¹Ny Bokin'ny razan'i Jesosy Kristy zanak'i Davida zanak'i Abrahama. ²Abarahama no baban'Isaka, ary Isaka no baban'i Jakoba, ary Jakoba no baban'i Joda sy ireo rahalahigny. ³Joda no baban'i Fareza sy Zara avy tamin'i Tamara, Fareza no baban'i Herizona, ary Herizona no baban'i Roma.⁴Roma no baban'i Aminadaba, ary Aminadaba no baban'i Nasona, ary Nasona no baban'i Salomona. Salomona no baban'i Boaza tamin'i ⁵Rahaba, Boaza no baban'i Obeda tamin'i Rota, Obeda no baban'i Jese. ⁶Ary Jese no baban'i Davida mpanjaka, Davida no baban'i Solomona tamin'ny alan'ny vadin'i Oria.⁷Solomona no baban'i Rehoboama, Rehoboama no baban'i Abia, abia no baban'i Asa. ⁸Asa no baban'i Jaosafata, ary Joasafata no baban'i Jorama, ary Jorama no baban'i Ozia.⁹Ozia no baban'i Jotama, Jotama no baban'i Ahaza, Ahaza no baban'i Hezekia. Hezekia no baban'i Manase, ¹⁰Manase no baban'i Amona, ary Amona baban'i Josia. ¹¹Josia no razan'i Jekonia sy iré rahalahiny tamin'ny fotonan'ny nanoroavana ho any Babilona.¹²Tafaran'ny fanoroavana ho any Babilona, dia Jekonia no baban'i Sealtiela, ary Sealitiela no razan'i Zerobabela. ¹³Zerobabela no baban'i Abihida, Abihoda no baban'i Eliakima, ary Eliakima baban'i Azora. ¹⁴Azora no baban'i Zadoka, Zadoka no baban'i Akima, ary Akima no baban'i Elioda.¹⁵Elihoda no baban'i Eliazara, Eliazara no baban'i Matana, ary Matana no baban'i Jakoka. ¹⁶Jakoka no baban'i Josefa izay vadin'i Maria, ilay niteraka any Jesosy, izay nantsoigny hoe Kristy. ¹⁷Ny taranaka jiaby manômboko ami'ny Abrahama ké hatragny amin'ny Davida de taranaka efatra ambn'ny fôlo, manômboko amin'ny Davida ké hatragny amin'ny fanoroavana ho agny Babilona de taranaka efatra ambin'ny fôlo, ary manômboko amin'ny fanoroavana ho agny Babilona ké hatragny amin'i Kristy de taranaka efatra ambiny fôlo.¹⁸Kara zao no nisehoan'ny fahaterahan'i Jesosy Kristy. Ny mamany, de efa natokana hagnambady an'i Josefa, kanefa talohan'ny niarahahan-jaré ré, de hita fô nitoe-jaza izy avy tamin'ny Fanahy Masigny. ¹⁹Josefa, vadiny, de lalahy marigna, no sady tsy ta-hagnalabaraka agnanjy amason'ôlomaro. ké nanapakevitry izy ny hamaragna mangingigna ny fifagnikiagna taminanjy.²⁰Ary kô izy mbôla nieritreritry mikasika iré raha ré igny, de niboaka taminanjy tamin'ny nofy ny anjelin'ny Tompo, magnano hoe: ''Josefa, zanaka lahin'i Davida, aza matahotro ny hialaka an'i Maria ho vadinô, satria ilay araiky izay notorotorognina akô agnatiny de ny Fagnahy Masigny no nametraka ananjy. ²¹hiteraka zaza lalahy izy, kéanà hagnatso ny agnarany hoe Jesosy, fô izy no hamonjy ny ôlony hiala amin'ny fahotagnan-jaré ré.''²²Izégny jiaby izégny de niseho mbô hahatanteraka izay nikoragnin'ny tompo tamin'ny alalan'ilay mpaminagny, magnano hoe: ²³"Indro ny virjiny hitoe-jaza ké hiteraka zazalalahy, ary zaré ré hagnantso ny agnarany hoe Imanoela''_zay midika hoe: "Amintsika Andriamanitra."²⁴Nifoha tamin'ny tôromasony Josefa ke nagnano arak'izay nandidian'ny anjelin'ny Tompo ananjy ké nalaka ananjy ho vadiny. ²⁵Kanefa tsy niaraka taminy izy mandra-piterahany zazalahy. ké nantsovigny hoe Jesosy ny anarany.

¹Tafaran'ny nahaterahan'i Jesosy takô Betleheman'i Jodia tamin'ny andron'i Heroda mpanjake, de tônga takô Jerosalema iré lalahy manam-pahalalagna avy agny antsignianagna novôlagna hoe: ²"Akéza Izy zay teraka ho mpanjakan'ny Jiosy? Nahita ny kintagna avy agny antsignianagna zahay ké tônga Mbô hidera ananjy." ³Kôfa naharagny izégny i Heroda mpanjaka, de nangorohoro izy, sy i Jerosalema jiabijiaby niaraka taminanjy.⁴Nindôsin'i Heroda niaraka ny lohan'ny mpisorogna jiaby sy ny mpanora-dalagnan'ny ôlogno, ké nagnontany ananjy iré izy hoe: "akéza no hahaterahan'i Kristy? ⁵"Nivôlagna taminanjy iré izy hoe: "Akô Betleheman'i Jodia, fô izao no voasoratry ny mpaminagny hoe:" ⁶Fô anô, Betlehema, agny amin'ny tanin'ny Joda, de tsy farany hely amin'iré mpitondran'i Joda, fô avy aminô no hatongavan'ny mpanapaka zay hiambigny ny oloko Israely."⁷Ké nagnantso mangingigna iré lalahy manan-pahalalagna i Heroda mbô hagnontany ananjy iré mazava tsara ny fotoagna nipoiran'ilay kintagna. ⁸Nalefany tagny Betlehema zaré ré, managno hoe: "Mandehana ké fotôro tsara ny amin'ilay zaza kôfa hitanaré izy, de ampilazà zaho, mbô afahako mandeha agny andreky koa ké hidera ananjy."⁹Tafaran'ny narignesan-jaré ré ny mpanjaka, de nandeha tamin'ny lalagnany zaré ré, ké ny kintagna zay hitan-jaré ré tegny antsignianagna no nialôha ananjy iré mandra-pidokoany také ambonin'ny toerana nisy lay zaza. ¹⁰Kôfa nahita ny kintana zaré ré, de niravo tamim-pifaliam-be.¹¹Niditra tao amin'ilay trano izy ireo ary nahita ny zaza niaraka tamin'i Maria reniny. Niankohoka sy nidera azy izy ireo. Nanokatra ny fitoeran-kareny izy ireo ary nanolotra fanomezana volamena, dintin-kazo manitra, ary miora ho azy. ¹²Nampitandrina azy ireo tamin'ny nofy Andriamanitra mba tsy hiverina any amin'i Heroda, ka lalana hafa no nandehanan'izy ireo namonjy ny fireneny avy.¹³Kôfa dila zaré ré, de nisy anjelin'ny Tompo niboaka tamin'i Josefa tamin'ny alan'ny nofy ké nivôlagna hoe: ''Miankoha, indôsy ny zaza mbôn'ny mamany, ké milifasa agny Egypta. Midokoà agny mandra-pivolanako aminà, fô i Heroda de mitady lé zaza mbô hamonoana ananjy.'' ¹⁴Ny alin'iny Josefa de nifôha ké nitondra ny zaza mbôndreniny ké nakagny Egypta. Nidôko tagny izy mandra-pahafatesan'i Heroda. ¹⁵Izégny de nanantateraka zay nivolagnin'ny Tompo tamin'ny alalan'ny mpaminany hoe: ''Nantsôviky niala tagny Egypta ny zanako.''¹⁶Avy také Heroda, kôfa nahita fô voafitak'iré lalahy manam-pahalalagna, de fingitra mafy. Nagnasa sy nampamono ny zaza lalahy jiaby roa taogno no mirorogno zay takô Betlehema sy takô amin'ny faritra jiaby igny izy, karahà ny fotoagna zay nofotorany mazava tamin'iré lalahy manam-pahalalagna.¹⁷Avy aké de tanteraka ny teny zay nivolagnina tamin'ny alalan'i Jeremia mpaminany hoe: ¹⁸"Nisy feo regny takô Roma, fitomagniagna sy fisaonam-be, mitomagny nohon'ny amin'ny zanany i Rahely, ké tsy nagneky ny ho ampanginigna izy, satrià efa lasana zaré ré.''¹⁹Kôfa naty i Heroda, indre, nisy anjelin'ny Tompo niseho tamin'i Josefa tagny Egypta tamin'ny nofy ké nivôlagna hoe: ²⁰''Mifohàza ké indôsy ny zaza mbôn'ny mamany ké mandihàna agny ami'ny tanin'Israely, fô efa naty iré zay nifofo ny aignin'ny zaza.'' ²¹Nifôha Josefa, nindôsiny ny zaza mbôn'ny mamany, ké nandeha tamin'ny tanin'Israely.²²Fô kôfa régny fô i Arkelaosy no nanjaka tagny Jodia nandimby an'i Heroda babany, de natahotro ny ho agny izy. tafaran'ny nampitandreman'Andriamanitra ananjy tamin'ny nofy, ké niala nakagny amin'ny faritr'i Galilia izy ²³ary nandeha ké nipetraka takô amin'ny tanagna antsovigna hoe Nazareta. izégny de hahatanteraka zay voàlaza tamin'ny alalan'iré mpaminagny hoe: ''Nazaregna no hagnatsôvagna ananjy.''

¹Tamin'izégny andro izegny de nandeha nitory tagny agn'efitr'i Jodia i Jaona mpagnano Batisa magnano hoe: ²''Mibebaha, fô efa mariny ny fanjakan'ny lagnitry." ³Fo izy no lay nivolagnin'Isaia mpaminagny, magnano hoe: "Misy feho araiky magnatso mafy agny agn'efitry hoe: "Amboaro ny lalan'ny Tompo, ahitsy ny lalany."'⁴Ary Jaona nagnato volon-drameva sy nagnatô fehin-kibo hôditry tamin'ny andilagnany. Kojeja sy tintily remby no nataony fioanigny. ⁵Ary Jerosalema, Jodia jiaby, sy ny faritry jiaby magnodidigny ny reniranon'i Jordana de nagnatona ananjy. ⁶Nataony batisa tagny amin'ny reniranon'i Jordana izy iré, kôfa nihaiky ny fahotagnany.⁷Fô kôfa nahita iré Fariseo sy Sadoseo maro nagnatogno ananjy mbô ho atô batisa izy, de aozy tamin-jaré ré hoe: "Ry taranaka menaragna feno poizigny, izôvy no nampitandrigna anaré hilefa ny fahavigniragna zay ho avy? ⁸Mamoaza voa mendriky ny fibebahagna. ⁹Ké aza misaigny ny hivôlagna agneritreritra hoe: 'Managna an'i Abrahama ho babanay zahay.' Fô ivolagniky aminaré fô Andriamanitra de mahavita manangagna zanaka ho an'i Abrahama na de avy amin'ireto vato reto aza.¹⁰Ary efa napétraka aké ampoton'ny kakazo ny famaky. Ké iré kakazo jiaby zay tsy mamoà voa tsara de ho tapahina ké atsipy agny agnaty afo. ¹¹Magnano batisa anaré amin'ny rano ho amin'ny fibebahagna zaho. Fô mahery noho zaho izy zay tônga afarako, ary zaho dé tsy tokony aby na de ny hitôndra ny kapany aza. Agnano batisa anaré amin'ny Fagnahy Masigny sy ny afo izy. ¹²Efa egny antagnany ny fikororohany mbô hagnadiovagna ny milôlo ké hagnangonagna ny variny agny an-tohitry. Fô izy de hagnoro iréo angafony amin'ny afo zay tsy mety maty.¹³Avy také Jesosy avy tagny Galilia ké tonga také amin'ny reniranon' i Jordana mbô ho ataon'i Jaona batisa. ¹⁴Kanèfa i Jaona de niezaka nanakagna ananjy, magnano hoe: "Zaho no mila atônà batisa, nefa anà ndraky vô no magnatogno anahy? ¹⁵Jesosy namaly sady nivôlagna taminanjy hoe: "Ekeo izégny avahizo, fô zao no mety amintsika hahatanteraka ny fahamarinagna jiaby." Avy také Jaona nagneky ananjy .¹⁶Kôfa vita batisa Izy, de nivoaka ny rano avy atragny Jesosy, ary indré, nisokatra taminanjy ny lagnitry. Hitany ny Fagnahin'Andriamanitra nirôrogno karaha pizigny sady nandeha tam-bôniny. ¹⁷Ary indré, nisy feo avy agny andagnitry nagnano hoe: "Itô no zanako malalako. Zay tegna sitrako."

¹Avaké Jesosy nindôsisn'ny Fagnahy ho agny agnefitra mbô halain'ny devoly fagnahy. ²Kôfa avy nifady hanigna efapôlo andro sy efapôlo aligna izy de tihinagna. ³Nagnatogna ny mpaka fagnahy ké nivôlagna taminanjy hoe: "Kô Zanak'Andriamanitra anô, de volagno iré vato iré mbô ho tônga môfo. ⁴Fô namaly Jesosy ké nivôlagna taminanjy hoe: "Voasôratra hoe: 'Tsy môfo foagna hivilôman'olo fô ny koragna jiaby avoakan'ny vavan'Andriamanitra.'''⁵Avaké ny devoly nitôndra ananjy tagny amin'ny tanàgna masigna ké nametraka ananjy také amin'ny faratampon'ny tempoly, ⁶ké nivôlagna taminanjy hoe: "Kôa Zanak'Andriamanitra anà, de mivariagna ambany akagny, fô voasôratra hoe: 'Izy hagnasa iré anjeliny hitagna anà sy hanandratra Anà aké amin'ny tagnanjaré, ké tsy ho vatsitôhigna amin'ny vato tongotranà."'⁷Jesosy nivôlagna taminanjy hoe: "Dia mbôla voasoratra koa hoe: "Tsy tôkony hizafagnafy ny Tompo Andriamanitranà anà."' ⁸Nindôsiny devoly agny amin'ny tany ambo koa Izy ary natorony ananjy ny fanjakagna jiaby ambôn'ny tany sy ny hatsaran'ire. ⁹Ahozy taminanjy hoe: "Amiako anà rà jiaby iré, izy koa miankôhoko ake alôhako sy midèra anahy ana."¹⁰Avy take Jesosy nivôlagna taminanjy hoe: "Mialà ake ana, Satana! Fô èfa voasôratra hoe: 'Ana de hidèra ny Tompo Andriamanitrana, ary izy raiky foagna no ho tompôna."' ¹¹Avake niala Ananjy ny devoly, ary egy, nisy anjely tônga ké nanômpo Ananjy.¹²Kôfa regnin'i Jesosy fô voasambotro Jaona, dia nierigna akagny Galilia izy. ¹³Niala an'i Nazareta izy kè nandèha ary nipètraka tako Kapernaomy, zay amôron-dranomasigny Galilia, akè amifairan-tanin'i Zebolona ndraiky Naftaly.¹⁴Zaigny no nitranga mbô hahatantairaka zay nivolagnin'Isaia mpaminagny hoe: ¹⁵"Ny tanin'i Zebolona sy ny tanin'i Naftaly, mandéha amin'ny ranomasigna, agny an-dafin'i Jordana, Galilia an'ire Jentilisa! ¹⁶Ire ôlogno nipètraka tamin'ny maizigna kè nahita fahazavagna maventy, fô ire zègny nipétraka tamin'ny faritra sy ny lindogna ny fahafatèsagna, de také amin'jaré ré no nivoahan'ny fahazavagna."¹⁷Kay tamin'jagny fotoagna zagny Jesosy dia nanomboka nitory teny sy nivôlagna hoe: "Mibebaha, fô èfa mariny ny fanjakan'ny lagnitry."¹⁸Kôa nandèha tagny amoron'ny Ranomasignin'i Galilia Izy, de nahita roa miralahy, Simona zay nantsôvigny hoe Petera, ary Andrea ralahiny, nanôraka ny haratony tandranomasigna, fô mpagnarato izy ire. ¹⁹Hozy Jesosy tamin'jaré hoe: "Andèha, hagnaraka Zaho, fô hatôko mpagnarato ôlogno anaré." ²⁰Takeke foagna da niala ire harato izy iré kè nagnaraka Ananjy.²¹Avake koa mbôla nagnatogna Jesosy de nahita ro miralahy afa koa, de Jakoba zanak'i Zebedio ndraiky Jaona ralahiny. Nagnamboatra ny haratony takô an- tsambo izy iré niaraka tamin'i Zebedio, baban'izy ire. Ngnantso ananjy ire Izy, ²²kè takeke foagna dia niala ny sambohely sy ny babany izy ire kai nagnaraka Ananjy.²³Nandaiha nagnodidignan'i Galilia Jesosy, nampianatra takô amin'ny Synagogan'jaré, nitory ny filazantsaran'ny fanjakagna, ary nagnasitragna ire karazagna aretigna jiaby miaraka amin'ny abokagna jiaby tamin' ôlogno. ²⁴Naraisaka èran'i Syria ny vôvô makasika Ananjy, kè nivolagnin'ôlogno taminanjy ire zegny marary jiaby, mararin'ny karazagn'aretigna sy fanaintaignana, ire azon'ny devoly, sy zegny tôrantôragna sy mararin'ny paralysisa. Nitahan'i Jesosy izy iregny. ²⁵Vahoaka baitsaka avytagny Galilia, Dekapolisy, Jerosalema, Jodia ary ny avy agny an- dafin'i Jordana no nagnaraka Ananjy.

