¹Kyasagiibwe omubilo ebyo nti abalamuzi balamwiile nti walowo enzala omukituntu, erate walowo omusaiza owa Beserehemu owa Yuda yabiire naba eyo nka omugwiira Omuiyanga ya Moab nomukali wamwe erate nabatane babiri. ²Eibala lya musaiza lyali Elimelek, erate eibala lya mukaali wamwe lyali Naume. Amabala gabatane bamwe gaali Mahlon no Kilion, abali abe efulausi Beserehemu ekya yuda. Baikire omunsi eya Moabu nebazwiira eyo.³Ate Elimeleki, obamwe wa Naume, nafa, erate yalekeibwe yenkai nabatane bamwe bombi. ⁴Bani abatane batwoile abakali Omubakali be Moabu; eibaara ryoomwe lyaari orpah, neibala lyawundi lyali Luusi. Babaire eyo nka emyaaka ikuumi. ⁵Awo oMahion no oKilion nebafa,erate omukali yalekeibwe nkatalina batane bombi era nka talina ibamwe.⁶Niyamale naimuka na balamu bamwe naazwayo omunsi ya Moabu nka oCanca agabirile abantu ebyetaagisha nka abaweerya ekyokulya. ⁷era nareka ekiifo kyeyabaile nka abamu nabalamu bamwe abaala babiri, nebatambula nebaira okwitakari ya Yuda.⁸Naume nakooba abalamu bamwe ababwaala ''Mwabe, mwiire, buliomwe nwei, omunyumba ya manywe. oCanca abarange okusasira kwamwe gyemuli, nka nimulangire okusasira kwanywe edi abafu amwe nanje. ⁹Era oCanca abaweerye okuwumula, buli omwe omunyumba eya ibaawo owundi.'' Erate nabanwegera, nabaimukya amaraka gabwe ayigulu ni bakunga. ¹⁰Nibamukoba nti, ''bbe! Tukwiiza okwiirayo nawe jibantu bamu."¹¹Baitu oNaume nakoba, ''Mwiire enyuma, bana bange! Rwaki mulyaba nanje? Nkyalindina abana babwojo omukida kyange abanywe, nti bayinza okufuka abaibanywe? ¹²baryana bange mwaabe, nywenkai gyemwataka, nje nkailikile muno tinkyasobola okufuna omusaiza,' ale leke nbyale abana babwoojjo, ¹³Mwasobola okulinda mpaka nka bakuule? Mwasalawo obutafumbirwa musaiza? Tinico beryana bange! amazima dala tibyangu jendi nti omukono gwa canca gunzwiiremu njje"¹⁴Awo nibaimukya amalaka gabwe nibairamu nebakunga . Oprah nanywegera dani wamwe, no luusi namwegaitaku. ¹⁵Naume nakooba," wuura, omulamu wamu aireyo gibantu bamwe no Ocanca. Ira no mulamu wamu."¹⁶Baitu oLuusi nakoba," Tonegayirya kukuleka, okwiiramu okukusengerya, eyo gyoyaba, nza kwaaba; eyo gyoba, abantu bamu baiza kubba bange njena, erate nOcanca wamu aiza kuba wange njena. ¹⁷newafa, njeena nza kufa, era awo niwo nza okuzikibwa. Ocanca abonereze atyo, erate nokusingawo, oba nekigambo kyona kiritwawura wazira okufa nikwo kwatawula." ¹⁸oNaume yabwoine nka oLuusi anyinkire okwaba naaye, narekera awo okuwakana naye.¹⁹Awo nebatambula mpaka nibaikire omukibuga Beserekemu. Ekibuuga kyona kyona kyasasamaire okulwabwe. Abakari nebakooba," Oni Naume?" ²⁰Batu nabakooba ati," Mutanyeta Naume. Munyeete muruulu, oCanca akarubiriize muno ²¹Nabiile nka nyizwiile, baitu oCanca anyiirye nka ndi kyeerere. Ati buni rwaki mukunyeeta o Naume, kubanga oCanca yategezere kunje? oyo omuyinza wabintu byonabyona²²oNawumi no Luusi omumuwabu omukali wamutane eyaire okuzwa omunsi ya Moabu. Nebaaiza Ebeserekemu nka bakwaaba okumakungula .

¹Ekitabo kya bubyaliranwa bwa Yesu Kristo, omwaana wa Daudi, omwaana wa Ibulaimu. ²OIbulaimu yabyaire oIsaaka; oIsaaka n’abyaala oYakobo; oYakobo n’abyaala oYuda n'abagande. ³OYuda yabyaire oPereezi n'oZeera omu Tamali; oPereezi n'abyaala oKezirooni; oKezirooni n'abyaala oLaamu;⁴oLaamu n'abyaala oMiradabu; oMiradabu n'abyaala oNasooni; oNasooni n'abyaala oSalumooni; ⁵oSalumooni n'abyaala oBowaazi omu Lakabu; oBowaazi n'abyaala oBedi omu Luusi; oBedi n'abyaala oYese; ⁶oYese n'abyaala oDaudi omukama. ODaudi n'abyaala oSulemaani omu muka Uliya;⁷oSulemaani n'abyaala oLekobowaamu; oLekobowaamu n'abyaala Abiya; Abiya n'abyaala Asa; ⁸Asa n'abyaala oYekosofaati; oYekosofaati n'abyaala oYolamu; oYolamu n'abyaala oUziya;⁹oUziya n'abyaala oYosamu; oYosamu n'abyaala Akazi; Akazi n'abyaala oKezeekiya; ¹⁰oKezeekiya n'abyaala oManaase; oManaase n'abyaala Amoni; Amoni n'abyaala oYosiya; ¹¹oYosiya n'abyaala oYekoniya n'abagande; Omu biro bya kutwaalibwa omu bunyage e Babulooni.¹²Oluzwanyuma lwa kutwaalibwa e Babulooni, oYekania yabyaire oSeyalutyeri; oSeyalutyeri n'abyaala oZerubbaberi; ¹³oZerubbaberi n'abyaala Abiwuudi; Abiwuudi n'abyaala Eriyakimu; Eriyakimu n'abyaala Azoli. ¹⁴Azoli n'abyaala oSadoki; oSadoki n'abyaala Akimu; Akimu n'abyaala Eriwuudi;¹⁵Eriwuudi n'abyaala Ereyazaali; Ereyazaali n'abyaala oMataani; oMataani n'abyaala oYakobo; ¹⁶oYakobo n'abyaala oYusufu, eyaali oibaamwei wa Malyamu, okibyaala Yesu ayetebwa oKristo. ¹⁷Gityo mbbe emiijo zoona zoona, okuzwa oku Ibulaimu okwiika oku Daudi, emiijo ikumi nainai, erate, okuzwa oku Daudi okwiika oku kutwaalibwa omu bunyage e Babulooni, emiijo ikumi nainai, erate, okuzwa oku kutwaalibwa omu bunyage e Babuloni okwiika oku Kristo, emiijo ikumi nainai.¹⁸. N’okubyaalibwa kwa Yesu Kristo kwaali kuti. OMalyamu omaamwe niyaali akyanywanibwa oYusufu, baali bacaali kubandulangana, naboneka nka ali kida kya mwooyo akweera. ¹⁹. Ale olwakubba oYusufu Oibaamwe; yaali musaiza mwikiriri, natatake kumukwatisya nsoni, yalowozere okumunoba mu kyaama.²⁰. Baitu,bona, niyaali akulowooza atyo, ontumwa wa Mukama naize jaali omu kirooto, namukoba ati, Yusufu omwaana wa Daudi, otatiina kubandula Malyamu nka omukali waamu, olwakubba enda gyatungire ya mwooyo akweera. ²¹. Alibyaala omwaana wa bwoojo, erate weena olimwalika eibara Yesu; olwakubba niye alicungura abantu baamwe omu bibbi byaabwe.²³Bona, omwaala atamaite musaiza alibba ekida erate, alibyaala omwaana wa bwoojo,balimwalika eibara lyaamwei Emmanweri, eritegeeza nti oKanca ali naiswe. ²². Byoona byoona ebyo byakoleibwe, leke bikiire ebyo Omukama bi yasimoleire omu muranji nk’akukoba ati;²⁴OYusufu niyaimukire omu tulo, nakola nka ontumwa wa Kanca niyamulagiire, erate natwaala oMalyamu nka omukali waamwe. ²⁵. Baitu, tiyegaitire naye okwiica lwe yamaare okubyaala omwaana, namwalika eibara lyaamwe YESU. 2

¹. Ale oYesu ni yabyaliibwe omu Beserekemu omu Buyudaaya omu miijo za Kerode omukama, bona, abakabukikabuki ni bazwa ebuluwuka isana ni baiza e Yerusalemi, ²nka bakukoba bati; alai oyo eyabyaalibwe Omukama wa Bayudaya? twaboine enyenyenzi ebuwuluka isana nitwiza oku mulrmya. ³. OKerode omukama, niyawuliire natuntura amwei n.abamu Yerusalemi boona boona,⁴. Nnakumbbaania abaliisya abakulu boona boona amwei n’abawandiiki b'abantu nababuulya nti oKristo alibyalibwa ayi? ⁵. Boona nibamukoba bati; omu Beserekemu omu Bayudaaya: Olwakubba nimwo kyawandikiibwe kityo omurangi. ⁶. Weena oBeserekemu, ensi ya Yuda, toli mudooli omu balangira ba Yuda: olwakubba afuga alizwa mu niiwe. Aliriisya abantu bange oIsiraeri⁷. Ale oKerode nayeta abakabukikabuki mu kyaama nababuuliirya muno ebiro enyenyenzi bye maare nka ekuboneka. ⁸Nabatuma e Beserekemu, nabakoba ati; mwaabe mutoolye kusai, mu bone, omwaana nayayana, nimwabba mu muboine mwiize munkobere nanje leke nyize muramye.⁹. Nibawuliire omukama, nibaaba; bona, enyenyenzi eyo jibaaboine ebuwuluka isana nebeekulembera, neiza neyemeera aigguru wa mwaana waali ¹⁰. Nibaboine enyenyenzi nibasemeerwa muno.¹¹Nibaingira omu nnyumba nibabona omwaana n’oMalyamu omaamwe, nibainama nibaramya omwaana; nibasindabula ensawo zaabwe nibamuweeryo ebisiimo ebya zaabu, n'obubaani n'omusutai. ¹². OKanca niyabalabuliire omu kirooto, baleme kwirayo eddi oKerode, nibairayo ewaabwe omu nzira ejindi.¹³. Bona, nibamaare baaireyo, ontumwa wa Mukama nabonekera oYusufu omu kirooto, nka akumukoba ati; imukka otwaale omwaana n’omaamwe, oirukire e Misiri, obbe eyo okwiica nje ninalikukoba; olwakubba oKerode akwiiza okutoolya omwaana oku mwitta. ¹⁴. Yeena naimuka natwaala omwaana n'omaamwe obwiire nayaba e Misiri. ¹⁵. nabba eyo, okwiica oKerode niyafiire; ekigambo kiikiire Omukama ki yasimoleire omu muranji; nk’akukoba ati; Nayetere omwaana wange okuzwa omu Misiri.¹⁶. Ale oKerode niyaboine nka abalaguli bamwinaize, nagongera muno, natuma okwitta abaana ba bwoojo boona boona abaali e Beserekemu, n'oku nsaro zaamwe zoona zoona, abakwiica emyaaka eibiri n’abacaali kujiica nk’ebiro bi yabuliriirye omuno abalaguli nibyaali.¹⁷. Ale ekigambo kya muranji oYeremiya kye yasimoire ni kiryooka nikikiira nka niyakobere. ¹⁸. Eiraka lya wuliirwe omu Laama, okukunga n'okuwoloma okwinji, oLaakeeri nk’akukungiira abaana baamwe; olwakubba teyatakire kusaasirwa, olwakubba tiwacaali.¹⁹. Baitu, oKerode niyamaare okufa, bona, Ontumwa wa Mukama nabonekera oYusufu omu kirooto e Misiri. ²⁰. Nka akumukoba ati; imukka, otwaale omwaana n’o maamwe, oyabe omu nsi ya Isiraeri: olwakubba abaali bakutoolya omwaana oku mwitta bafiire. ²¹Naimuka, natwaala omwaana n’omaamwe, naiza omu nsi ya Isiraeri.²²Baitu niyawuliire ati Alukerawo niye mukama wa Bayudaaya nka agwetere oitaamwe oKerode, natiina okwiirayo. Baitu oKanca niyamulabwiire omu kirooto, nakimbyakimbya nayakala oku lubaju lwa Ggaliraaya. ²³Naiza n'abba omu kyaalo, eibara lyaakyo Nazaaleesi; ekigambo omuranji kiyakobere kiikiire kiti alyetebwa Munazaalayo.

¹Awo olwaikire, Oyesu bweyamaare ebigambo ebyo, nazwa eggaliraaya, naiza ekibimbi kye buyudaaya erigguru wa yuludaani. ²Ebibbuura ebikoto ni bimusengeerya, nabawonyerya eyo.³Abafalisaayo nibaiza gyaali ne bamukema nga bakoba bati, omuntu asobola okupeka omukali waamei okumulanga buli kigambo? ⁴Nairamu nakoba ati, temunsomesya nti oyo eyabakoore omukubanza nga yabakoleire omusaiza n'omukali.⁵Namukobanti, omuntu nikyaazwa aleka oyitaamwe n'omaamwe yeeyimye n'omukali waamwei, boonaboona babiri baabanga omubiri? ⁶Obutabba babiri nate, naye omubiri gumwei, kale Okanca kiyagaatire amwei, omuntu takyawulizangamu.⁷Nibamukoba bati, kale, Omusa kiki ekyamulangisirye okumuweerya ebbaluwa eya kwawulamu, alyoke amupeke? ⁸N'abakoba ati olwabukakanyali bwa myoyo jaanywe, Omusa niikyo yazwiire akiirire mugabeng abakali banywe, naitu okuzwa omukubanza tikyali kitye. ⁹Era nkubakoba nti buli eyagebanga omukali wamwei wabula nga akumulanga abusiani sweera eweendi nga asyanire n'oyo abandula eyappekeyibwe ng'asyanire.¹⁰Abegesya nibamukoba bati, ebigambo ebya musaiza n'omukali wamwei nimwe bibba bityo, tikisai kubandula. ¹¹Nabakoba ati abantu bonna tibasobola kwikiriza bigambo ebyo wabula abakiwereyibwe. ¹²Kubanga aloowo abalaawe, ababyaliibwe batyo okuzwa mubuto za banyinai babwe, walowo nabalaawe ababonesyebwa abantu.¹³Waalowa nabalaawe ababa bonka olwabukama bwomwiguru. Ayiza okwiikirya, aikiririze. ¹⁴Baitu Oyesu nabakoba ati muleke abaana abato, temibaggana okwiza gyedi, kubba abali nkaabo okwakabaka obw'omwgguru niibwo bwabwe. ¹⁵Nabataaaku emikono nazwaayo.¹⁶Bona omuntu naiza jaali namukoba ati, Kanca wange, ndikola ekigambo ki ekisai, mbe n'obwomi obutawawo. ¹⁷Namukoba ati lwaki okunnyeta omusai? Omusai ali omwei naye noyendya okwingira omubwoomi wuuranga ebirangira.¹⁸Namukoba ati Galayi? Oyesu n'amukoba ati teyitanga, tosyananga, toyibbanga, towangiiryanga, ¹⁹Otangamu ekitiisa oyiitaawo no maawo era yendyanga omuliranwa wamu nka niweyendya wenkai.²⁰Omwojo namukoba ebyo byonna nabikwayitte, kintakoore niikyo kiki te? ²¹Oyesu namukoba niwabanga okwendya okuba eyayiikirire yaba otunde ebyaamu ogabire abaseege, olibba n'obugagga omigguru, olyoke oyiize omsengerye n'obugayigayi. ²²Omwojo ni yawuulire ekigambo ekyo nayaba nka anakuuwaire kubba yalina obugayiga bunyamwingi.²³Oyesu nakoba abegesya bamwei ati, munanu nkubakoba nti kizibu omuntu omuggudda okwingira omu bwakabaka obwamwigguru. ²⁴Nkwiiramu okubakoba nti, kyangu onkaina okwakala omukatuuli ka mpiso, osinga omuggudda okwingira omubwakabaka obwa Kanca²⁵Abegesya nibawuure niba annamiira muno nga bakoba bati, nka bakukoba bati alle naani ayinza okulokolwa? ²⁶Oyesu nabaloleera nabakoba ati omubantu ekya tekisobolwa, baitu Okanca asobola byonna. ²⁷Awo Opeetero nayiramu namukoba ati bona eswe twalekere ebyayiswe, ne tukusengerya, kale tuliba na kiki?²⁸Oyesu nabakoba atimazima nkubakoba nti nnywe abansengerya, omu mabyalibwa agakabiri omwana wa muntu naalikaara okuntebe eya kitinisya kyamwei, nywenna mulikaara okuntebe eyeyikumi n'eyibiri nga mukusaara ebika ekkumi neibibiri ebya Isirayiri.²⁹Nabuli muntu yeena eyalekere annyumba, oba abamunnymba, oba abagande, oba oyitaamwe, oba maamwe, oba baana, oba emisiri, olwa ibara lyange, aliweebwa emirundi kikumi,era aligweeta omwiimi obutawaawo. ³⁰Naye bayingi abakubanza abaliba abaluzwannyuma, ab'oluzwannyuma baliba abakubanza.

¹Kubbanga obukama obwa mwigguru bwisana omuntu atta enyumba yamwe, eyakeire okumambya okupakasa abulami baluma omu lusuku lwamwe olwa mizabbibu. ²Niyamaare okulagaana nabalumi eddinaali ya lunaku olumwei nabasindika omulusukku olwa mizabbibbu.³Nawuluka nga essaawa ziri isaatu nabona abanyu nga bemeereire nga tibalinaku kye bakukola. ⁴Boona nabakoba ati nnywena mwabe omulusuku olwa mizabbibu, njjena nabaweerya ekyaika. Ni baaaba.⁵Nawuluka ate nga eisaawa ziri mukaaga era n’omwenda nakola atyo. ⁶Nawuluka essawa nga ziri ikumi n’emwei, nayaja abandi nga bemereire, nabakoba ati kiki ekibemereirye ani obwire okusweeka nga ndoowo kye mukukola? ⁷Ni bamukoba bati kubbanga ndoowo muntu eyatupakasirye nabakoba ati nnywena omu lusuku olwa mizabbibu.⁸Akasweeko nikaatandikkire, omukama wa lusuku olwa mizabbibu nakoba omukolosyo waamwe ati beete abalumi, obwe empeera weekeerye ku baluzwanyuma, okwiica kuyekereire. ⁹Naba ssaawa eikumi nemwei ni baiza, nibaweebwe buli omwe eddinaali emwei. ¹⁰N’abo abekereire nibaizire, nibalowooza bati baweebwa okukirawo, baitu boona nibaweebwa buli muntu eddinaali emwei.¹¹Nibagibawaire, ni beemulugunyirya omukama. ¹²Nga bakukoba bati abaliizwanyuma bakoleire essawa emwe, nobenkanya naiswe, abagadire obwa mambya eisana nga likutwoca.¹³Yeena nairamu nakoba omwei okubo ati mwirange, tinkukoore kubbi tiwalagaine nanje eddiaali emwe? ¹⁴Twaala eyaamu, oyabe nkutaka okukuweerya kuwa owaluzwainnyuma nka we.¹⁵Tinyinza kukola byange nka ninkwendya? Oba eriiso lyamu ribbi kubbanga nje ndi musai? ¹⁶Batyo abaluzwanyuma baliba aba kwekeera, n’aba kwekeera baliba ab’oluzwainnyuma.¹⁷Oyesu niyaali n’akuniina nga okwaba e Yerusaalemu, natwala abegesya baamwe kyama, nabakobera omunzira ati. ¹⁸Bona tukuniinaniina e Yerusaalemi, n’omwana wa muntu aliweebwayo mu bakabona abakulu n’abawandiiki, boona balimusaara omusango okumwita, ¹⁹Era balimuwaayo omu bapaati okumuddura, n’okumukubba, n’okumukomeera aale nayimbooka kulunaku olwa kusaatu.²⁰Awo omaamwe wa boona ba zebbedaayo naiza jaali, n’abaana baamwe, n’amuramya, n’amusaba ekigambo. ²¹N’amukoba ati okwendya ki? Namukoba ati lagira abaana bange bani ababiri baikale, amwe okumukono ogulyo, n’owundi oku mukono ogumoso, omu bukama bwamu.²²Baitu Oyesu nairamu nakoba ati temumaitte kye musaba, muyinza okunywa oku kikompe nje kye kwaba okunywaku? Nibamukoba bati tituyinza. ²³Namukoba ati, oku kyange mulinyweraku kimwe baitu okwikala okumukono gwange ogulyo n’ogumoso, tininje nkugaba, baitu eji abo oitange be yakubikiire. ²⁴Nabandi eikumi nibawuliire nibagangeera abaluganda ababiiri.²⁵Baitu Oyeesu nabeeta gyali nabakoba ati mumaite ngabaami abapaati babeibembera nabakulu baabwe babatwaala na’amaani. ²⁶Tikyabbenga kityo eji nnywe, baitu buli okwendya okubba omukulu omu nnywe yabbanga muweereza wannywe. ²⁷Nabuli akwendya okubba owa kweekeera mu nnywe yabbanga mwiru wanywe. ²⁸Nka omwana wa muntu nataiza kuweerezebwa, baitu okuweereza n’okuwaayo obwomi bwamwe nka ekicunguro ekyabangi.²⁹Nibaali nga bakuwuluka omu yeruko, ekibbura okikooto ni kimusengeerya. ³⁰Boona abaigali bamaiso babiri abaali baikaire okumbali wa nzira nga baikaire, ni bawuliire bati Oyesu okwakalawo, nibabazira aiguru, nka bakukoba bati, mukama waiswe, tusaasire, omwana wa Daudi. ³¹Ekibbura ni kibabaigoora, okusirika, baitu bo nibeyongera okusimoola aiguru, nibakukoba bati, mukama waiswe, tusasiire, omwana wa Daudi.³²Oyesu nayemeera, n’abeeta nakoba ati, mukutaka mbakoore ki? ³³Ni bamukoba bati mukama waiswe, amaiso gaiswe galibbuke. ³⁴Oyesu n’akwatibwa ekisa, nakwata okumaiso gaabwe amangu ago, nibabonia, ni bamu sengeerya.

¹Nibaasembeire ampi ni Yerusalemi, ni baika e Besufaage, ku lusozi olwa zeyituuni, awo Oyesu natuma abeegesya babiri. ²Nabakoba ati mwaabe mumbuga ebali mumaiso, amangu aaga mwabona endogoyi nga ebweereibwe, n’omwana gwaayo, mwazisindura, muzindeetere. ³Baitu omuntu eyabakoba ekigambo, mwakoba muti, omukama waiswe niyakuzitana, naye okwiiza ziweereza mangu.⁴Kini kya baawo, ekigambo kyayikiira omulangi kye yakobere, nakukoba ati. ⁵Mukobere omwaala wa sayuuni, nti bona, okabaka okwiiza gyooli omuteefu nga yeebagaire endogoyi, nakayana kendogoyi.⁶Abeegesya ni baaba, ni bakola nka Oyesu ni yabalangiire. ⁷Ni baleeta endogoyi, n’omwana gwayo nibazitaaku engoye zaabwe, nazikaaraku ⁸Abantu abaingi abamukibbuura ni baalirira engoye zaabwe omunzira abantu ni batema omutaagi ku misaale ni bagaara munzira.⁹Ebbibbura ebyamukulembeere, nebyo ebyazwiire einyuma ni bibazira aiguru nibikoba biti, otenderezebwe nti edi omwana wa Daudi aweereibwe omukisa akwiiza mwibara lyamukama nti naani oni? ¹⁰Awo ni yayingiire omu Yerusaalemi, ekibuga kyonna ni bakitengeetya nka kikobba nti, naani oni? ¹¹Ebibbura nibikoba nti oni mulangi, Oyesu alizwa enazaaleesi eya Ggaliraaya.¹²Oyesu naingira mwiramyo ya Okanca, n’agebeera enzai boona abaali bakutundira mwiramyo n’ajjumuka emisaale ez’ambaddi abawanyisize feeza, nentebe zambadi abaali bakutunda iruma. ¹³Nabakoba ati kyawandikibwe, nti enyuba yangye eneetebwanga nnyuba ya kuramiryangamu, baitu nywe mugifuure mpuku yabaibi. ¹⁴Awo abalibi bamaiso n’abalema nti baize gyaali omu yeekaalu nabawonyerye.¹⁵Abakabona abakulu n’abawandiiki ni baboine ebyewunisya bye yakoore, n’aboona ababaziire aiguru mwiramyo nkakoba nti otenderezebwe omwana wa Daudi, ni bagongera. ¹⁶Ni bamukoba nti, wuura bani ni bakoba? Oyesu n’akoba at mpuura, timusomangaku nti mukanwa k’abaana abato n’enkerembe otuukirya eitendo. ¹⁷Nabalekesya, n’awuruka mu kibuga, nayaba e Bessaniya nabasya ngeyo.¹⁸Alemambya ni yali ngakwiirayo mu kibuga, enzara nemuluma. ¹⁹Nabona omusaare bibara gumwei okuntando kwenzira, nagwiikaku nayaja nka ndooku Kintu wabula ebikoola ebyeerere nakoba ati tobalanga bibara emirembe ne mirembe. Amangu ago omusaare oguteire nigukaarawo.²⁰Abeegesya ni baaboine ni beewunya ni bakoba bati omusaare oguteire bibara gwotokere gutyali amangu? ²¹Oyesu nairamu nakoba ati mazima ukubakobanti ni munabbanga nokwikiriza nka temubuusabuusa timuukolenge kini kyonkai ekya musaare oguteira bibala, baitu ni mulikoba olusozi nti oligingibwa no nagibwa mu nnyanja, kinkiriree. ²²Anti byonna byoona bye mulitakaa nga mu mukwegayira, nga mukyikkirizza, mulibweebwanga.²³N’ayingira mu iramyo, bakabona abakulu nabakaire ba bantu ni baize gye gyalli ngakweegesya ni bakoba bati buyinza ki obukoresya bini? Naani yakuwaire obuyinza buni? ²⁴Oyesu nairamu nabakoba ati njeena kambabuurye ekigambo kimwei bwe mwanyiramu, ale njeena nabakobera obwinza nibwo buli bukunkozesya bibni.²⁵Okubatiza kwa Yokaana kwazwiire ayi? Mwigguru nantaki omu bantu? Nibeemanyisa manyisya bonka na bonkai, nibakoba nti, nitinakobanga nti mwigguru, anatukoba ati ale kiki ekyabalobeire okumwikiriza. ²⁶Baitu ni tinakanga ntyo mubantu; kubanga boona boona balowolya Oyokaana nk’omulangi. ²⁷Ni bairamu ni bakoba Oyesu bati titumaitte. Ale ni bakoba nti, era nanjje ninkwaba ku babuura obuyinza nibwo bunkolesya bini.²⁸Ale mukuloowoza mutyai? Waabairewo omuntu eyabaire na baana babiri naiza edi owolubaryebarye nakoba nti, omwana yaba okole olwaleero mu Musiri olwemizabbibu. ²⁹Nairamu nakoba ati ggaine; Ale oluzwainnuma ni yeenenya nayaba. ³⁰Naiza edi ewakabiri nakoba aatyo, ale nairamu nti kanyabe ssebo natayaba.³¹Okwaabo bombi naani eyakora oitaawe kyakwendya? Ni bakoba bati owoluberyeberye. Oyesu nabakoba ati mazima mbakobanti, abawoorya na siyani baabasookere nywe okwingira na siyani baabasookere nywe okwingira omu bwakabaka obwa Kanca. ³²Kubbanga Oyokaana yaizire gye muli munzira eyobatuu kiriiri; Nanywe ni mwabonere mutyo naluvainnuma timwenenya okumwikiriiri.³³Muwuure olugero orundi aalowo omuntu eyabaire nenyumba yaamwe nasimba omusiri olwemizabibu nalwetoororya nalukomera nalusakamu ekikunyiro nayombo kaku eizaza, nalusugira abalimi natambura olugendo. ³⁴Ale omwaka ni gwaali gunatera okwiika ebibala okwengera natuma abairu baamwe edi abalimi babaweerye ebibala byaamwe.³⁵Ale abalimi ni bakwata abairu baamwe omwe ni bamukoba, owundi bamwiita, owundi ni bamukobba amabbale. ³⁶Ale natuma abairu abandi okwusingaku aboluberyeberye ni bakola naabo mbatyo. ³⁷Oluzwainnuma nabatumira omwaana waamwe ngakobba ati banawuura omwana wanje.³⁸Ale abalimi ni baaboine omwana ni bakoba bonka ni bonkai bati, oni ni ye musika mwiize, tumwiite tulye’ obusika baamwe. ³⁹Ni bamukwaata ni bamugaadiika mu Musiri lw’emizabibu ni bamwiita,.⁴⁰Ale Kanca w’Omusiri we mizabbibu walinza alibakola atyai abalimi abo? ⁴¹Nibamukobanti, abo ababbi alibasanyaawo; Ale omusiri gwamizabibu alirusigira abalimi abandi abanamuweeryanga ebibala byamu mwaaka gwaabyo.⁴²Oyeesu nabakoba ati timusomangaku mu bya wandiikibwe nti eibbaale abomboki lyebaagaine ni lye lyafuukire omutwe gwensonda, kini kyazwiire wa omukama ale kyakitaro omumaiso gaiswe.⁴³Kyenzwo nkubakoba nti obwamukama bwa Kanca bulibatolwaaku nywe, buliweebwa eiwanga eribala ebibala byabwo. ⁴⁴Ale alingwa okwibbaale lini alyendeka yenda, n’oyo gwe lirigwaaku, lirimwoonorayonora.⁴⁵Awo abakaboona abakulu n’abafalisaayo bwe baawuure engeero n’ebamanya nti yabaazire kubo. ⁴⁶Boona nibali bakwendya okumukwata ni batina ebiburwa, kubbanga byamulowoza okuba omulangi.

