¹Ukalata uwa luho ulwa Yesu Chilisiti, umwana uwa Davidi, umwana uwa Abulahamu. ²U Abulahamu ali wu Baba wa Isikaka, nu Isikaka wu Baba wa Yakovo, nu Yakovo wu Baba wa Yuda, pe navamwavo. ³U Yuda ali wu Baba wa Pelezi, u Pelezi nu Zela mwa Tama, u Pelezi wu Baba wa Heziloni, nu Heziloni wu Baba wa Ramu.⁴U Ramu ali wu Baba wa Aminadabu, u Aminadabu wu Baba wa Nashoni, u Nashoni wu Baba wa Salimoni. ⁵U Salimoni ali wu Baba wa Bohazi mwa Rahabu, u Bohazi wu Baba wa Obeti mwa Ruti, u Obeti wu Baba wa Yese. ⁶U Yese ali wu Baba wa Davidi u mwene, u Davidi wu Baba wa Solomoni mwa mushi uwa Yuliya.⁷U Solomoni ali wu Baba wa Rehobowamu, u Rehobowamu wu Baba wa Abija, u Abija wu Baba wa Asa. ⁸U Asa ali wu Baba wa Yehoshafati, u Yehoshafati wu Baba wa Yolamu, pe u Yolamu munyenya wa Uziya.⁹U Uziya ali wu Baba wa Yotamu, u Yotamu wu Baba wa Ahazi, u Ahazi wu Baba wa Hezekiya. ¹⁰U Hezekiya ali Baba wa Manase, u Manase wu Baba wa Amoni, u Amoni wu Baba wa Josiya. ¹¹U Josiya ali munyenya wa Yekoniya na vamwavo pahavalilo he vahavagalusyaga ku Babeloni.¹²Lwe vavagalusizye ku Babeloni, u Yekoniya ali wu Baba wa Shelitiyeli, u Shelitiyeli ali munyenya wa Zelubabeli. ¹³U Zelubabeli ali wu Baba wa Abihudi, u Abihudi wu Baba wa Eliyakimu, nu Eliyakimu wu Baba wa Azoli. ¹⁴U Azoli ali wu Baba wa Sadoki, nu Sadoki wu Baba wa Akimu, nu Akimu wu Baba wa Elihudi.¹⁵U Elihudi ali wu Baba wa Eliyaza, u Eliyaza wu Baba wa Matani, nu Matani wu Baba wa Yakovo. ¹⁶U Yakovo ali wu Baba wa Yosefu umulume uwa Maliya, mwa wula we u Yesu apafilwe, we ahitwa u Chilisiti. ¹⁷Induho zyonti ukufuma pa Abulahamu ukufiha pa Davidi zyamile induho 14, ukufuma pa davidi ukufiha pe vahagalushilaga ku Babeloni induho zyamile 14, ukufuma pe vahagalushilaga ku Babeloni ukufiha pa Chilisiti induho zyamile 14.¹⁸Ukupapwa ukwa Yesu kuhavombwa ukulandatana ni dala ili. U Mama wakwe, u Maliya, azinjililwe ukusendwa kwa Yosefu, nkandi lwe vashili ukuva poka, uwene ahajikwa ukuti ali nu lwanda munzila iya mupepo umufinjile. ¹⁹Loli u Yosefu, umulume wakwe, ali muntu umugolosu, pe atahanza ukumupezya insoni pa vuzelu, pe ahasivilila ukumuleha ishimyamya.²⁰Lwe asiviliye ukuyana ni vintu ivi, uhavizya uwa mwene ahamuvoneshela mu shilota, ahati, ''Yosefu umwana uwa Davidi, utahanyilaje ukumusenda u Maliya ukuva mushi waho, shifukwa uno we ali mu mu mwakwe afumile kwa Mupepo u Mufinjile. ²¹Uwene alipapa umwana umwanavuli, pe ulimwita izina lyakwe Yesu, pakuti alivapoha avantu vakwe ukufuma ku mbivi zyavo.''²²Ivi vyonti vyavomvilwe ukukwanilisya zye zyayanzilwe nu mwene ukujendela mwa mukuvwi, ahati, ²³''Yenya,umwali aliva nu lwanda havili alipapa umwana umwanavuli, pe valimwita izina lyakwe Imaniweli'_ lye pakulyilula likuti, ''U Mulungu ave niswe.''²⁴U Yosefu ahanyamuha mutulo twakwe nu kuvomba vye uhavizya wa mwene ahamuhomeshezya wenewo, pe ahamusenda wenewo ukuva mushi wakwe. ²⁵Nkandi uwene atamumanyile ukufishila pe apapa umwana umwanvuli.Pe ahamwita izina lyakwe Yesu.

¹Ilelo lwe u Yesu apafilwe mu Betelehemu iya mu Yudeya mu masiku aga mwene u Helodi, avantu avanjele ukufuma kuvutukulo vahafiha mu Yelusalemu vahati, ²Ali kwi uno we apafilwe uMwene uwa va Yuda? Iswe tuluvonyi uluzota lwakwe kuvutukulo pe twinza ukumusugamilila wuyo.'' ³Lwe u Helodi ayivuye zinizi, ahayimba nkani, na vonti ava mu Yelusalemu poka nawo.⁴U Helodi ahavaleta poka vonti avaputi avapiti nava simbi ava vantu, pe ahavavuzilizya venevo, ''Kwe kwinyi kwe vatili u Chilisiti alipapwa?'' ⁵Avene vahati kuli kwakwe, ''Mu Betelehemu iya mu Yudeya, she izi zye zyasimvilwe nu mukuvwi, ⁶Loli iwe, Betelehemu, munsi iya mu Yudeya, te we munsi pakasi pa valongozi ava mu Yudeya, ukufuma muliwe aliyinza woka we alilajila, we alidima avantu vane ava Isilayeli.'''⁷U Helodi ahavita ku kwilu avanjele ukuvavuzilizya venevo ahavalilo ahenesho he uluzota lwavonesheye. ⁸Ahavatuma venevo ku Betelehemu, ahati, ''Jendaga nu kumulondolezya nkani umwana. Lwe imwe mumwazile uwene, mundetele ine ipangwi ukuti nine havili ininze nu kumusugamilila wuyo.''⁹Ilelo avene lwe vamwivuye umwene, pe vahajenda, nu luzota lwe valuvonyi kuvutukulo luhavalongolela avene ukufiha pe lwinzile nu kwimilila pepala pamwanya pe umwana ali. ¹⁰Lwe avene vluvonyi uluzota, pe vahaseshela uluseshelo ulupiti nkani.¹¹Pe vahinjila mu nyumba nu kumwenya umwana nu mama wakwe u Maliya. Avene vahakupama pansi nukumuputa uwene. Avene vahigula vye vamupayiye nu kumupa wuyo ivya vwila ivya golide, ni vya kununchila, nu mila. ¹²U Mulungu ahavasoha avene mushilota vatahagalushile kwa Helodi, pe vahajenda mu nsi yavo kwidala ilinji.¹³Ilelo avene lwe vajenzite, uhavizya uwa mwene ahamuloleshela u Yosefu mushilota pe ahati, ''Nyamuha umusende umwana nu mama wakwe, pe ushimbilile mu Ijiputi. Uhihale kwekula ukufishila pe Ine ndikuvuzya. She u Helodi alimwanza umwana ukuti amunanganye wenewo. ¹⁴Uvusiku vwevula u Yosefu ahanyamuha nukujenda pe ahamunyamula umwana nu mama wakwe nukuvala mu Ijiputi. ¹⁵Ahihala kwekula ukufishila uvufwe vwa Helodi.Izi zye zahafishila zila zye uMwene ayanzile ukujendela mwa mukuvwi, ''Ukufuma mu Ijiputi Ine nkamwita umwana wane.''¹⁶Ilelo u Helodi, lwe ayenya ukuti vamusesile avantu avanjele, ahalaye nkani. ahatuma nu kuvola avana vonti avanavuli ve vali mu Betelehemu na monti mu shigava shila ve vali namaha gavili ukwiha, ukuyanana na havalilo he avavuzizye ahenesho ukufuma ku vantu avanjele.¹⁷Pe zihafishila zizyo zye ayanzile u Yelemiya umukuvwi, ¹⁸Inkuta yihivwiha mu lama, ukulosya nu kulila ukupiti, u Laheli akulila umwana wakwe, pe uwene ahanile nukumupumilizya, pamulandu avene vatalipo.¹⁹Lwe u Helodi afuye, yenya, uhavizya uwa Mwene ahamuvoneshela u Yosefu mushilota mu Ijiputi pe ahati, ²⁰''Nyamuha umusende umwana nu mama wakwe, pe uvale munsi iya Isilayeli, she vala ve vavuvwimaga uvulanzi uvwa mwana vafuye.'' ²¹U Yosefu ahanyamuha, ahamusenda umwana nu mama wakwe, nukwinza munsi iya mu Isilayeli.²²Ilelo lwe ayivuye ukuti u Alikilavusi ukulajila mu Yudeya muvuzilo uvwa baba wakwe u Helodi, ali nilyoga ukuvala kula. Lwe u Mulungu amusoha mushilota, pe ahavala mu shigava isha mu Galileya. ²³Pe ahajenda nu kwihala mu nkaya ye yikwitwa Nazaleit. Izi zihafishila zye aziyanzile ukujendela mwa mukuvwi, ukuti aliyitwa mu Nazaleni.

¹Mu masiku gala u Yohani we ahozyaga ahinza ukulumbilila mu lugwa ulwa mu Yudeya akuti, ²''Pindushi, pakuti uvumwene uvwa kumwanya ³vupalamiye.''She ishi she wula we ayanzilwe nu mukuvwi, ahati, ''Izwi ilya wumo likuholela mu lugwa, 'Yananya nzila idala ilya mwene, gomba utunzila twakwe tugoloshe.'''⁴Ilelo u Yohani ahazwalaga amasepe aga ngamila nu lamba uwi kwela mu mutenzi wakwe. Ishakulya shakwe ali wu makanta nu vushi uvwa muntundu. ⁵Pe u Yelusalemu, i Yudeya yonti, ni vigava vyonti vye vyazyunguliye ijenje ilya Yolodani vahafuma nukuvala ku kwakwe. ⁶Vahozelwa na wuyo mwijenje ilya Yordani, lwe vakuyilata imbivi zyavo.⁷Nkandi uwene lwe ayenizye avafalisayi na vasadukayi vahinza ku kwakwe ukuti pakozelwa, pe ahati ku vavo, ''Mwe vana ava njoha, wunanu we ahavasoha imwe ukushimbila ukufuma kuvuhalazu vwe vukwinza? ⁸Muhomaje insanga zye zihondeye ku lupinduho. ⁹Mutahasive ishakuyanga pakasi palimwe mweka, 'Iswe tuli nu Abulahamu uwa va tata vitu.' She Ine nkuyanga kulimwe ukuti u Mulungu we ahondeye ukumuzyusizya avana u Abulalahamu nakwe kufuma ku mavwe ganaga.¹⁰Intemo yivisilwe hali kumagululuzi aga makwi.Pe ikwei lyonti lila lye litakuhoma ivihomwa ivyinza likudumulwa pansi nu nkutajilwa mu moto. ¹¹Ine nkuvozya imwe na minzi aga lupinduho. Nkandi wula we akwinza mwisinda mu mwane mupiti ukulusya Ine, Pe ine ntahondeye nakwe kunyatula ivilyato vyakwe. ¹²We alivozya imwe nu mupepo umufinjile nu moto. We ulupe lwakwe luli mu nyove zyakwe pakuzelufya nzila uluvungano lwakwe nu kuvunganiha ingano mu nyumba iya kusengulila mumo. Nkandi alipemba ilyelelo nu moto we atalizima nalumo.¹³Pe u Yesu ahinza ukufuma ku Galileya ukuvala kwi jenje ilya Yolodani pakozelwa nu Yohani. ¹⁴Nkandi u Yohani ahajendelela ukumulesya uwene, ahayanga, ''nkwanza ukozelwa niwe, pe niwe ukwinza ku kwane?'' ¹⁵U Yesu ahamula nu kuyanga ku wuyo, ''yitishizya ishi, she ishene shinza pakukwanilisya uvugolosu vonti.'' Pe u Yohani ahamwitishizya uwene.¹⁶Lwe uwene ayozelilwe, u Yesu ahatumpuha luviloluvilo ukufuma mu minzi, pe yenya, imwanya zihamwigushila wuyo. Uwene ahenya u mupepo uwa Mulungu akwinza pansi ngati nkunda nu kwihala pali wuyo. ¹⁷Yenya, izwi lihafuma kumwanya lihati, ''Uno we mwana wane unkundwa .Ine nkuseshela nkani nawo.''

¹Pe u Yesu agalongolwa nu mupepo ukuvala mu lugwa ukulingwa nu satana. ²Lwe uwene afunzile amasiku 40 umusanya na masiku 40 uvusiku, uwene inzala yihamuvava. ³Uwa kumulinga ahinza nukuti ku wuyo, ''Inga we mwana uwa Mulungu, lajila amavwe aga gave mukate.'' ⁴Ilelo u Yesu ahamula nukuti ku kwakwe, ''Ilyene lisimvilwe, 'Umuntu ataliyihala nu vulanzi nu mukate weka, nkandi amazwi gonti gala ge gakufuma mwilomo ilya Mulungu.''⁵Pe u satana ahamunyamulila mu nkaya imfinjile nukumuviha pamwanya nkani pi tempeli, ⁶pe ahati kuli wuyo, ''Inga we mwana uwa Mulungu, uyitaje wewe weka pansi, she ilyene lisimvilwe, Uwene alilajila avahavizya vakwe akukusajilila iwe,' havili, 'Avene valikutona iwe ni nyove zyavo, kwe kuti iwe utahinze uyihomezye ishinama shaho pivwe.'''⁷U Yesu ahati ku kwakwe, ''Havili ilyene lisimvilwe,' Iwe utahondeye ukumulinga u Mulungu waho.''' ⁸Havili, u satana ahamunyamulila pamwanya pigamba itali nukumuvonesya uwene ivinamwene vyonti ivya munsi ukulingana nu vushindamu vwakwe. ⁹Uwene ahati kuli wuyo, ''Ivintu vyonti vinivi Ine ndikupa iwe, inga wankupamila pansi nu kumputa ine.''¹⁰Pe u Yesu ahati ku kwakwe, Yepa penepo apa, satana! She ilyene lisimvilwe, Iwe ulimusugamilila uMwene u Mulungu waho, pe ulimuvombela wuyo weka.''' ¹¹Pe u satana ahamuleha uwene, pe yenya, avahavizya vahinza nu kumuvombela.¹²Ishi lwe u Yesu ayivuye ukuti u Yohani vamulwmile, pe ahepa mu Galileya. ¹³Uwene ahepa mu Nazaleti nukuvala nukutendama mu kapelinamu, ye yapalamine nu sumbi uwa Galileya mutwaya utwa Zebuloni nu Nafutali.¹⁴Izi zyavomvilwe ukukwanilisya zye aziyanzile u Yesaya u mukuvwi, ¹⁵''Munsi iya Zebuloni na munsi iya Nafutali, ukulungamana nu sumbi, kwisyila ilya Yolodani, u Galileya uwa va kunzi! ¹⁶Avantu ve vihaye mushisi valuvonyi uluhozyo ulupiti, na ku vanji ve vihaye mushigavo na mushizyungani isha vufwe, pali vavo uluhozyo luvalamiye.''¹⁷Ukufuma ahavalilo hehala u Yesu ahanda ukulumbilila nu kuti, ''Pindushi, she ishinamwene isha Mulungu shinzile papipi.''¹⁸Inza she uwene ahajendaga ukupalamana nu sumbi uwa Galileya, uwene ahavenya avanamuntu vavili, u Simoni we akwitwa u Peteli, nu Andileya uwamwavo, vakusumbila ishilepa mwa sumbi, she avene vali valova nswi. ¹⁹U Yesu ahati ku kwavo, ''Nzaga, mundandate ine, pe Ine ndivapela imwe ukuva vakulova ava vantu.'' ²⁰Umwaluvilo avene vahavileha ivilepa vyavo nu kumulandata wuyo.²¹Inza she u Yesu ahajendaga ukufuma kula ahavenya vavili avanamuntu avanji,u Yakovo umwana uwa zebediya, nu Yohani uwamwavo. Avene vali mmwi voti nu zebediya u baba wavo vahagambihaga ivilepa vyavo. Uwene ahavitizya venevo, ²²pe avene umwaluvilo vahalileha ivoti nu baba wavo nu kumulandata uwene.²³U Yesu ajenzite ukuzyungulila wonti u Galileya, ukumanyisya mu masinagogi gavo, ukulumbilila ipangwi ilyinza ilya shimamwene pe nukupozya ahavele honti aha mbina zyonti nu vuyeyevazu pakasi pa vantu. ²⁴Amapangwi aga wuyo gahafumukwa monti mu sliliya, pe na vantu vahavaleta kuli wuyo vonti vala ve vahayimbaga ukufuma ku mbina izya kulehana lehana na mavuvavu, na vala ve vali ni mpepo inkandamanu, pe nava vizilisi, nu vuvinu uvwa kumila.U Yesu ahavapozya venevo. ²⁵Impuga inyinji zyamulandite uwene ukufuma mu Galileya, mu Dekapoli, mu Yelusalemu, namu Yudeya, nu kufuma kwisyila ilya Yolodani.

¹Lwe u Yesu ayenyizye impuga, uwene ahavala kwi gamba. Lwe uwene atendime pansi, avasundikwa vakwe vahinza ku kwakwe. ²Pe uwene ahigula ilomo lyakwe nu kuvasambilizya vavo, ukuti, ³''Valositwe ve vapina mu mupepo, she ishinamwene isha kumwanya shavo. ⁴Valositwe vala ve vakulila, she avene valivapumilizya.⁵Valositwe avatehamu, she avene valipyana insi. ⁶Valositwe vala ava nzala ni nyota iya vugolosu, she avene valiyikuta. ⁷Valositwe ava vwila, she avene valikava uvwila. ⁸Valositwe avazelu mu moyo, she aven valimwenya u Mulungu.⁹Valositwe ve vakupela umutende, she avene valiyitwa vana ava Mulungu. ¹⁰Valositwe ava ve vakuvwimwa pamulandu uwa vugolosu, she ishinamwene isha kumwanya shavo.¹¹Mulositwe imwe lwe avantu vakuvaliga imwe nu kuvavwima imwe nu kuvayanjila imwe ahavele honti aha vintu ivivivi ivyilenga pamulandu wine. ¹²Dovelaji havili seshelaji, she ishipambwi shinyu shipiti nkani kumwanya. She mwidala linili avantu vavavwimile avakuvwi ve valipo lwe imwe mutalipo.¹³Imwe mwe liveya ilya nsi. Nkandi inga iveya lyasovezya uvunonu vwakwe, pe ilyene lingapelwa vuli ukuva liveya havili? Pe ilyene telyinza havili ku shimo nkandi kwe kulitaga kunzi nukuhanyanjilwa pansi nivinama ivya vantu. ¹⁴Imwe mwe luhozyo ulwa nsi. Inkaya ye yili pamwanya pi gamba yatangavwama.¹⁵She avantu vatakuhozyaga inyale nu kuyikupishila mu shitundu, nkandi pasha kutendamishila inyale, pe iyene yikuvalamila vonti ve vali mu nyumba. ¹⁶Mwitishizye uluhozyo lwinyu lulame pilongolela ilya vantu mwidala ili ukuti avene venye imbombo zyinyu inyinza nu kumushindiha u Tata winyu we ali kumwanya.¹⁷Mutahasivaje ukuti Ine ninzile ukunanganya ululajilo pamo avakuvwi. Ine ntinzile ukuvanangania avene nkandi ukuzikwanilisya zyenezyo. ¹⁸Nalyoli Ine nkuyanga kulimwe ukuti ukufishila kumwanya ninsi vyepe, nahamo ahadona hoka pamo ahatwe hoka mwidala lyonti hataliyepa ukufuma mu lulajilo, ukufishila pe ivintu vyonti vyakwanilisiwa.¹⁹Ilelo uno we inga ishizania hoka ahansi munkomelezyo nu kuvasambilizya avanji ukuvomba vunuvu we aliyitwa munsi mushinamwene isha Mulungu. Nkandi uno we akuzisunjilila izyene nukuvasambilizya avene we aliyitwa mupiti mushinamwene isha Mulungu. ²⁰She Ine nkuyanga kulimwe peka peka uvugolosu vwinyu vuvupitilile uvugolosu uvwa va simbi na vafalisayi, imwe mwidala lyonti mutaliyinjila mu shinamwene isha Mulungu.²¹Imwe mwivuye ukuti ilyene lyayanzilwe ku vavo muhavalilo aha hali, 'Utahagogaje,' pe, 'uno we akugoga we aliva pavuvivi nu vulonzi.' ²²Nkandi Ine nkuyanga kulimwe ukuti uno wonti we akumuhalalila uwamwavo aliva pavuvivi nu vulonzi; pe nuno we akuyanga ku wamwavo, 'We muntu we ate ni mbombo! we aliva pavuvivi na vahombe; nuno we akuti, 'Iwe mupunganu!' we aliva pavuvivi nu moto uwi palazya.²³Ilelo we inga ukufumya ishavwila shaho pashifinjilo pe pala wakumbuha ukuti uwamwinyu ali nazimo niwe, ²⁴Leha ishavwila shaho pe pala pilongolela ilya shifinjilo, pe jendaga.Wandile utetelane nu wamwinyu, pe lelo winze nukuviha ishavwila shaho.²⁵Wivwane nu mulwani waho luvilo pe iwe ushili uli nawo mwidala ukuvala kwi lonjelwi, pamo umulwani waho ungakuviha iwe mu nyove iya mulonzi, wope umulonzi angakuviha iwe mu nyove izya mupiti, pe iwe ungasumbilwa mu jela. ²⁶Nalyoli Ine nkuyanga kulimwe, utalitela ufumile kunzi ukufuma mula, ukufishila pe iwe walipila ahakopala ahavumalilo he wahofile.²⁷''Imwe mwivuye ukuti ilyene liyanzilwe, 'Utahavembuhaje.' ²⁸Nkandi Ine nkuyanga kulimwe ukuti uno wonti we akumwenyelezya umwantanda nu kumunyonywa uwene we avembusile nawo nzila mu moyo wakwe.²⁹Inga ilyinso lyaho ilya ku ndilo likukupunuzya iwe, ulifolonkole lyenelyo nukulisumba.She ishi shinza kuliwe ukuti shoka muvya mu muvili waho shilove ukushila ukuti umuvili waho wonti asumbilwe mwi palazya. ³⁰Inga inyove yaho iya ndilo yikukupunuzya iwe, uyidumule nukuyisumba yeneyo. She ishi shinza kuliwe ukuti shoka mu vya mu muvili waho shilove ukushila ukuti umuvili waho wonti ajende mwi palazya.³¹Ilyene layanzilwe havili ukuti, 'Uno we akumusimbizya umushi wakwe, leha uwene amupanje ishakalata isha kusochela.' ³²Nkandi Ine nkuyanga kulimwe ukuti uno wonti we akumusosya umushi wakwe, peka pazya luvembu, akumupela uwene ukuvembuha. Nuno we akumusenda uwene lwe asosile akuvembuha.³³''Havili, imwe muhivwa ukuti lyayanzilwe ku vala mutuvalilo utwa hali, 'Mutahalapaje ilenga ku mfingo, nkandi iwe uzisendele imfingo zyaho kwa mwene.' ³⁴Nkandi Ine nkuyanga kulimwe, mutahalapaje, nakwe kumwanya, she ukwene kwe kuli ishitengo isha vumwene isha Mulungu; ³⁵nape pansi, she apene pe ahanyile ivinama vyakwe; nakwe ku Yelusalemu, she iyene ye nkaya iya Mwene umupiti nkani.³⁶Nakwe kulapila itwe lyaho, she iwe utangalupela ulusisi loka ukuva luzelu pamo lwilu. ³⁷Nkandi imwe injango yinyu yivanje wu 'Iyii, iyii,' pamo 'awe, awe,' Shonti shila she shishizile palishi shifumile kwa muvivi wula.³⁸Imwe mwivuye ukuti ilyene liyanzilwe, 'Ilyinso kwi lyinso, ni lyino kwi lyino.' ³⁹Nkandi Ine nkuyanga kulimwe mutahamujimbililaje uno we mutalamandu. Muvuzilo vwakwe, uno we akuhoma iwe ku lusaya ulwa ku ndilo, umupe nu lwamwavo havili.⁴⁰Inga wumo akwanza ukuksitaka iwe pe akufyula ni laya lyaho, mwitishizye umuntu uyo asende ni nkanzu vulo. ⁴¹Uno we akupatishizya iwe ukujenda nawo imayili yoka, jenda nawo zivili. ⁴²Mupanje uno wonti we akulava kulimwe, havili mutahamwimaje uno we akwazimya ukufuma kulimwe.⁴³Imwe mwivuye ukuti ilyene lyayanzilwe, 'Iwe uhondeye umukundaje umupalamani waho pe umuvengaje umulugu waho.' ⁴⁴Nkandi Ine nkuyanga kulimwe, muvakundaje avalugu vinyu nu kuvaputila vala ve vakuvavwima imwe, Muvalotaje ve vakuvatipa imwe, nukuvavombela inyinza vala ve vavapasite imwe. ⁴⁵Kwe kuti muvanje mwe vana ava Tata winyu uwa kumwanya. She uwene akulipelaga izuva lyakwe ukuvafumila avatalamalandu na vinza, nu kutuma imvula pa vagolosu nave tevagolosu.⁴⁶She inga imwe mukuvakunda vala ve vavakunzite imwe, shipambwi vuli she imwe mukusenda? Avene avasonchezya musonko vatakuvomba ishintu ngati shinisho? ⁴⁷Inga mukuvalamuha veka ve vamwinyu, pe mukuvomba shoni nkani ukuvalusya avanji? Vuli avene avakunzi vatakuvomba ishintu shinisho? ⁴⁸Ilelo imwe muhondeye muvanje mwe valungamanu, inza she u Tata winyu uwa kumwanya mulungamanu.

¹''Muvanje aminso ukuti imwe mutahavombaje imbombo zyinyu izya vugolosu pilongolela ilya vantu ukuti avene vavenye, pamo vwevulo imwe mutaliva nishipambwi ukufuma kwa Tata winyu we ali kumwanya. ²Pe lwe iwe ukupa ivya shikunzi, utahayilizizyaje weka isaji ngati she avalumilenga vakuvomba mu masinagogi na mutudala, kwe kuti avene vavanje ni ntimo izya vantu. Nalyoli Ine nkuyanga kulimwe, avene vaposheleye ishipambwi shavo.³Lwe ukufumya ivya vwila, utahaleshe inyove yaho iya mongo yimanye she inyove yaho iya ndilo yikuvomba ⁴kwe kuti ivya vwila ivyaho vipelwaje ku kwilu. Pe u Tata winyu we akwenyaga ivya ku kwilu alikulipila iwe.⁵Lwe imwe mukuputa, mutahavanje ngati valumilenga, she avene vaganile ukwimilila nu kuputa mu masinagogi na mwidala igombanu ukuti avene vangavoneshela ku vantu. Nalyoli Ine nkuti kulimwe, avene vaposheleye ishipambwi [amalipilo] gavo. ⁶Nkandi iwe, lwe ukuputa, winjilaje ku kasi yaho. Wigalile umulyango pe uyipute kwa Tata winyu, we ali ku kwilu. ⁷Pe uTata winyu we akwenya ku kwilu alikulipila iwe. Lwe imwe mukuputa, mutahapyanizyaje mwalwe ngati she avakunzi vakuvomba, she avene vakusiva ukuti valiyivwiha pamulandu uwa mazwi gavo aminji.⁸Pe lelo, mutahavanje ngati ve vavo, she u Tata winyu amanyile vintu vuli vye imwe mukwanza lwe mushili mutamulavile uwene. ⁹Pe lelo muputaje ngati uvu: 'Tata witu uwa kumwanya, izina lyaho lishindamaje ukuva lifinjile. ¹⁰Ishinamwene shaho shinze. Ukwanza kwaho kuvombwaje pansi inza she kwe kumwanya.¹¹Utupanje iswe ilelo ishakulya ishi siku ¹²lyonti.Ututetele amalandu gitu, inza she niswe tukuvatetela ve vakutunanjila iswe. ¹³Utahatuvishe iswe mundingo, nkandi utuposhe iswe ukufuma ku muvivi wula.' She ishinamwene shaho na maha nu vushindamu shima shima. Amen.¹⁴She inga imwe mukuvatetela avantu amalandu gavo, u Tata winyu uwa kumwanya wope alivatetela imwe. ¹⁵Nkandi inga imwe mutakuvatetela amalandu gavo, nawe Tata winyu atalivatetela amalandu ginyu.¹⁶Lwe imwe mukufunga, mutahavanje mwe vakuswimililwa pa minso ngati she avalumilenga vakuvomba, she avene vakuyigalula pa minso ukuti vavonehaje ku vantu vatinji vafunzile. Nalyoli nkuvavuzya imwe, avene aposheleye ishipambwi [amalipilo] ¹⁷shavo.Loli imwe, lwe imwe mukufunga, muyipahazye amafuta kwitwe pe mugezye ni sheni shinyu ¹⁸kwe kuti shitahavoneshelaje ku vanji ukuti imwe mufunzile, loli kweka kwa Tata we ali ku kwilu; pe uTata winyu we akwenya ku kwilu alivalipila imwe.¹⁹''Mutahayisunjilaje mwemwe mweka ishuma pansi, kwe inyenze nu vusimu vikunangania, havili kwe aviva vakubongola nu kwiva. ²⁰Muvuzilo vwakwe,muyisunjile mwemwe mweka ishuma ku mwanya, kwe na viva vatakubongola nu kwiva. ²¹She kwe kuli ishuma shinyu, kwe nu moyo winyu aliva.²²Ilyinso lwe luhozyo ulwa muvili. Pe lelo, inga ilyinso lyaho lyinza, umuvili wonti akwizula nu luhozyo. ²³Nkandi inga ilyinso lyaho livivi, umuvili waho wonti akwizula ni shisi. Pe lelo,inga uluhozyo lwe luli mu mwaho shisi ishenesho, vupiti vuli uvwa shisi isho! ²⁴Nawumo we angavavombela ava mwene vavili, she lumo uwene alimupata alimuvenga woka nu kumukunda uwamwavo, pamo lumo uwene alimukakatila woka nu kumususya uwunji.Iwe utangamuvombela u Mulungu ni shuma.²⁵Pe lelo ine nkuyanga kulimwe, mutahapasyaje nizya vulanzi vwinyu, shoni she imwe mulilya pamo shoni she imwe muling'wela; pamo nizya muvili, shoni she imwe mulizwala. Vuzye uvulanzi vutalusizye ishakulya, havili nu muvili atashizile ivyakuzwala? ²⁶Yenyelezya pa viyuni ivya mu mwanya. Ivyene vitakupesaga pamo ukwinula pamo ukuvunganiha muvyanga, loli u Tata winyu uwa kumwanya akuvilisyaga ivyene. Vuzye imwe temwe vapamwanya ukulusya vyenevyo.²⁷Wuwenu mulimwe nukuyilizanya kwakwe angonjezya ahapimo hoka ahavutali uvwa vulanzi vwakwe? ²⁸Shoni she mukuyilizania nizya vyakuzwala? Sivilila nizya vwezya uvwa muntundu, mwe uvwene vukukulila. Uvwene vutakuvombaga, havili uvwene vutakutavaga ²⁹umwenda.Pope vulo ine nkuyanga kulimwe, nawe Solomoni mu vushindamu vwakwe vonti atazwaye lumo ngati shimo mulivi.³⁰Inga u Mulungu akuzwiha isole ilya mu mugunda, lye likuvapo ilelo ni ndavi likutagwa mu muvuni, vwinji vuli vwe alivazwiha imwe, mwe valwitiho ulunsi? ³¹Pe lelo mutahapasyaje nu kuti, 'Iswe tulilya ishoni?' pamo 'Iswe tuling'wela ishoni?' pamo vizwalo vuli vye iswe tulizwala?'³²She avakunzi vakulondola ivintu vinivi, havili u Tata winyu uwa kumwanya avimanyile ukuti imwe mukuvyanza vyenevyo. ³³Nkandi mutalishe mulondole ishinamwene shakwe nu vugolosu vwakwe, pe vyonti vinivi ivintu vilipelwa kulimwe. ³⁴Pe lelo mutahapasyaje nizya ndavi , she ilya ndavi liliyipasizya lilyo lyeka. Isiku lyonti lili nu vuvivi vwakwe uvwa kulikwana.

¹''Utahalongaje, pe niwe utalilongwa. ²She muvulonzi vwe ukulonga, niwe ulilongwa, pe nishipimo she iwe ukupima, ishene shilipimilwa kuliwe.³Shoni she ukwenya ahantu ahansi he hali mwi lyinso ilya wamwinyu, loli iwe utakumanya ishizinka she shili mwi lyinso lyaho? ⁴Ungayanga vulivuli kwa wamwinyu, 'Leha ine inkwefye ahantu he hali mwi lyinso lyaho,' pe ishizinka shili mwi lyinso lyaho? ⁵We muluma ilenga! Utalishe wefye ishizinka mwi lyinso lyaho, pe lelo iwe uliyenya ahinza nu kwefya ahantu ahansi he hali mwi lyinso ilya wamwinyu.⁶Mutahapanje vye vifinjile ku imbwa, havili mutahatagaje uvwambo vwinyu pilongolela ilya nguluve. Lumo izyene zingavuhanyanjila vwenevo ni vinama, havili zingagaluha nu kuvanyonkolania imwe muvigava.⁷''Lava, pe shilipelwa kuliwe. Londola, pe iwe ulivyaga. Uhonyonsyaje, pe ishene shiliyigulwa kuliwe. ⁸She wonti we akulava, akuposhela; naku muntu we akuhonyonsya, ukwene kulimwigushila. ⁹Pamo inga woka mulimwe, inga umwana wakwe akulava umukate, alimupa uwene ivwe? ¹⁰pamo inga uwene akulava inswi, alimupa uwene injoha?¹¹Pe lelo , inga imwe mwe vavivi mu manyile ukupa ivya vwila ivyinza ku vana vinyu, pe viliva vuli uvwinji nu Tata winyu uwa kumwanya ukuvapa ivintu ivyinza vala ve vakumulava uwene? ¹²Pe lelo, vyonti ivintu vye mukwanza avantu vavavombele imwe, nimwe vwelele muvombe ku kwavo, she ulu lwe lulajilo pe navakuvwi.¹³''Mwinjilaje pashilyango ishifinyu. She ishilyango shibaba havili ni dala libabazu lye likulongozya ku lunanjiho, havili kuli avantu avinji ve vakujenda mumo. ¹⁴Nkandi ishilyango shifinyu havili ni dala ligomu likulongozya ku vulanzi, pe vansi ve vakulyaga lyenelyo.¹⁵''Musheve na vakuvwi avilenga, ve vakwinza kulimwe vazwaye ikwela ilya ng'onzi uvwa nalyoli mpumpi inkali. Mwe munsanga zyavo mwe mulivamanyila avene. ¹⁶Ishi avantu vakuvunganihaga amampensya ukufuma ku mimvwa aga muntundu pamo amakunyu ukufuma munsonya? ¹⁷Mwidala linili, ikwi lyonti ilyinza likuhomaga ivihomwa ivyinza, nkandi ikwi ivivi lukuhomaga insanga imbivi.¹⁸Ikwi ilyinza litakuhomaga insanga imbivi, lyope nikwi ivivi litakuhomaga insanga imbivi. ¹⁹Ikwi lyonti lye litakuhoma insanga inyinza vakulidumula nukulisumbila pa moto. ²⁰Pe ishi,imwe mulivamanyila avene munsanga zyavo.²¹Te wonti we akuyanga kuline, 'Mwene, Mwene,' aliyinjila kushinamwene isha kumwanya, nkandi veka ve vakuvomba ukwanza ukwa Tata we ali kumwanya. ²²Avantu avinji valiyanga ku kwane pisiku lila, 'Mwene, Mwene, iswe tutahakuvwaga mwizina lyaho, mwe mwizina lyaho tuhafumyaga impepo inkandamanu, havili mwe mwizina lyaho tuvomvile imbombo impiti?' ²³Pe Ine ndivavuzya apazelu avene, Ine ntahavamanya imwe nalumo! Yepa kuline, mwe vavomba mbivi!'²⁴Pe lelo, wonti we akwivwa amazwi gane nukugashindiha genego aliholana nu muntu we azenzile inyumba yakwe pamwanya piyalavwe. ²⁵Imvula yihiha pansi, amahava gahinza, ninkungu yihaputa nukuhoma pa nyumba, nkandi iyene yitahagwa pansi, she iyene yazenzilwe pi yalavwe.²⁶Nkandi wonti we akwivwa amazwi gane havili atakugalandata genego aliholana nu muntu umupunganu we azenzile inyumba yakwe pa lusenga. ²⁷Pe imvula yihiha pansi, ni nkungu yihaputa nu kuyibunchila inyumba yila, pe iyene yihagwa, pe nukunanjiha kwakwe kwali kusila.''²⁸Pe kuhinza kwava ukuti lwe u Yesu amazile ukuyanga amazwi ganaga, impuga zyasukumiye ahamanyisizye hakwe, ²⁹she ahavamanyisya avene ukuva ngati woka we ali nuvulamulili, te ngati vasimbi vavo.

¹Lwe u Yesu ayiha pansi ukufuma pi gamba, impuga impiti zyamulandite uwene. ²Yenya, uwa mambombo ahinza ku kwakwe nu kusugamila pilongolela lyakwe,nukuti, ''Mwene, inga iwe ukasime, unganzelufya ine,'' ³U Yesu ahafisya iyove yakwe nukumulema uwene, ahati, ''Ine nkasime.Zelupaga.'' Umwaluvilo uwene azelufile ku mambombo gakwe.⁴U Yesu ahati ku kwakwe, ''uyenye ukuti utahayanje mashim ku muntu wonti. Jendaga mwidala lyaho, uyilanjizye wewe weka ku muputi, havili ufumye ishavwila she umose ahavalajila, she lusimishizyo ku vavo.⁵Lwe akwinza ku kapelinamu, usongo uwa vasikali ahinza ku kwakwe, ukumulava uwene. ⁶pe ahati, ''Mwene, umuzya wane agonile kuhaya ayumiliye havili ali muvuvavu uvwakogofya.'' Pe u ⁷Yesu ahati ku wuyo,'' Ine kwe ninze nukumupozya uwene.''⁸Usongo uwa vasikali ahamula havili ahati, ''Mwene, ine ntahondeye ukuti iwe winze winjile muntende mu musonje wane. Yanga lyeka izwi pe umuzya wane kwe apole. ⁹She nine vulo ne muntu we vamuvisile pansi pa vulamulili, havili ndinavasikali pansi paline. Nkuyanga ku woka, 'Jendaga,' pe akujenda, nakuwamwavo woka, 'Nzaga,' pe akwinza, naku muzya wane, 'vomba ishi,' pe akushivomba. ¹⁰Lwe u Yesu alyivwa ili, ahasukumila havili ahati ku vala ve vahamulandataga uwene, ''Nalyoli nkuyanga kulimwe, ntamwazile nawumo uwa lwitiho ngati ulu mu Isilayeli.¹¹Ine nkuvavuzya imwe, avinji valiyinza ukufuma ku vutukulo na ku vuswelo, pe valitendama pa meza poka nu Abulahamu, nu Yisaki, nu Yakovo, mushinamwene isha kumwanya. ¹²Nkandi avana ava ku shinamwene valisumbilwa ku shisi isha kunzi, kwe valikutaga nukusya amino. U ¹³Yesu ahati kwa songo uwa vasikali, ''Jendaga! Inza she usuviye, she izyene zivombwe kuliwe.'' Pe umuzya ahapola mu havalilo he hala.¹⁴Lwe u Yesu ayinzile mu nyumba iya Peteli, ahamwenya unyinavyala uwa Peteli akasite avinile inzegema. ¹⁵U Yesu ahamulema inyove yakwe, pe ahanyamuha havili ahanda pa kumuvombela uwene.¹⁶Lwe ahamazuva hinzile, avantu vahavaleta kwa Yesu avinji ve vali ni mpepo inkandamanu. Ahazishimbizya impepo nalye lizwi pe vahapola vonti ve vali ¹⁷vavinu.Mwidala linili zyafishiye zye aziyanzile umukuvwi u Yesaya, ahati, ''Wuyo umwenesho ahasenda amavuvinu gitu havili ahayivegazya inzegema zyitu.¹⁸Ilelo u Yesu lwe ayenya impuga yimuliviliye, ahavalingania avene ukwepa ukuvala isyila ilinji ilya sumbi uwa mu Galileya. ¹⁹Pe umu simbi ahinza ku wuyo nu kuti, ''manyisi, kwe ine inkulandate iwe konti kwe ukuvala.'' ²⁰U Yesu ahati ku kwawe, ''Avahavila vali niviliva, havili niviyuni ivya mu mwanya vili nivisalanzo, nkandi umwana uwa muntu atali mapamo apa kugoneha itwe lyakwe.²¹Uwamwavo umusundikwa ahati ku wuyo, ''Mwene, utalishe unitishizye imbale insyile ubaba wane.'' ²²Pe lelo u Yesu ahati ku kwakwe, ''ndandata Ine, pe uvaleshe avafwe vasyile avafwe vavo.''²³Lwe u Yesu ayinjiye mwi voti, avasundikwa vakwe vahamulandata uwene mwemula. ²⁴Yenya, yanyamuha inkungu impiti pa sumbi, pe ni voti lyakupishilwe namavilingwa. Nkandi u Yesu uwene asyupiliye. ²⁵Pe avasundikwa vahinza ku kwakwe nukumunyamusya uwene, vahati, ''Tuposhe iswe Mwene; iswe tuli papipi ukufwa!''²⁶Pe u Yesu ahati ku vavo, ''shoni she mukunyila, mwe valwitiho ulunsi?'' Pe ahanyamuha nu kuyipilila inkungu nu sumbi. Pe kwali uvutehamu uvupiti nkani. ²⁷Avantu vahasukumila havili vahati, ''muntu wa havele vuli wununo, ukuti ni nkungu vulo nu sumbi vikumwivwila uwene?''²⁸Lwe u Yesu ayinzile kwisyila ilinji na kunsi iya Gadalena, avantu vavili ve vamile ni mpepo inkandamanu vahahomana nawo. Vahafumaga ku mbipa havili vamile vahali nkani, pe ukwene kutali nu wakujenda we ahadumunsanyaga kwidala lila. ²⁹Yenya, vahaholela havili vahati, ''Pe iswe tuvombe shoni niwe, Mwana uwa Mulungu? Iwe winzile uku ukutuyimvya iswe pe ahavalilo he havisilwe hashili?''³⁰Ilyene idimilo ilya nguluve inyinji lyali kwekula lihalyanga, patali uvutali nkani ukufuma pe vali. ³¹Impepo inkandamanu zihajendelela ukulambilizya kwa Yesu pe zihati, ''Inga ukutufumya ise kunzi, ututume iswe kwi dimilo ilya nguluve.'' U ³²Yesu ahati ku zizyo, ''Jendaji'' Impepo inkandamanu zihafuma nu kuvala mu nguluve; pe yenya, idimilo lyonti lihashimbila ukwiha igamba ukuvala mwa sumbi pe izyene zihafwila mu minzi.³³Vala ve vahadimaga inguluve vahashimbila pe vahavala mu nkaya nu kuyanga zyonti, nkaninkani zye zyavomvilwe ku vantu ve vali ni mpepo inkandamanu. ³⁴Yenya, inkaya yonti yihinza pa kuhomana nu Yesu. Lwe vamwenya uwene, vahamulava ukuti ayepe mu shigavo shavo.

¹U Yesu ahinjila mwi voti, ahalamba, pe ahinza ku nkaya yakwe. ²Yenya, vahamuleta ku kwakwe umuntu we uyumiliye akasite pa shitanda. Kuvenya ulwitiho lwavo, u Yesu ahati ku muntu we ayumiliye, ''Mulumendo, yigomyaje. Imbivi zyaho zyatetelwa.''³Yenya, vamo ava simbi vahati vavo veka, ''Umuntu uno akusamula.'' ⁴U Yesu amanyile insvo zyavo pe ahati, ''Shoni she imwe mukusivilila imbivi mu moyo ginyu? ⁵Pe shoni she shipepusu, ukuti, 'Imbivi zyaho zyatetelwa,' pamo ukuti, Nyamuha pe ujendaje?' ⁶Nkandi imwe mu manyaje ukuti umwana uwa muntu ali nu vulamulili munsi ukutetela imbivi, ...''uwene ahati ku we ayumiliye, ''Nyamuha, nyamula ishitanda shaho, pe ujendaje ku nyumba yaho.''⁷Pe umuntu ahanyamuha nukuvala ku nyumba yakwe. ⁸Lwe impuga yenya ishi, yihanyila nu kumushindiha u Mulungu, we avapiye avantu uvulamulili vunuvo. ⁹Lwe u Yesu adumunsanya ukufuma pala, ahamwaga umuntu izina u Matayi atendime pi hema ilya kusonchezya umusonko. Ahati ku wuyo, ''Ndandata Ine.'' Uwene ahanyamuha nu kumulandata wuyo.¹⁰Lye u Yesu ayihala pansi ukulya munyumba yenya, avasonchezya musonko avinji na vatala malandu vahinza havili vahalya ishakulya ishahamazuva poka nu Yesu na vasundikwa vakwe. ¹¹Lwe avafalisayi venya ishi, vahati, ku vasundikwa vakwe, ''Shoni she umu manyisi winyu akulya poka na vasonchezya musonko na vatala malandu?''¹²Lwe u Yesu ayivwa ili, ahati, avantu ve vali na maha mu muvili vatakwanzaga umuganga, veka vala ve vavanu. ¹³Mavale mu manyile she ishi shikusula: 'Nkunyonywa uvwila nkandi imputile pole.' She ine ntahinza ukuvita avagolosu ku lupinduho nkandi avatala malandu.¹⁴Pe avasundikwa ava Yohani vahinza ku kwakwe,nu kuti, ''Shoni she iswe na vafalisayi tukufunga havili havili, loli avasundikwa vaho vatakufunga?'' ¹⁵U Yesu ahati ku vavo, ''Ishi ve vinzile ku vwinga vangaswimililwa lwe usivwinga ashili ali navo? Nkandi insiku zikwinza lwe usivwinga aliyepa ku kwavo, pe avene valifunga.¹⁶Nawumo umuntu we akugambihaga umwenda umupya ku shakuzwala ishikali, she ishigamba shilizepuha ukufuma ku shizwalo, pe ukuzepuha ukuvivi nkani kulivombwa.¹⁷Pope ishi avantu vakuvihaga ipele ipya ilya mampensya mu vya kuvishila ivya makwela ivikali. Inga avene vangavomba, amakwela galipunta, ni pele ilya mampensya liliyitiha, pe ni vya kuvishila ivya makwela vilinanjiha. muvuzilo vwakwe, avene vakuviha ipele ipya ilya mampensya mu vya kuvishila ivya makwela ivipya, pe vyonti vilisengulwa.''¹⁸Lwe u Yesu ashili akuyanga ivintu vinivi ku vavo, yenya, umupiti wumo ahinza pe ahasugamila pansi pa pakwe. Uwene ahati, ''U mwana wane umulindu afwa shinishi, pe nzaga nu kuviha inyove yaho pa pakwe, pe uwene aliva mulanzi.'' ¹⁹Pe u Yesu ahanyamuha nukumulandata uwene, pe vahavomba vunuvo avasundikwa vakwe.²⁰Yenya, umwantanda we ahayimba ukutonya ivanda amaha 12 ahinza kunsizi ukwa Yesu nu kulema uvupinde uvwa shizwalo shakwe. ²¹She uwene atili ku wuyo weka, ''Inga ningale vulo amenda gakwe, ndiva ahinza.'' ²²Loli u Yesu ahagalunkana nu kumwenya uwene, pe ahati, ''mulindu, jimbaga; ulwitiho lwaho lwakupela iwe ukuva ahinza.'' Pe umwantanda ahapola ukufuma ahavalilo he hala.²³Lwe u Yesu ayinzile mu nyumba iya mupiti, ahavenya avalizya malonji nimpuga vakuzuma nkani ishongo. ²⁴Uwene ahati, ''Yepa penepo, she umulindu afuye, nkandi uwene asyupiliye.'' Loli avene vahamuseha mulovezyo.²⁵Lwe impuga yikufuma kunzi, uwene ahinjila ku shipinda pe ahamunyamula uwene ni nyove, pe umlindu ahanyamuha. ²⁶Ipangwi ukulingana nishi lyasasite monti mushigava shila.²⁷Lye u Yesu adumunsanya ukufuma kula, avantu vavili ava ntonko vahamulandata uwene. Avene valindiye ukuholela pe vahatinji, ''vanga nu vwila niswe , Mwana uwa ²⁸Davidi!'' Lwe u Yesu ayinjiye mu nyumba, avantu ava ntonko vahinza ku kwakwe. U Yesu ahati ku kwavo, '' Vuzye imwe mukwitiha ukuti ine ningavomba ishi?'' Avene vahati ku wuyo, ''Iyii, Mwene.''²⁹Pe u Yesu ahalema aminso gavo pe ahati, ''Leha zivombwe kulimwe ukuyana un lwitiho lwinyu, '' ³⁰pe na minso gavo gahiguha.Pe u Yesu ahavahomelezya nkani avene pe ahati, ''Mwenye ukuti nawumo we azimanye izyi shi.'' ³¹Loli avantu vavaili vahafuma kunzi nukusasya ipangwi ukuyana nishi mushigava shonti.³²Lwe avantu vavili vala vakwepa, yenya, umuntu ushinunu we ali ni mpepo inkandamanu vahamuleta kwa Yesu. ³³Lwe impepo inkandamanu zyafuma kunzi, umuntu ushinunu ahayanga. Impuga yahasukumila pe yahati, ''Ishi shitahavoneha nalumo mu Isilayel!'' ³⁴Loli avafalisayi vahatinji, ''ukujendela muvulamulili uvwa mpepo inkandamanu, uwene akuzifumizya impepo inkandamanu.''³⁵U Yesu ahavala monti mu nkaya na mutwaya. Ahajendelela ukumanyisya mu masinagogi gavo, ukulumbilila ipangwi ilyinza ilya shinamwene nu kupozya ahavele honti aha vuyeyevazu na havele honti aha mbina. ³⁶Lwe ayenya impuga, uwene ahavafwila uvwila, pa mulandu vali mu mayimba havili vasungime. Avene vali ngati ng'onzi zye zitali nu mudimi.³⁷Uwene ahati ku vasundikwa vakwe, ''Imvuno ye nyinji, loli ava mbombo vashefile. ³⁸Pe lelo panapa putaga kwa Mwene uwa mvuno, kwe kuti uwene atume avavomvi mu mvuno yakwe.''

¹U Yesu ahavita avasundikwa vakwe 12 poka nu kuvapa avene uvulamulili pa mpepo inyazu, ukuzishimbizya, nukupozya ahavele honti aha mbina na havele honti ahavuyeyevazu.²Ishi amazina aga vapositili 12 gali gegano. Uwakutaliha, u Simoni [uno we havili ahitwaga u Peteli], nu Andileya uwamwavo; nu Yakovo umwana uwa Zebediya, nu Yohani uwamwavo. ³nu Filipu, nu Batolomeyo; nu Tomasi, nu Matayi umusonchezya musonko; nu Yakovo umwana uwa Alufeyo; nu Tadeyo; ⁴nu Simoni umu Ziloti, nu Yudasi Isikaliyoti, we alimwanila uwene.⁵Ava 12 u Yesu ahavatuma. Ahavalingania avene nukuti, ''Mutahavalaje ku vuzilo navumo vwe ava kunzi vakutendama, havili mutahinjilaje mu nkaya nayimo iya va Samaliya. ⁶Muvuzilo vwakwe valaji ku ng'onzi zye zisoveleye izya mu nyumbaiya Isilayeli; ⁷na lwe mukujenda mulumbililaje pe mutinji, 'Ishinamwene isha kumwanya shinzile papipi.'⁸Pozya avavinu, zyusya avafwe, zelufya ava mambombo havili shimbizya impepo inkandamanu. Pavwelele imwe muposheleye, pavwelele mupe. ⁹Mutahanyamulaje u golide nawumo, nu siliva pamo ukopa mu mbogolo zyinyu. ¹⁰Mutahasendaje amafuko agakujendela pa vulendo vwinyu, pamo ilaya ilya konjelezya, pamo insapato, pamo indisa, she uhavomba ishakulya shakwe.¹¹Inkaya yonti pamo utwaya twe iwe ukwinjila, ulondole we ahondeye munumo, pe uve munumo ukufiha pe uliyepaga. ¹²Lwe iwe ukwinjila mu nyumba, uyilamushe yeneyo. ¹³Inga inyumba yihondeleye, mwitishizye umutende winyu ayinze pa yiyo. Nkandi inga iyene yitahondeleye, mwitishizye umutende winyu agalushile kulimwe.¹⁴Inza she vala ve vatakuvaposhela imwe pamo ukwivwa ku mazwi ginyu, lwe imwe mukwepa ukufuma mu nyumba yila pamo mu nkaya, mukung'unte ulusuto ukufuma ku vinama vyinyu. ¹⁵Nalyoli ine nkuyanga kulimwe, kuliva ukwitishilwa nkani ku nsi iya Sodomu nu Gomola pisiku ilya vulonzi ukulusya inkaya yila.¹⁶''Yenya, Ine nkuvatuma imwe ngati ng'onzi pakasi pa mpumpi, ilelo muve mwe vakusheva ngati njoha havili mwe vatonsu ngati nkunda. ¹⁷Mushevaje na vantu! avene valivatwala imwe ku vahombe, havili avene valivasyempa imwe mu masinagogi gavo. ¹⁸Pe imwe valivatwala pilongolela ilya valongozi na ku va mwene pa zyane, ukuva lusimishizyo ku vavo na kuvakunzi.¹⁹Lwe avene vakuvatwala imwe, mutahapasyaje ukti zyandi zive vuli pamo shoni she imwe muliyanga, she ishakuyanga shilipelwa ku kwinyu ahavalilo he hala. ²⁰She ishi temwemwe mwe muliyanga, nkandi mupepo uwa Tata winyu we aliyanga mu mwinyu.²¹Uwamwavo alimutwala uwamwavo ku vufwe, nu yise umwana wakwe. Avana valinyamuha ukuvavushila avapafi vavo nu kuvavombela avene ukuti vavavishe ku vufwe. ²²Imwe mulivengwa na vonti pa mulandu uwizina lyane. Nkandi uno we akujimbilila ukufiha pa vumalilo, umuntu wewula alipona. ²³Lwe avene vakukuvwima iwe mu nkaya ino, ushimbilile ku yamwavo, she nalyoli ine nkuvavuzya imwe, mutalijenda ukudumunsanya inkaya izya Isilayeli lwe umwana uwa muntu ashili ukwinza.²⁴''Ú musundikwa te mupiti nkani ukulusya umu manyisi wakwe, na we muvomvi te wapamwanya ku mupiti wakwe. ²⁵Ishi shikwanine kwa musundikwa ukuti uwene avanje ngati wu manyisi wakwe. Inga avene vamwisite u mupiti mu nyumba iya Belizebuli, vwinji vuli uvwa kuvipa ukwa mazina vakuvita vavulilani ava mu nyumba yakwe!²⁶Ilelo utahavanyilaje venevo, she zitalipo nazimo zye zikupishilwe zye zitalivumbuha, havili nazimo zye zivwamile ye zitalimanyiha. ²⁷She ine navavuzya ku shisi, mushiyanje pamusanya, nazye iwe wazyivwa mu vutonsu mwi kutwi lyaho, uzilumbilile pamwanya pa musonje uwa nyumba.²⁸Utahanyilaje vala ve vakugoga umuvili pe vakupotwa ukugoga umoyo. Muvuzilo vwakwe, mu munyilaje uwene ahondeye ukunangania vyonti umoyo nu muvili mwi palazya. ²⁹Vuli utudundulu tuvili tutakukalwa vulona hakopala ahansi? Pe lelo hoka mututo hatakugwanga pansi shisita u Tata witu ukuzimanya. ³⁰Nkandi ni nsisi vwelele izya kwitwe lyinyu zihavazilwa, ³¹Mutahanilaje.Imwe mwe vapamwanya nkani ukulusya utudundulu utwinji.³²Pe lelo uno we akunitiha Ine pilongolela ilya vantu, nine vulo ndimwitiha pilongolela ilya Tata we ali kumwanya. ³³Nkandi uno we ukunkana Ine pilongolela ilya vantu, nine vulo ndimuhana pilongolela ilya Tata wane we ali kumwanya.³⁴Mutahasivaje ukuti Ine nkinza ukuleta umutende munsi. Ine ntahinza ukuleta umutende, loli upanga. ³⁵She Ine nkinza ukuvagava umuntu ukumuvushila u baba wakwe, nu mwana umulindu ukumuvushila umama wakwe, nu muha mwana umwanavuli ukumuvushila unyinavyala uwakwe. ³⁶Avalugu ava muntu valiva vamunyumba iyakwe nu lwakwe.³⁷Uno we amuganile uyise pamo unyina nkani ukulusya Ine we atankondeleye Ine; nuno we amuganile umwana umulumendo pamo umulindu ukulusya Ine we atankondeleye Ine. ³⁸Uno we atakunyamula ishihovenkanyo ishakwe nu kulandata pisinda paline we atankondeleye Ine. ³⁹Uno we akwanza uvulanzi vwakwe we alivusovezya uvwene. Nkandi uno we akuvusovezya uvulanzi vwakwe pazyane we alivwaga uvwene.⁴⁰''Uno we akuvaposhela imwe akumposhela Ine, nuno we akumposhela Ine we akumuposhela nuno we ahantuma Ine. ⁴¹Uno we akumuposhela umukuvwi mwizina ilya mukuvwi aliposhela ishipambwi [ishavwila] isha mukuvwi, havili nuno we akumuposhela umuntu umugolosu mwizina ilya muntu umugolosu aliposhela ishipambwi [ishavwila] isha muntu umigolosu.⁴²Uno wonti we akupa ku woka mu vansi vanava nu lupindi [ishikombe] ulwa minzi amahatazu agakung'wela mwizina ilya musundikwa, nalyoli Ine nkuyanga kulimwe, uwene mwidala lyonti atalisovezya ishipambwi shakwe.

²Kuhinza kwava ukuti lwe u Yesu amazile ukuvalingania avasundikwa vakwe 12, ahepa ukufuma pala ahavala ukumanyisya nukulumbilila mu nkaya ¹zyavo.Ishi lwe u Yohani ayivuye mu Jela nizya mbombo izya Chilisiti, ahatuma amazwi na vasundikwa vakwe ³pe ahati ku wuyo, ''We wewe uno we akwinza, pamo iswe twenyelezyaje uwamwavo?''⁴U Yesu ahamula nukuti ku kwavo, ''Jendaji muvale muyanje kwa Yohani zye mukwenya nu kwivwa. ⁵Ava ntonko vakuposhela ukwenya, avalemazu vakujenda, ava mambombo vakuzelipa, avakutwi vakwivwa havili, avafwe vakuzyuha havili kuvulanzi, havili ni pangwi ilyinza likulumbililwa ku va pina. ⁶Alositwe wula we atakupunula muline.''⁷Lye avantu vanava vajenda, u Yesu ahanda ukuyanga ku mpuga nizya Yohani, ''Mwavazile mulugwa ukwenya shoni - itete lye lihayinganaga ni nkungu? ⁸Loli mwavazile kunzi ukwenya shoni - umuntu we azwaye amenda amatonsu? Mwemumo, vala ve vakuzwala amenda amatonsu vakutendama mu nyumba izya va mwene.⁹Nkandi imwe mwavazile kunzi ukwenya shoni - umukuvwi? Iyii, Ine nkuyanga kulimwe, havili ukushila nu mukuvwi. ¹⁰Uno we wewula we zyasimvilwe, 'Yenya, Ine nkutuma intumi yane pilongolela pa sheni shinyu, we alisengania idala lyinyu pilongolela lyinyu.'¹¹Ine nkuyanga kulimwe uvwanalyoli, pakasi pa ve vapafilwe mu mwantanda nawumo umupiti ngati wu Yohani we ahozyaga. Nashe uno we munsi nkani wapamwanya mushinamwene isha kumwanya we mupiti ukulusya uwene. ¹²Ukufuma munsiku izya Yonani we ahozyaga ukufiha ishi, ishinamwene isha kumwanya shikuyimvilwa umuvwalanga, pe na vantu ava muvwalanga vakushisenda pa maha.¹³She vonti avakuvwi nu lulajilo vyakuvwaga ukufishila pa Yohani; ¹⁴pe inga imwe mukasime ukushitishizya ishi, uwene we wu Eliya we aliwakwinza. ¹⁵Uno we ali namakutwi agakwivwa, leha uwene ayivwe.¹⁶Kwe ku shoni kwe Ine injiholanie inkulo ino? Ishi shili ngati vana vakwizya pa vuzilo uvwa kukazizya, ve vakwihala nu kwitana uno nu wamwavo ¹⁷pe vakuti, 'Iswe twalizizye ilonji kulimwe, pe mutahimba. Iswe twalosizye pe imwe mutahakuta.¹⁸She u Yohani ayinzile atahalyanga umukate pamo ukung'wela ipele ilya mampensya , vahati, ali ni mpepo inkandamanu. ¹⁹Umwana uwa muntu ahinza ukulya nu kung'wela pe vahati, 'Yenya, umuntu umupafu uno havili wu shing'wela, mu manyani wa vasonchezya musonko na vatalamandu! Nkandi injele zikumashila mu mbombo zyakwe.²⁰Pe u Yesu ahanda ukuzipilila inkaya mwe imbombo zyakwe inyinji impiti zyavomvilwe, pa mulandu avene vatapindusile. ²¹''Ye mayi we, kolazini, Ye mayi we, Betisayida! Inga imbombo impiti zihavombwaga mu Tilo namu Sidoni zye zyavomvilwe kulimwe, avene nge vapindusile hali mu vizwalo vya magunila ni toyi. ²²Nkandi ishi shiliva shakwitishilwa nkani kwa Tilo nu Sidoni pisiku ilya vulonzi ukushila imwe.²³Iwe, Capelinamu, vuzye iwe ukusiva ukuti ulitumpulwa ku mwanya? Awe, iwe valikwisya pansi kuvuzimu. She inga mu sodomu mula muhavombwaga ivisukumizyo vye vyavomvilwe kulimwe, nge ivyene visyalishiye ukufiha ilelo. ²⁴Nkandi Ine nkuyanga kulimwe ukuti shiliva shipepusu kunsi iya Sodomu mwisiku ilya vulonzi ukushila imwe,''²⁵Muhavalilo he hala U Yesu ahati, ''nkukutima Iwe, Tata, Mwene uwa kumwanya na pansi, shifukwa ivizyisile ivintu vinivi ku vantu ava njele na vakuzimanyinsania, nukuvumbula zyenezyo ku vana avansi. ²⁶Iyii, Tata, she ishi shihakuseshelezya mu minso gaho. ²⁷Ivintu vyonti visuvalilwe mu mwane ukufuma kwa Tata wane; havili nawumo we amumanyile umwana nkandi we Tata, havili nawumo we amumanyile u Tata nkandi we mwana na wonti we umwana amusevile ukumuvumbulila uwene.²⁸Nzaji ku kwane mwenti imwe mwe mulisite havili munyamuye amazigo amang'wamu, pe Ine ndivapa imwe ukutuzya. ²⁹Sendaji ijoko lyane palimwe havili mu manyile ukufuma ku kwane, she ine ne mutonsu havili njisizye mu moyo, pe mulivwaga uvutuzyo uvwa moyo ginyu. ³⁰She ijoko lyane lipepe havili umuzigo wane mupepusu.''

