¹Kitabu ka ukoo wama Yesu Kristo mwana wama Daudi, mwana wama Ibrahimu. ²Ibrahimu neari ihe wama Isaka na Isaka ihe wama Yakobo na Yakobo ihe wama Yuda na anyandughu vakwe. ³Yuda neari ihr wama Peresi na Sera na Tamari, Peresi ihe wama Hezeroni na Hezeroni ihe wama Ramu.⁴Ramu neari ihe wama Aminadamu, Aminadamu ihe wama Nashoni, na Nashoni ihe wama Salimoni. ⁵Salimoni neare ihe wama Boazi kene Rahabu, Boazi ihe wama Obedi nkene Ruth, Obedi ihe wama Yese, ⁶Yese neari ihe mutami Daudi, Daudi neare ihe wama Sulemani kene mukhema wama Uria.⁷Sulemani neare ihe wama Rehoboamu, Rehoboamu neare ihe wama Abiya, Abiya ihe wama Asa. ⁸Asa neare ihe wama Yehoshafati, Yrhoshafati ihe wama Yoramu na Yoramu ihe wama Uzia.⁹Usia neare ihe wama Yothamu, Yothamu ihe wama Ahazi, Ahazi ihe wama Hezekia. ¹⁰Hezekia neare ihe wama Manase, Manase ihe wama Amoni, Amoni ihe wama Yosia. ¹¹Yosia neare ihe wama Yekoni na aruna wakwe va kikhosia neare vakahowa oenda u Babeli.¹²Neare vakahowa uenda Babei=li, Yekonia ihe wama Shatieli, Shatieli kuku wama Zerubabeli. ¹³Zerubabeli are ihe wama Abiudi, Abiudi ihe wama Eliakimu, Eliakimu ihe wama Azori. ¹⁴Azori ihe wama Zodaki, Zodaki ihe wama Akimu, Akimu ihe wama Eliudi.¹⁵Eliudi ate ihe wama Elieza, ihe wama Matani, Matani ihe wama Yakobo. ¹⁶Yakobo are ihe wama Yusufu mughasia wama Mariamu are akamufafa Yesu negutamwa Kresto. ¹⁷Ufafo wonge ukufuma kene Ibrahimu ukufikia kene Daudi ee ufafo ikumi na kane. Ufuma Daudi, mpaka uhorwa uendo u Babeli ufafo wa ikumi na kane Kresto mfafo ikumi na kane.¹⁸Ufafo wama Yesu Kiresto are wevii. Nyiya wakwe Mariamu, akachumbiwa na Yusufu nevakima mwana ne Mweru. ¹⁹Mukhasia wakwe Yusufu neare muntu ni winathuthi athina yanja umwira menyaa onchanya.²⁰Neakughemaneya mantu asaa, maraika wama Mungu akamudueya uridoti akamwera Yusufu mwana ama Daudi, utaoghope umhoa mukhema Mariamu mukhema ako, ''Soko urinto newinayo ne kwa nguu ya mwavu ne Mwera. ²¹Ujikitungua mwana wa kighosia ujomwietana nna rake Yesu kwa soko ujuwaokoa antu wakwe na mahufye awe.''²²Oghe ayai ekadiieya ne nahanyiwe na tata kwa jia a mwoni akahanya, ²³''Kavi mucha kuucha unto na ukufafa mwana wa kighosia, na kutanua nina rakwe Imanueli manayo Mungu na see.''²⁴Yusufu akafetya ufuma untuo na utend nino malaika wa Bwana na muhoa kinya mughemakwe. ²⁵Soko unji inaraa nayo paka newajuklitungua mwana wa kighasia naumwetana rinakwe Yesu.

¹Neare Yesu wafafwa u Bethelehemu Uyahudi omatiko a mfalume Herode, atu ne wasamie ufuma ukea akwenge wakaglia Yerusalemu vekahanya, ²''Wekufe usuyu ne wafafya mtemi wa Ayahudi? Kwaona njota akwe ukeya nasee kwajaa umwinaniesa.'' ³Nemutemi Herode wajotegheya ayai akahura, ne u Yerusalemu onge namweso.⁴Herode akawarunda akuu wa dini vonge na wandisi wa antu no agawawenya Kresto kufafwa kupe?'' ⁵Wekamuera kene Bethelehemu ya Uyahudi, soko neandikiwe na aoni, ⁶Vee Bethelehemu ughi eye o Yuda uti mayili kwa akiu wa Yuda soko ufuma kere veve ujie mtemi nejedema antu wane Esraeli.''⁷Herode akawaetana avoo asonmi ywa kifihiwo na vaweyane ihodo ike ino njota aighei. ⁸Akawatuma Bethelehemu, nohaya endi mwendomfenja mwana newa fafwa nemwamona ndetei nenonedahe uja na mwinamea.''⁹Newajumteghenya mtemi, vakaendelea na mhinjo wawe na njota esee neawameona ukeya ekawatongea noemekha untoo kene mwana newafafwa were. ¹⁰Neare wameona nkota wakayaja gwa uyanjo ne ukuu ino.¹¹Wakahefea ukhaya no uona mwana no wafafwa na Mariamu yiya wakwe. Wakamukuria na muinamea, wakakunukua akiba yawe na umufanyiga dhahabu, uvumba na manemane. ¹²Mungu undoti watasote kene Herode, wakaghenga no usuka ughewa gwa njia inge.¹³Newajuhegha, malaika wama Bwana akamuduya Yusufu uu ndoti, uhanya oka umohoe mwana na nyinya mudoree u Misri. Sagili kuko nejuwaera, soko Herode ukufenja mwana muraghe. ¹⁴Utiku Yusufu akafetia no uhoa mwana na nyinyano udorea Misri. ¹⁵Akaghekaa kuko mpaka Herode wakuya. Rekakhonda ereo na Bwana warechayige ufuma uumoni.''¹⁶Nea Herode waona wazarauliwa na antu nia wasomi akakasirika ino. Akaragheya wauraghwe anina vonge wa kighosia nea u Bethelehemu na vyoghe kieneo esee ne vina miaka evee na ulenda fanghe ugiwekeya ino ufuma kwa voo antu na wasomie.¹⁷Hafo ukakhonda ukhavi neawareghetiywe umwavu wa mwoni wama Yeremia, ¹⁸'''Sauti ikateghweywa u Ramah, kierea na mahogheyo ne makuu, Raheli kurera ana wakwe atayanje soko watifo kakhe.''¹⁹Herode newajukunya rava malaika wama Bwana akamdinya Yusufu undoti kuko u Misri no uhaya, ²⁰''Uka umuhoe mwana na nyinya wakwe mwende ughe Israeli kusoko avoo ni ufenja ufanga wa mwana va kuree.'' ²¹Yusufu akauka ukahoa mwana na yiya, na vagaenda ughe a Israeli.²²Newajutengenya Arikelau autawalie u Yudakene baba wakwe Herode ukaoghofa uenda kuko ne Mungu wajaumghiya undoti, ukaenda Galilaya, ²³akaenda ukikhaa unge neotwa Nazareti, irei arekakhonda ereo rahanyiwe naweghetwa kwa kerejia aoni manabii, ne kutanwa Mnazareti.

¹Umatiku ayoo Yohana Mubatizi akaja kutanatia uu nyika a Yuda no hanya, ²''Fei maghutie soko utemi wa kirunde we fife.'' ³Kusoko uyuyi akanenwa na muona Isaya nohanya, rori wa mutu nikuetana unyika, eki ija ujea ama tata, ghori makero akwe.'''⁴Yohana aoyete magosi a ngamea na mosifi wa ngosi ukeno kakwe. Mulewa akwe neanzige no roke wo kihaka. ⁵Nau Yerusalemu, Yuda aghe no khate nefimie mongo Yorodani wakaenda kene mweso. ⁶Neare weubatizwa na mweso u mongo wo Yorodani no ufea mahutie awe.⁷Yeso newajuvaona vige va Mafarisayo na Masadukayo neveuja kiene mweso no ubatizwa, akavaeranyee ufafo wanjokha ne wina sumu anyu newavahinia udua mbefa neenjie? ⁸Fafi mbesi neenoneyee ufea. ⁹Na mutagheme no kikhanea okhati anyu, kwina Ibrahimu ete tata witu, kusoko nafaera Mungu udahete umohumbuera ana nese ufuma umagwe uyai.¹⁰Kwadaheka kehendo kaekwa u miri amete. Ete mwe mute neutufafa mbesia ne njija kutemwa na ujoghotwa uu moto. ¹¹Novabatisa kwa maji gwa jea auhafei, yeso uyuo ne njie unyuma ane ne mukiu nepa nene ntinoneya uucha matu akwe, mweso kubatiza kwa mwavu ne mwero na wa moto. ¹²Naisekeso rakwe re ummkhono wakwe usafisia ulwanda wakwe na umekusanya ngano akwe uu ghalla. Nauyaregha makhambe na moto neutadaha urima.¹³Neare Yesu akaja ufuma Galilaya akaghea umongo wa Yorodani na ubatizwa na Yohana. ¹⁴Nyenso Yohana asiha umughiya akaganya nene nisighite na veve veno waja kini nene?'' ¹⁵Yesu wasucha wahanya yanja ihendeke vii fanoi soko inoneye ughondaneya tute oghe.'' Yohana akamyanjiya.¹⁶Neare wajubatizwa, hafo ne Yesu wajufuma omaje, rava irunde rekaroghuka kene mweso. Ne wanjumwona Roho wa Mungu ukusima kwa mfano wa njiwa no uhava uto akwe. ¹⁷Rava, rori ukafuma ukirunde no haya, ''Uyuine mwanane ne nemuyanjete, neganjisiwe ino na mweso.''

¹Na Yesu akathongewa na khoo hadi ujangwa akasoywa no murughu. ²Ne ufungiye kwa matiku makhume ane mumwe na utiku akahanga njaa. ³Msoyi waja no umukhanea, ''Mwese veve we mwana wa Mungu, yakhanie magwe ahendeke mukate.'' ⁴Yesu akamjibu na umwera, ''Eandekiwe, 'Muntu athroo ishi kwa mukate utruufu, ila kwa mweukhani neurefumye umwaho wa Mungu.'''⁵Na murughu akamthroa ungee ne ntakatifu no umweka otho ino ukhijengo ra hekalu, ⁶Noumwera mwese veve we mwana wa Mungu, kijoghothe fange, kwa soko eandikiwe ujo vakhanea malaika vakwe vaja khudaka, 'No vakuhumbue kwa makhono awe ili uthakhangokwe no mughuu wako ukigwe.''⁷Yesu akamwera, ''Kanke eandikiwe, 'Uthramosoye Mungu wako.''' ⁸No murufhu akamuhoa na umuthroa ufande wonto ino akamwaghea ntemi yonge yongee na uja isiyi yonge. ⁹Wamukhanea nejookhufa manto onge ayai newanyinamea na uthungamea.''¹⁰No Yesu akamwera, ''Enda oko hegha afayi, Murughu! Kwasoko eandikiwe, ''Enoneye umuthrungamea Mungu wakho no umuthrumekee mwenso wiyene.''' ¹¹No murughu akamureka, na rava, malaika vakaja na umuthumekea.¹²Yesu wajothegheya Yohana wakathwa, wafwaya mpaka Galilaya. ¹³Akafwaya Nazareti wenda na uishi Kapernaumu, neefo mpeompeo no bahari a Galilaya, umeembe a majimbo a Zabuloni na Naftali.¹⁴Eree rekadweya utimiza eroo nerekaengethriwa na nabii Isaya, ¹⁵''Unge a Zabuloni nange a Naftali uelekea ubahari, ungambo a Yorodani, Galilaa omataifa! ¹⁶Antu nevakekhee ukithri vaoona weru ne ukuu, no avoo nevakekhee ukiivuli kamauti, onto awe weru uvaakie.''¹⁷Ufuma ikhondo isee Yesu akaandyothranatya na uhanya, ''Feyi, kwasoko unthemi wokirunde wahumbea.''¹⁸Nekoenenda umpeompeo a Bahari a Galilaya, akavaona anyandagho vavere, Simoni nekoethranwa, Petro, no Andrea kaka wakwe, nevothregha nyavu ubahari kwa soko neavuvi va samaki. ¹⁹Yesu akavera, ''Njii mosambeye, nejovahenda mwavuvi wa anto.'' ²⁰Kinyahafo vakaireka nyavu na umusambeya.²¹No Yesu nekuenda kufuma akavaona anyandogho voya vavere, Yakobo mwana wama Zebedayo na Yohana kaka wakwe. Nevevonge umutumbwi no tata wawe nevothruma nyavu yawe. Akavetana, ²²no kinyahafo vakareka mutumbwi na tata wawe vamosambeya.²³Yesu akaenda uhumbea Galilaya onge neokofundisha omasinagogi awe, neukutananta ukhaniwa untemi, no oforya marue akila namna kuantu. ²⁴Khani yakwe ihanea usiria inge, no antu vava eta kene mwenso avo vonge nevowaa, nevemarue hiyahiya no mavai, nevina mapapo, no avoo nevotaghwa na khoo no nevapoozye.Yesu akavaforya. ²⁵Irondo nirikuu ra anto vakamasambeya ufuma Galilaya, no Dekapoli, no Yerusalemu no Uyahudi na ufuma ungambo a Yorodani.

¹Yesu newaona irando, akahegha noelekea ukethanto. Neawakikhaa faghe, anafunzi vakwe vekaja kene mweso. ²Akakunukua momo ivakwe akavapundisia no ohanya, ³''Bahu ataki voo khoo utemi wa kirunde ne wawe. ⁴Bahu nivina soko wajofarijewa.⁵Bahu avoo neafoo soko vajorisi ghee. ⁶Bahu nevinanjaa na yweta a tute, soko asara najoikutwa. ⁷Bahu nevina rehema kwa soko asaa vehanga Rehema. ⁸Bahu nivina khoo nenjija kwa soko vajomwona Mungu.⁹Bahu neveupanisia kusoko asaa vajoetanwa anavaa Mungu. ¹⁰Bahu nifuukhaswaa, kwa soko atute soko utemi wa kirunde ne wawe.¹¹Bahu nyene ne antu vajivatuka no vakhasia au uvahanya gwa aina ave khene nyenye kwa soko ane. ¹²Nyanji no sangilia, soko thawabu anyu ne khauto girunde. Kwa soko ayai ndio ufeuwatesa manabii neaviishi nyuma untu.¹³Nyenye mwe munyu wo uremi. Onyeso ne munyu wayaghaya lombe ayo atendeka ore munyu neoja kanke? Etutendeka njija kwa inturegeja kanke, kwa soko eseee eujoghutwa unji no ufanangewa na meghuu antu. ¹⁴Nyenye mwe weru wo uremi. Nge neejengiye onto o kethranto uthrokifiha.¹⁵Hathra antu vathriacha thraa na umeeka fange ukikapu nyenso kunto, nyenso yovamwekea vonge nevo munge anyumba. ¹⁶Reka weru wanyu ueriye usonge antu kwanjea ne akwamba, vaone ntendo yanyu ne njija no umukurya tata wanyu nekokirunde.¹⁷Mthrangeme najo mifira sheria hathra aoni. Ntiaja ufira nyenso uhenda. ¹⁸Thruthre novera kamwe irunde na nge yonye ifwaye kuthrii yodi emwe hathra nukta aemwe a sheria neejoheywa usheria hadi hafo kila intu sora hendwa.¹⁹Kwasoko usuu newavunja amri iyii na uvaseya vange, uthrenda iyoo ojaethranwa monyoi ukothremi wo kirunde. Nyenso osoo nikokwathrea na oiseya ujoethranwa mukuu ukuthremi wo kirunde. ²⁰Soko novera thruthre anyu neadea nanka thruthre a andishi na Mafarisayo gwavyovyote muthuhefea ukuthremi wokininde.²¹Mwathregheye anenive khenge kua,''Uthraoraghe no usoyo neukuoragha weso ukhurughu neukuu.' ²²Kusoko nevera usuyu newamhura muna wakwe, ukuhendeka ukurughu wo hukumu. No usuyu munakwe vii, vee we muntu neutinoneye! kutendeka umbefa oo baraza. No usiiu nekuhaya, veve umfutu, 'Veve umfutu ukuhendeka ukurughu wo moto vo jehanamu.²³Mwese kufunya sadaka ako kene madhabahu no kumbuka gwe mna wako wina into lolote kene veve, ²⁴mereke sadaka usonge ao madhabahu, naenda unjia ako, fatana tanju no mnako, naend aumefunya sadaka ako.²⁵Fatana no mwiremwi wako ure, nekee mwinakwe unjia uenda umahakama, nesoko mwiremwi wako wefokureka mikhono ama hakimu, no hakimu ukureka mukhono asikare, navee kujughatwa u gerezani. ²⁶Tute nokwera, neutuekwa huru paka urefe senti a mwiso nekudaiwa.²⁷Mwategheyee eandikiwe vii, usizini.' ²⁸Kweso neufaera yeyote nekumurava mukhona, nomuyanja wadaha uzini nayo ukhoo akwe.²⁹Neama riho raka kelelo rekusacha kikwa, neuta norejukhuta kure no vee. Kwa soko bahu kiungo kimweda ka mwere wako kifirike kuliko mwere woghe ujughutwa ujehanamu. ³⁰Ne mkhono wako wo kelelo newakusacha uvara, uteme no ujughuta kure na vee. Kusoko ne bahu kiungo kimwe ga mweru kifirike neti mwere woghe ujughutwa ujehanamu.³¹Na ereghetiywe vii, yeyote newamujucha mkhema no umufa mwandiko wa talaka.' ³²Kusoko ne novera, usuu newa mweka mukhema wakwe, bila soko a zinaa, gumtenda ahendeke mzinzi. No usuu negumurongoa neare wafawa talaka ukutenda uzunzi.³³Kanke mwataghenye aneniwe kwa avoo vakhae, mtakiafee kwa uregheghe, nyenso toi viapo vyanyu kene tata.' ³⁴Ksoko novaera, mutagiafige ne kunyui, ne kwairunde, na kwa soko akhae aa Mungu; ³⁵Neiti kwa ghee soko ne sehemu aukia itubero upanangea sambi yakwe au kwa u Yerusalemu, soko nenyee utemi ne akuu.³⁶Wala utakiafie kwa ono wako, soko utudaha utenda ujee umwendo utendeke weru au wiru. ³⁷Bahu khani yanyu itendeke, hoo, hoo, apana, apana, kwa soko ne anakhee ayoo ufuma unyoo mrughu.³⁸Mwategheye aneniwe, riho kwa riho, oo rino kwo rino.' ³⁹Kusoko ne novera, motasindane na muntu muovu; kusoko muntu newakuantwa uhaya wa kulia move na woya.⁴⁰Nese yoyote winyumbu uenda na veve umahakama na wakuheyeya kanjo ako, murekee joho rako. ⁴¹Na usuu ne ukukuonyea uenda nayo maili imwe ne ukusugha ukukofa. ⁴²

¹Kantea utenda tendo ne njija u songe antu no kionyesha, kwasoko utuhanga mboto ufuma khene ntanta ne ukirunde. ²Soko asee nekufunya utakhe tarumbeta no ikisifu maghonjo kinya ahongei neveutenda uu misikiti no mintaa, soko aseye antu vavasifutute no vaera, vadahie uhanga mboto awe.³Gweso veve nekufunya mukhono wako wa kimoho utamanye nerothredwa no mokhono wa kulea, ⁴Ente kamwe zawadi ako ifume gwa kifihiyo ndio tata wako nekuona ukifihiyo kukuhangeya mboto ako.⁵Newatendeka kuomba utatendeke kinya anafiki, kwa soko wayanjete uemeka uomba uu misikiti no kona yoo mitaa soko antu vavarave. Tute novaera vadahie uhanga mboto yawe. ⁶Gweso veve, nekuomba, hefea uchumba. Funga mulango na ulombe kene tata wako nekuona ukipihe. Neare tata wako nekuona uu kifihiyo kukuhangiya mboto ako. ⁷Newa tendeka kuomba utasukiange, sukiange khani nitina maana kinya mataifa nefeutendaa kwa soko veughema vetegheywa kwa soko akhani nyinge neviyahanya.⁸Basi untatendeke kinya asaa, kwa soko tata wako umanyie shida yako niki winaomba kini mwenso. ⁹Are basi omba vii, tata witu wa kirinde, rikurwe rina rako. ¹⁰Utemi wako uje, mafenji ako ahendeke ukurime kinya kuko ukirunde.¹¹Ukupe mukate witu wa mwitiku. ¹²Ukwamehe deni itu, kinya sese nikuvasamehea adeni vitu. ¹³No utakuete uifimo, kwasoko kusunte no umurughu.'¹⁴Ni mwavasamehea mahutye awe tata itu ni ukivirunde ukuvasamehea nyenye. ¹⁵Kwenso ni musamehea mahutye anyu.¹⁶Umantu onge ne wahendeka ufungie utaonyeshe ikeru na uvaikinya anafiki ni vuhenda kunsoko vuhinina umakenu awe ili antu vavamanye wafungie. Tute nokwera wandahie uhanga mboto awe. ¹⁷Gweso veve newahendeka ufungie, ira makutha itwe rako no wonye wako. ¹⁸Soko itukuonyesha songe antu ne ufungie, gweso utendeka kene tata wako no kusiri. Na tata wako nekuona usiri, kukufa mboto ako.¹⁹Utakiekeye sadaka ako mughonjo hafai unge kene nondo na kutu vatudaha ufira, no kene waivi viuvunja no uiva. ²⁰Kwa sokoaya, kituzie sadaka ako mughonjo ukirunde, kene kutie nondo wala kutu atunda ha ufira no kene waivi vatu udaha no. ²¹Kusoko sadaka yako kene ire, na khoo ako utendeka ekuko.²²Riho ne kimweri ka mwere, ne gweso rahendeka rifanya, mwere wonge kuijuywa weru. ²³Nyeso nerahendeka riho rako tibofu, mwere wako wonge kukijua wiru neukuu! ²⁴Kutie hata omwe nekkudaha uvasughulikie ma bwana vavee, kusoko kumuhura umwe no muyanja monya, au ne tiuyi kukifunya, no umfefa monya. Utugaha umutumekea Mungu no ugware.²⁵Neare no kuera utahange mashaka uhusu maisha ako, kulia toni au kunywa tuni, no umwere wako kuyaa ntuni, maisha tii zaidi malewa na zaidi amasaa? ²⁶Rava nyonyi ne yu angani, itupadea na urunda ghalani, soko asee, tata wangu wo kirunde, kuvabisia veso. Nyenye mutiva thamani ino kuliko veso?²⁷Ne anyu kene nyenye nekudaha ukiha ngaekea no udaha ukiongeya dhiraa emwedo ukufanga wo maisha akwe? ²⁸Noasike ne mwina wasiwasi uhusu masaa? Ngemi uhusu maua ne meghunda, ninoukua atatenda mwemo na atudaha ukiyeeha. ²⁹Kauke novaera, hata Sulemani uku uja wakwe wonge inayechwa kinya umwendo wa ayai.³⁰Nesa Mungu kuyayecha mahwa kene meghunda, neukikhaa itiku remwe na fadio eujughutwa u moto, je nekwa kiasi ike kuvayecha nyenye, nyenye ne mwina uhufei unyuii? ³¹Kusoko asee mtahange wasiwasi no kuhaya, je kulia ntuni? Au je kunywa ntuni? Au je kuyaa masaa ake?''³²Kwa soko mataifa veufenja mantu ayai, na tata wanyu wo kirunde umanyie nemuyasegha ayai. ³³Kweso mwandio ufenji ufalme wakwe haki akwe na ayai onge kufewa veve. ³⁴Kwa soko utaone wova kwa ajili afaidio kwa soko fadia ikisughulikia nyeso, kila ituku reukisughulikia reso, mwe itikureutosha no khasi yayo.

¹Utahukumu, navee utaje ujuhukumiwa. ²Kwahukumu nekuhukumu, navee ujuhukumiwa. Na gwa kipimo nekukifima na veve ujupimiwa ekeko.³Ne ntani kurava kipande ka muti ne kiu riho munako, nyeso utimanyie kipande ka ighogho ne reu riho rako? ⁴Kudaha ure uhaya kene muna wako, india nekuheyeye kipande neke uriho rako, nechu kipande ga ighogho ge munge riho rakoo? ⁵Mohongei vee; audia uhonya ighogho ne reuriho rako, ndio kudaha nona inja no kiheya kipandega ite keu riho ra munako.⁶Utavafe mbwa ne ketakatifu, na utavaghomie nyuma lulu songe awe. Kusokoayoo veuvifira nauvinangea kwa mighuuu, na kerike veukegeukea veve na kararua kipande kipande.⁷Omba navee kuphewa. Fenja navee kuhanga khwa hodi na veve kufungulewa. ⁸Kwa yeyote nekuomba, kuhanga. Na kwa yeyote nekufenja kuhanga. Na kwa mutu neu kughwa hodi kuroghwerwa. ⁹Au kwina mutu umukhate anyu, ne mwana wakwe wa mwomba kipande ka mukate kumupa igwee? ¹⁰Au newamwomba samaki, na mweso kumupa njokha?¹¹Ne nyeso nyenye ne mwe anya mahutre mumanyie ufafa ana ukuyu zawadi ne njija, Je! Ne juva kiasi ike ino ne tata wanyu ne kukieunde kuwafa mantu ne maja avoo neve umwomba mweso? ¹²Kwa soko isee, newayanja utendewa intu lolote na antu wanyenja, na veve no ekunoneye uvatendea viji veso. Kwa soko esee ne sheria na manabii.¹³Hefei gwa ukera mlango ne unyui. Kwa soko mlango ne ughare na njia ne ghare eutongea kuneufe, na kwina antu vinge neveukera njia esee. ¹⁴Mlango ne unyui mlango ne unyui ne njea ne uongoza kiene ufanya na wakei nevedaha meona.¹⁵Sasaki umanabii wa uregheghe neveuja unyete mukunja wa khoo kusoka ntute ne bwecha nekhae. ¹⁶Gwa mbesia yawe muvamanya. Je antu veudaha uchuma mbesia umaghuya, au tini umute wo mubaruti? ¹⁷Kwakoko esee, kila mute neuja gufafa mbesia nejija, mute uve kufafa mbesia ne bee.¹⁸Mute neuja utudaha ufafa mbesia nembee mute ne uve ufafa mbesia ne njija. ¹⁹Kila mute ne utufafa mbesia ne jinja kutemwa no jughutwa umoto. ²⁰Nenyeso gavamanya ukera no mbesia yawe.²¹Ti mu muntu negubwera nene; Bwana, Bwana, 'Ne gukea kene utemi wo ngirunde, gwe ne uyune guyatenda mafenji ama tata wakwe ne ukirunde. ²²Antu vinge vajumbwera itiku resee, 'Bwana Bwana, gwina ufumya unabii gwa rina rako, gwina ufumya mapepo gwa rina rako, no gwa rina rako gwino utenda tendo nenyinge ne khuu?' ²³Nyeso nejuvaera wazi, 'Tivamanyie! Hengi gene nene, nyenye ne mutenda ne mave!'²⁴Gweso, kila umwe nekutegheya khani yane no utii uku fanana na muntu ne wina ihaa nejengie nyumba akwe anto mwamba. ²⁵Mbua afonda, mafuriko aja, no upepo no umeghua nyumba a esee nyeso insdaha ugwa fange, kusoko aejengie onto oo mwamba.²⁶Kusoko mu muntu nekuteghenya khani yane no udea utii, kufanananishwa no mntu ne mupumbafu neujengie nyumba akwe anto a mahangahanga. ²⁷Mbua ekaja, mafuriko akaja, no upepo ukaja no umekhua nyumba esee, na ekagwa na ufe wakwe ukakhonda.''²⁸Ukaghea ukhonda ne Yesu akadaha ureghetia khani isii, antu vekashangazwa na maseyo akwe, ²⁹Kwasoko akafundisha kinya muntu ne wina mamlaka ana ti kinya andisi vawe.

¹Ikhondo resee Yesu akasima fange ufuma umlima, irondo nerikuu rekamusambeya. ²Rava, mkoma akaja no msujudea usonge akwe akahaoya, ''Bwana, newahendeka wetayari,kudaha ntenda nehendeke hesafi.'' ³Yesu wanyosha mkhono wakwe no mutenya, nohanya, ''Netayari.'' Tendeka we safi.'' Hapo hafo wafo kwa ukoma wakwe.⁴Yesu akamwera, ''Tava nautahanye kwa mutu yeyote. Honga njia akio, no kionyesha mughonjo kene kuhani no ufunya zawadi neare Musa akaragheya, kwa soko a ushuhuda kene veso''⁵Ikhondo rasee Yesu kafika Kapernaumu, Jemedari akaja kene mweso ukamuwenya no hanya, ⁶''Bwana, mutumami wahe uree ukhaya upoozie na wina mavai utisha.'' ⁷Yesu akamwera, ''Nejie no muforia.''⁸Jemedari akasucha na akamwera, ''Bwana, nene ntiwasamani hata uje no kea,mughe a dari ane,haya ineno tuu no mtumami wana ukuforwa. ⁹Kwa soko nene none mutu ne nina udaho,na nina asikari ne veu fang'e ane.nenahanya kouyui enda no kuenda,na kwa muya njuu na mweso kuja,na kwa mutumami wane,tenda vii na mweso ukutenda ¹⁰uyi.Hafo yesu neajutegheya ayai,akashangazwa na akavaera avoo neare wamusambeye, ''Tute novaera ntina ona mutu ne wina imani kinya uyui kene Isreli.¹¹Novaera, vinge vajie ufuma ukeya no umweri, vajokikhaa u meza na vaa Ibrahimu, Isaka, no Yakobo, kene utemi wo kirunde. ¹²Nyeso ana va ufalume vajojoghatwa kene khitiko unji, negweso gujutendeka na kereo usiamino.'' ¹³Yesu akamwera Jemedari, ''Enda! Kinya wadaha uamini, na itendeke uyi ukhako. Na mutumami akaforwa u saa isee.¹⁴Neare Yesu avajoghea nyumba ama Petro, akamwona nyinya ne mukwe wakwe no Petro uree na uwire urue. ¹⁵Yesu wamutenya mukhono wakwe, na homa akwe ikamurekea, na kapetia akaandia umuhudumea.¹⁶Neajuhhea mupindi, antu vegamwetea Yesu vinge ne vetawaliwe na pepo. Akavajucha pepo na are akawaporia. ¹⁷Kwa soko esee akatimia anyoo ne adahie na Isaya nabii, mweso mughonjo akhahoa marue ito na akaucha maremwe ito''¹⁸Ne Yesu wajureona irundo remozungukie, akafunya masoyo uenda ufande wuya wo bahari o Galilaya. ¹⁹Na mwandishi akaja akhakwe no umwera, ''Mwalimu,ne ukusambeye kokote kene winje.'' ²⁰Yesu akamwera, ''mbweha vina makhombu, na nyonyi nyoto ina virurwo, nyeso mwana wama Adamu atina sehemu aurecha itwe rakwe.''²¹Mwanafunzi umwedo akamwera, ''Bwana, nduhusutanjo ne ende umweka tata wane.'' ²²Gweso Yesu akamwera, ''Sambeya, no uvareke ukuyi vava eke ukuyi vawe.''²³Yesu newajokea u matumbwi, anafunzi wakwe vakamsambeya umutumbwini. ²⁴Rava, ikauka dhorumba khuu unto a bahari mara mtumbwi ukakunukewa na mawimbi nyeso Yesu a uree. ²⁵Wanafunzi vekaja gene mweso no umufetia no mwera, ''Bwana, guareye sese gwaelekea ukuya!''²⁶Yesu akavaera kusoko eke muteja, nyenye ne mwina imani nyui?'' Basi akafetia no uangera upepo na bahari, basi gukatendeka utulivu ne ukuu, ²⁷aghosia vakakatwa no ushangao na haya, uyui ne mutu wo aina ike, ne upepo wo bahari kumutii mweso?''²⁸Khondo Yesu nea waja ukufande waya wo magadala, aghosia wavee neavatawaliwe na pepo vagatana nayo. Are wafumie umakaburini na feutenda vurugu ino, basi kutie muntu ne mosafiri nekukera njia asee. ²⁹Rava vekakuria mukindo no uhaya, kwina ntuni utenda kene veve mwana wa Mungu? Waja hafai ukutesa kabla wakati ufika?''³⁰Basi ikundi rikuu ra nguma aro ndema ati kue ino neavere, ³¹Pepo vega endelea ulalameka kene Yesu no haya newakuamuru kuvume, kutoe u kikundi ra nguma.'' ³²Yesuakavaera, ''Endi!'' Pepo vekafuma hoenda unguma, rava, ikundi ronge rekasima ufuma umulima usimia ubahari na ronge rekakuyea u maje.³³Aghosia neare veudema nguma vekadoa, nea venda umjini vikaelezea mo intu, hasa nearatokea gwa aghosia nea vatawaliwa na mapepo. ³⁴Rava mji wonge ukaja utana na Yesu. Neavamwona, vegamwomba aheghe o mkoa wawe.

¹Yesu akahefea uboti, wavuka no ufika o mji neakuishi. ²Rava vegamuretea muntu neu pooziye urehiye kene godoro. Neawameona imani awe, Yesu akamwera muntu neopozie, ''Mwanane, tendeka wina furaha, mahutie ako asamehewa''³Rava, Baadhi a alimu wa sheria wakakiera veso gwa veso uyui muntu kukufuru'' ⁴Yesu wamanya maghemo awe no akahanya. Kusoko eke nemoghema ne mave ukhoo yanyu? ⁵Refe ne riuro uhaya, 'Mahutie ako asamehewa, au uhaya imeka na uenenda?' ⁶Nyeso mumanye ne mwana wa Adamu wina nguu no kusamehe mahute...'' akahaya ayai gwa uyuo nea upoozie, emeka, hora godoro rako, no uende nyumba ako''⁷Ndio uyuo muntu akaemeka na uhegha no enda unyumba akwe. ⁸Irundo nevajuona ayai vegashangaa no marumba Mungu, newavafie udaho usuu antu. ⁹Yesu newahendeka kukea ufuma kuko akamwona muntu neare kuetaiwa gwa rina ra Mathayo, neare a kukihkaa ufande wa watoza ushuru. Mweso akamwera, ''Sambeya nene'' mweso akaemika no umusambeya.¹⁰Yesu newajokikhaa ili alie malewa mughe a nyumba, vegaja atoza ushuru vinge na antu ne anyamahutie vegahangea malewa na Yesu na aseyi vakwe. ¹¹Neare Mafarisayo vajuona uyoo vegavaera aseyi kwa soko eke mwalimu wangu ne kulia malewa na watiza ushuru na antu ne anya mahutie?''¹²Yesu newajutegheya ayai, na akahanya'' antu ne vina afya ne njija vatufenja maghanga, ne ate avoo ne ivawire. ¹³Evanoneye muende ukifundisia mana ayo, ''Neyanjete rehema no sio dhabihu'' kwa soko najie, ti gwaanya haki vatubu, gweso gwa anya matutie.¹⁴Hafo useyi wama Yohana vegaja kene mweso no haya kusoko eke sese na Mafarisayo kufunga, nyeso aseji vako vatufunga?'' ¹⁵Yesu wavera, Je atindikei va harusi veudaha utendeka no uvai ne Bwana harusi ne wepamoja naveso? Nyeso matiku ajie ne Bwana harusi ujohowa ufuma khawe, no hafo vejufunga.¹⁶Kutie muntu nekueka ifande ra isaa ne rifya ukisaa rakhae, kiraka kejotatahuka ufuma ukisaa na ukhafuki ne ukuu ujukighea.¹⁷Kutie antu neveuka mvinyo ne upia kene ibele ne vatenda ngozi eohafuka, mvinyo ukufaghata na ngozi eofirika. Gweso ayo veuka mvinyo ne upya kene ngozi nempia no oghe utendeka ku usalama.¹⁸Neja Yesu wahendeka kuvaera mantu ayai, rava, afisa akaja akamwinamea usonge akwe, na akahanya, ''Muchane wakuya fifeii gweso njuu uike mkhono wako unto akwe no mweso kuishi kanke. ¹⁹Ndio Yesu akaemeka no umusambeya na useyi vakwe.²⁰Rava, mukhema ne akufunya saghami gwa muda wa miakha ikumi na evee, akaja fife no Yesu no akatenya ipindo ra isaa rakwe. ²¹Kusoko akahaja, ne natenya isaa rakwe, nene nohanga ufori.'' ²²Yesu akakikengenya no uumurava no umwera, ''Kife moyo, imani ako akutenda ufoe, ''No umuda uroro mukhema watendeka wafoa muda ururo.²³No Yesu newajufika unyumba ama afisa, na akavaona anyokhua tarumbeta no irunde ra antu areukhwa mukindo. ²⁴Mweso akahanya, ''Fumi hafai, kwa soko mucha inakuya ila uree. Nyeso veso vekaheka no umukebehi.²⁵No avoo autu newajofuywa unji, mweso akadhefea uchumba no umukatra mukhono no mucha akafetia. ²⁶Na khani iyii akakumuka kene mji wonge.²⁷Ndio Yesu wajohendeka ufuma hafo, aghosi wavee afoku vigamusambeya. Vegaendelea ukumbua ndori no uhaya, kuomba ukurehemu, mwana wama Daudi.'' ²⁸Ne Yesu wahendeka wafika unyumba, avoo afuku vegaja kene mweso.Yesu akavaera, ''Muamini kuwa nodaha utenda?'' Vesovegamwera hono Bwana''²⁹Ndio Yesu akagusa miho awe no haya, na etendeke oyi kene nyenye kinya imani anyu ninoere'' ³⁰Na miho awe akakunukuwa. No Yesu akawakhamecheya akavaamuru no hanya ''ravi muntu atamanye kuhusu into irei.'' ³¹Nyeso antu avai ne wa vee vigahegha no tamantia khani sehemu yoghe yo muji.³²Neare avoo aghosia vavee neatengeka vinje kwawe, rava, muntu umwendo babu neupagawe na mapepo akaetwa kene Yesu. ³³No mapepo nevejomufuma, usuyu muntu ne abubu akaandia ureghetia. Irundo regashangaa no uhaya, erei renadaha ukighea kene Israeli. ³⁴Nyeso Mafarisayo vegatendeka veuhanya, gwa akuu va pepo vejucha mapepo''³⁵Yesu akaenda umuji oghe no vijiji. Mweso agaendelea ufundisia kene masinagogi, kutanantia injili autemi no uforia marue akila aina na udhaifu wa aina yoghe. ³⁶Neawajorava irundo, mweso akavaonea uvai kwa soko veusumbuka no kivunja moyo. Vegatendeka kinya khoo nevatina mudemi.³⁷Mweso akavaera aseji vakwe, mavuno ne minge nyeso atenda mwemo ne vakeii. ³⁸Ne nyeso no ure mwombi Bwana wa mavuno ili atoe etenda mwemo kene mavuno akwe.''

¹Yesu akawaetana aseyi wakwe ikumi na wavee itambiremwendo na akawapa mamlaka kunto pepo wachafu, uwaangera no uvajucha no uforia aina nyoghe.²Marina atumwa ikumi na wavee ne ayai ra mwandio Simeoni (neare pi kuetaiwa petro), na Andrea kaka wakwe, Yakobo mwana wa Zebedayo, na Yohana kaka wakwe: ³Philipo, na Bartelemayo, thomaso, na Mathayo mtoza ushuru, Yakobo mwana wama Alfayo, na Tadeo, ⁴Simoni mkananayo, na Yuda Iskariote, neare akamusaliti.⁵Avai ikumi na wavee Yesu akawatuma. Namweso akavaeleza no uhaya ''Mutuenda kene veishi mataifa na mtahefee u miji asamaria. ⁶Baada anyo, mwende u khoo newayaghae voo nyumba a Israel. ⁷No mwenda, hubiri no uhaya, utemi wo girunde wa humbea.'⁸Fori anya marue, feti akunyi, takaseni anya ukoma juchi mwa fiwe ndende funyi ndende. ⁹Muta hoe dhahabu, almasi au shaba o pochi yanyu. ¹⁰Muta hoe mkoba u muhinjo wanyu au masaa ziada na matu au mwauga, kwa soko munyao tena mwemo unoneye malewe akwe.¹¹Ghee yoyote au kijiji ne muhefea, fenji kene kunoneye no mkhae hafo mpaka kene mujuhegha. ¹²Ne muhefea kene nyumba ramuchi, ¹³Ne nyumba auoneya, amani anyu, esaghe hafo, gweso nyumba ne adea unoneya, amani anyu eheghe itambemwe na nyee.¹⁴Nagwa avoo nevatu vapokea nyenye au uteghanya nkani yangu, ne mwahegha kune nyumba au gifaghui mavumbi ya nyayo nyanyu usehemu asee. ¹⁵Tute novaera, eutendeka usitahimili ne kukuu miji o Sodoma na Gomorah itiku ro hukumu kuliko mji usuyu.¹⁶Ravi, neno fatuma kinga khoo mukhati a umbwa mwitu, kusoko asee mutendeke mwahughu kinga jokha na afoo kinya hua. ¹⁷Muhendeke mumanyie antu, vuwatoa umabaraza na veuwaghwa kene masinagogi. ¹⁸Na muetwa usonge a antu ne akhuu na atemi kwa soko ane, kinya ushuhuda wawe no kwa mataifa.¹⁹Hiki be wajo vashutumu, mtahendeke mwina wasiwasi soko eke au ntuni roreghetia kwa soko intu ro reghetia mujofewa kwa ikhondo resee. ²⁰Kwa soko ti nyenye nemjoreghetia, nyeso khoo ama tata wanyu ujureghetia mukhate anyu.²¹Munyandughu ujomuinukea muna wakwe umuraghe na tata gwa mwana wakwe. Aghinya wajuuka soko afafi, no wa sacha kuya. ²²Nanyenye muhurwa no mumuntu kwa soko arina rane. Nyeso wasuu newajughimiya kuu upeo muntu usuyu kuokolewa. ²³Nevajuwatesa kene mji uroi dorei mji neufutee, tute novaera matutendeka mwenda umiji oghe a Israeli nekee mwana wama Adamu akina soka.²⁴Museywa ti mukuu kete mwalimu wakwe, wala mutumwa ne kuuto ama Bwana wakwe. ²⁵Ekhondiye gwa museywa atendeke kinya mwalimu wakwe, na mutumami kinya Bwana wakwe. Ne mbese mumweta wa nyumba Belzabuli, ne kwa kiasi eke ino wajovakashifu gwa nyumba akwe!²⁶Gweso mutawahofu veso, kusoko kutie intu ne retijukunukuwa, na kutie nerifihie ne ritijumanyeka. ²⁷Ereo ne neorehanya u tiki, murehanye uweru na nemuretegheya gwa ulaini umarwe anyu, muretangaze ne muntu a nyumba.²⁸Mutavaoghofe avoo neveuragha mwere, gweso vatina udaho wa uragha khoo. Badala ayo, mutehi uyuo ne kudaha uragha mwere ino khoo na kukoo kuzimu. ²⁹Je kasuku vavee watorijwa gwa senti ni nyuii? Ne nyi kutie ne kugwa faghe tata wakwe umanya. ³⁰Nyeso hata idadi ra njee yanyu ivariywe. ³¹Mutatendeke na hofu, kwa soko mwina dhamani ino kuliko kasuku vinge.³²Gweso basi mo montu newaghanya u songea antu, na nene no numuhanya u songe ama tata wane ne ukirunde. ³³Kwesoo osoo newankana khate antoo, nanee nejomoichana osonge ama tata ne oghirunde.³⁴Mtagheme winajoreta uhaghao o dunia . Ntinaja orerta ohaghao ila ofanga. ³⁵Kwasoko neghaja omotenda monto vakhikwe vina ihe wakwe, namocha vina nyinya na mokwee vina nyinya ne mokwee wakwee. ³⁶Arogho vamonto vohendeleha avoo nevokhakwe.³⁷Osoo neomoyanjerte ihe au nyinya inoo kherte nene artinoneye. Nao soo neomoyanjerte mohamba au mocha kherte nene artineneye. ³⁸Osoo neartocha mosalaba naombeya nene artinoneye. Osoo neoghoyafenja maisha ogho yayaghaya. ³⁹Kwesoo osoo newayayaghaya maisha soko ane ojoyahanga.⁴⁰Osoo newavakaribisha wankaribisha nene naosoo ne wankaribisha nene wamokaribisha osoo newantomie nene. ⁴¹Naosoo newamokaribisha nabii kwasokho ne nabii. Na yeye atakayemkaribisha mwenye haki kwa sababu ni mtu wa haki atapokea thawabu ya mtu wa haki.⁴²Unge unge newadaha umuhangenya umwendo wa anyui avai ne kekombe ga maji onywa ne mariku. Kwa soko mweso ne museyi, tute novaera, mweso atodaha uuria kwa njia ogho oghe thawabu akwe.''

¹newajodaha Yesu kumareya kuvaelezea aseyi vakwe ikumi na vavee akahegha plae akaenda ufundisia no tanatia kene miji oghe, ²no Yohana awere ugerezani newajotegheya newere utendo yama Kresto, akatuma ujumbe ukera useyi vakwe, ³no vikamuweya, veve ne uyuo ne ujie, au kwina muya nekunoneye umutazamea?''⁴Yesu akasucha nohaya khawe ''endi mwe ndomatarifa Yohana ayoo ne mwayaona na ayoo nemuyategheya. ⁵Antu nevatuona vedaha uona, viwete viuenenda. Anya ukoma viutakaseka, antu nevatutegheya vafutegheya kanke antu nevakure veufufuliwa no uhanga ufanga no antu nevefenya uhubiriwa habari njema. ⁶Neabarikiwe uyuo neutughofa unto ane.⁷Ikihondo antu wasaa nevajuhegha, Yesu akaandika uhanya na irondo unto ama Yohana, ''Ne ntoni mkaenda uona kene jagwa - ihwa neruhingisia no nkngu? ⁸Nyeso ntuni namwaenda uona - muntu neuyete masaa ne maja? Ntute asaa heveuya masaa ne maja veukikhaa u nyemba temi.⁹Nyeso mukaendo uona ntuni nabu? Tute novera no zaidi a nabii. ¹⁰Uyui ndio miwandikiywe, rava notuma mjumbe wane usonge a usiu wako, ne kwanda anjia ako usonge ako.¹¹Nene novaera tute mkhate a nyofafwa no akhema kutie ne mukuu kete Yohana Mubatisi. Nyeso ne mnyui kene utemi wa kirunde ne mkuu kuliko mweso. ¹²Ufuma matiku ama Yohana kune reo utemi wo kirunde ne wanguu, ana antu ne vina nguu, veuhoa kwa nguu.¹³Kwa soko manabii no sheria vegahendeka veutabirikwene gwa Yohana. ¹⁴Ne mbesa mwe tayari uyanja, uyui ne Eliya, uyuo ne ujie. ¹⁵Ne wina matwe utegheya ategheye.¹⁶Nokilinganisha na ntuni ufafo urui? Anginya neveginyisia usokoni, nevikhee no ukietana, ¹⁷no uhaya, 'Kukuvakhoera zomari na mwinacheza kukiwahongeya, no mwinarea.¹⁸Kusoko Yohana akaja bila uli mkate au ugwa mvinyo. no vatendeka veuhanya, 'Wina pepo.' ¹⁹Mwana wama Adamu akaja kulia na uywa na vegahanya, ''Rava ne muntu muli na mughari, munyu hina wa atoza ushuru na anya zambi!' Nyeso ihaa ro dhihirishwa na ntendo yakwe.''²⁰Yesu akaandia ukenea ghe ne baadhi ntendo yayo ya ajabu ekatendeka, kwa soko vegatendeka vina utubu, ²¹''Hehe ako, kalozini, hehe ako Bethsaida! Mwise tendo ne kuu akatendeka uu Tiro no Sidoni ayoo negatendeka hafai, veutendeka vatubu khae gwa uyaa magunea na ukira mau. ²²Nyeso utendeka ughimiyi wo Tiro na Sidoni itikuro hukumu kuliko kene vee.²³Veve Kapernaum, kughema kuhumbuwa hadi ukirunde? Tiuyi kusimwia hadi faghe kuzimu. Nechu gwa Dodoma kukatendeka tendo ni kuu, ne pa akatenda kene veve, utendeka mpaka reo. ²⁴Uyi nguhaya kene veve gwe utendeka kuoro gwa ghe o Sodoma no uemeka itiku ro hukumu kuliko veve.²⁵Kene muda uro Yesu akahanya, ''Nokusifu veve Baba, Bwana, wo kirunde no ughe, gwa soko ukavafiha mantu ayai anya mahaa no ufahamu, no ukunukua kwa vatina elimu kinya aghiya ne ayui. ²⁶Tati kwa soko akakunoneya uyui u miho ako. ²⁷Mantu onge akabidhiwe kene ufuma kwa Tata. Na kutie neu mumanyie Baba - neti mwana na wasuu ne mwana wina kumbu oomukunukwera.²⁸Njii kene nene nyenye nyoghe nemusumbuka no khataywa na maregho ne mito, na nee novapamuzisha. ²⁹Kitie nira ane na ukifundisie kene nene kwa soko nene nemknyenyekevu na mufoo wo khoo na muhanya ituyo ro nafsi yanyu. ³⁰Kwasoko nira ane ne ntotu na muregho wane ne ufofu.

¹Ikihondo rasee Yesu akaenda itiku ra Sabato akakera ulu meghunda. Aseyi vakwe nevajutendeka vina njaa vegania uyauna masuke no uyalia. ²Nyeso Mafarisayo nevajuona ayai, vekamwera Yesu, ''Rava anafunzi vako nevavunja sheria veutenda itiku neatiruhusiwe itiku ra Sabato''³Nyeso Yesu akavaera, ''Mwinasoma nino Daudi neakatenda ikhondo ne awina njaa, itapelemwe no antu neawinayo? ⁴Neare akaliefea unyumba a Mungu no ulia mikate a mwonyesho, neare atendekati halali kene mweso umeia na avoo neare winayo, nyeso nea halali ku Makuhani?⁵Kee mwinasoma kene sheria, kweni kusoko itiku ra Sabato Makuhani mwoghe a hekalu weumenajisi Sabato, Nyeso vatina hatia? ⁶Kusoko nohanya kene nyenye soko ne mukuu kete hekalu wefo hafai.⁷Mwese mumanya irei uraghea ntui; nofenja usamehewa no ti dhahabu, mutu vahukumu nevatina hatia, ⁸kusoko Mwana wama Adamu ndio Bwana wa Sabato.''⁹Are Yesu akafuma akaenda kene sinagogi rawe. ¹⁰Rava anywina mutu nea upozie mukhano. Mafarisayo vekamuwenya Yesu, nohanya, ''Ite ne kuja uforia itiku ra Sabato?'' Neti vii vadahe amusitaka gwa utenda mahutie.¹¹Yesu akavavera, ''Anyu mukhate anyu, ne wahendeka wina khoo emwe, no asuu khoo wagwaa mughe a ikhombo itiku ra Sabato, atumukwatra no umufunya gwa nguu mughe a ikhombo? ¹²Ete, ne refe ne rina ukuu, uzidi neti uzidi aa khoo! Kusoko ne halali utenda ne maja itiku ra Sabato.''¹³Nechu Yesu akamwera uyuo mutu, ''Ghora mukhono wako'' Akaghora, akahanga afyakinya urou wonya. ¹⁴Nyeso Mafarisayo vegafuma unji vegafanga nino umwangamiza vegaenda unji ufanga kinyume kawe. Are veufenja nino veumoragha.¹⁵Yesu newajoelewa erei akahegha kafa. Antu vingemufenja na akavaforia vonge. ¹⁶Akavanga vataje vajomuhenda amenyeke gwa vangeja, ¹⁷Mwino itimie iyeo tute neare ahanyiwe no nabii Isaya uhanya,¹⁸Rava, mutumami wane nena muchange, muyunji wane, kene mweso khoo ane ayanyiswa. Noeka khoo ane anto akwe no kutangaza hukumu akwe Mataifa.¹⁹Utuhangaeka wala urea gwa nguu; wala awaye yote kusikia sauti yake mitaani. ²⁰Atorevunja tete nerechubuliwe; utuzima utambe vonge nekufunya yuki, kuneare uyureta hukumu ekashinda. ²¹No Mataifa vajotendeka no ujasiri kene rina rakwe.²²Muntu ungeja mufoku no bubu, neare upagawe na pepo akaretwa usonge ama Yesu. Akamuforia itambe no udweya gwa mutu bubu akahanya no uona. ²³Makutano oghe vegashangaa no uhaya, ''Utendeeka mwana uyui ne Mwana wamaDaudi?''²⁴Nyeso ikhando Mafarisayo nevajutegheya mujiza urui veghanya, uyui muntu atufunya pepo gwa nguu yakwe mughonjo, neare gwa nguu yoo Belzebuli, mukuu wo pepo. ²⁵''Nyeso Yesu akamanyamaghemo awe no akavaera - mwe utemi ujuaghoneka weso no haribeka, no moghee au nyumba neugwanyeka nyeso ituemeka.²⁶Neate murughu kumuheya murughu basi kukipinga kene khoo akwe mughonjo. ²⁷Ne gwa soko eke utemi wakwe kuemeka? No mwino kufunya pepo kwa nguu yo Belizabuli, wafuasi vakwe vewafunya gwa njia amanyu? Kwa soko erei vajotendeka mahakimu vangu.²⁸No mbese nofunya pepo gwa nguu ama Roho wa Mungu, uyi utemi wa Mungu wajie kene nyenye. ²⁹No muntu kudaha ure ukea moghe a nyumba a munya nguu no uiva, bila umutunga munyu nguo tanjo? Ndio neujoiva mali yakwe kufuma moghe a nyumba. ³⁰Usugu neatutendeka wi tambemwe nanee wekinyume kane, na usugu neatukusanya itambwemo nanee usuyu kutawanya.³¹Gweso nohanya kene nyenye, mo ihutie ro kufuru antu veusamehewa, ila umukufuru Roho ne mweru vatusamehewa. ³²Na wasuu nekuhanya ukhani kinyuma ka mwana wama Adamu, resee kusamehewa. Nyeso wasuu kinyume ka Roho ne Mwera usuyu atusamehewa kene uremi urui, no wala uruo neujie.³³Ama utende mute utendeka uja na mbesia yakwe njija, au ufire mute no mbesia yayo, gwa soko mute kumanyeka gwa mbesia yayo. ³⁴Nyenye ufafo wo njokha, nyee mwa avu, modaha ure uhanya mantu ne maja? Kwa soko momo kuhanya ufuma kene akiba ayoo ne eukhoo. ³⁵Muntu mwema kene akiba ne yaja a khoo akwe kufunya ne maja, ito muntu ne munyamahutie kene akiba ne bee a khoo akwe kufunya ne mavee.³⁶Novaera vii kene matiku a hukumu antu vajofunya hesabu amu ineno neritina maana nevarehanyiye. ³⁷Kwaskoko gwa khani yako kuvareywa haki na kwa khani yako kuhukumewa.''³⁸Ne baadhi a wandishi na Mafarisayo vegamujibu Yesu nohanya, ''Mwalimu jakuyanja muone ishara kufuma kene veve.'' ³⁹Nyeso Yesu akasuka no uvaera ufafo ne wama hutie no zinaa keufenja ishara, nyeso kutie ishara neufuywa kene veso ne ti eyeo ama yona nabii. ⁴⁰Ninoare nabii yona neare we moghe anda samaki ne mukuu gwa matiku a tatu mumwe no utiku, uyi ndio Mwana ama Adamu ujutendeka we moghe a khoo aghe gwa matiku atatu mumwe no utiku.⁴¹Antu wo Ninawi vajuemeka usonge ahukumu atambemwe no ufafo wa anta avai no vajohukumiwa kwa soko vekatubu gwa mahubiri ana Yona, no rava muntu ungeja mukuu kulimo Yona wefa hafai.⁴²Malkia wo taghama ujouka kune hukumu atembena antu va ufafo urui no ukihukumu. Akaja ufana miisho a dunia uja utegheya ihaa rama Selemani, no rava montu angeja mukuu kete Selemani wefo hafai.⁴³Ikhondo pepo mchafu kumufuma muntu, kukera mahali kutie maje ukufenja utuya, nyeso utaona. ⁴⁴Necho kuhanya, neusoka kene nyumba ane neanafumie. Newasuka kuhanga esee nyumba isafisiye na etayari. ⁴⁵Nesa veunda novaeta vangeja roho neachafu saba neva ve nanguu kete mweso, vajie noishi voghe hafo. Na hali akwe no mwisho eutendeke mbee kuliko a mwandio. Uyi ndio utendeka kwa ufafo neuovu.⁴⁶Wakati Yesu alipokuwa akizungumza na umati tazama, mama yake na ndugu zake walisimama nje, wakitafuta kuongea naye. ⁴⁷Mtu mmoja akamwambia, ''Tazama mama yako na ndugu zako wamesimama nje, wanatafuta kuonge a nawe.''⁴⁸Lakini Yesu alijibu na kumwambia aliyemjulisha, ''Mama yangu ni nani? Na ndugu zangu ni akina nani?'' ⁴⁹Naye alinyoosha mkono wake kwa wanafunzi na kusema, ''Tazama, hawa ni mama na ndugu zangu! ⁵⁰Kwa kuwa yeyote afanyae mapenzi ya Baba yangu aliye mbinguni, mtu huyo ndiye ndugu yangu, dada yangu na mama yangu.''

¹Kene ituku resee Yesu akahegha ukhaya na ukikhaa upeo a bahari. ²Urundo rikuu rekakirunda no umuzunguka akakea moghe a mtumbwi na ukikhaa umughe ayo. Irundo roghe wakaemeka upeo a bahari.³Uyi Yesu akahanya khani nyinge kwa ikhori, akahanya, ''Ravi mnyaufandea akaenda ufaudea. ⁴Neare kufandea baadhi a mbeyu ikagwa upeo anjia na nyonyi ikaja ikaidonoa. ⁵Mbeyu mboya ikagwa unto aghongo neare ina hanga irungo rotosha. Ikaona kwa soko urongo aritina kina. ⁶Nyeso mumwe newajurea ikaregwa ikaregwa kwa soko aitina miri, no ikauma.⁷Mbeyu mbaya ikagwa mkhate amete neina maghuya. Mete nina maghuya ikarifa uuto ikainyomia. ⁸Mbeyu ingeja ikagwa ikirongo ne rija no ufafa mbeyu, ingeja mia imwedo zaidi, ingeja sitini no ingeja thelathini. ⁹Ne wina matwe ategheye.¹⁰Aseyi vegaja nomwera Yesu, ''Kwa soko eke ne kureghetia na makutano gwa ikhori?'' ¹¹Yesu akasocha novaera, ''Mwafiwe upendeleo wo manya siri ya utemi wo kirunde, nyeso kene veso vinafewa. ¹²Egweso usuyu newinayo kene mweso kuongeywa ne kukuu, no uhanga faida ne khuu, ila neatinayo hata ereo newinayo ukunyaghaywa. .¹³Uyi noreghetia gwa ikhori kwa soko neateveona, vataone tute no ingawa veutegheya vatategheye no umanya. ¹⁴Unabii wa Isaya watimia ukhawe, uruo ne kuhanya, nemutegheya mutegheye, kweso gwa namna yoyote mutuelewa, ikhondo ne muona mudahe uona, kwa aina yoyote mutamanye.¹⁵No khoo ya antu avai yatendekie khiti ne kukaku utegheya no veukunukua miho awe, ili vatadahe uona gwa miho awe au utegheya kwa matwe awe, no umanya gwa mioyo awe, uyi veungeukea kake, na nejuvaforia.'¹⁶Bahu miho anyu abarikiwe, kwa soko euona, na matwe anyu eutegheya. ¹⁷Tute nouvaera manabii vinge na antu ne vina haki na vina nkumbu uyaona ayoo nea muyaona. Vinadiadaha uyaona, aa vina nkumbu utegheya mantu yoo nemuyategheya vinayategheya.¹⁸Ari tegheye ighori la mufandei. ¹⁹Ikhondo wasuu nekutegheya ukhani wo utemi na adiumanya, ndio murughu kuja naure hoa neradahekie ufandewa mukhate a khoo yanyu inyei ne mbeyu eyeo neafandewe upeo anjia.²⁰Wasuu newafandewe kene maghuya ne uyuo nekutegheya ukhani nafokea ure kwa ukumbu. ²¹Soko atina miri mughe akwe, uyi humilia kwa muda ukufei. Ikhondo matatizo au mateso neadueya kwa soko a ukhani kukikwa ghafla.²²Neufandewe mkhate mete a maghuya, uyui ne uyuo nekutegheya ukhani nyeso masumbuko a ulimwengu na ureghehe wo ukhware urenomia erou ukhani iretaja rejofafa mbesia. ²³Niufandewe u kirongo nerija, usuyu ne uyuo nekutegheya ukhani no uumanya, usoyu ne uyuo ne kufafa mbesia no uendelea ufafa moja zaidi ya mara mia, engija sitini na engija thelathini.''²⁴Yesu akavufa ikhori rengeja nohanya, utemi wo kirunde kukiningenua no muntu neufande mbeyu ne njija umughunda wakwe. ²⁵Nyeso antu nevajotindia,murughu wakwe akaja no ufande magugu mukhate a ngano na akaenda zake. ²⁶Neare ngano ajokind noufunya mazao ayo, na magugu akafumea hafo.²⁷Watumwa va muya mughunda vekaja vekamwera, ''Bwana, winafandea mbeyu nenjija u mughunda wako? Atendeka ure kwina magugu? ²⁸Akavaera, 'Murughu watenda uyi.' Atumami vakamwera, 'Ne uyi kufenja kwende uyakua?''²⁹Munya mughunda akahanya, 'Tiuyi, ne mughoa magugu mutaghoe itambemwe na ngano. ³⁰Yareki yakwe itambemwe mpaka wakati wo mahangweyo. Wakato wo mahangweyo nejohanya kwa ahangweyi, 'Ninka yauthrimie, magugu na myathrunge marundo rundo na muyathrimie, nyeso hanji ngano ukidonga rane.''''³¹Ndio Yesu wawafunyea mufano uya wahanya, ''Uthremi wo kirunde ukikhwethri na mbeyu ya havadali ne muntu akamehoa na umefandea umughunda wakwe. ³²Mbeyu iyei kwa thruthre ne nyui umbeyo mboya yonge. Nyenso neakinda yuhendeka kuu umemea ongeo bustani, yuhendeka muthre, kwamba nyonyi ya kunto yuja na ujenga ivivyo umasanja ayo.''³³Wavakhanea mfano uya kanke.'' Uthremi wo kirunde wikinja nonke iyoo neekasimiywa na mukhema na umehangikaniya kwa ifimo ithrathru kwa uthru mpaka fihufe.³⁴Asai onge Yesu akayahanya ukhumati kwa mefano. Na bila mefano athrinahanya rorote kunevenso. ³⁵Iyei ne kwamba eroo nerahanywa ukera uaoni redaheke uhendeka, afoo neakahanya, ''Nejorughua mwaho wane umefano. Nejohanya mantu ayoo neare akifiheye ufuma misingi angee.''³⁶Ndio Yesu akavareka antu nevakirundiye na ufumya ukhaya. Aseyi vakwe vakumusambeya na uhanya, ''Kufafanulie mufano wa magugu umughunda.'' ³⁷Yesu akusucha na uhanya, ''Neukufandea mbeyu ne njia munuhomba wama Adamu. ³⁸Mughunda ne ngee; na mbeyu njija, ne avai ana va uthremi, magugu ne ana va muhuthriyr oyoo, na adui newaifandea ne murughu. ³⁹Na mahanyweyo ne mwisho wa ngee, na ahangweyi ne malaika.⁴⁰Kinya mwiho magugu neyohangweywa na uthrimewa mothro, vio yoi neejohendeka umwisho ngee. ⁴¹Mwana wama Adamu ujothroma malaika vakwe, na uhanja ufuma ukuthremi wakwe manto ongee neakasababishwa na mahuthriye na avoo nevohenda ntendo nembe. ⁴²Vajovajoghothra vonge utanuru ra mthro kene kujohendeka kwinakureo na usaga mino. ⁴³Ndefo untu nevina haki vojoaka kinja yua ukuthremi wama thrathra awe. Usui newina mathre na athregheye.⁴⁴Uthremi wokirunde wekinya hazina neefichiwe ukughunda. Muntu akameona na umefiha. Ufuraha akwe wendo onge neuyakwithri, nu uughwa mughunda. ⁴⁵Na uthremi wokirunde wekinya muntu neukuhenda biashara neukufeja lulu ni inathamani. ⁴⁶Newajomeona iyoo neina thamani, akaend rinja kila intu neukwethri na umeghua.⁴⁷Uthremi ivo kirunde wekinya nyavu neyobahari munge ne kwamba yuhangaweya viumbe vya aina yonge. ⁴⁸Wajoijua avuvi vakauuthra umpeo. Na ukekhaa fange vahangweywa mantu ne maja umabele munge nyenso nifithrimwethri thamani vajoghothra kwenge.⁴⁹ijohendeka namuna iyei umwisho wa ngee. Malaika vajoja na uvatenga antu nevina mahuthriye ufuma mukhathre aantu ne vaja. ⁵⁰Na uvajogho twa munge utanuru ra mothro, kene kujohendeka na uomboleza na usia mino.⁵¹Mwayamanaya mantu onge ayai? Aseyi vasocha, ''Hono.'' ⁵²Ndio Yesu wavakhanea, ''Mwe muandishi newahendeka mseyi wa utemi ukikhwethri na munya nyumba neukutenda mantu ne nafya na akhenge.'' ⁵³Ahendeka Yesu wajodaha mefano onge esee, wafwaya usehemu esei.⁵⁴Ndio Yesu waghea umukoa na wavafundisya antu masinagogi. Matokeo ayo vakashangaa na uhanya, ''Nekufei muntu uyui kune wamehanga hekima iyei na meujiza iyei? ⁵⁵Muntu uyui nti mwana wamaseremala? Mariamu nti mama akwe? Na anyandughu vakwe ntiva Yakobo, Yusuphu, Simoni nu Yuda? ⁵⁶Na dada nakwe kuvakwethri afai petu? Fanii muntu uyui wayahanga manto ayai onge?''⁵⁷Wavakiwiya. Nyenso Yesu wavakhanea, ''Muoni athroorya uhendeka na heshima nyenso nti ukhawe na ungee awe. ⁵⁸Na athrinadaha uhenda meujiza mingi kwa soko javathrikwethri imani nayo.

¹Kwa ikhondo ereo, Herode akategheya habari juu ama Yesu.. ²Akavaera atumami vakwe, ''Uyui ne Yohana mubatisi wafetia ufuma kene akuyi. Gwa uyi nguu isiyi unto akwe.''³Kwa soko Herode neare akamukanta Yohana akamutunga no mujaghota ukigereza kwa soko a Herodia, mukhema wama Filipo kakawakwe. ⁴Gwa uyi Yohana akamwera, ''Tihalali umuhoa usuyu utendeka mukhema wakwe.'' ⁵Herode akumuuragha, nyenso akavaoghofa anto, kwa soko akamwona Yohana a nabii.⁶Nyenso wakati itiku roufafwa Herodia ne wajughea mucha wama Herodia ukaina mughate antu no muyanjisia Herode. ⁷Neare ukusocha reseye akahanya kwo okiafea ukumufa intu rasee neojo muomba.⁸Newajo seywa na yinywa vakwe, akahaya, ''Mpaa neni afayi uku khuu uithwe rama Yohana mbatizaji.'' ⁹Mthremi ne wina withegheyo uve umaombi amuchakwe, nyenso soko okiafea kwakwe, kwasoko avoghe nevolya vinakwe akoamuru etakewe ihendeke.¹⁰Akathruma Yohana aethrwe ufuma ukigereza, ¹¹ili athrenwe ithre rakwe reethwe ukisinia na akafewa mucha na urethoa kene nyinya akwe. ¹²Ndo aseyi vakwe vakaja uhoa mwere osoo na oozika, baada arasee vakaenda umukhanea Yesu.¹³Na Yesu wajothegheya asayi, akakibaghua ufuma hafo no unathrea umashua na uenda sehemu neekitengiye. Ne umati wajothegheya nearewere, vakamusambeya kwa meghuu ufuma ungee. ¹⁴Na Yesu akaja usonge awe na uuona wingi wa antu neuka. Akavaonea huruma na uvafonya magonjwa awe.¹⁵Yompende ajoghea, anafunzi vakaja kenemwenso na uhanya, ''Eyei nesehemu ajangwa, na ithriku rakea tayari vafaghathriye marundo vende uijiji vendoghua malewa kwa ajili awe.¹⁶Nyeso Yesu akavakhanea, ''Ithrina haja ufwaye. Vafi nyenye malewe'' ¹⁷Vamokhanea, ''Afai kokwethri mikate ethrano na sompa ivire tu. '''' ¹⁸Yesu akahanya, ''Meethri kunenee.'''¹⁹Ndo Yesu akavaamuru umati ukekhaa fange umahwa. Akahoa mikate ithrano na sompa iree. Warava kunto ukirunde, akamebariki na umeaghaniya mikate na uvafa anafunzi. Anafunzi vavafeya umati. ²⁰Vakalya vonge na uikuthra. Ndio vakahanyweya ifande yonge ya malewa neya sagha na uijwe ya nkafo ikumi na mbili. ²¹Avoo nevakalywa vakakadiriwa ne aghosya elfu tano bila hanja akhema na anginya.²²Kinya hafo akavaamuru anafunzi vahefee munge umashua, wakati osoo mweso akavaaga umati vende kenevinje. ²³Wajoaga umati ivenda zao, akanathrea umulima uomba wiyene. Ne ahendeka yampende newakuko wiyene. ²⁴Neare mashua emokhathre yuyumbo soko amawimbi soko nkongo nekhare.²⁵Ukuthriku wuzamu aine Yesu akavahumbea, neukuendea fanto umaje. ²⁶Anayunzi vakwe vajomoona ukuenenda ubahari kunto, vakatheja na uhanya, ''Ne isoche, ''Na ukuthra mwano kwa uova. ²⁷Yesu akavakhanea kuhya hafo, wahanya, ''Nkihani khoo! Ne nene! Muthreje.''²⁸Petro akasocha kwa uhanya,''Bwana, mwese ne veve, nyamuru neje kome veve konto umaje.'' ²⁹Yesu akahanya, ''Njuu.'' Ndo Petro akafuma umashua munge na akaenenda konto umaji kone Yesu. ³⁰Nyeso Petro wajoona mawimbi, akaoghafa, na uandiya unyumughea, munge, akakothra mwano na uhanya, ''Bwana, njaveya!''³¹Kinya hafo akahumbua mukhono no umuhumbua Petro, na umwera, ''Veve newina unani nyoi, ne ntuni ukuthreja?'' ³²Ndo Yesu na Petro vakahefea umashua, nkungu ekkahiya uvuma. ³³Aseyi umashua vakamuabudu Yesu nu uhanya, ''kweli veve we Mwana wa Mungu.''³⁴Na vajodaha uvuka, vakaghea ungee a Genesareti. ³⁵Na antu vokieneo resee vajomumanya Yesu, vakathruma ujumbe sehemu yonge yo mpeo, na uvaethra vonge nenti vafanga. ³⁶Vakamusihi kwamba vadahe uthrenya pindo ra isa rukwe, na vingi nevakagusa vakafona.