¹Oyesu nairamu nabaza nabo eru omugero nabakoba ati; ²Obukama obwa mwigguru bwisanisi omuntu eyali omukama , eyasumbiire omwana wamwe embaga eeyabugole. ³Nantuma abairu bamwe okweta abayeterrwa embaga eyabugole ni bateteka okwizza.⁴Nantuma era abairu abandi, nabakoba ati munkwobere abantu abeyitibwa ati,bona nsumbire embaga yange,ente zange ezinooli zitibwe, ni byona byona biterere mwize okumbaga eya bagole.⁵Baitu mbatateyo omwoyo nibaaaba ewandi omu byalo byanywe, owandi omubyantunga byamwe; ⁶Abasigairewo ni bakwata abairu bamwei, nibabakobera ekyejo ni babaita. ⁷Oukama natunga ekinaga naweerya abasilikare bamwe, nawerekerya abaiti abo,nayoca ekibuga kyabwe.⁸Awo nakoba abairu bamwe ati; obugole bwetekereteekere, baitu abo abayetebwe tibaikiriire. ⁹Ale mwabbe omu masanganzira aganzira ,bemwabonayo mubeete oku mbaga eya bugole. ¹⁰Abairu bali bakwaba omunzira ni bakumbania boona boona bebabwoine,ababbi na abasai; mobugole bwizule abagenyi.¹¹Baitu omukama niyaingire okubona abagenyi, nabona omuntu atazwaire ekizwalo ekya bugole. ¹²Namukoba nti mwirawange, oingiire otyai ani nka tolina kizwalo kya bugole?¹³Awo omukama nakoba abatumwa bamwe nti mumubowe emikono, namagulu, mumunage omu kirikiirya kyanzai; omwo nimwo mulibba okukunga n'okunenena amaino. ¹⁴Kubanga baingi abayeteibwe,baitu abalonde bamu badooli.¹⁵Awo abafalisaayo ni baaba, ni bateesa amwe nka ni bamutega omu bigambo. ¹⁶Ni bamusiindikira abegesya bamwe, amwe na bakerodiyaani, ni bakoba nti omwegesya, tumaite nka oli wa mazima ,era oyegesya amazima enzira ya kanca,ate ebigambo bya abantu boona boona tobitangaku mwoyo: kubanga tososola omu bantu. ¹⁷Ale tukobere ,okulowooza otyai?kisai okuwa o'kayisaali omusolo, oba ti niwo?¹⁸Baitu o'yesu namanya obubbi bwabwe, nabakoba ati: mukunkemeraki, nywe abakiweweita . ¹⁹Munange effeeza ya musolo ni bamuletera eddinaali.²⁰Nabakoba ati:ekiisani kinu n'obuwandiike bya naani? ²¹Nebamukoba ati byakaisaali ,awao ne bakoba ati ala musasule okaisaali,n'okanca ebya kanca. ²²Nebawulirya, ni bewuunya ,ni bamuleka, ni baibba .²³Oku lunaku olwo ni bayiza gyali abasadukaayo,abakukoba nti ndoowo ku yimbooka: ni bewuunya , ²⁴Nga bakoba nti omwegesya , o'Musa yakobere nti omuntu nafa, nga talina baana, omuganda wamwe airengawo abandule omukali wamwe, abyaare omuganda wamwe abaana .²⁵Awo ewaiswe waliyo abanyamukago musanju: akwekeera nabandula nafa, baitu nka talina mwana, nalekera omuganda wamwe omukali wamwe, ²⁶Atyo nowakabiri, nowakasatu, okwiica boona omusanju. ²⁷Oluzwanyuma, boona boona nga baweirewo omukali nafa. ²⁸Ale omu kuyimbooka alibba muka naani okwabo omusanju? kubanga boona boona babunire okumubandula.²⁹Baitu o'Yesu nairamu nabakoba ati mweweta olwa butamanya byawandikibwe,gonze amaani ga Kanca . ³⁰Kubanga omu kuyimbooka tibaliba ndula,ate tebalisumbirwa, baitu bali nka abantumwa omwigguru .³¹Baitu okuyimbooka kwa bafu , temwasomere o'Kanca kyeyakobere ati: ³²Nje ndi Kanca wa Ibulayimu, era o'Kanca wa Isaaka, era o'Kanca wa Yakobo? Ti Kanca wa bafu , baitu wa boomi. ³³Ebibbuura ni bya wuliire ni byewuunya okwegesya kwamwe.³⁴Baitu Abafalisaayo ni bawulire nti asirikirye Abasaddukaayo, ni bakumbanira amwe. ³⁵Omwe okwabo, owa mateeka ,namubulya ati: Matayo ³⁶Omwegesya ekiragiro ekikulu omu mateeka nikyo kirayi?³⁷Baitu namukoba nti yendyanga o'Mukama Kanca wamu n'omwoyo gwamu gwona,n'obwomi bwamu bwona bwona, namagezi gamu goona goona. ³⁸Kini ni kyo kiragiro ekya kwekeera.³⁹Ne kyakabiri ekikisana nikyo kini nti yendyanga omulirwaana wamu nka ni weyendya wenka. ⁴⁰Omu biragiro bini ebibiri amateeka goona goona nimwo gasinziira, era n'Abalangi.⁴¹41 Abafalisaayo nibankumbaine, o'Yesu nababulya, ⁴²Nga akukoba ati o'Kristo mumulowooza mutyai?Ye nywenanywena wanaani?Ni bamukoba nti wa Dawudi.⁴³Nabakoba ati: Ale o'Dawudi omu mwoyo kiki ekimwetesya omukama wanywe, ng'akukoba ati: ⁴⁴Omukama yakobere omukama wange nti ikala oku mukono gwange ogulyo, okwiica ni nditeeka abazigu baamu ansi wa magulu gamu?⁴⁵Ale olwakubba o'Dawudi amweta mukama wamwe, ali atyai omwana wamwe? ⁴⁶Ni watabewo muntu ayinza okumwiramu kigambo, era okuzwa okulunaku olwo ndowo muntu eyayiremu okumubulya ekigambo ate.

¹Olwakire Oyesu nasimoola nabibbura nabagasya baamwe. ²Nabakoba ati abawandikii nabafalisaayo bayikayira okukikaro kya Musa. ³Alenu ebigambo byona byebabakobeere, mubikole mubikwate, Baitu timukola nga abo nibakola kubba basimoola ate tibakola bye basimwoire.⁴Kandi babuwa ebigambo ebiremeri nibabita kukibega kya bantu, baitu bo benyini tibendya kugimula gonze okubigadikirya nenga zabwe. ⁵Kandi ebikolwa byaaabwe byoona babikola abantu babibone, lwakuba bakugaziya efuluteri zaabwe nibagayitaku amatanwuwa,⁶Ekindi bendya ebifo byamumaiso okumbaga, nebikaro ebyabitibwa mu bigango byankiiko. ⁷N’okulamukibwa omubutale, n’okwetebwa nti labbi.⁸Kandi nnywe temwetebwanga labbi lwakuba omwegesya waanywe ali omwe, nanywe nywe muli baluganda. ⁹Ekindi temwetanga muntu yena yena okunsi nti itaanywe lwakuba oitanywe ali omwe ali mwiguru. ¹⁰Ekindi tibabetanga begesha, lwakuba omwegesha wanywe ali omwe, niye Kristo.¹¹Ale nu munywe akubasinga obukulu yabanga mu wereza wanywe. ¹²Na buli anekudumalyanga akwiza kukakanyizibwa nga nabuli anawembekebwanga akwiza kwiza kuyimulwa agguru.¹³Ziribabona nywe, abawandikii nabafalisaayo, abakiweweta lwakuba mwibaara obukama bwamwiguuru mu mayisoga bantu, lwakuba nywe timwingira nabo ababakwingire timu bakiriza. ¹⁴Kandi ziribabona nywe, abawandikii nabafalisaayo, kiweweta lwakuba mulya enyumba za babamwandu, ekindi ne mwefula abasabo omuno; n’olwekyo mulibaaku omusaango ogukusinga obukooto. ¹⁵Ziribabona nywe abawandiiki, nabafalisaayo, abakiweweta lwakuba mwerugurya munyanja n’okulukalu okuyindula omuntu omwe kandi naboneka mumufola omuna ggeyeena emirundi ibiri okusingaku nywe.¹⁶Ziribabona nywe abakura abalibi bamaiso gamunda, abakoba bati buli analayiranga eyekaalu, nka tikuntu kyansonga, kandi buli anaalayiranga ezaabu eyomuyeekalu nka arye omusango. ¹⁷Nywe abasiru era abalibi bamaiso, lwakuba ekisinga obukuru kirayi, ezaabu oba eyeekalu etukuza ezaabu?¹⁸Ni mukoba nti omuntu bwanaalayiranga ekyoto nga tikintu kyansonga, kindi buli anaalairanga ekitone ekiruku nga arye omusango. ¹⁹Nywe abalibi mamaiso, lwakuba ekisingiga obukulu kirayi ekitonde oba ekyoto, ekitukuza ekitone?²⁰Kandi alaira Kyoto, alyaira ekyo, ni byoona ebikuru. ²¹Kandi alaira eyekaalu, alaira ngigyo, noyo aikaaramu. ²²Kandi alaira egguru, alaira kikaaro kya Kanca noyo agikaaramu.²³Ziribabona nywe abawandikii n’abafalisaayo n’abakiweweta lwakuba muwerya ekituno kyaikumi ekitakiire ne aneta ne kkumino, ne mulekayo ebigambo ebikulu ebyamateeka, obutalanga nsonga, n’ekisa, n’okwikkirizanga, kandi kyabagwanire okubikola, era nabidi obutabirekayo. ²⁴Nywe abakulu ba balibi bamaiso gamunda abasengezza ensiri, ni mumira engamiya.²⁵Ziribabona nywe abawandikii, n’abafalisaayo, n’abakiweweta lwakuba munaabya kuruguru kukikopo ne kibya kandi omunda mwizwire obunyaazi n’obuteegendererya. ²⁶We omufalisaayo omulibi wamaiso gamunda sooko onaabye omunda mukikopo n’kibya, nokuruguru kwakyo kube kusai²⁷Ziribabona nywe abawandikii n’abafalisaayo n’abakiweweita lwakuba mwisana amagombe agasiigibwa ebikweera okutukula nga boneka okuruguru nga gawoomere kandi omunda mwizwire amagumba gabagenzi n’oburofu bwabwe. ²⁸Nikyekyo ni weena okuruguru muboneka mu bantu nka nywe abakirire, kandi omunda mwizwire kiweweta n’obujeemu.²⁹Ziribabona nywe, abawandikii n’abafalisaayo n’abakiweweta lwakuba mwomboka amagombe gabannabbi, ni mulungiya ebituuro byabakirire. ³⁰Ni mukoba nti, singa twalowo mu minyeto gya bazaiza baiswe, titwandikirize kimwe nabo mu musaayi gwa banabbi. ³¹Mutyo mwetejje mwenkayi nti muli baana babwe abatire abannabbi.³²Ale muginge ekikolwa kyabayizaza baanywe. ³³Nywe emisota, abaana bambalasaasa, muliruka mutyai omusango gwageyeena?³⁴Bona, nikyo nwire mbasindikire abanabbi, n’abamagezi, n’abawandikii, n’abandi kwabo mulibayita mulibakomerera, n’abandi muli bakuba emiggo mu makumbaniro ganywe, mubaliyiganya mubyalo byona. ³⁵Ale mwizirwe omusaayi gwonna ogwakirire ogwasusukire okunsi, okutandika n’omusaayi gwa abiri oyo akirire okwica ku musaayi kwa Zakaliya omwana wa Balakiya, gwe mwayitire akaati wa yeekaali n’ekyoto. ³⁶Mazima nkubakoba nti ebigambo bini byona biribaawo muminyeto gini.³⁷Yerusaalemi, Yerusaalemi, akwita abannabbi, anaaga amabbale ku bantu abasindikibwe gyali emirundi imekai gye natakire kimwe okukumba, niya abaana bamu, ngonkoko bwekumbaniya abwaana bwayo omunda wa bipaapa byayo nimutataka! ³⁸Bona ennyumba yamwe effokere kifulukwa. ³⁹Lwakuba nkubakoba nti timulimbanaku nakadooli okuzwa olwaleero, okwikya lwemulisomoola nti aweebwe omukisa akwiza mwibara lya Kanca.

¹O'Yesu nawuluka omwiramyo, ne bwe yali nga akutambura abegesya bamwe ni baiza okumulanga amomboka ga iramyo: ²Yeena nairamu nabakoba ati:Ti mukubona bini byona byona?Mazima nku bakobera nti tewalisigara ani ibbaale eriri okuluguru okwi eibbaale eritanagibwa ansi.³Ni bwe yali aikaire oku lusozi olwa Zeyituuni abegesya mbaiza gyali omu kyaama,ni bamukoba ati tukobere bini mbiribawo akamanyiso akwo kwiza kwamwe ni bbo kalibba,akemirembe zini okuwaawo.? ⁴O'Yesu nairamu nakoba ati mubwone omuntu yena tabawugulanga. ⁵Kubanga baingi abaliza om mabara gange,nga bakoba ati ningye Kristo, baliwungura baingi.⁶Muliwuura entalo neitutumu lya ntalo muboone temweralikiiranga: Kubanga tebiligana okubbaawo era nga enkomerero ekyali. ⁷Kubanga eiyanga liritabala eiyanga n'Omukama alitabala Omukama walibawo enzala ne bitengeto omu bifo ebitali bimwe. ⁸Naye ebyo byona nikwo kwekera kwa bulumi .⁹Ni balibawaayo nnywe okuwaralibwa, bali baita : Nanywe mulinugwa amaanga goona goona okubajunaana eibara lyange. ¹⁰Omubiryo ebyo baingi abalyenyanyatta, baliwakana yo, balinugwangana. ¹¹N'abalangi baingi ababubeyegi bali izza,bali yindura baingi .¹²Naye ali gumiinkiriza okwica okunkomerero, alicungurwa. ¹³Baitu aguminjiriza okwica okunkango, alicungurwa. ¹⁴N'engiri eni eya bukama eri buulirwa omu nsi zoona zoona, okuba omujju,urwa omumawanga goona goona,awo enkomerero n'elyoka n'eizza.¹⁵Ale nemulibona ekya muzizo kisanyawo, o'Daniel omurangi kye yassimoire ku,nga kyemereire omu kifo ekikiiri. ¹⁶Ale abali omu Buyudaaya balilukiira oku nsozi. ¹⁷Ali aiguru, okunyumba taninukanga okwiyamu ebintu ebiri omu nnyumba yamwe. ¹⁸Eyabaire omu Misiri tayiranga :Okuzwara kizwaro kyamwe .¹⁹Ale ziribagya abali ebidda n'abakwonca omu nnaku ezo. ²⁰Nywena musabe ekirukiro kyanywe kireme okuba omubiro ebya ompewo,kwonzenga lwa Ssabbiiti. ²¹Olwo okubanga omu biro ebyo walibbawo okumigirya okukwoto,nga tekibbangawo kasokeire ensi ebbawo okwica olwa leero,era tekiribbawo kakyalumwe. ²²Enaku ezo ni zibbanga tizasalibweku,tewandicungure buli alina omubiri:Baitu olwa bakwomerebwe enaku ezo ziri ssalwaku.²³Omu biro ebyo omuntu na bakoba ati boona,Krisito ali ani,oba ati ani,temwikirizanga. ²⁴Kubanga wali'zza aba Kristo abwobubegi ,n'abwo abalikola okumanyica obukama ne byamagero,n'okukcamya bacamye n'abakome ,obanga kikusoboka. ²⁵Bona,mbalabwire.²⁶Ale ne babakoba nti bona, ali omwirungu, temuwulukanga: Bona ali mubisenge munda,timwikirizanga. ²⁷Kubanga nk'okusserya ni kuzwa ebuuluka,ne kubonekera ebugwa isana,kutyo ni kulibba okwizza okwamwana wa muntu. ²⁸Awabba omulambo woona ,awo ensega niwo zikumbanira.²⁹Baitu amangu agwo, oluzwanyuma lwakiwaaralyo ekya mu biro ebyo eissana liri fooka omulikirya,enyenyezzi zirigwa okuzwa omwiguru n'amaani aga mwiguru galizwayo.³⁰Awo niwo kaliboneka akamanyisyo aka mwana wa muntu omwiguru:nebika byona ebya nsi nimwo birikubba ebiboobo,biribona omwana wa muntu nka akwiiza oku bicu ebya iguru n'amaani n'ekitinisya ekikooto. ³¹Era alituma abantumwa bamwe ne eilobozi elikwoto elya amagwara,boona bali kumbania abakwome bamwe omu empewo enai,okuzwa okunkomeroey'eigulu n'okwika okunkomero yaalyo.³²Era mwegere oku musaale oku lugero lwagwo:eitagi lyagwoo neligeizza,ebikola ne bigyimukka ,mutegere nti omwaka guli ampi. ³³Nywena mutyo, ni bwe mu boona ebigambo ebyo byona,mutegere ati ali ampi awo oku lwige.³⁴Amazima nkubakwobera,ati emirembe gyini tegyiriwaawo okwica ebyo byona byona ne birikwolwa ku. ³⁵Eiguru n'ensi biriwaawo ,baitu ebigambo byange tebiliwaawo erara.³⁶Baitu eby'olunaku luddi n'ekisera ekyo ndowo eyali abemayite, niwankubaire ontumwa abomwigguru, newankubaire omwana, okutoolako oitange Matayo yenkai³⁷Nka ennaku za Nuuwa bwe zaali, bwekityo bwekiliba okwiza ow'omwana w'omuntu. ³⁸Kubanga niwe bali munnaku ezzo ezasookere omwizuro nka bakulya nka bakunywa, nka bakuswera nga bakuswerebwa, okwika okulunaku Nuuwa lwe yaingiire omu bwaato. ³⁹Olwo baali tebamaitte okwica omwizulo lwe gwaizire, nigabatwala boona, nibo bwekuliba okwiza kw'omwana w'omuntu.⁴⁰Omu biro ebyo abazaizza babiri baliba omukyalo omwe akwaba okutwalibwa, owundi alisigala: ⁴¹Abakali babiri baliba nga bakusya okulubengo, omwe akwaba kutwalibwa, n'owundi alisigala. ⁴²Kale muloleere, kubbanga timumaitte olunaku bwe muliba omukama wanywe lwaliizaraku.⁴³Baitu kinu mukitegere nti ali nenyumba yaamwe singa yamaitte ekisisumuko bwekyali omwibbi kyakwiiziramu, yandibonerye, teyabdirekere nyumba yaamwe okusakibwa. ⁴⁴Nnywena ale mweteketeke: kubbanga omukisera kyamwe mutalowolezaamu omwana w'omuntu kya iziramu.⁴⁵Ale alayi era omwiru oyo omwesigwa, owa magezi, omukama waamwe gwe yasigiire abw.omunnymba yaamwe, okubaweerye emeere yaabwe omukiseera kyayo? ⁴⁶Omwiiru oyo abba n'omukisa, omukama waamwe gwali agya nga airzire akola atyo. ⁴⁷Mazima nkubakoba nti alimusigira bintu byamwe byoona.⁴⁸Baitu omwiru oyo mibbi ni bwalimukoba amu mwoyo gwamwe nti omukama wange alai? ⁴⁹Era nalisooka okukuba abaira abairamwe, n'okulya, n'okunywera amwe n'abatamiire. ⁵⁰Omukama wa mwiru oyo aliiza okulunaku lwatalilindurirwamu, n'omukiseera ky'atamaitte, ⁵¹Ali mutaamu ebi kyweka bibiri, alimuwerya omugabo gwaamwe n'ekiweweita: Ni mwo mulibba okukuunga n'okuneena amaino.

¹Omubiri ebyo, obukama obwa mwigguru bulisanagana abaala eikumi abatwaire ettaala zaabwe, nabaaba okutangarana eya bandula omugole. ²Baitu abairabwe abataanu baali basirusiru, n’abataanu nibo baalina amagezi. ³Kubbanga abasirusiru nibatwaire etaala zaabwe tibatwaire mafuta. ⁴Baitu abalina amagezi naebetwara amafuta mu macupa gaabwe, amwe n’etaala zaabwe.⁵Baitu eyabandula omugole niyalwireyo, boona boona nibawoongera ne babbasya. ⁶Baitu obwire omwitumbi ni waboowo oluleekaano nti boona eya bandula omugole akwiza imuwuluke okumutangarana.⁷Abaala bandi boona boona nibalyoka nibaimuka nibasairya etaala zaabwe. ⁸Abasirusiru nibakoba abalina amagezi bati, mutuweeryeku okumafuta gaanywe, kubbanga etaala zaiswe zikuwerera. ⁹Baitu abaalina amagezi nibabairamu, nibabakoba bati, ‘’bbe, tigatumale esweena nanywe akiri mwabe eddi gyebatunda mwegguure.’’¹⁰Nibaali bakwaba okugula eyabandula, omugole naiza, naabo ababbaire betegekere ni lwigalwaawo. ¹¹Oluzwanyma abaalabaddi boona nibaiza nibakoba bati mukama waiswe, mukama waiswe, twiguurewo. ¹²Baitu nairamu nakoba ati amazima nkubakoba timbamanyangaku. ¹³Ale muloleere, kubbanga timumaite lunaku baitu ebiro.¹⁴Kubbanga obukama obwamwigguru bwisanisiirya omuntu eyaali akwaaba okutambula omunsai egindi nayeta abairu baamwe nabalekera ebintu byaamwe. ¹⁵Naawe omwe ebikyokyo bitaanu, owundi, bibiri, owundi kimwe, buli omwe ngo obusoboli bwaamwe bwabwaali, nayaba. ¹⁶Amangu ago oddi eyawereibwe ebikyonkyo ebitaanu nayaba nasubulyamu nabyalisyamu ebikyonkyo bitaanu ebindi.¹⁷Atyo noddi eya weereibwe ebikyonkyo ebibiri nabyalisyamu bibiri ebindi. ¹⁸Baitu, oddi eyawereibwe emwe nayaba nasaka eitakali, nabiika effeza ya mukama waamwa.¹⁹Ebiri bingi nga byakaire, omukama wabairu baddi naiza, nabala nabo omwuwendo. ²⁰Oddi eyawereibwe ebikyonkyo ebitaanu naiza naleeta ebikyokyo ebitaanu nakoba ati mukama wange, wendekeire ebikyonkyo bitaanu, nimbyalisyamu ebikyonkyo bitaanu ebindi. ²¹Omukama waamwe namukoba ati weebale, oli mwiru musai, mwesigwa, obaire mwesigwa mukidooli, ndikuweirya ebingi, nira omwisanyu mukidooli ndikuweirya ebingi, ngira omwesigye lya mukama waamu.²²Nooddi eya wereibwe ebikyonkyo ebibiri naiza nakoba ati, mukama wange, wandekeire ebikyonkyo bibiri, bonna, nabyalisiryemu ebikyonkyo ebindi bibiri. ²³Omukama waamwe namukoba webale, oli mwiru musai, mwesigwa, obaire mwesigwa mubidooli, ndikuweirya ebingi, ngira omwisanyu lyamukama waamu.²⁴Nooddi eyawereibwe ekikyonkyo ekimwe naiza nakoba ati, mukama wange, nkumaite ngoli muntu mukakanyali nga akasrea gyotasigiire, nga okumbanirya gyotaasigiire. ²⁵Nintina, ninyaba ninkikweeka omwitakali, bonna eyaamu ngeyo ekikyonkyo.²⁶Baitu mukama waimwe nairamu namukoba ati oli mwiru mubbi mugara, wamaitte ati nkesera jentasigiire, nkumbaanirya jentasigiire. ²⁷Ale kyakuloomaire okugwa abasubulya effeza yange, njeena Matayo ninandiizire nandiwereibwe eyange namagoba gaamu.²⁸Ale mumwiyeku ekiyoukyo, mukiwe oddi alina ebikyonkyo eikumi. ²⁹kubbanga buli omuntu alina aliweebwa, erate alibba nabingi ; baitu atalimawo alitoolebwaku nakiddi kyalinakyo. ³⁰Atte no mwiru oyo omugaso mumunage omundakiirya enzai: Awalibba okukunga nobujune.³¹baitu omwana wamantu naliiza omu kitinisya kyaamwe nabantumwa boona nga alinabo, naliikala okuntebe eya kitinisya kyaamwe. ³²namangga goona galikumba omumaiso gaamwe ; yeena alisororamu ng’omuliisya nasororamu entaama ne’mbuli kumukono ugumoso. ³³Entaama alizitta okumukono oguryo, baitu embuli kumukono ugumoso³⁴Awo omukama alikoba abalibba okumukono gwaamwe oguryo ati mwize nnye oitange beyawaire omukisa, mugweete obukama obwabateeirwetekeirya okuzwa okukutondebwa kwansi. ³⁵kubbanga naali nzala nemumpeerya ekyakulya ninaalina amalo mwanywesyeye n’naali omugeni nimunsulisya. ³⁶Naali bwerere ne munzwalikisya: naali mulwaire nemunkyara : naali munkomya ne mwiza nemumbona .³⁷Awo abaikiriiri balimwiramu nga bakaba ati mukama waiswe: twakubweine ddi nga olinzala ni tukuliisya? oba ngooli malo nitulunywesya. ³⁸Erate twakubweine ddi ngooli mugeni nitukulilisya ³⁹Erate twakubweine ddi ngooli mulwaire oba munkomyo nitwiiza nitukulambula ⁴⁰N’ omukama aliiramu nabakoba ati amazima nkubakoba nganimwakoore omwe okwabo abaganda bange abasinga obutto, mwakikoore ninje⁴¹Awo alikoba naabo abali okumukono gwamwe ogwa gumoso ati muzwe ani, nnywe abakolimiirwe abakyeene; mwabe omumuuro ogutaliwaawo ogwatekeirwetekeirwa omunanzigu nabantumwa baamwe ⁴²kubbanga naali nzala nimunyima ekyakilya. naali malo nimutanywesya. ⁴³naali mugeni nimuatansulisya naali bweerere nimutansulisya; mulwaire, nomunkomya nimutanambula⁴⁴Awo boona baliiramu, nga bakukoba ati mukama waiswe, twakubweine ddi nga olinzala, oba munkomyo nitutakuweereza ⁴⁵Awo alibairamu, nga okukoba ati amazima nkobakoba nga nimutaakore omwei okwaabo abasinga obutto, timwakoore nje ⁴⁶Bani balyaaba omukibonerezo ekitaliwaawo; baitu abaikiriiri mu bwoomi obutawaawo