¹Pa havalilo he hala u Yesu ahajenda nu kudumunsania pa mugunda uwa ngano pisiku ilya sabata. Avasundikwa vakwe vali ninzala pe vanzite ukudumula amatwe aga ngano nu kugalya genego. ²Nkandi lwe avafalisayi vashivonyi isho, vahati kwa Yesu, ''Yenya, avasundikwa vaho vakuvomba she telulajilo ukushivomba pisiku ilya sabata.''³⁴Nkandi u Yesu ahati ku kwavo, ''Mutehatela imwe muvazye she u Davidi ahavomba lwe ali ni nzala,na vantu ve uwene ali navo? Ahavala mu nyumba iya Mulungu nu kulya umukate we ahaloleshelaga she lutali lulajilo ku kwakwe ukulya havili lutali lulajilo na kuvala ve ali navo, nkandi lwali lulajilo kweka ku vaputi.⁵Imwe mutavazizye mundajizyo ukuti pa sabata avaputi mwi tempeli vakunangania ilya sabata nkandi vatananzile nashimo? ⁶Loli Ine nkuti kulimwe umupiti nkani ukulusya ni tempeli ali panapa.⁷Inga imwe mwashimanyaga ishi she shikusula, 'Ine nkwanza uvwila loli imputile pole,' imwe pe nge mutavayanzile havivi ve vtananzile nasimo. ⁸She umwana uwa muntu we wu Mwene uwa sabata.''⁹Pe u Yesu ahepa ukufuma pala nu kuvala mwi sinagogi lyavo. ¹⁰Yenya, pala pali umuntu wumo we ayumiliye inyove.Avafalisayi vahamuvuzilizya u Yesu, vahati, ''Ishi lulajilo ukupozya pa sabata?'' kwe kuti vamususye uwene nizya kutala amalandu.¹¹U Yesu ahati ku kwavo, ''muntu vuli pakasi palimwe, we, inga ali ni ng'onzi yoka vwelele, havili inga ing'onzi yinino yingagwila mushiliva pa sabata, atangayilema nu kuyifumya kunzi? ¹²Pe vwinza vuli vwe vulusizye, lelo, umuntu ulusizye ing'onzi! Pe lelo ulwene lulujilo ukuvomba inyinza pa sabata.¹³Pe u Yesu ahati ku muntu, ''Golosya inyove yaho.'' uwene ahayigolosya, pe iyene yihagalushila ku vwinza, inza she nyove iyamwavo. ¹⁴Loli avafalisayi vahafuma kunzi nu kupangana izya kumuvushila uwene. Avene vahalondolezyaga mwe vangamugojela uwene.¹⁵Lwe u Yesu ashimanya ishi, uwene ahepa ukufuma pala. Avantu avinji vahamulandata uwene,pe ahavapozya vonti vala. ¹⁶Uwene ahavahomeshezya avene ukuti vatahavamanyisye avamwavo izya wuyo, ¹⁷ukuti izyene zifishile, zye zyayanzilwe ukujendela mwa mukuvvwi u Yesaya, ukuti,¹⁸''Yenya, umuvomvi wane we Ine musevile; unkundwa wane, we mu mwakwe umoyo wane akuseshela ahinza. Ine ndiviha uMupepo wane papakwe, pe uwene alikumusya uvwanalyoli ku vakunzi.¹⁹Uwene atalidalinkana pamo ukuholomoha; havili nawumo we aliyivwa izwi lyakwe mu madala. ²⁰Uwene atalibontola nalimo itete lye likuzusile; uwene atalivuzimya uvutambi vwe vukusuha, ukufiha pe uvulongozya uvwanalyoli ku vupoti, ²¹havili mwe mwizina lyakwe avakunzi valiva nulusuvilo.''²²Pe wumo untonko havili ushinunu, ali ni mpepo izya satana, vamulesite kwa Yesu. Ahamupozya uwene, uvumalilo vwakwe vwakuti umuntu ushinunu ahayanga nu kwenya. ²³Impuga yonti yasukumiye nukuti, ''umuntu uno angavanga mwana uwa Davidi?''²⁴Nkandi lwe avafalisayi vivuye izyi mfindango ili, vahati, ''Umuntu uno atakuzishimbizya impepo izya satana mweka mwe mwa Belizebuli, umupiti uwa mpepo izya satana.'' Nkandi u Yesu avamanyile insivo zyavo nu kuyanga ku vavo, ²⁵''Ishinamwene shonti she shigavane nukuvushilana sheka shitangajendelela, ni nkaya pamo nyumba ye yagavinkana yeka yitangimilila.²⁶Inga u satana ukumushimbizya u satana, pe agavinkine nu kuyivushila wuyo weka, pe ishinamwene shakwe shingimilila vuli vuli? ²⁷Inga Ine nkuzishimbizya impepo izya satana nu Belizebuli, pe mwe mwa wenu mwe avana vinyu vakuzishimbizizya izyene? Pa shifukwa ishi avene valiva valonzi vinyu.²⁸Nkandi inga Ine nkuzishimbizya impepo zya satana nu Mupepo uwa Mulungu, pe ishinamwene shinzile palimwe. ²⁹Wumo anginjila vuli mu nyumba iya muntu uwa maha nu kumwivila ivwakwe shisita kutaliha ukumupinya umuntu uwa maha? pe uwene alimwivila ivwakwe ukufuma mu nyumba yakwe. ³⁰Uno we atali poka nine we akumbushila Ine, havili nuno we atakuvunganiha nine akusasania.³¹Ilelo Ine nkuti kulimwe, uvutalamalandu vonti nu musamu vilitetelwa ku muntu, nkandi umusamu ukumuvushila u Mupepo vitalitetelwa. ³²Wonti we akuyanga izwi lyonti ukumuvushila umwana uwa muntu uwene alitetelwa. Nkandi uno wonti we akuyanga ukumuvushila u Mupepo u Mufijile, kulizyo uwene atalitetelwa, nakwe kunsi ino, pamo ku yila ye yikwinza.³³Mulipele ikwi live lyinza pe nivihomwa vyakwe vive vyinza, pamo mulipele ikwi ukuva livivi ni nsanga zyakwe zikuva mbivi, she ikwi likumanyikwa munsanga zyakwe. ³⁴Imwe mwe luho ulwa njoha, imwe mwe vavivi, mungayanga vuli vuli izya vintu ivyinza? She ukufuma muvwinji uvwa vye vili mu moyo ilomo lyakwe likuyanga. ³⁵Umuntu umwinza ukufuma kuzye asunzile inyinza mu moyo wakwe akufumyaga zye nyinza, pe umuntu umuvivi ukufuma kuzye asunzile imbivi mu moyo wakwe akufumyaga zye nyinza.³⁶Ine nkuyanga kulimwe ukuti pisiku ilya vulonzi avantu vakwinza ukuvazilwa izwi lyonti ivivi lye avene valiyanzile. ³⁷She ukujendela mwe mu mazwi ginyu muliva mwe vagolosu, havili ukujendela mwe mu mazwi ginyu mwe valivalonjela.³⁸Pe vamo ava Simbi na vafalisayi vahamwamula u Yesu vahati, ''Mu Manyisi, twanzaga twenye ishimanyilo ukufuma ku kwaho.'' ³⁹nkandi u Yesu ahamula nu kuti ku kwavo, ''Inkulo iya mbivi niya luvembu yikwanzaga ishimanyilo. nkandi nashimo ishimanyilo she shilipelwa ku yiyo. Sheka ishimanyilo isha mukuvwi u Yona. ⁴⁰Inza she u Yona ali mulwanda ulwa nswi impiti amasiku gatatu nu vusiku vutatu, she ziliva uvunye nu mwana uwa muntu aliva mu moyo uwa nsi amasiku gatatu nu vusiku vutatu.⁴¹Avantu ava mu Ninive valiyimilila pa vulonzi na vankulo inonye iya vantu nu kulususya uwene.She avene vapindusile pa vulumbilili uvwa Yona, pe yenya, wumo we mupiti nkani uklusya u Yona ali panapa.⁴²U Mwene umwantanda uwa ku vuswelo alinyamuha pa vulonzi na vantu ava nkulo inonye nu kuvasusya avene. Uwene ayinzile ukufuma muvumalilo uvwa nsi ukutetelezya izya njele izya Solomoni, pe yenya, wumo umupiti nkani ukulusya u Solomoni ali panapa.⁴³Lwe impepo inyazu yefile ukufuma mu muntu, iyene yihadumunsania muvuzilo vwe vutali na minzi nukwenya pe yingatuzya, nkandi apene patahajikwa. ⁴⁴Pe iyene yikuti, 'Ine ndigalushila mu nyumba yane ye ine nafumile.' lwe yagalushila, iyene yikwaga inyumba yila vayipyeleye havili yiyanine. ⁴⁵Pe iyene yihajenda nukuvala ukusenda impepo inkandamanu izyamwavo 7 imbivi nkani ukulusya iyenesho, pe izyene zikwinza zyonti nukutendama mumo. Pe nahavoneshele ahavumalilo aha muntu wula hakuva havivi ukulusya ahavwandilo, ishi she ziliva ngati uvunye ni nkulo imbivi.''⁴⁶Lwe u Yesu ashili akuyanga ku mpuga, yenya, umama wakwe na vamwavo vimiliye panzi, vahanzaga ukuyanga ku kwakwe.'' ⁴⁷Wumo ahati ku kwakwe, ''Yenya, umama waho na vamwinyu vimiliye panzi, vakwanza ukuyanga ku kwaho.''⁴⁸Nkandi u Yesu ahamula nukuti ku wula we amuvuzizye, ''Wu wenu we wu mama wane havili ve vawenu avamwitu?'' ⁴⁹Pe uwene ahagolosya inyove yakw ku vasundikwa vakwe nukuti, ''Yenya, apa pali umama wane na vamwitu! ⁵⁰She uno we akuvomba ukwanza ukwa Tata we ali kumwanya, umuntu we wula we wamwitu, nu muyemba nu mama.''

¹Pisiku lye lila u Yesu ahafuma mu nyumba pe ayihaye muluvazu mwa sumbi. ²Impuga impiti yavungine ukumuzyungulila uwene, pe ayinjiye mwi voti nu kutendama mumo, she impuga yonti yimiliye pa muluvazu.³Pe u Yesu ahayanga ivintu ivyinji ku kwavo muviholanyo, Ahati, ''Yenya, umulimi ahavala ukupesa imbeyu. ⁴Lwe apesile, zimo imbeyu zihagwila muluvazu mwidala, pe iviyuni vihinza nu kumilula zyenezyo. ⁵Imbeyu izyamwavo zihagwila pansi iyi yalavwe, mwe mutamile itope ilyinji. Umwaluvilo luvilo izyene zihamela shifukwa itope lyashefile. ⁶Nkandi lwe izuva lifumile, izyene zihafoha shifukwa zitamile nigululuzi, pe zihumila.⁷Izyamwavo imbeyu zihagwila pakasi pa mimvwa. Amimvwa gahakula pe gahayibuda yeneyo. ⁸Izyamwavo imbeyu zihagwila pitope ilyinza pe zihahoma insanga, yimo ukushila 100 uvwinji, yimo 60, ni yamwavo 30. ⁹Uno we ali na makutwi, leha uwene ayivwe.''¹⁰Avasundikwa vahinza pe vahati kwa Yesu, ''Shoni she ukuyanga ku mpuga muviholanyo?'' U ¹¹Yesu ahamula pe ahati ku vavo, ''Imwe mupelilwe injele izya kumanyinsanya ivya ku kwilu ivya shinamwene isha kumwanya, loli avene vatapelilwe. ¹²She uno wonti we ali navyo we alipelwa ivyinji, havili we aliva navyo ivyinji. Nkandi uno we atalinavyo, nashe amile nasho shilifyulwa ukufuma ku kwakwe.¹³Ishi she shifukwa nkuyanga navo muviholanyo: nashe avene vakwenyelezya, avene vatakwenya; pe nashe avene vangisya, avene vatakwivwa, pamo ukumanyinsanya. ¹⁴Ku vavo vuvafishiye uvukuvwi uvwa Yesaya, lila lye likuti, lwe mukwivwilizya imwe muliyivwa, loli imwe mu madala gonti mutalizimanyinsanya; lwe mukwenyelezya imwe muliyenya, loli mu madala gonti mutaliyenya.¹⁵She amoyo aga vantu ava gava magomu, havili avene vagomu ukwivwa, pe avene vasinziliye aminso gavo, kwekuti vatahenye na minso gavo, pamo ukwivwa namakutwi gavo, pamo ukuzimanyinsanya na moyo gavo, kwekuti avene vangapinduha havili,pe nine ningavapozya nenevo.'¹⁶Nkandi galositwe aminso ginyu, she agene gakwenya; namakutwi ginyu, she agene gakwivwa. ¹⁷Nalyoli nkuyanga kulimwe ukuti avakuvwi avinji na vantu avagolosu vahanyonywaga ukwenya ivintu vye imwe mukwenya loli ivyene vatahavyenya. Avene vahanyonywaga ukwivwa ivintu vye imwe mukwivwa loli ivyene vatahavyivwa.¹⁸Tejelezya lelo kushiholanyo isha mulimi we ahapes imbeyu yakwe. ¹⁹Lwe wumo akwivwa izwi ilya ku shinamwene loli atakulimanyinsania ilyene, umuvivi wula akwinza nukusompola she shivyalilwe mu moyo wakwe. Ino ye mbeyu ye vahayipesa muluvazu mwidala.²⁰Ye vapesile pavuzilo uvwi vwe muntu wula we akwivwa izwi naluvilo ukuliposhela ilyene nu luseshelo, ²¹lye uwene atali ni gululuzi muli wuyo weka pe akujimbilila muhavalilo hansi. Lwe amayimba pamo ukuvwimilwa kwanyamuha pamulandu uwi zwi, uwene umwaluvilo ukugwa.²²Zye vapesile pakasi pa mimvwa, uno we muntu wula we akwivwaga izwi, loli akusajila ivya munsi nukuyihopeha ni vyuma vikubuda izwi, pe atakuhoma insanga. ²³Imbeyu ye vapesile mwi tope ilyinza, uno we muntu wula we akwivwaga izwi nukulimanyinsanya ilyene. Uwene akwezyaga ivihomwa nukupa insanga, ukuvuna mu shoka 100, mu shamwavi 60, havili mu shinji 30 uvwinji ukulingana na mwe avyaliye.''²⁴U Yesu ahaleta ishiholanyo ishamwavo ku kwavo. Uwene ahati, ''Ishinamwene isha kumwanya shiholine nu muntu we ahapesa imbeyu inyinza mu mugunda wakwe. ²⁵Nkandi lwe avantu vasyupiliye, umulugu wakwe ahinza pe wope ahapesa indezye pakasi pa ngano nu kwepa. ²⁶Lwe umulemvwi akula havili afumya insanga zyakwe, pe nindezye yope yihavoneha.²⁷Avavomvi ava mwenesho mugunda vahinza pe vahati ku kwakwe, 'mwene, utahapesa imbeyu unyinza mu mugunda waho? Zyava vulivuli ishi mwava indezye?' ²⁸Uwene ahati ku vavo, 'Umulugu we avomvile zinizi.' ''Avamuvomvi vahati ku wuyo, 'Pe imwe mukwanza iswe tuvale nu kuzinyunkula zyenezyo?'²⁹''Umwenesho mugunda ahati, 'Awe, Shifukwa pe iwe ukunyunkula indezye unganyunkulila poka ni ngano. ³⁰Leha vyonti vikulile poka ukufishila pa mvuno. Mmuhavalilo aha kuvuna ndiyanga ku vakuvuna, ''Mwandile munyunkule indezye havili muyipinye yeneyo mu nkose nu kuyipemba, loli muvunganishe ingano mushanga shane.'''''³¹Pe Yesu ahaleta ishiholanyo ishamwavo ku kwavo. Ahati ''Ishinamwene isha kumwanya shili ngati nsanga izya muzimwa zye umuntu ahasenda nu kupesa mu mugunda wakwe. ³²Imbeyu ino nalyoli mbeyu inyinsi nkani pa zyonti. Nkandi lwe iyene yikuzile, mpiti ukushila inyanyi yonti. Likuva likwi, pe ni viyuni ivya mumwanya vikwinza nukutenjela munsamba zyakwe.³³Pe u Yesu ahavavuzya ishiholanyo ishamwavo.'' Ishinamwene isha kumwanya shiholine ni viluzizyo vye umwantanda ukusenda nukusanganya nivipimo vitatu ivya vusu ukufishila pe umunya wonti atutumuha.''³⁴Vyonti ivintu vinivi u Yesu ahayanga ku mpuga mu viholanyo; havili atahayanga nashimo ku kwavo shisita shiholanyo. ³⁵Ishi shali muluvatiho ukuti zye ayanzile ukujendela mwa mukuvwi zifishile, lwe atili, ''Ndiyigala ilomo lyane muviholanyo. Ine ndiyanga ivintu vye vya vwamile ukufma ku lwalo ulwa nsi.''³⁶Pe u Yesu ahayileha impuga pe ahavala mu nyumba. Avasundikwa vakwe vahinza ku kwakwe pe vahati, ''Tulinganye iswe ishiholanyo isha ndezye iya mu mugunda.'' ³⁷U Yesu ahamula nukuti, ''Uno we akupesa imbeyu inyinza we mwana uwa muntu. ³⁸Umugunda ye nsi; pe ni mbeyu inyinza, iva ve vana ava shinamwene. Indezye ve vana ava muvivi wula, ³⁹pe umulugu we avapesile avene we wu munkwalanzi. Imvuno vwe vumalilo uvwa nkulo, havili avakuvuna ve vahavizya.⁴⁰Pe lelo, lye indezye yivingine nu kupembwa nu moto, she izyene ziliva nu vumalilo uvwa nkulo. ⁴¹Umwana uwa muntu alivatuma avahavizya vakwe, pe avene valivunganiha ishinamwene shakwe ni vintu vyonti vye vihapelaga uvutalamalandu na vala ve vahavombaga imbivi. ⁴²Avene valivasumbila mwilinga ilya moto, kwe kuliva ukulila nukusya amino. ⁴³Pe avantu avagolosu valilama ngati lizuva mu shinamwene isha Tata wavo. Uno we ali namakutwi, leha uwene ayivwe.⁴⁴''Ishinamwene ishakumwanya shiholine ni nishuma she shivwamile mu mugunda . Umuntu akushaga havili akushizyiha. Muluseshelo lwakwe akujenda, akukazya vyonti vye asenguye, pe akukala umugunda wula. ⁴⁶Havili, ishinamwene ishakumwanya shiholine nu muntu we wuhakazya akulondola uvwambo uvwinza. ⁴⁵Lwe avwaga voka uvwambo uvwinza nkani, ahavala nu kukazya vyonti ivintu vye ali navyo nukuvukala vwenevo.⁴⁷Havili, ishinamwene isha kumwanya shiholine ni shilepa she vasumbiye mwa sumbi, havili shila shikuvunganiha ahavele honti aha nswi. ⁴⁸Lwe shizuye, avalova nswi vahashifumizya ku shipuma. Pe vahihala pansi nukuvunganiha inyinza mu vya kunyamulila, nkandi imivi zye vahazisumba.⁴⁹Ziliva vunuvu kvumalilo uvwa nkulo. Avahavizya valiyinza nukupagula avavivi ukufuma pakasi pa vagolosu. ⁵⁰Avene valivasumbila mwi linga ilya moto, kwe kuliva ukulila nu kusya amino.⁵¹''Mwavyivwisya ivintu vyonti vinivi? Avasundikwa vakwe vahati ku kwakwe, ''iiii.'' ⁵²Pe u Yesu ahati ku vavo, pe lelo umu simbi wonti we ava musundikwa uwa ku shinamwene ishakumwanya aholine nu muntu we mwenesho uwa nyumba, we akufumya ivintu ivikali ni vipya ukufuma ku shuma shakwe. ⁵³Pe kuhinza kwava ukuti lwe u Yesu amazile iviholanyo vinivi, ahepa pa vuzilo vula.⁵⁴Pe u Yesu ahinjila mushigavo shakwe nu kuvamanyisya avantu mu masinagogi gavo. Zye zihafumila zyakuti vasukumiye nkani havili vahati, ''Umuntu wununo akuzyaga kwiyi injele zyakwe na maha aga visukumizyo? ⁵⁵Umuntu uno te mwana uwa mupala matabwa? Te we unyina vakumwita u Maliya? Te we avamwavo ve va Yakovo, Yosefu, uSimoni, nu Yuda? ⁵⁶Te we vonti avayemba vakwe vamile niswe? Avyazile kwiyi ivintu vyonti vinivi?⁵⁷Vahapunula muliwuyo, Nkandi u Yesu ahati ku vavo, ''umukuvwi atakupelwa umushinzi loli kwe ku nkaya yakwe na mu nyumba yakwe.'' ⁵⁸Atahavomba ivisukumizyo ivyinji kula shifukwa sha kusita kusuvila kwavo.

¹Ukuyana nahavalilo hala, Mwene u Helodi ayivuye ipangwi ilya Yesu. ²Uwene ahati ku vavomvi vakwe, ''Uno wu Yohani we ahozyaga; uwene azyusile ukufuma ku vafwe. Pe lelo amaha ganaga gali pa mbombo mu mwakwe.³She u Helodi amulemile u Yohani, nukumukunga uwene, nukumuviha uwene mu jela pa mulandu uwa Helodiya, umushi wa wamwavo u Filipu. ⁴She u Yohani ayanzile ku kwakwe, ''Ulu telulajilo ku kwaho ukuva nawo ngati mushi waho.'' ⁵U Helodi nge amugozile uwene, nkandi uwene anyizile avantu, mulandu avene vamuvisile ukuva ngati mukuvwi.⁶Nkandi lwe isiku ilya mpapwa iya Helodi lyinza, umwana umulindu uwa Helodi ahatyonga pakasi nukumuhovosya u Helodi. ⁷Muvwamuzi, uwene ahamulajizya nukufinga ukumupa uwene shonti she angamulava.⁸Lwe umama wakwe amulinginye, uwene ahati, ''Umpe ine apa, musiniya, itwe ilya Yohani we ahozyaga. ⁹Umwene avulungine nkani nu kumulava kwakwe, nkandi pamulandu uwa kufinga kwakwe na pamulandu uwa vala vonti ve ali navope pashakulya isha shamazuva, uwene ahamulava ukuti isho shivombwe.¹⁰Ahavatuma nu kumudumula itwe u Yohani mu jela. ¹¹Pe itwe lyakwe valivisile musiniya nukumupa umulindu pe ahasenda lyenelyo nukulitwala kwa nyina. ¹²Pe avasundikwa vakwe vahinza, vahanyamula umuvimba nu kumusyila.ukufuma pishi, avene vahajenda nukumuvuzya u Yesu.¹³Ilelo lwe u Yesu ayivuye ishi, ahepa ukufuma pala mwi voti nukuvala ku vuzilo vwe ali weka. Lwe impuga yivwa izyisho, yihamulandata uwene ulwa pansi ukufuma mu twaya. ¹⁴Pe u Yesu ahinza pilongolela lyavo nkuyenya impuga impiti. Ahavafwila uvwila avene nukuvapozya ava vinu vavo.¹⁵Lwe ishamazuva shinzile, avasundikwa vahinza ku kwakwe nukuti, ''Uvu vwe vuzilo vwe vuli ku vweka, nahe havalilo hajinzite hali, zivwezye impuga, kwe kuti zivwele mu twaya twavo nukuyikalila ishakulya shavo.''¹⁶Nkandi u Yesu ahati ku kwavo, ''Avene vatahondeye ukuti vepe.Imwe muvape venevo vimo ukuti valye.'' ¹⁷Vahati ku kwakwe, ''Iswe tulinago apa amakate amamensule 5 vwelele ni nswi zivili.'' ¹⁸U Yesu ahati, ''Leta vyenevyo kuline.''¹⁹Pe u Yesu ahayilajila impuga ukuti yitendame pansi mu masole.Uwene ahasenda amakate 5 ni nswi zivili. Ahenyelezya kumwanya, ahagalota nu kumensula amakate nukuvapa genego avasundikwa, pe avasundikwa vahagatwala genego ku mpuga. ²⁰Avene vonti valiye havili vikusi. Pe avene vahaseva vye vyasyaye ivimensule - ukwizula iviseji ²¹12.Vala ve valiye vali ukufiha avanavuli 5,000, ukwefya avantanda na vana.²²Umwaluvilo uwene ahavapela avasundikwa ukuti vinjile mwi voti nukujenda ukumulongolela wuyo nukuvala kuluvazu ulunji, lwe akuyivwezya impuga. ²³Lwe uwene ayivwezizye impuga, uwene ahajenda ukukwela igamba wuyo umwenesho ukuputa. Lwe ishamazuva shinzile, ali kwe kula ²⁴weka.Nkandi ivoti lyali pavutali na kunzi, lwe likututwa na mavilingwa, she avene inkungu yihavatutaga.²⁵Pa havalilo aha 4 aha vusiku u Yesu ahavaga avene, ahajendaga pa sumbi. ²⁶Lwe avasundikwa vamuvonyi uwene ukujenda pa sumbi, avene zihavatamya nukuti, ''Ishi Shizyuha,'' pe avene vahakuta mwilyoga. ²⁷Nkandi u Yesu ahayanga navo pepala nukuti, ''Mujimbe! Nene! mutahanyilaje.''²⁸U Peteli ahamwamula ahati, ''Mwene, inga ungava wewe, undajile ine ininze ku kwaho pa minzi.'' ²⁹U Yesu ahati, ''Nzaga.'' Pe u Peteli ahepa ukufuma mwi voti nu kujenda paminzi ukuvala kwa Yesu. ³⁰Nkandi lwe u Peteli ayivonyi inkungu iya maha, ahinza ava nilyoga. Ilelo uwene ayanzite ukudwiva, ahaholela nukuti, ''Mwene, mpoha ine!''³¹Umwaluvilo u Yesu ahagolosya inyove yakwe, ahamulema u Peteli, nukuti ku kwakwe, ''Iwe we walwitiho ulunsi, shoni she iwe uli namaganigani?'' ³²Lwe u Yesu nu Peteli vinjiye mwi voti, inkungu yihaleha ukupupa [ukuvugula]. ³³Pe avasundikwa mwi voti vahamusugamilila u Yesu nukuti, ''Nalyoli iwe we mwana uwa Mulungu.''³⁴Lwe avene valovosile, vahinza kunsi Genesaleti. ³⁵Lwe avantu ava muvuzilo vula vamumanya u Yesu, avene vatumile amapangwi monti ukuzyungulila utwaya, havili vamuleteye uwene wonti we ali muvinu. ³⁶Pe avene vahamulava ukuti vapalamansye vulo insongo iya mwenda wakwe, pe avinji ve vapalamansizye yeneyo vapozile.

¹Pe vamo avafalisayi na vasimbi vahinza kwa Yesu ukufuma mu Yelusalemu. Avene vahati, ²''Shoni she avasundikwa vaho vakushizania indajizyo izya vasongo? Shoni avene vatakugeza mu nyove zyavo lwe vakulya umukate.'' Uwene ahamula pe ahati ku kwavo, ³''Pe shoni she mukushizania inkomelezyo izya Mulungu pa shifukwa isha ndajilo zyinyu?⁴She u Mulungu akuti, 'Umushindishe u baba waho nu mama waho,' pe 'wula we akuyanga imbivi izya yise pamo u nyina we nalyolinye alifwa.' ⁵Nkandi imwe mukuti, ''We akuyanga kwa yise pamo kwa mama wakwe, Shonti she shikukwavwa iwe nge ushiposheleye ukufuma ku kwane ishi she shavwila shipelilwe kwa Mulungu.'' ⁶umuntu wewula shitakwanzikwa umushindihaje u baba wakwe.' Mwidala linili imwe mulilesile izwi ilya Mulungu shifukwa isha ndajizyo zyinyu.⁷Mwe valumilenga imwe! U Yesaya ahakuvwa ahinza nkani ni zyinyu lwe uwene atili, ⁸'Avantu ava vakunchindiha ine na malomo gavo, loli amoyo gavo gali kuvutali nine. ⁹Avene vakumputa ine havivi shifukwa vakumanyisya imbatiho zyavo ukuva nkomelezyo izya vantu.'''¹⁰Pe uwene ahayitizya impuga ku wuyo weka pe ahati ku vavo, ''Tejelezyi havili muzimanyinsanye - ¹¹Nashimo she shikwinjila mwilomo shikumunangaga umuntu. Muvuzilo vwakwe, she shikufuma mwilomo, ishi she shikumunanganyaga umuntu.''¹²Pe avasundikwa vahinza nu kuti kwa Yesu, ''Uzimanyile ukuti avafalisayi vapunuye lwe vivuye ipangwi linili?'' ¹³U Yesu ahamula pe ahati, ''Shonti ishivyalwa she u Tata wane uwa kumwanya atavyaye shilinyunkulwa. ¹⁴Valeshe avene veka, vakulongolwa ni ntonko. Inga umuntu untonko akumulongozya umuntu untonko uwamwavo, vonti valigwila mushiliva.''¹⁵U Peteli ahamula pe ahati kwa Yesu, ''ulinganye ishiholanyo ishi kuliswe.'' ¹⁶U Yesu ahati, ''Nimwe vwelele mushili mutakuzyaganya? ¹⁷Mutakuzyaganya ukuti shonyi she shikuvala mwilomo shikwinjila mu mulwanda havili pe shikuvala kwi zyeje?¹⁸Nkandi ivintu vye vikufuma mwilomo vikwinza ukufuma mu moyo. Vye vintu vye vikumunananga ¹⁹umuntu.She ukufuma mu moyo zikujendIelela insivo imbivi, ukugoga, uluvembu, nu vwamalaya, uvwiva, uvwa home uvwi lenga, ni ndigo. ²⁰Ivi vye vintu vye vikumunanga umuntu. Loli ukulya ni nyove zye utagezile kutakumunanganya umuntu.''²¹Pe u Yesu ahepa ukufuma pala pe ahinjilaga ku shigava isha nkaya izya Tili nu Sidoni. ²²Yenya, umwantanda uwa ku kanani ahinza ukufuma kushigava shila. Uwene ahpunda pe ahati, ''vanga nu vwila paline, Mwene, We mwana uwa Davidi! Umwana wane umulindu alemilwe nkani ni mpepo inkandamanu.'' ²³Nkandi u Yesu atahamwamula uwene izwi. Avasundikwa vakwe vahinza nu kumulava uwene, vahati, Muvwezye wenewo, she uwene akutuzuma munsizi zyitu.''²⁴Nkandi u Yesu ahamula pe ahati, ''Ine ntahatumwa ku wumo loli ku ng'onzi zye zisoveleye izya mu nyumba iya Isilayeli.'' ²⁵Nkandi uwene ahinza nu kusugamila pilongolela paliwuyo, ahati, Mwene navwa ine.'' ²⁶Uwene ahamula pe ahati, ''Ishi te shinza ukusenda umukate uwa vana nu kumusumbila ku tuvwa utunsi.''²⁷Pe ahati, ''Mwemumo, Mwene, loli tope utuvwa utunsi tukulyanga tumo utuvuluvuswa twe tukugwa ukufuma pameza izya va mwene vavo. '' ²⁸Pe u Yesu ahamula ahati ku kwakwe, ''Mwantanda, lupiti ulwitiho lwaho; leha zivombwe kuliwe inza she ukwanza.'' Umwana wakwe umulindu ahapola muhavalilo he hala.²⁹U Yesu ahavuleha uvuzilo vula pe ahavala kupipi nu sumbi uwa ku galileya.Pe ahakwela mwigamba nu kwihala kwekula. ³⁰Impuga impiti yihinza ku kwakwe. Avene vahavaleta avalemazu, nava ntonko, nava shinunu, na vantu ve vakwavula, na vanji avinji ve vavinile. Vahavatwala avene ku vinama vya Yesu, pe ahavapozya venevo. ³¹Pe impuga yihasukumila lwe vakwenya avuntu avashinunu vakuyanga,avakwavula vakupola, avalemazuvakujenda, havili nava ntonko vakwenya. vahamushindiha u Mulungu uwa isilayili.³²U Yesu ahavita avasundikwa vakwe ku kwakwe pe ahati, ''Ine nkuyenyezya uvwila impuga shifukwa yihala nine kumasiku gatatu havili vatali nashimo ishakulya. Ine ntakwanza ukuvavwezya avene she vataliye nashimo, pamo lumo vangaziliha mwidala.'' ³³Avasundikwa vahati ku wuyo, ''Tungagaga kwiyi amakate aga kukwila pa vuzilo uvu vwe vuli vweka aga kwikusya impuga impiti ino?'' ³⁴U Yesu ahati kuvavo ,'' Muli namakate galinga?'' Avene vahati, '' 7, pe niswi nyinsi. ³⁵''Pe u Yesu ahayilajila impuga ukuti yihale pansi.³⁶Ahasenda makate 7 ni nswi, pe lwe asalifya ahamensulanya amakate nu kugatwala genego kuvasundikwa. Avasundikwa vahapa genego ku mpuga. ³⁷Avantu vonti vahalya havili vahikuta. Pe vahavunganiha iviseje 7 vye vyizuye ni vimensusu vye vyasyaye. ³⁸Vala ve valiye vali avanavuli 4,000, ukwefya avantanda na vana. ³⁹Pe u Yesu ahayivwezya impuga pe ahinjila mwi voti nu kuvala ku shigava isha ku Magadani.

¹Avasundikwa na vafalisayi vahinza nu kumulinga uwene pakumuvuzilizya avalanjizye ishimanyilo ukufuma mu mwanya. ²Nkandi uwene ahamula nukuti ku kwavo, ''Lwe kwava ahisi, imwe mukuti, ukwene kulisha ahinza, she mu mwanya mushemime.'³Lwe yishili nzanchi, imwe mukuti, kwe yihatonye, she mu mwanya mushemime havili mukogofya.' Imwe mumanyile ahilulile aha havoneshele aha mu mwanya, nkandi imwe mutangilula ivimanyilo ivya tuvalilo. ⁴Inkulo imbivi ni yaluvembu yikulondola ishimanyilo, loli nashimo ishimanyilo she shilipelwa ku yiyo sheka ishimanyilo isha Yona.⁵Lwe avasundikwa vafisile uluvazu ulunji, avene valuvilwe ukunyamula umukate. ⁶U Yesu ahati ku vavo, ''Muvanje aminso havili mushevaje ni viluzizyo ivya vafalisayi na vasadukuyi.'' ⁷Avasundikwa vavuzilizinye pakasi pa vavo avenesho ukuti, ''Ishi mulandu iswe tutanyamuye umukate nawumo.'' ⁸U Yesu azimanyile nzila izyishi ahati, ''Imwe mwe valwitiho ulunsi, shoni she mukuvuzilizanya pakasi palimwe mweka ukuti ishi mulandu iswe tutanyamuye umukate nawumo?⁹Mushili imwe mutakuzimanya pamo ukukumbuha amakate amamensule 5 aga ma 5,000, havili viseje vilinga vye imwe mwavunganisile? ¹⁰Pamo amakate amamensule 7 aga ma 4,000, havili viseje vilinga vye imwe mwavunganisile?¹¹Izi zili vuli kulimwe mutakuzimanya ukuti ine ntahayangaga kulimwe nizya mukate? Muvanje aminso havili mushevaje ni viluzizyo ivya vafalisayi na vasadukayi.'' ¹²Pe avene vazimanyinsinye ukuti uwene atahavavuzyaga avene ukuti vashevaje ni viluzizyo ivya mukate, nkandi vashevaje nivimanyisyo ivya vafalisayi na vasadukayi.¹³Ishi lwe u Yesu ayinzile muvigava kupipi ni Kayisaleya Filipu, uwene ahavavuzilizya avasundikwa vakwe, ahati, ''Avantu vakuyanga ukuti umwana uwa muntu wuwenu? ¹⁴Avene vahati, ''Vamo vakuti we Yohani we ahozyaga; vamo, we Eliya; na vanji, we Yelemiya pamo woka uwa vakuvwi.'' ¹⁵Uwene ahati ku kwavo, ''Loli imwe mukuyanga ukuti ine ne wenu? ¹⁶Ukumwamula, u Simoni Peteli ahati, ''Iwe we Chilisiti, umwana uwa mulungu umulanzi.¹⁷U Yesu ahamula nukuti ku kwavo, Ulositwe iwe, Simoni mwana uwa Yona, she umuvili ni vanda tevye vyakuvumbuliye iwe izi, nkandi wu Tata wane we ali kumwanya. ¹⁸Nine vwelele nkuyanga havili kuliwe ukuti iwe we Peteli, na pivwe linili ine ndizenga ishivanza shane. Ivilyango ivya ku vuzimu vitalijendelela ukulipota ilyene.¹⁹Ine ndivapa imwe imfungulo izya ku shinamwene isha ku mwanya. Shonti she imwe mulipinya munsi iya pansi shilipinywa na kumwanya, havili shonti she mulisatula munsi iya pansi shilisatulwa na kumwanya.'' ²⁰Pe u Yesu ahavahomelezya avasundikwa ukuti avene vatahamuvuzye nawumo ukuti uwene ali wu Chilisiti.²¹Ukufuma ahavalilo he hala u Yesu ayanzite ukuvavuzya avasundikwa vakwe ukuti uwene ahondeye avale ku Yelusalemu, nukuyimba muvintu ivyinji mu nyove izya vasongo na vaputi avapiti na vasimbi, ukugogwa, nukuzyuha havili ku vulanzi pisiku ilya vutatu. ²²Pe u Peteli ahamusenda uwene paluvazu nu kumupilila , ahati, ''Ishi shamile shive pavutali ukufuma kuliwe, Mwene, ishi shitahinze shivombwe nalumo ku kwaho.'' ²³Loli u Yesu ahagalunkana nukuti kwa Peteli ''vanga ku nsizi yane,satana! Iwe we shipunulo kuline, she iwe utakusivilila nizya vintu ivya Mulungu, loli nizya vintu ivya vantu.²⁴Pe u Yesu ahati ku vasundikwa vakwe, ''Inga wumo akwanza ukundandata ine, ahondeye ayihane wuyo weka, anyamule ishihovenkanyo ishakwe, pe andandate ine. ²⁵She uno we akwanza ukuvupoha uvulanzi vwakwe alivusovezya uvwene, Pe wonti we akuvusovezya uvulanzi vwakwe pazyane we ali vwaga ²⁶uvwene.Ilelo isho shingamwavwa shoni umuntu inga uwene angakava insi yonti iya pansi loli avusovezye uvulanzi vwakwe? Shoni she umuntu angaviha ukutananya nu vulanzi vwakwe?²⁷She umwana uwa muntu aliyinza muvushindamu uvwa Tata wakwe nu vwa vahavizya vakwe. Pe uwene alimulipila umuntu wonti ukuyana ni mbombo zyakwe. ²⁸Nalyoli ine nkuti kulimwe, valipo vamo avimwe ve vimiliye apa ve vatalivonja imfwa ukufishila pe avene vamwenya umwana uwa muntu akwinza mushinamwene shakwe.''

¹Lwe gajenda amasiku 6 u Yesu ahavasenda poka u Peteli, u Yakovo, nu Yohani u mukulu wakwe, pe ahavatwala pamwanya pigamba itali vavo veka. ²Uwene ahayandula pilongolela lyavo. Isheni shakwe shihalama ngati lizuva, havili amenda gakwe gahanying'inyilaga nga luhozyo.³Yenya, kwavonesile ku vavo u Mose nu Eliya vahayangaga poka nawo. ⁴U Peteli ahamula pe ahati kwa Yesu, ''Mwene, shili ahinza kuliswe ukuva panapa. Inga ukasime iwe, Ine nkagombe utuyumba panapa tutatu - hoka haho, na hamwavo ha Mose, na hamwavo hoka ha Eliya.⁵Lwe ashili ukuyanga, yenya, ivingo lye ilyakulama lihavakupishila venevo, havili yenya, kuhinza izwi ukufuma mwivingo, lihati, ''Uno we Mwana wane unkundwa, muliwuyo mwe nkuseshela ahinza. Mumutejelezye ⁶wuyo.''Lye avasundikwa vivuye ishi , vahagwisya ivyeni vyavo pansi havili vogofile nkani. ⁷Pe u Yesu ahinza nukuvapalamanysa avene pe ahati, ''Nyamushi havili mutahogopaje.'' ⁸Pe vahinuha loli vatahenya nawumo nkandi we wu Yesu weka.⁹Lwe vakwiha mwigamba, u Yesu ahavahomeshezya avene, ahati, ''Mutahayanje nakumo ishitushizya ishi ukufishila pe umwana uwa muntu azyuha ukufuma ku vafwe.'' ¹⁰Avasundikwa vakwe vahamuvuzilizya uwene vahati, Shoni lelo she ava simbi vakuti u Eliya we ayandile ukwinza?''¹¹U Yesu ahamula pe ahati, 'U Eliya we mwemumo aliyinza nukuyananya ivintu ¹²vyonti.Loli ine nkuvavuzya imwe , u Eliya we ahinza hali, loli avene vatamumanyile.Muvuzilo vwakwe, avene vahavomba shonti she vahanzaga ku kwakwe. Mwidala linili, umwana uwa muntu wope vwelele aliyimba mu nyove zyavo. ¹³Pe avasundikwa vahazyaganya ukuti uwene ahayangaga ku kwavo nizya Yohani we ahozyaga.¹⁴Lwe avene vinzile ku mpuga, umuntu ahinza ku kwakwe, ahasugamila pilongolela lyakwe, pe ahati, ¹⁵''Mwene, uve nu vwila pa mwana wane, she uwene ali nahazilisi havili akuyimba nkani. She uwene shima ukugwilaga pa moto pamo mu minzi. ¹⁶Ine nkamuleta uwene ku vasundikwa vaho, nkandi vatahamupozya uwene.¹⁷U Yesu ahamula pe ahati, ''Mwevasita lwitiho havili mwe nkulo iya vutalamalandu, Ine kwe imbanje nimwe ukufishila linyi? Ine kwe imbajimbilile imwe ukufishila linyi? Mulete uwene kuline.'' ¹⁸U Yesu ahapilila impepo inkandamanu, pe izyene zihepa Mu mwakwe, pe umulumendo ahapola muhavalilo he hala.¹⁹Pe avasundikwa vahinza kwa Yesu ku kwilu pe vahati, ''Shoni she iswe tutahayifumya iyene?'' ²⁰U Yesu ahati ku kwavo, Pa mulandu wa lwitiho lwinyu ulunsi. She Ine nalyoli nkuyanga kulimwe, inga mungava nu lwitiho nape lushepe ngati hasanga aha muzimwa, mungayanga kwi gamba ili, 'Jenda ukufuma ipa uvale pala,' pe ilyene lilijenda, havili nashimo she shiliva shigomu kulimwe. ²¹Nkadi ahavele iha aha mpepo imbivi zitangafuma peka pa kuputa nu kufunga.²²Lwe avene vadiliye mu Galileya, u Yesu ahati kuvasundikwa, ''umwana uwa valimutwala mu nyove izya vantu, ²³pe avene valimugoga uwene, pe pisiku ilya vutatu uwene alizyuha. ''Avasundikwa vahinza vavulungana nkani.²⁴Lwe avene vinzile ukufuma ku kapelinamu, avantu vavili ve vahasanguzyaga idilakima vahinza kwa Peteli pe vahati, ''Vuzye u manyisi winyu atakulipa umusonko [idilakima zivili]?'' ²⁵Uwene ahati, ''Mwemumo.'' Lwe u Peteli ayinzile mu nyumba, u Yesu ayandiye ayanga ku kwakwe pe ahati, ''Iwe ukusivs shoni,Simoni? Ukufuma kwawenu kwe ava mwene ava munsi vakusenda utuntu pamo ukusonchezya umusonko? Ukufuma ku vana vavo pamo ukufuma ku vanji?²⁶''Ukufuma ku vanji,''u Peteli ahamula. Pe avana vasatushe,'' u Yesu ayanzile. ²⁷Loli kwe kuti iswe tutahavavombaje avasonchezya musonko ukutala amalandu, jendaga kwa sumbi, usumbile insikulo, pe inswi ye wandila ukulema. Lwe iwe wayigula ilomo lyakwe, uliyaga [indalama ] ishekeli. Uyisende yeneyo nu kuvapa ava sonchezya musonko iyane ni yaho.''

¹Mu havalilo he hala avasundikwa vahinza kwa Yesu pe vahati, ''Wuwenu we mupiti mu shinamwene isha kumwanya?'' ²U Yesu ahavita avana avansi ku kwakwe, ahavaviha pakasi pa pavo, ³pe ahati, ''nalyoli Ine nkuyanga kulimwe ,peka peka imwe mupindushe pe muve ngati vana avansi, imwe mwidala lyonti mutaliyenya ishinamwene isha kumwanya.⁴Pe lelo, uno we akuyisya wuyo weka ngati mwana umunsi we mupiti nkani mushinamwene isha kumwanya. ⁵Uno we akumuposhela umwana umunsi ngati uvu pamulandu uwizina lyane we akumposhela ine. ⁶Nkandi uno we akuleha woka muvansi iva ve vakusuvila mu mwane ukutalamalandu, shangava ahinza ku kwakwe ukuti vamupinye nu lwala ulupiti mu nsingo yakwe, nukumudwivya uwene pa vwivizu uvwa sumbi.⁷Ye mayi we nsi pamulandu uwa vya kupunuzya! She ishene shinza ukuti impunuzyo izyo zyinze, nkandi ye mayi we ku muntu we impunuzyo izyo zikwinzila mumo! ⁸Inga inyove yaho pamo ishinama shaho shikukupelela iwe ukupunula, ushidumule shenesho pe ushisumbe ukutali niwe. Ishene shili ahinza kuliwe ukwinjila mu vulanzi ulemaye ukulusya ukutagwa mu moto uwa shima pe uli ni nyove zivili pamo ivinama vivili.⁹Inga ilyinso lyaho likukupelela iwe ukupunula, ulifolovole lyenelyo pe ulisumbe ukutali niwe.Shingava ahinza kuliwe ukwinjila ku vulanzi ni lyinso lyoka ukushila ukuti vakutaje mu moto uwa shima na shima uli na minso gonti gavili.¹⁰Mwenyaje imwe ukuti mutakumusula nawumo muvansi iva. She Ine nkuyanga kulimwe ukuti kumwanya avahavizya vavo vakwenya shima pa sheni isha Tata wane we ali kumwanya. ¹¹She umwana uwa muntu ahinza ukupoha shila she shisoveleye¹²Mukusiva shoni? Inga wumo ali ni ng'onzi 100, pe yimo mu zizyo yasovela, atakuzileha 99 muluvazu mwigamba nukuvala ukulondola yoka yeyisoveleye? ¹³Inga uwene ayazile iyene, nalyoli Ine nkuvavuzya imwe, uwene ukuseshela ukushila zila 99 zye zitasoveleye. ¹⁴Mwidala linili, te kwanza ukwa Tata winyu uwa kumwanya ukuti wumo mu vansi iva alove.¹⁵'' Inga uwamwinyu akunanjila iwe, valaga umuvuzye uwene uvunanzi vwakwe, pakasi piwe na wuyo mweka. Inga uwene ayivwisya ku kwaho pe umukavile uwamwinyu uyo. ¹⁶Nkandi inga uwene atakukwivyisya iwe, umusende woka pamo avanji vavili poka niwe kwe kuti ukujendela mwilomo ilya vavili pamo avahome vatatu izwi lyonti livanje lya kusimishizya.¹⁷Pe inga uwene akuhana ukwivwisya ku kwavo, yiyanje intamyo iyo ku shivanza.Inga uwene ashili akuhana ukwivwisya ku shivanza, leha uwene ave kuliwe ngati wakunzi havili musonchezya musonko.¹⁸Nalyoli Ine nkuyanga kulimwe, shonti ishintu she imwe mwapinya pansi apa shilipinywa na kumwanya, havili shonti she mwasatula pansi apa shilisatulwa na kumwanya. ¹⁹Havili Ine nkuyanga kulimwe, inga vamo vavili vivwana pansi apa nizya shimo she vakulava, ishene shilivombwa ku vavo ukujendela mwa Tata wane we ali kumwanya. ²⁰She kwe vavili pamo vatatu vavungine poka mwizina lyane, pepala pe nine nkuva pakasi pa pavo.²¹Pe u Peteli ahinza pe ahati kwa Yesu, ''Mwene, halinga he uwamwitu alinanjila ine pe nine imutetele uwene? Ukufishila ha 7?'' ²²U Yesu ahati ku kwakwe, Ine ntakuvuzizye iwe ukuti ha 7, nkandi ukufishila 70 * 7 {tiyimuzi}.²³Pe lelo ishinamwene isha kumawnya shiholine nu mwene wumo we ahanzaga ukuvelenjela ishuma na vavomvi vakwe. ²⁴Lye uwene ayanzite ukuvelenjela, woka umuvomvi vamulesite ku kwakwe we ahofile ku kwakwe italanta 10,000. ²⁵Nkandi she uwene atali na madala agakulipila, umupiti wakwe ahalajila ukuti vamukazye, poka nu mushi wakwe na vana na vyonti ivintu vye alinavyo, pe ukulipila she kuvombwe.²⁶Pe umuvomvi ahagwa pansi, ahasugamila pilongolela ilya wuyo, pe ahati, Mwene, unolovele ine, pe ine ndikulipa ivintu vyonti. ²⁷Pe umwene uwa muvomvi wula, ahamusatulila uwene pe ahamutetela uwene inkongole.²⁸Loli umuvomvi wula ahafuma pe ahamwaga woka umuvomvi uwamwavo, we amuhopeye uwene idinali 100. Ahamutona uwene, ahamufinya uwene pa nsingo, pe ahati, 'Ndipa ine vye iwe wahofile.' ²⁹''Nkandi umuvomvi uwamwavo ahagwa pansi pe ahalambilizya ku kwakwe ahati, 'Unolovele ine, pe ine ndikulipa iwe.'³⁰Loli umuvomvi uwakwanda ahahana. Muvuzilo vwakwe, uwene ahajenda nukumusumbila uwene mu mujela ukufishila pe amulipila wula vye ahofile. ³¹Lwe avavomvi avamwavo vazyenya zye zyavomvilwe, vahaswimililwa nkani. Vahinza nu kumuvuzya umwene wavo vyonti ivintu vye vya vomvilwe.³²Pe umwene wa muvomvi wula ahamwita uwene pe ahati ku kwakwe, 'We muvomvi umuvivi iwe, Ine nkakutetela iwe inkongole zyonti mulandu iwe wandambilizizye ine. ³³Iwe utamile uvanje nu vwila pa muvomvi uwamwinyu, inza she nali nu vwila paliwe?'³⁴Umupiti wakwe ahalaye pe ahamulemeha uwene ku vahayimvya ukufishila uwene pe alipila vyonti vye ahofile. ³⁵Inza vunuvu she uTata wane uwa kumwanya alivomba kulimwe inga mutakuvatetela avamwinyu ukufuma mu moyo ginyu.''

¹Hafisile ahavalilizyo hala lwe u Yesu amalizizye amazwi aga, uwene ahepa ukufuma mu Galileya nu kwinza ku shigavo isha Yudeya she shamile kwisyila ilyi jenje ilya Yolodani. ²Impuga impiti yihamulandata wuyo pe uwene ahavapozya venevo kwe kula.³Avafasayi vahinza ku kwakwe, pa kumulinga, vahati ku kwakwe, ''Ulwene lungava lulajilo ukuti umwanavuli amusosye umushi wakwe pa shonti she shingavombwa?'' ⁴U Yesu ahamula pe ahati, ''Kwe kuti imwe mutavazizye uno we ahavapela avene ukufuma kuvwandilo ahapela umwanavuli nu mwantanda?⁵Uno we ahavapela avene ahayanga havili, 'Pa mulandu wishi umwanavuli alimuleha ubaba wakwe nu mama wakwe nu kulemenkana nu mushi wakwe, pe ava vavili valiva muvili woka.' ⁶Pe avene vataliva vavili havili, nkandi muvili woka. Pe lelo she u Mulungu ashileminsinye poka, patahave nawumo uwakulesanya.''⁷Avene vahati ku kwakwe, ''Shoni she u Mose atuhomelezizye iswe ukumupa ukalata uwa kusochela pe nu kumuvwezya uwene? ⁸Uwene ahati ku vavo, ''She amoyo ginyu magomu, u Mose ahavitishizya imwe ukulehana na vashi vinyu, Loli ukufuma ku vwandilo ishene shitamile mwidala ilyo. ⁹Ine nkuyanga kulimwe, wonti we akumusosya umushi wakwe, sheka isha luvembu, nu kusenda uwunji, akuvembuha, pe nu mwanavuli we akumusenda umwantanda we asosile akuvembuha.''¹⁰Avasundikwa vahati kwa Yesu, ''Inga zingava inza vwevulo ku mwanavuli nu mushi wakwe, pe tehinza ukusenda.'' ¹¹Loli u Yesu ahati ku kwavo, ''te wonti wula angitishizya ishimanyisyo ishi, nkandi ku veka vala ve vitishizilwe ukushiposhela ishene. ¹²She valipo vamo avapase ukufuma munyanda izya vanyina, havili valipo vamo avapase ve avantu vahavapasa, havili valipo avapase ve vahayipasa vavao veka pamulandu uwa shinamwene isha kumwanya. Uno we ahondeye ukushiposhela ishimanyisyo ishi, leha uwene ashiposhele.''¹³Pe vamo avana avansi vavalesite kwa Yesu ukuti uwene avavishe avene inyove zyakwe nu kuvaputila, loli avasundikwa vahavahalipila venevo. ¹⁴Nkandi u Yesu ahati ku kwavo, ''vitishizye avana avansi, pe mutahavahanizyaje venevo ukwinza kuline, she uvumwene uvwa kumwanya vwavo inza vanava.'' ¹⁵Uwene ahaviha inyove zyakwe pa vana, pe uwene ahepa ukufuma pala.¹⁶Yenya umuntu ahinza kwa Yesu pe ahati, ''Manyisi, shintu vuli ishinza she ine nkondeye ukuvomba ukuti imbe nuvulanzi uvwa shima?'' ¹⁷U Yesu ahati ku kwakwe, ''Shoni she ukumbuzya ine nizya shintu ishinza? Woka vwelele we mwinza, nkandi inga iwe ukwanza ukwinjila muvulanzi, usunjilile inkomelezyo.''¹⁸Pe umuntu ahati ku kwakwe, ''Nkomelezyo vuli'' U Yesu ahati, ''Utahagogaje, utahavembuhaje, utahivaje, utahavishilaje uvwahome uvwilenga, ¹⁹umushindihaje u baba waho nu mama waho, havili umuganaje umupalamani waho ngati wewe weka.''²⁰Umulumendo ahati ku kwakwe, ''ivintu vyonti vinivi ine nkavyivwila. Shoni she ine nchili nkwanza?'' ²¹U Yesu ahati ku kwakwe, ''Inga iwe ukwanza uve we mugolosu, jendaga, ukazye shonti she uli nasho, pe uvape avapina, pe iwe uliva ni shuma kumwanya; pe winze, undandate ²²ine.''Nkandi lwe umulumendo ayivuye she u Yesu ayanzile, uwene ahajenda ni shitima, she uwene ali ni vyuma ivyinji.²³U Yesu ahavavuzya avasundikwa vakwe, ''Nalyoli ine nkuvavuzya imwe, ishene shigomu ku muntu uwa shuma ukwinjila mushinamwene isha kumwanya. ²⁴Havili ine nkuvavuzya imwe, ishene shipepusu ingamila ukupulunsanya pi lyinso ilya sindano ukulusya umuntu uwa shuma ukwinjila mushinamwene isha Mulungu.''²⁵Lwe avasundikwa vivuye zinizi, avene vasukumiye nkani pe vahati, ''Pe wunanu we angapona?'' ²⁶U Yesu ahavenyelezya pe ahati, ''Na vantu ishi shitangavombwa, nkandi nu Mulungu shonti shikuvombwa.'' ²⁷Pe u Peteli ahamula nu kuti ku kwakwe, ''Yenya, iswe tuvilesile vyonti pe tukulandite iwe. Shoni lelo she iswe tuliva nasho?''²⁸U Yesu ahati ku kwavo, ''Nalyoli ine nkuyanga kulimwe, mu nkulo impya lwe u mwana uwa muntu atendime pa shitengo ishavumwene ishavushindamu, nimwe vwelele mwe mundandate ine mulitendama pa vitengo ivya vumwene 12, ukulonga inkolo 12 izya Isilayeli.²⁹Wonti we ayilesile inyumba, avamwavo, avayemba, ubaba, umama, avana, pamo amugunda pamulandu uwizina lyane aliposhela 100 havili ukushizya havili alipyana uvulanzi uvwa shima. ³⁰Nkandi avinji ve vakwanda valiva vavumalilo, pe avavumalilo valiva vakwanda.

¹'She uvumwene uvwa kumwanya vuli ngati mwenesho mugunda we ahalavila ni nzanchi ukuvalondola ava kumuvombela mu mugunda wakwe uwa mampensya. ²Lwe uwene ayivwana navo ava kuvomba imbombo iya kuvapa idinali yoka pisiku lyoka, uwene ahavatuma mu mugunda wakwe uwa mampensya.³Uwene ahavala havili pa havalilo aha vutatu pe ahavenya ava kuvomba imbombo avanji vimiliye vwelele pa vuzilo uvwa kukazizya. ⁴Ku kwavo uwene ahati, 'nimwe vwelele, jendaji mu mugunda uwa mumpensya, pe ine ndivapa imwe vye vihondeleye.' pe avene vahavala ukuvomba.⁵Havili uwene ahavala pa havalilo ahavu 6 pe havili ahavalilo ahavu 9 pe vahavomba shalishoka. ⁶Vahapyanizya pahavalilo ahavu 11 uwene ahepa pe ahavaga avanji vimiliye vwelele.Uwene ahati ku kwavo, 'Shoni she mwimiliye vwelele apa musanya wonti?' ⁷Avene vahati ku kwavo, 'shifukwa nawumo we atwisite iswe.' Uwene ahati ku kwavo, Nimwe vwelele valaji mu mugunda uwa mampensya.'⁸Lwe ahamazuva hafisile, umwenesho mugunda uwa mampensya ahati kuwakwenyelezya wakwe, 'vitizye avakuvomba imbombo nu kuvapa amalipilo gavo, wandile ukufuma ku vumalilo ukwinza kuvwandilo.' ⁹Lwe avakuvomba imbombo ve vinjiye pa havalilo aha 11 vinzile, wonti muli vavo ahaposhela idinali. ¹⁰Lwe avakuvomba imbombo ava vwandilo vinza, avene vahasiva ukuti kwe avene vaposhele inyinji, loli vope vwelele vahaposhela idinali lyoka.¹¹Lwe avene vaposhela amalipilo gavo, vanzite ukuyilizanya kwa mwenesho mugunda. ¹²Avene vahati, 'Avavomba mbombo avavumalilo ava vamala ahavalilo hoka vwelele pa mbombo, nkandi iwe wavapa ukulingana niswe, iswe swe twayimba ni mbombo ing'wamu iyi siku nu kupya nilungula.'¹³Loli umwenesho mugunda ahamula pe ahati ku wumo uwa vavo, 'Mu manyani, Ine ntakuvombeye iwe ishivivi nashimo. Vuli imwe tutahitinkana nine kwi dinali yoka? ¹⁴Senda she sha kuliwe pe ujendaje. Ine nsazile ukuvapa avavomvi inza she ndinginye nimwe¹⁵Vuzye Ine ntali nuvusatushe uvwa kuvomba inza she Ine nkwanza ku shila shonti she shane Ine? Pamo imwe muli nuvuzuva pamulandu wakuti ine ne mupi? ¹⁶Pe ava vumalilo valiva vakwanda, na vakwanda valiva vavumalilo.'' Avitwa vinji, nkandi avasalwa vansi.¹⁷Lwe u Yesu ahajendaga ukuzuva ku Yelusalemu, uwene ahavasenda 12 paluvazu, pe mwidala uwene ahati ku kwavo, ¹⁸''Yenya, iswe tukujenda ukuvala ku Yelusalemu, pe umwana uwa muntu valimuviha ku vaputi avapiti na ku vasimbi. Avene valimuha uwene ku vufwe havili valimuviha uwene ku vakunzi ukuti avene vamovezye, ukumusyempa, ¹⁹nu kumuhomela uwene. Nkandi pisiku ilya vutatu uwene alizyuha.''²⁰Pe umama uwa vana ava zebediya ayinzile kwa Yesu na vana vakwe. Uwene ahamsugamilila pansi pilongolela lyakwe nukulava shimo ukufuma ku kwakwe. ²¹U Yesu ahati ku kwakwe, ''Iwe ukwanza shoni?'' Uwene ahati ku kwakwe, ''Lajila ukuti avana vane vavili ava vahatendame, woka ku nyove yavo iyandilo havili woka ku nyove yaho iya mongo, kushinamwene shaho.''²²Nkandi u Yesu ahamula pe ahati, ''Iwe utashimanyile she iwe ukulava. Imwe mungakwanisya ukung'wela ishikombe she ine navala pakung'wela?'' Avene vahati ku kwakwe, ''Iswe tungakwanisya.'' ²³Uwene ahati ku kwavo, ''Ishikombe shane nalyoli muling'wela. Nkandi ukutendama ku nyove yakwe iyandilo na kunyove yakwe iya mongo tevyane ukupa, nkandi ivyene vya vala ve u Tata avasenganizizye.'' ²⁴Lwe avasundikwa avanji 10 vivwa ishi, avene vahalaye nkani nizya vamwavo vavili.²⁵Nkandi u Yesu ahavita avene ku kwakwe nu kuti, ''Imwe mumanyile ukuti avahalajila ava vakunzi vaku valamulila avene, pe na vantu vavo avapamwanya vakuyezya uvulamulili papavo. ²⁶Nkandi ishi shitahondeleye ukuva mwidala ili pakasi palimwe. Muvuzilo vwakwe, we akwanza ukuva mupiti pakasi palimwe we ahondeye ukuva muvomvi winyu, ²⁷na we akwanza ukuva wakwanda pakasi palimwe ahondeye ukuva muvomvi winyu, ²⁸inza she umwana uwa muntu atahinza ukuvombelwa, nkandi ukuvomba, nukupa uvulanzi vwakwe ukuva vuposhi kuvinji.''²⁹Lwe avene vefile ukufuma mu Yeliko, impuga impiti yavalandite avene. ³⁰Kula kwamile avantu ava ntonko vavili vatendime muluvazu mwidala. Lwe avene vivuye ukuti u Yesu akudumunsanya kupipi, avene vahaholela, ''Mwene, Mwana wa Davidi, uve nu vwila paliswe. ³¹''Impuga yihavapilila venevo, ukuvavuzya ukuti vapume, nkandi avene vahaholela na kwe kuzuma nkani, ''Mwene, Mwana wa Davidi, uve nu vwila paliswe.''³²Pe u Yesu ahimilila nu kuvita venevo pe ahati, ''Shoni she imwe mukwanza ine imbombe kulimwe?'' ³³Avene vahati ku kwakwe, ''Mwene, ukuti aminso gitu gigushe.'' ³⁴Pe u Yesu, uvwila vuhamulema, ahapalamansya aminso gavo. Umwaluvilo avene vahaposhela ukwenya kwavo pe vahamulandata wuyo.