¹Neare Mafarisayo na Masadukayo vekaja kene Yesu kufuma Yerusalemu. No uhanya, ²''Ne ntuni aseyi meveuhalifu kusoko vatunawa mekhono awe neveulia malewa.'' ³Yesu akavasucha nohanya, ''Nyenye kusoko ntuni, muhalifu sheria ama Bwana kwa soko mapokeo anyu?⁴Kwa soko Mungu akahanya, 'Muheshimu Baba wako na yiu wako, na nekuhanya uovu kene Tata wakwe na yinya wakwe, tute atukuya.' ⁵Kusoko nyenye muhariya, wasuu nekumwera tata wakwe na yinya wakwe, '''Mumusaanda ne kuhanya ufuma kene nene funui ne zawadi ufuma kene Mungu,''' ⁶''Muntu wasuu atina haja umuheshimu tata wakwe. Kene namna mwautangue ukhani wa Mungu kwa soko ama pokea anyu.⁷Nyenye anafiki, ne kuja Isaya neawatabiri juu anyu neawahanyie, ⁸''Antu avai veunyeshimu nene kwa miomo awe, nyeso khoo yawe ikue nanee. ⁹Weneabudu ndende kwa soko veufundisha mafundisho ne maragheyo a anadamu.'''¹⁰Ndio akawaetana makutano no uvera, ''Tegheyi no mumanye --- ¹¹Kutie into nereukia umomo wa muntu namuhenda najisi. Gweso, ereo nereufuma ukinywani kesee ndio keumtenda muntu utendeka najisi.''¹²Ndio aseyi vegamwendea no uhana na Yesu, ''Je!, Umanyie Mafarisayo nevajoutegheya uruo ukhani vegakwazeka?'' ¹³Yesu akavasucha novaera, ''Mwe mumeane tata wane wo kirunde inaufandea kungoa. ¹⁴Wareki vimwene, veso viongozi afuku. Ne muntu mufuku kumongoza mufuku muyakwe voghe wavee veugwera kikhombo.''¹⁵Petro akasucha nomwera Yesu, ''Guelezee ikhori erei kene sese, ¹⁶Yesu akasucha, nyenye no ke mwitielewe? ¹⁷Nyenye mutikengee mwe mo reuenda umomo reukera unda uenda uchooni?.¹⁸Nyeso mantu oghe neufuma umomo ufuma umoghe a khoo ndio mantu heumtia muntu unajisi. ¹⁹Kwa soko kene khoo ufuma maghemo ne mave, uuaji, uzinzi, uasherati, wizi, ushuhuda wa uregheghe, na matuki. ²⁰Ayai ndio mantu neumutia muntu unajisi. Gweso ulia bila unawa mikhono kutumatenda muntu utendeka najisi.''²¹Ndio Yesu akafuma mahali pale akakitenga no ulekea upande ya ghe u Tiro no Sidoni. ²²Rava akaja mughema Mkanani ufuma pande isiyo. Akahumbua rori no hanya, glirumea, Bwana, Mwana wa Daudi; mucha wane kuteswa no pepo.'' ²³Nyeso Yesu inamusucha ukhani. Aseyi vakwe vegaja vegamusihi, nohanya, muheyi aende zake, kwa soko kughua mukindo.''²⁴Yesu akasucha nohanya, ''Tinatumwa kwa muntu yoyote neate gwa khoo niinyaghae yoo nyumba a Israeli.'' ²⁵Nyeso akaja no uinama usonge akwe, nohanya, ''Bwana niareya.'' ²⁶Akasucha nohanya ''Tikuja uhoa malewa aginya na uwaghumia mbwa,''²⁷Akahanya, ''Hono Bwana, nanekweso mbwa ni myui yulija malewa niugwa mpangi iumeza ya ghajo nawe.'' ²⁸Nyeso Yesu akahanya, ''Mkhema imanin ako kuu, naitendeka wino veve uyajote.'' Na binti yake alikuwa ameponywa katika wakati huo.²⁹Yesu akauka akaenda ngadengi hapo fife wa irambo Galilaya. Kake akaenda uukitato wa kikha kuko. ³⁰Irundo rekaja lekaja kuri mweso. No mwelea aghajeku, afoku bubu ileona na wangija niwange niaare aruwe. ³¹Na mirundo ukashangaa ne wajoona wabubu vereghitoa na aghajeku veteadwa wapanga. Viwete veunenda wa apuloku veona. Vekamukumajwa Mungu wa Israeli.³²Yesu akawaitana asaii wakwe no wakhau niteghaya uwaii mwirundo, ''Kwa soko are kwinao nane matiku atata ni watilile itu hata remwe, Twiwaleka venda u khawe watilile wataje wakirera mujea.'' ³³Asuyi wakwe vekamukhane, ne kupe kudaha uhaga mikate na minge omangane hapai kikuja kikatwa mwirundo ne ukuu iuo urui?'' ³⁴Yesu akavakhane wina mikate iga?''Vekahanya, ''Kwina, kuifangate na soba uyunyi na kenyi.'' ³⁵Yesu akawaera mwirundo wikhe pange.³⁶Akafunya iyo mikate mufungate na soba, nahapo akaruminya akaunania nakawapa aseyi wakawapa mwirundo. ³⁷Atu wonge vekalya no dahika. Na vekahangweya usakhe wa miunango amalewa ni asanywa ipaude ikakijua kapo imufungate. ³⁸Wonge nekalya are akhosha elfu nne ni warela akhena na anginya. ³⁹Ne kweso Yesu akarekaneka na mwirundo vendo kina vinje na akahefa muugi a mashua naenda ngaudige uu Magadani.

¹Mafarisayo na Masadukayo vakaja na umwonya Yesu avaraghee ishara ne ifumiye kunto. ²Nyenso Yesu akavajibu na uvakhania vii niahendeka yampende muhanya kungu njija, kwa soko fanto kukhoku.³Na diu muhanya kangu no ntinjija kwa soko kukhoku na malangu akhunekee fanto onge.' Mumanyio ulava mwigheo wa fanto nyenso muthrudaha wava uoni ya makhondo. ⁴Ufafo neuve na wa uzinzi ukufenja uoni, nyenso kuthrii uoni wowote nekejofewa, nyenso weyoo ama Yona. Ndio Yesu akavareka na uenda zake.⁵Aseyi vakaja ufunde wapili, nyenso vakavithra ohoa mikate. ⁶Yesu akavakhanea ''kuhadharani na mukekhee ija na humu a Mafarisayo na Masadukayo.'' ⁷Aseyi vakakikhanea mukhathre awe na uhanya ne kwa soko kuthrina horeya mikate.'' ⁸Yesu akamanya resee na uhanya,''Nyenye ne mwina imani nyoi, ne ntuni mwawaza na ukihanyeya mukhathre anyu na uhanya athre ne kwa soko muthrirahoa mikate?⁹Je kebado muthritambue athra muthrikumbukiye mikate eyoo ithrano wantu elfu ithrano, na nkafo inga nemukaihnja? ¹⁰Au mikate esaba uantu elfu ine, na ne nkafo inga mukahoa?¹¹Ahendeka we hathra muthrilewe ya kua nentiu eghethriya uhusu mikate? Kiikhi ija na kehadharini na hamu a Mafarisayo na Masadukayo.'' ¹²Ndio vakamanya kua neathriu vakhanea uhusu ukihadhari na mikate ne meve, nyenso ukihadhari na khani ya Mafarisayo na Masadukayo.¹³Ne Yesu wajoghea pande ya Kaisaria a Filipi, akavaweya aseyi vakwe nekuhanya, ''Antu vuhanya kwa Mwana wama Adamu ne anyu?'' ¹⁴Vahanya, ''Vaya vohanya kwa ne Yohana Mbatizaji , voya Eliya, na voya, Yeremia, au umweda wa aoni. ¹⁵Wavakhanea, nyenye muhanya nene ne anyu? ¹⁶Simoni Petro wajibu nekuhanya, ''Veve we Kristo Mwana a Mungu ne wehai''¹⁷Yesu akamusucha na umwera, ''Waburikiwa veve, Simoni Bar Yona, kwa soko soghami na nyama vithrinarugherwa irei, nyenso thrathra wane ne ukukirunde. ¹⁸Nane no nukukhanea kwa veve we Peteo, na fanto a igwe irei nurejenga ikanisa rane. Melango ukuzimu ithriu redaha.¹⁹Nukuya veve funguo ya uthremi wa kirunde. Chochote neujokifunga udunia kijo fungwa ukirunde, na rorote newarero ghoa waunea rurughuwa na ukirunde.'' ²⁰Ndio Yesu akavaamurisha aseyi vathramukhane muntu yoyote kua mwenso ne Kristo.²¹Tangu wakati usoo Yesu akaandiya uvakhanea aseyi kuane nyenye ende u Yerusalemu, uteswa kwa manto mingi umekhono aanyampoa na akhuu va makuhani na aandishi,uuraghwa na ufufuka ithriku ratatu. ²²Ndio Petro akamuhoa Yesu umpeo na umukharefea, kwa uhanya, ''Jambo irei narehendeke rekwenge navee, Bwana, iree rethakighee kuneveve. ²³Nyenso Yesu akarara hia na umukhanea Petro, ''Suka nyuma ane shetani! Veve wekezuizi kunenewa, 'Kwa sokouthrajali muntu a Mungu, nyenso mantu a anadamu.''²⁴Ndio Yesu wavakhanie aseyi vakwe, ''Mwese muntu yoyote newasegha unsambeya nene, ne nyonye mwenso akikhane, auhoe musalaba na ansambeya. ²⁵Kwa soko neuseghethre uyaareya maisha akwe ukuyaya ghaya, na kwa yoyote neukuyaghaya maisha akwe kwa soko ane akuyaareya. ²⁶Je! Ni faida eke neukumehanga muntu newahanga dunia ange nyenso wayaghaya maisha akwe? Je! Ni intu eke neukufunya muntu neuko khanya na maisha akwe?²⁷Kwa soko Mwana wama Adamu ujie uweru wama thrathra akwe na malaika vakwe. Na mwenso ujomurefa mwe muntu neukikhwethri na mutendo akwe. ²⁸Thruthre nuvakhanie kwina baadhi anyu nemwemekie hafai nemuthruonja mauti mpaka vumuone Mwana wama Adamu neujie ukuthremi wakwe.

¹Matiku mutandatu Yesu akavahoa itambimwe nayo Petro, na Yakobo, na Yohana munakwe akavahora howe unto a kitanto ne kirifu veso akhonjo. ²Akafeuka usonge awe. Usiu wakwe ukangaa kinya yiuva, na masaa akwe akati ngea ina mughau kinya weru.³Rava, hafo vekakidweya Musa na Elia veureghetia nayo. ⁴Petro akasucha no umwera Yesu, ''Bwana, ne kuja kene sesee kutendeke kwefo mahali hafai. Neehu wasegha, nojenga hafai vikumbu vitatu - kemwedo kako, no kimwedo Musa na kemwedo ka Eliya.''⁵Ikhondo neakureghetia, rava irunde rieru rekavakunekea, na rava rori ufuma kene irunde, ekahanya, uyui ne mwanane muyajwa nenenonesiwe nayo, mutegheyi mwenso. ⁶Aseyi ne wajutegheya ayai vekagwa kifulifuli na vegaoghofa ino. ⁷Neate Yesu akaja akavatenya nohanya, ''Uku na mutaoghofe.'' ⁸Veso vekauka masiu awe untonyenso vinaona muntu netiare Yesu wimwene.⁹Ne wajutendeka veusima u kitanto, Yesu akawaragheya akawaeta mutaeghate khani ya birira iyi paka mughinya wa Adamu ajarvetwia ufuma kwakunyi.'' ¹⁰Atumami wakwe vekamuweya, vekahanya ate asike adishi nejehanya Elia ujie mwandwo?¹¹Yesu akavasucha no haya, ''Eliya tutwe na ujosucha matu onge. ¹²Ekweso nowakhane nyenye Eliya wajie khae, ikweso vinamumanya, na kweso syo vekamutendea matu nawaseghete veso. Na vinywi Mwana wa Madamu vekamukhasha iho uekhono awe.'' ¹³Ne kweso atumami wakwe vekamanya na ureghetie khani ya ma Yohana Mbatizaji.¹⁴Nevijafika mkhati amwirundowaatu, mtu umwendo akamuhakeya akafihea utungama na maru usonge akwe no mukhane. ¹⁵''Bwana, mwonee uwai mwanane kusoko wina kifafa kughaseka ino. Kwa soko mara enge kugwera umoto au kene maje. ¹⁶Nga mweta gwa aseyi vako, nyenso vinadahau muforia.¹⁷Yesu wasucha nohanya, ''Nyenye ufafo ne mutina imani na nemuharibikie, neukikhaa itaberemwe na nyenye mpaka nanae? Neuvumiliana na nyenye mpaka nanae? Mureti hafai kene nene.'' ¹⁸Yesu akamwangera, no pepo akamufuma. Kijana akaforiwa fano saa eseye.¹⁹Necho aseyi vakwe vegamwendea kwa siri no umuweya, 'Kusoko eke ne kwina udaha umajucha?'' ²⁰Yesu akavaera kwa soko uhuvei unyuii. Tute novaera ne mwatendeka mwina uhuvei unyui kinya kapunje a mmbeyu a haradali mudaha ukera kitanto ikei, hegha ufuma hafai uende kukoo, weso kuhama noutendeka na into lolote ne kaushindikana kene nyenye. ²¹(Kwekeya: Khani yo mukere wo 21 ''Nyenso wikhori urui wo pwpo utudaheka ufuma ne kwa maombi na ufunga'' atikighete kene nakala ne njija akhae).²²Ikhondo nea vakee u Galilaya, Yesu akavaera aseyi vakwe, ''Mwana wamaAdamu kutiwa u mekhono antu. ²³No veumuuragha,' ituku ra katatu ukufetia.'' Aseyi vegahora ino.²⁴Veso nevajughea u Kapernaumu, antu neveukusanya kodi a nusu shekeli. Vekamwendea Petro nohanya, ''Je mwalimu wanyu kurefa kodi a nusu shakali?'' ²⁵Akahanya, ''Hoo'' nyeso Petro akakea mughea nyumba, Yesu akaeghetia no Petro mwandio nohanya,'Ukughemaneya ntuni Simioni? Wafalume vau dunia, veufokea kodi au ushuru kufuma kene anyu? Gwa avoo nevetawalie ufuma kwa aghenyi?²⁶Na ikhondo Petro neukuhanya, ''Ufuma kwa aghenyi'' Yesu akamwera, uyi watawaliwa ivaheyiywe kene urefeyi. ²⁷Nyenso kutaje uvatenda atoza ushuru vatende dhambi, enda ubahari, jughuta ndoana, no umuhoe uyuo samaki aijue mwandio. Baada uufungua momo wakwe, ukuhanga mle shekeli emwendo mehoe no uvafe atoza ushuru gwa soko ane na veve.

¹Ikhondo erero erero aseyi vekaja kene Yesu no mwera, ne anyu ne mukuu kene utemi wo kirunde?'' ²Yesu akamwetana mughinya munyui akamweka mukhate awe, ³no uhanya, ''Tute nuvaera, nemwandea ufea no utendeka kinya ghinyane nyui mutudaha uefea ukutemi wa Mungu.⁴Uyi unyuo ne kikishusha kinya mughinya, munto kinya usuyu ne mukuu kene utemi wo kirunde. ⁵Na wasuu nekumufokea mughinya gwa rina rane ukupkea nene. ⁶Nyenso wasuu newasababisha mukhate a umwendo khate anyui afai ne nevaghuvee uasi, kutendeka kuja gwa muntu uyuo igwe ne rikuu ro siera tetungewe ukhingo akwe no ughumewa ukilindi koo bahari.⁷Hene a nghee kwa soko a ikhondo ro uhutwa kusoko kutie budi gwa nyakati isiyo uja, nyenso hehe ekene gwa muntu uyuo nyakati isiyo kwa soko akwe! ⁸Ne mukho wako mughuu wako ukusacheye ukwazeka, uteme no uujoghute na veve ne kuja nanguu kene veve uhefea kene ufanga utendeke utina mukhono au kirema, neti ujughutwa kene moto wo khae na khae ne utendekiemekhono ongi au meghuu onge.⁹Ne mbese rino raho reuhuhutaneya, urerute na urejughute kurenge naveve. Nekuja nanguu kene veve uhejea kuufanga na veho rimwedu, linese ujughutwe umoto wa khae na khae nesa wina miho onge.¹⁰Rava necho mutaje umholotija umwendo wa anyui avai. Kusoko novaerava uyi ukirunde kuna malaika vawe matikuonge neveurava usiu wama tata wawe wo kirunde. (Kwekeya: Nkani neyoonekana kinya mkerewo 11, ¹¹''Kwa soko Mwana wa Adamu akaja ukhomoa neare kayaghae'' inakighe kene nakala ne njijaakhae).¹²Mughema ntuni? Neahendeka muntu wina khoo ikhana, na umwendo wanyagha, atovareka makhana kenda no kenda no uend aumufeja umwedonewayaghea? ¹³Na newadaha umuhanga, tute novaera kumuyanja kuliko avoo maghana kendo no kenda navatingaghae. ¹⁴Kuuyi neuyui ti kuja kwa tata wanyu wo kirunde umwedo wanyu aangamee.¹⁵Nechu munako wakukosea, enda, umuraghee dosari ne eumukhate ko na mweso newahendeka wimwene, ne wakuteghenya kutendeka wamusucha munako. ¹⁶Nyenso newade ukutegheya muhoe munako umwedo au vavee uzidi itamberemwe no veve kwa uyigwa meomo antu vavee au vatatu mu ukuhani kudaha kudhibitishwa.¹⁷Na necho wapuuza utegeya, neere ikanisa intu reseena newapuuzia uyi uyi utegheya ikanisa, kuuyi neatendeke muntu wo mataifa na mutoza ushuru.¹⁸Tute novaera, erero erea nemwarefunga udunia no kirunde rofugwa no erero ne mwarefungua au dunia no ukirunde rofungwa. ¹⁹Kanke nuvaera vii nechu antu vavee mukhate ayu nevakiyanjeya unto ronge duniani neveure omba, resee tata wane wokirunde kuretenda. ²⁰Kwa soko wavee au ariru nevakirunda itambemue gwa rina rane, nene notendeka umukhate awe.²¹Kanke Petro akaja no umwera Yesu, ''Bwana, ne mara inga munane newakosea na nene nemusamehe? Hata mara mafungate?'' ²²Yesuakamwera, ''Ntiukwera mara mufungate, nyeso nete maghana mufungate no umufungate.²³Kwa soko esee novaera utemi wo kirunde wikwete na mutemi ungeja neauseghete usaseya hesabu ufuma gwa atumami vakwe. ²⁴Akaandia useaseya hesabu, mutumami umwedo akaetwa kene mweso neare akudaiwa talanta elfu ikumi. ²⁵Kwa soko atina njea arefa, Bwana wakwe akamuragheya arijwe mukhema wakwe itamberemwe aghiya vakwe no muinto newinayo, no marefo atendeke.²⁶Uyi mutumami akagwa, akakhua maru usonge akwe, akahanya, 'Bwana, utendeke no ughemeyi itambemwe nanee, na nurefa mo intu.' ²⁷Uyi Bwana wa uyuo mutumami, kwa soko akasute ywamo no huruma akamurekea no umusamehea deni eseye²⁸Gweso mutumami usuyu akafuma no umuhanga umwedo mukhate mukhate a utumami vauyakwe, neare kudaiwa denari ighana. Akamuuta, akamukaba u mumia, no umera, ndefu ereo nenukudai.' ²⁹Gweso uyuo mutumami muyakwe akagwa no ukufefeheya ino nohanya,utendeke umughimeyi na nene na nokurefa.'³⁰Nyeso mutumami uyuo wa mwandio akahita kinyume kayo, akaenda no umujughuta gerezani, hadi ajomurefa ereo nekudaiwa. ³¹Na newajuona atumami vauyakwe ereo neradweya vekahoresiwa ino vekaja nomwera, 'Bwana wawe mu nto nerakighea.³²Ndio uyuo bwana mutumami uyuo akamwetana, umwera, ''Veve mutumami ne mwovu, neanakusamehea veve denirane ronge kwa soko ukakirera ino. ³³Je! winautakiwa uhendeka no huruma gwa atumwa auyako, kinya nene neakuhurumea veve?³⁴Bwana wakwe akahura no umreka gwa avoo anyautesa mpaka neujurefa kiasi konge neare kudaiwa. ³⁵Uyi ndio Tata wane wo kirunde neujuvahendea, kinya mu umwedo wanyu neatumusamehea muna wakwe ufuma ukhoo akwe.''

¹Ikadoeya ikhondo Yesu newajumenya khani isiyi, akahegha u Galilaya, na uende umpaka waYudea usonge a mongo wo Yordani. ²Irundo rikuu rekamusambeya no akawaforia kuko.³Mafarisayo vekamujea, noumujaribu, vekamwera, ''Je ne kuja gwa muntu umureka mukhema wakwe soko yoyote?'' ⁴Yesu akasucha nohanya, mwinasomaa, ure mwenso akavaumba mwandio akavaumba mughosia no mukhema?⁵No kanke akahanya, 'Kwa soko eseye mughosia kumureka ihe wakwe no yinya wakwe no uungana no mukhema wakwe no wavee veutendeka mwere umwendo?' ⁶Uyi ereo newareunganishiye Mungu, mwanadamu yeyote ataretenganishe.''⁷Vekamwera, ''Uyi kwa soko eke Musa akakuamuru kufunye mwandiko wo talaka no umureka?'' ⁸Vekamwera, ''Gwa ukaku wa ukhoo Musa akavayanjeya uvareka akhema vanyu, nyenso ufuma mwandio a kutiuyi. ⁹Novaera, uyi wasuyu ne wamureka mukhema wakwe neti kwa soko yo uzinzi, no umuroghoa unge wazini, no mughosia newamuroghoa mukhema he warekiwe wazini.''¹⁰Aseyi vekamwera Yesu, ''Nechu uyi nekuyigwa mughosia, no mukhema, ti kuja ukiroghoa.'' ¹¹Yesu akavaera, ''Ti mu muntu ukudaha ufukea maseyo ayai, bali ni gwa voo nevaruhusewe ufokea. Kwa uyi vefo matowashi ne wafafiwe ufuma undaa ya vanyinya vawe. ¹²No uyi uyi kwina matowashina vatendiwe na antu, no kwina matowashi nevatendewe matowashikwa soko a utemi wo kirunde. Kudaha ure uyahoa maseyo ayai no uyahoaa.'''¹³Nechu akaretewa baadhinna anginya neanyui ili avekea mekhono anto awe no uomba, nyeso aseyi vakwe vekavakugera. ¹⁴Gweso Yesu akahanya, ''Vareki anginya ne anyui, nechu mutavaghiye uja kene nene, kwa soko utemi wo kirunde ne wawe. ¹⁵Nene akavaekea mekhono akwe unto awe, necho akahegha hafo.¹⁶Rava muntu umwedo akaja kune Yesu nohanya, mwalimu ne intu reke nerija nenetakewe urehenda ete nchange utendeka no ufanga wa khae no khae?'' ¹⁷Yesu akamwera, ''Kwa soko eke kubweya ne intureke ne rija? Kwina umwedu tune mwema, nyeso nechu wayanja uhanya ufanga, katea sheria ya Mungu.''¹⁸Wasuu muntu akamuweya, ''Ne sheria yafe?'' Yesu akalianya, ''Utauraghe, utazini, utaive, utauhanye ureghegh, ¹⁹uvaheshimu tata wako no yiu wako, no umuyanje jirani wako kinya nafsi ako.''²⁰Muntu uyuo akamwera, ''Mantu onge neyatii nkee neseghete ntuni?'' ²¹Yesu akamwera, ''Ne wayanja utendeka umukamilifu, enda wendorinja ne winayo, no uvafe masikini no ukutendeka no hazina ukirunde na njuu usambeye.'' ²²Gwenso kijana usuyu newajotegheya asaya Yesu newamwera, ''Akahegha gwa ufai, kwa soko nere ukwete ughware ivinge.²³Yesu akavaera aseyi vakwe, ''Tute novara ne kukaku gwa muntu ne mughware uhefea kene utemi wo kirunde. ²⁴Kanke nuvaera, ne kuoro gwa ngamea ukea kene itunda ra sindano, kete gwa muntu ne mughware uhefea kene utemi wa Mungu.''²⁵Aseyi nevajotegheya uyi, vegashangaa ino nohanya, ne wefe uyi nekuokoka?'' ²⁶Yesu akavarava nohanya, gwa anadamu resee retudaheka, gweso gwa Mungu onge udaheka.'' ²⁷Nechu Petro akamusucha nomuera, ''Rava kwareka ongea no ukusambeya veve. Ne into reke ne kujuhanga?''²⁸Yesu akavaera, ''Tute novaera, wasuu ne wasambeya nene, kene ufafo ne ufia ikhondo mwana wama Adamu newajukikhaa kene itumbe ra khae no utukufu wakwe, nyenye no mujukikhaa unto a matumbe ikumi na avee akhae no vahukumea makabila ikumi na vavee a Israeli.²⁹Mwe umwedo wanyu newarekie khaya, muhomba, mucha, tata, yiu, aghinya, au meghunda gwa soko ane, ukuhanga mara mia no uhefea ukufanga wa khae na khae. ³⁰Gweso ne vinge va mwandio fanu, vajutendeka va nyuma no vanyuma vajutendeka va mwandio.

¹Kwa soko utemi wo kirunde wikhwere no munya mughunda, neakafetria diu ne nkuu no uvafa mwemo atumami kene mughunda wakwe. ²Neare wadaha ukubali ana atumami dinari emwedo gwa momwe wonge, akavatuma uenda kene mughunda wakwe wa mizabibu.³Akaenda kanke neare masaa atatu uyi na akaona atumami vangeja ne vaemekie bila mwemo kene eneo ro soko. ⁴Akavaera, ''Nyenye no, enda kene mughunda wa mizabibu, no erero ne rehalali nomufa.' Uyi vekaenda utenda mwemo.⁵Waenda kanke neare masaa mutandato na kanke kene saa kenda na akatenda uyi uyi. ⁶Mara enge kanke akaendo no ikumi na imwe, akaendo no uvahanga vaemekie bila mwemo, akavaera, ''Kwa soko eke muemekie hafai nete mwemo wowote itiku ronge? ⁷Vakamwera, kwa soko kutie muntu wasu neukuajili. Akavaera, Nyenye nange endi kene mughunda wa muzabibu.'⁸Ikihondo ra mpende ne rajoghea, munyu mughunda wo muzabibu akamwera muyausimamea wakwe, 'Vaetane atumami uvarefe mesahora, no uandia wo mwisho hadi wo mwandio.' ⁹Nevajuja avoo neavafiwe kibarua saa ikumi na imwe mu mwedo wawe akafokea dinari. ¹⁰Nevajuja atumami va mwandio, vekaghemane ya ure veufokea ino, gweso vekafokea mu mwetu dinari emwedo mu umuntu.¹¹Neare vajofokhea marefo awe, vakamulalamekea munya mughunda. ¹²Vekahanya, avai atumami va mwisho vatumea saa emwedo uyui kene utenda mwemo, gweso wavalinganisha no sese, sese kwucha muregho gwa itiku ronge no ufesiwa no ijoto.'¹³Gweso mnya mughunda akasocha no uhanya gwa umwedo wawe, munya hina, ntinahenda intu ne rive, je kwina kubaliana na nene dinari emwedo? ¹⁴Fokea ereo nere halali ako, no uende kwako, ne kuja kwane uvafa avai atumami neanavafie kebarua wo peo tute tute no veve.¹⁵Je! Ti tute kene nene utenda erea nenereyanjete no mali yane? Au riho rako ne riovu gwa soko a nene ne nemunyamajeghana? ¹⁶Uyi wo upeo ujotendeka wo mwandio no wo mwandio ujotendaka wo upeo''¹⁷Yesu nea watendeka kunatea uenda u Yerusalemu, akavahoa aseyi vakwe ikumi na vavee pembeni akavaera, ¹⁸''Rava kwinje u Yerusalemu, no Mwana wa Adamu ujotendewa umekhono a akuu wo makuhani na andishi. Vajomhukumea kuya, ¹⁹no vajomufunya gwa antu va mataifa ili amudhihaki, umukhua umusulubisha, nyeso itiku ra tatu ukufetia.''²⁰Nechu nyinya wama Zebedayo akaja kene Yesu na ana vakwe. Akakhua magoti no umwomba intu ufuma kene mweso. ²¹Yesu akamwera, ''Ukufenya intuni?'' Akamwera, ''Amuru uyi avai ana vane vavee vikhae, umwedo mukhono wako wa kelelo no umwedo mukhono wo kemoho kene utemi wako.''²²Nyeso Yesu akasucha nohonya, ''Utimanyie ereo nekureomba. Je! Kudaha ukenywea kekombe ne nokenywea?'' Vekamwera, ''Kudhaha.'' Akavaera, ''Kekombe kane tute mukenywea. ²³Gweso ukikhaa umukhono wane wa kelelo no umukhono wane wa kimoho ti ijukumu rane uvafa, gweso ne kwa avooo nechu vadahie uandalewa na tata wane.'' ²⁴Aseyi vangeikumi newajutegheya ayai, vekahuresiwa ino na avoo uruna vavee.²⁵Nyeso Yesu akavaetana mughonjo noveera, ''Mumanyie necho mutawala wa mataifa kuwatiisha na akuu vawe veutekeleza mamlaka juu awe. ²⁶Nyeso atatendeka uyi kene nyenye. Ku soko ayowasuyu ne kuyanja utendeka mukulu mukhate anyu lazima awe mutumami wanyu. ²⁷Na nekutendeka wa mwandio mukhate anyu lazima atendeke mutumami wanyu. ²⁸Kinya uyi Mwana wa Adamu inaya utumekewa neare utumeka, no ufunya ufanga wakwe utendeka ukhomoi kwa vinge.''²⁹Ikhondo wafuma Yeriko, irundo ne rikuu rekamusambeya. ³⁰Navekavaona afoku vavee vikhee upeo a babaa. Nevajutegheya uyi Yesu neare kukea, vakahumpua nduri nohanya, ''Bwana, Mwana wama Daudi, ukuhurumea.'' ³¹Nyeso irundo rekavaangera, no uvaera khii, Hata uyi veso vekahumbua ndori ino nohanya, ''Bwana wama Daudi, ukuhurumee.''³²Uyi Yesu akaemeka akaveetana no uvaweya, musegha nevatendee ntuni?'' ³³Vekamwera, ''Bwana miho itu akunukuwe.'' ³⁴Uyi Yesu, newajotendeka waitwa na huruma akayatenya miho awe, hafo eyeyo vekahanga udaho wo uona na vekamusambeya.

¹Yesu no aseyi vakwe viekafika fife no Yerusalemu no wakaenda faka Bethfage, kene kitanto ka mizeituni, neehu Yesu akatuma asei ²vakwe, Akavaera, ''Endi kene kijiji nekefuatee, no atambe remwe mumehanga ndongwe etungie hafo, no mwandongwe itambemwe nayo. Mtungwili na mumwete kene nene. ³Neare muntu wasuyu newavawera erero erehusu resee, muhanya, ''Bwana uvaseghete no muntu usuyu itambelemwe kuvayanje ya muje itambemwe nayo''⁴Into irei rikafumea ne ereo nerareghetiywe ukera gwa nabii lazima retimizwe. Akahanya, ⁵''Vaera acha vo Sayuni, rava, mutemi wako waja kene veve, muforo no kutendeka amenatee ndonja no mwana wo dogwe mughosia, mwana ndongwe mudeu .⁶Nechu aseyi vekahegha no utenda kinya Yesu newavaragheya. ⁷Vakamwetea ndongwe no mwandogwe, no ueka masare awe unto awe, mweso Yesu akakikhaa hafo. ⁸Veinge kene mwirundo vekatandaya masara awe unjea no vangeja vekatema masanje afuma kene mete no uyatantaeya ubaaba.⁹Irundo rekamutongea Yesu na avoo newamusambeya vakahumbua ndori, no hanya, ''Hosana gwa Mwana wa Daudi neubarikewe waja gwa rina rama Bwana Hosana unto ino!'' ¹⁰Yesu newajughea u Yerusalemu, ghe onge ikashituka nohanya, ''Uyui ne anyu? ¹¹Irundo rekasucha, ''Uyui ne Yesu nabii ufuma u Nazareti a u Galilaya.''¹²Necho Yesu akahefea kene hekalu ra Mungu, akavajucha uji vonge neare veughu no rinja uhekaluni. No akapindua meza ya anyokhavia hela na matumbe anyorinja njiwa. ¹³Akavaera, ''Eandikiwe, ''Nyumba ane eutendekanyumba a maombi, nyeso nyenye mumehenda ifango ra anyanganyi.'' ¹⁴Neare afoku na anyirema vakamujea uhekalu mweso akavaforia.¹⁵Nyeso ikihando akuu va makuhani no andishi nevajuona maajabu ne kuyatenda, no nevajutegheya nevekhua mukindo ihekaluni nohanya ''Hosana Mwana wa Daudi,'' Vekakatwa no hasira. ¹⁶Vekamwera, ''Mwategheye ireo herehanyiwe no antu?'' Yesu akavaera, ''Hoo, nyeso mwinawali usoma, ufuma umemo aghinya no aghinya neanyehe nemuokhaa mwina sifa kamili?'' ¹⁷Necha Yesu akavareka noenda unji aghee kene Bethania no urara kuko.¹⁸Ndiu neare kusuka umujini, akaona njaa. ¹⁹Akaona mute ufife no ubarabara. Ukauendea, nyeso inahanga into akwe isipokua matuto. Akauera, ''Kutatendeke mbesia kene veve daima kanke.'' Na mara eyeyo mute usuyu ukauma.²⁰Aseyi nevajuona, vakastaajabu nohanya, kwatendeka ure mute usuyu uuma mara imwe?'' ²¹Yesu akasecha novaera, ''Tute novaera nemwahendeka mwina uhuvei no uuria wasiwasi, matutenda ereo neretendekie gwa uruo mute tu, nyeso muwera hata ekeo kitanto, uhowe no ujughutwe u baharini no utendeka. ²²Erero nemwereomba gwa sala, kumu muamini, mufokea.''²³Yesu akaghea uhekalu, akuu va makuhani na anyampaa va antu vekamujea ikhondo neare kufundisia vekamuweya, ''Ne kwa udaho uke ukutenda mantu ayai? No ayu newakufie udaho urui?'' Yesu akasucha no muera, ²⁴''Nanee kanke novaweya iswali remwe. Nechu mwabwera, nanene uyu uyu novaera ne gwa udaho uke neutenda mantu ayai.²⁵Ubatizo wama Yohana - ukufuma kufe, ukirunde au gwa anadamu?'' Vekakiweya aghonjo, vakahanya, nekwahanya, ufumie ukirunde, ukuvera kwa soko eke mwina muhufea?' ²⁶Nyeso ne kwahanya ufumie gwa anadamu, 'Kuvaoghofa makutano kwa soko vonge vamukengee Yohana kinya nabii.'' ²⁷Nechu vekamujea Yesu nohanya, ''Kutimanyie'' Akavaera kanke wala nene tuvaera ne gwa udaho eke notenda mantu ayai.²⁸Nyeso mughema ntuni? Muntu munyu ana vavee akaenda ku umwedo nomwera, ''Mwanane enda wendo tenda mweno umughunda wo mezabibu reo. ²⁹Mwana akasucha nohanya, 'Ntinje nyeso baadaye akabadilisha maghemo akwe no akaenda. ³⁰Nomuntu uyuo akaenda gwa Mwana wa kavee nohanya into erero. Mwana usuyu akasucha no uhanya ninje, bwana,' nyeso enenda.³¹Wefei gwa avai nevavee watendie maseghaneyo ama tata wakwe? Vekahanya, ''Mwana wo mwandio.'' Yesu akavaera, ''Tute novaera, anyaukusaya ushuru na ufumbu veuhefea ukutemi wa Mungu kabla ayu uhefea. ³²Kwa soko Yohana akaja kene nyenye gwa nyea ne enyokie gweso mwinamohokea, ikhondo anyohangweya ushuru no afumbu veka muhovea, na nyenye ne mukaona resee nero tendeka, mwina daha ufea ili baadaye mumuhu vee.³³Tegheyi ikhori rengeja. Akwina muntu, muntu ne wina eneo ne rikuu ra faghe. Akafandea mezabibu, akamekea ikitra, akatenda no kefe ko khamea ntue, akajenga no munara wo alinzi, no warekodisha kw aanyatunza zabibu. ³⁴Nechu akaenda kene ghee enheja. Ikhondo ra mavuno a mezabibu nerajohumbea, akatuma baadhi a atumamamia kwa anyaurema vo mezabibu uhoa mizabibu akwe.³⁵Gweso anyorema va mezabibu vekavahoa atumami vawe, vekamukwa umwedo, vekamuuragha no vakamukhua umwedo kwa magwe. ³⁶Kwa mara engija, mumiliki akatuma atumami vangeja, vainge ino a avoo vya mwandio. Nyeso anyorema vo mezabibu vekavatendea uyi uyi. ³⁷Baada a hafo bwana uyuo, akamutuma kene mwana wakwe, nohanya, ''Veumuheshimu mwanane.'³⁸Gweso anyorema va mezabibu, nevajomuona kejana uyuo, vekakiera, uyui ne munyaurithi, njii kumureghe no kumiliki uridhi.'' ³⁹''Uyi vekamuhoa, vekamujoghuta unji a maghunda wo mezabibu no umuragha.⁴⁰Je mumiliki wo mughunda wo mezabibu ujie ujuvatenda ntuni anyorema va mezabibu?'' ⁴¹Vekamwera, ''Ujueua asava antu aovu kene njea aukhae ino, na uyi ukakodisha mughunda wo mezabibu vangeja vo mezabibu, antu necha veumurefa kwa soko amezabibu nejoveya.''⁴²Yesu wavaera, ''Mwinausoma u maandeko, igwe nevarehitie waashi retendeka igwe ne rikuu ro musingi. Erei rekafuma kene Bwana no ushangaza umiho awe?'⁴³Uyi no vaera utemi wa Mungu ujutwaliwaufuma khayu no ufewa taifa ne rejali mbesia yawe. ⁴⁴Usuyu newagwa unto a igwe reseye kuvunjwa vifaja vifaja. Nyeso kwa wasuyu heramugwera ro musia.''⁴⁵Akuu va makuhani no mafarisayo nevajotegheya ikhori rakwe, vekaona uyi kuvaregheteya veso. ⁴⁶Gweso mo nevajoyanja ughora mekhono unto awe vekaoghofa makutano, kwa soko antu vekamurava kinya nabii.

¹Yesu akahanya na veso kanke kene ikhori, nohanya, ²''Utemi wo kirunde kukinighana no mutemi neawaandae ngoi a harusi a mwanakwe. ³Akatama atumami vakwe uvakaribisha neare vararekiwe uja kene ngoi a harusi, gweso vinaja.⁴Mutemi akavatuma kanke atumami vangeja akahanya. '''Vaeri vonge nevararekiwe, Rava, naanda malewa. Fahari na ndama yane ne eghenie naikikinta, no mantu ongeetayari, njii kene ngoi a harusi.''⁵Nyeso antu vasava vinazingatea gwa dhati urareko wakwe. Vangeja vekaenda umeghunda awe, no uvakhasia no uvaragha. ⁶Vangeja vekavaukea atumami va mutemi no uvakhasia no uvaragha. ⁷Gweso mutemo akakasireka. Akatumainjeshi rakwe akavauragha avoo anyauragha no utimia ngo awe onge.⁸Nechu akavaera atumami vakwe, ''Ngoi etayari, nyeso neavararekiwe vinanoneya. ⁹Uyi endi kene mwirundo unjia ne kuuvaareki antu ne vainge neuwezekana vaje kene ngoi a harusi.'' ¹⁰Atumami vakaenda unjea ne nkuu no uvakaribisha antu vonge nevavaya, nevaja no nevave. Uyi ukumbi wo harusi ukakijua aghenyi.¹¹Gweso mutemi newajokea uvarava aghenyi, akaona muntu umwedo neatiyete isara ra harusi! ¹²Mutemi akamuweya, 'Rafiki, wadaha ure ughe hafai munge utina isara ra harusi?' No usuyu inasucha intu.¹³Hafo mutemi akavaera atumami vakwe, ''Mutungi muntu uyui mekhono no meghuu no mujughuti unji kene wiru, kuko kene kujutendeka kereo no ulia mino. ¹⁴Ku soko antu vaingi veetanwa, nyeso wateule ne vakei.''¹⁵Hafo Mafarisayo vekahegha no ufanga njea a mukwanta Yesu kene khani yakwe mughonjo. ¹⁶Hafo nevajowatuma aseyi vawe itamberemwe no Maherode. No vekamwera Yesu, ''Mwalimu, kumanyie uyi veve we muntu wa tute, no uyi kuseya maunjo a Mungu kene tute, utujali maoni amuntu ungeja no utuonyesha uhwania antu. ¹⁷Gwa uyi kwere, ukughema ntuni? Je, ne kunoneye kisheria urefa kodi kwa Kaisaria.¹⁸Yesu akamanya uovu wawe no uhanya, kwa soko eke mupima, nyenye ahongei? Ndaghei hela neutumeka urefa kondi.'' ¹⁹Uyi vekamwetea dinari.²⁰Yesu akavaweya, ''Sura na rina erei ne ra manyu?'' ²¹Vakamusucha, ''Ama Kaisaria.'' Uyi Yesu akavaera muvi Kaisaria muntu ne akwe, no vya Mungu muvi Mungu.'' ²²Nevajutegheya uyi vekashangaa. Naere vekamureka no enda zao.²³Matiku asaya baadhi masadukayo vekaja kene Yesu, avoo neveuhanya uyi kutie ufetwa gwa ukuyi, vekahanya, ²⁴''Mwalimu, Musa akahanya, ''Neatendeka muntu wakuya bila ufafa anginya, munakwe na amusare mukhema no umuhangeya mwana kwa sori a muna wakwe.²⁵Avarefo aruna mufungate. wa mwandio akaroghoa nechu akakuya bila ufafa mwana, akamurekra mukhema muna wakwe. ²⁶Nechu munakwe wa kavere akatenda uyi uyi, nechu uyuo wa katatu akatendekauyui hadi gwa uyuo wa mafungate. ²⁷Netiare autenda uyi vonge uyuo mukema na mweso akakuya. ²⁸Fanui kene ufufuo mukhema ujutendeka mukhema wa manyu kene aruna avoo saba? Kwa sababu wote walimuona.''²⁹Nyeso Yesu akavasucha novaera, ''Mukosea, kwa soko mutimanyie maandeko wanguu ya Mungu. ³⁰Kwa sori kene ufetwa, antu vaturoghoa wala uroghowa. Badala aya antu avai vautendeka kinya malaika.³¹Nyeso uhusu ufufuo wa ukuyi, mwinawahi usoma ekeo neare akukehanya kene nyenye nohanya, ³²''Nene ne Mungu wama Ibrahimu, Mungu wama Isaka, na Mungu wa Yakobo? Mungu ti Mungu wa akuyi uyi ne Mungu wa avoo nevafitiye.'' ³³Ikhando irundo neavategheya ayai, vekashangaa maseyo akwe.³⁴Nyeso Mafarisayo nevajutegheya uyi Yesu wa vakinyaa Masadukayo, vekakirunda veso aghonjo kwa itamberemwe. ³⁵Umwedo wawe neare mwana sheria, akamuweya iswali kwa umufima. ³⁶''Mwalimu, ne amri eke nenkuu kuliko nyonge kene sheria?''³⁷Yesu akamusucha, ''Lazima umuyanje Bwana ywa khoo ako onge, na kwa ihaa rako ronge. ³⁸Eyei ndio amri ne nkuu no a mwandio.³⁹Na akavee ikikhwete ne eyei, ne lazima umuyaje jirani wakwe na ninoukiyanjete mughonjo. ⁴⁰Sheria yonge na manabii eutengemea amri iyii ivere.''⁴¹No Mafarisayo neare wakere vakikisanyiye itamberemwe, Yesu akavaweya iswali. ⁴²Nohanya, ''Mughema, ntuni unto ama Kristo? Mweso ne Mwana wama Daudi.''⁴³Yesu akavasucha, ''Ne namna eke Daudi kene Roho kumwetana Bwana, nohaya, ⁴⁴''Bwana, akamwera Bwana wane, ''Kikahaa u mukhono wane wa kekelo hadi nejuuuvatenda maadui vako vaekwe fange a meghuuru ako?''⁴⁵Nechu Daudi kumwetana Kristo ''Bwana, ''Netiure kutendeka mughinya wakwe?'' ⁴⁶Kutie newadaha uujibu ukhani kanke, na kutie newadaha kanke umuweya maswali ino ufuma itikuereo no uendelea.

¹Baada ayo akaona irundo ra antu na aseyi vakwe. Akahanya, ²''Waandishi na Mafarisayo veakikhera utumbe rama Musa. ³Gwa uyi erero neva vaamuru utenda, tendi kununu muvuchunguza, nyeso mutaje mujusambeya mbesia yawe. Kwa soko veso veureghetia mantu nevatuyatenda.⁴Tute, veso veutunga meregho ne merito nechu mekaku umeucha, na uyi uvafafecha antu umegha awe. Nyeso veso aghonjo vetusunta hata mwachauucha. ⁵Mbesia yawe yonge, veutenda ili varawe na anu kwa soko veso vegharepia masanduku no uongeya ukuu mapindo a masara awe.⁶Veso vayanjete ukikhara u maeneo kikhware kene sherehe na kene matumbe a heshima mughe a Masinagogi, ⁷no usalimewa kwa heshima,kwa maeneo a sokonono etwanwa ''Walimu'' na antu.⁸Gweso nyenye mutinoneye etanwa ''Waalimu'' kwa soko mwinaMwalimu umwedo na nyenye nyonge mwanyandughu. ⁹Mutamwitane muntu wasuyu hafai u dunia kuwa tata wanyu, kwa soko mwina tata umwedo tu mweso wefo ukirunde. ¹⁰Wala mutaje mujoetanwa, walimu,' Kwa soko mwina Mwalimu umwedo tu, yaani Krisro.¹¹Nechu ne mukuu mukhate anyu ukutendeka mutumami wane. ¹²Wasuyu ne kukehumbua ukusimiwa, na wasuyu nekusimiwa ukuhumbuwa.¹³Gweso hehe anyu waandishi no Mafarisayo, ahongei! Muvautea antu ukutemi wo kirunde. Nyenye mutudaha kuukea no mutuvaruhusu nevekea utenda uyi. ¹⁴(Hehe anyu waandishi na Mafarisayo kwa soko muvamirie ajane''). ¹⁵Hehe anyu waandishi no Mafarisayo, ahongei! Mavuka umpeo a bahari no ughea utenda muntu umwedo uhuvee ayoo nemuyafundisia, na newatendeka kinya nyenye, mumutenda mara kavee mwana wo jahanamu kinya nyenye aghonjo ninomure.¹⁶Hehe anyu anyauongoza ofoku, nyenye muhanya, wasuyu ne kukiafeya gwa hekalu ti intu gweso nekukiafea dhahabu ya hekalu, watugwaa no kirafeyo kakwe. ¹⁷Nyenye afoku afutu, reve ne rikuu nechu reuya, dhahabu au hekalu ne reekie wakfu u dhahabu gwa Mungu?¹⁸No wasuyu nekukiafea kwa madhabahu, ti intu. Nyeso nekukiafea kwa sadaka ne eonto akwe, utungiwe kirafeya kakwe. ¹⁹Nyenye antu afoki, refe ne rikuu necho reuya sadaka au madhababu reare euekwa wakfu sadaka neyufuywaa gwa Mungu?²⁰Gwa uyi, wasuyu nekukiafea gwa madhabahu kukiafea gwa eseye no gwa mantua onge ne eunto akwe. ²¹No nekukiafea kwa hekalu, kukiafea gwa reseye no gwa mweso nekukikhaa monge akwe. ²²No wasuyu nekukiafea gwa irundo, kukiafea gwa etumba ra khae kwa Mungu no gwa usuyu newikhae unto akwe.²³Hehe anyu waandishi na Mafarisayo, ahonge! Gwa soko murefa zaka kwa bizali, munaanaa na muchich gweso mwarekie mantu ne marito a sheria - haki , rehema, no uhuvei. Nyeso ayai munoneye utendeka muyatendie, no ti ureka angeja neti ayatekeleza. ²⁴Nyenye anyauongoza afoku, nyenye ne muchuja mududu ne munyui nyeso mumia nganea!²⁵Hehe anyu, waandishi na Mafarisayo, ahongei! Kwa soko muonya unji a vikombe no unji a sahani, gweso munge kuinjue dhuluma no ndetendeka no kiasi. ²⁶Nyenye Mafarisayo afoku, onyi tanju munge a kikombe no umunge a sahani ili ufande wa unji no utemdeke we safi.²⁷Hehe anyu, waandishi ns Mafarisayo, ahongei! Kwa soko mwikwete na makaburi neririe chokaa, nechu unji ukighea maja, gweso munge eijue makufa a kunji, no mo intu ne rivaya. ²⁸Uyi uyi, na nyenye kuji mwighee anya haki usonge antu, nyeso kwa munge kwijue ahangei na udhalimu.²⁹Hehe anyu waandishi na Mafarisayo, wahongei! Kwa soko mwajenga makaburi ya waabii na uyapamba makaburi awa thuthi. ³⁰Nyenye muhanya, mbese kukaishi matiku ava tata vitu, akututendeka kwa hangei itambe remwe na veso uhunua saghami ya manabii. ³¹Kuyi mukishuhudea aghonjo nechu nyenye aghinya va avoo nevavaraghie manabii.³²No nyenye mukhondeya ukijuya sehemu ne enoneye muhutie ava tata vangu. ³³Nyenye njokha, ana va vipiribao, kwa njia eke mujukwepa hukumu o jehanamu?³⁴Uyi, Ravi, nuvatuma ukhanyu manabii, antu nevinamahaa no waandishi. Vangeja vawe muvauragha no uvasulubisha. No vangeja muvavakwa monge masinagogi anyu no uvajucha ufuma ghe emwedo na eghaja. ³⁵Wighei ne uyi unto anyu kukighea saghami yonge yanya tute neyahunukie ukurui, uandia saghami ama Habili munya tute no gwa saghami ama Zakaria mwana wa Barakia ne mwamuraghie mukhate patakatifu na madhabahu. ³⁶Tute novaera, mantu ayai onge yuuhanga ufafo uruu.³⁷Yerusalemu, Yerusalemu, veve newavaraghie manabii no vakhua no magwe avoo ne atumami vako, mara enga navakusanyiye aghinga vako itambemwe kinya nkuku nekuvakusanya vifaranga vakwe fange a mbaya yakwe, nyeso vinayanjaa! ³⁸Rava, khaya ako asagha ukeva. ³⁹Nanee no kwera, uandia fanui no uendelea utuona, hadi ujuhanga, ubarikiwe uyuo neujie gwa rina rama Bwana.'''

¹Yesu akufuma uhekaluni no uenda zake. Aseyi vakwe vekamwendea no umuraghea majengo o hekaluni. ²Nyeso akavasucha novaera, ''Je mutiyakengere mantu ayai onge? Tute novaera kutie igwe ne rosagha unto ariuya bila ubomolewa.''³Newajukikhaa kene kitando ka mizeituni, aseyi vakwe vakamwendea gwa faragha no uhanya, ''Kuere mantu ayai ukighea manae? Intu reke nerutendeka dalili auja veve no umpeowa ulimwengu?'' ⁴Yesu akasucha no uvaera, ''Itendeki makini na ataje muntu nejuvapotosha. ⁵Kusoko vinge vajie gwa rina rane. Vajuhanya nene ne Kristo, 'No vapotosha.⁶Mujutegheya veta na taarifa ya verta. Ravi mutaje mujutendeka no wasiwasi, ku soko mantu ayai atudea ukighea gweso uruo umpeo ujutendeka ukere. ⁷Kusoko taifa rejukihumbua dhidi aitaifa reuya, na utemi dhidi a utemi, kujutendeka njaa na matetemeko a faghe kene sehemu kiyahiya. ⁸Gweso mantu ayai onge ne mwandio tu wa uvai wo kitungua.⁹Uyi vajuvafunya kwa soko amakhaseko no uvaragha mujuhurwa na mataifa onge kwa soko arina rane. ¹⁰Uyi vainge vajukikwaa no usalitiana no vajukihura aghonjo gwa aghonjo. ¹¹Manabii vaingi va uregheghe vajovuma no uvaregheghea vainge.¹²Kwa soko uovu kuingefa, uyanjo wa vainge kupoa. ¹³Nyeso nekughimeya ku umpeo, ujuokolewa. ¹⁴Eyei injili a utemi ijutanatwaa kene eremi woghe gwa ushuhuda wa mataifa onge, uji umpeo ukughea.¹⁵Kwa uyi nemwajuona chukizo la uharibifu, nerahanyiwe na nabii Danieli raemeka mahali patakatifu [nekusoma na amanye], ¹⁶Uyi ne veu Yuda vaduree uvitanto. ¹⁷No uyuo ne wekunto a paa ra khaya atadahe usima faghe uhoa intu irero ufuma monga anyumba akwe, ¹⁸No wasuyu neare ku mughunda utasuke uhoa isara rakwe.¹⁹Gweso hehe awe ne vina aghinyu no avoo ne veocha kene matiku asaya! ²⁰Ombi nechu undua kwanyu kutatendeke ihkondo ro mpefo wala itiku ra Sabato. ²¹Kusoko kujutendeka no khasi ne nkuru, neare inaangufa utendeka tangu uumbwa gwa utemi hadi fanui, no wala itifo kanke. ²²Nechu matiku asaa neinakumbefwa, kutie ne kuokoka, nyeso gwa soko a wateule, matiku asa ukumbefwa.²³Neti atendeka muntu wasuyu ujuerwa rarva, krisro wefo hafai, au Kristo wefa kukoo' mutahuvee khani isiyi. ²⁴Kusoko makristo auregheghe no manabii auregheghe wajie no uraghea ndolia nenkuu no maajabu kwa soko opotosha, neti eudaheka no vateule. ²⁵Ravi, navalaghea nekee mantu ayai ukghea.²⁶Gwa ayi, neatendeka veavaera, ''Kristo wefo ujagwani, mutende kuko ujagwani, au ravi wefo monge a nyumba,' Mutahuvee khani isiyi. ²⁷Kinya uyi ufeto kutighea ukeya no umweka mpaka umweri, uyi ejutendeka uja gwa Mwana wama Adamu. ²⁸Hafo hafo newera muzoga, hafo ndio tai veukirunda.²⁹Gweso nechu baada a khasi nekuu a matiku asaya nyiuva nejutendeka kiti, mweri utijufunya weru wakwe, nyota ijugwa ufuma ufuma angani, no nguu yo kirunde ijuhingika.³⁰Uyi ishara Mwana wama Adamu ijokighea ufuma angati, no umakabila onge o dunia ajomurera. Vajomwona Mwana wama Adamu ujie kene marunde unto gwa nguu no utukufu neukuu. ³¹Ujuvatuma malaika vakwe gwa rori neukuu wo tarumbeta na vajuvarunda itambelemwe wateule vakwe ufuma pande nne ya dunia , ufuma umwisho umwedo wo kirunde no ungeja.³²Kifundisie isomo ufuma umute, umutene, nechu isanja nerachipua no ufunya matutu, mumanya uyi chwee kahumbea. ³³Uyi no, nemwaona mantu ayai onge, munonee umanya uyi wahumbea, fife no malango.³⁴Tute novaera, ufafo urui utufwaya mpaka mantu onge ayai etendeka akighea. ³⁵Irunde no ngee yeufwaya, khani yane itufwaya kamwe.³⁶Gweso uhusu itiku reseye na saa kutie muntu niumayiye, hata malaika wo kirunde, wala mwana ila tata wimwene.³⁷Kinya uyi naere kene matiku ama Nuhu, uyi utendeka uja gwa Mwana wama Adamu. ³⁸Gweso kene matiku ayoo naere ekere gharika antu neare veulia no unywa, veroghoa no uroghowa hadi itiku ereo nechu Nuhu akakea usafina, ³⁹no vinaumanya into gharika nekaja uvakokota - vonge, uyi ejutendeka uja gwa Mwana wama Adamu.⁴⁰Uyi antu wavee vajutendeka veu mughunda umwedo kuhowa, no umwedo kurekwa unyuma. ⁴¹Akhema vavee vajutendeka veusi itambamwe umwedo ujuhowa a umwedo ukusagha. ⁴²Gwa uyi tendeki mwina miho kwa soko mutima nyie itiku eke neujie Bwana witu.⁴³Gweso mumanye uyi, neutendeka bwana munyu khaya umanyie ne saa eke mwivi ujie, ukukesha atuyanjeya khaya akwe uvamewa. ⁴⁴Gwa uyi munoneye mutendeka tayari gwa uyi Mwana wama Adamu ujie kene saa nemutimije.⁴⁵Uyi ne anyu ne mwaminifu, mutumami ne wina ihaa, ne bwana wakwe kumufa madaraka unto nevere kene khaya akwe, ili avafe malewa kwa ikhondo nerenoneye? ⁴⁶Ubarikewe mutumami usuyu, nechu bwana wakwe ujumuhanga ukutenda uyi ikhondo neujie. ⁴⁷Tute novaera uyi bwana ujumweka unto a mo intu necha rakwe.⁴⁸Gweso nechu mutumami mwovu ukuhanya ukoo akwe, Bwana wakwe watinyaa,' ⁴⁹no wandia uvakhoa atumami vakwe, no akalia no ughara vileo, ⁵⁰Bwana wa mutumami usuyu ujuja kene itiku ne arireghemete, no kene saa ne atimije. ⁵¹Bwana vakwe ujumutema vifande vivere no umweka kene nafasi emwe ikwete no ahonge, neti kujutendeka kereo no usia mino.

¹Uyi utemi wo kirunde kukikwa na acha ikumi ne a vakahoa taa yawe nohegha uenda umusengeya Bwana wa harusi. ²Vatano mukhate awenare vafutu, no vatano wangeja neare anya mahaa. ³Acha neavutu vekahoa taa yawe, na vinahoa makuta. ⁴Uyi acha ne vinamahaa vekahoa maife vina makuta itambemwe no taa yawe.⁵Necho ikhondo bwana wa harusi wachelewa ughea vonge vekakatwa utindia no urara. ⁶Gweso ikhando ro utiku wa manane kukatengeka no mukindo''Ravi, bwana wa harusi, fumi unji mumusengeye.'⁷Uyi acha vekafetia vonge noacha taa yawe. ⁸Uvoo neafutu vekavaera anya mahaa kukangeyi sehemu a makuta ayu kwa soko taa yetu yarima.' ⁹Gweso avoo anya mahaa vekasucha no vaera, 'Gwa uyi atikutoshiye sese na nyenye, bahu ayo endi gwa anyaurisha mukighureye kiasi kwa ajili anyu.''¹⁰Ikihondo navaenda kuko ughura, Bwana arusi akaghea, no vonge neare vetayari vekaenda nayo kene ngoi a harusi no mlango ukautewa. ¹¹Baada ayo avoo acha vangeja no vekaghea no uhanya, ''Bwana bwana, kurugwere.' ¹²Gweso akasucha nohanya tute novara, nene tivamanyie.' ¹³Gwa uyi ravi, kusoko mutimanyie itiku au saa.¹⁴Kwa soko kukikwete no muntu newayanja utenda muhinjo no enda ughe engaja. Akavaetana atumami vakwe no uvafa mali yakwe. ¹⁵Umwendo wayo akamufa talanta itano, no ungeja talanta ivere, no uyuo munya talanta emwe. Mo muntu akafewa kiasi ukikwa no udaho wakwe. No uyuo muntu muntu akasafiri noenda kwakwe. ¹⁶Fifei uyuo newafewa talanta itanoakaendauyiekeya, no zalisha talanta engejan itano.¹⁷Uyi uyi uyou neawafewa talanta ivere, akazalisha engeja ivere. ¹⁸Gweso mutumami niwafewa talanta emwedo, akaenda kwakwe, akakua ikhombo ufaghe, no akamefiha hela ama bwana wakwe.¹⁹Na nechuare muda ukarifa, bwana wa mutumami akasuka no utenda mahesabu. ²⁰Uyuo mutumami neawafokee talanta itano, agaja noreta talanta engeja itano akahanya, 'Bwana, ukapa talanta itano, vama nahanga faida engeja itano.' ²¹Bwana wakwe akamwera, ''Hongera, mutumwa muja no mwaminifu, wahendeka umwaminifu kwa matu manyui, nekueka umadaraka aunto no amantu ne mainge, hefea kene nkumbu ama bwana wako.'²²Mutumami neawafokea talanta ivere, akaduya nohanya, 'Bwana, ukampa talanta ivere, Rava, nahanga nahanya faida atalanta ingeja ivere.' ²³Bwana wakwe akamwera, 'Hongera, mutumami muja no mwaminifu, wahendeka umwaminifu gwa mantu makeii. Nekweka umadaraka amantu nemaingehefea kene nkumbu ama bwana wako.'²⁴Baadayo mutumami neawafokee talanta emwedo akaja nohanya, nemanyie veve we muntu mukhae, kukhara mahali nechu winafandea no kuvuna mahali nechu hukusia. ²⁵Nene nekaoghofa, nekaenda zangu naunefiha talanta ako kene irongo.Rava ukete hafai eyeo neare ako.'²⁶Nyeso bwana wakwe akamusucha nohanya, Veve mutumami nemuve no mutotro, au manyie kinya nokhara mahali nechu tinafandea, no uvuna umahali nechu sikusia. ²⁷Gwa uyi aunoneye avafa hela ane antu va benki ikhondo nenasuka ukhane anumefokea eyeo ane itambemwe no faida.²⁸Uyi munyang'anyi iseye talanta no mufi uyu, p mutumami newina talanta ikumi. ²⁹Mo muntu newinayo, ujuongeywa uzidi hata gwa uzidishiwa ino. Lakini kwa yeyote asiye na kitu, hata alicho nacho atanyang'anywa. ³⁰Mujoghuti unji ukiti usuyu mutumami neatinoneye, nechu kujutendeka no kireo na ulia mino.'³¹Ikhando Mwana wama Adamu ujie kene ukuru wakwe, no malaika vonge itampemwenayo, uyi ujukikha unto a itumbe rakwe ra ukuru. ³²Mataifa onge ajokirunda usonge akwe, mweso ujubaghua kinya uyi mudemi nekuvubaghua khoro na mburi. ³³Ujuveka khoro mukhndo wa kilelo, no mburi mukhono wo kemoho.³⁴Uyi mutemi ujuvaera avoo ne veu mukhono wakwe wo kelelo, njii nemwabarikewe no tata wane muuhefee utemi ne mwanighaneywe soko anyu mwandio wo ekwa musingi wo uremi. ³⁵Kwa soko neare nina njara mukampa malewa, nea nemughenyi mukankaribisha; ³⁶Amekhonde, mukanyecha masara, aremurue mukatunza, a nokitungo mukaja.'³⁷Uyi anya hakivajumusucha no mwera, Bwana, nanare kukakuona wina njara nokulisia? Au wina yweta kukakufomaje? ³⁸Nanae kukakuona umughenyi no kukakufokea au wina khonde kukakuyecha masara? ³⁹Nanae kukakuona umurue, au kene kitungo no kukaja? ⁴⁰No mutemi ujuvucha novaera, tue novaera, nemwatendie hafai gwa umwedo wo aruna vanyu neanyui mwantendee nene.''⁴¹Uyi ujovaera avoo neveu mkhono wo kemoho, 'Heghi, kene nene nemwalanewe, endi kene moto wa khae nemwa eke ywe gwa ajili ama shetani no malaika vakwe, ⁴²Kwa soko anina njara gweso mwinampa malewa; anina yweta gweso mwinampaa maje; ⁴³Neare ne mughenyi gweso mwinankaribisha neare ne nkonde gweso mwinampaa masara, neare nemurue na neukitungo gweso mwinauntunza.'⁴⁴Uyi veso no vajusucha nohanya, 'Bwana,nannae kukakuona wina njaea, au wina nyweta, umughenyi au wekhonde, au umurue, au umutugwa no kutina kuhundumea? ⁴⁵auyi ujuvasocha nohanya, Tute novaera ereo necho mwina retende gwa umwedo wa avai anyui, mwinauntendea nene.' ⁴⁶Avai vajoenda kene adhabu akhare uyi anya haki kene ufanga wakhare na khare.''

¹Ikhondo Yesu newajudaha uhanya khani yonge iyii, akavaera aseyeui vakwe, ²''Mumanyie uyi bada matiku avere kujutendeka no sikunkuru apasaka no Mwana wama Adamu ujufuywa ili usulubewe.''³Badaayo akuru wo makuhani na anyampara va antu vekatana itamberemwe kene mikoa akuhani ne mukhuru neare kuetanwa Kayafa. ⁴Gwa itambelemwe vekafanga njama amukwata Yesu gwa kifiheyo no umuragha. ⁵Kwa soko vakahanya, etatendeke ikhando ro sikunkuru, kusudi etaje ejozuka ghasia mukhate antu.''⁶Ikhando Yesu neare ku Bethania kene nyumba ama Simoni mkoma, ⁷neare ukinyoshiye umeza, mukhema umwedo akaja kene mweso wochiye mkebe wa alabasta neare wina makuta ne thamani nkuru na akayamiminea unto a itwe rakwe. ⁸Gweso aseyui vakwe nevajuona into erei, vekahura nohanya, ntuni soko a hasara eyei? ⁹Ayai a eudaha urijwa gwa kiasi ne kekuru no ufewa atuki.''¹⁰Gwa soko Yesu, au manyie erei akavaera, kusoko eke mumukhasia mukhema uui? Gwa uyi watenda intu rija kene nene. ¹¹Atuki mwinayo matiku onge, gweso mututendeka itambe nanene daima.¹²Kwa soko neare wamimina makuta ayai unto a mwere wane, akatenda uyi sori a iekwa rane. ¹³Tute novaera, kungeja injili eyeo nejuhubiriwe kene uremi vonnge, ketendo newahenda uyui mukhema, no keutendeka keuhanywa kwa sori a ikumbukeyo.''¹⁴Nechu umwedo wa avoo ikumi na vavere, nekuetwa Yuda Iskariote, akaenda gwa ukuru wo makuhani. ¹⁵nohanya, ''Mughangenye ntuni nenamusaliti?'' Vekampimea Yuda ifande selasini ya hela. ¹⁶Ufuma muda wasuyu akafenja chanya ka umusaliti.¹⁷Hata itiku ro mwandio ra mekate netutendewa chachu aseywi vekamwenea Yesu nouhanya, ''Kufe neuseghete kukuandalea ulie malewa a pasaka?'' ¹⁸Akavaera, ''Endi umujini gwa muntu unge na mweri, mwalimu wahanya, Muda wane wahumbea, neutimiza pasaka itamberemwe na aseywi vane kene nyumba ako.'''' ¹⁹Aseywi vekatenda kinya Yesu newavaragheya, navekaandaa malewa a pasaka.²⁰Neajughea mpende, akakikhaa ulia malewa itambemwe no avoo aseywi ikumi navavere. ²¹Neare veulia malewa, akahanya, tute novaera uyi umwedo wanyu ujusaliti.'' ²²Vekahura ino no mu umwendo akaandia uweya, ''Je, netute ti nene, Bwana?''²³Akamusucha, uyuo neare wachovya mukhono wakwe ita itambemwe no nene kene bakuri ndio nekusegha usaliti. ²⁴Mwana wama Adamu ujuhegha, kinya neawandekewe. Gweso hehe akwe muntu neujumusaliti Mwana wama Adamu! Etendeke kuja gwa muntu usuyu kinya inafafwa.'' ²⁵Yuda, neare ujumusaliti akahanya, ''Je!, Ne nene Rabi?'' Yesu akamwera, ''Into erei veve mughonjo.''²⁶Neare veulia malewa, Yesu akaufunya mukate, akaubariki, no uwaghania, akavafa aseywi, vakwe nohanya, horimulie, urui ne mwere wane.''²⁷Akafunya kekombe no ushukuru, akavafa nohanya, ''Nywii nyonge kene ekei. ²⁸gwa uyi eyei ne saghami iragheyo rane, neuhunuka kwa soko a vinge gwa musamaha wo mahutie. ²⁹Gweso nuvaera, tiuywa kanke mbesia ya muzabibu urui hadi itiku ereo nene junywa napya itambe nanyee kene utemi wama tata wane.''³⁰Nevajudaha uemba wemba, wekafuma noenda ketanto ka Mizeituni. ³¹Nechu yesu akavera, ''Utiku urui nyenye nyonge mukikwaa kwa asoko ane, gwa uyi eandekiwe nomunkwa mudemi no khoro wo irundo veufaghata. ³²Gweso bada aufetia gwane, novatongea uenda Galilaya.''³³Gweso Petro akahanya, ''Hata kinya vonge veughitra gwa soko a mantu neukuhanga, nene tiukuhitra.'' ³⁴Yesu akasucha, tute nokuera, utiku urui nekee njololo inarea ujughita safari itatu.'' ³⁵Petro akamwera, ''Hata kinya enoneye ukuya no veve, tiukukana no aseywi vangeja vonge vekahanya uyi uyi.³⁶Badaayo Yesu akaenda nayo u mahali nekuetanwa Gethsemane no akavaera aseywi vakwe, ''Ikhani hafai ikhondo nenaenda kuko no uomba.'' ³⁷Akamuhoa Petro na vana vavere wa Zebedayo no akaandia ihuzuneka no usononeka. ³⁸Nechu akavaera, ''Khoo ane ina uvai neukuru ino, kinya keasi kaukuya. Saghi hafai mkeshe itambemwe nanee.''³⁹Waenda usonge kynyui, akagwa kefudifudi no uomba. Akahanya, ''Tata wane, kinya uwezekana, kekombe ekei keghengee, hatendeke kinya neseghete nene uyi kinya useghete veve.'' ⁴⁰Akavaendea aseywi akavahanga varaa ntroo akamwera Petro, ''Gwa soko ete venaudaha ukesha na nene hata saa imwe? ⁴¹Keshi nauomba mutaje nujuhefea majaribbuni, khoo eradhi, mwere ne dhaifu.''⁴²Awaenda kwakwe itambe ra kavere noomba nohanya, ''Tata wane, kinya intu erei retudaha ughengea ne lazima nekenywee kekombe ekei, mafenji ako etendeke.'' ⁴³Akasuka kanke novahanya veree ntroou, kwa soko miho awe atendeka marito. ⁴⁴Nechu akavareka kanke noenda kwakwe. Akaromba itambe ra katatu nohanya khani iyiyo.⁴⁵Baadayo Yesu akavaendea aseywi vakwe novera, ''Kee muree nakitunyesia? Ravi saa ihumbea Mwana wama Adamu kusalitewa mekhono anyu mahutie. ⁴⁶Feti, kuheghe, ravi, uyuo neujusaliti wahumbea.''⁴⁷Ikhondo neare akere kureghetia, Yuda umwedo wa avoo ikumi no vavere, akaghea, irundo ne rikuru rekaghea itambemwe nayo refumie gwa ukuru wa makuhani no anyampara va antu. Vekaja no mavanga na marungu. ⁴⁸Kanka muntu neawakusudea musaliti Yesu neare wavafa nkori nohanya, ''Uyuo nenamutomia, ndio mweso. Mukati.''⁴⁹Itambe reseye akaja gwa Yesu nohanya ''Amucha, Mwalimu!'' No akamutumia. ⁵⁰Yesu akamwera, ''Munyanhina retende ure neare rakureta. Uyi vekaja no mwaraghea mekhono Yesu, no umukwata.⁵¹Rava, muntu umwedo nerae witambe ramwe no Yesu, akaghora mukhono wakwe, ukauta ifanya rakwe nakamukwa mutumami wo kuhani mukuru noumutema ketwe kakwe. ⁵²Uyi Yesu akamwera, sucha ufanga wako hafoo newaufungaa, kwa soko vonge nevetumea ufanga vajufariwa no ufanga. ⁵³Mughema uyi tiudaha umwetana tata wane, mweso akantumea majeshi uzidi ikumi na kavere va malaika? ⁵⁴Gweso uyi nino eke maandeko eudaha utimizwa, uyi ndio enoneye ufumea?''⁵⁵Ikhondo reseye Yesu akauera irundo, ''Je! Mwaja no mafanga no marungu ukwata kinya munyaghangi? Mwe itiku neukikhaa uhekalu no ufundisha, namwina, ukwata! ⁵⁶Gweso onge ayai utendeka ili maandeko aa manabii atime uyi aseywi vakwe vekamureka no udua.⁵⁷Avoo nea vamukwata Yesu vekamutoa gwa kuyafa, kuhani ne mukuu usehemu neare wandishi no azee vakirundie itamberemwe. ⁵⁸Nyeso Petro akamusambeya gwa nyuma gwa kure hadi kene ukumbe wa kuhani makuu akahefea munge no ukikhara itamberemwe no alinzi oone nereutendeka.⁵⁹Uyi akuru wo makuhani na Baraza ronge are weufenja ushahidi wo uregheghe kene Yesu, ili vadahe umuragha. ⁶⁰Nechu vikafuma mashahidi vinge, gweso vinahanga soko engeja nyeso baadayo mashahidi vavere vekafuma usonge. ⁶¹no uhanya, ''Muntu uyui akahanya, ''Nadaha umevunja khaya a Mungu no unejenga kanke gwa matiku atatu.'''⁶²Kuhani ne mukuru akaemeka no umuweya, ''Utudaha ujibu? Avai veukushuhudea ntoni kene veve?'' ⁶³Gweso Yesu akakikhaa twee. Kuhani ne mukuru akamwera, Kinya Mungu nekuishi nukuamuru ukwere kinya veve ne Kristo, Mwana wama Mungu.'' ⁶⁴Yesu akasucha, ''Veve mughonjo ukuhanya intu erei, nyeso nukuera ufuma fanui no vendelea kumwona Mwana wa Adamu ukikhee umukhono wo kelelo ne wina nguu no ujie kene marunde a ukirunde.''⁶⁵Uyi kuhani ne mukuu akahafua masara akwe, nohanya, ''Kukufuru! Je, kusegha kanke ushahidi wa ntuni? Rava, tayari mwategheya nekukufuru. ⁶⁶Je! Mughema ntuni, vekasucha nohanya, ''Unoneye kuya.''⁶⁷Uyi vekamutiera mate ukusiu no umukhua ngumi, no umuhutra makofi gwa mekhono awe, ⁶⁸no uhanya, ''Kukhanee, veve we Kristo. Ne anyunewa kukhua?''⁶⁹Ikhondo reseye Petro neare wikhee unji kene ukiumbe no mutumami wa kekhema akamwendea no hanya, ''Veve no neare itambemwe no Yesu wo Galilaya.'' ⁷⁰Gweso akahita usonge awe vonge, nohanya, Timanyie ino nekurehanya.''⁷¹Neawaenda unji ulango, mutumami unge wa kikhema akamuna no umwera javaefo hafai, ''Muntu uyui no awere itambemwe no Yesu wo Nazareti.'' ⁷²Akahita kanke gwa ukiafea, ''Nene ntimumanyie muntu uyui.''⁷³Muda ukufei baadayo, avoo neare vaemekie fife, vekamwendea no uhanya no Petro, ''Gwa tute veve no weumwendo wawe, kwa soko hata lafudhi ako euonyesha.'' ⁷⁴Uyi akaandi ulani no kiafeya, nene ntimumanyie muntu uyui, itambe reseye njololo akarea. ⁷⁵Petro akakumbukwa khani neawaerwe no Yesu, ''Kabla njololo itinarea ukuukara matambe atatu.''

