan; ama ẹpẹnkẹpẹn nẹnẹ a a wọ na, ayẹ áka ke ga nẹ; à áka fọ efena nẹnẹ a a sa na nyẹn nọ. ¹⁴À áka sẹ mọ sina igirimaro: ubaka àka na í mẹ eka è éke mi ga ẹ nẹ nọ¹⁵Ẹpẹn fẹnyan nẹnẹ Ẹdẹda bi na, awa mẹ ka. One uba, Ẹ ge ka, ubaka Efwenfwen ẹ ti yẹ fura ẹkẹ na wa mẹ ka aka á ka ga nẹ nọ. ¹⁶Nọ ogba keke, na áka gba mọ: aka ọgba keke bilẹ amọ nè eke mi gba mọ.¹⁷Yẹ gbẹ nọrunmẹka ẹbẹ gạ nọ anẹ, "ẹna awọ ọnẹ aá ga anẹ tọ na, ogba kẹkẹ na ka gba mọ àka ogba ọbẹ na ka gba mọ. aka, ubaka ẹ yọ tẹ Ẹdẹda ẹfa. ¹⁸One uba béé gẹ ka, "ẹna wọ ne aá ga na, ogba keke,? ti me din ne ke na.¹⁹Ijẹsụ gbẹ ka be ni ka bi si ya yẹ ka, aka áá ga nẹ ba, "ẹkẹ na nẹnẹ nẹ sin na bẹ anẹ" ẹkẹ nanẹ me ni ka maá ga na, nọ ọgba kẹkẹ àka nẹ ke pila gba mọ, aka di ye bila mọ na ka gba mọ. ²⁰Ikua, ikua Ẹ ga nẹ nọ, nẹ ke yi wo aka nu mi, ama ẹrọrọ baá ka ke bẹn nẹ kẹ fẹ nọ ọsẹsẹ, ama no ibẹ ọbibẹ ba ka sẹ ya sin na Ẹbẹnbẹn. ²¹Ogbona iyarọ abo ogben, aá de su ọsẹsẹ ubaka yọ Ewakati sa, ama ogbona nene aba ogben na ye ke na, aá pila yẹn yo ọnúnúma, ubaka yẹ ẹbẹnbẹn ka bẹ bá ogben ẹrọ.²²Onẹ uba, ni su osese akana, ama ma ka gba no bila mọ, aka no ibe aka rọn, aka kọrọkọrọrẹ akẹ di ti yẹ nọ ebenben fura nọ iwu. ²³Isubu ọnẹ bẹn ne ẹda sin mu kẹnakidẹ. Ikua, ikua Ẹ ma no à ga, nebsin ẹpẹnkẹpẹn fura Ededa uba imi wuru, a áka ne nọ. ²⁴Sa rẹ àkana ọnẹ ne mi sin kẹnakidẹ imi wuru, ne sin aka na ka vba na, nọ ebenben á di fi ye.²⁵E gẹ ga ẹnanẹ nẹ nọ aka utite, ama ewakati aye sa kẹ ogbona mẹ ke pila ga nẹ no ẹ ga ọsẹn kẹ nẹ nọ.²⁶Isubu ọnẹbẹ nẹ kẹ sin í mi wuru aka i me ke di yan ga nẹ nọ ka me ke sin í tẹ Ẹdẹda uba nẹ nọ. ²⁷Ubaka Ededa ẹbẹnba su nú unini ubaka nẹ ni mẹ ẹ ga aka ubaka nẹ ma mọ wọw ka ẹ sa Ededa ẹfa. E²⁸ sạ Ededa, aka Ẹ mi sa Ẹrọ ibe di ye bila mo, méé fura ẹro aka má yọ Ẹdẹda ẹfa.²⁹Yọ Ẹgbẹ nurụmẹka gẹ ga, "bale ya, akana ọnẹ ọsẹrẹ ẹ ga ọsẹn a nẹ tọn aka umé pila ma tọn ge ga akọ útitẹ. ³⁰Akana ti din ka udi epen fenyan,aka uné korokoro ọyẹyẹ ke sin wọ ọsinsin, ubaka ọnẹ, ti mi na wọ wọw ka Osibina Efa úwẹ sa. ³¹Ijẹṣu gu na ba ọwọw, "ne mi nawọw akana?³²Nẹ balẹ ya, Ẹwakati ayẹ á sa, ikua aka éke pila sa, ọgbọnq baà ka pan no wara na, ororo éke wu yu̇bọ, aka beé te bi mu wẹ iẹ. kẹgankegan. Ama wa ama rẹ ubaka Ededa wẹ mẹ fa. ³³Ẹ ma nọ ga Ẹpẹn nẹnanẹ ubaka nẹ di ṣu Abẹri wu, ero nẹ kẹ sụ Ẹ ya kata, ama nẹ si lọkọ, í sina áforero nẹ ẹrọ ọnẹ.

Chapter 17

¹kọ nẹ Ijẹṣu si yẹ ge ka ẹnanẹ ke, aá pan ma ayẹ pọ Ọsibina ẹfa aka á ge ka, "Ededa, ewakati ayẹ sa, fo ugbogbodi nẹ wọ gbẹn kọ gbẹn é di fọ ugbogbodi nẹ wọ. ²akọ nẹ úsi yẹ fọ ububuru nẹ ya iwu kpẹ fenyan ubaka aá di fọ ẹrọ nẹ mẹ ṣu ọtá na nọ ero fenyan nẹnẹ wu áne ya na,³Ọnẹ awọ ero-nẹ mẹ su ota na, ubaka bi di din wu, Osibina ikua. Ẹka, aka ayẹ nene úfilẹ na, Ijẹṣu Kristi. ⁴Ẹ fọ wọ pọ ẹrọ ọnẹ. Ẹ si ye kuwẹ, utun nẹ uwa nẹ mọ ki si yẹ na. ⁵Akana, Ẹdẹda, fọ mọ pọ ọsẹrẹ aka awọ aka ugbogbodi nẹnẹ isu aka awo sanọ bi áfọ ero one ápa na.⁶Ẹ fọ ni íwuru nyen nẹ ẹrọkọrọ nẹnẹ uwa nẹ mọ ẹrọ ọnẹ na; wẹ ka bẹwa, aka nọ fọ nẹ mọ na, aka, béé fo we ga ẹ si yẹ ọsi siyẹ. ⁷Akana béé di ka, epen fenyan nẹnẹ uwa nẹ mọ na, wẹ fa bi wẹ sa, ⁸ubaka èfọ ėo ga fenyan nẹnẹ uwa nẹ mọ na nẹ ba. béé nạ báá áka inua éka bi ḍin ka wẹ fa iwẹ sa, aka béé nawọ ka ufilẹ mu.⁹Ẹ si ye Adura ne ba. E meé si ye Adura no ẹrọ ama nọ erokoro nẹnẹ úwa nẹ mọ na, úbaka wẹ ka bẹ wa. ¹⁰Ẹpẹn fẹnyan nẹ wa wẹ ka na, mẹ ka béé wa, aka Ẹ su ugbogbodi íbi bẹn. ¹¹Ẹ mẹẹ pila wọ ẹrọ ọnẹ, ama erokoro ẹnanẹ wọ-ẹrọ ọnẹ, aka à mi ni wu à sa; Ededa ọwọnwọn, fọ báá bẹnbẹn iwi wúrú ubaka ọ́fọ ba nẹ mọ ka bi din wọ ọyẹrẹ akọnẹ ti si ye wọ ọyẹrẹ na.¹²Akọnẹ Ẹ si ye wi be fa na, Ẹ fọ ba bẹnbẹn iwẹ wuru, nẹnẹ uwa nẹ mọ na Ẹ sẹlẹ ba, aka ẹ́ méé ṣu ọrọ ọyẹrẹ ibe wu nẹnẹ fú na, áma da ọgbẹn nẹ wọ ofufu éka na, ubaka Ọsibina Ẹ ga, nẹ bẹ wọra na ẹ di sa suu. ¹³Akana Ẹ ni wú ása, áma Ẹ ma ge ga Ėopẹn nẹnanẹ ọfifiyẹ Abẹ nẹ iwu. ¹⁴Ẹ fọ wẹ ga nẹ ba, áka ẹrọrọ gọli ba aka ẹrọrọ abi goli ba, ubaka béé máá wa ẹrọ éka, akọnẹ Ẹ méé si ye wọ ẹrọ ọnẹ éka.¹⁵Ẹ méé sin úbaka wu ti yẹ ba fura ero ama ne wọ udi fọ ba, bẹnbẹn fura ẹrọkọrọ odudu uba. ¹⁶Béé má wa ẹrọ éka, akọnẹ Ẹ méé si yẹ wa ẹrọ ẹnanẹ éka. ¹⁷Ti yẹ ba wọbọ aki ikua éka wẹ ga ikua eka ya.¹⁸Akonẹ wu si yẹ filẹ mu sa erọ, ẹ ganẹ Ẹ si ye file ba fọ mẹrọ ibẹ. ¹⁹Íburu Ẹ ti ye mu wu wọbọ, ubaka béé ẹbẹba àbdi ti ye bi iwu wọbọ ako, ikua eka.²⁰Ẹ méé siye Adura nọ ẹnanẹ àbá rẹ ama nọ ẹrọ fẹnyan nẹnẹ aka na mọ wọ íbọrẹ ²¹ubaka béé di wa ọyẹrẹ, aka awọ, Ẹdẹda, si ye wa im wu, aka Ẹ si ye wa iwi wu, béé di wọ ti nwu ubaka ẹrọrọ Ẹ di nawo ka úfile mu.²²Ugbogbodi nẹnẹ uwa nẹ mọ, Ẹ yanẹ ba, ubaka bi di wa ọyẹrẹ, akonẹ ti si ye wa ọyẹrẹ: ²³áá mẹ ibi wu, ako awo, Imi wu ka béé di fọ é sa gụrė unini, ubaka eroro é di din ka bi file mu, aka uni ba akọnẹ úsi ye ni mu na.²⁴Ẹdẹda Ẹ nẹ ka ẹnanẹ uwa nẹ mọ bẹn ma mọ máá Éfa ne emáá na, aka bi di gba mu ugbogbodi, ugbogbodi nẹnẹ uwa nẹ mọ ubaka úni mẹ ga sana bi di ya fọ ẹrọ ọnẹ ápa.²⁵Ededa ọwon-wọn, ẹrọrọ ẹ méé di wu ama à mi di wu, aka ẹnanẹ abẹ di ka wọ file mu. ²⁶Ẹ wọn rẹ ka bi di wẹ wúrú aka Ẹ ma kẹ di yẹ si yẹ ka bẹ di din yan ubaka unini nẹnẹ uwa ni mu na Ẹ di wọ bẹ wu aka áá me É di wọ ibi wu.

Chapter 18

¹Àkonẹ Ijẹṣu si yẹ gẹ ẹga, áá vẹ yọ ọyẹn áka yẹ gben nurunmẹka yọ ọṣarẹ nẹ bẹ yẹn kidron vally, Efẹna béé ṣu Egardeni wọ na, nẹnẹ ayẹ áka yẹ gben na bẹ fọ na. ²Ákana Ijudasi, Efena nene áka fọ E yẹn na, E din nẹ fẹ nẹ bẹ, ubaka Ijesu aka ye gben nurunméka dẹ ru kẹ jese ẹfẹ ne bẹ. ³Ọgbọna bẹ Ijudasi, kọn ọgbamékọrọ abẹ ọpa akọ ẹrọkọrọ ẹbẹn nẹnẹ Ashigiriro abẹ ẹpan aka Efarisiro abẹ, béé ṣu ayọ Ẹfẹ nẹ akạ bọ ọsọ, Etorchi aka Ẹkọmuṣe.⁴Ọgbọna na bẹ Ijẹṣu, Ẹfẹ na din Epan fẹnyan nẹnẹ á sẹlẹ èto ya yẹ na, turu yọ Ẹrẹ aka è sin ba ka, "Ẹ ra nẹ ni á? ⁵Béé gú na yọ ọwọn ka, "Ijesu ọnẹ wa Enazareti éka" Ijẹṣu ga nẹ ba ka, "Á mẹ ya". Judasi, Ẹfẹ na fo yẹn na, ka yẹn jọọmọ ke, ọgbamẹkọrọ abẹ.⁶Ubaka ọgbọna á ga ne ba, "Á mẹ yan" bẹ fo urun jenjen be falẹ wu Ẹjẹ. ⁷Ijẹṣu sin ba bila mọ "Ẹra anọ á ni á? bila mó be ge ka, "Ijesu Enazareti eka."⁸Ijẹṣu gu na baọwọn, "Ẹ ga nẹ nọ ka á me ya. Ada ka á mẹ nẹ ni, nẹ tẹ yẹ Ẹrọ ẹnanẹ akẹ yọ. ⁹Ubaka, ọnẹ jooma ka ọnẹnẹ afọ yọ ọwọn ga na ẹ di sa ṣu: "Ẹnanẹ uwa nẹ mọ, e máá nẹ mọ ọrọ ọyẹrẹ fuwa amọ."¹⁰"Ogbona bẹ Isimoni Ipita, ne ṣu ọgbọdọ wọ uba na, ti ye wẹ ṣa aka Ẹlọ wẹ kuru okotoro nẹ wọ Ashigiri epan ne ka obẹ nọ ọjinjẹ ọtọ. Akana, okotoro ọnẹ yọ iwuru ẹ gbẹ Emakosi. ¹¹Ijesu ṣa ga nọ Ipita, "fọ wọ ọgbọdọ ṣu wọ iyọ ubọ ibẹ. Á máá ka wa ekopu nẹ nọ Ẹdẹda ábnẹ mọ ibẹ na?¹²Unẹ uba ọgbamẹkọrọ abẹ aka bẹ ẹpan, aka erero Ijuwisi, sẹ Ijẹṣu bẹ pari ya. ¹³Béé fo tẹ yi yo Annasi ẹfa, ubaka á ya wa Caiaphasi ọrọ yẹ Ẹdẹda efa, Ẹfe nẹ wọ Aṣigiri abẹ epan ẹ yẹn nọ nẹ bẹ na. ¹⁴Akana Caiaphasi onẹ aya wa ẹfẹ na fo Ijesisiro abẹ ayẹ yọwẹ ka, aka rọn oro-oforo ọyẹrẹ ẹfo no ẹrọkọrọ.¹⁵Isimoni Ipita yẹrẹ Ijẹṣu, aka yọ ọgbẹn nurunmẹka ọbẹn. ¹⁶Ama Ipita jọọmọ wọ ujụn ọyẹ. Ubaka yọ ogben nurunmeka, efe na Aṣigiriro abẹ ẹpan, vẹ yọ aka áma ọsẹlẹ újun ge ga, aka á fo Ipita fọ mọ bọ.¹⁷Ọgbọnẹ ọkọtọrọ iyarọ, sẹlẹ újun ga nọ Ipita ka, "Ama wa awọ ú, ọrọ ọyẹrẹ ka wọ wa, iye gben-nurunmeka iwu? á ge ka i máá wa yọ gben-nurunmeka. ¹⁸Akana okotoro aka erero abẹ bi jọọmọ wọ ẹfẹ nẹbẹ, aka béé guna-era, ubaka ape fụn, aka béé á sama béé iwu era ne bi guna na. Ipita ka yi wọ ẹfẹ nẹ bẹ aka abẹ, á jọọmọ aka á san yi wu.¹⁹Aṣigirirọ ẹpan ṣa sin Ijẹṣu nipa yọ ẹgbẹn-nurunmeka aka yọ ọtitie. ²⁰Ijesu gu ne yọ owon ka, "E méé érọrọ gan ápẹ. Ẹ wọ isynagogue aka Ẹtẹmpili ẹtie ọtitie ẹfẹ na Ijuwiairȯ fẹnyan wẹ kọ jẹsẹ na. Ẹ ma ga kẹ na ki de Ebẹbẹ. ²¹Ẹna wọ rẹ ni ye sin mu á? Sin nẹ nanẹ wọ mọ na, Ẹkẹna ẹ ga na. Bale ya, Erokoro ẹnanẹ din eke na ẹga na.²²Ogbona Ijesu ga ẹga ọnẹ na, oyere erero ne joomo efe ne be na sinyọtọ aka á ge ka, Ẹgan ẹ si ye bọka úguna Asigiri ẹpan ọwọn nẹ. ²³Ijesu gunnabowoka, "Ẹgbẹka ẹgẹga odi ga ubedi ẹga odi aye, egbeka ikwaya, Ẹnane wa bẹmona?" ²⁴Ognẹnabẹ ayọ Annasi efile ka be pareya jennano Icaiaphasi Aṣigiri ọkẹka.²⁵Ogbẹnabẹ Esimoni Ipeter jumọ awẹra. Arabẹ ganẹya ka, Ama yọ egben nurunmẹka kawowa?" Eyuru agẹka ama waye." ²⁶Asigiri ọkẹkẹ yọ okotoro ọbe gbẹ, ọnẹ wọ ukuba nẹ wọ ẹdada ne Ipeter tie ṣennotonna, agẹka, "iimagbawo ọbe aka abẹ? ²⁷Ọgbọna Ipita yuru ya di yẹ ki bila mọ aka Iganigan Abẹsẹ okokoriko u ọga.²⁸Ogbona béé fọ Ijesu fura Ecaiaphasi efa jẹnẹrẹ ijọba ubo nẹ nẹpan na. Uroru mẹ wu aka béé máá fo me ijoba uba ayẹ ubaka bi máá si na otẹtaro, ama á béé di bile ẹnanẹ ẹ́ke jẹ ẹjẹmen. ²⁹Onẹ wọ rẹbEpilotti, vẹ yọ to ba ama ba ge ka, "Ena we ke na ni ṣu goli oro-oforo ọnẹnẹ nẹ fọ ṣa ọnẹ na? ³⁰Béé gu na yo owow aka béé di ya ga nẹ ya ka, " Adaka oro-oforo one á máá wa ọṣi ye oduduro, ẹ ba na ti ma fọwẹ sa wẹ fa.³¹Epilati mi sa ga ne ba ka, "Ne fọwẹ ano ẹbẹba aka ni di ya sẹnẹ karẹ nẹ ya akone ni ibu si ye ge na." Ijewisiro abẹ ga ne ya ka, "Amá bẹrẹ wu nẹ tọ ka, tẹ sẹn ufo ẹkarẹ no oro." ³²Béé gẹ ka, ubaka Ijesu ẹ ga ne be ga iyo ọrẹ ẹ di sa ṣu, ufȯ ọlọnẹ áka.³³Ogbona Epilati fọ mi ijoba ubo-nẹnẹ wo ẹpan isọ ọyẹrẹ bila mo na, ẹ yẹ Ijẹṣu aka á ga bẹ ya ka, "Awọ awa obin Ijewisiro éka? ³⁴Ijesu gu na yo owon ka, "Ọ ge ga ọnẹ nọ wewu ọ, ṣa erokoro ėnanẹ ma wo ga me ga? ³⁵Epilati gu nọwọn "Ẹ ma Ijewisiro, ẹ wa oyere? wo erokoro aka wọ Asigir ẹpan fo wo don mu ba. Ena wa eke nẹnẹ usiye na?³⁶Ijẹṣu gu na ya ọwọw "mo ipẹpẹn ẹma wọ ẹrọ onẹ. Adaka mi ipẹpẹn wo, ero ọnẹ, ogbone mo ikọtọrọ abẹ ẹ ba béé gbameko ubaka bi méé di fọ mọ dọn mọ Ijewisirọ abẹ uba ama akana mo ipẹpẹn ẹ méé wo ẹkọ nẹ. ³⁷Epilati mivsa ga nẹ ya ka, "Ọbin nọ wa ọn?" Ijesu sa gu na ya owow ka, "Ọgẹ ka obin ẹ wa nọ ọnẹ ubare, bẹ mọ, aka ubarw ẹ ṣa ẹrọ ọnẹ. Í di fọ ikua yẹn. Ọrọkọrọ nẹ wa ikua ika na, E ke pi ma tọn nẹ mọ ọwọn.³⁸Epilati ga nẹ ya ka, Ẹna wa ikua? "Ọgbọna à ga ọnẹ, á va yo jẹnẹ tọ Ijewisiro abẹ aka á ga nẹ ba "Ẹ máá gba kẹna-kidẹ oforo ọnẹ uba. ³⁹Ama nẹ ṣu ọsi ṣi yẹ ka ítẹ bi ọrọ-ọyẹrẹ nẹnẹ nẹnọ ini imu ọjije. Ọnẹ uba, í nẹ ni ka, í tẹ bi Ijewisiro bọ ọbin nẹnọ on? ⁴⁰Ọgbọna bẹ, bi yi-oga wẹ ṣa aka béé ge ka, "Amawa oro-oforo ọnẹ ama Ebarabbasi." akana Ebarabbasi wọ ẹfa ne ko igoli tọn ijoba nẹ wọ adan ọgbọnẹ bẹ na.

Chapter 19

¹Ogbẹ nabẹ ayẹ Epileti sẹ Ijesu abẹya. ²Ekonro abẹ mi enwọn odi, hie riye riyẹpan, bi mi fọ ewuru ọnwọnọwọnọ file ẹ. ³Bi mi ga ka, odio ijuro abẹ oòbin himi biya bẹya.⁴Epaileti mi de ve yọ, emi ga nẹ ba ka, Ungbẹẹ ẹfọ ẹfọ ẹ ni nu ṣa, ka ni din ka ẹmẹ jẹsẹ. ⁵Onuba Ijesu wẹṣa, aka odi ewon mẹ ka aka ewuru. Epaileti ga nẹ ba ka, "Balẹ, onẹ awọ ẹdẹda ayẹ nẹ. ⁶Ogbonẹ Ashigiri okẹka aka utun ro abẹ gba Ijesu na, bi yo ga ka kan wo ti, kan wo ti. Epaileti ganẹbaka, "Ana rẹ nẹ fẹ ve yọ ne kan wo ti, uba ka ẹma gna ẹbẹ korẹ iyu ba.⁷Iju ra bẹ gun no wo ka, "Ti su otẹtan, onebuba otẹtan onẹ bẹ eyin ala ti fo ubaka ubaka agẹ ka aya wa Osibina gbe. ⁸Ogbona Epaileti wo ėga ẹnanẹ na, ọrọre so yan bila mo, ⁹Onuba ẹdira fon mo ijoba ro ẹban nu ubo edina gan ne Ijesu, " ẹtẹ ka uwẹ ṣa? ama Ijesu ẹmẹ fo owọ gun gun na ne yaro.¹⁰Ogẹnabẹ Epaileti gan nẹ yan ka, "Amu uma ma mọ gẹga?" ume din ka isu iwogbengben ka i tie wu wije hon, aka iwogbengben ka bẹ kawo woti. ¹¹Ijesu gun na yo wo, "ume su iwogbengben i mẹ pan efuraka onẹ nẹ biya no wo sosi ṣa na. Unuba, ẹfẹnẹ fọ mo dun ubana ṣu iluwe ọkẹka."¹²Owo ogun gun na one, Ẹpilati wọmiwu ka ayi tq bi ya wi je, ama ijewro abẹ yọ ga we ṣa ka, "We tebi ẹdẹda one uma wa Icesa ore. Ẹfẹna ẹfẹna na se yiwu ṣin no obin na agẹga ne ma gbali Icasana." ¹³Ogbo nẹ Epilati wọ ẹga enanena, Afo Ijesu wẹ ṣa em: ma na dan ẹkare osen sen ẹka ẹfa ne be yọ "pavement," iken nẹ wo Aramaic ẹkanẹ "Gabbatha."¹⁴Emi wa isubu ne bia ku ẹ sa akaro ofuruṣuna. Ọnẹ wa ka ẹwa ka ti ọpọnọrẹ eka na. Epilati ga no ijuro abe, ba lẹ ya onẹ awa nobinnẹ. ¹⁵Bi yọ ga we ṣa fẹ fura ẹko, fẹ fura ẹko kan ya Epilati ganẹ ba ka "ẹkan no bin hon? Ashigiri okẹka gunnowa "Ti me su obin ama da Icaeserna. ¹⁶Egan Epilati mi fọ Ijesu dun bu ba ka biya kan.¹⁷Ogbena be bi mi fọ Ijesu, emi we yọ afo yo otogba la ne yi wu, yọ ẹfa ne gbo skull na Aye e gbo Aramaic eken ne bẹ yo "Egolgothana." ¹⁸Be kan Ijesu wa oto ogbala ẹfẹ nẹ bẹ, bila mo aka ẹfo ro ẹbore, ororẹ uba ororėo, Ijesu mi wo be tin.¹⁹Epilati ka yẹ wo rẹ pen ẹwo oti ogbo la aye. Ẹfẹnebe be wore ka: IJESU ENAZARETI ẸKA OBIN NẸ WỌ IJEWRO EKANA. ²⁰Ijewro ọyọyọ gan mẹ ẹkẹ na bẹ wora na ubaka ẹfa ne bẹ kan Ijesu wo na kẹ yo iwuro. Ẹgayẹ bẹ wore aka Aramaic ọ Ẹlatin ako Igriki.²¹Ogbẹna bẹ Ashigiri osuda nẹ wo ijuro eka na ga no Epilati, "uma wo ra," Obin nẹ wọ ijuro eka na, ga ka, orone ka, a ma wọ ijoro obin. ²²Epita gun no wo ka, Ẹkẹ ma ẹwo ẹwo rẹ ke.²³Ogbona ogba me ko ro abẹ wan n! Ijesu kẹ na ko yẹ sa abẹ bi ru wẹ woo re ẹna ọrẹ no ọọrẹ ọrọrẹ, bi din ne tie ya legbe okeke. Alẹgbẹ aye bi ma ga wo ya. Bẹ bẹlẹkẹsẹ wẹ ẹpan ọrẹ. ²⁴Be ga na aben ka, "Ne ṣa ti ma fẹnẹ ama nẹ ṣa te bi ya de uba ka bi di diri ẹfẹ nẹ ẹka aka da na. One ṣẹ ro ka omumu oboro edi da ofifẹ nẹ gẹ ka "Bi ruwa mẹ ewuru don ma ben du ba be da ma lẹgbẹ" Ekẹnẹ ogbamẹkonro abe sie na ne.²⁵Ena nẹ jomo gbeli Ijesu yo ti ogbala na awo wiya, wiya oda Imari Iclopasi oro aka Imary Ḿagdalene eka. ²⁶Obode Ijesu gba wiya aka wo ogben nurunmẹka ne ni yẹ ga forẹna ka be jomo kẹẹ oto ogbalana, aga no wiya ka, "Iya balẹ wo gben." ²⁷Aga nẹ yo ogben nu urunmẹka ka "balẹ niya" ka bọ ọgbọnabẹ ayẹ yọ ogbenurunmẹka aye mi we fẹ yọ yu ubo.²⁸Ọnẹ urunba, edin ka fẹyan gule kẹ Osibina ẹga ẹdi siyutun. "Ijesu ka ẹbi ọpọra a sẹ mo" ²⁹Utiri ne fẹe na ade ogigiyara wẹfẹnẹbẹ, bẹ fo ẹhanẹ ayẹ filoti bi ṣin ya filo adẹ ogigin ya ayẹ bi si ya file yo wo. ³⁰Ogbane Ijesu wa ade ogigiyan aye na agẹ ka, "Ekwe" A tomẹ pan e tabi efunwenfunwen wije.³¹Ijew abe ubaka awo esa okoko isubu aka ka ye poro eme wo oto ogbala ẹyẹ ofilẹ isubu (ka ẹyẹ ofilẹ isubu ọnẹ be sie pataki), bẹ gano Epilati ka a bon bo ẹṣen e dina ko ba fura. ³²Ogbamekon abẹ bẹ ṣa bẹ bon ẹdẹda oṣoro oṣẹn aka ẹdẹda oboro nẹ bẹ kan woto gbala aka Ijesu no. ³³Ogbona birẹ Ijesu ẹfana bẹ gbeka efoke, onuba bi ma bon yọ ẹṣẹn.³⁴Jegbeliya, ogbanmẹkonro orẹ ebuya ẹfẹ ako ogbodo, igan nigan eyon aka ẹbi weṣa. ³⁵Oro nẹ gbonẹna nowo, yo ubedi aye wa ikwa Ẹdin ka ẹkẹ na ayẹ ga na ikwa ya uba ka idinnawo.³⁶Ẹga ẹnanẹ ṣẹ roka Osibina ẹga edin wọ ofife. "Yo fu kore ba ka bon." ³⁷Osibina ẹga da gẹ ẹfọben ka, "Baka bale ẹfẹna bẹbunnẹfena."³⁸Iyurunba, Ijosefu Arimathea eka, ubaka awa Ijesu yo ogben nurun mẹka (ẹbẹbẹ ubaka Ijew ro abe), Ẹṣin Epilati ka ṣa aye e dina fọ Ijesu ẹporona, Epilati fọ rẹ nẹ ya. Ijosefu mi ṣa afọ Ijesu ẹ poro. ³⁹Inicodemusi kayẹ ṣa, aye nẹ taye ṣa to Ijesu ujokeka na. Afọ Ijesu Emira akọ alọyẹsi bile ṣa aka ipi ilitrosi.⁴⁰Bẹ fo Ijesu yẹ poro bẹ parẹ ya ako ẹsa okukuru oka iturare akọnẹ esie wo iju ro abẹ osisie epororiena. ⁴¹Ẹfẹ na biwe kan wo to ogbalana oba oben wẹfẹnẹbẹ oba yẹ eṣo ọsọ owowo nẹnẹ wẹ fẹ nẹ bẹ na bẹ mi fo koro orẹ re gba na. ⁴²Ubaka awo isubu nẹnẹ Ijew ro da kẹ kwẹsa na aka ubaka ọsọ ayẹ emefon bẹ fo Ijesu wa mo.

Chapter 20

¹Urorun mu juju isubu oṣoro nẹnẹ wọ ọsẹna ẹba emipan, Imary Magdalen a ṣa ọsọ aye a gba ka bi gbia okare fura ọsọ ayẹ. ²Emunẹ jene tọ Esimoni Ipeter ako egbenurunmẹka abẹ ni Ijesu ni bẹ ga na aganebaka "Be fọ ti idu furọ ọsọ ti me din ẹfẹnabẹfwẹwona."³Ipeta ako ẹgbẹnnurumẹka abẹ ibuba bi we yo, biyawo oṣo ayẹ ẹfa. ⁴À bẹ bọbọ mọnẹ bilẹ, aka ye egbennurunmẹka ebuba mọnẹ yo ipita ẹrẹ bi rẹ ọsọ fure Ipita. ⁵Ako esie pẹpan na agbọ ọṣọ ẹsa ije ama ama fun yibe.⁶Isimoni Ipita iyu run ba aṣa a fun ọsọ. Agba eporo esa ayẹ ka ewi je. ⁷Aka ẹsa nẹnẹ tie woyẹpannq. Eme wo ẹfore aka eporo ẹsa ama a kọlẹ yiwu wẹ fobo.⁸Egbennurunmẹka ẹnane tie rọso aye n mi fun, ogba. ⁹Jeneroogbo ọnẹbẹ bemekidin Osibina ẹga ka aka soma fu ra eporo. ¹⁰Yọ egbennurunmẹka bi din ne pilayubo.¹¹Imary wone jọmọ wọ ọsọ owo ẹyiwona. Ako esie eyiwo na, epepan ba lo ọsọ aye ¹²Agbo angeli abe okukuru ka bẹ ma, ọrẹ wiyo ẹpan ẹfa, ọrẹ wọ iyo oṣen ẹfẹna bi rọọ Ijesu wo na. ¹³Bẹ ga nẹ ya ka, "Iya, ẹnanẹ weyiwo na? " agan nẹ baka, "Ubaka bẹ fọ mo Idu yọ, ẹmẹ din nẹfẹna bẹ fuẹ wo na."¹⁴Ogbona esioko ga na ebila a gbo Ijesu ka ajomo ẹfẹnẹbẹ emedinka Ijesu ya. ¹⁵Ijesu ga nẹ ya ka "Iyaro, ẹnanẹ wẹ yiwona? Era we na?" eroka oṣẹlẹfaya, aganẹyaka "Ẹdaro, ẹgbẹka awa fue fura, ganẹmọ ẹfẹna ofiẹwona, me ke jen na fue fura. "¹⁶Ijesu ganẹyaka, "Imary." Ẹbila, agannẹyaka Aramaic, "Ẹrabboni" (ọnẹbẹ jumonẹka otitero). ¹⁷Ijesu ganẹ ya ka, "uma de mo, ka mẹ mi pọ yo ẹdẹda ẹfa, yọ mẹ ẹdabẹfa oganẹbaka maka pọ yọ ososi yọ tẹda aka nẹda mosibina aka wosibina." ¹⁸Imary Magdalene ṣa a ga nọ ye gbennurunmẹka "ẹgbo Osibina" k agega ẹnanẹ ako nẹ ya yẹ¹⁹Iyọọbẹbẹrẹ esunubẹ iwu, ì subu ọsọrọ ọsẹ ẹfẹna egbenurumẹka mana uba ka ba sun Ijew abe ọrọrọ Ijesu ṣa ajomo wo bẹ etin aka, "Iwọbẹbẹrẹ nẹnọ."²⁰Ọgbọna agonẹkẹna, awo ẹba aka yẹfẹ yenba. Egbennurunmẹkabe ben ubaka ba gba Idu.²¹Ijesu dinnaganẹbaka, "Iwọbẹbẹrẹ nẹnọ, Akonẹ ẹdẹda sie filemuna ẹgan ka mi di nẹ sie filenune ²²Ogbona Ijesu gẹ ga ọnẹ kwe na, a fẹw ri ba a ganẹ ba ka, "Na efunwẹnfunwẹn ọnwọnwọn. ²³Ẹfẹnaẹfẹna nafoyilue ẹpan gbonna bẹ fepangbonya, ẹfẹnaẹfẹna na ma fọ ilue epanẹpangbunna ba ka fọ yilue ẹpan gbunya."²⁴Ẹtomosi orọrẹ abẹ ẹfọkẹbọrẹ, nẹbeyọ Edidymusi na, eme wọ ẹfẹnẹbẹ ọgbọna Ijesu ṣa na. ²⁵Ẹgbennurumẹka ibuba ganẹyaka, "Tẹ gba Idu." Aganẹbaka," Ẹfuraka ẹgba iyuba ami nẹ wo iso ẹka na edine mi gbogbo filo ami ayẹ edine ṣin mo uba woyẹfẹ, maka na yọ."²⁶Ọgbonẹ isubu ọnọkọnọkọnọ sun na yọ ẹgbẹnnurumẹka bi de wubo Ẹtọmọsi wẹfẹnẹbẹ Ijesu ṣa ọgbona ujuri wọ ofifilena, a jọmọ gbeliba aka "iwọbẹbẹrẹ nẹno." ²⁷Aganọ Etomosika, "Yọrẹwigbogbosa uṣin yo filẹ ẹkọ ọgba meba. Yọrẹwigbogbosa u sin ya file mẹ fẹ ume pile sie ibẹbọrẹbọrẹ ama na wo."²⁸Ẹtọmọsi gunnowo aga nẹya ka, "Midi aka mosibina." ²⁹Ijesu ganẹyaka, "Ubakagnamọ ayawore ọnawọ ukukuru bile awano ẹnane amagba bẹ na wona. "³⁰Ijesu ṣo ojinorofuwa oyoyo iyegbennurum ka ayen, nẹnẹ bima wora wọ emumu ọnẹna, ³¹Ama bẹ wọra ọnẹ ubaka udin naka Ijesu ayawo Ikristi Osibina ogben erigana ọnawọ we ke din sọ ẹrọ iyọ iwuru.

Chapter 21

¹Ẹ̀pen ẹnanẹ urunba Ijesu diya fọ yi iwu nyen ye egbenurunmẹka abẹ ìtiberiasi oòkun. Akọ e siye fọ yi iwu nyẹn nẹ. ²Isimoni Ipita ma bile Ẹtọmọsi nẹnẹ bè e ye Ididimosi na, Ẹnatanieli nẹnẹ wo Ẹkana ṣa Ẹ̀galili na, Isebede eègben abẹ, aka Ijesu eègbenurunmẹka ẹbọrẹ ebẹn. ³Isimoni Ipita ga nẹ ba ka, "Mà a yọ sẹ ayarẹ." Bi pila yẹ ka, "ka ato àka yẹrẹ ọ yọ. " Bẹ yọ bei mẹ fọn oko ebi eka ibe , àmá bi ma gba kẹnakide se ujo fẹnyan.⁴Akana, ogbọna nẹnẹ apẹn kpan ke ùrorun ojujujo na, Ijesu jomo wo okun owo, ama egbenurunmeka abẹ e me kpeli ka ayẹ ya.⁵ Ijesu mi ga nẹ ba ka, "Ẹgbeniforo, i ni su ẹkẹna nẹnẹ oro diye je na?" Bi guna yo owo ka, "Hẹnhẹn." ⁶E mi ga nẹ ba ka, "Nẹ nẹ nẹ ẹfẹfẹ wo ọkọ yu uba ojijen, nà àka gba ebẹn." Ẹgan bi siye nẹ bẹ ẹfẹfẹ bi mẹ di pile wura ẹ vẹ ṣa ubaka ayẹrẹ ọyọyọ nẹnẹ bẹ sẹ na.⁷ọ̀nẹbẹ uùba ogbenurunmeka nẹnẹ Ijesu ni yẹ ẹga na mi ga nọ Ipita ka, "Idu ya nẹ." Ogbona nẹnẹ Isimoni Ipita wọ ka Idu ya na, e do ya alẹgbẹ ọnyẹn ẹka ẹ iwu nẹ (ubaka e wo ẹbolẹbolẹ), a nẹ wo ọkun ibe. ⁸Egbenurunmẹka abẹ mi yẹrẹ ọkẹbi ayẹ ṣa (ubaka bi mẹ fọn ni ijẹ, e ki è e wẹ akọ ikubiti ẹparẹ fura ọkun owọ nẹ), bi mi ẹ uvan ẹfẹfẹ nẹnẹ fẹ nọ ayẹrẹ ọnẹbẹ na. ⁹Ọgbọna nẹnẹ bi ve ije na, bẹ gba ẹnyanma èfẹnẹbẹ akà ayẹrẹ nẹnẹ biya yẹrẹ ya na, bile ẹkara.¹⁰Ijesu ga nẹ ba ka, "Ni tiyẹ ẹbẹn àyẹrẹ nẹnẹ nẹ sẹsẹ sẹ na iìwu ṣa," ¹¹Isimon Ipita mi kpọ yo e vuna ẹfẹfẹ ayẹ ṣa ije, ọnẹ nẹnẹ fẹ nọ ayẹrẹ ẹkẹka, bẹ wa ipikiborẹkakọrọfọkatita na, àmá ka akọ bi siyẹ yọ ta na, ẹfẹfẹ ayẹ a ma fẹnẹ.¹²Ijesu ga nẹ ba ka, "Nẹ ni mi jẹ urorun iìjẹn." E mẹ su ọnẹ ègbenurunmẹka abẹ iìwu nẹnẹ gbadọ ṣin ya ka, "Ẹra ọ wa a?" Bi din ka Idu ya nẹ ¹³Ijesu mi ṣa, e tiyẹ ẹkara, e mi à á nẹ ba, akà ayẹrẹ ayẹ bilẹ amọ. ¹⁴Ọnẹ a wa isi ọtẹtaro nẹnẹ Ijesu fi iwu nyẹn egbenurunmẹka abẹ ògba nẹnẹ a sọma fura ekeọro na urunba.¹⁵Ọgbọna nẹnė bi je urorun iìjen ke na, Ijesu ga ni Isimoni Ipita ka, "Isimoni Ejọọnu oògben, ù ni mẹ ẹga fọre ẹnạnẹ hon?" Ipita ga nẹ ya ka, "Hẹn Idu, u din ka i ni wẹ ẹga." Ijesu ga nẹ ya ka, "Fiye mu ududo eègben. ¹⁶E diya nẹ ya isi ọọboro ka, "Isimoni Ejọọnu oògben, u ni mẹ ẹga họn." Ipita ga nẹ ya ka, "Hẹn Idu, u din ka i ni wẹ ẹga." Ijesu ga nẹ ya ka, "Sẹlẹ mu udodo abẹ."¹⁷A ga nẹ ya isi ọtẹtaro ka, "Isimoni Ejọọnu oògben u ni mẹ ẹga họn?" Ipita bẹ ibẹ fuwa ubaka Ijesu ṣin ya isi ọtẹtaro ka, "U ni mẹ ẹga họn?" A ga nẹ ya ka, "Idu, u din epẹn fẹnyan, u din ka i ni wẹ ẹga." Ijesu ga nẹ ya ka, "Fiye mu ududo abẹ." ¹⁸Ègaba, ègaba, e ga nẹ ọ, ọgbọna nẹnẹ u wo ogbenikeke na ù de guru awọ ẹbẹba iìwu u de mi yọ ẹfẹnẹfẹna u na, àmá akọ u mi siye dọn na, u wà a yọrẹ wu ẹba, oro ọbẹn èke mi guru wi iwu, a fọ ọ kẹ yọ ẹfẹna we èke ni ka ọ ya na."Akana Ijesu ga ọnẹ ka è e siye ọmanyẹn ufo ọla nenẹ Ipita àka a fọ ugbugbodi nọ Osibina na. Ọgbona nẹnẹ a ga ọnẹ yu urunba na, a ga ni Ipita ka, "Kẹ yẹrẹ mo."²⁰Ipita bilanyen gegere e mi gba ogbenurunmẹka ọnẹ nẹnẹ Ijesu ni yẹ ẹga na ka à á yẹrẹ ba, ọnẹ nẹnẹ fi iwu gbeli Ijesu ẹfẹ ùjoguwe iìjen ọgba na nẹnẹ diya ga ka, "Idu, ẹra a wa ẹfẹna nẹnẹ àka fọ ọ nyẹn na?" ²¹Ipita gba ẹ e mi ga ni Ijesu ka, "Idu, ẹna oro ọnẹ èke siye a?"²²Ipita ga nẹ ya ka, "Mè e ki ni ka a ma jen e re ọgbona nẹnẹ mà àka a ṣa na, ọọna ọnẹbẹ wa nẹ ọ kẹ yẹrẹ mọ. " ²³Egan ẹga aye siye san ẹda abẹ eètin, ka ogbenorunmẹka aye eèke fo nẹ, àma, Ijesu a ma ga ka ogbenurunmẹka ayẹ èke fọ, amá, "Mè e ki ni ka a ma jen e re ọgbọna nẹnẹ mà àka a ṣa na, ọọna ọnẹbẹ wa nẹ ọ a?"²⁴Ogbenurunmẹka ayẹ a na ẹkẹna ẹnanẹ uùbedin, ayẹ a wọra epẹn enanẹ, ti diye din ka yu ubedin wa ikuwa. ²⁵Ẹpẹn ọyọyọ ẹbẹn diye wamọ nẹnẹ Ijesu siye na, e gbe ka bẹ wọra ba ọrọọrẹ wuje, è èbana ẹrọ ọnẹ ẹbẹba e di na emumu abẹ nẹnẹ bà àka wọra na.

Acts

Chapter 1

¹Ẹkanẹ ẹtayi wora na, Itheopilusi ga ẹpẹn 3fẹnyan nẹ ni Ijisos tọn mẹ osisiye ediye te na, ²Ri subu nẹ ẹfurọ Ijisos formi idudu du na, a tayi gan ne ye gbenrun mẹka abe (yutun ro) nẹnẹ atayi teobo na. ³Akọ esiye we sa ke ayẹn ọrọnrọn na akọ ọfiwu na na, afọ yiwu yeṇn ne ye gben urun mẹka afile bayẹn bi dindin kabayi nẹ fọọ. Isubu iborẹ ayafọ yiwu yẹn ba ediya ma ba ga osibina ipipen ẹga.⁴Akọ esiye maba egule na agane ba ka bi me furo Ijerusalem Ama ni jọwọn karẹ owo ọrọrun ẹdẹda ẹka, oone ama ba gaa ne wọ fura owo. ⁵Ubaka Ẹjọọn a nimomo ebi ẹka, "Aama anaka nọ ẹfunwẹnfunwẹn nọ ogbalati ẹka isubu keke wẹrẹn."⁶Akọ bi siye wọọ Ibi gule na bi sin ya ka "Idu ọgbọna we eke pilọ obin ojije ni Isrel na nane họn?" ⁷Eguna bowo "Aama wa nẹka kami din isubu akọ ọgbanẹ Ẹdẹda tiye akayọ ububuru na. ⁸Ama nẹ ka ni wo gbigben akọ ẹfunwẹnfunwẹnnọ ọnwọnwọn eke wura nọga na. Ama neke mi wa ma ayẹn Ijerusalem aka Ijudea akọ Samaria jẹnẹ rẹ efa ẹrọ ije ta na.⁹Ọgbọnẹ idu Ijisos gẹ ẹpẹn nẹnanẹ akọ na, akọ nẹ bi siye balẹ ososi n, bẹn fọwẹ pọ bilawọ idu durudu riya fọr ba yẹn. ¹⁰Akọ bi siye ki sinaiyen filọsosi nẹnẹ bi ma dayẹn su, be gbọ ero ẹbọrẹ nọ fila alẹgbẹ okukuru na nẹ jọwọn balẹ biwu nẹ bi sun ba. ¹¹"Anọ Egalili, ẹnanẹ ni jọwọn ẹkọnẹ ni sin ayẹn filọ ososi na? Ijisos ọnẹ ne fọn mososi yọọ Osibina ẹṣẹn na eke di da epila saa akọnẹ ni siye gbe akọ esiye pọ ayọ Osibina ẹṣẹn na.''¹²Ẹgan egbe bisiye epila yo Ijerusalem na wọ ọrẹ nẹ be ye Olive na bi me pila yọọ Ijerusalem na ama fọrẹ ẹjẹn nẹ ọrọ diye jen ọsẹ isubu na. ako Osibina siye ni ya na. ¹³Akọ bi siye pila re Ijerusalem na, be fọn po yẹ agbara apaneka ne be ma na. Abẹ na wa na awọ Ipeter, Ejọọn, Ijamis , Andrew, Iphilip, Ethoma, Ebathlomew, Ematiwu, Ijamis Alpaeus ogben Esimeon Ezelot aka Ijudas Ijames ogben. ¹⁴Abẹ fẹnyan afọọ biwu akabe fwẹnfwẹn bite ọrẹ aki iyareo ẹnanẹ bile biwu na nọ adura akọ Imeri nẹ wọ Ijisos wiya na akọ Ijisos yọ ọda iforo abẹ.¹⁵Isubu ẹnabẹ Ipeter fura wi iyopa betin ne pi wuru re akọ ipi kọgbọlọ na, ¹⁶"Mọpa, akọ Osibina esiye ge na, ne be wọra wije na ayẹ de siye ne efwẹnfwẹn ọnwọnwọn fọọ Idavid ọwọ ga Ijudasi ẹga, Judasi nẹ tero ọrẹ jenasi Ijisos na.¹⁷Tiwu aya wa esu ọkpa na kọ utun me ne na." ¹⁸(Akana ẹfọ ena fa ikiba na ana utun odudu ne siye na yin wije ije aye ewe falẹ faan yiye saana yiwu pen yọ iri fẹnyan fẹyan gu ma we sa. ¹⁹Ero fẹnyan fẹnyan Ije aiye ewe falẹ fẹpan yije saana yiwu fẹnyan fẹnyan nẹnẹ ama nọ Ijerusalem na wow ẹga ẹnanẹ, ọnẹ uba bi mi sa ye ẹfẹne bẹ "akẹdama, nẹnẹ wọ "eyọn mogban na.")²⁰"Bẹ wọrẹ wọ iwe Epsalm, 'Tei ije yasala eme so siye aka orokoro, edi ma na mọ'; Teyi orobẹn anayanwoma akọ ọkẹkaro na.'²¹Ọnẹ uba aya abọwọ ka ti tiye ọforo ne yẹrẹ ta fọn ewe ogba ne Ijisos tie tu na, ²²Te tọmẹ isubu ne jene re Ogbanẹ Ejọọn we nọ Imọmọ oriri nana jẹne re ọgbọna biya tawe pọ fura tan efinna emi sina taro ubedin ne yo Osumabalẹ kayi di fowo wo ẹga ta." ²³Ẹrọ ọboro bi tiye wesa Ijosef ne diye gbe Ebarabas na ayẹ bi diye yọọ Ejustus Oroboro wo Emathias.²⁴Bi siye adura be ga "Awọ idu odina okon fẹnyan udin ero fẹnyan ẹfunwẹnfunwẹn fọ ẹfẹna bowọ abẹ bobo ne na nu tiye na yẹn tọ ²⁵na ka fọn mu tun ye ogben urunmẹka bile ti wu aku usiye tiye tuna, utun mayẹ nẹ Ijisos na pila ayẹ yẹka ọrẹ na." ²⁶Be biluba nabe, bọbọ egbaka Emathais ayẹ bi mi gan bilọ yọ ẹgbaa urunmẹka efọkọrẹ iwu.

Chapter 2

¹Ọgbọnẹ Epentikos isubu rena, abẹ fẹnyan kweba jese wọ ẹfa ọyẹrẹ. ²E me fon ekperi ọkẹka ọbẹ holo sa wọọ ososi akọ okeruwena. Asaa efee ubo fẹnyan nẹ bi gule wọọ na. ³Bẹ ẹlarẹ saa ejin aka ere ne bi ruwa na bẹ ma sẹ ẹra ayẹ ọyẹrọyẹre. ⁴Abẹ fẹnyan saa ẹfẹe nọ ẹfunwẹnfunwẹn ọnwọnwọn be saa be saa ya gẹ ẹlarẹ ọbẹ, akọnẹ ẹfunwẹnfunwẹn siye fọrẹ nẹba taa na.⁵Ọgbọnẹ esu Ijisos ro abẹ na anano Ijerusalem na, Osibina erọ, wọọ iken fẹnyan ni wọ ije osi na. ⁶Ọgbọna be wọọ ẹkarẹ na, aapẹn kwe jese awekana ne jinbowo fuwa na, uba ka ero fẹnyan wọọ akọ bi saye ga bẹ elarẹ na. ⁷Ejin bowo fuwa bi di ya fura gẹka "ero ẹnanẹ ibama wa Egalateyaro hon?⁸Eena wọrẹ ne tiya wọba na, oro ọyẹrẹ ọyẹrẹ a wọba ibe ẹlarẹ ne biya baba na? ⁹Epasthian, Emedes, Elamitis akọ ẹnanẹ amanọ Emessopotamia,¹⁰ ijudea akọ Ecappadosiya, Epontus akọ Asia. Ẹphaygia akọ Epamphylia, Egypti akọ osin nẹ wọ Ilybia ọkẹyọ Ecryrene, akọ ẹga nẹ woo Iromu saa na. ¹¹Ijew ro akọ, Arabian taa wa ba ite ẹlarẹ nọ utun ojinoro wofuwa nọ Osibina utun na."¹²Ajin bowo fuwa be gana bẹ ka "ẹna ẹnanẹ wana?" ¹³Ẹẹrẹ be siyọ iyẹyẹ bẹya gẹka, "bi fẹ nọ adẹ owowo."¹⁴Aama Ipeter jọwọn gbeli egbenurun mẹka ẹfọkọrẹ e yoga pososi gabe ba ka "Anọ Ijudea ni teyi ni dinkaa; ni pimatọn ne mẹga. ¹⁵Ubaka ẹrọ ẹnanẹ ba ma wadẹ akọnẹ ni siyẹ rorẹna, ka ona wọọ ogba otetaro osiye isubu ayẹn.¹⁶Aama ọna awọ ẹkẹna ọgẹsẹro Ijoel ga vesa na:¹⁷ 'Oona aka wa Isubu omunurun,' Osibina geka, meke gunmọ 'mẹ ẹfunwẹnfunwẹn yẹrọọ iwupe fẹnyan. Ne gben ni foro akọ iyaro baka gẹ ese nbo egben ikrisa baka gbẹ ẹmẹnẹ, ni isuda abẹ baka mọmwẹn ọyọyọ.¹⁸Ikwa, imu utun ro akọ imoo iyegbe utun ro ogben ọnẹbẹ me ke gunmoo me ẹfunwẹnfunwẹn veṣabe ke diya gẹẹsẹ. ¹⁹Maka fọọ ojinorofuwa yẹn ososi akọ ami Ijisos iyoon, mẹ ẹra akọ aaran.²⁰Eyi ekepila sin oo esiri, Osẹn eve pila sino Ẹyọọn saana isubu ọkẹka ne woo Osibina eka na aka saa na. ²¹Egan ekesiye da ka ọrọ sẹsẹsẹ ne yee Idu iwuru na aka gbọ ọnafan.²²Anọ Isrel ro, nẹ wọ ẹga ẹnanẹ: Ijisos ne wo Enazareth ẹka na aya wọ ọnẹ Osibina fọọ nẹtọ iyutun ẹkẹka aka Ojinorofuwa akọ ami ne Osibina siye iyore na inọ etin akanẹ ni siye din na.²³ Ọrọrẹ bẹ fwẹ dọmọ eberoo ube akọ ne Osibina siye siyo yeega na, wayan bẹ kan yubu wọo ogbalati. ²⁴Aama Osibina sọmẹ palẹ saa anefan furo onunuma nẹ wu ufo ubaka emesu ka bese ya aka ayẹ.²⁵Idavid ge ka, 'Ẹ gbọ Idu ogba fẹnyan ubaka ewo mọọ uba ojijen ka mẹ diye gbun. ²⁶Ọgbọna uba mu uloko fẹ nẹ ebenben aka me ẹlarẹ bilo mo mi iwupe eke fẹnọ ofayenyere.²⁷Neke teyi mo uloko no ufoo. Aiye etoka weke teyi ka wọ ọrọọwon aye aka gbọ emenmaye. ²⁸Uteyi ka Idin ọrẹ nẹ woo ero na, we ke teyi idu ofife ne wọọ ẹbẹnbẹn aka wayen ron.'²⁹Aàma mẹda abẹ aarọn ke ga nẹnọ okan moṣiṣile, oro ne wo utunro me woo Idavid ẹkanẹ, ka eefoo bi rẹ ẹfẹna bire woo na eki ma bile fuu ṣẹ ramonone. ³⁰Ọnẹ uba, ọgẹsẹsẹ ro ya, edika Osibina siye uwo ọrọnrọn ne yayẹ ka aka foo yọọ imumu ọyẹrẹ siyoo joobin. ³¹Agbẹ ekena aka siye ọgbọna nẹ wẹrẹn na saa na aga akọ osomo palesa ne woo Ekraist be me teyi ka ama no eepọrọ aye etoka yiwu ukpe agibo emuemue.³²Ijisos one- Osibina sọma palẹ ṣa, nẹ tẹ wọọ obedi nona. ³³Ọnẹ uba, ne be fwe po Osibina yuba ojijen aka ẹfunwẹnfunwẹn nẹ tee na na ẹdẹda ubana nẹ gun ma vesa ne waa gbaa aka ọnẹ wa wọọ na.³⁴Idavid ama po yoo Osibina ẹṣẹn ama a gẹka 'Idu ganẹ mọ Idu, "ma imo uba ojinjen ³⁵jenere ọgbọnẹ maka sẹ wọ ebero abẹ woije nẹ woo ẹsẹn ọdẹdan na.'" ³⁶Ọnẹbe uba ni teyi ubọ fẹnyan Isrel bi dinka Osibina aiye a seya sinọ Idu akọ Ekraist Ijisos ne ni kan wo ogbalati"³⁷Ọmena be we ẹnanẹ na, bo ọkan jin akọ ọrọrẹ Ipita aka egbenurumẹka ibuba ka. "Anọ mẹda abẹ ena tekemi siya?" ³⁸Ipita gane ba ka, "Ni roro ibe pila, oro ọyẹrẹ ọyẹrẹ erimomo Ijisos Ekraist iwuru no Ọfẹpan gbun furọ iluwe aye na ka nọ ese ne wọọ ẹfunwẹnfunwẹn ọnwọnwȯon ẹkana. ³⁹Ubaka ileri ọnẹ awanọ nọ ne egben akẹ ẹna nẹ wọ efa ofifọmọrẹ akọ erọ ọyọyọ akọ idu ne wo Osibina siye eyeba na."⁴⁰Aka ẹga ọyọyọ aye ana gbeli odiye gbe bulokok, "Nẹ gbọ ọnafan furo eroro omupiyan."⁴¹ Bi na yẹ ga woo akọ imomo-oriri, be gan ba biliwu be woo ero ipipi ọrẹ ọgbọlọ kakọrọfọ ẹfunwẹnfunwẹn. ⁴²Bẹ foo bi wu nọ gbenurunmẹka bo itite akọ osiye ẹkara oriruwabakọ adura.⁴³Ọrọrẹ mi ṣa fọn ero ẹfunwẹnfunwẹn akọ ojinorofuwa akọ ami wọnẹbsi ye egbenurumẹka abẹ uba na. ⁴⁴Eẹmane na woo na kwa be jesẹ bi siye bile ọyẹrẹ. ⁴⁵Bẹ joo ba arọn bi ruwe nọ ẹrọ akọ bisiye nina.⁴⁶Isubu isubu bi diyan fọ bo osisiye ijero ẹpan nọyẹrẹ etempili bi deruno akana nọ ero ubo-ubo, bi de ruwọ ijen akọ Osibina ẹga, akọle ọkọn mọ ọbẹbẹrẹ. ⁴⁷Be fọ uyiyeyi anọ Osibin ubaka yọ ese fẹnyan bila mo ka Isubu isubu ayẹ Idu fọ erọ ebilo ibiwu nẹ wọ ẹnanẹ bẹn na fan na.

Chapter 3

¹Akana, Ipita akẹ Ẹjọọn fun ẹtẹmpili adura ọgba, ogba ubọyẹrẹ iwu na. ²Akana, be fwẹdẹda nesu Igboroguma kabaa wuuga epuru na sa etempili ọnwọnwọn ọpọlọwọ nẹ be yoo urun na. Bi teyiya wẹfẹnẹbẹe dike bẹlẹ ẹpẹn eenanẹ fun mọ Ẹtempili ọwọnwọn na uba. ³Ayẹn naa agbe Ipita akọ Ẹjọọn ka baa fọn ẹtẹmpili ọnwọnwọn na abẹlẹ ba ẹpẹn.⁴Ipita aka Ẹjọọn lakata bilayẹn bẹbganẹgan kaa "balẹ tọọ." ⁵Igboroguma ro bilayẹn balẹba, eeroroka ibaka weyayẹ pẹn. ⁶Ama Ipita ka, "Ime su Isiva akọ akiisu, ama ẹkẹna isuna ma ka nẹ wọ, Ijisos Ekraist nẹ wọ Ẹnazaret ẹkana iwuru fura uki jejen. "⁷Ipita sẹ yuba ajinjen fura Igboroguma yẹẹṣẹn aka yọọdọọfu sile ke. ⁸Igboroguma rọ fwin kpososi eejẹjẹn, aayẹrẹ Ipita ake Ẹjọọn afọ ẹtẹmpili ọnwọnwọn. Ẹjẹnjẹn, efuru akẹ esuwa afọn uyeyi anọ Osibina.⁹Ero fẹnyan gba akẹ siye jẹjẹn, edine tiye guru eye Osibina na.¹⁰ Bi gben ka ẹdẹda nẹdọn man ururo opolowo na ya. Yẹga jinbowo fuwa nẹ mẹ sọ gana. Ubaka ẹkẹna tọn na.¹¹Akwe siya ayeri Ipita ake Ẹjọọn holo ayubowo ẹrẹn nẹ bayọọ Isolomon na Erokoro asan ma san yẹrẹ yọ nọ ojinorofuwa ẹga. ¹²Akȯ Ipita siye gbȯn bana eegunowo kaa, "Anọ Isrel rọ, Enijonowo fuwa? ẹnanẹ nẹ gọọ tayẹn na, Inirorok tọ iwogbigben ayẹ tiyan fọ yuyan hon?¹³Osibina nẹ wa Abraham Isaac and IJacob Osibina nẹ wa teda ẹkẹna. Aya ugbugbodi nẹ yu tunro nẹ wi Ijisos. Efẹna ni yuru wijen nidi ya fuwe dọn me Epilato, uba ọgbẹnẹ nika aye tọrẹ wija na. ¹⁴Nijuru ọrọ ọnwọnwọn wijebni pila gẹẹka bi tebi ọnawọ nẹnọ.¹⁵Nẹ wọ ẹnanẹ wanọ bi ẹrọ na ẹfẹna Osibina son ma fura ẹporona, atọ fẹnyan ayẹn to na. ¹⁶Ọ ọnawọ uba, iyuruwu Afọrọmu gan nẹ nẹgba ediye ṣile. Ọnawọ nẹ ni Ijisos nẹ fọ nẹnọ akase naya ẹ na'yẹn rọn.¹⁷Anọ wẹ daabẹ, Idinka anọ aka nẹkẹkarọ e emidin guwe. ¹⁸Ama fẹnyan nọsibina ọgẹsẹ ro ka Ekraist eke joya, aṣa fumu yẹn.¹⁹Ọnẹ uba niroro pila, edi foo ni luwe ẹpan nuu.²⁰ Eriga Osibina odibila nero, akọ eke siye filo Ekraist pilaṣa nẹnọ.²¹Aya wa ẹfẹna Osisi nila nanaw jenero ọgbọna epeniworoo aka fooyiwu yenna, akọ ọgẹsẹ Isusu siye gẹna. ²²Imosis gẹka Osibina aka fọ ọgẹsẹ aka ame na yẹn iyi wuru. Ni piyatọ nọ pẹn fẹnyan naka ganẹwọ na. ²³Ẹfẹna nẹnẹ ẹmẹ piyatọn na, ọgẹsẹro abẹ na, ibeke funbba ebetin.²⁴Ẹgan, Ọgẹsẹ fẹnyan Ẹsamuel ẹpan, aka ẹnanẹ yẹrẹ Esamuel na, bẹ gẹ diya pọ ẹpanpan isubu a'yẹn. ²⁵Anọ wa ọgẹsẹro ogben akọ ọpa nọ Osibina siye aka Abraham na, enọ omumu oboro ubaka fẹnyan aka gbọ kurubile na. ²⁶Ọgbọna Osibina sọma yọ gutun rọ furaṣa na. Efile nẹ nọ, kedi fọ okukurubile nẹ nọ, nidi bila fura sia akẹ ẹga odudu.

Chapter 4

¹Akọ Ipita, akẹ Ẹjọọn siye maba agẹga na, ọfayẹn dabẹ aka sadusi rọ abẹ sa tọba. ²Bibe amarọ otite nẹ Ipita Aka Ẹjọọn eteba Ijisos ọsọma fura ṣa iwuru na. ³Bẹ fuba yẹrẹbẹ- ẹpan, bẹfọba keyi ne usiye urorumẹka a, ubaka iyi bẹrẹ fọrẹba. ⁴Ero nẹnẹ wọọ ọtite ayẹ ba naawọ. Ẹnanẹ na wọna ree Ipiepi ori-upi.⁵Ẹkẹkaro abẹ, isuda, aka ẹrẹn roo abẹ kwa bėn jese yi su- ọboro Ijerusalem. ⁶Osibina utun ro, isuda Oraka Ananias, Ikaifas, Ẹjọọn aka Alexander ọbawọ Osibina utun ro Isuba ukuba. ⁷Ọgbọna biyi Ipita, aka Ẹjọọn wi bọ etin, "bi sinbaka Eri wọ iwogbigben aka iwuru niye suyutun mọ naa?".⁸Ipita ne fee nọ ẹfunwẹnfunwẹn ọnwọnwọn na ganẹba kaa, "Anọ aka isuda, ⁹Nakẹ ṣẹnọ ẹkarẹ kinoboro aka akẹẹsẹ nẹnẹ ogben oforo- ọnẹ gbanọ, akọ ẹkẹna tiyu fọ yiwu gan na, ¹⁰maka gamani Isrel fẹnyan kaa Ẹdẹda akọ ẹsẹro nẹ jọnwọn wiinereen Ijisos Ekraist nẹ wẹ Ẹnazaret ẹkẹna, nẹ nẹkanyan wọ oti ọgbala, ṣana Osibina sọma palẹ ṣa.¹¹Ijisos Ekraist aya wọ ọtarẹ nẹnẹ ọnẹ nẹnẹ ubobna yuruna, ayẹ emi sinọ ọtarẹ ọpe. ¹²Ọnafan eme wọ ororkoro uba eme su iwuru ọbẹn nẹ wọ ijosi akọ ipipen ne diya noro aafan na."¹³Akana ọgbọna be gbuloko oṣiṣli ni Ipita aka Ẹjọọn suna be yẹnka orokoro gbọgba bẹwa, bimedin jen nẹ emumu ubuu, Ejin bọ bowo fura wa be ye ka, bẹ ma Ijisos siye utun. ¹⁴Ubaka bẹ gbọ ẹdẹda nẹ bẹ fọyiwu gana aka bẹ bime pile diga kẹna kide.¹⁵Ọgbọna bẹ fọ ọkakara gọọ Osibina egbenurumẹka fura igule na, bima ma abẹn amẹsẹ. ¹⁶Bẹ gẹka "Ẹna te ke siye ẹdẹda ẹnanẹ? kakọ ẹnanẹ Ijerusalẹm fẹnyan gbutun nẹ siye na bika abediye iyuru ba. ¹⁷Ka butun ọnẹ emedi tẹrẹ yọ iken ọben, bẹ pẹrẹ baka, Bime pila ga ga nẹẹ koro kọ ọyẹrẹ Ijisos iwuru." ¹⁸Bii yeba bẹ pẹrẹ baka, bime pile gbado gẹga. Awa otite Ijisos iwuru.¹⁹Ama Ioita akọ Ẹjọọn gu na bọwọ ka "anẹ ẹbẹba niro rẹẹ balẹ, Osibina abowoka te wee ga owowo sanẹ rekoro. ²⁰Te ke din sẹ ganẹ nẹnẹ tẹ gba aka ọnẹ tewọ ọna jọmọn."²¹Okẹrẹkẹtẹ nẹ pere Ipita akọ Ẹjọọn tana bimi teyi wi beka, bima gbi sọmẹ ga nẹnẹ bidi ye je bọ oya na, ubaka ero fẹnyan fọ ugbugbodi anọ Osibina utun ne siye na. ²²Ẹdẹda nẹ bẹ fiwu gan na, wọọ ẹyẹ ni boro.²³Ọgbọna Ipita akọ Ẹjọọn fan ba na bẹ ganẹ bọ ero fẹnyan nẹ ibin abẹ aka isuda gana. ²⁴Ọgbọna be we ẹga ayẹ na, befibe ọyẹrẹ yọọga Osibina kaa. Anọ wọ wipipen, ije akebina aka ẹpan fẹnyan nẹbwa mọ na. ²⁵Ofo tẹda Idavid ẹfunwẹnfunwẹnọnwọnwọn, 'ẹna wọrẹ iluwero abẹ bi me ni ikwa roro ẹpẹn ọdudu na?'²⁶Ọgẹka, 'Ibin ne wọ ẹrọ na kwo abẹn jese, akọ ẹkẹkaro abẹ kwa abẹn jese bi ye goli aka Ekraist ebe.²⁷Ka Ẹhẹrod aka Eporatus, Epalat, Egentil mabe aka Isrel ro abẹ kwa bẹn jese ibiken biye utun ro Ijisos nẹnẹ ofuroro weepan na. ²⁸Bẹ kwa ben jese nẹ wuba utun nusiyeka tiye din wosiye na.²⁹Adaka Iduma bale boọpepere ọgane wunturo ka akegaa wega kineen aka uloko osisile. ³⁰Awa yọrẹ wo uba keneero, aka ojinowofuwa iwutunro ogben Ijisos wuru''. ³¹Ọgbẹna besiye obebele kena, efena bi jese wona eegbun besa fee nẹ ẹfwẹnwẹn ọnwọnwon, bimidiyo ago sibine ga aakuloko ṣiṣile.³²Eroko asanmasan ne naawo na, suu uloko aka efwẹnfwẹn nọyẹrẹ korokeyere ama nowoka epen fẹnyan nayẹgba na na ka ayeebi. Abẹfẹnyan suu epenọ ọyẹrẹ. ³³Ijisos yo egben- nurunmeka fee ni wogbigben ne biya go ojin go oro fuwa ne wijesu yọ sọma futa sa na okukurubile ọkẹka dina họlọ woo beroo.³⁴Erokoro ẹnẹne subowo okijena bi kwe joo be pen fẹnyan bi jesikiba fẹnyan ne be jooma sa ³⁵be kwikiba fẹnyan sa ni Ijisos egbenurun meka, bii ruwika no oyẹrẹ- ọyẹrẹ akọ bayẹn nọrọna siye wa na.³⁶Ijosefbno sibinu tunro ne beye Banabasi newa lefati aka Icyprus. ³⁷Ajoo yije fẹnyan akọ ikiba sa nọ Osibina yọ egben nuru mẹka abẹ

Chapter 5

¹Aàkana esu ẹdẹda nẹnẹ be yee Ananias aka yoo ro Esapphira be joo usee nẹnẹ waa beka na, ²bi tiye ikiba amo su (ka yero din wamo) obuba afo ikiba obuba osen.³Aama Ipeter geka "Ananias ẹnanẹ esun fe wokan ka osisoma wọọ efwẹnfwẹn Kaa utiye ikiba nene ojo ije nẹnẹ ojo na su na? ⁴Ọgbọnẹbwe mi joya na, ama awọ ebiyo, ogbona udina joya na, ama waawiwo gbingben ama hon? Eera aya fo osisiye one woo mi loko a? Umaa sisoma no orokoro ama no Osibina." ⁵Ako esiye wega ọnẹna Ananias fale wije efwenfwen ọnwọnwọn orore fale fọ enane wo ega ye na. ⁶Ekraist abe bi fura abe pareya, be fwe veyo bi jene ne.⁷Ọgbọnẹ esiye ogba eta na, yaro fon sa eme din ẹkẹna fuwu yena. ⁸Ipita gane yaa ka, "Gane mo ka ne jo ijaye no opa akọ," "Aka een, no opa egan yane."⁹Ipeta game ya ka "gane esiye gbe kabinibilow na kabnebmo Osibina ẹfwẹnfwẹn? Ne baleya, iforo ipisi nene rebwo ofore bibwo ujun mowo. Baaka fowo veyo." ¹⁰Iganigan a fale yero yo sen efwenfwen omunurun. Ogbọna Ekraist abẹ fo ubo na be gba ka efọn be fwe vesa bi re keyo yo oforo. ¹¹Ọrore ọkẹka holo sa tuwo ibo ako enane woo we ga aye na.¹²Ojinoro fuwa ọyọye aye fiwu yan erokoro eyin uba ne waa be gben yan erokoro. Abe fẹnyan egule bile Isolomon porch ẹfa. ¹³Aama emi su bo ne ku suloko fi wu gbeli ba. urunba be fo ẹkẹka seba.¹⁴Ọnoba ọnaworo bi kiyoo ebila mo ero asama san iforo aka iyaro. ¹⁵Nẹnẹ desi worẹ foo ẹnanẹ bi iwu emesiye na. Vesa ọyen furo ibolore aka bọ gbolo, erigan na Ipeter eeki sun yu usi edi fale yere ba. ¹⁶Ereben oyoyo dinye ki gule furo iken ne tekiri kowo Ijerusalem be foo ẹnanẹ iwu eme siye na ako efwenfwen ni dudu, abe sese se aye be foo iwu gan.¹⁷Aama emenero osuda fura jowon aka ero fẹnyan ne jowon gbeliya naa be sa be fe ne iwu ọkẹka. ¹⁸Be fuba yero Ijisos yegben. Be seba woo ibe ego yo ewon.¹⁹Kegan esie bwe ka Angelnne wo Osibina ekana jino ujun fẹnyan newa ewan ekana afoba veṣa agane ba ka. ²⁰"Nekeyọ, ni jowon wo etempili nee gega noberoro ega fẹnyn ne we ero." ²¹Ogbone be woo ẹnanẹ na be fọme tero. Ama emene ro isuda abẹ ṣaa ako ẹnanẹ bilibiwu na, bi yo igule ọkẹka bifile ba yo ewan ububka be fo Ijisos ye gben urunmeka vesa.²²Aama ẹnane wo ẹrẹnro abebne yo ewan na bibme too ba, bi pila saa be guutun. ²³"Ti tuwo ewan ububkabbibfile ako enane a seleya na ojijowon opolo aama omema ti junujun na, time tuwo korere iyibe."²⁴Ọgnọna ẹnanẹ we epan ẹnanẹ a siile be etempili na ako emene ro abe isuda wonega aye na orore pima riba ekena nene aka wa yi gbena. ²⁵Sa na oroben miṣa a gameba ka "Ero nene se ju wubu na bi jomo wo etempili be tero."²⁶Ọgbọna ẹfẹna nẹnẹ wa bosuda aka yutun ro abe jena ko ba sa na eme suu ega. Ubaka be somo ọrọrẹ ka baka gban bọ ọtare. ²⁷Ọgbọna be ka koba sa na koba jowon igule okeka erun emenero ọkẹka sin bega. ²⁸Kaa "Te ga nero no aka ase kaa ne gbadọ tee ero iwuru ọnẹ, kegan ni fe ijerusalem ako no otite aka niroro ibeka kaa nee ẹdẹda one eyon wole epan."²⁹Aama Ipeter aka yero ibuba gunowo ka "Osibina aiye be ke kuru no ama wa ororoko." ³⁰Osibina nene wa teda waa teda abe kana aye ṣona Ijisos pale sa ẹfẹna ne wan akọ ni siye fweka oti na. ³¹Osibina ṣa fwe po wo yuba ojinjen ka esin obino gben aka onafan, afo ibẹ oriropila no Isrel aka ẹpan ogbugbun fura iluwa. ³²ekenekena wa tayen aka ẹfunwẹfunwẹn ọnwọnwọn efena Osibina ano akabenane waa yeka na.³³Ogbona enane eroega na wo ega na bi be faa bi ye nika waanọ Ijisos yegben urunmeka abe. ³⁴Aama Epharisebro obe ne be ye. Egamaliel na, otite ne wo ububuru na ya, ero fẹnyan fu ugbugbodi neyan efura jowon igule aga neba kabbe fọọ Ijisos yẹngben urnmeka abe ve yo yen ka.³⁵Emi ṣa ga ne ba ka, "Ano Isrel ro abe, ni paton we ekena ne ni ka ne fe enane siya. ³⁶Ṣana isubu ẹnanẹ di ye re Etheudia fura eroro kayi wo orokoro aka Ipita ore ena fiwu be liya. Be wa yan, abe fẹnyan nẹ nẹ wọna be telekese aka ufolo. ³⁷Ọgbọne ẹdẹda anyi sunu na. Ijudas ne wo Egalili eka na fura jowon ogbone bi yan gamero na, kaye kwero jese. Ekayi fuu aka ero ṣeṣeṣe na.³⁸Akana ẹga nẹnọ, nẹ ta ve fura nayẹka wo na be pan wara. Akana ẹga nenọ, ne ta ve fura fura ero ẹnanẹ ne bi wuu. Adaka osisiye ọnẹ orokoro ẹka ya ba ka gbe siye. ³⁹Ama adaka Osibina ẹka ya ne ke di sẹba jowon; inna ka gbe ka Osibina aye ne me yero⁴⁰Bi yio Ijisos yegben urunmẹka abe fomubo be be ba bi wọn ba ka bi me pila foo Ijisos iwuru siye epen ke ẹpan. Bi teyivba ka beke yọ.⁴¹ Bi fura ẹnanẹ eroro ka ẹfa ako ebenben ka be gan babe bile ẹnanẹ gbo usi iwuru aiye na. ⁴²Iyu urunba, isubu isubu etempili ibe aka ubo fẹnyan be damina bi yee te ero bi di ya ga Ijisos Ekraist ega one damina ene.

Chapter 6

¹Akana isubu ẹnane ogbena nẹnẹ Osibina ye gben urunmeka bi na yo ebilamo na, Ijew ẹnanẹ wọ Igrecian eka bimi foo Ihebru ẹkare ata, ẹnanẹ gba yo ikukurubile na, bi mepila si yo oguba nẹ ba ke esesuna.²Abẹ ẹfọkẹbọrẹ abẹ be yo erokoro ẹnanẹ woo Osibina egbenuru mẹka abe ga ne ba ka. "Eme wo ọsẹrẹ ka titeyi Osibina ẹga ubaka tiidin si eto etabili ẹka ³Ọnuba ti tiye, ito ọda, bi iwu eero ufọnbọrẹ ibi iwu ero me ne su ofiwuna, ẹfunwẹnfunwẹn ọwọnwọn aka edayin ne ti diye tiye ka amatọ fẹnyan too epen na. ⁴Adaka atoo rọ, taka ta adura eba keyo ako Osibina ẹga oga."⁵Bẹ ga rọmọ akpe sesese ne mana. Ọnẹ uba bi tiyo Istifin, ẹdẹda ne fee no ọnawọ akọ ẹfunwẹnfunwẹn ọnwọnwọn na, akọ Philip, Prochorusi, Nicarnor, Timon, Parmenas akọ Nicolas ẹfẹna wọ Antioch na. ⁶Ọnawọrọ foo ẹdẹda ẹnanẹ sa Ijisos yọ egbenuru mẹka ẹrẹn, be gbadura, be fuba yere be pan⁷Egan Osibina gaa siye sa a tere, be gben urunmeka Ijerusalem a tere oyoyo aka emenero oyoyo ba ṣabminebesiye ọsẹrẹ aka boo onenawo⁸Ọgbọna Stephen fe no Osibina ese ako i wogbigben otun ojinorofuwa ako apere eva sa erorokoro etin. ⁹Ama asa egbe ka erebe fura re je gbeli synagogue ro abe na ne be synagogue one woo ẹnanẹ bi yin pila na ne wo Cyrenans ako Alexandris aka ẹbẹn furo cicila akọ Asia. Ene na ne moo Stephen esoo osakata.¹⁰Ama be me suu ẹdayin gwe ako ẹfunwẹnfunwẹn ọnwọnwọn ne stephen age ga na.¹¹ Bi ne epen no ereben ka be ṣiṣoma ka "be wo akọnẹ Istephen siye gega na ma ron towo Imoses aka Osibina na"¹²Be wore ero kani iwu, isuda abe ako Iscribe ro bi ni Stepheni sa be seya be fwe yo igule eren.¹³ Be kwo ero ne sisoma ejowon kaiyi maa kega odi towo efana woo na aka uburu. ¹⁴Ubaka tewo ya ka Ijisos ne wo Enazaret ka eke bwe ẹkọnẹ aka ebila asa wi Imosis eka ne biya don tuba na.'' ¹⁵Ero sesese ne mano igule ọnẹbẹ na sa kwagen seya be gbo ya yen ka abalẹ ako aye ne wọ Angẹl na.