¹Koa nahita iré fôkonôlo Jesosy, kè niakatra také an- tendrombôhitra. Kôfa tafipaitraka Izy, de nandaiha Taminanjy iré mpianatrany. ²Nivôlagna Izy sady nampianattra anjaré, magnano hoe: ³"Sambatra ny mahantra am-pagnahy, fô anjaré ny fanjakagnan'ny lagnitra. ⁴Sambatra iré misaogno, fô hampionognina zaré.⁵Sambatra iré malemy fagnahy, fô zaré no handôva ny tany. ⁶Sambatra iré zay tihinagna sy mangètahata ny fahamarignagna, fô ho vokisagna zaré ré. ⁷sambatra iré mamindra fô, fô hahazo famindram-pô zaré ré. ⁸Sambatra iré mady am-pô, fô hahita an'Andriamanitra zaré ré.⁹Sambatra iré mpampihavagna, fo izy ré no antsôvigny hoe zanak'Andriamanitra. ¹⁰Sambatra iré zay injehigna nôhon' ny fahamarignagna fô anjaré ré ny fanjakagnan'ny lagnitry.¹¹Sambatra anaré kô magnaratsy anaré sy magnenjiky anaré ny ôlogna, ké mivôlagna karazagna lënga tsimanjary jiaby hanôhitra anaré nôhin'ny aminahy. ¹²Mifalià sy miravoravoa, fô maventy ny valisoanaré agny an- dagnitry. Fô karan-jegny ny fômba nagninjèhagnan'ny ôlogna iré mpaminagny zay nihaigny talôhanaré.¹³Anaré no siran'ny tany. Fô Kô sira no tônga matsatso, amin'ny fômba akôry no ampasira zégny Koà? Tsy ho tsara na amin'ino na amin'ino intsony izégny fô hariagna sy hidiavin'ny ôngotr'ôlogno tavèla. ¹⁴Anaré no fahazavagnan'jô tontôlo zô. Ny tanàgna miôrogna aké amin'ny ambôny dia tsy azo havony eky.¹⁵Tsisy ôlogno mamelogna jiro kè manambèla izégny agny ambany hellitry, fô aké amin'ny fipitrahan- jiro, ké magnazava ny jiaby akô an-dragno zégny. ¹⁶Ôka mbô hazava aké alôhan'ny ôlogna karan'jegny fômba zégny ny fahazavagnanaré mbô ahitan'jaré ré ny asa tsara atônaré ké ankalazany Rainaré zay agny an-dagnitry.¹⁷Aza misaigny hoe tônga handrava ny lalàgna na iré mpaminagny Zaho. Tsy tônga hamotika iré Zaho, fô hagnatintôsa ananjy iré. ¹⁸Fô volagniko marigny aminaré fô mandra-pahalelognon'ny lagnitry sy ny tany, de tsy ho foagna amin' ny lalàgna na de litèra araiky sy tendron-tsôratra araiky aza, mandra- pahatantèraky ny raha jiaby.¹⁹Nôho izégny na izôvy na izôvy mandika na de ny hely foagna amin' iré didy iré sy mampianatra ny hafa agnano karan-jegny de ho antsôigna hoe hely kokoà akô amin'ny fanjakagnan'ny lagnitry. Fo na izôvy na izôvy magneky sy mampianatra iré de ho antsôvigna hoe maventy akô amin'ny fanjakagnan'ny lagnitry. ²⁰Fô volagniko aminaré fô kô tsy mihoàtra noho ny mpanôra-dalàgna sy ny fariseo ny fahamarignanaré, de tsy hiditry akô amin'ny fanjakagnan'ny lagnitry mitsy anaré.²¹Efa regninaré fo voalaza tamin'jaré ré talôha hoe: 'Aza mamono ôlogna,' ké 'Na izôvy Na izôvy mamono ôlogno dia ho helohigna agny amin'ny fitsaragna.' ²²Fô volagniky aminaré fô zay jiaby vignitry amin'ny ralahiny de manjary ny ho helohigna agny amin'ny fitsaragna; ary na izôvy na izôvy mivôlagna ny ralahiny hoe: 'Anô de ôlom-poagna!' de ho helohigna agny amin' ny filanan-kevitry; ary na izôvy na izôvy mivôlagnna hoe: 'Fôka anô!' de manjary ny ho agny amin'ny toèragna mirehitry afo.²³Nôho izégny Koà manolotro ny fagnatitra aké amin' ny alitara anô kè tsaroanô také fô managna alahelo aminô ny ralahinô, ²⁴de ambilay aké alôhan' ny alitara ny fagnatitranô, kè mandihana tohizo ny lalagnanô. Mihavàna amin'ny ralahinô aloha, ary avaké mihirègna dia atoloro ny fagnatitranô.²⁵Mihavàgna malaky amin'ny mpiampanga anô Kô mbôla miara-dià aminanjy agny amin'ny fitsaragna anaré, sôde ny mpiampanga anô hanôlotra anô amin' ny mpitsara, ké ny mpitsara mety hanôlotro anà amin' ny manam-pahèfagna, kè hatô akô an-dragno mahizigna anà. ²⁶Volagniko marigny aminaré fô tsy ho afaka mivoaka aô lasiteo anô mandra-mpagnifagna ni vôla faran'ny hely kokoà amin'ny trosanô²⁷Èfa régninaré fo volagnigny hoe: 'Aza mijangajanga.' ²⁸Kanèfa volagniko aminaré jiaby fo zay mizaha viavy kè magniry ananjy de èfa mijangajanga takô am-pôny sahady.²⁹Izy Koà magnafitoagna anà ny masonà ankavanagna, de alà izégny ké atsipazo lavitra anô. Fô tsara kokoà ho anô kô ny ampahany araiky amin'ny vatagnanô no tôkony ho arategny fô tsy ny tègnanà jiaby no atsipy agny amin'ny helo. ³⁰Izy koà magnafitoagna anà ny tagnanô ankavanagna, de tapaho ké atsipazo lavitry hiala aminô. Fô tsara kokoà ho anô kô ny ampahany araiky amin'ny vatagnanô no tôkony ho very fo tsy ny tègnanà jiaby no atsipy agny amin'ny helo.³¹Ary èfa nivolagnina foagna koà hoe: 'Na izôvy na izôvy misaraka amin'ny vadiny, de ôka izy hagnamia ananjy ny taratasy fisaraham-panambadiagna.' ³²Fô Zaho ndraiky mivôlagna aminaré fô zay jiaby misaraka amin'ny vadiny, afa-tsy nôhon'ny fijangajangagna, de mampijangajanga ananjy. Na izôvy na izôvy manambady ananjy afaran'ny fisarahany de mijangajanga.³³Ary Koà, regninaré fô voalaza tamin'ny taolo hoe: 'Aza misangisangy fianianana diso, fô indeso aké alôhan'ny Tompo ny fianiagnanô.' ³⁴Fô zaho ndraiky mivôlagna aminaré, aza misangisangy amin'ny raha jiaby, na amin'ny lagnitry aza, fo sezy fiandrianan'Andriamanitra izégny; ³⁵na amin'ny tany, Jerosalema, fô tanàgnan'ny mpanjaka bé izégny.³⁶Aza misangisangy amin'ny lôhanô, fo tsy afaka magnafotsy na magnamagnitry ny singan-drandragna araiky anô. ³⁷fô oka ny koragnanô ho, 'Ya, ya,' na 'Ahe, ahe.' Zegny mihoatra jegny dia avy amin'ny lay ratsy.³⁸Regninaré fôvoateny hoe: 'Maso sôlon'ny maso, ary nify sôlon'ny nify.' ³⁹Fô Zaho ndraiky mivôlagna aminaré hoe, aza manôhitry zegny tsimanjary. Fô ndraiky, na izôvy na izôvy magnambèla ny fifinô ankavanagna dia amiazo ananjy koa ny hilany.⁴⁰Ary koa misy ologno magniry ny hiaraka aminô handèha akagny amin'ny fitsaragna ké mandrava ny akanjonô, dia ambilay ho ananjy koa ny lambanô. ⁴¹Na zôvy na zôvy manery anô handëha kilomètatra arèky, mandihana miaraka aminanjy amin'ny roe kilomètatra. ⁴²Amia zegny mangaho aminô ary aza mandà na izôvy na izôvy magniry ny hindragna aminà.⁴³Efa regninaré fô voavôlagna hoe: 'Tsy maintsy mankatia ny mpiara-mihaigny aminaré anaré ary mankalaza ny fahavalonaré.' ⁴⁴Fô volagniko aminaré, tiavo ny fahavalonaré ary mivavaha ho anjègny magnenjiky anaré, [Fagnamarihigna: Ny dikan- teny talôha tsara kokoa dia magnala ny hoe: ""Misôra iré zegny magnozogno anaré, magnanova ny tsara amin'iré zegny tsy mankatia anaré.''''] ⁴⁵mbô ho tonga zanaky Babanaré zegny agny an-andagnitry anaré. Fô Izy dia mampiboaka ny masõvany amin'ny tsimanjary sy ny manjary, ary mandatsaka ny malegny amin'ny marigny sy ny tsy marigny.⁴⁶Fô koa iré zegny tia anaré no tiavinaré, ino no valisoa azonaré? Mô na dia ny mpamôry hètra aza tsy mbô magnano karan'jegny koa? ⁴⁷Koa ny ralahinaré raiky foagna no arabainaré, ino no mbô atônaré mihotra ny hafa? Mô na dia ny Jentilisy aza tsy mbô magnano karan'jegny koa? ⁴⁸Nôhon' jegny dia tsy maintsy tantëraka naré, karaha ny fahatantirahan'ny Babanaré zegny agny an-dagnitry.

¹Mitandrema mbô tsy hagnano ny asan'ny fahamarignanaré aké agnatrehan'ny ôlogna anaré mbô hitanjaré, fô izikoa tsy zégny de tsy hahazo ny valisoa avy amin'ny babanaré zegny agny an-danitra. ²Nôho izegny kôfa maneho fihantragna anaré, de aza mitsoka trompera mitaogno ny hafa hanaraka ny ataon'ny mpiatsara velatsy akagny amin'ny signagoga sy akagny amin'ny lalagna, ké mbô mety hahazo ny fideran'ny ôlogna zaré ré. volagniko marigna aminaré fô zaré réde efa nandray ny valisoany.³Fô kôfa maneho fiatragna anaré, aza atao hain'ny tagnanaré havia zegny ataon'ny tagnaré havanagnä, ⁴ké mbô hamiagna mangingigna ny fagnomezanaré. Avy aké ny Babanaré izegny mahita amin'ny mangingigna no hamaly soa anaré.⁵Kôfa mivavaka anaré, aza magnano karaha ny mpiatsaravelatsihy, fô zaré ré tia mijoro sy mivavaka aké amin'ny sinagoga sy akeo amoron-dalana, ké mbô mety ho hitan'ôlogna. Volagniko marigna aminaré, fô zaré ré de efa nadray ny valisoany. ⁶Fô anaré kôfa mivavaka, midira akô amin'ny efi-tragnonaré. Afodio ny tamiagna, de mivavaha amin'ny Babanaré izay akô amin'ny mangingigna avy aké ny Babanaré izay mahita akô amin'ny mangingigna no hamaly soa anaré. ⁷Kôfa mivavaka anaré aza managno koragna maro tsy misy ilaigna ananjy karaha ny ataon'ny Jentilisa, ny amin'ny fiheverany fô ho regny izy iré nohon'ny koragna maro izay ataony.⁸Noho izegny, aza magnano karaha an-jaré ré, fô ny Babanaré dé efa mahay zegny raha ilainaré alohan'ny angatahanaré Aminanjy. ⁹Noho izegny mivavaha karanjao hoe: 'Babanay zay agny an-danitra ho hamasignina anie ny agnaranô. ¹⁰Ho tônga ane ny fanjakanô. Hatao ane ny sitraponô aketo an-tany karaha ny agny andagnitra.¹¹Amia anay niany ny hanigna fanôka ho anay. ¹²Mamelà ny helokanay, karaha ny hamelanay zegny meloka taminay. ¹³Ké aza mitôndra anay amin'ny fakam-pagnahy, fô magnafaha anay amin'ny ratsy.''' [Fagnamarihagna: Ny dikateny talôha tsara indrindra de magnala ny hoe: ''Fa Anao ny fanjakagna sy ny hery ary ny vogninahitra mandrakizay. Amen.'']¹⁴Fô izikôa mamela ny hadisoagnan'ny ôlogna anaré, de hamela anaré ndraika koa ny Babanaré zay agny an-dagnitra. ¹⁵Fô izikôa tsy mamela ny hadison-jaré ré anaré, de tsy hamela ny hadisoagnanaré kôza ny Babanaré.¹⁶Ankoatra zegny, kôfa mifady hanigna anaré, aza magnatoro tarehy mampalahelo karaha ny atôn'ny mpiatsaravelatsy, fô magnano ratsy tarehy zaré ré ké mbô mety ho hitan'ôlogna fô tegna mifady hanigna. Volagniko marigna aminaré, fô efa nandray ny valisoan-jaré zaré. ¹⁷Fô anô kôfa mifady hanigna, hisôro menaka ny lohanô avaké sasao tarehanô, ¹⁸ké mbô tsy ho hitan'ôlogna hafa fô mifady hanigna, fô amin'ny Babanao izegny akô amin'ny mangingigna foagna; ary ny babanô zay mahita akô amin'ny mangingigna no hamaly soa anô.¹⁹Aza mikajy ny haregnanaré aketo an-tany, izay simbain'ny kalalao sy harafesigna, ary hidiran'ireo mpangalatra an-keriny ké hangalatra. ²⁰Fô kôza, kajio ny haregnanaré akagny an-dagnitry, izay tsy haratran'ny kalalao sy harefesigny, ary tsy hidiran'ireo mpangalatra ankeriny ké hangalatra. ²¹Fô izegny misy ny haregnanô, no hidokoan'ny fônao ndraika koa.²²Ny maso no jiron'ny vatagna. Noho izegny, koa tsara ny masonà, de ho feno fahazavagna ny vatagna jiaby. ²³Fô izikôa ratsy ny masonà, de ho feno haizigna ny vatagnanà jiaby. Noho izegny, izikoa maizigna ny fahazavagna izegny akô angnatinà amin'izao, magnano akôry ny habezan'ny izegny haizigna izegny! ²⁴Tsy misy afaka hanompo tompo aro, fô hankahala ny araiky izy ary ankatia ny araika, izikoa tsy izegny hanolotegna ho an'ny araika ké hankahala ny araika hafa. Anô de tsy afaka hanompo an'Andriamanitra sy ny haregna.²⁵Noho izegny volagniko aminaré, aza miahy momba ny aigninaré, izegny hohaninaré na izegny hosotronaré na mômba ny vatanaré, fô tsy maventy noho ny hanigny mé ny fiaignana, ndraiky ny vatagna koa maventy noho ny fitafigna? ²⁶Zahavo iré vôrogno agny amin'ny habakabaka Izy iregny de tsy mamafy na mijinja na manangona akô antsompitry, fô ny Babanaré izegny agny andanitra no mamahana anajy ireny. Tsy sarobidy kokoa mihoatra iregny mé anaré?²⁷Izôvy aminaré no afaka magnampy refy araiky amin'ny andro hiaignany amin'ny fagnahiagna? ²⁸Nagnino anaré no misaintsaigna momba ny fitafiagnanaré? Saigno ny momban'ny lilia egny amin'ny saha, karaha akory ny fanirianjare regny. Tsy mbo miasa zare regny, ary tsy mamoly fitafiagna. ²⁹Volagniko marigny aminare, fô na i Solomona aza amin'ny voninahiny jiaby de tsy nitafy karaha ny araiky amin'iregny.³⁰Izikoa ampitafian'Andriamanitra karaha izegny ny hahitra agny an-tsaha, izay jiaby misy iniany sy amaraigna de hatsipy ao am-patagna, karaha akôry no ampitafiagny anarè bebe kokoa, anaré ry hely finoagna? ³¹Noho izegny aza miahiahy ké mivolagna hoe: ino no hohaninay na hoe: 'Ino no hinominay?' na hoe: 'Ino ny hitafinay ho atônay?'³²Fô iré Jentilisa mitady iré raha iré, ary ny babanaré izay agny an-dagnitra de mafantatra fô mila iré anaré. ³³Fô tadiavo alôha ny fanjakany sy ny famarinany de hamiany anaré iré raha iré. ³⁴Noho izegny, aza miahiahy ny amaraigny, fô ny amaragny hagnahy ny aninanjy. Ampy ho an'ny andro tsiraikiraiky ny ratsy ao aminanjy.

¹Aza mitsara, dia tsy hitsaraigny anaré. ²Fô amin'ny fitsaragna natonaré, no hitsaragna anaré, ary amin'ny fandrifèsagna andrifèsanaré, no handrifèsagna anaré.³Nagnino anö no mizaha ny singa- mölôlô hely zegny aka agnatin'ny mason'ny ralahinô, nèfa tsy voatsikèranô ny andry ako agnaty masonà? ⁴Akory no hivolagnanö ny ralahinô hoe: 'Ambila zaho hagnala ny singa-molölö zegny aka agnaty masona', koa mbola aka agnatin'ny masonà lay andry? ⁵Ry mpitsaravelatsy! Ala alöha ny andry zegny aka agnaty masona, ary avaké ana hahita tsara kofa magnala ny singa-molölö zegny ake amin'ny mason'ny ralahinô.⁶Aza amiagna ny amboa zegny masigny, ary aza atsipy ake alôhan'ny lambo ny vatomahitanaré. Koa tsy zegny dia mety ho voadiany ny tongonjaré, ary avaké hifötotro sy hamiravira anaré amin'ny fahapotehigny.⁷Mangahoa, dia amiagna anaré zegny. Mizahava, dia hahita anaré. Konkogno, fo hisokatra ho anaré zegny. ⁸Fo zegny mangaho jiaby, dia mahazo; iré jiaby zegny mizaha, dia mahita; ary ho an'ôlogno nikonkogno, dia ho sokafigny. ⁹Sa izovy aminaré, koa angahoan'ny zanany môfo, no hanölotro vato ananjy? ¹⁰Na koa kofa angahoany löko, kè hanölotro bibilava ananjy?¹¹Noho jegny, kofa anaré zegny ratsy aza mahaÿ magnamia ire fagnomiazagna zegny tsara ho an'ny zanakaré, môa tsy be mihoatra mö ny raha tsara amian' ny Babanaré zegny agny an- dagnitra ho an'ire zegny mangaho aminanjy? ¹²No jegny, na ino na ino raha tianaré ho aton'ny ologno amin'ny tègnanaré, dia tökony hagnano kara jegny amin'jaré koa anaré, fo zegny no lalàgna sy iré mpaminagny.¹³Midira amin'ny vavahady tery. Fo maventy ny vavahady ary malalaka ny lalagna mitöndra agny amin' ny fahavirèzagna, ary maro ire ologno izegny mandèha amin'jegny. ¹⁴Fo tery ny vavahady ary sarotro ny lalàgna izegny mitariky mandèhagny amin'ny fiainagna, ary vitsy ire izegny mahita anjegny.¹⁵Mitandrèma amin'ire mpaminagny sandoko, zegny magnatogna anaré amin'ny fitafiagn'ôndry nèfa amboady tègna mpihaza. ¹⁶Amin'ny alalan'ny vihiny no ahèzanaré ananjy iré. Misangotro voaloboko agny amin'ny fatsy mö ny ologno, na koa aviavy agny amin' ny songosongo? ¹⁷Mitövy amin'jegny, ny kakazo tsara jiaby dia mamoa vihiny tsara, fo ny kakazo ratsy dia mamoa vihiny ratsy.¹⁸Ny kakazo tsara dia tsy afaka ny hamoa vihiny ratsy, na koa ny kakazo ratsy dia tsy afaka mamoa vihiny tsara. ¹⁹Ny kakazo jiaby izegny tsy mamoa vihiny tsara dia tapahigny ary hatsimpy agny agnaty afo. ²⁰Kè noho jegny, ho hènare zaré amin'ny alalan' ny vihiny.²¹Tsy ire jiaby zegny mivolagna Aminahy hoe: 'Tompo, Tompo', dia hiditry ny fanjakan'ny lagnitry, fo ire zegny magnano ny sitrapön'ny Babako zegny agny an- dagnitry foagna. ²²Maro ire ologno hivolagna aminahy amin'jegny andro izegny hoe: 'Tompo, Tompo, tsy èfa naminagny tamin'ny agnaranô mö zàhay, tsy èfa mamoaka ire devoly tamin'ny agnaranô, ary nagnano ire asa maventy tamin'ny agnaranô?' ²³Avake Zaho hagnambara amin'jaré ampahibemaso hoe: 'Tsy nahaÿ anaré mitsy Zaho! Mialà lavitry Zaho, ry mpagnano ratsy!'²⁴Noho jegny, ire jiaby zegny maregny ny koragnako ary magnekian'jegny dia ho karaha ny ologno hendry zegny namorigny tragnony agny ambony vatolampy. ²⁵Nilatsaka ny oragna, tonga ny tondra-drano, ary nifôfofôfo sy namango lay tragno ny rivotro, fo tsy lavo izegny, satria namboarigny take amböny vatolampy.²⁶Fo jiaby zegny maregny ire koragnako kè tsy mankatoa ananjy iregny dia karaha ny ologno adala zegny magnamboatra ny tragnony agny amböny fasiky. ²⁷Nilatsaka ny oragna, tönga ny tondra-drano, ary nifôfofôfo sy namango lay tragno ny rivotro, kè dia lavo izegny, ary feno ny faravagna."²⁸Ary kôfa avy nagnambara ire koragna ire Jesosy, talanjogno tamin'ny fampianarany ire vahoaka, ²⁹satria nampianatra anjaré karaha ny ologno zegny managna fahifagna Izy, fo tsy karaha ire mpanöra- dalàgnan'jaré.

