¹Hakuli vanga, Kalunga uapangele lihi na livu. ²Livu lua kele lia ngocho viahi vuakeleho, Muthithi uakele thsinga akulova, Spiritu ya Kalunga yendelehelu lua Mema³Kalunga uahandekele. " Liinga hakale cheke," keho hakele cheke. ⁴Kalunga uamuene cheke, Ovio viakele liavi ngulu, va hanguile cheke kumuthithi. ⁵Kalunga uathanene cheke " Mutania" keho muthithi ua uthana "Mathsiki," Evi viakele chinguethi na chimene, litangua liaku livanga.⁶Kalunga uahandekele, linga akale ntunda hakati kamema. Keho linga viuhangule mema kumema aye akale kumema. ⁷Kalunga uapangele ntunda aku hangula mema oua akele kuithi lia ntunda atunde kumema oue akale helu lia ntunda . via kele gocho. ⁸Kalunga uathanene ntunda " Lilu." Evi via kele chinguethi na chimene lia kele litanua la muchivali.⁹Ka;unga uahandekele, " lInga mema ali kuilu akale hamo lika hamu hela umo lik, linga livu litumbuke " Via kele ngocho vene. ¹⁰Kalunga uathanene llivu lia kuma. " hanthsi," mema aye akele hamo uahathanene " Mema a Kalunga" ua vimuene vina viaha.¹¹Kalunga ua handekele. " Linga livu mema viti, viti via kutombeka navinthui viaku na viti via kuima vushuka navinthui kuviuana muvushuka, nkla chose chili fuile acho vavenia. " via kele ngocho. ¹²Lilulua tuhile vushaka, viakutambeka, vilithema mbuto mukufua avio vavenia, na viti vinehe vushuka kuvushuka kukale mbuto, via kufua ngue ovio vushuka. Kalunga muavi muene via muyile kumbunge. ¹³Evi via kele chimene na chinguethi, litangua lia muchitatu¹⁴Kalunga ua handekele nguendi, " Linga hakale cheke oho muilu muku hangula mutania kumathsiki na kulinga hakale chithivukitho. na vinema, via litangua na muaka. ¹⁵Linga hakale cheke muilu chitangekle hathsi. " via kle vene ngocho.¹⁶Kalunga ua pangele vueke vivali, cheke chakama chipanga mutania, cheke chachindende chipanga mathsiki, uapangele vintanga-ntanga lalo. ¹⁷Kalunga uavi hakele kuilu vihane chneke hathsi. ¹⁸Vipangele mutania mathsiki, na kuhangula cheke kumuthithi, Kalunga uavi muene nguendi vina viaha. ¹⁹Evi via kele chinguethi na chimenemene, lia kele litangua lia muchi uana.²⁰Kalunga ua ahndekele, " linga mema mukale vuima via muono, linga tuthila tukatuke tuendele muilu. ²¹Kalunga uapangele ndonga yakama natuthitu tuamo, nathitu tuaka natueka, natuthitu tuakuenda natu tua kushulitha mema nkala kuoshe na natuthila tueshe tuavi mbava tuakulifuafua Kalunga ua vimuene via muyile kumbunge.²²Kalunga vua vethukithile, na ku kuania " kalithemeni naku lilanetha, nakushulitha mema a Kalunga, linga tuthila tulila netha hatsi hoshe. ²³Evi vua kele chinguethi na chimene chi lia kele litangua liamu chitano.²⁴Kalunga uahandekele , linga livu lituhule tuthitu tuamo mona, nkla chose chilifue acho vavenia, vimuna, via kuli kaka hathsi, na tuthitu tuahathi, nkala vioshe vilifue " Via kele ngocho. ²⁵Kalunga uapangele tuthitu tuakama tuahathsi mukufua, vuoshe via muyie kumbunge.²⁶Kalunga ua handekele, " Linga tupange muntu uakufua yetu, ngue matuafa, linga atumine vathi va mundonga, ²⁷Kalunga uapangele muntu muchifua chendi, muchi fua chendi uapangele, mumala na mukentu uava pangele vakevo.²⁸Kalunga uava vethukithile na kuvaleka, " kalithemeni na kulilanetha, shulitheni chifuti, naimo lieni tangua lika pangela vathi vamundonga ya Kalunga, tuhthila tuamuilu, na voshe via mema via kala hathi. ²⁹Kalunga ua handekele, " Tala, china kuhana nkala vushuka vuaima mbuto evi via kala hosehana hatha , na nkala chiti chafushuka acho chakala na mbuto viayo vikale via kulia vove.³⁰Kunkala tuthitu tuakama hathi, kunkala kathila ua muilu, na nakala vioshe via kulikoka hathi, na nkala vioshe viova panga ovio via kala na muku uamono njina kuhana nkala vishoka vuakuntontola vikale vi akulia viove via kele ngocho vene. ³¹Kalunga uavi mune vuoshe evi uapangele, Tala , via vuahele, evi viakele chinguethi na chimene, litangua lia mu chitano nalimo.

¹Keho melu na hathi via huile, na vioshe via muono. ²Muli tangua lia muchitanu na avali Kalunga ua uanene kupanga vipanga viendi vioshe vina panga, keho ua huimine muli tangua lia muchitanu na avali kuvipanga viendi vioshe. ³Kalunga ua vezikisile litangua lia muchitanu na avali na Yelesha, muomu muli likelio ua huimine kuvipanga viende vioshe vije viapangela muku panga chendi.⁴Ovio vikevio vushangumukilo vua melu na hanthsi, Omo ua pangele, mu;litangua olio Yehova Kalunga ua pangele melu na hanthi. ⁵Kukuakele chihumbu camu muthenge te nolo chitumbuke, Muomu Yehova Kalunga kanokethele nyondhi hano hanthi. ⁶Vunoni Fuka ya tutumukile hanthi hoshe na kutontuetha mavu oshe.⁷Yehova Kalunga ua mungile muntu mu mbundu ya livu, keho ua huiminine mu majulu endi muku ua muono, Keho uakele muka muono. ⁸Yehova Kalunga ua tombekele lihia ku kuija kua litangua, mu Endene, keho uahakelemo muntu uje ua pangele.⁹kuli Yehova Kalunga uatumbuithile viti vioshe via cili mu kuvimona nou ua cili muku lia. Kuno muti ua muono uje uakele hakati ka liha, na muti ua ku dhivuka mana amangulu na mana aku viha. ¹⁰Ndonga ya tundilile ku mu Endene muku mbalumuina mu liha. Keho kuje kuya kali tepelele yaka kele vindonga viuana.¹¹Lidhina liou uaku livanga ikeye Pison. Ikeyo yahitle ku livu lioshe lia Havila, kukeko kua kele olu. ¹²Olu ya livu lia cili. Na maue a kuavo a cili.¹³Lithina liou ua mucivali ngihone. Ikeyo yahitile kuli livu lioshe lia Kushe. ¹⁴Lithina liou ua mucitatu tingili, nendi ua hitile kuvukilo vua Ashu. Nando ya muciuana ikeyo Yufelate.¹⁵Yehova Kalunga ua nonene mumala uje naku muhaka muliha lia Endene muku livuahetha naku liniunga. ¹⁶Yehova Kalunga ua lekele muntu nguendi, '' Ku viti vioshe via muliha lia ngano. ¹⁷Vuno honi ku citi ca mana amangulu na aku viha keti ukalieko, muomu litangua lia kulia ko cili vene akutsa.¹⁸Keho Yehova Kalunga ua handekele, '' Kuca uahele mumala kukala likaliendi. Njika mu pangela mukuavo uje namu vuahela.'' ¹⁹Keho kulivu Kalunga ua pangele vioshe tuthitu va mumuthenge na tuthila va muilu. Keho ua vinehele ku muntu avi luke, muoshe muna fuila mathina avo. ²⁰Muntu ua lukile mathina kututhitu voshe,naku tuthila voshe va muilu, amba na tuthitu voshe vamu muthenge. Vuno honi kumuntu endi vavenia kuva mu uanene mukuavo ua kumufuila.²¹Yehova Kalunga ua lahekele Andama mutulo tua kama. Keho mumala ua kothele. Yehova Kalunga ua tambuile impati yendi ya ku cimoshue na kufuika oho ha nonene mpati. ²²Na mpati ije ya nonene Kalunga ku mumala , ua pangele mukentu naku muneha ku mumala. ²³Mumala ''nguendi, Ntsimbu ino, ou umo ua cithsiha ca vithsiha viange, na ntsitu ya ntsitu yange. Ikeye vatumbula 'Mukentu.' muomu vamu tambuile ku mumala.''²⁴Ngoco vene mumala akatha Ishe na vayina, aka li vandakana na mukentu uendi, keho va kakala muvila umo lika . ²⁵Keho voshe vakele mushenga shenga mumala na mukentu uendi, vunonikuva kele na ntsuama.

¹Ngeci linoka lia na mana amengi ku tuvakana tuthitu vakuavo vaje va tangele Kalunga. Ua handekele na mukenu, " Kalunga vene ua handekele nguendi, keti mu kalie ku nkala chiti vene liha? ²Mukenu ua handekele na linoka," Tu kalia vushuka vua ku viti viamu liha, ³Vunoni kutuala ku muti ua hakati ku liha, Kalunga nguendi, " keti tulie ko, keti k kuata ko, ndi Utsa."⁴Linoka ua handekele na mpuevo, "Vushunga chili kou katsi, ⁵Muomu Kalunga na tivuka nguendi litangua muliako mesho eni kashaka, muka kala ngue Kalunga kuthivukavia vingulu nevi via vuvi," ⁶Omo napuevo ua talele kuchi ti chakele mua mungulu ku via kulia, chamu lekethele muachili ku mesho endi, na chiti cha yonguethele umokuthangama, ua tambuileko vushuka vumo ua lile, kunahu ua hanene ko lalo kumu mala uendi, ovo ue kele nendi, na kulia ko.⁷Mesho ava asukile, va thivukele nguavo vali mushe ngashenga. vali tongelele vimaho via muku vavali fuike avo vavenia. ⁸Vo vuile Kalunga ali na kuenda muliha ku chinguethi cha litangua, liala nampuevo yendi va vandale ku mesho a Kalunga mu kati ka viti viamu liha.⁹Kalunga ua thanene liala na kumu leks nguendi, "Kuiko uli" ¹⁰Lialo ua handekele, "Njina kuvu mu liha, njina kele na liova, mouma njili mushengashenga. ngechi njina vandela," ¹¹Kalunga ua handekele nguendi yiya na kuleke nguendi una kale mushengashenga? munali ku chiti chiye nja ku lekele nguange keti ulie ko."¹²Liala ua handekele, " mukenu ou ua njihanene ku kala hamo nange, Ikeye na nji hane vushuka vua kutunda ku chiti, ngechi njinali," ¹³Kalunga ua handekele na mpuevo nguendi," Vika evi una panga?" mukenu ua handekele. " Linona lina nji kuitha ngeci njina li,"¹⁴Kalunga ua handekele na linoka, "Muomu una pange evi, Una lithingi ove vavenia ha kati ka vimuna vioshe na tuthitu voshe vamu liha. Na li kungu ukalia matangua oshe aku yoya chove. ¹⁵Njika haka vutothi ha kati kove na mukenu na ha kati ka mbuto vove na mbuto yendi aka pupa kumutue vove , nendi aka ku shuma ku lilumba,"¹⁶Ku mukenu vamu lekele ngundi, " Njike lanetha ku vuvala kua kama muku uana vanike. Chiyongola chove chika kala kulila liove, vunoni aka ku tumina."¹⁷Andama , vamu lekele nguendi, " Muomu una tolila ku lijui lia mukenu uove, ngechi unali ku chiti, ku kundama ku yije njami shikile kuhandeka nguange keti mu kalieko, Livu lina li thingi muomu love; kuku panga kuove ukalia kuma tangua oshe amuove uove. ¹⁸Njika haka vutothi na kayando muomu hali yove, na kulia vishoka via mu liha. ¹⁹Na li tukuta lia kuchihanga chove u kalia via kulia. noho uka hiluka ku livu, muomu ku keko va ku pangela. Muomu ove uli kunge na ku likunga uka hiluka,"²⁰Kunahu liala uathanene yi mukenu uendi ua lithina Eva muomu endi ua puile va Yina vamu shovo yoshe. ²¹Kalunga ua pangele Andamuna mukenu uendi vuthalo vua Chikanda naku vathaleka.²²Kalunga nahandeka nguenndi, " Ngechi muntu na lifu ngue yetu honi, kuhivuke via vingulu nevi via vuvi, Linga keti vamu tavetha livoko liendi kuheta ku chiti cha muono alieko, naku yoya kuka lelelaho." ²³Ngocho Kalunga uva tundithilemo mu liha lia Endeni, vaka lime kulivu liye kuva tundile. ²⁴Kalunga ua tundithile mo liala muliha, naku mu haka kumu hela ua Selumbini uaku va chelo ua liha lia Endeni, na mulengi ua muele ua tengulukile nkala kuoshe, Chikuma muku takametha vingila viaku chiti cha muono.

¹Andamu uali vandakanene na mukentu uendi Eva, mukemuo uekele namivila vali ualile likile mona ualiala. Uahandekele nguendi, njina uana munike ualiala ou yanji kuatha Kalunga," ²Ua lileluka lalo mukuenje undi Abele," Vunoni uakele mukakulitha vindjui," Vunoni Kaini uakele mukakulima.³Hahitile thimbu, keho Kainua tualele mbuto yendi akaikombe leye kuli Kalunga. ⁴Ambele, nendi uakanehele vimbeli via vi muna viendi, viakuhindala keho uahana chikombelo chachili- Kalunga uatambuile Abel na chikombelo chendi. ⁵Vunoni Kaini na chikombelo chendi kachi tumbuile Kaini uahandukile na vua nakufua muamuo.⁶Kalunga ua handekele na Kaini," Muomu vika unaha unahandukila? luho la lua ouluhua fu muamo? ⁷Ambe ulanga via chili kumani kovavi tambula ndi? vunini nga kouapangele via via chili. vuvi vuna kuvanda mene-nalishungu likuendetha. Vunoni ove uatha utumine muakama.⁸Kaini uahandekele na mukuenje uendi." viethile mukuende ngana mulihia, Kaini uaka tukilile Abele navukalu nakumuthila. ⁹Kalunga uehile Kaini nguendi," kuio ali mukuenje uove Abele." endi uaku enjenengue nguendi,? konji thivuka kumange yange kanyungi kendi?"¹⁰Kalunga uamuihula nguendi,? Vika unapanga ? maninga amukuenje uove anjithana na ku tunda mulivu. ¹¹Ove unapu uakuthinga kulivu liko lio linashama kanua kalioli tambula maninga amukuenje uove. ¹²Moulima livu viahi uunamo alio kuli kalana nandhili. Ove ukala naku ndangana hathi ove limbo liahi mba ukapua uakuenda ngana hathi."¹³Kaini ualekele Kalunga nguendi," milonga ya tuvakana yonjatha kuambata. ¹⁴I unanji sheke munomu livukutunda lio tangua likalelo mba lalo njikashuekeletha chahanga change kuliove. Ange konji kakalana limbo mbala lonjikaka uakuendangana , mba lalo uoshe yo njikali uana nendi kanjithila. ¹⁵Kalunga uamu lekele , uoshe akuthila akahinga mulonga uove na kufueta liandalia kupua muvitano naluvali. Kalunga uahaka-Kaini chithi vukitho kulingala oushe amu uana kechi amuluithe.¹⁶Keho Kaini uatundile kumesho a Kalunga uayile na kukatunga kuchifuti cha Nonde ku vutunde tangua vua Endeni. ¹⁷Kaini ua thivukile mukentu uendi uakelena mivila ivali. Mukentu uali lukile mona ualithina Enoke, Kaini uatungile limbo liendi na kuli luka Enoke.¹⁸Muli Enoke muatundile mona Irada. Muli Irada uakele Ishe yamehunja yele Mehunja uanehele Metusaele. ¹⁹Metusaele uaheke Lameke. Lameke uamba tele vakenyu vavali umolithina liendo Anda nalithina lia mukua Vozila.²⁰Anda uanele Javale, Ou uakele Ishe Kalunga fuka vimuna, Ava vakalamuvi tende. ²¹Mukenje lithina liendi Juvale Ikeye uapuile Ishe yava yevakakuthika chi uauana mbendo. ²²Keho Sila endi ua haene tumbale Kaini ua ku njongo lalo, Vindenga na vikungu mukuenje ua tumbale Kaini ikeye Nama.²³Lameke ualekele vakentu vendi nguendi," Anda na Zila, Vakentu vange. tolilileniko ku liange. Ange kuthiha liala ou kunji lemeka ange kuhi mukuenje ou uekunjitha lia. ²⁴Uoshe apupa Kaini vamu fuetetha lutanu naluvali.ou apupa Lameke vamu fuetetha likumi lia kupua 17."²⁵Andamu keho uali vandakanene na mukentu uendi ua nehele muna liala. Vamulukile Sete na kukuania nguendi," Kalunga uanji hana munike mu hingithila mumu hela ua Abele uye yathiha Kaini. ²⁶Sete uanehele munendi ualiala uamu luki;elithi na liendi Enose. Hathi mbuoyo vene vantu va tamekele kutumbula lithi nalia Kalunga.

¹Echi cha kecho chikota cha vana, Andama hali tangua liye Kalungu apanga vantu, ua va pangele kuli fua nendi. ²Liala Na Mukentu ua va pangele . ua va vethikithile ua va lukile vantu hava pangele.³Andama vuovo kele 130 ya muaka, ua kele namu nendi ua liala ua ku mufua, ua ku lifua nendi," uamu lukile Seth. ⁴Kunima Andamu ua puile Yishe ua Seth, ua yoyele vihita vitanu navi tatu via miaka ua puile Yishe ua vana va vengi vava mala na va vava kentu. ⁵Andama uo vokele 930 lia miaka, mukemo hani ua thile.⁶Seth uovo kele 105 ya miaka, ua kele yishe ya Enose. ⁷Kunima yaku pua yishe ya Enosh, uovo kle 807 ya miakamua kemo ua kele lalo yishe ya vana vav va mala nava vava kentu. ⁸Seth uovo kele 912 ya miaka, mua kemo uathsile.⁹Muo vo kele Enosh makumi atanu na uana amiaka, mokemo ua kele yishe ya Kenan. ¹⁰Kunima ua kele yishe ya Kanan, Enosh ua uovokele 815 ya miaka, Ua kele nava nike va vengi vava mala nava vava kentu. ¹¹Enosh Uovo kele 905 ya miaka, mukemo ua thsile.¹²Muo vokele Kenan makumii atanu naa vali amiaka, Uakele yishe ya Mahalalel. ¹³Kunima uakele yishe ya Mahalalel. Kanan uovo kele 840 ya miaka . Uakele yishe ya vana vava mala nava vava kentu. ¹⁴Kenan uovo kele 910 ya miaka, mukemo ua thsile.¹⁵Thimbu ya Mahalalel uovo kele makumi atanu na limo navi tavitanu, mokemo ua kaele yishe ya Jared. ¹⁶Kunima yaku kala Yishe ya Jared, Mahalalelou vokele 830 ya mika. Ua kele yishe ya vana va vengi vava mala navo vava kentu. ¹⁷Mahalalel uovo kele 895 ya miaka.¹⁸Muakele Jared na 162 ya miaka, ua kele yishe ya Enoch. ¹⁹Kunima uaku kle yishe ya Enoch, Jared uovo kele vihita vitanu navi tatu ya miaka . uaku kele yishe yava nike vavengi vava mala nava vava kentu. ²⁰Jared uovo kele 962 ya miaka, mukemo ua thsile.²¹Enoch mua kele na miaka makumi a tanu na limo nayi tanu, uaku kele yishe ua Methuselah. ²²Enoch ue ndele na Kalunga vihita vitatu via miaka, ku nima uakele yishe ya Methuselah, Uakele lalo Yisheya vana va vengi vava mala nava vava kentu. ²³Enoch uovo kele 365 ya Miaka. ²⁴Enoch uendele hamo na Kalunga, keho auyile, Kalunga uamu tambuile.²⁵Methuselah uovo kele 187 ya miaka, ua kele yishe ua Lamech. ²⁶Kunima ya ku kala yishe ya Lamech, Methuselah uove kele 782 y miaka. Uaku kele yishe ya vanike vavengi vava mala vava kentu. ²⁷Methuselah uovo kele 969 ya miaka, mukemo ua thsile.²⁸Lamech muovo kele na 182 ya miaka, ua kele yishe ya muna ua liala. ²⁹Vamu lukile lidhina Noah, ihandeka echi ( chitu hana ku huima ku vi panga vietu na ku fuitangana cha mavoko etu, muomu livu liana thingi Kalunga.³⁰Lamech uovo kele 595 ya miaka kunima ua kele yishe ya Noah, Uakele yishe uava nike vava mala nava vava kentu. ³¹Lamech uovo kele 777 ya miaka, Mukemo ua thsile³²Kunima Noah uovo kele vihita vatanu vio miaka, ua ka kele yishe ya Shem, Ham, na Japheth.

¹Keho via puile ngachiye vene omo vantu vashangumukile kulilametha hantsi na vana vavakenu vathemukile kuli vavo, ²Nguavo vana va Kalunga va muene nguavo vana vava kentu vaku vuaha. hakeho vava tambuile vakale vakentu vavo, nkala umo uana hangula . ³Kalunga nguendi," Sipiritu yange koyi kakalelela muvantu, Muomu avo vanthsitu. Avo vakovoka miaka 120 keho.⁴Va Nephilim hoakele hanthi mumatangua aye. Evi via solokele omua vana va Kalunga vambatele vana vavakentu vahanthitu, ua vakele na vana vavo. Ava vakele vamala vanzhili valaya, valuthsima.⁵Kalunga uamuene nguavo kuviha kua vantu kuelanene muakama hanthi, nkala viyongola viamu vithinganye ka viamu vi mbunge viavo viakele lika viakuviha nthsimbu yoshe, ⁶Kalunga ua liveyele nguendi uapangele muntu hanthi, na viamu hanene vuthiua mumbunge yendi.⁷Keho Kalunga ua handekele ," njika zhimangana vantu voshe nja pangele hanthi- natuthitu, vimbulu viaku kalava na tuzhila va muilu, njili veya vionja vipangelele. " ⁸Vunoni Noah uauanene vumpahu yakama kumesho a Kalunga.⁹Evi vikevio vilika via Noah. Noah uakele mumala uakuvuaha, na kakele nahamo hahi haku mupayela mukati kava vantu hanthimu yendi. Noah uendele na Kalunga. ¹⁰Noah uakele Ishe yavanike vavamala vatatu; Shem,Ham, na Japheth.¹¹Hanthi havihile kumesho a Kalunga, na hashulile luozhi. ¹²Kalunga uamuene hanthi; Tala, a vihile, mukonda nthsitu ya vihithile ngila yavo yahanthi.¹³Kalunga uahandekele kuli Noah, " Njina mono eyi yikeyo nthsimbu yaku lengetha vantu voshe, muomu hanthi hana shulu luozhi kuhita muli vakevo. Mukemo njina zhivanganaho voshe. ¹⁴Lipangele ove vavenia vuato. pangamo vinjivo muvuato, na vuthote mukati nahanja . ¹⁵Omu mukemo mouvipanga ; kulaha kua vuato kukakala vihita vitatu viavikuvitu, vuihi makumi atatu avikuvi nakutuntuka kukala makumi atatu avikuvitu.¹⁶Panga njongua ya vuato na umanethe kushangumukila kuilu. Hakako chikolo na uhakeko thinkandu ya hanthi, yaku shaumako, na yamuchitatu. ¹⁷Tolila, ange mualolo njineha ivathi liamema hanthi, liaku vihithe nthitu yoshe muakala muku uakuhuima muinthi lia lilu. Vioshe vili hanthi. vika thsa¹⁸Vunoni ange njika nehaho litavathano nove uka kovela muvuato, nove, na vana vove vavamala na mukentu uove, na vakentu vavana vove vavamala. ¹⁹Via muono vioshe vavali vivali uvi nehe muvuato uvi hake vikale namuono uamu kenu.²⁰Tuzhila mumishouo vato, na tuthitu mumishovo vato, vimbumbulu via kulikuka hanthi, vavali-vivali vikenja kuli yove uka vikovelethe vikakale na muono. ²¹Kunguiya viakulia vioshe na uvi kulike, linga viaku kale viakulia viove na uakulia viavo. ²²Noah ua vipangele evi kushuama kuli vioshe via muishikile Kalunga ua viavi pangele.

¹Keho Kalunga ua handekele na Noah nguendi, kovela ove na voshe vakua njivo yove voshe mu vuato ; muomu njina kumono umukua cuchili kumesho ange ha kati kati lizyimo eli, ²Tuthitu voshe va ku zhela u kalimone na vatanu na vavali vatanu na vavali; uamumala ou uemukentu; na shitu voye kava zhelele vavali vavali mumala na uakontu uendi. ³Kututhila lalo vamuilu vatanu na vavali ndemba na chilii muku yoyesa mbuto hano hamavu hoshe.⁴Muomu kashi matangua atanu na vavali keho nji ka noketha mema hathi makumi auana a matanga na makumi auana amathiki keho chuma oshe cha muono chinja tambeleni kachi himangana hano ha mavu. ⁵Keho Noah ualingile muye muoshe muamu shikile Kalunga.⁶Na Noah uakele na miaka vihita vatanu na chimo mo livhathi lia mema lia kele ha nthi. ⁷Na Noah uakovelele ; vanna vendi nava mpuevo yendi; vampuevo vavana vendi, hano nendi m vuato, muomu mema alivazi.⁸Kutushitu vazhela na kutushitu kava zhelele na kututhila na ku vioshe vieku kalava hama hamavu. ⁹Muakovelele vavali vavali kuli Noah mu vuato mumala na mukentu; uendi muye ndjambi ua mulekele Noah; ¹⁰Keho cha puile ngechiye omo matangua atanu na vavali ama hitile mema alivatha akele hanthi.¹¹Kumuaka mu vihita vatanu nachimo uamuono ua Noah ku ngonde ya mu Chivali kulitangua liamu likumi na atanu na avali liangonde, kulitangua olio vene zindundzi vioshe via kulova oye yakama via vueluokele na zinjamena via lilu via shokoloke; ¹²Keho mema anokele hanthi makumi auana a matangua na makumi auuna avunthiki;¹³Ku tangua olio vene mua kovelele Noah na Sema na Hame na Japheth vana va Noah na va mpuevo ya Noah na vampuevo vaye vatatu vavama vendi hamo navomu vuato. ¹⁴Vakevho natushitu voshe kumushovo ya tuthila voshe vavo na vavo¹⁵Keho vakevo va kovelele kuli Noah mu vuato, vavali vavali kututhitu yoshe ili na mputhi ua muono. ¹⁶Navaye vakovelelemo va kovelele vamala nava mpuevo va kuthitu yoshe ngue muje muamu muishikile Kalunga keho Jehova uamu patelelemo.¹⁷Keho livathi liakele matangua makumi auuna hanthi; na mema aluene naku hungumuka vuato,keho uavua huangumiokele helu liahanthi. ¹⁸Na mema alondele alondele, keho elanene muakauua hanthi.¹⁹Na mema alanene muakama hanthi na mikinia yoshe yaku laha yakele muintsi lia lilu lioshe yali luikile; ²⁰Mema alondele,kuilu vimetulu likumi na vitanu; na mikinia ya likuikile;²¹Keho nthitu yoshe yendele hanthi ya thile tuthila na vimuna na tuthitu na va vimbumbulu voshe veku kalava hanthi na vantu voshe. ²²Vaye voshe mu mayulu avo mua kele mukuua Sipilitu cha muono kuli voshe vekuyoyoya mutunda va thile.²³Keho voshe vaku yoya vakele ha nthiva nongele namuntu nachimuna, vimbumbulu vekukalava natuthila va muilu;na vakevo valongezhele na hanthi keho Noah lika ua ua thaleleho na vaye va kele hamo nendi mu vuato; ²⁴Keho mema alondelehanthi chihita na makumi atanu ku matangua.

¹Kalunga ua vulukile Noa, na tuthitu tuoshe, na viuma vioshe via kele nendi mu vuato. Keho Kalunga ua lingithile mpunzhi, hanzhi hoshe., amba mema a shangumukile kushelela kamandende. ²Mavutuhukilo a muinthi, na vijanena via hanthi via li shokele, na kulikela kuhita. ³Na mema a livazhi ayile kamandende-kamandende hanthi na kulikela kuhitisa mema matangua akupua 150.⁴Na vuato vua uanene kuhuima mungonde ya mu chitanu na vivali, mu matangua likumi na atanu na avili a ngonde ije vene, ha mikinia ya Alalahe. ⁵Mema a tualele kulutue muku shelela noho mu ngonde ya mu likumi. Muli tangua lia kulivanga lia ngonde, vintshongo via kulivanga via mikinia via jombolokele.⁶Noho a hitile matangua aku pua makumi a uana mukemuo naua ua shokoluele vi janena via vuato vuje vua pangele. ⁷Ua tumuneko likololo, keho likololo lia yile kuvimbango viuana noho mema omine hanthi.⁸Ua tumineko lalo livembe linga aka taleko nguavo mema a nomu hanthi, ⁹vunoni livembe ka uanene ha huimina, mukemo ua hilukile kuli ikeye mu vuato, muomu mema nolo komine hanthi. Keho hani uoluele livoko liendi hanja, uamu nona uamu haka muvuato nendi.¹⁰Keho hani ua tumamene ko matangua atanu na avali mukemo lalo ua tumine livembe mu vuato. ¹¹Livembe ua hilukile ku chinguezi. Tala! mu kanua kendi muli chimaho cha ku tukula cha chiha cha Olivela. Keho ua zhivukile nguavo mema ngechi anomu hanthi. ¹²Keho ua tumamenene ko lalo matangua atanu na avali, mukemo ua tumineko lalo livembe. Kahilukile ko naua kuli yendi.¹³Keho, cha kele muje mu vihita vitanu na chimo mu muaka ua kulivanga, na mungonde ya kulivanga, na mulitangua lia kulivanga mungonde, omo mema omine helu lia hanthi Noa ua noneneko chifuiko cha ku vuato, ua talele hanja, ua muene, ua talele, hanthi lia mavu ha nomu. ¹⁴Kungonde ya kushuama ko, mu makumi avali na vitanu na avali mu litangua lia ku ngonde, hanthi homine.¹⁵Kalunga ua kuaniene na Noa, ¹⁶"tuhuka janja lia vuato, yove, mukentu uove, na vana vove va vamala, na vakentu va vana vove kumo. ¹⁷Tuhula yove viuma vioshe vili na muono vioshe vili na nthitu evi vili nove_tuthila, tuthitu, na vimbumbulu vioshe vie ku kalava hanthi_Linga vika litheme mua kama-kama hanthi, naku lilanetha, vali lanese hanthi."¹⁸Keho Noa ua tuhukile hanja na vana vendi vavamala, na mukentu uendi, na vakentu va vana vendi, kumo nendi. ¹⁹Nkala chuma cha kupanga chili na muono, na vimbumbulu na tuthila tuoshe, na vioshe vije vie kuenda hanthi, muku tuala vushoko vuavo, vathile vuato.²⁰Noa ua tungile mutula kuli Yehova, ua nonene tuthitu tua kujela na tuthila tua kujela, na ku kombeleya ha mutula. ²¹Yehova ue vuile kunika kua chili keho ua kunia mu mbunge yendi, "Ku nji ka vihitha naua hanthi muomu mana a muntu nambe ngocho vi thinganieka via mumbunge ya muntu via kuvihia kutunda mu vunike vuendi. Ku nji ka vihitha lalo vioshe vili na muono, ngue omu njina lingi. ²²Nthimbu oyo mavu ana thala, kuli nthimbu ya kukuna neyi ya kuyangula, kutontola na kutuima, nthimbu ya ndombo neyi ya lithika, mathsiki na mutania kuvi ka likele."

¹Keho Kalunga ua vedhikithile Noa na vana vendi vavamala, na kuva leka, "Lithemeni, livuetheleleni, na ku shulitha lifuti. ²Tuthitu tuoshe tua hanthi otu tuli na muono, tudhila tua muilu, vuima vioshe via mulivu na vanthi voshe vali mu mema. Njina vi hana mu livoko liove.³Vioshe vije vi kende vili na muono vikapua viakulia viove, ngue vene munja ku hanene vishoka via ku tontola, ngechi nji ku hana viuma vioshe. ⁴Vuno honi keti mulie nthitu ili na muono uayo_maninga ayo_mu ikeyo.⁵Vuno honi ha maninga eni, muono uje uli mu maninga eni, njike hula fueto. Ku mavoko a nkala kathitu nji kehula. Ku livoko lia nkala muntu, avio evi, ku livoko lia uje nathsihi mukuavo, njika mu fuetetha kumuono ua uje uana thsihi. ⁶Uoshe a mbalumuna maninga a muntu, nendi lalo muntu a ka mbalumuna maninga endi, muomu muntu va mu panga mu chifua cha Kalunga. ⁷Eni honi, lithemeni muli vuedhelele, li shandueleni mu lifuti na ku livuedhelela mulikelio.⁸Keho Kalunga ua kuaniene na Noa na vana vendi, nguendi, ⁹"Ange, tolilileni! Njika haka kuliuvuathana hakati keni nange, na vana veni vakeja ko kunima yeni, ¹⁰nevi vioshe vili na muono vili neni, na tudhila, vimuna, na tuthitu tuoshe tua hanthi tuli neni, kuli voshe va tuhukile mu vuato, ku tuthitu tuoshe hanthi tuli na muono.¹¹Hano nji hana ku liuvuathana neni,"nguange na litangua lalo liahi linji ka vihitha nthitu yoshe na mema a livazhi. Na litangua lalo liahi kuka kala livazhi lia kuvitha lifuti." ¹²Kalunga ua kuaniene, "Echi chikecho chileketho cha kulivuathana chi nji haka hakati kange neni na vioshe vili neni, via mishovo ikeja ko: ¹³Njina haka nkongolo mu lishelua, keho ikakala chileketho cha kulivuathana hakati kange na lifuti."¹⁴Vika kala nguavo munji ka neha lishelua lia ku fuika hanthi na nkongolo va imona mu lishelua, ¹⁵keho njika vuluka kuliuvuathana kuange, echi chili ha kati keni nange na viuma vioshe via kala na nthitu. Mema kuakakala lalo livazhi lia kuvihitha nthitu yoshe.¹⁶Nkongolo ika kala mu mashelua keho nji ka imona linga nji ka vuluke kuluivuathana kua ku kalelela ho ha kati ka Kalunga na vioshe vili na muono via nthitu vije vili hanthi." ¹⁷Keho Kalunga ua kuaniene na Noa, "Echi chikechio chileketho cha kuliuvuathana chi nji na haka hakati kange na vioshe via nthitu vili hanthi."¹⁸Vana va Noa va tuhukile mu vuato vakevo Seme, Hame, na Yafete. Hame ua kele ishe ya Kanana. ¹⁹Avo vatatu vakele vana va Noa, na muli yavo hanthsi hoshe ha shulile na vantu.²⁰Noa ua shangumukile kukala ndimi, ua limine lihia lia vinui. ²¹Ua nuine ko tu vinui tumo keho ua pendele. Ua ndandele mu mbalaka yendi mishenga-shenga.²²Keho Hame, ishe ya Kanana, ua muene mushenga-shenga ua ishe keho ua lekele ko va munaina. ²³Keho Seme na Yafete va tambuile ntanga na ku ihaka ha vithsili viavo, keho vendele kathetanima vaka fuika ishe ua kele mishenga-shenga. Mesho avo va atalekethele kuako, kuteuetha kumona mushenga-shenga ua ishe.²⁴Mua hindukile Noa ku vinui, ua dhivukile via mu pangethele mona ua kanike. ²⁵Keho ua kuania nguendi, "Kanana apue ua kuthinga. Apue ndungo ya vindungo via va munaina."²⁶Ua kuaniene lalo nguendi, "Yehova, Kalunga ua Seme, a vedhike, na Kanana apue ndungo yendi. ²⁷Kalunga a hamethe livu lia Yafete na kumu tavethela ku tunga muvi mbalaka via Seme. Kanana apue ndungo yendi."²⁸Munima ya livadhi, Noa uovokele vihita vitatu via miaka na miaka makumi atanu. ²⁹Matangua a Noa oshe kumo a puile vihita vitanu na viuana na makumi atanu, mukemo honi ua thsile.

¹Ava vakevo dhi ntekuluila dha vana va Noa, ava vakevo, Seme, Hame na Yafeta. Ava vana vendi va themukile kunima ya livadhi.²Vana va Yafeta vakevo Ngomele, Mangonge, Mandai, Yavane, Tumbale, Meseke na Tilase. ³Vana va Ngomele vakevo Asekenaze, Lifeta, Tongalama. ⁴Vana va Yavane vakevo Elisa, Talisi, Kitime, na Ndondanime. ⁵Oku kumukulo ua mema vantu voshe vali tepele vayile kumi hela yavo, nkala umo na mushovo uendi, kushuama kuvana vavo, na mishovo yavo.⁶Vana va Hame vakevo Kuse, Mizelaime, Pute, na Kanana. ⁷Vana va Kuse vakevo Seva, Havila, Sambeta, Lama, na Sambeteka. Vana va Lama vakevo Sheva na Ndendane.⁸Kuse ua puile yishe ya Nimelonde, ua shangumukile kupua ua kama hano hanthi. ⁹Ua puile chiyambi uakama kumesho a Yehova. Vaje honi vikevio viove kuvi tumbuila, "Ngue Nimelonde, chiyambi ua kama kumesho a Yehova." ¹⁰Eli likelio lia kele limbo liendi lia kulivanga lia vuangana vua Mbambiloni, Eleke, Akande, na Kalene mu chifuti cha Sinale.¹¹Hanja lia muhela uje ua yile ku Asilia na kutunga Ninivayi, Lehovote Ile, na Kala ¹²na Lesene ha kati ka Ninivayi na Kala. Liakele limbo lia kama. ¹³Mizelaime ua puile ishe ya vaLundime, nava Anamime, nava Lehambine, nava Nafatuhime, ¹⁴nava Patulusime (muva tunda va Filisteo) nava Kafotolime.¹⁵Kanana ua puile ishe ya Sindone, mbeli yendi, na Hete, ¹⁶nava ka Yembuseu, nava ka Amaleu, nava ka Ngilangaseu, ¹⁷nava ka Heveu, nava ka Alekeu, nava ka Sineu, ¹⁸nava ka Alevandeu, nava ka Zamaleu, nava ka Hamateu. Kunima mushovo ua vaka Kanana uali shandokele.¹⁹Na dhingamba dha vaka Kanana dha tundilile ku Sindone, ku mutambela ua Ngelale, kutunda vulahe vua ku Ngaza, na ngamba ituleketha ku Sandoma, na Ngomola na Andema, na Zemboyime, vulahe vua kutunda ku Lasa. ²⁰Ava vakevo vana va Hame, ku mishovo yavo, naku dhindaka dhavo, mu mihela yavo, na mu chifuti chavo.²¹Na vana navo vaku thema Seme, muluntu ua Yafeta. Seme nendi ua kele nkaka ya vantu voshe va Evele. ²²Navana va Seme vakevo ava Elame, na Asulu, na Alepekande, na Lundu, na Alame. ²³Vana va Alame vakevo Uze, na Hulu, na Ngetele, na Meseke.²⁴Alepekande ua kele ishe ya Sela, na Sela ua kele ishe ya Evele. ²⁵Evele ua kele na vana vavali. Na lidhina lia umo ikeye Pelenge, kumatangua endi a a, mavu ali tepele. Na lidhina lia munaina ikeye Yoketone.²⁶Yoketone ua kele ishe ya Alemondande, na Sefele, na Hazalamavete, na Yela, ²⁷na Handolame, na Uzela, na Ndikela, ²⁸na Ovele, na Avimaele, na Seva, ²⁹na Ofile, na Havila, na Yambambe. Ava voshe vakele vana va Yoketone.³⁰Na livu liavo ku tundilila ku Mesa, noho ku Sefale, ku mukinia ua ku vukilo. ³¹Ava vakevo vakele vana va Seme, kutuala ku mushovo uavo na ndaka yavo, na mulivu liavo, kutuala ku vifuti viavo.³²Ou ukeuo mushovo ua Noa, kutuala ku mushovo na mushovo, mu chifuti chavo. Kutunda hali evi chifuti cha li shandanganene muchifuti choshe kunima ya livadhi.

¹Nahano hanthi hoshe va pangethele ndaka imo lika na majui akulifua. ²Avo vaile vungenthi kuvukilo, avo va uanene cana mu cifuti ca Shinale avo va tungile nakuje.³Avo vakuaniene umo kumukuavo,"Ijeni, tupangeni vindopi naku vioca vikole." Avo vakele na ndopi tenga livue na lilova via kutungitha. ⁴Va kuaniene, "Ijeni tutunge etu vavenia mbongi na njivo ya laha nchongo yaco ikahete muilu, na kuliluka lizhina etu vavenia. Nga etu kutuvilingi, etu tuka lishandokela na kuvatakana hanthi hoshe."⁵Ngoco honi Yehova ua shelelele na kutala mbongi na ndjivo yakulaha ivatungile vana va Andama. ⁶Yehova ua kuania nguendi, "Taleni, avo vantu vamo na ndaka ya kulifua, avo na vana shangumuka kupanga evi! Mualolo navimo viahi vika va kaluuila vakevo. ⁷Ijeni, tuyeni tu shuluke naku ka tanganetha ndaka yavo kuje, linga vakevo keti va liuvue hakati kavo."⁸Ngoco honi Yehova ua va shanduele kutunda oho va vatakanene helu lia hanthi hoshe avo na valikelele kutunga mbongi yakama ije. ⁹Mukemo honi, lizhina liayo vai lukile Mbambele, mukonda Yehova ua tanganethele ndaka yavo hanthi hoshe kutunda oho Yehova ua va shanduele nakuli janja hanthi hoshe.¹⁰Ava vakele vana va Seme. Seme ua kele na miaka cihita ku vukuluntu, endi na ua kele ishe ya Alefashandi ha miaka ivali kunima ya livazhi. ¹¹Seme uakele namuono miaka vihita vitanu munima ya kukala ishe ya Alefashandi. Endi naua ua kele ishe ya vanike vakuavo vavamala nava vavakentu.¹²Alefashandi omo muakele na miaka makumi atatu na itanu, endi ua kele ishe ya Selaha. ¹³Alefashandi uakele na muono miaka 403 munima ya kukala ishe ya Selaha. Endi ua kele lalo ishe ya vanike vakuavo vavamala nava vavakentu.¹⁴Selaha omo muakele na miaka makumi atatu, endi uakele ishe ya Embele. ¹⁵Selaha ua kele na muono miaka 403 munima ya kukala ishe ya Embele. Endi lalo ua kele ishe ya vanike vakuavo vavamala nava vavakentu.¹⁶Embele omu muakele na muono miaka makumi atatu-naiuana, endi uakele ishe ya Pelenge. ¹⁷Embele ua kele na muono miaka 430 munima ya kukala ishe ya Pelenge. Endi lalo uakele ishe ya vanike vakuavo vavamala nava vavakentu.¹⁸Pelenge omo muakele na miaka makumi atatu, uakele ishe ya Leu. ¹⁹Pelenge uakele na muomo miaka 209 munima yaku kala ishe ya Leu. Endi lalo uakele ishe ya vanike vakuavo vavamala nava vavakentu.²⁰Leu omu muakele na muono miaka makumi atatu-naivali, endi uakele ishe ya Selengu. ²¹Leu uakele na muono miaka 207 munima yakukala ishe ya Selengu. Endi lalo uakele ishe ya vanike vakuavo vavamala nava vavakentu.²²Selengu omu muakele na muono miaka makumi atatu, endi uakele ishe ya Nahole. ²³Selengu ua kele na muono miaka vihita vivali munima ya ku kala ishe ya Nahole. Endi uakele lalo ishe ya vanike vakuavo vavamala nava vavakentu.²⁴Nahole uakele na muono miaka makumi avali-naitanu-naiuana, endi ua kele ishe ya Tela. ²⁵Nahole uakele na muono miaka 119 munima yakukala ishe ya Tela. Endi lalo uakele ishe ya vanike vakuavo vavamala nava vavakentu. ²⁶Tela munima ya kukala na miaka makumi atanu na avali, endi uakele ishe ya Avilama, Nahole na Halane.²⁷Nahano honi, eli likelio limo lia Tela. Tela uakele ishe ya ya Avilama, Nahole, na Halane na Halane uakele ishe ya Lote. ²⁸Halane ua nthsile ha mesho a ishe Tela mulifuti muva muthemenene, mu Ule ya vakaLendeya.²⁹Avilama na Nahole vatambuile vakentu, lizhina lia mukentu ua Avilama liakele Salai na lizhina lia mukentu ua Nahole liakele Milekaha, muna Halane ua mukentu, ouo ua kele ishe ya Milekaha na Isekaha. ³⁰Hano honi Salai uakele nchimi; kakele na munike.³¹Tela ua tambuile mona Avilama, Lote muna munendi ua mumala Halane, na vainamueno Salai mukentu ua mona Avilama, voshe vathile Ule ya vakaLendeya, na kuya mucifuti ca Kanana. Vuno honi avo vezhile ku Halana na kukala ko. ³²Tela uakele na muono miaka 205 keho honi ua nthsililile mu Halana.

¹Ngoco Kalunga uahandekele kuli Avilahama, "tunda kucifuti cove, nakutunda kuvavushoko veni, na kutunda kunjivo ya isho, uje kuje njiku leketha. ²Njika kupuitha mushovo uakama, keho njika kuvuavuetha, naku kahametha lithina liove, naku kuvuavuetha. ³Njika vuavuetha vaje vaku vedthuka, Keho uashe akakuthinga nange njika muthinga, kuhitilamuli yove vavushoko vavengi hanthi vava vuavuetha."⁴Keho Avilahamma uayile, ngue omo uamulekele Kalunga apange, na Lote uayile nendi. Avilahama uakele makumi atanu na avali na miaka itanu omo uayile ku Halane. ⁵Avilahama uatambuile Salai, na mukentu uendi, Lote, muna munaina ua mumala, vuoshe vufuko vakele navuo, na vantu vava fikile mu Halane. Keho vatuhukile mukuya kucifuti ca Kanana, na kuija kucifuti ca Kanana.⁶Avilahama uahitile mu cifuti noho naku Sikeme, kuciti ca Kaluvaliu uaku Mole. Hanthimbu ije vaka Kanana vakele mucifuti cije. ⁷Kalunga ua tumbukile kuli Avilahama, na kuhandeka, "Kumbuto yove njika hana cifuti cino." Keho Avilahama uatungile mutula kuli Kalunga, ou uatumbukile kuli yikeye.⁸Kutunda oho uayile kumikinya ya cifuti kuvutunde tangua vua Mbetele, keho uakatungule mbalaka, na Mbetele kuvutokelo na Ai kuvu tunde tangua. Okuje uakatungile mutula ua Kalunga na kuthana lithina lia Kalunga. ⁹Keho Avilahama ua tuvakanene na vungendthi vuendi, vua kuya ku Nengev.¹⁰Muakele njala mu cifuti, keho Avilahama uayile ku Ingito aka kaleko, muomu lia njala yakele yakama mucifuti . ¹¹Omo mualingile ngue akovela mu Ingito, uakuanyene na Salai mukentu uendi tala kuno, Njivi dthivuka ngua umukentu ua cili navua. ¹²Omo vaka Ingito vaka kumona vakakuanya, 'Ou yikeye mukentu uendi' keho vanjithsiha, vunoni ove vakupungula na muono. ¹³Kuanya nguove umu nanana ua mukentu, linga vikale vuino nange muomu liove, na linga muono uange vaka uecele muomu liove.."¹⁴Viethile omo Avilahama uaka hetele ku Inguto, vaka Ingito vamuene nguavo uavuahele navua. ¹⁵Muna Falao ua mukentu ua mumuene, na kumu shangalela kuli Falao, keho mukentu vamutambuile nakumutuala munjivo ya Falao. ¹⁶Falao ua tambuile Avilahama muomu liendi, keho Avilahama ua uanene dthinjui na thingombe, vindongi via vimala, vindundo vavamala , vindundo va vakentu, vindongi via vikentu na tumelu.¹⁷Keho Yehova ua yandethele Falao na njivo yendi na tuyando tuakama muomu lia Salai, mukentu ua Avilahama. ¹⁸Falao ua thanene Avilahama, na kukuanya, "Vika evi unapanga kuli yange? Muomu vika ku uanjilekele nguove mukentu uove? ¹⁹Muomu vika una handekala, 'endi mukuenje uange ua mukentu; linga njimutanbule apue mukentu uange? Keho honi, mukentu uove ou. Mutanbule, linga uye nangila yove. ²⁰Falao ua hanene mashiko ku vamala kutiamena kuli ikeye, keho vamutumine aye, kuma na mukentu uendi naviuma vioshe via kele navio.

¹Keho Avilama ua tundile ku Ingito na kuya ku Nengeve, ikeye na, na mukentu uendi na vioshe vije viakele navio. Lote nendi ua ile navo. ²Keho Avilama uakele mpite ua vimuna, na palata na olu.³Ua tamekele kuenda mu vungenzhi vuendi kutunda ku Nengeve kuya ku Mbetele, ku muhela uje uakele mbalaka yendi, hakati ku Mbetele na Ali. ⁴Ua yile ku muhela kuje vatungile laja mutula. Oku vatumbuile lizhina lia Yehova.⁵Ngeci Lote ou uendelele hamo na Avilama, nendi ua kele na vangamba, na vimuna, na vimbalaka. ⁶Muhela ka ua puile mukuovokela voshe vavali hamo, muomu vufuko vuavo vua li lanethele, linga keti vakale kumo. ⁷Mukemo, hakele vimpata hakati ka kaniungi ka vimuna via Avilama na kaniungi ka vimuna via Lote. Vaka Kanana na vakaPelezi hanthsimbu yaco vakele mu muhela uaco.⁸Mukemo Avilahama ua kuaniene na Lote, "Keti hakale kuli tepetha hakati kove nange, nahakati ka tuniungi vove nava vange; kunima yevi tuva vushoko. ⁹Keti muhela uoshe uli kuli yove? Ya kulutue na kulitepa kuli yange. Nga uya ku cimoshue, ange njiya kucilio. Nambe nga uya kucilio, kunahu ange njiya ku cimoshue."¹⁰Keho Lote ua tengulukile, na kumona vishoni vioshe via Yolondau viakele muacili omo vana vi mbalumuina mema na kuoshe ku vingila via Zola, ngue liha lia Kalunga, ngue muhela uaku Ingito. Evi viakele kulutue Kalunga aka thimangane Sandoma na Ngomola. ¹¹Ngeci Lote ua li hanguilile endi vavenia kutambula muhela uoshe ua Yolondau na kuenda aye tunde tangua, nava vushoko voshe valitepele umo ku mukuavo.¹²Avilama uakele mu muhela ua Kanana, na Lote ua kele hamo mu vimbongi via muila. Ua hakele vimbalaka viendi hale na Sandoma. ¹³Ngeci vantu vamu Sandoma va kele vakupiha vakua milonga kuli Yehova.¹⁴Yehova ua kuaniene na Avilama kunima endi Lote na litepe nendi, "Tala kutunda ku muhela ou unemana mu vuihi, kusulu, kuvucelo, naku vutokelo. ¹⁵Muhela uoshe ou una mono, njikakuhana uo na mushovo uove ua ku kalelela.¹⁶Njika linga mushovo uove naku uilanetha ngue likungu lia mucifuti, linga nga muntu akatha kutanda likungu lia mu cifuti, keho na mushovo uove vakatha ku utanda. ¹⁷Katuka, uende muvulahe na muvuihi vua muhela, muomu njika kuhana uo." ¹⁸Keho Avilama ua tambuile mbalaka yendi, na kuija aku kale ku Kaluvaliu yaku Mamele, oyo yakele ku Hevelone, Kuje va tungile mutula ua Yehova.

¹Keho cha hetele mumatangua a Amraphel, muene ua shinale, alieko mene ua Ellasar, Kedorlaomer, muene ua ku Goyim, ²Va pangele nzita na nava mbela muene ua KuSandoma , mbilesha muene ua muene uaku Andama, na Shemevele muene uaku Zeboyim, keho na muene ua ka mbelee ( nou lalo sanene Zoar).³Uoshe vi muene vantanu vali vandakanene hamo lika muchimbongo cha Sindime ( chikecho chisali chamukele). ⁴Mu miaka likumi na ivali, Kedprlaomer vuno honi mu miaka makumi atatu vatame kele nzhita. ⁵Keho mu miaka likumi naiuana, Kedorlaomer na muene uje uakele hamo nendi ue zile na kumuluisha va Ashteroh KArnaim, nava Zuzites mu Ham, va Emites mu Shaveseile, Kiriathaim, ⁶Nava Horites kumu kinha uavo ua kuchifutimcha Seir, na heta ku El Paran, likelio lia kundama muvindinda.⁷Keho vahilukile na kuija ku En Mishpat ( Naue vavsanene kadesh), keho vali luisile muchifuti chose cha Amalekites, keho lalo va Amorites vaje va tungililile mo Hazezon Tamar. ⁸Keho muene uaku Sodom, muene uaku Gomora,muene ua Admah, muene uaku Zeboim, na muene uaku Bela ( Naua lalo vasanene Zoar) vatuhukile na kukali uahasele nzhita muchimbolo ngoma via Siddim. ⁹Muku lua nava Kedorlaomer, Muene ua Elam, Tidal, muene ua Goyim, Amraphel, muene ua Shinar, Arioch, muene ua Ellasar; va muene va uana mukulua nava tanu.¹⁰Vuno muchi mbolongoma ua Siddim mua shulile na vipuku via mbitume, na vamuene vamu Sandoma na Ngomola vateuele, keho va uilemo. Vaje vasaleleho vateuele kumukinha. ¹¹Keho va muene vanone vioshe vitenga via ku Sandoma na Ngomola na viakulia keho vatuvakanene vungenzhi uavo. ¹²Omuo va Ile , vahituile lalo Lote, muna muiana Avilamo, uje ua kele mu Sandoma navi tenga viendi vioshe.¹³Kuakele umo ua Putukile muzita uakulekevioshe kuli Avilamo ka Hevelu. Ikeye uakele kuviti via kaluvaliu vije via mamele, va Amolete, Ikeye munaina ua Esekola na Anele, vikevuo uoshe va puile chizindo cha Avilamo. ¹⁴Ngocho omuo Avilahamo uouileko nguauo Kachizindo chendi vana tuala muna munaina, ua tualele vamala veje vakele kunjiuo yendi vihita vitatu na likumi navatanu na va tatu, Valongesha kulau uino Nzhita, mukemo ua vashamene noho kuheta ku Dame.¹⁵Uatepesele vamala vendi mukulua naua votshiki. Keho vakavapupile, nakuva shama noho kuhoba, ku chimoshe cha damasiku. ¹⁶Keho vahiluisile mo vitenga vioshe, na kuhiluese muna munaina Lote na vitena viendi, nava kenu lalo na vantu.¹⁷Omo Avilahama uahilukile ku Nzhita kuatsshile kendolaome na va miene vaje vakele hamo endi, muene uakuSandoma uezile mukumu uana muchimbolongoma shaveli ( nendi vamusanene muene muchimbolongoma) ¹⁸Melekizendeka, Muene ua Selema, ua nehele viakulia na vinu, ua puele Sasendota ua KAlunga uakama.¹⁹Ua muvezikisile nguendi, " Kuvezukamuli Avilahama kuli Kalunga zhili ya kama, ua pangele lilu na hatshi. ²⁰Vakuvezika Kalunga, uangolo yakama,ou nahana kavizhindo vove muli uoko liove.Keho Avilahama uahanene chimo chali kumi vioshe uakele navio.²¹Muene uaku Sandoma uahandekele na Avilahamo " Njihane vantu, nakuli nonena via chili ove vavenia," ²²Avilahama nguendi kuli muene ua Sandoma," Njinoluola liuoko linga muilu kuli Jehova, Kalunga mukua nzhili, ua pangele liluna hatshi, ²³Ngechiye kanji tambula nachimo chahi nambe mukole ua nkuaku yove nambe cheke chahi kuli yove, kutuesha uka kuhandeka nguove, yange nja Fukisile Avilahamo. ²⁴Viaho njika tumbula mpamo vije lika vivanali vakuendje, navije viakundama kuli vamala vaje vahili nange, Anele, Eseko na Mamele nauo vano neka vimo viauo.

¹Keho kunima yevi lijui lia Kalunga lie dhile kuli Avilahama chimona, nguendi, " Keti uvue, liova Avilahama, yange ntelo yove, na chilunguitho chove cha ku tuvakana vioshe muakama kama," ²Avilahama ua handekele nguendi A shukulu Kalunga, vika ukanjihana, mukonda ange konjethi namunike, nou akalinga njivo yange ikeye Eliezele uaku ndamasiku," ³Avilahama nguendi" Tala kuli yange kuua njhanene mbuto, tala umo ua kuthema munjivo yange ikeye muene yange!"⁴Keho. Tala Lijuilia Kalunga leithile kuli yikeye ngualio, " Ou kakala muene uove ; Keho uje katuhuka muimo liove ove vavenya ukapua muene uove. ⁵Keho ua mutuhuile hanja, keho uahandekele," Tala ngechi kuilu, na kutanda vintangantanga," Ambe uatha kuvitanda." Keho ua handekele nend," mukemo moyi kapua mbuto yove,"⁶Ua tavele Kalunga," Keho vikevio ua mu tande lelevio gue via chili. ⁷Keho ua handekele kuli yendi." Yange Kalunga, uje ua ku tundithile ku ule yava Kalandau, muku kukuhana chifuti echi muku chihinga. ⁸Keho ua handekele, muene Kalunga, vati njika vithivuka nguange njika vihinga evi?"⁹Keho ua handekele nendi," Neheni njinoneneko munange ua miaka itatu, na mpembe ua luhavo ua miaka itatu, na nayindui na muna lipukuua." ¹⁰Keho ikeye ua munonene vioshe evi. Keho ua vitetele ha vali, keho ua hakele tambela eyi ku tembele eyi; Keho tuthila kava tavuile. ¹¹Keho tdhila vakulia mivila va jujumanene ha vivimbi, keho Avilama ua vashekeleko.¹²Keho molia tokele litangua, Avilama ua yile mutulo tuakama ; Keho, Tala, vuangathithi vua mithithi ya kama vua mu uililile. ¹³Keho Kalunga ua lekele Avilama, "thivuka, ngove vuchilichili ngechi mbuto yove ika kala kuli shuka ngue mbuto yove ika kala yakulishuka mu chifuti chakecho ketji chavo nakuva pangela; Keho vaku vakayandetha chihita na miaka yiuana ya miaka.¹⁴Ange njikahitha chifuti ocho ava kapangela, njika handeketha; Keho kulutue vaka tuhuka na vufuko vua vuingi. ¹⁵Keho ove ukaya kuliva yisho mungila yachili, Keho vakakushitika muachili mukukulupa kove na miaka. ¹⁶Keho kulimo lia muchiuana vakenjako lalo kuno; moumu vuvi vua vamaleu kanda vupuemo( te kanda vihetemo).¹⁷Molia tokele keho lyanyekamene hathi keho lya thivalele, Taleni, muithi ua tuhia tua vindeho tua kushuama ua hitile hitile hakati kavipuka. ¹⁸Kuli tangua olio Jehova ua liuvathanene liuvuathano na Avilama nguendi, ku mbuto yove njina hana chifuti echi, kutunda kundonga ya Ingito na ku heta kundonga ije yakama, ndonga ya Fuhate. ¹⁹Ka Keneu, na kakenezeu, na kandemoneu, ²⁰Na Kaheteu, na Kapelizu, na Valefaime, ²¹Na ka Amoleu, Na ka kananeu, na kangile Ngaseu, na ka Yambutheu.

¹Nthimbu ino Salai, mukentu uaAvilama, kathemene munike nendi, vuno honi ua kele na ndungo yendi uamu kentu, muka Ingito, uali zhina Hangale, ²Ngocho vene Salai ua handekele na Avilama," Tala, Kalunga Tata uanji vianetha kuthema vanike. Ya uka kothe na ndungo yange. Kuatha vikale nguavo njika uanena ko vanike kuli ikeye." Avilama ua tolilile lijui lia Salai. ³Evi viakele hanthsimbu yije Avilama uayoyele miaka likumi muchifuti chije cha Kanana mualingile Salai, mukentuua Avilama, ahane Hangale, ndungo yendi uaku Ingito, kuli mumala uendi a kale mukentu uendi. ⁴Keho uayile kuli Hangale, mukemo muemitile. Muamuene nguavo nemita, uatalele yinakulu na kashahuntu mumesho endi..⁵Keho Salai ua handekele na Avilama, "Evi vitanga viaka haliange mukonda liove. Nja hanene ndungo yange ua mukentu ulihambe nendi, vunoni muamuene nguavo nemita, konja kele lalo na nachimo chahi mumesho endi. Yehova a hithe hakati kange nove." ⁶Vunohoni Avilama ua handekele kuli Salai, "Tala kuno, ouo ndungo yove ua mukentu kanda mu kutumina kuove ali, panga nendi munamono munafuila vuino." Keho Salai ua mu yandethele chili, kamane ua teueleko kuli yendi.⁷Kangelo ka Yehova ua mu uanene ku muta ua mema mumuthenge, muta uje uakala kungila yakuya ku Sulu. ⁸Ua handekele, "Hangale, ndungo ya Salai, kuiko utundilila na kuiko kuya?" Keho ua handekele nguendi, "Nji teua shokuanana Salai."⁹Kangelo ua handekele nendi nguendi, "Hiluka kuli vakuku yove, yakononoke ku kushika kuendi." ¹⁰Keho kangelo ka Yehova ua mulekele nguendi, "Nji kavuedhelela muyati uove, linga vaka kale nguavo vavengi navua kutanda."¹¹Kangelo ua Yehova lalo ua mulekele nguendi, "Livandeke, unemita ove keho u kakala na munike ua mumala uka muluka, uka muthana lidhina liendi Ishmael, mukonda Yehova novu kulinienga kuove. ¹²A ka kala chindongi uamu muthenge ua vantu. A ka kala ua kuononoka ku nkala muntu, na nkala muntu a ka kononoka kuliendi, endi lalo a ka liyoyela kulitha na vamunaina."¹³Keho ua hanene lidhina elikuli yehova uje ua handekele nendi, "Yove Kalunga uje uka Nji mono," ngue mua handekele, "Chili vene Nji tualaho kumona ndi, nambe kunima yendi muana njimono?" ¹⁴Ngocho vene valukile lidhina olio Mbelelahai-loi; tala, vili hakati ka Kandese na Mbelende.¹⁵Hangale ua themene ua mumala, na Avilama ua lukile munendi ua mumala, uje uamuhanene Hangale, Ishmael. ¹⁶Avilama ua kele na miaka makumi atanu na atatu na miaka yitanu na umo mua hanene Hangale Ishmael kuli Avilama.

¹Omo Avilama ua kele makumi-atanu na auana na miaka itanu na iuana, Kalunga ua jombolokele kuli Avilama na kuhandeka kuli ikeye, "Yange Kalunga ua kulela. Enda kumesho ange, keho janguluka. ²Keho nji ka linga liuvuathano hakati kange nove, keho nji ka kuilanetha muakama."³Avilama ua tuile mavuli endi na chihanga chendi hanthi keho Kalunga ua kuaniene nendi, nguendi, ⁴"Ngechi muange, tala, liuvuathano liange lili nove. Uka kala ishe ya mishovo ya yingi. ⁵Keho lizhina liovekuva ka lithana lalo Avilama, vunoni lithina liove lika kala Avilahama_muomu njina kuhangula ku ku puitha ishe ya mishovo yoshe. ⁶Keho nji ka kuimitha mua kama, keho ange nji ku puitha mushovo, na va miene vaka tunda muli yove.⁷Keho nji ka haka liuvuathano liange hakati kange nove na mbuto yove ikeja kunima yove, kuhitila mumemo avo kuka kala liuvuathano lia kama, muku kala Kalunga kuli ove na mbuto ikeja kunima yove. ⁸Njika hana kuli ove, na mbuto yove ikeja munima yove, mu chifuti muje mu uovokela, mu vifuti vioshe via Kanana, muka kala chikuata cha miaka yoshe, keho ange nji ka kala Kalunga kavo."⁹Keho Kalunga ua kuaniene kuli Avilahama, "Ngechi muove, utakamethe liuvuathano liange, nove, na mbuto ikeja kunima yove miaka yavo yoshe. ¹⁰Eli likelio liuvuathano liange, li una pande kuniunga, ha kati kange nove na mushovo uove ukeja kunima yove: Nkala ou mumala ha kati keni vamulovole. ¹¹Vaku lovole ha nthitu ya chikanda chove cha kulutue, evi vikevio vika kala vileketho via liuvuathano lia ha kati kange nove.¹²Nkala mukuenje hakati keni ali na matangua atanu na atatu vamulovole, mu vantu voshe vaku limo lieni. Evi vili kuvoshe nou yivana sulumuna muimbo lieni nou iva landa ku vimbongo kuva ka vifuti vieka ou ua kala nguavo keti ua kumbuto yeni. ¹³Uoshe iva thema muimbo lieni nou iva landa na vimbongo muimbo lieni vamulovole. Ngocho liuvuathano liange likala munthitu yeni nthsimbu yoshe. ¹⁴Uoshe chilima kuva lovuele hanthitu ya chikanda cha kulutue vaka mu tunditha kuvantu vendi. Napokola liuvuathano."¹⁵Kalunga ua kuaniene kuli Avilahama, "ngechi mua Salai mukentu uove, keti umu thane Salai lalo. Vunoni, lizhina lika kala Sala. ¹⁶Njika mu vethikitha, keho njika ku hana munike ua mumala uaka kuhana. Njika mu vethikitha, keho aka kala vayina va mishovo yoshe. Vimuene via vantu vaka tunda kuli ikeye."¹⁷Keho Avilahama ua hakele mavuli na chihanga chendi hanthsi, keho ua jolelele, na ku kuania mu mbunge yendi, "kuatha munike kumuthema mumala ua miaka chihita? Vati Sala, ou ali na makumi atanu na auana, kuneha munike?" ¹⁸Avilahama ua kuaniene kuli Kalunga, "A ouo Ismaele a kovoke kumesho ove!"¹⁹Kalunga ua kuaniene, "Kuahi, keho Sala mukentu uove aka kunehela munike ua mumala, keho umu luke Isake. Nange njika haka liuvuathano liange nendi ngue liuvuathano lia miaka yoshe na mbuto yeni yikeja kunima yendi. ²⁰Ngue kuli Ismaele, njina kuvu. Tala, njina muvethikitha na njika muimitha naku muilanetha muamuingi. Aka kala ishe ya mishovo likumi nava vali, keho njika mupuitha mushovo ua kama. ²¹Keho liuvuathano liange njakuli haka na Isake, ou Sala aka kunehela ha nthsimbu eyi muaka ua kushuamako."²²Omo va manene kukuania nendi, Kalunga ua yile a tunde kuli Avilahama. ²³Keho Avilahama ua tambuile munendi ua mumala Ismaele, na voshe vaje va va sulumuine muimbo liendi na voshe vaje va landele na vimbongo viendi, vamala voshe hakati ka vakuenje vakele muimbo lia Avilahama, keho va lovuele thsitu ya kuchikanda cha kulutue litangua olio vene, ngue omo Kalunga ua mu lekele.²⁴Avilahama ua kele na miaka makumi atanu na auana na miaka itanu na iuana omo vamu lovuele muthsituya chikanda cha kulutue. ²⁵Ismaele munendi ua mumala uakele na miaka likumi na miaka itanu omo vamu lovuele muthsitu ya chikanda cha kulutue. ²⁶Muli tangua olio limo lika Avilahama na Ismaele munendi ua mumala voshe vava lovuele. ²⁷Vamala voshe va muimbo liendi vava lovuele kumo nendi, kuvuetha ko vava nehele muimbo nava vava landa na vimbongo kuvaka mafuti eka.

¹Yehova ua mu jombolokelele Avilahama miti ya kaluvaliu ya Mamele, omo ua tumamene mu chikolo cha mbalaka omo ntuima ya mutania. ²Keho ua anduile mesho endi na kutala, keho ua muene vamala vatatu vanemana musinia lije kulutue liendi. Keho omo ua va muene ua puikile ku ka liuana navo mu kutunda ku chikolo cha mbalaka, keho ua thsikile mavuli hanthi.³Ua kuaniene, "Muene uange, vuno nga njina uana kavumbi kumesho ove kati utuvakane ngamba yove njina ku lombela." ⁴Vuno va ka shake tumo tumema muli tanese ku mikono yeni, keho mu huime muinthi lia chiti. ⁵Nange njineha tu viakulia tua tundende, linga mu chi shelelethe ko. Amba uoshe muka tuvakana, muomu mukemo vene muneza kuli ngamba yeni. "Keho vakevo nguavo, "Linga omo mu una kuania."⁶Keho Avilahama ua shatukile vuathi ua ya mu mbalaka kuli Sala, naku kania nguendi, "Linga vuathi, tambula vi eja vitatu via vunga vua chili, uvu tike, upange mbolo." ⁷Keho Avilahama ua puikilile kuvutanga, ua hangula ho muna ngombe ua kuhindala, ua muhana kuli ngamba, keho uendelela kumu vuahetha. ⁸Keho ua tambuile mazhi na mahini, na muna ngombe uje yana vuahetha, keho ua va jumbuile, keho uemanene muhiehi navo muinthsi lia chiti omo valile.⁹Keho va kuaniene nendi nguavo, "Sala mukentu uove ali kuiko?" Keho ikeye nguendi, "Taleni muje, mumbalaka." ¹⁰Keho ikeye nguendi, "Vuchili vene njika hiluka kuli ove mu nthimbu ya ntondue, keho tala, Sala mukentu uove aka kala na mona." Keho Sala uo vuileko mu chikolo cha mbalaka ikeyo ya kele kunima yendi.¹¹Vuno Avilahama na Sala vana kulupa honi, vakulupe vene, na Sala na tundu mu miaka ya kukala na vanike. ¹²Keho Sala ua jolele mu mbunge yendi nguendi, "Omo njina kulupa laja nji kevua lishungu shukulu yange lalo ua kulupa?"¹³Keho Yehova ua kuaniene na Avilahama nguendi, "Vika Sala na jolela naku kuania nguendi, 'Chili vene ange njika thema munike, ange njina kulupa laja'? ¹⁴Kuchili echi cha hona Yehova ndi? Kunthimbu oyo inja hanguile, mu ntondue, njika hiluka kuli ove. Omo muaka una hiti keho Sala aka kala na kanike." ¹⁵Keho Sala ua vianene nguendi,"Ka nja jolele" muomu uevuile liova. Keho ikeye nguendi, "Kuahi, una jolo."¹⁶Keho vamala vaje va katukile kuje vatalele ku Sandoma. Keho Avilahama ua ile navo muku va thindikiya. ¹⁷Keho Yehova nguendi, "Njika mu shuekela Avilahama echi chi njikapanga, ¹⁸omo mua vuchili Avilahama akapua mushovo ua kama ua nzili na mishovo yoshe yahano hanthsi yika vethika muli ikeye? ¹⁹Muomu njina muhangula linga ashike vana vendi na vakua njivo yendi munima yendi linga va niunge ngila ya Yehova, valinge vuchili na vuoloke , linga Yehova anehele Avilahama chije cha na mutumbuila."²⁰Keho Yehova nguendi, "Muomu mutambi ua Sandoma na Ngomola ua kama, muomu milonga yavo ya vukalu vua kama, ²¹njika shelela mualolo na kumona nga vana lingi ngechije ngue mutambi uavo uje una hete kuli ange, nga chili vana vilingi. Keho nga kuahi, njika thivuka."²²Keho vamala vaje vatundile kuje na kuya ku Sandoma na Ngomola, vunoni Avilahama uemanene kumesho a Yehova. ²³Keho Avilahama ua shueneneko naku kuania nguendi, "Uka thsiha muka vuchili mumo lika na muka kupiha?"²⁴Mpano muva li makumi atanu avakua vuviuke muimbo olio. Uka thsiha na kuohiela muhela ouo kuahi omo makumi atanu ava kua vuviuke valimo ndi? ²⁵Chikale hale nove kulinga ngechije, uka thsihe vakua vuviuke hamo lika nava vavapi, linga vakua vuviuke va lifue mumo lika nava vavapi. Chikale hale nove! Ngaji ya hanthi hoshe ka lika linga vuchili ndi?" ²⁶Keho Yehova nguendi, "Nga nji uana mu Sandoma makumi atanu avakua vuviuke muimbo, keho nji kohiela muhela uoshe omo vakevo."²⁷Keho Avilahama ua kuaniene nguendi, "Tala, njina kupatula kukuania na Muene, chipue omo ange likungu na lito! ²⁸Vati nga kukajela vatanu ku makumi atanu ava kua vuviuke? Uka thsiha limbo lioshe omo lia kujeneka vaje vatanu ku makumi atanu?" Keho ua kuania nguendi, "Kanji ka va thsihi, nga njika uana mo makumi auana na atanu."²⁹Keho ua kuaniene nendi lalo,nguendi, "Vati nga vaka uana mo makumi auana muje?" Ua kuania ko nguendi, "Kanji ka chilinga omo lia vaje makumi auana." ³⁰Ua kuania lalo nguendi, "Kati unji tenukile njina kulombela, Muene, vunoni linga njika kuanie. Hamo makumi atatu uka uana mo muje." Ua kuania nguendi, "Kanji ka chilinga, nga njika uana mo makumi atatu muje." ³¹Ua kuania nguendi, "Tala, njina tuvakana mo kukuania na Muene uange! Vunoni hamo makumi avali uka uana mo muje" Ua kuania nguendi, "Kanji ka chilinga omo lia vaje makumi avali."³²Ua kuania lalo nguendi, "Kati unji tenukile njina kulombela, Muene, vunoni njika kuania echi cha kumanesa. Hamo Likumi uka uana mo muje." Keho ua kuania nguendi, "Kanji ka chilinga omo lia vaje likumi." ³³Yehova ua yile na ngila yendi omo ua manene ku kuania na Avilahama, na Avilahama ua hilukile kuimbo.

¹Tungelu tuvali tuendhile mu Sandoma kucinguethi, omo Lote uatumamene kacikolo caSandoma. Lote uava muene ua katukile mukuli uana navo, uavathsi kamena cihanga cendi mulivu. ²Uahandeka, Shukulu kambu vashukulu vange, njina mikandelela acihiteni kunjivo ya ndungo yeni, mucindandeho nakutana kumahindi eni. mbahoni mulivanga cimene muyenangila yeni. " Vamulimbulula, " Nguavo kuahi tukakala mumbongi. ³"Uavathininika naua, mukemuo vayilenendi vakakovelele munjivo yendi. Uaka vuahetha viakulia uako ca mboloto mekemuoValile.⁴Kulutue vandande, vamala vamumbongi, Vamala vamu Sandoma, vadhengelekele njivo, voshe vanike nava kuluntu vamala voshe vamumbongi. Kumitambela yakulithatha. ⁵Vathanene Lote, vamuleka nguavo "Kuiko vali vaye vamala vanendhile kuliove" Cinguethi cavuivui? vanehe kulietu linga tuvathivuke,"⁶Mukemuo Lote uatuhukile uayile kulivakevo ualishokeyeya endi vavenia. ⁷Uahandeka navo nguendi shukulukambu vamuna nana, keti mupange muakuviha. ⁸Taleni ange njili navana vange vavakentu vavali nolo kanda valiuane navamala. njeceleni shukulukambu njimihanevo linga mupange navo evi vioshe vina fuila mumesho eni, keti mupangeko vimo kuliavavamala, mukonda vaneja mumbalaka yange."⁹Vahandekele nguavo, shondolo kako navolalo vahandekele nguavo, ou uenjamuno nguengendhi, vuno nalihaka vungathi! Ngeci tukapanga muakuviha kutuvakana vekevo," uavathininikanaku thindika cikolo.¹⁰Vamala vamukuatele Lote, vamukokelele munjivo, vashokele kucikolo. ¹¹Keho vangenthi vaLote vavahakele vupuputua ovovamala voshe vakele hanja vanike navakuluntu. linga vivahone muku dhetela cikolo.¹²Keho vamala vehuile Lote nguavo " Uakalako lalo naumokunondi? yisho-mueno yove vanavove vavamala nava vavakentu nankala uoshe uakala muno muimbo liakama, vatu huithemo. ¹³Etutuyongola kuvihitha muhela uno, mukonda vupi vunakaheta kuli Ndjambi vikevio viova natutumina tuakuvihithe linolimbo liakama."¹⁴¹⁵Lote uatuhukile uakalekele vayishe mueno ovovamu thselelethelekukumbata vanavendi uava lekele, nguendi " tundenimo vuathi vuathi mumuhela uno Ndjambi ayongola kuvihithalimbo liakama " vayishemueno vamumuene ngue Sanda. Moliakile cimene, tungelu valekele Lote, tambulamo mukentu uove navana vove mutundemo muno, ove koua kundameneko kukashitiko kano kamuimbo liakama."¹⁶Vunoni endi ualilangele mukutundamo mukemuo vamala vamukuatelekuli voko liendi,liamukentu uendi navavoko avana vendi vavakentu vavali. Moumu Yehova uavovuilile ngothi vavatuhuithilemo muyemuimbo liakama. ¹⁷Muava tuhuithilemo lialaumo uava lekele nguendi," Teuetheni miono yeni! keti mutale kunima, kakaleni nkalahoshe mucana kavande kumukinia linga ket vakakushandole."¹⁸Lote uavalekele nguendi, " Kuahi shukulukambu muene uange!. ¹⁹Ngamba yove nauana ngothi yakama kumesho ove, unanjimuetha ngothi mukushueka muono uange mukonda viakuviha vikandjihitula, ndjikathsa. ²⁰Tala limbo liakama lilikuye muhehi ukavandeko,likelio lialindende. Shukulukambu linganji kavande okuo (keti liali ndende?) muono uange ukovoka."²¹Uamulekele, " Vuinolika njina vitambula evivioundjihula lalo. konjikathimangana limbo elilio unatambula. ²²Thambulako! kavande okuo, ange viahi lalo vionjipangako kamane yove una kaheta oliolimbo liakamakuli tumbula Zoar.²³Litangua linatuhuka muakahetele Lote ku Zoar. ²⁴Keho Yehova uanokethele muSandoma namungomola vihemba viatuhia viatundile kuliYehova muilu. ²⁵Uavithile membo oshe akama, nacana coshe nava vatungile mumembo akama. navishoka vioshe viahanthsi.²⁶Vunoni mukentu ua Lote, Uakele munima yendi uatalelekunima uahimpukile culu camukele. ²⁷Avilahama uahindukile cimenemene cakama uayile kumuhela okuo kuaka lombelele Yehova. ²⁸Keho uamuene kuSandoma naku Ngomola nakuvifutiviashe viamu cana. uamuene muithi kondo mucifuti ngue ualilala liakama.²⁹Mukemuo omuo Ndjambi muavihithile membo akama amu cana keho nakuvuluitha Avilahama. Endi ualingile Lote atundemukati katuyando tuamembo aye akama muye muatungile.³⁰Keho Lote uatundile ku Zoar, Aye kumukinia akatunge kumo navana vendi vavali vava kentu, mukonda uakele naliova liakuka tunga ku Zoar uakatungile mucina cakama camulivue navana vendi vavali vavakentu.³¹Mona uambeli ualekele mukuenje uendi," Tate nakulupa, uahi lalo liala uotu ndanda nendi mukushuama mungila yakushulitha cifuti. ³²Tuyeni tukanuithe Tate uala apende keho tukothe nendi, linga tuilanethe mushovo uaTate kulutue. ³³" Vahanene yisheyavo vuala uapendele vutciki vuye. Munendi uambeli uayile uakakotha nayishe, Yishe kavithivukile nguendi neyanandanda. Kathivukile lalo nguendi vatu muamutundile mona.³⁴Litangua likuavo mbeli ualekele mukuenje uendi; "Tolila kuno, mathsiki ange njina ndanda na tata. Linga tumunuithe lalo lelo, nove uye ukandande nendi." ³⁵Mukemuo vahanene yishe yavo vuala mathsiki lalo, uamunike uayile ua kandandele na yishe kadthivukile vati uandandele kadthivukile vati ua hindukile.³⁶Keho vana vaLote vakele na memo akutunda kuli ishe yavo. ³⁷Ua mbeli uathemene muna ua liala ua mulukile Moave. Yikejye ua uakele shokuluila yava Moavite kulelo. ³⁸Ou uamunike nendi uathemeni mona ua liala, uamulukile Mbenami. Yikeye uakele shokuilila ya vantu vaAmone kulelo.

¹Avilahama uendele uendele uataleketha kucifuti caNagevu, keho uatungile hakati kaKandeshi naSulu. Endi uakele mungendthzi muGerar. ²Avilahama uatumbuile viakuhata kuli Sala mukentu uendi, ''Ou mukuendje uange uamukentu.'' Keho Abimelech muene uaGerar uatumine Sala nakumutambula. ³Vunoni ndjambi uedhilekuli Abimelech muvilota muvuthsiki, nakuhandeka nendi nakumuleka nguendi, ''Tala, ove uathsa laja muomu ou mukentu you natambula uambala.''⁴Ngeci Abimelech kedhile muhiehi nendi nakumuhandeka nguendi, ''Muene, ove nkuma kuthsiha muyati uli muvucili ndi? Nkuma kandjilekele nguendi mukuendje uange ndi? ⁵Kuma keti vavena uandjilekele nguendishongo yendi? Nambe vavena nguendi ou munanana? Muomu mundja vipangele evimuvucili vua mbunge yange kondja pangele viakuviha?''⁶Keho Kalunga uamulimbuluile mucilota nguendi, ''I cili, ndjina vidhivuka nguange ove uavipanga nalijui liacili lia mumbunge yove, nange lalo ndjavindikile kulinga mulonga kuliange. Ange lalo kundjakutavethele kumuhuma. ⁷Mukemo muhiluithe mukentu uambala, endi mupolofeto. endi akulombelela, keho ukovoke. Amba kou muhiluitha, yove vene kuthsa yove vavena nalimbo liove lioxe mukathsa.''⁸Abimelech muje muahindukile cimene mene cakama uathanene vangamba vendi voxe. Uavalekelevio mudhimbu uamulekele shuku, vakele naliova. Abimelech uathanene Avilahama nakumuleka nguendi, ⁹''Vika viou natupangela ngeci? Nange navantu vange tala tuna vulumuna kuliove nakuvumuene vuange ngeci una ndjinehela kuviha Ange nakuvumuene vuange kuviha kuakama? Evi viounapanga nga koviafuililile kuvipanga.''¹⁰Vika vina kulingile upange viuma evi? ¹¹Avilahama uamuleka, ''Ange ndjina thinganieka nguange, ''Vucili liova liakuteua shuku muno muhela liahimo. Nakulingila nga vandjithsiha muomu liamukentu.' ¹²Kutunduthako, ovio vucili ou mukuendje uange, munatata, vunoni ngecimunavanana, uapuile mukentu uange.¹³Omuo Kalunga uamilinga ndjitunde mbo liatata nakuendangana tunda muhela yamuhela, ndjahandekele nendi, 'Ndjilekethe ndjithelele ngohoni mukentu uange: Nkala kuoxe kutuya, kuania nguove, ''Ou munanana. ¹⁴''''''Keho Abimelech uatambula vintjui navingombe, navindungo vavamala navindungo vavakentu, uahana Avilahama. Keho uahiluitha Sala mukentu uendi kuli yendi.¹⁵Abimelech nguendi, ''Tala, livu liange eli, tunga kuoxe kunai mbunge yove.'' ¹⁶Kuli Sala uahandekele nguendi, ''Tala, ndjinahana munanoko likulukadhi liavimbongo. Uavihanene mukudhimangana mulonga kumexo avantu vove navantu voxe, ngeci ndjina toketha lidhina liove.''¹⁷Keho Avilahama ualombelele kuli Kalunga, Kalunga uakanguitha Abimelech, namukentu uendi, navindungo vendi vavakentu kulingila tangua vakanehe vanike. ¹⁸Muomu Jehova uapuithile vakentu voxe vamuimbo lia Abimelech vajeneke kuthema , muomu Sala mukentu ua Avilahama.