Chapter 7

¹Aṣigiri be ẹpan ge ka ikuwa wọ ẹpẹn nẹna nẹ họn? ²Istifin ka "Iforo isuda aka ẹdẹda abẹ nipatọn: Osibina iyọ ugbugbodi fayẹn yen tededa Abraham ọgbọna ewo Emasopotamia, sana ediya ma mo eharoni; ³a ga ne ka 'tebi wije aka merabe okeyo ije ne ma ka yen o.'⁴Emib sa fura ije ne wo Echaldea neka na emi ma no Eherani ọgbọnẹ weda fọ na Osibina fọ fọn wije one e mi na na. ⁵Ama fọ kọnse e re nẹya aka ọnẹ wa yẹka na, koro e re na ka fọn se yẹrẹ na, ama a fọ uba tuloko gane yan, esidaka Abraham emi sọgbẹn ayaka fijeye nẹyan aka yegbenabẹ.⁶Akọnẹ ne Osibina siye mẹgẹga koma ka yẹgbẹn abe ma nọ ije ne be me din, ero ẹnabẹ aka sẹba ṣinọ owon beke diya fọọya jeba ọyọyọ nọ eyeni ipipi ọrẹ ẹna. ⁷'Ama aya ka ṣẹnẹ karẹ nẹ rabẹ ka be ke dina ṣa yeyo pun Osibina ije ayẹn. ⁸Ṣa na Osibina fọọ opa nẹwọ Ẹfẹsẹ nọ Abraham , Abraham ṣinọ Isaac wẹda afọsẹ ọgbọna egule isubu ọnọkọnọ na ro; Isaac Ijacob weda, wa egbena ekeka ẹfọkẹborẹ.⁹"Ubaka ẹkẹka ẹfọkẹbọrẹ emeni Ijosef ẹga abẹ joyo mo Igibiti; ama Osibina jowon gbeliya ¹⁰emi fwẹ furọ oya fẹnyan. Afwẹ sio aka odidin ni Ijosef. Ẹfarawo ne wo obin ne wọ Igibiti etiye akọ Igomina ẹfẹna fayẹna tọ fẹnyan na yọ yubo na.¹¹Akana ijen ta ọ Igibiti fẹnyan akọ Icanan aka oya ọkẹka ẹdẹda abẹ ama gba ijen. ¹²Ọgbọna Ijacob wọ ka ijen wo Igibiti na efile tẹ da bẹ nẹ jen nọ ṣoro na. ¹³Ibe ejen ọboro Ijosef fọ yiwu yeuba akọ ọda na Ẹgan Ijosefbikuba siye we na nẹ Efarawo din.¹⁴Ijosef file yisuda abẹ nọ Ijacob weda ka akọ yero fẹ ka akọọ yerọ fẹnyan bewa. Ita kakorofo ke etupi. ¹⁵Ijecob mi koọ yọ Egypt emi fọ aka ẹnanẹ wa bẹ dẹda na. ¹⁶Be fo ba yo Eschechem bi mi re ba wọ ọsọ nẹ Abraham fọọ ikiba yin fura Ehamori egben uba Eshechemu.¹⁷"Ọgbọna ọwọ orunrun ọgba turu ṣa na, owo- orunrun nọ Osibina siye nọ Abraham yerabi gwe bi diya tẹrẹ Egypt ije. ¹⁸Sana obina ben sa eje Egypt nene eme dino Ijosefu. ¹⁹Awore terabe akọ odudu osisiye nọ ye ẹda abẹ erigan bi di gbaka be gbe ni wowoo edi foo.²⁰Ọgbọna bẹ ayẹ bẹ ba Imoses esu ururo Osibina eren, be seleya iwe eda ubo esen eta. ²¹Ọgbọna be fwe wọnyen Ẹfarawo ogben, oyegben nẹ sẹlẹya ak yọọ gben a.²²Imosis su odidin ne wa Egypt eka na, edina su noo ọkẹka ega aka utun. ²³"Ama ọgbọna eyenibore ni ke gule neya na a sayẹ ka ayiya balẹ aka Isrel ro. ²⁴Aka esiye gba Isrel ka be fọ ya eje na, a na yero ya fura Egypt ro uba: ²⁵Eroroka ekeyo yero abe ka Osibina e lo eyen nẹ bọ anafan ama eme yeba²⁶Yii subu ọboro agba iforo ẹbireȯ nẹ yẹrọ na eni ka ayẹ gbaka be me oka yẹro, aga nẹba ka, 'Iforo, oda newa, ena ne ne ne yero na?' ²⁷"Ama ọne nẹga na teyi ba, ediya ka, fura a teyiwu akọ obin ka ọṣẹnakarẹ ne mọ? ²⁸Umenika owonma, aku siye wa no Egypt ro ẹran na?'²⁹Imoses mune akọ esiye wọ ẹga; ne emi sino ọga ije nẹ be ye Midiani, ẹfẹnẹba ewe sino ẹdẹda nȯ egbeni iforo ẹbọrẹ. ³⁰"Ọgbọna eyen ibọrẹ sun na Angẹl fọ yiwa yẹnya ọda nibe newo ọrẹ ne beye siyani, era sinayi, era nẹ eme.³¹Ọgbọna Imoses gbe ẹra ọnẹ na ejiyowo fuwa, ọgbọna elinubkaye bale ya na, awọ aka ³²Osibina siye ga ka. Ama nede be Osibina, Osibina nọ Abraham akọ Isaac akọ Ijacob ọrọrẹ sọmọ Imoses eme di koanbme ẹpan.³³'Osibina ga ne ya ka fawe bata furo iwesen, ẹfẹna ujowon wo na woobije ọnwọnwọn.³⁴ Ega me gba werabe oya ne wọọ Egypt ewo bẹyankata idine holo sa ka ẹnabe fan, akana sa me ke filewu yio Egypt.'³⁵Imoses ọnẹ nẹ bi yuru na ne bika ere tiye wu akọ ọsẹnẹkarẹ nẹ tọ?' aye Osibina file ako obin aka onafan. Osibina fọ Angel uba file na akesiye fiwu yenọ Imoses odamina abẹ. ³⁶Imoses foba vesa furoo Egypt ọgbọne esiye utn ojinoro fuwa ọyọyọ Egypt aka ebi ọyanyan ne be ye ebi ọyanyan akọ odan mibebnọ gbanẹ. ³⁷"Imoses ọnẹbe aya gane isrel egben ka 'Osibina ka fo ọgẹsẹ fura ibegben ọgẹsẹ aka ame na.'³⁸Edaro ne ayamo Angel gega odamibe ne wo ore osi ne wa sinai, aka teda abe nega ero ega ne biya neto na. ³⁹"Ama teda be yuru, bii leyebabfuru iibiwu, akọ ibokan pi pika yọ Egypt. ⁴⁰Ọgba onebe, be gana Aaron, 'siye ujun ne ka ki te tor. Ne Imoses nẹ fọ to veasa Egypt na, time dino ekenansiye na.⁴¹Be ma ona ako ujun, ogbone be fo iyanpun neyan na biya ben no orokoro uba utun. ⁴²Ama Osibina bila afoba ba be foo uyiyeyi ke no esekpene ne wososi akọ ogese siye ge ibe emumuna 'ekpepa eyon a yen ni ya nemo ak iyanpun no eyen ibore odamibe Isrel uba?⁴³Nema utun ne iwo Emolech aka esekpene ne wa Eraph ujun, aka ujun ne tuba ma ka niki yeyiya na amaka fọnọ yọ sunmo Ebabi loni.'⁴⁴Tededa abe su utun wa yen oda mibe ogbona aga no Imosis kebesiye aka a yi si a yehan na. ⁴⁵Ogbane esiye na, tedea abe ejona igbivna be na utun, bi mi fwe sa ije na be na. Osibina ije aye fura iken. Uturu aye eki wamo jene re Idavid ogba. ⁴⁶Ne gba Osibina eyi ososn emi sin adaka edi agba ufo omema no Ijacob.⁴⁷Ama Isolomon aye awoo Osibina ubo.⁴⁸ Akana efena wa ededa okeka ama mubibme be fuba me na aka ogese siye gana. ⁴⁹Osibina esen aya wa madan ero ne aya wa efena efosen yere na. ⁵⁰Imuba eme siye epan fẹnyan enane hon?⁵¹''Ano epan osisile ro, enena bi ma fwese ẹfwẹnfwẹn akabatọn na, di ni ku yun ẹfwẹnfwẹn ne siye ako neda siye suna. ⁵²Ogese abe ona nededa abe. Be won no ogese ro ne tayi sa na osere one be di aso, ni mi sina ena foo yen aka enane won na. ⁵³Ano nene no otetan nene angel abe bia sere na ama ne me siye utun.''⁵⁴Ogbone ere rorobwobenane na bibe fuwa, be tan muba owo no Istifin. ⁵⁵Ama aye ne fe no ẹfwẹnfwẹn ọnwọnwọn apan mayen bale ososi agba Osibina ugbugbodi, agba Ijesu ka ejoonon Osibina uba ojijen. ⁵⁶Istifin ka, ''bale egba ososi ke jin sibina igbe kejomi Osibina uba ojijen.''⁵⁷Akesiye ga one na, ere re ri bo tan, be e gega, be fokan ore mu me tuwe. ⁵⁸Bi guya wiken vesa bi abe otarẹ, enane awa bayen na fabbalegbe guna wo Esaul osen.Ako bi siye gba mo Istifin otare na eye Osibina ka, Ijisos na ẹfwẹnfwẹn.'' Egume kuten, eyoga ka 'Osibina uma ga mo iluwe one wo bofe.''Ogbona aga ko na efo.

Chapter 8

¹Esaul din iyu ufo. Ogbine be be ko ekon mesa towo onaworo ne wo Ijerusalem, onaworo fẹnyan mi telekese wara wo Ijudea akọ Esamaria ije efuna ka Osibina utun ro. ²Onawo uloko iforo abw fo Istifin re biye yeya. ³Ama Esaul nore ja ayi di fun onaworo abe. A fomo ubu ubobe wunabiforo aka iyaro fomo ewon.⁴Kegan onawo ro abe ne telekese wara na bi a ke gaa Osibina ega ene. ⁵Ifilip yo iken newo Esamaria na, a foo Ijisos oripopo aye ba.⁶Erokoro ape fokan wo ifilip ega aka okan moo re bi din a gba ojinoro fuwa nẹ siye na. ⁷Ẹfwẹnfwẹn idudu vesa ero oyoyo iwu, ne yega, enane fuba aka osan na gba otira wije aka iwu oge gan. ⁸Asa gbe ka ebenben oyoyo fiken na yen.⁹Amọ esu ededa obe ne ye Isimoni efena gbekaka ada ma eporo ke gega nene egbeka ede jina Esamaria owo fuwa edi na yen ka a ye wo oro ne wigirima na. ¹⁰Esamaria ro fenyan ko ogben ko souda paaton neyan, be ge ka Ededa one awo uwo gbigben ro ne wo Osibina eka ne be ye okekeka. ¹¹Bi paaton ne yan torika esiye ekena jin bobwi fuwa na ako esiye ama eparo abe a gen ga na.¹²Ogbona ne be ba Ifilip wo ako esiye ga Osibina ega neba Ijisos Ekraist uwuru na, abe feyan mi no emumu oriri abe. ¹³Isimon ebeba ka aye na wo sa na ano esami akese gba ojiniro fuwa na.¹⁴Ogbina Osibina utun ro Ijerusalem wi ka Esamaria na Osibina ega, bi file Ipita ako Ẹjọọn nẹba. ¹⁵Ognona bi re na be gba adura ne ba, bi du na ẹfwẹnfwẹn ọnwọnwọn. ¹⁶Edi e re ogbona be ko ro oyere emi no ẹfwẹnfwẹn ọnwọnwọn esami Ijisos iyur ayare be na. ¹⁷Ipita ake Ẹjọọn fuba yere be pan be nọ ẹfwẹnfwẹn ọnwọnwọn.¹⁸Ako Isimon siye gba ka be nọ ẹfwẹnfwẹn ọnwọnwọn na, afo ikiba neba. ¹⁹Aga ne ba ka '' be fo iwogbigben onebe ke yen ka efena ka ya ka fuba yere na edi na ẹfwẹnfwẹn ọnwọnwọn''.²⁰Ama Ipita ga ne ya ka ''Erigan ahan aka wikiba efu ne fuwa, tonka uroro ja udiya fikiba ano osibina iwogbigben. ²¹We me su oruro ega one torika woo kan eme wo Osibina osere. ²²Onuba roribe pila fura odudu, ka Osibina a fepan gbuun no one woo wo kan na. ²³Tori ka egba ka wibe fe ni iwu okekan ako ilue ne pare o na.''²⁴Isimon gunowo ka '' ni sin Osibina ne mo erigan o no ga na eme siye egan da nemo.''²⁵Ọgbọna bẹ jẹri na bi da ga Idu eg̣a, Ipita aka Ẹjọọn pila yọ Ijerusalem, a kpo Osibina ẹka anọ ẹna nẹ wo Ẹsamaria na.²⁶Akọne Angel ne wo Osibina eka na wo Ifilip gega ka "fura okeyo efena eyi we wuu oripopo nene yo Ijerusalem re Egaza.'' (Oripopo one wo asen se nije) ²⁷Efura a yio. Agbo ededa ne wo ethiopia ro nabefena wo ofwego na wo igirima robne wo Ethiopia na oforo one afoyen na to aran ne wo iyaro aye na ofor one sa pun mo Osibina Ijerusalem. ²⁸Aka esiye pila na ama no iye ekeke, a gan mo ogese Isaia emumu eka na.²⁹ẹfwẹnfwẹn ga no Ifilip "Su yenebutun to ekeke onebe.'' ³⁰Aye Ifilip mune je ne to e awọ ake siye agan mo geese Isaiah emumu, aga ka ''Ekena wa gan na ye wu hon?" ³¹Epila ka ''Gana eke siye yemua, ama daka egba oro na ka fore yen mon na?" eyo Ifilip to yekeke emi ma ke ya.³²Akana efena Ethiopia ro one agana umumuno oboro aya one laka udodo yo efena be ko we wan na, ako on ne dusu no enane ekeru e na asa eme jin owo. ³³Iyo epa ne biya ko ya na, bw me siye wana? Bi tiye yero fura ije."³⁴Aye afo fegon sino ifilipi ka ''ete wekwin gane mo efena ogesebaga yu aga tabi orobe yan?" ³⁵Ifilip sa tome agega, atome emumu be me wa emumu noboro, a ga Ijisos ega neyan.³⁶Ako bi siye aa yoo oripopo bmna bi too ebi aye, ofo eho mi ga ne ya ka ''bake ebi wekone, ena ka se ka bi me di rimomu ne ma?" ³⁷Ifilipi ka ''Adaka ofo wokan fẹnyan nawo udi yabne Esanm. ³⁸Aye Ethiopia ro onebe ka enawo ka Ijisos Ekraist aya wa Osibina ogben. Aye Ethiopia ro onebe se fura ekekeke. Be fon mebi ibe, Ifilip aka ofo ega, Ifilip mi siye imomo oriri neyan.³⁹Ogbona bi wesa fura ebi ibe na ẹfwẹnfwẹn ne wo Osibina eka foo Ifilip yen, ofo ego emepila gbe ayo yore aka ebenben. ⁴⁰Ama Ifilip fiwu yen no Azatusi edina ne no ije ake siye aga ega ne woo umumu oboro nẹnẹ ike nọbẹ je ne re Caesarea.

Chapter 9

¹Ama Esaul, aka gega ne worore ufo ekana too Ijisos yegben urumeka emi jene too Asigiri abe epan, ²kaa aye ni ikokori yoo isinagogu e Damascus, ka boya aye aka gbo ofor abi iyaro ubaka iye di ko ba sa Ijerusalem.³Ake e siye yo na, ne enike re Damascusnaa iganigan oso ba riya kaboo osisi; ⁴Eemi fale fomi je, awoo ohon ne ge ka, "Esaul, Esaul, enane ofoya eejemu?"⁵Esaul mi gun no wo ka, eroowa Osibina, Osibina mi gee ka; ⁶ama woo Ijisos noo ofoyaa eejena, ama kpan fura ofomi ikanaiye yoo ba ka ga ne wo eekena we ke siye na." ⁷Enane bi bile aa yoo na, be weega gama bi ma bba koro oyere.⁸Esaul kpanfura ije, ogbona ejin ayen, ama amagbaa kenekide. Bi mi seyuba fomi Damascus. ⁹Isubu eta, amogbije, eme diye ama waa.¹⁰Ogbenurunmeka e Damascus ne gbee Anamasi Osibina fe epen yenya emi gee ka, Osibina ama ne. ¹¹"Idu ga ne ye ka, Kpanfura oyoo osin ne beyoo Troasi negboo Esaul ubaka eye si yoo adura. ¹²Aagbe amene ne wa Ananiasi fo ma saa a fuuba aiyere yeepan ubaka edi pila gbayen."¹³Ama Ananiasi gun ne o kaa moosi ewoo fura ero owo oforo one gaa, odudu oyoyo nene e siye towo wero onwonwon Ijerusalem na. ¹⁴Esu ase Asigiri abeuba kaye karee ba, ako ba we wan enane eyoo Osibina iwuru na. ¹⁵Maka yenya oya na yeke je uba mi wuru ¹⁶na?¹⁷Ananiase mi yu ubo aye jenaa gbadura neya. Esaul Ijisos nene fiwu yenwon orikpokpo ogbona wa saa na aye file muka a wu di ke gbayen udin efunwenfunwen onwonwon. ¹⁸Ake elakate, epen fale fura yayan aka ukurukpe na, agbayen bi diay, bi mi rimomo neyan. ¹⁹Ejigen emi si iwogbigben. Afiwi gbil egbenurnmeka abe e Damascus no Isubu oyoyo.²⁰Akanone be funyeyi noo Ijisos isynagogu, kaa aya woo Osibina ogben. ²¹Enane wo yaa no ejinbowo fuwa be geeka, "ama we fena be erokoro fuu wa Ijerusalem nee yoo iwuru one na? Aa saa ekone saa koo baa oje pare jonao asigiri e e pan abe." ²²Esaul mi suu iwogbigben bilamo ne gbeka akwo uni tuwo Ijew rabe na naa amano Damascus ubaka be geka Ijisos aya wo Ekraist.²³Aki isubu oyoyo se ye sun na, Ijew ro abe biye siyo ore ka be wayan. ²⁴Ama bi ororo fenyan jin woo Esul uba. Be selo opolo ujun Okeka kujo keeruu ubaka bi di waayan. ²⁵Ama ye gbenurumeka be fure wuugi esiboke wo oplale hole.²⁶Ogbone ere Ijerusalem, Esaul siyore kaa ayi fiwu gbeli egben nuru meka abe aama orore asun ba, uba kaa bi na naa wo ka kibe kibe kaa awo egbenurunmeka. ²⁷Ama bauabase afwe soo Apostu abe eren, agame ba akone Esaul siye gure Osibina ogbone ayo orikpokpo aka akone Osibina siye gega neyan na.²⁸Ama bile ba, aafon eve osin ne wo Ijerusalm na, Agega aka oken mo si sile Ijisos Ekraist iwuru. ²⁹Ame se ako Igreean Ijew ro abe be ye ki nore ne ba ka wayan na. ³⁰Ogbona yoo oda bi din one na, be fwe saa Casesera efenebe bi we mi file yoo Tarsis ne.³¹Bila mo, Ijoo osin fenyan newo Ijudea, Galilee ako Samaria saa su iwobebere, be me poo, biye siyutun ako Osibina orore ako ekena na efunwenfunwen nowonwon ijoo aye egwe erokoro. ³²Sere Ogbone, akone Itipit siye neno osisin none be na asa too Osibina onwonwon ero nao mano iken ne wo Iydda na.³³Efenebe aye a a gbo ededa obe ne be ye Aeneasi, ewi yo olore ako eyen onokonokono na uba ka e fu uba ako osen. ³⁴Ipita gana ya ka "Aeneas, Ijisos Ekraist fo wi yu gaan fura, okole wobele " Iganigan efura jowon. ³⁵Ero fenyan ne mano Ilydda eka Esharon na be gbe ededa aye bi bila ni Idu yoo.³⁶Ogbona, esu e joppa ogben nurunmeka ne be yee Tabitha (yi gben awo Idorcas) iyo ne feno utun oboro osisye ako eyi utun ne ede kisiye keno enane ewesuuna. ³⁷Igaan ne nabe nee yiwu eme siye ediy foo na, ogbona be foreyebe na bi guru yee pooro wo oyirosi.³⁸Lydda keyoo joppa yoo egben urunmeka woka Ipita we fenebe, bi file ofore ebore jene tuwe, be pereya ka "a se to ba be eme fomore."³⁹ Ipita fura ayere ba yoo, ogbona bi rena be fwe pe oyirosi, ero fura wo uferese aki iwoo, Be fotienais ako ewure ne idorcas siye ogbone biye wi yo ofa na.⁴⁰Ipita fenance fenyan furo ubiribe egume ekun ten a siye adura, ebila two eporo aa ge ka, "Tabitha fura." Asaa eyin yayen akone e siye gbo Ipita na efura ma. ⁴¹Ipita yori yuba neya a seya fura, ogbona eyee Osibina ero onwonwon ako ikuwururo abe,⁴² asaaa a fwe yenba ke wero. ⁴³Ipita saa mano Ejoppa no isubu oyoyo, ako ededa obe ne be ye isimoni, a tanner.

Chapter 10

¹Aàkanọnẹ esu ẹdẹda obẹ iken ne wo Coeserea, Econieluis ayẹ egbe, eboro ne fa dan Haliani egbale. ²Eẹsu ọnẹ nawow, oro ne Ṣomo Osibina ọrọre aka yu uboro, ada yoruba kẹ no ẹnanẹ ẹmisuna ọgba fenyan.³Ọgba uboyẹrẹ iwu, a gboo áyẹn ron Angel Osibina ke niyayen naa ṣaa . Angel gana ya ka, "Cornelius!" ⁴Cornelius jina ṣoo Angel ayẹ akọ ọrọrẹ a ge ka, "Ena waa?" Angel ganẹ ya ka "Woo adura ako ẹsẹ osisiyẹ apoyoo ako iyanpun Osibina ẹrẹn. ⁵Akona nọnẹ filo ero yoo joppa bẹ fọọ ọfọrọ nẹ bẹẹyẹ Isimon. ⁶Amanakẹ yọọ Isimon, ne yu ubo woo ẹbi otọn."⁷Ọgbona Angel ne mẹ gẹ ga na teyi ya na. Cornelius aṣas eyoo yulubo yutun ro ẹbore bi ṣuu ọkan ọyẹrẹ Isoldiero bẹ waa. ⁸Cornelius gane ba ẹpẹn ṣeṣẹse nẹ bayen gba na asas ẹ filẹ ba yọọ Joppa.⁹Yisubu oboro ako ogba ọpọnọre na ako bi siye wọọ ibẹ ẹjẹna nẹ bi nike nẹ iken naiye na, Ipita po yoo oyirosi jena gbaadura. ¹⁰Awon saa seya ẹẹmi ẹkẹna ama akọ iyarọ abe siyẹ siyi ijen na aṣaa gbo emene, ¹¹Aasa gbo ososi ke ejin a gbaaka ẹholo asas, ẹpẹna ko ọṣọọ okẹka nee holo asaa ije na aka yo eṣen enẹna. ¹²Iyi ibe aye emẹ nẹ ṣuu oṣẹn ne na na ako onẹ foo epuru ẹjẹjẹna ako ẹnẹnẹ nẹ piro ososi na.¹³Oóne be aiye a wega "Fura Ipita, wayan otayan." ¹⁴Aama Ipita ge ka, ama wẹgan Idu, ubaka me mi jọọ ẹpẹn na ma wọn naa." ¹⁵Aama ohun onẹ bẹ di yẹ ki niya ṣaa iṣọbọrọ: ¹⁶"Ọnẹ siyẹ ako isẹta na, ṣaa na be foọ pile poyo oṣoṣọsi."¹⁷Ogbona Ipita ṣa fomi ijuguna ẹmẹ ijẹẹ ẹkẹna ẹmẹnẹ aiyi jowon na, ẹdẹda nẹ Cornelius filo utun na jowon wo opolo okẹka ogbẹn na bi ṣin bore oyọọ ubo aiye na. ¹⁸Bi yọọ Isimoni nẹ bẹ yẹẹ Ipita naa aamano ẹfẹnẹbẹ.¹⁹Ako Ipita siye, ki roro ẹmẹnẹ aiyẹ ga na, Ẹfunwẹnfunwẹn ga neya ka, "Iganigan, iforo eta bi yẹ nẹ wuu. ²⁰Fura wholo yoo ọyẹrẹ bayo. Ume yuṙu ka uma yẹrẹbayo ubaka amẹ file ba."²¹ Ipita holo saa to oba a gẹ ka ama wa ẹfẹna ne ni na. Ena nẹnẹ saa naa?"²²Bẹ gẹ ka, Isoldiero ne gbo Cornelius, Onaworo ako ẹfẹna ṣuu Osibina orore na, ako efena baa ga yẹ ga ọbọrọ oṣin ne wo ijew ro abẹ naa. bẹ foo Osibina ẹga no nẹ wo Angel onwọnwọn, Aiye bẹ file nẹwo Angeli onwonwon, aiye bẹ file nẹwo ko saa uba ka udi piyaton nẹ ẹga nẹ bi ṣun nẹwo na." ²³Ipita file yeba ka bẹ fo mu bọ bẹ maa ke ya yẹ. yu siye gan ẹfura ayẹrẹba ako yoo oda abẹ fura Joppa be yẹrẹba.²⁴Yu siyẹ gan bẹ soo Caesarea Cornelius aakarẹ ba; eye yu uboro abọ yoo re abẹ.²⁵Ipita ṣa fome ẹfẹnẹbẹ, Cornelius saa etwe a falẹ wẹ yẹrẹn ẹẹ punyaa uba fura. ²⁶Ipita sẹya uba fura aa ge ka "fura jowon! Oro kamẹ wa."²⁷Aakone Ipita siye mẹ ya gẹga na a foyoo etwo ẹro oyoyo nẹ jẹsẹ wẹfẹnẹbẹ Aaganẹ ba ka. ²⁸Aàgane ba ka, Aane be ba din ka ẹmẹ wu ububuru ka Ijewis rọ je gbẹli ọga aa ma Osibina a yẹmo ka imẹ yẹ kọrọrẹ ẹfẹna ama won naa. Yu aba aworẹ ẹṣaa ima mano so oṣa kata ọgbonẹ bi file yemu na. ²⁹Aaye ubore iyẹ ṣin nu ẹna worẹ ne ni file yẹmu na."³⁰Cornelius gẹka, "Isubu ẹna wurun ọgbọ ne, ma gba adura ogba ubure rọ imu ubo; Eẹ saa wi me ren ako a lẹgbe na baa akọ ọṣẹn na.³¹ Aa gẹ ka, 'Cornelius, woo adura naa, wẹ ẹsẹ osisiye anyẹno Osibina. ³²Ọnẹ uba filọ rọ yoo Joppa uyio ọrọ nẹ gboo Isimoni na nẹ bẹ yẹ Ipita na. Aamano Isimon ubo oke yoo ebi oton, ọmena a ṣaa na a ka gega newo.' ³³Eẹganigan ifilẹ nẹwo. Usiyẹ forẹba ko oṣaa. Aakana ẹ ato ṣeṣeṣe ṣiye gule woo Osibina eren onẹ ka te wo epen fenyan nẹ Idu ga newa ka ganaa"³⁴Ipita jinowo a gẹ ka, "Ikuwa ẹnawo ka Oaibina ẹsiye uba ẹnẹn ako urun. ³⁵Kokonẹbẹ, iken ki iken ne suu yio ororẹ na ako oboro osisiye na aayẹ ẹdiyẹ jowon gbẹli.³⁶Ni di no ẹga nẹ iye filẹ no ẹro ni wọọ Isreal na, ogbone a foo umumu ọboro nẹ woo iwo ọbẹbẹrẹ Ijisọs Ekraist nẹ woo Idu ne ro fenyan naa- ³⁷aànẹ bẹ ba dini ẹkẹna kwe ṣiyẹ Ijudea fenyan, atome e Galilee, orimomo ne Ejoon gayẹga na; ³⁸Osisiye nẹ wo Ijisọs nẹ wo Nazarethi, akone Osibina siye foo ororo tiye wobo ako ẹfunwẹnfunwẹn ọnwọnwọn iwogbiglọn Aayo esiyo oboro afọ iwu aagaan ne be sije ako ẹsu uba ka Osibina jọwon gbeli ba.³⁹Epẹnẹnẹ ako wa tayẹn Ijisọs siye ije nẹ woo ijewu ro abe ka ako Ijerusalem. Be wayan, akọ nẹ bi siye fwẹ ka oti na, ⁴⁰Aàma Osibina fwe fura po isubu otẹtaro bi tayi kaa bẹ gbẹẹ, ⁴¹aama wẹro ṣeṣeṣe ama ẹnane wayo yu utun ro ne Osibina tiye naa - gbeli atoo nẹ jẹ wa aka yẹ na ogbọna asoma palẹsa sa furo ẹporo.⁴²Eẹ buru nẹto ka te gane ẹro te nowo ka ona a wọ ọnẹ Osibina tiye ka do osẹnẹkare no ẹnane wẹro ako eporo. ⁴³Nẹ ya aiye ogẹsẹ ro fenyan nowọ ka ọrọ fenyan nene wo na aka no ẹpan ogbugbum furo iluwe iyo iwuru."⁴⁴Aakonẹ Ipita siye ki gẹ ẹnanẹ na, Ẹfunwẹnfunwẹn holo sa yẹrẹ abẹ fẹnyan ẹpan nẹ piyaton nẹ yẹ gaa na. ⁴⁵Ẹnanẹ jowon gbeli ka bẹ fwẹ oro - jena su ẹnanẹ yẹrẹ Ipita - wa kena jinbowo fuwa na, ubaka Osibina ese nẹ wo ẹfunwẹnfunwẹn ọnwọnwọn na bi gume wẹ sa no kẹ Egentiles ro abẹ.⁴⁶Ka ba gọọ iken nọbe ẹyiyi Osibina. Ipita guuno wo ka. ⁴⁷"Esuka oro si ya fẹ bi abeben uba ka bi me rimomo, ẹrọ ẹnanẹ nẹ no efunwẹnfunwẹn ọnwọnwọn ako ka ti siyẹ nẹna?" ⁴⁸Eẹburu ne ba ka bẹ rimomo Ijisọs Ekraist iwuru, Bẹ ganeya ka ama ba be ma no isubu oyoyo.

Chapter 11

¹Ọgbọnẹ Ijisọs yẹ ẹgbẹn urumẹka aka be da bẹ nẹ wọọ Ijude a na wọọ ka Gentiles rọ abẹ nọọ Osibina ega. ²Ọgbona Ipita sọọ Ijerusalem ẹnanẹ wọọ egbale ọfọfẹsẹ bẹ yẹ nẹ yọwọ; ³Bẹ ka "U jee egbili enane ba ma fwase iforo nidiyaa ma be jijen!"⁴Ipita tome esiye alaiye egaye aneba ofife ka, ⁵"Adura maa gbaa iken nẹ wọ Joppa na ee sa ẹgbẹ ẹsẹẹ nọ na bale akọ epanu ọkẹka nẹ wọ Osibina ẹsẹn holo sa iyọ ogun enena. ⁶E holo saa te mu. E baye ya iroro wamo. Ẹgbọọ ọọne ne suu Ipisi ena ẹrọọ éka na. Ọnẹ muu ukeka, ẹnẹmẹ ẹnanẹ fẹẹ epuru ewunana ako ọnẹnẹ nẹ piri ọsọsọsi na.⁷Ẹesa wọọ oga nẹ gane mo ka fura jọọwọn, Ipita, wayan otayan!' ⁸Ẹgẹẹ kaa, Ẹmẹ siye gan waa awọ mosi ubaka ẹẹmẹ sekena ẹmẹ wọọ owọnwọn tabi ẹkẹna ama wọn ne fomọọ ọwọna.' ⁹Eega ọnẹbẹ di ye kii gun nọ wọ Osibina ẹsẹn ka, Ẹkẹna Osibina asẹ shino onwọnwọn, wẹ gbagbo ẹyẹo ẹkẹna ama wọn na.' ¹⁰Iseeta aiye ega ẹnanẹ siye ẹẹpẹn fenyan pila pọọ yọọ Osibina ẹsẹẹn.¹¹"Balẹ, akana i wuu iforo eta jọwọn wọ ibowo ẹrẹn ẹfẹna temana Caesarea aiye bewe filẹ ba saa ne mo. ¹²Ẹfunwẹnfunwẹn ọnwọnwọn gane mo kẹ ẹyeraba yọọ i mẹ di ye tiye kọrọrẹ wọọ bọ. Bẹẹ da ọpọnọọrẹ yẹrẹ mọ tibile fọn ẹdẹda aye ubo. ¹³Aganẹtọ akọ ne ẹsiyẹ gbọọ Angel nẹ jọwon yubo aa gẹ ka, 'Ni filo iforo yọọ Joppa bẹ fwẹ Isimon nẹ be ye Ipita pilasaa na. ¹⁴Aka gẹga nẹbọ ọnẹ aka nawọọ fana, awọ aka wubọọrọ fenyan.¹⁵Akọ i siye tọmẹ aa ge ga aneba na, Ẹfwẹnfuwẹn ọnwọnwọn họlọ tọọ ba. Kaama akọ ẹsiyẹ wa nẹto otẹtọmẹ na. ¹⁶Eẹyẹno Osibina ega, ààkọnẹ ẹẹsiye gẹ ka, 'Ejoon a sami ako ebi ama ano rọ ẹfunwẹnfunwẹn ọnwọnwọn aiye baka imọmọ oriri ẹbi ẹka.'¹⁷Adaka Osibina fọọ ẹsẹ ẹbọri nẹ ẹba akọ ẹsiyẹ áá nẹta na omena tee na Ijisọs Ekraist wọ na. Ẹẹnẹ wa ni idi ya sẹno Osibina ọwọ na?" ¹⁸Ọgbọnẹ bẹ wẹ gẹ ẹnanẹ na bẹ mẹ pila ọwọ, aama be fu uyiyeyi anọ Osibina be gẹẹka, "Osibina fọọ iluwe ẹpan gbun nẹ ẹrọ iluwẹrọ abẹ èka."¹⁹Ọọgbọnẹ ẹnanẹ ejoya igoli Estepheni epan na pan wara rọọ Phoenicia, Cyprus ako Antioch bẹ gẹga nọ Ijew ro abẹ. ²⁰Bẹ ẹben, iforo nẹ wọọ Cyprus ako Cyrene sọọ Antioch ka be agọ Greeki bi a goo ọmumu oboro nẹ wọọ Idu Ijisọs ẹkana. ²¹Osibina uba jọwọọn gbeli ba, ẹrọ ọyọọyọ na wọ bi pila nọọ Osibina.²²Bẹ ga teere fọmọ ẹrọ ọtọn Osibina ubọ Ijerusalemu, bi filoo Barnabasi yio ka ba Antioch. ²³Ọgbọnẹ aṣas a gba Osibina ẹsẹẹ ọfẹka na, yi be rọn, ẹẹgbẹ bu uloko ka bi jee gbeli Osibina ibokon. ²⁴Ẹdẹda ọbọrọ ya ẹdiyẹ fẹẹ nẹ ẹfunwẹnfunwẹn ọnwọwọn aka ọnẹnawọ, Ẹẹrọ ọyọyọ fiwu gbeli Osibina.²⁵Barnabas ẹnu saa yio Tarsusi ka aiye ẹnọ soulu. ²⁶Ọgbọna aagbe na, a fwẹ saa Antioch Esiako ṣaa, ka eyen okun mokun bi ye gule Osibina ubọ bi ye tẹẹ rọ ọyọyọ yẹẹ gbẹn urumẹka aiye bi taye eyee christiani Antioch.²⁷Ọgbọnẹ ẹnanẹ ọgẹẹsẹ rọ wọọ Ijerusalem ṣaa Antioch. ²⁸Bọ yẹrẹ, Agabus aiye be ye ẹfura jọwọọn akọ ẹfunwẹnfunwẹn siye lọwẹ na ka ọbọrẹ okuku eke wamọ ẹrọ fenyan. Ọnẹ ṣẹlẹ Claudius ogbaa.²⁹Ẹegan yẹẹ egbẹnu ọrumẹka, ọyẹrọyẹrẹ siye tuba a so ẹrẹn nọ oguba nẹ bọọda nẹ wọ Ijudea na. ³⁰Bi siye ẹnane, be fikiba filẹ nọ isuda abẹ uba Ebarnabas akọ Esaul.

Chapter 12

¹Saa na ọgbọnẹ ẹẹtẹ Herodu nẹ wọọbin na a yẹrẹ uba ṣọ ẹnanẹ ejeno echuchi na kaa ayidi foya jeba. ²Awano Jamesi nẹ woda nẹẹ Ejoon na aka yo ọgbọdọ.³Ọgbọnẹ agbaka Ijew rọ abẹ iberun we gaye na, Efura ẹfẹnẹbẹ jena sọọ Ipita isubu nẹ wọọ ẹkara ọnẹ wọ ẹrọ ẹka na. ⁴Ọgbẹna a sẹ ya na, a fwẹ wọ ẹwan rubu bi ti yọọ isọọja rọọ ẹnẹna ọrẹ ẹna ka bẹ kẹ sẹlẹya, yirọrọ awaka afwe yẹn ẹrọrọ ọgbọnẹ bẹ jẹẹ ijen omunurun ke na.⁵Eegan bi siye fwe Ipita woo Ewan rubu, aama adura wọnẹ baa gba kibe kibe nọ Osibina ẹnanẹ wa yiọ egule rora. ⁶Ujogwe saa na Herodu di fwe vasa anọ ẹkare ọsẹsin, Ipita wone bwe wọọ isolja rebọrẹ etin na, akọ ẹwẹrẹgẹ ẹbọrẹ sẹya, na sẹloo ẹwam ọpọlo na.⁷Igannigan angel Osibina eka fọ yu yẹn ya, ọsọ pii yẹrọ ẹwan Efom Ipita ẹefe àá sọmẹ à gẹ ka, "Lakata fura," ekuru se saan fura yuba. ⁸Angel gane ya ka, file wọọ alẹgbẹ aka wọọ ofilọ ṣẹn Ipita si e gan, Angel gaa ne ya ka fọ wọ ẹwuru filẹ ake yẹrẹ mọ.⁹Ipita yero Angel vesa eme yọ gwẹ ka ẹkẹna Angel siye na wa ikwa. Aaye roroka ẹkẹna aagbana wẹ ẹṣẹẹ ega. ¹⁰Ọgbọna bẹ suun ọsẹlẹ opolo osoro akọ ọbọrọ na bẹ ṣaa tọwọ ọṣọọ ujun ne vesa fomi iken na eejin neba. Bi vesa fomi iwuru Angeli aiye fọrẹ ye yan.¹¹Ọgbọnẹ Ipita mi bi yi wu na, Ageka, ogbọne naiye i din ka Osibina filo Angel saa ka namo fan fmo Herodu uba ákọ ẹpẹn fenyan nẹ Jewish rọ abẹ ani na." ¹²Ọgbọnẹ edi ẹnanẹ na aṣaa a yọọ Ẹmary Ẹjọọn wiya ubọ nẹ bẹyẹ Mark na, ẹrọ ọyọyọ jẹsẹ bi yaa gbadura.¹³Ọgbọna akora ujun nẹ wọọ ọpọlọ ọkekana, ọyẹgbẹn utunro nẹ bẹ ye Rhoda ṣaa gume owọ. ¹⁴Ọgbọne ayi kpeli Ipita ohun na ake ẹbẹnbẹn aama yẹn jino ujun mọ kẹka aiye; urunba, ẹmunẹ fọ mubọọ aagane ba ka Ipita woo ujun no wo. ¹⁵Bẹ ganeya ka, "Ume gule" a ge ka ikwa yaa, Be ge ka yio Angel yaa."¹⁶Aama Ipita eeki kọrọ ujun ọgbọnẹ bi jẹn junujun na, be gbee aka ibe ojinorofuwa. ¹⁷Ipita pẹrẹ ba ka bi pọwọọ aa gane ba akone Osibina siye fọbaa fura ẹẹwan ubuna. Agẹ ka ne gega ẹnane nọ Ejames aka yio ọda abe." Urunba eteyiba a yọọ efo obe.¹⁸Ọgbọnẹ usiye gaa na, isoldiers ro abẹ me siye gan ẹ ṣile biwu yẹrẹ ẹkẹna sele tọwọọ Ipita na. ¹⁹Ọgbọne Herodu nẹ ya na naa ama gbẹ na ẹwọn mọ ẹnanẹ a sele ba na ka be wan ba. Emi furọọ Judea yọọ Caesarea aa ma nẹ ẹfẹnẹbẹ.²⁰Ọgbọnẹ Herodu kani wu tọwọọ Tyrw aka Sidoni ro abẹ. Bi jene we ako ẹpẹnọyẹrẹ ọgbọnẹ bẹ pẹrọọ Blastusi ne wo obin odina kama ba teye ekwin uba ka bi iken aiye bi yaa gbi jen nẹ bẹ jee na. ²¹Isubu ọnẹ bi tẹẹ na, Herodu guru iwu ama ni yuu utu ama ba gega.²²Erọ ẹnabẹ fọgan dọwọ, ọna wọọ ama wọọ ọrọkọrọ!" ²³Iganigan Angel ne wo Osibina ẹkana fẹyẹn pẹn uba ka a ma fugbugbodi nọ Osibina, ẹkọrẹ aiya tayaan ṣaa na ẹfọọ.²⁴Aama Osibina ẹga ateere ediyaa yọọ ebilamo. ²⁵Ọgbọna Barabas ake Ẹsaul see bẹẹ jeen epan ke na, bi pila yio Ijerusalem be foo Ejọọn aka Ẹmark biliwu.

Chapter 13

¹Akana echochi Antiochi, esuu emenero akọ ọtitẹrọ. Bẹ wa Barnabas Simeoni, Lucius nẹ wọ Cyrenẹ , Manaen akọ Ẹsaul. ²Ọgbọne bẹ siye iyanpun nẹdẹda bi ya na awena ẹfunwẹnfunwẹn ọnwọnwọn gẹ ka ne ti ye ³Ẹbarnabas akọ Esaul wọọ bọ nọọ utun nẹ ba ka ma mọ siye na.'' Ọgbọnẹ bẹ nawe, siye na.'' Ọgbọna bẹ nawe gbadura bẹ fuuba yẹrẹ bẹ paan na bi file ba yọọ.⁴Ẹbarnabas akọ Ẹsaul nẹ bi filo utun wẹ yọọ aka ẹfunwẹnfunwẹn ọnwọnwọn na, Bẹ yio selaucia. Wẹ fẹnẹbẹ aiye bi a fomoko ebi eka yọọ Cyprus. ⁵Akọ bi siye rẹ iken nẹ wọọ Salamis bẹ ga Osibina ga Isynagogue nẹ wọ Ijew rọ abẹkana, Bi suu Ejọọn nẹ wa yio obawona.⁶Ọgbọnẹ bẹ yọọ ọsuun nẹ wọ paphosi, be gbo Ẹmagician Ijewish rọọ ya ẹnẹnẹ rọ Isoo ma eka ya, yi iwuru a wọọ Bar Ijisọs. ⁷Ẹmagici rọ amẹ jẹe gbeli isuda abẹ, Sergius, Epol nẹ suu odidun Ẹdẹda aiye yọọ Ẹbarnabas aka Ẹsol ubaka eni kaiye wọọ osibinega. ⁸Ama Elymas ''Emagiki rọ ṣẹn bọwọ ẹni kaiye bila oko ne akọ osakata ebila ẹrọ okan ẹ fura ọnẹnẹnawọ⁹Ama Ẹsol ne bi din eki ye paulu na, fẹẹ nẹ ẹfunwẹnfunwẹn ọnwọnwọn jina siye a ¹⁰aa ge ka ''Awọ ẹfunwẹnfunwẹn odudu ọgbẹn uu fẹẹ nọ ẹpen fẹ yan nẹ wo awọrẹ na akọ ibodudu. A wa wọọ ẹbẹrọ nọ ẹpẹn nẹ jẹ gbẹli ẹpen ọnwọnwọn wẹ kẹ gbado suba jowon obibila nẹ wọ ọsẹrẹ nẹ wọọ Osibina eka na ama egan?¹¹Akana baleya, Osibina uba ayere wọọ ẹpan wẹkẹ penayen waka gbọọ eyi nọ gba Iganigan ẹkọrẹ aka esiri fale fọmọ Elymasi, atoms ẹjẹjẹn ẹnẹ ee nọọ ẹẹrọ nẹ kẹ tẹ yọrọ ako ubana. ¹²Ọgbọna osakata rọ abẹ gbọ ẹkẹna sile na, ama wọ , ubaka e ̣ ejin yọwọ fuwa ọtite nẹ wọọ Osibina eka na .¹³Ọgbọne Epol akọ yọọ rẹ kwesa ka bẹ fọmọ ọkọ ebi eka e Paphosi yio perga e Pamphylla Ama Ejọọn saa te yi ba epila yio Ijerusalem. ¹⁴Epol ako yọọrẹ abẹ yio perga bi họlọ o Antioch nẹ wa Pisidia na ẹfẹnẹbẹ aye yaa yọọ Synagogue esabbathi isubu bẹẹ ma. ¹⁵Ọgbọna bẹ gamọ ububuru akọ ẹmẹnẹrọ, Bẹ ẹrẹnrọ abẹ Isynagogue filo utun neba kaa, ''Ama mẹda abẹ nẹ suu aga nẹ diye gbẹtu uluko ẹkọnẹ na, nẹẹ gẹẹ.''¹⁶Ẹpol fura aa yoruba kaiyi swega, ''Eẹrọ nẹ wọọ Isreali ẹka na aka anọ nẹ suu Osibina ọrọrẹ na, ni paton. ¹⁷Osibina nẹ wọ ẹrọ ẹnanẹ Esreal ti iye bẹ deda afọba yọọ ọgbọna be yaa mano Egypt na akọ uba opan pososi aiye a foba feesa amo. ¹⁸Nọ ẹyen ibọrẹ aa sele ba oodan mibe.¹⁹Ọgbọna ẹẹfuu iken ufonbore ije nẹ wọ Canaan, a fon teero abẹ bi ije nẹba nọ bọọ olilọ. ²⁰Eepenenane saa sele ẹpẹna kọ ẹyen Ipipi ọrẹ ena kọ iborẹ kakọrọ fọọ. Ọgbẹna ẹpẹn fenyan ọgbọnẹ ẹpẹnane suun na, Osibina saa fọọ osanekare jenere Ẹsamuel ne wọ ọgẹsẹẹ ọgbana.²¹Ẹẹrẹ na bẹ e sin obin, Osibina saa fọọ Ẹsaul nẹwo Kishi ọgbẹn na neba. Ẹẹdẹda nẹ gbẹ ka ukuba nẹ wọọ Ẹbenjamin, kee ejobin no eyen ibore. ²²Ọgbọnẹ Osibina ti ye fura obin ojije na, a fọọ Dafidi pọọ ka ada bọọ bin. I Dafidi epan aye Osibina nọ ọwọ kaa. I gboo Dafidi jẹssẹ ọgbẹn ọgbẹn nẹ mokan se na, ne siye ẹpẹn fẹyan nẹ i ni naa.'²³Ẹẹdẹda ọnẹ ukuba Osibina fọọ saa Ijisọs akọ nẹ esiye age na. ²⁴Ṣaana Ijisọs ẹẹrẹ, Ejọọn poyepepan ebatisi nẹ wọọ ibọriro ẹkana nọ ẹrọ sẹsẹsẹ ni wọ Isreali na. ²⁵Akọ Ejọọn siye se yọ yutun mẹẹ kwe na, aa gẹẹ ka, 'Ẹera ni rọrọka ẹwa? A ma a waiye, ni paton, efena a saa Imurun efena egbe ka yẹ bata oyi i me gwee ootore na.²⁶Meeda be, egben ne wo iran Abraham, aka enane bile ni wu ne suu Osibina ororena, Aato enane aiye be fọọ onafan utun one file nonẹ. ²⁷Nee enane a mano Ijerusalem aaka bi ibin abẹ na maa gaan kanakide na, Bẹ nẹ ẹkarẹ ọwọ nẹ wa ọgẹsẹ ẹka nẹ bi da gan Esabbathi isubu nẹ biya senyebe na.²⁸Kako ne bi me siye gbo ẹkẹna baka senu ofọọ ẹkarẹ, Bi yio Pilate ka awayan. ²⁹Ọgbọna bi siye ẹpen fenyan nẹ bẹ wọra iyuuruna, bẹ fwẹ họlọ saa ofosi bẹ fwe bi rẹwọ iberi.³⁰Ama Osibina somẹ pale sa furọ ẹpọrọ. ³¹Bẹ gbẹe nọ isubu ọyọyọ nẹ ẹhanẹ jẹẹ gbẹliya wọọ kabọọ Galilee jẹnẹrẹ Ẹjerusalem. Eẹrẹnane aabẹ mi wọ elẹri nọ ẹẹrọnẹ.³²Akana tẹẹ gaa nẹ nọ ẹpẹpan ọbọrọ, ileri nẹ saa tọọ tẹẹda abẹ ³³Aseye pan ne to, bẹ ẹgbẹn na fọọ Ijisọs sọma pale saa na akọ nẹ bi siye wọrẹ Esam ọbọrọ na 'Nẹ waa mọ ọgbẹn amọnọne isin no nẹ ẹdẹda.' Ka asọmẹ palẹsa fura ẹpọ kẹ ẹkẹ pila. ³⁴Osibina ẹbẹba gẹ ọrọnẹ ma ka fọọ ọnwọnwọn aka okukurubile ileri ne bi siye nọ Dafidi na ne wo.'³⁵Ẹẹkena wọọre ẹ siyẹ kọ gẹ Esam ọbẹ ka, 'Wẹkẹ yakaa ẹfẹna wọn na ka agbọ obefuwa.' ³⁶Ọgbọna Idafidi fo yero si yio ro ovan nọ sibina iyu ubane, a fale ebwee bi ree gbeli wẹẹda aka yi iwu pe din o obibe. ³⁷Ama ẹfẹna Osibina fọọ pọọ agbaa obibe.³⁸Ọnẹ uba ni jọọwọn eyenu aanọ mẹẹ da be ka ọgbẹnọnẹ iyin nẹ bi ya kpepepan a nẹna ibo orirọrọ furo iluwe. ³⁹Iyore ọrọkọrọ ọna anewona ẹkẹna Imose yu buburu ẹdiyẹ jọwọn anọ anọwọ wọ na.⁴⁰Nẹ sẹ ni wu ubaka ekena ọgẹẹsẹ abẹ tọmẹ: ⁴¹'Baale anọ ubero eme jino owo fuwa ni wọrẹ onebe fuu. E fomu tun aa inọ isubu, otin nẹ na ka na wọọ na ọrọ ẹsi peye pepan ne no.''⁴²Akọ nẹ Ẹpaul aka Ẹbarnabas siye teeyi na na, Ẹẹro ẹnabe teyebwe kwin tee yi ba na, Ẹẹrọ ẹnabẹ teyebwe kwin ka bi di pila gẹga enane Ẹsabbathi na ṣaa na. ⁴³Ọgbọna bẹ sẹ Synagogue igule epana, Ẹrọọyọyọ nẹ wa Ijew akọ ẹnanẹ nawo nẹ wa Proselytesi ro abẹ na bẹ yẹrẹ Epol akọ Ẹbarnabas. Bẹ pere ba bi gbebu uloko ka bi ma sọrẹ ayẹn Osibina yesofeka.⁴⁴Sabathi nẹ yẹrẹ ya na, ebwa keke ẹnanẹ wi ikenaije nẹ gule ka bẹ wọọ Osibina èga. ⁴⁵Ọgbọnẹ Ijew ro abẹ gbọọ aapẹẹ nẹ jeese na, bi bẹ bẹẹ, bi ya ge ẹkẹna ama bọwọ na ayẹrẹ ega ne Epol maba gaa na, aka etin.⁴⁶Ama Epol aka Ẹbarnabas fokan osisile ge ga be ka, ''Aaron ka be tayi gọọ Osibina ega neno. Akọ ẹsiye gbẹka ẹbẹ ayi anneno nẹ teyeba fuwa bila mọn ka nẹ bale ka nẹ mẹ gwe ono ẹrọ ne me sọọ otanaa. ⁴⁷Nẹ gbẹẹ rọ teke pila no iluwero abẹ. Ẹẹgan Osibina siye faa aṣẹ nẹtọ kaa i tiyenu akọ oso na noo iluwero abe rọọ abẹ. Kaa i tiyenu ako oso na noo illuwero abẹ rọọ abẹ. Kaa nẹ fọ ọnafan fọmọ efaa fenyan ẹrọnẹ.''⁴⁸Aakọ nẹ iluwero abẹ rọọ siye wọn ọnẹ na, bibe rọọn bẹ fu ugbugbodi no Osibina èga. Akọ ẹro asa ma san nẹẹ bi tiye nọ ẹrọ nẹmẹ sọọ tana siye nawọ na. ⁴⁹Osibina ega siye tẹẹrẹ vẹ yoọ osin nȯ nẹbẹ ne.⁵⁰Aama Ijewu ro abe koo ekome esa tu wọ iyarọ ẹnanẹ na wona akọ iforo nẹẹ wi isuda na iken na. Igaani gan bi ye goli Epol akọ Ẹbarnabas bi gu ba u sa furọ osin ọnẹ bẹ. ⁵¹Ama Epol akọ Ẹbarnabas pun mọ ẹwulọn nẹ wi bẹ ẹsẹn na fura nẹba. Ogbọnẹ bẹ aiye bi ya yọọ iconimu. ⁵²Bẹ egbẹn urumẹka saa bi fẹẹ nẹ ẹbẹbẹn akọ ẹfunwẹnfunwẹn ọnwọnwọn.

Chapter 14

¹Aasaa ṣerọ ka Epol akọ Barnabas bile fọmọ synogogue nẹ wi Jew ẹkana bẹẹ gẹga nẹ wọrẹ ka ẹrọ ọyọyọ kọ Jew akọ Greeki roo abẹ naawọ naa. ²Aama Jew rọ abẹ nẹ suu ọtuno osisi na gbẹẹ iluwẹrọ abẹ ọlukọ bi suu ibe obibibe tuwo bẹ ẹda abẹ.³Bẹ saa mana ẹfẹnẹbẹ nọ ogba ofifomọrẹ bẹ mabaa a gẹga aka uloko akọ Osibina iwọgbigben akọ nẹ esiye siye ijeri ne wo Osibina ye se ọfe eka Ẹẹsiye ẹnanẹ ako afọọ butun yẹn aapere akọ ojinoro fuwa nẹ Epol akọ Barnabas eke siye aka buba na. ⁴Aama ẹnanẹ wọ ikanaiye na saa aiye ruwa, ẹben jee gbeli Jews roo bi ibuba aka Ijisọs yẹ gben urunmẹka.⁵Kẹ iluwẹrọ abẹ akọ Jews rọọ abẹ sio ọrẹ ka bẹ fọọ oya jeba bẹ gban bo otare aama akọ nẹ bi siye wọọ ọnẹ na, ⁶bi mune yio Iycacian iken nẹ wọ Iystra áka Derbe akọ iken nẹ wọọ osin nọ nẹ bẹ fenyan na, ⁷Ẹẹfẹnẹ aiyẹ bi di ya tọọ mẹ di yaa gọọ ẹpẹpan ọbọrọ áyọ nẹ.⁸Ọo Lystra ẹdẹda ọbẹ man iwogbigben eme wiyaa mon iyio oṣeen ọfwe sẹn kaboo wiya ibe nẹẹ ẹmẹ jejẹn gbaana. ⁹Ẹdẹda ọnẹ wọọ akọ Ẹpol siye agẹga na. Ẹpol faa yayen tee yi iwu èèkpiliya kaa eesu ọnẹnawọ nẹ di yaa fọ yi iwu agaan na. ¹⁰Aasaa gane yoi aka ogaa, fura jọọwọn iwo ẹẹsẹn, ọgbọnẹ bẹ ọfọrọ aiye furu pọsọsi eyẹjẹẹn gẹgẹrẹẹ.¹¹Ogbone a pe gbee ekena Ẹpol siye na. Bi yọọ ga ágẹẹ elane nẹ wọọ Lycanonia èka na. "Osibina abẹ̣ mi sino ẹrọkọrọ bi holo ṣaa tọtu.'' ¹²Bi yio Ẹbarnabas ''Zeus,'' aka Ẹpol ''Hermesi,'' ubaka aiye awọọ erẹnro ẹẹga oga. ¹³Ọfẹyẹnda ne wọọ Zeusi, ne ye etempu nẹ wi ikenaiye ọwọ na, fọọ abroda akọ saa ori pọpọ ọkẹka, aiye akọ apẹẹ bi ye nika bi siye iyampun.¹⁴Aama ọgbọnẹ egben urumẹka Ẹbarnabas akọ Epol wọọ na bẹ fẹnẹ ba alegbe bi mune vẹsa fọmọ ààkpẹẹ etin, ¹⁵Mẹẹrọ, ẹnenẹ nẹ siyẹ ẹpẹn enane na? kaa tenane erokoro anye tee wa ákọ iwu pẹ ọlọọre tẹẹ ganẹnọ epẹpan oboro ka ni bila fura ẹpẹnẹ nanẹ ẹ mẹ wulọọ nọ Osibina ne mee ro, ijeen, okun ake ẹpẹn fenyan nẹ wamo na iken ẹjẹjen akọ nẹ bi siye ni na. ¹⁶Ọgbọnẹ suu na, eteiyi ka iken ẹjẹjẹn ako nẹ bi siye ni na¹⁷Kegan kẹẹ gan ọmẹ teyiba ka aiye mẹẹ jọmọn neba afọọ osii wọọ Osibina ẹsẹn họlọ saa akọ ọgba nẹ suu yio ọmumu na, a fọ ijẹn nẹ nẹ funwẹnfunwẹn aka ibọrọrun. ¹⁸Akaye ga ẹnanẹ Epol akọ Ẹbarnabas bi yaa sọ iyanpun nẹ bẹ nika bi siye naa.¹⁹Ama Jew ro abe nẹ wọọ Antioch akọ Iconimu saa na bi di ye wọrẹ ààpẹẹ. Bẹ gban motare tọwọ Epol bi wune fura ibetin vesa fura iken bi ye rọ rọ ka efọọ kẹ. ²⁰Kẹgan kẹgan bẹ égbẹn urumẹka jọwọn kẹyẹya, ee fura jọwọw aa fọma iken yọọ. Yi isubu ọbọrọ kẹ ikem yọọ. Yi isubu ọbọrọ ẹ esun yio Derbe akọ Ebarnabas .²¹Ọgbọna bẹ ga épẹpan ọbọrọ kẹ iken ọnẹbẹ na bẹ sẹ ẹrọ ọyọyọ sinoo bẹ gbẹn urumeka na bi pila yio Lystra, yio cononium ako Antioch. ²²Ẹegan bi siye sẹ buloko esile yẹrọ ibọ ọnẹ nawọnẹ bi a ge ka "Tulasi yaa kaa te fomọ Osibina esẹn akọ omabale.''²³Ọgbọnẹ bi tiyẹ isuda nẹba e chichi fenyan na bẹ gbadura aka awẹ na bẹ fọba dȯmọ Osibina uba nẹ bẹ na wọ naa.²⁴ Ọmẹnẹba aiyẹ bi suun ọ Pisidi bẹ ṣọọ Pamphylia. ²⁵Ọgbọne bẹ ga Osibina èga eè Perga bi suun yio Attalia. ²⁶Efenebe aiye bi ya fọmọ ọkọ ebi èka yio Antioch ẹfẹnẹbẹ aiye fọ ọkan yẹrẹ rẹ utun nẹ wọ ẹsẹ ọfẹka ne wọ Osibina utun nẹ bẹ sepan na.²⁷Ọgbọnẹ bi rọ Antioch naa bi igule rọ jesce be gọọ utun sẹsẹsẹ nẹ Osibina ama ba siye na aaka akone ẹ siye jinoo ujun nẹ wọọ ọnawọ nọ iluwẹro abẹ abena . ²⁸Bẹẹ mano ẹfẹhẹ bẹ nọọ ọgba ọyọ yọ.

Chapter 15

¹Iforo ebẹn wọọ Ijudea yọọ Antioch bi ye tẹẹ bọdabẹ ka, "Eme fura ka ibẹ fuwẹsẹ no akọ Imose siyẹ tetu na, nee di yaa gbo ọnafan." ²Ọnẹ fọọ Epol akọ Ebanabas nẹẹ bẹ yaminowo akẹ ẹmẹsẹ bile. Ẹpol akọ Ebanabas akẹ ẹnanẹ jẹẹ gbeli ba na bi tiye ka be keyoo Ijerusaleum ka bi ye apostol aka isuda nọ ega oṣinṣin.³Ẹsọs bi file ba ijoo ọwọ bi ṣunn mọ Ephoenica aka Esamaria bekpepepan ibẹ orirọpila ne wa Ikuwere ro ẹka na. Bẹ fọọ ẹbẹnben okẹka okeka two boda iforo abẹ. ⁴Ọgbọna bi rẹ Ijerusalemu, naa Ẹṣọṣ gan ba ooru aka apostol isuda gaa ba oru bẹ gutun nẹ Osibina ke siye ne ba naa.⁵Ama ẹrọ ebẹn naa wọ ẹnanẹ jeegbeli Ẹfarisi, bi fura jọmọn bi ya ge ka esiyẹ koko ka bẹ fuwẹsẹ ba bi di yaa wọ otite ne wọ Imose uburu." ⁶Ṣaana apostol aka isuda abẹ gule bi roro wọọ ayẹ.⁷Akọ bi siye yaminowo wega aye na, Ipita fura agane ba ka anọ meda iforo abẹ be mi dini ọgba oboro Osibina fọọ ọrẹ wọọ ni je ka nẹ bale ti iye ọnẹ wọnẹ ka imọwọ anyẹ iluwerọ abẹ ro abe ba ka wo ẹpẹpanoboro beẹ nawo. ⁸Osibina nẹ din ororo uloko na a ga ubedin nẹ ba esiye filo ẹfunwenfunwen owọnwọn nẹ ba naa ka ma akọ esiye nẹtọ na. ⁹Eeme ti ye kọrọrẹ wọbọ atọọ aka abẹẹ ubaka a se bo kan wọ onwọnwọn akọ ba ọnẹnawọ na.¹⁰Akana ena wọrẹ nẹ mọ Osibina abale. Na ka wọrẹ ka nii guru uṣe kii ṣun woo yẹgbẹn urumẹka na ka wọrẹ ka tẹẹda abẹ sa atebeba te din yẹ ṣee na? ¹¹Amaa te na won ka taka gbo natan, ito Idu Ijisọs ese ore akon esiye we na."¹²Erokoro fẹyan bẹ du uṣusu akọ bi siye piyaatọn anọ Ebanabas akẹ Ẹpol ọfọyẹn akọ utun ojunrofuwa nẹ Osibina siye ikuwero abẹ iwu ibọrẹ na.¹³Ọgbọnẹ bẹ si ẹga jọọwọn na. Ijames guno wo ka "Anọ mẹ iforo abẹ ni pi maaton. ¹⁴Esimon taiye gẹ akọ osibina siye taye guu wọ ikuwero abẹ ubana a di tiye ero ibiwu na ka wa yi wuru na.¹⁵Ọgẹsẹro ega jee gbeli ẹga aakọnẹ bi siye wọrẹ na, ¹⁶'Ọgbọnẹ ẹnanẹ ẹ suun na me kee pila yọọ bila mọọn maka mọ Ẹtarbanacle nẹ wọ Idavid eka na nẹ falẹ wije na meke guru jọọwọn bilamọ ifu yọ na meke guru jọọwọn bilamọ ifu yọ obibe guru, ¹⁷Uba ka iforo ẹnanẹ ku na bi di kii yeyi osobina biloo ikuwero abẹ nẹ be ye aka mọ iwuru na.' ¹⁸Ọna awekena Osibina ga na, Ẹre siyẹ ẹpenane akọ nẹẹ ẹrọ din kabo ogba.¹⁹Ọnẹ uba i rọrọ ka ti me fọ umi nọ ẹna wọ ikuwero ro abe na nẹ pila nọ Osibina yọọrẹ na. ²⁰Ama ta ka wọri ikokori nẹba ọnẹ baka kẹ yẹrẹ fura ọnẹẹ jẹ gbeli ujun naa, ka amagba gbagba, fura ọọnẹ nẹ bi jẹgẹyen ẹyẹrẹ ne aka ẹyọn.²¹ Ka bẹ kpọ Imose ẹpẹpan ne no iken feyan wọọ esubu ubane ṣa bi siye yọ iwasun isinagọg Esabath feyan. "²²Abale ka arọnmuro nọ apostol yẹ aka isuda abẹ bi jọ ẹṣọs feyan ka bi ti yo Ijudas ne be ye Ẹbanabas akọ Esilas, abẹ awa ẹrẹn rọ nẹẹ boda abẹ bi filẹ ba yọọ Antioch biloo Ẹpol aka Ẹbanabas ijuguna tọọ nu akọ nẹ bẹ ni be fuwaa na. ²³Bẹ fọọ wọrẹ epẹn "Wọ apostul abẹ akọ isuda abẹ, bẹ ẹdẹda ikuwero ro ne wọ Antioch Isyria ako Icilicia eẹgano!²⁴Ubaka tẹwọ te ero iforo ẹbẹn fura ne ba ma na taa ase, be ko ijuguna tọọ nu akọ ẹga nẹ be ni be fuwaa na, ²⁵eegbe ka arọn mu ro neto, tee fi ibore tiye ero bi file ba nẹ no bilo enane ti nii nẹwọ Ebanabas aka Ẹpol, ²⁶Iforo nẹ fọ bẹrọ ẹpẹnkẹpẹn ubaka Ijisọs Ekraist na.²⁷Ọnẹbẹ uuba tii filo Ijudas ako Esilas na ka guntun nẹnọ akọ ibọọ ega. ²⁸Aron nẹ ẹfunwẹnfunwẹn ọnwọnwọn aka atoo ka ti maa pila fuu uṣe ne gbodi na ṣui wa no fọrẹ enane siye ọsẹrẹ na: ²⁹ka nẹ ta ve nọ ẹpẹn nẹ bi ye siye iyapun na ẹẹyọọn, epẹn jẹnjẹnyẹn ẹgẹrẹ na akọọ amabuwe gbagba, na fọ ni wu fura ẹpẹn feyan ẹnanẹ oboro aka da nẹnọ. oboroboro."³⁰Ọogbọna bi guba fura na, bi fura Antioch ọgbọna nẹ bẹ kọ asamasan jese na bẹ gaan mọ ikokori aiye nẹba. ³¹Ọgbọna ba gan yan ke na, bibe fẹẹ nẹ ebenben ubaka egbe buloko. ³²Ijudea ako Esilas ne wọ ọgẹserọ gben bọọda uloko aka ẹga ọyọyọ nẹ wa bi wogbigben.³³Ọgbọna bi lo ọgba keke ẹfẹnẹbẹ na, bi file ba aka iwobebere pala ni ẹnanẹ filẹ ba yọọ ẹfẹnẹbẹ naa. ³⁴Ama efuke rọmọọ Esilas ka amane ẹfẹnẹbẹ. ³⁵Ama Ẹpol Ebarnabas mawo Antioch, bi ye teẹ aka iwasun (bilọọ ero ọyọyọ) ega na.³⁶Nọọ gba keke Ẹpol gane Ebarnabas "Ni jọọwọn tii pila ti yo tẹ ẹda abẹ. iken ki iken nẹ sa mẹ ẹlagasa Osibina ẹga aka te gba akọ e siye waa na." ³⁷Ebarnabas enikaye fọọ Ejọọn bi liwu nẹẹ be yọ Emark naa. Ama Ẹpol ³⁸roroka ka ama rọọn kaiye fọọ Emark dọn ne te yiba wọ Ẹpamphylia nẹ eme pila yẹrẹ ba nọọ utun aye na.³⁹Ọgba ọnẹbẹ ṣa wo bọ etin ọnẹ wọrẹ bi ruwa na, Ebarnabas saa fọọ Ẹmark bi liwu bẹ fọọn ọkọ ebeka yio Ecyprus. ⁴⁰Ama Ẹpol saa etiye Esilas bi fura, ọgbọnẹ bọ bẹ foọ ba dọọmọ Osibina yọọ ese . ⁴¹Efura ááyọọ Isyria akọ Icilica ṣun èègbo Ẹṣọs abẹ uloko.

Chapter 16

¹Ẹpol di yaa saa Ẹdẹbi aka Ilistra bale, ogbenurunmeka ọbẹn nẹnẹ be ye Itimoti na wo ẹfẹnẹbẹ ijuro a wa wiya e diya wa ọnaworo, Igirikiro. ²Yo ẹda abẹ ẹnanẹ wo Ilistra Ikoniom na. ³Ẹpọl e ni ka ya ye iwu yọ ẹfa afọ e afwesse ubaka bi din ya ka weda Igirikiro ya.⁴Akọ nẹ bi siyẹ a fọn iken abẹ bi ye ṣun ububuru nẹ apọstul abẹ akọ isuda nẹ wo Ijerusalem na wo ka bẹ ke yẹrẹ na. ⁵Ọnẹ uuba bi gbe iṣọṣ abẹ ọnawọ uloko bẹ yọ ebilamo isubu isubu.⁶Ẹpol aka yọ ọbawo abẹ yio oṣin nẹ wọ Ifirigiya aka Egalatiya akọ ẹfunwẹnwẹn siye yuruba ka bi ma gaa Osibina ẹga oṣin nẹ wọọ Eṣiya naa. ⁷Ọgbọna bi turu rọ Imisiya, bi roro ka be fọn Ibit iniya, ama Ijisọs efunwenfunwẹn yaa ba. ⁸Akọ bi siye ṣun mọ Imisiya na, bi họlọ saa iken nẹ wọ Itirowas.⁹Ẹmẹmẹ ọbẹn fi iwu yẹn nọ Ẹpọl iyegwẹka: Ẹẹdeda ọbẹn e Ẹmasẹ doniyaro jọmọ wo ẹfẹnẹbẹ aà tẹ ya ekwin ka, "Kẹ ṣa Ẹmasẹdoniya ọsa ugwe tu uba." ¹⁰Ọgbọnẹ Ẹpol gbọ ẹmẹnẹ ayẹ na, igaa ni gan ti fura ka tẹ kẹ yọ Ẹmẹsedoniya, ẹpan ka Osibina e ye tu ka te gọ ẹpẹpanoboro nẹ ba ẹfẹnẹbẹ.¹¹Tẹ kọ ẹsa ka ti ṣun ebi èka fura Itriowas, tẹ yọ ẹ gbọnrọn yọ Esamotirasi, yọ nẹ a yẹrẹ ya na ayẹ Iniyapolis. ¹²Ẹẹfẹnẹbẹ ayẹ ti ya yọ Efilipayi, iken nẹ wọọ Ẹmasẹ doniya ẹka na, ayẹ a wọ nẹ kpoyina fọrẹ onẹbẹ na e diya wọ Iromaniro ẹka tẹ naa nọ ayẹ nọ isubu ọyọyọọ. ¹³Ẹsabath isubu ti ve yọ fura opolo okẹka okẹyọọ ogbolo, ẹfẹna ati roro ka ẹẹfa ẹkẹ we amọ nẹ ti tẹ mọ iyaro abẹ ẹnanẹ ṣa bile na a gẹ ẹga.¹⁴Iyaro ọbẹ nẹ be yẹẹ Ilidiya na, a da ke jọ esa iken nẹ wọ Thyatira, nẹ e Osibina na, sa e piyatọn nẹ tọ Idu yo uloko ka ẹpiyatọn nọ ẹkẹna Ẹpol a ga na. ¹⁵Ọgbọnẹ aye aka yu uboworo no orimọmọ a ṣa tẹyẹ tọ ekwin, adaka nẹ na ka nẹ sẹn mọ ẹkarẹ kaa ka i su ọnawọ to Idu, nẹ kẹ ṣa ubowo nẹ ma mo ma e siye wọrẹ tọ ma nẹ.¹⁶Emi siye a yọ adura ẹfaa na, ovan ogben iyaro ọben nẹ su efunwenfunwen nẹ wa ọfayẹn gbaa ga gure tu. Aada ẹkẹrẹ ọyọyọ kẹ nẹ yọ oga abẹ ayẹn nẹ a da kẹ gba na.¹⁷ I ya ọnẹ yẹrẹ Ẹpol aka atọ ee yi ọga a ge ka, iforo ẹnanẹ wa Osibina nẹ fọrẹ na ookotoro. Bẹ ga a nẹ nọ orikpokpo nẹ wa ọnafan eka na.'' ¹⁸E siye ọnẹ nọ isubu ọyọyọ. Amá Ẹpol, nẹ a wọrẹ kaniwu daadaa na, a ge nọ ẹfunwẹnfunwẹn ayẹ ka, "I buru nẹ wo Ijisọs Ekraist iwuru ka u ve ṣa e diye ve sa ọgbọna bẹ iwu.¹⁹Ọgbọnẹ yo oga abe gbẹ ka bọ ọfayen yẹrẹ ẹkẹrẹ mi kwe na, bẹ sọ Ẹpol akọ Esilas bi wuna ba yọ eji etin jẹnẹ to bẹ ẹrẹnro abẹ. ²⁰Ọgbọna bẹ fọ ba ṣọ bẹ ọṣẹnẹkarẹ ẹfa na, bẹ gẹ ka "Iforo be gbọn ti iken iwu Ijuro ayẹ bẹwaa. ²¹Bọ osisiye e mè je gbeli ububuru nẹ wọ Iromaniro nẹ bi di ana sa bẹ yẹrẹ na.''²²Ọgbọne akpẹ abẹ fura to Ẹpol akọ Ẹsiyilasi ọṣẹnẹkarẹ fẹnẹ ba alẹgbe fura i bọ iwu bi buru ka bẹ fọ oṣo bẹ ba. ²³Ọgbọnẹ bẹ bẹ ba ọyọyọ na be kọ ba wọ ẹsẹfiri bẹ ga nẹ ẹnanẹ a ṣelẹ ẹfẹnẹbẹ na ka bẹ kẹ sẹlẹ ba. ²⁴Ọgbọnẹ a wọ uburu ayẹ na ẹfẹna a esifiri na kọ ba fun ẹsẹfiri ibe dẹn fọ ẹwẹrẹgẹ parẹ ba ọṣẹn.²⁵Esiobwe ẹka Ẹpol Esayilas bi ye siye adura aka bi ye tiye ihim a nọ Osibina ero ibuba nẹ wọ esefiri na bi yẹ piyatọn anẹ ba. ²⁶Isọrọ isọrẹ, ije sa e gbun, nẹnẹ ẹsẹfiri ayẹ yọ ọfọ kpa ujin sẹsẹ sa bi jin, ororo ewẹrẹgẹ mi tọ ra pare bọ sẹn na tọras.²⁷Ọga na sẹlẹ ẹsẹfiri sọma fura uba agba ka esefin ujun jin wo ije; e tiye yo ọgọloko ka ayẹ waan yi iwu, ubaka ẹroro ka ẹsẹfiriro bi kwẹ mune furọ ẹsẹfiri. ²⁸Ẹpol yi ̣ga aka ọhum nẹ kpọ na ka, ''U ma rẹn wo iwu oron ka atọ sẹsẹ wo ẹkọ."²⁹Ọsẹlẹ ẹsẹfiri yẹ ka bẹ fọ ọsọ ṣa a wọn iwu fọn aka okpikperi nẹ ọrọrẹ, Epọl aka Esayilas ẹrẹn, ³⁰A fọ ba ve sa gẹ ka, "Edaro abẹ ẹna me ke siye ṣana idi fan a?" ³¹Bọ gẹ ka, "Na Ijisọs Ekraist wọ, wa ka gba ọna fan awọ wọ uboworo.''³²Ọsẹlẹ ẹsẹfiri fọ ba ọgbọnẹbẹ nẹ wọ ujọgọ nọ, epuwa bọ oron abẹ, Ayẹ aka yọ uboworo abẹ fẹnyan siye orimọmọ. ³³Bẹ ga Idu ẹga a nẹ ya aka ero fẹnyan i yọ ubowo. ³⁴Akọ e siye fọ Ẹpol aka Ẹsayilas kpọ yo yu ubowo na a fọ wo bẹrẹn, a bẹnbẹn aka yọ uboworo abe, ka ayẹ na Osibina wọ.³⁵Ọgbọna osiye gan na, ọṣenekarero filẹ nọ ọsẹlẹ ẹsẹfiri ọnẹbẹ ka, "Ni te bi iforo ẹnabẹ ka bẹ.'' ³⁶Ọsẹlẹ ẹsẹfiri ayẹ ga nọ Ẹpol ka, ''Osẹnẹkare filo utun nẹ mọ ka, teyi nu ne kẹ yo. Ni ve sa akana ne ke yọ aka aberiwu.''³⁷Amá Ẹpol ga ne ba ka, ''Be bẹ tọ akpẹ ẹtin nẹ bi me tu ẹga na, nẹnẹ tẹ wọ Iromaniro na - bi di ya nẹ tọ wo ẹsẹfiri. Ibi mi ne ni ka bi teyi tu keyoo ẹbẹbẹn họn? Ee-en! Ni teyi ba bẹ ṣa fọ tọ ve ṣa nẹ bi iwu.'' ³⁸Ọsẹlẹ esefiri abẹ mi di yẹ ki ga nọ ọṣẹnẹkarẹ, ọgbona bẹ wọ ka Ẹpol aka Esayilas wo Iromaniro na, ọrọrẹ sọn ba. ³⁹Ọsẹnẹkarẹrọ abẹ ṣa to ba tẹyẹ ba ekwin bi mi fọ ba ve sa, bẹ ga nẹ ba ka bi fura iken ayẹ⁴⁰Ẹpol aka Esayilas ve fura ẹsẹfiri bẹ yọ I lidiya yọ ubowo. Ọgbọnẹ Ẹpol akọ Esayilas gba bẹ ọda abẹ na, bi gbeba uloko bi mi fura iken aye.

Chapter 17

¹Ọgbọna bi suun mọ iken nẹ wọ Amplipolisi akọ Apolloonia na. Bẹ soo Thesalonica, Ẹfẹnẹbẹ aiyẹ sinagogue ijew rọ abẹka ma. ²Epol akọ edẹ siye ki siye na ẹjẹnẹ tọba, nọ esabathi eta amaba roro ekena iwe ubeka gana .³Eejino Osibinega ẹẹ siyọ alaye ka arọn ka Ekraist asaa ẹjọya ediya sọma fura sa fụra ẹpọrọ. A gẹ ka, Ijisọs nẹẹ egayega aneno ọnẹ na na aya wọọ Ekraist." ⁴Ijew ro ebẹ na wọọ bẹ fi wu gbẹli Epol akẹ Silasi akọ ẹrọ ọyọyọ nẹ su ọfọkọn yẹrẹ newọ Greeki akọ iyaro kẹ kẹ nẹ wọ ẹrẹn rọ na.⁵Ama ẹnanẹ ama na wọ Ijew aka bi bẹ odudu igoli èka bẹ sa kwe ẹrọkọrọ odudu wọọ eji etin, bi yaa apẹ jẹsẹ bẹ kwọ iken wọ osakata akọ oga be kwo etin tuwo Jasomi. Bi yẹ nọrẹ nẹ ba ka fọọ Epol akọ Silasi furọ ẹranabẹ etin na. ⁶Ama Ọgbọna ba ma gba ba na, bi wunọ Jasoni akọ yọda ẹbẹ yọọ ẹrẹro ikem abẹ efa bilẹ ẹpan wale na saa ekọnẹ. ⁷Ẹerọenane nẹ Jasoni nọ oga na bi ma yẹrẹ ọtẹtan ne woo Caesar ekena. Bi ka ẹ su ọbin nọbe - Ijisọs."⁸Bi ye silo ape nẹ jese na iwu akọ iken ẹrẹnro abẹ nẹ wọọ éga ẹnanẹ na. ⁹Ama ọgbọna bẹ wọọ Jasoni ọwọ akọ yẹrọ abẹ na, bi teyiba ka bẹ kẹ yoo.¹⁰Ujoge ọnẹbẹ bọda bẹ filo Epol akọ Silasi yọọ berea ọgbọna bi rẹ ẹfẹnẹbẹ na, bẹ fọmọ Isynagogue Ijew rọ abeka yọọ. ¹¹Ọgbọne ẹrẹ ẹnanẹ bi su olon oma siye fọrẹ ẹnane wọọ Ethessalonica na ubaka bẹ nọ Osibina ega wọọ aka okan ne mẹ si ibẹ ẹbọrẹ na, bi deya gamọ Osibina ega isubu isubu ka bi diye din adaka ukwekia yaa na. ¹²Ume uba ẹrọ ọyọyọ nawọ. Ẹrọ ẹnanẹ ayẹn din iyara aki iforo na wọọ Greek rona.¹³Ama ọgbọna Ijewsi rọ abẹ nẹ wọọ Thessalonica wọọ ka Epol a ga Osibina ega ẹberea, be yẹfẹnẹbẹ bẹ kwọ ọsakata ra file akpe. ¹⁴Iganigan yoo oda abe filo Epol yọọ ebi okẹka, ama Silasi akọ Timothy bẹ mano ẹfẹnẹba. Ẹnanẹ yẹren nẹ Epol na be fwe yọọ iken nẹ bẹ yẹ Anthensi na. ¹⁵Akọna bi siyẹ tẹyi Epol wẹfẹnẹbẹ na bẹ saa bẹ wọọ utun nọ Silasi akọ Etimothy ka bi pila saa toyaye, ako ẹkesiyẹ san ba tana.¹⁶Akọ Epol siya akare ba Athens na, yọọ ẹfunwẹfunwẹn iwu saa akanya akọ e siye gba ka kenaye fẹẹ nọ ujun na. ¹⁷Isubu isubu aiye amo Ijew rọ akọ ẹrẹbẹ nẹ pun Osibina kọọ eji ẹfa nẹẹ ẹnanẹ ẹwẹfẹnẹbẹ na.¹⁸Ẹẹgan nẹ ẹrọeben nẹ wọọ Ẹpicureanro akọ ẹnanẹ de ki nega igben siyẹ ni ya saa nẹ. Ẹbẹn ka, "Ẹna ọnẹ aga uyin na ẹni ka aye gaa?'' ubaka a ga Ijisọs ega akọ osoma pale sa.¹⁹Bẹ fwe Epol ṣọọ Areopagusi ẹfa beya geka, ''Ni jowon ti din otite ọwọwọ ọnẹ nẹ na gaa ọnẹ na? ²⁰Ubaka nẹ fọọ ega ọwọwọ fun tọn tọn. Ọnẹ uba te mi ka ti din ẹkẹna ẹnanẹ jọwọ nọna." ²¹(Ọgbọna Anthenian ro ako ega na mane ẹnabẹ na bi lo bo ọgba bi ya gaa labi biya piyaton ane ega ọwọnwọn.)²²Epol jọwọn wọ Areapagusi etin a ge ka, Ano Anthensi rọ egbẹka nẹ siyọ ọnẹnawọ ọrẹ kọrẹ. ²³Eyọ nẹ tin suun ẹ gba ẹpẹn fenyan ne nee pun na egbo akpase aka ẹkena nẹ wọra wamo na, "Nọọ Osibina nẹ tẹmẹ din naa'' enẹbẹ aya wa ka nọ opunpun wanọ abẹye eka ọọnẹ aiye eganẹnọ nẹ.²⁴Osibina ne maa ẹrọ akọ ẹpẹn fenyan nẹ wamọ na, ubaka aiye awa Idu nẹwọ Osibina ẹsẹn ake ẹrọ, ama nọ Etempol nẹ bi fwọ uba mana. ²⁵Aiyẹ etọka ọrọkọrọ uba aiye bẹ kẹ siyọ ọkọtọ nẹyan bi ya ka ẹni too oguba ubaka aiye a da fọọ ẹrọ nọ rọ kẹ ẹfunwẹnfunwẹn aka ẹpẹn fenyan.²⁶Ọrọ ọyẹrẹ uba aiye a mọọ iken akọ ẹrọkọrọ ka be mane erọ ediya fọ ọgba nẹ ba akọ ọpin nẹ bẹ kẹ rẹ na, ²⁷Ka bi di ni Osibina bi diye di gbọ apẹrẹ ibo ọnini tọwọ osibins. Eme fọ nẹ tọ ọrọrọrẹ.²⁸Iyiwu aiye tema, ti ya poo tiya wale akọ wọ ọgbẹn siye gena, 'ka yiwu aiyẹ bi yẹ batọọ.' ²⁹''Ọnẹ uba akọ esiye gbẹ ka Osibina ẹgbẹn tewana. Tee di ye ki rọrọ ka ọsisiye nẹ wọọ ujun mẹ ka fenyan na aya wao igoli akọ Isilva tabi ọtarẹ - ọpẹ nẹ bẹ fọọ ọrọkọrọ uba siye na.³⁰Ọnẹ uba Osibina fenyan furo imedin ọgba, akana ọnẹ aganeto isubu nẹ aka sẹnọ ekarẹ nọ ẹrọ ukwa osisiye ọrẹ na akẹ ẹnanẹ etiye na. ³¹Osibina fọọ yẹn ọnẹ wọọ ọrọ nẹ na nẹ a fwẹ sọma palesa ẹẹpọrọ."³²Ọgbọna ẹnanẹ wọọ Anthens wọọ osoma palesa furo ẹpọrọ na ẹrẹbe ẹfọ Epol esiyẹyẹ, ẹbẹn ka teke pila pi watọn yẹrọ ega one ọgbọ ọben.'' ³³Urunba Epol tee yi ba. ³⁴Ẹrẹ ẹbẹn bi le biwu bẹ nawọọ gbeli Dionysiusi, nẹ wa Areopagile rọ na, iyaro ọbẹ nẹ bẹ yẹ Damaris aka ẹrẹ ẹbẹ.