¹Izy kôfa nandrôrogno avy tagny an-tendrombohitra Jesosy, ôlo maro nizohy Ananjy. ²Egy nisy boka araiky nagnatogno Ananjy nitsaoka talôhany take, nagnano hoe: "Tompo, koā ikenà, dia afaka magnady anahy anà." ³Nagnatsôtro tagnany Jeosy kè nikitika ananjy, nagnano hoe: "Ikeky. Mahadiova." Takeke dia nady tamin'ny habokagnananjy izy.⁴Ahozy Jesosy taminanjy hoe: "Aoka mbô tsy hivôlagna na ino na ino na amin-jôvy na amin-jôvy anà. Mandihana amin'ny lalagnanà, kè atôvo hitan'ny mpisõrogno ny tègnanà kè manolôra fagnatitry zègny nagnasan'i Mosesy, mbô ho fijoroagna vavôlombelogno amin-jaré."⁵Izy kôfa niditra taka Kapernaomy Jesosy, dia nagnatogno Ananjy kapitény araiky kè nagnontany Ananjy, ⁶nagnano hoe: "Tompo, matôry aka an- dragnoko mpiasako fô malemy kè aka agnatin'ny fanaitaignana mafy." ⁷Ahozy Jesosy taminanjy hoe: "Ho avy agny Zaho hè sitragniky izy.⁸Namaly lay kapitény kè nagnano hoe: "Tompo, tsy manjary idiranà aby amban'ny tafon-tragnoko, fô mivolagna fôgna dia mahivagna ny mpiasako. ⁹Fô zah tô koa mbô lilahy napètraka ambany fahifagna, kè managna miaramila zègny bokoeko zah. Mivôlagna amin'ny raiky zah hoe: 'Mandihana', dia mandèha izy, avake amin'ny raiky hafa koa hoe: 'Avia', dia magnatogno izy avake amin'ny mpiasako hoe: "Atôvy zô dia atôny zegny." ¹⁰Kôfa regnin'i Jesosy zégny, dia gaga Izy kè nikoragna tamin-jaré zègny nagnaraka Ananjy hoe: "Koragniko aminaré tègna marigny, fô mbôla tsy nahita ôlo nanam-pinoagna karan-jagny Zah taketo Israely.¹¹Koragniko aminaré, fô maro ny avy agny antsignianagna ndraky avy agmy andrèfagna ho tônga, avy zaré de hipètraka aké an-databatra miaraka amin'i Abrahama, Isaka ndraiky Jakoba, agny amin'ny fanjakan'ny lagnitry. ¹²Fô iré zanaky ny fanjakagna dia hatôraka agny ivèlan' ny hizigny lavitry akagny, zègny hisy fitomagniagna ndraiky fikatroha-nify." ¹³Ahozy Jesosy tamilay kapitèny hoe: "Mandihana! Araka ny ninoanô, dia oka zègny ato ho anô." Tônga dia nahivagna tamin'zègny lèra zagny mintsy lay mpiasa.¹⁴Kôfa nitsôfotra tan-dragno i Petera ndraiky Jesosy, dia nahita ny rafôzambavin'i Petera natôry tratra tazogno. ¹⁵Nikasihin'i Jesosy ny tagnany, kè afaka taminanjy ny tazogno. Dia nitsangagna izy nagnamia hanigna Ananjy.¹⁶Kôfa tônga ny aligny, dia maro iré nifihezin-jigny nindôsin'ôlo take amin'i Jesosy. Nandroaka iré fagnahy tamin' ny teny Izy kè nagnasitragna iré jiaby zègny tsy salama. ¹⁷Karan-jègny nahatantèraka zègny nikoragnina tamin'i Isaia mpaminagny, magnano hoe: Izy vatantègnany nitôndra ny tsy fahasalamantsika ndraiky nitôndra iré aretignantsika."¹⁸Izy kôa èfa hitan'i Jesosy iré fôkon'ôlo nagnodidigna Ananjy dia ngnamia hevitry, mbô nialagna tampita ny ranomasigna Galilia Izy. ¹⁹Avy take ny mpanöra-dalagna araiky nagnatogno Ananjy nagnano hoe: "Ry mpampianatra, hagnaraka anô zah na akaiza na akaiza andihananô." ²⁰Ahozy Jesosy taminanjy hoe: "Ny amboahôlo manan-davaka, ary iré vôron-dagnitry managna ankany, fô ny zanak'Ôlogno tsy managna na akaiza na akaiza ampandriany lôhany.²¹Araiky hafa tamin-dre mpianatra nivolagna taminanjy hoe: "Tompo, ambilay zah malôngany andèa kè andévigna ny babako. ²²Fô ahozy Jesosy taminanjy hoe: "Mgnaraha Anahy, kè ambilay ny maty andevigna ny maty akö aminanjy manôkagna."²³Kôfa nitsôfotro takô an-tsambo hely raiky Jesosy, dia nagnaraka Ananjy tagnatiny taka ire gaognananjy. ²⁴Egy, nisy tafio drivotra maventy niboaka take amin' ny ranomasigna, ke safotr'onja ny lakagna. Fô resin- tôry Jesosy. ²⁵Nandea taminanjy ire gaognany kè namôha Ananjy nagnano hoe: "Avöto antsika, Tompo, ho faty antsika!"²⁶Ahozy Jesosy tamin-jare hoe: "Magnino anare matahotro, ry hely finoagna?" Dia nitsangana Izy avy take nivölagna mafy tamindrivotra ndraiky ranomasigna. Dia nisy fitoniagna be avy take. ²⁷Gaga ire gaogno kè nivölagna hoe: mbô karazagna lilahy ino itô, fô samba rivotro sy ranomasigna aza magneky Ananjy?²⁸Kôfa tônga tagny ampita ndraiky tamin'ny tanagna Gadarenesy Jesosy, dia nisy gaogno roe zegny nifihezin-jigny nitaôtro Taminy. zaré ré dia niboaka avy agny amin'iré fasagna ary tègna nagnadary, avy tamin' jagny dia tsisy mpandèha afaka zègny lalagna zagny. ²⁹Egy nigahiky tatô izy re kè nagnano hoe: mpifagnino marö zahay anà, ry Zanak'Andriamanitra? Tônga aketo mö Anô hampihôrohôro anäy alôhan'ny fotoagna voatôndro?"³⁰Kè nisy andian-dambo maro nihinagna take, tsy lavitra an-jare. ³¹Mbôla niangavy an'i Jesosy foagna ire jigny kè nagnano hoe: "Kô mandroaka anäy Anô, dia alifaso akö agnatin'ire andian-dambo ire zahay." Ahozy Jesosy tamin-jaré hoe: "Mandihana!" ³²Dia niboaka ire jigny kè nitsôfotro tamin'ire lambo ire; egy ire andiana jiaby nifindra nandrôrogno ny tendrombohitra nibiribiry akagny an-dranomasigna kè maty takö agnaty rano zare.³³Ire zégny niambigna ny lambo nihazakazaka kè nandëha amin'ny tanàgna zare nitantara raha jiaby, kè indrindra zegny raha nisy tamin'ire gaogno nifihezin- jigny. ³⁴Egy, niboaka zare tantanagna jiaby mbô hitrotro amin'i Jesosy. Köfa hitan-jare Izy, dia nangataka Ananjy mbô hiala amin'ny faritanin-jare.

¹Izy kôfa avy nampianatra iré mpianany roa ambin'ny fôlo Jesosy, avy také izy nandeha hampianatra sy hitory agny amin'ny tagnananjaré ré. ²Izy kôfa regnin'i Jaona takô am-pigadraga ny mômba iré asan'i kristy, de nagnandefa hafatra tamin'ny alan'iré mpianany izy ³ké nivolagna ananjy hoe: "Anà mô ilay araiky ho avy, sa tôkony hizaha hafa zahay?''⁴Jesosy namaly ké nivolagna ananjaré hoe: ''Mandehana ké volagno amin'i Jaona izay hitanaré sy regninaré.'' ⁵Mahazo fahitagna iré jamba mandéha iré ôlogno malemy, diovigny iré boka, maharegny indraiky iré ôlogno maharegnina, atsangan-ko velogno iré ôlogno Naty, ary agnambaragna iré vaovao mahafaly ny mahantra. ⁶Sambatra izay tsy tafitohigny noho ny Aminahy.''⁷Kôfa nandeha tan-dalagna iré lalahy iré, de nanômboka nivôlagna ny mômba an'i Jaona tamin'iré fôkonôlo Jesosy hoe: ''Hitady ino no nifoahanaré avy tagny agn'efitra-volotara tsofin'ny rivotra?⁸ Kanéfa hitady ino no nifoahanaré lalahy nagnatao fitafy lafo vidy? Indré, iré izay nagnatao fitafy lafo vidy de mipetraka akô an-tragnoniré mpanjaka.⁹Kanéfa hitady ino no nifoahanaré-mpaminagny? Ia, mivolagna aminaré Zaho, zay mihoatra lavitra noho ny mpaminagny. ¹⁰Izy ilay vôasôratra hoe: 'Zahaovo, magnasa ny irako hialôha ny vajihinaré Zaho, izay hagnomagna ny làlanaré mialôha anaré.'¹¹Volagniko marigny aminaré, fô amin'iré izay natéra-biavy de tsisy maventy mihoatra noho Jaona mpagnano batisa. Kanéfa ny ôlogno tsy manan-danja indrindra aké amin'ny fanjakany lagnitra de maventy noho izy. ¹²Nanômboka tamin'ny andron'i Jaona mpagnano batisa ké hatramin'izao, de miaritra amin'ny herisetra ny fanjakan'ny lagnitra, ary iré ôlogno mahery setra de malaka ananjy an-keriny.¹³Fô iré mpaminagny jiaby sy ny lalàgna de efa naminagny hatramin'i Jaona; ¹⁴izy koa sitrakaré ny hagneky izegny, de Izy ilay Elia ho avy. ¹⁵Izay manan-tadigny ho enty-mitandregny, oka izy hitandregny.¹⁶Karakôry no tôkony hagnoarako itô taranaka itô? Izegny de karaha ny zaza midôla egny amin'ny bazary, izay mipetraka sy mifagnatsognantso ¹⁷ké mivolagna hoe: 'Nitsoka sodigna ho anaré izahay, fô tsy nandihy anaré. Nagnano hira fisaonagna zahay, fô tsy nitomagny anré.'¹⁸Fô Jaona de tsy tônga hihinagna môfo na ihinagna divay, ké aozy zaré ré hoe: 'Managna devoly izy.' ¹⁹Ny zanak'ôlogno de tônga hihinagna sy hisotro kè aozy zaré ré hoe: 'Zahavo, lalahy tendan-kanigna sy mpimamo izy, naman'iré mpamory hetra sy iré mpanota!' Fô ny fahindriagnany de voamarigny tamin'iré asany.''²⁰Avy také Jesosy nanomboka nivolagna mafy iré tanagna izay nagnanaovany ny akamaroan'ny asany mahagaga, satria tsy nibebaka izy iré. ²¹"Loza ho anaré ry Korazina! Loza ho anaré, ry Betsaida! Kô natao tagny Tyra sy Sidona iré asa mahagaga izay natao teto aminaré, de efa ela no nibebaka tamin'ny lamba fisaonagna sy jofo izy iré. ²²Kanéfa ho môramôra koka ny amin'ny Tyra sy Sidona amin'ny andron'ny fitsaragna mihoatra noho ny aminaré.²³Anaré, ry Kaperinaomy, mihevitra mô anaré fô hasandratra agny an-dagnitra? Tsia, ho entigny hirorogno agny amin'ny helo anaré. Satria kô tagny Sodoma no natao iré asa mahagaga izay natao teto aminaré, de mbôla ho tavela izegny mandrak'iniany. ²⁴Kanéfa mivôlagna aminaré Zaho fô ho môra tokoatra ho an'ny tanin'i Sodoma ny andron'ny fitsarana noho ny aminaré.''²⁵Tamin'izegny fotoagna izegny Jesosy nivolagna hoe: ''Midera anâ zaho, Baba, Tompon'ny lagnitry ndraiky tany, satria Anà no nanitriky iré raha iré tamin'ny hendry sy ny mahafantatra, sady magnambara iré tamin'iré izay tsy mahafantatra, karaha iré zaza hely. ²⁶Iah, ry Baba, satria izegny de mahafinaritra také imasonà. ²⁷Ny raha jiaby nankignyna taminahy de avy amin'ny Babako; sady tsisy mahafantatra ny zanaka kôa tsy ny Baba ary tsisy mahafantatra ny Baba kôa tsy ny zanaka, sy izay fidin'ny zanaka hagnambaragna Ananjy.²⁸Mandihana aminahy atô, anaré jiaby izegny miasa sy mitôndra, de hamiako fitsaharagna ianaré. ²⁹Indôso ny ziogako ké mianara aminahy, fô malemy fagnahy sy manetry tégna am-pô zaho, de ahita fitsaharagna ho an'iré fagnahy naré anaré. ³⁰Fô môra ny ziogako ary maivagna ny entako.''