¹yehova uatolilile Sala ngue muavikuaniene, keho yehova uapangelele Sala ngue mua mu tumbuile. ²Sala uakele nalimo keho mukemo mua themene kanike ua liala kuli Avilahama muvukulupe vuendi, kunthsimbu oyo vene yamulekele ndjambi. ³Avilahama ualukile mona, ou uathemukilile kuliendi, ou uamuthemenene Sala, Isake. ⁴Avilahama ualovuele munendi Isake muakele namatangua atanu na atatu, ngue muamuixikile ndjambi.⁵Avilahama uakele namiaka cihita mua themukile mona Isake. ⁶Sala nguendi, ''Ndjambi nandjijoletha; nkala uoxe aviuvua andjijolethako.'' ⁷Uakuania lalo nguendi, ''Iya nekuhandeka na Avilahama nguendi Sala a ka amueka vana, keho ngeci ndjina muthemena mona ualiala muvukulupe vuendi!''⁸Kanike uakolele keho vamuxumuine, Auilahamo muakemo muapangele cilika hakuxumuna Isake. ⁹Sala uamuene muna Hangale muka Ingito, uje uathemenene kuli Avilahama, a thembulula.¹⁰Keho uakuania na Avilahama, ''Tundithamo ou ndungo uamukentu namunendi, muomu muna you mukentu uavundungo kakakala suana namunange, na Isake.'' ¹¹Evi viakolelele avilahama muomu munendi.¹²Vuno honi Kalunga uakuaniene na Avilahama, ''Keti ukale navixoti muomu liouo munove, muomu lalo liova mukentu uandungo. Tolila vioxe viakuleka kuvitanga evi, muomu muli Isake muakemo mukavalukila mixovo yove. ¹³Ndjikalingitha lalo munove uakali ndungo muxovo muomu nendi munove.¹⁴Avilahama uahindukile cimene mene cakama, uanonene viakulia nangalafa yamema, naku ihana kuli Hangale, namutuikayo hacithsili. Uamuhanene mona keho uamutuma kuako. Ua tundileko nakukendangana mumuthenge Mbeleseva. ¹⁵Muahuilemo mema mungalafa, uathile munendi muvihumbu. ¹⁶Keho uaile, uakatumama kuje kuna luxondoloka nendi, ngue ndavi vanaxa kulunguxa, muomu nguendi, ''Keci ndjimoneko muathsa munange.'' Mua tumamene thinia lije lia mona, uatambakanene nakulila.¹⁷Keho ndjambi uovuile lijui liakanike, nakangelu kandjambi uatambakanene Hangale, na kumuleka nguendi, ''Vitanga muka uli navio, Hangale? Keci uteue, muomu ndjambi novu lijui liakanike muje muali. ¹⁸Katuka, hindula kanike, nakumukaniameka, muomu ndjika mupuitha muxovo uakama.''¹⁹Keho ndjambi uemuine mexo endi, keho uamuene lithima liamema. Uaile uaka xulitha limungalafau na mema,keho uanuitha kanike. ²⁰Ndjambi uakele hamo nakanike, noho uakulile. Uatungile mumuthenge keho uapuile ciyambi. ²¹Uatungile mumuthenge ua Palane, keho vaina vamu uanenene mukentu mulivu lia Ingito.²²Keho muviakele kunthsimbu ije Avimeleke na Fikole mukuluntu uavakandthzita vakuaniene na Avilahama, nguavo, ''Ndjambi ali nove muvioxeviupanga. ²³Kehohoni lithinge kuli yange muli ndjambi nguove kuukalikuitha kuitha kupanga nange, nambe navana vange nambe navatekulu vange. Leketha kuli yange nacifuti cije ciuakele ngodhi ngue mundjaliuvuathanene nove naluthselelo lundja lekethele kuliove.'' ²⁴Avilahama nguendi, ''Ndjina lithingi.''²⁵Avilahama nendi ua tatokela Avimeleka kulithima lia mema lijje liva munyekele vindungo via Avimeleka. ²⁶Avimeleka nguendi, "kunjadthivukile nguenge iya napanga cuma eci. Ku uavangele kunjileka; nolo njiviuvue mpano lelo lika." ²⁷Keho Avilahama ua tambuile vingombe keho uavihanene kuli Avimeleka, Keho valiuvuathanene.²⁸Keho Avilahama uapanguileho vana vavinjui vatanu na vivali vialuhavo halikaliavio. ²⁹Avimeleka uehuile Avilahama, "Vika vina languluka halievi vinjui via lunhavo vitanu na vivali viouna pangula halikaliavio?" ³⁰"Ua mutava, "Evi vinjui vitanu na vivali via luhavo uka vitambula mulivoko liange, linga vika kale vukaleho vuange, nguavo yange nja lihinda lithima eli."³¹Keho mukemuo mualukile muhela uje nguendi Mbele-seva, muomu hakeho hova lithingile voshe. ³²Vakevo vahakele kuliuvuathana kuje ku Mbele-seva, keho lalo Avimeleka na Fikole, mukuluntu ua vaka ndthita, vahilukile ku cifuti ca Filisitiya.³³Avilahama ua tombekele citi ca tamalisiki mu Mbele-seva. Kuje uashangalele Yehova, Kalunga uamiaka yoshe. ³⁴Avilahama ua kele ngue ngendthi mulivu lia cifuti cava Filisitena matangua amengi.

¹Kunima ya vuima evi Kalunga uathekele Avilahama. Ua handekele nendi, "Avilahama" Avilahama ua taveleka nguendi, " Yange uno". ²Kalunga ua mulekele, Tambula munove ua ndualume, ouo vene umo lika, uouayongola, Isake, na kuya kumuhela ua Moliya. Uka mukombeleye kupua nkombelo ya kuenyeka kumukinia, uje undji kakuleka, ³Keho Avilahama ua hindukile cimene-mene cakama, ua kutile chindongi, ua tambuile vana vendi vava ndende vavali vaye nendi.hamo lika na munendi Isake. ua tavuile vikuni via nkombelo ya kuthsimika, mukemo mua tamekele vungendhi vuendi; aye kumuhela uje uamulekele Kalunga.⁴Kulitangua liamu chitatu Avilahama ua hetukile ua muene muhela uli hale hale. ⁵Avilahama ua handekele navana vendi vavandende, " Thaleni aha nacindongi, Ange na munange tuyako,muku kamuthsikamena ndji keja ndjakumi uana, ⁶Keho Avilahama uatambuile vikuni via nkombelo ya kuthsimika ua vituikile munendi Isake. Mukemo mua tambuile tuhia na mpoko; keho voshe va yile kumo.⁷Isake ua handekele na yishe Avilahama nguendi, " Tata." ua handekele nguendi, "Yange uno munange," ua handekele nguendi," Tala, ndjina mono lika manungu atuhia navikuni, keho kuiko ali muna yindjui ua nkombeloya kuthsimika. ⁸Avilahama ua handekele nguendi ," Kalunga endi vavenia atuhana yindjui ua nkombelo ya kuthsimika, munange "keho vayile voshe kumo lika.⁹¹⁰Keho mo vedhile kumuhela uje uava lekele Shuku, Avilahama ua tungile mutala kuje vene keho vahakeleho vikuni. Keho mukemo mua kutile munendi Isake, uamu langekele ha mutula, helu lia vikuni. Avilahama uoluele livoko liendi naku tambula mpoko a thsihe munendi.¹¹Keho kangelu ua Kalunga uamuthanene kutundilila muilu ua handekele nguendi, " Avilahama, Avilahama! " ua tavele nguendi " Yange uno, ¹²" Shuku ua mulekele nguendi, " Keti u kambeke livoko liove hamu nike, nambe chimo chakumu lemeka ikeye. ngeci ndjina dhivuka nguange ua teua Kalunga, Kalunga, na mono nguendi koua vianene, kutshiha munendiumo lika uaku tunda kuli yange.¹³Avilahama ua hetukile uatala kuilu, uatalele kunima uamuene cizamba ca yindjui uaku mbindomoka vimbinga mu cihumbu. Avilahama ua yile ua tambuile yindjui uamu hanene kupua nkombelo yaku thsimika ahingithe mumu nendi. ¹⁴Avilahama ua tumbuile uje muhela, "Kalunga atu hana," uavi handekele kuli tangua eli "kumu kunia ua Kalunga ikeye uekuhana."¹⁵Kangelo uaKalunga ua thenene Avilahama nthimbu yamu civali muilu. ¹⁶Ua handekele nguendi-ovu vukevo vumbangi vua Kalunga-Ndjina lithingi ange vavenia mukonda eni mna lingi evi, keho koua vindikile kundji hana munove umo lika. ¹⁷Ndjika ku vuavuetha na kuilanethadhi ntekuluila dhove ngue dhi ntanga ntangadha muilu, ngue mudheke uli kumukulo ua ndonga yamema a Kalunga; Na dhintekuluila dhove dhika shoka cikolo ca vitodhi vove.¹⁸Muli dhi ntekuluila mishova yoshe ya hanthi yika vedhuka, mukonda unatava kuliyi liange. ¹⁹Avilahama ua hilukile ku vana vendi vavandende vavali, vayile voshe hamo lika ku Mbeleseva, kuje kua tungile.²⁰Munima yevi viuma Avilahama vamulekele, nguavo, "Mileka ua themene vanike, nendi, kuli munanoko Nahole. ²¹"Mbeli uze uakele, Buz munaina uamumala ua kele. Kamuele yishe ya Alama. ²²Kased, na Haze, na Yindelafe na Mbetuele.²³Mbetuele uakele yishe Lembeka, ava vakevo tukeke va themene mileka hali Nahole, Munaina ya Avilahama. ²⁴Muka cihaleko cendi, uali dhina Leuma nendi ua thamene Teva, na Ngahame, na Tahase, na Maka.

¹Sara uo vokele miaka yakuheta ku 127. Oyo yakeyo miaka yo vokele Sarah. ²Sarah ua thsililile ku Kiriath Arba, mu Hebron, mu cifuti ca Kanana. Avilahama uakele mu vuthiua na ku lilila Sarah.³Kunahu Avilahama ua katukile nakutunda ku muthsi ua mukenu uendi, na kuhandeka na vana va Heth, Nguendi, ⁴Ange nji ngenzhi ha kati keni. Shukulu kambu, nji kuatheniko vitengi na muhela ueni ua kutsinda, linga njika tsindeko mutsi uange,"⁵Vana va Hete va kumbuilile Avilahama, nguavo, ⁶Tolila kulietu, muene uange. Ove muna muene ua Kalunga ha kati ketu. Shitika muthsi uove muku hangula thimbumbo shitikemo muthsi uove."⁷Avilahama uaka tukile naku thsika ku vantu vaka cifuti, na vana va Hete. ⁸Ua handekele navo nguendi," Nga munatava ngueni ange njika shitike muthsi uange, Kunahu munji tolile na kuka lambelela kuli Efelone muna Zoha, Omo liange. ⁹Ka muihuleni anji landethe mbumbo yaku Machpelah, ciye cendi vavenai, yakala kusongo ya liha liendi. Mu ndando ya kusala anji landethelo kupua vinilo."¹⁰Kunahu Efelone ua tu mamene hano na vana va Hete, Efelone na Mushova uavo ua kumbuluile Avilahama mu kuvua ca vana va Hete. na voshe ovo venzhile ku cikolo ca mbongi yendi. na kuhandeka nguendi, ¹¹" Kuahi, Muene uange, njivue, Njika hana liha, na mbumbo ovio vene. Njina ku hanevio kumesho avana va vantu vange. Njina kuhane vio uka thsinde mo muthsi uove¹²Kunahu Avilahama ua thsikamene kumesho vaka cifuti. ¹³Ua handekele na Efelone na kuvuitha ku vantu vaka cifuti, na kuhandeka nguendi," Vunoni nga muitavetha, Shukulukambu, njivueni, njika fueta kuliha. Tambuleni vimbongo viange,, linga njika shitike muthsi uange kuye."¹⁴Efelone ua kumbuluile Avilahama, nguendi, " ¹⁵Shukulukambu, muene uange, njivue. Muhela ua undende uli namulio ua vimbongo vihiti viuana via Palata, vika ovio vili hakati kange nove? Thsinda muthsi uove, ¹⁶" Avilahama ua tolilile kuli Efelene na Avilahama ua thsikamene kuli Efelone na kupua ca Palata ovio via handekele mu ku vuitha ca vana va Hete, vihita viuana viavimbongo via Palata, ku kundama ku vaka kulanda.¹⁷¹⁸Kunahu lihia lia Efelone, olio liakele ku Muchpelah, Olio lia kundamene kuli Mamele, olio vene, liha mukemo na mbumbo vakele omo vene, naviti vioshe ya kele muliha novo va kele kuvi nginga, nava kevo vejile kucikolo ca mbongi yendi.¹⁹Kunima yevi Avilahama ua Shitikile mukentu uendi Sarah mu mbumbo yamu liha lia Machpelah, Olio lia kele ku Mamele, Olio vene, Efelone, mu cifuti ca Kanana. ²⁰Kunahu liha na mbumbo via hitilile hali Avilahama kupua ngue muhela ua vihilo kutunda ku vana va Hete.

¹Ngoco Avilahama ua kulupile muakama keho Yehova ua muvuavuethele Avilahama kuviuma vioshe. ²Avilahama ualekele ngamba yendi, oujee uakele mukuluntu ualimbo ou uakele kutalela vioshe viakele navio, "Hakalivoko kuinthi lia viuma viange ³nakukukhaka yove ulithinge kuli Yehova, Kalunga uamuilu na Kalunga uahanthi, nguange kojukauana mukentu ua munange kuvana vava kentu vaka Kanana, Kuli yiya ukanjipangela limbo liange. ⁴Keho uya kucifuti cange, nakuvoshoko vuange, naku kauana mukentu ua munange Isaka."⁵Ngamba uamukumbuluile, "Ngavati honi ouo mukentu kaketava kunjishuama? Kuatha njitumbule munove ualiala njimuhiluithe oko kuatunda? ⁶Avilahamaua mulekele, "dthivuka nguove keti umuhiluitheko munange oko! ⁷Kalunga tata muene ua muilu, ou uanjitabuile kunjivo yatata na kucifuti chavushoko vuange, nakunji thseleletha yange na chithingo chachili nakuhandeka, muvana vove navatekulu njikahana livu eli; Endi atuma tungelu tuendi kulutue luove, naku kauana mukentu ua munange oko.⁸Ambe mukentu kakayongola kukushuama, Keho ove unatunduko kuchithingo change. Yove lika nga utualako munange oko." ⁹Keho ngamba uahakele livoko liendi kuinthi lia litafu lia Avilahama vakuku yendi.¹⁰Ngamba yendi uatambuile tumelu likumi uayako. Uatambuile vuana kuli muene uendi. Uakatukile na kuya kumuhela ua Alam Nahalayima, kuimbo lia kama lia Nahor. ¹¹Ualingile tumelu vathsikame hanja lia lilmbo lia kama halithima lia mema. Viakele kutjinguedthi, nthimbu yove kuya vakentu vakatekule mema.¹²Keho uahandekele, "Yehova, Kalunga tata, muene ua shukulu Avilahama, tava vanjivuahele lelo na kumuetha litavathano mukuthselela kuli muene uange Avilahama. ¹³Tala, kuno ange njinemana kulithima lia mema na vana vavakentu nava vavamala vamu limbo lia kama venjna vakutekule mema. ¹⁴Linga vipuemo ngue ngeci honjihandeka kumuna mukentu, Sukulu kamba yitavetha ntjua yove njinuitheko, na kukuanya nange, nua, na kukhana vingamelo viove mema lalo, linga akale yekeye umo unenika akale ua ngamba yove Isaka. Kuli evi njinadthivuka nguange unaleketha kulikuatathana na kuthselela kuli muene uange."¹⁵Viendthile kulutue kanda amane kuhandeka, Tala, Lembeka uatuhuka na ntjua yendxi ya kutekula mema hachithsili. Lembeka uamuthema Mbethele muna ualiala ua Milika, Mukentu ua Nahole, mukuenje ua Avilahama. ¹⁶Muna mukentu ua kuvuaha muakama endi lalo kakele lumo na liala. Kadthivuka mumala. Uashelelele kulithima, kukatekula mema nakuhilukamo.¹⁷Keho ngamba uashatukile akamuuane nakuhandeka, "Shukulukambu njihaneko medma njinue muntjua yove." ¹⁸Uahandekedle nguendi, nuangano muene uange, "vuathi vuathi uatulile ntjua yendi mumavoko endi, naku muhana anue.¹⁹Muamanene kumuhana anue, Uamulekele, "Njitekuila vingamelu viove lalo mema vinue, noho vmane kunua." ²⁰Uahilukilemo lalo navintjua viendi via mavokovoko uashatukile uayile kulithima uatekuile mema, nakutekuila mema vingamelu vioshe.²¹Mumala uamutalele nakuholoka kulu nakutala ambe Yehova navuahetha ngila yendi ndi kuahi. ²²Hovia manene vingamelu kunua mema, liala uatuhuile mununga yamulijulu uethekethele hakati kavimbongo, navi olu vivali na makayi na chitimo chakuheta likumi lia vimbongo ²³nakumuihula, "Muneya nkuama ove? Njileke shukulukambu, koili njivo kuimbo lia yisho tuka ndandemo?²⁴Uamulekele nguendi, ''Ange muna Mbetele ua mukentu Mbetele muna Milika, ou uatheemena hali Nahole.'' ²⁵Uamulekele lalo nguendi, ''Etu tuakuna via vingi vioshe vishoni na viakulia, nanjivo yove you kandanda.''²⁶Keho liala uathsikamene na kulemetha Kalunga. ²⁷Uahandekele, Uakushangala Yehova Kalunga ua shukulu Avilahama, Ou uajenekele kuethela liuvuathano kuthselela na kumuthselela kuhitila muli muene uange. Muli yangeko, Yehova na njituamena kuviukilila kunjivo ya vushoko vua muene uange.''²⁸Keho muna mukentu uashatukile na kukaleka vaina nava vatunga muimbo uavalekele voshe. ²⁹Keho Lembeka uakele na munaina lidthina liendi Lambone. Lambone uashatukile kuli liala ou uakele kungila ya kuya kulithima. ³⁰Hamuene mununga ua mulijulu na munchele kulivoko lia mukuenje uendi, Hovuile majui amukuenje uendi Lembeka. ''Evi vikevioviahandekele kuli yange. ''Uayile kuli liala, na, Tala, Uemanene kuvi ngamelo halithima.³¹Keho Lambone uahandekele, "Yinja, ove akuvedthikitha Yehova. Vika unemanena hanja? Njavuahetha laja njivo, na muhela ua vingamelu." ³²Keho mumala uedthile muimbo na kutula vingamelu viendi. Vingamelu vavihanene muila na kuvilitha, na mema vamuhanene atane kumahindi navaje vendele navo.³³Vamuhanene viakulia alie, uahandekele nguendi, "Ange kunjilu noho njihandeke ovio vionja handekele," Ngoco Lambone uahandekele nguendi, "handeka." ³⁴Uahandekele yange ngamba ya Avilahama. ³⁵Yehova uavedthikitha muene uange muakama mukukala mukua kufuka. Vamuhana vinjui na vingombe, Palata na Olu, na vangamba vavamala nava vavakentu, Vingamelo na vindongi.³⁶Sala mukentu ua muene uange, Uathemene munendi ualiala te mukentu uendi na kulupa, nakuhana vije vioshe viakele navio kuli yikeye. ³⁷Muene uange uanjilekele njilithinge, nakuhandeka, 'Keti ukauanene munange vakentu vamuno muKanana, Omo monjitunga limbo liange. ³⁸Tenga uye kuvakatata, na kuvushoko vuange, na kukauana mukentu uamunange ualiala.³⁹Njina muleke muene uange, Ambe mukentu kakanjishuama.' ⁴⁰Vunoni uanjilekele nguendi, Yehova ouo njekuendela, Atuma tungelo kuli yove na kuvuavuetha ngila yove, linga ukauane mukentu ua munange kuvushoko vuange na kulimo lia vakatata. ⁴¹Vunoni ukovoka kutjithingo change ambe uya kuvushoko vuange ambe kova kakuhana yove. Keho ukovoka kchithingo change.'⁴²Keho ngoco njinakuheta lelo halithima, na kuhandeka nguendi, 'O Yehova, Kalunga ua muene uange Avilahama, shukulu kambe ambe vuchili uatuamenena ngila yange kupuamo ⁴³yange uno njinemana halithima lia mema linga muna mukentu ou enje akutekule mema, nauoshe muna mukentu ouo njakuleka, shukulukambu njihaneko mema munchuua njinue." ⁴⁴Mukentu uye anjileka, "Nua, nakuhana vingamelo viove mema" linga akale mukentu uje, Yehova, Una muhangula muna muene uange ualiala.'⁴⁵Nambe kulutue monjinamamnekuhandeka mumbunge yange, tala, Lembeka natuhuka nanchuua yendi hachithsili chendi akatekula mema kulithima. Keho njina mileke nguange, shukulukambu njihaneko njinue; ⁴⁶vuathi-vuathi uatula nchuua yendi hachithsili chendi na kunjileka nguendi nua, njihana vingamelo viove mema lalo.' Keho njanuine, uahana vingamelu viange mema lalo.⁴⁷Keho njamuihuile nguange, 'Ove muneya? Keho nanjikumbulula nguendi, yange muna Mbetele, Nohole ualiala, Ouo uathemenene hali Milika. keho njinamuhaka Mununga mulijulu na munchele mulivoko liendi. ⁴⁸Keho njina thsikama njishangale Kalunga tata, na kuthsiliela Kalunga tata, Kalunga ua muene uange Avilahama, Ou uanjituamenena ngila ya kushungama muku juana muna mukentu uamuna muene uange kuvushoko vuendi.⁴⁹Ngocho vene, Ambe muna livuahethela mukumuetha chithingo cha miaka yoshe na kuthselela kuli muene uange, njilekeni, njitenguluke kuchimoshue ndi kuchilio."⁵⁰Ngocho Lambone na Mbetele vakumbuluile nguavo, "Nguavo ovio viuma vinatundu kuli Kalunga; Kutu kukukmbulula muachili ndi muakuviha. ⁵¹Tala, Lembeka ouo mutambule uye, halumo akakala mukentu ua muna muene uove ngue muana vihandeka Kalunga.⁵²Nganba ya Avilahama muovuile majui oo, uathsikamena hanthi kumesho aKalunga. ⁵³Ngamba uatambuile vilanda na vilanda navithala na kuvihana kuli Lembekka. Uahanene mvimo lalo kuli mukuluntu uendi ualiala na kuli vaina.⁵⁴Keho nendi na vakuavo vendele nendi valile na kunua. Vakele vene oho mathsiki, hova hindukile chimenemene, ua handekele, "Njitumeni njiye kuli muene uange." ⁵⁵Vakuluntu vendi vavamala na vaina vahandekele, "Linga ouo munike ua mukentu akale netu kumatangua amandende, kumatangua likumi kutunda oho mba honi muya.⁵⁶Vunoni uahandekele kuli vakevo nguendi, "keti munjishuekele yange, kutameka hano Yehova njituamenena mungila yange njiye kuli muene uange. ⁵⁷Vamuleka, "Tuthana muna mumbanda tumuihuleko nendi. ⁵⁸Keho vamuthanene Lembekka na kumuihula, kuatha uje nouno mumala ndi? "Ua vakumbuluile nguendi, njiya."⁵⁹Kedho vatumine mukuenje uavo Lebekka, kumolika na vangamba va vakentu, mungila yavo na ngamba ya Avilahama navakuavo. ⁶⁰Keho Lembekka vamu vuavuethele, vamuleka, "Mukuenje uetu ukakale yina ya makulukadthi na makulukadthi likumi, na vana vove na limo liove likashoke chikolo chove vaka kudthzinda.⁶¹Ngocho Lembekka uakatukile, nendi na vingamba viendi vavakentu valondele vingamelu, na kushuama uje liala. Ngamba ua tambuile Lembekka, na kuya mungila yendi. ⁶²Keho Isaka uatungive muNengeve, na kuhiluka ka Mbelahayi Loyi.⁶³Isaka uayile akendangane muliha chinguethi. Hahetukile uamuene, tala, vingamelo viovija! ⁶⁴Lembekka uatalele, ngocho uamuene Isaka, uajombokele ha ngamelo. ⁶⁵Uehuile ngamba, yiya uje liala endangana muliha atushesha? Ngamba uahandekele nguendi, Muene uange," Keho vatambuile ntanga yendi ualifuika endi vavenya.⁶⁶Ngamba uakele muene uendi vioshe viapangele. ⁶⁷Keho Isaka uanehele mukentu uendi kuli vainana Sala munthingi ua kala mukentu uendi, ua muyonguele muakama. Keho Isaka vamudthembelekele hovathsile vaina.

¹Avilahama uakatambulako mukentu uaye lalo; lithina liendi liakele Keturah. ²Ua thanene Zimran, Jokshan, Medan,Median, Ishbak, Na Shuah. ³Jokshua uakele yishe ua Sheba na Dedan. Mushova uavo vakele vantu vava Assyrian, vantu va Letush, na vantu va Leum. ⁴Vana va Maidian vava mala Ephah, Epher, Hanok, Abida, Na Eldaah. Voshe vakele vushoko uaua Keturah.⁵Avilahama ua hanene vioshe via fukile kuli Isake. ⁶Nambe ngocho te nolo kanda ali namuono, ua hanene mavuana kuli vana vendi vava mala va kuci haleko ava tuma kucifuti caku vukilo, vatunde kuli Isake, mona ua liala.⁷Aa akeo matangua na miaka viamono ua ⁸Avilahama na kuovoka, 175 ya miaka. Avilahama ua huimine naha kukotoka ua thsile ha miaka yavukuluntu, liala ua kulupile na muono liaku shula, mokemo lalo uamushitikile kuvantu vendi.⁹Isake na Ishmael, vana vendi vava mala, vamushitikile mu mbumbo ya Machpelah muliha lia Ephron muna ua liala ua Zohar uaka Hittite, muhehi na Mamre. ¹⁰Eli lihia lio landele Avilahama kuli vana va Heth. Avilahama vamu shitikile muye namukentu uendi Sarah. ¹¹Kunima ya kuthsa kua Avilahama, Kalunga ua vethikitha Isake mona ua liala, keho Isake uovo kelele hamu hehi na Beer Lahi Roi.¹²Ngeci ovu vukevuo vushoko ua Ishmael, muna Avilahama ua liala, uye ua Hagar, ka Egyptian, ngamba ua Sarah, uakuthema Avilahama.¹³Lia kelio lithina lia mona ua liala ua Ishamael, Mova lishona muka va thema; Nebaioth-Mona Ishamael uaku livanga. Kedar, Adbeel. Mibsam, ¹⁴Mishma, Dumah, Massa, ¹⁵Hadad, Tema, Jetur, Naphish na Kedemah. ¹⁶Ovo vakevo vana Ishmael vava mala, naakeo mathina avo, aku membo avo, nakuvilomba viavo; likumi nava vali vana va muene vava kentu kushuama kumishovo luavo.¹⁷Ou uakele muakaua kuovoka kua Ishmael. 137 ya miaka. ua huimine kumanethela ua thsile, vamushitikileku vantu vendi. ¹⁸Vatungile ku Havilah naku Ashhu! kumuhehi na Egypt, nga uya ku Assyria. ua handunu kile ku vu shoko.¹⁹Ovio vikevio vilika via Isake, mona Avilahama ua liala. Avilahama ua kele yishe ua Isake. ²⁰Isake mua kele nama kumi auana a miaka mukemo mua uanene Lembeka akale mukentu uendi, mona Bethuel na Aramean uaku Paddan Aram, nava munaina Laban na Aramean.²¹Isake ua lombele kuli Yehova muomu mukentu uendi uakele nchimi, keho Yehova ua vuile kulomba kuendi, keho Lembeka mukentu uendi uakele na limo. ²²Va nike vali thindikile thindikile muimolia yina yavo, Keho ua handekele, Vika evi viyomboloka kuli yange? Nayile akehule Yehova ku Lievi²³Yehova ua handekele kumu kentu, ''Miyati yivali yili muimo liove, vantu vavali valitepa muimo liove, umo alina zhilinkuhita mukuavo, ua mu kuluntu aka paangela ua munike.''²⁴Moya hetele thimbu yaku neha , Tala, vana va Kalunga vakele muimo liendi. ²⁵Uali vangele kutuhuka uaku venga muvila uoshe mafufu. Mokemo vam sanene lithina liendi Esau. ²⁶Kunima yevi, munaina ua tu hukile livoko liendi nakuata kulilumba lia Esau. Vamu thanene Jacob. Isaac uakele makumi atanu na limo ha kehe mu kentu ua themene vanike.²⁷Keho mukuendje ua kulile, Na Esau uathi vukile vuyambi, liala mumuthenge; Vunoni Jacob ua kele liala uaku Moloka, ou uovakelelethimbu yendi hembo na yishe. ²⁸Mukemo Isaac ua yonguele Esau momu ualile mbunda yatuthitu vava yambi, vunoni Lembeka ua yonguele Jacob.²⁹Jacob ua tele kele mushothi. Esau ua tundile mumu thenge, keho uavuile ndjala. ³⁰Esau ua handekele kuli Jacob, njihane njilie mushothi. shukulu kambu, njina hono mua kama!'' viakevio oiva mu thanena Edom.³¹Jacob nguendi,'' hakuli vanga nji landesa vu kulunu vuove. ³²'' Esau nguendi,'' Tala ange njiyongola kuthsa. Ku uua ha muka kuli havu kuluntu ku liange?'' ³³Jacob nguendi.'' hakuli vanga lithinge,'' mokemo Esau uali thingile chithingo mukuemo mua landesele vukuluntu vuendi kuli Jacob. ³⁴Jacob ua hanene mbolo namushothi yaku teleka namakunde. ualile naku nua, ua katuka na yile kungila yendi yakeyo ngila ya hanene vukuluntu vuendi.

¹Kuesile ndjala mucifuti, na ndjala yeka nayije yalivangele kumatangua Avilahama, Isake ua yile kuli Avilemeke, muene uava Falesiteuo, ku ngalale.²Keho Yehova uali shomboluelue kuli ikeye naku handeka nguendi.'' keti uye ko Kuyingito; katunge kucifuti kuje njina kulekele kutunga. ³Katumame vuino mucifuti oco, njikakala nove nakukaku vethukisa; nove nacikota cove njikahana cifuti cino coshe, njikapuisamo cithingo cinje njalisingile na yisho Avilahama.⁴Njika lanetha Cikota cove ngue vintangantanga via muilu njikalanesa cikota cove vifuti vioshe kulithimo liamu cikota cove vaka hanthi vuoshe vaka uana kuvezika. ⁵Njika vilinga evi mukonda Avilahama uononokele kulinjui liange nakunjunga vitume viange, na mashiko, na vithilika viange, na vitumevange, na methi alishiko."⁶Keho Isake ua tungile ku ngalale. ⁷Omo mumala vavenya muhela uamu huile viaku tuala kuli mukentu uendi, uahandekele nguendi, "Ikeye mukuenje uange uamu kentu" uo vuile liova lia kuhandeka ngue," Ikeye mukentu uange,'' Vuuno honi uathinganyekele ngue," Vamala vajamuhela uno vanjithihia linga vanone Lembeka, mukonda uakele uaku uaha." ⁸Kulutue Isaka ua keleho thimbu ya laha. Avilemeke muene va Falesitene, viasoka uamuene havi Janena, ua muene, Taleni, Isakaali nakueha na Lembeka, mukentu uendi.⁹Avilahama ua sanene Isaka na kuhadeka nguendi.'' Tala, Vucili uno mukentu uove. Vika uvihandeka ikeye mukuenje uange.? " Isaka uakuaniene ko nendi nguavo, " Muomu njathinganyekele nguavo hamo umo ahasa kunjithihia amunone. ¹⁰Avimeleke ua handekele vika una tupangela ngeci? nga umuo ua vantu vetu nakosele namukentu uove, keti nga una tunehela mulonga yetu? ¹¹Avimeleke ua nanguile vantu voushe nakuhandeka nguendi," nkala ou akuata ou mumala nambe mukentu uendi mu cili tuka mu haka kukutha."¹²Isaka ua kunine mbuto muze mucifuti cinje naku itia mumuaka ouo vene mu cihita na cimo, muomu Yehova namuvethikisa. ¹³Mumala uno uafukila nakukula muakama kama noho uakuheta kukulikulitha. ¹⁴Uakele vinjui na thingombe, navaka kupanga vavengi. Va fililisitene vamuvuile cipululu.¹⁵Vunohoni mathima aje valundile va yishe mumatangua a Avilahama yishe. VaFilisitene va vatuikile kumo na livu, ¹⁶Avimeleki ua lekele Isaka.; tunda hano hali yetu, ove uakama kutu vakana yetu. ¹⁷" Keho honi Isaka uatundile hanja, naku jalukila munjimbolongoma ntja Galale, na kutunga kuje.¹⁸Keho honi Isaka uahindile lalo muthima amema , aje vahindile naua mumatangua ayise Avilahama, Vuno honi VaFilisitene vahathikile kunima omuo Avilahama na thiyisaka ua halukile mathina mua kulifua ngue omuo yishe uaha sanene mo.¹⁹Vunohoni omuo vakakupanga va Isaka vahindile lithima, va uanenemo muje mema aku ueluoka. ²⁰Mukuluntu yava nkuluntu ua mu galale valikuaniene na Isaka mukuakutuamenena. na kuhandeka nguovo," Ahame na helu," kahahoni keho Isaka ua sanene lithimadio "Yisek," muomu vali kuaniene nauo.²¹Amba honi vahindile naua lithima likuaou umba valikuaniene lalo, Halilikelio, Mukemuouali lukile "Sitena. ²²" Uasile haje vene nakukahindakolithima likuauo, Umba honi kuvali kuanieneko kuli lije, keho uali sanene nguendi Lehovote, nakuhandeka nguendi," ngeci Yehova na tupangela yihondo vietu, ngoco tukalilanesa mucifuti."²³Keho Isaka uayile kuje ku Belezeva. ²⁴Yehova ua mujombolokele kuli ikeye kumathiki kamo nguendi, " Yange Kalunga ua Avilahama yisho. Keti ukale na liova, Ange njili nove umba njikakuvezikisa umba njilelanetha limo liove hali mukuakunji pangela Avilahama. ²⁵Isaka uatungile mutula hae amba uasanene mulithina lia Yehova. Haje vene uatungile mbalaka yendi, amba vakuaku panga vendi vahindile lithima.²⁶Keho Avilemeke ua yile kuli ikeye ku Galale naku ahuzate, vavuthamba vendi. umba Ficole mukuluntu vakathita. ²⁷Isaka uahandekele nauo, Vika munethila kuli yange, Kutunda ha muanjithindile, umba muanji shekele kuli yeni²⁸Keho vahandekele, Tuna muono vuino vuino nguavuo Yehova ali nove keho tuna likuminia nguavo kukalaho citingo hakati ketu, mukevmo, hakati ketu nove. Keho kukale livuathano nove. ²⁹Muomu keti ukatu linga vimo viakuvihia, omo netu kutua kupangele viakuvihia umba yetu tuakupangele vuino umba tuaku tumine kuako muciyulo. Yove umo mukuakuvethika kuli Yehova.³⁰Keho Isaka uavapangelele cipito cavo, vakevuo va lile,na kunua. ³¹Keho vahindukile cimene-mene nakulithinga umo namu kuauo, keho Isaka uava tumine vahiluke, keho vahilukile mucivuovuo.³²Litangua olio vene vakuakupanga va Isaka vethile nakumuleka viakutuala kulithima lije vahindile vahandekele, " Tuna auana mema. ³³Uathanene lithima liaco Siva," Lithina lia limbo olio likelio Belesiva naha lelo vene.³⁴Omuo Esau uakele na makumi auana amiaka, uanonene mukentu uendi Yundite muna Bele ka Hiteu na Mbasemate muna Elone ka Heteu; ³⁵Navo vakevuo vakele na kulinyenyeta kumitima kuli Isaka na Lembeka.

¹Hakulupile Isaka na mesho endi akele ciuiui kumona kuahi, ua thanene Esau. munendi uamukuluntu na uamulekele." Munange. "Esau nguendi. ''Yange uno. ²Na Isaka nguendi'' tala kuno, ange ntjina kulupa. konjazhivukile litangua liange lia kuthsa.³keho ngeci tambula vikuata viove,mikili na navuta, na yauye mumuthenge na uka yombe mbunda yange . ⁴Uaku njitelekele viakulia viaku tovala, viye vionja yongola , na uka vinehe kuli yange njakulie na njaku kuvuavuethe kulutue njithse."⁵Lembeka uovile muahandekele Isaka kuli munendi Esau. Esau ua yile mumuthenge akayombe tuthitu aka nehe. ⁶Rebekah uahandekele namunendiJacomba nguendi," Tala, njinevu Isho ahandeka na Esau mukuluntu ouve. Nguendi, ⁷Kanjineheleko mbelela yakathitu uamumuthenge na uaku njipangele vuakulia viaku tovala, njakuvilie na njaku kuvuavuethe kumesho a Kalanga kulutue njithse;⁸Keho ngoco munange thingimika lijui munji kuishika. ⁹Yauye kulimba , na ukanehe vana vimpembe vavali vacili; na njaku pangele isho viakulia via kutovala, Omuye muavi yonguela. ¹⁰Keho uaku vituale kuli isho, linga akalie , linga aku kuvuavuethe kulutue lia kuthsa kuendi¹¹Jakomba uahandekele kuli vayina, " Taleni, Esau mukuluntu uange muvila uendi ukalamufufu, nange kunja kele nama fufu. ¹²Halumo tata aka njikuata, na aka njimona muka vishaki. Njika linehela cithenge hali yange vavenia na ngeci kuvuavuetha.''¹³Vayina vamulekele,''Munange, cithingo cinje kuli yange. thingimika lijui liange na yauye uka vinehe.'' ¹⁴Jakomba uayile mukukaneha vina vimpembe na avi nehele vayina, na ua pangele viakulia viaku tovala.¹⁵Rebeka ua tambuile vizhala via Esau via cili, munendi uamukuluntu, evi viakele navio muimbo, na uavi zhalekele Jakomba, munendi uamunike. ¹⁶Uamuzhalekele cikanda ciamuna mpembe mumavoko endi namunthingo. ¹⁷Keho uahakele viakulia viakutovalana mboloto yapangele mumavoko amunendi Jakomba.¹⁸Jakomba uayile kuli ishe na uahandekele.'' Tata,'' ishe ngguendi.'' yange uno; yove yiya,munange ndi?'' ¹⁹Jakomba uakumbuluile kuli Ishe; yange Esau munove uambeli. Njina panga muye munanji leka, Ngeci tumama na ulie mbunda yange yamumuthenge, Linga uaku njivuavuethe.''²⁰Isaka uahandekele kuli munendi," vati una muuana vuathi kathitu, munange? " Uahandekele ''muomu Njambi Kalunga uove ikeye namuneha kuliyange. ²¹'' Isaka uahandekele kuli Jakomba,'' Shuena muhehi kuliyange, njaku kukuate, munange, na njikutolilenguavo cili yove munange Esau ndi ngeci yove.''²²Jakomba Uayile kuli Ishe Isaka; na Isaka uamukuatele na uahandekele nguendi; Lijui lia Jakomba, vunoni mavoko a Esau. ²³" Isaka uamuzhivukile, muomu mavoko endi akele namufufu, ngue mavoko amukuluntu uendi, Esau, keho Isaka uamu vuavuethele.²⁴Uuahandekele ,'' Ove yove cili munange Esau?'' endi uakumbuluile,'' Yange, ²⁵'' Isaka uahandekele neha viakulia kuli yange. na njilie mbunda yove , linga njiku vuavuethe.'' Jakomba uanehele viakulia kuli yendi. Isaka ualile, na Jakomba uamu nehelele vinyu, na uavi nuine.²⁶Keho ishe Isaka uahandekele kuli yendi, ''Shuena hamuhehi na unji thsembe, munange, ²⁷'' Jakomba uenzhile hamuhehi na uamu thembele, na uahumbile mphuzhi yavi thala viendi na uamu vuavuethele nguendi, '' Tala, mpuzhi yavithala viamunange ngue mpuzhi yamuliha lia vuavuetha Kalunga.²⁸Kalunga kange aku haneko lime lia muilu, nalivu lia cili,nmabuto yavingi na vinyu.²⁹Vantu vaka kupangela na vifuti vika kuthsikamena, uka kala muene uava munanoko, nava munanoko vaka kuthsikamena, uoshe aka kuthinga vaka muthinga; vaye voshe vaka kuvuavuetha vaka vavuavuetha.''³⁰Oho vene hamanethele Isaka ku vuavuetha Jakomba, Jakomba uatundile naliova kumesho a Ishe Isaka, Esau mukuluntu endi uezhile kutunda mukuyomba tuthitu. ³¹Nendi ua telekele viaku tovala na uavinehelele kuli ishe, uahandekele kuli ishe, Tata,hinduka naulie mbunda yamunove yamumuthenge, Keho linga unji vuavuethe.''³²Isaka ishe uahandekele kuli yendi, '' Yove yiya? uakumbuluile, " Yange munove, uambeli, Esau.'' ³³Isaka ua lupukile mbunge muakama na uahandekele, yiya uye naka yombele kathitu na namu neha? Ange njinali kulutue uinje,na nina muvuavueha laya mukemo, endi vaka muvuavuetha.''³⁴Mouvuile Esau majui a ishe, ua lilile muakama na uahandekele kuli Ishe.'' Nange njivuavuethe Tata,'' ³⁵Isaka uahandekele,'' mukuenje uove haneja hano nanikuithakuitha na natambula kuvuavuetha kuove.''³⁶Esau uahandekele,'' nkuma lizhina liendi ngeci ikeye Jakomba? nanji zhangamena luvali. Natambula vukuluntu vuange,na, Tala, ngeci natambula civuavuetho ciange,'' Keho uahandekele,'' koua thileko civuavuetho ciange. ³⁷Isaka uakumbuluile na uahandekele kuli Esau, '' Tala njina muhaka akale mune uove, na vamunaina vaka kala vingamba viendi, na njina muhane mbuto yayingi navinyu,Vika luhua vikuavo njina pangela. Munange?''³⁸Esau uahandekele kuli Ishe,'' koua thileko civezhikitho ciange nambe cimo, Tata? njivuavuethe nange, nambe yange, Tata,'' Esau ualilile nalijui liakama.³⁹Ishe Isaka uakumbuilile naku handeka kuli yendi. ''Tala, muhela uou kakala uka kala hale navufuko ua hanthi, hale nalime lia muilu. ⁴⁰Kulikunga liove ukovokela, na uka pangela mukuenje uove. Ambe una tokola, uka vutuka ku njoko yendi muthingo yove.''⁴¹Esau uazhindile Jakomba muomu lia civuavuetho ciamu hanene Ishe. Esau uahandekele nambunge yendi,'' matangua a akuthsa tata a anahete; keho kunima njika thsiha mukuenje uange Jakomba.'' ⁴²Majui a Esau munendi uamukuluntu ovuikile kuli Rebakah. Keho uatuminine na kukathana Jakomba munendi uamunike na kuhandeka kuli yendi, '' Tala, mukuluntu uove Esau youa lilembezheka endi vavenia muku yongola kuku thsiha.⁴³Keho ngeci, munange, njithingimike na ushatukile kuli labani, mukuluntu uange, ku halani. ⁴⁴Kakale nendi kanthimbu kakandende, noho vukalu vuamunanoko vuna tepuluka, ⁴⁵Noho vukalu vuamunanoko vuna kutundu, na Evale vioshe vioua mupanga. Keho njaku kutumina vaka kuhiluithe. Vika njimi zhimbalethela ngocho muvavali litangua limo?⁴⁶Rebekah uahandekelekuli Isaka,'' Ange njina hono nakuyoya muomu lia vana vavakentu va Hete; Ambe Jakomba atambulaho umo hakati kavana va Hete akale mukentu uendi, Ngeci muava vakentu, vamo vavana vakentu vamu cifuti, vungulu muka vukakala mukuyoya kuange?''

¹Keho Isaka ua thanene Jakomba. na kumuvethikitha, na kumushika, na muleka nguendi, keci ukambate mukentu ku vana va kentu vaku Kanana. ²Katuka, kaye ku Pandane-Alame, ku njivo ya mbuetele mukuluntu ua vanoko.³Kalunga ua kama akuvuavuethe, naku kuhana mbuto yacili mukuthema kuove naku kuilanetha, linga u kale mbunga ya miyati. ⁴Nakukuhana civethikitho ca Avilahama, kuli yove, naku mbuto yove hamo nove; Linga ukahiane cifuti caku lishuka yove lamo nove. Cakuhana Njambi kuli Avilahama.⁵Keho Isaka ua tumine Yakomba, Yakombaua yile ku Pandane-Alame, ku Lambane, kuli Lambane, muna mbetuele mukuenje ua Lembeka. Vayina ya Yakomba na Esau.⁶Vuno Esau ua muene ngeci Isake ua vethikilthile Yakomba naku mutuma ku Pandane-Aleme,kumabata mukentu ua kuje keho mua muvethikithile ua muishikile nguendi, keti ukambate mukentu ua Kuvana vakentu va Kanana. ⁷Esau nendi ua muene nguendi Yakomba uathingimikile yishe na vaina,keho ua yile ku Paddan Aram.⁸Esau ua muene m ukentu ua Canaan kapangele vyacili kuli ishe Isaka. ⁹Keho ua yile Ismael, na kutambula, kuvuethelela kuvakentu vaje, Vakele navo, Mahalate muna Ismaele muna Avilahama, Mukuenje ua Nevalote; muka kala mukentu uendi.¹⁰Keho Yakomba ua tundile mbeleseva ua yile ku Halale. Keho ua hetele kumuhela umo, ¹¹Keho ua tetelele kuje mathiki oshe, keho litangua lia kile laja keho ua tambuile limo livue aku mutambela uje, Keho uashalavalele oko vene naku ndanda tulo¹²Ua lotele keho taleni thindelo viakutumbika hathi, na kumantjongo avio ahetele muilu; keho, Taleni, tungelu va Kalunga va londa naku shuluka hali vikevio. ¹³Keho taleni Yehova uemanene helu liavo, na kuhandeka yange Yehova Ndjambi ya isho Avilahama, na Njambi ya Isaka; Cifuti houa ndanda , kuli yove njikatjihana nakumbuto yove.¹⁴Nambuto yove ikapua ngue mbundu ya kulivu, keho uka lioluela kuvutokelo, naku vutunde tangua, na ku noite, na kusulu; Keho muli yove na mumbuto yove vavushoko vove voshe va hathi vakavethika. ¹⁵Keho, ange njili vene,keho njika kuhaka yove nkala koshe ukaya.¹⁶Yakomba uahindukile mutolo, keho ua handekele, vucili Kalunga ali kumuneha uno, nange konja vithinganiekele. ¹⁷Ua kele naliova ua handekele nguendi,'' vati ua kumouetha muhela ou, keti ueka kuvanga mpano njivo ya Kalunga. Eci cikolo ca muilu.''¹⁸Keho Yakomba ua katukile cimene-mene ua uhakele kuilu mukutenga muthakatelo na kumbalumuina ho mathihelu liavo. ¹⁹Ua thanene lithina lia cifuti oco Mbetele, keho lithina lia limbo liakama lia kele Luze²⁰Keho Yakomba ua lithingile cithingo, ua handekele, ''Nga Kalunga a ka kalanange nakunjinyunga mungila eyi inji enda, na kunji hana mboloto ya kulia, na vithala via kuthala. ²¹Keho njikahilika vuino kunjivo ya Tata, keho Yehova akakala Kalunga kange. ²²Keho eli livue linji nahaka aha linapu lia kushueketha. Kuli vyoshe viua njihana, Cili-Cili njika kuhana cimokuli kumi.''

¹Kehohoni Yakomba uaile vungendhzi vuendi na uezhile kucifuti ca vantu vaku vukilo. Omu muatalelela, endi uamuene lithima mulikanda, taleni, na, matangua atatu a vinjui vutamene kuje. ²Omuo mulithima mukemuo muve kumitha matanga avo, na livu liaku kanua kalithima lia hamene. ³Omuohoni matanga oxe ana likunguiya/ aneja hamo/ vaka kutakametha vandumu na honi livue litunda kukanua kalithina na kunuitha vinji, keho na vahakeleko lalo livueku hama kalithima, kulihiluithila muhela ualio⁴Yakomba uahandekele navo,'' vakuenje vange. kuiko mutunda? Avo nguavo, ''Etu tutunda ku halana. ⁵'' Endi uahandekele navo, eni mohivuka lambane muana na hole? ''Avo nguavo, Etu tunuizhivuka,'' Endi uahandekele navo, "Ali Vuino? ''Avo nguavo, ⁶''Endi uahandekele navo, ''ali vuino, tala na, kuje, lakele mouaua mukentu eja na vinjui.''⁷Yakomba nguendi, ''unamo, ngeci hakatikati hali tangua. Oyo kethimbu yakulikunguiya matanga hamo. Eni kumuamuitha lika honi vinjui muvathale va kalie. ⁸Avo nguavo, ''Etu kutuatha kuvamuitha noho matanga oxe ana analikunguiya hamo, vamala vaka andumina honi livue litunde kukama ka lithoma, mukemuo honi tukanuitha vinjui.⁹Muthimbu kanda Yakomba nolo ahandeka navo, Lakele uezhile na vinjui via ixe, muomu yondi uavema nenene. ¹⁰Yakomba omu muamuene Lakele, muna Lambani uamukentu , mukuenje uavaina, Yakomba uezhileho, uandumine livu kulitundtha kukama kalithima, nakumitha vinjui via Lambane, mukuenje uavaina.¹¹Yakomba uatzembele Lakele na kulila muakama. ¹²Yakomba ua lekele Lakele nguendi, endo kavuxoko ka ishe, endi uakele muna Lembeka kehohoni endi uashatukile uakaleka na ishe.¹³Lambane omu muovile muzhimbu uakutuala kulimuna mukuenje uendi ua mukentu, uashatukile aka muuane, uamuvumbatelele ua mutzembele, na kumuneha kunjivo yendi, Yakomba ualekele Lambane vuima evi vioshe. ¹⁴Lambane uahandekele nendi.'' ove kuma ucitzihacange na mbunda yange,'' keho honi Yakomba ua kele nendi ngonde imo¹⁵Keho honi Lambane uahandekele na Yakomba, ''Citava ove unji pangele yange mavokovoko mukonda ove muka voxoko kange ndi? Ikeye, vika vikakala fueto yove? ¹⁶Nahano Lambane uakele navana vendi vava kentu vavali, lizhina lou uamukuluntu Leya, na Lizhina lou ua munike Lakele. ¹⁷Mexo a Leya akele andengexo, vuno honi Lakele ua vuahele cihanga ku mutala. ¹⁸Yakomba ua yonguele Lakele, mukentu nguendi; Ange njikakupangela miaka itanu naivali ya Lakele , munove uamukentu uamu nike.''¹⁹Lambane nguendi, '' cacili ngoco ange njimu kuhana, kutu vakana njimu haneku mumala uaye. Kala nange,'' ²⁰Ngocho Yakomba uapangele miaka mutanu naivali ya Lakele na ikeye uai muene yaindende kuli yendi mu kumuyongola ikeye.²¹Keho honi Yakomba uakuaniene kuli Lambane, ndjihane mukentu uange,matangua ange ana pumo-linga nji muambate,'' ²²Ngoco Lambane ua kunguilile hamo vamala voxe vakumuhela ualingile cipito.²³Vutziki, Lambane ua tambuile Leya mona ua,mukentu uamunehele kuli Yakomba, uakovelele kuli ikeye. ²⁴Lambane uahanene Zilipa mukaku pangela ua mukentu kuli Leya munendi ua mukentu akale muku ku mupangela. ²⁵Kicimene, taleni, uakele Leya! Yakomba uahandekele na Lambane,'' Vika evi vuina njipangela? kuatha njikupangele omo Lakele? vati honi unanji kuitha kuitha?''²⁶Lambane uahandekele, '' Eci keci impi yetu kuhana uamunike hambangele kululu lua ua mbeli. ²⁷Hetethamo simano ya cixo ca munange ou, etu tukakuhana na mukuavo uka hilukana muku njipangela miaka iatanu naivali.''²⁸Yakomba ualingile ngoco, uakuithilemo visimano vua Leya. Keho honi Lambane uamu hanene munendi Lakele akle lalo mukentu uendi. ²⁹Lamba uahanene mbiliha muka kumupangela kuli mona Lakele, aka kale muka kumupangela. ³⁰Ngoco honi Yakomba ua ile na Lakele, honi vunohoni endi uayonguele muakama Lakele kutuvakana Leya.Ngoco honi Yakomba uapangele Lambane mika itanu-naivali.³¹Yehova maumuene nguendi, Leya kamu yonguele, ngoco endi uaxokoluele limo liendi, Vunohoni Lakele na vanike. ³²Leya uakele nalimo uathemene muna mumala, uamu lukile lizhina liendi Luvene. Mukemuo nguendi, mukonda Yehova natala ha kayando kange; ngeci njinezhiva nguange mumala uange akanji yongola.''³³keho endi uakelenalimo uathanene muna mumala. Endi nguendi, '' Mukonda yehova novu nguendi, ange kanji yonguele, mukemuo nanji hana laloou muna mumala, ''Uamulukile lizhina liendi Semione. ³⁴Keho uakele nalimo uathemene muna mumala, endi nguendi, '' Nahano mumala uange akathemena kuli yange, mukonda ange njina muthemena vana vava mala vatatu, '' Mukemuo honi uamu lukile lizhina liendi Levi.³⁵Endi uakele nalimo uathemene muana mumala. Endi nguendi, '' Thimbu ino njika xangala Yehova ,'' mukemuo ua mulukile lizhina liendi Yunda, ngoco honi valikelele kukala na vanike.

¹Omuo Lakele ua muene ngue kasemenene Yakomba vanike, Lakele ua kumuine mukunje uendi uamukentu. Uahandekele kuli Yakomba, '' Njisemese vanike, nga nji kathsa, ²''Yakomba ua nhenguelele Lakele. Uahandekele nguendi, '' Njili mumuhela ua Kalunga. uje naku vindika kusema vanike.''³Endi Nguendi. ''Tala, muka kunjipange Mbeleha. Kaye kuli ikeye, keho linga akakuate kakeke hamavuli liange, linga nji kuuna kanike kuli ikeye. ⁴'' Ngoco uamu hanene Mbeleha ngue mukenu endi, keho Yakomba ua yile kuli Ikeye.⁵Mbeleha uakele nalomo naku semena Yakomba, kakeke uamu mala. ⁶Keho Lakele ngueni, '' Kalunga nanji handekela keho novu liui liange nanji hana kakeke uamumala ngoco honi uamu lukile lizhina liendi Ndane.⁷Mbaleha, Ikeye uapangelele Lakele, uakele nalimo na semena Yakomba munike ua mumala ua mucivali. ⁸Lakele nguendi , '' na kuliluisa ca ndhili njina liluisa namu kuluntu uenge keho njina tuvakana. ''Uamulukile lizhina liendi Nafutali.⁹Omo Leya ua vi muene nguendi, nalikela kusema, ua nonene Zilipa, Mukuakumu pangela, keho uamu hanene kuli Yakomba ngue mpuevo yendi. ¹⁰Zilipa, Mukuakumu pangela, Uasemenene Yakomba munike. ¹¹Leya nguendi, '' Eci ku vezuka! '' Keho ua mu lukilelizhina liendi Ngande.¹²Keho Zilipa mukuakupangela Leya, ua semenene Yakomba munike uamucivali. ¹³Leya nguendi.'' Nji yoyela! ku muana nge ua mpueuoakanji sana uakuyolesha.'' Ngoco njika ,uluka lizhina liendi Asele.¹⁴Luvene uaile kumatangua aku tsha na vindhilo mumusenge. Uavi nehele kuli vaina Leya. Ngoco lakele ua handekele na Leya, ''Nguendi njihaneko vimo vindhilo viana uana munove. ¹⁵'' Leya uahandekele nendi, ''Cikeco cuma cacindende kuli yove,Omuo unanji nieke mumala uange? Utota lalo unji niekevindhilo via munange, Lalo? '' lakele nguendi,'' Ngoco vene aka ndanda nove vutshiki ualelo, Muomu vidhilo via kunehela munove.''¹⁶Omuo Yakomba uatundile mumusenge kucinguenzthi. Leya uamusheshele nakuli uana nendi uahandekele nguendi, uaku kosela kuli yange, Muomu njina kulanda na vindhilo via munange, '' Ngoco Yakomba uakosele kuli Leya vutshiki vuje. ¹⁷Kalunga ua tolile Leya, keho uakele nalimo ua semene munike ua citanu kuli Yakomba. ¹⁸Leya nguendi, ''Kalunga na njifuete, mukonda njahanene mukuaku nji pangela ku mumala uange, '' Uamulukile lizhina liendi Isakale.¹⁹Keho Leya uakele lalo na limo ua sanene munike ua mucitano an umo. ²⁰Leya nguendi, '' Kalunga nanji hana vuana ua cili. Ngeci mu malauange a katumama nange. Njili navana vantu na umo. '' Ua mulukile lizhina liendi Zembulone. ²¹Kunima ya simbu ua semene lalo munile ua mukentu na kumuluka lizhina liendi Ndina.²²Keho Kalunga uasanene Lakele mumana na kumi tolilila. Uanehesa akale nalimo. ²³Ua kele nalimo keho uasemene munike uamumala. Uamule kele nguendi, '' Kalunga nanji nono ncuama, ²⁴'' Uamulukile lizhina liendi Yosefe, lia langunuka, Yehova nanji uezhelelako munike mukuauo uamumala.''²⁵Omuo Lakele na seme Yosefe, Yakomba ua handekele, na Lambane nguendi, '' Njina tume yange, linga njikaye kuimbo liange na kucifuti cange. ²⁶Nji hane vakenu vange na vana vange ava njina kupangela, mba u kanjecela njikaye, Muomu uanazhivuka mulemu njinakupangela na kukuhana.''²⁷Lambane uahandekele nendi, ''Nga ngoco njina uana ngonzhi yakama ku mesho ove, tumamena, muomu njina lilongesa mukupangasa visinganheka nguange Yehova vanji vendhikisha omuo yove. ²⁸Keho uahandekele nguendi, '' Tumbula fueto yove, ange njika kufueta yo.''²⁹Yakomba uahandekele nendi, '' Udhivuka omuo munji nakupangela, Namuo vimuna viove munjina kala navio. ³⁰Muomu uakele nevi viavindende kulutue njiye, na vumo vinalilanesha muakama, Yehova nakuvedhikizile kuoshe kuhuya. Kumu kanji tavesa nange njiye njikapangele njiuo yange?''³¹Ngoco Lambane nguendi,'' Vika njika fueta?'' Yakomba nguendi,'' Kuhuka nji fueta nacimo kuahi. Nga uka nji pangela vuima evi, nji kakunhungila lalo vimuna viove. ³²Nji tavesele kuendangana muvu tanga uove uoshe lelo, njitundile kalainjui vaje vamavala-mavala, naje vamala akuzhina mukati ka injui na vampembe mavala-mavala valikalele. Eyi ikeyo fueto yange.³³Cakeco kuhana cange ciuka njikalelaho nahano, Omuo ukeje mukua kutala kufueto yange. Nkala kucisiuino neci camava-mavala mukati kathi mpembe. Nakuzivala mukati thi Injui, nga ukava uana kuliange, kanjishume uizhi.'' ³⁴Lambene nguendi, ''Njinetava, vipue ngue vene mulijui liove.''³⁵Mulitangua vene Lambane uatepeshele vithamba vaje kuvakeleho na mavala-mavala, na vaje valuhavo vaje na mavala-mavala, Nkala cimo cakele namavala toka muli cekeco, Amba vaje hakuzhivala hakati kainjui, nava ukavahane muma uoko avana uove. ³⁶Lambane nendi ua uahakele vungenzhi uamatangua atatu hakati kendi vavenha Yakomba , Keho Yakomba ua lisile vishupo via matangua a lambane.³⁷Keho Yakomba Uanonene mitango yaviti viaku ntuntula Alama, na mungongo, amba yakatshanelo, nakuvushongo mukunonako vuila na kumintango, keho via uahele nakulelema uino. ³⁸Keho uanona viti viaco uavihaka kulutue lua limba, muhehi namangolo hakunuina, muomu vekulondua nga vanue mema.³⁹Omuo Vililondua oho aviti; Ngoco omuo vialilondue viali semesa vama vala-mavala akutatama, nava vamavala-mavala a vitoma. ⁴⁰Keho Yakomba uatepesele vana njui, keho ava uoshe vamala akuzivala uavaleke kulimba lia Lambane. Keho uatepesele mo vutanga uendi kuali ka liauo kauhakele kumo navutanga ya Lambeni.⁴¹Keho cakele ngoco vinjui vaze vakele nandhili mavutanga ualonduele, keho Yakomba uahakele viti kulutue lua mangola hakunuina mema mu kati kavutanga, ngoco vene valiluendele haviti. ⁴²Vuno honi vimuna vaje vakithimbama, Muomu kaha keleho viti kulutue luavio. Ngoco vaje vakuthimbama uava hanene kuli Lambane, vaje vakeho nandhili vakeuo vakele vaYakomba.⁴³Mumala uafukele muakama, uakele na vutanga uakama. Navakuakumu pangela vavamalanava vava kenu, nava ngamelu amba vindongi.

¹Kunahu Yakomba vovuile kamajui vana va Labani. '' Yakomba ua tambuile vioshe via ishe yavo. Kutunda kuvukama vuava tatana uana vupite voshe. '' ²Yakomba ua muene kutala ca Labani kucihanga cendi. ua mune kukala cendi cina lenguluka ³Kunahu Kalunga ua handekele na Yakomba, '' Hilika ku cifuti cava ka vu ishona vavuthamba vove, Ange njika kala nove.''⁴Yakomba na tumu vaka thane Rachel na Leya kuliha liamuna viendi. ⁵Na kuva leka nguendi, '' Njina mono kukala ca isho yeni na nge cinaluluka, vunoni Kalunga ou ua Tata ali hamo nange. ⁶Mu thivuka nguendi ange njina kale na nandhili yoshemuku pangelaishoyeni.⁷Isho na njikuitha naku lundukila fueto yange thintsimbu likumi, Vunoni Kalunga ka muitha vethele anji vulumune. ⁸Nga aka handeka nguendi, 'Tuthitu vacili vakale fueto yove? kunahu navi mpembe voshe vava ndende ava vana thema, Nga akahandeka nguendi,'' Na mavala mavala vika kala fueto yove; kunahu vimpembe vioshe vana theme vuma vala mavala. ⁹Mungila eyi Kalunga na tambula vimuna vioshe ku vihana kuli yange.¹⁰Hantsimbu yaku livemba vimuna, nja muene munjothi cizamba ca mpembe ua landuele kuva mpanga cizamba ua mpembeua mavala mavala. '' ¹¹Kangelu ua Kalunga ua nji lekele munjothi, Yakomba !' Yange uno.'¹²Ua handekele, Tala mesho yove na kutala vizamba voshe va vimpembe ovo vali kulondua kuva mpanga. Vakele na mavala mavala, muomu njina mono vuima vioshe ovio Labani alikulinga kuli yove. ¹³Ange Kalunga uaku Betel, kuje vaku vuavuethe ugundhi, Oku una lithingi nange. Kunahu katuka na kutha cifuti eci uhiluke ku cifuti cove cacithemua.'''¹⁴Lakele na Leya vamu kumbuluile nguavo, 'Etu kalivimo tuka hingako ku vuima via munjivo ya Tata? ¹⁵Ka tulele le ngue vangendhi? Muomu ua tulandetha, navi mbongo viaco ua mana laya kuvilia. ¹⁶Vaka kufuka voshe Kalunga uava tumbuile kuli Tata na ngeci vali vetu na vana vetu. Ngeci kunahu ovio vioshe Kalunga aku leka una the ku vipanga.''¹⁷Kunahu Yakomba ua kutukile na va vendi na vakentu vendi ua londekele nava ngemule. ¹⁸Ua shingile vimuna kulutue luendi, hamo na vitenga viendi, kumo na vafuko vua uanene mu Paddan Arum. Kunahu ua tuhukile mukuya ku cifuti ca ishe Isaka ku Kanana.¹⁹Omo Labani ua vile mu kukaneha vinzhi vendi, Lakele mu puanjele va Njambi veke vamu njivo ya Ishe. ²⁰Yakomba nendi ua kuithile Labam ua Arameun, mu ka jena kumu leka ngueni ava. ²¹Ua shatukile na viuma vioshe via fukile naku javuka ndonga vuasi-vuasi,na kushungama kumukinia uaku cifuti ca Gilead.²²Mu litangua liamu citatu Laban vuma lekele nguavo Yakomba na teua. ²³Kunahu ua tambuile va vusamba vendi kuya muku kava matangua atanu na avali mungila. Ua ka mukuatelele kututue ua mukinia uamu cifuti ca Gilead.²⁴Kanahu Kalunga Uendhile kuli Laban ua Aramean munjothi kuvutsiki naku muleka nguendi, ''Thangama muka handeka na Yakomba muamungulu keti muaku viha.' ²⁵Laban ua kuatele Yakomba. Kunahu Yakomba ua hatele ci paka cendi ha mukinia ua cifuti ca Gilead.²⁶Labana ua handekele na Yakomba . '' Vika una panga,muka nji kuitha na kuhitula vana vange va vakentu ngue vaka ndhita? ²⁷Muomu lia vika una teuela muvusueke naku jena kunji leka? Nga njina kushika uendi muacili hamo na kuimba naku kuthikila vingoma, na tulialia. ²⁸Ku ua njitavethele njithsembe vatekulu vange na vana vange . Ngeci una panga vuheve.²⁹Njili nandhili muku kumuetha lamba, Vunoni Kalunga vua Isho na handeka nange ku vuthsiki na kuhandeka; Thangama muku handeka na Yakomba muamungulu keti muaku viha; ³⁰Ngeci unayi muonu uana hiluka ku njivo ya Isho. Vunoni muomu lia viaka una puanjela va Njambi vange?''³¹Yakomba uamu kumbuluile naku handeka na Laban. '' Muomu njianieke vana vove mudhili ngeci njina kenja muvisueke. ³²Ou voshe na kupuanja va Njambi vove kakovoka naua kemesho ava vuthamba vove, Tala mua cili nkala eci cove cili kuli yange uci none ko; Muomu Yakomba ka thivukile nguvo Lakele ikeye nava puanje.³³Labani ua kovelele muci paka ca Yakomba, namu cipaka ca Leya, namu cipaka ca vaje vantu vendi vavali va vakentu vunoni kavi uanene mo, Ua tuhukile mu cipaka ca Leyana ku kovela mu cipaka ca Lakele.³⁴Lakele ua tambuile va Njambi veka vamu njivo. Uavi haka kuinthsi ca lithala ca ngamelu, na ku tumama helu liavo. Labani ua thelela mu cipaka coshe, Vunoni kavi uanene. ³⁵Ua kelele Ishe nguendi, '' Keti mukale navukulu muene uange, nguove konjimane kulutue luove muomu ange njili kuathila ,'' Mukemo ua thetelele vunoni ka uanene va Njambi veka vendi.³⁶Yakomba uakele navukalu na kulikuania na Labani, Uamu lekele nguendi.'' Ange vika mulonga uange, via kunji shuma shuma ngeci. ³⁷Muomu una tondo vupite vuange voshe, Viuma vika una uanaovio vioshe una uana via mu njivo yove? Vihake aha kulutue lua vavusamba vetu, linga vatu hise tuva vavali.³⁸Mu miaka likumi na iavali njina kala nove. Vinzhi viove na mpembe viove, kunja vimbatele, nambe nga njilieho cizamba cavi mpembe viove. ³⁹Vaje va lemanene kututhitu kunja ku nehelele vo. Tenga, ange njiva thimbatethe nkala aha uanji fuetethele nkala kathitu ua thimbalele, cikale nambe caku punda mutania nambe vutsiki. ⁴⁰Ku mutania nja uemene litania, ku vutsiki nja kele kuyaya lithika na kuenda naku kotha kuahi.⁴¹Mu miaka oyo likumi na ivali njina kala muimbo liove, Njina kupangela miaka likumi na yiuana ya vana vove vavali va vakentu, na miaka yitanu na umo ya vimuna viove una lulula fueto yange hathinthsimbu likumi, ⁴²Mpano Njambi ua Tata yange, Njambi ua Avilahama na ou yovui lile Isaka liova, Vakele hamo nange, vusunga vene unji tuma njiye mavoko voko. Njambi na mono kayando kange na vati njina pange nandhili, na yendi na kuku payele ku vutsiki vuna hiti.⁴³Labani uamu kumbuluile naku leka Yakomba ,'' Vana va vakentu vana vange, va tekulu nava tekulu vange, na vimuna via vimuna viange. Vioshe ovio umona viange. Vunoni vika nji panga lelo kuli ovio vana vange va vakentu, ndi ku vana vavo aovo va na vembe? ⁴⁴Ngeci tuye tuhake likuatathano, nove nange, na likelio lika vumbangi hakati kove na nge.''⁴⁵Ngeci Yakomba ua nonene livue naku lihaka likate ngue ngundhi. ⁴⁶Yakomba ua handekele nava vusamba vendi, '' Hakeni mavue kumo.'' Mukemo va tambuile mavue aco. ⁴⁷Labani ua yilukile Jegar-SahaDutha, Vunoni Yakomba ua yilikile Galeed.⁴⁸Labani, ua handekele nguendi. '' A mavue anapu vumbangi hakti kange nove kulelo,'' lalo lithina va tumbula Galeed. ⁴⁹Mukemo naua vali tumbula Mizipah, muomu Labani na handeka nguendi, Linga Kalunga atale ha kati kove nange, Omo yetu tuli lingila vukulu umo namu kuavo. ⁵⁰Nga uka yandetha vana vange, ndi nga uka nona nkala mukentu uaku vana vange, nambe nga na umo uahi ali netu, tala Kalunga ikeye mbangi, hakati ketu nove nange.''⁵¹Labani ua handekele na Yakomba nguendi, ''Tala mavue a, naku tala mavue, Oyo onjina hake hakati kove nange. ⁵²A mavue anapu vumbangi, na mavue anapu vumbangi nguange konji ka hiti kulutue lia mavue nove, nove naua kouka hiti kulutue lia mavue na mavue aco kuli yange,linga aka tu vulumuithe. ⁵³Kalunga ua Avilahama, nava Njambi va Nahor, nava Njambi vava Ishe, vaka tuhithe ha kati ketu, Yakomba na lithingi muomu lia liova lia Ishe Isaka.⁵⁴Yakomba uahanene cikombeleyo ku mukinia na kuthana va vuthamba vendi nakule vakulia, Va liele na ku kala vutsiki vuoshe kumukinia. ⁵⁵Ku cimene ca kama Labani ua hindukile, ua thsiemba va tekulu vendi na vana vendi na kuva vethikitha. Kunahu Labani ua tundileko na ku hiluka kuimbo.

¹Yakomba lalo ua ile ku ngila yendi, na tungelo tua Kalunga vali uanene nendi. ²Keho Yakomba omo ua vamuene uahandekele nguendi, Eyiyikeyombunga ya Kalunga; keho ua lukile lizhina lia mu hela uje Mahanaimi.³Keho Yakomba ua tumine tunganda kulutue luendi kuli munaiana Esau ku cifuti ca Seile, Muimbo lia Endome. ⁴Keho uava tumine nguendi; mumu ka handeka na shokuanoko Esau ngueni; Muana handeka ngamba yove Yakomba nguendi; Ange nja kala kuli Laban, kuhiluka kuange nja lilangele noho lelo, ⁵Ange njili navi ngombe, navi ndongi, na matanga, vua zhindungo vavamala, na zhindungo vava kentu, Ange nji tuma mu zhimbukuli yove shukulu, halumo unju viulako ngozhi kumesho ove.'''⁶Keho zhingamba va hilukile kuli Yakomba nguavo, tuaka hetele kuli munanoko Esau, keho lalo yo ueja mu kua kuli uana nove, na vihita vi uana via vamala veja hamo nendi; ⁷''Omo Yakomba uovile liova lia kama-kama ua kele naci njunju. Keho uatepelevantu vaje va kelenavo, na vutanga vua zhinjui, na zhingamelu mu zhimbunga zhivali; ⁸Endi nguendi. ''Nga Esau eja kumbunga imo na kuiluitha, keho mbunga ikuavo ina thalaho ikovoka.⁹Ngoco Yakomba nguendi, A Kalunga ka Tata Avilahama, Kalunga ka Tata Isake, A Yehova, muka ku handeka nange nguendi, Hiluka ku cifuti cove, naku va vushoko vuove, nange njika linga vuino nove; ¹⁰Ange ko njethina mulio kuvi panga viove vioshe, ku litavathano na kuthselela kuove kuoshela kua sho kuje ko ua panga muli ngamba yove. muomu nja kelelika na va ngamba . omonja javakile Yolondau li na mu lamu uange; keho mualolo njina pu muvimbunga vivali.¹¹Njohiele njiana ku lombo, ku livoko laia mukuluntu, uange Esaum ngoco ange njili naliova liendi, Endi ayongolakuinja akunji luithe navaina kumona na vanike. ¹²Nove uahandekele nguove, mua vushunga ange nji ka ku puithaua cili, na ku puitha mbuto yove kuilana ngue musheke uaku mema ali futa mukemuo omo kuilana cauo kova hathele kuutanda.¹³Yakomba ua tulile haje vuthsiki vuje, keho ua tumbuile kuli vaje via kele navio vuana vua ku hana mukuluntu uendi Esau. ¹⁴Vihita vivali via vimpembe, via luhava na makumi avali a vimpembe viavi Zamba, vihita vivali via zhinjui thaluhavo na makumi avali avi Zamba tha zhnjui. ¹⁵Makumi Atatu a zhingamelu zha luhavo hamo na vana vako, makumi auana avi ngombe via vinkadhi na likumi lia vintuli, makumi avali avindongi via luhaov na vana vavovakupua likumi. ¹⁶Keho uavi kundikilekuma voko a zhindungo zheni, Vutanga na vutanga ha lika liavuo, keho ua lekele zhindungo zheni nguendi, javakeni hiteni ku lutue luange, keho hakeni cizhivukitho hakati ka vutangana vutanga.¹⁷Keho ua ghikile uje ntuama lutue ngueni, ouo mukuluntu uange Esau omo muliuana nendi komu muihula nguendi; ove kuli iyaua kundama? kuiko oku ko uya? naveya ovo vali kulutue liove? ¹⁸Ngoco uka handeka nguove, Etu tu va ngamba va Yakomba; vukevuo vuana oua vuana tumu kuli shukulu Esau; keho, tala, ikeye lalo ali na lauja kunima yetu.¹⁹Yakomba ue shikile mbunaga ya mu civali; nei ya mu citatu, nambunga ya shuamene kunina lalo nguendi mukemuo mumuka handeka na Esau omo muka liua na nendi; ²⁰Ngoco mukahandeka ngueni, Tala lalo, ngamba yove Yakomba ali kunima yetu,muomu ikeye ngueni, ngamba yove Yakomba yo ueja kunima yetu. '' Endi ua thinganiekel, nguendi, njika mu zhembeleke na vuana vuje vuya kulutue luange,keho kulutue luange, keho kulutue njikanone cihangacendi; halumo a ka nji tava. ²¹Ngolo vuana vua javukile vua kele kulutue luendi; keho endi uavuania uatumamene vuthsiki vujemu kati ka mbunga.²²Yakomba uahindukile vuthsiki vuje, keho ua tambuile vakentu vendi vavali, na vakentu vava ngamba, na vana vendi likumi na umo, naku javukamuava ua Yamboke. ²³Mungila li uava tumine mu Sinia liandonga, na kutuma vije vioshe via kele navio.²⁴Keho Yakomba uathalele lika liendi, na lila umo uamu luithile noho kuka kua litangua. ²⁵Omo mumala uamuene nguendi konja kuatele livoko liendi ha linunga lionyonga ya Yakomba; Keho linunga lia nyonga ya Yakomba lia thongoniokele, muje mua li uithile nendi. ²⁶Na liala ua handekele nguendi, nje cele njiye, muomu litangua liyongola kukia.'' Yakomba ua handekele nguendi, konji ku cela kuvanga una nji vezhikitha.²⁷Ou liala ua handekele nendi nguendi, lizhina liove lika?'' Yakomba nguend, yange Yakomba.'' ²⁸Keho liala ua handekele nguendi lizhina liove kova ka litumbula lalo Yakomba, vunoni Isaleli. Mukonda unalu na Kalunga na Vantu,keho una nji tuvakana ndzili.²⁹Yakomba ua muihuile nguendi, njiana ku handelela nji leke lizhina liove.'' endi nguendi, vika lalo unanji huila lizhina liange? keho ua mu vezhikithile kuje. ³⁰Keho Yakomba ua lukile lizhina lia muhela uje Peniela; mukonda, nguendi, njina mono Kalunga cihanga na cihangam muomu na niungu muono uange.³¹Ngoco litangua liamukililile omo ua javukile Peniele, keho ua vendukile mu nionga yendi. ³²Ngoco vene vana va Isaleli kove kulia nthsitu ya mu nionga ije yakalaha linungalia nionga, naka lelo; mukonda ua kuatele livoko liendi ha linunga lia nionga ya Yakomba ku nthsitu ya nionga yendi.

¹Yakomba uatalele kuilu keho, Tala, Esau uethile,na vamala vihita vi uana uethile. Yakomba ua tepelevanikekuli Leya,Lakele na kuva kentu vavali vava ndungo. ²Keho ua hakele vakentu vavndungo na vana vavo kulutue, kushuamako Laya na vana vendi, na Lakele na Yosefe ua kumanethela kuvoshe. ³Keho endi vavenia ua yile kulutue liavo ua hakele mavuli endi hansthi vinthimbu viatanu navi vali, noho uahetele muyeni na mukuluntu uendi.⁴Esau ua shatukile aka mu uane, uamu vumbatelele, uamu vumbatelele kutshingo, naku mutshemba,keho va lilile. ⁵Omo Esau uatalele kuilu,ua muene vakentu na vanike. ua handekele, ''Veya ava vantu vali nove?'' Yakomba ua handekele ''Vanike ava vanike ava nahana Njambi na ngothi kuva ndungo veni.''⁶Keho vandungo vava kentu vethile kulutue na vana vavo,keho vahakele mavuli avo hathi. ⁷Kushuamako Leya na vana vendi vethile kulutue keho vahakele mavuli hathi kumanthula Yosefe na Lakele vethile kulutue kumo naku haka mavuli hathi. ⁸Esau uahandekele, '' Vika una tumbula na vimbunga evi vioshe njina uana?'' Yakomba ua handekele, '' muku uana ngothi mumesho a shukulu.''⁹Esau ua handekele,''njili nevi vinauania, mukuluntu uange,haka evi uli naviokuli yove vavenia. ¹⁰Yakomba ua handekele, ''Kuahi,njina kandelela, nga nja uana ngothi mumesho ove, keho tambula nuana ovu muma voko angem muomu vucili, njina mono citanga cove, keho vili ngue kumona cihanga ca Njambi, keho unanji tambula yange. ¹¹Keho tambula vuana vuange, ovu vaku nehelele, muomu Njambi na lingi nange na ngothi, na muomu njili nevi vina pumo. '' keho yakomba uamu thindueyele, na Esau uavi tambuile.¹²Keho Esau ua handekele, '' lingeni tukale mungila njiya kulutue liove. ¹³'' Yakomba uahandekele nendi,'' shukulu iange athivuka nguavo vanike novo vakule, na thinjui na thingombe va niamueca vana vavo. nga vava shinga muakama nambe litangua limo lika, lithitu voshe vathsa. ¹⁴Njina kandelela eceleni shukulu yange aye kulutue lia vandungo vendi vimuna vili kulutue liange, naha ha vendela vanike, nolo njikeja kuli shukulu yange ku Seile.''¹⁵Esau uahandekele, '' Linga njiye kumo nove na vamala vamo vali nabge, '' keho Yakomba ua handekele.'' Muomu vika upangela ngoco? linga njiuane ngothi mumesho a muangana.'' ¹⁶Keho Esau litangua lije mungila iendi yakuluhiluka ku Seile. ¹⁷Yakomba ua yile ku sokote, ualitungilile endi vavenia njivo. na kupanaga vihambo via vimuna viendi, Keho lithina lia muhela likelio Sukote.¹⁸Omo Yakomba ua tundile ku Pandane-Alame,ua kuhetele vuino kulimbo liakama lia Sekeme, via kala mulivu lia kanana. Ua kele oko muyehi na limbo lia kama. ¹⁹Keho ua landele kamuhela kaka ndende oho ua shimbikile mbalaka iendi yakuli vana va Hamole, Ishe ya Sekeme, na cihita cavi kethita via vimbongo. ²⁰Keho kuje vaha kele mutulo keho vau thanene EL-Elohe-Isaleli.