Chapter 18

¹Ọgbọna ẹpẹnẹ nane siyẹ suuna, Ẹpol etẹyi Anthensi ayọọ Corinthi. ²Ẹfẹnẹbẹ aiye ẹ tọwọ Ijew ro ne be ye Acquila iken ro ọgben ne wọ Pontusi, no ọgba keke ẹẹfuro Italy saa ijewuro ṣeṣe ka bi furo Iromu. Ẹpol jẹnẹ tọba. ³ubaka ubele ọyẹrẹ aiye bẹ siye ama esiye utun newọ ubo opẹpawọn aiye bẹẹ siye akọ ubẹlẹ na.⁴Ẹpol rọrẹ Esynagugu esabethi isubu kaniyidi bi la okan nẹ wọọ Ijewro akọ Greeki rọ abẹna. ⁵Ọgbọne na Silasi akọ Timothy họlọ sa furọ Macedonia na. Ẹpol fọọ yọọ ogba fenyan nọ Osibina ega, a ga no Ijewu rọ abẹ ka Ijisọs aya wa Ekraist. ⁶Ama ọgbọnẹ Ijewro abẹ senyo wọ bẹ pareya ẹtun na Epol pun yọọ alegbe nẹ ba a gane ba ka "Teyi ne yọọn amano ino ẹpan'' a me wọn wa ka na ọnẹ yọọ mẹ kẹ jẹnẹ tọwọ Iluwero abẹ.''⁷Ẹfurọ ẹfẹnẹbẹ a saa yọọ Titusi Justusi ubo, ẹdẹda nẹẹ ẹpan Osibina na. Yuu ubo keyi Synagogue . ⁸Crispusi, ne wọọ ẹrẹn nọ Isynagogue aiye na anọ Idu wọọ aka yu ubọrọ ṣesẹsẹ Ẹrọ ọyọyọ nẹ wọọ bi rimọmọ.⁹Osibina gane Epol esiye ubweka ẹmẹnẹ, ''Uma ṣomọ ọrọrẹ ama ogega, ume pọ ọwọ. ¹⁰Ubaka ijowon gbeliwu kọrọ kọrẹ ẹkẹdi siye wu kenakide ubaka i su ẹrọ ọyọyọ wikẹn aiyẹ.'' ¹¹Epol mane fẹnẹbẹ nọ eyen ọyẹrẹ akọ ọṣen ọpọnọyẹrẹ ẹtẹ Osibina ega ibẹ ẹtin.¹²Ama ọgbọnẹ Gallio ṣin nọ Igomins Achaia na, Ijewro abẹ fura aka ọkan mọ rẹ two Epol befwe ṣuu èka ọsẹnsẹn eren; ¹³bẹ gẹ ka ẹdẹda ọnẹ gane ẹrọ ka bẹ ke pun Osibina ọrẹ nẹ ma wọ ọserẹ na.''¹⁴Ọgbọnẹ abọwọ Ijwerọ abẹ ka ''Aano Ijewrọ adaka ega nẹ me wọọ ọsẹsẹ na tabi osisiyẹ odudu na eba a rọọn ka tee fọọ ya jenu. ¹⁵Aama akọ esiye gbẹka ega osinsin ọrẹ yọọ nẹyẹ gura ega yẹ nẹ niwu. Aka da mi bẹ ọrọrun ka mẹ siyẹ adajo ayero ega ẹnanẹ.¹⁶Gallio wa bọrẹ ka bi furọọ ẹkarẹ ọsẹsẹn ẹrẹn. ¹⁷Abẹ sẹsẹ saa sọọ sọsthenesi, ẹrẹnro Isynagogue, bẹ baya ọsẹnẹkarẹ ẹrẹn. Aama Gallio ama tekare ẹkenena bi siye na.¹⁸Ẹpol manọ ẹfẹnẹbẹ nọ isubu ọyọyọ bilamo, ẹteyi yọọda abẹ fọmọ ọkọ ebi éka yọọ Syria akọ Priscilla akọ Aquila. Saa na ẹfurọ ebi ọtọn, Cenchrea, a ṣaa yẹ ẹpẹn uba ka ileri nẹ ẹsiyẹ na. ¹⁹Ọgbọna bi rọ Ephesusi na, Epol tẹyi Priscilla akọ Aquila wẹfẹnẹbẹ ama aiye beba fọmọ Isynagogue amọ Ijew rọ abẹ rọrọ.²⁰Ọgbọna bẹ ganẹ Epol ka a ma gbeli ba nọ ogba bilamo na, ee yuru. ²¹Ama akọnẹ ẹsiye tẹyiba na ageka, meke pila ni nu saa adaka Osibina ni na. Emi fọmọ ọkọ ebi èka yọọ Ephesusi.²²Ọgbọne Epol rọ Caesarea na, akpọ yọ jena gamo Ijerusalem echurch emi suun yọọ Anthioch. ²³Ọgbọna ama nọ ọgba kẹkẹ ẹfẹnẹbẹ na, Epol fura ayọ ọsin nẹ wọọ Galatia, Phrygia ẹẹgbe ya ẹgben abẹ ulọkọ.²⁴Eesu Ijewro ọbẹ nẹ bẹ yẹẹ Apollos Alexandrian rọ ya, asaa Ephesu. Eesowo egeka akọ iwe ọnwọnwọn. ²⁵Apollosi wọnẹ bi tẹẹ ọtitẹ nẹ wọọ Idu ẹkana akọnẹ esiyẹ su ọyaya ẹfunwẹnfunwẹn Aagega ediye tẹẹrọ ẹpẹn nẹ jẹgbẹlo Ijisọs na, edin Ejoon imọmọ ọriri. ²⁶Apollosi tọmẹ a gẹga aka okan mọ asisile ibọọ Isynagogue. Aama Priscillia akọ Aquilla bẹ wọọ ẹkẹna agana, bẹ fwe wẹ fẹ bi siyọ alaiye neyan ọrẹ nẹ wọ odẹda na.²⁷Ọgbọnẹ ẹrọrẹ ka aiye suun fọmọ Achaia na yọọ ọdo bẹ gbe yu uloko a wọrọ ikokori nẹ yọọ oda abẹ Achaia ka bi ya gan ya oru. Ogbọnẹ ẹrẹ ẹfẹnẹbẹ na, egwo ẹnanẹ suu ọnawọ áka ẹsẹ. ²⁸Apollo fọ yọọ iwogbigben yẹn akọ nẹ esiye mọọ Ijewro abẹ yaminowo aa yẹn ba akọ iwẹ ọnwọnwọn siye gẹ ka Ijisọs aya wa Ekraist na.

Chapter 19

¹Ẹ siye ọgbe kẹkẹ Apollos wọọ Ẹcorinth, Ẹpọl a yẹrẹ osun vẹ wọ Íkẹmẹ be yẹ ẹ Ẹphe su na asa ẹẹtun Ijisọs yẹgbẹn urumẹka. ²Ẹpọl gane bẹ ka nẹnọ ẹfunwẹnfunwẹn ọ́gbọna nẹ nawọ na? Bi gun no wo ka, ee en, tẹ mẹ si wọya gbaa ẹnẹna be ye ẹfunwẹnfunwẹn ọnwọnwọn.³Ẹpọl geka, ena iwuu áyẹ bi mi ya sanri nẹ nọ? "Bi gunowo ka Ẹjọọn esami." ⁴Ẹpọl gunọwọ ka, Ẹjọọn imomo oroin ákọ imọmọ ọririne wọ íbọ ọrirọrọ pila, agane ẹrọ ka bẹ nọ ẹfẹna áka ṣaa ayuurun na wọ, ọnẹ bẹ awa Ijisọs."⁵Ọgbọnẹ ẹrọ wẹ ga ọnẹ na. Bẹ sami nẹ ẹba Ijisọs iwuru. ⁶Ọgbọna Ẹpọl wọọna a saa fọọ uùba yẹrẹ bẹ pan, Ẹfunwẹnfunwẹn ọnwọnwọn họlọ saa nẹe ba biya gọ iken ẹbẹn áka ẹsẹẹ. ⁷Ábẹ sẹsẹ wa ábẹ ifọrọ ẹfọkẹ bọrẹ.⁸Ẹpọl fọmọ isinagogu a gega ako okon mo sibsile, no osen eeta, ọtitẹ ákọ ọnasiyẹ nẹ wọ Osibina esen. ⁹Ama, ọgbọnẹ ijew rọ ẹbẹn bọkan sile bama naba wona, be tọmẹ bi a sẹn bọwọ ọdudu ọrẹ ánọ áápẹ nẹ jese na. Ẹpọl tẹẹyi baa, Ẹẹyọ yẹ ẹgbẹnurunmẹka biluwa aa pereba íṣubu - iṣuru ibọọ ọhoo Etryranusi. ¹⁰Ọnẹ bi siye áka eyẹn ẹbọrẹ na, ubaka ẹnanẹ amano Asia naa bi di wọọ Osibina ẹga, kọ Ijewu akọ Igreeki rọ ábẹ.¹¹Osibina eki siyo yuútun ọjinọrọfwe uwa Ẹpọl ùba, ¹²Bila mọ ka handkerchief, oja nẹe diya na bi de tiyẹẹ yio ẹfẹna yiuu ẹmẹsiye na bi iguun dẹ tẹyiba ko, ẹfunwẹnfunwẹn odudu dẹ vẹsa fura biwu.¹³Ama e su ijuwish ne suu iwọ gbigbẹn nọọ utun ọlegan ne ṣuun mọ ọsin nọ nẹbẹ na, bide Ijisọs iwuuru kabi de su íwọgbigbẹn yẹrọ ẹfunwẹnfunwẹn ọgbọna baka Ijisọs iwuuru nẹ Ẹpọl ẹyẹ na, Ẹka uuwesa." ¹⁴Ijewish Asigiri osuda nẹẹ gbọọ sẹẹba na suu egben ifọrọ ufọnbọrẹ nẹ ẹsutun mọnẹ na.¹⁵Eégan ẹfunwẹnfunwẹn odudu dẹ siyẹ guna bọọ nẹ. Ijisọs i din, akẹ Ẹpọl idin áam ọna awọọ wa? ¹⁶Ẹfunwẹnfunwẹn odudu nọ wọọ ẹdẹda iwu nẹ siye ọjinọnọrọ fueo Ijisọs iwuru na jowa ṿesa áka yio iwọgbigben áfọrẹba áábẹ ba. Bẹ sa mine vẹsa ubo áiye akọ íwufọlọ akọ ọrọn mi iwu. ¹⁷Áápẹ ṣaa wọọ, kọ Ijeqe ro àkọ Igreek rọ ábẹ na mano Ẹphesusi ọrọrẹ saa sona bẹ fu ugbugbodi no Ijisọs.¹⁸Ẹẹgan ọnawọrọ siyẹ vẹsa bi siyọọ ọwọ ọrọrun, bẹ ga ẹpẹn odudu fenyan nẹ bi kwẹ siye na. ¹⁹Ábọ ọyọyọ nẹ ẹ siye ẹmagic na, kwọ bi iwẹ sa bi jese bẹ kẹnẹ ibayen ron ba gamo ẹkẹna siye fun na yiki ba ekwẹba áyọ Áápa ibọrẹ kakọrọ fọ isilva. ²⁰Égan Osibina éga siye tẹrẹ ákọ ọniyi ẹranẹ iwọgbigbẹn ọrẹna.²¹Ọgbọne Ẹpọl siye yu ùtun kwẹ Ẹphesusi na Ẹfunwẹnfunwẹn fwẹ, suun ọ Ẹmasidoniya áka Achaya ákọ ẹ siye ayọ Ijerusalem na, Age ka, "Mẹ rẹ ẹfẹnẹbẹ kẹ, mẹ kẹ diya gbọọ iromu." ²²Ẹpọl filọ yiọ uùtun rȯ yọọ Ẹmasedoniya, Itimoti ákọ Ẹkraist ama ayi jọmọ wọ Asia nọ gba kẹkẹ.²³Ọgbọnẹ bẹ ẹmẹ pila sun ijuguma oo Ẹphesusi yeri bọrẹ. ²⁴Ọrẹbẹ nẹ a siye ọsọọ uùtun a ne gbọ Ẹdemetrius áyẹ dẹki siye ọshẹrẹ isilva Atemis á fẹẹeyi sa nọ ubutun ero. ²⁵Onuba ákwọ ububutu rọ jese ageka Nidika uútun olako taka gbọ ikiba ọyọyọ.²⁶Nẹẹ gbẹẹ nẹdia wọọ ka ama wọ Ephesusi ama osin fenyan nẹwa Asia ẹkana, Ẹpọl ọnẹ áwọrẹ ẹrọ ọyọyọ bila. Aageka osibina nẹ bẹ fuba mana ama wo osibina. ²⁷Ama wa ka ọnụnuma itu ubele ẹkẹ wamọ ka be ke gbe iji do amaka ẹfẹna tiye gule Osibina nẹ wọ Atermisi ẹka na bẹ diya ke geka eme pila suugbugbodi. Unubs ẹmi na nẹ yio ueoeo fuwa aiye nẹ Asia ro. Ákọ ẹrọrọ fenyan ẹpun na."²⁸Ọgbọnẹ bẹ wọọ ọnẹ na bi ibe be fur'wa bi yiwo vẹsa gẹ ka, "Ọkẹka áya wa Artemis nẹ wa Ẹphesians." ²⁹Ikẹn fenyan bile wu umi ẹrọ mune aki iboyere fọn mọ ẹfẹna biyẹẹ gule na. Bẹ fu uwogben so Ẹpọl obaw ábẹ, Gaius ákọ Aristarchusi ẹnanẹ ṣua Ẹmsidonia na.³⁰Ẹpọl eni ka aiye fun mọ apee etin yio egbenurunmẹka bẹ mẹ yee. ³¹Egan ẹrẹn nọ ẹbẹ nẹ wọ Asia osin saa na wa yoare bi filutun neya aka ekwin ka ma fomo igule uba. ³²Ẹrẹbẹ bẹ yoọga aneepen egane ẹbẹn siya gabeko oboone no apee osakata bije fuwa ábọ ọyọyọ bẹ mẹ din ẹkẹna pọtọ kọ ba jese na.³³Ẹrẹbẹ áápẹ ne gule na be wọọ Alexander gẹyu uloko ẹnanẹ Ijew rọ abẹ ẹnika ẹ siye ẹrẹnrọ nẹba na. Ẹgan Alexander siye pamuba kpososieni kaiye pile ga nọ igule. ³⁴Ama ọgbọnẹ bi dinka Ijewro yaa na bi yọọga vẹsa no wakati ebore ákọ ọhun mọrẹ. Beyaa gẹka ugbugbodi aya wa nọ Artermisi nẹ wọEphesuro ẹkẹna."³⁵Ọgbọnẹ ọpẹpẹpan sọ oga jọọwọn na ágẹ ka, "Áanọ Ẹphesuro ẹra wọ rọ nẹ bẹ nẹ mẹ di ka iken nẹ wọọ Ẹphesu áiye ẹtempul nẹ bẹ fuwẹ Artemisi akọ ushi nẹ fale họlosa fura Osibina ẹṣẹn na? ³⁶Ka na gba ka bẹ dinya sẹ nọ ẹkẹnanẹ ọ. Abowooka ni punọwọ ni mẹ siye ẹkẹna ame wọọsẹre na. ³⁷Nẹfọọ ẹrẹnanẹ sọọ ẹkarẹ uba bi ma wọọ oyiri nẹ wa ẹtẹmpul ẹka na áka ẹnanẹ áma fọ ugbogbodi nọ tọ sibina ọkẹkẹ na.Ọnẹ uba adaka Ẹdemetius aka ubutun rọ nẹẹ jẹ gbili ya na suu ekena bi suu to bọrọ na, ³⁸Ẹkarẹ ubu ujun jin wije áka yi gule rọ bi yaabe ekare.³⁹ Ama adaka ego ọbẹ ya ne teyi bi guru ẹfẹna tiye gule ogba fenyan na. ⁴⁰Ti wuu umi ka bi ṣentẹbẹẹ nọ eyankata amonone éka, Ama bo kaa esu osakata teke di siyio alaye. ⁴¹Ọgbọnẹ agone ke na a ganeba ka ọrọrọ ákẹ yẹyọrẹ.

Chapter 20

¹Ọgbọna ọsakat suu a kwena, Ẹpọl file wọ yẹgbẹn urunmẹka amagba ga ẹẹ wọọ asaa eteyiba yọọ Ẹmacedonia. ²Ọgbọnẹ áyọ iken eèbi suuna áka éga nẹ amaba gá á na uloko ọgbin gbe, efura ehenebe sọọ Igreece. ³Ọgbọna ẹ ẹ siye ọsẹn ẹtaa ehenebe na, Ijew ro ko ẹkọmẹ sa tuwe àkọ nẹ ẹ siye nikayẹ fọmọ ọkọ ébi éka yiọ syria ebilokon yio Ẹmacedonia.⁴Ẹnanẹ yẹrẹ ya yọọ Asia na abawo Isopata, Ipyrrhus fu rọ Ẹberea; Aristarchus áka Isecundus, ábẹ bọbọ wẹrẹ Ẹthessalonia ọnawọ. Gaius nẹwọ Ẹderbe rona. Itimoti aka Ẹtrophimus ⁵nẹwọ Asia saa na. Ẹrẹnanẹ bẹ yẹrẹn nẹtọ yọọ bẹyaa kare to Itroas. ⁶Tẹ fọn mọ ọkọ ẹbieka furọ Ipilip ọgbọna bi mẹ jọọ iburedi ọnẹ bama fii iyesti wọọ na. Isubu upi iiwu bẹ sa ẹtọba Ẹtroasi. Ti jọọn nọ isubu ufọnbọrẹ ehenebe.⁷Isuubo ọsọrọ ọsẹ ọnẹbẹ,ọgnọnẹ ti fule na ka bi ruwọ ibread na, Ẹpọl gega nẹ ọnarwọ ro. Aakwe sa ne ke fura ikenaye yi subu oboro na, ọnẹ wọrẹ ka éga nẹ éni kayẹ maba gan naa ewune jene ne esiebwe ka. ⁸Ifitila yọọ wọọ ẹfẹna tiwu gule na.⁹Ifẹrẹsẹ ọrẹ áiyẹ ọgbẹn Ikirisa nẹ bẹ yẹẹ Eurychusi moso bwefon mi iwuu. Ákọnẹ Epọl siye ki ge ga efomore ọgbẹn nikiriseye aki bwee asaa fale furọọ oirosi ọtatarọ rije, be fwe yẹ pọọrọ. ¹⁰Áma Ẹ̇pọl họlọ ṣa, átọra yiwu wije yẹrẹ ya aa seya filiwu Age ka, "Nẹ mẹ bibe fiwe ubaka ẹwẹro."¹¹Asaa ápọ yọọ ọyirọsi pila a peni iburedi ataayan. Ọgbọnẹ ama ba gẹga ṣe re ọrọrun me ka na Ẹẹ teyi ba. ¹²Bẹ fọọ ọgbẹnayẹ ṣa eeki wẹeọ ákọ ibọ ọfifun.¹³Aate bẹba yẹrẹn, Ẹpọl ákọ ọkọ ébi éka yọọ Assosi, Ẹfẹnẹbẹ tirọrọka ékẹ bile tiwu nẹ. Ẹkẹna aiyẹ beba éwii irọrọ kaye kẹ siye nẹ ubaka eniya égan ka áiye yẹrẹ ọrikpokpo jẹjẹn. ¹⁴Ọgbọnẹ ẹtẹtu Assus, na, ebile tiwu fọwọ ọkọ ébi éka yọọ¹⁵Ọkọ ébiè ẹka fọọtọ yọọ, ti ro ébi ọsuun nẹ wa chiosi na isubu ọọbọrọ. Yu siye gan tii rọọ samosi, osibuu ọnẹ yẹrẹ yana tireo Miletusi. ¹⁶Ẹpọl ẹẹ wokan kayẹ kẹẹ fọọ ọkọ ébi éka ṣun mon Ẹphesusi naiue ke bogba fuwa asia naa, ubaka aa lakata kaye edi rọ Ijerusalem. Adaka ẹkẹ siye gan saanore nẹ yaye egana.¹⁷Iken ne wo Miletus na Efilo ẹrọ yọọ Ẹphẹsusi ẹyẹ Isudu nẹnẹ wi ijọọ aiyẹ na. ¹⁸Ọgbọna bẹ se tuwẹ na agane ba ka, "Aane bẹba din kabe isuubo niya fomi pisi jọọn Asia na, may ẹma nẹẹ lọọ mọọ gba aka ánọ. ¹⁹Ámẹ aiyọ ọkọron ánọ Idu áka mọkan fenyan, liwo íwu, ákọ ọmabalẹ ubaka Ijew rọ ígoli. ²⁰Udin ákọ imẹ siye wuu aan fani akọ i séye tewu wubọrẹ afomu ubọọbẹ. ²¹Neeya nọwọ ka Ijewu rọ áka Igreeki rọ ábẹ nọ íbẹ ọrirọ pila tọwọọ Osibina akọ ọnẹnawọ Ijisọs.²²Akana nẹ baleya, maa yọọ Ijerusalem, akọnẹ Ẹfunwẹnfunwẹn siye wunamo na, i me din ẹkẹna idin fiwu akọ. ²³Ama daka ẹfunwẹnfunwẹn ọnwọnwọn ánọmọ nemọ iken ki iken ka ikurushe ákọ ọyaa jọwọn akaremo. ²⁴Ima na ka mero suu ọrọro na mo, yọọ osepan ka ẹsọ nẹ me munẹ útun nẹ bi yemu wọ Ijisọs, ke ẹnọwọ nọ umumu ẹsọ ọfẹka nẹ mọ Osibina na.²⁵Aama akana nẹ gbẹ, i din ka ánọ sẹsẹ, iinetin áyẹ iya gọọ Osibina ẹsẹn éga, nẹkẹ pila gbaa mayen nọọ ogba. ²⁶Ọna uba ẹnọwọ nẹnọ amone ka, i mẹ súú ébẹ yẹrọ eyon nẹwọ ọrọkọrọ ẹkẹna. ²⁷Ubaka í ma sẹ pila ọsẹrẹ ne wọ Osibina ẹsẹ nẹtọ na.²⁸Ọnuba ne ṣẹlẹ miwu, ákọ ẹrọ fẹyan nẹ ẹfunwẹnfunwẹn ọnwọnwọn yin pila kaa nẹ fenyan taa na. Nẹ fọọ ọlọn ṣẹlẹ Osibina igule nẹ. E yin áka yẹ yọọn na. ²⁹I din ka ogbone me fura netin ke na, ọnẹmọ Osisile be ke vesa enetin eke diya berepan no epepa. ³⁰I din ka innẹtin, ẹrẹbẹn eke fura bẹ kẹ gọ ẹlọgọsẹ ẹga ne bake gwero kin fura ibe gnen onuremeka na.³¹Ọnuba nẹ kwesa wije, neyen ka, ẹyẹn ẹta iwu i ma suba jọọwọn ke wano imoran i woo iwu ujoge aka isubu. ³²Akana efo domo Osibina aka yega nẹ wọọ ẹsẹ ọfẹka na. Aiuẹ áka fọnọ gwee ediya wanọ ẹsẹ ọfẹka fenyan ẹnanẹ eyin pila na.³³I ma na kọrẹ kọyẹrẹ ọ isilva, igol tabi Esa sinna meka. ³⁴Aane be ba din ka muuba aiye siye mọọ ọpọ akọ ọpọ nẹ ẹnanẹ jẹẹ gbilimu na. ³⁵Ẹpẹn fenyan, i da fọ ápẹrẹ yẹanọ ákọ esiye bọwọ ka ni ki gwa ẹnanẹ ẹmẹ ṣile na ubana utun osisiye ákọ kaa ne yẹẹnọ Ijisọs ega, ega ne aiye bẹba ga: 'Aaron ka ọrọ a vaa fọrẹ ka a na."³⁶Ọgbọnẉ, agega ẹnanẹ na, Egume kuntw be guru gba adura. ³⁷Liwọ suun mọwọ, bẹ se Ẹpọl filiwu be fọwọ dọ yọọ ọwọ. ³⁸Bibe befuwa ubaka ẹkẹna aga na, ka be ke pila gbee. Be fwe tea rọọ ọkọ ẹbi ẹka.

Chapter 21

¹Ogbonati furu ibẹ fa na, fomo ọkọ ėobẹka, tẹè yẹro osere jẹnerẹ ikẹn nẹ woọ Icos na yi usuba oboro yọọ Irhodes we fẹnẹbẹ yoo Ipatara. ²Ogbona te gbo oko ẹbẹka na ka foto sun wo soun yoo Iphoenicia na, ti jene fọyan yoo.³̣gbone tẹ yẹro ayen agbo Ecyprosi ka ti suun yaa we fẹẹ uba oguruba na, tii suun yo Isyria tii họlọ Ityre ẹfẹna oko ebeka aka pamu sẹ na. ⁴Urunba te gbo egbenrunmeka, tee ma isubu ufonbore. Efunwenfunwen ore bi ya gan neya kan ama yoo Ijerusalme.⁵Ogbone tu isubu oma suun na ti furo efenebe te yo tore, abe sesese ka bi iworo, ako egben be be fiba ta furo iken tesa ti gumekuten ebi oton, tee gbadura, ⁶tee game abe ewoo, te fomo oko ebeka, abi mi pila yo ubo.⁷Ogbena ti su te ejen epan na furo Iyre tii wura woo Iptolemais. Efenebe tiya gan toodabe tema ba ma no isbu orre ne. ⁸Yi isubu orbor tu fura yio Caesarea. Tee fomubo ne wo Iphilip eka ne wo Osibina utunro awa orere abe ufonbore tee ma ke yaa. ⁹Eededa one esu iyegben ena ne emi si ifore ne gese na.¹⁰Ako tisiye ma no isubu ke kena ogese ro obe woo Ijudea sea ne beye Agabusi na. ¹¹Asaa etotu etiyo Epol Osinsin, oone ase yio osen bilo yu uba ageka Eegan efunwenfunwen wonwonwon siye gane egan Ijew ne wo Ijersalme ekesiye pare yo osisin suba ne be fwe domo Egentitles.¹²Ogbone te wo ega enane na ato ako enane amonbe ikanaiye be teyo Epol ekwin kaa ama poyoo Ijerusalme. ¹³Epol guna bowo ka, "Ena we siya? Iwo oyiyi ako okan mo riruwa? Ee kwesa ama wa ubaka baka paremo me kediye foo woo Ijerusalem noo Idu Ijisos." ¹⁴Ogbone Epol aka naneba na, Te se towo pu osusu. Tee ge ka, "Teyi ona bowo na Idu esiye.¹⁵Ogbone isuenane sun na, Te wo tuu use ti sun yio Ijjerusalme. ¹⁶Too oda eben yereto yio furoo Ecaesarea. Be foo odeda obe ne be ye Mnason, ne woo Cyprusi ro na awa erisoro ne je gbiti ba na, ne be ke bile manaa.¹⁷Ogbone tu re Ijereusalme na, teeroabe ganto ooru akibe ororun. ¹⁸Yisubu oboro Epol yereto Ijames efa, Isuda abe sese ewe efenbe. ¹⁹Ogbonetee gan ba na, be go utn ohere ohere ekena Osibina siye Egentiles ro ibe etin ibo utun osiye na.²⁰Ogbone be woo enane na be gan mo Osibina eba be gan ne ya ka, "Ne gbe ero asamasan ne na woo Ijew ro abe etin na. Be fuba tu uloko ka ba kare yero ububuru. ²¹Ka be be tayi na ba ekena owana, ka utoo Ijew ro sese na ma no Iluwero abe roo abe etin na ka bi mogbeli no Imose, Ka uchi ya gan ne ba ka bi ma ke fwese be egben, ka bi me ki jejen ore ne wo ero osusun na.²²Eena bo wo ka ti siya? Baka wo ka ne saa. ²³One uba ni isye eka te gan neno na. Ti suu ero ena ne fuba tuloko no one na. ²⁴Ne fwe ededa enane, ni puwa niwu won, Ni duna bubaneba ubaka bi di fan be pan ero fenyan edika epen fenayan ne be ge ka bi siye na woo Ishoma, be ke piya ka awe be ba amono osere uburu oyere.²⁵Aama one waa Egantiles no abe ne nawoo na tee wore ikokori iti ibe opin ka bi mune wo epen ke pen ne biyo siyo Iyanpun no Osibina ikekena. Weoo eyon, ekena bi suro egere na, aka esero oses." ²⁶Epol afo ededa enabe yu siye gan biliwu bi foo biwu puwa won, be, fomi etempeli, be gan neba omena opuwawon ake sosiye na aka ova na ka woroyere ekane.²⁷Ogbona isubu ufombore nike siye na, Ijuro abe fura Esiya, oma ne be gba Epol Etemple na be foga bwin be fuba yere be pan. ²⁸Bi ye yooga, "Ano Isreal ro, ni gwo tuba, ona awoo efena etero efa sesese epen ne amo furo one, afoo Greek ro abe fame temple eebe efo owon fuwa." ²⁹Be tayi gboo trophimusi ne wo Ephesian ro akaye Iken bi roro ka Epol fwe fomo Temple.³⁰Iken fenyan woo ojin norofuwa, ero fenyan mune powo wale be soo Epol, bi wune vesa furo Temple be soo ujun sesese jun iganigan. ³¹Ako bi siye, ni ka be wayan na, Aayo Asigiri epan newo osele Ijerusalem na woo ako bi siye eye yoga na.³²E tiye Isolders bili iwu emune jene too ape. Ogbone be, gbe Asigiri Isoldier re epan aka yu utun ro abe na be soo Epol obebe jowon. ³³Asigiri Isoldier ro epan aiyte eturu to ba a see Epol uba a gane ba ka be kwo Esekeseke wuyu uba ako esen. Esin yin ka ero awaa, Ene na e siya.³⁴Ereben Apee etin eyoga epen neben. Ogbone Asigiri Isolder ro eme jowon ni ikweka na uba ka ekare a gane ba ka be foo Epol fomo uku ibe yoo. ³⁵Ogbone a poo tuwo ososi na, i soldiero abe bimi fwe fun ubake apee osakata. ³⁶Apee yere ya bi ye yoga "be fwo fura ekone."³⁷Ako bi siye neka fwe funmo uku ibena, a gane Asigiri Isoldier ro epan ka ediya wa more egega newon, "Asigiri aiye sin ya ka udiya ga Greeki hon? ³⁸Ama awa woo Ehypt ro ne kwo ekome sa oyenren no ero ipipi ore ibore naa awaonoro na fura odan - omibile?"³⁹Epol geka, Ijew ro aiye ame wa, iken ne beye Tarsusi Icilicia. Ewo iken ro ne me siye gan suu okeka na. E tey ne kwin ne wamo re emoo ero gega." ⁴⁰Ogbone Asigiri aiye fo ore naya na, Epol jowon woo otu, osi a pamuba pososi, ogbona be sekare jowon na ne apen see ken na A na ba gega Ihebrew elare Aigeka.

Chapter 22

¹"Eda abe aka "Ededa abe, Ni piyaton no mo owo aguguna ne ma aka ga no na. ²Ogbona nene akpe wa nene Epol a a ga onebe ihibru eelare be se kome. A ga eka,³"Ijoro aye e wa, be ba mo Etasus nene wo Isiliciya na, ama bi te mu iken one Egamalithel uuba. Bi te mu kperekpere ako te eda abe otite siye sile ta na. I su okpara no Osibina, ka ako nene ka ano siye we nanone isubu na.⁴ E ko ya sile orikpokpo abe iwu jen e re ufo, i da pare ba i mi diya ne ba wo enwan ko i foro aka iyaro abe, ⁵ako nene asigiri eepan aka ti siuda fenyan din a nowo na. E na ewora fura bu uba ne eda abe Edamaskos, i diya yo ka i pila ba sa Ijerusalem ewerege ka bi je ba oya.⁶E mi sa e gbe ka ogbona nene ma a yo i mi furu to Edamaskos na, erun kan iganigan aye oso okeka oben tome a a ba gegere mu. ⁷E fale wo ije i mi wo ohun oben ne ne mo ga ka, "Esol, Esol, ena a wore nene o ko e e to mu?' ⁸Igunowo ka, "Ero owa Idu? Aagane mo a? ka, a ma wa Ijisos ne wo Nazareth; I gunowo ka, "Era o wa a, Idu? A ga ne mo ka, "Ame a wa Enasaret Ijisos, nene o ko e e to na.⁹Enane wo efenebe na gba oso aye, ama e me ye ba efena ohun na a a ga ega ne mo na.¹⁰ E ga ka, Ena me eke siya a Idu? Idu ga ne mo ka, "Fura o ke yo Edaskos efenebe be eke we ga ne o epen sesese ne we eke siye na.' ¹¹I me di gba ije ubaka oso aye oobiyobiyo, ako ero abe nene wo me efa na siy se mu uba na, E fon Edamaskos ibe ro.¹²Efenebe aiye i we to efena be e Ananayas na efena so okan oyere kao obuburu siye wora e na Ijew ro abe de diya ke ga ye ega oboro. ¹³A sa e to mi, jowon keye mo a ga e ka, "Mo oda, Esol, na wa anyen pila". Ewakati onebe e gba e.¹⁴E mi ga eka, Osibina ne wa te eda abe ekana tiye ka udin yu unini, ka ne gba oserero aye, ka ni diya no olun ne wo yo owo ve sa na. ¹⁵Ubaka we eke siyo ubedin ne ya ne ya ne ero fenay ekena nene ogba aka nene o wo na. ¹⁶Akana, ena ni jomo a a kare a? Bi ri u imomo, U puwa wi iluwe tura, u ye yi iwuru.'¹⁷Ogbone Ipila yo Ijerusalem na, I ye siye adura Etempul na, E sa e gba emene obey. ¹⁸E gba ka a ga ne mo ka, "Siye kaara ufuro Ijerusalem aka elakata. ubaka ba aka nawo ekena wa aka na wu ubedin yere me epan ekone.¹⁹E ga eka, abe ebeba din ka i ju ba wo enwon i diay be enane na o wo isinagogu sesese na. ²⁰Ogbona nene be sen istivin eenyon na, ka ame jomo e ma ba so uba bile efenebe, i a sele ero abe nene nwan ya na eesa. fuba wano. ma sele enane waya use.' ²¹Ama a ga ne mo ka, "Ke yo, ubaka me eke ke file u yo efa ofifon to Egentayi ro abe."²²Bi piya aton jen e re ogbona nene a a ga ega oti aye na be ga e ka, "Ne fo oro ola one fura ero ubaka e me wo osere ka oro opa ako e pile wo ero." ²³Ako bi siye e e yi oga na, biya gban bu ushe fuwa bi diye e e guma ewulon wo ososi, ²⁴Asigiri ekonro abe ga ne Epol ka be fo e fun edi ibe. E buru ka bi ki sin ye ege aka iben, kadakada ka yae e di din na aye iwu ekena nene kpere ba e e yi oga e e ri ya na ye yooga ageyega na.²⁵Ogbona nene be fo ewerege pare ya ke na, Epol ga ni ipiro aye nene jomo wo ye efe na ka, "E wo obuburu ka bee be efena nene wa iromro na nene be e me ye ekare na? ²⁶Ogbona nene ipiro wo one na, a yo odina eepan efa e mi ga ne ya, a ga e ka, "Ena ne e ni ka ni siye a? Ubaka iromro a wa oro one."²⁷Asigiri epan saa a ganeya, "Hen". Odina eepan pila ka, "ikiba oyoyo aye i e sina uwurugben ne. " ²⁸Ama Epol ga ka, "I be ba mo iromu uuwurugben." ²⁹Kegan enane e e ni ka be tese ye ega na siye tebi ya iganigan ne. Ka odia eepan aye mi sonmorore, ogbona hene e din ka iromro a wa Epol na, Eenane kwesa ka bayo a tayi se ya pare. Isubu oobor, odin eepan e e ni ka aye e din ikuwa yere ofota nene ijuro abe su to Epol na. E mi tora ye ewerege e diye buru ka asigiri eepan abe aka oopa bi gule na uba a pareya na.³⁰Yisubu oboro, asigiri Isoldiero epan enikaiye din ukwe ka yero Ijew ro abe ega nee biya kwo Epol osen na. Aasa a tore a gane Asigiri epan ako enane woo igule okeka na ka bi gule. Be fwo Epol holo sa be fwo wo ibe etin.

Chapter 23

¹Epol gomo gule oopa abeyen agee ka, meda abe, emano osere ako Osibina seero isubu one." ²Ememene osuda Anainasi gane ba ka enane jowon gbile yaa ka bi foyen epen owo. ³Epol ganeya ka Osibina eke fowe-epen, a wo okpin ne me jown osesere, one na. Oomaa ko senekare ako ububuru, kegan ogane ba ka bi fomoo epen, neme woo ububuru na.⁴Enane jowon we fenebe na gee ka, ako udesiye ke pare Osibina utunro okeka etun noo? ⁵Epol gee ka, anje me din. Meda abe ka Osibina utunrun ro okeka yaa. Ubaka be wore, ka we gbado a gaa weren ro odudu once wo ero."⁶Ogbone Epol gbaka osen oyere ne woo oopa be na woo sadduceesi ro ero ububa woo pharisee ro na Apamowo gega ka. Ano mero, ame woo pharisee ro ogben ne wo phariseesi, ubaka i suu ofayen yere o Osoma palese eporo aiye a wore bi ya senme ekare." ⁷Ogbone a gee enane na, osakata fon mo pharisee ro abe ako sadducees ro, ape saa eruwa.⁸ Ubaka sadduceesi ro abe ka emi suu osoma palesa, eme suu angel, eme diye suu efunwenfunwen, ama pharisee ro abe ne enane woo.⁹Oga yoo o bilamo ero eben ne wo erenro pharisee na fura jowon siyo alay ka, "Ti ma gboo ekene ime di siye no orone siye na. Adama esu ka efunwenfunwen, ako angeli mee ge ga woo?" ¹⁰Ogbone osakate ayi suun moo na, Oparisin oga somorore ka baka fene Epol ako one na, Aagane yu utun ro abe, ka bi wolo yoo befwe fura ibe etin soo efena d yen etiye to ehe na.¹¹Ujoge eka Osibina jowon gbeli ya agee ka, "suu oken, akone usiye ki si o eleri nemo Ijerusalem na wekediye siye siyo eleri ne mo Iromune."¹²Ogbona usiye gaan na Ijew ro ebe kwa abe jese jo okpa kabe ke je bi diya waa kenakide emefuraka ebe wano Epol. ¹³Bi re aboo iboore ne je okpa one na.¹⁴Be yoo Asigiri epan ako isuda be gee ka tee bo open ka tee ke jee kenakide eme furaka ete waano Epol. ¹⁵One uba, teeyi igule oopa bi tuwo oparisonoga ka afwe holo sa towu ako we ke siye seno yekare ore ne bowoona. Nee atoo, ate kwesa ka tewayan saa na be si fwe ke saa eko."¹⁶Ama Epol yoo oda iyaro ogben oforo a woo ka ba kariya, ayoo a fomo uku ibe jena gano Epol. ¹⁷Epol yoo oparisum obe agee ka, "Ne foo ogben Ikirisa one jene too no eren ro ubaka esu ekena eni kanye gaa ne ga na.¹⁸Be saa be fwee ogben aiye yoo oparisun oga aye efa agee ka, "Epol nee woo ewan ro na aye eyemu ke efo ogben Ekraist, see towu. Esue ekena enika aye mawo gaa na." ¹⁹Oparism oga aye se ya uba yoo opa esin yaka, "ena usu ne we ni ka oganemo na?"²⁰Ogben Ikirisaye geeka. Ijew ro abe be nowo ka awoo ofoo Epol holo see usiye soo oopa uwaka ibe ke pila ki sin akone ayayi siye wana. ²¹Ama ume piyo ba ton, ubaka afore ero bioore ne jowon akre ya na. Be foo biwu jo okpa ka bi me jijen tabi webi esino ogbena ba wano Epol na. Akano one abeki kare woka ugunowo."²²Oparimisin oga gaa no Ikirisa aye, ka ake yoo ogbona agee enane ke na, "Uma gene ko ro re ka oge enane nemo. ²³Eyo yu utun ro ebore a gee ka,"Ni noo oparisim oparisisin epare be kwe sa uije na aaka yo Caesaria, Ha kakorofo enane diya po aburack na bito iwu ako ero epare naka fo ogbodo don na. Ne ke fura epenak wakati upoyere na ujo." ²⁴Agane ba ka be kwo ene no Epol diya akpo a fwe yoo feli igomma efa eme su ega na.²⁵Asaa a wore ikokori ako: ²⁶"Claudiusi Lysiasi no Felix igomna ne forena. Eegaan woo, ²⁷Eededa one Ijew ro abe a seya bi dey nika be waya ne iya kwo isoldiero abe joo enefan ibu ba na, ubaka idin ka Irom ro ya.²⁸Iye niki idin ekena wore biye goliya na, Esaa efwe yoo igule oopa efa. ²⁹Eyemu ka ebe sinya ega ne je gbeli boo uburu na, amaemesuu one biya tee ne akawore ka be wayan tabi ka be siya juu wubu na. ³⁰Idiya saa woo ka be siyo ore ka be wayan, aiye awore eka elakata file saa idiya gane enane eniya owon ka be foo ekena bee suu se orene na biya saa weren. Esinogba."³¹Ogbamekoro abe foo ase enane siyo utun. Be foo Epol soo eis ebwe saa etuwo Antipatris. ³²Yi isubu oboro, isolder ro abe teyi okpo aburado ro abe ka ayere ya yoo. Bimi pila yoo uku ibe. ³³Ogbone okpo aburada abe no Caesarea na be foo ikokokori aye gutun no igomina, bidiya foo Epol yanya.³⁴Ogbona igomina gan mo ikokori aye na, Eesin ka osin ona Epol. WE asaa omena a woka Cilicia ro yaa na. ³⁵Agane yaka no maka wo wo ofife ogbone enane egoliwu na be saa na." Agane ba ka be fwe eewo Herodi ijoba ubo.

Chapter 24

¹Isuba upi suun, Ananiasi ne woo emenero osuda, isuda eben, ako onega gaa ne be ye Tertullusi na jeno efenebe. Ero enane abe jena ge ega soo Epol igomina eren. ²Ogbona Epol fura jowon igomina eren na. Tertullusi atome a sen yeebe a gane igomina ka, "Wuba awore, ti su iwobebere, woo osisiye foo ogugure soo ti ije one; ³Ako eba aye te ganwo epen fenyan ne we siye na too osi ne fore na felix.⁴Ubaka ima sewo ifiri Eteyi wekwin ka owota ega keke. ⁵Ka te gbo ededa one one ka woo ijoo olo ako o sakata wije no Ijewro abe ka bibila efa ayen towabe. Awo erenro newo Nazarene eka na. ⁶E sisi si yore kaiye bee te temple fuwa aiye te seya. Ti iye ni ka tee sene ekare nega ako too uburu siye gana.⁷Aama Lysiasi, oga, sea afwe fura ako iwu ogbingben fura tuba. ⁸Agane ne enane asen yebe na ka be saa bi towu." Ogbone weke sino Epol egaenance fenyan na, we ke dinka ega enane tee sen ye be ano na awone. ⁹Ijewro abe kabi suba bile iyoo ebe osensen, kabe nawo ka ega enane woo ikwa.¹⁰Ogbona igomina fore no Epol ka agega na, Epol gunow, ee yemu ka ne eyen no oyoyo. Usin o osenekare ro no ije one, one uba aiye maka fo iboronu siye muwa alaiye new wo. ¹¹Awo ebeba diinka a ma fore isubu efokebore ne iye suun yoo Ijerusalme ka iye si iyanpun. ¹²Ogbone be gbamo Temple na, ima moro soo osakata aiye eto ka ekwo efa ega towo synagogue iken. ¹³Be diya fo ikwa ne we gaiye akone bi siye karo egage na semo na.¹⁴Aama ega mibe newo ka akone we ke siyo ki yoo ero eben na, oro enbe aiye iyaa ayere Osibina ne waa teeda abena. E noo epen sesese ne je gbeli ububuru ako ekena gesese ro abe wora na. ¹⁵I sun ofayen yere no Osibina ka osomo palesa wamo no enane woo osere ako erokoro idudu. ¹⁶One uba me si ore ka imsu okan ne sun iluwe towo mosibina aka ero.¹⁷Ogbona oyen oyoyo suun na e saa for ova nee me ro ako iyanpun. ¹⁸Ogbona isiye enane na Ijewu ro eben ne we Asia saa na bi to mu iyan pun osiye etemple ama wa ka akpee tabi ogaa. ¹⁹Eeron enane a bowo ka bi wi wo eren be sen me ebe, aa daka esu ekena bi su na.²⁰Biaka ero enane be go akena woo ekena be imiwu omane ijowon woo Ijewish ro abe oopa etin na, ²¹Eeme fura ka epen no yere nee iyi yoga vesa ogbone ijowon gbeli ba ne, aye awa osoma palesa ena ne woo eporo aye aya wore be fomo saa weren samone.²²Felix, ubaka edin egayi igben sesese. Bi turu egaye yurun. Age ka, "Ogbona Lysiasi opani isin utunro ewoo Ijerusalem holo sa na me ke pila wiwe gma." ²³Asa eye o yu tunro abe ka be foo Epol sun, ama ke su oreka edi ya gboo yore ne ke mika aye gbena.²⁴Isubu keke suun, Felix pila saa aka yoo ro Drusilla. ne woo Ijewish ro na efele ne Epol awo iyba one waa yio onawo Ijisos Ekraist na. ²⁵Ama omone Epol me roro yero osesere, iwu osese kao ekare osesen omunurun na orore sena somo Felix, a geka, "fura more akan, ogbona ma gboore na me ke file noo."²⁶Bila mo esu ofayen yere ka Epol aka fo ikiba neyan egan ede si ye file ka neyan ada meke gegane. ²⁷Ogbone eyen ebore suuna Porcius mi sin no igomia efelix uumba. Ama Felix eno afa ijew ro abe uba, egan esiye soo Epol gun nee .

Chapter 25

¹Efestus fomo osin, ogbone isubueta suun na, Asaa efuro Ecaesarea yio Ijerusalem. ²Asigiri Epan ako Ijew eren ro abe foo Epol ekare saa ta be gane Efestus ka. ³A seno ebe no Epol be fwe suun yio Ijerusalem ubaka bee si ore ka bi gure orikpokpo ka be wayan.⁴Efestus guno ka Epol wone be see jowon Ecasarea na bila mon ka aiye beba eke jene tooba ogbakeke. ⁵"One uba enane ekedi yio naa, bi di yaa yereto. Ee su ekena siye ededa aye na, ni di ya sen yebe."⁶Efestus mano efenebe ama fore isubu onokonokono roo isubu efoo saa na esun yio Icaesarea yi subu oboro amano osenekare adaan agene ba ka be fwe Epol saa etiw. ⁷Ogbona ere na Ijewro abe bi jowon keeba bekwe ega oyoyo saa yeren one egbeka aabebeba ekedi kare soo yu ukwa na. ⁸Epol kare yo owo age ka, "I ma luwe nu aye etoka iboo Ijew ro uburu fuwa me ke yuru ki ifoo. Aama adaka isoma aye be sen bamo ufolo, eme su efena dinya foma donbuba na. I yo Icaesar ekare.⁹Ama Efestus neka aye jo ese Ijew eka, aye ego no Epol owo, "uwe nika ujen Ijerusalem ka esen wa ekare ne epen enane?" ¹⁰Epol ge ka, "Ejen wo ekare osensen ne wo Icaesar ne ba ka lati sen me ekare. E me siye Ijew abe kanakide, aka usiye din na.¹¹I ma luwe nu aye etoka iboo Ijew ro uburu fuwa me ke yuru ki ifoo. Aama adaka isoma aye be sen bamo ufolo, eme su efena dinya foma donbuba na. I yo Icaesar ekare." ¹²Ogbona Efestus moo igule ro gega na Eeguno woka "ofoo ekare aye yo Icaesar eren noo Icaesar waka yo.¹³"No isubu kek obin Agrippako Ebernice bi wuna woo Icaesarea ka be saa gan mo. ¹⁴Bi woo efenebe noo isubu oyoyo Efestus saa foo Epol yen aka ekare ne biya taa na aa geka, Efelise teyi ededa oben worun wekone ako ewanrona." ¹⁵Omena iwo Ijerusalem na, Asigiri epan, isuda abe ne woo Ijew ro na be foo ededa one ekare saa taa moo be bele ka esenekaresa ya. ¹⁶I guna bowo ka ama wa Iromuro osisiye ka be foo efena be foo saa ekare ubu na domo enane bi guru kare ekera uba, ke deye di gboore kare yowo yero ekare ne biya taa na.¹⁷One uba, be saa gure ako, i ma siyi yowon, ama yi su uba oboro ema no ekare osensen aden, i file ka be fwe saa. ¹⁸Ogbone ena ne foo yon ekare saa eren fura kare na bi ma gbo epan kare seya eme furaka ibodudu ne bi sun tede naa. ¹⁹Urumba bi sun ega were were ne bi sun tawe na soo boo onenawo ako Ijisos ne be ka efoo na, ne Epol ka eki wero na. ²⁰Ime din ako ne me ke siye nega yi igben na asa i sin yaka ame keni kaye yo Ijerusalem mo ekare aye ototome?²¹Epol tekare ka be foyaye wo wean ubu jene re ogbona empero eke gunow na. I ganeba ka be fwe sun jeno re ogbona me ke di ye file no Icaesar na: ²²Agrippa moo Efestus gega, "Ka meke nika emoo ededa one mese." "Usiye" Efestus ge ka, waka woya.²³Yisubu oboro. Agrippa ako Ebernice be ako imun ojije be fomo igule uboo ako operisun abe erenro ako ero ekeka ne woo iken ne ogbona Efestus gegana. Be foo Epol saa be eren. ²⁴Efestus ge ka, Obin Agrippa, akaanoero ne wekone bile tiwu na, nee gbo ededa one, ero sesese asama san ne wo Ijew ro na yemu Ijerusalem aka ekone bi yoga ge ka ededa one begbado epila mane ro.²⁵Ewoka eme sun ekena siye ne akawore ke efona, ama uba ka afoo ekare too Empero, yuba awore efwesa too nuu.²⁶ I me sun kenakide ne idiya wore ano Empero ne wa mi du na. Une uba, Efwe sa ne no. Pataki awo, obin Agrippa ubaka idi suu epen ni idiya wora see ekare one na. Uwaka ama sere ka ifiloo ewanro bilamo ka imedi ga ekena e siye na yere ekare aye. ²⁷Awa one ama bo ne mo ka ame wa ewanro aka ega ni wo me epan na.

Chapter 26

¹Agrippa gano Epol. "Udi ya gega ane wiwu." Epol yoruba akare yowo. ²Mibe roon obin, Agrippa, ka Idi kare miwu ega i weren anonone yere o ekare ne Ijewro abe biya saa we ren na. ³Ubaka usu odindin yere o Ijewish ro abe ububuru ako Osinsin. One uba etey wekwin ka usu isuru ne mo udi womo.⁴Ikwa yaa ka Ijew ro fenyan din ako iseye lo mero ka bo mi Ekraist imosun ako iken ne emane ako Ijerusalem. ⁵Bidimu kabo ogben, adaka be naa ka be ga ukweka na, ka i me lomero ako pharisee ro na, enane jewon ako ofoo no to one nawo na.⁶Ogbone, i jowon ka be seno ekare ne mo uba ka mo ofayen yere ilere ne Osibina siye no teda abe na. ⁷Ona awo ileri ne too osin efokebore suu ofayen ifere ka ba ka na ako ne bi siye punya kujo kerun na one ediya woo ekena Ijewuro abe bi golimu aano na obin. ⁸Ena wora bi me di nawo ka Osibina soma eporo palesa?⁹Omena ame be ba roro ka i siyo epen ne eme wosere tuwo Ijisos ne wo Enazareth iwuru na. ¹⁰I siyo enane ko Ijerusalem I jun ereben wewan, Osibina ero onwonwon no ase ne na Asigiri Epan uba na ogbone be wanba na i me jowon gbeliba. ¹¹Efoya jeba iso oyoyo isynagogue ewore be ka be ge ekana amaron na ekaniwu too ba, i goli baa jena fomo iken ebe.¹²Akone isiye ki siye enane na eyo Damascus aka ase asigiri aba uba; ¹³akone isiye ayo na, erunmeka obin egbo oso woo ososi ne see fore eyina ne barimu ako enane ayeremo ayefa na. ¹⁴Ogbone tikwe falle fomi ijena i woo ega ne be gaa ane mo na ne ge Hebrew elare na ka, Esaul, Esaul, enane we goli mi na? Idu ge ka, ama wa Ijisos ne we goli na. Eke numa newon ka ufomo.¹⁵Esaa egeka era owa Idu? Idu gunowo ka ama wi Ijisos ne we goli na. ¹⁶Akana fura jowon, ubaka efo miwu yen woo, iteyemu ko odoo utunro ako ibenu no ekena udin mu no na aka epen fenyan nene maka yen wo uroba na; ¹⁷maka nawofan fura ero uba bilo Egentiles ro abe uba ne ifile wayo otoona. ¹⁸Ka ujun bayen bila furoo esiri soo osoo, furo esu ewerege soo Osibina ubaka bi di noo Osibina epan ogbugbun furo iluwe bilo aron ne maka no enane suu onawo tomu na.¹⁹One uba obin Agrippa, i me siye epan osisile two osibine - esen emene. ²⁰Aama no enane woo Damascus na osoro bile enane woo Ijerusalem na Jeneve iken fenyan ne woo osin ne woo Judea na bilo iluwero abe, i gega neba ka bi roro ibe pila bi pils no Osibina saa, bi ki si yutun na ka ibe oriroro pila ofife saa na. ²¹Ne epene nane aye Ijewro abe biya semo etemple biye nika be wanmo.²²One uba e gbo oguba wo Osibina efa se re amonen. I jomon ka eganibe no enane kere ako enabe gbodi na ka ama fore ekena ogesero ako Imoses ka akasaa sele na.- ²³Ka Ekraist ake joya bilamo ubaka aye wa osoma palese osoro furo eporo aka oso yen ne teero ako iluwero abe."²⁴Ako Epol siye ga yoowo kwe na Epol siye ga yoowo kwe na, Festus age: aka oga, "Epol, weme pile gule, Epen oyoyo nupiya na mi wore ka woo iroro eme pile gule." ²⁵Epol ge ka, "ama waka imiroro eme gule," Awo mosi festusi, Ana eganeno sese ne wi ukweka aka ekare oboro osensen na. ²⁶Obin ebeba din epenenane fenyan, yubore isu uloko ogega enane neya. Eyemu gwe ka eme suu ekena beben neya ega enane fenyan na ubaka be me siyo ega enane ebenbe.²⁷Ono ogese ro abe woo? Obin Agrippa? ²⁸I din ko na woo." Agrippa gane Epol ka, "Ogba keke, we kedi bila mokan i din sin no onaworo? ²⁹Epol gunnawo, "E gbadura no Osibina ka eeside no gba keke tabi fomore, ama wa awo aiyare, ama ero sesese naa awamo amonone na, bakake bale aka amone na. Ama be ke pila woo ewam ewerege."³⁰Obin see fura jowon, koo igomina ako berinice ake enane ma ke eba na. ³¹Ogbona bi furo igule ubo nabemabena gegga ka, "Ededa one eme su ekena e siye na ka wore kee efoo tabi ka be pareyanoya na." ³²Agrippa said, festusi ka, "Abowo ka ti teyiya ake yo ama done ka afoo ekare aye yeren jene towo Caesari na.

Chapter 27

¹Ogbone ti rorore ka ta fomo oko ebi eka yoo Italy na, be foo Epol ako erebe enane wo ewan na domo oparisin ne be yee Julius uba. ²Tee fomo oko ebi eka furoo Adramyttium ne enikaiye suun mo ebi olon ne woo Asia na. Tee yo ebi oton, Aristarchus ne woo Thesalonica ne woo Emacedonia na bile tiwu.³Yi subu oboro te ro iken newo Isidoni na efenebe aye. Julius ee si itoyin ne Epol ediye yaka yore abe yore abe bi siyo oguba neya ne. ⁴We fenebe te yoo ebi otan te fomo oko ebi eka jena fomo Cyprusi ekeyo ogbolo oton, ubaka epere ne wura na ama bere ejan. ⁵Ogbona to suun yo ebi osun,l sun mo Cillicia ako Pampllia nati holo o Myra ikennewo lycia na.⁶ Efenebe aye oparisun aye a gboo oko ebi eka ne wa Alexandria ekena na aka keyo Italy na, Akoto wamo.⁷Ogbone oko obi eka foto jejen no isubu oyoyo na tim ro oko o Cindusi ako onunuma, epera emadiya yaka ti pila yore onebe na temoso yoo ogbolo otan ro crete, obila gomo salome. ⁸Tee fomo oko ebi eka ako onunumo titi jene re efena beye fair Havensi na, ne key. Iken ne wa Lasea na. Ti lo ogba oyoyo, ogbane Ijewish ro a nawe na suu, emi sinno ogba ne sile na ka fomo oko ebi eka, Epol saa kito neba.⁹Aka, "Ano mero egbe ka ejen ne taa so jena aka woo oron aka ofu amawa noo oko ebi eka ako ona kuse na ama bilo efunwenfunwen. ¹⁰oparisin eme si peye Epol aton foreka one yoo oga ako efena bo ok ebi eka a gaa na. ¹¹Ubaka efena oko ebi eka dee ki jowon na ama bere iwu ka bi jowon ni ifu owan ogba, bee yaka bi jowon efenebe, akoko one e siye daa na jene re iken ne woo Phoenix kabidi ma no owan.¹²Phoenix woo ebi oton ne oko ebi eka di ye ki jowon i crete, nane gomayen wo uba oguruba ako ojijen na efena eyi evena. ¹³Ogbone epeir tome ewura keke keke na, enane woo oko ebi ekana roroka bi suu ekena bee nina, Be tome bejen yo crete. Okeyoo ebi oton.¹⁴No ogba keke eperi ne we ako okeruwa naa tome woo kabe ije see ro ogbolo oton. ¹⁵Ogbone okeruwaiye for oko ebi okaye naa bi me pile di yeren ubaka eperi aiye sumowo be fare neya koeperi aye asun eperi aye emi foba eturu. ¹⁶Oko ebi ekaye foba suun ore isin ne be yee cauda na, ako ayen ororona aye tiya gboo oko ebi eka ne suu efwewen na.¹⁷Ogbona be foo oko ebi eka nee suu efunwenfunwen jowon na be se yo oyi bi duwe soo oke ebi aka okeka one be. Orore sunba ka bi ma mune suun moo ogbolo asesen ne woo syritisna. One uba be bere sii ije one biya so oko ebi eka ejowon ogbolo otan na bi di suun ma yo. ¹⁸Ti si yako jejen ako uriri ayen eperi etin na wore ka isubu oboro bi mi so ona aka use na woo ogbolo oton.¹⁹Yii usubu otetaro, enane a woo oko ebi eke na be kwooko ebi utun epen gban me wro ogbolo oton aka bu uba. ²⁰Ogbona eyi ako osen na ma ba neto no isubu oyoyo na, eperi okeka onebe di ya si egan baa ritu na, eti pile suu ofayen yere ka ta ka fan be diya yurutu wije.²¹Ogbona bi jejen fomore ijen ne me wamo na, Epol furo jomon apee etin enana awoko ebi ekana ageka, "Aroro, eba mi pi maton, time mi fura i crete, ubaka ti me joya aka ofu ne seye tuna, ²²Ogbone i gbe nu uloko ka tee ke suu Efunwenfunwen ofu ine etin emefuraka ofu ne woo oko ebi ekana.²³Esiobwe eka angeli ne woo Osibina ekena ni je gbeli na, ne idiye pun na - jowon keye mo, ²⁴age ka, uma somo orore Epol we ke joroo caesar eren, we ke diya gboo Osibina iyo ese na newo aka enane aa newo ka ni bile fomo oko ebi ekana. ²⁵One uba suu okan, mero, ubaka a fayen yere Osibina kaegan eke siye dance. Kama akone bi siye gane mo na. ²⁶Ama take mune eso sun mo ogbolo oton ebe.²⁷Ogbona isubu efokena ujogwe too na ako tii siye ki wo ebi ibe esuuna Adriatici ebi okeka na, Okeyoo ujoo enane awoko ebi ekana bi ye roroka ebe keyo ogbolo. ²⁸Bi tiyo asesen bi twoo, bi two Ekobo ogbolo amo, ogb keke ni suuna bi diye ki tiye aton keke bi diye ki gboo Ekobo efokena amon. ²⁹Orore saa suuba ubaka akone bi siye turu twoo ije na boko ebi eka chiye pila ido, be saa be ne mo oyi ka bi ga sa oko ebi aye jowon be gbadura ka usiye a saana gan.³⁰Enane awoko ebi eka yee na be nore ne beke teyi oko - ebi eka ye na ubaka be foo one suu efunwenfunwen na woo ebi ibe bi siye uwaka ibaka ne mo oyi woo osun ka bi ya soo oko ebi aye ka jowon. ³¹Epol gane ogbamekoro abeka, "Eme furaka ero enane mano oko ebi eka, ne ke di gbo onena fan." ³²Ogbamekoro abe semo oyi abe furo oke ebeka aye oko ebi aye jejen turu fom bi.³³Ogbona usiye ni ka gaan a, Epol gbebu uloko kaa bi jijen. Aage ka, Amone eduwe isubu efokena ne ba sele nona ne me diye jijen ne me je kena kide. ³⁴One uba igbe mu ulokoka ni rawo ijen ka ona woo no o nenafane eme suu no ne aka nemoipen ibire oyeye fura inee pan na. ³⁵Ogbona agega enane na, etiye iburedi, agano Osibina eba aapeeayen.³⁶Aa bomo iburedi aye atome eejee one gbebu uloko kabi yee jiyen. ³⁷Tewa ero epare ko ita ka kore fo ko eto oponoyere. ³⁸Ogbone bije ne bi na, be saa so oko ebi eka aye ka eme pile run be kwo i wheati gunma furo oko ebi eka woo.³⁹Ogbona usiye gaaan na be me pile kpeli o sere ne bi we jowon na, ba gboo ogbolo oton biyee rore akone be ke siye we boko ebi eka roo efenbe jowon na. ⁴⁰Be seno oyi ne abo ka bi ya se boko jowon ogbolo otun naa bi teyi ba woo ebi ibe. Ogbonebe aye bi diya toro oyi ne be yaa so oko ebi eka ka eperi ama mafwe ke damina ebi na bi mi turu soo ogbolo oton. ⁴¹Oko ebi e kaye emech joile jejen akone asesen siye seya jowonna. Efenebe bi jowon woo bi me pile di suun, bila mon ogene aye saa pen ubaka epri nee woo ebi oke kaye na.⁴²Isoldiero abe iroroay ka be wane ewanro ubaka bi me di bofi ebi ne be ke mune na. ⁴³Ama isoldiero utun ro aye enika aye na Epol fan, Ase bo iroro pan agane enane di yo bori na ka be bori jene re o sun kee bi jowon woo osun. ⁴⁴Abe enane ka na be ke yereba. ereba epako osi bilamo erebe yero epn ebe ne be gbaaoko ebi ekana. Okene ato sese siye siyene suun fomo ijene ebi oton nee.

Chapter 28

¹Ogbona be foto suun na, aye tiye dinka ebi oton ne tire na aye beye malta. ²Enane woo ikena na ye na bi meki na to gaa gbogba ako ese, bi pooso ka bi ya ganto oru ubaka osi naa saa ogbofa fanyan ako ifuu.³Ama omone Epol kwo okun jese ako ba wera na, epeni didu obe fesa ubaka ogugula emine bele kese yuba. ⁴Omana ikenro abe gbe ako one maye siye jomon woyu uba na Be gana abeka, "Ededa one, owanoro yaa ne be na fan okun vesa na. Ekare osesen ebe yaka epiila manero."⁵Ama egbun mo onemaye wera kenakide eme siye. ⁶Be kariey ka igun a seya tabi ka a sen foo. Ama ogbona be kareya no ogba ofomore be gbeka kenakide emesiye na, bi bila bokan, be geka Osibina ya.⁷Ogbone ikeny ije ne wo okekanro eka ne keyo ebi oton na ededa oben ne be ye Publiusi na amato oga, esiye toga noo isubu eta. ⁸Asa egbeka ededa ne woo Publiusi na suu iba ako osen ogugume. Ogbone Epol jene tuwe na, agbadura afoo uba yereya iwu afoyo iwu gan. ⁹Ogbona one siye na, enane ku ne woo ebi oton ne bi wu emesiye na be saa towe kabe gboo iwu ogegan. ¹⁰Erenabe foto poo ako ohehene ogbona te kwesa ka te fomo oko ebi aka ayo na, be wato epen feyan ne ti ni na.¹¹Ogbona osen eta suun na, tee kwesa ka tefomo oko ebi eka ne ma loo owan ogba ebi oton, oko ebi eka ne woo Alexdanria ekana ako ibejei Osibina ne wayoo epan na. ¹²Ogbone tu re iken ne woo Syracuse na tee mane efenbe no isubu eta.¹³Efenebe aye tiya fomo oko ebi eka suum tu roo Rhegium. Omena isubu oyere suun na eperi obe woo uba ojijen saa isubu ebore iwu tu roo Puteoti. ¹⁴Efenebe aye tiya gboo toda eben bi ye tu ka tema gbeli babe no isubu ufonbore. Ako tii siye siye tefomo Irome ne. ¹⁵Efenebe aye too da abe ogbona be woto na be saa eetotu se roo eji ne woo Appius ako Travesn ota nee. Ogbona Epol gboo yeeda abe na, agamo Osibina eba esu uloko.¹⁶Ogbona be fomi Rome na bi teyi Epol ka ake ma ke ne yiwu ako isoldier ro na seleya na. ¹⁷Ogbona isubu eta siye na Epol yee o ero sesese ne wo eronro Ijew ro abe etin na, ogbona be saa na aagone be ka, Anol meda abe i me siye kenakide ine je gbeli ekena anaron towo ero osisiye nee woo be ededa ekansi be semo ako ewomro na kabo ijerusalem domo Romamiro abe uba. ¹⁸Ogbona bi sin mu ega owo ekana, bi ni ka bi tea mu wije ka ekeyo ubaka eme suu ekena diye foo ufoo asa okare aye na.¹⁹Ama ogbone Ijew ro abe ge ekena be ni na. Yuba apere efwe ekare aye yoo Caesar efa. Eme ke gbeka e foo ekare aye mi iken nosen. ²⁰Une uba, yubore Iywen ubaka i di gbawo diye di mawo gega. Ubaka Isreal ro bo ofayen yere aye wore iye file ewerege enane.²¹Be gan neya ka, "Ti ma noo ikokori furo Ijudea ubaka wuba. Aye etoka esu waoda abe ne saa foo utun saa ka aye too be ge ega na na amaron se woo na. ²²Ama teke ni ka tewo fura iwowo ekena awuroro ako one onawo onena, ubaka awo roro ako one onawao onena, ubakaofa fenyan aye biya geega ase yo namarona."²³Ogbona bi ti isube neya na, ero oyoyo neya saa efena amana, Afoye ga yenba, a goo ikwa ne wo Osibina esen ekana. Esi ore kaye siyo alaye neba. Ijisos oore uburu nee woo Imoses ekana aka okone ogesero siye ge na, woo kabo ororun jenere iyobebere. ²⁴Erebea woo ekena bi kwe gaa na, efenebe aye ereben ama nawo.²⁵Ogbona bama naa nabe na, bi teyi Epol ogbona a gayega kwena. "Efunwenfunwen onwonwon goga dadaa Isaiah ogesero no ne ededa abe. ²⁶Age ka, ne yo ni ye tuwo ero enane ne gee ka, moo owowo aye uwa womo eke yewu bila mo moo ogbawo aye waka gbamo ama waka wo oyenyen.²⁷Ubaka okan ne woo erokoro ekena efun bila mo aka boton enuma ka bi di wooton, bi di ya see bayen puu ama de gaan boya eba bidi gbayen aka bayen. Bi di edi edi wooton aka bo oton. Eyeba aka bo okan bi di bila aye maka fabiwu gaan.²⁸One uba abowo ka ni din ka one na fan ne woo Osibina eka na bi ye file no Gentiles ro be ke diye piya atone. ²⁹Ogbona age enane kwe na Ijew ro abe fura efenebe be yaminiwo abe ne etin.³¹¹ma Esaul, aka gega ne worore ufo ekana too Ijisos yegben urumeka emi jene too Asigiri abe epan, ²kaa aye ni ikokori yoo isinagogu e Damascus, ka boya aye aka gbo ofor abi iyaro ubaka iye di ko ba sa Ijerusalem.

Romans

Chapter 1

¹Ẹpọl, Ijisọs Ẹkraist oọ̀van nẹnẹ biye ka adọ Apostu na, nẹnẹ bi tiyẹ obo nọ Osibina yọ ẹpepan nọboro na, ²nẹnẹ a ron mo wow nọ ú runsa íyo ogẹsero orebwo owore ọnwọnwọn. ³anumi ane yọ ogben oforo, nẹnẹ wo Idavidi yọ ubanẹ iwukpe na.⁴Ẹfuẹwfuwẹn nẹnẹ wọ onwowwow na ka ada Osibina ogben ọsọma pale ṣa ékporo, Ijisọs Ẹkraist tọ ọ Idu. ⁵Iyọ ọrẹ tẹ gba ese akọ apostu nọ ọton mowọwọ aka ọnawọn nọ erọ fenyan iyọ ọ iwuru uba. ⁶Uwuru fenyan enane biye wo ka oda Ijisọs Ẹkraist eka.⁷Nọ ero fenyan Irom nẹnẹ wọ Osibina yọ uniniro eka na, ne biye ka bẹ da Osibina yọ onwowwow ro abe na: nẹ nọ aka iwu obeberẹ wọ ọ Osibina ẹfa, tẹ Ẹdẹda aka ti Idu Ijisọs Ẹkraist.⁸Oṣoro, ẹgan mo Osibina ẹba Ijisọs Ẹkraist iwuru nẹ na nọ fenyan uba ka bẹ kpọ nọ ọnawọw ẹpẹpan ẹrọ fenyan. ⁹Osibina awaa mọ ubedin, nẹnẹ isiye yo-utun anọ imọ ẹfuwẹnfuwẹn nọ epepan no-oboro ogben nẹ ka, akọnẹ ide siye kẹ ga wẹga ọgba fenyan na. ¹⁰Ọgba fenyan ida bẹlẹ imọ adura ka idi su osiye vẹ ẹpan, iyurun ba ọgbọnẹ, Osibina yọ ibo opin imọ ọsa wẹfa.¹¹Ini ka ẹgbawo, idi fọ ọ ova nẹnẹ wọ ẹfunwẹnfunwẹn ẹka na, edi fọ iwogbigben. ¹²Aya wa ka ọrẹ fon nẹnẹ me nika ni di fọrẹ yẹmọn, oro-orore yẹrẹ ọ́nawọ, nẹka aka mẹka.¹³Akana, ime ni ka nẹda ọda ẹnanẹ eme din kena kide na, ọgba fenyan ide nika ẹṣa to nu (àmá ọrẹ eme wo wamọ nẹmọ ama da akana na), ka idi gba ilukutu iniwu, akọ nẹ isiye su Ikuwaro abẹ iwu na. ¹⁴Oju ba ayẹ wa nọ Igiriki ro aka ẹga nọ ogben nayẹn aka abẹyẹ. ¹⁵Aa mẹka, ẹkọ ẹsa ka ẹpọ ẹpẹpanoboro jeb tọ ẹnanẹ wo Irom na.¹⁶Epan na makomo nọ ẹpẹpan noboro ayẹ, Osibina yọ iwogbigben wanọ ọnafan nọ orokoro nesu onawow na ubaka Ejew oṣoro aka no Igreek. ¹⁷Ubaka ọ Osibina osere biya yẹn iwo onawo re onawow akone bi siye wore, "oserere akama akọ onawow."¹⁸Ubaka Osibina yọ iwu-okeka áyen kabo Osibina ẹ ẹ̀ṣẹn nọ ẹnanẹ emeje gbeli ọnwọnwọn na aka nẹnẹ emaje gbeli oserer abe na enane dewo ore nena mawo osere se yo-urun ikuwa ri. ¹⁹Ọnẹ wọrẹ na awaka, ọnẹnẹ bi din se Osibina na, ayẹ ba gba. Ubaka Osibina te bọrẹ.²⁰Yọ oboro nẹ ayẹn na ma gba na, akọ ọ yọ ọ iwogbigben nemesu ọta na, aka osi ọọ̀ma ero kwe gbẹ ama bẹbẹ ṣana bi diya mọ ẹrọ ọnẹ, ewo ẹpẹn fenyan nẹ bi siye na, bi rorẹ bi lọ ẹpẹn fenyan nẹ bi siye na. Ọnẹ uba be me su ẹkarẹ okarẹ. ²¹Ọnẹ uba, bi ki din Osibina ro ama be me kuru nẹyan aka Osibina na, be me diye yisi gan yẹn ẹba. Akọkọnẹbẹ bi ṣinọ abẹyẹ ibọ iroro bọ ẹfunwẹnfunwẹn ṣinọ esiri.²²Be siye ka abi gben na yẹn, ama abẹyẹ bẹwa. ²³Bẹ fọ ugbugbodi ne wọ Osibina nẹnẹ e diye fu na anọ ọ unini nẹ wọ uṣi nẹ wọ ofufu orokoro ẹka na, ọnẹnẹ aka ọne nẹnẹ su ipisi ẹna na aka ẹpẹn ẹnanẹ e vunije na.²⁴Ọnẹbuba Osibina fọ ba no bọ ọlarẹ nẹ wo ba uloko na, nẹnẹ ama wọn na, bọ iwukpe emesu okuru nọ abẹ etin. ²⁵Abẹ ẹnanẹ fọ ọ Osibina yọ ikuwa biya nọ iṣoma na, biye pun, bi diye siyọ okoto anọ ọnẹ be mana ore nebo ka ẹfẹna ini ẹrọ na aye su okururubile re ọgbọna eme su ọta na Aamin.²⁶Ọnẹ uba, Osibina fọ ba nọ uni siye ne me wo ọṣẹrẹ na, bọ iyaro fọ ọ ojegbeli ọnẹ bọwọ na nọ ojegbeli na ma bọwọ na. ²⁷Ọrẹ ọlọyẹrẹ ọnẹbẹ iforo abẹ tebi osisiye nẹnẹ abọwọ ka bẹ ma iyaro abẹ ki siye na, bọ ọlarẹ wọrẹ ba ma bẹ ne siye. Iforo ẹnanėo e siyọ ọ ẹpan nọ kọkọ ẹga e to iforo, bi diya gba oya nẹnẹ bọwọ ba na nọ oṣisyliye nẹnẹ bi siye na.²⁸Uba ka bama fọ uba ka Osibina ewọ babẹ ẹrọ afọba nọ ọ uloko nẹnẹ eme siye ọṣẹrẹ na, bi de ki siye ẹpẹn nẹnẹ eme wo ọṣẹrẹ na.²⁹Bi fe nọ ọ onẹnẹ ama wọ ọsẹrẹ na, ẹga odudu, ọlarẹ aka oro ọfọ wibe. Bi fe nọ oro iwu ọkẹkan oro ọwẹnwan, iwu ọkẹkan, awọrẹ, aka ẹga odudu osu wibe. Ọsọ ọ ero eṣe bẹ wa. ³⁰Obo oro iwuru fuwa, ẹnanẹ eme ni Osibina ẹga na, ẹnanẹ me su okuru no na, otiyayẹn, oko agumabonọrẹ siye ẹga odudu, ba wọ ọtọn ma nọ ẹdẹda aka iya. ³¹Be me su ifoni, be me su ọnawọ, uloko oṣiṣile aka be me su eyi.³²Bi din Osibina iyo osisiye ne be wora wijen na, ka ẹnanẹ e siye ẹpẹn nẹnane na abọwọ ka bi fo. Eme gbeka aba yẹrẹ e siye ẹpẹn nẹ nane, bi diya fọ iwu gbeli ẹnanḍ e siye na.