¹Tamin'izegny fotoagna izegny Jesosy nandeha namakivaky ny hôraka tamin'ny sabata. Tihinagna iré mpianany ké nanampôgno nisangotra taho-mbary de nihinagna iré. ²Kanéfa noho ny hitan'iré Fariseo izegny, de aozin-jaré tamin'i Jesosy hoe: "Zahavo, iré mpianatranà magnano izay tsy ara-dalàgna ny magnano ananjy amin'ny Sabata.''³Fô Jesosy nivolagna ananjy iré hoe: ''Mbola tsy ary nivakinaré mô ny raha nataon'i Davida, kôfa tihinagna izy, sy iré lalahy jiaby niaraka taminanjy? ⁴Niditra takô amin'ny tragnon'Andriamanitra izy ké nihinagna ny môfon'ny fagnatrehagna, izay tsy ara-dalagna ho ananjy kôa hoaniny sady tsy ara-dalagna ho an'iré izay niaraka taminanjy, kanefa ara-dalagna ho an'ny lôhan'ny mpisôrogno araiky foagna.⁵Tsy mbôla nivakinaré mô ny akô amin'ny lalàgna, fô amin'ny sabata iré mpisorogno akô an-tempoly de manota ny sabata kanefa tsy manan-tsiny? ⁶Kanefa volagniko aminaré fô aketo ny araiky maventy noho ny tempoly.⁷Kôa fantatranaré ny hevitry ny hoe: 'Famindram-pô no iriako fô tsy sôrogno,' de tsy nagnameloko ny tsy manan-tsigny anaré. ⁸Fô ny zanak'ôlogno no Tômpon'ny sabata.''⁹Avy také Jesosy niala takô ké niditra takô amin'ny synagôgan-jaré. ¹⁰Indré, nisy lalahy izay malemy tagnana také. Nagnontany an'i Jesosy iré fariseo, nagnano hoe: ''Ara-dalàgna mô ny magnasitragna amin'ny sabata?'' Mbô hiampangan-jaré ré ananjy amin'ny fahotagna.¹¹Aozy Jesosy tamin-jaré ré hoe: ''Ologno zôvy aké aminaré, izôvy, koa ondry araiky foagna no anagnany, ké koa latsaka agnaty lavaka laligny lé ondry amin'ny sabata, no tsy hanambotro ananjy ké tsy hampakatra ananjy? ¹²Tsy manan-danja mihoatra lavitry, mô, ny ôlogno noho ny ondry! Ké noho izegny de ara-dalàgna ny magnano soa amin'ny andro Sabata.''¹³Avy také aozy Jesosy tamin-dralalahy hoe: ''Amparo ny tagnanà.'' De namparigny izegny, ké niherigny ny fahasalamanagny, karaha ny tagnany hilagny. ¹⁴Fô nivoaka iré fariseo ké ny tetiky ny hamono Ananjy. Nizaha hevitry ny amin'ny fômba tôkony hamonoagna Ananjy zaré ré.¹⁵Kôfa nahafantatra izegny Jesosy, de niala také Izy. Ologno maro no nagnaraka Ananjy, ké nampahivagniny zaré jiaby. ¹⁶De nandidy anjaré ré Izy mbô tsy hagnatoro Ananjy amin'ny ôlon-kafa, ¹⁷mbô hahatanteraka, izay efa natoro tamin'ny alalan'Isaia mpaminagny, magnano hoe:¹⁸''Zahavo, ny mpanompoko zay nifidiky; ry lay malalako, zay tegna sitran'ny fagnahiko. Hapetrako akô aminanjy ny fagnahiky, ké hagnatoro ny fitsaragna amin'ny Jentilisa izy.¹⁹Tsy hifanditra na hagnantso mafy izy; ké tsy hisy ôlogno haharegny ny fehony egny an-dalàgna. ²⁰Tsy hanapaka ny volotara tôrotôro izy; tsy hamono zay lahin-jiro magnemboko, mandra-pagnaovany ny rariny ho fandresegna, ²¹ké amin'ny agnarany no hanagnan'iré Jentilisa fagnantegnana.''²²Avy také nisy ôlogno jamba sy moä, nipitrahan'ny demonia, nindosigny také amin'ny Jesosy. Nisitraniny izy, vokatr'izegny de nivolagna sy nahita lay moä. ²³Gaga iré fokonôlo jiaby ké nivolagna hoe: ''Mety io lalahy io vô no zanak'i Davida?''²⁴Kanefa kofa naharegny izegny fahagagagna izegny iré Fariseo, de aozin-jaré ré hoe: ''Io lalahy io de tsy mamoaka demonia koa tsy amin'ny Belzeboba, lehiben'ny demonia. ²⁵''Kanefa fantan'i Jesosy ny eritreritran-jaré ré ké nivolagna ananjy ré Izy hoe: ''Ny fanjakagna jiaby miady an-dragno de tsy haharitry, sady ny tanàgna na tragno jiaby miady an-dragno de ho rava.²⁶Koa mamoaka satana ny satana, de miady an-dragno izy. Akory noho izegny no hijoroan'ny fanjakagnany? ²⁷Ke koa mamoaka iré demonia amin'ny alalan'i Belzeboba zaho, de amin'ny alalan-jôvy zegny no androahan'ny zanakaré ananjy ré? Noho zegny antony zegny de ho mpitsaranà zaré ré.²⁸Kanefa koa mamoaka iré demonia amin'ny alalan'ny fagnahin'Andriamanitra zaho, de efa tonga aminaré ny fanjakan'Andriamanitra. ²⁹Amin'ny fômba akôry no ahafahan'ny ôlogno miditry akô an-dragnon'ny lalahy mahery sady malaka iré fanagnany koa tsy tadiagna lay lalahy mahere? Avaké malaka iré fanagnany akô an-dragnony izy. ³⁰Izay tsy mômba anahy de manohitsy anahy, ké zay tsy mitambatra miaraka aminahy de miparitaka.³¹Noho zegny volagniko aminaré fô, ho vôvela heloko ny ôlogno amin'ny fahotagna sy fivolagnan-dratsy jiaby, fô ny fivolagnan-dratsy amin'ny fagnahy Masigny de tsy hazahoagna famelan-keloka. ³²Na zovy na zovy mivolagna manohitry ny Zanak'ologno, de ho vôvela izy. Fô na zovy na zovy mivolagna manohitry ny Fagnahy Masigny, de tsy ho vôvela izy, na amin'izao fiainagna izao, na amin'izay ho avy.³³Ataovo tsara ny kakazo de hamoà tsara izegny, na ataovo ratsy ny kakazo de hamoà ratsy izegny, fo fantatra amin'ny vihiny ny kakazo. ³⁴Anaré taranaka ny menaragna, satria ratsy fagnahy anaré, ké akory no afahanaré mivolagna raha tsara? Fô avy avy amin'ny habezan'ny akô am-po no ivolagnan'ny vavany. ³⁵Ny ôlogno tsara avy amin'ny hariagna tsara akô am-pony de mamokatra zay tsara, fô ny olon-dratsy avy amin'ny hariagna ratsy akô am-pony de mamokatra zay ratsy.³⁶Volagniko aminaré fô amin'ny andron'ny fitsaragna de ho agnontaniagna amin'ny koragna tsy voahevitry nikoragniny aby ny ôlogno. ³⁷Fô ny koragnanà no hagnamarignana anà, ary ny koragnanà no hagnamelohagna anàré.''³⁸Avy také nisy mpanora-dalàgna sy fariseo sanantsanany namaly an'i Jesosy ke nivolagna hoe: ''Ry mpampianatra, magniry ny ahita famantaragna avy aminà zehay. ³⁹''Fô namaly Jesosy nivolagna ananjy iré hoe: ''Misy taranaka ratsy fagnahy sy mpijangajanga mitady famataragna. Kanefa tsisy famataragna amiagna ananjy afa-tsy ny famantaran'i Jaona mpaminagny. ⁴⁰Fô karaha an'i Jonah zay telo andro sy telo aligny takô an-kibon-daoka maventy, de ho karaha izegny koa no hipitrahan'ny zanak'ôlogno telo andro sy telo aligny akô agnatin'ny tany.⁴¹Iré ôlon'i Ninive de hitsangagna aké amin'ny fitsaragna miaraka amin'itô taranaka itô ké hanameloka izegy. Fô nibebaka izy iré tamin'ny toritenin'i Jaonah, ké indré, misy ôlogno maventy noho Jaonah aketo.⁴²Ny mpanjakavavin'ny atsimo de hiara-hitsangagna amin'iré lalahin'itô taranaka itô amin'ny andron'ny fitsaragna ké hagnameloko izegny. Tônga avy agny amin'ny faran'ny tany izy mbô haregny ny fahendregnan'i Salomona, ké indrè, misy ôlogno maventy noho Solomona aketo.⁴³Kôfa nisy fagnahy ratsy niala takô amin'ny lalahy araiky, de mandalo tany karakaigny izy kè mitady fitsaharagna, kanefa tsy mahita izegny. ⁴⁴Izegny de mivôlagna hoe: 'Iherigny agny amin'ny tragnoko zay nihaviako zaho. 'Ké nony tônga, de nahita fô voafafa ny tragno ké nilamigny. ⁴⁵Avy také de nandeha izegny ké nitôndra fagnahy ratsy fito niaraka taminanjy zay ratsy mihoatra ananjy, ké niditsy nipetraka takô zarè jiaby. Avy také nahe-ratsy noho ny voalohany ny fiafaran'izegny lalahy izegny. Ké ho karaha izegny koa ny amin'itô taranaka ratsy fagnahy itô.''⁴⁶Kô mbôla nivôlagna tamin'iré fokonôlogno Jesosy, de indré, ny mamany sy iré rahalahiny nitsangagna tagny ivelany, nitady hikoragna aminanjy. ⁴⁷Nisy ôlogno araiky nivôlagna taminanjy hoe: ''Zahavo, ny mamanà sy iré rahalahinà nitsangagna akô ivelany, mitady hikoragna aminà.''⁴⁸Fô namaly Jesosy ké nivolagna tamin'ilay nivolagna ananjy hoe: ''Izôvy no mamako ary zôvy iré rahalahiko?'' ⁴⁹Avy také nampariny tamin'iré mpianany ny tagnany ké nivolagna hoe: ''Zahavo, indréto ny mamako sy iré rahalahiky! ⁵⁰fô izay magnano ny sitrapôn'ny Raiko izay agny an-dagnitry, izegny ôlogno izegny no rahalahiky, sy anabaviky, ndraky mamako."

¹Tamin' izegny andro izegny Jesosy nandeha nivoaka ny tragno ké nipetraka také amoron'ny ranomasigny. ²Nisy fokonôlo maro nivory nagnodidigny anajy, ka de niditry tao an-tsambokely izy ké nipetraka tao amin'izegny, kofa nitsangagna teo amoron-dranomasigny ndreky ny fokonôlo jiaby.³Avy take Jesosy nivolagna raha maro taminjaré ré tamin'ny alalan'ny fagnoharagna. Hoy izy hoe: "Indré, nisy mpamboly araiky nandeha nivoaka hamafy voa. ⁴Kofa izy namafy igny, dé nisy voa sasany latsaka tamoron-dalagna, ké avy iré vorogna iré ké nihinagna iré. ⁵Iré voa hafa ndréky dé latsaka tamin'ny tany be vato, zay tsy nahazo iré nofon-tany tsara. Ke tonga de naniry iré, satria tsy laligny ny tany. ⁶Fô kôfa nibiagna ny masôva, de maigny iré satria tsy nisy vahiny, ka de nalazo.⁷Nilatsaka teo amin'ny fatsy iré voa hafa. Naniry iré fatsy ké nangeja ananjy iré. ⁸Iré voa hafa nalatsaka tamin'ny tany tsara de namoa voany, ny sasany tonga zato heny, ny sasany enim-polo, ary ny sasany telo-polo. ⁹Izay manan-tadigny, aoka izy hitan-dregny."¹⁰Avy iré mpianatra ary nivolagna an'i Jesosy hoe: "Nagnino ana no mikoragna amin'iré vahoaka amin'ny lalan'ny fagnoharagna?" ¹¹Namaly Jesosy ké nivolagna an-jaré hoe: "Anaré no namiagna antombony hahafantatra iré zava-miafignin'ny fanjakan'ny lagnitry, fa ho ananjy ré de tsy namiagna izany. ¹²Satria na zovy na zovy managna, de ho betsaka koa aza no hamiagna ananjy. Fo na zovy na zovy ndreky tsy managnana, zay hanagnany aza halagna aminanjy.¹³Izegny no antony hivolagnako aminjaré ré amin'ny alalan'ny fagnoharagna: Na de mizaha aza zaré,de tsy mahita, ary nadé mitandregny aza zaré ré, de tsy maharegny, na mahazo. ¹⁴Aminjaré ré ny faminaniagnan'Isaia no tanteraka, izay mivolagna hoe: "Kofa mitandregny de haharegny anaré, kanefa tsy hahazo mihitsy; kofa mizaha de hahita anaré, nefa tsy hahatakatra.¹⁵Fo lasa donto ny fon'itô vahoaka itô, ary mafy tadigny izy ré, ary napinjaré ny masony, mbo tsy hahita amin'ny masonjaré zaré, na aharegny amin'ny tadigny zaré, na hahazo amin'ny fonjaré zaré, ke hibebaka indreky zaré, ary hagnasitragna anjaré zaho.'¹⁶Fo sambatra ny masonaré, satria mahita; ary ny tadigninaré, satria maharegny. ¹⁷Volagniky marigny aminaré fo mpaminagny sy olo-marigny maro no nagniry ny hahita réraha zay hitanaré, kanefa tsy nahita an'iré. Nagniry nyaharegny iré raha zay regninaré izy re, kanefa tsy naharegny an'iré.¹⁸Ké tandregneso ariky ny fagnoharagna ny amin'ny mpamboly afaiky izegny namafy ambékony. ¹⁹Kôfa misy maregny ny tenin'ny fanjakana nefa ka tsy mahazo izgny, de tônga ilay ratsy ké magnongotro izay nafafy takao am-pony. Io lay ambeko nafafy teny amôron-dalana.²⁰Ilay nafafy tagny amin'ny tany be vato de ny ôlogno izegny naharegny ny teny ary tônga de nandray ananjy am-pifaliagna, ²¹Nefa ka tsiambola miorim-paka akô anatigny izy ké de maharitra malakilaky foagna izy.²²Ilay nafafy tamin'ny fatsy, io de ny ôlogno izegny naharegny ny teny, nefa ka ny fiahiagnan'izao tontolo izao sy ny fitaky ny harena no mangeja ny teny, ké de nanjary tsy namoa izy. ²³Ilay nafafy tagny amin'ny tany tsara, io no ôlogno izay naharegny ny teny, ké mahazo izagny. Mamoa voànkazo izy ké mahatonga ny abeko araiky, hanamia avo zato heny mihoàtra izegny namboliàgna, ny sanany enim-pôlo, ny sanany avo telo-pôlo heny.''²⁴Nagnatôro fagnoharagna raika hafa tanjaré ré Jesosy. Aozy hoe: ''Ny fanjakan'ny lanitry de kara ny lalahy araiky izay namafy ambéko tsara tamin'ny sahany.²⁵ Fô kôfa nandry igny ny ôlogno, de tonga ny fahavalony ké namafy voan-tsiparifary ndraiky koa tamin'ny vary ré de nandeha. ²⁶Kôfa naniry iré vary sady avy také namokatra iré voany, de nipoitry koa avy také iré voan-tsiparifary.²⁷Tonga iré mpiasan'ny tômpon-tany ké nivolagna taminanjy hoe: 'Tompoko tsy namafy ambeko tsara takô amin'ny saha mô anà? Nagnino izy aminjao nanjary misy voan-tsiparifary?' ²⁸Aozy taminjaré ré hoe: 'Nisy fahavalo nagnano izegny.' Aozy mpiasa taminanjy hoe: 'ké tianà mô ny hadihananay hamôngotro ananjy ré?'²⁹Ilay tompon-tany nivolagna hoe: 'Ahé. Satria koà hongotanaré iré tsiparifary anaré de mety voahongotro miaraka amin'iré koa ny vahi-bary. ³⁰Ambilay hiaraka haniry zaré roa mandrapahatongavan'ny fisangoragna. Amin'ny fotoam-pisangoragna de hivolagna amin'ny mpisangotro zaho ho: ''Alao alôngany iré ahi-dratsy ké fihezo ho fatôragna maromaro mbô handoroagna ananjy ré, fô afompôno akô amin'ny fitoem-bokatranahy ndraiky iré vary.'''''³¹Avy také Jesosy nagnatôro fagnoharagna raiky hafa taminjaré ré. Aozy hoe: ''Ny fanjakan'ny lanitry de karaha ny voatsinampy izay nalain'ny lalahy raiky ké nafafiny takeo amin'ny sahany. ³²Io voa io tokoa voa hely indrindra hafa jiaby. Fô kôfa nagniry akao amin'ny saha. Tônga hazo izegny, mbô hihavian'iré voron'ny habakabaka ké hagnano ny tragnonjaré zaré aké amin'irè rantsany.''³³Avy také Jesosy nivolagna ôhatra raiky hafa. ''Ny fanjakan'ny lanitry de karaha karibônaty izay nalain'ny viavy raiky ké nafangarony tamina lafarinina intelo famaragna-pitômbo ny foto-koba manotolo.''³⁴Fagnoharagna no nagnatoroan'i Jesosy iré raha jiaby iré tamin'ny fokon'ôlogno; ary tsy nivolagna na ino na ino taminjaré ré afa-tsy tamin'ny fagnoharagna Izy. ³⁵Izegny de mbô hahatanteraka izegny nivolagniny tamin'ny alalan'ny mpaminagny, kôfa nivôlagna Izy hoe: ''Izaho hisôka-bava amin'ny alalan'ny fagnoharagna. Hivôlagna raha zay nasitriky hatrizay nagnorenagna izao tontolo izao Zaho.''³⁶Avy také Jesosy nandao iré fokon'ôlogno ké nandeha andrano. Nakao aminy iré mpianany ké nivôlagna hoe: ''Azavéo aminày ny fagnoharagna mômba ilay tsiparifarin'ny saha.'' ³⁷Namaly Jesosy ké nivôlagna hoe: ''Ilay mamafy ambeko tsara de ny Zanak'ôlogno. ³⁸Ny saha de izao tontolo izao, ké ny ambeko tsara, iré no zanaky ny fanjakagna. Ny tsimparifary de iré zanak'ilay ratsy, ³⁹ké ny fahavalo zay namafy anajy iré de ny devoly. Ny fijinjagna de ny fiafaran'izao tontolo izao, ké ny mpijinja de iré anjely.⁴⁰Noho izegny, karaha ny anangonagna sy agnoroagna iré tsimparifary amin'ny afo, no atô kôa amin'ny fiafaran'izao tontolo izao. ⁴¹Hagnasa irè anjely ny Zanak'ôlogno, ké ho angonin-jaré ré hiala amin'ny fanjakany irè raha jiaby izay mahatônga fahotagna, sy iré izay magnano ratsy. ⁴²Ké atsipin-jaré ré akô amin'ny lafôro maventy be mirehitra afo izy iré, izay hisy ny fitomagniana sy ny fikitroha-nify. ⁴³Avaké hamiratra karaha masoandro akô amin'ny fanjakan'ny Ran'izy iré ny ôlo-marigny. Izay mana-tadigny aoka izy hitandregny.⁴⁴Ny fanjakan'ny lagnitra de karaha hariagna izay mivony akô amin'ny saha araiky. Nisy lalahy nahita izegny ké nasitriny. Nandeha tamin'ny hafaliagnany izy, nambidiny izay raha nananany, ké nividy io saha io. ⁴⁵Ké kôa, ny fanjakan'ny lagnitry de karaha ny lalahy izay mpivarotro mitady voahangy lafo vidy. ⁴⁶Kôfa nahita voahangy araiky izay tegna lafo vidy izy, de nandeha ke nivarotra izay jiaby nananany ke nividy izegny.⁴⁷Ké kôa, ny fanjakan'ny lagnitra de karaha ny harato izay natsipy tagny andranomasigny, ké nanangogno iré karazan-draha-manan'aina jiaby. ⁴⁸Kôfa feno izegny, de nisintonin'iré mpagnarato ho aké amoron-dranomasigny. Avaké izy iré nipetraka ke nanangogno iré raha tsara ho akô amian'ny fitoeragny, fô iré raha tsy ilaigny ndreky narian-jaré ré.⁴⁹Ho karanjegny amin'ny fiafaran'izao tontolo izao. Ho avy iré anjely ké hagnasaraka iré ratsy fagnahy amin'iré marigny. ⁵⁰Ho atsipin-jaré iré akô amin'ny fandoroagna maventy be mirehitry afo izy iré, zay hisy ny fitomagniagna sy fikitroha-nify.⁵¹Mazava aminarè mô izegny raha jiaby izegny?'' Aozy iré mpianany taminanjy hoe: ''Ia.'' ⁵²Avy také Jesosy nivôlagna tamin-jaré ré hoe: ''Noho izegny ny mpanora-dalàgna jiaby izay lasa mpianatra eo amin'ny fanjakan'ny lagnitra de karaha ny lalahy tompon-tragno araiky, izay mamoaka iré raha tranaigny sy iré raha vaovao avy akô amin'ny hariagnany.'' ⁵³Avy také rehefa nahavita iré fagnoharagna iré Jesosy, de niala tamin'izé toeragna izegny Izy.⁵⁴Avy také Jesosy niditry tao amin'ny taniny manôkagna ké nampianatra irè vahôaka tao amin'ny synagogan-jaré ré. Vokatr'izegny de talanjogno zaré ré ké nivôlagna hoe: ''Avy akéza no nagazon'itô lalahy itô ny fahindriagnany sy iré fahagagagna iré? ⁵⁵Tsy io lalahy io mô no zanak'ilay mpandrafitra? Tsy Mary mô no hagnatsôvagna ny mamany? Tsy Jakoba, Josefa, Simona, ndraiky Jodasy mô no rahalahiny? ⁵⁶Tsy miaraka amintsika mô iré anabaviny jiaby? Avy akéza no nazahoany iré raha jiaby iré?''⁵⁷Tohigny nohon'ny aminanjy zaré ré. Fô aozy Jesosy tamin-jaré ré hoe: ''Tsy misy mpaminagny tsisy hajany raha tsy akô amin'ny firenegnany sy akô amin'ny fianakaviagnany foagna.'' ⁵⁸Tsy de nagnano fahagagagna be takô Izy nohon'ny tsy finoan-jaré ré.