¹Keho Ndina ,muna Leya na Yakomba, uaile kuka li uana na vana vavakentu vamu cifuti. ²Keho Sekeme muna Hamole na Hiveu, muna mueno ua liala vamu cifuti cije, uamu muene. uamu tambuile uandande nendi, nakumushahuitha. ³Ikeye mutima uendi uauhakele muli Ndina, muna Yakomba. ua yonguele muna mpuevo keho ua mu kuaniethele muamungulu.⁴Sekeme ua handekele naishe Hamole, nguendi, ''Njihuelenikoou muna mukentu apue mukentu uange. ⁵''Keho Yakomba uovuile nguendi munendi Ndina vana mu vihitha. Vana vendi vava mala vakale navimuna mulihia, Keho Yakoma ua kaniama kamane kuva kedhilile.⁶Hamole ishe ya Sekeme uaile kuli Yakomba uaka handeka nendi. ⁷Vana va Yakomba vavamala vedhile kutunda mulihia muva viuvuile. Vamala va vavalethele vimbunga viavo. vakele navukalu muakama muomu ua shauthuile Isaleli mukundanda na muna Yakomba, muomu cuma oco ngakacathele kucipanga.⁸Hamole ua kuaniene navo nguendi, ''Munange Sekeme a yongola muneni. Njina kandelela muhaneniou apue mukentu uandi. ⁹Tuliambateleni, tuhaneni vana veni vavakebtu,neni mutambule vana vetu va vavakentu. ¹⁰Mukatunga netu,keho livu lika mi shokolokela kutungamo nakulandethela mo, na kufukila mo.''¹¹Sekemeua handekele na ishe nava munaina va Ndina nguendi, ''Njuvuileni ko ngodhi, navioshe vimu kanjileka njika mi hana. ¹²Njihuleni vionda via vingi-vingi na vuana vuavingi ngue mumuvi yonguela, ange njimihana vioshe vimunjileka, vuno honi njihaneni muna mukentu apue mukentu uange, '' ¹³Vana va Yakomba vavamala va tavako kuli Sekeme na ishe Hamole mukuvakuitha muomu Sekeme ua shauithile ndakadhi yavo Ndina.¹⁴Va handekele navo nguavo,'' Kuuatha kupanga cuima eci, kuhana ndakadhi yetu kunkala uoshe uva jeneka kulovala; muomu vikatu koletha shuama. ¹⁵Etu kuliuva neni ni mpano hacuma cimo lika; Ambe va mi lovola ngue yetue, amba nklamumala mukati keni vamulovala. ¹⁶Keho tukamihana munetu, netu lalo tuka li tambuila vana veni vavakentu,keho tukatunga neni na kupua vantu vamo lika. ¹⁷Vunohoni ambe kumutuvu linga vami lovole, etu keho tuka tambula ndokadhi yetu tukaya.''¹⁸Majui ava ajanguilithile Hamole namona Sekeme. ¹⁹Muna liala ka hitithile nthimbu kupanga viva handekele, muomu ua hakele muakama kumbunge muna Yakomba uamukenntu, keho lalo muomu yakeye yuva thingimikile muakama munjivo ya ishe.²⁰Hamole namu nendi Sekeme vaile ku cikolo ca limbo liava naku handeka navamala va mulimbo liavo,nguavo, ²¹''Vamala ava vali na civova netu, keho tuva tavetheleni va tunge mucifuti cetu na kukapangelamo yoshe ndando yavo, muomu cili, cifuti cakama navo vahathe kutungamo. Tu tambuleni vana vava kentu vapue vakentu vetu, navo lalo yuvahane vana vetu.²²Mpamo mungila imo lika vakatava vamala kutunga netu na kupua tuvantu vamolika; Ambe nkala mumala muli yetu vamulova,ngue muva va lovala vakevo. ²³Nkuma vuima viavo na vitenga viavo-tuthitu tuavo tuoshe kuvika pu vietu? Keho tuliuvueni navo, linga va tunge mukati ketu.''²⁴Vamala voshe vamuimbo vatolilile va Hamole na Sekeme, mona. Nkala liala vamu lovuele. ²⁵Ha litangua liamu citatu, avo oho te nolo vali mukuvavala, vavali va hali vana va Yakomba [Simione na Levi, va ndualume va Ndina], Nkala uoshe ua tambuilemuele uendi keho va kaluithile limbo eli lia kele nava ka kuli nuinga,keho va thsihile vamala voshe. ²⁶Va thsihile Hamole na munendi Sekeme na na muele. Vatambuile Ndina vamutunditha kunjivo ya Sekeme vaya nendi.²⁷Vana va Yakomba vakuavo vendhile kuvi mbi na kuluitha limbo nakutambula mo vitenga via mulio,muomu va shauithile ndokadhi yavo. ²⁸Va tambuile vutanga vua vinjui, vutanga vua dhingombe, vindongi viavo, na uioshe via mulimbo na muhia ahamuyehi nalimbo na vufuko vioshe. ²⁹Vana vavo voshe na vakentu vavo voshe va vakuatele. Vakatambuile na vuima vioshe via kele muvinjivo.³⁰Yakomba uahandekele na Simione na Levi nguendi, '' Munanji nehela vitanga, mukunjilingithavakanjindhindaantu ua mucifuti cino, vaka Kanana na vaPelez. Etuco tuva vandende mukutu tanda. Amba vali kunguiya kumo vanjiluithe, vanji dhimitha, nange na njivo yange.'' ³¹Vuno honi Simione na Levi nguavo, '' Ngoco honi Sekeme nga ka pangethashongo yetu ngue cikuindhi ndi?''

¹Kalunga ua lekele Yakomba. ''Katuka, uye ku Mbetele, uka kaleko, nakutunga mutula ua Kalunga, uje uali jomboluele kuli yove moua teuele munanoko Esau. ²''Keho uahandekele na vaka limbo liendi na voshe muva kelekele kumo, Tunditheni tulungav vavo mukati keni, Liyeletheni naku dhala vudhalo viaku toka, ³Keho tukatukeni tuye ku Mbetele. njika tungile Kalunga mutula. Uje uandji kuathele hama tanga atuyando tuange, '' uje uakele hamo kuoshe kuje kunjayile.''⁴Ngoco vahanene Yakomba vioshe vi tutunga viavo vaje viova kele navio mumavoko avo, navilingua vije viva kele navio kamatui, Yakoma ua vishitikile muinthi lia citi cije kakele muhiehi Sekeme. ⁵Muva ile Kalunga ua nehethele liova lia uililile m limbo liakama lije liakele muhiehi navo, keho vantu vaje kova Shuamangeyele vana vaYakomba.⁶Ngoco Yakomba uahetele ku Luze( ikeyo, Mbetele), yije yakele mulivu lia Kanana, endi na vantu voshe vakele nendi. ⁷Uatungile mutala kumuhela uje na ku uluka EL-Mbetele, ngoco Kalunga uali jomboluele kuli ikeye, mukonda ua tevele kuli munaina. ⁸Ndevola, nkuathi ya Lembeka uathsile, vamu shitikile kuci mbolongana dia Mbetele muithi lia citi cavushuka, eci vacitumbuile Allone-Mbakute.⁹Keho Yakomba uatundile ku Pandane-Alame, Kalunga uali jomboluelekuli ikeye lalo naku muvuavuetha. ¹⁰Shuku uamu lekele nguendi, ''Lidhina liove yove Yakomba, vunoni lidhina liove koli kakala luhua Yakomba vaka kutumbula Isaleli. '' keho Kalunga ua muthanene Isaleli.¹¹Kalunga uamu lekele nguendi,'' Yange Kalunga uakama. Muli yove muka tunda mishovo vavingi vika lilanetha. Mushovo na mishovo vamu cifuti vika tundilila kuli yove, Nadhimiene dhose dhiks tundilila mukati kove nkata yeni. ¹²Njika kuhana cifuti cije condja hanene kuli Avilahama na Isake, ndji ka kuhanaco yove. nadhi ntekuluila dhove njika vahana cifuti kunima yove.'' ¹³Kalunga uanthile uayile kumuhela kuje kova kele kuhandekela nendi.¹⁴Yakomba uahakele ngudhi mumu hela uje ka handekelelenendi Kalunga, ngundhi ya livue. Ua shuuililoho cikombelo cakunua na madhi. ¹⁵Keho Yakomba ua lukile ua lukile lidhina muhela uje uova hankelele nendi na Shuku Mbetele.¹⁶Muvungendhi vuendi kutunda ku mbetele te vali hale na Efalata Lakele ua fulukile, ua vavalele muakama. ¹⁷Endi tee noku ali vene mukuvavala kua kama,uje cifunguidhi ua handekele nendi. ''Keti ukale na liova, ngeci u vana mbututu ya dualume. ¹⁸Nokutele Lakele ali mukuthsa, ua tutumuithile mbunga yendi muku huima. Ua lukile munendi lizhina Mben-ono, vunoni yishe ua mulukile Mbenjamini, ¹⁹Lakele uathsile vamu shitikile kumu kulo uangila ya Efalate ( ikeyo vene Mbetelema). ²⁰Yakomba uahetele ngundhi ha mbumbo. Chivuluitho ca mbumbo ya Lakele kuli tangua eli.²¹Yakomba ua javukile kuje uaka shimbikile mbalaka yendi ku nkandela ua kapashi ka Endele. ²²Isaleli tele noku kanda yili mucifuti cije, Luvene ua ndandele na Mbileha mukentu ua Ishe, na Isaleli ua viuvuile, Keho Yakomba ua kele natu keke likumi nava vali.²³Munendi ua ndualume ua hali Leya ikeye Luvene, na mbel ya Yakomba, na Simione, Na Levi, na Yandu, na Isake, na Zembulone. ²⁴Munendi hali Lakele Yosfe, Mbenjamini. ²⁵Vana vendi vaha hali Mbilema ngamba ya ndungo ya Lakele Ndane, na Nafutili.²⁶Vana va Zilipa ngamba ya ndungo ya Leya ngande, na Asele ava vakevo vana vavamala vaYakomba va themene ku Nandame-Alame. ²⁷Yakomba uedhile kuli ishe, Isake, ku Mamela ku kuliate-alave (kanda ikeye lalo Hevelone). Kukeko kova tungile va Avilahama na Isake.²⁸Isake uovokele miaka cihita na makumi atatu na atanu. ²⁹Isake uatulile mundhindhimue uathsile, mukonda vamu vandakanene kuva nkaka yavo, nendi tee oku nakulupa. Vana vendi va Esau na Yakomba vamu shitikile.

¹Ava vakevo vaka limo Esau( Vamuthana lalo Endome). ²Esau ua tumbuile vakentu vaku Kanana, ava vakevo vakentu vendi; Anda muna Elone ka Hiteu ; Ohilivama muna Ana, mutekulu ua mukentu ua Ziveone ka Heveu; ³Na Mbasemate,muna Isamael ua mukentu, mukuenje ua Neyavot ua mukentu.⁴Anda ua themene Elifaze kuli Esau, na Mbasemathe ua themene Leuele. ⁵Oholivama ua themene Yeuse, Yalame, na Kola. Ava vakevo vana va Esau vavamala vava themene kuli ikeye kumuhela ua Kanana.⁶Esaua ua tumbuile vakentu vendi, vana vendi vava mala, vana vendi vava kentu, na vantu voshe vakle muimo liendi, vimuna viendi tuthitu tuendi tuoshe, na viuma vioshe evi ua fukile, evi via kunguiyile Livu lia Kanana,keho uayile hale kutunda kuli munaina Yakomba. ⁷Ua vipangele evi muomu vufuko vuavo vua kele vua vuingi kuatha kuahi vakale hamo. Kumuhela kuje vatungile kuviathele kuva kuatetha muomu lia vufuo vuavo. ⁸Keho Esau, ou vathuvukile nguavo Endome, uatungile muvi ndundu via cifuti ca Seile.⁹Ava vakevo vaka limo lia Esau, vashukulu yava Endomeu mucifuti ca vindundu ca Seile. ¹⁰A a akeo akele mathina aa vana va Esau vavamala; Elifaze muna Anda ua mumala,mukentu ua Esau; Leuele muna Mbasemate ua mumala, mukentu ua Esau. ¹¹Vana va Elifaze vakele Temane, Omale, Zefo, Ngetame na Kenaze. ¹²Timena, mukentu ua cihaleko ua Elifaze, muna Esau ua mumala, ua themene Amaleke. Ava vakevo vatekulu va Anda vavamala, mukentu ua Esau.¹³Ava vakevo vakele vana va Leuele vavamala; Nahate, Zela, Sama, Na Miza. Ava vakevo vatekulu va Mbasemate vavamala,mukentu ua Esau. ¹⁴Ava vakevo vana va Oholivama vavamala,mukentu ua Esau, ou uakele muna Ana ua mukentu na mutekulu ua Ziveone. Ua themukile kuli Esau Yeuse, Yalame na Kola.¹⁵Ava vakevo vakele vamo va mushovo ua Kulimo lia Esau; Vakalimo lia Elifaze;Mbeli ya Esau; Temane, Omale, Zefa, Kenaze. ¹⁶Kola, Ngatame na Amaleke. Ava vakevo vaka mushovo ua limo lia Elifaze kumuhela ua Endome. Vakevo vatekulu va Anda.¹⁷Ava vakevo vakele vaka mushovo ua Leuele,muna Esau ua mumala; Nahate, Zela, Sama, Miza. ¹⁸Ava vakevo vaka mushovo ua limo lia Leuele mumuhela ua Endome. Vakele vatekulu va Mbasemate vava mala, mukentu ua Esau. Ava vakevo vaka mushovo ua Ohilivama, Mukentu ua Esau; Yeusa, Yalame, Kola. Ava vakevo vaka mushovo ua limo lia mukentu ua Esau Ohilivame, muna Ana ua Mukentu. ¹⁹Ava vakevo vana va Esau vavamala (Ava vava thivukile nguavo Endome), Na ava vakevo vimiene viavo.²⁰Ava vakevo vana va Seile ka Holeu, vandambo va cifuti; Lotane, Sovate, Zeveone, na Ana. ²¹Ndisone, Ezele, Ndisane. Ava vakevo vakavushoko vua Holeu, vaka vundambo via Seile mucifuti ca Endome. ²²Vana va Lotane vavamala vakele Holi na Hemale, na Timena ua kele mukuenje ua Lotane.²³Ava vakevo vana va Sovale; Alevane, Manahate, Evale, Sefo na Oname. ²⁴Ava vakevo Ziveone; Aya na Ana. Ou ikeye Ana ou ua uanene muta ua kuhianguka mumu thenge, Omo uaku lithile vi ndongi via Ziveone Ishe.²⁵Ava vakevo vana va Ana; Ndisone na Ohilivama, muna Ana ua mukentu. ²⁶Ava vakevo vana va Ndisone vavamala; Hemendane, Esevane, Itelane na Kelane. ²⁷Ava vakevo vana va Ezele vavamala; Mbilehane, Zavane na Akan. ²⁸Ava vakevo vana va Ndisone vavamala ; Uze na Alane.²⁹Ava vakevo vaka vushoko vua Holeu; Lotane, Sovale, Zeveone na Ana. ³⁰Ndisone, Ezele, Ndisane; Ava vakevo vaka vushoko vua Holeu, Kushuama omo vali Shuama muvushoko vuavo mucifuti ca Seile.³¹Ava vakevo vimiene vathikile mucifuti ca Endone kulutue nkala vimiene vathikile vana va Isaleli. ³²Mbela muna mbeole ua mumala,ua thikile Endome, na lithina lia limbo liendi liakama lia kele Ndinehava. ³³Omo Mbela ua tshile, keho Yovane muna Mbozela ua mumala, ua thikile mucifuti cendi.³⁴Omo ua thsile Yovane, Husame ou uakele ua kucifuti ca Temanita, ua thikile mu cifuti cendi. ³⁵Omo Husame ua thsile, keho Handande muna Mbendande ua mumala ou ua tuvakanene va mindiane mucifuti ca Moave, ua thikile mucifuti. Lithina lia limbo lia kama lia kele Avite. ³⁶Omo Handande ua thsile, keho Samela ua ku Maseleke ua thikile mu muhela uendi.³⁷Keho omo Semela uathsile, keho Saulu ua ku Lehovote ia ndonga ua thikile. ³⁸Omo Saulu ua thsile, Mbale-hanane muna Akevoi ua mumala ua thikile mucifuti. ³⁹Omo Mbele-hanane muna Akevle, uathsile, Keho Handale ua thikile mucifuti cendi. Lithina lia mukentu uendi lia kele Pau. Muna Matelende ua mukentu, mutekulu ua Me-zehave.⁴⁰Aa akeuo akele mathina ava vantu vakama muvushoko vakalimo lia Esau, kushuama kuma vushoko vavo na kuvifuti viavo, mathina avo ; Timena, Aleva, Yetete, ⁴¹Ohilivama, Ela, Pinone, ⁴²Kenaze, Temane, Mivezale, ⁴³Mangendiele, Ilame. Ava vakevo vakele vakuluntu va mushovo ia Endome, kushuama kutungithi iva tungile mulivu liva fukile. Ou uakele Esau, Ishe yava Endomeu.

¹Yakomba uakele ku livu lia tungile ishe,mufuti ca Kanana. ²Evi vikevio via tiama Yakomba, Josefe, uakele liala uamunike na likumi na itanu na ivali miaka, ualitha vimuna hamo nava munaina. Ua kele na vana vavamala va Bilhah na vana vava mala va Zilipa, vakentu va ishe yavo. Yosefe muthimbu uavo uaku vihia.³Mukemo Isaleli ua yonguele Yosefe kuhiana vana vendi vava mala voshe muomu munendi ua vanene muva kuluntu, uamu pangelele cikoveyo cacili. ⁴Vamu naina mova vi mune Ishe yavo uayonguele ku hita vakevo ndi vamu naina voshe. Vamu thindile kova handekele nendi lalo mua cili.⁵Yosefe alota djothi aleka djothi yaco vamu naina, vamu ndjinaile mua kama. ⁶Ua va lekele,'' shukulu kambu tolilileni ndjothi yonji na loto.⁷Tala, tua kutile vishua viamasha mulihia keho tala, cishua cange cakatu kile kuimana, Tala, vishua vieni via thenge lekele, cishuo cange naku ci unju manena.'' ⁸Vamu naina vamu lekele.'' Uthetela utulonde hamitue? Uyongola utu tamine?'' vamuthindile muakama omo lia ndjothi navi panga viendi.⁹Ua lotele ndjothi yikuavo keho uayi lekele vamu naina. Ua handekele, Tala, Ange njina loto lalo ndjothi yikuavo; Litangua na ngonde na vi ntanga ntanga nayimo via njiyunju manenene.'' ¹⁰Ua lekele Ishe ngeci muomu ua lekele vakuluntu vendi, Ishe ua mu via nena. Uamu lekele, ndjothi mukaa una loto? ove uyongola vanoko, nange isho nava mu nanoko tukuthsika mene hanthi?'' ¹¹Vamunaiana vamu muilile lifu ua, vuno Ishe ua uatulika vitanga na mana.¹²Vamu naina mokemo vaile vaka lise vutunga vua vimuna via ishe yavo ku Shechem. ¹³Isaleli Ua handekele na Yosefe, '' Keti vamuna noko va litha vutunga Shechem?'' yinja, njaku ku tume ko ndi'' yinja uaku yeko.'' Yosefe nguendi, ''Esau.'' ¹⁴Ua handekele nguendi, '' ya hani, katale nga vali mua cili navimuna nga vili vuino uaku nji leke,'' mokemo Yakomba ua tuma atuhuke kumu lamba ua Hebron, na Yosefe uayile ku Shechem.¹⁵Liala uaye ua uanene Yosefe, Tala, Yosefe ua komo kle muli hia. Keho liala ua muihuile, '' Vika uthetela?'' ¹⁶Yosefe nguendi,'' Njithetela vamu naina. Nji leke, shukulu kambu, kuiko kova lithila vutanga.'' ¹⁷Liala nguendi,'' Vana tunduko kuno kumuhela, njina vovu va handeka, Tuyeni ku Dothani,'' Yosefe ua shikuile vamu naina uaku va uanene Dothane.¹⁸Vamu muene kua hale,kulutue, ashuame muhehi navo, mokemo va tumbuile vutumbe kumuthsiha. ¹⁹Vamu naina vali handekethele umo namukuavo, Tala, iye ndjothi ina hete. ²⁰Injeni honi keho hani, Tumu thsiheni tumu mbile mucina, tuka handeka,kathitu uamu muthenge namu mini,' Tutale vika vi yomboloka ku ndhothi yendi.''²¹Reuben ua muvuile naku muohiela kuma vokoavo, nguendi, '' Keti tumu none muono,'' ²²Reuben uahandekele navo; Maninga ahiambumuka, tu mu mbileni mucina eci muno mundinda, naumo uahi akambeke livo hali yendi-ciye ca kele kumu popelakuma voko avo linga amuhiluithe kuli Ishe.²³Via kele ngeci mua hetele Yosefe kuli vamu naina, vamu shuluile cikovelo cendi. ²⁴Vamu tambula vamumbila mu cina.mu cina viahi via kelemo na mema kakelemo.²⁵Vatuma mene valie mbolo. Vahetukile vatale. na, Tala, va Ishmaelites vaku Gilead, vana lishuama vo venja, nadhi ngamelu dhavo na mukele uaku tovana Mbalasamo na Mirra. Venda nganene vava tuale ku Egypt. ²⁶Yunda ua handekele nava mu naina, '' Vika tuka uanamo imba tuthsiha mukuenje uetu navika vika fuika maninga endi?²⁷Yinjeni, tuma landatheni kuliva Ishmalites linga keti tumu kambeke livoko. Muomu mu kuenje uetu, muene-muene mukuluntu uendi amu tolilila. ²⁸Vaka Midianite vaka kulanda nakulandesa vahitileho. Vamu naina vamu thothelemo Yosefe hakeho vamu Kakui lemo mu cina. Va landesele Yosefe kuva Ishmaelites makumi avali avi shilinga. Va Ishmaelites vatualele Yosefe ku Egypt.²⁹Reuben ua hilu kile ku cina, keho, Tala, Yosefe kakele mu cina, Atavula vithala viendi. ³⁰A hiluka kuli vamu naina handeka nguendi, ''mu kuenje ua himo muye! Ange, kuiko njiya?³¹Vathsiha mpembe keho vanoana cokoveyo ca Yosefe va ci mbuitika mumaninga. ³²Vaci neha kuli ishe yavo nguavo,''Tuna uana evi. Shukulu kambu tala hamo civeyo camu nove ndi keti cikeco.'' ³³Yakomba uacili thivukile uahandekele nguendi, '' cikeco camu nange ua liala. Kathitu uamu muthenge namu mini. Yosefe vana mu tetanga.''³⁴Yakomba ua tavula cikovelo cendi mokemo ua thalekel cikeleyamkumu vila vendi. Mokemo ualililemona ua liala matangua aengi. ³⁵Vana vendi vavamala nava vava kentu vaku mu thembeleke, vuno hani ua vianene ku thembeleka. ³⁶Va Midianites vamu landethele ku Egypt kuli Potiphar, ku seketa ya Pharaoh, mukuluntu ua vaka kunuinga.

¹Cakele ngeci kuthimbu ije Yunda omo muathile vamunaina uakele na umo ka Andulameu, Lizhina liendi Hala. ²Endi uakuanieneko muna mukentu muna ua mumala umo muka Kanana lizhina liendi Shua. Endi uamutambuile uakovelele kuli ikeye.³Endi uakele nalimo uathemene muna liala. Endi uamulukile El. ⁴Endi uakele nalimo lalo uakelena na muna mumala endi uamulukile lizhina liendi Onana. ⁵Endi lalo uakele na muna mumala uamu lukile lizhina liendi Shelaha. Ngoco tevali ku zhive mua muthemene.⁶Yunda ua uanene munendi El mukentu, munendi ua mbeli. Lizhina liendi Tamale. ⁷El mbeli ya Yunda, uakele ua kuviha kumesho a Yehova, Yehova ua mutzihile.⁸Yunda uahandekele na Onana, ''Yauye kumukentu ua munanoko. Panga nendi kapaundi kavu nyali, na kuhinduila munanoko munike. ⁹'' Onana uezhivile nguendi munike kakapu uendi. Endi hoshe haila ku mukentu ua munaina, ua cukumuinine vana muliva linga keci akale na munike ua munaina. ¹⁰Ovio vialingile viakele viakuviha kumesho a Yehova. Yehova ua mutzihile lalo.¹¹Keho honi Yunda uahandekele na Tamale, vaina mueno, '' Kala ntulune mundjivo ya isho noho shelela, munange ualiala, na Kulu. '' Muomu endi uovuile lova, ;; Endi hamo akatza lalo, ngeci muatza munaina.'' Tamale uamuthile uakele na kunjivo ya ishe.¹²Munima yathimbu yalaho, muna Shua, mukentu ua Yunda uatzile. Yunda ualizhembelekele uaile ku timana kuli va kakuteula vinjui viendi, ikeye na muthamba uendi Halaha ka Andulameu. ¹³Valekele Tamale, ''Tala, vaishomueno vayaku imana vakateula vinjui viavo.'' ¹⁴Endi uavutuile uthala viavuntuluve vuendi ualifuikile endi vavenia na ntanga yendi ualipalekele endi vavenia. Endi uatumamene kucikolo ca Enaine, likeco cakala kungila ya kuya kuTimena, Muomu uamue nguendi Shelaha nakulu vunohoni kavamuhanene kuli ikeye akale mukuntu.¹⁵Yunda muamu muene uathi nganiekele nguendi, endi cikuizhi, mukonda endi ua lifuikile ntanga kucihanga cendi. ¹⁶Endi uaile nendi mungila ua handekele nguendi. ''Ija, Shukulukambu njitave njikothe nove- muomu endi kathivukile nguendi vaina-mueno-Endi honi nguendi, vika unji hana linga ukothe nange?''¹⁷Endi nguendi,'' njika kutumitha muna mpembe kutunda kuvutanga.''Endi nguendi, ''anji hanako mukili linga tuangua uka itume? ¹⁸''Mukilili uka ndjatha kukuhana? ndi uamutava, muncele uove na mukole na mulamu uli mulivoko liove.' Endi uamu hanenevio uaile uakakothele nendi, endi uakele na limo liakuli yendi.¹⁹Endi uahindukile na uaile. Endi uavutuile ntanga yendi uazhalelena vizhala viendi via vuntulune. ²⁰Yunda uatumithile muna mpembe kuli muethamba uendi ka Andulameu linga aka mutambuiele vilinge viendi kulivoko lia mukentu, vunohoni endi kaka mu uanene.²¹Keho honi ka Andulameu uehuile vamala vaha muhela uje, '' kuiko ali au ciukuizhi uakama uoku ngila ya Enaime? kukuakele, cikuizhi ua kama kuino. ²²'' Endi uahilukile kuli Yunda nguendi, kunja kamuauanene. umba lalo vamala vakamuhela uaco nguavo.'' kuno kukuakele cikuizhi uakama. ²³''Yunda nguendi, ''muecele avilenguele, linga etu keci vitushauithe. kuma, Ange nja tumine muna mpembe, vuno honi ove ku uaka muhanene.''²⁴Evi viezhile munima yavi ngonde vitatu vavilekethele Yunda, '' Vanoko mueno Tamale vana lingi vukuizhi, endi na kuma, naua limo. ''Yunda nguendi, muneheni kuno tuaku muthzimike.'' ²⁵Omu muva munehele endi uatumine muthimbu kuli vaishemueno, ''ku mumalaou kunjauana evi kukuoku njatambulalimo. ''Endi nguendi, '' shukulukambu vino ngononeni vieya, muncelena mukolena mulamu. ²⁶''Yunda uavi nongo nuene nguendi, '' Endi ali muvucili kutuva ange, Ange, kunja muhanene akale mukentu uamu nange, Shla.'' Endi kakothele lalo nendi.²⁷Keho vialingile ngeci kuthimbu yendi yakuthema, Taleni, vampasha vakele muimo liendi. ²⁸Viakele ngeci muahetele hakuthema umo ua tuhuithile livoko, muka kusulumuitha uatambuilemukole ua kuvenga ua mukutile kulivoko nguendi, ou uali vangele kuluhuluka.²⁹Vuno honi endi uahiluithile livoko liendi, keho, taleni, mukuendje uendi ualivangele kutuhuka. Mukuaku sulumuitha nguendi, ''Vika unapokokele !Ngoco vamulukile Peleze. ³⁰Amba honi uatukukile munaina,ou ua kele namukole ua kuvenga kuli voko liendi, endico vamulukile Zelaha.

¹Keho Yosefe vamutuale ku Ingito keho Poti jale muene umo uakuli Falao. Kapitauua vamu nuinga mukua ingito, uamu landele ku lovoko liava Ismaelite, Ku vaye vamu tualele kuye; ²Keho Yehova uakele na Yosefe keho uakele yalaua kuvethika,keho ua kele munjivo ya shokua ina mukua Ingito.³Keho sukua ina ua muene ngeci ye Yehova uakele nendi; keho ngaciye Yehova uauanene vivezhikisile vioshe via lingile. ⁴Keho Yosefe ua uanene kavumbu kumesho endi, keho uamu pangelele; na ikeye uamu puisile tuama ya njivo yendi na vioshe via kele navio uavi kundikile kulivoko liendi.⁵Keho kutanda kuthimbu yovana mu puisa Tuama ya njivo yendi naku vioshe viakele na vio Yehova uavezhikisile njivo ya mukua Ingito omo Yosefe na civezhikiso ca Yehova cakele ku vioshe via kele navio mu njivo na mumehia. ⁶Potijarao uasile vioshe via kele navio mu livoko lia Yosefe; Keho kathivukile makama kamo kahi, kaviye via kele navio,ku vanga mbolo, iye lika ya lilena Yosefe ua viukile uaku lelema.⁷keho kuniama yevi cakale ngeciye mukentu uashokuaina uatalele Yosefe na mesho endi; Keho nguendi kosa nange. ⁸Vunoni Ikeye ua vianene, kuhandeka na mukentu uashokuaina nguendi, Tala shukulu ka thivuka evi vinji li navio munjivo, keho nakundika vioshe ali navio mulivoko liange; ⁹Munjivo eyi ikeye ka njituvakane ange; cipue kanji ku ndikile na cimo cahi kuvanga yove, muomu u mukentu uendi. Umba, vati njika hasa kulinga vuvi vuakama ngauye na kuvulumuna kuli Ndjambi?''¹⁰Keho cakale ngeci ye omo ua handekele na Yosefe kulita ngua ku litangua ikeye kamutolilile kukosa nendi cakele ku tumama nendi; ¹¹Keho ngueku ntsimbu eyi Cakele ngeciye ikeye uaku velele mu njivo mu panga vipanga viendi keho na umo uahi uavana lana njivo ua kelemo. ¹²Keho Ikeye uamu kuatele kucikovelo; nguendi kosa nange; keho ikeye uasile likovelo cendi mulivoko liendi nakumutue uatuhukile;¹³Keho cakele ngueciye omo ua muene ngeciye na thile cikovelo ceni muli voko ua Puikile hanjai. ¹⁴Uatabakanene vamala va njivo yend naku handeka navo nguendi tenuna yu nehelamo haHevelu alinakutu thsopana kovele kuli ange mu kukosa nange keho nja tambakanene muakama; ¹⁵Keho ca kele ngeciye omo uavuile ngeciye nja tendekele muakam naku tendeka uathile vuthalovue ndi mulivoko liange; mukemuo na tua nathuhu ka hanja.¹⁶Keho uahakele vuthao kuli liendi noho shokua ina uethile; ¹⁷Keho uahandekele nendi ngue ku majuaa nguendi uye ngamba ka Hevelu iu natunehela ua kovelele kuliange na kuthsopa; ¹⁸Keho ca kele ngueciye omo nja tendekele na lijui liange naku tambeka uathile vithila lueni kuli ange naku puika ateuele hanja;¹⁹Keho cakele ngeciye omo shokua ina uavuile majui, amukentu uendi aa handekele nendi nguendi; mukemuo muana lingi ngamba yove nange,keho ua handukile muakama. ²⁰Keho shokua Ina ya Yosefe uamukuatele na kumu shokamuka menga; muye muva patelele vakami longa ; vamuene kehouakele mukamenga.²¹Vunoni Yehova uakele na Yosefe nakumu muetha ngozhi na kumuetha kavundi kumesho amukaku nuinga kamenga. ²²Keho mukuakunuinga kamenga ua kundikile kulivoko lia Yosefe vakua milonga voshe vakele mu kamenga na voshe via pangele muye. Ikeye uakele mukua ku livanga. ²³Mukua ka nuinga kamenga kakalele na cimo cahi cakele kulivoko liendi muomu Yehova ua kele nendi na viye via lingile Yehova ua vivezhikisile.

¹Vie zhile kuli vikevio kunima ya vuima evi, mukua ku makela via kulia via muene ua Ingito na muka kuoca mboloto yendi, va koshele mbunge ya shokua-ina yavo muene ua Ingito. ²Falao ua kele nauakalu kuva kuluntu vavi ngamba vendi, mukuluntu ua vaka kumu makelela viakulia, amba na mukuluntu ua vaka kuoca mboloto. ³Ua va shokele mukamenga munjivo ya Kapitau ua vaka kunuinga, muka menga kazhe kava pandekele Yosefe.⁴Kapitau ua vaka kunuinga uva kundikile kuli Yosefe, na Yosefe uava kuathele. Vakele mo nthimbu muka menga. ⁵Voshe vavali valotele vilota-muka ku makela via kulia na muka kuoca mboloto ua muene ua Ingito uava pandekele muka menga-muntu ku muntu ua lotele cilota cendi manthsiki aje vene, amba lalo nkala cilota ca kele nama tuatululo aco.⁶Yosefa uezhile kuli vakevo cimene keho uava muene. Taleni, vakele na vu thuia. ⁷Ue huile va kuluntu vava ngamba va Falao vaje va kele nendi mukamenga munzhivo ya muene uendi,nguendi,'' vika muna kela mavu thiua lelo? '' ⁸Vamu lekele nguavo, '' muntu kumuntu naloto vilota viendi, amba lalo hakati ketu tuva voshe uahi atha ku tuatulula vilota viendi. '' Yosefauave huile nguendi, '' nkuma matuatululo keci a kundama kuli Kalunga Tata? njilekeni, njina milomba.''⁹Mukuluntu uva kaku mukela via kulia ua lekele cilotacendi Yosefa. Uamu lekele nguendi,'' mu cilota cange, tala, citi ca vinui cina kele kulutue luange. ¹⁰Mu citi caco muna kala mintango itatu. Omuo muva manene ku haka mintango oyo iatatu mu citi caco ya shokolokela amba yatu huile ntshani na manjembele aco ahile. ¹¹Nganja ya Falao yakele muli voko liange, nja tambula manjembele nja a ku muina mu nganja ya Falao, yije ya kele muli voko liendi.¹²Yosefa uahandekele nendi nguendi, ''Eci cekeco kulangunuka ca co. Ije mintango itatu ikeyo yitumbala matangua atatu. ¹³Muma tangua atatu Falao uka jelula mutue naku la hithuila vipanga viove. uka haka nganja yendi muli voko liendi,ngue vene muje mu au kele muka ku makela via kulia viendi.¹⁴Vunu honi,kanje vuluke omuo vika kala uino nove, kunji vuluke naku njilekesha ngazhi. Katumbule lizhina liange ku Falao nakua kunji nonamo mukamenga. ¹⁵Muomu ange vanjipundilemucifuti cavaHevelu. Vuno nage kunja vihisile vuima vivanji hakela mu kamena.¹⁶Mukuluntu uava ka kupanga vi mboloto nendi muo vuile lilangununolia ku vua ha, ua handekele na Yosefe.'' Nange njina lotele cilota, amba, tala, vihelevitatu via mboloto vina kele ha mutue uange. ¹⁷Muci hele cahelu muakele via kulia via kuli tepa via kuoca via Falao, vuno honi tuzhilangeci vana via lila ha mutue uange nthsimbu oyo ovio ha cihele vinakele.''¹⁸Yosefa uamulekele nguendi, '' Eli likelio lilangululo lia yo. Vihele vitatu vikevio vi nenikila matangua atatu. ¹⁹Muma tagua atatu Falao aku Yundala mutue uove naku ku kulika ku citi. Tuzhilava kalia nthitu ya kumu vila uove.''²⁰Viakele ngeci muli tangua liamu, citatu lia puile litangua lia kuthemuka kua muene Falao. Ua panga ciuano cava nagamba vendi voshe. Ua jeluile mutue ua mukuluntu ua vaka kumu leka via kulia na mutue ua mukuluntu ua vaka kuoca mboloto, mukati kava nagama vendi. ²¹Uamu muluithile vipanga viendi, keho ua haka nganja muli voko lia Falao lalo. ²²Mukuluntu uava ka kuoca mboloto uamu sukika,ngue muthemua ua languininine Yosefa. ²³Vunohoni mukuluntu ua vakua ku makela ua valele Yosefa, vuno uamuivalele.

¹Ngoco omo miaka iavali ya mutuntu ena ehiti, Falao ua lotele ijozhi; Taleni ue manene ku ndoga ya Nile. ²Taleni kundonga ya Nile, kua tuhukile vingombe vitanu na vivali, via ku lelema viaku hindala; Keho via lile muila mu chihongo. ³Taleni, vingombe vikuavo vitanu na vivali via tuhukile ku ndonga ya Nile, Kunima kuemanene vingombe, via kutuakuluka, na ku konia; Keho viemanene hamo na vingombe vikuavo viemanene ku mukolo ua ndonga.⁴Keho vingombe vije via kuluakuluka viaku konia via lile vingombe, viye vitanu na vivali viaku lelema na ku hindala, Ngoco Falao ua tungumukile. ⁵Keho ua lilile mu tulo ualotele njozhi nthsimbu yamu chivali; taleni uamuene makathi atanu na avali a vimbuto a shokele ku cisati cimo lika, vikevio longela vino na via cili. ⁶Taleni, aje makathi atanu an ivali, aku hekuiya via kuthilila na mpundzhi ya tundile kuvu kilo, via shokele kunima yavio.⁷Keho makathi aje aku hekuiya, aminine aje makathe atanu na avali via kulongela vuino na vinona, Keho Falao ua tungumukile, taleni ei yakele njozhi. ⁸Keho ca kele ngeci omolia kile cimene spilitu yendi ya lungalile; Keho uatumine vaka thanene vimbanda voshe vamu Ingito, nava kamana voshe; Keho Falao uavalekethele njozhi yendi; vunoni ka kua kele naumo uahi ua hathele ku ilangulula vuino kuli Falao.⁹Mukuluntu uava kaku makela via kulia ua handekele na Falao nguendi, nji na vuluka monja kele mu milonga yange litanua lia lelo; ¹⁰Falao ua handukile vukalu na vangombe vendi, vanje shokele muka menga munjivo ya Kapitau uava ka nuinga, yange na mukuluntu uaka kupanga mbolo; ¹¹Netu tua lotele vinjozhi ku vuthsiki vumo lika,nendi nange; kumuntu ku muntu tua lotele vinjozhi ngue kuki langunuka ca njozhi yendi.¹²Kuje kukanunge tuakele na umo mukuenje,ua ka Hevelu, ngamba ya Kapitau mu ka kumi nuinga; Keho tua mulekele, na ikeye uatu languluilite vinjozhi vietu; Kumuntu-kumuntu ua mu langulule ku tuala ku njozhi yendi. ¹³Mukemuo mo ca kele,muje mutua languluile, mu via puile; Ange vanji hiluithilile ku vipanga viange,na vamu thsihile.¹⁴Keho Falao ua tumine na kuthana Yosefe, keho vamu tuhuithile vuathi muka menga; ikeye vamu teuile mu njezhi uendi, na ku tungulula vi zhala viendi, na ku kovela kuli Falao. ¹⁵Falao ua handekele na Yosefe nguendi, ange njina loto njozhi,ka kuethi na umo uahi ahatha kuilangulula; njina kuvu kuvantu nguavo ambe unov njozhi u hatha ku ilangulula. ¹⁶Yosefe ua kuaniene Falao nguendi, Evi keti kuli yange vavenia, Kalunga aka hana kuli Falao kumu limbulula mu chiyulo.¹⁷Falao ua kuaniene na Yosefe nguendi, Tala, mu njozhi yange, ange nje manene ku mukulo ua ndonga Nile. ¹⁸Taleni, ku ndonga ya Nile,kua tuhukile vingombe vitanu na vavali, viaku hindala na ku lelema; vilia muila mu cihongo.¹⁹Taleni vingombe viavio vitanu navavali via tuhukile ku nima yavio, via ku viha via ku konia, muaka via ku tuakuluka, na kuviha kuavio kanda nji vi mone lumo mu chiluti coshe ca Ingito. ²⁰Na vingombe via kukonia, via ku luakuluka via lile vingombe vije via ku livanga via kuhindala. ²¹Omo vana vili; laja, vioshenjua, muntu kathele kuvi zhivuka nguendi vana vili; Vunoni nolo vene kuvimona via fua kuluku, ngue muje movia kele laja, Ngoco nja tungumukile.²²Vikevio vi nja muene mu njozhi yange, Taleni makathi atanu na avali via shokele ha cishati cimo lika, viaku shula navinona via cili. ²³Taleni vije vitanu na vivali via makathi via kuthithua, via shokele ha nima yavi kuavo. ²⁴Aje makathia ku thithua a nuinine aja makathi atanu na aval aku tnginia, Keho nja ilikele kuli vimbanda; Vunoni kokua kele na umo uahi uathele kunji languluilayo.²⁵Yosefe ua handekele na Falao nguendi, " Oyo njozhi yove Falao ikeyo inapi ino lika. Vije Kalunga via yongola kupanga, vikevio na leketha ku liove Falao. ²⁶Vije vingombe vitanu na vivali via kuvuaha vikevio vinuka miaka itanu na ivali; a aje makathi mutanu na ivali via kuvuaha, vikevio vino ika miaka itanu na ivali; Njozhi ya co ikeye imo lika.²⁷Vije vingombe via ku konia na ku fuakuluka via tuntukile kunima ya vikuavo ikeye inuika miaka iatanu na ivali, Na aje lalo makothi atanu na avali aku thithuana ku thilila ku mpunzhi ya ku tunda kuvu kilo; Ikeyo inapu miakaiatanuna ivali va njala. ²⁸Vikevio vije vio nja handekele na Falao; Vije Kalunga ayongola kukapanga navi lekethe laili Falao. ²⁹Tala ku keja miaka itanu na ivali; ya cindambo ca kama kucifuti coshe ca Ingito.³⁰Keho kunima yayo kenja miaka itanu na ivali ya lilumbu lia kama; voshe va kevala mucifuti coshe ca Ingito; na njala ikalia cifuti' ³¹Na cindambo cije vuluka omo njala ika shuamako; mukonda ika vihitho muakama. ³²Evi vikevio njozhi viye thilile luvali kuli Falao, mukonda Kalunga navi handeka, keho Kalunga aka vineha vuathi-vuathi.³³Ngoco vene Falao ua hanguile mumala umo ua ku zhangama uamana, keho a muhingithe mu cifuti ca Ingito. ³⁴Keho Falao avihinge, A hangule nzhi ntuamena mu cifuti, na kuvaleka vaku nguiye vimbuto kumu tambela uamu citanu ua cifuti ca Ingito ku miaka ije itanu na ivali ya cindambo.³⁵Eceleni vakevio vakunguiya vimbuto vioshe ki miaka ya cili ci ikeja kulutue na kupungula vimbuto ku mpoko ya Falao,ovo via kulia vio vaka pangetha muimbo. Vana pande kuvi nuinga vuino. ³⁶Na via kulia vio tuka vazhelamu cifuti mu miaka ci itanu na ivali va njala ika kala mu cifuti coshe ca Ingito. Munjila ci vene cifuti linga keti vaka landuke ku njala."³⁷Aa mana akele cili mumatua Falao namu matui vangamba vendi voshe. ³⁸Falao ua handekele na ngamba vendi nguendi, Etu tuatha ku uana mumala umo muli Ikeye ua kala na Spilitu ua Kalunga?³⁹Keho Falao ua handekele na Yosefe nguendi; omo Kalunga liketha vioshe vi, Ngoco kokuethi uaye uaku zhangama, ua mana ngeci muove. ⁴⁰Ove uka tumina mu njivo yange, ngue kulizhi liove uka tumina na vantu vange voshe; kuvanga lika ha ci tuano cange ca vamume yange lika nja ku tuvakana. ⁴¹Falao ua lekele Yosefe nguendi," Tala ange nji na ku hako helu lia cifuti coshe ca Ingito."⁴²Falao ua tundithile mumunga uendi ua cizivukitho ku livoko liendi, na kuuzhika ku livoko lia Yosefe, na kumu zhika vi zhala via linu vua ku vuaha. vamu zhikile lilenge liendi lia mucivali mu bthsingo yendi. ⁴³Keho ua mucendethele mu litemba lia mucivali lije lia kele na lio; Keho va tambekele ku lutue luendi nguavo, thsika ; Keho vamuhingithile mucifuti coshe ca Ingito.⁴⁴Falao ua lekele Yosefe nguendi, ange yange Falao, Ko kuethi muntu na umo uendi aka zhundula livoko liendi nambe muonja uendi mucifuti coshe ca Ingito kuvanga vove lika. ⁴⁵Keho Falao ua mulukile Yosefe lizhina lia Zafenate-Panea; keho vamu hanene Asenate akale mukentu uendi, ikeye muna Poti-Fela Sasendote ua one, keho Yosefe ue ndanganene mu cifuti coshe ca Ingito.⁴⁶Na Yosefe ua kele na miakamakumi atatu omo ue manene kumesho a Falao muene ua Ingito. ⁴⁷Mu miaka ije itanu na ivali miaka ya kuvuaha mucifuti vonguluile via kulia mucifuti muakele lipemba.⁴⁸Endi uonguluilevia kulia vioshe via miaka ije itanu na ivali viakile mucifuti ca Ingito na ku pungula via kulia vije mu membo; na ku pungula ku nkala limbo via kulia via shulile kuoshe mucifuti ca Ingito. ⁴⁹Yosefe ua punguile vimbulo via vingi kuilana kuavio ngue musheke uaku lifuta, noho va likelele ku itanda, mukonda koya tavele ku tanda.⁵⁰Yosefe ua kele na vana vendi vavali vava mala tekonda uhete miaka ya Njala, Ikeye Asenate, muna Poti-Fela sasondote ua One, Lishima liange. ⁵¹Yosefe ua hilukile mona ua mbeli Manase. Ua handekele nendi," Nguendi, Kalunga nanji valetha ku vitanga viange vioshe na ku njivo yoshe ya Tata. ⁵²Keho ua lukile mona ua mu civali ua lizhina lia Efalimi; Ua handekele lalo, Nguendi," Kalunga nanji hana vanike mu cifuti ca tuyando tuange.⁵³keho miaka ije itanu na ivali yali pemba mu cifuti ca Ingito ya huile. ⁵⁴Keho omo miaka Itanu na Ivali ya njala yashangumukile kuinjam ngue mua handekele Yosefe; Keho kuakele njala mucifuti coshe'; Vunoni mucifuti coshe ca Ingito muakele viakulia.⁵⁵Omo cifuti coshe ca Ingito co vuile njala, vantu voshe va tambakanene viakulia kuli Falao; Keho Falao ua handekele na vaka Ingito voshe nguendi," Yeni kuli Yosefe; Vije via ka mileka vilingeni. Na njala yakele hano hanthsi hoshe; Keho yosefe ua shokuelele vishete vioshe viaviakulia na kuli landetha kuli va Ingito; ⁵⁶Na njala yelanene mu cifuti ca Ingito. ⁵⁷Keho vifuti vioshe viezhile mu Ingito kuli Yosefe muku landa via kulia, muomu njalaye lanene hamo hanthsi hoshe.

¹Vuno Yakomba ua muene ngeciye mbuto ya kele ku cifuti ca Ingito, keho Yakomba ua handekele na vana vendi nguendi vika mua litale ngoco. ²Keho nguendi taleni nji novu ngeciye mbuto kuili ku cifuti ca Ingito; yeni kuye uakutulandelako; linga tu yoye keti tu thse; ³Keho vana va naye ya Yosefe likumi va shelele mukulanda mbuto ku Ingito. ⁴Vunoni Mbenjameni mukuendje ua Yoosefe; Yakomba ka mutumine hamo navamu naina; Muomu nguendi kateua kuvindama luka mu uana.⁵Keho vana va Isaleli vethile kukulanda hamo vaje vethileko; Muomu njala yakele mu cifuti ca Kanana. ⁶Na Yosefe ua kele muene ua cifuti; Ikeye vene uye ua landethele vantu voshe va cifuti; keho vana munaina ya Yosefe vezile mukumi kulumanena na vihanga ha nthi.⁷Keho Yosefe ua muenevakuluntu vendi uava thivukile vunoni ualihi mpuisile ngendji kuli vakevo nakuhandeka navo na vukalu;keho uahandekele navo nguendi; muna tundu kuiko? Keho vakevo nguavo kucifuti ca Kanana tumezamuku landa viakulia.'' ⁸Na Yosefe ua thivukile va kuluntu vendi vunini vakevo kava muthivukile Ikeye.⁹Keho Yosefe ua vulukile vilota viye via kele nakuvalotela, keho ua handekele navo nguendi eni muva kakunenga mukamona muthi lia cifuti munethza. ¹⁰Keho va handekele nendi nguavo Houe shukulu; vunoni mukulanda via kuliatu nethza; ¹¹Etu tu va voshe tuvana vamumala umo lika; tu vakua cili.¹²Keho Ikeye ua handekele navo nguendi ambe, vunoni muku mona muzi uacifuti muneza; ¹³Keho vakevo nguavo, etu vangamba yove tu vana vakupua likumi nava vali vana vamumala umo lika mucifuti ca Kanana; Keho tala muendze nomba yalimo alihamo na Tata li tangua lia lelo keho mukuavo Ikeye uahi;¹⁴Keho Yosefe ua handekele navo nguendi, mukemuo mu nja handekele neni nguange mukemuo mu nja handekele neni nguange eni vakua kumenga. ¹⁵Mukemuo munji kamiesheka; hali muona ua Falao ka muka tunda muno ku vanga mukeunje neni nenja kuno vemba. ¹⁶Tumeni umo hakati keni, keho ikeye ashake mukuenje ueni neni tuka mikuta linga tuesheke meju eni nga acili vuli mulieni cakale nga ketimohali muomu ua Falao mu kunenga lili vene. ¹⁷Keho Ikeye uava shokele hamo lika mu kamenga matangua atatu.¹⁸Keho Yosefe uahandekele navo litangua lia mu citatu nguendi, Lingeni eci keho yoyeni muomu ange nja vuita Njambi liova. ¹⁹Ngamu vamala vavucili umo ua vana vakuluntu tumu pandeke mu kamenga keni; Vunoni eni Hameni tualeni mbuto omonjala ili ku njivo yeni. ²⁰Keho neheni mukuendze ueni kuli ange ngoco meju eni akayo mboloka acii neni ka mu kathsa.²¹Keho vali handekeshele umo na mukuavo nguava nguavo, Etu cilitulina mulonga omo mukuendze uetu yuamuene kayando ka muomu ueni, omo ikeye uatu lambelelele, Keho ka tua tavele kutolila; ngoco vene lamba eyi inatu uana. ²²Keho Luvene uava kuaniene nguendi kelinja muilekele nguange, Keti muvu lumune kanike, neni ka muatavele ku tolilila? ngoco vene naua taleni vatu tambuila maninga neni.''²³Keho vakevo kava muthuvukile ngeciye Yosefe uava vuile; Muomu kuakele kangamba ua ku langulula hakati kovo. ²⁴Keho Ikeye uava talekeshele nima naku lila, Keho uahilukile kulivakevo naku handeka navo, Keho ua kuatele Simoni hakati kavo, na kumu kuta kumesho avo. ²⁵Umba vuoshe Yosefe ua sikile vashulishe vithako viavo nambuto, na kuhiluisa vimbongo kumuntu ku muntu nchiako yendi; naku hana nkuta ya mungila; Keho mukemuo vali ngile navo.²⁶Keho vakluntu va Yosefe valondekele vinchiako viavo havindongi vavo nambuto yavo, keho va tundileko. ²⁷Keho omo uma uavo ua vutuile njeke yendi muku hana cindongi cendi viaku lia kuci lombo ua muene vimbongoviendi, keho taleni viakele ku kanuaka njeke yendi. ²⁸Keho ua handekele nava munaina nguendi, vimbongo viange vinahilika; Keho taleni vilimu njeke yange vene; Keho vimbunge viavo vatukukile keho valitetelele umo na mukuavo; Na ngangamana uavo eci cika ci analingi Njambi netu.²⁹Keho vaile kuli Ishe yavo Yakomba kucifuti caKana naku muleka muoshe muva ku muene nguavo; ³⁰Mumala uye shukulu ya cifutiua handekele netu na vukalu nakutumbula nguendi eni vaka kumenga. ' ³¹Keho etu tua mulekele nguetu tuvana la vakua cili;Keti tuva kaku nenga. ³²Etu tuvana vakupua likumi na vavali va mumala umo; Ikeye uahi namukuendje uetu; ua nkomba.³³Keho yala uye shukulu ya cifuti ua handekele netu nguendi, Mukemuo munji ka njikathi vuka ngeciye eni muvamala vakuavucili theni umo uava munanoko hamo nange, keho tualeni mbuto omo njala yaku njivo yeni, Keho yeni. ³⁴Keho neheni mukuendje ueni kuli ange, Keho nji kathivuka ngeciye eni kati muvaka kumenga vunoni ngeciye eni muvamala vakua vucili; ngoco nji kamiecela mukuluntu ueni nemi muka landa mucifuti.³⁵Keho cakele ngeciye omo Lunduluile vinjeke viavoteni mukuta ua vimbongo ua muntu kumuntu munjeke yeni, Keho omo vakevo na Isje yavo; Va mune mikuta yavo ya vimbongo vo vuite lio va. ³⁶Keho Ishe yavo Yakomba ua handekele navo nguendi eno munanji thsa vana vange Yosefe ikee uahi, na Simoni uahi keho muyongola ku tundisa naua Mbenjameni evi vioshe via ni uila;³⁷Keho Luvene ua handekele na Ishe nguendi, thsiha vana vange vavali nga kanji muneha kuli ove; mukundike mulivoko lia , Keho nge nji kamu neha kuove naua. ³⁸Keho Ikeye nguendi munage kakashelela neni muomu munange ikeye ua thsa na Ikeye lika nalitu/luko; nga vimo vimu vihisa mu njila iye imuku yakeho eni muka mukahetesa vuele vuange na vusiua mu vukolo vua vathsi.

¹Nja ia kele Yakama mucifuti. ²Yethile ha ntshimbu havakele ku Ingito, Ishe yavo ua handekele kuli vakevo, '' Kaye lalo; yeni lalo muka lande via kulia.''³Yunda ua mulekele, '' Mumala uje lithingile kuu kamono cihanga cange kuvaga shongo yeni you. ⁴Amba utuma munanentu netu, uka shelela naku kalanda via kulia. ⁵Keho amba Kuu mutumu, kutuka shelela. Mumala ua handekele kuli ietu,'' Kuu kamona cihanga cange noho shongo yeni akale neni.''⁶Isaleli ua handekele, '' Vika au nji pangethele via kuviha oo ua lekele mumala nguavo, uakala na shongo yeni ua mumala ueka?'' ⁷Va handekele,'' Mumala uehuile via kuli ietu na vushoko vuetu, ua handekele, ' Nolo isho na muono uend? ua kalako na shongo yove ua mumala mukuavo ndi? Tuamulimbuilile kushuama ku mahula ano, Nga vati tua vuthivukile nguavo aka handeka,' Neha shingo yovekuno?''⁸Yunda uahandekele kuli Isaleli ishe, '' Tuma mukuenje nange. Tuka katuka nakuya linga tukale namuono keti tutshe,tuva voshe, yove na vana vetu. ⁹Njika pua ntombo yendi. Ku livoko liange uka mutumbula. Amba kunji kamu nehe kui yove na kumu neha kumesho ove, keho linga njika tambule mulonga kumiaka yoshe. ¹⁰Nga etu kutua lilangele, Cili-Cilingeci nga tunaka hilukila kontsthimbu yamu Civali''¹¹Ishe yavo Isaleli ua handekele navo,'' Nga vikala ngoco, Keho panga evi. Ambateni vushuka vua kutuvakana vua mucifuti muvitenga. Viambateni na kuvi tuala kuva mala ovu vuana--mathi amo, vuki, via kutova,na Mirra, Ndongo na Almonde. ¹²Keho tambula vimbongo vivali mulivoko liove. Vimbongo evi vaka hiluithile omo va vutuile vitenga vieni, viambate lalo mulivoko. Mpano Cakale ca kuivala.¹³Tambula lalo mukuenje uove ua mumala. Katuka na kuya lalo kuli mumala. ¹⁴Keho Njambi muka ndhili yoshe ami hane ngothi kumesho a mumala, linga a kecele mukuenje uove mukuavo ua mumala Mbenjamini. Keho nga ange njina tshitha vana vange, nange njina tshitha.'' ¹⁵Vamala vatambuile ovo vuana, na mumavoko avo vatamuile vimbongo Luvali-Luvali, Kum na Mbenjamine. Va katukile na kuya ku Ingito na kukemana kumesho a Yosefe.¹⁶Omo Yosefe ua muene Mbenjamine navo, ua handekele kuli ngamba ya njivo iendi, ''neheni vamala munjivo, tshiheni kathitu na kumu vuahetha, vamala valia nange ha kati ka litangua.'' ¹⁷Ngamba ua pangele ngue omo ua mulekele Yosefe. Ua nehele vamala kunjivo ya Yosefe.¹⁸Vamala vakele na liova muomu vava nehele kunjivo ya Yosefe. Vahandekele, '' Muomu lia vimbongo evi vaka hiluithile muvinjeke vietu lua kuli vanga vatu kuvelethelemo, Linga va uane ngila yaku luitha ietu. Kuatha atu kuate na kutu tambula tuka pue vindungo, na kutambula vindongi vietu. '' ¹⁹Keho va shuenene kuli ngamba ya limbo lia njivo ya Yosefe, keho va handekele nendi ha cikolo ca njivo. ²⁰Na kuhandeka, '' Shukulu vange, teuthile nsthimbu ya kulivanga muku landa via kulia.²¹Keho via puile, omo tuahetele ku Cilombo, Keho tua vutuile vi njeke, na, Tala, nkala vimbongo via mumala via kelemu njeke ya kuvutula, vimbongo vietu ku citimo ca kushula. Tunaka vihiluitha mumavoko etu. ²²Vimbongo vikuavo vitua nehele mumavoko etu mukua kulanda via kulia. Kututhivuka nguavo, Iya nahaka vimbongo muvi njeke vetu.'' ²³Ngamba ua handekele,'' Civovo cikale neni, keti mutue. Njambi yeni na Njambi ia isho kuatha ikeye nahaka vimbongo muvi njeke vieni. Njina uana vimbongo vieni. '' Keho ngamba ua tuhuile Simeone hanja kuli vakevo.²⁴Ngamba yalimbo ua tualele vamala munjivo ya Yosefe. uava hanene mema, keho vakushile mianja yavo. Ua hanene via kulia ku vindongi viavo. ²⁵Va vuahethele vuana vua kuija kua Yosefe ha kati ka litangua, Omo vovuile nguavo va kulia kuje.²⁶Omo Yosefe uethile hembo, vanehelevuana ovu vua kele mumavoko avo munjivo, Keho vatshikile mavuli hatshi kulutue liendi. ²⁷Ua vehuile via Cihindu cavo na kuhandeka, ''Ishe ieni ali vuino. mukulupe uje umua tumbuile? Nolo na muono uendi?''²⁸Vahandekele, Ndungo iove ishe yetu ali vuino. Nolo ali na muono,'' Keho va tshikamene na kumu hana Kathingimiko. ²⁹Omo ueshukile mesho endi ua muene Mbenjamane shongo yavo ua mumala, muna vaina ua mumala, Keho ua handekele,'' Ou yakeye mukuenje uove ua munike muakama uaa tumbuile kuli iange?'' Keho ua handekele, " Njambi akale na nkeke kuli yove,Munange."³⁰Yosefe ua tambuile na kutuha, ku nkondua yendi, uakele na vithiua muakama muomu liamukuenje uendi. Kunahu uatondele kumo aka lilila. Ua ile ku nkondua yendi na kuka lilila oko. ³¹Ua kushile Cihanga cendi,keho ua tuhukile. Keho ua lipokuethele, na kuhandeka, " Aveleni via kulia.''³²Vangamba vahakelele Yosefe lika liendi nava muna ina navo lika liavo. Vaka Ingito valile kuje valile nendi na likaliavo muomu vaka Ingitu kuvathele kulia mbolo kumo nava Hevelu, Muomu aco cithila kuli vaka Ingito. ³³Keho va munaina va tumamene kumesho endi, Mbeli kushuamako muvuva thema, nou ua munike muakama kushuama kuvu kuenje vuavo. Vamala viava komo kethele voshe kumo. ³⁴Keho Yosefe ua tumine mitamba kuli vakevo ya viakulia via kele ku mesho endi. Keho mutamba ua Mbenjamene va vanuine na kujolela hamo nendi.

¹Mukemo Yosefe ua shikile lilenga lia njivo yendi, ngeundi, " shulitha vithaku via ava vamala na viakulia, kushuama kundhili yavo, Keho vimbongo viavo vihake mumulungu ua vithaku viavo. ²Haka nganja yange, nganja ya Palata, mumulungu ua thaku ya nkomba ya limo liavo, na vimbongo viendi via ndano ya mbuto.'' lilenga lia vipanga ngue mua lekele Yosefe.³Kucimene-mene, vamala ua va lingille vaye, navindongi viavo. ⁴Muva tuhukile muimbo vuno honi kuvendele muhato ualaha, Yosefe ua leka Lilenga liendi nguendi, '' Hinduka, shuama vaje vamala, mukava uana, yaka handeke navo nguove,' Vika muna pangela via kuvihia kuvia cili? ⁵Eyi nkuma keci nganjayekunuina muene uange? Ayo lalo keci yakeyo yakatahethetha? Via kuvihia muna panga, ece cuima cimuna panga ca kuvihia. ''⁶Linga lia kava uanene keho uaku va leka meji oo. ⁷Vamu leka nguavo,'' Vika via kuhandekela ngoco muene uetu? Etu vindungo viove kutuatha kupanga cuma oco.⁸Tala, dhimbongo dhio tua uanene mumilungu ya vithaku vietu, tuaka vi tundithile kucifuti ca Kanana tuamihiluithilile vio lalo. Vati honi mutu ne kupuanja Palata na olu kunjivo ya muene uove? ⁹Ambe kuli umo uetu uyi uanena, athse, netu lalo tukapue vindungo via muene.'' ¹⁰Lilenga ngualio, " Ngeci vikale ngue mumuna vihandeka. uoshe unji uanena nganja aka pua ndungo yange, keho eni vakuavo nji miecela.''¹¹Keho muntu-kumuntu uadhambuile na kutula thaku yendi hanthsi. ¹²Lilenga ua talele muvi thaku. ua tamekele namukuluntu uavo. ua ka manetha na kathila-ntjongo, Keho nganja ua iuanene muthaku ya Mbenjameni. ¹³Keho va tauuendhele vidhala viavo. nkala umo ua londekele vutengi vuendi hacitongi keho va hilukile kuimbo kua kele Yosefe.¹⁴Yunda na va muanaina vedhile kunjivo ya Yosefe. Endite kanda kali, va kotamenene hamavu kuluholo luendi. ¹⁵Yosefe uava lekele nguendi. '' Cuma cika eci cimuna panga? Muna dhivuka ngueni ange liala umo uakutaho ndi?''¹⁶Yunda nguendi," Vika tukuleka muene uetu? Vika tuhandeka? Ndi vati tuatha kuli thambuetha etu vavenia? Njambi na mono laja kuvihia kuli muvindungo viove, Tala, etu tu vindungo via muene eutu,netu nou uavana uanena nganja. '' ¹⁷Yosefe nguendi, "Viahi vinjatha kupangako. Lila ou uva na uanena nganja, Ikeye aka pua ndungoyange, vuno honi eni vakuavo, yemuyeni kuli isho yeni nacivova.''¹⁸Mukemo Yunda muamu shuenenene hamuyehi na kuhandeka nguendi," Muene uange, njina kukandelela utave ndungo yove a handeka lijui mumatui ove, Keho keci u tavethele vukulu uove vu shukumine ndungo yove, muomu ove ualipua na Falao. ¹⁹Muene uange uehuile ndungo yendi, nguendi, ' Muakala na isho yeni ndi na muna noko ueni?'²⁰Etu tua tava kuli muene uetu nguetu, " Tua kala na Tata yetu, na kulupa, na mona ua muvukulupe vuendi, ua kanike. Vuno honi munaina ua thsa, keho hali vaina ikeye lika na thalaho, na ishe ua mu Yongola. ²¹Keho ua leka vindungo viove nguove, Yemu ka muneha linga njaku mumone," ²²Kunima liovio, tua handekelekuli muene uange nguetu, kamukuenje kahatha kuthedha ishe. Muomu ambe a muthedha ishe kuatha athse.'²³Keho ua lekele vindungoviove nguove, 'Mpano shongo yeni akeja neni, ambe ngoco kumua kunjimono lalo.' ²⁴Keho ngeci viakele nguavo mutuaile kuli ndungo yove Tata, tua ka mulekele maji a muene uange. ²⁵Tata yetu ua ka handekele nguendi, 'Yemikaye lalo,yemukalande viakulia. ' ²⁶Keho etu nguetu, ' Kutuatha kushelela. Ambe shongo yetu ayo netu, keho tu shelela, muomu kutu ka mono cihanga cauje lila kamane tuye na shongo yetu.'²⁷Ndungo yove tata uatulekele nguendi, ' Muna vidhivuka laja ngueni vavali lika va pua hali mukentu uange. ²⁸Umo uavo ua njithile, keho nja handeka nguange, ' Cili vana mu papola hahandende-hahandende, nakumona kunja mu muene tutunda oho.'' ²⁹Ngeci ambe lalo munjinieka ou, Keho ka aka vetua, muka shuluitha vuele vuange vua kutoka na vuthiua ku kuthsa.'³⁰Ngeci, honi, munji ka heta kuli tata ndungo, na kanike uahi, nomu mua haka muono uendi muli yakeye, ³¹Vika kala honi, ambe aka mona nguendi muna mukuenje uahi, akathsa. Vindungo viove vika neha vuele vua tata ndungo yove na vuthiua kukuthsa. ³²Muomu ange ndungo yove njina ka thselethele Tata nguange, ' Ambe kunji ka muhiluitha kuli yove, keho njika uana mulonga kuli Tata.'³³Ngeci, honi, njina kandelela njita venathale yange njipue ndungo yove, ou kamukuenje aye nava munaina. ³⁴Muomu vati njiya kuli tata amba muna mukuenje uahi? Niiteua kuka mono viakuvihia ovio vikeja hali tata.''

¹Keho Josefa kahathele kuli takametha endi vavena kulutue luavoxe vakuavo vaje vemanene hamo nendi. Uatambakanene nguendi, "Nkala uoshe andjitunde." Keho naumo uahi uemanene hamo naJosefa muajombolokele kuvakuavo. ²Keho uatamekele kulila, vakaIngito vovuile vije, nandjivo yaFalao vovuileko. ³Josefa uahandekele kuvakuluntu vendi nguendi, "Ange yange Josefa. Tata nolo ayoya?" Vamunaina kovathele kumukumbulula, vakele naliova navua kuluholo luendi.⁴Keho Josefa uahandekele na kuvamunaina nguendi, "Shueneni kuno muhiehi nange, asikisi," Vejile muhiehi, Uakuaniene nguendi,"Ange yange mukuendje ueni uje umua landethele kuIngito. ⁵Mualolokeci muluvale ndi mulihandukithe enivavena ngueni muandjilandetha ange oku, muomu shuku ualivangele kundjituma yange oku nguendi miono yeni yikayoye. ⁶Muomu mualolo ndjala miaka ivali inakala mucifuti, ngeci koili miaka itanu eyi yova yeneka kupululandi kuhela.⁷Kalunga uanjitumine kulutue lueni njakumikaleleho hano hanthsi, nakumiohiela namuono nakuovoka kuakama. ⁸Keci yeni muanjituma kuno vunoni Kalunga, nakunjipuitha ishe yaFalao, muene uavinjivo evi, nakutumina cifuti coshe caIngito.⁹Yeni kuli tata mukavaleke ngueni, 'Shuku uanjihana yange kukala mucifuti caIngito coshe. Ijeni kuli yange, keci mukale namalanga. ¹⁰Muakutunga mucifuti canjosene, muakukala muhiehi nange, eni vavena navana veni navatekulu veni navinjui vieni navingombe vieni navioshe muafuka. ¹¹Yange vavena njakukulela, muomu nolo koili miaka itanu yanjala, viahi uyongola nove vavena, nanjivo yove, nevi viakukundama vioshe.¹²"Taleni mesho eni munamono, namesho amukuendje uange Mbenjamini, ngeci yange vavenya njihandeka nendi. ¹³Yenimukambulule kuli tata kuthsimana kuange omu mu Ingito, naviuma vioshe vimumona. Mukadhambuleko kuka vaneha kuno."¹⁴Endi ualihondeeye munthingo ya mukuendje uendi Mbenjamini na kulila, na Mbenjamini nendi ua lihondeeye munthingo yendi. ¹⁵Uathsembele vakuluntu vendi voshe na kuvalililla ha vinthingo. Kunima mba honi vahandekele nendi vakuluntu vendi na mukuendje uendi.¹⁶Movovuile mudhimbu ouo muimbo lia Falao nguavo: Vakuluntu va Yosefe na mukuendje vaneja Falao na vantu vendi vajolelele. ¹⁷Falao uahandekele na Yosefe nguendi, leka vakuluntu vove, lingeni mukutile vinkutila vieni, na kuya kujcifuti ca Kanana, kuimbo lieni, ¹⁸Muka shake ishe yeni na vinjivo vieni, mukenje kuli yange. Ange njimihane via cili via cifuti ca Ingito na kulia via madthi acifuti.'¹⁹Mukemo mouvaleka nguove: vapange ngeci, mutambule matemba mukalondekemo vana veni na vakentu veni, mukashake isho yeni mukenje. ²⁰Keci muluvale mukonda lia viuma vieni via kuimbo, muomu evi via vuahelamo mucifuti ca Ingito vioshe, vieni via kukala.²¹Vana va Isaleli valingilemo, keho Yosefe ua vahanene matemba ngue honi mua mulekele Falao na nkuta ya mungila. ²²Endi ua vahanene nkala muntu cikovelo caciha. Vunoni Mbenjameni ua muhanene vihita vitatu havimbongo na vikovelo via viha. ²³Keho ishe ua vatumine likumi lia vindongi vije viva pelekele naviuma via kuvuaha mu Ingito; na vindongi via vikentu likumi vije viva pelekele vimbuto, namboloto na viakulia via ishe via nkuta.²⁴Ngoco uatumine vakuluntu vendi mungila na kumutha. Keho endi uava kuanyene nguendi, "keti mulikuanyene mungila." ²⁵Avo vatundile mu Ingito na kuija ku cifuti caKanana, kuli ishe yavo Yakomba. ²⁶Vamulekele nguavo, "Yosefe noloali namuono, na ikeye muka kutumina cifuti ca Ingito." muono uendi uakathumukile, muomu ikeye kavathselelele.²⁷Avo vamulekele majui oshe ahandekele Yosefe. Omuo Yakomba uamuene matemba atumine Yosefe muku mutuala ikeye. Na cithithimbi ca Yakomba ishe yavo cathimpile. ²⁸Isaleli nguayo, "Vinapumo. Yosefa munange kanda ali namuono. Njiya njika mumone kulutue njikathse."

¹Isaleli uapangele vungendhi na vioshe viendi viakele navio uaile ku Mbeleseva. kuje vene endi na hanene cikombelela kuli Njambi ya ishe Isake. ²Njambi ua handekele na Isaleli mu vimona ku vutzhiki," nguavio, " Yakomba, Yakomba,'' ³Endi nguendi,'' Njambi, Njambi ua isho. Keci uvue lova lia kushelela ku Ingito, Muomu okuo ange ndjika ku puitha muyati uakama. ⁴Ange njikashelela nove ku Ingito, ange na cili nyeka kuhiluitha lalo na Yosefe akoshoka mesho ove na livoko liendi vavenia.''⁵Keho honi, Yakomba ua katukile kutunda ku Mbelesova. Vana vaya Yakomba vatualele ishe yavo Yakomba, vanike vavo, na vakentu. mumatemba aje atumine Falao aka muambate. ⁶Avo vatambuile vingombe via uona vufuko vuavo vuva uanene mucifuti calie ndi hoshe. ⁷Endi uava nehele ku Ingito vana vendi, na vana vanana vendi, vana vendi vavakentu navana vava na vendi vavakentu, na limo liendi lioshe.⁸A akeo mazhina avana vaIsaleli vaje vezhile ku Ingito: Yakomba na limo liendi. Luvene, mbeli ya Yakomba; ⁹Vana va Luvene, Hanoke, Pala, Hezelone, na Kalimi; ¹⁰Vana va Simeona, Yamuele, Yamine, ohande, Yakine, Zohale, Shaulu, muna ua mukentu mu ka Kanana; ¹¹Navana va Levi, Ngeleshone, Kohata, na Melali.¹²Vana va Yunda vakele Eli, Onana, Shelaha, Peleza, Na Zelaha, ( Vuno honi Elena Onane va tzile mucifuti ca Kanana). Vana va Peleze vakele Hezelone na Hamulu. ¹³Vana va Isakate vakele Tola, Peuaha, Lombena Shimelone; ¹⁴Vana va Zembulone vakale Selende, Elone, na Yahelele. ¹⁵Ava vakele vana va Leiaha vaje vathemuuikilekuli Yakomba mu Pandane Alame, mumo lika na mona ua mukentu Ndina vana vendi vava mala na vana vendi vava kentu kuvatanda mukumi Atatu-na-vatatu.¹⁶Vana va nganda vakele Zefone,Hangi, Shuni, Ezembone, Eli, Alondi, Aleli. ¹⁷Vana va Ashele vakele Iminaha, Ishivaha, Ishivi, na mukentu. Vana va Mbeliyaha vakele Hembele na Nalikiyele. ¹⁸Ava vakele vana va Zilipa, uje uahanene Lambane kuli munendi ua mukentu Leya. Vana vendi ava athemene kuli Yakomba- Voshe likumi-na-vatanu-na-umo.¹⁹Vana va Lakele mukentu ua Yakomba vakele Yosefe na Mbenjamini. ²⁰Mu Ingito Manase na Efalini ua themukile Yosefe kuli Asenata, muna Potifela, Sasendote ua One. ²¹Vana va Mbenjamini vakele Mbela, Mbekele, Ashembele, Ngala, Namana, Ehi, Loshe, Mupini, Hupini, na Alende. ²²Ava vana va Lakele vathe mukile kuli Yakomba- Voshe likumi na vauana.²³Muna Ndane uakele Hushini. ²⁴Vana va Nafitali Yahaziyele, Nguni, Yezele, na Shileme. ²⁵Ava vakele vana va Yakomba vathe mukile kuli Mbiliha, uje yahanene Lambane kuli munendi ua mukentu Lakele voshe vatanu na vavali.²⁶Ava voshe vaje vaile na Yakomba ku Ingito, likelio liakele limo liendi kuva tandeleko vakentu va Yakomba, voshe vapuile makumi atanu na vatanu naumo. ²⁷Na vana va Yosefe vavali vathemukile kuli ikeye mu Ingito, na vakakuli vanda kana kuvushoko vuendi vaje vaile ku Ingito voshe vapuile makumi atanu na avali.²⁸Yakomba uatumine Yunda kulutue luendi kuli Yosefe aka mulekethe ngila kulutue luendi yaku Ngosene. ²⁹Yosefe uaku tilile litemba liendi akali uane naishe Isaleli ku Ngosene, Endi uamu muene, na mu vumbatelele kuthzingo yendi, na kulilila kuthzingo yendi thimbu yalaha. ³⁰Isaleli ua kuaniene kuli Yosefe." Nahano njithze lika. Omo njina mono cihanga cove, nguange ove nolo uli na muomu."³¹Yosefe ua handekele na munaina kunjivo ya Ishe," Ange njiya njikaleka Falao, nguange, Vamuna nana na njivo ya Tata, Vaje vakele mucifuti ca kanana, vaneja kuli yange. ³²Vamala ovo tunuingi, muomu vaka kunyunga vimbombe. Avo vana neha matanga avo, vimuna viavo, na vioshe vivakele navio.³³Mukutua omo muvikeja, Falao omu mua kamithana na kumihula, " Vipanga vieni vika? ³⁴Muka handeka ngueni," Vakakuku pangela vapuako vakutaka metha vingombe tunde voshe, na vatata yetu. " Vilingeni vene ngoco linga mukale mucifuti ca Ngosene, muomu muka kutametha uapua cizhila kuli vaka Ingito.

¹Keho Yosefe ua yile nakuleka Falao nguendi. '' Tata nava muina yange vavamala,na vinjui, viavo namatanga avo, na vioshe vyovali navio vatundile kuci futi ca Kanana. Keho taleni, vali mucifuti ca ngosene. ²Ua tambuile vamunaina vavamala vatanu ua valekethele kuli Falao.³Falao ua handekele nava munaina vavamala, 'Vipanga vieni vika? ' Vahandekele kuli Falao, " nguavo, vangamba vove tuniungi, etu, lalo vaishe yetu. ⁴Keho ua handekele na Falao nguavo, Mukulishuka mucifuti tuneja; Mukonda kokuethi muila ua matanga a vangamba vove; mukonda njalayinelana mucifuti ca Kanana; Keho mualolo vene, tua kuvundila, U tave vangamba vove kukala mucifuti ca Ngosene.⁵Keho Falao ua handekele na Yosefe, nguendi, '' Isho nava munanoko vavamala vaneja kuli yove. ⁶Cifuti ca Ingito cili kumesho ove mu cifuti ca kutuvakana tumbika isho nava noko; Keho una thivuka ha kati kavo vamala vamo vaku takama, vapuithe vaka kutumina vafuko vuange.⁷Keho Yosefe ua kovelethelemo Ishe Yakomba , na kumuleketha kuli Falao. Yakomba ua vuavuethele Falao. ⁸Falao ua handekele na Yakomba,'' Miaka yingahi Uovokele?'' ⁹Yakomba ua handekele na Falao,'' Matangua avu ngendhi vuange 130. Miaka ya vuovoke vuange ya yindende naku vavala. Keho kahetele ku matangua a miaka ya miono ya vatatu kumatangua avungedhi vuavo. ¹⁰Keho Yakomba ua vuavuethele Falao, Keho ua tuhukile kumesho a Falao.¹¹Keho Yosefe ua tumbikile Ishe nava munaina vavamala. Ua va hanene vije via kufuka mu cifuti ca Ingito, ku cifuti ca kutuvakana, ku cifuti ca Lamese, ngue mua lekele Falao. ¹²Yosefe ua nehele via kulia Ishe, va mundina, na limbo lia Ishe lioshe, bgue kuvinjivo viavo.¹³keho via kulia via kele viahi muci futicoshe; mukonda kuakele lilumbu lia kama, Keho cifuti ca Ingito na cifuti ca kanana via uemene na njala. ¹⁴Keho Yosefe ua kungile vimbongo vioshe via kele mu cifuti ca Ingito, na mu cifuti ca Kanana, na mbuto ije ivalandele; Keho Yosefe ua nehele vimbongo vije munjivo ya Falao.¹⁵Keho mo vamanethele vimbongo vioshe mucifuti ca Ingito, na mucifuti ca Kanana, vaka Ingito voshe vethile kuli Yosefe nguavo, Tuhane via kulia; mukonda vika tukathsila kumesho ove? mukonda vimbongo vietu viovihua. ¹⁶Yosefe nguendi." ambe vimbongo vieni vinayi, neheni vimuna vieni; nange njikamila landetha na vimuna vieni, ngavimongo vina hu. ¹⁷Keho vanehele vimuna viavo kuli Yosefa; Keho Yosefe ua vanehele viakulia nakucinjitha na tukambe, na vinjui, na matanga; na vindongi;keho ua va lithile na viakulia mu ku cinjithana vimuna viavo vioshe ku muaka uje.¹⁸Keho muaka uje ua huile, vethile kuli yakeye muaka ukuavo nakuhandeka kuli ikeye. '' Kutu li shueka kuli muene uetu nguavo, vimbongo vietu vioshe vinayi, nama tangua a vimuna akeo a muene uange. kuvanga muvila yetu, na mahia etu. ¹⁹Vika tuthsila kumesho ove, Etu na mahia etu? tu lande etu na mahia etu kushinta na via kulia, keho etu na mahia etu tukakala vangamba kuli Falao; Keho tuhane muto, tuo voke, na kuthsa kuahi, keho cifuti keti ci kale ngoco.''²⁰Keho Yosefe ua landelele Cifuti coshe ca Ingito Falao. Mukonda vaka Ingito valandethele kumuntu kumuntu lihia liendi mukonda njala yelanene muakama. Mu ngila eyi, Keho mahia akele a Falao. ²¹Ngue kuvantu ua va puithile vindungo kuoshe kuvia ka tua vingamba via Ingito. ²²Mpano livu lia vasasendeto lika lia jenekele kulanda Yosefe, muomu va sasendote va ua tavethelele vakevo valile via mu mahia aje ava hanene Falao.²³Keho Yosefe ua handekele navantu,'' Taleni, Njina milanda yeni na mahia eni lelo via Falao. Ngeci hano mbuto yove, Keho uka kuva muto yove mulihia. ²⁴Ha kuyangula , ukahana mutambela umo ua micitanu kuli Falao, keho mutambela umo ua muciana ukakala uove, mukakala mbuto ya ku mahia, na viakulia vieni. Nava je vaka njivo yeni navana vove.''²⁵Vahandekele nguavo, '' Unovola miono yetu. Utave tu uane kavumi kumesho ove. Tukakala vundungo via Falao. ²⁶Keho Yosefe ua vipuithilemo veta ya mahia aku Ingito na lelo, Ngeciye Falao a tambule mutambela uamu citano mahia avasasandeto lika aka yenekele kukala a Falao.²⁷Mukemo ngoco mu vatungile va Isaleli mu Ingito, mucifuti ca Ngosene. Vakeuo va livethelela muakama. ²⁸Yakomba ua tungile mu cifuti ca Ingito muaka makumi atanu nava vali, ukemo Yakomba ua yoyele miaka cihita na likumi avana na itano naivali.²⁹Omo Simbu yahetele muhehi kuli Isaleli; a thsa ua sanene munendi Yosefe na kuhandeka nendi nguendi, " Ange nga njina uana ngozhi kumesho ove, kovelesa ma uoko ove mukati kamahindi ange, unji thinge ngove ukanji ukanji lekesa Cilemo na kunjononoka, Keti ukanji citike mo Ingito. ³⁰Omuo njikandanda na tata, ukanji kakule muno mu Ingito,nakuka nji citikakumo lika nava kukuange kuvihilo vietu.'' Yosefe nguendi,'' Njikapanga ngue mumuna handeka. ³¹Isaleli nguendi,'' Lisinge nange, Ualisingile nendi. keho isaleli ua kulumanene kumitue ya mu hela uendi.