¹Awo olwaikire o'Yesu ni yamaare ebigambo ebyo byoona, nabakoba abegesebwa baamwe nti. ²Mumaitte nti olwakabbiri walibaawo okwakal;ibwaako, n'omwaana w'omuntu aliwebwayo okukomwwrwa.³Awo abakabona bakulu nabakaire babantu ni bakumbaniira mungaango eya kabona asinga obukulu, ayetebwa Kayafa; ⁴Nibetesya amwe n'Oyesu okumwitisya abakabuki, bamwitte. ⁵Baitu nibakoba bati tuleke okumukwatire oku kiro ekikulu, abantu baleme okukaayana.⁶Baitu o'Yesu nu yali omu Besaniya, omunyumba ya Simooni omugenge. ⁷Omukali naiza gyaali, eyalina eccupa ya mafuta gamusutai agamugaso ogwingi omuno, nagasuka okumutwe, nka aikaire okulya. ⁸Baitu abegesebwa ni babwoine ne bayoongera ni bakobe bati gafiire kigani? ⁹Kubbanga gani gabanga gatundiibwe gaandizwiremu ebintu bingi okuwerya abooro.¹⁰Baitu o'Yesu niyetejerye, nabakoba ati mwenamirya lwaki omukali? Kubbanga akoore ekigambo ekisai. ¹¹Kubanga abooro nibo mubba nabo obuliizo, baitu temubba nanje buliizo.¹²Kubanga nasukire omafuta gani oku mubiri gwange, amaare okunziika. ¹³Mazima nkubakoba nti enjiri eni bulijeyabulirwanga omunsi zoona, nekyo omukali oni kyakoore kyasimoorwangaku okumwizukira.¹⁴Awo omwe ku abo eikumi n'ababiri, ayetebwa Yudda Isikaryoti, nayaba eddi omu bakama abakulu, ¹⁵N'akoba ati, mwikizira okumpaki, nanje ndimuwayo jemuli? Nibamugeera ebikweeka bya feeza amakumi asatu. ¹⁶Niyekeerawo okutoolya eibanga nali muwaayo.¹⁷Baitu ekiro ekyakwekeeraku olwa migaati ejitatumbisisisya, abegesebwa ni baiza jaali o'Yesu,na bakoba nti okwendya kututekeratekera ayi jiwaliira okwakalaku. ¹⁸Nabakoba nti mwabe omu kibuga ewa nanka,mumukobe nti omwegesya akobere nti ekiro amwe kiri ampi okwiika;ewaamu niyo jitwaliira okwakalaku n'abegesya bange. ¹⁹Abegesya nibakola nka o'Yesu bwabalagiire nebateekateeka okwa kalaku.²⁰Awo obwire nga bwakaswekosweko, naikaara okulya n'abegesebwa baamwe eikumi n'ababiri. ²¹Era tebaliba kulya n'akoba ati: Mazima nkubakoba nti omwe oku nnywe akwaba okundyamu olukwe. ²²Ni beinaza muno, ni batandika buli omwe nti; mukama wange, ninjje?²³Yeena nairamu nabakoba ati; akozerye amwe nanjje omuluccuba niye akwaba okundyamu olukwe ²⁴omwana wa muntu akwaba, nka bwe yawandikibwe, Baitu zisangire omuntu oyo akwaba okulyamu olukwe omwana wa muntu! Kyandibaire kisai erite oyo singa tiyabyalibwe omuntu oyo. ²⁵O' Yuda eyamuliremu olukwe, nairamu namukoba ati Labbi, ninjje? Namukoba ati, we osimoire.. ²⁶Era te baliba kyalya, o'Yesu natoola omugaati, ni yebalya, naguwendamu naweerya abegesya baamwe, nabakoba nti mutole mulye; guni nigwo mubiri gwange.²⁷Natoola ekikompe, Matayo niyebalya, nabawelya nakukoba ati munywe okuccini nnywena; ²⁸Kubanga kini nigwo isagama lyange elyandagaano, ogwasusukiire kulwa baingi olwa kutoolawo ebibbi. ²⁹Baitu nkubakoba nti tinkwaba kunnywa gonza akadooli okwekeera olwa leero kuguni ogubala omuzabibu, okwica okulunakuluddi lweninywa oguyaaka amwe nanywe omubukama bwaitange.³⁰Nibamaare okwemba, nebawuluka okwaba oku lusozi lwa zaituuni. ³¹Awo o'Yesu nabakoba ati, nnywena nnywena mukwekona kulwange ekiro kini! Kubanga kyawandikibwe nti ndikubba omuliisya n'entaama eza mulugo zirisasaanyizibwa. ³²Baitu ni ndimala okuyimbuukwa, ndibebeembera okwaba e'Ggaliraaya.³³Baitu o'Peetero nairamu namukoba ati boona nibakuzwaku kulwamu, nnje tinakuzweku nakadooli. ³⁴O'Yesu nairamu namukoa ati mazima nkukoba nti omukiro kini, onkoko yabba akyali kukooka, oiza kunegaana emurundi isatu. ³⁵O'Peetero nairamu namukoba ati gonze kingwanire okufeera amwe naawe, tinakwegaane nakadooli, nabegesebwa baamwe nibasimoola nikyo kimwe.³⁶Awo o'Yesu naika nabo omu kifo ekyetebwa Gasusemane, nakoba abegesebwa baamwe ati mwikale ani, nyabe eddi nsabe. ³⁷Natwala o'Peetero n'abanna ba Zebedaayo bakali babiri natandika okwenamira, n'okweralikira omuno. ³⁸Awo nabakoba ati, ''omwoyo gwange kuluku obwinazi bwingi, zikwaba okunyita; mubbani mululere nanjje.³⁹Natambulaku kadooli, nainama, nasaba nakukoba ati: ''ayi itaange, ekikompe kini kinzweku, baitu ti nka ni nkwendya, wabula nka we no nkwendya. ⁴⁰Naira ejji abegesebwa, nabaaja nka basirye, nakoba o'Peetero kaisi timusobola kubonia nanjje gonze esawa emwe? ⁴¹Mubonie musabe, muleme okwingira omukwoyeerwa, omwoyo nigwo gukwenya baitu omubiri nigwo gunaki .⁴²Ate nayaba omurundi gwa kabiri, nasaba nka akukoba ati; ayi oitange, obanga kini tikisobola kunzwaku, wabula njje nku kinywa kyokwendya kikolebwa. ⁴³Naizate nabajja nga babasirye, kubanga amaisogaabwe gali gakukaambirya. ⁴⁴Nabalekawote, nayaba okusaba omulundi ogwa kasatu, nasimoola baitu ebigambo bimwe na baddi.⁴⁵Awo naiza ejji abegeswa baamwe nabakoba nti mubasirye kakyalumwe ate buni, ekiseera kyatera okwika omwana wamuntu okuwerwayo omumikono zza balina ebibbi. ⁴⁶Muyimuke twabe: bona, akundyamu olukwe ali ampi okwika.⁴⁷Yaali akyasimoola, bona, o'Yuda, omwe oku ikumi n'ababiri, naiza nga alina ebibbuura bingi ebirina empirima n'emiigo nga bakuzwa ejji abakabona abakulu n'abakaire babantu. Matayo ⁴⁸Baitu oyo akumulyamu olukwe yabawaire akamanyisyo, nga akukoba ati gwe nnagwa omukifubba, niye oyo: mumukwate.⁴⁹Amangu ago naiza awali o'Yesu, nakoba ati mirembe Labbi, n'amunywegera. ⁵⁰O'Yesu namukoba ati mwirange, kola kyoizire. Awo ni baiza, oYesu nibamutaaku emikono, ni bamukwata.⁵¹Bona, omwe okwabo abali ni o'Yesu, naimula omukono, natoolayo empirima yaamwe, natema omwiru wa kabona asinga obukulu, n'amusalaku okutwi. ⁵²Awo o'Yesu namukoba ati empirima yaamu jirye omukifo kyayo. Kubanga abo boona abakwata empirima, balifa mpirima. ⁵³Oba okulowooza nti tinsobola kwegayirira oitange, yeena nampereza abantumwa okusinga liigyoni eikumi na ibiri? ⁵⁴Ale byaikiira bityai ebyawandikiibwe nti kingwaniire okuba kityo?⁵⁵Omukiseera ekyo o'Yesu nakoba ebibuura nti mwisana nka abaisirire omunyagi n'empirima, nemiigo okumukwaata? Naikaranga buli lunaku omwiramyo nga ngwegesya nemutanjjimba. ⁵⁶Baitu kini kyona ekikire, abalangi byebawandikire biikiire. Awo abegesya boona nabamuzwaku ni bairuka.⁵⁷Nabaddi abakwaite o'Yesu, nibamutwala ewa Kayaafa oisakabona nabawandiki nabakaire jiba kumbanira. ⁵⁸Baitu oPeetero namuzwaku embega arai okwika omu ngango ya Isakabona, naingira omunda, naikara nabawereza abone jibyawera.⁵⁹Baitu aba kabona abakulu namwei aba lukiiko bona nibatolya obujurwa obwa bubeiji oku Yesu leke bamukwatte: ⁶⁰Ni batabubone, gonze nka bajurwa ba bubeiji baingi baizire. Baitu oluzwanyuma ni baiza babiri. ⁶¹Ni mbakoba bati oni yakobere ati nkusobola okuwenda ennyma eiramyo ya Kanca nekujombeka omunnaku isatu.⁶²O'isekbona nayemeera namukoba ati tokwiramu gonze akadooli? abairamu kye bakulumirye? ⁶³Baitu o'Yesu nasirika, o'iseekabona namukoba ati nkulairya o'Kanca omwoomi, tekubere oba nka niwe Kristo omwana wa Kanca. ⁶⁴O'Yesu namukoba ati osimoire, baitu nku bakoba nti okwekera olwa leero mulibona omwana wa muntu nka aikaire ku mukono ogulyo ogwa maani, nka akwizira oku biicu byo kwigguru.⁶⁵Awo o'isakabona nayonola ebizwalo byamwei, nakoba ati otyoboire o'Kanca: Tukutakira ki obusurwa? Bona muwulire ati buni obutyoboli bwaamwei. ⁶⁶Mukulowooza mutyai? Ni bamwiramu ni bamukoba bati agwanire kufa⁶⁷Awo ni bamu cwantira amalusu omu maiso gaamwei, ni bamukoba bati entomi abandi ni bamupayula empi. ⁶⁸Nka bakumukoba bati tulagule o'Kristo; Nani akukubire?⁶⁹Baitu o'Peteero aikaire enzai wa ngango; omwala naiza jaali namukoba nti wena waali amwei no'Yesu omunaga aliraya. ⁷⁰Baitu ni yeganira mu maiso ga boona nkakoba nti kyokobere tincimaitte.⁷¹Baitu bwe yawulukiire okwika omu kisasi, omwala owundi nakoba abaloowo ati noni yali amwei n'oYesu omunazaleesi. ⁷²Ni yegaanate, nalaira ati omuntu oyo timumaitte .⁷³Ni wayakirewo eibanga nka lidooli, abali bemereire awo ni baiza ni bakoba o'Peteero bati mazima weena oli mwirabwei, kubanga esimoola yamu ekutegezerye. ⁷⁴Awo natandika okolima nakulaira nti omuntu oyo timumaitte, amangu ago onkoko nukooka. ⁷⁵Opeteero naizukira ekigambo o'Yesu kye yakobeere nti onkoko yaabba ecaali kukoka oiza kunceeganira emirindi isaatu. nawuluka enzai, nakunga muuno amaliga.

¹Baitu obwire nibwakyeire, abakabona abakulu boona nabakaire babantu nibateeseza amwei ebya Yesu oku mwitta ²Nibamubbuwa, nibamutwaala, nibamuwaayo edi oPiraato okumu komeera³Awo oYuda eya muliiremu olukwe niyaboine nka omusaango gumusingire niyeizuca naiririirya abakabona n’abakaire ebichweka byaabwe amakumi asatu ebya feeza. ⁴Nkakukoba ati, nasisiire okulyaamu olukwe eisagama eritaaluku kibbi. Baitu boona nibamukoba bati; Gunu gwabba kuniiswe? Musango gwaamu. ⁵Efeeza nazinaga omwiramyo n'awuluka nayaba niyeziinda.⁶Baitu abakabona ni batwaala ebichweka ebibbiri ebya feeza, ni bakoba bbati kiba kibbi era kya muzizo okubita omu kideero kya Kanca olwo kubba omuwendo gwa isagama. ⁷Ni bateesa ni bazigulamu olusuku olwa muwumbi okullikaangamu abantu abapaati. ⁸Olusuku olwa ni kyo luzwa lweteebwa olwa isagama okwica jje buli eni.⁹Awo ni kyikiira ekya simoirwe omumulanzi o'Yeremiya nka akukoba ati niba twaala ebichweka ebya feeza amakumi asatu, omuwendo ogwo nigwo baalamwire abaana ba Isirairi. ¹⁰Nibabitoolamu olusuku olwa muwumbi nga o'Kanca niyandagiire.¹¹Awo o'Yesu nayemeera omu maiso ga kamaara. Okamaara n'amubuulya nga akukooba ati; ''niiwe omukama owa bayudaaya?'' O'Yesu namukoba ati, obaziree. ¹²Baitu abakabona abakulu nabakaire nibamulopeere, natairemu nakadooli. ¹³Awo o'Piraato namukoba ati tukuwuura ebigambo bini bye ba kukutulinkirya bwe biria ¹⁴Baitu tiyamwanukwire na kigambo kimwe.Okamara nokwewunya ni yewunya muno.¹⁵Baitu okumbaga okamara yalin a omichwe okusindabulaanga akibuura omukome omwe gwebatakanga. ¹⁶Era omubiro ebyo baalina omukome owamaani ayetegebwa balaba¹⁷AWO nibaakumbaine, opiraato nabakoba nti, alai oyo gwe mukutaka mubasindabuure ? babone oba oyeesu ayetebwa okristo. ¹⁸Olwakabaka yategeire nga bamuweeresyeryeyo bwiiya. ¹⁹Baitu ni yaikire okuntebe eyemisango, omukali waamwe namutumira nga akukoba nti omuntu oyo aikiriire otamukola ko kintu yade akadyoli olwakuba nalulumirirwe olwa leero bingi omukuloota oku lwanywe.²⁰Baitu abakabona abakulu nibaikara ne babulirira ebibuura okusaba balabe nga bakuzikiriza o'Yesu. ²¹Baitu okamara nairamu nabakoba ati kwabo ababiri alaayi gwemukutaka mubasinderbulire ?Ni bakoba ati Balaba. ²²Baitu o'Piraato nabakoba ati ale yakola atyai o'Yesu ayetebwa o'Kristo?Boona ne bakoba ati akwomerwe.²³Baitu nakoba ati lwaki?ekibi kyakole kirai?Baitu ni ba toongana muno ni bakoba ati akomerwe. ²⁴Baitu o'Pirato ni ya bwoine nga tiyasobole nakadyooli era nga bayinza oku toongana akwata amaizi nanabba omungaalo omumaisao aga ekibbuura nga akubakoba ati nje tindiku kabi koona olwa omusaai ogwa muntu oyo ayikirirye omusango gwamwe.²⁵Abantu boona ni bairamu ni bakoba ati omusaai gwamwe gube okwiswe swena n'oku baana baiswe. ²⁶Awo nibasindabura o'Balaba.Baitu o'Yesu namukoba nalyoka namuwaayo okumukwomerewa.²⁷Awo abasirikale aba Kamara ni batwara o'Yesu omu kigango ekyamisango bamukumbanyaku ekitongole kyoona. ²⁸Ni bamutoolamu engoye ni ba muzwalisya olugoye olutukuluki. ²⁹Ni bakola engule ey'amaawa ni bagyita okumutwe gwamwe n'olumuli omumukono gwamwe ogulyo nibafukamira omumaiso gamwe ni ba muduura nga bamukooba ati emirembe,o'Mukama w'Abayuudaya.³⁰Ni ba mu ccwantira ama ccwanta ni batoola olumuli ludi niba mukuba omumutwe . ³¹Awo ni bamala okumudura mbamutola ku olugoye ni bamuzwalikisya engoye zamwe nibamutwara okumukomerera .³²Baitu ni baali bakawuluka ni bajaangana omwe omukuleene,eibara lyamwe Simooni ni bamukaka yetiike omusalaba gwamwe. ³³Ni baikira omukito ekyetebwa Gologosa ,ekimanyisya ekitwo kya kiwnga. ³⁴Ne bamuwerya omwenge okunywa oguyimbirwemu omususa naye niya kombereku natataka kunywa.³⁵Ni bamaare okumokwomera ni babagana engoye zamwe nga bakukuba obwiggo. ³⁶Ni baikara awo ni bamulorera. ³⁷Ni batta aiggulu oku mutwe gwamwe okujunanwa kwamwe nga kuwandikibwe ati onu ni ye yesu omukama w'abayudaaya.³⁸Awo abegesya babiri ni bakwomerwa Matayo naye omwe okumukono ogulyo owundi oku gumwoso. ³⁹Nabaali bakwakasa ni bamuzuma nga bakulenetya emitwe gyabwe. ⁴⁰Nga bakukwoba ati we aweenda eramyo nagyomboka omunaku eisatu, wejune, oba nga oli mwana wa Kanca zwa oku musalaba oyike.⁴¹Abakabona abakulu ni bawandisa n'abaikaire nibaddura batyo nga bakukoba bati . ⁴²Yajunire badii,tayinza kwejuna yenkai niye mukama wa Isiraeri ,atibun zwa okumusalabba inswena twamwikiriza.⁴³Yesige o'Kanca,amujune ati buuni nayaba nga akumutaka olw'akubba yakobere ati ye mwana wa Kanca. ⁴⁴Abanyaggi abakomereirwe naye boona mbamuzuma batyo.⁴⁵Baitu okuzwa okusaawa eyamukaaga gwali omumulikiirya oku nsi yoona okwiika okusaawa eya mwendai. ⁴⁶Obwire mbwakeire nka esaawa eyamwenda o'Yesu nassimoora aiggulu ne iraaaka erikooto ng'akukooba ati Eri Eri,lama Sabakusaani?amakulu gakyo ati Kanca wange ondekeleire? ⁴⁷Baitu abandi abaali bemereirewo ni bawulira nibakoba ati oni akwete Eriya⁴⁸Amangu agwo omwirabwe omwe nairuka n'akwata ekisuumuwa,nakizurya omwenge ogukatuuki nakimutera oku lumuli namunywessa. ⁴⁹Baitu abandi ni bakooba ati buuni katubone nga Eriya yaizza okumujuna . ⁵⁰Baitu o'Yesu nassimola aiggulu neiraka erikooto,nataisya omwoyo gwamwe.⁵¹Boona omusingi owa eramyo ni nguwendekamu bibiri okuzwa aiggulu okwika ansii oku nsi neyeirunduuka enjazi niziswekaku. ⁵²Entana niziswekaku Emirambo zingi eza abaikiriri abaali babasiirye ni zimusibwa . ⁵³Ni bazwa omuntaana zabwe niyamare niba yingira omukibuga ekikiriiri abantu baingi nibababona.⁵⁴Baitu owa ekitongoole naabo abali naye nga bakukolera o'Yesu nibaboine ekitengeno ne bigambo ebibairewo ni batiina muno nibakoba ati mazima onu abaire mwana wa Kanca. ⁵⁵Waliwo n'abakali baingi abayemereire nga bakulengera abayakaranga n'oYesu, okuzwa e'Ggaliraaya. ⁵⁶Omwabbo mwalimu o'MAgudaleene no Malyamu omamwe wa Yakobo no Yose no maama w'abaana ba Zebbedaayo.⁵⁷Baitu obwire bwali bwakasweka naiza omuntu omugudda eyazwire e'Alimasaya eibara lyamwe Yusuufu era yena yali mwegesya wa Yesu. ⁵⁸Oyo nayaba ewa Pirato nasaba omulambo ogwa Yesu.Awo o'Pirato nalagira bagumuwelye.⁵⁹O'Yusuufu natwaala omulambo naguzingirya omu bafutta ejjeeru. ⁶⁰Nagutta omuntaana yamwe empyaka egyeya ssakire oku lwazzi: nairingitya eibbare erikooto alite oku mulyango gwantaana nayaba. ⁶¹Walowo o'Malyamu Magudaleene, no Malyamu owakabiri nga baikaire omumaiso ga ntaana.⁶²Baitu emambya, ni Matayo lwo lunaku olwairire olwakuteekateeka,abakabona abakulu n'abafalisaayo ni bakumbaniira ewa Piraato. ⁶³Ni bakoba ati omwami taizzukira omubeyegi oyo eyakobere nga akyaali mwomi nti ebiro ni byalyakalawo ebisatu ndi yimbooka. ⁶⁴Baitu lagira bakumire kakyalumwe amagombe okwica okulunaku olwa kasatu ebegesebwa nibwo bainza okwiza okumwibba, bakobe abantu nti aimbokere okuzwa omu bafu era okukyamya owa luzwanyuma kulisinga kuddi okwasokere.⁶⁵O'Piraato nabakobba nti mulina abakuumi: mwabe, mugakuumire kimwe nga ni mukusobola. ⁶⁶Boona ni baaba ni bagakuumira kimwe amagombe eibbaale mbalitaaku akamanyisyo nabakuumi nga balowo.

¹Baitu olunnaku olw Ssabbiiti ni lwaali lukwaaba okuwaaku, nk’olunnaku olwekeera omu nnaku omusanju luli ampi okucanganuka, oMalyamu oMagudaleene n’oMalyamu owa kabiri ni baiza okubona amagombe. ²Bona, niwabbaawo ekitengeeto kiinji oku nsi; olwakubba Ontimwa wa Kanca yazwiire omwigguru, naiza nagalanzula eibbaale nariyawo, nariikalaku.³Baitu ekiisani kyaamwe kyaali kikuseryaserya, n’engoye zaamwe zaali zikweera nka amabbaale gaikendi; ⁴Erate ekitinisya kyaamwe nikikankania abakuumi; ni babba nka abafiire.⁵Baitu, ontumwa nairamu nakoba ati; mutatiina nnywe: olwakubba mmaite nka mukuswagana Yesu eyakomereirwe. ⁶Taalowo anu; olwakubba ayimbokere, nka niyakobere. Mwiize mubone Omukama webamubbasisirye. ⁷Mwaabe maangu, mukobere abeegereswa baamwe nti Ayimbokere omu bafu; bona, abakulembeire okwaaba e Ggaliraaya; nijo mulimubonera: bona, mbakobeire.⁸Ni bazwa maangu oku magombe, n’ekitinisya, neisanu linji, ni bairuka okukobera Abeegereswa baamwe. ⁹Bona, oYesu nabatangarana, nabakoba ati, miremb. Ni baiza ni bamukwaata amagulu ni bamuramya. ¹⁰Ale Yesu nabakoba ati mutatiina; mwaaba mukobere abaganda bange baabe e Ggaliraaya, nijo balimbonera.¹¹Baitu nibaali bakwaaba, bona, abakuumi abamwe ni baiza omu Kibuga, ni bakobera Abakabona abakulu byoona byoona ebibbairewo. ¹²Ni bakumbaana amwei n’abakaire, ni bateeseza amwei, ni babawa abasserikale effeeza ziinji ¹³Ni bakoba bati mukobe muti Abeegereswa nibo baizire obwiire, ni bamwiibba iswe nka tubbasirye.¹⁴. Baitu, Ekigambo kinu nikiri koberwa Owaisaza tulimuwooyawooya nanywe tulibaiyaku omusango. ¹⁵Boona ni batwaala Empiya, ni bakola nka nibakuutirwe: Ekigambo kini nu kiraranga omu Buyudaaya, n’okwiica olwa leero.¹⁶Baitu, Abeegereswa eikumi n’omwei, ni baaba e Ggaliraaya, oku lusozi oYesu jiyabakobere. ¹⁷Ni bamuboine ni bamuramya: baitu Abandi ni nibatankanatankana .¹⁸OYesu naiza nabaza nabo, nakoba ati; Mpeweibwe obuyiinza boona boona omwigguri n’oku nsi. ¹⁹Ale mwaabe, Muyindule amaanga goona goona gabbe beegereswa, nka mu ku babatiza okwingira; omwibara ly’aitaiswe n’omwaana n’omwooyo Akweera.²⁰Nka mukubeegesya okukwaata byoona byoona binabalagiire nnywe: erate bona, nje ndi amwei naanywe ebiro byoona byoona, okwiica emiijo zini ni ziriwaawo.

¹. Ni bakumbanira waali Abafalisaayo nabawandiiki abazwire e Yerusaalemi.². Era ababoine abegereswa bamwe abandi ne balya emmere yaabwe n'engalo ezibbi, nizo ezitanabibwe. ³. Kubbanga Abafalisaayo, n'Abayudaaya boona ne bataanabire muno mu ngalo zaabwe, tibalya, kubbanga bakwata emikiirokiiro ejabakaire. ⁴. Era nibazwire omu katale, ne batanabire, tibaliire era walowo n'ebindi bingi bibabawaire okukwata, okunaabya ekikompe; n'ebibya, ne sepiki ezabikomo.⁵. Abafalisaayo na bawandiiki ni bamubulya bati; kiki abeegereswa baamu ekibagaana okutambuura mu mikiirokiiro ejabakaire, baitu bamala galya emmere n'engalo zibbi?⁶. Nabakoba nti; o Isaaya yalagwire kusai oku nnywe aba kiweweita, nka ne kyawendikiibwe kiti; Abantu banu bantaamu ekitinisya kya kumunwa, baitu emyoyo zaabwe zindi alai. ⁷. Baitu bandamirya bwereere, ne bakwegesya amateeka g'abantu nga nibyo abyakukwata.⁸. Muleka eiteeka erya Kanca,ne mukwata emikiirikiiro j'abantu. ⁹. Nabakoba ati muganira kimwe kusai eiteeka erya Kanca, era mukwata emikiirokiiro zaanywe. ¹⁰. Kubbanga o'Musa yasimoire ati; otaanga ekitinisya omwi iteewo n'o maawo; era ati azumanga oitaamwe oba omaamwe, bamwitengembe.¹¹. Baitu nnywe musimoola muti; omuntu nakoba oitaamwe oba omaamwe nti kyoona kinandikuwaire okukugasa niye kolubaani, ekitegeeza kiti '' ekitoni'' kya Kanca. ¹². Timuganyanga kukoora kintu oitaaywe oba omaanywe; ¹³. Mudibya ekigambo kya Kanca olwa mikiirokiiro zaanywe, ne mwayegeserye; era mukola ebigambo ebindi bingi nk'ebyo.¹⁴Ate nayeta ebibbuura, nabakoba ati; mumpuliirye nyweena- nyweena muneteje; ¹⁵. Ndoowo kintu ekiri enzai wa muntu ne kingiria omu ye, ekiyinza okumusiisa, baitu ebintu ebizwa omu muntu, ebyo nibyo bisiisa omuntu. ¹⁶. Buli alina amatwi aga kuwuura. awuure.¹⁷. Awo nibaingiire omu nnyumba ng'azwiire omu kibbuura, abegereswa baamwe ne bamubuulya olufumo olwo. ¹⁸. Nabakoba nti; kityo nyweena temulina magezi? Temweteja nga kyoona ekiri enzai ne kingira omu muntu, tekiyinza kumusiisa. ¹⁹. Kubbanga tekingira mu mwoyo gwamwe, baitu munda yaamwe, ne kyakala ne kyaaba omu kiyigo? Yasimoire atyo nakulongoosa ebiriibwa byoona- byoona.²⁰. Nabakoba ati; Ekizwa omu muntu, nikyo kimusiisa. ²¹. Kubbanga omunda omu myoyo gya bantu, mulugamu ebirowoozo ebibbi, obukaba, ²². Okwiibba, okwiitta, obwenzi, okwegomba; obubbi, obukuyikuyi, okululunkana, eriiso eribbi, okuvvoola, amalala, obusiru; ²³. Ebibbi ebyo byoona-byoona bizwa munda ne bisiisa omuntu:²⁴. Naimuka, nazwayo nayaba oku mbibi za Twulo ne Sidoni. Naingira omu nnyumba natendya muntu kumweteja, ate natayinza kwekweeka. ²⁵. Baitu amangu ago omukali eyalina omwala wamwe eyakuku odaimooni, niyamuwuliire naiza nafukamira okumagulu gamwe. ²⁶. Omukali yaali muyonaani eiggwanga lyamwe musulofoyiniiki namwegayiira okugoba o daimooni oku mwaala wamwe.²⁷. Namukoba ati; leka abaana bamale okwikuta kubanga tikisai kukasukira emmere y'abaana embweene. ²⁸. Yeena nairamu namukoba ati; wewaawo, mukama wange; nembweene ziriira ansi wa mmenza obukunkumuki bwa baana.. ²⁹. Namukoba ati; olwa kigambo kyamu ekyo, weirireyo; odaimooni azwire oku mwaala waamu. ³⁰. Nairayo omu nnyumba yaamwe, nasanga omwaala nabasirye oku kitanda, n'odaimooni nga amuzwireku.³¹Ate nazwa omu mbibi eza Ttuulo, naiza, nayakala omu Sidoni n'akati wa mbibi eza Dekapoli naika oku nnyanja eya Galiraaya. ³².Ne bamuleetera okigara, atasimoola kusai, ne bamwesengerya okumutaaku emikono gwamwe.³³. Namwiiya omu kibiina kasirise, namutaaku engalo okumatwi gamwe,Nacwa amalusu namuta oku lulimi; ³⁴. Naloleera aiguru omwiguru, natinda namukoba ati; Efasa, nikwo okukoba nti bonia. ³⁵. Amatwi gamwe ni gaiguka, nekikolo kya lulimi lwamwe nikisindabuka nasimoola kusai.³⁶. N'abakuutira baleme okukoberaku muntu; baitu nka niyeyongeire omuno okubakalatira, nebeyongera muno okukimanyisya. ³⁷. Ni bawuninkkiira muno amaano nga bakukoba bati ba akoore kusai; aigula abaigali b'amatwi, era abazisya abakibbubu.

¹Nilwakire omunaku ezo, ebibuura bya bantu ni bya kaliirya obwingi ate, nibatalya emmere, nayetta abaegereswa bamwe, nabakoba ati. ². Nkusaasira ebibuura, lwakubba olwaleero zikire enaku isaatu nga bali nangye, ate nga tibatunga mmere; ³. Nimbasibula anu okwiirayo nga basiibire: nzala, bakwaba kukabira mu nzira; nabamwe bazwa alai. ⁴. Abegereswa bamwe nibamwiramu bati omuntu yasbola atyai okwikutisya, abantu banu emigaati anu omwiirungu?⁵. Nababulya ati mutaa nemigaati imeikai? nibamukoba baati ziri musanju. ⁶. Nadduumira ebibbuura byoona okwiikala ansi; nakwata emigaati omusanju, niyeebalya, nawendamu, nawerya abegereswa bamwe, okugita mumaisso gaabwe; nibazitta omu smaiso ga kibuura kyabantu.⁷. Era baabayire no bunage budyooli; nabwebalya, nadduumira bwoona okubuta o)mu maiso gaabwe. ⁸. Abantu nibalya ni bayikuta,banirya obukunkumuki obwasigalirewo ebisira musanju. ⁹. Abantu babaire nga abakwika enkumi inai; nabasibula. ¹⁰. Amaangu ago nayambuka omulyato nabegereswa bamwe, nayiinza kumbaju zanyanja eza dalumanusa.¹¹. Abafalisaayo nibawuluka nibaiza, ni batandika okumubulya, nga bakuswagana oku ye akabonero akazwa omwiguru, nga bakumwoyerwa. ¹². Nalumwa muno omu mwoyo gwamwe, nakoba ati, abamunnyumba ginu bakuswaganiryaki akabonero? ¹³. Nabaleka awo, nayambuka omulyato nayaba enseeri wa nyanja edi.¹⁴. Awo ni berabira okutwala emigaati, ate nga tigyalumu omulyato wabula mwalumu gumwe gwonkai. ¹⁵. Nabakuutira nabakoba ati, mwegumye, mwekuume okutumbisibwa kwabafalisaayo nekitumbisiya kya kerode.¹⁶. Nebebuulya bonkai nabonkai, nibakoba bati tibataa namigaati. ¹⁷. OYesu niyeteje nabakoba ati kiki ekikubebulisyangana olwabutabba na migaati? Mukyali kubona, timutegeera? Emyoyo gyanywe zikakanyali?¹⁸. Mulina amaiso, timubona? mulina amatwi, timuwuura? ¹⁹. Ni nawendeire enkumi eitaanu emigaati etaanu, ebibbo bimekai ebyaizwire obukunkumuki? ne bamukoba ikumi na bibiri.²⁰. Erate ni nawendeire omusanju oku nkumi einai, mwakumbanirye ebisira bimekai ebyaizwire obukunkumuki? Ni mukoba nti musanju. ²¹. Nabakoba ati mukyali kwetejja?²². Ni baiza nibaika omu Besusayida ni bamuletera omulibbi wa maiso, nibamwegayira amukwateku. ²³. Nakwata omulibbi wamaiso oku mukono, namuwulukya enzai wakigango; awo neyacwantira amalusu okumaiso gamwe, namutaku engalo, namubulya ati oluku kyokubona?²⁴. Naloleera aiguru nakoba ati nkubona nkubona abantu, lwakubba nkubona nga bakwisana emisaale nga bakutambula. ²⁵Ate namuta engalo okumaiso gamwe nakundula amaiso okubona,nawona, nabona byoona-byoona kusai. ²⁶. Namukoba ayabe ewamwei, era namukoba tongiranga mumbuga muni.²⁷. OYesu naimuka nayaba nabegereswa bamwe omumbuga zekayisaliiya ekya Firipo. Ni baikire omunzira nabuulya abagereswa bamwe nababuulya ati abantu banyeta naani? ²⁸. Ni bamukoba bati Yokaana omubatizza ; Abandi bati Eriya; ate abandi omwe okubanabbi.²⁹. Ye nababuulya ati nywe munyetta naani? Opeetero nairamu namukoba ati niiwe Kristo. ³⁰. Nabakuutira baleme okukobera omuntu ebigambo byamwe.³¹. Natandika okubegesya ati kimugwanire omwana wa muntu okubonyabyonyezebwa okwingi, nokuganibwa abakaire, na bakabona abakulu, nabawandiiki, no kwiitibwa, nokwakalaku enaku eisaatu okuzuukira. ³². Nasimoola ekigambo ekyo mulwatu. OPeetero namutwala, natandika okumunenya.³³. Yeena nakyuka, nabona abegereswa bamwe, nanenya Opeetero, nakoba ati ira enyuuma wange, setaani; lwakuba tolowozere bya Kanca , wabula ebyabantu. ³⁴. Nayetta ebibuura byabantu nabegereswa bamwe, nabakoba ati omuntu nattaka okunsegerya, yeefiirize yenkai, yeetikke omusalaba gwamwe, ansengeerye.³⁵. Lwakubba buli ayendya okulokola obwoomi bwamwe alibubulya; nabuli alibubulya obwoomi bwamwe kulwange nolwanjiri alibulokola. ³⁶. Lwakubba kirimugasaki omuntu okulya ensi zoona, nafeerwa obwoomi bwamwe. ³⁷. Lwakubba omuntu yandiwaireyo kiki okunula obwoomi bwamwe.³⁸. Lwakubba buli ankwatirwa ensoni ku nje nebigambo byange omumulembe guni ogwa kibbi, nomwana wamuntu alimukwatirwa ensoni oyo lwalizira omukitinisya kyaitamwei ne malaikka zamwe ezikiirire.