¹Taminjagny fotoagna zagny, Heroda mpanjaka naharegny ny vôvô mikasika an'i Jesosy. ²Aozy tamin'ireo mpiasany hoe: ''I Jaona mpagnano batisa zagny; nifoha tamin'ny maty izy. Nohonjany de miasa aminanjy akô iré hery irè.''³Fô Heroda nanambotra an'i Jaona, namehy ananjy, avy aké nagnandefa ananjy tagny antragno maizigna noho i Herodiasy, vadin'i Filipo rahalahiny. ⁴Fô aozy Jaona taminanjy hoe: ''Tsy ara-dalàna ho anà ny mana Ananjy ho vadinà." ⁵Nagniry ny hamono ananjy Heroda, saingy natahotro iré fokonôlogna izy, satrià noraisin-jaré ré kara n'y mpaminany izy.⁶Fô kôfa tônga ny fitsingerenan'ny andro nahatirahan'i Heroda, de nandihy také tantegnategnan'iré vahiny nasaigna ny zanaka viavin'i Herodiasy ke tian'i Heroda. ⁷Ho takalon'izegny, de nampagnategna tamin'ny fianiagnana izy ny hagnamia izay hangatahiny na ino na ino.⁸Kôfa avy notoroan'ny reniny marika, de aoziny izy hoe: ''Amiao anahy aketo, ambonin'ny lasety, ny lôhan'i Jaona mpagnano batisa.'' ⁹Nahinankinaka mafy nohon'ny fangatahany ny mpanjaka, kanéfa nohon'ny voady sy noho iré jiaby nihinagna niaraka taminanjy, de nagnamia baiko izy fô tôkony ho vita izégny.¹⁰Nagnasa ké nampaka ny lôhan'i Jaona takô an-tragnomaizigna izy. ¹¹Avy aké nindosigna tamin'ny lasety ny lôhan'i Jaona ary namiana ilay zazaviavy ké nindosiny také amin'ny reniny izegny. ¹²Avy aké de tônga iré mpianatrany, nalaka ilay faty, ké nandevina izegny. Tafaran'izegny, de nandéha izy iré ké nivolagna tamin'i Jesosy.¹³Izy koà naharegny izegny Jesosy, de niala avy také tamina sambohely araiky izy hakagny amina toeragna mitôkana araiky. kôfa naharegny izegny iré fôkon'ôlogno, de nagnaraka Ananjy an-tôngotro avy tagny amin'iré tanàm-bé. ¹⁴Avy také Jesosy naké anoloagnanjaré ré ké nahita iré fôkon'ôlogno maro bé. Nahinankinaka ananjy iré Izy ké nagnasitragna ny aretignanjaré ré.¹⁵Kôfa tônga ny hariva, de nenga taminanjy iré mpianatra ké nikoragna hoe: ''Itô de toerana foagna, ké efa tapitra sahady ny andro. Alefaso iré fôkon'ôlogno, mbô hahafahanjaré ré ménga akagny amin'iré tanàna ké hividy hanina ho an'ny tegnanjaré zaré.''¹⁶Fô Jesosy nivôlagna anjaré hoe: ''Tsy mila ménga lavitra zaré. Aminaré zaha hoanina zaré.'' ¹⁷Aozinjaré taminanjy hoe: ''Môfo dimy sy laoko arö foagna no hanananay akéto.'' ¹⁸Aozy Jesosy hoe: ''Indosy atô aminahy izégny.''¹⁹Avy aké Jesosy nibaiko iré fôkon'ôlogno mbô hipétraka aké amin'ny ahitra. Nalainy iré môfo dimy sy laoko arö. Niandra tagny an-dagnitra, de nisaotra Izy ké nanapatapaka iré môfo ké namiany iré mpianany, ary iré mpianatra nagnamia izégny ho an'iré fôkon'ôlogno. ²⁰Nihinagna jiaby zaré jiaby ké voky. Avy aké de nangoninjaré ré ny ankeran'iré potikanina ké nahafeno roiambinifôlo tanty. ²¹Také amin'ny dimy arivo lahy také iré nihinagna, akoàtra iré zaza mbam-biavy.²²Avy hatragny de nasainy nakô amin'ny sambohely ké hialôha Ananjy ho eny ampita irémpianany, kô mbôla nandefa iré fôkon'ôlogno Izy. ²³Tafaran'ny nandefasany iré fôkon'ôlogno, de nénga niakatra tegny an-tendrombôhitra araika Izy mbô hivavaka. Kôfa tônga ny hariva, de araika také Izy. ²⁴Ary ny sambo de efa dila lavitra ny tanety, natopatopan'ny onja, satrià nitsoka nanohitra anjaré ré ny rivotra.²⁵Tamin'ny fiambenagna fahefatry ny aligna de nagnantonanjaré ré Jesosy, nandéha tegny ambôny ranomasigna. ²⁶kôfa nahita Ananjy nandéha tegny ambôny ranomasigna iré mpianatra, de raiki-tahotra ké nivôlagna hoe: ''Angatra io,'' Ké de ny nihaikaika tamin-tahotra zaré ré. ²⁷Fô Jesosy nivôlagna taminjaré ré avy hatrany hoe: ''Mahereza! Izaho itô! Aza matahotra.''²⁸Namaly Ananjy Petera ké nagnano hoe: ''Tompo, kô Anà i, de asao magnatona Anà egny ambônin'ny rano zaho.'' ²⁹Aozy Jesosy hoe: ''Magnatôna'' ké de niala avy takô amin'ny sambohely Petera ké nômba také ambôny rano mbô hagnatona an'i Jesosy. ³⁰Fô kôfa nahita ny rivotra Petera, de nanjary natahatra. Kôfa iny izy nanômboka nijibika iny, de nihaika mafy izy sady nivôlagna hoe: ''Tompo, vonjeo zaho!''³¹Tônga de nanapatra ny tànananjy nalaky Jesosy, hitana an'i Petera, ké nivolagna taminanjy hoe: ''Anà ry hely finoagna, fô magnino anà no niahiahy?'' ³²Avy aké Jesosy sy Petera nénga homba ny sambohely, nihana nitsoka ny rivotra. ³³Avy aké iré mpianatra takô agnaty sambohely nidera an'i Jesosy ké nivolagna hoe: ''Anà marigna no Zanak'Andriamanitra.''³⁴Kôfa avy niampita zaré ré, de tônga teny an-tanety takô Genesareta. ³⁵Kôfa nahay an'i Jesosy iré lalahy takô amin'izegny toeragna izegny, de nandefa hafatra tegny amin'ny faritra manodidigna jiaby, ké nindôsinjaré takô Aminanjy izégny ôlogno narary jiaby. ³⁶Nitaraigna Taminanjy zaré mbô hahafanjaré mikasiky ny morondambany foagna aza, ké fôntry iré nikasika izegny ké nahivagna.

¹Avy také nisy Fariseo sy mpanôra-dalag sanatsanany avy agny Jerosalema nagnatogna an'i Jesosy. Aozin-jaré ré hoe: ²''Nagnino iré mpianatranà no madika ny fômban-drazan'iré zôky ôlogno? Fô tsy magnasa ny tanagnananjy zaré ré mialôhan'ny ihinagna.'' ³Namaly Izy ké nivôlagna taminjaré ré hoe: ''Ké nagnino ary anaré no mandika ny lalàn'Andriamanitra nohon'ny fômban-drazanaré?⁴Fô Andriamanitra nivôlagna hoe: 'Hajeo ny babanà ndraiky mamanà', ary izay mivôlagna ratsy ny babany na ny mamany, dé ho naty tokoatra.' ⁵Fô anaré mivôlagna hoe: 'Na zôvy na zôvy mivôlagna amin'ny babany na ny mamany hoe: "Na ino na ino fagnampiagna izay azonaré avy aminahy de fagnomezagna ho an'Andriamanitra avahizo,''' ⁶izegny ôlognô izegny tsy mila magnaja ny babany. Amin'izagny fômba izegny de nofoagnanaré ny tenin'Andriamanitra nohon'ny tombotsoan'iré fômban-drazanaré.⁷Ry mpiatsaravelatsy! Marigna ny faminaniagnan'Isaia mômba anaré kô mivôlagna izy hoe: ⁸'Itô fokonôlo tô de magnaja anahy amin'ny molotra anjaré ré, fô ny fôn-jaré ré de lavitra anahy. ⁹Tsisy dikany ny fideragna anahy, satia zaré ré ampianatra ny didin'ôlombelogno karaha ny fampianaran-jaré ré.'''¹⁰Avaké magnantso ny fokon'ôlo ho aké Aminanjy Izy ké nivôlagna tamin-jaré ré hoe: "Mitandrignesa kè mazahoa - ¹¹Tsy ny miditry akô ambavan'ny ôlogno no mandoto ny ôlogno. Fô ndraiky, izay aboaky ny vava, no mandoto ny ôlogno."¹²Avy aké nagnantogna iré mpianatra ké nivôlagna tamin'i Jesosy hoe: "Izy mô hainà fô tafitohigna iré Fariseo nohon'ny naharegny izègny koragna izègny?" ¹³Jesosy namaly ké nivôlagna hoe: "Iré raha-maniry izay tsy nambolen'ny Babako agny andagnitra de ho avotagna jiaby. ¹⁴Ambilé zaré ré ho aké, zaré ré mpitarika jamba. Kô misy ôlogno jamba araiky mitarika jamba araiky hafa, de somby nilatsaka an-kady zare roa."¹⁵Petera namaly ké nivôlagna tamin'i Jesosy hoe: ''Azavéo aminay izégny hôatra izégny. '' ¹⁶Aozy Jesosy hoe: Tsy manam-pahalagna foagna koà mö anaré?'' ¹⁷Tsy hitanà mö fô izay miditry amin'ny vava de mankô ambôtraka ary avy aké de haboaka akô amin'ny lava-piringy?¹⁸Fô iré raha izégny aboaka ny vava de avy amin'ny fô. Iré raha iré no mandoto ny ôlogno raika. ¹⁹Fô avy amin'ny fô no hiboahan'ny sain-dratsy, ny famonogna ôlo, ny fijangajangana, ny fangalam-badin'ôlogno, ny halatra, ny fijoroagna vavolombelogno tsy marigny, ary ny fivolagnan-dratsy. ²⁰Iré raha iré no mandoto ny ôlogno raiky. Fô ny mihinagna amin'ny tagnana tsy miasa de tsy mandoto ny ôlogno raiky."²¹Avy aké Jesosy niala také kè niherigna tagny amin'ny faritanin'i Tyro sy Sidona. ²²Igny, nisy viavy Kananita araiky avy amin'ny izegny faritra izegny. Nihèky mafy izy ké nivôlagna hoe: "Mamindrà fô aminahy, ry Tompo, Zanaka an'i Davida o! Ny zanako viavy de ampijalian'ny demonia mafy." ²³Fô Jesosy tsy namaly koragna ananjy. Nagnantogna iré mpianatra ananjy ké niangavy taminanjy, nagnano hoe: "Toravo izy, fô mitabataba mafy amintsika."²⁴Fô Jesosy namaly ké nivôlagna hoe: "Tsy nasaigna ho anjovy na izôvy Zaho kô tsy ho an'ny ondry very akô amin'ny fianakavignan'Isiraely." ²⁵Fô tônga sy nangataka sy niankohotro také anatrèhany izy, nagnao hoe: "Tompo, vonje zaho." ²⁶Namaly Izy kè nagnano hoe: "Tsy rariny kô alaigna ny môfon-jaza ké atsipy ho an'ny kiva."²⁷Fô ahoziny hoe: "Ia, Tompo, fô na de ny kiva aza mbô mihinagna izay helihely latsaka avy amin'ny latambatry ny tompony." ²⁸De namaly Jesosy ary nivôlagna taminy hoe: "Raviavy, matomboka ny finoagnanà; ho tanteraka aminà anie izegny araka izay irianà." De nahivagna ny zanany viavy taminjagny ora izegny.²⁹Niala také Jesosy nankeny akaikin'ny ranomasin'ny Galilia. Avaké de nakatra tagny an-tendrombôhitra raiky izy kè nantotry také. ³⁰Fôkon'ôlo fôntry no nagnantogna Ananjy. Nindosinjaré ré niaraka taminjaré ré mandringa, ny jamba, ny moana, ny kilemaina, ary marary hafa koà, nambèlan-jare ré také an-tongotran'i Jesosy iré; ké de nositraniny. ³¹Kè de variagna ny fôkon'ôlo kô nahita iré moana nivôlagna, ny kilemaina nahivagna, ny malemy afaka nandeha, ary ny jamba mahiratra. Nankalaza ny Andriamanitr'Israely zaré ré.³²Nagnantso ire mpianany mbô hagnatogna Ananjy Jesosy ary nivôlagna hoe: ''Mahinakinaka ire vahoaka Za, satrià aifa telo andro sahady izy ire no nipaitraka taminahy naifa tsisy anigna. Tsy te hagnondaifa azy ire tsy hômagna Za, sô de tôragna eny an-dalàgna eny.'' ³³Hoy ire mpianatra Taminy hoe: ''Akaiza no hahitanay môfo fanôka sy ampy ire vahoaka maro be ire atô angnefitra? ³⁴Nivôlagna Jesôsy tamin'izy ire hoe: "Môfo firy no agny aminare?'' Ary hoy izy ire hoe: "Fito, sy lôka madinika vitsy.'' ³⁵Avake Jesosy nagnasa ny vahoaka mbô hipaitraka amin'ny tany.³⁶Nandray ny môfo fito miaraka amin'ny lôka Izy, ary kôfa nisotra, de namaky ny môfo kay nanôlotra ire ho an'ire mpianatra. Ire mpianatra nagnamià ho an'ny vahoaka. ³⁷Nihinagna kay afa-pô ny jiaby. Avake izy ire nanangogna sobika fito feno hambihambiny zay tsy lany. ³⁸Ire zay nihinagna de aifatra arivo lahy, tsy agnatiny ny zaza amam-biavy. ³⁹Avake Jesosy nampody ny vahoaka kay niondragna an-dakagna ary de nandaiha akagny amin'ny faritr'i Magadana.

¹Tonga iré Fariseo sy Sadoseo ké nitsapa Ananjy ké nangataka Ananjy mbô hagnatoro anjaré famantaragna avy agny andagnitry. ²Fô Izy namaly ké nivolagna anjaré hoe: ''Kôfa hariva, de hoizinaré hoe: 'Ho tsara ny andro, fô mena ny lagnitry.'³Kôfa mandraigny, de hozinaré hoe: 'Ho ratsy ny andro, fô mena sy manjômbogno ny lagnitry.' Hainaré ny mamantatra ny endriky ny lagnitry, fô ianaré tsy afaka mandika iré famantaragna ny fotoagna. ⁴Ny taranaka ratsy sy mpijangajanga de mizaha famantaragna, fô tsy hisy famantaragna hamiagna ananjy akoatra ny famantaragna an'i Jaona.'' Avy také Jesosy nandao anjaré ké lasagna.⁵Kôfa tonga teny ampitany iré mpianatra, de adinonjaré ré ny nitondra môfo. ⁶Ahozy Jesosy taminjaré ré hoe: ''Miambena ary mitandrema amin'ny masirasiran'iré Fariseo sy Sadoseo.'' ⁷Niady hevitra ire mpianatra ké nivolagna hoe: ''Noho isika tsy nitondra môfo izegny.'' ⁸Jesosy nahay izegny ké nivolagna: ''Ianaré ry kely finogna, nagnino ianaré no miady hevitra aminaré ké mivolagna fô nohon'ny tsy nitondranaré môfo izegny?⁹Mbola tsy fantanaré na tsaroanaré mé ny môfo dimy ho an'ny dimy arivo, ké sobika firy no nangoninaré? ¹⁰Na iré môfo fito ho an'iré efatr'arivo, ary sobika firy no nalainaré?¹¹Manakory no tsy azahoanaré fô tsy momban'ny môfo no nivolagniko anaré? Miambena ké mitandrema amin'ny masirasiran'iré Fariseo sy Sadose.'' ¹²Avaké azonjaré ré fô tsy hitandrina amin'ny masirasiran'ny môfo no nivolagniny anjaré, fô hitandrina ny amin'ny fampianaran'iré Fariseo sy Sadoseo.¹³Kofa tonga tagny amin'ny faritra mariny any Kaisaria-filipo Jesosy, de nagnotany iré mpianany Izy, nagnano hoe: ''Ataon'ny ôlogno ho zovy mô ny Zanak'ôlogno?'' ¹⁴Aozi-jaré hoe: ''Ny sanany mivolagna fô Jaona mpagnano batisa; ny sanany, Elia; ary iré hafa, Jeremia, na araika amin'iré mpaminany.'' ¹⁵Aozin'ny tamin-jaré hoe: ''Fô anaré ndraiky manano Anahy ho zovy?'' ¹⁶Namaly, Simona Petera nagnano hoe: ''Inao no Kristy, Zanak'ilay Andriamanitra velona.''¹⁷Namaly Jesosy ké nagnano taminy hoe: ''Sambatra anô, ry Simona Bar-Jaona, fô tsy ny nofo sy rà no naneho izany taminô, fô ny Raiko izay any an-dagnitry. ¹⁸Volagniky aminaré ndraiky koa fô anô no Petera, ary ambonin'itô vatolampy itô no hagnoregnako ny fiangonako. Ny vavahadin'ny tragno manara dé tsy haharesy izegny.¹⁹Hamiako anré ny lakilé ny fanjakan'ny lagnitra. Na ino na ino fehizinô aketo ambônin'ny tany de ho fehezigna akagny an-dagnitra, ary na ino na ino vahanô ety an-tany de hovahana akagny an-danitra.'' ²⁰Avy také Jesosy nadidy iré mpianatra fô izy iré de tsy tokony hivolagna na aminjovy na izovy fô Izy no Kristy.²¹Tamin'izegny fotoagna izegny Jesosy nanomboko ny volagna iré mpianany fô tsy maintsy ho agny Jerosalema Izy, hizaka fijaliagna fontry aké an-tanan'ny loholona sy ny lohan'ny mpisôrogno ndriky iré mpanora-dalàna, ho vonoina, sy hatsangana ndraiky amin'ny andro fahatelo.²² Avy aké Petera nalaka Ananjy ké nivolagna mafy Ananjy, nagnano hoe: ''Ho lavitra anô ane izegny, ry Tompo; tsy hotônga aminô mihintsy anie izegny.'' ²³Fô Jesosy nitôdiky ké ny volagna tamin'i Petera hoe: ''Mialà agny ivohoko, ry Satana! Ianao de fagnafitoinagna ho Anahy, noho ianô tsy nanahoa iré rahan'Andriamanitra, fô iré rahan'ôlogno.''²⁴Avy aké Jesosy nivolagna tamin'iré mpianany hoe: ''Raha misy te-hagnaraka anahy, de tsy maintsy manôhitra ny tegnany izy hitondra ny hazofijaliagnany, ké manaraka Anahy. ²⁵fô na zovy na zovy te-hamonjy ny ainany de hahavery ananjy, ary na zovy na zovy no hahavery ny ainany nohon'ny aminahy, de hahazo izegny. ²⁶Fô ino mô no soa ho azon'ny ôlogno izikoa mahazo izao tontolo izao nefa ka very ny ainy? Inona no hamian'ny ôlogno ho takalon'ny ainy?²⁷Fô ny Zanak'ôlogno de ho tonga amin'ny voninahitriy ny Babany miaraka amin'iré anjely. avy aké Izy hamaly soa ny ôlogno tsy raikaraika arka izay efany. ²⁸Volagniko marigny aminaré, fô misy sanany aminaré izay mijoro aketo no tsy hitsapa ny fahafatesana mandrapahitagnan'jaré ré ny Zanak'ôlogno tonga amin'ny fanjakagny.''