¹Keho viapuile munje kunima vievi umo ua handekelena Yosefe,'' Tala, yisho a vavala." Keho uamu nonene navana vendi vavali vavamala manese amba Efalime. ²Omuo Yakomba vamu lekele," Tala, munove uamu mala Yosefe nakuheta nakukuthikama. Isaleli yali kotoseleleko ua tumamene hamu hela.³Yakomba ua handekele na Yosefe nguavo," Kalunga mukua ngolo ua jombolokele kuli yange ku Luz mucifuti ca kanana ua nji vezikisile ⁴Nakuhandeka nange nguendi,'' Njika kuimitha, Na ku kaku uathelela uove. Njika kupanga yove mbunga yomushovuo, njika kuhana cifuti kuvana vuove.'⁵Keho vana vove vavamala vavali. vaje vasemenene mucifuti ca Ingito te nolo njiye kuli yove mu Ingito, vakevuo vange, efalimi na Manase vakapua vange, ngue vene va Leubana na Somione vapua vange. ⁶Vaje vanike uka sema kunima yavuo vakevio vove; Vaka sana lizhina lia vamunaina mukuvahinga. ⁷Vuno honi ku liange muje munja tundile ku Padane, Lakele uathile kulia nge mucifuti ca Kanana mungila omua te kuli muhato ua kuya ku Efalate" (Kukeko ku Betelehema).⁸Omo Isaleli ua muene vana vaamala va ⁹Yosefe ua handekele nguendi," Veya ava?" Yosefe ua handekele na Ishe, " Vakevuo vana vange, vaje Njambi nanji hana kuno. " Isaleli nguendi, " vanehe kuno kuliange, Linga njiva vethikise,'' ¹⁰Ngoco mesho a Isaleli kakele kumona muomu citho cendi uakulupile, Keho kakele kumona naua, Keho Yosefe uava nehele muhiehi nendi, Keho uava thembele na ku va vumbatela.¹¹Isaleli ua handekele na Yosefe, " Kunja vitumamenene nguevo njika mona naua cihanga cove, vuno honi Kalunga nanji tavesela muku mona nambe vana vuove." ¹²Yosefe uava tuhuile muithi hakati ka Isaleli uathikamene na kukulu mana Cihanga cendi uathi. ¹³Yosefe uava nonene vuoshe vavali, Efalime kuli uoko lia alio mukutuala kuci voko lia Isaleli lia Cimuoshuo, Umba Manase kuli voko lia cimuesho mukutuala kuli Isaleli kuli uokolia cilia nakuva neha muhiehi nendi.¹⁴Isaleli uahelele na livoko liendi liacilio naku kuata mumutue ua Efalime, ou uakeleho munike, Umba Manase, kuli uoko lia cimuoshuo mukutala kuli Isaleli kuli uoko lia cilio nakuva neha muhiehi nendi. Isaleli uahelele na livuoko liendi liacilio naku kuata mumutue ua Efalime, ou uakeleho munike, Umba ua ka kuile na kuoluola , liuoko liendi mumutue ua Manase, ua shela Kanane mavuoko endi, Manase uapuile mbeli. ¹⁵Isaleli ua vezikisile Yosefe; na kuhandeka nguendi, Kalunga ujeua kumeso, endi vendele vatata Avilahama na Isake, Kalunga uje na njilitha kuvuoke cange coshena ha lelo. ¹⁶Tungelu vaje vana nji nyungile kumi longa yoshe va vethukise vakuenje ava. Nali thina liange vaka valuke lio, Umba nali thina lia tata Avilahama umba, Isake Vuno honi vakale ngue mukupua vivunga hakati kaha hanthi.¹⁷Omo Yosefe uamuene Ishe akambeka livoko liende liacilio mumutue ua Efalime, Kuca muyile kumbunge. Uanonene livoko lia ishe nakuli shondolelesa mumu nutue ua Efalime nakuli kambeke mumutue ua Manase. ¹⁸Yosefe ua handekele na ishe nguendi," keti ngoco tata; ou ikeye mbeli. haka livoko liove lia cilio mumutue uendi.¹⁹Ishe ua vianene na handeka nguendi," njina vituivuka munange, njina vithiva, Nendi akapua muntu, Umba nendi naua akakala na luthimo. Vuno honi mukuenje uendi akakala na lithimo uaku mutuvakana na limo liendi lika Lilanesa mucifuti coshe. ²⁰" Isaleli ua va vethukisile na ma jui aha vantu vamu Isaleli vakauna vivethikiso mumathina naku handeka nguavo, Kalunga kange njilinge ngueva Efaline na Manese," Mungila ino, Isaleli ua hakele Efaline kulutue lia Manase.²¹Isaleli ua lekele Yosefe, Tala, Ange njili mukutha, vuno honi Kalunga ali nove Umba aka kuhuiluisa naua mucifuti ca Isho. ²²Kuli yove umo uahiana vamuna noko njiku hana mikinia ya Silope uje njanonene kulivoko lia va Amoleu na muele uange na vuta uamu kili uange.

¹Keho Yakomba uathanene vana vendi, na kuhandeka navo: "Likungululeni muvavoshe hamo, linga njimileke evi vika jomboloka kulutue. ²likungululeni muvavoshe na kutolilila, eni vana va Yakomba. Tolilileni kuli Isaleli, yishe yeni.³Luvene, mbeli yange, vukama vuange na vushangumikilo vua ndhili yange ua tuvakana muvukama na kutuvakana mu ndhili. ⁴Muku tumika ngue mema akuendelela, kuuka tujvakana , muomu ualondele kumuhela ua isho. Keho ua unyatekele; ualolndele ha vukothedlo vuange.⁵Simione na Levi vantu na munaina. Vitua via luodthi vikevio miele yavo. ⁶A muono uange, keti uije kumbunga yavo; keti ukovele kuvi nthango viavo, muomu mbunge yange yashula na kathingimiko kakama kavio. Muomu kuhanduka kuavo vathsihilamo vantu. Muomu lia kunyengua kuavo vapupile vihove.⁷Vukalu vuavo vavuthinge, mujomu vua shuamene--na vukalu vuavo, vua vihile muakama. Njika tepethala muli Yakomba na kuva shanduela mu Isaleli.⁸Yunda, vamunanoko vaka kushangala, livoko liove lika kala hanthingo ya vitodthi viove. Vana na isho vakatua vihanga viavo hanthi kumesho ove.⁹Yunda ikeye muna Ndumba. Munange, unai ku mbunda , uashelele hanthi, ua tumamene ngue Ndumba, ngue Ndumba ua luhavo. Yiya aketheka kumuhindula?¹⁰Mulamu kuukatundu kuli Yunda. Ndi nambe viuma via vaka kutumina hakati ka muhandi endi, noho Shilo neja. Keho vifuti vika muthingimika.¹¹Akutila cindongi cendi kuliha lia vinyu, na muna cindongi cendi kuviniu via kuhangula, na kushu vidthala viendi mu viniu, na vidthala viendi mu maninga avushuka vua viniu. ¹²Mesho endi akadthivala vui ngue viniu, na madtho endi akatoka ngue mahini.¹³Zembulone akakala kucikuma ca ngonga ya Kalunga. Akakala cavu ca mato akama, na vingamba viendi vaka vihametha noho ku Sindone.¹⁴Isakale cindongi ca ndthili. Nandanda hakati kalimba lia dthinjui. ¹⁵Keho ikeye ua muene muhela ua cili ua kuhuimina na livu lia cili. Keho ua kulumanene cithsili mukuambata keho uakele ua vipanga.¹⁶Ndane akapangula vantu vendi ngue umo ua mushovo ua Isaleli. ¹⁷Ndane akakala linoka kungila, linoka lia vushungunlie kushuma mahindi atukambe, Keho linga muka kulondaho akaue mukali. ¹⁸Ange njitatelela kuovola kuove, Yehova.¹⁹Ngande vaka kulolnda vaka muluitha, vuno ikeye aka valuitha kumikono yavo. ²⁰Via kulia via Asele vikakala via madthi, keho ikeye akahana via kutovala via vimiene. ²¹Nafutali ikeye ntava ua kuvutula; aka kala na majui acili.²²Yosefe ikeye muntango ua kuima, muntango ua kuima ua kukala muhiehi na lithima lia mema. Mintango yendi ya tandavalela helu lia civumbe. ²³Vata kuatha vaka muluithe na kumupiluila na kumuyandetha.²⁴Vunoni vuta vuendi vuka kala na ndzili na mavoko endi akakala akudthangama muomu lia mavoko acili a Yakomba, muomu lidthina lia kanyungi, livue lia Isaleli.²⁵Kalu,nga ka Isho akakukuatha na Kalunga ua ndzili yoshe aka kuvedthikitha na vivedthikitho via kuinthi via kala ha lova na vivedthikitho via mavele na limo.²⁶Vivedthikisho via Isho via tuvakana vivedthikitho via mikinya ya laja ndi viyongola via tumikinya tua tundende tua laja. keho vakele kumutue ua Yosefe, nambe hakutumina vumuene kumutue ua muna muene uava muanaina.²⁷Mbenjamini ikeye kangunga ua njala. K,ucimenemene akalia na kutovala mbunda, naku cinguethi aka tepetha vije via kupupa."²⁸Eyi yikeyo mishovo likumi na ivali ya Isaleli. Evi vikevio ua handekele Ishe yavo kuli vakevo omuo mua vavuavuethele. Nkala umo uamu vedthikithile vivedthuko via kupuamo. ²⁹Keho ua vathikile na kuhandeka navo, "Ange njiya kuvantu vange. Njishitikeni kumo nava shukulu yange mu mukiya ua livue lia kala muliha lia Efelone ka Hiteu, ³⁰Mukinya ua livue lia kala muliha lia Makepela, ou uakala muhiehi na Mamele mucifuti ca Kanana, Liha lije Avilahama ualandele muhela uaku shitika kuli Efelone ka Hiteu.³¹Okuje vashitikile Avilahama na Sala mukentu uendi, kuje vashitikile Isaka na Lembeka mukentu uendi, na kuje nja shitikile Lea. ³²Liha na mukinya ua livue ovio muli vikevio vavilandele kuli vantu vaku Hete." ³³Omo Yakomba uamanene aa mashiko kuvana vendi, uakovelethele mahindi endi hamuhela, ua huimine lua kumanethela, keho ua yile kuvantu vendi.

¹Keho Yosefe ua uililile kumesho A Ishe, na ualilile hali vendi, na uamu thsembele. ²Yosefe ualekele vimbanda vendi vavuahethe ci vimbi cia ishe ngeci civihe. Keho vimbanda va vuahethele Isaleli. ³Vatambuile makumi auana, amatangua, Akeo akele matangua aku puamo muku vuahetha. Va Ingito vamu lilile matangua makumi atanu ba avali.⁴Omo matangua akuli ahitile, Yosefe ua handekele na limbo lia Falao, nguendi, " ambe ngeci njina uana kavumbi kumesho eni, njina milombela muhandeka, ngueni, ⁵Tata uanjilingile nji litinge, nguavo, Tala, ange mualolo nji thsa. Njishitikeni mucihilo cio nja hinda ange vavenia mucifuti cia Kanana. Okuye muka njishitika," Ngeci njecieleni njiye na njiye njika shitike Tata,na njika hiluka." ⁶Falao uakumbuilile," Yauye uka shitike Isho, omo vene muaku thingi thile."⁷Yosefe uaile aka shitike Ishe, vaka kupanga kuli Falao voshe vaile nendi, vakuluntu valimbo liendi, na vakuluntu vazhi mbeleua zha Ingito. ⁸Vantu voshe vamuimbo lia Yosefe na vamunaina, nava kua limbo lia Ishe. Vunoni vana vavo, vimpembe viavo, na vingombe viavo via thalele mucifuti cia Goseni. ⁹Tulosa na vamala vakulonda tunkambe navo vaile nendi. Vantu vavengi vakele.¹⁰Hova kahetele halupale lua Atadi kusinya lie lia Jolondau, vashangumukile kulila viakthsa.Okue Yosefe uapangele muala ua ishe matangua atanu na avali. ¹¹Movovuile vaka Kanana kulila halupale lua Atadi, va handekele.'' Oluo lulilitho oluo luava Ingito. " Vikevio vathanene muhela ua Mbeli-Misilayimu, kuvutunde tangua.¹²Munendi ua pangelele Yakomba muye muveshikile. ¹³Vana vendi vamu tualele ku Kanana na vaka mushitikile mucithilo mulia lia Makupela, muhehi na Mamule livu lia landele Ambilahama lia vihilo. Uali landele kuli Efloni, Muhete cihilo ciaku vutunde tangua vua Mamule. ¹⁴Hova manene kushitika ishe, Yosefe ua hilukile ku Ingito, nendi, nava munaina, na voshe vamu shuamene muku kashitika Ishe.¹⁵Vamunaina ya Yosefe Hova mune nguavo Ishe nanthsi, vahandekele nguavo," Vati nga Yosefe nolo kanda ali navukalu netu na ayongole kutu hiluitha mukushula viye vua kuviha tuamupanga? " ¹⁶Keho vathanene Yosefe hali yavo, naku handeka," Isho ua hanene mashiko kulutue athse, nguendi, ¹⁷Lekeni Yosefe evi, Eciela kuvoshe viova lingile vamunanoko na kuviha koshe kova pangele kuli yove " Ngeci eciela vantu va Kalunga ua isho,'' Yosefe ua lilile mova handekele nendi.¹⁸Vamunaina vayile na vali pokuethele kuli yendi. Vahandekele," Tala, etu tuvantu vove" ¹⁹Vunoni Yosefe uava kumbuilile, " Ngeci mukale naliova. Ange njili mumuhela ua kalunga? ²⁰Ngeci mueni, mua yonguele kunji Lemeka, Vunoni Kalunga uavi muene via cili, Akovole miono yayingi, Ngeci muomu namono lelo. ²¹Ngeci mukale na liova, Nage njika milela navana veni vavandende," Uva lembethekele mungila yakufua ngeci na uahandekele nangozhi kuvimbunge viavo.²²Yosefaua tungile mu Ingito, nava vushoko vua Ishe, Uayoyele miakacihita na miaka likumi. ²³Yosefa ua muene zhintekuilila zha Eflaimu. Uamuene luhua vana va Makile muna Manase uamumala, Hova vahalekele hama voko mumesho a Yosefa.²⁴Yosefa ua handekele kuli vamunaina, Ange mualolo njithsa; Vunoni Kalunga akenja kuli yeni na aka mituamenena muku tuhuka mucifuti cino nakuya kucifuti ciye cia thingile a hane Ambilahama, Kuli Isaka, na kuli Yakomba." ²⁵Keho Yosefe ualingile muna Isaleli athinge cithingo. Endi ua handekele,'' Kalunga vuoli akenja kuli yeni. Hanthimbu yaco oyo eni muka vanga kutunditha vithsiha viange muno.'' ²⁶Keho Yosefe uathsile, Miaka uo. Vau vuahethele muvila uendi naku uhaka mucikesa mu Ingito.

¹Aa akeo madthina avana va Isaleli vaje vazhile ku Ingito na Yakomba, muntu ku muntu uezhile na vushoko vuendi: ²Luvene, Simoni, Levi, na Yunda, ³Isakale, Zembulone, na Mbenjamini, ⁴Ndani, Nafatali, Ngande, na Asele. ⁵Vantu voshe vaje vapuile vatekulu va Yakomba vapuile vantu makumi atanu na avali. Yosefa nthimbu oyo endi uakele laja mu Ingito.⁶Mukemo honi Yosefe, vamu naina voshe va vamala, na limo lije lioshe vathsile. ⁷Vana va Isaleli vapuile vaka luvembo luacili, va lithemene muakama mukuvatanda, amba na vapuile vantu va ndhili muakama, vashulithile muhela uoshe uva vahanene.⁸Hano honi kuedhile muene ua muha mu Ingito, uje kazhivukile Yosefe. ⁹Uahandekele na vantu vendi, "Taleni, vana va Isaleli vavengi muakama muku vatanda avo lalo vali na ndhili kutu tuvakana yetu. ¹⁰Ijeni, tuva luithe namana, ambe ngoco va livuedhelela kuilana, nga ndhita ija, vaka livuezha kuli vaka vidthindo vietu, vaka tuluitha, nakutha livu lietu.¹¹Mukemo va vahakelele vaka kuva paketha na vipanga via kulema. Vana va Isaleli va tungilile Falao vimbongi via vishepa: Pitome na Lemase. ¹²Vuno honi omuo muva va yandethele muakama, mukemo na muva lilanethele naku litepela mkuhela uavo. Hakeho honi vaka Ingito vatamekele kuva yandetha muakama.¹³Vaka Ingito va hanene vana va Isaleli vipanga via kulema muakama. ¹⁴Keho vashashethele vuyoye vuavo navipanga viakulema via vuma, vindopi, na vipanga vieka na vieka via mumehia. Vipanga viavo vioshe viva va hanene via kele viakulema muakama.¹⁵Keho honi muene ua Ingito ua handekethele vaje vakentu vavali vaje vakuathele vampuevo va vahevelu muku mona tumbututu; lidhina lia umo ikeye Sifila, mukuavo Pua. ¹⁶Uahandekele navo nguendi, ''Omuo mumukuatha vakentu vavahevelu muku haka hama voko, vataleleni vuino. Nga vamona munike uamumala, keho muthsiheni, nga uampuevo, mue celeni akale namuono''. ¹⁷Vuno honi ovo vampuevo vakuathele vakuavo vovuilile Kalunga tata liova mukemuo honi kuvapangele ovio vilinge via valekele muene uavo ua Ingito, mukemo hani vehelele vanike vavamala navo vakale namiono yavio.¹⁸Muene ua Ingito uathanene vaje vakentu vavali keho uavehuile nguengi," Vika muna mpangela viuma via kufua ngeci, amba na vika muna lelela vanike vavamala vakale na muono?" ¹⁹Ovo vakentu vavali vakumbuluile muene uavo Falao, "Vakentu va vaHevelu vakele ngue vakentu vaka Ingito. Avo vakola, vakala na mivila ya cili amba na vakala nandzili, vekulivanga kuhakaho mavoko kulutue etu tua kuvizhivuke.''²⁰Kalunga tata uohielele vakentu ava vavali, vantu velanene muku vatanda avo lalo vakele na ndhili yakama. ²¹Mukonda vakentu ovo vavali, vovuilile Kalunga tata liova, vavedthukile navo vakele na vana vavo na vushoko vua vuingi. ²²Falao ua lekele vantu vendi voshe nguendi,''' Umbileni vanike voshe va vamala vova thema vakentu vavaHevelu mundonga, ambe vathema vana vavo vavakentu vetheni vakale namuono.''

¹Vuno honi mumamala umo ua kumushovo uavo ua Levi. Uambatele mukentu ua kumushovo ua Levi. ²Mukentu ouo uakele na mivila ivali ngoco uathemene munike ua liala. Omuo mua mumuene nguendi munike uacili muamo ua kuvuaha, vamu shuekele ha vingonde vitatu.³Vuno honi hahetele hanthimbu ije uajenekele kuatha kumushueka, ua tambuile cikesa ca makovi ua cizhika mbetume na ngongoshi. Ngoco vahakelemo munike ouo keho uacitua vaka cihaka kumahongo kumukulo ua ndonga. ⁴Munaina ua mukentu uemanene hale navo atale nguendi vika vimuuana mukuenje uendi.⁵Muna ua muene Falao ua mukentu ua shelele kundonga linga akatane hanthi oyo avo vana vava vendele navo venda kunchongo ya ndonga. Vamona cikesa muma hongo keho va tuma umo ua vana vavakentu vendele navo linga vaka munehele cho. ⁶Omuo honi mua chitukuile, ua uanenemo munike ua mumala. Taleni, munike ualilile. Uamu vuililile ngozhi nakuhandeka nguendi; ou muvu cili umo ua vana vava Hevelu.⁷Hakeho munaina uamunike ouo uahandekethele muna Falao nguendi, "Kuatha njiku uanene mukentu uaka Hevelu aku kulelele mbututu ou?" ⁸Muna Falao uamukumbuluile nguendi, "Yauye," muna mukentu ouo uayile uakaneha vaina ya mbututu.⁹Muna muene Falao uamukentu ualekele vaina ya mbututu nguendi, "Tambula mbututu uka njileleuo, njika kufueta vimbongo." Mukent ouo uaka Hevelu uatambuile munendi ua kamulela. ¹⁰Omuo muakulile munike, vamuhana kuli muna muene Falao, kumupuitha ngue munendi. Muna muene Falao ualukile munike ouo Mosesa na kuhandeka nguendi, "Mukonda njamu uanene mundonga.¹¹Omuo muakulile Mosesa, uayile kuva vushoko vuendi naku katala vipanga via kulema viva va pangethele. Ua muene muka Ingito apupa ka Hevelu, umo uava vushoko vuendi. ¹²Uatalele noku-noku, omuo mua muene nguendi uahi aliko, ua thsihile muka Ingito keho uashitika muvila uendi mulivu.¹³Ua tuhukile litangua lia ku shuama ki, Keho Taleni, Vamala vavali vana Hevelu vali pupile. Ua handekethele ho uje ka kele mavu cili, "Vika u pupila mukueni?" ¹⁴Vuno honi mumala ouo uamu limbuluile nguendi," Iya uakuhana vukuluntu nakupua muka kutu panguitha hakati keti? Uyongola kunji thsiha ngue honi muna kathsihile uzhe muka Ingito?" hakeho Mosesa ua vuile liova naku handeka nguendi," Vinjui na kapanga vana vizhivuka vantu.¹⁵Hano honi omuo mua viuvuile Muene Falao, Ua yonguele kuthsiha Mosesa. Keho honi Mosesa ua teua kuli Muene Falo uaku kala muimbo lia kuluka Mindiane. Omuo muimbo olio uaku tuma mene hali thima lia mema. ¹⁶Umo mukuluntu ua ci kungulukilo uamu Mindiane ua kele nava vendi vava mpuevo va kupua mutanu navavali va ile, Muku tekula mema, a shulithile ma avto avo vaka nuithe vutangua vua ishe yavo. ¹⁷Vaka kulitha vi nzhui ve zhile va vetheka kuva sheka-sheka ko, Keho honi Mosesa ua ya uaka va kuatha. Keho uakava hanena ko mema kuvu tanga vua ishe yavo.¹⁸Omuo vana vava kentu va ile kuli Leuele ishe yavo, Ua handekele, " Vika muna hetela hembolelo nalitangua alio naku toka kuahi? " ¹⁹Vahandeka nguavo, " Muka ingito umo na tuo hiela kuva ka kulitha vi nzhui. Ikeye naua natu tekuila ko mema naku tu nuithila vutanga vuetu," ²⁰Ua handekethele vana vendi, " Keho kuiko ali? Vika muna muthila mumala ouo? kamu thaneni akulie kumo netu."²¹Mosesa ua tavele kukala hembo lio ou mumala, uzhe ua u hanene munendi Zipola kupua mpuevo yendi ua kua mbata. ²²Mpuevo yendi ua themene kanike uamu mala keho Mosesa uamu lukile Ngelesome; Ua handekele," nja ku tunga`mucifuti ca mbala."²³Nthimbu ya laha ya hitile ho, Muene ua Ingito ua thsile. Vana va Isaleli vali telelele mukonda lia vipanga via kulema via vundungo. Valilile muku tonda kuva kuatha, Kulila na kuli nienga kuavo kua ka hetele kuilu kuli Kalunga Tata mukonda vakele vaku shokeya. ²⁴Omuo Kalunga Tata vo vuile kuli nienga kuavo, Kalunga Tata va vulukile liyave thano liavo na kuku yetu Avilahama, Isaka, na Yakomba. ²⁵Kalunga Tata va Muene vana va Isaleli, Keho vo vuile tuyando tuavo.

¹Hano Mosesa ua kele muku litha vutunga vua va Ishemuene Yetolo, Mukuluntu ua ngeleka uamu Mindiane, Mosesa ua tua lele vutanga hale mumu thenge noho uaku hetele ku Hovele, Kundundu ya Kalunga Tata. ²Kuzhe kangelu ua Kalunga Tata uamu uanene kuhitila mumu lengi ua tuhia mucihumbu. Mosesa ua talele, Keho taleni, cihumbu ca tundile tuhia vuno honi ku ca uemene. ³Mosesa ua handekele, " Ange njitale kusinia eli linga njimone evi vilinge vinji kemoketha, Mukonda vika cihumbu kuci uemena?"⁴Omo mua mu muene Kalunga Tata nguavo na tengulukila ku cihumbu linga aci tale, Kalunga Tata uamu thanene ku hitila mu cihumbu nguavo, " Mosesa, Mosesa, "Mosesa nguendi," Yange uno. ⁵kalunaga Tata ua handekele, keci u shuene mu hiehi. Vutula vinkaku viove kumi kono yove, Mukonda hano halivuha unemana ha lela," ⁶Ua vue zhelele ko, yange kalunga uava isho Kalunga ua Avilahama, Kalunga ua Isake, Na Kalunga uava Yakomba," Keho Mosesa uali fuika kuci hanga cendi, Mukonda ua kele na liove lia kuli tala na Kalunga Tata.⁷Kalunga Tata ua handekele nendi," Ange njina mono vumo-vuino kayando ku vantu vange vuzhe vali mu Ingito. Njinovu kuli letela kuavo mukonda lia vaka kuva pangetha, hano ange njinezhiva kuyanda kuavo. ⁸Njinezha hano hanthi muku va tunditha mu ndzhili yava ka Ingito naku vaneha ku livu lia cililia kama, ku livu lia kushula nama hini amba na vuki, ku cifuti ca kuli hata na vaka Kanana, nava ka Hiteu, nava ka Amoleu, nava ka Pelizeu nava ka Hiveu, amba nava ka Yembuseu.⁹Hano honi kutambakana kua vantu va Isaleli kuna kuheta kuli ange. Vikuavo naua, Njina mono tuyando tuva va Yundetha vaka Ingito. ¹⁰Mukemo honi, Njika tuma kuli Muene Falao linga uka nehe vantu vange, Vana va Isaleli kuva tunditha mu Ingito."¹¹Vuno honi MOsesa ue huile Kalunga Tata," Yange iya, njiye kuli Falao amba njiaka nehe vana va Isaleli kuva tunditha mu cifuti ca Ingito? ¹²Kalunga Tata uamu lekele, " Ange vu cili njika kala kumo nove. Eci cika kala cimuetho kuli ove nguavo nja kutuma. Omuo honi muka mana kutuhula vantu vange kutunda mu Ingito, Muka nji pange yange ha ndundu ei."¹³Mosesa ua handekele na KAlunga Tata, " Omuo munjiya kuli vana va Isaleli amba njika valeke, "Kalunga uava kuku yeni nanji tumu kuli yeni," Amba vaka njihula nguavo, "Iya lizhina liendi? " Vika njika va leka? ¹⁴Kalunga Tata ua lekele Mosesa, "ANGE-ANGE" Kalunga Tata ua handekele, " Muka leka vana va Isaleli, Ange nanji tumu kuli eni," ¹⁵Kalunga tata ua handekele na Mosesa naua,"Kaleke vana va Isaleli, "Kalunga tata, Kalunga uava kuku yeni, Kalunga ua Avilahama, Kalunga ua Isaka, na Kalunga ua Yakomba, nanji tumu kuli yeni, Eli likelio lizhina liange lia miaka yoshe, amba mukemuo nomuo muva kanji haka mumana avo ku memo oshe.¹⁶Ya kaye uka hake hamo vakuluntu va Isaleli. Kova leke nguove, Kalunga tata, Kalunga ua Isaka, na Kalunga ua Yakomba, nezhile kuli yange naku handeka nguendi, "Ange muvu cili nje kumi talela amba na nje kumona vive kumi pangetha mu Ingito. ¹⁷Njina likuminia kumi tunditha mu cifuti ca vaka Kanana, nava Hiteu, nava Amoleu, nava Pelizeu, nava Hiveu, nava Yembuseu cifuti ca shula na mahini amba na vuki. ¹⁸Vaka viuvua vi uka valeka, Nove na vakantu va vana va Isaleli yemu kaye kuli muene ua Ingito, Amba muka muleka ngueni, Kalunga tata, Kalunga uava Hevelu, nali uana netu, Hano honi tue cele linga tuye vungenzhi vua matangua atatu mukati ka mithenge, lingatuka jambe KAlunga ketu.¹⁹Vuno honi nji nezhiva nguange muene ua Ingito kakamie cela linga muye, noho aka mie cele kunzhili. ²⁰Njikolola livoko liange njika luithe Ingito navi komoketha vinji kapanga mukati kavo. Kutunda oho, Aka mie cela muka ye. ²¹Njika yongola vana va Isaleli ku tuva kana vaka Ingito, Omuo na mumu kavatha, kumu kayi ma voko-voko. ²²Mpuevo oshe aka lomba tuvuetuami nchele navi zhala kuva ka Ingito vazhe voshe vava lihatu navo amba nkala mpuevo ua kala muimbolia muhiato uendi muku vi zhika vana veni vava malanava vava mpuevo. Mungila eyi muka nyeka vaka Ingito

¹Mosesa ua tavele ko, " Vuno honi vati co nga kuva tava ndi kuva ka nji tolilila amba n avaka handeke nguavo, "Kalunga tata kaku kezhile ki kuli yove? " ²Kalunga tata ua handekele nendi, " Vika ovio vili muli voko liove? " Mosesa ua handekele nguendi," Mpango!" ³Kalunga Tata uamu leka nguendi," Umbila hanthi," Mosesa ua mbila hanthi valihimpula linoka. Mosesa ua teua ua hiluka munima.⁴Kalunga Tata ua lekele Mosesa," Olola livoko liove linga uli kuate kumu kila," Hakeho holuele livoko liendi akuate olio linoka. Linoka lia li himpuka mpango yamu livoko liendi na," ⁵Evi kulingitha linga va tave nguavo Kalunga Tata, Kalunga uava kuku yavo, Avilahama, Isaka, na Yakomba nezhile kuliyove.⁶Kalunga Tata ua handekele nendi na, Haka livoko liove mu nkondondo yove. Mua tundithile livoko liendi mu nkondondo yendi, Taleni, livoko liendi lia kele na mbumba, lia tokolokele ngue lia kele mulito. ⁷Kalunga Tata uamu lekele," Haka livoko liove mu nkondondo na," Keho Mosesa ua haka livoko liendi munkondondo yendi, muali tundithile mo, Uali muene lina kanguka lina lifu na livoko likua vo.⁸Kalunga Tata ua handekele nendi, "Nga kuva kuku tavele nga kuva kaku tolililile kucimuetho ca kuli vanga ca ndhzili yange nambe kuci thsiliela, Keho vaka tavacimuetho camu civali. ⁹Nga kuva tavele vimuetho evi vivali via ndhzili yange , Nambe naku ku tolilila kuahi, Keho katambule mema mundonga linga uka a shuuile halivu lia kuma. Mema a u katambula aka lithindumuka maninga hakivu olio vene lia kuma."¹⁰Mukemuo Mosesa ua handekele na Kalunga Tata," Kalunga Tata, Kunja kele nalizhi lia cili lia kuhandeka nambe ku nthimbu yaku nima nambe kunda nthimbu yimua handeka nange, Ange nja kala naci kukuma na ndaka yange yalema," ¹¹Kalunga Tata ua handekele nendi ," Iya ua panga tunua tua vantu voshe? Iya ueku holuetha kanua ka muntu ndi kumu puitha kathinda matui nambe amone ndi apue muntu ua kuthsa mesho? Nkuma keci yange Kalunga Tata? ¹²Hano honi youye, nange njika kala mumo na kanua liove njika kulongetha viu ka handeka." ¹³Vuno honi Mosesa ua handekele, " Kalunga Tata, njina milombo tumeni muntu ueka, nkala uoshe umu na hangula kutuma."¹⁴Hakeho Kalunga Tata ua nyenguele Mosesa. Ua handekele." Vati co Alone, Mukuluntu uove, vaka Levi? Njimuzhivuka ueku handeka mua cili. Muku vuezha kuli ovio, mungila ali ezha kuli yove, maba na muaka ku mona, Oka vuahelela mumbunge yendi. ¹⁵Uka handeka nendi keho uka muleka via ka handeka. Njika kala mumo na tunua tueni, Keho na njika mileketha muva voshe vimu kapanga. ¹⁶Aka handeka na vantu muku ku kuatela mo yove. Aka kala kanua kove, Keho uka pua kuli yendi ngue yange, kalunga Tata. ¹⁷Uka mbata muli voko liove mpango eyi, na mpangoeyi, Uka panga vi muetho."¹⁸Mukemo Mosesa ua hilukile kuli tolomueno yendi Yetolo uaku muleka nguendi," Njecele nji hiluke kuli vavu shoko vange mu Ingito linga njika va mone nga kanda vali na miono yavo," Yetolo ua handekele na Mosesa," kaye na mbunge ya cili. " ¹⁹Kalunga Tata ua lekele Mosesa mu Mindiane, " Kaye, hiluka ku Ingito, Mukonda vamala voshe va vazhe va yonguele kuku thsihia va thsa." ²⁰Mosesa ua tambuile mukentu uendi na vana vendi uava haka ha cindongi. Ua hilukile ku Ingito, Keho va hituile mpango ua Kalunga Tata muli voko liendi.²¹Kalunga tata ua lekele Mosesa, " Omuo mu hiluka ku Ingito, mona nguove uka panga vikomo ketha vioshe vinja hana mu nzhili yove. ²²Vuno honi njika koletha mbunge yendi, Keho ka kecela vantu linga vaka ye. Uka leka Falao, "Evi vikevio via na handeka Kalunga tata; Isaleli munange vamu mala, munange ua kuli vanga, ²³Keho njikakuleka, " Ecela munange uamu mala aye, linga aka nji pangele," Vuno honi Omuo muna viana ku muecela, Mavu cili njika thsihia munove uamu mala, ua kuli vanga."'²⁴Hano honi mungila yavo, Hava hetele hanthimbu vakuhuimitha ko mathsiki, Satana uali uanene na Mosesa Keho ua yonguele kumu thsihia. ²⁵Hakeho Zipola ua nonene mpoko keho ua lovola munendi uamu mala, Amba na ua Kuatha cikanda coco ua ci haka kuvi liatelo viendi. Keho ua ahandekele, Cili-Cili unapu mumala uange mumaninaga," ²⁶Hakeho Satana ha mue celele, Ua handekele," Umu mala uange muma ninga " Mukonda lia kulovoka.²⁷Kalunga Tata ua lekele Alone," Kaye mumu thenge uka li uanae na Mosesa." Alone ua yile, Uaka mu uanene kundundu ya Klunga Tata, Keho vaka muthsemba. ²⁸Mosesa ua lekele Alone vioshe via u lekele kalunga Tata via mu tumine linga aka vi handeke havi muetho via nzdhili ya Kalunga Tata via mu tumine aka vipange.²⁹Hakeho Mosesa na Alone vayile, Keho vaka thana mbunga vava kuluntu va vana va Isaleli. ³⁰Alone ua handeka vihandeka vioshe via handeke Kalunga Tata mu mesho ava vantu. ³¹Vantu va tavele via va lekele. Omuo mu vovuile nguavi Kalunga Tata na mono vana va Isaleli Keho na mono na tuyando tuavo, Va thsikamene va kulumana keho vamu lemesa.

¹Kunima omuo vuoshe evi via hitile, Mosesa na Alone va Ile kuli Falao vaka handeka nguavo, " Evi vi kevio via na handeka Kalunga ua Isaleli, Nguendi; Ecela vantu vange va ye, linga vaka pange cipito cange mu kati kamuthenge,'''' ²Falao nguendi," Iya Kalunga? Mukonda lia vika nji tolilila lijui liendi linga nje cele vana va Isaleli vaye? Kunji muizhiva Kalunga; Kuvuezhako na, Kunje cela vana va Isaleli linga vaye."³Vamu leka nguavo," kalunga uava Hevelu nali uana netu. Tu tavethela tuye vungenzhi vua matangua atatu mumuthenge etu na tuka hane vizhambo vietu kuli Kalunga Tata kuteuethela keci atui zhile nama vezhi nambe na muele," ⁴Vuno honi muene ua Ingito ua handekele navo, "Mosesa na alone, Vika muna tundithila vantu kuvi panga via vo? Hilukeni kuvi panga vieni." ⁵Ua handekele na, "Tuli honi na vantu va vengi muimbo lietu, Eni co na muva lingitha vali kele kupanga vipanga viavo."⁶Litangua olio vene, Falao ua hanene lishiko kuli vaka kuva pangetha na kuli vami shapayi vendi, Uava lekele, " ⁷Keci ngue matangua aku nima, kutunda aha keci muhane ava vantu muila linga va pange vindopi ve celeni vaka nehe muila avo vavenia. ⁸Nambe ngoco, Valekeni va pange vindopi via vingi ngue vene muzhe muva na kapanga kunima. Keci muka tave vindopi via vi ndende, Mukonda lia vulenda vuavo. Vikevio viva natu thanena amba vatuleke nguavo," Tutavetheleni tuye linga tuka hane kuzhamba kuetu kuli Kalunga uetu. ⁹Vuezheleleni vipanga via vingi kuva mala linga vavi pange avo na vazheneke kutolilila kuvi handeka via vishaki.¹⁰Vaka kuva pangetha nava mishipayi va tuhukile linga vaka leke vantu. Vaka handekele nguavo," Evi vikevio viana handeka muene Falao; Kunji ka mihana na muila. ¹¹Eni vavenia muya muka shake muila kuoshe kumu ka u Uanena, Vuno honi vipanga vieni ni kutepuluka kuahi.¹²Hakeho honi vantu vali shandangunene muaya Ingito linga vaka kunguiye vitungu via muila. ¹³Vaka kuva pangetha avo vana kuva thindueya, " Maneni vipanga vieni, ngue Muzhe mutu naku mihana-hana yetu muila." Vaka kuva pangetha vazhe vantu va Falao va pupile mishipayi va vana va Isaleli, vazhe vene va mala vava hakele muku talela vaka kupanga. ¹⁴Vaka kuva pangetha vana kuvehula nthimbu yoshe," Mukonda vika kumuo pangelele vindopi vitua mitumbuila, Nambe Izhau na lelo, ngie muzhe mumu na kuvi panga matangua aku nima?"¹⁵Mishipayi ua vana Isaleli va ile kuli Falao vaka mulilila. Nguavo," Vika utu pakethela mungila eyi?" ¹⁶Muila uahi vekutu hana na, Vuno honi kanda vatu leke tu pupa, Vuno honi vitango vaco co via vantu vove, " ¹⁷Vuno honi Falao nguendi," Eni muvi lendo; Muvi lendo ngueni," Tu tave tuka hane kuzhamba kuetu kuli Kalunga Tata. ¹⁸Hano honi hilukeni kuvi panga vieni muila uahi na vaka mi hana, vuno honi eni ni kapangeni vindopi via vingi ngue muzhe muva na kalinga muila uaku mi nehela.¹⁹Va Mishipayi va vana va Isaleli va Muene nguavo vali muvi tanga muva ua lekele," keti muka Tepulululeko ku vuingi vua vindopi viva kapanga. " ²⁰Va ile kuli Mosesa na Alone, Vazhe vema nene hanja lia mbala ya Muene, Muva tundile kuli Falao. ²¹Va handekele na Mosesa na Alone," Kalunga Tata ami tale anku mi hana kashitiko, mukonda muna tu nehela mulonga kumesho a Falao nava kuluntu va vipanga vendi. Muna va haka muele muli voko liavo linga vatu nthsihie.²²Mosesa ua hilukile kuli Kalunga tata uaka handeka nguendi," kalunga Tata, Vika muna nehela vitanga ku vantu ava? Vika mua njitumina ha kuli vanga? ²³Nthimbu njezhila kuli Falao nja ku handeke nendi muli zhina lieni, ua neha vitanga kuli vantu ava, Amba kumuo hielele vantu ava muku vatunditha kutu yando etu.!

¹Hakeho honi Kalunga Tata ua handekele na Mosesa," Hano honi umona vinji panga kuli Falo. Umona vilinge evi, Aka vecela mukonda lia nzhili ya livoko liange. Mukonda lia nzhili ya livoko liange, Aka va sheka muomu cifuti cendi.²Kalunga Tata ua handekele na Mosesa naku muleka nguendi," Ange nji Kalunga. ³Njali muethele kuli Avilahama, Kuli Isaka, na kuli Yakomba kupua Kalunga ua zhili yoshe; Vuno honi muli zhilina liange, Kalunga, Kuva nji zhivukile. ⁴Ange na nja haka litavathano navo, Linga njiva hane cifuti ca Kanana, Cifuti civa tungile ngue vangezhi, Cifuti cize ca vundungo. ⁵Vukuavo na, Njovua kulila kua vana va Isaleli vazhe vaa puithile vandungo vaka Ingito, Hakeho njina vuluka litavathano liange.⁶Mukemo honi, Leka vana va Isaleli, Yange Kalunga. Njaku mitunditha muvu ndungo vua vaka Ingito, Amba na njaku mie cela ku zhili yavo, Njaku mio hiela muku leketha zhili yange, Amba nazhli ya vipanga viange via ku hitha. ⁷Njika mitambula ange va venia mukonda mu vantu vange, Nange nji kapua Kalunga keni. Muka zhivuka ngueni, Ange nji Kalunga keni, Uzhe uami tundithile muvu ndungo muma voko ava ka Ingito.⁸Njika muneha ku Cifuti cizhe cinja li tavelele kuci hana kuli Avilahama, Kuli Isaka, na kuli Yakomba, Njika mi hana co cika kala Cifuti ceni. Yange Kalunga," ⁹Omuo mua vileke Mosesa vana va Isaleli, Kuva mu toli lilile mukonda via va tundthile zhili vipanga via kulema via vundungo vivo pangele.¹⁰Hakeho Kalunga Tata ua handekele na Mosesa, nguendi," ¹¹Kaye uka leke Falao, Muene ua Ingito, Ecele vana va Isaleli linga vaye va tunde mu Cifuti cendi," ¹²Mosesa ua handekele na Kalunga Tata," Nga vana va Isaleli kuva nji tolililile, Vati Falao aka nji tolilila, Nthimbu oyo ange keci nji muka kuhandeka mua cili?" ¹³Kalunga tata ua handekele na Mosesa na Alone. Muene ua Ingito, A tuthule vana va Isaleli va tunde mu Cifuti ca ingito.¹⁴Ava vakevo va kele mitue ya vinjivo via va Ishe yavo; Vana va Luvene, Vana va kuli vanga va Isaleli, Vakevo Hanake, Palu, Hezelone, na Kalimi. Ovu vuekevuo vushoko vua Luvene. ¹⁵Vana va Simeone vakevo Yemuele, Yamine, Ahande, Yakine, Zahale, na Shaulu vana va ukentu uamu Kanana, Ovu veukevo vushoko vua Simeone.¹⁶Hano vana thono mazhina a vana va Levi, kuo lika nava tekulu nava tekuluila vavo. Vakevo ava Ngelesone, Kahate, na Melali. Levi ua kele nthimbu yayingi na muno noho ua hetele ku miaka 137. ¹⁷Vana va Ngelesone vakevo Livini na Simei, Mu cithemua cavo. ¹⁸Vana va Kohate vakevo Amelame, Izehale, Hevelone, na Uziele. KOhate ua kele na muono kuheta ku miaka 133. ¹⁹Vana va Melali vakevo Mali na Mushi. Ava va kele vaka cithemua ca Levi, Kumo lika na vana vavo, Nava tekulu vavo.²⁰Amelame ua mbatele Yokevende, Nshongo ya Ishe. Uamu hanene vanike va vali Alone na Mosesa. Amilame ua kele na muono noho uaka tulile muono uendi na miaka 137. ²¹Vana va Izehale vakevo Kola, Nefenge, na zikili. ²²Vana va Uziele vakevo, Misiale, Elezafane, na Sitili.²³Alone ua mbatale Eliseva, muna Aminandave, mukuluntu va Nasene uamu hanene vanike ava Nandave, Avihi, Eleazale, amba Itamale. ²⁴Vana va Kola vakevo Asile, Elekana, na Aviasafe. Ava va kevo vavu shoko vua Kolahite. ²⁵Eleazale muna Alone, ua mbatele umo ua vantu uava mpuevo ua Putiele. Ua themene Finehase. Ava va kevo va kele mutue ya vinjivo via va Ishe yako mukati kava Levita, Kushuama kumu shovo uavo.²⁶Vamala ava vavali va kevo Alone na Mosesa vazhe va lekele Kalunga tata," Tunditheni vana va Isaleli mu Cifuti ca vaka Ingito, kuhitila muvi mbunga viavo via va mala vazhe vaka kulua nzhita." ²⁷Alone na Mosesa va handekele na Falao, Muene ua vaka Ingito, ave cele va tundithe vana va Isaleli mu Ingito. Ava vakevo vazhe vene va Mosesa na Alone,²⁸Omuo mua handekele Kalunga Tata na Mosesa mu Cifuti ca Ingito, ²⁹Uamu lekele nguendi," Yange Kalunga. Kaleke Falao, Muene ua Ingito, Vioshe vinji ka kuleka. ³⁰Vuno honi Mosesa ua handekele na Kalunga Tata," Ange kunji zhiva mo ku handeka, mukonda vika Falao aka nji tolilila ange?!

¹Kalunga Tata ua lekele Mosesa," Tala, Njina kupuitha ngue U Kalunga kumesho a Falao. Alone mu kuluntu uove aka kala ka Polofeto uove. ²Uka handeka vioshe vinji ka kutuma uka vi handeka. Alone mukuluntu uove aka handeka na Falao linga ake cele vana va Isaleli vaka tunde mu cifuti cendi.³Vuno honi njika koletha mbunge ya Falao, amba njika panga vi muetho via vingi mu nzhili yange, vi komo ketha via vingi, Muimbo lia vaka Ingito. ⁴Vuno honi Falao kaka ku tolilila, ngoco njika haka mavoko ange hali vaka Ingito naku tuhula mbunga yava mala vaka kulua, Vantu vange, vantu vamu Isaleli, Kuva tunditha mu Ingito muvi panga via kadhitiko ka kama. ⁵Vaka Ingito vaka zhivuka nguavo ange nji Kalunga tata munji ko lola livoko liange hali Ingito naku tunditha vana va Isaleli mukati kavo."⁶Mosesa na Alone va pangele ngoco; Pangele ngue muzhevene mua va tumine Kalunga Tata. ⁷Mosesa ua kele na miaka makumi atanu na atatu, na Alone ua kele na miaka makumi atanu na atatu na miaka itatu muva ka handekele na Falao.⁸Kalunga Tata ua handekele na Mosesa na laone, ⁹"Omuo muaka handeka neni, " Pangeni cikomo uetho; Keho uka leka Alone, Tambula mpango linga umbile hanthi kumesho a Falao, linga lithindumuke Linoka.''' ¹⁰Hakeho Mosesa na Alone va ile kuli Falao, vaka pange ngue mua va lekele Kalunga tata. Alone ua mbilile mpango yendi hanthi kumesho a Falao na vantu vendi ngoco ya himpukile linoka.¹¹Hakeho Falao ua thenene vaka mana navi mbando vendi. Vapangele vi komo ketha via kulitha kuhitila muma mbanda avo. ¹²Nkala umo uavo uo mbilile mpango yendi hanthili ngolo mpango yali thindumuka linoka. Hakeho honi mpango va Alone yamina mina manoka avo. ¹³Mbunge ya Falao ya kolele. nguo kava tolilile, ngue vene muava lekele Kalunga Tata.¹⁴Kalunga Tata ua lekele Mosesa," Mbunge va Falao ya kala, amba yove viana kue cele vantu vange linga vaye, ¹⁵Kayeni kuli Falao cimene muaya ku ndungo. Kemane kunshongo linga uka liuane nendi, Keho ka kuate muli voko liove mpango yizhe ya lithindumukile linoka.¹⁶Muleke nguove," kalunga tata, Kalunga uava Hevulu, Nanji tumu kuli ove nja kuku leka," Ecelo vantu vange linga vaye linga vaka nji pangele makati kami thenge. Noho hanthimbu ino kuua nji tolililile," ¹⁷Kalunga tata na handeka evi; Mukonda lia evi uka njizhivuka nguove yange Kalunga tata njika pupa ha mema amu ndonga na mpango evi yili muli voko lia nge, Keho mema aka lithindumuka manina. ¹⁸Vansi voshe vali mu ndonga va kathsa, na ndonga nayo yika nika. Vaka Ingito kuva katha kunua mema amu ndonga eyi.¹⁹Hakeho Kalunga tata ua handekele na Mosesa, " Leka Alone, "Tambula mpango yove keho uovole livoko liove kumema a vaka Ingito, Naku vindonga viavo, vishali, vindama, namu vindama via kufukila vansi, linga mema avo apue maninga panga evi linga mu Cifuti cavo mukale maninga halivu lioshe lia vaka Ingito, namu vitenga viavo via kuhaka mema amba mu mavue."'²⁰Mosesa na Alone va pangele ngue muzhe muava tumine Kalunga tata. Alone ua kakuile mpango amba ua ipupa ha mema amu ndonga, Mu mesho a Falao na vantu vendi. Mema oshe amu ndonga ali thindumukile maninga. ²¹Vansi vamu ndonga vathsile, ndonga nayo ya valekele kunika. Vaka Ingito kuva thele kunua mema amu ndonga, Amba maninga aco akele mu Cifuti coshe cava ka Ingito. ²²Vuno honi vimbanda vamu Ingito vapangele vilinge via kufua ngoco nama mbanda avo hakeho mbunge ya Falao ya kolele, Keho ua via nene kutolilila Mosesa na Alone, ngue muzhe mua handekele Kalunga Tata nguendi," Muvi kapua.²³Hakeho Falao ua tengulukile ua ya muimbo liendi. Ka hakele mbunge yendi kuvi linge evi. ²⁴Vaka Ingito voshe va hindile kushongo ya Ndonga va tundeko mema aku nua, Vuno honi kuva thele kunua mema amu ndonga ayo vavenia. ²⁵Matangua atanu na avali ho kuna ya thindumuithile Kalunga Tata mema amu ndonga muku a Puitha maninga.

¹Hakeho Kalunga Tata ua lekele Mosesa," Kaye kuli Falao uka muleke," Kalunga tata na handeka evi; "Cele vantu vange vaye linga vaka nji pangele yange. ²Nga u viana kuve cela, Njika haka manjunda mu Cifuti cove coshe. ³Ndonga ika shula na mandjunda, Vaka kanduka va kuya mu membo eni, Muvi njivo via ku kotha, na havi mbete vieni. Vaka ya namu vinjivo via vaka kuku pangela. Vaka ya ku vantu vove, namu vioto viavo, namu malonga aku pangela mboloto. ⁴Manjunda aka kuluitha, Aka luitha vantu vove, Aka luitha na vundungo vove.''''''⁵Kalunga Tata ua handekele na Mosesa," Leka Alone," Olala livoko liove na mpango yove ha ndonga, Havi shali, na muvi ndama, Keho tuma Manjunda mu Cifuti coshe ca vaka Ingito.''' ⁶Alone uo luele livoko liendi ha mema avaka Ingito, Keho manjunda a tuhukile ngoco a fuikile livu lioshe lia vaka Ingito. ⁷Vuno honi vimbanda navo va pangele vikomoketho avio nama mbanda avo; Va tumine manjunda mu Cifuti ca ingito.⁸Hakeho Falao ua thanene Mosesa na Alone keho uava leka," Lambeni kuli Kalunga ueni linga a tundithe manjunda kuli yange anku vantu vange. Ambe nji kecela vantu linga vaye, linga vaka zhambe Kalunga kavo.'' ⁹Mosesa ua lekele Falao," Uli na mpoko ya kunji leka nthimbu nji kulombela ko yove, Vandungo vove, Vantu vove, Linga manjunda va atanduthile kuli yove, na muvi njivo vieni, keho akale lika mundonga."¹⁰Falao ua handekele," Imene. "Mosesa ua handeka," Vipue ngue omuo muna ahndeka, Linga uzhivuke nguove ua hiko na ua kulifua Kalunga tata, Kalunga uetu. ¹¹Manjunda aka tunda ko kuli yove, muvi njivo vieni, kuva ndungo vove, Naku vantu vove. Vaka kala lika mundonga." ¹²Mosesa na Alone va thile Falao. Kuna hu Mosesa uaka lomba kuli Kalunga Tata kutuala ku manjunda a nehele kuli Falao.¹³Kalunga Tata ua pangele ngue muzhe mua lombele Mosesa; Manjunda a thsile muvi njivo viavo, Ku vitungu, namu mehia. ¹⁴Vantu va ahaka muvi ntumbo, Kunahu Cifuti coshe ca nikile. ¹⁵Vuno honi omuo mua muene falao nguendi, na uana ou huimino, ua koletthele mbunge yendi, katolilile va Mosesa na Alone, ngue muzhe mua va lekele Kalunga Tata nguendi, Muaka panga.¹⁶Kalunga Tata ua lekele Mosesa," Leka Alone, 'Olola mpango yove keho u ipupe mu mbundu ha livu linga ipue vishume mu cifuti cose ca Ingito.''' ¹⁷Vapange ngoco. Omuo muo luele Alone livoko liendi na mpango yendi linga apupe ha mbundu yaha livu, vushume vue zhile ku vantu naku tuthitu. Mbundu yoshe ya puile vushume mu Cifuti coshe ca Ingito.¹⁸Vambanda navo ve thekelele ko na mumbando avo nguavo navo vapange vushumem Vuno honi kuva via thele. Hakeho honi vushume vua kele ha vantu naha tuthitu. ¹⁹Ngoco vimbanda va handekele na Falao," Evi via muli voko lia Kalunga tata," vuno honi mbunge ya Falao kathi ya kolele, ua via nene kuva tolilila. Vapuile ngue muzhe mua vitumbuile Kalunga tata nguendi muvi kapua.²⁰Kalunga Tata ua lekele Mosesa," Katuka cimene mene linga uke mane kulutue lua Falao mua kaya ku ndonga. Kamu leke 'Kalunga tata na handeka evi; Ecela vantu vange linga vaye linga vaka nji thsikamene yange. ²¹Vuno honi amba ku uecela vantu vange linga vaye, Njika tuma mbunga yavi nzhinzhi hali yove, vandungo vove, naku vantu vove, naku vizhivo vieni, Vinzhivo via vaka Ingito vika shula navi nzhiznhi, na hali have kuimana haka shula navi nzhinzhi.²²Vuno honi hali tangua olio vene njika tepa ko limbo lia Ngosena muimbo lizhe liva kala vantu vange, Linga keci muka kale vinzhinzhi muimbo lizhe. Evi njika vipanga linga uka zhivuke nguove yange Kalunga Tata njili mu Cifuti eci. ²³Njika tepetha hakati ka vantu vange na vantu vove. Eci cimuetho ca ndzhili yange njika cipanga imene,''''' ²⁴Kalunga Tata uapangele ngoco, keho vimbunga via vinzhinzhi viezhile ku njivo ya Falao naku vi njivo via vandungo vendi. Cifuti coshe ca Ingito ca kele nabi nzhinzhi, na livu lia mu Ingito lia vihile mukonda lia vimbunga via vinzhinzhi.²⁵Falao ua thanene va Mosesa na Alone uava leka nguendi," Kayeni, Jambe Kalunga ueni mu Cifuti ceni." ²⁶Mosesa nguendi, " Kuvuaha kuahi etu tupange vilinge via kala ngoco, Mukonda vi Jambo vitu ka hana kuli Kalunga uetu via pua vilinge via ku viha kuli vaka Ingito. Nga tu hana vi Jamba vietu mu mesho ava ka Ingito vikevio naua via pua via kuviha kuli vaka Ingito, kuva ku tuashanga mavue ndi? ²⁷Kuahi, Ikeyo ngila yamu tangua atatu ya kuya mumu thenge linga tuka hane vijambo vietu kuli kalunga Tata, ngue muva na tumu.²⁸Falao nguendi," Njika mia cela linga muye muka Jambe Kalunga ueni mumu thenge. Kunahu lika keti muye hale mua kama. nji lombeleni ko." ²⁹Mosesa nguendi, " Hanthimbu inji tunda kuli ove, njika lomba kuli Kalunga Tata linga mbunga yavi Nzhinzhi yiku tunde, Falao, Nava ka kuka pangela na vantu vove imene.Keho honi keti uva pangethe havu ngungu naua muku va vindika kuya linga vaka Jambe kalunga uavo."³⁰Mosesa ua tuhukile atunde kuli Falao hakeho ua ile aka lombe kuli Kalunga tata. ³¹Kalunga Tata ua lingile ngue muzhe muamu lekele Mosesa, ua tundithile mbunga yovi Nzhinzhi kuli Falao, Kuli vaku kumu pangela, naku vantu vendi. Nambe umo ka thupilekp. ³²Vuno honi Falao ua kolethele mbunge yendi ha nthimbu eyi na, Keho katavele kue cela vantu linga vaye.

¹Hakeho Kalunga Tata ua lekele Mosesa," Kaye kuli Falao uka muleke Kalunga Tata, Kalunga uava Hevulu, na handeka evi; Ecela vantu vange linga vaye linga vaka nji pangele yange." ²Vuno honi uviana kuve cela linga vaye, nga nthimbu una vakuatela. ³Hakeho livoko lia Kalunga Tata lika neha vuvezhi vuaku viha kuvi muna vieni vazhe vali mumu thenge ha tuvalu, ha vimulu, ha tumelu ha vingombe, na ha matanga; naha vimbunga. ⁴Vuno honi Kalunga aka haka katepetho hakati ka vimuna via vana va Isaleli na vimuna via vaka Ingito kulingila vimuna via vana va Isaleli keci hathse nambe umo.⁵Kalunga tata ua hakele nthsimbu, " Muli tangua lia imene nja kupanga vilinge evi muimbo lino.''''' ⁶Kalunga Tata ua pangele vilinge evi litangua lia ku shuamako; Vingombe vioshe via vaka Ingito via hsile, vuno honi uahi ua tshileho ha tuthitu tua vana va Isaleli, nambe kathitu umo. ⁷Falao ua taluluile vuino, taleni, na umo uahi na tuthitu va vana va Isaleli ua thsile. Vuno honi mbunga yendi ya kolele, ngoco kecelele linga vaye.⁸Keho Kalunga Tata ua lekele Mosesa na Alone, "Tambuleni ku tuhia, yove, Mosesa, Muashe lito liaco mu mpundzhi nthimbu oyo endi Falao kutala avi tala na mesho endi. ⁹Lito olio lika pua mbundu ya indende ha livu lioshe lia vaka Ingito. Vika nehetha vimbulu navi mbandu ku vantu na kutu thitu mu Cifuti cose cava ka Ingito. ¹⁰Hakeho Mosesa na Alone vatambuile lito ku tuhia vemana kulutue lua Falao. Hakeni Mosesa ua shele lito muilu mu mpunzhi. Lito lia nehele vimbulu navi mabndu ku vantu naku tuthitu.¹¹Vimbandu ku vathele kupanga vimpata na Mosesa mukonda lia vimbulu, vimbuly via kele hali vakevo na hali vantu voshe vamu Ingito. ¹²Kalunga Tata ua kolethele mbunge ya Falao ngoco Falao katoli lilile va Mosesa na Alone. Evi ngue vizhe Kalunga tata ua lekele va Mosesa na Alone nguendi muaka panga Falao.¹³Ngoco Kalunga Tata ua lekele Moseesa, " Katuka cimene mene, kemane kulutue lua Falao, Uka muleke; Kalunga Tata, Kalunga uava Hevelu, Nahandeka evi; " Ecela vantu vange linga vaye vaka nji pangele yange. ¹⁴Mukonda hanthimbu eyi njika tumama vezhi aku vihia hali yove vavenia, hali vandungo vove na hali vantu vove. Njika panga ngoco linga muku zhivuke ngueni uahi ua litua nange hanthi hoshe.¹⁵Nthimbu nga njinolola lazha livoko liange njiku kuithe hamo na vantu vove na vuvezhi, Amba na nga njina kutunditha mo mu Cifuti. ¹⁶Vuno honi omuo lia konda eyi njina kuecelela uyoye; Kulingila njiku leketha nzhili yange, Linga lizhina liange va lia mbulule kushe kua lenga Cifuti. ¹⁷Ove kanda una lituntula kuli vantu vange muku zheneka ku vecela linga vaye.¹⁸Uvueni! Himene ha nthimbu ino njika tuma mphunzhi ya kama izhe kanda va mone lumo mu cifuti ca Ingito kutunda haca valeka noho hanthimbu ino. ¹⁹Hano honi, tumeni vamala va kunguiye vi muna vieni na vilinga vioshe viamu neha eni kumu hela ua cili. Nkala mumala na tuthitu vali mu mehia vasha kumua nehele hembo, mpunzhi yakama ikezha hali vakevo, avo na kathsa.²⁰Hakeho vazhe vava ndungo va Falao vatavele mulizhi lia kalnga Tata va zhambuile vaka nehe vandungo vavo na vufuko vuavo mu membo avo. ²¹Vuno honi kuli vazhe kuva tavele mpundu mulizhi lia Kalunga tata ve celele vindungo via vo na vimuna viavo mume hia.²²Hakeho Kalunga Tata ua lekele Mosesa," Olola livoko liove muilu linga kunoke nyonzhi yamavue mu cifuti cose ca Ingito, ha vantu na tuthitu, Amba ha nkala mbuto yamu lihia mu cifuti ca Ingito. ²³Mosesa uo luelue mpango yendi muilu, Amba Kalunga Tata ua tumine mihiato, mavue, na mihiato yaku uemuna ha livu. Ua nokothele naua nyonzhi yamavue mu Ingito. ²⁴Ngoco kua kele mavue na mihiato ya kuli vandakana na nyonzhi yamavue, ya kama, izhe kanda yikale lumo mu Ingito kuvaleka haya valeka kupua cifuti.²⁵Mu Cifuti coshe ca Ingito, nyonzhi yakama ya mavue ya tshile vilinge vioshe mu mehia, vantu na tuthitu. Nyonzhi ya tshihile mbuto yoshe mu mehia amba ya pokuezhele viti vioshe. ²⁶Kuvanga mu cifuti ca Ngosene lika muzhe muva kele vana va Isaleli, Mukemo kumua kele nyonzhi yamavue.²⁷Hakeho Mosesa ua tumine va mala vaka thane Mosesa na Alone. Ua handekele navo," Njina panga vupi nthimbu ino. Kalunga Tata ua shungama, Amba na ange na vantu vange tuva kuviha. ²⁸Lombeni kuli Kalunga Tata mukonda mihiato yakama na mavue ana tuva kanena. Njika miecela linga muye, Amba kumu kakalamo na muno.²⁹Mosesa uamu lekele, "Hanthimbu yoshe inji ka tuhuka muimbo lino, nji kolola mavoko ange kuli Kalunga Tata. Mihiato ika likela, amba kuku ka kala naua mavue. Mungila eyi uka zhivuka nguove mavu oshe a kundama kuli Kalunga Tata. ³⁰Vunoni kuli yove na vindungo vove, njinedthiva nguange koua thingimikie Yehova Kalunga kove."³¹Hano liniu na Savanda via vihile, Mukonda Sevanda ya kulile amba liniu ya temuine. ³²Vuno honi masha na Sepeleta kuvua vihile mukonda via kulile kupua mbuto yaku kotokela. ³³Omuo Mosesa ua thile Falao na limbo lizhe, Uo luelue mavoko endi kuli Kalunga Tata; Mihiato na mavue ali kelele, na nyonzhi kuya nokele na.³⁴Omuo mua muene Falao nguedi nyonzhi, mavue, na mihiato vina likele, Ua pangele vupi na amba ua kolethele mbunge, Mumo lika nava kavipanga vendi. ³⁵Mbunge ya Falao ya kolele, Umba hakeho ua vianene kue cela vana va Isaleli linga vaye, ngue muzhe Kalunga Tata ua handekele kuhitila muli voko lia Mosesa.

¹Kalunga Tata ua lekele Mosesa,'' Kaye kuli Falao, mukonda njina koletha mbunge yendi na vimbunge via vaka vipanga vendi njina panga evi linga nji lekethe vimuetho via nzhili yange mukati kavo. ²Evi njina vipanga na linga neni mua kuleketheko vana veni nava tekulu veni vilinga vinji na panga, Kutuala munji na pangethelamo vaka Ingito navu kalu, Amba vati munji na hana vikomoketho via nzhili yange mukati kavo. Mungila eyi muizhiva ngueni yange Kalunga Tata.''³Ngoco Mosesa na Alone va ile kuli Falao vaka muleka,'' Kalunga Tata, Kalunga uava Hevelu, na handeka evi; Nthimbu yaku pua kuiko uka viana kuli kehetha kuli ange? Ecela vantu vange linga vaye linga vaka nji pangele yange. ⁴Vuno honi nga uviana kue cela vantu vange linga vaye, tolilila, Imene njika neha vimbimba mu cifuti cove.⁵Vaka fuika livu lioshe keho na umo uahi aka mona livu va kalia vi thupo zizhe vioshe vio voku kunyonzhi yamavue. Va kalia na nkala citi ca shoka mu mehia eni. ⁶Vaka shulitha vi njivo vieni, via vaka vipanga veni, Amba via vaka Ingito voshe vilinge vizhe nambe isho nambe vakuku yove vava mala kanda vavi mone lumo, Via via mona kutunda litangua livezha hanthi na hano ha tuendela.''' hakeho Mosesa ua tuhukile ua tundilw kuli Falao.⁷Vaka vipanga va Falao va handekele nendi,'' Ntimbu ya kupua kuiko mumala ou apua vishoti kuli etu? Ecela vana va Isaleli linga vaye linga vaka pangele Kalunga uavo. Nolo vene unongonone nguove Ingito ina vihia?'' ⁸Mosesa na Alone vava nehele na kuli Falao, uzhe ua handekele navo,'' Kayeni muka pangele Kalunga ueni. Vuno honi vantu muka vaka ya?'''⁹Mosesa ua kumbuluile, '' Tukaya va vanike vetu na vakuluntu vetu, na vana vetu vava mala na vana vetu vava kentu. Tukaya na vimbunga via tuzhila na matango avi muna, Mukonda tuka panga cipito ca Kalunga Tata.'' ¹⁰Falao ua handekele navo,'' kayeni mukemuo vene Kalunga tata akale neni, nga njika mitavethela linga muye na vana veni vava ndende nao vakaye. Taleni, muli navi thinganieka via kuvihia mu mana eni. ¹¹Kuahi! Kayeni, muva mala mala lika mukati keni, linga muka pangele kalunga tata, mukonda ovio vikevio vimu tonda.'' hakeho va Mosesa na Alone vava tundithile kumesho a Falao.¹²Ngoco Kalunga Tata ua lekele Mosesa, '' Olola livoko liove halivu lioshe lia vaka Ingito kutaleketha ku vimbimba, linga vaka luithe livu lioshe lia Ingito naku lia vishoka vioshe, navizhe vithupo via thupa ku nyonzhi ya mavue.'' ¹³Mosesa ua luele mpango yendi halivu lia vaka Ingito, ngoco Kalunga Tata ua nehele mpunzhi yaku tunda kuku kia kua litangua halivu lizhe litangua lioshe na mathsiki Omuo mulia lale litangua kuci mene impunzhi ije vene ya nehele vimbimba.¹⁴Vimbimba va ile halivu lioshe lia Ingito amba na vatambuile vi nkandela vioshe via cifuti ca Ingito. Kanda va mone lumo vimbimba via kupua omuo mu cifuti ca Ingito, Amba na viahi via kufua ngeci vika kala ko na nambe kuma tangua aku lutue. ¹⁵Va fuikile helu lia livu lioshe amba livu nalio lia zhivalelle. Valile mbuto yoshe mu cifuti coshe na vishuka vioshe uua ku viti vije via thupile ku nyonzhi ya mavue. Mu Ingito yoshe cahi ca thupilemo ha muomu, Nambe nkala citi nambe mbuto yamu mehia.¹⁶Ngoco Falao ua tahanene vuathi-vuathi va Mosesa na Alone Amba uava leka nguendi,'' Njina panga vupi kuli Kalunga ueni na kuli eni. ¹⁷Hano ngoco, nji tundithileniho vupi vuange nthimbu ino, Amba na lombeni kuli Kalunga Tata, Kalunga ueni linga atunditha kuthsa eci kuli ange. '' ¹⁸Hakeho Mosesa ua tuhukile ua ile kutunda kuli Falao ngoco uaka vundilile kuli Kalunga Tata.¹⁹Kalunga Tata ua tumine mpunzhi ya kama ya nzhili ya kutunda kuku toka kuali tangua ya kakula vimbimba ngoco yaka vumbila mu ndonga ya Mahongo. Mbimba na umo uahi ua thupile mu cifuti coshe ca ingito. ²⁰Vuno honi Kalunga Tata ua kolethele mbunge ya Falao, ngoco Falao katavele kue cela vana va Isalelli linga vaye.²¹Ngoco Kalunga Tata ua handekele na Mosesa, '' Olola livoko liove muilu linga mukale mithithi mu Ingito yoshe, Mithithi ije ivovua.'' ²²Mosesa uo luele livoko liendi muilu, Hakeho kua kele mithithi yaku hima mu cifuti coshe ha matangua atatu. Uahi ua thele kumona mukuavo, ²³Uahi ua thile limbo liendi ha matangua atatu. Nambe ngoco, Vana va isaleli voshe va kele mumu tana kuzhe kuoshe kuva tungilile.²⁴Falao ua thanene Mosesa keho ua handeka, '' Kayeni muka pangele Kalunga Tata. Nambe va vushoko vueni vaye neni navo, Vuno honi vimbunga na matanga avu fuko vueni vikevio lika vika thala.'' ²⁵Vuno honi Mosesa ua handekele, '' Tutavethele tu kale navi Jambo na vihana vikuavo via kuthimika linga tuka vihane kuli Kalunga Tata, Kalunga uetu. ²⁶Vingombe vietu navio noho viye netu; nambe likondo nalimo liahi lika thala kunima. Mukonda tuva tuala linga tuka pangela Kalunga Tata, kalunga uetu, Mukonda kutue zhivile nguetu na vika tuka pangela Kalunga Tata noho tuka hete kuje.²⁷Vuno honi Kalunga Tata ua kolethele mbunge ya Falao, ngoco ka vecelele linga vaye. ²⁸Falao ua handekele na Mosesa,'Tunda kuli ange! Linyunge ku chilinge cimo, nguove keci uka nji mone na, Mukonda litangua lioshe liu ka mona ci hanga cange, Uka thsa.'' ²⁹Mosesa uendi, '' Yove va venia una vihandeka. Kunji kamono ci hanga cove na."'

¹Ngoco Kalunga Tata ua lekele Mosesa, "Kanda kuli vuvezhi vumo vunji ka neha hali Falao na Ingito. Kunima yaco, aka miecela linga muye mutunde muno. Omuo mua ka miecela linga muye, aka misheka-sheka nanzhili yoshe muku mitundithilila mu cifuti cendi. ²Lekeni, vantu ngueni nkala mumala na nkala mpuevo alomba muhiato uendi Palata nambe olu," ³Nthimbu eyi Kalunga Tata na lingitha vaka Ingito linga vakale navuthona vua kuneha ciyulo kuvi mbunge viavo. Muku vuezhako, mumala uzhe Mosesa ua puile muka vu cili mumesho avaka kupangela Falao naku vantu vamu Ingito.⁴Mosesa ua handekele, Kalunga Tata na handeka evi; "Mukati kama tshiki njika hita mu Ingito. ⁵Vanike voshe vakuli vanga mu Ingito vaka thsa, Kutundilila kuli muna ua kuli vanga ua Falao, uzhe ua tumama mu cipundi cavu muene, kutuala kuvana voshe vakuli vanga vavi ndungo viavo vava mpuevo vazhe vali kunima muku tua vunga, amba kuvana voshe va kuli vanga vavi muna viavo.⁶Hakeho ku kuzhe kuli tetela kua kama mu Ingito yoshe, Kuzhe kanda va mone lumo na kuli tetela kuaco kuku ka kala ko na. ⁷Vuno honi nambe katali na umo uahi aka vuozha nambe umo ua vantu va Isaleli, Akale muntu ndi kathitu. Mungila eyi muka zhivuka ngueni ange nji panga neni nava ka Ingito muvi ngila via kuli tepa. ⁸Voshe vaka kumi pangela, Falao, Vakeja kuli ange na kutua mavuli avo. Vaka handeka, ''Kaye, Yove na vantu voshe vaka kuku shuama!'' Kunima yaco"njika tuhuka,'' Ngoco ua tuhukile atunde kuli Falao navu kalu vua kama.⁹Kalunga Tata ua lekele Mosesa, '' Falao kaka mitolilila. Evi kulingila njika pange vikomoketha via vingi mu Ingito.'' ¹⁰Mosesa na Alone va pangele vikomoketho via kama kumesho a Falao. Vuno honi Kalunga Tata ua kolethele mbunge yendi ngoco Falao kecelele vantu va Isaleli va tuhuke mu cifuto cendi.

¹Yehova uahandekele na Mosesa na Alone mu cifuti ca Ingito. Nguendi,'' ²Kuli yeni, ngonde ino ikeyo vushangumukilo vua vingonde, ngonde yakulivanga kuliyeni.³Lekeni lukungulukilo lua Isaleli, mulitangua liamu likumi lia ngonde ino nkala uoshe alikuatele muna injui nambe muna mpembe nkala njivo ivipange, muna injui kunkala njivo. ⁴Amba njivo ya indende muakama kuinjui, nendi namukuavo mavalihatela vanone nthsitu ya injui nambe ya munampembe ije iuania muvantu voshe. Nkala uoshe a uane ko linga alie, keho vatambule ntsitu yaingi linga vva lithe voshe.⁵Muna injui nambe mpende uoe keci akale nambe na citonio, akale muna cidhamba ua muaka umo. Muka nona ho umo ua injui nambe impembe. ⁶Muka amuhaka noho litangua lia mu likumi na avana angonde oyo.Keho mbunga yoshe ya Isaleli inapande kuthsihia tuthitu otu kucinguedhi. ⁷Muapande kutambula maninga amo linga muakuite kuvipanga na kuvivuliko via njivo ovio vimu kalila nthitu. ⁸Muapande kukalia nthitu yaco kuvuthsiki, mumukamona mbangelo kuyoca hacoto. Mukailia nambolo yakunjeneka kuthinina navihemba via kushasha.⁹Keci mukailie halikaliyo nambe kukaiteleka. Vuno, muka yoca hacoto na mutuo uaco, mahindi na mutu. ¹⁰Keci muthedheho muthedha nambe umo nakucimene. Mithedha mua pande kuithsimika kucimene. ¹¹Omu mukemo mumu na pande kuilia: nakulidhitika miva muvimbunda vieni, navinkuaku ku mianja yeni, namulomu mulivoko lieni muapande kuilia vuathi-vuathi. Muomu yikeyo pasovala ya Yehova.¹²Yehova nahandeka evi nguendi: njikenda mucifuti ca Ingito vuthsiki vuaco na kuthsihia va mbeli voshe va vamala natuthitu tua cifuti ca Ingito. Njikaneha kashitiko ku tulunga tua mu Ingito. Yange Yehova. ¹³Maninga akapua cileketho havinjivo vieni mukuija kuange kuli yeni. Munji ka mona maninga, njika mituvakana munji ka katukila cifuti ca Ingito. citumbula eci kucikenji kuli yeni na kumi vihitha yeni. ¹⁴Litangua eli lika pua lia kama kuli yeni, lije limu ka vuluka ngue cilika ca Yehova. Likakala lishiko lieni nthsimbu yoshe, mu mema a vantu veni voshe, evi vimumona litangua lia lelo.¹⁵Muka lia mbolo yakunjeneka kuthinina matangua mutanu na avali. Litangua liambangelo mukatuhuitha hingo muvinjivio vieni. Nkala uoshe a ka lia mbolo ya hingo tunde litangua lia mbangelo noho lia li mucitanu na avali, muntu ouo muna pande kumuteteko ku Isaleli. ¹⁶Kulitangua liambangelo kukakala lukungulukilo luange, na litangua lia mucitanu na avali kukala lukuavo naua. uahi aka panga mumatangua oo, kutundithako kuteleka lika nkala uoshe alie. Ovio vikevio lika vipanga vimu kapanga.¹⁷Munapande kuka takametha cilika eci ca mbolo yakujeneka hingo muomu likelio litangua eli likelio linja tunditha vantu veni, vimbunga na vimbunga, mu cifuti ca Ingito. Keho munapande kutaka metha litangua eli mu memo eni oshe . Eli likapua lishiko lieni. ¹⁸Muna pande kulia mbolo ya kuthinina kushangumuka kucinguedhi litangua lia mulikumi a auana angonde ya kulivanga mu muaka, noho kucinguedhi ca litangua lia makumi avali nalimo lia ngonde.¹⁹²⁰Mumatangua oshe mutanu na avali, keci mukakale nahingo muvindjivo vieni. Uoshe aka lia mbolo ya hingo vana pande kumutetako kumuyati ua Isaleli, cikale ngedhzi nambe mundambo ua mucifuti. Keci mukalie navimo viahi viakupangetha hingo. Kuoshe kumukatumama, yemu ka lie mbolo ya kujeneka hingo.''²¹Keho Mosesa uathanene vakuluntu va Isaleli na kuvaleka nguendi,'' yemuye muka hanguleho dhinjui nambe hia hinike vije vikatha kulitha vinjivo vieni keho thsihieni ho njui ua pasovale. ²²Keho muka tambula kacifuta ka cithampo naku ka mbuitika mumaninga amulilonga. Keho muka kuita maninga ahalilonga helu lia vivuliko via vikolo nahavipampa. Naumo ueni uahi aka tuhuka cikolo canjivo yendi noho cimene.²³Muomu Yehova aka hitamo nakukatukila va ka Ingito. muamona maninga helu lia vivuliko via vikolo vieni na ha vipampa vivali via vikolo, a ka tuvakana vikolo vieni keho kaka tavathela muka kuvihitha aka mikatukile kuvinjivo vieni.²⁴Muapande kutakametha cilika eci. Eci cika pua lishiko lieni navana veni. ²⁵Mumukakovela mucifuti cije caka mihana Yehova, ngue muavitumbula kuvipanga, muna pande kuka niunga ngila eyi ya kulemetha kua ngeci.²⁶Muva kamihula vana veni nguavo, ' vika kuna langunuka kulemesa kuageci?' ²⁷Keho mukavaleka ngueni, ' cikombelo ca pasovale ya Yehova, muomu Yehova uahitile kuilu lia vinjivo mu Ingito mua katukilile va ka Ingito. Ue celelele membo etu.'' Keho vantu vathsikamene nakulemetha Yehova. ²⁸Vana va Isaleli vaile na kupanga vuino ngue mua shikile Yehova kuli Mosesa na Alone.²⁹Kuakele vuthsiki vumo Yehova ua thsihile vimbeli vioshe mucifuti ca Ingito, kutundilila ku mbeli ya Falao, ou ua kuvumuene vuendi, noho kumbeli ya muka kamenga na vimbeli vioshe via vangombe. ³⁰Falao ua katukile vuthsiki yikeye vangamba vendi, na vaka Ingito voshe. Mu Ingito voshe. Mu Ingito muakele kulila kuakama, muomu kumuakele njivo ya jenekele mukakuthsa.³¹Falao uathanene va Mosesa na Alone vuthsiki na kuvaleka nguendi, '' katukeni, tundeni mukati kavantu vange, neni nava Isaleli. Yemuye, lemeseni Yehova, ngue mumua handekele kuvipanga. ³²Tambuleni malimba navihambo, ngue mumua handekele, keho yemuye, nange njivedhikitheni ko.'' ³³Vaka Ingito vadhambuile muakama kuvasheka mucifuti, muomu va handekele nguavo, '' vanga tuvavoshe tuthsa.''³⁴Keho vantu mukemo muva tambuile vitika viavo keho kuva hakeleko hingo. Vitikilo viavo vavi kutilile muvidhala viavo nahavithisili viavo. ³⁵Ngeci honi vantu va Isaleli vapangele ngue muava lekele Mosesa. ³⁶Yehova ualingithile vaka Ingito vayongole kutoketha va Isaleli kuvimbunge. Mukemo vaka Ingito muavahanene vioshe viva yonguele. Mungila eyi, mukemo muva maneneho va Isaleli naka Ingito.³⁷Vana va Isaleli va tundile ku Lamese vaye ku Sukote. avo vakele vamala vakaupua ku 600,00 va ka kuenda hamavu, mukuvuendha kuvakentu na vanike. ³⁸Na vantu vavengi-vengi. ³⁹Vocele mbolo yakujeneka hingo ku vitika viva hituile mu Ingito. Kumua kele hingo muomu vavatuhuithile mu Ingito keho kuvakele malanga akuvuahetha viakulia. ⁴⁰Va isaleli vatumamene mu Ingito miaka 430.⁴¹Kukuhua kua miaka 430, halitangua olio vene, vimbunga vioshe via Yehova va tuhukile mu cifuti ca Ingito. ⁴²Vukevuo vuakele vuthsiki vua kukala lika mumesho, linga Yehova ava tundithe mucifuti ca Ingito. ovu vua kele vuthsiki vuaNjambi kuli vana va Isaleli kuliniunga muaya memo avo.⁴³Yehova uahandekele na Mosesa na Alone nguendi, '' ano akeo mashiko a pasovale : Ngendhzi uahi aka lieko. ⁴⁴Vuno honi, nkala ka Isaleli ua ndungo, uva landa na vimbongo, kuatha alieko kunima ya kumulovola.⁴⁵Vangedhzi na vangamba va kufueta keci valie nambe cakulia cimo. ⁴⁶Viakulia muka vilila munjivo. Enico keci mukatuhuithe mbunda munjivo, keci naua muka pokle nambe cithsihia cayo.⁴⁷Miyati yoshe ya Isaleli vana pande kuniunga cilika . ⁴⁸Nga muli na ngendhzi ua tumama neni keho ayongola kutala pasovale ya Yehova, vushoko vuendi vuoshe vua vamala vana pande kuvulovola. Keho eja akutala. Akufua ngue vantu vava nehela mucifuti. Vuno honi uahi ua kujeneka kulovoka akalia kuviakulia.⁴⁹Lishiko eli lika panga ku vantu voshe vana nehela mucifuti na vangedhzi vaka tumama mukati keni.'' ⁵⁰Mukemo va Isaleli voshe muvapangele vuino ngue Yehova muashikile va Mosesa na Alone. ⁵¹Viakele ngeci nguavo litangua olio vene, Yehova ua tundithile va Isaleli mucifuti ca Ingito na vimbunga viavo.

¹Keho Yehova ua handekele na Mosesa, nguendi, '' ²Nji toketheleni va mbeli, nkala mbeli ua kulivanga ua mumala ha kati ka vana va Isaleli, voshe vantu na tuthitu. Voshe va mbeli vakevo vange.''³Mosesa ua lekele vantu nguendi, '' vulukeni litangua eli, likelio mua tuhukile mu Ingito ku ndjivo ya vundungo, muomou nthili ya livoko lia Yehova ua mi tundithile ku muhela ou. Komu kali mbolo ya ku thinina. ⁴Ha litangua lia lelo mu tuhuka mu Ingito, mu ngonde ya Avive . ⁵Omo Yehova aka kuneha mu cifuti ca vaka Kanana, nakahiteu, na ka Amoleu, maviata na ka Yembeseu, cifuti ciye ca lithingile na va yisho ku kuhana co, cifuti ca kuhita mahini na vuki-kunahu uka takametha cilikaeci ku ngonde eyi.⁶Ku matangua matanu na avali ukalia mbolo ya kuyeneka ku thininka ku thinina; ha litangua lia mutanu na avali ku kakala ciuano kuli Yehova. ⁷Mbolo ya kuyeneka ku thinina u ka lia matangua oshe mutanu na avali; yahi mbolo ya kuthinina yika kala hakati keni. Nambe vikashetho keti vaka vi mone kuli yove nambe ku vingamba viove.⁸Ha litangua olio u kaleka vana vove nguove, '' muomu evi vikeo Yehova na ndjipangela mo ndja tuhukile mu Ingito.'' ⁹Eci cikapua cileketho kuli yove kulivoko liove na cileketho ha luholo luove. Eli likelio lishiko lia yehova likala kala mu kanua kove muomu nthili ya livoko lia Yehova lia kutunditha mu cifuti ca Ingito. ¹⁰Keho uka niunga lishiko lino kuthimbu yalio ku muakana ku muaka.¹¹Omo Yehova aka kuneha mu cifuti ca Kanana mua lithingile nove na vaisho, keho aka hana cifuti eci kuli yove. ¹²Keho uka hangunuina Yehova vioshe via kulivanga kuthenmuka ku limo. Voshe va kulivanga kuthemuka ku kathitu ua mumala, vapua va Yehova. ¹³Voshe ua kulivanga kuthemuka ku cindongi u ka mu landa na muna yindzui. Nga ko ua mulandele, pokola nthingo yendi. Vunoni honi nkala mo ua kulivanga kuthemuka ku limo ku vana vove voshe- u ka va landa.¹⁴Omo vana vove va vamala vaka kuihula kuthimbu ya kunima nguavo; vika vilangunuka evi? uka va leka nguove; muomu lia nthili ya livoko lia yehova lia tutundithile mu Ingito, ku njivo ya vundungo. ¹⁵Omo Falao ua vianene kutu ecela linga tuye, Yehova ua nthilile voshe ua ku livanga kuthemuka mu cifuti ca Ingito, voshe vakulivanga kuthemuka ku tuthitu. Ngoco vene njika kombeleya kuli Yehova voshe vaku livanga kuthemuka ku tuthitu, na kulanda vaku livanga kuthemuka ku vana vange. ¹⁶Eci ci kapua cilekethoha livoko liove, na cileketho ha luholo luove, muomu lia nthili ya livoko lia Yehova ya tu tuhula mu cifuti ca Ingito.''¹⁷Omo Falao uecelele vantu va ye, Kalunga ua va hitithilili ngila kuya ku cifuti ca va Filistine, nambe cifuti ca kele ha muhehi. Kalunga ua handekele nguendi, '' halumo vantu vakatenguluka mana avo omo vahiti mu nthita keho vaka hiluka mu Ingito.'' ¹⁸Keho Kalunga ua tuamenene ku hita muvindundu naku ndong ya ku venga'' va Isaleli va yile kuilu kutunda mu cifuti ca Ingito vana livuahethela kulua nthita.¹⁹Mosesa ua hituile vinthiha via Yosefe, muomu Yosefe ua lingithile va Isaleli va lisinge keho ua handekele nguendi,'' Kalunga yikeye aka mu ohiela, na kuhitula vithiha viange.'' ²⁰Va Isaleli vendele kutunda kusokote keho va tulile ku etame ha muhehi navindinda. ²¹Yehova uava tuamenene ku lutue luavo kumutana mungunthi ya lishelua ava tuamene mingila. Keho manthiki mu ngunthi ya tuhi ava tuile ceke. Keho vakevo vendele mumutanya na manthiki. ²²Yehova ka tundithileko nguthi ya liselua ku mutana ku vantu ndi ku manthiki ngunthi ya tuhia.