¹Lye u Yesu na vasundikwa vakwe vapalamiye mu Yelusalemu pe vahinza ku Betifage, kwi gamba ilya mavula, pe u Yesu ahavatuma avasundikwa vavili, ²ahati ku kwavo, ''Jendaji ku nkaya ye tupalamine nayo, pe umwaluvilo mukuyaga impunda vayikunzile pepala, ni nyana yakwe. Musatule zyenezyo muzilete ku kwane.'' ³Inga wumo akuyanga zimo ukuyana nisho, imwe muhatinji, 'UMwene akuzyanza zyenezyo, pe umuntu wula naluvilo alivatuma nazyo imwe.⁴⁵Ilelo ishi shihinza ukuyana na zila zye zyayanzilwe ukujendela mwa mukuvwi ukuti zifishilaje. Uwene ahati, ''Umuvuzye umulindu uwa mu ziyoni, 'Yenya, umwene waho akwinza kuliwe, Umutehamu havili akweleye pa mpunda - pa nyana, ye vatakweleye nalumo.'''⁶Pe avasundikwa vahajenda nu kuvomba inza she u Yesu avalinginye avene. ⁷Avene vahayileta impunda ni nyana yakwe nu kuviha amenda gavo papo, pe u Yesu ahihala pamwana pa menda. ⁸Impuga yonti yatenzile amenda gavo mwidala, pe avanji vahadumula insamba ukufuma mu makwi nu kutenga zyenevyo mwidala.⁹Pe impuga ye yamulongoleye u Yesu na vala ve vahamulandataga uwene vahapundaga, ''Hosana ku mwana uwa Davidi! Alositwe uno we akwinza mwizina ilya mwene!'' ¹⁰Lwe u Yesu ayinzile mu Yelusalemu, inkaya yonti yavulungine pe yihati, ''Uno we wunanu?'' ¹¹Impuga yahamula, ''Uno we wu Yesu umukuvwi ukufuma ku Nazaleti uwa mu Galileya.''¹²Pe u Yesu ahinjila mwi tempeli. Uwene ahavashimbizya vonti vala ve vahakalaga nu kukazya mwi tempeli, pe ahabenulanya imeza izya vahatanania ava mpiya nivya kutendamila ivya vala ve vahakazyaga inkunda. ¹³Uwene ahati ku kwavo, ''Ilyene lisimvilwe, 'Inyumba yane yiliyitwa nyumba iya mputo,' nkandi imwe mwayipela ukuva nyumba iya viva avapiti.'' ¹⁴Pe untonko nu mulemazu vahinza ku kwakwe mwi tempeli, pe uwene ahavapozya venevo.¹⁵Loli lwe avaputi avapiti na vasimbi venya ivintu ivya kusukumizya vye uwene avomvile, na lwe vivuye avana vakuholela mwi tempeli pe vahati, ''Hosana ku mwana uwa Davidi,'' avene vahalaye nkani. ¹⁶Avene vahati ku kwakwe, Vuzye iwe ukwivya she avene vakuyanga?'' U Yesu ahati ku kwavo, 'Iyiii! Loli imwe mutavazizye nalumo, 'Ukufuma mu malomo aga vana avansi na vabonda ve vakonka avene vansenganizizye intimo'?'' ¹⁷Pe u Yesu ahavaleha avene nu kuvala kwa sumbi uwa Betaniya pe ahalinda uvusiku vonti kwe kula.¹⁸Ilelo inzanchi lwe agalushila ku nkaya, uwene inzala yihamuvava. ¹⁹Ahalyenya ikwi ilyi kunyu muluvazu mwidala, uwene ahavala ku lilyo, pe atahashaga nashimo mumo geka ge matundu. ''kutahinze kuve ivihomwa muliwe havili, ''pe umwaluvilo ikwi ilyi kunyu lihumila.²⁰Lwe avasundikwa valyenya lyenelyo vahasukumila pe vahati, ''Ikwi ikunyu lyumila vulivuli naluvilo?'' ²¹U Yesu ahamula pe ahati ku vavo, ''Nalyoli nkuyanga kulimwe, inga muli nulwitiho havili mutali na maganigani, mutalivomba sheka she shavombwa kwi kunyu ili, loli muliyanga nakwe kwi gamba ili, 'Nyamulwa mumwanya nukusumbilwa mwa sumbi.' pe zilivombwa. ²²Shonti she mukulava mu mputo, mulusuvilo, imwe muliposhela.''²³Lwe u Yesu ayinjila mwi tempeli, avaputi avapiti nava songo ava vantu vahinza ku kwakwe pe ahamanyisyaga pe vahati, ''ukujendela mu vulamulili vuli vwe ukuvombela ivintu vinivi, havili wuwenu akupiye uvulamulili vunuvu?'' ²⁴U Yesu ahamula pe ahati ku kwavo, ''Nine nkuvavuzilizya imwe ivuzyo lyoka. Inga imwe mwambuzya ine, nine kwe imbavuzye ukujendela mu vulamulili vuli vwe ine nkuvombela ivintu vinivi.²⁵Ulozyo ulwa Yohani - lwafumiliye kwiyi? Lwafumiliye kumwanya pamo lwafumiliye ku vantu?'' Avene vahayanjizania vavo veka, vahati, ''Inga iswe tungati, 'Lwafumiliye kumwanya,' uwene aliti kuliswe, 'Shoni lelo she imwe mutamusuviye uwene?' ²⁶Loli inga iswe tungati, 'Lwafumiliye ku vantu,' tukunyila impuga, shifukwa vonti vahamwenyaga u Yohani ngati mukuvwi.'' ²⁷Pe vahamwamula u Yesu vahati, ''Iswe tutamanyile.'' wope vwelele ahati ku kwavo, ''Nine vwelele tembavuzye imwe ukujendela vulamulili vuli vwe ine nkuvombela ivintu vinivi.²⁸Loli imwe mukusiva shoni? Umuntu ali na vana avalumendo vavili. Ahavala kuwa vwandilo pe ahati, 'Mulumendo, uvale uvombe ilelo ku mugunda uwa mampenysa.' ²⁹''Umulumendo ahamula pe ahati, 'Ine ntakuvala,' nkandi lwe pahava hansi uwene ahanduha munsivo zyakwe pe ahavala. '' ³⁰Pe umuntu ahavala ku mulumendo uwa vuvili pe ayanzile ishintu shalishoka. Uwene ahamula nukuti, 'Ine nkuvala, tata, loli uwene atahavala.³¹Mu vana vavili wuwenu we ahavomba ukwanza ukwa yise?'' Avene vahati, ''Uwakwanda.'' U Yesu ahati ku kwavo, ''Nalyoli Ine nkuyanga kulimwe, avasonchezya musonko nava malaya valiyinjila mushinamwene isha Mulungu lwe imwe mushili. ³²She u Yohani ahinza kulimwe mwidala ilya vugolosu, loli mutahamusuvila uwene. Nkandi avasonchezya musonko nava malaya vahamusuvila uwene. Loli imwe, nalwe imwe mwashivonyi ishi, mutapindusile nakwe kumusuvila uwene.³³''Tejelezya kushiholanyo ishamwavo. Kwamile umuntu, umwenesho uwa mugunda. Uwene avyaye umugunda uwa mampensya, ahazenjelela uluvaga muluvazu, ahabana ishiliva isha kifinyila ipele ilya mampensya mumo, ahazenga ni ngazya [watchtower], pe ahavaleshela avalimi. Pe ahavala kunsi iyinji. ³⁴Lwe ahavalilo ahakuvuna hafisile, ahavatuma vamo avazya ku valimi ava mampensya ukusenda ivihomwa vyakwe.³⁵Loli avalimi vahavasenda avavomvi, vahamuhoma woka, vahamugoga uwamwavo, pe nuwamwavo vahamuhoma namavwe. ³⁶Havili, umwenesho ahavatuma avavomvi avanji, avinji ukushila avakwanda, loli avalimi vahavavomba ngati vakwanda. ³⁷Lwe zyajenda izyo, umwenesho ahamutuma umwana wakwe wuyo ku kwavo, ahati, 'Avene valimushindiha umwana wane.'³⁸Nkandi lwe avalimi ava mampensya vamwenya umwana wakwe wuyo ku kwavo, avene vahayanjizania vavo veka, 'Uno we wakupyana. Nzaji, leha iswe tumugoje wenewo pe tusende vwenevo uvupyano.' ³⁹Pe vahamusenda uwene, vahamusumba wenewo kunzi ku mugunda nu kumugoga.⁴⁰Ilelo lwe umwenesho mugunda uwa mampensya ayinzile, alivomba shoni kuvala avalimi ava mampensya? ⁴¹Vahati ku kwakwe, ''Alivanangania avantu avavivi ivo muvuvavu nkani, pe alivapa umugunda uwa mampensya avalimi avanji, avantu ve valimupa uwene vimo muvihomwa vyakwe muhavalilo ahanyinulo.''⁴²U Yesu ahati ku kwavo, ''Mutahatela muvazye mu masimbo, 'Ivwe lye ivazenzi vahalihana lipezilwe ukuva livwe ilya pa nguto [pashipembe]. Ili lyafumile kwa Mwene, havili ilyene lyakusukumizya pa minso gitu'?⁴³Pe lelo Ine nkuyanga kulimwe, ishinamwene isha Mulungu shilinyamulwa ukufuma klimwe pe shilipelwa kunsi ye yikuhoma insanga zyakwe. ⁴⁴Wonti we agwila pivwe linili we alibazunkana mutugava. Nkandi uno we inga ilyene lyamugwila lilimusyusyuta.''⁴⁵Lwe avaputi avapiti na vafalisayi vivwa iviholanyo vyakwe, vahazyagania ukuti ahayangaga ukuyana nizyavo. ⁴⁶Vahanzaga ukumulema uweme, vahanyila impuga, shifukwa avantu vahamwenyaga uwene ukuva mukuvwi.

¹U Yesu ahapyanizya ukuyanga ku kwavo muviholanyo, ahati, ²''Uvumwene uvwakumwanya vuli ngati wu mwene wumo we asenginye ukuseshelela ukwi senda ilya mwana umulumendo. ³Uwene ahavatuma avavomvi vakwe ukuvita vala ve avisite ku luseshelo ulwi senda, loli avene vatahinza.⁴Havili umwene ahatuma avavomvi avanji, ahati, 'Vavuzye vala ve visitwe, ''Yenya, Ine nsenginye ishakulya shane isha hamazuva.Ing'ombe zyane izyi Geleta na zye zyinile ngozile, pe ni vintu vyonti vilipo nzila. Nzaji ku luseshelo ulwi senda.'''⁵Loli avene vatahatejelezya pe vahepa, woka ku mugunda wakwe, uwamwavo ku vyakukazya vyakwe. ⁶Avanji vahavalema avavomvi ava mwene, vahavizizya nu kuvasamula venevo, nu kuvagoga venevo. ⁷Umwene aha halala pe ahavatuma avalwa vulugu vakwe pe vavagozile vonti avagozi havili vapemvile ni nkaya yavo.⁸Pe uwene ahavavuzya avavomvi vakwe, 'Uvwinga vupalamiye, loli vala ve vavisite vatahondeye. ⁹Pe lelo muvale mu madala amalehana aga pamwanya pe muvitizye avantu avinji ku luseshelo ulwi senda inza mwe imwe mungavajila. ¹⁰Avavomvi vahavala mu madala aga pamwanya nukuvunganiha avantu vonti ve avene vavazile, vonti avavivi navinza. Pe inyumba iya vwinga yizuye na vajeni.¹¹Nkandi lwe umwene ayinzile ahenyelezya pe vajeni, pala uwene ahenya umuntu we atazwaye amenda aga pa vwinga. ¹²Umwene ahati ku kwakwe, 'Mumanyani, iwe winjiye vulivuli umu lwe utali na menda aga pa vwinga?' Loli umuntu atayanzile nashimo.¹³Pe umwene ahati ku vavomvi, 'Mumupinye umuntu uno mu nyove na muvinama, pe mumusumbile uwene kunzi kushisi, kwe kuliva ukulila nu kusya amino.' ¹⁴She avantu avinji vahitwa, loli avasevwa vansi.''¹⁵Pe avafalisayi vahavala nukuyanjizanya avene mwe vangamulemela u Yesu muhayanjile hakwe. ¹⁶Pe avene vahatuma ku kwakwe avasundikwa vavo, poka nu Helodiya. Avene vahati kwa Yesu, ''Mumanyisi, iswe tumanyile ukuti iwe we wanalyoli, nukuti ukumanyisya idala ilya Mulungu mu vwanalyoli. Iwe utakusajila insivo izya wumo, havili utakulanjizya ukugava pakasi pa vantu. ¹⁷Pe tuvuzye iswe, iwe ukusiva shoni? Ulwene lungava lulajilo ukulipa umusonko kwa kesali pamo haa?''¹⁸Loli u Yesu avumanyile uvuvivi vwavo pe ahati, ''Shoni she imwe mukundinga Ine, mwe valumilenga imwe? ¹⁹Ndajizya Ine ikopala ilya musonko.'' Pe avene vahamuletela idinali.²⁰U Yesu ahati ku kwavo, ''Ishiholanyo ni zina vyawenu ivi?'' ²¹Avene vahati ku kwakwe, ''Sha Kesali.'' Pe u Yesu ahati ku kwavo, ''Pe mumupe u Kesali ivintu vye vya Kesali, na kwa Mulungu ivintu vye vya Mulungu.'' ²²Lwe avene vivuye ishi, vahasukumila, pe avene vahamuleha uwene pe vahepa.²³Pisiku lila avasadukayi vamo, ve vakutinji ukuzyuha nakumo, vahinza ku kwakwe. vahamuvuzilizya uwene, ²⁴vahati, ''Mumanyisi, u Mose ahati, 'Inga umuntu afwa, atali na vana, uwamwavo umusende umushi wakwe nukumupapila avana umukulu wakwe.'²⁵Kwamile avanavuli 7. Uwavwandilo asenzite pe ahafwa. Atavalesile avana, uwene ahamuleha umushi wakwe kwa wamwavo. ²⁶Pe uwamwavo uwa vuvili avomvile ishintu shalishoka, nuwa vutatu vwelele, na vonti ukufiha avavuli 7. ²⁷Lwe vasila vonti vala, umwantanda ahafwa. ²⁸Ilelo pa kuzyuha, aliva mushi wawenu pa vanavuli 7? She avene vonti vamusenzite.''²⁹Pe u Yesu ahamula nukuti ku kwavo, ''Imwe mupuvile shifukwa mutagamanyile amasimbo pamo amaha aga Mulungu. ³⁰She pa kuzyuha avene vatalisendaga nakwe kusendwa. Muvuzilo vwakwe, avene vali ngati ve vahavizya ava kumwanya.³¹Loli ukuyana nizya kuzyuha ukwa vafwe, kwe kuti imwe mutavazizye zye zyayanzilwe nu Mulungu, ahati, ³²'Ine ne Mulungu uwa Abulahamu, uMulungu uwa Yisaki, nu Mulungu uwa Yakovo'? U Mulungu te wu Mulungu uwa vafwe, loli wu Mulungu uwa valanzi.'' ³³Lwe impuga zyivwa ishi, izyene zyasukumiye ku vimanyisyo vyakwe.³⁴Loli lwe avafalisayi vivuye ukuti u Yesu avapumilizizye avasadakayi, avene vahavungana vavo veka poka. ³⁵Woka muli vavo, we amanyile nkani indajilo, ahamuvuzilizya uwene ivuzyo, ukumulinga - ³⁶''Mumanyisi, luhomelezyo vuli lwe lupiti nkani mundajizyo?''³⁷U Yesu ahati ku kwavo, '''Umugane uMwene u Mulungu waho nu moyo waho wonti, nu vulanzi vwaho vonti, pe ni nsivo zyaho zyonti.' ³⁸Ulu lwe luhomelezyo ulupiti nkani havili lwavwandilo.³⁹Pe nu luhomelezyo ulwa vuvili luli ngati lwelulo - 'umugane umupalamane waho ngati wewe wemwesho.' ⁴⁰Pa nkomelezyo zivili izi pegamiye indajizyo zyonti pe na vakuvwi.''⁴¹Ishi lwe avafalisayi vashili vavungine poka, u Yesu ahavavuzilizya avene ivuzyo. ⁴²Uwene ahati, Imwe mukusiva shoni nizya Chilisiti? Mwana wawenu?'' Avene vahati ku kwakwe, ''mwana uwa Davidi.''⁴³U Yesu ahati ku kwavo, ''Pe u Davidi mu mupepo ahamwitaga vulivuli uwene ukuti Mwene, ahati, ⁴⁴'U Mwene ahayanga kwa Mwene wane, ''Tendama ku nyove yane iyandilo, ukufishila pe Ine navapela avalugu vaho vya kutendamishila papo ivinama vyaho'''?⁴⁵Inga u Davidi lelo akumwita u Chilisiti 'Mwne,' pe uwene angava mwana wa Davidi vulivuli?'' ⁴⁶Nawumo we ahondeleye ukumwamula uwene izwi, havili nawumo umuntu we ahanzaga ukupitilizya ukumuvuzilizya uwene amavuzyo ukufuma pisiku lila nukupitilila.

¹Pe u Yesu ayanzile ku mpuga na ku vasundikwa vakwe. ²Uwene ahati, ''Avasimbi na vafalisayi vakutendama pa shitengo isha Mose. ³Ilelo shonti she avene vakuvahomelezya ukuvomba, muvombaje ivintu vinivi nu kuvyenyelezya vyenevyo. Nkandi imbombo zyavo mutahejelelaje, she avene vakuyanga ivintu loli avene vatakuvivomba vyenevyo.⁴Iyii, avene vakupinya amazigo amang'wamu ge gakuva matazu pakunyamula, pe avene vakugaviha pavipungo ivya vantu. Nkandi avene vavo avenesho vatakuyinzya ahasalala pakuganyamula genego. ⁵Avene vakuvomba zyonti imbombo zyavo ukuti vavoneshele ku vantu. She avene vakuvapela ava kalata vavo ukuva vababazu, havili vakukuzya ni nsongo izya menda gavo.⁶Avene vakukunda uvuzilo uvwa shimwene pa luseshelo ni vitengo ivya shimwene muma sinagogi, ⁷na halamushile aha mushinzi mu vuzilo uvwa kukazizya, nu kwitwa 'Labbi' na vantu.⁸Nkandi imwe mutahondeye ukwitwa 'Labbi,' she muli numu manyisi woka vwelele, havili nimwe mwenti mwe vamwavo. ⁹Pe mutahamwitaje umuntu nuwumo munsi iya pansi ukuva wu Tata winyu, she muli nu Tata woka vwelele, havili uwene ali kumwanya. ¹⁰Mutahondeye imwe nakwe kwitwa mumanyisi,' she muli nu mumanyisi woka vwelele, u Chilisiti.¹¹Nkandi uno we mupiti nkani pakasi palimwe we aliva muvomvi winyu. ¹²Uno we akuyikuzya weka we valimwisya, nuno we akuyisya weka we valimukwezya.¹³Nkandi ye mayi we kulimwe, vasimbi na vafalisayi, na valumilenga! Imwe mukwigalila ishinamwene isha kumwanya ukuvavushila avantu. She imwe mutakwinjila mwemwe mweka, havili mutakuvitishizya ve vakwanza ukwinjila. ¹⁴Ye mayi we kulimwe, vasimbi na vafalisayi, nava lumilenga! She imwe mukumilula inyumba izya va mama avafwilwe, lwe imwe mukujendelela ukugomba nukulanjizya imputo intali. Imwe lelo muliposhela ulunanjiho ulupiti ¹⁵nkani.Ye mayi we kulimwe, vasimbi na vafalisayi, na valumilenga! She imwe mukulovoha u sumbi ni nsi nukumupela woka ukuva winyu, na lwe uwene ayima winyu, imwe mukumupela uwene havili ukuva nkani mwana uwi palazya ngati mwemwe.¹⁶Ye mayi we kulimwe, mwe valongozi ava ntonko, imwe mwe mukuti, Uno we akulapila kwi tempeli, shitali nashimo. Nkandi uno we akulapila kwa golide uwa mwi tempeli, uwene we apinyilwe ku lufingwi lwakwe. ¹⁷Imwe mwe vantonko avakupukupu [avakaleza]! Shoni she shipiti nkani, u golide pamo itempeli lye likumupela u golide ukuva mufinjile?¹⁸Pe, 'Uno we akulapila kushifinjilo, shitali nashimo. Nkandi uno we akulapila pa shavwila she shili papo, we apinyilwe kulufingwi lwakwe.' ¹⁹Imwe mwe vantu avantonko! Shoni she shipiti nkani, Ishavwila pamo ishifinjilo she shikushipela ishavwila ukuva shifinile?²⁰Pe lelo, uno we akulapila ku shifinjilo akulapila pa shisho napa vyonti vye vili papo. ²¹Uno we akulapila kwi tempeli akulapila lilyo na wula we akutendama mumo. ²²Nuno we akulapila kumwanya akulapila ishitengo ishavumwene isha Mulungu na wula we akutendamila papo.²³Ye mayi we kulimwe, vasimbi na vafalisayi, mwe valumilenga! She imwe mukufumya isha 10 impilipili ni ntanga ni vinzale, ilelo imwe shisita kuvombwa nu hapima uwa ndajilo - uvwanalyoli nu vwila nu vusuvalilwa. Nkandi vinivi vye imwe muvivomvile pe mutavilesile ivyamwavo shisita kuvomba. ²⁴Imwe mwe valongozi avantonko, imwe mwe mukuzuvula ahasazi nkandi mukumilula ingamila!²⁵Ye mayi we kulimwe, vasimbi na vafalisayi, na valumilenga! She imwe mukozya ulupindi [ishikombe] kunzi ni mbale, nkandi mukasi izyene zyizuye uvupafu nu kuluguha. ²⁶Imwe mwe vafalisayi ava ntonko! mundie mozye imbale mukasi, kwe kuti na kunzi kope kukwinza ukuzelupa.²⁷Ye mayi we kulimwe, vasimbi na vafalisayi, na valumilenga! She imwe muli ngati mbipa zye vazipasile uvuzelu, zye kunzi zikuvoneha inyinza, nkandi mukasi zyizuye na mafupa aga vantu avafwe na vyonti ivinyazu. ²⁸Mwidala linili, nimwe vwelele kunzi mukuvoneha mwe vantu avagolosu, loli mukasi imwe mwizuye nu vulumilenga nu kusulania indajilo.²⁹Ye mayi we kulimwe, vasimbi na vafalisayi, na valumilenga! She imwe mukuzenga insaha [imbipa] izya vakuvwi nu kuziyemvya insaha izya vagolosu. ³⁰Imwe mukuti, 'Inga tuhavangako mu masiku aga va tata vitu, iswe nge tutayisanzizye pakwita amavanda aga vakuvwi.' ³¹Ilelo imwe mukusimishizya ukuyivushila mwemwe mweka ukuti imwe mwe vana ava vala ve vavagozile avakuvwi.³²Nimwe vwelele mukwizuzya ishipimo isha va tata vinyu. ³³Imwe mwe njoha, imwe mwe luho ulwa njoha, imwe muli vushimbila vuli vuli uvulonzi uvwi palazya?³⁴Pe lelo, yenya, Ine nkuvatumila imwe avakuvwi na vantu ava njele na vasimbi. Vamo muli vavo imwe mulivagoga nu kuvahomela, havili avanji imwe mulivasyempa mu masinagogi ginyu pe nukuvashimbizya avene ukufuma mu nkaya ukuvala mu nkaya. ³⁵Uvumalilo vwakuti palimwe paliyinza uvugolosu vonti uvwa mavanda ge gitisile munsi iya pansi, ukufuma ku mavanda aga Abeli umugolosu, ukufiha ku mavanda aga Zakaliya umwana uwa Belekiya, we mwamugozile pakasi pa nyumba imfinjile na pa shifinjilo. ³⁶Nalyoli ine nkuyanga kulimwe, ivintu vyonti vinivi viliyinza pa nkulo inonye.³⁷''Yelusalemu, Yelusalemu, iwe we ukugoga avakuvwi nukuvahoma na mavwe vala ve vatumilwe ku kwaho! Vuli uvwinji vwe ine nkusambaga ukuvavunganiha avana vaho poka, inza she inkuku yikuvunganiha utwana twakwe muntende mu vyapa vyakwe, loli imwe mutahanzaga! ³⁸Yenya, inyumba yaho yikukusyalila iwe ukuva shisami [litongo]. ³⁹She ine nkuyanga kulimwe, imwe mutalinenya ine ukufuma ahavalilo aha ukufishila pe imwe muliti, 'Alositwe uno we akwinzila mwizina ilya Mwene.'''

¹U Yesu ahepa ukufuma mwi tempeli pe ahajenda pa vulendo vwakwe. Avasundikwa vakwe vinzile ku kwakwe nu kumusontela uwene uvuzenzi uvwi tempeli. ²Nkandi uwene ahamula ahati ku vavo, ''Kwe kuti imwe mutakuvyenya ivintu vyonti vinivi? Nalyoli ine nkuyanga kulimwe, nalimo ivwe inga lyoka lye lilisyalishila pa lyamwavo lye litalimongolwa pansi.³Lwe uwene atendime pigamba ilya mavula, avasundikwa vinzile ku kwakwe ku kwilu pe vahati, ''Utuvuzye iswe, havalilo vuli he ivintu vyonti vinivi vilivombwa? Kuliva shimanyilo vuli isha kwinza kwaho nu vumalilo uvwa mwaha?'' ⁴U Yesu ahavamula pe ahati ku kwavo, ''Mushevaje ukuti kutahave nawumo we avasovezye imwe. ⁵She avinji valiyinza mwe mwizina lyane. Avene valiti, 'Ine ne Chilisiti,' havili valivasovezya avinji.⁶Imwe miliyivwa izya vulugu na mapangwi aga vulugu. Mwenyaje ukuti imwe zitahavatamyaje, she ivintu vinivi vihondeye ukuvombwa; nkandi uvumalilo vwe vushili. ⁷She insi yilinyamuha ukuvushila insi, ni shinamwene shilivushilana ni shinamwene. Kuliva inzala ni vizumanzi mu vuzilo uvwa kulehana lehana. ⁸Loli ivintu vinivi vwe vwandilo vwelele uvwa kupapwa ukwa vuvavu [mayimba].⁹Avene valivatwala imwe mu mayimba amapiti nu kuvagoga imwe. Imwe mulivengwa ninsi zyonti pa shifukwa ishane. ¹⁰Pe avinji valipunula, nukwanilana woka nu wamwavo nukuvengana woka nu wamwavo. ¹¹Avakuvwi avilenga avinji valinyamuha nu kuvasovezya avinji.¹²Shifukwa ukusulanya ukwa ndajilo kuliyonjela, ishikunzi isha vinji shilihatala nkani. ¹³Loli woka we ajimbilila ukufiha kuvumalilo alipona. ¹⁴Ipangwi ilyinza ili ilya kushinamwene lililumbililwa munsi yonti iya pansi ukuva lusimishizyo ukuvala kunsi zyonti. Pe uvumalilo vuliyinza.¹⁵''Pe lelo, lwe imwe mwashenya isha mwiho she vahashihana she ashiyanzile u mukuvwi u Daniyeli, shimiliye pa vuzilo uvufinjile'' [ muleshe we akuvazya azimanyinsanye ], ¹⁶''valeshe vala ve vali mu Yudeya vashimbilile mu magamba. ¹⁷Muleshe uno we ali pa musonje uwa nyumba atahishe pansi nu kusenda shimo ukufuma mu nyumba yakwe. ¹⁸havili muleshe uno we ali mu mugunda atahagalushile ukusenda amenda gakwe.¹⁹Loli ye mayi we ku vala ve vali nu lwanda na kuvala ve vakonsya utwa bonda mu masiku ge gala! ²⁰Muyiputaje ukuti ukushimbila kwinyu kutahinze kuvombwe mu shisiku pamo pa sabata. ²¹She kuliva amayimba amapiti nkani, ge gatahatela gaveko nalumo ukufuma kuvwandilo uvwa nsi ukufiha ishi, nakwe kwinza ukuvako havili. ²²Peka peka inga amasiku igo vangagafupizya, nawumo umuvili we alipona. Nkandi pa mulandu uwa vasavulwa amasiku igo galifupila.²³Pe inga wumo akuyanga kulimwe, 'Yenya, apa pe pali u Chilisiti!' pamo, 'kula kwe kuli u Chilisiti!' mutahazisuvilaje. ²⁴She ava Chilisiti avilenga na vakuvwi avilenga valiyinza nu kulanjizya ivimanyilo ivipiti nkani ni visukumizyo, ukuti vavasovezye, inga zikwitishilwa, navasavulwa vwelele. ²⁵Yenya, Ine navavuzizya nzila lwe nahavalilo hashili hatafisile.²⁶Pe lelo, inga avene vakuti kulimwe, 'Yenya, uwene ali mulugwa,' mutahafumaje ukuvala mu lugwa. Pamo, Yenya, uwene ali ku kasi,' mutahashisuvilaje isho. ²⁷She ahamesya hakulamaga ukufuma ku vutukulo nu kumesezya mwidala lyonti ukuvala ku vuswelo, she ziliva vwevulo ukwinza ukwa mwana uwa muntu. ²⁸Konti kwe kuli ishinyamana she shifuye, kwe kuula kwe amavimba galivungana.²⁹Nkandi umwaluvilo lwe amayimba amapiti gajenda aga masiku ge gala izuva liliyilupa, umwezi atalifumya uvuzelu vwakwe, inzota ziligwa ukufuma mu mwanya, pe na maha aga kumwanya galiyingana.³⁰Pe ishimanyilo isha mwana uwa muntu shilivoneha mu mwanya, ni nkolo zyonti izya munsi iya pansi zililila. Avene valimwenya umwana uwa muntu pa mavingo aga mu mwanya na maha nuvushindamu uvupiti nkani. ³¹Uwene alivatuma avahavizya vakwe nukulila ukupiti nkani ukwi saji, pe avene valivavunganiha poka avimishilwa vakwe ukufuma ku mpepo 4, ukufuma kuvumalilo voka uvwa mwanya ukuvala ku vwamwavo.³²Mu manyile ishimanyisyo ukufuma kwi kunyu. Pe insamba zyagoma vwelele nukulagazya amatundu gakwe, imwe mukumanya ukuti ishisanya shili papipi. ³³Nishi vwelele, lwe imwe mukwenya ivintu vyonti vinivi, imwe mumanye ukuti uwene ali papipi, pa shilyango she shila.³⁴Nalyoli ine nkuyanga kulimwe, inkulo ino yitalifwa ukufishila pe ivintu vyonti vinivi vivomvilwe. ³⁵Imwanya ni nsi iya pansi viliyepa, nkandi amazwi gane gataliyepa nalumo.³⁶Loli ukuyana nizyi siku lila nahavalilo nawumo we ahamanyile, nave vahavizya ava kumwanya, nawe mwana, nkandi weka u Tata.³⁷Inza she amasiku aga Nowa gamile, she ziliva vwevulo nu kwinza ukwa mwana uwa muntu. ³⁸She inza mwe zyaveleye mu masiku ge gala lwe amahava gashili avene vahalyanga nu kung'wela, vahasendaga nu kusendwa ukufishila isiku lye u Nowa ayinjiye mu mbogosi, ³⁹pe avene vatamanyile nashimo ukufishila pe amahava ginzile nu kuvasenda venevo konti kwe gahavalaga - she ziliva vwevulo nu kwinza ukwa mwana uwa muntu.⁴⁰Pe avantu vavili valiva mu mugunda - woka alinyamulwa, pe woka alisyala. ⁴¹Avantanda vavili valisyanga pa lwala - woka alinyamulwa, pe woka alisyala. ⁴²Ilelo pe muyimililile mwemwe mweka, she imwe mutamanyile lisiku vuli lye u Mwene winyu aliyinzila.⁴³Nkandi mumanye ishi, inga umwenesho uwa nyumba amanyaga havalilo vuli aha vusiku he umwiva aliyinzila, pe nge amile aminso atangitishizye ukuti inyumba yakwe yimongolwe. ⁴⁴Ilelo imwe muhondeye ukuyisenganya, she umwana uwa muntu aliyinza pa havalilo he imwe mutasuviye.⁴⁵Ishi wuwenu we musuvalilwa nu muvomvi uwa njele we umupiti wakwe amwimisile ukuva wamu nyumba yakwe, nukuvapa avene ishakulya mu havalilo ahenesho? ⁴⁶Alositwe umuvomvi wula we u mupiti wakwe alimwaga akuvomba zila lwe uwene akwinza. ⁴⁷Nalyoli Ine nkuyanga kulimwe ukuti umupiti alimwimiha ukuva wu songo pa vintu vyakwe vyonti.⁴⁸Loli inga umuvombi umuvivi akuyanga mumoyo wakwe, 'Umupiti wane ahava, ⁴⁹'nu kwanda ukuvahoma avavomvi avamwavo, nu kulya nu kung'wela na vashing'wela, ⁵⁰pe umupiti uwa muvomvi wula aliyinza pisiku lila lye umuvomvi atasuviye na pa havalilo hala he atahamanyile. ⁵¹Umupiti wakwe alimudumulanya uwene muvigava nukumusalila uvuzilo poka nava lumilenga, kwe kula kuliva inkuta nu kusya amino.

¹Pe ishinamwene isha kumwanya shiliholana na vamwali 10 ve vanyamuye inyale zyavo pe vavazile ukuhomana nu sivwinga. ²Muli vavo 5 vatali ni njele [avakupukupu] havili 5 vamile ni njele. ³Lwe avamwali avasita njele [avakupukupu] vanyamuye inyale zyavo, avene vatanyamuye amafuta nagamo. ⁴Nkandi avamwali ava njele vasenzite ivya kunyamulila amafuta poka ni nyale zyavo.⁵Ilelo lwe usivwinga ahavile, avene vonti utulo tuhavalema pe vahagona. ⁶Loli pavusiku pakasi kwamile ukuholela, 'Yenyelezya, usivwinga! Fuma kunzi pe muhomane nawo.'⁷Pe avamwali vonti vala vahanyamuha pe vahahozya inyale zyavo. ⁸Avasita njele [avakupukupu], 'Mutupe iswe gamo amafuta ginyu shifukwa inyale zyitu zikuzima.' ⁹''Loli ava njele vahavamula pe vahati, 'She umo gatatuyanine iswe nimwe, muvuzilo vwakwe valaji ku vala ve vakukazya mukale gamo aginyu mweka.'¹⁰Lwe avene vepa vwelele ukuvala ukukala, usivwinga ahinza, pe vala ve vayisenginye vahinjila nawo ukulya pa luseshelo ulwi senda, pe nu mulyango ahigalilwa. ¹¹Lye zyajenda izyo avamwali avamwavo vope vinzile pe vahati, 'Mwene, mwene, twigulile iswe.' ¹²''Nkandi uwene ahamula pe ahati, 'Nalyoli Ine nkuyanga kulimwe, Ine ntavamanyile imwe.' ¹³Ilelo muve aminso, she imwe mutalimanyile isiku pamo ahavalilo.¹⁴She ishi shali ngati lwe umuntu akwanza ukuvala ku nsi iyinji. Uwene avisite avavomvi vakwe nu kuvapa venevo ishuma shakwe. ¹⁵Ku woka muli vavo uwene ahamupa italanta 5, ku wamwavo uwene ahamupa zivili, pe na ku wamwavo vwelele uwene ahamupa italanta yoka. Ali wonti ahaposhela ukushizya ukuyana na maha gakwe, pe umuntu wula ahajenda uvulendo vwakwe. ¹⁶Wula we aposheleye italanta 5 ahepa lyelila pe ahavala aziviha mu mbombo nu kukava italanta izyamwavo 5.¹⁷Inza vwevulo woka we aposheleye italanta zivili ahakava izyamwavo zivili. ¹⁸Nkandi umuvomvi we aposheleye italanta yoka ahepa, ahabana ishiliva pansi, pe ahazyiha impiya [indalama] iya mwene wakwe.¹⁹Ilelo lwe hajenda ahavalilo ahatali umwene uwa vavomvi vala ahinza pe ahavelenjela poka navo. ²⁰Umuvomvi we aposheleye italanta 5 ahinza pe ahaleta italanta izyamwavo 5. Uwene ahati, 'Mwene, iwe wampiye ine italanta 5. Yenya, ine nakava italanta izyamwavo 5.' ²¹Umwene wakwe ahati ku kwakwe, 'wavomba ahinza, we muvomvi umwinza havili we musuvalilwa! Iwe wamile we musuvalilwa pa vintu ivinsi. Ine kwe nkuvishe iwe ukuva we songo pa vintu ivyinji.²²Umuvomvi we aposheleye italanta zivili ahinza pe ahati, Mwene, iwe wampiye ine italanta zivili. Yenya, Ine nakava izyamwavo zivili.' ²³''Umwene wakwe ahati ku kwakwe, 'wavomba ahinza, we muvomvi umwinza havili we musuvalilwa! Iwe wamile we musuvalilwa pa vintu ivinsi. Ine kwe nkakuvishe iwe ukuva we songo pa vintu ivyinji. Yinjila muluseshelo lwa mwene waho.²⁴Pe umuvomvi we aposheleye italanta yoka ahinza pe ahati, 'Mwene, manyile ukuti iwe we muhali.Iwe ukuvunaga pala pe iwe atahapesa, havili iwe ukwinulaga na pala pe utahasasya. ²⁵Ine nali nilyoga, pe ine nkepa nukuzyiha italanta yaho pansi.Yenya, ulinayo ipa ye yaho iwe.'²⁶Loli u mwene wakwe ahamwamula pe ahati, 'We muvomvi umuvivi havili we muhata, wamanyile ukuti nkuvunganihaga nape ntavyaye havili nkwinulaga nape ntapesile. ²⁷Pe lelo nge uhavapanga impiya [indalama] yane avahasengula, pe ukwinza kwane nge ninza naposhela izyane poka niya pamwanya.²⁸Pe lelo senda italanta ku kwakwe pe umupe umuvomvi we ali ni talanta 10. ²⁹Ilelo ku wonti we ali navyo, ivyinji vilipelwa - ivyinji ukushizya. Nkandi ukufuma ku wula we atali nasho nashimo, nashila she uwene ali nasho shilifyulwa ku kwakwe. ³⁰Musumbe umuvomvi umusita mbombo kushisi isha kunzi, kwe kuliva ukulila nu kusya amino.³¹Lwe umwana uwa muntu ayinzile muvushindamu vwakwe poka na vahavizya, pe uwene alitendama pashitengo ishishindamu isha vumwene. ³²Pilongolela lyakwe palivungana insi zyonti, pe uwene alivapagula avantu woka ukufuma ku wamwavo, inza she umudimi akupagulaga ing'onzi ukufuma ku mbuzi. ³³Uwene aliziviha ing'onzi ku nyove yakwe indilo, loli imbuzi ku mongo yakwe.³⁴Pe u Mwene aliyanga ku vala ava ku nyove yakwe iya ndilo, 'Nzaji, imwe mwe mulositwe nu Tata wane, pyana ishinamwene she nkavasenganizizya imwe ukufuma kwe kulwalo ilwa nsi. ³⁵She ine namile ni nzala pe imwe muhampa Ine ishakulya; Ine nali ni nyota pe imwe muhampa ine ishakung'wela; Ine nali ne mujeni pe imwe muhansendela ine munyumba; ³⁶Ine nali ishitali pe imwe muhanzwiha ine; Ine nali ne muvinu pe imwe muhansajilila ine; Ine nali mujela pe imwe muhinza ku kwane.³⁷Pe avagolosu valiyamula pe valiti, 'Mwene, lye liyi lye iswe twakuvonyi iwe uli ni nzala pe tuhakulisya iwe? pamo inyota pe twakupiye iwe ishakung'wela? ³⁸Lye liyi lye iswe twakuvonyi iwe we mujeni nu kusendela iwe munyumba? pamo ishitali pe tuhakuzwiha iwe? ³⁹Lye liyi lye twakuvonyi iwe we muvinu pamo wali mujela pe tuhinza ku kwaho?' ⁴⁰''Pe u Mwene aliyamula pe aliti ku kwavo, 'Nalyoli Ine nkuyanga kulimwe, she imwe mwavomvile ku vamwitu avansi ava avane, imwe mwambombeye ine.⁴¹Pe uwene aliyanga ku vala ava ku nyove yakwe iya ndilo, 'Yepa kuline, imwe mwe mutifilwe, ukwinjila mu moto uwa shima we vamusenganizizye u satana na vahavizya vakwe, ⁴²Shifukwa Ine nali ni nzala, loli imwe mutampiye ine ishakulya; Ine nali ni nyota, loli imwe mutampiye ine ishakung'wela; ⁴³Ine nali ne mujeni, loli imwe mutahaninjizya ine munyumba; nali ishitali, loli imwe mutanzwisile in; navinile havili nali mujela, imwe mutansajiliye ine.'⁴⁴Pe avene havili valiyamula valiti, 'Mwene, lye liyi lye twakuvonyi iwe uli ni nzala, pamo ni nyota, pamo we mujeni, pamo uli shitali, pamo uvinile, pamo uli mujela, pe tutahinza twakuvombela iwe?' ⁴⁵Pe uwene aliyamula ku kwavo pe aliti, 'Nalyoli ine nkuyanga kulimwe, she imwe mutahashivomba ku woka mu vansi ava, imwe mutahambombela ine,' ⁴⁶Ava valivala kwi sunde ilya shima na shima, loli avagolosu ku vulanzi uvwa shima na shima.''

¹Ahene hinzile hafiha ukuti lwe u Yesu amalizizye amazwi gonti ganaga, uwene ahati ku vasundikwa vakwe, ²''Imwe mumanyile ukuti inga gajenda amasiku gavili u pasaka akwinza, pe nu mwana uwa muntu vakwinza ukumutwala pa kuhomelwa.''³Pe avaputi avapiti na vasongo ava vantu vavungine poka mu nyumba iya muputi umupiti, we izina ali wu kayafa. ⁴Avene vahayanjizanya poka ukumulema u Yesu umwakumwiva nukumugoga uwene. ⁵She avene vahatinji, ''Hatahave havalilizyo ahaluseshelo, kwe kuti ishongo isha muvwalanga shitahanyamushe pakasi pa vantu.''⁶Ilelo lwe u Yesu ali mu Betaniya munyumba iya Simoni uwa mambombo, ⁷lwe uwene atendime pa meza, umwantanda ahinza ku kwakwe amile ni nsupa iya mafuta aga mutengo nkani, pe uwene ahamupungulila pitwe lyakwe. ⁸Loli lwe avasundikwa vakwe venya ishi, avene vahinza vahalala pe vahati, ''Shifukwa shoni ishakunanganya uvu? ⁹Aga nge twakazya pa mutengo umupiti nkani nukuvapa avapina.''¹⁰Nkandi u Yesu, ukushimanya ishi, ahati ku kwavo, '''Shoni she imwe mukumutamya u mama uno? She uwene avomvile ishintu ishinza ku kwane. ¹¹Imwe muli na vapina ahavalilo honti, loli ine mutaliva nine ahavalilo honti.¹²Lwe uwene ampungulila ine amafuta aga mu muvili, uwene avomvile ishi isha kusyilwa kwane. ¹³Nalyoli Ine nkuyanga kulimwe, konti kula kwe ipangwi ilyinza ili likulumbililwa munsi yonti iya pansi, she umwantanda uno avomvile shiliyangwa havili umwa kumukumbushila uwene.''¹⁴Pe woka mu vala 12, we izina ali wu Yudasi isikaliyoti, ahavala ku vaputi ¹⁵pe ahati, ''Imwe mukwanza ukumpa ine zilinga ukumuleta uwene kulimwe?'' Avene vahamupimila uwene isiliva 30. ¹⁶Ukufuma muhavalilo he hala uwene ahahaga ahavalilo ahakumulemeshela uwene ku kwavo.¹⁷Ilelo pisiku ilya kwanda ilya mukate we atali ni viluzizyo avasundikwa vahinza kwa Yesu pe vahati, ''Kwe kwiyi kwe iwe ukwanza iswe tukuyananizye iwe ukwakulyela ishakulya isha pasaka?'' ¹⁸Uwene ahati, ''Valaji mu nkaya ku muntu wumo pe umuvuzye uwene, 'Umumanyisi akuti, ''Ahavalilizyo hane hali papipi. Ine navala kusengula u pasaka pa nyumba yaho na vasundikwa vane.''''' ¹⁹Avasundikwa vavomvile inza she u Yesu avalinginye avene, pe avene vahasenganya ishakulya isha pasaka.²⁰Lwe ahamazuva hafisile, uwene ahatendama pansi ukulya na vasundikwa vakwe 12. ²¹Pe avene vahalyanga, uwene ahati, ''Nalyoli Ine nkuyanga kulimwe ukuti woka palimwe alinanila Ine.'' ²²Avene vaswimililwe nkani, pe woka na woka ayanzite ukumuvuzilizya uwene, ''Vwanalyoli ine tenene, Mwene?''²³Uwene ahamula, ''Woka we akudwivya inyove yakwe poka nine mu shililo wewe wula we alinanila ine. ²⁴Umwana uwa muntu alijenda, inza she zisimvilwe izya wuyo. Nkandi ye mayi we ku muntu we mumwakwe u mwana uwa muntu aliyanilwa! Ishi shamile ahinza ku muntu wula nge uwene atahapapwaga.'' ²⁵Yudasi, we alimwanila uwene ahati, ''Ningava nene, [Manyisi] Labbi?'' Uwene ahati ku kwakwe, ''Iwe wayiyanjila wewe weka.''²⁶Lwe avene valipakulya, uYesu ahasenda u mukate, ahamulota, pe ahamensula. Uwene ahavapa wenewo avasundikwa pe ahati, ''Senda, mulye. Uno we muvili wane.''²⁷Uwene ahasenda ishikombe pe ahasalifya, nukuvapa shenesho vavo pe ahati, ''Ng'wela, imwe mwenti. ²⁸She ili livanda lyane ilya lufingwi lye lihapungulwa ku vinji pakutetela imbivi. ²⁹Loli Ine nkuyanga kulimwe, Ine ntaling'wela havili ilya shihomwa isha mampensya ili, ukufishila pisiku lila pe Ine nding'wela ipya poka nimwe mushinamwene isha Tata.''³⁰Lwe avene vimvile ulwimbo, vahepa ukuvala kwi gamba ilya mavula. ³¹Pe u Yesu ahati ku kukwavo, ''Imwe mwenti kwe mupunule uvusiku uvwilelo pa shifukwa ishane, 'Ine ndimuhoma umudimi pe ni dimilo ilya ng'onzi lilisata. ³²Nkandi lwe ine nazyuha, ndavalongolela imwe mu Galieya.''³³Loli u Peteli ahayanga ku kwakwe, ''Pope inga vonti vangagwa pamulandu waho, Ine ntaligwa nalumo.'' ³⁴U Yesu ahati ku kwakwe, ''Nalyoli Ine nkuyanga kuliwe, uvusiku vunuvu, lye umukolwe atalizile, iwe ulinkana Ine hatatu.'' ³⁵U Peteli ahati ku wuyo, pope inga ine nkondeye ukufwa poka niwe, Ine ntalikuhana nalumo.'' Avanji vonti avasundikwa vayanzile ishintu shalishoka.³⁶Pe u Yesu ahepa navo ahavala ku vuzilo vwe vahatinji Getisemani pe ahati ku vasundikwa vakwe, ''Tendami apa lwe Ine nakuvala kula pa kuputa.'' ³⁷Uwene amusenzite u Peteli na vana vavili ava zebediya poka nawo pe ahinza aswimililwa nu kuyimvilwa. ³⁸Pe uwene ahati ku kwavo, ''U Moyo wane akuswimililwa nkani, na kwe ku vufwe. Musyale panapa pe mudamule poka nine.''³⁹Uwene ahajenda pilongolela hansi, ahakupama isheni shakwe, pe apusite.Uwene atili, ''Tata wane, Inga ishi shingava shipepusu, leha ishikombe ishi shimpitilile ukufuma kuline. Lelo kutahave ngati she Ine nkwanza, nkandi inza she iwe ukwanza.'' ⁴⁰Uwene ayinzile ku vasundikwa pe ayazile avene vasyupiliye, pe uwene ahati kwa Peteli, ''Shoni, she imwe mutadamulaga poka nine muhavalilo hoka? ⁴¹muve aminso [mudamule] havili muputaje ukuti imwe mutahinjile mundingo. U Mupepo mwemumo akwanza, loli umuvili muyeyevazu.''⁴²Uwene ahepa ilya vuvili pe apusite. Uwene atili, ''Tata wane, inga ishi shitangampitilila ukufishila pe Ine nang'wela shenesho, ukwanza kwaho kwe kuhavombwe.'' ⁴³Uwene ahinza havili pe ayazile avene vasyupiliye, she aminso gavo gang'wamile. ⁴⁴Pe ukuvaleha avene havili, uwene ahepa pe apusite ilya vutatu, ahayangaga amazwi galigoka.⁴⁵Pe u Yesu ayinzile ku vasundikwa nukuti ku kwavo, ''Imwe mushili musyupiliye mukutuzya? Yenyelezya, ahavalilo hali papipi, pe nu mwana uwa muntu avala pakwanilwa mu nyove izya vatalamalandu. ⁴⁶Nyamushi, leha iswe tujendaje. Yenyelezya, uno we akunanila Ine ali papipi.''⁴⁷Lwe uwene ashili akuyanga, uYudasi, woka uwa muvala 12, ayinzile. Impuga impiti nkani yinzile poka nawo ukufuma ku vaputi avapiti nava songo ava vantu. Avene vinzile na vapanga nizya ndugu. ⁴⁸Ilelo umuntu we avala ukumwanila u Yesu ahavapa avene ishimanyilo, atili, ''Uno we ine namufyompa. Muhamulemaje uwene.''⁴⁹Umwaluvilo uwene ahinza kwa Yesu pe ahati, ''Mwakata, manyisi!'' [Labbi] pe ahamufyompa uwene. ⁵⁰U Yesu ahati ku kwakwe, ''Mumanyani, vomba she iwe winzile pakuvomba.'' Pe avene vinzile, vahaviha inyove zyavo pa Yesu, pe vahamulema uwene.⁵¹Yenya, woka mu vala ve vali nu Yesu ahagolosya inyove yakwe, ahakula upanga wakwe, pe ahamupupa umuvomvi uwa muputi umupiti, havili ahamudumula ikutwi lyakwe. ⁵²Pe u Yesu ahati ku kwakwe, ''Viha upanga waho muvuzilo vwakwe, she vonti ve vakunyamula upanga valilova ukujendela kwa panga. ⁵³Imwe mukusiva ukuti Ine mpositwe ukumwita u Tata wane, pe uwene nge atumile kuline ukupitilila impuga izya vahavizya 12? ⁵⁴Nkandi lelo pe amasimbo gandi gafishile vuli, ukuti ishi shihondeye shivombwe?⁵⁵Pa havalilo he hala u Yesu ahayanga ku mpuga, ''mungavanga imwe mwinzile na vapanga ni ndugu ukundema Ine ngati ne mwiva umupiti? Isiku lyonti Ine nkatendamaga ukumanyisya [ukusambilizya] mwi tempeli, pe imwe mutandemile Ine. ⁵⁶Nkandi zyonti izi zyavomvilwe ukuti amasimbo aga vakuvwi gafishile.'' Pe avasundikwa vonti vahamuleha uwene pe vahashimbila.⁵⁷Vala ve vamulemile u Yesu vamulongoziye uwene kwa kayafa umuputi umupiti, kwe ava simbi nava songo vavungine poka. ⁵⁸Nkandi u Peteli amulandite uwene ukufuma pa hantambwi [atantime hansi] ukuvala pilonjelwi ilya muputi umupiti. Uwene ahinjila mukasi nu kutendama pansi nava lindilili ukwenya she kwe sheveko.⁵⁹Ilelo avaputi avapiti nava hombe vonti vahenyelezyaga ulusimishizyo ulwilenga ukumuvushila u Yesu ukuti avene vamuvishe uwene ku vufwe. ⁶⁰Avene vatahalwaga nalumo, nashe avahome avinji avilenga vinzile pantanzi. Nkandi pisinda palizyo vavili vinzile pantanzi ⁶¹pe vahati, ''Umuntu uno ahati, 'Ine ningalimongola itempeli ilya Mulungu nukulizenga ilyene ku nsiku zitatu.'''⁶²Umuputi umupiti ayimiliye nu kuyanga ku kwakwe, ''Ungavanga iwe utali nu vwamuzi? Shoni ishi she avene vakusimishizya ukuvushila iwe?'' ⁶³Loli u Yesu apumile. Umuputi umupiti ahayanga ku kwakwe, ''nkukulajila iwe ukujendela mwa Mulungu umulanzi, tuvuzye iswe inga iwe we Chilisiti, umwana uwa Mulungu.'' ⁶⁴U Yesu ahamula kuli wuyo, ''Iwe wayanga ishi wemwenesho. Nkandi ine nkukuvuzya iwe, ukufuma ishi ukuvala kuntanzi iwe ulimwenya umwana uwa muntu atendime ku nyove iya ndilo iya maha, havili akwinza mu mavingo aga kumwanya.''⁶⁵Pe umuputi umupiti ahazepula amenda gakwe pe ahati, ''Uwene ayanzile umusamu! Shoni she tushili tukwanza avahome? Yenyelezya, ishi imwe muyivwiliye umusamu. ⁶⁶Imwe mukusiva shoni?'' Avene vahamula nukuti, ''Úwene ahondeye imfwa.''⁶⁷Pe avene vahamuswilila ku minso pe vahamuhoma, nu kumuzapa uwene na makofi aga nyove zyavo, ⁶⁸havili vahati, ''Ukuvwe kuliswe, iwe Chilisiti. Wuwenu we akuzapa iwe?''⁶⁹Ilelo u Peteli atendime kunzi kwi lonjelwi, pe umuvomvi umulindu ahinza ku kwakwe pe ahati, ''Niwe vwelele wamile poka nu Yesu uwa mu Galileya.'' ⁷⁰Loli uwene ahalihana ilyo pantanzi pa vonti vala, atili, ''Ine ntashimanyile she iwe ukuyanga.''⁷¹Lwe uwene ahafumaga ku shilyango, umuvomvi uwamwavo umulindu ahamwenya uwene pe ahati ku vala ve vali pala, ''Umuntu uno wope amile nu Yesu uwa mu Nazaleti.'' ⁷²Uwene ahazihana izyo nishilapo, ''Ine ntamumanyile umuntu uno!''⁷³Lwe pajenda ahavalilo hansi vala ve vimiliye kupipi vahinza nukuyanga kwa Peteli, ''Vwanalyoli niwe vwelele we wumo uwa vala, she mwe iwe ukuyanjila shikupiye iwe idala.'' ⁷⁴Pe uwene ahanda ukutipa nu kulapa, ''Ine ntamumanyile umuntu uno,'' pe umwaluvilo umukolwe ahavilishila. ⁷⁵U Peteli ahakumbuha amazwi ge u Yesu ayanzile, ''Lwe umukolwe atavilishiye iwe ulinkana Ine hatatu.'' Pe uwene ahafuma kunzi pe ahakuta nuvuvavu.

¹Ishi lwe inzanchi yinzile, avaputi avapiti vonti nava songo ava vantu vahayanjizanya ukumuvushila u Yesu ukumuviha uwene kuvufwe [ukumugoga]. ²Avene vamupinyile uwene, vahamufumya uwene, pe vahamutwala uwene kwa Pilati umusunga nsi.³Pe lwe u Yuda, we amwaniliye uwene, ahenya ukuti u Yesu vamulonzile, uwene ahapinduha nukugalusya ivipande ivya siliva vila 30 ku vaputi avapiti nava songo, ⁴pe ahati, ine natala amalandu pakulyanila ivanda lye litali nahalema.'' Loli avene vahati, Isho she shoni kuliswe? wenye shenesho wewe weka.'' ⁵Pe uwene ahasumba pansi ivipande ivya siliva mwi tempeli, nu kwepa, Pe ahafuma kunzi ahayinyonga weka.⁶Umuputi umupiti ahasenda ivipande ivya siliva pe ahati, ''Ulu telulajilo ukuviha izi mu shakusengulila mwe pe izyene zya mutengo uwa mavanda.'' ⁷Avene vahayanjizanya izya shintu isho poka, pe vakazile ni ndalama umugunda uwa mu matansonta we kwe vasyilaje avajeni. ⁸Pa mulandu wununo umugunda wula vahamwita, ''Umugunda uwa Mavanda'' ukufiha isiku ilyilelo.⁹Pe ishi zila zye zyayanzilwe nu mukuvwi u Yelemiya zihafishila, ukuti, ''Avene vahasenda ivipande 30 ivya siliva, we mutengo we vamwimishiye uwene avana ava Isilayeli, ¹⁰pe avene vahamupa zyenezyo ukuva zya mugunda uwa mu matansonta, ngati she u Mwene andongozizye ine.''¹¹Ishi u Yesu ayimiliye pilongolela ilya musunga nsi, pe u musunga nsi amuvuzilizizye uwene, ''Ungavanga iwe we Mwene uwa va Yuda?'' U Yesu ahamwamula uwene, ''Iwe she wayanga.'' ¹²Nkandi uwene lwe vamulonjeleye avaputi avapiti nava songo, uwene atahavamula nashimo. ¹³Pe u Pilati ahati ku kwakwe, ''Vuli iwe utakuzyivwa zyonti zye vakuvushiye ukukuyanjila iwe?'' ¹⁴Nkandi uwene atahamula izwi inga lyoka, pe umusunga nsi asukumiye nkani.¹⁵Ishi paluseshelo shamile sha mwiho kwa musunga nsi ukumusatula woka umukungwa we impuga yimusevile. ¹⁶Pa havalilo he hala avene vali nu mukungwa umuvivi izina u Balaba.¹⁷Pe lwe avene vavungine poka, u Pilati atili ku kwavo, ''Wuwenu we imwe mukwanza imbasatulile imwe? U Balaba, pamo u Yesu we akwitwa u Chilisiti?'' ¹⁸Uwene azimanyile ukuti avene vahamulemeha u Yesu ku kwakwe pa shifukwa isha sifumbo. ¹⁹Lwe uwene ashili atendime pa shitengo isha vulonzi, umushi wakwe ahatuma izwi ku kwakwe pe ahati, ''Utahavombe nashimo nu muntu we atananzile nashimo.She ine nayimba nkani ilelo pamulandu uwa shilota she namile nasho nazya wuyo.''²⁰Pe avaputi avapiti na vasongo vahayilambilizya impuga yimulave u Balaba, ukuti u Yesu vamugoje. ²¹Umusunga nsi ahavavuzilizya avene, ''wuwenu pa vavili we imwe mukwanza ine imbasatulile imwe?'' Avene vahati, u Balaba.'' ²²U Pilati ahati ku kwavo, ''Ine imbombe shoni nu Yesu we akwitwa u Chilisiti?Pe avene vonti vahamula, ''Uwene ahomelwaje.''²³Pe uwene ahati, ''Shoni, vuvivi vuli vwe uwene avomvile?'' Nkandi avene vahaholela nkani nakwe kuzuma [kupongomoha], ''Ahomelwaje uwene.'' ²⁴Ilelo lwe u Pilati ayenyizye ukuti uwene atakupata nashimo, nkandi muvuzilo vwakwe ishongo shatalisile, uwene asenzite aminzi, ahageza munyove zyakwe pilongolela ilya mpuga, pe ahati, ''Ine ntenashimo ni vanda ilya muntu uno. Imwe mwenye kulishi.''²⁵Avantu vonti vahati, ''Leha ivanda lyakwe live paliswe na vana vitu.'' ²⁶Pe uwene ahamusatulila u Balaba ku kwavo, loli uwene ahamusyempa u Yesu nukuvalemeha uwene pa kumuhomela.²⁷Pe avalwa vulugu ava musunga nsi vahamusenda u Yesu nu kumutwala uwene ku vupiti uvwa nsi yavo nukuvunganiha impuga yonti iya valwa vulugu. ²⁸Pe vahamuzula uwene nukumuviha inkanzu inchemamu. ²⁹Avene vamugombeye impumpu iya mimvwa pe vahamuviha yeneyo pitwe lyakwe, nukuviha indisa ku nyove yakwe iya ndilo. Avene vahasugamila pansi pilongolela lyakw nu kumovezya, vahati, ''Mwakata, Mwene uwa va Yuda?''³⁰Avene vahamuswilila amati, pe vahasenda indisa nu kumuhoma uwene pitwe havili havili. ³¹Lwe avene vamovezya, vahamwefya inkanzu nukumuzwiha amenda gakwe, pe vahamulongozya uwene kunzi pakumuhomela.³²Lwe avene vafumile panzi, vamwazile umuntu we afumile ku kileni izina lyakwe u Simoni, uwene we vamuvijilizizye ukujenda navo kwe kuti uwene anyamule ishihovenkanyo shakwe. ³³Avene vinzile pa vuzilo vwe vukwitwa goligota, vwe ishing'anamulo ''Vuzilo ivwi pango.'' ³⁴Avene vamupiye wuyo ipele ukuti ang'wele vasanginye nahanyongo.Nkandi uwene lwe alivonja, atahang'wela.³⁵Lwe avene vamuhomeleye wuyo, vahagavana amenda gakwe kwidala ilya kusumbilana ivyili, ³⁶pe avene vatendime nukumugulilila uwene. ³⁷Pa mwanya pitwe lyakwe avene vavisile inongwa iya kumuvushila wuyo, ye pakuvazya, ''Uno we wu Yesu, u Mwene uwa va Yuda.''³⁸Aviva avapiti vavili vavahomeleye poka nawope, woka ku ndilo yakwe pe uwamwavo ku mongo. ³⁹Vala ve vahajendaga papo vahamuliga uwene, vahapukusyaga amatwe gavo ⁴⁰pe vahati, ''Iwe we ahavalaga ukunanganya itempeli nukulizenga havili ilyene pa masiku gatatu, yiposhe wewe weka! Inga iwe we mwana uwa mulungu, nzaga pansi ukufuma pa shihovenkanyo!''⁴¹Mwidala linili avaputi avapiti vahamovezyaga uwene, vali poka nava simbi nava songo, nukuti, ⁴²uwene avaposile avanji, nkandi uwene atangayipoha weka. Uwene wu Mwene wava Isilayeli. Muleshe uwene ayinze pansi ukufuma pa shihovenkanyo, pe iswe tulisuvila mu mwakwe.⁴³Uwene asuviye mwa Mulungu, ishi leha u Mulungu amuposhe inga u Mulungu anganza ukumusatula uwene . She uwene havili atili, 'Ine ne mwana uwa Mulungu.''' ⁴⁴Mwe mwidala linili aviva avapiti ve vavahomeleye poka navo vope vahamuliga wuyo.⁴⁵Ishi ukufuma mu havalilo aha vu 6 ishisi shinzile munsi yonti ukufishila ahavalilo aha vu 9. ⁴⁶Ukupalamila ahavalilo aha vu 9, u Yesu ahalila kwizwi ipiti pe ahati, ''Eloyi, Eloyi, lama sabakitani?'' lye ishing'anamulo, ''Mulungu wane, Mulungu wame, shoni she iwe wandeha ine?'' ⁴⁷Lwe vamo mu vala ve vimiliye papo vivuye ishi, avene vahati, ''uwene akumwitizya u Eliya.''⁴⁸Umwaluvilo woka mu vavo ahashimbila nu kusenda ishakufipila, ahizuzya shenesho nipele lye liluzile, ahaliviha ku ndisa iyi tete, pe ahamupa uwene ukuti ang'wele. ⁴⁹vonti mu vala vahati, ''Muleshe weka. Leha iswe twenye inga u Eliya akwinza ukumupoha uwene.'' ⁵⁰Pe u Yesu ahaholela havili kwi zwi ipiti pe ahalemeha umuzimu wakwe.⁵¹Yenya, umwenda uwa mwi tempeli ahazepuha pavili ukufuma pamwanya ukufiha pe apeleleye, pe ni nsi yihayingana na mavwe gahagavinkana. ⁵²Imbipa zyigusile, na mavili aga vantu avafinjile ge gakasite utulo gazyusile. ⁵³Avene vafumile kunzi mu mbipa lwe uwene azyusile, hinjila mu nkaya imfinjile, pe avonesheye ku vinji.⁵⁴Lwe usongo wa valugu na vala ve vahamwenyelezyaga u Yesu vahenya ishizumanzi ni vintu vye vyavomvilwe, avene vahinza vanyila nkani pe vahati, ''Nalyoli uno amile mwana uwa Mulungu.'' ⁵⁵Avantanda avinji ve vamulandite u Yesu ukufuma ku Galileya ukumusajilila uwene vali pe pala vahenyaga ukufuma pa hantambwi. ⁵⁶Pakasi palivavo pali u Maliya u Magadalena, u Maliya umama uwa Yakovo nu Yosefu, pe nu mama uwa vana ava Zebediya.⁵⁷Lwe kwali ahavwelelema, pala pinzile umuntu udumbwe ukufuma ku Alimatiya, izina u Yosefu, we wope ali musndikwa uwa Yesu. ⁵⁸Uwene ahamupalamila u Pilati pe ahalava umuvili uwa Yesu. Pe u Pilati ahalajila ukuti vamupe wenewo.⁵⁹U Yosefu ahanyamula umuvili, ahamuzinga wenewo mu mwenda umwinza umuzelu, ⁶⁰pe ahamugoneha wenewo mu mbipa yakwe impya ye uwene adivile kwi vwe. Pe uwene ahagalagasizya ivwe pa mulyango uwa mbipa pe ahepa. ⁶¹U Maliya u Magadalena nu Maliya uwamwavo vali pe pala, vatendime ukulungamana ni mbipa.⁶²Isiku lye likulandata, lye lyali lisiku lwe ukuyisenganya kujenzite, avaputi avapiti na vafalisayi vavungine poka nu pilati. ⁶³Avene vahati, ''mushindikwa, iswe tukukmbuha ukuti lwe uwilenga wula ali mulanzi, uwene atili, 'Lwe gajenda amasiku gatatu Ine ndizyuha havili.' ⁶⁴Ilelo homeshezya ukuti imbipa yigulililwe ukufishila isiku ilya vutatu, lumo avasundikwa vakwe vanginza nu kumwiva pe nukuyanga ku vantu,' Uwene azyusile ukufuma ku vafwe,' pe ilenga ilya vumalilo liliva livivi nkani ukulusya ilya vwandilo.''⁶⁵U Pilati ahati ku kwavo, ''Senda umulindilili. Valaga uyilindililaje ukuyana namwe uzimanyiye izi.'' ⁶⁶Pe avene vahajenda nukuyindilila imbipa, vahamatila nivwe nukumuviha umulindilili.