Chapter 2

¹̣nẹ uba, ume su ẹkarẹ kọyẹrẹ, enane dakẹ sẹnẹkarẹ na, ẹkẹna nẹnẹ wa ṣẹn nẹ rẹbẹn nẹkare na ayẹ ba ka sẹn ne kabe. Awọ nẹnẹ aṣen nẹ karẹ ano-ero na ẹpẹn ne nane ka awọ we siye na. ²Ti din ka Osibina yọ ọ ẹkarẹ ọṣẹnṣẹn ikuwa aye awa, aka falẹ wọ ẹnanẹ esie ẹpẹn nenabe na.³Amà ni roro ọnẹ, anọ dake ṣẹn nọ ẹnanẹ e siyọ ẹpẹn nenane ẹkarẹ na ọnẹne gbeka, ẹpẹn-nenabe kanọ e siye na. Ini diya fan furọ ọ Osibina yọ ọ ẹkarẹ ọṣẹnsẹn? ⁴Sa ini roro ka iyọ arọn nẹ wo iyo-eyi na aka yọ ọya nẹnẹ aka sane je oro na aka yọ ne? Udin ka yọ eyi afọ ọgba nẹwọ ka uroro ibe pila?⁵Ama ere wọ uloko oṣiṣile aka uloko ne me rorọ ibe pila na, kaa ọkọ éjèse ọkẹkan, re ọkẹkan isubu, aya wọ ofọyẹn ni subu nẹ wọ Osibina yọ ọ ọṣẹrẹ ẹkarẹ ọṣẹnsẹn. ⁶Èke duna ororo nẹ fẹyan nẹ e siye na. ⁷Nọ ọ ẹnanẹ fọ iwu na nọ ẹpẹn no boro o siye na, bi nọ ọ ugbugbodi, okurunọ, aka ọnemesobe, aka fọ ọ ẹrọ nẹnẹ emesu ọta na.⁸Ama ẹnanẹ egbeka abayẹrẹ ẹka be gu na, nẹnẹ ṣọ tọn nọ ikwa na ama bẹ nọ ọnẹnẹ ama wọ ọṣẹrẹ na awọ, ọkẹkan aka iwọ ọkẹkan odudu aka ṣa. ⁹Osibina aka fọ ẹrọnanyẹn aka ibẹ oninefuwa nọ erokoro fenyan nẹnẹ siye odudu na, ọṣoro, nọ ọ. Ijiwu ro abẹ, diya nọ Igriki ro abẹ.¹⁰Ama ugbugbodi, okurunọ aka iwu ọbẹbẹrẹ aka ṣa nọ iro fẹyan nẹnẹ e siye oboro na. Tayẹ nọ Ijiwu ro abẹ aka Igiriki ro. ¹¹Emesu ọbalayẹn siye Osibina ẹfa. ¹²Abe ọyọyọ nẹnẹ luwe na ma wọ ọ ububuru ọrẹna, be ke fu, kọ ẹnanẹ diye luwe ububuru ọrẹ na, ba ka ṣẹn nọ ẹkarẹ ububuru ọ́rẹ̀ nẹba.¹³Ubaka ama wọ ọ ẹnanẹ awọ ububuru na ewo ọṣẹrẹ Osibina ayẹn ama ẹna nẹ e siye ububuru ayẹ na abẹ baka ṣẹn nọ ese. ¹⁴Ọgbọna nẹnẹ Ikuwero abẹ, nẹnẹ me su ububuru na siye ibọ ọma ẹpẹn nẹnẹ wo ububuru ẹka na, ububuru bėo wa no biwu, kakọnẹ ne me siye su ububuru ayẹ na.¹⁵Ọnẹ ùbq biya yẹn ka osisiye nẹnẹ ububuru enika ti siye na, bẹ wọrẹ wo ibo uloko. Bọ ẹyẹ uùbedin aka da ubedin nẹba, ka bọ ọ iroro eke siye ọfọta nẹba, edi diya anẹba. ¹⁶Diya nọ Osibina aka ṣẹn nẹ karẹ ẹbẹbẹ no roro ke siye na, imọ ọ epepan noboro Ijisọs Ẹkraist ọọrẹ.¹⁷Ama wa ba wiwu iwuru Ijiwu ọfọ wiwu gbelọ ububuru udiya fọ Osibina kẹ ko agumabọ, ¹⁸udin yọ ibe-opin, udin fuba wo ọnẹ wọ ọṣẹrẹ na, uba ka bi te wu ububuru; ¹⁹ama we su anyẹnọsẹ ka, awọ ẹbẹba ọfọ ọ ọrẹ ayẹn nọ ọ openayẹn ọsọ udiya wa nọ ọ ẹnanẹ wo e siri na, ²⁰oforikpọkpọ yẹn na abẹyẹ ro, otitero nọ egben ni kere, aka ka ti su odindin, ububuru, ọnẹnẹ wọ odindin ikuwa ẹka na, gana ọnẹ siye dẹyẹ akọ usiye siye wẹrọ na?²¹Awọ nẹnẹ we te ero ẹbẹn na uweme tw wiwu họn? Awo nẹnẹ wa ga ka ero emeki yirọ oyiri na, awọ e yirọ oyiri họn? ²²Awọ nẹ gẹ ka ero ama kẹ sẹ oni na awa sẹ oni họn?. Awọ nẹnẹ uwe ni ujun ẹga na, ama we yi rọ ẹtẹmpulu oyiri?²³Awo nẹnẹ uda fọ uba ke tuloko ububuru na, uwe me kuru nọ Osibina nẹnẹ uma yẹrẹ yọ ububuru na? ²⁴"Ka, be siyọ ẹnakọ e tọ Osibina yọ iwuru ikuwero abe iwu, wu uba apẹrẹ," akọ e siye wo ọwarawije na.²⁵Ifuwẹsẹ wọ ọ ẹkẹrẹ nẹwọn, we ki siye ọnẹ obuburu gana ama adaka ume siye ọnẹ nẹ ububuru ga na, uwe ṣina ẹfẹna ba ma fuwẹsẹ na. ²⁶Adaka ẹfẹna bama fuwẹsẹ na ayẹrẹ ẹkana ububuru ga na, yọ o ifuwẹse nẹ bama fuwẹsẹ na, ama bọwọ ka bi rorẹ wo ka bẹ fuwẹsẹ họn? ²⁷Ọnẹnẹ egbeka bawa fuwẹsẹ ka bọ ọ ije ṣa na, è éke won wu họn, ayẹ è siye ọnẹnẹ ububuru ga na? Ẹkẹ na wọrẹ na wa ka usu obuburu nẹbẹ wọra na aka ifuwẹsẹ, ume ki yẹrọ obuburu!²⁸Ámà wọ Ijiwu ro nẹnẹ egbeka ọnyẹn yana, sọ ọ ifuwẹsẹ nẹnẹ ki wọ ọ ọyẹn nẹkq, iwukpe na. ²⁹Ama Ijiwu ro ya wọ ibe ẹkana, ifuwẹsẹ ayẹ awọ uloko ẹka ẹfunwẹnfuwẹn, ama wọ ọ ikokori. Oro ọnẹbẹ yọ ọ uyiyeyi ewọ erokoro ẹfa aṣa, Osibina ẹfa edewe ṣa.

Chapter 3

¹Ọna wọ ọfọfọrẹ nẹnẹ Ijiwu ro su na? Aka ẹna wọ ifuwẹsẹ yọ ọ ẹkẹrẹ a? ²Ẹpẹ nọ kẹka ya ọrẹ feyan oṣoro, Ijiwu ro abẹ Osibina fọ ọfọyẹn dọn bu ba.³Adaka Ijiwu ro ẹbẹn ne me su ọnawọ? Bọ ọ́mà na wọ ayẹ, ebana asọ ọ Osibina yọ ọnawọ jọmọn họn? ⁴Èke siye ẹgan da, akọkọ ọnẹbẹ jọmọ tẹ gbaka, Osibina aya wọ ọ ikuwa eyisi gbeka orokoro efnyan awọ ọ iṣoma ro. Akọnẹ bi siye wọrẹ na, "Ka ọgbaka bẹ fọwọ yẹn aka ọṣẹrẹ ro na iwọ ẹga ọgẹga, udi jọ ese ọgbọna we re ẹkarẹ oṣeṣẹn na."⁵Ama adaka tọ oṣẹrẹ nẹ te me siye na afọ ọ Osibina yọ ọṣẹrẹ osisiye yẹn, ẹna ta ka ga? Ita ka ga ka Osibina eme siye ọṣẹrẹ họn ka afọ yọ okẹkan yẹrẹ tọ? (Orokoro yọ ọ osakata me lọ.) ⁶Èye siye ẹgan da! Ọnẹ uba gana Osibina eke siye ṣẹn nẹkarẹ nọ ẹrọ a?⁷Ada ka Osibina yọ ikuwa imọ iṣoma wọrẹ yọ ugbugbodi san, ẹnanẹ ba kẹ ṣẹn mọ ẹkarẹ akọ iluwero na? ⁸Ena nẹ na ma ga akọ bi siye betu fuwa na, bẹ gaka, akọnẹ ẹro ẹbẹn siye gaka tẹga na, "Jọmọ ti siye odudu, oboro edi ṣa"? Bọ owiwọn aṣẹrẹ.⁹Ẹna awa? Ite ewuna tiwu efura họn? Ama wẹ gan. Itẹ tayi siye ọfọta nọ Ijiwu ro aka Igriki ro abẹ, fenyan ka bi wọ ọ iluwe igben. ¹⁰Ọnẹ ewo akọnẹ bi siye wọrẹ na. "Ẹmẹsu ẹfẹna nẹnẹ e siye ọṣẹrẹ na, emesu koro ọyẹrẹ".¹¹Eme su ẹfẹna din na. Eme su ẹfẹna ni osi gba na. Abẹ fenyan ke pita yurun. ¹²Abẹ fenyan ṣinọ ọ ẹpẹn gbọgba. Eme su ẹfẹna e siye oboro na, emesu koro ọyẹrẹ."¹³"Bọ ọ ofe, ọsọ nẹnẹ jin wije na ya. Bọ ẹlarẹ ekwe siye awọrẹ. Ẹpẹn nidudu yọ ọtá wo ibọ owokpe." ¹⁴"Bọ owo fe nọ adan aka ọsẹsẹ."¹⁵"Bọ ẹsẹn de wo ẹlakata ka ayi gu mọ ẹyẹn. ¹⁶Obibe fuwa aka oya ewȯ ọ ibọrẹ. ¹⁷Ero ẹnanẹ bé èmi dinọ iwu ọbẹbẹrẹ orikpokpo." ¹⁸"Osibina yo ọrọrẹ ọsọsọ eme woba áyẹn."¹⁹Akana ọnẹ, ti din ka ẹkẹna nẹ no ububuru aga na, agẹga anọ ẹnanẹ wọ ububuru ayẹ igben na. Ọnẹ edi wọrẹ ka, bí pu owo fenyan bi di sọ ọ ẹrọ fenyan ka be da Osibina ẹka. ²⁰Ọne awọrẹ ka, emesu iwukpe neke jese na, ububuru yọ osisiye iyọ áyẹn. Ubaka ububuru ayebiluwe odindin de we ṣa.²¹Akana one, efura ububuru Osibina yọ ọṣẹṣẹrẹ osisiye bẹ fuwẹ yẹn. Ububuru aka ọgẹsẹ ro abẹ ayẹn twẹ. ²²aya waka, Osibina yọ ọṣẹrẹ, ọnawọ Ijisọs Ẹkraist nọ ẹnanẹ na wọ na. Ubaka emesu oboro.²³Ubaka ero fenyan luwe, Osibina yọ ugbugbodi eme pile gotu. ²⁴Be ṣen nese nẹba, iyọese onafan nẹnẹ wọ Ijisọs Ẹkraist na.²⁵Ubaka Osibina fọ Ijisọs ṣa akọ oguguru ro na, ọna wọ iyọ ẹyọn. Afọ Ẹkraist edi yayen nọ yọ ikuwa ubaka áfo-ayẹn ofurọ iluwe nẹ bẹ tayi luwe na. ²⁶iyọ ọfiwuna, fenyan ẹnanẹ kwe siye, edi ya yẹn nọ yọ ọṣẹsẹrẹ, ọgba ọnẹ. Ọnẹ edi wọrẹ ka, edi fọ yiwu yẹn akọ ikuwa ro na, ediya yẹn ka, ediya ge ka oro siye ọṣẹrẹ onawọ Ijisọs uba.²⁷Ẹna wọ ọtubuloko a? Bi tiye fura ububuru ọla ọna? Sọ ọ utun? ama ububuru ọnawọ ẹka. ²⁸Ti mi sẹya ẹpan ka ọnawọ ada ṣẹn nese noro ama wọ ububuru utun.²⁹Ṣa, Osibina, Ijiwu ro abayẹrẹ Osibina ya họn? Aka kọ ikuwaro abẹ Osibina? aka kọ ikuwaro abẹ. ³⁰Ada ikwa Osibina wọ ọyẹrẹ aka ṣẹn nese nọ ẹnanẹ ẹnanẹ bẹ fuwẹsẹ na onawow ọrẹ, aka ẹnanẹ bama fuwẹsẹ na onawow ọrẹ.³¹Ite kemi fọ onawow mu nọ ububuru họn? Eke gbadọ siye ẹgan da! Akẹ dẹ gan ita ka fọ iwu gbeli ububuru kayi jọmọ.

Chapter 4

¹Ẹna teke mi ga ka Abraham, tọ ẹdẹda ọkẹkọkẹka, iwukpe ọọrẹ gba? ²Ada utun nẹ Abraham siye na biya ṣẹn yese ébana akẹ tu buloka, ama, ama wa Osibina ẹrẹn. ³Ẹna Osibina ẹga ga? "Abraham nọ ọ Osibina wọ, bẹ ganya akọ ọṣẹrẹ osisiye na nẹyan."⁴Akanọnẹ ẹfẹna siy utun na, yọ uba nẹ beke dunẹ na, ama wa aka ọfẹ na ama wa uba nẹ bi Jẹna. ⁵Ama ẹfẹna eme siye utun na, ama a anọ ẹfẹna da ṣẹn nese nọ ẹnanẹ eme siye Osibina eka na, yọ onawọ bẹ gan ya akọ ọṣẹrẹ osisiye na.⁶Idevid gẹ ka okukurubile aka da nọ oforó nẹnẹ Osibina gan wọ ọṣẹrẹ osisiye neme siye utun na. ⁷Agẹ ka, "Okukurubile ya nọ ẹnanẹ me siye ọsẹrẹ nẹ bẹ fọ ẹpan gbun na, nẹnẹ bi diye ri bọ ọ iluwe na. ⁸Okukurubile ya nọ oforo nẹnẹ Idu ama gan iluwe no na."⁹Okukurubile ọne wanọ enane bẹ fuwẹsẹ na abayẹrẹ họn, sa kọ ẹnanẹ bima fuwẹsẹ na? Ubaka tẹ gẹ ka, onawọ be ganya nọ Abraham aka oṣẹrẹ osisiye na." ¹⁰Gana bi siye ganya nẹyan? Ṣana biya fuwẹsẹ ya họn? Sa ọgbọna bẹ fuwẹsẹ ya ke na? Ème gbeke ọgbọnẹ bẹ fuwẹsẹ kena, ama ṣana biya fuwese!¹¹Abraham gna okpikpeli ne wọ ifuwẹsẹ ẹka na aka ofifile ọnẹ wọ ọṣẹrẹ na, nẹnẹ esu ọnawọ na, ọgbọna ne bé mi fuwẹsẹ na. Ẹkẹ na wọrẹ na awaka bi siyẹ Ẹdẹda nọ ẹnanẹ nawọ fenyan na, nẹnẹ bememi fuwẹsẹ na, bí di gan ¹²mọ ọṣẹrẹ na ẹdẹda eme gbeka ọfuwẹfuwẹsẹ aya yẹrẹ, bi diye ti yọ ipisi ọnẹ wa onawọ nẹnẹ tọ ẹdẹda Abraham suna ṣana biya fuwẹsẹ na.¹³Ẹkẹna bẹga ka be kesiye nọ Abraham aka yọ ubanẹ na, ka aka dọ ẹrọ ọkogun ama yọ ọ ububuru ọ ọrẹ ṣa ama o siye ọsẹrẹ yọ ọnawọ. ¹⁴Adaka ẹna nẹ eme wo ububuru na aka dọ ọkogun, baka sẹ onawọ siye ufolo aka ọnẹ bẹ ka be ke siye na ṣinọ ufolo. ¹⁵Ubaka ububuru ada fọ ọ ọkẹkan ṣa, ama ẹfẹna nẹnẹ ububuru ama wanọ na oṣi siye ẹfẹnẹbẹ.¹⁶Ọnẹ uba, onawọ ọnẹ baka ke siye na edi jọmọ yẹrọ ese aka edi su ofayẹn yẹrẹ nọ Abraham yọ ubanẹ fenyan ama wan no ẹnanẹ wo ububuru ayayẹrẹ na, kọ ẹnanẹ su ọkpa Abraham yọ onawọ na. Aya wa ẹrọ fenyan ẹdẹda, ¹⁷akọnẹ bi siye wọrẹ wije na, "Itiye wu akọ ẹdẹda na nọ iken nọ yọyọ abẹ." Abraham wọ ẹfẹna afọ anyẹn yẹrẹ na ẹrẹn oro newo Osibina, nẹnẹ fọ ẹrọ nọ ẹnanẹ fo¹⁸Ọfa áyẹn eme pila nawọ ọfanyẹnyẹrẹ ayẹ ka ayẹ eke ṣinọ ẹdẹda no iken ọyọyọ, akọ nẹnẹ bi siye ga nẹba na, "Ẹgan wọ ubanẹ abẹ eke siye da nẹ." ¹⁹Nẹnẹ eme ren onawọ na, abalẹ yi iwukpe aka efo na (ubaka ere ẹyẹn ipi ẹrọ ọnẹ) aka Iserah yọ ọ ogben nu bu nẹ fo na.²⁰aka ka Osibina yọ owo ọrọrọn, Abraham eme yuru ọne ama nawo na. Ama, eṣile ọnawọ afọ ugbugbodi nọ Osibina. ²¹Esu áyẹn nosise dá dá, ka ẹkẹnẹ-kẹna Osibina ága ka áye eke siye na, è de siye. ²²Unẹ uba, bí di ya "gan ya ne ya akọ ọsẹrẹ osisiye na."²³Áma ẹga abẹ "Bẹ gan ya nẹyan" ba ma wọ ọrẹ nẹyan ayayẹrẹ. ²⁴Ka tọ ayẹ bẹ wọrẹ nọ, aka baka gan ya kẹ atọ nẹnẹ nọ ọ ẹfẹna palẹ Ijisọs tọ Idu ekporo²⁵ ṣa nawọ na. Ọnẹ awọ ẹfẹna nẹ bẹ tọra fura ṣa nọ ọ ti iluwe aka bi diya payan fura nọ tọ ese ọṣẹnṣẹn.

Chapter 5

¹Ubaka bẹ ṣenese nọ ọnawọ tisu iwu ọbẹbẹrẹ akọ Osibina Ijisọs Ẹkraist ọ ọrẹ.² Iyọ ọrẹ, ti die su ọrẹ-ọfefọn ọnawọ fọn yọ ẹse, ọnene ti jọn mọ na, tẹ fọ uba tọ ọ iloke ti diya fọ ọkan sẹ Osibina ugbugbodi.³Ama wọ ọnẹ ayayẹrẹ, ama ti diya tu uba iloko itọ ọ ayẹn nọrọnrọna. Ti din ka, ẹrọnanyẹn á da fọ ọfọ iwu sa na. ⁴Ọfọ iwuna ada fo iwa yẹn, aka iwa ada fọ ọ ọfo-ayẹn yere sa. ⁵ọfo-ayẹn yẹrẹ afọ ẹpan nọ kọkọ aṣa uba ka bi guma. Osibina yọ onini wo tọ uloko ẹfunwẹnfunwẹn nọ wọnwọn ọ́rẹ, nẹnẹ biya na.⁶Kiwo ọgbọna ti ren na, ọgba nẹnẹ wọ ọṣẹrẹ na Ẹkraist fo nọ ẹnanẹ ama wọ ọ Osibina ẹka na. ⁷Ẹke numa ṣana oro efo nọ ọṣẹrẹ ro, e diue su osiye ka oro efo nọ orokoro oboro.⁸Ama Osibina fọ yọ onini ayẹn tọ, ubaka ọgbọna te ki wọ iluwe ro na, Ẹkraist fo nẹtọ. ⁹Fọrẹ ọnẹbẹ, akana ọnẹ nẹ bẹ ṣẹn tọ ese aka yọ ẹyọn, aye aka natọ fan fura Osibina yọ ọkẹkan.¹⁰Adaka, ogbanẹ nẹ ti ki wọ ebero na, bi guru tọ etin aka Osibina, iyọ ogben ufo ọrẹ, diya fọrẹ ẹgan, ọgbọna bi guru tọ etin, ke na ta ka gba ọnafsn iyọ ẹrọ. ¹¹Ama wọ ọnẹ ayayẹrẹ, ama teke diya bẹn Osibina, itọ Idu Ijisọs Ẹkraist ọrẹ, ẹfẹna egbeka yọ ọrẹ ti we gba igurume.¹²Ọnẹ uba, oro oyẹrẹ ọrẹ iluwe fọn mọ ẹrọ, ọrẹ ọnẹ ufo yẹrẹ iluwe ọ́rẹ fọn. Ufo tẹrẹ rọ ero fenyan ubaka atọ fenyan luwe. ¹³Ama, sana ububuru, ilwe wo ẹrọ ama emesu ọ ṣo oro nọ iluwe ọgbọna nẹ ububuru eme wa mọ na.¹⁴Kẹgankẹgan, ufo jobin wo Adamu ọgba jene re Imoses, akọ ẹnanẹ éme siye iluwe akọ Adam yọ ọtọn moṣiṣi na, nẹnẹ ewo aka ẹfẹna aka ṣa na. ¹⁵Ama yọ ẹse emé wo aka oṣi siye na. Adaka oro oyẹrẹ yọ oṣi siye ero ọyọyọ fo, gana eke mi siye wa Osibina yọ ese aka yọ ọva, oro ọyẹrẹ yọ ese Ijisọs Ẹkraist ayọ nọ ero ọyọyọ!¹⁶Ubaka ọva eme wo aka oro ọyẹrẹ ọnẹbẹ iluwe na. Ẹkarẹ ọṣẹnṣẹn ayẹrẹ oṣisiye ọyẹrẹ afọ ọ ẹbọsẹsẹn ṣa, ama ọva yẹrọ oṣisiye ịyọyȯo afọ ese ọṣẹnṣẹn ṣa. ¹⁷Ama, adaka oṣisiye ró o ọyẹrẹ ẹka, ufo yẹrẹ oro ọnẹbėo òrẹ eje obin gana eke mi siye wa ẹnanẹ nọ ese ọyọyọ aka ese nọ ọsẹrẹ osisiye jobin ẹrọ Ijisọs Ẹkraist ọrẹ.¹⁸Ọnẹbẹ uba, akọ oṣisiye ọyẹrẹ siye fọ oro afọn mọ eboṣẹṣen na, nọ ero fenyan egan ne diye siye wa, ọsẹrẹ osisiye ọyẹrẹ fọ ese ọṣẹṣẹn akọ ẹrọ nọ ẹrọ fenyan. ¹⁹Wo oro ọyẹrẹ yọ ọton mo ṣiṣi, ero ọyọyọ ṣinọ iluwe ro, ẹgan esiye diya wa nẹ, oro ọyẹrẹ yọ ọtọn mọwọwọm ba ka sọ ọyọyọ ṣina ọṣẹrẹ.²⁰Ububuru ayẹ ṣa ka ayi kuru bile oṣisiye. Ama ẹfẹna iluwe ma na, ese yọ wo ẹfẹnẹbẹ fọrọ iluwe. ²¹One siye ka, akọ iluwe siye jobin ufo na, kọ ẹse ẹke jobin ọṣẹrẹ osisiye nọ ẹrọ nemesu ọtana, itọ Ijisọs Ẹkraist tọ ọ Idu ọọrẹ.

Chapter 6

¹Ẹna ta ka ga? Itẹ kẹ ki luwe họn? Ti ki ka taka gbọ ese họn? ²Ẹke gbadọ siyẹn gada. Ato nẹnẹ fo nọ iluwe na, gana te ke siye kẹ mana amọna? ³Ume din ka abẹ ọyọyọ nẹ bi rimomo fọn mọn Ijisọs Ẹkraist na, ibi riba imomo fọn mu ufo?⁴Bí re tu bile aka ayẹ imomo oriri fọn mọ ufo. Ọnẹ siye ubaka akọ Ẹkraist siye palẹ ṣa ekporo na Ẹdẹda yọ ugbugbodi ka atọ ti di jenjen ẹrọ ọwọwọw. ⁵Adaka ti di fọ iwu gbeli ya ọrẹ ọlọnẹ ayọ fo na, te ke diya fọ iwu gbeliya iyọ ọpalẹṣa.⁶Ti din ọnẹ, ka tọ iwukpe oṣunṣun bẹ káyan wọ ọgbalati aka ahẹ uba ka iwukpe nẹ wọ iluwe ẹka na édi fu. Ọnẹ ṣe siye ti me pile ṣino ọvan nọ iluwe. ⁷Ẹfẹna nẹnẹ fọ na, bi rorẹ wọ ọ ọṣẹrẹ ro iluwe ọ́rẹ̀.⁸Ama te fọ aka Ẹkraist, tẹ nawọ ka te ke diya mẹma. ⁹Ti din ka, kaba ọgbọna Ẹkraist we palẹṣa ekporo na, eke pile fo, ufo eme pile jobin wọ iyo ẹpan.¹⁰Sọ ọ ufo nẹnẹ efo nọ iluwe na, éfò isi ọyẹrẹ nọ ero fenyan. Akọnẹ e siye ki wa na, ẹrọ nẹnẹ ámà na ama nọ ọ Osibina. ¹¹Ọrẹ ọnẹbẹ, kanọ aka gba niwu ka ni fo nọ iluwe, ama ni wo ẹrọ nọ Osibina Ijisọs Ẹkraist.¹²Ọnẹbẹ uba, ume ya ka iluwe eje obin iwọ iwukpe úme na yọ ọlarẹ wọ. ¹³Ume fọ wọ iwu -ukpe kọyẹrẹ yọrẹ nọ iluwe, na ka da aka utun mẹpẹn nẹ bi lo nọ ọna ma wọ ọsẹrẹ na. Amá nẹ fọ niwu nọ Osibina àkà ẹnanẹ bi yin fura ekporo yọ ọ ẹrọna, nẹ fọ nọ iwukpe nọ Osibina akọ ọ utun mẹpẹn nẹ be ke lo nọ ọṣẹrẹ osisiye na. ¹⁴Ume yaka iluwe ẹje obin yẹrẹ wọ ẹpan. Ubaka ka ume wọ ọ ububuru igben ama ẹse igben ọma.¹⁵Ẹna emi wa? Itẹ ke mi ki siye iluwe ubaka teme wo ububuru igben, ama ese yọ igben họn? Ẹgbadọ adẹgan. ¹⁶Ni din ka nafo niwu yẹn akọ ọvan na, ẹvan nẹwa nọ ẹfẹna na wọ yẹka na? Udi ya doȯ ọvan na, nọ iluwe na ka foro yọ ufo na, tabi ọvan nọ ọtọn ọwọwọ, na ka foro yọ ọsẹsẹrẹ osisiye na.¹⁷Tẹ han mọ Osibina ẹba! Ka ọvan nẹ tayẹ wa nọ iluwe na, ama ni mi wọtọn kaba nọ ọ ulono otite ọlọnẹ bi tenu na. ¹⁸Bẹ tọra wọ fura iluwe, bi mi diya sẹwọ ṣina ọvan nọ osiye ọṣẹrẹ.¹⁹Ẹgẹga aka oforo na nọ iwukpe iwogbigben nẹnẹ umesu na. Aka u siye fọ wọ iwukpe aka ọvan nọ ọna ma wọn na aka ububuru na ma yẹrẹ na, ni diye mi fọ ọtọn oṣiṣi sa na, diye wo ọrẹ ọnẹbẹ akana fọ wọ iwukpe aka ọvan na nọ ọṣẹrẹ diya nọ ẹsẹwọn.²⁰ Ọgbọna ọ́wọ̀ ovan nọ iluwe na, emesu ọnẹ towu aka ọṣẹrẹ osisiye na. ²¹Ọgna ọnẹbẹ, ilukutu ọ ọna usu a nẹ mi wọrẹ ẹpan akọ wọ na? Ẹpẹnẹ nabẹ yọ urun ba ufo ya.²²Ama akana ọnẹ nẹ bẹ torawọ veṣa fura iluwe na, bi mi sẹwọ ọvan nọ Osibina, usu wọ ilukutu nọ ẹsẹwọn. Yọ ọsẹpan awọ ẹrọ ne me su ọta. ²³Ẹkẹrẹ nẹ wo iluwe ẹka na ufọ ya, ama Osibina yọ ẹse ero ne mesu ọta na ya Ijisọs Ẹkraist tọ Idu.

Chapter 7

¹Sa inẹ me din, mọ ẹda abẹ (ubaka ẹnanẹ din nọ ububuru na ẹ́mà á ge ga, ka ububuru ede jobin yẹrẹ oro ẹpan ọgba nẹnẹ ẹki wọ ẹrọ na?²Ubaka iyaro nẹnẹ wọ oforo ubowo na ububuru nẹ wa yọ oforo ẹka na sẹya, yọ oforo ẹki wọ ẹrọ na, ama yọ oforo efo, atọra fura ububuru nẹnẹ wo oforo akọ oworo etin na. ³Ọnẹ uba, ogbanẹ yọ oforo kiwo ẹrọ na, eje na ma kẹyẹ oforo ọbẹn, ibe yẹ onọsẹsẹro. Ama yọ oforo éfò, afsn furọ ọ ububuru eme pila wọ onọsẹsẹro egbeka ama oforo oben amana.⁴Ọnẹ uba, mọ ẹda iforo abẹ, biya ka ni fo obuburu Ẹkraist iwu. aọnẹ e we ẹgan, bi di fọ na bile aka oro ọbẹn, nẹnẹ bẹ suma fura ekporo na, uuba ka ti di mu nọ ilukutu nọ Osibina. ⁵Ọgbọna ti wo itiwukpe na, iluwe unisiye, ububuru, be siyọ utun itọ iwukpe ka ti mu nọ ilukutu nu ufo.⁶Ama akana bẹ tọra tọ fura ububuru. Ti fo nọ ọnẹbẹ nẹ biya paretọ wije na. Ọnẹ wẹgan, tí dí siyu tun owowo nẹ wọ ẹfunwẹnfunwẹn ẹka na ámà wọ osusun ẹka.⁷Ẹna ta ka ga?Ububuru ẹbẹba iluwe ya họn? Eme seye ganda àmá, èbana idin nọ iluwe, ama da ububuru ọrẹna. Eba na idin ọlarẹ ama daka ububuru gẹ na. "We gbadọ asọ ọlarẹ."⁸ Ama iluwe lo ọgba nẹnẹ esu na yo ububuru ọ́rẹ̀ a a fọ ọlarẹ wo mi wu. Adaka ububuru eme wamọ, iluwe efo.⁹Ọgba ọbẹn iwo ẹrọ nẹnẹ wọ ububuru, ama ọgbọna ibuburu ṣa na, iluwe ediya nọ ẹrọ oila, emi fo. ¹⁰Ibuburu nẹnẹ bọwọ ka afọ ẹrọ ṣa na, emi ṣinọ ufo wewo.¹¹Ka iluwe lo afame yọ ububuru awọrẹ mọ. Ibuburu ọ ọrẹ anwanmọ. ¹²Obuburu wọ ọwọnwọn, aka ibuburu wọ ọnwọnwọn ọṣẹrẹ, e diya rọnmuro.¹³Ọnẹ, siye ẹkẹna rọnmuro na sinọ ufo nẹmọ? Èke si ye ẹgan da. Ama iluwe, ubaka di gbẹ ka iluwe ya, afọ uẹn imiwu ẹkẹna rọnmuro na, aka ibuburu ọ ọrẹ iluwe eke ṣinọ ọ iluwe ọkẹka. ¹⁴Ubaka ri din ka obuburu ẹfunwẹnfunwẹn ya, ama iwukpe ayẹ wa. Bẹ j̇ọmọ aka ọvan na nọ iluwe.¹⁵Ubaka ẹkẹna me siye na, eme ye mu. Ẹkẹna me ni ka siye na, ime siyẹ ẹkẹna ime ni yẹga na ayẹ mebsiye. ¹⁶Ama me siye ẹkẹna ime nika isiye na, Ida na obuburu wọ ka obuburu rọn muro.¹⁷Ama, akana ọnẹ, eme pila wa amẹ e siye, ama iluwe nẹnẹ ama nọ imọ iwu na. ¹⁸Ubaka idin ka, imọ iwukpe, eme su ẹpẹn oboro nẹnẹ ámà na mọ na, ubaka oboro, ónì osiye wo mi wu, ama ime di siye.¹⁹Ubaka oboro nẹnẹ me ni ka isiye na, ime di siyẹ, ama odudu nẹnẹ ime ni na, ayẹ me siye. ²⁰Akana ọnẹ, me siye ẹkẹna ime ni ka i siye na, eme pila wa ame, ama iluwe nẹnẹ ama nọ imiwu na ya. ²¹Ẹgba obuburu ọnẹ: me ki ni ka esiye oboro na odudu de jọmọ kẹyẹ mọ.²²Ida kẹ bẹn Osibina yọ obuburu imọ ibibe. ²³Ama ẹgba obuburu obo imọ iwukpe. Ada mọ obuburu owowo imu loko. Ada sẹ mọ ọvan obuburu iluwe ẹka nẹnẹ wo imọ iwu na.²⁴Ẹwọ ẹfẹna nẹnẹ yi be amarọ kotuntun na! Ẹra ka na mọ fan furọ iwukpe nẹnẹ wọ ufo ẹka na? ²⁵Ama, tẹ gan mọ Osibina ẹba Ijisọs Ẹkraist ọ ọrẹ nẹnẹ wa tọ Idu na! Ọnẹ uba, kamẹ ẹbẹba a yẹrẹ Osibina ububuru aka mọ ọkan. Ama, aka iwukpe ma yẹrọ ububurubiluwe ẹka.

Chapter 8

¹Akana ọne, eme su eboṣẹnṣẹn nọ ẹna nẹ wọ Ijisọs Ẹkraist na. ²Ubaka obuburu nẹnẹ wọ ẹfunwẹnfunwẹn ẹrọ ẹka nẹnẹ wọ ọ Ẹkraist Ijisọs na, a nawọ fan fura obuburu iluwe aka ufọ.³Ubaka, ėokẹna obuburu emw di siye na, ubaka eme su iwogbigben iwukpe ọ́rẹ̀, no Osibina siye na. Efile yọ ogben oforo, nẹnẹ ewo aka iluwe iwukpe na, ká da ọva nọ iluwe, aṣẹnebe nọ iluwe ne wọ iwukpe na. ⁴E siye ọnẹ ubaka ẹkẹna nẹ obuburu eni na, edi so siye itiwu atọ ne men jenjen akọ iwukpe na, ama a akọ ẹfunwẹnfunwẹn na. ⁵Ẹna nẹ ama nọ ẹrọ iwukpe ọrẹ na bí da fọ bọ uloko wọ ẹpẹn nẹ wọ ama nọ ẹrọ ẹfunwẹnfunwẹn ọ ọrẹ na, ibí da fọ bọ uloko wọ ọ ẹpẹn nẹ wọ ẹfunwẹnfunwẹn nẹka na.⁶Ubaka uloko nẹ yẹrẹ ọ iwukpe na ufo ya, ama uloko nẹ yẹrọ ọ ẹfunwẹnfunwẹn na, ẹrọ aka iwu ọbẹbẹrẹ ya. ⁷Uloko nẹ yẹrọ ọ iwukpw na, ada sẹka ki tọ Osibina, ubaka ba ma kwọ iwu sọ Osibina yọ obuburu, be me diye dí siyẹ. ⁸Ẹna nẹ wọ ọ iwukpe na bé è dine siye Osibina eka.⁹Unẹ uba, ume wọ ọ iwukpe ama ẹfunwẹnfunwẹn ọma, ẹgan Osibina yọ ẹfunwẹnfunwẹn ma wọ ama oro eme su Ẹkraist yọ ẹfunwẹnfunwẹn, ama wa yẹka. ¹⁰Adaka Ẹkraist wiwiwu, iwukpe nọ okuruno iluwe, ama ẹfunwẹnfunwẹn wo ẹrọ nọ oṣẹrẹ osisiye.¹¹Adaka ẹfẹna nẹnẹ yọ ẹfunwẹnfunwẹn palẹ Ijisọs ekpori ṣa na aka fọ ẹrọ nẹ wọ iwukpe iyọ ọ ẹfunwẹnfunwẹn ọrẹ nẹnẹ ma wọ ama na.¹²Ọnẹ uba, mẹ da iforo abẹ, ubaro ayẹ tẹwa, ama ama wa no iwukpe, ka tẹke ma akọ iwukpe siye ni nan. ¹³Wa ma nọ ẹrọ akọ iwukpe siye ni na, uturu tọ ufo, ama adaka ẹfunwẹnfunwẹn udi wan nọ iwukpe utun, wa ka ma nọ ẹrọ.¹⁴Abẹ ọyọyọ nẹnẹ Osibina ẹfunwẹnfunwẹn fọ ọrẹ yen na, Osibina egben nẹ. ¹⁵Uma na ẹfunwẹnfunwẹn ne wọ ọvan ẹkana, ka upila kẹ ma aka ọrọrẹ, ama ọna ẹfunwẹnfunwẹn ne wọ anaba ọnẹ ti yi ọ́gà, "Abba, Ẹdẹda!"¹⁶Ẹfunwẹnfunwẹn nẹ bẹba siyọ ubedi aka tọ ẹfunwẹnfunwẹn ka Osibina egben ayẹ tẹwa. ¹⁷Ta dọ egben, ayẹ egbeka ọkogun ayẹ tẹwa, ọkọ ọ Osibina ogun. Atọ akọ Ẹkraist iti bi le wa ọkogun, adaka tẹ mẹbje oya, ubaka, ka tọ ti di gba ugbugbodi aka ayẹ na.¹⁸Ka i robale ka oya ojije akana ọnẹ, be ke di ya mọ ọ ugbugbodi nẹnẹ bà áka yẹn tọ na. ¹⁹Ka ẹlakata nẹnẹ ọma ayẹ ẹbẹba akarọ Osibina egben ne aka yẹn na.²⁰Ka ọma ayẹ ẹbẹba bẹ sẹ ya ṣinọ ufolo ama wa iyọ ibe opin ama ẹfẹna seya ṣino ọfanyẹnyẹrẹ. ²¹Ka ọma aye ẹbẹba ba ka nẹ furọ ọvan yọ ọmunmun, aka ba ka fuwẹ fọmọn iwobi ugbugbodi nẹnẹ wọ Osibina²² egben ẹka na. Ka ti din ka ọma fẹyan wo igbin aka bile onu numa ka ka na.²³Ama wa ọnẹbẹ ayayẹrẹ ka atọ, nẹnẹ su ẹkpare oṣoro ne wọ ẹfunwẹnfunwẹn gbin ibe akọ ti siye akarọ anaba, tọ iwukpe ẹnafan. ²⁴Ọfanyẹnyẹrẹ ọnẹ tẹ gba ọnafan. Akana ọnẹ wọ ofanyẹnyẹrẹ nẹnẹ anyẹn na gba na ama wọ ọfanyẹnyẹrẹ. Ẹra ekesu ọfanyẹnyẹrẹ ẹkẹna ayẹn nagba na? ²⁵Ama tesu ọfanyẹnyẹrẹ ẹkẹna ta ma gba na, tẹ karẹ ya aka ọlun.²⁶Ọ́rẹ̀ ọrẹ, ẹfunwẹnfunwẹn de siye oguba itọ uriren. ka té mè din akọ te ke siye gbadura na, ama ẹfunwẹnfunwẹn ayẹ ẹbẹba ede siye nẹ tọ akọ ẹtọmẹ nẹ gbeniwu na. ²⁷Ayẹ na balẹ uloko na, edin uloko ọnẹ wọ ẹfunwẹnfunwẹn, ubaka ayẹ de jọmọ kẹ nọ Osibina yọ ero ọwọnwọn, Osibina yọ ọ ibe opin.²⁸Ti din ka ẹnanẹ ni Osibina yọ ẹgana, ede siye ẹpẹn fenyan nọ oboro, nọ ero fenyan nẹnẹ biye akọ e siye ni na. ²⁹Ubaka ẹnanẹ alayin din na, e diya predistined, bi di wo ọrẹ ọyẹrẹ aka yọ ogben uṣi, ka edi dọ ogben oṣoro ero ọyọyọ iwu. ³⁰Ẹnanẹ, predestined, ero ẹnanẹ e diye ye nẹ. Ẹra nẹ eye na, ẹnanẹ ediya ṣẹnese nẹ. Ẹnanẹ asẹnese na, abẹ e diya fọ ugbugbodi nọ.³¹Ẹna ta ka ga ẹpẹn ẹna na? Osibina awo tẹ ka, eredia bila ẹfa yen etota? ³²Ayẹ nẹnẹ eme sisi kẹse yọ ogben na, apẹrẹ atọ fenyen uba ete yiya wije, gana éèke siye bilamọ fẹpẹn fenyan ne ta?³³Ẹra ka fọ ọfọta emegbeli nọ ẹnanẹ Osibina aya wọ ẹfẹna da ke ṣẹn nese na. ³⁴Ẹra wọ ẹfẹna da ṣẹn nebe na? Ijisọs Ẹkraist aye awa ẹfẹnẹ fọ na bilamo, be palẹya ṣa-aye wọ ọ Osibina yọ uba ojijen, ayẹ ne jumo anetọna.³⁵Ẹna ekedi ṣen tọ fura Ẹkraist yọ unina? Ẹrọnanyẹn, sọ ọ ibe obibe, sa igoli, sa anwọn sa iwu ufolo, sa efinyan, ṣa ẹgbele? ³⁶Akọ nẹnẹ bi siye wọrẹ na, "Nẹ wọ ọ oboro bẹ wantọ isubu fenyan robalẹ tọ akọ ududo nẹ ba yọ fira na."³⁷Ẹpẹn ẹnanẹ fenyan tẹ fọrẹ afọrẹrọ ẹfẹna ni tọ ẹga na ọ ọrẹ. ³⁸Ka isu anyẹnọsẹ ka, ufo, sa ẹrọ, sa angel, sa ijoba, sa ẹpẹn akana ẹka, sa ẹpẹn na ka ṣa na, sa iwogbigbe, ³⁹sa ọfọfọ, sa olilon, sa ẹpẹn nọ bẹ nẹ bẹ ma na, é ekedi ruwa tọ fura Osibina yọ unini, nẹnẹ wọ Osibina, nẹ wọ Ẹkraist Ijisọs tidu ẹkana.

Chapter 9

¹Eganewọ ikuwa Ẹkraist ima ṣisọ ma, aka mọ ẹyẹ uùbedin diya damọ ubedi ẹfunwẹnfunwẹn ọnwọnwọn, ²nemọ amẹ esu ibe obibe aka onunuma ne me jọn mọ na imọ uloko na.³Aka, iniya ka, bi ṣuwa mọ adan, bẹ fọmọ fura Ẹkraist imọ ẹda abẹ uba, aka mọ iken ro abẹ akọ iwukpe siye niya na. ⁴Israel ro abẹ wa. Bi su anaba, ugbugbodi, ọkpa ojije, ese nẹ wọ ububuru ẹka na, utun osisiye ẹtempu, aka ọwọ ọrọnrọn. ⁵Esu ẹda ẹẹ̀pan nẹnẹ Ẹkraist ṣa aka ẹpan nọ tọrọmẹ na iwukpe-ayẹ nẹnẹ wọ Osibina nẹ atọ fenyan na. Uyiyey nẹ yan otutumotutun Aamin⁶Ama eme gbeka Osibina yọ ẹga afalẹ Ama wọ ero fenyan nẹnẹ wọ Isreal na, awọ Isreal ikuwa ẹka. ⁷Eme diye gbe ka Abraham yọ ubanẹ fẹyan awa yọ egben ikuwa ẹka Ama, "Isaac ọ ọrẹ ayẹ be ke ye wọ ubanẹ."⁸Aue wa ka, iwukpe egben ba ma wọ Osibina egben. Ama egben nẹ wọ owo ọrọnrọn ẹka na, abẹ balẹ akọ ubane na. ⁹Ka ọnẹ awa ẹga nẹ wọ owo ọrunrun: "Ọgba ọnẹ maka ṣa, ma ka fọ ogben oforonọ Isarah."¹⁰Ama wa ọnẹ ayayẹrẹ, ama ọgbọna kọ Irebekah eṣe iyon oforo ọbẹn na, tọ ẹdẹda Isaac - ¹¹ka bé è mi ba egben nẹ nanẹ, be mí diye siye ẹpẹn nẹnẹ wọ oboro sa odudu na, ubaka ọnẹnẹ Osibina ni na, ọnẹnẹ e tiye na aka jọmọn, eme gbeka osisiye ama ẹfẹna yẹ na uba - ¹²bẹ ga nọ iyari ayẹ, "Osuda ro eke siye okoto nọ okékéro." ¹³Eki we akọ bi siye wọrẹ na: "Ijecob ini ama Esau ime ni."¹⁴Ẹna ta ka ga? Osibina é è siye ọṣẹrẹ họn? Egbadọ adẹgan.¹⁵ A ganọ Imoses, "Maka sọn ẹfẹna me ni ka ẹ sọn yi na, me ke di ya su eyọsọn nọ ẹfẹna me mi ni ka isu eyọsọn nọ na." ¹⁶Ọne uba, eme gbeka ẹfẹna ni ka ayi siye na, sa ubaka ẹfẹna mune na, ama ubaka Osibina nẹ fọ eyii yẹn na.¹⁷Osibina ẹga ga nọ Epharaoh, "Ẹkẹ nọ nẹ uba a wọrẹ ẹkpanwọn fura, ubaka idi fo mọ iwogbigben yẹn iwi wu, aka bi di san mọ iwuru wara ẹrọ fenyan." ¹⁸Ọnẹ uba, Osibina da sọn ẹfẹna ayẹ eni ka ayẹ sọn meyi na, ẹfẹna e diya barẹ ya na, afọ uloko oṣiṣile anẹ ya.¹⁹We ke mi ga nẹmọ ka, "Ẹna nẹ ede ki ni ẹbẹ na? Ẹra egbadọ jọmọ akọrẹ yọ ibe opin na?" ²⁰Ọrẹ nẹ wọ obo na, oforo, ẹra ọwa nẹ we pila Osibina ẹga na? Esu osiye ka ẹfẹna bẹ ma na, a ganọ ẹfẹna mẹ na, ka, "Ẹna ne ọma mọ akọ na?" ²¹Ọmọ ọtẹlẹ è è mesu iwogbe wọ ídin ka ayi siye idin ọloyẹrẹ ọbọ nẹnẹ bilo anọ kurunọ aka ọbọ ọbẹn nẹnẹ wọ ọnẹ be me lo nọ okurunọ na²²Adaka Osibina, nẹnẹ enika aye fọ yọ ọkẹkan aka aya diya fọ yọ iwogbigben yẹn, a fo iwu na aka ofiwuna ọbọ ọkẹkan nẹnẹ siye ka bi siye ofu na? ²³Egbe ka e siye ọnẹ ka ayi ya yẹn arọn nẹnẹ wo yọ ugbugbodi ẹka na nọ ọbọ ẹnanẹ wọ eyi ẹka na, nẹnẹ ata yi siye nọ ugbugbodi na? ²⁴Egbe ka e siye ọnẹ nẹ katọ, nẹnẹ e ye na, eme gbeka Ijews abẹ, diye furọ Ikuwero abẹ iwu?²⁵Akọ e diye siye ga Ihosea na, "Me ke ye mero nẹnẹ ama wa mè ro na, aka ẹfẹna ini yẹga nẹnẹ ime ni yẹga na. ²⁶É èke mi wọ ọnẹ be ẹfa nẹnẹ bi we ga nẹ ba ka, "Ni ma wa mọ ero, ẹfẹ nẹ bẹ be ke mibwe ye ba Osibina ne wo ẹrọna egben."²⁷Isaiah yi ọga veṣa Isreal uba, "Isreal ro egben yo aka aṣẹnṣẹn nẹnẹ wo okun na, eke ṣinọ onẹ nẹ ku nẹ baka nafan na, ²⁸ka Idu aka ṣẹn yẹ ga, ẹrọ nẹ, eke fon." ²⁹Akọnẹ Isaiah siye tayẹ gẹ na, "Adaka Idu obiwogbigben eme te bi tu ato ubanẹ, iteke ki wo akọ Isodomu na, aka tẹ ke mi ṣinọ ọ Igomorah."³⁰Ẹna ta ka ga? ka Ikuwero abẹ, nẹnẹ eme gu ọṣẹrẹ osisiye na, bẹ gba ọṣẹrẹ, ọṣẹrẹ ọnawọ nẹ bi su na. ³¹Ama Isreal, nẹnẹ gu ububuru nẹ wọ ọṣẹrẹ na, be me di re ububuru ayẹ³²Ẹna wọra? Ubaka ka ba ma yẹrẹ ya aka ọnawọ, ama akọ utun osisiye na. Bẹ pila ido yẹ rọ ọ ido ọtarẹ. ³³Akọnẹ bi siye wọrẹ na, "Balẹ, Ẹfo Ẹzion ọ ọtarẹ opilido ṣẹrẹ wije aka ọtarẹ ọ́rẹ̀ oṣisiye. Ẹfe na ka nẹ wọ na, ẹpan na ka kọya."

Chapter 10

¹Mẹ ẹda iforo abẹ, ẹkẹna mọ uloko ni na aka ọnẹ ma tẹyẹ Osibina ekwin na, aya wa bọ ọnafan. ²Ẹga ubedin sẹ ba ka bi su ọfọ iwusiye nọ Osibina, ama eme wo akọ odindin na. ³Ubaka, bi yuru, be me din nọ ọṣẹrẹ nẹnẹ wo Osibina efa ṣana, akọ bi siye ni ka bẹ fọ bọ ọṣẹrẹ kpa na, bama fọ bi iwu nọ Osibina yọ ọ ọṣẹrẹ.⁴Ubaka Ẹkraist aya wọ emisiye obuburu nọ ọṣẹrẹ nọ ero fenyan nẹ nawọ na. ⁵Ka Imoses awọra ẹpẹn yẹ rọ ọṣẹrẹ nẹnẹ wọ ububuru ṣa na. "Ẹfẹna nẹ e siye ọṣẹrẹ nẹ wọ ububuru ẹka na, eke di ya kẹ ma aka ọṣẹrẹ ayẹ."⁶Ama ọṣẹrẹ nẹnẹ wọ ọnawọ ṣa na ga akọ: "Uma ga iwọ uloko, "Ẹra aka kpọ yọ Osibina ẹsẹn na? (aya wa ka, biya fọ Ẹkraist wale ṣa); ⁷ume diya gaka, "Ẹra eke holo yọ ije ibá à?" (aya waka, be fọ Ijisọs we ekporo palẹ ṣa).⁸Ama ẹna aga a? "Ẹna ayẹ turu to wu iwu iwọ owo aka wọ uloko." Aya wọ ọnawọ ẹga, nẹ te siye yọ ọsan na. ⁹Adaka aka wọ owo ọnuba ka Ijisọs aya wo Idu, udiya na wọ iwọ uloko ka Osibina palẹ yabṣa ekporo, waka gba ọnafan. ¹⁰Aka uloko oro da na wọ ede su ọṣẹrẹ, aka owo oro da nuba ada gba ọnafan.¹¹Ubaka Osibina ẹga gẹ, "Ero fenyan nẹ nẹ wọ na, ẹpan aka kọba." ¹²Ubaka obobo eme wo Ijew akọ Igreek ro etin. Ubaka Idu ọyẹrẹ ọnẹ awa atọ fenyan Idu na aka esu arọn tọ ero fenyan nẹnẹ è yẹ́ na. ¹³Ubaka ero fenyan nẹnẹ èkè yọ ọ. Idu iwuru na aka gba ọnafan.¹⁴Ga bè kè siye yọ ẹfẹna ba mọ na wọ na? Gana be ke siye na ẹfẹna be me yi si wọ yẹha gba na wọ a? Gana be ke siye wọ a eme su ẹsẹ ro na? ¹⁵Gana be ke siye ga Osibina ẹga, eme fura ka ibi file bana? - Akọ nẹnẹ bi siye wọrẹ na, "Gana erokoro ẹnanẹ da ke siyọbẹsan ẹga ọrọnmuro na, ẹsẹn siye rọn muro ta!"¹⁶Ama wa abẹ fenyan ede siye ẹkẹ na ẹpẹpan oboro ayẹ gana. Ubaka Isaiah gẹ ka, "Idu, ẹra na tọ owo wọ a?" ¹⁷Ọnawọ, ọwọwọ èdè wè ṣa, ka ọwọwon ayẹ, Ẹkraist yọ ẹga ede we ṣa.¹⁸Ama ẹgẹ, "Ibama wọ họn?" Ẹ ẹn ẹgan ne siwa. "Bọ ọ ọ́gà ve yọ ọ ẹrọ fẹyan, ka bọ ẹga re ẹfẹna ẹro ta na.¹⁹Ọnẹ uba, ẹka, "Isreal eme din họn?" Oṣoro Imose ka, "Ma ka wọrẹ iwu kan nọ re ọgbọna ne ke ki gbe ọgbẹrẹ na, nọ ọ ẹkẹna eme sisi wo uwuru na. Uwuru ọọrẹ, ka ne me su ọ́yẹ̀, ma ka fọ ibe fa nọ rọ iwọkẹkan."²⁰Isaiah egbuloko ogbana aga ka, "Ẹnanẹ eme ni mu na aba gba mọ. Ẹfọ iwu yen nọ enanẹ eme ṣin mẹga na." ²¹Ama nọ ọ Isreal, ayẹ ka, "Isubu fenyan ẹyọrẹ mọ uba nọ erokoro nẹnẹ ṣi ọtọn aka su ẹpan oṣiṣile na."

Chapter 11

¹E gẹ, Osibina yuru yero họn? Ẹgbado ada ẹgan. Ka amẹ Israel ro ayẹ wa, Abraham yọ ubanẹ ayẹ wa, nẹnẹ wọ Egbajemen ẹlarẹ na. ²Osibina eme yuru yọ ero, nẹnẹ atayi din na. Uwe me din ẹkẹna Osibina ẹga ga sọ Elijah na? Akọ e siye tẹyẹ Osibina ekwin nọ Isreal ro na? ³"Idu, bẹ wan wọ ẹsẹro abẹ, bi pẹn wọ akpasẹ. Ama yẹrẹ eku, aka bi di ye nimu ọwan."⁴Ama, gana Osibina siye gun nẹ yo wa? "Iguru su iforo aṣẹn ufọn ubọrẹ nẹnẹ eme gu me ⁵ẹkurẹn nọ ọ Ẹbaal na." Kẹgan kẹga, ṣa re ọgbọnẹ, e diye ki ku uba ka ese wamọ.⁶Ama adaka ese uba ya, eme pila wọ utun. Kama da ẹgan ese éke pila wọ ese. ⁷Ẹna wa? Ẹkẹna Isreal be ni na, bama gbẹ na, ama ẹnanẹ bi tiye na, gbe na, abẹ ibu ba mi su iluko oṣiṣilẹ. ⁸Eki we akọ bi siye wọrẹ na. "Osibina fọ ẹfunẹnfunwẹn okpe ẹka, anyẹn nẹ be ke di ya gbije na, aka ọtọn nẹ bà kà wọ na, kene ṣa re amọnẹ."⁹Ogba ọnẹbẹ Idavid gẹ ka, "Jọmọ bọ ọkparẹ e ṣinọ agẹ aka ẹtakute, ọrẹ ojuju aka ebe oṣẹnṣẹn nẹba. ¹⁰Jọmọ bayẹn atọ esiri, bi me di gbayẹn, diye de bọ abarẹ kẹ ẹ yọ."¹¹Imi gẹ ka, "Ibi pila ido ubaka bi di falẹ họn?" Ẹgbadọ a dẹgan. Akakọ ọnẹbẹ ọnafan ṣa nọ ikuwero abẹ, edi wọ rẹ ba kanọ iwu fo mọ ọgbẹrẹ ogbigbe. ¹²Akana ọnẹ, adaka bọ iṣumọgbẹn aya wọ ikiba osu ẹro nẹ, aka adaka ọnẹnẹ fuwa aya yọ ikiba oṣuṣu nẹ wọ ikuwero abẹ ẹka na, gana bọ emi sie eke, siye gnodi ta?¹³Akana ọnẹ, anọ ikuwero abẹ amaa gẹga, akọ e siye gbe ka Apostu ẹwa nọ ikuwero abẹ na, ẹfoọ uba atọ iloko imọ utun. ¹⁴Ẹsosiye, ini nowo rọ ọ ọgbẹrẹ ogbigbe ánọ̀ nẹ wa mọ iwukpe na. Esosiye ka ta ka nọ ẹbẹn fan.¹⁵Adaka bọ oyuru awọ ọ igurume ẹrọ fenyan na, ẹnane be nawo na aka da, ama ẹrọ furọ ọ ufo? ¹⁶Adaka ilukutu iṣoro wọn, ega ne siye wọ ẹsan. Adaka ẹnyẹn wọn, ẹgan ka yọ ẹba eke siye wọn nẹ.¹⁷Ama adaka uba ẹbẹn ṣẹn fura, adaka awọ, nẹ wọ ọdan olivi uba na, bẹ ṣẹn wọn do bi wu, adaka ȯmaba ruwa olivi oti ẹnyẹn nẹnẹ su ikiba na, ¹⁸uma kọ agunmabọ yẹrẹ uba abẹ ẹpan. Ama wa ko agunmabọ, ama wọ awọ afọ iwu gbeli ẹnyẹn, ama ẹnyẹn aya fọ iwu gbeli wu.¹⁹Wa ka ge ka, "Ibẹ kọrọ ẹbabẹ fura bi di ṣẹn mọ do fọn." ²⁰Ikuwa ya. Ubaka, be me su ọnawọ, ayẹ bẹ kọrọ ba fura, ama awọ u jọmọ oboro ubaka ọna wọ. Umà fọ wọ iwu kpọ, ama sọn mọ rọrẹ. ²¹Adaka ka Osibina eme tẹbi ẹba ẹnanẹ wọ ọma na, ékè tebi kawọ.²²Balẹ ya, Osibina yo eyi aka yọ odudodudu: odudodudu ṣa nȯ Ijiwu abẹ nėonẹ falẹ na, ama Osibina yọ eyi ṣa nẹwọ, ada ka wa ka kẹ́ yọ iyọ eyi na. Ama dẹ gan, iba ka ṣẹn kawọ fura.²³Aka ka bẹ, adaka ba ma yọ ọrẹ na ma wọ ọnawọ na, maka ṣen ba do fan. Ubaka Osibina di diya ṣẹn be do afọn. ²⁴Adaka bẹ ṣẹn wọ fura ẹkẹna wọ ọma ọdan olivi oti aka eme wo ọṣẹrẹ ka bọ ijije, be ṣẹn wọ fọn olivi oti nẹnẹ rọn muro na, gana ẹba nẹnẹ wo ka ba ijije ṣa na, ba ka ṣen ba pila fọn bọ olivi oti?²⁵Ubaka, ime ni ka nẹda aka ina ma wọ na, mẹ ẹda abẹ, ẹpẹn oji norowo fuwa, ubaka uma dọ ogben nayẹn iwọ iroro: Ọ́sàrẹ ọkan mo ṣiṣile ṣatọ Isreal titi re ọgba nẹnẹ ikuwero abẹ aka fọn ṣa na.²⁶Israel ro fẹyan aka gba ọnafan, akọnẹ bi siye wọrẹ na. Ẹzion iwu ẹfẹna ta tọra oro ki wije na ekewe ṣa. Eke ti ye ọna ma wọ Osibina ẹka na furọ ọ Ijakob, ²⁷ọnẹ aka da akà ọkpa ojije aka abẹ, ọgbọna ma ka kọ bọ ikuwe fura na."²⁸Akọ nẹnẹ epepan noboro siye wa na, ébè ro bẹ wa iwo ore. Ama akọ otiye ero siye wa na, unini ro bẹ wa uba be wọ ẹba ẹpan ẹka. ²⁹Osibina yọ ọva aka yọ oyiye eme su obila.³⁰Akọ nẹnẹ u siye tayi ṣi ọtọn nọ Osibina na, akana nẹ gba eyi na, nẹ nọ ọtọn mo ṣiṣi. ³¹Ọrẹ ọnẹbẹ, Ijuw ẹnanẹ bi ṣi ọtọn. Yọ ọsẹ pan awa ka wọọ eyi nẹnẹ bẹ sọn na, ka bẹ aka gbọ eyi na. ³²Ubaka Osibina ji abẹ fenyan nọ ọtọn moṣiṣi ubaka edi sọn ero fenyan ẹ eyi.³³Oh, ikiba osusu yọ olilon aka ayẹn ogbigben aka odindin Osibina ẹka! Gana be diya gba yọ ẹkarẹ ọṣẹnṣẹn igben, ka yọ orikpokpo eme su odindin! ³⁴"Ẹra edin Idu yọ ibe á, ẹra eṣinọ ẹfẹna da ke kpẹrẹ ya na?³⁵Sa ẹra arayẹ fọ ẹpẹn nọ Osibina, aka Osibina eke gbadọ du nẹ ya yẹ? ³⁶Ubaka wọ iyọ uba ṣa, yọ yọrẹ ṣun diya nẹ ya, aya wọ ọ ẹpẹn fenyan. Nẹ yan awọ ọ ugbugbodi otunrunmotun. Aamin.

Chapter 12

¹Ẹ tẹyẹ nọ ekwin, mẹ ẹda abẹ Osibina yọ eyi, nẹ fọ nọ iwukpe akọ ọ iyanpun na, ọnwọnwọn nẹnẹ Osibina aka ná na. Wọ utun oboro awọnẹ. ²Uma fọ iwu gbeli erọ ọnẹ, ama bile wo iwu ogugule ọsẹ wọ ọkan ṣi na owowo. Siye ọnẹ udidin ẹkẹna rọnmuro, awọ ọnẹna aka Osibina yọ ibopin.³Ese nẹ biya nẹmọ na uba, Ẹga anẹ anọ fenyan: Ume roro wọ iwu pọ ososi fọrẹ akọnẹ abọwọ ka e siye da na, ama, roro aka á yenron ėokarẹ ọṣen ororo akọ ọnawọ nẹnẹ Osibina ya nẹ nọ na.⁴Ubaka ti su ẹfa ororo iwukpe ọyẹrẹ, ámà ẹfa fenyan ọnẹbẹ beme siye utun ọyẹrẹ. ⁵Orikpokpo ọyẹrẹ, atọ nẹnẹ tẹ yọ na iwukpe ọyẹrẹ ayẹ tẹ wa Ẹkraist, aka atọ fenyan ti mi fọn ma bẹn.⁶Ti su ọva oboro, ese nẹnẹ biya netọ na. Adaka oro ọbẹn yọ ọva awọ ẹsẹ ọga, nijọmọ eke siyẹ akọ nẹnẹ yọ ọnawọ siyw wana. ⁷Adaka oro ọbẹn yọ ọva awọ osisiye oro ayẹ eki siye. Adaka oro ọbẹn su ọva ka eki te, jọmọ ekite. ⁸Adaka oro ọbẹn yọ ọva awọ uba ogugwe eki siye oguba ayẹ. Adaka oro ọbẹn yọ ọva awa ka akẹ ve rẹ pẹn, eki siyẹ kibe kibe. Adaka oro ọbẹn yọ ọva awaka akẹ fo orikpokpo kẹ yẹn ne ro, oro ayẹ afọ ọ iwu fẹyan ki siye. Adaka oro ọbẹn yọ ọva awa ka, akẹ sọn meyi, oro ayẹ eki siyẹ akọ ẹbẹnbẹn.⁹Ni jọmọ unini ewa mọ emesu irekureku. Tebi ẹkẹna wọ odudu na, sẹ ọnẹ wọ oboro na dọn. ¹⁰Nọ ọ ẹda abẹ unini, ni ni abẹ nẹga rọ ibe. Nọ ọ okuru nọ, ni kuru kẹ na bẹn.¹¹Nọ ọfẹpantasiye ni siye owọtan. Nọ ọ ẹfunwẹnfunwẹn, fọ iwu fẹyan ki ni yan. Nọ ọ Idu, siye okotl nẹ yan. ¹²Kẹ ben ọfanyẹnyẹrẹ, fọ iwu na erọnanyẹn. ¹³Ruwa, ẹpẹn nẹ Osibina yọ ero ọnwọnwọn eni na. Ni orikpokpo ọyọyọ nẹnẹ we ke diye ki siyọ ésè na.¹⁴Siye okurubile nọ ẹnanẹ goli wu na, siye adura, ume ṣuwa adan. ¹⁵Mọ ọ ẹnanẹ abẹn na kẹbẹn, mọ ọ ẹnanẹ eyi iwo na ki yi iwo. ¹⁶Ni su ọkan ọyẹrẹ to abẹn. Ume roro ọkẹkẹrẹ ọrẹ, ama, na ẹnanẹ su ẹpan nọ tọtọ mẹ na. Ume ro ro ka awọ ebi ayẹn no gbigben fenyan.¹⁷Uma fọ odudu duna koro ọyẹrẹ. Ki siye ẹpẹn no boro ero fenyan ayẹn. ¹⁸Esu osiye, wọ uba ama, ma aka alafia akọ ero fenyan.¹⁹Ni me ya ẹrọ nẹ niwu, me ro nẹnẹ ini na, fọ ọrẹ nọ ọ Osibina yọ ọkẹkan. Ubaka bẹ wọrẹ, "Uri-odududu wa mẹ ka, me ke duna, ẹgan Idu siye ga nẹ." ²⁰Ama, "adaka awọn asẹ wọ ebero, fọ Ijen nẹyan. Ebi ọkọrẹ akẹ sẹya vẹ yọ ebi wa. Ubaka we siye ọnẹ, uwa ka kọ esuruku ẹ ẹra yẹrẹ yẹ ẹpan." ²¹Ume ya ka ududu eri wu, ama ri odudu akọ oboro.

Chapter 13

¹Jọmọ uṣi fenyan bẹ tọmọ ẹpan no ububuru nẹ fọ na, ubaka emesu uburu eme fura ka ewọ ọ Osibina efa ṣa. Uburu nẹ wamọ na, Osibina e tiye ba. ²Ọ́nẹbẹ uùba, ẹfẹnẹfẹna eke furi goli uburu ayẹ na, eyurọ Osibina yọ buru; aka ẹnanẹ yuru ya na, ba ka nọ ọ ẹkarẹ ọṣẹnṣẹn nẹ bi wiu.³Ubaka, ẹrẹn ro ba ma wọ ọpayẹnsoro nọ oboro osisye, ama nọ odudu osisiye. Uni ka uma sọn ẹfẹna nẹ wọ uburu na ọ́rọ̀rẹ họn? Siye ẹkẹna rọn muro na wa ka na yọ ọ uyiyeyi. ⁴Ubaka Osibina yọ ọvan awa nẹnọ nọ oboro. Ama we siye ọnẹ wọ odudu na, sọn mọ rọrẹ, ubaka egbele uruwa ayẹ nebọrẹ na a dọn na, ámá dọn gbọgba. Ubaka Osibina yọ ọvan ayawa, ọnẹrọya nọ ọkẹkan ẹfẹna e siye odudu na ẹpan. ⁵Ọnẹ uba, we ke gbadọ tọ mȯo ẹpan eme gbeka ọkekan aya yẹrẹ uba, ama diya wọrẹ ẹyẹ uùbedin uba.⁶Ọnẹ uba we duna amana. Ubaka, uburu abẹ, Osibina yọ ọvan bẹ wa, nẹnẹ te ki siye ẹpẹn ẹnanẹ ọgba fenyan na. ⁷Du na nẹ ororo, ẹkẹna ujeba na: amana nọ ẹnanẹ amana wa bẹka na, orikpokpo ikiba nọ ẹnanẹ awa be ka na, ọrọrẹ nọ ẹnanẹ ọrọrẹ wa bẹ ka na, okuruno nọ ẹnanẹ okurunọ wa bẹ ka na.⁸Ume je koro ọyẹrẹ kẹna kide, efura ka ni ni abẹn nẹga. Ubaka ẹfẹna nẹ ni yọ ọbawọ ẹga na, e siye ẹkẹna ububuru eni na. ⁹Ibuburu abẹ, "Ome siye onọsẹsẹ, uma nwannoro, ume yiro oyiri, uma sọ ọ ọlarẹ," adaka e diye su ububuru ọbẹn, bẹ sẹ fenyan ẹpan wo ọnẹ, "Ni wọ ọbawọ ẹga aka wiwu na." ¹⁰Unini e siye odudu eto yọ ọbawọ. Ọ́nẹbẹ uùba, unini awa ka we siye ẹkẹna ububuru ni na.¹¹Ọnẹ uba, udin ọgba yẹ, abọwọ ka ọsọn mu ba na. Ọgbọnẹ tọ ọnafan eturu ṣa fọrẹ ọgbọna tẹ nawọ isi oṣoro na. ¹²Ujoge turu, aka isubu ayi turu ṣa. Ni jọmọ, ti mo nọ esiri utun wọ ọpa, ni jọmọ ti mi fọ ọsọ yọ iwọgbigben.¹³Ni jọmọ ti jenjen ako e siye bọwọ na, akọ erun mẹka na, ámà wọ ọ adẹ ọwẹ wa eejemẹ sa adẹ omimo, aka ni me yaka ti jenjen amabuwe gbagba sa ọlarẹ odudu nẹnẹ oro emedi ya sọ iwu na, aka ama wọ ibe obibe sa ọkẹ kanọ oro iwu. ¹⁴Ama fo Idu Ijisọs Ẹkraist wo iwo ẹrọ aka uma fo efa nọ iwukpe, ka edi siye yọ ọlarẹ.

Chapter 14

¹Na oro nẹnẹ éme ṣile ọnawọ na, ume siyọ ọ ẹkarẹ oṣenṣen akọ ọsankata. ²Oro ọbẹn su ọnawọ ka yi je ẹpẹnkẹpẹn, oro ọbẹn nẹnẹ yo iwu eme ṣile na uwunpiri ayayẹre ayẹ ediye je.³Ẹfẹna eje ẹpẹn fenyan na ama fọ ayẹn wanọ ẹfẹna eme siye ẹgan na, aka ẹfẹna eme je ẹpẹn fenyan na, ama sẹn nọ ẹkarẹ nọ ẹfẹna éje ẹpẹn fenyan na. Ubaka Osibina nẹ ẹ. ⁴Ẹra ọ wa, awọ nẹnẹ wa ṣẹn nẹ karẹ anọ oro ọbẹn yọ ọvan na? Ẹfẹna wa yọ ọga na ẹrẹn eke we jọmọn tabi afalẹ. Ama ba ka sẹ ya jọmọ, ubaka Osibina édi sẹga ẹjọmọ.⁵Oro ọbẹngba isubu ọbẹn ka afọrẹ isubu ọbẹn. Oro ọbẹn balẹ isubu fenyan ebori ebori. Jọmọ ororo esu á yenọsẹ iyọ ibe. ⁶Ẹfẹna a balẹ isubu na, a balẹ ya nọ Idu, aka ẹfẹna eje na, eje nọ Idu, ubaka agan mọ Osibina ẹba. Ẹfẹna nẹ émèje na, e yuru ka ayẹ emeje nọ Osibina: ka ayẹ gan mọ Osibina ẹba⁷Ubaka eme su ka toro ọyẹrẹ nẹnẹ ma anẹ yiwu na, eme su ẹfẹna de fo nẹ yiwu na. ⁸Ubaka ta ma nẹ rọ, itẹ manẹrọ nọ Idu, aka te fo, iti fo nọ Idu. Ọgbọnẹ te wo ẹrọ te fo, Idu ẹka tẹ wa.⁹ Ọne uba, Ẹkraist fo e diye pila wẹrọ, ka ayi di da Idu nọ ẹnanẹ fo na aka ẹnanẹ ki wo ẹrọ na.¹⁰Ama awọ, ẹnanẹ ọṣẹn nọ ekarẹ abe anọ wọ ọbawọ na? Aka awọ, ẹnanẹ ọfọ ayẹn awan wọ ọbawọ na? Ubaka atọ fenyan eke jọmọ ẹkarẹ ọṣẹnsẹn ádàn nẹnẹ wọ Osibina ẹka na. ¹¹Bẹ wọrẹ wije, "Aka isiye wo ẹrọ na," Idu agegan, "Nẹ mọ ikwin fenyan aka tọmẹn, ẹlarẹ fẹyan eke diya nowo nọ Osibina."¹²Ọgba ọnẹbẹ, to ro ọyẹrọyẹrẹ aka ga akọ ayi siye siye na nọ Osibina. ¹³Ọ́nẹbẹ uùba, ni me yaka ti pila ju abẹn orikpokpo tabi ka adọ ọ obebe nẹ yọ ọbawọ.¹⁴Idin e diye yemu Ijisọs Idu ka emesu ẹkẹna ama wọ ọnwọnwọn nẹ yi wu na. Efura ka ẹfẹna robalẹ ka ẹpẹn ọbẹn ka ama wọn na, nẹ oro ọnẹbẹ ama wọn. ¹⁵Adaka ijen uba, wọ ọbawọ ágbọ ibe obibe, ume pole jenjen unini. Uma fọ wọ ijen be oro nẹnẹ Ijisọs pẹrẹ yọ uba fo na fuwa.¹⁶Ume ya ka ẹkẹna nẹnẹ uroro ka awọ oboro na, bẹ gẹ ka odudu na. ¹⁷Ubaka ka Osibina ẹsẹn, ama wa Ijen aka ọwẹwa aya yẹrẹ, ama ọsẹrẹ osisiye, iwu ọbẹbẹrẹ, aka ibe orọnrọn ẹfunwẹnfunwẹn ọnwọnwọn.¹⁸Ubaka ẹfẹna nẹ siye okoto nọ Ẹkraist ọrẹ ọnẹ na Osibina nẹ ẹ aka kọ erokoro diya fọ uba wa mọ. ¹⁹Ọnẹ uba, ni jọmọ ti ki guwọ ẹpẹn ne wọ iwu ọbẹbẹbẹ ėka na aka ẹpẹn ẹnanẹ ti di eki guru abẹn na.²⁰Úme bẹ Osibina utun fuwa, ijen uba. Ẹpẹn fenyan awọn, ama amarọn ka oro eje ẹkạna aka wọrẹ oro ọbẹn atọṣẹn na. ²¹Arọn ka, oro ama tan mọ ọnẹ, tabi awọ ewayi, tabi e siye ẹkẹna qka wọrẹ oro ọben atọsẹn na.²²Ọnawọ nẹnẹ usu na, e su amọ aka Osibina etin. Okukurubile nọ ẹfẹna eme be yiwu fuwa, nọ ẹkẹna a fọ ọ uba wo na. ²³Ẹfẹna ẹke siyọ ibe ẹbọrẹ na, be sẹyan ebe, eje na, ubaka eme wo ọnawọ sa ẹpẹn nẹnẹ eme wọ ọnawọ sa na iluwe ya.

Chapter 15

¹Akana ọnẹ atọ nẹnẹ ṣile na abọwọ ka ti nika rẹ fọ iwu na, ẹnanẹ eni ka be fo iwu na, ama bọwọ ka tẹ fọ tiwu ibe rọn. ²Ni jọmọ to ro ọyẹrọyẹrẹ afọ yọ ọbawọ ibe kẹ rọn nọ ẹpẹn nọ nẹbẹ nẹ rọn mu ro na, ti di sẹ bọ ọ ipisi jọ mọn.³Ẹkraist ẹbẹba ama fọ iwu ibe rọn. Ọne-ka, eki we akọ bi siye wọrẹ na, "Ẹtun ẹnanẹ ero ke kpare nọ na falẹ yẹrẹ mọ." ⁴Ubaka ẹkẹna nẹnẹ bẹ tayẹ wọra na, ibẹ wọrẹ ka bi ya kpẹrẹ tọ ubaka isuru ọrẹ aka uloko ogbigbe nẹnẹ Osibina yega a nẹtọ na te ke su ọfanyẹnyẹrẹ.⁵Akana Osibina nẹ wọ isuru ẹka na akọ ogbo oruloko na ékè ya ka ni su ọkan ọyẹrẹ to abẹn akọ ọ Ijisọs Ẹkraist. ⁶Eke siye ọnẹ ubaka aka ibe ọyẹrẹ ni siye ugbugbodi aka awo ọyẹrẹ Osibina aka Ẹdẹda tọ Ijisọs Ẹkraist. ⁷Ọnẹbẹ uùba ni vuna abẹn ti wu akọ Ẹkraist siye vuna no ti wu na, nọ Osibina ugbugbodi.⁸Ubaka, ẹgẹ ka bẹ fọ Ẹkraist siye ọvan nọ ifuwẹsẹ nọ Osibina yọ ikwa, bi di ya si ije owo ọrọnrọn nọ ẹda ẹẹ̀pan abẹ, ⁹aka nọ ikuwero abẹ bidi fọ ugbugbodi nọ Osibina nẹ yọ eyi. Akọnẹ bi siye wọrẹ na, "Ọnẹbẹ uùba ma ka fọ uyiyeyi nẹ wọ ikuwero abẹ iwu bi tiye eguru yeyi wọ iwuru."¹⁰Diye bile amọ bẹ gẹ. "Nẹ kẹ bẹn, anọ ikuwero abẹ, aka bọ ero." ¹¹Aka bilamọ, "Yeyi Osibina, anọ ikuwero abẹ; jọmọ ero fenyan bi yeyi Osibina."¹²Bilamọ, Isaiah ka, "Ijesse yọ ọ ẹyẹn aka ṣa, ọnẹ nẹ fura e jobin yẹrẹ ikuwero abẹ ẹpan na, iyọ iwu ikuwero abẹ be ke su ọfanyẹnyẹrẹ."¹³Akana Osibina nẹ wọ ọfanyẹnyẹrẹ na, éke fe wu aka ẹbẹnbẹn aka iwu ọbẹbẹrẹ: ọna wọ, ẹfunwẹnfunwẹn ọnwọnwọn iwogbigben udi ma ọfanyẹnyẹrẹ.¹⁴Ka mẹ ẹbẹba, isu anyẹnọsẹ nẹ nọ me ero abe. Isu áyenọsėo ka anọ ni fe nọ oboro, ni fe nọ odindin fenyan. Isu áyenọsẹ ka ne ke di kpẹrẹ abẹn.¹⁵Ama, ma wọrẹ gadagba anẹ nọ ayẹ rọ ọ ẹpẹ nẹbẹn, ubaka idi da yẹn wọn, nọ ese nẹnẹ Osibina a nẹ mọ na. ¹⁶Ọ́và aya waka ẹ dọ ọvan nọ Ijisọs Ẹkraist nẹnẹ bi file nọ ikuwero abẹ na, akọ aṣigiri abẹ na, akọ aṣigiri nọ Osibina yọ ẹpẹpan noboro, uba ka ikuwero abẹ bọ ọva edi da ọnẹ na, ẹfunwẹnfunwẹn ọnwọnwọn asẹ ya ṣinọ ọnwọnwọn.¹⁷Ijisọs Ẹkraist isu ẹkẹna wọrẹ nẹ maka fọ uba tu uloko nẹ okoto nẹnẹ isiye anọ Osibina na.¹⁸ Ubaka má ka ga kẹnakide, amadaka ẹkẹna Ẹkraist yẹrẹ mu ba siye na nọ Ikuwero abẹ ọọtọn mọ wọmọ. Ẹpẹn ẹnanẹ ayẹ bi siye akọ ẹga ọgẹga aka osisiye, ¹⁹ọfọyẹn aka ẹnyẹnkẹ iwogbigben, aka ẹfunwẹnfunwẹn iwogbigben. E siye akọ wa furọ ọ Ijerusalem, aka gegere jen ne rọ Illyricum, I di si yọ Ẹkraist yọ ẹpẹpan noboro.²⁰Orikpokpo ọnẹ, mọ inini awa ka ẹ gọ epepannoboro, ámà, ama wọ ẹfẹna nẹnẹ bibwe din nọ Ẹkraist aka yọ iwuru na, ubaka ima mẹ yẹ rọ ọ oro ọbẹn yọ ọfọkpa. ²¹Ewe akọ bi siye wọrẹ na: Ẹnanẹ ba ma ga yẹ ga nọ na aka gbẹ, aka ka ẹnanẹ emi wọ na e ke ye ba."²²Ọnẹbẹ uùba bi ju mọ rẹ isi ọyọyọ ka íme di ṣa wẹ fa. ²³Ama akana, ime pile su kẹ fa ọyẹrẹ okaminasa ẹnanẹ, aka e siye ẹyẹn ọyọyọ wurun nẹnẹ íwe nika ẹṣa to wu na.²⁴Isu ọfanyẹnyẹrẹ ka ọgbọna me ki ṣun mẹ fẹnẹbẹ na, orẹ nẹnẹ ẹyọ ayọ Ispain na, aka we ke siye ogubanẹ mọ akọ nẹ isiye ayọ ẹfẹnẹbẹ na, isi ọyẹrẹ abẹrẹ mi wu akọ ati ka wọ siye file obuwe na. ²⁵Akana ọnẹ ma yọ Ijerusalem, ma yo siyọ okoto nọ Osibina yọ ero ọnwọnwọn.²⁶Ubaka awọ ẹrọnmọtọn nọ Ẹmacedonia aka Achaia ke bẹ ta ẹpẹn no iwa ro Osibina yọ ero ọnwọnwọn nẹnẹ wọ ọ Ijerusalem na. ²⁷Ẹn, bọ ẹrọnmọtọn oboro ya, aka ibibjeba yọ uba. Ubaka ikuwero abẹ adaka ibi ruw ibọ ẹfunwẹnfunwẹn ẹpẹn, ada aka uba na nọ Ijiwu abẹ ka bi siye toba aka bọ arọn.²⁸Ọnẹbẹ uùba, ọgbọna nẹ me siye utun mọ nẹ kwe na, aka iri ilukutu abẹ nẹba na, ma ka yọ Ispain maka gba wọ akọ isiye ayọ orikpokpo na. ²⁹Idin ka ma ṣa wẹ fa, ma ka ṣa ofife nẹnẹ wọ Ẹkraist yọ okukurubilw na.³⁰Akana ọnẹ, ẹkpẹrẹ nọ, mẹ ẹda iforo abẹ, aka itọ Idu Ijisọs Ẹkraist, aka ẹfunwẹnfunwẹn uọ ununi, ka nẹ suba bile aka amẹ, nẹ mawo siye Adura Osibina uba. ³¹Ni siye adura ka ba ka na mọ fan ẹnanẹ siye ọtọn mo oṣiṣi Ijudea na, aka mọ osisiye nẹnẹ isiye nọ Ijerusalem na, Osibina yọ erokoro ọnwọnwọn bi di nẹ. ³²Si yọ adura ka idi niwu ṣa akọ ėobẹnbẹn, Osibina yọ ibe opin, aka ame aka awọ, tẹ gbọ ọ ẹyẹ ofifile.³³Osibina nẹ wọ iwu ọbẹrẹ ẹka na eke jọmọ gbe li na nọ fenyan. Aamin.