¹. Nabakoba ati mazzima nkubakoba nti abemereire ani walowo abamwe abatalirega okukufa nakadyooli; okwiikya mbalibona obukama bwa Kanca nga bukwizza namaani. ². Awo enaku omukaaga nzakairewo oYesu natwala Opeetero no Yakobo no Yokaana, nayaba nabo okulusozi olulai bonkai omukyaama; nafuuka omu maiso gaabwe. ³. Engoye zaamwe nzakayakana nezeera muno; ate nga ndoowo mukozi oku nsi asobola okwoza nizeera zityo.⁴. Awo Eriya no Musa mbababonekera; era baali bakusimoola no Yesu. ⁵. Peetero nairamu nakoba Yesu ati mukama waiswe, kisai muno iswe okubaani; ale twomboke ensisiira isaatu; emwe yaamu, emwe ya Musa, neyindi ya Eriya. ⁶. Kubbanga yaali tamaite kyakwiramu, kubanga baali batinire muno⁷. Awo ekiiguuru ni kiiza nkibasweeka; neiraka ni wuluka omu kiiguuru nti oni niye mwana wange gwentaka omuno; mumuwuulirye. ⁸. Mbatategeera amangu ago, mbatabona muntu yeena-yeena okutoolaku OYesu yenkai nabo⁹. Awo ni baali nga bakuserengeta oku lusozi, nabasiibira baleke okukoberaku omuntu bye babweine mbikwaba okubba? ¹⁰. Awo ni batandika okwekuuma ekigambo ekyo nga bakubuulyangana bonkai nti okuzuukira omubafu kuli kutyai?¹¹. Ni bamubuulya nga bakumukoba nti abwandiiki basimoola nti kikugwana Eriya okusooka okwiiza. ¹². Nabakoba ati Eriya yasookere okwiiza naloongosa byoona; kyawandikiibwe kityai? omwana wa muntu okubonyabonyezebwa ebingi nokunyomebwa. ¹³. Naye Nkubakoba nti Eriya yamaare okwiiza,era bamukoore buli kye batakanga,nka ni kyawandikiibwe.¹⁴Awo mbaikira eji abegereswa bamwe , ni babona ekibuura nga kikooto kibetooloire, nabawandiiki nga bakubabuulya buulya. ¹⁵. Amangu ago ekibuura ni kyamuboine, ni beewunya muno, ni bamwirukiira ni bamulamuca. ¹⁶. Nababuulya nti mukubasookasoka lwaaki?¹⁷. Omwe okukibuura nairamu ati omwegeresya, nkuletire omwana wange, aluku odaimoo0ni ata kusimoola; ¹⁸. Buli gyakumutwala, akumukubba ebigwo; akufukeera eifuro akunena amaino, akusaarara: nkobere abagereswa baamu bamumpeke; ni bagaana. ¹⁹. Nabairamu, nakoba ati nywe abamirembe ezi taikiriza, ndiica ayi okubba nanywe? ndiica ayi okubagumikiriza? mumundeetere.²⁰Ni bamuleeta gyali, awo ni yamuboine, amangu ago odaimooni namuyonolayonola muno; nagwa ansi, ne yekuvulunga, nga akufukeera eifuro. ²¹Nabuulya oitaabwe ati obulwaire bunu bukya bumukwaata biseere ki? nakoba ati kuzwa mubuto. ²². Emirundi zingi nga amunaga omumuuro no mumaizi okumwiita; naye niwabbanga okusobola; tusaasire otujjune²³. OYesu namukoba ati nobbanga olina obuyinza! byoona biyinzika eji aikiriza. ²⁴. Amangu ago oitaamwe wamwana na simoora aiguru, nakoba ati nyikiirize nsaasira obutaikiiriza bwange. ²⁵. Awo Yesu niyaboine nga ekibuura kikumbaana mbiro, nabboiggora odaimoni, namukoba nti we daimooni atakusimoola, era omwiggali wa matwi, nje nkulagira, muzweku, tomwirangaku nakadyooli.²⁶. Awo nakuungunga, namwonola muno, namuzwaku, naisana nka afiire, nokukoba abandi nebakoba nti afiire. ²⁷. Naye oYesu n'amukwata okumukono, namwimula nayemeera.²⁸. Awo ni yangiire omu nyumba, abegereswa bamwe nebamubuulya omu kyama nti iswe titwasoboire kumupeka. ²⁹. Nabakoba ati engeri eni tesoboka kumuzwaku lwakigambo okutoolaku nokusaba.³⁰. Nebazwayo, ni baakala omu Ggaliraaya, nga takutaka muntu yeena okumwetejja. ³¹. Kubbanga ya yegesyanga abegereswa baamwe nabakoba ati omwana wa muntu akuwebwayo omu mikono zabantu, bali mwitta; kale ni balibba nga bamaare okumwitta, era walyakalawo enaku isaatu na zuukira. ³². Naye tibetegyerye ekigambo ekyo, nebatiina okumubuulya.. ³³. Ne baika eKamperunawumu; awo ni yaali omu nyumba nabakoba nti mubbaire mukuwakanaki omuzira? ³⁴. Naye ne basirika; kubbanga baali bakuwakana bonkai nabonkai omunzira nti naani omukulu. ³⁵. Naikala nayetta eikumi nababiri, nabakoba nti omuntu nabba nga akwendya okubba owakwekeera, yabbanga ku nkomeero ya boona. era omuweereza waabwe boona.³⁶. Natoola omwana omuto, namwemeerya akati omu bantu namuwambatira nabakoba nti. ³⁷. Buli eyaikirizanga omwe okubaana abato omwibara lyange, nga aikiriize ninje,era buli muntu yeena amwikiriza nje, taikiriza nje, okutoolaku odi eyantumere.. ³⁸Awo Yokaana namukoba nti omwegesya, twaboine omuntu nga akupeeka odaimooni omwibara lyamu;ni tumugaana, okubbanga tiyakaire naiswe. ³⁹. Naye Yesu nakoba ati timumugaananga; okubanga ndoowo muntu eyakolanga ekya magero omuwibara lyange ate amangu ago ni bamuzuma.⁴⁰. Kubbanga atali omuzugu waiswe nga ali kulwaiswe. ⁴¹. Kubbanga buli muntu eyabanywisyanga, nywe ekikopo kya maizzi kubbanga muli ba Kristo, mazzima nkubakoba nti takwaba kubulwa mpeera yaamwe nakadyooli.⁴². Nabuli muntu anenyanyatanga omwe okwabo abato abakungikiriza, akiiri oyo okubuwanga emengo ejikooto omwikoti lyaamwe anagibwe omunyanja. ⁴³. Omukono gwamu nga gukwenyanyata; ogutemangaku; akiri we okwingira omu bwoomi, nga obuulwe ekitundu, okusinga okwaaba omugeyena nga oli nemikono zikali-ibiri, omu muuro ogutalikira. ⁴⁴. Eigino lyaabwe gyetafiira amwe nomuuro tigulirikira.⁴⁵. Nno kugulu kwaamu ni kukwenyanyatanga, okutemangaku akiiri we okwingira omu bwoomi nga toluku kugulu, okusinga okunagibwa omu geyaana, nga olina mangulu goona. ⁴⁶. Eigino lyaabwe egyetafiira amwe no muuro ogutalikira.⁴⁷. Neriiso lyaamu ni rikwenyanyatanga, olitoolangamu, akiri we okwingira omu bukama bwa Kanca nga oli mulibbi, okusinga okunagibwa omu ggeyena, nga olina amaiso goona; ⁴⁸. Eigino lyaabwe egyetafiira amwe nomuuro ogutalikira.⁴⁹. Kubbanga buli muntu aliteebwamu omuuro. ⁵⁰. Omuunyu gusai naye omwunyu nga gujjalukire muli gwiiryamu muunyu ki? nywe mubbe nomuunyu omunda yanywe, mutabagane nywekai na nywenkai.

¹. Awo naimuka na zwayo, naiza mwimbibi eza Buyudaaya ne buluba wa Yoludaaani . Ebibbuura bingi ni bikumbanira weyaali era; nga bwe yagakare ne ebbegesya era. ². Awo Abafalisaayo ne baiza gyali, ne bamubulya nti kisai omuntu okupekanga omukaali wamwe? nga bakumukema. ³. Yeena nabairamu nabakoba nti Musa yabalagiire atyai? ⁴. Ni bamukoba bati oMusa yaikiriize okuwandiikanga ebbaluwa eya kupeka; ate apekebwenge.⁵. No Yesu nabakoba nti, olwa bukakanyali bwa myoyo gyanywe nikyo kyazwirekwo abawandiikire eiteeka linu. ⁶. Naye okuzwa okulunaku olwekeera olwa okutonda, yabatonddere omukali no musaiza.⁷. Omuntu nikyo yazwanga azwiira oitaamwe no maamwe ni yegaitta no omukali wamwe. ⁸. Boona baliba omuntu omwe; olwo nga tebakyali babiri era, wabula omuntu omwe. ⁹. Kale OKanca kyeyagaitire amwe, omuntu takigaitululanga.¹⁰. Awo ate ''omu nyumba abegereswa'' ni bamubuulya ekigambo ekyo. ¹¹. Na bakoba ati buli muntu yeena eyapekanga omukali wamwe, nawasa owundi nga asiyanire okumusobya. ¹². Oyo mwenyenere ne yanobanga ewa baiba wamwe, na sumbirwa owundi, ng'asiyanire.¹³Awo ne bamuleetera abaana abaato, okubakwaataku; abegereswa bamwe ne babakanga ababaletere. ¹⁴. Naye oYesu ni yabweine na gongera, n'abakoba ati mwiikirize abaana abaato baize gyendi, olwakuba nti abaisana nka bo obukama bwa Kanca bwabwe.¹⁵. Amazima nkubakoba nti buli ataikirizenge nga obukama bwa Kanca nka omwana omuto, tali bwingiramu nakadyoli. ¹⁶. Y'abawambatiire, n'abaawa omukisa, nga akubataaku emikono.¹⁷. Ni yaali nga akwaba omu nzira, omwe naiza gyali nga akwiruka, n'amufukamiira, n'amubuulya ati omwegesya omusai, nakola ntyai okusikira obwoomi obutawaawo? ¹⁸. OYesu n'amukoba nti okunyetera kiki omusai? ndoowo musai okutoolaku omwe, niye Kanca. ¹⁹. Omaite amaateka, toitaanga, tosiyananga, toibbanga, towangilyanga, tolyaakanga, otangamu ekitinisya oiteewo no maawo.²⁰. Namukoba nti omwegesya, ebyo byoona nabikwaite okuzwa omu buto bwange. ²¹. oYesu ni yamulolereire n'amwendya, namukoba ati okubulwaku ekigambo kimwe; yaba otunde byoona-byoona by'oli nabyo, ogabire abooro, weena oliba n'obugguudda omwiiguru; olyoke oize onsengeerye. ²². Yeena n'awuninkiira olwa bigambo ebyo, nayaba ng'agongeire; kubbanga atta ne bintu bingi.²³. Awo oYesu ni yetoloolya amaiso, nakob abegereswa bamwe nti kizibo omugguudda okwingira omu bukama bwa Kanca. ²⁴. Abegereswa ni beewunya ebigambo byamwe, yeena O'Yesu nairamu ati n'abakobera nti abaana, nti kizzibu abo abeesiga obugguudda okwingira omu bukama bwa Kanca! ²⁵Nikyo kyangu enkayina okwakala omu nnyiddo ya nkiizo, okusingaku omugguudda okwingira omu bukama bwa Kanca.²⁶. Ni bawuunikira muno, ne bamukoba nti asobola okulokoka? ²⁷. Awo O'Yesu nakoba nti omu bantu tekisoboka, naye ti nikyo eji oKanca; kubbanga byoona bisoboka ewa Kanca. ²⁸. Awo Peetero natandika okumukoba nti bona, iswe twalekere byoona, ne tukusengeerye.²⁹. oYesu nabakoba nti amanananu mbakobere nti ndoowo eyalileka enyumbba, oba abalungada, oba abagande, oba omaawo oba oiteewo, oba abaana, oba ebyalo, oku lwange n'olwa njiri. ³⁰.Atalibweebwa emirundi kikumi omubiro biini ebya aati, enyumbba, n'aba luganda, ne abagande ne bamabwe, na abaana, na ebyalo, n'okumirya; na mu emirembe egyikwaba okwiiza omu bwoomi obutawaawo. ³¹. Naye baingi abakwekeera abaliba aba luzwannyuma; na aba luzwanyma abaliba aba kwekeera.³². Baali mu nzira nga bakuninannina e Yerusaalemi; n'oYesu ni yaali nga abakulembeire, ni beewunya, na badi abakusengerya ni battiina; Awo ate n'atwala abantu ikumi nababiri, n'atanula okubakobera ebigambo ebikwa kumubaku, ati. ³³. Bona, tukwaaba e Yerusaalemi; omwana wa muntu aliweebwayo ewa bakabona abakulu na abawandiiki; balimusaara omusango okumwiita, balimuwaayo eji abapaati. ³⁴. Balimuduulira, balimucwira amaccwantai, balimukubba balimwiitta, ni walyakalawo ennaku issatu aliyimbooka.³⁵. Awo oYakobo no Yokaana, abaana ba Zebbedaayo, ni baigeera waali ni bamukoba bati omwegesya, tukwendya otukole kyoona kyoona kye twakusabire. ³⁶. Nabakoba nti mukwendya mbakoore ki? ³⁷. Ni bamukoba nti tuweerye twiikale, omwe oku mukono ogwa ogulyo, no wundi ku mukono ogumoso, omu kitiibwa kyamu.³⁸. Yeena O'Yesu nabakoba nti temumayite kye mukusaba, musobola okunywa oku kikopo ekye nywaku nje? oba okubatizibwa no okubatiza kwe mbatizamu nje? ³⁹. Ni bamukoba nti tukusobola. OYesu nabakoba nti ekikopo nje kye nnywaku mulinywaku; no okubatiza kwe mbatizaamu nje mulibatizibwa. ⁴⁰. Baitu okwikala oku mukono gwange ogulyo oba ku omukono egumoso, tininje nkugaba, naye kwaabo be kwategekeirwe.⁴¹. Awo eikkumi ni bawuliire, ni batandika okusungwaara oYakobo no Yokaana. ⁴². O'Yesu nabeeta, nabakoba ati mumayite ng'abo aba kulowozebwa okufuga ab'apaati bakubafugisya maani, na bakulu baabwe babatwaire okukifuba.⁴³. Baitu omunywe tekiri kityo; baitu buli akwendya okubba omukulu munywe yabanga muweeza wanywe. ⁴⁴. Na buli akwendya okubba owa kwekeera omunywe mwiru wa boona. ⁴⁵. Kubbanga amazima omwana wa muntu tiyaizire kuwelezebwa, wabula okuweleza, nokuwaayo obwomi bwakunula abaingi.⁴⁶. Awo ni baikka eYeriko; ni bazwire omu Yeriko ne abegereswa bamwe, nekibbuura ekikooto, omwana wa Timaayo, Batimaayo , omusabi omulibbi wa maiso, yaali aikaire oku mabbali ga nzira. ⁴⁷. Awo ni yawuliire, nga oYesu omunazaleeri nga ngoyo, yatandikire okusimoora aiguru nga akukoba nti omwana wa Daudi, Yesu, onsasiire. ⁴⁸. Baingi ni bamuboiggoora okusirika;baitu ye ni yeeyongera muno okusimoora aiguru, nti omwana wa Daudi; onsaasire;⁴⁹. Awo oYesu nayemeera nakoba nti mumwete . Nebeeta omulibbi wa maiso, ni bamukoba nti '' Guma omwoyo''; imuka, akukweeta. ⁵⁰. Yeena nakasuukayo olugoye lwamwe, naimuka, naiza eji oYesu⁵¹Yesu namwiramu, namukoba ati okwendya nkukoore ki? omulibbi wa maiso namukoba nti, labooni, nkwendya kwiguka maiso. ⁵². Awo Yesu namukoba nti yaba; okwikiriza kwamu kukuwonierye. Amangu ago naigukka amaiso, namusengeerya omu nzira.

¹Awo ni baali nga baliampi okwiika e Yerusaalemi nga baikire e Besufaage ne Bessaniya natuma abegereswa bamwe ababiri. ². Nabakoba nti mwaabe omumbuga okumabbali omumaiso; amangu ago nemwayingira mwabona omwana gwandoogoyi; ngutaikalibwangaku muntu nakadooli; mugutaisye. ³. Omuntu nababuulya mukukolaki ekyo? mu mukobe otti OKanca waiswe niye akugwendya; amangu ago yaguwereza enu.⁴. Ni baaba ni basanga omwana ogwandogoyi nga gussibbibwe okumulyango enzai okuluguudo, ⁵. Abamwe okubaali bemereire ne babakoba nti mu kulindaki okusandabula omwana gwa ndogoyi? ⁶. Ni babakoba nka o Yesu neyabakobere era nebabaleka.⁷. Nebaleeta omwana gwandogoyi eji o'Yesu, nebagunagaku engoye zaabwe nagwiikalaku. ⁸. Baingi ne baaliira engoyi zaabwe omuluguuddo; abandi nebaaliira ebikoola bya misaale bibayiire omumisiiri. ⁹. Abaadi bakulembeire nabaali bakubazwaaku emabenga ne basimooora aiguru nti ozaana; aweebwe omukisa aiza omwibara lya Kanca. ¹⁰. Buweebwe omukisa obukama obukwiiza, obwa zeiza waiswe oDaudi ;ozaana ali aiguru muno.¹¹. Naika omu Yerusalemu naingira omwiramyo; ni yamaare okwetooloolya amaiso okubona byoona, obwire bwali bukusweka nawuluka nayaba e Bassaniya n'eikumi n'ababiri. ¹². Awo nebwakeyire emambya, ni baali bazwiire omu Bessaniya nalumwa enzala.¹³. Awo ni yalengeire omusaale oguliku ebikoola naguloleera, era wozzi oboneku ekintu; awo ni yagwiikireku, natabonaku kintu wabula ebikoola kubanga tinibyo byaali ebiseera bya musaale. ¹⁴. Nairamu nagukoba nti okusooka olwa leero ekwiica emirembe nemirembe omuntu talyanga ku bibala byaamu. Abegereswa bamwe; ni bawuura.¹⁵. Awo ni baika e Yerusaalemi, naingira omwiramyo nabanza okupeka abaali bakutundira omwiramyo, najjumuka emmeeza ezayindulanga efeeza ne entebe zaabo abaali bakutunda amairuma; ¹⁶. Nataikiriza muntu kwakalya kibya omwiramyo.¹⁷. Nayegesya, nabakoba nti Ti kyawandiikibwe nti ennyumba yange yayetebwanga nnyumba yakusabiramu amawanga goona? naye nywe mugifiire mpuku ya banyagi. ¹⁸. Abakama abakulu nabawandiiki ni bakiwuliire, ni basala amagezi ni bamwiitta:kubbanga bamutiinire, kubbanga ebibuura byoona bya wuninkiriire olwa kwegesya kwamwe. ¹⁹. Awo buli kasweeko yawulukanga omu kibuga.²⁰. Awo ni bwakeire emambya nga bakwakala, ne babona omusaale nga guzwiire okukikolo okukala. ²¹. OPeetero ni yaizukiire namukoba nti Labbi, bona omusaale gwe wakolimiire gukaare.²². O'Yesu nairamu nti mubbe nokwikiriza omu Kanca. ²³Mananu nkubakoba nti buli alikoba olusozi lunu nti sigukawo, onagibwe omu nyanja; nga takutankana mu mwoyo gwamwe naye aikiriza nga kyakusimoola kikolebwa, alikiweebwa.²⁴. Nikyo nzwa mbakoba nti ebigambo byoona byoona bye musaba nokwegayiira mwiikirize nga mubiweweibwe, era mulibifuna. ²⁵. Awo nemwayemeranga nga mukusaba, musonyiyibwenge, ni mwabanga nekigambo oku muntu; noitewanywe ali omwigguru abasonyiwe ebibbi byanywe. ²⁶. Naye nemutasonyiwa, era noyitanywe ali omwiguru talibasonyi wa bibbi byangywe²⁷. Ate ni baika e Yerusaalemi; awo ni yalinga akutambula omwiramyo ni baiza we yaali abakabona abakulu nabaraangi na bakaire; ²⁸. Ne bamubuulya nti Buyinza ki obukukolesya binu? oba naani yakuwaire obuyinza buni okukola binu?²⁹. Awo O'Yesu nabakoba nti naye kambabuulye nywe ekigambo kimwe, munyiremu, nanje nabakobera nywe obuyinza obukunkolesya binu. ³⁰. Okubatiza kwa Yokaana kwazwiire mwigguru, kandaki mu bantu? munyiremu.³¹. Nebabulyangana bonkai nabonkai nga bakukoba nti bwazwire nti kwazwire mwigguru,nabakoba nti kale kiki ekyabagaine okumwikiririzamu? ³². Naye netwakoba nti kwaziire mu bantu abaatinire abantu; kubanga boona balowoyize mananu O'Yokaana okuba omulangi. ³³. nebairamu O'Yesu, bamukobere nti tetumaite. O'Yesu nabakoba nti era nanje tinabakobere obuyinza obukunkolesya binu.

¹Natanula okusimoola nabo mungeero. Omuntu yasimbire olusuku lwa mizabbibu, nalutaaku akakomera, nasakamu ekikunyiro, nayombokamu ekiraaro kya nte, napangisyaamu abalumi, na yaba omu nsi eyindi. ². Ale omwaka ne gwaikire, natuma omwiiru eji abalumi, abalumi bamuweerye ebibala bya mizabbibu gyaamwe. ³. Ni bamukwaata, ni bamukubba, nairayo ngarozereere.⁴. Ale nabatumira omwiru owundi, oyo ne bamwaatya olubale, ne bamuswaaza. ⁵. Natuma owundi; oyo ne bamwiita; nabandi baingi; abamwe nga babakubba, abandi nga babaita.⁶. Yaali nka alina omwe, omwana omwenda; oluzwanyuma namutuma gye baali, ng'akoba nti, bataamu omwana wange ekitiibwa. ⁷Naye abalumi badi ne bakobangana bonkai na bonkai nti oni niye musika, ale tumwiite nobusika bulibba bwaiswe.⁸. Ni bamukwaata, ne bamwitta, ne bamunaga enzai wa musiri gwa mizabbibu. ⁹. Ale alibakola atyai omukama wa musiri ogwa mizabbibu? Aliiza alisanyaawo abalimi, n'omusiri gwa mizabbibu aligiweerya abandi.¹⁰. Timusomanga n'akatono ekyo ekyawandikiibwe nti; eibbaale abomboki lye bagaana, eryo lyafuulibwe mutwe ogwa kunsonda. ¹¹. Ekyo kya zwiire edi Kanca, era kyakitalo mu maiso gaiswe. ¹². Ni basala amagezi okumukwaata; ne batiina ebibbuura; kubbanga betejerye nga agereire ku nibo olugero olwo;¹³. Ne batuma gyaali aba mubafalisaayo naba Kerodiyaani, ne bayaba. ¹⁴. Awo ni baiza, ne bamukoba nti, omwegesya, tumaite we nga oli wa mazima, ate ebigambo bya muntu yeena tobitaako mwoyo; kubbanga tososola mu bantu, ale oyegesye enzira ya Kanca mu mazima; ale kisai okuwanga oKayisaali omusolo, kanda ki tiwewaawo?. ¹⁵. Tuweerengeyo, oba tituweeryangayo? Yeena ni yetejerye obunanfuusi bwaabwe, nabakoba nti, mundeetere eiddinaali ngibone.¹⁶Ni bagireeta, nabakoba nti, ekifaananyi kinu nobuwandiike obuliku bunu bwa naani? Ni bamukoba nti;bya Kayisaali. ¹⁷. O'Yesu nabakoba nti, ebya Kayisaali mumuwenge, oKayisaali, nebya Kanca mubiweeryenge oKanca ni bamweewunya muno.¹⁸. Awo Abasaddukayo, abakoba nti, ndoowo kuyimbooka, ne baiza weyaali; ne bamubuulya ne bakoba nti. ¹⁹. Omwegesya, oMusa yatuwandikiire nti, omuganda wa muntu naffa, naleka omukali waamwe, nga talekere mwana, omugande atwaalenge omukali waamwe, nateerawo eibyaire.²⁰. Ale waalowo aba luganda musanju; owa luberyeberye nawasa omukali; nafa, natalekawo ibyaire. ²¹. Owakabiri namuwasa naffa, era yeena teyalekerewo ibyaire; n'owakasatu atyo. ²². Boonaboona omusanju ne batalekawo ibyaire, oluzwanyuma boona-boona nga baweirewo n'omukali naffa. ²³. Alle ni balizuukira, alibba wa naani oku abo? kubbanga boonaboona musanju baamuwasirye.²⁴. O'Yesu n'abakoba nti, ekyo nikyo muzwa mukyaama nga timumaite ebyawandikiibwe gonze amaani ga Kanca. ²⁵. Kubanga ni balizuukira mu bafu, tibaliwasa, ate tibalifumbirwa; ale balibba nka abamalayika aba mwiguru.²⁶. Naye ebyafiire okuzzuukizibwa; timusomanga mu kitabu kya Musa oku kisaka, oKanca ni yamubuulire nga akukoba nti, Nje ndi Kanca wa Ibulayimu, era Kanca wa Isaaka, era Kanca wa Yakobo. ²⁷. Ti Kanca wa baffu, naye wa boomi; mukyaama muno.²⁸. Awo omwe kubawandiiki naiza nawuura nga bakwebulyangana bonkai, n'amanya nga abairemu kusai, namubuulya nti, Iteeka ki erya luberyeberye ku goona? ²⁹. O'Yesu nairamu nti, erya luberyeberye niryo linu nti wuura Isirairi; mukama Kanca waiswe, Kanca niye omwe. ³⁰. Era yendyanga mukama Kanca waamu nomwoyo gwaamu gwoona, nobwoomi bwaamu bwoona, namagezi gaamu goona, namaani gaamu goona. ³¹. Eryakabiri niryo lini nti, yendyanga omwiraamu nka ni weyendya wenkai ndoowo itteeka rindi erisinga obukulu.. ³². Omuwandiiki namukoba nti mazima, omweegesya, osimoire kusai nka O'Kanca ali omwe ate ndoowo wundi okutoolaku Ye. ³³. N'okumwendya nomwoyo gwoona, nokutegeera kwoona, namaanyi goona, nokwendya omwiirwaawo nka ni weyendya wenkai okusinga muno ebikuweebwaayo byoona ebirimba byookebwa ne saddaaka. ³⁴. Awo oYesu ni yabweine nga mwiiremu nka mutegeevu, namukoba nti, toli alaayi nobwabukama bwa Kanca. ale newataba muntu akumwengganga okubuulya ate .³⁵. O'Yesu nairamu nakoba nti nga akweegesya mu yekaalu nti, abawandiiki ekikubakobya nti, Kristo omwana wa Daudi. ³⁶. O'Daudi omwenyenere yakobere mu mwoyo omwikiiri nti, Kanca yakobere nti, Ikaara oku mukono gwange ogulyo, okwiikya ne ndifuula abalabe baamu entebe ya magulu gaamu. ³⁷. O'Daudi yenyenere akumweeta O'Kanca waamwe, abe omwana waamwe? abamukibbura ni bamuwuura neisanyu.³⁸. Awo omukweegesya nabakoba nti, mweekuume abawandiiki abendya okutambula nka bazwaire engoye ezinyamulai, nokulamucibwa omu butale. ³⁹. Ne ntebbe za mumaiso mu makungaaniro nebifo ebya kitiibwa mu mbaga. ⁴⁰. Abakulya enyumba za ba namwandu, era abakusaba muno omubunanfuusi; abo abaliilya omusango ogukusinga obukooto.⁴¹. Naikaara okwolekera eiggwanikka, nabona ebibbuuura ni binaga efeeza omwigwanika; baingi abaali abagaiga abanagiremu ebingi. ⁴²Awo onamwandu omwe omwooro naiza, nanagamu ebitundu bibiri, niyo kodulante.⁴³. Nayeta abeegereswa baamwe, nabakoba nti, mazima nkubakoba nti, onnamwandu onu omwooro anagiremu bingi okusinga boona abanagire omugwanika. ⁴⁴. Kubbanga boona banagiremu okubifiikirire, naye oyo mu kweetaaga kwaamwe anagiremu byoona bye yaali nabyo, nibwo bwoomi bwaamwe bwoona.