¹Enign'andro taty afara Jesosy de nangala an'i Petera, Jakoba, sy Jaona rahalahiny niaraka taminanjy, ké nitondra ananjy iré niakatra ny tendrombohitra ambo tamin'ny tegnanjaré ré. ²Niôva endrika také agnatreahanjaré ré Izy. Namiratra karaha ny masôva ny tavany, ké iré fitafiany lasa namiratra karaha ny hazavagna.³Io, niseho taminjeré ré Mosesy sy Elia nikoragna taminany. ⁴Namaly Petera ké nagnano tamin'i Jesosy hoe: ''Tompo, tsara amintsika ny aketo. Kôfa sitrakaré, de hagnano fialofagna telo ho antsika aketo zaho - araiky ho anà, araiky ho an'i Mosesy, ké araiky ho an'i Elia.''⁵Kôfa mbôla nivôlagna Izy, io, nisy rahogna mazava nanarogna ananjy iré, ké io, nisy feo nivoaka avy takô amin'ny rahogna, nagnano hoe: ''Itô ny Zanako malalako, zay sitrako tokoà. Tandrigneso Izy.'' ⁶Kôfa regnin'iré mpianatra izégny, de lavo zarè ré ké natahotra mafy. ⁷Avaké tamy Jesosy ké nikasika ananjy ré ké nivôlagna hoe: ''Mitsangàna ké aza matahotra.'' ⁸Avy aké de nizaha ambony zaré ré fô tsy nahita na zôvy na zôvy afa-tsy Jesosy irery foagna.⁹Kôfa nidigna ny tendrombohitra zaré ré, de nandidy ananjy ré Jesosy, nagnano hoe: ''Aza mitatitra izô fahitagna izô na amin'izô na zô mandra-pitsangan'ny Zanak'ôlogna amin'ny naty.'' ¹⁰Nagnontany Ananjy iré mpianany, nagnano hoe: ''Akôry ké iré mpanora-dalàgna no mivôlagna fô Elia de tsy maintsy ho avy alôha?''¹¹Jesosy namaly ké nivôlagna hoe: ''Elia de ho avy tokoà ké hamerigna amin'ny laoniny ny raha jiaby. ¹²Nefa volagniko aminaré, fô efa tônga Elia, fô zaré ré tsy nahafantatra ananjy. Mifanohitra amin'izégny, nagnano ny raha jiaby zay tiany natô taminanjy zaré ré. Ké karaha izégny foagna koà, ny Zanak'ôlogna foagna koà de hijaly aké an-tagnanjaré ré. ¹³Avaké de azon'iré mpianatra fô nivôlagna taminanjy iré ny momba an'i Jaona mpagnano Batisa Izy.¹⁴Kôfa tônga také amin'ny vahoaka zaré ré, de nisy lalahy araiky nagnantogna Ananjy, nandohalika také agnatrehany, ké nivôlagna hoe, ¹⁵''Tompo, manàgna famindram-pô amin'ny zanako lahy, fô voan'ny androbe izy ké mijaly mafy. Fô mianjera teteka agny agnaty afo na rano izy. ¹⁶Nitondra ananjy také amin'iré mpianatrao zaho, fô tsy afaka nagnasitragna ananjy zaré ré.''¹⁷Namaly Jesosy ké nivôlagna hoe: ''Ry taranaka tsy mpino sy simba toetra, mandra-pahoviagna no tôkony hipetraka aminaré? Mandra-pahoviagna no tsy maintsy ivolagnako miaraka aminaré? Indosy aketo aminahy izy.'' ¹⁸Nivolagna mafy ny demonia Jesosy, ké nivoaka taminanjy izégny ké de sitragna tamin'izégny lera izégny lay zaza lalahy.¹⁹De nagnantogna an'i Jesosy mangingigna iré mpianatra ké nagnano hoe: ''Magnino no tsy nahavita namoaka an'igny zahay?'' ²⁰Jesosy nivôlagna ananjy iré hoe: ''Noho ny finoagna helinaré. Fô vôlagniko marigna aminaré, kôfa managna finoagna na de hely karaha ny voatsinampy aza anaré, de afaka mivôlagna amin'itô tendrombohitra itô anaré hoe: 'Mifindrà avy aketo ho etsy,' de hifindra izégny ké tsy hisy na ino na ino tsy ho hainaré atô. ²¹[Fagnamarihagna: Ny dika-teny talôha tsara indrindra de tsy ahitagna ny hoe And.21. ''Fô itô karazagna demonia itô de tsy mivoaka kôfa tsy miaraka amin'ny vavaka sy fifadian-kanigna.'']²²Kôfa nipetraka tagny Galilia zaré ré, de ahozy Jesosy tamin'iré mpianany hoe: ''Ny Zanak'ôlogna de hatolotra aké an-tagnan'ny ôlogna, ²³ké zaré ré hamono Ananjy, ké ny andro fahatelo de hatsangagna Izy.'' Lasa nalahelo tanteraka iré mpianatra.²⁴Kôfa tônga tagny Kaperinaomy zaé ré, de nankeo aminanjy Petera iré lalahy zay nanangogna ny hetra atsasaky ny sekely ké nivôlagna hoe: ''Tsy mandoa ny hetra atsasaky ny sekely vô ny mpampianatraré? ²⁵Ahozy izy hoe: ''Ia.'' Fô kôfa niditra takô an-tragno Petera, de Jesosy alôha no nikoragna taminanjy ké nagnano hoe: ''Ino no eritreritranà, ry Simona? Iré mpanjaka taketo an-tany, avy aminjôvy no andraisanjaré ré hetra na hetran'ôlogna? Avy amin'iré vahoakany vô sa avy amin'iré vahiny?''²⁶Kôfa nivôlagna Petera hoe: ''Avy amin'iré vahiny,'' De ahozy Jesosy taminanjy hoe: ''De afaka amin'ny fandoavagna izégny iré vahoaka. ²⁷Fô mbô tsy hampanotantsika ny mpamory hetra, de mandeha agny amin'ny ranomasigna, manipàza fitagna akô, ké alay ny laoko zay miakatra voalôhany. Kôfa voasôkatra ny vavany, de hahita sekely anà. Alay izégny ké amiao iré mpamory hetra ho Anahy sy ho anà.''

¹Tamin'jany fotoagna zegny fôagna de tônga také amin'i Jesosy iré gaognany nivôlagna hoe: ''Izovy ambôny tokoatra akagny amin'ny fanjakan'ny lagnitry?'' ²Jesosy nagnatso zaza hely andéa aké aminanjy, namétraka ananjy taminjaré, ³ké nivôlagna hoe: '' Volagniko aminaré tégna marigna, fô kô tsy miôva karaha iré zaza heky iré anaré, de tsisy fômba hitsofôranaré amin'ny fanjakan'ny lagnitry.⁴Aviamin-jagny, na zôvy na zôvy magnetry tégna kara itô zaza hely tô de ambony tokoatra izy agny amin'ny fanjakan'ny lagnitry. ⁵Na zôvy na zôvy mandramby zaza hely karan-jao amin'ny agnarako de mandramby Anahy. ⁶Fô nazôvy na zôvy mahatônga raiky amin'iré zaza hely zégny mino Anahy ré hanota, de tsara aminanjy agnatôgnana fikosoambary maventy amin'ny tendany, ké halentiky agny amin'ny ranomasigna laligna izy.⁷Tsigny ho an'izao tontolo izao avy amin'ny fotoagnany fagnafintohinagna! Fô ilaigny ny ahatongavan'izegny fotoagna izegny néfa tsigny ho an'ôfo zény hiavian'ny fotoagna zégny! ⁸Kô mahatonga anà tafintohigna ny tagnanà na tongotranà de bongoaho zagny ké alao aminà. Tsara loatra aminà ny managnantsa na mitsitringa agny amin'ny fiainagna mandrakizay tozay very agny amin'ny afo tsy mety maty amin'ny fanagnana tagnana ndraiky tongotra aroa.⁹Kô mahatônga fanafintohinagna aminà ny masonà raiky, ipohaho zagny ké alao aminà. Tsara loatra aminà ny mitsofotro amin'ny fihainagna mandrakizay miaraka amin'ny maso tôkagna tozay very agny aminy afo tsy mety maty miaraka amin'ny maso roè.¹⁰Tandremo tsy hagnano tsisy dikany an'iré zamadiniky iré naré. Fô mivolagna aminaré Zah fô agny an-dagnitry iregny anjely regny de mizaha fôgna ny endriky ny Babako agny an-dagnitry. ¹¹[Fagnamarihagna: Ny dikan-teny talôha tsara tegna tsara de ahitagna ny fehezanteny zay miboaka karaha, And.11.hoe: ''Fô ny zanak-ôlogno de tônga mbô hamonjy zôgny very.'']¹²Ino mbô eritreretinaré? Kô misy mitarimy ondry zato, ké very lalagna ny araiky aminjaré, de tsy laôsany marô ny sivy ambiny sivy fôlo aké amin'ny avona mô izy ké mandeha mizaha lé raiky zay nakagny amin'ny lalagna nahavery ? ¹³Kôfa hitany zégny, de volagniko marigna aminaré, fô nifaly amin-angny mihotra lavitra noho iré sivy ambiny sivy fôlo lay tsy nandeha tamin'ny lalan-diso izy. ¹⁴Karahan-jegny koa, tsy sitraky ny Babanaré agny andagnitry ny hahavery ny araiky amin'iré madiniky iré.¹⁵Kô manota aminà rahalahinà, mengaha ké volagno aminanjy ny hadisôvany, aminé ndraky izy fôagna. Kô mitandregny anà izy, de hifankahazo aminanjy ndraika anà. ¹⁶Néfaka kô tsy mitandregny anà izy, de mangalà raiky na roé hafa miaraka aminà, amin-jay mbô amin'ny vavan'iré vavolomelogno roé na telo no ahafanà manarigna ny koragna jiaby.¹⁷Izy kôfa tsy magneky hitandregny anjaré ré izy de volagno amin'ny fiangonagna ny raha nandalo. Kô tsy magneky hitandregny ny fiangonagna koa izy, de ambilay izy kara ny Jentilisa ndraiky mpamory hetra.¹⁸Volagniko marigny aminaré na ino na ino fehezinaré aketo an-tany de fehezigna akagny an-dagnitry; ary na inona na inona ambélanaré aketo an-tany de ambéla akagny an-dagnitry. ¹⁹De mbôla volagniko aminaré ndraiky hoe: ''Kô misy roa aminaré magneky aketo an-tany ny aminy zegny jiaby njaré ré, de ho atao ho an-jaré izegny amin'ny alalan'ny Raiko izay agny andagnitry. ²⁰Fô na akéza misy roé na telo miaraka mivôry amin'ny Anarako, de aké antegnategnan-jaré ré Zaho. ''²¹Avy také nagnatogna' i Petera ké nivôlagna tamin'i Jesosy hoe: ''Tompo, impiry nanota aminahy ny rahalahiko ké haméla ananjy fôgna zah? Mahazo im-pito va?'' ²²Jesosy nivôlagnananjy hoy: ''Tsy mivolagna aminà zah hoe impito, fô mahazo fitopôlo im-pito.²³Noho izegny ny fanjakan'ny lagnitra de mitôvy amin'ny ampanjaka raiky zay te hifandamigna ara-bôla amin'ny mpiasany. ²⁴Kô mbôla vao nanampôna ny fandaminagna izy, de nisy piasa raiky nindôsigna také aminanjy zégny nanagnany talenta iray aligna. ²⁵Nefkà satria tsy nanagna fômba hanifagna izegny izy, de nandidy ny hamarontagna ananjy ny tômpony, miaraka aminy vadiny ndraiky zanany mbôny izay hagnanany jiaby, ké ho vitany ny fanifagna-trosa.²⁶Nohonin-jany de niondrika lay mpiasa ké niankôhoko talôhany také ké nivôlagna hoe: 'Tompo, manàgna faharetagna aminahy, de hifaiko aminà ny raha jiaby.' ²⁷Nohon-jany ny tompon'jany mpiasa zegny, nahinakinaka ké nagnafaka ananjy ké naméla ny trôsa tamin'jany.²⁸Fô niboaka io mpiasa io ké nahita ny raiky tamin'iré mpiaramiasa taminanjy, zay nanagnany denaria zato. Nisambôriny izy, niraisiny tamin'ny téndany, ké nivôlagna hoe: 'Iféo aminà zegny notrosainà. ²⁹Néfa niondrika io mpiaramiasa taminanjy io ké nitaraigny taminanjy, nagnano hoe: 'Managna faharetagna aminahy, de iféko ndraiky aminà.'³⁰Néfaka tsy nagneky le mpiasa vôlôngany. Mifanôhitra amin-jeny, nénga izy ké nataony tampigadrana le mpiara miasa aminanjy mandra-mpanifainy aminy zay nitrosainy. ³¹Kôfa nahita zegny niseho iré mpiara miasa taminanjy, de nahinakinaka tégnany zaré ré. Nénga ké nivôlagna tamin'ny tompony zay jiaby niseho zaré rè.³²Avy také nagnatso ananjy io patrôgnany io, ké nivôlagna ananjy hoe: 'Anà mpiasa ratsy fagnahy, nambela ny trôsako jiaby taminà zaho satria anà nitaraigny taminahy. ³³Tsy tôkony hanagna famindrapô amin'ny mpiaramiasa aminà koa mô anà, karaha nanagnako indrafô taminà?'³⁴Vignitra ny patrôgnany ké nitôndra ananjy tagny amin'iré mpampijaly mandra mpanifainy izegny jiaby nitrosainy. ³⁵Karan-jegny anön'ny Raiko agny andagnitry aminaré, kô tsy maméla ny rahalahy amin'ny fôny ny tsiraikiraiky aby aminaré.