Chapter 16

¹Ẹ fọ Iphoebe tọ ọda iyaro, nẹnẹ wọ Osibina ubowo okotoro nẹnẹ wọ Cenchrea na. ²Ubaka ni di nẹ fọ mọ Idu. Siye ọnẹ ọrẹ nẹ bọwọ nọ Osibina yọ ero ọnwọnwọn na, u diye siye uba ugu guwe nẹ yan ẹkẹnẹ kẹna e ni iwu uba na, ubaka esiye uba uguguwe ọkẹka nọ ero ọyọyọ aka amẹ ẹbẹba.³Gan mọ Ẹpriscilla akọ Aquila, mọ ero nẹnẹ tá bile esiyọ utun Ijisọs Ẹkraist na, ⁴Nẹnẹ bẹ kpẹrẹ mẹ ẹrọ bẹ fọ be ẹrọ wo ya nẹmọ. Ẹ gan ba ẹba, ama wa ama a yẹrẹ, diye bi lọ Ẹṣọṣi ubowo nẹ wọ ikuwero abẹ ẹka na. ⁵Gan mọ Osibina ubowo nẹnẹ wo ubowo na. Gan mọ Ẹpaenetusb mọ ẹfẹna ini na, nẹnẹ wọ ilukutu oṣoro Asia nọ Ẹkraist na.⁶Gan mọ Imary nẹnẹ fọ iwu siyọ utun oṣisile ne wọ na. ⁷Gan mọ Andromicus aka Junias, mọ ero aka mọ ẹwan ro abẹ. Apostu abẹ bi din ba dada, aka bi wọ Ẹkraist ṣa na ami diye diyan. ⁸Gan mọ Ampliatus, mọ ẹfẹna ini Idu na.⁹Gan mọ Urbanus, tọ utun ro Ẹkriast, aka Ẹstachys, mọ ẹfẹna ini na. ¹⁰Gan mọ Apelles, ọnẹbẹ fọ uba wo Ẹkraist na. Gan ẹnanẹ wọ Aristobulus yọ ubowo ro na. Gan mọ Eherodion, mọ oro. ¹¹Gan mọ ẹnanẹ wo Ẹnarcissus yọ ubowo ro nẹnẹ wo Idu na.¹²Gan mọ Ẹtryphaena aka Ẹtryphosa, utun ro Idu ẹka. Gan mo Ẹpersis mọ ẹfẹna ini na, nẹnẹ kayẹ afọ iwu siye utun nọ Idu dádá na. ¹³Gan mọ Irufua, ne bi tiye Idu na, aka wiya aka mẹka. ¹⁴Gan mọ Asyncritus, Ẹphlegon, Ijermes, Ẹpatrobas, Ihermes, aka yọ ẹda iforo abẹ nẹnẹ wọ ibẹfa na.¹⁵Gan mọ Iphilologus aka Ijulia, Enereus aka yọ ọda iyaro, aka Olympas, aka Osibina yọ ero ọnwọnwọn fenyan nẹnẹ wo ibẹfa na. ¹⁶Ne gan ma bẹn akọ owo odo wo ọnwọnwọn. Osibina yọ ubowo Ẹkraist ėoka fenyan ágàn nọ.¹⁷Akana ọnẹ igbe nu loko mọ ero abẹ, ni roro ẹnanẹ eruwa bi diya tọṣẹn na. Bi ṣun mọ otite nẹnẹ ni kpiya na. Bila fura bọ rẹ. ¹⁸Ka ero ọla akọ ama yẹrọ rọ Idu Ẹkraist ama bọ epuru. Aka bọ ega oyinyin bawọrẹ ẹnanẹ emedin na uloko.¹⁹Nẹ wọ ọbale siye ọtọnmọwọwọ eto fẹyan. mọ ibe rọn towu, ama me ni ka ygben nayẹn nọ ẹkẹna rọnmuro na, aka uma fọ iwusẹ ẹkẹna wọ odudu na. ²⁰Osibina nẹ wọ iwu ọbẹbẹrẹ ẹka na, èke fon ama wọ fọ wọṣẹn dẹn nọ eṣu si je. Ijisọs Ẹkraist Idu yọ ese eke jọmọ gbeli wu.²¹Itimothy mọ utun ro, a gan wọ, aka Ilucius, Ijason aka Ẹsosipater, mọ oṣin ro. ²²Ẹtertius nẹnẹ wọ rọ epistol ọnẹ wọ ije na, agan wọ Idu ọrẹ.²³Igaius nẹ namọ wọ ubowo na aka Osibina ubowo fẹnyan na, agan wọ. Erastus, nẹnẹ da fọ uwuru ikiba ki su na a gan wọ, akọ Equartus yọ ọda. ²⁴Tọ Idu, Ijisọs Ẹkraist yọ ese eke jọmon gbeli nano fenyan. Aamin.²⁵Akana ọnẹ nọ ẹfẹna nẹnẹ di fọ wọ iwu eṣile na, akọ ọ imọ ẹpẹpannoboro ako Osibina ẹga nẹnẹ Ijisọs ga na, akọ ọ ọfọyẹn ojinọ oro owofuwa nẹnẹ biya bẹbẹ nọ ọgba nẹ fon na. ²⁶Ama akana bẹ fuwẹ yẹn ẹsẹ ọgẹga ọwọwọrẹ nọ iken fenyan itọ Osibina nẹnẹ emese ọta na yọ buru, ediya fọ ọtọn mọwọwọ ọnawọ eka.²⁷Nọ ọ Osibina aya yẹrẹ nẹnẹ gben nanyẹn na, Ijisọs Ẹkraist yọ ugbugbodi otutumotuntun. Aamin.

1 Corinthians

Chapter 1

¹Ẹpọl nẹnẹ Ẹkraist Ijisọs ye apostolu Osibina ọrẹ bilọ Isostine atọda. ²Nọ Osibina Ẹṣọṣi nẹbwọ Ekọnrinth bi le ẹnanẹ bi tiye obo Ẹkraist Ijisọs akọ ẹna nẹ bi ye ero ọwọnwọn, bile ẹfafẹyan nẹ ye iwuru Idu Ijisọs Ẹkraist ọnẹ nẹ bọ Idu bile tu. ³Tei yese aka ọbẹriwu ada nẹka furọ Osibina tẹ Ẹdẹda Idu Ijisọs Ẹkraist.⁴Isi fẹyan ẹgan mẹ Osibina ẹba nẹ yese ọ Ijisọs Ẹkraist ya nẹ wọ. ⁵Esiye ka ni su ọrẹ kọrẹ, akọ ọgẹga, bile odindin, ⁶akọ nẹ nẹ ubedi nọ Ẹkraist sẹrẹ aki ikwa inetin.⁷Bilamọ emesu okukurubile ẹfunwėnfunwẹn bile akọ bisa karẹ ọfiwa yẹn ọnẹ wa ti Idu Ijisọs Ẹkraist. ⁸Aka wọrẹ nọ ọnawọ e jọmọ re ọsẹpan, bi ma ṣẹn nebe rẹ isubu ọnẹ ti Idu nẹ wọ Ijisọs Ẹkraist. ⁹Osibina esu ikwa, nẹ funmo osiye bile nẹ wa yọ ogben, Ijisọs Ẹkraist nẹ wa tọ Idu.¹⁰Akana igbe nu loko, kẹdabe, ọrẹ nẹ wọ tọ Idu Ijisọs Ẹkraist ka one fẹnyan nena, akọ oruwa eme wọ ineetin. Ẹpẹrẹ ne jọmọ bile ibe ọyẹrẹ nẹ ẹpẹn osisiye. ¹¹Bẹ ganẹmọ yẹrẹ nọ opepere ero ka oruruwa wọ ine tin.¹²Ẹkẹne mega aya eo nẹ: Oro ọyẹrọ yẹrẹ ini wu ka, "Amẹ ẹwọ Ẹpọl," ọbẹn amẹ ẹwọ Apolosi" ọbẹn ka ayi bilọ Isifas," ọbẹn Ẹkraist." ¹³Ẹkraist ruwa? Ẹpọl bẹ wan ọgbalati nẹ nọ? Ibirimọmọ Ẹpọl iwuru?¹⁴Ehari mosibina ime ri imọmọ nẹ koro ọyẹrẹ iniwu, efuraka Ikrisposi aka Igeusi. ¹⁵Ọnẹ ewaka noro ọyẹrẹ akẹ ga ka ibi ri nu imọmọ imi uwuru. ¹⁶(Ide ri imọmọ nẹ Istifanosi ubuoro. Efura onẹbẹ, ime pile din adaka iri imọmọ nẹ ero ẹbẹn.)¹⁷Ijisọs Ẹkraist eme file mu ku iki rimọmọ ama ẹkẹ pẹpanoboro emi bile ega ẹdayẹn, ubaka ọgbalati nẹ wa Ẹkraist ẹka na ema ya ka yio iwogbẹn, à a wu ufolo.¹⁸Ega nẹ wọ ọgbalati ẹka na, à a bẹ è ayawa nero nẹnẹ fu ama à enanẹ bẹ na fan na, Osibina iwogbigben ayẹ awa. ¹⁹Bẹ wọrẹ, "Meke be odindin nẹnẹ odidinro ka bi suna, meke esula odindin bile ẹdayẹn na bi su na.²⁰Eta ẹdayẹn ro mana? Eta enanẹ ganme mumu eta osakataro ẹrọnẹ ma na? Osibina bila edayen ero neka ṣina abẹyẹ? ²¹Kaba ọtẹtọnmẹ ẹrọ nẹ eka ẹda yẹn bi me din Osibina, ama arọnmọ Osibina ka anaba fan nẹ ẹnanẹ aka na wo abẹyẹ nẹ wọ Osibina ẹga na.²²Nọ Ijuùabẹ bebṣin ojinorowo ami Igiriki be ni ẹdayẹn. ²³Ama atọ ta gọ Ẹkraist nẹ bẹ kan sọ ọgbaliti ọtọṣẹn nọ Ijuù abẹ bilọ abẹ ẹ nọ kuwero.²⁴Ama nọ ẹnanẹ Osibina ye, Ijuù bilọ kuwero ta yọ akọ iwogbẹn ako Osibina ẹdayẹn. ²⁵Osibina aàbẹ afọrẹ orokoro ẹdayẹn, akọ Osibina urirẹn ṣile fọrọ orokoro ẹka.²⁶Ni baàlẹ akọ nẹ bi se yenu na, tọdaá. Nọ ọyọyọ eme su ẹdayẹn uwipe ọrẹ̀ẹ. Nọ ọyọyọ eme su iwogben. Nọ ọyọyọ ọbẹ ba ama wọ erokoro ne orokeka abe bana. ²⁷Baàlẹ Osibina tiye aàbẹ ẹpen erọ ọnẹ edi fepan kwọ ẹnanẹ ka abi dinẹga na. Osibina tiye ekena rẹn ẹrọ ọnẹ edi fepan kwọ enaniṣile na.²⁸Osibina tiye ekena yije erọnẹ ọnẹ nẹnẹ wọrẹka eme ye pen. Esi tiye ẹkẹne be me ye aka ẹpẹn ṣo gba gba nẹ file ba yẹn. ²⁹Esie ọnẹ ka iwupe kọrọrẹ ama rọnmowo iyẹrẹn.³⁰Yẹrẹ ẹkẹnẹ Osibina siye na akana Ẹkraist Ijisọs emiṣi da nẹ tọ ẹdayẹn wo Osibina uba ṣa. Ẹsina to ọṣẹrẹ ọwọnwọn, oyinyinpila. ³¹̣Ọnuba, ako bisiye, wọrẹna, Ẹfẹna aromowo na aromowo Idu."

Chapter 2

¹Ọgbọnẹ ẹṣa to nu modaà, Ima ṣa akọ owo oranran bile ẹdayẹn akọnẹ isega ikwa nẹ bẹbẹ itọ Osibina. ²Ami me ni ka idin kanakide ọgbọ nẹ ẹma ni ne tin na efuraka Ijisọs Ẹkraist, nẹ bẹ kan sọ ogbalati na.³Ama bile nu orirẹn ọrẹ bilọ ọrọre, ako opiperi. ⁴Mẹga ọgẹgẹga bile akọnẹ isa gẹ na ama wọ awọrẹ ọga odindin. Ama biya yẹn Efunwẹnfunwẹn akọ uwogbigben, ⁵nẹ ba ka nọ enawọ emo wo orokoro edayẹn, ama Osibina uwogbingbe.⁶Ta gọ ẹdayẹn enanẹ ama wọ ogben, ama wọ edayẹn erọnẹ ka, enanẹ wọ awọnma nẹnẹ ekwe ayọ na. ⁷Ama, ta gọ Osibina ẹdayẹn ikwa nẹ bẹbẹ, ẹdayẹn nẹ bẹbẹ ọnẹ Osibina tiye ẹrọ nẹ na to ugbugbodi.⁸Koro korẹ ni wọ awonma osi ẹrọ nẹ din na, adaka eye ba, ebanabẹ kan wọ ọgbalati ti Idu iyio ugbugbodi. ⁹Akọnẹnẹ bi se wọrẹ ya na, "Ayẹn emi gbeè, ọtọn emi wọọ̀ orokoro uloko nẹ danyẹn su nẹ ẹkẹna Osibina guru nọ enanẹ ni yẹ ga.¹⁰Ama Osibina aya yẹn nẹtọ ẹfunwẹnfunwẹn ọrẹ. Nọ nẹ ẹfunwẹnfunwẹn ayẹ de pila ẹpẹn fẹyan, bilọ ẹkẹna lon Osibina ẹka. ¹¹Era wọ ẹfẹna din orokoro iroro efuraka ẹfunwẹnfunwẹn ni woroko? kẹ gan, koro ọyẹrẹ emedin epen nẹ lomibe Osibina ẹka ama wọ ẹfunwẹnfunwẹn nẹ wo Osibina eka na.¹²Ama ti ma nọ Ẹfunwẹnfunwẹn ẹrọ nẹ ka ama Ẹfunwẹnfunwẹn nẹ wọ Osibina ẹka ti di din ẹpẹn ọfẹ nẹ Osibina ya nẹ tọ na. ¹³Ta ga ẹpẹn na nẹ wẹha ọnẹ erokoro eme te ibẹ ẹdayẹn ama Ẹfunwẹnfunwẹn, tiye te ẹfunwẹnfunwẹn ẹpẹn no Ẹfunwẹnfunwẹn erokorobẹ oka¹⁴Ẹfẹnẹ eme su ẹfunwẹnfunwẹn ediya nọ ẹfunwẹnfunwẹn ẹpẹn ne wa nọ Osibina ẹpẹn, ewe aà bẹ nẹ ya. Edieyẹ ubaka awọ Ẹfunwẹnfunwẹn ẹka tiye na. ¹⁵Ẹfẹna wọ ẹfunwẹnfunwẹn ro ede ṣin nẹ ẹpẹn fẹyan ama koro ọyẹra nẹ di mẹ ohẹnya na. ¹⁶Ere din Idu uloko à a, ka ere di ye te yà a? Ama ti su Ẹkraist uloko.

Chapter 3

¹Aka amẹ ọdda, mimo di ma nẹ gẹ ga akọ ẹfẹwẹnfẹwẹn erò, ama aka erokoro uwupe, akọ egben niwi Ẹkraist. ²Eva wẹ ebaà amawọ ijen ni ṣile, ni ma kwọ ọsanẹya ka akana na ne ma kwẹ ẹsa.³Nikiwọ uwipero. Ẹfẹnẹ ne gbọgbẹrẹ bilọ ẹfa inetin amọ uwipe akọ urokoro ọrẹ ne jen nẹ? ⁴Ọbẹn ka, "Ayẹ ayẹrẹ Ẹpọl" ọbẹ ka, "Ayẹ oyẹrẹ Apolo," Ama wa erokoro gbagba nẹ wa? ⁵Ẹva wọ Apolo? Ikotoro ibọrẹ nẹ we na wo, akọ Idu siye funtun nọ ororo.⁶Amẹ ibire kọ Apolo kurẹè ebi, ama Osibina eteyi ke ruwa. ⁷Ọnẹbẹ uba amawọ ẹfẹna bire ẹfẹna kurẹ ebi awọ ẹpẹn. Ama Osibina ayẹ bi yio eruwe bilọ ogugwe.⁸Akana ẹfẹna ebire akọ ẹfẹna kuru ebi ọyẹrẹ bẹ wa, aka ororo aka na yẹ kẹrẹ akonẹ ese siye yiọ utun na. ⁹Atẹ wọ Osibina utun ro. Nẹ wọ Osibina ọbaà, Osibina uwubuo.¹⁰Akọnẹnẹ Osibina ese nẹnẹ bi ya nẹ mọ akọ ẹfẹna mẹ, ọfa apa oro obẹn a mẹẹ̀ ewa mọ. ¹¹Ema su ofa apa ọben ọnẹ oro di pila mẹ a yẹrẹ, fọrẹ ọnẹ bẹ ma à, aya wa, Ijisọs Ẹkraist.¹²ana, esu ẹfẹna mà a yẹrẹ ofa apa bilọ igolu, esilifa otare iboriboro, oti, ifefe bile ẹsọrẹ. ¹³Yiọ utun akaya yẹn, isubu onibe aka fiwu yẹn. Ẹra akq fuwu yẹn. Ẹra yẹ aka balẹ utun. Era aka balẹ akọ utun mabyẹ eke se siye opa nẹ eroro se siye yẹ ka.¹⁴Esu ẹfẹna yọ utun jọmọ aka nẹ yẹ ẹkẹrẹ. ¹⁵ama esu ẹfẹnẹ yiọ utun kẹnẹ, eke jo yo ya, ama ayẹ bẹ ba eke su onafan, akọ ẹfẹna yio ẹra ṣun yọ ọnafan.¹⁶Nidin ka Osibina ẹtẹmpuli nẹwa aka Osibina ẹfẹwẹnfẹwẹn ewọ ini iniwu? ¹⁷Ẹfẹnẹ eke be Osibina ẹtẹmpulu, Osibina eke be ero ayẹ Osibina ẹtẹmpulu wọn, egan ka wọ nẹ.¹⁸Koro ọyẹrẹ ama wọrẹ yi wu. Esu ẹfẹna ka ayẹ din ẹrọnẹ, teyi eṣin "aàbẹẹ́" e di ṣina ẹfẹna din. ¹⁹Erọ nẹ ẹdayẹn awọ abẹyẹ nọ Osibina. Bẹ wọrẹ ya, asẹ ba ibẹ ẹga odindin ibẹ ẹdayẹn. ²⁰Bilamọ, Osibina din iroro ẹdayẹn ro abẹ nẹ wọ ufolo²¹Ọnẹ iroro, koroirẹ ama gbanwowo eforo. Fẹyan wa nẹ ka à. ²²Abarẹ Ẹp̣ọọl, ada Apolo, ada Isifas, abalẹ ẹrọ, abalẹ ufo, abalẹ ẹkẹna wamọ abalẹ ọna sa. Epẹn feyan wa nẹ ka. ²³aka uwi Ẹkraist kọ, Ẹkraist awọ Osibina.

Chapter 4

¹Akọnẹ oro se rorotu akọ ikotoro nẹ wi Ẹkraist bilo ofayẹnto nẹ bẹ gbà akọ ikuwa ni wọ Osibina. ²Ẹkẹna be ni ọfayẹnto aàbẹ bi su ikuwa.³Ada amẹ ẹpẹn okeke awọnẹ ka bẹ ohẹn mọ ẹkarẹ ochẹnchẹn ubuoò. Ime si chẹn nẹ ẹkarẹ nẹ mimu. ⁴Ime si din ẹkẹnẹ bẹ karẹ sẹ mọọ na, ama imakaka beka ijese ẹfẹna aka chẹn mọ ẹkarẹ wọ Idu.⁵Akana ume mi ga ẹkarẹ ọchẹnchẹn akana yẹrẹ ẹpẹn fẹyan ṣa na yọ gba, Idu ṣa. Aka fuwẹ ṣo ọgbandala ẹkẹna a bẹbẹ esiri aka ayẹn ẹkẹna wọ uloko. Ororo aka na uyeyi furo Osibina.⁶Akana mẹ da à ẹfurọ ẹkẹnẹnanẹ to mu akọ Apolosi na nẹka, furu muba ne ke kpiya yio igben ẹga nẹga ka, "Ume ṣun ẹkẹna bẹ wọra" Ọnẹ waka korọkẹ ama kwọ aguma yẹrẹ oro ọbẹn. ⁷Ẹragba ẹpẹn obo wọ ọbẹn? Ẹna usu nẹnẹ ba ma nọwọ? Wa nẹ ẹna wọrọ uwa ran mowo ewaka uma nẹ na?⁸Akana usu fẹnyan nẹ bana uni na! Ewa mọ ka ukẹ fa pọọ̀tọ ti di ma wọ kẹ fa. ⁹Ami roro ka Osibina fuwọ tọ apọstulu yẹn aka omunuru, akọnẹ ese tuwọ akọ ananẹ bẹ ọhẹn no ufo ekarẹ. Timi ṣinẹ ọbalayẹn nẹrọ na angẹli, aka nerokoro.¹⁰Ti chin na abẹ nọ Ẹkraist uba, ama ani su ẹdayẹn Ẹkraist. Ati ren ama ani ṣile. Bẹ fuwọnọ okurunọtime su okurunọ. ¹¹Se rọ ọgbọnẹ aàwọn akọebi ọkọrẹ, ẹsa oboro ti file emẹ wa mọ, bẹ bẹtọ, ti me su ubu umẹma.¹²Te siye utun oṣiṣilẹ, tẹ fu ba esie. Bi golitu ti kurubile ọgbọnẹ bẹ kwọ to tu na, tẹ fuwu na. ¹³Bẹ gẹ ẹlabọ tẹ ga oboro. Ti ṣin na ẹpẹnpan nọ ẹrọ bilọ isinsin ẹpẹn fẹyan.¹⁴Ima wọrẹ ẹpẹn nẹ nanẹ fuwọ ẹpan kwọọ̀ ama ti din fuwọ pọ ako me gbẹn nẹ ininẹga na. ¹⁵Esi daka ni su asẹn ọrẹ ẹfọ nẹ fuwọ ayẹn to nu Ẹkraist, ne me su ẹdada ọyọyọ. Ami ṣina ẹdẹda Ẹkraist Ijisọs ẹpẹpan oboro. ¹⁶Ẹpẹrẹ nọ ka nẹ balẹ mọ ki siye.¹⁷Ẹkẹ awọrẹ ifile Itimoti ẹfẹna ini akọ mo ọgben ikwa ọọ̀ Idu, aka yẹn nọ mọọ orukpọkpọ Ẹkraist, akọ nẹnẹ ise teba ẹfẹnẹfẹnẹ bilọ Iṣọṣi. ¹⁸Akana nọ ọyọyọ kwọ agumapọ, ni ye siye ka ima ṣa to nu.¹⁹Ama maka ṣa na ṣa Idu eni na. Ọgbọnẹbẹ me ke din ka amawọ ẹga gbagba nẹ ẹnanẹ efun, na pọ, ama maka gba bi uwogbigbẹn. ²⁰Osibina uwogbigbẹn eme juwọn wẹ ga ọgẹ ga ama uwogbigben. ²¹Ena ne na à Ẹṣa to nu akọ ọpari sọ ununi ako ẹfuwẹnfuwẹn ọbẹrẹ?

Chapter 5

¹Tẹwọ ẹga ka esu onọsẹsẹ inetin, osisiye odudu ọnẹ nẹ gbe ka siye diya wọ ya ikuwe ro etin: ka oro a ma amabuwe gbagba weda oòro. ²Ne funná po! Ama bọwọ ka ni wo ibobibe fuwa onuba, ko ẹfẹna siye ẹpẹn no dudu ọnẹ bi fuwẹ fura inetin?³Eboso siye ka ime wu netin iwupe ọrẹ, iwamọ ẹfuwẹnfuwẹn. Amẹ chẹn ẹkarẹ nẹ ẹfẹnẹ siye ọnẹ akọ ẹfẹna wẹ ẹfẹnẹbẹ. ⁴Ọgbọnẹ ne Ijisọs Idu iwuru we ẹfẹna bẹ ẹfuwẹnfuwẹn ọrẹ akọ iwogben Iju Ijisọs wẹ ẹfẹnẹbẹ, ⁵forayẹ ne Eṣu edi fuya uwipe, yẹ efuwẹnfuwẹn edi su onaàfan Idu isubu.⁶No owo ọrọnrọnama rọnmuro. Umedin ka ẹwọ keke ede be ẹpasẹ ẹwọ fẹyan? ⁷Puwa ni wu furọ ẹwọ osusu udin ṣinọ owowo akọnẹnẹ ese buwọ ka ọda. Tọ Ẹkraist nẹwa ududo nẹ ṣun yọ na, biye siye iyanpun nẹ tọ. Jọmọ ti je yi mu, ema wo bile ẹwọ osunsun, ẹwọ osisiye odudu. kaka ọnẹ bẹ ti je imuù ama bile ewọ ẹpasẹ ikwa bile ikwa ⁸oboro.⁹Ẹwọrẹ imọ ikokori ni me jebile oni ọsẹsẹro. ¹⁰Ima gẹ ọrẹ erokoro odudu ẹrọ ọnẹ ka, bilo osayẹn ro, aworẹ je, ka ni mo bọ rẹ, we ke yọ ẹrọ ṣun.¹¹Ama akanẹ ẹwọrọnẹ ka umejebile ẹfẹnẹ be yiọ oda onọsẹsẹ, bile ẹfẹnẹ sanyẹn, bilebujun okpun, agọ ẹlabọ owo, ọwọ adẹ, awọrẹ ro. Uma moro ọlọnẹbẹ jijen.¹² Gana ame ke suba wọ chẹnẹkara no ẹnanẹ wọ yẹn eè iṣọṣi? ¹³Ama Osibina chẹn nẹ ẹkara nẹ ẹnanẹ wọ yẹn. "Tiyọ orokoro odudu ọnẹbẹ furọ inetin."

Chapter 6

¹Ọgbọnẹ ọrọrẹ iniwu su ẹfa nabẹ, efura ayọ ẹkarẹ ọfa nẹnẹ bama wọ ọsẹrẹ ro ọnẹ ebana yọ Osibina ẹro nẹ bẹ wọ ọwọnwọn ro? ²Ume din ka Osibina yero ọwọnwọn ba ka chẹn ẹkarẹ nọ angẹli abẹ họn? Adaka na ka xhẹn nẹ ẹkarẹ nẹ ẹrọ ẹna wọrẹ ni me di guru ẹfa ikeke à a? ³Ni me din ka ta ka chẹnẹ ẹkarẹ nọ angẹli abẹ̀ e Ẹne mi waka ni me din guru ega keke nẹ wa ẹrọnẹ ka?⁴Ada ka na ka chẹn akara nẹ ẹrọ nẹ ka, ẹnẹ mi wọrẹ ẹpẹn nẹ na eweka ẹna nẹ eme je gbeli iṣoṣi? ⁵Ẹgọ nẹ nẹ nọ ẹpan nọ kwọkwọ. Eme su ẹfẹnẹ su ẹdayẹn guwe ka eguru ẹfa ọọ́da etin? ⁶Ama ọda da fuwọ yiọ da yọ ẹkarẹ ẹfa ọnẹ ẹnanẹ a ma nawọ na!⁷Ikwa nẹ wa mọ na ka usu ega anika wọ ọbawọ aya yẹn ka ọfọ wi wu ba. Ena wọrẹ umefu joya nẹ kẹ na ma bọọ̀? Ena wọrẹ ume teyi bẹ wọrẹ wo je? ⁸Ama awọ ẹbẹba de sie ọna ma rọn bilọ awọrẹ, bilọ nẹ ude siye to wọdàa!⁹Uwe me din ka ẹnanẹ a ma wọ ọsẹrẹ ro be ke fọmo Osibina ẹṣẹn? Bi ma wọrẹ wọ. Enanẹ wọ oniọsẹsẹ, okpun mu ujun, oni ọsẹsẹ-oforo, ẹnanẹ mabẹn esiye odudu ọrẹ, ¹⁰eyiri, ọkẹnẹpẹn, ọwọadẹ, oborofuwa, aka ẹdayẹn wọrẹ kaboro ọyẹrẹ na ka fọn Osibina ẹṣẹn. ¹¹Ekena nẹ bẹn tayẹ wa. Ama bi puwa nọ, bi tie nobo, bi me pila chẹn we be Ijisọs Ẹkraist Idu bilọ ẹfuwẹnfuwẹn nẹ wabtọ Osibina.¹²"Ẹpen fẹnya awọ obuburu nẹ mọ," ama ẹpẹn fẹyan eme su ẹkẹrẹ "Ẹpẹn feyan su obuburu nẹ mo," ama me ke ya ka kọrọre afọrẹ mọ. ¹³"Ijen nọ epuru, kọ epuru nọ ijen" ama Osibina aka mon ba fura ọrẹ Bi me siye iwu nọ ẹkė̇na ama bowọ̀ọ̀. Kẹgan, iwu wa nọ Idu bilo mọ. Idu aka kẹ vọ uwipe ẹka.¹⁴Osibina bile pan Idu aka bile pan tọ fura iyọ yi iwogbẹn. ¹⁵Udin ka wiwu awọ Ẹkraist eka? Imeke tiye uwipe ayẹ iye bile ọtamarakọ? Egba dọ dẹgan.¹⁶Ume me din ẹfẹna fuwa yi wi bilọ ọtamarakọ bi ṣin na iwu ọyẹrẹ? Akọnẹ emumu ọwọnwọn se ga na, "Abe ẹhọrẹ ṣina uwipe ọyẹrẹ." ¹⁷Ẹfẹnẹ bilo Idu bi ṣina ẹfuwẹnwẹn oyirẹ.Mune furọ onọsẹsẹ! Iluwe ọnẹ orokoro eluwẹ uwipe ọyẹn, ama onọsẹsẹ ro eluwe nẹ yi wupe.¹⁹Ume me din ka wọ uwipe wọ Efuwẹnfuwẹn Ọwọnwọn ẹẹ̀ tẹmpulu, nẹnẹ wo wi wu na, ne ni su furo Osibina? Ume me din ka awọ ume bi wi wu? ²⁰Ibi yin wu bile ẹpẹn onu uba, fu uyeyi no Osibina akọ uwipe bilo ẹfunwẹnfunwẹn newọ Osibina ẹka.

Chapter 7

¹Akana yẹrẹ ekẹnẹ nẹ wora ikokori no: "Arọnmuro ka oforo ama dẹyẹ iyaro." ²Ubaka nọ ọmabalẹ uwipe, ororo esu yoro, kọ iyaro esu yọ oforo.³Ọnẹ wọ oforo esiye yọ utun ọna ke ma yoro siye, yoro kayẹ e siye ro yọ oforo ake ese bọwọ na. ⁴Ama wọ oro esu uburu yiwu, yọ oforo esu. Ọorẹ ọrẹ oforo kayi mebsu uburu ne yọ uwipe, yọ oóro esu.⁵Ni me yuru nabẹ, efuraka na abẹn nẹ ogba keke. Siye onẹ ni di su ọgba na adura. Ni pila ṣa bile, ni me yaka Esu amanọbale ubaka ni me di sẹ ni iwu. ⁶Ama ẹga ẹgẹ ẹna nẹ pẹrẹ nọ ama wo uburu. ⁷A baramọ ka ero feyan a daka ame. Ama ororo su yọ ose furọ Osibina ẹfa. Ọbẹn su ese ọnẹ ọbẹn su ese òobo.⁸Nọ ẹfẹne su oro ako ìkukuro ẹga ka arọmuro be di siye aka amẹ siye wa ne me su òoro. ⁹Be me di fiwu nẹ bi su oòro. Akese nẹba ka bi su fọrẹ ka uwipe eki gulaba.¹⁰No ẹnanẹ su oro ayẹ fọ uburu ọnẹ ama wayẹ, amado Idu oro eme yuru nẹ yọ oforo. ¹¹(ama eyuru yo foro, ama ẹfa nẹ me su oforo tabi ebila guru neya yọ oforo), aka oforo eme yuru yọ oro.¹²No obuba ẹga - Aya, ama wọ Idu - esu ẹfẹna su oro nẹnẹ ama na wọ, a rọn ya yẹn ka ama, eme yiru ya. ¹³Esu oro nẹnẹ su oforo na ma nawọ na, a barẹ yi wu ka bẹ ma eme yuru ya. ¹⁴Nọ oforo nama nawo bi tiẹ obe iyo oro uba, aka oro na ma nawọ bi tie kayẹ obo iyọ oforo uba. Ama dẹgan niegbẹn na bẹ bi ma wọn, ama ikwa bi tiye ba obo.¹⁵Ama ẹfẹna ama na nọ ayọ, teyi ayọ. Ega ọlọnẹ, oda oforo akọ iyaro bi ma parẹ ba nọ ọpẹn nẹ bẹ ba. Osibina ye ka ti wo ọbẹriwu. ¹⁶Ubaka wu me din, iyaro, kada awaka na wọ oforo fan? Gana usebdin kada waka na wọ oro fan?¹⁷Akọn aka Idu ya no ororo yẹ ka, teyi ororo ejen akọnẹ Osibina se yẹ na. Ọnẹ wa ma ba e ṣọṣi fẹyan. ¹⁸Esu ẹfẹna bi fuwese ọgbọ na bi ye ka nawọ? Ama yẹn aka bi me fuwese ẹ̀ ẹ. Esu ẹfẹ na be me fuwese ọgbọ na bi ye nẹ onawọ? Bi me fuwese ya. ¹⁹Ama wa o fuwese bi me fuwese a yẹ a wa yẹ Ẹkẹnẹ wa yẹ a wọtọn nọ ububuru Osibina ẹka.²⁰Orow e jọnwọn wọ oyiye na ta yẹ ma ọgbọna Osibina ye ṣa na edin na wọ. ²¹Ọvan ayẹ ọwa ọgbọ na Osibina ye wu na? Uma fọkan pila wa mọ. Ama we ṣin ọna, fan, sẹ ya don. ²²Nọ ẹfẹna Idu ye aka ọvan aya wa Idu onafan. Bilọ ọvọ nẹ, ẹfẹnẹ ama wọ ọvan wọ ọgba na bi yẹ ka anawọ wọ Ẹkraist ovan. ²³Biyin wu akọ ẹpẹn ume ṣinọ ọvan nẹ orokoro. ²⁴Tọ daà ekena kena eto wu no ma ṣa na bi ye wu na, e wa mọ bilo Osibina.²⁵Akana nọ iyegbẹn, ime su uburu furo Osibina. Ama imibe opin akọ ẹfẹna gba Idu eyi, nẹ wọ ofayẹn da. ²⁶Onẹ bẹ, iroro odudu nẹ wẹ rẹn, arọn ka oforo ama aka e siye wa.²⁷Ibẹ parawọ sọ oworo? Ume ni oruru wa. Adaka ọfan furọ owore, une ni oworo. ²⁸Ama adaka usu owowo, ume luwe, ama, oyegben esu oforo, eme luwe. Ama enanẹ eke siyẹ be ke su ẹyankata uwupe ọrẹ, ama me ni ka ẹpẹrẹ wọ furọ nẹ.²⁹Ama ẹgọ nẹ, tọ da bẹ: ọgba kere. Wọ ọgbọnẹ yọ, ẹna nẹ su iworo bẹ ma aka bi me suù. ³⁰Enanẹ eyi wo bi siye akọ bime yi wo, ena na bẹn bi siye aka ẹnanẹ ẹyin bi siye ka bi me su kanakide, ³¹akọ ẹnanẹ lo ẹrọnẹ bi siye aka hi me luwẹ fe. Ẹrọ nẹ akọnẹ ese wa na eke re ọsẹpan.³²Me ke ni ka ọfan furọ ibobi be. Ẹfẹne eme su oworo ewa mọ ọrẹ ne wọ Idu akonẹ aka rọnya na. ³³Ama ẹfẹnẹ ni su eworo ẹpẹn ẹrọ nẹka bi le aka eke se kẹ barẹ yọ oworo. Esu oruwa. Nẹ ³⁴iyaro akọ oyegbẹn a fọ yọ osisie wọ Idu ẹpẹn, akọ nẹnẹ eke se tiye yiwu obo iwupe bile ẹfuwẹnfuwẹn. Ama iyaro nẹ sofori afọ yọ osi siye wọ ẹpẹn ẹrọ nẹka, akọnẹ aka fọ yoforo ibe rọn.³⁵Ẹgẹ ọnẹ nẹ wa anfani, ime fọ ẹpẹn ṣile wu. Ẹgẹ ọnẹ nẹ ẹkana bọwọ, idi fọwọ osisiye nọ. Idu ne me jumọrẹ.³⁶Ama esu ẹnẹnẹ roroka ayi me siye to yọ oyegben akọ ese bọwọ - eṣu oforo osusu ọgba ese webka ẹgan ya nẹ - esiye ẹkẹnẹ eni eme luwe. Bi su abẹn. ³⁷Ama, adaka ejowon iyọ uloko, eme woboṣiṣile ama edisẹ yiwu, agẹ wiyẹ uloko kabaye siye ọnẹ, afọ yọ oyegben su, eke si kẹsẹ. ³⁸Ọnẹ fọ yọ ọyegben su oforo esiye, ọnẹ tiye ka ayẹ me soforo ekesi siye ọnẹ kẹsẹ.³⁹Oworo jebile yọ oforo ake si wẹrọ. Ama à yọ oforo efo, ọrẹ wa mọ nẹ ya ka epile su oforo ọbẹn abarẹ ya, ama Idu ọrẹ. ⁴⁰Ama imọ ọṣẹn ṣẹn eke su ẹbẹn ama aka esi tayẹ wa na. Iroro ka esu Ẹfuwẹnfuwẹn Osibina ẹka.

Chapter 8

¹Akana nọ ijen bi kpun nọ ujun abẹ: Ato fẹyan tibsu odindin. Odidin de ki funa yi wu pọ ama unini adakẹ fuwọ pọ. ²Esu ẹfẹna roro ka ayidin, oro ọnẹbẹ eme din akọ nẹnẹ ese bọwọ ka edin. ³Ama esu ẹfẹna ni Osibina, oro ọnẹbẹ edinya.⁴Nẹ gbẹ aka na ọrẹ ijen nẹnẹ bi ye siye iyanpunnọ ujun: Ti din ka ujun nẹ wẹrọ ọnẹ eme gben kanakide eme so Osibina efuraka. ⁵Esu su Osibina ikeki ekeke Osibina ọṣẹn bilọ ije osi (ka kọ nẹ ese hbe ka "ujun" ọyọyọ bi idu ike-keke"), ⁶nẹ ta tọ Osibina wọ ọyẹrẹ, nẹ wọ Edẹda, ẹfẹna iyọ ọrẹ ẹpẹn fẹyan bilọ nẹ ti ma, Idu Ijisọs Ẹkraist ọyẹrẹ nẹnẹ ẹpẹn ni mọ, iyọrẹ tiye wa mọ.⁷Ama odindin ọnẹ eme wọ ero fẹyan. Ọnẹbẹ, ẹbẹn ujun be kpun, bilo ijen bi je ewaka awa ẹpẹn bi ye kpun ujun. Bọ uloko emi wa kọ esin ubaka eren.⁸Ama ijen aka futo yẹn Osibina. Obe eme wa mọ re me je, bilọ ka akẹsẹ te je na. ⁹Sẹ wiwu ka wọ ọfẹfan ama wọrẹ ẹfẹna rẹn onawọ a tọsẹn. ¹⁰Adaka oro ọbẹn gba wọ, nẹ su odindin, ejijẹn itẹmpulu nẹ bi we siye iyan kpun. Yọ ọkọn ne mi ṣile wọrọ ka e jijen nẹ bi ye kpun ujun?¹¹Ubaka wọ akese ye wu ta ikwa nẹ wo ujun, ọnẹ rẹn, yọda nẹ Ẹkraist fo na, e befuwa. ¹²Kọnẹbẹ, we luwe nẹ mẹda igbina bu uloko ne me ṣile na, u luwe nẹ Ẹkraist. ¹³Ọnẹ, a da ka ijẹn wọrẹ ka moda afalẹ, me gbadọ je ijen, ona ka wọrẹ a falẹ.

Chapter 9

¹Ima ma fan? Ima wọ apostulu? Ima gba Ijisọs tọ Idu? Ina wa mutun uba Idu? ²Ma ma da apostulu nẹ erebẹn, ekere, ẹwa nẹ nọ. Ana wa ma ami apostulu Idu.³Ọnẹ wa mọ ọfurun gbeli nọ ẹnanẹ eni mọ ọmabale. ⁴Iteme su ọrẹ ka ti je akọ ọwẹwa? ⁵Itemi su ọrẹ ka ti su oyegbẹn aka oworo, akọ apostulu, tọda Idu, aka Isefas? ⁶Akọ Ẹbanabasi ayarẹ akamẹ amẹ su ka ti me siye utun?⁷Ero siye isoja utun na ma na kenakide? Ere ke bire ọba nẹnẹ eme je yọ ilukutu aka ẹkẹrẹ? Akọ oshẹlẹdanẹ ududo na ma wọ yẹ ba: fura yi wu? ⁸Aya ga ẹnẹna yera orokoro uwọgbẹn? Itọ obubu ama gẹẹ̀?⁹Iba ma wọrẹ wọ buru Imose, "Uma parẹ ọna owo ne siyi egi utun erun." Ikwa ya ka ọna ayẹ Osibina pota aga? ¹⁰Ama atọ aàga? Bẹ wọrẹ ga nẹtọ, ubaka ẹfẹna awọ utun awọ ya ọfayẹn yẹrẹ, ẹfẹna edi wọ utun awọ ya bile ọfayẹn yẹrẹ rọ ọgbọ opẹparẹ. ¹¹Te bire ẹfwẹnfuwẹn ẹpẹn inetin, ayọ fọrẹ ba ka tẹ parẹ uwupe eka?¹²Ada ka ero ẹbẹn louwogbẹn ọnẹ nẹnẹ, ati me su fọrẹ egan? Ama atima lọuwogben ọnẹ. Kaka ọnẹ, tẹ fiwuna ẹpẹn fẹyan ti ma wa oju ọrẹ ne ẹpẹnpa noboro nẹ wo Ẹkraist. ¹³Ine me din ka ẹnanẹ e siye utun apasẹ abọwọ ka bi je furọ ẹtẹmpulu? Ume me din ka ẹnanẹ e siye utun obona be na bi jen furọ ẹkẹna bi ye wọ apesẹ? ¹⁴Ọrẹ ọnẹ Idu buru ka ẹnanẹ a pẹpẹna oboro bẹ na bo je furo ẹpẹpan oboro.¹⁵Ama ima nẹ enane wa mẹ tọ. Bila mọ ẹma wọrẹ ka bi siye ẹpẹn nẹ nana nẹ mọ. Akẹsẹ ka ifo fọrẹ ka-oro eke jumọrẹ imo owo orun run! ¹⁶Adaka ẹpẹpan oboro, emosu ekena wọrẹ ẹrọn mowọ onẹ uba meke siyẹ ọnẹ. Aka adan awa nẹ mọ ma ma gọ Osibina ẹga.¹⁷Me ki siye ọnẹ imọ unini, Esu ẹkẹrẹ. Ama ama wa mọ unini, isu utun nẹ bi ya dọn me ba. ¹⁸Ena wa mẹ ẹkẹrẹ? Fọrẹ ka ma gọ yẹ ga edi wọrẹ ẹpẹnpan oboro ọnẹ maka nọ ikiba idi na mẹfa ẹpẹnpan oboro ayẹ idin gba mẹfa.¹⁹Esi da ka ẹfan furo ero fẹyan, oṣin na okotoro nẹ ẹrọ fẹyan, idi su ero ọyọyọ. Nẹ Ijùu abẹ iwaka Ijùu, idi wunaba. ²⁰Nẹ abẹwọ, isiue aka ẹfẹna wo obubu idi wuna ba furọ obubu. Isiye ọnẹ ewaka iwọ obubu.²¹Nẹ enana eme wọ obubu, kq mi wọ aka ẹnẹ eme wo obubu, ama ẹbẹba ime wọ obubu Osibina eka. Isiye ọnẹ idi wunẹro nẹ ẹnanẹ ama wọ obubu. ²²Nẹ ẹnanẹ rẹn, isin na ẹnanẹ rẹn idi wuna ẹnani rẹn. Iṣina ẹpẹn fẹyan nẹro fẹyan, idi siye ọrẹ kọ rẹ bi di su ọnafan. ²³Isiye fẹyan nẹ ẹpẹpan oboro, ka mi din su okurubile.²⁴Ni din ka eso fẹyan nẹ ero de mune, fẹyan ede mune, ama oro ọyẹrẹ ada na yọ afọrẹ? mune ka wu di na afọrẹ. ²⁵Ena nẹ emune eso, ibi da sẹ biwu ẹpẹn fẹnya. Bi de siyẹ ka bi di na ẹkẹrẹ nẹ ekefu, ama tebsiye tẹka ti din na ẹkẹrẹ ne ke fu. ²⁶Ọnẹ uba aka ide siye mune, amaka ẹkẹ na eme su igben; aka ide siye yẹrọ ayẹ, ama wa ka ẹfẹna mọ eperi eya na. ²⁷Ama ide holo mi wu bile ka ẹsẹya ovan, urunba ọnẹ ega Osibina ega na ṣin na ẹfẹnẹ bẹ tẹba fura.

Chapter 10

¹Ime ni ka ọwẹfẹna emedin, moda, ka tẹda abẹ fẹyan wȯ ebubu abẹwọ, aka abẹ fẹyan ṣun oyara ọyẹnyan. ²Abẹ fẹyan bi rimọnmọn Imose ọrẹ ebubu bilọ ori mọnmọn, ³abẹ fẹyan ejọ ijẹn ẹfuwẹnfuwụn. Abẹ fẹyan awọ efuwẹnfuwẹn. ⁴Abẹ wa furọ efuwẹnfuwẹn ọtarẹ nẹ yẹrẹba, ako otarẹ awọ Ẹkraist.⁵Ama Osibina ama rọn to bọ ọyọyọ, bọ eporo ọnẹ bẹ tẹlẹkẹsẹ. ⁶Akana, ẹpẹn nẹ na nẹ wa nẹ obalẹsiye nẹtọ ti ma wa ẹnanẹ su ọlarẹ nẹ odudu nẹ be su ọlarẹ⁷Ni wa ẹnanẹ kpun ujun ako bẹ bẹn se siye. Akọ bi se wọrẹ, "Ero, abe ma bi je bẹ wa bi fura bi siyarẹ." ⁸Ti me siye onisesero, akọ bọ ọyọyọ se siye. Isubu ọrẹ, ero aṣen ọrọ ọgbọlọ keti ẹta ni fu yọrẹ ọnẹbẹ.⁹Ti me ya ka ti su ọmabalẹ Ẹkraist, akọ bọ ọyọyọ nẹ fu na ẹpẹn ni odudu nẹ wan ba. ¹⁰Bilamọ ti me hu hunu akọ bọ ọyọyọ se siye angeli ufo ẹka efu ba.¹¹Akana fẹyan enanẹ ewamọ nẹ tọ ọbalẹsiye. Bi wọrẹ ya na topiya - nẹ tọ nẹ rọ ọsepan ṣa. ¹²Ọnẹbẹ teyi ẹfẹnẹ a balẹ ka ayi jọmọ a sẹ yi iwu ama falẹ. ¹³Eme su ọmabalẹ nẹ fọrẹ wẹ na ma wa nọ orokoro. Ọnẹbẹ, Osibina su ikuwa. Eke ya ka bẹ mamọ balẹ fọrẹ wi uwo gbigbẹn. Ọnẹ wa ka fan, udi fiwu na.¹⁴Ọnu uba mero na ne ini bẹga, mune furọ ujun. ¹⁵Ega anẹnọ aka mero nẹ du odindin, ni din ṣen kẹ karẹ nẹ ẹkana ma ga na. ¹⁶Uwebi okukurubile nẹ te kuru, amọ oruwa Ẹkraist ẹyọn ya? Ẹpasẹ nẹ te ruwa na, ama Ẹkraist wiu ya? ¹⁷Ubaka ẹpasẹ ọyẹvẹ, tẹ wọ ọyẹrẹ ri da yọ. Atọ fẹyan ti bile tiyọ ẹpasẹ ọyẹrẹ.¹⁸Balọ Isrẹli nẹ wọ uwipe. Ama ẹnanė eje kpun esuba wo apasẹ? ¹⁹Ẹna wọ ẹkẹnẹ ma ga kaà? Ka ujun ama wa kẹnakide? Sọ ijen nẹ bi kpun nọ ujun ẹpẹn ya?²⁰Ama ẹga wọ ẹkpẹn ọnẹ kuwero abẹ kpun, ka ibi da nọ ẹfuwẹnfuwẹn odudu ama wa nọ Osibina. Ime ni ka ni suba wọ ẹfuwẹnfuwẹn odudu! ²¹We diya wa uwebi nẹwa. Idu eka bilo uwebi efuwẹnfuwẹn odudu abẹ. Ime ni ka ujebile opari nẹ wọ. Idu akọ opari nẹwọ ẹfunwẹnfuwẹn odudu. ²²Ine nika tẹ wọrẹ Idu eki gnọgbẹrẹ? Iti su uwognigben fọrẹ ya?²³"Epẹn fẹyan su obuburu" ama ama wọ ẹpẹn fẹyan afọrẹ apọ. ²⁴Uro kọyẹrẹ eme ki ni ayọ oboro. Adọ ọnẹbẹ ororo eki ni yọ ọbawo oboro.²⁵Te ẹpẹn fẹyan ọnẹ ba jọ eji ọnẹ we ke ṣin oṣinsin uba wọ ẹyẹ uùbedin. ²⁶Ne "Ije wo Idu ẹka, bilo ẹpẹn fẹyan ni fe na." ²⁷Esu ẹfẹna ama namọ eye wu kọ su jijẹn, aka we ni ka ujen, je ẹkẹnẹ-kẹna be wo wẹ rẹn nẹ we ke ṣin oṣinṣin ẹyẹ-ubedin uba.²⁸Ama esu ẹfẹnẹ ga nọ wọ ka, "Ọnẹ wọ nẹ bi kpun" Ọnẹ bẹ ume je nẹ ẹfẹna ganọ wọ aka na yo ẹyẹ ubedi. ²⁹Yọ ẹyẹ ubedi oro ọnẹbẹ, egàn ama wẹka. Ena wọrẹ mọ onafan a chẹn orobẹn ẹyẹ-ubedi? ³⁰Adaka ijijẹn aki ibe ọrọn, ẹna wọrẹ bẹ para metun nọ ekena ga mẹ ba?³¹Ọnẹbẹ we je wa waà, bile ekenekene we siye, siye nọ Osibina uyeyi. ³²Bi ma chẹn ne bẹ ko Ijuù akọ Igiriki, bilọ ẹsọsi Osibina ẹka. ³³Ọrọ unẹ, iya siwu ka ẹfọribe rọn ẹpẹn fẹyan. Ami meni mọ ẹkẹrẹ, ama na erọ ọyọyọ. Isiye ọnẹ ka bi di su ọnafan.

Chapter 11

¹Balẹmọ siye, aka ami se balẹ Ẹkraist e siye. ²Akana ẹfu iyeyi nẹwọ ọyẹn mọ ẹpẹn fẹyan. Iyeyi wu ubaka nẹ sẹ ije ẹpẹn akọ ise ya nẹ nẹ na. ³Akana me ni ka udin ka Ẹkraist a wẹ pan nẹ iforo fẹyan, ka oforo awọ ẹpan ni iyaro, akọ Osibina awẹpan ni Ẹkraist. ⁴Oforo nẹ siye aàdura aka agẹsẹ a fọ ẹpẹn ri ẹpan eme kuru nẹ yẹ pan.⁵Ama iyaro nẹ siye aàdura ọọ̀ agẹsẹ ọnẹ ama fuwẹpẹn ri yẹ pan eme kuru nẹ yẹ ẹpan. Ewaka a fan yẹ ẹpẹn. ⁶Adaka iyaro emi ri yẹẹpan, a chẹn yẹ ẹpẹn. Adaka ẹpan nọ kwọ kwọ ya ka iyaro a chan yẹ ẹpẹn teyi eri yẹ ẹpẹni.⁷Oforo ama fọ ẹpẹn ri yẹ pan, awọ Osibina uṣhi ẹka. Ama iyaro aya wọ oforo uyeyei. ⁸Bi me siye oforo nẹ iyaro. Akọnẹbẹ, iyaro bẹ mẹ fura oforo.⁹Ẹgan wa oforo bi mẹ ni iyaro. Akọnẹbẹ, ba ma iyaro nọ oforo. ¹⁰Aya wọrẹ iyaro abọwọ ka afọ ami uburu wiyọ ẹpan na angẹli abẹ.¹¹Amaro, Idu, iyaro eme jọmọ nẹ yi wu furọ uforo, kẹgan oforo eme jọmọ nẹ yi wu furọ iyaro. ¹²Akọ nẹnẹ iyaro wọ oforo iwu veṣa ẹga nẹ ka oforo furọ iyaro nẹ. Ẹpẹn fẹyan furọ Osibina uba.¹³Balẹ ya nẹ wiwu abọwọ ka iyaro e siye aàdura nọ Osibina eme ri yẹ pan? ¹⁴Ika ijepẹn eme te ka oforo nẹnẹ su ẹpẹn ọlọlọrẹ wọ ẹpan nọ ọkwọkwọ nẹ ya? ¹⁵Ijepẹn eme te tu ka iyaro nẹ su ẹpẹn ọlọlọrẹ awa yọ ugbugbodi? Tẹpẹn bi ya nẹ ya akọ oriri. ¹⁶Ẹfẹ ni ka aisu osakata ọnẹ na, ati me su osisiye ọbẹn, kọ iṣọṣi Osibina ẹka.¹⁷Ama nọ otitẹn ẹbẹn, imafọwọ pọ. Ọgbọnẹ ne jese, ama wa no oboro ya ama nọ odudu. ¹⁸Nẹ oṣoro, ẹwọ ka nẹ jese ẹ iṣọṣi, oruruwa we netin, amẹ nawọ. ¹⁹Idin ka ọlọnẹ eke wa mọ, ka ọnẹ tẹ fuba wo aka fọ yi wu yẹn.²⁰Na ọgbọnẹ ne jese, sa mọ Ida ijẹn ne je? ²¹Ọgbọnẹ ne je, oro ọrẹ je yi jen ṣa nọ ẹbẹn di je bẹ ka. Obẹn wọ awọn, ọbẹn wa efe. ²²Ine me su ubu ọnẹ ne ke je akọ ọwẹ wa? Ọfayẹn wa nọ. Iṣọṣi Osibina bilọ ẹnanẹ eme su kenakide? Ẹna ma ka ga nẹ na? Ime ke ye yi nu? Me ke ye yi nu nọ ọnẹ!²³Ẹkẹ nẹ ẹna furọ Idu ayẹ iya nẹ nọ, ka Idu Ijisọs, yiọ ijogwe nẹ bẹ jọya, e tiye ẹpasẹ. ²⁴Ọgbọnẹ agamẹba, eruwẹ agẹ yẹ ka, "Miwu awonẹ, nẹ ne, siye onẹ na mọ ọyẹ́nyẹn."²⁵Bilọ ọrẹ ayẹ e tiye uwebi ọgbẹna bi jijẹn, agaka, "Uwebi ọnẹ wa mọ ọọ̀pa owowo imẹyọn. Siye ọnẹ akọọnẹnẹ ni siya wẹ, nẹ kẹ yẹn mọ." ²⁶Ọgba kọ gba ọne nẹ jẹ ẹpẹsẹ akọ uwebi, ni ya yẹn nọ Idu ufo rọ ọgbọnẹ eke pila ṣa.²⁷Ẹfẹna, onu uba, ejẹẹ̀ ọọ awọ uwebi Idu ẹka ọrẹ ọnẹ ama bọwọ na ejebe nọ uwipe bile ẹyọn Idu ẹka. ²⁸Teyi oro yẹ aà balẹ yi wu ke, ọrọ nẹ edi je ẹpasẹ akọ uwebi. ²⁹Ẹfẹna fẹna eje bilọ ọwẹ wa na wa balẹ yi wu eyẹ ẹkarẹ nẹ yiwu ke. ³⁰Ẹkẹna na wọrẹ ọyọyọ iniwu rẹn bilọ igun, ẹbẹn si fo.³¹Ama ta balẹ ti wu, koro ọyẹrẹ aka ṣẹn tẹ ẹkarẹ. ³²Ama ọgbọnẹ Idu a chẹn ẹkarẹ, bẹ pẹrẹ tọ, ubaka ti me fu bilọ ẹrọ ọnẹ.³³Onuba, tọ dàa, ọgbọ nẹ ni jese nọ ojije nẹ kara abẹn. ³⁴Esu ẹfẹna awọn asẹ, ejijẹn ubo, ubaka na jese, ama wa nọ ẹkarẹ ọsẹnsẹn. Akọ ẹpẹn obuba nẹwori iwe, maka file yiọ osisiye ọgbọna ma ṣa.

Chapter 12

¹Nẹ ẹfuwẹnfuwẹn ese, tọda, imeni ka wu ṣin emedin. ²Nẹyẹn ka ọgbọ nẹnẹ wọ ikẹ feri bẹ wọrẹ nọ yẹrẹ ujun nẹ mi di gẹ gàn, ọrẹ kọrẹ nẹ yọ. ³Ọnuba me ni ka udin ka eme su efena agẹ ga Osibina Ẹfuwẹnfuwẹn ọrẹ na ka ga ka, "Ijisọs bi ṣu wa adan." Ko rọyẹrẹ ediya ga ka, "Ijisọs awọ Idu," ẹfura Ẹfunwẹnfuwẹn ọrẹ.⁴Akana ese ẹlẹla ama Ẹfuwẹnfuwẹn ọlọrẹ. ⁵Esu utun ọlọla, ama Idu ọlọ yẹrẹ; ⁶utun obobo ewa mọ, ama Osibina e siye utun fẹyan ẹ fẹyan.⁷Akana ororo ọyẹrẹ bi ya nẹ ya ka aya yẹn onyẹ nẹ ẹfuwẹnfuwẹn na ese na ba ese fẹyan. ⁸Ne oro ọbẹn Ẹfuwẹnfuwẹn ọrẹ na Osibina ẹdayẹn ẹka nẹ ẹbẹn ega odindin ne efuwẹnfuwẹn ọrẹ.⁹Nẹ ere bẹn ọnawọ Ẹfuwẹnfuwẹn, nẹ bẹn ọbẹriwu ẹfuwẹnfuwẹn orẹ. ¹⁰Nẹ bẹn bi ya nẹya otun ojinorowofuwa, nọ ọbẹn ọgẹsẹ. Nẹ ọbẹn osisiye nẹ kekpeli ẹfuwẹnfuwẹn ẹka. Nẹ bẹn uwogbigbẹn agẹ ẹlarẹ ọlọla, nẹ ẹbẹn akọ nẹ bi se siye edi beli akọ bi siye fuwọ ẹlarẹ ogẹga yi gbẹn. ¹¹Ẹnanẹ fẹyan aba wọ utun mọ nẹ ede tiye Ẹfuwẹnfuwẹn a raba ese no oro ọyọrẹ, akọnẹ ese tiye.¹²Ako nẹnẹ iwu wọ ọyẹrẹ esu ọrẹ ọyọyọ abẹ fẹyan ewu iwu ayẹ ẹgan nẹ e siye bili Ẹkraist. ¹³Ẹfuwẹnfuwẹn ọyẹrẹ ayẹ bi ri imọmọ iwupe ọyẹrẹ, e sida Ijùu bilọ Igiriki e sida ọvan ada ọnafan, atọ feyan bi siye ka awa Efuwẹnfuwẹn oyẹrẹ.¹⁴Iwu ọnẹ ama ayarẹ awọ ayẹ ama bẹ yọ. ¹⁵Adaka ọṣẹn aka ka, "Ẹfẹnẹ aya ma wọ uba na, ayẹma wa iwu ya ukuba," eme mi siye pataki iwu ayẹ ukuba. ¹⁶Adaka ọtọn ga ka, "Uba na ayi ma wọ, ayi ma wa iwu okuba," emi kere ukuba yẹ. Adaka iwu feya wọ ayẹn, ẹta ka iroro ọwọwọ mana? ¹⁷Adaka iwu feyan wọ ọrọn, etaka ẹdayẹn ọnẹ bi ya fuwẹn aka mana?¹⁸Ama Osibina e tiye nẹ ororo ukuba ibọ ọrọrọ, wọ iwu ayẹ aka ese ni na. ¹⁹Abẹ fẹyan ada ọlọ ọyẹrẹ ukuba, ẹta iwu ayẹ aka mana? ²⁰Ama akana ukuba ọyọyọ ewa mọ, ama iwu ọyẹrẹ ya.²¹Ayẹn ediya ganọ uba, "Ime ni wu." Sọ ẹpan aka ga no ọḍẹn, "Ime ni wu." ²²Ama iwu ukuba nẹ balẹ akọ bi rẹn na siye koko, ²³uwi ukuba nẹ tẹ balẹ ka ime siye na okurunọ, ti de kuruno, aka iwu ne ti me kurunọ su ugbigbodi. ²⁴Akana iwu ukuba eme su ẹpẹn ọlọnẹbẹ. Onuba, Osibina guru iwu ayẹ, afọ ugbi gbodi nẹ nane ekuba keke.²⁵E siye ọnẹ ka oruruwa iwu yẹ, ama obuba esu ọbẹ balẹ na bẹ bilu unini. ²⁶Esu iwu nẹ joya na, abẹ obuba bi de jo ya bile; esu one be fu okurunọ, abẹ fẹyan da bẹn bile. ²⁷Akana, anẹ wọ Ẹkraist iwu bilo ororo iwu amọ.²⁸Bilamọ Osibina tiye iṣọsi oṣoro apostulu, ọọ̀boro ọgẹsẹ, ọtẹtaro otitero abẹ, bilo ẹnanẹ esi yọ utun ojinorowo, ofiwu gana oro, enane e siye oguba, enane e siye utun eto, aka enena su ẹlarẹ ọgẹga. ²⁹Abẹ fẹyan awọ apostulu? fẹyan awọ ọgẹsẹ? feyab awọ otitero?Abẹ fẹyan e siye utun mo jinorowo fuwa?³⁰Abẹ fẹyan esu okuru iwu ogẹgan? Abẹ fẹyan agẹ ẹlarẹ? Abẹ fẹyan edin ga ẹlarẹ igbẹn? ³¹Fiwu fẹyan ki ni ese nẹ gbodi fọrẹ. Ama maka fọ ọrẹ nẹ fọrẹ na.

Chapter 13

¹Adaka ẹga ẹlarẹ orokro akọ angẹli. Ama imesu unini, iṣin nọ ọṣọ na ga asoro ọtan. ²Adaka isu kurubile ẹgẹsẹ ẹka bile oyiye fẹyan ne ikwa nẹbẹbẹ bilo odindin, aka isu ọnawọ fẹyan ne ke di bọrẹ otare. Ama ime su inini, ime gben kanakide. ³Adaka ẹkwọ ma arọn bi ya ṣẹlẹ iwaro, ẹfọ mi wu na ka be kẹnẹ. Ama ime su unini, ime gbe kanakide.⁴Unini su isuru bilo ọrọmuro. Unini eme gbọgbẹrẹ bilọ owo ọrọn rọn. Ama kwa agumabọ pọ. ⁵Eme tiya yẹn. aeme ni yẹka ayarẹ. A kani wu, ama balẹ ka agamo ẹkẹna ṣun na eme siye. ⁶Ama bẹn wọ ekena ama wọ ọṣẹrẹ. Ama bẹn wọnẹ ama wi kwa. ⁷Unini da fiwuna ẹpẹn fẹyan, nẹ pẹn fẹyan wọ, esu ayẹn yẹrẹ, esu ofiwuna ẹpẹn fẹyan.⁸Unini eme su ọta ewamọ, eke ṣun, esu ẹgẹsẹ, eke kwe. Esu odindin, eke ṣun. ⁹Ti din wọ osarẹ akọ ọgẹsẹ ọsarẹ. ¹⁰Ama ọnẹ gule aṣa, ọnẹ me gule eke ṣun.¹¹Ọgbọnẹ iwọ ogbẹn, maga akọ ogben, bi te ako ogben, iroro aka ogben. Ọgbọ nẹ iwi ikirisa, ẹnẹnọ ogben osisiye fuwa. ¹²Ma gba ugbegbe keke, ama ayẹn to ayẹn. Akana idin oṣarẹ, ¹³Ama akana ẹpẹn ẹta wa mo:ọnawọ, ọfọ ayẹn yẹrẹ, bilo unini. Ọnẹ fọrẹ ẹnanẹ awọ unini.

Chapter 14

¹Kigu unini aka iwu ọpẹpan ne ẹfẹwẹnfẹwẹn owa ka udi gẹsẹ. ²Eme su ẹfẹnẹ agẹ ẹlarẹa ma gẹ nero ama nọ Osibina. Ekẹna aga eme ye koro kọyẹrẹ ubaka aga ojinorofuwa ẹfẹnwẹnfẹwẹn. ³Ama ẹfẹna agẹsẹ agẹga nọ ero edi fẹ ba pọ, edi pẹrẹ ba, efun bibe. ⁴Ẹfẹna agẹ ẹlarẹ yi wu afọ apọ ama ẹfẹna agẹsẹ na afọ iṣọṣi pọ.⁵Akana be wa mẹ ka anọ fẹyan nẹ gẹ ẹlarẹ. Fọrẹgan, me ni ka nẹ gẹsẹ. Ẹfẹna gẹsẹ na fọrẹ ẹfẹna agẹ ẹlarẹ (ẹfuraka esu ẹfẹna aka ga yi gben iṣọṣi edi su ọfọ pọ). ⁶Ama akana, meda, ma ṣa to nu ayẹ gẹ ẹlarẹ, gana ayẹ ke se da okurubile? Ayẹ ediye siye, efuraka ayẹ gẹ nẹ ni bile ayẹn nọ gba, bilo odindin, bilo ẹgẹsẹ, kọ otite.⁷Bilo ọrẹ ayẹ ẹkẹnẹ bi ye tiye egury ẹpẹn naka ufere, ẹhapu - bime siye utun akọnẹ esi buwọ, gana ẹnanẹ epatọn eke se din sa ufere akọ ẹhapu ayẹ aba? ⁸Adaka ẹtọtọti ba yi eme yero, gana ero aka ⁹kwọ ẹsa nẹ ẹkọn? Kọ orẹ aya wa nẹ ẹlarẹ. Aga ẹkẹ na eme yoro, gana be ke su din? oro ayẹ agẹ ga wọ eperi.¹⁰Ikẹn ọyọyọ ba ga ẹrọ, eme su ọnẹ eme su igben. ¹¹Ama ine din iken igbẹn, ewa ka ọga agẹga anẹ mọ.¹²Egan eke se ds nẹ wọ. Akọnẹ ese wa ka iwu opẹpan wa mo ka gba ẹfẹwẹnfẹwẹn kini ọpẹpan iṣọṣi nẹ opẹpan edi jọmọ. ¹³Ẹfẹna agẹ ẹlarẹ e siye aàdura edi ga yi igbẹn. ¹⁴Ayẹ si ye aàdura ẹlarẹ ẹka, me efuwẹnfuwẹn siye adura, mọ uloko eme su ilukutu.¹⁵Ena me ke siye? Ime ke siye adura ẹfuwẹnfuwẹn, ama me ke siye aadura uloko. Me ke tiye eguru ẹfwẹnfuwẹn, bilọ eguru iloko. ¹⁶Ama dẹgan, wo okurubile Osibina akẹ ẹfuwẹnfuwẹn, gana ọga eke se ga "aàmin" we ki siye eba ọgẹgan ne me din ẹkẹna wa ga?¹⁷̣wọ ọgan mẹ ba akọnẹ ese bọwọ na, ama wobawo ẹme su ọfọ pọ. ¹⁸Egamọ Osibina ẹba ka ẹgẹ ẹlarẹ fọrẹ anọ fẹyan. ¹⁹Ama iṣọṣi me ke ni ka ẹga ẹga upi bilọ akọ nẹnẹ ese ye mu tana edi te erebẹn, fọrẹ asẹn ọrẹ ẹfọ ẹlarẹ.²⁰Ọdaà ume siye akọ egben inọ uroro. Onẹ, yẹrọ odudu, siye aka akaka. Amàa iwọ uroro su ayẹn no gbigbẹn. ²¹Ewọ ububu nẹ bẹwọrẹ, " Uforo nẹ su ẹlarẹ obo bilo owope ọgẹ eka ayẹ aya ka gẹga nọ ero na nẹ. Esi da ka ba ka wọ mọ," ẹkẹna Idu ga.²²Ọnẹbẹ, ẹlarẹ awọ amin, ama nọ ọnawọ ro, ama ẹnẹna ama na wọ. Ama ọgẹsẹ wa nọ aamin, ama wọ na ẹnanẹ ama na wọ, ama nọ ọnawọ ro. ²³Adaka, iṣọṣi fẹyan jese abẹ fẹyan aà gẹlarẹ, aka ọga abẹ bilo ẹnanẹ ama na wọ fọn ṣa, baka ga kabiba yire?²⁴Adaka anọ fẹyan agẹsẹ ṣa na ọyẹn ro bilọ ẹnanẹ ama na wọ ẹnanẹ awọ aka mẹ ga nėo ẹkẹna bẹ wọ. ²⁵Ọnẹ bẹbẹ iyọ uloko aka ayẹn. Iyẹ urun uba, eke gumibe ri e koun Osibina. Eke mi gẹẹ̀ ka Osibina wi inetin.²⁶Ọnẹ eto, mẹ dàa? Na ṣa jese, oro ọyẹrẹ ọ yẹrẹ ese Ẹdamu (eguru), otiten, ọfẹyẹn, ẹlarẹ, bilọ ọnẹga ga. Siye ẹpẹn fẹyan iṣọṣi edi su ọfọ pọ. ²⁷Esu ẹfẹna aka gẹ ẹlarẹ, teyi amafọrẹ erẹ bọrẹ tabi ẹta, oro ọyẹrẹ ọyẹyẹ bilọ ẹfẹnẹ aka ga yọ igben ekẹna ba ga na. ²⁸Ama eme su ẹfẹna aka ga yọ igben, bọ ọyẹrẹ oyẹyẹ epu yọ iwo iṣọṣi. Teyi era ayẹ aga yẹ ga nọ yọ Osibina.²⁹Teyi ere ẹbọrẹ aka ẹta nẹwọ ọgẹsẹbẹ ga, ero obuba bi pi atọn bilo ọfọyẹn nẹ ẹkẹna ba ga. ³⁰Ama esu ọfọ yẹn nẹ ẹfẹna ama na, teyi oṣoro e siye san.³¹Oro oyẹrẹ ọyẹyẹ diya gẹsẹ oro obuba diye piyatọn bi di su ọfọ pọ. ³²Ẹfuwẹnfuwẹn ọgẹsẹ abẹ holo nọ ọgẹsẹ. ³³Osibina ama wọ Osibina ne juguna, ama ọbẹriwu.³⁴Iyaro abẹ bi pu bowo iṣọṣi. Bi ma va bọrẹ ka bẹ gẹga. Ada ọnẹbẹ, bi holo, akọnẹ uburu siye ga. ³⁵Esu ẹkẹna ada na, bi ye ni opi ya, bi ṣin ibọ oforo ubo. Ẹpan ọkwọkwọ awa nẹ iyaro ka agẹga iṣọṣi. ³⁶Osibina ẹga wo buba veṣa? Ana ayarẹ eto nẹ?³⁷Esu ẹfẹna roro iyi wubka ayẹ wọ ọgẹsẹ ọọ̀ su ẹfuwẹnfuwẹn, edin ka ẹpẹn na nẹ ẹwọra nẹnẹ awa ububuru Idu ẹka. ³⁸Ama esu ẹfẹna eme peli ọnẹ na, bi me pile kayẹ.³⁹Uba ọnẹ mẹ ẹda, ni su iwu ọpẹpan nẹ ọgẹsẹ ni me yuru ẹlarẹ gẹ ga. ⁴⁰Teyi ẹpẹn fẹyan bi siye oboro aka e siye bọwọ na.

Chapter 15

¹Akana me nika iya yẹ nọ, mọda, ẹpẹnpanoboro ọnẹ ẹga anẹnọ, nẹnẹ nẹ nawo, ni jọmọ wo. ²Aka ayẹ nibwe su ọnafan, na sẹ ẹga yẹ ọnẹ ẹga nẹ nọ, efura ka inọ ọnawọ wu ufolo.³Iya nẹ nọ akọ opatski oṣoro akọ isẹ nẹ na, ka Ẹkraist fọ ri iluwe akọ emumu ọnwọnwọn siye gẹ, ⁴ka birẹ aka isubu ọtẹtaro asọma fura eporo emumu ọwọnwọn se gẹ̀ẹ.⁵Ẹkraist fọ yiwu yẹn nọ Ikẹfasi, akọ abe efọkọ ẹbọrẹ; ⁶aka afọ yi wu yẹn ero ipi ọrẹ upi nẹbwọ ọda bẹ isọrẹ. Bọ ọyọyọ ki wẹ rọ, ẹbẹn bi fo. ⁷Ada fọ yi wu yẹn Ijemisi, akọ apostolu fẹyan.⁹⁸Onuru ẹfẹyan, a fo yibwu yẹn mọ akọ ẹfẹna bẹ ba na yọ ọsẹn eme gule. ⁹Ame kere fọrẹ apostulu. Ime guwe ẹfẹna a bọ ka be ye apostulu uba ka ekurujayẹn to iṣọṣi nẹ wọ Osibina ẹka.¹⁰Ama Osibina iyese amẹ wa ẹfẹna ewa na, bila mọ yese nẹ mọ ama wanọ ufolo. Adẹ ọnẹbẹ, isiye utun fọrẹ abẹ fẹyan. Ama ame e siye, ama Osibina ese nẹ wa mọ nẹ mọ. ¹¹Ọnẹbẹ esi da ama aka abẹ tẹ ga Osibina ẹga anọ nẹ na wọ¹²Akana adaka Ẹkraist tẹ pọ yẹ pẹpan ka a sọma fura eporo, gana ero ẹbẹn aka ga kọ eme su oṣọma furọ eporo aáh? ¹³Ama emesu oṣọma palẹ furo eporo, ọnẹbẹ ayẹ ke ki Ẹkraist kayẹ ama sọma furọ eporo; ¹⁴Ama adaka Ẹkraist ama sọma fura, tọ Osibina ega wọ ufolo, tọ ọnawọ kayẹ wọ ufolo.¹⁵Bilamo ubedi ufolo ya Osibina ọrẹ, ako tọ ubedi ka Osibina sọma Ijisọs fura eporo. Ama sọmẹ aya adaka eporo abi ma sọma fura. ¹⁶Adaka eporo ama sọma fura kọ Ẹkraist bi ma sọmẹ fura. ¹⁷Ama adaka Ẹkraist ama sọma fura onawọ wọ ufolo uki wi iluwe.¹⁸Ẹna nẹ buwe Ẹkraist na ka bi fu fuwa. ¹⁹Adaka ẹrọ nẹ ti su ọfayẹn yẹri Ẹkraist, ero fẹyan bẹ sọn teyi.²⁰Ama akana Ẹkraist sọma furọ oporo aka ilukutu oṣoro na ẹnanẹ buwe. ²¹Ẹfẹna ufo yọ oro ọyẹrẹ ọrẹ, oro ọrẹ ayẹ ọsọma fura nẹ oporo abẹ.²²Adamu ọrẹ ero fẹyan fo, ẹgan ero nẹ wọ Ẹraist ẹka ba ka fọbọ ṣẹrọ. ²³Ama ero ọrẹrẹ iyọ oguru: Ẹkraist nẹ wọ ilukutu, aka ẹna nẹ wọ Ẹkraist ẹke wẹrọ iyọ opita ṣa.²⁴Emi na sẹpan, ọgbọnẹ eki bila Osibina ọṣen nẹ wẹda, ọgbọnẹ eke fu uburu fẹyan bile uwogbigben.²⁵ Eke gbadọ je rọ ọgbọ nẹ yẹ ebero wi yọ ọṣẹn abẹwọ. ²⁶Ebe ro ominuru nẹ be ke be fuwa na awa ufo.²⁷Akana, "afọ ẹpẹn fẹyan wi yio ipisi igben." Ama ọgbọnẹ aka "afọ ẹpẹn fẹyan wọ yiọ ipisi igben," ama gẹ ka ebilọ ẹfẹ na fọ ẹpẹn fẹyan wọ iyọ ọsẹn igben. ²⁸Ọgbọnẹ ẹpen fẹyan ewọ iyọ abẹwọ, Osibina wọ fẹyan ẹ fẹyan.²⁹Ama adẹ gan, ẹnanẹ ri mọmọ anẹ eporo wọ? Adaka eporo ama palẹ ṣa ene mi waka bi rimȯmọ anẹ ba? ³⁰Ena wọrẹ ti wọ ọ ṣẹn ni ẹyi be isi fẹyan?³¹Me fo isu bu isu bu! Aya wọ mọ ọran mowo ini wu, ọnẹ isu Ẹkraist Ijisọs tọ Idu. ³²Ena wa mẹ ẹkẹrẹ, furọ orokoro ayẹn obẹ balẹ, adaka ẹma ọnẹ iku Efesọsi yerọ, adaka eporo bi ma sọma? "Jọmọ ti ki je tẹ kẹ wa, u siye ti fo."³³"Ọpa idudu ede be oboro fuwa." ³⁴Roro pọ! manọ ọṣẹrẹ! Ume wi iluwe. Nọ ọyọyọ bi me su Osibkna odindin. Ega ọnẹ nẹ wọ epan nọ ọkọkọ.³⁵Ama ẹbẹn aka ga ka, "Gana eporo sa sọma efura, aka uwipe ọlọna be ke file ṣa?" ³⁶Awọ abẹẹ̀! Ẹkẹna ubire na aka ṣẹrọ efuraka atayi fo.³⁷Ẹkẹnẹ ubire ama wẹ iwu eke reṣa, ama ibire. Edi ya de ẹwọ tabi ẹpẹn nẹ bẹn. ³⁸Ama Osibina aka vẹ yiwu akse barẹ ya na, aka ibire, aka ibire ọyẹrẹ yẹrẹ su yiwu. ³⁹Iwupe fẹyan ama wọ ọlọrẹ. Ọnẹbẹ esu orokoro uwipe, ọbẹn na ọnẹ abẹ, ẹbẹn nẹ ẹnẹnẹ, aka ọbẹn nẹ ayẹrẹ.⁴⁰Esu iwupe ososi ẹka ije iwupe ẹka. Ama yọ uyeyi ososẹ ẹka awa ọrẹ obo akọ uyeyi ije ka awọ obo. ⁴¹Esu uyeyi oyirẹ eyi eka, esu ọbẹn nẹ ọṣẹn na ba na, ọbẹn nọ ẹṣẹpẹnẹ. Esu ẹṣẹpẹnẹ nẹ wọ obo nẹ ẹṣẹpẹnẹ uyeyi.⁴²Eganẹ e siye wa nọ ọsọma furọ epere. Ekẹnẹ bi bire efu, aka ọnẹ fura ọnẹ emefu. ⁴³Ibi birẹ ne me su okuruno; bi ye fura ugbugbodi. ⁴⁴Bi birẹ urẹn; efura iwogbigben. Bi birebuwipe ọrẹ; efura ẹfwẹnfuwẹn iwu. Adaka esu iwupe iwu, esu kọ ẹfuwẹnfuwẹn iwu.⁴⁵Ẹgan bi se wọrẹ, "Orokoro oṣoro Adamu eṣin na ẹfwẹnfuwẹn ne wa mọ." Adamu emu nuru eṣi na ẹfuwẹnfuwẹn na woro na. ⁴⁶Ama ẹfuwẹnfuwẹn ama wo oṣoro nẹ tayẹ ṣa ama uwipe, ṣana ẹfuwẹnfuwẹn.⁴⁷Oro ọṣoro awọ ije eka, ne bi wa atọn siye na. Oro ọboro ewo ososi ve ṣa. ⁴⁸Akọ nẹnẹ biwe mẹ fura aton ẹga nẹ kẹ na bẹna atọn, ako orokoro ososi siye wa na, egan ne ena nẹ wa ososi. ⁴⁹Akọ nẹnẹ bi se siye ẹnanẹ bi ma atọn, te ke su iwupe orokoro ososi.⁵⁰Ọnẹ ayẹ ẹga, tẹ ẹdaà, ka uwipe akọ ẹyọn be diye je Osibina ọṣen. Kẹnẹ diye fu eje ọnẹ e diye fu na. ⁵¹Baàle! ega nẹ wọ ojinoro fuwa: Atọ fẹyan eke fo, ama te ke su obila.⁵²Atọ fẹyan ke su obila iganigan, akọ bisa ṣan ma ayẹn, ẹtọtọti eke yi, ẹnanẹ fo ba ka sọma fura ọnẹ e diye be, bi su obila. ⁵³Iwupe onẹ eke fu emi file ọnẹ eke fu, uwupe ọnẹ eke file ọnẹ e diye fu.⁵⁴Ogbona iwupe ne diye fu emi file e diye fu, aka iwu eke file ọnẹ a diye fu na, ọgẹga nẹ bẹ wọrẹ ṣe siye; ⁵⁵"Ufo bẹ rọwẹ wọ afọrẹ." "Ufo, ẹta wa afọrẹ mana? Ufo ẹta wo obure ma na?"⁵⁶Ufo obure wọ iluwe, iwogbigbẹn iluwe wọ uburu. ⁵⁷Ama tẹ gan mọ Osibina eba, ne wa tọ afọrẹ itọ Idu ọrẹ nẹnẹ wọ Ijisọs Ẹkraist!⁵⁸Onẹ uba mọ ẹda, jọmọ bilamọ ume gbun. Isi fẹyan ki siye Idu utun, ubaka u din ka wọ utun Idu orẹ ama wọ ufolo.