¹Awo ne yawulukire omwiramyo, omwe oku begereswa baamwe ni bamukoba bati ;omwegesya, bona, amabbaale ganu negali nenyomboka enu neri. ². O'Yesu namukoba nti okubona enyomboka enu ejikoota? teririlekebwa anu eibbaale eriri okku ibbaale eritalinagibwa ansi.³.Ni yaali nga aikaire oku hlusozi olwa zeyituuni nakwaaba omwiramyo, O'Peetero no Yakobo no Yokaana no Ndereya nebamubuulya bonkai bati; ⁴. Tukobere, ebyo biribbaawo ddi? nakamanyisyo ki akebyo nebiribba biri ampi okwiikiira byoona?⁵. O'Yesu neyekeera okubakoba ati mwekuume, omuntu yeena tabakyamyanga. ⁶. Baigi baliiza omwibara ryage ne bakusimoola bati; ninje nje era balikyamya baingi.⁷. Awo ne muwuuranga entalo n'obutumbya bwa ntalo; temwelalikiiranga; kibagwanira okubbaawo; baitu enkomerero ngekyali. ⁸. Kubbanga eiggwanga lirirumba eiggwanga liraaryo, no bukama obwiraabwo; walibbaawo ebitengetyo omu bifo bingi, walibbaawo enzala; ebyo nibyo kwekeera okwa kulumwa.⁹. Baitu mwekuume nnywekai na nnywekai; kubbanga balibawaayo omu mbuga; mulikubbirwa no mwiiramyo, era mulyemeera omu maiso ga bakama na bakama ku lwange, okubba abajjuurwa mu bo. ¹⁰. Enjiri kigigwanira okukoberwa amawanga goona¹¹. Era nebabatwalanga okubawaayo, temusokanga kwelalikiira nka nemwasimoola; baitu kyoona kyoona kyemuweebwanga omu kiseera ekyo, ekyo nikyo musimoolenga, kubbanga tininywe musimoola, wabula omwoyo akweera. ¹². Owaluganda ya wangayo omugaanda waamwe okumwiita, n'oitaamwe wa mwana yamuweryangayo; abaana balijeemeranga abababyaire, bali baitisyanga. ¹³.Mulikyawibwaanga boona olwa ibara ryanga; Baitu agumiinkirize okwica enkomerero oyo niye alirokoka.¹⁴. Baitu ne mulibona ekya muziro ekirimalawo o nnabbi Danyeri kye yasimoolangaku nka kyemereire awatasaana(asomamu yeteje), ale abali omu Buyudaaya bairukire oku nsozi. ¹⁵. Ali aiguru oku nnyumba taninukanga, ate taingiranga kwiyamu kintu omu nnyuba yaamwe. ¹⁶. Nali omu lusuuku tairanga kutwala lugoye lwamwe.¹⁷. Baitu ziribasanga abali enseeri; nabakwonca omunaku ezo. ¹⁸. Musabe bireme okwikiira omu biro ebya mulombe. ¹⁹.Kubbanga ebiro ebyo biribba bya kutawaana nga tibibbangawo bityo kasooke O'Kanca atonda ebyatondeibwe okwica ati ate tebiribba. ²⁰. Ate singa o Kanca tiyasaareku oku biro ebyo, tewandicungukire mubiri gwoona; baitu olwabalondemu baamwe be yakomere yabisaareku ebiro²¹. Omubiro ebyo omuntu nabakobanga ati bonia, o Kristo ali mpanu; oba ali ngeyo, timumwiikirizanga. ²². Kubbanga aba Kristo oba bubeyegi na bannabbi ababubeyegi baliimuka, balikola obumanyisyo nebyewunyisya, okukyamya, bali imuka oba nga kisoboka abakome. ²³. Baitu mwekuume nnywe; bona mbakobaire byoona ne bikyaali kubbaawo.²⁴. Baitu omu biro ebyo, okutabaana okwo nga kuweireewo, eisana ririlikiribwa nokwezi tikulyakisya isaana ryakwo. ²⁵. N'obunyenyenzi bulibba ni bukugwa okuzwa omwiguru, n'amaaani aga mwiguru galikankana. ²⁶. Ale nibalyoka nibabona omwana wa muntu na kwiizira omubiccu namaani gaamwe nekitinisya. ²⁷. Awo nalyoka natuma aba ntumwa baamwe, alikumbaania abakomi baamwe okuzwa omu mpungwo einai okuzwa okumwiso gwa nsi okwica okumwiso gwa iguru.²⁸. Era mwegere oku mutiini olufumo lwagwo; Ekitaagi kyagwo nikigeiza nebikoola ni bisebuka, mutegeera nga omwaka guli ampi; ²⁹. Era nnywe mutyo, ne mubonanga ebyo nga biikire; mweteje ngali ampi, oku lwiigi.³⁰. Mazima nkubakoba nti emiijo ginu tiziriwaawo nakadooli okwica ebyo byoona lwe birikiira. ³¹. Eiguru nensi biriwaawo, baitu ebigambo byange tebiriwaawo nakadooli. ³². Baitu ebya kiro ekyo oba ekiseera ekyo ndoowo amaite, gonze abantumwa abali omwiguru, gonze omwana, wabula oitange.³³. Mwekuumenge, muloleerenge, musabenge; kubbanga timumaite biro webiriikira. ³⁴. Nka omuntu alelekere ennyumba yaamwe natambula omu nsi eyindi nga awaire abairu baamwe obukama, buli munntu omulimu gwamwe nalagira omwigali okubonia³⁵. Ale mubone; kubbanga temumaite omukama wa nnyumba waaliizira, oba kasweeko, oba ittumbi, oba ng'onkoko akooka, oba mmambya; ³⁶. Atera okwiiza amangu ago nabaaja nga mubbasirye. ³⁷. Era kyenkubakoba nnywe nkubakoba boona nti mubonie.ubakoba boona nti mubonie.

¹. Awo ne waali nga wakyabulayo ennaku ibiri embanga eyakwakalaku ne migaati egitazimbulukusibwa eike;abakabonna abakulu nabawandiiki ne basala amagezi nga mbamukwata omulukwe era n'okumwita. ². Baitu bakobere bati tikulunaku lwa mbanga, kanda waleme okubaawo okweccwaccwana mu lukwe n'okumwita.³. Awo ne yali omu Bessaniya omu nyumba ya Simooni omugenge nga aikaire oku mmera omukali eyalina eccupa eyamafutta agwamusutai ogwa muwendo oggwingi omuno naiza nayatya eccupa amafuta nagasukiira okumutwe gwamwe. ⁴. Baitu waalowo ommwabo abagongeyire nga bakukoba bati amafuta gafereire ki gatyo? ⁵. Olwakubba amafutta ganu bandibaire bakugatundamu eddinaali ebikumi bisatu no kwakalyamu nokugabira abaavu niba mwe mulugunyiza.⁶. Baitu O'Yesu nakoba ati mumuleke; mukumunakuwarya ki? Ankoleire ekikolwa ekisai . ⁷. Olwakuba abooro nibo bemulinabo buliizo era buli lwe mukutaka musobola okubakola okusai baitu nje timuli nanje buliizo ⁸. Akoore nga bwasoboire; asookere ku suka mafuta oku mubiri gwange ngabakyali kunziika. ⁹Mazima nkubakoba nti enjiri buli gyeyabuulirwanga omu nsi zoona neekyo omukali onu kyakoore kyasimolwangaku okumwizukira.. ¹⁰. Awo oYuda Isukalyoti eyaali omwe okwabo eikumi nababiri nayaba gyali abakabona abakulu oku muweryayo gyebali. ¹¹. Awo ne bawuliire tibasanyukire nebamulaganisya okumuwerya effeeza, nasala amagezi nka ni yafuna eibanga okumuwaayo gyebali.¹². Awo oku lunaku olwasookere olwamigaati egitazimbulukibwa nilwo baali ba kweeta okwakalwaku abegereswa baamwe nebamukoba nti okutaka twaabe aiyi? twaabe egyewali okwakalaku? ¹³. Natuma okwabo abegereswa baamwe babiri na bakoba nti mwaabe omu kibuga eyayajangana naanywe omusaiza nga yetikire ensuwa yamaizi; mumusengerye. ¹⁴. Woona woona weyaingira mukobe omukama wa nnyumba nti omwegesya akobere nti ennyumba eri luddai mweyaliira okwakalwaku nabegereswa baamwe.¹⁵Ayiza kubalanga ye omwenyini ennyumba egikooto eyaiguru eyalirirwe etegekeibwe mututeekereteekere omwo. ¹⁶. Awo abegesya ne baabe ne baiza okukibuga ne babona nka ne yabakobere ne bateekateeeka okwakalwaku¹⁷. Awo nebwaswekere naiza neikumki nababiri. ¹⁸. Awo ne baali nga baikaire okummere, O'Yesu nabakoba nti mazima nkubakoba nti omwe okunywe akulya nanje yandyamu olukwe. ¹⁹. Ne balolalola ne banakuwala nga bakukoba buli omwe nti ti ninje.²⁰. Nabakoba nti omwe okwikumi nababiri akulya nanje omu luccuba niye oyo. ²¹. Kubanga omwana wa muntu akwaba nka ne kyamuwandiikibwe.Baitu zirimwajja omuntu oyo akulya olukwe omu mwana wa muntu. Kyandibaire kisai singa oyo teyabyalibwe omuntu²². Awo nebaali nga bakulya nakwata omugaati, nayemmeera okwebalya naguwendawendamu nabagabira nga akukoba nti mutoole ogwo nigwo mubiri gwange. ²³. Nakwata ekikompe awo nayemeera okwebalya nabawa ne bakinywaku boona-boona. ²⁴. Nabakoba nti gunu nigwo musayi gwange ogwa ndagaano, ogukususuka olwabaingi. ²⁵. Mazima nkubakoba nti tindiramu okunywera kumuzabbibu okwikya kulunaku ludi olwendigunywa oguyaaka omubukama bwa Kanca.²⁶. Awo ne bamaare okwemba olwembo nebawuluka ne baaba oku lusozi olwa zeyituuni. ²⁷Awo Yesu nabakoba nti mukwiza kugwa nyweena nyweena kubbanga kyawandiikibwe nti ndikubba omuliisya ne ntaama zirisasaana.²⁸. Naye nindimala okuzukizibwa ndibebeimbera okwaba omu Ggaliraaya. ²⁹. Baitu Peetero namukoba nti gonze nga boona baligwa naye ti ninje.³⁰. O'Yesu namukoba nti mazima nkubakoba nti naawe olwaleero, obwire bunu, n'onkoko yaabba akyali kukooka emirundi ibiri okwiiza kuneegaana emirundi esaatu. ³¹. Baitu ne yeyongera muno okusimoola ati gonze nga kikungwanira okuffeera ammwe naawe, ti nakweegaane nakadooli. Era boona ne bakoba batyo.³². Awo ni baiza omu kifo eibara lyakyo, Gesusemane; nakoba beegereswa baamwe nti mwikale anu mmale okusaba. ³³. Natwala O'Peetero no Yakobo,no Yokaana amwe naye, natandika okuwunikiira no kweraliikira muno. ³⁴Nabakoba ati omwoyo gwange guluku enakku gingi, ekwaba kunyita mube anu mubonie.³⁵. Natambulaku kadooli, naikaikana nasaba, nti nekyabanga kikusoboka ebiro bimwakaleku. ³⁶. Nakoba nti Abba, taata wange buli kimwe kisoboka egyoli; ntolako ekikompe kinu. Baitu tinka nje nekutaka wabula nka we nokutaka.³⁷. Awo naiza nabaaja nga babasirye nakoba O'Peetero ati Simooni, obasirye? tobaire na maani okubonia gonze esaawa emwe. ³⁸. Mubonie, Musabe mutaingira mu kukemebwa; omwoyo gwanywe gukutaka baitu omubiri gunaki. ³⁹. Baitu nairayo nasaba nasimoola ebigambo bimwe na biddi.⁴⁰. Abakulya enyumba za ba namwandu, era abakusaba muno omubunanfuusi; abo abaliilya omusango ogukusinga obukooto. ⁴¹. Naikaara okwolekera eiggwanikka, nabona ebibbuuura ni binaga efeeza omwigwanika; baingi abaali abagaiga abanagiremu ebingi. ⁴². Awo onamwandu omwe omwooro naiza, nanagamu ebitundu bibiri, niyo kodulante.⁴³. Awo amangu ago, ne yaali akyasimoola O'Yuda omwe okwikkumi nababiri naiza ne kibuura amwe naye abalina empirima ne miigo nga bakuzwa eji ba kabona a bakulu nabaawaadiiki nabakaire. ⁴⁴. Era oyo eyamuliremu olukwe yaali a bawaire akamanyisyo nga akukoba ati; oyo ogwe naagwa omu kifuba nga niye oyo; Mumukwate mumutwale nga mumugumirye. ⁴⁵. Awo neyaikire amangu ago naiza jaali nakoba nti Labbi; namugwa omu kifubba na mugumya. ⁴⁶. Ne bamutaaku engalo zaabwe ne bamukwata.⁴⁷. Baitu omwe okwaabo abaali bemereire awo natoolayo empirima natema omwiru wa kabona singa obukulu namusalaku okutwi. ⁴⁸. Awo O'Yesu nairamu nabakoba nti munyiziriire nga ne mwizira omunyagi ne mpirima nemiigo okunkwata? ⁴⁹. Buli lunkaku naabanga naanywe omuyeekaalu nga nkwegesya nga ti mwankwaite; Baitu kinu kikoleibwe ebyawandikiibwe bisobole okwikiira. ⁵⁰. Awo boona ne ba muzwaaku ne bairuka.⁵¹Awo omwojo omwe namusengerya eyali yegwekereire olugoye olwa kitaani lwonkai okumubiri nebamukwata. ⁵². Baitu nabalekera olugoye olwa kitaani nairuuka bwerere.⁵³Awo ne batwaala O'Yesu eji okabona asinga obukulu; ne bamukumbaniraku abakabona abakulu boona nabakaire nabawandiiki. ⁵⁴. Awo Peetero namusengerya alai, okwika omuunda omulubuga lwa kabonna asinga obukulu yaali akaire nabakwenda nga akwotta omuuro.⁵⁵. Awo abakabona abakulu naba mu lukiiko boona ne baswaganirya O'Yesu abajjurwa abo abakumwitisya baitu ni batababona. ⁵⁶. Olwakkuba nga abamuwangiriirye ebyabubeyegi baingi, baitu no kuwangiirya kwabwe tikwali kumwe.⁵⁷. Awo abamwe ne baimuka nebamwagiirya nga bakukoba bati; ⁵⁸. iswe twamuwulire nga akukoba ati ndiwenda eyeekalu enu eyayombukebwe nengalo, baitu omu naku isatu ndyombuka eyidi etalyombokebwa na ngalo. ⁵⁹. Ate nokuwangiirya kwabwe okwo tekwaali kwanywe.⁶⁰. Awo okaboona asinga obukulu nayemeera akati nabulya nga akukoba ati we tokwiramu waade akadyoli? Kiki ekye bakukulumilya banu? ⁶¹. Baitu yasirikirembe natairemu wadde nakadyoli, baitu okabona asinga obukulu namukoba ati niiwe Kristo, omwana wooyo asiimibwa? ⁶²O'Yesu namukoba ati ninje ngoyo nywena mulibona omwana wa muntu ng'akaire oku mukono ogulyo ogwamaani nga akwiza nebicu ebyaiguru.⁶³. Awo okabona asinga obukulu nayonola engoye zaamwe nakoba ati tukwendelyaki te abajjuurwa. ⁶⁴. Mwewulire empozza yamwe, mukulowuza mutyai? Boona nebamusaara omusango nga asaanire kwiitibwa. ⁶⁵. Awo abamwe nebatandiika okumucwantira amacwantai nokumusweeka omu maiso no kumukuba entomi no kumukoba bati nti langula; abaweereza ne bamutwaala nga bakumumpaya empi.⁶⁶. Awo O'Peetero ni yaali ansi omu lubuga, omwe okubazaana bakabona asinga obukulu naiza. ⁶⁷. Awo neyabweine O'Peetero nga akwotta omuuro namuloleera nga akukoba nti weena waali nomunazaleesi O'Yesu. ⁶⁸. Baitu ye neyegaana nga akukoba ati temumaite era tinkutegeera kyo kusimoola; nawuluka nayaba eizai okubalazza onkoko nakooka.⁶⁹. Awo omuzaana namubona natandiika te okubakoba abaali bemeereire awo ati onu wa waabwe . ⁷⁰. Baitu neyegaana te, awo newayakairewo ekiseera kidooli, abaali bemeereire awo nebakoba O'Peetero yete nti mazima odi wa waabwe kubanga oli muggaliraaya.⁷¹. Baitu natandika okukolima nokwerayiira ati timumaite omuntu ni gwemukusimoolaku. ⁷². Amangu ago onkoko nakooka omulundi gwakabiri. Awo o'Peetero naizukira ebigambo o'Yesu biyamukobere nti onkoko yabba akyali kukookka emirundi ibiri waneganira emirundi isaatu.Ati neyaizukiire nakunga amaliga.

¹. Naawo amangu ago nebwakyeire; abakabona abakulu nebaikala na bawandiiki balalaika nebateesa nebabbuwa oYesu.,nebamutwala nebamuwaayo owa Piraato. ². Awo o Piraato namubuulya ati, niiwe omukama ba Buyudaaya?Nairamu namukoba ati osimoire. ³Awo abakabona abakulu nebamuwabira ebigambo bingi .⁴. Awo o Piraato namubuulya erate, nga akukoba nti toiramu nakadooli? bona bakuloopere ebigambo bingi. ⁵. Baitu O'Yesu erate teyaremu kigambo, OPiraato neyewunya nokwewunya.⁶. Awo okubanga eyo yabataisiryanga omusibe omwe gwe bamusabanga. ⁷. Awo waliwo omwe, ayetebwa Balaba, eyabweweibwe naabo abatengu abaitire abantu omubutengu obwo. ⁸. Awo ekibuura nekirekaanira aiguru oku musaba okubakoora nga nebakolanga.⁹. Awo oPiraato nabairamu nga akubakoba ati; mukwedya mbataisirye omukama wa Bayudaaya? ¹⁰. Kubbanga yamaite nga abakabona abakulu bamuweseryeyo bwiiya. ¹¹. Baitu abakabona abakulu nebakuma omuuro ekibuura, oBalaba nigwo babbe batutaisirye .¹³. Awo ne basimoora aiguru; mumukomeere. ¹². Awo OPiraato nairamu erate nabakoba ati, ale mmukole ntyai gwe mukweeta omukama wa Bayudaaya?¹⁴. Awo OPiraato nabakoba ati kibbi ki kyakoore? Baitu nebeyongeramu okusimoora aiguru: Mumukoommere. ¹⁵. Awo O'Piraato ni yaali akwendya okusemeza ekibuura, nabataisirya oBalaba, nawaayo O'Yesu akukomeerwe nga amaare okukubbibwa.¹⁶. Abajwaaka ne bamutwala omunda omu lubuga olwetebwa Pulayitoliyo; ni beeta abajwaaka boona-boona okukumbaana. ¹⁷. Ni bamuzwalikisya olugoye lwa fulungu ne bakamba engule yamawa nebamuteeka oku mutwe. ¹⁸. Ne batandika okulamukya bati, Mirembe,Omukama wa Bayudaaya.¹⁹. Ne bamukubba olumole omu mutwe, nebamucwantira amarusu, nebafukamira nebamulamya. ²⁰. Ne baamare okumuduula, nebamwambulamu olugoye olwe fulungu ne bamuzwalikisya engoye zaamwe. nebamutwaala ne bamuwuluca oku mubamba. ²¹. Nibakaka omuntu eyaali akwakala osimooni owe kuleene; nga akuzwa omu kyaalo, oitaamwe wa Allegiant no Luufo okwaaba nabo okwetiika omusalaba gwaamwe.²². Ne bamuleeta omu kifo Gologoosa, okuteezebwa kwakyo kifokya kangala. ²³. Ne bamunywiisya omwenge gwe batabwiremu envumbo, baitu ye natagwikirize. ²⁴. Awo ni bamubamba, nebagabana ebiwaawo byamwe; nebabikubiraku obululu; buli muntu kye yatwaala.²⁵. Awo essaawa zaalinga isatu, ne bamubamba. ²⁶. Awo ebbaluwa eyamusango gwaamwe newanikibwa aiguru, onu mukama wa Bayudaaya. ²⁷. Erate abanyagi babiri babambibwe amwe naye; omwe oku mukono ogulyo, nowundi ku mukono ogumoso. ²⁸. Olwo ekyawandiikibwa nekiikira, ekikoba nti nabaarwamwe nabasobya;²⁹Awo abaali bakwakala ne bamuzuma nga bakunyenya emitwe gyabwe, nga bakusimoola nti; we awenda eyeekaalu nojombokera ennaku eisaatu. ³⁰. Wekyungule, ozweyo oku musalaba.³¹. Era abakabona abakulu ne baduula batyo, nabawandisi bonkai na bonkai ne basimoola nti yacungwire bandi tayinza kwecungula yenkai. ³². OKristo omukama wa Israire azwe ati oku musalaba, tulyoke tubone twikkirize; na baddi ababambibwe naye ne bamuzuma.³³. Awo nezabaire essaawa mukaaga ne wabba ekirikiirya oku nsi yoona yoona okwiika oku ssaawa eya mwendai. ³⁴. Awo omu ssaawa eya mwendai O'Yesu nakunga neiraka erikooto nti Eroi, Eroi , lama sabakusaani? Okutegeezebwa kwakyo, Kanca wange, Kanca wange lwaki ondekere? ³⁵. Awo abamwe kwaabo abaali bemereire awo, nebawulirye ne basimoola nti, boona akweeta Eriya.³⁶. Awo omwe nairuka, nainika ekigoye omu nvunnyo ejikaatuuki, natta okulumole; namwinywinsya, nga akusimoola nti lekka tubone oba Eriya yaiza okumuwanulayo. ³⁷. Awo O'Yesu nakuunga neiraka erikooto nawaayo obwoomi. ³⁸. Awo oluggigi lwa muyeekalo nelwonokamu emirundi ibiri okuzwa aiguru okwika ansi.³⁹. Awo omukama wa kitongole eyaali ayemereire omu maiso gaamwe, ni yabweine ng'awaireyo obwoomi atyo, nasimoola nti mazima abaire mwana wa Kanca. ⁴⁰. Erate, alai waaliyo abakali nga bakulengera; omwaabo mwaalimu no Mulyamu Mangudaleene, no Malyamu omaamwe wa Yakobo omuntu no Yose no Saalome. ⁴¹. Banu neyaali omuggaliraaya naabo abayakalanga naye nga bamuweereza. Nabakali baingi abandi abaniinire naye omu Yerusaalemi.⁴²Awo ne bwaswekere, kubbanga lwaali lunaku lwa kuteekateeka, nulwo lunaku olusooka omu ssabiiti. ⁴³. OYusufu owe Alimasaya, omukulu amanyiibwe owa kitiinisya, erate eyalindiranga obukama bwa Kanca; naguma naingira ewa piraato, nasaba omulambo gwa Yesu. ⁴⁴. Awo Opiraato ne Yeewunya nafiire amangu, naye te omukama wa kitongole namubuulya obanga O'Yesu affiire.⁴⁵. Awo ne yawuliire okuzwa ewa mwaami waamwe nawa O'Yusufu omulambo. ⁴⁶. Ye nagula olugoye olwa kitaani, namuwanulayo, namuzinga omu lugoye lwa kitaani, olwo namuteeka omu ntaana eyasakirwe omulwazzi, nayiringitirya eibbaale oku mulyango gwa magombe. ⁴⁷. OMalyamu Mangadaleena no Malyamu omaamwe wa Yesu nebabona weyateereibwe.

¹. Awo essabiti ni yawereku, oMalyamu Mangadaleene no Malyamu omaamwe wa Yakobo, no saalome ne bagula ebyakawoowo, baize bamusiige. ². Awo ne bwakeire emmambya oku lunaku olukusoka omu wiiki, eisana neryali nga lyakazwayo nebaiza okuntaana.³. Awo baali bakwebulya bwonkai na bwonkai nti naani eyatugaranzura eibbaale okulitoola oku mulyango gwa magombe? ⁴. Awo ni baloleera, ne babona eibbaale lingalanzulibwe okuntando; kubbanga lyali likooto.⁵. Awo ni baingire omu mangombe, nebona omwojo nga akaire okumukono ogulyo, nka azwaire olugoye olwikiriiri; nebewunya. ⁶. Nabakoba nti timuwunkiira; mumuswagana O'Yesu, omunazalesi, eyakomereirwe; ayimbookere; tali anu bona,ekifo webamutaire. ⁷. Baitu mwaabe, mubakobere abegereswa baamwe no Peetero nti abakulembere okwaaba eGgaliraaya eyo nijo mulimubonera nka nekyawandikiibwe.⁸. Ne bazwa oku mangombe nga bakwiruka muno; kubbanga okutengeeta no kuwugulala byali bibakwaite; Baitu nebatakobereku muntu kigambo, kubbaga batiinire.⁹. Awo niyamaare okuyimbooka emmambya oku lunaku olwekeera okunaku omusanju nasoka okubonekera oMalyamu Mangadaleena gwe yapekereku edaimooni omusanju. ¹⁰. Oyo nayaba nakobera beyayakalanga nabo, nga bakunakuwalanga ne bakuga. ¹¹. Awo nebawuura nti mwoomi, nga aboneibwe niye ne bataikiriza.¹². Ebyo nibyaweire nabonekera abairababwe babiri omu kifananyi ekindi, nga bakutambula nga bakwaba omukyalo. ¹³. Abo nebaaba nebakobera abandi, ale ne bataikiriza.¹⁴. oluzwanyuma nabonekera eikumi nomwei nga baikare okukiwulo; nabanenya obutaikiriza nobukakanyali bwa myoyo gyaabwe, kubbanga tebakwiikiriza abamwei bona nga amaare okuyimbooka. ¹⁵. Nakoba nti mwaabe oku mawanga goona-goona okukoba enjiri eji ebitonde byoona. ¹⁶Aikiriza na batizibwa, alirokoka, baitu ataikiriza omusango gumaare okumusinga.¹⁷. Era obumanyisyo bunu bwayabanga naabo abaikiriza; bagobanga emizimu omwibara lyange; babazanga omundumi eziyaaka; ¹⁸. Bakwatanga okunjoka nebanywa nga ekintu ekiitta, ti kyabakolenga kabbi nakadyoli; batanguku emikono okubalwaire,ne bawonga.¹⁹. Awo omukama waiswe O'Yesu ne yamaare okusimoola nabo, natwalibwa omwiiguru naikala oku mukono ogulyo ogwa Kanca. ²⁰Baddi nebawuluka ne babakobera woona-woona, omukama waiswe nka akoranga amwe nabo era nga akukakatya ebigambo mu bumanyisyo obwakirirenga Amiina.