¹Ikhondo ra diu nerajoghea, akuu wonge wo makuhani na anyampaa va antu vekalia njama dhidi ama Yesu wadehe umuragha. ²Vekamutunga, vekamuongoza, no mugheya kene Liwali Pilato.³Nechu ikhondo Yuda, nea wahendeka wamusaliti, newajua ona uyi, Yesu wadaha uhukumewa, akahuru no nosacha mafaja makumi atatu ahela gwa mukuru wo makuhani na anyampaa, ⁴nakahanya, ''Nahenda dhambi gwa umesaliti saghami netina mahutie.'' Gweso vekasucha, ekuhusu ntuni sese? Yarave asaya mughonjo.'' ⁵Nechu akavirusha faghe ivio vifande vya hela kene hekalu, no uhegha gwake no ikinyonga mughonjo.⁶Mukuu wo makuhani akavihoa ivio mafaja hela no uhanya, ''Ti kuja umeka hela eyei kene hazina, kwa soko ne gharama a saghami.'' ⁷Vekareghetia gwa itambemwe no hela ikatumeka ughua maghunda wa mufinyanzi ro ueka antu. ⁸Gwa soko eyei mughund usuyu wahendeka kuetwa,''Mughuda wo saghamu hadi reo eyei.⁹Nechu uruo ukhani neare wareghetiwe no nabii Yeremia rekatimea, uhanya, ''Vekafunya vifande makumi atatu ahela gharama neafangiwe no antu vya Israeli gwa soko akwe, ¹⁰no vekatumea gwa mughunda wo mufinyanzi, kinya Bwana wahendekie ukhanee.''¹¹Hafo Yesu akaemeka usonge ama Liwali, no Liwali akamuweya, ''Je veve we mgalume wo Wayahudi?'' ¹²Yesu akasucha veve wahanya uyi.'' ¹³Gweso ikhondo newajosintakwa na akuu wo makuhani na anyampaa, inasucha rengeja. Nechu Pilato akamwera, ''Winayategheya mashitaka onge ne ako?'' ¹⁴Gweso inasucha hata ukhani umwe uyi Liwali akaijua mushangao.¹⁵Hafo kene sikukuu aneare desturi ama liwali umurughua mutufwa umwedo newahoanwa no irundo ra antu. ¹⁶Ikhondo reseye a kwina matugwa sugu rina rakwe Baraba.¹⁷Uyi ikhondo neare vakirunda itambemwe, Pilato akawawela, ''Ne anyu nemuseghete kumuru gwere gwa soko anyu?'' Baraba au Yesu nekuetwa Kristo?'' ¹⁸Kwa soko aumanyie uyi vadaha umukwatra kwa soko a huri. ¹⁹Ikhondo neare wikhere kene itumbe rakwe ro hukumu mukhema wakwe akamutuma ukhani no uhanya, utatende intu rengeja muntu uyui neatina ihutwe. Soko nakhaswa ino hata reo kene ndoti gwa soko akwe.''²⁰Uyi akuu va makuhani na anyampaa vamuombea, no Yesu auraghwe. ²¹Liwali akavaweya, ''Ne wefe mkahte a vavee museghete nene nemurekee kene nyenye?'' Vekahanya, ''Baraba.'' ²²Pilato akavaera, ''Nemutendee ntuni Yesu nekutanwa Kristo?'' Vonge vekasucha, ''Msulubishe''²³Mweso akahanya, ''Soko ntuni Ihutie reke newatenda?'' Nyeso vekaendelea uhumbua ndori hata unto ino, msulubishe.'' ²⁴Uyi ikhando Pilato newajuona atudaha utenda regheja, soko badala ayo vurugu neare yaandia, akafunya maje ananawa mekhono akwe usonge a irundo, no akahanya nene ntina ihutwe into a muntu uyui ne antina ihutwe yaravi ayai aghonjo.''²⁵Antu vonge vekahanay, ''Saghami akwe ahendeke unto itu no aghiya vitu.'' ²⁶Uyi akamurughuera Baraba kene veso, gweso akamukhwa makhotia Yesu nomutoa kene veso noenda usulubewa.²⁷Nechu askari wa liwali vekamuhoa Yesu mpaka Praitoria no irundo ra maskari vonge vikamwidekea. ²⁸Vekamuyueya masara akwe no muyecha nkanjo rangi ne khuku. ²⁹Nechu vekatenda taji a maghuya no meka unto aitwe rakwe, no vakamwekea mwanzi kene mukhono wakwe wo kilelo. Vekakhwa magoti usonge akwe no umusotra nohanya, salamu, mutemi, wo Wayahudi?''³⁰No vekamutiera mate, na vekafunya mwanzi nomukhwa ukitwe. ³¹Ikhondo neare weumisotra, vekamuyueya masara akwe no umutongea noenda musulubisha.³²Nevajufuma unji, vekamwona muntu ufuma Krene rina rakwe Simeoni, neare vekamulazimisha uwenda nayo ili adahe uwucha msalaba wakwe. ³³Nevajugheasehemu neetwa Golgota, mana ayo, eneo ro fuvu na kichwa.'' ³⁴Vekamufa siki neechanganyiwe no kisungu, anywe. Nyeso newajumeona, inadaha umenywa.³⁵Ikhondo nevajutendeka vamusulubisha, vekaaghana masara akwe gwa uya khuera kura. ³⁶No vakakikhara no murava. ³⁷Unto a itwe rakwe vakaeka masintaka dhidi akwe neosomeka, uyui ne Yesu, mtemi wo Wayahudi.''³⁸Ahembi vavere vekakhasiywa itamberemwe, umwedo ufande wa kelelo na muya ufande wa kimoho. ³⁹Avoo neare vekara vekamdhihaki vekahingisia metwe awe. ⁴⁰no uhanya, ''Veve ukusegha akulihalifu hekalu na urejenga kene matiku atatu, kiokoe mughonjo, kinya na Mwana wa Mungu, sima fange ufume umusalaba!''⁴¹Kene hali eyeyo akuru va makuhani vekahendeka veumkashifu, itambemwe na aandishi na wazee no uhanya, ⁴²''Arekuokoa vangeja, nyeso atudaha ukiokoa mughonjo, mweso ni mfalume wa Ayahudi, na asimefange umusalaba, ndio kumhuvea.⁴³Aumtumaini Mungu. Reka Mungu amokoe fanui kinya kusegha, kwa soko akahanya,''Nene ne Mwana wa Mungu.'''' ⁴⁴Na avoo anyanganyi vekahendeka veumusulubisha, itambemwe na mweso vekahanya khani yomudhihaki.⁴⁵Fanui ufuma saa amutandatru kuketendeka na kiti ngee onge hadi saa kenda. ⁴⁶Naajughea saa kenda, Yesu akarea gwa ruri neukuu, ''Eloi, Eloi, lama thabakithani?'' Ukiraghe Mungu wane, Mungu wane, kusoko eke wadaha?'' ⁴⁷Ikhondo reseye baadhi awe neare vaemekie hafo vakategheya, vekahanya, 'Kumwetana Eliya.''⁴⁸Mara emwe umwedo akadua nohoa sifongo naumijuya ukiywa kelulu, akameka unto a mute no umufa adahe unywa. ⁴⁹Avoo neavasaghie vakahanya, 'Mureki wimwene, mweki kuone kinya Eliya ujie umokoa.'' ⁵⁰Nechu Yesu akarea kanke gwa ruri ne ukuu akamefunya khoo akwe.⁵¹Rava ipazia ro hekalu rekapasuka sehemu evere ufuma unto hadi fange na fange ekakhakhata na magwe ikatamuka mafaja. ⁵²Makaburi akarughuka na meere atakakati vinge nea veree truo vekafetwa. ⁵³Vekafuma umakaburi baada a ufufuo wakwe, vekahefea mji mtakatifu, na vakakighea na vainge.⁵⁴Uyuo akida na avoo neare vamuravie Yesu vakaona tetemeko na mantu neare akighea, vekakijua wova ino nohanya, 'Tute uyui neare Mwana wa Mungu.'' ⁵⁵Akhema vainge neare vamusambeye Yesu ufuma u Galilaya noumuhudumea vekatendeka hafo veurava ufuma kure. ⁵⁶Mukhate awe neare Mariamu Magdalena Mariamu nyiya wakwe Yakobo na Josephu na nyinya wa nginya wa Zebedayo⁵⁷Neajoghea mpende akaja muntu mughware ufuma Arimthayo, ayo nekuetanwa Yusufu, neare no akateka museywi wama Yesu. ⁵⁸Akaenda kena Pilato no urombo mwere wama Yesu. Necho Pilato akaregheya adahe ufewe.⁵⁹Yusufu akauhoa mwere akautunga gwa a sufi ne safi, ⁶⁰naakamurecha kene kaburi ne rifia rakwe neare urechongie umagwe. Nechu akaviringisha igwe nerikuu rekakunekea mulango wa kaburi na akaenda. ⁶¹Mariamu Magdalena na Mariamu muya neare vehafo vikhee uelekea kaburi.⁶²Itiku ne rifuatae neare rekatendeka itiku ra maandalio akuu va makuhani wa makuhani vekakirunda itambemwe kene Pilato. ⁶³Vekamwera, ''Bwana, kukumbukiwe uyi ikhondo mareghehe nea mufanga akahanya, 'Bada amatiku ataratu ujufetia nanke.' ⁶⁴Uyi ragheya kaburi righojwe salama mpaka matiku atatu. Neti aseywi vakwe vedaha uya umwiva no uhanya kwa antu wafetia ufuma gwa ukuyi no udanganya mwisho ujutendeka uve kuliko uruo wo mwandio.''⁶⁵Pilato akavaera, ''Hori alinzi. Endi mwendotenda hali ausalama kinya mudaha.'' ⁶⁶Uyi vekaenda na utenda kaburi salama, igwe rekagogwa muhuri uvaeka walinzi.

¹Nechuare mpende itaku ra Sabato yiuva neare roharea uenda itiku ra mwandio ra iwiki, Mariamu Magdalena na Mariamu moya vekaja oreona kaburi. ²Rava akwina itetemeko rikuu gwa soko malaika wama Bwana akasimma urisunta ireo igwe.³Ikeru rakwe akatendeka kinya umeme, na masara akwe akatendeka maeru kinya theluji. ⁴Avoo anyolinda vekahagwa na wova noutendeka kinya akuyi.⁵Uyuo maraika akavakhanea avoo akhema nohanya, ''Mutaoghofe kwasoko nemanyie mumufenja Yesu, neawasulubewa. ⁶Atifo hafai, nyeso wafetia kinya nea wavaghanee. Njii murave mahali neare Bwana uree. ⁷Enda ure mwendovaera aseywi vakwe, wafetia ufuma gwa akuyi, rava votongea Ugalilaya. Kuko ndio mwinjumuona. Rava nene navaera.''⁸Avoo akahema vekahegha hafo ukaburi ure vakatendeka na wova na nkumbu nekuu, na vekadoa uvaera aseywi vakwe. ⁹Rava Yesu akatana anayo nohanya, ''Salamu'' avoo akhema vekaja noumukatra meghuu akwe nanyi vekamwinamea. ¹⁰Nechu Yesu akavaera, ''Mutaoghofe, endi mwendovaera aruna vanyu watongea Ugalilaya. Kuko mwinjumona.¹¹Ikondo avoo akhema neare vinje, rava baadhi alinzi vekaenda umujini noveare akuu va makuhani mantu onge neare akighea. ¹²Makuhani neare vatana na anyampaa urejadili intu arei itambemwe nayo, vekafunya kiasi kekuru kahela kwa avoo askari, ¹³no vaera, ''Vaeri vangeja uyi, aseywi wama Yesu vekaja utiku vakaiva mwere wama Yesu ikhondo sese neare kuree.'¹⁴Mbese taarifa eyei imufikie liwali, sese kumushawishi hovaheyeya nyenye mashaka onge.'' ¹⁵Gwa uyi avoo askari vekaihoa yio hela natenda kinya neare vaseywa. Ukhani urui ukakighea ino kwa Wayahudi na atendekie uyi hata reo.¹⁶Nyeso asava atumwa ikumi na vavere, na umwedo vakaenda Ugalilaya, kene ekeo ketanto neare wavaraghee. ¹⁷Neare vamuona, vekamwabudu. Nyeso vangeja vekuoghofa.¹⁸Yesu akaja kene veso novaera, ''Nafiwe nguu nyonge ungee no ukirunde. ¹⁹Uyi endi mwandovatrenda mataifa onge utendeka aseywi muvatize kwa rina rama tata na rama Mwana no khoo ne Mweru.²⁰Varangei uyahovea mantu onge nenavaragheye, Na ravi, nene nitambemwe na nyenye daima neti mpaka khare a dunia.

¹Urui ni mwandyo wa injili amwa Yesu Kristo, Mwana wa ma Matrunda. ²Ninoare ikaandekwa na nabiii Isaya, ''Rava, numutruma mujumbe (mtrumwa wane) usonge ako, umwedu ni ujughakhatya njaa ako. ³Ruri wa muntu niukuria umbugha, '' Medali njea amaghosia, ighori njea ane.''⁴Yohana akaja, areukubatiza umbugha na uhubiri ubatizo kwa musamaha wa amuhutye. ⁵Ngei onge a Yudea na antu vonge Yerusalemu vakaenda kini mwenso. Auviufoatizwa na mwenso u Yordani, viungama mahutye awe. ⁶Yohana are ukuyara masaa la magosi angamea na mukanda wa ndee ukino kokwe, na areukulia ruke wa kihaka.⁷Akahuiri na uhaya, ''Ulifo umwedu ni baada ane newinanguu kuliko nene, na ntina udaho mpawo hunama ufange na utrungua ngohe ya maatru akwe. ⁸Nene ukawabatiza umoje, nyenso mwenso ujuwabisha maji nyenye kwa Mwahu Mweru.''⁹Ikafuma matriku asaya Yesu akaja ufuma u Nazareti o Galilaya, na ubatizwa na Yohana kirambo ro Yorodani. ¹⁰Ikhondo Yesu neare akauka ufuma umaje, akaona irunde rika tramanuka mwari na Mwahu ukusima fange unto kinya nkuwe. ¹¹Na ruri ukafuma kirunde, ''Veve ne mwanane nene kuyanjetre. Nuyanjiswa ino na veve.''¹²Umwedu Mwahu wamumiya umbugha. ¹³Are kumbugha matriku makumi ane, ukusoyo na murughu. Aliwina malimwa na akihakana malaika vakamwariya.¹⁴Fanii inari Yohana wakwawa Yesu akaja u Galilaya akaja ukutranatya ukhani wa ma Matrunda, ¹⁵ukuhanya, ''ikhondo lafika, na utremi wa ma Matrunda wahumbea. Huveyi na kuuyanja ukhani.''¹⁶Naneukukea umpeo airambo, ra u Galilaya kwa sooko akamwona Simoni na Andrea muyandughu wana Simoni vekajyghuta nyavu yao kirambe soko ali avuvi. ¹⁷Yesu akavankanea, ''Njii munsambeye nuvatrende avuvi wantu.'' ¹⁸Na hafo vereka nyavu wamsambiya.¹⁹Wakati Yesu alipotembea umbali kidogo, alimwona Yakobo mwana wa Zebedayo na Yohana ndugu yake; walikuwa kwenye mtumbwi wakitengeneza nyavu. ²⁰Mara aliwaita na wao walimwacha baba yao Zebedayo ndani ya mtumbwi na watumishi waliokodiwa, wakamfuata.²¹Na walipofika Kapernaumu, siku ya Sabato, Yesu aliingia kwenye sinagogi na kufundisha. ²²Walilishangaa fundisho lake, kwa vile alikuwa akiwafundisha kama mtu mabaye ana mamlaka na siyo kama waandishi.²³Wakati huo huo kulikuwa na mtu katika sinagogi lao aliyekuwa na roho mchafu, na alipiga kelele, ²⁴akisema, ''Tuna nini cha kufanya na wewe, Yesu wa Nazareti? Umekuja kutuangamiza? Nakujua unani. Wewe ni Mtakatifu pekee wa Mungu!'' ²⁵Yesu alimkemea pepo na kusema, ''Nyamaza na utoke ndani yake!'' ²⁶Na roho mchafu alimwangusha chini na akatoka kwake wakati akilia kwa sauti ya juu.²⁷Na antu wonge vakasanga, uyi vakakiweya muumwe eyeyi ne ntoni? Ufundisho neifwa nerina mamulaka? Neukwure khanea ifepho ne richafu rumutregheya!'' ²⁸Na nkhani usu mwenso na ikafaghatra kwonge mungee amukoa wo Galilaya.²⁹Na hafo newajufuma unji aisinagogi, vakakakea unyumba omwa Simoni na Andrea vina Yakobo na Yohana. ³⁰Hafo fani yio ne mkhwe wa ma Simoni areurere muwire wa urue, na mara imwedu vamukhanea Yesu habari akwe. ³¹Uyi akaja, wamukatra mukhono, na wamuucha unto; urue wahegha kinemwenso na waandija uvatrumamia.³²Mpende iyeyo ikhondo yua ratrendeka raharia, vakamuretrea mwenso wonge neare vawire, au neare pagawe na mapepo. ³³Ngei onge vakakirunda kamwo mlango. ³⁴Akavaforwa vingi arue na marue mbalimbali na ufunya mapepo minge ila akahitra mapepo uretya kwa sooko vamwije.³⁵Akafetya diu ne nkuu, ikhondo neare kee kityii akahegha akaenda kene kukire akaromba kuko. ³⁶Simoni na wonge neare vikamwe vekamuare are viumufenja. ³⁷Vakamuhanga na vakamunkhanea, ''Kela umwe ukukufenja.''³⁸kavankhanea, ''Kwendi na kunge, unji angee ne efimeje, sooko mudahe utranatrya nakuko no. Ndio sooko nkaja na hafayi.'' ³⁹Akaenda akapyaya Galilaya onge, akatranatrya umasinagogi awe na uyaangera mafepo.⁴⁰Munya magude umwedu akaja kene mwenso, areteku mwinenera, akatrungana na akamukhanea, ''Mwese useghetre, ukudaha untenda netreke ne mweru.'' ⁴¹Akasunteywa na uvai, Yesu akaghora mukhono wakwe na umtrenya, akamukhanea, ''Nufenya, utrendeke umweru.'' ⁴²Mara imwedu magude akahegha, naakatrendwa, mweru.⁴³Yesu akamughiya akamukhanea ne kukuu aende mara emwe, ⁴⁴akamukhanea, ''Manya utrahanye ukhani kene uyuo na utuo, inyenso enda wonde kira ghea kuhani na ufunye dhambihu kwa ajili autakaso neare Musa akaragheya kinya ushuhuda kene venso.''⁴⁵Nyenso akaenda nauandya umunkhanea kila umwe na uninganeya ukhani ino hata Yesu akaremwa kanke ukea umujini kwa uvayi. Na uyi akakikha mahari kene kwetwe (kene kukire) na antu vakaja kene mwenso ufuma kela mahali.

¹Neariakasuka Kapernaumu baada amatriku makei, ekatrigheywa ariukunkaya. ²Antu vinge ino are vatranie hafo na are kutrie nchanya kanke, hata iyoo akinyamwango, na Yesu akahanya ukhani kene venso.³Na antu vakei vakaja kene mwenso vakamntetra muntu neare wariukie vane arevamu uchiya. ⁴Ikahando neare vakaremwa umuhumbea kwa sooko awinge wa antu, vakaheya mahafa unto hafo keneja wire. Na neare vakatoaleya iboyo, vakasimwa ketrenda neare muntu nehariuke are urere.⁵Newajaumeona imani awe Yesu akamunkhanea muntu neare wariukie, ''Mwanane, mahutye ako wa samehewa.'' ⁶Nyenso andishi akeyi awe neare vinkee hafo vakakioiya unkhoo yawe, ⁷''Ukundaha ure muntu uyuyi uhanya vii? Ukukufuru! Anyu neukudaha uheya mahutye ne Matrunda iyene?''⁸Yesu newajomanya unkhoo akwe nejavireghema onkhoo yawe aghonjo. Akavankanea, ''Asivie nemughema vii unkhoo yanyu? ⁹Rafe ni liooro ino uhanya umuntu newaliukie, ''Mahutye ako arekwa nampa uhanya' Emika, hora ketrenda kaki na wenende?'¹⁰Nyenso viupenjwa umanya ne Mwana wa Maadamu wina udaho woreka mahutye kuuremi, akamunkanea uyuo ne uliukie, ¹¹''Nukunkhanea wewe, 'Uka, hora ndii ako, na wende unkhako.'' ¹²Akaemeka na mara emwe akahora ndii wakwe, na akaenda unji anyumba usonge akie muntu, uyi wonge vakaoghofa na vakamufa Matrunda ukuu, na uhanya ''Kamwe, kutrinadaha kuona intu nerekinya ereyi.''¹³Akaenda kanke upeo airambo, na winge wa antu wakaja kene mwenso, na akavafundisia. ¹⁴Neare ukufya fwaya akamwona Lawi mwana wa Alfayo wikhere kene viuhagweya kotri na akamunkanea, ''Usambiya.'' Naokaemeka na umusambiya.¹⁵Naikhondo Yesu neare ukuhanga malewa unyumba ama Lawi, anyaukusanya kotri vinge na antu ne vinamahutre areviurwa vina Yesu na anafunzi vakwe, kwa sooko arevinge no vakamusambeya. ¹⁶Ikhondo anyakuandeka, neare Mafarisayo, nevaja kuona Yesu ukuya na antu nevinamahutre na anyauhagweya kotri, vakavakhanea anafunzi vakwe, ''Asike neukulya na anyauhagweya kotri na antu nevinamahutre?''¹⁷Ikhondo ne Yesu nakautregheya vii wanankanewa, ''Antu ne vina ufanga umere watriumfenja mughanga, ne antu ne arue viyene ne veumufenja. Ntinaja uitrana anya trutre, lakini antu anyamahutre.''¹⁸Anafunzi va ma Yohana na Mafarisayo areviufunga. Na antu akei vakaja kene mwenso umukhanea, ''Kwa sooko anafunzi va ma Yohana na Mafarisayo viufunga, kwa sooko anafunzi vako vatrufungaa? ¹⁹Yesu akavakhanea, ''Anyakwenda uharusi viundaha ufunga ukhondo ne mughosia wa harusi nekee vikama? Kwa uyi mughosia wa harusi nekee urefo kamona venso vatrindaha ufunga.''²⁰Lakini matriku ajie ikhondo mughosia wa harusi ne ujie uheywa kene venso, na umatriku asaya venso va jofunga. ²¹Kutrie muntu nekutruma kefande nekefya kaisaa kene ilanguja, mbese triuyi keraka kene itanguja na kujotrendeka kutramukie ive.²²Kutrie muntu neukutrendea divai nepya kene ngofa ne ikungue, neatrendeka uyu sivai ejeuyihafua ngofa na vyonge vivere divai na ngofa viuyaghaa. Badala ayo ika divai nepya ungofa nepya.''²³Itriku rasabato Yesu akakea umiaghunda, baadhi na anafunzi vakwe vakaandya uhora makusa angano. ²⁴Mafarisayo vakamukhanea, ''Raava, asike veutrenda intu nerekenyume na sheria itriku la Sabato?''²⁵Akavankanea, ''Muntrinasoma ereo nere katrendwa na Daudi neare winanja mwenso na antu neare wikamo vinawe? ²⁶Ninoakaenda unyumba a Matrunda ikhondo Abiathari neare kuhani ne mukuu na akalwa mukate neare uikiwe usonge - neare kenyume na sheria kene muntu unge ulwa isipokuwa makuhani - na akavafa kanke akeyi waawee neare vekamo vinawe?''²⁷Yesu akahanya, ''Sabato akatrendwa kwa sooko antu, trii anadamu kwa sooko aonto kwa sooko a Sabato. ²⁸Kwa ese, Mwana wa Maadamu ne Mghosia, na hata kene Sabato.''

¹Na tena aliingia ndani ya sinagogi na mle palikuwa na mtu mwenye mkono uliopooza. ²Baadhi ya watu walikuwa wakimfuatialia kwa ukaribu kuona kama atamponya siku ya Sabato ili kwamba wamshitaki.³Yesu alimwambia mtu mwenye mkono uliopooza, ''Inuka na usimame katikati ya umati huu.'' ⁴Kisha akawaambia watu, ''Je ni halali kutenda tendo jema siku ya Sabato au kutenda yasiyo haki; kuokoa maisha, au kuua?'' Lakini walibaki kimya.⁵Akawaangalia kwa hasira, akihuzunika kwa sababu ya ugumu wa mioyo yao, na akamwambia yule mtu, 'Nyoosha mkono wako.'' Akaunyoosha na Yesu akamponya mkono wake. ⁶Mafarisayo wakaenda nje na mara wakafanya njama pamoja na Maherode dhidi yake ili kumuua.⁷Kisha Yesu, pamoja na wanafunzi wake, walienda baharini, na umati mkubwa wa watu uliwafuata ukitokea Galilaya na Uyahudi ⁸na ufuma Yerusalemu na ufuma Idumaya na usonge a Yorodani na fife a Tiro na Sidoni, idare likuu, nerekatregheya kela intu neare ukutrenda, vakaja kene mwenso.⁹Naakavakhanea anafunzi wakwe utrenda mutubwi unyoyi kwa sooko akwe kwa sooko aidare, kwa sooko vatramtrunyeye. ¹⁰Kwa sooko akaforwa vinge kwa sooko kela muntu neare wina makhaseko are winankumbu aumufikia ili amutenye.¹¹Kwonge ne khoo ne mbee nevakamwona vakagwa ufange usonge akwe na urea, na vakahanya, ''Veve wee Mwana wa ma Matrunda.'' ¹²Akawaraghiya kwa tuntia vatratrenda amanyeke.¹³Akaenda unto a kitranto na akavae trana neare vaseghetre, na vakaenda kene mwenso. ¹⁴Akavahwania ikumi na vavere neakawaitana chumani sooko watrendeke itrambere mwenamwenso na adahe uvatruma utanantya, ¹⁵na utrendeka na mamulaka afunya utrambo. ¹⁶Na okavahuania ikumi na vavere: Simoni, akamfalia ra Petro,¹⁷Yakobo mwana wa Zebedayo, na Yohana na munyandughu wakwe Yakobo, neakefewa lina ra Bonagesi, asava ne vana va ngurumo, ¹⁸na Andrea, Filipo, Bartholomayo, Mathayo, Tomaso, Yakobo mwana wa Alfayo, Thadayo, Simoni Mkananayo, ¹⁹na Yuda Iskariote, ne ujie umuhutiye.²⁰Naakaenda ukhaya, na irunde la antu vakaja itambe remwe kanke, hata vatradahe ulya hata mkate. ²¹Ukwe nevakatregheya habari isee, vakaenda umukwatra, kwani vakahanya, ''Wahara.'' ²²Anyakuandika vakaja ufuma Yerusalemu kahanya, ''Wakatwa na Beelzebuli, ''Na, ''Kwa mutrawala wa utrambo ukufunya untrambo.''²³Yesu akavaitrana kene mwenso na uwakhea kwa mifano namuna kee murugho ukundaha umufunya murugho? ²⁴Mbese utremi ukufaghatra wenso, utremi usu utriudala kuimeka. ²⁵Mbese nyumba eufaghatra nyenso, nyumba esee etriedaha kwemeka.²⁶Mbese murughu aemeke kenyume kakwe mwenso na ufaghatre, atriudaha kwemeka, ukutrendeka wafikea mwisio wakwe. ²⁷Nyenso kutrie hata umwene ukudaha uhefea mungii khaya amuntu munyanguu na kuiva mantu akwe bila umutranga munyanguu tranju, na hafo uhangweye neke refo ukhaya.²⁸Trutre nuvakhanea, mahutre onge avana va antu yusamehewa itrambe remwe na ukufuru nino veutianya (ureghetra). ²⁹Nyenso usuyu neujumukufuru Mwahu Mweru atri usamehewa kamwe, ukutrendeka wina mahutye akhae na khae.'' ³⁰Yesu akahanya ereyi kwa sooko areveuhanya, ''Wina khoo nembe.''³¹Na nyinya wakwe na onyandoghu vakwe vakaja na kuimeka unji. Vakamutruma muntu, umwitrana. ³²Nairombe raantu neare rikhee fife namwenso lakamukhanea, ''Yiu wako na anyandughu vako viunji, na veukufenja veve.''³³Akavasucha, ''Neanyu yiu wane naanyandughu vane?'' ³⁴Akavarava neare vikhee vamufimeye, na akahahanya, ''Rava, avai ne vayuu vyane naanyandughu vane! ³⁵Usuyu neukuyatrenda mafenji ama Matrunda, muntu usuyu ne munyandughu wane, na dada wane na yiu wane.''

¹Kanke akaandya ufundisia umpeompeo airambo. Na irombe likuu rekakihangweya umufimeya, akakea mungie amutumbwi kirambo, na kirinkaa.Irombe ronge areveumpeo airambo. ²Naakava fundisia mantu minge kwa mefano, naakahanya kene venso kwa mafundisio akwe.³Tregheyi, munyofandea akaenda ufandea. ⁴Neare ukufandea, mbeyu inge ikagwa injea, na nyonyi ikaja ikailya. ⁵Mbeyu ingeja ikagwa umakio, kene are kutrie irongo ne linge. Na ikauma, kwa sooko areitrina irongo neringe.⁶Na yua neraja ufuma ikanyara, na kwa sooko areitrina mirii, ikauma. ⁷Mbeyu inge ikagwa mukhatre amaghuya. Maghuya akakua naiyitrunyeya, na itrina fafa matunda.⁸Mbeyu inge ikagwa kirongo nerija na ufafa matunda ikhondo neyukua na ukiongeya, inge makumi atratru, na inge makumi mutrantatru, na inge ighana.'' ⁹Na akahanya, ''Usuyu ne wina matwe autregheya na atregheye!''¹⁰Yesu neare iyene, ewe neare vefife vinawe naawe ikumi na vavere vakamuweya uhusu mefano. ¹¹Akahanya kene venso, ''Ukhanyu mwafewa siri ya utremi wa ma Matrunda. Lakini kwa owo neveunji nevenji kela intu ne mefano, ¹²sooko nevarava ndio neviihenga, nyenso vatrekengee, nane veutregheya ndio veutregheya, lakini vatreumanya, na triuyu vakikenye na Matrunda are ukuvasamehe.''¹³Na akahanya kene venso, ''Ne mutriumanya mufano uruyi? Mudaha ureumanya mufano ingeja?. ¹⁴Munyo fandea akafandea ukhani. ¹⁵Akeyi awoo nevagwire umpeo anjia ukhani neukafandewa mungii awe. Setani akaja uhora ukhani ne ukafandiwa mungii awe.¹⁶Na akeyi ne awoo nevakafandewa unto aigwe ne vatregheya ukhani, kwarue verefoke kwa kumbo. ¹⁷Na vatrikwetri miri enge umungii yao, lakini rughimeya kwa ikhondo ikufeyi. Halafu tabu na makhaseko nevyaja kwa sooko au khani, mara ukukhangukwa.¹⁸Navangeja neawo nevafandewe umaghuya. Nevatregheya ukhani, ¹⁹nyenso makhaseko akuremi, uregheghe wa ugware na tamaa ya mantu ange ruvahefea na uutrunyeya ukhani, na ruremwa afafa matunda. ²⁰Kuna awe ne vafandewe kirongo nerija. Veutregheya ukhani na kuufokea na ufafa matunda ange makumi atratru, ange makumi matrandatru, ange ighanaremwe.''²¹Yesu akavakhanea, ''Mujoretra traa mungii anyumba na umeeka ufange ankafo, au ufange auree? Ukumere tra mungee na umeeka unto chanja. ²²Kwa sooko kutrie renge nerekifihie neretreje kighea, na kutre siri neetrijie uekwa uchanya. ²³Newatrendeka urefo munyamatwe otregheya, atregheye!''²⁴Akavakhanea, ''Mutrendeke mwahughu kwa ereone muretregheya, kwa sooko kefimo ne mufimea ndio nemujofimewa, na eongeywa kene nyee. ²⁵kwa sooko usuyu neukwetri, ukufokea ino, na uyuo neatrikwetri, ufuma kene mwenso viuhowo na ivyoo neare uvikwetri.''²⁶Na akahanya, ''Utremi wa Mamatrunda ukikwetri na muntu newafandee mbeyu kirongo. ²⁷Nerae warara utriku na ufetya diu, na mbeyu ikafuma naikakuya na mwenso atrimanyie nino yafumie. ²⁸Uremi ukufunya mbeyu nyenso, mwandyo mahua, asambeywa na nsembe, halafu mbeyu ne yakhamaa. ²⁹Na ikhondo ne mbeyu aveya na hafo veutroa meye, kwa sooko matrenanga afika.''³⁰Na akahanya, ''Kuwikweye utrema wa Mamatrunda na into kee, au kutrumea mfano kee kuureghetreya? ³¹Ne kinya mbeyu aharadali, neare ekafande wa nyuye, ukea yonge ya kuuremi. ³²Nareafandewa ukuwa nkuru zaidi ametre onge obustani, na neutrenda masanja makuru, hata nyonyi yakirunde yutrenda irurio yawe kene mpefo akwe.''³³Kwa mefano minge akafundisia na akahanya ukhani kene venso, kwa mwino vakada umanya, ³⁴na atrinahanya vinawe bila mefano. Lakini neare eyene, akavakhanea kela kentu anafunzi vakwe.³⁵Kene itriku resee ikhondo rayuampende mrafika, akahanya kene venso, ''Kwensi ufande wa kavii.'' ³⁶Hafo vakarireka irumbe vakamuhora Yesu, ikhondo resee tayari are ukumungee amutumbi. Metumbi angeja aree kamwe. ³⁷Na nkungu nkuu na iharumbe areekea munge amutumbwi tayari arewakijua.³⁸Lakini Yesu mwenso areukene shtri, urere umwongo. Vakamufetya, vahanya, ''Mwalimu, utrijali sese kukuya?'' ³⁹Akafetya, akakenea nkungu (iharumbe) na akarenkhanea irambo, '''Trendeki mwariuku.'' Nkunu ekahira, naarekukatrendeka kukire ne kukuu.⁴⁰Na akahanya kene venso asike nemuoghofa? Je mutrikwetri imani mukee?'' ⁴¹Vakajua na wona ne kukuu mungee awe na vakakikhanea venso kwa sooko, ''Uyuyi neanyu nkanke kwa sooko hata iharumbe na irambo noemutregheya?''

¹Vakaja mpala ufande unge wa irambo umukoa wa Gerasi. ²Na ikhondo Yesu neare ukufuma unji amutumbwi, muntu newina khoo ne mbee akaja kene mwenso.³Muntu uyuyi are ukikhaa umbililo. Kuheni umughiya na kutre hata kwa mnyororo. ⁴Areutrungiwe na akatina minyororo. Vikauna nangwa. Kutie na umwe neare winanguu yomusinda.⁵Utriku mumwe are ukumakaburini na umelema, areukurea na kitremanga mwenso na magwe ne makahae. ⁶Newajaumwona Yesu kwa kure, akadura kene mwenso na uhunama unsonge akwe.⁷Akarea kwa ruri ne ukuu, ''Ukufenja nekutrendee ntuni, Yesu, Mwana wa Mamatrunda ne ukunto ino? Nu kuinenera kene Matrunda mwenso, utrantese.'' ⁸Kwa sooko arewamukhanea, ''Mufume muntu uyuyi, veve khoo neachafu.''⁹Na mwenso akamuweya, ''Lina rako anyu?'' Mwenso akahanya,''Lina rane ne Legion, sooko kuvinge.'' ¹⁰Akamwinenea kanke na kanke atravatroe unji amukoa.¹¹Sasa ikundi likuu languma areroreswa unto a umulema, ¹²navoenso vakamwinenela, veuhanga, ''Kutrume unguma kuhefee mungee awe.'' ¹³Uyui akavaruhusu, khoo ne nchafu vakavafuma na ukea mungee anguma, navenso wakadurea ufange akaketranto mpaka kirambo, na ngumba elufu ivee ikanyumughea kirambo.¹⁴Naawe neare vyondema nguma vakadura nauenda ufunya taarifa antuneravahanga mukhatre ange na uremi. Ndio antu vinge vakafuma uenda uona neravafumea. ¹⁵Ndio vakaja kene Yesu na vakaona muntu upagawe na ifefo -- are wina ijesi -- wirinkee ufange, uyechiwe na winaihaa rakwe timamu, na vakaoghafa.¹⁶Awe neare vaona, nearerakeghea kene muntu neare upagawe na ifefo vakavankanea neare rafumea kene muntu na uhusu nguma. ¹⁷Na vakaandya umwinenera vaheghe mukhatre a mukoa wawe.¹⁸Na neare ukuhefea mungee amutumbwi, muntu are upagawe na mafefo akamwinenera kwamba vaende kamo winawe. ¹⁹Nyenso atrina muruhusu, nyenso akamea, ''Enda ukhaya ako na kwantu vako, na uvakhanee newakuteeya Mughosia, na rehema newakufa.'' ²⁰Uyi akaenda na akaandya utangaza mantu makuu ne Yesu newayatrenda kene mwenso u Dekapoli, na kela umwe akasitaajabu.²¹Na ikhondo Yesu akatrambuka kanke ufande ungeja, mungee umutumbwi, irumbe likuureka kihagweya umufimeya, nerae ukumpeo airambo. ²²Na umwendu wa isinagogi, neikuitranwa Yairo, akaja, na akamwona, akagwa umeghuu akwe. ²³Akamwinenera ino na ino, ukuhanya, ''Mucha nene munyuyi wahumbea ukuya. Nukuinenera, njuu no wekee mekhono ako unto akwe eri andahe uhange ufanga na ukikhaa.'' ²⁴Uyi akaenda kamo vinakwe na irumbe likuu lekamusambeya na umutrunyeya fife na umufimeya.²⁵Are kwina mukhema neare ukufumewa nsaghanu akwe areeufuma kwa miakha ikumi na evere. ²⁶Akakhaseka ontosha ufange agha,nga, vinge naakatrumea kera into neare ukwetri. Hata uyi atrinasaidewa lakini badala ayo akazidi utrendeka na hali mbee. ²⁷Akatregheya habari uhusu Yesu. Uyi akaja unyuma akwe ikhondo neare ukuenenda mungee airumbe, namwenso akakwatra isaa rakwe.²⁸Kwa sooko akahanya, ''Nenayakwatra masaa akwetu, nutrendeka nemfufanga.'' ²⁹Newajokwatra,ifuma ransaghani nahia, nanewa, jokitregheya umwiri wakwe kwamba waforwa ufuma.³⁰Na ghafula Yesu akamanya mungee akwe mwenso kwamba nguu yamufuma. Naakakikegeya woni na woni mukhatre airumbe la antu na uweya, ''Meanyu ne wakatra isaa rane?'' ³¹Anafunzi vakwe vakamukhanea, ''Ukengee irumbe la antu na nevakutrunyeye vakufimeye, navee ukuhana. Ne anyu newakwatra?'''' ³²Nyenso Yesu akarava kuni na kuni uona newaretrenda ereyi.³³Munkema, umanyie neratrendeka kene mwenso, akaoghofa na ukhakhatra. Akaja na ugwa fange akwe na umukhanea trutre onyo. ³⁴Akahanya kene mwenso, ''Mucha, imani akoakutrenda utrendeke umufanga. Enda kwa amani na ufowe ufuma kurue wakwe.''³⁵Neare ukureghetya antu vakeyi vakaja ufuma kwa akuu vaaisinagogi, viuhana, ''Mucha, wako wakuyo. Asike uendelea umunkasia mwalimu?''³⁶Lakini Yesu newatregheya asaa neviuyahanya, akamkhanea mukuu wa isinagogi, ''Utraoghofe. Amini uyi.'' ³⁷Atrinamuyanje ya unge, kintongeya vinakwe, ispokuwa Petro, Yakobo, na Yohana, munyandughu wakwe Yakobo. ³⁸Vakaja ukhaya amwa mukuu wa isinagogi mwenso akhaona mukindo, urea kwinge na uomboleza .³⁹Neare wakea ukhaya, akavakhanea, ''Asike ne mumaseghee na sooko ne murea? Mwana atrina kuya waraa.'' ⁴⁰Vakamuleka, lakini mwenso, akavafunya wonge unji, akamuhora tratra wa mwana na yiu naawe neare vekamo vinawe, naakakea mungee kene were mwana.⁴¹Akahora mukhona wa mwana naakamukhanea, ''Talitha koum, ''Kinya neukuhanya, ''Mucha ne munyu, nukukhanea, uka.'' ⁴²Hafo mwana wauka na uenenda kwa sooko are winamiakha ikumi na evere). Na ghafula vakakatwa na mushangao neukuru. ⁴³Akaragheya kwa nguu kwamba kutrie unge neuseghetwe umanya uhusu ureyi. Naakavakhanea vamufe mucha uyuo malewa.

¹Na akahegha hafo wenda umujini wankawe, na anafunzi vakwe vakamusambeya. ²Sabato neajaufika, akaandya ufundisha ukisinagogi. Antu vinge vakamutregheya na vakasangaywa. Vakahanya, ''Wahanya kufe mafundisho ayayi?'' ''Ne hekima khee eyeyi ne wamefewiwe?'' ''Ukutrenda ure miujiza uyeyi kwa mekhono akwe?'' ³''Je uyuyi trii uyuo selemala, mwana wa ma Mariamu na munyandughu wawe Yakobo, Yose, Yuda na Simioni? Je dada vakwe tree vikikhaa hafa eyeye kamo na see?'' Ne vatrinayanjiswa na Yesu.⁴Yesu akavakhanea, ''Nabii atrikuurya heshima, isipokuwa mkhatre angee akwe na mukhatre anyo ngudhu wakwe na ukhakwe (unyumba akwe.'' ⁵Atrinadaha utrenda miujiza hafo, ila ukuvaekeya mekhono arue vakeyi viufona. ⁶Akashangazwa ino kwa sooko odea uamini kwewekisha akavienendea vijiji ne vifife ne ukufundisha.⁷Akavaetrana awe anafunzi ikumi na vavere akaandya uvatruma vavere vavere. Akavafa mamlaka unto apepo achafu, ⁸na akavaragheya vatrahove intu nevinje ila isipokuwa mwanga uyi. Vatrahore mukate, wala mukoba, wala hela ukibindoni; ⁹nyenso vayae matru, na trii nkanjo ivee.¹⁰Na akavakhanea, ''Nyumba esee ni mwinjeuhefea, ikhali hafo mpaka kene mujohegha. ¹¹Na khaya ngee esee neandea uvakwatya wala uvatregheya, heghi kene venso, kunutri ukungu wa meghuu ayu, etrende ushuuda kene venso.''¹²Na venso vakaenda viutranatrya antu wa tubu naureka mahutre awe. ¹³Vakavajuncha pepo ne wengi, na vakavaira makutra arue na vakafoa.¹⁴Mutremi Herode newajautregheya asa, kwa sooko, lina ra ma Yesu areramanyeka ino. Baadhi vakahanya, ''Yohana mubatizaji wafufuka na kwa sooko esee, eyeye nguu miujiza eutrenda mwino mungee akwe.'' ¹⁵Baadhi awe vakahanya, uyuyi ne Eliya,'' Vange vakahanya, ''Uyuyi ne mughanga, kinya umwendo wa aghanga wa khenge.''¹⁶Lakini Herode newajautregheya uyayi wahanya, ''Yohana, nenamtremie itree wafufuka.'' ¹⁷Maana Herode mwenso akaragheya Yohana akwatre na akamutrunga kigeraza kwa sooko amwa Herode (mukheama wa makaka wakwe Filipo) kwa sooko mwenso areumuroghoe.¹⁸Kwa sooko Yohana akamunkanea Herode, ''Trii kuja umuroghwa mukhema wa munako kaka wako.'' ¹⁹Lakini Herode akaandya umuhura na akaandya ufenja umuuragha, lakini atrinadaha, ²⁰maana Herode are ukumwoghofa Yohana; akamanya ne munya haki muntu mutakatifu, na akamureka salama.Na neare akaendelea umughembeya akahuzuneka ino akavara lakini akayanja umutregheya.²¹Hata neajaufika ikhondo muafa nelajahumbe a itriku rofafwa Herode akavaandarea maafisa vakwe karamu, na makamanda, naakuwo Galilaya. ²²Ndio mucha wa Maherode akahefea na uina unsonge awe, wamufurahisha Herode na aghenyi neare vikhee ikhondo la malewa ampende. Ndio muremi wamukhanea muchakwe, ''Nomba resee neuseghetre nane nukufa.''²³Akamukhanea na uhanya, resee neukunomba nkukufa, hata nusu aungware wa utremi wane.'' ²⁴Akafuma unje akammuweya nyinyo, wakwe.'' Akahanya, tre rama Yohana mubatizaji.'' ²⁵Na mara emwedu akahefea kene mutremi wandya uhanya, ''Nufenja ungagewe mungee a sahani; itwe raina Yohana mubatizaji.''²⁶Mutremi akasikitiswa ino, lakini kwa sooko akirafea kwakwe na kwa sooko aaghenyi, atrinadaho muhitreya irombi rakwe. ²⁷Kwauyi, mutremi akatruma asikare mukatre aalinzi vakwe na uvaragheya vende umuretrea itre rama Yohana. Mulinzi akaenda umutroma itre neare ukuketrungo. ²⁸Akareretre itre rakwe usahani na umufu mucha, na mucha akamufa yiu wakwe. ²⁹Na anafunzi vakwe nevajautregheya asaya, va kaenda uuhora mwere wakwe vaenda uueka ukaburi.³⁰Na metrume, vakakusanyeka (vakatrana) kamo unsonge amwa Yesu, vakamukhanea onge nevakayatrea na uvafundisia. ³¹Na mwenso akavakhanea, ''Njii aghonjo mahali nekwinafaragha na kutruye kwa murda.'' Antu venge areveuja na uhegha, hata vatrina hanga nchanya aulya. ³²Nauyi vanantea umashua vaenda ne kwinafaragha viyene.³³Lakini vakavaona viuhegha na vinge vakavamanya, kwa pamoja vakandoa na meghuu ufuma ngeyonge, navenso vakafika kabla awe. ³⁴Nevajaufika upwani, akaona irumbe likuru akavahurumea, kwa sooko arevaere kinya khoo neitri na mudemi. Nawaandya uvafundisia mantu minge.³⁵Muda newajofika ino, anafunzi vakamujea na umukhanea, ''Hafayi ne mahali kwa faragha na muda waendelea. ³⁶Uvaage vaende unge ya fife na ijiji vaende kighureya malewa.''³⁷Nyenso akavakhanea akahanya, ''Vafi nyenye malewa vakamukjhanea, ''Kudahetre uenda na ughua mekate neinathamani adinari maghana avere na uvafa avayi?'' ³⁸Akavakhanea, ''Mwina mekate enga? Endi mwende urava.'' Nevaja uhanga vamukhanea, ''Mekate etrano na nsamba ivere.''³⁹Akavankanea antu vainkae madare unto amahwa ne matrotru. ⁴⁰Vakavikhecha madare, madare amaghana kwa makumiatrano. ⁴¹Kisha akahora mekate na samaki vavere, naurava kirunde na akamebariki kisha wavafa anafunzi vaeke unsonge ainembe. Na kisha akagawa samaki vavere kwa antu vonge.⁴²Vakalwa vonge hadi vakadaheka. ⁴³Vakahangweya ifande ya mikate neasagha, vikaijua ikafu ikumi na vivere, na ifande vya samaki. ⁴⁴Are aghosia elfu itrano nevakalya mekate.⁴⁵Mara akavankanea vanandee umashua vaende usehemu enge, hadi Bethsaida, ikondo nemwenso ukuvaanga makutano. ⁴⁶Nevaja vahenga, wenda uketrnto uromba. ⁴⁷Nekwajofika yuampende, na mashua awe ikundo resee atrendeka emukhatre airambo, mwenso areiyene unge nenkaku.⁴⁸Naakavaona neveukhaseka ukwa makosia kwa sooko nkungu areevaghiya. Neaja uhumbea diu akavaendea, ukuenenda unto umaje, na akafenja uvafwaya. ⁴⁹Lakini vajaumwona ukwenenda unto amaje, vakahagwa na wova vatrendie muzimu vakakhwa mukindo. ⁵⁰Kwa sooko vakamwona vaijuwa na wova, mara akahanya navenso akavakhanea, ''Mutrendeke ajasiri! Ne nene! Mutrandeke na wova.''⁵¹Akahefea mungee amashua, na nkungu ekareka na venso vakashangaa kamwe. ⁵²Hafo arevatramanya maana aeyeo mekate. Maana mahaawe areinauelewa unyuyi.⁵³Na venso ne vajautrambuka ungambo, vakafika unge a Genesareti mashua ekaemeka. ⁵⁴Nevajaufuma unjii amashua mara vamumanya. ⁵⁵Vakadua utranantya umukoa wonge na vakandya uvaretra arue umachela, kela nevatregheya ujie.⁵⁶Kwonge nevakahefea ukwijiji, au umujini, au unge, vakavaeka aruo umahari kwa sooko, na vakamwinenera avayanjeye ukwatra pindo ra isaa rakwe. Navonge nevakakwatra vakaforwa.

¹Mafarisayo na baadhi ya aandishi neare vafumee Yerusalemu vakakihangweya umufimeya mwenso.²Navaona baadhi aanafunzi vakwe vakalya mukate kwa mekhono najisi, neetrina oywa. ³(Kwa Mafarisayo na Uyahudi vonge vatrulya mpaka vaoye mikhono awe ija vakwatree utamaduni wa anyampaa. Ikhondo. ⁴Mafarisayo neveusuka kufuma kisoko vyatriulya mpaka vaonge tranjo. Na kunasheria ingeja ne vyeisambeye kamwe, yakuonya ikombe, masukuria mambele, ashaba, na hata matrumbe neeujautrumeka ikhondo ra malewa.)⁵Mafarisayo na andishi vakamuweya Yesu, ''Kwa sooko ke anafunzi vako vatrikikhaa uringana tamaduni ya anyampaa, asike vyeulya mekate vyatrinawie mekhono?''⁶Lakini mwenso akavakhanea, ''Isaya akatabiriya uhusu nyenye anafiki, akaandeka, ant avayi venyeshimu kwa miomo awe, lakini khoo yawe ikurenge na nene. ⁷Veuntendeya neitrina maana, veufundisha sheria ya antu vakuremi kinya mapokeo awe.'⁸Mwarekie sheria ama Matrunda na ukwatrea kwa woro tamaduni antu vakuuremi.'' ⁹Na akahanya kene venso, ''Mwahitra amuri ama Matrunda kwa voro ili kwamba matunzo tamaduni yanyu! ¹⁰Kwa sooko Musa akahanya, ''Muheshimu Tratra wako na yio wako, na mwenso neukuhanya nemave unto amatratra wakwa na nyinyawakwe trutre ukukuya.'¹¹Lakini nuhanya, 'Ne muntu wahanya kene tratra wakwe au yio, ''Musaada wonge nejamufokea ufuma kene nene ne hazina Hekalu,''' (Uyi neuhanya kwamba, ''Efunyiwe kene Matrunda') ¹²Uyi mutriuruhusu utrenda intu lolote kwa sooko ama tratra au yiu wakwe. ¹³Na mumetrenda trutre ama Matrunda nendende na ure tamaduni yanyu. Na mantu minge auyi nemuyatrenda.''¹⁴Akavaetrana na kanke nauvakhanea, ''Muntegheye nene nyenye nyonge, namujelewe. ¹⁵Kutre renge ufuma unji amuntu nekejomuchafua muntu neke uhefea kene mwenso. Nee keo neke umufuma muntu ndio nekemuchafua. ¹⁶(Kwatrea: Mustari uruyi, ''Nemuntu unge wina matrwe au tregheya, na atregheye'' untrofo unakala ya nkaenge).¹⁷Yesu ne akavareka makutano na ukea ukhaya, anafunzi vakwe vakamuweya uhusu mufano usuu. ¹⁸Yesu akahanya, ''Na nyee mukinamanya? Mutri kenge cochote nekemuhefea muntu ketridaha umuchafua, ¹⁹kwa sooko ketriudhaha uenda ukhoo akwe, lakini kyeuhefea unda ukwena keufuma uenda uchoo.'' Kwa mahanyo ayayi Yesu akaatrenda malewa onge maja.²⁰Akahanya, ''Nee kyeo nekyeufuma muntu ndio ne kyemuchafua. ²¹Kwa sooko kyeufuma mungee amuntu, unji akhoo, ufuma umaghemo ne mave, zinaa, wivi, uuragha, ²²uasherati, tamaanembe, kukhonganga, ujamiana, wiru, kasifa, kibala, ufutru. ²³Mahutre ayayi onge ufuma mungee, ndio aywe ne emuchafua muntu.''²⁴Akauka ufuma hafo na uhenga uenda umukoa wa Tiro na Sidoni. Akahefea mungee na atrinasegha muntu unge amanye kuwa are wehafo, lakini itrinadaheka umufiha. ²⁵Lakini ghafla mukema neare wina mwana wakwe wina utrambu, akatregheya habari yakwe, akaja, na akagwa umeghwa akwe. ²⁶Munkema usuyu are Muyunani, kokabila Kifoeniki. Akamwinenera mwenso ajunche utrambu ufuma kene muncha kwe.²⁷Yesu akamukhanea mukhema, ''Vareke angenya valeshwe tranjo, kwa sooko trikuja uhora mukate wa anginya na uvajughutre mbwa.'' ²⁸Lakini mukhema akamunkane na uhanya, ''Ndio Mughosia, na mbwa ufange ameza viurwa mankonko neasanga amalewa, anginya.''²⁹Akamukhanea, ''Kwa sooko wahanya uyi wehuru uenda. Utrambu wahegha kene muncha ko.'' ³⁰Mukhema akasuka unkakwe na akamuhanga munchakwe urere kuuree, na utrambu are wahegha.³¹Yesu akafuma kanke umukoa wa Tiro na ukera Sidoni na kengea ukirambo ro Galilaya mpaka Dikapolisi. ³²Navakamuretra muntu neare atriutregheya naareatridaha ureghetra ija wakamwanene ra Yesu aeke mikhono unto akwe.³³Akamufunya unji aa akaenda anayaa wakwe umatrwe akakwe newajatrya matre, akatrenya ureme wakwe. ³⁴Akavara unto kirunde, akaehea na umukhanea, ''Efata,'' Esee neuhanya, ''Rughuka!'' ³⁵Na ikhondo erero matrwa arughuka, na neare keughiya ureme kekakuwangwa na akadaha ureghetra ija.³⁶Akavaghiya vatramukhanea muntu unge.Lakini nina akavaamuru vatrahange ndio nino vakatranya nkani isii kwa winge. ³⁷Hakika vakasangazwa, na uhanya, ''Watrenda kela intu ija. Hata watrenda anadea utregheya vatregheye na mahuhu wareghetre.''

¹Mukhatre amatruku asaa arekuina irumbe likuu na arevatrikwetri malewa, Yesu akavaetrana anafunzi vakwe akavankanea, ²''Nuhurumea irumbe ereyi, vaendelea utrendeka na nee kwa matriku atratru na vatrikwetri malewa. ³Nenavafaghafria vasuke umakhaya awe bila ulya veudaha uzimea munjea kwa njaa. Na akeyi vawe vafumie kurengi ino.'' ⁴Anafunzi wakwe vakamusucha, ''Kuhange kufeyi mekate odaha uvalesia antu avai ufuma kineo ereyi nerarekiwe?''⁵Akavaweya, ''Mwina ifande inga ya mekate?'' Vahanya, ''Isaba.'' ⁶Akavankanea irumbe viakhae ufange. Akahoa mekate mufunkatre akamukumajua matrunda, na umeunanga. Akavafa anafunzi vakwe vaeke usonge awe, na mwenso vavika unsonge airumbe.⁷Pia arevinansomba vanyui vakeyi, na baada aushukuru, avaamuru anafunzi wakwe avaanganie kii pia. ⁸Vakalya na vakaniganea. Navakahangwaya ifande neyasagha, ikafu nenkuu mufunkatre. ⁹Vakahumbea antu elfu nne. Akavareka vaenda. ¹⁰Mara akahefea umashua na anafunzi wakwe, na vakaenda kene ukanda wa Dalmanuta.¹¹Kisha Mafarisayo vakafuma unje uandya kikunguma vinawe. Aveufenjwa avafe ishara ufuma kirunde, womusoya. ¹²Akaghema ukho akwe akahanya, ''Kwa sooko mpafo iyi ya fanii yufenja ishara? Nuvakhanea nyenye trutre, kutrie ishara ne efunywa kwa mpafo iyi.'' ¹³Kisha akavareka, akahefea munge amashua, kanke, akahegha uenda ufande unge.¹⁴Ikhondo resee anafunzi vakavitra uhora mekate. Are vatrikwetri na mekate zaidi akefande kemwedu ne keumashua. ¹⁵Akavakharefea nauhanya, mutrendeke nayona mukirunde na nsasu a Mafarisayo na nsasu ama Herode.¹⁶Anafunzi vakakikhanea venso kwa venso, ''Kwa sooko kutrikwetri mekate.'' ¹⁷Yesu akaremanya ereyi, naakavankanea, ''Kwa sooko mukikhanea uhusu kutrikwetri mekate? Mutrinamanya mukee? Mtriimanye? Khoo yanyu yaja mpufu?¹⁸Mwina miho? Mutrikengee? Mwina matwe mutritregheye? Mutriukumbukwa? ¹⁹Neare nkaaghanea mekate etrano kwa antu elufu itrano, mukahora ikafu inga neijue ifande ya mekate?'' Vakamukhanea, ''Ikumi na vivere.''²⁰''Na neare nkaaghania mekate kwa antu elufu ene, mukahora ikafu inga?'' ²¹Vakahanya, ''Mutrantatru, ''Akavakhanea, ''Kee kutrimanyie?''²²Vakaja Bethsaida. Antu asava vakamuretra kene Yesu muntu mufoku na vakamwinenera Yesu atre amutrenye. ²³Yesu akamukwatra kwa mukhono uyu mufoku, na umwongoza unji a kyejiji. Akatria matre unto amiho akwe na ughora mekhono akwe unto akwe, akamuweya, ''Ukengee renge?''²⁴Akarava unto akahanya, ''Muona antu veonekana kinya metre ekwenenda.'' ²⁵Ndio akaghora kanke mekhono akwe unto amiho akwe, muntu usuyu akamghua miho akwe, akaona kanke, naakaona kela ino ija. ²⁶Yesu akamureka aende ukhaya naakamukhanea, Utraefee umujini.''²⁷Yesu akahegha na anafunzi vakwe uenda uvijiji vyo Kaiseria ya Filipi. Neare viumunjea akavaweya anafunzi, ''Antu veuhanya nene ne anyu?'' ²⁸Vakasucha vakahanya, ''Yohana mubatizaji. Vange viuhanya, ''Eliya' na vange, ''Umwedu va Aghanga.''²⁹Akavaweya, ''Lakini nyenye muhanya nene neanyu?'' Petro akamunkanea, ''Veve ne Kristo.'' ³⁰Yesu akavaghiya vatramukhanee muntu unge uhusu Mwenso.³¹Akaandya uvafundisia kuwa Mwana wa Maadamu lazima ateseke kwa amntu mine, na ukuhitwa na ankuu vamakuhani vakuu, na andishi, na atauwa na baada amatriku atratru ukufufuka. ³²Akahanya ayayi uwazi. Ndio Fetro akamuhora umpeo akaandya umwangera.³³Lakini Yesu akakikengeya na uvarava anafunzi vakwe na akamwangera Fetro na umukhanea, ''Kea unyuma ane muroghu! Utrulwa mantu ama Matrunda, isipokuwa mantu antu.'' ³⁴Kisha akareetrana iromba na anafunzi vakwe kamo na uvankanea, ''Mbese kwina muntu ukufenja unsa mbeya akuwe musalaba wakwe ansambeya.³⁵Kwa sooko unge ne ukufenja uyakhomoa maisha akwe ukuyayaghaya, na unge ne ukuyayagha maisha akwe kwa sooko ane na kwa sooko ainjili, ukuyakhomoa. ³⁶Emuareya ntuni muntu, uhanga uremi wonge, na kisha uhanga hasara amaisha akwe? ³⁷Muntu akudaha ufunya nturia, badala amaisha akwe?³⁸Usuyu ne uknyonea minyaa na khani yane mukhatre aufafo urui wa azinzi na ufafo waanya mahutrye, Mwana wa Maadamu ukumwonea menyaa ne kuwaja mukhate a utremi wa matratra wakwe kamo na malaika ne veeru.

¹Na akahanya kene venso, ''Trutre nuhanya kuna vange vanyu kuna antu neveemekie hafo vatriuonja nkuya nekee vakinauona utremi wa mamatrunda ujiie kwa nguu.'' ²Na mukhatre amatriku mutrantatru Yesu akavahoro Fetro, Yakobo na Yohana kamo na mwenso ukentronto, viyene. Ndio akaandya ufenenguka unzonge awe. ³Masaa akwe andyo afempena ino meru kuliko munyakuerwa unge kuuremi.⁴Ndipo Eliya vina Musa vakafumea unsonge awe areveureghetrya vina Yesu. ⁵Fetro akasueha akamukhanea Yesu, ''Mwalimu, ne itratru, kemwedu kwa sooko ako, kemwendu kwa sooko ama Musa na kenge ja kwa sooko ama Eliya.'' ⁶(Kwa sooko atrinamanya ntuni auhanya, vakaoghofa ino.)⁷Langu likalafumea na uvakunekea. Ndipo sauti afuma umalangu ekahanya, ''Uyuyi ne mwanane nene muyanjetre. Mutregheyi mwenso.'' ⁸Ghafla, neare varavie, vatrina mwona unge kamo vinawe, isipokuwa Yesu iyene.⁹Neare veusima ufuma uketranto, akavakhanea udeomukhanea muntu unge uywe onge nevayaona, mpaka mwana wa maadamu nekowafufuka ufuma kwa akuyi. ¹⁰Ndipo vakatunza maragheyo venso aghonjo. Lakini vakakiweya venso kwa venso ne ntuni maana ayo ''ufufuriwa ufuma kwa akuyi''¹¹Vakamuweya Yesu, ''Asike aandishi veuhanya lazima Eliya aje tranjo?'' ¹²Akavakhanea, tretre Eliya ujie tranjo ukhomoa mantu onge. Kwa sooke iandekiwe Mwana wa Adamu lazima ahange makhaseko na ahorwa? ¹³Lakini nuhanya kene nyenye Eliya katrewajie, na vakamutrenda nino vaseghetre, kinya nino maandeko ninoe, uhanya uhusu mwenso.''¹⁴Nanevajausuka kwa anafunzi wakaona idare mulikuu revafimeye na Mafarisayo arevekikongoma vinawe. ¹⁵Na hafo nevajaumwona, idare ronge likashangaa na umudurea na umuramucha. ¹⁶Akavaweya anafunzi vakwe, ''Mukikungoma ntuni mwinawe?''¹⁷Umwedu wawe mukhatre aidare akamusucha, ''Mwalimu, namutretra mwanane kene veve, wina utrambu neukumtenda atradahe ureghetya, ¹⁸na ukumutrenda saukukhatre na umukhwe ya ufanye, na ufuma mafumbu na utraghuna mino na kumagha. Navaromba anafunzi vako unya utrambu, lakini vatrinadaha. ¹⁹Akavasucha, ''Ufafo ne utriamini, nekikhaa na nyenye kupote ikhondo kee? Nuvaghevanyee mpaka nanare? Mretri kene nene.''²⁰Vakamretra mwanakwe. Khoo nembe neajaumwona Yesu, ghafla ekamtenda wandya ukhakhatra. Muhumba akagwa fange na ufunya ifomboi umomo. ²¹Yesu akamwenya tratra wakwe, ''Are ukuhali eyeyi ufuma ikhondo ke?'' Tratra akahanya, ''Ufuma unginya. ²²Mara enge ukugwa umotro na umaje, na usoya umuuragha. Mbese ukudaha utrenda renge kuhulumee na kusaidiee.''²³Yesu akamukhanea, ''Mbese wetayari? Kela into rudaheka kene uyoo neuamini, neukuhuvea.'' ²⁴Ghafla tratra wa mwana akarea na uhanya, ''Naamini nahuvea njareyi udeohuka kwane.'' ²⁵Ikhondo Yesu newajauona idare rudorea kene venso, akamwangera khoo nenchafu na uhanya, ''Veve khoo ne bubu na kyeziwi,, nukuraheya umureke, utrahefee kene mwenso kanke.''²⁶akarea kwa nguu na umukhasia mwana akhoo akamufuma. Mwana akaonekana kinya ne ukure, Ndio vinge vakahanya, ''Wakuya,'' ²⁷Lakini Yesu akamuhora kwa mukhono akamuucha, na mwana akaemeka.²⁸Ikhondo Yesu akahefea mungee, anafunzi vakwe vakamuweya umpeo, ''Kwa sooko kutrinadaha umufunya?'' ²⁹Akavakhanea, ''Kwa namuna eyeyi atriufuma isipokuwa kwa marombi.''³⁰Vakafuma hafo na ukera Galilaya. Atrinafenja muntu unge amanye kene vere, ³¹Kwa sooko areukufu anafunzi vakwe. Akavakhanea, ''Mwana wa Adamu ukufichwa umekhono a antu, na veumuuragha. Newatrendeka wakuya baada amotriku atratru ukufufuka kanke.'' ³²Lakini vatrinaelewa maelezo asaya, navakaoghofa umuweya.³³Ndio vafika u Kaperinaumu. Ikhondo neare ukumunge anyumba akavaweya,''Jamujadili ntuni munjia?'' ³⁴Lakini arevakire twee. Sooko are veubishana munjia anyu neujotrendeka mukuru eno. ³⁵Akaa ufange akavaetrana ikumi na vavere kamo na akareghetya nayo, ''Mbese unge ukufenja atrendeke wa mandyo, lazima atrendeke wina mwisho na matrumami wa venge.''³⁶Akamuhora mwana munyui akamwika mukhatre awe. Akamuhora mukhatre a mikhoo akwe, akahanya, ³⁷''Usuyu newamukwatya mwana kinyauyuyi kwa rina rane, pia wakwatya nene, muntu wakwatya, atriukwatya nenen uyi, lakini na uyuo newantuma.''³⁸Yohana akamukhanea, ''Mwalimu kukamwona muntu ufunya utrambo kwa rina rako na kukamughiya, kwa sooko atriukusambeya.'' ³⁹Lakini Yesu akahanya, ''Mutramughiye, kwa sooko kutrie neujutrenda muimone ukuu kwa rina rane na ndipo amitre ahange ukhani ne uve kene nene.⁴⁰usuyu neatrikemume nase ukuufande witru. ⁴¹Usuyu newakufa kekombe kamaje onywa kwa sooko wina Kristo, trutre nuvakhanea, atriuyaghaya thawabu akwe.⁴²Usuyu ne kuvaruangeya avanyi ne anyui neveusambeye nene, iutrendeka ija kene mwenso utrugewa igwe la usiera unkingo na ujughurwa kirambo. ⁴³Nembese mukhono wako ukukuhutya utreme. Ne bahu uhefea kuufanga utrikwetri mukhono kuliko uhefea uhukumu newi na mikhono onge umukhatre amoto ''neutriulima.'' ⁴⁴(Kwatri" Mistari eyeyi, ''Mahali kene semempa vatriukuya na matro ne utriurima.'' Utrifo unakala ya khare).⁴⁵Kinya munguu wako wakuhutreya, utreme. Neija kene veve uhefea kuufanga ne wekerema, kuliko ujughutre uhukumu na meghuu evere. ⁴⁶(Zingatia: Kwatrea, ''Mustari uruyi, kene semempa vatriukuya na maotro ne utriudaha urima ''Utrifo unakala ya khae).⁴⁷Mwese riho lako rekuhutreya lerutre. Nekuja kene veve uhefea kuutremi wa mema trunda wina riho remwedu, kuliko ne wina miho avere na uyughutwa ukuzimu. ⁴⁸Kene kwina semempa nevatriukuya, na kene motro ne utriurima.⁴⁹Kwa sooko kela umwe ukukhoreywa na motro. ⁵⁰Munyu ne uja, mbese munyu uyaghaye lombe ayo, ukumetrendaure etrendeke na lombe ayo kanke? Mutrendeke mwina munyu mukhatre anyu nyenye na mutrendeke na amani kwa kela umwe.''