Chapter 16

¹Nẹ ọnẹ wọ ọkwọ jese nọ Osibina yero owọnwọn: akọ isete iṣọṣi ni wọ Ẹgalatiya, ni ki siye. ²Isubu oṣoro ọsẹ, nọ oro ọyẹ rẹ yọrẹ afẹ ẹpẹn su wubu akọ ese su ọfọpọ. Siye ọnẹ eme pile su ọkwọ jese ọgbọ nẹ ma ṣa na.³Ọgbọnẹ nẹ wura, ẹf̣enẹ ni fuba wo, maka wọrẹ ikokori iya fuwẹ yẹn bi filẹ bilọ onẹ nẹ kwọ jese okuru yọ Ijerusalẹm. ⁴Aka ka a bọwọ kami jen ba ka yẹro mọ.⁵Ama maka ṣa to nu mayọ Ẹmasidonia ọrẹ. Ubaka ma ka yọ Emasidonia ṣun. ⁶Boya ma ka ma nọ ma lo ifu ọgba, ni di siye oguba nẹ me jen ẹfẹna ma yọ na.⁷Me ni ka ẹgba nọ akana ime ṣun. Isu ọfayẹn yẹrẹ ka me ke lo ọgba bila mọ inẹfa, ada Idu eya na. ⁸Ama ma ka manọ Efesubrọ Ẹpenticost, ⁹ujun ne ṣan na jin nẹ mọ, ama ebero yọ.¹⁰Ọgbọnẹ Itimoti aṣa, ni teyi ama kẹ yọ nọ eme ṣọ orẹrẹ, ka yẹ e siye Idu utun akọ ise siye. ¹¹Kọrọrẹ amọ fayẹn wanya, Gwo iyuba ọrẹ ọbẹriwu, edi ṣa to mu Ẹfọn ayẹn su ka ayẹrẹ yẹrẹ ọda bẹ. ¹²Nọ tọda Apolo, ẹrẹ yọ imoran oboro ka aṣa bale nọ akọ tẹda be. Ama eme wo yọ unini akana. Aka ṣa ọgbọnẹ ọgba ere.¹³Nẹkẹ sẹlẹ, ni jọmọ inọ ọnawọ, siye akọ oforo, bile uwogbẹn. ¹⁴Teyi fẹyan neke siye ni siyẹ aka unini.¹⁵ din ka Istifanusi ubo, aba wọ ilukutu oṣoro ọ Akasiya, akọ enanẹ fọ bi wu nọ Osibina utun nẹ yero ọwọnwọn. Akana ẹpẹrẹ nọ tẹ da, ¹⁶ni teyi ni wu nẹ ere lẹ na be me siye oguba Osibina utun bile tu.¹⁷Ẹbẹn nọ ọṣẹn sa Istifanusi, akọ Akeikusi. Be siye na ayẹn. ¹⁸Bẹ wọrẹ ka mẹ ẹfuwẹnfuwẹn bili nẹka ebṣin na oboro ubonẹ ni peli eraka abẹ na.¹⁹Iṣọṣi ni wọ e siue file ka bẹ ganọ. Aquila aka Ipirisilla ba gan nọ Idu, bilọ iṣọṣi nẹ wọ ibọ ubo. ²⁰Tẹ da nẹ a à ganọ. Na ga à ma bẹn ọsabẹn filiwu.²¹Amẹ, Ẹpọl, nẹ fuba wọrọ ikokori ọnẹ. ²²Esu ẹfẹna eme nibIdu unini, teyi aàdura, awa yẹka. ²³Ti Idu ese Ijisọs e bile ni wu. ²⁴Mọ unini e bile anọ fẹyan Ẹkraist Ijisọs uwiru.

2 Corinthians

Chapter 1

¹Ẹpọl, nẹ wọ apostul nẹ wa Ẹkraist Ijisọs ẹka nẹ wọ Osibina ibe opin, akọ Itimoti rọ ọda nọ Iṣọṣi Osibina ẹka nẹnẹ wọ Ẹkọnrint, aka nọọ Osibina yọ ero ọnwọnwọn nẹnẹ wọọ Akayia iken na. ²Tẹyi yọ ese ete nu furọọ́ Osibina aka Idu Ijisọs Ẹkraist.³Teyi uyeyi a wa nọọ́ Osibina nẹnẹ wọọ́ Idu Ijisọs Ẹkraist na. Aya wo eyi ọsọsọ wẹ Ẹda aka Osibina ofunmibe fenyan. ⁴Osibina nẹnẹ de ki fun tọ ibe ẹrọnanyẹn fẹnyan ka atọ din fun mọ ẹnanẹ wọọ́ ẹrọnanyẹn na. Ti ki fun mọ ero ububa akọ ofunmibe nẹnẹ Osibina lo ẹ fun tọ ibe na.⁵Akọ Ijisọs siye jọọ́ ọya nẹ tọ na, ẹga nọ tọ ofunmibe siye wa Ẹkraist nẹ. ⁶Adaka ti su ẹfosiye, awa nẹ nọ́ ofunmibe aka nọọ́ ọnafan; adaka bi fun tọ ibe, atọ ofunmibe awa nọ. Wọ ofunmibe e siye utun ọsẹrẹ i tọ ọfọ iwu na nẹnẹ wo oya nẹnẹ ka atọ ti je na. ⁷Tọ ọfayẹn nẹ nọ eme gbun, ti din ka akọ ni siye su oruwa i tọ ọya na ẹgan ka anọ eke siye ruwa i tọ ofunmibe.⁸Ti me ni ka bẹda ẹfẹna e me din na, tọ ẹda nọ ẹronanyẹn nẹnẹ ri su Asiya na. E re ka i bẹ fọ erọnanyẹn nẹ tọ ogbigben nẹnẹ e gbe ka ká ti me pile su ọnafan nẹ tọ ẹfunwẹnfunwẹn. ⁹Bẹ ṣẹnẹ ufo ẹkarẹ nẹ tọ. Ámà ọnẹbẹ a ma wa ka tẹ fọ ayẹn yẹrẹ rọ iwu, ama daka nọọ́ Osibina nẹnẹ palẹ ekporo pila wọ ẹrọ na. ¹⁰Anatọ fanfuro efiya ope, bile ka aka na tọfan. Iyọ iwu, ti su ọfayẹn yẹrẹ ka aka na tọfan.¹¹Eke siye ọnẹ akọ ni siye go tọ uba inọ adura na. Ero ọyọyọ aka gan mọ ẹba nẹ tọ nọ ese ọfẹ ẹka nẹnẹ bi ya nẹ tọ inọ adura fura ero ọyọyọ uba.¹²Ẹkana wọrẹ ri ya tọ uba uloko na wọ nẹ: tọ ẹyẹ uùbedin aà yẹn ka tẹ fọ ọnwọnwọn aka Osibina ikuwa nẹnẹ a ma wọọ́ orokoro ẹdayin ámà Osibina ese ayen ti ya ma tọ iwu e lo ẹrọ ọnẹ. ¹³Ti ma wọra ẹwọra ọnẹ ama ti dinka ne din na gan ne din né din na wora ámà ti su ofanyẹnyẹrẹ ka ne ke su odindin nẹ ya. ¹⁴Akọ ni siye din tu ọsarẹ ọyẹrẹ na, nẹnẹ ni din na fọ uba a tọ uloko nẹ tọ Idu Ijisọs isubu, akọ kọ atọ eke siye fọ uba tọ uloko nẹ kanọ.¹⁵Ubaka i su ọyẹrayẹn ọnẹ uba, yọ uba awọrẹ ẹ ṣa tayẹ to nu, ka ni din gba ọwa nẹnẹ wa ese oòboro na. ¹⁶Ma kọ ẹsa ka ẹbalẹ nọ ọgbọna me ṣun kẹ yọ Ẹmasidonia na. Imi di ne ni ka ẹ ṣa gan nọ iyọ uùruba ọgbọna me pila kẹ ṣa Ẹmasidonia, aka ka ni mi fọ mọ ta yọ Ijudiya.¹⁷Akọ i siye roro ọrẹ ọnẹ na, ime wuna họn? Ime siye osiye iwupe ọrẹ, idi ga ka, "Ẹh, ẹh" aka "ẹẹ hẹ" ẹẹ jẹ" isọ ọyẹrẹ? ¹⁸Ama akọnẹ Osibina siye wọ ikuwana, tọ ẹga nẹ nọ ama wa "Ẹh" aka "ẹẹ hẹ".¹⁹Nọ Osibina Oògben, Ijisọs Ẹkraist, nẹnẹ Isilifanus, Itimoti aka amẹ nẹ tẹ sa yọ ẹlagasa i nọ etin, ama wà "Ẹh aka "Ẹẹ ẹh." ²⁰Nẹ Osibina ọrọmọwọ awọ "Eh" i yọ iwu. Bilamọ iyọ ọrẹ nọ Osibina ugbugbodi.²¹Akana Osibina a yẹ a fọ oṣẹrẹ nẹ tọ Ẹkraist, nẹ fọ amọ gberi tu obona, ²²a fọ yọ ọtasiye yẹ rẹ tọ, e din na watọ ẹfunwẹnfunwẹn wọ i tọ uloko nọ oyiye wọ ọnẹnẹ a ṣa na.²³Ámà i ye Osibina akọ ubedin nẹ mọ uloko nẹ wọrẹ i me di ṣa Ẹkraist ka i din teyi wu. ²⁴Ọnẹ ama wa ka i te ni ka tẹ da wọ̀ iwọ ọnawọ ọnẹbẹ, iti bile wọ okotoro nẹ iwọ ẹbẹnnẹn, akọ siye jọmọ inọ ọnawọ na.

Chapter 2

¹Imi roro osarẹ ka me ke pila ni nu ṣa onunuma ọọrẹ. ²Adaka ẹ fọ onunuma nẹ nọ, ẹra ka fọ mọ ibe rọn ma ẹme fura ka ọnẹ ibe yọ ibe fuwa na?³Ẹ wọrẹ akọ ise siye wọrẹ na, ka ọgbọ na ma ṣa i me to nu na ka su ibe obibe to ẹnanẹ abọ wọ ka bẹ fọ mọ ibe rọn na. Isu ẹyẹrayẹn sa to nu fẹnyan ka mọ ẹbẹnbẹn awọ ẹbẹnbẹn nẹnẹ ka anọ fẹnyan su na. ⁴Ka ẹ wora ẹwọra nẹnẹ fura ọọ́ ẹrọnanyẹn, ọkẹka, bilọọ́ woko obibe aka iwo ọyọyọ. Ime nibka ẹ van nọ onunu ma. Ọnẹbẹ uba, i me ni ka nibdin akọ unini nẹnẹ i su nẹnẹ na siye lon na.⁵Ẹsu ẹfẹna ṣe onunuma, eme ṣe, to mu ayarẹ, ama e siyẹ re ka - ama ka a wa ụse nẹnẹ - nẹ anọ fẹnyan. ⁶Oya ọnẹ ero ọyọyȯ uba nọ oro ọnẹbẹ guwe nẹ ya. ⁷Akana ọnẹ abọwọ ka a da oya na, ne fọ ẹpan gbun ya. Ni siye ọnẹ ka ibe obibe ọyọyọ e me riya sọ ijeh.⁸Akana ẹpẹrẹ nọ nẹ fọ unini yẹn nẹ ya. ⁹Ẹkẹna wọrẹ ẹwọra emumu i diya ma nọ balẹ bilo-odindin adaka ni su ọtọn mọ ọwọwọ ẹpẹn fẹnyan.¹⁰Esu ẹfẹna nẹ fọwọ iluwe gbun na, ka amẹ fọwọ iluwe gbun mọ oro ayẹ. Ẹkẹna ẹ fọ gbun na - adaka ẹ fọ ẹpẹnkẹpẹn gbun - nọ uba aworẹ i ye gbun Ẹkraist iwuru. ¹¹Ọnẹ wọ ẹgan ka Eṣu ama wọrẹ rọ. Ubaka ti ma wọ ẹnanẹ emedin yọ ọpẹpa na.¹²Idu jin nọ ọrẹ nẹ mọ ọgbọna ẹ ṣa iken nẹ wọ. Itroas ṣa pọ ẹpẹpan oboro nẹ wọ Ẹkraist ẹka na. ¹³Ẹfunwẹnfunwẹn ama pan mọ ubaka i ma gba mọ ọda Etatosi ẹfẹnẹbẹ Ọnẹbẹ uba i te yi ba mi yọ Ẹmasidoniya.¹⁴Ama ẹgan mọ Osibina ẹba, Ẹkraist nẹ wọrẹ ka ti su afọrẹ na. Itọ uba awọrẹ nẹ arọn mọ oboro iyọ odindin wọọ́ ẹfa fẹnyan. ¹⁵Tẹ wa nọ Osibina ọrọnrọn oboro Ẹkraist eka, nẹ ka ẹnanẹ ọnafan aka bi lọọ́ ẹnanẹ efo na.¹⁶Nọ ẹnanẹ wọ ifufu na, awa ọrọnrọn wọ ufo re ufo. Nẹ ẹnanẹ su ọnafan, awọ ọrọnrọn furọ ẹrọ rẹ ẹrọ. Ẹra wọ ẹfẹna guwe ẹpẹn nẹnanẹ na? ¹⁷Ati ma wọ ẹnanẹ aàjọ Osibina ẹga nẹ ẹkẹrẹ na. Ọnẹ uba, osisiye wibe, ta ga akọ Ẹkraist, akọ bi siue filetu wọ Osibina, iyọ ayẹn Osibina ẹka na.

Chapter 3

¹Itẹ tọmẹ ọ uyeyi tiwu bilamo họn? Ti me ni ẹwora ẹnanẹ bẹ wọra tiẹpan nẹnẹ fura inuba akọne ẹrọ ẹbẹn na. I ti ni họn? ²Anẹ ẹbẹba aya wọ tọ ẹwora ọnẹ ti ye tiye nu na bẹ wọra i tọọ́ uloko, nẹnẹ bi din erokoro fẹnyan din na gan na. ³Ni ya yẹn ka anọ a wa ẹwọra fura ọ ọ́ Ẹkraist, one na. Wọ ofiyẹpan i tọọ́ utun na. Bi ma wọrẹ aka ikokori na ama akọ Osibina nẹnẹ wọ ẹrọ na ẹ ẹ ẹfunwẹnfunwẹn. Bi ma wọrẹ wọ ọtarẹ, ama wọ ọtarẹ nẹnẹ wọ erokoro uloko na.⁴Ọnẹ a wọ ẹyẹranyẹn nẹnẹ ti su Ẹkraist orikpokpo Osibina ẹrẹn. ⁵Ti ma wa odi siye i tọ iwu nẹnẹ ti ni ẹnaka ẹpẹnkẹpẹn i tọ ọrẹ ama tọọ́ odi siye wọ Osibina ẹfa ṣa. ⁶Osibina e siye tu okotoro nọ ọọ́pa owowo. Ọnẹ awọọ ọọ́pa na wọ ẹwọra ama awọ ẹfunwẹnfunwẹn. Ọnẹ bẹ́wọra na ada wan nọ oro, ama Ẹfunwẹnfunwẹn a da wa no ẹrọ.⁷Akana, utunfo ẹka - nẹ bẹ wọra wọ ọtarẹ na - aṣa ugbugbodi ọnẹ gbe ka Israel egben bi me din balẹ Imoses ayẹn. Ọnẹ wọ ugbugbodi nẹnẹ wọọ́ iyọ ayẹn, ugbugbodi nẹnẹ ẹ ṣala na. ⁸Gana eke siye wa nọ ugbugbodi utun nẹ wọ Ẹfunwẹnfunwẹn eke siye da?⁹Adaka utun obibe su ugbugbodi, gana gana utun ọṣẹrẹ utun e ke siye ma nọ ugbugbodi aá! ¹⁰Ikuwa ẹka, ọ nẹnẹ ta yẹ fọ siye ugbugbodi na eme pile wọ ugbugbodi okuru nọ ọnẹ, ubaka ugbugbodi nẹnẹ fọrẹ ya na. ¹¹Ka ọnẹ nẹnẹ ṣun ma yọ na su ugbugbodi, gana gana ayẹ ẹkẹna wa mọ ne bila na e ke siye su ugbugbodi aá!¹²Ubaka ti su ọfayen yẹrẹ ọnẹ ti su uloko. ¹³Ti me wa akọ Imoses na, nẹnẹ fọ ẹsa ju ayẹn ubaka Israel egbeniforo abẹ me di balẹ yọ ayẹn akọ ugbugbodi ọọ̀ta siye e ṣala a yọ na.¹⁴Ama bọ ẹyẹ ṣile. Ṣa re amọnẹ ọgbọna ba kẹ gan mọ ọọkpa osusun, esa ọnẹbẹ ki wa mọ. Bẹẹ́ me tiyẹ fura, ama Ẹkraist da ka Ẹkraist iwogbigben bi di ye ti yẹ e fura. ¹⁵Se ra amọnẹ, ba kẹ gan mọ Imoses, esa ọnẹbẹ ti bọ uloko. ¹⁶Ama ẹfẹna nọọ́ Idu ṣa na, ẹsa ọnẹbẹ bi tiyẹ fura.¹⁷Akana Idu aya wọ Ẹfunwẹnfunwẹn. Ẹfẹna Ẹfunwẹnfunwẹn nẹ wọ Idu ẹfẹna ma na iwobi wa mọ. ¹⁸Akana atọ fẹnyan, aka ayẹn nẹnẹ bi me ri na, gba ugbugbodi nẹ wọ Idu ẹka na. Ti wọọ́ obila wọ ugbugbodi nẹnẹ wọọ́ ọlọn ọyẹrẹ nẹ na yọọ́ ugbugbodi nẹnẹ wọ ugbugbodi ọbẹn yọ ọbẹn, akọ e siye wọ Idu ṣa na, nẹnẹ wọọ́ Ẹfunwẹnfunwẹn na.

Chapter 4

¹Ọnẹbẹ uba nẹnẹ ti su utun mọnẹ, akọ ti siye su eyi ọ ọnsọn ti me wọ uloko ogbiyuru na. ²Ikuwa ẹka, tibyuru esiri aka ẹpan nọ ọkọkọ ọrẹ kọrẹ. Ti me jenjen irekureku ọrẹ, ti ma fuba gbọgba sẹ Osibina ẹga. Ke tẹ fọ ikwa ayẹn ti tiye tọ iwu nẹ ovo ọyọyọ ẹyẹ uùbedin Osibina ayẹn.³Ama adaka tẹ ẹpẹnpanoboro abẹbẹ, abẹbẹ a nọ ẹnanẹ efu ayẹ na. ⁴Ibẹka, ujun ẹrọ ẹka e pẹ ba ayẹn nẹnẹ à á ma nawọ na. Ọnẹbẹ uba, bi me di gba ọgbandala ẹpẹnpanoboro nẹ wọọ́ Ẹkraist ugbugbodi na, nẹ wọ Osibina uṣi.⁵Ti ma ga tiwu ẹlagasa, ama Ijisọs Ẹkraist aka Idu, aka atọ wa wọ okotoro Ijisọs uba. ⁶Osibina aye gẹ ka, "Ogbandala aka ba wo esiri vẹṣa." Aba itọ uloko, esi ve tọ ọsọ odindin nẹ wọ ugbugbodi Osibina ẹka na Ijisọs Ẹkraist ayẹn.⁷Àmá tisu arọn ọnẹ wọ ọtẹlẹ idin ẹka, e dinyetu ka ugbugbodi ọkẹka wa nọ Osibina ama wa nẹ tọ. ⁸Bẹ fọ ẹfọsiye nẹ tọ ọrẹ kọre ama e me ti tu sọ ijeh. Tiwo ẹyankata ibe ama ti ma nẹ mọ ọfayenyẹrẹ fuwa. ⁹Ba fọ ekurujuanyẹn ne to ama bi me yuru tu wọ ijeh; be rẹn to sọ ijeh ama bi me di fuú tu; ¹⁰atọ nẹnẹ wọ erọ tọ to iwu a nọ ufo Ijisọs uba, ti di fọ Ijisọs ọpaleṣa yen i tọ iwu ofifo onẹ.¹¹Atọ nẹnẹ wọ ẹrọ bi da ṣẹn ufo nẹ tọ Ijisọs uba, ubaka Ijisọs ẹrọ afọ yiwe yẹn itọ iwukpe. ¹²Ufo fọ yi wu ayẹn itiwu ama ẹrọ e siye utun ini uwu.¹³Ámà ti su ẹfunwẹnfunwẹn ọnawọ akọnẹ bi siye wọrẹ: "ẹnawọ, ni siye gẹ nẹ" ¹⁴"Ti din ne ki nawo ẹgan ti siye gẹ nẹ, ti din ka ọnẹ sọn ma Idu Ijisọs aka sọn ma katọ bile Ijisọs a fọtẹ bile nu ṣa yọ ẹrẹn. ¹⁵Ẹpẹn nọ ororo wa nẹ nọ, ubaka yọ ese nẹnẹ eto ọyọyọ, edi wọrẹ́ ẹba ọgẹ gan ayọ nẹ ugbugbodi Osibina ẹka.¹⁶Ka ti me din bọ ibe fu wa. Esi da ka ti iwukpe a ṣala ayọ i tọ ibe ti ṣina ọwọwọ isubu isubu. ¹⁷Nọ ọgba keke, ọfọsiye keke e guru tu anọ ugbugbodi nẹnẹ eme ọọ́ta na nẹ fọrẹ ọmẹma fẹyan. ¹⁸Ti ma ṣẹlẹ ọnẹ ti din a gba na, ama nẹ ọna ta ma gba na, Ẹpẹn nẹnẹ ti din na gba na nọ ọgba keke, ama ẹpẹn nọ nẹ ta ma gba na awọ ọnẹ eme su ọta na.

Chapter 5

¹Ti din ka tọ ubo Ibebosi - uturu áye ebe, ti su ubo nẹ wọ Osibina uba ṣa. Awọ ubo nẹ bama fọ orokoro uba mẹ, ama uba ne me su ọta, Osibina ẹṣẹn. ²Ubaka uturu ọnẹ ti wọ onunuma, takare ka be fọ ẹsa file tu akọ to Osibina esen nefs omema. ³Te su ọfayen yere ubaka akone teke siye. Ke fo one siye na bá ka gba tọ iwu-ufolo.⁴Ubaka ẹgaba ogbone ti wu uturu, te wuwuna, eyankata iwu. Ti mé nika tifile ẹsa, one ubaka ero edi rowa orokoro. ⁵Ẹfẹna guru tuna ubaka one ẹpẹn fẹnyan awọ Osibina eka, ẹfẹna fo ẹfunwẹnfunwẹn nẹ tọ akone oguru-iwu neke na ása na.⁶One uba, ogba fenyan su ibe-ofunfun, din ka ogbona ti wo ubo iwupe, ti fura iro Idu. ⁷Ubaka tẹ́ jeje akọ Ọnawọ, ama wo akọ áyẹn. ⁸One ti su ibe-ofunfun. Té ke siye ti fura iwupe aka ubo ako tí Idu.⁹One uba te seya sino to onina, esi-gbeke tẹ wọ ubo sa ọyen, tẹ fo yi be ron. ¹⁰Ubaka atọ ọsẹnsẹn no adan, ubaka ore-orore edi no eka na bowe na ubaka epen ne bi siye iwupe na, e sigbeka ubaka oboro sa ubaka odudu.¹¹One-uba, din no Idu orore, te pere erokoro. Ka Osibina agba to gbangaban, aka efo áyen yere ka e siye gbandala ino ibe-opin. ¹²Ti me siye ka te pere no bilamo ka ne gba to ako osu-ekuwa na. Kegan, te fo igben áyen no ka neke ron miben ito iwu, ubaka ni di su ogunawow no ẹnanẹ akọ agumabo ubaka ọfo-iwuyen ama amanọ ekana wọ ito okan na.¹³Ubaka ti me wo osere ito okan, ubaka Osibina aka te wọ osere ito okan, awa ubaka tiwu eka. ¹⁴Ubaka Ẹkraist unini se tọ ṣinijen, one-uba tẹ nọ ọnẹkẹ: Ka oro-oyere fo nọ ero fenyan aka ka one-uba ero fenyan fo. ¹⁵Efo ubaka ero fenyan, one-uba enane ama na eme pila maa neyo iwu ama no ẹfẹna á pere yo uba fo aka asoma palẹṣa.¹⁶Ubaka one, fura akana yo ti me pila gba koro-oyere ako iwupero na, e sihbeke té fo iso-oyere din Ẹkraist akene iwupe eka. Ama akana te me pila din ya. ¹⁷Ọne uba, esu oro nẹnẹ wọ Ẹkraist, e sina oro-ọnwọnwọn. Ẹpẹn no osusu sa sun kẹ gbe ne sa sinọ ọnwọnwọn.¹⁸Ẹpẹn nenane fenyan fura Osibina uba sa. Asẹtọ sino oyere Ẹkraist yọrẹ aka afo netọ osisiye newa ka te se eroko sino oyere. ¹⁹Ka, Ẹkraist Osibina áṣe ero ọne á sinọ oyere aka áye, ka ama gsn bo iluwe wo be pan, áfọ nẹtọ epepan newo osebile eka.²⁰One-uba bi tiye ta akọ osiye Ẹkraist áyẹn, úwaka Osibina áteyepin ito ọrẹ tẹywpin aka anọ, ubaka Ẹkraist eka: "Ni pila ni Osibina sa!" ²¹Áseya ẹfẹna eme din no iluwe ke sino iluwero ubaka atọ ubaka ti di sino oserero Osibina eke iyo-iwu.

Chapter 6

¹Akọ ti siye bile e siye utun, te kpẹrẹ nọ ka ni ma na Osibina ese ufolo. ²A gẹ, "Ọgba nẹ bọwọ na ayẹ e gọn ma yẹn to nu, isubu onafan ayẹ isio guba." Baàlẹ ọgba ọnẹ bọwọ na nẹ. Baalẹ, aka na awọ ọnafan isubu." ³Ti ma fọ ọtarẹ ju koro oyẹrẹ ọrẹ ti me ni ka tutun bi bẹẹ̀ fuwa.⁴Ọnẹ uùba, ti ya yẹn ẹro fẹyan i tọ osisiye, ka tẹ wọ Osibina oòkotoro tẹwa yọ okotoro ofiwuna ọyọyọ, ẹfọsiye, ibobibe, oṣisile, ⁵ibin, ẹsifiri, ogboon, utun oṣiṣile utun, oro ama gbu uba awọn, ⁶ọnwọnwọn, odindin, ọlọn, oboro osisiye, bile Ẹfunwẹnfunwẹn Ọnwọnwọn, unini ikuwa ẹka. ⁷Tẹ wọ yọ okotoro i yọ ẹga nẹ wo ikwa na, 'Osibina iwogbigbẹn. Ti su Osibina yo osagba, nẹ wọ ọṣẹrẹ eka na ne uba oji ije akà ogurunba.⁸Te siye tun ugbigbodi aka ọnẹ ama wa ugbigbodi; etun akọ uyeyi awọrẹro ama ikuwaro. Te siye utun akọ bi me din tu, ama bi ki din tu da da. ⁹Te siye akọ ẹfẹna fo ayọ na bilọ-balẹ! - ti ki wo erọ. Ti siye utun akọ i bẹ fọ oya e je tu a nẹ tọ osisiye na amá eme gbe ka i be ṣẹn ufo nẹ to. ¹⁰Te siye utun aki ibobibe, ama ti da kẹ ben ogba fẹnyan. utun ako iwaro, ama tẹ sẹ ero ọyọyọ e e ṣina arọnro. Ti de siye utun ako i ti me su kẹnakide na amá ti su ẹpẹn fẹnyan.¹¹Te ga ikwa fẹyan nẹ nọ, Ẹkorintiro tọ uloko e jin gbandala. ¹²Ti ma ṣe nọ jọmọ, nẹ sẹ ni iwu jọmọ i nọ ọkọn. ¹³Akana tẹ gẹ akọ esiye bọwọ -ẹga aka nọ ọgbẹn - ka nọ iwu.¹⁴Ni ma fọn ikurusẹ bile ẹnanẹ eme su ọnawọ na. Ẹna kọ ọṣẹrẹ aka ọṣẹre iyuru bile a? Osiye bile ọna ọsọ su akọ esiri a? ¹⁵Ẹna wọ ẹnanọ nẹ Ekraist su aka ibeliya na? Sa ẹna ọnawọro su e ruwa aka ẹfẹna eme su ọnawo na? ¹⁶Ẹne wọ ẹnanọ nẹ wo Osibina uùbowo akọ ujun a? Ubaka te wọ Osibina nẹ wa ẹrọ na yọ ubowo, akọ Osibina siye ga ẹ na: "Maka ma ba kẹ ma i diya ma ba ki jen ejen. Ma ka wa bo Osibina, abẹ aka da mo ero."¹⁷Ọnẹbẹ uùba, "Ve sa fura ba ọrọ, u tiye wọ iwu wo obo," Idu a ga e, "U ma dẹ yẹn ọnwọnwọn iyuru ẹẹ̀pẹn, amẹ aka na wọ. ¹⁸Ama ka da Ẹdẹda nẹ na, ana ka da me egben oforo akọ iyaro," aya Idu ogbaragada ga.

Chapter 7

¹Iniro, akọ nẹ ti siye su oworọnrọn abẹ na ni te be ti ouwa to iwu fura isinsin iwkpe aka ẹfunwẹnfunwẹn ẹka fẹnyan. Ni jọmọ ti ki gu ọnwọnwọn Osibina ọrọrẹ.²Siye ọrẹ nẹ tọ! Eme su koro ọyere ne ti siye ẹga na. Ti me be koro ọyẹrẹ fuwa sa ka ti siye afọrẹmọ nẹ orokọyẹrẹ. ³Gbe ka i me ni ka ẹ sẹn nọ ebe a wọrẹ ẹ ga ọnẹ. Ubaka ẹ tayẹ ga ẹ ka ni wo tọ uloko, ka ti di fo bile aka ti di wo ẹrọ bile. ⁴I su ẹyẹrayen nẹ nọ, mọ ọkakara nẹ nọ diue gbodi. Bi fiye nu aka ibe ofunfun. I fiue aara aka ẹbenbẹn e si gbe ka ti wo ẹrọnanyẹn na.⁵Ọgbọna ti re Ẹmasidoniya na, ti iwuki eme su ẹyẹ ofilẹ. Kẹgankẹgan, bi gboon tu ọrẹ fẹnyan aka isusuna ọyẹn ọọ̀re aka ọrọrẹ ibe ọọrẹ. ⁶Ama Osibina, e fun ẹnanẹ holo ibe na aka Ẹtayitos ọṣẹṣa. ⁷Ama wọ yọ ọṣẹṣa ayarẹ Osibina e fun ti ibe. Ama ubaka ofunmibe nẹ Etayitos gba na i nọ ẹfa na. A ge nẹ tọ nọ univibe nẹ ni ya yẹn na, nọ ibobibe, aka nọ inisye nẹ mọ ọnẹbẹ uùba ẹbẹn bila amọ.⁸Esi gbe ka mo ikokori wọrẹ nọ bi ibe, i me luwe owo. Ámà ibluwe owo ọgbọna ẹ gba ka mọ ikokori be ni ibe fuwa na, ama nẹ ọgba keke. ⁹Akana ẹ bẹn eme gbe ka ni bibe, ama ka nọ ibobe wọrẹ ka ni ro bila. Ne gba ėomẹna Osibina yọ ibobe wa na, ọnẹbẹ uùba eme su ẹkẹna nẹ fuwa ubaka atọ na. ¹⁰Ubaka Osibina yọ ibobe a da fọ ororopila nẹ da fọ ọnafan sẹrẹ nẹ me su owoluwe na. Ẹrọ ibobe, ayẹ a da fọ ufo sa.¹¹Balẹ oloko o ṣile nẹ Osibina ibobe ọnẹ ṣoma i nobiwu na. Balẹ akọ uloko oṣile ayẹ siye gbodi ta na ka a yẹn ka nẹ wa ibọyẹrẹro. Gana no iwọkẹkan siye wa ta, nọ ọrọrẹ, nọ onini, nọ ini siye, aka nọ inini ka nẹ gba ka bi siye ọṣẹrẹ. Ẹpẹn fẹnyan nẹ fọ ni iwu yẹn ka ne ibọyerẹro ẹga ọnẹ.¹² E si gbe ka e wọra nẹ nọ, i me kpẹrẹ idudunaro uùba wọra ẹ, amá wa nẹ ẹfẹna e je oya iduduna ayẹ na, ubaka nọ ini obaro to tu e di wa odidia nẹ nọ Osibina ayẹn.¹³Ọnẹ e gbe tu ulono. Bile i to ofunmibe, ti di ya nẹn bilamo ubaka Etayitos ẹbẹbẹn, ubaka yọ anọ fẹnyan sẹ yẹ ẹfunwẹnfunwẹn ṣina owowo. ¹⁴Ma kpẹrẹ nọ uba siye akakara kẹ nẹ ya, epan anaa kọ mọ. Ọrẹ ọbẹn, akọ nẹ ẹpẹn fẹnyan nẹ tẹga nẹ nọ na siye wa ikuwa na, tọ okakara i no ẹpan nẹ Etayitos wa ikuwa.¹⁵Yọ univibe nẹ nọ e gbodi bile amọ akọ e siye a yẹn anọ fẹnyan ọ̀tọ mowọwọ na, akọ ne ni siye nẹ aka ọrọrẹ aka okpikperi na. ¹⁶Ẹ bẹn ubaka i su ẹyẹranyẹn nẹ nọ boroboro.

Chapter 8

¹Te ni ka ni din, tọ oda Osibina, ese nẹ a ne iṣọṣi na nẹ wọ Ẹmasidoniya na. ²Ẹrọnanyẹn yọ ọmabale ọkẹka, ebenben ọkẹka aka akọ bi siye wọọbiwaro na bi su arọn aka osiye ikwa.³Ọnẹ isu ubedi ka bi ya fọ ova ọyọyọ ọnẹ bi di siye, aka bilọ nẹ bi di ye siye, aka bile akọ ọnẹ bi siye kibe kibe na. ⁴Bẹ tẹ yẹtọ ekwin aki ikuwa nẹ anfani bi su kati ruwa utun mọ nẹ nẹ wọ Osibina ẹka nẹ ero ọnwọnwọn. ⁵Ọnẹ ama fi wu yẹn ẹgan akọ ti siye fayẹn yẹrẹ, ama bẹ tayẹ fọ bi wu nọ Idu aka nẹ tọ Osibina yi be opin.⁶Ama ti mi pẹrẹ Ẹtitus, ọnẹ tọmẹ utun ma yẹbemiya siye inetin nẹ utun ese. ⁷Ama nẹ fọrẹ ẹpẹn fẹyan - ọnawọ, ẹga ọgẹgẹ, odindin, osisiye, oboro, bilọ nọ nẹtọ. Nẹ gba ka ni su afọrẹ ese osisiye.⁸Ẹgọ ọnẹ ama ka buru na. Akan, ẹga ọnẹ ka iya ma nọ balẹ ini ikwa aka nọ unini ti ya ma balẹ iniwu ọpẹ pan nọ ero ẹbẹn. ⁹Ubaka ani din ese nẹwọ Idu Ijisọs Ẹkraist ẹkana. Esi gbe ka esu arọn, nẹ nuba eṣina iwo ro, ni din wi yọ iwaro ni ṣin nọ arọn ro.¹⁰Ẹga ọnẹ ma fo ẹkpẹrẹ ne ke go wubana nẹwọ. Ẹyẹn nọ ọyẹrẹ wa urun, eme si gbe ka inẹ tọmẹ osisiye, ama ni suga wọ ibe ka ni siyẹ. ¹¹Akana siye vẹpan. Akọnẹ siye su ẹlakata ti siye akọ inini, arọn muro akọ ni ke di siye. ¹²Ubaka ne su ẹṣana ka ne siye ọnẹ, arọn, ediya wọ ẹpẹn nẹ bẹ ná na. Eke wọ ẹkẹna oro su, ama wọ ẹkẹna oro eme su na.¹³Ọnẹ ama wa nọ ọbẹrẹ nẹ ero ẹbẹn akọ ẹrọnanyẹn nẹ nọ. Ọnẹbẹ uba ka e siye akọ e siye rọn na. ¹⁴Nọ ọyọyọ ọgba ọnẹ aka fọ ẹkẹna bi ni na nẹnọ, ọnẹ bi la mọ bọ ọyọyọ aka vanọ ẹkẹnẹ ni nina edi wa akọ esiye bọwọ na. ¹⁵Ewo akọ siye wọrẹ na: "Ọnẹ su ọyọyọ na eme su kẹna kide wije nẹ ku, ọnẹ su keke na eme su ẹkẹna ku ya na."¹⁶Ama tẹ gan mọ Osibina ẹba nẹ ye wọ Ẹtitus uloko nẹ ọbalẹ isu nẹ na. ¹⁷Eme yi si waka anotọ ọbẹlẹ, ama ayẹ bẹ ba asọ ọkpẹ Aṣa to wu iyibe opin.¹⁸Ti filẹ bi lọ ọda nẹ be yeyi Iṣọṣi fẹnyan nẹ yi utun na ẹpẹn pan nọ oboro. ¹⁹Ama wa ọnẹ ayarẹ ama bi tiye Ẹṣọṣi fẹnyan ka awọ ẹfẹnẹ eke jejẹn kẹ yọ bilọ e siye utun, ọnẹ te siye, ne yọ ugbugbodd Idu ẹbẹba bilọ tọ eboro.²⁰Ti me ni ka ti su ẹfẹna eke ki hun hunu na nọ osisiye otiteyi uba ọnẹ te siye ayẹn na. ²¹Tẹ sọlọn ka ti siye oboro, ama wa nọ Idu, ẹrẹn ayayẹrẹ, ama ika erokoro ẹrẹn.²²Ti diye file tọda ọbẹn bile bi wu. Te ma ba balẹ ọrọ ọyọyọ tẹ gba ka e siye akọ iwu fẹnyan nọ utun ọyọyọ. Esu iwu opẹnpan akana nọ kọ uloko o siye ẹpẹn nẹ esu nẹ nọ. ²³Nọ Ẹtitus tọ obawọ ya aka mutun ro nẹ nọ. Nẹ tọ tẹda abẹ bẹ wo to ofi li tun ro nẹ Ẹṣọṣi. Ugbugbodi bẹ wa nọ Ẹkraist. ²⁴Nẹfọ nọ unini yẹn ba, akq ni di ya yẹn nọ Ẹṣọṣi ẹkẹ na wọrẹ rẹ rọn mowo inẹga.

Chapter 9

¹Nẹ osisiye ne Osibina ẹro ọnwọnwọn, ama sẹbọwo ka ẹwọra nẹnọ. ²Idin wọ unini, ne isiokakara no Emasidoniaro. Egan neba Achaia bẹ tọme akwẹsa kabiya. Wo eṣanasiye wọrẹ isiye no abe ọyọyọ.³Akana ifile te iforo abe ubaka tọ ọkakara nẹwo emedi bu folo, aka ubaka kwẹsa, akọme isiye ga ka ọdaria. ⁴Ọrọben, esu Emasedonia ro abe a yẹrẹmo ṣa agba wo u ma kwẹsa, epan naka kọtọ ima gawọ kẹnakide ni siyako sọ ọyẹrayen nọ na. ⁵Ka iroroka eyerayerika egbe ẹda iforoabe ka be ṣa towu ka bẹkwẹsa ikwije nọ ọva oworunrun ne usiye owọrun runna. Ọne siye ganda kudin kwẹsa aka ukukurubile, aka amabale aka ẹpẹn.⁶Ọnẹ wa pėone pẹnẹ nanẹ. Ọnẹ bire tete yin aka kpare teteyin, aka ọnẹ bire kadakada edin gba ukukurubile na eke diya kpare ukukurubile. ⁷Tebi orororẹ a va ako e siye roro iyu lokona, ama aka ibe ẹbọrẹbọrẹ sa aka iwogben, ka Osibina ni ẹfẹna fibore ava na.⁸Aka Osibina edine siye ese fẹnyan ara anowo, ubaka, ọgba fenyan, ẹpan fenyan, nu diye su fẹnyan nunina. Ọnẹ akadẹga ubaka udin san oboro fẹnyan osisiye. ⁹Awa ako bi siye wọrẹ na: "Eruwa ya ron ano uyenri ro abẹ. Yọ ọṣẹrẹ edine fu."¹⁰Aye ne va erunro ibire nede bire aka ebread nọ ijen na aka va aka san we bire ẹpẹn no obibere. Eeke kurubile wẹ kpare newo ọṣẹrẹ ẹkana. ¹¹Weke su ọrẹ fẹnyan ubaka udi sọ va. Ọnẹ a àka fẹ bọ gẹgan nosibina itiyin.¹²Ka usiye enane ama Osibina ero Ọnwọnwọn abare usiye nọ ama ara ọrẹ ọyọyọ ẹba ọgẹgan nosibina. ¹³Ubaka wọ mabale aka ọfọyen utun mọnẹ, ka waka fugbugbodi nọsibina ẹpan nọtọtọme iwo nowo no umumu no boro Ẹkraist. Wẹ kẹ dina fugbugbodi nosibina ne ojinuba iwava neba aka ẹrofenyan. ¹⁴Bẹ fayen wọrẹ no, aka bẹ gba dura anọ. Bisiyọnẹ ubaka ẹkẹ́ ẹ̀ka newo Osibina ese wewiwuna. ¹⁵Eba awa nosibina nẹ yọ va ne me sọfọwọgana!

Chapter 10

¹Amẹ Ẹpọl ẹbẹba kpẹrẹ nẹ, Ẹkraist ẹpanọtọtọmẹ bilọ yọ ọsọnsọn. Ewọ ẹfẹna bẹrẹ inọ ayẹn na ama ede gbuloko tonu me fura inetina. ²Ẹtẹ yẹ nekwin ka, ne wi nẹfa mé èke igbuloko aka ọyẹrẹmi - wayen. Ama irokoka meke ni ogbuloko ọgbọna mebka ṣen ne nane roroka iwukpe tiye seyena owo.³Esiri gbeka te siye iwukpe eka, ti ma gbamekon iwukpe. ⁴Ka ẹkon mẹpen nebe ne tea gbamekona ama wọ iwukpe eka. Akadegan, bisu iwogbe obe ẹfa ọṣeṣile. Ede sẹ ya sina gbagba nẹ da wọra ọsakata na.⁵Ti de fu epen nọfọfọ fẹnyan bede fura emwgbeli nọ Osibina ẹdiyen na. Ọnẹ wọ ẹpan nọ totome Ẹkraist. ⁶Aka ta kwẹsa ọfoyaje osisiye fẹnyan nẹwo e gule. Otun mo ṣiṣi ẹkana nepannọtọtọme egulena⁷Balẹ ẹkẹna fiwa yen iwerenna, esu ẹfẹna egbuloko ka atẹ wa Ẹkriast eke na, akọne e siye wọ Ẹkriast na egan ka ti siye wane. ⁸Esi da ka ẹrọn mowo keke nẹ yọ̀ọ itọ buru, nẹ Idu ya nẹtọ ti di ya fọ nọ pọ ama wa ka tiye benufuwa, ẹpan epannakakọ mo.⁹Ime ni ka eweka ime ni ka ikokori nẹ ẹwọra na ata nọ ọrẹrẹ. ¹⁰Ereben ka yọ ẹwọra sọkpe aka egbenneda, ama yiwukpe ọmatọma eme ṣile. Yẹ ga emesu opia tun nọ."¹¹Teyi ero ẹlẹna bẹ bi din ka ekena tẹ wa itẹga ọwọrana ọgbọna egan te ke siye da itọ osisiyene ọgbọna te yẹ fẹ nebe na. ¹²Ti me jejen fon mọrẹ akọ tẹ kwọ bile aka tẹ fọ ti wu kẹ ma ẹnanẹ ye yi biwu na. Ama ba fọ bi wu kẹ ma bẹn Ama ọgbọna ba ma biwu akq aberi na bi dia bale biwu ọrọrẹ na be me su ayẹn no gbigben.¹³Ama atọ, té èke siyọ ọkakara ṣun mọgben kedegan, te eke siyengan itetin ọnẹ Osibina filetuna. ¹⁴Ka tima yọre tiwu fọrẹba ọgbọna ti to nu na, ata wo ero iṣoro nẹ re ka ba ẹfẹna nemana aka Ẹkraist ẹpẹpan oboro.¹⁵Tima gunmabọkpọ ṣun mọgben ne ero ibuba utun. Ọnẹbẹ, tọ fanyen yẹrẹ egwe kibilamo, tutun inetin é eke gwe. ¹⁶Tẹ fanyan yẹrẹ ọnẹ, ubaka tidi kpẹpẹpan oboro ilo ọkaminasa enane wo nẹ renna. Té éke siye ọkakara utun ne di siye oṣin nẹ ben na.¹⁷"Ẹfẹna rọn mowo, arọnya ne Idu iwu. Ama biyi ọkakararo abe, siye ọkakara Idu. ¹⁸Ka ama wa ẹfẹna fọ yi wu veṣa na bida fubawo akadegan, Ọnẹ ne Isu fọwẹren ra.

Chapter 11

¹Iroro ka ni diya fo iwu na abere osisiye aka áme. Ama egbe ka ni mẹ di fiwu na. ²Ubaka me gbe wo ogbere. Egbe ogbere ọnwọnwọn ubaka awọ, ogbonebé ronmọwow nẹ wo Areda ka oforo oyere ya. É ronmowow efo no yen ako oyegben owowọ nọ Ẹkraist.³Ama ámé asọmorore ka adaka, akone epen nodudu siye wọre Ivi akọ ayẹn nogbegben, nọ iroro niya bilano fura ọsisi ako ọnwọw newọ osisiye Ẹkraist ẹka na. ⁴Adaka esu ka oro-oben sa akẹ pọ ẹpẹnpan Ẹkraist obẹn nẹ penpan nama wa onene tẹ manọ ga na. Ósa egbwka ne nọ ẹfunwẹnfunwẹn nọben, ogbone bẹ ekena ne naa na. Sa egbeka ẹpẹnpan nọ obo, nene ona na. Ọ kọ esa wo epen nenane akene e siye bona.⁵Ubaka iroro ka ame ameguwe enane bẹ ye Apostu ekeka na. ⁶Esi suka, ame emesu opipaya ẹga ọgega, emesu su opipiya etayin. Ore fenyan fenyan aka epen fenyan ti tebi ka one asa no odindin.⁷Ami luwe hon ka mi wolo miwu sa ijen ubaka bi di fe no po? Ubaka itebi mi wu wo-ijen ka iya pọ Osibina ẹpepan nẹ nọ. ⁸É yire furu Echarxh eben ubaka oguguwe ka edisiye no okoto. ⁹Ọgbọnẹ iwo inefa na aka isu onini na, ema fo mu uúse sunwa koro oyere. Ubaka mo onini wo ekena mo oda abe nẹnẹ wo Emacedonia. Epen fenyan efo mi wu fura ke da eyan kata neno, aka ma ka teyepan kisiye egan.¹⁰Akọ nẹnẹ ikuwa Ẹkraist ẹka siye wo imi wu, mowo ọrọnrọn ma agumabọ one eke wo ususu ẹfẹna wo Achia na. ¹¹Ẹna wọrẹ? Ubaka ime ni nẹ ga? Osibina din.¹²Aka ẹkẹna me siye na, ẹ́reyepan na yao amo, ubaka tidin turu fura afamebnewo enane eni afame ka bi din ke gba babe ako ato na ẹpen nene biya ko agunmabo na. ¹³Ubaka ero-enane wo isoma apostu aka awore uútunro. Bi da fo biwu benben ako Apostu Ẹkraist eka.¹⁴Aka one miwa ojinoro owo fuwa adaka yo ẹgbenurunmẹka fo biwu benben ako Angel ọsọ eka. ¹⁵Ama eke nawọbojinoro fuwa yo ikotoro abe eki biliwu ako ikotoro ọnwọnwọn ẹka. Bo ọnawọ ake kibwa ko bo osisiye wa.¹⁶Ide fuwe ga: koro oyere emeroro ka abeye ewa. Ama we siye. Namo ako abeye na, ubaka idibkobagumabo keke. ¹⁷Eke na ma ga agumabo okeko one ọyẹrẹ - ayen Ima genka akone Idu eke. Siye ge ka abeye na. ¹⁸Akone e siye gbeka ero ọyọyọ akọ agumabo iwupe ore na.¹⁹Ubaka ako ebenben siye fo ako abeye na. Ne gben nayen ne-newu. ²⁰Ubaka we ke yan no efena asewo ako owan na ánawo ọogba, afowe pọ, sa ákuruwu ebayen na. ²¹Ma ka mo uusi ge ka, ti welegede osisiye. Adaka orokoro akogumabo-amaá ge ega ako abeye na - ayen egbeka ma ko agumabo.²²Ehebrew bewa? one ewa Israelites bewa hon? Abraham ubane bewa? egan newa. ²³Ibe wo okotoro Ẹkraist eka? (Ege akone e siye roro imo okon na) efore egan uutun mọ oṣiṣile, ewa nibe, obebe fore, ka egon mayen ako ufo ejen noyoyo.²⁴Fura ijuwuro ena, isa upi "Ibore onini bi tiye oyere fura." ²⁵Iseta oboro, befọ ọso benmọ. Isoyere be gbamo otare. Iseta ena onini nebe fo onemo iwu-pe siye na. Ilọ ujoguwe oyere ako isubu oyere ebi osi. ²⁶Iwo ejen nosi ogba fenyan, ọ orore ebi osi, ọ orore oyiri abe, orore imero abe, orore fura Ẹgentilero abe, orore iken nayen, orore ọ odama o bile eka, ọ orore ebi eka, orore emo oda abe.²⁷E siye okoto utun mọrẹ aka oya ojija, awon ebi aka ebi ọpore, ogba oyoyo awẹ onena, ifu aka iwu ufolo bilọ awọ̀n akọ ebi ọkọrẹ, bilo awẹ, ifu akọ wiu ufolo. ²⁸Efura epen fenyan one, esu osisiye nẹnẹ efayen tana nọ Osibina Ẹṣọṣi na. ²⁹Era owelegede á, aka eme welegede? ẹfẹna bi suwa adan ka ejuguna, aka ema kene?³⁰Adaka ma ka ko ogumabo, ma ka ko agumabo imo ureren. ³¹Osibina akọ tẹda Idu Ijisọs Ẹkraist, ọnẹ su okurubile ne me sọta, din ka ima ṣisọma.³²Eè Ẹdamasikọsi, Ẹgovọno ni wọ obin Aretasi igben na sele iken newo. Ẹdamasaikọsi ka bẹ sẹ mọ. ³³Ama be fọ apogi wolo mu wọ uferese wo opin, aka efa fura yo uba.

Chapter 12

¹Isu agumabọ ọkẹka, esi gbeka esu ekere amọ ama ma ka yo no ememe ako emene fura ito Idu uba. ²Idin oforo ọbẹn Ẹkraist no ẹyen no-efoken wo-ueun sa, efena-sa ewo iwu-pe sa ama wo iwu-pe. Eme din, Osibina din - efena ben fo po yo Osibina esen no tetaro na.³Aka ámi din no oforo one-esuka iwu-pe, sa éme wo iwu-pe í me din, Osibina din. ⁴Bẹ fọmọ pọ fọn mọ Eparadise aka áwọ ẹga oneme émesu orero ne su oyuru - ububuru no erokoro ga na. ⁵Oro olega nore, ma ka ko agumabo. Áma nemo ma ka ko agumabo, emefara ka imo ureren.⁶Adaka Itiye ka eko agumabo, ma ka da abeye, ubaka ma ka ke gan ikuwa. Ama me ke fura agamabo okeko, ubaka koro-oyere eke roro mu, ogbone á magba imo ibe sa wo mo. ⁷Eme din ke fo mi ke po ubaka afere okeka newo emane, ẹwo mo iwupe ibe biya nemo, uutunro fura esu uba ka a ronamayen - one uba ma ka ke fo mi wu po.⁸Isọ eta eteye nọ ẹpin ako Isu one uba, ubaka á di tiye fura ma iwu. ⁹Ama aga newọ ka, "Mọ ese-gowu, ubaka iwo-ogbengbe be seya sino guwe ito uriren no-iwu. "One ma ka ke ko-agumabo imo uriren ni-wu, ubaka Ẹkraist yo iwu-ogbengbe edi ma mu ka maa. ¹⁰Onuba amọ na nọ Ẹkraist uba ẹka urirẹn, etun, ẹga one-ore i wo ofifiye uriren nọ Ẹkraist, iyo-osiye yen, iyo-ọgbon, iyo-eyankata aka ibe-obeben. Ubaka ogbakogba nẹnẹ iwo uriren na, ogbone bẹ isile.¹¹Isinọ abeye! otamabea wone, ubaka abọ ka ofo uyeyi ne mọ. Ubaka ámi ma wa oro-gbogba no enane beye apostu na, esigben ka ima wo kenakide na. ¹²Ọyenyen nẹnẹ wo Apostu ekana biya yen ino ẹtin ako yo-uutun fenyan, ami aka ojinoro owow fuwa aka uútun mọnawọw. ¹³Ubaka gana ume siye siye pataki ógbona Ẹṣọṣi ibuba, esi-gbeka i ma da úse neno? ne fepan gbu one-ime di siye!¹⁴Baleya! ami siye kuwe ka ini nu sa iso otetaro. Ma ka da eyankata neno, ubaka me ke ni ekena wa ne ka na. I ni nu. Ubaka Ẹgben ama no ukuba fan. Kegan, ukuba ano Egben na be fan. ¹⁵Ama ka fọ ẹbẹn siye akọ siye bo na ubaka mọ úsi. Ini nu fore, aboka ni me ni mu họn?¹⁶Ama akọnẹ ẹseda na, ima ko eyankata to nu. Ama ogbone i siye su edayi na, ame awo ẹfẹna fo áwore ore se no na. ¹⁷Isiye aforemo neno hon oro ni file neno na? ¹⁸Ẹpẹrẹ Ẹtaitos ke ninu sa aka i filẹ bilo itọ ada oben. Ẹtaitos siye nu je họn? eme siye fọ bile nu? Iteme jejn ẹfunwẹnfunwẹn ọlọrẹ? uutun akọ ẹfunwẹnfunwẹn nẹnẹ te lọ na họn? Eme siye akọ ẹfunwẹnfunwẹn nẹnẹ te lo na siye tiye ose na họn?¹⁹Ine-roro ka ogban fenyan one, ita sele ti wu? Osibina áyen, mo-uniniro abe, ita ge ga enane fenyan ubaka ti din ki gbenu-iluko.²⁰Ubaka ẹsọmọ - ọrore ka ọgbone ma ka sa na ima gba no akọ esiye roro na. Esọmọ orore ka ni ma gba mo akone ni siye - roro na. ²¹Esọmọ - orore ka sọ ẹfa, ogbere - ogbegbe, iwu-okekan, epen - nọwọwọ, ni-be aben ki fuwa, Isoma - osẹnsen aka ọtọmọ-sisi. Esọmọ-orore ka ogbona meke pilasa, mọ Osibina abere mọ ṣijen íno eren. Isomo - orore ka iwu-niya kan mo anọ ẹro oyoyo nẹnẹ luwe sano ogbone aka ẹfẹna ame roribe fura isinsin aka ogbamarako aka ekena amabo neme bike nemo uba file na.

Chapter 13

¹Yo iso otetaro ane ka ma sa no efa, "Ega fenyan ayen taka oan ako ekena wo na fura oro ebore sa ẹta owo onena. ²Ema enane luwe na ka sana aka no ero fenyan ogbona me wo efenebe i so ọboro aka e ge bilamo ogbone ma ka sa, ma ka sen koro ọyẹrẹ wo ijen.³Ega neno one ubaka neni ofo senre ka Ẹkraist ayẹn age ka imo iwu na. Áye éme welegede iwo iwu kegan, á geneda ewo iwu. ⁴Ubaka be kanyan wo oti-ogbala iyo iwelegede, ama ama ewo ero ako Osibina iwo-ogbegben ubaka te wo iwelegede, ama taka ke maa aka áye ako Osibina iwo-ogbegben itọ ẹtin.⁵Ne pila niwu bale, ne gbenka niwo ọnawọ Ne ma niwu balẹ ani magba one iniwu họn? Ka Ijisọs Ẹkraist wọ nọ iwu? efura ka, esiye ka, ne me siye oboro ino-omabale. ⁶Ama egben mọ áyen ka ni me roro ka eme wa ka ti me siye osenre ito omabale .⁸⁷ana te siye aá dura ano Osibina ka ni me siye ekwna áma bo na. I me siyo Aádura ka ti áyen. Ka tegba siye ito omabale. ⁸È siye gan da, í siye Aá dura ka ni di siye osenre, ediya baleka ti me siye ake-siyebo na, ito omabale.⁹Uba taben ogbone ti welegede na aka ni wo iwu-ogbegben. Ti á gba aádura ka ni di wo oguguwe ofife. ¹⁰Ẹwọrẹ epen nenane aneno ogbonẹ éme wo inefa ubaka ogbone meke wo inetin éme di fo iwa ogbengben mano kisiye ako iburu - nene Idu ane mo na ubaka edi ke ma no po-ososi, aka nẹnẹ fono sa-ije.¹¹Iyọ-ọsepan, mo oda abe, neben! ni siyo uútun ne nọ okogese, neno opepere, niroro bile, ne mano ewu-obenbenre aka Osibina unini eka ato iwu-obenbenre ama no ke maa. ¹²Ne ga ma ben ako owoq ọnwọnwọn mo ogbẹgbere.¹³Osibina yo ero ọnwow egan no. ¹⁴Ẹsenewo Idu Ijisọs Ẹkraist, unini Osibina eka aka osiye-bile Ẹfunwẹnfunwẹn ọnwọnwọn amano ke maa.

Hebrews

Chapter 1

¹Ọrẹ efon Osibina gẹ ga yọ ọrẹ ẹgẹsa bẹ nẹ ti ikpipena isọ ọyọyọ.² Ama isubu omunurun agẹga nẹtọ iyọ ogben, nọrẹ ọnẹ etiye akogun nẹ pẹn fẹnyan. Iyọ ọrẹ ayẹ Osibina mẹ ẹpẹn fẹnyan. ³Aya wa ẹfẹna baa nẹ Odibina ugbugbodi, ẹfẹna jọma aka ayẹ. Afuba sẹ ẹpẹn fẹnyan bike yẹga akọ iwọgbẹn urun nẹ esiye ọwọnwọn nẹ iluwe, emi ma uba ojijẹn ọkẹka ososi.⁴Emi ṣina ọṣẹrẹ nẹ fọrẹ angẹl abẹ akọ iwuru ọnẹ ana nẹ fọrẹ bẹ ka. ⁵Angẹl ọna Osibina agẹ ka, "Awa wa mọ ogben, amọnẹ uṣina mọ ogben, amọnẹ isina nẹ da?"⁶Adaka bilamọ, ọgbọna Osibina fọwọ yọ ogben oṣoro ṣẹro a ga ka "angẹl fẹnyan biki kpun ya." ⁷Nẹ angẹl abẹ agẹ ka "Aya wa ẹfẹna ma angẹl abẹ ẹfwẹnfwẹn bilọ yọ okotoro sino ẹra nene sura aran na. "⁸Ama nẹ yọ ogben agẹ ka, "wa apa ewamọ ne me sọta na wọ oti ipipen no oisiye ayẹ awọ ọṣẹrẹ." ⁹Uni ọṣẹrẹ ṣana umeni iburuyuru ọnẹ Osibina, wọ Osibina, afọmọ gberi wu bilọ amọ ẹbẹn fọrẹ wọ ero abẹ¹⁰Ọtẹtọmẹ, Idu, ọ fọ ȯfọkpa ṣẹrẹ ije. Ososi wo wuba utun. ¹¹Beke fuu, ama weka kẹ yọ. Ba ka fuwa aka ẹsẹ sa rẹpẹ. ¹²Wa ka kọlẹba ẹsa, be ke bila esu ọyẹrẹ. Ama awu me bila, wọ ẹrọ sọla.¹³Ama nẹ angeli ọnẹ Osibina gẹ ọgba ka "maa imọ uba ojijen rọ ọgbọnẹ sye ke siye we be ro ṣina ọkwọ ọsẹn yẹrẹ." ¹⁴Ama ba wọ angẹl ẹfwẹnfwẹn ne siye okoto, ne bi fike ka bẹsẹlẹ ẹnanẹ aka kwọ ọnafan ogwu?

Chapter 2

¹Ọnẹbẹ uba, tẹ fọrẹ nẹ ẹkẹn tẹ wọ na, eme gbeka ti bile fura amọ.²Ada ka ẹga nẹ bẹ ga angẹl ọrẹ ayẹn ka ejọmọ, aka isumogbẹn aka ama wọ tịn ofoyaje, ³gana teke se mune fan te yiru ọnafan ọkẹka? Ọnafan ọnẹ bẹ tayi pẹ pẹpan Idu ọrẹ bilọ aka ẹsẹ ṣẹ riya nẹ atọ nẹ woya. ⁴Ọgbọ na bẹ Osibina siye ubedi bi ojinowo fuwa bilo uwogben osiye, aka ọrẹ ọnẹwẹ ruwa ova ẹfunwẹnfunwẹn aka ese ni n.⁵Ama wa angẹl nẹ Osibina ye jebilọ ẹrọ na sạ, yẹrọ ẹkẹna ta ga na. ⁶Oro ọyẹrẹ afọrẹ siye ubedi agaka "Ẹna wọ ororkoro, ọne na gba yẹka na? Ọọ orokoro igben ọnẹ wa gba yẹ ka?⁷Uholẹ keke na angẹl abẹ umi fuwẹ pọ fọrẹ wọ utun muba. ⁸Nẹ fọ ọpọn fẹnyan holo wi yo oṣẹn. Ayẹ Osibina ẹpẹn fẹyan we yọ ipisi''. Ayẹ mẹyẹ Osibina eholo ọpẹn fẹnyqn nọ. Eme su ẹkẹna ama rẹyan nẹ ya. Ama akana nẹ ti mi gba ẹpẹn fẹnyan bi rẹyan nẹya.⁹Ama tẹ gbẹya ka bė rẹyan na angẹl nọ gba keko, Ijisos bẹ fọ igodo bilọ uyeyi akọ ugbigbodi ubaka yọ oya bilọ ufo, emi gbeka Osibina ese edi tori ufo ne ero fẹnyan. ¹⁰Ama awa oboro nọ Osibina, nẹnẹ ẹpẹn fṛysn wa ya iyọrẹ edi kwọ egben nọ ọyọyọ nẹ uyeyi.¹¹Nẹ ẹnanẹ si ye iyanpu bilọ ẹnanẹ bi tiye obo su oripopo ọyẹrẹ ọnẹbẹ ẹpan ama kwọya eyeba mẹda.¹² Agaka, ''ayeke siye ọsan nẹ wọ uwiru nẹ mọda, meke tiye eguru nẹ wọ furọ apẹn etin''.¹³Aka bilamọ, "maka fayẹn yẹrẹ ya."Bila mọ "balẹ, amẹ aka egben nẹnẹ Osibina ayẹ anẹmo." ¹⁴Ọnẹbẹ uba, ẹfọ nẹ egben su wọ iwupe bilọ ẹyọn, eruwa wẹ ẹpẹn ọrẹ ọyẹrẹ, odi fu ifo wọ ufo ọrẹ edi furo efana su ufo iwogben, aya wọ eṣu. ¹⁵Awẹ ẹgan edi na fan ero fẹnyan ọnẹ su ufo ọrẹrẹ nẹne bi wo van ẹrọ¹⁶Ikwa amawọ angẹl ayara ayẹbejuba, ama Abraham ubanẹ. ¹⁷Esiye oboro nẹya eṣina yọda bẹ ọrẹ fẹnysn, edi suna ọsanmoro eyi bilọ aṣigiri ọkẹka ni su ojibile Osibina ẹpẹn edi fọ veṣa ọfẹpan gbun nọ ero bẹ iluwe. ¹⁸Ubaka Ijisos ayẹ ẹbẹba joya bilọ ọmabalẹ, ediyesiye ohuba nẹ enana su omabalẹ.

Chapter 3

¹Ọnuba, tẹda ọwọnwọn, ni suba wo ososi oye. Ni roro Ijisos, Apostul bilọ asigiri ọkẹka ni ti ubedi. ²Esu ikwa tuo Osibina, ọnẹ tiye na, akọnẹ Imoses su Ikwa Odibina ubuwo. ³Ijisos nẹ bi robalẹ egile ayẹn ugbigbodi fọrẹ Imoses ubaka ẹfẹna nẹ mubuwovesu ugbigbodi fọrọ ubuwo ẹbẹba. ⁴Ubowu ọyọyọ ayẹ oro da mẹ ama ẹfẹna amẹ pẹ fẹnyan aya we Osibina.⁵Imoses su ikwa aka Osibina ubuo, esu ubebi no ẹpẹn nẹ bẹ ga nọ isubu na sa. ⁶Ama Ekraist esu ikwa aka ogben nẹ sẹ Osibina ubo. Atọ a wubo ayẹ ta sọ tọ uloko aka ọfayen da ọnẹ ta rọn momo.⁷Ewakọ, ewaka akọ efwẹnfwẹn ọwọnwọn ga "Amọnẹ, wa wọ yẹ ga ⁸una sẹ wọ uloko ṣile aki ube ududu ọma balẹ ọgba nẹ niye wọ ọdan."⁹Ọnẹ awọ ọgbọnẹ iwo ubanẹ bẹ kọ mọ ọtẹ ọnẹnẹ biya ma mo abalẹ aka ọgbọnẹb. Esiye ẹyẹn no ibọrẹ bẹ gba mu tun. ¹⁰Ọnuba, mibe ama rọn nẹ ubanẹ, ẹgẹ ka, usisi bọ uloko raà ye. Be mi din mọ ọrẹ.¹¹ Ewa ka aka ise bọpẹn imọ ọkaniwu: be ka fu wọn mẹ ẹyẹ ofile".¹²Sẹ niwu, mẹ da, emesu ori kọyọ ọrẹ rẹ ini wu nẹ si bo dudu oneme su ọnafan, uloko nebika fura Osibina nẹ wa mọ na. ¹³Ọnẹ, gbabẹ ni uloko isubu subu, akọnẹ bi se ye "isubu" eme su ẹfẹna iniwu ne aka sile iluwe osisile.¹⁴Ti ṣina ọsẹ bile Ekraist ta sẹ dọn ẹyẹrẹ ayẹn iyiwu wọ ọtẹtọmẹ re ọsẹpan. ¹⁵Ọnẹ bẹ gẹ ka, "amọnẹ, na wọ yọ ohun, umasẹ wọ uloko silẹ akọ ẹfẹna ma wọ ton"¹⁶Ẹra wọ ẹfẹna wọ Osibina ako ẹpan oṣile? Ama abẹn fura Egypt Imoses ọrẹ? ¹⁷Eranẹ akaniwu to nẹ ẹyẹn ibore? Amẹ ẹnanẹ luweye, nẹ bẹ eporo tẹlẹkẹsẹ odan? ¹⁸Ẹna a bọpẹn ka ba ka fọn yọ ẹyẹ ofile, amada nọ ene nẹ ama iwọtọn nẹya? ¹⁹Tẹ gbẹ ka bi me di fọn yọ ofilẹ ubaka bima nawọ.

Chapter 4

¹Ọnuba, akọnẹ ọwọ rori rori ọfun eyọ-file bi ki yaka ajọmọ na, nẹ sẹ tẹ sẹlẹ tiwu ka kororẹ iniwu ama fale fura mo. ²Ka bẹ ga nẹ tọ emumu ẹboro akọrẹ bisiye wa na. Ama uturi mayẹ eme sukẹrẹ nė nanẹ eme bile ọnamọ aka ẹnane nana.³Na tọ nena wọna fọmọ ẹyo file, akọne esiye gana "akọne isiye bopen imọ ọkẹkan na, be dia fun me yo file." Ke gan, yu tun mabe kwe ọfọ kpo ẹrọnẹka.⁴ Ka ewe fọ bega ọnẹ wa isubu ufun bọrẹ ro na aka Osibina fileye isubu funbọrẹ fura iyu tun fẹyan". ⁵Aka bilamọ emumu ọnẹ ọrọrẹ agẹ ka, "bi dia fun mẹ yo file."⁶Oruba, eku nẹ ben ka be fun ẹyo file, aka ẹnanẹ tiyi wo umu mu oboro ẹpẹpan ọọkpọ nẹ ba na bi ma fun yo ubaka bọ tun mo si si. ⁷Ka Osibina bile tiye isu bu ọbẹn, eyee "amọnẹ" ọgbọnẹ agẹga yọ Idavid ẹga na ga wi je na "Amọnẹ egbe ka ọwọ mo hun, uwa se wu loko sile''.⁸Egbeka Ijoshua fe yọfile ne ba, Osibina eeba aga isubu ọbẹn ẹga. ⁹Ka emi ṣa ku ẹyo file wije nọ Osibina ero. ¹⁰Ka ẹfẹna fun Osibina ẹyọ file na ka yẹ bẹba fileye iyu tun ma be, akọnẹ Osibina siye siye iye ka na. ¹¹Onuba ne ṣa te wun mi mu ọfun ẹyo file ayẹ, ka korọrẹ ama falẹ wọ ọtun mosisi nẹ bi siye na.¹²Ka Osibina ẹga ewe ro aka esiye utun aka arọn fọrẹ egbe oru wa ayẹn ẹbọrẹ ede bwin kọ oru wa nẹwọ usi aka ẹfunwẹnfunfwẹn, ọnẹ wa odo aka, ede ki kpeli iroro aka ibo-pin ne wa uloko ẹka na. ¹³Emesu ẹma ne fiwu bẹbẹ Osibina na. Akẹdẹgan, ẹpẹn fẹnyan wọ gbọndala aka ejin wa yen nẹ wọ ẹfẹna ta ka gu tun nọ na.¹⁴Onuba, ubaka ti su aṣigiri oookẹta nẹfọrṛna ne ṣun mo sosi na, Ijisos Osibina ogben, ne ṣa tẹ sẹ tọ nawo gbari gbari. ¹⁵Ka ti me su asigiri ọkẹka neme su ẹyẹ sọn sọn nẹ tu riren. Akẹdẹgan, ti si'u oro nẹ ọrẹ fẹnyan be ma bale aka atọ na, amadọnẹ eme si lue na. ¹⁶Nẹ ṣa tẹ yọ ọgbọ nabe aka uloko akpa ese ẹka, ubada ti dia eyọ sun sub aka ti ni ẹsẹ ne ke guba ọgbọ na we ke nọ gu ba na.

Chapter 5

¹Ka aṣigiri ọkẹka fiye, nẹ bi tiye eroko etin na, ibi de tiyekaju mo nọ erokoro abẹ ẹpẹn nẹ wọ Osibina ẹkana, ka edin wa kọ wa aka inyanpun² ni luwe. Edine siye akọ lun aka ẹnanẹ emediri na aka ẹnanẹ bẹ wọrẹ na, ubaka ka yẹ bẹ ba wọ urinrenro. ³Ọnẹ uba, aḅka kayẹ epun minyan nẹ yi lue abẹ akọnẹ esiye siye nẹ erobẹ ilue na.⁴Ama nẹ yiwu ka orikoro ana yu ugbugbodi. Akẹdẹgan, Osibina ẹyẹ, aka Aaron na. ⁵Ọrẹrẹ , emegbeka Ẹkraist fu gbu gbodi nẹ yiwu na se yiwusin naaṣigiri ọkẹka. Akẹdẹga, ọnẹ me ya gẹga na ka, "awa wa mogben; amọne isiri na nẹda"⁶Akọnẹ ẹdẹ siye gẹ ẹfọ bẹn "Awa wa aṣigiri otu turi mọ tuturi iyiri ne wo Emelchizedek ẹkana"⁷Ọgbọna ewi wu koe na, Ekraist pun ka adura aka ọbẹbẹlẹ akoari mowo yiwo aka egun miwa yeri nọ Osibina, ọnẹ dina ne efuru ufo na, aka bẹ wọya ubaka Osibina ẹẹrọ. ⁸Esisi gbeka ogben yana epia ẹpan ọtọtọmẹ fura oya nejena⁹Be seya gule aka eṣina nero feyan ne tọ me pan nẹyan na, ọṣẹṣẹlẹ ero neme sọtan na Ọọnafan. ¹⁰Osibina eguruya aka Asigiri okẹkana ọnẹ wo Emelchizedek iyiri na. ¹¹Ti su bila bila mọ ọga Ijisos ėga, ama enuma ọṣẹrẹ ọṣẹn akọnẹ nimi siye ọwọnwọn na.¹²Ama ọgbọnẹ otitero abọ ka nẹda, eki boka oro etenu ọfọkpa ọtẹtan Odibina utun na. Uni imilk, amaijen nẹ ṣike na! ¹³Ka ẹfẹna awọ imilk ayarẹ na eme su odiri diri utun ne wa ọṣẹrẹ kana, ubakaveki wo gben ni keke. ¹⁴Ama ijen oṣiṣile wanọ iduda. Anane abe awọ ẹnanẹ ubaka bi gwe bi si ẹdayẹn kpua ọbọ nẹwa oboro aka odudu na.

Chapter 6

¹Esiye-gonda, nẹ ṣa ti tibi ọtọtọmẹ utun ne wọ Ekraist oka turu yẹrẹn no gwugwe . Ne ṣa time de pila tọmẹ ọfọkpa nẹ wo ibe iroro pila fura ufo utun mabe aka ọnawọ Osibina, ²Sa ọfọkpa otite newa imomo na, ọfọbayẹrẹ, ọsọma palẹṣa ekporo ẹka, aka ẹkarẹ ọṣẹn ṣẹn neme so ta na. ³Ti deye siyo ne Osibina wa tọrẹ na.⁴Ka eeke so siye no ẹnamẹ tiyi su ẹdiyẹn na, ẹnanẹ tọrẹ ososi ẹpẹn na, ne si ruwa ẹfunwẹnfunwẹn ọwọn won na, ⁵aka nẹ tọrẹ Odibina yẹga oboro ka iwogben ne wo gba na ṣa na, ⁶Ama ẹra ọgbọnẹbẹ ne falẹ wa na - eda so siye ka bi pila ba ṣa orori bepila. Ọnẹ wa ubaka bẹ ta wọ gbalati Osibina ogben ne biwu bilamọ, aka bi wakpe fusi sẹya.⁷Ka ije ne wa osi osi nẹ da ṣa ki wamọna, aka na da mun ibire ẹpẹn nabe nede sọlọ nọ ẹnanẹ we ije ayẹna- ọnẹ awa ije nẹnẹ ukukuru- bile Osibina na. ⁸Ama emun ẹwon, eme su ẹpan ak eturu to adan. Yọ se pan dawọ kẹkẹnẹ.⁹Ama egbe tuloko ọnẹ wọ ẹpẹn niboro neje gbeliwu na, uni ro abe, ẹpẹn nẹ jegbeli ọnafan na, esisi gbeka ti siya kwaga.¹⁰ Ka Osibina ama wa ẹfẹnẹ eme su ọṣẹre na. Wu tun medie luwe ya yẹn aka unini nu ya yẹn iyiwurana, ubaka we siye okoto anẹ yẹrọ ọwọnwọn abẹ, aka u ki siye okoto anẹba.¹¹Ti nika anọ anọ ọrorẹ nẹfọ yẹn ọfẹpan tasiye ọrọrẹ jen nere omunurun, erigana edinfo wọ fẹnyan yẹrẹ jọmọ. ¹²Ọnẹ siye-ganwa ubaka ume ṣin nọle, ama gben ẹnanẹ ọṣẹrẹ aka ọlun akọgun owo orun ruri abẹ.¹³Ka ọgbọna Osibina siye owo orun-run nọ Abraham na, afọ yiwu bọpen, akọ eme di siye bọpẹn aka oro ne gbodi na. ¹⁴Agẹka "Maka loti kuruno aka wa wọ ubanẹ ọyọyọ." ¹⁵Ọrọnẹ, Abraham we gbana ẹkẹna bi siye yọ worunrun ọgbọna afọlun karẹna.¹⁶Ka oro da bọpẹn aka oro ne gbodi fọrẹ bana. Yọ sẹ pari ibẹfa ọrọrẹ, ọpa da wa ẹfọsẹrẹ. ¹⁷Ọgbọna Osibina nika aye fọyẹn gbandala nọ nẹwọbọwọ yunyun ọnẹ eme sobila na edeegben norayẹn aka ọpẹn. ¹⁸Eṣiọnẹ ka nọ ẹpẹn nẹbọrẹ neme sobilana - negbeka Osibunabedina sisomana - atọ, mune yọ ọṣẹrẹlẹna, ti su ogbuloko oṣiṣile tidin se gbarigbari ọfayẹn yẹ nẹ biye wo tẹ rẹn na.¹⁹Ti sune aka ọṣẹlẹ ofiyẹn yẹrẹ, ẹsẹjọmọ nuṣi ayẹ, ọfayẹn yẹrẹ nada fun ẹbẹbẹ ẹfa ọgẹnẹnẹ urun, ²⁰ẹfara Ijisos, nẹ yẹrẹn nẹtọna, afunmẹ fẹnẹbẹ ituba. Eme ṣina Asigiri ọkẹka kotun tun mo tun ọnẹ wo Emelchizedek iyin na.

Chapter 7

¹Emẹlchisedek ọne, obin nẹwọ, Ẹsalẹm, ẹfẹna bẹn fo amo tiye obo Osibina nẹfọrẹ na ẹka, ẹfẹna Abraham to ogbona ewura ẹfẹna ewe wano ibin nabẹ aka afo okurubile nẹya. ²Ayẹ ewo ẹfẹna Abraham fọ yọ ọṣẹnẹfọ ẹpẹn fẹnyan no. Osoro, ẹfẹna nẹnẹ yo iwuru jengbeli "obin ọwọnwọn" ọgbọnẹ awọ "obin họ Ẹsalẹm na" ka "obin nẹwọ iwu-ọbẹnbẹn ẹka.'' ³Ayẹn wo ẹfẹna nẹnẹ emesu ėdẹdana, eme diye su iya na, nẹnẹ emesu ẹdėda na, eme diye su iya na, eme diye su ubane, ne me su ọtọtọmẹ isubu so ero-ọtẹta na, a fiwu gben no Osibina Ogben, ubaka ayewo ọfamọ tiye obo otutumotutu.⁴Nẹ balẹ akọ ẹdẹda ọnẹ soye pataki tana nẹnẹ tọ ẹdẹda Abraham duna yọ osẹnẹfọ nona, ẹpẹn nẹnẹ akọwura eko nẹnẹ ejen na. ⁵Ububuru apa ka ẹnanẹ wo Elevi na abẹ akake nọ ọsẹnẹfọ fura ekoro ubaka bọ ọda abẹ esigbeka Abraham ogben bẹwa. ⁶Ama Emelchizedek, ẹfẹna nẹnẹ bi nedin ukuba nẹnẹ ewe we sa na, nọ ọṣẹnẹfo fura Abraham uba, aka ediye kurubile, ẹfẹna nẹnẹ su owo ọrọnrọn na.⁷Eme su ọkọfura - ijen ka ẹfẹna nẹnẹ eme siye pataki na kurubile nọ ẹfẹna siye pataki na. ⁸Ọnẹ uba, erokoro nẹwo iwukpe ẹka na no Ọsẹnẹfo, ama ọnẹ-uba biya sẹrẹ ka ayẹ amanọ ero nẹnẹvemesu otana. ⁹Aka, akọ bisiye agẹ na, Elevi, ẹnanẹ anọ ọsėnẹfo na, kabẹ biduna ọṣẹnẹfo Abraham oripopo. ¹⁰Ubaka Ẹlẹvi wo ibo ubanẹ iwu ọgbọnẹ Emelchizedek gure Abraham.¹¹Akana ogugule sa-ero họ Ẹlevitical ọfọ amọ-tiye wo obo ẹtin (ubaka ọnẹ-ori erokoro nọ ububuru), ẹna akawọrẹ nẹnẹ aṣigiriro ọbẹn eke di fura ako Emelchizedek, akab bi ma fọwẹ pan ako Aaron? ¹²Ubaka ogbona amo otitiye wo obo bila, ko ububuru nilati bila.¹³Ubaka ẹfẹna bẹn ga ẹga ẹnanẹ iyọ ọrẹ na, ubanẹro ọbẹn ya nẹnẹ koro ayẹrẹ eme wu yo ọrẹ sa na. ¹⁴Akana biya yẹn ka ijudah ayẹ to idu biye bẹn, ubanẹ nẹnẹ Imoses ama yẹnvka ewo ọfọamọ-tiye obo na.¹⁵Ẹkẹna tẹga na ewo ọyẹnyẹn adaka ȯfọamọ tiye wobo ọbẹn efura ako Emechizedek. ¹⁶Ama wọ ububuru nẹnẹ wọ erokoro ẹka nẹnẹ eṣina ọfọamọ-tiye wobo, ama asa ero ọnẹ nẹnẹ wo iwo-ogbengben nọrẹ ẹrọ nene eme su ọtana. ¹⁷Ubaka emumu owowwow siye yayẹn: "ọwa ọfọamọ-tiye obo akọnẹ Emelchizedek siye wa na."¹⁸Ubaka bi mogbeli ububuru nẹnẹ eme siye na aka eme su osisiye oboro, ¹⁹(ubaka ububuru eme siye kẹna-kide nẹnẹ egule na.) Aka ọfọ ayẹn yẹrẹ nẹnẹ fọrẹ biya yẹn, ọrẹ nẹnẹ tiye ni osi bina sa na.²⁰Aka ama akọ ọpa ojije! erokoro ẹbẹn ṣinọ ọfọ amọ tiye ọbọ nama wọọpa ojije ọrẹna. ²¹Ama a sina ọfọ amọ tiye obo ọgbọna Osibina ye na, "Idu rọn yọ owow aka aka eke bila iben pila: 'awo awa mo ọfọ amọ tiye wobo otuntun motuntun."²²Ọnẹ uba bilamo Ijisos gben tun iloko akọ ọpa nẹnẹ gule. ²³Oto amọ tiye wobo iganẹ ka abẹ yoyo ọgẹgan, akọnẹ asiye gben ka ufo eme yaka bẹ manọ obori ufo eme yaka be manọ obori kẹyọ. ²⁴Ama ubaka Ijisos wamọ otuntun motuntun, aye asu otuntun motuntun mọ oto amọ tiye wobo.²⁵Ọnẹ ọrẹ aye edyia nafan ogugule ẹnanẹ turu to Osibin iyo ọrẹ na, ọnẹ uba á wamọ nẹnẹ ma ba teye ekuwe. ²⁶Ubaka awo ẹkẹna bo na ka ti su asigiri ọkẹka ọlẹgan, ẹfẹna wo owowwow na, nẹnẹ emesu ọfowota, newow, tiye wo obo fura iluwero abẹ aka bẹn fowepo fọrẹ Osibina ẹsẹn.²⁷Eme nika, akọ aṣigiriro na eke fo iyanpo isubu-isubu, osoro no yo iluwe, aka nọ iluwe erokoro eka edeki siye ọnẹbiso-ọyẹrẹ ọgbọnẹ afọ nẹ yọ iwu na. ²⁸Ubaka ububuru tiye erokoro ẹnanẹ emegule na aṣigiri. Ama ega nẹwọ opa, ọnẹ ṣa ububuru urum tiye yọ ọgbẹn nẹnẹ bẹn se sina ogugule otuntun motuntun na.