¹Ni baali abainji abatandikire okuwandiika amakuru aga bigambo ebyaikiriire omwiswe, ²nka nibatubikobeire abo abekereire okuzwa oku kwekeera okubba abajuurwa, erate abawereza ba kigambo. ³Awo ninaswaganirirye ekimwe oku byoona byoona okuzwa oku olukwekeera, erate njeena naboine nka kisai okukuwandikira we oTeefiro omusai omuno, nka ni byaliraine; ⁴olyooke omanye amazuma agabigambo bi wayegeseibwe.⁵Awo omu miijo ja Kerode omukama wa Buyudaaya waalowo okabona eibara lyaamwe Zaakaliya,owa mululyo lwa Abiya: erate yaali yaalina omukali owa mu baala ba Alooni eibara lyaamwe, Erizabesi. ⁶Boona bakali babiri baali baikiriri omu maiso ga Kanca nka batambuura omu biragiro byoona byoona n’omu bya bwikiriri ebya Kanca nka tibaliku kabbi. ⁷Erate tibaalina mwaana, olwakubba Erizabeesi yaali mugumba boona bakali babiri baali bakairikire omu myaaka jaabwe.⁸Awo olwakire ni yaali akukola omulumo ogwa bwa kabona omu maiso ga Kanca nk’olubu lwaamwe ni lwaliraine, ⁹ale akalulu ni kamugwaaku nk’empisa eza bwakabona ni zaali okwiingira omwiramyo ya Kanca okwoteza obubbaani. ¹⁰Ale ekibuura kyoona kyoona ekya bantu kyaali nka kikusabira nzai omu kiseera ekya koterezaamu.¹¹Ale ontumwa wa Kanca namubonekera nka ayemereire oku lwiigi olwa guryo olwa kyooto ekya kwoterezaaku. ¹²Ale oZaakaliya ni ya muboine ni yeralikiira, natiina . ¹³Baitu ontumwa namukoba ati Totiina Zaakaliya, olwakubba okwegayiira kwaamu kuwuliirwe omukali waamu Erizabesi alikubyaara omwaana wabwoojo, olimwalika eibara Yokaana¹⁴Olisemeera,erate olisagamba,erate baiinji abalisemeerwa olwa kubyaalibwa kwamwei ¹⁵Olwakubba, alibba mukulu omu maiso ga Kancca, erate talinywa mwenge gonze ekitamiirya; erate alizzulibwa omwooyo ogwikiiri okuzwa omunda ya maamwe.¹⁶Erate baiinji omu baana ba isirael alibairya eddi Omukama Kanca waabwe. ¹⁷Alikulembera omu maiso gaamwe omu mwooyo namaani ga Eriya okwiirya emyooyo ja baizeizza eddi abaana, nabatawuuranga okutambuura omu magezi gabakiriri; okutegekera oKanca abantu abatekeibwetekeibwe.¹⁸Ale ozakaliya nakoba ontumwa ati Nakimanya ntyai ekyo? olwakubba nje ndi mukaire no mukali wange akairikire omu myaaka zaamwe ¹⁹Ale Ontumwa nairamu namukoba ati ; ninje Gabulyeri ayemeera omu maiso ga Kanca, erate natumibwe okusumola naawe okukukobera ebigambo ebyo ebisai. ²⁰Ale, bona, olisirika erate nka tokusobola kusimoola okwiica oku kiro lwe biribbaawo ebyo; olwakubba toikiriza bigambo byange ebirikiriira omu biro byaabyo.²¹Ale abantu baali balindirirye oZakaliya, nibewuunya nalwiire omwiramyo. ²²Ale niyawulikire natasobole kusimola nabo; nibeteja nka aboine okwolesebwa omwiramyo: nalwaawo nka akubawenya na mukono nka akyasiruwaire. ²³Ale olwaikire, Ebiro ebyakuweereza kwaamwe nibyaweireku nairayo eka ewaamwe.²⁴Ale ebiro ebyo nibyayakairewo omukali waamwe Erizabesi nabba enda: niyekwekera emyeezi etaanu nk’akukoba ati, ²⁵nimwo atyo oKanca nankoore omu biro bi yandoleleiremu okunyiyaku ensoni omu bantu.²⁶Ale omu mweezi ogwa mukaaga ontumwa oGabulyeri natumwa oKanca omu kibuga ekya Galiraaya eibara lyaakyo Nazaleesi, ²⁷edi omwaala atamaite musaiza eyakakwanibwa omusaiza eibara lyaamwe Yusuufu owa mu nnyumba ya Daudi; neibara lya mwaala Malyaamu. ²⁸Ale naingira omwaamwe, nakoba ati mirembe we aweweibwe omuno ekisa ,Omukama ali naawe. ²⁹Baitu, ye ni yeeralikiira ekigambo ekyo, nalowooza okulamuca okwo nikuli.³⁰Ale ontumwa wa Kanca namukoba ati Totiina Malyamu; olwakubba, oboine ekisa eddi oKanca. ³¹Erate, bona, olibba ekida olibyaala omwaana wa bwoojo, olimwaalika eibara oYesu. ³²Oyo alibba mukulu, alyeetebwa mwaana wooyo ali aigguru omuno. Erate Omukama oKanca alimuweerya entebe ya Daudi ozeizza waamwe: ³³erate yafuganga ennyumba ya Yakobo emirembe seregenyi, erate Obukama bwaamwe tebuliwaawo.³⁴Ale oMalyamu nakoba ontumwa ati kiribba kityai ekyo olwakubba timaite musaiza? ³⁵Nontumwa nairamu namukoba ati omwooyo omwikiiri alikwiizira namaani gooyo ali aigguru omuno galikuswekeerya, erate ekyo ekiri byaalibwa nikyo kirizwa kyeetebwa ekikiiri, Omwana wa Kanca.³⁶36 Bona, Erizabesi omuganda waamu erate, yeena ali nda ya mwaana wa bwoojo omu bukaire bwaamwe; guni nigwo mweezi gwaamwe ogwa mukaaga eyayetebwanga omugumba. ³⁷Olwakubba, ndoowo kigambo ekirizwa edi oKanca ekitalibba namaani. ³⁸OMalyamu nakoba ati, bona nje ndi muzaana wa Kanca; kibbe oku nje nka nonkobera. Ale Ontumwa naazwa waali³⁹Ale omu biro ebyo oMalyamu naimuka nayaba maangu omu nsi yansozi,omu kibuga kya oYuda; ⁴⁰naiingira omu nnyumba ya Zaakaliya nalamuca Erizabesi. ⁴¹Awo olwakire Erizabesi niyawuliire okulamuca kwa Malyamu, omwaana nagulukaguluka omunda yaamwe; Erizabesi naizulibwa omwooyo omwikiiri;⁴²Nabazira aigguru neiraka erikooto nakoba ati oweweibwe omukisa we omu bakali, nekibala ekya munda yaamu kiweweibwe omukisa. ⁴³Nanje ni, ekigambo kinu kizwiire Lukka ayi, omaama wa Mukama wange okwiiza jendi. ⁴⁴Olwakubba bona, eiraka lyakulamuca kwaamu niringiire omu matwi gange, omwaana nagulukaguluka omu nda yange olwaisanu. ⁴⁵aweweibwe omukisa eyaikiriize, olwakubba birikiriira ebyo bi wakobeibwe oKanca.⁴⁶OMalyamu nakoba ati Emeeme yange etendereze OMukama, ⁴⁷N’omwooyo gusanyukire oKanca omuccunguri wange.⁴⁸Olwakubba abweine obunaku bwa muzaana waamwe; olwakubba, bona, okwekeera olwa leero aba miijo joona joona banyetanga aweweibwe omukisa. ⁴⁹Olwakubba, omuyinza ankoleire ebikulu; neibara lyaamwe rikiiri.⁵⁰Nekisa kyaamwe kiri mu bamutiina Emirembe seregenyi. ⁵¹Alangire amaani nomukono gwaamwe; assansanye abaliina amalala omu kutereera kwa mwooyo gwaabwe.⁵²Agobere abafugi abeekulumbalya oku ntebe zaabwe, Atumbiirye abetowaaza ⁵³Abaliina enzala abaikutisirye ebisai; nabaguuda abairukirye nka tibalina kintu.⁵⁴Ayambire oIsraeri omwiru waamwe aizukire ekisa kyaamwe, ⁵⁵Nka niyakobere abaizeiza baiswe, edi oIbulaimu neibyaire lyaamwe emijjo joona joona.⁵⁶Ale oMalyamu namalayo emyeezi nk’eisatu naira ewaamwe. ⁵⁷Ale omu biro bya Erizabesi nibiika okubyaala, nabyaala omwaana wa bwoojo. ⁵⁸Abalirwana baamwe nabakika kyaamwe ni bawuura nka oKanca abaire wa kisa jaali ni basemeerwa amwe naye.⁵⁹Ale olwaikire oku kiro kya munaanai ni baiza okukomola omwaana; baali bakwendya okumwalika eibara lya Itaamwe oZaakaliya. ⁶⁰Omaamwe nairamu nakoba ati bbe, baitu yayalikibwa oYokaana. ⁶¹Nibamukoba bati ndoowo wa mu kika kyaamu ayetebwa eibara eryo.⁶²Nibawenya oitaamwe bamanye nakwendya okumwalika. ⁶³Nayendya ekipandde ekya ku wandiikaku, nawandiika nakoba ati eibara lyaamwe oYokaana ni bewuunya byoona byoona.⁶⁴Ammangu ago akanwa kaamwe ni kaiguka n’olulimi lwaamwe nilusindabuka nasimoola nka akwebalya oKanca. ⁶⁵Boona boona abaali balirainewo ni batiina. Nebigamao ebyo byoona byoona nibibuna omu nsi yoona yoona eya Buyudaaya. ⁶⁶Boona boona abawuliire ni babiita omu myooyo jaabwe, ni bakoba bati ale omwana oyo alibba atyai? olwakubba omukono gwa Kanca gwaali amwe naye.⁶⁷Oitaamwe oZaakaliya naizulibwa Omwooyo Omwikiiri, nalagula, nk’akukoba ati; ⁶⁸Ayangirizibwe Omukama oKancca wa israeri; olwakubba accaliire abantu baamwe erate, abacungwire.⁶⁹Erate atwimukiirye eyembe erya bucunguri omu nnyumba ya mwiiru waamwe oDaudi. ⁷⁰Nka niyasimoleire omu kanwa ka baranji baamwe abakiiri abalowo okuzwa ensi niyabbairewo. ⁷¹okuccungrwa omu bananzugu baiswe n’omu mikono jaabo boona boona abatucaawa;⁷²Okwikiirya ekisa kiyasubiize abaizeiza baiswe, N’okwizukira endagaano yaamwe Lukka ejikiiri. ⁷³Okwikiirya ekirayiro kiyalairiire oizeiza waiswe oIbulayimu, ⁷⁴okukiweerya iswe; iswe ni tucungurwa omu mikono ja bananzigu baiswe, leke tumuwerezenge nka tituluku ki tutiina. ⁷⁵Omu bwikiiri n’omu bwikiriri omu maiso gaamwe ebiro byaiswe byoona byoona.⁷⁶Naawe, omwaana, olyetebwa muranji wooyo ali aigguru omuno: Okwakubba alikulembera oKanca okusairya amazira gaamwe; ⁷⁷Okumanyisya abantu baamwe obuccunguri, ebibbi byaabwe bibatolebweeku.⁷⁸Olwa kisa kya oKancca waiswe ekisai, emmambya nikyo ezwiire etusaara ezwa omwigguru, ⁷⁹Okwaakira abaikala omu ndikiirya n’omu kisikirize ekya lumbbe, okulungamya amagulu gaiswe omu nzira eya mirembe.⁸⁰Omwaana nakula, nayongerwaaku amaani omu mwooyo, nabba omu marungu okwiica oku kiro lwe yalangiibwe edi oIsraeri.

¹Ale oYesu niyamaare okubaza ebigambo byamwei byoona byoona omu bantu, naingira e Kaperunawumu.²Ale walowo omwaami wa kitongole omwiiru waamwei gwe yaali ayendya omuno yaali nka alwaire nka akwaaba kuffa. ³N’oyo niyawuliire ebigambo bya Yesu natuma abakaire b’Ababayudaaya jaali nka akumusaba okwiiza okucungura omwiiru waamwei. ⁴Boona nibaizire eddi oYesu, ni bamwegaira muno, ni bakoba bati osaniire we oku mukoora ekyo: ⁵olwakubba ayendya eiyanga lyaiswe, n’eiramyo niye yali tombokeire.⁶Ale oYesu nayaba nabo. Ale ni yaali nka tali alai ne nnyumba, omwaami oyo natuma eminywaani jaamwe jaali, nka akumukoba ati sebo, tiwegadya kwiiza, olwakubba nje tinsaniire we kwiingira ansi wakasolya ka kange: ⁷erate nikyo nzwiire ndema okwesanyiza njekai okwiiza jooli, baitu simoola kigambo bugambo, n’omwaana wange yawona. ⁸Olwakubba nanje ndi muntu atwaalibwa, erate nka ndina abasirikale b’entwaala: ninkoba omuntu nti yaba, ayaba, n’owondi nti izza, aizza, n’omwiira wange nti kola kini, akikola.⁹OYesu niyawuliire ebyo, niyewuunya nakyukira ebibbuura eby’aali bikumusengeerya nakoba ati nkubakoba nti timbonanga kwikiriza kukooto nka kunu gonze omw’Isiraeri. ¹⁰Ale abantu abatumiibwe nibaire omu nnyumba nibasnga omwiiru nka awonere¹¹Ale olwaikire niwayakairewo eibbanga lidooli, nayaba omu kibuga ekyetebwa Nayini; abeegereswa baamwei n’ekibbuura ekikooto nibaaba naye. ¹²Ale niyasembeire oku mulyango gwa kibuga, bona, omulambo nka bakuguwulukya enzai, ogwa mwaana omaamwei gwe yabyaire omwei, n’omaamwe oyo nka namwandu; na bantu baiinji aba mu kibuga omwo nka bali naye. ¹³Ale Omukama waiswe ni yamuboine n’amusaasira namukoba ati Otakunga. ¹⁴Nasembera nakwaata oku sanduuke, baddi abaali beetikire ni bemeera. Nakoba ati omwojjo, nkukoba oti imukka. ¹⁵Oyo eyaali afiire naimuka, naikala, natandika okubaza. Namuweerya omaamwe.¹⁶Obutiini ni bubakwaata bona boona, ni bayangiriza oKanca; nka bakukoba bati omuranji omukulu aimukiire mwiswe: erate oKanca akyaliire abantu baamwei. ¹⁷Ne kigambo kyamwei ekyo ne kisansanira omu Buyudaaya boona boona, n’omu nsi yoona yoona erirainewo.¹⁸Ale abeegereswa ba oYokaana ni bamukobera ebigambo byoona byoona. ¹⁹OYokaana nayeta abeegereswa baamwei babiri n’abatuma eddi Omukama waiswe, nk’akukoba ati niiwe oyo akwiiza, kanda tulindiire owondi? ²⁰Ale abantu abo nibaikire jaali, ni bakoba bati oYokaana omubatiza atutumire jooli, nka akukoba ati niiwe oyo akwiiza, kanda ki tulindiireyo owondi?²¹Ale omu kisera ekyo natamba baiinji endwaire n’okuwaralibwa,n’odaimooni, nabaigali ba maiso baiinji nabatamba. ²²OYesu nairamu nabakoba ati mwaabe mukobere oYokaana ebyo bi muboine ne bye muwuliire, abaigaili ba maiso bakubonia, abacencegere bakutambula, abagenge bakulongooka, abaigali ba matwi bakuwuura, abaffu bakuyimbooka,abooro bakukobeurwa enjiri. ²³Erate aliina omukisa oyo atalinesitaalaku.²⁴Ale abakwenda ba oYokaana ni bamaare okwaaba, natandika okubaza ne bibbuura bya Yokaana ati kiki ki mwagendereire omwirungu okubona? olumole olutengeetebwa n’omulombe? ²⁵baitu kiki ki mwagendereire okubona? omuntu azwaire engoye ezikunekaneka? bona abazwaala engoye ezisai, abalya emmere ejisai, babba mu mbuga za bakama. ²⁶Baitu kiki kimwagendereire okubona? Omuranji? Nimwo mbbe,nkubakoba, erate asiingira kimwei omuranji.²⁷Oyo niye eyawandikiibweku nti Bona, nje nkutuma omukwenda wange omu maiso gaamu, alisaiirya omuwanda lwaamu jokwaaba. ²⁸Nkubakoba nti omwaabo ababyalibwa omukali, ndoowo asiinga OYokaana obukulu, baiyu omuto omu bukama bwa Kanca niye mukulu okusiinga ye.²⁹N’abantu boona boona nibawuliire n’abasoroli ni baikiriza oKanca okubba omwikiriri ababatiziibwe omu kubatiza kwa oYokaana. ³⁰Baitu Abafalisaayo, nabegereswa ba mateeka, ni bagaana okuteesa kwa Kanca olwakubba tibabatiziibwe ye.³¹Ale abantu aba mirembe zinu n’Abafalisaayo kiki? ³²Bali nka abaana abaikala omu katale, nka bakwetangana; abakoba bati tubafuwiire emirere ni mutabine; tukungire nga abafiriibwe, ni mutakunge maliga.³³Olwakubba, oYokaana omubatiza yaizire nka talya mmere’ erate nka tanywa mwenge; ni mukoba muti aluku daimooni. ³⁴Omwaana wa muntu yaizire nk’akulya nk’akunywa ni mukoba muti bona, omuntu wamairu, omutamiire, omunywaani wa basololya, erate ow’abantu abata n’ebibbi. ³⁵Erate, amagezi gaweebwa obwikiriri olwa baana baago boona boona.³⁶Ale Omufalisaayo omwei namweeta okulya naye, niyangiire omu nnyumba ey’Amufalisaayo oyo naikala oku mmere. ³⁷Ale, bona, omukali eyaali omu kibuga omwo, eyaalina ebibbi, niyetejerye nka aikaire oku mmere omu nnyumba y’Amufalisaayo, naleeta eccupa eya mafuta aga musutai, ³⁸nayemeera emabega w’amagulu gaamwei, nka akukunga, natandika okumutonyeza amaliga oku magulu gaamwei, nabisangula neisoke ery’akumutwe gwaamwe, navumbbatira amagulu gaamwe, nagasiiga amafuta.³⁹Ale Omufalisaayo eyamweetere niyaboine, nabaza omunda yaamwei ati omuntu onu, siinga abbaire muranji yandyetejerye omukali amukwataku nali, erate naisana, nka atta n’ebibbi. ⁴⁰OYesu nairamu nakoba ati Simooni walowo kinkwendya okukukobera, nakoba ati mwegesya bazza.⁴¹oYesu Waalowo omuntu ey’awolanga, baitu yaalina batonga babiri, omwei nka akutongebwa eddinaali bitaanu, n’owondi ataanu. ⁴²Ale nibaali nka tebaliina kya kumusasula nabasaasira bakali babiri. Ale okwaabo alisiinga oku mwendya alai? ⁴³OSimooni nairamu nakoba ati nkulowooza oyo gwe yasiingire okusaasira eziinji omuno. Namukaba ati osaare kusai.⁴⁴oYesu nayindukira omukali oyo, nakoba ati Simooni okubona omukali onu? nyingiire omu nnyumba yaamu notamperye maizzi ga magulu gange: baitu onu atonyeize amaliga gaamwe oku magulu, nagasimulisya eisoke lyamwei. ⁴⁵Tonvumbbatiire we: Baitu, onu nakaingiira akyaali kulekawo kuvumbbatira magulu gaange.⁴⁶Tosiigire mafuta ku mutwe gwange; baitu onu ansiigire amafuta aga musutai oku magulu gaange. ⁴⁷Nikyo nzwa nkukoba nti asaasirwe ebibbi byaamwei ebiinji olwakubba okwendya kwamwei kwiinji; Baitu, asaasirwa akadooli okwendya kwamwei kudooli.⁴⁸Namukoba ati osaasirwe ebibbi byaamu. ⁴⁹Ale abaali baikaire oku mmere naye, nibatandika okubaza bonkai n’abonkai nti naani onu asaasira n’ebibbi? ⁵⁰oYesu nakoba omukali ati okwikiriza kwaamu kukucungwire; yaba mirembe.

¹Ale olwakire oluzwanyuma kadooli oYesu natambula omu bibuga n’omu mbuga nka akukoba enjiri ey’abukama bwa Kanca, baddi eikumi nababiri nka bali naye, ²n’abakali abaatambiibwe edaimooni ne ndwaire, oMalyamu eyayetebwanga oMagudaleene eyazwireku edaimooni omusanjju, ³no Yoona omukali wa Kuza, omuwanika wa Kerode, no Susaana, n’abandi baiinji abaabaweerezanga ebintu bi baalinabyo.⁴Ale ekibbuura ekikoota ni ky’akumbbaine nabazwanga omu buli kibuga, ni baizire jaali, nabakobera olugeero nti ⁵Omusiggi yawulukire okusigga ensigo zaamwei; niyaali nk’akusigga, ezindi nizigwa oku mabbali g’anzira; nizininiirwa, ebinyonyi bya mwibbanga nizizirya. ⁶Ezindi nizigwa oku lwaazi; nizamaare okumera niziwotokeera olwa kubulwa amaizzi.⁷Ezindi nizigwa akati omu mawa; amawa nigameera amwe nazzo nigazizica. ⁸Ezindi nizigwa okwitakali erisai; ni zimera, ni zibalaku emmere buli mpeke kikumi. Niyamaare oYesu okubaza ebigambo ebyo, nabazira aigguru nti atan’amatwi aga kuwuura awuure.⁹Ale abeegereswa baamwe ni bamubuuly bati olugeero olwo kiki? ¹⁰Nabakoba ati nywe muwereibwe okweega ebyaama ebya bukama bwa Kanca: baitu abandi mu ngeero; erate nibabona baleme okubona, erate ni bawuura baleme kweteja.¹¹Erate, olugeero ni lwo lunu: Ensigo ni kyo kigambo kya Kanca. ¹²Baddi aba kumabbali g’anzira nibo bawuura; ale osetaani naiza nakwakula ekigambo omu mitima zaabwe baleme kwikiriza n’okucungurwa, ¹³Naba ku lwaazi nibo bawuura ekigambo ni baikiriza n’eisanu; kyonkai tibaliina mirandira. bakikirizeeku kasera, erate omu biro byakoyerwa ni banakiwa.¹⁴Neezo ezagwiire omu mawa; abo nibo abawuura, ale ni baaba ni balemesebwa no kweralikiira n’obuguuda n’eisanu ery’abwoomi bunu nibataikirirye ku kulya mmere. ¹⁵Neezo eza mwitakali erisai; abo nibo abawuura ekigambo omu mutima ogugolokoki, ogusai, ni bakinyweeza, ni babala emmere n’okuguminkiriza.¹⁶Erate, ndoowo akoleerya itaala najivuninkira omu kisira, obate okujita ansi wa kitabo; baiti ajita ku kikondo abangiramu babone neyaka. ¹⁷Olwakubba ndoowo kigambo kya kyaama ekitaliboneka; gonze eky’akwekeibwe ekitalimanyika nikiboneka omu lwaatu. ¹⁸Ale mwekumenge ni muwuura; olwakubba buli aliina, aliweebwa; erate buli ataalina n’ekyo kya kulowooza nti alinakyo kirimutolebwaku.¹⁹Ale omaamwei na bagande ni baiza jaali, ni batasobole kumwikaku olwa kibbuura. ²⁰Nakoberwa nti Omaawo na baganda baamu bemereire enzai bakwendya ku kubona. ²¹oYesu nairamu nabakoba ati Omange na baganda bange, nibo abo abawuura ekigambo kya Kanca ni bakikola.²²Ale olwaikire oku lunnaku olumwei okweezo naniina omu bwaato na beegereswa baamwei; nabakoba ati tusomoke twaabe emitala wa nnyanja; ni bayaba. ²³Ale ni babbaire nka bakuseyeeya na bbasya otulo. Ompungo omwiinji na fuuwa oku nnyanja, amaizzi nigabba nka agakwaaba okwizula ni babba omu buzibu.²⁴oYesu nibaiza we yaali nibamwimuca nka bakukoba bati Mukama waiswe, Mukama waiswe,Tukufa. Naimuka naboigoora ompungo, n’okwefukuula kwa maizzi; ni bikaikana, neteeka? ²⁵Nabakoba ati okwikiriza kwanywe kulayi? Nibatiina nibewuunya, nibabaza bonkai n’abonkai bati ale naani onu, olwakubba omulombe na maizzi abiragira ni bimuwuura.²⁶Ale ni baika oku nsi ya Bagerasene nka akwaaba e Ggaliraaya. ²⁷Ale oYesu niyazwiremu naika okwitale, nayaja omuntu nka akuzwa omu kibuga eyaaluku odaimooni nka yakamala ennaku ziinji nka tawaala lugoye no mu nnyumba nka taikalamu, baitu yabbanga mu magombe.²⁸Niyaboine oYesu nabazira aigguru nainama omu maiso gaamwe, nabaza neiraka erikooto ati okunjunaana ki, oYesu Omwaana wa Kanca ali aigugru omuno? nkwegayiriire ota mbonereza. ²⁹oYesu Olwakubba yaali alagiire odaimooni okuzwa oku muntu oyo. Olwakubba yaali yakamala ebiro biinji nka amukwaite: yabuwebwanga mu njegere,n’omumasamba nk’akumibwa; nakutulanga bibamusibisirye, odaimooni namusengeryanga omwirungu.³⁰OYesu namubuulya ati eibara lyaamu niiwe naani? nakoba ati liigyoni; olwakubba abadaimooni baiinji abamwingiremu. ³¹Nibamwegayiira aleme kubalagira kumuzwaaku okwaaba omu bwiina.³²Ale wabbairewo eiggana lya mberege eziinji nka zikulya oku lusozi, ni bamwegayiira abalagire bazingiremu. N’abalagira. ³³Ale abadaimooni nibazwa oku muntu ni baingira omu mberege: eiggana nizitumbeera omwibbanga ni zigwa omu nnyanja nizifa amaizzi.³⁴Ale abasumba ni baboine ebibbairewo; ni bairuka ni babibazira omu kibuga no mubyaalo. ³⁵Abantu ni bazwaayo okubona ebibbairewo, ni baiza edi oYesu ni babona omuntu oyo ayazwireku abadaimooni nka aikaire awali amagulu ga oYesu, nka azwaire olugoye, nk’okumanya kwaamwe kumwiremu: Nibatiina.³⁶N’abo ababoine ni bakobera abandi niyakoleibwe oyo eyaali akwatiibwe abadaimooni. ³⁷N’abantu boona boona aba nsi y’Abagerasene erirainewo ni oYesu bamwegayiira azwe jibali, olwakubba baali batiinire muno. N’aniina omu bwaato nairayo.³⁸Baitu omuntu eyazwireku abadaimooni namwegayiira abbe naye; baitu namusiibula nka akukoba ati ³⁹Irayo omu nnyumba yaamu, onyonyole ebigambo oKanca bya kukoleire nibiri ebikulu. Nayaba nka akukobera ekibuga byoona byoona nka nibiri ebikulu oYesu bi yamukoleire.⁴⁰Ale oYesu ni yaire, ekibbuura ni kimwaniriza neisanu; olwakubba boona boona baali nka bamulindiriire ⁴¹Ale, bona, omuntu eribara lyaamwe Yayiro omukulu wa ikunbbaniro naiza nagwa awali amagulu ga oYesu namwegayiira okwingira omu nnyumba yaamwe: ⁴²Olwakubba yabbaire n’omuwaara eyabyaliibwe omwei nka yekamala emyaaka ikumi nabiri, erate oyo yaali nka alampi okufa. Baitu oYesu niyaali nka akwaaba ebibbuura ni bimumigiirya.⁴³No mukali ayaali alwaire ekikulukuto ky’aisagama emyaaka ikumi naibiri eyaweryanga abasawo ebintu byaamwe natasobole kutambibwa muntu yeena yeena. ⁴⁴Oyo namuwuluka emabega nakwaata oku lukugiro lwa lugoye lwaamwe: amaangu ago ekikulukuto kyaamwe nikikoma.⁴⁵OYesu nakoba ati naani ankwaiteku? ale nibegaine boona boona, oPeetero na bairaamwe ni bakoba bati Mukama waiswe, ebibbuura bikwetoloire bikumigiriirye. ⁴⁶Baitu oYesu nakoba ati omuntu ankwiteku: olwakubba mpuliire amaani nka ganzwiremu.⁴⁷Ale omukali oyo ni yaboine nka takwekeibwe, naiza nka akutiina namufukamiira, namukobera omu maiso ga bantu boona boona ensonga neeriy emu mukwatisiryeku, ne bwawonere amaangu ago. ⁴⁸Namukoba ati omwaana wange, okwikiriza kwaamu ku kuwonere: yaba mirembe.⁴⁹Ale yabbaire akyabaza, ni waiza omuntu eyazwire omu nnyumba ya mukulu waikumbbaaniro nka akukoba ati omwaala waamu afiire; otatawanya mwegesya. ⁵⁰Baitu oYesu niyawuliire nawiramu nti Otatiina: ikiriza mbbe yaabba mwoomi.⁵¹Ale niyaikire oku nnyumba nataikirize muntu yeena yeena wondi kwingira baitu wazira oPeetero n’oYokaana no Yakobo n’oitaamwe wa mwaala n’omaamwe. ⁵²Ale babbaire nka bakukunga boona boona nka bakumukobera; ye nakoba ati Mutakunga, olwakubba tafiire, baitu abbasirye tulo. ⁵³Ni bamusekeera muno, olwakubba betejerye nk’afiire.⁵⁴Ye namukwaata oku mukono nabazira aigguru ati omwaala,imukka. ⁵⁵Omwooyo gwaamwe ni gwiira, nayemeera amaangu ago. Nabalagira bamuweerye ekya kulya. ⁵⁶ababyaire baamwe ni bawuninkiira; baitu ye nabakuutira baleme kukoberaku muntu yeena yeena ebibbairewo

¹Ale omu biro ebyo waalowo abantu abaali awo abamukobeire eby’Aba galiraaya badi, oPiraato beyatabuliire eisagama lyaabwe ne ssaddaaka zaabwe. ²oYesu nairamu nabakoba ati mukulowooza nka Abagaliraaya abo baali basiisi okusiinga Abagaliraaya boona boona, olwakubba bawaraliibwe batyo? ³nkubakoba nti tinimwo kityo naye ni mutenyenya mulizikira nyenaa mutyo?⁴Obate, baddi eikumi n’omunaanai ekitikiro ekya mu Sirowamu be kyagwiireku nikibaitta, mulowooza baali bakoli babibbi okusiinga abantu boona boona abaali omu Yerusalemi? ⁵nkubakoba nti tinimwo kityo: baitu ni mutenenya mulizikiira.⁶oYesu nasimoola olugeero lunu nti waalowo omuntu eyaalina omutiini ogwaali gusimbiibwe omu mulusuku olw’amizabbibu: naiza nka akutolyaaku ebibala natabibona. ⁷Nakoba omulumi ati bona, olwa leero emyaaka isatu nka nkwiiza okutoolya ebibala oku mutiini gunu, nintabibona, guteme gukumala kifo kya bwereere.⁸Yeena nairamu namukoba ati mukama wange, guleke omu mwaaka gunu, erate ngutemere, nguteeku ebisai; ⁹Nigulibala oluzwanyuma kisai; baitu, nikibba nka tinikyo, oligutema.¹⁰Ale oYesu oku lunnaku lwa ssabiitti niyaali nka akwegesya omu limwe oku makumbbaaniro, ¹¹erate bona, omukali eyaali yakalwara odaimooni owa bunaki emyaaka ikumi na munaanai; nka asaraire, nka tasobola kwegolola na kadoli.¹²Ale oYesu niyamuboine, na mweeta ati omukali, osandabwiirwe obulwaire bwaamu. ¹³Namutaaku emikono ammangu ago nabba mugolokoki, nayangiriza oKanca. ¹⁴Baitu, omukulu waikumbbaaniro niyanyiigire olwakubba oYesu atambire omuntu oku ssabbiiti, nairamu nakoba ekibbuura ati walowo ennaku omukaaga ezisaine oku korangamu emirumo: ale mwizirenge okweezo okutambibwanga, baitu tiku lunnaku lwa ssabbiiti.¹⁵Baitu, Omukama waiswe namwiramu namukoba ati Bakiweweite, buli omwei oku nywe oku lunnaku lwa ssabbiiti tasandabula nte waamwei obate nkaina waamwei omu kisibo najitwaala okujinywesya? ¹⁶Erate oyo omwaana wa Ibulayimu eyabbuwiibwe osetaani, bona, emyaaka ikkumi n’amunaanai, tasaniire kusindabulwa omubuibbuwe obwo oku lunnaku lwa ssabbiiti?¹⁷Ale niyaali nka akubaza ebyo, abananzugu baamwe boona boona ni baswaala, n’ekibbuura kyoona kyoona ni basemeerwa olwa byoona ebya kitinisya eby’akoleibwe ye.¹⁸Nikyo oYesu yazwiire okoba ati Obukama bwa Kanca bwiisana na ki? erate nabwiisanisya ki? ¹⁹Bwiisana akampeke aka kalidaali, omuntu ke yakwaite na kanaga omu numiro yaamwe, ni kakula ni kabba omusaale, ennyonyi eza mwibbanga ni zikkala oku matagi gaagwo.²⁰Erate, nakoba ati Obukama bwa Kanca nabwiisanisya ki? ²¹Bwiisana ekitubisisya,omukali kiyakwaite nakikweeka omu biibo bisatu ebya bwiita, bwoona boona nibutumbeera.²²Nikyo oYesu natambuura omu bibuga n’omu mbuga nka akwegesya nka akwaaba e Yerusaalemi. ²³Omuntu namukoba ati Mukama wange, badooli abalicungurwa? yeena nabakoba ati ²⁴Mufubenge okwingira omu mulyango ogufundi, olwakubba nkubakoba nti baiinji abalitoolya okwingira, baitu tibalisobola.²⁵Omukama wa nnyumba nalimala okwimuka naigalawo olwiigi, ni mwekeera okwemeera enzai n’okukonkona olwiigi, nka mukukoba muti Mukama waise, twiguurewo; ale alibairamu ati timbamaite ji mukuzwa; ²⁶ni mulyooka ni mutandika okukoba muti twaliranga, erate twanyweranga omu maiso gaamwe, erate wayegesyanga omu nzira zaiswe. ²⁷Ale alikoba ati nkubakoba nti timaite ji mukuzwa: muzwe wendi nyweena abakoore ebitali byabwikiriri.²⁸Eyo walibbaayo okukunga no kwenena amaino, ni muli bona, oIbulayimu n’oIsaaka n’oYakobo n’abaranji boona omu Bukama bwa Kanca. ²⁹Baliiza nka bakuzwa ebuzwaisana ne bugwaisana, no bukiika bwa gumoso no bukiika bwa guryo, Lukka baliikala omu Bukama bwa Kanca. ³⁰Erate, bona, walowo abaluzwanyuma, abalyekeera erate, walowo abalyekeera abalibba abaluzwanyuma.³¹Omu kiseera ekyo Abafalisaayo ni baizza, ni bamukoba bati Zwaani, weyabire: olwakubba oKerode akwendya oku kwitta. ³²oYesu nabakoba ati mwaabe mu mukobe enkerettanyi eyo muti bona, nkupeka odaimooni nkutamba, abantu, olwa leero ne mambya n’oku lunnaku olwa kastu ndikyiirya omulumo gwange. ³³Baitu kisaniire okutambulaku olwa leero ne mambya, n’olukwiiraku, olwakubba tikisoboka muranji okuzikiira enzai wa Yerusaalemi.³⁴Wwe Yerusaalemi, Yerusalemi aitta abaranji, akubba amabbaale abatumibwa jaali! emirundi emekai nka nkwendya okukumbbaania abaana baamu, nk’onkoko na kumbbaania obwaana bwaamwe omu bipapa byaamwe, Baitu timwaikirize! ³⁵Bona, ennyumba yanywe esigaire kifulukwa, erate nkubakoba nti timulimbona, okwiica ni mulikoba nti aweweibwe omukisa aizza omwibara lya Kanca.