¹Yesu akahegha eneo resee na akaenda umukoa wa Uyahudi na eneo ra usonge amongo wo Yorodani, na makutano vakamusambeya kanke.Akavafundisha kanke, kinya nino are kawaida akwe utrenda. ²Na Mafarisayo vakaja umusoya na umuweya, ''Ne kuja kwa mughosia ukireka na mukhema wakwe?'' ³Yesu akavansuncha, ''Musa akavaamuru ntoni vakahanyo?'' ⁴Musa akayanja uandeka chetri kakireka na umujuncha mkrema.''⁵''Ne kwa sooko akhoo yanyu nenkaku ndio maana akavaandekea sheria eyeyi, ''Yesu akavakhanea, ⁶''Lakini ufuma umwandyo wotrundwa, ''Matrunda akavatrunda mughosia na mukhema.'⁷Kwa sooko eyeyi mughsia ukumureka tratra wakwena uyi wakwe na vikisambeya vina mukhema wakwe, ⁸na vasaa ne vavere veutrendeka mwere umwedo; kwa sooko trivavere kanke, bali mwere umwedo. ⁹Kwa uyi newake trungie unganisha Matrunda, mwandamu ataketrungue.''¹⁰Neare vemunge anyumba, anafunzi vakwe vamuweya kanke ukera ereye ¹¹Akavakhanea, ''Usuyu neukumureka mukhema wakwe na mughosia wakwe na umuogho mukhema ungo ukutrenda uzinzi zaidi akwe. ¹²Mukhema na mwenso ne wamureka mughosia wakwe na uroghowa na mughosia unge, ukutrenda uzinzi.''¹³Na vakamuretrea anginya ne anyui avatrenye, lakini anafunzi vakavaangera. ¹⁴Lakini Yesu newamanya resee, atrinayanjishwa na rese akavankanea, ''Vikhanea anginya neanyunyi vaje kene nene, mutravaghiye, kwa sooko nevekinya avayi utrem i wa kirunde ne wawe.¹⁵Trutre nuvakhanea, usuyu newadea ufokea utremi wa Matrunda kinya mwanane munyuyi trutre atriukyea kuutremi wa Matrunda. ¹⁶Naakavahara vana umekhono akwe akavabariki akavaekeya mekhono akwe unto awe.¹⁷Na neare waandya muhinjo wakwe muntu umwedu akamudurea na akatrungama unsonge akwe, akamuweye, ''Mwalimu Mwema, netrende ntuni nedahe uhefea kuufanga wa khae?'' ¹⁸Na Yesu akahanya, ''Asike neukunyentena mwema? Kutrie ne mwema ila Matrunda uyene. ¹⁹Uimanyie amuri:' Utrauraghe, utrazini, utraive, utrahanye, uregheghe, utrakhongange, muheshimu tratra wina yiu wako.''²⁰Muntu uyua akahanya, ''Mwalimu, ayayi ange nayakwatree ufuma nemubaranda.'' ²¹Yesu akamurava na umuyanja. Akamukhana, ''Nkefewe na intu remwedu, ukufenjwa urinja onge neuyakwetri uvafe utruki, na ukutrendeka wina hazina kirunde. Ndio uje unsambeye.'' ²²Lakini akakata tamaa kwa sooko mahanyo asaya, akahegha kunuwina uvai, kwa sooko aremugware.²³Yesu akarava mpande yonge na uvakhanea anafunzi vakwe, ne jinsi ke mwino kukakukwa mugware uhefea kuutremi wa Mamatrunda! ²⁴Anafunzi vakashangazwa na nkani isei. Lakini Yesu akavakhanea kanke, vana, nejinsike ninokukaku uhefea kuutremi wa Mamatrenda! ²⁵Nekwaro ngamea uhefea kihoyo rasindano, kuliko muntu ne mugware uhefea kuutremi wa Mamatrenda.''²⁶Vakashangazwa ino na vakakikhanea, ''Uyi anyu ne ukukhomwowa'' ²⁷Yesu akavarava na uhanya, ''Kene binadamu etri udaheka, lakini trikene Matrunda. Kwa sooko kene Matrunda onge idaheka.'' ²⁸''Fetro akaandya ureghetya vinakwe, ''Rava kwareka onge nakwasambeya.''²⁹Yesu akahanya, ''Trutre nuvakhanea nyenye, kutrie ne akareka nyumba au munakwe wa keghosia, au wakekhema, au yiu au tratra au vana, au fenge, kwa sooko ane, au kwa sooko ainjili, ³⁰ne atriufokea mara ighana zaidi afanoi hafai kouremi, nyumba, munako wa keghosi, munakowa kekhema, yiu, vana, na fange, kwa makhaseko, na uremi neujie, ufanga wa khae. ³¹Lakini vinge ne vamwandyo veutrendeka va mwisho na vamwisho vetrendeka vyandyo.''³²Neare vemunjea uenda Yerusalemu, Yesu areuva thongere unsonge awe. Anafunzi vakashangaa, nawe neare vavasambeye unyuma awe, vakaoghofa. Ndipo Yesu akavafunya umpeo awe ikumi na vavere na akaandya uvakhanea unywee ne ajomufumea fifeyi: ³³''Rava kwinje mpaka Yerusalemu, na Mwana wa Adamu ukufichwa umakuhani ne vakuru na andishi veumuhukumu akuye na veumufunya kwantu vya Uremi. ³⁴Veumudhihaki, veumutryera matre, veumukhwa na mwanga, na veumuuragha, lakini baada amatriku atratru ukufufuka.''³⁵Yakobo na Yohana, wa Zebedayo, vakaja kene mwenso na uhanya, ''Mwalimu, kukufenja ukutrendeye resee ne kukuromba.'' ³⁶Akavakhanea, ''Akavakhanea, ni vatrendeye ntuni?'' ³⁷Vakahanya, ''Kuruhusu kuukhae kwinanyu kuutukufu wako, ungeja umukhono wako wakelelo na ungeja umukhono wako wakemoho.''³⁸Lakini Yesu akavasucha, ''Mtrimanyie ne mureromba. Mudaha ukenywea kekombe nenukenywea au ustahili ubatizo nenejobatizwa?'' ³⁹Vakamukhonea, ''Kundaha'' Yesu akavakhanea, ''Kekombe nenejokenwea, mukyenyea. Na ubatizo ne nabatiiwa, muughemeya mustahimili. ⁴⁰Lakini neujekikhaa mukhono wane wakyelelo au wakyemoho trinene wofunya, lakini ne kwawene vanevaandarewa.''⁴¹Awe anafunzi vangeja ikumi ne vajautregheya ayayi, vakaandyi uvahura Yakobo na Yohana. ⁴²Yesu akavaetrana kene mwenso na uhanya, ''Mumanyie awe neveughemwa kuwa atrawala va antu va uremi veuwavatrawala, na antu vawe nevamanyekie veuvaraghea mamulaka unto awe.''⁴³Lakini etriseghetre utrendeka vii mukhate anyu, usuyu neukutrendeka mukuu mukhate anyu lazima avatrumekee, ⁴⁴na usuyu ne ukutrendeka wa mwandyo mukhatre anyu lazima atrendeke mutrugwa wa vonge. ⁴⁵Kwa sooko Mwana wa Adamu atrinaja utrumekewa bali utrumeka, na uyafunya maisha akwe atrandeke fidia kwa vinge.''⁴⁶Vakaja Yeriko. Neare veuhegha Yeriko na anafunzi vakwe na idare likuru, mwana wa Timayo, Batimayo, mufoku munyoromba, akakikhaa umpeo abarabara ifanda. ⁴⁷Newajotregheya ne Yesu Munazareti, akaandya ukhwa mukindo na uhanya, ''Yesu, Mwana wa Daudi, ngurumea!'' ⁴⁸Venge vakamwangera uyuo mufoku, veumukhanea kira. Lakini akarea kwa ruri ino. Mwana wa ma Daudi ngurumea!''⁴⁹Yesu akaemeka na uhanya aetranwe. Vakamwetrana uyuo mufoku, vakahanya, ''Muhomi! Uka! Yesu akukuetrana.'' ⁵⁰Akarejughutra umpeo ikotri rakwe, akadua ino, na uja kene Yesu.⁵¹Yesu akamusucha na uhanya, ''Ukufenja nekutrendee ntuni?'' Uyuo mughosia ne mufoku akamusucha, ''Mwalimu, nyfenja uona.'' ⁵²Yesu akamukhanea, ''Enda. Imani akoo akuforia.'' Hafo miho akwe akaone na akamusambeya Yesu ubabaa.

¹Ikhondo rese neare vakaja Yerusalemu, ne vajauvea Besthfage na Bethania, uketranto ko mizeituni, Yesu akavatruma vavere mukhatrea aanafunzi vakwe, ²na akavakhanea, ''Endi ukejiji ne kekabili anie nase. Nanemwahefehafo, mumuhanga mwandogwe ne akinanantewa. Mutrugweli na mumuretre kene nee. ³Na mbese unge avakhanee, ''Kwa sooko mutrenda vii?'' Mfenjwa uhanya, ''Mughosia ukumufenja na fifiyi ukumuscha hafai.''⁴Vakaenda na umuhanga mwandoghwe utrungiwe unji akenyamwango umutroa ne wemwali na vakamurughwer mwndoghwe. ⁵Na antu vakeyi arevaemekie hafo na uvakhanea, ''Mutrunda ntuni, umurughwera mwandghwe usuyu?'' ⁶Vakavakhanea kinya Yesu neakhankanea, na antu vakavareka vaende.⁷Anafunzi vavere vakamuretra mwandoghwe kene Yesu na vakatrandeka masaa awe unto akwe sooko Yesu adahe unantea. ⁸Antu vinge vakatrendeka masaa awe kifanda, na vangeja vakatrandeka masanja neare yatrema umeghunda. ⁹Awe ne vakaenda unsonge akwe naawe neare vamusambeye vakakhwa mukindo, ''Hosana! Ubarikyewe neujie kwa rina ra Mugosia. ¹⁰Ubarikyewa utremi neujie wa matratra witru Daudi! Hosana kwa uyuo ne ukunto''¹¹Ndipo Yesu wahefea Yerusalemu na uenda uhekalu na akarava kyela intu. Fanii, ikhondo areraenda, akaenda Bethania kamo nawe ikumi na vavere. ¹²Itriku neare resambeye, ikhondo neare vausuka ufuma Bethania arevinanjaa.¹³Naakhaona mutre wa mutini neare winamatrutru kwa kure, akaenda urava mbese ukudaha uhanga intu unto ayo. Na ikhondo ne are akaenda kene usuyu, atrina hanga renge isipokuwa matrutru, kwa sooko are trikhondo ra mutini. ¹⁴Akaukhanea, ''Kutrie unge neujulwa itunda ufuma kene veve akanke.'' Na anafunzi vakwe vakatregheya.¹⁵Vakaja Yerusalemu, na mwenso akahefea uhekalu na uandya uvafunya unji anaughunya na anyaughua mungee ahekalu. Akaisunteya meza yaanya ufeora fedhana matrumbeawe neare veughurwa nkuwe. ¹⁶Atrina muyanjeya naumwe uhora renge uhekalu neare rudaha ughurwa.¹⁷Akavafundishiana uhanya, ''Je etrandekiwe, nyumba ane atranwa nyumba, asala kwa uremi wonge?' Lakini mwamitrenda ifango ra anyanganyi.'' ¹⁸Makuhani ne akuu na andishi vakatregheya nino akahanya, na venso vakafenja njia omu aumati ukashangazwana mafundisio akwe. ¹⁹Na muuikhondo ne yuampende neajofika va kahegha umujini.²⁰Neare veuenenda ndio, vakauona mutre wa mutrini uumie mpaka umiiri ayo. ²¹Fetro akakumbukwa na kusema, ''Rabi! Rava, mutriwa mutrini neare waulani wauma.''²²Yesu akavasucha, ''Mutrendeke mwina imani kene Matrunda. ²³Amini nuvakhanea kila neukukyekhanea kitratro ekei, 'Hegha wende ukijughutra mughonjo kirambo, 'Na mbese atrina wova ukhoo akwe lakini uamini newalihara ruduiya, uyi ndio Matrunda nina ukutrenda.²⁴Kwauyi nuvakhanea: kila intu nemuromba na uweya kwa sooko akwe, muamini kwamba mwafokea, navisivi vyatrendeka vyanyu. ²⁵Ikhondo nemwemeka na uromba, mufenjwa musomehe onge nemukwetri kene unge, kwa sooko Tratra wanyu neukirunde avasamehe nanyee mahutrye anyu kwatrea musitari urui. ²⁶Lakini nemwadea usamehe, na Tratra wanyu wakiru atriuvasamehe mahutrye anyu'' mutrifo umartu akhae).²⁷Vakaja Yerusalemu na kanke. Na Yesu neareukuenenda kihekalu, mokuhani neakuru, naandishi na anyampaa vakaja kene mwenso. ²⁸Vakamukhanea, ''Kwa mamulaka ke neukutrenda mantu ayayi?'' Na nianyu ne wakufa mamulaka atrenda ayayi?''²⁹Yesu akavankanea, ''Nuvawiya ukhani umwedu. Nkanea nanene nuvankanea kwa mamulaka kenenutrenda mantu ayayi. ³⁰Je, ubatizo wa ma Yohana ufumie kirunde na mpa ufumie kwa anadamu? Nsuchi.''³¹Vakakiweya ukhoo yawe na kremwa na uhanya, ufuma kirunde,'Ukuhanya, ''Askye nemutrina muhuvia?' ³²Lakini nekwahanya, ''Ufuma kwa anadamu,'...'' vakavaoghofa antu, kwa sooko vonge vashirikiana kwamba Yohana are Mughanga. ³³Ndio vakamusucha Yesu na uhanya, ''Kutrimanyie. Ndio Yesu mamulaka ke nenkuyatrenda mantu ayayi.

¹Kisha Yesu akaandya uvafundisha kwa mefano. Na akahanya, ''Muntu akafandea mughunda wa mezabibu, akarefimeya ikira, na akahemba ikhombo rosiera muvinyo. Akajenga munara na akaefangisia mughunda wa mezabibu kwa anyaurema mughunda wa mezabibu. ²Kisha akaenda muhinjo wa kurange. Ikhondo nerajofika, akamutruma mutrumwa wa onyerema mezabibu ufokea ufuma kwa baazi amatrunda omughunda wa mezabibu. ³Lakini vakamukwatra, vakamukhwa na umojucha bila into.⁴Ukamutruma ukhawe mutumishi ungeja, vakamuvaria kutri na umutrendeo mantu amenyea. ⁵Wasuka wamutruma ungeja, na uyuyi umwedu vamuuragha. Vakavatrendea vangeja vinge mantu kinya ayayo ayayo, veuvakhwa na vangeuvauragha.⁶Are akee na muntu umwe zaidi amutruma mwana nenemuyanjetre. Mare winamuntu umwedu zaidi womutruma, mwanane uyanjetrwe. Neare winamwisho netrumwa ukhawe. Akahanya, ''Viumuheshimu mwanane.'' ⁷Lakini anyaufanga vakakikhanea venso kwa venso, ''Uyuyi ndio muhithi. Nji na kumuuragha, na ulithi ukutrendeka witru.''⁸Vakamukunguseya, vakamuurugha vamujoghutra unji amughunda wa mezabibu. ⁹Kwauyi, Je! Ukutrenda ntuni munyohoa mughunda wa mezabibuujie uvakunua anyaurema mezabibu ujuaghane mughunda wa mezabibu kuvange.¹⁰Mutrinahanga usomaiandeko ereyi?'' Igwe neare anyaujenga vakarehitra, ratrendeka igwe ro mpeo. ¹¹Ereyi rafumie kene Mughosia, na raajabu umiho itru.'' ¹²Vakafenja vamukwatre Yesu, lakini vakavatreja anyotrana, kwani vakamanya kuwa akareghetya mufano usuu sooko awe. Uyi vamureka vaenda neafu.¹³Vasuka vavatruma baadhi amafarisayo na maherodia kene mwenso umtregha kwa nkani. ¹⁴Nevajika, vamukhanea, ''Mwalimu, kumanyie ne utriujali mahanyo avange na ukuraghea upendeleo kati aantu. Ukukufundisia njea a Matrunda trutre. Je! Ne trutre urefa kodi kene Kaisaria au tritrutre? Je! Kudahaurefa au triuyi? ¹⁵Lakini Yesu akamanya anafiki wawe na uvankanea, ''Asike ne munsoya? Mpidiari nendahe umerava.''¹⁶Vakaretra emwedu kene Yesu, 'Akavakhanea, ''Je! Ne sura amwaanyu na maandisi nearefo hafai neamaanyu? Vakahanya, ''Ama Kaisari.'' ¹⁷Yesu akavakhanea, ''Mufu kaisari mantu amakaisari na Matrunda antu ama Matrunda.'' Vakamwoghofa.¹⁸Kisha Masadukayo, neveuhanya kutrie ufufuo vakamwendea vakamuweya na uhanya, ¹⁹''Mwalimu, Musa akakuandekea vii, 'Ne munyandeghu wa muntu wakuya na umureka mukhema unyuma akwe, lakini atrinareka mwana muntu ukumuhora mukhema wa munyandughu wakwe na kihangea vana kwa sooko amunyandughu wakwe.'²⁰Are kunaanyandughu ve mufunkatre. wa mwandyo wahanga mukhenea na akakuya, atrinareka vana. ²¹na wakavere wamuhora na mwenso wakuya, atrinareka vana. Na wakatratru no uyi. ²²Na wamufurikatre noakakuya atririna rekakara mwisho wayo namukhema no pia akakuya. ²³Ikhondo rofufuo, nevafufuka kanke, je! Ukutrendeka mukhema vemufunkatre are aghosia vakwe vonge.''²⁴Yesu akavakhanea, ''Je! Eyeyi tri sababu uyaghaywa, kwa sooko muntrimanyie maandeko wala nguya Mamatrunda.?'' ²⁵Ikhondo lo fufuka ufuma kwa kuyi, vatriuroghoa wala uhefea undoe, bali vajotrendeka kinya malaika wa kirunde.²⁶Lakini, uhusu akuyi nevajofuflewa, Je! mutrinasoma ufuma uketrabu kama Musa, kene habari ya itranku jinsi Mamatrunda wa ma Abrahamu, na Matrunda wa ma Isaka na Matrunda wama Yakobo?' ²⁷Mwenso tri Matrunda wa akuyi, bali wavafanga. Ne trutre muyaghae.''²⁸Umwedu wavaandishi akaja na utregheya ninove ureghetya, akaona kwamba Yesu akavasucha ija. Akamuwiya, ''Je! kuna amuri ne amuhumu ino kuliko yonge?'' ²⁹Yesu akamusucha, ''Neamuhimu ne eyeye, ''Tregheya Israeli, Mughosia Mamatrunda witru Mughosia ne umwedu. ³⁰Lazima umuyanje Mughosia Matrunda wako, kwakhoo ako onge, kwa mwahu wako wonge, kwa kwa ihaa rako ronge na kwa nguu yako yonge.' ³¹Amuri akaveee necheye, 'Lazima umuyanje jirani wako kinya ninaukiyanjetre veve.'' Kutrine amuri engeja ne nkuu kinya yeyi iyii.''³²Mwandishi akahanya, ''Kuja Mwalimu! Wahanya trutre kwamba Matrunda ne umwedu na kwamba kutrie ungeja zaidi akwe. ³³Umuyanja mwenso kwa khoo onge, na kwa ihaa ronge na kwa nguu yonge, na umuyanja jirankinya veve, nekuja ino matokeo na dhabihu yo teketeza.'' ³⁴Ikhondo Yesu wajauno wafunya ukhani wa busaa, akamkhanea, ''Veve utrikwenge na utremu wa ma Matrunda.'' Baada ahafo kutrie na umwe neakasoya umuweya Yesu maswali ange.³⁵Na Yesu akasucha, neare ukufundisha kihekalu akahanya, ''Je! andishi veuhanya ure kuwa Kristo ne mwana wa ni Daudi? ³⁶Daudi mwenso kaika Mwahu Mweru, akahanya, ''Mughosia akahanya kene Mughosia wane, ikhara umukhono wane wa kelelo, mpaka nevatrende arughu vako vatrendeke ufange amengu ako.'' ³⁷Daudi mwenso ukumwitrana Kristo, 'Mughosia' Je! ne mwana nemwana wa ma Daudi kwa sooko kee?'' Nanejavatranie vamughembeya kwa furaha.³⁸Umafundisho akwe Yesu akahanya,''Mukihadhali na aandishi, neveusegha kunenenda na nkanjo ne ndifu na uramunchwa umasoko, ³⁹na kikhaa umatrumbe aakuu umasinagogi na usikukuu yomaeneo aakuu. ⁴⁰Na veulya unyumba uakema nevakuyewena aghosia muhimbe na veromba maombi marifu sooko vavaone. Avai antu veufokea hukumu ne nkuu.''⁴¹Kisha Yesu akakikhaa ufange fife na sandukhuku ra sadaka mungee aieneo lahekalu areukurava antu neare veutrenda hela yawe mungee aisanduku. Antu vinge aghuare vakatrendea kiasi ne kekuu ka hela. ⁴²Kisha mukhema neatrikwetri mughosia muhimbe mutruki akaja na trendea ifande ivere ya hela thamani asenti.⁴³Kisha akavaetrana anafunzi vakwe nauvakhanea, Amini nuvakhanea, Mukhema uyuyi ne muhimbe watretrendea keasi kekuu kuliko vonge ne vafunya kisanduku ra sadaka. ⁴⁴Kwani vonge vafnya utokana na winge wamapato awe. Lakini mukhema ne muhimbe atrikwetri mughosia uyuyi, ufuma kutruki wakwe, umauhela yonge neukufenjwa utrumea umaisha akwe.''

¹Yesu neare ukurenenda ufuma uhekalu, umwendu wa anafunzi vakwe akamuweya, ''Mwalimu, rava maghwe ayayi asangaya na makhaya!'' ²Akamukhanza, ukengee makhaya ayayi ne makuu? Kutrie hata igwe nalimwe ne rusagha unto arengeja neretrijogweshwa ufange.''³Na niare winkee unto akitranto ko mezeituni unyuma hekalu, Fetro, Yakobo, Yohana na Andrea vakamuwiya kwa krempihe, ⁴Kukhanee mantu ayayi eutrendeka nanare? Ne ntuni dalili amuntu kwa ufumea?''⁵Yesu akavaandya uvakhanea, ''Trendeki ni naihaa muntu unge atravayaghaye. ⁶Vinge vajie kwa rina rane vajohana, 'Nene ndio, n vajovayaghaya venge.⁷Nemwatregheya wikhui na utretri wa wikhui mntri oghofe, mantu ayayi atrikwetri budi afumea, lakini mwisho keeukee. ⁸Ngee ejekuuka hiya na ngee engeja, na utrami hiya na utremi. Kutrendeka na ukhakhatho sehemu hiyo hiyo na njaa uruyi ne mwandi wa uvayi.⁹Trendeki mwe miho. Vekatroa hadi umabaraza, na mukhuwa umasinagogi. Muemechwa usonge avatrawala na kwaaremi kwa sooko ane, kinya ushuhusa kene venso. ¹⁰Lakini injili lazima mwandyo etramatrye kwa uremi wonge.¹¹Nevajauvakwatra na uvakabizi, mutraoghofe uhusu resee ne mujoreghetrya. Mungee aikuondo resoa mujofewa ntuni oreghetya, mtranjotrendeka nyenye ne mujoreghetya, bali mwahu Mweru. ¹²Munyandughu ukumusitraka mnyandughu kuuragwa tratra na mwana wakwe. Vana vaje kwimeka hiya vina natratra wewe na uvasacha vauragwe. ¹³Muurwana kila muntu kwa sooko arina rane. Lakini neukudaha ughimeya mpaka mwisho, muntu usuyu ukukhomowa.¹⁴Namwanyaona maikhaseko roruanga reemekee hefo keeneiritriufenjwa kuemeka (munyosoma naamanye), Ndio neve kene mungee a Yua vaduree kwiitranto, ¹⁵Na neukunto anyumba atrasimie ufange anyumba, au uhora renge ne runji, ¹⁶Naneukumughunda atrasuke uhora isara rakwa.¹⁷Lakini ole wawe akhema nevendoa nane veoncha mukhatre amatriku asaa! ¹⁸Rombi itrafumee ikhondo rampefo. ¹⁹Sooko vajatrendeka vina makhaseko akautrunda uremi, mpaka fanai, hapana, walaetriufume kanke. ²⁰Mpaka Mughosia neujukefya matriku, kutrie mware ne ukukhomwowa, lakini kwa sooko anyakhomowa, ne ujuvahwanwa, ukukefya namba ya itriku.²¹Ikhondo resee mbese muntu unge ukuvakhanea, ''Rava, Kristo wehafai!' Au 'Rava, wehafoo! Mutrayanje. ²²Sooko Akristo vauregheghe na aghanga va uregheghe viufumea na ufunya ishara na maajabu, ili sooko vavakuongange nambese hata anyauhuvea. ²³Trendeki mwemiho! Navakhanea ayayi onge kabla aikhondo.²⁴Lakini baada amakhaseko amatrimu asa, nyuarutrendewa kitri, mweli ueriufunya weru wayo, ²⁵Njotra yugwa ufuma kirunde, na nguu nerefo kirunde ijohingisia. ²⁶Ndio vajomwona Mwana wa Adamu ujie umarunde kwa nguu ne nkuu ne utukufu. ²⁷Ndipo ukutrama malaika vakwe na ukuvahangweya kamo ateule vakwe ufuma umpanda ninkuu ine ya uremi, mwisho wa uremi mpaka mwisho wa irunde.²⁸Kwa mutrini kifundisi nino isanja rudaha ufunya na ueka matrutru ayo, ndipo mumanye kwamba chwee kerefo fife. ²⁹Ndio ninoere, ne mwaona mantu asaya eufumea, mumanya ne wefife, na malango.³⁰Trutre, nuvakhanea, eyeyi mpafo etriufwaya kabla mantu ayayi atrinafumea. ³¹Irunde na fange yufwaya, lakini nkani yane itriufwaya kuamwe. ³²Lakini uhusu itriku na saa, kutrie ne umemanyie, hata malaika va kirunde wala mwana ila Tratra.³³Trendeki mwemiho, Rava, kwa sooko mutrimanyie neikhondoke neiufumea. (Kwatrea mustari uruyi, ''Mutrendeke mwanyoangarea.... ''Rombi kwa sooko utrofo unakala ya khare). ³⁴Kinya muntu ne winje muhinjo: akareka nyumba akwe, na umweka mutrugwa wakwe mutrawala wa nyumba, kela umwe na kazi akwe. Na umuragheya mulinzi kikhaa urangue miho.³⁵Kwa hiyo trendeki mwemiho (murangue)! Sooko mutrimanyie nenanare mughosi wanyumba neukusuka ukhakwe unyumba akwe, fangee mpende, utriku wa mukhatre, ikhondo ne njololo area, au diu. ³⁷Newaja ghafla, atrakuhange urere. ³⁶Ekeo nenukehanya kenevee nukehanya kwakela muntu: Mutranae!''

¹Are matriku avere uyi baada asikankuu apasaka na amekate ne atritrendewe Nsasu. Makuhani ne akuu na aandishi areveufenja mwino veumukwatri Yesu uve na umuuragha. ²Kwa sooko vakahanya, ''Trii ikhondo ereyi la siko nkuu, antu vatraje vajotrenda mukindo.''³Ikhondo Yesu neareuku Bethania unyumba amwa Simoni mukoma, naera umeelekee meza mukhema umwedu akaja, kene mwenso arewina nchafa amarashi anarda njuja neinaughurine ukuu ino, akameuragha nchufa na umuhunura unto aitwe rakwe. ⁴Lakini are kuna baadhi awe vakahura, vakakikhanea venso kwa venso vakahanya, ''Ne ntuni saababu auyaghai uruyi? ⁵Manukato ayayi areeudahwa urinjwa zaidi adinani maghana atratru, navakafewa atruki, 'Na vakamuangera.⁶Lakini Yesu akahanya, ''Mreki imwene. Asike ne mumukhasia? Watrenda intu rija kene nene. ⁷Matriku onge atruki mwinawe, na ikhondo ronge nemwayanja mudaha utrenda ne maja kene venso lakini mutru trendaka nane ikhondo ronge. ⁸Watrenda ereo neudahetre: wawire mwere wane makutra kwa sooko akuekwa. ⁹Trutre nuvakhanea, kela ikhondo kene injili ejutranatrwa kuuremi wonge, ere newaretrenda mukhema uyuyi rejureghetrwa kwa ukumbusho wakwe.¹⁰Kisha Yuda Iskariote, umwedu na awe ikumi na vavere, nkaenda kwa akuu vamakuhani ili adahe uvakabizi kene venso. ¹¹Ikhondo akuu vamakuhani vajautregheya uyi, vakayanja na vakamwahidi ukufa hela. Akaandyia ufenja ikhondo romukabidhi kene venso.¹²Kitriko ra mwandyo ra mekate neetritrendewe nsasu, ikhondo nevavafunya mwakhoo wa pasaka, anafunzi vakwe vakamukhanea, ''Ukufenja kwende kufei kwende ughondaneya ili uhange ilya ra Pasaka?'' ¹³Akavatruma anafunzi wakwe, vavere na ulakhanea, ''Endi umujini, na mughosia ne uuchiye mujoka ukuvaona nyenye. Musambeyi. ¹⁴Nyumba neukuhefea, musambeyi na mumukhanea munumba esee, ''Mwalimu wahanya, kefeyi ikumbo kaaghenyi kene ujulya Pasaka na anafunzi vakwe?''¹⁵Akavaraghea ikumbo ra aghenyi rounto rikuu samani redahekie. Trendi maandalizi kwa sooko itru hafo.'' ¹⁶Anafunzi vakahegha vakaenda umujini, vakahanga kela intu kinyaninovakanewa, na vakaghond neyo ilya la Pasaka.¹⁷Ikhono neajofika mpende, akaja naawe ikumi na vavere. ¹⁸Nevajau mchumbea meza na ulya, Yesu akahanya, ''Trutre nuvakhanea, umwedu mukhatre ayu neukulya kamo nanee ujusaliti.'' ¹⁹Vonge vakasikitika, na umwedu baada au mwedu vakamukhanea, ''Trutre trinene?''²⁰Yesu akavasucha na uvakhanea, ''Ne umwedu wa ikumi na vavere mukhatre eyu, umwedu ne ukusimeya ntenge kibakuli kamo na nee. ²¹Kwa sooko Mwana wa Adamu winje kinya nino maandeko uhanya unto akwe. Lakini ole wakwe muntu usuyu neukera mwenso Mwana wa Adamu ukusalitena! Jakuja zaidi kene ni mwenso muntu usuyu sahanga atrinafafwa.''²²Neare veulya, Yesu akaora mukate, akaurombea, nauunania. Akavafa akahanya, ''Hori uruyi nemwere wane.'' ²³kahora kekombe, akashukuru, na akavafa na vonge vakakenywea. ²⁴Akavakhanea, ''Eyeyi ne nsaghania ane airafeyo nsaghami nee hunuka kwa sooko avinge. ²⁵Trutre nuvakhanea, ntriunywa kanke izao ereyi ramuzabibu mpaka itriku ereo nenejonywa ne mpya umukhatre autremi wa ma Matrunda.''²⁶Nevajauemba wimbo, vakaenda unji mukhatre a ketranto kau mezeituni. ²⁷Yesu akawa khanea, nyenye nyonge mukisunta kwenge sooko ane, kwa sooko eandekiwe, 'Numukhwa mundemi na khoo yufaghatra.²⁸Lakini baada ofufuka kwane, nuvathongea unsonge anyu u Galilaya.'' ²⁹Fetro akamukhanea, ''Mbese vonge vakureke, nene ntiukureka.''³⁰Yesu akamukhanea, ''Trutre nukukhanea, utriku uruyi ne njololo ekinarea kavere sawangitra katratru.'' ³¹Lakini Fetro akahanya, ''Hata neatrendeka nekuye navee trukureka.'' Vonge vkafunya ahadi eyeyo eyeyo.³²Nevajoja kieneo nerutranwa Gethsemane, na Yesu akalakhanea anafunzi vakwe, ''Ikhali hafai neikhondo kusalia.'' ³³Akavahora Fetro, Yakobo, na Yohana kamo namwenso wandyia uruzunika na ukhaseka ino. ³⁴Akavakhanea, ''Nafsi ane inauvayi ina ne kingokuya, saghe hafai na mutrarae.''³⁵Yesu akaend unsonge kunyui, akagwa ufange, akaromba, mwese eudahekha, saa eyeyi engeghee. ³⁶Akahanya, ''Aba, Tratra nuromba onge kene veve iudaheka ngeyeya kekombe ekeye. Lakini trikwa mafenji ane, bali mafenji ako.''³⁷Akasuka na uvahanya varara, na akamukhanea Fetro, ''Simoni, je uwararana? Utrinadaha ukesha hata saa imwe? ³⁸Keshi na murombe mutraje mujuhefea umajaribu. Trutre khoo erazi lakini mwere neudhaifu.'' ³⁹Akaenda kanke na uromba, na akatrumea khani iyiyoiyiyo.⁴⁰Akaja kanke wavahanga varere, kwa sooko miho areatrendeka maritho na vatrinamanya ntuni omukhanea. ⁴¹Akaja mara akatratru na uvakhanea, ''Kee mureenautruya? Adaha! Saa afika. Ravi, Mwana wa Adamu ukusalitewa umekhono aanya muhutrye. ⁴²Uki, kwendi. Ravi uyuo neujosaliti wahuvea.''⁴³Mara nejakeureghetriye, Yuda, umwedu waawe ikumi na vavere, wafika, na idare rikuru ufuma kwa ukuu vya makuhani, andishi na anyampaa ne vinamafanga na mafene. ⁴⁴Ikhondo resee musaliti wakwe arewavafa ishara, na uhanya, uyuo nenamuthomia, ndio. Mukwatri na umweka fange aulinzi.'' ⁴⁵Ikhondo Yuda nearehafika, moja kwa moja akaenda kene Yesu na uhanya, ''Mwalimu!'' na akamuthomia. ⁴⁶Kisha vakutrende ufange aulinzi na umukwatra.⁴⁷Lakini umwedu mukhatre awe akaemekha fife vinakwe amarutra ufanga wakwe akamukhua mutrumani wa makuhani ne mukuu na umutrema ketwe. ⁴⁸Yesu akavakhanea, ''Mwaja ukwatra na mafanga na mafene kinya ne nemunyanganyi? ⁴⁹Wakati mweitriku are kwinanyu nekuvafundisha uhekalu, mutrina kwatra. Lakini ereyi ratrendeka ilimaandeko atimee. ⁵⁰Naawe vonge neare vina Yesu vakamureka na udua.⁵¹Mubalanda umwedu akamusambeya, areuyetre shuka uyi neare ukikunekee imufimeya, wali mukamata lakini, ⁵²akavadua akareka shuka hafo akadua na khonde.⁵³Vakamughorea Yesu kene kuhani ne mukuu hafo areva kihangweye kamo na makuhani: Ne lakule vonge, anyampaa, na aandishi. ⁵⁴Fetro no areumusambeye Yesu kwa kure, ''Uende kene musae wama kuhani, ne mukuu, akaikhaa kamo na alinzi, neare vefife na motro neveo tra vahange mutrutru.⁵⁵Ikhondo resee makuhani nevakuu vonge na Baraza range areveufenja ushahidi wa uregheghe dhidi amwa Yesu ili vahange umwuiragha. Lakini vatrina uhanga. ⁵⁶Kwa sooko antu vinge vakaretra ushuhuda wa uregheghe dhidi akwe, lakini hata ushahidi wawe utrina khakha.⁵⁷Baadhi vakaemeka na uretra ushahidi wa uregheghe dhidi akwe; neveuhanya, ⁵⁸''Kukamutregheya ukuhanya, ''Murreruanga hekalu nera trendiwe kwa mekhono na mungee amatriku atratru nkurenjenga renge neretritrendiwe kwa mekhono.'''' ⁵⁹Lakini hata ushahidi wawe utri na kikhwa.⁶⁰Kuhani ne mukuu akaemekha mukhatre awe na umuwiya Yesu, ''Je, utrina ihanyo? Antu avayi veushuhudea ntuni dhidi ako?'' ⁶¹Lakini akaikahaa twe na atrinasucha renge. Mara kuhani nemukuu akamuweya kanka, ''Je veve ne Kristo, Mwana wa Mubarikiwa?'' ⁶²Yesu akahanya, ''Nene ndio. Na ukumwona Mwana wa Adamu wikhe umukhono wa kerelowa nguu ujie na marunde kairunde.''⁶³Kuhani ne mukuu akahavua masaa akwe na uhanya, ''Je, kee kufenja mashahidi? ⁶⁴Mwatregheya kufuru. Uamuzi wanyu newefei?'' Navonge vakamuhukumu kenya neustahili ikuya. ⁶⁵Akeyi vakauandyia umutriera matre na umukunekea usiuna umukwa na umukhanea, ''Hanya mbafisa vakaumuhora na umukhwa.⁶⁶Na Fetro neare akee ukufange umusae mutrumami umwendu wa ancha vamakuhani ne mukuu akhaja kene mwenso. ⁶⁷Akamwona Fetro arewemekie ukuotra motro, akamurava kwa uhumbea. Kisha akahanya, ''Navee pia aremwina Nazareti, Yesu.'' ⁶⁸Lakini akahitra, akahanya, ''Ntimanye wala ntielewa uhusu ereo ne ukureghetya kishaakafuma wenda unji umusae (Zingatia; kwatrea, mustari uruyi, ''Na jololo areo'' utrifo unakolaya khae).⁶⁹Lakini mutrumami wakwekhema hafo, akamwona na uandyia uvakhanea kanke awe nearevaemekie hafo. ''Muntu uyuyi niumwendu wawe!'' ⁷⁰Lakini ukahitra kanke. Amitre kunyuyi awenevaemekie hafo are veumunkanea Fetro, ''Trutre veve neumwedu wawe, kwa sooko veve pia u Mgalilaya.''⁷¹Lakini akaandya ukiekha mughonjo ufange alaana na kirafea, ''Ntimwije muntu uyuyi ne mumuhanya.'' ⁷²Kisha njololo ekarea kavere, kisha Fetro akakumbukwa nkani neare Yesu neare ukumukhanea: ''Nekee njololo ekinarea kavere, ukungitra katratru.'' Na akagwa ufange na urea.

¹Diu na mapema nekekwiru akuu vamakuhani vakatrana kamwo na anyampaa na aandishi na baraza ronge ra anyampaa. Kisha vakamutrunga Yesu vakamutroa kene Pilato. Pilato akamuweya, ''Veve ne umutremi wa Ayahudi?'' ²Akamukhanea, ''Veve wahanya uyi.'' ³Akuu va makuhani vakareghetrya masitraka minge unto amwa Yesu.⁴Pilato akamuweya kanke, ''Utrimanyie renge? Utrikengee ninoveukusitraka kwa masitraka minge? ⁵Lakini Yesu atrinamusucha Pilato,na rese rekamushangaza.⁶Kwa kawaida ikhondo ra sikukuu veumutrungua mutrugwa umwedu mutrungwa newamuromba. ⁷Arekwina anyauhutri ugereza, mukgatre aunyoragha kati aunyauhutrya neveutrumekhea mahutrye awe. Areurefo muntu umwedu ukuetrana Baraba. ⁸Irumbe rekaja kene Pilato, na umuromba atrende kinya nino ukutrenda kukoo manyuma.⁹Pilato akavasucha na uhanya, ''Mufenja nevatrugwere mutremi wa Ayahudi?'' ¹⁰Kwa sooko umanyie ne kwa sooko awiru wa akuu va makuhani vakamukwatra Yesu na umretra. ¹¹Lakini akuu va makuhani vakasoseya irunde ukhwa mukindo kwa vouri kwamba arughueroe Baraba badala akwe.¹²Pilato akavasucha kanke na uhanya, ''Nemutrende ntuni mutremi wa Ayahudi? ¹³Vakakhwa mukondo kanke, ''Musulubishe!''¹⁴Pilato akahanya, ''Watrenda intu eke nerive?'' Lakini vakazidi ukhwa mukondo kanke na kanke ''Musulubishe.'' ¹⁵Pilato akafenja uyanjisia irumbe, akavarughura Baraba. Akamukhwa Yesu mejeredi kisa akamufunya asulubiwe.¹⁶Asikari vakamuntongeya hadi mungee a musae (uruo nr ukumungee akhambe) na vakakiha gweya kamo kekosi ka asikari. ¹⁷Vakamuyecha Yesu nkanjo arangi azambarau, na vakasokhotra taji amaghuya vakamuyecha. ¹⁸Vaakandya umudhihaki, nauhanya, ''Salamu, mutremi wa Ayahudi!''¹⁹Vakamukhwa ktre na ikhotya na umutriera matre vakatrungama unsonge akwe umuheshimu. ²⁰Hata nevaja umudhihaki, vakamuyua eyeo nkanjo arangi a zambarau na umuyecha masaa akwenava kamufunya unji uenda umusulubisha. ²¹Vakamulazimisha munyoukea munjia amnareye, neare ukuhefea umujini ufuma umughunda. Neukuetranwa Simoni Mukirene (tratra wakwe Iskanda na Rufo); vakamulazimisha uucha musalaba wama Yesu.²²Askare vakamutroa Yesu kene kuitranwa Golgota (maanya au ukhani uruyi ni ukuu ra itwe). ²³vakamufa mvinyo neehanjiwe na manemane, lakini atrinanywa. ²⁴Vakamusulubisha na vakaaghana masaa akwe, vokayakhwera kura uamua kefande neukuhanga kela asikare.²⁵Afika saa itratru ya diu nevakamusulubisha. ²⁶Vakaekha unto akwe ubao ulioandikwa, ''Mutremi wa Uyahudi.'' ²⁷Vakamusulubisha kamo na aivi vavere, umwedu fande wa kelelo, muya ufande wa kemoho. ²⁸(Zingatia: Mustari uruyi, ''Na maandeko atimia utrifo mukhatre anakala ya khae).²⁹Neare vaukea areveumutruka, veuhengisia metrewe awe veuhanya, ''Ahaa! Veve ukukhononta hekalu nuurejenga kwa matriku atratru, ³⁰kikhomoe veve na usime ufange ufuma umusalaba!''³¹Kwa namuna eyeyo eyeyo akuu vamakuhani vakamuzihaki vekikhanea, ''Kamo na aandishi na uhanya, ''Akavakhomoa vange lakini mwenyewe atrudaha kikhomoa mwenso. ³²Kristo mutremi wa Israeli, sima ufange ufuma umusalaba, ili kudahe uona na uamini.'' Naowee nekasulubishwa kamo inawe pia vakamudhihaki.³³Ajaufika saa amutrantaru, kitri kakijua ngee onge hadi saa akenda. ³⁴Ikhondo ra saa akenda, Yesu akakhwa mukindo kwa woori ne ukuu, ''Eloi, Eloi, lama sabakitani?'' Maana ayo, ''Mutrunda wane, Mutrunda wane, asike ne wandeka?'' ³⁵Akeyi vaasava neareveemekie nevajautregheya vakahanya, ''Rava, ukumwitrana Eliya.''³⁶Muntu umwendu akadura,wakijuiya siku usipoji na umeka unto omutre wa mwanzi, akamufaiji anywe. Muntu umwedu akahanya, ''Ikara kwone mbese Eliya ujie umwusya simia ufanga.'' ³⁷Kisha Yesu akerea kwa wori neukuu wakuya. ³⁸Isaa roheku raaghanyika ifande ivere ufuma unto mpaka ufange.³⁹Ofisa umwendu areuemeke umuravie Yesu, newajauona wakuya kwa jinsi eseye, akahanya, ''Trutre uyuyi muntu aremwona Mwana wa Matrunda.'' ⁴⁰Alevarefo na akhema nearevaravie kwa kure, keneasava areurefu Mariamu Magdalena, Mariamu (mama yake Yakobo mdogo wa Yose, ), na Salome. ⁴¹Ikhando neare uku Galilaya vakamusambeya na umutrumekea. Na akhema vange pia vakakisambeya na mwenso hadi Yerusalemu.⁴²Neajofika mpende, na kwa sooko areitriku ra maandareo aitruku kabla a Sabato, ⁴³Yusufu wa Arimathaya akaja hafo. Alimujumbe wa Baraza areuheshimiwe muntu neare uuntarajee utremi wa Matrunda.Kwa ujasiri akaenda kwa Pilato, na kuomba mwili wa Yesu. ⁴⁴Pilatoakashangazwa kwamba Yesu tayari wakuya, akamwitrwna afisa uyuo alamuwela mbese Yesu wakuya.⁴⁵Newajohanga trutre kene afisa kwamba wakuya akamuyanjeya Yusufu ahore mwere. ⁴⁶Yusufu alikuwa amenunua sanda. Akamshusha toka msalabani, akamfunga kwa sanda, na kumweka ndani ya kaburi lililochimbwa katika mwamba. Kisha akaliviringisha jiwe mlangoni mwa kaburi. ⁴⁷Mariamu Magdarena na Mariamu yiu wakwe Yose vakaona kene akaekwa Yesu.

¹Ikhondo ne Sabato ajaufwaya, Mariamu Magdarena na Mariamu nyinya ama Yakobo, na Salome, vakaghoura manukato ni majaa, ili vadahe uja nauira makutra mwere wa ma Yesu kwa sooko oweka. ²Diu ne nkuu itriku ra mwandyo la kuma, vakaenda ukaburi ne yua rahangee.³Vakakikhanea venso kwa venso, ''Anyu neujusunteya igwe kwa sooko itru ili kuhefee ukaburi?'' ⁴Ikhondo nevajaurava vamuona muntu waresunte ya igwe, neaja likuu ino.⁵Vakahevea ukaburi na vamuona mubaranda uyetre joho riure, wikhee ufande wa kelelo, vakashangazwa. ⁶Akavankanea, ''Mutraghefe. Mumufenja Yesu wo Nazareti, neare wasulubiwe. Wafufuka! Atrifo hafai. Rava hafoo neevamwika. ⁷Endi, mwedu khanea anafunzi vakwe na Fetro yakuwa wavathongea uenda Galilaya. Kuko kumwona, kinya nino akavakhanea.⁸Vakahegha na udua ufuma ukaburi, vokakhakhaka na ushangazwa. Vatrina hanya intu kene muntu ungu kwa sooko are vaaoghofa ino.⁹(Zingatia: Nakala ya khae itrikweti Marko 16: 9- 20) Diu kitriku ramwandyo ra juma, baada a ufufuka, akamufumea mwandyo Mariamu Magdarena, kene mwenso akamufunge utramba mufunkatre. ¹⁰Akahegha akavakhanea awo neare vekamo vinawe ikhondo neare vehuzuneka na ufunya mihoni. ¹¹Vatregheya nemufanga nawakighe kene mwenso lakini vatrinamuyanjeya umwamini.¹²(Zingatia: Nakala ya khaenge itrikwetri Marko 16: 9 -20) Baada aasaya, akakighea kwa namuna tofauti kwa antu vange vavere ikhando neare veenenda ufuma mukhatre ange. ¹³Vakaenda na uvakhanea anafunzi vange ne vasagha. Lakini vatrinavaamini.¹⁴(Zingatia: Nakala ya khaenge itrimwetri Marko 16: 9 -20) Yesu amire akakighea kwa ano ikumi na unawe neare vahaghamee meza, naaka vaangera kwa udeauamini kwawe na ukakuwa khoo, kwa sooko vatrina vaamini awo nejavamwona baada aufufuka ufuma kwa akuyi. ¹⁵Akavakhanea, ''Endi kuuremi wonge, na utranatrya injili kwa mantu onge. ¹⁶Usuyu nevahuvea na ubatizwa ukukhomowa, nauyuo newahitra ukuhukumewa.¹⁷(Zingatia: Nakala ya khae itrikwetri Marko 16: 9 - 20)ishara iyi yekisambeya na vonge ne vahuvea,. Kwa lina rane veufunya utrambo. Veureghetye kwa lugha neufya. ¹⁸Veukwatranjokha kwa mekahano awe, nampaka nywe intu renge rauragha netriuvanjorya. Veeka mekhono kwa arue, na vetrendeka afanga.''¹⁹Baada a Mughosia ureghetya vinawe, akahumbuwa unto kirunde na wikhee umukhoo wa kelelo wa ma Mtrunda. ²⁰Anafunzi vakahegha na utranatrya kela mahali, ikhondo ne Mughosia neare ukhutrenda mwemo vinawe na uthibitisha ukhani kwa miujiza na ishala ne ikisambeye inawe.

¹Vinge vekadaha ueka kwa ijaa ntambui ne yufenja nkani ne ya trendekie mkhate itu, ²mwino wikakufa sese, ufuma mwandio ne amanyi wa umiho na atrumami wa ukhani. ³Uvii nanee naja uvihenga kwa ijaa mwandio wa mantu ayai onge ufuma mwandio nkaoni ne kujaa kune nene ukandekea kwa ughondaneyi wakwe muku ino Theofilo. ⁴Uvii mudehe umanya trute amantu ne mwaseyiwe.⁵Ufuma kikhondo rama Herode, mtremi wa u Yudea, are kwina mukuu ungeja are ukoetanwa Zekaria, wa ufafo wama Abiya. Mukhema wakwe akafuma kune muncha wama Haruni, na rina rakwe are ukuetanwa Elizabeti. ⁶Wonge are veuja anya tute usonge a Mungu; wekaenenda ijaa are watrikwetre uhondeo mukhate amaseyo na maragheyo a Mukuu. ⁷Egwenso are watrikwete mwana, kusoko Elizabethi are mtaha, na kwa ikhondo ra sio wonge ivavere are anyampaa ino.⁸Are ikakigeo vii Zakaria are umukhate aaukuu wa Mungu, akafeya na utumami wa ukuu kwa udaho wa mwemo wake. ⁹Ukikhoya na nkhani yau huani ne mukuu wafeinewinje uhanya ukhani, are akahwaniwa kwa kura yohefea uhekalu rama mukuu na oyii akatrunkeya musalaka. ¹⁰Idare ronge ra antu are reuromba unjii nare veuntrunkeya musalaka.¹¹Fanoi malaika uja Mukuu akamudreya akaemeka ufande wa kilelo wa madhabahu au trunkeya. ¹²Zakaria akaoghofa ne wajomwona; wova ukamugwera. ¹³Egweso malaika akamkhania, ''Utaoghofe Zakaria, soko marombi ako atregheyeka. Mukhema wako Elizabethi ujafafa mwana. Rina rakwe ujoetranwa Yohana.¹⁴Ujonanga ijaa na vinge wajoyanja ufafwa kwakwe. ¹⁵Soko ujotrendeka Mukuu usonge a miho a Mukuu. Atrijunyua divai au kenywaji ne kekhare na mba ne kilulu. Ujutrendeka wijuuywe mwahu ne mwero ufuma unda ama nyinya wakwe.¹⁶Na antu ne vinge va kisiraeli vajofeurwa kune Mukuu Mungu wawe. ¹⁷Winje usonge au sio wa Mukuu kwa mwahu na udaho wama Elia. Ujotrenda vii adahe usocha nkhoo ya watata kwa vana, gusoko awo ne watrutregeya, wajutrunguya mukhate aihaa ra munya trute. Ukutrenda vii ueka na uwaghondaneya kune Mukuu antu ne waghondaneywe soko akwe.''¹⁸Zakaria akamukhanea malaika, ''Neudaha ure uremanya erei? Gusoko nene ne munyampaa na mukhema wane meakha akwe atrendeka minye ino.'' ¹⁹Malaika akasocha na umwera, ''Nene ne Gabrieli, ne ukuemeka usonge a Mungu. ²⁰Natrumwa nejo kukhanea, ukuretrea ukhani uroi ne uja. Narava, utrioreghetria, ukutrendeka ukire, utriodaha ureghetia kone itriko iroo mantu ayaii ajokighea. Eyii ne kwa soko ukaremwa uhuvea khani yane neyejiotrendeka kwa ikhondo ra trute.''²¹Fanoi antu are wamurindie Zakaria. Weka takaa soko are uko trinyaa na nguu u hekalu. ²²Gwenso nare wafuma unji, atrinadaha ureghetria vinawe. Wekamanya mwino wahanga uona nare uku hekalu. Akafweya uraghea kenta na akasagha ukire. ²³Ikakighea vii itriku ra mwemo wakwe nerajohia akahegha usoka ukhaya ukhakwe.²⁴Niare Zakaria wasoka ukhaya ufuma u mwemo wakwe uhekalu, mkhema wakwe akatrendeka murito. Mwenso atrinafuma ukhakwe akakikhaa mieri itrano. Akahanya, ²⁵''Ereyi ne Mukuu waretrenda kune nene newajondava kwa unyanja adahe ungheyeya minyaa usonge a antu.''²⁶Mweri wa mutrandatu wa ndaa ama Elizabethi, Mungu akamukhanea malaika Gabrieli ende unge u Galilaya neukuetwa Nazareti, ²⁷Kune muncha neare utureywe ikhomwa na mughosia nare ukoetranwa rina rakwe Yusufu. Mwenso are wa kinyamwango kama Daudi, na rina ra muncha uso ukoetranwa Mariamu. ²⁸Akaja kune mwenso akamwera, ''Iramucho wewe ne wahanga mboto ne nkuu! Mukuu wayajiswa nave.'' ²⁹Egwenso khani ya malaika ikamuhangenkania na atinamanya asike malaika wa hanya iramucho iyii ighenyi kune mwenso.³⁰Malaika akamukhanea, ''Utaoghofe, Mariamu, gusoko wahanga mboto ufuma kune Mungu. ³¹Nakihenga ukuucha urito ukhateandaa ako ujofafa mwana. Nave ujomwetrana rina rakwe Yesu.' ³²Ujotrendeka Mukuu kuno ujoetwa mwana wa uyuo ne we nkunto ino. Mukuu Mungu ujomwafa itrumbe ra utremi rama Daudi tata wakwe. ³³Ujotrawala unto ukinyamwango kama Yakobo khare na khare na utremi wakwe utriotrendeka wina mpeo.³⁴Mariamu akamwera malaika erei rejokighea kwa ure, soko nkee ntina oghowa na mughosia na umwe? ³⁵Malaika akasocha akamukhanea, ''Mwahu ne mwero ukukusimia, kunto ako udaho wa uyoo newinkonto ino ujie unto ako. Soko mwero ne ujofafwa ujoetanwa Mwana wa Mungu.³⁶Na rava, munyandughu wako Elizabethi weuritro wa mwana kwa irika rakwe ra unyampaa. Uroyi ne mweri wa mutrandatu kune mwenso nare ukuetanwa mughumba. ³⁷Gusoko kutrire ne reure ne kuurema kune Mungu.'' ³⁸Mariamu akahanya, ''Kihengi nene ne mutrumwa wa kikhema wa Mukuu. Reki etrendeke ujii kune nene kuja na ukhani wako.'' Na malaika akatrunguya.³⁹Mungea matiku asaa, Mariamu akatrunguya rue akaenda unge aaitranto, unge ne unge a Yudea. ⁴⁰Akaenda unyumba ama Zakaria akamuramucha Elizabethi. ⁴¹Fanoi, ekandwaya kune Elizabeti ne wajotegheya iramocho rama Mariamu mwana akarima ufuma undaa ama Elizabethi na Elizabethi akakijua Mwahu ne Mweru.⁴²Akareghetria kwa ruri ne ukuu, ''Akahanya ubarikewe wewe ino ufuma kwa akhema, na mwana ne uko ndaa ako ubarikewe. ⁴³Na kusoko kee kune nene yiu wa Mukuu wane enoneye aje kune nene? ⁴⁴Gusoko ravi nenatregheya umatrwe ane ruri wa iramucho kune veve, mwana undaa ane warima kwa lombwe . ⁴⁵Na ubarikewe mukhema uyuu newahuvee ne mwenso ukighea trutre a mantu ayoo nare waharijie ufuma kune Mukuu.''⁴⁶Mariamu akahanya, nkhoo ane emukurya Mukuu, ⁴⁷na nkhoo ane ayanjaa kune Mungu Mutyoi wane.⁴⁸Gusoko waihenga mutrumwa wakwe wakekhema ne winyumpiye. Rava kwandia fanoi ufafo wownge ujo mwetana muforiwa. ⁴⁹Gusoko mwenso me munyanguu watendie mantu makuu kune nene, na rina rakwe ne rieryeru.⁵⁰Na kehe kakwe kekikhaa ufuma ufafo na ufafo kwa awoya ne wamutregheye mwenso. ⁵¹Waraghee nguu kwa mukhono wakwe; akavafaghatwa akuu nare wekinghonja unto ama haa unkhoo yawe.⁵²Avawasimia fange ana wa atremi ufuma umatumbe awe autremi na uwahumbua untu awoyo nare wefange. ⁵³Akawaikutia anya njaa kwa mantu ne naja, mwenso akawanjuncha aghware wekaenda mikhono metufu.⁵⁴Akamwereya mutumwa wake Israeli akumbukwe uraghea kehe ⁵⁵(mwino wareghetiye kune va tata witu) kune Ibrahimu na ufafo wakwe khare na khae.''⁵⁶Mariamu akakikhaa vina Elizabeti mwino meeri etatu vii mwenso akasuka ukhaakwe. ⁵⁷Ikhondo nare rafika rama Elizabethi ukitrungua mwana wakwe mwenso akakitungua mwana wa keghosya. ⁵⁸Anyafife wakwe na anyandughu wakwe wekatregheya mwino Mukuu wamekuria kehe kune mwenso, na veka yanja itamberemwe remwedo vinawe.⁵⁹Na itriku na munana venso wekaja umotoa mwana ihungu inoneye umwetrana rina rakwe, ''Zekaria, ''Kwa ukhwekeya rina rama tata wakwe, ⁶⁰'Egwenso nyinya wakwe akasocha na uhanya, ''Ntiuyi; mwenso ujio utaanwa Yohana.'' ⁶¹Wikamukhanea, kutie mba umwendo udhughu yako neukue tanwa kwa rina rasee.''⁶²Veenso wekatrenda ndolyo tata wakwe ukufenja, mwenso are mwana aetanwe anyu. ⁶³Tata wakwe akafenja kebao kuandekea na akaandeka, ''Rina rakwe ni Yohana.'' Wonge wekatraka kwa irei.⁶⁴Kinya hafo momo wake ukarughwerwa na ureme wakwe ukareghetria. Akareghetria na umukuria Mungu. ⁶⁵Wova ukawahanga wonge ne wekikhaa, fife vinawe. Sayu iyei ekakitranantwa ungee onge na itrando ya Yudea. ⁶⁶Na voonge ne wekategheya wekayaeka unkhoo yawe wekahanya, ''Mwana uyuii ujeutendeka we ure?'' Kusoko mokhono wa Mukuu are witrwmbere mwedo nayo.⁶⁷Tata wakwe Zekaria akakijuywa nguu ya Mwahu ne Mweru akafunya unghanga akareghetria, ⁶⁸''Akurwe Mukuu, Mungu wa Israeli, kusoko waareya na ulwa ukhomoi kwa antu wakwe.⁶⁹Wakuhumbweya ufembe wa ukhomoi mukhatre unyumba amutumami wako Daudi, ufuma itrambe re mwedo kuu ufafo wa mutumami wake Daudi, ⁷⁰Mwino wareghetriye kwa Mwahu wa aghanga wakwe narewareyo mukhate aikhondo ra khare. ⁷¹Ukukukhomoa ufuma kune arughu vintu na ufuma umekhomoa woghe newakuhwetre.⁷²Ukutrenda vii uraghia kehe kune wa tata witu, na kukumbokwa iraghano lakwe ne rieru, ⁷³irafiyo neakarehanya kune Ibrahimu tata witu. ⁷⁴Akakirafea kwaumanya mwino inoneye umotumekea mwenso bila wova, mwino kw akhomowe ufuma u mikhono aarughu vitru. ⁷⁵Munge uweru na trute usonge akwe matriku ituoonge.⁷⁶Na veve mwana, uju etanwa mughanga wa usuu ne ukunto ino, kusoko ujoenenda usonge a usui wa Mukuu adahe umoghonda neya njea, uwaghondaneya antu kusoko aisuka rakwe, ⁷⁷uwafa umanyi wa antu wakwe vii, wajokhomowa kwa njia airekewa ra mahutie awe.⁷⁸Erei reudweya kusoko au vayii wa Mungu witu, soko ne yua rudweya unto rejoja, ⁷⁹ueria kwa aivuu ne vikikhaa uktrii na mukhate amwere wa kuya. Ujotrenda vii mutrongeri wa meghuu itu unjea amajeghana.''⁸⁰Na mwana usuu akakua akatrendeka munya nguu unkhoo na akakikhaa umbugha kune itriko rojokighea kwa Israeli.

¹Fanii mukhatre amatiku asya ikakighea kune Kaisari Agusto akafunya iragheyo akahanya antu wonghe wawarwe ne vikikhaa kuuremi. ²Erei rekatrendeka ivariwa ra mwandio nare rekatrendeka ikhondo nare Krenio mukuu wa Siria. ³Mumontu akaenda ukhawe uandekwa ivarwa.⁴Mwenso Yosefu akahegha no ughe o Nazareti kuko u Galilaya na uenda yudea kune nghe o Bethlehemu, ne umanyekie kinya nghe ama Daudi, kusoko akadweya mukhatre aufafo wama Daudi. ⁵Mwenso akaenda kuko uwarywa itrambe remwedo vina Mariamu, nare wamutruriye ikhano na are urindee ahange mwana.⁶Eno ekadweya vii, nare vikuko ikhondo rakwe ra kitrungua mwana rekafika. ⁷Akakitungua mwana wa keghosia, waufafo wakwe wa mwandio, akamofimeya masaa umwere wakwe adahe ughiya mpefo umwere wa mwana. Na akamureenda unsori aa ng'ombe ne yiu milelea gusoko are kutrire kirao unyumba aghenyi.⁸Na unge asee are warefo ademi ne vekikhaa umeghunda veoghoja madae ankhoo yawe utriku. ⁹Na, malaika wa Mukuu akawandwiya na weru wa Mukuu ukawamwekea mpande yonge wekakiju wa na wova ino.¹⁰Na malaika akawakhanea, ''Mutaoghofe, gusoko nawaretea sayu ne njija nejoreta uyanjo kuu kwa antu wonge. ¹¹Reo mukhomoi wafafwa gusoko anyu unge ama Daudi! Mwenso nee Kristo Mukuu! ¹²Eyeii ne kemanyeko ne mujofewa, mujohanga mwana ukumbiwe masaa urenchiywe unsori kune ng'ombe yulelea.''¹³Kinya hafo irondo rikuu ufuma kirunde rekakhanja na malaika uso wekamukuryia Mungu, wekahanya, ¹⁴''Ukuu kune Mungu unto ino, na majeghana atrendeke kuuvemi kwa antu avoo nevamuyanjisi ye mwenso.''¹⁵Ikatrenda nare malaika vekahegha usuka kirunde atemi vekakikhanea venso kwa venso, ''Kwendi fano ukoo u Bethelehemu, kwendo ano intu rasee neradu yaa, ne Mukuu wadaha ukuraghia.'' ¹⁶Vekaenda vehutie vekamuhanga Mariamu vina Yosefu, vaka mwona mwana uree unsori alijia mitrugho.¹⁷Ne vajoona vii, vika vakhania antu vasee nare varekhaniwa ihanyo na mwana. ¹⁸Voonge nare vatregheya sayu iyii vekatraka iroo nerahanyiywe na admi. ¹⁹Nyenso Mariamu akaghema maghemo onge ayoo nare waya tregheya, na uyaika ukhoo akwe. ²⁰Ademi vekasuka kunu veumukunya na umukumajua Mungu kusoko onge nare vadaha utregheya na uona, musino veno vakhaniwe.²¹Na matriku munana nare afika are ne ikhondo romutroa mwana ihungu vekamwetrana rina Yesu, rina nare wafiwe na malaika nare akee akina ucha uritro undaa akwe²²Yawe neyufenjwa yeoywa yikafwaya, mwino iseria ama mwa Musa, Yusufu vina Mariamu veka mutona ukihekalu ukoo uyewalamu veka mweka unsonge amukuu. ²³Mwino iandikiwe useria amukuu, mumughosya neukurughua ndaa ukuitraa wa newafunyiwe wakfu kune Mukuu.'' ²⁴''Venso viuyui wekaja ufunya asi na dahwa yawe mwino ehanyiwe mungee aseria a Mukuu, '' Irondo ra nkuwe na wana wa kuwe na vawera.''²⁵Ravii, are kwina muntu urefo Yerusalemu are rina rakwe ukuetwa Simioni. Muntu uyui areukuja munyatute na umoghofete Mungu. Mwenso are urindee ufefehei wa Israeli na Mwahu Mweru are wenkunto akwe. ²⁶Are wadahie urughwirwa mwenso ukira Mwahu Mweru mwenso atriukuya neakee atrina mwana Kiristo wa Mukuu.²⁷Itriku remwedo akaja munge a hekalu akatrongerwa na Mwahu ni Mweru, nare afafi vekamuretra mwana, Yesu umutrendea ayoo kwoko ohongo ntende aseria, ²⁸Simioni akamukwatria mwenso umekhono akwe, akamukunya Mungu na uhanya, ²⁹''Fanoi mureke mtumami wako ende kwa majeghana a Mukuu, kwahanga ukhani wako.³⁰Kusoko miho ane aana utrumi wako, ³²ne wakighire umiho antu vonge. ³¹Mwenso ne weru wovamwekea antu vonge na ukuu kwaantu va Israeli.''³³Tratra vina Vikatranka kwa vasee neare rahanyinywe kune mwenso. ³⁴Simeoni akavakunya na avahenya kune Mariamu nyinya wakwe, ''Tregheya ija!Mwana uyui ukutrendika kwoko auyaghaa na ukhomoa kwa antu ne vingikuIsraeli na ndolyo ne antu vingivajomehetra. ³⁵We muyi neujohomankhoo ako vewayo, kusoko masigho akhoo nenyingi yijo kunu kwerwa.''³⁶Mughanga wakekhema nare ukuetanwa Ana na are urefo kihekalu mwenso are ukujaa muncha wama Fanueli ufuma kuufafo wama Asheri. Are wina miaakha mingee ino. Are akikhaa na mughosia wakwe kwa miakha mufnkate nare wa kiroghoe. ³⁷Akatendeka muhimbe wa miakha makumi monane, naenne. Mwenso atrina heghaa u hekalu na akatendeka ufweyee umuomba Mungu ko ufunga na uromba utriko na mumwe. ³⁸Na kwa ikhondo rasee, akaja hafo kunevere akaandia umofa Mungu asi. Akareghetia ne amoghokee Yesu kwa mumuntu nere rindie ukhomoi wau Yerusalemu.³⁹Newajomareya mantu onge veufenjwa utrenda mwino seria a Mukuu, wekasuka u Galilaya, unge awe, Nazareti. ⁴⁰Mwana akakua, akatendeka wina nguu, wijue maha, na mboto ya Mungu are yitambee remwedo na mwenso.⁴¹Afafi wakwe mu mwakha are veundaa u Yerusalemu gusoko a serehe a Pasaka. ⁴²Naera waficha meakha ikumi na evee, wekaenda mwino ikhondo randendo yawe soko a sikukuu. ⁴³Nare wasaghaa matiku onge soko asikunkuu, weka andia usoka ukhaya. Nyenso muhumba Yesu akasagha unyuma kuko uYerusalemu na afafi wakwe watrina manya naseye. ⁴⁴Afafi vakwe watinamanya are watrendie urefo kidae rasee watrunguyie nayo. Nyenso wekaenenda muhenjo wa itriko. Ampu wandia umafenja kwa anyandughu na kwa ahina wawe.⁴⁵Niwajomwuria weka suka Yerusalemu wendoandia umofenja kuko. ⁴⁶Nee ajo kea matriko atatu, wekamuhanga wikhee uhekalu, wikhee mukhatre asayi, uwategheye na uwaweya maweyo. ⁴⁷Wonge nare wamutegheye wekatrakaa na umanyi wakwe na sucho akwe.⁴⁸Nee wajomwona, wekatraka. Nyinya akamukhanea, ''Mwanane asike ne waktrenda vii? Tregeya tata wako na nene kwakhonda kukufenja kwa wova ne ukuu.'' ⁴⁹Akawakhanea, ''Asike ne mwemaa mumpenja? Nyinye mutrimanyie mwino ino neye netrendeke neunyumba amatata wane na? ⁵⁰Venso vinea manya murighitro wasuu ne newava khanea venso.⁵¹Naaka enda itrambe remwedo venawe mpaka ukhawe u Nazareti na akurwa ukhwawe. Na nyinyaakaka mantu onge ukhoo akwe. ⁵²Nyenso Yesu akafweya ukua kwa ihaa na kimo, na aka nankia uyanjwa na Mungu na antu vonge.

¹Fanoi umwakha wa ikumi na itano wa ufemi wama Kaisari Tiberia, neare Pontio Pilato are mtremi wa Uyahudi, Herode mtemi wa Galilaya, na Filipo munakwe are mtemi wa mkoa wa itrutrea na Trakoniti, na Lisania are mtemi wa mkoa wa Abilene, ²ikhando ra mutumiki ne mukuu wa Anasi na Kayafa, ukhani wa Mungu ukarinjia Yohana muana wama Zakaria, unge ne njeru chuii.³Na akaenda unge ufima mwongo wo Yorodani utranatya ubatizo wa ufei wamahutye⁴Mwino are iandikiwe ukitaabu kakhani yama Isaya nabii, ''Ruri wamuntu ne ukuria umbugha, ''Meghondaniye njia a mukuu yotrenda makero nkwe ne aghokie.⁵Mwikhombo rejotruhiwa, kitranto na kakitranto vijo fanatwa, batra neyibidie yijo ghorwa na njia ne imadadandi yitrendwe yitrendeke chera. ⁶Antu vonge vajoona ukhomoi wa Mungu.''⁷Mwenso, Yohana akakhania mwirundo wa antu narevaja vabatizwe na mwenso, ''Nyenye ufafo wa njokha , ne mwijue uvee anyu ne wavahinie nyenye mtriye ikuo nerejie?⁸Fafi mbesya neyikhwetre na ufei, na mtrandye uhanya ukhoo yanyu kwina tata witu Ibrahimu kusoko nkumukhania nyee, Mungu udahitre umuhumbua Ibrahimu vana na mwese ufuma umagwe ayii.⁹Fanoi khendo kiikive umwiri wa mutre. Mumutri ne utre fafa nkhari ne njija ukutremwa na ughumiwa umotro.¹⁰Na mwirundo wa antu uka muwiya anauhanya, ''Fanoi kufenjwa kutrende oree?'' ¹¹Akasucha na uvakhania, ''Mwese muntu una nkanjo ivene ukufenjwa afunye nkanjo imwedo umuya neare atrikwetre kamwe na usuu ne una maliwa atrende viyuyi.''¹²Antu akeyi ne veufunyaa kotri vakaja na venso ubatizwa na vakamukhania, ''Mwenyi kufenjwa kutrende ure? ¹³Akavakhania, ''Mutrahangulye utrambukea mwino nyee mufenjwa muhangwiye.'''¹⁴Maaskari no vakamwiya, ''Nasee noo kutendeure? Akavakhania, mutra hore hela umuntu nanjumwe kwa nguu, ''Na mtramsitrake muntu nani umwe kwa uregheghe yanji misahaa anyu.''¹⁵Fanoi kwoko antu neare vina lombe omughoja Kristo ne ujoja, mumuntu one ukughema ukhooakwe Yohana mwese ndio Kristo. ¹⁶Yohana akasucha kwovakhania vonge, nene nkuvabatiza nyenye kwa maje, nyenso kuna umwedo ujie ne umpweye nene nguu, nantinoneye mbaurughwa miji matru akwe. Ujo vabatiza nyenye kwa Mwahu ni Mweru motro.¹⁷Ifenentreo rakwe nifo umekhono akwe ili ufaghua ija kihawa ko fenentea ngano na umehangwiya ngano ukiu kakwe. Nyenso ukuya rungwiya makhambe kwa motro nee utiodaha urima.¹⁸Kwa uwakhanea nkhani inge ne nyinge kuru, akatrananti sayu ne njija kwa antu. ¹⁹Yohana akamukenea mutremi Herode mukuu wa mkoa kusoka wamuroghoe, Herode mukhema wa muunakwe na kwa mantu mainge ne mave ne Herode are wayatendie. ²⁰Egwenso kaanke Herode akatrenda uvee ungeja ne ukee ino. Akamuutea Yohana ujera.²¹Kuno ikadweya vii, ikhando nare antu wonge wiubatizwa na Yohana, na mwenso Yesu akabatizwa, nare ukuromba, irunde rekanghuka. ²²Mwahu Mweru akasima kunto akwe kwa ukighaya kinya mwere wa nkuwe. Ikhondo irero rori ukafuma kirunde ukahanya, ''Veve we mwanane ne moyanjwi. Neyanjisiywe ino na veve.''²³Katre Yesu mwenso nare wandia mwemo are wina miakha makumi atatu. Are ne mwana (mwino are eghemetrwe) wama Yosefu, mwana wama Eli, ²⁴mwana wama Mathani, mwana wa Lawi, mwana wama Melki, mwana wama Yana, mwana wama Yosefu.²⁵mwana wama Matathia, mwana wama Amosi, mwana wama Nahumu, mwana wama Esli, mwana wama Nagai, ²⁶mwana wama Maati, mwana wama Matathia, mwana wama Semeini, mwana wama Yosefu, mwana wama Yuda,²⁷mwana wama Yoanani, mwana wama Resa, mwana wama Zerubabeli, mwana wama Sheatrieli, mwana wama Neri, ²⁸mwana wamaMelki, mwana wamaAdi, mwana wama Kosamu, mwana wama Elmadamu, mwana wamaEri, ²⁹Mwana wama Yoshua mwana wama Eliezeri,, mwana wamaYoramu, mwanawama Matathi, mwana wama Lawi,³⁰mwana wama Simeoni, mwana wama Yuda, mwana wama Yosefu, mwana wama Yonamu, mwana wama Eliyakimu, ³¹mwana wama Melea, mwana wama Mena, mwana wama Matatha, mwana wama Nathani, mwana wama Daudi, ³²mwana wama Yese, mwana wama Obedi, mwana wama Boazi, mwana wama Salmoni, mwana wama Nashoni.,³³mwana wama Abinadabu, mwana wama Aramu, mwana wama Hesroni,, mwana wama Peresi, mwana wama Yuda, ³⁴mwana wama Yakobo, mwana wama Isaka, mwana wama Ibrahimu, mwana wama Tera, mwana wama Nahori, ³⁵mwana wama Serug, mwana wama Ragau, mwana wama Pelegi, mwana wama Eberi, mwana wama Sala,³⁶mwana wama Kenani, mwana wama Arfakdadi, mwana wama Shemu, mwana wama Hunu, mwana wama Lameki, ³⁷mwana wama Methusela, mwana wama Henoko, mwana wama Yaredi, mwana wama Mahalalei, mwana wama Kenani, ³⁸mwana wama Enoshi, mwana wama Sethi, mwana wama Adamu, mwana wama Mungu.