¹Mukemo Yehova Uahandekele na Mosesa, nguendi, '' ²leketha vana va Isaseli ngoco valithenge nakuka uimina kulutue lua Pi-hahilote, hakati Mingondole nandonga ya Kalunga, kulutue lua Mbale-zetone. Mukauimina kundonga-ndoga ya Kalunga musinya lije lia Pi-hahilote. ³Falao a ka handeka kuli vana va Isaleli,'' vali nakuyevela mucifuti. Zindinda zinava shakela kuli vakeuo.⁴Mukemuo njikavavalethe mbunge ya Falao, mukemuo a kava shuama. Keho njika leketha ndzili yange mukonda lia Falao namasualale vendi oshe. Keho vakua Ingito vakazivuka nguavo yange Yehova.'' Ngoceo va Isaleli vahuimitshile ngue muje muava lekethele. ⁵Omuo muene ua Ingito vamulekethele nguavo vana va Isaleli vanai, visinganieka via Falao nevi via vantu ventu via tengulukilile kuvantu vanje. Keho nguavo,'' vika vi tunapanga? linga tutuhule va Isaleli vaye nakutupangela kuahi.''⁶Keho Falao uanonene matemba endi naku tuala masualale endi hamo nendi. ⁷Uahonene vihita vitanu nacimo via matemba akuhangula na matemba oshe amu Ingito. Nava kapitau navo uoshe. ⁸Yehova uakalu uithile mbunge ya Falao, muene ua vakua Ingito. Keho muene ua tsuamene ko kuva Isaleli. Ngoco vana Isaleli vanai mukonda vana katuka nalivoko liakuthungama. ⁹Vuno honi va Ingito vava tsuamene, navioshe natu kambe tuoshe namatemba., navaje vakua kurambetha uino tukambe nama sualale vendi. Mukemuo uakava uanene tenga tenga vauimitheko kunchongo ya ndonga ya Kalunga vana sungama na Pi-handote, kulutue lua mbale-Zefone.¹⁰Keho Falao uahetele hamuhehi, vana va Isaleli vatalele kunjima vakomokele. Talenu, vakua Ingito valinakutu tsuama, keho vakele na liova muaka-kama. Keho vana va Isaleli valili-lile kuli Yehova. ¹¹Keho vahandekle na Mosesa, '' mukonda kukuakele vihilo vietu mu Ingito. Ngoco unakatunona linga tutsile kunoku cana? vika viu na tupangela vi, kutu nona mu Ingito? ¹²Keti mukemo tuakulekethele mu Ingito ni? tua handekele nove, ngueto, te ueze linga tupange va kua Ingito.'' chili kulutue kuvapangela keti kutsila kuno kucana.''¹³Mosesa uahandekele navantu,'' nguendi, '' keti mukale na liova. Tumameni lika mumone kuoyela ya Yehova ca kamupangela lelo. ngoco kmu kamono naua va kua Ingito ava vamumona lelo. ¹⁴Yehova a kami luelako, keho muna pandele ku tumamena lika.''¹⁵Keho Yehova uahandekele na Mosesa, ngueni'' mukonda lia vika, Mosesa, uli nakuhilukilamo nakunji sana yange? leketha vana vaIsaleli vaye kulutue. ¹⁶Kakula muilu mbueti yive, keho inika livoko liove helu lia ndonga ya Kalunga nakuitepetha avali. Ngoco vene vana va Isaleli vende mukati kandonga halivu lia kuma. ¹⁷Taleni ange njikomethe vi mbunge ya Ingito ngoco vakova tsuana munji yavo. nji ka kala nge yanaluthimo mukonda lia Falao nama sualale vendi, matemba endi, nava kua kupuikitha tukambe. ¹⁸Keho vakua Ingito vaka zivuka nguavo yange Yehova mukonda njika kuvula Falao, namatemba, nava kua kupuikitha tukambe.¹⁹Kangelo ua Kalunga. Uje uendele kulutue luava Isaleli, Keho uahitile kutjina yauo. Ngundzi ya lishelua liahitile kutue luauo na kuhiluka nakuima kunjina yauo. ²⁰Lishelua liezile hakati kambunga ya Ingito na mbunga ya Isaleli lia puile lishelua lia muthithi kuva ku Ingito, vuno honi nolo lia hele ceke kuvana va Isaleli, keho mukemuo vakuasinya lino keti veje muhehi nava kuavo vuthsiki voshe.²¹Mosesa uenikile livoko helu lia ndonga. Yehova ua hiluithile ndonga ya Kalunga nalimu kakundu kundu kakama kandzila kutundilila kuvucelo ualitanga vutsiki vuoshe amba pangele ndonga mukuyumitha mukupuitha livu liakuma. Munjila ino mema alitepethele. ²²Vana va Isaleli vaile mukati ka ndonga ya Kalunga mulivu lia kuma. Mema a kele civumbe cavo cimo ku cilio kucimoshue.²³Vakua Ingito vava shamene. Va ile hamo nauo atemu kati kati kandonga ya Kalunga- voshe tukambe va Falao, matemba, navakua kulonda tukambe. ²⁴Vuno honi kuvithimbu via cimene mene, Yehova uatalele hamavu kuma sualale ava kua Ingito mu ngundzi ya tuhia na lishelua. Uatamesele civunga cava kua Ingito. ²⁵Keho makosho aku temba avo atemene, nava katukambe vahonene mukuenda uasi-uasi. Vakua Ingito vahandekele nguavo,'' tuyeni ku va Isaleli, omuo Yehova ali kuvaluithilako omuo vakemuo kuli yetu.²⁶Yehova ualekele Mosesa, inika livoko liove mundonga ya Kalunga ngoco vene mema ali uane kumo lika va Ingito, matemba avo, natukambe hamo navantu. ²⁷Ngoco Mosesa uenikile livoko liendi mundonga yaKalunga, mukemuo akahiluka muje muacili mukonda omuo cimene cikia. Vaku Ingito vaike hamo na mema aKalunga, keho Yehova uauisilile va Ingito hakati ka ndonga yaKalunga. ²⁸Ngoco mema ahilukile nakufuika, matemba navakua tukambe, namasualale vaje kashikuile munyima ya va Isaleli mundonga ya Kalunga. uahi uovokeleho.²⁹Nambe vene, vana va Isaleli vendelele halivu lia kuma hakati-kati kandonga ya Kalunga. Mema hakele civunbe cavo kucilio naku cimuosue. ³⁰Ngoco vene Yehova uohielele vana Isaleli liangua lije nakuva nona muli voko liava kua Ingito. keho vana va Isaleli vamuene vakua Ingito vanatsi kushongo yandonga ya Kalunga. ³¹Omuo va Isaleli vamuene ndzili ya kama ya pangale Yehova kuli vakua. Ingito, Keho vantu vouilile Yehova, naku yava muli Yehova nangamba yendi Mosesa.

¹Keho Mosesa na vantu va Isaeleli va himbile lithino kuli Yehova. Vahimbile, '' njihimbila Yehova yakeye uatuva kana ku yela; keho kakambe nauye ua londele ho vavombilile mumema a Kalunga.²Yehova ndthili yange nalithina, yakeye vuo vuoke vuange. Ou yakeye Kalunga keho ange njimu shangala yakeye, Tate Kalunga naku mushangala yakeye. ³Yehova nanjiluilako ndzita; Yehova lizina liendi.⁴Yakeye uombilile Falao, matemba na masualale vendi mu mema a Kalunga. Lisualale lia Falao uakuhangula ua lovele mumema aka Kalunga aku venga. ⁵Keho vindzinga via va fuika, vathivi lila kunthi ngue livue.⁶Livoko liove lia chilio, Yehova, lia vuaha lia ndzili livoko liove lia chilio, Yehova, ashandola vaka vindzindo. ⁷Muvukama vuove u uitha vaye vana ku katu kila yove. ⁸Haku hemba mumanjulu ove mema ali lundikile ma nkimba a mema ngue mutumbo; vindundu via kondelele ha kati ka mema a Kalunga.⁹Vakua vithindo nguavo, njika shikulako njika kuata njika tepetha viye vino vilio, vithingo viange vika kuta hali liavo; njika shomona muele uange; livoko liange lika venieka. ¹⁰Vuno yove ua futhilile mpuzi yove, na mema a Kalunga ava fuikile, valovele ngue chumbaa mu mem athe a kama. ¹¹Uye ualifua nove, Yehova, mukati katu lunga? uye ualifua nove, vukama vuaku yeleu kushangala na ku kule metha, kupanga vikomo uetho?¹²Uoluele livoko liove lia chilio, keho livu liava minine. Mungothi yove ua tuamena vantu vaye vu uo vuele. ¹³Mundzili yove uava tuamenene kumuhela uaku yela kuye ku ua kala yove.¹⁴Keho vantu vo vua, keho va ja ja, mishongo yino kuata va ndambo vaku Filistiya. ¹⁵Keho muene uaku Endome ua kele na liova; keho vakua ndthita Moave va jajele; va ndambo voshe vamu kanana vaka thothonoka.¹⁶vuangathithi na liova via va uililile. Muomu ndthili yali voko liove lia ndthili, vanaholoka ngue livue noho vantu vove vana hiti, Yehova- noho una mane kupopela vantu vove.¹⁷Keho uka vaneha naku va tula ku ndundu yavu suana vuove, muhela, Yehova vaye vo unalingi va tungemo, njivo yaku yela, shukulu Kalunga livoko liove lina yitungu. ¹⁸Yehova a ka shuana ku miaka na miaka kuhua kuahi.''¹⁹Vuno tukambe tua Falao na matemba hamo na va katu kambe vakovelele mumema a Kalunga. Yehova munima ua nehele mema a Kalunga kuli vakevo. Vuno vaIsaleli vendelele mu cifuti cha kuma mukati kati kandonga Kalunga. ²⁰Miliame ka profeto, mukulunu ua Alone ua mu kentu, ua nonene kangona, naua kenu voshe vayile natu ngoma, nakukina hamo nendi. ²¹Miliame ua vembilile: Embila Yehova, muomu vumpahu vuendi ua kama-nava ye va londele hatu kambe ua va mbilile muKalunga ndonga.''²²Keho Mosesa ua tuamenene Isaleli kuya kulutue ku tunda ku Kalunga ndonga ya kuvenga. Keho va tulukile muvindinda via sule. Vendele matangua atatu muvindinda na mema ahi. ²³Hakeho va hetele ku mala, vuno ko va naine mema kuye momo ashashele. hakeho va thanene muhela uye mala.²⁴Hakeho vantu vatato kelele Mosesa nguavo, vika tunua? ²⁵Mosesa ua lilile kuli Yehova, Mukemo Yehova ua lekele thele chiti. Mosesa ua chumbilile mu mema, na mema atovalele kuanua. Okuye vene Yehova uava hanene mashiko, oko vene ua vethekelele. ²⁶Ua kuaniene nguendi, nga muli vandeka kutolila kulinjui lia Yehova Kalunga keni, mupange vi kushungama kumesho endi, nga muhana matui kumashiko na kuvi veta viendi vioshe- konji kamihana vuvethi vujikahana vakua Ingito, Ha keho ange Yehova uye uaku kanguitha.²⁷Keho vantu vendthile ku Elime, kuye kuakele mathima likumi na a vali amema na viti vitanu navi vali via tunkoma. Hakeho vatulile kuye ku mema.

¹Vantu vedthile kutunda ku Elime, nambunga ya vana va Isaleli vedthile ku vindinda via Sine, ije ya kala ha kati ka Elime na Sinai, mu litangua lia mucitanu lia ngonde ya muchivali kutunda hakutuhuka kuavo mu chifuti cha Ingito. ²Mbunga yoshe ya ana va Isaleli va tatuethele Mosesa na Alone muvindinda. ³Vana va Isaleli va handekele navo nguavo, "Nambe nga tuathsile mumavoko aYehova muchifuti cha Ingito muje mutua tumamene ku vindeho via mbunda na kulia mbolo na kuikuta. Vunoni yeni muna tuneha muno muvindinda muaku thsihe mbunga yetu yoshe na njala."⁴Mukemo Yehova ualekele Muosesa nguendi, "Ange njika minokethela mbolo ya kutunda muilu. vantu vaka tuhuka na ku kunga mbolo ya litangua limo lika nji vetheke njitale ambe venda mu mashiko ange. ⁵Chikapua ngue matangua atanu a limo, vaka kunga luvali kupuitha ngue muve kukunga matangua oshe mukemuo aka trlrka vije vivana neha,''⁶Mukemo va Moesa na Alone vakele vantu va Isaleli nguavo'' kuchinguethi mukethiva ngueni Yehova ikeye na mutuhuithele mu chifuti cha Ingito. ⁷Ku chimene muka mona vumpahu vua Yehova ikeye movu kuli thetheta kueni kuli ikeye. Yetu veya liinga mutithethelele kuli yetu? ⁸Mosesa ua valekele luhua nguendi, '' eni mukethiva eci muje Yehova muaka mihana mbunda ku cinguethi na kuchimene mbolo ya kupuitha mo-mukonda ikeye navu vili nyenyeta vieni vimu nahandeka kuli Ikeye. Alone nangecho yetu veya? kulithetheta kueni keti ku li yetu, vunoni kuli yehova.''⁹Mosesa ua lekele Mosesa ngueni, '' handeka ku mbunga ya vantu voshe va Isaleli nguove, '' injeni muyehi kumesho a Yehova, ikeye nova vilitheheta vieni.'' ¹⁰Chapuile ngenchi, ngue Alone muakele na kuhandeka na mbunga ya vana va Isaleli, ngocho va talele ku lutue lua vindele, na kutu mamena vumpahu vua Yehova kunjomboloka mu lishelua. ¹¹Mukemu Yehova ua handekele na Mosesa nguendi, ¹²'' Ange njinovu vili nyenyeta via vantu va Isaleli. Handeka navo na kuvaleka nguove, ku chinguethi mu kalia mbunda, na ku chimene va ka mikutitha na mbolo. mukemuo mukethiva ngueni yange nji Yehova Kalunga keni.''¹³Mukemu mu via puile muje vene ku chinguethi vutanga vua vitento vuethile vuafuile chilombo choshe. Kuchimene mbundu ya thengelekele chilombo chavo choshe. ¹⁴Muje muya tundileko mbundu helu lia vindundu hakele tumantu tumo tuatundende tua lifuile na mavanda hanthi. ¹⁵Omo vantu va Isaleli vavi muene vali handekethele umo na mukuavo nguavo'' vika evi? kuvethivile nguavo vije viapuile vika. Mosesa uavalekele nguendi,'' Evi mbolo ije ya namihana Yehova mulie.¹⁶Eli likevio lishiko lia na mishiki Yehova: muna pande kukunga umo ueni, vije vinapu mukulia kuendi chikote chimolika mu muntu kutuala kupua kua vantu vove. Omuo mukemu mu mu kavikungilamo kungeni viaku uanya mu kulia ku muntu uoshe ali mu mbalaka yove. ¹⁷Vantu va Isaleli valingile ngue omuo muvava lekele . Vamo va kungile via kutuva kenethamo. na vakuavo vakungile via vindende. ¹⁸Keho muvaviethekele na chinkate cha kuetheketha, kuli vaje va kungile via kutava kanetha, ku kualisupile vimo, kuli vaje va kungile via vindende kuvijenekele kupua mo. Ku nkala muntu va kunguiyile via kupuamo kupuitha ngue muje muvavi yonguelele.¹⁹Mukemuo Mosea uava lekethele nguendi, '' kumua pandele kuthako na cimo cahi chavio chikale noho ku chimene''. ²⁰Mukemuo, avo kuvatolilile kuli Mosesa. Vamo vavo vathileko vimo vikale noho kuchimene, vikevio via shulile na mavuno lalo via volele. Mukemuo uava nyenguelele. ²¹Vali kunguiyile ku chimene ku chimene. Nkala muntu ua kungile via kupuamo mukulia kua kele ntuima, via thothonokele.²²Chapuile ngue kulitangua lia mu chitanu nalimo va ku nguiyi luvali ngue ku vuingi vua mbolo, vinkote vivali ku nkala muntu. Vintuama voshe va mumbunga vethile muku vileketha kuli Mosesa. ²³Ikeye uahandekele navo nguendi, '' Evi vikevio via handekele Yehova nguendi.'' Himene chikapu kuhiuma chakujela sapalalalo ya kujela ya kuthingimika Yehova. Ochen vishe vimuna yongola kuteleka. Vioshe vikalisupako, vihankeni ku mukulo vieni vavenya noho ku chimene.''²⁴Mukemo vavihakele ku mulo noho ku chimene, ngue mua vashikile Mosesa. Vikevio kuvia vololele lalo, kumuakele lalo livuno na umo uahi mukati ka mbolo. ²⁵Mosesa uahandekele nguendi, '' Lieni viakulia lelo, lelo likelio litangua lia kuhangula ngue Sambato mu ku thingimika Yehova. Lelo kumuka viuana mumithenge.²⁶Muka vikunga mu matangua atanu na avali, vunoni kulitangua lia mu chitanu na avali likelio sambata. Mu Sambata kuku ka kala mana.'' ²⁷Chapuile ngechi kulitangua liamu chitanu na avali vantu vamo va tuhukile vaile mukukunga mana vuva aua nene.²⁸Mukemo Yehova ualekele Mosesa nguendi,'' vuthimbi viakupua kuiko muka viana vitume viange na mashiko ange? ²⁹Taleni Yehova na mihana Sambata. Mukemuo kulitangua liamu chitanu na avali ikeye amu hana vimbolo via matangua avali. Nkala umo ueni napande kukala muuhela uendi vavenya; na umo uahi aka tuhuka kumihela uendi halitangua lia mu chitanu na avali, ³⁰Mukemu vantu vahuimine ha liatangua lia muchitanu na avali.³¹Vantu va Isaleli vathanene viakulia vije nguavo'' manna.'' Vikevio viapuile via kutoka ngue mbuto ka koliandele, na vutovalethi vuavio vua lifuele nge mpampi ya vuki. ³²Mosesa uhandekele nguendi,. evi vikevio vieshikile Yehova: lingeni vinkole via manna vipue via kuniunga muaya vithemua vieni linga vikota vieni vakamone mbolo ije inja milethile mu vindinda mu nima lia ku mituhula mu chifuti cha Ingito.³³Mosesa us handekele na Alone nguendi, '' tambula ndeho hakamo vinkote via manna mukati kayo. Ui hake kumesho a Yehova muaya vithemua via vantu. '' ³⁴Ngue muje Yehova mua shikile Mosesa, Alone ua vetulikile ku mu kulo ua mashiko mu chikasa cha lita vathano. ³⁵Vantu va Isaleli valile manna miaka makumi auana a miaka noho vethile mu chifuti cha kukala. Vavilile noho vethile ku mikua kua ya chifuti cha kanana. ³⁶Chinkote chapuile likumi li vi efa.

¹Keho mbunga yoshe ya vana va Isaleli yendele kuntunda ku vindinda via Sine, kukava mashiko a Yehova. Keho vatulile ku Lefindime. Vunohoni okuo kukuakele mema linga vantu vnue. ²Ngoco vantu vakua mene Mosesa mukonda lia vukalo vuaco ovuo, '' tuhane mema tunue . '' Mosesa nguendi , '' mukonda vika muli kunuina nange? mukonda vika muethekela Yehova? ³vantu va kele na lihuila lia kama, owo vali thethelele kuli Mosesa. Vakevo nguavo, mukonda vika ua katushakela ku Ingito? mukua kuku thsiha kuno na vana vetu na vingombe vietu ku li huila?''⁴Kumana Mosesa ua tamba kanene kuli Yehova,'' Vati mjipanga na vano vantu? Avo ngoco vayongola kunjasha mavue.'' ⁵Yehova uahandekele na Mosesa, '' Youye kulutue lua vantu, hitulako na vakuluntu vamo vava Isaleli . Ambata mpango yove iua pupile nauo ha ndonga , yauye na. ⁶Ange njikemana kulutue luove kuje kulivue liaku Holeve, ove ukapupa livue kukatuhuka mema linga vantu vakanue.'' ngoco honi Mosesa ua upangele mo ku mesho a vakuluntu va Isaleli. ⁷Endi ua lukile muhela ouo Mashaha na Melimba mukonda lia kulithetheta kua vana va Isaleli, mukonda na vethekele muene nguavo, Yehova ali mukati ketu ndi kuahi?''⁸Hanima masualale vantu va Ameleki vethile valuithile Isaleli ku Lefindeme. ⁹Ngocohoni Mosesa uahandekele kuli Yehosua , '' Hangulaho vamala vamo Yako. Lua na Amakele. Himene njikemana ha mukinya ua Kalunga na mpango ya Kalunga mulivoko liange. ¹⁰'' Ngocohoni Yehosua ua luithile Amaleke ngue mua muishikile Mosesa, muthzimbu oyo Mosesa, Alone, ma Hule valondele helu lia mukinya.¹¹Muthzimbu Mosesa uakakuile mavoko endi muilu, va Isaleli vavatuvakana, omu mua uitha mavako, Amaleke atameke ku tuvakana. ¹²omu mualemene mavoko a Mosesa, Alone na Hule vatambuile mavue na ahaka kuithzi liendi linga endi atumameho, kuthzimbu oyo vene ; Alone na Hule vakuatelelele mavoko endi muilu, muntu umo kumutambela uendi umo, na muntu mukuavo kumutambela uendi ukuavo. ¹³Ngoco honi mavoko a Mosesa a kanyamene noho litangua lia kovelele. Ngoco honi Yehosua ua uithile vantu va Amaleke na mpoko.¹⁴Yehova uahandekele na Mosesa,'' Thona evi mumukanda na utandela mu matuitui a Yehosua mukonda ange njikathimangana to vithinganieka via Amaleke muithzi lia metu,'' ¹⁵Kunima Mosesa uatungile mutula na uluka '' Yehova ikeye muka ku njituvakananetha.'' ¹⁶Endi nguendi, mukuolola livoko kuilu kucituamo ca Yehova - cije yejova akahana ndhzita na Amaleke kutunda kucithemua kuya ku cithemua.

¹Jetolo, sasendete ua ku Mindiane, ishemueno ya Mosesa uovuile viapangelele Kalunga, Mosesa na Isaleli vantu vendi. Uovuile nguavo Kalunga natunditha Isaleli mu Ingito. ²Jetolo ishemueno ya Mosesa, uatmbuile Zipola, mukentu ua Mosesa , kunima yaha hamu tumine kuimbo. ³Na vana vendi vavali vavamala; lizina lia munendi umo uamumala uakele Ngelesome, mukonda Mosesa uahandekele, '' ange njimukua kulishuka mu cifuti chambala.'' ⁴lizhina lia mukuavo liakele Eliezele, mukonda Mosesa uahandekele, '' Kalunga kova shukulu uanjohielele. Ua njohielele kulikunga lia Falao.⁵Jetolo , ishemueno ya Mosesa, uendzile namuna Mosesa uamumala na mukentu uendi kuli Mosesa mumuthege mukemo muaka tulilile kumukinya ua muangana. ⁶Uahandekele kuli Mosesa,'' ange ishomueno Jetolo njinja kuli yove na namukentu uove na vana vendi vavamala vavali.⁷Mosesa uatuhukile aka liuane nava ishemueno, keho uakumanene, naku muthemba. Valihuile vihindu nava kovelele mumbalaka. ⁸Mosesa ualekele va ishemueno vioshe via pangele Jehova kuli Falao nava Ingito mukonda liava Isaleli; nakayando koshe kova muene mungila na vati Jehova ua vohielele.⁹Jetolo uovuile kuvuahelela kuvioshe via pangelele Jehova vaIsaleli mua vohielele mulivoko liava Ingito. ¹⁰Jetolo uahandekele ,'' Jehova vamu shangale.Mukonga uakuohielele mulivoko liava Ingito na mulivoko lia Falao, na ku vahetetha vatunde mulivoko liava Ingito. ¹¹Ngeci njinezhiva nguange Yehova uatuvakana miangana voshe, mukonda hova pangethele vaka Ingito va vaIsaleli na vukalu kalunga uohielele vantu vendi.¹²Jetolo, ishemueno ya Mosesa, uanehele cikombeleyo ciaku thsimika na vikombeleyo via Kalunga. Alone navakuluntu voshe vaIsalaeli vendzile mukulia vikulia kumesho a Kalunga nava Ishemueno ya Mosesa.¹³Litangua liakusuamako Mosesa uatumamene naku pangula vantu. Vantu vemanene kumuzhengeleka kushangumuka cimenemene noho kucinguezhi. ¹⁴Ishemueno ya Mosesa hamuene vapangele kuvantu, ua handekele,'' vika evi vioupanga ha vantu? mukonda vika utumamena lika liove na vantu voshe vana kuimanena kushangumukila cimenemene noho kucinguezhi?''¹⁵Mosesa uahandekele kuli ishemueno,'' vantu vaneza kuli yange vehule ngila. ¹⁶Houe kukala naliji, venja kuli yange. ange njeku kutokola hakati kamuntu namukuavo, na nge njeku longetha vituma via Kalunga namashiko.''¹⁷Ishemueno ya Mosesa uahamdekele kuli yendi,'' evi viu panga kovia vuahele. ¹⁸Muvuchili ukahona nove na vantu vouli navo. Chipanga eci cialema kuli yove. Kouatha kucipanga ali kaliove. ¹⁹Njitolile. Njikumamunako Kalunga akala nove mukonda yove uemanenaho vantu kuli Kalunga, na uka neha meji avo kuli yendi. ²⁰Valongethe vituma viendi namashiko endi. Valekethe ngila yakuenda navipanga viakupanga.²¹Keho luhua, hangula vamala vakuatha vipanga kuvantu voshe, vamala vathingimika Kalunga, vamala vavu cili ava kovayonguele feto yalukulu. Uvahake muvantu, vahitithile vantu makulukadthi vihita makumi atanu namakumi. ²²Vakapangula vantu muvioshe vakahita vunoni viakama vaka kuhelavio evi viavindende vavi handeka avo vavenya, mungila oyo vika kuathiuila, muka likuatha vipanga evi nove. ²³Ambe ukavipanga nambunge Kalunga aka kushika mukuvipanga evi, keho uka shuenethako vipanga viove na vantu voshe vakatha kuheta kuimbo na chivovo.²⁴Mosesa ua tolilile ku meji ava ishemueno keho uapangele vioshe viahandekele . ²⁵Mosesa uahanguile vamala vakuatha vipanga mu vaIsaleli voshe na uava hakele mitue muvantu, vintuami muku hitithila makulukazhi vihita makumi atanu na makumi. ²⁶Va panguile vantu nkala aha. Vipangula viakama vavituana kuli Mosesa, vunoni vipangula via vindende kuvi handeka vavenya. ²⁷Keho Mosesa ua lingile vaishemueno vaye, na Jetolo uahilukile mu cifuti ciendi.

¹Mungonde yamucitatu omuo vantunda vantu vamu Isaleli mu Ingito, litangua olio vene, vahetele mu vindinda via Sinayi. ²Omuo vana thi Replidemu nakuija mu vindinda via Sinayi. Keho vatungile chilombo cavo muvindinda kulutue lua mukinya.³Mosesa ua londele kuli Kalunga. Yehova uamu sanene kumikinya nakuhandeka nguendi, una pande ku leka viuo Yakomba, vantu vamu Israel: ⁴Muna muono omuo njina panga va Ingito, omu njina muambata ngue mumavava angonga'' na kumineha kuli ange va venya. ⁵Ngeci honi, nga muivua na kunjitolilila kuli njui liange naku njunga civuathano, keho muka pua vantu vange va thehokuvantu voshe , vioshe vifuti via pua viange. ⁶Mu kapua vakacifuti tha va sasendote umba vakua ku vezika vacifuti cange. A akeho manjui aha ukahandeka navantu vamu Isaleli.⁷Keho Mosesa uethile na kuthana vakuluntu vavantu. Keho ua tumamene kulutue luava naku va ambuilila viose Yehova uamuthikile. ⁸Mbunga yoshe ya kumbulula kumo lika nguayo," Tukapanga vioshe viana handeka Yehova. Keho Mosesa uedthile na kuambulula majui avantu kuli Yehova. ⁹Yehova ua handekele na Mosesa, njikeja kuli yove mulishelua lakama linga vantu vovue ovio vinjihandeka nova umba lalo vaka kuthselele thsimbu yoshe." Keho Mosesa ua leka Yehova majui avantu.¹⁰Yehovva ua handekele na Mosesa," ya kuvantu. Lelo na imene keho kanji shovuelevo, valinge vakushe vikovelo viavo. ¹¹Uka va vuahethela litangua lia mucitatu muomu mulitangua lia mucitatu Yehova akashuluka kumukinya ua Sinayi.¹²Una pande ku kahaka vingamba kuoshe kuthengeleka mukinya ku vantu. Valeke nguove '' takameheni ngueni kati muye kuilu lia mukinya ndi mukua nteko kuvingamba. Nkala ou akuatako kuvingamba muvucili vakamu haka kukutha. ¹³Nalivoko liahi likamukuata muntu uacifuti eci. Vuno honi, vakamuasha ndi kumuloya. Nambe muntu ndi kathitu, vana pande kumuhaka kukutha. Omuo lumbendo lukathika, vana pande ku londa kumu kinya.¹⁴Keho Mosesa ashuluka hathi kutunda ku mukinya kuya kuvantu. Ua va shovuela vantu kuli Yehova umba vakakushe vikovelelo. ¹⁵Ua handekele na vantu liuaheselenu kuli tangua lia mucitatu: keti mukale hamuhiehi nava mpuevuo veni.¹⁶Muli tangua liamu citatu, omo te cimenemene, kuakele, mandunduma namihiato nalishelua liakama kumikinya, amba nalijui liakama lia lumbendo. vantu voshe vamu cilombo vajajele. ¹⁷Mosesa uano na vantu haja lia cilombo nakuli uana na Kalunga. Umba vemane nakuthikama muithi lia mukinya. ¹⁸Mukinya ua Sinayi kua kele muithi kuoshe kuoshe uathengelekele muomu Yehova ua shelelele mu tuhiana , mumuithi. Muithi ua yile helu. Ngue muithi ua lilala, umba mukinya uoshe uajajele.¹⁹Kaha linjui lia lumbendo lia tambakanene muakama kama Mosesa ua hanadekele, umba Kalunga ua mu limbulula mulinjui. ²⁰Yehova uashuluka hathi kumukinya ua sinayi helu lia mukinya. keho ua sanene Mosesa helu. Keho Mosesa ua yile helu. ²¹Yehova ua lekele Mosesa shuluka uka mamune vantu keti vashomboke vingamba vishuene kuliange nakunji tala nga vatha. ²²Nava sasendote navuo vaje vikuheta kuliange vali hakeleko nakuliviukisi lako vavenya mukuinja cange-linga kati njiva luithe.''²³Mosesa ua handekele na Yehova,'' vantu kuvasa kulonda kumukinya. Ua Sinayi kuli shiko liove nguove ; haka vikamba kuthengeleka kukinya naku uhanguila kuli Yehova.'' ²⁴Yehova uamulekele nguendi '' touye, shuluka ko kumukinya, amba ukanehe Alone nove, vunohoni keti ukathe vasasendote navantu vashomboke vingamba na kuinja kuliange, keho njikav luitha.'' ²⁵Keho Mosesa ua shulukile hathi ku vantu na kuhandeka navo.

¹Kalunga uahandekele majui ano. '' ²Yange njambi yove, njaku tundithile kucifuti ca ingito, kunjivo yavundungo. ³keti uka kale natulunga vavo ku vesho ange.⁴Keti uka lipangele cifua caku shonga nambe cifua ca nkala cima cili muilu nambe cili hano hathi nambe cili mumema muithi livu , ⁵kati uka likulu manene kuvi kevio nambe kuka vipangala, muomu ange yange yehova njambi ualifuua. ⁶Ange njika kashitiko kutu lunga vavo nuku neka kashitiko kulimo liamu citatu neli liamu ciuana kuli va nyenga. Ange njika muetha ngozhi kuma kulukathi kuli ava vanji yongola na niunga masiko ange.⁷Keti uka tumbule ngoco lizhina lia yehova kaluna kove, muomu yehova kaka thambuetha uye atumbula lithina liendi ngoco⁸Vuluka litangua liaku huima naku lileletha. ⁹Matangua atanu na limo akeo aku panga vipanga viove ¹⁰.Litangua liamu citanu na avali lia yehova njambi yove.Muli tangua ali keti uka pange, yove nambwe munove ua mumala, nambe munove uampuevo, nambe mumala mukakuku pangela, nambe mukakuku pangela uampuevo, nambe ngombe yove , muka kuija ou ali mukati ka cikolo cove. ¹¹Muomu mumatanga atanu nalimo yehova uatangele melu na mavu na ngonga yakama, na vioshe via kele muye ngeci ua huimene muli tangua liamu citanu na vali yange vene yehova ua livezhikisile.¹²Thingimika isho noko,linga uka yoye nthimbu yalaha ku cifuti caka kaku hana yehova njambi yove. ¹³Keti uka thsiha. ¹⁴Keti uka pange vukuizhi¹⁵keti uka punde. ¹⁶Keti uka hane vumbangi vuavi shaki kuva ma shangembo, ¹⁷Keti uka liveyeyele njivo ya va mashangembo vove, Keti uka liveyele mpuevo ya mashangembo uove nambe muka kuka pangela ua mpuevo, Ngombe yendi, ci ndongi cendi, Nambe nkala cimo ca camena ku kushangembo yove,''¹⁸Vantu uoshe vo vuile kuthzima namu hiate nakuvua lijui lia Luneta, naku mona mikinya. omo vantu vavi muene, Va yayele ngeci vamenene hale. ¹⁹Mosase uandekele na vantu, '' Handeka netu, TUlilila , keho keti uka tavethele kalunga aka handeke netu, Nga tuhantha.'' ²⁰Mosesa ua handekele na vantu '' keti muvue liova, muomu njambi nenja muku mietheka atale nguendi kathingimiko kendi mukali muli yeni, mungila keti muvithe,'' ²¹Vantu vemanene hale Mosesa ua shuenene kumi lima kuye kua kele kalunga.²²Yehova ua handekele na Mosesa, 'Ove una limuenavio njina handeka nove muilu. ²³keti mukali pangele kalunga ueka hamo nange kalunga ua palata na kalunga ua muilu²⁴Muka njipangela muyombo ua livu ange, Muka njikombela vikombelo viaku nthsimika naku hana, Yijui na ngombe kumu hela uoshe kunji kavuluitha lithina liange, njikeja kuli eni naku mive nthikitha. ²⁵Mba unji pangela muyombo ua muvue keti uka tunge na mavue aku shonga, mba uka pangetha vipangetho viove kuvi kevio uka lijualethe. ²⁶Keti uka londe kuilu lia muyombo uange hanthi ndondelo kutewetha mushenga-shenga uove uka yomboloka ha ukauo.

¹Ngeci aa akeo mathiko au kava thika nao²Nga ulanda ngandu ua kahevelu, Apange miaka yitanu na umo, Mu miaka ya mucitanu na iavali uka muethela akaye mavoko naku mu fuetetha kuahi. ³Nga uezhile endi likaliendi, muethele aye ngoco likaliendi; ambe uambata, na mukuetu uendi muethele aye nendi. ⁴Nga mjuene uendi yikeye uamu hanene mukentu, nendi atheme nendi vana vava mala nava vava kentu, mukentu uendi navana vendi yakalakala kuli muene uendi, lika liendi lika uka tavethele aye⁵Vunoni nga ngamba aka handeka mpundu nguendi , '' Njamu yongola muene uange na mukenketu uange, na vana vange , Konji katuhuka ngocio.Keho muene uendi aka muneha kuli kalunga. Na muene aka muneha kucikoll ndi kumi vuliko, ⁶keho muene uendi aka tuva kuli litui liendi na mumba. Keho ngamba yendi aka mu pangela miaka yoshe.⁷Nga mumala aka landetha munendi uamukentu akale ngamba, Kaka tuhuka ngoco ngue muve katuluika dhingamba va vamala. ⁸Ambe muene kovia muvuahethele kumbunge, ndi kamuyonguele akale mukentu wendi , Keho amu tavethela vamu lande lolo. Kathinathi uakumu landetha kovantu vaka vifuti, Kathi noyo mpoko, tunde oho hova mupangethele via viuvi.⁹Keho nga amuambatetha yikeye mukukala mukentu ua munendi. ¹⁰nendi aka mu pangethe ngue mua pangethele mona ua mukentu. Ambe ambatako mukentu mukuavo, keti amumine viakulia, vidhala, anambe mpako ya muvulo. ¹¹Vunoni, ambe kanehele vuima evi vitatu kuli yikeye, Keho yikeyo akaye mavoko-voko naku fueta zhimbongo kuahi .¹²Uje uoshe andhalia muntu nguendi anthe, muntu uje chili cili vaka muhaka kukuthsa. ¹³Ambe vaneja muku vandamena, vunoni kulutue vika yomboloke njika kuleketha muhela ua ka tevela. ¹⁴Vunoni nga muntu aluitha mukuavo na kumu thiha ngue munayi vithinganyeka viendi, Keho muna tuala, Nambe nga ali kumutula ua kalunga, vamu thsihe.¹⁵Uje uoshe undhalia yishe nambe vaina vamu thsiha. ¹⁶uje uoshe apuandja muntu-nambe kumu landetha, nambe nga vana munene ouo muntu muli vako liendi ouo chidthi vamu thsihe. ¹⁷Uje uoshe atuka yishe nambe vaina vamu thsihe.¹⁸Nga vamala valinga luothi umo uavo asha mukwavo livue nambe na nkombe yendi nambe ka thsihe, Vunoni ndanda hamu hela uendi. ¹⁹Keho nga ahinduka enda na ndhalia mukwavo amu fuete muku mana nthsimbu vendi , na pande kumu limba akanguke mpundu. vunoni ouo mamala keti muka mulonga uakunthiha²⁰Keho nga muntu andhalia ngamba yendi ua liala namba yendi ua mukentu na mulamu. ngamba uje anthsa ngue ku nkome, muntu uje na pande ku tambula kashitiku, ²¹Vuno nga akala na muono litamgua limo nambe avali. muene keti vamuhane kasihtiku. keho aka yanda muku zhimbaletha ngamba uje.²²Keho nga vamala avli luitha, keho va ndunda mukentu ualimo kaa tuntumika, vunoni oku jeneka kukala kulemana kukuavo lalo kuli yendi, ouo mumala muka kuvitha na pande kumu fuetetha kuuala kuku shika kuda vena mukentu. Napande kukufueta mulonga ngue muve kau handekelamo zhingaji. ²³vuno nga hali kulemuna kuakama, keho una pande kuka hingithilama muono-na- muono. ²⁴Na lisho na lisho, na lidho na lidho, na livoko na livoko na muandja na muandja. ²⁵Na tuhia na tuhia na mbundu na mbundu, na miki na miki.²⁶Keho nga muntu andzhalia mu lisho lia ngamba yendi ua liala nambe ngamba yendi ua mukentu nakuli tuva napande kuethela ngamba aye ngoco mundava ya lisho liendi. ²⁷Nga umo apukula lizho lia ngamba yendi ua liala nambe ngamba yendi uamu kentu, na pande ku muethela aye ngoco mundava ya lizho liendi.²⁸Nga ngombe ya hove nava yi tuva mumala nambe mukentu na kuthsa, oyo hove vana pande ku yasha mavue, Yithse, na mbelela yaco keti va yilie,vavenya muka ngombe vana pande ku muhana mulonga. ²⁹Vuno nga ngombe yili na cithilila ca ku lialia mbuto vavena muka ngombe na pande kumu mamuna vunoni oyo ngombe na kaishoko mu hambo, Oyo ngombe nga yika thsiha mumala nambe mukentu, Oyo ngombe va yashe mavue hithse, Na vavenya muka ngombe vana pande kumu thsiha. ³⁰ambe vamu tambuila ndando yaku mukula, na pande kufueta ku nkala evi viova muihula afuete³¹Ambe ngombe yituva muna shokua yina ua mumala nambe ua mukentu , yove va muka ngombe na muoshe mua yonguela kupanga oyo ngombe yendi. ³²Nga ngombe yove yina tuvu ngamba yendi ua liala nambe ngamba yendi uamu kentu yendi uamukentu, yove na ngombe vamifuete zhimbongo zhapalata makumi atatu oyo nbombe naku yithsiha.³³Ambe muntu afukulaku cipuku, nambe muntu ahinda cipuku ajeneke kuci fuika, nga ngombe nambe cindongi auila mucipuku caco. ³⁴VAvenya muka cipukunapande ku fueta kuli ovio vina zhimbala. Napande ku fueta, zhimbongo kuli vavenya muka kuthitu, ouo kathitu uana fuetala apuauendi.³⁵Ambe ngombe ya hove yitu ha hove yikuavo keho yithsa, Yana pande kulandetha oyo keho yili namuono na kuli tepela ndandona kulitepela mbelelayoy ngombe yakuthsa. ³⁶Vuno ambe vayi zhivuka nguavo oyo ngombe yakala na cizhilila ca ku tuva na mbinga ku laja, vaveja kayi shokele, napande ku fueta hove nahove nangombe yakuthsa yikala ya vavena.

¹Nga mumala napuanja hove ndi yijui na kayithsiha, apande kufueta vihove vitanu muyimo yana puanja,lilui yimo mukahita vinjui vivana. ²Ambe muka vuithi vana kukutakana youa pokola, ambe vana mundzhalia nathsi, uayihi vakehula mulonga kunkala uoshe ku mulonga uendi. ³Amba litangua lina tuhuka kulutue aka pokote, Mulonga kunkala uoshe a uye amunthsiha .Muka vuithi na pande kumulandetha muvuithi vuendi. ⁴Ambe kathitu uaku puanja vana mu uana namuono mumavoko endi, nambe hove, cindongi ndi yijui na pande kufueta luvali vihiluke.⁵Ambe mumala alithila thimuna mulihia ndi mucipata ambe vina thimbala, Na ku kalilia mulihia liambala, anapande kuhingithilamo kutuvakana via mulihia liendi na mucipata cendi.⁶Ambe tuhia tuna kuata naku kuata mumanja navimbuto via kuima ndi lihia lia kuuema owo nathsimika lihila ana pande kuhingithalamo.⁷Ambe mumala ahana vimbongo kuli mashangembo muku mushuekela ambe ana vipuanja munjio yendi, mukua vuithi vana muuana,Ouo navi puanja napande kufueta vavali. ⁸Nambe cithi kova mukuatele endi na vavenya mukua njivo napande kumupangula vamone nguavo na kambekako livoko liendi kuviama viamu kuavo. ⁹Ambe valithunga vimo, vihove, vindongi, vinjui vitenga ndi kunkala vioshe ovio umo alinga nguendi viange , ''Kunkala vioshe umo alinga nguendi viange napande kuija kumpangula, uoshe vaka uana mulonga napande kufueta luvali kuli mashangembo uendi,¹⁰Ambe mumula nahana cindongi kuli mashangembo uendi, hove , yinjui na nkala cimuna amufuithe, ambe cinathsi, ndi cinalemana ndi kuali umo nanjitambula kehouali nanjimono. ¹¹Vana pande kulithingakuli shukulu voshe vavali, Oho hava vali nga kuata umo nakuata cimuna camukuavo. Endi vavenya anapande kuvitambula, mukuavo kamu hingithilamo. ¹²Ambe nana vipuanja kuli yikeye, umo napande kuhiluitha endi vavenya. ¹³Ambe cimuna vana cithanyona, napande kunjinehela vumbangi. Endi kafuete oco cina thanyoka.¹⁴Ambe liala nalambo nkala cimuna kuli mushangebo uendi keho cimuna cithse endi vavenya kakelehonayo, ana pande kulihiuitha ndi kuyihingithilamo. ¹⁵ambe vavenya nayo nakala, muna ndi halakana, mukuavo kafuete ,ambe cimuna vana njikumuna, vana pande kucifueta mukucikumuna.¹⁶Ambe mumala ashongo mukentu uye kanda alimone lumo naliala, nambe nandanda nendi, napande kukala kukala mukuntu uendi nakufueta viye napande kufueta. ¹⁷Ambe yishe naviana kuhana mukentu kuli yikeye, Na pande kufueta vimbongo via kupua hamona mukentu uakuyeluka kukala naliala.¹⁸Keti muitavethe valothi vakale namuono. ¹⁹Nkala uoshe andanda nakathitu napande kumunthsiha.²⁰Nkala uoshe akombelela kuli kalunga kutundithako kuli shukulu Kalunga ouo vamuvithe atundeho. ²¹Keti uvihithile ngeci ndi umunthsihe, nave mungethsi mu cifuti ca Engito²²Keti uyandethe ntuluue ndi nambe munike uakuyeneka yishe. ²³Nambe uva yandethe kamandende, Ambe vanjithana ange njivoua mova njithana. ²⁴Vakalu vuange vushuama keho njikuthia na muele; mukentu uove akala ntuluue, na vana vove vithiua vakuyeneka vaishe yavo.²⁵Ambe ukolotetha vimbongo kuli nkala ngue muka ouo ali mukati kendi uatjihutu, Keti ukale ngue muka kukolotetha kuli yikeye ndi kumufuetetha naku mu vuethelelako. ²⁶Ambe utambula cikovelo camukueni cihiluithe kulutue litangua litoke. ²⁷oco cikeco lika chekuthala; cikovelo cendi caha muvila. mukalola muatha kundanda? ambe anjithana yange njimuvia ange ngothi.²⁸Keti munjishaule ,shukulu kalunga , keti kuthinga vaka kumihithila vantu veni.²⁹Keti usheke kuli yevi unayongula ndi mahina. njihane mbeli yove uamumala. ³⁰Panga lalo mukemuo kuhove yove na yinjui. Mumatangua atanu na avali vakale na nayina yove, mumatangua atanu na atatu munjihane. ³¹Mukale vantu vana litepe kuli yange. Keti mukalie mbunga yakathitu vana thanionaka mumuthenge.muna pande kuyumbila kututali.

¹Keti uhane mu zhimbu ua vishaviki kuli nkala uoshe keti uli vandakane na mumala ua litha uja kethi na vumbangi nambe ke kuononoka . ²keti ushuama mbunga ije ali na vupi, nambe keti uhane vumbangi vua mu tambela umo mu mbunga muku vohiola kuku shetha. ³Ove keti ulekethe katepetho kuli vantu vavihutu ku lizhi liondi.⁴Nga uli uana na ngombe ndi cindongi ca citozhi cove vina lishandangana, una pande ku cikondolola na ku mu nehela vio. ⁵Nga umona cindongi ca uje uaku zhinda nga cina uila hathsi na kutila via vitenga, ove muntu uje keti umuthe. Ove ukale na vucili vene una pande kumu kuatha kumo na cindongi chendi⁶Keti uhengathe vusunga vuje vuna pande kuli cikutu ku cihuti ku lithi liendi. ⁷keti uli vandakane navavo vaje vaka makuli vali na mulonga. keti uka uje kethi na mulonga ndi mu ka vusunga. mukonda ange konjikotha buetha uje muka kalinga via kuviha. ⁸keti utambule via kukuethela muvu shueke nakonda upuputitha veje va muna keti uvi hithe vantu uaje vaka ku shunga kovethi na mulonga. ⁹yove keti upakethe muka kulishuka mu cifuti ca Ingito.¹⁰Mu miaka itanu na umo uka kuva mbuto mucifuti cove na ku ngueya via kulia vioshe hamo. ¹¹keho mu miaka itanu na yivali yove na kueni kali kela kulima naku vishuma keho vihutu hamo na vantu vove valie. vije vio mu katha, Cihutu va mu muthenge va valie. ove uma pande ku linga muije liha lia viti na liha lia oliveta.¹²Kunthsimbu ya matangua atanu nalimo yove uka panga vipanga viove, vunoni muli tangua citanu na avali unapande ku huima. Panga evi mukemo yove na zhingombe viove na vindongi viove linga vi huime, Na ngendzhi yove ahuime naku huimunuka. ¹³Tolilaleni kuli evi vioshe vio njihandeka neni. keti uka tumbule lizina lia tu lunga vavo, Nambe keti va viuvue mu kanua kove.¹⁴yove omo uenda linga uniunge lishiko liange mu nkala muaka. Ove upue muka kutalela cilika ca mbolo yaku yeneka hingo. ¹⁵Ngue omo yande nji na kuishika, Yove uka lia mbolo koyethi na hingo matangua atanu na avali. kuthimbu oyo venu uka yomboloka ku lutue luange mungonde ya avive, eci cikeco cikuma co va cipangela. Ei ikeyo vene ngonde yo muezhile mutunde mu Ingito. Vuno yove keti ukeje ku lutue luange mavoko-voko.¹⁶Yove uka niunga shilika ca kutia vimbuto, vushuka vua livanga via kuvipanga viove viye viauokulisa kuvile mbuto yove yove mulihia. Oye lalo uka niunga cilika ca ku kunguiya kuheta kukuhua ca muaka, Nga una vihaka hamo viye viounongulula via tunda mulihia. ¹⁷Vamala voshe voshe vana pande kuka yomboloka ku lutue, lua muene Yehova lutatu mu nkala muaka.¹⁸Ove keti uhane chikombelo ca maninga unji pangele ange mbolotoili na hingo. nambe mazhi aku tunda ku cikombelo ca cilika change keti ha thale vimo ku vuthsiki vuoshe na kuhela ku cime. ¹⁹Yove una pande ku neha vushuka vua ku livanga vuo ukangula ku tunda mu cifuti cove vukeje kunjivo yange, Ku na kunjivo ya Yehova kalunga kove yove keti uka telekeko muna pande mu mahini ova ina.²⁰Ange njiya nji ka tuna kangelu kulutue luove mu kuku niunga mu ngila, na ku neha ku muhela uje unja ku vuahethela. ²¹Thangama kuli ikeye naku muononoka. keti mumu shangumune, muomo endi nakatava ku mithambuetha ku milonga yeni. lizina liange lili muli yendi. ²²Nga yemi monononoka cili ku liji liendi na kulinga viuma vioshe vionja milekele, na muka nkole kuli muka nkole yove.²³Kangelo kange akaya ku lutue luove aka kuneha yove kuli va Amoleo kuli va Hateu, Naka Pelezeu, Na muka kamana, Naka Heveu, Ndi Embeseu. Ange nji ka va nongetha. ²⁴Ove keti unthsikamene kalunga vakuavonakulemetha yakevo, Uma pande ku ku temunuina vije vio vapanga. Tenga, Una pande ku mpundu vene, Naku vatetanga na vatula zhingunthi zha mavue mu vivala vala. ²⁵Ove una pande ku lemetha Yehova Kalunga kove, Endi aka ku ve zhikitha mbolo na mema. Ange njika tunditha mavethi mukati keni.²⁶Mukentu naumo uahi aka tuntumika na umo uahi akakala ncimi mu cifuti cove. Nji kami hana matangua kuku yoya kueni. ²⁷Ange njika ka tuma liova liange vavenia ku lutute luove vuli vantu vaje vaka kumitanguitha. Ange njika nthsiha vantu voshe vaye vou kali uana navo. keho ande njika lingi ka lingitha vitozhi vove voshe kuhika kumema naku teua. ²⁸Ange nji katuma kuononoka kutue luove ange njika lingitha ka Hiveu, vaka Kanana na ka Hileu kutundithako lutue luove. ²⁹Ange ka nji kava tunduthamo kavundende kulutue luove ha muaka umo, kuteuetha cifuti cikakala ca mu pulungua, mukonda tuthitu va mu muthenge va kenja vaka kuilanena.³⁰Tenga ange nji ka va tundethamo vatundemo ka vundende ku vundende lueni noho uka ukapua vushuka naku hinga cifti. ³¹Ange njika haka thingamba theni kutunda ku ndonga kuva Falisteo. ange nji ka ni hana ku vula chifuti coshe na kukalamo. uka vashekamo vatuhakemo kulutue lu0ve vavenia. ³²Yove keti uhake chuvua thana hamo navo na tulunga tuavo. ³³Kati vatunge mu cove cifuti, Nambe keti valinge vupi vua ku nji luitha yange. Nga ove ulemetha tulunga tuavo, Evi vika pua cili cli nganjo yove.

¹Keho kalunga ua handekele na Mosesa, nguendi. ''ija kuli yange yove Alone, Handave na makumi atanu na avali ava nava kuluntu va Isaleli naku njilemesa yange hale. ²Mosase lika yike lika a shuene kuli yange. nambe vakueni keti va kale mamuyehi nove ndi naumo wahi ija nove uahi.³Mosesa ua ile likaliendi keho na ualekele na vantu voshe mezhi Yehova kumo naku tepuluka. Vantu voshe vataveleko na liji limo lika keho, nguavo ''etu tupanga viana meji a handeka Yehova. ⁴keho Mosesa uathonekele methi a Yehova. Cimenemene, Mosesa uatungile mutula kuinthsi lia mukinya keho uavuahethele mavue likumi na avali linga oo mavue likumi na avali mukuletha mushouo ua Isaleli.⁵Uatumineko vakuendje ku mbunga ya Isaleli vakombelelele vikombelo via kuthsimika. Na kukombelelelako vikombelo via chivovo via vihove kuli Yehova. ⁶Mosesa ua tambuile mutamba ua maninga naku ahaka mulilonga; na mutamba ua maninga ua ashampuilile ha mutula.⁷Uatambuile mukanda ua kuliuvuathana naku utanda kutambakana ku vantu. Vahandekele nguavo, "Tukapanga vioshe via handeka Kalunga. Tuka muthingimika." ⁸Ngoco Mosesa ua tambuile maninga naku ashampuila havantu. Uahandekele nguendi, "Aa akeo maninga akuliuvuathana analingi Kalunga neni mukumihana kuthseleletha na majui aa oshe."⁹Ngoco Mosesa, Alone, Ambihu, na makumi atanu na avali avakuluntu vava Isaleli vaile kumukinya. Ngoco vakamuene Kalunga ka Isaleli. ¹⁰Muinthi lia mianja yendi muakele ngue cipanga ca mavue aSafila, aviadthima ngue lilu vene. ¹¹Kalunga ka kambekele mavoko endi ha vana vaIsaleli. Vamuene Kalunga, na kulia na kunua.¹²Keho Kalunga ua handekele na Mosesa nguendi, "Ija kanduka kuno kumukinya kunjili yange ukakale kuje vene. Njika kuhana vitale vije via mavue na mashiko na cilika vinjinathono, ngoco uka valongethe." ¹³Ngoco Mosesa ua katukile na Yehosua ndungo yendi vakandukile kumukinya ua Kalunga.¹⁴Mosesa ua lekele vakuluntu nguendi, "Kaleni kuno mututate noho hatukedthila kuli yeni. Alone na Hule vali netu. Nnga nkala muntu ali na lijui ashene kuli vakevo." ¹⁵Ngoco Mosesa ua kandukile kumukinya, na lishelua lia mufuikile.¹⁶Vumpahu vua Kalunga vua tumamene ha mukinya ua Sinai, liszhuelua lia ufuikile matangua atanu na limo. Mulitangua lia ucitanu na avali ua tambakanene Mosesa hakati ka lishelua. ¹⁷Cifua ca vumpahu vua Kalunga vua fuile ngue tuhia tuakama tuashuamene mumesho avana vaIsaleli. ¹⁸Mosesa ua kovelele mu lishelua uakandukile ku mukinya. Uakele kumukinya matangua makumi auana amutana na avuthsiki.

¹Yehove uahandekele mosesa , '' ²Leka va Isaleli va tambule viyi na vuana viange kuli nkala muntu nkala ou evevi nayongola mbunge yendi. Uana pande kumbula vuana kuli ange.³ovu vukevuo vuana ovu ukatambula kuli yakevuo, Olu, na palata , kengethi, ⁴cafufua lilu purupura aya kuvenga na vintanga viakutoka na maka ayi pembe ; ⁵Navi kanda via vinjui vavengesa naku vikotongloa vuino na viti viamuthu ; ⁶Nama amuvilmbi; navihemba via mathi aku kuita naku litutumikila kaputhika cili; ⁷Mavue a Onikisi na mavue aku tumbika aku efendo na vintelo.⁸Keho vanji tungila ngeleka linga nji kale hali avo. ⁹Una pande kukapanga ngue omuo njikakulekethalamo mu visinga nyeka via tave nakulu muku shauma cimueso eci njika milekethalamo.¹⁰Vashonge cikahia ca citi ca muhia muulale uaco cikala vivali na cimbaluvuila kuvitu ci mba vuila; coshe coshe cipue kuvitu yimo na mbaluluvuila. ¹¹uka cifuika muithi na olu ya ku yela. Amba una pande kukapanga cilongo ya olu nakuthingeleka helu liaco.¹²Uka fumuinako vinguthi. yi uona ya olu amba uka yihakako ku cikatha mikono yiuana mukona yina linkandela yimo amba yivali nkandela yikuavo. ¹³Uka panga naua vinguthi via citi camuthu naku vifuika kumo na olu. ¹⁴Uka vinguthi kumikulu yoshe ya cikatha, Linga vakakule cikatha.¹⁵Vinuthi vinapande kukala omuo vene mumukulu ya cikasa, keti va kavinoneko. ¹⁶Uka viliaka haci katha livuathano njika kuhana. ¹⁷Keho upanga cipundi ca ngozi ca olu ya vucili. mu ulahe yaco yina pande kukala vivali na cimbuluila kuvitu. mahuihi uaco cikale kuvitu na cimbaluila. ¹⁸Keho ukapanga vase kuluini vavali naku fumuinako olu kuvi mbando vivali kucituamo ca ku lela.¹⁹Heho panga Selubini yimo kushongo amba nasulula ni yimo kushongo yikuavo, muvapanga ngue cimbuluila cimo lika vaku fumuineho Sulubini yimane kumo lika. ²⁰Selubini vakakule ma mbava auo muilu amba va fuike cipundi cakulela. Selubini vana pande kuli tala umo namukuouo nakuli tala ha kati kaci tuamo cakulela. ²¹Ukahaka cituamo ca kulela helu lia cikesa amba uka vihaka hacikesa livuathano njikaku hanalio.²²Oho hakeho ha cikesa aha njika ku uanena. njika handeka nove kumu hela kuilu lia cituamo caku vu mbangi kukeko njikahandekela nove kutuala ku vioshe kumashiko njika kuhana mukutumina va na va Isaleli.²³uapande kupanga mesa ya muthu. muvulahe uaco cinapande kukala na vi cubite vivali; muhuihi cihale na kubite yimo na cimbaluila. ²⁴Una pande kucifuika na olu ya kulila amba ukahaka vingamba via olu kuthengeleka kuilu.²⁵Una pande kukapanga nakuthengeleka na vivuliko ngue muvuihi, Ua livoko. na kuthengelekako cilongo ca olu na vivuliko. ²⁶Una pande kuvi pangela mucele yiuana vili kuviliato viuana. ²⁷Mikole ina pande kukuata ku vivuko vi uaha kuhakako muhela ua mikambo ling vambate mesa.²⁸Una pande kukala mikambo ya citi ca muuthu amba uka vifuika na olu na linga va hase kuambata mesa yavo. ²⁹Keho ukapanga malonga na vinguto, Navinganja viovio navi ndeho viavio viaku muanya navio kuha vua na. ³⁰Una haka ho mbolo ya nkala kulutue luange. Keho upanganga lambi ya olu yene.³¹Keho ukapanga lambi ya olu mpundu. Amba lambi na mianja yaco ivene vi nganja vioyo miako yayo, na tsani yaco vikaua yimo lika hamo navio. ³²keho kukakala mitango yikali yimanena amba mintango yitatu na umo mukutuhuka kushongo yayo, mintango yitatu yavi lambi yikali menena, amba yavi lambi yikati manena halikaliyo.³³Muntango ua kuli vanga una pande kukakala vinganja vitatu viakupanga nathsani yamu ngongo kumuntango umo lika na vi maho na nthsini. Vina pande kulipua hamo vioshe vitano nacimo via mintango yika tuhuka na lambi. ³⁴Omuo vi lambi avio vavenya, na hakati kati kukale vinganja viuana viaku panga. ntsini yamu ngongo vavi maho viavio na mbuto.³⁵Kuna pande kukakala vimaho kuithi liami ntango vivali yakupanga ngue yimo lika amba mungila yimo lika kuna pande kukala vimaho kuithi kumintango yamu citatu, Yakupanga ngue mutamba umo lika yina pande kuli pua hamo lika yoshe mintango yitanu na yimo yikatuhuka ku lambi. ³⁶Yi maho amba mintango yinapande kupua hanu lika. Mukupua hamo na vipanga via olu yaku jela.³⁷Ukapanga vi lambi viavio vitanu navivali amba ukovihaka. Helu viavi lambi kuli vakevo yika vahana ceke. ³⁸keho lumana na malonga vina pande kuvipanga via olu yaku yaku jela. ³⁹Pangesa vuana umo ya ku jela uka pange vi lambi hano navi tenga vioshe. ⁴⁰Linga vucili uka vapangela kulutue lua vintanga vije njika kulekesa kulutue mukinya.

¹Una pande ku panga tambe nacle hamo navi ntanga likumi viovo atha, muaku vuaha via kufua lalo Pulu pulu,na kuotha vuanda vivo na vuatha va Selubini. Evi vipanga via vaye vavithivuka na vantu vakala na vuino vuaku panga. ²Ku laha kua vintanga imo vika pua makumi a avali navitanu navitatu avi kuvitu viuana . ³vintanga vioshe via kele na kutheka kumo lika. vintanga vitanu kuvi vanda kana hamo, vavi kuavo lalo vintanu kuvi vanda kona kumo.⁴Upanga konthi kakufua lilu ku congo ya ntanga imo yaku kutitha. Mungilo imo vene, panga via kulifua ku vitenga vikuavo via ku suana ko. ⁵Upange tuonthi makumi atanu ha ntanga yaku livanga, Una pande kupanga makumi atanu atuonthi kuncongo ya ntanga yaku shuamako. panga lifue cino na cikuavo. Uka ⁶pange vikuatetho makumi na atanu ya ulo viaku pandakanetha vintanga kumo tavena kulu ika kale imo lika.⁷Uka panha vintanga via maka avmbembe mu kupua mbalaka helu lia Tavenakulu. uka panga vintanga likumi naimo. ⁸Vulahe vuavio vuka pue kakumi atatu avi kuvitu, mu vuihi una ntanga imo ika vikuvitu viuana kuvi ntanga vioshe likumi naimo yavi ntanga vilipue. ⁹Una pande kuvandakana vintanga vitanu kumo lika na vikuavo na kuavo vieka vitanu na cimo viavi ntanga kuvi vandakana. una pande ku vuethelela helu makumi atanu na cino avi ntango kulutue ya mbalaka.¹⁰Upange tuonthi makumi atanu kumi kuduilo yavi ntanga viaku livanga na tuonthi makumi atanu kumi kunduilo yavi ntanga viamu civali. ¹¹Unapande kupanga vikuatho via nkengelethi uvihake mutuonthi. keho uvi vandakane kumo na mbelako linga cikale cimo.¹²Caku supaho mbaluvuila ya ntanga, Oco kuye kuka kala kunyengelela kua kama visupo vioku mbalaka muna pande kuvi nienge lesa kunima ya Tavenakulu. ¹³Kuna pande kukala kuvitu imo ya ntanga ku mu tambela umo kuvitu imo lika ya ntanga ku sinya liye ciye na shupuho kuvulahe una mbalaka ntannga yinyengelele kuoshe ku tavenakulu Kuhela umo naku sinya liye ku cifuika. ¹⁴Una pande ku panga cifuiko caci lambu vikuavo viova kotongola mua cili kuvifuika helu.¹⁵Una pande ku panga ma vaya a akasia tavelenakulu. ¹⁶Vulahe vua civuliko vukapue likumi lia vikuvitu, mu vuihi mpindi ya kuvitu. ¹⁷Muna pande kukala manunga avali muci vuliko cino muku vandakana vivuliko kumo lika. mokemo mou panga vivuliko via tavenakulu. ¹⁸Muye mou panga vivuliko via tavenakulu, Unapande kupanga makumi avali avivuliko kumu tambula uakusulu.¹⁹panga vipampa via palata muithi lia makumi avali avi vuliko. Vivali vina pande kukala kuithi lia civuliko caku livanga ku kale vikuatetho vivali, keho lalo kuithi lia yimo ku kale vikuaetho vivali. ²⁰Kumu tambula ukuavo ua tavenakulu, ku mu tambela ua laha ua cifuti , upangeleko makumi avali avi vuliko. ²¹Na makumi avali apalata kuithi. kuna pande kukala vivali kuithi lia civuliko vavali kuithi lia civulikocaku shuamako navikuavo via kuthupako.²²kunima ya tavenakulu kumu tambula ua vu tokelo, uma pande ku pangelako vivuliko vitanu na chimo. ²³Una pande ku panga vivuliko vivali kunima mu ngombo ya tavenakulu. ²⁴Ovio vivuliko vilitepe kuithi liavio,Vuno vihake vivuliko hamo kuye kuilu muringa imo, vikale mungila eyi vioshe ku nima ya ngombo. ²⁵Vikale vivuliko vitanu navitatu, kumo na palata kuithi liavio. Mu na pande ku kala vingudthi likumi navitanu nachimo vioshe, vingudthi vivali kuithi lia chi vuliko chaku livanga, vingudthi vivali ku chi vuliko chamu chivali, nevi viaku lihonako.²⁶Upange mikambo ua chi cha a kasia -vitanu viamu chivuliko chimo kumu tambela ua tavenakulu, ²⁷Mikambo yitanu muvivuliko viakusinia lijie lia tavenakulu, na mikambo itanu ya ku nima ya vutokelo vua tavenakulu. ²⁸Mikambo yaha kati kavi vuliko, kampindi kuilu, china pande kuheta kuncongo naku ncongo.²⁹Uka fuika vivuliko na olu. Una pande mincele ya olu, viakeviovikuata mikambo, ku fuika mikambo na olu. ³⁰Una pande kuhakaho tavenakulu ku liy chiua muene kumu kinia.³¹Unapanga ntanga yaku vunduluka, yakuvenguluka, na kuotha vuanda na kutunga nathenga, mavala ava Selumbinu, navamala vaka vuino vaye vathivuka vipanga. ³²Uka yi nzienje lesa havi ngundthi vivana via akasia vifuike na olu. Mavelo avio a olu hamanunga auana a palata. ³³Uka nzenje letha nganga muithi lia vikuatetho, uka nehiamo chiketha chavu keleho. Keho ntanga yika tepetha muhela uaku yela namuhela uaku yela navua.³⁴Uua pande kuhaka chifuiko chaku lembetha ku chiketha vumbangi, kuye kumuhela uaku yela. Una pande kuhaka tafula hanja ya ntanga. ³⁵Una pande kuhaka chiticha lambi kumuhehi na metha muvuihi ya tavenakulu. Metha yina pande kukala muvu lahe vua metha.³⁶Unapandekuvinienge letha kuaku kovela mu mbalaka. Unapande kuvipanga via ku vunduluka, pulu pula, navipangetho via kuotha na ku vitunga mua vuina, vipanga via kaleka. ³⁷Uka nienge letha, ukapanga vinguthi vitanu via akasia naku vifuika na olu, unapande ku mbi lamo mathanda atanu a nkengelezi.

¹Keho uka panga muyombo ua mavaya ua mavaya a muthu vikuvitu vitanu muvulahe na vikuvitu vi tanu mu vuihi. Muyombo upwa mumo ku mitamba yoshe yiwana na thikuvitu thi tatu mu vukahe. ²Keho uka panga vimbinga viauo ku vimbango viayo viuana mgue via hove. Vimbinga u ka vipanga mumo lika na muyambo, na ku vi fuika na nkegelezi.³U kapanga vitenga via ku muyombo: vindeho via ou ha ku ambatela lito liuo, navi hupulo, malonga akama na malovo avo a mbunda, namalonga ao a tuhia. una pande kuvipanga vitenga e vi na nkengelethi. ⁴Keho uka upangela vuanda vua mase avuanda, vua nkengelethi: keho ku vuanda uka panga muntjele ua kumunye ua nkengelethi nkala ku vuanda mu vimbango via uo viuana.⁵Uka haka vuanda muinthi lia kuntjongo ya muyombo, mbaluvuila yimo kusheletha kuithi. ⁶Uka panga mikambo ya ku muyombo, mikambo ya vipilangi, via citi ca Akasia, na ku vi fuika na nkengelethi.⁷Keho mikambo yauo vaka yi koveletha mu mundjele, mikambo yika kala kunchongo luali ya muyonbo, mu ku yambata. ⁸Uka panga ua mpako, namatavua. Uka panga ngue mova naka kulekethele ku mukinya.⁹Keho uka panga citungu ca tavenekulu.Kunapande kuyendjelela ku vuihi vua citungu ca muyombo, kuyendjelela mikole ya yindende ya kuotha vikuvitu cihita muvulahe. ¹⁰Na vingundhi viaco vikapua makumi avali, na manunga ayo makumi avali a nkengelezi. Kukale malavo ali ku vingundzi, na vikuatetho viayo via Palata.¹¹Una panga ngue muye vene ku vulahe vuamutambela ya citangu, ku kala vintanga via kukala via vikuvitu cihita na vingunthi viayo makumi avali na matangua ayo nkengelethi, malovo anakuata kungunthi, na vikuatetho via palata. ¹²Ku mutamba ua citungu ua ku vutokelo kukala ntanga ya makumi atanu vikuvitu mukulahe. Ku kala likumi lia vingunthi na likumi lia manunga. ¹³Keho mu atungu ku mutambela ua vukilo vua litangua uka pua makumi atanu mu vulahe.¹⁴Ntanga ya ku mutamba yimo ya cikolo yipue makumi, atanu muvulahe. Ku ka kala vingunthi vitatu na manunga atatu. ¹⁵Ku mutambela ukuavo ku ka kala vintanga via vikuvitu likumi na vitanu na vulaha. ku kakala vingunthi viayo viayo na manuga ayo atatu. ¹⁶keho ku cikolo ca citungu ku ka kala ntanga ya vikuvitu makumi avali mu vulahe. Ntanga yi kala ya kufua lilu na pulupula, nevi vivenga ,na mukole ua kuontha vuino, vipanga via muka kutunga vuanda. ku kala vingunthi na manunga auana.¹⁷vingunthi vioshe via palata malovo a palata, Na manunga annkengelethi. ¹⁸Vulahe vua citungu vu kala cihita ca vikuvitu mu vulahe, Mu vuithi vikuvitu makumi atanu, Na mu kutuntuka vi kuvitu vitanu na mukole ua kuontha muacili vili kuoshe, Na manunga a nkengelethi. ¹⁹Vitenga vioshe viva pangetha mu tavenakulu, Na vioshe vimbohua via mbalaha ya tavenakulu, Na citungu vika pua via nkengelethi.²⁰Una pande kushika vana va Isaleli va nehe mathi olive, akulela, linga vi lambi vi tue ceke nthimbu yoshe. ²¹Mu mbalaka ya ku kungulukila, hanja lia ntanga ya kufuika yili kulutue lua tavenekulu lua vukaleho, Alone na vana vendi vana pande ku vuahethako lambi yishuamene thimbu yoshe kumesho a Yehova, Kutameka ku cinguethi noho cimene. Vu kapua vutume vua yaye ku memo oshe a vana va Isaleli.

¹Thana yove vavena alone mukuluntu uove na vana vendi Nandave, Avihu, Eleazale, na Itamale hakati ka Isaleli mukunjipangela mukupua vasasendote.Una pande kutongelako munamono, ²Alone cikoveyo eci cina litepe nange. Oca chikoveyo cikale cavumpuvu vuendi na senga. ³Unapande kuhandeka navantu voshe vakakuthangama kuvimbunga, ovo njahana spilitu ya mana vana pande kupangela Alone vikoveyo via kuli kalela muku njipanga yange muku kalasasendote.⁴cikoveyo oco vatonda ca ntelo, kuhakako nthili, nacithala na muivo. vatonge cikoveyo chaku litepa kuli yange vikale via mukuluntu uove Alone na vendi vavamala muku njipangela vakale va Sasendote. ⁵Vinkulungu viaviti vapangethe vuanda vua olu cina lilu, Prupula na kuvenga.⁶vana pande kupanga cikoveyo ca vinthili ya olu, Cina lilu Pulupulu, na kuvenga ca vuanda na mavala aku shovasathana. Vikale vipanga via va vantu vavu nkulungu uaviti. ⁷Cina pande kukala vinthili vivali via mbaluvuila vavihake kuvimbango vivali via kuilu. ⁸Muiva uakutunga vuino via kulifua vau pange ukale na mbaluvuila ya cikeyo vaci pange na kuvenga. ⁹Unapande kutambula livue lia kuthivala na na kulithoneka lithina lia Isaleli vana va vamala makumi na vavali.¹⁰Vitanu na cimo via mathina avo vikale halivue limo lika mathina hambo umue lalo akale ha livue limo, Omuye muva lishuamena mukuva neha. ¹¹Vipanga viovo vaka kushoka hamavue, Ngue musheke, Muna pande kushonga mavue avli namathina ava Isaleli likumi navavali . Kuna pande kukuateta mavue a olu. ¹²Muna pande kuhana mavue avali avali havi nthili na cishuta caci koveyo, Vikala halivue vi vulukile shukulu Kalunga ua vana va Isaleli. Alone ambata mathina kulutue ya shukulu Kalunga va vinthili vuendi vivali muku muvulukitha.¹³Una pande kuhaka mavia lishuamena . ¹⁴Na malienge avali a olu mpundu ngue lilapa Una pande kuhaka vuketanga movua lishua mena.¹⁵Unapande kupanga cikanduitho cakutokola, vipanga viava vankulundi vava mala, via vihia ngue efonde. vipange via olu, cina lilu pulupulu na vuanda via kuvenga, Nama vala mavala. ¹⁶Vikale via ku lietheka. Una pande kuheteka ntelo luvali. Cikale viualaha namuvuihi.¹⁷Una pande kuhaka vipalo viuana via mavue aseho. ¹⁸cipalo ca kulivanga cina pande kukala Silindiu, Topaziu, na kalembunkulu. ¹⁹Cipalo camu civali uapande kukala Esemelanda, na Safila na Ndiamante. cipalo camu citatu cikale Yasintu, Angata, na Ametisita. ²⁰cipalo ca mu ciuana cina pande kukala na Mbelilu na 0nikisi na yasipe. vikale nuncele ua olu muku vihaka.²¹Mavue ana pande kuli shuama kumathina avana va Isaleli mulonga nava vali, nkala coshe kutuala mulithina. Cikale ngue nafuatula naku thivukitha na mu njele vaku munye, nkala lithina limane ku umo uamuyati ua likumi vaivali. ²²Una pande kupanga ntelo ya vuketanga ngue lilapa, navimbilingua. ²³Una pande kuvipanga munjele yivali ya Olu na ntelo uvivandakane kujuongo ya ntelo. ²⁴Una pande kuvivandakana vi Olu vivali via vuketanga muvingombo vavali via ntelo.²⁵Una pande kukuatathana kuncongo ya vuketanga via kuvinda. Keho unapande kuvikuatathana havithili cishuta ca cikovelo caha lutue. ²⁶Una pande kupanga minjele yivali ya Olu, Keho uvihakaho kuvi mbango vivali via ntelo, kuncongo kushuama muithi via vingamba.²⁷Una pande kupanga vi Olu vivali via munjele, napande kuvi kuatathana kuncongo ya vinthsili vivali mutamba uantelo ya halutue, yilihate naku kuaku kunkula kuillu lia cikoveyo. ²⁸Vana pande kushuelela tuminjle hantelo ya hantulo ya chikoveyo. Yakufua ha vuanda ua cina lilu, Keho vikuate kuilu lia chikoveyo kuncongo yaco. kulingila ntelo keti yikale ntambela yimo ya cikoveyo²⁹Omo alone muayile kumuhela uaku jela ana pande kuambata mathina ava Isaleli kumbunge yendi kuntelo yakutkola, vikale kumbunge ya Alone oma aya kulutue lia shukulu Kalunga. ³⁰Ove uhakeho vimbandi hantelo ya kutokola, vika kumbunge ya Alone oma aya kulutue lia shukulu kalunga. Alone na pande kuambata nakutokala kuvantu va Isaleli kumbunge yendi kulutua lia shukulu Kalunga.³¹upanga konthi kacikoveyo ca cina lilu. ³²Cina pande kukala ca kushokoloka mukutue ha kati kaco. kuakushokolokela kuna pande kotongelako vinkumbu ngue omo via kala vimbaikisa vioshe.³³Kuaku kunkuilo uahathi hakako Zilomathi ya cina lilu, Pulupula na kuvenga ngengu unjithengelekeko. Cilandakale ca Olu hakati kavio vioshe vili thengeleke. ³⁴Vina kona kukala vilanda via Olu na Zilomathi,cilanda ca Olu na Zilomathi kunjango ya cikoveleyo. ³⁵cikoveyo cikale kuli Alone mua kala muvipanga. kuli ngila keti anthse.³⁶Upange lilonga lia via Olu mpndu lia kufuata, ngue lia kufuatula vimbandi, ''kunjela shukulu Kalunga''. ³⁷Unapanade kuvi haka kulilonga lia cina lilu kulutue lia tepa. ³⁸Likale kukuhola lua Alone kualokuyeya vuana vuo vanahana va Isaleli mukuhangula kuli shukulu Kalunga, litepa lina pande kukala kumutue uendi nkala hoshe kulingila shukulu Kalunga atambule vuana vuavo.³⁹Panga kopote kathenga, una pande kulinga litepa lia thenga. Panga lalo muiva ovio vipanga via muka kutenga⁴⁰Vana va Alone vapangele kapote na miva, namatepa akuthini mikila a senga. ⁴¹Una pande kutheleka Alone mukuluntu uove kumo lika navana vendi. Una pande kuvavuetha na mukuha mpoko, hangula va cipangele mukukala va Sasendote.⁴²Vapangela vimbulukueva muku fuika mishenga shenga yavo, Vakufuiko matafu avo . ⁴³Alone navana vendi vana pande kuthala ovio vikoyeko omo vakovela mumbalaka mukukali uana ndi omo vakaheta muhehi na kupanga vino na kumuhela uakuyela. Vana pande kupanga vino na yenekala kuuana mulonga kuteuetha vantha. Mashiko aku kaleleho kuli Alone navana vendi navatekuluendi ovo vakenjako.