¹Ale olwaikire niyaingiire oku ssabbiiti omu nnyumba ya mukulu wa Bafalisaayo okulya emmere, ni bamutaaku amaiso. ²Erate, bona, walowo omuntu omu maiso gaamwe, eyaali omulwaire wa ntumbi. ³OYesu nairamu nasimoola na Beegesya ba mateeka na Bafalisaayo nk’akukoba ati kisai okutamba oku ssabbiiti kanda tinimwo?⁴Baitu nibasirika, namukwaataku namutamba, namusiibula. ⁵Nakoba ati naani okunywe aliina onkaina waamwe, obate onte waamwe nka egwiire omwizuba atajitoolamu ammangu ago oku ssabbiiti? ⁶nibatasobole tte kumwiramu ebyo.⁷oYesu nabasubiira olugeero abo abayeteibwe niyaboine engeri jibakwelobolya ebifo bya mu maiso; nabakobaati ⁸Omuntu nakwetanga oku mbaga yabugole, toikalanga mu kifo kya mu maiso, kaisi waleme kubbaawo muntu akusiingaku ekitinisya gwayetere, ⁹noodi yeena eyakwetere, naiza nakukoba seguura onu; nolyooka n’otandika omu nsoni okutwaala ekifo kya mabega.¹⁰Baitu noyetebwanga oyabanga n’oikaara omu kifo kya mabega, eyakwetere naiza, okukobe nti munywaani wange igeera enu omu maiso, baitu nobba nekitinisya omu maiso gaabo boikaire nabo oku mmere. ¹¹Olwakubba buli muntu yeena eyetumbiiza alitoowazibwa, n’oyo eyetoowaza alitumbisibwa.¹²Erate, oYesu nakoba n’oyo eyamweetere ati n’osumbanga emmere eya kyamisana, obate eya kyaigolo, toyetanga banywaani baamu, gonze abaganda baamu, gonze ababika byaamu, gonze abaguuda abairamu, leke boona baleke kukweeta erate boona, niwabbaawo okukusasula.¹³Baitu, n’osumbanga embaga oyetanga abooro, abacencegere, nabaigali ba maiso: ¹⁴erate oliweebwa omukisa, olwakubba tibaliina kyakukusasula. olwakubba okwaaba kusasulwa omu kuyimbooka kwa baikiriri.¹⁵Ale omwe okwaabo abaali baikaire amwei naye oku mmere, niyawuliire ebyo, namukoba ati aliina omukisa aliriira emmere omu Bukama bwa Kanca. ¹⁶Baitu, namukoba waalowo omuntu ayasumbire embaga ejikooto, nayeta abantu baiinji: ¹⁷natuma omwiru waamwe nka obwiire bwa mbaga bwikire okukoba beyayetebwe nti mwiize, olwakubba biweire okutekebwatekebwa.¹⁸Boona boona n’omwooyo gumwei nibatandika okwegaiira okusaasirwa, eyekereire namukoba ati nguure olusuku, kinsaniire okwimuka okwaaba okulubona; nkwegairire nsasira. ¹⁹N’owondi, nakoba nguure emigogo za nte itaanu, okuzigezesya; nkwegairiire nsasira. ²⁰N’owondi nakoba ati mbandwire omukali, nikyo nzwiire nnemeera okwiiza.²¹Ale omwiiru naizza nakobera omukama waamwe ebyo. ale omukama wa nnyumba nagongera nakoba omwiiru waamwe nti wuluka mmangu oyabe omu mazira n’omu kibuga, oleete abooro, nabacencegere, nabaigali ba maiso nabakuwenyera. ²²Omwiiru nakoba omukama waamwe nti kyokobere kimaare okukolebwa, baitu wakyalowo ebifo.²³Omukama waamwe nakoba omwiiru ati wuluka oyabe omu mazira no mubuzira obakake okwiingira ennyumba yange eizule. ²⁴Olwakubba, nkubakoba nti Baddi abayeteibwe, ndoowo n’omwei aliroza oku mbaga yange.²⁵Ale ebibbuura bikooto byaali bikwaaba naye; nayinduka nabakoba ati ²⁶Omuntu niyaizanga jendi natcaawe Itaamwe, no maamwe, n’abaana baamwen nabangande, n’abonyoko baamwe, erate n’obwoomi bwaamwe ye, tiyasobolenge kubba mwegesya wange. ²⁷Buli ataimulenge musaalabba gwaamwe ye, , naiza emabega wange, tiyasobolenge kubba mwegesya wange.²⁸Olwakubba,naana oku nywe nka akwendya okomboka ennyumba, atasooka kwiikala nabaliira ebikwetagisya okomboka enyumba eyo okwiika okuwa? ²⁹Baitu, nka amaare okutaawo omusinji natajimaliirye, boona boona ababona batandika okumusekeera, ³⁰nka bakukoba bati omuntu onu yasokere okomboka natamaliirye.³¹Baitu, mukama ki nabba nka akwaaba okulutalo natasoke kwikaara kuteesa bigambo, obate ayiinza n’omutwaalo ogumwei okulwaana n’emitwaalo eibiri? ³²Obate nka tinikyo, oddi nabba nk’akyaali alai omuno, atuma abakwenda nasaba okugaitangana. ³³Ale nimwo kityo omuntu yeena yeena oku nywe aterekeryenge byoona byalina,tiyasobolenge kubba mwegesya wange.³⁴Ale omunyu gusai,baitu omunyu niguwaamu omugga, muliryaamu ki? ³⁵Tigusaanira musiri, gonze okugubunga, bagunaga nzai. Aliina amatwi agakuwuura, awuure.

¹Ale abawooza boona boona na baalina ebibbi baali nka bakumusembeera oYesu okumuwuliirya. ²Abafalisaayo, erate nabawandiiki ni bemulugunya nka bakukoba onu asemberya na baliina ebibbi, erate alya nabo.³OYesu nabasubiira olugeero lunu nka akukoba ati ⁴Muntu ki oku nywe aliina etaama ekyikumi, nabulwaaku emwei, ataleka zidi ekyendai n’omwendai omu mutala, nasengeerya edi eyabuure okwiica nali jibona? ⁵Ale najibona ajiteeka oku kibegabega kyaamwe nk’akusanyuka.⁶Naika ekka ayeta abanywaani, na balirwaana baamwe, nabakoba ati munsemerweku olwakubba mboine ontaama wange eyabbaire abuure. ⁷Nkubakoba nti lyabbanga isanu omwigguru olw’oyo aliina ebibbi omwei ayendekere omwooyo okusiinga abaikiriri ekyendai n’omwendai abatayendya kwendeka mwooyo.⁸Obate mukali ki aliina erupiya eikumi nabulwaaku elupiya emwei, atakoleerya taala nayeya ennyumba, nanyinkira okuswagana okwiica nka ajiboine? ⁹Najibona, ayeta abanywaani baamwe, nabalirwaana baamwe, nabakoba nti munsemerweku olwakubba nboine erupiya eyabbaire embureku. ¹⁰Nkubakoba nti nimwo kityo libba esanu omu maiso ga bantumwa ba Kanca olw’oyo alinia ebibbi omwei ayendeka omwooyo.¹¹Baitu oYesu nabakoba ati waalowo omuntu ayaalina abataani baamwe babiri: ¹²omuto nakoba Oitaamwe nti taata, mpeerya omugabo gwa bintu ebinsaniire. Ale nabagabira ebya bwoomi byaamwe.¹³Ale oluzwanyuma lwannaku tizinji, oyo omwaana omuto nakumbbaania ebyaamwe byoona byoona, natambula nayaba omu nsi eyaalai; nasansanirya eyo ebintu byaamwe omu mpisa ezibbi. ¹⁴Ale niyamaare okubirya byoona byoona, enzala ejinji neiza omu nsi eyo, natandika okubonabona.¹⁵Nayaba niyegaita n’omwaami owa mu nsi eyo; namusindika omukyaalo kyaamwe okulisyanga emberege, ¹⁶niyegombanga okwiikuta ebisusu emberege zibyalyanga; ni watabbewo muntu okumuwa.¹⁷Baitu, niyeiremu, nakoba ati abaweereza bamekai abasasulwa Oitaange, abaikuta emmere nibalemwa, nanje nkufiira anu enzala! ¹⁸Naimuka ninyaba ewa itaange, ni mukoba nti taata, nsisire eddi eigguru n’omu maiso gaamu; ¹⁹tinkyasanira kwetebwa mwaana waamu; ntwaala ekka nk’omwei oku baweereza baamu abasasulwa.²⁰Naimuka, naiza ewa itaamwe. Baitu yaali nka akyaali alai, oitaamwe namulengera nairuka embiro, namugwa omu kifubba; namuvumbatira muno. ²¹Oyo omwaana namukoba ati taata, nsisire edi eigguru n’omu maiso gaamu, tinkyasanira kwetebwa mwaana waamu.²²Baitu, Oitaamwe nakoba abaiiru baamwe, mwaabe muleete mmangu olugoye olukusiinga zoona zoona, mulumuzwalikisye: mumute empeta oku ngalo, nenkaito omu magulu gaamwe. ²³Muleete n,onyana omunoli mumwitte tulye tusagaruke: ²⁴Olwakubba omwaana wange onu, yaali afiire, ayimbokere, yaali abuure, abonekere. Nibatandika okusagaruka.²⁵Baitu, omawana waamwe omukulu yaali mukyaalo; niyaizire nka yatera okwiika, nawuura engoma nenkende. ²⁶Oku baiiru nayetaku omwei, namubuulya ni bibbaire. ²⁷Namukoba ati omuganda waamu aizire; n’oiteewo amwitiire onyana owa masajju, olwakubba amuzwiire nka mwoomi.²⁸Baitu, nasunguwala natayendye kwingira: Oitaamwe nawuluka namwegayira, ²⁹baitu nairamu nakoba Oitaamwe nti bona, emyaka zinu ziinji nka nkukuweereza, erate tingaananga kukola nakadooli kyonkobere; nanje ennaku zoona zoona tompangaku wade kabbuli kusagarukaku nabanywaani bange. ³⁰Baitu, omwaana waamu oyo, eyaliire ebya bwoomi bwaamu, nabasiani, naizire, omwittiire onyana omuajju.³¹Ye namukoba ati mwaana wange, buliizo oli amwei nanjje, erate byoona byoona ebyange byaamu . ³²Baitu, okujaguzza no kusagaruka kwa nsonga, olwakubba omuganda waamu oyo, yaali afiire, ayimbokere, erate yaali abuare, abonekere.

¹Ale oYesu nakoba abeegereswa baamwe nti walowo omuntu omuguuda eyaalina omuwanika waamwe; oyo ni bamuloopa jaali nk’akusansania ebintu byaamwe. ²Namweta namukoba ati kiki kinu kyenkuwuura oku we. Bala omuwendo gwa buwanika bwaamu; olwakubba toyiinza kubba tte muwanika.³Oyo omuwanika nabazira omunda yaamwe, nti nakola ntyai olwakubba, omukama wange antweireku obuwanika bwange? tindina gakuluma, n’okusabiirya kunkwatisya ensoni. ⁴Mmaite kinakola, nibampeka omu buwanika, banseberya omu nnyumba zaabwe.⁵Nayeta buli eyaalina amabanza ga mukama waamwe, nakoba akwekeera nti omukama wange akukutonga ki? ⁶Nakoba ati ebigero bya mafuta kikumi, nakoba ati twaala ebbaluwa eyo oikale mmangu, owandiike amakumi ataanu. ⁷Erate, nakoba owondi ati weena, okutongebwa ki? nakoba emitwaalo jangaano kikumi, nakoba ati twaala ebbaluwa yaamu, owandiike kinanai.⁸Ale omukama waamwe natendereza omuwanika omulyaaki olwakubba akoore ebya magezi; olwakubba abaana aba biseera binu balabuki omu miijo zaabwe, okusiinga abaana abaisana. ⁹njeena nkubakoba nti mwekwanirenge eminywaani omu mamona atali mwikiriri, nibiriwaawo, balikusemberya omu weema ziddi ezitawaawo.¹⁰Abba omwesigwa oku kintu ekidooli omuno, n’okukikooto abba mwesigwa, erate, abba omulyaaki oku kintu ekidooli omuno, n’oku kikooto abba mulyaaki. ¹¹Ale nimutabbenge besigwa oku mamona atali mwikiriri, naani alibabikisya obuguuda obwa mazuma? ¹²Erate nimutabbenge besigwa, oku kintu kya muntu owondi, ekyaamu naani ali kikukumisya.¹³Ndoowo muwereza ayiinza kuweereza basaiza babiri; olwakubba abba alikyaawaku omwei, nayendya owondi; obate aligumira omwei nayakalyamu amaiso owondi. Timusobola kuweereza Kanca n’omamona.¹⁴Abafalisaayo abaali abataki bafeeza, ni bawuliire ebyo byoona byoona, ni bamusekeera. ¹⁵Nabakoba ati niinywe abefoola abaikiriri omu maiso g’abantu,baitu oKanca ammaite emyooyo zanywe, olwakubba okugulumiira omu bantu kya muzizo omu maiso ga Kanca.¹⁶Amaeteka na baranji byabbairewo okwiika oku Yokaana: okuzwa nolwo enjiri ya Bukama bwa Kanca ebuulirwa, erate buli muntu abwingiramu lwa maani. ¹⁷Baitu kyangu eigguru n’ensi okuwaawo, okusiinga ennukuta emwei eya mateeka okuwaawo.¹⁸buli muntu yeena yeena eyapekanga omukali waamwe, nasweera owondi, nka asianire, n’oyo ayasweeranga eyapekeibwe oibaamwei, nka asianire.¹⁹Ale waalowo omuntu omuguuda, eyazwaalanga olugoye olwafulungu ne bafuta ejisai, nk’asagarukanga buliizo omu kwesiim: ²⁰erate, waalowo no mwooro eibara lyaamwe Laazaalo gwebabbasisyanga oku mulyango gwaame, eyaalina amabwa againji, ²¹niyegombanga okulya ebyagwanga okuzwa oku meenza ya muguuda, erate embweene zaizanga ni zimukombeeranga amabwa.²²Olwaikire, omooro naffa, naimulibwa abantumwa nibamuta omu kifubba kya Ibulaimu. N’omuguuda nafa, naziikibwa. ²³Naimuca amaiso gaamwe omu magombe, nk’aali omu bulumi bwa maani, nalengera oIbulaimu alai n’oLaazaalo nk’aali omu kifubba kyaamwe.²⁴Nasimoora aigguru nakoba ati oitaange oIbulaimu nsasira,otume oLaazaalo, ainike ensonda ya lugalo lwaamwe omu maizzi, ampolyewolye olulumi lwange, olwakubba nkulumwa omu muuro gunu,²⁵OIbulaimu namukoba ati mwaana wange izukira, nka waweweibwenge ebisai omu bwoomi bwaamu, erate n’oLaazaalo atyo ebibbi byaamwei, baitu atubunu akusemeerwa, we okulumwa. ²⁶Erate, okw’ebyo byoona byoona, akati waiswe nanywe walowo olukonko lulai olwatekeibwewo, abakwendya okuzwa enu jituli balemesebwenge okwiiza, erate balemesebwenge okuzwa eyo okwakalawo okwiiza enu jituli.²⁷Nakoba ati ale,nkwegayiriire, Itaange, omutume omu nnyumba ya Itaange; ²⁸Olwakubba nta n’abaluganda bataanu abamanyisye baleme kwiiza boona omu kifo kinu ekirumu obulumi.²⁹Baitu oIbulaimu nakoba ati Baliina oMusa, na Baranji babawuurenge abo. ³⁰Nakoba ati bbe, Itange Ibulaimu; baitu omwei oku baffu nalyaaba jibali balyendeka omwooyo. ³¹Namukoba Ati nka nibatawuur Lukka Musa n’abaranji, erate gonze omwei oku baffu nali yimbooka, talibaikirizisya.

¹OYesu nakoba abeegereswa baamwe ati tikisoboka ebyesitalya obutaiza, baitu zimwaajirye oyo abireeta! ²Akiri oyo abuwibwengemu emmengo omwikoti lyaamwe, okunagibwa omu nnyanja, okisiinga okwesitalya omwei okwaabo abato.³Mwekumenge: omuganda waamu nasiisanga, omulambbanga; nayendeka omwooyo omusasiranga. ⁴Erate nakusiisanga emirundi omusanju oku kiro kimwe, erate emirundi musanju nakucukira nk’akukoba ati mpendekere omwooyo, omusasiranga.⁵Abakwenda ni bakoba oMukama waiswe bati; otwongereku okwikiriza. ⁶Omukama waise nakoba ati siinga mubbaire n’okwikiriza nka akampeke ka kakalidaali, mwandikobere omusikamiini gunu nti sigukka osimbbibwe omu nnyanja, erate gwandibawuliire.⁷Baitu naani oku nywe, aliina omwiiru nka akuluma, obate nk’akuliisya entaama, naingira nk’akuzwa omulusuku, alimukoba ati izza mmangu ago oikale olye? ⁸baitu, atamukoba ati tegeka emmere webbuwe, oiwule emmere ndye, mmale okulya no kunywa; naawe leke olye, erate onywe?⁹Amwebalya omwiiru oyo olwakukola byalagiirwe? ¹⁰Erate nywena mutyo, ni mumalanga okukola byoona byoona bimwalagiirwe, mukobenge muti; iswe tuli baiiru abatasaana,ebyatusaniire okukola nibyo bitukoore.¹¹Ale olwaikire nibaali omu nzira nka bakwaaba e Yerusaalemi yaali akwakala akati wa samaliya no Ggaliraaya. ¹²Ale niyangiire omu mbuga emwei ni bamwaaja abantu ikumi abagenge abayemereire alai; ¹³ni basimoora aigguru nibakoba bati oYesu, Omukama waiswe, otusaasire.¹⁴Niyaboine, nabakoba ati mwaabe mwerange eddi abakabona. ale olwaikire nibaali nka bakwaaba ni balongooka. ¹⁵Ale omwei okwaabo ni yaboine nka awonere, naira nayangiriza oKanca neiraka erikooto; ¹⁶nakutama awaali amagulu gaamwe nka akumwebalya oYesu; erate oyo yaali Musamaliya.¹⁷OYesu nairamu nakoba ati eikumi boona boona tibalongookere, baitu balai omwendai? ¹⁸tibabonekere abaire okwangiriza oKanca, wazira omugeni onu? ¹⁹Namukoba ati imuka oyabe okwikiriza kwaamu kukutambire.²⁰Niyabuliibwe Abafalisaayo nti Obukama bwa Kanca buliiza ddi? nabairamu nabakoba ati Obukama bwa Kanca tibwiiza nka bukubonebwa. ²¹Ale tibalikoba nti bona, buli anu, obate nti buli addi, olwakubba, bona, Obukama bwa Kanca buli munda yanywe.²²Nakoba abeegereswa baamwe ati ebiro biriiza lwe mulyegomba okubona olumwei oku nnaku za mwaana wa muntu, baitu timulilubona. ²³Ale balikoba bati bona, addi! Obate bona, ani! timwabanga, erate timusengeryanga; ²⁴olwakubba okumesya ni kumesya oku ludda olumwe olwa igguru, nikumesya n’okuludda olundi olwa igguru, atyo omwaana wa muntu nimwo alibba oku kiro kyaamwe.²⁵Baitu, okwekeera kimusaniire okuwaralibwa abaiinji, no kuganibwa eba miijo zinu. ²⁶Erate, nka nibyaali omu biro bya Nuuwa, bityo nimwo biribba no mu biro bya mwaana wa muntu. ²⁷baali nka bakulya nk’abakunywa, nka bakubandula, nka bakufumbirwa, okwiika oku kiro oNuuwa weyangirire omu bwato, omwiizulo ni gwiiza ni gubasanyawo boona boona.²⁸Erate, nka nibyaali omu biro bya Lutti, baali nka bakulya, nka bakunywa ,nka bakugula, nka bakutunda, nka bakusiga, nka bakombok; ²⁹baitu oku kiro kidi oLutti lweyazwiire omu Sodomu, omuuro ne kibiriiti nibitonya okuzwa omwigguru nibibasanyawo boona boona.³⁰Na kityo nimwo kiribba oku kiro ky’amwaana wa muntu lwaliswekulibwa. ³¹Oku kiro ekyo, alibba aigguru oku nnyumba, nebintu byaamwe nka biri omu nnyumba, taninukanga kubitolamu, naali omu lusuku tairanga mabega.³²Mwizukire omukali wa Lutti. ³³Buli aswagana okucungura obwoomi bwaamwe ali bubulya; baitu buli alibubulya alibuwonia.³⁴Nkubakoba nti omu bwiire obwo babiri balibba oku kitanda kimwei, omwei alitwaalibwa n’owondi alisigala. ³⁵Abakali babiri balibba nka bakusyeera amwei, omwei alitwaalibwa, n’owondi alisigala. ³⁶Babiri balibba omu lusuku, omwei alitwaalibwa, n’owondi alisigala.³⁷Nibairamu nibamukoba bati ayi, oMukama waiswe? Nabakoba ati Awabba omulambo awo ensega niwo zikumbbaanira.

¹.OYesu nabasubiira olugeero nikibasaniire okusabanga buliizo, obutakerwanga: ²nakoba nti waalowo omulamuzi omu kibuga ekimwei, atatiinanga Kanca, erate nka tawa muntu yeena yeena kitinsya.³Erate, waalowo onamwandu omu kibuga ekyo eizanga ewa mulamuzi oyo, nka akukoba ati ndamula no munanzigu wange. ⁴Omulamuzi natasooke kwikiriza, baitu oluzwanyuma nabaza omunda yaamwei nti gonze nka tintiina Kanca, erate nka tintaamu muntu yeena yeena kitinisya; ⁵baitu olwakungadya onamwandu onu kwangadirye namulamula, aleme kusigala nka aizza buliizo.⁶Omukama waiswe nakoba ati muwuure omulamuzi oyo atali mwikiriiri kya kukoba. ⁷Ale no Kanca taliramula balonde baamwe, abamukungiira emisana n’obwiire nka akyaguminkiriza. ⁸nkubakoba nti alibalamula mmangu. Baitu omwaana wa muntu naliiza, alyaajja okwikiriza oku nsi?⁹Nabandi abaali bakwerowooza oku bwaabwe, okubba abaikiriri nka bagaya abandi, oYesu nabasubiira olugeero lunu nti ¹⁰abantu babiri baingiire omu nnyumba ya Kanca okuramya, omwei Mufalisaayo, owondi muwooza.¹¹Omufalisaayo nayemeera nasaba yenkai ebigambo binu nti Kanca, nkukwebalya olwakubba tinyisana nka abantu abandi boona boona, abanyagi, abalyaake, abasiani, gonze nk’onu omuwooza. ¹²Nsiiba emirundi ibiri omussabbiiti, mpaayo ekitundu ekyaikumi oku byoona byoona byenfuna.¹³Baitu omuwooza nayemeera alai natatake nakwimuca maiso gaamwei mwigguru, baitu niyekubba omukifubba, nka akukoba ati Kanca, onsasire nje aliina ebibbi. ¹⁴Nkubakoba nti oyo yenkai, yaireyo omu nnyumba yaamwe nka aweweibwe obwikiriri okusiinga oddi; olwakubba buli ayegulumirya alitowazibwa, n’oyo eyetowaaza aligulumira.¹⁵Ale nibaleeta abaana abato waali, okubakwaateku, baitu abeegereswa ba Yesu ni bababoine ni bababoigoora. ¹⁶Wazira oYesu nabeeta nti nka akukoba ati muleke abaana abato baize jendi, mutabagaana, olwakubba abali nka abo Obukama bwa Kanca, nibwo bwaabwe. ¹⁷Amazuma nkubakoba nti Buli ataikirizenge Bukama bwa Kanca nka omwaana omuto talibwingiramu nakadooli.¹⁸N’omuntu omukulu omwei namubuulya nka akukoba ati Omwegesya omusai, nkole ki okusikira obwoomi obutawaawo? ¹⁹OYesu namukoba ati okunyeteraki omusai? ndoowo musai okutoolaku odi omwei yenkai oKanca. ²⁰Amateeka ogamaite nti tosiananga, toittanga, toibbanga, owanga ekitinisya omaawo n’oiteewo. ²¹Nakoba ati ebyo byoona byoona nabikwatanga okuzwa omu buto bwange.²²OYesu ni yawuliire ekyo namukoba ati okubulwaaku kimwei, tunda byoona byoona byoli nabyo, obigabire abooro, olwo olibba n’obuguuda omwigguru: ale omale oize onsengeerye. ²³Baitu ni yawuliire ebyo, nanakuwala muno, olwakubba yaali muguuda muno.²⁴Ale oYesu niyaboine, nakoba ati ka kizibu abaliina obuguuda okwingira omu Bukama bwa Kanca. ²⁵Olwakubba kyangu ongamiya okwaakala omu nyindo yampisso okusiinga omuguuda okwingira omu Bukama bwa Kanca.²⁶Abawuliire ebyo nibakoba bati olwo naani ayinza okulokoka? ²⁷Baitu, oYesu nakoba ebitasoboka edi abantu, bisoka edi oKanca.²⁸OPeetero nakoba bona, iswe twalekere ebyaiswe ni tukusengeerya. ²⁹Oyesu Nabakoba ati amazuma nkubakoba nti ndoowo muntu ayalekere ensisira, gonze omukali, gonze owa luganda, obate ababyaire, obate abaana, olwa Bukama bwa Kanca. ³⁰otaweebwe tte mirundi ziinji omu bwiire bunu, n’omu bwiire obukwiraku obwoomi obutawaawo.³¹OYesu natwaala abo eikumi nababiri nabakoba ati mubone, tukwaaba e Yerusaalemi, n’ebyo byoona byoona ebyawandikiibwe abaranji oku mwaana wa muntu biikiire. ³²Aliwebwaayo edi omu bamaanga, aliduurwa, aliswazibwa, alicwantibwaku amacwantai, ³³bali mukubba enkobba, bali mwitta, erate oku lunnaku olwa kasatu aliyimbooka.³⁴Abeegereswa baamwei, ni batetejerawo nakimwei. Ekigambo ekyo kyaali kibakwekeibwe, nibateteje ebyasimoleibwe.³⁵Ale olwaikire oYesu niyaali nka alyampi okwiika e Yeriko, omwigali wa maiso yaali aikaire oku nzira nka akusabiirya; ³⁶ammangu ago niyawuliire ekibbuua kya bantu nka kikwaakala, nabuulya ati kiki ekyo? ³⁷Nibamukoba bati oYesu Omunazaaleesi akwakala.³⁸Nabazira aigguru ati oYesu, omwaana wa Daudi, onsasire. ³⁹Nabadi abaali bekereire ni bamuboigoora okusirika. Baitu, niyeyongera muno okubazira aigguru, nka akukoba Yesu omwaana wa Daudi, onsaire.⁴⁰OYesu nayemeera, nalagira oku muleeta waali, ale niyasambeire ampi, namubuulya ⁴¹ati okwendya nkukoore ki? Nairamu nakoba Mukama wange nkwendya kubonia.⁴²OYesu namukoba zibukka: okwikiriza kwaamu kukcungwire. ⁴³Amaangu ago nazibukka amaiso, nabonya namusengerya nga akuwangiriza o kancca abantu bonabona ni babwoine ni bugirizza okancca