¹Nare, Yesu are wijue Mwahu Mweru, akasuka ufuma umongo wo Yordani, akatongerwa na Mwahu unge ne njeru. ²kwa matriku makumia ane, na kuko akasoywa na Shetani. Ikhondo raseye are atilile intu mparemwe na matriko asaa. Nare ahia akaona njaa.³Shetani akamukhanea, ''Mwese wewe mwana wa Mungu, rekhanee igwe ereyi refeuke mukate.'' ⁴Yesu akamusucha, ''Iandekiwe; 'Muntu atukikhaa kwa mukate kutrufu.''⁵Na shetani akamuhoa mpaka kunto uketranto, akamuraghea ntemi yonge ya kuuremi kwa ikhando rekufei. ⁶Shetani akamwera, ''Neukufa udaho wotrawala ntemi yonge ya uremi na ayii ongee, neudaha uyatrenda uyii, kusoko ongee nayafiwe nene neyatrawale, na neudaha umofa maswuu ne segha umofa. ⁷Evii ne mwese veve ukoyinamea na unkurya, mantu ayii onge utrendela ako.''⁸Enyeso Yesu akamusocha na umukhanea, ''Eandekiwe, inoneye umukurye mukuu Mungu wako na inoneye umutrumekie mwenso iyene.''⁹Na Shetani akamuhoa Yesu mpaka u Yerusalemu akaenda umweka ufande wa nto ino umonara wa hekalu na akamwera, ''Ne mwense vee we mwana wa Mungu ijughute fange ufuma hafo. ¹⁰Gusoko eandekiwe, ''Ujoragheya malaika wakwe wakudeme na ukurava, ¹¹wajokuhumbua unto umekhono awe utaje ujovara mighuu ako unto aigwe.''¹²Yesu akasocha akamokhanea, ''Ihanyiywe, utramwegheye mukuu Mungu wako.'' ¹³Shetani newajodaha umoegheya Yesu, akahegha ufuma kune mwenso faka ikhondo rengeja.¹⁴Na Yesu akasuka Galilaya kwa ngu ya Mwahu Mweru, na sayu yakwe ikaninghanea na ufaghatiwa umikoa afife ongee. ¹⁵Na akaseya uma sinagogi onge, na mu munto akamukurya.¹⁶Triko remwedo akaenda u Nazareti, unge nare akarewa na ukua. Mwino are ntende akwe akahefea usinagogi itriku ra Sabato, akaemeka asome maandeko. ¹⁷Akafewa kitrabu ka mughanga Isaya, ooyii akakunukua kitrabu na akafenja kune kuandekie.¹⁸""Mwahu wa Mukuu we kunto ane, kusoko wanjirie mukutra ne tranantye sayu ne njija kwa truki. Wantumie uwatranateya utrungwerwa,kwa atrungwa, na uwatrenda ne watrikengee wadahe uona kanke. Uwatrungwera awuu ne waunyatreywee. ¹⁹Utanantria mwakha ne Mukuu ujoraghea uja wakwe.''²⁰Na mwenso akakekuneka kitrabu, akamusucheya motrongeri wa sinagogi, na akakikhara fange, miho antu wonge nare veu sinagogi ekamurava mwenso. ²¹Aka andaya ureghetrya nayo akahanya, ''Reo iandiko ireyi rafikea umatwi anyu.'' ²²Mumuntu akareghetya iroo nare akarehanya Yesu, na avoo ne viitambe remwe vakatrahwa na khanine njija nare yifumie umomo wakwe. Nare veuhanya, ''Uyuyi ne muhumba wama Yosefu, nti uyi?''²³Yesu akavakhanea, ''Trutre mujohanya methali iyiyi kune nene, ''Mughanga kionye veweyo, onge ne kwaya tregheye neukutrenda Kapernaumu, retrende afii kanke unge ako.'' ²⁴Mwenso akahanya, ''Trutre nuvakhania nyenye kutrie mughanga ne ukuyanjwa unge akwe.''²⁵Nyenso nkumukhania trutre nyenso nare varifo ahimbe vainge unge a Israeli umatriku amamughanga Elia, ikhondo nare irunde nekautriwa, kutra hendeke na mbua miakha itratru na meeri mutrandatru, ikhondo rasee ikaja njaa nkuu ikakunikiange onge. ²⁶Nyenso Elia inatrumwa umuntu na neumwedo. Nyenso umuhimbe umwedo uyi nare uku kikhaa u Sarepta fifiyii na nge a Sidoni. ²⁷Nare navefo anya mahuba vainge unge a Israeli ikhondo ra mughanga Elisha, nyenso kutrie mbaumwedo wawe neakaforywa enyenso Naamani muntu wa Siria.²⁸Antu vonge vo sinagogi vakaijuwa na ikuo neare vatregheya ayii onge. ²⁹Vekaemeka na umusunriya unji onge, na vekamtrongea hadi umpeo akitranto kange neare nge awe ijengiwe kunto akwe, evenso vadahe umujughutra fange. ³⁰Emwenso akakia ija kune venso na akaenda kune urinjr.³¹Kunu akasimia Kapernaumu, unge o Galilaya. Sabato imwedu are ukusiya antu munge asinagogi. ³²Vakatrachwa na masiya akwe, kusoko akasiya kwa udaho.³³Fanoi itriku rasee munge asinagogi, nare kuna muntu neare una khoo akinyonyi nyenyi ne keve na mwenso akavea kwa ruri ne ukuu, ³⁴''Kwena ntuni navee, Yesu wa Nazareti? Waja ukuu ragha sesena? Nimanyie veve winyu! Veve we Mweru wa Mungu!''³⁵Yesu akamukenea pepo akahanya, ''Kia twi, na umuheghee muntu uyui!'' Pepo wasuu akamujughutra muntu uyoo fange mukhatre awe, akamheghea muntu usuu atrina mweha mavayi na kunyu. ³⁶Antu vonge vakatraka, vekafweya utughetrya ukhani wa suu mumuntu na muyakwe vekahanya, ''Ne khani ke yasii?'' Ukuvaangia nkoo ne nvaya kwa nguu naudaho na veufwaya.'' ³⁷Na saya akwe ikaning'ania konge na unge neare yefimiye mkoa wasuu.³⁸Mwenso Yesu akahegha unge akahegha unge isee na akahefea unyumba ama Simoni. Fanoi, yiu ne mukhwakwe na Simoni are uwire urue ukhare na sekamseya kusoko akwe. ³⁹na Yesu akamuhweya, akaangia urue wasuu na ukamurekea rue akaimika na akaandya uvatrumikia.⁴⁰Yua neare roharia, antu vekamutetrea Yesu mumuntu neare uwire trimarue hiya hiya. Akaika mikhono akwe unto amumurue na akavaforya vongle. ⁴¹Makinyonyi nyonyi no ikavafuma antu vingi yuria kwa ruri ne ukuu yuhanya, ''Veve we mwana wa Mungu!'' Yesu akayakenea makinyonyi nyonyi na atri na vakhania vaighitre, kusoko vekamanya ne mwenso Kristo.⁴²Neare wacha, akaenda kune kutrie antu. Mwirundo wa antu are veumufenja na vakaja kune are wirevakasoya umughiya atrende kure na venso. ⁴³Nyenso akavakhania, ''Inoneye netranatye sayu nenjija autremi wa Mungu unge engeja noo eyii ndio soko nkatrumwa hafayi.'' ⁴⁴Kanki akafweya utranantya munge amasinagogi na Uyahudi wonge.

¹Are ekadweya ikhondo rasee antu wekamwirundea na umofima Yesu no utregheya ukhani wa Mungu, mwenso are wemekie umpeo airambo ra u Genesareti. ²Akaona masua evere isimie umpeo airambo anya ukwata somba are wafuma na are veuya, makwatya somba awe. ³Yesu akakea u mashua imwedu, ama Simoni ankamuromba ametroe umaje kuretanju ufange ne nkaku. Kunu akakikhaa na uandia uwaseya ufuma u mashua.⁴Ureghetia, akamukhanea Simoni, ''Metroe mashua ako mukhate airambo na usimie wakiutwa nsomba wako outrywe nsomba.'' ⁵Simoni akasocha na uhanya, ''Mukuu, kwatenda mwemo utriku wonge no kutinakwatria intu na remwedo, ee nyeso kwa ukhani wako, neusimia wakiuta somba. ⁶Newajotrenda uyii wekahangweya somba nyinge na mauta somba awe ekaandia uteneka. ⁷Kwenso wekawakhanea ayawe nare weumashua engeja waje wajowaareya. Wekaja wekakijuya mashua yonge mpaka ikaandia utromea.⁸Ekwenso Simioni Petero, newajoona akagwa umaru ama Yesu wahanya, ''Hegha kune nene, kusoko nene ne muntu ne munya mahutie Mukuu.'' ⁹Gusoko akatraka, na wongee nere witrambere mwedo winawe kwa uutri wa somba mwino are wautenda. ¹⁰Ereyii rekawakhanje nkania Yakobo na Yohana ana wama Zebedayo, nare wekatrendeka weinture mwedo winaa Simoni. Yesu akamukhanea Simoni, ''Utaghofe, kusoko ufuma fanoi na ufweeya ukutendeka muetra antu kune nene.'' ¹¹Nare waireta masua yawe ufanje ne nkaku, wekareka muintu wekamuhonga mwenso.¹²Ekadweya vii nare ukongee imwedo, muntu umwedo are wina mabuba are urefo kuko. Newajomwona Yesu, akagwaa akahulamia usio kune mwenso mpaka fange akamulomba, akahanya, ''Mukuu, mwese ukoyanja, ukudaha unjeria nene.'' ¹³Mwenso Yesu akaghora mukhono wakwe na akamutenya, ''Akahanya, ''Niufenja.'' Were na kinyahafo mabuba ekamurekea.¹⁴''Akamulagheya atramukhaniee muntu nau mwedu, kwenso akamukhania, ''Enda veve, wendekiraghia kube mkuhani na ufunye Asi ako kusoko waera mwino chuu Musa waragheye kwa umanyi wawe.''¹⁵Ekwenso sayu akwe ekaninghanea konge na mwirondo ne ukuu wa antu ukaduya kwa itrambe remwe umotregheya neukuseya na uforia marue awe. ¹⁶Ekwenso muitriko kwa itriko are ukibaghua ukwenda kifiha soko adahe uromba.Ikadweya itriko remwedo mukhate amatriko are ukuseya, na are warefo Mafarisayo na aseeyi wa seria wikhee hafo kune wekaja wekadweya, ijiji nyinge hiya auuu mukoa wa Galilaya na u Yudea, na kuno udweya u ngee a Yerusalemu. Nguu a mukuu are itramberemwedo nayo kwa uforia.¹⁸Antu wonge wekaja, wamuuchiye uu mukeka muntu neughajekie, wekafenja njea oomukeya mungee wadahe umurencha fangee usonge ama Yesu. ¹⁹Watrina hanga njea au mukeya mungee kusoko a mwirundo wa antu, venso weka nantea unto aitrembera nyumba weka musimia muntu usuyu fanghe ukera, umakhafa unto na mukeka wakwe mukhatre aantu, usonge ama Yesu.²⁰Akaihenga uhuveri wawe, Yesu akahanya, ''Hinane, mahutre ako waaheyeywa.'' ²¹Naandeki na Mafarisayo wekaandia kiweya, ''rasee weuhanya, ''Uyui ne anyu neukureghetia nkakhani yaujumaneya? Neanya ne ukudaha uwaheya mahutie emwenso Mungu wiyenena?''²²Ekwenso Yesu, nare wamanya maweyo awe akawasucha, ''Asike nemukiweya uyi unkho yanyu? ²³Rafei nerioro uhanya waonewa uraii mahutre ako na mpa uhanya emeka wenendee?' ²⁴Ekwenso mamanye mwino mwana wa Adamu ukwete udaho waheya mahutye ku uremi. Akamukhanea vee uka hoa mkeka wako wende ukhako.'''²⁵Kinyahafo akauka usonge awe na akahoa mukeka wakwe nare uurere. Akasoka ukhakwe akamukurya Mungu. ²⁶Mumuntu akatrachwa na veka mukunya Mungu. Veka kijuwa wova, vakahanya, ''Kwaonaa mantu ne maghenyi reo.''²⁷Neare mantu ayai adulya Yesu akafuma kukona akamwona munyo nifisya kotri neare ukuitranwa Lawi are wikhe kune veu hangwiya kotri. Akava khania, ''Nsambeyi.'' ²⁸Uyi Lawi akauka na umwambeya,akareka muntu unyuma.²⁹Lawi akaninganiya sikunkuu ukhakwe kusoko ama Yesu. Nare varefo anyo refesya kotri vingi kuko na antu vingi neare vekhe ameza ne veulya itrambe remwe do nayo. ³⁰Nyenso Mafarisayo na aandiki vawe nare veuvaru nkumia anafunzi, vakahanya, ''Asike ne mulya na unywa na anyo khwa kotri itrambe na vange ne venamahutye?'' ³¹Yesu akavasucha, ''Antu ne meere awe mifanga vatru penja mughanga, ne avoo oyi ne wawire ndo vajomufenja umwedo. ³²Ntinaja uvaitrana antu ne vena trutre vahange ufea mahutye, bahu uva itrane anya mahutye vafee mahutye awe.''³³Vakamukhanea, ''Anafunzi vama Yohana kutrufu mufungaa na uromba, na anafunzi vama Farisayo no veutrenda vinyuyi, nyenso anafunzi vako veulyaa na unywaa.'' ³⁴Yesu akavakhania, ''Yeutrendeka umuntu kikaku akavatrenda avoo nevakaghea ungoi a mukuu wa ngoi utrunga neke mukuu wangoi akee we itrambe remwedo nayo? ³⁵Ekwenso matriku ajie ikhondo ne mukuu wangoi ukuheywa ukhawe, ampu umatriko asaya vajo trunga.''³⁶Hafo Yesu akareghetya kwa ndolyo.'' Kutrie neukuhafua ifande raisaa ufuma ukisaa ne ifya na ukitrumia uninganiya isaa rakhare mwense ne watrenda uyi. Ukurehafua isaa neifya na iande na isaa ufuma ukisaa neifya kitrinoneye utrumika uki saa ra khae.³⁷Nyenso kutri muntu neimaika divai ne mpya uihongoo ya khaengi mwese akatrenda oyi, devai ne mpya ese atramukie ibele rasee, na divai ese atramukie, na ihongoo yufirika. ³⁸Nyenso divai ne mpya yufenjwa itrendewe kuihongoo ne mpya. ³⁹Nakutrie muntu nevanywa divai akhare, utrijo segha ne mpya kusoko yuhanya, 'Akhare ne njija.'''

¹Itriku remwedu ra Sabato Yesu nare ukere mukhate a mughunda wa iyoo na aseeyi wakwe are wekakhaa iyoo wekaifegheha umekhono awe wekalia iyoo yasii. ²Ekwenso Mafarisayo vangeja wekahanya, ''Asike nemutenda intu neretiyanjetwe na seria uretenda itiku ra Sabato?''³Yesu akasucha, akahanya, ''Mwina egheya usoma mwina Daudi watendie nare wahumwa na njaa, mwenso na aghosi nare vie itambere mwedo inao? ⁴Akahefea u nyumba a Mungu na akahoa mikhate ne a Mweru akamelia mekayi na akayunya mekeyii kwa antu ne wekamelia winawe, na mwese are enoneye wa makuhani umelia.'' ⁵Na akawakhanea, ''Mwana wama Adamu ne Mukuu wa Sabato.''⁶Itiku reuya ra Sabato engeja akakea mungee asinagogi na u waseya antu kuko. Are urefo muntu ne mukhono wakwe wa kilelo ukure ighandi. ⁷Na aandeki na Mafarisayo are wemwihenga kwo uringheya waone mwese ukuforia muntu itiku ra Sabato, vadahe uhanga soko omusitaka kwa utenda mahutie. ⁸Ekwenso mwenso akamanya ntuni are weghema na akahanya kwa muntu nare ukure ighandi mkhono, ukaaemeka mukhatrea a mu muntu.'' Muntu wasuu akauka na uemeka hafo.⁹Yesu akahanya kunevenso, ''Neumuweya nyenye, nekuja itiku ra Sabato utrenda ne majamba utrenda ne mavii, utreya mikhao mba umefiranga?'' Mwenso akawaihenga wonge akamukhanea muntu uyoo, ¹⁰''Ghoora mukhono wako.'' Akatenda uyii, na mukhono wakwe ukaghoka ukafoa. ¹¹Na venso vekakijua ikuo wekakikhanea mu muntu na muyakwe kumutende ure Yesu.¹²Matiku asaa ikadweya akaenda uketanto uromba. Akafweya utriko wonge umuromba Mungu. ¹³Nare diu, akawaitana aseyii wake kune mwenso akawahwani ikumi na vaweree mukhatre awe nare akawaetra ''atumami.''¹⁴Marina awee atumami are evii Simoni (nare akamwetana Petro) na Andrea munakwe, Yakobo, Yohana, Filipo, Bartomayo, ¹⁵Mathayo, Tomaso, na Yakobo mwana wama Aifayo, Simoni, naree ukuetana Zelote, ¹⁶Yuda mwana wama Yakobo na Yuda Iskariote, nare akaja umotonea.¹⁷Mwenso Yesu akasima itamberemwedu winawo ufuma ukitanto na emeka kune chaera lwario rikuu ra aseyi wakwe are wekuko, itambe remwedo na irundo ri kuu ra antu ufuma Uyahudi na Yerusalemu, na ufuma pwani ya Tiro na Sidoni. ¹⁸Wekaja umotregheya na ufonywa marue awe. Antu nare weukhasujwa na nkungu ne mbee wekaforwa no. ¹⁹Mumwedu kwa raseye marundo ekasoya umotrenya kusoko nguu ya ufori are yudweya mukhate akwe, na kawaforywa wongee.²⁰Namwenso akawaihenga aseyii wakwe akahanya, ''Moforiywe nyenye nemwatruki, kusoko utremi wa Mungu ne wanyu. ²¹Mwaforiywe nyenye ne mwerija fanoi, soko mujie mojokikutywa. Muforiywe nyenye ne murea fanoi, kusoko mujoheka.²²Muforiywe nyenye ne antu ne wamuhwete na umoma ghua na uhora nyenye kinya ne mwavii, soko a mwana Adamu. ²³Yanjii itriko rasee na urimanga kwa uyanja kusoko trutre mutrendeka na nsaao anyu nkuu kirunde, kusoko wa tata wawe wekawatrendea viuyuyi aghanga.²⁴Nyeso hehe anyu nyenye ne mwaghware fanoi kusoko mwahangie bahu anyu. ²⁵Hehe anyu nyenye ne mwikutrete fanoi kusoko mujoa njaa amitree! Hehe anyu nyenye ne muheka fanoi kusoko mujurea amitree.²⁶Hehe anyu, ne mujokurya na antu vonge! Kusoko va tata vawe veka yatre ndee aghanga vakiregheghe viyui.²⁷Nyenso nuhanya kune nyenye ne mutregheye, vyanji arughu vanyu na utrenda ne maja kuua avoo ne vamukwitre. ²⁸Vafori avoo ne vemujumaniya nyenye na varombei avoo ne vemutruka nyenye.²⁹KUne wasuu ne ukukukhwa ukunda umwedo, mufetruire na reuya mwese muntu ne wakuheyeya nkanjo ako utramughiye na nkanjo mbuya. ³⁰Mufe wasuu ne wakurombie, mwese muntu ne wakuheyeya intu neja rako, utramwombe ukusuchiye.³¹Mwino muyanjitre antu vamutrendee, nanyee vatrendei viyuyi. ³²Mwese ne mwavayanja antu nevamuyanjitre nyenye muhanga ukumuke ne nyenye kusoko na mwese anyamhutye vuva yanja avoo nevavayanjitre. ³³Mwese ne mwavatrendea ne maja vasaa ne vumutrendea nyenye ne maja, muhanga ukumuke kune venso kwoko n amwese anya mahutye vutrenda viyuyi. ³⁴Mwese ne mwakofisya mantu kwa antu, ne mwese muindie namusuchiye, uyi ne sao ke kune nyenye? Na anyamahutye no veva kofisya anyamahutye na ukuindia uhanga kintu ikuko kanke.³⁵Nyenso vayanji arughu vanyu na vatrendei ne maja. Vakofesi na mutragheme usikiywa, ne sao anyu yutrendeka nkuu. Mutrendeka mwi ana va uyoo newekunto, kusoko mwenso ne maja kwa antu nevatrina asi na anya mahutye. ³⁶Mutrendeke mwina uvayi, kinya Tratra wanyu ne una kehe.³⁷Mtraramue nyeno mutrinjo ramwiywa, mtrajumaniye na nyee mtrijumaniywa, vaone. Uwayi ayanyu nyeno muonewa uvayi.³⁸Vafi vangija nyeno mjofewa, kiasi ka ufoo - ne kitri onyangiwe ukenetywaya na wafuka umaru anyu kusoko angekeo iyiyo nenejo mufumia, ngekeo iyiyo ndo yutrumika uvafimia nyenye.''³⁹Mwenso akavakhania wikhori, ''Nare muntu ne mufoku ukudaha ure umutrongea muntu ne mufoku? Mwese akatrenda uyi are savagwire kikhombo vonge, alevatruguirana? ⁴⁰Mwanafunzi atrutrendeka mukuu kinya musiyi wakwe, nyenso mumuntu ne usiywa kwa trutre ukutrendeka kinya musiyi wakwe.⁴¹Ne ntuni ne vavava ifara ne refo mungle ariho ra munyandughu ako, nautrivavie ifara ne ruriho vako na veve mughonjo? ⁴²Ukudaha ure umukhania munyandughu ako, 'Mnyandughu, nkuomba uheye ifara nerefo munge ariho rake,' Navee utriravie ifara ne rifo uriho vako veve wayo? Umutrere vee! Nyenso reheye ifara ne rifo uriho rako, na ujoona ija na uheya ifara ne rifo uriho ramunyandughu ako.⁴³Kwokokutrie mutri ne uja ukufafa mbesya ne mbee, na nyenso kutrie mutri ne uvee ne ukufafa mbesya ne njija. ⁴⁴Kusoko mumutri umanyikie kwa mbesya yakwe kusoko antu vatrukaa. Tini ufuma umughuiya wala zabibu ufuma umutriwa maghunya.⁴⁵Muntu nemuja uhazina ne njija ukhoo akwe ukufunya ne maja, na muntu ne muve ahazina nembee okhoo akwe ukufunyaa ne mavee.⁴⁶Ne ntuni munyintana, 'Mukuu, Mukuu, 'na kunu muhuya trenda asaa ne nkuya reghetya? ⁴⁷Mununtu ne ukuja kune nene na uyi tregheya khani yane na uitrendea mwimo nkumuraghia mwino wiri. ⁴⁸We khwetre na muntu ne ukujenga khaya akwe ne ukukua fangle nanguu na ujenga nyumba umusingi wa igwe ne ikhamu. Mbua ne nkuu neare aja, mwongo ukakhwa nyumba, nyenso inadaha uhingisya kusoko are ijengie ija.⁴⁹Usuu ne watregheya ukhani wane na atrina trenda;kihorye ayo ikinya muntu ne ujengie nyumbakwe ne ikunto afange ne itrina mwingi mwongo neare wasima kwa nguu nyumba isii ikagwa ugwe ne ukuu.

¹Nare Yesu wamareya oonge nare ukwete akahanya kwa antu nare wamutegheye, akakea Kapernaumu.²Mutrughwa ungeja wa asikare rare umoyanjete ino ukhakwe are uwire ino nare wefife ukuya. ³Mwenso ne wajotregheya suyu ama Yesu, asikere wasoo akamutruma mutongeri wa Kiyahudi, akamomba aje umukhomoa mutughwa wakwe atakuye. ⁴Newajoghea fife kune Yesu, wekamufefeheya ino na uhanya, ''Uoneye vii veve utende vii kusoko akwe, ⁵kusoko uyanjetre ndughu itu na mwenso akajenga sinagogi kusoko itru.''⁶Yesu akafweeya na muhenjo wake itambe remwedu winawe. Enyenso nare akeinenda kre na nyumba, mukuu umwedu akawatruma wambuya kwe ureghetia winawe.'' ⁷Mukuu, utrakikhatraye mughonjo kusoko nene ntinoneye uhefea u nyumba ane, Kusoko asee ntinaghemaneya nene mughnjo mwese nenoneye uja kune veve, enyeso haya ukhani uyi, na mutumwa wane ukufoa. ⁸Kusoko nene none muntu ne niekiwe ku udaho nanekwete asikare fange ane. Ukuhanya kwa uyuu, ''Enda'' na ukuendaa, na umwoya, ''Njuu'' no ujiee, na umotumami wane tenda ireyi 'no mwenso ukutenda.''⁹Yesu newajotregheya asaa akatakaa na fetrukea mwirundo nare wamusambeye na akahanya, ''Nemukhanea nambese ki Israeli, nkee ntinaona muntu ne wina uhuvei uku kinya uyuyi. ¹⁰Na wasaa nare watumwa weka soka ukhaya na wekamuhanga mutumami mufanga.¹¹Kenyahofo ungeja akadweya kone Yesu are utrunguyie winje ungee neuetanwa Naini. Aseyi wakwe wekaenda itambe remedo winawe ne viongetre na mwirundo waantu. ¹²Naare wahumbea ukinya mwango ko ngee kengea muntu ne ukure are wochiywe, na are umwana wedu kune nyinya wakwe. Nare muhimbe na mwirundo waenda itambere mwedo ufuma ungee arevitambere mwedu winawe. ¹³Newajomwona, Mukuu akamuhueya kwa uvanji ne ukuu ino na akamukhanea, ''Utraree.'' ¹⁴Na akahumbea usonge akatrenya ijeneza nare waucheye mwere, na awoo nare wauchuye wekaemeka akahanya muhumba uka'' ¹⁵Mukuyi akauka aka kikaa fange na akandia ureghetia. Mwenso Yesu akamwofa nyinya wakwe.¹⁶Wova ukawakwata wongee. Wekafwaya umukunya Mungu vekahanya ''Mughanga mkuu wahumbuwa mukhate itu'' na Mungu ukuvihenga antu wakwe'' ¹⁷Na sayu njija yama Yesu ikaninganea Yudea ongee na mikoa ongee afife.¹⁸Anafunzi vama Yohana vekamukhanea mantu ayai onge. ¹⁹Na Yohana akavatrana vavere anafunzi vakwe na akavatruma kune Mukuu uhanya, ''Veve we mwenso uyoo newanjie, nampa kina muntu muya nikumuravie? ²⁰Vajofika fifiye na Yesu avii vakahanya, ''Yohana mbatizaji wakutuma kune veve uhanya, ''Veve we uyoo ne ujie nampa kuna muntu muya munurindie?''²¹Na ikhondo rasee akawaforia antu winge ufuma umarue na makhaseko, ufuma unkhoo ne mbaya, na kwa antu ne afuku akawatenda vaone. ²²Yesu akasocha na uhanya kune wenso.'' Kune aja mwenda kune aja mufumie mujomukhanea Yohana rasee ne mwareona na uretegheya. Ne vina ufoku weufewa uona na anyirema weuenenda, anyamabuba wenywa. Na wambola weutegheya, na akuyi wefetria nautendeka afanga kanke atrukiweukhanewa sayu njija. ²³Na muntu ne atrureka ughuvea nene kusoko a ntendo yane uforiywe.''²⁴Naare awoo wekatumwa na Yohana usoka kune are wafumie Yesu akaandia uhanya umwirundu unto ama Yohana mukaenda uona ntuni mianduri ne ukohingiswa na nkongo na? ²⁵Ekwenso mokaenda uona ntuni muntu neuyetre ijana naa? Kihengi antu awoo newayetre masaa akitremi na ukikhaa mikhaa ne meja warefo unyumba ya Kitremi. ²⁶Unyenso mweenda uona ntuni, mughanga na? Hono, kuhanya tutre na ino ne nkuu ukea mughanga.²⁷Uyui mwenso newandekewe, kihengi ne umutruma Mukuu wane usonge amiho anyu ne ujoghondaneya njea kusoko ane, ²⁸Neuhanya kune nyenye mukhatre awo ne wafafiwe na mukhema, kutrire Mukuu kinya Yohana ekwenso muntu ne nti watrute ino ne ujokikhaa na Mungu kune urefo mwenso ukutendeka Mukuu ukea Yohana.''²⁹Na antu wonge ne wajotregheya ayaii itrambere mwedo na anyo khwa kotri wikatanatriyia ne Mungu munya tute are warefo mukhate awe awoo newabatiziwe na ubatizo wama Yohana. ³⁰Ekwenso Mafarisayo na aandeki wa seria akiyahudi ne watrina batizwa na mwenso weka hita mafenji a Mungu kusoko awe wenso.³¹Nyeso neudaha uwikhoya na ntoni antu wa ufafo uroi? mweura nyenso? ³²Vekhwete na anginya ne vikinisia kone ire sokoni, ne vikikhee na ukietana umwedo mwedo kwa woya wange we uhanya, ''Kwa rea na mutrurea.'³³Yohana mubatizaji akaja atrinaiyaa mukate mba inanywaa divai na mukahanya ''Una ijini. ³⁴Mwana wa muntu waja walya na unywa mkahanya, ''Nare ke ne mraku na mughari, hinane munyo khuia kotri na munya muhutye! ³⁵Nyenso ihaa ramanyika ne rina trutre uvana wakwe vonge.''³⁶Mufarisayo umwedu akamwomba Yesu ulya itrambe remwe nayo. Neare Yesu wahefea unyumba ama Farisayo, akahaghamia umeza ili alye. ³⁷Rava nare kuna mukhema umwedo unge isee nare una mahutye akamanya neare wekhe kune Farisayo, akaretra chufa amanukato. ³⁸Akaimika unyuma akwe fife na mighuu akwe kunu ukuma. Kanke akaandya aloveka mighuu akwe kwa mihori na unai futra na njee ya itrue rakwe ukumitromya mighuu akwe na umiira manukato.³⁹Na farisayo uyoo ne umurakie Yesu nare waona uyi, akaghema mwenso akahanya, ''Mwese mundu uyui mwese ne mughanga. Akaja uyui ne anyu na nemukhemake ne ukumutrenya kwoko ne munya mahutye. ⁴⁰Yesu akasucha na umukhania, ''Simoni nina inkuroku khania, ''Rehanye uyi'' Musiyi!''⁴¹Yesu akahanya, ''Are varifa anyodaiwa vavire umukopesya umwedo. Umwedo are ukudaiwa dinari ema ghama atrano na wakavee ukudaiwa dinari emakumi atrano. ⁴²Neare vatrikwetre hela omunifa akavaonea uvayi vonge. Fanoi anyu ne ukumuyanja ino? ⁴³Simoni akamsucha na akahanya, ''Nughema uyoo ne waoniwe uvayi, Yesu akamukhania, ''Waamua kwa trutre.''⁴⁴Yesu akamfetrukia mukhema na uhanya kune Simoni, ''Umuhenge mukhema uyui. Nahefea ukhanya ako. Utrina mpaa maji kusoko amighuu ane, nyenso, uyui, kwa mbari akwe akatrotrufya mighuu ane na umifutra kwa njee yakwe. ⁴⁵Utrina ntonyaa, nyenso mwenso, fuma ahefee kunii atrina reka umitromya mighuu ane.⁴⁶Atrina miiraa mighuu ane kwa makutra, nyenso wa miiraa mighuuu ane kwa manukato. ⁴⁷Kwa into iree, nukukhania ave un mahutye mainge na vuaonewa uvayi ino. Na akayanja ino, nyenso uyoo ne waonewe uvayi kidogo, ukuyanja kidogo uyi.''⁴⁸Na akamukhania mukhema wasuu, ''Mahutye ako waonewa uvayi'' ⁴⁹Avoo neare vekhe itrambe remwe nayo vakaandya ukikhania venso kwa venso, uyui ne anyu mpaka uku oneo, uvayi anya mahutye?'' ⁵⁰Na Yesu akamukhania mukhema, ''Uhuvei wako wako bhomoa. Enendana majeghana''

¹Ekadweya kinyaghafo naare vii Yesu akaandia muhenjo ungee na ijiji hiyaiya, ukutanantia sayu njija au tremi wa Mungu na awayo ikumi na wavere wekaenda itamberemwedo winawe, ²Naa akhema wangija nare waforywa ufuma u nkhonevaya na marue hiyohiyo. Are ne Mariamu neukuetwa Magdarena nare wafunyiywe makinyo nyinyonyi emufunkatre. ³Yoana mukhema wama Kuza na meneja wama Herode, Susana, na akhema wangeja wingi, ne wekafuna mali yao kwasoko awe wenso.⁴Naare mwirundo wa antu wirundie itrambe re mwedu, are warefo antu newekaja kune mwenso ufuma ungee hiyahiya, wekareghetria winao kufuma ndolio. ⁵''Mfandei akaenda ufandea mbeyu, nere wafandea munge ambeyo yasii ikagwera umpeo a njea ikafanangiwa na mighuu fangee, na nyonyi yoo unto yikailia. ⁶Mbeyu ingeja ikagwa unto a irongo ra magwe ne yajokinda na utrenda miri ekagoora kusoko are kutrire utrotru.⁷Mbeyu ingeja ikagwera uu metre a meghuya, na esee metre a meghuya ikakua itambetemwe na iyoo mbeyu na ikatrunyeywa. ⁸Enyeso mbeyu ingeja ikagwera uu kirongo nere noneye na ikafafa khari ighana. Kanke, ''Nare Yesu wahanya nkhani ya sii akahumbua ruri, ''Wasuu ne ukwete matwe autegheeya na ategheeye.''⁹Kanke aseyi wakwe wekamweweya soko awikhori urui, ¹⁰Yesu akawakhanea, ''Mwafiwe umanya kempihe ka utremi wa Mungu, unyenso antu wangeja wajoseywa oyi u ndolyo, ee oyi newaona wataone na ne watregheya watramanye.'¹¹Na eyeii ne ndolyo nyenso. Mbeyu ne ukhani wa Mungu. ¹²Mbeyu iyoo nee ikagwa umpe mpeo a njea nee antu awoyoo newetegheya ukhani, na amitre morogho shetani ukurehoa kure ufuma ukho, ili watadahe uhavia na ukhomowa. ¹³Na kanke iyoo ne ikaghwera ungongo ne antu awoyo nee veutregheya ukhani na uukhoa kwa nkumbu ekwenso watrikwete miiri na kunyu, weuhuvea oyii kefando, kekafeyi na ikhondo rama egheyo weugwaa.¹⁴Na mbeyu iyoo ikagwena uu maghuya ne antu ne weutegheya ukhani, enyeso ne wafweye ukua weutronyeywa na ukhasekea na ughware na uja wa mikhao eyeii na watriufafa mbesia. ¹⁵Enyeso mbeyu iyoo ne ikagwera ukirongo ne rija ne awayo antu, awoyo ne vinyumpiye ukhoo ne njija, ne watregheya ukhani weuretywa na rekatrendeka rija na ufafa mbesia ya ughemeyi.¹⁶Fanoi kutrire mpa umwedo, neukuacha kemwee na ukekunekea kwa ibakuli au ukeeka fange a irungu ra kitranda. Ekwenso ukueka unto a chengo kemwe soko momuntu neukuhefea adahe uona. ¹⁷Kusoko kutrine kentu nekefihie ne kitrikighea, mbakengeja ne kenkimpine ne ketrijokighea na umanywa umweru. ¹⁸Evii mukakhwekeye, ne mughembeya, kusoko ne ukwetre, kune mwenso ujoungeywa ino, nyenso ne atrikwete namba ero ne rinyuyi ne urekwete rejohawa.''¹⁹Kanke nyinya wama Yesu na aruna wakwe wekaja kune mwenso wina mufikea kusoko amwirondo wa antu. ²⁰Na akakhanea, ''Ijiu wako na aruna wako warefo hafoo urijii weufenja wakuone veve. ²¹Nyenso, Yesu akasucha akahanya ''Yiu wane na aruna wane ne a wayi ne wategheye ukhani wa Mungu na ure kwatrea.''²²Ekadweya iriku remwedo mukhate aitriku rasee Yesu na aseyi wakwe akanantea u motumbwi, ''Akawakhanea, ''Ne kutrambuke ntumbe akavere a irambo.'' ²³Wekakhandaneya maswa awe. Nyenso neare vandya ufwaya, Yesu akaraatruo na kiharumbe ne kikhare ne kihanjiyena nkungu, na mashwa awe ikaandya uijua maje na are varefo mukhatre airambo.²⁴Amitre anafunzi vakwe vekaja kune mwenso na umucha, vakahanya, ''Mukuu mukuu! Mukuu kwa humbea ukuya! Akauka na akaukenea kiharumbe na nkungu onge kwa hava na kwa trendeka kuhavie. ²⁵Kanke akavakhanea, ''Uhuvei wanyu wekufeyi?'' Vakatrija vekatrachwa, veka kikhania mumuntu namu yakwe, ''Uyui ne anyu ne ukukenea nkungu, kiharumbe na maji yumutregheya?''²⁶Vakaghea unge o Gerasini neare erefo ufandewo nyuma a Galilaya. ²⁷Yesu wajosima na ufandatra fange, akatrana fange, akatrana namuntu ufuma umujini na muntu wasuu are wina nguu ya kitri. Muntu usuu atrina yaa masaa kwa matriku mainge na are atrukikha anyumba, nyenso akakha amakaburi.²⁸Ne wajomwona Yesu akarea kwanguu, na akagwa ufange unsonge akwe kwa ruri ne kuu akahanya, Natrenda ntuni kune veve Yesu mwana wa Mungu ne we kunto? Kukuomba utra khasye nee'' ²⁹Yesu akarekea nkoo ne mbee imuheghe muntu uyoo kusoko areamufagae, namwese are utrungiwe na minyororo na ubwana na wikwa fange asena akauna kitrungo na utrewa na mapepo mpaka unge khatre.³⁰Yesu akamuwila, ''Rina rako anyu?'' Akasucha akahanya, ''Legioni'' kweko mapepo ne mengi ahefee kune mwenso. ³¹Na mwenso ekaromba utra kukhanie kwende ukikhombo.³²Irundo ra nguma are rudima unto akitranto, akamuromba avakhanea vahefee unguma yasee. Na akavarekea utrenda uyi. ³³Uvii inyanyi nyonyi ikafuma umuntu wasuu na uhefea unguma iyoo irundo rekadua ukitrantu na yikaenda ukirambo na yikahiria kuko.³⁴Antu vasaa neare vudima nguma yasee, vekadua na vekafunya sayu hafo umujini na unge neare yefimiye hafo. ³⁵Antu neare vatregheya yasii vekaenda uona rasee neratrendeka vekaja kune Yesu na vekamona muntu neare makinyonyi nyonyi amufumaa, are uyetre ija na munya ihaa, wikhe umighuu ama Yesu na veka trija.³⁶Na umwedo wawe ne akaona akaandya uvasanyia mwino muntu uyui are ukutronewa na makinyonyi nyonyi neare akaforywa. ³⁷Antu vonge vomukoa Wagerasi nange neare yefimiye vesamuromba Yesu afywaye kusoko vakatriwe na wova ukuu. Na alnga kwenye mtumbwi ili arudi.³⁸Muntu wasuu neare wafumwa na makinyonyi nyonyi akamwomba Yesu ende naye, nyenso Yesu akamukhania ende na akahanya, ³⁹''Suka ukhaya ko naufanye ayoo onge neare Mungu wakufrendee'' Muntu usuu akafwaya, akatranantya kwonge unge onge ayoo neare Yesu watrendie soko akwe.⁴⁰Na Yesu akasuka, mwirundo ukamuhweya kwoko vongeare vamughojie. ⁴¹Rava akaja muntu umwedo ukuitranwa Yairo ne umwedo mukhatre aaku ve sinagogi. Yairo akagwa umighuu ama Yesu na umuromba ende ukakwe, ⁴²kwoko arewina umwedo wakincha neare unami akha ikumi na ivee, na are wifo uhadi au kuyi. Naare ukuenda umwirundo are vukirunda soko akwe.⁴³Mukhema neare ukufumwa na nsaghami miakha ikumi na ivee are we hafo na akatrumia hela yonge kwa aghanga, nyenso kutrie ne wamuforiye naniumwedo, ⁴⁴akaja unyuma ama Yesu na utrenya ikundo raisaa rakwe, kinya hafo murihe wa nsaghami akwe ukahiya.⁴⁵Yesu akahanya, ''Anyu wasuu newantenya" Vajo hitra vonge, Feteo akahanya, Mukuu mwirundo wa antu vukisuntiya na vukutranga.'' ⁴⁶Nyenso Yesu akahanya, ''Muntu umwedu akantenya, kwoko nkamanya nguu neya hegha kune nene.''⁴⁷Mukhema usuu wajoona atrundaha ufiha rasee newari henda, akaandya ukatranga. Akagwa fange unsonge ama Yesu akatramantya wonge antu vonge kusoko ne yika mutrenda amutrenye na uyii akafonywa ure. ⁴⁸Kunu akahanya kune mwenso, muncha uhuvei wako wakutrenda utrendeke umufanga, akahanya, munchako wakuyaa utramukhasye museyi.''⁴⁹Wajotrongea uhanya, muntu umwedo akaja ufuma unyumba amutremi wosinagogi, akahanya, ''Munchako wakuyaa utramukalye.'' ⁵⁰Nyenso Yesu wajatregheya uyi, akamusucha, ''Utratrije manya uyi, ukukhomowa.''⁵¹Neare wakia unyumba isiyi, atrina rekea muntumami umwe uhefea iframbe remwe nayo, ekwenso Fetro, Yohana na Yakobo, tata wamuneha na yiu wakwe. ⁵²Fanoi antu ne veurea na ufunya ruri kwoko akwe nyenso akahanya, ''Mutrahwe mukindo inakuya enyenso uree uyi.'' ⁵³Nyenso vekamuheka kusoko are vamanya wakuyaa.⁵⁴Nyenso Mwenso, akamukatra muncha kwe mukhono na akahanya mung'inya uka'' ⁵⁵Nkhoo akwe ikaamusukia, na akauka saa iyiyo na akavakhania afewe intu rorya. ⁵⁶Afafi vakwe vekatranchwa, nyenso akavakhanea mutrakhare muntu rasee neja natrendeka.

¹Akavaitrana avoo ikumi na vavere itrombe remwe, wavapa udaho na nguu unto amakinyonyi nyonyi onge na uforya mawe. ²Akavatruma vende utrarirya utemi wa Mungu na ufanya mawe.³Akavakhania, ''Mutra hare ringi umuhinjo wanyu wala mwanga, mbampinda mbamukatre mba hela mtta hoe mba nkanje ivere. ⁴Nyumba iseye nemwaahefea ikhi hafo na faka kunemujo hegha hafo.⁵Na kwa avoo nevatrumu fokea, nemwaje fwaya unge isee, kikununti ukungu umighuu anyu kwa wudanga kune venso.'' ⁶Vakafwaya na uenda ukerea uvijiji veka tanantya sayu ne njija na ufonya antu koonge.⁷Fanoi Herode, mtremi akatregheya onge neare adulya akakhasika ino, kwoko ikahanywa na akeyii ne Yohana mubadisi wadahie ufetrya ufama kwa akuyi, ⁸na kwa vangeja Elia wadaha ukighea na kwa vanjija umwedo wavaghanga vakhe unfetrya kwa akuyi. ⁹Herode akahanya, ''Nkamukikitra Yohana nyenso uyui ne nyu nenetregheya sayu akwe? Na herode akapenja njia omwona Yesu.¹⁰Neare wasuka avoo nevatrumwaa, vako mukhania mumuntu rasee nevatrendie, akavahoa itrambe remwedo nayo. Akaenda uliyene unge imwedo ne yutramwa Bethsadia. ¹¹Nyenso mwirundo akatragheya iree, vakamusambeya na abavahweya na areghetrya nayo utremi wa Mungu, na akavafonya avoo ne veufenja ufonyi.¹²Itriku rekaandya atriya naavoo ikumi na vavee vakaenda kune mwenso na uhanya, ''Vanyaghulisye mirundo ende uijiji na umijini vendo fenja itruyo na maliwa kwoko kwifo kwifo ukienea ro mbugha.'' ¹³Nyenso akavakhania, ''Nyenye vafi intu rorya.'' Vekahanya, ''Kutri kwetre, nyenso kukwetre mikate itrano kutrufu na nsomba ivee, enyenso kukaenda ughwa maliwa kwoko amuirundo umi wa antu.'' ¹⁴Kwoko hafo arekuna aghosya vemaghana atano hafo. Akavakhania anafunzi vakwe.'' Vakhechi fange marundo ane ina antu amatumi afrano trano.¹⁵Na venso vekatrenda uyi na antu veka ikhaa fange. ¹⁶Akahwa mikhate itrano na nsomba ivere na akanava ukirunde akamirombea nawaghanya mafaja faja, akavafa anafunzi vakwe ili vayaike unsonge a mulirundo wa antu. ¹⁷Vonge vekalya na ukikutra, na mafaja asaya neare asagha aka okotrwa muijuywa nkafo ikumi na ivere.¹⁸Noo ikatendeka vii, nare ukuomba wiyene, anafunzi vakwe are veitrambe remwedo nayo, na akavawiya akahanya, ''Antu vuhanya nene nianyu?'' ¹⁹Vakasuja vekahanya, ''Yohana mubadilisi, nyenso vauya vuhanya Eliya, na vangija vuhanya umwedo wa aghaghanga vabhare wafetrorya kanke.''²⁰Akavakhania, ''Nyenso nyenye muhanya nene nianyu?'' Akasucha Fetro akahanya, ''Kristo ufuma kune Mungu.'' ²¹Nyenso kwovaghiya, Yesu akava raghia udio mukhania muntu nani umwe intu iree, ²²akahanya vii, mwana wama Adamu unoneye ahange makhasiko maingi na uhitrwa na anyampaa na akumbeki akuu na aandiki na ukuumaghwa na itriku ra katratru ukufitrya.²³Akava khania vonge, ''Mwese muntu kikaku niwasigha unsambeya nene unoneye akikhane mughane mughonjo ahoe mwalaha wakwe muitriku na ansambiye. ²⁴Usuu newasoya uya khomo maisha akwe ukuyaya ghaya maisha akwe kwoko ane ukuya khomoa. ²⁵Je kwina sooke kune muntu, mwese newauhanga uremi woonge, nyenso ne wayaghaya au newahanga asara akhoo akwe mwenso?²⁶Usuu ne wanyonea minya nene na nkani yane, kune mwenso mwana wama Adamu ukumuonea minya ne ujohendeka ukukuu wama Tata na malaika ne akuu. ²⁷Nyenso nkumu khania trutre, varefo vangeja nevuimeka hafai vatruwonja nkuya faka vavone utremi wa Mungu.''²⁸neare akia matiku munana neare Yesu wahanya nehani iyii akavahoa itambe remwe Fetro, Yohana na, Yakobo vakanatria ukitranto uromba. ²⁹Naare ukuromba, ekero ra usyu wakwe veka feuka na masaa akwe akatrendeka maeruchwi na efiempena ino.³⁰Naravi, are varefo aghosya vavire nevureghetyana yo! Are Musa vina Elia, ³¹Vekakighea munge aukuu vakaighitya ifwaya rakuue intu neare wahwera urimariya u Yerusalemu.³²Fanoi Fetro na avoo neare veitambe remwedo nayo are varifo utrwo ni nditro. Nyenso vajouka vakaona ukuu wakwe na aghosya vavere neare vaimikie itambe remwedo nayo. ³³Neare vofwaya kune Yesu, Fetro akamukhania, 'Mukuu ne kuja kune sese uikha hagayi na inoneye kutrende mikhao aantu vatratu kutrende remwe soko ako emwe soko ama Musa na mbuya soko ama Elia.'' Atrina manya rasee ne ukurereghetrya.³⁴Neare ukuhanya asaya rikaja irunde na rika vakunikia na vekatrija neare vaona vafimiywa na ilangu. ³⁵Ruri ukafuama ukirunde ukahanya, ''Uyuyi ni mwanane nena mahwaniye mutregheyi mwenso.'' ³⁶Ruri ne wajo kia, Yesu are wiyene. Veka kikhaa tui umatriku asaya venakhania ba umwe ne vinawe asaa ne veka yaona.³⁷Utriku ne resambeya, neare vafuma ukitanto irundo rikun ra antu rekatrana nayo. ³⁸Rava, mughosya ufuma umwirundo akavea kwa ruri akahanya, ''Museyi nukuromba umuihenge mwanane kusoko ne nemwanane iyene. ³⁹Ukenge nkhoo nombee yumukwatra na ukhwa mukindo na kunu yumutrenda uyaghaa na ufuma mafumburu umomo. Nyenso yumufumaa kwa nchasi yumu sacha mavayi ne mave. ⁴⁰Nikavakhania anafunzi vako vamufunye vadio daha.''⁴¹Yesu akasucha akahanya, ''Nyee ufafo ne utrina uhuvei na uyaghao, kunanae samwikhaa kwinanyu na ukihoriya nanyee? Mutretre mwanako hafai.'' ⁴²Muhumba nareujie, nkoo nembe ikamukhwiya fange naumuhingisya kwa mukindo, nyenso Yesu akamikenea nkoonembe, akamuforya muhumba na akamufa Tata wakwe.⁴³Vonge vekatraka na ukuu wa Mungu. Enyenso nare vutraka vonge kwa mantu onge nare ikatrendeka akahanya kwa aseyi vakwe, ⁴⁴''Nchani yikhae umatrwi anyu kusoko Mwana wama Adamu ujofunywa umikhono aantu.'' ⁴⁵Nyenso vatrina manya soko ayo nkhani isee, na ikafihwa umiho awe, vatraje vajoremanya vekatrija umuwiya ukhani usuyu..⁴⁶Ukanke mukondo ukaandya mukhatre awe kune anyu ne ukutrendeka mukuu. ⁴⁷Nyenso Yesu nare wamanya resee ne varikwetre ne vekiwiya unkhoo yawe, vekamuhoa mwana ne munyuu na umuika ufande wakwe, ⁴⁸Na akahanya, ''Mwese muntu unge amufokee mwana nemunyuii kinya uyui kwa rina rane, wakwatya nene, na wasuu newakwatya nene wamufokea uyoo ne wantumie kusoko ne munyuii kune nyenye nyonge mwenso ne mukuu''⁴⁹Yohana akasucha akahanya, ''Mukuu, kukamuona muntu ne ukujuncha nkhoo nembe kwa rina rako na kukamughiya kusoko atri itambe remwedo nasee.'' ⁵⁰Kwenso Yesu akamukhania, ''Mutramughiye, kusoko atrihiya na nyee newanyu''⁵¹Ikadwiya vii ukikhoya na matriku neare ire neyehwera matriku akwe oenda ukirunde kwa ukhamu akakengeya uyu wakwe Yerusalemu. ⁵²Akatruma amboi unsonge akwe na venso vekaenda na uhefea ukijiji ka Samaria vadahe umuninganiya hafo. ⁵³Nyenso antu kuko vatrina mufokea kusoko are ukengeye usyu wakwe u Yerusalemu.⁵⁴Aseyi vakwe Yakobo vina Yohana nevajo viona rasee vekahanya, ''Mukuu ukufenja kurekee motro usie ufange ufuma ukirunde uvarugwiya?'' ⁵⁵Ekwenso akavafetrukia akavakenea. ⁵⁶Venso vekaenda ukijiji kingi.⁵⁷Nare voka unjia awe, muntu umwedo akavakhania, ''Nukufenja kunewinje.'' ⁵⁸Yesu akamukhania, ''Muva vina makhombo, nyonyi yakunto yina iruryo enyeso Mwana wama Adamu atrikwetre kune ukutrencha itwe rakwe.''⁵⁹Mwenso akamukhania muntu ungija, ''Nsambiya.'' Nyenso mwenso akahanya, ''Mukuu ndekea tranju nende mwika tata wane,'' ⁶⁰Nyenso mwenso akamukhania, ''Reka akuyi vavaike akuyi vawe, enyenso veve enda wendo tananta utemi wa Mungu muufande.⁶¹Nyenso muntu ungija akahanya, ''Mukuu, enyenso ndekea tranju nendo vafa kwaheri avoo ne vukhane.'' ⁶²Kwenso Yesu akavahania, ''Kutrie muntu neukutrendea mukhono wakwe urema na uvava nyuma ne ujononeya kuu tremi wan Mungu.''

¹Naare mantu asaya, Mukuu aka hwania akumi mufunkatre vangija na uvatruma vavire vavire vamutrongee unge nakune are ughemetre uenda. ²Akavakhania, ''Mbesya ne nyingi enyenso anyo trenda, mwimo ne vakeyi. Uvii murombi Mukuu wantinange,adahe utruma anyo trenda mwimo untrenange akwe.³Endi ungee ravi. Numutruma kinya nkhoo mukhatre ambughi. ⁴Mutrauhe mufuko wahela mpinda a anyamihino wala atru wala mutramuche antu kikaku munjia.⁵Unyumba kikau ne muhefea tranju hanyi, majigha na atrendeke mungte akhaya eyeyi.' ⁶Mwese muntu wamajeghana urifo hafo majighana anyu yusagha unto akwe, emwenso nti uyi yusuka kune nyenye. ⁷Mwaghe ukhaya iyeyi, ui na unywa rasee ne vurefunya, kusoko mutrendi mwimo unoneye musaha wakwe mutra hame ufuma ukhaya isee uenda uingija.⁸Nkhaya mbuya ingine muhefea ne navamufokea, lii mantu onge ne ufunywa unsonge anyu, ⁹mufonye arue ne varifo hafo hanyi kune venso utremi wa Mungu waja fife anyu'¹⁰Enyenso kune nyumba mbuya onge nemuhefea na vacha mufokee, endi unji ubabaa muhanye, ¹¹''Namwese ukungu mukhati anyumba anyu nerenamantie umighuu itru kurekungu nta kune nyenye nyenso manyi ireyi utremi wa mungu wa hwera.' ¹²Numukhania vii itriku rauamini vejie, ughemeyi ino u Sodoma bahu unge isee.¹³Hehe ako Korazini, Hehe ako Bethsaida! Mwese muimo ne ukuu newatrendeka mukhatre ako are yutrendeka Tito na Sidoni, Arevuhuvia khane ino,nevuikha munge amasaa amahunia na mau. ¹⁴Nyenso yutrendeka ughimiyi ino ukitriko ra uamuri u Tiro na u Sidoni ino anyu. ¹⁵Veve Kapernaumu, ukughona ukuhumbuwa mpaka ukirundena? Kutrie, ukusimya fange faka kwa arungu¹⁶Neujo mutregheya nyenye ukuntregheya nene nawuu newamuhitra ukunglitra nene, na wasuu ne ukungtra nene ukumuhitra ne wantumie''¹⁷Avoo matrumi mufunkatre ekasuka kwa lombe vuhanya, ''Mukuu, hata makinyonyi nyonyi yukuoghofa urina rako.'' ¹⁸Yesu akavakhania, ''Nkamwona shetani ukugwa ufuma kirunde kinya ufitro. ¹⁹Rava, kengea na mufie udahe wopanangia, njokha na nkumina nguu yonge yamurughu na kutrie intu na rimwe kwanjia inge ne yudaha umu ruanga. ²⁰Enyenso mutrayanje kwa ireyi mwino nkhoo yumutrija nyenso yanji ino kwa vii marina anyu aandikiwe kirunde.''²¹Kaha hafo na gafo akayanja ino umwau ne mweru na uhanya, ''Nukukunya veve, Tata, Mukuu wakirunde, na uremi kwoko uyafihie mantu ayai ufuma kwa anya mahaa na uyakunu kua kwa avoo ne vatrifundisiywe kinya, ana ne anyuyii. Hono Tata, kusoko ikanoneya umiho ako.''²²'''Muintu mafeiwe nene na Tata wane, na kutri ene umanyie mwana neanyu ila Tata, na kutrie ne umanyie Tatane anyu ila mwana na ungeja ne mwana ukusigha ukikanuka kune mwenso.''²³Akavafetrukia anafunzi, akahanya ukimpihe, ''Vabarikiwe nevuyaonaa ayii nenyenye muya onaa. ²⁴Numukhania nyenye vii, aghanga vingi na atremi vekasegha ona mantu ne muya onaa na vatrina yaonaa, na utreheya nimuyatregheya na vatrina yatregheya.''²⁵²⁶Rava, museyi uyui waseria Akiyahudi akaimika na umusoya akahanya museyi netrendi orenene nedahe kusara ufanga wa khae na khae?'' Yesu akavakhania, ''Iandikiwe ntuni useria? Ukuisoma ure?'' ²⁷Akasucha akahanya, ''Ukumuyanja Mukuu Mungu wako kwa nkhoo ako onge na Mwahu wako wonge, kwangu yako yonge na kwa mahaa ako onge, nainyundu ghu wako kinya nkhoo ako mughonjo.'' ²⁸Yesu akahanya, ''Wasucha kwa trutre. Trenda uyina ukikhaa.''²⁹Nyenso museyi akasegha ukivariya tratre mughonjo, 'Akamukhania Yesu, ''Namunya ndughu wane ne anyu?'' ³⁰Yesu akasucha akahanya, ''Muntu uyoo are ukusima ufuma u Yerusalemu are winje u Yeriko akagwina mukhatre aanyo heyena antu mantu ne vekamuhiya mantu akwe, na umukhwa na umureka fife are wingo kuya..³¹Nyenso bhatri mukuuu umwedo are ukere unjia isee newajo mwona akakira njia ingeja. ³²Viuyuyi Mulawi nao, newajo aghe hafo akamwona wakira njia inge.³³Nyenso Musamaria umwedo are unamuhinjo akakera hafo wewajo mwona muntu usuu. Nawajo mwona akasuntiywa na uvayi. ³⁴Akahwera na umuhabwiya idonda yakwe akamwira makutra na divai unto akwe. Akamunatraiya unto andoghe akwe na umutra unyumba aaghenyi na umutrumia. ³⁵Itriku reuya akahaa hela ivere, na akamufa mukuu wanyumba aaghenyi. Akamukhania mutrumikie na angija nearifo neukutrummia nijo kurifa ni kunasuka.'³⁶Newafeyi mukhatre aavayi ne vatratru, ukughema aremunyandughu wakwe mwenso neakagwira mukhatre aahembi na?'' ³⁷Museyi akahanya, ''Neuyoo ne akamwonea uvayi.'' Yesu akamukhania, ''Enda wendo trenda viuyuyi''³⁸Nevajo trendeka vatrunguyre vekahefea ukijiji kimwedu, namukhema umwendo rina rakwe Martha akamuitriya unyumba akwe. ³⁹Areunamunakwe ne ukuitranwa Mariamu, neare akakikhaa umighu a Mukuu na utregheya ukhani wakwe.⁴⁰Nyenso Martha akakifa mimominge oghondaniya ilya. Akaenda kune Yesu na uhanya, ''Mukuu, utrloa munane wandeka nitrumike niyene? Enyenso mukhanie anjariye.'' ⁴¹Nyenso Mukuu akamusucha na umukhania, ''Martha, Martha, ukukhasika ino umantu ne mainge, ⁴²nyenso neintu ye mwedo oyi nera tte. Mariamu wa hwania nerija, neretrudaha uheywa kune mwenso.''

¹Ekadwiya ikhondo Yesu nare ukuromba ukitrumberengeja, umwedo wa aseyi wakwe akawakhanea, ''Mukuu, kuseye sese uromba kinya Yohana mwino wavaseyie aseyi wakwe.'²Yesu akawakhanea, Nemoromba, hanyii, ''Tata, Rina rako reaywe. Utremi wako uje.³Ukuye mukate witru wamatriku ongee. ⁴Ukurekee mahutye itru, mwino sese nekuwarekea wongee newokuhutya, utrakutrongee u maegheyo.''⁵Yesu akawakhanea, ''Ne anyu kunenyenye ne wina hinakwe, ne winju musoya utriku, na umukhanea, Hinane njaruma mekate itratru. ⁶Kusoko hinane wandweya fanoi ufuma muhinjo, neno trikwete ko mughondaneya.' ⁷Na uyoo nee wemughee akamusucha, Utrankhasie, nene fanoi ruri wautrewa, na anane, kinawe nyenso no kwarara kuree. Ntidaha uka ne kufe keve mukate. ⁸Neumokhanea, Intu atriuuka na ukufa mekate kinya hinakwe, kusoko oofweya umokhwera hodi atrina menyaa, uku uka na ukufa mafande ne mingee amekate mwino useghetre.⁹Nanene nkumukhanea, 'Rombi, nyene mufewa; fenji, nayee muhanga, khwii hodi nanyee murughwerwa. ¹⁰Kusoko mu muntu ne ukuromba ukufewa, na mumuntu neukufenja ukuhanga, na mu muntu ne ukughwa hodi, rorii ukurughuwa kune mwenso.¹¹Ne tata wafei mukhate anyu, ne mwanakwe wamuromba somba ukumofa njokha neenti somba? ¹²Mba newamuromba ighee ukumufa nkume atramufe ighee?. ¹³Nembese nyenye nee mwavee mumanyie uwafa ana wanyu mantu ne maja, ure nti nanguu ino Tata wanyu wa kirunde uwafa Mwahu Mweru awoyo ne weumuromba mweenso na?''¹⁴Ekanke, Yesu akaandia ujuncha makinyonyi nyonyi na muntu nare wina makinyonyi nyonyi are kumumu. Nare kinyonyi nyonyi ne rajo mufma, muntu wasuyu akadaha ureghetia, mwirondo ukatraka ino. ¹⁵Enyenso antu wangeja wekahanya, 'Uyui ukuheya makenyonyi nyonyi kwa nguu yama Beelzebul, muku wa make nyonyinyonyi¹⁶Wangeja wekamukhema na uhanya awaraghe ndolyo ufuma kirunde. ¹⁷Ekwenso Yesu akamanya masegho awe akawakhanea, ''Muu utremi ne watamanuka ukutendeka ukeva na khaya ne itamanukie eugwaa.¹⁸Mwese Shetani utramanukangie, utrema wakwe ukuimeka uree? Kusoko muhanya nevajuncha vya kinyonyi nyonyi kwa Belzebuli. ¹⁹Mwese nene nkufnya makenyonyi nyonyi kwa Belzabuli, haha ayanyu weufunyaa makinyonyi nyonyi kwa njea kee? Kusoka eyeii, wenso wajotrendekaramui. ²⁰Ekwenso mwese nkufunya makinyonyi nyonyi kwa mwanchaa wa Mungu, arii utremi wa Mungu wamujiaa nyenye.²¹Muntu nee wina nguu neukwete matra akwe nekudema ukhakwe, mantu akwe ekikhaa ija. ²²Nyenso ne wamankewa na muntu nee wina ngu ino, muntu usuyu ne wina nguu ukumuheya matraa akwe, na kuhoa asaa ne wayaenjie onge. ²³Wasuyu ne atritrambere mwedo nane, wasuyu wehiya nanee nawasuyu neatriuhangweya itrambere mwe nanee ukufaghatia.²⁴Kinyonyi nyonyi newofuma muntu ukwenda na ufenja kune kutire maje adahe utruya. Newatendeka wauria, ukuhanya, 'Neusoka kune aja nefumie. ²⁵Nee wasuka na uhanga khakwe afaghwuwa, na ikheija. ²⁶Uvii ukuenda na ufenja makinyonyonyi emofunkate ne avii uka mwenso na ukowareta wajo kikhaa hafo na uduo wa muntu usuyu ukutendeka uvii ukia uduo wa mwandio.''²⁷Ekadweya vii nare ukuhanya nkhani yasii, mkhema ungeja akahumbua ruri wakwe ino mukhate aa mwirundu wa antu mwenso akahanya '' Ebarikewe ndaa ne akaufafie na mavee nea kuonchiye'' ²⁸Kwenso mwenso akahanya wabarikiwe awayoo nevetregheya ukhani wa Mungu na kuweka.²⁹Naare mwirundo wantu vakihangweya na wingefa, Yesu akaandia ureghetia '' Ufafo uruyi ne ufafo wa uvii ukufenja ndolyo, ekwenso kutire ndolyo nevamefwa ino lyoo ndolyo ama Yona. ³⁰Kusoko mwino Yona watrendekie ndolyo kwa antu wa Ninawi, viuyi na Mwana wama Adamu ukutendeka ndolyo kuu ufafo uroyii³¹Mutremi wa kekhema wa utraghama ujoemeka itriko ra uamwi na antu wa ufafo uroii na uwaramua wenso, kusoka mwenso akafuma umpeo ungee adahe uja atregheye mahaa ama Solomoni, na hafo urefo ne mukuu ukeea Solomoni.³²Antu wau Ninawi wajoemeka kuu amui itambe remwedu na antu wa ufafo uruui itriku ra amui majiuramweywa, kusoko wenso wekafea mukutre kwa matanantyo ama Yona, na kihenga, hafai urefo ne mkuu ukea Yona.³³Kutire muntu na umwe ne ukwachaa kemwee na ukeeka ufande wo fange kune kwino kuneitikighea mba fange au nkafo, enyenso ukuaca ne ueka unto achengo mu munt ne ukughefea adahe uona weru. ³⁴Riho rako ne kemwee ka mweere. Riho rako ne rifanoja mweeree wako wonge ukutrendeka wina weru. ³⁵Kwa vii, mukirave ee weru nee ukukho yangu utratrendewe kitri. ³⁶Evii mwese mweere wako wonge ukuu weru, kutire ufande ungeja ne ukuu kutyi, are mweere wako ukutendeka wikhwete na kemwe ne keaketre na ufunya weru kune nyenye.''³⁷Nee wajodaha ureghetia, Farisayo akamurareka endolia malewa ukhakwe, mwenso Yesu akahefea mungee wekatendeka itrambere mwedu vina we. ³⁸Na Mafarisayo akatraka mwino are atina uya mikhono tanju ne akae atina lia malewa ampende.³⁹Nyenso Mukuu akawakhanea, ''Nyenye Mafarisayo moya unjii akekombe na ibakuri, nyenso mungee anyu mwiijue ghusea na uvii. ⁴⁰Nyenye antu ne mutrikwete mahaa, haha mwenso ne watrundie unji atinatrundaa na mungee na? ⁴¹Wafii atruki ne emungee, na mantu ongee etrendeka maja trute.⁴²Ekwendo hehe anyu Mafarisayo, soko mufunyaa saka ya mnanaa na muchicha na kela nyanyi ya bustani. Enyenso mwareka mantu ne atute na umuyanja Mungu. Ne tute ino utenda ayoo ne atute na umuyanja Mungu. Mtrareke utrenda na ayoo angeja no.⁴³Hehe anyu Mafarisayo, kusoko muyanjetre ukikhaa u matrumbe uu songe u Masinagogi na ufendwa kwa irambo ra ukuu usokoni. ⁴⁴Hehe anyu kusoko mwikhwete na mbelelo ne itina mitojo ne antu viuenenda unto akwe kwa udea.''⁴⁵Museyi umwedu wa seria ya Kiyahudi akamusucha na akamukhanea, ''Museyi, munge umureghetio urui ukukuhorisia na sese.'' ⁴⁶Yesu akahanya, ''Hehe anyu, aseyi wa seria! Asike ne muwafa antu meregho ne mekuu ne wationdoha umiucha. Enyenso nyenye mutiutenya meregho eseye mba kwa mwancha umwedu wanyu.⁴⁷Hehe anyu, kusoko mujenga na ueka makumbukeyo u mbelelo ya ghanga nare wauraghiwe na wakuku wanyu. ⁴⁸Uvii nyenye mukhwekeya na ukiyanjeya na mwemo ne wautrendie wa kuku wanyu kusoko trtre weka wauragha aghanga nare mwajengie ikumbukeye uumbelelo yawe.⁴⁹Kusoko eseye no mahaa a Mungu euhanya, 'Neuwatumia, aghanga na atrumwa wenso wajowakhasia na uwauragha mukhatre awe. ⁵⁰Ufafo uruyi ukutrenda kwa sahami a mughanga ne wauraghiwe ufuma umwandio wa uremi. ⁵¹Ufuma saghami ama Abeli faka saghami ama Zakaria, ne akaruaghua mukhate amazabahu na upatakatifu. Hono, neumukhanea nyenye, 'Ufofo uruyi ukutrenda.⁵²Hehe anyu aseyi wa seria ya Kiyahudi, kusoko mwahorie ufunguo waumanyaa; nyee aghonjo mutriu hefea, na awayo ne veufenja uhefea muwaghiya.''⁵³Naare Yesu wahegha hafo, aandeki na Mafarisayo wekamukhwa na kikunguma nayo umantu munge. ⁵⁴Vekasoya umukwatria kwa nkhani yakwe.