¹Ilelo lye lyasila ilya sabata, lye ilyene lyanzite ukusha isiku ilya kwanda ilya mwa sabata, u Maliya u Magadalena nu Maliya uwamwavo vahinza ukwenya imbipa. ²Yenya, kwamile ishizumanzi ishipiti nkani, she uhavizya uwa Mwene ahiha ukufuma kumwanya, ahinza havili nukulivungulusya ivwe, havili ahalitendamila lyenelyo.³Ahavoneshele hakwe hamile ngati hamesya, na menda gakwe gamile mazelu ngati mpepo iya majela. ⁴Ava henyelezya vahatetema nilyoga pe vahinza vava ngati vantu avafwe.⁵U havizya ahavalinganya avantanda pe ahati ku kwavo, ''Mutahanyilaje, she Ine munyile ukuti imwe mukumulondola u Yesu, we vamuhomeleye. ⁶Uwene atali apa, loli azyusile, inza she ayanzile. Nzaji mwenye uvuzilo vwe u Mwene agonile. ⁷Jendaji luvilo nu kuvavuzya avasundikwa vakwe, 'Uwene azyusile ukufuma kuvafwe. Yenya, avalongoleye imwe ukuvala mu Galileya. Kula kwe imwe mulimwenya.' Yenya, Ine mbavuzizye imwe.''⁸Úmwaluvilo avantanda vahepa ku mbipa ni lyoga havili nu luseshelo ulupiti nkani, pe vahashimbila ukuvavuzya avasundikwa vakwe. ⁹Yenya, u Yesu ahahomana navo pe ahati, ''Nkuvalamuha!'' Avantanda vahinza, vahamulema ivinama vyakwe pe vahamuputa. ¹⁰Pe u Yesu ahati ku kwavo, ''Mutahanyilaje. Jendaji muvavuzye avamwitu vavale mu Galileya. Kula kwe valinenya Ine.¹¹Ilelo lwe avantanda vakujenda, yenya, vamo ava henyelezya vahavala mu nkaya pe vahavavuzya avaputi avapiti ivintu vyonti vye vivomvilwe. ¹²Lwe avaputi vahomana poka nava songo pe vahapangana navo izyisho, avene vavapiye indalama inyinji avalwa vulugu ¹³pe vahavavuzya, ''Muyanje ku vanji, 'Avasundikwa va Yesu vinzile uvusiku nu kwiva umuvili wakwe lwe iswe tugonile.¹⁴Inga ipangwi ili lyamwaga umusunga nsi, iswe tulimulambilizya uwene pe tulimwefya insivo zyonti ukwepa kulimwe.'' ¹⁵Pe avalwa vulugu vahasenda indalama nu kuvomba inza she avene vavalinginye. Ipangwi ili lyasasite nkani pakasi pava Yuda pe likujendelela ni lelo ili.¹⁶Nkandi avasundakwa 11 vahavala ku Galileya, kwi gamba lye u Yesu avalongozizye. ¹⁷Lwe avene vamwenya, vahamuputa, loli vamo vali na maganigani.¹⁸U Yesu ahinza ku kwavo pe ayanzile ku vavo pe ahati, ''Uvulamulili vonti vupelilwe kuline kumwanya na pansi. ¹⁹Pe lelo valaji nu kuvapela avasundikwa ava nsi zyonti. Muvozye venevo mwizina ilya Tata, nu mwana, nu mupepo umufinjile.²⁰Muvamanyisye venevo ukushindiha ivintu vyonti vye Ine mbahomeshezizye imwe. Yenye, Ine ndinimwe shima, nakwe kuvumalilo uvwa nkulo.''

¹Uvu vwe vwandilo uvwi vangeli ilya Yesu Chilisiti, umwana uwa Mulungu. ²Inza she izyene zyasimvilwe mwa Yesaya umukuvwi, ''Yenya, Ine nkumutuma umutumwa wane pilongolela ilya vyeni vyinyu, wuyo we aliyananya idala lyinyu. ³Izwi ilya wumo likuholela mulugwa, 'senganya idala ilya Mwene; gomba amadala gakwe gagoloshe.'''⁴U Yohani ahinza, ukozya mulugwa nu kulumbilila ulozyo ulwa lupinduho ulwa kutetela imbivi. ⁵Insi yonti iya Yudeya na vantu vonti ava Mu Yelusalemu vahafuma nukubala ku kwakwe. pe vahozelwa na wuyo mwi jenje ilya Yolodani lwe vakuyilata imbivi zyavo. ⁶U Yohani azwaye ishizwalo isha masepe aga ngamila nu lamba uwi kwela ukulivilila umutenzi wakwe, pe uwene ahalyanga ava makanta nu vushi uvwa mu ntundu.⁷Uwene ahakumusya, ''wumo akwinza mwisinda mu mwane we ali na maha ukundusya ine, nu tukusa utwa nsapato zyakwe ntahondeye ukwinama pansi nu kusatula. ⁸Ine nkuvozya imwe na minzi, loli uwene alivozya imwe nu Mupepo uMufinjile,''⁹Izi zihavombwa mu masiku ge gala ge U Yesu ahinza ukufuma mu Nazaleti uwa mu Galileya, pe ahozelwa nu Yohani mwi jenje ilya Yolodani. ¹⁰Lye u Yesu akufuma mu minzi, pe ahenya imwanya zyigusile pe nu Mupepo ahiha ukwinza pa wuyo ngati nkunda. ¹¹Pe izwi lihinza ukufuma kumwanya, '' Iwe we Mwana wane umuganiwa. Ine nkuseshela nkani niwe.''¹²Pe uMupepo amutumile uwene ukuvala mulugwa. ¹³Pe uwene ali mulugwa amasiku 40, lwe akulingwa nu satana. pe uwene ali ni vinyamana ivya mwi sole pe na vahavizya vahamuvombelaga wuyo.¹⁴Ishi lwe u Yohani vamupinyile, u Yesu ahinza ku Galileya pakulumbilila ipangwi ilyinza ilya Mulungu. ¹⁵Uwene ahati, ''ahavalilo hafishiye, pe ishinamwene isha kumwanya shili papipi. Pindushi nu kusuvila ipangwi ilyinza.''¹⁶Lwe uwene akujenda muluvazu mwa sumbi uwa mu Galileya, pe ahamwenya u Simoni nu Andireya uwamwavo uwa Simoni vakusumbila ishilepa mwa sumbi, she avene vali vantu vakulema inswi. ¹⁷Pe u Yesu ahati kuvavo, ''Nzaji, ndandata ine, pe nandi imbapele imwe ukuva mwe avakulema avantu,'' ¹⁸Pe umwaluvilo avene vahavileha ivilepa vyavo nu kumulandata wuyo.¹⁹Lwe u Yesu akujenda pavutali hansi, uwene ahamwenya u Yakovo umwana wa Zebediya nu Yohani uwamwavo; avene vamile mwi voti vahagambihaga ivilepa vyavo. ²⁰Uwene ahavitizya venevo pe avene vahamuleha uyise u Zebediya mwi voti na vambombo ve avalanjiye, pe avene vamulandite wuyo.²¹Pe avene vahinza ku kapelinamu pisiku lya Sabata, u Yesu ahavala mwi sinagogi pe avamanyisizye. ²²Avene vahasukumila pa hamanyisizye hakwe, she uwene ahavamanyisyaga avene ngati wumo we ali nu vulamulili havili te ngati vasimbi.²³Pe pala umuntu we ali mwi sinagogi lyavo we ali ni mpepo inyazu ahaholela ahati, ²⁴Iswe tuli ni shoni isha kuvomba niwe, Yesu uwa mu Nazaleti? Iwe winza ukutunanganya iswe? Ine nkumanyile mwe uveleye. Iwe we mufinjile uwa Mulungu!'' ²⁵U Yesu ahayipilila impepo inkandamanu pe ahati, uve mya havili ufume mu mwakwe!'' ²⁶Impepo inyazu zihamusumba pansi pe yihafuma mu mwakwe lwe yikuholela kwizwi ipiti.²⁷Avantu vonti vahasukumila, pe avene vahavuzilizyanya woka nu wamwavo, ''Shoni shinishi? Kumanyisya ukupya nu vulamulili! Uwene akuzilajila ni mphepo inyazu vwelele pe zyope zikumwivwila wuyo!'' ²⁸Pe ipangwi ilya wuyo lihajenda monti na ku vigava vyonti ivya mu Galileya.²⁹Lwe vafuma mwi sinagogi, avene vahinza mu nyumba iya Simoni nu Andileya, vahalongozanya nu Yakovo nu Yohani. ³⁰Pe unyinavwala wa Simoni agonile avinile inzegema, pe avene vahamuvuzya u Yesu izya kuyana nawo. ³¹Pe uwene ahinza, ahamunyamula uwene pa inyove, nu kumunyamusya; pe inzegema yihamuleha uwene, nu kwanda ukuvavombela venevo.³²Ilya hamazuva lila lwe izuva lyinjila, avene vavalesite ku wuyo vonti ve vavinile pamo vevizuye ni mpepo inkandamanu. ³³Inkaya yonti yihavungana poka pa mulyango. ³⁴Uwene ahavapozya avinji ve vavinile imbina izya ku lehana lehana nu kupilila impepo inkandamanu, loli atahazyitishizya impepo ukuyanga pa mulandu izyene zyamumanyile.³⁵Uwene ahanyamuha inzanchi nkhani, lwe kushili kuli ishisi; uwene ahepa nukuvala kuvuzilo uvwa weka nu kwanda ukuputa. ³⁶U Simoni poka nave ali navo vahamulondolaga. ³⁷Avene vahamwaga pe vahati ku wuyo, '' Wonti akukulondola Iwe.''³⁸Uwene ahati, ''Leha iswe tuvale kuvunji, kunzi ku nkaya zye zituliviliye, kwe kuti Ine ningavala indumbilile kuko havili. We mulandu Ine ninzile uku.'' ³⁹Uwene ahavala mushigavo shonti isha Galileya, ukulumbilila muma sinagogi gavo nu kupilia impepo inkandamanu.⁴⁰Uwa mambombo ahinza kuwuyo. Uwene ahamulavaga wuyo; Ahasugamila pansi pe ahati ku wuyo, ''Inga iwe ukasime, unganzelufya ine.'' ⁴¹Ahamufwila uvwila, u Yesu ahagolosya inyove yakwe nu kumulema, ahayanga ku wuyo, '' Ine nkasime, Zelupaga.''' ⁴²Umwaluvilo, amambombo gahepa pa wuyo, pe uwene azelufile.⁴³U Yesu ahamusoha nkani pe ahamuvwezya. ⁴⁴Uwene ahayanga ku kwakwe, ''Uve pa vwanaloli utahayanje nashimo ku wumo, loli valaga, uyilanjizye weka ku muputi, havili ufumye nisha kuyizelufizya shaho she uMose ahavahomeshezya, ukuva lusimishizyo ku kwavo.''⁴⁵Loli uwene ahajenda pe ayanzite ukusasya amapangwi monti, pe isho shalesile ukuti u Yesu atahinjilaje mu nkaya apazelu loli uwene ahihalaga ku vuzilo uvwa kuvutali. Pope vwelele avantu vashili vakwinza ku kwakwe ukufuma monti.

¹Lwe uwene agalusile ku kapelinamu lye gajenzite amasiku mansi, zihivwiha ukuti uwene ali pa haya. ²Avinji vavungine kwe kula pe patali nu vuzilo navumo, nape pa mulyango vwelele, pe uYesu ahayanga izwi ku kwavo.³Pe avantu vahinza ku kwakwe ve vamunyamuye umuntu we ahataliye, avantu 4 vamunyaye uwene. ⁴Lwe avene vapositwe ukupalamila pa pakwe mulandu wa mpuga iya vantu, avene vahapangula pa musonje pa mwanya pa Yesu, lwe avene viguye vahisya ishitanda she umuntu we ahataliye agoneye papo.⁵Lwe ayenyizye ulwitiho lwavo, uYesu ahati ku muntu wula uwakumilila, ''mwana, imbivi zyaho zyatetelwa. ⁶''Ishi vamo ava Simbi vihaye pe pala, vahanda ukusivilila mu mwoyo gavo, ⁷''Umuntu uno angayanga vuli vuli uvunye? Akusamula! Wunanu we angatetela imbivi wu Mulungu weka?''⁸Umwaluvilo uYesu ahazyagania mu Mupepo wakwe zye vahasivaga mumwavo. Uwene ahati ku kwavo, ''shoni she mukusiva izi mu moyo ginyu? ⁹Shoni she shipepusile, ukuyanga ku muntu uwa kumilila, 'Imbivi zyaho zyatetelwa, ' pamo ukuyanga ukuti, 'nyamuha, senda ishitanda shaho, jendaga'?¹⁰Loli ukuyana nu luvatiho izi mwamile muzimanye ukuti umwana uwa muntu ali namaha munsi iya pansi aga kutetela imbivi, ''ahayanga kwa we ayumiliye, ¹¹''Ine nkuyanga kuliwe, nyamuha, senda ishitanda shaho, jendaga ku nyumba. ¹²''Ahayamuha mwaluvilo ahasenda ishitanda, nu kufuma pantanzi pa vonti, pe ponti vahasukumila nu kumupa uvupiti uMulungu, vahati, ''tutahatela twenye zimo inza vwevulo.''¹³Ahajenda havili muluvazu ulwa sumbi, pe impuga yonti yihinza ku kwakwe, pe ahanda ukuvamanyisya. ¹⁴Lwe akushilingania ahamwenya u Levi umwana wa Alufeyo ayihaye pi hema ilya vasonchezya musonko, pe ahamuvuzya, ''ndandata. ''ahanyamuha nu kumulandata wuyo.¹⁵UYesu lwe akulya ishakulya mu nyumba iya Levi pe ava sonchezya musonko na vatalamalandu vahalyanga poka nava sundikwa vakwe, she vali vinji ve vamulandite wuyo. ¹⁶Avene ava simbi ve vali va falisayi lwe vamuvonyi ukuti akulya nava sonchezya musonko na vatalamalandu, vahati kuva sundikwa vakwe, ''shoni she ukulya nava sonchezya musonko na vatalamalandu?''¹⁷Lye uYesu ayivuye zinizi uwene ahati ku kwavo, ''Avantu ve tevavinu vatakumwanzaga umuganga; loli veka avantu ve vavinu. Ine ntahinza ukuvita avantu avavagolosu, loli avatalamalandu.''¹⁸Ishi lelo ava sundikwa ava Yohani nava falisayi vahafungaga. Pe avantu vahinza nu kuyanga ku kwakwe, ''shoni she ava sundikwa ava Yohani nava sundikwa avava falisayi vakufunga, loli ava sundikwa vaho vatakufunga?'' ¹⁹UYesu ahati ku kwavo, vuzye ve visitwe kuvu kwati vangafunga lwe umwenesho uwa vukwati ashili ali navope? Pe umwenesho uwa vukwati ashili ali navope, avene vatangafunga.²⁰Loli amasiku gakwinza ge umwenesho uwa vukwati alisendwa ukufuma ku kwavo, pe mu masiku ago, avene valifunga. ²¹Nawumo we akusonaga ahenda ahapya pa mwenda umukali. Lumo ishigamba ishipya shingazepula umwenda umukali, pe ukuzepuha kukuva kukuvipa nkani.²²Nawumo we akuvihaga ipele ipya mu mafuku aga makwela amakali. Lumo inga zingava uvo ipele ilya mampensya lingapunsya amakwela pe vyonti ipele ilya mampensya na mafuku aga makwela vikunanjiha.Muvuzilo vwakwe, ipele ilya mampensya ipya vakuviha mu mafuku aga makwela amapya.''²³Pisiku ilya sabata uYesu ahadumunsania mu magunda aga nsanga , pe ava sundikwa vakwe vanzite ukuseva amatwe aga nsanga. ²⁴Pe ava Falisayi vahayanga vahati ku kwavo, ''Yenya, shoni she vakuvomba zye te lulajilo pisiku lya sabata?''²⁵Uwene ahati ku kwavo, ''mutahatela muvelenje zye u Devedi avomvile lwe uwene asovelilwe havili ali ni nzala - wuyo na vantu ve ali navo- ²⁶mwe uwene ayinjiliye mu nyumba iya Mulungu lwe u Abiyatha ali muputi umupiti, nu kulya umukate uwa kuvoneshela, lwe lutatali lulajilo ku wonti wula ukulya veka avaputi, havili ahavapa wumo vala ve ali nawo?''²⁷UYesu ahati, ''Isabata lihagombwa ku mulandu uwa muntu, te muntu ku mulandu uwa sabata. ²⁸Pe lelo, Umwana uwa muntu wu Mwene , nakwa Sabata vwelele.''

¹Pe uYesu ahinjila havili mwi sinagogi, mwe mwali umuntu we ayumiye inyove. ²Avantu vamo vahamwenyelezya nkani inga uwene angamupozya pisiku ilya sabata ukuti avene vave nizya kumususya wuyo.³U Yesu ahamuvuzya u muntu we ayumiye inyove, ''Nyamuha havili uyimilile pakasi pa vonti.'' ⁴Pe uwene ahayanga ku vantu, ''Lungava lulajilo ukuvomba inyinza pisiku ilya sabata pamo ukuvulazya; ukupoha uvulanzi pamo ukugoga?'' Loli avene vapumile.⁵Uwene ahavenyelezya pa pavo nu vuhalazu, havili ahayilizania pa mulandu uwa vugomu uvwa moyo gavo, pe uwene ahati ku muntu, ''golosya inyove yaho,'' Uwene ahayigolosya, pe inyove yakwe yihapola. ⁶Ava Falisayi vahafuma pe umwaluvilo vahanda ukumulondola ni mpuga iya Herodi mwe avene vangamugojela.⁷Pe uYesu, nava sundikwa vakwe, vahavala kwa sumbi, pe impuga impiti iya vantu yihamulandata ukufuma mu Galileya na mu-Yudeya ⁸na mu-Yerusalemu na mu-Idumeya na mwisyila ilya Yolodani ukuzyungulila u Tilo nu Sidoni. Lwe avene vivuye izya vintu vye uwene ahavombaga, impuga impiti yihinza ku kwakwe.⁹Uwene ahavavuzya ava sundikwa vakwe ukuti vasenganie nzila ivoti ilinsi pa mulandu uwa mpuga, ukuti avene vatahatutanaje nawo. ¹⁰She uwene avapozizye avinji, kwe kuti na wonti wula we ali nu vuvavu ahayikungulaga ukufiha pa pakwe ukuti amupalamansye.¹¹Ahavalilizyo honti he impepo inkandamanu zyamwenya, zihagwanga pansi pilongolela lyakwe nu kuholela, pe izyene zihati, ''Iwe we mwana uwa Mulungu.'' ¹²Uwene ahazilajila nkani ukuti zileshe ukumutambula.¹³Uwene ahazuva kwi gamba, nu kuvitizya vala ve ahavanzaga, pe avene vahinza ku kwakwe. ¹⁴Pe ahavasala 12 (ve uwene avisite vapositili) ukuti avene vangava nawope havili angavatuma venevo ukulumbilila izwi, ¹⁵nukuti vave nu vulamulili uvwa kupilila impepo inkandamanu. ¹⁶Pe ahavaseva 12: U Simoni, wula we amupiye izina u Peteli;¹⁷U Yakovo umwana uwa Zebediya, nu Yohani umukulu uwa Yakovo, wula we amupiye izina uBonajezi, lye likuti, avana ava kujilima; ¹⁸nu Andireya, nu filipu, nu Batolomeyo, nu matayi, nu Tomasi, nu Yakobo umwana uwa Alufeyo, nu Tadeyo, nu Simoni umu Ziloti, ¹⁹nu Yudasi isikalyoti, we akwinza ukumulonjelela wuyo.²⁰Pe uwene ahavwela kuhaya, ni mpuga yihinza poka havili, she zyali zyakuti avene vatahalye nawe mukate. ²¹Lwe ava munyumba yakwe vivuye izi, vahafuma kunzi ukumulema, she avene vatili, ''Apungine.'' ²²Pe ava simbi ve vafumile ku Yelusalemu vatili, ''Uwene ali nu Belizebuli'' havili ''ukujendela kwa mulongozi uwa mpepo akuzifumya impepo inkandamanu.''²³U Yesu ahavitizya venevo nu kuvavuzya ku viholanio, ''Buzye u Satana angamupilila u Satana?'' ²⁴Nanti ishinamwene shingagavinkana nuku vushilana sheka, ishinamwene shila shitangimilila. ²⁵Nanti inyumba yingagavinkana nukuvushilana yeka, inyumba yila yitahondeye ukwimilila.²⁶Nanti u Satana angayivushila wuyo weka pe akugavinkana, uwene atahondeye ukwimilila, loli kwe kuti asila. ²⁷Loli nawumo we anginjila mu nyumba iya muntu uwa maha nuku mwivila ivyakwe nanti atangandila amupinye uwa maha uyo, pe uwene akumufyula ivya mu nyumba yakwe.²⁸Nalyoli ine nkuvavuzya imwe, uvutalamalandu vonti uvwa vana ava vantu vulitetelwa,na zila zyonti izya musamu zye vahazitambulaga, ²⁹''loli uno wonti we akumusamula u Mupepo u Mufinjile we atalitetelwa nalumo, loli aliva nuvutalamalandu uvwa shima na shima.'' ³⁰U Yesu ahayanga ishi pa mulandu avene vahatinji, ''Uwene ali ni mpepo inyazu.''³¹Pe u mama wakwe na vamwavo vinzile nu kwimilila kunzi. Avene vahatuma ku kwakwe, pa kumwitizya. ³²Impuga yihaye ukumuzyungulila wuyo pe avene vahati ku kwakwe, ''Umama waho na vamwinyu vali kunzi, avene vakukulondola iwe.''³³Uwene ahavamula venevo, ''Ve vawenu veve vamama havili vamwitu?'' ³⁴Uwene ahenyelezya pa vala ve vihaye ukumulivilila wuyo pe ahati, ''Yenya, apa pe pali umama wane na vamwitu! ³⁵She wonti we akuvomba ukwanza ukwa Mulungu, umuntu we wula we wamwitu, muyemba, havili wu mama.''

¹Uwene ahanda ukuvasambilizya havili muluvazu ulwa sumbi, pe impuga impiti yihamuzyungulila wuyo. Pe uwene ahadomoshela mwi voti lye lyali pa sumbi, pe ahihala mumo. Impuga yonti yali muluvazu ulwa sumbi. ²Uwene avamanyisizye ivintu ivwinji muviholanio, na muvimanyisyo vwakwe, izi zye aziyanzile ku kwavo.³''Yivwa! u Mulimi ahavala ukupesa imbeyu zyakwe. ⁴Lwe uwene akupesa, imbeyu zimo zihagwila mwidala, pe iviyuni vyinzile nukuzimilula zyenezyo. ⁵Imbeyu izyamwavo zihagwila pi yalavwe, pe patali itope ilyinji. U mwaluvilo zihumila, pa mulandu apene patali itope ilyinji.⁶Loli lwe izuva lifumile, pe imbeyu zihafoha, pa mulandu zitamile nama gululuzi, pe izyene zihumila. ⁷Imbeyu iyamwavo yihagwila pa mimva. Amakwi aga mimvwa gahakula pe gahazifyolongania, pe izyene zitahahoma insanga.⁸Imbeyu izinji zihagwila pi tope ilyinza pe zihamela zihakula havili zihavula nu kuva nyinji zye zyali 30, 60, nukupitilila 100.'' ⁹Pe uwene ahati, ''Uno we inga ali na makutwi aga kwivwila, leha uwene ayivwe!''¹⁰Lwe u Yesu ali weka, vala ve vali kupipi nawo poka na vala 12 vahamuvuzilizya wuyo ivya viholanio. ¹¹Uwene ahati ku kwavo, ''Kulimwe vipelilwe ivya ku kwilu ivya shinamwene isha Mulungu. Lole ku vakunzi vyonti vili mu viholanio, kwe kuti lwe inga avene vakwenya, mwemumo vakwenya, loli vatakwenya, ¹²havili kwe kuti lwe avene vakwivwa, mwemumo avene vakwivwa, loli vatakuzimanya, pamo avene vangapinduha pinduha pe u Mulungu angavatetela venevo.''¹³Uwene ahati ku kwavo, ''Buzye imwe mutashimanyile ishiholanio ishi? Pe imwe mulivimanya vuli vuli iviholanio vyonti?'' ¹⁴Uhapesa ahapesaga izwi. ¹⁵Aga ge gamo ge gagwiliye munzila, kwe vapesile amazwi . Lwe avene vivwa, umwaluvilo usetano ahinza nukusenda amazwi ge vapesile mu mwavo.¹⁶Pe izi zye mbeyu zye vapesile piyalavwe; ava, lwe vivwa izwi, umwaluvilo vakuliposhela nuluseshelo. ¹⁷Lole vatali ni gululuzi mu mwavo, pe vakujimbilila pahavalilo hansi. Pisinda lwe ukuyimba pamo ukuvwimwa kwanyamuha pa mulandu uwizwi, avene umwaluvilo vakugwa.¹⁸Zilipo izyamwavo zye vapesile mu mimva. Ava ve vala ve vakwivwa izwi, ¹⁹Loli vakusajila ivya munsi nukuhopekwa nishuma nu kunyonywa ivintu ivyinji vye vikwinjila mukasi nukubuda izwi, pe litakuhoma insanga. ²⁰Zila zye vapesile pitope ilyinza vevala ve vakwivwa izwi, vakwitishizya nukuhoma ishihomwa 30, 60 nape hangava 100 ukupitilizya.²¹Uyesu ahayanga navo ahati, ''vuzye mukuvihaga inyali munyumba lwe mukupishiye mushiseje pamo mukubihaga muntende mushitala? Mukwinjilaga nayo nu kwihazya pashisajishilo. ²²Nashimo she shivwamile she shitalimanyikwa, havili nashimo isha ku kwilu she shitaliyinza apa zelu. ²³Uno we inga ali na makutwi aga kwivwila leha uwene ayivwe!''²⁴Uwene ahayanga navo, ''Tejelezya ku zye imwe mukwivwa, ishipimo she imwe mukuvombela she valivapimila imwe, ni vinji valiyonjezya kulimwe. ²⁵Mulandu uno we ali navyo, ku kwakwe kulipewa ivyinji, havili uno we atalinavyo, navye ali alinavyo valimufyula.''²⁶Uwene havili ahati, ''Ishinamwene isha Mulungu shiholine nu muntu we akupesa ulusanga lwakwe mwi tope. ²⁷Uwene akugonaga pa vusiku havili akunyamuha pa musanya, pe ulusanga lukumelaga havili lukukulaga, nashe uwene atakumanyanyaga mwe zikuvelaga. ²⁸Insi yikufumyaga insanga yiyo yeka: ishavwandilo mulemvwi, pe makutwi, pe insanga zye zigomile zye zikuva mu makutwi. ²⁹Lwe ishihomwa shatona, uwene umwaluvilo akutuma ishakuvunila, pa mulandu imvuno yifisile.''³⁰Havili uwene ahati, '' Ku shoni she iswe tungaholania ishinamwene isha Mulungu, pamo shiholanio vuli she iswe tungavombela pa kushilingania shenesho? ³¹Ishene shilingati hasanga ahamuzimwa, he, lwe ahene vahapesile, hansi nkani ku nsanga zyonti izya munsi. ³²Nashe, lwe ahene vahapesile, pe hakukulaga havili hakwinzaga ukuva hapiti nkani ukulusya ivya kumela vyonti mu mugunda, pe ahene hakugombaga insamba impiti, kwe kuti iviyuni ivya ku mwanya vikugomba ivisalanzo vyavo mu hazundila hakwe.'' ³³Ku viholanio ivyinji ngati ivi uwene ahayanga izwi ku kwavo, lwe avene vakujendelela ukuzimanya, ³⁴pe uwene atahayangaga ku kwavo shisita iviholanio. Loli lwe uwene ali weka, uwene ahalingania ivintu vyonti ku vasundikwa wakwe.³⁵Pi siku lila, lwe ahamazuva hinzile, uwene ahati ku kwavo, ''Leha iswe tulovoshe tuvale uluvazu ulunji.'' ³⁶Pe avene vahayileha impuga, vahamusenda u Yesu poka vavo, she uwene ali hali, mwi voti. Kula kwali amavoti aganji ge galongozinye poka nawo. ³⁷Pe inkungu impiti nkani iya muvwalanga yihanyamuha, na mavilingwa ganzite ukwinjila mwi voti kwe kuti ivoti lyapalamiye ukwizula na minzi.³⁸U Yesu umwenesho ali ku shigavo isha kwisinda ishi voti, agonile pa shakutunyulila. Pe avene vahamunyamusya, vahati, ''Manyisi, buzye iwe utakupasya ukuti iswe tuli papipi ukufwa?'' ³⁹Uwene ahanyamuha, ahayipilila inkungu, havili ahati kwa sumbi. ''Pumaga! uve mya!'' Pe inkungu yalesile, havili kwali ukutehama ukupiti nkani.⁴⁰Pe uwene ahati ku kwavo, ''Shoni she imwe muli ni lyoga? Buzye mushili mute nu lwitiho?'' ⁴¹Avene vizuye ni lyoga ipiti nkani havili vahati ku woka nu wamwavo, ''Uno we wuwenu, mulandu naye nkungu vwelele nu sumbi vikumwivwila?''

¹Avene vahinza ku luvazu ulunji ulwa sumbi, ku shigavo isha Gelaseni. ²Lwe uYesu akufuma mwi voti, umwaluvilo kula ahinza umuntu ukufuma ku mbipa we mpepo inyazu.³Umuntu wula ahihalaga ku mbipa. Atalipo nawumo uwa kumukunga, nage manyololo vwelele. ⁴Uwene mutuvalilo utwinji vahamupinyaga ni mpingwi na manyololo. Uwene ahadumulaniaga amanyololo ni impingwi zyakwe. Atalipo nawumo we ali namaha aga kumupotela.⁵Uvusiku vonti nu musanya ahalindaga ku mbipa namu magamba, ahaholelaga nu kuyivola weka na mavwe amahozu. ⁶Lwe uwene amwenya uYesu pavutali, ahashimbilila ku kwakwe nu kusugamila pansi pilongolela lyakwe.⁷Uwene ahaholela kwi zwi ipiti, ''Buzye ine ndinishoni ishakuvomba niwe, Yesu, mwana uwa Mulungu umulusyi? Ine nkukulava iwe mwa Mulungu wuyo weka, atahanjimvye ine.'' ⁸She uwene ahayangaga ku kwakwe, ''Fuma mu muntu, we mpepo inkandamanu.''⁹Uwene ahamuvuzilizya wuyo, ''Buzye izina lyaho we wenu?'' Uwene ahamwamula, ''Izina lyane ne mphuga, she iswe swe vinji.'' ¹⁰Uwene ahamulambilizya havili havili uYesu ukuti atahazishimbizizye kunzi ku shigavo.¹¹Ilelo pali idimilo ipiti ilya nguluve lyali kula lihalyanga mu hagamba , ¹²pe izyene zihamulava zihati, ''Tutumaje iswe mu nguluve; leha iswe tuzyinjile zyenezyo.'' ¹³Pe uwene ahazyitishizya; Impepo inyazu zihinza zyafuma nu kwinjila mu nguluvu, pe izyene zihashimbila ukwiha ku lwiha ulwa hagamba nu kwinjila mwa sumbi, pe inguluve ukupalamila 2,000 zihadwiva mwa sumbi.¹⁴Pe vala ve vahalisyaga inguluve vahashimbila nu kuyanga zyonti zye zivomvilwe mu nkaya na muluvazu ulwa nsi, pe avantu vahavala ukwenya zye zivomvilwe. ¹⁵Lwe avene vinzile kwa Yesu pe vahamwenya umuntu we amile ni mpepo inkandamanu, we ayizuye ni mpepo iya mpuga, ayihaye pepala, azwaye havili ali ni nsivo zyakwe ingolosu; pe avene vamunyizile.¹⁶Vala vonti ve venyizye zye zyavomvilwe ku muntu uwa mpepo - inkandamanu vahavabuzya avene umwa kuzilingania ahinza, havilinye avene vavavuzizye nizya nguluve. ¹⁷Pe avene vanzite ukumulava ukuti ayepe mu shigavo shavo.¹⁸Lwe uwene akuzuva mwi voti, umuntu uwa mpepo - inkandamanu ahamulava ukuti avanje nawo. ¹⁹Loli u Yesu atahamwitishizya uwene, loli ahati ku kwakwe, ''Valaga ku nyumba yaho na ku vantu vaho uvavuzye zye u Mwene akuvombeye iwe, havili nashe uwene akwenyezizye uvwila iwe.'' ²⁰Pe uwene ahepa nu kuvala mu Dekapoli ukukumusya ivintu ivipiti vye uYesu amuvombeye, pe vonti vasukumiye.²¹Ilelo lwe u Yesu alamvile havili ku luvazu ulunji mwi voti, impuga impiti yavungine ukumuzyungulila wuyo, lye ali kuluvazu ulwa sumbi. ²²Pe woka usongo uwa mwi sinagogi we izina wu Yayilo ahinza, pe lwe amwenya uwene, ahagwa mu vinama vyakwe. ²³Uwene ahalambilizya nkani, ahati, ''Umwana wane umulindu ali papipi ukufwa. Ine nkukulava, winze umuvishe inyove zyaho papakwe ukuti uwene angava ahinza nukuva mupuma.'' ²⁴Pe uwene ahajenda nawo, ni impuga impiti yihamulandata uku yikututana mupipi ukumuzyungulila wuyo.²⁵Ilelo pe pamile umwantanda wumo we ahatonyanga ivanda ku maha 12. ²⁶Uwene ayimvile nkani ku vaganga ve vinji ahataga ivintu vye vyinji vye ali navyo, loli mu vuzilo vwakwe uvwa kuva ahinza uwene ahajindelela ukuvina. ²⁷Lwe uwene ayivuye ipangwi ilya Yesu, ahinza kunsizi iyakwe mu mpuga nu kumupalamansya amwenda wakwe.²⁸She uwene atili, ''Inga ine ningapalamansya ge menda gakwe vwelele, ndipola.'' ²⁹Lwe uwene amupalamansizye wuyo, ivanda lyalesile ukutonya, pe uwene ahayivwa mumuvili wakwe ukuti apozile ukufuma ku vuvavu vwakwe.³⁰Uyesu umwaluvilo ahazimanyinsania wuyo weka ukuti amaha gefile ukufuma mu mwakwe. Uwene ahagalunkana nu kuzyungulila impuga pe ahati, ''Wuwenu apalamansya amenda gane?'' ³¹Avasundikwa vakwe vahati ku kwakwe, '' Yenya impuga ino she yititinkine ukukuzyungulila iwe, pe iwe ukuti, Wuwenu ampalamansya ine?'' ³²Loli u Yesu ahenyelezya ukuti ayenye we avomba zinizi.³³U mwantanda, ukuzimanyinsania zye zyavovilwe ku kwakwe, ahogopa nu kutetema. Uwene ahinza nu kusugamila pilongolela lyakwe pe ahamuvuzya uvwa nalyoli vonti. ³⁴Uwene ahati ku kwakwe, ''Mulindu, ulwitiho lwaho lwakupelela iwe ukuva ahinza. Jendaga nu mutende havili upolaje ukufuma ku vuvavu vwaho.''³⁵Lwe uwene ashili akuyanga, vamo avantu vahinza ukufuma kwa mulongozi uwi sinagogi, vahati, ''Umwana waho umulindu afuye. Shoni she ushili ukumutamya umu manyisi?"³⁶Lwe uYesu ayivwa nkani amazwi ge vayanzile, ahati kwa mulongozi uwi sinagogi, ''Utahogope. Suvila vwelele.'' ³⁷Uwene atahamwitishizya nawumo umuntu ukuyisangania nawo weka u Peteli, nu Yakovo, nu Yohani, umukulu uwa Yakovo. ³⁸Avene vahinza kunyumba iya mulongozi uwi sinagogi, pe uwene kula ahenya avantu vakuzuma nkani ishongo; avene vahalilaga nukuyilumbusya nkani .³⁹Lwe uwene ayinjiye mu nyumba, ahati ku kwavo, ''Shoni she musungime havili shoni she mukulila? Umwana atafuye loli asyupiliye.'' ⁴⁰Avene vahamuseshela. Loli avafumizye vonti kunzi pe ahamusenda uyise uwa mwana nu nyina na vala ve vali poka navo, pe vahinjila kwe kwali umwana.⁴¹Pe ahasenda inyove ya mulindu nukuyanga nawo ukuti, ''Talitha, kumi!'' kwe kuti, ''We halindu, nkukuvuzya, nyamuha.'' ⁴²Mwaluvilo ahalindu hahanyamuha nukujenda (pakuti hali na maha gakupapwa 12). Mwe pe vahatetema nu kusukumila nkani. ⁴³Uwene ahavahomeleshezya nkani ukuti nawumo we azimanye zinizi. Ishi pe ahavavuzya ukutivamupanje shimo ishakulya alye.

¹Uwene ahepa ukufuma kula nu kwinza mu nkaya yakwe, pe ava sundikwa vakwe vahamulandata. ²Lwe ilya sabata lyinzle, uwene ahavamanyisyaga mwi sinagogi. Avantu avinji vivuye pe avene vasukumiye. Vatili, ''Avyazile kwi ivimanyisyo vinivi?'' ''Njele vuli zinizi zye zipezilwe ku kwakwe?'' ''Mafindango vuli ganaga ge akuvomba ni nyove zyakwe?'' ³Vuzye uno te mupala matabwa, umwana uwa Maliya uwamwavo uwa Yakovo nu Yosesi nu Yuda nu Simoni? Te vayemba vakwe ve tuli navo panapa?'' Pe avene vahapunula ni zya Yesu.⁴Pe uYesu ahavavuzya ahati, ''Umukuvwi atakushindamaga mweka munkaya yakwe, naku vajenzi vakwe nava mu nyumba yakwe.'' ⁵Atali wakuvomba yimo imbombo iya maha, kweka ukuvaviha inyove avantu ve vavinile vansi nu kuvapozya. ⁶Pe uwene asukumiye pa mulandu uwa kusita kusuvila kwavo. Pe ahavala mutwaya tonti twe twazyunguliye ukuvamanyisya.⁷Pe uwene ahavita 12 nu kwanda ukuvatuma vavili vavili, nu kuvapa uvulamulili uvwa kuzipotela impepo inkandamanu, ⁸nu kuvalajizya ukuti vatahasende nashimo isha kujenda nasho pa vulendo vwavo, yeka ye ndisa - pamo umukate, pamo ifuku, na zye ndalama mu malamba ginyu - ⁹Loli muzwale insapato, pe mutahazwale inkanzu zivili.¹⁰Uwene ahayanga ku kwavo, ''lwe imwe mwinjila mu nyumba, muhihale mumo ukufiha pe mulifumaga mumo. ¹¹Nanti inkaya ye yitinza yavaposhela nu kuvatejelezya imwe, lwe mukufuma muvuzilo uvo, muhakunyunte ulusuto ukufuma ku vinama vyinyu ukuva lusimishizyo ku kwavo.''¹²Avene vahafuma vahajenda ukulumbilila izya lupinduho ku vantu. ¹³Pe vahapilila impepo inkandamanu inyinji, nukuvapahazya amafuta avavinu avinji nu kuvapozya.¹⁴Umwene u Herodi ahazivwa zinizi, she izina ilya Yesu lihinza lyamanyikwa ahinza. Vamo vahayangaga, ''UYohani we ahozyaga azyusile kuvafwe, we mulandu amaha aga mafindango gakuvombaga mu mwakwe.'' ¹⁵Vamo avinji vahati, ''Angavanga wu Eliya.'' Vope avanji vahati, ''uwene mukuvwi, ngati woka mu vakuvwi ava havalilo aha hali.''¹⁶Lwe uHerodi ayivuye zinizi uwene ahati, ''UYohani, we nkamudumula itwe, angavanga azyusile.'' ¹⁷Pe uHerodi ahatuma avakumulema uYohani pe vahamwigalila mujela pa mulandju uwa Herodiya ( umuha wamwavo umushi uwa Filipi), mulandu uwene amusenzite.¹⁸Pe uYohani ahamuvuzya uHerodi, ''Zitakwitishizilwa iwe ukuva nuwaha wamwinyu.'' ¹⁹Nkandi uHerodiya ahamuhalalila pe ahanzaga ukumugoga uwene, loli ahapotwa, ²⁰Pakuti uHerodi ahamunyilaga uYohani; amumanyile ukuti muntu mugolosu nu mufinjile, pe ahamusungaga ahinza. ukumutejelezya wuyo kuhamuhalazya nkanki, nashe amutejelezizye nuluseshelo. ²¹Pe lihinza isiku ilyinza lwe u Herodi ahaseshelelaga impapwa yakwe uwene avasenganizizye ishakulya isha hamazuva avasongo vakwe na valwa vulugu na valongozi ava mu-Galileya. ²²Umwana umulindi uwa Herodiya ahinza mumo ahavimbila, ahamuseshelezya nu Herodi navashakulya shahamazuva. Umwene ahayanga kumulindu, ''unduve shonti she ukwanza nine nandi inkupe.''²³Ahamulapila kuvuyanzi vwakwe, ''shonti she walava ndikupa , ukufiha pakasi ukwa vumwene vwakwe.'' ²⁴Uwene ahafuma kunzi ahayanga kwa nyina ahati, ''Indave shoni kukwakwe?'' uwene ahati, ''Itwe ilya Yohani Umozyi.'' ²⁵Mwaluvilo ahashimbila ukugalushila kwe kwali umwene, ahalava, ahayanga, ''nkwanza iwe umpe, ine shinishiatwe lya Yohani we ahozyaga musahani yikwi.''²⁶Pe uwene ahaswimililwa nkani, ahapotwa nukumuhanila zye amulavile pakuti afinzile napa shifukwa shashakulya shavajeni ve avisite. ²⁷umwene ahamutuma umusilikali ukufuma pe ayimiliye ahamulamulila ukuleta itwe lya Yohani. ²⁸Ahaleta itwe lyakwe musahani yikwi ahamupa umulindu, wope umulinduahamupa unyina wakwe. ²⁹Ilelo lwe avasundikwa vivuye zinizi, vahinza ukusenda umuvili wakwe vahamuviha mumbipa.³⁰Pe avapositili vahinza vavungana poka nu Yesu vahamuvuzya zyoti zye vavomvile nazye vahamanyisya. ³¹Pe ahayanga navo, ''Mufume mwemwe mwekanukwinjila muvuzilo uvwa kwikwilu mutuzye ahavalilo hansi.'' She avinji vahinzaga nukujenda, vatali nahavalilo ahakulyela. ³²Pe vahalamba muvwato vahavala kuvuzilo uvwa kukwilu ulya vavo veka.³³nkandi avinji vahavenya lye vakwela pe vahavamanya,pe vahashimbilila ukufuma munkaya zyonti, ukuvala ukufiha kuko kwe vali lwe vashili avene. ³⁴Lwe afiha kushipuma ahenya impuga impiti ya vantu. Pe ahavivwila uvwila she vali fwe ng'onzi zye zite numudimi. Pe ahanda ukuvasambilizya ivintu ivyinji.³⁵Lwe ahavalilo hajenda, ava sundikwa vakwe vahinza vahati, ''Umu mwe mulugwa hope ahavalalizyo hajenzite hali. ³⁶Uvavwezye ukuti vavale kunsi zyamwavo namunkaya zyavo zye vapalamine nazyo ukuti vakale ivyakulya vyavo.''³⁷Umwene ahamula ahati, ''Mwenemwe muvapanje vimo ivyakulya.'' Avene vahati, ''Tungavala tuvakalile ivyakulya kwa 200 dinali, ye yikukwila amakate nukuvapa vavo valyanje?'' ³⁸Uwene ahavavuzya, ''Muli n amakate galinga? valaga mwenye.'' Lwevenyizye vahagaga amakate 5 ninswi zivili.³⁹Ahavavuzya avantu vonti tendamipansi mumpuga pa mulemvi wisole. ⁴⁰Pe vahatendama pansi mumpuga 100 na 50. ⁴¹Ahasenda amakate 5 ninswi zivili, pe ahenya kumwanya ahavisaya pe ahamensula amakate nukuvapa ava sundikwa ukuti vapanje avantu. Hasvili ahagavania inswi zivili kuvavo vonti.⁴²Vahalya mpaka pe vikuta. ⁴³Vahavunganiha amakate gonti ge vamensuye, ukwizula iviseje 12, nutusyi utumenyunanie. ⁴⁴Vali avantu 5,000 vevaliye amakate.⁴⁵Mwaluvilo ahavavuzya ava sundikwa vakwe ukuti vazuve muvwato ukulongolela kuntanzi nukulamba ukuvala kwisyila lya Besayida, lwe ayivwezya impuga. ⁴⁶Ilelo lwe alehana navo, ahazuva pigamba pakuputa. ⁴⁷Uvusiku vuhafiha, pe uvwato vwali pakasi pa sumbi, uwene ali weka kwisyila lila.⁴⁸Pe ahenya vakulimbana ninkungu pa sumbi, she inkungu yihatutaga. Kumasho ga vusiku lwe afiha kuvavo, ahajendaga pa sumbi pe ahanzaga ukuvapitilila. ⁴⁹Lwe vamuvonyi akujenda pa sumbi, vahasiva ukuti shizyuha pe vahakuta. ⁵⁰mlandu lwe vamwenya zihavatamya. Mwaluvilo ahayanga navo ahati, ''simujimbaje! Nene! Mutahanyile!''⁵¹Ahatendama mu vwato poka navo, pe inkungu yihapuma pe zihavasukumizya nkani. ⁵²Nkandi vatahazyaganiaga she amakate gahasulaga. MUlandu, vagomizye amoyo gavo.⁵³Ilelo lye valamvile, pe vahavala ukufiha munsi yamu Genesareti kwe vahejeha umwato kushipuma. ⁵⁴Ilelo lwe afumile mu vwato, a antu vahamumanya mwaluvilo, ⁵⁵vahashimbila ukuzyungulila mwe ivigava vwavo vyavaliye pe vahavaleta avavinu pavitala vyavo kuli kontki kwe amile.⁵⁶Mwonti mwe ahinjilaga mutwaya, munkaya, na munsi, vahavavihaga avavinu kuvuzilo vwa kukazizya. Vahamalaga ukuti valeme inkanzu yakwe kunsongo, vonti ve vahalemaga vahapolaga.

¹Ava Falisayi na vamo ava simbi vahinza ukufuma ku Yerusalemu vahavungana nukumulivilila wuyo.³Vahavenya vamo ava sundikwa vakwe umukate nukusita kugeza munyove zye zyali nyazu, zye, vatagezile. ²( Ava Falisayi navonti ava Yuda batahalyanga peka peka nanti vageza munyove zyavo, pashifukwa vahalandataga ulwiho lwava songo. Lwe ⁴ava Falisayi vavwela kufuma kuvuzilo uva kukazizya, vatahalyanga peka peka vageze avenesho, she vahalemaga ivintu ivyinji vye vahaposhelaga, inza ngati, ivyakozezya ivikombe, Insonta, ivya kufuma ku kopa, pe nivitengo vye vahihalilaga papo lwe vakulya.)⁵Ava Falisayi nava simbi vahamuvuzilizya uYesu, ''Shoni she ava sundikwa vaho vatakulandata namwe amiho gava songo gaveleye, loli vakulya umukate lwe vatagezile munyove?''⁶Pe ahati kuvavo, ''Uyesaya ahakuvwa ishete kwimwe mwe vashifumbo. Ngati mwe zyasimbilye, 'Avantu ava vakhunchindiha ine nage malomo gavo, loli amoyo gavo gali ukutali nine. ⁷Imputo zye zitali nashimo zye vakumpa ine,vakumanyisya inkomelezyo izya vantu ngati vimanyilo vwavo.'⁸¹⁰Muzilesile inkomelezyo zya Mulungu pe mukulema luvilo amiho ga vantu.'' ⁹Pe wope ahayanga kuvavo, 'Shinza shoni she mungahana indajilo zya Mulungu nukusunga amiho ginyu! Umose ahati, 'Mushindishe ubaba nu mama; pe, 'Uno we akuyanga uvuvivi uvwa baba nu mama wakwe mwemumonye alifwa.'¹¹Loli imwe mukuti, ''Inga umuntu akuyanga kwa baba nu mama, ''Nape vangavavwa imwe muha poshele ukufuma kuli ine Kolobani''' ( lye likuti mupeliwe kwa Mulungu), ¹²Ishi imwe mutahamwitishile uwene ukuvomba nashimo kwa baba nu mama wakwe. ¹³Mukupanga amazyi ga Mulungu gamwalwe ukuya na miho ginyu ge mugalemile vwinji vwe viyanine navwe mukuvomba''¹⁴Ahitizya impuga sona pe ahati kuvavo, ''Nivwisye ine, mwevonti imwe, pe mwivwisye. ¹⁵Navimo ivwa kunzi vita kumuhandamaniaumuntu lwe vikwinjila mukasi mumwakwe loli vye vikufuma kunzi vyevikunanga umuntu.'' ¹⁶Uno we ali namakutwi agakwivwila, we ayivwa.¹⁷Ishi lwe uYesu ayepa pampuga nu kwinjila munyumba, ava sundikwa vakwe vahamuvuzilizya ukuyanana niviholanio. ¹⁸Uyesu ahati, ''Imwe mushili vulo pakuzimanyinsyania? Ka imwe mutakwenya ukuti vwonti vwe vikwinjila mu muntu vwe vikufuma kunzi vye vitangamuhandamania wuyo, ¹⁹shifukwa vitakuvala mukasi mumoyo wakwe,loli vikuvala mulyanda lyakwe pe havili vikufuma nukuvala kwa zyenje?'' Muhayanjile hanaha uYesu ahafumusya ukuti ivyakulya vyonti vyinza.²⁰Ahati, ''Nkandi zye zikufuma mukasi mu muntu zye zikumuhandamania wuyo. ²¹She muli wuyo umuntu, ukufuma mukasi mumoyo, mwe zikufuma insivo imbivi, numwamalaya, nuvwiva, nuvugozi, ²²nuluvembu, nimpapilo, nuvuvivi, nilenga, nuvuluvu, nahafwishi, numusamu, amadinko, nuvuwelewele. ²³zyonti imbivi zinizi zye zikufuma mukasi, zye zingamuhandamania umuntu.''²⁴Pe ahanyamuha nukuvala mushigava isha Tili nisha Sidoni. Mwe ahinjila munyumba, atahanzaga nawumo azimanye kwe ali, loli ataha vwamaga. ²⁵Umwaluvilo we amali nu mwana umulindu uwa mpepo inkandamanu ahivwa izya wuyo pe ahanyamuha nukugwa muntende muvinama vyakwe. ²⁶Uwene umwantanda ali Mu-Giliki, afumile muluho lwaVasilofoyinike. Ahamulava wuyo ukuti apilile impepo inkandamanu ukufuma mumwana wakwe umulindu.²⁷Ahayanga kuli wuyo, ''Muvalyesye tasi avana valye. She tehinza ukusenda umukate wa vana nukusumbila utuvwa.'' ²⁸Pe ahamula ahati kuli wuyo, ''zyanalyoli, Mwene, tope utuvwa tukusevaga utuvuluvusya twe tukugwa pa meza ya vana.''²⁹Ahayanga kuwuyo, ''Shifukwa pakuti wayanga zinizi, we musatushe pakujenda. Impepo inkandamanu zyafuma mumwana waho umulindu. ³⁰Pe ahagaluha kunyumba yakwe nukumwaga umwana wakwe alambalaye pashitala, nimpepo inkandamanu zifumile.³¹Pe havili ahepa mushigavo sha Tili, ahajenda iyamu Sidoni iya pa sumbi wa Galilaya mpaka mushigava sha mu Dekapoli. ³²Pe vahamuleta kukwakwe ukutwi we ali havili wu bubu nukumulava wuyo ukuti avishe inyove yakwe pawuyo.³³Ahamusenda wula paluvazu ukufuma pampuga kukwilu, ahamuviha inyove mumakutwi, pe ahaswila amati nukumupalamansya palulimi lwakwe. ³⁴Pe ahenya kumwanya, ahalwilwita, nukuyanga kuwuyo, ''Efifata,'' Lwe likuti, ''Yiguha!'' ³⁵Aponye amakutwi gakwe gahiguha, nululimi lwakwe lwe lwapinyiwe luhasatuha, nukwanda ukuyanga ishete.³⁶UYesu ahavalamula venevo ukuti vatahavuzye nanti wumo wumo. Lye avalamuye venevo, pe vahonjezya ukuzikumusya . Ukuva vulwani kuli wuyo. ³⁷Pe vahasukumila nkani, vahati, ''anonolizizye zyonti ishete. Avakutwi akuvapelela ukwivwa na vashinunu ukuyanga.

¹Mumasiku gala, hamili kwamile impuga impiti, vatamile ni shakulya. Uyesu ahavit ava sundikwa vakwe pe ahati, ²''Nkuyivwila uvwila impuga she vihala insiku 3 she vatalihye nashimo. ³Nanti nava vwezya kumwavo pe vataliye,vagaziliha mwidala. Vamo vafumile kuvutali.'' ⁴Avasundikwa vahamula, ''Kwekwi kwe tugagaga amakate munkaya iya lugwa aga kuvalela vonti vanava?''⁵Ahavavuzilizya, ''galinga amakate ge muli nago? Pe vahati, ''7.'' ⁶Ahavavuzya avantu impuga yonti simutendame pansi. Ahasende amakate 7, ahasalifya, nukumensula tunsi tunsi. Ahavapa avasundikwa vakwe pe vahinza kwilongolela kwavo, pe vahatwala kumpuga.⁷Havili vamile nutuswi utunsi, lwe aputila pe ahavuzya avasundikwa ukuti vavape avantu. ⁸Avene vahalya nukwikuta, pe vahaseva nu kulundiha ivimensule, vihizula iviseje ivipiti 7. ⁹Kwamile avantu kushimbilila 4,000. Pe ahavavwezya. ¹⁰Mwaluvilo ahinjila muvwato poka navasundikwa, nukujenda mu shigavo sha Dalimanuta.¹¹Pe ava Falisayivahafiha kuli wuyo vahadalinkana nawo. Vahamulinga ukuti avapelele ishimanyilo shimo isha kumwanya. ¹²Pe ahaswimililwa nkani mumupepo ahati, ''Shoni she impapwa ino yikwanza ishimanyilo? Nalyoli nkuvavuzya imwe, nashimo ishimanyilo she shiliva kumpapwa ino.'' ¹³Ishi pe ahavaleha, nukuyipashila mu vwato, havili nukuvala isyila ilyamwavo.¹⁴Lelo avasundikwa valuvizye kunyatula amakate.vatali nape woka umukate mu vwato. ¹⁵Ahavalinganya ahati, ''Mwenyelezyaje nkani mushevaje niviluzizyo vyava Falisayi nu Herodi.''¹⁶Avene avasundikwa vahasiva vahavizilizyanya veka, ''Pamo pe tutali nu mukate.'' ¹⁷Uyesu azimanyile pe ahati kuvavo, ''Mukusiva zyashizye mutali nu mukate? Mushili mutakujimba? Mutakuzimanyisanya? Amoyo ginyu gashili magomu?¹⁸Mulinago aninso, loli mutakwenya? Muli nago amakutwi , loli mutakwivwa? Mutakukumbuha? ¹⁹Lwe Ine mensuye amakate 5 pakasi pa 5,000? Viseje vilinga ivyizule ivya vimensusu ivya makate vye imwe mwanyamuye?''Avene vahati kuli wuyo, '' 12''²⁰''Pala pe nkamensulaga amakate 7 kugava ku vantu 4,000, vili vilinga iviseje vye muhizuzya pe vilinga ivimensule muhizuzya iviseje vilinga? Pe vahati kuli wuyo, ''7'' ²¹Pe ahati, ''Pe mushili nishi pakuzyaganya?²²Vahinza ku Bwtesayida. Avantu vahamuleta untonko pe vahalava uYesu ukuti amupalamansye. ²³Uyesu ahamulema untonko pa nyove, kufuma kuvala kunsi mu haya yila. Lwe amuswilila amati muminso ahamuviha ninyove, ahamuvuzilizya ahati, ''Ukwenya shimo?''²⁴Ahenya kumwanya, pe ahati, ''Nkwenya avantu vali fwe ngati makwi gakujenda.'' ²⁵Pe ahavili inyove zyakwe pa minso gakwe, ishi pe umuntu wula ahiguha aminso ukwenya kwakwe kuhanda, pe ahanda kwenya vyonti. ²⁶Uyesu, ahamutuma kuvwela ku nyumba yakwe pe ahati, ''utahinjile muhaya hala.''²⁷yesu ahafuma poka navasundikwa ukufuha muhaya ha kayesali Filipu. Mwidala ahavuzilizya kuvasundikwa, ''Avantu vakuti ine ne nanu?'' ²⁸Pe vahamula vahati, ''Uyohani we ahozyaga. Avanji vahati, ''Eliya; Navavwavo vahati, 'We wavamo avakuvwi.''²⁹Ahavavuzilizya, ''Pe imwe muti ne nanu?'' Upeteli ahayanga ahati, ''We chilisiti.'' ³⁰Uyesu ahavahomeshezya kuti vatamuvuzyaje nawumo izyakwe.³¹Pe ahanda kuvasambilizya ahati umwana wa muntu kwe vamuyimve mu vintu ivyinji, pe valimuhana avasongo nave vapiti avapiti pe navasimbi, havili valimugoga, Lwe gasila amasiku gatatu alizyuha. ³²Ahaliyanga izwi linili umwa kwivyila. Pe upeteli ahaseguha nawo paluvazu nu kwanda kumupilila.³³Nkandi uYesu ahagalunkana nu kwenyelezya avasundikwa vakwe pe ahamuhalipila u Peteli ahati, ''Galuha mwisinda kuline, satana! Utavisile insivo zyaho pa vintu vya Mulungu, nkandi pa vintu vya vantu.'' ³⁴Ahitizya impuga nave vasundikwa poka, pe ahayanga kulivavo, ''Nanti we akwanza ukundandata ine, pe azihane wuyo werka, avegale ishihovenkanyo shakwe pe andandate ine.³⁵She uno we akwanza ukupoha uvulanzi vwakwe we alivusovezya wonti we akuvutaga uvulanzi vwakwe mulandu wane nizwi we alivupoha. ³⁶shingamwavwa shoni umuntu nape alonka insi yonti pe alisovezya uvulanzi vwakwe? ³⁷Shintu vuli she shingapoha uvulanzi vwaho?³⁸Uno we ngakuva ninsoni kuline na mazwi gane mumpapwa iya luvembu nu vutala malandu mu mpapwa ino, umwana wa muntu wope aliva ninsoni nawo lwe inga ayinza kuvushindamu mwa Tata wakwe poka navahavizya avafinjile.''

¹Pe ahavavuzya, ''nalyoli nkuvavuzya imwe, valipo vamo palimwe ve vimiliye apa vevatalivonja imfwa lwe vatashivonyi ishinamwene isha Mulungu shikwinza namaha.'' ²Lwe gajenda amasiku 6, uYesu ahamusenda u Peteri nu Yakovo nu Yohani ahazuva navo kwi gamba, vavo veka. Pe Uwene ahanduha pilongolela lyavo. ³Amenda gakwe gahanda ukunyeng'enyela, gahapitilizya uvuzelu, uvuzelu vwe nashimo ishakuzelufizya munshi she shingazelufya. ⁴Pe u Eliya nu Mose vahavavoneshela, vahayanzyaniaga nu Yesu. ⁵U Peteri ahamula nukuyanga kwa Yesu, ''Manyisi, shingava shinza kulisye ukjuva panapa, tuzenje amavanza 3, lyoka lyaho, lyoka lya Mose, lyoka lya Eliya.'' ⁶( she uwene atazimanyile zye akuyanga, she zyavapeleye ilyoga.) ⁷Ivingo lihinza nukuvazijila avene. Pe izyi lihafuma mwivingo, ''Uno mwana wane unkundwa, mumutejelezyaje wuyo.'' ⁸Umwakwivushizya, lwe avene vakwenyeleshezya, pe vatahamwenya nawumo we amile nawo, nkandi weka uYesu⁹Avene pe vahihaga igamba, ahavahomeshezya ukuti vatahamuvuzye nawumo zila zye vazivonyi ukufishila pe umwana wa muntu azyusile ukufuma kuvafwe. ¹⁰Pe vahazisunjilila izyo vavo veka, nkandi abvene vahayanzaniaga vavo veka kwe kuti vuli lelo, ''Azyusile ukufuma kuvafwe.''¹¹Pe vahamuvizilizya, ''Shoni she ava simbi vakuyanga ukuti u Eliya we alitalishila ukwinza?'' ¹²Uwene ahati, "U Eliya we kwe atalishe ukwinza we aliyinia zyonti zyonti, shoni she lisimvilwe ukuti umwana wa muntu ahondeye kuyimba nkani na kwe kumuhana? ¹³Nkandi kjuvavuzya imwe ukuti u Eliya ayinzile, pe vahamuvomba zyonti zye vahanzaga, ukuyana zye zyasimbilwe izyakwe.''¹⁴Lwe vinzile kuvasundikwa, vahenya impuga impiti yivazyunguliye, vope ava simbi vahadalinkanaga nawo. ¹⁵Lwe vamwenya u Yesu, impuga yonti yihazunguha pe vahamushimbililaga vahamulamuha wuyo. ¹⁶Pe ahavavuzilizya ava sundikwa vakwe, ''Shoni she mukudalinkana navo?''¹⁷wumo mumpuga ahamwamula, ''Manyisi, mulesite umwana wane kukwavo . Ali nimpepo ye yikulehaga atakuyanga. ¹⁸Yikumulemaga nu kumutaga pansi, pe amatatatafula pe gakufumaga mwilomo, akusyanga amino gakwe, nu nkumilila. Nkavalava ava sundikwa vaho ukuti vayefye, nkandi avene vahapotwa.'' ¹⁹Ahamula, ''Mwe luho ulusita lwitiho, havalilo vuli ahatali he imbanje nimwe> nadi imbajimbilile ukufishila havalilo vuli? mulete kuline.''²⁰Vahamuleta umulumendo kukwakwe. Lwe impepo ya mwenya uYesu, umwaluvilo yihamutaga uku yikumuyinzania. Umulumendo ahagwa pansi na matatafula gahafuma mwilomo. ²¹Uyesu ahamuvuzilizya uyise, ''Pajenda havalilizyo vuli she ali inza vwevulo?'' Uyise ahati, ''Ukwanda vunsi vwakwe. ²²Mutuvalilo utwinzi yikumuyajilaga pa moto na muminzi pe yikulwisyaga ukumunangania. Nanti ungavomba zyonti zila, twenye uvwila utwavwe.''²³Uyesu ahamwamula, ''Nanti ukwitiha? Vyonti vipepusu kwa wula we akwitishizya.'' ²⁴Umwaluvilo uyise uwa mwana ahaholela nu kuti, ''Ine nkwitiha! Navwa nukusita kwitiha kwane!'' ²⁵Lye uYesu ayivwenyi impuga yikuvashimbilila, ahayipilila imepo inkandamanu ahati, ''We bubu niwe mpepo yavwakutwi, nkuvalajila imwe, fuma, mutahinze mumwinjile havili.''²⁶Iyene yihaholela nukumuyinzania nkani umulumendo pe yihepa. Umulumendo ahava inza wula we afuye, pe avinji vahati, ''Afuye.'' ²⁷Nkandi uYesu ahamulema inyove ahamunyamusya, wope umulumendo ahimilila.²⁸Lwe uYesu ayinjiye munyumba, avasundikwa vakwe vahamuvuzilizya ku kwilu, ''shoni she iswe tutayefizye?'' ²⁹Ahavavuzya ahati, ''Iya muhola uno yitangafuma loli mumputo.''³⁰Pe vahepa pe vamile nukudumunsyania mu-Galileya. Atahanzaga nawumo ukuti amanye kwe vamile, ³¹she uwene ahavamanyisyaga avasundikwa vakwe. Ahavavuzya, '' Umwana wa muntu avala kulemekwa munyove izya vantu. Pe vakwinza ukumugoga. Pe lwe vamugoga, nanti amasiku gafiha 3 akwinza kuzyuha.'' ³²Nkandi avene vapositwe ukuzimanya zye aziyanzile, pe vahanyila ukumuvuzilizya.³³Pe avene vahinza mu kaperinamu. Lwe ayinjiye munyumba ahavavuzilizyab , ''mwayanjizyaniaga mwidala?'' ³⁴Nkandi vahapuma. She vahadalinkanaga vavo veka mwidala nizya we ali mupiti nkani. ³⁵Ahatendama pansi, ahavita 12 poka ahavavuzyaahati, ''Uno wonti we akwanza ukuva wakutaliha, we avanje wavumalilo nukuva muvomvi wa vonti.³⁶Ahamusenda umwana ahamuviha pakasi pa vavo. Ahamunyatula munyove zyakwe ahayanga kuvavo, ''Wonti we akumuposhela umwana fwe we wumo mwizina lyane we akumposhela ine; ³⁷Wonti we akuposhela ine we atakumposhela nene nkandi wjula wula we ahantuma ine.''³⁸U Yohani ahamuvuzya, ''Manyisi, tumuvinyi wumo akupilila impepo inkandamanu nmwizina lyaho pe tumulesizye, pakuti atakutulandata iswe.'' ³⁹Uyesu ahati, ''Mutahamulesyaje, she ataliko nawumo we angavomba imbombo impiti mwizina lyane nukutaliha ukunjanjila vimo ivivivi ine.⁴⁰Wonti we atakutuvushila iswe we wakuliswe. ⁴¹Wonti we akupa ishikombe isya minzi aga kung'wela mwizina lwane she mwe vakwe va chilisiti, nalyoli nkuvavuzya imwe, we atalisovezya ishipambwi shakwe.⁴²Wonti we angaleha woka mun vansi ava vevakwitiha ine ukupunula, shingava shinza kuli wuyo ukuti ulwala lupiti lupinyiwe munsingo yakwe nukumusumbila mwa sumbi. ⁴³Nanti inyove yaho yikukupunuzya, uyidumule. Shingava shinza ku kwaho ukwinjila muvulanzi ulemaye ukushila ukuva ninyove zivili nukuvala mwipalazya, mu moto we atalizima nalumo. ⁴⁴Kwe insivo zyavo zitalifwa , na we moto atalizima nalumo.⁴⁵Nanti ishinama shaho shikupunuzya, ushidumule, shingava shinza ku kwaho ukwinjila muvulanzi we mulemazu ukushila uuva ukuva nivina vilim usumbilwe mwipalazya. ⁴⁶Kwe ninsisin zyavo zitalifwa, na we moto atalizima nalumo.⁴⁷Nanti ilyinso lyaho likupunuzya, ulifolovole. shingava shinza ku kwaho ukwinjila mushinamwene sha Mulungu ni lyinso lyoka ukushila ukuva na minsoo gavili usumbilwe mwipalazya. ⁴⁸Kwe insosi zyavo zitalifwa, nawe moto atalizima nalumlo.⁴⁹She wonti alilongwa nu moto. ⁵⁰Iveya lyinza, nkandi lwe lyasovezya uvuveya, pe ungaligalusya vuli ukuva liveya? Pe muve niveya mulimwe mweka, muvanje nu mutende ku woka nuwamwavo.''