¹oYesu Nangira omu Yeriko nabba nka akwakalamu. ²Ale bona, waalowo omuntu eyaali ayetebwa eibara lyaamwe Zaakayo, yaali mukulu wabasololi, erate nka muguuda.³Nasala amagezi okubona oYesu naali; natasobole olwa kibbuura,olwakubba ekigero kyaamwe yaali mumpi. ⁴Nairuka namwebembera, naniina oku musaale omusikamooli amubone: olwakubba yaali akwaaba kwakala mu nzira eyo.⁵Ale oYesu niyaikire omu kifo waali, nalola aiguru, namukoba ati Zaakayo niinuka maangu, olwakubba olwa leero kinsaniire okwikala omu nnyumba yaamu. ⁶Naniinuka maangu namwaniriza nka asemereire. ⁷Nibaboine, nibamwemulugunyiza boona boona nka bakukoba bati angiire okubbasya ewa muntu aliina ebibbi.⁸OZaakayo nayemeera nakoba Omukama waiswe nti bona, Mukama wange, ekitundu kya bintu byange nkubawa abooro, obate nka nalyakire omuntu yeena yeena ekintu kyaamwe, nkumusasula emirundi inai. ⁹oYesu namukoba ati olwa leero okucungurwa kwiizire omu nnyumba munu, olwakubba yeena mwaana wa Ibulaimu. ¹⁰Olwakubba omwaana wa muntu yaizire okuswaaga ekyo ekyabuure.¹¹Ale nibawuliire ebyo, niyeyongera nabasubiira olugeero okubatereza, olwakubba yaali ampi n’oYerusaalemi, erate baali bakulowoza nti Obukama bwa Kanca bukwaaba kuboneka maangu ago. ¹²Nikyo yazwiire nabakoba ati waalowo omuntu omukulu eyaabire omu nsi eyaalai, okulya obukama leke aire.¹³Nayeta abaiiru baamwe eikumi nabaweerya empiya ebikumi bibiri, nabakoba ati musubulyenge okwiica nindiira. ¹⁴Baitu, abasaiza baamwe nibamunoba nibatuma ababaka emabega waamwe, nka bakukoba bati Titukwendya oyo kutufuga. ¹⁵Ale olwaikire niyaire nka amaare okulya obukama,nalagira okweeta abaiiru biyawaire efeeza, alyooke amanye amagoba ge basubwire.¹⁶Eyekereire naiza nakoba ati mukama wange, empiya zaamu amakumi abiri gabyaire empiiya bibiri. ¹⁷Namukoba ati webale, omwiiru omusai: olwakubba waali mwesigwa oku kintu ekidooli omuno, ale bba n’obuyiinza oku bibuga ikumi.¹⁸Naiza owa kabiri nakoba ati mukama wange, empiya zaamu abiri zabyaire empiya kikumi. ¹⁹Yeena namukoba weena bba oku bibuga bitaanu.²⁰Owondi naiza namukoba ati mukama wange bona, empiya zaamu nzini abiri nazibiikire nka nzibbuwire omu kiwero. ²¹Olwakubba nakutiinire olwakubba oli muntu mukakanyali: akoma kyotaateirewo, okessa kyotaasigire.²²Namukoba ati akanwa kaamu ka kkusaara omusango, we omwiiru omubbi. Waali omaite nka nje nta mukakanyali, nka nkoma kintaateirewo, nka nkessa kintaassigire; ²³ale kiki ekyakugaine okuweerya empiya zaange abasubuzi, nanje ninandiizire nandizitwaire namagoba gaazo.²⁴Nakoba abaali bemereire awo nti mu mutooleku empiya zaamwe, muziweerye oyo aliina empiya ebikumi ebibiri. ²⁵Nibamukoba bati Mukama waiwe, aliina empiya ebikumi bibiri.²⁶Nkubakoba nti buli aliina aliweebwa, baitu oyo ataalina, erate ekyo ky’aliina kyoona kirimutoolebwaku. ²⁷Baitu, abo abananzugu bange abatayendya nje kubafuga, mubaleete anu mubaittire omu maiso gaange.²⁸Ale niyamaare okusimoola ebigambo ebyo, nakulembera okwaaba e Yerusaalemi.²⁹Olwaikire niyaali nka alampi okwiika e Besufaage n’oBessaniya, oku lusozi olwetebwa olwa Zeyituuni, natuma oku beegereswa baamwe babiri, ³⁰nka akukoba ati mwaabe omu mbuga edi omu maiso ganywe, nimwaigira omwo mwaabona omwaana gwa nkaina nka gubbuwibwe ogutaikalwangaku muntu: mugusandabule muguleete. ³¹Erate, omuntu nababuulya nti mugusandaburaki? Mukobe mutyo nti Omukama waiswe niye akugwendya.³²Naabo abatumiibwe nibaaba, nibabona nka oYesu abakobere. ³³Ale nibaali nka bakusandabula omwaana gwa nkaina, abakama baago nibabakoba bati mukusandabula gwa ki omwaana gwa nkaina ogwo? ³⁴Nibakoba bati Omukama waiswe niye akugwendya. ³⁵Nibaguleeta ewa Yesu: nibaliira engoye zaabwe oku mwaana gwa nkaina nibatamburyaku oYesu. ³⁶Ale yaali nka akwaaba, nibaliira engoye zaabwe omu nzira.³⁷Ale niyaali nka alampi okwiika omu ansi wa lusozi lwa Zeituuni, ekibbuura kyoona kyoona ekya beegereswa ni batandika okusemeera, n’okwangiriza oKanca neiraka erikooto olwa bya magero bi baboine; ³⁸nka bakukoba bati Aweweibwe omukisa Omukama azira omwibara lya Kanca: emirembe omwigguru, ne kitinsya aiguru omuno.³⁹Abafalisaayo abamwei aba mu kibbuura nibamukoba bati Omwegesya koma oku beegereswa baamu. ⁴⁰oYesu Nairamu nabakoba ati nkubakoba nibaasirika, amabbaale gaiza kusimoora aigguru.⁴¹Ale oYesu niyasembere ampi nabona, ekibuga nakikungira, ⁴²nka akukoba ati siinga omaite oku lunnaku lunu, we, ebigambo ebya mirembe! Baitu ati bikwekeibwe amaiso gaamu.⁴³Olwakubba ennaku zirikwizira, abananzugu baamu, lwe balikombokaku olukomera, balikwerugurya, balikuzingiza ensonda zoona zoona. ⁴⁴Balikunaga ansi, n’abaana baamu abali omunda yaamu; baitu tibalikulekamu ibbaale eriri okuruguru okwibbaale; olwakubba tiwamaite biro byakucaarwa.⁴⁵oYesu Nangira Omwiramyo, niyekeera okupekamu abaali bakutunda ⁴⁶Lukka nka akubakoba ati kyawandikiibwe kiti erate ennyumba yange yabbanga nnyumba yakuramiryamu: baitu nywe mujifiire mpuku yabanyagi?⁴⁷Ale oYesu nayegesyanga omwiramyo buli lunnaku. Baitu abakabona abakulu, nabawandiiki, na bakulu ba bantu nibasala amagezi okumuzkiirya: ⁴⁸nibatabone ki baakola, olwakubba abantu boona boona bamutaireku muno omwooyo nka bakumuwuliirya.

¹Ale olwaikire oku lunnaku olumwei okweezo, oYesu yaali nka akwegasya abantu Omwiramyo, nka akukoba enjiri, abakabona abakulu, n’abawandiiki amwei n’abakaire ni bamwiizira; ²nibabaza nka bakukoba bati tukobere; buyiinza ki obukukolesya binu? erate naani eyakuwaire obuyiinza obwo?³Nairamu n’abakoba ati njeena kambabuulye ekigambo kimwei; munkobere: ⁴okubatiza kwa Yokaana kwazwiire mwigguru, obate mu bantu?⁵Nibateesa bonkai n’abonkai nka bakukoba bati nitwakoba nka nti kwazwiire mwigguru; yakoba ati kiki ekyabagaine okumwikiriza? ⁶Baitu, nitwakoba tuti kwazwiire mu bantu; abantu boona baatukubba amabbaale: olwakubba baikiriza kimwei oYokaana okubba omuranji.⁷Nibairamu bati tibamaite ji kwazwiire. ⁸OYesu nabakoba ati njeena tinabakobere nywe obuyiinza obunkolesya binu jibwazwiire.⁹Niyekeera okukobera abantu olugeero lunu nti omuntu omwei yasimbire olusuku lwa Mizabbibu, nalulekera abalumi, nayaba omu nsi ejindi n’alwaayo. ¹⁰Ale omu biro bya mwaaka eby’akukungula abalumi nabatumira omwiiru, bamuweerye oku bibala eby’amulusuku lw’amizabbibu: baitu abalumi nibamukubba, ni bamusindika nka taalina kintu.¹¹Nayongera okutuma omwiiru owondi; n’oyo nibamukubba, nibamuswaaza, nibamusindika nka taalina kintu. ¹²Nayongera natuma owa kasatu: n’oyo yeena nibamusumuta, nibamugoba.¹³Oyo omukama wa lusuku lw’amizabbibu nakoba ati nakola ntyai? Ka ntume omwaana wange gwenyedya omuno: obate oyo bali muwa ekitinisya. ¹⁴Baitu, abalumi ni bamubwoine, ni bateesa bonkai n’abonkai, nka bakukoba bati Onu niye musika: tumwitte, obusika bubbe bwaiswe.¹⁵Ni bamupeka omu lusuku lw’amizabbibu, nibamwitta. Ale olibakola atyai omukama wa lusuku lw’amizabbibu? ¹⁶Aliiza nazikiirya abalumi abo, n’olusuku lw’amizabbibu aliluweerya abandi. Ni bawuliire ebyo, nibakoba bati bireke kubbaawo.¹⁷Baitu oYesu nabaloleera nakoba ati ale kiki kinu ekyawandikiibwe kiti Eibbable abomboki libagaine, eryo niryo eryafookere omutwe gwa ku nsonda. ¹⁸Buli aggwa okwibbbale eryo, aliwendekawendeka; baitu oyo gwerigwaaku, lirimufoola nka ocucu.¹⁹Ale abawandiiki n’abakabona abakulu ni basala amagezi oku mukwaata obwiire obwo, ni batiina abantu; olwakubba betejere nka okubo nikwo agereire olugeero olwo. ²⁰Nibamubonenkeerya, ni batuma abakumukeita nka befoire abaikiriri, basinziire oku bigambo bysamwei, basobole okumuwaayo edi okufuga kwa waisaza nedi obuyiinza bwaamwe.²¹Ni bamubuulya, nka bakukoba bati Omwegesya, tumaite nka osimoola erate nk’oyegesya mananu, erate tososola mu bantu, baitu oyegesya mananu enzira ya Kanca: ²²Kisai iswei okuwanga oKaisaali omusolo, obate tinimwo?²³Baitu oYesu niyeteja obukumpania bwaabwe, nabakoba ati mundange eddinaali. ²⁴ekiisani ekiruku n’obuwandiike bwa naani? bo nibakoba bati bya Kaisaali.²⁵oYesu nabakoba ati ale ebya Kaisaali mu musasulenge oKaisaali, n’ebya Kanca mu musasulenge oKanca. ²⁶Nibatasobole kutoola nsonga mu kigambo ekyo omu maiso ga bantu, ni nibewuunya kyairemu, nibasirika.²⁷Abasaddukaayo abamwe nibaiza jaali, abakoba nti ndoowo kuzukira; nibamubuulya, ²⁸nka bakukoba bati Omwegesya, oMusa yatuwandikiire nti omuganda wa muntu naffa nka aliina omukali, nka taalina mwaana, omugade awase omukali oyo airiryeewo omugande eibyaire.²⁹Ale waalowo ab’aluganda musanjju, eyekereire nawasa omukali, naffa nka tabyaire mwaana; ³⁰n,owakabiri; ³¹n’owakasatu n’amuwasa; erate batyo baddi omusanjju ni baffa, ni batalekewo baana. ³²Ekyaiririire n'omukali naffa. ³³Ale omu kuyimbooka alibba mukali wa naani okwaabo? Olwakubba, boona boona omusanjju bamubandwire.³⁴OYesu nabakoba ati abaana ba nsi enu babandula, bafumbirwa. ³⁵Baitu, badi abaikiriziibwe okwiika omu nsi eyo n’omukuyimbooka kwamu baffu, tibabandula, erate tibasumbirwa. ³⁶Olwakubba n’okuffa, tibayiinza kuffa tte: Olwakubba bali nka abantumwa; erate nibo baana ba Kanca, nka nibali abaana ba kuyimbooka.³⁷Okumanya nka abaffu baliyimbooka, n’oMusa yakirangire oku kisaka niyamwetere Omukama oKanca wa Ibulaimu,erate oKanca wa Isaaka,erate oKanca wa oYakobo. ³⁸Baitu, ye ti Kanca wa baffu, baitu wa bwoomi: olwakubba boona boona babba bwoomi ku bwaamwe.³⁹Abawandiiki abamwe nibairamu, nka bakukoba bati mwegesya osimoire kusai . ⁴⁰Olwakubba tibayiinzire ku mubuulya kigambo kyoona kyoona tte.⁴¹oYesu Nabakoba ati babaza batyai nti oKristo niye mwaana wa Daudi? ⁴²Olwakubba oDaudi omwenyenere abaza omu kitabo kya Zabbuli nti Omukama yakobere Omukama wange ati ikala oku mukono gwange oguryo, ⁴³okwica nindifoola abananzugu baamu entebe ya magulu gaamu. ⁴⁴Odaudi amweeta Mukama waamwe, ale mwaana waamwe atyai?⁴⁵Ale abantu boona boona nibabbaire nka bakumuwuliirya, nakoba abeegesya baamwe ati ⁴⁶mwekumenge abawandiiki abendya okutamburanga omu Lukka ngoye ezirai, abendya okulamucibwanga omu butale, n’entebe za mu maiso omu makunbbaniro, n’ebifo ebya kitinisya oku mbaga. ⁴⁷Abanyaga amayumba ga banamwandu, abasaba omuno omu bukuyikuyi: abo balisaarwa omusango ogusiingayo obukooto.

¹oYesu naimuca amaiso, nabona abaguuda abaali bakunaga ebirabo byaabwe omu kideero. ²Nabona onamwandu omwei omooro nka akunaga omwo ebicweka ebya ipeesa bibiri. ³Nakoba ati amazuma nkubakoba nti onamwandu onu omooro anagiremu biinji okusiinga boona boona: ⁴olwakubba abo boona boona banagiremu oku bisigairewo omu birabo: Baitu oyo omu kutaka kwaamwe anagiremu byoona byoona byaaliinabyo, nibwo obwoomi bwaamwe boona boona.⁵Erate abamwei, nibaali bakusimoola okw’Iramyo niryayonjeibwe namabbaale agasai ne byaweweibweyo, nakoba ati ⁶Binu bimukubona, ennaku zikwakwiiza ni watalirekebwa eibbaale eriri okwibbaale eritalinagibwa.⁷ni bamubulya nga akubakoba nti omwegesha ale ebyyo bikwaba kubawo ddi okumanyisha ki akalibawo ne byo ni byalibanga bikwaba kubawo ⁸oYesu nakoba ati mulolere muleke kukyamizzibwa kubanga baingi abalizza omwibara lyange nga bakusimola nti nye ndinani ati obwirre bulampi okwika mutabasengeryanga ⁹era nibamuwuranga etallo ne bikankana mutatinanga lwakuba ebyo kibigwanire okwera okwizza naye enkomero terika mangu ago¹¹walbawo ne bikankana ebikoto omubifo ebindi enzala kawumpuli birirbawo walibawo ne ntinisa nobubonero obukoto bukuzwa omwiguru ¹⁰nabakoba ati eiwanga likulumba eiwanga no bukama buli lumba obukama¹²nebyo byonabyonanga bikyali kubawo balitaku emikono balibayiganya nga bakubawayo mumaramyogamunkonyo nga bakubatwala owabakama nabamasazaolwebara lyange ¹³kiribba mujulirwa nywe jemuli.¹⁴ale mukite omumyoyo gyanywe obuteikeeranga kulowoza byemuliramu. ¹⁵olwakuba nje ndibawerya akanwa namagezi abalabe banywe bonabona nibatalinza kutakanabyo niwakubaire okukigabana¹⁶naye ni muliwebayo akaire banywe nabaluganda nabaminywani okunye balibatisha ¹⁷nanwye mulikyayibwa olwabaira lyange ¹⁸noluseke olwakumitwe janye tululibula nakadoli ¹⁹omukugulumizza kwanywe mulifuna obwomi bwanywe²⁰ni muliba eyerusalemi nga kyerurugulirye ejje mulyoka ni mutegera nti okuzikira kwakyo kulampi kwika ²¹mubiiro ebyo abanga omubuyudaya bairukiranga munsozi nabanga akati omukyo bakiwulukangamu nabanga omubyalo tibakingirangamu . ²²olwakuba ezzo nizzo naku zakuwalana wewanga ebyawandikibwe byonna bisobole okwikira²³Zibasnga abaqliba nenda nabakwonya omunaku ezzo lwakuba waliba okubana enaku ejjingi okunsi nobusungu ewri abantu abo ²⁴balitwala no bwogi bwakitala banyigibwa okutwalibwa omuwanga gona ne yerusalemikirirnirwa abamawnga okwicca ebbiro byanamawanga lwe birikirira²⁵era walibawo no bubonero kuwisana nokukwezi no kumnyenyezi no kunsi awanga galinakuwala ngan abasamaliya olwokuwuguma kwanyanja namayengo ²⁶abantu nga bakuzika olwentisa olwekulolera ebyo ebikwza okunsi kubanga amani gakunsi galikakanizibwa²⁷nibabona omwana wamunsi nga akwizira omukire namani nekitibwa ekikoto ²⁸naye ebigambo ebyo nibanulanga okubawo muleranga iguru mwimukyanga emitwe janye lwakuba okunulibwa kwanye kulampi okwika²⁹oYesu nabakoba eramyo nti mubone omutinim ne missale jonajona ³⁰kale nijotojera mutegere nywe nka nti okukngul; ³¹a kulampi era nanywe mutyo ni mwabonanga ebyo nga bikubawo mumanye nti obukamam bwa kancca bulampi³²mazzima nkubakoberanti emirembe zinzi tiziwawo nakadoli okwicca ebyo byona byona nibiribawo ³³eiguru ne nsi biriwawo naye ebigambo byange tibirieawo nakadoli³⁴naye mwekume nge emyoyo janye jitazitoweranga olwamilulu nokutamiranga no kweralikiranga abyabwomi biini era olunaku luddi luleke okubaikaku nka ekyambika ³⁵lwakuba nimwo lutyo ni lwika okubonabona abali okunsi³⁶naye mulolerenge omubiro byona musabenge musobole okubiruka ebyo ebikwaba okubawo no kwemera omumaiso gamwana wamuntu³⁷awo buli lunaku yayegeshanga omuyekalu nibwaswekanga nawuluka nasula okulusozi olwetebwa zaitunib ³⁸abantu bina bakeranga emambya okwaba jali omuyekalu

¹Ale embaga eya migaati egitatumbisiswa eyetebwa okwakalaku yaali nka erampi okwiika. ²oYesu abakabona abakulu ni basala amagezi nibaamwitta, olwakubba baali bakutiina abantu.³Ale oSitani nangira omu oYuda ayetebwa oIsukalyoti eyaali okuwendo gwaabo eikumi nababiri. ⁴oYuda nayaba nateesa na Bakabona abakulu na baami abarusura nka niyamuwaayo oYesu jibali.⁵nibasemeerwa nibaikaanya okumuweerya empiiya ⁶Naikiriza naswaaga eibbanga liyamuwerayo jibali awataali kibbuura.⁷Ale ekiro ekya migaati egitatumbisiswa ni lwiika, olusaniire okusaarwaaku okwakalaku. ⁸Natuma oPeetero no'Yokaana nabakoba ati mwabe mututegekere okwakalaku tukulye. ⁹Nibamukoba bati okwendya tukutegekere ayi?¹⁰Nabakoba ati bona, nimwabba mwingiire omu kibuga, mwayaja omuntu ayatangarana nanywe eyetiikire ensuwa ya maizzi mumusengeerye omu nnyumba mweyangira. ¹¹Mwakoba omukama wa nnyumba muti omwegesya akukobere ati ennyumba yabagenyi erai, mwe¹²Erate, Oyo yabalanga ennyumba ejikooto eya waigguru etimbiibwe: mutegekere omwo. ¹³Nibaaba, nibabona nka nakobero: ni bategeka okwakalaku.¹⁴Ale ekiseera nikyaikire, naikala oku mmere nabakwenda amwei naye. ¹⁵Nabakoba ati negombere muno okuliira amwei okwakalaku kunu nka nkyaali kuwalalibwa. ¹⁶Olwakubba nkubako nti tindikulya nakadooli okwiica lwekulikirira omu Bukama bwa Kanca.¹⁷oYesu nakwaata ekikompe, niyebalya nakoba ati mutoole kinu mugabane nywekai nanywekai. ¹⁸Olwakubba nkubakoba nti tindinywa okwekeera ati oku bibala bya muzabibu okwiica Obukama bwa Kanca nibuliiza.¹⁹nakwaata omugaati niyebalya, naguwendawendamu, nabakoba ati gunu nigwo mubiri gwange ogukuwebwaayo oku lwanywe: mukolenge mutyo okunyizukiranga njje. ²⁰Erate, ne kikompe atyo nibamaare okulya, nk’akukoba ati ekikompe kinu niyo ndagaano ejiyaaka omu isagama lyaange, erikususuka oku lwanywe.²¹Baitu, bona, omukono gooyo akundyamu olukwe guli amwei nanje oku meeza. ²²Olwakubba, omwaana wa muntu okwaaba akwaaba nka nikyalagiirwe: Baitu, zimwajirye omuntu oyo akumulyaamu olukwe! ²³Nibatandika okwebulyangana bonkai na bonkai bati yabba naani okwiswe akwaaba okukola ekyo?²⁴Niwabbaawo n’empaka omu bo, nti naani omu bo alowoozebwa okubba omukulu. ²⁵Nabakoba ati abakama bammanga babafuga; naabo abaliina obuyinza oku bo beetebwa abakola okusai.²⁶Baitu nywe timutyo; Baitu omukulu omu nywe abbe nk’omunto; nooyo akulembera abbe nka muweereza. ²⁷Olwakubba omukulu naani, aikala oku mmere, obate aweereza? Tiniyooyo aikala oku mmere? Baitu nje akati omu nywe ndi nka aweereza.²⁸Baitu, nywe abemereire amwei nanje omu koyerwa kwange; ²⁹nanje mbabikiire Obukama, nka Oitaange niyambikiire nje. ³⁰Leke mulye, erate munywe oku meeza yaange Omubukama bwange,erate muliikala oku ntebe eza kitinisya,nka mukusaara emisaango ebika eikumi nebibiri eby’Abaisiraeri.³¹Simooni, Simooni,bona oSitaani yegayiriire okubawewa nywe nk’engaano: ³²baitu nje nkusabiire, okwikiriza kwaamu kuleke kukendeera: naawe nomalanga okucuuka,, oggumyanga abaganda baamu.³³Namukoba ati Mukama wange netekeretekere okwaaba naawe no munkomyo nomu kufa. ³⁴oYesu nakoba ati nkukukobera we Peetero, onkoko leero tiyakooke nka tonegaine emirundi isatu nti tomaite.³⁵Ale oYesu nabakoba ati ninabatumire nka timuliina bikapu, gonze olukobba, gonze enkaitto mwabbaireku kimutaalina? nibakoba bati bbe. ³⁶Nabakoba ati baitu, atubunu, aliina ekikapu, akitwaale, no walukobba atyo: baitu ataalina mpirima, atunde olugoye lwaamwe ajigule.³⁷Olwakubba, nkubakoba nti kinu ekyawandikiibwe kitekeibwe okwikiira oku nje nti yabaliirwe amwei nababbi: olwakubba ekinsaniire kiteekwa okwikiira. ³⁸Nibakoba bati Mukama waiswe, bona, empiri ibiri nzini, nakoba ati zaamala.³⁹oYesu Nawuluka nayaba oku lusozi olwa Zeyituuni nk’empisa yaamwe ni yaali nabeegereswa baamwe ni bamusengeerya. ⁴⁰Ale niyaikire omu kifo awo, nabakoba ati musabe muleke kwingira Lukka mukoyerwa.⁴¹Ye nabawukanaku eibbanga nka wakasukibwa eibbaale nafukamira nasaba, ⁴²nka akukoba ati Itaang, noyendya ntolaku ekikompe kinu, baitu tinka nje ninkwendya, baitu we kyokwendya kikolebwe.⁴³Ontumwa namubonekera nka akuzwa omwigguru nka akumutaamu amaani ⁴⁴Nafuba nka akulumwa, niyeyongera okusaba omuno:entuuyo zaamwe niziisana amatondo gaisagama nka gakutonya ansi.⁴⁵Niyaimukire omu kusaba naiza eddi abeegereswa baamwe nabaaja nka babbasirye olwa bujune. ⁴⁶nakoba ati ekibabbasisirye kiki? mwimuke musabe muleke kwingira mukoyerwa.⁴⁷Yali nka akyasimoola, bona, ekibbuura, no Yuda omwei okwikumi nababiri nka abakulembbeire nasembera oYesu oku muwa omukifubba. ⁴⁸Baitu oYesu namukoba ati omwaana wa muntu okumulyaamu olukwe nka okumugwa omukifubba?⁴⁹Naabo beyaali nabo, nibaboine nibaboine ekikwaaba okubbaawo nibakoba bati Mukama waiswe tuteme nempirima. ⁵⁰N’omwei okwaabo natema omwiiru wa kabona asiinga obukulu namusalaku okutwi kwaamwe okwa guryo. ⁵¹Baitu oYesu nairamu nakoba ati koma kwekyo kyonkai. Nakwata okutwi kwaamwe namutamba.⁵²OYesu nakoba abakabona abakulu na baami bamw’Iramyo, nabakaire abamwiziire ati munyiziire nka omunyagi, nempirima ne miigo? ⁵³Ninabbanga nanywe buliizo omw’Iramyo timwangololeireku mikono jaanywe: baitu kinu nikyo kiseera kyanywe, n’obuyinza bwakirikiirya.⁵⁴nibamukwaata nibamutwaala nibamwingirya omu nnyumba ya kabona asiinga obukulu. Baitu oPeetero nasengeerya nka akuzwa alai. ⁵⁵Ale nibaali bamaare okuwemba omuuro akati omulubuga, nka baikaire amwei, oPeetero naikala akati omu bo.⁵⁶Ale omwaala omwei niyamuboine nka aikaire awakubonia, namwetegereza, nakoba ati oyo yeena yabbaire naye. ⁵⁷Ni yegaana nka akukoba ati omukali, timumaite. ⁵⁸ekiseera nikyayakairewo, owondi ni namubona nakoba ati weena oli omwei oku bo. Baitu oPeetero nakoba ati omuntu, Tininje.⁵⁹Waali wakairewo ekiseera, essawa nka emwei, owondi namwetegereza, nakoba ati mazuma nooni yabbaire naye, olwakubba mu Ggaliraaya. ⁶⁰Baitu oPeetero nakoba ati omuntu, timaite kyokusimoola. Ale amaangu ago, niyaali akyasimoola onkoko nakooka.⁶¹Ale Omukama waiswe, nacuuka naloleera oPeetero, oPeetero naizukira ekigambo kya Mukama waiswe niyamukobere nti olwa leero onkoko yaabba akyaali kukooka wanegaana emirundi isatu. ⁶²Nawuluka enzai nakunga muno Amaliga.⁶³Na bantu abaali bakwaite oYesu ni bamuduura nka bakumukubba. ⁶⁴Nibamusweeka omu maiso, ni bamubuulya, nka bakumukoba bati lagula, naani akukubbire? ⁶⁵Ne bindi biinji nibabimusimoolaku oYesu nka bakumuzuma.⁶⁶Ale obwiire nibwakeire, abakaire ba bantu ni bakunbbaana, abakabona abakulu, erate nabawandiiki, niba mutwaala omu lukiiko lwaabwe, ni bamukoba bati, ⁶⁷Obate nka niiwe Kristo, tukobere. Yeena nabakoba ati nebwenabakobera, timwaikirize nakadooli. ⁶⁸Ne bwe nababuulya, timwairemu Lukka nakadoli.⁶⁹Baitu, okwekeera ati omwaana wa muntu akwaaba okwiikala oku mukono oguryo ogwa maani ga Kanca. ⁷⁰boona boona nibamukoba bati ale we, oli mwaana wa OKanca?oYesu nabakoba ati nka ni musimoire ninje onu. ⁷¹Ni bakoba bati tukwenderyaki abajuurwa? Olwakuba, iswe twewuliriire okuzwa omu kanwa kaamwe ye.