¹Ikhondo rasee maelufu miinge antu wakakihagweya itambe remwed vekaandia kijanangia, akaandia wakhanea aseyi wakwe tanju, ''Kiravi na changa ka Mafarisayo neeva uregheghe''²Kutie keupihe ne kekifihie ne ketijie kunukuwa mba intu nerefihiwe ne retijie kighea. Au umanyeka. Na ongee nemuyareghetia u kiiti, iutreghenywa uweru. ³Na kwa ongee ne muyareghetia u matrwe mungee umbee yanyu mungee ne mwirutrie yutanantywa unto a matrembe a nyumba.⁴Neumukhanea anyandughu wane, mutrawateje awoyo ne weuragha mwere na kunu watrikwete intu rengeja rotrenda. ⁵Enyenso kumukhanea wasuyu ne mwamutreja. Moghofi uyoo ne wauragha wina udoho woo jughuta naughumia kuurungu wa makhaa.Hano nkumukhanea nyenye, mutreji wasuyu.⁶Ure watrano watriurinjwa kwa seenti ivere na? Na kutrire mba umwedu wawe ne uku vitwausonge a Mungu. ⁷Enyenso mumanye vii, njee yoo metwe anyu ivatriywe mutraoghofe. Nyenye ne mukwete nsao nkuu ukea wengi.⁸Nene nkumukhanea mumuntu ne wanghovea nene usongea antu, Mwa awama Adamu ujo muhuvea usonge awa malaika wa Mungu. ⁹Enyenso wasuyu ne wankhana usonge a antu namwenso ujokhanwa usonge a wamalaika wa Mungu. ¹⁰Wasuyu ne wahanya ukhani ne uvii unto a mwana wama Adamu, ukuonewa uvaji. Ekwenso wasuyu ne wamutuka Mwahu ne Mweru, ationewa uvaii,¹¹Ne wamutroa usonge a akuu wa Masinagogi, kwa akuu na atremi, mutraoghofe unto na mwino mureghetia ne mukinenea na mpa mwino mureghetia. ¹²Kusoko Mwahu Mweru wiju umuseya mwino mwinje ureghetya kwa ikhondo raseya.''¹³Muntu umwedo u mwirindo akamukhanea, ''Museyi, mukhanee munyandughuu wane anjaghania ufande wa usai wane.'' ¹⁴Yesu akamusucha, ne anyu wanjekie netrendeke ne mwamui na muninghaneyi mukhate anyu? ¹⁵Na mwenso akawakhanea, ''Kiravi na nkumbo hiyo hiyo. Kusoko ufanga wa muntu utrifo uwinge wa matru ne uya kwatre.''¹⁶Yesu akawaera kwa wikhori, akahanya, Mughunda wa muntu umwedu mughware are uveroye ine. ¹⁷Na mwenso akakhema mughonjo akahanya, neutrendauri atikwetre kune nkueka iyoo yane? ¹⁸Kahanya, neutrenda vii. Nene nkukhononta madongha anene manyuyi ne njenge ne makuu, na ueka lyoo yane yongee na mantu angeja. ¹⁹Na nkumeerankho ane, ''Nkhoo, wakiekeya mantu maine kwa miakha minge. Truya, ulie, unywe na uyanja.''²⁰Ekwenso Mungu akahanya, wewe muntu ne umufutru utriku wa reo weufenja nkho ako ufuma kune veve, na mantu ngee nare wayatrendie eutrendeka avaanyu? ²¹Uyii kujieutendeka kwa mumuntu neukiekeye mantu na nti ukighwarefia kusoko a Mukuu.²²Yesu akwaawakhanea aseyi wakwe, kwa vii ne umwokhanea mutanghafe nkunto a mikhao anyu enyenso mulia ntuni mba unto a meere anyu -- mba muyaa ntuni. ²³Kusoko mikhao ekeye malewe, na mwere no ukemasaa.²⁴Ravi nyonyi ya kunto itriuremaa na itriutenanga. Itrikwete mbeere mba keru kotraghia, emwenso Tata wanyu ukwiesia. Nyenye mwanja ino ukea nyonyi! ²⁵Ne wafei mukhate anyu ne ukokikhasian ukudaha uongeya urifu wa mikhao akwe? ²⁶Ne mwese mutiudaha utrenda reseye intu nerinyunyii ne nyoro asike nemukhasekea oyoo angeja?.²⁷Ravii Sembe - mwino itreghetrie. Itiutenda mwemo mba itriuoghoha. Nyeso newamukhania, Mbese Sulemani kwa ukuu wakwe wongee inayenohwa kinya umwedu wa ayaii, ²⁸Mwese Mungu ukyayeneha ija matrutu au meghunda nearefo reo, na fadio eoghumewa u motro, haha ntii ino nyenye ukumuyenchana? Nyenye ne mwina uhuvei ne unyuyii!²⁹Na mutrafenje mwino mulia ntuni na muywa ntuni, na mutraje mwina woova. ³⁰Kusoko mbeyu yongee ya uremi weukhasekea mantu awe. Na Tata wanyu umanyie nee mufenja asaya.³¹Enyenso fenji utremi wakwe tranyu na ayoo angeja mujo fewa, ³²mutraoghofe, nyee irundo ne rinyiuyii, kusoko Tata wanyu waune ija uwafa nyenye utremi.³³Rinji mari yanyu na muwafe atuki, kiktrendeyi mpenda yangu neitimareya - mpamba kirunde, neitiulua, kune aivii watiuhuera na nondo itiuolaha uruanga. ³⁴Kusoko kune mpamba ako ere, hafo na nkhoo ako eutndeka erefo hafo.³⁵Masaa anyu ne marifu ese utrungiwe na mikhwa na imwe yanyu ikhwekeywe ese ifyeye uaka, ³⁶Na mutrendeke kinya antu ne wamurindee mukuu wawe ne ufumia usikonkuu a lughwe ne waja na ukhwa hodi, weudaha umurohwera kinyamwango kefando.³⁷Wabarikewe awoyo atrumami, ne Mukuu ukuwahanga wahughukie. Trute ukutrunga isaa rakwe neririfu na mukhwa, mwenso ukovikhencha fange ko malewa na mwenso ujowatrumamea. ³⁸Mwense Mukuu ujie uzamu akaveree aughoja au triku na mba zamu akatratru au ghoja, na uwahanga wighpndaneye, eutrendeka ne bahu kwa avoo atrumami.³⁹Ino kwa asaya, mumanye ra seye, mwese mukuu munya nyumba mwese umanyie ikhondo kee ne mwivii ujie, mwenso aja atriumereka nyumba akwe ikhono ntwe. ⁴⁰Trendeki mwighondaneye kusoko mutune ne ikhondo kee Mwana wama Adamu ukusuka.⁴¹Fetro akahanya, ''Mukuu, ukukukhania sese aghanjo, wikhori, na mba ukumukhanea mu muntu? ⁴²Mukuuakawakhanea, ''Anyu ne mutrughwa ne mughondaneyi nane wina ihaa ne mukuu wakwe ukumweka unto aa ntrumami wangeja, adahe uwaaghania malewa awe kwa ikhondo ne renoneye? ⁴³Ubarikewe mutrumami wasuyu, ne Mukuu wakwe waja ujiemuhanga ukutenda asaa ne wayaragheywe. ⁴⁴Tute ne umukhanea nyenye ujomweka unto a mari yakwe yongee.⁴⁵Nyenso mutrumami wasoyu neukhanya unkho akwe, ''Mukuu wane watrinya usuka; na uancha uwakhwa awayo atrumami wa kighosi na wakekhema, na uandia ulia, unyua na ughara, ⁴⁶Mukuu wakwe wasuyu mutrughwa ujie itriko ne atrireghemetre na ikhondo ne atririje, mwenso ujie umotremanga mafande fande na umweka itrambere mwedu na vasaa ne watrihulie''⁴⁷Mutrumami wsuu ne umanyie mafenji a mukuu wakwe, emwenso atrikighoneye mba atrinatrenda ija mafenji akwe, ujokhwuwa makhotia ne minge. ⁴⁸Ekwenso mutrumami ne atrimanyie mafenji amukuu wakwe, enyeso watrenda ne anoneye makao, ukukhwu wa makhotia makenji. Kusoko mwenso newafiwe ne minge, minge ujie udaiwa kune mwenso na mwenso ne wamuhuvie kwa miinge, kune mwanso vi ijo daywa ne vinge ino.⁴⁹Nene najie uacha moto kuu uremi,na ninankumbu ese waachiywe, ⁵⁰Ekwenso ne kweti ubadiso ne nkubadiswa na nina uvayii fakaukhondeke!⁵¹Nyenye mughema nene najie ureta majeghana kuuremi na ? Kutrire, ne umukhanea, enyenso ayo na retrie mufaghatro. ⁵²Nafanoi na ufyweya kutendeka antu watrano wa unyumba emwe wabaghukie, na watratru weutreandeka wehuja na wawere na wawere hiya na watratru.' ⁵³Weubaghuka, tata winje huya na mwanakwe, na mwanakwe ukutendeka hiya na tata wakwe, nyinya ukutendeka hiya na muncha wakwe na muncha no huya na nyinya wakwe, nyinya ne mukhwe no huja na mukhwe wakwe na mukhwe na hiya na nyinya ne mukhwe wakwe.⁵⁴Yesu nkaukhanea mwirundo no, ''Nekwenso mwaona marunde akidweya umweri, muhanyaa ikhondo ra mbua ra duyaa, na tute ejie. ⁵⁵Na mpefo ne mwamewa ifumie traghama muhanya. Mumwe ukurea na tute ukurea. ⁵⁶Hanyee anya lakutro, mumanyie urakanua mwiheo wa ngee na irunde ekwenso iutendeka ure mutiudaha uraka nua ikhondo nererefo?⁵⁷Ne asike ma umwedu wanyu atrarakanue ne trute mughonjo urtenda ikhondo ne rekee rina chanya au trenda uyii? ⁵⁸Soko ne wenda na musitaki wako usonge amahakimu, na hakimu akutroe kune ofisi na afisi eukujughutria umageresa. ⁵⁹Neukukhanea, 'Utiufuma kuko mpaka ukurefa mpaka igobwe ro mpeo.

¹inkhondo irero, are varefo antu ne vekamukhanea sayu o Galilaya neare Pilato akavauragha na uhanja nsahami yawe na asi yawe. ²Yesu akasucha na uvakhanea, ''Mughema a Galilaya vasaa are vena mahutrye ukea Agalilaya vange vonge kwoko vahangwa na uve wasuu? Ntiuyi, nkumukhania, ³''Enyenso ne mwandia ufeo nanyee mukuya viuyuyi.⁴Mba avoo ikumi na munane u Siloamu neare munara ukagwa na uvauragha, mughama venso ndo neare vena mahutrye ukea antu vonge vo Yerusalemu? ⁵Ntiuyi nene nkuhanya, enyenso ne mwandia ufea, nyenye nyonge no makuya.⁶Yesu akavakhanea wikhori urui, ''Muntu umwendo are una mutre are ufandie umugunda wakwe na akaenda ufenja nkhari enyenso inahanga. ⁷Akavakhania munyo rava mughunda, 'Rava umuakha itratru naja namasoya urava nkhari umutre uree na ntina hanga. Umtreme ugwe fange ne ukufira fange ndende?⁸Munyo rava mughunda akasoya na uhanya, 'Uveke mwakha uruyi ne uremie na vutrendea matofe. ⁹Nanewafa nkhari mwakha neujie, ne kuja, ekwenso ne wadiofafa uutreme!''¹⁰Fanoi, Yesu are ukuseya mukhate aisimgogi itriku ra Sabato. ¹¹Rava, areurefo mukhema umwendo, neare miakha ikumi na munane are wina makinyonyi nyonyi na mwenso are wibidie na atrina nguu kamwe yoimeka.¹²Yesu neare wamwona, akamwitrana, akamukhanea, ''Yiu waikwa ufori ufuma ukurue wako.'' ¹³Akaika mikhono akwe mukhatre akwe, na kanke mwere wakwe akakighora na nakamukurya Mungu. ¹⁴Enyenso mutremi wa asinagogi akahurwa na kusoko Yesu akamuforya itrikura Sabato na mutremi akasucha akavakhania mwirundo. kuna matriku mutrandatru neare mufenjwa mutrende mwimo njii muforywae itriku ra Sabato.'¹⁵Mukuu akamusucha na akahanya, ''Aregheghe! Kutrie mumuntu urughua ndoghwe na ng'ombe akwe ufuma umusae na uvatrongea umutroa unywa itriku Sabato? ¹⁶Uyi kanke muncha wama Ibrahimu, nare Shetani akamutrunga miakha ikumi na munane haha itinamuno neya kitrungo kankwe kitrarughwerwe itiku ra Sabato?''¹⁷Naare waregheetya nkhani ya sii, awoyo wonge ne wekamukhiya weka kira menyaa nyenso mwirundo wongee na wangeja wekakiririsya kusoko amantu wakwe ne wayatendie.¹⁸Yesu akahanya, ''Utremi wama Mungu wikhwete na ntuni, ne udaha uwikhaya na ntuni? ¹⁹Wemwino mpeke ya haradali ne muntu akamefunya wendo mofandea umoghunda wakwe, na ekakinda na ekatendeka munti ne ukuu, na nyonyi yaa unto kirunde yi katuma iririro yawe umasanja ayo.²⁰Kanke akahanya, ''Newikhoye na ntoni utremi wa Mungu? ²¹Wikhwete na changa ne mukhema akakehoa na ukekhandughia uulitra itratru ya untu faka ukasasa.''²²Yesu akaenenda mungee na kejiji munjea akakengea Yerusalemu na uwaseya. ²³Muntu umwedu akaweya, ''Mukuu ne wantu wakeyi uyii ne wajokhomowa na? '' Uyi akawakhanea, ²⁴'''Trintai, uhefea kwa ukera kinyamwango nekefinye. Kusoko winge wayosoa na watriudaha uhefea.²⁵Ikhondo ne munya nyumba waemeka na urutea ruri, arii mujoemeka unjii na ugona nyina ujosocha na uwakhanea, nene ntune nyenye mufumie.' ²⁶Nyenye muyuandya uhanya,kukalila na unyua usonge ako na vere ukaseya mukhate a metoa itru.'' ²⁷Ekwenso ajo wasucha, 'Na uwakhanea, ''Ntimanyie kune nyenye mufumie. Heghi kune nene nyee anya utrenda mahutrya!''²⁸Hafo nyenye mujorea na ulia mino ikhondo nemwanjo waona wa abrahamu, Isaka, Yakobo, na aghanga wongee kuu utremi wa Mungu, enyenso nyenye aghonjo mujuuuuuughutiwe unji. ²⁹Wajie ufuma ukeya, umweriukuma na utraya mukhate a meza a malewa a yua mpende mukhate au tremi wa Mungu. ³⁰Ne manyie ureyi, wonyuma newamwandyo na wamuandya ne wonyuma.''³¹Ikhondo irero, Afarisayo vekaja na umukhania, 'Enda na fwaya hafai kusoko Herode ukufenja ukuuvagha vee.'' ³²Yesu akahanya, ''Endi mwedo mukhania, Uyoo mura, 'Rava, numujjuncha kinyonyinyonyi na utrenda ufori reo na fadio na itriku na katratru nurimariya ihanya nane. ³³Namwese vii itrinoneye kusoko ane ufweya reo,. Fadio na itriku neresambeye. Kwoko itrinoneye umuuraha mughanga kure na Yerusalemu.³⁴Yerusalemu, Yerusalemu, anyu neukumusauragha aghanga na uvakhwa magwe avoo nevatrumiwe kune nyenye. Mihinjo inga nenkuvahangwiya ana vanyu kinya nkuku ne yuhangwiya anankukuu vakwe vonge mbaya yayo enyenso miwnareseha ireyi. ³⁵Rava unyumba ako arekwa, naare nkumukhania mutrudaha unyona namwese ne mwajo hanya, ''Ubarikiwe wasuu ne ujie kwa rina ra Mukuu.'''

¹Itiku remwedu ra Sabato, nare winje ukhaya kwa umwedu wa atrongeri wa Mafarisayo ulia mukate, venso are weumwihenga kwa fife. ²Rava, kengea hafo usonge akwe are kwina muntu nare ukukhaswa na wuumbu. ³Yesu akawaweya ana seria wa Uyahudi na Mafarisayo, ''Haha ne kuja umuforia itriko ra Sabato mpa ntikuja?''⁴Nyenso wenso weka kia twe, Yesu akamukwatra, akamuforia amwera aende kune winjie. ⁵Mwenso akawakhanea, ne anyu mukhate anyu ne wina mwana au ng'ombe ne wagwera uroje itiku ra Sabato atri muruta itrambe remwedu na umufunya unji na?'' ⁶Wenso watrina daha ufunya isocho ra iweeyo raseye.⁷Ikhondo Yesu nare wamanya mwino awayo nare wararekiwe mwino mweenso weuhwani matrumbe aikurywo, akawakhanea wikhori, akawaera, ⁸''Ikhondo nemwararikwa na muntu ungo, utra ikhae umatrume akunto, kwoko yutrendeka usifo muntu neurarikiwe wakunto ukukoa veve. ⁹Ikhondo ne muntu akavarareka nyenye mwe avere akaghea, ukukukhania veve, murekee muntu uyu, itrumbe rako na kanke kwa minyaa ukwandyo hoa itrumbe ro nyuma.¹⁰Enyenso veve ukararikwa, enda wendo kikhaa unyuma enyenso inkhondo uyoo ne waja ne wakurarikie adahe ukukhania, munya ndughu enda unsonge hafo ukuhanga kikuryo usonge avonge nemwekhe umesa mwimwe. ¹¹Kusoko mumuntu ne ukukihumbua ukusinywa, na wasuu ne ukukisimya ukuhumbuwa.'¹²Yesu kanke akavakhanea muntu ne wamurareka, neukufunya maliwa amumwi na ayampindi. Utra vararike anyandughu vako au hina vako na anyafife ne aghwane, enyenso venso vatraje vajokurarika veve na ukusukeya.¹³Ekwenso, newatrenda ngoi, vararike, atruki, irema iwetre na afoku, ¹⁴na vee ukukurywa, kusoko vatrudaha ukurifa, kusoko ujovefwa ukufitre wa anya trutre.''¹⁵Ikhondo remwe ra avoo neare vekhoe umesa itrambe remwedo vina Yesu neare watregheya asaya na mwenso akamukhania ukuriywe wasuu ne ukulya mikhatre ukutremi wa Mungu!'' ¹⁶Enyenso Yesu akamukhania, ''Muntu umwedo akatrenda ngoi nkuu, akararika antu vainge. ¹⁷Ikhondo ngoi neare adaheka, akamutrema mutumami wakwe uvakhania avoo ne vararikiwe, njee, kwoko mantu onge adaheka.'¹⁸Vonge vekaandya uromba vaonewe uvayi. Wa mwandyo akamukhania mutumami, 'Naghwa mughunda, inoneye nendoreona. Nkuomba unyonee uvayi.' Na muya akahanya, ¹⁹'Na ghua ng'ombe ikumi yaurema nanee nokoisoya nkuomba unyonee uvayi.' ²⁰Na muntu muya akahanya, 'Naroghoa mukhema, enyenso ntudaha uja.'²¹Mutumami akasuka na akavakhania muku wakwe mantu asaya nauyoo munya nyumba akahura akamukhania mutumami wakwe endaure umutaa naumahaka amaji wendo varetra hafii atruki, irema, afoku.'' ²²Mutumami akahanya, ''Mukuu asaya newaya ragheya atrendeka, na mba fanoi kuna umwari.'²³Mukuu akamukhania mutumami enda unjia ne nkuunamembe na uvakhasye antu vakie enyenso khayaane lijue. ²⁴Kusoko nkumukhania, kwa avoo nevararikiwe na kutrie neukuwonja ngo ane.'²⁵Fanoi iburi rikuu raantu arerimusambeye na mwenso akakikengeya na uvakhania, ²⁶'''Mwese muntu newaja kune nene na atamuhure ihe wakwe, yiunwake na mukhema wakwe, ana vakwe anyandughu vakwe aghasya na akhema na mwese masha akwe no atiudaha utrendeka mwanafunzi wane. ²⁷Muntu newandia uucha musalaba wakwe na uja unyuma ane atrundeka mwanafunzin wane.²⁸Kusoko ne anyu mukhati anyu ne useghetre ujenga munara atru ikhaa tranu amanye gharama kwovanya mwese una iroo neukurefenja ili udaha vasee? ²⁹Kanke neraika musingi na uremwa umaniya, voonge nevaonaa vajo andya umuheka. ³⁰vuhanya, Muntu uyui akaandya ujenge akatrendeka atrina nguu yomariyaa.'³¹Na mutremike, newasegha uenda ukikwa na mutremi ungeja ukuvee ne atruikhaa fange na uhoa useyi ne mwese ukudaha itambe remwe na antu maghana ikumi ukikhwana mutemi muya neujie unto akwe na antu makumi avee? ³²Namwese ntiuyi, ikhondo ijesi na vange kerekurengi ukutruma balozi ufenja seria ya uhuve. ³³Uvii kweiyi wasuu mukhate anyu neatrureka onge ne uyakwete atrudaha utrendeka mwanafunzi wane.³⁴Munyu ne uja, enyenso munyu newayaghaya lombe ayoyutrendeka ure munyu kanke? ³⁵Itrina neye kanke ukirongo na mbese umatofe. Ujughutrwa kure. Wasuu ne una matrue atregheya na atregheye.

¹Uvii akhua kootri wonge na wangeja ne anyamahutie wekaja kune Yesu umutregheya. Na aandeki wekanangana vekahanya. ²Muntu uyi ukuwaghenyifia anyamahutie na ukulia winawe.''³Yesu akavakhanea wenso, wikhori urui akahanya ⁴''Muntu ke kune nyenye ne wina nkhoo ighana remedu ne wayaghaya imwedu ayo, atiureka uyii makumi kenda na kenda umbugha, na ende umefenja eyeo ne ayaghaa faka amehange nyeenso? ⁵Nare wamehanga ukumvughaa umaegha akwe nau yanja.⁶Newaghea ukhaya ukuvaitrana hina vakwe na anyandughu vakwe akavakhania yanji itrambe remwedo nanee kusoko na mehanga khoo ane neare ayagha.' ⁷Numukhania viyuyi kutrendeka kuna lombe ukirunde kwoko amunya mahutye umwedo ne wahubea ino anya tute maghana ikenda na tisa neare vatrina lombe ohuvea⁸Nampa kuna mukhanake munya silingi ikumi na hela, na hela newayaghaa na silingi imwedo, atruacha kemwe na ufaghua nyumba na ufenja kwa nguu faka naijomehanga? ⁹Nani wamona ukuvaitana hima vakwe na anyandughu vakwe akavakhania yanji, itambe remwedo na nee, kwoko namehanga silingi ane neare nameyaghaya. ¹⁰Viuyino nkumukhania nyenye kuna lombe usonge amalaika va Mungu kusoko munya mahutrye umwedo newahuvea.''¹¹Na Yesu akahanya, ''Muntu umwedo are wina anavavee, ¹²Uyoone munyuyi akamukhania Tata wakwe tata mpa wai wane neunoneye usara. Kanke aka aghaniya mantu awe mukhate anyu.¹³Matriku ntimingi uyoo ne munyunyi akahangwiya onge ne ukwetri akaenda unge akure na kuko aka tamantya hela yakwe ufutu. ¹⁴Namwenso nare wamaveya utrumia onge njaanku ikahefea unge isee na mwenso akaandya ufenja.¹⁵Akaenda na uhuvea mwenso kwa umwedo wa muntu wonge isee, na mwenso akamutoa umughunda wakwe uliya nguma yakwe. ¹⁶Na akasaghaneya ukilisya kwa mabada nevalya nguma kwoko kutie muntu newamufaa intu ringe ahange ulya.¹⁷Enyenso uyoo mwana munyunyii ne akakatrea, unkhoo akwe, akahanya 'ne atumami vanga vama Tata wane vina maliwa minge nanee nifo afayi nokuya na njaa! ¹⁸Nufwaya na ninji kune Tata wane, naumukhania Tata na hutya unto airunde na unsonge amiho ako. ¹⁹Niinoneye uitanwa mwanako kanke nitrende mwino umwedo wa atumami vako.''²⁰Naakauka akaenda kune Tata wakwe. Neare we kure Tata wakwe akamwona akamwona uvayi akaenda ure umukumbatria na umutromya. ²¹Mwana uyoo akamukhanea, Tata nahutya unto airunde na unsongeamiho ako ntioneye uitanwa mwanako.'²²Tata wasuu akavakhanea atumami vakwe, 'Rietrirue isaa neija, mumuyeghe muyenchi na fete umwaya na matu umighuu. ²³Kanke muteti mwanyehe ne ughinie amukikitre kulye na kuyanje. ²⁴Kusoko mwanane are wakuyaa fanoi mufanga. Are wayaghee fanoi wakighea vekakiririsya.²⁵Ikhendo are muuna wakwe are ukumughunda. Are waja na umehweya nyumba akatregheya ruri wa nyimbo na minisyo. ²⁶Akamwetana umwedu wa atumami akawaweya mantu ayayi soko ayo ntuni? ²⁷Mutumami akamukhanea muuna wako waja na tata wako wamukikitria ndama neeghenia kusoko wamuhanga wasuka mufanga.'²⁸Mwana wakwe ne mukuu akasimba akahita ukea unyumba na ihe akafuma unji umofefetra. ²⁹Mwenso akamusocha ihe wakwe, akahanya, ''Raava nene nakutrumekee miakha minge, nantinarua itagheyo rako, na kee veve winampaa mwamburi, ne dahe utrenda serehe na wambuyane wane. ³⁰Ekwenso mwanako uyi neare waja newalile mari yako yonge itramberemwe na afumbu veve wamokikitrea ndaama eyeo nerghenie.³¹Tata akamwera, 'Mwanane, wewe kinako matiko onge na oonge nene yakwete ne ako. ³²Are inoneye kutende sikunkuu na yanja uyuyi muunako aree wakuure na fanoi mufanga, are wayaghae na wighea.''

¹Yesu akawakhanea kanke aseyi wakwe, ''Are urefo muntu umwedu mughware naare ukweti meneja na akakhaniwa ne meneja uyui ukutanantya sariyakwe. ²Kanke akamuretana, akamukhanea, ''Ntuni iyeyi nene metegheye kune veve? Heya mafaryo ameneja wako, kusoko utrudaha utendeka meneja kanke.'³Meneja wasuu akahanya unkhoo akwe, 'Ntende ntuni kwoko mukuu wane ukungeyeya mwimo wane wa umeneja? Ntikwetre nguuyorima kukuomba nkuomba ayai. ⁴Nemanyile ne nune tenda, enyenso nenaheywa unwimo wane auramua antu vangweye umakhaya awe.⁵Uvii akavitana anyahire vamukuu wakwe mumuntu akamukhania wamwandyo, 'Ukudaywa helinga na mukuu wane?' ⁶Akahanya ifimo ighana remwedo ya makutra akamukhania, 'Hora ibadarako ikhaa ure andika makumi atano.' ⁷Kanke akamukhania, ungeja navee ukudoywa helinga?' Kilo ighana imwedo ra utuwangano.' Akamukhania hora ibada rako andika makumi imunane.'⁸Mukuu wasuu akamukurya meneja ne muhughangu kusoko akatrenda kwa ijaa. Kusoko ana vauremi ne ahughu na vukikhasya na uhughu na antu vakhawe ukea ana va mweru. ⁹Naane nkumukhania kitrendeyi uhinana na mantu aughughangu enyenso ne ajoura vamuhweye umikhao akhae.¹⁰Wasuu ne unauhuvei kwarasee ne reyuyii ino ukutrendeka una uhuvei kwa rasee ne iko ino na nemuhughangu ura see nerenyu ukuhendeka muhughanga na urasee ne ikuu ino. ¹¹Nambese nyenye are mutrina uhuvei umantu auremi anyu ne ukumufa nyenye mari atute? ¹²Namwese are mutrina uhuvei wotrumia mantu amuntu ungeja anyu ne ukuvafaa neanyu nyenye vayo?¹³Kutrie mutumami ne ukudaha utumikie akuu vavele, kusoko ujomuhura umwedo na umuyanja ungeja mba ujokikwatreya na uyui na umwenso muya mutudaha umutrumikia Mungu na mari.¹⁴Na Afarisayo, neare vayanjitre hela vekayatregheya ayai onge na vekamujamaniya. ¹⁵Na akavakhania, ''Nyenye ndo mukighonjeya tute unsonge aantu, enyenso Mungu uimanyie nkhoo yanyu. Kusoko nerakuhanga kwa antu ne huri kune Mungu.¹⁶Seria na aghanga areyerifo faka Yohana neare waja. Fuma ikhondo rasee sayu njija autremi wa Mungu yutanantywa na mumuntu ukweya ukihefeya kwa nguu. ¹⁷Enyenso ne kuoro ukirunde na unge ukea ukahada kamwedo ka seria uheywa.¹⁸Mumuntu ne wamurekie mukhema wakwe na uroghoa mukhema muya ahutye na wasuu ne wamuroghoa wasuu ne warekwa na mughohi ahutye.¹⁹Arekuna muntu umwedo mughwari are uyetre masaa arangi a sambarau na mputi aketari ne njija neare uyanjitre ughware wakwe ne ukuu. ²⁰Na matruki umwedo rina rakwe Lazaro akaikwa ukinyamwango kakwe, na una maronda. ²¹Namwenso are useghetre aikutrime na makhokho ne are yugwa umesa amughwari wasuu na mbwa yikja yamurambanga maronda akwe.²²Ikatrendeka mutruki wasuu akakuya na akahowa na Malaika faka ukikua kama Ibrahimu. Mughwari wasuu no akakuya waikwa. ²³Nakuko ukuzimu are urefo umakhasiko akahumbua miho akwe akamwona Ibrahimu kikurekure na Lazaro ukikwa kakwe.Akarea akahanya, 'Tata Ibrahimu, nyonea uvayi umutrume Lazaro ahombye nsonge amwaya wakwe umaji auyanjisye ureme wane kusoko nukhasywa umotro urui.²⁵Enyeso Ibrahimu akahanya, 'Mwanane kumbuka ne uduvi wako ukahanga mantu ne maja, na Lazaro no akahanga ne mave, enyeso fanoi we hafai ukuyanja na vee. ²⁶Na mbese asaya ong'e raikwa ikhombo ne ikuu na rirundu mukhatre itru, enyeso avoo ne veufenja ufuma kunui uenda kune nyenye vatradahe mba antu va khanyu vatraje kune sese.'²⁷Mukhware wasuu akahanya, 'Nkukuomba Tata Ibrahimu, mutrume ukhaya kune tata wane ²⁸kusoko nina anyandughu vatrano, enyenso avaraghie kwo trija ne navenso vajie hafayi umakhasiko.'²⁹Enyenso Ibrahimu akahanya, 'Urefo Musa na aghanga vareke vavatregheye venso. ³⁰Mughwari wasuu akahanya, 'kutrie, Tata Ibrahimu, enyenso ne wenda muntu ne ufumie kwa akuyi vukuvea.' ³¹Enyenso Ibrahimu akamukhania ne wadio vatregheya Musa na aghanga vatrudaha uvafefeheya na mbese muntu ufuma kwa akuyi.

¹Yesu akawakhanea aseyi wakwe, "Mantu ne usacha antu watende mahutye atrina soko udyeya, Ekwenso hehe akwe muntu wasuu ne ajie soko akwe! ²Aja inoneye mwese muntu wasuu atrungiwe igwe ne ririto rosiera unkingo na ujughutwa kirambo ukea umsacha umwedu wa avai ne anyui atrende mahutye.³Kiravi. Nembese muuna wako wakuhutya mwonye, newafea mahutye mwonee uvayi. ⁴Nee wakuhutya mehenjo mufunkate kwa itriku remwedu na usuka kanke mehenjo mufungate kune wewe nauhanya, 'mwonee,' uvayi!"⁵Atrumami wakwe akawakhanea Mukuu, "Kuongeye uhuvei witru." ⁶Mukuu akahanya, "Mwese nyenye mukweti uhuvei kinya mbeyu a haradarii, ajamudaha ukhanea mukuyu urui khukhuka na ukinde kirambo,' aja ukumutregheya.⁷Nyeso anyu mukhate anyu, nee wina mutrughwa wa umuremea mughunda na mpaa umudemeya nkhoo, ne waja ufuma umughunda, ukumukhanea njuu rue na kikhaa ulye malewa? ⁸Haha atriumukhanea, 'Ng'ondaneya malewa nelye, na kitrunge mokhwa na untumekiee mpaka nedahe ulya na unywa. Kanke hafo ukulya na unywa na?⁹Ukufuma asi mutrughwa wasuyu kusoko watrenda ayoo ne waragheywe? ¹⁰Viuyi nanyee ne mwadaha uyatenda ne mwaragheywe hanyi sese kwatrughwa newatrinoneye. Kwatendie ayi ayoo ne akunoneye utrenda.'¹¹Ekadweya vii naare ukumohenjo winje Yerusalemu, akakera umpeo aa Samaria na Galilaya. ¹²Naare wohefea ukijiji kemwedu, kuko aktrag'hana na antu wi ikumi are wina mabuba. Wenso wekaemeka kure ¹³wekahumbu nduuri yao wekahanya "Yesu, Tata kuuonee uvai."¹⁴Naare wavaona akawakhanea, "Endi mwende kighea nyenye kune makuhani." Na mwino are veuenda vinje wekaera. ¹⁵Umwedu mukhate awe neewajo ona wafora akasuka kwa unyuma akamukurya Mungu kwa ruri ne ukuu. ¹⁶Na akatrungama fang'e umeghuu ama Yesu akafunya asi. Mwenso are msamaria.¹⁷Yesu akasucha, akahanya, "Haha watrina era wong'e ne wi ikumi? Wekufeyi awoyo wangeja kenda? ¹⁸Vinakighe na umwedu usuka na ufunya ai umukuria Mungu, ikwenso uyui mugheni na?" ¹⁹Akamukhanea, "Emeka na wende kune wije uhuvei wako wakuforya."²⁰Newajoweywa na mafarisayo utremi wa Mungu ujie nanae, Yesu akawasucha akahanya, "Utremi wa Mungu nti kentu ne keudaha ukighea. ²¹Mba antu vatijie uhanya, 'Kengei we hafai mba kengei we kukoo!' kusoko utremi wa Mungu urefo mukhate anyu."²²Yesu akawakhanea aseyi wakwe, "Ikhondo rejie ne mwojosegha ureona itriku remwedu ra mwana a Adamu, nyeso mutrijoreona. ²³Wajie umukhane, nyenye ravi wehafoo! Ravi, Wehafai!' Enyeso mutraende uravamba uwasambeya, ²⁴mwino ufeeto neukufeta na umweka kirunde ufuma ung'ande imwe faka ung'ande mbuya. Uvii mba mwana wa Adamu ujotrendeka vii itriku rakwe.²⁵Ekwenso tanju unoneye ahange akhaseko umantu ne mainge na uhitwa na ufafo uroyi. ²⁶Mwino are matiku ama Nuhu, uyii kujieutendeka umatiku a Mwana wa Adamu. ²⁷Are veulya na unywa are veuroghoa na uroghowa, mpka itiku raseye ne Nuhu newajohefea u safina na gharik ikaja uwamaa weenso wong'e.²⁸Viuyi mwino ikhondo ra matiku ama Lutu, are veulya na unywa, ae veughua na urinja, no urema na ujenga. ²⁹Ekwenso itiku raseye Lutu newajohegha u Sodoma, ekaraghera mbua a moto na kberitri ufuma kirunde ekawamaa wong'e.³⁰Uvi uyi kujie utendeka itiku raseye ra mwana wa Adamu newajorughwerwa. ³¹Itiku rasee utamuyanjeye ne we kunto aitembe ra nyumba asime uhoa mari akwe mung'he anyumba na atumuyanjiye wasuu ne ukumughunda atasuke ukhaya.³²Mukumbukwi mukhema wama Lutu. ³³Wasuyu neukufenja ufania uduvi wakwe ukuuyaghaya, ekwenso wasuyu ne ukuuyaghaya uduvi wakwe ukuufonia.³⁴Kumukhanea utiko wasuyu kujotendeka na antu wawere waree ukitanda kemwedo. Umwedu ujohowa, na moya ujorekwa. ³⁵Kujotendeka na akhema wawere weeusia iyo itramberemwe du, umwedu ujohowa na ungeja ujorekwa."³⁷Wakamwuliza, "Wapi, Mungu?" Akawaambia, "Pale ulipo mzoga, ndipo tai hukusanyika kwa pamoja."

¹Na mwenso akawakhanea wikhorimwino inoneye uromba kutrufu, na mutraurye nkumbu. ²Akahanya, ung'e imwedu are kwina muramui umwedu naare atiumutejaa Mungu na atiusegha antu.³Nare urefo muhimbe ung'e iseye are ukwendanga kutrufu mehenjo minge, uhanya, 'njareya uhanga haki ane mukhate a murughu wane.' ⁴Kefando kerifu are ukuhita umwareya, wkwenso kefando akakighemaney mwenso unkho akwe namwese nene ntrumwoghofa Mungu na ntiusegha antu, ⁵ekwenso soko a muhimbe uyui neukunkhasia kumwuareya ahange mali akwe, atraje unkhataya ung'anga gutrufu."⁶Na Mukuu akahanya, 'Tegheeyi mwino ukuhanya hakimu wasuyu munya mahutye. ⁷Na Mungu atureta tute kwa ahwanwi wakwe ne wemorera mwomwe na utriku? Na mwenso atrutendeka wina ughemeyi kune weenso? ⁸Nkumwokhanea vii ujieureta tute ruee kune wenso. Enyeso ikhondo ne mwana wa Adamu newaja ujie uhanga uhuvei kuuremi na?'⁹Akavakhanea no wikhori urui antu wangeja ne vikengee aghonjo mwino chu anya tute na uvahorya antu vangeja, ¹⁰"Antu vavee vekaenda uhekalu uromba: umwedu Mfarisayo muyaa are mukhua kooti.¹¹Farisayo wasuyu akaemeka na uromba vii mwenso mughonjo, 'Mungu, nkukurumba vee kusoko nene ntimwe antu waneja ne ahembi antu ne watikwete trute, anyachaka, nevikinya mukhwa kootri uyui. ¹²Nene kufungaa kaveere kwa ijuma remwedu, na nkufunyaa ifungu ra ikumi ra mari yane yoong'e neenkwihanga.'¹³Enyeso mukhua kooti, kaemeka kuurengi aina soya uhumbua miho akwe kirunde, akaketuanga kekuo kakwe akahanya, 'Mungu, nyonea uvayi nene ne munya mahutie.' ¹⁴Nene nkumwokhanea muntu uyuyi wendie ukhaya mwenso wavareywe tute ukeea uyo muya, kusoko wasuyu ne ukihumbue ukusimiwa, kwenso mumuntu ne ukinyumpiye ukuhumbuwa.'¹⁵Antu vekamwetea ang'hinyawawe ne aderu, soko adahe uvatenya nyeso aseyi wakwe newajoona asaya vekawakenea. ¹⁶Ekwenso Yesu akawaetana vende kune mwenso akahanya, 'Wareki ang'inya ne adeu waje kune nene nyeso, mutrawag'hiye kusoko utremi wa Mungu e wa antu ne wikinya awayi. ¹⁷Tute, nene ngumukhanea muntu wasuyu newadea usengeya utremi wa Mungu kinya mwana ne mudeu ne tute atriu hefea.'¹⁸Mutongeri umwedu akamuweeya, akahanya, 'Museyi muuja, netende ure nene ne usae ufanga wa khare na khare?' ¹⁹Yesu akamusucha, asike neukunjetrana nene muuja? Kutrie ne muja, ekwenso Mungu iyenedu. ²⁰Veve umanyie maragheyo- utralidahe, utrauraghe, utraivee utraregheghe, vakurye va hoo vina yiu wako. ²¹Yule uyoo mutrongeri akahanya, 'Mantu ayai ong'ee nayakwatere nare nkee ne mung'iya.'²²Yesu nare watregheya asaa akawakhanea, "Ukefewe intu remwedu veve ghuria oong'e neuyakwetre uwaaghanie atruki, wewe ukutendeka ukwete mpamba kirunde - na uje ung'honge nene.' ²³Ekwenso mughware ne wajotregheya asaya akahura ino, kusoko are mughware ino.²⁴Yesu nare, wamwona mwino are wahura ino akahanya, 'Mwino chu kukaku kwamughware uhefea kuutremi wa Mungu! ²⁵Kusoko ne rui ino ngamia ukea ukiboyo rasindano ukea umughwari uhefea ukutremi wa Mungu.'²⁶Avoo nevategheya asaa, 'vekahanya, anyu usuu naikudaha ukhomowa?' ²⁷Yesu akasucha, Mantu ne atrudaeka umuntu Umungu yudaheka."²⁸Petro akahanya, 'Naam, sisi tumeacha kila kitu na tumekufuata wewe. ' ²⁹Kanke Yesu akavakhania, Amin, numukhania ne kutrie muntu newarekie khaya mba mukhema mba anya ndughu, mba afafimba ana kusoko autremi wa Mungu, ³⁰wasuu ne atrufokea ne minge ino ukuremi urui na ukuremi ne ujie, ufanga wa khae na khae.'³¹Neare wavahangwiya avoo ikumi na vavee, kavakhania, 'Ravi, kunatria uenda u Yerusalemu, na mantu ong'e neare aandikiwe na aghanga kuhusu mwana wama Adamu ukhondeka. ³²Kusoko ukuikhua umikhono amuntu va ndughu yong'e na ukutendewa ghuyeda na utrewa matre. ³³Neare wakhuwa makhotroya veumuuragha na itriku vakatratru ukufetya.'³⁴Venamanya mantu ayai, na ukhani urui are ufihiwe kune venso na venamanya mantu ne ikahanywa.³⁵Neare Yesu wahwera u Yeriko, muntu umwedo mufokuare wikhe umpeo aifanda ukuomba aariywe, ³⁶ne wajotregheya irundo raantu akawiya ntuni ne odiulya? ³⁷Vekamukhania vii Yesu wo Nazareti ukukia.³⁸Na mufoku wasuu akania kwa ruri, akahanya, 'Yesu, Mwana wama Daudi, unyonee uvayi nene.' ³⁹Wasa neare vuenenda vekamuangira mufoku wasuu, vekamukhania akie. Ekwenso mwenso akatrongea urea kwa ruri, 'Mwana wama Daudi, unyonee uvayi.⁴⁰Yesu akaimeka akarekea muntu usuu aretwe kune mwenso. Neare mufoku wasuu wamuhweya Yesu akamuwiya, ⁴¹'Akamuwiya ukufenja nekutrendee ntuni?' Akahanya, 'Mukuu, nufenja nione.'⁴²Yesu akamukhania, 'Uhange uona uhuvei wako wakuforyaa.' ⁴³Hafoyiyo akaona akamusambeya Yesu kunu ukumukurya Mungu. Vajoona vasee antu vong'e veka mukumajua Mungu.

¹Yesu akahefea na ukea mukhate ang'e a Yeriko. ²Na hafo are kwina muntu umwedu kuetwa Zakayo. Are ukujaa mkuu wa akhwa kodi muntu wasuyu are ukuja mughwari.³Are ukusoya umwona Yesu ne muntu ne wewure, enyeso atinadaha umoona kusoko a winge wa antu, kusoko are mukufeyii wa chimo. ⁴Na vii akatongea udurie usonge a antu, akanantia unto a mukuyu gusoko adahe umwoona, kusoko Yesu nare wahumbea ukera unjea aseye.⁵Na Yesu naare wafika hafo akarava unto na akamukhanea, 'Zakayo, sima ruue, kusoko enoneye nikhae reo.' ⁶Akatrenda ruue, akasima na akamughenyifya kwa uyanjo. ⁷Antu wong'ee newajoona uyii, wekahura wekahanya mwenso wenda umusoya muntu ne wina mahutye.'⁸Zakayo akaemeka akamukhanea Mukuu, Rava Mukuu nusu a mari yane nkuvafa atuki, nembese namuheye muntu kentu kumusocheya mehenjo ene.' ⁹Yesu akamukhanea reo utyoyi wafika unyumba eyeii kusoko mwenso no ne mwana wama Ibrahimu. ¹⁰Kusoko mwamuntu wajie ufenja na ukhomoa antu ne wayaghae.¹¹Ne wajotregheya ayai akafweeya uvakhanea akafunya wikhori kusoko are wahumbea na u Yerusalemu, na wenso are waghema vii utremi wa Mungu are wefife kighea itrambe remwedu. ¹²Na vii akawakhanea, 'Mutemi umwedu akaenda ung'e akurengi adahe ufewa utremi na kanke asuke.¹³Akawaetana atumami wakwe ikumi, akawafa marundo ikumi ahela akawakhanea, trendi usuji mpaka kune nejie.' ¹⁴Enyeso anya ng'e wakw wekamukhora na vii wekatruma ajumbe wende umusambeya na uhanya, kutriseghete muntu uyuyi atendeke mutremi witru.' ¹⁵Naare wasuka ukhaya nare watendwa mutremi akaragheeya atumami wasaa nare wavarekee hela waetanwe kune mwenso adahe umanya nsao kee ne wamehanga nare weusuja.¹⁶Na mutumami wa mwandio akaja, akahanya, 'Mukuu, hela yako yafafa ingeja ikumi naongeya.' ¹⁷Uyuo ofisa akamukhanea watenda ija mutumami ne miya kusoko are wemwighuuyo kwa intu nerinyuyii, ukukutenda wibale ung'e yi kumi.'¹⁸Wa kavere akaja akahanya, 'Mukuu, hela yako yafafa ingeja itano.' ¹⁹Wasuyu Afisa akamukhanea, hoa mamolaka ung'e itano.'²⁰Na mwoya akaja, akahanya, 'Mukuu cheye hela ako nare na mekundekie ija kifembu ra isaa, ²¹kusoko ne nkaoghofa kusoko wewe umuntu mukaku. Veve ukuheya kune winaeka na utenang kune wina fandea.'²²Mwenso ofisa akamukhanea, kwa nkhani yako mughonjo, nkukuramua, veve mutummi ne muve. Are umanyie mwino nene ne muntu ne mukhare nkuheya kune ntingekafang'e na utenanga kune ntinafandea. ²³Asike vee winaeka hela yane ubenki ne nenasuka neje uihoa itambeemwedu na sao?²⁴Ofisa akawakhanea antu wasaa nare wemekie hafo, 'Muheyi hela yasii na mumufe wasuyu ne ukweti siingi ikumi.' ²⁵Vekamukhanea, 'Mukuu, wasuyu ukweti sao mafunju ikumi.'²⁶'Nene nkumukhanea nyenye mu muntu ne ukweti kentu ukufewa, ekwenso wasuyu ne atikwete kentu ukuheeywa na kaseke ne ukekweti. ²⁷Enyenso awayi arughu wane ne watriufenja nene netendeke ne mutremi wawe, vareti hafai na muwauraghe usonge ane."Naare wareghetia ayai akafweeya usonge uenda Yerusalemu.²⁹Naare wahumbea Bethfage na Bethania, fife na ukitanto ko Mizeituni, akawatuma aseywi wakwe vavere, ³⁰akavakhanea: 'Endi ukijiji ne keusonge anyu. Nemwahefea mwinju muanga mwandoghwe akee aina nantiwa muhambweyi, mumurete kune nene. ³¹Nee muntu wavaweya, nyee asike ne wamutrungwera? 'Muhanye vii, "Mukuu umuseghete."³²Awoyo nare watumiwe wekaenda wekamwona mwandoghwe mwino Yesu are wavakhanea. ³³Naare veumutungwera mwandoghwe aghonjo weka wa khanea asike ne mumutungwera mwandoghwe uyui?' ³⁴Vekasucha, 'Mukuu umuseghete.' ³⁵Na wekamutroa mwandoghwe wasuyu kune Yesu na vekaara masaa awe unto a mwandoghwe na wekamunante ya Yesu unto akwe. ³⁶Na mwenso nare ukwenenda antu wekaara masaa awe ubabaa.³⁷Nare wafika fife na muning'ino wa kitranto ka Umizeituni, iburi rong'e ra aseye wakwe wekaandi kiririsia na umukuria Mungu kwa nduri ni nkuu kusoko amanto ne makuu ne wayaona, ³⁸vekahanya, 'Aforiwe mutremi ne ujie kwa rina ra Mukuu! majeghana kirunde, na ukuu unto!'³⁹Na Mafarisayo weketunga nare ve mukhate a mwirundo vekamukhanea, Mweenso museyi wakiye aseywi wako.' ⁴⁰Yesu akasucha, akahanya, 'Neumukhanea nembese avai wakie magwe eukurya mukindo.'⁴¹Yesu naare wahumbea fife na ng'e akamerera, ⁴²akahanya, eseaja bahu vee reo umanyie mantu ne eureta majeghana! Ekwenso fanoi afihiwe umiho ako.⁴³Kusoko matiku ajie kune vee arughu wako wajie ukitra ukita fife na wee na ukofimeya na ukwonyateya ufuma ng'ande yoong'e. ⁴⁴Na veeukukhweya fang'e wewe na ana wako na vatiu kurekea igwe ne reemekie unto aigwe reuya kusoko winamanyaa ikhondo naare Mungu wajie ukukhomoa.'⁴⁵Yesu akahefea uhekalu akaandia uwajuncha awoyo nere weurinja, ⁴⁶akawakhanea, 'Eandikiwe, 'Nyumba ane utendeka nyumba a marombi,' Ekwenso nyenye mwamwetenda ifango ra ahembi."⁴⁷Kwe vii Yesu are ukuseya matiku ong'e uhekalu. akuhani na akuu na aseyi waseria na atongeri wa antu wekafenja umuuragha mwenso, ⁴⁸ekwenso watinadaha uhanga njia utenda uyii kusoko antu wong'e are wamutegheye kwa ukhava.

¹Itiku remwedu, Yesu naare ukuseya antu uhekalu na utanatya sayu ne njija makuhani na akuu na aseyi wa seria vekamuhanga itamberemwe na anyampaa. ²Wekareghetya na umukhanea, kukharie, ni kwa udaho kee ukutenda mantu ayai? Ne anyu wasuyu ne wakufie vee nguu iyii?"³Mwenso akawasucha, akawakhanea, 'Nanee kuwaweya iweyo nkhanei, ⁴ubatizo wama Yohana. Je, ufumie kirunde nampa ufumie kwa antu?'⁵Na venso wekakiweya mu muntu na muyakwe vekahanya, 'Nempa kuhanye, 'Ufumie kirunde, ukuhanya,'Asike ne mwinamuhuvia?' ⁶Ekwenso nempa kuhanye ufumie kwa antu antu voong'e veukutua na magwe kusoko wong'e wahuvie mwino Yohana are mughanga.'⁷Navii venso wekasucha kutune kune ufumie. ⁸Yesu akawakhanea, "Nyeso nene ntuimukhanea nyenye ne kwa udaho kee kutenda mantu ayai."⁹Akawakhanea antu wikhori urui, muntu umwedu akafendea mughunda wa mezabibu, akakodisya kwa anya urema wa mezabibu, na akaenda ung'e ingeja akakikhaa karifia. ¹⁰Nare ikhondo raghea, akatruma atumami kwa anya urema wa mezabibu, wamufe mwenso nkhari ya mughunda wa mezabibu. Ekwenso anya urema wa mezabibu weka mukhwa, wekamusucha mekhono metrufu.¹¹Na mwenso akatruma matumami ungeja, na wenso vekamukha na umutendea mantu amenya ino na vekamujuncha akasuka mekhono metufu. ¹²Akamutuma wakatatu uyui no vekamutendea nkhome wekamujughuta umpeo a mughunda.¹³Mughonjo wa mughunda akahanya, 'Nkutenda ure? Nkutuma mwanane ne muyanjwa. Fangeja veumuoghofa mwenso.' ¹⁴Ekwenso anya urema naare wamwona mwenso vekahanya, venso kwa venso nohanya, 'Uyuii mwenso musai ne kumuuraghe usai wakwe utendeke witu.'¹⁵Wekamufunya unjii a mughunda wa mezabibu weka muuragha. Haha mukuu wa mughunda u kuwatenda uree? ¹⁶Ujie uwauragha anya urema mezabibu, na uwafa wangeja mughunda wasuyu". 'Naare wategheya a saa, wekahanya, 'Mungu wahitaa.'¹⁷Ekwenso Yesu akawakhamechia miho akawarava akahanya, ''Haha iandeko ereyi rina maana ayo ntuni? 'Igwe newarihitie ajengi, raire igwe ra umpeo na'? ¹⁸Mumuntu ne wagwire unto aigwe rasee, ukutenekanga mafegha mafegha. Ekwenso wasuyu ne ramugwera reumuturanga.'¹⁹Evii aandeki na akuu wa makuhani vekafenja njea o mukwata ikhondo erero, erero, wekamanya soko are akahanya wikhori wasuu are uwaghokee wenso. Ekwenso wekawaoghofa antu. ²⁰Wekamurava kwa uringaheya, wekatrum anyauwerenkeya wikakitenda wenso ne antu watute, wahange na uhanga mahutie kwa nkhani yakwe wadahe umutroa kwa atrawala na anya ukuu.²¹Venso vekamuweeya na uhanya, "Museyi kumanyie mwino wewe ukureghetia na ukuseya mantu atute na utiukhanewa na muntu ungeja, wkwenso wewe ukuseya tute unjea a Mugnu. ²²Ure, ne kuja kune sese ufunya kooti kune Kaisari, nampa ntikuja?"²³Nyeso Yesu akamanya masegho awe akawakhanea veenso, ²⁴"Ndagheei hela. Ikweete ikeero rama anyu na mutrojo wama anyu neurefo unto akwe?" Wekasucha, "Ama Kaisari."²⁵Hamwenso akawakhanea, 'Ari mufi Kaisari nee akwe Kaisari, na Mungu no mufi ne akwe Mungu.' ²⁶Aandeki na akuu wa makuhani wekatendeka watikwete udaho woreghetia asaya neakayahanya usonge a antu. Na wenso vekataka masucho akwe na vinareghetia intu na remwe.²⁷Hafo Asadukayo weketrunga wekamuhanga, awoyo ne weuhanya vii kutire ufetyo, ²⁸wekamuweya, wekahanya, "Museyi, Musa akakuandekea vii mwese muntu ne wakuyewa na muuna akwe newina mukhema ne atikwete mwana mwenso enoneye amusae mukhema wa muna akwe na ufafa winakwe kusoko amunakwe.²⁹Are warefo ana amuntu vemufunkate wamwandio akaroghoa, mukhema, akakuya akee atikwete mwana, ³⁰na wakavere no uyi. ³¹Na wakatatu no uyi viuyi akamusaa viuyuyi wa mufunkate inamurekea wana akakuya. ³²Kanke uyoo mukhema wasuyu akakuya. ³³Uvii itiku ra ufetyo ujieutendeka mukhema wama anyu? Kusoko voong'e mufunkate vamuroghoe.'³⁴Yesu akawakhanea, "Antu wa uremi uruyi weuroghoa na uroghowa. ³⁵Ekwenso wasaa ne wawareywe uhanga ufetyo waufuma kwa akuyi na uhefea kuufanga wa khare na khare watiuroghoa na watiuroghowa. ³⁶Kwenso watiudaha ukuya kanke, kusoko wenso wikhwete na wamalaika na ne wana wa Mungu, wana wa ufetyo.³⁷Ekwenso viuyuyi mwino akuyi veufetywa, Musa no waraghiwe kune are nkhani ya intunku, hafo naare wamwetana Mukuu Mungu wama Ibrahimu, na Mungu wama Isaka na Mungu wama Yakobo. ³⁸Mwenso nti Mungu wa akuyi, ekwenso Mungu wa antu ne afanga, kusoko wonge wekikhaa kune mwenso.''³⁹Na aseyi veketunga wa seria wekamusucha, ''Mweyi, wasucha ija.' ⁴⁰Wenso watinasoya umuweya maweyo angeja kanke.⁴¹Yesu akawakhanea, 'Antu weuhanya are mwino Kristo ne Mwana wama Daudi? ⁴²Kusoko Daudi mwenso ukuhanya uketabu ka Zaburi: Mukuu akamukhanea Mukuu wane: ikhaa umukhona wa kelelo, ⁴³mpaka newaeke arughu wako fange ameghu ako.' ⁴⁴Daudi akamwetana Kristo, 'Mukuu, 'Nare ukutendeka ure Mwana wama Daudi?''⁴⁵Antu wonge nare wamutregheya akawakhanea aseyi wakwe, ⁴⁶''Kikavi na aandeki, newayanjetye uenenda wauyetye masaa ne marifu, na wayanjetye ukikhaa usokoni na uramuchwa, na ukikhaa umatumbe ne maja ahesimiwa u masinagogi na nkhani ya hesimiwa usikunkuu. ⁴⁷Wenso no veulia nyumba ya ahimbe na veukitenda mwenso weuromba marombi ne marifu. Wenso vaije ahanga uramwi ne ukuu ino.'

¹Yesu akavarava akhosia ne aghware nare veufunya dahwa yawe untotro. ²Akamwona muhimbe umwedu mutuki ukufunya senti ivee. ³Mwenso akahanya, "Tute nkumukhanea, uyuyi muhimbe ne mutuki wafunya nyinge ukeea wangeja wong'ee. ⁴Avii wong'e wafunya dahwa iyii ufuma kune nyinge newa yikwete. Ekwenso uyuii muhime, kwa utuki wakwe wafunyaa hela yong'he nare uyikwete kwa uduvii wakwe."⁵Na antu weketrunga are veureghetya sayu ahekalumwino are redonie na magwe ne maja na sadaka, mwenso akahanya, ⁶"Kwa nkhani ya mantu ayai mwino chu muyakengee, matiku ajie neretiusagha igwe mba remwedu unto igwe reuya neretiukhonontwa."⁷na venso vekamuweya, wekahanya, "Museyi mantu ayai eutendeka nanae? Nane ntuni na ndolyo yayo ntuni nemantu ayayi afife udweya?" ⁸Yesu akasucha, mutendeke muhughukie nyenye mutakhongwe. Kusoko wange wajie kwa rina rane ne veuhanya, nene ne mwenso, na ikhondo ra humea mutra wa sambeye. ⁹Ne mwategheya urughu na mukindo kindo mutaoghofe, kusoko mantu ayai anoneye adweye tanju ekwenso mpeo itijie kinya hafe."¹⁰Kanke akawaera, "Ndughu ijouka ikikhwa na ndughu igeja na utremi ukikhwa na utremi woya ungeja. ¹¹Kutendeka na tritra ne nkuu na njaa na marue u ng'ee hiya hiya. Kutendeka kwina mantu ne makuu ooghofia na ndolyo yo oghofia ufuma kirunde.¹²Ekwenso nee akee mantu ayai ong'e weueka mikhono awe unto anyu na uwakhasia, veumutoa u masinagogi na umageresa, na uvareta usonge a atremi na anya ukuu kusoko a rina rane. ¹³Erei reumurughwera ikhondo ra usuhuda wanyu.¹⁴Kwa vii ramui unkhoo yanyu udeaughondaneyaufefeheyi wanyu rue, ¹⁵kusoko neumufa nkhani na mahaa, ne arughu wanyu wong'e watriudaha uhita nampa ukhna.¹⁶Ekwenso mujohitwa no na afafi wanyu, na aruuna vanyu, na antu wa khanyu na wambuya wanyu, na wangeja mukhate anyu wajie uuraghwa. ¹⁷Nyee mujohurwa na mu muntu kusoko arina rane. ¹⁸Kwenso utriuyaghaa ujee na umwedu wa umetwe anyu. ¹⁹Nanyee sook aughimeyi wanyu mufonia nkhoo yanyu.²⁰Nee mwaona Yerusalemu efimeywe na majesi, hafo mumanye mwino uvii wakwe wahumbea. ²¹Na va saa ne veu Yudea vadurie kwitranto, na wasaa ne wemukhate a jiji waheghe, na mutra wareke na awoyo ne wekwijiji wahefee. ²²Kusoko matiku ayai ne andefi, vii mwino mantu ong'he neaandekiwe adahe udaheka.²³Hehe awevasaa neeveuritro na kwa wasaa ne veuoncha umatiku asaa! kusoko kujotendeka kwina makhase ko makuu unto a ng'ee, na ikuo kwa antu avayi. ²⁴Vajie ugwa kwa weghe wa ifanga na veutowa uketrungo u ndughu yong'ee na Yerusalemu iufanangewa na antu wa uremi, mpaka ikhondo ra antu wa uremi rekhondeke.²⁵Na kutendeka na ndolyo uyua, na mweri naunjota. Na ung'ee kujotendeka na makhaeko a ndughu, yutaka kusoko a choghofi ka irambo ne rikuu na mafefe ayo. ²⁶Kujotendeka na antu ne wajie umuteka unkhoo na wova ne warava mantu ne ajie uhanga uremi. Kusoko nguu ya kirunde ijie uingiswa.²⁷Na wajie umwona mwana wa Adamu neujie na irunde itaamberemwedu na nguu na ukuu ne ukuu. ²⁸Ekwenso mantu ayai neandya ukighea, imeki, humbui metwe anyu kusoko ukhomoi wanyu wahumbea fife."²⁹Yesu akawakhanea kwa wikhori, wihengi mutini na metre ong'e. ³⁰Neandya utegheta, moune nyenye aghonjo na umanya mwino chwe kahumbea fife. ³¹Viuyui ne mwaona mantu ayai adwiya nyenye manyi ne utremi wa Mungu wa hwera.³²Trute nkumukhania ufafo urui utrukea faka mantu ayai ne adwiya. ³³Irunde na ng'eyukea, Enyeso nkhani yane itriukea kamwe.³⁴Enyeso kiravi nyenye vayo, enyeso nkhoo yanyu itraje ijokhatraywa na unyakhani, ughari na nkhasiko ya maisha ayai kusoko itriku raseyi rejie umusama ³⁵kinya ifetro, kusoko ijotrendeka unto amumuntu ne ukuikhaa ukusyu wa ng'ee ong'e.³⁶Enyeso munya tayari ikhondo rong'e muombe muhange nguu yokinegha na ayai ong'e neajo dwiya na uimeka usonge amwana wama Adamu."³⁷Na ikhondo ra mumwe are ukuseya ukihekalu na utriku akufuma unje na uenda ukesha ukitranto ne are kuitranwa Mzeituni. ³⁸Antu vong'e vekamujia diu ure na umutregheya mung'e akihekalu.

¹Enyeso sikunkuu amukate ne itritrendaue changa are ahwera, neare yuitranwa Pasaka. ²Na akumbeki ne akuu na aandeki vekakiseya njia omuuragha Yesu, kusoko vekavatrija antu.³Hafo setani akahefea kune Yuda Iskariote, umwe wa avoo aseywi ikumi na vavee. ⁴Yuda akaenda usanya na akuu va akumbeki mwino ujomureka Yesu kune venso.⁵Vekayanja, na ufatrana umufa hela. ⁶Mwenso akayanja na akafenja fursa omufa Yesu kure na mwirundo wa antu.⁷Itriku ra mikatre neitritrendewe changa ikaghea neare nkhoo afasaka inoneye aheyeywe. ⁸Yesu akavatruma Petro na Yohana, akahanya, "Andi mwendo kutrendeya malewa olya Ufasaka." ⁹Nekamuwiya, "Kufei ukufenja kutrende mantu asaya?"¹⁰Akavasucha, "Tregheyi nemwatrendeka mwa hefea umuji mughosya ne wuchie ng'ufa amaje ujotrana na nyee musambeyi unyumba ne ukuhefea. ¹¹Na mukhanei mughonjo wa nyumba, "Museyi ukukukhania kekufeyi chumba ka aghenyi kune nejolya pasaka na asweyi vane?''¹²Ukumuraghea humba eka ghorofa neare kerefo kidahikie hendi maghondaniyi kuko." ¹³Kanke vekaenda na vekahanga muintu mwino akavakhania kanki akaghondaneya malewa afasaka.¹⁴Muda neare wafika akaikhaa na atrumami vakwe. ¹⁵Kanke akavakhania, "Nina lombe nkuu olya fasaka itrambe remwe kunanyu nekentina khasywa nene. ¹⁶Kusoko nkumukhania, ntiulya kanke faka kune yudahwa ukutremi wa Mungu."¹⁷Kanke Yesu akahoa kikombe na neare akaromba akahanya, "Hori ireyi na muaghane nyenye vayo. ¹⁸Kusoko nkumukhania ntunywa kanke ufafo wa musabibu faka utremi wa Mungu newaja."¹⁹Kanke akahora mukate neare waromba akavegha na uvafa, akahanya, "Urui ne mwere wane neare wafunyiwe kusoko anyu. Hendi uyi kwonkumbuka nene." ²⁰Akahoa kikombe viyuyi neare valya utriku akahanya kikombe ikiyi ne iraghano neifya unsaghami ane neare ahunuka kusoko ane.²¹Enyenso ravi. Wasuu ne wansaliti we itrambi remwedo na nee umeza. ²²Kusoko mwana wama Adamu kwa trutre akaenda mwino ave veka amwiyura. Enyenso hehe umuntu uyoo neukukera umwana wama Adamu akhasywe!" ²³Na vekaandya kiweya veenso kwa veenso, anyu mukhate ao neukutenda ntendo yasii.²⁴Kanke ikadweya winyomi mukhate awe ne anyu ne ukukhemwa mwese mukuu ukeea wong'e. ²⁵Na mwenso akawakhanea, "Atemi wa antu wa ndughu wina wibali unto awe, na ao ne vina nguu unto awe weutwa ahesimiwa atawala.²⁶Ekwenso etriufenjwa kamwe utendeka vii kune nyenye. Mwese aja ne mukuu mukhate anyu unoneye atendeke mwino munyui na munya utongea atendeke mwino munya utumika. ²⁷Kusoko wafe ne mukuu, uyuo ne ukikhaa umeza namba uyuo ne ukutumeka? Tiuyuo ne wikhee umesa na? Na nene ne mukhate anyu nemwe munya utrumika.²⁸Ekwenso nyenye katre ne mwafweye utendeka kwinanyu u maegheyo ane. ²⁹Neumufa nyenye utremi, mwino Tata newampie nene utremi, ³⁰Evii muhange ulya na unywa umeza ane muutremi, wane. Na ukikhaa kitrumbe ra utremi na uvramua mbeyu ikumi na iveere ya Israel.³¹Simoni, Simoni, manyi vii, Setani ukuromba awahange mwenso adahe uwafenent kinya ngano. ³²Enyeso nakuombea, vii uhuvei wako utaremwe, naare vii wasuka kanke, wakhamie aruna wako."³³Petro akamukhanea, mukuu nene nekighondaneye kwenda kinako umageresa nambese ukuya." ³⁴Yesu akamusucha, "Nene kukukhanea vee, Petro, utriku wareeo, njololo etiurea ne vee ukee winankana mehenjo etatu mwino utinjije nene."³⁵Mwenso Yesu akawakhanea nenajomutroa nyenye mutrikwete mefuko, na nkafo ya malewa, mba maaratru, mukakefewa na ntuni?" Wekasucha, "Kutrire." ³⁶Kanke akawakhanea, "Kwenso fanoi, mumunya mufuko, ne ahoe itambe remwe na nkafo amalewa. Uyuo ne atrikwete upanga inoneye arinje nkanjo akwe aghuue imwedu.³⁷Kusoko neumukhanea, ong'e nee aandekie kusoko ane inoneye aficheywe, 'Na akahowa kinya muntu ne waunangie torati.' Kusoko eroyo neraandekiwe kusoko ane kakhondeka.'' ³⁸Kanke wekahanya, "Mukuu, Rava! hafai irefo mpanga ivere." Na akawakhanea, "Yakhondaa."³⁹Naare malewa autiku, Yesu akahegha mwino are ukutrenda matiku kwa matiku, akaenda uketanto ka mizeituni, na aseywi wakwe wekamusambeya. ⁴⁰Naare, wag'hea akawakhanea, "Rombi mutraje mujohefea umaegheyo."⁴¹N akawareka akaenda kanyanya kaughumo wa igwe, akatrungama akaromba, ⁴²akahanya, "Tata, mwese useghetre, ng'heyeya kekombe ekeyi. Ekwenso nti nese neyanjetre nene, ekwenso mafenji ako atrendeke."⁴³Na malaika ufuma kirunde akamudweya, akamukhamia nkhoo. ⁴⁴Naare mwenso ukumakhaseko akaromba kwa nguu ino na nsufi yakwe ikatendeka kinya matronye ne makuu a saghami ekajulula fang'e.⁴⁵Naare waoka kune ukuromba marombi akwe akaja uwahanga aseywi wakwe na akawahanga varee kusoko auvayi wawe, ⁴⁶na akawaweya, "Asike ne muree? Uki murombo, mutraje mujohefea umaegheyo."⁴⁷Naare akee ureghetriye wihenga iburi rikuu ra antu rekadweya, na Yuda, umwedu wa atrumami ikumi na wawere uratrongea. Akamuhumbea Yesu adahe umutromia, ⁴⁸Ekwenso Yesu akamukhanea, "Yuda, je ukumotronea mwana wa Adamu kwa umutromia?"⁴⁹Na vasaa nare wefife na Yesu newajoona asaya neajie udweya, wekahanya, "Mukuu kuwakhwe kwa mpanga na?" ⁵⁰Na umwedu wawe akamukhwa mutrumami waa kuhani ne mukuu, nkamutema ketwe kakwe kakelelo. ⁵¹Yesu akahanya, "Erei nerekhonde. Na mwenso akamutrenya kitrwe kakwe akamuforya.⁵²Yesu akahanya kune kuhani ne mukuu, na kwa kuu wa hekalu, na kwa anyampaa nare waja umukwata, mwaja mwino kinya mwaja umukwatra mwivi cho mwina mafene na mafanga? ⁵³Matiku ong'ee naare kwinanyu uhekalu mwinadaha unghumbwera mikhono nene. Ekwenso erei ne ikhondo ranyu ra udaho wa kiitri."⁵⁴Veenso wekamukwata, wekamuhoa, wekamureta unyumba ama kuhani mkuu. Ekwenso Petro are uwahongete unyuma kurenge. ⁵⁵Neare vaacha motro ukiynja ramung'ee na vekaikhaa fang'e itambe remwdo, Petro akaikhaa mukhate awe.⁵⁶Mutumami umwedo wakikhema akamwona Petro neare wikhe uweru ne ufumie na moto akaurava na umukhanea, "Muntu uyui are wiitrambe remwe na nyee." ⁵⁷Enyenso Petro akakhana, akahanya, "Mukhema nene ntimumanyie." ⁵⁸Neare ikhondo rekufeyii muntu muya akamwona akahanya "Veve no we umwedu wawena." Enyenso Petro akasucha, "Mughosya, nene ntimwenso."⁵⁹Neare isaa remwedu rakea mughosya umwedu akahanya kwa nguu, "Trute kamwe muntu uyui are we itrambe remwedo nayo kusoko ne Mugalilaya." ⁶⁰Enyenso Petro akahanya, "Mughosya, ntune." Neukurehanya na neare ukureghetya njololo ikarea.⁶¹Akakikengeya, Mukuu akamurava Petro. Na Petro akakumbukwa ukhani wa Mukuu hafoneakamukhania, "Nekenjololo itrina rea reo, ukukhana nene miinjo itatu." ⁶²Akaenda unje, Petro akarea kwa uvayi ne ukuu.⁶³Na antu vasaa neare vumudema Yesu, veka mutruka na umukhwa. ⁶⁴Neare wamuukunekea miho, vekamuwiya, "Vakanya! Rghwa ne anyu ne wakukhwaa vee?" ⁶⁵Vekareghetya mantu mainge ne inyuma ama Yesu na umutruka.⁶⁶Neare wacha diu, anyampaa vantu vekakihangweya itramberemwe akuu va makuhani na aandeki vekamutroa ukibarasa. ⁶⁷Vekaahanya, "Mwese veve we Kristo, kukhanie." Enyeso mwenso akavakhanea mwese nena mukhanea mutru nyanja, ⁶⁸na mwese nenamuwiya mutrunsucha."⁶⁹Enyenso kwandya fanoi na utrongea, Mwana wama Adamu ukutrendeka wikhe umukhono wa kulilo wa nguu a Mungu." ⁷⁰Vong'e vekahanya, "Enyenso ve we mwana wa Mungu?" Na Yesu akavakhanea, "Nyenye mwahanya nene ne mwenso." ⁷¹Vekahanya, "Nentune ke kufenja kanke ushahidi? Kusoko sese vayo kwatregheya ufuma umomo wakwe mwenso.''