¹U yesu ahepa pavuzilo vula nukuvala kushigavo sha mu-Yudayi nakuvuzilo vwa kwisyilalyi jenje u Yoiodani. Pe impuga yihinza kukwakwe havili. pe ahavamanyisya havili, ngati she amata gavo gahanzaga pakuvomba. ²Pe ava Falisayi vahinza kukwakwe pa kumulinga nu kuvuzya, ''Ka shinza munkomelezyo umwanavuli akumuleha umushi wakwe?'' ³Pe ahamula ahati, ''ka uMose ahavahomeshezya shoni?'' ⁴Pe vahati, ''Umose ahitishizya umwanavuli ukumusimbila ukalata wakumusoka nukumuvwezya.''⁵"Shifukwa sha moyo ginyu amagomu she ahavasimbila imwe uluhomelezyo ulu,'' U Yesu she ahayanga kuvavo. ⁶''Loli ukwanda kwe kuvwandilo vwa vipelekwa, 'U Mulungu ahapela umwanavuli nu mwantanda.'⁷''Pashifukwa ishi umwanavuli alimuleha uyise nu nyina nukusyelematila kumushi, ⁸Pe vavili valiva muvili wsoka.'' Pe vatali vavili, loli muvili woka. ⁹Pisho she uMulungu ashipantinkania poka kutahave umuntu wakushilehania.''¹⁰Lwe avene vali munyumba, avasundikwa vahamuvuzilizya havili ukuyana nishi. ¹¹Pe ahati ku vavo, ''Wonti we akumusosya umushi wakwe nukusenda umwantanda uwunji akuvembuha nukumunanjila uwene. ¹²Inga uwene akusoka ku mulume wakwe nukusendwa ku mwanavuli uwunji, akuvembuha.''¹³Pe vahaleta avana avansi kukwakwe ukuti avapalamansye, loli ava sundikwa vahavahalipila. ¹⁴Lwe uYesu azimanya izi, atahahovoha ahati kuvavo, ''Leha avana vinze kukwane, mutahavahanizye, she ishinamwene sha Mulungu sha ve vali ngati vavo.¹⁵Nalyoli nkuyanga kwimwe, wonti we atalishiposhela ishinamwene sha Mulungu ngati mwana umunsi we nalyoli ataliyinjila mumo.'' ¹⁶Pe ahavanyamula avana pa nyove zyakwe ahavalota pe avisile inyove pa vavo.¹⁷Lwe ayanzite uvu lendo vwakwe, umuntu ahamushimbilira nu kusugamila pantanzi papakwe nu kuvuzya, ''Manyisi umwinza, ka ibombe shoni pakuti mpyane uvulanji vwashima?'' ¹⁸Uyesu ahati, ''Shoni she ujkunita ine mwinza? Nawumo umwinza wu Mulungu weka. ¹⁹Uzimanyile inkomelezyo; 'utahagogaje, utahavembuhaje, utahivaje, utahahomeshezyaje izyilenga, utahafyulaje ivya wamwinyu, ushindishe utata nu mama waho.'''²⁰Umuntu ahayanga ahati, ''Manyisi, izi zyoti nkazyivwila ukufuma kuvunsi.'' ²¹Pe uYesu ahamwenya nukumugana. ahati kuwuyo, ''Pali ishintu shoka she ukusobelwa. Uhondeye ukazye vyonti vwe uli navyo nukuvapa avapina, pe uliva nishuma kumwanya. Pe winze, undandate ine.'' ²²Nkandi shifukwa sha mazyi iga isgeni shakwe shihasungama ahajendas apunuye, shifukwa amali ni shuma ishinji.²³Pe uYesu ahenyelezya nu kuyanga kuva sundikwa vakwe, ''Vugomu vuli avadumbwe ukwinjila ku shinamwene sha Mulungu!'' ²⁴Pe ava sundikwa vahasukumila ku mazwi gakwe pe uYesuahayanga kuvavo havili, ''vana, vugomu vuli ukwinjila ku shinamwene sha Mulungu.'' ²⁵Shipepusu ingamila ukwinjila pilyinso lya nsindano ukulusya udumbe ukwinjila mushinamwene sha Mulungu.''²⁶Pe vahasukumila nkani nukuyanga kwa woka nuwamwavo, ''Pe wunanu alipona?'' ²⁷Pe uYesu ahavenyelezya ahati, ''Ku vantu shitazu, lelo tekwekwa Mulungu. Ivyene ivintu vyonti vikuvombwa nu Mulungu.'' ²⁸Upeteli ahanda kuyanga kuli wuyo, ''Yenya isye tulesile vyonti nu kukulandata iwe.''²⁹Uyesu ahayanga, ''Nalyoli nkuvavuzya imwe, pataliko nawumo we alesile inyumba pamo avakulu vakwe pamo avana vakwe pamo umama pamo ubaba wakwe pamo avana vakwe pamo amagunda shifukwa shane nishivangeli ³⁰we ataliposhela ivigavo 100 pe kushili shinishi munsi ino iya pansi inyumba na vakulu na mayemba na vamama na vana na magunda, nukuyinvilwa, na munsi ye yikwinza, uvulanzi vwa shima nashima. ³¹Nkandi avatanji valiva visinda, avkisinda valiva vatanzi.''³²Vamile mwidala ukuvala ku Yerusalemu, uwene uYesu ali muntanzi mwavo. Ava sundukwa vahasukumila nkani, nave vahalandataga mwisinda vahanyila. Pe uYesu ahavasenda 12 kuluvazu havili pe ahanda ukuvavuzya she shandi shivombwe shinishi kukwakwe. ³³"Yenya, ukuvala mpaka ku Jerusalemu, pe umwana wa muntu vavala ukumulemeha ku vashiputo avapiti na vasimbi. Inti vahamususye mpaka kuvufwe nukumulemeha ku vakunzi. ³⁴Valimovela, nukumusyilila, nukumusyempa, nukumugoga. Loli lwe amasiku gasila gatatu alizyuha.''³⁵Yakovo nu Ylohani, avana va Zebedayi, vahinza kukwakwe vahati, ''Manyisi, tukwanja utuvombele iswe shonti she tukukulava Iwe.'' ³⁶Pe ahayanga kuvavo, ''Shoni she mukwanza imbavombele imwe?'' ³⁷Vahayanga, ''utwitishizye iswe ukwihala poka niwe muvushindamu vwaho, woka kunyove yaho iyamalyelo uwamwavo kunyove yaho iyamongo.''³⁸Nkandi uYesu ahavamula vavo, ''Mutamanyile she mukulava. Vuzye mungang'wela ishikombe shending'wela pamo ukujimbilila ulozyo lwe ndiyozyelwa?'' ³⁹Vahayanga kuli wuyo, ''Tungashivomba.'' Uyesu ahayanga kuvavo, ''Ishikombe she nding'wela, nimwe muling'wela,pe nu lozyo lwe nozelilwe, nimwe vulo muli yozelwa. ⁴⁰Loli we angihala kunyobe yane iya malyelo pamo kuyamongo teshane pakumupa, Nkandi sha vala veva vasenganizizye.''⁴¹Lwe avamwavo ava sundikwa vivuye izi, pe vahanda ukuvahalalila uyakovo nu Yohani. ⁴²Uyesu ahavitizya kukwakwe nukuyanga, ''Mumanyile vala vevahavaviha ukuva valamulili vavakunzi vakuvalamulila venevo, pe navapiti vakuvomva uvulamulilo mumwavo.⁴³Loli shitaliva vunuvu papinyu. Wonti we akwanza ukuva mupiti papinyu wahondeye ave muvomvi, ⁴⁴uno we ankwanza ukuva wakwanda papinyu wahondeye ukava muzya wa vonti. ⁴⁵Nkandi uMwana wa muntu atahinza ukuti vamuvombelaje, loli nukuvomba, nukuyipa uvulanzi vwakwe ukuva sha kuvapoha avinji.''⁴⁶Vahinza ku Yeliko. Lwe ayepa mu-Yeliko poka nava sundikwa vakwe poka nimpuga, umwana wa Timoteyo, uBaritimeyo, utonko we ahalavaga ivyakulava, amihaye pidala paluvazu. ⁴⁷Lwe ayivuye ukuti wu Yesu Wanazareti, pe ahanda ukwitizya nu kuti, ''Yesu, Mwana Davide, umpelelaje uvwila!'' ⁴⁸Avinji vahamuhalipila untonko, nukumuvwezya ukuti fuma. Loli pe ahalila nkani ukulusya, ''Mwana wa Davide, mpelelaga uvwila ine!''⁴⁹Uyesu ahimilila nukumulamulila wuyo ukuti vamwitizye. Vahamwita untonko, vahati, ''Jimbaga! Nyamuha! Akukwitizya iwe.'' ⁵⁰Ahasumba paluvazu ishizyalo, pe ahanyamuha, nukubala kwa Yesu.⁵¹Uyesu ahamwamula ahati, ''Ukwanza ine nkuvombele shoni?'' Pe untonko ahati, ''Manyisi nkwanza ukwenya.'' ⁵²Pe uYesu ahayanga kuli wuyo, ''Jendaga. Ulwitiho lwaho lwakupozya.'' Mwaluvilo ahenya havili, pe ahamulandata mwidala.

¹Ishi lwe vinza ku Yerusalemu, vamile kupipi ku Betifaji naku Betaniya pigamba lya mampensya, uYesu ahatuma ava sundikwa vavili ²nukuti kuvavo, ''Valaji munkaya ye mulungime nayo. Lwe mukwinjila mumo, muliyaga impunda ye vatahazuva nalumo. Musatule nukwinza nayo kuli ine. ³we akuvuzya, 'Shoni she mukuvomba zinizi? Muyanje muti, 'Umwene akuyanza inti ayigalusye uku shinishi.'''⁴Pe vahajenda nukuyaga impunda yipinyilwe pa shilyango sha kwidala, pe vahasatula. ⁵Avantu vamo vimiliye pepala pe vahayanga kuvavo, ''Mukuvombela shoni, pe muyisatula impunda?'' ⁶Pe vahamula she uYesu avalajizizye kuti vayanje, she vahavaleha vajenda.⁷Vahatwala impunda kwa Yesu nukutajila amagolole pa mpunda, pe ahazuva papo. ⁸Avantu avinji vahasumbila amenda gavo mwidala, navanji vahasasya amatundu ge vadivile ku magunda. ⁹Ve valongoleye nava munsizi vaha pundaga, ''Osana! Wakulotwa uno we akwinza mwizina lya Mwene. ¹⁰Shilositwe she shikwinza ishinamwene sha tata witu uDavide! Osana kumwanya!''¹¹Ishi uYesu ahinjila mu-yerusalemu nukuvala mwitempeli ahenyelezya vyonti. Lwe ahavalilo hasila, ahajenda ku Betaniya navala 12. ¹²Isiku lya kushela lwe afuma mu-Betaniya ali ninzala.¹³Ahenya kufuma kuvutali ikuyu lye lyamile namatundu, pe ahavala kwenya nanti muli ivihomwa, lwe afiha mupipi, atahashaga nashimo mwamile amatundu, mulanduhatali havalilo hamikunyu. ¹⁴Ahalivuzya, ''Nawumo we alilya havili ishihomwa mumwaho.'' Navasundikwa vakwe vahivwa zinizi.¹⁵Vahinza mu Yerusalemu, nukwinjila mwi tempeli nukushimbizya avahakazya nave vakalaga mwi tempeli. Ahabenula ivitala vya mpiya zya ve vahatananiaga pe nivitengovya vahakazya vankunda. ¹⁶Ahavahanila vonti kunyatula ivintu vye vahakazyaga mwi tempeli.¹⁷Ahasambilizya ahati, ''zitasimvilwe, 'Inyumba yane yiliva nyumba yakuputila insi zyonti? She Ishi pe mwagomba kuva nyumba ya viva.'' ¹⁸Avaputi avapiti nava simbizye aziyanzile, pe vahalondola idala lya kumugojela. She vahamunyilaga mulandu impuga impiti yihazunguha ni visambilizyo vyakwe. ¹⁹Lwe hamazuva hafisile, vahafuma munkaya.²⁰Lwe vakujenda inzanchi, vahenya ikwi lyi kunyu lyumiye kutaliha pansi ni samba zyakwe. ²¹Upeteri ahakumbusya nukuti, ''Manyisi, yenya! Ikunyu lye walitifile lyumiye.''²²Uyesu ahabamula, ''Muvanje nu lwitiho mwa Mulungu. ²³Nalyoli nkuyanga kkimwe ukuti lwe wumo akulivuzya igamba, 'fumapa uvale mwa sumbi; lwe atakusangania mu moyo wakwe nkandi akusuvila kuti zye ayanzile zili vombwa, izi zye Umulungu alivomba.²⁴Nkuvavuzya imwe: Shonti she mukuputa nu kulava, musuvilaje kuti mwaposhela, pe shiliva shinyu. ²⁵Lye wimilila nukuputa, uhondeye ukutetela shonti she munangine nu wamwinyu, kwe kuti Utata we ali kumwanya ali kutetela imbivi zyaho. ²⁶Lwe inga uta kumutetela, she nuTata kumwanya atali kutetela imbivi zyaho.²⁷Pe vahinza havili ku Yerusalemu. Lwe uYesu akujenda mwi tempeli, avaputi avapiti, ava simbi, nava songo vahinza kuli wuyo. ²⁸Vahati kuwuyo, ''Vulamulili vuli vwe vukuti uvombe zinizi, havili wenu akupiye uvulamulili vwa kuvomba zinizi?''²⁹Uyesu ahayanga kuvavo, ''Imbavuzilizye lyoka. Mumbuzye pe nine imbavuzye uvulamulili vwa kuvomba zinizi. ³⁰Ulozyo lya Yohani, Lwafumile kumwanya amwe ku vantu? Munamule.''³¹Vahayanga pa vavo veka nukudalinkana vahati, ''Lwe tukuti kufuma kumwanya, 'pe kwe ayamule ati , 'Pe shoni she mutahamusuvila?' ³²Lelo nanti tukuyanga tukuti, 'Kufuma ku vantu,'.... ''Vahanyila avantu, mulandu avantu vasuviye mwa Yohani kuti mukuvwi. ³³Pe vahamwamula uYesu nukuti, ''Tutamumanyile.'' Pe uYesu ahati, ''Nahana ukuyanga kwe uvulamulili vufumile uva kuvomba ivintu ivi.''

¹Pe uYesu ahanda ukumanyisya muviholanio. Ahati, ''pali woka umuntu avyaye umugunda wamampensya, nuluvaga ahazenga, ninchelenje iya kufinyila mumo amampensya ahabana. Ningazya ahazenga ahavaleshela avahalima mampensya. pe ashula. ²Ilelo lwe hafisile ahavalilizyo, pe ahamutuma umu vomvi uwa kuvala kumusendela zimo insanga zya mampensya kuvahalima. ³Avene vahamulema, vahamuhoma, vahamushimbizya lwe vatamupiye nashimo.⁴Pe uwene ahapyanizya kuvatumila umuvomvi uwunji, uwene vahamuvulazya mwitwe havili vahamusamulania. ⁵Ahatuma uwamwavo, uno we vahamugoga. Vahavomba zinizi kuvamwavo avinji, kuhoma vamu, nukugoga vamu⁶Ashili ali nawo umuntu woka uwakumutuma, umwana umuganiwa. We ali wavumalilo kuvatumila. Ahati, 'Valimushindiha umwana wane umulumendo.' ⁷''Avene avahilima amampensya vahayanga uno ukuva mwavo, 'wapavupyano. Nzaji, tumugoje wenewo, uvupyano vuli vwitu.⁸'Vahamulema, vahamugoga, vahamusumba kunzi kumugunda wa mampensya. ⁹Pe lelo alivomba shoni umwenesho wa mugunda wamampensya? Aliyinza avananganie avahalima vamampensya nukuvapa umugunda wa mampensya ava mwavo.¹⁰Apene pakalata mutavelenzire? Ivwe lye vahalihana avazenzi lye liyipezile ukuva panguto. ¹¹Ishi shafumile kwa Mwene,na shisukumizyo kuminso gitu.''' ¹²Lye zyajenda zinizi vava Yuda vahasiva ukumulema uYesu pamulandu vahazyagania ukuti akuvayanga mushiholanio. Ilelovahogopa impuga. Vahamuleha ahajenda.¹³Pe vahatuma vamo ava Falisayi na vantu va Helodi ukuti vamuteje mumazwi. ¹⁴Lwe vinzile, vahayanga kukwakwe, ''Manyisi, tumanyile utakusajila insivo zya muntu, havili utakusala izya Mulungu. Shingava hinza umusonka musonko kwa Kesali pamo ha? Tungasonka mamo ha?'' ¹⁵Uwene uYesu amanyile insivo zyavo ahavavuzya, ''Shoni she mukunjela? Nampi idinali yoka ukuti inenye.''¹⁶Pe vahamuletela woka uYesu.ahayanga navo, ''Shiholine nuwenu havili yisimvilwe shoni?'' Vahayanga ukuti, ''Ya Kesali.'' ¹⁷Uyesu ahati, ''Ivwa Kesali mumupe uKesali, nivya MUlungu kwa Mulungu.'' Vahamusukumila.¹⁸Ava Sadusayi, vevahatinji ukuzyuha nakumo,vahinza kukwakwe. vahamuvuzilizya, vahati, ¹⁹''manyisi, u Mose ahatusimbila iswe, 'inga umunine wa muntu afuye alesile umushi wakwa, atapafile umwana nawumo, pe pakuti umunine apyaneje umushi, amupapilaje avana umunine,'²⁰²³Pali ava namuntu 7; uwakwanda asenzite umwantanda ahafwa, atalesile imbeyu nayimo. Wope uwa vuvili ahamusenda umwantanda wula nukufwa, atalesile imbeyu nayimo, numwantanda wope sheshila. ²¹Vonti 7 vatahaleha imbeyu. pavumalilo, wope umwantanda ahafwa. ²²Pakuzyuha, inga vazyuha havili, aliva mushi wawenu? She vonti 7 avana muntu vali nawo ngati mushi wavo.''²⁴Uyesu ahati, ''Ishi tesheshifukwa mukupuvila, pamulandu wakuti mutamanyile amasimbo nage maha gab Mulungu? ²⁵Shenga vazyusile kuvufwe, vatakusenda, vatakusendwa,she avene vakuva fwe vahavizya va kumwanya.²⁶ZYe zikulingania izya vufwe nukuzyuha, mutavelenzilemwakalata wa Mose, zye zikulingania izya shivwati, she uMulungu ayanzile nawo ahati, ''Ine ne Mulungu Wa Abulahamu ne Mulungu wa Yisaka ne Mulungu wa Yakovo?' ²⁷Te wuMulungu wavafwe, wavapuma. Mwapuvwa vulo.''²⁸Ahinza umusimbi woka ahivwa vye vahayanjizyaniaga; Ahenya she uYesu akuvamula ahinza. Ahamuvuzilizya, ''Luhomelezyo vuli lwe luposite zyonti?'' ²⁹Uyesu ahamwamula, ''Lwe luposite izyamwavo lweluno, 'Tezelezya, Yisilayili, Umwene uMulungu witu, Umwene ali woka. ³⁰Uhondeye kumugana u Mwene uMulungu waho nu moyo waho wonti, numuzimu waho wonti, ninsivo zyaho zyonti, namaha gaho gonti.' ³¹Uluhomelezyo zya vuvili lweluno, 'Umuganaje umupalamani waho inzashe uyiganile weka,' Lutaliko uluhomeleshezyo ulupiti kushila zinizi.''³²Umusimbi ahati, ''Shinza, Manyisi! She wayanga uvwanalyoli ukuti uMulungu ali woka, havili ataliko nawumo kushila wuyo. ³³Ukumugana wuyo nu moyo waho wonti nukuzyagania khaho konti namaha gaho gonti, nukumugana umupalamani waho inza she uyiganile weka yishuzile imputile inyoshe nimputile izinji.'' ³⁴Lye Uyesu ayenya ukuti ayamula ahinza, ahayanga nawo ahati, ''Utali ukutali nishinamwene sha Mulungu.'' Lwe pashila apo, nawumo uwunji we ahajendelela kumuvuzilizya uYesu amavuzyo.³⁵Lye uYesu akumanyisyamwitempeli pabalaza, ahati, ''Shoni she ava simbi vakuti u Chilisiti mwana wa Davidi? ³⁶U Davidi wuyo, mumupepo umufinjile, ahati, 'Umwene ahati kwa mwana wane, ''Yihala kunyove yane indyela mpaka pe ndiviha avalugu vaho muntende muvinama vyahoi.''' ³⁷U Davidi wuyo akumwita ukuti 'Mwene' Shingava vuli uChilisiti ave mwana wa Davidi?'' Impuga impiti yahovosile lwe vakumutejelezya.³⁸Muvumanyisi vwakwe uYesu ahati, ''Musheve navasimbi, ve vaganile ukujenda ninkanzu intali nukulamukwa mumavuzilo ge vakukazizya, ³⁹Vakuva nivitengo vyapamwanya musinagogi na malo gakushindikwa mwe vakuseshela. ⁴⁰Vakufyula ninyumba zya vafyilwe, nukuputa imputo intali ukuti avantu vavenye. avantu vanava valilongwa nkani.''⁴¹Uyesu ahihala kupipi ni bokosi lya kutajila ivya vwila mwitempeli; Ahenyelezyaga avantu she vakutajila indalama mwibokosi. Ava dumbwe avinji vahaviha indalama inyinji. ⁴²Pe ahinza umufwilwe wumo umupina ahaviha utundalama tuvili, twetukukwila u pene woka.⁴³Ahavita ava sundikwa vakwe ahayanga navo, ''Nalyoli nkuyanga nimwe, umufyilwe uno umupina aviha ukupota vonti vwe ve vasanguye mwibokosi lya vwa vwila. ⁴⁴She vonti v anava lwe vakutajila mumo vahasendaga mwe vivatangaliye. nkandi umufwile uno, kufuma muvu pina vwakwe, aviha indalama zyakwe zyonti zye amile nazyo pa vulanzi vwakwe.''

¹Uyesu lwe akujenda ukufuma kwitempeli, woka muva sundikwa vakwe ahayanga ku wuyo, ''Musambilizi, yenya amavwe gakusukumizya ninyumba zikusukumizya!'' ²Ahayanga ku wuyo, ''Ukwenya inyumba impiti izi? Nalimo ivwe litalileshela pivwe ilyamwavo isita kugwa pansi.''³Lwe ayihaye pigamba lya mavula lwe akwenyania nutempeli, Peteri, nu Yakovo, nu Yohani, nu Andireya pe vahamulalusya wuyo kukwilu, ⁴''Utuvuzye, isiku lye ivintu vinivi vilivombwa? Shili kwi she shiliva shimanyilo ukuti vyonti vinivi vyavala kuvombwa?''⁵Uyesu ahanda ukuyanga kuvavo, '' Musheve nawumo atavasovezye. ⁶Vinji valiyinzila mwizina lyane nukuyanga, 'Nene ne wuyo; Havili valisovezya vevinji.⁷Inga mukwivwa nuvulugu nimpekesela ya vulugu, pe mutahapasye; ivintu vinivi vihondeye ukuvombwa, lole uvumalilo vushili. ⁸She insi yoka yili nyamushilana niyamwavo, nuvumwene vwoka nuvumwene vwamwavo. Kuliva ivizumanzi mumalo ge minji, inzala. zyonti zinizi vwandkilo vwa kupapiwa kwa kuvava.⁹''Muyenyelezye . she valivatwala imwe pamalonjelwi, mulihomwa mumasinagogi. Mulivikwa nakuvapiti nakuvamwene wamulandu wane, pakuti shive shisimishizyo kuvavo. ¹⁰Lole ivangeli lye lifumukwe tasi munsi zyonti.¹¹Apenenye penga vakuvakunga nukuvalonjelela nukuvigalila mutahinze mupasyaje kulizye muliyangaga. Muhavalilizyo hala, vye muliyanga vilipelwa kwimwe; she mutaliyanga, mwemwe, aliyanga umupepo jumufinjile. ¹²Uwamwavo alimutwala uwamwavo kumfwa, wope uyise numwana wakwe. avana valiyiminkanaga navapapi vavo kuvatwala kumfwa. ¹³Mulivengwa numuntu wonti kwamulandu wizina lyane. Lole uno we akujimbilila mpaka pavumalilo, umuntu wula we alipokwa.¹⁴'''Lwe muvazile kwenya pavufinjile vapagulinie vimisile zye zili umwiho pamalo pe zitahondeye kwimilila, ''Valeshe vonti vevali mu-Yudeya vashimbilile mumagamba, ¹⁵uno wenga ali panyumba pamwanya we afishe nukwinjila kusenda vimo munyumba yakwe, ¹⁶nuno wenga ali pamugunda wakwe we atagalusile mwisinda ukusenda inkanzu yakwe.¹⁷Muhosi kuvala vevali navana mulwanda namwe mukonsya avana mumasiku ago! ¹⁸Muputaje kuti zitahinze zivombiwe mulupepo. ¹⁹Mugegala galiyima masiku ga ntamyo impiti, gegataliyana ukufuma muvwandilo mwe uMulungu mwe apeleye insi, ukufiha ishi, awe, zitalivoneha havili. ²⁰Peka pe umwene afupizya amasiku, nawumo atalipokwa. Pamulandu wavasevwa vakwe ve ahavaseva alidumula amasiku.²¹Inga wumo akuyanga kwiwe, 'Yenya, uChiloisiti uno uku! 'Yenya , ali kula!' mutahinze musuvile. ²²Shepe valivoneha ava Chilisiti abva luma ilenga navakuvwi avaluma ilenga valivoneha nukupela amafindango amayele agakuhopela, inga zingitishiziwa navasevwa vulo. ²³Musheve! Navavuzya zyonti izi lwe ahavalilo hatafisiie.²⁴Lwe vafumile ukuyimba uvupotwe vwa masiku ago, 'Pe nizuva liliyilupa, numwezialileha ukulama, ²⁵Zyope ninzota ziligwa kufuma kumwanya, gope amaha gegali ku mwanya galiyingana.' ²⁶Pe valimwenya umwana wamuntu pe akwinza mumavingo lwe akwinza namaha aminji nuvuputi. ²⁷Pe alituma avahavizya vakwe bve valivunganiha avasavulwa vakwe valifuma navo mumpepo 4, kufuma kumpelela yansi ukufiha kumpelela yamwanya.²⁸Sambilila ishimanyisho kufuma kukwinyu sita kuhava lwe ahasamba hakuva hateta havili hakufumya amatundu, pe mukumanya ukuti ishisiku shipalamiye. ²⁹Vwe vunuvo, havili, lwe muzivwenyi zyonti zinizi zikuvobwa, muhamanyaje muhamanyaje ali papipi, pa vilyango. ³⁰Nalyoli nkuyanga kwimwe, inkulile ino te yihajende vwe zinizi zita vonesile. ³¹Kumwanya napansi palijenda, loli izwi lyane telihajende nalumo. ³²Kukwafwania nisiku lila nahavalilo hala, nawumo we amanyile, navahavizya vulo kumwanya, nape mwana, we Tata weka.³³''Shenjela! Damuha, mulandu mutamanyile ahavalilizyo. ³⁴Shilingati muntu wenga ali pavulendo akulehaga inyumba yakwe nukuviha ava vovwi kwenyelezya inyumba, wonti nimbombo yakwe, ahamulajizya musunga shilyango ukuti adamule. ³⁵Mwemumo mudamulaje she mutamanyile mwe akwinzila umuhola nyumba; hangava havalilo hanamazuva, pakasi pavusiku, pe inkolwe zikuvilishila, pamo pa nzanchi. ³⁶Pala anginza umwakwivushizya, utahaleshe akwaje usyupiliye. ³⁷Izyene zye nkuvavuzya zye nkuvavuzya ali wonti: mudamule!''

¹Ilelo lwwe gashaye amasiku gavili ukwinza pa luseshelo lwa pasa wa mukate we ate viluzizyo. Pe avaputi avapiti na vasimbi vahasivilila mwe vangamwivila pakumulema uYesu kumugoga. ²Vahayanga, ''Patave paluseshelo ulwa pasa ukuti umuvwalanga kutave kuvantu.''³Lwe uYesu ali mu-Betaniya ya bSimoni, uwa mambombo , pe ahalyanga pa meza, pahinza umwantanda alemile insupa ya alabasita yali ya mutengo nkani, ge gali gapamwanya. pe ahabazula insupa nukumupungulila amafuta pitwe. ⁴Loli vamo vahahalala. Pe vahayanjizanya, ''Vahayanga palivavo, ''vahati: shoni she akunanganya amafuta vunuvo? ⁵shenga vakazyaga amafuta ganaga pengandi vakavile amadinali, gegalusizye nu 300 uvwinji, zye vangavagavila avapina, ''pe vahamususya nkani uwene.⁶Uwene uYesu ahayanga, ''Muleshe weka, Shoni she mukumutamya? Avonvile ishintu ishinza kuline. ⁷She avapina muli navo shima, shonti ishinza shukwanza ukuvomba kukwavo unga vomba, nkandi ine ntakuva mumwinyu umu shima. ⁸Avomvile she aganile. Ampahazizye amafuta mumavili aga kusyilila. ⁹Nalyoli nkuyanga kulimwe, konti kwe ivangeli likuvala ukukumusilwa munsi yonti, nazye umwantanda avomvbile ziliva zyakumukumbushila wuyo.''¹⁰Uuda Isikalyoti, woka muvala 12, ahavala kumuputi ukuti avalemeshe wuyo kulivavo. ¹¹Lwe avaputi avapiti vivuye zinizi, vahaseshela nu kulapa ukumpa impiya wuyo. Ahandaukwenyelezya pe angamwajila nukuvalemeha avene.¹²Pisiku itanzi lya makate amasita viluzizyo, lwe vakufinjila ahang'onzi ha pasa, avasundikwa vakwe vahayanga kuwuyo, ''kwekwi kukwanza tuvale tusenganye ishakulya, ukuti ulye ishakulya pasa?'' ¹³Ahatuma vavili muvasundikwa nu kuyanga kuvavo, ''valaji munkaya, nu mwanavuli anyamuye insonta yaminzi mulihomana nawo. Mulandate. ¹⁴Mwonti mwayinjila munyumba, muhalandate. muhayanje nawo umuhola nyumba, umusambilizi atili, ''Vulikwi uvuzilo vwavajeni kwe imbendye ishakulya sha pasa na vasundikwa vane?''¹⁵Ali valanjizya ishipindas ishipiti isha pamwanya sheshisenganizilwe vyonti mumo. Ukutusenganizya iswe kula.'' ¹⁶Avasundikwa vahepa vahavala munkaya. Vahavwaga vyonti vwe avavuzizye avene, vahasengania isha kulwasha pasa.¹⁷Lwe vafisile ahamazuva, ahinza navo 12. ¹⁸Ilelo lwe vihaye pansi pameza pe vahalyanga, uYesu ahati, ''Nalyoli nkuvavuzya ine ukuti, wakulya poka nine walinanilila ine.'' ¹⁹Pe vonti vaswimililwas nkani, pe woka na woka ahayanga ku kwakwe, ''Nalyoli tenene?''²⁰Uyesu ahavamula nukuyanga kuvavo, ''woka muvala 12, we ayinza atuma poka nine mushivo shoka. ²¹Umwana wamuntu alijenda inza she lisimvile kuli wuyo. Nkandi yemwee ku muntu we akumwanilila umwana wa muntu! shamile ahinza kusita kuoapule iwe.''²²Ilelo lwe vakulya, uYesu ahasenda umukate, ahamulota, pe ahamensula wenewo. Ahavapa ahati, ''Munyatule ishi. Uno we muvili wane. ²³Ahasenda ishikombe, ahasalifya, shope ahavapa, vonti vahang'wela poka. ²⁴Ahavavuzya ahati, ''Aga ge mavanda gane galufingwi ganaga, ge manda, gega kuvitishila avinji. ²⁵Nalyoli nkuvavuzya ine nukuti, ntalivuyizya havili ukung'wela ilya nsanga zya mampensya ili ukufiha pisiku lila lye nding'wela ipya mushinamwene isha Mulungu.''²⁶Pe vahimba ilwimbo lwa mwibuku, pe vahavala pigamba. ²⁷Pu uYesu ahavavuzya ahati, ''Mwenti muligwa, she lisimvilwe lyeli kuti, 'Ndimuhoma umudimi ilelo pi ng'onzi zilisata.'²⁸Nkandi lwe nzyusile, pe ndivalongolela ukuvala mu Galilayi.'' ²⁹Pu peteli ahati, ''Nashe vonti vanga shimbila, loli ine ntalitela.''³⁰Uyesu ahavavuzya ahati, ''Nalyoli nkukuvuzya ine ukuti ilelo-mwemuno vwe vusiku vunuvu-lwe inkanda ishili nukuvilishila havili uli nkana ine hatatu.'' ³¹Pe u peteli ahayanga, ''Nashe twavala ukufwa poka, ntali kuhana ine. ''Vonti vahalanjizya shali shoka.³²pahinza pavuzilo vwe vuhitwaga Getisemani, pe uYesu aqhayanga kuvasundikwa vakwe, ''Mutendame panapa pe nkuvala pakuputa.'' ³³Ahasenda ava Peteli, nu yakovo, nu Yohani poka nawo ahayimba pumoyo wakwe uhelela. ³⁴Ahati kuvavo, ''Pu moyo wane wizuye nishitima ukufishila ukufwa muhasyale apa vuve aminso.''³⁵Uwene ahapitilila hansi, pe uYesu ahati nanti zikwitishiziwa ahavalilo aha. ³⁶Ahati, ''Abba, we Tata, vyonti vipepe niwe. Yefya ishinkombe ishi kuline. Kutave kwanza kwane, loli ukwaho.''³⁷Ahagaluha ahaga vasyupiliye, Ahayanga kwa Peteli, ''Simoni, ugonile? Upositwe pakuva aminsopahavalilizyo hoka. ³⁸Uve aminso kwekuti utahagwile mundingo. Uwene umupepo ayitisile, loli umuvili we mutonsu.'' ³⁹Ahavuyizya havili ukuputa, pe ahavozya amazwi galigoka.⁴⁰Lwe ayinza havili, ahaga vasyupiliye, she aminso gavo gang'wamile. Vatamanyile she vanga yanga kukwakwe. ⁴¹Ahinza ilya vutatu nukuyanga kuvavo, ''Mushili mukasite nukutuzya? Zyakwana! ahavalilo hafiha. Yenya! umwana wa muntu akutwalya mjunyovde zya vatalamalandu. ⁴²Nyamushi, tujende. Yenya, woka we akuntwala ine apalamiye.''⁴³Lwe ashili akuyanga, Yuda, uwa vamo 12 ahafiha, impuga impiti yali nawo. Valemile avapanga ni ndugu, vafumile kuvashiputo avapiti, nava avasimbi, navasongo. ⁴⁴Uwene we ahavalemehaga ahavavuzya nishimanyilo, ahati, ''Uno wenga nkumufipa wewuyo. We muhamulemaje mumwigalile.'' ⁴⁵Lwe u Yuda afisile, mwaluvilo ahashimbilila kwa Yesu ahati, "Mumanyisi, '' pe ahamufipa. ⁴⁶Pe vahagolosya inyove, vahamulema.⁴⁷Loli woka muli vavo we ali kupipi ahakula ishapanga shakwe ahapupa umuzya wava shiputo umupiti ikutwi nukulidumula. ⁴⁸Uyesu ahavavuzya ahati, ''Mwinzile kukwane, ukundema fwe mwiva umupiti, navapanga nindugu pakundema ine? ⁴⁹Lwe nali nimwe shima nukuvamanyisya mu tempeli, mutahandema. Loli zinizi zihavombwa ukuti amasimbo gakwanilisiwe. ⁵⁰''Vonti vevali nu Yesu vahamuleha nukushimbila.⁵¹Umulumendo azyaye inkanzu yeyikunying'inyila hehapinya we wa mulandite uYesu. Lwe avanavuli vamulemile uwene. ⁵²Uwene ahavaleshela inkanzu yeyikunying'inyila nukushimbila ishitali.⁵³Pe vahamutwala uYesu kuwashiputo umupiti, she kwe vavungine avashiputo avapiti, navasongo, navasimbi. ⁵⁴Shinishi Peteli ahamulandata umwene pa hantambwi,pa vutali pa vuzilo vwa valonzi ulwa vaputi avapiti. Vahihala pavalindilili ve ali kupipi ku moto we vahotaga.⁵⁵Shinishi avaputi avapiti ninyumba ya vulongozi vwa va Yuda vwonti vahalondolaga ulusimishizyo ulwa kumuvushila uYesu kwekuti vamutwale kuvufwee. nkandi avene vatahaga nashimo. ⁵⁶Pe avinji vahatwala insimishizyo izyilenga, ukumuvushila umwene, loli insimishizyo zitahitushiziwa.⁵⁷Avamwavo vahimilila nu kuleta insimishizyo izyilenga! izya kumuvushila wuyo; vahati, ⁵⁸''Tuhamwivwa ukuti, ndi mongola itempeli lye vahagomba ninyove, pamasiku gatatu ndizenga ilyamwavo lye litagomvilwe ninyove.'' ⁵⁹Pope she insimishizyo zyavo zitahitishiziwa.⁶⁰Ava puti avapiti vahimilila pakasi pavo nukumuvuzilizya, ''Ute ni lyamulo? Shoni she avantu ava vakusimishizya izya kukuvushila iwe?'' ⁶¹Loli apumile atahamulanashimo. havili ava puti avapiti vahamuvuzilizya vahati, ''ungavanga we chilisiti, umwana wa mulotwa wula? ⁶²Uyesu ahati, ''Ine nene; pe muliyenya umwana wa muntu pe akwihala kunyove iya ndilo iyamaha nape akwinza nama vingu aga kumwanya.''⁶³Uwashiputo umupiti ahazepula inkanzu yakwe nu kuti, ''Ka tushili tukwanza uvwakamboni? ⁶⁴Mwivuye umusamu. Umudumuzi vwinyu vukuti shoni?'' Vonti vahamusula nukuva wa vamo we ahondeye imfwa. ⁶⁵Vamo vahanda ukumuswilila amati nu kumugwinchila kuminso nukumuhoma nukuyanga kukwakwe, ''Kuvwa!'' Ava avapiti vahamusenda nukumuhoma wenewo.⁶⁶Pe u Peteli amali muntende muluvungano lwe vahalonjelaga, woka umulindu uwambombo wa muputi umupiti ahinza kuwuyo. ⁶⁷Ahamwenya u Peteli akota umoto, pe ahamwenyelezya papipi nu kuyanga ukuti, ''Niwe vulo wamile numu Nazareni, u Yesu? ⁶⁸Loli uwene ahahana shenesho, nukuyanga ukuti, ''Ntakumanya nukwivwisya kuzye ukuyanga.'' Pe ahavala pa mulyango walupaso. Pe umukolwe ahavilishila.⁶⁹Pope umulindo wambombo ahamwenya nukwanda ukuyanga havili kuvala vevimiliye pala, ''Umuntu uno wavamo vala!'' ⁷⁰pe ahahana havili. Pa havalilo hansi vonti ve vimiliye palanye vahayanga kwa Peteli, ''Nalyoli we wavamo vala, pakuti niwenye we mu-Galilayi.''⁷¹Pe ahanda weka ukuyiviha muntipo nu kulava ivilapo, ''Ntakumumanya umuntu we mukumuyanga.'' ⁷²Mwaluvilo umukolwe ahavilishila ilya vuvili. Pe u Peteli ahakumbuha amazyi ge u Yesu ahayanga ku kwakwe: ''Lwe inkolwe yishili ukuvilishila havili, ulinkana ine hatatu,'' pe ahagwa pansi nu kulila.

¹Ahavalilo hanzanchi nkani, avashiputo avapiti na vasunga shivanza na vasimbi na vonti avasongo vashiyuda. Pe vahamukunga uYesu nukumulongolezya nukumulemeha u Pilati. ²Pe u Pilati ahamuvuzilizya, ''Vati we mwene wava Yuda?'' Ahamwamula ahati, ''Mwe wayanjila wewe'' ³Pe avashiputo avapiti vahamulonjelela utuntu twe twinji.⁴Pe u Pilati havili ahamuvuzilizya, ''Utakwamula nashimo? Yenya she vakukulonjelela ivintu vye vyinji!'' ⁵Pope uYesu atahamwamula havili u Pilati, pe ishi shihamukumizya.⁶Ishi pahavalilo hapaluseshelo lwa pasa, u Pilati shima ahasatulaga umukungwa woka, we vamulava, ⁷pe pali umukungwa we ahitwaga Baraba ali poka nava shigaluka vevalinumulandu wa kugoga. ⁸Impuga yihinza kwa Pilati nu kwanda ukumulava ukuti avombe inza she ahavombaga mwisinda.⁹U Pilati ahavamula ahati, ''mukwanza ine imbasatulile umwene wava Yuda?'' ¹⁰Pakuti amanyile ukuti mulandu wa vuzuva we mulandu uyo avashiputo avapiti vahamutwala uYesu kuli wuyo. ¹¹Loli avashiputo avapiti vavapiye hali inkama nzila avantu, vatili muhatinji; utusatulile u Baraba. ¹²U Pilati ahavamula havili ahati, ''Pe imbombe shoni nu mwene wava Yuda?'' ¹³Pe vahahola havili, ''muhomele.''¹⁴U PIlati ahayanga kuli vavo, ''Avomvile shoni ishivivi?'' Pe loli avene vahonjezya ukuhola nkani, ''Umuhomele pashihove nkanyo.'' ¹⁵U Pilati ahanzaga ukuhovosya impuga, pe ahavasatulila u Baraba. Pe ahamuhoma u Yesu nu kumulemeha kuli vavo ukuti ahomelwaje.¹⁶Pe avasilikali vahavala nawo kuluvungana lwi lonjelwe lwe lwali munyumba ya valonzi pe vahitizya impuga yonti ya vasilikali. ¹⁷Pe hahamuzwiha inkanzu inchemamu vahatavi nishipambwi shamimva vahamuzyiha. ¹⁸Vahanda ukumulamuha vahati, ''Tukukulamuha we mwene wava Yuda?''¹⁹Vahamuhoma nitete pitwe nu kumuswilila amati, vahamusugamila, vahamushindiha. ²⁰Ilelo lwe vavovezizye, vahamusenda nukumuzula inkanzu inchemamu nu kumuzyiha amenda gakwe, pe nukumutwala ukuhomelwa. ²¹Umuntu wumo u Simoni waku Keleni, (uyise wa Alekezanda nu Lufasi), vahamushinjilizya amunyatuliye ishihovenkanyo shakwe.²²Avasilikali vahamuleta uYesu pa vuzilo vwe vukwitwa Goligota (lye likuti ²³''Pepalupanga'').Pe vahamupa ipele lye vasanginie nu mila, lole atahang'wela. ²⁴Vahamuhomela nu kugavana amenda gakwe lwe vakwiliha ishili, ukuvonesya mwe umusilikali angasendela.²⁵Hali havalilo ha vutatu pe vahamuhomelaga. ²⁶Pamwanya vasimvile isimbo lyakumulonga, ''Umwene wava Yuda.'' ²⁷Nawope vamuhomeleye navapuma vintu vavili, weka kunyove indilo uwamwavo kunyove imongo. ²⁸Pe amasimbo gahakwanilisiwa ge gakuti, ''Vamuvelenjeye na vatalamalandu.''²⁹Ilelo vonti ve vahajendaga papo vahamusamulaga, nu kukuyinzya amatwe gavo, vahatinji, ''Aha! we umanyile ukumongola itempeli nu kuzenga amasiku katatu, ³⁰yiposhe wemwenesho uyise pansi ufume pa shihovenkanyo!''³¹Vope avashiputo avapitinava simbi vwevulo vahamusamula vahati, ''Ahapohaga avanji, loli atangayipoha weka. ³²Muleshe uChilisiti, uMwene wa Yisilayeli, ayishe leloukjufuma pashihovenkanyo, kwekuti naswe twenye nukwitiha'' vope nava vevahomelilwe nawo poka vope vaha mupepusya.³³Paha valilo havu 6, ishisi shihagwa insi yonti mpaka pa havalilo havu 9. ³⁴Pahavalilo havu 9, uYesu ahakuta nizwi ipiti ahati, ''Eloyi, Eloyi, lama sabakatani?'' lye likuti, ''we Mulungu wane we Mulungu wane, wandeshela shoni ine?'' ³⁵Vamo vevimiliye papo vahivwa vahivwa amazyi gakwe vahati, ''Yen ya , akumwita u Eliya.''³⁶Wumo pe ahashimbilila, luvilo luvilo ahasenda ahenda nu kudwiviha mwipele ihali, nukuviha kuhatete, nukumupa ukuti ang'wele. Pe umuntu ahati, ''Leha twenye nanti u Eliya anginza amwisye.'' ³⁷Pe uYesu ahakuta izyi ipiti nu kufwa. ³⁸Umwenda wa kutempeli wu halepuha pavili ukufuma pamwanya mpaka pansi³⁹Lwe umusilikali we ayimiliye nukwenya nu kwernyanya nu Yesu ayenya ukuti afwa mwidala ili, ahati, ''Nalyoli umuntu uno amile mwana wa Mulungu.'' ⁴⁰Pali papo navantanda vevahenyaga pavutali. mulivavo pali u Maliya Umagadala, Umaliya (unyina wa yakovo umunsi nu Yosesi) nu Salome. ⁴¹Lwe ali mu Galileya vamulandite nukumuvombela. Navantanda avamwavo vevinjivahamulandata mu Yerusalemu.⁴²Lwe shamazuva shafiha, mulandu lyali lisiku lya kusenganya, lwe isabata yitafisile, ⁴³Uyosefu uwaku alimateya ahinza kwe kula. Ali wakushindikwa. Kunyumba ya bulongozi we ahagulililaga uvumwene vwa Mulungu. ahayipeleha kuvala kwa Pilati nukulava umuvili wa Yesu. ⁴⁴Pilati ahazunguha ukuti u Yesu afuye hali, ahamwita umusilikali ukumuvuzya inga u Yesu afuye.⁴⁵Lwe u Pitala ahamanya ukufuma ku musikali kuti u Yesu afuye, ahamupa umuvili u Yosefu. ⁴⁶Uyosefu ahakala umwenda umuzelu. Ahamwisya ahamupinya mumwenda uno, ahamuviha mwipumpa lye vadivile mwiyalavwe. Ahagalagasya ivwe nukukupishila pambipa. ⁴⁷Maliya Magadaleni numaliya unyina wa yose ahenya uvuzilo vwe uYesu vamusyiliye.

¹lye isabata lyasila, u Maliya Magadalena, Maliya unyina wa Yakovo, penu Salome vahakala amafuta ukuti vinze vapashe umuvuli wa Yesu. ²Inzanchi sana pisiku ilyakwanda mwa sabata, vahavala kumbipa lwe izuva likufuma.³Vahayanga ku woka nuwamwavo, ''Wuwenu inti avale atugalagasizye ive ukufuma pamulyango wa mbipa?'' ⁴Lwe vakwenya, vahenya ivwe valigalagasizye papo, pakuti lyali lipiti sana.⁵Vahinjila mumbipa pe v ahenya umuntu umulumendo azyaye inkanzu inzelu, ayihaye kuluvazu lwa malyelo, pe vahanyila. ⁶Ahayanga kuvavo, ''Mutanyilaje, mukumulondola u Yesu, uwamu Nazareti, we vamuhomeleye. Azyusile! Atalipo apa. Yenya pavuyo vwe vamugonesile. ⁷Loli valaji, muvavuzye avasundikwa vakwe nu Peteri, 'Avalongoleye akuvala ku Galileya. Kulanye kwe mwava ukumwenya wuyo, ngati she ahavavuzya."'⁸Vahepa nukjushimbilila ukufuma kumbipa; vahatetemaga nu kusukumila. Vatahayanga nashimo kuwonti shifukwa vali nilyoga nkani.⁹Inzanchi pisiku lya kwanda mw sabata, Lwe azyuha, ahavoneshela kwa Maliya Magadalena, kuwe vapiliye impepo inkandamanu ukufuma muwuyo. ¹⁰Pe ahavala avavuzya vala ve amali navope, lwe vali pakulosya nukulila. ¹¹Pe vahivwa ukuti mulanzi pe avoneshela ku wuyo, pope vatahasiuvila.¹²Lwe zyavombwa izi ahavoneshela umwakulehana lehana ku vonti vavili lwe vahajendaga ukuvala munsi yila. ¹³Vahavala vavavuzya avasundikwa ve vasyalishiye, pope vatahavasuvilaga venevo.¹⁴Uyesu pisinda ahavavoneshela 11pe vali pakulya pa meza, pe ahavapilila shifukwa shambula kusuvila kwavo nuvugomu vwa moyo, shifukwa vatahasuvilaga kuvala ve vamuvonye lwe azyusile ukufuma ku vafwe. ¹⁵Pe ahayanga kuvavo, ''Muvale munsi yonti, muhalumbilile ivangeli ku vipeliwa vyonti. ¹⁶We akwitiha nu kozyelwa we alipona, nkandi we atakwitiha we alilongwa.¹⁷Amafindango galivalandata ve vakusuvila; mwizina lyane valipilila impepo inkandamanu zilifuma. valiyanga namunjango izinji. ¹⁸Valinyamula ninjoha mumwanya ninyove zyavo, nape inga vang'weleye ivyakuvagoga, vitalivavulazya. Valiviha inyove pavavinu, pe valipola.''¹⁹Lwe u Mwene ayanzile kuvavo, pe ahanyamulwa ukuvala kumwanya nu kwihala kunyove iya malyelo iya Mulungu. ²⁰Ava sundikwa vahepa nukulumbilila konti, lwe u mwene akuvomba navope nukukwanisya izyi namafindango gakuvalandata.

¹Ishi zyavomvilwe pa sabata lye uYesu ahajendaga mumugunda wa ngano, pe avasundikwa vakwe vahapululaga amatwe ga ngano, nukulya ingano. ²Loli vamu ava Falisayi vahati, ''Shoni she mukuvomba zimo zye zitali munkomelezyo ukuvomba pisiku lya sabata?''.³Pakuvamula avene, uYesu ahati, ''Mutavelenzile zye uDavidi ahavomba lwe ali ninzala, uwene na vantu ve vali nawope buwene? ⁴Avazile munyumba ya Mulungu nukusenda umukate we aliko pe ahalya wumo, havili ahavapa wumo avantu ve ali navo ukuti valye, nanga vuli lwali luhoelezyo kuvaputi veka ukulya uwene.'' ⁵Pe ahati kuvavo, ''Umwana wa muntu we wu Mwene wa sabata.'' ⁶Zyavomvilwe pa sabata uwamwavo pe uYesu ahavala musinagogi nukumanyisya avantu mwemula- nu muntu ali mwemula we inyove yakwe indilo yumiye. ⁷Avamanya kalata na vaFalisayi vahmwenyelezyaga mupipi ukwenya inga angamupozya wumo pa sabata, ukuti mwe vajile ishifukw sha kumulonjela uwene. ⁸Nkandi uwene azimanyile zye vahasivililaga pe ahayanga kumuntu we inyove yuniye, ''Nyamuha pe wimilile ipa pakasi pavonti.'' Pe umuntu ahanyamula nukwimilila pala. ⁹Uyesu ahati kuvavo, ''Nkuvavuzilizya imwe, lungava luhomelezyo pa sabata ukuvomba inyinza pamu ukuvomba imbivi, ukupoha uvulanzi pamu ukuvunanagania uvwene?'' ¹⁰Pe ahenyelezya ukulivilila pa vavo vonti pe ahati ku muntu, ''Golosya inyove yaho,'' havomba sheshila, pe ninyove yakwe yihapola. ¹¹Nkandi avene vizuye nuvuhlazu pe vahayanjilizyania uno nuwamwavo pashe vangavomba kwa Yesu. ¹²Zyavomvilwe munsiku zyezila pe avazile kwigamba ukuputa. Ahajendelela uvusiku vwonti ukuputa kwa Mulungu. ¹³Lwe kushiye, ahavita avasundikwa vakwe kukwakwe, pe ahaseva avene 12, ve avisite havili ukuti vapositili. ¹⁴Amazina gavapositili gamile uSimoni (we havili vahamwita uPeteli) nuwamwavo u Andileya, uYakobu, uYohani, uFilipu, uBalitolomayi, ¹⁵uMatayi, Tomasi, uYakobu umwana wa Alufeyo, uSimoni we vahamwitaga uhayikungule, ¹⁶uYuda umwana wa Yakobu, nu Yuda Isikaliyoti, we ahinza amwanila. ¹⁷Pe uYesu ahiha muntende mwigamba poka navo pe vimiliye pavuyo uvutenganu poka nimpuga impiti iya vasundikwa vakwe ni mbazyo impiti iya vantu kufuma mu Yudeya na ku Yelusalemuna muluvazu mu Tile na mu-Sidoni. ¹⁸Vinzile ukutejelezya kukwakwe nukupoziwa kumbina zyavo. Avantu ve vahayimbaga nimpepo imbivi vope vapozile. ¹⁹Ali wonti mumpuga ahalwisyaga ukumulema uwene mulandu amaha gakupozya gahafumaga kunzi kufuma kuwuyo, pe ahavapozya vonti. ²⁰Pe ahenyelezya pavasundikwa vakwe ahati, ''Mwe valotwa imwe mwe mwevapina, she ishinamwene sha Mulungu shinyu. ²¹Mwe valotwa imwe mwe muli ninzala ishi, she muliyikuta. Mwe valotwa imwe mwe mukulila ishi, she muliseha. ²²Mwe valotwa imwe lwe avantu vakuvavenga imwe, havili lwe vakuvapagula imwe nukuvaliga imwe nukuhana izina lyinyu ukuva ngati mwe vavivi, shifukwa sha mwana wa muntu. ²³Seshelaji mwisiku lila nukugovola ivya luseshelo, mulandu vwanalyoli muliva namalipilo amapiti kumwanya, she avanyenya vavo vavavomvile vunuvo avakuvwi.²⁴Nkandi ye mayiwe kwimwe mwe mwevadumbwe, she muposheleye nzila uvufwase vwinyu. ²⁵Ye nayiwe kwimwe mwe mwikusi ishi, she muliva ninzala pantanzi. Ye mayiwe kwimwe mwe mukuseha ishi, she muliswimilimana havili mulilila. ²⁶Ye mayiwe kwimwe lwe vonti avantu vakuvayanga ahinza imwe, she zyamile vunuvo kuvanyenya vavo she vahavombaga kuvakuvwi avilenga.²⁷''Nkandi kuyanga kwimwe mwe mukuntejelezya, muvakundaje avalugu vinyu havili muvombaje inyinza kuvala ve vavaposite imwe. ²⁸Muvalotaje vala ve vakuvatipa imwe havili muvaputile vala ve vakuvayimvya imwe. ²⁹Kuwula we akukanza iwe kuludilo loka, umupe wuyo havili nulwamwavo. Inga wumo we akusenda ishizyaloshaho, utahamuhanile naye nkazu. ³⁰Umupanje wonti we akulava iwe. Inga wumo akusenda shimo she shaho, utahamulavaje ukuti agalusyaje shenesho kukwaho.³¹She ukwanza avantu vakuvombele iwe, niwe uvavombelaje vunuvo vope. ³²Inga ukuvakunda vulo ve vakukunzite iwe, kwinza vuli vwe vui mwiwe? She navatalamalandu vakukunda vala ve vakuvakunda avene. ³³Inga mukuvomba inyinza kuvantu ve vakuvomba inyinza kwimwe, vwinza vuli vwe vuli mwimwe? She navatalamalandu vakuvomba zinizyo. ³⁴Inga mukuvazimya veka avantu ve mukusuvila ukuti valivagalushizya, vwinza vuli kukwinyu? Navatalamalandu vakuvazimya avatalamalandu, ukuti vavagalushizyaje inza vye vavapiye.³⁵Nkandi muvakunde avalugu vinyu havili muvombaje inyinza kuvavo. Muvazimye, mutasuvilaje nashimoishakugalusya, pe amalipilo ginyu galiva mapiti, havili muliva mwe vana va mulusyi, she uwene umwenesho ali nuvwila pa vevatakusalifya na vantu avavivi. ³⁶Muvanje nuvwila, inza she uTata winyu ali nuvwila.³⁷Mutalogaje, pe nimwe mutalilongwa. Mutahasusyaje, pe nimwe vatalivasusya. Muvatetele avanji, pe nimwe mulitetelwa. ³⁸Mupe, pe nimwe mulipelwa. Uvwinji uvwinza- uvusindile pansi, kuyingania poka havili shikulafuha- valiyitila pikopi lyinyu. She shilipimilwa havili nakukwaho.''³⁹Pe ahavavuzya havili avene ishihoanio. ''Ishi umuntu utonko angalongozya umuntu utonko uwamwavo? Inga ahazivomba, pe vonti ve vavii vangagwila mushiliva, vuli vangapotwa? ⁴⁰Umusundikwa te mupiti ukushila uanyisi wakwe, loli wonti we inga amanyila nkani aliholana numanyisi wakwe.⁴¹Shoni she ukwenya ahapato ahansi hehali mwilyinso lya wamwinyu, loli utakushenya ishikwi ishipiti sheshili mwilyinso lyaho? ⁴²Ungayanga vuluvuli kuwamwinyu, 'Wamwitu, leha nkwefye ahapato he hali mwilyinso lyaho,' lwe niwe wemwenesho utakushenya ishikwi ishipiti sheshili mwilyinso lyaho? We muluma ilenga! Wandile wefye ishikwi ishipiti sheshili mwilyinso lyaho, pe lelo uliyenya ahinza ukwefya ahapato ahansi hehali mwilyinso lya wamwinyu.⁴³She kutali ikwi ilyinza lye likuleta insanga imbivi, pamo ikwi ivivi lye likuleta nsanga inyinza. ⁴⁴She ikwi lyonti likumanyikwa muhavele ha nsanga zye likuela. She avantu vtakuvunganiha amakunyu ukufuma kumimva gamuntundu, pamo vakuvunganiha amampensya kufuma muntolomvu.⁴⁵Umuntu umwinza kufuma muvusunzi vwakwe uvwinza uvwa mumoyo wakwe akufumya she shinza, numuntu umuvivi kufuma muvusunzi uvuvvivi uvwa moyo wakwe vukufumya she shivivi. She kufuma ⁴⁶muvwinji vwe vuli mumoyo ilomo lyakwe likuyanga. ''Shoni she mukunita ine, 'Mwene, Mwene,'nashe mutakwivwila ivintu vye ine nkuyanga? ⁴⁷Wonti umuntu we akwinza kukwane nukwivwa amazwi gane nukugivwila agene, inti mbavuzye imwe she aholine nash. ⁴⁸Aholine nu muntu akuzenga inyumba, we ahabana ulufua ulwivizu nkan nukuzenga ulwalo lwa nyumba piyalavwe igomu. Lwe ukwizula kwa majenje kwinzile, amahava gahajenda ukuvushila inyumba yila loli gatahayiyingania iyene, shifukwa yazenzilwe ahinza. ⁴⁹Nkandi umuntu we akwivwa amazwi gane loli atakugivwila agene, aholine nu muntu we azenzile inyumba pamwanya pitope atahala nulwalo. Lwe amahava gahajenda ukuvushila inyumba yila, naluvilo yihalepuha, nukumongonkana kwa nyumba yia kwasizile.''

¹Kuvwandilo kwali izwi, havili izwi lyali poka nu Mulungu, havili izwi lyamile wuMulungu.

¹Lye amasiku gatatu gajenda, mwamile isendwa muKana iya muGalileya pe numama wa Yesu amile mwemula.

¹Ishi kwamile umuntu wumo umuFalisayi izina lyakwe ali ghu Nikogemu, umulongozi wava Yuda.

¹Ishi lwe uYesu amanya ukuti avaFalisayi viṿuye ukuti ahapelaga nu kozya avasundikwa avinji ukulusya uYohani

¹Pisinda pishi kwamile uluseshelo lwa shiYuda, pe uYesu ahakwezya ukuvala mu Yelusalemu.

¹Lye ṿyajenda iṿintu ṿiniṿi, uYesu ahepan ahavala kwisyila ilinji ilya Sumbi wa Galileya, we havili akwitwa kuti uSumbi wa Tibeliya.

¹Pisinda pa ṿintu ṿiniṿi uYesu ahazyungulila muhaya ha muGalileya, pakuti uwene atahanzaga ukuvala kuYudeya shifukwa avaYuda vahamuṿwimaga pakumugoga uwene.

¹F5 U Yesu ahavala kwi gamba ilya mavula.

¹Ishi lwe uYesu akudumunsania, ahenya umuntu wantoko ukufuma kumpapwa.

¹"Nalyoli, nalyoli, ine nkuti kulimwe, uno we atakwinjila ukudumunsania pa shilyango ukwinjila mu shivaga isha ng'onzi, loli akukwela pamwanya mu madala gamo aganji, umuntu uyo mwiva havili mugozi.

¹Ishi umuntu wumo ahitiziwaga Lazalo avinile.We afumile mu Betaniya, mu nkaya iya Maliya nu wamwavo wakwe uMalita.

¹Lwe kwasyala amasiku 6 kwa Pasaka uYesu ahinza ku Betaniya, kwe uLazalo ali, wuyo we uYesu ahamuzyusya ukufuma ku vafwe.

¹Ishi pali pepala pe uluseshelo ulwa Pasaka lwashili. U Yesu azimanyile ukuti ahavalilo hakwe hafiha ahakwepela munsi nu kuvala kwa Tata. Umwakuvagana avakwe na vakwe ve vali munsi, uwene avaganile venevo ukufiha ku vumalilo.

¹Leha amoyo ginyu gatayimbaje. Imwe musuvile mwa Tata; munsuvile nine vwelele.