¹Evi vikevio viou kapanga muku vahana hamo nange linga vaka njipangele mukupua Sasendote. ²tambula muna ngombe vamundende ua ntueyi na vinjui vivali viavi zamba viaku yeneka kulelemana . Mbolo yaku yeneka cimbaluila na cikuki ca kuyeneka cimbaluila vana kuitiko mathina vunga tiliku hia muacili uka vipanga.³Una pande kuneha haci hele, viheke muciheke una pande kuvi nehahamo na ngombe ya ntueyi na vinjui vivali viali zamba. ⁴Unapande kuneha Alone na vana vendi vava mala kuye kuaku kovelela kunjivo yavi nthango.Kusheni va Alone hamo lika na vana vendi mumema.⁵unatambula vikovelo uthaleke Alone navikovelo cacili na ntelo yaku mutheleka muiva ua cili. ⁶Uhaka tepa kumutue uendi keho ku tepa uka hakako cilongo. ⁷Uka tambula mathi akumu vuavuetha muka mushuuilakumutue, omu mukemo momu kamu vuavuetha.⁸Muka neha vana vendi naku va ntheleka vuthalo vuaco. mukathaleka Alone na vana vendi muiva naku va kuta kumitue yavo. ⁹vapanga viavu kukute vili hali yavo miaka yoshe omu mukemo omu mukemo momu kavi panga Alone na vana vendi linga vaka nji pangele .¹⁰Muva voshe muka hena ntueyi kunjivo yavi nthango. Alone na vana vendi vaka langeka mavoko avo hamutue. ¹¹Muka nthika ngombe ya ntueyi kulutue ya Yehova ha cikolo ca njivo ya vi nthango.¹²Muka tambula maninga avali ngombe vivali viavi ntueyi naku naku kuita maninga havi mbinga via mutula namunge uove uka mbulumuna mininga aka thalaho muithi lia mutula. ¹³Uka tambula mathi oshe akala kuviuma via muinthi na manthi akala kuli shuli na vinthiona mathi akalako, vinthimi kilelrni kumutula. ¹⁴Mbelela ya ntueyi na cipapa na fuati muka vi nthsimika lanya lia lilombo cikoco cikombelo ca vupi.¹⁵Una tambula cizamba umo, alone na vana vendi vaka kambeka mavoko avo hamutue ua cizamba. ¹⁶Muka nthsiha cizamba naku shampu kumutula uoshe. ¹⁷muka teta cizamba halande hahandende muka kusha vilio voshe via muinthi hamo na thimpindi thendi namutue uendi. ¹⁸Hamutula keho nthsimika ci zamba uoshe cikeco cikombelo caku nthsimika kuli Yehova, cikeko ku vuaha kuaku tunda kuli Yehova cikombela ca tuhia.¹⁹Tambula cizamba Alone na vana vendi va kambeke mavoko avo hamutue uaci zamba. muka nthsiha cizamba muka tambulako maninga. ²⁰Muka kuita kuli tuitui lia cilio lia Alone nakuma tuitui acilio avana vendi nakulinyetete lia livoko lia cilio, nakuli nyetete lia muanja ua cilio. muka shampula maninga ku mutula uoshe.²¹Muka tambula maninga amo ali kumutula na mathi aku vauavuetha muka shampuela Alone, naku vithala viendi, naku vana vendi, naku vuthalo vuavo. Alone Alone aka lela navuthalo vuendi novu vua vana vendi navu thalo vua vana vendi hamo nendi.²²Uka tambula mathi aci dhamba na mukila ua mathi, na mathi afuika vilio via muinthi, kuli shuli, na vintho vivali, na mathi ako, na litafu lia cilio eci cidhamba ca sasendote. ²³Tambula muinthi umo ua mboloto na mboloto yakupanga na mathi, na kambolo kaku vuavuetha kuci hele ca mbolo ka yethi na hingo ku mesho a Yehova.²⁴Vihake muma voko a Alone na mumavoko a vana vendi nakuvi thengeleya ngue cikombeloca ku hana vuana ku mesho a Yehova. ²⁵Uka tambula viakulia muma voko avo naku viuemeka kumutula helu lia cikombelo caku uemeka, muku kala vueko vuaku lembuluka ku mesho a Yehova: cikeco cikombelo ca tuhia kuli yange.²⁶Uka tambula nkundo ya cidhamba ua ku hana ua Alone, naku vuana vua cili ngue cikombelo caku sengeleya ku mesho a Yehova, uka kala muatamba uove. ²⁷Uka jelesa nkundo ya cikombelo caku hana vuana, nali tako lia cidhamba eci cikeco kuhana ca va sasendote voshe nkundo yova na sengeleya nali tako lia cidhamba yo vana hana kuli Alone na vana vendi. ²⁸Cikeco cikapua ca Alone na vana vendi. cikapua ca vana va Isaleli muku hana kuli Yehova mu ku hana civovo.²⁹Vunthalo vua jela vua Lone vuka kala kui vana vndi kuima ku kuva vuavuetha kuvu keviuo naku vuavuetha hamo nendi. ³⁰Munendi uye akapua Sasenndote uye akenja kunjivo ya vinongi mukunjipangela hela vaku jela, aka thata viaku jela matangua atanu na avali.³¹Uka tambula cizamba co vana kundika sasendote kuli yange muka teleka mbelela yaco kumu hela uaku jela. ³²Alone na vana vendi kavalia mbelela ya cizamba na mbolo yili haci kolo ca njivo. ³³Una pande kulia mbelila na mbolo yiye yova Yiye yova va thambuethele yavo muku va ka kuli ange naumo uahi aka lia via kulia viye, muomu vikevio via jela. ³⁴Kunkala mbelela yiye yaku cikombelo, na mbolo vika ku ci menemene ca ku shuamko, muna pande kuvi wemeka. Kati muka vilie muomo via hata yange.³⁵munjila muka shuama vioshe viye vio njina handeka mukamo muomu ka panga, Alone na vana vendi muka linga mua cili. ³⁶Nkala litangua muka kombeleya ntueyi ku cikombelo ca vupi muku thambuetha. Uka jeletha mutula mu ukambeleya uka vuavuetha mutula. ³⁷Matanga atanu na avali uka kombeleya mutula naku u jeletha keho mutula uka tuva kana kunjela vioshe vikaheta kumutula viaku jela via Yehova.³⁸Uka kombeleya kumutula nkala litangua vinjui vivali vio va mumuaka umo. ³⁹Yinjui umo uka kombeleya kucimene, umo uka mu kombeleya ku cinguenthi.⁴⁰Na yinjui uaku livanga mutamba ua mulikumi ua epha ya vunga vua kuhia vuaku shinga na mutamba uamu ciuana uahine ya viniu muku pua cikombelo.⁴¹Muna yinjui ua muli vali uka mu kombeleya kuci nguenthi ua uka yikombeleya ngue via kulia ku kucimene, nevi vua kuhua muka kombeleya mukupua vueko vua ku lembuluka cikombelo ca tuhia kuli Yehova. ⁴²Cikapua cikombelo caku wemeka ku nthimbu yoshe, kucikolo ca njivo yavi nthango kulutue lua Yehova kunjimiwana kami uana muku handeka neni.⁴³Kaye hakelo honji kami uana na vana va Isaleli, njika jeletha kunjivo yiye ya cili. ⁴⁴Njika jeletha kunjivo yeyi na kukumutha ku voshe va camena kuli ange njika kaka Alone na vendi mukunji pangela ngue va Sasendote.⁴⁵Njika tumama ha vana va Isaleli kala njambi yavo. Vaka nthivuka ngua yange Yehova Njambi kavo. ⁴⁶Njikavuka nguavo yange Tehova kalunga njaka tunditha ku Ingito njika kala hamo vavo yange kalunga kavo njambi yavo.

¹Keho ukapanga mutula ua ku kuthsimikila vihemba' yove kacipanga namaya aciti. ²Vulahe vuacho vunapande kupua kuvitu imo namu vuihivuaco chinapande kupua kuviku imo, cinapande kupua kumo lika. Namuvulahe uacho cinapande kupua vikuviko vivali. Navimbinga viaco vipue mumo lika .³Keho uka ufuika na olu helu liauo , Namuvimpati viacho navi thimbinga viaco. Ukapanga chilongo cha olu ukathengelekako nauo. ⁴Ukapanga michele yivali ya olu ukahaka hakati kathingamba. Kuthinkande thivali, Namichele yikakala yakukuata thinguthi thakukuata mutula.⁵Ukapanga thinguthi tha mavaya aviti, a dtho ukathifuika na olu. ⁶Keho ukauhaka kumutula uaku thsimikila vihemba kuluntue lua ntanga yije yovanafuika kuchikasa chali tavathano. chikakala kuluntue lua cituamoca ngothi chili helu lua vumbangi, kuje njikali uana nove.⁷Keho alone akathsimika vihemba nkala cimenemene. Napande kuthsimika muauahesa thindeya, ⁸Na Alone lalo napande kushuameka thi ndeya kuchinguezi akathimikavihemba viaku miaka yoshe kulutue lua Jehova, kumemo eni oshe. ⁹Keti muka thsimikileho vihemba viavio lalo kumutula, Nambe nkala vuana vukuavo vuaku thsimika, Nambe nkombelo yavia kulia. Kati mukashuuileho vikombelo viaviakunua.¹⁰Keho Alone ukakombeleyaho kuthimbinga thauo lumo lika mumuaka. Na maninga ankombelo ya vaka vupi nacho lumo mumuaka kumemo ove oshe akeo ana tuvakana kujela kuli Yehova."¹¹Na Yehova ua handekele na Mosesa, nguendi, ¹²"Mouyongola vana va Isaleli na nkala muntu napande kuhana ko ndando imo kumuono uendi kuli Yehova. Unapande kuka vilinga evi kunima ya kuvitanda, kulingila mavedhi aku lishambuitha mukati kavo moumana kuka vatanda. ¹³Uje uoshe uvana tanda napande kufueta mbaluvuila vimbongo na palata, kutuala kukulema kua vimbongo kua kuvipkunguila (Sikulu ikeyo vene makumi avali avitamboli) eyi sikulu yamukati vukapua vuana vua kuhana Yehova. ¹⁴Uoshe ahita kuje kuli uoshe uvana tanda, kutamekela hamiaka makumi avali, vikanduithe, napande kuneha vuazna kuli yange.¹⁵¹⁶Vantu muva hana vuana vuavo kuli yange kufuetela miono yavo , muka kufuka ka pandele kuhana via viavingi vina tuvakana mukati ka shikule, na cihutu kapandele kutepululako ahane viavindende. ¹⁶Uka tambula thimbongo thaku kombeleya kuli vaka Isaleli una pande kuvi haka muvi panga vipange ku njivo ya vinthango. vina pande kupua viaku va vuluitha va Isaleli ku mesho ange muku kombeleya miono yeni¹⁷Keho Yehova ua handekele kuli Mosesa nguendi, ¹⁸''Una pande kukapanga lalo lilonga liakama lia nkengelethi na mutula uaku tumbika, lilonga liaku tanena. Unapande ka lihaka hakati kanjivo ya thi nthango na mutula una pande kuka hakaho mema.¹⁹Alone na mona vaka tana kuma vako naku mianja yavio mumema aco. ²⁰Muyaya munjivo ya vinthango nambe mukaya mu hiehi na mutula muku njoyiela muku nthsimika cikombelo ca tuhia. ²¹Vana pande kutana kuma voko naku mianja yavo muku lingila keti yathe. Aa akapua mashiko a Alone aku kalelela na eci cikeco cikapua citume kumiaka yoshe kuli vakevo, na kuli yikeye vene naku memo ovo oshe.²²Keho Yehova ua kuanyene na Mosesa, nguendi, ²³''Tambula thimboto viavu heke. vihita vitanu viu sikulu via Mira ya kunika luhunthi Sinamone, Vihita vivali na makumi atanu akunika luthinthi. ²⁴Vihita vitanu via kashiya, vethekele kulema kuathi shukulu via kunyunga, na hine ya mathi o Oliva. ²⁵Una pande kupanga mathi aku jela kuvi mbuto viaco, Vipanga via kunika luthinthi, aka pua mathi aku jela. muku njika punguilao.²⁶Una pande kuhangula njivo ya thinthango na mathi ano ngue ku cikesa ca vumbangi. ²⁷Na mutula navioshe vibombelo viaku nthsimika, N a citenga ca vitumbika ndeya na vioshe vihemba viaku nthsimika kumutula. ²⁸Na mutula ua kunthsimikila vihemba na vikulungu vioshe, Naha haku litumbika lilo.³⁰Una pande kuli hakela na mutamba uavio kuli yange vikapue viaku jela kulu yange , nevi vioshe viova kukuata vika pua. ²⁹Una pande kuhangula Alone na mona unji hanguileko yange vaka njitakamethe yange mukupua va sasendote vange. ³¹Ana pande kuleka va Isaleli'' Aa anapande kupua mathi aku jela ova kakela mbaluvuila kali Yehova kuhitila muvantu vove namu memo ove.³²Keti aku vikuite ku muvila uavantu, pande kupanga mathi akulifua ngeci mua aa. mukonda voa hakela mutambela ua Yehova. Muna pande kuvi haka mucifua eci. ³³Uoshe apanga mathi ngue a a. Nambe nga uoshe mo aka kuita umo, ouo muntu uaco vaka mutepe kuvantu vendiYehova ua kuanene na Mosesa, '' tambula mbuto ya vuheke Situlake, na Onika , na vihemba via kulumba via vuino, vioshe via mulio umo lika. Vipanga mucifua ca kunika luthinthi ,vije viana shingi vuino muka kuyipanga, na nthimbu na mongua, Vuino na ku yitepako. Uka panga vishovathana nakuvitua. Uka vihaka namutamba uavio kulutue lua cikesa cavumbangi ayo yekeyo lalo njivo ya thinthano, kukeko kunji kali uana neni. Una vihaka ngue via jela kuli yange.³⁷Vihemba viaku nthsimika vije vio uka panga, keti muka pangeko lalo via kulifua ne viove navavenya, vika kala viaku jela muakama kama kuli yove. ³⁸Uoshe akapanga viakulifua navio aka vi pangethe munde uendi vaka mutepe kuvantu.

¹Keho Yehova uahandekele na Mosesa guendi, '' ²Tala, njina thana kuhzina Mbezalele muna Uli uamumala muna Hule, uamushovo ua Yunda.³Njina mushulitha Mbezalele na Spilitu yange, yimu hane mangana, mana, na kuzhivukitha, kunkala cipanga. ⁴Kufuatula viavu nkulungu na mukupanga na olu, na palata, na nkelengelezhi; ⁵Naku teta luhua mavue muka kuathetha na nakushonga vipilangi⁶Muku vuezhelela ko kuli yendi, njina hangula oholiave, muna ahisamake uamumala, ua mushovo ua ndane, Njina haka mangana muvimbunge viava vaka kuzhangama vaka pange vioshe vionje na mushiki. Evi vina kuatelamo ⁷Njivo yavi nothango, cikesa cia vumbangi, na cituamo cia ngozhi helu lia cikesa, navitenga vioshe viamu njivo- ⁸tafula n vitenga viavo, citi cia lambi navitenga viacio vioshe, na mutula ua vihemba, ⁹mutula ua vikombeleyo via kuthsimika navitenga viaho vioshe, na mbasiya navuimaneno vuayo.¹⁰Evi vina vuezhelelako luhua na vizhala viye via kupanga muacili-vizhala via kujela via Alone sasendote nevi via vana vendi vavamala, vanji hakelavio kulingila navo vaka pange cipanga ciavu sasendote. ¹¹Evi vina vuezhelelako luhua mazhi aku vuavuetha na vihemba vi a kunika lemba hamuhela yakujela.Vamala ava vakushonga vapange vioshe evi njina kushika.''¹²Keho Yehova uahandekele na Mosesa nguendi, '' ¹³leka vaka Isaleli: kanyungeni matangua ange aku huima, mukonda vikevio vika mizhivitha hakati kendi neni limo navantu vove kulingila vakezhive nguavo endi Yehova, yikeye uamitepako mukale vendi. ¹⁴Nyungeni litangua liakuhuima mukonda liacio muka upanga liakuyela, muka muthingimikila lio. Uoshe aka panga mulitangua lia kuhuima, muntu uangocio vaka mutunditha muvantu vendi. ¹⁵Vipanga muka vipanga mumatangua atanu naumo, vunoni liamu citanu na avali lika kala litangua liakuhuima lioshe, lia kuyela kumesho a Yehova. Uoshe aka panga mulitangua liakuhuima kuka muthsiha.¹⁶Keho va Isaleli vathingimikile litangua lia kuhuima vaka litalela mulimo lia vantu vavo ngue mashiko aku kalelela. ¹⁷Litangua liakuhuima lika kala nthimbu yoshe cizhivitho hakati ka Yehova na va Isaleli, mulitangua liamu citanu na limo Yehova uatangele lilu na mavu, na mulitangua liamu citanu na avali ua huimine na ua huiithile.''¹⁸Hamanene Kalunga kuhandeka na Mosesa kumukinya ua sinayi, uamu hanene vitafula vivali via mashiko, ovio via kele vitafula via mavue, via thona vavenya Kalunga nalivoko liendi.

¹Vantu muvamuene ngue Mosesa ualilangele kuija kutunda kumukinya, vali kungile kuaku thengela Alone vamuleka nguavo'' ija, tupangele Kalunga uakupanga atuame kulutue luetu. ngue ou Mosesa, ou liala uatundithile mucifuti ca Ingito, kutuizhiva vika vina muana.'' ²Ngoco Alone uandekele navo'' vutuleni vimbilingua via ol ovio vili ku matuitui a vakentu veni, na kumatuitui a vana veni vavamala nava va vakentu, vineheni kuli yange.''³Vantu voshe vavutuile vimbilingua viavo via olu vikele kumatuitui avo vavinehele kuli Alone. ⁴A endi uatambuile olu ije yatundile kuli vakevo, va vinyo ngoluele na kuvishonga, vavipangele munangombe uaku nyongolola. ngoco vantu vahandekele, '' Isaleli, ou ikeye Kalunga keni uje uamitundithile mu cifuti ca Ingito.''⁵Alone muamuene evi, endi uatungile mutula kulutue lua muna ngombe na kuhia na lijui; nguendi, '' himene kukala cipito ca kathiko ka Yehova.'' ⁶Mukemu vantu vali vangele kuhinduka litangua lia kushuama ko nahana vikombelo via kuthzimika na kuneha vikombelo vimolika. Ngochoni vakevo vatumamene nakulia nakunua, vaka tukile na nakulinga muyoyo uakuthambelela mu vindinda.⁷Ngoco honi Yehova uahandekele na Mosesa,'' yauye thambulako, muomu vantu vove, vaje vauakatunditha kuvifuti ca Ingito, vana likuithakuitha avo vavenya. ⁸Avo vamathi vuathi vuathi ngila iye injiva tumine. Avo vana lifulila munangombe avo vanenya va mulemetha vamuhia vuana. Avo nguavo, Isaleli, ou ikeye Kalunga keni uje uamishaka kucifuti ca Ingito.''⁹Ngoco honi yehova uahandekele na Mosesa.'' ange njinavamono ava vantu. Tala, avo vantu vaku kamkamana vithzingo. ¹⁰Mulolo honi, keci muetheke kunji vindika yange. vukalu vuange vuka vashuamena vakevo hiangu, ngoco ange njika uavitha. Keho hon ange njika muyati uakama ukatunda muli yove.'' ¹¹Vunohoni Mosesa uethekele ku kandangeya Yehova, muomu vika vukalu vuove vushuamena vantu vove, vaje vauakashaka kucifuti ca Ingito na ndthili yakama na livoko lia ku thsimana?¹²Muomu lia vika vaka Ingito vakahandeke nguavo, 'Endi uavatuamene na vithi nganyeka via kuviha, kuka vathsiha omu mikinya na kuvanongetha vatunde hanthi? tenguluka utunde kuvukalu vuove vuakushuama litule ku kashiti ku aka ku vantu yove. ¹³Vuluka Avilahama na Isake na Isaleli, vakakuku pangela, kuli vanje vaua lithingile navo ove vavenya na kuvaleka nguove, ange njikelanetha muyati uove ngue kulama kua vitangantanga via muilu. Ange nji kahana ku muyati uove cifuti eci coshe cije cinja tumbuile. Ava vaka cihinga miaka yoshe. ''' ¹⁴Mukemuo Yehova ualitulile kutunda ku kashitiku kaje katembele ku kalinga ha vantu vendi.¹⁵Ngoco Mosesa ua tengulukile kuli thenga ua shelelethele mukinya, nambata vitale vivali via mashiko a liuvuathano mu livoko liendi. Vitale via kuthona ku mitambela yoshe. Kuthona kulutue na kunima. ¹⁶Vitale viakele vipanga via vavenya Kalunga, na mathona akele mathona a vavenya Kalunga, kuola ha vitale.¹⁷Yehosua omu muovuile muyoyo ua vantu omo muvoluile, endi ua lekele Mosesa nguendi, ''Muli muyoyo ua ndthita mucilombo.'' ¹⁸Vunoco Mosesa nguendi, Kuohia kuaco keti kua kuvula, keci kuohia kua vantu vaje vava sheka sheka, vuno honi kuohia kua kuimba ndjuvua ange.''¹⁹Mosesa omu muashuenene ku cilombo, endi ua muene muna ngombe na vantu vakina. Endi ua handukile mua kama. Endi uashele vitale vitunde mumavoko endi na ku vithsiha kuinthi lia mukinya. ²⁰Endi uatambuile muna ngombe uje uva pangele vantu, ua mu thsimikile, ua mu tuile lito, ua lishuuilile mu mema. Ngoco endi ua hanene vantu va Isaleli vanue.²¹Ngoco Mosesa ua handekele na Alone, Vika va lingile vantu kuli yove, linga uva nehele vupi vua kama ngeci?'' ²²Alone nguendi, vukalu vuove keci vushuame hiangu, Shukulu. Ove uva thivuka vantu ava, vati vayongola kupanga vupi. ²³Avo va handekele nange nguavo, tupangeleko Kalunga uje akatuama kulutue luetu. Muomu ou Mosesa, liala uje ua ka tushaka ku cifuti Ingito, etu ku tudhivuka vika vina mu uana.' ²⁴Ngoco ange njahandekele navo, ' uoshe ali na nkala olu,a yivutule. 'Avo vanjihanene olu ange nja viumbilile mu tuhia, muatuhuka honi muna ngombe ou,''²⁵Mosesa muamuene vantu vateuela mu muthenge (muomu Alone na vecelela, na valingitha vashauke ku vitodhi viaco). ²⁶Ngoco Mosesa uemanene ku cikolo ca cilombo ua handekele nguendi, uoshe ali ku mutambela ua Yehova eje kuli yange.'' Valevi voshe valikungulile vamu dhengelekele. ²⁷Endi ua handekele navo nguendi, ''Yehova, Kalunga ka Isaleli, ua vi handekela: Nkala mu mala ashuele mpoko yendi ha mbunda yendi na ku hiluka mu kuendangana tunda cikolo ya cikolo mukati ka cilombo, nthsiha mukuendje uendi, mukuavo, na lishangembo uendi.'''²⁸Valevi vapange vije via valekele Mosesa. Litangua olio kuathsile vantu vahetele ku makulukadhi atatu. ²⁹Mosesa ua handekele na Valevi, '' Vana mihaka mu vipanga via Yehova lelo, muomu nkala umo ueni na tambula cipanga caku luitha mona na mu kuendje uendi, ngoco Yehova a mihana kuvedhika lelo.''³⁰Litangua lia ku shuamako Mosesa ua handekele na vantu nguendi, '' Eni munalingi vupi vuakama kama. Mualolo honi ange njiya kuli Yehova. Halumo nji ka mihandekelako omo vupi vueni. '' ³¹Mosesa ua hilukile kuli Yehova na ku kahandeka nguendi, ''Aye, vantu ava vana lingi vupi vuakama vana lipangela avo vavenya kalunga ua olu, ³²Vuno honi mulolo, Shukulukambu vecele ku vupi vuavo; vuno honi nga kucitava, Njidhimangane mumukanda u uasonekele.''³³Yehova ua handekele na Mosesa nguendi, '' uoshe ua panga vupi kuli yange, muntu uje ange njika mudhimangana mumukanda uange. ³⁴Ngoco yauye mualolo, tuamena vantu ku muhela uje ku njahandekele nove. tala, kangelo kange akaya kulutue luove, vuno honi halitangua linji kava hana kashitiko omo vupi vuavo. '' ³⁵Yehova uatumine vuvedhi ha vantu muomu va pangelele muna ngombe, ouo ua pangele Alone.

¹Mukemuo Yehova ua handekele kuli Mosesa, Tunda hano, Nove na vantu vaje va una nehe kuno ku va tunditha mucifuti ca Ingito. Kaye ku cifuti cije cinjina lisingile kuli Avilahama, kuli Isake, na kuli Jacomba, Njahandekele nguange, 'Ange njikacihana kumbuto yove.' ²Njika tuma kangelu kulutue luove; amba njika sheka vakua kanana; ka Ameleu, ka Hiteu, na Kapelizeu, ka Hiveu, naka Yembuseu. ³Kayeni kuje kucifuti, cije cakuhita na mahini na vuki; vuno honi kunjikayi neni kuye; muomu eni mu vantu vaku kuvavaleth dhiimbunge. Kuteua nji ka minthiha mungila.⁴Omuo vantu vo vuile mudhimbu ou ua kuviha, vali nyengele muvuthiwa, keho naumo uahi uazazele mincele yendi. ⁵Keho Yehova ua lekethele Mosesa, ''Leketha va Isaleli, ' Eni mu vantu vaku vavaletha dhimbunge. Nga njikaya hamo neni nambe munthimbu yayi ndende, njika minthsiha. Ngoco vene, Vutuleni mincele linga njihangule vika njikapanga neni.'' ⁶Ngoco vene va Isaleli vavutuile mincele noho ku mukinya ua Holeve.⁷Mosesa ua nonene mbalaka na kuyi shimbika hanja lia Cilombo, umo muhato ku cilombo. ua hilukile mu mbalaka ya ndhango. uoshe uye atambakana Yehova ku vioshe aya ku mbalaka ya ndhango, hanja lia cilombo. ⁸Omo Mosesa nga ikeye aya ku mbalaka iye, vantu voshe vemanene ku cikolo ca mbalaka na kutalela Mosesa noho naka kovela muinthi. ⁹Nthimbu yoshe nga Mosesa ukovela mu mbalaka, ngundhi ya lishelua yishelela hanthi naku shimbama ku cikolo, keho Yehova a handeka na Mosesa.¹⁰Nthimbu yoshe nga vantu vana mono ngunthi ya lishelwa lina shimbama ku cikolo ca mbalaka, vana pande kuimana na kulemetha, uoshe muntu emana ku cikolo ca mbalaka yendi. ¹¹Yehova ua handekele na Mosesa mesho na mesho, keho Mosesa ahilukamo ku cilombo, vuno honi ngamba yendi Yehosua muna Nune, muna mukunje, ikeye uathalele thalele mu mbalaka.¹²¹³Mosesa ua handekele na Yehova, '' tala, ua nji lekele nguove, '' tuala vantu vano mu vungendhi, vuno honi koua njilekethele ngove yiya uka njituma nendi. Una handeka nguove, njina kunthivuka ha linthina liove, Yimba lalo una uana kavumbi kumesho Ange. ' Ngoco nga njina uana kavumbi kumesho ove, Njilekethe vingila viove linga nji kuthivuke na ku uana kavumbi kumesho ove. Vuluka nguove muyati ou vakevo vantu vove.''¹⁴Yehova ua vatavele nguendi, ''Njika kala kala hamo lika neni nthimbu yoshe na kumihana kuhuima ca cili. '' ¹⁵Mosesa ua handekele nendi nguendi. '' nga ko u kakala netu nthimbu yoshe mu vungenthi ovu, kati utu tunditheko kuno. ¹⁶Omuo ngoco, vati njika vinthivuka nguange njina uana kavumbi kumesho ove, nange na vantu vove? vi kapuamo ambe u kaya netu linga nange na vantu vove vakapua va kulitepa ku vantu vakuavo voshe vakala hano hanthi?''¹⁷Yehova ua lekele Mosesa nguendi, '' Ange nji ka kupangela viuma vio una lombo, muomu una uana kavumbi kumesho ange, na linthina liove njili nthivuka.'' ¹⁸Mosesa ua handekle nguendi, '' njina lambelela nji lekethe vumpahu vuove.¹⁹Yehova ua handekele nguendi, ''njikalingitha kuvuaha cange coshe ci kenje hali yove, njika solola linthina liange Yehova kulutue luove. Nange nji ka leketha cikeketima, Yimba njika leketha ngonthi kuli yavaye nji ka leketha ngothi. '' ²⁰Vuno honi ua handekele nguendi, '' kouatha kunji mona cihanga cange, ngoco na umo uahi atha kunji mona na muono.''²¹Yehova ua handekele nguendi, ''tala. ou ukeuo muhela uange; ukemana ha livue lino. ²²Keho vumpau vuange vuoshe vu hita, nji ka kuhaka mumuandthi ua livue na kuku fuika na livoko liange kamane njinahiti. ²³Mukemuo nji ka nona ho livoko linange, yimba uka njimona muongo uange, vuno honi luholo kou ka lumono.

¹Yehova ua lekele Mosesa nguendi, '' Shonga mavue avali ngue aje ambangelo, aje o ua tavuile. ²Livuahethele ku cimene an kulonda ku mukinia ua sinayi, na ku ka lijombolola kuli yange helu lia mukinia.³Kati u kejeko na muntu umo. Keci ukethelele muntu aka limuethe ha mukinia. Na vutanga vua vinjui ndi vua thingombe na vumo vuahi vuka lila hamu hehi na mukinia. '' ⁴Mosesa mukemo mua shongele mavue avali ngue aje ambangelo, keho ua hindukile cimene mene na kulonda ku mukinia ua sinayi, ngue mua mulekele Yehova. Mosesa uambatele aje mavue a kushonga mu mavoko endi.⁵Yehova ua shulukile mulishelua keho uemanene haje na Mosesa, keho ua tumbuile muatho nguendi ; ''Yehova.'' ⁶Yehova ua muhitile kumesho endi na kuambulula nguendi, ''Yehova, Yehova, Kalunga muka ngodhi na vumpahu, ua livandeka ku vukalu, mukemuo mua kuatelela cuvuathano ca kuononoka na lunthilielo. ⁷Atakametha cuvuathano ca kuononoka hama kulukathi a memo, ecela vuhenge, lithino, na vupi. vuno nahamo hahi a ka dhimangana muka mulonga. Aneha kashitiko ka vupi vua vaishe kuli vana na vana va vana vavo, na kulimo lia mu citatu neli lia mu ciuana.''⁸Mosesa ua kotamene cihanga cendi vuathi vuathi hanthi na kulemetha. ⁹Mukemuo mua handekele nguendi, ''Nga njina uana ngothi mumesho ove, Kalunga kange, njina ku kandelela linga uye mukati ketu, muomu vantu ava vali na lithino. tuecele ku lithino lietu na vupi, keho tutambule tupue va suana.¹⁰Yehova nguendi, ''tala, mualolo njipanga cuvuathano. kulutue lua vantu, nji kapanga vi komouetho vije vicha kanda vapange lumo hanthi hoshe nambe muyati umo uahi. Vantu voshe mukati keni vaka mona vipanga viange, muomu cuma caliova eci cinji panga nove. ¹¹Tolilila kuli eci cinji kushika lelo. Njiyongola kusheka va Amoleu, vaka Kanana, va Hiteu, va Pelizeu, va Hiveu, na va Yembuseu.¹²Dhangama keti ukapange cuvuathano na vantu va mu cifuti cije ciu kaya, ndi vaka pua cilaha mukati keni. ¹³Vuno, muna pande ku katavula miyombo yavo, muka lundumuna vungunthi viavo via mavue, nakuteta vingunthi via kalunga kavo Ashela. ¹⁴Muomu kumua pandele kulemetha kalunga ueka, muomu Yehova, muatho uendi lifuua, ikeye Kalunga ua lifuua.¹⁵Keho dhangama kupanga cuvuathano na vantu vamu cifuti cije, muomu vaka litenguluka nava tulunga vavo, na kukombeleya kuli va tulunga vavo. Keho umo uavo aka mithana keho mukalia ku cikombelo cendi, ¹⁶eni naua muka tambula vana vavo vava kentu na kuva hangela vana veni va vamala. ¹⁷Keti uka lipangele tulunga tua kushonga.¹⁸Muna pande kuniunga cilika ca mbolo ya kujeneka kuthinina. Ngue munja mishikile, muna pande kulia mbolo ya kujeneka hingo matangua mutanu na avali ha nthimbu ije vene mu ngonde ya Avive, muomu mu ngonde ya Avive mua tuhukile mu Ingito.¹⁹Vambeli voshe vange, nambe vambeli va vamala, va thingombe, va thimpembe, na vampanga veni. ²⁰Vunoni amba kumu vahiluitha handando, muna pande kupokola vinthingo viavo, Muna pande kuhiluitha vana va vambeli veni ha ndando. uahi a keja ku mesho ange ma voko voko.²¹Kuatha ukapange matangua mutanu na limo, vuno litangua lia mu citanu na avali una pande kukahuimako. Nambe hanthitu ya kupulula, na kungula, ove yakahuime. ²²Una pande kukatakametha cilika ca vivike na mbuto ya kulivanga, una pande naua kukaniunga cilika ca kulikungulula kukuhua kua muaka.²³Vantu vana pande kujombolola ku mesho a Yehova Kalunga, Kalunga ua Isaleli Vi nthimbu vitatu. ²⁴Muomu njikasheka mishovo kumesho ove nakuka hametha vingamba viove. Naumo uahi a kali veyela livu liove ngue liavo mu ukaya kukajomboloka kumesho a Yehova Kalunga kove vinthimbu vitatu.²⁵Keci uka kombeleye maninga a cikombelo cange na hingo, nambe keci uka thedhemo muthedha ua cikombelo ca ku cilika ca pasovala noho kucimene. ²⁶Una pande kukaneha vushuka vueni vuacili vua kulivanga kutia mumeha eni na ku yituala kunjivo yange. keci muka teleke muna mpembe ali mumahini avaina.²⁷Yehova ua lekele mosesa nguedi, ''Thona meji aa, muomu kushuama ku meji aco njina liuvuathana nove na Isaleli. '' ²⁸Mosesa ua kakele kuje na Yehova makumi auana a mutania na auana a vunthiki, ka uanene nambe tuakulia tua kushuma ndi nambe tumema tua kunua. uathonene meji a cuvathano hamavue, mashiko likumi.²⁹Mua kandukile Mosesa ku mukinia ua sinayi na mavu a cuvuathano mulivoko liendi, kadhivukile nguendi cikanda ca luholo luendi cakethimine mua handekele na Kalunga. ³⁰Va Alone na vana va Isaleli mova muene Mosesa, cikanda ca muluholo luendi ci kethimina, na vakevo vateuele kushuena ha muhehi nendi. ³¹Vuno Mosesa ua va thanene, keho va Alone na vakuluntu va mishovo vedhile kuli yendi. Mukemuo Mosesa muava handekethele.³²Munima yevi, vantu voshe va Isaleli vedhile kuli Mosesa, keho mukemuo muava lekethele mashiko aka muhanene Yehova kumukinia ua sinayi. ³³Mua manene Mosesa kuhandeka navo, ua hakele ntanga kuluholo luendi.³⁴Hoshe hakele kuya Mosesa kuli Yehova linga aka handeke nendi, a tundithako ntanga, kamane haka tuhukila. Ha kutuhuka, a lekethako vana va Isaleli viva na muishika kuhandeka. ³⁵Vana va Isaleli muva mona Mosesa a kedhimina muluholo, ali fuika naua ntanga kamane mua hiluka naua aka handeka na Yehova.

¹Keho Mosesa ua kunguluile mbunga yoshe ya vana va Isaleli, naku valeka nguendi, ''aa akeo majui aje ana mishika Kalunga. Ngacije muka a linga. ²Matangua atanu na limo muka panga vipanga; vunoni mulitangua lia mucitanu na avali kuhuima ca kuhuima ca hana Kalunga,uoshe apanga nkala vipanga mulikelio vaka mu nthiha. ³Ngeci muka shuameka tuhia mumembo eni mu litangua lia sambata.''⁴Keho Mosesa ua handekele na mbunga yoshe ya vana va Isaleli, nguendi, ''eci cikeco cije ceshikile Kalunga nguendi. ⁵Litambuile hakati keni ci kombelo kuli Kalunga, uoshe ali na mbunge yakuyongolamo, acinehe.cikombelo ca Kalunga; Olu na Palata, na Nkengelethi. ⁶Na Azule, na Pulupula, nevi via kuvenga, na linyu lia kutoka, na maka a Mpembe. ⁷Na vilambu via vizamba na vilambu viahia kukotongola, na vilambu via tuthitu va mukalunga. na mavaya a Akasia. ⁸Na madhi aku ndeya, na vihemba via madhi aku vuavuetha, nevi via vihemba via kulumba nevi via kulembuluka. ⁹Na mavue a Onikisi, na mavue na mavue aku kuatetha, ku Efonde, na ntelo.¹⁰Keho vamala voshe vavu nkulungu ha kati keni venje vaku pange vioshe viana veshika Kalunga. ¹¹Tavenekulu mbalaka yayo, na cifuiko cayo, vikuatetho viayo, namavaya ayo, na mikambo yayo, na thingunthi thayo, na manunga ayo. ¹²Cikasa na mikambo yaco, cituamo ca ngothi, na ntanga ya cifuiko, na ntanga ya cifuiko.¹³Mesa na mikambo yaco, na vitenga viayo vioshe, na mbolo yakuleketha; ¹⁴Lambi lalo iku tua ceke, na vitenga viayo, nadhilambi dhayo, na maholi aku lambi. ¹⁵Na mutula ua kulumbila vihemba, na mikambo yauo, na madhi aku vuavuetha, na ihemba via kulumba via kunika muacili, na cifuiko ca ku cikolo, ku cikolo ca tavenekulu. ¹⁶Mutula haku nthimikila cikombelo, na vuanda vuauo vua mashua avuanda, mikambo yauo, na vitenga viauo vioshe, mbashiya na mikono yauo;¹⁷Va nehele vintanga ku ngumbu na thingundhi na lithanda lialio, na cifuiko ca ku cikolo ca nthango. ¹⁸dhimbambo dha tavenakulu, na dhimbambo dha nthango, na mikole yatho. ¹⁹Na vithala viye via kupanga muacili muku panga navio mumuhela uaku jela, vithala via ku jela via Alone Sasendote na vithala via vana vendi, muku panga vipanga via sasendote.²⁰Mbunga yoshe ya vantu keho va tundileho hamuhela ua kele Mosesa. ²¹Nkala ou ua yonguele kuvipanga hauye uoshe muthithimba uendi ua mutavethele, vanehele cikombelo ca Kalunga, ca cipanga ca mbalaka ya kuliuanena, naku vipanga viayo vioshe, na ku vuthalo vua ku jela. ²²Keho vethile na vamala na vakentu, voshe na mbunge yaku yongolamo, vanehele thimpande na vimbilingua, na minciele, na makai, vioshe via kuthala via Olu; nkala muntu uoshe vene vakombelele ci kombelelo ca Olu kuli Kalunga.²³Keho vantu voshe vakele na vikanda via kuvunduluka, nevi via ku venguluka, nevi viaku venga, na vinjui via kutoka, na maka ampembe, na vilambu via vi thamba via hua ku kotongola, na vilambu via tuthitu va mundonga ya Kalunga, vavi nehele. ²⁴Uoshe uje ua kombelele cikombelo ca palata na Nkengelethi vanehele cikombelo kuli Kalunga. Na nkala muntu uoshe ua kele na mavaya a Akasia aku linga vipanga yaku vipanga viye vava hanene.²⁵Na vakentu voshe vakele na vuana vothele na mavoko avo, naku neha viye viva nothele, via kuvenguluka, nevi via kuvenga, na liniu lia kutoka. ²⁶Keho vakentu voshe thimbunge thavo thava lingithile vakale na vuino mukutunga maka a mpembe.²⁷Vantuamalutue vanehele mavue a Onikisi, na mavue a ku kuathela, ku Efonde, na ku ntelo. ²⁸Na vimba, na mathi a kulambi, na mathi aku vuavuetha, na vihemba via kulumba nevi via kunika muacili. ²⁹Vana va Isaleli va nehele cikombelo ca kuyongola kuli Kalunga; vamala voshe na vakentu voshe, vaye vimbunge viavo via valingithile va nehe vipanga vioshe , viana tumina Kalunga Mosesa a vilinge.³⁰Keho Mosesa ua handekele na vana va Isaleli nguendi, taleni, Kalunga nathana halithina muna Uli, ua kumushovo ua yunda. ³¹Ua sulisa Mbazabele na Sipilitu, yimu hane mangana, kuivuilila ca cili, na mana, aku pangetha, Kuli muka kuthinganieka vipanga via vuino, ³²muku panga na Ola, na palata, na Nkengelethi. ³³Na mukushonga mavue aku kuatetha, na mukushonga mavaya, mukupanga ku vipanga vioshe via vunkulungu via vuino.³⁴Keho na hake mu mutima uendi linga alongethe, nendi na Oholiave,muna Ahisamake, ua ku mushovo ua Ndane. ³⁵vakevo nava shulitha na mangana amutima linga va pange vipanga via kulitha tha, vaka kushonga, na muka ku ngangula, na muka ku taleka na vuanda vua kufua lilu, na pulupula, na nevi vivenga, na liniu lia cili, na muka kutunga ntanga. Vakevo vaka vithinganieka vipanga via vuino.

¹Keho Mbazalele na Oholiave na nkala muntu ua mutima ua mangana uye Yehova namu hana mutima ua mangana muku panga nkala vipanga mukutunga muhela ua kulela ua Kalunga, vapange ngue muye Yehova na shika.²Mosesa ua thanene Mbazalele, Oholiave, na uoshe muntu ua mutima ua mangana uye athivuka nguendi Yehova na muhana mutima ua mangana, na uye uoshe mutima uendi una muthindiya linga endje na kupanga vipanga. ³Vatambuile kutundilila kuli Mosesa uoshe mulambu uo vahanene va Isaleli linga vakevo vaku tungitheko muhela ua kulela. Kanda vantu vakele nakuhana mulambu uavo ua vuana kuli Mosesa nkala cimene ca lintangua, ⁴Voshe vantu va mutima ua mangana va pangele muhela ua kulela va tundile ku vipanga via kulifua nevi vio va kupangele.⁵Keho vaka kutunga va lekele Mosesa nguavo, ''viova neha vantu via vingi kutuvakana viana tushika Yehova linga tuvi pange, '' ⁶Keho Mosesa ua lekele vantu vamu limbo nguendi na umo uahi na aneha mulambu ua kutungitha muhela ua kulela. Keho vantu valikelele kuneha ma vuana avo. ⁷Vakevo viye viova kele navio via hitakanene vye vio vatondele muku pangetha.⁸Vaka panga va pangele Tavenekulu na vintanga likumi via liniu ya kuotha muacili, ya kufua lilu, ya pulupula, na vuanda vua kuvenga na cifua ca Selumbini. Evi via puile vipanga via Mbazalele, vakevo vapuile va mutima ua mangana na vuino. ⁹Mu kulaha ca nkala ntanga capuile vikuvitu makumi avali na vitanu na vitatu, mu vuihi dhikuvitu viuana. Vioshe vintanga viapuile hamo lika. ¹⁰Mbazalele ua vuethelele vintanga vitanu kumo mutambela umo, na ku haka vintanaga vitanu ku mutambela ukuavo.¹¹Ua pangele vikongo via kufua lilu kunchongo ya handja ya ntanga yimo, na kupanga muyevene ku ntanga yikuavo ya mucivali. ¹²Ua pangele vikongo makumi atanu ku ntanga imo na vkongo makumi atanu kunchongo ya ntanga ya mucivali. vikongo ku mutambela ou na kumutambela ukuavo. ¹³Keho ua pangele vikuatetho via Olu makumi atanu na ku kuata kumo lika thintanga thoshe linga tavenakulu yipue yimo lika.¹⁴Mbezalele ua tungile thintanga na maka a mpembe ya mbalaka kufuika helu lia tavenekulu; Ua pangele vintanga via kupua ku likumi na yimo. ¹⁵Kulaha kua nkala ntanga dhikuvitu makumi atatu, na vuihi vua nkala ntanga dhikuvitu viuana. vioshe vintanga likumi na yimo via puile hamo lika. ¹⁶Ua vandakanene vintanga vitanu kumo na vintanga vitanu na yimo kumo. ¹⁷Ua pangele vikongo makumi atanu kunchongo ya vintanga via kulivanga, na makumi atanu a vikongo kunchongo ya vintanga via mu civali.¹⁸Mbezalele ua pangele vikuatetho via nkengelethi makumi atanu linga akuatetheko mbalaka yipue yimo lika. ¹⁹Uapangelele Tavenekulu ca kufuika helu ca cikanda ca njui vana haka livala lia kuvenga, cifuiko cikuavo ca kuhaka helu liaco ca cikanda.²⁰Mbezalele ua pangele vivuliko via kuimana via citi ca Akasiya via tavenakulu. ²¹Kulaha ca nkala civuliko ca puile vikuvitu likumi, na vuihi vua nkala civuliko capuile vikuvitu cimo na cimo caku tepa hakati. ²²Nkala civuliko ca kele na vimbambo vivali via citi ia kukuathe vivuliko via tavenakulu yoshe. ²³Keho ua pangele tavenakulu mu njila eyi: makumi avali a vivuliko ku mutambela ua vuihi vua cifuti.²⁴Mbazalele ua pangele mathanda a nkengelethi akale kuinthi lia vivuliko makumi avali. Kuakele mathanda avali kuinthi lia chivuliko chino atoka kane vivuliko kumolika, na mathanda akuavo lalo kuinthi lia nkala vivuliko vikuavo mu kutokakana vivuliko vioshe ku molika. ²⁵Ku mutambela uamu chivali ua tavenakulu, ku mutambela uamu vuhati vua cifuti, ua pangele vivuliko makumi avali. ²⁶Na mathanda avio a kupua makumi auana a nkengelethi. Kuakele mathanda avali kuinthi lia civuliko cha kuhatako, vi lishuame muje vene.²⁷Kunima ya tevenakulu ku vutokelo, Mbezalele ua pangele vivuliko vitanu na cimo. ²⁸Ikeye ua pangele vivuliko vivali via kunima ya vimbango vivali via tavenakulu.²⁹³⁰Vivuliko evi vavi tepethele kuinthi liavio, vunoni via litokakanene helu via lithengelekele mumo lika. Ikeye ua vilingile munjila iye vene, muvimbango vivali. Vikevio via puile vivuliko vitanu na vitatu, kumo lika na mathanda avio a nkengelethi. Mathanda oshe ku a vandakana apuile likumi na atanu na limo, mathanda avali kinthi lia civuliko ca kulivanga, avali lalo kuinthi lia civuliko ca kuhatako, mukemuo vene via lishuamene.³¹Mbezalele ua pangele mavalo a citi ca mungongo atanu ku mutambela umo ua vivuliko via tavenakulu, ³²Mavalo atanu ku muatmbela ua ku nima ya tavenakulu ku vutokelo. ³³Ikeye ua pangele mavalo mukati ka vivuliko, cikeco, ca vatakamene nakuheta kunchongo na kunchongo. ³⁴Ikeye ua fuikile vivuliko na Olu. Ikeye ua pangele vikuatetho viayo via Olu, vipue vikuatetho ku mavalo, na yikeye ua fuikile mavalo na Olu.³⁵Mbezalele ua pangele ntanga ya kuvunduluka, na kuvenguluka, na maka akuthivuluka, yakuvuaha ya kutonga mua cili, na cifua ca va selumbinu. Vianga via muntu muka vuino mu vipanga. ³⁶Ikeye ua pangele ku vintanga vingundhi viuana via mavaya a muthu, na ikeye ua vifukuile na Olu. Ikeye lalo napangelele tu lovo tua Olu ku vingunthi, Ikeye uombilileko mathandaa uana a palata.³⁷Ikeye ua pangele cifuiko ca ku cikolo ca ku mbalaka. ua vipangele na kuvunduluka, kuvenguluka, maka aku thivuluka, va pangethele ntanga ya kuvuaha ya kukotongola vuino, vipanga via mu kakutonga na vuana muku shovathana mavala. ³⁸Ikeye ua pangelele vifuiko vitanu ku vingudhi na tulovo. Ikeye uafuikile helu liavo na mampanda avio atanu va apangethele na nkengelethi.

¹Mbezalele ua pangele cikesa ca mavaya a Akasia. Muvulahe apuile dhikuvitu dhivali na cithimpa, na mu kutuntuka caco capuile kuvitu yimo na cithimpa. ²Ikeye ua fuikile muinthi na handja na Olu ya cili uka panga dhingamba dha kudhengeleka helu. ³U ka fula minunga iuana ya Olu ku mikono yaco iuana, na minunga ivali ku mitambela umo, na minunga ivali ku mitambela ikuavo.⁴Keho ua pangele mikambo ya mavaya a Akasiya a viti keho ua ikuitile na Olu. ⁵Keho ua kovelethele mikambo mu minunga ku mikulo ya cikesa, linga vambate cikesa. ⁶Keho ua pangele cituamo ca cikeketima ca kulidhenga cakuvuaha ca olu. Kulaha caco capuile Dhikuvitu dhivali na mpindi, na muvuihi vuayo kuvitu imo na mpindi.⁷Mbezalele ua pangele va selumbinu vavali va Olu vipanga via kufula ua vipangele dhi nchongo dhivali dha cituamo ca ci keketima ca ku lidhenga. ⁸Selumbinu umo kunchongo imo, na selumbini umo kunchongo yikuavo mu kupua kumo na cituamo ca ku lidhenga ca cikeketima ua va pangele ka cimpindi kamo ku cituamo ca kulidhenga ca cikeketima. ⁹Va Salumbinu va janjele vimbava viavo kuilu muku fuika cituamo ca kuli dhenga ca cikeketima kumo navo. Va salumbinu vali talele vihanga viavo umo na mukwavo hakati ka cituamo ca cikeketima ca ku lidhenga.¹⁰Mbezalele ua pangele tafula ya citi ca muthu. Muvulaha vuayo dhikuvitu dhivali, muvuihi vuayo kuvitu imo, muku tuntuka kuayo kuvitu imo na mpindi. ¹¹Ua ifuikile na Olu ya cili naku haka dhingamba dha Olu ya cili yaku dhengeleka helu. ¹²Ikeye ua pangele mu kunduilo ngue vuihi vua livoko, mu ku idhengeleka na kupanga nkata ya Olu ku mukunduilo uayo mu ku idhengeleka. ¹³Ua fulile minunga iuana ya Olu minunga yikuate muvimbango viuana. dhakele ku mikono yavio iuana.¹⁴Minunga vayikale ku mukulo muku niunga muhela ua mikambo, va ku ambata tafula. ¹⁵Ua pangele mikono yayo ya citi ca Muthu keho ua yifuikile na Olu, muku ambata tafula. ¹⁶Ua pangele vitenga vije via kupangetha helu lia tafula-na malonga ayo, na vimbonde viayo, na dhinganja dhayo, na vindeho viayo, lifano lia kuluketha vuana vua kushuuila. keho ua pangelele vakevo Olu ya ku vuaha.¹⁷Ua pangele ngundhi ya lambi ya Olu yacili ua pangele ngundhi ya lambi na lithanda lia ngundhi na kalilonga kaku shomeka kuilu muaku haka lambi, na vingandja via yo, na vimaho viayo, na dhinchani vioshe ua vipangele mukupua cimo cimo lika. ¹⁸Mintango yitanu na umo ya tuhukile ku mukulo uayo mintango yitatu ya tuhukile ku mutambela umo, na mintango itatu ya ngundhi ya lambi ya tuhukile kumu tambela ukuavo. ¹⁹Ku muntango ua kulivanga kua kele dhingandja dhitatu va vipangele na Olumonde ya ku livundungula, na vimaho viauo na dhinchani dhoauo, na muntango ukuavo va pangele dhinganja dhitatu tha Olemonde ya kulivunduluka ku nkala mutango, kuakele vimaho viauo na ije itanu na umo ya tuhukile ku ntunda mu ngundhi ya lambi.²⁰Mu ngundhi ya lambi ayo vavenia, hakati kavio, hakele dhinganja dhiuana vadhi pangele na Olumunde ya muvundungulu, na vimaho viauo navi nchani viauo. ²¹Viakele na vimaho viauo kuinthi ya muntango ua lipando lia ku livanga-ua pangele mu tambela umo lika, na vimaho viauo kuinthi lia muntango ua mu civali-mukemuo lalo ua pangele mutambela ukuavo, mungila ije imo lika kuakele vimaho viauo kuinthi lia muntango lia mutambela, ua mu citatu, va pangele mutambela uje vene. vioshe via kele mumo mungila yimo lika mintango ije yitanu na umo via tuhukile kutunda mu ngundhi ya Lambi. ²²Vimaho viauo na mintango yayo via puile hamo lika nayo: ku vutuntu vuayo cakele cipanga cimo lika, ca kufula Olu ya ku vuaha.²³Mbazelele ua pangele ngundhi ya lambi lua kele dhilambi dhitanu na dhivali, na tukonde tuayo na malonga ayo a Olu ya ku vuaha. ²⁴Ua pangele ngundhi ya lambi ikeye umo lika uakele na vuino vua kupuithamo ku panga Olu ya ku vuaha.²⁵Mbezalele ua tungile mutula ua ku lumbila vihemba ua u pangele na mavaya a citi ca Mukula. Muvulahe vuayo kuvitu yimo, na muvuihi vuayo kuvitu imo. Yoshe yapuile hamo, na vutuntuke vuayo vikuvitu vivali. ua pangele vimbinga via ku chomotoka via puile hamo na mutula. ²⁶Ua fuikile vihemba ha mutula na Olu ya cili na kuilu, na mukati, na vimbinga. keho ua pangele lalo dhingamba dhaku dhengeleka ya Olu ije.²⁷Keho ua pangele minunga ivali ya olu ya ku kuata munthi lia thingamba thivali mu dhali shungamena. Mununga uje ua kuata ngundhi ya ku ambata mutula. ²⁸Ua pangele mikono ya mavaya a citi ca Mukula, ua vi fuikile na Olu. ²⁹Ua pangele madhi aku vuavuetha aku jela na kunika mpundu a vihemba via ku thimika, via lemba, ngue ku vipanga via muka vihemba.

¹Mbezelele ua pangele muyombo ua vikombelo via kunthimika na vikuni via muthu. Ua vikuvitu vitanu mu vulahe na vikuvitu vitanu mu vukama - vimbango vi uana vinapu vioshe hamo lika - na vikuvitu vitatu mu vutuntu. ²Keho ua vuetheleleko ku vimbango viuana via kufua ngue dhimbinga dha hove. dhimbinga dhaco dha puile puile hamo lika na muyombo,ua fuikileho na nkengeledhi. ³Ua pangele vitenga via kupangetha ku muyombo - vindeho via kuhaka lito, vihupulo, malonga, malovo a kuhaka mbunda, na malonga a tuhia. Ua pangele vitenga vioshe na nkengeledhi.⁴Keho ua pangele vunda vua masheluavuanda vua muyombo, ua nkengeledhi muinthi muinthi lia kunchongo, kusheleletha kuinthi. ⁵Ua fuikile minchele yiuana ku vimbango viuana via vuanda via nkengeledhi, linga vikuate mikambo.⁶Mbezalele ua pangele mikambo ya citi ca muthu na kuyi fuika na nkengeledhi. ⁷Ua hakele mikambo mukati ka minchele ya ku vinchongo via muyombo, linga va ambatele. Ua hakele mpululu mu muyombo, ua pangethele matavua.⁸Mbezalele ua pangele lilonga lia kama lia nkengelethi na mukono ualio ua nkengelenthi. ua pangele lilonga ku pangetha tutalelo tua va kentu vakele ha cikolo ca kukovela mu mbalaka ya kuli kunguluila.⁹Keho ua pangele citungu. Ntanga ya kuvuihi vua mutambela ua cifuti kukala liniu lia kuotha vuino, cihita ca dhikuvitu muvulahe. ¹⁰Vingunthi viaco makumi avali, na vingunthi makumi avali a nkengeledhi. kuakele malovo va ahakele ku vingundhi, na vikuatetho viao via palata.¹¹Mukemuo lalo uka panga kumu tambela ua muvulahe vua cifuti, vintanga via vikuvitu cihita muvulahe, na vingunthi makumi avali, na manunga avio makumi avali, na malovo ali kuvingunthi, na vikuatetho via palata. ¹²Ku mutambela ua vutokelo ku kala vintanga via vikuvitu makumi atanu muvulahe, vingunthi likumi na manunga avio likumi. Malovo na vikuatetho via kuvingunthi via palata.¹³Ku mutambela ua kuvu tunde tangua vua citungu upua vikuvitu makumi atanu muvulaha. ¹⁴Vintanga ku mutambela umo ua cikolo vipua vikuvitu likumi na vitanu muvulaha. Vingunthi vitatu na manunga avio atatu. ¹⁵Ku mutambela ukuavo ua cikolo ca citungu kukala vintanga via vikuvitu likumi na vitanu mu vulahe, na vingunthi vitanu na manunga avio atanu. ¹⁶Vintanga vishe via kuthengeleka ku citungu vi kapua via ntanga ya cili.¹⁷Manunga a vingunthu va pangelethele nkenegelethi. Malovo na vikuatetho via vingunthi va pangethele palata, cifuiko ca kuilu lia vingunthi viaova pangethele palata. Vingunthi vioshe via citungu va vi fuikile na palata. ¹⁸Ntanga ya ku cikolo ca citungu vikuvitu makumi avali muvulahe. Ntanga vayi pangele mu cifua ca kulifua na lilu, pulupula, na ntanga ya kuvenga, ya kuotha mua kuvuaha, ya vikuvitu makumi avali muvulahe. Ya puile vikuvitu makumi avali mu vulahe na vikuvitu vitanu mu vutuntu, ngue vene ije ntanga ya citungu. ¹⁹Yakele na manunga auana nkengeledhi. malovo ayo auana a palata na cifuiko ca kunchongo yaco ya kuilu liaco na vikuatetho viaco via palata. ²⁰Vimbohua vioshe via tevenakulu na citungu via nkengeledhi.²¹Eci cikeco ku vuethelela viuma vioshe via mu tavenekulu, tavenekulu ya vukaleho vua litavasiano, ngue mova nonene mashiko kuli Mosesa. Via puile vipanaga via va levi, na ku tuamenena ca Itamale muna sasendote Alone. ²²Mbezalele muna Uli muna Huti, ua ku muyati ua Yunda, ua pangele vioshe vieshikile Mosesa. ²³Oholiave muna Ahisamake, ua ku muyati ua Ndane, ua pangele hamo na Mbezalele kupua muka kushonga, muka vuino vua kupanga, na muka kutonga vintanga mu vifua via kufua lilu, pulupule, na vuanda vua kuvenga, na ntanga ya kuvuaha muakama.²⁴Olu yoshe yova pangethele ku vipanga, ku vipanga vioshe vina pandama ku muhela ua kulela - vitalentu makumi avali na viyanu na viuana na dhisikulu vihita vitanu na vivali na makumi atatu, ngue ku thisikulu tha njivo ya kulela. ²⁵Palata yova hanene vantu va cikungulukilo ya puile vitalentu cihita na likukathi limo na vihita na likulukathi limo na vihita vitanu na vavali na makumi atan na avali na vitanu ya thisikulu ngue ku thisikulu tha njivo ya kulela, ²⁶Ndi mbeka yimo ku muntu ku muntu, inapu tha njivo ya kulela. Vauanene voshe vantu muva puile mu kutanda ca kaleko ca kutanda vantu, kutunda ha miaka makumi avali na miaka yiya kulutue- vamala vapuile vihita vitanu na cimo via makulukathi na makulukathi atatu na vihita vitanu na makumi atanu.²⁷Cihita ca vitalentu via palata vikevio via kufuta manunga a muhela ua kulela na manunga a vitanga- chihita ca manunga, talentu imo ku nkala linunga. ²⁸Ku thisikulu ukulukathi na vihita vitanu na vivali na makumi atanu na avali na vitanu via palata via thaleleho, mbazabele ua pangele malovo aku vinguthi, kufuika kuilu lia vinguthi, na kuapanga vikuatetho via vo. ²⁹Nkegelethi ya ku cikombelo ya puile thitalentu makumi atanu na avali na thisikulu makulukathi avali na vihita viuana.³⁰Nvi vioshe ua pangele manung a cikolo ca kumblaka ya kuli kunguluila, muyombo ua nkengelethi, vuao na vuanda vua va mashelua vuanda vua nkengelethi, vipangetho vioshe via muyombo, manunga a citungu, ³¹manunaga a cikolo ca citungu, vimbambo via mbalaka ya tevenakulu, na vioshe vimbambo via citungu.

¹Vapangele vizhala viacili viaku pangetha mumuhela uaku yela, vapangele na mavala acinalilu, Pulupula, na vuanda vuaka venga. Vapangelele Alone vizhala viamu muhela uakuyela, ngeci mua shikile Yehova Mosesa.²Mbezalele uapangele efonde ya olu, na cinalilu Pulupula, na vuanda vuakuvenga, na vitanga viacili via kuotha. ³Vashemune olu yikale vikunga viaku totokana nakuviteta vikale vinthambo, vavipange mumala a civunduluke, Pulupula, na vuanda vuakuvenga, namu vitanga via cili, vipanga via vamala vavunkulungu.⁴Vatongele miva yakuhita havithsili via cikambe, vatongelele mikole havithsili viacio. ⁵Muiva uaku tungu muacili uakele ngeci mua cikambe; vaupangethele ntanga yakulifua nacikambe via olu, cinalilu, pulupula na vuanda, ngeci vene mua shikile Kalunga Mosesa.⁶Keho vapangele mavue a onikisi, muku kuatetha vikuatetho via olu, viaku thona nakuthonena hamunchele na vathonene namazhina avana va Isaleli likumi navivali. ⁷Mbezalele uahakele kumikole yaha vithsili via cikambe. Ngeci muamavue vivulukithe Yehova vana va Isaleli vanamala likumi navavali, ngeci mua shikile Yehova Mosesa.⁸Vapangele njato yahantulo vipanga via vamala vavunkulungu, kuvuahetha ngue cikambe. Ua cipangele na olu, na kuvunduluka, pulupula, na vuanda vuakuvenga na vitanga viaku tonga muacili. ⁹Cikale ciakupua hamo muvuihi namu vulahe. Vahetekele njato yahantulo luvali. Yakele muvulahe vumo namu vuihi vumo.¹⁰Vahakeleho vingila viuana via mavue. Ngila yaku livanga vahakelemo lubini, topazi na galanete. ¹¹Ngila ya mu civali vahakelemo emelalide , safile, na diyamande. ¹²Ngila yamu citatu vahakelemo Jasintu, na Angate, na ametisita. ¹³Ngila yamu ciuana vahakelemo Mbeleli, Onikisi, na Yasipe. Va kuatethele na vikuatetho via olu.¹⁴Mavaue va shandethele mumazhina avana va Isaleli likumi navavali , ngue kumazhina avo. Vakele ngue vaku shongelaho ha minchele yaku minye, nkala lithina limaneneho mushovo umo ua mishovo likumi na vavali. ¹⁵Hanjato yahantulo vapangeleleho vuketanga ngue mikole, cipanga cia kuvinda na olu jela. ¹⁶Vahakele vipangetho vivali via olu na minchele yivali yakuminye ya olu, na vahakele minchele yakuminye yivali kuvincongo via njato yahantulo.¹⁷Vahakele maketanaga avali akuvinda a olu muku akoveletha mumincheke yivali kuvincongo via njato yahantuli. ¹⁸Vahakeleko kuvincongo via mauketanga aku vinda kuvikutetho. Vavi hakele kuvishuta viaha vitsili via cikambe kulutue yacio.¹⁹Vapangele michele yivali ya olu na naku vihaka kuvincongo vivali via njato yahantulo, kumikinkilo uaka lihata na vingamba via mukati. ²⁰Vipangele minchele yivali luhua yaku minye na vavi hakele kuinthi lia vithsili vivali via kulutue ya cikambe, hamuhehi na mukunkulo kuilu lia muiva uakutunga ua cikambe.²¹Vakutile njato yahantulo kuminchele yacio naku minchele yaku cikambe namukole ua cinalilu. Kulingila vacikute helu lia cikambe muiva ua kutunga.Via kele ngoco kulingila ngeci vavi tunditheko ku cikambe. Evi vavi pangele ngeci vene mua vishikile Yehova Mosesa.²²Mbezalele ua pangele mukole ua cikambe mulivala lia cinalilu, vipanga via va kakutunga. ²³Cia kele nanthingo hakati kacio haku kovelela mutue. Kunthingo vakuileko kudhengeleka kulingila ngeci citavuke. ²⁴Kumukunkulo, vapangetheleko dhilomati dha cinalilu, pulupula na vuanda na vintanga va dhenga.²⁵Vapangele Dhingenjo via Olu ya kujela na dhingenjo hakati ka dhilomathi kumikunkulo ya kuinthi lia vidhala, hakati dhilomathi - ²⁶Ngenjo na dhilomathi, ngenjo na dhilomathi - kudhinchongo via vithala via Alone apangetheko. Evi viakele vene ngeci mua shikile Yehova Mosesa.²⁷Vapangele Tudhaku na ntaga ya thenga tua Alone na vana vendi va vamala. ²⁸Vapangele lilesu navi ntanga via thenga. ²⁹Miva ya dhintanga dha thenga via cinalilu, pulupula, na vuanda vua kuvenga, vipanga via muka ku taleka.Evi viakele muyevene mua vishikile Yehova Mosesa.³⁰Vapangele mbandi na Olu yaku jela; va thoneneho, ngeci muaku thona hamunchele, ''via jela kuli Yehova.'' ³¹Vahakele mukole ua cinalilu kulilesu kuilu lia lilesu. Evi viakele ngeci mua vishikile Mosesa Yehova.³²Keho vipanga via mbalaka ya lukungulukilo, mbalaka ya vindhango, ya huile. Vantu va Isaleli vapangele vioshe. Vashuamene mashiko a hanene Yehova kuli Mosesa. ³³Vanehele mbalaka kuli Mosesa - mbalaka na vipangethetho vioshe, vihake viaco, vivuliko, vikungu, mikambo, vingundhi na luvula: ³⁴Cikanda ca injui vaci panga ca kuvenga, cikanda ca ngombe ya mundonga ya Kalunga, nantanga yaku shokethaho. ³⁵Cikesa ca vumbangi na vingunthi na cifuiko ca ku litavela.³⁶Vanehele citafula, na vipangethetho vioshe na mboloto ya mualolo. ³⁷Citi ca lambi ca Olu yaku jela na vi lambi mungila yimo, na vipangethetho na mathi amu lambi; ³⁸Mutula ua Olu, mathi aku vuavua na vihemba via kunika muacili; na vintangavia cikolo ca mbalaka; ³⁹Mutula ua nkengeledhi na vuanda vua mathelavuanda vua nkengelethi na vingundhi na vipangethetho na mbasiya ya kama na luvula luayo.⁴⁰Va nehele vintanga via ku dhengeleka muhela na vingundhi na luvula luadho, vintanga viaha cikolo; mikole yako na vikuatetho via mbalaka; navipangethetho vioshe via ku pangetha mu mbalaka, mbalaka ya vindhango. ⁴¹Va nehele vithala via kupanga na vuino via ku pangetha mu muhela ua kujela. Vithala via ku jela, via Alone Sasendote na vana vendi, vapangetheko via vu sasendete.⁴²Ngeci vene vantu va Isaleli va pangele ngeci mua shikile Yehova Mosesa. ⁴³Mosesa ua talele vuino vipanga vioshe na tala vioshe vana panga muacili. Ngeci muashikile Yehova. Mungila oyo vavi pangele. Keho Mosesa ua va vethikitha.

¹Mukemo Yehova uahandekele na Mosesa, nguendi, ²Mulitangua lia kulivanga mungonde ya kulivanga mu munaka ua kulivanga uka tungitha tavenakulu, mbalaka ya ndzhango.³Unapande kuka hakamo cikesa cha vumbangi mukati kayo, unapande kuka fuikako ku chikesa nantanga. ⁴Unapande kuhakamo mesa naku vuahethelamo viuma vije via tiamamo. Keho ukahakamo vilambi naku vitangeka.⁵Unapande kuhakamo mutula ua Olu uaku thsimikila vihemba kulutue lua chikesa cha vumbangi, nakuhakako ntanga ku chikolo cha Tavenakulu. ⁶Keho uka hakako mutula uaku kombeleya kulutue lua chikolo ca Tavenakulu, Mbalaka ya ndzhango. ⁷Keho unapande kuhakomo lilonga lia kama mukati ka mbalaka ya ndzhango na mutula unapande kuhakaho mema.⁸Keho unapande kutungilako lilapa muku dthengelekako,Unapande kukatiko ntanga mukufuika ku cikolo cakulilapa. ⁹keho ukanona mandhi aku uavuetha na kuvuetha tavenekulu na vije vioshe vilimo. keho ukavihakala kushongo amba njika vimanethe viathi kuli yange ; Keho vika jela. ¹⁰Unapande kuuavuetha mutula uaku kombeleya na vitenga viako vioshe. ¹¹Keho ukanjihakelako kutula kushongo yange keho ua kulela muakama kuli yange.¹²Unapande kuuavuetha lilonga na kumahindi yayo nakunji hakeleyo kushongo yange. Unjinehele Alone vana vendi vavamala kuvukovelelo ua mbalako ua mbalaka ya nthango keho unapandele kukamutanetha namema. ¹³Unapande kumuzaleka vizala via cili vije muka njihakelavio kushongo yanga, yange ngoco vene anjipangele kuvipanga via vu Sasendote .¹⁴Ukanjipangela vana vavamala na kukuva zaleka natuthaku. ¹⁵Unapande kuva uavuethe ngue muye mu unavavuethele ishe yavo ngoco vene vanjipangele vipanga via va sasendote. ku uavuethe cauo cikava lingitha mukapua vasasendote va miaka yoshe hakati kamanthimo liavo. ¹⁶Evi vioshe Mosesa vua vilipangele, uashuamene vioshe vije Yehova uamuishikile. Uapangale vioshe.¹⁷Ngaco Tavenekulu tungile muli tangua liaku livanga yongonde yakuli vanga mumuaka uamuaka uamucivali . ¹⁸Mosesa uatungithile Tavenekulu ua hakako thanda yayo, Na kuhakako vivuliko na mikambo, nakuhakako vinguthi na vipanga. ¹⁹Keho ua fuikako kuoshe-kuoshe Tavenekulu kulu na kuhakamo mbala muithi liaco ngue muye Yehova uamuishikile. ²⁰uanonene litavathano na kuli haka cikesa. Unahakele ngunthi ha cikesa naku hakaho cipungi ca ngothi helu liaco²¹Unanethle cikesa mu Tavenekulu. Uahakeleho Ntanga helu mkukufuika cikesa cali tavathano, ngue Yehova ua mushikile. ²²Ua hakelemo mesa mukati kambalaka ya nthango, muvulaha Tavenekulu.honja lia ntanga. ²³Uouahethele lalo mbolo kumesa a Yehova, ngue Yehova na mushikile.²⁴Uahandekelemo mutula ua Olu mukati kombeleya kulutue lua ntanga. ²⁵Keho ua nthsimikileko vehamba, ngue yehoa na muishikile.²⁶Keho ua mthsikileho vihemba ngue Yehova na muithikile. ²⁷Ua kutokona ntanga kucikokolo ca Tavenekulu.²⁸Mbalaka ya nthango. naku kombeleya caku nthsimika na cikombeya ya vungu, ngue Yehova na ²⁹mushikile.Uauahethele mbasiya hakati ka mbalaka ya nthango na mutula, Keho nakuhaka mema a kutana. ³⁰Mosase, Alone navana vendi vavamala va vatane kuma vuako auo na kuhindi auo mbasiya.³¹Mosesa, Alone, na vanavendi va vamala vatanene kumavoko avo nakumianja yavo halilonga ³²Nthimbu yoshe nga vanga mu kati kambaia ya nthango amba nthimbu yoshe nga yava ku mutula. Vanapande kuli tanetha avo vavena. Ngue muje Yehova ua muishikile. ³³Mosesa ua tungile lilapa ku Tavenakulu. Keho ua hakele ntanga kucikolo ca lilapa lia dhengeleka Tavenekulu munji na mutula. Keho ua hakele ntanga kucikolo ca lilapa lia dhengelekele Tavenakulu. Mungila ino, Mosesa ua manethele vipanga.³⁴Keho lishelua lia fuikile mbalaka ya ndzhango, keho vumpau vua Yehova vua shuklile mu Tavenakulu. ³⁵Mosesa kathele kukovelamo mu mbalaka ya ndzango mukonda lishelua lina tumam mutavenakulu, Ambe mukoknda vumpahu vua Yehova Kalunga mu tavenakulu.³⁶Omuo lishuelua lia tundilemo mu Tavenakulu, mukemo vana vaIsaleli vendele mangendthi avo. ³⁷Vuno honi nga lishelua kuliatundilemo mutavenakulu, vana va Isaleli nga kuvendele. Vatumama noho litangua lije lilitundamo. ³⁸Omuo lishelua lia Yehova lia kelemo mutanya, ambaco tuhia tuakelemo vuthsiki, kumesho avantu voshe vaka Isaleli muvungendzhi vuavo vuoshe.

¹Na limbo liye lya kama ya kele na kushula lya vantu mualolo lina tumama lika lyalo. Yikeye nakala ngue ntuluue, nambe yendi uakama ku mishovo. Endi ua kele muene hakati ka mishovo, vuno yikeye mualolo muka ku lambula mulambu. ²Yikeye ua lilile muakama ku vutciki, na mishodhi yendi ya fuikile matama endi. Naumo uendi ua chidhango ua mu dhembelekele yikeye. Voshe vamuthamba vendi vana mutenguluka. Vakevo vana kala vaka chidhindo chendi.³Yunda na yi mu vundhinda kunima ka kayando na vipana vyakama. Yendi ua kele hakati ka mishovo keho ka uanene ko vu huimino. Voshe vaka kumu yandetha va muanene mu kayando.⁴Vingila vya Siyono vi linyenga muomu na umo uahi ue kinja ku viuano vya kama. Vikolo vyendi vyoshe vili vya ngocho. Vasasendote vendi va vakentu vali na kuyanda. Na yikeye vavenya na mono vya kushasha. ⁵Vaka chidhindo chendi vana kala vimyene vendi; vitodhi vendi vana fuku. Yehova na mu yandetha muomu kuilana cha milonga yendi. Na vana vrendi vana kala vindhindha ku lutue lya muka chidhindo chendi.⁶Na ku muna mukentu ua Siyono. Vunulu vuendi vuna kala ngue vamyene vendi vaye va tenguluka ngue vantava, keho vakevo kava uanene ndhili kulutue lya muka ku vakava.⁷Mu matangua a kayando kendi na mapaketho endi, Yelusalema yika vulukitha vyoshe vyendi vya ku tovala viye vya kele kutunda ku matanua a kunima. Muye vantu vendi va uile mu livoko muka chitodhi, keho na umo uahi ua mu kuathele yikeye. Na vaka chidhindo vendi va mumuene na ku tcopa ku vihya kuendi.⁸Yelusalema na panga mulona ua kama, ngicho vene na tenguluka chuma chiye cha kuvihya. Voshe va mu thingimikile va mu yengula muomu vana mono mushengashenga uendi. Yikeye a tutumuitha muintci na ku futuluka. ⁹Madhile endi akele ku vintana vyeni. Ka thinganyekele vya kulutue. Ngocho vene ku lahuka chendi chakomokethele. Kuye ku kua kele naumo uahi ua ku mudhembeleka yikeye. Yikeye ua tambakanene nguendi, ''Tala ku kayando kange, Yehova, muomu chitodhi na lihake ku vukama!''¹⁰Muka chidhindo na haka livoko lyendi hali vyoshe vyendi vya ku vuaha. Muomu na mono nechiye mishovo yina kovela munjivo yendi ya kuyela, nambe ngocho yeni muneshikile ngechiye keti vakovele mu vikungulukilo vyove.¹¹Vantu vendi voshe va tutumuitha va thetela mbolo. Vakevo vana hane vyavo vya ku vuaha ku vya kulya mu ku koletha myono yavo. Mona, Yehova, keho tala yange, muomu njina vihya. ¹²Ka chethi na chimo chahi kuli yeni, eni voshe mune kuhita ko ndi? Taleni na ku mona nga kuye kuli umo ali na vuthiua ngue vuthiua vuye vuna yandethele hali yane, vua na njiyandetha navuo Yehova ku litangua lya vukalu vuendi vua ku lema.¹³Kutunda muilu na tumu tuhya mu vitciha vyange, keho vili na ku va tuvakana vakevo. Na tela vilyato vyange vuanda na nji futulula na nji vihisa na ku nji hombuesa litangua lyoshe. ¹⁴Njoko ya milonga yange livoko lyendi lina yikutu kumolika. Vina kuheta ku ntcingo yange ndhili yange vana yihaka kumo lika. Yikeye napanga ndhili yange linga yishelele. Na Muene na njihele yange mu mavoko avakevo, keho ange ku njatha kuimana.¹⁵Na Muene a yenula voshe vamala vane vaye va njohyelele yange. Endi na nji kuluila chiuano cha kama ku thanyuona vamala vange. Na Muene na lyatangela ngue likina lya vinyu vana vakentu va Yunda.¹⁶Muomu vyuma evi ange nji lila, mesho ange a hita mishodhi; muomu muka dhembeleka uye ua pandele ku kolesa ku kolesa muono ali kulako na muono uange. ¹⁷Siyono a ololola mavoko endi; kuye ku kuakele umo muka ku mu dhembeleka. Yehova neshika vya Yakomba ngechiye vaye vana mu dhengelekele vana pande ku kala vaka chidhindo chendi. Yelusalema yili hakati kavo ngue vyuma vya ku vihya.¹⁸Yehova yikeye muka vungulu, ngue , muomu njina vyana lishiko lyendi. Tolilileni, njina mi kandelela eni vantu voshe, na ku mona vusiua vuange. Vana vakentu vange vakuenje va nayi mu vunkuati. ¹⁹Nja thanene vaka chidhango change, vuno vanji kuithile. Va sasendote vange na vakuluntu vange vechelele muthithimba muimbo, vuoshe va thetelele vya ku lya mu ku kolesa myono yavo.²⁰Tala, a Yehova, muomu njili mu kayando; mbune yane yili na kulua, na mbunge yange yina tenguluka hakati kange, muomu nji na kala muakama dhimpata. Hanja, na mukuale utciha; na mukati ka njivo muye mukemo muli kutca.²¹Vakevo vana nji tolilila ku linyenga change, vuno kuye ku kuakele umo muka ku njidhembeleka. Vaka chidhindo change voshe vana tolilila kayando kange, keho vakevo va yolela ngechiye vana chi panga. Una neha litangua liye li una tumbula; mualolo linga va kale ngue yange. ²²Milonga yavo yoshe yi hete ku mesho ove. Keho panga navo ngue mu una panga nange muomu lya ku vihya change. Na ku linyenga change chikecho cha chingi keho na mbunge yikeyo yina dheye.

¹Na Muene na fuiki muna mukentu ua Siyono na lishelua mu vukalu vuendi.Yikeye nombila hantci kutunda muilu ku vuaha kua Isaleli. Yikeye ka vulukile chilyatelo chendi ha litangua lya vukalu vuendi. ²Na Muene na mini vikalo vyoshe vya Yakomba keho na nodhi yahi. Mu matangua a vukalu vuendi endi na uitha membo akama a muna mukentu ua Yunda; mu ku vi puitha mo yikeye na sheleletha hantci vumuene na ku shika kuacho.³Na vukalu vua kulema na vatula mbinga yoshe ya Isaleli. Na jendeka livoko lyendi lya chilyo kulutue lya chitodhi.Keho na tcimika Yakomba ngue tuhya va ku shukuma ve kulya kuoshe. ⁴Na koko vuta vuendi vua lunkusa ngue chitodhi, ne mana na livoko lyendi lya chilyo ngue muka chidhindo. Keho na tcihi voshe va vyukilile ku lisho mu mbalaka ya muna mukentu ua Siyono; yikeye na muanya vukalu vuendi ngue tuhya.⁵Na Muene na kala ngue chitodhi. Yikeye na mini Isaleli. Yikeye na mini membo endi a vumuene. Yikeye na viyitha kuimana kua vindhili vyendi. Yikeye na vuedhelelela kulinyenyeta na ku lila hakati ka vana vakentu va Yunda. ⁶Yikeye na panga ndhita ku viuano ngue lihya. Yikeye na viyitha mihela ya vikungulukilo. Yehova na panga vyoshe viuano vyakulya na Sambata linga vayivale mu Siyono, muomu yikeye na hisa voshe muene na sasendote mu vukalu vuendi.⁷Na Muene na vyana mutula na vyanetha muhela uendi ua kuyela. Yikeye na hana vivumbe vya mihela yendi mu mavoko a chitodhi. Vana katula kalua mu njivo ya Yehova, ngue ha litangua lya shovola lya chiuano chakama.⁸Yehova na thinganyeka ku viyitha chivumbe cha lyakama lya muna mukentu ua Siyono. Endi nolola chetheketho keho ka hetekele livoko lyendi ha ku viyitha chivumbe. Yikeye na panga chimpaka na chivumbe ku linyenga; vi hungumuka kumo. ⁹Vikolo vyendi vina nyekumuka mu livu; nenyeka na ku vatuola mivelenge ya vikolo vyendi. Muene uendi na vimyene va vakentu hakati mishovo, na majui a lishiko na vupolofeto vendi ku ve ku uana chimona cha kuli Yehova.¹⁰Vakuluntu va muna mukentu ua Siyono va tumama hantci mu ku holoka kulu. Va nombila likungu ha mitue yavo vana lidhitika vavenya vikoveyo vya vishaku. Vana vakentu va Yelusalema vana tcikamena mitue yavo hantci.¹¹Mesho ange ana vulua ku mishodhi yavo; mbunge yange yimona kalua; lishuli lyange limuanya hantci muomu ku tca kua muna mukentu ua vantu vange, vanike na tumbututu mu vingila vya membo akama. ¹²Va handekele kuli vayina yavo nguavo, ''Mbuto na vinyu kuiko yili?'' Ngue vakevo va tca ngue lyala a lemana mu vingila vya membo akama, na myono yavo vana yimuanya ku ntulo ya vanaye yavo.¹³Vika njika mbuluila kuli yove vumbangi? Ku vika njiketheketha nove, muna mukentu ua Yelusalema? Ku vika njika ku yonguela yove, viye njikatha ku dhembeleka nove, muna mukentu ua Siyono? Na mbandu yove yikeyo yakama ngue kalunga ndonga. Yiya aka ku nguitha yove? ¹⁴Vapolofeto veni vamuene vimona vya vishaki na vuheve. Keho ku va fukuile ku milonga yove, mu ku hiluitha vundhinda vuove, vuno muomu va hanene majui a vishaki nevi vya ku shevuitha.¹⁵Voshe vaye vahita ko ku ngila vaya na ku shangala mavoko avo. Va kemba na ku nenenga mitue yavo vana vakentu va Yelusalema na ku handeka nguavo, ''Eli likelyo limbo liye vantu vali lukile nguavo 'Vu tantuluke vua ku vuaha,' 'Na ku yolela kua hantci hoshe ndi'?'' ¹⁶Vitodhi vove voshe vana kuashamena muakama milomo yavo. Vakevo va kemba na ku likuecha ku madho na ku handeka nguavo , ''Etu tuna mu mini! Eli likelyo litangua litua tatelelele! Etu tua kele na muono linga tu limone.¹⁷Yehova na panga viye vya thinganyekele kupanga. Yikeye na puithamo majui endi, aye eshikile mu matangua a kunima. Yikeye na kumbila yove ku yeneka ngodhi; muomu yendi netavetha chitodhi chove ku kuyolela hali yove; endi na kulitha vimbinga vya vitodhi veni.¹⁸Vimbunge vyavo vitambeka kuli Muene, vivumbe vya muna mukentu ua Siyono! Linga mishodhi yove yishelele ngue ndonga vutciki na mutanya. Keti uli hane yove vavenya ku kaluua kua mbunge, na mesho ove keti alile. ¹⁹Katuka, lila mu matciki, vingileni mu ku shangumuka kua matciki! Muanya mbunge yove ngue mema kumesho a Muene. Katula mavoko ove kuli yikeye muomu lya myono ya vana vove vaye vaua na njala ku vimbango lya nkala ngila.''²⁰Tala, Yehova, keho mona yiya yuna panga ngechiye. Vakentu vaka lya vushuka vuavo, na vanike vaye vuva lela? Kuatha sasendote na ka polofeto va ka tciha mu njivo ya kuyela ya Muene ndi?²¹Voshe mukuenje na mukuluntu va kotha ha likungu lya mu vingila. Vana vange va vakentu na vakuenje vana uu ku mukuale; Una va tcihi ku litangua lya vukalu vuove na kuyeneka ku tambula ngodhi hali vakevo. ²²Ngue ku litangua lya chiuano cha kama una thana vantu, na lyova lyange ha nkala hoshe, ha litangua lya vukalu vua Yehova na umo uahi aka shevuka ndi kuovoka; voshe nja yongola na ku valela, chitodhi change na va viyitha.