¹Mwirundo wong'e ukaimeka, vekamutroa Yesu unsonge a Pilato. ²Vekaandya umusitraka, vekahanya, "Kwa muhanga muntu uyui ukuyaghaya uremi witru, kwoghiya kutra refe kotri kune Kaisari, na ukahanya mwenso wayo ndio Kristo, Mutremi."³Pilato akamuwiya, akahanya, "Haha veve ndo Umutremi wa Ayahudi?" Na Yesu akasucha akahanya, "Veve ukuhanya uyi". ⁴Pilato akamukhania kuhani ne mukuu wa mwirundo ntihenge ihutrye umuntu uyui". ⁵Enyenso venso vekahukea, vakahanya, ''Watrendeka ukuvahongea antu, ne ukweya ukuyahudi wonge, kuandya u Galilaya na fanoi we hafai.''⁶Pilato newatregheya ayai akawirikiya mwenso muntu wasuu ne wo Galilaya? ⁷Neare wamanya ne wefang'e autremi wama Herode, akamutroa Yesu kune Herode, nawe mwenso ne wifo u Yerusalemu kwa matriku asaya.⁸Herode ne wamwona Yesu akafanja ino kwoko akafenja umwona kwa matriku mainge. Akatreghoya sayu akwe na akafenja uona matru ne yutrendwa na mwenso. ⁹Herode akamwiya Yesu kwa nkhani nyingi, enyenso o Yesu ina musucha renge. ¹⁰Akuu va makuhani itambe remwe na aandike vekaimeka kwa ukhare na umwitraka.¹¹Herode itambe remwe na maasikari vakwe vekamutruka na umuhanya ive na umuyencha masa ne maja na akamusucha Yesu kune Pilato. ¹²Herode vina Pilato vikatrenda uhena fuma itriku rasee. (Kusoko khare are arughu).¹³Piato akavaitrana itrambe remwedo makuhani ne akuu na akuu na mwirundo wa antu. ¹⁴Akavakhanea, mwandetrea muntu uyui kinya munyu ne ukuvaraghia antu vatrende ne mave, na neare na muwiya unsonge anyu, ntina onaa itutye ra muntu uyui umantu onge ne nyenye mwa musitraka mwenso.¹⁵Kutrie, mba Herode, kusoko wamusucha kune sese na ravekutrie vinge newarehenda ne renoneye aramwe ikuya. ¹⁶Enyenso nkumuamua na umurekea. ¹⁷(Fanoi, Pilato unoneye amurekee mutrungwa umwedo wa Ayahudi ikhondo ra sikunkuu).¹⁸Enyenso vonge vekakhwa mukindo itrambe remwe vekahanya muheye wasuu na kurughwire Baraba!'' ¹⁹Baraba are muntu ne wikiwe ukigereza kusoko a mahutye ongee na uuragha.²⁰Pilato akavakhanea kanke ne useghetre umutrekea Yesu. ²¹Enyenso venso vekakhwa mukindo, vekahanya, ''Mukhasye, mukhasye.'' ²²Akavawiya muhinjo wa katatu, ''Nentuni, muntu uyui watrenda mahutryeke? Ntina hanga ihutrye ne renoneye uamuri wa ikuya rakwe. Unenadaha umuamua numurekea.''²³Enyenso vekareghetrya kwa ruri wonto, nevufenja akhasywe na nduri yawe yika musauri Pilato. ²⁴Uvii Pilato akafunya uamuri ne veuromba. ²⁵Akamurekea uyoo nevumufenja neare akatrungwa kwa sacha uve na uuraghi. Enyenso akamufunya Yesunvamutrende mwino venso vaseghetre.²⁶Naare veenso wamutrue wekamukwata muntu umwedu ukwetanwa Simoni wa Ukirene, are ufumie unge vekamwitwecha musalaba auche unyuma ama Yesu.²⁷Mwirondo ukuu wa antu, na akhema nare veuhongeya na umorera mwenso neare wamuhongete. ²⁸Ekwenso Yesu akawafetukia, akawakhanea nyee akahema wau Yerusalemu, mutandere nene, ekwenso kirerei nyenye aghonjo na vana wanyu.²⁹Kusoko matiku ajie newajie uhanya, ''Wabarikie awoyo ne aghumba na ndaa ne itrina fafa, na mbee ne itina o nechaa kamwe. ³⁰Kanke venso vaja andya ukhanea itanto kugweri, na ighuu kukunekei, 'Tuangukie,'na vilima, 'Mutufunike.' ³¹Kusoko nembese weutenda mantu ayii umute neutotu kutendeka ure umute ne ukaku?''³²aghosia wangeja, wawene anyamahutrye, wekatrowa vauraghwe itramberemwe na mwenso.³³Ire vajoghea kune kwetanwa ikufa, ra itwe, vekamukhisia itamberemwe na awoyo anyamahutrye umwedu umukhono wa kelelo na muuya ukukhono wa kemoho. ³⁴Yesu akahanya, Tata, uvaonee uvayi kusoko vatune intu neveuretenda. ''Na vekakhua kura vaaghane masaa akwe.³⁵Antu are waemeie fife veukhenga ekwenso atrongeri vekamuheki, vekahanya, ''Mwenso wa khomoe wangeja na fanoi neakikhomoe moghonjo nembese mwenso Kristo wama Mungu, wamuhwaniye.''³⁶Askare vekamuheka, wekamuhueya mwenso wekamofa siki ³⁷anywe, wekahanya, ''Mwese wewe umutremi wa Ayahudi ifonie mughonjo na see'' ³⁸Na are arefo maandeko unto aitwe euhanya ''UYUI MUTREMI WA AYAHUDI.''³⁹Umwedu wa anyamahutrye nare akakhasywa akamutroka akahanya, ''Veve uti Kristo na ? Ifonie moghonjo na see'' ⁴⁰Ekwenso uyoo ungeja akasucha, akamukenea na akamwera, ''Vwvw utiumwoghofa Mungu navee urefo uhukumu eyeyo? ⁴¹Sese kurefo hafai kwa tute, kusoko sese kuhanga kenya mwemo kitu kwa ntendo itru. Ekwenso muntu uyuyi atrinatenda intu neerive.''⁴²Na mwenso akahanya, ''Yesu, unkumbukwe ne wokohefea kuutremi wako.'' ⁴³Yesu akamukhanea, ''Tute nene nkukukhanea, ''Reo eyii ukutendeka kwitamberemwe kwina u Paradiso.''⁴⁴Hafo are fife asaa amutandatu, kukatendeka kiiti unge onge mpaka saa akenda, ⁴⁵weeru wa uyua ukakirora. Na ufufa rab hekalu rekatramuka mukhate kuandya unto mpaka fange.⁴⁶Yesu akarea kwa ruri ne ukuu akahanya,''Tata umekhono ako neumeka nkhoo ane, ''Naare wareghetia asaa akatena nkhoo. ⁴⁷Mukuu wasuyu wa asikare ne wajoona neutendeka akamukurya Mungu na ukuhanya Tute muntu uyui are munya tute.''⁴⁸Na mwirundo wa antu nare waja itambe remwe ukihenga neewaona mantu neatendeka, wekasuka kunu veukhwanga ikua yawe. ⁴⁹Ekwenso ambuya wakwe, na akhema nare wamoho ngete ufuma u Galilaya, wekaemeka kurenge na uihenga mantu ayai.⁵⁰Raava, aareurefo muntu rina rakwe Yosefu, are witrambe remwe u barasa, are muntu muja na watute, ⁵¹(mwenso are inayanja uramui wawe na ntendo yao), ufuma Armathayo, unge na Uyahudi nare urindie utemi wa Mungu.⁵²Muntu wasuyu, akamuhueya Pilato, akaulomba mwere wama Yesu aufewe. ⁵³Akausimia akaufendeya sanda na akamweeka umbelelo ne esesewe ungongo, hafo nare akee ainaekwa muntu na umwedu.⁵⁴Are ne itiku ra wighondaneyi na Sabato are ahuera. ⁵⁵Akhema, naare wekaja nayo ufuma u Galilaya, wekamusambeya, na wekaona mbelelo na mwino mwere wakwe are weekiwe. ⁵⁶Vekasuka, vekaghondaneya manukato na marase. Na itiku ra Sabato vekatuya mwino are iragheywe u seria,

¹Ekwenso itiku ra mwandyo ra ijumaa, diu chili venso vekaenda umbelelo wakwetren makutra ne anyakie naare venso vaya ni nghaneye. ²Vekahanga igwe rafingitywa kure na mbelelo. ³Vekakea munge watrina uhanga mwere wama Mukuu Yesu.⁴Ekwenso nare wahungia munge winaona mwere wama Yesu kefando, ant wawere wekaemeka mukhate awe wayetre masaa ne eufempana. ⁵Akhema nare wijue wova wekahulamia masyo fange vekawakhanea akhema, ''Asike ne mumufenja muntu ne mufanga mukhate aa kuyi?⁶Atrifo hafai, mwenso wafetia! Kumbukwi mwino akahanya nanyee nare akee u Kugalilaya, ⁷akahanya vii Mwana wama Adamu inoneye afunywe umikhono anya mahutrye na akhasywe na itiku ra katatu afetrye kanke.''⁸Akhema awoy wekakumbuka nkhani yakwe, ⁹vekasuka ufuma umbelelo wekawakhanea uyii yoonge awoyo ikumi na remwedu na wangeja wonge. ¹⁰Naare Maria Magdalena, Joana, Maria nyinya wama Yakobo, na akhema wangeja naare veeitamberemwe vinawe vekawakhanea antumami sayu ya mantu asaa.¹¹Ekwenso nkhani uyii ekakighea kune venso mwino ya ufutu na vinachuvia, akhema wasaa. ¹²Ekwenso Petero akauka, akaenda udurie mpaka umbelelo, mwenso akahungea na urava munge, akaona sanda lyene nyenso ntufu. Petro kanke akatrunguya akaenda ukhaya ukhakwe, akatraka ntuni asee ne akighea.¹⁴Na rava, wawere kukhate awe are vinje itiku irerlo irero ukijiji kimwedu ne keetwa emwu, are kinamaili makumi motandato ufuma Yerusalemu. ¹³Are vareghetiye venso kwa venso sayu amantu oonge nekadweya..¹⁵Ekadweya vii ikhondo nare wekiweya na ukisocha nkhania, Yesu akahumbea vife wekaendinkania vinawe. ¹⁶Kwenso miho awe are akumbiwe watramumanye mwenso.¹⁷Yesu akawakhanea, ''Nentuni nenyee mwawere ne mureghetie ne mwenenda?'' Wekaemeka hafo wekakighea wina uvaji. ¹⁸Umwedu wawe rina rakwe ukweetanwa Cleopa, akamusucha, ''Veve umughenyi hafai u Yerusalemu ne utinanyie mantu neadweya kuko matiku ayai na?''¹⁹yesu akawakhanea, ''Mantu kee?'' Wekamusucha, ''Mantu ama Yesu Munazareti, naare mughanga, munya udaho nare ukutenda na nkhani usonge a Mungu na antu wonge. ²⁰Na mwino are akuu wa makuhani na atongeri witu mwino wekamufunya aramuwe ikuya na umokhoma wenso.Ekwenso are kukhemete are mwenso ne ujie uwaeka Israeli. Kuukhomoi kurengi na ayai oonge fanoi ne itiku ra katatu ufuma mantu ayai adweye.²²Ekwenso na, akhema veketranga ufuma kirondo ritu wekakutacha, newajotendeka warefo umbelelo diu chili. ²³Itewajo uria mwere wakwe, wekaja, nauhanya vii wekaona mbirira ya malaika nevekahanya vii mafanga. ²⁴Na wangeja aghosia naare vitambere mwedu na sese wekaenda umbeleleo, na uhanga mwino akhema wekahanya. Ekwenso watina mwoona mwenso.''²⁵Yesu akawakhanea, ''Nyenye mwantu ne afutu na anya nkhoo ne nditro ne muhuria ange ne aghanga wayahanyiye! ²⁶Are itioneye Kristo uhanga makhaseko kwa mantu ayai na uhefea ku ukuu wake na?'' ²⁷Are uandya ufuma kune Musa na aghanga wonge e Yesu akawadonea mantu neamughokee mwenso umandeko oonge.²⁸Navajohumbea ukijiji kaseye kuko nare rinje, Yesu akatenda kinya mwino ufweye usonge. ²⁹Ekwenso wekamumeya, wekamwera, ''Ikhaa itambelemwedu nasese, kusoko ne ywampende na itiku are rahia.'' EviiYesu akahefea akaenda kikhaa winawe.³⁰Ekadweya vii nare wikhee ukulia vinawe akahoa mukhate akaubariki, akaunania akawafa. ³¹Miho awe ekabeka, wekamumanya na akaura rue usonge a miho awe. ³²Wekakiweya wenso kwa wenso, ''Enyenso nkhoo yitu itina chafa munge itru, naja ukureghetia nasee munjea nare wakurughwera maandeko na?''³³Vekauka ikhondo irero irero vekasuka u Yerusalemu. Wekawahanga awoyo ikumi na remwedu wakirundye itambelemwedu, na wangija nare vitramberemwedu winawe, ³⁴are veureghetya, ''Mukuu wafetya tutetute na wamudyeya Simoni.'' ³⁵Na venso vekavakhanea mantu neekavadweya monjea na mwino Yesu wemanyisia kune wenso uuaghaniya mukahte.³⁶Neare kevaighitriye mantu asaya, Yesu mwenso akaimeka mukhate awe na akavakhanea uhuvei uhendeke kune nyenye.'' ³⁷Enyenso vekatreja na ukhakhatra na vekaghema ne vekaona nkhoo.³⁸Yesu akavakhania, ne ntuni muna maghemo na mwiyo nkhoo yanyu? ³⁹Ravi mikhono ane na mighuu ane ne nemwenso mpafatryi na munyone enyenso nkhoo itrina nyama na makufa ne munkenge nene ne nekwetri.'' ⁴⁰Neare wahanya vii akavaraghea mikhono akwe na mighuu akwe.⁴¹Neare kee vatrihubie ne ihangenkanie na udio manya na utraka Yesu akavakhanea mukwetre mba intu rolya?'' ⁴²Vekamufa ifande ra nsomba ne iochiywe. ⁴³Yesu akakihoa, na urelya unsonge awe.⁴⁴Akavakhanea, ''Nekwinanyu nekamukhanea onge aandikiwe useria ama Musa na aghanga na Zaburi inoneye akhondeywe.''⁴⁵⁴⁶Kanke akarughwa mahaa akwe evamanye maandiko. Akavakhanea, ''Neandikiwe Kristo inoneye akhasike na ufufuka kanke ufuma kwa akuyi itriku ra katratu. ⁴⁷Ufei na uhenywa mahutrye inoneye itranantywe kwa rina rakwe ra kuuremi wonge kwandya ufuma u Yerusalemu.⁴⁸Nyenye mwemasahidi va mantu ayai. ⁴⁹Ravi, ne umutrwera raghan ya rama Tata wane unto anyu. Enyenso indei hafai unge faka kune mujoyenchwa nguu ufuma unto.⁵⁰Kanke Yesu akamutrongea unje faka kune nevahwe ra Bethania. Akahumbua mikhono akwe unto na akavakurya. ⁵¹Ikakighea ikhondo neare ukuvakurya akavareka na akauca unto uenda ukirunde.⁵²Eveka mukurya na usuka u Yerusalemu na lombe ne nkuu. ⁵³Vekatrendeka varifo ukihekalu vekamukurya Mungu.

¹Ufuma mwandyo are kwina Ukhani, na Ukhani ewitambe rimwedo na Mungu. ²Ukhani, Uyui, Mwandyo ewitambe imwe na Mungu. ³Mantu ong'e ekatendeka ukeera kene mweso, kusoko mbese etimweso ekutie intu narimwe na rutendeka.⁴Mung'e akwe ekwina ufanga, no ufanga usuu are weru wa antu vong'e. ⁵Weru ukamweeka ukitu nakiti, kiti na uhumaa.⁶Are kwina muntu ne akatumwa ufuma kene Mungu, are rina rakwe Yohana. ⁷Akaja kinya mkumui newojie ovakumueya weru usuu, soko esee vong'e vadahe uhuvea ukera kene mweso. ⁸Yohana are ti weru usuu, enyeso akaja avakumwiye ukera weru usuuo⁹Usuu eweru wa tute ne ukaja kuurimi kusoko umtendeya mmuntu weru¹⁰Are uku uremi, no uremi ukatundwa ukera mweso, nyeso vatina mmanyaa. ¹¹Akaja umantu akwe, na antu vakwe vatinamfokea.¹²Enyeso kwavoo nevainge nevekamfokea, no rekuvea rina rakwe, na kwavoo ne akavafa udaho wotendeka ana va Mungu, ¹³Ne vekafafwa tikwa saghami, na tikwamafenji amwere, na kwa mafenji a muta, enyeso kwa mafenji aMungu mwenso.¹⁴Na ukhani mweso akatendeka mwere na akakekhaa mukhati itu na akakikhaa mkhati itu, kwa wuume weru wakwe weru ne ukinta wa mntu iyene ne atikikhoywa ne wajie ufuma kene Tata, wijue iforyo na tute. ¹⁵Yohana akayakunwa neamghondie mweso, "Na akahumbu ruri akahanya, "Uyui ne uyuo ne nahanyiye ntambu yakwe no hanya, "Uyuo ne ujie unyuma ane ne mkuu unkiye nene kusoko are urefo neare nene nkee."¹⁶Kusoko ufuma ukeera ughondaneyi wakwe, kwa hangie ndende kufewa ukeera kifewa. ¹⁷Kusoko maraghiyo ekaretwa ukeera Muusa. Iforyo na tute ikaja ukeera Yesu Kreso. ¹⁸Kutie mntu nane umwe ne wamwonie Mungu, ikhondo na nerimwe. Muntu iyene ne ehu Mungu, neukukikua kama Tata, ne wamtendie mweso amanyike.¹⁹Na urui ne ukumo wa ma Yohana va ademi na alawi ne vekatumwa kene mweso na Ayahudi umuweya, "Veve we anyu?" ²⁰Atina kuseghea no ukhana, enyeso akasucha, "Nene nti Kreso." ²¹Enyeso vekamuweya, "uveve we anyu fanoi?" Veve we Elia na? Akahanya, "Ne nti mweso." Vahanya, Ve unghanga na? Akahanya," Ti ui."²²Vasuka vamkhania, "Uveve we anyu, kuvavwere isuchu avoo ne vakutuma"? Ukukumua are veve mghonjo?" ²³Wahanya, "Nene neruri wakwe uyuo ne ukurea umbugha: 'Meghoori njea a Mkuu,' kinya mghanga yesaya ne akahanya."²⁴Kange ee kwina antu ne vekatumwa hafo ufuma Umafarisayo. Vekamuweya no uhanya, ²⁵"Aseke ne ukuoya mahutye ne mbese veve uti Kreso na uti Elia na uti mghanga?"²⁶Yohana akasucha akahanya, "Neuoya na maje. Na mkhate anyu wemekie mntu ne mtimmanyie. ²⁷Uyui ne uyuo ne ujie unyuma ane. Ne nene ntinoneye uleghecha mpengo ya maatu akwe." ²⁸Mantu ayai ekatendeka kuuko uBethania, ng'ambo ya Yordani, kene are Yohana ukooya mahutye.²⁹Itiku neresambiye Yohana akamwona Yesu neujie kene mweso akahanya, "Rava mwankhoo wa Mungu neuyahorie mahutye aurimi! ³⁰uyui ne nene naihanyiye ntambo yakwe nohanya, "Usuu neujie unyuma ane ne mkuu unkeye nene, kusoko are urifo ne nenkee.' ³¹Ntinamumanya mweso, enyeso ekatendeka uyi kusoko akunukuwe ki Israeli, kusoko nkaja nkuoya mahutye na maje."³²Yohana akakumua, "Ngaona nkhoo neusima ufuma kirunde kinya nkuwi, na ekasaghaa kunto akwe. ³³Nene ntina mumanyaa enyeso mweso ne akantuma neeye mahutye na maje akakhania, 'usuu newona nkhoo asimaa na kikhaa intu akwe, usuu yu neuoya na Mwahune Mweru.' ³⁴Naona no ukumua uyui ne Mwana a Mungu."³⁵Na kange itiku nerisambiye Yohana arewemikie na aseywi vakwe vavere, ³⁶vakamwona Yesu ukuenenda Yohana akahanya, "Raava, Mwankhoo wa Mungu!"³⁷Aseywi vavere vikamtegheya Yohana neukuhanya uyi vikamsambeya Yesu. ³⁸Na kange Yesu akakingeya novaona aseywi vasaa ne vamsambiye, akavaira, "Mfenja ntuni?" Vekamsucha, "Rabi, (yu mseyi', ukekhaa kufei?" ³⁹Akavakhanea, "Njii mjoona."Na vekaenda vendoona kene ukikhaa; na vekakikhaa itemberimwe vinawe, itiku risee soko arekinya ne saa ikumi vii.⁴⁰Umwedo wa vasaa ne vavere ne vekamtegheya Yohana ne weghetiye no msambeya Yesu are Andrea, muna wama Simoni Feteo. ⁴¹Wamwona munakwe Simoni wamkhanea, "Hwa mhanga Mnyoirwa makuta" (ne ukuhanywaa Kreso). ⁴²Wamreta kene Yesu. Yesu wamwihenga no uhanya, "Veve we Simoni mwana ama Yohana" ukuetana Kefa," (maanayo 'Feteo').⁴³Itiku neresambiye ne Yesu wasegha uhegwa no unda Ugalaya, akamhanga Filifo no mkhania, "Nsambeya nene." ⁴⁴Filifo are mnyang'e wo Bethsaida, ng'ee ama Andrea vina Feteo. ⁴⁵Filifo akamhanga Nathanaeli no mkhanea kwa mhanga, Uyuo ne Muusa waandikie ntamba yakwe umaragheyo a Ghanga. Yesu mwana wama Yusufu ufuma u Nazareti.⁴⁶Nathanaeli akamkhanea, " Uintu ne rija no rumafumea uNazareti?" Filifo akamkhanea, Njuu ujoona." ⁴⁷Yesu akamwona Nathanaeli neujie kene mweso no uhanya, "Kengea, Muisraeli tute tute ne atiutiukweti uregheghe mung'e akwe!" ⁴⁸Nathanaeli akamkhanea, "Wamanyaa ure nene?" Yesu akasucha no umwera, "Neare ke Filifo akee inakwetana newefang'e a mtini, ngakuona."⁴⁹Nathanaeli akasucha, "Rabi veve we Mwana a Mungu! Veve ne Umtemi wa Kisraeli"! ⁵⁰Yesu akasucha akamkhanea, Ku soko ninakukhanea ngakuona ufange a mtini na' uwakwatea na? ukuyiiona ntendo ni nkuu ukea iyii." ⁵¹Yesu akahanya, "Kwatei kwatei ngumkhanei mjoreona irunde rurughuka, no vaona maleeka ne veimantea no usima kunto ama Mwana wana Adamu."

¹Ne akea matiku atatu, akea are kwina maumbe kukoo uKana au Galilaya na nyinya ama Yesu arewe kuko. ²Yesu na aseywi vakwe are varaekiwe ungoi.³Na vajoherewa na divai, nyinya ama Yesu akamkhanea, "Vaorya divai." ⁴Yesu akasucha, "Mkhena resee renghondie untuni nene? Ikhondo rane nene rekee rinaghea." ⁵Nyinya akavakhania aseywi, "Rasee ne wamkhania retendi."⁶Are kwina mijoka emtandatu amagwe hafo neekie ku soko auyaa umaumbe a Ayahudi, mu mwedu are wina mwijuo nzio erere itatu. ⁷Yesu akavakhania, "Miijuyi maje mijoka amagwe." Vekamiijoya faka kunto. ⁸Are kange akavakhania aseywi avoo, "Nonkunyuifanoi mtoe keene mnyemekea ne mkuu wa chanja." Vekatenda mwino vekaragheyawa.⁹Mnyoemekea ne mkuu akayatomia maje asaya neare afeokaa no tendeka divai, atinamanyaa kene afumie enyeso atumami (ne vakatafa maje vekamanya kene afumie). Wasuka wamwetana mkuu wa ngoi ¹⁰na iumkhania, "Mmuntu ukuandia uvatendeya antu divai ne njija. Nane raghaa ujovafa eyeo ne tinjinja."¹¹Mbirira iyii yo Kana au Galilaya, are ya mwandyo wa ndolyo ya mbirira ne akaitenda Yesu, neukuukunukua weru wakwe, eare asetwi vakwe vekamhuvea.¹²Ne erei rafwaya, Yesu, nyinya wake, anyandughu vakwe na aseywi vakwe vakaenda ung'e oKapernaum no vekakhaa kuko matiku makei.¹³Kange Pasaka Ayahudi are ahumbea, uYesu akaenda uYerusalemu. ¹⁴Akavahanya anyorinja ng'ombe nkhoo, nkuwi mng'e a nyumba au Sarea. Na anyokhavia hela noevekhee mung'e au nyumba o Sarea.¹⁵Yesu akatenda ikhofya ne re makundo, akavafunya vong'e ne varefo unyumba usarea, neuhanja ng'ombe na nkhoo. Akaihunua rufia ya anyokhavia rufia no ifenengua chanja. ¹⁶Kwo anyoghuria nkuuie akavaera, "Funyi mantu ayai kuenge na hafai, reki umitenda mwitu ama Tata wane etendeke mnada."¹⁷Aseyi vakwe vekakumbukwa ne endekiwe, "Wiru wo mwakoo ukundya." ¹⁸Akuu va Kiyahudi vekasucha vekamkhanea, Ne ndolyo ke neukukuraghea kusoko kuuutenda mantu ayai?" ¹⁹Yesu akavasucha, reghononti isareo erei nanee ngurejenga neakea matiku atatu."²⁰Kange akuu va Ayudi vekahanya, "Ekakulelea miakha makumi ane na mtandatu nyumba eyei ausarea reo veve ukuhanya ukumejenga umatiku atatu?" ²¹Enyeso, mweso akareghitya uvareya mwere wakwe. ²²Hafo kange nechu wajofetya ufuma kwo akuyi, aseywi vakwe vekakumbukwa nechu are wahinyiye are wahinyiye ayai, vikahuvea maandeko na mweghetyo usuu neare Yesu akauhanya.²³Hafo neare uku Yerusalemu ikhondo ra Pasaka, ikhondo ra mbina antu vainge vekarehuvea rina rakwe, ne vajoona ndolyo ambirira neukuitenda. ²⁴Enyeso Yesu etinayanjaa ija kusoko uvamanyie anadamu vong'e. ²⁵Atina seghaa mntu na neumwe umkhanea mwino varee anadamu kusoko umanyie intu nererifo mng'e awe.

¹Ukange are kwina mnya sarea rakwe Nikodemo, umweduwa asauri va ibarasa ra Ayahudi. ²Mntu uyui akaenda kene Mkuu Yesu utiku no mkhania, "uRabia, kumanyie ne umseeyi ufuma kene Mungu, kusoko kutie mntu ne ukudaha utenda ndolyo ujii yong'e ne Mungu ati itambe rimwedu na mweso."³Yesu akamsucha, "Huvea, huvea, mntu atiudaha uhefea ku utumi wa Mungu ne atinafafwa mhinjo wakavere." ⁴Nikodemo akahanya," Mntu ukudaha uree ne mnyampaa? Na atiudaha unefea unda ama nyinya no ufafwa mhinjo wa kavere uhudaha na?"⁵Yesu akasucha, "Huvea, huvea mntu ne wadia ufafwa kwo umaje na Unkhoo, atiudaha uhefea ku utemi wa Mungu. ⁶Nekefafiwe na mwere ne mwere, na nikefafiwe na Nkhoo ne nkhoo.⁷Na utaoghofe kusoko nakukhanea, 'ne nyonye ufafwa mbinjo wahavere.' ⁸Nkungu uifembea kong'e kong'e mwino eyanjite na ruri wayo mwuutegheya, enyeso mtume kene efumie na kene inje. Yuchu mwino were mmonyofafwa unkhoo.⁹Nikodemo akasucha, akahanya, "Mantu ayai eudahika ure?" ¹⁰Yesu akamsucha, "Veve u mseyi wa Kisraeli, ngwe utiyamanyie mantu ayai? ¹¹Huvea, huvea, nokukhania, ekeo ne kukemanyie kukekumua kuekeo necho kwakiune. Enyeso chu mwotiufokea ukumo witu.¹²Ne chu ngumkhania mantu auchanya ekei mtiuhuvea, mhuvea ure nenamkhania mantu akirunde? ¹³Kusoko kutie newanatie kunto uenda kirunde echu newasimie, Mwana wa Adamu.¹⁴Mwino chu Muusa nakamehumbu njokha ujangwani, viui viui Mwana ama Adamu no unoneye ahumbuwe, ¹⁵soko ese vong'e neveumhuvea vahange ufanga wakhai.¹⁶Kusoko esee Mungu akauyanja uremi, na akamfunya Mwanakwe wa imwene, ne mmuntu newamhuvea atahirenkie nyeso atendeke wina ufanga wakhaenakhae. ¹⁷Kusoko Mungu atinamtumaa mwanakwe uchenya ekei ajo uramua uremi, enyeso chu uremi ukhomowe ukera mweso. ¹⁸Ne umhuvie mweso atiuhanga uramui. Mweso neatimhuvie aso ukuramweywa kusoko atinarihuvea rina ra Mwana wa iyene wa Mungu.¹⁹Na urui yuchu uramui, ne chu weru wajie ku urimi, nyeso anadamu vayanja kitii nanguu vadea uyanja weru kusoko antendo yawe ne yatendekie mbee. ²⁰Mmuntu neukutenda ne mave wuhwete weru na atijie uweru ntendo yakwe itaje ijoekwa uchanya. ²¹Enyeso usuu neukutenda tute ujie uweru na ntendo yakwe yighee ne yotendwa.²²Ne ayai afwaya, Yesu itambe na aseywi vekaenda ung'e oYudea. Kuko akarifia ne weitambe rimwe vinawe na are kuoya mahutye. ²³Fanoi Yohana noare ukuo ya mahutye kuko Uninea fife na Salim soko arekwina maje mainge hafo, antu areveuja kene mweso no ouywa mahutye, ²⁴kusoko Yohana eakee inajughutwa kigereza(ukitungo).²⁵Kange ukafuma wikungumi mkhati aseywi vama Yohana na Ayahudi ukeera mbina ya ioywo. ²⁶Vekaenda kene Yohana no mkhania, "Rabi, uyuo ne mwinakwe umpeo a Mwongo uYordani, mweso nukakumua ntambu yakwe, kengea ukuoya mahutye na vong'e na vong'e veuenda no msambeya."²⁷Yohana akasucha mntu atiudaha uhanga intu ringe nyeso chu newafewa ufuma kirunde. ²⁸Nyenye vayo mkengee nenahanyie, 'nene nti Kreso', kange ngahanya, 'natumiwe usonge akwe'.²⁹Mweso ne wina mseda ne mkhamwema. Fanoi innyahina wa mkhamwema, neukuemeka notegheya ukuyanja ino kusoko a ruri wa mkhamwema. Eyei fanoi ne nkumbu ane neening'anie. ³⁰Unoneye unankea, nanee ninoneye ukefa.³¹Mweso ne ufumie kunto, we kunto aong'e. Mweso ne wa ku uremi ufumie ku uremi na ukureghetya mantu ake uremi. Mweso ne ufumie kirunde ukunto aong'e. ³²Mweso ukumua ayoo newayaune noyategheya, enyeso kutie ne ukufokea ukumo wakeve. ³³Usuu newaufokee ukumo wakwe wamanyie ne Mungu newatute.³⁴Kusoko mweso newatumiwe ukureghitya nkhani ya Mungu. Soko atiumfa Mwahu ne Mweru kwa umfimia. ³⁵Tata umyanjete Mwana na wamfie mantu ong'e umikhono akwe. ³⁶Usuu ne umhuvie Mwana wina ufanga wa khae khae, enyeso usuu neatimwoghofete Mwana atiuwona ufanga, ikuo ra Mungu nitendeka rikuo akwe.

¹Na Yesu newamanya necho Mafarisayo vategheya ne Yesu ukeneye no vaoya mahutye umfwaya Yohana, ²(enyeso Yesu mweso are atiuvaoya are aseywi vakwe), ³akafuma uJudea no enda uGalilaya.⁴Uare enoneye ukera uSamaria. ⁵Na akaghea ung'e uSamaria, ne uetwa Sikari, fife nafang'e neare Yakobo wamfie mwanakwe Yusufu.⁶Na raje wama Yakobo ewehafo. Yesu arewakhataa kusoko amhinje na akakikhaa fife na raje. ⁷Mkhema ne Msamaria akaja utafa maje, Yesu akamkhanea, "Nampa maje nenywe." ⁸Kusoko aseywi vakwe are vendaa uyawe madoka ughua malewa.⁹Mkhema wasuu akamkhanea, "Kweure veve ne Myahaudi, unomba nene mkhema ne Msamaria, intu ronywa?" Kusoko Ayahudi vatyokhanjenkania na Asamaria. ¹⁰Yesu akamsucha, "Ne mbese ajaumanyie ija aMungu, no usuu ne ukukukhanea 'Mpa maje, ' ajaukumromba, na ajaukukufa maje aufanga."¹¹Mkhema akasucha, "Mkuu chu utikweti nkosi autafea, roje no urundu. Ukuyahangea kufei maje aufanga.? ¹²Uveve umkuu, umfwaya tata witu ne Yakobo, ne wakufie vuje urui, na mweso wayo na awakwe itambe imwe na mitugho akwe vekanyua maje ovuje urui?"¹³Yesu akasucha, "Wasuu neukunyua maje ayai ujoona nyweta kange, ¹⁴enyeso wasuu neujonyua maje ne ngumfa atijoona nyweta honge. Kweso kwayo maje nengumfa ajotendeka msemembo neukusememba khaenakhae."¹⁵Mkhema usuu akamkhanea, "Mkuu, nguyaromba maje asaya ntajeuona nyweta, na ntakhaseke uja hafai utafa maje." ¹⁶Yesu akamkhanea, "Endawendomwetana mghosia ako, usuke."¹⁷Mkhema akamkhanea, "Ntina mghosia." Yesu akamsucha, "Wahanya ija, 'Neutikweti mghosia;' ¹⁸kusoko watendekaa wina aghosia vatano, na umwedu usuu ne mwinakwe fanoi no tiwako. Kwa erei wahanya tute!"¹⁹Mkhema wamkhanea, "Mkuu naona ne veve umghanga. ²⁰Vatata vitu vekasarea ukitanto ekei. Nyeso nyenye mhanya uYerusalemu ne ng'e ne enonoye antu uenda usarea."²¹Yesu akamsucha, "Mkhema, nguvea, ikhondo rejie ne mtijomsarea Tata ukitanto ekei no Yerusalemu. ²²Nye antu msarea ekeo ne mtikemanyie, enyeso sese kusarea ne kukemanyie, ku soko ukhomoi ufumie kwa Yahudi."²³Na kange, ikhondo rijie, nafanoi rerefo hafai, ikhondo neveusarea tute vajomsarea Tata unkhoo na tute, kusoko Tata ukuvafenja antu neveui vatendeke antu vakwe neveumsarea. ²⁴Mungu ne Nkhoo, na avoo neveumsarea vanoneye umsarea unkhoo na tute."²⁵Mkhema akamkhanea, "Nemonyie ne mnyoirwa makuta ujie, (neukuetwa Kreso). Usuu ne waja ujovakhania ong'e." ²⁶Yesu akamkhanea, "Nene nikweghitiye kwinoko ni mweso."²⁷Ikhondo erero erero aseywi vakwe vekasuka. Na veso vekaoghofa asike neukureghetia na mkhema, enyeso kutie ne akasoya umweya, "Ukufenja ntuni?" na "Asike neukoreghetya nayo.?"²⁸Ukonge mkhema wauhoa mjoka wakwe noenda ukhaya wendovaera antu, ²⁹"Njii mjoona mntu ne wambwera mantu ane ong'e neyatendie, u idahite nesaukutendeka Kreso na?" ³⁰Vafuma umakhaya vaja ukhakwe.³¹Ikhondo ra mumwe aseywi vakwe vekamfefeta vekamwera, "Rabi ulie malewa." ³²enyeso mweso akavakhanea, "Nene ne kweti malewa ne nyenye mtiyamanyie." ³³Aseywi vakikhanea, kutie newamretea inturolia,"Ujavevereta na?"³⁴Yesu akavakhanea, "Malewa ane neuyatenda mafenji ama tata newantumie no ughondaneya mwemo wakwe. ³⁵U, mtiuhanya, 'Ekee mieri etano na etendeka radaheka na?' Ngumkhanea meravi mighonda mwino anoneya utenanga! ³⁶Wasuu ne ukutenanga ukufokea msahaa no ukuhangweya mbesya kusoko aufanga wakhanakhae, nechu etendeke wasuu ne ukufandia naneukutenanga vayanje itambeimwe.³⁷Kusoko mweghetyo urui ne wa tute, 'Umwedo ukufanda inuuya ukutenanga.' ³⁸Ngantuma utenanga ku ereo ni mwina re khasekea, Vange vatendie mwino nanyee mwahefea ulombe amwemo wawe."³⁹Asamaria vaingi unge esee vekamhuvea kusoko asayu amkhema usuu naera wamekumua. ⁴⁰U asamaria nevajoja vekamfefeta ekhae itambe imwe vinawe na akakhaa kene veso matiku avee.⁴¹Na vainge ino vekamhuvea kusoko au khani wakwe. ⁴²Vekamkhanea mkhema usuu, "Kwa huvea tikwa khani yako ui, kusoko sese vayo kwategheya, nafanoi kwamanya kamwe nechu mweso ne mkhomoi wo uremi."⁴³Ukea matiku asaa ne avee, akahegha nokengea uGalilaya. ⁴⁴Kusoko mweso wayo are wavaera mghanga atiukuriywa ung'e akwe mweso. ⁴⁵Ne wajoja ufuma uGalilaya, Agalilaya vehamghenyifa. Are vaona mantu ong'e ne wayatenda uYerusalemu umbina, kusoko awe na kange arevafikaa umbina.⁴⁶Akaja kange uKana uGalilaya kene akayafeora maje notendeka ntui. Are kwina mnangwa ne mwanakwe are wire kuko uKapernaumu. ⁴⁷Ne wajotegheya ne Yesu wafuma uYudea no uenda aGalilaya, akaenda kene Yesu no umfefeta asime amforie mwanakwe, ne wahuera ukuya.⁴⁸Uchu Yesu akamkhanea, "Nyenye ne mtinaona ndolyo na utako mtiudaha uhurea. ⁴⁹Mtongei akahanya, " Mkuu sima fang'e ne mwanane akee atinakuya." ⁵⁰Yesu akamkhanea, "Enda mwanako ne mfanga." Mntu usuu akahuvea ukhani ne Yesu wohanya akaenda na yakwe.⁵¹Neare ukusima, atumami vakwe vehamfokea na umkhemea mwanane mfanga. ⁵²Ukange akavaweya ne ikhondo eke nejawahanga bahu. Ighoo, "Ikhondo ra saa mfungate urue newajo mrekea."⁵³Hafo tata wakwe akamanya nechu ikhondo erero erero newarehanya, "Yesu mwanaho ne infanga." Hivyo yeye na familia yake wakaamini. ⁵⁴Eyei are ndolyo akavee neakametenda Yesu newajofuma uYudea uenda uGalialaya.

¹Ufwaya hafo are kwina mbina a Ayahudi, na Yesu akanatea uenda uYerusalemu. ²Na kuko uYerusalemu are kwina kikhoi ukinyamwango ka nkhoo, ne ruetanwa undeghetya aKiebrania Bethzatha, noare rina masanja atano. ³Arue ne ainge evarefo, afoku, anyaitee, na nevakue nkiki are varee umsanja asaya. {Kwatea: Nkhani yo mkeere wa katatu ityokighea unakala ne njija ya khae. "Nevarindie maje akughaniwe.") Ku soko are kwina ikhondo ne rengeja ne maleeka ukusimaa mung'e a Mkuu no yakughania maje. ⁴Ukange, usuu neukutenda wa mbee uhefea mung'e ne maje, akughaniwa ukutendwa mfanga kuintu resee nearerimkwatie kwa ikhondo rasee.⁵Kange mntu umwedu neare akawaa akagheya meakha makumi atatu na munana arewe mung'e a merihe. ⁶Yesu newojomwona uree mung'e umiriwe newajomanya nechu waree hafo kwaenge akamkhanea, " Ukufenja utendeka umfanga na?"⁷Mrue usuu akamsucha, "Mkuu ntina mntu, wonjeka ukekhoine ikhondo ne maje ahangenkaniwa. Ikhondo nenasoya uhefea mntu ungeja wantongea." ⁸Yesu akamkhanea, "Uka hoa itandeko rako wende."⁹Hafo mntu usuu akafonywa, wakehoa ketanda no uenda. Na itiku resee are itiku ra Mfungate.¹⁰Kange Ayahudi vekamkhanea mntu usuu ne waforywa, "Reo ne itiku ra Mfungate, no utiuyanjeywa uucha itandeko rako." ¹¹Akasucha, wasuu ne wamponya mweso wankhanea, "Hoa itandeko rako wende."¹²Vakaweya, "Ne anyu newakukhanea hoa itandeko rako wende?"' ¹³Enyeso, uyuo ne waforywaa eati na mmanyaa, kusoko Yesu are wahegha kempine. Kusoko are kwina antu vainge hafo.¹⁴Ufwaya hafo Yesu akamhanga mntu usuu ukanisa na akamkhania, "Kengea, wafoa! "Utatende mahutye kange utajeujohangwa na intu ne nje nanguu erei." ¹⁵Mntu usuu wenda uvaera Ayahudi nechu Yesu wamforyaa.¹⁶Uchu, kusoko a mantu asaya Ayahudi vekamkhasia Yesu, kusoko aketenda mantu ayai ituku ra Mfungate. ¹⁷Yesu akavakhanea, "Tata wane ukutenda mwemo nafanoi none ngutenda mwemo." ¹⁸Kusoko esee Ayahudi vekanankea umfenja vamuuraghe timba soko aufira itiku ra Mfungate, ui na umwitana Mungu Tata wakwe, no ukitenda ukenya Mungu.¹⁹Yesu akavasucha,"Huvei, huvei, Mwana atiudaha utenda intu ringe ne inaona ne ine ukuretenda, kusoko risee ne ihe ukuretenda Mwana no ukuretenda. ²⁰Kusoko Tata umyanjite Mwana, na ukumraghea muintu neukuretenda nojomraghea mantu ne makuu ne afwaiye ayai nye mnankie utaka."²¹Na kange mwino Tata ukuvafetya akuyi no uvafa ufanga viui Mwana no ukumfa usuu ne umyanjite. ²²Ku soko Tata atinamramweya ungeja, nyeso akamfa Mwana uramui wong'e ²³ne chu vong'e vamuoghofe Mwana kinya mwino chu Mwana neumuoghefete Tata. Wasuu ne wadea umuoghofa Mwana atimwoghofeta Tatat ne wamtumie.²⁴Huvei, huvei, wasuu ukutegheya ukhani wane no umhuvea usuu ne wantumie wina ufanga wa khae na khae na atiuramueywa. Enyeso ayo, wafwaya kikuya no hefea kuufanga.²⁵Huve, huvei, nkumkhanea ikhondo njie na fanoi reefo ne akuyi vajotegheya ruri wa Mwana a Mungu, na vongi nevajotegheya veukekhaa.²⁶Ne mwino chu Tata wina ufanga mung'e akwe mweso, ²⁷yuchu mwino wamfie utendeka no ufanga mung'e akwe, na kange Tata wamfie Mwana udaho wo uramua kusoko ne Mwana wa Adamu.²⁸Mtatachwe na erei, kusoko rijie ikhondo ne akuyi vong'e ne veumbelelo vajoutegheya ruri wakwe ²⁹na veso vajofuma kunji: ne vatendie ne maja kwa ufetye wa ufanga, na vatendie ne mave kwo ufetiye woramui.³⁰Ntiudaha intu na rimwe ufuma kene mghonjo. Mwimo nitegheye, yuchu nkuramua na uramui wane ne wa tute kusoko ntiufenja mafenji ane, kweso mafenji akwe ne wantumie. ³¹Ne mbese ngikumua mghonjo, ukumo wane ekuutendeka tiwa tute. ³²Kwina unge ne ukumua unghonda nene na manyie utute ukumo neukuukumua ne watute.³³Mwamtuma Yohana no wamekumua tute. ³⁴Na kange, ukumo nenguofekea utifumie kwo mwanadamu. Nguyahanya ayai nye mdahe ukhomowa. ³⁵Yohana arekimwee ne kiakie no erya naaremwifunyie ukihekeya kwa ikhondo rikufei weru wakwe.³⁶Ukumo ne neukweti ne ukuu ufwaiye uruo wama Yohana, umeemo ne Tata wamempie nemefichiye, meemo nengumetenda eukumua neeno Tata wantumie. ³⁷Tata newantumie mweso wayo ukumua unghonda nene. Mkee mwinategheya ruri wakwe nouona wemo wakwe ikhondo mbarimwe. ³⁸Kutie ukhani wakwe neukekha mng'e anyu kusoko mtimhurie mweso newatumiwe.³⁹Myahungeya maandeko mtendie mng'e ayo kwina ufanga wa khae na khae, na maandeko asaa eukumua ntambo yaneno ⁴⁰mtiseghete uja kene nee mdahe uhanga ufanga wa khae na khae.⁴¹Ntujohea ukutwa ufuma kwa antu, ⁴²enyeso nemanyie ne mtikweti uyanjo wa Mungu mng'e.⁴³Najie kwa rina rama Tata wane, mwinadaha umpokea. Ne mbese unge ewajie kwa rina rakwe emmufokea. ⁴⁴Umdaha uhuvea nyenye ne mfokea na kihumbua ummwedo wanyu nyeso mtiufanja wihumbue ne ufumie kene Mungu wa imwene?⁴⁵Mtahanye nene nejomhongea usonge ama Tata. Neukumhongea nyenye ne Musa, ne nyenye mwaekie mahaa anyu kene mweso. ⁴⁶Na mbese are mmuhuvee Musa, aja mng'uvea na nee kusoko akaandeka ughonda ntambo yane. ⁴⁷Ne mbese mtiuyahuvea maandeko akwe, mdaha uhuve a nkhani yane?

¹Ne are manntu ayai afwaya, Yesu akaenda ufande wa Kirambo ro Galilaya, na kunu reutanwa Irambo ro Tiberia. ²Maburi ne makuu eamsambiye soko vekaona mbirira ne akaitenda kwo avoo ne arue. ³Yesu akanatea kunto faka ufande wa kunto wo kitanto na akakikhaa kuko na aseywi vakwe.⁴(Na Fasaka, Mbina Ayahudi areahumbea). ⁵Yesu newajohumbua miho akwe kunto waona maburi makuu ajie kene mweso, akamkhanea Filifo, "Kwenje ughua mikate kufei anntu avai vadahe ulia"? ⁶(Enyeso akayahanya ayai kene Filifo kwomfima kusoko mweso wayo eumanyie intu ne kuetenda).⁷Filifo akamsucha, "Namba mikate ahela ni nkuu dinari maghana itiudaha na mba umntu umwedu uhanga ifaja nenyoi." ⁸Andrea, umwedu wa aseywi vakwe muuna ama Simioni Feteo akamkhanea ⁹Yesu, "Kwina mhumba hafai wina mikate etano na somba ivee, unyeso eyei eudaha ntuni kwa atu ne vainge mwe avai?"¹⁰Yesu akamkhanea, "Vaekhenchi antufange" (ekwina mahwa mainge hafo). U aghosia areve makumi maghana atano vekakekhaa fang'e. ¹¹Na hafo Yesu wamehoa mikate esee ne etano akafanya asi wavaaghania vasaa nevekhee. Viui viui akavaaghania na somba mwino chuevaseghete. ¹²Antu ne vajokikuta, akavakhanea aseywi vakwe, "Yahangweyi mafande ausaghe, neasaghaa na retayaghae mbarimwedu."¹³Uvehangweya na kijuya makafo ikumi na avee, mafande amikate etno a shayiri- mafande neekasaywa na avoo ne vekalia. ¹⁴Ne antu vajoona mbirira iyii ne waitendaa vekahanya, "Tute uyui ne mghanga uyuo ne ujie ku uremi." ¹⁵Yesu ne wajomanya nechu vaseghaa umkwata vantende mtemi wawe, akaeghanuka noenda uketanto mweso iyene.¹⁶Ne ajotendeka yuampende aseywi vakwe vekasima vekaenda kirambo. ¹⁷Vekanatea umtumbwi nareveutambuka uenda uKapernaumu. (Kiti are kahefea na Yesu eakee ihaja kene veso). ¹⁸Ikhondo rasee kungu are nkuu erughutie, na irambo ratendeka refwaeye ufireka.¹⁹Na asweywi vakwe neveukhua makasia kinya makumi avee na atano au makumi atatu, vamwona Yesu neukuenenda kunto airambo uhueya mtumbwi, vekaoghofa. ²⁰Nyeso akavaera, "Ne nene! Mtaoghofe." ²¹Kange vatendeka vasegha umuucha umtumbwi nyeso mtumbwi watendeka waghea ung'e kene evinje.²²Itiku ne risambiye, maburi emekie kuuvaru wa irambo vaona ne kutie mtumbwi unge nyeso uruo ne Yesu ewonatie na aseywi vakwe evakee vinaunatea nyeso aseywi arevendaa na yawe veso. ²³(Nyeso, are kwina mitumbwi enge ne efumie uTiberia fiife no hafoo kene antu vekalia mikate ne Mkuu wafunya asi).²⁴Ikhondo ne maburi vajomanya ne ti Yesu nati aseywi vakwe ne vekuko, veso vayo vekanatia mung'e a mtumbwi venda uKapernaumu ne veumfenja Yesu. ²⁵Navajomhanga kuuvara weya wairombo vamuweya, "Rabi wajaa nanae kunui?"²⁶Yesu akavasocha, wavakhania, Huvei, huvei, mpenja nene, tinese kusoko mwaona ndolyo, soko ajamwalia mikate mwakikotaa. ²⁷Reki yaretendefa mwemo malewa neufireka, nyeso yatendeyi memo malewa heekhaa khae na khae ayoo ne Mwana ama Adamu ujomfa, nechu Mungu Tata weekie mtojo kunto ayo."²⁸Vasoka vamkhanea, "Ne ntuni ne kunoneye kumitende nasee kuutende mwemo wa Mungu?" ²⁹Yesu wasucha, "Urui yu mwemo wa Mungu: kate mumhuvie mweso newatumiwe."³⁰Kange vamkhanea, "Ne ndolyo ke neukuitenda, ne kudaha uyiona nokuhuvea? Ujotenda ntuni? ³¹Va tata vitu vekalia manna kikuja, mwinochuendakiwe, "Akavafa mikate ufuma kirunde valie."³²Kange Yesuwavakhanea, "Huvei, huvei, tie Muusa neakavafa mkate ufuma kirunde, kate ne Tata wane newafie mkate wa tute ufuma kirunde. ³³Nyeso no mkate wa Mungu ne uruo ne ukusima ufuma kunto kirunde no uufa uremi ufanga. ³⁴Are vamkhanea, "Mkuu kufe mkate urui makhondo ong'e."³⁵Yesu akavakhanea, "Nene yune mkate wa ufanga, usuu ne waja kene nene atiuhanga njaa na usuu ne wahuvea atuitegheya nyweta." ³⁶Na mbese namkhanie chu, mwanyona, na mkee mtihuvie. ³⁷Vong'e ne Tata ukuvampa vajie kene nee, na usuu newaja kene nee ntiumjughuta unji kamwe.³⁸Kusoko nasimie ufuma kirunde, timba kwoyatenda mafenji ane, enyeso mafenji niwantumie. ³⁹Na ayai ne mafenji akwe newantumie, nechuntanyaghaye mba umwedu wa avoo newavampie, nyeso nejovafetya itiku ro mpeo. ⁴⁰Ku soko ayai ne mafenji ama Tata wane, na usuu ne ukumrava Mwana no umhuvea ahange ufanga wa khae na khae, na nee nejo mfetya itiku ro mpeo.⁴¹Kange ayahudi vekamronga umghonda mweso soko akahanya, "Nene ne mkate neukasima ufuma kirunde." ⁴²Vahanya, "Uyui ti Yesu mwana wa Yasefu, ne ihe rina nyinya kummanyiea? Ukwerure fanoi neukuhanya, 'Nasimie ufuma kirunde?⁴³Yesu akasucha, wavakhanea, "Mtakironje mkhati anyu nyenye. ⁴⁴Kutie mntu neujie kene nene neatina rutwa na Tata wane ne wantumie, nanee nojomfefya itiku ro mpeo. ⁴⁵Na kuno iandikiwe kwa ghanga, vajoseywa na Mungu.' Mu usuu ne wategheye na ukiseya ufuma kene Tata, ujie kene nene.⁴⁶Tinese kwina mntu newamwonie Tata, nyeso uyuo neufumie kene Mungu- yu wamwonie Tata. ⁴⁷Huvei, huvei usuu ne wahuvea wina ufanga wa khae na khae.⁴⁸Nene ne mkate wa ufanga. ⁴⁹va tata vanyu vekalia manna kikuja, na vekakuya.⁵⁰Uuri yu mkate ne usime ufuma kirunde, are ne mntu waulia ifande ra mkate urui atiukuya. ⁵¹Nene ne mkate ne ukikhaa ne wasimie ufuma kirunde. Ne mbese mu mntu alie ifande ra mkate urui ukhaa khae na khae, na mkate nengumfunya ne mwere wane kusoko aufanga wo uremi."⁵²Ayahudi vahura veso kwa veso na vandya kikungoma no uhanya, "Mntu uyui ukudaha ure ukufa mwere wakwe kulie?" ⁵³Kange Yesu akavakhania, "Huvei, huvei, ne mwadea uulia mwere wa Mwana ama Adamu na umenywa saghami akwe, mtiutendeka mwina ufanga mung'e anyu.⁵⁴Wasuu newaulia mwere wane naumenywa saghami ane wena ufanga wa khae na khae, na nee nejomfetya itiku rompeo. ⁵⁵Kusoko mwere wane ne ilewa ra tute, na saghami ane inywa ra tute. ⁵⁶Wasuu ne ukuulia mwere wane nomenywa saghami ane ukekhaa mung'e ane, na nee mung'e akwe.⁵⁷Mwino chu Tata mnyaufanga mwino wantumie na mwino ngekhaa kusoko ama Tata, na mweso no ukhaa kusoko ane. ⁵⁸Urui yu mkate newasimie ufuma kirunde timwino, kinya vatata nevekalia vekakuya. Wasuu ne waulia mkate urui ukekhaa khae na khae. ⁵⁹Yesu akahanya mantu asaa mungi ukanisa neukuvaseya kuko uKapernaumu.⁶⁰Nechu aseywi vakwe ne vainge ne vajotegheya ayai, vekahanya, "Erei ne eseeyo ne rikaku ne anyu neudaha uekwatea?" ⁶¹Yesu kusoko akamanya nechu aseywi vakwe vandio uronga kwa intu erei, akavakhanea uintu erei mwarehurana?⁶²Ukojotendeka kweure ne mwajomuona mwana ama Adamu neukusima ufuma kene ewere khae? ⁶³Ni nkhoo neufunya ufanga. Mwere utiuhanga intu na rimwe. Na nkhani ninaihanya kene nyenye ne nkhoo na ufanga.⁶⁴Ke kwina antu khate anyu ne vatihuvie." ku soko Yesu akamanya ufuma mwandyo uyuo ne atihuvie nane usuu neujomhongea. ⁶⁵Akavakhanea, ne kusoko eyei ngamkhanea nechu kutie mntu neukudaha uja kene nene neatinafewa na Tata."⁶⁶Kwa ayai aseywi vakwe ne vainge vekasuka nyuma na vetina kisambeyaa nayo kange. ⁶⁷Yesu akavakhanea avoo ne vikumi na vavee, "U na nyee no mfenja uhegha na?" ⁶⁸Simioni Feteo akamsucha, "Mkuu kwende kene anyu nekene veve kwina nkhani ya ufanga wa khae na khae, ⁶⁹na kwahuvea nomanya ne veve Umweru kene Mungu."⁷⁰Yesu akavakhanea, "Unene ntinamhwania nyenye, na umwedu wanyu ne setani na? ⁷¹Hafo eukureghetya umghonda Yuda, mwana ama Simioni Iskariote, soko ne mweso newe umwedu kwo avoo ne vikumi na vavee, ne areujomhonge Yesu.

¹Ne ayai ajofwaya Yesu akatunguya vii uGalilaya, kwa soko atinayanjaa uenda ku Uyahudi kwasoko Ayahudi arevekianea umuuragha. ²Na kange sikunkuu Ayahudi, sikunkuu a Vibanda, eahumbea.³Nechu anyandughu vakwe vajomkhanea, "Hegha hafai wende ku Uyahudi, na aseywi vako novayione ntendo yako neukuitenda. ⁴Kutie neukutendaa intu mba rimwe kimpihe ne mweso wayo no ukufenja akighee uchanya. Ne mbese ukutenda mantu ayai, kighee vee wayo ku uremi."⁵Ngwe yu anyandughu vakwe no vinamhuvea. ⁶Na Yesu akavakhanea, "Ikhondo rane rekee rinafika, nyeso ikhondo ranyu rerefo mwiche redahikie. ⁷Uremi utiudaha umhura nyenye, weso ukung'ura nene kwa soko no ukumua ne ntendo yayo mbee.⁸Natei mwende usikunkuu; nene ntije usikunkuu eyei kwasoko ikhondo rane rekee rinaghea tanju." ⁹Ne wajoreghetya mantu asaya kene veso, akasagha uGalilaya.¹⁰Na kange, anyandughu vakwe nevajotendeka vaendaa usikunkuu na mweso no akaenda, tihwa uchanya nyeso kwa kimpihe. ¹¹Ayahudi eveumfenja mung'e asikunkuu veuhanya, "Wekufe?"¹²Ehwina nkhani nyinge khate amaburi. Vange veuhanya, "Ne mntu mja." Vange veuhanya, "Kutie, ukuvayaghaya maburi." ¹³Na mbese ui kutie neakareghetya uchanya kwato akwe eveuvatija Ayahudi.¹⁴Ikhondo ne sikunkuu ajoghea mkhate, Yesu akanatea uenda Ukanisa na uandya useeya. ¹⁵Ayahudi vekataka no uhanya, "Ne asike ne mntu uyui umanyie mantu mainge vii? Na atina somaa kamwe." ¹⁶Yesu akavasucha novakhanea, "Maseeyo ane, ti ane, ne akwe mweso ne wantumie.¹⁷Ne mbese unge ukuyanja utenda mafenji akwe mweso, ukumanya ukeera maseeyo ayai ne mbese afumie kene Mungu, namba ngureghetya ufuma kene nene mghonjo. ¹⁸Muu ne ukureghetya ne afumie kene mweso mghonjo ukufenja kikuria, enyeso muu neukuufenja ukuu wakwe mweso ne wamtumie, mntu usuu ne wa tute, na mung'e akwe kutie udeatenda ija.¹⁹Muusa atinamfaa nyenye maragheyo na? Enyeso kutie mbaumwe khati anyu neukuyatendaa maragheyo. Asike ne mfenja umbwagha? ²⁰Maburi vamsucha, "Wina nyonyi. Na anyu neukufenja ukuuraghaa?"²¹Yesu wasucha novakhanea, "Natendaa mwemo umwedu, na nyee nyong'e mwatakaa soko ayo. ²²Muusa akavafa ikurywa (tinese erifumie kene Muusa, nyeso erifumie kene va tata), na Umfungate ukutowa ihungu mntu.²³Na mntu ukuotwa ihungu itiku ra Mfungate soko maragheyo ama Muusa atafirwe na asike nemung'ora nene kusoko umtenda mntu atendeke mfanga kamwe ukhati Amngate? ²⁴Mtaramue kining'ania ne righete, nyeso ramui utute.²⁵Akei vawe ufuma uYerusalemu vekahanya, "Ti uyui neveumfenja vamuuraghe na? ²⁶Na kange, ukureghetya uchanya, uchanya, na vatiumanya renge kene mweso, itudaha utendeka kate ne atogeri udea umanya ne uyui ne Kreso, eudaha utendeka na? ²⁷Kumanyi mntu uyui ufumie kufei. Kreso newaja, nakutie neujomanya kene ufumie."²⁸Yesu are uraghiye ukanisa, neukuseeya nohanya, "Nyenye nyong'e mnyije nene na mumanyie kene nifumie. Ntinajaaha ihaa rane kweso uyuo ne wantumie ne watute, na mtimwije mweso. ²⁹Nemmanyie mweso kusoko nifumie kene mweso na wantumie."³⁰Aareveusoya umkwata, nyeso kutie na umwe ne akahumbua mkhono wakwe kunto akwe kusoko ikhondo rakwe erikee rinaghea. ³¹Na mbese ui, ne vainge umaburi vekamhuvea. Nohanya, "Kreso newaja ujotenda mbirira nyinge niifwaiye newaitendaa mntu uyui?" ³²Akuu va dini vekategheya maburi nevikifofokea umantu ayai neamghondie Yesu, na akuu va ademi na va Dini vekatuma asikae vende umkwata.³³Na Yesu akahanya, "Kee kwina ikhondo rinywi nerefo itambe rimwedu nanye, na kange ninje kene mweso newantumie. ³⁴Mjompenja na mtijonyona kukoo kene ninje, nye mtiudaha uja."³⁵Na kange Ayahudi vakikhanea veso kwa veso, "Mntu uyui winjefe ne sese kutijodaha umwona? Winje kwo avoo ne vafaghatie khate Ayunani no vaseya Ayunani na? ³⁶Ne ukhani kee urui ne wohanyaa, 'Mjompenja na mtijonyoona; kukoo kene ninje mtiudaha uja'?"³⁷Fanoi ukitiku ro mpeo, itiku ne ikuu ra sikunkuu, Yesu akaemeka akahumbua ruri, nohanya, "Usuu ne wina nyweta, aje ke nene ajonyua. ³⁸Mweso newang'uvea nene, mwino chu nkhani yohanya, ufuma mung'e akwe ijoseme meongo amaje aufanga."³⁹Enyo akayahanya ayai meughonda Nkhoo, ne avoo nevamhuvie vajomehanga; Nkhoo areekee inafunywa kusoko Yesu eakee iinakurywa.⁴⁰Ne akei umaburi, ne vajotegheya nkhani iyii, "Tute uyui ne mghanga." ⁴¹Vange vekahanya, "Uyui ni Kreso." Enyeso vange vekahanya, "ntuni, Kreso ukudaha uGalilaya? ⁴²Nkhani itiuhanya ne Kreso ukufumia ku ufafa wama Daudi na ukufuma uBethelehemu, ukijiji kene Daudi ewere na?⁴³Na hafo, kukauka ifaghata mkhati a maburi kusoko akwe. ⁴⁴Vange khete awe veufenja umkwata, nyeso kutie neakaghoora mkhono wake kene mweso.⁴⁵Arechu anangwa avoo vekusuka kwa akuu va ademi nava dini, no vakhanewa, "Aseke ne mtina mreta?" ⁴⁶Anangwa vekasucha, "Kutie mntu newafwaiye ne wadahie ureghetya mwino uyui."⁴⁷Hafo Akuu va dini vekavasucha, "Nanye no mwoyaghaywa na? ⁴⁸Kwina ungeja khati a akuu neumhuvie, au ungeja wa Akuu va dini na? ⁴⁹Ne maburi avai nevatiyamanyie maregheyo - vajumiwe."⁵⁰Nikodemo akavakhania (mweso ne akaenda kene Yesu khae, ne umwedu wa akuu Dini), ⁵¹"Umaragheyo itu eumramua mntu nesa wategheywa tanju no umanya ne ukuretenda?" ⁵²Vekasucha noumkhanea, "Na veve no ufumie uGalilaya na? Fenja ukuona nechu kutie mghanga neufumie uGalilaya."⁵³(Khwekeya: Ne khani inge yama Yohana 7: 53 - 8: 11 itifo unakala inge ya ya khae). Are mmuntu akaenda ukhakwe.

¹(Khwekeya: Raava ughaempeyo wama Yohana 7: 53 - 8: 11 hafo kunto). Yesu akaenda uketanto kwo Mizeituni. ²Diu ne nkuu akaja kange ukanisa, na antu vong'e vekamuendea; akavaseeya. ³Aandeki na akuuu va Dini vekamwetea mkhema ne wakwatwa untendo yonyachaka. Vendomweeka mkhate.⁴(Khwekeya: Raava ughaempeyo wama Yohana 7: 53 - 8: 11 hafo kunto). Are vamkhanea Yesu, "Mseeyi, mkhema uyui wakwatwaa kuunyachaka mkhate aitendo kamwe. ⁵Na fanoi, umaragheyo, Muusa wakweere kuvatue na magwe antu kinya avai, ukuhanya ure kene mweso? ⁶Vekahaya ayai evamteghie vahange intu ro msitakia, nye Yesu akainama fang'e akaandeka ufang'e na mwaneha wakwe.⁷(Khwekeya: Raava ughaempeyo wama Yohana 7: 53 - 8: 11 hafo kunto). Nevajofwaeya umuweya, akaemeka no vakhanea, "Wasuu ne atikweti mahutye mkhati anyu, ne atendeke wa mbee umtua na magwe." ⁸Akahunama kange fang'e, akaendeka ufang'e na mwancha wakwe.⁹(Khwekeya: Raava ughaempeyo wama Yohana 7: 53 - 8: 11 hafo kunto). Ne vajotegheya asaa, vekahegha umwe umwe ukeera muuya, uandeya ne nyampaa. Umpeo ayo Yesu akarekwa iyene, na mkhema usuu ne we mkhati awe. ¹⁰Yesu akaemeka noumkhanea, "Mkhema, nejavakustakie vekufe? Kutie mba umwedu newakuramua?" ¹¹Akahanya, "Kutie na neumwe Mkuu." Yesu akahanya, "Nanee no ntukuramua. Enda na njea ako; uandya fanoi no ufwaeya utatende mahutye kange."¹²Na kange Yesu akareghetya na antu akahanya, "Nene ne weru wo uremi; usuu ne wansambeya atimenda ukiti nyeso ukutendeka wina weru waufanga." ¹³Akuu adini vamwukhanea, "Ukikumuua mghonjo; ukumo wako ti wa tute."¹⁴Yesu akasucha akavakhanea, "Na mbese ngikumuua mghonjo, ukumo wane ne tute. nemanyie kene nefumie na kuko kene ninje, enyeso nye mtune kene nefumie na kuko kene ninje. ¹⁵Nyenye muramua kemwere; nene ntiumramua ungeja. ¹⁶Nene nambaneramue, uramui wane ne tute kusoko nti mwene nyeso neitambe rimwedu kwina tata newantumie.¹⁷Nhoo, na umaragheyo anyu eandekiwe nechu kwa ukumo wa antu vavee ne tute. ¹⁸Nene chungikumuua, ne Tata newantumie no ukunkumua."¹⁹Vekamkhanea, "Tata wako wekufei?" Yesu akasucha, "nene mtinyije na Tata wane no mtimwije; ne mbese jamunyije nene, ajammumanya na Tata wane no." ²⁰Akahanya nkhani iyii ne wefife na ukeu neakuseeya ukanisa, na kutie na neumwe ne akamkwata kusoko ikhondo rakwe erikee rinaghea.²¹Na kange akavakhanea, "Nenoka nayeme; mjompenja na mkuya umahutye anyu. Kuko kene ninje, mtiudaha uja." ²²Ayahudi vekahanya, "Ukiuragha mghonjo, mweso newanyie, 'kuko kene ninje mtiudaha uja'?"²³Yesu akavakhanea, "Mfumie fang'e; nene nefumie kunto. Nyenye we vaku uremi urui; nene nti wa ku uremi urui. ²⁴Chu, namkhanie ne mkuya na mahutye anyu. Mbese ne tiui mhuvie ne NENE NE MWESO, mkuya na mahutye anyu".²⁵Uvamkhanea, "Veve we anyu?" Yesu wavakhanea, Ayoo nejana mkhanea ufuma mwandyo. ²⁶Nkweti mantu mainge ureghetya noramua kene nyenye. Na kange, uyuo ne wantumie ne wa tute; na mantu ne nayategheye ufuma kene mweso, mantu ayai nuyahanya ku Uremi." ²⁷Vatinamanyaa neukureghetya vinewe umghonda ike Tata.²⁸Yesu akahanya, "Ne mwajomhumbua kunto Mwana a Mntu, yuchu mjomanya ne NENE NE MWESO, na ntiutenda intu kwa iwaa rane. Mwino chu Tata wanseeye, ngureghetya mantu ayai. ²⁹Mweso newantumie wuitembe re mwedu na nee, na mweso atinandekea niyenedo, soko mwiche ngutendaa ayoo neumnoneyaa." ³⁰Ikhondo ne Yesu ukureghetya mantu ayai, vainge vekamhuvea.³¹Yesu akahanya kwo Ayahudi avoo ne vamhuvie, "Ne mbese mkikhaa ku ukhani wane, yu mtendeka mwaseeyiy vane tute, ³²na nyee mmemanya tute, na tute eumrughwera." ³³Vekamsucha, "Sese kwe ufafo wama Ibrahimu na kamwe kwinatendeka kwe fang'e autughwa wamaunge; "Ukuhanya ure kujorughwerwa?"³⁴Yesu akavasucha, "Huvei, huvei, ngumkhanea, muneukutendaa mahutye ne mtughwa wa mahutye. ³⁵Mtughwa atikekhaa ukhaya makhondo ong'e; mwana ukhondaa matiku ong'e. ³⁶Ne mbese, chu Mwana wamrughwera, mtendeka mrughuerwe tute ino."³⁷Niune ne nye mwe ufafo wama Ibrahimu; mufenja umbwagha kwa soko ukhani wane utikweti mpenyenye mung'e anyu. ³⁸Ngureghetya mantu neneyakengee itamberimwe na Tata wane, nanyee viui, viui mtenda mantu nemwayategheye ufuma kene tata wanyu."³⁹Vekasucha noumkhanea, "Tata witu ne Abrahamu." Yesu akavakhanea, Ne mbese mwe vana vama Ibrahimu, ajamtenda meemo ama Ibrahimu. ⁴⁰Na fanoi mfenja umburagha, mntu newamkhanie, mntu newamkhanie utute nechu nategheye ufuma kene Mungu. Abrahamu atina tendaa vii. ⁴¹Mtenda meemo ama tata wanyu." Vamkhanea, "Kutinafafwaa kuunyachaka, kwina Tata umwedu, Mungu."⁴²Yesu akavakhanea, "Ne mbese Mungu Tata wanyu, ajamunyaja nene, kwasoko nefumie kene Mungu; na ntinajaa kwa ihaa rane, nyeso chu mweso wantumie. ⁴³Asike ne mtiuimanya nkhani yane? Kusoko mtiudaha ughineya uitegheya nkhani yane. ⁴⁴Nyenye nemwevama tata wanyu, setani, na mseghete uyamirea mate mantu ama tata wanyu, emuuraghi ufuma mwandyo na atiudaha uemeka utute kusoko tute etifo mung'e akwe. Neukureghetya uregheghe, ukereghetya ufuma untundo akwe kusoko ne mregheghe nane tata wa uregheghe.⁴⁵Na fanoi, kusoko nguhayna ne tute, mtiuhuvea. ⁴⁶Ne anyu mkhati anyu ne ukunkumua ne nina mahutye? nechu nguhanya neatute, asike ne mtiung'urea? ⁴⁷Wasuu ne wa Mungu ukuitegheya nkhani ya Mungu; nyenye mtiuitegheya kusoko nyenye mti va Mungu."⁴⁸Ayahudi vekamsucha no umkhanea kwina tute ne veve Umsamaria na wina nyonyi?" ⁴⁹Yesu akasucha, ntina nyonyi; nyeso nemwoghofete Tata wane, nanyee mtinjoghofete.⁵⁰Ntiufenja ukuu wane; kwina umwedu neukufenja noramua. ⁵¹Huvei, huvei, ngumkhanea, wasuu newaukwatea ukhani wane, atiuona ikuya kamwe."⁵²Ayahudi vamkhanea, "Fanoi kwamanyaa ne wina nyonyi. Abrahamu na aghanga vakure; ukuhanya, 'Ne mntu waukwatea ukhani wane, atiuretomya ikuya'. ⁵³Veve tiu mkuu ukea tata witu Abrahamu newakuree tiuina? Aghanga no vakure. Veve ukitendya we anyu?"⁵⁴Yesu akasucha, "Mbese ngikurya mghonjo kikurya kwane ne ndende; ne Tata wane neukunkurya - uyuo ne mumhanya ne Mungu wanyu. ⁵⁵Nyenye mkee mwinammanya mweso, nyeso nene nimmanyie mweso. Ne mbanehanye, 'ntimmanyie,' nutendeka kinya nyenye, nemwaregheghe. Nechu nemmanyie na nkhani yakwe noniikwatie. ⁵⁶Tata wanyu Abrahamu akakirivisa newajoreona itiku rane; akareona na akayanja."⁵⁷Ayahudi vekamkhane,"Ukee wina ficha ne miakha makumi atano, navee wamuona Ibrahimu?" ⁵⁸Yesu akavakhanea, "Huvei, huvei, nomkhanea, ne kee Abrahamu akee inafafwa, NENE NEEPO." ⁵⁹Na vekahoanga magwe vamtue, nyeso Yesu akakifiha na wafamaunji akanisa.

¹Ikhondo, ne Yesu ukukea akamwona mntu ne mfoku ufuma ufafwa kwakwe. ²Aseywi vamuweya, "Rabi, ne anyu ne watendie mahutye, mntu uyui na mba afafi vakwe, faka afafwe mfoku?"³Yesu akavasucha, "Ti mntu uyui nati afafi akwe nevatendie mahutye, chu meemo aMungu edahe ukunukuwa ukeera mweso. ⁴Kunoneye utenda meemo akwe mweso newantumie ikhnodo neke mumwi. Itiku waja ikhondo ne kutie nejodaha utenda mwemo. ⁵Ikhondo ne nkee ne ku uremi, nene ne weru wa uremi."⁶Ne Yesu wajohanya nkhani iyii, akatia ufang'e, akatenda ilolo na mate, akamwira mnntu usuu umino na ilolo rasee. ⁷Akamkhanea enda ogha uruje wo Siloam (Ne uregheteywa kinya ne 'utumiwe')." Na muntu usuu akaenda, waoya , na akasuka, ukengee.⁸Anyafife va mntu usuu na avoo ne vamkengee mbee kinya mnyoromba, vekahanya, U! uyui ti uyuo ne ukekhaa no uromba na?" vange vahanga, "Ne mweso." ⁹Na vange vekahanya, "Aaa, chu ukikhwete nayo." Nyeso ekuhanya ekuhanya, "Ne nene."¹⁰Vamkhanea, "Ufanoi miho ako arugherwa ure?" ¹¹Akasucha, mntu ne ukuelwaa Yesu akatenda ilolo nonunjira miho ane nonkhanea, 'Enda uSiloam wendooya.' Uchu ngaenda, na ngaoya, chunadaha uona kange." ¹²Vamkhanea, "Wekufei?" Akasucha, "Ntune."¹³Vamtoa mnntu usuu neare watendekie mfoku kwo akuu va Dini. ¹⁴Na areitiku ra Mfungate ikhondo ne Yesu ukutenda uolo nayaranguya miho akwe. ¹⁵Na kange Anyadini vekamuweya wadaha are uona. Akavakhanea, "Akaeka ilolo umiho ane, naoya, nafanoi nikengee."¹⁶Akuu Adini vange vekahanya, "Mntu uyui atifumie kene Mungu kusoko ati rekwatie itiku a Mfungate." Vange vahanya, "Eudaheka ure mntu ne wina mahutye uitanda ndolyo kinya isii?" Ukatendeka kwina mueghanuko mkhati awe. ¹⁷Chu vekamuweya mfoku usuu kange, "Ukuhanya ure kene mweso kusoko akayarughua mino ako?" Mfoku akahanya, "Ne mghanga." ¹⁸Na ikhondo erei Ayahudi vinamhuvea atisoko ne mfoku waona faka nevajovaetana afafi vakwe mweso ne wadaha uona.¹⁹Vakavaweya afafi, U, uyui ne mwana anyu ne mwahanyie wafafiwe mfoku? wadaha ure fanoi uona?" ²⁰Na afafi vakwe vekamsucha, "Kumanyie ne uyui ne mwana witu na wafafiwe mfoku. ²¹Ne kwa ure fanoi nechu ukengee, kutune, na newamranguya mino akwe, kutimwije. Muweyi mweso. Ne mntu mkuu. Ukudaha kiregheteya mghonjo."²²Afafi vakwe vekahanya mantu ayai, kusoko eveuvateja Ayahudi. Kusoko Ayahudi arevakiyanjeya kate usuu ne wahanya Yesu ne Kreso, ukubaghuwa na Ikanisa. ²³Kusoko eyei, afafi vakwe vekaya, "Ne mntu mkuu, muweyi mweso."²⁴Na kange mhinjo wa kavee, vekamwetana mntu uyui neakatendeka mfoku no umkhanea, "Mfee Mungu ukuu. Kumanyie ne mntu uyui ne mnyamahutye." ²⁵U mntu usuu akasucha, "Atendeke mnya mahutye, nene ntune. Intu rimwedu ui neneremanyie: enemfoku, nafanoi nekengee."²⁶Uchu vamkhanea, "Wakutendea ntuni? Wayaranguya ure miho ako?" ²⁷Akasucha, "Namkhanea kembee, na nyenye mtinategheya! Asike ne mwofenja utegheya kange? ²⁸Nanyee mtiseghete utendeka mwaseeywi vakwe ui, tiui? Vekamtuka no uhanya, "Veve umseeywi wakwe, enyeso sese kwa aseeywi vama Muusa. ²⁹Kumanyie ne Mungu vekareghetya vina Muusa, enyeso umntu uyui, kutune kene ufumie."³⁰Mntu akasucha no vakhanea, "Asike, erei ni intu rotaka, nechu mtimanyie kene ufumie, nachu wayaranguya miho ane. ³¹Kumanyie ne chu Mungu atiuvategheya anya mahutye, nyeso mmuntu neukumsarea Mungu naukuyatendaa mafenji akwe, Mungu ukumtegheya.³²Nino are uremi wandia ehee inategheywa kamwe ne unge wayaranguya mino amntu newafafiwe mfoku. ³³Ne mbese mntu atifumie kene Mungu, ajatiutenda renge." ³⁴Vekasucha no umkhanea, "Ukafafwa umahutye kate, na veve ukukuseya sese?" Na hafo vekamjuncha ufuma ukanisa.³⁵Yesu akategheya nechu vamheya ukanisa. Akamhanga na umkhanea, "Umhuvie Mwana a Mntu? ³⁶Akasucha nohanya, "Ni anyu, Mkuu, neno nedahe umhuvea?" ³⁷Yesu akamkhanea, "Wamuuonaa, nane mreghetiye mwinakwe mwenso." ³⁸Mntu usuu wahanya, "Mkuu, nahuvea." Na wamsarea.³⁹Yesu akahanya, "Kwa uramui najaa ku uremi urui kwa avoo ne vatikengee vahange uona na avoo ne veona vatendeke afoku." ⁴⁰Anyadini akei neveitambe emwedu vinawe vaitegheya nkhani isii no umuweya, "Ne sese no kwafoku?" ⁴¹Yesu akavakhanea, "Ne mbese jamtiamfoku, samtina mahutye. Na fanoi no mhanya, 'Mkengee,' mahutye anyu ekekhaa."