¹Ine lipensya ilya nalyoli, nu Tata wane we mugunda. Uwene akulwefyaga ulusamba lonti mu mwane lwe luta kuhoma, ²havili uwene akupaluliga ulusamba lonti lwe lukhoma ishihomwe kwekuti ulwene luhahome iṿihomwa iṿyinji.³Imwe muzelufile hali shifukwa ishi pangwi ilyinza lye ine nkhavavuzya imwe. ⁴musyelematile mu mwane, pe nine mulimwe.Ngati she ulusamba lutangahoma ishihomwa palulo lweka pekapeka ulwene lusyelematile mwi mpensya, pe nimwe vwelele pekapeka musyelematile mumwane.⁵Ine ne limpensya, imwe mwe nsamba. Uno we akusyelematila mu mwane pe nine mumwakwe, we akuhoma ivihomwa ivyinji, she ukusita ukuva nine imwe mutangavomba nashimo. ⁶Inga wumo atakusyelematila mu mwane we asunvilwe kuvutali ngati lusamba nu kwimila nzila, pe avene vakuzivunganiha insamba nukuzisumba zyenezyo mumoto, pe izyene zikupya nzila. ⁷Inga imwe mukusyelematila mu mwane, havili inga amazwi gane gakusyelematila mu mwinyu, mulavaje shonti she imwe mukwanza pe isho shilivombwa kwimwe.⁸u Tata wane akushindamila mwishi, ukuti imwe muhome ivihomwa ivyinji pe nukwitishizya ukuti imwe mwe vasundikwa vane. ⁹Ngati she u Tata ahangana ine, nine vwelele mbaganile imwe. musyelematile mulugano lwane.¹⁰Inga imwe mukusunga inkomelezyo zyane, imwe mulisyelematila mu lugano lwane, ngati she ine nsunjiye inkomelezyo izya Tata wane nukusyelematila mu lugano lwakwe. ¹¹Ine njanzile ivintu kulimwe kwe kuti uluseshelo lwane luhavanje mumwinyu havili nukuti uluseshelo lwinyu lulivanga lwakwizula.¹²Ulu luhomelezyo lwane, ukuti imwe muganane woka nuwamwavo ngati she ine mbaganile imwe. ¹³Nahumo we ali nu lugano ulupiti nkani ngati ulu-we wula we akuvugoneha uvulanzi vwakwe mulandu wavamanyani vakwe.¹⁴Imwe mwe vamanyani vane inga mukuvomba ivintu vye ine nkavahomeshezya imwe. Ine ntakuvita imwe ukuva mwe vavonvi, she umuvonvi atakumanya she umupiti{umwene} wakwe she akuvomba. ¹⁵Ine nkavita imwe vamanyani, she ivintu vyonti vye ine nkivwa ukufuma kwa Tata wane ine mbavumbuliye imwe.¹⁶Imwe mutahansala ine, loli ine nkavasala imwe havili navasonsite imwe ukuti mujende nukuhoma ishihomwa, nukuti ishihomwa shaho shisyelematile. Ishi uvu ukuti shonti she imwe mukulava kwa Tata mwizina lyane, uwene alivapa imwe shenesho. ¹⁷I vintu vinivi ine nkuvahomeshezya imwe, kwe kuti imwe muganane woka nuwamwavo.¹⁸Inga insi yivapasite imwe, mumanye ukuti iyene yandiye yampata ine pe iyene yashili ukuvapata imwe. ¹⁹Inga imwe mwavanga mwe vamunsi, insi nge yivaganile ngati mwe vakwe. Loli shifukwa imwe temwe va munsi havili shifukwa imwe nkavasala imwe ukuvefya munsi, pelelo insi yavapasite imwe.²⁰Mukumbushe izwi lye ine nkavavuzya imwe, 'Umuvonvi temupiti nkani ukulusya umwene wakwe,' Inga avene va mvwimile ine, avene havili valivavwima imwe, inga avene vahansunjilila izwi lyane, avene vali sunjilila nilyinyu vwelele. Avene valivomba iṿintu ṿyonti kukwinyu shifukwa ²¹shizina lyane, pakuti avene vatamumanyile uwene we ahantuma ine. ²²Inga ine ntahinzaga nukuyanga kukwavo, avene pe nge vatali nu vutala malandu, loli avene vatali na pa kuyiyanjila shifukwa sha vutala malandu vwavo.²³Uwene we ampasite ine we amupasite nu Tata wane vwelele. ²⁴Inga ine ntavomṿile imbombo zye nawumo uwunji we azivomṿile pakasi papavo,avene nge vatali nuvutala malandu,loli ishi avene vahenya nu kutupataswenti ine nu Tata wane. ²⁵Loli ishi shali muluvatiho uku kwanilisya izwilye lihasimbwa mu lulajilo lwavo, 'Avenevampasite ine shisita mulandu.'²⁶Lwe uwa kupumilizya afisile-we ine ndimutuma kukwinyu ukfuma kwa Tata, we wuyo umupepo wa vwanalyoli, we akwepa ukfuma kwa Tata-uwene alisimishizya ukyana ni zyane. ²⁷Nimwe vulo muhondeye uk simishizya mulandu imwe mwavanga nineukfuma kuvwandilo.

¹Ine njanzile iṿintu ṿiniṿi kulimwe kwe kuti iwe utahinze ugwe.

¹Lwe u Yesu ayanga zinizi, ahinusya aminso gakwe kumwanya pe ahati, ''Tata, ahavalilo hafisile ,mushindamishe u Mwana waho wope umwana waho u kushindamishe iwe- ²Ngati she umupiye uwene uvulamulili pa vantu vonti ukuti uwen ahavape uvulanzi uvwa shima shima ku wonti wula we iwe umulemesile wenewo.³Uvu vulanzi vwa shima nashima: ukuti avene vakumanye iwe, we Mulungu weka uwa nalyoli, pe nawula we iwe uhamutuma, u Yesu chilisiti. ⁴Ine nkuku shindamiha iwe apa pansi yapansi. ine mazile imbombo ye iwe wampiye ukuti imbombe. ⁵Pe lelo, Tata, ushindamishe ine poka niwe ku vushindamu vwe nali navwo poka niwe lwe insi yitapelilwe.⁶Ine ndivumbuye izina kuvantu ve lwe uhampha ine ukufuma munsi. avene vali naho, pe iwe uhampha venevo kukwane havili avene vansunjiliye amazwi gavo. ⁷Ishi avene vamanyile ukuti ivintu vyonti vye iwe wampiye iwe vihinza ukufuma kukwaho, ⁸She

ine mbapiye venevo amazwi gonti ge iwe wampiye ine. avene vahagaposhela genego pe nalyoli vahamanya kuti ine nkwinza kufuma kukwaho, havili avene vahasuvila kuti iwe uhantuma ine.

¹Lwe U Yesu ayanga amazwi aga ahepa pakasi pa vasundikwa vakwe nu kuvala ku kidiloni, kwe kwamile umugunda mwe navasundikwa vakwe vahinjila. ²ishi uYuda ahavaga nukumwanila uwene, wope amanyile kuvuzilo vula pakuti kwe U Yesu ahahomanaga navo havili havili. ³pe u Yuda ahavala nimpuga iya vasilikali na vamo avasongo ukufuma ku vaputi avapiti na vafalisayi, pe vahavala ni nyale, avatochi, havili niṿilwilo.⁴Pe uYesu, we amanyile iṿintu ṿyonti ṿye ṿihavombwaga ku kwakwe, ahava kuntanzi nu kuva vuzilizya avene, ''wuwenu we mukumulondola?'' ⁵Pe vahamwamula uwene wu Yesu wa nazleti.'''U Yesu ahati kulivavo, ''nene'' u Yudasi, we ahamulonjelela uwene, wope vulo ayimiliye poka na vasilikali⁶Lwe ayanzile kuvavo ukuti, ''nene'' vonti vahagalushila ishansizi nukugwa pansi. ⁷pe havili ahava vuzilizya, ''muku mulondola uwenu?'' havili vahati, ''U Yesu wa nazaleti.''⁸U Yesu ahamula, ''mbavuzizye ukuti nene. inga mukunanza ine leha avo vajendaje.'' ⁹Ulu lwali luvatiho lwa kufilizya a mazwi gala ge gakuyanga: ''ku vala ve umpiye ine ntasovezizye nawumo.''¹⁰Pelelo uSimoni peteli, we li nu panga, ahafumya wenewo nu kumuvola umuzya wa muputi umupiti havili ikutwi lihadumuha ilya kunyove iya ndyelo. Pe izina lya muzya uyo ali u Malikusi. ¹¹U Yesu ahati kwa peteli, ''galusya upanga mushichola shakwe. Mutahang'wele ukapu we u Tata ampiye ine?''¹²Pe impuga ya vasilikali, nukapitawo havili na va ofesi ya vayuda vahamulema u Yesu nuku mukunga. ¹³Pe vahajenda nawo kwa anasi, utayiṿyala wa kefasiwe amali muputi umupiti mumwaha wula. ¹⁴ishi ukufesi wewula we ahagomia avayuda ukuti shinza ukuti umuntu woka afwe mumalo ga vantu avinji.¹⁵Usimoni peteli ahamulandata u Yesu, nuwamwavo umusundikwa. ishi umusundikwa wula we amanyikilwe nu muputi umupiti, pe ahinjila nu Yesu kumusolo wamuputi; ¹⁶Loli upeteli ayimiliye kunzi kushilyango. nu wunji wula umusundikwa we amanyiklwe ku muputi umupiti, ahepapo nu kumuvuzya umulindilili wa pashilyango ukumuleta u peteli mukasi.¹⁷Umuzuzya umwantanda, umulinda shilyango we ahayanga kwa peteli , ''vuzye iwe tewe wumo wa vasundikwa va muntu uno?'' uwene ahati, ''tenene.'' ¹⁸Ishi pe avazya na va songo mu ofesi vimililye palanye, havili vapemṿile umoto wa malash; mulandu kwa hataye, pe vahotaga umoto. u Peteli wope ali navope pala nu ku yotelezya wuyo weka.¹⁹Umuputi umupiti pe aha muvuzilizya u Yesu ukuyana nizya vasundikwa vakwe havili ukuyana nizya nsambilizyo zyakwe. ²⁰uYesu aha mwamula uwene, ''nayangaga apazelu kunsi ahavalilo honti namanyisyaga mumasinagogi havili na mwi tempeli mwe avayuda vahahomanaga vonti ine ntahayanga nashimo kukwilu. ²¹Shoni she mukumbuzilizya ine? muvuzilizye ku ve vahaniṿyisya pe nkayangaga. Yenya, ''avantu ava vamanyile vye nkayanga.''²²Lwe uYesu ayanzile izi, woka uwa mu ofesi ayimiliye palanye nukumuhoma uYesu havili ahati, ''she ungamwamula umupti umupiti?'' ²³U Yesu ahamwamula uwene ahati, ''inga ine njazile havivi simishizya ukuyana nu vu vivi, lole inga ngolosizye shoni she ukunkoma ine?'' ²⁴Pe u Anasi ahamutuma kwa kayafa umuputi umupiti lwe akunzilwe.²⁵Panapa u Simoni peteli ayimiliye nu ku yotelezya wuyo weka, pe avantu vahayanga kuliwuyo, ''vuzye iwe tewe wavamo avasundikwa avamuntu uno?'' uwene ahahana ilyavuvili ahati, ''tenene.'' ²⁶woka umuzya uwa muputi umpiti, havili ali mujenzi wa muntu we upeteli aha mudumula ikutwi ahati, ''vuzye ntahakwenya iwe mumugunda mulinawope?'' ²⁷pelelo u Peteli ahahana sona; panapo na panapo umukolwe ahavilishila.²⁸Ishi vahamulongozya u Yesu ukufuma kwa kayafa ukuvala kunyumba ya shimwene. yali nzanchi nkani, pe vatahinjila munyumba ya shi mwene ukuti vatahandamane pala vanginjila munyumba ya shimwene kwekuti valye upasaka. ²⁹Pelelo upilati ahinza kunzi nukuti kuvavo, ''mulandu vuli we mukumulonjelela umuntu uno?'' ³⁰havili vahamwamula uwene vahati, ''inga umuntu uno atahavombaga uvutala malandu, iswe nge tutamulesite kukwaho.''³¹Pelelo upilati ahati kuvavo, ''musende wenewo imwe mweka havili mu mulonje uklingana nulu lajilo lwinyu.'''Avayuda vahati kuwuyo , Te lulajilo ukuti iswe tumuvishe wume ku vufwe. ³²Pe vahayanga izi ukuti amazwi ge uYesu ayanzile gafishile ge gakuyanga izya mfwa ye uwene alifwa³³Pelelo u Pilati ahinjila kunyumba ya shimwene havili nukumwita u Yesu pe ahayanga kliwuyo, ''ungavanga we mwene wa ³⁴vayuda?''U Yesu ahamula ahati, Vuzye iwe ukuyanga ukufuma kuzyi iwe weka pamo valiko avanji ve vakuyanga ukuyana ni zyane?'' ³⁵U Pilati ahamula, "Ine tene mu Yuda, nigngavanga? Avantu vinyu na vaputi avapiti vampiye imwe ku kwane. Imwe mwavomvile shoni?³⁶U Yesu ahavamula, "Ishinamwene shane te shansi ino. Inga ishinamwene shane shavanga ni shigavo munsi ino pe avavomvi vane nge vandwiliye kwe kuti ine vatahandemeshe kuva Yuda. Loli ishi ishinamwene shane shitafumile ³⁷apa."Pe u pilati ahati ku kwakwe, "Ungavanga iwe we Mwene lelo" U Yesu ahavamula, "Iwe ukuyanga ukuti ine ne mwene . Shifukwa sha mbombo ino she ine nkapipilwa, havili ishi she shifukwa she ine ninziye mu nsi, ukuvusimishizya uvwanalyoli. Uno wonti we ali muvwanalyoli akutejelezyaga amazwi gane.³⁸U Pilati ahati ku kwakwe, "Uwanalyoli she shoni? Lwe uwene ayanzile ishi, uwene ahafuma havili kuva Yuda pe ahati ku kwavo, "Ine ntakuvwaga uvunanzi mu muntu uno. ³⁹Loli imwe muli na miho ge gakusatula umuntu woka kukwinyu pasaka. Vuzye mukwanza ine imbasatulile umwene wa vayuda imwe?'' ⁴⁰Pevahaholela nkani nukuti, ''umuntu uno awe, nkandi ubarabasi.'' pelelo U Barabasi ali mulongozi.

¹Pe upilati ahamusenda uyesu nu kumusyempa wenewo. ²Avasilikali vahagomba impumpu ya mivwa. vahaviha pitwe lya yesu nukumuzwiha wenewo umwenda wamavala. ³vahinza kukwakwe nu kuyanga, "hayile, mwene wa yuda!"havili vahamuhoma uwene.⁴Pe pilati ahafuma kunzi havili nu kuyanga kuvavo, ''Yenya, ine namuleta kunzi kukwinyu ukuti mumanye ntamwaga nu muladu wumo,'' ⁵Pe u Yesu ahinza kunzi, azwaye impumpu ya mimṿwa namenda ga peepo. U Pilati ahayanga ku vavo Yenya, umuntu wewuno! ⁶Pelelo lwe avaputi avapiti nava nave valongozi vamwenya u yesu vahapunda inkani nu kuyanga Muhomele wenewo, mumuhomele wenewo!'' U Pilati ahyanga kuvavo ahati, ''musende mwemwe mweka nu kumuhomela wenewo pakuti ine ntawaga umulandu mumwakwe.''⁷Ava Yuda vahamwamula vahati, Tuli nululajilo, pe ukuyana nululajilo ahodeye ukufwa shifukwa akuyitaha ukuti mwana wa Mulungu.'' ⁸lwe upilati ayiṿwa ukuyanga uku, pe ahanyila nkani, ⁹pe ahinjila mwisano nukuyanga kwa Yesu , ''kwi kwe ukufuma?'' loli uYesu atahamula nashimo.¹⁰Pe u Pilati amuvuzya ahati, ''vuzye te unamule ine? utamanyile ukuti indi nu vulamulili vwa kuku satula iwe, havili nu kuku homela?''' ¹¹U Yesu ahmwamula uwene, I we utali nuvu lamulili vumo papane ine loil sheka she upeliwe kufuma kumwanya havili wula we andemeha kwimwe we ali nu vutala malandu uvupiti.''¹²Pahamulile iha, U Pilati ahayezya ukuti amusatule, lole avayuda vaha hola nkani, vahati, ''inga iwe wamusatula umuntu uno, te wemujenzi wa kesali.'' loli wonti we akuyigomba wu mwene havili akuyanga ukupingana nu kesali. ¹³Lwe U pilati ayiṿwa amazwi aga, ahamuleta uYesu kunzi nukwihala pitengo lya vulonzi lye likwitwa gabata munjango ya arammaika kweti ivwe lye litambalaye¹⁴Ishi lyali lisiku lyakusengaya pa saka, hali havalilo ha 6 U Pilati ahati ku va Yuda, ''Yenya apa pali umwene winyu!'' ¹⁵Vaha holela nkani, muleshe uyo, muleshe uyo, ahomelwe! uPilati ahyanga kuvavo ahati. Ine imuhomele umwene winyu?'' Avaputi avapiti vahamula, tutali nu Mwene loli uKesali.'' ¹⁶Pe uPilati ahapa uyesu ukti vamuhomele.¹⁷Pe vaha musenda u Yesu, vahafuma nawo kunzi, ahanyamula weka impinjika, ukuvala kuvuyo vwe vukwitwa ukuti, vuzilo vwa mafupa agitwe,'' munjango ya shi alamayiki kwekuti ''Gologota.'' ¹⁸Vahamu homela u Yesu kula, poka na vantu vavili, woka kuluvazu uwunji ulwamwavo, nu Yesu pakasi.¹⁹U Pilati wope ahasimba ishimanyilo nu kuviha shenesho pashi hovenkanyo. Papo gasimṿilwe: U YESU WAKU NAZALETI UMWENE WA VA YUDA. ²⁰Avayuda avinji vakuvazya ishimanyilo ishi mulandu uvuzilo vwe uYesu aha homelwa kwe kupipi ni nkaya yavo. ishimanyilo sha simṿilwe munjango ya Aramayiki, Latini, havili mu shi gliki.²¹Pe umuputi umupiti uwava yuda ahayanga kwa pilati, ''Utahasimbe uti, U Mwene wava Yuda; pamu, inga uno we ahayanga, '''Ne Mwene wava Yuda.'''' ²²U Pilati ahamula, She ine nasimba basi nsimṿile.''²³Lwe avasilikali vamuhomela uyesu, vahasenda amenda gakwe, nuku gavanagenego pa ṿigavo 4, vahasenda kila muntu ishigavo shakwe, pe ni nkanzu vulo. Ishi yope inkanzu yali ntali, vatasonile na pamu ukufuma pansi mpaka pamwanya. ²⁴Pe vahayanga veka vahati, ''leha tutazepule yeneyo, lole tuhome ikula ukuti tumwakje we asende wenewo.''ishi shihavombwa ukti amasimbo gafishilege gahati, ''vahayigavila amenda gane veka havili ukhoma ikula,''²⁵Ishi pe we ayimiliye paluvazu pa sshihovenkanyo ali wu mama wa Yesu, nu munine wakwe, U Maliya umushi wa Kiliopa nu Maliya magidalini, ²⁶Lwe u Yesu amwenya u mama wakwe papipi ahati, ''Mwantnda, yenya, umwana waho!'' ²⁷Pe ahati kwa musundikwa wakwe, ''yenya, umama waho!'' Ukufuma paha valilo aho umusundikwa ahamusenda ahavwela nawo ku nyumba yakwe.²⁸Pisinda pishi, ukumanya kuti ṿyonti ṿyafishila havilipakuti amasimbo gava kufishila, U Yesu ahati, ''nivwa inyota.'' ²⁹Ishakuvishila shizuye ni pele ilya mampesya shali papipi pe vahaviha ahenda kwitete nuku dwiṿya mwipele lya mampesya nuku nyamusya mpaka pi lomu lyakwe. ³⁰Lwe u Yesu ang'wela ipele lya mampesya, ahati, '''zyasila,'' ahinamiha itwe pansi nukutwala umuzimu wakwe³¹Pe avayuda, shifukwa lyali lisiku lya kusengenya, havili zyali kuti umuvili wutangasyala pa shihovenkanyo pasabata ̣[pakuti isabata yila yali yakuhondela, lyapayo, vahamulava u Pilati ukuṿunza iṿinama ṿyavo nukuvefya vevevo. ³²Pe avasilikali vahinza nukuṿunza iṿinama ivya muntu wa vwandilo ni ṿya muntu wa vuvili ve vahomelilwe poka nu Yesu. ³³Lwe vinza kwa Yesu, vahenya ukuti uwene afuye hali, pe vataha muṿunza iṿinama³⁴Pe vuli, woka uwa vasilikakali ahamulasa paluvazu ni mpalala, mwaluvilo ivanda poka na minzi ṿihafuma. ³⁵Woka wula we ahenya ahasimishizya izi havili ulusimishizyo lwakwe lwa nalyoli. akumanya ukuti she ahayanga sha naloli ukuti pamu niwe usuvile.³⁶Pakuti iṿintu iṿi ṿiha vombwa umwa kufishilizya amasimbo ge gakuti,, '' nanti lyoka ilya mfupa gakwe lye lyaṿunziha.'' ³⁷Havili, isimbo ilinji likuti, ''Valimwenya wuyo we avene vaha mulasa.''³⁸Ukufuma pa ṿintu iṿi uyosefe uwaku alimateya, pakuti ali musundikwa uwa Yesu (loli kukwilo pakuti ahanyilaga avaYuda), aha mulava u Pilati inga angefya umuvili wa Yesu. U Pilati ahamwitishizya uwene. Pe uyosefe ahinza nukuwefya umuvili wakwe. ³⁹U Nikodemu wope ahinza, wula we pavwandilo ahinza kwa Yesu pa vusiku. ahinza nu mila nu elosiuku kwana amalita 100⁴⁰Pe vahasenda umuvili wa Yesu nu kuwuzinga mumwenda poka niṿyaku nuchizya amavili. ⁴¹Ishi ku vuzilo vwe vamu homele kwamile umugunda; havili mu mugunda mwamile imbipa impya mwe nawumo umuntu we ahasyilwa mumo. ⁴²Pakuti lyali lisiku ilya kusenganya ilya vayuda havili ukuti imbipa yava papipi, vahamugoneha uYesu mumo (mumbipa impya).

¹Ishi inzanchi pisiku lya kwanda ilya sabata, lwe kushili kuli ishisi, umaliya magidalini ahinza ku mbipa pe ahenya ivwe ligalagasite ukufuma kumbipa. ²Pe ahashimbila ukuvala kwa simoni peteli na kuva mwavo avasundikwa ve u Yesu avaganile, nu kuyanga, ''vamwefizye umwene ukufuma mumbipa, pe tuta kumanya kwe vamugonesile wenewo.''³Pe upeteli na vasundikwa avanji vahafuma ukuvala kunzi, pe vahajenda ukuvala ku mbipa. ⁴vahashimbilila poka vonti vavili, pe umusundikwa uwunji ahashimbila mwaluvilo kuntanzi kwa peteli nukwandila ukufiha kumbipa. ⁵Pe ahinama pansi, ahenya amenda galipo, loli atahinjila mukasi.⁷Pe u Peteli Simoni ahafia mwisinda nu kuvala mumbipa. Ahenya amenda gali li palanye ⁶Pelelo umwenda we vamupinyiye kwitwe. wutali poka na menda agnji nkandi wazingine muluvatiho lwakwe pa weka.⁸nkandi uwamwavo umusundikwa, wula we ayandiye ukufiha ku mbipa, wope ahavala mukasi, ahenya nukusuvila. ⁹Pakuti ukufiha ahavalilo hala vashili vatagamanyile amasimbo ukuti uwene ahondeye anyamushe ukufuma ku vafwe. ¹⁰pe avasundikwa vahagaluha kunyumba havili.¹¹nkandi uwene umaliya ahimilila kunzi ku mbipa akulila. lwe akulila, ahinamila mumbipa. ¹²Ahenya vahavizya vavilivazwaye iṿizelu vihaye, woka kwitwe nu wamwavo kuṿina pa vuzilo vwe vagonesile umuvili wa Yesu. ¹³Vahati ku wuyo, ''Mwantanda, shoni she ukulosya?'' Ahayanga kuvavo, Mulandu vamusenzite umwene wane, havili ntamanyile na kwe vamutwaye wenewo.''¹⁴Lwe ayanga izi, ahagalunkana havili ahenya u Yesu ayimiliye papo, nkandi atahamanya ukuti wuYesu. ¹⁵U Yesu ahati kukwakwe, Mwantanda, shoni she ukulosya? Wuwenu we ukumulondola? umwantanda ahatinji mwenesho wa mugunda, Pe ahayanga ahati, ''Tata, inga umwefizye wenewo, yanga kwe wamuviha uwene, pe nakumwefya wenewo.''¹⁶U Yesu ahati ku wuyo, Maliya.'' pe ahashevela kukwakwe nukumwenya ahayanjila mu aramaik, ''Rabboni'' (kwe kuyanga ukuti ''manyisi''). ¹⁷U Yesu ahati ku wuyo, ''utaha mpalamansye ine mulandu nchili ukvala kwa Tata, loli valaga uvavuzye avamwitu uti ku vavo ine ndizuva kwa Tata wane pe nimwe wu Tata winyu, havili wu Mulungu wane pe nimwe wu Mulungu winyu.'' ¹⁸U Maliya magidalin ahinza nu kuvavuzya avasundikwa, ''ine namwenya u Mwene,'' havili nukuyanga iṿintu ṿiniṿi kukwakwe.¹⁹Pa hamazuva uvwa lisiku lila, isiku lya kwanda mwa Sabata, inyiji zyigalilwe kwe avasundikwa vamile vamile nilyoga kunyila avayuda, U Yesu ahinza nukwimilila pakasi papavo, ''Umutende kwimwe.'' ²⁰lwe ayanzile zinzi pe ahavalanjizya avene inyove zyakwe na kumbazu. Avasundikwa vaha seshela lwe vamwenya u Mwene.²¹U Yesu pe ahayanga havili, ''Umutende kwimwe. Inza she uTata ahantuma ine, she nine nkuvatuma imwe.'' ²²lwe U Yesu ayanzile izi ahava putila umuji nukuyanga kukwkwavo ahati Poshela u Mupepo u Mufinjile. ²³vonti ve uvutala malandu vwavo muku vatetela vuli tetelwa; vonti ve muku vasengulila uvutala malandu vwavo vakusengulwa munsizi.''²⁴U Tomasi, woka muvala 12, we akwitziwa didimo, atamile navope lwe u Yesu akufiha. pe ²⁵avasundikwa avamwavo vahati ku wuyo, iswe twamwenya u Mwene.'' uwene ahati kuvavuzya, ''Pekapeka ine nenye amavamba ga masumali munyove zyakwe, nuku palamansya inyove yane mumbazu mwakwe, Ine ntalisuvila.''²⁶Lye amasiku gasila 8 avasundikwa vali mukasi, pe Tomasi amile navope. U Yesu uyesu ahinza havil lwe inyiji zyigalilwe sheshila, nukwimilila pakasi papavo nukuti, ''UMutende kwimwe.'' ²⁷Pe ahati kwa Tomasi, '' nzaga papane ni nyove zyaho havil upalamansye muluvazu mwane. Utavanje musita kusuvila, loil usuvilaje.''²⁸U Tomasi ahamula nu kuti kuwuyo, ''Mwene wane havili mulungu wane.'' ²⁹U Yesu ahayanga kuwuyo, ''pakuti wanenya ine, pe wasuvila. valositwe vala ve vatenyizye havili vakusuvila.''³⁰Ishi uYesu ahavomba iṿimanyilo iṿyinji, paminso ga vasundikwa vakwe, ṿye ṿitahasimbwa mumabuku, ³¹pelelo iṿi ṿisimṿilwe ukuti imwe musuvilaje pakuti U Yesu wu Chilisiti, u Mwana wa Mulungu havili ukuti musuvilaje, pe mungava nu vulanzi mwizina lyakwe.

¹Pisinda pa ṿintu ṿiniṿiu Yesu ahavavoneshela havili avasundikwa vkwe kwa sumbi uwa tibeliya. umu mwe uwene ahayiṿumbulila wuyo weka: ²U Simoni peteli ali poka nu Tomasiwe ahitwaga Didimo, nu Nataniyeli we afumile mu Kanamu- ku Galileya, umwana uwa Zebediya na va sundikwa vakwe vavili ava Yesu. ³U Simoni peteli ahayanga kukwavo, '''navala pakulova inswi⁴Ishi lwe kwasha inznchi, U Yesu ayimiliye muluvazu mwa Sumbi loli avasundikwa vakwe vatamanyile ukuti ali wu Yesu. ⁵Pe u Yesu ahayanga kukwavo , ''valumendo,vuzye imwe muli nasho shimu she mungalya?'' ⁶Uwene ahati kukwavo, ''sumbila iṿilepaṿyinyu kuluvazu ulwa ndilo ulwi boti, pe mwandi muzyaje zimo.''pe avene vahasumbila iṿilepa pe vahinz vakupotwa ukufumya shifukwa isha vwinji uvwa nswi.⁷⁹Umusundikwa we u Yesu amuganile nkani ahamuvuzya u Peteli ahati, "Uwene wu mwene,'' lwe uSimoni peteli ayiṿwa ukuti wu Mwene, ahazwala umwenda wakwe uwa kunzi (she uwene ali ishitali), pe ahayisumbila wuyo weka mwasumbi. ⁸Avasundikwa avanji vinzile mwi boti (she avene vatali apatali na kunziukuyana amatamba 200) muvutali pe vahagwesaga ishilepa she shizuye ninswi. Lwe avene vafuma kunzi , pe vahenya umoto uwa malasha wukwaha pamile ninswi nu mukate pamoto.¹⁰U Yesu ahati kukwavo, ''leta zimo inswi zye imwe mwalema ishinye,'' ¹¹Pe upeteli ahinanza akugwesa ishilepa she shizuye ninswi impiti, zye zyali 153, loli npe inswi zyali nyijni ishilepa shitahazepuha.¹²U Yesu ahati kukwavo, ''nzaga mulye ishakulya ishapanzachi. ¹³Pe uyesu ahinza nukusenda umukate pe ahavapa wenewo ngati she avapiye inswi. ¹⁴Iha hali havalilo ha vutatu ukuva voneshela avasundikwa vakwe lwe uwene azyusile ukufuma kuvafwe.¹⁵Pisinda lwe valya ishakulya ishanzanchi u Yesu ahati kwa peteli, ''we Simoni mwana wa Yohani, vuzye iwe unganile nkani ine ukulusya iva? U Peteli ahati, ''mwemumo mwene, umanyile ukuti ine nkuganile iwe,'' pe u Yesu ahati, ''ulyesye ing'onzi ¹⁶zyane.'' Uwene ahati kukwakwe havili, ''Simoni mwana wa Yohani, vuzye unganile ine?'' pe uPeteli ahati kukwakwe, ''mwemumo mwene.'' iwe umanyile ukuti ine nkuganile iwe,'' pe U Yesu ahati, udime ing'onzi zyane.''¹⁷Ahayanga kukwakwe ahavalilo aha vutatu, ''Simoni mwana wa Yohani,vuzye unganile ine?'' U Peteli aha sulumanya mulanndu u Yesu ukumuvuzilizya ahavutatu ukuti, ''iwe unganile ine? Pe ahati kukwakwe, ''Mwene, uzmanyile zyonti iwe, umanyile ukuti inkuganile.'' uYesu ahati kukwakwe ulyesye ing'onzi zyane. ¹⁸Nalyoli, nalyoli, ine nkuti kukwinyu imwe, pe wali we mwana, iwe waveleye ukyizwiha wewe weka nukujenda konti kwe iwe wagana, loli iwe lwe winz wa gosipa wagosipa, iwe uligolosya inyove zyaho pe wumo alikuzwaliha iwe nu kukunyamula kuvala kwe iwe utaliyanz ukuvala.''¹⁹Ishi pe U Yeesu ahyanga zinizi ukuti shive apazelu ukuti kuvufwe vuli vwe uwene alimushindamiha u Mulungu. lwe amala ukulinganya zinzi, ahati kwa peteli, ''Ndandate ine.''²⁰Upeteli pa kugalunkana ahamwenya umusundikwa we U Yesu amuganile akulandata, we havili amwegamiye pashifuva shakwe pa shakulya isha hamazuva, pe ahati, ''Mwene wuwenu we ali kwanilila iwe?'' ²¹U Peteli aha mwenyelezya wula, ahati kwa yesu, ''Mwene, u muntu uno avala ukuvomba shoni?''²²U Yesu ahati kukwakwe, ''inga ine nkwanza ukuti uwene asyale ukufiha pe ninza, she shoni isho kwimwe? iwe ndandata ine. ²³Pe ipangwi ili lihajenda pakasi pa mwavo, ukuti umusundikwa uno atalifwa, Na she u Yesu atayanzile kukwakwe ukuti atalifwa, ''lole, inga ine nagana ukuti uwene asyale mpaka pe ine ninza, she shoni isho kulimwe?''²⁴Uno we musundikwa we akusimishizya izya ṿintu ṿiniṿi, havili ahasimba iṿintu ṿiniṿi,pe iswe tumanye ukuti ulusimishizyo lwakwe lwnalyoli. ²⁵Pe kuli havili iṿintu iṿyamwavoiṿyinji vye uYesu avomṿile, ṿye inga ṿihasimbwagw shoka uklandata pa shamwavo, ninsi vulo nge yitasenguye amabuku ge ngali gaha simbwa. Ameni.

¹Mwakalata uwakwanda nkakusimbila, Tiyofilo, we ayanjile zyonti zye uYesu atalisile ukuzivomba nu kuzisambilizya, ²ukufiha isiku lye anyamulilwe, lwe uwene avapiyed inkomelezyo ukwinzila mwa mupepo umufinjile avapositili ve avasevile. ³Amayimba lye gasila, ahayilanjizya wuyo weka she mupuma kuli vavo nivyakumusimishizya inyinji. Ahavavoneshela avene amasiku 40, pe ahaziyanga izya shinamwene isha Mulungu.⁴Lwe avene vahomine poka nawo, uwene ahavahomeshezya ukuti vatahepe mu Yerusalemu, ukuti valindilile ululajizyo ulwa Tata, we uwene amuyanzile, ''Muhivwa kufuma kuline ⁵ukuti u Yohani nalyoli ahozyaga na minzi, imwe mwandi mwinze mozelwe nu mupepo umufinjile mumasiku amansi.'' ⁶Lwe vavungine poka vahamuvuzilizya, ''Mwene, hangava havalilo he wakwihazya uvumwene kuva Isilayeli?'' ⁷Ahati kuvavo, ''Zitali kulimwe ukumanya utuvalilo twe Utataatavatisile nu vulamulili vwakwe. ⁸Nkandi imwe muliposhela amaha lwe umupepo umufinjile afisile palimwe, pe muliva mwe vahome monti mu Yerusalemu namu Yudeya monti namu Samaliya, ukufiha kuvumalilo uvwansi.''⁹Lwe uMwene uYesu ayanzile izi, pe lwe vakwenya kumwanya, uwene ahazuva, nivingo lihamuzyiha kuminso gavo. ¹⁰Lwe avene vakwenya nulutontomelo kumwanya pe askujenda, vahivushila pe avanavuli vavili vimiliye papipi vazyaye ivizelu. ¹¹Vahati, ''Mwe vantu vamu Galilayi, shoni she mwimiliye apa mukwenyelezya kumwanya? U Yesu uno we anyatulilwe kulimwe ukuvala kumwanya, she ali galuha vwevulo inza she mumuvonyi akujenda ukuvala kumwanya.''¹²Pe vahagalushila ku Yelusalemu ukufuma pi gamba lye vakuti lyamavula, lye lilikupipi nu Yerusalemu, vwalimile vulendo vwakujenda usabata woka. ¹³Lwe vafisile vahakwela ukuvala pavuzilo uvwa pamwanya, kwe vahihalaga. Pali u Peteli, u Yohani, u Andireya, u Filipu, U tomasi, u Batolomeyo, u Yakovo umwana wa alufeyo, u Simoni umuzeloti, nu Yuda umwana wa Yakovo. ¹⁴Vonti vayipiye ku shintu shoka pakuputa, poka navantanda, nu Maliya umama wa Yesu, navamwavo.¹⁵Mumasiku gegala u Peteli ayimiliye pakasi pa vamwavo, ukuyana namazina 120, pe ahati, ¹⁶''Vamwitu, shamile ahinza ukuti amasimbo gafishile, zila zye umupepo umufinjile aziyanzile mwilomo ilya Daveti izya yudasi, we avalongozizye vala ve vahamulemaga uYesu. ¹⁷She ali woka uwiswe pe ahaposhela ishigavo mumbombo yinino.'' ¹⁸( Ishi umuntu uno ahakala umugunda muvukavi vwe aposheleye kujendela muvutala malandu, pe ahagwila itwe, numuvili wakwe wuhapunta pavuzelu, namavula gakwe gonti gahitishila pansi. ¹⁹Vonti vala vevahihalaga mu Yerusalemu vahazyivwa izi, pe vahitizya umugunda wula munjango yavo ''Akelidama, ''Kwekuti, ''Umugunda uwivanda.'')²⁰''She lisimbilwe mwa kalata uwa Masalimu, 'Leha umugunda wakwe wuve payo, mutahamwitishizyaje umuntu nawumo ukwihala kuko'; 'Pe mumwitishizye wumo asende imbombo yakwe iya vulongozi.''²¹Hinza, pizyo, woka umuntu we ali poka niswe ahavalilohonti Umwene u Yesu ukwinjila nukufuma pakasi papitu, ²²ukwandila pa lozyo ulwa Yohani ukufiha isiku lye anyatuliwe ukwepa kuliswe, lihava wuhome poka niswe izya kuzyuha kwakwe.'' ²³Pe vahavaviha kuntanzi avanavuli vavili, u Yosefu wakwitwa u Balabasi, we vamwisite u Yusitasi, nu matiyasi.²⁴Vahayiputa vahati, ''We, Mwene, ugamanyile amoyo ga vantu ava vonti, tuvumbulile ku vavili ava woka we umusevile, ²⁵ukuti asende uvuzilo mumbombo ino niya vupositili vwe u Yuda ahepuha nu kuvala kuvuzilo uvwakwe.'' ²⁶Pe vahiliha ishili isha vavo, pe ishili shihamugwila u matiyasi, pe vahamuvazizya nava Positili 11.

¹Lwe isiku lya pentekositi lyinzile, vonti vali poka muvuzilo vwoka. ²umwakugandushizya kuhinza ukufuma kumwanya ukulila ngati kujenda kwa nkungu ya maha, pe yihakwila munyumba yonti mwe vihaye. ³Pe zihaloleha kuli vavo indimi fwe ngati moto we wuhakwila, pa wonti muli vavo. ⁴Vonti vahizuliwa numupepo umufinjile nu kwanda ukuputa mundimi izinji, she umupepo wuhavitishizya.⁵Kwamile ava Yuda ve vahatendamaga mu Yelusalemu, avanyila Mulungu, kufuma munsi zyonti izya muntende mumwanya. ⁶Lwe ishongo shivwisile, ipuga lihavungana pe vayuvine poa mulandu ali wonti ahavivwaga vakuyanga munjango yavo. ⁷vahazunguha nu kutentwa; vahati, ''Nalyoli, tevevano ve vakuyangaga ishi Galililyani?⁸Shoni she iswe swenti tukuvivwa zye vakuyanga munjango zye twapafilwe nazyo? ⁹Ava pantiyanisi nava Medi na elamiyiti, navala ve vakutendama Mumesopotamiya, nava Yudeya nava kapadokiya, nava pontusi nava Asiya. ¹⁰Nava Filigiya nava Pamfuliya, nava Igiputi navanji mumbazu zya Libya zye zipalamine nu Kileni, navajeni ukufuma ku Roma, ¹¹Ava Yuda nave vinjiye ishi Yuda, ava Kiletanisi nava Alabusi, tukuvivwa zye vakuyanga munjanjango zyitu vakumutima umulungu kumbombo zyakwe impiti.''¹²Pe vahasukumila nkani nu kusaga; vahavuzilizania vahati, ''Ishi she shoni?'' ¹³Ilelo vamo munumo vahataliha ukuvajevula pe vahati, ''Iva vahozilwen ipele.''¹⁴Nkandi u Peteli ahimilila poka navala 11, ahataliha kuvaholela kwizwi ipiti, pe ahati kuvavo, ''Mwe vantu vamu Yudeya navonti ve vakutendama mu Yelusalemu, pe izi zimanyikwe kulimwe; mutejelezye amazwi gane. ¹⁵Avene avantu ava vatahozilwe inga she mukusiva, she iha havalilo havutatu uvwisiku.¹⁶Ukwene izi zye aziyanzile umukuvwi u Yoweli: ¹⁷kumasiku agakumpelela; Umulungu akuyanga, 'Ndipungulila umupepo wane kuvwinji. Avana vinyu avanavuli navalindu vali kuvwaga, Ava vinyu valiyenyaga injozi, pe vope avasongo vinyu valilotaga ivilota.¹⁸Pe namwe muvavomvi vane ava navuli nave vavomvi avantanda mumasiku ago ndipungulila umupepo wane, pe avene valikuvwa. ¹⁹Pe ndilanjizyaga amafindango kumwanya ni vivonesyo munsi ya pansi, ivanda, numoto nu kusuha ukwilyosi.²⁰Izuva liligalunkana ukuva shisi, nu mwezi wuliva mushemamu inza mavanda izyo zyonti zililoleha lwe uvushindamu uvwa Mwene vushili kuloleha pisiku lila ipiti ilya kwinzya u Mwene. ²¹Ziliva kuvala ve vakupunda mwizina lya Mwene ve valipokwa.'²²Mwe vanavuli vamu Isilayeli, mwivwe amazwi aga: u Yesu wamu Nazaleti muntu we uMulungu avalolesizye ukuti akuvomba ivisukumizyo namafindango nivivonesho vye uMulungu ahavombaga mumwakwe pazyinyu, she nimwe mweka muzimanyile. ²³Inza she uMulungu amanyile nukusivilila ukuvomba ukufuma hali; pe nimwe, ukwinzila munyove izya vutalamalandu, muhamugoga pakumuhomela pashihovenkanio. ²⁴Ilelo uMulungu ahamuzusya, ahamusatula mumayimba agavufwe, mulandu zitamuhondeye wuyo kumwaga.²⁵She u Davidi ayanzile nizyakwe, 'Nkamwenya u Mwene shima pilongolela lyane, she pe ali kunyove yane iya ndilo kulizyo ntakogopa. ²⁶Pe ilelo umuyo wane wuhahovoha nalwe lulimi lope luhaseshela. havili, umuvili wane wuliva nu lusuvilo.²⁷Mwe tepe uhandeshe kuvuzimu posye ukwitiha ukuti umuvili wane wufishe kuvola, ine ne mufinjile waho. ²⁸Undanzile ine amadala aga vulanzi; ulimpa uluseshelo ulupiti nkani mwe indi poka niwe.²⁹Vamwitu, ntangavazyiha ukuti utata witu u Davidi afuye nukusilwa, imbipa yakwe yili panapa ukufiha ilelo. ³⁰Ilelo, she amile mukuvwi pe amanyile ukuti uMulungu alifilke kulufingwi ukuti aliyimiha ishihomwa isha muvili wakwe muvu Mwene vwakwe. ³¹Azivwenyi zye zili vombwa kuntanzi pe ahayanga izya kuzyuha ukwa Chilisiti, we atamulesile kuvuzimu posye ukwitiha ukuti umuvili wakwe wufishe kuvola.³²U Yesu wununo- uMulungu amuzusizye, she swenti swe vahome. ³³Ilelo, she amupiye uvushindamu kunyove ya ndyelo iya Mulungu nu kumuposhela ululajizyo ulwa mupepo umufinjoile ukufuma kwa tata, we ahitila wenewo she mwashenya nu kwivwa.³⁴She u Davedi atazuvile kumwanya, ilelo uwene ayanzile, 'Umwene ahati kwa Mwene wane, ''Yihala kuluvazu lyane ulya ndilo ³⁵ukufishila pe navaviha avalugu vaho pansi pavinama vwaho.'''' ³⁶Ilelo, ava Isilayeli vonti vamanye ukuti uMulungu amuvisile ukuva wu Mwene havili wu Chilisiti, uYesu wununo we muhamuhomela.''³⁷Ilelo lwe vivuye zinizi, zihavalasa nkani mumoyo gavo. pe vahati kwa Peteli poka na kuvas positili,"vamwitu, pe ishi tuhonzye vuli? ³⁸Pe u Peteli ahavamula ahati, mwe mupindushe nu kozelwa mwizina ilya yesu chilisiti inga mutetelwe imbivi zyinyu nukuposhela ishikunjilwa isha mupepo umufinjile. ³⁹She ulifingwi kuli mwe na kuvana vinyu na kuvala avakuvutali, kwe kuti kuvala vonti ve umwene uMulungu alivita."⁴⁰Kumazwi ge minji ahajendelela ukuvahomeshezya nu kuvashindiha vavo, ahati, imwe muyiposhe ku vuvivvi uvwa nkulo yinino. ⁴¹Pe vala ve vaposheleye amazwi gakwe nuluseshelo vahozelwa, isiku lila vahonjelaav avantu ve vafiswiye 3000 ishi. ⁴²Lwe vakusambilizya izwi ku vala ve vitisile uvupoka uvwa vapositili nuvulilani, vahamensulaga ikati nukulya poka.⁴³Pe ishitetemwi shihavagwila vonti, pe ivisukumizyo ivyinji nivilolesyo vikuvombeha na va positili. ⁴⁴Vonti ve vamwitisile vali poka havili vali ni vintu ivyakuholana. ⁴⁵Vahakazyaga ivintu vye vali navyo navyakulonka nukuvigavanya ukuyana na mwe vasovelilwe. ⁴⁶Vahavunganaga pa tempeli insiku zyonti.havili vahamensulaga amakati mu nyumba zyavo, nukugavana ishakulya poka nu moyo umwinza nu luseshelo, ⁴⁷Pevahamutimaga uMulungu nukuvahondezya avantu vonti, uwene ahonjezyaga insiku zyonti ku shivanza vala ve vapinduha.

¹Ishi u Peteli nu Yohani vahazuvaga ukuvala mwa tempeli muhavalilizyo hamputo, ahavalilo havu 9. ²Ishi umuntu we alemaye ukufuma mulwanda lwanyina we ahasendwa we ahavalaga ahavalilizyo pashilyango sha tempeli she vahashitizyaga ishinza. Vahamuvihaga kwekula ahavalilizyo honti ahavalavagavavo vevahazuvaga ukuvala mwa tempeli ukulava ivyavwila vya ndalama. ³Lwe amuvonyi u Peteli nu Yohani lwe vali pakwinjila mwa tempeli ahavalava ivyavwila vya ndalama.⁴Upeteli, lwe akumutontomela, poka nu Yohani, ahati ''Twenye iswe.'' ⁵Umuntu umulemazu ahavenya, ahasuvila ukuposhela shimo ukufuma kuli vavo. ⁶Loli u Peteli ahati, ''Usiluva nu golodi ntali nawo, Loli she ndinasho, nandi inkupe. Mwizina lya Yesu Chilisiti wa Nasaleti, jenda.''⁷Ahamulema ninyobe yandilo, uPeteli ahamuvusya, mwaluvilo ivinama ni vimpemvu vya muntu wula vihava namaha. ⁸Ahadomoha mumwanya, umuntu umulemazu ahimilila nu kwanda kujenda, pe ahinjila nu Peteli nu Yohani mwa tempeli, ahajendaga, ahadova, nukumutima u Mulungu.⁹Vonti avantu vahamwenya akujenda nukumutima u Mulungu. ¹⁰Vahamumanya ukuti we muntu we ahalavaga avantu ivwavwila vya ndalama pashilyango ishinza isha tempeli; pe shihavagwila ishitetemwi nukusukumila pa mulandu wavye vyavomvilwe kuwuyo.¹¹Ilelo lwe avumishizye kwa peteli nu Yohani, vonti avantu vahavashimbilila muntanda ye vatili ya Solomoni, vahatentwa nkani. ¹²Lwe u Peteli ayenya zinizi, pe ahavamula avantu, ''Mwe vantu va Isilayeli, shoni she mukusukumila? Shoni she mukutontontomela naminso ginyu piswe, ngati pe sweswe twamupela ukujenda nage maha gitu pamu uvu Mulungu?¹³Umulungu wa Abulahamu, nu Yisakaka nu Yakovo, Umulungu wa vayise, we amwimisile umuvomvi wakwe u Yesu. We ali wumo we mwamutwaye nukumuhana paminso ga Pilati, pe ahasiva kumusatula. ¹⁴Mwamuhaniye umufinjile umugolosu, pe muhavala mumalo gakwe umugozi kuti usatulwaje kulimwe.¹⁵Muhagoga we ahanda uvulanzi, we u Mulungu ahamuzusya kuvafwe-pe havili swe vahomi vahomi vakwe. ¹⁶Pa lwalo lwa lwitiho mwizina lyakwe, izina lyakwe lyamupela umuntu uno, lwe mukumwenya ishi, ali namaha . Ulwitiho kujendela mwa Yesu lwamupa umuntu uno uvulanzi uvwinza paminso ginyu mwenti.¹⁷Ishi, vamwitu, manyile ukuti mwavombaga kusita kumanya, inza she vahonzizye navapiti vinyu. ¹⁸Lole zye u MUlungu ahayanga mumalomo ga vakuvwi, ukuti, u Chilisiti wakwe aliyimba, ishi atimilizya.¹⁹Pinduha, lelo, mugalushe, kwe kuti imbivi zwinyu zitetelwaje. ²⁰Kwe kuti hinze ahavalilo hakutuzya muvumwamu vwa Mwene; jukuti atumeu Chilisiti we ahavasevela, uYesu²¹We wuyo imwanya yihondeye yimuposhele ukufiha pe ivintu vyonti vilipokwa, vwe uMulungu ahayanga hali ukujendela mumalomo gavakuvwivakwe avafinjile. ²²Umose nalyoliahati, ''Umwene uMulungu alivusya umukuvwi inza nenene ukufuma mulimwe. Muliyivwa shonti shila she aliyanga kulimwe. ²³Shilivoneshela ukuti wonti umuntu atakumwivwa umukuvwi wula alinanjiha pakasi pa vantu.'²⁴Mwemumo, navakuvwi vonti ukufuma pa Samweli navonti vala ve vahinza pisinda pa wuyo, vahayanga nukukumusya amasiku aga. ²⁵Mwe vana vava kuvwi mwe valufingwi lwe uMulungu ahagomba navanyenya, inza mwe ayanjiye kwa Abulahamu, 'Mumbeyu yaho mwe inyumba zyonti izya munsi ya pansi zililotwa.' ²⁶Lwe uMulungu amunyamusizye umuvomvi wakwe, ahamutuma kulimwe pakwanda. kwe kuti avalote pakuvagalusya mwenti wimwe kufuma kuvutala malandu vwinyu.''

¹Pe u Peteli nu Yohani vahayangagaku vantu, avashiputo numusunga tempeli nava sadusayi vaha palamila kuvavo. ²Vahayimba nkani mulandu u Peteli nu Yohani vahamanyisyaga avantu nu kukumusya ukuzyuha kwa Yesu kufuma kuvafwe. ³Pe vahavalema nukuvigalila mujele mpaka inzanchi, pakuti hali hamazuva. ⁴Loli avinji avantu vevahivwa inongwa vahitiuha; pe imbazyo ya vanavuli veva hitiha yali 5,000.⁵Lwer kwasha inzanchi pe avahombe, na vasongo vashivanza, navasimbi vahavungana poka mu Yerusalemu. ⁶Anasi uwa shiputo umupiti ali papo, nu Kayafa, nu Yohani, nu Alekizanda na vonti vevali vajenzi va washiputo umupiti. ⁷Lwe vamuvisile u Peteli nu Yohani pa kasi pa livavo, vahavavuzya, ''Maha vuli, pamo mwizina vuli, mwa vomba izi?''⁸Pe u Peteli, lwe ayizuye namaha ga mupepo umufinjile, ahati kulivavo, ''Mwe mahombe gavantu, namwe vasongo, ⁹Inga tuli pa kulongwa ilelo ukuyana nivwinza vwevivonvilwe ku muntu umuvinu, namwe umuntu uno apolaje, ¹⁰leha zimanyikwe ilelo kumwenti na mwenti mwe vantu va Yiusilayeli ukuti umuntu uno we ayimiliye palimwe apozile mwizina lya Yesu Chilisiti wa Nazareti, we muhamuhomela, loli we uMulungu ahamuzusya ku vafwe.¹¹Uyesu Chilisiti we livwe lye avazenzi vahalihana loli lye livwe lya panguto. ¹²''Atalipo wumo uwunji uwa kutupoha, nizina tutali nalyo ilinji pansi na pamwanya lye lipeliwe kuvantu lye lingatupoha.''¹³Ishi lwe vavwenyi uvujimvu vwa Peteli nu Yohani nukuzyaganya ukuti vantu vulo, ve vatamanyiye, vahasukumila, vahazyaganya ukuti u Peteli nu Yohani vahavanga nu Yesu. ¹⁴Mulandu wakuti vaha mwenya jumuntu we ahapola ayimiliye navo, vataliu nashimo isha kuvasusya.¹⁵Lwe vavalamuye avapositili ukuti vepe muluvungano lwavo, vahayangana veka. ¹⁶Vahati, ''Tuvombe shoni na vantu ava? Pakuti ishimanyilo isha kusukumizya shivomvilwe navo shimanyikwilwe navantu vonti ve v akwihala mu Yerusalemu; umu tutanga hana ishi. ¹⁷''Pakuti loli shitasate mu vantu, leha tuvasoshe ukuti vatahayangaje havili kuwumo mwizina ili.'' ¹⁸Pe vahavita nu kuvahomeshezya ukuti vatahayangaje pamo uku manyisya mwizina lya Yesu.¹⁹Loli u Peteli nu Yohani vahamula vahati kuvavo, ''Amwe hinza ku m inso ga Mulungu ukuvivwila imwe pamo wuyo, mulonje mwemwe. ²⁰Tutangaleha ukuyanga ivintu vye tuvivwenyinu kwivwa.''²¹Lwe vajendeleye ukumusoha ju peteli nu Yohani, vahavaleshezya. vaha potwa ukushaga ishifukwa she vangavasundila, mulandu avantu vonti vaha mutimaga uMulungu kuzye zihavombwa. ²²Umuntu we aposheleye ishimanyilo sha kupola ali namaha kushila 40.²³Lwe vasatuliwe, Peteli nu Yohani vahinza kuvamwavo nu kuyanga zyonti zye avashiputo avapitina vasongo zye vayanzile kulivavo. ²⁴Lwe vivuye zinizi, vahazuvya amazyi gavo nifundo yoka kwa Mulungu vahati, ''Mwene, uhapela imwanya ninsi nu sumbi, na vyonti vye vili mumo. ²⁵Uhayanjila mwamupepo umufinjile ukujendela mwilomo lya muvomvi , utata u Davide, 'Shoni she insi zyavakunzi zikuhalipa, navantu vakusivilila vye vite nimbombo?''²⁶Uhati, 'Ava mwene vamunsi vakuvunganaga poka, nava lamulili vakuvunganaga poka nuku muvishila umwene, nu Chilisiti wakwe.'²⁷Nalyoli, vonti Herodi nu Pontiyasi Pilati, poka navakunzi na vantu va Isilayeli, vahavungana poka munkaya nukumuvushila umuvomvi waho umufinjile u Yesu, we ahamupoha. ²⁸Vahavungana poka ukuvomba zyonti zye inyove yaho nu lukasamo lwaho ukufuma hali ukuti zilivombwa.²⁹''Ishi, Mwene, yenya pansoshi yavo nu kwitishizya ava vomvi waho ukuyanga izwi lyaho ukusita kuva nilyoga. ³⁰Golosya inyove yaho ukupozya ni vimanyilo nivisukumizyo ukujendela mwizina lya muvomwi waho umufinjile u Yesu.'' ³¹Lwe vapusite, uvuzilo vwe vavungine poka wonti ahayingana. Pe vonti vahizula na maha ga mupepo umufinjile nu kuyanga izyi lya Mulungu ukusita lyoga.³²Imbazyo impiti ya vevahitiha vali va moyo woka numuzimu woka. Nawumo wahatinji shonti she ali nasho shakwe, loli vyonti vyali vya vonti. ³³Namaha amapiti avapositili vahakumusya nukusimishizya uluzusyo lwa mwene u Yesu, nuvwila uvupiti vwali pa livavo vonti.³⁴Patali nawumo wahasovelyaga shimo, pakuti vonti ve vali namagunda pamo inyumba vahakazyaga nu kuleta indalama ukufuma ku vintu vye vahakazyaga. ³⁵Nukuviha pavina vya vapositili, nukuku vwonti ukuyana nukusovedlwa kwavo.³⁶Yosefu, we ava positili vahamwitaga Balinaba, Mulevi, umuntu wafumile ku Ciyipulasi, ³⁷Ahakazya umugunda we ali kuleta indalama nu kuviha pavinama vya vapositili.

¹Ilelo kwali umuntu wumo vahamwitaga Ananiya, nu mushi wakwe Usafila, vahakazya uluvazu lya shuma shavo, ²ahasengula zimo indalama zye ahazizye ( numushi wakwe wope azimanyile), ahatwala zimo nukuviha muvinama vya mupositili.³Pe u Peteli ahati, ''Ananiya, shoni she u satana ahizula mumoyo waho ukuluma ilenga kumupepo umufinjile nu kusengula zimo indalama zya mugunda? ⁴Lwe vatakazile, atasyaye waho, na lye wakazya, atali muvulamulili vwaho? Wuwenu we auvisile zinizi mu moyo waho? Utalumile ilenga kuvantu, loli kwa MUlungu.'' ⁵Lwe ayivwa amazwi ganaga, Ananiya ahagwa pansi nukufuta ilyavumalilo, ilyoga ipiti lihinza pavonti ve vahazyivwa. ⁶Avalumendo vahamunyamusya nu kumupinya, vahamunyamula kufuma nawo nu kumusyila.⁷Lwe pajenda utuvalila kushimbila tutatu, umushi wakwe ahinjila, atamanyile she shavomvilwe. ⁸U Peteli ahati kuwuyo, ''Mbuzya ine nanti mukazizye umugunda kundalama izi.'' ahati, ''Mwemumo, she zili.''⁹Pe uPeteli ahati kuwuyo, ''Zyamile vuli ukuti mwivwana poka ukumulinga umupepo wa Mwene? Yenya, inyayo zya valumendo ve vashiliye umulume waho zili pa mulyango, vandi vakufumye kunzi.'' ¹⁰Mwaluvilo ahagwa pansi muvinama vyakwe nu kufuta ilya vumalilo. Lwe avalumendo vinjiye, vahaga afuye, vahamufumya kunzi nu kumusyila paluvazu pa mulume. ¹¹Ilyoga ipiti lihinza pa shivanza shonti napa vonti ve vahivwa zinizi.¹²Ivimanyisizyo ivyinji ni visukumizyo vihavombaga pa vantu ukujendela munyove zya va positili. vamile vonti poka pa mulyango wa Solomoni. ¹³Ilelo patamile nawumo we ajimvile ukuva nawo; nashezyali uvu, vahazing'wamiha nkani avantu.¹⁴Vashili vamo avitisi vahonjela kwa Mwene, impuga lya vanavuli na vantanda, ¹⁵pe vahavanyamulaga na vavinu kuvaviha mutudala nukuvagoneha muvitala namumatengi, nalwe u Peteli akwinza kupipi, ishizyungani shakwe shahavagwiaje vamu muvavo. ¹⁶Pe vahinza havili poka imbazyo impiti iya vantu kufuma mutwaya twa kuzyungulila mu Yerusalemu, vahaletaga ava vinu na vantamyo zya mpepo inkandamanu, pe vonti vahapolaga.¹⁷Ilelo umuputi umupiti ahanyamuha, navonti ve vali nawo ( ye yamile mpuga yava Sadusayi); vahinza nuvuzuva. ¹⁸Vahaviha inyove pava positili, Vahavakunga mwijela ilyavapina.¹⁹Lwe vusiku uhavizya wa Mwene ahavigulila amalyango ga jela nukuvafumya kunzi, ahati, ²⁰''Valaji, mwimilile mwitempeli nukuyanga ku vantu amazwi gonti kuvulanzi uvu.'' ²¹Lwe vivuye zinizi, vahinjila mwitempeli pe izuva likwinjila vahamanyisya. Pe umuputi umupiti ahinza, nave valinawo, ahazyita poka inyumba zya valongozi, vonti avasongo va vantu va Isilayeli, nukuvatuma ku jela ku vasenda avapositili.²²Loli avalongozive vavazile vatahavaga mujela, vahagaluha nukulingania. ²³''Twazile ijela lyigalile navalindilizi vashilyango vimiliye pa shilyango, lwe twigula, tutamwazile nawumo mukasi.''²⁴Ilelo lwe umusunga tempeli navaputi avapiti vahivwa amazyi ganaga, pe vahalangana avene kunzila zye kwe zyinzaje. ²⁵Pe wumo ahinza ahavavuzya, ''avantu ve muvavisile mujela vimiliye mwitempeli vakumanyisya avantu.''²⁶Pe umusunga tempeli ahajenda na valongozi vahavaleta pisinda, ilelo patali umuvwalanga, mwe vahogopaga ukuti vangavasumba namavwe. ²⁷Lwe va valesite, vahavatwala kjunyumba ya vulongozi. Umupiti umupiti ahavavuzilizya, ²⁸ahati, ''Twavalajiye imwe nuljulajilo ukuti mutamanyisyaje mwizina linili, nashe mwizuzizye u Yerusalemu nimanyisya zyinyu nivinyonywa nukuleta amavanda gamuntu uno paliswe.''²⁹Pe u Peteli navapositili vahamula, ''Tuhondeye ukumwivwila uMulungu kulusya umuntu. ³⁰Umulungu wa vatata ahamuzyusya nu Yesu, we mwamugozile ukwa kumupajiha mwikwi. ³¹Umulungu amutendamisile kunyove yakwe indyelo nukuva mulongozi nu muposhi, ukupa ulupinduho ku Isilayeli, nulutetelo ulwa mbivi. ³²Twe vahome vazinizi, havili mupepo umufinjile, we uMulungu amupiye wonti we akumwitiha.''³³Lye avalongozi vivuye zinizi, vahalaye vahanzaga nukuvagoga avapositili. ³⁴Umu Falisayi we vahamwitaga Gamaliyeli, umanyisi wa ndajilo we avantu vonti vamushindisile, ahanyamuha muluhomano lwa vahome nukulajila avapositili ukuti vafumaje panzi muhavalilizyo hansi.³⁵Pe ahati kuvavo, ''Vantu va Isilayeli, mutejelezye nkani zye mukusiva ku vantu iva. ³⁶Lwe insiku zishili, Tudasi ahayiyanga ukuva wumo, imbazyo ya vanavuli, 400, vahava nawo. Vahamugoga, vonti ve vahamushindihaga vahasata pe vahasila. ³⁷Pisinda pa muntu uno, u Yuda wa muganileya ahanyamuha munsiku zye avantu vahavazilwaga nukusimbwa ahatapa vamu avantu. ahalova, vonti ve vahamushindihaga vahasata.³⁸Ishi nkuyanga kwimwe, muve ukutali vavo avantu vanava muvaleshe veka, nanti insivo izi pamo mbombo zya muntu, pe zilivoneha. ³⁹Nanti zya Mulungu, mutalizikwanisya imwe; munginza mwaje mukulwa nu Mulungu.'' Pe vahavalambilizya.⁴⁰Pe vahavita mukasi ava positili nukuvahoma nukuvalajila ukusita kuyanga havili mwizina lya Yesu, vahavalashela vahajenda. ⁴¹Pe vahepa kunyumba ya valongozi nuluseshelo she vapeliwe ukuhondela ukuyimba numusamu mwizina. ⁴²pisinda isiku lyonti, mwitempeli na kufuma munyumba ni nyumba, vahajendelela kumanyisya nukulumbilila ipangwi ilyinza ukuti u Yesu wu Chilisiti.