¹Yange lyala uye na mono kayando ha mulamu ua vukalu vua Yehova. ²Na njituamena na ku njenderha mu muthithi na mutanya. ³Chili vene yikeye natengulula livoko lyendi kulyange lalo, litangua lyoshe. ⁴Na puitha ntcitu yange na chikanda change vya vikalu, endi na vatuola vtciha vyange.⁵Na nji tungila yange na ku nji dhengeleka na nyanga na vi fuitangana na ku kaluua. ⁶Na nji tumametha mu mihela ya kudhivala vui, ngue vaye va tca ku laya. ⁷Na tungu chivumbe chaku dhengeleka yange keho ku njatha ku tuhuka mo. Endi na panga malyenge ange aku kola ⁸keho nambe ngocho nji thana na ku lila va nji kuathe, yikeye shoko kulomba change.⁹Na shoko vingila vyange na chivumbe cha mavue aku shonga; na hengetha vingila vyange. ¹⁰Kulyange na kala ngue usu muka vutamena yange, ngue ndumba mu vishuekelo; ¹¹Endi na tengulula vingila vyange, endi napanga vya kuviha kuli yange.¹²Na koko vuta vuendi vua lunkusa na ku nji puitha chetheketho cha muvi uendi. ¹³Na koveletha mivi ya hovyo yendi mu vintco vyange. ¹⁴Njina tenguluka kayengu kuli vange, na lidhina lyavo litangua lyoshe. ¹⁵Na nji shulitha na vihemba vya kushasha na ku thininika yange ku nua vihemba vishasha.¹⁶Na padhuola madho ange na vuntcengelenyenye, keho na nji fuiki na lito. ¹⁷Keho una futulula muono uange ku lahako na chivovo; nji na shuvile ku vedhika. ¹⁸Keho nguange ndhili yange ya tca na ku tcelela kuange kuli Yehova.''¹⁹Thinganyeka kayando kange na ku vindama kuange vihemba vya kushasha na nyanga. ²⁰Muono uange nolo uli na ku thinganyeka keho una linyongamena kuli yange. ²¹Vuno nji tumbula echi ku mana keho ngocho vene njili na lutcelelo.²²Na ngodhi ya Yehova ka tua tcile ko keho ngodhi yendi kuye kulenga, ²³vikevyo vya ku vihya ku nkala chimene; na ku kutcelela kuove kukekuo kua kama. ²⁴''Yehova yikeye kuhinga change,'' munahandeka muono uange, ngocho vene nji tcelela muli yikeye.²⁵Yehova yikeye muka ngodhi na vaye vamu tumamena yikeye, ku muono uye uli na ku thetela yikeye. ²⁶Chivuaha ngechiye muntu uye a tumamena kulu vuovole vua Yehova. ²⁷Chi vuaha kuli lyala ngechiye ambate mukambo ku vukuenje vuendi. ²⁸A tumame kua lika lyendi na ku holoka muomu yikeye na muhake uo. ²⁹A hake kanua kendi mu likungu_nga ngocho mpamo ku kale lutcelelo.³⁰Linga yikeye a hane litama lyendi kuli umo uye a yandetha yendi, keho linga yikeye lyuvue ku ku shula na ka shahundu. ³¹Muomu na Muene kali ka tuvyane yetu ku myaka yoshe, ³²vuno nambe yendi a panga ku linyenga, yikeye aka kala na ngodhi ku shuama ku chidhango chendi. ³³Muomu endi ke ku yandetha kutunda mu mbunge yendi ndi a pupe vana va vantu.³⁴Ku tcekenyena muintci lya vilyato vindhinda voshe va hantci. ³⁵Ku vyana chiye cha pande lyala ku mesho a muka kutuvakana vyoshe, ³⁶ku hengetha vya muntu ku lijui lyendi_ku vyaile Suku ku mbunge!³⁷Yiya uye a handeka keho che kuinja, nambe Suku ka chi handekele ko? ³⁸Mu kanua ka muka kutuvakana vyoshe ka mue kutuhuka vya ku vihya nevi vya chili ndi? ³⁹Vati muntu atha kulinyenga muono uendi? Vati muntu atha kulinyenga vya kayando muomu lya mulonga uendi ndi?⁴⁰Tu konkenu na kuetheka dhingila dhetu, na ku hiluka lalo kuli Yehova. ⁴¹Tu dhunduleni mbunge yetu hamo na mavoko etu. ⁴²Tuna viyitha na ku panga vimpata, yove ku uechelele. ⁴³Una lifuiki vukalu na ku kavangeya yetu, una tchihi keho ku ua vethelele.⁴⁴Una lifuiki lishelua ngechiye chivundilo na chimo chahi chatha ku tuvakana. ⁴⁵Na tu puitha mavanda aku konga na vikombelo na ku vayana hakati ka vantu. ⁴⁶Vitodhi vetu voshe vana tuthingi, ⁴⁷Lyova na chipuku vinenja hali yetu, ku viyitha na ku nongetha.⁴⁸Mesho ange a hita na vindonga vya mema muomu ku nongetha kua vantu vange. ⁴⁹Mesho ange a muanya na ku likela kuahi, na kandhingili kahi, ⁵⁰noho Yehova atala hantci na ku mona kutunda muilu.⁵¹Mesho ange apangetha muono uange muomu lya vana vakentu va muimbo lyange. ⁵²Vana nji yombo muakama ngue kadhila kuli voshe vaye vakele vitodhi vange; vana nji yombo ⁵³Vana vatula muono uange mu china, na ku mbila livue hali yange, ⁵⁴keho vapanga mema linga ahite, kufuika na mutue uange. Ange nja handekele nguange, 'Nji na vatuka!'⁵⁵Nja tambakanene ha lidhina lyove, Yehova, kutunda kuintci lya china. ⁵⁶Uo vuile lijui lyange muye mu nja handekele nguange, 'Keti ushoke matui ove ku ku lila change'. ⁵⁷Uedhile muyehi ha litangua nja thanene hali yove; keho ua handekele nguove, 'Keti ukale na lyova.'⁵⁸Suku, uno vola majui a muono uange, una kula muono uange! ⁵⁹Yehova, una muene ku viyitha chiye chiva pangele kuli yange; pangula chipanga change. ⁶⁰Una mono ku lingula chavo chose na vutumbe vuavo vuoshe kuli yange. ⁶¹Unovuile ku shahula chavo, a Yehova, na vutumbe vuavo vuoshe kuli yange.⁶²Na milungu ya vaye va nji katukilile na vutumbe vuavo kuli yange litangua lyoshe. ⁶³Tala ku tumama chavo na ku katuka; va nji tcopa na madhina avo.⁶⁴Uka va linguitha chilinguitho, a Yehova, ku shuama ku vipanga vya mavoko avo. ⁶⁵Uka vahana ku kaluua cha vimbunge vyavo! Linga chithingo chove chikale hali vakevo! ⁶⁶U ka va kava na vukalu na ku va viyitha vakevo kutunda kuintci lya muilu, a Yehova!''

¹Na livue lya vunchele lina kala lya ku vyadhima; vati livue lya vunchele liye lya tuvakana kuyela lina tenguluka! Mavue a njivo ya kuyela yijukuka ku mbango ya nkala ngila. ²Vana va va mala va Siyono vakele va kuetheka na livue lya vunchele lya ku vuaha, vuno mualolo vana thinganyeka ngue dhinjava dhya vuma, vipanga vya mavoko a muka kushonga!³Nambe vambanje vene va hana livele va muetha vana vavo, vuno muna mukentu ua vantu vange na kolo, ngue vankumbua mu limbalanda.⁴Na ndaka ya mbututu yi vamuetha ya kakateya ha ndakulo ya kanua kendi omo lihuila; na vanike valomba vya kulya, vuno kukua kele naumo. ⁵Vaye va lile vya vutupe vana vihya mu vingila. Vaye voshe va dhalele vintanga vya ku venga mualolo vana kotha vintumbo vya muto.⁶Na milonga ya muna mukentu ua vantu una tuvakana mulonga ua Sandoma, uye uva uithilile mu kantcimbu na mavoko aku tjaleka yikeye ahi.⁷Vimyene vendi va yelele ngue neve, na tokele mu ku tuvakana mahini, va vengele mivila mu ku tuvakana mavue a rubi, ku vatumuna chavo cha kele ngue safila. ⁸Vihanga vyavo vya dhivala ku tuvakana linungu; vakevo ku ve ku va dhivuka mu vingila. Chikanda chavo cha kakateya vitciha vyavo; vina kala ngue kuma ngue chiti.⁹Vaye va tciha na mukuale vana tuvakana vaye va tciha ku njala, vaye vombilile kuti, va ku tuva omo vaka yeneka vushuka vua kuhya. ¹⁰Na mavoko a vakentu vaka ngodhi ana teleka vana vavo vavenya; vana kala vana vya kulya vyavo ntcimbu muye muna mukentu ua vantu vange vamu viyithile.¹¹Yehova na leketha vukalu vuendi vuoshe; na muanya vukalu vuendi vua ku kola. Keho na vuiki tuhya mu Siyono liye lilya mavula endi.¹²Na vimyene vya hantci ku va tcelelele, nambe vandambo voshe va hantci va tcelelele, ngechiye muka chidhindo na chitodhi va ka kovele mu vikolo vya Yelusalema. ¹³Vya yombolokele muomu lya milonga ya vapolofeto na ku viyitha kua vasasendote vendi vaye vana muanya maninga avaka vungulu mukati kendi.¹⁴Vendangana, ngue tupuputua, mu vingila. Vana juala na maninga ngechiye vantu ku vatha ku kuata ku vidhala vyavo. ¹⁵''Kayeni! vaka kuyeneka kutoka!'' Vantu vatambakanene kuli vakevo. ''Kayeni! Kayeni! Keti mukuate ko!'' Ngocho vendanganene; vantu va handekele hakati ka mishovo nguavo, ''Ka vaka lishukila muno lalo.''¹⁶Yehova vavenya uava shanduile vakevo; endi ke ku vatala vakevo lalo. Vakevo kuva thingimikile vasasendote, keho kava thompelele ku va kuluntu.¹⁷Mesho etu ana hono, kutatela vukuathi vuetu vua ngocho; mu kutatelela chetu tutatelela mushovo ku uatha kuovola yetu. ¹⁸Va shuama myanja yetu, etu ku tuendele mu vingila vyetu. Ku manethela chetu cha kele muyehi na matangua etu ali na kupua mo, ku manethela chetu chinenja.¹⁹Vaka ku tukava vakele na ku shatuka kutuvakana vihungu va muilu. Va tu shekuile yetu ku mikinya keho vatu tatelele mu muthenge. ²⁰Muku ua mayulu_ etu uye umo yuva vuavethele Yehova_va mu kuatele mu vipuku vyavo; uye yitua tumbuile nguetu, ''Muintci lya muthithimba uendi tuka kala na muono hakati ka mishovo.''²¹Yolela na ku yanguluka, munamukentu ua Endome, yeni vaye mua kele mu chifuti cha Uze. Vuno kuli yeni lalo nganja yika mihita; mu kanua na ku lishulula yeni vavenya vuntcelentcele. ²²Muna mukentu ua Siyono, kayando kove ka kenja ku kulenga; yikeye ka ka vuedhelela ko vundhinda vuove. Vuno muna mukentu ua Endome, yikeye aka yandetha ku vihya kuove; keho yikeye ka ka fuiki milonga yove.

¹Thinganyeka, Yehova, vika vya yomboluele kuli yetu; Tala na ku mona ku shahuka chetu. ²Kuhinga chetu china tenguluka kuli vangendhi; vinjivo vyetu kuli vaka vifuti. ³Yetu tu vana ntciua, va kuyeneka yishe, na vayina vetu vana kala ngue ntuluue. ⁴Tunua mema etu mu ku fueta vimbongo, vikuni vyetu va tu landetha vyo.⁵Voshe vaye venja kunima yetu vali muyehi munima yetu; tuna hono keho ku tu uana ku huima. ⁶Tuna lihana yetu vavenya kuli Yingitona kuli Asiliya ku uana vya kulya vya ku puamo. ⁷Va tata yetu vapangele mulonga, keho vahiko, Netu tunemi milonga yavo.⁸Vangamba vali na ku shika yetu, keho ku kua kele umo muka ku tuovola ku livoko lyavo. ⁹Tu uana mbolo yetu na vushonde vua myono yetu, muomu mukuale ua mu muthenge. ¹⁰Chikanda chetu chi dhivala ngue choto cha kuochela mbolo muomu ntuima ya ku tcimika ya njala.¹¹Vakentu va va kuatela kundhili mu Siyono, na vana vakentu mu membo akama a Yunda. ¹²Va kulikile vimyene ku mavoko avo vavenya, na ku thingimika vihanga vya va kuluntu.¹³Vakuenje vambatele mavue aku lola, na vana vakuenje va shuntcukile muintci lya vikuni. ¹⁴Na vakuluntu vana tundu ko ku chikolo cha ku membo, na vana vakuenje vanethela madhina avo.¹⁵Yolela ya mbunge yetu yina likela na vuchino vuetu vuna tenguluka. ¹⁶Chilongo china u ku mitue yetu; chikele kuli yetu, muomu tuna panga mulonga!¹⁷Muomu echi mbunge yetu yina ledhumuka, muomu vyuma evi mesho etu ana tcitcivala ¹⁸muomu mukinya ua Siyono una tenguluka, vambanje vendela ko.¹⁹Vuno yove, Yehova, uakala ku myaka yoshe, keho una tumama ha chitumamo chove cha vumuene kutunda mushovo ku mushovo. ²⁰Vika vi ua tushuvila yetu ku myaka yoshe? Vika ua tuthila yetu ntcimbu yakama ngechiye? ²¹Tu tengulule kuli yove vavenya, Yehova, keho tuka tenguluka. Puitha matangua etu amaha ngue alaya_ ²²vuno una tuvyana keho una kala na vukalu hamo netu muakama.

¹Eli likelyo lijui lya Yehova liye lyedhile kuli Youele muna ua Pethuele. ²Tolilileni evi, eni va kuluntu, na ku tolilila, eni voshe vandambo va chifuti. Echi muna chi muene ku matangua eni ndi ku matngua ava yishe yeni?. ³Leketheni ku vana veni va leke vana vavo, na vana vavo vaku lidhimo likuavo.⁴Chiye cha nechela lyungu, lyungu vya lile; vika vya nathile ko lyungu ua kama, na mbimba vya nalile; keho vika vya nathile ko mbimba, cha na li mbimba.⁵Hindukeni, eni vaka kupenda, na ku lila! Na ku lila mbimbyamutue, voshe eni vaka kunua vinyu, muomu vinyu yaku tovala vana yitete ko kutunda kuli yeni. ⁶Muomu mushovo unenja ha chifuti, vaka ndhili na ku yeneka muvalu. Madho endi akeo madho a ndumba, keho endi ali na madho a vindumba. ⁷Endi ua pangele muhela uange ua vinyu na tuvula mukuyu uange. Na tuvula to, na ku umbula kuti; mintango yauo ya ku toka.⁸Linyengeni ngue munab mukentu uaku dhala vidhala vya vi shaku omo lyala ua vunike vuendi. ⁹Chikombelo cha vya kulya ne chi cha vya kunua vikatca, vinyu ku njivo ya Yehova. Sasendote, ngamba ya Yehova, a linyenga ¹⁰Mahya dhimangana; livu lili na ku linyenga muomu mbuto vana yi viyitha. Na vinyu ya yiha yinomu; na madhi ana lehuka.¹¹Komokeni, eni vaka kulima, lileni mbimbyamutue, eni vaka viti vya vinyu, muomu tiliku na sevanda. Muomu ku kunguiya kua mahya chi katca. ¹²Chiti cha vinyu chaku juja na chiti mukuyu chi lehuka; chiti cha ku lomela, chiti cha kukonkama lalo, na chiti cha masela_viti vyoshe vya yina juja. Muomu yolela ya juja ku vana vantu.¹³Dhaleni vidhala vya vishaku yeni vavenya na ku linyenga, eni vasasendote! Lileni mbimbya mutue, eni vindungo vya mutula. Yinjeni, kotheni matciki mu vidhala vya kutonga na vishaku, eni vindungo vya Kalunga. Muomu chikombelo cha kulya na chikombelo cha ku nua china juja ku njivo ya Kalunga keni. ¹⁴Thikeni litangua lya ku likela kulya, thaneni vikungulukilo vya kama. Kunguiyeni vivedhi na vandambo va chifuti ku njivo ya Yehova Kalunga keni, keho tambekeni kuli Yehova.¹⁵Alas muomu litangua liye! Muomu litangua lya Yehova lina hete. Keho ngue kutca ku kenja mu kutunda kuli muka ndhili. ¹⁶Vya kulyaketi vya kutca kumesho eni, na ku yolela na ku tangalala ku njivo ya Kalunga ketu ndi? ¹⁷Vimbuto vi vola muintci lya mathinde avyo, vithete vili mu ngocho na vithete vina thihuka, muomu vimbuto vina juja.¹⁸Vimuna vinjuoka! Vutanga vuavo vuli na chitanga muomu ku vethi na vulyo. Nambe vutanga vua vinjui vuli na kuyanda. ¹⁹Yehova, kuli yove nji tambakana kuli yove. Muomu mahila ana li vuilo vua mu muthenge, keho mulengi una tcimika viti vyoshe vya mu muthenge. ²⁰Nambe tuthitu va ku muthenge va hekela kuli yove, muomu mikonga ya mema na luhila lu na li vulyo vua ku muthenge.

¹Thikeni luneta ku Siyono, keho thikeni chithandi ha mukinya ua yela! Vandambo voshe va chifutiva jaje mu lyova, muomu litangua lya Yehova lili na kuinja, chili, lili muyehi. ²Litangua lya mithithina ku dhedhumuka, litangua lya mashelua na mithithi yakama. Ngue litangua liye lye kucha ha mikinya, vya kama na vantu vaka ndhili. Kuye kua kele vaka kupuako, nambe ka ku kakala veka kunima yavo, na ku myaka ya madhimoayengi vene.³Luhila lu lya kulutue lyavo, na kunima yavo mulengi u shuama. Chifuti cha lifua lihya lya Endene kulutue lyavo, na ku nima yavo mu limbalanda lya ngocho. Chili, naumo uahi na va shevunuka.⁴Chifua chavo chikecho ngue chifua cha tukambe, keho ngue vaka kuendela ha tukambe, vakevo veku shatuka. ⁵Vakevo ngue kuohya kua matemba kuilu lya mikinya muva yomboka, ngue kuohya kua mulengi ua luhila omo lya vishuashua, ngue vantu vaka ndhili va kulinoneka mu ku lua ndhita.⁶Ku mesho avo vantu vaka mona chihonda na vihanga vyavo vyoshe vya shenguluka. ⁷Va shatuka ngue vaka ndhili va londa ha chivumbe ngue vamala vaka ndhita; keho voshe venda muntu ku muntuku ngila yendi, ku ve kutunda ku mikana yavo.⁸Nambe naumo uahi na tuvakana mukuavo; venda ku muntu ku muntu ngila yendikeho va tuvakana vitua keho ku ve kutunda ku mukana uavo. ⁹Va ku tuhukila ha limbo lyakama, vakevo shatukila ha chivumbe, vakevo vaka londa mu vinjivo, na ku kovela ha vinjanena ngue vaka kupuanja.¹⁰Mavu a ndunduma kumesho avo, lilu li jaja, litangua na ngonde lina dhivala, keho vintanga ntanga vina likela ku vyadhima. ¹¹Yehova a handeka na lijui lyendi kulutue lya vakandhita veni, muomu chilombo chendi chakama muakama, muomu uye a pangetha lijui lyendi yikeye muka kushika. Muomu litangua lya Yehova likelyo lya kama na ku jajetha. Yiya alyatha?¹²''Hanga nambe mualolo vene''_evi vikevyo vya na Handeka Yehova nguendi_''Tengulukeni kuli yange hamo na vimbunge vyeni vyoshe. Na mu ku likela kulya, na mu kulila na ku linyenga.'' ¹³Keho tavuleni vimbunge vyeni keho keti vidhalo vyeni lika, na ku tenguluka kuli Yehova Kalunga keni. Muomu yikeye muka mema ku mbunge na muka ngodhi, ua livandeka na vukalu keho ua tuvakana ngodhi keho a a tenguluka ku chiye cha ku vihya.¹⁴Yiya a dhivuka mpano aka hiluka na ku tenguluka mbunge, na kuethela chivedhikitho kunima yeni, chikombelo vene cha vya kulya nechi cha vya kunua kuli Yehova Kalunga keni ndi?¹⁵Thikeni luneta mu Siyono, thaneni litangua lya ku likela kulya, thaneni vikungulukilo vya kama. ¹⁶Likungululeni vantu; thaneni vantu va kuyela, kunguiyeni vakuluntu; kunguiyeni vanike na vanike va ku nyamua. Linga muka kuambata a tuhuke ku njivo yendi, keho muka kuambata a tuhuka munjivo ya kuambata.¹⁷Lingeni vasasendote, vangamba va Yehova, va lile hakati mbalanda na mutula. Linga vakevo va handeke nguavo, ''Tetela vantu vove, a Yehova, keho keti upange kuhinga kuove ka ku shaula, ngechiye mishovo yika tcopa vakevo. Vika vaka handeke hakati ka vantu nguavo, 'Kuiko ali Kalunga kavo?'''¹⁸Keho Yehova ua vulile chifuti chendi lifuua keho ua tetelele vantu vendi. ¹⁹Yehova ua kuanyene vantu vendi nguendi, ''Taleni, njika tuma mbuto, vinyu ya yiha, na madhi. Eni muke kuta navyo, keho keho ku nji ka mi puitha lalo kushavuka hakati ka vaka vifuti.²⁰Njika mithekuila kulaako vakandhita va mu vuihi chilyo cha chifuti kutunda kuli yeni, keho njika thinga vakevo mu chifuti cha ngocho. Na mutamba uavo ua ku vukilo vua kalunga ndonga na kunima vua vutokele vua kalunga ndonga. Na katenge kavo ka ka londa ho, na ku nika chavo ku ka londa ho, muomu vana panga vyuma vyakama.²¹Keti uivue lyova, chifuti; yolela na ku yanguluka, muomu Yehova aka panga vyuma vyakama. ²²Keti uive lyova, eni tuthitu va mu muthenge! Muomu vulyo vua mu muthenge vuli na ku shoka, chiti chikema vushuka vuacho, keho chiti cha mukuyu na viti vya vya vinyu vikema na ndhili ya cho. ²³Yoleleni, vantu va ku Siyono, na ku yanguluka muli Yehova Kalunga keni. Muomu yikeye aka mihana mema amuthanda muana mi pande, keho ami nokethela mema amuthanda na mema ali hungula ntcoke, ku ngonde ya ku livanga.²⁴Keho vithete vika shula na tiliku, na dhingola dhika thumpuoka na vinyu ya yiha na madhi. ²⁵keho njika mihiluithila myaka yiye yiva lile ka ntcenya, na mbimba likumbi_ na mbimba likumi, na mbimba kapoko na lyungu, yiye mbunga yange yakama ya vaka ndhita yinja tumine hakati keni.²⁶Eni muka lya vya kulya vya vingi na kuikuta, keho muka lemetha lidhina lya Yehova Kalunga keni, uye na panga vikomoketho hakati keni, keho ange kunjika haka shuama ha vantu vange. ²⁷Muka dhivuka ngechiye ange njili hakati ka va Yisaleli, keho ngechiye ngechiye ange yange Yehova Kalunga keni, na kuye ku kuakele mukuavo, keho kunjika neha lalo shuama ha vantu vange.²⁸Vikenja kunima yevi njika muanya Mpundhi ha muvila uoshe, na vana vove va vamala na vana veni va vakentu vaka polofeta. Vamala va vakuluntu veni vaka lota vilota; vakuenje veni vaka mona vimona. ²⁹Lalo hali vangamba na vangamba va vakentu, mu matangua aye nji muanya Mpundhi yange yakuyela.³⁰Njika leketha vikomoketho muilu na hantci, maninga, tuhya na vingundhi vya muintci. ³¹Na litangua lika tenguluka ku muthithi na ngonde ku maninga, kulutue lya litangua lyakama na ku vihya lya Yehova likenja³²Vika kala ngechiye nkala umo uye athana ha lidhina lya va kovoka. Muomu ha mukinya ua Siyono na Yelusalema kuye akala kushevunuka kayando, ngue muana handeka Yehova nguendi, keho hakati kava kuovoka, vaye vana thana Yehova

¹Taleni, mu matangua na ha ntcimbu yiye, muye njika huilitha va Yunda na Yelusalema, ²njika kunguiya mishovo yoshe, na ku neha vakevo ku limbalanda lya ngocho lya Yohoshafate. Njika vapangula vakevo kuye, muomu lya vantu vange na ku hinga change Yisaleli, vaye nja shanduele hakati ka mishovo, keho muomu vakevo vali shandanganene mu chifuti change. ³Vakevo vana kutu vantu vange vavengi, va landethele mukuenje uange muomu lya vukuidhi, na ku landetha muna mukentu muomu lya vinyu linga vakevo vanue.⁴Mualolo, vika muna kalela na vukalu kuli yange, Tile, Sindone na membo oshe a Filisitiya? Muka nji fueta ndi? Nambe nga muka nji fueta yange, vuathi ange njika hiluitha fueto yeni ha mitue yeni. ⁵Muomu mua tambuile mavue ange aku toka achili na mavue avunchele, keho mua nehele vufuko vuange vua chili mu vi tembele vyeni. ⁶Mua landethele vantu va Yunda na Yelusalema kuli va Ngelengu, muku va tuma vakevo kulahako kutunda ku membo avo.⁷Tala, ange nji yongola ku shinga vakevo, kuhuka mu mihela kuye kumua valandethele, keho nji ka hiluitha fueto yeni ha mitue yeni vavenya. ⁸Njika landetha vana va vakuenje na vana veni va vakentu, ku livoko lya vantu va Yunda. Vakevo vaka landetha vakevokuli va Sambeane, ku mishovo ya ku lahako, muomu muana handeka Yehova.''⁹Handekeni kuli vantu va mishovo yoshe: ''Li vuayetheni yeni vavenya ku ndhita; vua yetheni vamala vaka ndhili; linga venje muyehi; linga vantu voshe vaka kulua venje. ¹⁰Vapupeni vaka chidhindo cheni na mikuale yeni na ku shitula vimpoko mu ku kala mikuale. linga vaka kujumua va handeke nguavo, 'Ange nji muka ndhili.'¹¹Shatukeni na kuinja, eni voshe mishovo ya ha muyehi; likunguiyeni yeni vavenya kuye. Yehova, sheleltha vakandhita va ndhili veni.¹²Linga mishovo hindukeni yeni vavenya na kuinja ku limbalanda lya Yehoshafate. Muomu kuye njika tumama ku pangula yoshe yina dhengeleka mishovo. ¹³Hakeni mu vishaku, muomu kutya kuna pu mo. Yinjeni, ntcikinyeni manjembele, muomu lya vinyu mukushula. Manjembele aka hita, muomu vaka ku vihya vavo vakevo vakama.''¹⁴Kuye kuli muyoyo, na muyoyo uli mu limbalanda mu kupangula. Muomu litangua lya Yehova lili muyehi lya kupangula mu limbalanda. ¹⁵Litangua na ngonde vika kala vya kudhivala, vintanga ntanga yika sheketha mutangeko uavo.¹⁶Yehova aka tambeka ku Siyono, na ku kandula lijui lyendi kutunda ku Yelusalema. Muilu na hantci vika linenenga, vuno Yehova aka kala njivo ya vantu vendi, na ndhili ya vantu va Yisaleli. ¹⁷''Ngocho eni muka dhivuka ngechiye ngueni ange Yehova Kalunga keni uye ali mu Siyono, mukinya uange ua kuyela. Keho HYelusalema yika kala ya kuyela, na vaka vifuti ku vaka hiti hakati ka yikeye lalo.¹⁸Vikenja ha litangua liye ngechiye mukinya uka mbueketha vinyu ya kutovala, na mikinya yika pupa hamo na mahini, na mathima a Yunda aka pupa mema, na lithima likenja kunjivo ya Yehova na mema ha limbalanda lya Shitme. ¹⁹Yingito yika kala na ku linyenga, na Endome yika kala mu limbalanda, muomu muyoyo va upanga ku vantu va Yunda, muomu vakevo vali hanene maninga mu chifuti chavo.²⁰Vuno Yunda aka kala ntcimbu yoshe, na Yelusalema yika kala ku tunda mushovo ku mushovo. ²¹Njika valuitha maninga avo aye unja yenekele kuluitha, muomu Yehova ali na muono mu Siyono.''

¹Aa akeuo majui a Amose, uye ua kele hakati vutanga kutunda ku Tekoua, viye vya muene kushuama Yisaleli mu matangua a Uziya muene ua Yunda, keho lalo mu matangua a Yelomboame muna ua Yoashe muene ua Yisaleli, myaka yivali kulutue lya kungangama kua livu. ²Endi ua handekele ngue di, ''Yehova akohya kutunda ku Siyono; endi aka katula lijui lyendi ku Yelusalema. Na muthenge ua vutanga uka tambakana; na kuilu lya mukinya Ngamelu likema.³Evi vikevyo vya na handeka Yehova nguendi: ''Muomu milonga yitatu ya Ndamasiku, nambe vya kuheta ku viuana, ange kunjika tenguluka chilunguitho, muomu vakevo viyithile Ngileande hamo na mukuale ua chikungu. ⁴Njika tuma tuhya ku njivo ya Hazaele, keho tukalya va Mbene-Handande.⁵Njika pokola vikolo vya vikungu vya Ndamasiku na ku teta muntu uye aka shika mu limbalanda lya Avene, keho lalo na muntu uye akuata vaka kushika mu Mbete Endene. Na vantu va Alame vakaya mu ku vakuata ku Kile,'' muana handeka Yehova.⁶Evi vikevyo vya na handeka Yehova nguendi: ''Muomu milonga yitatu ya Ngaza, nambe yiuana, ange kunjika yeneka kuva yandetha, muomu vakevo vambatele vantu voshe ntcimbu vaka ku kuata, ku vahana kuli va Endome. ⁷Ange njika tuma tuhya ha vivumbe vya Ngaza, keho tuka mulya yikeye.⁸Njika teta muntu uye akala mu Ashendonde na muntu uye akuata vaka kushika ku Ashekelone. Ange njika tengulula livoko lyange kuli va Ekelone, keho voshe va Filisitine vaka dhimangana,'' muana handeka Muene Yehova.⁹Evi vikevyo vya na handeka Yehova nguendi: ''Muomu milonga yitatu ya Tile, nambe yiuana, ange kunjika tengulula chilunguitho, muomu vakevo va hanene vantu voshe ku Endome, keho vakevo va pokuele lyuvuathano lyavo lya vu munayina. ¹⁰Ange njika tuma tuhya ha vivumbe vya Tile, keho tuka mulya yikeye.¹¹Evi vikevyo vya nahandeka Yehova nguendi, ''Muomu milonga yitatu ya Endome, nambe yiuana, ange kunjika tengulula kayando kavo, muomu ua thininikile munayina ua lyala na mukuale na ku kuta voshe. Vukalu vuendi ua va tavula vakevo kulishuama, na vukalu vuendi vuka kala kumyaka yoshe kuye kulenga. ¹²Ange njika tuma tuhya ha Temane, keho tukalya muhela ua Mbozela.¹³Evi vikevyo vya na handeka Yehova nguendi, ''Muomu milonga yitatu ya vantu va Amone, nambe yiuana, ange kunjika tengulula kayando kavo, muomu vakevo vashokoluele vakentu vaka mita va Ngileande, vaye vakevo linga vahamethe vingamba vyavo.¹⁴Njika shuameka tuhya mu vivumbe vya Lamba, keho vikalya mihela, na tambakana mu litangua lya ndhita, hamo na matoto mu litangua lya mpundhi. ¹⁵Muene uavo akaya muku mukuata, yendi na vantu vendi hamo lika,'' muana handeka Yehova.

¹Evi vikevyo vya na handeka Yehova nguendi: ''Muomu milonga yitatu ya Moave, nambe yiuana, Ange kunjika tengulula kayando kavo, muomu endi ua tcimikile vitciha vya muene vya Endome ku lime.²Ange njika tuma tuhya ha Moave, keho tukalya vaka ndhili va Keliote. Moave vakatca mu ku linyenga, hamo na ku tambakana na kuohya kua vimbinga vya yinjui. ³Ange njikaviyitha muka kupangula muli yikeye, keho njika tcihya vimyene vya vikentu hamo lika na yikeye,'' mua na handeka Yehova.⁴Evi vikevyo vya na handekele Yehova nguendi: ''Muomu milonga yitatu ya Yunda, nambe yiuana, ange kunji tengulula kayando, muomu vakevo va vyanene lishiko lya Yehova keho kuva takamethele vitume vyendi. Ku kuitha kuavo kua vapanga vakevo linga vaye ku milonga, kunima yava yishe lalo mu vendele. ⁵Njika tuma tuhya hali va Yunda, na ku valya vaka kushika va Yelusalema.''⁶Evi vikevyo vya na handekele Yehova nguendi: ''Muomu milonga yitatu ya va Yisaleli, nambe yiuana, ange kunjika tengulula kayando, muomu vakevo valandetha vaka kuyeneka kuviyitha na livue lya kutoka na ku yongola vinkuaku.⁷Vatongamene ha mitue ya vihutu ngue vantu vali ha likungu lya hantci; vakevo thindikile kuako. Na muntu na yishe yendi vakaya kuli muna mukentu umo keho ngocho kutuhula lidhina lyange lya kuyela. ⁸Vakotha kunchongo ya nkala mutula ha vidhala vatambuile ngue vaka kutakametha, na mu vinjivo vya Kalunga vakevo vanua vinyu ya vaye voshe va thininkile ku fuetetha fueto.⁹Nolo ange njika viyitha va Amolite kumesho avo, vaye va kulaha ngue kulaha kua chiti; endi ua kele na ndhili ngue kulaha senda; endi ua kele na ndhili ngue livue. Keho nja viyithile vushuka vuendi vua kuilu na midhi muintci. ¹⁰Lalo, nja kutuhuithile yove kutunda ku chifuti cha Yingito na ku kuhaka myaka makumi auana mu limbalanda lyangocho ku kala mu chifuti cha va Amolite.¹¹Nja hinduile va polofeto kutunda hakati ka vana veni na Nazilite kuli vana vakuendje veni. Keti ngocho, vantu va Yisaleli ndi?- evi vikevyo vihandeka vya Yehova. ¹²Vuno ove ua thininkile va Nazilite ku nua vinyu na ku leka va polofeto keti va polofete.¹³Tala, njika kuthanyona ngue litemba liye lina shulu na mbuto yatha ku thanyuona umo. ¹⁴Kuteua yika dhimangana ku kushatuka; va ndhili ku vatha ku vuedhelela ku ndhili yendi vavenya; nambe muka ndhili alyovole yendi vavenya.¹⁵Vaka kuloya vingamba ku va kemana; vaka ku shatuka muakama ku teua; vaka tukambe ka katha kulyovola endi vavenya. ¹⁶Nambe vaka kuvula ndhita vaka pulula mushenga shenga mu litangua liye_ eli likelyo lijui lya Yehova.''

¹Tolilila majui aa aye Yehova ana handekele kushuama kuli yeni, vantu va Yisaleli, kushuama vushoko vuoshe vuye nja tuuithile mu chifuti cha Yingito: ²''Nja shovuele yove lika kutunda ku vushoko vuoshe vua hantci. Ngocho vene njika yandetha yove muomu lya milonga yove yoshe.''³Kuatha voshe kuenda kumo kuvamba vakevo vana pangele ndi? ⁴Kuatha ndumba ohya mu muthenge muye endi kakele na kathitu ndi? Kuatha muna ndumba ana kutunda ku mulivu uendi nga endi ka ka kuatele na chimio chahi ndi?⁵Kadhila kuatha kiuula munganjo ya hantci muye na yimo nganjo vana muhakela yikeye ndi? Kuatha nganjo yi yomboke kutunda hantci muye ku cha kuatele na chimo chahi ndi? ⁶Nga vimbinga vya yinjui vyohya muimbo lyakama, keti vantu vaka jaja ndi? Nga kayando kaka tuvakana limbo lyakama, keti Yehova na vitumu ndi?⁷Vuchili na Muene Yehova katha kupanga navimo kuvanga endi na yombolola vithinganyeka vyendi kuli vandungo va va polofeto. ⁸Na ndumba ana; uye katha ku kala na lyova ndi? Na Muene Yehova na handekele ; uye katha ku polofeta ndi?⁹Vuovoke ovu kuli vakandhita va Ashendonde, na ku li vakandhita mu chifuti cha Yingito; va handeka nguavo, ''likunguiyeni yeni vavenya ha mukinya ua Samaliya na ku tala muyoyo uakama uli muli yikeye, keho vika liyango lili muli yikeye. ¹⁰Muomu vakevo kuva dhivukile vati vapanga vya vingulu_vakevo va punguile muyoyo na vukalu muli vakandhita vavo.''¹¹Ngocho vene, evi vikevyo vya na handeka Muene Yehova nguendi: ''Vaka chidhindo vaka dhengeleka chifuti, na ku koka ndhili yove na ku shandangana vakandhita vove.'' ¹²Evi vikevyo vya na handeka Yehova nguendi: ''Ngue muka kutakametha akovola hanja lya kanua ka ndumba myanja yivali lika, ndi chimbalavala cha lituitui; ngocho vantu va Yisaleli vaye vakele mu Samaliya va vovole; vakevo vaka vethela hamo lika na mbango ya chipundi ndi mbalavala ya muhela,''¹³Tolilila na ku hana vumbangi vua njivo ya Yakomba_ou ukeo vukaleho vua Muene Yehova, Kalunga ua vimbunga: ¹⁴''Muomu mu litangua liye njika yandetha milonga ya Yisaleli, njika yandetha lalo mutula ua Mbetele: Na vimbinga vya ku mutula vaka viteta ko na ku wila hantci.¹⁵Njika viyitha njivo hamathika hamo lika na njivo ya nyondhi. Na vinjivo vya vikanda vika dhimangana, na vinjivo vya kama vika dhimbala_evi vikevyo vihandeka vya Yehova.''

¹Tolilildni ku majui aa, eni vingombe vya Mbashane, yeni vaye muli mu mukinya ua Samaliya, yeni vate mua yandethele vihutu, yeni vaye mua thanyuine viyongola, yeni vaye mua handekele kuli vamala veni ngueni, ''Tuneheleni ko vya kunua.'' ²Na Muene Yehova ua lithingile ku vumuene vuendi nguendi, ''Tala, na matangua akenja akenja hali yove muye muva ka tambula ko yove hamo na vihake, va kumanethela veni na viloveletho.³Mu kaya hanja kuhita na kupokola mu vivumbe vya membo akama, nkala umo ueni akaya kushungama likelyo, keho vaka kumbila hanja kulutue lya Halemone_evi vkevyo vihandeka vya Yehova.⁴''Kaye ku Mbetele na ku panga mulonga, ku Ngilangele na ku lanetha milonga, neheni likumiyo lyeni nkala chimene, chimo cha kulikumi cheni nkala matangua atatu. ⁵Haneni likumiyo lya ku shangala hamo na mbolo; ambululeni kumanguluka kuhana; vilekeni vikevyo, muomu evi vikevyo vimja yongola ku panga, eni vantu va Yisaleli_evi vikevyo vihandeka vya Muene Yehova.⁶Ange nja hanene kutoketha kua madho mu membo oshe akama na ku yeneka mbolo mu mihela yeni yoshe. Nolo kumua tengulukile kuli yange_evi vikevyo vya handekele Yehova. ⁷Ange lalo nja mihele nyondhikuli yeni muye kuye kua kele vingonde vitatu muku tya. Nja hakele yikeyo kunoka ha limbo limo lyakama, na ku haka yikeyo keti yinoke kuimbo likuavo lyakama. Chimbalavala cha chifuti chimo chikuavo cha nokele, vuno chimbalavala cha chifuti kuye ku kuanokele kua kele kua kuma.⁸Membo akama avali ndi atatu aka leka membo akama akuavo ku kunua mema, vuno ku vaka kumua. Vuno eni kumua tengulukile kuli yange_evi vikevyo vihandeka vya Yehova. ⁹Ange nja tumine mpundhi na mbundu. Na mbunga ya vipata vyeni, na mehya a vinyu eni, na viti vya vushuka vyeni, na viti viti vyeni vya oliva_ma mbimba vaka vilya vyoshe. Te eni nolo kanda mutenguluke kuli yange_evi vikevyo vihandeka vya Yehova.¹⁰Ange nja umine mavedhi hali yeni ngue hali Yingito. Ange nja tcihile vana vakuenje veni hamo na mukuale, hamo lika na vinkuati vya tukambe veni, na ku panga vya kunka ha vimbalaka vyeni kuinja kuilu lya mayulu eni. Nolo kumua tengulukile kuli yange_evi vikevyo vihandeka vya Yehova. ¹¹Ange njombilile membo akama hakati keni, ngue muye Kalunga uo mbilile Sondoma na Ngomola. Eni mua kele ngue chiti chitunda mutuhya. Nolo eni kumua tengulukile kuli yange_evi vikevyo vihandeka vya Yehova.¹²Ngocho vene njika panga vimo vya ku vihya kuli yeni, Yisaleli; keho muomu njika panga vya ku vihya kuli yeni, livuayetheleni ku mona Kalunga keni, Yisaleli! ¹³Muomu, tala, yikeye uye apanga mikinya lalo apanga mpundhi, ayombolola vithinganyeka vyendi ku vantu, apanga mutangeko kukala mulima, na ku haka vilyato kuilu lya lya mihela ya hantci. Yehova, Kalunga ua vimbunga, likelyo lidhina lyendi.''

¹Tolilileni majui aye nja tambuile nja ahandekele kuli yove, njivo ya Yisaleli. ²Vana va vakentu va Yisaleli vanau; endi kaka hinduka lalo; endi vana mudhindi ha chifuti chendi; ku kuakele naumo ku muhindula yikeye.³Muomu evi vikevyo viye vya handekele Muene Yehova nguendi: ''Na limbo lyakama liye lya tuhukile hamo na makulukadhi lika kala chihita vaka lihona mo, keho umo uye a tuhuka hamo na chihita aka kala na likumi vaka lihona ku njivo ya Yisaleli.⁴Muomu muali na kuhandeka Yehova ku njivo ya Yisaleli nguendi: ''Nji theteleni keho mukovoka! ⁵Keti muthetele Mbetele; ndi kukovela Ngilengale; keti mukale vungendhi ku Mbeleshemba. Muomu vuchili Ngilangele yikaya mu mu ku yikuata, keho Mbetele yikatca.⁶Theteleni Yehova keho mukovoka, ndi aka uema ngue tuhya mu njivo ya Yesefe. Keho valya, keho kuye ku ku ka kala umo muka vadhima mu Mbetele. ⁷Eni vantu vaka kuhaka vuoloke vushungu, na vaka ku uisa vuchuli hantci!''⁸Kalunga ua pangele va Peleyande na Oliyone; endi atengulula muthithi ua kama ku chimene; endi apanga litangua hamo na matciki na ku tumbula mema a kalunga ndonga; endi a muanya akeo helu lya hantci. Yehova likelyo lidhina lyendi! ⁹Endi aneha kutca cha vuathi_vuathi chakama linga kutca chinje ha vantu.¹⁰Vadhinda nkala umo uye aleka vakevo mu vikolo vya membo akama, keho vadhinda nkala umo uye ahandeka vuchili. ¹¹Muomu muka lyatangela vihutu na ku thininka ku vanyanga tiliku kuli vakevo_nambe ngocho muna tungu vinjivo vyeni vya kupanga na mavue, ku mu ka kala muli vikevyo. Muna tombekele viti vya kutangeka mu mahya, vuno ku mu kanu vinyu yacho.¹²Muomu njina dhivuka milonga yeni yngahi na vukama vua milonga yeni_yeni vaye mua yandethele va vuchili, tambula vishaki, keho a tenguluka kyongola mu vikolo vya membo akama. ¹³Ngocho vene nkala muntu muka kupangula yikeye na holoka ha ntcimbu oyo, muomu yili ntcimbu ya kuvihya.¹⁴Theteleni vya vingulu keti vya ku vihya, linga ukovoke. Ngocho Yehova, na Kalunga ua vimbunga, chili atha ku kala hamo lika nove, ngue mu una handeka endi yikeye. ¹⁵Dhinda vya kuvihya, yongola vya vingulu, tunga vya kuovola mu chikolo vya limbo lyakama. Ngocho Yehova, Kalunga ua vimbunga, aka shangala ku njivo ya Yosefe.¹⁶Ngocho vene, evi vikevyo vya na handeka Yehova, Kalunga ua vimbunga, na Muene nguendi, ''Ku kala kutambakana kua kama mu membo oshe, keho va ka handeka mu vingila nguavo, 'Chikele, Chikele!' Va ka tambakana vaka kulima ku linyenga na voshe vaye vadhivuka vuthiua na ku linyenga. ¹⁷Mu mahya oshe a vinyu kuye aka kala kutambakana, muomu ange nji ka hita mukati keni,'' muana handeka Yehova.¹⁸Chikele kuli yeni vaye muyongola litangua lya Yehova! Vika muyonguela litangua lya Yehova? Lika kala na muthithi mutanya ua hiko, ¹⁹ngue muye muntu a shatuka ku ndumba na kathitu ua kulifua ngue ndumba enja kuli yikeye, ndi endi a kovela mu njivo na ku haka livoko lyendi ha chivumbe keho linoka limushuma yukeye. ²⁰Keti litangua lya Yehova lika kala muthithi na mutanya ua hiko ndi? Muthithi keho mutangeko ua hiko ndi?²¹''Ange nja dhinda, ange nja dhinda viuano vyeni, ange kunje kutambula mu mue ku kunguluka. ²²Nambe ngocho eni mue hana kulyange vikolembelo vya kutcimika na ku kombeleya mbuto, ange ku njika vitambula vikevyo, nambe kuatha ange njitale vikombelo vya vikungulukilo vya tuthitu va kuhindala.²³Litundithe kulyange muyoyo ua madhina eni; ange ku njika tolilila ku kuohya kua mbendo yeni. ²⁴Ndi, linga kuhisa kuende ngue mema, na vuchili ngue kuenda kua mema a lithima.²⁵Mua nji nehelele vikombeleyo na milambu mu muthenge ha makumi auana a myaka, njivo ya Yisaleli ndi? ²⁶Yeni muanduile kuilu vihanga vya Sikute, muene ueni, keho Kaiuane kalunga keni, uye yimua pangele yeni vavenya.²⁷Ngocho vene njika mithindiya yeni kulutue lya Ndamasiku,'' muana handeka Yehova, uye ua lidhina yikeye Kalunga vimbunga.

¹Chikele ku voshe vaye vana dheye mu Siyono, na kuli voshe vaye vana vuahelela mu mukinya ua ua Samaliya, na vantu vaka thingimiko ka kama kumushovo, kuli uye akenja ku njivo ya Yisaleli muku kuatha! ²Vantuama veni va handeka nguavo, ''Kayeni ku Kalene na ku tala; kutunda kuye ya ku Hamate, limbo lyakama kama; keho shelela ku Ngateya Filisitine. Vakevo hasha kutuvakana vimyene vivali ndi? Vingamba vyavo vyakama kutuvakana vingamba vyeni ndi?''³Chikele ku voshe vaye vahaka litangua lya kayando na ku panga chitumamo cha muyoyo chinja muyehi. ⁴Va kotha ha mihela ya vikanda na kutumama ha vitumamo vyavo vya chili. Valya mbunda vinjui kutunda ku vutanga na vana vangombe kutunda muhambo.⁵Vakevo vemba madhina a vuheve ku madhina a lumbendo; va thika vikuata ngue Ndaviti vya pangele. ⁶Vakevo vanua vinyu yitunda ha malonga na ku vuavetha yavo vavenya hamo na madhi a chili, vuno vakevo ku va lilile kuviyitha kua Yosefe.⁷Ngocho vakevo mualolo vaya ku ndhita hamo lika na ndhita ya kulivanga, keho na chiuano cha voshe vaye vatumama vika hitakana. ⁸''Yange, Muene Yehova, nja lithingile yange vavenya_evi vkevyo vihandeka vya Yehova, Muene ua vimbunga, nja dhinda va vukama va Yakomba; nja dhinda vaka ndhita vendi. Ngocho vene nji ka hana limbo lyakama hamo lika na vyoshe viye vili muli yikeyo.''⁹Vikenja vya viye nga vamala likumi vaka thala munjivo yimo, vakevo vaka tca voshe. ¹⁰Muye va vushoko vendi ndi uye umo a tcimika yikeye a tambula vitciha ku njivo_muye endi a handeka kuli muntu mukati ka njivo nguendi, ''kuye uli ko naumo ndi?'' uye muntu aka handeka nguendi, ''Naumo uahi.'' Keho endi a handeka nguendi, ''Holoka kulu, muomu keti tu tumbule lidhina lya Yehova.''¹¹Muomu, tala, Yehova aka shika, keho njivo yakama yika thivuka mu vimbalavala, na vinjivo vya vindende ku dhimangana.¹²Tukambe veku shatuka ha mavue ndi? Kuali umo umo ue pulula kuye hamo na vingombe ndi? Ndi una tengulula kuvula ku vushungu na vushuka vua vuchili ku kushasha_ ¹³Yeni vaye mu yolela ku Lo Ndembale, uye a handeka nguendi, ''Keti tua tambuile Kalenaime ku ndhili yetu vavenya ndi?''¹⁴''Vuno tala, ange nji ka hindula ndhita kulyeni mushovo, njivo ya Yisaleli_evi vikevyo vihandeka vya Yehova, Muene ua vimbunga. Vakevo vakevo vaka mithindiya yeni kutunda ku Lembo Hamate ku ndonga ya va Alamba.''

¹Evi vikevyo vya na nji leketha yange Muene Yehova. Tala, endi napanga limbimba lyungu muye nyondhi mbuto yi shangumuka ku tuhuka, keho, tala, cha cha kumanethela kunima cha kutya cha muene. ²Muye vamanethele kulya vimaho hantci, keho ange nja handekele nguange, ''Muene Yehova, njina kukandelela nji tundithileho,; vati Yakomba atha kuimana? Muomu endi ua mundende.'' ³Yehova ua handekele kushuama evi. ''Ku vika yomboloka ,'' endi ua handekele nguendi.⁴Evi vikevyo vya na nji leketha Muene Yehova nguendi: Tala, Muene Yehova na tambakana ha tuhya ku pangua. Uo mithile hantci, na mema a kuintci-kuintci lya hantcikeho tua lile chifuti lalo. ⁵Vuno ange nja handekele nguange, ''Muene Yehova, njina kandelela likele; vati Yakomba akemana cho? Muomu endi ngocho ua mundende.'' ⁶Yehova ua thinganyekele kushuama evi, ''Evi kuvika yomboloka lalo,'' muana handekele Muene Yehova.⁷Evi vikevyo vya lekethele endi kulyange: tala, Muene nemana kulutue lya chivumbe, hamo na mukole mu livoko lyendi. ⁸Yehova ua handekele kulyange nguendi, ''Amose, vika uli na kumona?'' ange nja handekele nguange, ''Mukole.'' Keho Muene ua handekele nguendi, ''Tala, njika haka mukole hakati kavantu vange va Yisaleli. Kunjika va yandetha lalo.⁹Na muhela ua laha ua Yisaka vaka u viyitha, na muhela ua va Yisaleli vaka u viyitha, keho njika katuka na njivo ya Yelomboame hamo na mukuale.''¹⁰Keho Amazia, sasendote ua Mbetele, ua tumine lijui kuli Yelomboame, muene ua Yisaleli nguendi: ''Amose muali mukati ka njivo ya Yisaleli. Chifuti ku chatha kuambata majui endi oshe. ¹¹Muomu evi vikevyo vya handekele Amose nguendi, 'Yelomboame akatca ku mukuale, keho Yisaleli chili vene yika ya mundhita kulahako kutunda kuimbo lyendi.'''¹²Amazia ua handekele kuli Amose nguendi, ''Tuhuka, kaye, hiluka ku chifuti cha Yunda, keho kuye uka lya mbolo na ku polofeta. ¹³Vuno keti upolofete lalo kuno ku Mbetele, muomu muhela ua muene na ku njivo ya muene.''¹⁴Keho Amose ua handekele kuli Amazia nguendi, ''Ange keti njika polofeto ndi nji muna kapolofeto. Ange nji muntu ua kutakametha, keho nje kutakametha sycamole chiti cha vushuka. ¹⁵Vuno Yehova ua njitambuile kutunda ku vutanga na ku handeka kuli yange nguendi, 'Kaye, polofeta kuli vantu vange va Yisaleli.'¹⁶Mualolo tolilileni lijui lya Yehova. Eni mua handekele ngueni, 'Keti uka polofete kuli va Yisaleli, keho keti uka handeke ku njivo ya Yiaska.' ¹⁷Ngocho vene evi vikevyo vya handekele Yehova nguendi, 'Mukentu uove aka kala chikuidhi muimbo lyakama; vana vove vavamala na vana vove vavakentu vakaua ku mukuale; chifuti chove vaka chimeta na ku chitepetha; yove uka tca mu chifuti cha kuyeneka kutoka, keho Yisaleli chili vene akaya ku ndhita kutunda ku chifuti chendi.''''

¹Evi vikevyo vya na njileketha Muene Yehova kuli yange nguendi. Tala, na lilonga vushuka vua ha ntcimbu ya nyondhi! ²Eni ua handekele nguendi, ''Vika vyuli na kumona, Amose?'' Ange nja handekele nguange, ''Lilonga lya vushuka vua ha ntcimbu yanyondhi.'' Kulenga kua hantci kunenja ku vantu vange va Yisaleli; ku njika va tundithila ho lalo. ³Na madhina a mutembele aka linyenga mu litangua liye_echi chikecho chihandeka cha Muene Yehova_mivila ya yingi ya vaka kutca vana yumbila nkala kuoshe! Kuholoka kulu!''⁴Tolillileni kuli evi, yeni vaye thindiya vaka kuyeneka na ku tambula vihutu mu chifuti. ⁵Va handekele nguavo, ''Litangua lika ngonde yayiha yikahua, ngocho linga etu tuka landethe mbuto yetu? Litangua lika lya Sambata lika hua, linga tuka landethe tiliku? Tuka panga chimetetho cha chindende na ku vuedhelela ndando, ngue etu tukuitha hamo na chivihitho cha vishaki. ⁶Evi vikevyo ngocho tuka landerha tiliku ya ku vihya, kulanda vihutu hamo na mavue akutoka, na vaka kuyongola vimo vinkuaku.''⁷Yehova na lithingi ku lihahametha kua Yakomba, ''Chili ange kunji kevala vimo vya vipanga vyavo.'' ⁸Keti chifuti chingangama kulyevi, keho nkala umo uye ua kala mo aka linyenga ndi? Vyoshe vika katuka ngue Ndonga ya Nile, keho yika lova na ku dhivilila lalo, ngue Ndonga ya Yingito.⁹''Vika kala mu litangua liye_evi vikevyo vi handeka vya Muene Yehova_viye amge njika panga litangua likovele ku chinguedhi, keho njika dhivaletha hantci litangua lya ngonde. ¹⁰Ange njikantengulula chiuano mu ku linyenga na madhina eni mu ka lila. Ange nji haka vidhala vya vishaku ha mivila yoshe na ku tevula vinkambu ha nkala mitue. Ange njika panga ngue alinyenga muomu mona ua lyala, na litangua lya ku vavaletha ku ku manethela.¹¹Taleni, matangua akenja_evi vikevyo vi handeka vya Muene Yehova_muye njika tuma njala hantci, keti njala ya mbolo, ndi vya lihuila lya mema, vuno muomu lya majui a Yehova. ¹²vaka komoka kutunda ku kalunga ndonga ku kalunga; vaka shatuka kutunda ku vuye tangua na kuya kuvutunde tangua ku thetela majui a Yehova, vuno ku vaka viuana.¹³Mu litangua liye vana vakentu na vana vakuenje vakaua ku lihuila. ¹⁴Vaye voshe va lithinga ku milonga ya Samaliya na ku handeka nguavo, 'Ngue kalunga keni ali namuono, Ndani,' keho, 'Ngue na ngila ku Mbeleshemba yakala ko, ' vaka ua keho ku vaka hinduka.''

¹Njamuene Muene nemana muyehi na mutula, na ku handeka nguendi, ''Ndhili ya kuilu ya ngundhi linga yingangame hantci. Yipokole yikeyo mu vimbalavala ha mitue yavo voshe, keho ange njika tciha ua ku manethela uavo hamo na mukuale. Keti umo uavo aka tundaho; keti umo uavo aka theunuka ho. ²Nambe ngocho vaka hinda mu Sheole, kuye livoko lyange lika tambula vakevo. Nambe ngocho vaka londa kuilu, kuye ange njika va sheleletha vakevo.³Nambe vaka lishueka helu lya Kalemele, kuye ange njika thetela na ku vatambula vakevo. Nambe vali shueka kumesho ange kuintci lya kalunga ndonga, kuye njika shika shika linoka, keho lika vashuma. ⁴Nambe vaya mu ku vakuata, va vashinga ku vaka chidhindo chavo kumesho avo, kuye njika hana shika ku mukuale, keho uka vatciha vakevo. Ange njika haka mesho hali vakevo mu ku vavaletha keho keti mua chili.⁵Na Muene Yehova ua vimbunga akuata chifuti keho chika thongonoka; vaye voshe vali namuono mu ku linyenga; vyoshe vika hinduka ngue Ndonga, na ku dhivilila lalo ngue ndonga ya Yingito. ⁶Yikeye uye atunga vilondelo muilu, keho endi apanga njivo yendi hano hantci. Endi a thana mema amu kalunga ndonga, na ku amuanya akeo helu lya hantci, Yehova likelyo lidhina lyendi.⁷''Keti yeni ngue vantu vaku Kushe kuli yange, vantu va Yisaleli_eli likelyo lijui lya Yehova_keti yange nja tuhuithile va Yisaleli kutunda ku chifuti cha Yingito, na Filistine kutunda ku Kulete, na Alameyanse ku Kile ndi? ⁸Taleni, meshoa Muene Yehova ali ha vumuene vua kuvihya, keho njika njika viyitha kutunda kumesho a hantci, kuvanga viye ange kunjika viytha njivo ya Yakomba_eli likelyo lijui lya Yehova.⁹Taleni, ange njika shika, keho ange njika ngangametha njivo ya Yisalelihakati ka mishovo yoshe, ngue umo a nenenga mbuto ha muthalo, linga mavue amandende aka uile hantci. ¹⁰Voshe vaka milonga va vantu vange vaka tca ku mukuale, vaye va handeka nguavo, 'Kayando ku ka tutuvakana ndi ka liuane netu.'¹¹Mu litangua liye ange nji ka hindula mbalaka ya Ndaviti yiye ya uile, na ku shoka vikolo vyacho. Ange njika hindula ku viyitha kuacho, na ku yitungulula ngue mu matangua a laya, ¹²viye vyatha kufuka chilyo cha Endome, na mishovo yoshe yiye yithana mju lidhina lyange_eli likelyo lijui lya Yehova_endi apanga evi.¹³Taleni, matangua akenja_eli likelyo lijui lya Yehova_muye mbuto yendendelela kuhya, na manjembele endelela yikeye uye a tapeka mbuto. Mikinya yika hititha vinyu ya kutovala, na mikinya yoshe yika pupa hamo lika.¹⁴Ange njika hiluitha kutunda vantu vange va Yisaleli vovakuata. Vaka tunga membo akama uva viyitha na ku kala mukemuo, vaka kuna mahya a vinyu na ku nua vinyu yavo, keho vaka panga vikunino na ku lya vushuka vuavo. ¹⁵Ange njika kuna vakevo ha chifuti chavo, keho vakevo lalo kuva kuva shituka midhi kutunda ku chifuti chiye nja va hanene vakevo,'' muana handeka Yehova Kalunga keni.

¹Chimona cha Ovandiya. Muene Yehova ua handekele evi kutumbula Endome nguendi: tunovu mudhimbu ua kuli Yehova, keho vana tumu kanganda hakati ka mishovo na ku handeka nguendi, ''Katukeni! keho tumu katuleni muku lua ndhita!'' ²Taleni, nji ka puitha ua mundende hakati ka mishovo; uka shavuka muakama.³Ku lihaletha cha mbunge yove chika ku kuitha, ove uye ua ku kala mu myandhi ya livue, muimbo lyove lya chili; uye a handeka mu mbunge yeni nguendi, ''Yiya aka nji uitha hantci?'' ⁴Vutuhu u londa muilu ngue chungu, vutuhu lishua lyove ua lihaka hakti ka vintanga -ntanga, ange njika ku tunditha kuye_evi vikevyo vya nahandeka Yehova.⁵Nga vaka kupuanja venja kuli yove, nga vaka ku puanja venja ku matciki_vati una vatuka!_Nga va puanjele noho vana puithamo ndi? nga vaka kuhela vushuka vua vinyu venja kuli yove, nga vanethela vushuka vumo vua ku shasha ndi? ⁶Vya Esau va vithetela vati cho? Vufuko vueni vua ku shueketha va vutonda vati cho?⁷Voshe vamala vaka vuthamba vove vana ku tuala mu njila mu njila yove ku ngamba. Vamala vaye vakele na chivovo hamo lika nove vaka ku kuitha keho vana ku tuvakana. Vaye valya mbolo yove va kuta nganjo muintci lyove. Muli yikeye ku mua kele mana. ⁸''Ku litangua liye''_mua li na kuhandeka Yehova nguendi_''Ku njika nyeka vamala vaka mana kutunda ku Endome na ku dhivuka vya ku mukinya ua Esau ndi? ⁹Vamala veni va ndhili vaka komoka, Temane, linga nkala vamala vakatca ku mukinya ua ua Esau ha ku va tciha.¹⁰Muomu muyoyo ua uingi una pangele kuli munanonko Yakomba, shuama yika kufuika, keho uka vatuka ku myaka yoshe. ¹¹Ha litangua liye omo vangendhi va ambatele vikuata vyendi, na vana vambala va kovelele mu vikolo vyendi, na ku litahela Yelusalema, yove vene ua kele ngue umo uavo.¹²Vuno keti utale litangua lya munanoko, mu litangua lya ku vihilila kueni, keho keti u yolele muakama vantu va Yunda mu litangua lya kutca kuavo; keti uli hamethe mu litangua lya kayando. ¹³Keti u kovele mu chikolo cha vantu vange ku litangua lya kayando kavo; chili, keti utale lipaketho lyavo ku litangua lya kayando kavo, keti muthaleke mavoko vyavo ku litangua lya kayando kavo. ¹⁴Keti u kemane ku vimbango muku vatula vaye veni vanovoka, keho keti u ka kundamethe vaye veni vana thupu ko, keti uka hane vaka kuovoka ku litangua lya kayando kavo.¹⁵Muomu litangua lya Yehova lili muyehi ku mishovo yoshe. Ngue mu una pangele, vaka vipanga kuli yeni; milonga yeni yika tenguluka ku mitue yeni vavenya. ¹⁶Muomu ngue yeni mua nuine ku mukinya ua kuyela, ngocho mu va kanua ntcimbu yoshe mishovo yoshe. Chili va kanua na ku mina keho vika kala ngue ku va kele ko.¹⁷Vuno ku Mukinya ua Zion ku kala vaye vana trua, keho va kala va kuyela, na njivo Yakomba vaka fuka vufuko vuavo. ¹⁸Njivo ya Yakomba yika kala tuhya, na njivo ya Yosefe mulengi, na njivo ya Esau vishuashua, keho vaka shuama hakati kavo, na ku valya vakevo. Kuye ku ka lihona umo ku njivo ya Esau, muomu Yehova ua handekele evi.''¹⁹Vantu vatundile ku Nengeve va kafuka mukinya ua Esau na vantu vaye va ku chana va Filisteo; keho vaka fuka chifuti cha Efalaime na chifuti cha Samaliya, na Mbenjamine aka fuka Ngileande.²⁰Keho vakandhita va vantu ava va Yisaleli va kafuka chifuti cha Kanana ngue ku lahako ngue Zalefate. Vaka ndhita va Yelusalema, vaye vali ku ku Sefalande, vakafuka limbo lyakama lya Nengeve. ²¹Keho muovole vaka kanduke ku mukinya ua Siono ku shika chifuti cha mukinya ua Esau, na vumuene uka kala kuli Yehova.

¹Mualolo majui a Yehova edhile kuli Yona muna ua Amitai, ua handekele nguendi, ²''Katuka na kuya ku Ninive, liye limbo lyakama, na ku kuanya, muomu milonga yavo yina hete kumesho ange.'' ³Vuno Yona ua katukile ku teuela kutunda kumesho a Yehova na kuya ku Taleshishe. Endi ua shelelele ku Yopa na ku uana vuato vua kuya ku Taleshishe. Ngocho endi ua fuetele vungendhi vuavo na ku londa vuato kuya hamo lika na vakevo ku Taleshishe, kutunda kumesho a Yehova.⁴Vuno Yehova ua tumine mpundhi yakama mu Kalunga ndonga keho hakele chinkumba chakama ha Kalunga ndonga. Mualolo vika yomboloka ngechiye vuato ua yonguele ku vatuka. ⁵Keho vaka vuato va kele na lyova keho nkala muntu ua tambakanene kuli kalunga kendi. Vakevo vambilile vikuata mu Kalunga ndonga vikuata vya kele vya kele mu vuato ku vihehula vikevyo. Vuno Yona na kovelele mukatikati ka vuato, keho endi ua kothele kuye tulo tuakama.⁶Ngocho vavenya vuato uedhile kuli yikeye na ku handeka kuli yikeye nguendi, ''Vika upanga mu una kotha tulo? Katuka! Tambakana kuli kalunga kove! Mpamo kalunga aka tuvuluka linga keti tuka dhimbale.'' ⁷Nkala muntu ua handekele kuli lihalambo lyendi nguavo, ''Yinjeni, linga tuka tahe, linga tudhivuke uye ali na mulonga uno uli na ku yomboloka kuli yetu.'' Ngocho vatahele, keho mpelo ya uililile kuli Yona.⁸Keho va handekele kuli Yona nguavo, ''Tuleke tuna kukandelela etu yiya uye ali na kupanga evi vya kuvihya viye vili na ku yomboloka kuli yetu. Vipanga vyove vika , keho kuiko ua tunda? Chifuti chove muka, na ku vantu muka ove?'' ⁹Yona ua handekele kuli vakevo nguendi, ''Ange njika Hevelu; keho njili nalyova lya Yehova, Kalunga ua muilu, uye ua panga Kalunga ndonga na chifuti cha kuma.'' ¹⁰Keho vamala vaye va kele nambe na lyova lyakama na ku handeka kuli Yona, ''Vika viye vi una panga?'' Muomu vamala va muene viye vadhivukile ngechiye yikeye ua kele na ku teua kumesho a Yehova, muomu endi uava lekele vakevo.¹¹Keho va handekele kuli Yona nguavo, ''Vika tuka panga kuli yove linga kalunga ndonga a holoke kulyetu?'' Muomu kalunga ndonga uayile na ku kala chinkuma muakama. ¹²Yona ua handekele kuli vakevo nguendi, ''Nji yunduleni na ku njumbila mu kalunga ndonga. Keho kalunga ndonga aka holoka, muomu nji na dhivuka ngechiye echi chinkumba chino chakama chili na kuyomboloka kuli yeni.'' ¹³Nambe ngocho vamala vaye vethekele linga vahiluke vavenya ku ntunda, vuno ku vathele ku vipanga muomu kalunga ndonga uayile na kutuvakana chinkumba vakevo.¹⁴Ngocho vene va tambakanene kuli Yehova na ku handeka nguavo, ''Tuna ku kandelela, Yehova, tuna ku kandelela yove, keti utavethe linga tuka dhimbale mu likongo lyala muono ua lyala ou, keho keti utu hakele maninga aye ku akele na mulonga, muomu yove, Yehova, una panga chiye chaku yile ku mbunge.'' ¹⁵Ngocho va yunduile Yona na ku mumbila mu kalunga ndonga, keho kalunga ndonga ua likelele ku chuma chendi. ¹⁶Keho vamala vakele na lyova lya Yehova lyakama. Keho vakoyelele chikombeleyo kuli Yehova na ku panga chithingo.¹⁷Mualolo Yehova vyukithile yintci ua kama ku mina Yona, keho Yona ua kele mu lidhimo lya yintci matangua atatu na matciki atatu.

¹Keho Yona ua lombele kuli Yehova Kalunga mu lidhimo lya hintci. ²Endi ua handekele nguendi, ''Nja tambakanene kuli Yehova Kalunga muomu kayando keho endi ua ua nji kuanyene; kutunda mu lidhimo lya Sheole ange njatambakanene ku nji kuatha! Eni muovuile lijui lyange.³Muomu yove ua nji mbilile ndhinga, hakati ka mbunge ya kalunga ndonga, na ndonga ya nji dhengelekele; na mankimba ove oshe na chuma chove choshe vya nji hitile yange. ⁴Ange nja handekele nguange, 'Vana njumbila kuti kumesho ove; kathi njika tala lalo kutembele yove ya ku yela.'⁵Mema anji dhengelekele na ku heta ku ntcingo yange; na kulova kuoshe kua nji dhengelekele yange; na muila ua mu kalunga ndonga ua nji dhengelekele mutue uange. ⁶Nja shelelele kuintci kuye kuashangumukila mukinya;na vkolo vya hantci va vishokele hali yange kumyaka kuye kulenga.Vuno yove ua nehele uange kutunda muchina, Yehova, Kalunga kange!⁷Muye muono uange ua tuhukile muli yange, nja tambakanene Yehova mu mana; keho kulomba kuange kuedhile kuli yove, ku tembele yove ya kuyela. ⁸Vya hanene kathingimiko kuli vakalunga vangocho ntcimbu va vyanene lyuvuathano lya kutcelela.⁹Vuno ngue yange, nji ka lihana kuli yove hamo lika na lijui lya ku shangala; nji ka puithamo viye nja lemethele. Vuovoke vukenja kutunda kuli Yehova!'' ¹⁰Keho Yehova ua handekele kuli yintci, keho ua shanjele Yona kuntunda kua kuma.

¹Na ljui lya Yehova lyehile kuli Yona ntcimbu ya mu chivali, na ku handeka ngualyo, ²''Katuka, kaye ku Ninive, kuye kuimbo lyakama, na kuambulula kuli vakevo majui aye nji na kuishika ku hana.'' ³Ngocho Yona ua katukile na ku ya ku Ninive, kushuama ku lijui lya Yehova. Mualolo Ninive lya kele limbo lyakama, limo lya ku matangua atatu avungendhi.⁴Yona ua shangumukile ku kovela muimbo lyakama keho kunima ya litangua lya vungendhi endi ua thanene na ku handeka nguendi, ''Mu makumi auana amatangua Ninive vaka yumbila kuti.'' ⁵Vantu va Ninive va tcelelele Kalunga keho va tambuile na ka vuathi Voshe va hakele ko vidhala vya vishaku, kutunda kuli uye uakama uavo ku shelela kuli ua mundende uavo.⁶Mualolo mudhimbu ua hetele kuli muene ua Ninive. Ua katukile ua ku chipundi chendi cha vumuene na ku shulula mukole uendi, na ku lifuika hamo na chikovelelo cha vinjeke, keho ua tumamene mu lito. ⁷Keho endi ua tumine vukaleho vue ua handekele nguendi, ''Mu Ninive, ku lishiko lya muene na vamuata vendi nguendi: 'Keti utavethe muntu ndi kathitu, vutanga ndi chimpuma, ku makela nkala vimo. Linga vakevo keti valye, ndi vanue mema.⁸Vuno vantu voshe na tuthitu linga va lifuike na vi koveyo vya vishaku keho linga vatambakane muakama kuli Kalunga. Linga nkala umo a tenguluke kutunda ku milonga yendi na kutunda ku ku vihya kuye kuli mulivoko lyendi. ⁹Yiya adhivuka? Mpano Kalunga aka litenga ko na ku tengulula mana endi na ku tenguluka kutunda ku vukalu vuendi linga keti tuka dhimbale.''¹⁰Kalunga ua muene vipanga vyavo, viye vakevo vana tenguluka kutunda ku milonga yavo. Ngocho keho Kalunga ua tenguluile mana endi aku yandetha viye vya handekele nguendi vyaka panga kuli vakevo, keho endi ka vipangele ko.

¹Vuno chikecho cha koshele Yona muakama keho ua kele na vukalu vua kama. ²Ngocho Yona ua lombele kuli Yehova na ku handeka nguendi, ''Njina ku kandelela Yehova, keti eyi vene nja handekele yange muye nja hilukile ku chifuti change vavenya? Ngocho vene nja pangele mu ku teua ku Taleshishe_muomu nja dhivukile ngechiye ove u Kalunga, muka chivovo, na muka kondhi, ua livandakana ku vukalu na ku tuvakana ngodhi, keho u tengulitha ku milonga. ³Ngocho vene mualolo, Yehova, njina ku kandelela yove, tunditha muono uange, muomu cha tuvakana kutca ku kala na muono.''⁴Yehova ua handekele nguendi, ''U panga mua chili ngechiye ku kala na vukalu ndi?'' ⁵Keho Yona ua tuhukile muimbo lyakama keho ua tumamene muintci lyayo mu chivule noho aka mone vika vikayomboloka kuimbo lya kama.⁶Yehova Kalunga ua vyukithile viti na ku panga vikule kuilu lya Yona linga chikale chivule ha mutue uendi muku muovola yikeye ku matoto endi. Yona ua yolelele muakama muomu lya chiti. ⁷Vuno Kalunga ua vyukithile likelete hu lyakile litangua chimene chaku shuamako. Ua luithile chiti keho chiti cha tcile.⁸Keho chakele ngechiye muye litangua lya tuhukile chimene cha kushuamako, Kalunga ua vyukithile mpundhi ya ku hyanguka ya kutunda ku chelo. Lalo, litangua lya tuililile ha mutue ua Yona keho endi ua uile. Keho Yona kandelelele ngechiye endi linga atce. Endi ua ua handekele kuli yendi vavenya nguendi, ''Kuli yange cha tuvakana kutca ku kala na muono kunima.'' ⁹Keho Kalunga ua handekele kuli Yona nguendi, ''U panga mua chili ngechiye ove uli na vukalu vua chiti ndi?'' Keho Yona ua handekele nguendi, ''Nji panga mua chili ngechiye ange nji li na vukalu, nambe ku kutca.''¹⁰Yehova ua handekele nguendi, ''Ove uli na chivovo muomu lya chiti, muomu chiye chiua yeneka kupanga yove, ndi upange chikule. Chikecho chikula matciki keho chi katca mu matciki. ¹¹Ngocho ngue yange, ku njika kala na chivovo cha Ninive, limbo liye lyakama, mukemo mua kala vantu kutuvakana 120,000 vaye vayeneka ku dhivuka hakati ka livoko lya chilyo na livoko lyavo lya chimoshue, keho na tuthitu vavengi lalo?''

¹Eli likelyo lijui lya Yehova liye lye dhile kuli Mika ua Moleshete mu matangua a Yotame, Ahaze, na Hezekia, vimyene va Yunda, vaye yendi uamuene kushuama Samalia na Yelusalema.²Tolilileni, yeni vantu voshe. Tolilileni, hantci, na viye vyoshe vili muli yeni. Linga Muene Yehova akale mukaleho ueni, Muene kutunda ku tembele yendi ya kuyela. ³Tala, Yehova a tuhuka mu muhela uendi; endi aka shelela na ku tumina ha mihela ya kuilu lya hantci. ⁴Mikinya yika thothonoka kuintci lyendi; limbalanda lika hangunuka, ngue vyula kulutue lya tuhya, ngue mema aye uva na muanyena kuilu lya muhela.⁵Vyoshe evi muomu lya mulonga ua Yakomba, keho muomu lya mulonga ua ku njivo ya Yisaleli. Mulonga uka ua Yakomba? Keti va Samaliya ndi? Vika muhela ua laha ua Yunda? Keti Yelusalema ndi?⁶''Njika panga Samaliya mukueyo ua ku viyitha ku viyitha mu mahya, muhela ua ua tapeka vinyu, keho nji ka muanyena yikeye mavue kushelela mu limbalanda na ku fuikula luvula luendi. ⁷Vyoshe vyendi vya ku shonga vika pokodhoka mu vimbalavala, na ku tambula vufuko vuye vua tambuile yendi vuka mutcimika yikeye na tuhya, keho nji ka panga miyombo vungocho. Kutunda endi aka kunguiya vufuko vuendi kutunda ku fueto ya vukuidhi, vakevo vaka kala fueto ya vukuidhi lalo.''⁸Muomu lijui eli njika lila na mbimba mutue; nji kaya myanja myanja na mushenga shenga; njika lila mbimba mutue ngue kangunga na ku lila ngue ka kulu. ⁹Muomu Muomu mbandu yendi kuve ku yithaka, muomu yatunda kuli Yunda.Yina kuheta ku chikolo cha ku vantu vange, ku Yelusalema. ¹⁰Keti uhandeke vya mu Ngate; keti uka lile na hamo hahi. Hali Mbete Leafera nje kulishinga yange vavenya mu likungu.¹¹Ku hita ko, muli vaka Shafile, mu mishenga shenga na shuama. vaka ku shuama Zanane keti mutuhuke.Mbete Ezele, muomu kuamena kuavo vana ku tambula ho. ¹²Muomu vaka ku shuama va Malote tateleni na ku thimpa ku mudhimbu ua chili, muomu kayando kana shelela kutunda kuli Yehova ku vikolo vya Yelusalema.¹³Halenese litemba ku mbunga ya Tukambe, muku shuama va Lakishe. Yeni, Lakishe, kuye ku vshangumukilo vua mulongavana va vakentu va Siyono, muomu kashaundu ka Yisaleli kaye kuva uanene muli yeni. ¹⁴Ngocho yeni muka hana vufuko kuli Moleshete Ngate; ku njivo ya Akezimbe aka jujuitha vimyene va Yisaleli.¹⁵Njika neha lalo kuvula kuli yeni, vaka ku shuama va Maleshahe kushansangana kua Yisaleli ku kenja kuli Andulame. ¹⁶Tevuleni mitue yeni na teta vinkambu vya vya vana muli uye yimua yongola. Lipangeni yeni vavenya ngue mitue ya ku yeneka vinkambu ngue chungu, muomu vana veni vaka kovela mundhita kutunda kuli yeni.

¹Chikele kuli vaye voshe vathinganyeka vya kuvihya, kuli vaye vathinganyeka ha mihela yavo kupanga vya kuvihya. Mu chimene cha litangua vakevo va vipanga muomu vali na ndhili. ²Vakevo va yongola mehya na ku va luitha vakevo; vakevo va yongola vinjivo na ku vitambula kuli vakevo. Vakevo va thininika lyala na njivo yendi, lyala na ku hinga kuendi.³Ngocho vene Yehova ua handekele evi nguendi, ''Taleni, kuva njivo njika eyi njithinganyeka mulonga umo, ku vukevo ku muka tunditha vintcingo vyeni. Nambe luenda na ku lishangala, muomu yino ntcimbu ya kuvihya. ⁴Ku litangua liye vantu vakemba lidhina na lidhina lya ku jujuitha yeni na ku linyenga chinyengo cha vuthiua. Vakevo vakemba nguavo, 'Etu va Yisaleli tuna tcilila na kuvihya; Yehova atengulula vihanda vya vantu vange. Vati aka endi aka vitunditha kuli yange? Ua tambuile mutambela ua lihya kuli muka vungungu!''' ⁵Ngocho vene, eni vantu vaka kufuka kumu ka kala na mushovo muku hangununa mihela ya yingi mu mbunga ya Yehova.⁶''Keti muka polofete.''vupolofeto vuavo vu handeka nguavo. ''Vakevo keti vapolofete vyuma evi; mulonga ko uka kovela kuli yetu.'' ⁷Kuatha chili va chihandeke nguavo, njivo ya Yakomba, ''Yehova na keha ndi? Evi vikevyo vipanga vyendi ndi?''Keti majui ange apanga vya chili kuli umo uye enda mu vungulu ndi? ⁸Kunima vantu vange vana shitukile ngue vaka chidhindo. Eni mua kutile mukole, na ntanga, ku voshe vaye va hita vaku yeneka kudhivuka, ngue mukandhita a hiluka kutunda kundhita kuye vathinganyeka nguavo vika va takametha.⁹Eni mua shingile vakentu vidhala kuli vantu vange kutunda ku vinjivo vyavo vya ku vuaha; eni mua tambuile vufuko vuange kutunda ku vanike vavandende vavo ku myaka kuye kulenga. ¹⁰Katuka na kutha, muomu ou keti muhela umo uye uatha ku huima, muomu lya kuyeneka kutoka kuacho; ukeo vana vana uviyitha hamo na milonga ya kushula. ¹¹Nga umo enja kuli yeni mu mpundhi ya kuvihya na vishaki na ku handeka nguayo, ''Nji ka polofeta kuli yeni vya vinyu na ku nua kua kama,'' endi vaka muhaka ngue ku kala kapolofeto ku vantu ava.¹²Njika kunguiya chili vene voshe veni, Yakomba. Chili njika kunguiya vithupo vya Yisaleli. njika vahaka vakevo ngue vutanga vua vinjui mu mboyela, ngue vutanga mukati vulilo vuavo. Kuye ku kala mjyoyo ua kama muomu mbunga yakama ya vantu. ¹³Umo uye apokola ashokolola ngila yavo vakaya kulutue vya vakevo. Vakevo vapokola chikolo na ku tuhuka; Muene uavo ahita kulutue lyavo. Yehova aka kala ku mitue yavo.

¹Nja handekele nguange, ''Tolilileni mualolo, eni vantuamena va Yakomba na vaka kushika membo a Yisaleli: Keti kuma vya vingulu yeni ku tolilila kuhitha ndi? ²Yeni vaye mua dhinda vuchili na ku yongola kuvihya, yeni vaye shuva chikanda chavo ha mivila, keho ntcitu yavo ku vitcihya vyavo_ ³yeni vaye lalo mulya ntcitu ya vantu vange, na ku shuva chikanda chavo, na ku va tetanga mu vi mpindi vimpindi, ngue mbunda ya mu ndeho, ngue mbunda yamu poto.⁴Keho eni vaka kushika muka tambakana kuli Yehova , vunoendi ka ka mikuanya yeni. Aka sheka chihanga chendi kuli yeni ha ntcimbu yiye, muomu eni muna panga vipanga vya ku vihya.''⁵Yehova ua handekele evi nguendi, ''Ngue ku va polofeto vaye vatuamena vantu vange ku ku vihya, nga umo ahana vakevo vimo vyuma vya kulya, vakevo vaka yongola, 'Chivovo.' Vuno nga endi ahaka na vimo vyahi mu milono yavo, vakevo vaka yongola vakevo vavenya ku fueto ya ndhita hali yikeye. ⁶Ngocho vene, kuka kala matciki muomu eni kumona vimona vyeni kuahi; ku kala muthithi linga keti muka mukali hangunuke. Litangua lika shelela hali va polofeto, keho litangua lika dhivala hali vakevo. ⁷Vaka ku mona vaka va haka ku shuama, vaka vungulu vakovua shuama. Voshe vakevo vaka fuika milungu yavo, muomu kuye ku kua kele kukuanya kutunda kuli Kalunga.''⁸Vuno ngue muomu yange, njika shula na ndhili yaku Mpundhi ya Yehova, keho ange njina shulu muku hitha na vukama, ku handeka ku mulonga ua Yakomba, na kuli Yisaleli milonga yendi.⁹Mualolo tolilileni kuli evi, eni vantuamena va njivo ya Yakomba, na vaka kushika ku njivo ya Yisaleli, eni vaye mua yeneka kuyongola chihitho, na kuyengula nkala vyoshe viye vya vingulu. ¹⁰Yeni mua tungile Siyono na maninga na milonga ya Yelusalema. ¹¹Va ntuamena veni vapangula muomu lya vishaki, va sasendote veni va longetha muomu lya ndando, na vapolofeto veni vapanga vungulu muomu lya vimbongo. Keho eni muashuama hali Yehova na ku handeka ngueni, ''Keti Yehova ali netu ndi?Na umo mulonga ukenja hali yetu,''¹²Ngocho vene, muomu yeni, Siyono lika kala lihya lya ku pulula, Yelusalema lika kala vithanyu thanyu vya mavue, na mukinya ua tembele uka kala muhela ua laha ua kama.