Chapter 8

¹Akana ẹkẹna nẹnẹ taga na a'ye waka: tisu Aṣigiri ọkẹka ẹnanẹ manọ uba ojije Osibina apan iyo ẹṣes na.² A'ye wo akoloro ẹfa owowwow, nẹnẹ wo apasẹ ikuwu idu eka, na mawo orokoro apana.³Ọnẹ aṣigiri ọrọrẹ bi tiye ba ka bẹn fọ ọwa akọ iyanpo. Ọne uba esiye pataki ka ẹpẹn nọ va. ⁴Akana esuka Ekraist wo ẹrọ ọnẹ, a'ye akada Aṣigiriro ko tuntun, Akọne esiye gbe ka esu ẹnanẹ esiye ọva akọnẹ ububuru siye imore na. ⁵Bi da osiyegben aka osi nẹwọ Osibina ẹṣẹn nẹpẹn eki ẹwaka akọnẹ Imoses Osibina siye mẹgan ogbene a ni ka a'ye mọ Osibinaapasẹ na. Osibina ge ka, "gben ka usiye ẹpẹn fẹnyan akọnẹ bisiye to na nẹnẹ biyabyewo na ọrẹ-ososi."⁶Ama akana Ekraist nọosisiye nẹnẹ fiye fura na, akọnẹ a'ye siye diya wọ tọ osiye ayẹnro nọ ọpa nẹnẹ wọ ogugule, ọnẹnẹ wọ ogugule owow orunrun na. ⁷Uba ka ọpa osoro eme gule, ama dẹngan ẹba na tiye me pila nẹ ọpa ọboro.⁸Ubaka ọgbọne Osibina gba ka erokoro eme gule na, a ge ka "balẹ ya, isubu a'yẹ asa-Osibina a'gẹ - ọgbọna ma ka fọ ọpa owowo pa na. Akọ Isrel ubo aka Ijudah. ⁹Ekeki wa ka ọpa nẹ ema nọ ubanẹ abẹ jẹnbna isubu nẹnẹ efo moba sẹ nẹnẹ efo ba vesa fura Egibit ijen na ubaka bi ma fo ọlọn piyatọ no mo ọpa ojije, aka e yuruba no Osibina ga na.¹⁰Ọpa ojije a'ye awọ ni ka me siye ako Isrel ubo isubu ẹnanẹ esu na ọnẹ tọ Idu ga nẹ. Ma ka fọ mọ ububuru wo ba ibe. Aka mẹ ke diya wọrẹ ba iloko ma ka da bọ Osibina, aka abe eke diya da mo erokoro.¹¹Be keki le abẹaka oro-ọrọrẹ aka yo ọda, ge ka, 'din nọ Idu uba abẹ fẹnyan eke din me, fura ibo ọkẹka. ¹²Ubaka ma ka sọ beyi odudu nẹnẹ bisiye na, aka bo iluwe me ke pila yẹn ba."¹³Ubaka ka agẹ ọpa ọnẹ "owowo" a sọ ọpẹ oṣoro ṣina ọpa osunsun, aka ọnẹ bẹn miwa osunsun aka yọ asa osisiye eke mi ṣina oluluwe ẹka.

Chapter 9

¹Akana ẹbẹba ọpa oṣoro su osusuye uba yo ọpọnpọn aka ẹrọ ẹpẹn nosisiye.² Uba be guru apasẹ. Osoro nẹnẹ su ọsọ odi ojijọmo, yọ ọparẹ, aka yọ akara nẹwọ ẹrẹna, nẹnẹ be ye ẹfa ọnwọnwọn.³Yọ ẹfẹ nẹnọ ọgẹnẹrẹ mana apasẹ ọbẹn diye wamọ nẹnẹ bi dẹki ye ẹfa ọnwọnwọn fọrẹ. ⁴E diye su igoldu apasẹ nẹnẹ wo iseti ẹka na. E'diye su apoti nẹwọ apa ojije ẹka na. Ọnẹne bẹ bọra akọ Igoldu na. ⁵Iyọ ibe edu Igoldu ugbọla nẹnẹ ko Emanna. Aaron ọtọ nẹnẹ biya tana aka ogberi nẹnẹ be wori ojije wọna. Iyọ apan ayẹ ọpa ojije apoti ma, ojino oro owo fuwa cheribim nẹnẹ eri ẹfẹnẹnẹ wo ebebe ẹfana. Ọnẹnẹ te mi diya sẹrẹ ọsẹn na.⁶Ogbọnẹ ẹpẹn nẹna nẹ wo oguguru, aṣigiri ada fon mo ubiribe nẹwọ iyọ ibina apase e'de siye iyanpọn. ⁷Ama aṣigiri ọkẹka ayarẹ e'diya fọn mọ ubiribe ọboro, iso ọyẹrẹ ẹyẹn, aka emesu ka eke lo ẹyọn nẹ yọ iwu aka nọ erokoro abe. Iluwe nẹnẹ bi medin na⁸Ẹfunwẹnfunwẹn nọ ọnwọnwọn ayẹn ka eki daka aase osoro ki jọmọ wọ oripopo nẹfọ mọ ẹfa ọnwọnwọn fọrẹ ọnẹ bẹ emi nọ yọ osisiye gule. ⁹Ọnẹ awọ ọyẹyẹrẹ ubaka tọ ọgba ọnẹ. Kọ ọva aka iyanpon nẹnẹ bẹ siye akana e'me di segule iyanponro abẹ eye-ubedi. ¹⁰Ẹkẹna bẹ ke je aka waa na ayẹ be gu aka osisiye nẹnẹ ba bale na. Ububuru owewora no iwupe jene re ogba owowo iburu na.¹¹Ẹkraist sa akọ aṣigiri ọkẹka na akọ ẹpẹn noboro ne sa na. A'yo ọkẹka aka ogugule apasẹ su nẹnẹ ama wọ orokoro uba biya pa na. Ẹfẹna nẹnẹ ama wọ ẹfẹna be maa ṣa ẹrọ na. ¹²Ama wọ akọ ẹyọn nẹwo umu nẹka ududu na, ama aka ayẹ benbạ ẹyọn aye afọn mọ ẹfa ọnwọnwọn iso ọyẹrẹ nọ ẹrọ fẹnyan aka fọ ero nẹnẹ eme su ota na nẹtọ.¹³Ubaka umu nẹyọn aka ọna-ope aka eruru nẹnẹ bẹ tẹlẹ kẹsẹ yẹrẹ ẹnanẹ ama wow na, e'diye tiye ba anọ Osibina uba ka opuwa wow a'ye sa iwu-pe ọrẹ, ¹⁴gana-gana awọ Ekraist ẹyọn, ẹfẹna wọ ẹfunwẹnfunwẹn nẹnẹ eme su ọtana ọrẹ fọ yọ iwu wejen nẹnẹ eme su ọtẹta nọ Osibina, a buwa to eye fura ufo utun ka a'ye disiye Osibina? ¹⁵Ọnẹ igben, a'wọ ọfọ-ọpa owowo sẹrẹ. Ọnẹ wamọ ka, ọgbọnẹ ufosa tọra ẹnanẹ wọ ọpa osoro fura ibọ iluwe, ẹnanẹ biye eke na owo orunrun neme su ọtẹta akọgun na.¹⁶Ubaka ẹfẹna biye su ọfọ wijen na, oro nẹnẹ esiye na efo, yo ufo igben ibida osẹrẹ. ¹⁷Uba yọ ọfọ wijen diya ṣa su ogbona efo na, ọnẹ-uba eme su iwu-ogbengben oro a'yẹ ewo ẹrọ na.¹⁸ọnẹ ama wa ka iben fọ ọpa osoro sẹrẹ nẹnẹ ẹyọn ama maa na. ¹⁹Ubaka ọgbọnẹ Imoses no ubu ọ ububuru ibe ẹrọ fẹnyan, a lon ẹyọn ududu aka umu ẹka, ako ebi, olunlun moyangan aka Ehyssop, aka efureri ko emumu a'yẹ akọ erokoro abẹ. ²⁰ọgbọnẹ be a gẹ ka, " ọnẹ awọ ọpa owow nẹnẹ bẹn ėyon tiye nẹnọ na."²¹oripopo ọnẹ, a' efure ẹyọn maye wo apase ka ẹpẹn fẹnyan nẹne bilọ iyanpon a'yẹ na. ²²Akọnẹ ububuru siye wọrẹ fẹnyan wọ ọnwọnwọn akọ ẹyọn. Eme su ẹyọn nẹnẹ rawa na ẹpsn nọ ognungbun eme wamọ²³ọnẹ uba esiye pataki ka apẹrẹ ẹpẹn Osibina ẹsẹn bi powe wo akọọnẹmọ iyanpon. ²⁴ubaka Ekriast ama fọ mȯo efa owow nẹnẹ ofo wejen ikuwa ẹka na. Ȯnẹ uba á fọmọ Osibina ẹṣẹn nẹyọ iwu. Ka a'ye é bẹlẹ ẹpan no ogbungbun nẹtọ Osibina ere neto.²⁵Ama fọn mẹfa ọnẹbẹ ka a'ye fọ ọgban ọyọyọ ne yo-iwu akọnẹ aṣigiri ọkẹka abẹ, ẹnanẹ na da fan mọ ẹfa ọnwọnwọn ẹyẹnẹyẹ akȯ ẹyẹ mẹbẹn. ²⁶Adaka ẹgan nẹnẹesiye wa na, ọgbọna a' ke je oya ọyọyọ akẹ siye gbenka ọtọtọme ero a'ye na. Ama akana a'fọn yẹ iwu yen iyo osepan ka a'ye a yuru iluwe aka iyanpon nẹyọ iwu.²⁷Akọnẹ bisiye tiye nọ oro ke fo iso-oyere, aka iyo ubura ẹkarẹ osese sa. ²⁸Bilamo, Ejraist biya nẹto ka iso-ọyẹrẹ ka atiyr iluwe ẹrọ ọyọyọ yọ, aka akẹ pila fo iwu yẹn iso-oboro ama ka a'sa ṣinọ iluwe, ama nọ tọ opinpila no ẹnanẹ jọmọ akare yo osẹsa.

Chapter 10

¹Ububuru waka uṣi nẹ ẹpẹn nọ boro na ṣa, ama wa ikwa nẹ ẹpẹn na bẹ. Ẹnanẹ nọ Osibina be diye siye ba guke iyanpun nẹ aṣigiri abẹ be siye isisi wọ ẹyẹn furọ ẹyẹn. ²Ama dẹgan, ahọwọ ka iyanpun ọnẹ bẹ siye na ejọmọ? Ẹnanẹ be wọn isọrẹ ne be ke pila su uloko iluwe ẹka. ³Ama bilọ iyanpun ayẹn iluwe wọ ẹyẹn fọnmọ ẹyẹn. ⁴Eme so siye ka ọna akọ umu ẹyọn editiye iluwiye fura.⁵Ọgbọna Ijisos ṣa ẹrọ nẹ, agẹ ka "Iyanpun bilọ okpun umeni, ama uwipe uguru nẹ mọ; ⁶bilo ẹkẹnẹ ikpun akọ iluwe ikpun uma na arọn. ⁷Imi gẹka 'baale, ama nẹ - aka bise wọrẹ wọ emumu - meke siye wọ unini.'"⁸Oṣoro agẹ ka, "Ama iyanpunbakọ ọwa akọ ẹkẹnẹ kpun akọ iluwe ȯwa nẹ ni nina. Ume su ẹbẹnbẹn ibi iwu." Ẹnanẹ awa iyanpun nẹjebile tu ibuburu. ⁹Aṣa gaka "baale, iwẹkọ ki siye wo osisiye." E tiye osisiye osoro edi fi ipisi sẹ rije bilọ osisiye oboro.¹⁰ Iwo osisiye, ti tiyobo nọ iyanpun ni yo Ijisos Ekraist iwukpe nẹ fẹnyan isọrẹ.¹¹Isubu yeri isubu asigiri jọwọn edi siye yi utun nẹ Osibina. Ava iyanpun ọlọrẹ yẹramọ- iyanpun ọne emedi tiye iluwe fẹnyan yọ. ¹²Ama ọgbọna Ekraist afoyiwu sibye iyanpun nẹ iluwe, ama Osibina uba ojijen. ¹³Emi jọmọ ṣina ọgbọ nẹ ebero eke ṣina ẹfẹna aka fi ipisi yẹrẹ. ¹⁴Iyanpun isọrẹ esiye gule ni me sọta nẹ ẹnanẹ bi tiye obo.¹⁵Ẹfunwẹnfunwẹn kaye nowo to tu. Oṣoro agẹ, ¹⁶"Ọnẹ wa ẹpa ọnẹ ayẹ ke siye bile ba nẹ isubu ọnẹ bẹisubu ọnẹ bẹ nẹ Idu ga na. Aya ka fọ ayọ ibuburu wọ ibọ uloko, aya ka wọrẹ wi bọ ọkọn."¹⁷Aṣa bila mọ, "bọ iluwe akọ ibuburu uyuru aya ka pila yẹn." ¹⁸Ama ọfẹna eme su ọfuwọ ẹpan gbun na, eke pile su iyanpun nẹ iluwe.¹⁹Ọnẹbẹ, tẹda, tisu ọyẹra ayẹn ka tẹ ẹfẹna wọn fọrọ wọn fọrọ Ijisos ẹyọn. ²⁰Ọnẹ awọ ọrẹ ọnwọnwọn ọnẹ bi jin nẹtọ ọgẹnẹnẹ, ọnẹ bẹ wẹ iwukpe ọrẹ. ²¹Ubaka ti su aṣigiri ọkẹka ni wọ Osibina ubuwe.²² Jọmọ ti turuto bilo uloko ikwa bilo egbe mayin ọnawọ bilọ tọ uloko bilọ ọwarẹ ọnwọnwọn furọ ọkan aka tu iwukpe bilo ebi ikwa ke.²³Jọmọ tẹ sẹ dọn etigben rẹ ofayin yẹrẹ tẹ nọwọ, ẹfẹnẹ esu ikwa.²⁴ Jọmọ tẹ balẹ akọ te ke tigben nẹ oro ọyẹrẹ yẹrẹ tisu unini bilo utun moboro. ²⁵Ti ma sọ tọ ọkọ jese jọmọ, akọ nẹnẹ ere bẹn, se siye. Ọnẹbẹ uba gbagben uloko, akọn nẹ ti sa ba ka isubu turu aṣa.²⁶Adaka te ̣ ṣerayẹn iluwe ẹfẹna tena odidin ikwa ẹka, iyanpun ni iluwe emi pila ewemọ.²⁷ Adẹ gan, esu ẹpẹn ọrọrẹ ẹka nẹ ẹkarẹ ọsẹnsẹn, bilo ẹra ọyọyọ ọnẹ eki fi Osibina ebero.²⁸Ẹfẹnẹfẹna eyuru ibuburu nẹyọ Imoses ọrẹ na, efo ne me su eyi ubedi oro ẹbọrẹ akọ ẹta. ²⁹Oya ona uroro ka be ke je ne ẹnanẹ fọ sẹn yẹrẹ Osibina ogben, bile yọ ẹyọn nẹ bi jọpa akọ usisin-yọ ẹyọn ọnẹ bi tie obo-bẹ parẹ Ẹfunwẹnfunwẹn ese?³⁰Ti din ẹfẹna nẹga ka, "Uroduduna wa mẹka; me ke duna." Bilamọ, ''Idu aka ṣẹnẹ karẹ nẹ yọ ero abẹ.'' ³¹Ọrọrẹ odudu awa nẹ ẹfẹna aka fale filo Odibina uba!³²Ama ti yẹn isubu nẹ sun na, urun mu ba nẹ bi jinayẹn, akọ nẹnẹ usiye ofiwu na ọwọwọ mu wu oya. ³³Bi jiwun na apẹ nẹ etun aka usi akọ ayẹnọrọrọ na, nẹ ma ruwa bilo ẹnanẹ sun oya. ³⁴Nisu eyiosan oọ ẹnana esefiri, nẹ nẹya bilo ẹbẹnbẹn akọnẹ bi se na nọ arọn. Ni din ka ebe ba su arọn nẹ kẹsẹ ne me sọta. Ni san meyi imọ ẹwẹrẹgẹ.³⁵Nina ne nọ ẹyẹra yẹn fuwa, nẹ ẹkẹrẹ ọkẹka fuwa. ³⁶Ni su ka ne fiwa na nẹ ọgbọnẹ we siye osisye Osibina, na ka gbọ ẹka na bẹ fọnayẹn yẹrẹ na. ³⁷"Na ọgba ọkẹka, ẹfẹna aṣa aka ṣa eke pela ma."³⁸Mọ ọnwọnwọn abẹ eke jọmọ ọnawọ ọrẹ. Adaka ewena yurun, mibe aka ron tuwe. ³⁹Ama ti ma wẹ ẹfẹna ebila yurun to obibie, ti bike ẹnanẹ su ọnawọ aka bẹ sẹla bọ usi.

Chapter 11

¹Akana ọnawọ sereje a'ye ọyẹyẹrẹ aka ẹpẹn nẹbẹ nẹ ti magba na. ²Uba ka ọnẹ ọrẹ to ubane ̣abẹ fọ uba wo ito ọnawọ. ³Ọnawọ ti su odidin ka ero ọne fẹnyan fẹnyan Osibina amẹ iyo ase ọnẹ ẹkẹna wọ a'yenron bi ma me a'yenron .⁴Awa akọ ọnawọ, ka Abel fọ iyanpun nọ Osibina oro nẹnẹ bọna fọrẹ Icain, ọrẹ ọnẹnẹ ewe su osisiye wo ọnwọnwọn, aka Osibina ge ga oboro iyo ọrẹ ubaka yọ ova, aka akọ ọnwọnwọn Abel ki gega, esigbeka afo.⁵Ọnawọ ayẹ Enoch aye biya fowe po nẹnẹ ama gba ufo na. ''Bi ma gbe, ubaka Osibina fowe. Ubaka sana biya fowe po, biya ye ka Aron wọ Isibina ibe. ⁶Akana amesu ọnwọnwọn wevdiya rọn mọ Osibina ibe. Ubaka esiye pataki ka ero-ero neno osibina sana nilati nawọ ka awomo aka ka aye awa efena nene deki duna oro ese.⁷Ọnawọ aye Enoah, biya fo ega newọ Osibina efa sana nọ nipa ẹpẹn nẹnẹ te mi gba na, ako ọnwọnwọn ẹpanọ tọtọmẹ amọ ebi oko na anọ yọ uboro fa na. Ọnẹ esiye ọnẹ, ayuru ero ẹka aka esina akogun ẹnanẹ wo ọnwọnwọn abẹ ọnawọ ọre.⁸Akọ ọnawọ Abraham, ọgbọna biye na, Epiyatọn aka ayọ ẹfẹna bẹ nẹnẹ awe nọ akọgun na. Ewe yọ eme din ẹfẹna a'yẹ ayo na. ⁹Akọ ọnawọ ayẹ ama no ijen nẹwọ ega ẹka na. Ama no uturu akọ Isaac akọ Ijacob. Akogun ọyẹrẹ akọ owo ọrọnrọn mọ yẹrẹ. ¹⁰Ubaka abalẹ ẹrẹnẹrẹ no yo iken nayẹ akọ ofopa, nẹnẹ wo odiya siye Osibina awọ amaro aye.¹¹Ọnawọ ya, esigbe ka Isarah ayẹ bẹba wo oyẹri. Nẹnẹ Abraham nọ iwu-ogbengben ka aba ogben wẹrọ. Ọnẹ sasu esigbe ka adọn ke, akọnẹ bisiye gba yo ọnawọ ogugule na, akọ ẹfẹna no owo ọnawọ na.¹² Ọnẹ-uba, fura oro ọyẹrẹ ọnẹ uba aka osi nike fo- esu ubanẹ ọyọyọ akọ ẹsẹpẹnẹ nẹ wọ ososi na aka nẹnẹ emesu ọgẹngẹn akọ asẹsẹ nẹwọ ebi-ọtọn na.¹³Ọnawọ ọnẹ a'ye ọyọyọ fo nanẹ amagbe owo ọrọnrọn. Esigbe ka, ọgbọnẹ aka agan ba kaba ẹfa nẹnẹ fọ mọre na, be nawọ ka ọga ayẹ abẹ wa aka nẹnẹ ama nọ ijen osi.¹⁴ Nọ ẹnanẹ ga ẹpẹn nẹna biya ka abẹ eni ijen bẹka.¹⁵Adaka be roro iken nẹnẹ biye weṣa na ẹga, ebana bisu yọ opilayọ wibi be. ¹⁶Ama akọnẹ asiye wana, bi ni iken nẹnẹ rȯnrọn fọrẹ bėka, ọnẹ awọre nẹnẹ Osibina ẹsẹn nẹka na. Ọnẹ-uba Osibina ama kọ-ẹpẹn ka bi ke ye yayẹ bọ Osibina, akọne asiye gbe ka a guru iken nẹba na.¹⁷Akọ ọnawọ Abraham, ọgbọnẹ biya mẹbalẹ na, afọ Isaac nẹnẹ wọ yo ogben na fo nọ iyanpun, anọ owo ọrọnrọn. ¹⁸Nọ Abraham ayẹ be ga ka, "wo Isaac ọrẹ aye wọ ubanẹ ekọ we sẹjẹn." ¹⁹Abraham roro ka Osibina diya soma Isaac fura eporo, aka utiti ọrẹ biya ge ka, iborẹ aye ewe nepila.²⁰Ọnawọ ọrẹ ẹpẹn naka sa na aye Idaac no okurubile fura Ijacob aka Esau uba. ²¹Ọnawọ ayẹ Ijacob, ọgbọnẹ eefo na, kurubile Ijosefu egven nabe. Ijacob siyo iyanpun, ekute fo uba seyọ ogbolo. ²²Ọnawọ ayẹ Ijacob, ọgbọna yọ ọsẹpan turu sana, ga nipa Isreal egben no pila fura egbiti aka apasẹ nẹba ka ayọ ofu.²³Ọnawọ ayẹ Imoses, ọgbọna bẹ bẹn na, ayẹ yȯ ukuba fowe bẹnbẹn nọ osẹnẹta, ubaka be gben ka awo ogben nẹ rọnmuro na. Bi ma sȯmọrọrẹ ka Obin fobase wejen. ²⁴Ọnawọ Imoses, ọgbọnẹ aguwe kẹna, eyuruka bime ye yaye Epharaoh ogben nogben. ²⁵Ana ka bije yaye oya ako erokoro nẹnė wọ Osibina ẹka, ọnẹnẹ aye eke ki je ero newo iluwe eka nogban. ²⁶A rore ka ẹpan nokoko ayere Ekriast afọrẹ arọn mọyọyọ ne Egypt ejen na. Ubakabato yayen wo ese nẹnẹ ekeje na.²⁷Aka ọnawọ Imoses fura Egypt. Ama sọmọrọrẹ nọ obin nọ iwu-ọkẹkan, ubaka afọ iwu-na akọnẹ esiye agban ẹpẹn na mawa ayẹnrọn mẹka. ²⁸Akọ ọnawọ ayẹ afọ ube se osisiye aka ẹyọn ọtẹn wara, ubaka asebe nẹwọ ogbẹn nosoro nẹnẹ ama dẹnye Isrealite. Egben nosoro abe.²⁹Akọ ọnawọ aye bi su mo ikpi oòkun akọnẹ ebe sumo ijen oyiyeyi. Ọgbọnẹ Egyptian abebnikabkabe esiye ẹgan, ebi rowa ba. ³⁰Ọnawọ ayẹ Ejericho opin falẹ fomijen, ọgbọna be jenjen geger no isubu ufọnbọrẹ. ³¹Ọnawọ ayẹ Irahab ofo-arakodeji amefọ akọ ẹnanẹ sọ ọtọn, ubaka anọ ẹnanẹ sa balẹ jen aye oga ako iwu-obẹnbẹnre.³²Ẹna ma kagan bilamọ na? uba ogba eke wo mamo ma ka ega nipa Igideon, Ebarak, Esamson, Ejephthat, Idavid, Esamuel aka nipa egesero abẹ. ³³Ọnawọ ọrẹ aye biye su afọrẹ mọ iken nẹkẹka ẹpan. Siyo utun mọṣẹrẹ, aka no owo ọrọnrọn be sepu idu owo. ³⁴Be ye ase ijen iwo-ogbengven ne mo ẹra ẹka na, biya famọ igbengben owo na be na bafan fura igun miben, bimi sa sina ekoro ịkẹka, aka bi su afọrẹ yẹrọn ekoro nẹwo oga ijen sana.³⁵Iyaro abe na pila bọbẹnanẹ fo na osoma palesa. ³⁶Ebe su ọmabale osi-osisiye aka ibo iyanpunbmosisiye, aka bisiwo eweregen aka be fọ bawo ewanibe. ³⁷Be nebo ọtarẹ, be sere ba wo ebure, be waba akọ ogbodo be veso ududo esa ako omu nesa. Bẹ pan bawara, be ron naba ayen, bi je ba oya.³⁸ Ero ọnẹ eme din bo ugbugbodi ebi dake damina kineno odama obile ako ore-osi, aka eben efa aka ọdọre ijen ibe.³⁹Abẹ fẹnyan ọnẹ ayẹ Osibina nabẹka ubaka bo ọnawọ, bi ma wo ẹnanẹ nọ owo ọrọnrọn. ⁴⁰Osibina siye opepa nọ ẹpẹn nẹbẹ nẹfọrẹ na nẹtọ uba ka ti mẹwa mọ, be ke di siye ba gule.

Chapter 12

¹Ọnẹ-uba, ọgbọnẹ tiwo ẹkọna akọ ape ọyọyọ nẹwọ ẹkọnẹ na, ni jọmọ ti mogbeli iluwe nẹnẹ ẹrun aka iluwe nẹnẹ ewe run na. Ni jọmọ tẹ fọ iwu-ọbẹnbẹnre mone eso nẹnẹ ewo tẹ rẹn na. ²Ni jọmọ te piyato no ijesu, to ofopa aka ogulero ne to ọnawọ no ẹbẹnbẹn nẹnẹ biya pa ito ẹrẹn. A siwu oti-ogbala, kakone esiye su ẹpanọkọkọ na, aka ediya manọ uba ojijen Osibina apa na. ³Ọnẹ-uba roro yẹgan, ẹfėna nẹnẹ fo-iwuna na ọlọnẹ furu iyo ebero uba na. Ọnẹ-uba kabume biben fuwa suba jọmọ.⁴Ume mi se ya jọmo sa ogben mekon ako iluwe jenere ẹyọn mọrẹ; ⁵aka usu ayẹn nọ oluluwe iloko ogbẹgbẹn nẹnẹ tiya nẹnọ akọ egben nabẹ na: "mogben ume roro keke ito Idu omaga, sa uwelegede ọgbọna áma wo ga na. ⁶Ubaka to Idu ade jen ẹnanẹ ediye ga na, aka ẹda fọya je ẹnanẹ wa yo ogben abẹ na."⁷Nẹ fọje iwu-na oya-ojijen akọ ẹfẹna mẹma ga na. Osibina siye wu ako yo ogben na abẹ, ubaka ogben nona ewamọ na nẹnẹ wẹda amẹ wọ sa mẹ ga na? ⁸Ama awọ ewamọ umesu omaga, ọnẹnẹ ero fẹnyan-fẹnyan rawa wa, onẹ-uba umesu ọpa aka uma yo ogben.⁹Diye-bilamọ, ti su erokoro ako ẹdẹda na nẹnẹ bi da matọ kẹga na aka tẹ fọ ugbogbodi anẹ ba. Gana-gana esiye bo ka te fo tọ iwu-su ijen no ẹdẹda nẹwo ẹfunwẹnfunwẹn nẹka naka ti din wamọ! ¹⁰Tọ ẹdẹda da ma to ga no ogba keke akone bisiye roro ka abo na. Ama Osibina da ma to ga no tọ oboro, ubaka ti di ruwa iyo ọnwọnwọn. ¹¹Eme su owiwo nẹnẹ ada bẹrẹ iwu ogba ẹbẹn na, ama ede su ọnunuma. Ama esiye ede muni ilukutu newo obere-iwu eka ọsṣẹrẹ ọrẹ ubaka ẹnanẹ bi tẹ ọrẹ ayẹ.¹²Ọnẹ-uba guru iwu-ogbengben wi wu ba ne fun na aka wo ikuwin ne fun na.¹³ Guru wo oripopo gbandala ubaka wo esen, ọnẹ-uba ka ẹnanẹ emesu ọsẹn na eme juguna ọrẹ ama agba iwu-ogẹgan.¹⁴Nẹ ki gu iwu-obenbere akọ erọ-fẹnyan aka ọnwọnwọn, ubaka emesu ọne, koro- ọyẹrẹvakagba Idu. ¹⁵Amaa kẹ solon uba ka koro-ọyẹrẹ aka ne fuwa Osibina yo ese. Ojije, aka emesu ẹyẹn nọ ọsẹsẹ na ka guwe wọ ega onini. Ubaka ero ọyọyọ ama poli tu. ¹⁶Sele wiwu uma gbaka ubaka obubuwe gbọgbagbọgba akọ Esau, ẹfẹna ubaka no ije nojojo ajo yo osuda. ¹⁷Ubaka udin nọ-ogba, ọgbọna á ke ki nika a'ye akọgun okurubile, bi yuru ga ọnẹ uba áma gbo oripopo no ibe oriroro pila, osigbeka eni ore akọ iwo- oyiyi na.¹⁸Ubaka ume misa ọrẹ nẹnẹ bi diya deye na, ọrẹ nẹnẹ ana na, fiye-no esiri, aban aka ebuwa na. ¹⁹Ume misa nọ ọbọwọ owo, namawa owo mo gẹga nọ ẹfẹna awọya na a teye ekpen ka bẹ me pila ga oben. ²⁰Ubaka be diya fo iwuna uburu: "esigbeka ọnẹmẹ mẹnibe ẹka aden ọrẹ, iba ka nẹyọ otare." ²¹Ọnẹ uba ọrọrẹ aya wọ ami Imoses ga na, "ma sọ mọrọrẹ aka me peri."²²sesuka ọ sa ọrẹ nẹwọ Ezion aka iken nẹwọ Osibina nẹwa mọ na eka, nẹwọ Osibina, ẹsẹn ni Ijerusalem, akọ etasọn ẹfọ Angel abẹ agimu abile.²³ Ọ sa to Ijisos, nẹnẹbwa ọfọ ṣẹrẹ ọpa ọnwọnwọn ẹka, aka ete nẹyan nẹnẹ aga ọnẹnẹ abofere Abel ẹyọn na. ²⁴Ọsa tọ Ijisos, ọnẹnẹ wọ afopa opa owowo eka na, aka otiten wara ẹyọnge ga ne bow fore Abel leyen.²⁵Gbaka ume yuru ẹfẹna a gẹga na. Ubaka besiye ẹgan bẹkẹ diyuru ọgbọna bẹ yuru ẹfẹna nẹnẹ ewọn ba na ijen osi, fọrẹ ka te ke di yuru tẹ bila fura ẹfẹna nẹnẹ ewon tun Osibina yọ ẹsẹn na. ²⁶Ọgba ọbẹn, yo owo de gbumije. Ama akana arọnmo-owo aka age. ''Iso ọyẹrẹ bilamọ ka me ke gbu emepila wo ijen osi ayare, ama akọ Osibina yọ ẹṣẹn.''²⁷Ẹfẹna yẹ ga "Iso ọyẹrẹ," jegbeli ka ayẹ eke tiye ẹpẹn nẹnanẹ nẹnẹ diye gbuna, ọnẹnẹ wo ẹpẹn nẹnẹ bẹma na, ubaka ẹpẹn nẹnanẹ neme gbun edi wamo. ²⁸Ọnẹ ọrẹ, anọ ipepen nẹnẹ adiye gbuna, nijome tiwo otitiye aka ore nẹwọ iyanpun no Osibina akọ iwu ọsejen aka owo ojiji fuwa. ²⁹Ubaka to ̇sibina era nẹnẹ efu na aye awa.

Chapter 13

¹Tebi ẹdabile unini ake tẹyẹba kẹyo. ²Ayen neme luwe wu ẹga ọna. Ka ọrọ nẹ, ẹbẹn na angel abẹ ẹga bime sis diri.³Yẹn ẹsẹfiridaro uwaka pare wọ bile ba iwu na. Yẹn ẹnanẹ bee joyana uwaka ikawubgbeliba iwukpe na. ⁴Tebi arede be seya aka ugbu gbo di ne ro fẹnyan aka tebi arede ọlọrẹ adọ ọwọnbwon, ka Osibina aka ṣẹnẹkarẹ nọ ama buwe gbagbare aka ọtẹtarubaro abe.⁵Tebi wo sisiyeveme jegbeli ikiba unini. Tebi ẹpẹn nu sunu egwowu, ka Osibina ẹbẹba a gẹka "me eke gbado tiyi wusa teyi wu wije." ⁶Nẹṣa egwotu erigana tidi gbuloko ge ka "Idu awa moògubaro; ọrọrẹ aàka sunmo. Ema oforo din siye siye to ma?"⁷Robalẹ nẹ rẹnro abẹ, ẹnane ga Osibina ẹga nẹnọna, aka fobalẹ imiyan ibo osisiye. Ma bọ nawo ayẹn. ⁸Ijisos Ekrasit wọ ọrẹ ẹran, amonẹ, aka otun tun mo.⁹Umeyaka otite owowo ana nuba, ka ada runka oloko egbe ese, ama wa ijen nabe ne gwe ẹnanẹ ejejen namona ubana. ¹⁰Ti su agbasẹ ne ẹnanẹ siye ikoto uturunu eème su iwogben oje amona. ¹¹Ka ẹyọn kpa ẹka nẹ be wan nọ iluwe na aṣigiri ọkẹka ada fwe ṣa ẹfa ọwon wọn, sana biwu wọnẹ bida kẹnẹ uturu ọyẹn na.¹²Ijisos kaye wọnẹ jo ya ẹkẹn opolo na, erigana edin pun erabẹ aye bẹ ba ẹyọn. ¹³Nẹsa onuba ti jen ne twe opolo ọyẹn, ofiwuna iye pan nokoko. ¹⁴Ka time su iken ne jọmo gari-gari ẹtọ na. Akẹdẹgan, ta balẹ ọna ka sa na.¹⁵Iyi yin, ogbenga, ne ṣabte fo gba fẹyan kipun miyan uyi yeyi ėka kẹ no sibina, uyiyeyi nẹ wọ umumu newo ẹlarẹ nẹ fọ yi wuru yen na. ¹⁶Ayẹn ne me luwe to oboro osiye aka ogwa bẹn nuba, ka iyanpun ọlẹgan ayẹ Osibina ibe dewe run.¹⁷ Ọtọnmọwọwọ aka ẹban nọtọtọmẹ ne nọ ẹrẹnro abẹ k aba bale usi aàka ẹnanẹ ga bowo na. Sọtọnmọwọwọ erigana ne renro abe bidin siye ọnẹ aka ẹbẹnbẹb, ka bime hununu ne é èke su- ẹpan ne nọna.¹⁸Gba-dura nẹtọ, ka be kpẹrẹtọ ka ti su oluko ọnwọnwọn aka ka ti roro gwe ka ti siye ẹrọ ọṣẹrẹka ẹpen fẹnyan. ¹⁹Egbenuloko bilamo ka niki siye ọnẹ, ubaka idin pila ṣa tonu ọgba keke.²⁰Akana erigana Osibina nẹwọ iwo bẹbẹrẹ eka, nẹ fọ balẹ wọ ekporo ṣa na nẹwọ ọṣẹlẹ ududo nẹwọ ududo ẹkanẹ, tidu Ijisos yọ ẹyọn nẹwọ kpa neme sutana, ²¹guru wu aka oboro feyan udin siye yuni, siyu tun itiwu epe nẹwọ ẹronmotunbnẹyan na, yọ Ijisos Ekraist, ne bi ugbugbodi otuntun mo tuntun. Aami.²²Akana igbenuloko ẹdadẹ, ka ne fiwuna ẹga ogbuloko nẹ fọ gba keke wora nẹnẹ na. ²³Dinka tẹda Itimothy bẹ tọrẹ wije, nẹ tike pile ṣa gba nu ọgbọna aṣa ọgba keke na.²⁴Gan me rẹnro fẹnyan aka Osibina ero ọnwọnwọn feyan. Ero nẹwọ Italy na agan no. ²⁵Ẹrọ ama ano fẹnyan kema.

Revelation

Chapter 1

¹Ọnẹ a wa Ijesu Ikristi ẹẹ̀menẹ nẹnẹ Osibina à á nẹ ya na ka à á nyen yo okotoro abẹ ẹkẹna nẹnẹ e èke mi fon nene à áka gbadọ ṣẹlẹ na. A fọ ẹ nyen akọ e siye file ya angẹli nẹ Ẹjọọnu yo okotoro na. ²Ẹjọọnu nowo no Osibina ẹẹ̀ga akà Ijesu, uùbedin, epen fẹnyan nẹnẹ a gba na. ³Okurubilero a wa ẹfẹna nẹnẹ kpan owo gan ẹsẹ ọnẹ na akà ẹnanẹ piya ẹsẹ ẹga ẹnẹna atọn na akà ẹnanẹ ẹnanẹ nẹnẹ wọ ọtọn nẹ ẹkena nẹnẹ bẹ wọra wo yi ibe na, ubaka ọgba turu ṣa ke.⁴Ẹjọọnu nẹ ẹṣọṣi ufumbọrẹ nẹnẹ wo Asiya na. Ẹse a da nẹ nọ akà iwọbẹbẹrẹ rayi wamọ na, akà ẹfẹna nẹnẹ à áka ṣa na ẹẹ̀fa ṣa akà wo ẹfunwẹnwenẹn utọmobọrẹ nẹnẹ wo ya ẹẹ̀rẹn ṣa,⁵ akà wo Ijesu Ikristi ẹẹ̀fa ṣa, nẹnẹ wa ubedinro ikuwa, ọtayiba ékporo, akà ẹpan nẹ ẹrọ iìbin abẹ. Nẹ ẹfẹna nẹnẹ ni tu na nẹnẹ diya fan tọ fura ti iluwe abẹ na í yẹ ẹnyọn uùba ọrẹ - ⁶a sẹ tọ ṣina ẹṣẹn, asigiri abẹ nẹ yo Osibina akà Ẹdẹda - ubgugbodi akà iwogbigben ayẹ a da yẹ ẹka otutunmotutun. Aamin.⁷Balẹ, à á ṣa aka iduduru abẹ, anyẹn fẹnyan áka gba ẹ, bile abẹ nẹnẹ bure ẹ na. Ubanẹ fẹnyan nẹnẹ wo ẹrọ éke yi ikukuru ubaka ayẹ. Hẹn, Aamin. ⁸"Amẹ a wa Alfa ayẹ akà Ọmẹga ayẹ nẹ" ẹgab Idu Osibina siye ga ẹ nẹ, "ẹfẹna nẹnẹ wamọ na, akà ẹfẹna nẹnẹ tayi wamọ na, akà ẹfẹna nẹnẹ à áka ṣa na, ọgbaragada."⁹Amẹ Ẹjọọnu - nọ ọda akà ẹfẹna nẹnẹ ma nọ ruwa óya akà ẹ́ṣẹn akà ọlọn ọọ̀fiwuna ábẹ nẹnẹ wo Ijesu ibe na - wo nẹnẹ bè e ye Ẹpatmosi na ubaka Osibina ẹẹ̀ga akà yẹrẹ Ijesu uùbedin ẹpan. ¹⁰I wo ẹfunwẹnfunwẹn ibe Ídu iìsubu. Ẹ wọ i mu urun ohun ọkẹka ọbẹn akọ ọbọwọ na. ¹¹A ga ka, "Wọra ẹkẹna nẹnẹ ọ gba na wo emumu ibe, u e file nẹ ẹṣọṣi ufọmbọrẹ abẹ - ne Efesọsi, ni Ismarina, nẹ Ẹpagamọmi, ni Itiyatira, nẹ Ẹsadisi, ni ifiladelfiya, akà nẹ Ẹlawodisiya."¹²I bila gegere ka ẹ balẹ ẹfẹna nẹnẹ yo ohun na mọ à á ga ẹga na, akọ i siye bila gegere na ẹ gba iwura ọọ̀yẹyẹ oògbolo ufọmbọrẹ abẹ. ¹³Ọ́yẹyẹ oògbolo eètin e su oro ọbẹn nẹnẹ è é we akọ orokoro oògben na, nẹnẹ file alẹgbẹ ọlọlọrẹ nẹnẹ re ọṣẹn na, nẹnẹ.¹⁴Yẹ ẹpan akà ẹpẹn è é wure akọ (wool) - è é wure akọ isno - ya anyẹn è é we akọ ẹra aàran. ¹⁵Yẹ ẹṣẹn è é wo akọ idẹ owuwu na, akọ idẹ nẹnẹ bi foṣọ ógudu ibe na, yo ohun min e we akọ ebi ọga nẹnẹ è é kpina. ¹⁶E su ẹṣẹkpẹrẹ ufọmbọrẹ í yu uba ojijen, akà ọgbọdẹ nẹnẹ su anyẹn ẹbọrẹ nẹnẹ rọn na wo eyi í yo oṣiṣile fọrẹ ọgba.¹⁷Ọgbọna nẹnẹ e gba ẹ na, ẹ falẹ wo yẹ ẹṣẹn akọ ẹfẹna nẹnẹ fo ke na. A fo yu uba ojijen yẹrẹ mọ e mi ga ẹ ka, "U ma sọnmọrọrẹ. Amẹ a wa oro oṣooro aka oro omunurun. ¹⁸Akà ẹfẹna nẹnẹ wo ẹrọ na. Ẹ tayi fo, àmá balẹ, i wo ẹrọ otutubmotutun! i diye su ufo akà ọ́sọ ẹẹ̀kọkọrọ abẹ.¹⁹Ọnẹbẹ uùba wọra ẹkẹna nẹnẹ ọ̀ gba na wuje, ẹkẹna nẹnẹ wamọ akana, akà ẹkẹna nẹnẹ à áka ṣẹlẹ ọ́nẹ urunba na. ²⁰Nọ ọnẹ nẹnẹ wa ẹbẹbẹ igben yẹrẹ ẹṣẹkpẹn ufọmbọrẹ abẹ nẹnẹ ọ gba í mu ùba ojijen ẹẹ̀pan, akà iwura ọọ̀yẹyẹ oògbolo ufọmbọrẹ abẹ: ẹṣẹkpẹnẹ ufọmbọrẹ abẹ wa ẹṣọṣi ufọmbọrẹ abẹ aàngẹli, aka ọyẹyẹ oògbolo ufọmbọrẹ abẹ wa ẹṣọṣi ufọmbọrẹ abẹ.

Chapter 2

¹Nẹ ẹṣọṣi nẹnẹ wo Ẹfẹṣọsi na aàgẹli wọra. "Ẹfẹna nẹ ẹ sẹ ẹṣẹkpẹnẹ ufọmbọrẹ ayẹ don wọ yu uba ojijen ẹẹ̀ga abẹ akà nẹnẹ è é jejen íwura ọọ̀yẹyẹ oọ̀gbolo ufọmbọrẹ abẹ eetin, ²"I din no osisiye abẹ, na akanyan ogbigbe, akà ọlọn ọọ̀fiwuna, akà ka wè e diya fi iwu na ero abẹ nẹnẹ wa odudud na, àmá nẹ ma ero abẹ nẹnẹ ye bi iwu apostulu abẹ na àmá bi ma oya ayẹ na, ni mi gba ka iṣoma ẹka bẹ wa.³Nẹ fọ ọlọn fi wiu à á na niye ki fi iwu na nẹ mi iwuru, ni me diye ya ka a dọ nọ. ⁴Àmá ẹ gba ga to nu ka ni tebi wu urun nu unini oṣooro. ⁵Nyẹn ọnẹbẹ uùba ẹ́fa nẹnẹ ni we falẹ. Ni rorobila ni diye siye ẹkẹna nẹne nẹ tayi è é siye na. È é me gbe ka i ni roribela, mè éke ni nu ṣa i mi tiye nọ ọyẹyẹ oògbolo fura yẹ ẹfa.⁶Àmá ni su onẹ: Ni goli Inikolataniro abẹ oòsisiye, nẹnẹ ka amẹ goli na?⁷ Ni tebi ẹfẹna nẹnẹ su ọtọn na, a wọ ẹkẹna nẹnẹ Ẹfunwẹnfunwẹn ma ẹṣọṣi abẹ à á ga na. Nẹ ẹfẹna nẹnẹ fọrẹ na ayẹ mà áka fọ ọrẹ nọ ka a tan fura ẹrọ iìlukutu, ọnẹ nẹnẹ wo Osibina ẹẹ̀paradise na."⁸"Nẹ ẹṣọṣi nẹnẹ wo Ismarina na aàngeli wọra: "Ẹfẹna nẹnẹ wa ọṣooro aye akà omunurun ayẹ na ẹẹ̀ga abẹ, ẹfẹna nẹnẹ tayi fo na akà ẹfẹna diya palẹṣa ẹrọ na: ⁹"I din no oya abẹ akà nu oyeri abẹ, àmá arọnro nẹ wa. I din erokoro ẹnanẹ ye bi iwu ijuro abẹ na ẹlabọ to nu, àmá bi ma wa ẹgan. Eṣu iìsinagọgu ayẹ bẹ wa.¹⁰Ni ma sọn ẹkẹna nẹnẹ na a yọ je yo oya na ọọ̀rọrẹ. Balẹ! Eṣu è é ni ka ayẹ a nẹ anọ ẹbẹn wo ẹnwan ibe kadakada ka bi di ma nọ balẹ, nè éke diye je oya ni isubu ẹfọ. Su ikuwa jen e re ufo, mè éke mi fọ ero iìgodo ayẹ nẹ ọ.¹¹ "Tebi ẹfẹna nẹnẹ è é su ọtọn na, a wọ ẹkẹna nẹnẹ Ẹfunwẹnfunwẹn ayẹ ma ẹṣọṣi abẹ à á ga na. Nẹ ẹfẹna nẹnẹ fọrẹ na ufọ ọọ̀boro áka re yo oron."¹²"Nẹ ẹṣọṣi nẹnẹ wo Ẹpagamoni na aàngeli wọra: 'Ẹfẹna nẹnẹ bi ọgbọdọ nẹnẹ su angẹn ẹbọrẹ na ẹẹ̀ga: ¹³"I din ẹfẹna nẹnẹ nà a ma na, ẹfẹna nẹnẹ Ẹsatani aàkpa kpoto ma na. Kẹgankẹgan nẹ sẹ mi iwuru dọn gbarigbari. I din ka u me yuru wọ ọnawọ nẹ mọ, ka antipasi mu ubedin iìsubu abẹ, mi ikuwaro, nẹnẹ bẹ nwan í ne etin na, ẹ́fẹna nẹnẹ Ẹsatani à á ma na.¹⁴Àmá i su ẹpẹn ẹbẹn (against you): Ni su ẹbẹn ẹ́fẹnẹbẹ nẹnẹ sẹ Ẹbalaamu oòtite dọn gbarigbari na, ẹfẹna nẹnẹ te Ẹbalaki ka a nẹ ọtọṣẹn (block) wo Isrẹli abẹ ẹrẹn kadakada ka bi di tan ijen nẹnẹ biye siye inyanpub nu ujun abẹ na akà ka bi (sexual immoral). ¹⁵Ọ́rẹ ọrọọrẹ, u sisi su abẹ nenẹ Inikolatanro abẹ oòtite dọn gbarigbari.¹⁶Rorobila, ọ́nẹbẹ uùba! wè e me siye ẹgan, mà áka ṣana ni u ṣa, i mi fọ ọgbọdọ nẹnẹ wo mo na ma ba gban ẹkọn. ¹⁷Tebi ẹfẹna nẹnẹ su ọtọn na, a wọ ẹkẹna nẹnẹ Ẹfunwẹnfunwẹn ma ẹṣọṣi abẹ à á ga na. Nẹ ẹfẹna nẹnẹ fọrẹ na, ayẹ mà áka fọ ẹ́mana iìwu nẹnẹ bẹbẹ na nọ je, mè éke diya fọ ọtarẹ okukuru nẹnẹ bẹ wọra iwuru owowo wo na nọ, iwuru nẹnẹ korọọrẹ éke din éfura ẹfẹna nẹnẹ na ẹ na."¹⁸"Nẹ ẹṣọṣi nẹnẹbwo Itiyatira na aàngeli wọra: "Ẹnanẹ a wa Osibina Oògben ẹẹ̀ga abẹ nẹ, ẹfẹna nẹnẹ su anyẹn nẹnẹ è é we akọ ẹra aàran na akà nẹnẹ su ẹṣẹn nẹnẹ èbé we akọ idẹ nẹnẹ bi wu na: ¹⁹"I din wo osisiye abẹ: wu uninu akà ọnawọ akà okoto akà wọ ọlọn ọọ̀fiwuna. I din ka ẹnẹna nẹnẹ wè e siye akana na ṣub ẹnanẹ ọ tayi siye na.²⁰Àmá i su ọnẹ ẹ gba ga (against): Ọ fọ iwu na iyaro Ijesebẹli, nẹnẹ ye yi iwu ọgesero iyaro na. Í yo otitea wọra mu utunro abẹ ka (commit sexual immorality) akà ka ba je ẹkẹna nẹnẹ biye pun ujun abe na. ²¹Ẹ fọ ọgba wuje nẹ ya ka e rorobila, àmá a ma na ka ayẹ e rorobila í yo (immorality).²²lẹ! mà áka nẹ ya wo igun ọọ̀bẹlẹ osi akà abẹ ẹnanẹ nẹnẹ ma ẹ (commit adultery) wo oya ọkẹka, è é me gbe ka í bi roro bo osisiye abẹ bila na. ²³Mà áka gọrọ ye egben abẹ nwan, ẹṣọṣi abẹ è éke ni din ka amẹ e de pila irori akà ẹyẹ abẹ bale. Mà àka a nọ ororo kpẹnkpẹnẹ akọ yo osisiye abe siye wa na.²⁴Àmá nẹ anọ ibuba nẹnẹ wo Itiyatira na, nọ anọ fẹnyan nẹnẹ à á ma sẹ otite ọnẹ dọn na akà abẹ nẹnẹ è é me din ẹkẹna nẹnẹ ẹbẹn è é ye Esatani eèoen olilon na - nẹ nọ ẹ ga ka, 'I me pila fọ ẹpẹn obẹn ṣuwa nọ.' ²⁵Ọ́rẹkọrẹ, ọ gbadọ sẹ ọnẹ u su na dọn gbarigbari jen e re ọgbọna nẹnẹ mà áka ṣa na?²⁶Nẹ ẹfẹna nẹnẹ fọrẹ na, nẹnẹ diya fọ mo osisiye abẹ su jen e re ọta na, no oro ọnẹbẹ ayẹ mà áka fọ iburu nọ yẹrẹ iken abẹ na.²⁷ 'E éke jobin yẹrẹ bẹ ẹpan aka ọṣọ oògbolo, akọ idin ọọ̀tẹlẹ na áka pẹn ba (pieces).' Kakọkako²⁸ nẹnẹ i siye na ẹ fura mẹ Ẹdẹda ẹfa na, ka amẹ áka fọ urorun ẹẹ̀ṣẹkpẹnẹ nẹ ya.²⁹Tebi ẹfẹna nẹnẹ è é su ọtọn na, a wọ ẹkẹna nẹnẹ Ẹfunwẹnfunwẹn ayẹ ma ẹṣọṣi abẹ à á ga na.

Chapter 3

¹"Nẹ ẹṣọṣi nẹnẹ wo Efesọsi na aàngeli wọra: 'Ẹfẹna nẹnẹ sẹ Osibina ẹfunwẹnfunwẹn ufọmbọrẹ ayẹ akà ẹṣẹkpẹnẹ ufọmbọrẹ abẹ dọn na. I din wo osisiye abẹ. U su iwuru ka u wo ẹrọ, àmá u fo. ²Palẹṣa u mi gbigben ẹkẹna nẹnẹ ku nẹnẹ è é ni ka ayẹ fo na, ubaka i ma gba wo osisiye ka e gule í mo Osibina ẹẹ̀ren.³Nyẹn,ọ́nẹbẹ uùba, ẹkẹna nẹnẹ ọ na akà nẹnẹ ọ wọ na. Wọ ọtọn nẹ ya, u mi rorobila. Àmá è é gbe ka u ma palẹṣa na, màbáka ṣa aka oyiri na, wè éke diye di ẹwakati nẹnẹ mà áka a ṣa (against) to u na. ⁴Àmá u su iwuru ẹbẹn Ẹ́sadisi nenẹ è é mi sin ba alẹgbẹ abẹ na, bè éke diya ma mo jejen, í ba alẹgbẹ ojokuru nẹnẹ bi file na, ubaka bi guwe.⁵Ẹfẹna nẹnẹ fọrẹ na è éke file alẹgbẹ okokuru abẹ, mè éke diye mu yi iwuru fura ẹvọ eẹ̀mumu, mè éke diya na yi iwuru owo í mẹ Ẹdẹda ẹrẹn, akà í ya angẹli abẹ ẹrẹn. ⁶Tebi ẹfẹna nẹnẹ su ọtọn na, a wọ ẹkẹna nẹnẹ Ẹfunwẹnfunwẹn à á ga nẹ yẹ ẹṣọṣi abẹ na."⁷"Nẹ ẹṣọṣi nẹnẹ wo (Philadelphia) na aàngẹli wọra: 'Ẹfẹna nẹnẹ nwọn ákà nẹnẹ wobikuwu na ẹẹ̀ga - a dọn Ẹdavidi ẹẹ̀kọkọrọ, e de jin nẹnẹ kọrọọrẹ e diye ju na, e de ju nẹnẹ kọrọọrẹ e diye jin na. ⁸"I din wo osisiye abẹ. Balẹ, ẹ fọ ujun ojijin wo wẹ ẹrẹn nẹnẹ kọrọọrẹ e è diye ju na. I din ka wo ogbigben kere, kẹgankẹgan ọ wo ọtọn nẹ mẹ ega u me diye yuru mi iwuru⁹Balẹ! mà áka wọrẹ ka abẹ ẹnanẹ wa nẹ Ẹsatani iìinagọgu, abẹ ẹnanẹ nẹnẹ è é ye bi iwu ijure abẹ nẹnẹ bí ma wa ayẹ na, àmá nẹnẹ wa iṣomaro abẹ na - mà áka wọrẹ ba ka bẹ ṣa bẹ tọmẹ ẹpan íbwọ ọṣẹn ẹrẹn, bè éke diye din ka í nibwẹ ẹga. ¹⁰Akọ e siye gbe ka ọ fọ mi iburu su ka ọ fọ ọlọn fiwuna na, amẹ éke diya fọ wọ su éwakati ọọ̀mabalẹ nẹnẹ à á ṣa ẹrọ fẹnyan na, ka ma ẹnanẹ nẹnẹ à á ma ẹrọ na balẹ. ¹¹"Mà áka ṣana ṣa. Ṣe ọnẹ nẹnẹ u su na dọn kadakada ka kọrọọrẹ e me tiye wi igodo yọ.¹²Ọnẹ nẹnẹ à á fọrẹ na ayẹ mà áka sẹ ṣina ọtọ í mo Osibina ẹẹ̀tempulu. Be è diye ve fura yi ibe, mè éke diye wọra mo Osibina iìwuru yẹrẹ yi iwu, mo Osibina iìken iìwuru (Ijerusalemu owowo, nẹnẹ wo Osibina ẹẹ̀fa holo ṣa) akà mi iwuru owowo. ¹³Tebi ẹfẹna nẹnẹ su ọtọn na, a wọ ẹkẹna nẹnẹ Ẹfunwẹnfunwẹn ma ẹṣọṣi abẹ à á ga na."¹⁴Nẹ ẹṣọṣi nẹnẹ wo (Laodicea) na aàngẹli wọra: "Aamin ayẹẹẹ̀ga abẹ, ubedinro nẹnẹ su ọfanyẹnyẹrẹ akà nẹnẹ wa ikuwa na, ọnẹ nẹnẹ jobin yẹrẹ Osibina ọọ̀ma na. ¹⁵I din wo osisiye abẹ akà ka u me fun u me diye fi. È ébana u fun sa u fi! ¹⁶Ọ́nẹbẹ uùba, ubaka ọ wa bẹlẹbẹlẹ - u me fun sa u fi - mè e ni ka ẹ bẹrẹ ọ ve ṣa fura mo owo.¹⁷Ubaka ọ ga ka, 'I su arọn, i su (material possessions), i me diye ni kẹnakide.' Àmá u me din ka awọ a wa (miserable), (pitiable), (poor) openanyẹn akà u wo ẹbọlẹbọlẹ. ¹⁸Piya mọ ọkpẹrẹ atọn: Nyin iwuru nẹnẹ bẹ fọ ẹra ṣọ na fura mu uba kadakada ka u di ṣina arọnro akà alẹgbẹ ikukuru abẹ nẹnẹ à á biliyobiyo na kadakada ka u di file wi iwu alẹgbe u ma fọ wu ẹbọlẹbọlẹ uùsi nyẹn, akà (anoint) nẹnẹ wè éke e gberi wa anyẹn abẹ na kadakada ka u di kẹ gbanyẹn.¹⁹I da gọrẹ akà je abẹ ẹnanẹ nẹnẹ í ni na ọya. Ọ́nẹbẹ uùba, (earnest) u diye rorobila. ²⁰Balẹ, i jọmọ wo ujun owo iya a kọrẹ. È e su ẹfẹnẹfẹna à á wọ mo ohun nẹnẹ diye jin ujun na, mà áka tọn yu ubo ṣa i mi ma e jijen, akà ayẹ a ma mọ jijen.²¹Ẹfẹna nẹnẹ à á fọrẹ na mà áka fọ ọrẹ nẹ ya ka a ma mọ ma yẹrẹ ma akpa, kakọkakọ nẹnẹ i siye fọrẹ na nẹnẹ ẹ ma Ẹdẹda ma yẹrẹ ya akpa na. ²²Tebi ẹfẹna nẹnẹ su ọtọn na, a wo ẹkẹna nẹnẹ Ẹfunwẹnfunwẹn à á ma ẹṣọṣi abẹ ga na."

Chapter 4

¹Ẹnanẹ uùrunba ẹ balẹ, e gba ujun ọbẹn nẹnẹ bi jin ósosi na. Ohun oṣooro nẹnẹ ẹ tayi wọ na ma mo à á ga ẹga akọ ọbọwọ na, a ga ka, "Kpọ ṣa ẹkọ, i mi fọ ẹkẹna nẹnẹ à áka gbadọ ṣẹlẹ ẹ́kẹnẹ ẹnanẹ uùrunba." ²Iganigan i wo ẹfunwẹnfunwẹn, i mi gba ẹ́fa ọnẹbẹ akpa nẹnẹ biye wo ososi na, nẹnẹ oro ọbẹn ma yẹrẹ na. ³Ẹfẹna nẹnẹ ma yẹrẹ ya na è é wo akọ ẹjaspa akà ẹkanẹliya. E su idodorima nẹnẹ gegẹre akpa ayẹ na. Idodorima ayẹ è é we akọ ẹmiradi.⁴Ógigegere akpa ayẹ akpa ọgbọlọketina abẹ ma, nẹnẹ isuda ọgbọlọketina abẹ ma yẹrẹ nẹ, nẹnẹ file ẹsa ikukuru abẹ na, aka igodo iìwura í bẹ ẹpan abẹ. ⁵Kaba akpa ayẹ ọṣẹṣan we à á nyana, ihuhunu abẹ, akà imu we à á ba. Ọyẹrẹ ufọmbọrẹ à á na akpa ẹẹ̀rẹn, ọyẹrẹ abẹ nẹnẹ wa Osibina ẹ ẹ̀funwenfunwen ufọmbọrẹ abẹ na.⁶Ákpa ẹẹ̀rẹn ayẹ ugbegbe oòkun ma nẹ, nẹnẹ è é we akọ ikristia na. Ákpa ẹẹ̀tin akà ogigegere akpa ayẹ ayẹ ẹrọro ọọ̀ma ẹna à á ma nẹ, nẹnẹ fe na anyẹn abẹ na, ẹ́rẹn akà úrun.⁷Ẹrọro ọọ̀ma oṣooro è é we akọ idu na, ẹrọro ọọ̀ma ọọboro è é we akọ ọnogben, ẹrọro ọọ̀ma ọnẹnaro è é we akọ igu nẹnẹ è é piri na. ⁸Ẹrọro ọọ̀ma ọrọọrẹ su abẹwọ ọpọnọọrẹ, bi fe na anyẹn ápan akà ududo. Ku ujo ke erun, bi ma sẹ owo jọmọ ọgẹga ka, "Ọnwọnwọn, ọnwọnwọn, ọnwọnwọn a wa Idu Osibina Ogbaragada nẹ, nẹnẹ tayi ṣa na."⁹Ọgbọnọgbọna ẹrọro ọọ̀ma abẹ à á fọ ugbugbodi, okukuru, akà eba nẹ ẹfẹna nẹnẹ ma yẹrẹ akpa osi na nẹnẹ bi diye pun ẹfẹna nẹnẹ wamo otutumotutun na. ¹⁰Bẹ fọ bi igodo abẹ wuje ákpa ẹẹ̀rẹn, biya ga ẹ ka, ¹¹"Oguguwe ọ wa, ti Idu akà to Osibina, ka ọ na ugbugbodi akà okukuru akà iwogbigben, ubaka awọ a ma ẹpẹn fẹnyan, akà í wo onini uùba ọrẹ ayẹ biye wamọ ayẹ bi diya a ma ba nẹ."

Chapter 5

¹Ẹ gba ẹ́fẹna nẹnẹ ma yẹrẹ akpa osi na uùba ojijen emumu nẹnẹ bẹ wọrẹ ẹpen wo kọ ẹrẹn ku urun, nẹnẹ bẹ fọ iduru ufọmbọrẹ do na. ²Ẹ gba angẹli ọkẹka ọbẹn nẹnẹ kpan owo á à ga ka, "Ẹra e guwe ka e jin emumu ayẹ akà ka a tọra iduru abẹ a?E me su ẹfẹna nẹnẹ ³diye jin emumu ayẹ sa ka a gan ya na. ⁴I yi iwo ọṣeṣe ubaka bi ma gba ẹfẹna nẹnẹ guwe na ka e jin emumubayẹ sa ka a gan ya. ⁵Àmá ọọrẹ isuda abẹ iìwu ga ne mọ ka, "U me yi iwo. Balẹ! Ijuda uùbane Idu, Ẹdavidi ẹẹ̀ngen, su afọrẹ ke. E diye jin emumu ayẹ akà yi Iduru ufọmbọrẹ abẹ."⁶Ẹ gba ududo oògben ọben nẹnẹ jọmọ wo akpa ọsẹsarẹ eètin akà bile ẹrọro ọọ̀ma ẹna iìwu akà bile isuda abẹ iìwu. À á bale akọ ẹfẹna nẹnẹ be nwan ke na. E su ẹkpanẹ ufọmbọrẹ abẹ akà anyẹn ufọmbọrẹ abẹ, nẹnẹ wa Osibina ẹẹ̀funwẹnfunwẹn ufọmbọrẹ abẹ nẹnẹ bi file ve wo ẹrọ fẹnyan na. ⁷A yọ e mi na emumu ayẹ fura ẹfẹna nẹnẹ ma yẹrẹ akpa na uùba ojijen.⁸Ọgbọna nẹnẹ a na emumu ayẹ ke na, ẹroro ȯọ̀ma ẹna abẹ akà isuda ọgbọlọketina abẹ falẹ wo ududo oògben ẹrẹn. Abẹ ọrọọrẹ su iko akà iwura ọọ̀bọwọ nẹnẹ fe ni iturari na, nẹnẹ wa Osibina eèro ọnwọnwọn abẹ aàdura.⁹Bi tiye eguru owowo: "U guwe ka ọ emumu ayẹ akà ka u diya tora yi iduru abẹ. Ubaka be nwan ọ, u mibfọ wẹ ẹnyọn nyin erokoro no Osibina fura ubanẹ, ẹlarẹ, erokoro, akà iken. ¹⁰Ọ sẹ ba ṣina ẹṣẹn akà aṣigiri abẹ ka bi pun to Osibina, bè éke mi jobin ẹ́rọ."¹¹I mi balẹ ẹ wọ angẹli abẹ ohun nẹnẹ gegere akpa na akà ẹrọro ọọ̀ma abẹ akà isuda abẹ. Bọ ọgẹgan ọọ̀sẹpan wa aṣẹnmẹfọ áṣẹn abẹ akà aṣẹn abẹ áṣen abẹ iìwu. ¹²Bẹ kpan owo ga ka, "Oguguwe a wa ududo oògben, nẹnẹ be nwan na, ka e di na iwogbigben, arọn, ẹdanyẹn, ogbigben, okukuro, ugbugbodi, akà uyiyeyi.¹³Ẹ wọ ẹpẹn fẹnyan nẹnẹ wo wo ososi akà nẹnẹ wo ẹrọ akà nẹnẹ wo ẹrọ igben nẹnẹ bẹ ma na akà wo okun osi-ẹpẹn fẹnyan nẹnẹ wo bi ibe na-biya a ga ka, "Nẹ ẹfẹna nẹnẹ ma yẹrẹ akpa na akà nu ududo oògben a da uyiyeyi, ugbugbodi, akà afọrẹ otutunmotutun." ¹⁴Ẹrọro oọ̀ma ẹna abẹ ga ka, "Aamin! isuda abẹ mi falẹ wuje bi pun.

Chapter 6

¹Ẹ balẹ ọgbọna nẹnẹ ududo oògben jin ọọre íduru ufọmbọrẹ abẹ na, i mi wọ ọọrẹ ẹ́rọro ọọ̀ma ẹna iìwu a fọ ohun nẹnẹ è é we akọ ímu ne ga ka, "Ṣa!" ²Ẹ balẹ abọrada okukuru ọbẹn ni wamọ. Ẹfẹna nẹnẹ kpọ ya na dọn ọtati, bi mi diya fọ igodo nẹ ya. E ve ṣa akọ afọrẹro kadakada e di su afọrẹ.³Ọgbọna nẹnẹ ududo oÒgben jin iduru ọọboro ayẹ na, ẹ wọ ẹrọro ọọ̀ma ọọboro ka a ga ka, "Ṣa!" ⁴Abọrada ọbẹn mi ve ṣa - ọnyanyan kparo. Nẹ ẹfẹna nẹnẹ kpọ ya na tiya nọ ka e tiye iwọbẹbẹrẹ fura ẹrọ, kadakada ka erokoro abẹ e di kẹ nwan abẹn. Bẹ fọ ọgbọdọ ọkẹka nọ ọkpabọrada ayẹ.⁵Ọgbọna nẹnẹ ududo oÒgben jin iduru ọtẹtaro ayẹ na, ẹ wọ ẹrọro oòma ọtẹtaro ka a ga ka, "Ṣa!" Ẹ gba abọrada oririn ọbẹn, ẹfẹna nẹnẹ kpọ ya na dọn orogo nẹnẹ su anyẹn ẹbọrẹ na. ⁶Ẹ wọ ẹkẹna nẹnẹ è é we akọ ohun ẹ́rọro ọọ̀mq ẹna eètin ka a ga ka, "Egin orogo ọọrẹ nẹ ẹdẹnarọsi ọọrẹ, akà ẹbaali oòrogo ẹta nẹ ẹdẹnarọsi ọọrẹ. Àmá u ma rẹ amọ aka ẹwanyini oron."⁷Ọgbọna nẹnẹ ududo oÒgben jin iduru ọnẹnaro na, ẹ wọ ẹrọro ọọ̀ma oòhu ka a ga ka, "Ṣa!"⁸ I mi gba atọrada busubusu ọbẹn. Ẹfẹna nẹnẹ kpọ yẹrẹ ya na a wa ufo nẹ, ihedi mi a yẹrẹ ya. Bẹ fọ iburu nẹ ba yẹrẹ ẹrọ ọ́ṣẹnẹna ẹpan, ka bẹ fọ ọgbọdọ, ọbọrẹ akà igun, akà ọdan ẹẹ̀nẹ ẹ́rọ nwan ba.⁹Ọgbọna nẹnẹ ududu oÒgben jin iduru upipiro na, ẹ gba ákpasẹ erokoro ẹnane bẹ kpẹrẹ Osibina ẹẹ̀ga (testimony) akà ubedin nẹnẹ bẹbsẹ dọn na uùba nwan ke na. ¹⁰Bi yi ọga aka ohun deelee ka, "Gana éke siye fon ta a, ojobin yẹrẹ fẹnyan, ọnwọnwọn akà ikuwaro, nẹnẹ wàbáka ṣẹnẹkarẹ nẹ erokoro abẹ nẹnẹ wo ẹrọ na, akà nẹnẹ wà áka don tẹ ẹnyọn uùri?" ¹¹Ẹgan bi mi siye fọ ewuru okukuru na abẹ ọrọọrẹ nẹ, bi mi ga nẹ ba ka bẹ sẹ ọlọn nọ ọgba keke bile amọ jen e re ọgbọna nẹnẹ obole siye okotoro akà ẹda abẹ nẹnẹ bà áka nwan na, kakọkakọ nẹnẹ bi siye nwan ba na, è éke e gule.¹²Ọgbọna nẹnẹ ududo oÒgben jin iduru ọpọnọọrẹra na, i a balẹ ijogbugbun ọbẹn mi wamọ. Eyi ṣina oririn akọ ikukuru ẹsa na, akà ọṣẹn (full moon) min a balẹ akọ ẹnyọn na. ¹³Ẹṣẹkpẹnẹ abẹ wo òsosi na falẹ wo ẹrọ, kakọkakọ nẹnẹ ọja oòti de siye (drops) yi ilukutu ọkpakuru ọgbọna nẹnẹ ekperi oṣiṣlile è é gbun ya na. ¹⁴Osiso fisi akọ emumu nẹnẹ bẹ kọlẹ na. Ọrẹ akà ẹdakoriko fẹnyan turu fura uẹ ẹfa.¹⁵Ka ẹgan ẹrọ iìbin abẹ akà ero ẹkẹka abẹ, akà ọgbajire abẹ, akà arọnro abẹ akà iwogbigberiro abẹ, akà erokoro ibuba abẹ, ọvan akà ọfanro, bẹbẹ wo obuwe ibe abẹ akà ọrẹ abẹ ẹtarẹ aàgalẹ. ¹⁶Bẹ ga nọ ọrẹ abẹ akà ẹtarẹ abẹ ka, "Falẹ fon tu! Fọ tọ bẹbẹ fura ududu oÒgben ọọ̀kẹkan. ¹⁷Ubaka isubu ọkẹka nẹ bọ ọkẹkan ṣa ke. Ẹra e diye jọmọ a?"

Chapter 7

¹Ọnẹ urunba ẹ angẹli ẹna ka bẹ jọmọ wo ẹrọ oogun ẹnẹna, bẹ sẹ gbarigbari ẹrọ eèkperi ẹnẹna dọb wo urun, kadakada ka e me wura we ẹrọ, wo okub osi, sa wo oti kọọrọọrẹ iìwu. ²Ẹ gba angẹli ọbẹn nẹnẹ wo ọbẹrẹ à á ṣa na, nẹnẹ su Osibina ẹrọro iìduru dọn. E mi yi ọga aka ohun deelee na angẹli ẹna nẹnẹ biya nọ ka a rẹ ẹrọ akà okub oron na ka, ³"Ni ma rẹ ẹrọ, okun, sa iti abẹ oron jen e re ọgbọna nẹnẹ tà áka a fọ iduru wo Osibina oòkotoro abẹ iìṣa."⁴Ẹ wọ ero ọpa nẹnẹ bi diduru na: ero aṣẹn ipikibọrẹ-ketina, nẹnẹ bi diduru úbanẹ fẹnyan nẹnẹ wa Isrẹli ero ẹka na: ⁵ero aṣẹn ẹfokẹbọrẹ Irubẹni uùbanẹ, erọ aṣẹn ẹfọkẹbọrẹ Ẹ́gadi uùbanẹ, ⁶ero aṣẹn Áṣa uùbanẹ, ero aṣẹn ẹfọkẹbọrẹ Ẹ́nafitali uùbanẹ, ẹrọ aṣẹn ẹfọkẹbọrẹ Ẹ́manase uùbanẹ,⁷ero aṣẹn ẹfọkẹbọrẹ Ísimeoni uùbanẹ, ero aṣẹb ẹfọkẹbọrẹ Ẹ́lẹvi uùbabẹ, ero aṣen ẹfọkẹbọrẹ Ísaka uùbanẹ, ero aṣẹn ẹfọkẹbọrẹ Ísẹbulọmu uùbanẹ, ⁸ero aṣẹn ẹfọkẹbọrẹ Íjosefu uùbanẹ, akà ero ẹfọkẹbọrẹ Ẹ́bẹnjamẹni uùbanẹ auẹ bi diduru nẹ.⁹Ẹnanẹ uue'̀runba ẹ balẹ, i mi gba erokoro asanmasan nẹnẹ e me su ẹfẹna nẹnẹ diya gan na - íken, úbanẹ, érokoro, akà ẹ́larẹ fẹnyan iìwu - ka bi jọmọ wo akpa ẹrẹn akà wo ududo oÒgben ẹrẹn. Bi file ewuru okukuru bi diya dọn ẹmuwẹ wo bu uba, ¹⁰Biye e ye ohun deelee ka,"Ọnafan wa Osibina ẹka, nẹnẹ ma yẹrẹ akpa, akà nu ududo oÒgben!"¹¹Angẹli fẹnyan jọmọ gegere akpa gegere isuada abẹ aka ẹrọrọ ọọ̀ma abẹ, guma anyẹn ri ákpa ẹrẹn. ¹²Biye e pun Osibina, biya ga ka,"Aamin,! uyiyeyi, ugbogbodi, ẹdanyẹn, ẹbȯgẹgab, okokuru, iwogbigben, akà ogbigben a da nọ to Osibina otutuntotun! Aamin!¹³Ẹgan ọọrẹ ísuda abẹ iìwu ṣin mu ka, "Ẹẹna a wa ẹnanẹ a, nẹnẹ file ewuru okukuru na, akà ẹta bi we ṣa a?" ¹⁴Ẹ ga nẹ ya ka, "Ẹdaro, u din" e mi ga nẹ mọ ka, "Ẹnanẹ a wa erokoro abẹ nẹnẹ wo anyẹn ọrọrora ọkẹka ayẹ nẹ. Bi puwa be ewuru ke bi mi sẹ ya ṣina okukuru Údudo oÒgben ẹnyọn.¹⁵Ọnẹ uùba, bi wo Osibina aàkpa ẹrẹn biye pun ya ka erun akà ku ujo í yẹ ẹtẹmpulu. Ẹfẹna nẹnẹ ma yẹrẹ akpa ayẹ na áka bọra yu uturu yẹrẹ bẹ ẹpan. ¹⁶Anwọn éke pila sẹ ba, sa ebi ọkọrẹ e pila sẹ ba. Eyi àka ba yẹrẹ ba, sa ogugula gbọ kọrọọrẹ. ¹⁷Ubaka Ududo oÒgben nẹnẹ wo akpa eètin na à áka ṣẹlẹ ba, à áka yọ bẹ ẹrẹn yọ ẹrọro eèbi ọsọwa, Osibina éke mu iwo fẹnyan fura ba anyẹn."

Chapter 8

¹Ọgbọna nẹnẹ Ududo oÒgben jin iduru ufọmbọrẹro ke na, uṣusụ wamọ ósosi nẹ ẹwakati ọọrẹ ọṣẹnẹbọrẹ. ²Ọgba ọnẹba ayẹ ẹ gba angẹli ufọmbọrẹ abẹ nẹnẹ jọmọ wo Osibina ẹẹ̀ren, bi mi fọ ọbowọ ufọmbọrẹ nẹ ba.³Angẹli ọbẹn ṣa, nẹnẹ dọn iturari ọọ̀bowọ na, ka e jọmọ wo iturari aàkpasẹ. Bẹ fọ iturari ọyọyọ nẹ ya kadakada ka e diye pun bile adura nẹnẹ Osibina eèro ọnwọnwọn abẹ siye na íwura iturari aàkpa nẹnẹ wo akpa ẹẹ̀rẹn na. ⁴Iturari ayẹ aàran-bile Osibina eèro ọnwọnwọn abẹ aàdura-wo angẹli uùba kpọ yọ Osibina ẹrẹn. ⁵Angẹli ayẹ tiye iturari ọọ̀bọwọ e mi wo akpase ayẹ fiye e aka ẹra. E mi nẹ ya holo wo ẹrọ, ẹgan ímu ọbẹba, ihuhunu abẹ, ẹnyana ọṣẹṣan, akà ijogbugbun.⁶Angẹli ufọmbọrẹ abẹ nẹnẹ dọn ọbọwọ ufọmbọrẹ abẹ na kọ ẹsa ka bi yu ya. ⁷Angẹli oṣooro yu yọ ọbọwọ, osi ọọ̀tarẹ akà nẹnẹ be fọ ẹnyọn bile na mi wamo. Bẹ nẹ ya holo wo ẹrọ kadakada ka bi di kẹnẹ yọ ọsẹnẹta fuwa, bẹ kẹnẹ iti oòṣẹnẹta fuwa, akà ẹmẹ kpọtọkpọtọ fẹnyan bẹ kẹnẹ fuwa.⁸Angẹli ọọtoro yu yu ọbọwọ, ẹpẹn ọbẹn nẹnẹ è é we akọ ọkẹka nẹnẹ à á na aka ẹra na bẹ nẹ yavwo okun ibe. Okun ọọ̀ṣẹnẹta ṣina ẹnyọn, ⁹ẹrọro ọọ̀ma abẹ nẹnẹ wo okun ibe na fo, akà bi fu oko ebi abẹ ọọ̀ṣẹnẹta.¹⁰Angẹli ọtẹtaro yu yọ ọbọwọ, ọṣẹkpẹnẹ ọkẹka ọbẹn wo ososi falẹ, à á na akọ (torch), yẹrẹ ogbolo abẹ akà oburese abẹ ọọ̀ṣẹnẹta. ¹¹Ọṣẹkpẹnẹ ayẹ iwuru e gbe (wormwood). Ebi abẹ ọọ̀ṣẹnẹta ṣina (wormwood), ero ọyọyọ mi wo ebi ọsẹse ayẹ uba fo.¹²Angẹli ọnẹnaro yu yo̱ ọbọwọ, bi mi (struck) eyi, ka ọṣen ọọ̀ṣẹnta akà ẹṣẹkpẹnẹ ọọ̀ṣẹnẹta. ọnẹbẹ uùba bọ ọṣẹnẹta bila wo esiri; isubu ọọ̀ṣẹnẹta akà ujo ọọ̀ṣẹnẹta e me su ọsọ.¹³Ẹ balẹ, i mibwọ igu nẹnẹ è é piri ápan na ka è é ye deelee ka, "Ẹlẹ,ẹlẹ, ẹlẹ, na abẹ nẹnẹ à á ma ẹ́rọ na, ubaka ọbọwọ nẹnẹ ku ka angẹli ẹta abẹ e yu na."