¹Ishi mumasiku ganaga, lwe imbazyo iya vapositili yikuzuva, ukuyilizania ukwa va Yuda ava ku Gelesiya vahanyamushila ava Hebeli, pakuti avafwilwe vavo vahavasulaga lwe vakugavana ivya vwila.²Vala 12 vahalyita ipuga ilya vapositili vahati, ''Shitakuva ahinza kuliswe ukulileha izwi ilya Mulungu ukuti tuvombelaje vye vitala. ³Pe ishi musale, av amwinyu, vave 7 ukufumas mulimwe mweka, avanavuli ava havoneshele ahinza, vevuzuye nu mupepo uwa njele, ve vakwanzikwa tuvimishe pa mbombo ino. ⁴Pe iswe, ahavalilo honti twandi tujendelele ni mputo nakwe kulumbilila izyi.'' ⁵Pe uvuyanzi vwavo vuhalihovosya ipuga lyonti. Pe vahamuseva u Sitefani, umuntu we ayizuye nu lwitiho nu mupepo umufinjile , nu Filipu, nu Polokolo, Nu Nikanolo, nu Timoni, nu Palamenasi pe nu Nikolasi, umwinjilizilwa uwa mu Antiyoki. ⁶Pe avitisi vahavaleta avanavuli ava kuva positili, ve vahava putila nu kuviha inyove zyavo pali vavo⁷Pe izwi lya Mulungu lihapitilila ukusata, pe nimbazyo iya vapositili mu Yerusalemu yihavula nkani, naye mbazyo impiti iya vaputi yihava nu mushinzi ku lwitiho.⁸Ishi u Sitefani, we ayizuye nu vwila na maha, ahavombaga ivisukumizyo ivipiti nivimanyisyo muva v antu. ⁹Pe pala vahanyamuha vamo avantu vevali va kusinagogi likwitwa u Sinagogi wa vantu avasatushe, navamu Sayireniya nava Alekezandiliya, vamo vafumile ku Siliya naku Asiya. Avantu ava vahanzanyaga nu Sitefani.¹⁰Nkandi avene vatahondeye ukuti vangazivushila injele nu mupepo pa zye u SDitefano aziyanzile. ¹¹Pe avene vahavaveka vamo avanavuli vati, ''Tumwivuye u Sitefani akuyanga amazwi aga kumusamula nukumuvushila Umose naga kumuvushila uMulungu.''¹²Avene vahavundula avantu, avasongo, nava simbi, pe vahamufiha u Sitefani nukumulema uwene nukumuleta pilongolela ilya nyumba ya vulongozi. ¹³Pe avene vahaleta uvwa home uvwa malenga, ve vahati, ''Umuntu uno atakulehas ukuyanga amazwi gegakuvushila uvuzilo uvufinjile ni nkomelezyo. ¹⁴She tumwivuye uwene akuti Uyesu uno uwa mu Nazaleti alivunangania uvuzilo uvu nukugandula amiho gonti ge u Mose atupiye iswe.'' ¹⁵Wonti wula we ayihaye mu nyumba iya vulongozi vahenyelszya aminso gavo pa pakwe pe vahenya isheni shakwe shihavoneha inza shavahavizya.

¹Umuputi umupiti ahayanga, ''Vuzye ivintu ivi vyanalyoli?'' ²U Sitefani ahayanga, ''Vamwitu na vababa, tejelezyi kukwane: Umulungu umushindamu ahavoneha kwa baba witu u Abulahamupe amali ku Mesopotamiya, lwe ashili ukwihala mu Harani; ³ahayanga kuwuyo, 'Yileshe insi yaho navajenzi vaho, nukuvala kunsi ye ndikulanga iwe.'⁴''Pe ahayileha insi ya Chalidiyaninu kwihala mu Harani, ukufuma kula, lwe uyise afwa, u MUlungu ahamuleta munsi ino, kwe mukwihala ishi. ⁵Atahamupa nanti wumo uwakuti amupyane wuyo, awe, nanti twakuyana ishina papo ha. Loli ahalajizya-nape u Abulahamu ashili ukuva numwana nanti wumo-ukuti angamupa insi ukuva shuma na kuvanyenya vakwe lwe ayepa uwene.⁶U MUlungu ahayanga kuwuyo ngati uvu, ukuti avanyenya vakwe vihale munzi izinji pahavalilo hamo, navakupyana vavatwaye namuvuzya nukuvayimva havivi kumaha. ⁷'Loli ndi longa insi zye vazivombelaga; ukuyananau Mulungu, 'Ukufuma apo valifuma mumo nukuputa ine pavuyo uvu.' ⁸Pe u Mulungu ahamupa u Abulahamu ulwitinkano ulwa vuvolwa, Ipo u Abulahamu lwe ayima wu baba wa yisikaka pe ahamupa uvuvolwa avana ava masiku 8; Isikaka ahava wu yise wa Yakovo, nu Yakovo ahava wu yise wa vala avasekulu vitu 12.⁹''Shifukwa sha vuzuva vwa vasekulu kwa Yosefe, vahamukazya wenewo ku Ijiputi; loli pope u Mulungu amali nawope ¹⁰nukumupoha kuvuhamantaliwa vwonti. Ahamupa u Yosefe uvwinza ninjele pantanzi pa Falawo, Umwene wamu Ijiputi, we ahamuseva ukuva mupiti mu Ijiputi poka na vonti ava munyumba yakwe.¹¹''Pe ishi kuhinza inzala yihagwa monti mu Ijiputo namu Kenani, nuvuhamantiwa uvupiti, penane tata vatahashaga ishakulya. ¹²Pe lwe u Yakovo ayivwa ukuti kuli amangagu ku Ijiputo, ahavatuma ahakwanda avatata vitu. ¹³Pa vulendo vwavo uvwavili u Yosefe ahayima nyasya wuyo weka kuvamwavo, pe nava munyumba ya Yosefe vope vahamanyikwa kwa falawo.¹⁴Uyosefe ahavatuma avakulu vakwe ukuti vavale vamuvuzye uyise ayinze ku Igiputo, poka nava jenzi vakwe vonti, vonti poka vakwanile 75: ¹⁵Pe u Yakovo ahavala ku Ijiputo, ahafwa, wuyo poka nava tata vitu. ¹⁶Pe vahavanyamulila ku shekemju nukuvagonewa mumbipa zye u Abulahamuakazile pa mutengo wa siluva ukufuma kuvana va Hamori uwa mushekemu.¹⁷''Lwe ahavalilo hamulaji hapalamila, umulaji we u Mulungu ahagomba kwa Abulahamu, avantu vahakula nukuvula mu Ijiputi, ¹⁸mpaka pe vahamwimiha Umwene uwunji mu Igiputi, umwene we atamumanyile izya Yosefe. ¹⁹Ahavahopeha avantu vitu nukupatishizya ava tata vitu ukuvavumbula ava bonda ve vapapwa ukuti vatavanje valanji.²⁰''Pahavalilo aho he u Mose apafilwe; amali mwinza sana pantanzi pa Mulungu ahalelwa amezi gatatu munyumba yayise. ²¹Lwe vamufumya kunzi, Umwana umulindu uwa Falawo ahamuseva wenewo ukuva mwana wakwe umulumendo.²²U Mose ahamanyila injele zyonti izya va Ijiputi, ahima wamaha mumazwi gakwe na mumbombo. ²³''Lwe amaha gapalamila ukusila kukwakwwe 40, zihinza mumoyo wakwe ukusyungula avamwavo, avanyenyavamu Yisilayeli. ²⁴Pe ahenya umu Isilayeli vakumuyimva , uMose ahamupoha nukutanizya kuwe ahamuvonelaga pa kumunyonga umu Ijipiti. ²⁵Ahasivililaga ukuti avamwavo vangamanyisyania ukuti u Mulungu ninyove yakwe akuvapa uwakuvasatula, loli vatahazyaganyaga.²⁶Pisiku ilinji ahenya avantu vavili vakulwa pe ahayezya ukuvalesya nukuviha umutende pakasi pavo, ahati, 'Mwe vantu, mwe vana va muntu; shoni she mukuvulazyania woka nuwamwavo? ²⁷''Pe woka we amwanzite umupalamani wakwe ahamusunchilizya, na ahati, 'Wunanu akusevile iwe ukuti uve wakulamula nukutulonga iswe? ²⁸Ukwanza ukungoga ine, ngati she wamugozile umu Igiputi mavwila?'²⁹U Mose ahashimbila lwe ayivuye ukuyanga uku, pe ahava mujeni munsi ya Midya, kwe ahima wu tata wa vana vavili avalumendo. ³⁰''Lwe amaha 40 gasila, uhavizya ahamuvoneshela kukwakwe muljugwa iya igamba lya Sinayi, muhavele hamoto muntundu.³¹Lwe u Mose ayenya umoto, ahasukumila kuminso gakwe; lwe akupalamila kupipi lwe akwenyelezya shenesho, pe lihinza izwi lya Mwene, lihati, ³²'Ine ne Mulungu wava tata vaho, uMulungu wa Abulahamu, nu Yisikaka, nu Yakovo.' Umose ahatetema atahajendelela ukwenya.³³''Pu Mwene ahayanga kuwuyo, 'Yefya insapato kufuma kuvinama vyaho, pakuti uvuyo vwe wimiliye vufinjile. ³⁴Nenya ukuyimba kwa vantu wane ve vali mu Igiputi; nimva ukulila kwavo, pe niha pansi ukuvapoha venevo; ishi nzaga, inti inkutume ku Ijiputi.'³⁵''Umose wununo we vahamuhana, lwe vahati, 'Wunanu akusevile iwe ukuva we wakulamulila nu kulonga?'-we wunuyo wu Mulungu ahamutuma ukuva mulamulili muposhi wavo. Umulungu ahamutuma ninyove yahavizya we ahavoneshela kwa Mose muntundu. ³⁶Umose ahavalongozya ukufuma mu Ijipiti, lwe avonvile amafindango ni visukumizyo mu Igipiti napa sumbi wamatete, namulugwa gala 40. ³⁷''We wulanye Umose we ahayanga ku vantu va Isilayeli, 'Umulungu alimunyamusya umukuvwi wimwe ukuvafumya pakasi pa vamwinyu, umukuvwi ngati nene.'³⁸Uno we muntu we amali muve vavungine mulugwa poka nuhavizya we ahayanga ku wuyo pigamba lya Sinayi, we alipoka nu tata witu, ve vahaposhela izyi ilanzi nukutupa iswe. ³⁹''Loli avatata vitu vahahana ukumwivwila wenewo; vahamusunchila wenewo ukufuma kuvavo, mumoyo gavo vagalusile ku Igipiti. ⁴⁰Pahavalilo hala he vahayanga kwa Aroni, 'Tupanjile isye ava mulungu ve valitulongozya iswe. Ngati she Umose, we ahatulongozya ukufuma ku Ijipiti, tutamumanyile zye zyavombwa kukwakwe.'⁴¹Pe vahapela ishingwada munsiku zila vahaleta nimputile ku shiholanio shila, nukuseshelela shifukwa sha mbombo zya nyove zyavo. ⁴²Pe loli u Mulungu ahavigalula nukuvapa venevo ukuputa inzota zyakumwanya, ngati she zyasimbiwe mwa kalata wava kuvwi, 'Muhatela mwamfumizya ishinyama she mwavola ni mputile kukwane lwe muli mulugwa amaha 40, nyumba ya Isilayeli?⁴³Muhitishizya ihema lya Moleki pene luzota ulwa shilungu sha Refani, niviholanio vye mwagomvile nukuviputa vyenevyo: pe ndivanyamula imwe ukuvatwala ukuvatwala kushila ku Babelini.'⁴⁴'''Avatata vitu vamile nihema ilya nsimishizyo mulugwa, ngati she u Mulungu ahamuhomeshezya pe ahayangaga kwa Mose, ahondeye ukugomba ngati mwe azyenyezizye. ⁴⁵Pisinda, avatata vitu, pansi pa Yoswa, vahaposhela ihema nukuletapoka navopa vasenzete nishuma sha munsi. Umulungu ahasenda insi ukufuma munkolo nukuvasamya mumo pantanzi paminso gatata witu. Ihema lihasyala munsi poka pahavalilo ha Deveti, ⁴⁶we ahaga umwavi paminso ga Mulungu, pe ahavuzya inga agaga wuyo uwakuti azenje inyumba ya Yakovo.⁴⁷Loli uSolomoni we ahazenga inyumba ya Mulungu. ⁴⁸''Nape vuli, umulusyi nuwakumwanya atakwihala munyumba zye vakuzenga ninyove, inza she umukuvwi akuyanga, ⁴⁹'kumwanya kwe kuli ishitengo shane, pe insi hatengo havina vyane. Pe nyumba ya havele vuli ye mungazenjela ine? akuyanga umwene, pamo vuyo vuli vwe ningatunza? ⁵⁰Vuzye nyove yane yihapela vyonti vinivi?'⁵¹'''Mwe vantu vansingo ingomu, mwe vasita vuvolya mu moyo na makutwi , shima mukumuhana umupepo umufinjile, mukuvomba ngati she avatata vinyu vahavombaga. ⁵²Vakuvwi vuli ve avatata vinyu vatahavayimva? Vahavagoga avakuvwi ve vavonesheye pantanzi pa mugolosu we akwinza, pe ishi mwana mwe vakumwanila na vagozi vawuyo wope, ⁵³imwe mwe vantu mwe muposheleye uluhomelezyo lwe avahavizya vahavalota, loli mutahalusunga lwenelo.''⁵⁴Pe lwe ava munyumba ya valongozi vivwa ivintu ivi, vahavolwa mumoyo, pe vahasimpa amino gavo kwa Setefani. ⁵⁵Nkandi uwene, lwe ayizuye numupepo umufinjile, pe ahenyelezya kumwanya pe ahenya uvushindamu vwa Mulungu; pe ahenya u Yesu ayimiliye kunyove iya malyelo iya Mulungu. ⁵⁶Usitefani ahati, ''Yenya, kwenya kumwanya kwigusile, nu mwana wa muntu ayimiliye ku nyove iya malyelo iya Mulungu.''⁵⁷Pishi ava munyumba ya valongozi vahigalil amakutwi gavo, nu kwitizya nizwi ipiti, nukushimbilila kuwuyo nimfundo yoka. ⁵⁸Vahamukwekwesa ukufuma munkaya nukwanda ukumutinja namavwe.pe avahomi vahagona pansi kunzi vakugwinchila ivinama vya mulumendo izina lyakwe wu Wawuli.⁵⁹Pe vahamutinzania Usitefani namavwe, pe ahitizyaga kwa Mwene ukuti, ''Mwene Yesu, poshela umuzimu wane.'' ⁶⁰Ahasugamila pansi nukwitizya nizwi ipiti, ''Mwene, utahavishe uvutalamalandu uvu pavavo, ''Lwe ayanzile izi, pe ahagwa nukufwa.

¹U Pauli ali mulwivwano nizyamfwa yakwe. Pe kwanzite pisiku lila ukuvwimilwa ukupiti ukushivushila ishivanza isha mu Yerusalemu; peavitisi vonti vahasata mu vigavo vwonti ivya Yudeya nu Samaliya, veka avapositili. ²Avanavuli ve vahamunyilaga Umulungu vahamusyila u Sitefani, vahamulilila ukulila ukupiti. ³Nkandi u Pauli ahalwisya ukunangania ishivanza. Pe ahinjilaga munyumba ni nyumba nakuvadendemula avanavuli na vantanda, nukuvigalila mujela.⁴Loli avitisi ve vasasite vahavala ukulumbilila izwi. ⁵U Filipu ahiha munkaya iya Samaliya nukuvalumbilila avene izya Chilisiti.⁶Impuga iya vantu yihamutejelezyaga zila zye ahaziyanga u Filipu; ninsivo yoka vahamwivwaga, pe vahenyaga nivivonesyo vwe ahavombaga. ⁷Impepo inkandamanu zihafumaga muve vinji ve vali nazyo. zihali;a nukuholela nkani, na vinji ve vahataliye na valemazu vahapola. ⁸Ishi pe mwali uluseshelo nkani mu nkaya.⁹Nkandi kwali wumo umuntu munkaya vahatinji u Simoni, we kuvwandilo ahalagulaga; we shima ahavasukumizyaga avantu ava mu Samaliya pe ahayitimaga ukuti ali muntu uwapamwanya. ¹⁰Ava Samaliya vonti, ukwanda ku munsi ukufiha ku muputi, vahamuteshelezyaga wuyo, vahati, ''umuntu uno gegala amaha aga Mulungu ge gakwitwa amapiti.'' ¹¹Vahamwivwaga uwene pakuti ahavasukumizyaga ahavalilo ahatali na mayele gakwe.¹²Nkandi avene lwe vamusuviye u Filipu pe akulumbilila ipangwi ilyinza ukuyana nizya shinamwene sha Mulungu nizyi zina lya Yesu Chilisiti, vahozelwa vonti avanavuli na vantanda. ¹³Nawe Simoni wope ahitiha, lwe ayozelwa ahanda ukutendama nu Filipu nukuyisimpa. Pe ahenya ivivonesyo nimbombo impiti zikuvombwa, ahasukumila.¹⁴Ishi lwe avapositili ava mu Yerusalemu vivuye ukuti avamu Samaliya valiposhele izwi lya Mulungu vahavatumila u Peteli nu Yohani. ¹⁵Lwe avene visile, vahavaputila, ukuti vaposhele umupepo umufinjile. ¹⁶She ukufishila ahavalilo he hala umupepo umufinjile atafisile ku muntu nawumo; avene vozelilwe vulo mwizina ilya Mwene u Yesu. ¹⁷Pe u Peteli nuYohani vahavaviha inyove zyavo papavo, vope vahaposhela umupepo umufinjile.¹⁸Ishi u Simoni ahenya ukuti umupepo umufinjile apelilwe munyove izya vapositili, ahavapa avene impiya. ¹⁹Ahati, ''Mumpe nine uvulamulili uvu, nine, ukuti wonti we ine namuviha inyove aposhelaje umupepo umufinjile.''²⁰Pe u Peteli ahayanga kuli wuyo, ''Leha impiya yaho yilove poka niwe, pakuti ukusiva ukukala ishavwila isha Mulungu ni mpiya. ²¹Utali nishigavo nashimo ku mbombo ino, pakuti umoyo waho atagolosile kuzya Mulungu. ²²Pelelo upindushe ukufuma kumbivi zyaho, uyipute kwa Mwene, ukuti pamo angakutetela insivo izya mu moyo waho. ²³She ine nkwenya ukuti uli munsalile inkali nkani namu vukungwa uvwa mbivi.''²⁴U Simoni ahamula ahati, ''Mputila ine kwa Mwene, ukuti kutahave nashimo pa zye waziyanga zye zinaje ine.''²⁵Lwe avene vasimishizye pe vahaliyanga izwi ilya Mwene , u Peteli nu Yohani vagalushila ku Yerusalemu, ukulumbilila ipangwi ku twaya utwinji utwa va Samaliya.²⁶Pe ishi uhavizya uwa Mwene ahayanga kwa Filipu ahati, ''Nyamuha valaga ku vuswelo uvwi dala lye likwiha ukufuma ku Yerusalemu ukuvala ku Gaza.'' ( Idala ili lili mulugwa).'' ²⁷Ahanyamuha nukujenda. Yenya, pala pali umuntu akufuma ku Etiyopiya, umupase uwa vulamulili uvupoiti uwa Kandake, umwene umwantanda uwa Etiyopiya. We ali wu songo wa vyuma vyonti. ahinza ku Yerusalemu pa kuputa . ²⁸Pe akugaluha uyihaye mwi galeta lyakwe, pe ahavazyaga izya mukuvwi u Yesaya.²⁹Umupepo wuhayanga kwa Filipu, ''Valaga uyimilile kupipi ni galeta .'' ³⁰Pe u Filipu ahamushimbilila, pe ahamwivwa akuvazya u Yesaya umukuvwi, ahati, ''Ukuzimanya zye iwe ukuvazya?'' ³¹Pe ahati, ''Nakuti vuli ine pe nanti wumo angandongozya?'' Ahamwitizya u Filipu ukuvala mwi galeta nu kutendama nawo.³²Ishi uluvatiho ulwa mazwi ge umu Etiyopiya ahavazyaga gegano, ''Ahalongolwa inza she ng'onzi kuwe akuvola, inza she hagozi pilongolela iya we akuvegula she hapumile, uwene atahigula ilomo lwakwe. ³³Mwe nsoni zyakwe nu vwanalyoli vwakwe, vahamusilila. Wu wenu we angaziyanga izya luho lwakwe ukufuma munsi.''³⁴Pe umupase ahavuzya kwa Filipu, ahati, ''Ine nkulava iwe, umbuzye ine wuwenu umukuvwi we akuyangwa, wuyo weka, pamo wumo uwunji?'' ³⁵U Filipu ahanda ukuyanga, ukwandila izwi linili ahalumbila ipangwi ilyinza ilya Yesu kuwuyo.³⁶Lwe akujenda mwidala, vahafiha paminzi gamo uwene umuase ahati, ''Yenya, pali aminzin apa. Shoni she shingankanizya ine pakozelwa?'' ³⁷U Filipu ahati, ''Nanti ukwitiha mu moyo waho wonti, wandi uyozelye.'' Umu Etiyopiya ahamula, ''Nkwitishizya ukuti u Yesu Chilisiti mwana wa Mulungu.'' ³⁸Pe umu Etiyopiya ahalajila igaleta kuti lyimilile. Pe vahiha ukwinjila mu minzi, vonti u Filipu nu Mupase. Pe u Filipu ahamozya uwene.³⁹Lwe avene vafumile mu minzi, Umupepo uwa Mwene ahamusompola u Filipu, pe Umupase ahajenda nuluseshelo. ⁴⁰Nkandi uwene u Filipu ahavoneha pa Azota ahadumunsania mushigavo shila, ahalumbililaga ipangwi ilyinza mu twaya tonti ukufishila pe ahinza mu Kayesareya.

¹Uwene u Savuli akuyangana nu kogofya na kwe kugoga avasundukwa va Mwene, ahavala na kwa muputi umupiti ²nu kulava ukalata wa kuvalila mu masinagogi mu Damasika, ukuti inga akumwaga wumo mwidala, kali mwanavuli kali mwantanda, angavapinya nukuvatwala ku Yerusalemu.³Lwe akujenda, shihavombwa ukuti lwe akwinza kupipi ku Damasika, ahagandushila ahamesya hamuzyunguliye nuluhozyo kufuma kumwanya; ⁴Pe ahinza agwa pansi ahivwa izwi likuyanga kumwanya, ''Savuli, shoni she ukumvima ine?''⁵Savuli ahamula, ''We wenu, Mwene? uMwene ahati, ''Ine ne Yesu, we ukumvima; ⁶loli nyamuha, yinjila munkaya, mwe kwe vakuvuzye zye uhondiye uvombe.'' ⁷Pe avantu ve ajenzite navo u Savuli vahimilila vatali nilyakuyanga, vahivwa izwi, vatahenya nawumo.⁸U Savuli ahanyamuha kufuma pansi, lwe ayigula aminso gakwe, atahenya nashimo; vahamulongozya ukumulema inyove vahamuleta ku Damasika. ⁹Kunsiku zitatu atahenyaga, atahalyanga nu kung'wela.¹⁰Ilelo kwamile umusundikwa ku Damasika vahamwitaga Ananoya. U Mwewe ahayanga nawo munjozi, ''Ananiya?'' Ahati, ''Yenya, ine ndipa, Mwene.'' ¹¹U Mwene ahati kuwuyo, ''Yinuha, valaga mutudala twe vakuti tugolosu, na kunyumba ya Yudasi uvuzye umuntu we akufuma ku Talisi vakumwita Savuli, pakuti akuyiputa. ¹²Ahamwenya munjozi umuntu vakumwita Ananiya akwinjila nukumuviha inyove zyakwe pa pakwe, ukuti ayenyaje havili.'' ¹³Pe u Ananiya ahamula, ''Mwene, nivuye kuvinji izya muntu wununo, ukunanga kwe avomvile kuvantu vaho avafinnjile mu Yerusalemu. ¹⁴Vahamwitishizya ve vaputi avapiti ukupinya vonti uku ve vakwitwa pizina lyaho.'' ¹⁵Pe umwene ahati kuwuyo, ''Jendaga, pakuti shivombelo shane ishisaliwa, ukupimba izina lyane kuvakunzi na vamwene na vana va Isilayeli; ¹⁶pakuti kwemulanjizye she kwe ayimbe pa shifukwa shizina lyane.''¹⁷U Ananiya ahepa, ahinjila munyumba. ahaviha inyove zyakwe pa wuyo, ahati, ''Wamwitu Savuli, uMwene u Yesu, we akuvonesheye mwidala pe uhinzaga, antumile ine ukuti uposhele ukwenya kwaho nukwizula numupepo umufinjile.'' ¹⁸Mwaluvilo vimo ngati vipapazula vihagwa muminso ga Savuli, pe ahaposhela ukwenya; ahanyamuha ahozelwa; ¹⁹pe ahalya na ahava namaha. Ahihala numusundikwa mu Damasika kunsiku inyinji. ²⁰Pepala ahamufumusya uYesu mu masinagogi, ahayanga ukuti uwene we mwana Wamulungu. ²¹Vonti ve vamwivuye vahasukumila nukuti, ''Te wewula umuntu we ahavananganiaga vala mu Yerusalemu ve vahitaga pizina linili? Ayinzile uku ukuvapinya nu kuvatwala kuva puti avapiti.'' ²²Uwene u Savuli ahonjela nkani amaha, ahavatetemya ava Yuda ve vahihalaga mu Damasika ukusimishizya ukuti u Yesu wu Chilisiti.²³Lye pajenzite insiku inyinji, ava Yudas vahasiva poka ukumugoga uwene. ²⁴Loli insivo zyavo zyamanyikilwe kwa Savuli. Vahenyelezyaga pashilyango umusanya nu vusiku ukuti vamugoje. ²⁵Avasundikwa vakwe vahamusenda uvusiku vahamwisya pansi kujendela muluvumba, vahamwisizya mushiseje.²⁶Lwe ayinza mu Yerusalemu, u Sauli ahayezya ukusangana na vasundikwa, avene vonti vahamwogopaga, vatahitihaga ukuti wope musundikwa. ²⁷Uwene u Balinaba ahamusenda nukumutwala kuva positili, pe ahavavuzya she u Savuli amuwenyi uMwene pidala nukuti uMwene ayanzile nawo, nashe ku Damasika u Savuli ayanzile umwakujimba mwizina lya Yesu. ²⁸Alinavo, ukwinjila nukufuma ukuzyungulila mu Yerusalemu. Ahayanga ahayanga umwakujimba mwizina lya Mwene uYesu. ²⁹Pe vahadalinkana nava Yuda va Helenisiti; pope vahalwisyaga ukumugoga. ³⁰Lye avamwavo vamanyile zinizi, vahamuleta muntende mukesaliya nu kumutuma ku Tasisi. ³¹Pe ishi, ishivanza mu Yudeya yonti, mu-Galileya, namu Samaliya mwamile umutende na vayizenzile; pe, nukujenda nilyoga mwa Mwene na muvufwase vwa mu mupepo umufinjile, nishivanza shakuzile mumbazyo. ³²Ilelo kuhinza kwava ukuti, u Peteliahavala mushigavo shonti, ahinza muntende wope kuvantu va Mulungu avafinjile vevahihalaga munkaya ya Lida.³³Kula ahamwaga umuntu wumo ahitwaga Eneya, we ali mushitala kumaha 8, she afuye uluvazu. ³⁴Peteli ahati ku wuyo, ''Eneya, uYesu Chilisiti akupozya iwe. Nyamuha tengaga ishitala shaho,'' panapo napanapo ahanyamuha. ³⁵Pe vonti ve ayihaye mu Lida na mu Shaloni vahenya umuntu vahagalushila kwa Mwene.³⁶Ilelo ku Yope kwamile umusundikwa wumo vahamwitaga Tabita ( vahilula ukuti ''Dolika''). Umwantanda ayizuye imbombo inyinza ahavombaga ivya vwila ku vapina. ³⁷Kuhinza munsiku zyezila ahinza avina nukufya; lwe vamozya, vahamugoneha mushipitu sha pamwanya.³⁸Ku Lida kwali kupipi na ku Yope, pe avasundikwa vahivwa ukuti u Peteli amele kwekula, pe vahatuma avantu vavili ku kwakwe, ukumulambilizya, ''Winze kuliswe ukusita kuhava.'' ³⁹U Peteli ahanyamuha nukuvala navo. lwe vafisile, vamutwaye kushipitu sha pamwanya, navafwilwe vonti vahimilila kupipi navo vahalilaga, vahamulanjizya amenda ninkanzu zye u Dolika ahagomba lwe ashili ali navo.⁴⁰Upeteli ahafumya vonti mushipitu, ahasugamila pansi, ahaputa; pe, ahagalunkana kumuvili, ahati, ''Tabita nyamuha.'' Pe ahigula aminso gakwe, nukumwenya u Peteli ahihala. ⁴¹Upeteli ahamupa inyove nukumunyamusya; Lwe avita avantu va Mulungu avafinjile nava fwilwe, ahavalanjizya umupuma avene. ⁴²izi zyinzile zyamanyikwa monti mu Yope, navantu avinji vahasuvila mwa Mwene. ⁴³Zihavombwa ukuti u Peteli ahihala amasiku aminji mu Yope nu muntu hatinji u Simoni, umunyuha makwela.

¹Ishi mula mwali umuntu wumo munkaya ya Kesaliya, u Kolineliyo izina, umupiti wava silikali ava impuga vatili ya Itali. ²We ali mugolosu, uwene ahamunyilaga uMulungu ninyumba yakwe yonti, pe ahavapanga avantu ivya vwila, ahaputaga kwa Mulungu umwa ku yisimpa.³Muhavalilo aha vu 9 ahisiku, ahenya apazelu injozi izya havizya wa Mulungu zikumwishila. Uhavizya ahati, ''We Kolineliyo!'' ⁴Kolineliyo ahamwenyelezya uhavizya nilyoga lihamulema ahati, ''imputo zyaho nivya vwila vyaho vizuvile ukuva sha kukumbushila isha vyakuyifumya pilongolela pa Mulungu. ⁵Ishi uvatume avantu munkaya iya Yope vamulete umuntu we izina wu Simoni we akwitwa wu Peteli. ⁶uwene akwihala numunyuha makwela we izina wu Simoni, we inyumba yakwe yili muluvazu ulwa sumbi.''⁷Lwe uhavizya we ahayangaga kukwakwe ayaefile, u Kolineliyo ahavita vavili ava vwomvi ava munyumba yakwe, nu musilikali umugolosu ukufuma muve vahamuvombelaga uwene. ⁸U Kolineliyo ahavavuzya zyonti zye zihavombwa pe ahatuma ku Yope.⁹ilya ndavi muhavalilo aha 6, lwe avene vali pavulendo vwavo vahapalamila kunkaya, u Peteli ahazuva pamwanya pa nyumba ukuputa. ¹⁰Pe inzala yihamuvava anzaga shimo ishakulya, pe avantu vali pakuteleha ishakulya, ahapelwa injozi, ¹¹pe ahenya kumwanya kwigusile pe shimo ishinyamulilo shikwiha, shimo she shali inza she likalatasi likwiha munsi, yikwiha ninguto zyakwe 4. ¹²Munumo mwali muhola vwonti uvwa vinyamana ivya vinama 4 ivintu ivya kusela munsi nivinyunyi ivwa mumwanya.¹³Pe izyi lihayanga kuline: ''Yamuha, Peteli, goga ulwe.'' Nkandi uwene u Peteli ahati, ¹⁴''Ndali, Mwene; she ine ntaliye nalumo shonti she shivivi nishinyazu.'' ¹⁵Nkandi izyi lihapyanizya ilya vuvili: ''She u Mulungu ashigomvile ukuva shizelu, atahondeye ukusita ukuti shivivi.'' ¹⁶Ishi shihavombws hatatu; pe ishinyamulilo umwaluvilo shihanyatulwa ukuva kumwanya.¹⁷Pe u Peteli lwe zimuvulunginie nkani izya njozi she ahashenya ahapotwa ukushimanya, yenya, av antu ve Kolineliyo avatumile vimiliye pashilyango, lwe vavuzya idala lya kuvala kunyumba. ¹⁸Avene vahaholela nukuvuzya alikwi u Simoni, vevahatinji u Peteli, vahihalaga kula.¹⁹Lwe u Peteli ashili akusivilila izya njozi, umupepo ahati kukwakwe, ''NYenya, avantu vatatu vakukulondola iwe. ²⁰Nyamuha wihaje navo nukujenda navo. utahave namagani gani pakujenda navo, pakuti nene mbatumile'' ²¹Pe u Peteli ahiha kuvantu valka ahati, ''Nenene uyo we mukumulondola. shoni she imwe mwinza?''²²Avene vahati, ''Umupiti wavasilikali we akwitwa Kolinaliyo, umuntu umugolosu uno we akumunyila u Mulungu, we akuyangwaga inyinza insi zyonti izya va Yuda, ahapelwa ipangwi ilyinza ukufuma kwa Mulungu nu havizya umufinjile ukuti atume kukwaho ukuti uvale kunyumba yakwe, kwekuti ayinze ayivwe ipangwi ilyinza ukufuma kukwaho.'' ²³Pe u Peteli ahavitishizya ukwinjila pe ahatendama navo. inzanchi ye yikulandata ahanyamuha nukujenda navo, pe navamwavo vamo ve vafumile ku Yope vahayisanzya.²⁴Kundavi yisiku vahafiha mu Kesaleya. U Kolineliyo ahavalindililaga venevo; uwene avitizizye poka avajenzi vakwe navamwavo ava kupipi²⁵Zihavoneha ukuva inza uvu lwe u Peteli ayinjiye, u Kolineliyo ahahomana nawo pe ahagwa muvinama vwakwe ukuti amupute wuyo. ²⁶Nkandi uwene u Peteli ahamwavwa pakushamusya, ahati, ''Yimilila! Nine ne muntu.''²⁷Lwe u Peteli ashili akuyanga nawo, ahinjila pe ahavaga avantu avinji vavungine poka. ²⁸Ahavavuzya ahati, ''Imwe mweka muzimanyile ukuti telulajilo ku muntu umu Yuda ukuva poka nakwe kuvatandalila avakunzi. nkandi umulungu andanzile ine ukuti ntahamwitaje umuntu nawumo ukuti muvivi pamo munyazu. ²⁹She shilesile ine ninzile ukusita kudaliha, lwe nkutumwa. Pe nkakuvuzilizya she iwe uhantumaga ine.''³⁰U Kolineliyo ahati, ''Amasiku 4 gegajenda ahavalilo inza she ahenya, naputaga ahavalilo aha 9 munyumba yane; pe nkenya, umuntu ayimiliye pilongolela lyane azyaye amenda amazelu. ³¹Ahati, ''We Kolineliyo, imputo zyaho zivwisile nu Mulungu, navwe vwa vwila vimukumbusizye u Mulungu izyaho. ³²Mutume wumo ku Yope, tukukwitila umuntu u Simoni we akwitwa u Peteli. We akwihala munyumba ya munyuha makwela we izina wu Simoni, muluvazu ulya sumbi.' Lwe akwinza uwene, aliyanga kulimwe. ³³Pe muhavalilo hoka nkavatuma kukwaho uli nuvwila pakwinza. Ishi lelo, swenti tuli apa tukuvoneha muminso gamulungu akuvwa vyonti vye imwe muha linganizuwa nu mwene ukuti.''³⁴Pe u Peteli ahigula ilomo lyakwe ahati, ''Nalyoli, ishi pe nazimanyinsyania ukuti uMulungu atakusala. ³⁵Muvuzilo vwakwe, munsi zyonti wonti we ahamunyila uwene nukuvomba imbombo ingolosu we akwitishilwa kuli wuyo.³⁶Imwe mugamanyile amazwi ge avatumiye avantu ava mu Isilayeli, lwe akumusizye ipangwi ilyinza nizya mutende mwas Yesu Chilisiti, wewu Mwene wa vonti- ³⁷imwe mweka mutamanyile utuvalilo twe tuhavombwa, she shavomvilwe mu Yudeya monti, ukutaliha mu Galileya, ukufuma pa lozyo lwe u Yohani alukumusizye; ³⁸nizya Yesu uwa mu Nasareti, inza she uMulungu ahamupahazya numupepo umufinjile namaha. Uwene ahajendaga ukuvomba inyinza nukuvapozya vonti vevavunjile amoyo nu satana, she uMulungu ali navo.³⁹Iwe sye vahome va zyonti zye uYesu ahavomba, monti munsi iya va Yudeya namu Yerusalemu. vahamugoga uwene pakumusajiha pikwi. ⁴⁰Pe uMulungu ahamuzusya pisiku ilya vutatu nukumunesya. ⁴¹Te kuvantu vonti, nkandi ku vahome vala ve vasalilwe nzila nawe Mulungu- niswe swe twaliye nukung'wela nawo lwe azyusile kuvafwe.⁴²Uwene ahatulajila iswe pakulumbilila ku vantu nukusimishizya ku vantu ukuti uno we wula we ahasalwa nu Mulungu ukuva mulonzi wave valanzi poka navafwe. ⁴³Zili nawuyo umwenesho ukuti avakuvwi vonti vasimishizyaje, kwekuti wonti we akumwitiha we aliposhela ulu tetelo ulwa mbivi mwizina lwakwe.''⁴⁴Lwe u Peteli akujendelela ukuyanga zinizi, umupepo umufinjile ahavagwila vala vonti ve vahatejelezyaga amazwi gakwe. ⁴⁵Pe avantu vala vevali kuluvazu ulwa vuvolwa avitisi- navonti ve vinzile nu Peteli- vahasukumila, pakuti ishikunjilwa isha mupepo umufinjile shihakupulwa nakuvakunzi.⁴⁶She vahavizya ava panzi vanava vakuyanjila munjango izinji pe vakumutima uMulungu. Pe u Peteli ahamula, ⁴⁷''Ishi alipo wumo we angasengula aminzi ku vantu ava ukuti avene vatahozelwe, avantu ve vaposheleye umupepo umufinjile inza she sweneswe?'' ⁴⁸Pe ahavalajila avene ukuti vozelwe mwizina ilya Yesu Chilisiti. Pe vahamuvuzya ukuti atendame nawo amasiku gamo.

¹Ilelo ava positili navamwavo ve vamile mu Yeda vahivwa ukuti nakunzi wope vaposheleye amazwi ga Mulungu. ²Ilelo u Peteli lye akwezya ku Yerusalemu, vala vitisiva vuvolwa vahamulonga; ³vahati, ''Ukuva poka navo vete vavolwa nu kulya navo!''⁴Pe u Peteli ahanda ukuzilingania umwakusimishizya, ahati, ⁵''Ine nkaputaga munkaya ya mu-Yope, namile nishitushizya sha mbakuli yikwiha pansi, ngati mwenda umupiti wukwiha pansi kufuma kumwanya ninguto zyakwe zyonti 4.Wukwiha papane. ⁶Nkashitontomela nukushisivilila . nkenya ivihano vya munsi ivya vinama 4, utukoko twa munzi, ivihano vye vikwavula, niviyuni vwa mumwanya.⁷Pe nkivwa amazyi ga kuyanga kwine, 'Nyamuha, Peteli; goga ulye!' ⁸Nkati, 'Teshezili, Mwene; nashimo ishivivi nishinyazu she shinjiyepo mwilomo lyane.' ⁹Ilyene izyi lihamula havili kufuma kumwanya, 'She uMulungu azelufizye, utahashite ukuva shinyazu.' ¹⁰Ishi shavomvilwe honti hatatu, pe vyonti vyagalushiye havili ukuzuva kumwanya.¹¹''Yenya, pepala pamile avanavuli vatatu vimiliye pantanzi pa nyumba pe twasmile; vavatumile kuline kufuma ku Kesaleya. ¹²Umupepo ahandajila ukuvala navo, havili ntahayipagule navo. Avamwitu 6 vahajenda nine, pe tuhavala munyumba ya muntu. ¹³Ahatuvuzya she ayenyizye uhavizya ayimiliye munyumba yakwe nukuyanga, 'Tuma avantu ku Yopa nu kumuleta u Simoni we akwitwa Peteli. ¹⁴Aliyanga kwiwe amazwi ge galikupoha iwe na vonti ava munyumba yaho.'¹⁵Lwe nkwanda ukuyanga kuvavo, umupepo umufinjile ahinza pa pavo, inza she ayinzile paliswe kuvwandilo. ¹⁶Nkukumbuha amazwi ga Mwene, she ayanzile, 'Mwemumo u Yohani ahozyaga naminzi; imwe muliyozelwa numupepo umufinjile.'¹⁷Pelelo inga uMulungu akuvapa isha vwila ishiholana nashe atupiye pe tuhasuvilaga mwa Mwene u Yesu Chilisiti, nali ne wenu, ukuti imususyaje uMulungu?'' ¹⁸Lwe vivuye zinizi, vatahayanga nalimo ilya kwamula, vahamutima uMulungu vahati, ''Pe uMulungu avapiye ulupinduho lwa shima na vakunzi.''¹⁹ilelo vala ve vasasite nukuvwimilwa kwe kwa nyamusile pa Sitefani zihafiha na ku Foyinike, Sipelesi, na ku Antiyokiya, kuyanga amazwi kwe kuva Yuda. ²⁰Loli vamu, avantu kufuma ku sipelesi na ku Kileni, vahinza ku Antiyokiya vope vahayanga na kuva Giliki, ukuvalumbilila inongwa inyinza izya Mwene u Yesu. ²¹Inyove ya Mwene yali Navo; imbazyo impiti yihapinduha nukwinza kwa Mwene.²²Ipangwi lyavo lihinza mumakutwi ga shivanza mu Yerusalemu, pe vahamutuma u Balinaba kuvala kuvutali ngati ku Antiyokiya. ²³Lwe ayinza ayenya uvwila vwa Mulungu, ahovosile ahavagomya vonti ukusyalanu Mwene na moyo gavo gonti. ²⁴Amile muntu umwinza ayizuye numupepo umufinjile nu lwitiho, na vantu avinji vahonjela kwa Mwene.²⁵U Balinaba ahepa ahavala ku Talisi kumulondola u Savuli. ²⁶Lwe amwazile, ahamuleta ku Antiyokiya. Kuhinza kwava, ukuti umwana wonti vahavunganaga poka ni shivanza nu kumanyisya avantu avinji. ava sundikwa vahavita va Chilisiti ulwakwanda mu Antoyokiya. ²⁷Ishi munsiku zinizi avakuvwi vamu vahinza ukwiha kufuma ku Yerusalemu mpaka ku Antiyokiya. ²⁸Woka muvavo, u Agabu izina, ahanyamuha ahalingania mumupepo ukuti inzala impiti kwe yigwanje munsi yonti. Izi zyavomvilwe munsiku zya Kilavudi. ²⁹Pe avasundikwa, lye vonti va vajiye, vahasiva ukutuma ivisangulwa avamwavo mu Yudeya. ³⁰Vahavomba zinizi; vahatuma indalama kuvasongo munyove zya Balinaba nu Savuli.

¹Pahavalilo hehala umwene Herodi ahavalema inyove vamo avashivanza pe ahavizizya venevo. ²Ahamugoga u Yakovo uwamwavo uwa Yohani nu lupanga.³Pa kuzezya zinizi ukuti zyavahovosya ava Yuda, pahonjezya ukumulema nawe Peteli. Gali manda ga makate ge gatali niviluzizyo. ⁴Ilelo lwe amulemile, ahamwigalila mu jele, vahamulemeha kuha mpuga havantu 4 avasilikali ukuti vamulindililaje uwene; pe ahanzaga ukumufumya ku vantu lwe u pasa apitilila.⁵Pe u Peteli vahamusunga mu jele, loli ava shivanza vahayikungula ukumuputila uwene kwa Mulungu. ⁶Pavusiku lwe uHerodi ashili ukumufumya ukuti vamulonje, u Peteli asyupiliye pakasi pava silikali vavili, vamupinyile nama nyololo gavili, lwe ava lindilili vali pantanzi ukwenyelezya ijele.⁷Yenya, uhavizya wa Mwene ayimiliye pali wuyo, puvu zelu vuhahozya mumo mu jele. Pe ahamuhoma u Peteli paluvazu pe ahamudamusya wenewo pe ahati, ''Nyamuha luvilo,'' Pe namanyololo gahagwa munyove zyakwe. ⁸Pe uhavizya ahati kukwakwe, ''Fungaga ilamba lyaho uzwale ni ndwato zyaho.'' Peteli ahavomba vunuvu. Uhavizya ahati kukwakwe, ''Zwala ijaketi lyaho pe undandate ine.''⁹Pe u Peteli ahafuma kunzi pe ahamulandata uhavizya. Atahamanyaga ukuti zye zihavombwa nu havizya ukuti zya mwemumo. Ahasiva ukuti ningavanga nkulota injozi. ¹⁰Lwe apitiliye pa mulindilili uwavwandilo nuwa vuvili, ahinza ku shijela isha lwiji ishakumulongozya munkaya; luhavigushila lweka avenesho. Pe vahafuma vahavala panzi nukwishila pidala. pe uhavizya ahamuleha pepala.¹¹Lwe u Peteli azyagania umwenesho, ahati, ''Ishi nalyoli namanya ukuti u Mwene amutumile uhavizya wakwe ukunefya ine ukufuma munyove zya Herodi, nukufuma muli zyonti zye avantu vamu Yuda vahasuvilaga.'' ¹²Lwe azimanyinsania zinizi, ahavala kunyumba ya Maliya uyina wa Yohani, havili ahitwaga u Maliko, kwe avantu avinji vavungine vahaputaga.¹³Lwe ahonyonsizye ku lwiji ulwa shilyango, umuzya umulindu ahitwa wu Roda ahinza ukumwamula. ¹⁴Lwe agasimishizya amazwi ga Peteli, ukufuma muluseshelo ahapotwa ukwigula ulwiji; ahavavuzya ukuti u Peteli ayimiliye pa mulyango. ¹⁵Pe vahayanga kukwakwe vahati, ''Uli nishipena.'' Loli uwene ahumishizya ukuti she zili vunuvo. Vahati, ''Wuhavizya wakwe,''¹⁶Loli u Peteli ahajendelela ukuhonyonsya, lwe viguye ulwiji, pe vahamwenya uwene vahasukumila nkani. ¹⁷U Peteli ahavasonta venevo ninyove yakwe ahati pumaji, ahavavuzya avene mwe u Mwene amufumizizye uwene mu jele. ahati, ''Mumuvuzye zinizi u Yakovo nuwamwavo.'' Pe ahafuma ahavala kuvuzilo uvunji.¹⁸shinishi lwe lyinzile isiku, kutali nahashongo pavasikali pazye zihavombwa kwa Peteli. ¹⁹Pe u Herodi ahamulondola uwene loli ahapotwa ukumwaga uwene, ahavalalusya avalindilili ahavalamulila ukuti vavatwale kumfwa. Pahiha ukufuma ku Yudeya nukuvala ku Kasaliya nukwihala kulanye.²⁰Shinishi u Herodi ahavahalalila nkani navantu vamu Tile namu Sidoni. Vahavala kukwakwe nimfundo yoka, pe vahamulambilizya, Bulasitasi, umutuli wa mwene, ukuvavwa avenevo, zye vahalavaga umutende mulandu inkaya yavo yaposheleye ivya kulya vyavo ukufuma mu nkaya ya mwene. ²¹Pe kwasha u Herodi ahazyala umwenesho amenda ga shimwene pe ahatendama pashitengo; ahagomba uvuyanzi kuli vavo.²²Avantu vahavilishila, ''Ili lwe lizyi lya shilungu, te lya muntu!'' ²³Mwaluvilo uhavizya wa mwene ahamuhoma uwene, mulandu atahamushindihaga uMulungu; pe ahalyeliwa ninsonsi nu kufwa.²⁴Loli izyi lwa Mulungu lihavula nu kupapana. ²⁵Lwe u Balinaba nu Savuli lwe vamala imbombo yavo, vahagaluha kwe vafumile ku Yerusalemu, ukuvaletela venevo u Yohani, we ahitwa u Maliko.

¹Ilelo mushivanza sha mu Antiyokiya, mwemwamile navakuvwi na vamanyisi. Muhava u Balinaba, u Simoni (we vahamutahaga Nigeli), Lukiyo uwa ku Kileni, Manayeni (umusungwa umunine wa Herodi umwene), nu Savuli. ²Ilelo lwe vakumuputa uMwene nu kufunga, pe umupepo umufinjile wuhayanga, ''Muvasavule paline u Balinaba nu Savuli, kuvomba imbombo ye nkavitizya.'' ³Ilelo lwe vafunzile, kuputa, nukuviha inyove pa vantu ava, pe vahavavwezya.⁴Bsalinaba nu Savuli, lwe vatumilwe numupepo umufinjile pe vahiha ukuvala ku Seloyikiya; ukufuma pala vahajenda ku Sipelesi. ⁵Ilelo lwe vafisile mu Salami, pe vahakumusya inongwa zya Mulungu muma sinagogi gava Yuda. Havili vahava nu Yohani ukuva mutuli.⁶Ilelo lwe vajenzite yonti insungo nukufiha ku pafo, kwe vahamwsga wumo uwamayele, umu Yuda umukuvwi wilenga, izina lwakwe ali Bali Yesu. ⁷Uwamayele wununo ahava poka nu musungansi, Selegi pavuli, amile muntu wanjele. Umuntu wununo ahavasitaka uBalinaba nu Savuli, pa mulandu she asungilwe ukwivwa inongwa zya Mulungu. ⁸Loli u Yelima ''Uwamayele'' ( mwemwe ukuligalulila izina ili ) ahavasusya; ahalinda ukumugalusya umusungansi ukuti atahitishe.⁹Loli u Savuli we akwitwa kuva wu Pavuli, ahizuliwa numupepo umufinjile, ahamutontomela nkani. ¹⁰Ahayanga, ''We mwana wa setano, we wizuye nishifumbo nuvuvivi vonti. We mulugu wa shintu shonti ishigolosu. Te uhaleshe lumo ukuzezya amadala amagolosu aga Mwene, Uliva?¹¹Ishi yenya, inyove ya Mwene yili piwe, kwe uve we ntonko. utalilyenya izuva ahavalilo hamo.'' Mwaluvilo pe vihamugwila ahavwelelema nishisi; ahanda ukuzyungulila ukulondola avantu kuti vamulongole ukumulema inyove. ¹²Vwe umusungansi avwenyi zye zihavombwa, ahitiha, she asukumiye isambilizyo zya Mwene.¹³Ilelo u Pavuli navamanyani vahalamba ukufuma mu Pafo nukuvala ku Pelige mu Pamfiliya. Loli u Yohani ahavaleha nukugalushila ku Yerusalemu. ¹⁴Pavuli navamanyani vakwe vahajenda ukufuma ku Pelige ukuvala ku Antiyokiya mu Pisidiya. Kula vahajenda nukuvala mu sinagogi pisiku lya sabata nukwihala pansi. ¹⁵Ilelo lwe vamazile kuvazya mwa kalata wa nkomelezyo namuva kuvwi, navapiti va sinagogi vahatuma amazwi, ahati, ''Mwe vamwitu, inga muli nizwi limo ilya kuvatontela avantu iva, muliyanje.''¹⁶Pe u Pavuli ahavuha ahavahandanizya numuhono ahati, ''Mwe vayaya mwe va Isilayeli namwe mukunyila u Mulungu, tejelezyi. ¹⁷U Mulungu wavantu va Isilayeli ve ahavasavula ava tata nukulwimiha uluho ulu lwe vakwihala munsi ya Igiputo, havili ahavusya umuhono wakwe ahavalongozya ukufuma mwenemo. ¹⁸Ukwakufiha amaha 40 ahavatontela mulugwa.¹⁹Ilelo lwe azinanginie inkolo 7 munsi ya Kanani, pe ahavapyanizya munsi yavo ukuti yivanje ya vupwano vwavo. ²⁰Vyonti vinivi vihavomiwa pajenzite ukushila 450 amaha. Lwe zivomvilwe zinizi, uMulungu ahavapa navalonzi ukufiha kwa Samweli umukuvwi.²¹Pe avantu vahamwanzaga uMwene, uMulungu avapiye u Savuli umwana wa Kisi, umuntu we afumile muluho lwa Benjamini, ukuva wu Mwene pamaha 40. ²²Ilelo lwe amwefizye wununo ukufuma kuvumwene, pe ahamwimiha u Davide ukuva wu Mwene wavo. Ahava wu Davidi we uMulungu ahati, 'Mwazile u Davide umwana wa Yese ukuva muntu ukufuma pamoyo, we ahavomba zyonti zye ahanzaga ukuvomba.'²³Ukufuma mumbeyu ya wununo mwe uMUlungu ahamuleta ku Isilayeli umuposhi, uYesu, inga she afinzile ukuvomba. ²⁴Vwe uYesu atinzile, u Yohani alumbiliye ulozyo lwa lupinduho kuvantu vonti va Isilayeli. ²⁵Lwe u Yohani akumalizya imombo yakwe, pe ahati, 'Mukusiva ukuti ne nanu? Ine tenewuyo. Loli yivwa, uwene akwinza mwisinda mumwane, we ine ntahondeye ukusatula indyato zya muvinama vyakwe.'²⁶Vamwitu, avana valuho lwa Abulahamu, navamo mulimwe mwe mukumunyila uMulungu, vili kwiswe ukuti izwi lya vuposhi lwa tumiwa. ²⁷She vala ve vasamiye mu-Yerusalemu, navasongo vavo vatamumanyile avene, vahakwanilisya amazwi ga mukuvwi ge vahakuvazya isabata wonti ukumususya uwene.²⁸Nashe nga vatashazile ishifukwa shakumugojela, vahamwita uPilato ukuti amugoje. ²⁹Lwe zimazile zyonti zye zikumuyanga mwakalata, vahamusenda ukufuma pikwi nukumugoneha mwi pumpa.³⁰Uwene uMulungu ahamuzusya kuvafwe. ³¹Ahavoneshela kumasiku aminji kuvala vevinzile nawo ukufuma mu Galileya ukuvala mu-Yerusalemu. Avantu vanava ve vahome va vantu.³²Pe tukuvavuzya izya nongwa inyinza, ulufingwi lwe lyinzile ukufuma kuva tata. ³³Likwanilisilwe muliswe, avana vavo, vakumuvusya uYesu. Inza she lilyo lisimvilwe mu lwimbo lwa vuvili: 'We mwana wane, nkupafile umusanya uno.' ³⁴Ukuti muzusizye kuvafwe musita kugalushila. Umulungu ayanzile munzila ino: 'Ndivapa imwe izya vufinjile nukusimishizya vevafumile kwa Davidi.'³⁵Mwemumo mwemwe ayanzile havili mwakalata walufingo, 'Temuhitishizye umufinjile winyu amanyaje uvuvozu.' ³⁶Kufuma pe u Davidi avombeye kwanza kwa Mulungu munkulile yakwe, vwe akasite utulo, lwe fwe umuvili wakwe wuvozile. ³⁷Lole lwe uMUlungu amuvuzizye ahaga atavozile.³⁸Leha lelo zimanyikwe kwimwe, vamwitu, pakutiu kujendela mu muntu uno zitangaziwe kwimwe ulutetelo lwa malandu. ³⁹Muli wuyo aliwonti we akwitiha akutashilwa uvugolosu kuvili vyonti vye inkomelezyo zya Mose zita tashilwe kulimwe.⁴⁰Pe mushenjele zitavinjilaje zye avakuvwi vayanzile zitavomvilwe kulimwe: ⁴¹'Yenya, mwe vasingana, musukumile nu kuvenguha; she navala kuvinzila nimbombo mumasiku ginyu, imbombo ye temuhitishe nalumo, nadshenga wumo alivapanjila.'''⁴²Lwe u Pavuli nu Balinaba vahepa, pe avantu vahalambilizya vahati havavuzye inongwa zinizi nohavili pasabata iyamwavo. ⁴³Ilelo lwe vasavaliye avamu sinagogi, pe ava Yuda avinji navinjililwa ve vahamulandata u Pavuli nu Balinaba, pe avene vahayangaga navo vahavalambilizyaga ukuti vakakatile muvwila vwa Mulungu.⁴⁴Ilelo pa sabata ilyamwavo, pe avantu avinji ava munkaya vahavungana ukuti vivwe izwi lya Mwene. ⁴⁵Avene ava Yuda lwe vawenyi impuga ya vantu, pe vahizuliwa nuvuzuva nukuyanga izya madali kuvintu vye u Pavuliu ayanzile nu kumuliga.⁴⁶Lole u Pavuli nu Balinaba vahayanga umwavujimvu nukuti, ''Shali shinza ukuti izwi lya Mulungu litalishe kuyangwa kukwinyu. Navenya ukuti mukulitagakulimwe mweka havili mukuyilonga ukuti mutahondeye shimanashima, yenyi, tukulungama kuvakunzi. ⁴⁷She lye atulajizizye uMwene, ukuti, mbasazile imwe kuva mwe luhozyo kuvakunzi, ukuti uvanje we wakuvapoha ukufiha kuvusililo vwansi."'⁴⁸Ilelo avakunzi vivuye zinizi, vahahovoha nu kulikwezya izwi lya Mwene. Pe avinji vahasevwa kuvumi vwakwihala namwila. ⁴⁹Izyi lwa Mwene lihasata mwonti munsi yila.⁵⁰LOle avakunzi vahasambulania avantanda avapiti navahombe avahatankaya. Vahavavusya ukuvashimbizya u Pavuli nu Balinaba nu kuvefwa mumpaho yavo. ⁵¹Pe vahavala munkaya ya Ikoniya. ⁵²Pe avasundikwa vahizulana nukuseshela numupepo umufinjile.

¹Shihinza ukuti mu-Ikoniyo pe Pavulo nu Balinaba vahinjila poka mu sinagogi iyava Yuda nu kuyanga inza ishi ukuti impuga impiti poka nava Yuda nava Giliki vahitiha. ²Lole ava Yuda nyene ve vatahimvilaga vahagavundulaga amoyo ga vakunzi nukuvapa uvuhali nukuvavushila avamwavo.³Pe vahadila kula amasiku aminji, kuyanga nuvujimvi namaha ga mwene, pe ahavapa ishakumanyila isha izyi lya vwila vwakwe. Ahavomba zinizi kuvapa ivimanyisyo nivya kusukumizya pakuti vivombwaje kujendela munyove zya Pavuli nu Balinaba. ⁴Ilelo pe avantu vamunkaya vahatapunkana; vamo vahavala nava Yuda, vamo nava Positili.⁵Vonti avakunzi nava Yuda ( vonti poka nava songo vavo) vagomvile ukuti nzatuvayezye tuvizizye nukuvatinza namavwe, ⁶pe kusita kuhava vwe vivwa pa zinizi vahashimbilila mu Likayoniyani inkaya ya Lisitila namu Delibe namuvigava vyonti, ⁷kwe vajendeleye nukukumusya inongwa inyinza.⁸Mu Lisitala mwe ali umuntu wumo ayihaye, we ali muyeyevazu she alemaye mwe muhati mwa yina, we atajenzite nalumo. ⁹Wununo umuntu vwe ayivwa zye ahayangaga u Pavuli. Pavuli aha tontomela aminso pa wuyo nu kumwenya ukuti ali nulwitiho lwa kupona. ¹⁰Pe ahayanga kuwuyo nizwi ipiti, ''Vuhaga uyimilile nivinama vyaho.'' Pe umuntu ahadomoha mumwanya kulivilila.¹¹Vwe impuga yimuvoyi vyo u Pavuli agomvile, pe vahakwezya amazwi gavo, vahayanga shi Likayoniya, ''Amalungu gayipezile ukuva vantu nukwiha mumwinyu umu.'' ¹²Vahamwita u Bzlinaba ''Zeyusi,'' nu Pavui ''Helimesi,'' uwene we ali mwenesho wakuyanga. ¹³Pe uwashiputo wa Zeyusi, we itempeli lyakwe yali kunzi kwa nkaya, we ahaleta inkambaku nuvwezya uvuzinje kuvilwango; wuyo ni mpuga vahanzaga uva muputile.¹⁴Ilelo avene avapositili, uBalinaba nu Pavuli, lwe vivuye zinizi, pe vahazepulania amenda gavo nu kufuma kunzi nukwihala mumpuga, vahahola, ¹⁵''Vantu, shoni she mukuvomba vinivyo? Naswe swe vantu nza mwemwe, nahavele ukwakuyanana nimwe. Tukuvavuzya imwe izya nongwa inyinza ukuti mugalushe kufuma kuvinivi nukuvala kwa Mulungju umwumi, we ahapela kumwanya , pansi , nu sumbi, na vyonti vye vili mumo. ¹⁶Mumaha ga kwisinda, ahitishizyaga insi zyonti kujenda munzila zyavo.¹⁷Lole, atahihalaga pawuyo weka kwambula uhome, muzyezila ahavomba inyinza nukuvapa imvula kufuma kumwanya ahavapa namaha ga mbombo, pe muhizuzye amoyo ginyu ni vwakulya uvuhovosu.'' ¹⁸Namazyi ganaga, Pavuli nu balinaba vahajimbilila ukusunga impuga ukuti vaputaje vavo.¹⁹Lole kuhava ava Yuda vamo vafumile mu Antiyokiya namu Ikoniyo vinzile nu kuyilambilizya impuga. Vahamutinza namavwe u Pavuli nu kumudendemula nukumwefwa munkaya vahasivaga kuti afuye. ²⁰She avasundikwa vimiliye kumuzyungulila, uwene ahavuha ahinjila munkaya. Ilyandavi, ahavala ku Delibe poka nu Balinaba²¹Ilelo pe vwe vakumusizye ninongwa inyinza munkaya yila nukuvavuzya avasundikwa ve vinji, vahagaluha ku Lisitila, ku Ikoniyo, naku Antiyokiya. ²²Vahajimvaga amoyo ga vasundikwa nu kuvagomya kujendelela mulwitiho, kuyanga, ''Tuhondeye kwinjila mushinamwene sha Mulungu mwidala lya mayimba aminji.''²³Ilelo lwe vahavasalila avasongo mu shivanza shonti, vahaputaga nukufunga, vahavalajila kwa mwene, muwe vamwitisile. ²⁴Kufuma apo vadumunsania Pisidiya nu kufiha ku pamufiliya. ²⁵Ilelo lwe vayanjile iwi mu Periga, pe vahiha ukuvala ku Ataliya. ²⁶Kufuma kula vahalamba ku antiyokiya, mwe vahayipa mu vwila vwa Mulungu kumbombo zye vahamalilizya.²⁷Ilelo lwe vafiha mu antiyokiya pe vahavunganiha ishivanza shonti, vahavavuzya zyonti zye u Mulungu avomvile navo. inza she aviguliye bumulyango uwalwitiho avakunzi. ²⁸Pe vahadila ahavalilizyo ahatali navasundikwa.