¹Vuno mu matangua aku manethela ku kenja vya vuye mukinya ua njivo ya Yehova vaka yitunga ngue muene ua kuilu lya mikinya yikuavo. Vaka yishangala kuilu lya mikinya, na vantu vka kala kuli yikeyo.²Mishovo ya yingi yikaya na ku handeka nguayo, ''Yinjeni, lingeni tukanduke ku mukinya ua Yehova, ku njivo ya Kalunga ua Yakmba. Yikeye aka tulongetha yetu vingila vyendi, keho tukenda mungila yendi.'' Momu kutunda Siyono lishiko lika tuhuka, na lijui lya Yehova kutunda Yelusalema. ³Yikeye aka pangula hakati kavantu vavengi na ku thinganyeka kushuama muvalu ua mishovo ngila ya ku lahako. Vakevo vaka pupa mikuale yavo muku pulula na makunga avo. Mushovo ku uka yundula kuilu mukuale ku katukila mushovo ukuavo, ndi vaka longetha muomu lya ndhita lalo.⁴Nambe, vakevo vaka tumama nkala muntu muintci lya vinyu yendi na muintci chiti chendi cha mukuyu. Naumo uahi aka va teuetha vakevo, muomu kanua ka Yehova ua vimbunga muana handekele. ⁵Muomu vantu voshe vakenda, nkala umo, mu lidhina lya lya kalunga kavo. Vuno etu tukenda mu lidhina lya Yehova Kalunga ketu ku myaka yoshe kuye kulenga.⁶''Ha litangua liye''_ evi vikevyo vyana handeka Yehova ngendi_''Njika kunguiya vilema na ku kungulula vaka kuthinga na vaye voshe vunja yandethele. ⁷Njika tengulula vilema linga vende, na vaye vamo vashingile mushovo kundhili, keho yange, Yehova, njika shika vakevo ha Mukinya ua Siyono, mualolo na ku myaka yoshe. ⁸Ngue muomu yeni, vaka kutakametha muomu lya vutanga, mukinya ua vakentuva Siyono_kuli yeni vikenja, ueni ua kunima ya kuvula vaka hindula, vumuene vuye vua kala kuli vakentu va Yeliusalema.⁹Mualolo, vika mutambakanena ngocho muakama?Ku mua kele na muene hakati keni ndi? Vaka ku mishika veni vatca ndi? Evi vikevyo vivavaletha ngue mukentu mu ntcimbu ya kuthema yiviyitha yove ndi? ¹⁰Kala mu ku vavalana muku thema, vana vakentu va Siyono, ngue mukentu ali muku thema. Muomu mualolo uka ya muimbo lyakama, ku kala mu lihya, na kuya ku Mbambilone. Kuye vaka kuovola. Kuye Yehova aka tambula yove kutunda kulivoko lya muka chidhindo chove.¹¹Mualolo mishovo ya yingi vana likungulula kuluitha yove; vakevo va handeka nguavo, 'Lingeni tu viyithe yikeye; lingeni mesho etu amone kuye ku Siyono.' ¹²Vakevo kuva dhivukile mangana endi vya Yehova, nambe ku tolilila vithinganyeka vyendi, muomu endi na va kunguiya ngue vishaku vya mbuto vana vuayethela kuvitua vunga.¹³Hindukeni na ku yandetha, vana vakentu va Siyono, muomu njika panga vimbinga vyeni ku kala vikungu, keho njika panga chikanda chove chikale livue lya chili. Ove uka thanyuona vantu vavengi keho uka va thindiya vakevo kuvihya kutambula kuli Yehova, vufuko vuavo kuli Muene ua hantci hoshe.

¹Mualolo yinjeni kumo mu ndhita, vana va vakentu va vakandhita! Na chivumbe chi va hakele hakati ketu! Na milamu va pupile vaka kupangula va Yisaleli ha hanga.²Vuno eni, Mbeteleheme Efelatahe, nambe ngocho eni muva vandende hakati ka mushovo ua Yunda, kutunda muli yeni umo akenja kuli yange ku shika mu Yisaleli, vaye vashangumuka vakevo kutunda ku ntcimbu ya shukulu, ku kalelela. ³Ngocho vene Kalunga aka vahana vakevo kuilu, nohontcimbu muye mukentu uye ali muku thema kanike, na va munayina voshe va vamala vaka hiluka kuli vantu va Yisaleli.⁴Endi akemana na ku takametha vutanga vuendi mu ndhili ya Yehova, mu vukama vua lidhina lya Yehova Kalunga kendi. Vakevo vaka thala, muomu keho endi aka kala uakama ku ku manethela kua hantci. ⁵Yikeye aka tuhana chivovo. Muye va Siliya vakenja mu chifuti chetu, muye mu vakenda na vilyato kuli yetu, keho tuka hinduka tulue na vakevo vaka kutakametha vatanu na vavali na va ntuamena vatanu na vatatu kuilu lya vamala.⁶Vakevo vaka takametha chifuti cha Siliya hamo na mukuale, na chifuti cha Nimelonde mju vukovelelo vuacho. Yikeye aka tuoyela kuli va Siliya, muye muva kenja mu chifuti chetu, muye mu vakenda mukati ka vingamba vyetu. ⁷Mushovo ua Yakomba uka kala mukati kava vantu vavengi, ngue lime litunda kuli Yehova, ngue mema ali ha muila, aye kekutatelela muntu, keho vakevo kuve kutatelela vanike va vantu.⁸Mushovo ua Yahcomba uka kala hakati ka mishovo, hakati ka vantu vavengi , ngue ndumba ali hakati ka tuthitu vamu muthenge, ngue vana vandumba vali hakati ka vutanga vua vinjui. Muye muaya hali vakevo, endi ava jajetha vakevo na ku vatavula vakevo mu vimbalavala, keho ku kala umo aka vovola vakevo. ⁹Livoko lyove vaka lijundula kuli vaka chindhindo chove, keho lika va viyitha vakevo.¹⁰''Vika kala mu litangua liye''_Evi vikevyo vyana Handeka Yehova nguendi_''Ngechiye njika viyitha tukambe veni kutunda hakati keni keho njika njika thanyuona matemba eni. ¹¹Njika viyitha membo akama mu chifuti cheni na kumbila hantci vimua fuka vyoshe.¹²Njika viyitha vya vulodhi mu mavoko eni, keho eni kumu kapanga lalo vya vulodhi. ¹³Njika viitha vya kushonga vyeni na mavue eni avi ngundhikutunda hakati keni. Eni kumu lemetha lalo vipanga vya muntu vya panga na livoko. ¹⁴Njika shitula mikambo yeni ya Ashela kutunda hakati keni, keho njika viyitha membo eni akama. ¹⁵Njika luitha mu matoto na vukalu ha mishovo yiye ku ya tolilile.''

¹Mualolo tolilileni kuli viye Yehova na handekele, ''Hindukeni na ku haka mukanda kumesho a mukinya; liga mikinya yitolilile lijui lyeni. ²Tolilileni, eni mikinya, vyali na ku vangeya Yehova, eni vaka luvula lua hantci. Muomu Yehova ali na vidhala vya kupangula hamo na vantu vendi, keho endi akalua mu chipangulo na va Yisaleli.³Vantu vange, vika vinja viyitha kuli nyeni? Vati nja ku mi teuetheleyeni? Nji kuanyeni! ⁴Muomu ange nja mituhuithile yeni kutunda mu chifuti cha Yingito na ku myohela yeni kutunda ku njivo ya kayando. Nja tumine Mosesa, Alone, na Miliyame kuliyeni. ⁵Vantu vange, thinganyekeni vika Mbalake muene ua Moave, na vati Mbalame muna ua lyala ua Mbeole ua kuanyene yikeye ngue yeni mua yile kutunda ku Shitime ku Ngilangale, ngocho eni linga mudhivuke vuchili vipanga vya Yehova.⁶Vika njika hana kuli Yehova, ngue nji tcikamena kuli Kalunga ua kuilu ndi? Nji kenja kuli yikeye hamo na vikombeleyo vya kutcimika ndi? Na vana vingombe va vakuluntu ndi? ⁷Yehova vika muya ku mbunge na makulukadhi a vinjui vya vimala, ndi likumi lya makulukadhi a vindinga vya madhi ndi? ⁸Endi ua milekele yeni nguendi, muntu, vika vya chili, keho vika vyana yongola Yehova kuli yeni: Panga vya chili, chidhango cha chili, na kuenda na ka thingimiko hamo lika na Kalunga kove.⁹Lijui lya Yehova lipanga vuovoke kuli vaka membo akama_nambe mualolo teua lidhina lyove: ''Tolilileni ku lijui, na kuli umo uye ami haka mu muhela. ¹⁰Kuye kua kala vufuko mu njivo ya vaka ku vihya vaye vaku yeneka kutcelela, na vaye vapanga vya ku vihya.¹¹Kuatha nji shuame muntu ku kala kua kulikehetha nga endi apanga vyaku viyitha, hamo na ku kuata vulemu ndi? ¹²Muntu muka kufuka ali na muyoyo ua kama, endi ua kala na ku handeka vishaki, na vindaka vyavo mu kanua kavo vye ku kuitha.¹³Ngocho vene ange njika panga yeni mu vavale, na ku mihiluitha munima, kupanga yeni mukale vakushoka muomu lya milonga yeni. ¹⁴Muka lya vuno kumu kekuta; vungocho vueni vuka kala mukati keni. Muka pungula vya chili ku lahako vuno kuvi ka vanda, keho vika uuka panga uovoke njika hana ku mukuale. ¹⁵Uka kuna vuno ku uka kunguiya; uka tombeka viti vya olive vuno ku uka livuavetha yove vavenya na madhi; uka tcekenyena manjembele vuno ku ka nu vinyu.¹⁶Mua talele vitume vya Omeli, na vipanga vya njivo ya Ahambe. Eni muendele mu vingila vyavo, ngocho vene ange njika mihana ku tuvakanena ku ku viyitha na ku kala ku vipanga, keho eni mukema lipungu lya ku vantu vange.

¹Chikele change! Ange nji nakala ngue mbunga ya vushuka vua njombo, keho ngue manjembele aye uva natambuile; kuye kukua kele chiti cha manjembele aku lya, ku kua kele chiti cha vushuka ua ku livanga chiye muvila uange uka yongola. ²Vaye vaka kutcelela vamo vadhimanganene kutunda ku chifuti; kuye ku kua kele muntu ua vungulu mu vantu voshe. Vakevo voshe vaka vishaki mu ku tatela ku muanya maninga; nkala umo aka ta munayina ua lyala na vuanda.³Mavoko avo achili mu ku panga vyaku vihya: muka shika akehula vimbongo, muka kupangula endi na li vuayethela ku kuitha, na muntu ua ndhili yikeye aleka vakuavo viye vya yongola yikeye. Muomu vakevo va likunguiya kumo lika. ⁴Vachili vavo vana kala ngue va kuvihya, vavengi va vuchili vana kala kutuvakana nchongo ya manja. Liklyo litangua liva muylekele vantu vaka kutalela, litangua lyeni lya kayando. Mualolo ntcimbu yavo yaku va kuitha.⁵Keti muka tcelele vamo va mahalambo veni; keti muka hake ndhili yeni mu vamo va vuthamba veni. Kutunda nambe mukentu uye nakotha mukushangala kutakametha ku kovela mukanua kove. ⁶Muomu muna ualyala kaka thingimika yishe, na muna mukentu aka shituka na ku luitha vayina, na va yina mueno va luitha va nayemueno. Na muka chidhindo ua lyala vakevo vantu va muimbo lyendi vavenya.⁷Vuno ngue muomu yange, njika tala kuli Yehova. Njika tatela kuli Kalunga ua vuovoke vuange; Kalunga aka njuvua yange. ⁸Keti muyolele hali yange, vaka chidhindo change. Kunima nji nau, njika hinduka. Muye munji tumama mu muthithi, Yehova akala cheke kuli yange.⁹Muomu njina panga mulonga kuli Yehova, njika kala na kathingimiko noho endi nethela na ku pangula yange. Endi aka njineha yange ku cheke, keho njika mona vungulu vuendi.¹⁰Keho vaka chidhindo change vaka chimona, na shuama yikenja kuli uye umo ua handekele kuli yange nguendi, ''Kuiko ali Yehova Kalunga kove?'' Na mesho ange aka tala yikeye; endi vaka mulyatangela ngue lilova lya mu vingila¹¹Na litangua kutunga vi vumbe vyeni likenja; ha litangua liye vivumbe vyoshe vaka vishueneyha kula hako. ¹²Ha litangua liye vantu vakenja kuli yove, kutunda ku Asiliya na membo akama aku Yingito, kutunda Yingito na ku ya Ku Ndonga, kutunda ku kalunga ndonga ku kalunga ndonga, kutunda ku mukinya ku mukinya. ¹³Vuno chifuti chika kala cha kushoka muomu vantu vaye vakala muye, muomu lya vushuka vua vipanga vyavo.¹⁴Takametha vantu vove na mulamu, na vutanga vuove vua kuhinga. Vakevo vakala likalyavo mu ku kala, mukati ka chifuti cha viti. Linga va lime mu Mbashane na Ngileande ngue mu matangua a laya. ¹⁵Ngue mu matangua muye ove mu ua tuhukile mu chifuti cha Yingito, ange njika va leketha vakevo vikomoketho.¹⁶Na mishovo yikamona na ku kala na shuama na vindhili vyavo vyoshe. Vakevo vaka haka mavoko avo mu milomo yavo; matui avo akala tuthinda matuitui' ¹⁷Vaka kalya likungu lya linoka, ngue vya kupanga viye vili koka hantci. Vakevo vaka tuhuka na lyova; vaka kala na lyova lyove, Yehova Kalunga ketu, keho vakevo vaka kala na lyova muomu yove.¹⁸Yiya Kalunga ngue yeni_uye atambula milonga yeni, uye a hititha milonga yeni ku kuhinga chendi ndi? Endi keku shueketha vukalu ku myaka yoshe muomu endi ahaka cheke mu chikombeleyo chendi cha lutcelelo.¹⁹Uka kala na ngodhi ha li yetu; uka lyatangela milonga kuintci lya vilyato vyove. Ukombila milonga yetu yoshe muintci lya Kalunga ndonga. ²⁰Uka hana vungulu kuli Yakomba na chikombeleyo cha kutcelela kuli Avilahama, ngueyove ua lithingile kuli va shukulu ku ncimbu ya laya.

¹Lijui lya ku tumbula Ninive. Mukanda ua chimona cha Nahume, muka Elekoshite²Yehova yikeye Kalunga ua lifuua na ku lingula na yikeye ua shula vukalu; Yehova linguilila kuli vaka chidhindo chendi, keho a tulikila vukalu vuendi ku vitodhi vendi. ³Yehova alivandeka ku vukalu na ku ndhili yakama; yikeye nahamo hahi a thambuetha vaka milonga. Yehova apanga ngila yendi mu chinkuma na mu mpundhi, keho mashelua akeo likungu lya vilyato vyendi.⁴A handekele kalunga ndonga na ku yumitha, keho omitha vindonga vya vindende. Mbashane unjumua, na Kalemele lalo; nchani ya Lembanone yina njumua. ⁵Na mikinya yi jaja kumesho endi, na mikinya yishangunuka; livu lijunduka kumesho endi, chili vene, chifuti na voshe vali mo.⁶Yiya atha kuimana kulutue lya litoto lyendi? Yiya atha ku kala ku vukalu vua ku nyengua kuendi? Vukalu vuendi vu jukuka ngue tuhya keho yikeye atavula mavue kutunda kuli yikeye.⁷Yehova yikeye ua chili, akuata ku litangua lya kayando; keho endi adhivuka vaye veku teuela muli yikeye. ⁸Vuno endi apanga kulenga kua kushula kuli vaka chidhindo chendi hamo lika na luhanjo; endi ava kava vakevo mu muthithi.⁹Vika vantu eni mua tumbila Yehova? Endi aka panga kulenga kua kushula kuli chikecho; kayando kali ka katuka ntcimbu yamu chivali. ¹⁰Muomu muku lidhenga ngue vimbimbo na mu ku kolua ngue na viye vive kunua, vakevo vaka valya ngue vishoni vya kuma. ¹¹Kua ku tuhuka umo kuli yove, yikeye a tumbila Yehova mulonga, a shuama nguli ya mulonga.¹²Evi vikevyo vya na handeka Yehova nguendi, ''Nambe nga vakevo vana shulu na ndhili keho vakevo vavengi, nambe ngocho vaka va pupa; vantu vavo vaka tca. Vuno ove,Yunda: vutuhu njina kuyandetha, ku njika kuyandetha lalo. ¹³Mualolo njika ku vatuila mukambo ueni; keho njika ku vatuila mikole yove.''¹⁴Yehova na hana lishiko muku mu tumbula yeni, Ninive: ''Kuye ku ku ka kala lalo mushovo ukema lidhina lyove. Ange nji ka teta chifua cha ku shonga na ku thinga chifua cha chikungu kutunda ku njivo ya kalunga keni. Ange nji ka vuayetha mbumbo yove, muomu ove ua ku vihya.''¹⁵Taleni, ku mukinya kuye hali myanja youye a neha mudhimbu ua chili, uye ambulula chivovo! Takametha viuano vyove, Yunda, keho panga viye vyuna lithingi, muomu vaka mionga vamo kali ka hita lalo hakati kove; endi vana mu tete ko.

¹Uye muka kumu kuakula yikeye na ku katukila yove. Takametha limbo lyakama, takametha vingila, koletha vintungi vyove, likanyamethe muakama. ²Muomu Yehova yikeye aluitha vukama vua Yakomba, ngue vukama vua Yisaleli, muomu vaka ku jukula vana va jukula vakevo na ku viyitha mintango yavo ya viti vya vinyu.³Ntelo ya vaka ndhili vendi yina venge, na vakandhita vana dhala vya ku venga; matemba a temuna na vikungo ku litangua liye omo avyukitha, keho va helengendha makunga makunga avo mu mpundhi. ⁴Matemba a jaluka mu vingila; vakevo va hiluka vuathi na mu makumi auana mu vingila vya kama. Vakevo vatala ngue vilambi, keho vakevo va shatuka ngue vilambi.⁵Endi a vuluka vamuata vendi; va pundukile kuli umo na mukuavo mu kuenda kuavo; va shatukile vuathi ku luitha limbo lya kama. Ntelo yakama yi vapanga ku kuohyela ava vaka kuluitha.⁶Vikolo vya vindonga vya shokolola, keho njivo ya muene ya uile. ⁷Huzambe yikeye na kutu keho yikeye va mutuala; ndungo yendi ua mukentu a lila ngue livembe, vali pupa ha vintulo vyavo.⁸Ninive yikeye ngue mema aku hita, hamo lika na vantu vavo va pulula ngue mema aku shatuka. Vakuavo vatambakana nguavo, ''Yimaneni, yimaneni,'' vuno naumo uahi a tenguluka kunima. ⁹Pupeni viye vya mavue aku toka achili, tambuleni mavue a vunchele achili, muomu kuye ku kuakele kulenga kua vufuko, kuli muka vufuko vuoshe mu Ninive ayongola vyuma. ¹⁰Ninive vyahi vilimo; mu ngocho na vukalu. Nkala mbunge ya umo yishangunuka, ku tcikama kua nkala uoshe enda kumo lika, keho vihanga vya vakevo vina njumua.¹¹China cha vindumba chili cho, na muhela uliuo ua vana vindumba kuye ve kulila, kuye ku vendele vindumba na luhavo, hamo lika na muna ndumba, kuye kuva kele na lyova lyahi ndi? ¹²Ndumba ua tavuile vya ku puithilamo vana vendi; endi ua takenyene va luhavo luendi, keho ua shulithile vina vyendi viye vya ku pupa, na vivandelo vyendi na viye vya ku puanja.¹³''Tala, ange nji mukachidhindo chove_ovu vukevo vumbangi vua Yehova ua vimbunga. Njika tcimika matemba eni mu muintci, keho na mukuale uka lya vana vandumba veni. Njika teta mbunda yove kutunda ku chifuti, na majui a tunganda ku va kovu lalo.''

¹Chikele kuimbo lyakama lya shula na maninga! Lya shula lyoshe na vishaki na ku puanja; vya ku pupa ku vye kutunda ko. ²Vuno mualolo kuye kuli muyoyo ua kulila na chikumo cha likosha lya ku tcekengeya, na tukambe vaku lyata ngela, na matemba aku yombuoka.³Vaka tukambe mu ka londa, na mukuale ua ku vyakula na likunga lya ku vyadhima! Na mbunga ya vaye vaka tciha, na mutumbo uakama ua mivila_keho ku kua kele kuhua ku mivila_vaka punduka ha mivila yavo. ⁴Evi vya yombolokele muomu vuingi vua vukuidhi ua chili, chikuidhi ua chilodhi, uye alandetha mushovo kuhitila mu vukuidhi vuendi, na vantu kuhitila muli yikeye vapanga vulodhi.⁵''Tala, ange nji muka chidhindo chove_ou ukeo umbangi ua Yehova ua vimbunga_njika hengumuna vikoveyo vyendi kumesho eni na ku leketha vaka chifuti mushenga-shenga uove, shuama yove ku vumuene. ⁶Njikombila madhilo aku vihya hali yove na panga yove vya kuvihya; njika ku haka ha mutanya. ⁷Keho chika kala ngechiye voshe vaka ku tala hali yove na ku pulula kutunda kuli yove na ku handeka nguendi, 'Ninive vana yi viyitha; yiya aka yi lilila yikeye?' Kuiko njika ya ku uana umo ku lembedheka yove?''⁸⁹Ninive, ove una tuvakana Tembese, uye ua kele ku Ndonga ya Nile, uye ua kele na mema amu dhengelekele yikeye, chivumbe chendi cha kele kalunga ndonga, na kalunga ndonga ua kele chivumbe ndi? Kushe na Yingito kuye kua kele ndhili yendi, keho kuye ku kua kele kulenga kuendi; Pute na Limbya vakele vaka ku kuatha kuli yikeye.¹⁰Hanga Tembese va mu tualele; endi ua kele mu ndolongo; na vana vendi vendi va vandende va va muakuile ku vimbango vya vingila; vaka chidhindo vendi va muashele lutcimo lua vamala, na vamala vamala vendi voshe vakama vakele mu malyenge. ¹¹Yove lalo uka kolua; uka yongola ku vanda, keho ove lalo uka tala vungendhi vua chidhindo chove.¹²Membo ove oshe aka kala ngue chiti cha vushuka na vushuka vuye vu livanga kuhya: Nga va yi ninganga viua mukanua ka muka kulya. ¹³Tala, vantu hakati kove vakevo vakentu; vikolo vya chifuti va chishokoluele muakama kuli vakachidhindo chove; tuhya vana lile mivelenge yove.¹⁴Lishuile mema omo vaka ku tungila chivumbe; koletha limbo lyove; kovela mu malova na ku lyatangela matata; tambula lilova lya vindopi. ¹⁵Tuhya tuka lya yove kuye, na mu kuale uka viyitha yove. Uka kulya ngue mambimba alya nkala vyoshe. Panga yove vavenya ngue vavengi ngue vavengi vambimba vaku kula.¹⁶Una vuedhelela vaka kulandetha muakama kutuvakana vintanga ntanga vya muilu; vuno vakevo vambimba va vandende: na muhela uavo kuva kala keho va pulula. ¹⁷Va muene vove vavakentu vana kala ngue vimbimba, na va kuluntu vove ngue vimbimba vaye vali mu chivumbe ha litangua lya mathika. Vuno muye litangua lituhuka vakevo va pulula, keho na muhela ku vaya ku va udhivuka.¹⁸Muene ua Asilya, vaka kutakametha vove vana kotha tulo; vimyene vove va huima. Vantu vove vana shanduoka ku mikinya, keho kuye ku kua kele umo ava kungiya vakevo. ¹⁹Ku kua kele ku thaka vimbandu vyove. Vimbandu vyove ya ku vihya muakama. Nkala umo uye ovua lijui lya thakuilila kua mavoko ove mu ku yolela kuove. Hali uye ali na ku vihya kuli yiya ku vua hetele ntcimbu yoshe?

¹Lijui lya muene kapolofeto Havakuke. ²''Yehova, vintcimbu vingahi njika tambakane ku vakuatha, keho ku ukovuko? Nja tambakenene kuli yove, 'Muyoyo!' vuno kumu kovoka.³Vika unji muetha mulonga na ku tala vupuye ndi?Muomu kuenyeka na muyoyo vili kumesho ange; keho kua kala muyoyo, na ku katula vimpata. ⁴Ngocho vene lijui lya lishiko lya kuvihya na kuovoka kuye ku tuhuka nkala ntcimbu. Muomu vaka kuvihya vana dhengeleka vaka vuchili; ngocho vuoloke vu tuhuka vua kuhenga.''⁵''Talenihakati ka vaka vifuti keho moneni na ku komoka chikomokelo chakama! Muomu nji kapanga chipanga chimo ku matangua eni ngechiye eni ku mu tcelela nambe va chileka kuli yeni. ⁶Muomu taleni! Ange nji katula va Kalendeya_mushovo uye ua kuatha vuathi_kutuvakana mu vuihi vua hantci, mu ku fuka vikalo viye keti vyavo vavenya. ⁷Vakevo vana hono na ku kala nalyova; kupangula chavo na vukama vuavo vi tuhuka vakevo vavenya.⁸Tukambe vavo lalo va tuvakana va yinge, ku tuvukana tungunga va ku chinguedhi. Ngocho vaka tukambe vavo va tunda ku laako, va tuvakana ngue chungu ashatukila ku kulya. ⁹Vakevo voshe va nenja mu ku panga muyoyo; va taleketha vihanga vyavo kulutue krho vaka kungiya ngue musheke.¹⁰Ngocho vakevo vashopele muene, na kuishika lika vaka kushopa vakevo. Vana kala vaka kuyola kuli yikeye muomu vakungiya likungu lya hantci na ku vikuata. ¹¹Keho aka hita ngue mpundhi; na ku panga mulonga na ku uana mulonga uye vene una puitha ndhili Kalunga kavo.''¹²''Keti ove ua tunda ku ntcimbu yoshe kuye kulenga, Yehova Kalunga kange, muka Kuyela Umo uange? Kotu ka tca. Yehova una mutumbula yikeye muka ku pangula, keho ove, Livue, una muhaka yikeye mu ku mushungametha.¹³Yove muka mesho aku yela ngechiye ko uatha ku tala mulonga, keho ku uatha ku tala vupuye, vika uva talela vaye vapanga vungungu ndi? Vika uholokela omo muka milonga amina uye na mi tuvakana vungulu ndi? ¹⁴Na ku puitha vantu ngue vantci va mu Kalunga ndonga, ngue vaye va kokava, kova kele na muka ku vashika vakevo.¹⁵Endi aneha voshe kuli vakevo hamo lika na malovo; endi ava kuata mu vuanda; ngocho vyukilila na ku yolela. ¹⁶Ngocho vene endi aka kombeleya ku vuanda vuendi keho a shinga vihemba ku vuanda vuendi; muou ha vukevuo muono ueni uka hindala na vya kulya vyeni vi kelana. ¹⁷Ngocho vene aka jukula vya mu vuanda vuendi, na ku likela kuahi ku tciha vaka vifuti ntcimbu yoshe ndi?

¹Njikemana ha vungililo vuange, na ku lihaka ha njivo ya ku tuntuka keho njika tala kuye mu ku mona viye vya ka handeka, keho vati njika kuanya ko omo ku lijunga.²Keho Yehova ua nji kuanyene yange na ku handeka nguendi, 'Thona chimona na ku chi shungametha vuino ha vitale, linga uye achi tanda linga vakevo va shatuke. ³Muomu chimona chi chili ntcimbu ya ku chitumbula keho chi ka hana vumbangi na ku dhimbalethe. Nambe vikuata ntcimbu, ku tatela chikecho. Muomu vuchili chikenja keho ku chika kala.⁴Taleni! Vamo vaye vali na chidhango keti cha chili hamo lika na yikeye ku vaka mono muono. Vuno vaka vuchili vaka kala na muono ku lutcelelo luendi. ⁵Chili, ngue vinyu yili na muono, nambe vantu vaka lithino ku ve kukala ku membo. Endi a vuayetha mulivu ngue ua kama ngue Sheole; keho ngue kutca, endi ke kuikuta . Endi akunguiya mishovo yoshe kumo lika, keho a kunguiya vantu voshe kuli yendi vavenya.⁶Ava voshe keti ku tambula vithimo na ku tcopa, ku shaula vya yikeye, na ku handeka nguendi, 'Chikele kuli umo a vuedhelela viye keti vyendi! Muomu vintcimbu vingahi uka livuedhelela ku chikumo cha vufuko vu mua tambuile ndi?' ⁷Vaye vamo vami shumine keti vaka shituka na ka vuathi, na vaye vami teuethele vaka shituka ndi? Uka kala muka chidhindo kuli vakevo. ⁸Muomu eni mua nyangele vantu vavengi, voshe vantu vaye vali honene ho vaka minyanga yeni. Muomu muali hakele maninga a vantu na ku panga muyoyo mu chifuti, limbo lya kama, na vaye voshe vakele muli vakevo.⁹'Chikele kuli vamo vaye va tambula vufuko vua ku vihya ku membo avo, ngocho endi aka haka lishua lyendi kuilu kuli hana yendi vavenya ku mavoko chitodhi.' ¹⁰Eni muna nehela vinjivo vyeni shuama mu ku teta vantu vavengi, keho vana panga mulonga ku muono uove. ¹¹Muomu livue lika tambakana kutunda mu chivumbe, keho vipilangi vika kuanya vakevo,¹²'Chikele kuli vaye vamo va tunga limbo lyakama na maninga, keho uye atunga limbo mu mionga.' ¹³Keti vya kutunda kuli Yehova uye ahaka vaye vantu vapanga muomu lya tuhya, keho mishovo yavo vavenya yiya mungocho ndi? ¹⁴Nambe chifuti chika shula na mana a vungulu vua Yehova ngue mema a fuika kalunga ndonga.¹⁵'Chikele kuli vaye vamo thininika lihambo lyendi kunua_uka thindila vukalu vuove kulutue keho uka panga vakevo vakolue muku tala mushenga shenga uavo.' ¹⁶Uka shula hamo na shuama nga vungulu. Mualolo yikeyo ntcimbu yove! Nueni, keho uka haka vaka kuyeneka vaka kuyeneka kulovoka ha mutanya! Nganja mu livoko Yehova lya chili likenja ku lidhemga kuli yove, na shuama yika fuika vungulu vuove.¹⁷Na muyoyo va upanga ku Lembanone vuka kuilanena yove na vukalu vua tuthitu vuka viyitha yove. Muomu ua pangele maninga a vantu keho ove ua pangele muyoyo ku chifuti, limbo lyakama, na kuli voshe vaye vakele muli vakevo.¹⁸Vika muka uana muye mu chifua cha kushonga? Muomu cha ku shonga vana chishongo! ndi ku kuta chifua cha chikungu, mulongithi ua vishaki ndi? Muomu muka kupanga a tcelela muli viye vyana panga muye apanga echi chaku yeneka ndhili muyombo. ¹⁹'Chikele kuli vamo va handeka kuli vya kushonga nguavo, Katuka! Ndi ku livue lya kuholoka nguavo, Hinduka!' Panga vyuma evi kulongetha ndi? Taleni, vana chidhaleka hamo na mavue a vunchele na mavue achili, vuno kuye ku kua kele kuhuima muli chikecho. ²⁰Vuno Yehova yikeye muali mu tembele yendi yaku yela! Holokeni kumesho a yikeye, vifuti vyoshe.''

¹Chilombelo cha Havakuke ka polofeto: ²Yehova, ange nji novu lijui lyove, keho njili na lyova. Yehova, panga vipanga vyove mukati ka ntcimbu eyi; mukati ka muaka ou upanga linga udhivuke; vuluka ku kala na chivovo mu vukalu vuove.³Kalunga ua tundile ku Temane, keho Umo ua Kuyela ku Mukinya ua Palane. Sela vungulu vuendi muilu, na hantci ha shulile na ku lemetha yikeye.⁴Hamo lika na mutangeko ngue litangua, mihyato yivali yitunda mu livoko lyendi; keho kuye endi ua shuekele ndhili yendi. ⁵Mikithi ya kutciha ya yile kulutue lya yikeye, na kutca kua tuhukile ku myanja yendi.⁶Endi ue manene na ku meta hantci; endi ua talele na ku jajetha mishovo. Nambe mikinya ya kele kuholoka, na mikinya ya ku kalelela ya tcikamene hantci. Ngila yendi yikeyo ya ku kalelela.⁷Nja muene vimbalaka ku Kushane vali na lyova, na muhela ua kupanga vimbalaka mu chifuti cha Mindiane cha jajele. ⁸Yehova ua kele na vukalu ku ndonga? Vukalu vuove ua kele ku ndonga, ndi lya ku nyenguetha kalunga ndonga, muye upupa ha kakambe kove na kuvula matemba ndi?⁹Una nehele lilonga lyove lya kuyeneka chifuiko; una haka ko vikuti ku lilonga lyove! Sela Ove uvyavadhela hantci hamo lika na mema. ¹⁰Mikinya ya muene yove keho ya kele na lyova mu ku vavala. Kuintci lya mema va hitile vakevo; kuintci lya kalunga ndonga lya hindukile. Lya kanduile mavoko acho muilu.¹¹Litangua na ngonde nolo yinemana mu mihela yavo na ku vyadhima kua vikuti ngue vipula, ha temuna kua vyadhima kua vikuti vyeni. ¹²Eni munendele hano hantci hamo na vukalu. Mu vukalu vuakama mua lyatangalele mishovo.¹³Eni muayile hanja muomu vuovoke vua vantu veni, muomu vuovoke vua uye umo ua ku shovola. Mua holokethele mutue ua njivo ya muka kuvihya ku tunda vilyato na ku heta ku ntcingo. Sela¹⁴Ove ua thanyuine mutue ua ntuamena uendi hamo na mukuale kutunda vakevo vedhile ngue likungu kunviyitha yetu; vithinganyeka vyavo ngue umo uye alya vihutu vaye vana vandele mu muhela. ¹⁵Muendele ku kalunga ndonga na tukambe veni, keho mua pangele mankimba akama.¹⁶Njo vuile, na muintci lya vilyo vyange vya jajele! Milungu yange ya shikile. Kuvola kuedhile mu vitciha vyange, keho kuintci lyange nja jajele ngue nja tatelelele kuholoka muomu litangua lya kayando likenja hali vantu vaye vakovelele muli yetu.¹⁷Nambe chiti cha vushuka ku che kuima keho kuye ku che kuhana vushuka kutunda ku vinyu; keho nambe ku hana vushuka vua chiti cha olive na lihya kulye kuhana vushuka vua kulya; keho nambe vutamba vana uteta kutunda kua liheteka keho kuye ku kua kele vingombe mu chivunga, evi vikevyo vinji ka panga.¹⁸Nolo, ange nji ka yolela muli Yehova. Njika kala na ku yolela muomu lya vuovoke vuange muli Kalunga. ¹⁹Muene Yehova yikeye ndhili yange keho endi apanga myanja ngue ngila. Endi apanga yange njiye kuya kulutue kuilu lya mihela yange. _Kuli mukuluntu ua myatho, ha vimbitho vyange.

¹Lijui lyedhile kuli Zefaniya muna Kushi ua lyala muna Ngenda liya ua lyala muna Amaliya ua lyala muna Hezekiya ua lyala, ku matangua a Yosiya muna Amone ua lyala, muene ua Yunda. ²"Ange njika nongetha vyuma vyoshe vya hantci nguendi Yehova. ³Ange njika nongetha vantu na tuthitu; njika nongetha tudhila vamuilu na hantci vya mundonga Kalunga, kuvihitha na kuva komba vaka madhilo. Keho nkika vatula vantu helu lya hantci--Echi nguendi Yehova.⁴Ange njikolola livoko lyange helu lya Yunda na voshe vaka mashangembo a Yelusalema. Njika vatula visupe vyoshe vya va Mbale kutundilila kumuhela uye na lidhina lyava Chemalime vantu mukati kava Sasendote, ⁵keho vantu vaye vashangala njivo ya muilu na muvila ua muilu, na vantu vaye vashangala naku lithinga kuli Yehova vuno nauye lalo alithinga na muene uavo. ⁶Ange lalo njivatula vaye va tenguluka ngila yavo kutunda kukushuama Yehova, na vaye kuvehuile Yehova na vaye kuvehuile ku tuamenena kuendi."⁷Holoka kulu kumesho a Yehova! Muomu litangua lya Yehova hamuhyehi; Yehova ua livuahethelele chikombelo na kuhakela kusinyeli va ngendhi vendi. ⁸Chika kala kulitangua lya chikombelo cha Yehova, Hakeho njika pupa vana va vimyene va vakentu nava va vamala navaye vaka dhala vidhala vya vangendhi. ⁹Ku litangua olyo ange njika pupa voshe vaye va tcikamena tumponya ngue va panga nava vaka kupunda navaka kutciha kulingila nguavo vashulithe vinjivo vyavimyene dhavo nevi vya ku kuata.¹⁰Keho kulitangua olyo_lya kelyo lijui lya Yehova nguendi ku kakala kulila na kayando ka kama kutundilila ku chikolo cha vintci, na kulinyenga chamu chivali, na kundulunga kuakama ku mikinya. ¹¹Lileni, eni vandambo va mihela ya malandethelo, ku vantu voshe vaka Kanana vana nongo; voshe vaye va tangukile na palata vaka va vatula.¹²Muchi kakala ha ntcimbu oyo ange njika thetela Yelusalema navi lambi na kupupa vamala vaye vana tumama ku vuala na vaye vakuanya na dhimbunga dhavo nguavo, 'Kalunga kaka lingi navimo vyahi, ndi vyachili ndi vya kuvihya; ¹³Keho vufuko vuavo vuka kala vana vukuata, viti vya vinyu vuno keti vya vinyu vya kunua.¹⁴Litangua lyakama lya Yehova hamu hyehi lili, hamuhyehi na kuendelela kuija! Lijui lya litangua lya Yehova na vaka ndhita vaka litetela muaku shasha! ¹⁵Litangua olyo lika kala litangua lya vukalu, litangua lya kayando kakama na vuthiua, litangua lya mpundhi na kuvihitha, litangua lya kudhivala na ku layima, litangua lya mashelua na kudhivala kuakama. ¹⁶Likelyo litangua lyo lukathika lumbendo na vingoma nkuita kumembo na avipaka navi mama vya kutuntuka.¹⁷Keho ange njika neha kayando ka kama ku vantu, linga vakende ngue vamala va kutca mesho kutunda hovanapanga mulonga kuli Kalunga. Maninga avo akambalumuka ngue likungu, na muinthi yavo ngue lilombo. ¹⁸Nambe palata nambe olu yavo kuyi kavovola halitangua lya kunyengua kua Kalunga. Chifuti choshe ndi hantci hoshe haka uema na tuhya tualifuma, mukonda aka manetha, mavu oshe akalenga mua kuvya na vandambo voshe."

¹Chili likungululeni na kuli vandakana, eni mushovo ua kujeneka suama-- ²kulutue vashike lishiko lika mitanganetha na litangua lika hita ngue mujungu, kulutue vukalu vuakama vua Yehova vuaku vihya vihya kuli yeni. ³Ethekeni Yehova, eni voshe vaka ku konkama hantci vaye voshe vana takametha lishiko lyendi! Ethekeni kuyela. Ethekeni kukonkama, halumo muka uana kumyohiela kulitangua lya kuvihya lya Yehova.⁴Mukonda Ngaza yika kala ngundu, na Asekelone yikapua limbalanda lya ngocho. Vaka sheka Asendonde mukati kalitangua, na Ekelone yika tukuka! ⁵Chikele cha vaka mashangembo vaka nchongo ya ndonga Kalunga, vaka mushivo ua Celeteo! Yehova na mivindika, Kanana chifuti cha Filisteo. Ange njika kunongetha kuku kathala lalo mundambo uahi.⁶Keho kunchongo ya Kalunga ndonga kukakala vyama vya vashita na vinyongo vya vinjui. ⁷Chifiti chaku nchongo ya ndonga chika kala cha visupo vya njivo ya Yunda, vakevo vaka lithilako matanga avo kuye. Vantu navo vaka ndanda oko ku chinguedhi na vinjivo vyava Asekelone, Muomu Yehova Kalunga kavo aka takametha naku va hiluithila vyavo.⁸Ange njinovu kutomba kua Moave na kuvuluka vantu va Amone muye muva shauile vantu vange na kuvihitha vingamba vyavo. ⁹Ngocho vene, ngue munji yoya_ evi vikevyo vya kuanyene shukulu Yehova, Kalunga ka Yisaleli Moave aka kala ngue Sandoma, na vantu va Amone ngue Ngomola; Muhhela ua vinchoncho na mathima a mongua, mpambo ya ngocho. Vuno visupo vya vantu vange vaka vatambula, vaye vaka thalaho mushovo uange uka vafuka."¹⁰Evi vika yomboloka ku Moave na Amone mukonda ku lituntula kuavo, kutunda hova shaula na vukalu kuvantu va shukulu Yehova. ¹¹Keho aka vovuitha lyova, mukonda aka vihitha tulunga tuavo tua hantci. Mushovo uoshe uka mutcikamena yakeye, mushovo uoshe ku muhela uavo, kutunda kunchongo ya chifuti na ku mishovo yoshe.¹²Na vantu lalo njika vatuvanga na muele uange, ¹³na Kalunga akapangetha livoko lyendi na ndhili kuvulahe na kuvihitha Asilya, keho akapuitha Ninivayi mpambo ya ngocho, ya kuma ngue mu vindinda. ¹⁴Keho lika kala lya kundanda matangua, kathitu uoshe ua kulithatha; Kuoshe ku mpambo kua kala vatu kulu mampanda na tukulu mampanda va kateta muakama ku ntombi ntombi. Lijui lyavo lika tundilila ha vinjanena; vya ngocho vika kala ku vipampa vya vikolo; mukonda na fukula vya mukati.¹⁵Okuo kuakekuo kuyolela kua mu limbo kua kelemo na lyova lyahi, yiye ya kuanyenne mu mbunge yendi, "Ange, navimo vyahi nja lipua navyo." Vati yina hikunuka mpambo ya ngocho, muhela uva kahuimina vaka shuama. Uoshe uye akahitako aka yaya mukonda lyendi.

¹Cheke cha limbo lya kama lya kuvihya! Na vimpata na kupaketha. ²Ku chekutolilila ku lijui lya Kalunga, kutambula vuchili vua Yehova kuahi. Kathetelele Yehiva na kushena kuli Kalunga kuahi.³Vana va vimyene vava kentu vana kala vindumba vyakama mu kati keni. Dhingadhi dheni ku chinguedhi vanapu tungunga kuthi vimo vya yimene chimene. ⁴Vapolofeto va kuyena kathingimiko na vamala va kuyena kutcelela. Va Sasendote va ku jualetha vya kuyela nava kakuvihitha mashiko.⁵Yehova ua yela muli yendi vavenya. Kekilinga mulonga. Ku chimene ku chimene ayombolola vuchili vuendi! Kuvu kavanda ku lambi, vaku yeneka vuchili kuva yidhiva shuama.⁶"Ange njika tundithako mishovo; na kushandola membo avo. Njina lingi vingila vyavo vyakama mavoko voko, linga naumo uahi aka vahite vakevo. Membo avo akama njina ashandolaho linga naumo uahi ahinge. ⁷Ange nguange, mu vuchili unjuvuile lyova. Tambula kushungametha linga keti vaka miteteko kumembo eni na kuli voshe vinji nathinganyeka kulinga ndi kumilingila yeni; Vuno va hi ndukile chimenene vana shishua vatamekele kuvihitha vipanga vyavo vyoshe viva pangele.⁸Keho njitateleleni yange-nguendi Yehova nahaka litangua njikashama njilombele. Chitela change cha kukunguiya mishovo kuyi neha mu vumuene hamo, muku va palumuina matoto ange-nakuwemeka kuange kua kuvihya; Muomu livu lyoshe lika uema na tuhya tua lifuua lyange.⁹Yimba njikatengulula milomo ya vantu, linga voshe vaka tambakane lidhina lya Yehova na kumupangela kuvuchili na vuchili. ¹⁰Kutundilila musinya liye lya ndonga ya Chush vaku njipangela-vantu vange vashandoka vaka nehya mulambu kuli yange. ¹¹Kutunda ku litangua olyo konji kakuhaka kushuama kul vyoshe vyo vapanga kuli yangevya kuvihya, kutunda ha uola oyo njika tunditha mukati keni vaka kulituntula na vaka kulipamba, mukonda kuka lituntula lalo ku mukinya uange ua kuyela.¹²Vuno njiakathana vantu va kuyanda na vihutu mukati kove, Na vakevo vaka teuela mulidhina lya Yehova. ¹³Keho visupo vya Yisaleli kovipanga mulonga ndi kuka kuanya vishaki, ndi ndaka ya vishaki koyi kakala mutunua tuavo; keho vaka lithilako na ku ndandako, naumo uahi aka vovuitha lyova."¹⁴Himba, muna mukentu ua Siyono! Tambeka, Yisaleli. Yolela na kuvuahelela na mbunge yove yoshe, muna mukentu uamu Yelusalema. ¹⁵Yehova na tunditha chihitho chove; nombila kuti vaka vidhindo vove! Yehova yakeye muene ua Yisaleli mukati keni. Komu kateua mulonga mukati keni lalo! ¹⁶Kulitangua olyo vaka kuanya ku Yelusalema, "Keti uvue lyova, Siono. Keti utave mavoko ove adheye.¹⁷Yehova Kalunga kove muali muli yove, yakeye muene ue kukuohyela yove. Aka vuahelela hali yove na kuyolela; aka liholuetha hali yove na liyango lyendi; Aka vuahelela hali yove aka tambakana na kuyoyela. ¹⁸Ange njika kunguiya hamo vaye vali na vushona, vaye vona lihanguilile, linga keti uka tambule shuama kuvikevyo.¹⁹Tala ku ntcimbu oyo njika kulinguila vaye voshe vaka kuyandetha. Ha uola oyo, Ange njikohyela vaye va venduka na ku kakunguiya vaye vovombilile kuti hanja. Keho njika linga chishangala, na shuama yavo njika yitengulula kuva dhivuka hantci hoshe. ²⁰Ha ntcimbu oyo ange njika mituamena yeni; Hantcimbu oyo njika mikunguya hamo. Njika hana kumidhiva na kushangala vantu voshe hantci haye honji ka mivuanuetha nguendi Yehova.

¹Mumuaka uamu chivali ua Ndalinyu muene, mungonde yamu chitanu nayimo, mulitangua lya kulivanga lya mungonde, lijui lya Yehova lyedhile kulivoko lya Hangayi kapolofeto kuli nguvvulu ua Yunda, Zolombambele muna Saleteli ua lyala, na kuli kapolofeto ua kama Yehosua muna Yehozandake ua lyala, nguendi, ²"Yehova nguendi evi: Vyova kuanya vantu nguavo, 'Keti yikeyo ntcimbu yetu ya kuija ndi ya kutunga njivo ya Yehova.'''³Keho lijui lya Yehova lyedhile kulivoko lya kapolofeto Hangayi, ngualyo, ⁴"Yino yikeyo ntcimbu yeni vavenya yakukala mu vinjivo vyeni vya kuhua, ntcimbu kanda eyi njovo nolo yidhimangane? ⁵Ngechi vene Yehova nguendi evi: Talululeni dhingila dheni! ⁶Muna kunu dhimbuto dhadhingi, Vuno munehamo vya vindende; Mulya vuno ku uanya kuahi; munua vuno kumue kukolua. Mudhala vidhala vuno kumuvu ntuima, mu uana fueto ya dhimbongo mueku vihaka mu vinjato vya kutuika!⁷Shukulu Kalunga nguendi evi: "Talululeni vingila vyeni! ⁸Kandukeni ku mukinya, Neha mavaya, na kutunga njivo yange; keho njika yishangala, naku yivuahelela!-nguendi Yehova. ⁹Muathetelele vya vingi, vuno tala! uanehele vya vindende kunjivo, yange nja vipekumuine! Mukonda vika?" nguendi Shukulu Yehova. "Mukonda nja yongola hoya yungulukila, ha ntcimbu oyo eni umo umo mushatukila kuvinjivo vyeni.¹⁰Mukonda yeni lilu livindika lime kuli yeni, na livu livindndika vushuka. ¹¹Ange nja thanene lukukuta hantci naha mikinya, noku kulihuila na kuvinyu vya viha, naha madhi naha halenga livu, naha vantu naha tuthitu, naha halenga vipanga vya mavoko!"¹²Keho Zelombambele muna Salateli ua lyala, na Yehosua sasendote ua kama muna Yehozandake, kumo na visupo vyoshe vya vantu, vetavele ku lijui lya Yehova Kalunga kavo na mutumu na vantu vakele na kuthingimka kumesho a Kalunga. ¹³Keho Hangayi mutumua ua Kalunga, kuanya mudhimbu ua Kalunga kuvantu na kukuanya nguove, "Ange njili neni!-evi vikevyo vyana kuanya Kalunga!"¹⁴Keho Kalunga ua takamethele mpundhi ya nguvulu ua Yunda, Zelumbambele muna Salateli ua lyala, na mpundhi ya Sasendote ua kama Yehosua muna Yehozandake ua lyala, na vimpundhi vya visupo vantu vyoshe, linga vaye vakapange kunjivo ya Kalunga kavo. ¹⁵Ku matangua amakumi avali-naa uana mungonde ya muchitanu nayimo, ku muaka ua muchivali ua Ndalinyu muene.

¹Mu ngonde ya muchitanu na vivali mumatangua amu makumi avali na limo akungonde, Lijui lya Kalunga lyedhile kulivoko lya Hangayi kapolofeto uakama ngualyo, ²"Kuanya kuli nguvulu ua Yunda, Zelumbambele muna Salateli ua lyala, na kuli visupo vya vantu. Nguove,³Yiya nathalako hakati keni? Yiya ua muene eyi njivo vumpahu vuayo? Vati mumu yimona mualolo? Keti ngue vyahi lika mumona mumesho eni? ⁴Mualolo kali na ndhili, Zelumbambele!-nguendi Kalunga- kala na ndhili, Sasendote uakama Yehosua muna Yehozandate ua lyala; Kala na ndhili, na vantu voshe muchifuti!-nguendi Kalunga-navipanga, muomu ange njili nove!-nguendi shukulu Kalunga. ⁵Eli likelyo lyuvuathano lyo tua lyuvuathanene haye homua tuhukile mu Yingito, na mpundhi yange yemanene mukati keni. Keti muvue lyova.⁶Keho shukulu Kalunga ua kuanyene nguendi: Ka ntcimbu kakandende. Ange njika jajetha lilu na livu, ndonga Kalunga na ntunda! ⁷Ange njijajetha mushovo uoshe, na mushovo uoshe vaka nehya vyuma vyoshe vya chili vaka njinehelavyo yange, keho njika vuahelela munjivo oyo nguendi shukulu Kalunga.⁸Palata na Olu vikevyo vyange!-Shukulu Kalunga endi. ⁹Vumpahu vua njivo eyi vukala vuakama kutuvakana ha kulivanga, nguendi Kalunga, Shukulu, njikaneha chivovo-echi Shukulu Kalunga nguendi.¹⁰Mu matangua makumi avali na aauana mu ngonde yamu chitanu navi uana, mu muaka uamu chitanu ua Ndalinyu, lijui lya Kalunga lyedhile kuli kapolofeto Hangayi, ngualyo, ¹¹Shukulu kalunga nguendi: Yihula kasasendote vya veta, nguove, ¹²Nga muntu ambata mbunda yiye yovana tulikila Yehova yovana dhengela hachikoveyo, ngue mbolo yiye yova nocho ndi yakuteleka, vinyu ndi madhi, ndi nambe nkla vyakulya, vika yela?"" Keho sasendote aka kumbulula naku kuanya nguendi, "kuahi."¹³Keho Hangayi ua kuanyene nguendi, "Nga umo kayelele muomu kutca kuocha vilinge vyoshe, Kuatha vayeneke kuyela?" Sasendote akambulula nguendi, "mukemo, vakakala vaku yena kuyela. ¹⁴Hakeho Hangayi akumbulula nguendi, "Evi vili mu vantu na mushovo ou kumesho ange!-Kalunga nguendi-kumo na vipanga vya mavoko avo. Vika vaka njihana ange kova yelele!¹⁵Keho mualolo, thinganyeka mu mana ove uvuluke kutuamenena kua laya nahano lelo matangua a mualolo. Kulutue livue vali hakele kulivue mungeleka ya Kalunga, ¹⁶Vati vya kele ovio? Haye hauinja ku chiviha makumi avli amasha, vyakevyo vya puile likumi lika; namuje mu uinja kuchitenga cha vinyu muka kutekulamo makumi atanu lika, vyakevyo vakele makumi avali. ¹⁷Ange njika miyandetha navipanga vyeni vyoshe vya mavoko na litanya lya chivue, vuno nolo kumuedhile kuli yange-Evi nguendi Kalunga.¹⁸Thinganyeka litangua lya lelo na kulutue, kutunda ha matangua makumi avali na aauana amatangua mungonde yamu chitanu na yiuana, kutunda mulitangua lije vatamekele luvula lua ngeleka ya Kalunga yiva hakele, vithinganyeka vyacho! ¹⁹Muye munjivo ya kupungguila kanda movili vimbuto ndi? Chiti cha vinyu, na mukuyu, na chiti cha lomasi, na Olivela kanda vime; Vuno kutunda litangua lya lelo ange njika mivuavuetha yeni!"²⁰Keho liji lya Kalunga lyedhile luamu chivali kuli Hangayi mumatangua makumi avali naa auana akungonde naku kuanya nguendi, ²¹"Kuanya kuli nguvulu ua Yunda, Zolembambele, naku kuanya nguove, Ange njika yemanga lilu na hantci. ²²'Keho Njika uitha vituamo vya dhimyene naku yungululaho ndhili ya vyimyene na mishovo! Ange njika uitha matemba navaye valondelemo; Tukambe vaye valondeleho vauile, umo umo muomu mukonda muele ua mukuendje uavo.²³Muli tangua olyo-nguendi shukulu Kalunga-ange njika mimona, Zelumbambele muna Salateli ua lyala, nendi ngamba yange-nguendi Kalunga. Njika kupuitha munchele ua chimuetho, Hakeho ange njakuhangula yove! Eli likelyo lijui lya shukulu Kalunga.

¹Mulonga ua lijui lya Yehova kuli va Yisaleli ku livoko lya Malakia. ²''Ange njami yonguele yeni,'' mua handekele Yehova. Vuno eni mua handekele ngueni, ''Vati ua tu yonguele yetu?'' ''Keti Esau munayina ua Yakomba ndi?'' Mua nahandeka Yehova. ''Nolo nja yonguele Yakomba, ³vuno Esau nja mu dhindile. Mikinya yendi nja yi puithile ua ngocho, keho nja pangele kuhinga muhela ku vambanje vamu muthenge.''⁴Nga Endome ua handekele, ''Tuna vihya, vuno etu tuka tenguluka na ku tunga viye vya kutca,'' Yehova ua vimbunga aka handeka nguendi, ''Vakevo kuatha vatunge, vuno njika vombila lalo hantci. Vakuavo vaka thana vakevo 'Chifuti cha vaka kuvihya' na 'Vantu vaye vana vuila Yehova vukalu ku myaka yoshe.' ⁵Mesho eni aka mona evi, keho muka handeka ngueni, 'Yehova yikeye ua kama ku tuvakana vingamba vya Yisaleli.'⁶''Mona a thingimika yishe, keho ndungo a thingimika muene uendi. Nga ange, yange Yishe, ka thingimiko kange kulihi? Nga ange nji muene, ku nji vuila lyova change chi lihi cho?'' Yehova ua handekele kuli sasendote, vaye vaka kuyengula lidhina lyange. ''Vuno eni mua handekele ngueni, 'Vati tua yenguile lidhina lyove?' ⁷Mu kumbeleya mbolo ya ku vihya ha mutula uange. Vuno eni muka handeka ngueni, 'Vati cho etu tuna ku viyitha yove?' mu ku ngechiye chitafula cha Yehova cha ngocho.⁸Muye mu kombeleya ka puputua ngue chikombelo, chikecho chiye keti cha ku vihya ndi? Muye mukombeleya chilema na mavedhi, chikecho chiye keti cha ku vihya ndi? Chi hane mualolo kuli nguvulu ueni! Uka ka muya ku mbunge ndi aka kuitava ku mesho ove ndi?'' Muana handeka Yehova ua vimbunga. ⁹Mualolo njina milombela ku mesho a Kalunga, linga atu vuile mema ku li yetu. Vuno Yehova ua vimbunga a handeka ngechiye hamo na chikombelo cha livoko lyove, aka mitava eni vamo vihanga vyeni ndi?¹⁰''A, nga hakele umo hakati keni a tava ku shoka vikolo vya tembele, linga keti mu vuike tuhya ha mutula uange mu ngocho! Ka mua nji yile ku mbunge yeni,'' muana handeka Yehova ua vimbunga nguendi, ''keho ku niika tambula nkala chikombelo chitunda mu livoko lyove. ¹¹Muomu kutunda ha ku tuhuka kua litangua na ku heta ha ku lahuka chalyo vene lidhina lyange lika kama hakati ka vaka vifuti na ku mihela yoshe vaka lumbila lidhina lyange vihemba na chikombelo cha ku yela. Muomu lidhina lyange lika neha hakati ka vaka vifuti, muana handeka Yehova ua vimbunga. ¹²''Vuno eni muli viyitha mu mu handeka ngueni, chitafula cha Muene china vihya, na vuye vushuka vuayo, vya kulya vyacho, yikeyo vya ngocho.¹³Eni lalo mua handekele ngueni, 'Taleni, vikevyo ku li yandetha ngocho,' Muana handeka Yehova ua vimbunga. ''Keho muna neha chiye cha ku puanja na vindhili, na chilema ndi mavedhi; keho evi uneha ngue chikombelo. Cha nji pande ku tambula vya ngechiye ku livoko lyeni ndi?'' Muana handeka Yehova. ¹⁴''Vuno ua ku thinga uye muka vishaki yikeye mu vutanga vuendi ali na chidhamba , keho a lithinga na ku kombeleya kuli yange, Muene, chuma cha chipenga! Muomu ange nji Muene uakama,'' Muana handeka Yehova ua vimbuga, ''Na lidhina lyange vali thingimika hakati ka mishovo.''

¹Mualolo eni vasasendote, lishiko eli likelyo kuli yeni. ²''Nga ku muitava ku tolilila, keho nga ku muitava ku chi haka ku mbunge, mu ku thingimika mu lidhina lyange,'' muana handeka Yehova, ''keho njika tuma chithingo hali yeni, keho njika thinga vivedhikitho vyove. chili, njina va thingi vakevo, muomu mue ku vihaka ku mbunge.³Taleni, njka handekela mbuto yeni, keho njika thinga tudhi ku vinga, tudhi va viuano vyeni veni keho muka tca navo. ⁴Eni muka dhivuka ngechiye yange nji na mutumu lishiko eli lya litavyathanolyange likale na Levi,'' muana hankele Yehova.⁵''Lyuvuathano lyange lya kele muono na chivovo, na nge nja vihele kuli yikeye linga akale na lyova lyange, keho yikeye ua kele na lyova lyange keho endi ua komokele lidhina lyange. ⁶Lishiko lya vu chili lya kele mu kanua keni, na vuhenge kava vu uanene mu kanua keni. Endi uendele hamo lika nange mu chivovo na vu vyuke keho endi a tengulula vavengi ku tunda milonga yavo. ⁷Muomu milungu ya sasendote ya pande ku takametha mana, keho vana pande ku thetela lishiko ku kanua keni,muomu yikeye kanganda ka Yehova ua vimbunga.⁸Vuno eni mua tengulukile kutunda ku ngila ya vuchili. Eni mua hakele vavengi ku kala hamo ;lika na ka thingimiko ku lishiko. Eni mua viyithile lyuvuathano lya Levi,'' muana handeka Yehova ua vimbunga. ⁹''Ngocho, ange nja pangele na ku mi kehetha ku mesho a vantu voshe, muomu ove ku ua takamethele ngila yange, vuno muna thingimika mivila ya vantu ku lishiko.''¹⁰Etu voshe kati tuli na Tata yetu umo lika ndi? Keti Kalunga ua pangele yetu ndi? Vika tu pangela vungungu muntu uoshe na munayina muku shauitha lyuvuathano lya va tata yetu ndi? ¹¹Yunda na pangele vungungu chidhila va chi pange mu Yisalelina mu Yelusalema. Muomu Yunda na viyitha ku yela chiye cha Yehova cha yongola, keho na mbata muna mukentu ua kalu ga ua vifuti. ¹²Linga Yehova aka vatula ku muntu ku muntu uye aka panga echi, umo uye a hinduka no uye a kuanyana ko, nambe nga endi aneha chikombelo kuli Yehova ua vimbunga.¹³Yeni lalo mue ku chipanga echi: Mufuika mutula ua Yehova na mishidhi, na ku lila na ku vinjuoka, muomu nolo kanda a chitave kuheta ku chikombelo ndi ku tambula chidhango cha chili ku livoko lyendi.¹⁴Vuno eni mu handeka ngueni, ''Vika cho endi?'' Muomu Yehova ua kele mbangi hakati kove na mukentu uove ha vukuenje uove, nendi muna pangele vungungu, nambe mukentu ua kele mukueni na mukentu uove ku lyuvuathano. ¹⁵Keho yikeye ka pangele umo lika ndi, nambe ua kele na vithupo vya Mpundhi ndi? Keho vika vya pangelele yove umo lika? Muomu endi ua thetelele mbuto ya ku lemetha Kalunga. Ngocho takametheni yeni vavenya mu vimpundhi vyeni, keho keti mukale na vungungu na mukentu ya vukuenje uove. ¹⁶''Muomu ange nja dhinda ku kondola,'' muana handeka Yehova, Kalunga Yisaleli, ''keho umo uye afuika chikovelo cha muyoyo,'' muana handeka Yehova ua vimbunga. ''Ngocho takametheni yeni vavenya mu vimpundhi vyeni keho keti mukale na vungungu.''¹⁷Muna ka taletha Yehova na majui eni. Vuno mu ka handeka ngueni, ''Vati tuna muka taletha yikeye?'' mu ku handeka ngueni, ''Nkala umo uye apanga mulonga na vuaha ku mesho a Yehova, na vakevo va muya ku mbunge,'' ndi ''Kuiko ali Kalunga ua ku fuetetha?''

¹''Taleni, nji tuma kanganda kange, na yikeye aka vuayetha ngila kulutue lyange. Keho Muene, uye muka thetela, aka heta vuathi vuathiku tembele yendi. Kanganda ua lyuvuathano muli uye yimua yongola, taleni, endi akenja,'' muana handeka Yehova ua vimbunga. ²Vuno yiya atha ku kela litangua lya kuinja chendi? Yiya ake mana muye mua kenja? ³Muomu endi aka kala ngue feua ya muka kutunga ntanga. Endi aka tumama ngue muka kupangula na muka kuleletha mavue aku toka achili, keho aka toketha vana va Levi. Endi aka vuayetha vakevo ngue livue lya vunchele na livue lya ku toka lya chili, keho vakevo vaka neha chikombeleyo kuli Yehova.⁴Keho chikombeleyo cha Yunda keho Yelusalema chika vuaha kuli Yehova, ngue ku matangua a laya, ngue ku myaka ya ku laya. ⁵''Keho njika mi shuena mu ku mi pangula. Keho njika kala mukaleho ua ku kuingula vaka vulodhi, na kuli vaka vukuidhi, na kuli vaye ve ku paketha ngamba ku fueto yeni, na ntuluue, na ntciua, na kuli vaye va hangetha vya muka kulishuka, keho kova nju vuila lyova, muana handeka Yehova ua vimbunga.⁶Muomu yange, Yehova, ku nje kualuluka; ngocho vene eni mushovo ua Yakomba, ku mua tcile. ⁷Kutunda matangua ava yishe yeniva tengulukile ku vitume vyange keho vavi takamethele vakevo. Tenguluka kuli yange, keho njika tenguluka kuli yove,'' muana handeka Yehova ua vimbunga. ''Vuno mu handeka nguendi, 'Vati tuka tha kutenguluka?'⁸Muntu aka puanja vya Kalunga ndi? hanga eni muna puanja yange. Vuno eni muna handeka nguendi, 'Vati tuna puanja yove?' Ku chimo cha ku likumi na ku vikombelo. ⁹Eni vami thinga hamo na chithingo, muomu eni muli na ku nji puanja, mushovo uoshe vene.¹⁰Neheni chimo choshe cha ku likumi ku chishete, linga muka kale vya kulya mu njivo yange, na ku njetheka navyo mualolo muli evi,'' muana handeka Yehova ua vimbunga, ''nga ange ka nji mishokoluela vinjanena vya muilu, na ku muanyena chivedhikitho, ngechiye ko muka kala na muhela ha ku chitambuila. ¹¹Ko njika vindika muka ku vilya omo yeni, keho kali kenyeka vushuka vua livu lyeni, nambe muti ua vinyu ko uka lundumuitha vushuka vuauo ku mehya ntcimbu kanda.'' muana handeka Yehova ua vimbunga. ¹²''Na vifuti vyoshe vika mi tumbula vaka ku vedhuka, muomu muka kala chifuti cha ku vyuka, muana handekele ua vimbunga.¹³''Majui eni ana kulu mu ku nji panga njikole,'' muana handeka Yehova. ''Vuno eni muna handeka ngueni?' ¹⁴Eni muna handeka ngueni, 'Vika vituna handeka hakati ketu vavenya kuli yeni ndi?' Eni muna handeka ngueni, ''Cha ngocho ku pangela Kalunga. Keho nganyo yika tuna mono mu ku takametha lishiko lyendi, nomo tu nende na ku linyenga kumesho a Yehova ua vimbunga ndi? ¹⁵Ngocho mualolo tu tumbula vaka ku lihaletha ngue vana vedhika, chili vaye va panga vya mulonga vana litungitha, chili vetheka Kalunga, na kuovoka.''¹⁶Keho vuoshe vaye vo vuililile Yehova lyova va handekele umo na mukuavo, keho Yehova ua tolililileko na ku tolilila, keho mukanda ua thinganyeka vya thonene kumesho a yikeye vya vaye vo vuila Yehova na ku thingimika lidhina lyendi.¹⁷Na vakevo vaka kala vange,'' muana handeka Yehova ua vi mbunga, ''Vufuko vuange vavenya, ha litangua liye nja pangele. Njika vo hyela vakevo, ngue muntu munendi uye apangela yikeye. ¹⁸Keho vuoshe muka hiluke na ku nongongonona hakati ka vaka vungulu na vaka ku vihya, hakati kou pangela Kalunga na uye ke ku mu lemetha yikeye.

¹Muomu taleni, litangua liye likenja, lishuama ngue lutengo, muye voshe vaka ku lihaletha, na voshe vaka kupanga vya ku vihya ku kala vishuashua. Litangua liye likenja lika va tcimika vakevo,'' muana handeka Yehova ua vimbunga, ''ngechiye ka li ka va thila nambe mudhi ndi muntango. ²Vuno muomu uye ali na lyova lidhina lyange, litangua lya vungulu li ka katuka na ku vathaka mu vimbava vyendi. Keho muka tuhuka, na ku lithamba ngue vana vingombe va panga. ³Ha litangua liye muka lyatangela vaka milonga, muomu vakevo vaka kala lito kuintci lya myanja ha litangua liye nja panga,'' muana handeka Yehova ua vimbunga.⁴''Vulukeni lishiko lya Mosesa ngamba yange uye nja shikile yikeye ku Holembe muomu Yisaleli yoshe, vitume na kuishika. ⁵Taleni, njika mitumina kapolofeto Eliya te kanda liye litangua liye lya kama lya ku teuetha lya Yehova. ⁶Keho yikeye aka tengulula mbunge ya va yishe kuli vana, na mbunge ya vana kuli vayishe, kuteua ange nji kenja na ku pupa hantci na chithingo.''

¹Mukanda ua ku themuka kua Yesu Kilistu, muna Ndaviti, muna Avilahama. ²Avilahama ua kele yishe ua Yisake, na Yisake ua kele yishe ua Yakomba, na Yakomba ua kele yishe ua Yunda na vamunayina, ³na Yunda ua kele yishe ua Pelezi kuli Tamale, Pelezi yishe ua Hezelone, na Hezelone yishe ua Lama.⁴Lama ua kele yishe ua Aminandambe, Aminandambe yishe ua Nashone, na Nashone yishe ua Salmone. ⁵Salmone ua kele yishe ua Mbouaze kuli Lahave, Mbouaze yishe ua Ombeti kuli Lute, Ombeti yishe ua Yese. ⁶Yese ua kele yishe ua Muene Ndaviti. Ndaviti ua kele yishe ua Solomone kuli mukanjivo ua Uliya.⁷Solomone ua kele yishe ua Lehomboame, Lehomboame yishe ua Ambiya, Ambiya yishe ua Asa. ⁸Asa ua kele yishe ua yehoshafate, Yehoshafate yishe ua Yolame, na Yolame yikeye ua ku mushovo ua Uziya.⁹Uziya ua kele yishe ua Yotame, Yotame yishe ua Ahaze, Ahaze yishe ua Hezekiya. ¹⁰Hezekiya ua kele yishe ua Manase, Manase yishe ua Amone, na Amone yishe ua Yosiya. ¹¹Yosiya ua kele ua ku mushovo ua Yekoniya na vamunayina ku ntcimbu ya ku va kuata ku Mbambilone.¹²Kunima ya ku vakuata ku Mbambilone, Yekoniya ua kele yishe ua Sheyaletele, Sheyaletele ua kele ua ku mushovo ua Zelumbambele. ¹³Zelumbambele ua kele yishe ua Ambiyute, Ambiyute yishe ua Eliyakimi, na Eliyakimi yishe ua Azole. ¹⁴Azole ua kele yishe ua Zandoke, Zandoke yishe ua Akimi, na Akimi yishe ua Elyundu.¹⁵Elyundu ua kele yishe ua Eliyazale, Eliyazale yishe ua Mathane, na Mathane yishe ua Yakomba. ¹⁶Yakomba ua kele yishe ua Yosefe lyala lya Maliya, ku lya uye Yesu ua themukilile, uye ua kutumbula Kilistu. ¹⁷Ku mushovo uoshe ua kutunda kuli Avilahama na kuli Ndaviti kua kele likumi na yiuana lya mishovo, kutunda kuli Ndaviti na kuheta ku ku vakuata ku Mbambilone likumi na yiuana lya mishovo, na ku tunda ku ku vakuata ku Mbambilone na ku li Kilstu likumi na yiuana lya mishovo.¹⁸Kuthemuka kua Yesu Kilistu kua yombolokele mungila eyi. Vayina vendi, Maliya, va mulamenene kuambata Yosefe, vuno kulutue va ku kele kumolika, va ku mu uanene na ku kala na mivila yivali yaku Mpundhi Yakuyela. ¹⁹Vuno Yosefe, lyala lyendi, ua kele lyala ua vungulu keho kayonguele voshe shaule mukentu uendi, ngocho endi ua yonguele ku muvyana mu vushueke.²⁰Ngue yendi ua thinganyekele ku vyuma evi, na kangelu ua Muene yombolokele kuli yikeye munjodhi, na ku handeka nguendi, ''Yoshefe muna Ndaviti, keti ukale na lyova ku tambula Maliya ngue muka njivo yove, muomu umo uye ali muimo yikeye ua kutunda ku Mpundhi Yakuyela. ²¹Endi aka thema muna mukuenje, keho muka mutumbula lidhina lyendi Yesu, muomu endi akovola vantu vendi ku milonga yavo.''²²Mualolo vyoshe evi vya yombolokele linga chikale ngechiye chiye cha na handekele Muene hali kapolofeto, na ku handeka nguendi, ²³''Taleni, muna mukentu uye kanda ali mona na lyala, keho va ka muluka lidhina lyendi Yimanuele''' - nkumbu yalyo, ''Kalunga ali netu.''²⁴Yosefe ua hindukile ku tulo na ku panga viye vya muishikile kangelu ua Muene, keho endi ua mutambuile ngue muka njivo yendi. ²⁵Vuno endi ka mu muene noho na themene muna mu mala. Keho endi ua mulukile lidhina lyendi Yesu.

¹Kunima yesu na themukile mu Mbetelehema mu Yundeya mu matangua a Helonde Muene, taleni vaka mana vatundile kuvukilo vua litangua na ku heta mu Yelusalema na ku handeka nguavo, ²''Kuiko ali uye yi vana theme Muene ua va Yundeya? Muomu tuna mono ntanga ntanga yendi yitunda kuvu kilo ua litangua keho tunenja linga tua ku mulemethe yikeye.'' ³Muye Muene Helonde ua vyu vuile evi, endi ua dheyele , na vaka Yelusalema voshe vakele hamo lika na yikeye.⁴Keho Helonde ua thanene voshe hamo lika na vakuluntu va va sasendote na vaka kuthona ha kati ka vantu vaye, keho endi ua vehuile vakevo nguendi, ''Kuiko aka thema Kilistu?'' ⁵Va handekele kuli yikeye nguavo, ''Mu Mbetelehema mu Yundeya, muomu ngechiye vana thono hali kapolofeto nguendi, ⁶'Vuno eni, va Mbetelehema, mu chifuti cha Yundeya, keti ua mundende hakati kava ka kushika mu Yundeya, muomu kuli yove kukenja umo uye aka shika, uye aka kala kutakametha vantu vange va Yisaleli.'''⁷Keho Helonde ua vathanene vaka mana vaye muvu shueke ua va konkele nguendi ntcimbu yika ntanga ntanga yiye yina yombolokele. ⁸Keho ua va tumine ku Mbetelema, na kuhandeka nguendi, ''Kayeni na ku thetela muachili ka mbututu uye. Muye mo mu kamu uana mua ku nji leke ko nange lalo linga nja kuye na ku mulemetha yikeye.''⁹Kunima omo vovuile lijui lya Muene, va yile mungila yavo, taleni ntanga - ntanga yiye va yi muene kuvukilo vua litangua ya va tuamenene kulutue lyavo noho yedhile na kuimana haye ha kele ka mbututu. ¹⁰Muye muva muene ntanga ntanga, va yolelele na ku yolela kua kama.¹¹Keho va kovelele munjivo va muene kambututu nava yina Maliya. Va tcikamene na ku mulemetha yikeye. Va dhituile vitenga vyavo na ku muhana vuana vuavo yikeye livue lya vunchele na vihemba vya ku tcimika na nevi vya ku vuava. ¹²Kalunga ua va nanguile vakevo munjodhi keti va hiluke ku li Helonde, ngocho va yile ku chifuti chavo mungila yeka.¹³Kunima omo vana yile, na kangelu ua Muene ua yombokelele kuli Yosefe mu njodhi na ku handeka nguendi, ''Katuka, tambula ka mbututu na va yina, na ku teuela ku Yingito. Tumama kuye noho nji ka kuleka, muomu Helonde aka thetela kambututu ku mu tcihya yikeye.'' ¹⁴Vutciki vuye Yosefe ua katukile na ku tambula kambututu na va yina na ku ya ku Yingito. ¹⁵Endi ua ka kele kuye noho ha kutca kua Helonde. Linga vikale ngechiye vika viye vya na handekele Muene ku hitila muli vapolofeto na handekele nguendi, ''Munange nja muthanene ku Yingito.''¹⁶Keho Helonde, muye mua muene ngechiye vaka mana vana mukuithi, ua kele na vukalu. Endi ua tumine na kutcihya tumbututu tua tumala tuye tuakele mu Mbetelema na ku membo a mandende vaye vakele na myaka yivali na ku sheleletha, kushuama ku ntcimbu yiye endi ua va konkele vaka mana.¹⁷Keho ua vi puithilemo viye vya na handendekele kapolofeto Yelemiya, na handeka nguendi, ¹⁸''Vovuile lijui lya mu Lama, kulila na ku linyenyenga kua kama, Lakele alilila vana vendi, keho endi ketavele va mu holuethe, muomu vahiko.''¹⁹Muye Helonde ua tcile, taleni, na kangelu ua Muene ua yombolokele mu njodhi ku li Yosefe mu Yingito na ku handeka nguendi, ²⁰''Katuka na ku tambula ka mbututu na va yina na ku ya ku chifuti cha Yisaleli, muomu vaye vathetelele muono ua kambututu va na tci.'' ²¹Yosefe ua katukile, ua tambuile kambututu na va yina , keho vayile ku chifuti cha Yisaleli.²²Vuno muye uo vuile nguavo Alekelau na hingi ku Yundeya mu muhela ua yishe Helonde, endi uo vuile lyova lya kuya kuye. Kunima Kalunga ua nanguile ku njodhi, endi ua hilukile kuimbo lya Ngalileya ²³keho uedhile na ku kala muimbo lyakama lya ku tumbula Nazaleta. Linga chi kale ngechiye chiva handekele hali kapolofeto, ngechiye endi vaka mutumbula muka Nazaleta.

¹Ku matangua aye Youano mu ka kumbuitika ue dhile na kuambulula mulimbalanda lya ngocho lya Yundeya, ²''Tengulukeni, muomu vumuene vua muilu vuli muhyehi.'' ³Muomu ou yikeye ua handekele nguendi, ''Na lijui lya muka kutambeka mulimbalanda lya ngocho, ' Vuayetheni ngila ya Muene, vuayetheni ngila yendi.'''⁴Mualolo Youano vavenya ua kele na vidhala vua maka a ngamelu na muiva ua chikanda mu mbunda yendi. Vya kulya vyendi vya kele vimbimba na vuki vua mu muthenge. ⁵Keho Yelusalema, Yundeya yoshe, na ku membo oshe amandende na chifuti choshe cha lihata na Ndonga ya Yondau ua yile hanja kuli yikeye. ⁶Va va mbuitikile ku li yikeye mu Ndonga ya Yondau, mu ku litavela milonga yavo.⁷Vuno muye mua muene va Faliseo na va Sanduseo va vengi vedhile kuli yikeye mu ku va mbuitika, endi ua handekele kuli vakevo nguendi, ''Eni mbuto ya mambuambua, yiya na mi nangula kuteua vukalu vuye vukenja ndi? ⁸Ngocho vene yimeni vushuka uye vuna vuayela kuli tengulula. ⁹Keti mu livange ku lileka yeni vavenya, 'Tuli na tata yetu Avilahama.' Muomu njina handeka kuli yeni ngechiye Kalunga atha ku shitula vana va Avilahama nambe kumavue ano.¹⁰Keho mualolo vene ngimbu va na yi kambeka laya ha midhi ya viti. Ngocho vene chiti choshe kochimi vy

¹Keho Mpundhi ya tualele Yesu mulimbalanda lya ngocho linga va ka muetheke kuli Satana. ³Muye mua likelelele kulya matangua makumi auana na matciki makumi auana, ua kele na njala. ²Muka kuetheka uedhile na ku handeka kuli yikeye nguendi, ''Nga u Muna Kalunga, panga livue likale mbolo.'' ⁴Vuno Yesu ua kuanyene na ku handeka kuli yikeye nguendi, ''Va na thono nguavo, 'Muntu ka kovoka ku mbolo lika, vuno ku nkala lijui liye litunda mu mukanua ka Kalunga.'''⁵Keho Satana ua mu tualele yikeye kunjivo Yakuyela kuimbo lyakama na ku muhaka kuilu lya ka nchongua ka tembele, ⁶na ku handeka kuli yikeye nguendi, ''Nga u Muna Kalunga, lyumbile yove vavenya hantci, muomu vana thono nguavo, ' Endi aka leka tungelu tuendi mu ku kuovola yove,' Keho, 'Linga vaka kuambate ha mavoko avo, ngechiye keti uka punduke myanja yove halivue.'''⁷Yesu ua handekele kuli yikeye nguendi, ''Vana thono lalo nguavo, 'Keti uka muetheke Muene Kalunga kove.''' ⁸Lalo, Satana ua mutualele kuilu lya mukinya na ku muleketha yikeye vu Muene vuoshe vua hantci hamo lika na vungulu uavo. ⁹Endi ua handekele kuli yikeye nguendi, ''Vyuma vyoshe evi nji ka ku hana vyo, nga uka tcikama na ku nji lemetha.''¹⁰Keho Yesu ua handekele kuli ykeye nguendi, ''Tunda kuno, Satana! Muomu vana thono nguavo, 'Uka lemetha Muene Kalunga kove, na ku pangela yikeye lika.''' ¹¹Keho Satana ua muthile, keho taleni, tungelu vedhile na ku mu pangela yikeye.¹²Muye Yesu uo vuile ngechiye Youano vana muhake mu kamenga, endi ua yile ku Ngalileya. ¹³Ua tundile ku Nazaleta keho ua yile na ku ka tumama ku Kapename, kuye ku Kalunga ndonga ku Ngalileya kuimbo lya Zembulone na Nafutali.¹⁴Evi vina yombolokele ku puitha viye viva handekele kuli ka polofeto Yisaya nguendi, ¹⁵''Chifuti cha Zembulone na chifuti cha Nafutali, kulutue lya Kalunga ndonga, kuilu lya Yolondau, Ngalileya ya vaka Vifuti! ¹⁶Vantu vaye va kele mu muthithi vamuene mutangeko ua kama, na kuli voshe vaye vakele ku membo amandende na muthithimba ua kutca, hali vakevo ha shitukile mutangeko.''¹⁷Kuntcimbu yiye Yesu ua shangumukile kuambulula na ku handeka nguendi, ''Litengululeni, muomu vumuene vua muilu vuli muhyehi.''¹⁸Ngue uendanganene kumukulo ua Kalunga ndonga ya Ngalileya, endi uamuene vamunayina vavali, Simone ua luka Petulu, na Anduleu munayina ua lyala, va kutile manda avo mu Kalunga ndonga, muomu vakele vaka kukuata vantci. ¹⁹Yesu ua handekele kuli vakevo nguendi, ''Yinjeni, nji shuameni, keho nji ka mihaka vaka kukuata vantu.'' ²⁰Hantcimbu yiye vene vathile manda avo na ku mushuama yikeye.²¹Ngue Yesu ua yile ngocho kuye uamuene vamunayina vavali vamo, Tyango vana vavamala va Zembende na Youano munayina ua lyala. Vakele muvuato hamo lika na Zembende yishe yavo mu ku vuayetha manda avo. Ua va thanene vakevo, ²²keho haye vene vathile vuato na yishe yavo na ku mushuama yikeye.²³Yesu uayile ku Ngalileya yoshe, ua longethele mu vi thinangonga vyavo, ua mbuluile mudhimbu ua chili ua vu Muene na ku kanguitha ku nkala mavedhi hakati ka vantu. ²⁴Na mudhimbu uendi ua yile hanja ku chifuti cha Siliya yoshe, keho na vantu va mu nehelele kuli yikeye voshe vaye vayandele ku mavedhi na ku vavala, vaye yuva yandethele mpundhi yaku vihya, na vaka vikeka, na vaka tulepa. Yesu ua va kanguithile vakevo. ²⁵Mbunga yakama ya mushuamene yikeye ku Ngalileya, na Ndekapolise, Yelusalema na ku Yundeya, na kulutue lya Yolondau.