¹Izy kôfa nahavita iré koragna ré Jesosy, niala tagny Galilia Izy, ké nankagny amin'ny faritr'i Jodia izay tagny andafin'ny tegnaranon'ny Jordana. ²Fôkon'ôlogno fôntry no nagnaraka Ananjy, ké nampahivagna ananjy iré tagny Izy.³Nagnatogna Ananjy iré fariseo, nizaha fagnahy Ananjy, nivôlagna taminanjy hoe: ''Ara-dalagna ho an'ny lalahy vô ny misaraka amin'ny vadiny noho izay mety ho hantony jiaby?'' ⁴Jesosy namaly ké nivolagna hoe: ''Tsy nivakinaré vô fô Izy izay nagnano ananjy iré tamin'ny vôalôhany de nagnano ananjy iré ho lalahy sy viavy?⁵Izy Izay nagnano ananjy iré de nivôlagna foagna koà hoe: 'Fô noho izegny antony izegny de hadao ny babany ndraiky mamany ny lalahy ké hitambatra amin'ny vadiny, ké ho lasa nôfo araiky zaré roa?' ⁶Ké tsy ho nôfo roa éky zaré ré, fô ho nôfo araiky. Ké izay natambatr'Andriamanitra, aoka tsy hisy hampisaraka.''⁷Aozin-jaré ré taminanjy hoe: ''Nagnino zegny Mosesy no mandidy anay hagnamia taratasy fagnamarinam-pisarahagna ary avy aké hangerigna ananjy?'' ⁸Aoziny taminjaré hoe: ''fô ny hamafisam-pônaré no namelan'i Mosesy anaré hisaraka amin'ny vadinaré, ô tamin'ny vôlohany de tsy izegny no fômba. ⁹Vôlagniko anaré, na zôvy na zôvy misaraka amin'ny vadiny izy kôà tsy nohon'ny fijangajangagna, ké manambady hafa, de mandiadia vady; ke ny lalahy manambady viavy izay efa nisarapanambadiagna de mijangajanga.''¹⁰Iré ampianatra nivôlagna tamin'i Jesosy hoe: ''Kôa zegny no toetran-dalahy amin'ny vadiny, de tsy tsara ny manambady.'' ¹¹Fô Jesosy nivôlagna tamin-jaré hoe: ''Tsy ny ôlogno jiaby no afaka magneky izégny fampianaragna izégny, fô iré izay nambela hagneky izégny foagna. ¹²Fô misy iré inoka izay efa karaha izégny letry an-kibon-drenin-jaré ré, ké misy iré inoka izay nataon'ôlombelogno, ké misy iré inoka izay nagnano ny tegnan-jaré ré ho inoka nohon'ny fanjakan'ny lagnitry. Izy izay afaka mandray izégny fampianaragna izégny, aoka izy handray izégny.''¹³Avy aké nisy zamadinika sasantsasany nindosigna také aminanjy mbô hametrahagny tagnana aminjaré ré ké hivavaka, fô nivôlagna mafy ananjy iré iré ny mpianatra. ¹⁴Fô aoziny Jesosy hoe: "Ambilé ny zamadinika, ké aza sakanagna zaré ré hagnatogna Anahy, satriá ny fanjakan'ny lagnitry de fanôko anjaré ré." ¹⁵Napétragny také amin'iré zaza ny tagnanananjy, ary avy aké niala také Izy.¹⁶Egy, nisy lalahy nagnatogna an'i Jesosy ké nivolagna hoe: "Mpampianatra, ino ny raha manjary tsy maintsy anöko mbô hahazahoako ny fiainagna mandrakizay?" ¹⁷Jesosy nivôlagna taminanjy hoe: "Nahoana anô no magnontany mômba izay tsara aty aminay ? Araiky ihany no tsara, fô raha te-hiditra akagny amin'ny fiainagna aná, de tandremo iré didy.''¹⁸Aozy ilay lalahy taminanjy hoe: ''Didy ino?'' De aozy Jesosy hoe: ''Aza mamono ôlogno, aza mijangajanga, aza mangalatra, aza magneky vavolombelogno tsy marigny, ¹⁹Hajéo ny babanà ndraiky mamanà, ké tiavo ny mpiara-belogno aminà mitovy ny tegnanà.''²⁰Ilay gognalahy nivolagna taminanjy hoe: ''Efa nanoko jiaby izegny raha jiaby jiaby izegny. Ino no anoko?'' ²¹Jesosy nivôlagna taminanjy hoe: ''Kô magniry ny ho tônga lafatra anà, de mandihana, ambidio izay hanagnanà, ké amià ny tsy managna, fô hanagna hariagna agny an-dagnitry anà; ké aviá magnaraha Anahy.'' ²²Fô kôfa naharegny izay nivolagnin'i Jesosy ilay gognalahy, de niala tamin'alahelo izy, satriá nanagna fanagnana fôntry.²³Aozy Jesosy tamin'iré mpianatra hoe: ''Volagniko marigna aminaré, tsy môra ho an'ny mpanakariagna ny hiditry ny fanjakan'ny lagnitry. ²⁴Ké mbôla volagniko aminaré ndraiky, môra kokoá ho an'ny rameva ny miditry amin'ny vodim-pilo noho ny idiran'ny mpanakariagna akô amin'ny fanjakan'Andriamanitra.''²⁵Kôfa naregny izegny iré mpianatra, de tegna variagna tokoatra ké nivôlagna hoe: ''Izôvy ary izegny no afaka ho vonjegna?'' ²⁶Nizaha ananjy iré Jesosy ké nivôlagna hoe: ''Amin'ny ôlogno de tsy hay atô izegny, fô amin'Andriamanitry ny raha jiabijiaby de azo atô.'' ²⁷Avy také Petera namaly ké nivolagna hoe: ''Efa, nambelanay ny raha jiabijiaby ké nagnaraka anà zahay. Ino izegny no ho azonay?''²⁸Jesosy nivôlagna ananjy iré hoe: ''Volagniko marigny aminaré, amin'ny vanim-potoagna vôvô kôfa mipetraka aké amin'ny seza fiandrianan'ny voninahitrany ny zanak'ôlogna, de hipetraka aké amin'ny seza fiandrianana roa ambin'ny fôlo ihany koa anaré izay nagnaraka Anahy, hitsara iré fôko roa ambin'ny fôlon'Israely.²⁹Ny ôlogno jiaby izay nandao trano, rahalahy, anabavy, baba, mama, zanaka, na tany nohon'ny agnaragnanahy, de handray avo zato heny ké handôva fiaignana mandrakizay. ³⁰Fô maro iré izay voalôhagny ho lasa farany, ary ny farany ho voalôgny.

¹Fô ny fanjakan'ny lanitry de karaha tômpon-tany izay nandeha vô nandraina bé hapikarama mpiasa ho an'ny tanim-boalobokany. ²Kôfa avy nifagnaraka tamin'ré mpiasa izy fô ho denaria raika isan-andro ny karamanjaré ré, de nalefagny tagny amin'ny tanim-boalobokany zaré.³Niboaka ndriky izy tamin'ny ora fahatelo ké nahita mpiasa hafa takô abazary. ⁴Aozy taminjaré ré hoe: 'Anaré koá mandihana agny amin'ny tanim-boaloboka, ké izay an-keviny marigna de hamiko anaré.' Ké nénga niasa zaré.⁵Mbôla niboaka ndraiky izy erantaké amin'ny ora fahenigny ary koá tamin'ny ora fahasivy, ké nagnano kara izegny koà. ⁶Tamin'ny ora faharaika ambin'ny fôlo de niboaka ndray mandeha koá izy ké nahita mpiasa hafa nijorojoro. Aoziny taminjaré ré hoe: 'Magnino anaré no mijoro aketo mandritry ny tontôlo andro?' ⁷Aozinjaré ré taminanjy hoe: 'Tsy misy ôlogno mampikarama zahey.' Aoziny taminjaré ré hoe: 'Anaré foagna koá mandihana agny amin'ny tanim-boaloboka.'⁸Kôfa tônga ny hariva, de nivôlagna tamin'ny mpitandrin-draharahany ny tômpon'ilay tanim-boaloboka hoe: 'Antsovy iré mpiasa ké iféo ny karamanjaré ré, manômboko avy amparany ménga amin'ny vôalôhany.' ⁹Kôfa tônga iré mpiasa izay nalaigna tamin'ny ora fahiraika ambiny fôlo, de raika tsiraikaraika avy zaré ré. ¹⁰Kôfa tônga iré mpiasa vôlôhany, de nieritreritra fô ahazo mihoatra zaré ré kanéfa zaré ré de nahazo denaria raika tsiraikaraika foagna koà.¹¹Kôfa nahavoaray ny karamany zaré ré, de nitaraigna mômba ilay tômpon-tany zaré. ¹²Aozinjaré ré hoe: ' Iré mpiasa farany iré de niasa adin'iraika foagna, kanéfa de nampitovinà taminay zaré ré, zahéy izay nizaka ny vesatry ny tontôlo andro sy niharitra haignandro.'¹³Fô namaly ilay tômpon-tany ké nivôlagna tamin'ny raika taminjaré ré hoe: 'Ry sakaiza, tsy magnano izay tsy mety aminà zaho. Tsy denaria raika vô no nifanarahanà taminahy? ¹⁴Iraiso izay anà ké zory ny lalananà. Zaho de nifidy ny hagnamià ho an'iré mpiasa nampikaramaina faragny karaha ny anà koà.¹⁵Tsy manan-jo hagnano araka izay tiáko amin'izay anahy mo zaho?' Sé mialona mô anaré satria malala-tanana zaho?' ¹⁶Ké ny farany de ho vôlôhany, ary ny vôlôhany, ho farany.'' [Fagnamarihana: Ny dikan-teny talôha tsara indraika de mangala ny hoe: ''Maro no nantsoigna fô vitsy ny voafidy.'']¹⁷Kô hiainga ho any Jerosalema Jesosy, de nalaka iré roa ambin'ny fôlo takeo ankilany Izy, ary teny an-dalana Izy nivôlagna taminjaré ré hoe: ¹⁸''Indro, hiakatra ho any Jerosalema antsika, ké ny zanak'ôlogna de hatolotra aké amin'ny lohan'ny mpisorona sy iré mpanôra-dalàna. Zaré ré de hagnameloka Ananjy ho faty ¹⁹ké hanolotra Ananjy amin'iré Jentilisa mbô himohézana, ho lamohina, ary hanombohana Ananjy amin'ny hazofijaliagna. Fô amin'ny andro fahatelo de hatsangana ndraika Izy.''²⁰Avy akè ny maman'iré zanaka lalahin'i Zebedio nagnantona an'i Jesosy niaraka tamin'iré zanakany lalahy. Niankohoka také agnatrehany izy ké nangataka raha avy aminanjy. ²¹Aozin'i Jesosy taminanjy hoe: ''Ino no irianà?'' Ahozy taminy hoe: "Mandidia mbô hipetrahan'ireto zanako roa lalahy ireto, ny araika akeo an-tanana ankavana ary ny araiky ake an-tanana ankavià, akô amin'ny fanjakanà."²²Fô Jesosy namaly kè nivôlagna hoe: "Tsy hainaré ny raha angatahinaré. Afaka ny hisotro ny kapoaka izay ho hisoako mô ianaré?" Namaly zareré hoe: "Afaka zahay." ²³Ahoziny taminjaré ré hoe: "Hisotro ny kapoaka tokoa naré fô nipetraka an-tanana ankavananahy sy ankaviako de tsy anjarako no magnamià, Fô ani'ré izay efa namian'ny Babako." ²⁴Kôfa naharegny izegny iré mpianatra fôlo lahy hafa, de vignitra mafy tamin'iré mpirahalahy aroe.²⁵Fô Jesosy nagnantso anjaré ré hakeo aminanjy kè nivôlagna hoe: "Fantatraré fô zaré mpanapak'iré Jentilisa de amehy ananjy iré, ary iré lalahy manan-danjan-jaré de hampianatra ny fahefany akô aminjaré. ²⁶Fô tsy tôkony karaha izegny ny aminaré. Mifanôhitra amin'izègny, na zôvy na zôvy magniry ny holasa maventy aminaré de tsy maintsy ho mpanomponjaré, ²⁷ary na zôvy na zôvy ny ho voalôhany aké aminaré de tsy maintsy ho mpanomponjare, ²⁸karaha ny Zanak'ôlogno tsy tonga ho tompigna, fô hanompo, kè agnamia ny aignany mbô ho vidim-panavôtagna ho an'ny maro."²⁹Kô nimboaka avy tagny Jeriko zaré ré, de fokonolo fontry no nagnaraka ananjy. ³⁰Nisy lalahy jamba roa nipetraka takeo amôron-dalagna. Kôfa naharegny fô nandalo Jesosy, de ihaiky mafy zaré ré hoe: "Tompo, zanak'i Davida, mamindra fô aminay" ³¹Nisiahin'iré fokon'ôlo, nivôlagnanjaré ré mbô hangina, nakèfa vao maika zaré ré nagnantso mafy hoe: Tompo, zanak'i Davida, mamindrà fô aminay."³²Avy aké Jesosy nidôko kè nagnantso anjaré ré kè nivolagna hoe: "Ino no fagnirianaré ho ataoko aminaré?" ³³Ahozinjaré ré taminanjy hoe: ''Tompo, mbô hahiratra ny masonay" ³⁴Avy také Jesosy, nahinakinaka, kè nikitika ny masonjaré ré. Tonga de nahiratra zaré ré kè nagnaraka Anajy.

¹Raha nagnantogna an'i Jerosalema Jesosy sy ny pianany kè nandeha Betifaga, akagny an-tampontanetin'Oliva, de nagnandefa mpianatra aroe Jesosy, ²nivôlagna taminjaré ré hoe: "Mandihana akô aminin'izay tanety fagnaraka ako, fô akeo akeo anareo de hahita boriky mifehy avaké zana-boriky raika miaraka aminanjy. Vahao zaré ké indôsy aty aminahy. ³Kô misy mikoragna aminaré mômba izégny, de volagno hoe: 'Misy ilan'ny Tompo anjaré ré,' ké aké aké izégny ôlogno izégny de handefa an'iré miaraka aminaré.''⁴Ké nitrandra izégny mbô hahatantéraka izay nambara tamin'ny alalan'ny mpaminany. Aoziny hoe: ⁵''Ivolagno ny zanaka viavin'i Ziona hoe: 'Egy, ny mpanjakanà magnantona anà, magnetry tegna ké mitikina boriky-zana-boriky lahy.'''⁶Avy také de lasa iré mpianatra ké nagnano karaha izay nandidiàn'i Jesosy anjaré ré. ⁷Nindôsinjaré ré ilay apondra sy ilay zana-boriky ké namétraka ny lambanjaré ré také aminanjy, ké nipétraka také amin'ilay lamba Jesosy. ⁸Ny ankamaroàn'ny fôkon'ôlo de namélatra ny lambany tamin'ny tany, ary iré hafa nanapaka sampan-kakazo ké nanaparitaka izégny tamin'ny lalana.⁹Avy aké iré fokon'ôlo nialôha an'i Jesosy sy iré izay nagnaraka ananjy nitabataba hoe: "Hosana ho an'ny zanak'i Davida! Isaoragna ilay Tonga avy amin'ny anaran'ny Tompo! Hosana agny amin'ny avo indrindra!" ¹⁰Kofa niditry takô Jerosalema Jesosy, de nihaiky ny ray tanàna kè nagnano hoe: "Izovy mô io? ¹¹Ny fokon'ôlo namaly hoe: "Izy no Jesosy ilay mpaminany avy agny Nazareta akagny Galilia."¹²Avy také niditry takô an-tempoly Jesosy. Niroasigny aby iré mpividy sy mpivarotre takô an-tempoly, avaké navadiny ny latabatr'iré panakalo vôla sy ny fipitrahanjaré mpivarotra pizina. ¹³Aozy taminjareré hoe: "Efa voasôratra hoe: 'Ny tranoko de antsovigna hoe trano fivavahana,' kanèfa ataonaré zohy fivonian-jolahy." ¹⁴Nony avy také de nisy jamba sy kotrila nagnantona ananjy takô an-tempoly, kè nositraniny zaré ré.¹⁵Fô kôfa nahita ny raha mahagaga natôny ny lehiben'ny mpisorona sy ny mpanôra-dalàna, ary kôfa regninjaré ré ny zamadinika niheikèky takô an-tempoly hoe: "Hosana ho an'ny zanak'i Davida" de vignitra mafy zaré ré. ¹⁶Aozinjaré ré taminanjy hoe: "Regninaré mô izègny volagnin'iré ôlogno iré?" Namaly ananjy iré jesosy hoe: "Ia! Fô tsy mbôla nivakinaré foagna mô ny hoe: 'Avy amin'ny vavan-jamadinika sy ny zaza minono no nampanajarigna ny fiderana?" ¹⁷Avy také nandao ananjy iré Jesosy kè nandeha tagny amin'ny tanànan'i betania ary nidôko tako ny alina.¹⁸Ary kôfa nandraigna kô niherigna tagny an-tanàna izy, ¹⁹de tehinana. Nahita kakazon'aviavy také an-tsisin-dalana, de nagnantona tegny izy kè tsy nahita ns inona na inona také izy kô tsy raviny. Aoziny taminy hoe: "Anö tsy hisy voa intsony avy aminà mandrakizay," kè niaraka taminjany de maina ilay aviavy.²⁰Kôfa nahita izègny iré mpianatra, de variagna kè nivôlagna hoe: "Karakory no tônga de nahamaina itô aviavy itô?"²¹ Namaly Jesosy kè ny vôlagna ananjy iré hoe:"Volagniko marigna aminaré, kô manam-pinoagna sy tsy misy fisalasalagna anaré, de tsy izay natao tamin'io aviavy io foagna no ataonaré, fô na de hivôlagna amin'tô tampon-tanety itô aza hoe: 'mivota kè mivarigna agny an-dranomasina', de ho atao izègny.²² Na ino na ino angatahinaré ambavaka, am-pinoagna, de ho azonaré."²³Kôfa niditry takö an-tempoly Jesosy, de nagnatona ananjy ny lehiben'ny mpisorona sy ny zokiôlogno kôfa nampianatra Izy kè nivôlagna hoe: "Fahefagna avy akaiza mô no anaovanà iregny raha iregny, ary izôvy no nagnamia anà izegny fahefagna izegny?" ²⁴Namaly Jesosy kè nivôlagna taminjaré ré hoe: "Amitrahako fagnotaniagna araiky koà anaré. Kô volagninaré aminahy, de ho volagniko aminaré ny fahefagna agnanovako iregny reha iregny.²⁵Ny batisan'i Jaona - avy takaiza no niaviany? avy takagny an-dagnitra sa avy tamin'ny ôlombelogno?" Niady hevitra zaré ré, nagnano hoe: "Kô mivôlagna antsika hoe, 'Avy tany an-danitra,'Izy nivôlagna amintsika hoe: 'Kè magnino anaré no tsy nino ananjy?' ²⁶Kôfa mivôlagna isika hoe: 'Avy tamin'ny olombelogna', mataotra ny fôkon'ôlo isika, satria izy zaré jiaby de misaigna an'i Jaona karaha ny mpaminany." Kè namaly an'i Jesosy zaré ré kè nivôlagna hoe: "Tsy fantanay." ²⁷Ary aozy koa de tsy hivôlagna aminaré hoe avy takaiza ny fahefagna agnanaovako iregny raha iregny.²⁸Fô ahoana ny hevitranaré? Nisy lalahy araiky nanagna zanaka lahy roa. Nandeha akagny amin'ilay voalohany izy ary nagnano hoe: 'Anaka, mandehàna miasa agny amin'ny tanim-boaloboka niany.' ²⁹Ilay zanany lahy namaly ananjy hoe: ''Tsy ho agny zaho,'' fô avitaké niôva hevitry izy dé lasagna. ³⁰Avitaké dé nandeha takagny amin'ilay faharao izy ary nivôlagna karanjegny kôa. Namaly izy ké nivôlagna hoe: ''Ho agny izaho, tompoko,' kanefa tsy nakany izy.³¹Izovy taminjaré zanany roa ireo no nagnano ny sitrapon'ny rainy?" Avaké aozinjaré hoe:"Izay voalôhany." Jesosy nivôlagna ananjy iré hoe: "Volagniko marigna aminaré, iré mpamory hetra sy iré mpivaro-tegna de hiditra ny Fanjakan'Andriamanitra alôhanaré. ³²Kè Jaona nagnantona anaré tamin'ny fahamarinana, kè tsy nino ananjy anaré. Fô iré mpamory hetra sy mpivaro-tena nino ananjy. Fa anaré, na de nahita izaigny aza, de tsy nibebaka sy tsy nino ananjy.³³Tandrigneso ity fanoharagna araiky hafa ity. Nisy lalahy araiky, tompon'tany. Nagnano tanim-boaloboka izy, nofefeny izany, nandavahany famiazana tao anatiny, nananganany tilikambo, ké nampifondroany tamin'iré mpamboly voaloboka. Avitaké dé nandéha tagny amin'ny tagna hafa izy. ³⁴Nony nahariny ny taom-pahavokarana, dé nagniraka ny sasany tamin'iré mpanompo izy ho agny amin'iré mpamboly voaloboka hangalaka ny vokatrany.³⁵Fô nisamborin'iré mpamboly voaloboka iré mpanompony, nilamohiny ny araiky, nivoniny ny hafa, dé mbôla nivalavalana vato ny hafa. ³⁶Fô mbôla, nagnandefa mpanompony hafa indraiky ilay tompon-tany, fontry noho ny tamin'ny voalôhany, fô natônjaré ré karaha izegny koà. ³⁷Tafaran'izegny, de nagnasa ny zanany lahitôkagna tagny aminjaré ny tompon-tany, nivôlagna hoe: 'hagnaja ny zanakanahy zaré ré.'³⁸Fô kôfa nahita ilay zanakany lalahy iré mpamboly voaloboka, de nifampizaka zaré ré hoe: 'Itô ny mpandôva. Indaha, ho vonointsika izy ké ho alaintsika ny lôva.' ³⁹Noho izegny de nosamborinjaré ré izy, natsipy takô anatin'ny tanim-boaloboka ké novonoina.⁴⁰Ary kôfa tônga ny tompon'ny tanim-boaloboka, ino raha ataony amin'iré mpamboly voaloboka?''. ⁴¹Aozinjaré ré taminanjy hoe: ''Ho ringanina amin'izay fômba mafy indrindra iré ôlon-doza, ary avaké afondrony amin'iré mpamboly voaloboka hafa ny tanim-boaloboka, ôlogna hagnomia ananjy ny anjara voliananjy amin'ny fotoam-pahavokaragna.''⁴²Jesosy nivolagna tamin'izy iré hoe: ''Tsy mbôla namaky ny sôratra mihitsy va anaré hoe: 'Ny vatotsy nikeny mpanangan-trano ké natô vato fehizoro. Avy tamin'ny tompo izegny, ké nahatalanjogna eo amasontsika'?⁴³Noho izegny volagniko aminaré, halagna aminaré ny fanjakan'Andriamanitra ké hatolotra ny firenena izay mamokatra iré vihiny. ⁴⁴Na izôvy na izôvy ho lavon'io vato io de hopotipotika. Fô izay ilavoàny kosa de ho torotoro.''⁴⁵Rehefa nandré iré fanoharany irè ny lehiben'ny mpisorona sy iré Fariseo, de azon'izy iré fô ahakasika azi iré no novolagniny. ⁴⁶Nikasa ny hanambotra azy, saingy natahotra ny vahoàka izy iré, satria nataon'ny ologna ho mpaminany izy.