¹Pe vamo avantu vahiha ukufuma ku Yudeya vahavalaga mu Antiyokiya vahavasambilizya avamwavo, vahati, ''Nanti mutangavolwa ukuyana na miho aga Mose, imwe mutalipona.'' ²Ishi shihamuleta u Pavuli nu Balinaba ukudalinkana ukupiti nukuyanzania navo. Upavuli nu Balinaba, poka na vamwavo vamo mu vevala, vahavaseva ukuti vakwele ku Yerusalemu ukuhomana na vapositili navasongo ukuyana ni vuzyo ili.³Avene lelo, mwe vatumilwe nishivanza, vahadumunsania pa Fonikiya nu Samaliya nu kukumusya izya kuyanzania nava panzi. Avene vahaleta ukuseshela ukupiti ku vamwavo vonti. ⁴Lwe vinza ku Yerusalemu, vahaposhelwa nishivanza na vapositili na vasongo, pe vahavapanjila ivintu vyonti vye uMulungu avavomvile poka navo.⁵nkandi vamo avantu ve vitisile, ve vali vamumpuga yava Falisayi, vahimilila vahati, ''Shingava shinza ukuvavola nu kuvapatishizya ukuzilema inkomelezyo izya Mose.'' ⁶Pe avapositili na vasongo vahavungana poka nukuyisivilila intamyo ino.⁷Lwe vayanzizinie nkani, u Peteli ahimilila nukuvavuzya, ''Vamwitu, muzimanyile ishinza shila ukufiha hali uMulungu ahasala mulimwe, ukuti nalye lilomo avakunzi vivwe amazwi aga ipangwi ilyinza, nu kwitih. ⁸Umulungu, we agamanyile amoyo, avasimishizizye avene pa kuvapa umupepo umufinjile, inza she avomvile kuliswe. ⁹Atahavomba ukulesania pakasi piswe na vavo, pakugazelufya amoyo gavo nu lwitiho.¹⁰Pe ishi lelo shoni she ukumuyezya uMulungu, ukuti iwe uvishe ikoli munsingo izya vasundikwa lye avatata vitu pope niswe tungalinyamula? ¹¹Nkandi iswe tukwitiha ukuti tukwinza ukupokwa muvwila vwa Mwene witu u Yesu, inza she vali.'' ¹²Pe ipuga lyonti yihapuma nukutejelezya u Balinaba nu Pavuli ahavavuzya izya vyivonesyo ni visukumizyo uMulungu vye avavombeye ava kunzi ukujendela muvavo.¹³Pe lwe valesile ukuyanga, u Yakovo ahamula, ahati, ''Vamwitu, ntejelezyi ine. ¹⁴U Simoni ahavavuzya mwe uMulungu atalishiye uvwila ahavavwa avakunzi ukusenda vamo avantu ukuva vizina lyakwe. ¹⁵Amazwi aga va kuvwi gakwintinkana nizi, inza she lisimvilwe, ¹⁶'Lwe vyajenda ivi ine ndigaluha, pe ndizenga havili ihema ilya Davedi, pala pe paguye pansi, pe ndiyania nukuzenga havili mwe linanjisile. ¹⁷Kwe kuti avantu vonti vevasyaye vamulondole uMwene, ukusanzya nava kunzi ve vahitwa mwizina lyane.' ¹⁸Ishi she uMwene akuyanga, wuwenu we avomvile ivintu vinivi vye vyamanyiha ukufuma mutuvalilo utwahali.¹⁹Ishi, ine nadumula ukuti tutahavatamiaje avo avakunzi ve vakwinza kwa Mulungu. ²⁰Pe iswe tulivasimba avene ukuti valeshe ukunyazya nivilungu, ukufuma mumbivi iya luvembu, ninyama zye vabuzite, ni vanda. ²¹Umose ahavalumbilila munkaya zyonti ukufuma kuluho ulwa vahali pe halumbililwe muma sinagogi usabata wonti.''²²Pe zihavoneha nyinza ku vapositili navasongo, poka nishivanza shonti ukuseva u Yudasi we akwitwa u Balasabasi nu Sila, ve vali valongozi va vamwavo, vahavatuma ku Antiyokiya nu Pavuli nu Balinaba. ²³Ukusimbila nazye nyove zyavo, ''Ukutaliha kuvapositili na vasongo, na vamwinyu, navamwinyu ava panzi ava mu Antiyokiya, mu Siliya, na mu Siliya vakuvalamuha! ²⁴Pakuti tuvivuye vamo avantu vafumile ukwepa kuliswe, ukusita lulajilo ukufuma kuliswe, vavapuvya imwe namazwi ge gagalula uvulanzi vwinyu, ²⁵shali ahinza kuliswe, swe tufisile ku nsivo yoka, ukusala avanavuli na kuvatuma kukwinyu nava nkundwa vitu u Balinaba nu Pavuli, ²⁶avantu ve nge vavutezizye uvulanzi vwavo pa zyizina lwa Mwene uYesu Chilisiti.²⁷Pe ishi tumutumile uYudasi nu Sila, vevankwinza ukuyanga kuliswe ivintu vyali vyoka mumazwi gavo. ²⁸Ishi pe shali ahinza kwa mupepo umufinjile na kukwitu, ukusita kuvatwiha umuzigo umupiti ukulusya inyinza zinizi: ²⁹ukuti imwe mwepushe ku vila vye mukuyipa ku vilungu, na mand, nivya kubuda, nizya luvembu, Nanti mungepuha kulizi, ziliva ahinza nkani izyi imwe. Nkuvanzila uvwinza.''³⁰Pe avene, lwe vavashimbizya, ahaiha ahinza mu Antiyokiya; lwe valivunganisile ipuga poka, vahavalemeha ukalata. ³¹Ishi avene lwe vavazizye, vahadovela pakuti vahavagomya. ³²Uyudasi nu Sila, ve vali vakuvwi, vahavagomya avamwavo na mazwi ge minji nu kuvapa amaha.³³Lwe vadiliye hamo ahavalilizyo pala, pe vahavatuma nu mutende ukufuma kuvamwavo ukuvala ku vala ve vavatumile avene. ³⁴Nkandi ishi pe shali ahinza kwa Sila ukusyala pepala. ³⁵Pe u Pavuli nu Balinaba vatendime mu Antiyokiya, vahasambilizyaga nukulumbilila ( poka navamwavo avinji) izwi ilya Mwene.³⁶Lwe gajenda gamo amasiku u Pavuli ahati kwa Balinaba, ''Nzaga ishi tugalushe tuvajendele avamwitu munkaya zyonti mwe twalumbiliye izwi ilya Mwene, nu kuvenya mwe vaveleye.'' ³⁷Ubalinaba ahanzaga havili ukuti amusende u Yohani we ahitwa u Maliko. ³⁸Nkandi uwene u Pavuli ahasiva ukuti zitali ahinza ukumusenda u Maliko, we avalesile avene mu Pamfiliya pe atahaje nawo nkani ku mbombo.³⁹Ishi pala pavusile uvusita lwivwano uvuhali, pe vahalehana woka nu wamwavo, u Balinaba ahamusenda u Maliko ahalovoha nawo ku Siyupulasi. ⁴⁰Uwene u Pavuli ahamusala u Sila vahepa, ukufuma pala pe avamwavo vamulajizizye nizya vwila uvwa Mwene. ⁴¹Pe avene vadumunsania mu Siliya na mu Silisiya, ukuvipa amaha ivivanza.

¹Pavuli wope ahinza ku Delebe naku Lisitala, pe yenya, ahamwaga umu positili we ali wu Timoti izina, umwana wamwantanda umu Yuda we ali mwitisi, loli u yise ali mu Giliki. ²Ahayangwaga inyinza ku vamwavo we vali pa Lisitala navamu Ikoniya. ³U Pavuli ahanzaga ajendaje nawo, pe ahamusenda nukumuvola ukuvolwa mulandu wava Yuda vevali mu vuzilo vula, pakuti vonti vamanyile ukuti uyise mu Giliki.⁴Ilelo lwe vakujenda mu nkaya, vahashilaga muvuzilo mwe avapositili na vasongo we vali mu Yerusalemu vatili vivwilaje. ⁵Pe ivivanza vihagoma namaha mulwitiho nukuvala mumbazyo shima.⁶Pauli na vamwavo vahadumunsania muvigavo vya mu Filigiya nivya mu Galatiya, mulandu umupepo umufinjile ahavahanizya ukuti vayanje inongwa mu shigavo sha Asiya. ⁷Lwe vapalamila mu Misiya, vahelezya ukuvala mu Bitiniya, loli umupepo wa Yesu ahavagalusya. ⁸Pe vahajenda mu Misiya vahiha ukuvala mu nkaya ya Tiloya.⁹Pe injozi zihamuloleshela u Pavuli uvusiku: umuntu wamu Makedoniya ayimiliye papo, ahamulava ukuti, ''Nzaga lamba ku Makedoniya ututule.'' ¹⁰Lwe u Pavuli avwenyi injozi, mwaluvilo tuhadumula ukuvala ku Makedoniya, tuhadumula ukuti uMulungu akutwanza tuve tulumbilile inongwa inyinza kulivavo.¹¹Pe tuhalamba usumbi ukufuma mu Tiloya, tuhagoloha ukuvala mu Samatilake, havili Shadavi tuhafiha mu Ndeyapoli. ¹²Ukufuma uko tuhavala mu Filipi, ye nkaya impiti mu Makedoniya ahaya ahakumanyikwa munkaya yila naye ava Roma vaposile. ¹³Pisiku lya Sabata tuhafuma munkaya nu kuvala kwijenje, kwe tuhatinji kwe vakuputila, pe tuhihala nukuyanga navantanda vevavungine.¹⁴Umwantanda wumo we izina lyakwe ali wu Lidiya, we ahakazya amendas amashemamu ukufuma mu Tiyatila, we ahamusugamililaga uMulungu, ahatwivwa. Umwene ahamwigula umoyo nu kwivwa zye ahayangaga u Pavuli. ¹⁵Ilelo lwe ayozelwa poka nava munyumba yakwe, pe ahatulambilizya ahati, ''Nanti muvwenyi ukuti mwitisile uMwene, pe mwinze mwihalaje mu nyumba yane.'' pe ahatulambilizya.¹⁶Isiku limo lwe tukuvala pevakuputila, pe tuhahomana nu mulindu wumo we ali nimpepo ya vulaguzi, we avaloncheye ishuma ishinjiava avapiti vakwe nu vulaguzi vwakwe. ¹⁷Umwantanda uno ahamulandata u Pavuli niswe nukuhola jukuti, ''Avantu ava vavomvi va Mulungu umulusyi. Ve vakukumusya kuliwe idala lya vuposhi.'' ¹⁸Ahavombaga uvu amasiku ge minji loli u Pavuli, lwe avisitwe nkani nawuy, ahagalunkana nu kuyanga kumpepo, ''Nkukulamula iwe mwizina lya Yesu Chilisiti fuma muli wuyo.'' Yihafuma pa havalilo hehala.¹⁹Ilelo avasongo vakwe lwe vazile hafumile he vahalonchelaga mumo, pe vahamulema u Pavuli nu Sila nukuvakwesela kuvuzilo uvwakukazizya ku vavulamulili. ²⁰Lwe vavalesite kuvalonzi, vahati, ''Avantu ava vakutamya munkaya ino. Veva Yuda. ²¹Vakukumusya amiho ge iswe swe Varoma mwiho ukugaposhela nukugalandata.²²Pe impuga yonti yihavavushila u Pavuli nu Sila; avalonzi vahazepula namenda gavo nukuvalamula ukuti vahomwaje nindisa. ²³Lwe vavahomile ningumi inyinji, nukuvigalila mu jele nukuhomeshezya umusunga jele ukuti avenyelezye nkani. ²⁴Lwe vivuye uluhomelezyio lunulu, pe umusunga jele ahavigalila mukasi nu kuvapinya ivinama vyavo mumapampa.²⁵Pakasi pavusiku u Pavuli nu Sila vahayiputaga nukwimba inyimbo zya Mulungu, navakungwa avamwavo vahavatejelezyaga. ²⁶Naluvilo kuhinza ishizumanji ishipiti nkani, nulwalo lwa jele luhayingana; mwaluvilo ivilyango vihiguha, namanyololo gavonti gahazuliha. ²⁷Umusunga jele lwe adamusile nukwaga amalyango gigusile, pe ahakula upanga wakwe ahatinji ayilase, mulandu asivile ukuti avakungwa vonti vashimbiye. ²⁸Pe u Pavuli ahapunda izwi ipiti nkani ahati, ''Utahayivulazye weka, mulasndu swenti tulipo.''²⁹Umusunga jele ahahozya nu kwinjila, lwa akutetema ilyoga, ahagwa muvinama vya Pavuli nu Sila, ³⁰pe ahavafumya kunzi ahati, ''Mwe va mwene imbombe shoni ukuti impokwe?'' ³¹Vahati, ''Umwitishe uMwene uYesu, pe ukupokwa, iwe ninyumba yaho yonti.''³²Pe vahamuvuzya inongwa, poka na vonti ava munyumba yakwe. ³³Pe umusunga jele ahavasenda pahavalilo hehala ahavusiku, nukuvozya ivilonda vyavo, pe wuyo nava munyumba yakwe vonti vahozelwa mwaluvilo. ³⁴Lwe amulesite u Pavuli nu Sila munyumba yakwe nukuvapa ishakulya, ahaseshela nkani poka nava munyumba yakwe, ukuti amwitiha uMulungu.³⁵Ilelo lwe kushiye, pe avalonzi vahatuma amazwi kuvasunzi, ukuti, ''Leha vajendaje.'' ³⁶Pe umusunga jele ahayanga kwa Pavuli, ukuti, ''Avalonzi bvatuma amazwi kukwane vakuti mufumaje, vwelaji mumjutende.''³⁷Loli u Pavuli ahayanga kuvavo, ''Vatuhomile apazelu lwe vatatulonzile nape swe Varoma- havili vahatwigalila mu jele. Havili ishi pe vakwanza ukutufumya kuluvazu? Awe! Valeshe vinze vatufumye vavo.'' ³⁸Pe avasikali vahavavuzya avahata nkaya amazwi aga, lwe vivuye ukuti u Pavuli nu Sila vali Varoma, vali nilyoga. ³⁹Avalonzi vahinza nukulambilizya kuli vavo nu kuvafumya, nu kuvavuzya ukuti vepe munkaya yila.⁴⁰Pe u Pavuli nu Sila vahafuma mu jele nukwinza kunyumba ya Lidiya. Lwe u Pavuli nu Sila vavwenyi avamwavo, vahavajimva nukwepa munkaya yila.

¹Ishi lwe vadumunsania mu twaya utwa Amphipolisi naha Apoloniya, vahinza kuhaya ha Tesalonika, kwe kwamie isinagogi yava Yuda. ²U Pavuli, inza she amiho gali, ahavala kuvavo, ukuyana kwa masabata gatatu vahayanjizyania navo ukufuma mumasimbo.³Ahigulaga amasimbo nukulingania ukuti shamile shinza kwa Chilisiti ukuyimba nukuzyuha ukufuma kuvafwe. Ahati, ''U Yesu uno we nkulumbililakukwinyu we wu Chilisiti.'' ⁴Vamo ava Yuda vahalambiziwa ukuti vope vayisanzye nu Pavuli nu Sayilasi, nukuvasanzya poka nimbazyo impiti iya va Giliki ve vayipiye, patamile nanti vansi avantanda ve vahalongozyaga.⁵Loli ava Yuda vevatahasuvilaga, vahatutiliziwa nuvuzuva, vahasenda vamo avantu avaviviukufuma kuvuzilo vwakukazizya, vahavunganiha ipuga poka, pe vahayipela inkaya yihavuluma.Ukuyihalipila inyumba ya Jasoni, vahalondolaga ukuti vamulete u Pavuli nu Sayilasi kunzi ku vantu. ⁶Loli lwe vatavazile venevo, vahamukwesa u Jasoni na vamo avamwavo pantanzi pave vahalongozyaga inkaya, vakuholela, ''Iva ve vantu ve vaying'anamula insi pansi ve vinza uku kope. ⁷Avantu ava ve u Jasoni avaposheleye vakuvomba izya kususania nindajilo zya Kalisali, vakuti kuli uMwene uwunji we wu-Yesu.''⁸Vakutamia ivumba na valongozi vankaya ve va nivwa ivintu ivi. ⁹Loli lwe vasenda avazinjilili kufuma kwa Jasoni na vanji, pe vahavaleha vajenda. ¹⁰Uvusiku vula avamwavo vahavatuma u Pavulin nu Sayilasi ku Bereya. Lwe vafisile kula, vahavala ku sinagogilya Yuda. ¹¹Ishi avantu iva vashevile ukulusya ava Tesolonika, vahaposhelaga izwi nu kulivazya ninjele zyavo, kupima amasimbo shima ukwenya nanti izi mweziveleye. ¹²Pisho avinji vavo vahasuvila, ukusanzya navamo ava Giliki avantanda ve vahasonjelezyaga navanavuli avinji.¹³Lwe ava Yuda mu Tesalonike vamanya ukuti u pavuli wope akulumbilila izwi ku Benya, vahavala kulanye ukubvasonjelezya valitamyaje ivumba. ¹⁴Pe umwaluvilo, avamwavo vahamutuma u Pavuli ukuvala kwa sumbi, loli u Sayilasi nu Timoti vahihala kulanye. ¹⁵Vala ve vahamulongozyaga u Pavuli vahamusenda nukumutwala kuvutali kunkaya ya Ateni. Lwe vamuleha u Pavuli kula, vahaposhela kufuma kuwuyo ukuvalingania u Sayilasi nu Timoti ukuti vavale ku wuyo luvilo luvilo.¹⁶Ishi pe u Pavuli ashili akuvalindilila ku Ateni, umupepo wakwe wuhamutamia mukasi yakwe lye akwenya inkaya yizuye niviholanio. ¹⁷Pe ahayanjizania isiku lynti musinagogi poka nava Yuda navasnji ve vahaputaga uMulungu, nave vali mwevakukazizya na vonti vala ve vahajikwaga vali kulanye.¹⁸Navamo ava Epikuleyani na Sitoyikiavamanyi ve vahamwenyelezyaga uwene. Vamo vahati, ''Shoni she we akulavaya akuyezya ukuyanga?'' Avanji vahati, ''akuva inza we wula we akwitizya avantu ukuti valandataje amalungu amajeni,'' shifukwa ahalumbililaga ivangeli ukuyana nu Yesu nukuzyuha.¹⁹Vahamusenda u Pavuli nukumuleta ku Alewopagasi, vahati, ''Tungamanya insambilizyo ipya zye wayangaga? ²⁰Pakuti ukuleta ivintu ivijeni ku makutwi gitu. Pisho, tukwanza tumanye ka ivintu ivi vikusula shoni.'' ²¹( Pishi vonti ava Ateni na vajeni ve vakwihala kulanye vakusumba ahavalilo havo pavulo pamo inga vamuvuzyaga pamo vakumutejelezyaga ukuyana nashimo ishipya.)²²Pe u Pavuli ahimilila pakasi pava Alewopagasi nahati, ''Mwe vantu vamu Ateni, nkwenya mwe vakuputa amalungu munzila zyonti. ²³Pakuti lwe kushilingania nukwenya ivintu vye mukuviputa, kwaga pavifinjile vyinyu pavye vitali mumasimbo, ''Kwa Mulungu vatakumanyikwa,'' pe pisho mukuputa muvusita kumanya, ishi she kukumusya ku kwinyu.²⁴Umulungu wahapela insi na vyonti vye vili mumo, pakuva wu Mwene wa kumwanya na pansi, atakwihala mutempeli ye yizenjilweninyove zyinyu. ²⁵Kope nakwe kupokwa atakupokwa ninyove zya vantu nape ahanzaga shili shonti, pe wuyo umwenesho akupa uvulanzi nukufuta na vyonti.²⁶Ukufumila kumutundu woka ahapela inkolo zya vantu ukwihala pamwanya pansi, nukuvavishila utuvalilo namampaha aga muvuyo vwe vakwihala mumo, ²⁷pakuti vahondeye ukumulondola uMulungu nukuti pamo vangayivwa munzila zyavo kuvala kwa wuyo nu kumwaga wuyo. Lye atali kuvutali kufuma ku woka wiswe.²⁸Muwuyo mwe tukwihala nu kujenda nukuva vwihalo vwitu, ngati she woka uwa vakwimba witu ayanzile, 'Ukuva niswe swembeyu yakwe.' ²⁹''Pisho, ukuva swe mbeyu ya Mulungu, tutahondeye ukusiva ukuti utuvelo tuholine ngati wu golide, pamo usiliva, pamo ivwe- niviholanio vye vyapeliwe na vahavinza nukusivilila kwa muntu.³⁰Pisho uMulungu ahasala utuvalilo utwa kusita kumanya, loli ishi akuhomeshezya avantu vonti ukuti vapindushe. ³¹Ishi she shifukwas she avavisile isiku lye alilonga insi muvugolosu ukujendela mu muntu we ahamuseva. Umulungu ahapa ishisimishizyo isha muntu uno kuli vonti pakumuzusya ukufuma kuvafwe.''³²Ishi lwe avantu va Ateni vivwa izya kuzyuha kuvafwe, vamo vahamovela u Pavuli; loli avanji vahati, ''Tuli tejelezya havili ku kwaho kuyana nishi.'' ³³Ukufuma pisho, u Pavuli ahavaleha venevo. ³⁴Loli vamo avantu vahayisanzya nukusuvila, poka nu Diwonyisiwusi uwaku Alewopagati, nu mwantanda we vahamwitizyaga Damalizi, pe navanji vahavala navo.

¹Lwe zyajenda zinizi u Pavuli ahepa mwa Ateni nukuvala mu Kolinti. ²Kula ahahomana numu Yuda we vahatinji wu Akwila, apafilwe mu Ponti, we shinishi ahinza kufuma ku Itali numushi wakwe u Pulisila, she u Kilavudi ahomeleshezizye vonti ava Yuda kwepa mu Roma. Pavuli ahavala kuvavo, ³pe she vahavomba imbombo yoka, ahihala poka navo nukuvomba, she vali vatava mahema mumbombo.⁴Pe u Pavuli ahasivililaga musinagogi usabata wonti, ahayezyaga kuvalambilizya vonti ava Yuda nava Giliki. ⁵Pe ilelo u Sila nu Timoteyo vahinza muntende kufuma ku Makedoniya, Pavuli ahayipa paweka kwizyi, kuvasimishizya ava Yuda kuti uYesu ahava mu Chilisiti. ⁶Lole lwe ava Yuda vahasusya nukumuliga uwene, u Pavuli ahakunyunta amenda gakwe ku vavo nukuyanga kuvavo, ''Amavanda ginyu gavanje pamatwe ginyu; ne muzelu . Ukufuma ishi ndivala kuvakunzi.'' ⁷Pe ahepa papo njukuvala kunyumba ya Titi umuntu we ahamunyilaga uMulungu. We inyumba yakwe yali kupipi nisinagogi. ⁸Ukilisipi, umuputi wa sinagogi, ahamwitiha uMwene, poka na vonti ava nyumba yakwe; vope avinji nava Kolinti ve viuvuye pa zinizi vahitiha pe vahozelwa.⁹Umwene ahayanga kwa Pavuli muvusiku munjozi, ''Utahogope, lole yanga utapumaje. ¹⁰Shendi nawe, nawumo we alikuvulazya, ine ndi navantu avinji munkaya ino.'' ¹¹U Pavuli ahadila kula umwaha namezi 6, ahamanyisyaga inongwa zya Mulungu muvavo¹². Ilelo lwe u Galiyoni ali musinagogi wa Akaya, pe ava Yuda vimiliye nukuva ninsivo zyoka kumuvushila u Pavuli nukuvala nawo pilonjelwi; ¹³vahati, ''Umuntu uno akulambilizya avantu ukuputa uMulungu amiho ge gatali mundajilo.'' ¹⁴Lwe u Pavuli akwanza kuyanga, u Galiyoni ahati kuva Yuda, ''Mwe va Yuda, inga nalyoli amananzile zimo inga atazile umulandu umupiti,pe zingava zya njele pe khondeye ukukulonga iwe. ¹⁵Nkandi inga mavuzyo aga mazwi namazina nindajilo zyinyu, pe muzimalizye mwemwe. she ntavajiye kuva ne mulonzi wa zinizi.''¹⁶Ugaliyo pe ahavashimbizya pilonjelwi. ¹⁷Pe vonti vahamulema u Sositeni, umupiti wa sinagogi, nukumuhoma wuyo pantanzi pa pilonjelwi. Lole u Galiyo atasajiye pazye vahavomba.¹⁸U Pavuli, vwe ayihala kwekula amasiku ge minji, ahafuma kuvamwavo ukuvala ku Siliya poka nu Pilisila nu Akwila. Vwe ashili atalovosile usumbi, mu-Kecheleya, mwe ahadumulila ninsisi zyakwe she alafile ishilapo. ¹⁹Lwe vinzile mu Efeso, u Pavuli ahamuleha u Pilisila nu Akwila kula, uwene nyene ahavala musinagogi nukuyanga nava Yuda.²⁰Lwe vakumuvuzilizya u Pavuli ukutiu adile nkani, uwene ahahana. ²¹Ahalagana navo, ahati, ''Ndiyinza havili kwimwe pala uMulungu akwanza.'' Ahepa nukuvala ku Efeso.²²Lwe u Pavuli afisile mu-Kesaleya, ahazuva nukulamuha ishivanza mu-Yerusalemu pe ukufuma apo ahishila mwa Antiyokiya. ²³Lwe adiliye amasiku gamo kula, u Pavuli ahepa nukujenda munsi ya Galatiya namu Filijiya nu kuvajimva vonti avasundikwa.²⁴Ilelo umu Yuda we vahamwitaga Apolo, umu Alekizandeliya mumpapwa, ahinza mu Efeso. Ahayangaga shete nukumanya nkani avakalata. ²⁵U Apolo vahamulingania muvimanyisyo vya Mwene. Kupembiwa mukasi numupepo, ayanzile nu kuvamanyisya shete ivintu kuyana nu Yesu, nashe amanyile lweka ulozyo lwa Yohani. ²⁶U Apolo ahanda kuyanga nuvujimvu musinagogi. Lole u Pilisila nu Akwila vahamwivwa, pe vahamusendela paluvazu nu kumulingania ahinza idala lya Mulungu. ²⁷Lwe akunyonywa ukuvala mu Akaya, avamwavo vahamugomya wuyo nukuvasimbila avasundikwa vamu Akaya kuti vamuposhele. Vwe afiha, ahavatula nkani vovitisile pa vwila. ²⁸U Apolo ahavahana nkani ava Yuda pe vahadalinkana pavwinji, ahavalanjizya mwa kalata ukuti uYesu we wu Chilisiti.

¹Kuhinza kwava ahavalilo lye u Apolo ali ku Kolinti, u Pavuli ahashilingania munsi ya pamwanya nukwinza munkaya ya Efeso, kwe ahavaga vamo avasundikwa kwekula. ²Upavuli ahati kuvavo, ''Muposhele umupepo umufinjile pe muhasuvilaga?'' Vahati kukwakwe, ''Awe, tutivuye nalumo nizya mupepo umufinjile.'' ³Upavuli ahati, ''Pe muhozelwa kushoni?'' Vahati, "Mu lozyo lwa Yohani.'' ⁴Pe u Pavuli ahamula, ''yohani ahozyaga ulozyo lwa lupinduho. Ahavavuzyaga avantu ukuti vasuvile muwoka we inti ayinzaje pisinda pakwe, she mwe mwa Yesu.'' ⁵Lwe avantu vivwa zinizi, vahozelwa mwizina lya Mwene u Yesu. ⁶Ilelo lwe u Pavuli avisile inyove zyakwe pavavo, umupepo umufinjile wuhinza mumwavo pe vahayanga na munjango izinji nu kukuvwa. ⁷Vonti poka vamile avanavuli 12. ⁸Upavuli ahavala musinagogi nu kuyanga umwakujimba ku mezi gatatu, kuvalingania nu kuvalambilizya izya shinamwene sha Mulungu. ⁹Lwe vamo ava Yuda ve vagomizye nu kusita kuvwila, vahandas ukuyanga imbivi izya idala pilongolela pa mpuga. Pe u Pvuliu ahavaleha avene ahamusenda umusundikwa, vahalinganiaga navo isiku lyonti mwiyumba lya kumanyisizya ilya Tilana. ¹⁰Ishi shapitiliye kumaha gavili, ukuti wonti we ahihalaga mu asiya vahivwa izwi lya Mwene, vonti ava Yuda nava Giliki. ¹¹U Mulungu ahavombaga amafindangon amapiti munyove zya Pavuli, ¹²pe nutwenda twa kusyumulila amatwinsi ni apuloni twe apalamansizye vahatutwalaga kuvavinu nimbina zyavo zihavepa nimpepo imbivi zihepaga mumwavo.¹³Loli kwamile umu Yuda wumo umuvinga-mpepo ahazyungula mutwaya. Vahamwita izina lya Mwene uYesu ukuti bvavanje namaha pa mpepo imbivi pe vahati, ''Mwa Yesu we uPavuli akulumbilila, nkulajila ukuti ufumaje kunzi.'' ¹⁴Umuputi umupiti uwa va Yuda, we izina Sikava, ali navalumendo 7 ve vahavombaga zinizi.¹⁵Impepo imivi zihamwamula, ''Yesu mumanyile, wu Pavuli nkumanya; ilelo mwe vawenu?'' ¹⁶Impepo imbivi mumuntu zihadomoshela pa muvinga-mpepo zihavapota amaha nukuvahoma. Pe zihafuma munyumba ishitali zya vulaye. ¹⁷Izi zyamanyikilwe ku wonti, vonti ava Yuda nava Giliki, ve vahihalaga ku Efeso. Vinzile vogopa nkani, nizina lya Mwene lihashindikwa.¹⁸Vope, avinji avitisi vahinzaga nu kulapa nu kuleta uvwanaloli vwontiu uvwa mbombo imbivi zye zyavomba. ¹⁹Avinji ve vahavombaga izya mayele vahaleta amabuku gavo poka vahagosha paminso ga wontyi. lye vavelenga uvwinji kwavo, wali utuvuga twa siliva 50,000. ²⁰Pe nizwi lya Mwene lihasata apapiti munzila zya maha.²¹Ilelo lye u Pavuli amazile imbombo yakwe mu Efeso, ahasiva mumupepo ukushilingania mu Makedoniya naku Akiya lwe akuvala ku Yerusalemu; ahati, ''Lwe nafuma kula, nkwanza imbe nenye namu Roma.'' ²²Upavuli ahatuma ku Makedoniya vavili muvala ve vamuvombeye uwene, uTimoti nu Elasito loli uwene umwenesho ahihala hansi mu Asiya.²³Pepala patali nahamu ahakuyuvania mu Efeso, kuyana ni Dala. ²⁴Umusyana siliva wumo izina u Demeteli, we ahagomba ishifwani sha siliva isha Atemi. Yamuleteye indalama inyinji uhagomba. ²⁵Pe ahavunganiha poka avavomba mbombo vapa vuyo vula ahati, ''Vanavuli, mukumanya ukuti mumbombo ino yikutupa inyinji.²⁶Mukwenya nukwivwa kuti, tekweku Efeso kweka, loli mwonti namu Asiya u Pavuli uno ahavalambilizya nuku galula avantu avinji. Akuyanga akuti imilungu ya kugombela inyove te milungu. ²⁷Te kuva apavivi kweka loli nahakazizye hope halisupa, loli nitempeli lya mulungu umwantanda u Atemi vuliva shintu shavulo, nuvupiti vwakwe vuliva vwa vulo, uwene we avamu Asiya vonti ninsi vakumuputa.''²⁸Lwe vivuye zinizi, vizuliwe numulaha vahakuta, vahati, ''Umupiti wu Atemi uwamu Efeso.'' ²⁹Inkaya yonti yihinza yizula nukuyuvana, navantu vahashimbilila ninsivo yoka ukuvala kunyumba yakwenyelezya utulumbe. Vahavafyula avamwavo vahajendaga navo, uGayonu Alisitaliko, ve vafumile ku Makedoniya. ³⁰Upavuli ahanzaga ukwinjila mumpuga ya vantu, loli avasundikwa vahamulesya. ³¹Sona, vamo avasongo vamunkaya ya Asiya ve vali vamwavo vahamutumila ukalata uwakumulambilizya ukuti atahinjilaje munyumba iyakwenyelezya utulumbe. ³²Vamu avantu vahaholelaga kushintu shoka, na vamu ishamwavo, lwe impuga yayuvine. vamu avinji muvavo vatahamanyaga ukuti shoni she valipoka.³³Vamu mumpuga vahamusoha u Alekizanda, we ava Yuda vahamusunchilizyaga kuntanzi. Pe u Alekizanda ahayezya ninyove yakwe, ukuti ayanje zimo izya vutuli. ³⁴Loli lwe vamanya ukutimu Yuda, vonti vahahola mutuvalilo tuvili nizwi lyoka, vahati, ''Umupiti wu Atemi uwamu Efeso.''³⁵Lwe umusimbi wa muhaya ayipumilizya impuga, ahati, mwe vantu vamu Efeso, muntu vuli we aliko we atakumanya ukuti inkaya ya mu Efeso musunga tempeli uwa Atemi umupiti navashifwani she shihagwa kufuma kumwanya? ³⁶Lye tukwenya ukuti ivintu vinivi tevwakuhanilwa, mungapuma vulo mutahavombe nashimo umwakuhalambana. ³⁷Pakuti mwavaleta avantu iva kwilonjelwi vete viva vamutempeli pamu ukuvomba zimo imbivi kwa mulungu witu umwantanda.³⁸Ilelo, inga u Demeteli na vahasyana ve vali nawo vakwanza ukumulonjelela umuntu, amalonjelwi migule na vasungansi. Valeshe valongane veka. ³⁹Loli inga ukulondola kuntamyo izyamwavo, pe zyope zililongwa muluhomano lwa vimishilwa. ⁴⁰She nalyoli tuli apavivi ukulongwa izya vuyuvane vwi siku. Nashimo she shingaleta ukusita kulemelana uku, havili utangashilingania.'' ⁴¹Lwe ayanga zinizi, uluhomano lwasizile.

¹Lwe umuyava yuva watehana, uPavuli ahavita avasundikwa pisinda ahavagomya, ahalagana nukuvala ku Makedoniya. ²Lwe ashilingania mu vigavo vila lwe ayanga amazyi aminji agakuvagomya, ahafiha ku Gilisi. ³Lwe adila amezi gatatu kuko, vahamuvwimaga ava Yuda lwe ali kupipi kufihab ku Asiliya, pe ahasivilila kugaluha pe ahilinkania mu Makedoniya.⁴Ve vamile nawo konti ku Asiya Sopato mwana wa Filuhasi uwa ku Beliya; u Arisita nu Sekunda, vonti vitisi vaku Tesalonika; u Gayasi waku Debe; Timoteyo; nu Tayikasi nu Tofimasi waku Asiya. ⁵Nkandi avantu vanava vahalongolela kuliswe havili vahagulilila iswe mu Tolasi. ⁶Tuhajenda mwasumbi ukufuma kuva Filipi lwe amasiku gajenda aga makate ge gatali niviluzizyomu Tolasi. Pe tuhadila kuko insiku 7.⁷Ilelo pisiku itanzi lya pasabata, lwe twakungine poka kumensula amakate, uPavuli ahayanga ku vitisi. Ahasivaga ukunyamusya isiku lya kundavi, pe ahapitilizya ukuyanga izwi kufishila mpaka pavusiku pakasi. ⁸She mwamile inkozyo nyinji munyumba yeyamile pa mwanya mwe iswe twavungine poka.⁹Pivwindo pe patendime umulumendo izina wewu Eyutaka, we agonile utulo utwivizu. Lwe uPavuli ahava nkani ukuyanga, umulumendo uno pe ahasyupila nkani, lelo ahasaguha kufuma panyumba ya vutatu pa mwanya pe vakumuseva lwe afuye. ¹⁰U pavuli ahiha pansi, ahalambalala pamwanya, nu kumufuhatila. Pe ahayanga, zitahavatamwaje havili, she uno mulanzi.''¹¹Pe ahazuva kunyumba havili nukumensula amakate nu kulya. Lwe ayanga navo ahatali ukushila kumasho, ahajenda. ¹²Pe vahamuleta umulumendo mulanzi pe vali vakupumiliziwa nkani.¹³Pe iswe tuhalogolela pantanzi pa Pavuli pa vwato pe tuhajenda ukuvala ku Aso, she mwe tuhatinji tukumunyamula u Pavuli. Izi zye wuyo aganile kuzivomba, mulandu aganile ukujenda pansi. ¹⁴Lwe tuhomine nawo ku Aso, tuhamupashila muvwato nukuvala ku Mitalani.¹⁵Pe tuhajenda mwa sumbi havili tuhafiha ishandavi kulungama insungo ya Cheyo. Ishandavi tuhalama insungo ya Samosi, havili kufuma apo tuhafiha ku nkaya ya Mileteni. ¹⁶She u Pavuli asivile ukujenda mwa Efeso u umukali, ukuti atahave adile ahavalilo mun Asiya; she ahashimbililaga mu Yerusalemu pisiku lya pentekositi she mwonti mwe zingavela kukwakwe ahazivomba vunuvo.¹⁷Ukufuma mu Mileti ahatuma avantu ku Efeso nu kuvita avasongo va shivanza. ¹⁸Ilelo lwe vinza kuli wuyo, pe ahavavuzya ahati, ''Mwenemwe muzimanyile, ukwanda isiku lya vwandilo lwe nahanya mu Asiya, ngati she nadiliye nimwe. ¹⁹Nkamuvombelaga umwene ninsivo zya kuyisya namansozi, havili havili namalandu ge gahavombwa kuline mulandu wa valugu vwava Yuda. ²⁰Muzimanyile kuti ntalesile kukumusya kulimwe zyonti izyakuvavwa, havili she nksvasambilizya kuvwinji inyumba kunyumba, ²¹kusimishizya ku vonti ava yuda nava Giliki kuzya lupinduho kwa Mulungu nizya Lwitiho mwa Mwene witu uYesu.²²Ishi pe yenya, nkujenda ku Yerusalemu, pe nkututuliziwa numupepo, ntamanyile zye zinganaga kula ine. ²³Musuvile ukuti umupepo umufunjile wukunsimishizyaga ine munkaya zyonti amanyololo nuvuyimvi viguliye ine. ²⁴Nkandi ntakuvihaga vwapamwanya uvulanzi vwane, nanti ningamalizya vulo imbombo yavavombezi vwe nkaposhela kwa Mwene uYesu, kusimiushizya inongwa ya vwila vwa Mulungu.²⁵Ishi yenya, inzimanyile ukuti imwe mwenti, muli vamo ve nkulumbilila izya shinamwene sha Mulungu, mutaliyenya isheni shane havili. ²⁶Nkandi kusimishizya papinyu isiku linili, ukuti ntali nishifukwanu muntu wumo. ²⁷She ntazyisile nazimo ine kuvavuzya zye uMulungu akasime.²⁸Ilelo mushenjele palimwe mweka, havili naku ng'onzi zyonti zye umupepo umufinjile azisazile kuti imwe muzyenyelezye. Mushevaje ukudima itempeli lya Mulungu, lye ahalonka namavanda gakwe. ²⁹Ine nzimanyile ukuti lwe najenda, impumpi inkalazu ziliyinjila palimwe pe zitalileha idimilo nalomo. ³⁰Inzimanyile ukuti napakasi pimwe vamo avantu valiyimilila nu kuyanga amazwi ge mavivi she kuti avasundikwa va valandate vavo.³¹Pe mudamule. Kumbuha ukuti mumaha gatatu ntalesile kuvasoha woka na woka uvusiku nu musanya havili nnamansozi. ³²Pe nkuvaviha imwe kwa Mulungu havili izwi lya vwila vwakwe, lye lingavazenga havili kuvapyaniha ku vonti ve vahasevwa.³³Ine ntahasenda uwa muntu u siliva,golodi amwe shizyalo. ³⁴Imwe mweka muzimanyile ukuti nyove zyane zinizi zye zihampanga ivwakusovelwa na vevamile nine. ³⁵Muli vyonti nkuvapa ishiholanio sha kuvala avayeyevazu, havili she mukumbuhaje izwi lya Mwene uYesu, amazwi ge mwenesho ahayanga; 'Sha vulote nkani ukuvapa kushila ukuposhela.'''³⁶Lwe ayanzile mwidala linili, ahasugamila pansi havili ahaputa poka navo vonti. ³⁷Kwamile ukulila kwa vinji vahamufuvatila nu kumufyompa. ³⁸Vali vakuswimililwa mulandu wa zyonti zye u Pavuli ahayanga, ukuti vatalivuyizya ukwenya isheni shakwe. Havilipe vahamusindishila ku vwato.

¹Lwe tujenzite ukufuma kuvavo, pe vahagoloha kuvala ku nkaya ya Kosi, pe nisiku ilinji ku nkaya ya Lodo, pe vahafuma kula nukuvala munkaya ya Patala. ²Lwe vazile uvwato likulovoha ukuvala ku Foyonike mwe tuhayipashilas nukuvuva.³Ilelo lwe twayenya iya Sayipelesi, tuhalileha kuluvazu lwa mongo uvwato, tuhajenda ukuvala mu Siliya nukufiha ku Tili, kwe uvwato vuhisyaga umuzigo. Ilelo lwe twavaga avasundikwa, tuhihala mumo amasiku 7. ⁴Ukujendela mwamupepo vahamulesya u Pavuli ukuvala mu Yerusalemu.⁵Lwe amasiku gitu kula gakwana, pe tuhepa nukujenda ukuvala mwidala lyitu, navonti, poka navashi navana vavo, vahatuvunga iswe ukufuma munkaya. Pe vahasugamila pansi kushipuma, vahaputa. ⁶Ilelo pe tuhalagana navo. Pe tuhinjila muvwato, nukugaluha kuhaya.⁷Ilelo lwe tumazile uvulendo vwa pasumbi ukufuma ku Tili, tuhafiha mu Potolomayi. Tuhavalamuha avamwitu nukwihala navo isiku lyoka. ⁸Isiku ilinji tuhavaleha nukuvala mu Kesaleya. Tuhinjila munyumba ya Filipu, umulumbilili, woka muvala7, pe tuhihala poka navo. ⁹Ilelo umuntu uno amile navana avanamwali avalindu 4 ve ahakuvwa.¹⁰Lwe twihaye mwemula amasiku gamo, pe ahiha ukufuma mu Yudeya wumo umukuvwi izina u Agabasi. ¹¹Pe ahinza kukwitu ahasenda ulamba wa Pavuli. Umwene ahayipinya muvinama vyakwe namunyove ahati, ''Ishe she umupepo umufinjile wukuyanga, ''Pe ava Yuda mu Yerusalemu valimupinya wenewo umuntu umwrnesho lamba, valimulemeha munyove zyavakunzi.'''¹²Lwe twivuye zinizi, swe vonti na vantu ve vahihalaga muvuzilo vwevula vahamulambilizya nkani u Pavuli ukuti manyi avale ku Yerusalemu. ¹³Uwene u Pavuli ahamula, ''Mukuvomba shoni, ukulosya nu kuvunza umoyo wane? She nzisengini, te kupinyiwa kweka, loli nakwe kufwa mu Yerusalemu shifukwa shizina lya Mwene uYesu.'' ¹⁴Ukufuma pa Pavuli vatahamulambilizyaje, she twasyaye tupumile vulo pe ahati, '' Uvwigane mwa Mwene vuvombwe.''¹⁵insiku zinizi lwe zyajenda, tuhanyamula ivikwama vwitu nukuvala mu Yerusalemu. ¹⁶Navamwavo vahajenda niswe vamo avasundikwa ukufuma mu Kesaleya. Pe vahamuleta wumo umuntu izina Munasoni, umuntu ukufuma ku Sayipesi, umusundikwa uwa mwandilo, mwawuyo mwe tuhihale.¹⁷Lwe tufisile mu Yerusalemu, pe avamw3itu vahatuposhela nuluseshelo. ¹⁸Pisiku ilinji u Pavuli ahajenda niswe kwa Yakovo, na vonti avasongo vali papo. ¹⁹Lwe avalamusilevenevo, pe ahavavuzya woka nawoka ivintu vye uMulungu avomvile kuva kunzi ukujendela muvuvombezi vwakwe.²⁰Lwe vivuye zyenezyo, pe vahamutundumiha uMulungu, pe vahati kukwakwe, ''Mu kwenya, vamwitu, gali galinga ama 1,000 gavitisi ava ku Yuda. Vonti vahayikungula ukusunga indajilo zyavo. ²¹Vavavuzizye ukuti, ukumanyisya monti ava Yuda ve vakwihala nava kunzi ukumuleha uMose, Puvavuzye uti mutahavavole uvuvolwa ava vinyu, nukuti mutahagalandate amiho agavo.²²Tuvombe shoni? Valiyivwanye ukuti winzile. ²³Vombi she tuhayanga kwimwe. Tuli navo avanavuli 4 ve vahafinga ulufingwi. ²⁴Vasende avantu vanava pe uyizelufye poka navo, uvalipilile vye vasuvile venevo, ukuti vefwe kumatwe gavo. Vonti alimanya ukuti ivintu vye vahavuziwa ukukwafania lwe zyilenga. pe valimanyila kukwaho ukuti niwe ukulanadata inkomelezyo.²⁵Ukukwafyania navakunzi ve vahasuvila, twasimvile twadumuye ukuti vayisunje avenesho ukufuma kuvintu ivya kufinjila kumalungu, ukufuma mwivanda, ukufuma vye vyayinyonga, nuvutalamalandu.'' ²⁶Ilelo u Pavuli ahasenda avantu, isiku lya ndavi ahayizelufya poka navo. Ilelo pe vahinjila mu tempeli, ukuvapa amasikugakuyizelufya pe gali kwaniliziwa pe vahatwalaga imputile uno iyakwe uno iyakwe.²⁷Lwe amasiku 7 gala gasila, vamo ava Yuda ukufuma mwa Asiya, vahamwenyaga u Pavuli mwa tempeli, vahayisochelezya impuga yonti iya vantu pe vahaviha inyowe pali wuyo. ²⁸pe vahapunda vahati, vantu va visilayii, twavwe. umunthu uno wewe ahamanyisya avantu vonti konti kula ivinthu ivilwani kuvantu, ninkomelezyo, pa vuzilo uvunye. Paluvazu, ahawinjizya nagiliki mwa tempeli nukuhandamanya pavuzilo uvufinjile. ²⁹Inza she vamu vwenyi kwisinda utilofimo uwa mwa Efeso ukuti vatendame nawo munkaya, vahasiva ukuti u Pauli amulesite wenevo mu tempeli.³⁰Pi nkaya yonti yihahovoha, pa vantu vahashimbilila poka poka pakumulema upauli. vahamudendemulila kunzi kwa tempeli, ni nyiji naluvilo luvilovahigalila. ³¹Lwe vakwanza ukumugoga uwene ipangwi lihinza kwa songo wavalindili ukuti wonti u Yerusalemu ahavuluma.³²Nahalinga uwene ahawasenda avasikali navalongozi vavo vahashimbila ukuvala kwi vumba. Lye avantu vahavenya ukapitawo umpiti nawa sikali, vahavalesya ukumuhoma u Pauli. ³³Pe ukapitawo umupiti ahafiha ukuti ukumulema u Pauli, nu kumulamula uwene ukuti vamukunje namanyololo gawili. Pahavavuzilizya ukuti wunanu wununo havili avovile shoni. ³⁴Vamo mumpuga vahazuma ishongo kushintu shoka avanji wahayangaga izinji. ukapitawa ahapotwa nukumanya ubwanaloli shifukwa vonti vahazumaga ishongo, ahalamula ukuti u Pavuli utwalaje mwilinga. ³⁵Lwe afisile pikwelelo, pe ahanyamulwa nava sikali shifukwa shakulwana ku mpuga. ³⁶She impuga ya vantu yamulandite vahapunda vahati, ''Uku mumwefwe wenewo!'' ³⁷Upavuli lwe akuvala ukutwaliwa mwilinga vahati, usongo umupiti wa vasikali shikwitishiziwa kwine ukuti injanje shimo kwimwe? Usongo ahati, ''Ukuyanga shi Giliki? ³⁸Vuzye te we mu Igiputo mwe ahavalilo hamo mwanzite ukusambushila anukuvalongozya avantu 4,000 pava 'Pumavintu' ukufuma mulugwa?''³⁹U Pavuli ahati, ''Ne mu Yuda, ukufuma munkaya ya Talasi mu Kilikiya. Ye nkaya yetefumukwa mwe ine kwihala kuvalava, mwitishizye ine nkuyanga ku vantu. ⁴⁰Lwe usongo amwitishizizye, pe u Pavuli ahimilila pamwanya pikwelelo. Nukuvasonta ninyove avantu. Pe kwamile ukupuma mya mya. Ilelo pe uwene ahayanga munjango yavo yavo ya shihebeli. ahati,

¹''Vamwitu na mwevatata, mwivwe ukuyitula kwane she nakuvomba kukwinyu imwe.'' ²Lwe impuga yivwa u Pavuli akuvavuzya munjango ya shihebeli, vahinza vapuma, ahayanga, ³''Ine ne mu-Yuda, nkapapwa mu Talisi ku Siliya, nkandi nkamanyila munkaya ino muvinama vya Gamaliyeli. Ine nkalongoziwa ukulingana nahajendele ha nkomelezyo zya vatata. Njipezile kuva wa Mulungu, inza she mwevonti muveleye isiku linili. ⁴Nkavayimva vunuvu nukuvagoga, ukuvapinya nu kuvasumbila mwi jele vonti avanavuli na vantanda. ⁵She izi avaputi avapiti na vasongo vonti vangasimishizya naposheleye amakalata kufuma kuvavo aga vamwitu mu Damasika pe nkavala kuko kwinza navo vapinyilwe ku Yerusalemu ukuti vasundwe. ⁶Zihavombwa kuti pe nkajendaga kuyivuzilila i Damasika, sha musanya umwakugandushila uvuzelu uvupiti kufuma kumwanya vuhanda kunkozya shakulivila. ⁷Pe nkagwa pansi nkivwa izwi likumbuzya ine, ''Lihati, 'Savuli, Savuli, shoni she ukumvimvima ine? ⁸Pe ine nkati, 'We wenu, Mwene?' Ine ne Yesu wamu Nazareti, we ukumuvwima.⁹Vala ve vamile poka nine vahenya uvuzelu, nkandi vatahivwisya amazwi gakwe we ahayanga kuline. ¹⁰Nkati, 'Imbombe shoni ine, Mwene? Umwene ahati kuline, nyamuha pe jendaga mu Damasika. Kwe vave vakuvuzye zyonti zye zyasevwa kuti uzivombe.' ¹¹Nkapotwa ukwenya pa mulandu wa vuzelu she vwamile vuzelu nkani. She vahandongolela ve nali navo mpaka mu Damasika¹²Kula nkahomana numuntu izina Ananiya, we ahalandataga inkomelezyo havili ava Yuda vonti vahamushindihaga mwe vahihalaga mula. ¹³Ahinza kuline, ahimilila papipi nine, nukuti, 'Wamwitu Savuli, poshela ukwenya kwaho.' Muhavalilo hanaho nkamwenya.¹⁴Sona ahati, ''UMulungu wa vatata vitu akuseva ukuti uvombe ukwanza kwakwe, ukuti umwenye Umugolosu nkani, nukwivwa izwi ukufuma mumwakwe mwilomu. ¹⁵She uliva we home wakwe ku vantu vonti pa zyonti zye uzivonyi nu kwivwa. ¹⁶Ishi ukulindilila shoni? Nyamuha, wozelwe, havili uzelufye imbivi zyaho, pakupunda mwizina lyakwe.'¹⁷Lwe nagalushila ku Yerusalemu, pe havili nkayiputaga mwitempeli, zihavombwa ukuti nkaposhela injozi. ¹⁸Nkamwenya akuyanga kuline, ''Jendesya nukufuma mu Yerusalemu mwaluvilo, pashifukwa vataliyitiha ulusimishizyo lwaho kulingana nine.¹⁹Nkati, 'Mwene, pavavo veka vamanyile ukuti nkavakungaga nukuvahoma vala ve vahasuvila mumwaho muma sinagogi gonti. ²⁰Lwe ivanda lya Sitefani u home waho lihitihaga, nine nimiliye papipi nukwitishizya, pe nkalindaga inkanzukuvala ve vamugozile.' ²¹Nkandi ahati kuline, 'Jendaga, pamulandu nanda ukukutuma kuvutali nkani ku vantu avakunzi.'''²²Vahatejelezya kuwuyo kufishila amalizya kulingania. Pe vahakwezya amazwi nukuti, ''Mufumye uwamwinyu kufuma munsi, atahondeye ukuti angava mulanzi. ²³Lwe vakuhola, vakutaga inkanzu zyavo, nu kusumba amasenga mumwanya, ²⁴usongo wa vasikali umupiti ahalajila ukuti vamwinjizye u Pavuli mwilinga. ahalajilizya ukuti vamuvuzilizye nu kumuhoma nkani, ukuti wuyo weka azimanye shoni she vahapunda kuvuhali kususania nawo ngati vwevulo.²⁵Lwe vamukunjila ninkusa, u Pavuli ahayanga kwa mulongozi we ayimiliye kupipi, ''Vuzye shili munkomelezyo ukumuhoma umuntu umu Roma havili we muta mulonjile nalumo?'' ²⁶Lwe umulongozi ayivwa zinizi, ahavala kwa songo wa vasikali nu kumuvuzya, ahati, ''Wakuvomba shoni? She umuntu uno mu Roma.'' ²⁷Usongo wa vasikali ahinza pe ahati kuwuyo, ''Mbuzye ine, ungavanga wemu Roma? U Pavuli ahati, ''Mwemumo.'' ²⁸Usongo wa vasikali ahamwamula, ''Zyamile mpiya nyinji sana ukuti imbe ne mu Roma.'' Nkandi u Pavuli ahati, ''Nkapapwa ne mu Roma.'' ²⁹Pe avantu ve vali vamuvuzilizyaje vahamuleha mwaluvilo. Usongowa vasikali wope vulo ahanyila, lwe azimanya ukuti u Pavuli amile mu Roma, mulandu amupinyile³⁰Isiku ilya ndavi, usongo wa vasikali ahanzaga ukumanyauvwanaloli kuva Yuda' amalandu ge vahamupajihaga u Pavuli. Ahamusatulila nu kumulajila usongo wa vaputi avapiti na vonti avakunyumba yavulongozikuti vahomane. Pelelo ahamwisya u Pavuli mutende nu kumwihazya pakasi pa vavo.

¹U Pavuli ahalutontomela uluhomano lwa vasongope ahayanga ahati, ''Mwe vamwitu, tendime pilongolela pa Mulungu mu zyonti ne muzelu muhenyezye mpaka pisiku ili.'' ²Pe uwashiputo umupiti u Ananiyasi ahavalanjizya vala ve vapalamine nawo ukwimilila ukuti vamuhome kwilomo. ³Pe u Pavuli ahayanga kuwuyo, ''Umulungu avala kuva nangania, web musansilwe ibanya fwe ngati luvumba. Mwihaye ukundonga pa nkomelezyo, pe mukundamula ine ukuti inkomwe, nkulimbana nululajilo?''⁴Pe avene ve vapalamiye nawo ukwimilila vahati, ''Mwemwe mukumulijila uwashiputo umupiti wa Mulungu?'' ⁵U Pavuli ahati, ''Ntamanyile, vamwitu, pakuti washiputo umupiti. She lisimbilwe, tuhayanje ishivivi kumulongozi wa vantu.''⁶Ilelo u Pavuli ahenya uluvazu loka ulwa vashiputo luhava lwava Sadusayi nulunji lwava Falisayi, ahayanga nkani muluhomano, ''Vamwitu, nemu Falisayi, umwana wamu Falisayi. Pashifukwa she ndinasho ukuti avafwe valizyuha lwe nkulongwa.'' ⁷Lwe ayanzile zinizi, ukugalulilana kuhandapakasi pa va Falisayi, nava Sadusayi, pe impuga yihatampunkana. ⁸She ava Sadusayi vakuti kute kuzyuha, avahavizya navavo, numupepo nawumo, nkandi ava Falisayi vahazimanya zyonti.⁹¹⁰Pe ahalanga ahapiti nkani hahavombwa, pe vamu avamanya kalata vali kuva Falisayi vimiliye nukudalinkana, vahati, ''Tutazile nashimo ishivivi mumuntu uno. Apene lelo nga mumupepo pamo wuhavizya ayanzile ku wuyo?'' Lwe amadali amapiti gavusile, pe umuputi wa vasikali ahogopa ukuti u Pavuli vangamunyonkolania, pe ahavalajilizya avasikali ukuti vishe pansi nukumusenda pamaha kufuma muvasongo vashiputo, nukuvala navo mwilinga. ¹¹Pavusiku uwunji umwene ahimilila paluvazu nawo nukuti, ''Jimbaga iwe, inga she uhankomeshezya ine mu Yerusalemu, uve unkomeshezye havili mu Roma.''¹²Lwe pinzile isiku, ava Yuda vamo vahitinkana nukwitwala veka ukulapa, nukuti tevalye nanti kung'wela shimo peka peka vamugoga u Pavuli. ¹³Avene lelo lwe valafile ishilapo shinishi uvwinji vwavo vwalusizye 40. ¹⁴Ve vahavala kuva shiputo avapiti na kuvasongo vahati, ''Tulafile ishilapo ishipititetulye nashimo lole pala twamugoga u Pavuli. ¹⁵Ishi lelo, kufuma apo, leha uluhomano lwa vasongo mumuvuzye umupiti wa vasikali amulete kumwinyu, muve fwe ngati mukwasnza ukuvuyizya ukwivwa ahinza amalandu gakwe. Pe iswe, tuyisenganizye kumugoga pe ashili atafisile uku.'' ¹⁶Lwe umwipwa wa Pavuli ayivwa iyevo lyavo, pe ahavala ahinjila mwilinga nukumuvuzya u Pavuli. ¹⁷Pavuli ahamwita umulongozi wa vasikali woka, ahati, ''Umutwale umulumendo uno kumupiti wa vasikali, ali nasho shimo isha kuvavuzya.'' ¹⁸We vahamusenda nukuvala nawo kumupiti wa vasikali nu kuti, ''U Pavuli umukungwa ahankolela ine, ukuti umulete umulumendo kukwaho. Ali na vimo ivya kuyanga kwiwe.'' ¹⁹Pe umupiti wa vasikali ahamulema inyove kuvalakuvuzigamu nukumulalusya, ''Shoni she uli nasho she ukwanza umbuzye?'' ²⁰Umulumendo ahati, ''ava yuda vitinkine ukuti valambilizye kukwaho ukuti shandavi inzanchi umutwale u Pavuli kuluhomano lwa vasongo vavefwe ngati vakuvuyizya ukwivwa ahinza umulandu wakwe. ²¹Nkandi iwe utahinze uvape, she ve vamwivuliye valusizye 40 uvwinji ve vakulindilila wuyo. vavisile paveka veka ishilapo isha kusita kulya havili kung'wela peka peka pe vamugoga wuyo. Napa havalilizyo aha vayisenginie, vakulindilila kuti uva simishizye.''²²Pe umupiti wa vasikali ahamwitishizya ukuti umulumende ajende, vwe amulajilizizye, ''Utahamuvuzye nawumoukuti umbuzizye zinizi.'' ²³Pe ahavita vamo vavili avalongozi va vasikali 200 avakuvala mu Kesaleya, nava Palasi70, navalema mpalala 200, mwavala kunyamuha ahavalilo havutatu uvusiku.'' ²⁴Ahavalamula kuyanania inkanu zye u Pavuli avala kujendela nu kumusenda ahinza kwa Feliki umusungansi. ²⁵Ahasimba ukalata inza she uno: ²⁶"Kilavudi Lisiya we wemwinza umusungansi Feliki, nkulamuha. ²⁷Umuntu uno ahakunjilwa nava Yuda nkandi vali papipi ukumugoga lwe ninzile kuvavo poka navasikali pe vahamuponia wuyo, she nivuye uku mu Roma.²⁸Pe nkati inzimanye zye vakumulonga, pe nkamutwala kuluhomano. ²⁹Mwe nkaga vakumulonjelela muzya mulandu ga nkomelezyoi zyavo, nkandi vatalolesizye umulandu wa kumugoga inga wakumukunjila wumwo. ³⁰Lwe vivwa ukuti vakwanza ukumwuvilila, mwaluvilo luvilo pe nkamutuma kukwasho pe mbahomelezizye ukuti vayanje kukwaho zye vakumulonjelela. Tuhalagana.'' ³¹Avene avasikali vahivwila zye nahomelezizye. vahamusenda u Pavuli nukumutwala ku wuyo nuvusiku ku Antipateli. ³²Shandavi, avinji muvasikali vahavaleshela ava Falisi kuvala nawo avene vahagaluha mwilinga lyavo. ³³Avene ava Falisi vahafiha ku Kaseleya vahamupa ukalata umusungansi, vahamuvonesya u Pavuli kuwuyo. ³⁴Uwene lwe avazya ukalata, ahamuvuzilizya insi ye u Pavuli ahafumaga. Ilelo lwe ayivuye ukuti waku Kilikiya, ³⁵pe ahati, ''Kwenkutejelezye pe avamulandu vafiha uku.'' Pe ahamulanjizya ukuti vamuvishe mwisaji lya Herodi, mwe vamusungaje.

¹Lwe gajenda amasiku 5, u Ananiya uwa shiputo umupiti, na vasongo vamo, nu muyanga malandu woka we ahitwaga u Telituliwope ali papo. avantu ava vahamulonjelela u Pavulo kumusungansi. ²Lwe u Pavuli ayimilila pantanzi pa musungansi, u Teltuliahanda ukumulonjelela ahatikwa musungansi, ''Mulandu waho she insi ino yihaye yihaye umutende, munjele zyavo ulesite ivintu ivyinza kunsi yitu; ³pe swenti tukukusalifya nukuposhela vye ukuvomba, we wakushindikwa Felikisi.⁴Ilelo she nkuti ntakuhavye, nkukulava mu vwila vwaho ukuti utwivwe muvufupi, ⁵pakuti twamwaga umuntu uno ukuva mpenya havili we akuleha swenti swe vayunda munsi yonti yapansi ukuti Tuvushile. We mulongozi vahavungatila hava Nazareti. ⁶Havili ahanzaga nu kusamula itempeli, pe tuhamulema, tu hanzaga nukuti tumulonje ukuyana ninkomelezyi zyitu.⁷Pe u Lisiya, umusilikali umuputi wavasilikali, ula ahinza kumaha nu kumusompola munyove zyitu, ⁸Ahalajila ukuti vonti ve vakumulonga vafishe kukwaho. Lwe ukumuvuzilizya u Pavuli kumulandu wizi, wandi umanye zyonti she tukumulonjelela.'' ⁹Nava Yuda vahinjilila pakumulonga, ukusimishizya ukuti zye vakuyanga zya mwemumo.¹⁰Lwe umusungansi amupalizya u Pavuli ukuti ayanje, u Pavuli ahamula, ''Nzimanyile ukuti kumaha aminji wamile we mulonzi munsi ino, pe nkulingania nuluseshelo kuliwe. ¹¹Uzimanye ukuti gatajenzite amasiku ukushila 12 pe navazile ukuputa mu Yerusalemu. ¹²Lwe vanazile mu tempeli, ntahadaliha nkani nawo na wumo, havili ntahavundulaniaga nimpuga awe, pamo nanti mwe muma sinagogiawe, namwe munkaya vulo. ¹³Zyope nazye vakundonga vatanga zisimishizya kukwaho.¹⁴Loli nkwitiha izi kuliwe, ukuti ukuyana nidala lye vakuti havungatila, pakuti nine mwidala lyoka vulo kuvombela u Mulunguwava tata. Kwitinkanana zyonti inkomelezyo na zyointi zye zisimvilwemu vakuvwi. ¹⁵Ndimulisuvilo luli loka mwa Mulungu ngati vantu ava, nukuti kulipo ukuzyuha kwa vonti ava finjile nava talamalandu. ¹⁶Pe shima nkulwisya ukuti ntahave nashimo ishakundonga pantanzi pa Mulungu na vantu.¹⁷Ishi lwe kwajenda amaha aminji nkinza ukuleta ivya vwila kunkaya yane nukuleta ivwa kufinjila. ¹⁸Lwe navomba izi, ava Yuda vamo ukufuma ku Asiya vanazile ndi muluseshelo ulwa kuyizelafya mu tempeli, ntali nimpuga pamo umuvwalanga. ¹⁹Avantu ava vahondeye ukuva pantanzi yaho shinishi nu kundonga ine, inga vamili nashimo.²⁰Pope, nivya vwelele vayangaje zye vazivwenyi ngombanu muline lwe nimiliye pantanzi pi lonjelwi lya vayuda, ²¹''Pamo sheshino shoka she nahoye lwe nimiliye pakasi pali vavo, izya kuyana nuluzyuho lwavafwe pamo zye nkulongwa pantanzi paliwe ilelo ili.''²²Pe u Feliki, we amanyisiwe nkani izyidala ili, ahimisya inongwa. ahati, ''Pe u Lisiya umupiti wa vasilikali ayinza ukufuma ku Yerusalemu, pe ndimalizya inongwa yinyu.'' ²³Pe ahalamula umusilikali jukuti u Pavuli asungwe mujele, loli ave nuvusatushe vumo kwe kuti nawumo uwa vamanyani vakwe atahaniziwe ukuti amwavwe shakwanza.²⁴Lwe amasiku gamo gajenda, u Feliki ahagaluha nu Dulusila umushe wakwe, we ali munyumba, ahamwita u Pavuli nu kwivwa ukufuma kuli wuyo izya lwitiho mwa Yesu Chilisiti. ²⁵Loli lwe u Pavuli akuyanga nawo izya vugolosu, ukuyilesya, nu vulonzi vwe vukwinza, u Felikisi ahatetema ahati, ''Ishi fuma, loli inga nava nahavalilo pisinda, ndikwitizya.²⁶Ahavalilo hoka hanaho ali nulusuvilo ukuti u Pavuli angamupa indalama, pe ahamwitaga shima nu kuyanga nawo. ²⁷Loli lwe amaha 12 gajenda, Poliki pesiti ahava musungansi muvuzilo vwa Feliki, loli uwene u Feliki, ahanza uvwinza nava Yuda, pe ahamuleha u Pavuli akunzilwe,