¹Huvei, huvei, neumkhanea, usuu ne atiuhefea no ukeera, u kinyamwango ka msae wa nkhoo, nyeso ukunatia unjea enge, mntu usuu ne mwivi na mheyeyi. ²Usuu ne ukuhefea umfifa ne mdemi wa nkhoo.³Kene mnyoghoja mfita ukumrughwera. Nkhoo yiutegheya ruri wake na ukuyitena nkhoo yakwe kwa mina ayo noifunya kunji. ⁴Ne wajovafunya unji avoo ne vakwe, ukuvatongea, na nkhoo yumsambeya, kusoko vaumanyie ruri wakwe.⁵Vatiumsambeya mghenyi enyeso viumhita, kusoko vatiumanyie ruri wa aghenyi." ⁶Yesu akahanya wighoyi urui kene veso, nyeso vatina manyaa mantu ayai neukuyahanya kene veso.⁷Yesu akareghetya nayo kange, "Huvei, huvei, namkhanea, Nene ne kinyamwango ka nkhoo. ⁸Vong'e ne vantongee ne ahembi na aheyiyi, nyeso nkhoo itenavateghegaa.⁹Nene ne kinyamwango. Usuu ne wakea ukeera kene nene, ukukhomowa, kuukea mung'e na ufuma, na mweso ukihangeya udemo. ¹⁰Mwivi atijie kweso uiva, uuragha, na uhirenkeya. Najaa nechu vahange ufanga na vatendeke nayo chaki.¹¹Nene ne mdemi ne mfoo. Mdemi ne mfoo ukuufunya ufanga wakwe kusoko ankhoo. ¹²Mtumami wa msahaa, usuu ti mdemi, ne nkhoo timari akwe, ne wayiona mbughi yaja wdua no ireka nkhoo. ¹³Na mbughi yuikwata no ifaghatya. Ukudua soko ne mtumami wa msahaa na atiuiseghaneya nkhoo.¹⁴Nene ne mdemi ne mfoo, na nivamanyie avoo ne vane, na veso ne vane no vamanyie nene. ¹⁵Tata umanyie, na nee nemmanyie Tata, na nee nguufunya ufanga wane kusoko a nkhoo. ¹⁶Ne kweti nkhoo inge ne tiyo msae urui, yasii no enenoye nierete, ne nyeso yiutegheya ruri wane kweso etendeke kwina iduya rimwedo na mdemi umwedo.¹⁷Eyei nechu soko Tata unyanjite: Neufunye ufanga wane nane uhoe kange. ¹⁸Kutie neukuuhoa ufuma kene nene, nyeso nene nguufunya mghonjo. Nina nguu yo ufunya, na nina nguu youhoa kange. Narehangie iragheyo erei ufuma kene Tata."¹⁹Mweghanuko ukatendeka kange khate ayahudi kusoko ankhani iyii. ²⁰Ne vainge vahanya, "Wina nyonyi kuno mhari. Asike ne mumtegheya?" ²¹Vange vahanya, "Iyii ti nkhani ya mntu neuhangenkanie na makenyonyi nyonyi. Inyonyi reudaha urughua miho a mfoku?"²²Yuchu ekaja Sikunkuu Usimeka Yerusalemu. ²³Are ikhondo ra mpefo, na Yesu afeukuenenda ukanisa ku ukumbi wama Selemani. ²⁴Chu Ayahudi vekamfimeya noumkhanea, "Faka nanae neukukweka uchoghofi? ne mbese veve we Kreso, kukhanie uchanya.²⁵Yesu akavasucha, "Nadahie umkhanea nyeso mting'ovie. Meemo nengumetenda kwa rina rama Tata wane, esee eumpunye ya ukumo wane. ²⁶Na kange mting'ovie kusoko nyenye mti nkhoo yane.²⁷Nkhoo yane yuuregheya ruri wane; Niimanyie, nyeso no yu nsambeya nene. ²⁸Navafie ufanga wa khae na khae; vatiuhirenkea kamwe, na kutie mbaumwedo neukuvang'eyeya ufuma umkhono wane.²⁹Tata wane newavampie vasaa ne mkuu ukeya auya vong'e, na kutie umwedu ne wina udaho wovang'eyeyo ufuma umkhono wama Tata. ³⁰Nene kwina Tata kwe idamberimwe." ³¹Vekaucha magwe vamtue kange.³²Yesu akavasucha, "Namraghea meemo mingi ni muja ufuma kene Tata. Kwa meemo afe khati aisii ne mofenja untua na magwe?" ³³Ayahudi vekamsucha, "Kutiukutua na magwe kwa mwemo na umwe ne uja, nyeso kwa uhonda, kusoko veve, ne umntu, ukitenda we Mungu."³⁴Yesu akavasucha, "Eti andikiwe umaragheyo anyu, 'Ngahanya, "Nyenye ne mwe arungu"'?" ³⁵Ne chu akavaitaa mwearungu, kwa avoo ne Ukhani wa Mungu ukavajea (na Maandeko atiudaha atiudaha uruangwa), ³⁶mhanya kwa uyuo ne Tata wamfunyie no umtuma ku uremi, 'Ukuhonda,' kusoko ngahanya, 'nene ne Mwana a Mungu'?³⁷"Ne mbese ntiutenda meemo ama Tata wane, mtang'ovie. ³⁸Na uyi, chu nguitenda na mbese mtiung'uvea, huvei meemo na mdahe uona naumanya nechu Tata we mung'e ane na nee nemung'e ama Tata." ³⁹Vasoya kange umkwata Yesu, nyeso akaenda yakwe ufuma umekhono awe.⁴⁰Yeus akaenda na yakwe umpeo a uYordani kene are Yohana ukuoyaa mahutye mwandyo, na akakikhaa kuko. ⁴¹Antu ne vainge vekaja kene Yesu. Vekafwaeya uhanya, "Yohana tute atinatenda ndolyo mba imwe, enye so mantu ong'e ne akayahanya Yohana kene mntu uyui ne atute." ⁴²Atu ne ainge vekamhuvea Yesu hafo.

¹Na mntu umwedu rina Lazaro emurue. Eufumie uBethania, ukijiji ka Mariamu vina muuma akwe Marita. ²Ee Mariamu uyuyo neakamwira Mkuu Marhamu na umfanghua mighuu akwe na njee yakwe, ne mnyandughu wake Lazaro emtue.³Nechu aruna avai vekatuma sayu kene Yesu nauhanya, "Mkuu, raava uyuo ne umyanjite uwire." ⁴Yesu newotegheya akahanya, "Uure urui ti ikuya, nyeso, chu soko aukuii wa Mungu nechu Mwana wa Mungu adahe ukurywa ku urue Usuu."⁵Yesu emyanjite Marita na muunakwe na Lazaro. ⁶Ne wajotegheya ne Lazaro mrue, Yesu akakikhaa matiku aree ong'e nafo kene were. ⁷Nechu rajufwaya erei akavakhanea aseywi vakwe, "Kwendi ku Uyahudi kange."⁸Aseeywi vekamkhanea, "Rabi, Ayahudi eveufenja ukutua na magwe, na vee ukufenja usuka kuko kange?" ⁹Yesu akavasucha, "Saa ya mumwe ti yiikumi na ivee? Mntu neukuenenda mumwe atiudaha ukhangukwa, kusoko ukengee uweru wa mumwe.¹⁰Na ui ne mbese newaenenda utiku, ukukhangukwa kusoko weru kutie mung'e akwe." ¹¹Yesu akahanya mantu ayai, akavakhanea, "Mbuyitu, "Lazaro waraa, nyeso chu nokaa yu nendo mfetya ufuma a utuo."¹²Chu aseeywi vamkhanea, "Mkuu, ne mbese waraa, ukufetya. ¹³Ikhondo erei eukureghetya sayu aikuya rama Lazaro, nyeso veso evatendie ukureghetya unto a uraa tuo. ¹⁴Chu Yesu akarareghetya nayo uchanya, uchanya, "Lazaro wkuyaa.¹⁵Nayanjaa soko anyu, nechu jantifo kuko nechu mhange uhuvia. Kwendi kene mweso." ¹⁶Na Tomaso, neukuetwana Ifaha, akavaira aseeywi ayakwe, "Nasee no kwendi ne kwende ukuya itambe imwe na Yesu."¹⁷Ikhondo ne Yesu waja, akahanya nechu Lazaro ewatendaa matiku anne umbelelo. ¹⁸Na Bethania are efife no uYerusalemu kinya kilomita makumi anena itano vii. ¹⁹Ayahudi vainge vekaja kene Marita vina Mariamu ujovavorya nkhoo kusoko amnyandughu awe. ²⁰Nechu Marita wajotegheya ne Yesu woja, akaenda utama vinakwe, nyeso Mariamu akafwaeya kikhaa ukhaya.²¹Na Marita akamkhanea Yesu, "Mkuu, nembeseja weefo hafai muuna ane jatyukuya. ²²Na fanoi nekengee rasee newareromba ufuma kene Mungu, ukukufa." ²³Yesu akamkhanea muunako ukufefya kange."²⁴Marita akamkhanea, nemanyie nechu ujofetya kwa ufetye ki kitiku raumpeo." ²⁵Yesu akamkhanea, "Nene ne ufefye na ufanya; usuu neung'uvie, namba ukukuya, nosa ukikhaa; ²⁶na mweso neukekhaa nong'uvea nene atiukuya. Uhuvie erei?"²⁷Akamkhanea, "Nhoo, Mkuu nahuvea nechu veve we Kreso, Mwana a Mungu, yeye ajaye katika ulimwengu." ²⁸Ne wajodaha uhanya erei, wenda na yakwe no umwetana muumakwe na Mariamu kimpihe. Akahanya, "Mseeyi wehafai no ukukwetana." ²⁹Mariamu newajo tegheya ayai, akauka nue noenda kene Yesu.³⁰Na Yesu noeakee inaja mng'ee ukijiji, nyeso eakee wekuko kene evatanea vina Marita. ³¹Na Ayahudi ne vinaa Mariamu ukhaya na avoo ne vamforya nkhoo, nevajomwona wauka nue naufuma kunji, vekamsambeya; evatindie woka umbelelo endeuria kuko. ³²Nechu Mariamu, newajofika nafo kene Yesu wire akamuona na, akagwa fang'e umighuu akwe na akamkhanea, "Mkuu, ne mbese aja urefo hafai mnyandughu wane ja atiukuya."³³Yesu newojomwona ne ukurea, na Ayahudi nevaja itambe imwe vinawe noeviuria no, akahongeya unkhoo no ughemaneya; ³⁴akahanya, "Mwamrencha kufei? vamkhanea, Mkuu, njuu ujorava." ³⁵Yesu akarea.³⁶Nechu Ayahudi vahanya, "Rava mwino eumyanjite Lazaro!" ³⁷Nyeso vange khati awe vahanya, "Ti uyui, mntu ne waranguye miho ama uyuo neare mfoku, inadaha umtenda mntu uyui atakuye?"³⁸Nachu Yesu, ne ukuhongeya unkhoo kange, akaenda umbelelo. Fanoi areipango, na igwe rechiwe into ayo. ³⁹Yesu wahanya, "Reheyi igwe." Marita, muuma ama Lazaro, mweso newakuyaa, akamkhanea Yesu, "Mkuu, kwa fanoi mwere watendeka waghoraa, kusoko watendeka mwimba u matiku anne." ⁴⁰Yesu akamkhanea, "Nene ntinakukhanea nechumba uhuvie, ukuwoona ukuu wa Mungu?"⁴¹Aso vekareheya igwe. Yesu akahumbua mino akwe kunto no uhanya, "Tata, ngufunya asi kusoko untegheye. ⁴²Nimanyie nechu ukuntegheya kutufu, enyeso kusoko amwirundo nechu weemekie umpimiye chu nayananya ayai, nechu vadae uhuvia ne veve untumie."⁴³Ne wajohanya ayai, akarea kwa ruri ne ukuu, "Lazaro fuma uryi!" ⁴⁴Mkuyi akafuma unji utungiwe mikhono na mighuu kwa sanda youkea, na uso wakwe utungiwe na kitambaa." Yesu akavakhania, "Mtungweri mumreke endee."⁴⁵Nechu Ayahudi ne vainge nevajaa kene Mariamu nauona ne Yesu waetendaa, vekamhuria; ⁴⁶nyeso vange vawe vekaenda kuanya Maragheyo no vakhanea intu newaretenda Yesu.⁴⁷Nechu akuu va Ademi na va Maragheyo vekakihangweya itambe imwe kibaasa no uhanya, "Kutenda ure? Mntu uyui ukutenda ndolyo nyinge. ⁴⁸Ne kwamreka vii iyene do, vong'e veumhuvea; Arumi vajie na uhoa ong'e kene see no taifa ritu."⁴⁹Ne mwese ui mntu umwedo khati awe, Kayafa, ne mdemi ne Mkuu mwakha usuu, akavakhanea, " Mtimanyie ringe kamwe. ⁵⁰Mtiughemaneya nechu enoneye kusoko anyu kate mntu umwedu eufenja uhuye kusoko a antu kweso taifa ronge reyahirinkie."⁵¹Ayai atinayahanyaa soko akwe mweso, nyeso kusoko emdemi ne mkuu mwakha usuu, akaraghua nechu Yesu ujokuya soko a itaifa; ⁵²na ti utaifa ritofu nechu Yesu adahe viui viui ana va Mungu ne vakhatie umatumbe hiya hiya. ⁵³Are undya itiku esee no ufwaeya vekaana mwino veumuuragha Yesu.⁵⁴Yesu inaenenda kange uchanya khati a Ayahudi, nyeso akahegha hofo akaenda ung'e ne efife ijangwa u mji neukuetwaa Efraimu. Hafo akakekhaa na aseeywi. ⁵⁵Kange Pasaka Ayahudi areefife, na vainge vekanatea uenda uYerusalemu umji amji neekee Pasaka vadahe kioya aghonjo.⁵⁶Are veumfenja Yesu, naireghetya mumntu nevaemekie ukanisa, "Mghema ntuni? Nechu kwina umbina?" ⁵⁷Ikhondo erei akuu va ademi vamaragheyo arevafunyaa hamri nechu wasuu ne wamanya kene Yesu were unoneye afunye sayu nyeso vadahe umkwata.

¹Matiku mtandatu neikee Fasaka, Yesu akaenda uBethania, kene e Lazaro, were uyuo ne wamfetye ufuma kwa ukuyi. ²Uu veka mwekeya malewa aywampende kuko, na Marita akamtumamia, ikhondo n'see Lazaro eumwedu wawe, avoo ne vakikhee umalewa itambe imwe vinaa Yesu. ³Are Mariamu akahoa ratli ya manukato neatindiwe kwa nardo ne njija, ni ina ughuri ne ukuu, akamwira Yesu mighuu, kwa njee yakwe, nyumba ong'e ikajua mnyunku wa manukato.⁴Yuda Iskariote, umwedo wa aseeywi vakwe, ne mweso neuyemhongea Yesu, akahanya, ⁵"Asike ne manukato ayai adeorinjwa kwa dinari maghana atatu na vafewe atuki?" ⁶Na mweso akayahanya asaa, ti kwovaonea uvai atuki, nechu kusoko e mwivi, ne mweso newumekwatie mpenda a hela na arekuhoa mantu ngeneakiwe mung'e kusoko akwe mweso.⁷Yesu akahanya, "Mreke atendee neukekweti kusoko atiku roekwa nene. ⁸Atuki mtendeka mwinawe matiku ong'e; nyeso nee kutinanyu matiku ong'e."⁹Are ikundi rikuu ra Ayahudi evadaha umanya nechu Yesu we kuko, na veso no vekaja, ti soko ama Yesu ui, nechu vamuone na Lazaro ne Yesu akamfetya ufuma kwa akuyi. ¹⁰Na akuu va ademi vekakiseya kate vamuuraghe Lazaro; ¹¹nechu kusoko akwe Ayahudi ne vainge vekaenda na yawe na umhuvea Yesu.¹²Na itiku ra kavee ikundi rikuu vekaja umbina ne vajotegheya ne Yesu ujie uYerusalemu, ¹³vekahoa masanja mite a mitende no ufuma unji uenda umsengeya na ukurya mkindo, "Hosana! Wajaliwe mweso neujie kwa rina ra Mkuu, Mtemi wa Kisraeli."¹⁴Yesu akamhanga mwana-wa ndoghwe wamnatea; mwino eandakiwe, ¹⁵"Utaoghofe, mncha wa Sayuni; kengea, Mtemi wako woja, unatie mwana wa ndoghwe."¹⁶Aseeywi vakwe vinayamanyaa mantu ayai mwandyo; enyeso Yesu newajokurywa, chu vajokumbukwa ne mantu ayai ewaandikiwe mweso na nechu vayatenda mantu ayai kene mweso.¹⁷U iburi ereo ra antu nevaefo itambe imwe vina Yesu ikhondo ne wamwetana Lazaro ufuma umbelelo, vekayakumua na uvauya. ¹⁸Na are kusoko eyei no nechu iburi ra antu vekanda umsengeya kusoko vekategheya nechu ewametenda ndolyo esee. ¹⁹Anya maragheyo vekakikhanea veso kwa veso, "Kengei, fanoi tiudaha utenda mbarimwedo; rava, uremi wendaa kene mweso."²⁰Fanoi Ayunani vange eveukhati kwa areo nevenje usarea usikunkuu. ²¹Avai vekaenda kene Filifo, ne ufumie uBethsaida au Galilaya, vekamromba vamkhanea, "Mkuu sese kuseghete kumuone Yesu." ²²Filifo akaenda akamkhanea Anderea; Anderea rina Filifo vekaenda naukhanea Yesu.²³Yesu akavasucha akahanya, "Ikhondo rafika ra Mwana ama Adamu ukurywa. ²⁴Huvei, huvei, nomkhanea, nkuku a ngano neadea ugwa fang'e ikuye, ikhaa viui mwino ere imwene; nyeso neakuya, uifafa mbesya nyinge.²⁵Fanoi nkhoo ane usuu newouyanjite ufanga wakwe ukuuyaghaya; enyeso usuu ne wuuhwete ufanga wakwe ku uremi urui ukuofonia kamwe ku ufanga wa khae na khae. ²⁶Muntu usuu neukuntumekea nene, neansambiye; kene ne nerefo, mtumami wane ukutendeka we wafo. Mntu usuu newantumamea, Tata ujomhumbua.²⁷Fanoi nkhoo ane euvava: ne vehanye ntuni? 'Tata, unjokoe kikhondo erei'? Nyeso ne soko auficheya erei narefikia ikhondo erei. ²⁸Tata, urikurye rina rako." Are ruri ukaja ufuma kirunde nauhanya, "Narekurya nenee ngurekurya kange." ²⁹Are maburi ne veimekie fife vinawe vategheya, vahanya chu kwa kwina kitentemo. Vange vahanya, "Maleeka wareghetya inakwe."³⁰Yesu akasucha no uhanya, "Ruri urui winaja kusoko ane, nechu kusoko anyu. ³¹Fanoi uramui wa uremi urui urefo: Fano mkuu wa urui winaja kusoko are, nechu kusoko anyu.³²Nanee ne nahumbuwa kunto ang'e, novaruta vong'e kene nene." ³³Akayahanya ayai neukigheya ne ikuya rafe neujorekuya.³⁴Maburi vekamsucha, "Sese kwategheye umaragheyo nechu Kreso ukikhaa khae na khae. Navee ukuhanya ure, 'Mwana ama Adamu unoneye ahumbuwe kunto'? ³⁵Uyui Mwana wa Mntu ne enyu?" Are Yesu akavakhanea, "Weru kewefo itambe imwe nanyee ikhondo rinywi. Enendi soko mwina weru na chu kiti kitajomdaha. Usuu ne ukuenda ukiti atune kene wenje. ³⁶Mkee mwina weru, uhuvei weru urui kate mdahe utendeka ana vaweru." Yesu akahanya ayai kange akaenda na yakwe akakifiha vatamwone.³⁷Na mbese Yesu akatenda ndolyo nyinge vii usonge awe vakee vinamhuvea ³⁸ne vekhonde ihanyo rama mghanga Isaya, newahanyie: "Mkuu, ne anyu newaikhweye sayu yitu? Na mkhono wa Mkuu waraghwerwe anyu?"³⁹Nhoo soko awe vatina huvea, chu Isaya akareghetya kange, ⁴⁰"Wavafokuya mino, na waitendaa nkhoo yawe yiumaghae, vataje vajoona kwa miho awe na umanya kwa nkhoo yawe, na ufea nane nevaforye.⁴¹Isaya akahanya nkhani isii kusoko akauona ukuuu wama Yesu na akakitambweya sayu yakwe. ⁴²Enyeso, na akuu vange vekamhuvea Yesu; nyeso kusoko anya Maragheyo, vatinahanya vataje baghuwa na isinagogi. ⁴³Vayanjite kireywa na anadamu tinese kireywa ufuma kene Mungu.⁴⁴Yesu akahumbua ruri na uhanya, "Usuu ne wang'uvea nene, atiung'uvea nene, ui nyeso mweso newantumie nene, ⁴⁵na usuu newanyona nene ukumuona na uyuo newantumie.⁴⁶Nene najie kinya weru ku uremi nechu mmuntu newang'ovea nene atakekhae ukiti. ⁴⁷Mbese mmntu ukuitegheya nkhani yane nyeso ataikwatie, nene ntiumramua; soko ntinajaa nenejouramua uremi, nyeso neukhomoe uremi.⁴⁸Mweso neukung'ita nene na atairumiye nkhani yane, wina neukumramua, ukhani usuu nenaureghetiye ne ujomramua itiku ra umpe. ⁴⁹Soko nene ntinareghetya kwa ihaa rane ui. Nechu ne Tata newamtue, mweso wayo wandaghiye nengoyareghetya nanejoyahanya. ⁵⁰Neno nimanyie nechu iragheyo rakwe ne ufanga wa khae na khae; u asaa nenguyareghetya nene - mwino Tata newankhanie, yu ngureghetya kene veso.

¹Fanoi ne ekee sikunkuu a fasaka, kusoko Yesu ewamanyaa nechu ikhondo rakwe rafikaa nechu rajofuma khate uchanya ekei uenda kene tata, nechu uvayanjite antu vakwe ne veuchanya, akavayanja umpeo. ²Na setani ewaekwa wakhondaa unkhoo ama Yuda Iskariote, mwana ama simioni, umhongea Yesu.³Yesu ewamanyaa nechu tata waekaa mwintu umikhono akwe ne nechu ufumie kene Mungu na arewoka kange kene Mungu. ⁴Akauka umalewa na akaara isaa rakwe ra unji fange. Kange wahoa taulo na wakitunga mghonjo. ⁵Kange watendea maje ukibele na akaandia uvaoya mighuu aseeywi vakwe nevafaghua na taulo newamitungaa mweso mghonje.⁶Waja kene Simioni Feteo, na Feteo akamkhanea, "Mkuu, ukufenja unjoya mighuu ane?" ⁷Yesu akasucha no umkhanea, "Nenguretenda utiremanyie fanoi, nyeso ujoremonya khaenge." ⁸Feteo wamkhanea, "Utiunjoyeya mighuu ane kamwe." Yesu akamsuch, "Mbese ntiukuoya, yuchu utitambe rimwe na nee." ⁹Simioni Feteo akamkhanea, "Mkuu, utanjoye mighuu ane, ui kange no na mikhono na itwe rane."¹⁰Yesu akamkhanea, "Usuu ne wadahie uogha atiufenja uogha yuchu mighuu akwe, na watendeka mweru mwere wong'e; nyenye mwatendeka mwaeru nyeso ti nyong'e." ¹¹Ku soko Yesu are umanyie usuu neujomhongea; eyei yu chue resoko neakahanya, ti nyong'e ne mwaeru."¹²Ikhondo Yesu neare ukovaoya mighuu awe nane wajohoa isaa rakwe no ukikhaa kange, akavakhanea, "U Mwaemanyaa ereo ne namtendea na? ¹³Mnjetana nene "Mseeyi" na Mkuu erei mhanya tute, soko yuchu neui. ¹⁴Nechu nene ne Mkuu na mseeyi, namuoya mighuu anyu, na nyeno eneneye mvaoye mighuu. ¹⁵Soko namfaa wikhori nanyee no mtende mwino chu nene natenda kene nyenye.¹⁶Huvei, Huvei, namkhanea, mtughwa ti mkuu wakwe; nachu uyuo ne watumiwe ti mkuu ukea uyuo ne wamtumie. ¹⁷Ne mbese umanyie mantu ayai ukuongeywa newayatenda. ¹⁸Ntiuhanya ughonda nyenye nyong'e, kusoko nevamanyie avoo nenevahwaniye - chu nguhanya ayai ne maendeko adahe uficheywa: 'Usuu neukuliaa mkate wane wang'umbweraa kutinkinyo kakwe.'¹⁹Ngumkhanea erei fanoi nekee rinadweya nechu rajodweya, mdahe uhuvea nechu nene ne MWESO. ²⁰"Huvei, huvei, nomkhanea, newankwatya nene umkwatya na uyuo ne wantumie nene."²¹Neare Yesu ukuyareghetya ayai, akakhaseka unkhoo, akakumua na uhanya, "Huvei, huvei, ngumkhanea nechu umwedu wanyu ujong'ongea." ²²Aseeywi vakwe vekakirava, nautaka ne kusoko ama anyu neukureghetya.²³Are ukumeza, umwedu wa aseeywi vakwe uhaghamie ukekua kama Yesu uyuo ne Yesu umyanjite. ²⁴Simioni Feteo akamuweya mseeywi uyui na uhanya, "Kukhanie ne anyu nechu kene ukureghetya." ²⁵Mseeywi usuu neuhaghamie ukekua kama Yesu na akamkhanea, "Mkuu, ne anyu?"²⁶Kate Yesu akasucha, "Ne kene usuu nenejohombia ifande ra mkate naumfeya." Are wajoumbia mkate, akamfeya Yuda mwana ama Simioni Iskariote. ²⁷Newajokea mkate, setani akamhefea. Kate Yesu akamkhanea, "Rasee neukufenja uretenda retende rue."²⁸Fanoi kutie mntu umeza neakamanya soko ama Yesu neakahanya intu erei kene mweso. ²⁹Vange vawe evatendie nechu, kusoko Yuda eukwatie mpinda ahela, Yesu akamkhanea, "Ghua mantu nekuseghete kusoko a sikunkuu," nachu unoneye ufunya intu kwatuki. ³⁰Nechu Yuda wajoukwatea mkate, akafuma unji rue na areutiku.³¹Nechu Yuda wajotendeka waheghaa, Yesu akahanya, "Fanoi mwana ama Adamu wakurywaa, na Mungu wakurywaa kene mweso. ³²Mungu ukumkurya kene mweso mghonjo, na ukumkurya rue. ³³Ang'inya ne anyui, nerefo itambe imwe na nyee ikhondo rinyui. Mjompenja, na mwino chu namkhanie Ayahudi, "Keneninje, mtiudaha uja.' fanoi ngumkhanea nanyee, no.³⁴Ngumfa iragheyo nerifya nechu mkiyanje; kinya nene mwino nomyanjie nyenye, na nyee viui viui enoneye no mkiyanje nyenye kwa nyenye. ³⁵Kusoko aerei antu vajomanya nechu nyenye ne mwaseeywi vane, ne mbese mwina uyanjo umumntu na myakwe."³⁶Simioni Feteo akamkhania, "Mkuu, woka kufei?" Yesu akasucha, "Kene rinje kwa fanoi utiudaha unsambeya, enyeso ujonsambeya khaenge." ³⁷Feteo akamkhanea, "Mkuu, asike ntakusambiye nampa fanoi? Nene nguufunya ufanga wane kusoko ako. ³⁸Yesu akasuchaa, "U ukuufunya ufanga wako soko ane na? Huvei amini nokukhanea, njololo itiure ne ukee winankhana mihenjo itatu."

¹"Utarekee nkhoo ako etendeke eumakhaseko. Umhuvie Mungu ng'uvea na nene no. ²U nyumba ama Tata wane mikhao minge akikhaa; ne mbese etiui, sanatendekie nakukhanie, kusoko noka nende ukutendeya mikhao soko ako. ³Ne mbese nende noumtendeya mikhao, nijie kange naumghenjifa kene nene, nechu kene nere nanyee mrefo.⁴Mmanyie njea kene ne ninje." ⁵Tomaso akamkhanea Yesu, "Mkuu, kutume kene winje ukudaha; U! Umemenya njea? ⁶Yesu akamkhanea, "Nene yuchu ne njea, tute, na ufanga; kutie ne ukudaha uja kene Tata ne inakera kene nene. ⁷Ne mbese mumanyie nene ajammumanya na Tata no kuandya fanoi neufwaeya mmumanyie na mwamwonie mweso."⁸Filifo akamkhanea Yesu, "Mkuu, kuraghie Tata, ui eutendeka adaheka." ⁹Yesu akamkhanea, "Ntinatendeka itambe imwe nanyee ikhondo neirifu, ukee utimanyie nene Filifo? Usuu niwanyume nene wamune Tata; ne kwaure ukuhanya, 'Kuraghie Tata'?¹⁰Mtihuvie nechu nene nemung'e ama Tata, na Tata we mung'e ane? Nkhani nenguireghetya kene nyee ntureghetya kwa unghonda ne mghonjo; nyeso ayo mghonjo nyeso ayo ne Tata ne keukhaa mung'e ane ukutenda mwemo wakwe. ¹¹Ng'uvea nene, nechu ne mung'e ama Tata, na Tata wemung'e ane; na kange ng'uvea nene kusoko ameemo ane kamwe.¹²Huvei, huvei, ngumkhanea, usuu ne ung'uvie, nene meemo esee nengumitenda, ujometenda meemo esee no, na ujotenda na meemo ne mehuu kusoko noka kene Tata. ¹³Rasee ne mreromba kwa rina rane, ngutenda kate Tata adahe ukurywa khati Amwana. ¹⁴Ne mbese mrombe intu ringe kwa rina rane, resee nguretenda.¹⁵Ne mbese mnyanje, myakwatea maragheyo ane. ¹⁶Na ngumromba Tata, Na mweso ukumfa Mwaareyi muuya nechu adahe utendeka wiitambe rimwe nanyee khae na khae, ¹⁷Nkhoo atute. Uremi utiudaha umefokea nyeso kusoko utimekengee, no amemanya nyeso. kange ui nyenye, mummanyie nyeso, soko ekekhaa itambe imwe na nyee naekutendeka mung'e anyu.¹⁸Ntiumreka mwiyene; ngusuka kene nyee. ¹⁹Kwa ikhondo ri kufei, uremi utiunyona kange, enyeso nyenye mnyona. Kusoko nekekhaa, nanye no mkekhaa. ²⁰Ki tiku rase mjomanya nechu nene ne mung'e ama Tata, na nechu nyenye mwe mung'e ane, na chuu nene ne mung'e anyu.²¹Wasuu na wayakwatea noyatenda, yu wasuu ne umwedu nechu unyanjite nene; na neunyanjite nene ukuyanjwa na Tata wane, na ngumyanja na ngighea nene mghonjo kene mweso." ²²Yuda (ti Iskariote) akamkhanea Yesu, "Mkuu, U! Ne ntuni nejo dweya nechu ujokighea mghonjo kene sese na ti ku uremi?²³Yesu wasucha wamkhanea, "Ne mbese usuu ne wanyaja, ukuu khwatea ukhani wane. Tata wane ukumyanja, na kujie kene mweso na kutenda mikhao itu itambe rimwe nayo. ²⁴Wasuu nechu atinyanjite nene, atiikwatie nkhani yane. Ukhani ne muutegheye ti wane nyeo wama Tata nechu wantumie.²⁵Nayahanya mantu ayai kene nyenye, ikhondo ne nkee nekhee mkhate anyu. ²⁶Na kange no, Mriuri, Mwahu ne Mweru, nechu Tata ujomtuma kwa rina rane, ujomseya mantu ong'e na ujomtenda mkumbukwe ong'e nechu ngayahanya kene nyenye. ²⁷Majeghana ngemfa majeghana ane nyenye. Ntiumfa ayai kinya uremi neukufunyaa. Mtatende nkhoo yangu itendeke yokhaseka na woova.²⁸Mwategheye mwino namkhanie, 'Noika na yane, na ngusuka kene nyee, ajamtendeka myanjite kusoko noha kene Tata, na kange Tata ne mkuu unkea nene. ²⁹Fanoi nadaha umkhanea ne vehee vinadweya nechu ikhondo neadweya mdahe uhuvea. ³⁰Ntiureghetya na nyee nkhani ne nyinge, kusoko mkuku wa uchanya ekei woja. Mweso atikweti nguu kunto ane, ³¹na nyeso nechu uremi udahe umanya nechu nemyanjite Tata, ngutenda ereo ne Tata undaghiye nene, mwino chu wampie hamuri. Ukii, na kuhegha kenekwere hafai.

¹Nene ne mzabibu urui watute, na Tata wane ne mnyorema wa mzabibu. ²Na muisanja mung'e ane netiufafaa mbesya, na nguresengea muisanja nerufafaa mbesya nechu redahe ufafa nanguu.³Nyenye kate mwatendeka mwaeru kusoko asayu nechu namkhanie. ⁴Mwekhae mung'e anee, nanee mung'e anyu. Mwino chu isanja netiudaha ufafa nyene neradea utendeka veu mzabibu, yuchu na nyee nemwadia kekhaa kene nene.⁵Nene ne mzabibu; nyenye ne mwe masanja ne we kerekaeka mung'e awe na nee munge akwe, mntu usuu ukufafa mbesya nyinge, kusoko mbese ti nene mtiudaha utenda intu na ne rimwe. ⁶Ne atendeka mntu unge newadea usagha mung'e ane; ukujoghutwa kinya isanja nouma, antu veuyahangweya masanja na uyajughute umoto na uhurenkia. ⁷Ne mwatendeka msagha mung'e ane, nanechu nkhani yane yusagha mung'e anyu, vombi muintu nemureseghite, nanyee mtendewa.⁸Kwa erei tata wane wakurywaa, nechu mufafa mbesya nyinge na nechu mwaseeywi vane. ⁹Mwino tata wane unyanjite nene, nene no nemyanjite nyenye; saghi ku uyanjo wane.¹⁰Ne mbese mkwatea maragheyo ane, msagha ku uyanja wane mwino neyakwatie maragheyo ama tata wane no usagha ku uyanjo wakwe. ¹¹Nayahanya mantu ayai kene nyenye nechu nkumbu ang'e etendeke mung'e anyu nachu nkumbu anyu itendeke ikhondaa.¹²Erei chu iragheyo rane, chu mkiyanje nyenye kwa nyenye mwino navayavyete nyenye. ¹³Kutie mntu ne wina uyanjo ne ukuu ukea urui, nechu aufunye ufanga wakwe kusoko a anyambuya vakwe.¹⁴Nyenye ne mwanyambuya vane ne mbese myatenda ayoo nengamraghiya. ¹⁵Ntiumwetana atughwa, kusoko mtughwa atiremanyie ereo neukurenda mkuu wakwe. Namwetana nyenye anyambuya, kusoko namwaghea mantu ong'e nechu nayategheyaa ufuma kene Tata.¹⁶Mtinang'wania nene, nene wayo nenamhwaniye nyenye na umweka mwende ufafa mbesya, na mbesya anyu edahe kikhaa. Erei revii nechu nemwamromba Tata renge kwa rina rane, ukumfa. ¹⁷Mantu ayai ngumraghiya, yu mkiyanje mmuntu na myakwe.¹⁸Ne mbese uremi ukunahura, mmanye nechu ukang'ora nene mbee ne ukee winamhura nyenye. ¹⁹Ne mbese are mwe va uremi, uremi e ukumyanja kinya mwevawe; Nyeso kusoko nyenye mti va uremi na kusoko ngamhwania ufuma ukhati a uremi, yu soko eyei uremi umhwete.²⁰Kumbukwi ukhani nechuenamkhanie, 'Mtughwa ti mkuu ukea mkuu wahwe.' Na mbese vankhasiye nene, veumkhasia nanyee no; Mbese evakhwatie ukhani wane eveukwatea na wanyu no. ²¹Vajomtendea mantu ayai ong'e kusoko arina kusoko vatimmanyie uyuo ne wantumie. ²²Mbese entiinajoa novakhania, ngumkhanea evatiutenda ahutye; nechufanoi vatikwete intu roreghetya umahutye awe.²³Ne ung'wete nene umhwete na Tata no. ²⁴Ne mbese ntinatendaa mwemo khati awe nechu kutie mbaumwe newauitendie, eveutendeka vatikweti mahutye, ufanoi vatenda ong'e ne avere vaona na vang'oraa nene kwina Tata wane. ²⁵Erei rafumaa nechu ukhani ukhonde nechu waandekiwe umaragheyo awe: 'Vang'wete nene kutie soko.'²⁶Ikhondo ne mforeyi wajaa, nechu nejomtuma kene nyenye ufuma kene Tata, uyui yu Mwahu mweru wa tute, nechu ufumie kene Tata, ujonkumua. ²⁷Nanyee no mjonkumwa kusoko mwatendeka mwitamberimwe nanee ufuma mwandyo.

¹Namkhanea mantu ayai nechu mtadahe uhura. ²Vajomfunya unji amakanisa; kate saa oja nechu mune ujo mvagwa ujoghema ne ukutenda mwemo uja kusoko a Mungu.³Vajomtenda mantu ayai kusoko vatimumanyie Tata nachu vatimanyie nene. ⁴Namkhanea mantu ayai nechu ikhondo neraghea ra ayai udweya, mdawe uyakumbukwa na mwino na mkhanie. Ntinamkhanea ughonda mantu ayai ufuma mwandyo kusoko enkee neitambe imwe nanyee.⁵Na mbese, fanoi noka kene uyuo ne wantumie; enyeso khati anyu neukumbweya, "Wokaa kufei?" ⁶Ku soko nahanyaa nkhani iyii kene nyee, uvai wijua unkhoo yanyu. ⁷Na viui, ngumkhania tute: ne kuja kene nyee neheghe; kusoko nemba nedie uwegha, mriuri atijie hene nyee; nyeso ne nenda ngumtuma kene nyee.⁸Ne waja mviuri usuu ujoraghea uremi ufande wa mahutye, na ufande wa tute, na ufande wo uramui. ⁹Kuhusiana na dhambi, kwa sababu hawakuniamini mimi, ¹⁰kwa ufande wa tute, kusoko noka kene tata, na mtiunyona kange; ¹¹na ufande wa uramui kusoko mkuu wa uremi urui waramueywe.¹²Nina mainge umkhanea, nyeso mtiuyamanya fanoi. ¹³Nyeso, mweso, Mwahu mweru wa tute, newaja ujovatongea kene tute ong'e soko atiureghetya kene mweso mghonjo; nyeso asaa neukuyategheya, ukuyahanya mantu asaa; na ujoyakunukua kene nyee mantu neajie. ¹⁴Mweso ujonkurya nene, kusoko ujoyahoa mantu ane na ujoyaona kene nyee.¹⁵Mantu ong'e ne uyakwete Tata ne ane; ukange, nahanya yuchu mwahu mweru ujokoa mantu ane nauyakunukua kene nyee. ¹⁶Kee ikhondo rikufei, mtiunyona kange; na ukea ikhondo vikufei kange, mjonyona."¹⁷Aseeywi vakwe vange vekakikhanea, "Ne ntuni neukukhanea, "ikhondo rikufei, mtijonyona kange, nachu ikhondo ikufei mjonyona,' na, 'kusoko ninje kene Tata?" ¹⁸Uchu vekahanya, "Ne intu ke neukurehanya, 'Kee ikhondo rikufei'? Kutume mwino ukuhanya."¹⁹Yesu akaona nechu evaseghete umuweya, "Mweso akavakhanea, "mkiweya nyenye kwa ere, nenahanya, kee ikhondo inyui mtijonyona kange, na ukea ikhondo inyui mjonyona'? ²⁰Huvei, huvei, ngumkhanea, mjorea na uhongeya, nyeso uremi ujokiririsa, mjotendeka mwina uvai nyeso uvai wanyu ujofeoka ne nkumbu. ²¹Mkhema ukutendeka usimbete usimbete ikhondo ne wina uvai kusoko ikhondo ra kitungua raghea, nyeso newakitungua mwana, atiukunabukwa kange mavai kusoko a nkumbu akwe nechu mwana wa fafwaa ku uremi.²²Nyeno no mwina nsimba fanoi, nyeso nejomuona kange; na nkhoo yanyu ijoyanja na kutie ne ujodaha umeheya nkumbu anyu. ²³Itiku risee mtijombweya maweyo. Huvei, Huvei, ngumkhanea, Ne mwaromba ringe Tata, ukumfa kwa rina rane. ²⁴Faka fanoi mtinaromba renge kwa rina rane, nanyee mfokea nechu nkumbu ane idaheke.²⁵Nareghetya nanyee kwa ndighitya ne etimanyikie, nyeso saa ejie nechu ntijoreghetya kwa ndighetya ne etimanyikie nyeso.²⁶Itiku mjoromba kwa rina rane, na ntumkhanea nechu nejoromba kene Tata kusoko anyu; ²⁷Nechu Tata mweso unyanjite kusoko mnyanjite nene nekusoko mng'uvie nechu nifumie kene Tata. ²⁸Nafumie kene Tata na najie ku uremi; kange, nokekhaa ku uremi na ninje kene Tata".²⁹Aseeywi vakwe vekamkhanea, "Kengea, fanoi ne ukureghetya uchanya na utumea ufeneka. ³⁰Fanoi, kwa manya nechu umanyie mantu ong'e na utiufenja mntu akuweye maweyo. Ku soko eyei kwa huvea nechu ufumie kene Mungu. ³¹Yesu akavasucha, "Fanoi mwahuvea?"³²Rava, saa ajaa, nhoo na tute afikaa, nechu mwojofaghata muntu na kwakwe mjondeka mghonjo. Nyeso ntimwene du kusoko Tata urefo nanee. ³³Nomkhanea mantu ayai nechu mung'e anyu mtendeke mwina majeghana. Ku uremi kwina khasi, nyeso khani nkhoo, na uhumaa na uhumaa uremi.

¹Yesu akayahanya mantu ayai; kange wayahumbua miho akwe waurava kirunde a akahanya, "Tata, saa aghea; mkurye mwanako una mwana no akukurye veve - ²mwiwo chu wamfie utemi kunto aong'e ina mwere ne avafe ufanga wakhanakhae avoo vong'e newamfie.³Urui yu ufanga wa khae: nechu vakumanye veve, Mungu wa tute na wa imwene, na mweso newamtumie, Yesu Kreso. ⁴Nakukurye hafai uchanya, na ufieheya mwemo newaumpie neutende. ⁵Fanoi, Tata, unkurye nene itambe rimwe nvee mghonje kwa ukuu neare neinayo itambe rimwe navee nekee uremi winatundwa.⁶Ngarekunukwa rin rako kwa antu newavampie hafai. Uchanya e antu vako; nyeso wavampa nene. na veso vaukwatea ukhani wako. ⁷Fanoi vamanyie ne mwintu newarimpie nene refumie kene veve, ⁸kwa nkhani iyio newaing'ang'iye nene-- Nadahie uvafa na veso nkhani yasii. Vaifokee na tute vekamanya nechu nene nefumie kene veve na vekahuvea nechu veve ne untumie.⁹Nguvarombea veso. Ntiurombea uremi nyeso avoo newavampie kusoko veso ne vako. ¹⁰Mantu ong'e nechu ane ne ako, na ayoo ne uyakweti veve ne ane; nanee ngukurywa kwa asaya. ¹¹Nene ntifo kange ku uremi, nyeso veso vaefoku uremi, nanee fanoi noja kene veve. Tata ne Umfoo, vademe kwa rina ereo ne warempie sese ne veso no vatendeke vakikwatie, kinya nene kwinoko mwino kuikwatie.¹²Neare kwinawe, ngavadema kwa rina newavempie; Ngavadema, na kutie mbaumwe wawe ne akayaghaa nyeso mwana wa uyaghao, nechu maandeko aning'anie. ¹³Fanoi noja kene veve; nyeso nguhanya ayai ku uremi nechu nkumbu anyu ikhonde mung'e anyu nyenye. ¹⁴Navafaa ukhani wako; uremi wavahura kusoko veso ti vaku uremi mwino chu nene nenti wa ku uremi¹⁵Ntiuvarombea nesa uvaheye ku uremi enyeso uvademe na mrughu uyuo. ¹⁶Veso tiva uchanya kinya nene neenu nti wa ku uremi. ¹⁷Uvaoye veve mghonjo ukhati Atute; ukhani wako ne tute.¹⁸Wantumie ku uremi, nanee nguvatuma ku uremi. ¹⁹Ku soko awe nene mghonjo ngifunya kene vee nechu na veso vakifunje kene veve utute eyeo.²⁰Ti avai ui nengevarombea, kate chu na avoo ne vajohuvea ukeera ukhani wawe ²¹nechu veso no vatendeke vakikwatie mwino chu veve Tata, ne wemung'e nanee ne mung'e ako. Nguvarombea nechu veso no vatendeke ve mung'e itu ne uremi udahe uhuvea nechu veve yu wantumie.²²Ukuu uruo newaompie nene - navafie veso, nechu vadahe utendeka vakikwatie, mwino sese nekukikwatie - ²³Ne mung'e awe, navee mung'e ane, neseghete nechu veso no vadahe utendeka itambe rimwe nanee hene nere no vadahe uwona ukuu wane, uruo newaumpie, kusoko veve ukanyanja nene ne ekee inatundwa kwa mwandyo uremi.²⁴Tata, ereo newarempie nene - Neseghete nechu veso no vadahe utendeka itambe rimwe nanee kene nere no vadahe uwona ukuu wane, uruo newaumpie: kusoko veve ukanyanja nene ne ekee inatundwa kwa mwandyo uremi.²⁵Tata munya tute, uremi winakumanyaa veve, enyeso nene nekumanyie veve; navanyie nechu wantumie. ²⁶Ngaretenda rina rako remanyike kene veso, na ngaretenda remanyike kene veso, na ngaretenda remanyike nechu uyanjo uruo ne kwa usuu ukanyanja nene udahe utendeka we mung'e awe."

¹Yesu ne wajodaha uhanya nkhani iyii, akahegha ba aseywi vakwe ukengea kikhombogho ro Kidroni, neare kwina mghunda nechu mweso na aseeywi vakwe vekahefea mung'e ayo. ²Fanoi Yuda, uyuo newaseghaa umhongea no aremanyie kene were, soko Yesu ekuenda kuko kutufu newina aseeywi vakwe. ³Na Yuda, nechu wajohanga ikumba ra asikae na anangwa ufuma kwa akuu va ademi, vekaja ne vina imwee na tochi na huti.⁴Na Yesu, neumanyie mwintu neare rutendeka khati akwe, akakifunya usonge novaweya, "Ne anyu ne mumfenjaa?" ⁵Na veso vekamsucha, "Yesu Mnazareti." Yesu akavakhanea, "Nene ne mweso" Na Yuda newamhongea, ewemekie itambe rimwe na asikae vasaa.⁶Nechu wajovakhanea, "Nene ne mweso" vekasuka manyuma na ugwafang'e. ⁷Are wavaweya kange, "Ne anyu ne mumfenja? Veso no vamsucha kange Yesu mnazareti."⁸Yesu akavasucha, "Nananya nankhanea Nene ne mweso; une mbese mpenja nene, vareki avai vange vaende." ⁹Ayai e eui nechu ukhani ukhonde; hafo newajohanya; "Kwa avoo newavampie, ntinamyaghayaa mbaumwe."¹⁰Nechu Simioni Feteo, neare wina ufanga, akauruta naumtena ketwe ka kilelo mtumami wama Mchungaji ne mkuu. Na rina rakwe mtumami usuu e Mlko. ¹¹Yesu akamkhanea Feteo, "Sucha ufanga wako uhala ayo. Asike ntakinywere kikombe ekeo ne Tata wakimpie?"¹²Are ikumba ra asikae na kimambe, na atumami va Ayahudi, vekamkwata Yesu noumtunga. ¹³Na vekamtongea tanju faka kene Anasi, na mweso no emkhwe wama Kayafa, nechu are yu emdemi ne Mkuu kwa mwakha usuu. ¹⁴Fanoi Kayafa neare akavafa useeyi Ayahudi nechu emnoneye mntu umwedu akuye soko aantu.¹⁵Simioni Feteo akamsambeya Yesu, na viui mseeywii muuya. Na mseeywi usuu are umanyikie kene mdemi ne mkuu, na mweso no akakea itambe rimwe vina Yesu ukibehewa rama Mdemi ne mkuu; ¹⁶nyeso Feteo are wemekie unji a kinyamwango. Neare mseeywi usuu neare umanyikie kene mdemi ne mkuu, akafuma unji akaenda ureghetya na mkhema usuu mtumami nechu are ughojiye kinyamwango na umkeya Feteo mung'e.¹⁷Are mtuwa usuu ne ukeghojiye hinyamwango, akamkhanea Feteo, "Uveve ti we umwedu wa anyomsambeya mnntu uyui?" Na mweso akahanya, "Nene nti mweso." ¹⁸Na atumami na akuu no arevaemikie hafo vafembie moto kusoko are kwina mpefo, nachu eveota moto na vahange mtutu. Mweso Feteo evinawe, ukuota moto wemekie.¹⁹Mdemi ne mkuu akamuwenkeya Yesu unto aseywi vakwe maseeyo akwe. ²⁰Yesu akamsucha, "Naukhanea uremi uchanya nene are nguseeya kutufu umasinagogi na umakanisa kene are ayahudi vikirimdaa. Nanee ntinaregheghetya ringe kimpihe. ²¹Asike mkambweya? Vaweyi ne vantegheye kwa ereo nenahanyiye. Antu avai vamanyie mantu ayoo nenayareghetiye.²²Yesu ne wajodaha uhanya ui, umwedu wa akuu neare weemekie akamkhua Yesu kwa mkhono wakwe nakange akahanya, "U, ui yu ekunoneye umsucha mdemi ne mkuu?" ²³Mweso Yesu akamsucha, "Ne mbese naighetya intu ringe ni rive uare utendeke we masaidi kusoko auve na ne mbese utungiwe? ²⁴Yuchu Anasi akamtoa Yesu kene Kayafa mdemi ne mkuu kunu utungiwe.²⁵Fanoi Simioni Feteo are wemekie ukuhangeya mtutu mweso. Kange antu avoo vamkhanea. "U, veve no ti weumwede wa aseeywi vakwe?" Akakhana akahanya "Nene nti mweso." ²⁶Umwedu wa atumami vama mdemi ne mkuu, neare mnyandughu wa mghosia usuu ne Feteo akamtena ketwe, akahanya, "Uti veve ne nakuona mwinakwe kukoyo umghunda?" ²⁷Feteo akakhana kange, na hafo Njololo ekarea.²⁸Kange vamhoa Yesu ufuma kene Kayafa faka uPraitorio. Ekee diu ne nkuu. Veso vayo vatinahefea uPraitorio esee nechu vataje vajokiruanga nomelia fasaka. ²⁹Are chu Pilato akavaendea akahanya. "Ne mbaasa kee ne emghondie mntu uyui?" ³⁰Vekamsucha naumkhanea, "Ne mbese mntu uyui ti mnyotenda ne mave, jakutiumreta kene veve."³¹Pilato akavakhanea, "Muoi nyee vayo, mwendo mramua kikhoya na maragheyo anyu." Na veso Ayahudi vekamkhanea, "Maragheyo atiukurekea sese umragha mntu nane umwe." ³²Vekahanya ayai nechu ukhani wama Yesu ukhonde, ukhani neare wauhanyiye mwino ikuya rakwe rejetendeka.³³Are Pilato akahefea kange uPraitorio akamwetana Yesu; akamkhanea, "U, veve ne umtemi wa Ayahudi na? ³⁴Yesu akamsucha, "U, veve ukumbweya iweyo erei kusoko ukufenja umanyaa nampa kusoko vange vautumaa ne ujo umbweya nene?" ³⁵Mweso Pilato akamsucha, "Nene nti Myahudi, namoa tiui?" Ng'e ako na mdemi ne mkuu chu vakureta kene nene; veve watendaa ntuni?³⁶Yesu akasucha; "Utemi wane ti wa ku uremi urui, ne mbese utemi wane ajaukutendeka wina ringe ku uremi urui atughwa vane ajavikinkhwera nechu ntafunywe kwa ayahudi. Utute utemi wane utiufumie hafai" Are ³⁷Pilato akamkhanea, U, veve yu mtemi?" Yesu akasucha, "veve yuchu ukuhanya nechu nene ne mtemi, kusoko eyei nene ngafafwa na kusoko eyei nene naajie ku uremi nechu netendeke masaidiwa tute. Esee wasuu newatute esee ukuutegheya ruri wane.³⁸Pilato akamkhanea, "Tute ne ntuni?" Na mweso newajohanya ayai ahaenda kwa Ayahudi na uvakhanea "Ntikengee kwa intu ringe mntu uyui. ³⁹Nyenye mwina mbeuha anyu neuntenda nene nemrughweye mtungwa umwe ikhondo aFasaka. Umseghete nemrughweye mtemi wa Ayahudi." ⁴⁰Kange vekakurya mkindo neveuhanya, ti uyui, kurughweye Baraba." Na mweso Baraba noemwembi.

¹Are Pilato akamhoa Yesu no mfonda. ²Askae avoo vekatuma maghuya na utenda ngaa. Vameeka unto aitwe rama Yesu no uyencha isaa re ekeru ra zambarau. ³Vekamjea na uhanya, "Veve umtemi wa Ayahudi! na kange umkhua kwa mikhono awe.⁴Kange Pilato akafuma unji na uvakhanea antu, "Raava nomretea mntu uyui kene nyenye ne mmanye nechu nene ntinaona ihutye ringe mung'e akwe." ⁵Vare Yesu akafuma unji; are wayaa ngaa amaghuya na isaa ra zambarau. Nechu Pilato akavakhanea, "Raavi mntu uyui hafai!" ⁶Are chu ikhondo mdemi ne mkuu na akuu ne vajomuona Yesu, vakurya mkindo vahanya, "Mkhasye, mkhasye." Pilato akavakhanea mhoi nyenye aghonjo mwendo mkhasya kusoko nene ntikengee ihutye mung'e akwe."⁷Ayahudi vekamsucha Pilato, "Sese kwina iragheyo, na kwa iragheyo risee emnoneye ukuya kusoko mweso akakitenda mwana aMungu." ⁸Pilato ne wajotegheya nkhani isii akanankea uoghofa, ⁹akahefea uPraitorio kange no umkhanea Yesu, "Veve ufumie kufe? Na kange, ui Yesu atinamsuchaa.¹⁰Kange Pilato akamkhanea, "U, veve utiureghetya kwinako? U, veve utewe ne nene nina udaho wa kurughwera na udaho wo kukhasia?" ¹¹Yesu akamsucha, "Ajautiutendeka wina nguu khate ane ne mbese utinafewa a ufuma kunto. Uchu, mntu ne wampunya akene veve wina mahutye ne makuu."¹²Ufumea na isucho erei, Pilato akasegha umrekea nyeso Ayahudi vekakuria mkindo vekahanya, "Ne mbese umrekee yu veve uti mbuya ama Kaisari: Muu ne ukitenda mtemi ukuhanya hiya na kaisari." ¹³Pilato newajotegheya nkhani iyii, akamreta Yesu unji are wekhaa kitumbe ra uramui kene hafo nekumanyikie kinya sakafu, nyeso Kiebrania, Gabatha.¹⁴Itiku ra ighoneya ra fasaka nerojoghea, neare ikhondo ra saa imtandatu. Pilato akavakhanea Ayahudi, "Raari mtemi wanyu chuyu hafai!" ¹⁵Vekakurya mkindo, "Mhenye, mhenye, mkhasiea!" Pilato akavakhanea, "U, nimkhasie mtemi wanyu?" Mweso Mdemi ne mkuu akasucha, "Sese kutikweti mtemi. ¹⁶Nechu Pilato akamfunya Yesu kene veso akhasywe.¹⁷Veso vekamhoa Yesu, na mweso akafuma kunu uwuuehiye msalaba wakwe mghonjo faka kene ikufa ra itwe, kwa Kiebrania nietwaa Golgotha. ¹⁸Yuchu vekamkhasia Yesu, itambe imwe na aghosia vavee, umwedu ufande urui na muuya ufande urui, na Yesu we mkhati awe.¹⁹Are Pilato akaandeka ihada na ureeka kunto a msalaba. Hafo kuhandekwa YESU MNAZARETH, MTEMI WA AYAHUDI. ²⁰Ayahudi ne vainge vekaresoma ihada rasee chu hafo kene eukukhasywa Yeu kate efife na ng'ee. Ihada rasee rekaandekwa kwa Kiebrania, na Kirumi na Kiyunani.²¹Are akuu va ademi na Ayahudi vekamkhanea Pilato, "Utaandike, 'Mtemi wa Ayahudi; kate mweso akahanya nene ne mtemi wa Ayahudi." ²²Na Pilato mweso akavasucha, "Nenaandeka naandeka."²³Ne asikae vajodaha umkhasia Yesu, vekahoa masaa akwe noyaoghania maduya anne, muu asikae iduya rimwe, viuyi na nkanjo fanoi, Nkanjo esee are ititumie kate eifumie ong'e ufuma unto. ²⁴Are vikhanea veso kwa veso, "Kutame hafue, kate nekukukhui kura yu kuone utendeka amanyu." Erei rekakighea yu iandeko ereo rekhonde, ereo nerohanya vekaaghania masaa ane, na iyoo rane varekhwera kura."²⁵Asikae vekatenda mantu ayai. Nyinya ama Yesu, muuna ama nyinya, Mariamu mkhema wama Kleopa na Mariamu Magdalena - akhema avai eva emikiefife na umsalaba wama Yesu. ²⁶Yesu newajomuona nyinya wakwe itambeimwe na mseeywi uyuo ne umyanyite vaemekie fife, akamkhanea nyinya wakwe, "Mkhema, raava, ona mwanako chuyu hafai!" ²⁷Are wamkhanea mseeywi uyuo, raava uyui hafai yiu wako. "Ufuma saa esee mseeywi usuu akamhoa uenda ukhakwe.²⁸Nerafwaya rasee, Nechu Yesu umanyie ne ong'e ahiaa adahekaa ne maandeko akuonde akahanya, "'Nina nyweta." ²⁹Ibele ne erijue siki erikiwe hafo arechu vatendea sifongo uijue siki unto a ukito wa hisopo, vamtendeya umomo wakwe. ³⁰Mweso Yesu newajometomia esee, akahanya, "Ahiaa." Are akahunamia itwe rakwe, akameeka nkhoo akwe.³¹Kusoko are ikhondo ra maghondaneyo na kusoko meere ee etiufenjwa usagha kunto a msalaba ikhondo ra Mfungate (ku soko Mfungate are ne itiku ra kamwe), ayahudi vekamromba Pilato nechu mighuu avoo nevakhasywa iunangwe, na chu meere awe isimywe. ³²Are askae vekaja nomeunanga meghuu a mntu wa mwandyo na kavee neare wakhasiywe itambe imwe vina Yesu. ³³Ne vajoghea kene Yesu, vamhanga wadaheka watendeka wakuyaa, are chu vinameunania mighuu akwe.³⁴Na kange, umwedu wa askae Yesu kuuvaru na mkoha, na hafo ekafuma maje na saghami. ³⁵Na wasuu newariime erei akafunya ukumo, na ukumo wakwe ne watute. Mweso umanyie newarihanyie ne ra tute nechu nanyee no mhuvie.³⁶Mantu ayai ekatendwa nechu ukhani uruo neukahanywa udahe ukhonda, "Kutie ikufa rakwe na rimwe nereukanywa." ³⁷Na kange iandeko renge ruhanyaa, "Vajomraava mweso nevamhomie"³⁸Ne ajofwaya mantu ayai Yusufu wa Arimataya, kusoko are ukujaa mseeywi wama Yesu, nyeso kwa kimpihe kwovateja Ayahudi, akamromba Pilato nechu auhoe mweere wama Yesu. Na mweso Pilato akamyanjeya. Are Yusufu akaenda uuheya mwere wama Yesu. ³⁹Mweso Nikodemo nechu are mwandyo akamsambeya Yesu utiku na mweso akaja. Mweso akareta mhangenkano wa manemane na udi, uhanga urito wa ratili ighana rimwedu.⁴⁰Ae vauhoa mweere wama Yesu vautunga u sanda a kitani na itambe imwedu na manukato, asaa mwino chuare ere mbuuka aayahudi ikhondo ro eka. ⁴¹Hafo kene chu are Yesu akakhasywa are kwina mghunda, mung amughunda usuu are kwina mbelelo ne mpya ne kutie mntu newaekiwe hafo. ⁴²Are, nechu atendeka itiku ra ighondaneya ra Ayahudi, na kweso no mbelelo esee eifife, are vamreencha mung'e ayo.

¹Diu ne nkuu aitiku ra mwandyo ra ijuma, ne kee kwiru, Mariamu Magdalena akaja umbelelo; akareona igwe rasee raheywaa umbelelo. ²Are akadua khwaa akaenda kene Simioni Feteo na kene mseeywi muuya ne Yesu umyanjite no vakhanea, "vamhoa Mkuu umbelelo, nasee kutane kene vamreenchaa."³Are Feteo rina mseeywi muuya vekafuma ukengea umbelelo. ⁴Vong'e vekadu khwaa kwa itambe imwe; mseeywi muuya akadua nanguu umfwaya Feteo no ughea umbelelo wa mbee. ⁵Akaemeka naurava umbelelo; akameona sanda akitani eree, nyeso inahefea mung'e.⁶Are Simioni Feteo na mweso no waghea akahefea munge umbelelo. Akameona sanda esee akitani eree hafo ⁷na leso esee ne ikitwe rakwe areitiree itambeimwe na sanda iyio ya kitani nyeso eiree umpeo iyene.⁸Are chu mseeywi usuu muuya mweso no akahefea mung'e umbelelo akaona no uhuvea. ⁹Kusoko faka ikhondo resee evakee vatinayamanyaa maendeko nechu emnoneye Yesu afefye kange kwa akuyi. ¹⁰Chu aseywi vekaenda kange umakhaya awe.¹¹Na ui, Mariamu are wemekie umbelelo uhurea, nareufwa eye uria akaemeka chu waraava umbelelo. ¹²Akaona maleeka vavee vina ikeru rieru vekhee umwedu kitwe na Mungu umeghuu kene hafo Yesu are uree. ¹³Na reso vekamkhanea, "Mkhema, asike ne ukurea?" Mweso no akavakhanea, "Ne kusoko vamhoa Mkuu wane, neno ntume kene vamueka."¹⁴Ne wajodaha uhanya asaa akakingeya na akamuona Yesu newe emekie. Nyeso atinammanyaa mbese usuu are Yesu. ¹⁵Na mweso Yesu akamkhanea, "Yiu, asike ne ukurea? Ukumfenja anyuu?" Na mweso ne kunu utendie wue mnyodema mghunda akamkhanea, "Mkuu, ne mbese veve ne wamhoa, nkhanea kene wamwekaa, nanee nendomhoa."¹⁶Yesu akamkhanea, "Mariamu." Na mweso wakikengeya mghonjo na umkhanea kwa Kiaramu, "Raboni," kate eyei ne uhanya, "Mseeyi." ¹⁷Yesu akamkhanea, "Utantenye, soko nkee ntinaruma uenda kene Tata nyeso wende kwa anya ndughu vane uvakhanie nejoruma uenda kene Tata wane nechu no ne Tata wanyu, Mungu wane na Mungu wanyu." ¹⁸Mariamu Magdalena akaja uvakhanea aseeywi, "Namuonaa Mkuu," na chu wankhanea mantu ayai.¹⁹Ne ajotendeka ywampende, itiku risee, itiku ra mwandyo ra ijuma, na inyomwango eyarutewaa kene easeeywi vare kwa uvateja Ayahudi, Yesu akaja no emeka mkhate awe novakhanea, "Majeghana atendeke kene nyenye." ²⁰Newajodaha uhanya ayai akavaraghea mikhono awe na uvara wakwe. Veso aseeywi nevajomuona Mkuu vekayanja.²¹Are Yesu akavakhanea kange, "Majeghana atendeke kene nyee. Mwino chu Tata newantumie nene, viui viui neno ngumtumaa nyee." ²²Yesu newajodaha uhanya asaa, akavijuya akavakhanea, Fokei Mwahu ne Mweru. ²³Mu usuu nemnurekea mahutye, ukurekewa; na avoo nemivarutia veurutewa."²⁴Tomaso, umwedu wa avoo ne ve ikumi na vavee ne ukuetwaa Didimas, etina aseeywi ayakwe ne Yesu wajaa. ²⁵Aseeywi vange vauya vekamkhanea khaengeja, "Hwamuona Mkuu." Mweso akavakhanea, "Mbese nedieuona maramba a misumari umikhono akwe, naueka anancha vane umaramba asaa na kange uweka mkhono wane ku uvaru wakwe ntiuhuvea."²⁶Ne akea matiku mnana aseeywi are veumbee kange, mweso Tomaso ewitambe rimwe vinawe. Nechu inyamwango are irutie Yesu akaemeka mkhate awe. na akahanya, "Majeghana atendeke nanyee." ²⁷Are wa mkhanea Tomaso, reta mwanchaa wako umionie mikhono ane, veta hafai mikhono ako na umikie ku uvaru wane; na utatendeke ne atihuvie echu neuhuvie."²⁸Mweso Tomaso akasucha na umkhanea, "Mkuu wane na Mungu wane." ²⁹Yesu akamkhanea, Kusoko wanyonaa, wahuvea. Vaongeywe avoo nevahuvie, nevatinaonaa."³⁰Are Yesu akatenda mbirira nyinge usonge a seeywi, nechu yinadaha uandikwa ukitabu ekei; ³¹nyeso iyii yiandekiwe nechu mdahe uhuvea nechu Yesu ne Kreso, mwana wa Mungu, nachu ni mwahuvea mtendeke mwina ufanga urina rakwe.

¹Mantu ayai ne ajofwaya Yesu akakukunukua kange kwa aseeywi vakwe uKirambo ro Tiberia; navii ne chu akakinukua mghonjo: ²Simioni Feteo ewetambe imwe vina Tomaso ne ukuetwaa Didimas, Nathanaeli wa kana oGalilaya, anaa vama Zebedayo na aseeywe vauya vavee vama Yesu. ³Simioni Feteo akamkhanea, "Nene nokaa ufunya somba." Veso vamkhanea, "Sese, no kwinje kwina anyu." Venda vendohefea umasua, nyeso utiku usuu wong'e vatina hangaa renge.⁴Na diu newajocha, Yesu akaemeka umpeo, veso vatina mmanyaa mbese are Yesu. ⁵Are Yesu akavakhanea, "Ahumba mwina renge rolia na?" Veso vekamsucha, "Tiui." ⁶Akavakhanea, "Simi ngohe ufande wa kelelo wa masua, nanyee mhanga kease." Are chu vasimya ngone yawe veso vatinadaha uiruta kange kusoko awinge wasomba.⁷Are chu mseywi uyuo nee Yesu umyanjite akamkhanea Feteo, "Ne Mkuu." Na mweso Simioni Feteo newajotegheya nechu ne Mkuu, akakitunga isaa rakwe (soko eatireyete ijaa), are chu wakighumea ukirambo. ⁸Aseeywi avoo vauya vekaja kene masua (soko are atiku eatikue na mpwani, yuhangeka mita ighana rimwe ufuma umpeo), na veso are uruta isii neare ikijue somba. ⁹Nevajoghea umpeo, vekaona moto wa makhaa na hafo kunto are kwina somba itambe rimwe na mkate.¹⁰Yesu akavakhanea, reti somba inge nemwaifunyaa fanoi eyeye." ¹¹Are Simioni Feteo akanatea na ururuta ughohe wasuu neare wijue somba ni nkuu, kease ka somba 153; nyeso are nyinge, uguone usuu winahafukaa.¹²Yesu akavakhanea, "Njii mjoughweya meomo." Kutie mpaumwe wa aseeywi ne akasoya umuweya, "Veve we anyu?" Evamanyie nechu are Mkuu. ¹³Yesu akaja, akahoa mkate usuu, nachu akavafa, akatenda viui, viui na usomba yasii. ¹⁴Urui are mhinjo wa katatu kene Yesu kikunukua kwa aseeywi vakwe nechu ewafelya ufuma kwa akuyi.¹⁵Nechu vajoughweya meomo, Yesu akamkhanea Simioni Feteo, "Simioni mwana ama Yohana u, nyanjete nene ukea avai naa?" Feteo akamsucha, "Nhoo, Mkuu; "Veve umanyie nechu nekuyanjete." Yesu akamkhanea, "Lesya anankhoo vane." ¹⁶Akamkhanea nhinyo wa kavee, "Simioni mwana ama Yona, u, nyanjite na?" Feteo akamkhanea, "Nhoo, Mkuu; veve umanyi nechu nikuyanjite. "Yesu akamkhanea dema nkhoo yane."¹⁷Akamkhanea kange mhinjo wa katatu, "Simioni, mwana ama Yohana, U nyanjite?" Na mweso Feteo akahora kusoko wamkhanea mhinjo wa katatu, "U Veve unyanjite na? Mweso akamkhanea, "Mkuu, umwanyie onge; umanyie nechu nikuyanjite." Yesu akamkhanea, Lesya nkhoo yane. ¹⁸Huvea, huvea, nukukhanea, ne umnyikumbu wimanyie uyaa masaa mghonjo nauenda kungeja kene wasegha, nyeso newatendeka umnyampaa, mikhono ako, muuyaunge ujokuyecha masaa naukutoa kene utiseghete uendaa."¹⁹Yesu akayahanya ayai ne uraghea ne ikuya ke nechu Feteo ujomkurya Mungu. Are nechuwajoganya ayai, akamkhanea Feteo, "Nsambeya."²⁰Feteo akakingeya no umuona mseeywi uyuo nechu Yesu eumyanjite akavasambeya- Uyui yuare ne ukihaghameye ukekua kama Yesu ikhondo ra malewa aywampende na umuweya, "Mkuu, ne anyu neujokuhongea?" ²¹Feteo akamuona na kange akamuweya Yesu , "Mkuu, mntu uyui ujotenda ntuni?"²²Yesu akamsucha, "Ne mbese niseghete asaghe faka nenojaja, rasee rekughondie ntuni?" Nsombeya." ²³Uchu sayu eyei ekaning'anea mkhati a anyandughu avoo, yuchu mseeywi uyuo atijoukuya. Nyeso Yesu atina mkhanea Feteo ne, mseeywi usuu atiukuya, "Mbese neseghete mweso asaghe faka kenenijie ekughondie ntuni?"²⁴Uyui yuchu mseeywi ne ukufumya ukumo wa mantu ayai, nachu waandikie mantu ayai, na kumanyie ne ukumo wakwe ne wa tute. ²⁵Kwina mantu mauya mainge nechu Yesu wayatendie. Ne mbese ee mmuntu ruandekwa, ngughema nechu uremi wayo no eutiuning'anea uyieka itabu nechu yiandikiwe.