Chapter 9

¹Ọ́gba ọnẹbẹ ayẹ angẹli upipiro aye yu yọ ọbọwọ. Ẹ gba ẹṣẹkpẹnẹ ọbẹn nẹnẹ wo ososi falẹ wo ẹrọ na. Bẹ fọ ọfa ọṣẹn ududo ẹẹ̀kọkọrọ nẹ ya. ²E jin ọfa ọṣẹn ududo wuje, aaran mi wo amọ ṣura kpọ yọ akọ aaran nẹnẹ wo ogudu ọkẹka è é ṣura na. Eyi akà mi ta esiri kpi áaran nẹnẹ wo ọfa. ṣura kpọ na uùba ọrẹ ṣura.³Aaran iìwu ayẹ ijoolo abẹ we ṣa ẹrọ na, bi mi fọ iwogbigben nẹ ba akọ ẹrọ oòkenyinkenyin igben na. ⁴Bẹ ga nẹ ba ka bi me fu ẹmẹ nẹnẹ wo ẹrọ na sa ẹmẹ kpọtọkpọtọ sa oti, àmá erokoro abẹ nẹnẹ bí me su Osibina iìduru í bi iṣi abẹ na.⁵Bi ma fọ ọrẹ nẹ ba ka bẹ nwan erokoro ẹnabẹ, àmá ka bi je bo oya nọ ọṣẹn upi. Bovoya éke ki we akọ okenyinkenyin igben ọọ̀tẹtan ọgbọna nẹnẹ à á tan oro na. ⁶Ísubu ẹnabẹ erokoro éke ki ni ufo àmá bà áka gba ẹ. Bè éke kpoto ni ka bi fo àmá ufo éke mune nẹ ba.⁷Ijoolo abẹ balẹ akọ abọrada abẹ nẹnẹ bi guru iwu wuje nẹ ẹkọn na. Í bẹ ẹpan abẹ ayẹ ẹpẹn ẹbẹn nẹnẹ è é we akọ iwura iìgodo na ma, ba anyẹn min e we akọ erokoro abẹ aànyẹn. ⁸Bi su ẹpẹn akọ iyaro ẹẹ̀pẹn na, bi irun min e we akọ idu abẹ iìrun. ⁹Bi su ẹgbaan ọọ̀bọwọ nẹnẹ nẹnẹ è é we akọ ẹgbaan ọọ̀ṣọ, ba abẹwọ abẹ iìmu ọnẹna è é we akọ ẹkẹkẹ ọyọyọ iìmu ọnẹna akà akọ abọrada abẹ nẹnẹ è é mune fọn ẹkọn na.¹⁰ su oṣen abẹ nẹnẹ su ọta akọ ojenyinkenyin igben na; í bo oṣen bi su iwogbigben ka bẹ re erokoro oron nọ ẹṣẹ upi. ¹¹Bi su akọ obin na yẹrẹ bẹ ẹpan ọfa ọṣẹn ududo aàngẹli. Yi iwuru e gbe Íhibru ẹẹ̀larẹ e gbe Abadọni nẹ, akà Ígriki e su iwuru nẹnẹ è é gbe Apoliọni. ¹²Ẹlẹ ọṣooro ṣun ke. Balẹ! Ọneoo uùrunba e pila su (disaster) ẹbọrẹ nẹnẹ à áka ṣa na.¹³Angẹli ọpọnọọrẹro yu yọ ọbọwọ, i mi wọ ohun ọbẹn nẹnẹ wo iwuru aàkpa ėẹ̀kpanẹ abẹ nẹnẹ wo Osibina ẹrẹn ve à á ṣa, ¹⁴à á ga na angẹli ọpọnọọrẹro nẹnẹ dọn ọbọwọ na ka, "Tọra angẹli ẹna nẹnẹ bẹ parẹ wo Ewufreti ọkẹka oògbolo." ¹⁵Angẹli ẹna nẹnẹ bi guru iwu wuje nẹ ẹwakati ayẹ na, isubu ayẹ, ọṣẹn ayẹ akà ẹnyẹn ayẹ bẹ tọra ba wuje ka bẹ nwan ẹrọro ọọ̀ṣẹnẹta.¹⁶Ẹkọnro abẹ nẹnẹ wo abọrada osi ọọ̀gẹgan wa (200,000,000). Ẹ wọ bọ ọgẹgan. ¹⁷Akọ i siye gba abọrada abẹ í mẹ ẹmẹnẹ nẹ akà abẹ nẹnẹ kpọ yẹrẹ ba na: Bẹ ẹgbaan ọọ̀bọwọ wa ọnyanyan kparo (dark blue and sulfurous yellow). Abọrada abẹ ẹẹ̀pan, akà íbo owo ayẹ ẹra, aaran, aka ẹsọlfọ we è é ve nẹ.¹⁸Bẹ fọ (plagues) ẹnanẹ nwan erokoro abẹ ọṣẹnẹta: ẹra, aaran, akà ẹsọlfọ nẹnẹ wo bo owo ve à á ṣa na. ¹⁹Ubaka abọrada abẹ iìwogbigben wo bo owo akà í bo oṣen abẹ - ubaka bo ọsen è é we akọ ẹpẹnidudu abẹ na, nẹnẹ au ẹpan abẹ nẹnẹ biya rẹ erokoro abẹ oron na.²⁰Erokoro ibuba, abẹ nẹnẹ (plagues) ẹnanẹ a ma nwan na, bi me roribebila fura bu utun uùba, sa i bẹ sẹ uba jọmọ ka bẹ ki pun ẹfunwẹnwẹn idudu abẹ akà iwura, ẹfadaka,idẹ, ọtarẹ akà oti uùjun abẹ-ẹpẹn abẹ nẹnẹ e diya gba, wọ, sa jejen na. ²¹Sa i bi roribebila fura bọ ọnwanoro, (sorcery), (sexual immorality) sa í bo oyiri oyiyire.

Chapter 10

¹I mi gba angẹli ọkẹka ọbẹn nẹnẹ wo ososi holo à á ṣa na. Nẹnẹ bẹ fọ iduduru file, akà nẹnẹ su idodorima í yẹ ẹpan osi na. Ya anyen è é we akọ eyi akà yẹ ẹṣẹn abẹ è é we akọ ẹra ọọ̀tọ. ²A dọn emumu okeke ọbẹn, nẹnẹ bi jin wo yu uba na. A fọ yọ ọṣẹn ojijen yẹrẹ okun akà yọ ọṣẹn oguruba.³A kpan owo yi ọga akọ idu nẹnẹ à á gen na. Ọgbọna nẹnẹ e yi ọga ke na, ímu ufọmbọrẹ abẹ ga ẹga ve í bo ohun abẹ. ⁴Ọgbọna nẹnẹ ímu ufọmbọrẹ abẹ ga ẹga ve na, iye ni ka ẹ wọra ẹ, àmá ẹ wo ohun ọbẹn ósosi ka à á ga ẹ ka, "Do ẹkẹna nẹnẹ ímu ufọmbọrẹ abẹ à á ga na iìduru ke. U ma wọra ba wuje."⁵Angẹli nẹnẹ ẹ gba ka e jọmọ yẹrẹ okun akà ije na kpan yu uba ojijen kpọ ososi. ⁶A fọ ẹfẹna nẹnẹ wamo otutumotutun na bọwọ ọpẹn, nẹnẹ ma ososi akà fẹnyan nẹnẹ wamọ na, ẹrọ akà fẹnyan nẹnẹ wamọ na, akà okun akà fẹnyan nẹnẹ wo yi ibe na, angẹli ayẹ mi ga ka, "È éke pila su ovunayurun. ⁷Àmá ísubu nẹnẹ angẹli ufọmbọrẹ kọ ẹsa ka e yu yọ ọbọwọ na, ayẹ bà áka sẹ Osibina ẹẹ̀bẹbẹ ẹpan nẹ, kakọkakọ e siye kpọ ẹpẹpan oboro ayẹ ẹẹ̀pẹpa nẹ yo okotoro ọgẹsẹ abẹ."⁸Ohun nẹnẹ ẹ wo ósosi na diya ma mọ ga ẹga ka, "Yọ, ọ na emumu nẹnẹ bi jin wuje nẹnẹ dọn angẹli nẹnẹ jọmọ yẹrẹ okun akà yẹrẹ ije na uùba.⁹ I mi yọ i to angẹli ayẹ ẹ ga nẹ ya ka a fọ emumu keke ayẹ nẹ mọ. A ga nẹ mọ ka, "Na emumu ayẹ u a tan. À áka fọ wi ibe sẹ, àmá í wo owo áka rọn akọ ẹnwọntọn na."¹⁰Ẹ na emumu keke ayẹ fura angẹli ayẹ uùba i mi a tan. A rọn akọ enwọtọn í mo owo. Ámá ọgbọna nẹnẹ ẹ tan ya na uùrunba, mi ibe mi sẹ." ¹¹Ayẹ oro ọbẹn mi ga nẹ mọ ka, "Ọ gbadọ mi diya ga ẹsẹ yẹrẹ erokoro ọyọyọ, iken abẹ,elarẹ abẹ akà ibin abẹ ẹpan."

Chapter 11

¹Bẹ fo edo ọbẹn nẹ mọ ka i lo ẹ akọ ọmẹma oògbolo na. Bẹ ga nẹ mọ ka, "Kpan fura ọ ma Osibina ẹẹ̀tẹmpulu akà akpasẹ ayẹ, akà abẹ ẹnanẹ nẹnẹ è é pun i yi ibe na. ²Àmá u ma ma ikpoo ayẹ nẹnẹ wo ẹtẹmpulu ọọ̀nyẹn na, ubaka biya a dọn ikuwero abẹ uba ke. Bà áka dẹn iken ọnwọnwọn ayẹ nọ ọṣẹn ibọrẹketubọrẹ.³Mà áka fȯ iburu nẹ mu ubedinro ẹbọrẹ ka bẹ gẹsẹ nibisubu aṣẹnkẹparekita, nẹnẹ bẹ fọ esa (sackcloth) file na." ⁴Ubedinro abẹ ẹnanẹ a wa olivi oòti akà oògbolo ẹbọrẹ nẹnẹ jọmọ wo ẹrọ iìdu ẹrẹn nẹ. ⁵È é su ẹfẹna nẹnẹ è é ninka ayẹ a rẹ bo oron na, ẹra de wo bo owo ve ṣa nẹnẹ de fu be ebero abẹ na. Ẹfẹnẹfẹna è é ki ni ka ayẹ re bo oron na de wo ọrẹ ọnẹ fo.⁶Ubedinro ẹbọrẹ ẹnanẹ su iburu abẹ nẹnẹ bà a kẹ gẹsẹ abẹ na. Bi su iwogbigben ka biye bila ebi wo ẹnyọn akà ka bẹ fọ (plague) ẹlẹla abẹ kọrẹ ẹrọ ọ́gbakọgba nẹnẹ bè e ki ni ya na. ⁷Ọ́gba nẹnẹ bà aka a nu ubedin kuwe ke na, ọnẹ nẹnẹ wo ọṣẹn ududo ọọ̀fa kpọ ṣa na éke bila ẹkọn anyẹn to ba. À áka fọrẹ ba e diya nwan ba.⁸Bi iwukpe éke wo iken ọkẹka ayẹ oòṣin (nẹnẹ bè e ye Isodomu akà Ijipiti ẹfunwẹnfunwẹn ọọrẹ) ẹfẹna nẹnẹ bi we kan bi idu wo ọgbalati na. ⁹Ni ẹta ẹtakugbun érokoro fẹnyan iìwu, (tride), ẹlarẹ, akà iken aka kẹ balẹ bi iwu abẹ. Bẹ éke ya ka bẹ fọ bibiwu wu ọ́sọ.¹⁰Abẹ ẹnanẹ nẹnẹ ma wo ero na aka bẹn yẹrẹ bẹ ẹpan bi diye bin. Bè éke sisi fọ ẹfuwese file na aben ubaka ọgẹsẹro ẹbọrẹ ẹnanẹ je ero abẹ nẹnẹ ma yẹrẹ ẹrọ osi na ọga. ¹¹Àmá ísubu ẹtakugbun uùrunba ẹrọ ẹẹ̀funwẹn Ósibina ẹfa ṣa áka fọn bi ibe, bè éke mi kpan fura í bọ ọṣẹn. Ọrọrẹ ọkẹka éke holo yẹrẹ abẹ ẹnanẹ nẹnẹ gba ba na. ¹²Ọ́nẹbẹ uùba bà áka wọ ohun ọkẹka ọbẹn ósosi ka a ga nẹ ba ka, "Nẹ kpọ ṣa ẹkọ! Ọ́nẹbẹ uùba bà áka kpọ yo ososi íduduru iìbe, akọ be ebero abẹ éke siye kẹ balẹ ba na.¹³Ẹ́wakati ayẹ ijogbogbun ọkẹka ọbẹn éke wamọ, iken ayẹ ọ́ṣẹnẹfọ éke gidina. Ero aṣẹn ufọmbọrẹ ayẹ ibogbugbun ayẹ áka nwan, ẹnanẹ nẹnẹ à á fan na áka sọnmọrọrẹ bè éke diya fọ ugbugbodi no ososi oÒsibina. ¹⁴Ẹlẹ ọọboro ṣun ke. Balẹ! Ẹlẹbọtẹtaro ṣana à á ṣa.¹⁵Angẹli ufọmbọrẹ ayẹ yu yo ọbọwọ, ohun abẹ nẹnẹ na imu na ga ẹga ósosi e mi ga ka, "Ẹrọ ẹẹ̀ṣẹn mi ṣina ti Idu akà yi Ikristi ẹẹ̀ṣẹn, è éke diye jobin otutunmotutun."¹⁶Ọ́nẹbẹ uùba isuda ọgbdọketina abẹ, nẹnẹ ma yẹrẹ ba akpa Ósibina ẹẹ̀rẹn, bi guma ba anyen ri bi mi pun Osibina. ¹⁷Bẹ ga ka, "Tẹ tẹ ẹba nẹ ọ, Isu Osibina Ọgbaragada, ọnẹ nẹnẹ wamọ akà nẹnẹ tayi wamọ na, ubaka u tiye wi iwogbigben ọkẹka u mi tọmẹ u è é jobi .¹⁸Iwu kan iken abẹ, àmá wọ ọkẹkan ṣa ke. Ọgba re ka bẹ ṣẹn ekporo abẹ ẹkarẹ akà ka u je wo okotoro ọgẹsẹro abẹ ese akà Osibina eèrokoro ọnwọnwọn abẹ, akà abẹ ẹnanẹ nẹnẹ sọn wi iwuru ọọ̀rọrẹ, ka ọnẹ nẹnẹ e è me kponyina na akà ọnẹ nẹnẹ kẹka na. Ọgba re ka u fu ẹnanẹ nẹnẹ è é fu ẹrọ na."Ọ́nẹbẹ uùba bi jin Osibina ẹẹ̀tempulu ósosi bi mi gba ọkpa aàkoto í yẹ ẹtẹmpulu ibe. Ẹnyana ọọ̀ṣẹṣan abẹ ọgẹgẹn abẹ, ímu ọbẹba abẹ, ibogbugbun, akà ọtarẹ ọkẹka.

Chapter 12

¹Okpikpeli ọkẹka fi iwu nyẹn ósosi: iyaro ọbẹn nẹnẹ bẹ fọ eyi file na, nẹnẹ ọṣẹn wo yẹ ẹṣẹn iìgben na akà nẹnẹ igodo nẹnẹ su ẹṣẹkpẹnẹ efọkẹbọrẹ wo yẹ ẹpan na. ²E wi inyon, è é yi oga ubaka è é ni ka ayẹ a bo ogben, e wo ogben ọba oònunuma.³Kẹgan okpikpeli ọbẹn diya fi iwu nyẹn Ósosi: Balẹ! Ẹdragonu ọnyanyan ọkẹka ọbẹn wamọ nẹnẹ su ẹpan ufọmbọrẹ wo yẹ ẹpan abẹ. ⁴Yo oṣen pọra ẹṣẹkpẹnẹ ọọ̀ṣẹneta ósosi fuwa, e mi nẹ ba holo wẹ ẹrọ. Ẹdragonu ayẹ jọmọ wo iyaro nẹnẹ à á ṣa ọ bogbẹn na ẹẹ̀rẹn, kadakada ka à á ba ya na, e di nwan yo ogben ayẹ.⁵A ba ogben oforo, ogben okpe, nẹnẹ è éke jobin yẹrẹ iken fẹnyan na aka ọṣọ oògbolo. Bẹ na yo ogbeb yọ Osibina ẹẹ̀fa akà yọ ya akpa, ⁶iyaro ayẹ mi mune yọ ọdanmobile, ẹfẹna nẹnẹ Osibina guru ẹfa wuje nẹ ya na, kadakada ka bi di balẹ ya ni isubu aṣẹn kẹparẹkita⁷Akana ẹkọn ve ósosi, Ẹmayikeli akà ya angẹli abẹ ma edragọnu ayẹ yẹrọ, ka ẹdragọnu akà ya angẹli abẹ uẹrọ pila. ⁸Àmá ẹdragọnu ayẹ e me su iwogbigben guwe ka a fọrẹ. Ọnẹbẹ uùba ẹfa e me file wo ayẹ akà ya angẹli abẹ ámọ ósosi. ⁹Ẹdragọnu ọkẹka ayẹ - ẹpẹnidudu osusun ayẹ nẹnẹ bè e ye eṣu sa Ẹsatani na, nẹnẹ wọrẹ ẹrọ fẹnyan na - bẹ nẹ ya holo wo ẹrọ, akà ya angẹli abẹ bẹ nẹ bile ẹ holo nẹ.¹⁰Ọgba ọnẹbẹ ayọ ẹ wọ ohun nẹnẹ na íwu ósosi na: "Akana ayẹ Osibina ọọ̀naafan akà iìwogbigben akà ẹẹ̀ṣẹn akà Ikristi iìburu. Ubaka bẹ nẹbtẹ ẹda abẹ (accuser) holo wo ẹrọ, ọnẹ nẹnẹ à á (accused) to Ósibina ẹẹ̀rẉn ke erun akà ku ujo.¹¹Bẹ fọ Ududo oÒgben ẹẹ̀nyọn fọrẹ ya akàví bu ubedin ẹẹ̀ga, ubaka bi me ni bẹ ẹrọ ẹẹ̀ga jen e re ufo anyẹn. ¹²Ọ́nẹbẹ uùba nẹ bẹn, anọ ososi abẹ akà abẹ fẹnyan nẹnẹ à á ma ámọ na! Àmá fẹlẹ ẹrọ akà okun, ubaka esu ayẹ holo ni nu ṣa! E fiye ni iwọkekan ọkẹka ubaka e din ka ọgba keke ayẹ su!¹³Ọgbọna nẹnẹ ẹdragọnu ayẹ gba ka bẹ nẹ áye holo wo ẹrọ na, e gu iyaro ayẹ nẹnẹ ba ogben oforo ayẹ na. ¹⁴Àmá bẹ fọ (eagle) ọkẹka aàbẹwọ kadakada ka e di mune yọ ẹfẹna nẹnẹ bi guru wuje nẹ ya ódanmobile na. Ẹfẹnẹbẹ ayẹ a wa ẹfẹna nẹnẹ bè éke we balẹ ya na, nọ ọgna, nọ ọgba abẹ, akà nọ ọgba ọṣẹnẹbọrẹ - fura ẹpẹn idudu ayẹ ẹrẹn.¹⁵Ẹpẹnidudu ayẹ guma ebi nẹnẹ è é we akọ ogbolo na wo yo owo ve ṣa kadakada ka ebi ọọ̀ra e di pọra ẹ yọ. ¹⁶Àmá ẹrọ go iyaro ayẹ uba. Ẹrọ jin yo owo a rọwa ogbolo ayẹ nẹnẹ ẹdragọni ayẹ guma gura yo owo na. ¹⁷Ẹdragọnu ayẹ mi kaniwu to iyaro ayẹ e mi yọ e bila ẹkọn anyẹn to yu ubanẹ ibuba abẹ, abẹ nẹnẹ wọ ọtọn no Osibina oòbuburu abẹ nẹnẹ diya sẹ Ijesu uùbedin dọn gbarigbari na. ¹⁸Ẹdragọnu ayẹ jọmọ yẹrẹ aṣẹṣẹn nẹnẹ wo okun oòwo.

Chapter 13

¹I mi gba ọnẹ ọbẹn nẹnẹ wo okun kpọ à á ṣa na. E su ẹkpanẹ ẹfọ aka ẹpan ufọmbọrẹ. Yẹrẹ yẹ ẹkpanẹ abẹ ayẹ igodo ẹfọ ma nẹ, akà yẹrẹ yẹ ẹpan ọrọọrẹ ayẹ bẹ wọra ẹlabọ iìwuru wo nẹ. ²Ọnẹ ọnẹ nẹnẹ ẹ gba na è é we akọ. Yẹ ẹṣẹn abẹ è é we akọ ibiya ẹka na, akà yo owo è é we akọ idu ẹka na. Ẹdaragoni ayẹ fo yi iwo gbigben nẹ ya, ya akpa akà yi iburu ọkẹka ka è é ki jobin.³Ọọrẹ ọnẹ ayẹ ẹẹ̀pan su oron ọkẹka, àmá oron ọkẹka ayẹ gben ke. Ẹrọ fẹnyan jinowofuwa akọ nẹnẹ bi siye à á yẹrẹ ọnẹ ayẹ na. ⁴Bi diye e pun ẹdragoni, ubaka a fọ yi iburu nẹ ọnẹ ayẹ ke. Bi diye e pu ka ọnẹ ayẹ, biya a ga ẹ ka, "Era e we akọ ọnẹ ayẹ a?" akà ka, "Ẹra e diye bila ẹkọn to ya a?"⁵Bẹ fọ owo nọ ọnẹ ayẹ nẹnẹ diya ga ọkakara ẹẹ̀ga akà ẹlabo abẹ na. Biya dọn yu uba ka a ma iburu nẹ ẹṣẹn ibọrẹketubọrẹ. ⁶Kegan kegan ayẹ ọnẹ ayẹ jin yo owo ka à á ga ẹlabọ abẹ to Osibina nẹ, a ga ẹlabọ è é to yi iwuru akà yu uturu akà to abẹ nẹnẹ à á ma ososi na.⁷Bẹ fọ ẹfa wuje nọ ọnẹ ayẹ ka à á ma Osibina eèrokoro ọnwọnwọn abẹ gban ẹkọn akà ka a fọrẹba. Bile amọ, bẹ fọ iburu nẹ ya yẹrẹ ubanẹ, erokoro ẹlarẹ, aka iken fẹnyan. ⁸Abẹ fẹnyan nẹnẹ à á ma ẹ́rọ na éke pun ya, abẹ fẹnyan nẹnẹ bí ma wọra bi iwuru, kaba ẹrọ ọọ̀bije na, wo Ẹrọ eÈmumu ibe, nẹnẹ ududu oÒgben nẹnẹ bẹ nwan ke bi na.⁹È é su ẹfẹna nẹnẹ su ọtọn, a wọ.¹⁰ È é su ẹfẹna nẹnẹ a bọ ka bẹ sẹ wo ọpẹparẹ na, ọpẹparẹ ayẹ áka yọ. È é su ẹfẹna bọwọ ka bẹ fọ ọgbọdọ nwan na, ọgbọdọ ayẹ nà áka nwan ya. Ẹkọ ayẹ bi we ye nọ Osibina erokoro ọnwọnwọn abẹ ọlọn ọọ̀fiwuna akà ọnawọ nẹ.¹¹I mi diya gba ọnẹ ọbẹn nẹnẹ wo ije ve à á ṣa. E su ẹkpanẹ ẹbọrẹ akọ ududo oògben na, à á ga ega akọ ẹdragoni na. ¹²À á ma ọnẹ oṣooro iìburu fenyan í yẹ ẹrẹn a wọra ka ẹrọ akà abẹ fẹnyan nẹnẹ à á ma amọ ka ba pun ọnẹ oṣooro-ọnẹ nẹnẹ yo oron ọkẹka gben ke na.¹¹I mi diya gba ọnẹ ọbẹn nẹnẹ wo ije ve à á ṣa. E su ẹkpanẹ ẹbọrẹ akọ ududo oògben na, à á ga ega akọ ẹdragoni na. ¹²À á ma ọnẹ oṣooro iìburu fenyan í yẹ ẹrẹn a wọra ka ẹrọ akà abẹ fẹnyan nẹnẹ à á ma amọ ka ba pun ọnẹ oṣooro-ọnẹ nẹnẹ yo oron ọkẹka gben ke na.¹³E siye ojinorowofuwa ẹkẹka. E sisi wọrẹ ka ẹra e wo ososi holo ṣa érokoro ẹẹ̀rẹn. ¹⁴Ikpikpeli abẹ uùba ọrẹ bẹ fọ iwogbigben nẹ ya (on behalf), a wọrẹ abẹ nẹnẹ à á ma ẹ́rọ na, a ga à á nẹ ba ka bẹ fọ uṣi kpa nọ ọnẹ ayẹ - nẹnẹ bẹ fọ ọgbọdọ rẹ ọrọn na, àmá e ki wo ẹrọ.¹⁵Bẹ fọ ọrẹ nẹ ya a fọ ẹfunwẹn nọ ọnẹ uùsi kadakada ka uṣi ayẹ esi di ga ẹga akà ka a wọrẹ ka bẹ nwan abẹ fẹnyan nẹnẹ yuru ka bi pun ọnẹ ayẹ na.¹⁶ E diya fọ iwogbigben erokoro fẹnyan, ka ẹfẹna nẹnẹ a à ma kẹsẹ ka ẹfẹna kẹsẹ na, aronro aka uyeriro, ofanro akà ọvan, ka bẹ na aṣẹrẹ wo bu uba ojijen sa wo bu iṣi. ¹⁷E me su osiye ka oro e nyin sa a jọ é è me gbe ka e su ọnẹ ayẹ aàṣẹrẹ na, nẹnẹ wa, ọgẹgan ayẹ nẹnẹ jọmọ nẹ yi iwuru na.¹⁸Ọnẹ ye nẹ ẹdanyẹn na, a gan ọnẹ ayẹ ọọ̀gẹgan. Ubaka orokoro ọọ̀gẹgan ya. Ọgẹgan ayẹ a wa akatakitaketupọnọọrẹ nẹ.

Chapter 14

¹Ẹ balẹ i mi gba Ududo oÒgben ka e jọmọ yẹrẹ Ẹsiyọni ọọ̀rẹ. Bile yi iwu a wa erokoro aṣẹnmipikibọrẹketina nẹnẹ su yi iwura akà wẹ Ẹdẹda iìwuru nẹnẹ bẹ wọra wo bi iṣi abẹ na. ²Ẹ wo ohun ọọrẹ ósosi nẹnẹ na imu akọ ebi ọyọyọ akà ímu nẹnẹ na ímu na. Ohun nẹnẹ e wọ na è é we akọ ọtaro abẹ nẹnẹ à á bọ ọta abẹ na.³Bi tiye eguru owowo akpa ẹrẹn akà ẹ́rọro ọọ̀ma ẹna ẹẹ̀rẹn akà ísuda abẹ ẹṣẹn. E me su ẹfẹna nẹnẹ diye kpiya e me fura ka erokoro aṣẹnmipikibọrẹketina nẹnẹ bi wo ẹrọ fo ṣa na. ⁴Ẹnanẹ nẹnẹ e è me mi fọ iyaro be bi iwu fuwa, ubaka iyegben ayẹ bi ki wa. Abẹ ẹnanẹ a da yẹrẹ Ududo oÒgben yọ ẹfakẹfa nẹnẹ à á yọ na. Abẹ ẹnanẹ bi nyinpila érokoro abẹ iìwu akọ ilukutu iṣooro no no Osibina akà nu Ududo oÒgben nẹ.⁵ E ne su iṣomo nẹnẹ bẹ gba í bo owo na, bi me su ebe.⁶Ẹ gba angẹli ọbẹn nẹnẉ è é piri ósosi eètin na, nẹnẹ su epepan oboro orutunmotutun nẹnẹ à áka kpọ uẹ ẹpẹpan na abẹ nẹnẹ à á ma wo ẹrọ - ni iken fẹnyan, (tribe), ẹlarẹ, akà erokoro abẹ. ⁷E ye óhun deelee ka, "Sọn Osibina ọọ̀rọrẹ u diya fọ ugbugbodi nẹ ya. Ubaka yẹ ẹlarẹ ọṣẹṣẹn ẹẹ̀wakati ṣa ke. Pun, ya ẹfẹna nẹnẹ ma ososi ayẹ, ẹrọ ayẹ, okon ayẹ, akà ebi ọọ̀sọwaabẹ.⁸Angẹli ọbẹn - angẹli ọọboro - yẹrẹ ya, à á ga ka, "Ọfẹfalẹ, ọfẹfalẹ a wa Ẹbabilọni ọkẹka, nẹnẹ wọrẹ ka iken fẹnyan abẹ ka bẹ wa í yo (immoral passion)."⁹Angẹli ọbẹn - angẹli ọtẹtaro - yẹrẹ ba, à á ga óhun deelee ka, "Ẹfẹnẹfẹna è é pun ọnẹ ayẹ akà yu uṣi nẹnẹ mi diya na aṣẹrẹ wo yi iṣi sa wo yu uba na, ¹⁰Ka ayẹ à áka wa keke Ósibina ọọ̀kẹkan ẹẹ̀wanyini, ẹwanyini nẹnẹ bí me bilebi wo yi iwọkẹkan uùweb. Ẹfẹna nẹnẹ àná wa ẹ na ayẹ bà áka fọ ẹra akà esulfọ je óya Ósibina aàngẉli abẹ ẹrẹn akà Údudo oÒgben ẹẹ̀rẹn.¹¹Aaran nẹnẹ è éke wo bo oya ṣa na à áka kpọ kẹ́ yọ otutunmoturu, be èke diye su ẹyọfile ke erun sa ku ujo - ẹnanẹ nẹnẹ è é pun ọnẹ ayẹ na akà yu uṣi, akà erokoro fẹnyan nẹnẹ à á na yi iwuru aàṣẹrẹ na. ¹²Ẹkọnẹ ayẹ bibwe ye no Osibina eèrokoro ọnwọnwọn abẹ ọlọn ọọ̀fiwuna nẹ, ẹnanẹ nẹnẹ fọ Osibinauububuru abẹ su na akà bọ ọnawọ Ijesu."¹³Ẹ wọ ohun ọọrẹ wo ósosi ṣa ka, "Wọra ọnẹ: Onurubile a wa ekporo nẹnẹ fo Ídu na." "Hẹn," ẹgan Ẹfunwẹnfunwẹn siye ga nẹ, "kadakada bo osisiye abẹ áka yẹrẹ ba."¹⁴Ẹ balẹ, iduduru okukuru ọọrẹ mi wamọ. Ẹfẹna nẹnẹ ma yẹrẹ ya na è é we akọ orokoro oògben. E su iwura iìgodo wo yẹ ẹpan akà (sickel) nẹnẹ ron na í yu uba. ¹⁵Ọnẹbẹ uùba angẹli ọbẹn we ẹtẹmpulu ve ṣa e mi fọ ohun deelee ye ẹfẹna nẹnẹ ma yẹrẹ iduduru na: "Tiye wo (sickel) u mi tọmẹ ọ kẹ (reap). Ubaka ȯgba (reap) ṣa ke, akọ e siye gbe ka (harvest of the earth) gben ke na." ¹⁶Ọ́nẹbẹ uùba ẹfẹna nẹnẹ à á ma yẹrẹ iduduru nẹ ye (sickel) yẹrẹ ẹrọ, e mi harvest ẹrọ.¹⁷Angẹli ọbẹn wo etempulu ósosi ve ṣa; ayẹ ẹbẹba su (sharp sickel). ¹⁸Kẹgankẹgan ayẹ angẹli ọbẹn diye wo iturari aàkpasẹ ve ṣa, nẹnẹ su iburu yẹrẹ ẹra na. E ye óhun deelee nọ ọnẹ nẹnẹ su (sharp sickel) na ka, "Tiye wọ (sharp sickel) u jese (in the cluters of grapes) fura ẹrọ, ubaka bo (grapes) mi rọna ke."¹⁹Angẹli ayẹ mi nẹ yi (sickle) wo ẹrọ e mi (gstjered the grape harvest of the house). E mi nẹ ba wo Osibina ọọ̀kẹkan ẹẹ̀wanyinọkọ. ²⁰Bà a dẹn ẹwanyinọkọ ayẹ íken uùrun ẹnyọn nẹnẹ wo ámọ ve ṣa na fọ jen e re abọrada ọọ̀kowokpe nẹnẹ è é we akọ aṣen ọọrẹ aka akata iìstadiya na.

Chapter 15

¹Ẹ gba okpikpeli ọbẹn ósosi, nẹnẹ kẹka na nẹnẹ diye jinorowofuwa: Angẹli ufọmbọrẹ nẹnẹ diye su (plagues) dọn na, ubaka í bu uba ọọ̀rẹ ayẹ bè éke wẹ sẹ Osibina ọọ̀kẹkan ẹpan nẹ.²Ẹ gba ẹpẹn nẹnẹbè é we akọ ugbegbe oòkun nẹnẹ bẹ fọ ẹra bile na. Abẹ nẹnẹ jọmọ kẹ okun ayẹ na a wa ero abẹ nẹnẹ su afọrẹ yẹrẹ ọnẹ ayẹ ẹpan akà yu uṣi akà yẹrẹ ọgẹgan nẹnẹ jọmọ nẹ yi iwuru na. Bẹ dọn iko nẹnẹ Osibina à á nẹ ba na.³Biye tiye Imosisi eèguru, Osibina oòkotoro, akà Ududo oògben eèguru eèfuru: Ọkẹka akà ojinoworofuwa a wa wo osisiye abẹ, Isu, Osibina, Ogbaragada Ọṣẹrẹ akà ikuwa a wa wọ orikpokpo abẹ, iken abẹ oÒbin. ⁴Ẹra àka sọn wọ ọrọrẹ, Idu, akà nẹnẹ à áka fọ ugbogbodi nẹ wi iwuru a? Ubaka awọ aarẹ a nwọn. Iken abẹ fẹnyan aka ṣa bi pun í wẹ ẹrẹn ubaka wọ ọṣerẹ osisye fi iwu nyẹn ke."⁵Ẹnane urunba ẹ balẹ, e mi gbe ka ẹtẹmpulu nẹnẹ su ubedib uùturu wo ojijin ósosi. ⁶Ẹ́tẹmpulu ibe ayẹ angẹli ufọmbọrẹ abẹ nẹnẹ dọn (plegue) ufọmbọrẹ abẹ we ve ṣa. Bi file esa (pure, bright linen) bi diye fo iwura (sashes) parẹ bẹ ẹgban.⁷̣ọrẹ ẹ́rọro ọọ̀ma ẹna abẹ iìwu fọ iwura ọọ̀bọwọ ufọmbọrẹ nẹnẹ fe no Osibina ọkẹkan na angẹli ufọbọrẹ abẹ, nẹnẹ wamọ otutunmotutun na. ⁸Ẹtẹmpulu ayẹ fiye na aaran wo Osibina uùgbugbodi ṣa akà wo yi iwogbigben ṣa. E me su ẹfẹna nẹnẹ diya fọn ya na jẹn e re ọgbọna nẹnẹ anhẹli ufọbọrẹ abẹ (plague) gule ke na.

Chapter 16

¹Ẹ wọ ohun ọbẹn nẹnẹ na imu nẹnẹ wo ẹtẹmpulu ve ṣa na e mi ga na angẹli ufọmbọrẹ abẹ ka, "Nẹ yọ ni guwa Osibina ọọ̀kẹkan ọbọwọ ufọmbọrẹ wo ẹrọ."²Angẹli oṣooro yọ e mi guma ọbọwọ ayẹ wo ẹrọ, ẹyonẹnẹ wọra akà nẹnẹ su ọnunuma ṣa wo erokoro abẹ nẹnẹ su ọnẹ ayẹ aàṣẹrẹ, abẹ diye pun yu uṣi iìwu.³Angẹli ọọboro guma yọ ọbọwọ wo okun iìbe. E ṣina ẹnyọn, nẹnẹ è é we akọ ẹfẹna nẹnẹ fo na ẹẹ̀nyọn, ẹpẹn ẹrọrọ fenyan nẹnẹ wo okun na mi fo.⁴Angẹli ọtẹtaro guna yọ ọbọwọ wo ogbolo abẹ akà wo ebi ọọ̀sọsọwa abẹ, bi mibṣina ẹnyọn. ⁵Ẹ wọ ka ebi abẹ aàngẹli ga ka, "Ọṣẹrẹro ayẹ ọ wa - ẹfẹna wamọ na akà nẹnẹ tayi wamọ na, Ọnẹ nẹnẹ Nwọn na - ubaka ọ ṣẹn ẹkẹnẹnanẹ ẹkarẹ. ⁶Ubaka bẹ ṣẹn Osibina eèrokoro ọnwọnwọn abẹ akà ọgẹsẹ abẹ, ọ fọ ẹnyọn nẹ ba wa; ẹkẹna nẹnẹ bọ ba na a wa ọnẹbẹ." ⁷Ẹ wo ka akpasẹ ayẹ eila ka, "Hẹn, Idu Osibina Ọgbaragada, wẹ ẹkarẹ ọṣẹsẹn abẹ wi ikuwa akà ọṣẹrẹ."⁸Angẹli ọnẹnaro guma yọ ọbọwọ yẹrẹ eyi, biya nẹ ya ka a fọ ẹra gbọ erokoro abẹ. ⁹Bẹ fọ ogugula odudu gbọ ba, bi min a ga ẹlabọ è é to Osibina iìwuru, nẹnẹ su iburu yẹrẹ (plagues) ẹpan. Bi me rorobila sa bẹ fọ ugbogbodi nẹ ya.¹⁰Ọgba ọnẹbẹ ayẹ angẹli upipiro guma yọ ọbọwọ yẹrẹ ọnẹ ayẹ aàkpa, esiri mi ri uẹ ẹṣẹn. Biya a tan bẹ ẹlarẹ ubaka onunuma. ¹¹Biya a ga ẹlabọ è é to ososi oÒsibina ubaka bo onunuma akà ẹyọ abẹ, bi mi ki yuru ka bi rorobila í bo osisiye abẹ.¹²Angẹli ọpọnọọrẹo'ro guma yọ ọbọwọ wo ogbolo ọkẹka ọnẹbẹ, Ewufreti ayẹ ibe. Ye ebi yeyi ubaka bi di guru ọrikpokpo ni ibin abẹ nẹnẹ è éke we ọbẹrẹ ṣa na. ¹³Ẹ gba efunwẹnfunwẹn idudu abẹ nẹnẹ èbébwe akọ ibu abẹ nẹnẹ wo edragọnu oòwo, ọnẹ oòwo, akà ọgẹsẹ iṣoma oòwo ve ṣa. ¹⁴Ubaka ẹfunwẹnfunwẹn idudu ẹẹ̀funwẹnfunwẹn nẹnẹ è é siye ẹnyẹnke oòkpikpeli ojinorowofuwa ẹka na. Bi ve à á yọ ẹrọ fẹnyan iìbin abẹ kadakada ka e di jese ba nẹ ẹkọn Ósibina Ọgbaragada iìsubu ọkẹka.¹⁵("Balẹ! mà a ṣa akọ oyiri na! Okurubilero a wa ẹfẹna nẹnẹ ki à á ṣẹlẹ na, nẹnẹ a à ma fa ya alegbe na kadakada ka e me jejen ne ẹ́bọlẹbọlẹ akà kadakada ka bi ma gba yu usi aàwọma.") ¹⁶Bẹ kọ ba jese wo ẹfa ọbẹn nẹnẹ bè e ye Amagẹdọnu íhibru na.¹⁷Ọ́gba ọnẹbẹ ayẹ angẹli ufọmbọrẹro guma yọ ọbọwọ wo ekperi. Ogba ọnẹbẹ ayẹ ohun nẹnẹ na imu na wa ẹtẹmpulu ve ṣa akà wo akpa, à á ga ka, "E gben ke!" ¹⁸Oso ọṣẹṣan, ọgẹgẹn, imu ọbẹba, akà ijogbugbun odudu wamọ - ijogbugbun nẹnẹ fọrẹ ẹnanẹ tayi wamọ kabọ ọgbọna nẹnẹ erokoro abẹ we wo ije osi na, ijogbugbun ọnẹ jara wa ọkẹka. ¹⁹Bi ruwa iken ọkẹka ayẹ wo ọrẹ ẹta, (cities) iìken gidina. Ọgba ọnẹbẹ ayẹ Osibina mi nyẹn Ẹbabilọnu ọkẹka ayẹ, e mi fọ yọ ọkẹkan siye na.²⁰Ẹdakoriko fẹnyan fisi, bi me diye pila gba ọrẹ abẹ. ²¹Osọtarẹ ọkẹka abẹ, nẹnẹ run akọ ẹfalẹnti ọọrẹ na, wo ososi holo à á ṣa yẹrẹ erokoro abẹ. Biya a ga ẹlabọ è é to Osibina ubaka (plague) ọọ̀tarẹ ubaka (plague) ayẹ gbenẹda fọrẹba.

Chapter 17

¹Ọọrẹ angẹli ufọmbọrẹ abẹ iìwu nẹnẹ à á dọn ọbọwọ ufọmbọrẹ abẹ na ṣa e mi ga nẹ mọ ka, "Ṣa, mà áka fọ oni ọkẹka ayẹ nẹnẹ ma yẹrẹ ebi ọyọyọ osi na ọṣẹn bije, ²ẹfẹna nẹnẹ ẹrọ iìbin abẹ ma siye nọsẹsẹ na, í yo onọsẹseoo ẹẹ̀wayini oòrẹ ẹnanẹ nẹnẹ wo ẹrọ na wa fe."³Ọ́gba ọnẹbẹ fọ yọ ọdanobile ẹ́funwẹnfunwẹn ọbẹn, i mi gba iyaro obẹn nẹnẹ ma yẹrẹ ọnẹ (scarlet) nẹnẹ fe nọ ẹlabọ iìwuru abẹ na. Ọnẹ ayẹ su ẹpan ufọmbọrẹ akà ẹkpanẹ ẹfọ na. ⁴Iyaro ayẹ file alẹgbẹ (purple) akà (scarlet) bi mi fọ iwuru, ẹtarẹ ọnyẹnẹkẹ abẹ, akà ẹpẹli abẹ gege. A dọn wo yu uba iwura uùwebi nẹnẹ fiye epen idudu abẹ akà yo onọṣesẹ iìsisin abẹ na. ⁵Í yi iṣi ayẹ iwuru ẹẹ̀wọrẹ nẹnẹ yi igben wo ẹbẹbẹ na ma: "Ẹbabilọnu ọkẹka ayẹ, (prostitutes) abẹ wiya akà epẹn ọkoriwu abẹ nẹnẹ wo ẹrọ na."⁶Ẹ gba kabiyaro ayẹ fe no Osibina erokoro ọnwọnwọn abẹ ẹẹ̀nyọn akà Ijesu ẹẹ̀mata abẹ ẹẹ̀nyọn. Ọgbọna nẹnẹ ẹ gba ya na, e jin mo owo fuwa fọrẹba. ⁷Àmá angẹli ayẹ ga nẹ mọ ka, "Ẹna a wọrẹ nẹnẹ e jin wo owo fuwa a? Mà áka sẹrẹ ẹbẹbẹ ẹẹ̀pẹn nẹnẹ wo iyaro ayẹ akà ọnẹ nẹnẹ à á dọ ẹ na oṣen, ọnẹ nẹnẹ su ẹpan ufọmọrẹ akà ẹkpanẹ ẹfọ na.⁸Ọnẹ nẹnẹ ọ gba ka e wamọ na nẹnẹ e è me wamọ akana na, akà nẹnẹ è é ni ka ayẹ e wo ọfa ọṣẹnududobṣa na. Ọ́gba ọnẹbẹ ayẹ à áka yo ofufu na. Ẹnanẹ à á ma ẹrọ na, abẹ ẹnanẹ nẹnẹ bí ma wȯra bi iwuru wo Ẹrọ. eÈmumu kaba ẹrọ ọȯ̀biye na - è éke jin bo owo fuwa ọgbọna nẹnẹ bà a gba ọnẹ ayẹ na, ubakaba tayi wama, e me diye wamọ akana, nẹnẹ è éke diya ṣa na.⁹Ọnẹ ye nẹ ẹyẹ nẹnẹ su ẹdanyẹn na. Ẹpan ufọmbọrẹ abẹ wa otutu ufọmbọrẹ nẹnẹ iyaro ayẹ ma yẹrẹ na. ¹⁰Bi diya wa ibin ufọmbọrẹ abẹ. Ibin upi falẹ ke, ọọrẹ ki wamọ, ọbẹn nẹnẹ ku na è é mi kẹ ṣa, ọgbọna nẹnẹ è é mi ṣa na, è éke gbadọ wamọ nọ ọgba keke bile amọ.¹¹Ọnẹ nẹnẹ tayi wamọ na, nẹnẹ e è me pile wamọ akana na, kẹgankẹgan ayẹ a wa obin ọnọkọnọkọnọro nẹ. A wa ufọmbọrẹ abẹ ẹnabẹ ẹka è éke diya yọ yo ofufu.¹²Ẹkpanẹ ẹfọ nẹnẹ ȯ gba na wa ibin ẹfọ abẹ nẹnẹ e e ̀ me mi na ẹṣẹn, àmá bà áka na iburu akọ ibin na nẹ ẹwakati oọrẹ bile ọnẹ ayẹ. ¹³Ẹnanẹ su ẹyẹ ọọrẹ, bi mi diya fọ bi iwogbigben akà iburu nọ ọnẹ ayẹ. ¹⁴Bẹ gban Ududo oÒgben ẹkọn. Àmá Ududo oÒgben ayẹ áka fọrẹ ba ubaka ayẹ a wa Idu nibidu abẹ akà Osibina ni ibin abẹ - abẹ nẹnẹ jọmọ gbeli ya na a wa ẹnanẹ bi ye na, otitiye akà abẹ nẹnẹ su ikuwa na."¹⁵Angẹli auẹ ga nẹ mọ ka, "Ebi ẹnanẹ ọ gba na, ẹfa nẹnẹ (prostitute) ma wo na, wa erokoro abẹ, asammasan, iken abẹ akà ẹlarẹ abẹ¹⁶Ẹkpanẹ ẹfọ ayẹ nẹnẹ ọ gba na - abẹ akà ọnẹ ayẹ éke goli (prostitute) ayẹ. Bà áka sẹ ya ṣina (desolate) akà wo ẹbọlẹbọlẹ, bà áka ta yọ ọnẹ, bè éké diya kẹnẹbya fenyan aka era. ¹⁷Ubaka Osibina è é wo bu uloko ka bi siye ẹkẹna ọnẹ akọ bi siye na ka bẹ fọ bi iwogbigben ka bi jobin nọ ọnẹ ayẹ jen e re ọgbọna nẹnẹ Osibina ẹẹ̀ga à á ka ṣa ṣun na.¹⁸Iyaro ayẹ a wa iken ọkẹka nẹnẹ su iwogbigben ka e jobin yẹrẹ ẹrọ ọnẹ iìbin abẹ ẹpan.

Chapter 18

¹Ẹ́pẹn ẹnanẹ uùrunba ẹ gba angẹli ọbẹn nẹnẹ wo ososi holo à á ṣa na. E su iburu ọkẹka, yu ugbugbodi sẹ ẹrọ ṣina ọgbandala. ²E yi oga aka ohun ọkẹka, a ga ka, "Ọfẹfale, ọfẹfalẹ ayẹ a wa Ẹbabilọni ọkẹka ayẹ. E ṣina ẹfa ọmẹma nẹ ẹfunwẹnfunwẹn idudu abẹ ke, ubo nẹ ẹfunwẹnfunwẹn idudu fẹnyan, akà ybo nọ ọnẹnẹ fẹnyan nẹnẹ a à ma nwọn akà nẹnẹ wa ọfẹfan na. ³Ubaka iken abẹ fẹnyan wa (immoral passion) ẹẹ̀wanyini ke. Ẹrọ iìbin abẹ ma ẹ (committed immorality) ke. Ẹrọ uùbeloro abẹ ṣina arọnro í y (sensual way of living)."⁴Ẹ wọ ohun obẹn ósosi ka a ga ka, "Ve fura yọ orẹ, me erokoro abẹ, kadakada ka u ma na y (plague) kọrọọrẹ. ⁵Yi iluwe abẹ dodona kpọ a fọ akọ ososi na, Osibina mi nyẹn yo osisiye idudu abẹ. ⁶Duna ẹ pila akọ ka ayẹ siye duna abẹ pila na, u mi duna ẹ pila ọ́rẹ ẹbọrẹ nẹ yo osisiye abẹ; úwebi nẹnẹ e bile na, bile ẹ ọ́rẹ ẹbọrẹ nẹ ya.⁷Akọ e siye fu ugbugbodi nẹ yi iwu na akà nẹnẹ à á m (luxuey) na, kẹ ẹgan u siye fọ (torture) akà ibobibe ọyọyọ nẹ ya. Ubaka a ga ẹ í yi ibe ka, 'I ma akọ obinooro, i ma wa ikukururo, mè éke diya yi ikukuru kọrọọrẹ.' ⁸Ọ́nẹbẹ uùba ísubu oọrẹ yo (plagues) abẹ áka ṣa: ufo, ikukuru, akà ọbọrẹ. Bé éke fi yẹ ẹra ubaka Isu Osibina gbaragada, ayẹ e diya wa yọ ọṣẹnẹkarẹ nẹ."⁹Ẹrọ iìbin abẹ nẹnẹ (committef sexual immorality) akà nẹnẹ a à ma ma ẹbse iwu mẹtẹ na bè éke yi iwo bi diye yi ogogo yẹrẹ yẹ ẹpan ọgbọna nẹnẹ bà a gba yọ ọkẹkẹnẹ aàran na. ¹⁰Bà áka ta nẹ ya, ọ́rọrẹ nẹ yo oya, biya ga ka, "Ẹlẹ, ẹlẹ ni iken ọkẹka ayẹ, Ẹbabilọni, iwogbigben iìken ayẹ! Ubaka ẹ́wakati ọọrẹ ọgbọgbọ wo oya ojije ṣa ke."¹¹Ẹrọ uùbelero abẹ yi iwo bi diye yi ikukuru nẹ ya ubaka korọọrẹ e me pile nyin yu uṣe abẹ - ¹²iwura uùṣe, ẹfadaka, ọtarẹ ọnyẹnẹkẹ, ẹpẹli, (fine linen, purple, silk, scarlet), boroboro, (), isilki, (), oti nẹnẹ su eṣen ẹlẹla, ẹdagba oòfu uṣe ẹlẹla, uṣe fẹnyan nẹnẹ bẹ fọ oti onyẹnẹkẹ siye na, idẹ, ọṣọ, ẹmabu, ¹³isinamọni, (spice), iturari, (myrrh), efrankisẹnsi, ẹwanyini, amọ, ẹwọ boroboro, ẹna akà ududu, abọrada akà ẹkẹkẹ abẹ akà iwukpe abẹ, akà erokoro uùṣi abẹ.¹⁴Ilukutu nẹnẹ ọ fọ wẹ ẹba fẹnyan è é ni na fura wọ ọrẹ ke. Wi (luxury) akà igirima fẹnyan fisi ke, we éke diye pila gba ẹ.¹⁵Uṣe ẹnanẹ uùbelero abẹ nẹnẹ a sẹ ṣina arọnro na bè éke jọmọ fura yọ ọrẹ ẹ́fa ofifon ubaka yo oya ọọ̀rọrẹ, biye yi iwo bi diye e yi ikukuru nẹnẹ à á ni imu na. ¹⁶Bà áka ga ka, "Ẹlẹ, ẹlẹ niniken ọkẹka ayẹ nẹnẹ ko (fine linen) boroboro file na, (in purple) akà (in scarlet), nẹnẹ bi diya fọ iwura gege na, (jewels) ọnyẹnẹkẹ, akà ẹpẹli abẹ! ¹⁷Ẹ́wakati ọọrẹ bẹ sẹ arọn ayẹ fẹnyan ṣina ufolo." Ọkọ ebi ọọ̀ga fẹnyan, (sailors), ọkọ ebiro abẹ, akà abẹ fẹnyan nẹnẹ wo okun ọọ̀rẹ gba è é je na ta ve nẹ ya.¹⁸Bi yi ọga akọ bi siye gba yọ ọkẹkẹnẹ aàran. Bẹ ga ka, "Iken ọọna e we akọ iken ọkẹka ayẹ a?"¹⁹ Bi guma ewulon wo bẹ ẹpan abẹ, bi yi ọga, bi yi iwo bi diye e yi ikukuru ka, "Ẹlẹ, ẹlẹ ni iken ọkẹka ayẹ ẹfẹna nẹnẹ ábẹ nẹnẹ su bọ ọkọ ebi wo okun na we wo ya arọn ṣina arọnro. Ubaka ẹ̀wakati ọọrẹ ọgbọgbọ nẹ sẹ ya ṣina ufolo ke." ²⁰Bẹn yẹrẹ yẹ ẹpan, ososi ', anọ erokoro ọnwọnwọn akà apostulu abẹ akà ọgẹsẹro abẹ, ubaka Osibina fọ nẹ ẹkarọṣẹṣẹn gben í yẹ ẹrọ!"²¹Angẹli ọkẹka ọbẹn tiye ọtarẹ ọọrẹ dọn nẹnẹ è é we akọ ọgbọ na e mi na ẹ wo okun ibe, a ga ka, "Ọrẹ ọnẹ, Ẹbabilọnu, iken ọkẹka ayẹ, bà áka gban ya holo aka ọkẹka bè éke diya pila gba ẹ. ²²Bè éke pila wọ ọtarẹ abẹ, ẹsẹnro abẹ, akutu oyuyuro abẹ akà ọbọwọro abẹ oòhun í wi ibe. E èke su utunmubaro ọla ọbẹn nẹnẹ bà àka gba í wi ibe. E èke su ọgbọ oòhun nẹnẹ bè éke pila wo í wi ibe.²³Ọyẹyẹ ọọ̀sọ éke pila ba í wi ibe. Ọfooro akà oviya oòhun abẹ bè éke pila wọ í wi ibe, ubaka wu ubelero abẹ a wa ẹrọ iìgodoro abẹ nẹ, bibdiye wo wo oṣo uba ọọ̀rẹ wọrẹ iken abẹ. ²⁴Í yi ibe ayẹ bi we gba ọgẹsẹro abẹ akà Osibina eèrokoro ọnwọnwọn abẹ ẹẹ̀nyọn nẹ, akà erokoro fẹnyan nẹnẹ bẹ nwan ẹ́rọ na ẹẹ̀nyọn.

Chapter 19

¹Ẹ́pẹn ẹnanẹ uùrunba ẹ wọ ẹkẹna nẹnẹ yo ohun è é we akọ ero asanmasan ósosi oòhun nẹnẹ ni ímu na è é ye ka, "Aleluya. Onaafan, ugbugbodi, akà iwogbigben wa to Osibina ẹka. ²Yọ ẹkarẹ ọṣẹṣẹn abẹ wa ikuwa akà ọṣẹrẹ, ubaka a ṣẹn ọfarakọdeji ọkẹka ẹkarẹ nẹnẹ fọ y (sexual immorality) be ẹrọ fuwa na. Ubaka e duna yo okotoro abẹ ẹẹ̀nyọn uùri í yu uba."³Bi diya ga ẹga isi ọọboro: "Aleluya! Aaran ayẹ wo yi iwu kpọ à á yọ otutunmotutun." ⁴Isuda ọgboloketina abẹ akà ẹrọro ọọ̀ma ẹna guma iwu bi mi pun Osibina, nẹnẹ ma yẹrẹ akpa na. Bi ya a ga ka, "Aamin. Aleliya!"⁵Ọ́gba ọnẹbẹ ayẹ ohun ọbẹn wo akpa ve ṣa, à á ga ka, "Yeyi to Osibina, anọ yo okotoro abẹ fẹnyan, anọ nẹnẹ sọn yọ ọrọrẹ na, kọ ọnẹnẹ e è me kponyina akà ọnẹ nẹnẹ wa iwogbigbenro na."⁶Ọ́nẹbẹ uùba ẹ wọ ẹkẹna nẹnẹ yo ohun è é we akọ erokoro asanmasan oòhun, akọ ebi ọyọyọ oògbonyina, akà akọ ímu ọbẹba nẹnẹ na imu, à á ga ka, "Aleluya! Ubaka Idu ayẹ jobin, to Osibina, Ọgbaragada ayẹ.⁷Ni jọmọ tẹ bẹn ti diya ( ) ti diya fọ ugbugbodi nẹ ya ubaka Ududo oÒgben oviya ọsẹsẹ iìbi re ke, yo oviya mi diya kọ yi iwu ẹẹ̀sa wuji. ⁸Ayẹ bi diya a nọ ka a kọ alẹgbe nẹnẹ vuṣi na akà (fine linen) nẹnẹ nwọn na (ubaka (fine linen) ayẹ wa Osibina eèrokoro ọnwọnwọn abẹ ọṣẹrẹ osisiye abẹ).⁹Angẹli ayẹ ga nẹ mọ ka, "Wọra ọnẹ: Okurubilero a wa ẹnanẹ nẹnẹ bi ye ṣa Ududo oÒgben oòviya ọsẹsẹ eèjemẹ." E diya ga nẹ mọ ka, "Ẹnanẹ a wa Osibina ẹẹ̀ga ikuwa ẹka nẹ."¹⁰ I guma ri í yẹ ẹṣẹn ka e pun ya, àká a ga nẹ mọ ka, "U ma gbadọ siye ọnẹ! Amẹ ẹbẹba wa okotoro ọla aka awọ akà wẹ ẹda abẹ nẹnẹ sẹ ubedin yẹrẹ Ijesu ẹpan dọn. Pun Osibina, ubaka ubedin yẹrẹ Ijesu ẹpan ayẹ a wa ẹṣẹ ẹẹfunwẹnfunwẹn."¹¹Ọ́nẹbẹ uùba ẹ gba ka ososi jin, i mi balẹ ẹ gba ka abọrada okukuru ọọrẹ wamọ. Ẹfẹna nẹnẹ à á kpọ ẹ na ayẹ bè e ye ọṣẹrẹro akà ikuwaro. Ọṣẹrẹ ayẹ à á ṣẹnẹkarẹ akà ayẹ à á gbanmẹkon. ¹²Ya anyẹn è é we akọ aaran ẹrẹra ẹka, akà í yẹ ẹpan ayẹ igodo ọyọyọ ma ne. E su iwuru nẹnẹ bẹ wọra wo yi iwu na nẹnẹ kọrọọrẹ e me din efura ayẹ ẹbẹba. ¹³E file ewuru nẹnẹ bi ṣin file ẹnyọn na yi iwuru bi diye e ye Osibina ẹẸ̀ga nẹ.¹⁴Ososi oòbuwe abẹ nẹnẹ kpọ abọrada okukuru na à á yẹrẹ ya, nẹnẹ file alagbẹ (fine linen) na, nẹnẹ wa okukuru nẹnẹ diya nwọn na. ¹⁵Wo yo owo ayẹ ọgbọdọ nẹnẹ (sharp) na nẹnẹ áka a kọrẹ iken abẹ sẹ ije na we ve ṣa, è éke diye jobin yẹrẹ bẹ ẹpan aka ọṣọ oògbolo. À á dẹn nwọkẹkan ẹẹ̀wanyinọkọ nẹnẹ wa Osibina Ogbaragada ọọ̀kẹkan. ¹⁶E su iwuru ọọrẹ nẹnẹ bẹ wọra wo ye ewuru akà wo yọ ọtọpan: "Obin ni ibin akà Idu ni idu abẹ."¹⁷Ẹ ye óhun deelee nọ ọnẹnẹ abẹ nẹnẹ è é piri ósosi na ka, "Nẹ ṣa, nẹ kọ abẹn jese no Osibina ẹẹ̀jemẹ ọkẹka. ¹⁸Nẹ ṣa nẹ tan ibin abẹ iìwukpe, ọgbajiri abẹ iìwukpe, erokoro ẹkẹka iìwukpe abọrada abẹ akà ẹnanẹ à á kpọ ba na iìwukpe, akà erokoro fẹnyan iìwukpe, ka ọfanro ka ọvan, kọ ọnẹ e me kponyina akà iwogbigbenro abẹ."¹⁹Ẹ gba ọnẹ ayẹ akà ẹrọ iìbin abẹ akà bẹ ẹkọnro abẹ. Bẹ kọ èbé jese kadakada ka bibdi ma ẹfẹna nẹnẹ kpọ yẹrẹ abọrada ayẹ na akà yẹ ẹkọnro abẹ gbanmẹkọn. ²⁰Bẹ sẹ ọnẹ ayẹ bile ọgẹsẹro iṣoma ẹka nẹnẹ è é siye okpikpeli abẹ í yẹ ẹrẹn. Aka okpikpeli ẹnanẹ ayẹ à á wọrẹ ẹnanẹ nẹnẹ na ọnẹ aàṣẹrẹ ayẹ ẹnanẹ nẹnẹ pun yu uṣi na. Abẹ ẹbọbọ ẹ́rọ bẹ nẹ wo ẹrẹra uùdume nẹnẹ wa ẹsọlfọ nẹnẹ à á na na.²¹Ẹfẹna nẹnẹ kpọ yẹrẹ abọrada ayẹ na fọ ọgbọdọ nẹnẹ wo yo owo ve ṣa na nwan abẹ ibuba, nẹnẹ kú na. Ọnẹnẹ fẹnyan mi tan be ekporo abẹ iìwukpe.

Chapter 20

¹I mi gba angẹli ọbẹn nẹnẹ wo ososi holo à á ṣa na. A dọn ọfa ọṣẹn ududo ẹẹ̀kọkọrọ, e diya dọn ẹṣẹkẹṣẹkẹ ọkeka. ²Ẹ to ẹdragọni ayẹ sẹ, ẹpẉnidudu ọdọdọn ayẹ, nẹnẹ wa eṣu ayẹ na, sa ẹsatani, e mi parẹ ya nẹ ẹnyẹn aṣẹn. ³A nẹ ya wo ọfa oṣẹnududo ibe. E ju ya e mi fo do iduru yẹrẹ yẹ ẹpan. Bi siye ọnẹ ubaka e me pila wọrẹ iken abẹ jen e re ọgbọna nẹnẹ ẹnyẹn aṣẹn è éke we kuwe na. Ọnẹbẹ uùba bà áka gbadọ tọra ya wuje nọ ọgba keke.⁴I mi gba akpa abẹ. Ẹnanẹ ma yẹrẹ ba na wa ero abẹ nẹnẹ bẹ fọ iburu nọ ka bẹ ṣẹnẹkarẹ na. I diya gba ẹro ẹnanẹ uùṣi nẹnẹ bi feli ẹpan ke na ubaka bu ubedin yẹrẹ Ijesu ẹpan akà ubaka Osibina ẹga. Bi me pun ọnẹ ayẹ sa yu uṣi, bi diye yuru ka bẹ na aṣẹrẹ wo bu iṣi sa bu uba. Bi pila ṣa ẹrọ, bẹ ma Ikristi jobin nẹ ẹnyẹn aṣẹn.⁵Ekporo ibuba e me pila ṣa ẹrọ à á ma da ka ọgbọna nẹnẹ ẹnyẹn aṣẹn ayẹ kuwe ke na. Ọnẹ a wa ọsọmapalẹṣa oṣooro nẹ. ⁶Okurubilero akà ọnwọnwọn a wa ẹfẹnafẹna nẹnẹ su uba wo ọsọmapalẹṣa oṣooro ayẹ na! Yẹrẹ ẹnanẹ ẹpan ufo ọọboro e èke me pile su iwogbigben. Bè éke ṣina Osibina akà Ikristi aàṣigiri bè éke diye ma ẹ jobin nẹ ẹnyẹn aṣẹn.⁷Ọgbọna nẹnẹ ẹnyẹn aṣẹn ayẹ kuwe ke na, bè éke tebi Ẹsatani fura yẹ ẹnwan. ⁸È éke ve yọ ka a wọrẹ iken abẹ ẹ́rọ oògun ẹnanẹ - Ẹgọgu akà Ẹmagọgu - ka a kọ ba bile nẹ ẹkọn ayẹ. Bà áka yọ akọ okun aàṣẹṣen.⁹Bi fura bẹ gala ẹrọ ọbilẹ ọṣẹṣan bi mi gegere Osibkna eèrokoro ọnwọnwọn eèdi - iken uniniro ayẹ. Àmá ẹra wo ososi holo ṣa e fu ba. ¹⁰Eṣu ayẹ, nẹnẹ wọrẹ ba na, bẹ nẹ wo ẹsulfọ ọnẹna uùdumẹ, ẹfa nẹnẹ bẹ nẹ ọnẹ ayẹ akà ọgẹẹsẹ iṣọma wo ke na. Bè éke je bo oya ke erun ku ujo otutunmotutun.¹¹I mi gba akpa okukuru ọkẹka ọbẹn akà ẹfẹna nẹnẹ ma yẹrẹ amọ na. Ẹrọ akà ososi abẹ kọ eso fura ya anyẹnrọn, àmá ẹfa e me wamọ nẹ bà áka yọ na. ¹²Ẹ gba ekporo abẹ - ko ọnẹ kẹka na kọ ọnẹ nẹnẹ a à ma kẹka na - bi jomo wo akpa erẹn, bi mi jin emumu abẹ. Bi mi diye jin emumu ọnẹn - ẹrọ eèmumu. Bẹ fọ ẹkẹna nẹnẹ bẹ wọra wo emumu abẹ na ṣẹn ba ẹkarẹ, kpẹnẹkpẹnẹ akọ bo osisiye abẹ siye wa na.¹³Okun tebi ekporo abẹ nẹnẹ wo yi ibe na. Ufo akà Ihedi tebi ekporo abẹ nẹnẹ wo bi ibe na, bi mi ṣẹn ekporo abẹ ẹkarẹ kpẹnẹkpẹnẹ akọ bo soisiye abẹ siye wa na. ¹⁴Bẹ nẹ ufo akà Ihedi wo ẹra uùdumẹ. Ọnẹ a wa ufo ọọboro nẹ - ẹra uùdumẹ. ¹⁵È é su ẹfẹnẹfẹna bí ma gba yi iwuru Ẹ́rọ EÈmumu, i bi da nẹ ya wo ẹra uùdumẹ.

Chapter 21

¹Ọ́nẹbẹ uùba ẹ gba ososi owowo akà ẹrọ owowo, ubaka ososi oṣooro akà ẹrọ oṣooro ṣun yọ ke, okun e mi diye pile wamọ. ²Ẹ gba iken ọnwọnwọn ayẹ, Ijerusalẹmu owowo, nẹnẹ wo Osibina ẹẹ̀fa ósosi holo ṣa, nẹnẹ bi aka oviya na nẹnẹ bi gege nẹ yo oforo na.³Ẹ wo ohun ọkẹka ọọrẹ nẹnẹ wo akpa ṣa na a ga ka, "Bale! Osibina ẹẹ̀fa ọmėma ma gbeli erokoro Bẹ, è éke mi ma ba kẹ ma. Bà áka wa ye erokoro abẹ, akà Osibina ẹbẹba áke ma gbeli ba éke mi diya wa bo Osibina. ⁴È éke mu iwo fẹnyan fura ba anyẹn, ufo éke pila de wamọ, sa ikukuru, sa iwo oyiyi, sa onunuma. Ẹpen isusun ṣun ke.⁵Ẹfẹna nẹnẹ ma yẹrẹ akpa ayẹ na ga ka, "Balẹ! Ẹ sẹ ẹpẹn fẹnyan ṣina owowo." A ga ka, "Wọra ọnẹ wuje ubaka ẹga ẹnanẹ wa ẹgaba akà ikuwa." ⁶A ga nẹ mọ ka, "Ẹpen ẹnanẹ su osiye ke! Ame a wa Alfa akà Omega, oṣoororo akà omunurunro. Nẹ ẹfẹna nẹnẹ ọkọrẹ à á sẹ na mà áka fọ ọwẹwa nẹ ya nẹ e èke duna nọ na fura ọsọwa nẹnẹ wa ẹrọ eèbi ẹka na.⁷Ẹfẹna nẹnẹ fọrẹ na à áka kọ ẹkẹna ẹnanẹ oògun, mè éke diya wa yo Osibina, è éke mi wa mo ogben. ⁸Àmá na abẹ nẹnẹ wa ọrọrẹro abẹ, nẹnẹ e è me su ọnawọ na, (detestable), ọnwanero abẹ, (sexually immoral), (sorcerers), ujunro abẹ akà iṣomaro abẹ na, bẹ ẹfa áka wa ẹrẹra uùdumẹ nẹnẹ wa ẹsọlfọ. Ọnẹbẹ a wa ufo ọọnoro nẹ.⁹Ọọrẹ áangẹli ufọmbọrẹ iìwu ni wu ṣa, ọnẹ nẹnẹ dọn ọbọwọ ufọmbọrẹ nẹnẹbfe nọ (plague) ufọmbọrẹ omunurun, e mi ga ka, "Kẹ ṣa ẹkọ. Mà áka fọ oviya ayẹ nyẹn ọ, Ududu oOgben oòro." ¹⁰Ọ́nẹbẹ uùba a fọ mọ Ẹ́funwẹnfunwẹnbyọ ọrẹ ọkẹka akà nẹnẹ diya fọ na e mi fọ Ijerusalẹmu iken ọnwọnwọn nyẹn mọ nẹnẹ wo Osibina ẹẹ̀fa ve e họlọ à á ṣa.¹¹Ijerusalẹmu su Osibina uùgbugbodi, yo obiyobiyo è é we akọ (jewel) ọnyẹnẹkẹ, akọ ikristali ọọ̀tarẹ ijaspa nẹnẹ nwọn na. ¹²E su ọpalẹ kẹka na nẹnẹ diya fọ na aka ọf̣ọrẹ ẹfọkẹbọrẹ, aka angẹli ufọmbọrẹ ọ́fọrẹ abẹ na. Yẹrẹ ọfọrẹ abẹ ayẹ bẹ wọra Isrẹti eegben abẹ uùbanẹ ẹfọkẹbọrẹ iìwuru wo ne. ¹³Ọ́bẹrẹ ayẹ ọfọrẹ ẹta ma nẹ, Árẹwa ayẹ ọfọrẹ ẹta ma nẹ, ígusu ayẹ ọfọrẹ ẹta ma nẹ, akà ọ́gbẹ ayẹ ọfọrẹ ẹta ma nẹ.¹⁴Iken ayẹ ọọ̀palẹ su (foundation) ufọmbọrẹ, yẹrẹ ba ayẹ bẹ wọra iwuru ẹfọkẹbọrẹ nẹnẹ wa Ududo oÒgben ẹfọkẹbọrẹ ẹka wo ne. ¹⁵Ẹfẹna nẹnẹ ma mọ ga ẹha na su ọmẹma oògbolo dọn nẹnẹ bẹ fọ iwuru siye na ka à á ma iken ayẹ, yọ ọfọrẹ abẹ, akà yọ ọkpalẹ.¹⁶Bẹ fọ iken ayẹ ṣẹrẹ ọ́pa ọpọọpa; yọ ọlọlọrẹ wa ọla ọọrẹ akọ yo oṣiṣan na. A fọ ọmẹma oògbolo ma iken ayẹ, oyara aṣẹn ẹfọkẹbọrẹ (yọ ọlọlọrẹ, oṣiṣan, akà yọ ọfọfọ wa ọla ọọrẹ). ¹⁷E diya ma yọ ọpalẹ, (cubits) ipikibọrẹketina orurun, kpẹnẹkpẹnẹ akọ orokoro ọọ̀mẹma na (nẹnẹ diya wa angẹli ọọ̀mẹma na).¹⁸Ejaspa ayẹ biya ma yọ ̣ọpalė akà iken ayẹ iwura aarẹ ayẹ biya ma ẹ, akọ ugbegbe nẹnẹ è é we gbandala na. ¹⁹Yọ ọpalẹ (foundation) abẹ ayẹ bẹ fọ ọtarẹ ọnyẹnẹkẹ ọla ororo gege nẹ. Oṣooro a wa ẹjaspa nẹ, ọọboboro a wa ẹsafira, ọtẹtaro a wa aheti, ọnẹnaro a wa ẹmairald, ²⁰upipiro ayẹ a wa oniksi, ọpọnọọrẹro a wa ẹkanẹliyani, ufọmbọrẹ a wa Ikrisoliti, ọnọkọnọkọnọro a wa iberili, ubọrẹro a wa itopasi, ẹfọro a wa ikrisoprase, ẹfọkọọrẹro a wa ijasinti, akà ẹfọkẹbọrẹro a wa amẹtisti nẹ.²¹Ọfọrẹ ẹfọkẹbọrẹ abẹ wa ẹpẹli ẹfọkẹbọrẹ ẹpeli ọọrẹ ọgbọgbọ ayẹ bi wẹ siuẹ ọfọrẹ ọrọọrẹ ne. Igolu gbandala ayẹ biye siye iken ayẹ iìṣin abẉ nẹ, akọ ugbegbe biyobiye na. ²²I ma gba ẹtẹmpulu kọrọọrẹ iken ayẹ, ubakabIsu Osibina Ogbaragada akà Ududo oÒgben a wa yẹ ẹtẹmpulu ne.²³Iken ayẹ e me su olo nẹ eyi sa ọṣen kadakada ka e di kẹ ba yẹrẹ ga, yọ ọyẹyẹ e diya wa Ududo oÒgben nẹ. ²⁴Iken abẹ è éke wo iken ayẹ ọọ̀sọ ki jejen. Ẹrọ iìbin abẹ à áka fọ bu ugbugbodi ṣ fọn ya. ²⁵Bè éke ju yọ ọfọrẹ érun, ujo éke diye wo ẹfẹnẹbẹ.²⁶Bà áka fọ ugbugbodi akà okukuru nẹnẹ wi iken abẹ ẹka na ṣa yi ibe, ²⁷àmá ẹkẹna nẹnẹ a à ma nwọn na éke di fọn ya, sa ẹfẹnẹfẹna (shameful) sa (deceitful), àmá abẹ ẹnanẹ nẹnẹ bẹ wọra bi iwuru wo Ududo oOgben Ẹrọ eÈmumu.

Chapter 22

¹Ọ́nẹbẹ uùba angẹli ayẹ fọ ẹrọ eèbi oògbolo, nẹnẹ nwon aka Ikristali na nyẹn mọ. E wo Osibina akà Ududo oÒgben à á ra ²è é ṣun iken oòṣin eètin. I yọ ọsarọsarẹ ayẹ ẹrọ oòti ma nẹ, nẹnẹ è é mu ilukutu ọla ẹfọkẹbọrẹ, e diya ki mu yi ilukutu ọ́ṣenọṣẹn. Oti ayẹ eèmumu wa nọ ọfọ iken abẹ iìwu gan.³Adam éke pile ovamọ. Osibina akà Ududo oÒgben akpa è éke wo iken ayẹ, yo okotoro abẹ éke diye ki pun ya. ⁴Bà áka gba ya anyẹn, yi iwuru éke diye wo bi iṣi. ⁵Ọsọ éke pile wamọ; Bè éke su olo nọ ọyẹyẹ ọọ̀sọ sa eyi ọọ̀sọ ubaka Idu Osibina áka ba ri ba. Bè éke jobin otutun akà otutunmotutun.⁶Angẹli ayẹ mi ga nẹ mọ ka, "Ẹga ẹnanẹ wa ẹgaba akà ikuwa. Idu, nẹnẹ wa ọgẹsẹro abẹ ẹẹ̀funwẹnfunwẹn abẹ na oÒsibina, file ya angẹli nẹ yo okotoro abẹ ka a fọ ẹkẹna nẹnẹ áka gbadọ ṣẹlẹ" nẹnẹ è éke fon na. ⁷"Balẹ! mà áka ṣana ṣa! okurubilero a wa ẹfẹna nẹnẹ wọtọn nẹ ẹsẹ ẹẹ̀ga abẹ nẹnẹ wo emumu ọnẹ na."⁸Amẹ, Ẹjọọnu, amẹ a wa ẹfẹna nẹnẹ wọ nẹnẹ diya gba ẹkẹna ẹnanẹ. Ọgbọna nẹnẹ wọ nẹnẹ i diya gba ba na, i gumari ángẹli ayẹ ẹẹ̀ṣẹn ẹrẹn nẹnẹ fọ ẹkanẹ ẹnanẹ à á nyẹn mo na ka i pun ya. ⁹A ga nẹ mọ ka, "U ma gbado siye ẹgan! okotoro ọla akọ awọ na ayẹ ẹ wa, akọ wẹ eda abẹ nẹnẹ wa ọgẹsẹro abẹ na, akà abẹ ẹnanẹ nẹnẹ wọtọn nẹ ẹga abẹ nẹnẹ wo emumu ọnẹ na. Pun Osibina!¹⁰A ga nẹ mọ ka, "U me do ẹsẹ ẹẹ̀ga abẹ nẹnẹ wo emumu ọnẹ na iduru, ubaka yọ ọgba turu ṣa ke. ¹¹Ọnẹmesiyọṣẹrẹ na, tebi e me siye ọṣẹrẹ kí yọ. Ọnẹ nẹnẹ (is morally filthy, let him continue to be morally filthy). Ọnẹ nẹnẹ è é siye ọṣẹrẹ na, e kí siye ọṣẹrẹ kẹ́ yọ. Ọnẹ nẹnẹ wo nwọnwọn na, a nwọn kẹ́ yọ."¹²Balẹ! mà áka ṣana ṣa. Mẹ ẹkẹrẹ dọn mọ, ka i duna ororo kpẹnẹkpẹnẹ akọ yo osisiye abẹ siye wa na. ¹³Amẹ a wa Alfa akà Omega, oṣoororo akà omunurunro.¹⁴Okurubilero a wa ẹfẹnẹfẹna è é puma ye ewuru abẹ na kadakada ka bi di gba ọrẹ ka bi je fura ẹrọ oòti akà ka bi wo ọfọrẹ abẹ ọọ̀rẹ fon iken ayẹ. ¹⁵Ọ́nyẹn ayẹ uwo abẹ, (the sorcerers, sexually immoral), ọnwanoro abẹ, ujunro abẹ, akà abẹ ẹnanẹ nẹnẹ ni akà nẹnẹ diye e siye akpẹ na.¹⁶Amẹ, Ijesu, e file ma angẹli ka a nowo nẹ ọ yẹrẹ ẹkẹna ẹnanẹ ẹpan nẹ ẹṣọṣi abẹ. Amẹ a wa Ẹdavidi ẹẹ̀nyẹn akà uùbanẹ nẹ, urorun ẹẹ̀ṣẹkpẹnẹ biyobiyo."¹⁷Ẹfunwẹnfunwẹn akà oviya ga ka, "Kẹ ṣa!" Tebi ẹfẹna nẹnẹ wọ na a ga ka, "Kẹ ṣa!" Ẹfẹnẹfa ọkọrẹ a sẹ na, tebi ka a ṣa, akà ẹfẹnẹfẹna è ébni ya na, a ṣa a na ẹrọ eèbi ọ́fẹ.¹⁸Ẹ nowo ne ero fẹnyan nẹnẹ wọ emumu ọnẹ ẹsẹ ẹẹ̀ga abẹ na: È é su ẹfẹnẹfẹna nẹnẹ a fọ bile ba na, Osibina áka fọ (plague) abẹ nẹnẹ bẹ wọra wo emumu ọnẹ na bile ya. ¹⁹È é su ẹfẹnẹfẹna nẹnẹ è é tiye ẹ́ga abẹ iìwu fura ẹ́sẹ eèmumu ọnẹ na, Osibina éke tiye yo ọkpa fura ẹ́rọ oòti akà íken ọnwọnwọn nẹnẹ nẹ wọra yẹrẹ ẹpan émumu ọnẹ na.²⁰Ẹfẹna nẹnẹ na ẹkẹna ẹnanẹ owo na ga ka, "Hẹn! mà áka ṣana ṣa" Aamin! Kẹ ṣa, Idu Ijesu! ²¹Idu Ijesu eèse e jọmọ gbele ero fẹnyan. Aamin.

Oko-Eni-Osayen: Bible for 1 Corinthians, 1 John, 1 Peter, 1 Thessalonians, 1 Timothy, 2 Corinthians, 2 John, 2 Peter, 2 Thessalonians, 2 Timothy, 3 John, Acts, Colossians, Ephesians, Galatians, Hebrews, James, John, Jude, Luke, Mark, Matthew, Philemon, Philippians, Revelation, Romans, Titus

Formatted for Translators

Matthew

Mark

Luke

John

Acts

Romans

1 Corinthians

2 Corinthians

Galatians

Ephesians

Philippians

Colossians

1 Thessalonians

2 Thessalonians

1 Timothy

2 Timothy

Titus

Philemon

Hebrews

James

1 Peter

2 Peter

1 John

2 John

3 John

Jude

Revelation