¹Nivôlagna tamin'ny fagnoharagna tamin-jaré ré ndraiky Jesosy, nagnano hoe: ²''Ny fanjakan'ny lagnitra de mitôvy amin'ny mpanjaka zay nagnomagna fagnasagna amin'ny fampakaram-bady ho an'ny zanany lalahy. ³Nagnasa iré mpanompony hagnatso irè zay nahazo fagnasana hagnatrika ny lagnonam-pampakaram-bady izy, fô tsy nety ho tonga zaré ré.⁴Nandefa iré mpanompony hafa ndraiky ny mpanjaka, magnano hoe: 'Ivolagno iré zay nasaigny hoe: ''Zahavo, efa nikarakaraiko ny hanignako. Efa nivonigny ny aomby sy ny zanak'aomby mifahianahy, ary efa vognogno ny raha jiaby. Tongava akô amin'ny lagnonam-pampakaram-bady.'''⁵Kanefa tsy niraharaha zaré ré ary lasagna nandeha, ny araiky namonjy ny toeragna fitarimiagnany, ny hafa tamin'ny raharaham-barotrany. ⁶Iré sanany nanambotra iré mpanompon'ny mpanjaka, nagnala baraka ananjy iré, sady namono ananjy iré. ⁷Vignitra ny mpanjaka ké nagnasa ireo maramilany, sady namono mpamono ôlogno iré zaré ré, sady nagnoro ny tanàgnany.⁸Avy také nivolagna mpanompony izy hoe: 'Efa vonogna ny fampakaram-bady, fô iré izay nasaigna no tsy mendrika. ⁹Noho izegny mandehana eny amin'ny sampanan-dalabe ary magnasa ôlogno maro araka izegny hitanaré ho ao amin'ny lagnonagnam-mpampakaram-bady.' ¹⁰Nandéha nivoàka tagny amin'ny lalan-dehibe iré mpanompo ké nanambatra ny ôlogna jiaby izay hitan'izy iré, na ny ratsy. Noho izegny de feno vahiny ilay efi-tragno lehibe nisy ny fampakaram-bady.¹¹Fô kôfa niditra ny mpanjaka mbô hizaha iré vahiny, de nahita lalahy tsy manatô lamba fitôndra amin'ny fampakaram-bady izy. ¹²Nivôlagna tamin'ny mpanjaka hoe: 'Ry sakaiza, ahoana no hidivanà atô tsy miaraka amin'ny fitafy findôsina amin'ny fampakaram-bady?' Fô tsy tafizaka ilay lalahy.¹³Avy aké nivôlagna tamin'iré mpanompony ny mpanjaka hoe: 'Fatôry ny tagnana sy ny hongotr'itô lalahy itô, ké atsipazo agny amin'ny mizigna agny ivélany Izy, agny no misy fitomagniagna ndraiky fikotroha-nify.' ¹⁴Fô fôntry ny ôlogno nantsovigna, kanéfa vitsy no ho voafidy.¹⁵Avy takè nandeha iré Fariseo ké nagnomagna ny fômba mety hamandrihagna an'i Jesosy amin'izay nivolagniny. ¹⁶Avy také nasain'izy iré, andeha amin'iré mpianatr'izy iré, niaraka tamin'iré herodianina. nivolagna tamin' i Jesosy izy iré hoe: ''Ry mpampianatra, fantanay fô marigna anô, ké mpampianatra ny lalagn'Andriamanitra amin'ny marigny. Tsy miraharaha ny hevitry ny hafa anô, ary tsy mizaha mitagnila. ¹⁷Noho izegny volagno aminay, ino ny hevitrano? Ara-dalagna ve ny fandoavan-ketra agny amin'i Kaisara sa tsia?''¹⁸Nefa azon'i Jesosy ny faharatsiagnan'iré ké nivolagna hoe: ''Nagnino no mitsapa anahy anaré, ry mpihatsaravelatsihy? ¹⁹Atoroy anahy ny farantsa amin'ny hetra.'' Avy také nitondra denaria také aminanjy zaré ré.²⁰Ahozy Jesosy taminjaré ré hoe: ''Aninjovy itô sary sy agnaragna itô?'' ²¹Nivolagna taminanjy iré hoe: ''An'i kaisara.'' Avy takeo Jesosy nivolagna ananjy iré hoe: ''Amezo an'i Kaisara irè izay an'i Kaisara, ké an'Andriamanitra izay an'Andriamanitra.'' ²²Rehefa naregny izegny izy iré, de gaga. ké niala také amin'izy iré ké nandéha.²³Amin'izegny andro izegny ihany ny Sadoseo sasany, iré izegny nilaza fô tsy misy fitsangagnana amin'ny maty, nagnatogna ananjy iré, ²⁴nagnano hoe: ''Ry mpampianatra, Mosesy nivolagna hoe: 'Raha maty ny ôlogno, tsy mananjanaka, de tokony hanambady ny vadiny ny rahalahiny de hanan-janaka ho an'ny rahalahiny.²⁵Nisy mpirahalahy fito. Nanambady ny voalôhany ké maty avy také. Lasagna tsy naméla zanaka, navelany ho an'ny rahalahiny ny vadiny. ²⁶Avy také nagnano raha nitovy amin'izegny ny faharoa, avy také ny fahatelo, karanjegny foagna amin'ilay rahalahy fahafito. ²⁷Tafara izy jiaby iré, de maty ilay vahaiavy. ²⁸Ké amin'ny fitsanganan'ny maty, ho vadin'njovy amin'iré mpirahalahy fito izy? Fô efa nanambady azy izy jiaby iré.''²⁹Kè namaly Jesosy avitaké novôlagna ananjy iré hoe: "Diso anaré, satria tsy mahafantatra ny Soratra Masina na ny herin'Andriamanitra.³⁰Kè amin'ny fitsanganan'ny maty dé sady tsy hanambady ananjy izaré no tsy amiagna ampankarigna. Kanèfa, mitovy amian'iré anjely any an-danitra.³¹Fô momba ny fitsanganan'ny maty, mbôla tsy nivakinaré mô izay nizaken'Andriamanitra taminaré, magnano hoe: ³²'Izaho no Andriamanitr'i Abrahama, Andriamanitr'Isaka, ary Andriamanitr'i Jakoba'? Andriamanitra de tsy Andriamanitry ny maty, fô an'ny velogno." ³³Kôfa narégny izegny iré fokon'ôlogno, de variagna tamin'ny fampianaragna.³⁴Kôfa regnin'iré Fariseo ny nampanginan'i Jesosy ny Sadoseo, de niara-nivondrona izaré ré. ³⁵Ny araiky taminjaré ré, mpahay lalàna, nametra-pagnontaniagna taminanjy, nalaka fagnahy ananjy hoe:³⁶ "Ry mpampianatra, izovy no maventy be kokoa amin'ny didy akô amin'ny lalàgna?"³⁷Nivôlagna taminanjy Jesosy hoe: "Tiavo amin'ny fonaré jiaby, amin'ny fagnahinaré jiaby, draiky amin'ny saignanaré jiaby ny Tompo Andriamanitraré.' ³⁸Izègny no didy maventy sy vôlôngany.³⁹Fô ny didy faharoa de karaha izègny koa: 'Tiavo ny mpiara-belogna aminaré karaha ny tegnanaré.' ⁴⁰Amin'iré didy aroa iré no iankignan'ny lalàgna jiabijiaby sy iré mpaminany."⁴¹Fô kô mbola niaraka nivondrogna iré Fariseo, de nametra-pagnontaniagna ananjy iré Jesosy. ⁴²Aoziny hoe: "Ino no iritreritraré momban'i Kristy? Zanaka lalahinjovy izy?" Nikoragna taminanjy iré hoe: "zanakan'i Davida."⁴³Aoziny Jesosy taminajaré ré hoe: "Nagnino ary Davida nidôko akô amin'ny Fanahy no nagnantso ananjy hoe Tompo, nagnano hoe: ⁴⁴'Ny Tompo nivôlagna tamin'ny Tompoko hoe: "Mipitraha aké amin'ny tagnana ankavanagna anahy, mandra-pagnanôvako ny fahavalonà ho fitoeran-tongotranà?'⁴⁵Kô Davida aza nagnantso an'i Kristy hoe: 'Tompo, 'de akôry no maha-zanakan'i Davida ananjy?" ⁴⁶Tsisy navôavaly Ananjy tamin'ny koragna, ké tsisy ôlogno nasahy nametraka fagnontaniagna hafa heky nanomboka tamin'izegny andro izegny.

¹Ary Jesosy nivôlagna tamin'iré fokon'ôlogno sy iré mpianatrany. ²Aoziny hoe: ''Iré mpanôra-dalàgna sy iré fariseo de mipetraka aké amin'ny fipitrahan'i Mosesy.' ³Noho izégny na ino na ino andidianjaré ré anaré ho atô, de atôvy iregny raha iregny ké mitandrema ananjy iré. Fô aza alaigna tahaka ny asanjaré ré, satrià zaré ré de mikora-draha kanéfa avy aké tsy magnano izégny⁴Ka, fatôranjaré ré ny entamavesatra izay sarotra indôsigna, ary avy aké de apetrakanjaré ré aké amin'ny soroky ny ôlogno. Fô tsy hanetsika ny ratsan-tanana raika aby ny tegnanjaré ré mbô hotôndra ananjy iré. ⁵Magnano ny asany jiaby zaré ré mbô ho hitan'ôlogno. Fô atônjaré ré malalaka ny filakiterany, ké itarinjaré ny morondambany.⁶Tian'jaré ré ny toeran'ny manan'kaja agny amin'ny fagnasagna sy ny toeran'ny lehibe akô amin'ny synagoga, ⁷sy ny fiharabagna miavaka aké am'pivarotagna, ké mbô antsôvin'ologna hoe 'Raby'.⁸Fô ianaré tsy mahazo antsovigny hoe: 'Raby', fô araiky foàgna ny mpampianatranaré, kè mpirahalahy anaré jiabijiaby. ⁹Kè aza magnantso ny ologno aty an-tany hoe rainaré, fô araiky foàgna ny rainaré, kè izy de agny an-danitra. ¹⁰Ianaré aza magneky antsovigna hoe: 'Mpampianatra', fô araiky foàgna ny mpampianatraré, de i Kristy.¹¹Fô izay lehibe indrindra amin'naré no ho mpanomponaré. ¹²Na izovy na izovy magnambony tegna de ahetry, ké na izovy na izovy magnambany ny tegnany de hasandratra.¹³Fô lozanaré, ry mpanora-dalàgna sy fariseo, mpihatsaravelatsihy! Fô arindrinaré amin'ny ôlogna ny fanjakan'ny lagnitra. Fô anaré tsy mampiditra ny tègnanaré, kè tsy avelanaré iré zay mitady hiditra. ¹⁴[Fanamarihagna: Ny antotan-taratasy talôha de tsy ahitagna ny fehezanteny hoe: 'Fô lozanaré, ry mpanora-dalàgna sy ny fariseo, mpihatsaravelatsihy! Fô mandany ny tragnon'ny mpitondra tégna, ké magnano vavaka lavareny anaré. Noho izégny de hahazo fagnamelohagna be ianaré.'] ¹⁵Lozanaré, ry mpanôra-dalàgna sy ny fariseo, mpihatsaravelatsihy! Fô mandeha mitety ny ranomasigna sy ny tany anaré mbô hampiôva fô ny ôlogna araiky, ké kôfa miôvy izy, de atônaré ny zanaky ny helo ambo roy heny mihoatra indroy noho anaré izy.¹⁶Lozanaré, ry mpitarika jamba, anaré izay mivôlagna: 'Na zôvy na zôvy mianiana amin'ny tempoly, de tsisy dikany izégny. Fô na zôvy na zôvy mianiana amin'ny vôlamenan'ny tempoly, de voafatotry ny fianianany izy.' ¹⁷Anaré ry jamba mahôla! Zôvy no mahaventy kokoà, ny vôlamena sa ny tempoly izay magnano ny vôlamena masigna?¹⁸Ary na zôvy na zôvy mianiana amin'ny alitara, de tsisy dikany izégny. Fô na zôvy na zôvy mianiana amin'ny fanatitra izay aké ambonin'izégny, de voafatotry ny fianianany izy.' ¹⁹Anaré ry ôlogno jamba! izôvy no maventy kokoà, ny fanatitra sa ny alitara izay magnano ny fanatitra ho masigna?²⁰Noho izégny, izay mianiana amin'ny alitara de mianiana amin'izègny sy amin'ny raha jiaby aké amboniny. ²¹Ny araiky izay mianiana amin'ny tempoly, de mianiana amin'izègny sy amin'izay mipetraka aké aminanjy, ²²ary ny araiky izay mianiana amin'ny alitara, de mianiana amin'ny seza fiandrianan'Andriamanitra sy aminy izay mipetraka aké ambonin'izégny.²³Lozanaré, ry mpanôra-dalàgna sy fariseo, mpihatsaravelatsihy! Fô magnefa ny fahafolon'ny solila sy ny aneta ary ny komina anaré, fô anaré de mankatoa ny raharaha mavesa-danja kokoà amin'ny lalàna de ny rariny sy ny famindram-pô ary ny finoagna. Fô iré no tôkony natônaré ké tsy tôkony nambelanaré ho tsy vita ny raika hafa. ²⁴Anaré ry mpitarika jamba, anaré izay minivana lalitra kanéfa miteligna raméva!²⁵Loza ho anaré, ry mpanôra-dalàgna sy fariseo mpiatsaravelatsihy! Fô diovinaré ny ivélan'ny kampoàka sy ny lasety, kanéfa ny akô anatiny de feno fitsiriritana sy filagna. ²⁶Anaré ry fariseo jamba! Diovy alôha ny akô anatin'ny kapoàka sy ny lasety mbô ho lasa mady hiany koà ny ivèlany.²⁷Loza ho anaré, ry mpanôra-dalàgna sy fariseo mpihatsaravelatsihy! Fô anaré de karaha ny tragnomanara voaloko fotsy; izay tsara ivelany, fô ny akô anatiny kosa de feno ny taolam-paty sy ny loto jiaby. ²⁸Karaha izégny fogna koà, ety ivelany anaré miseho ho marigna aké amin'ny ôlogno, kanéfa ny akô anatinaré de feno fihatsaram-belatsihy sy heloka.²⁹Loza ho anaré, ry mpanôra-dalàgna sy fariseo, mpihatsaravelatsihy! Fô monorigna ny tragnomanaran'ny mpaminany anaré ké manaingo ny tragnomanaran'ny ôlo-marigna. ³⁰Aozy anaré hoe: 'Kô niaina tamin'ny andron'ny razambetsika atsika, de tsy ho nandray anjara niaraka taminjaré ré tamin'ny fandatsahana ny ràn'ny mpaminany atsika'. ³¹Noho izégny de mijoro vavolombelogno amin'ny tegnanaré anaré fô zanakan'iré izay namono ny mpaminany.³²Anaré hiany koà de nahafeno ny fahotan'iré razambenaré, ³³anaré ry bibilava, anaré ry taranaky ny mantongoro, ahoagna no hilifasanaré ny fagnamelohana ho agny amin'ny helo?³⁴Noho izégny, indro, magnasa mpamigny sy ôlon-kendry ndraiky mpanôra-dalàgna ho anaré Zaho. Ny sasany aminjaré ré de ho vonoinaré sy hombohanaré; ary ny sasany ho lamohinaré ké hiala akô an-tanàna. ³⁵Ny vokatr'izégny de hanody anaré ny rà marigna jiaby izay nalatsaka takéto an-tany, nanômboko tamin'ny ràn'i Abela marigna, ké hatramin'ny ràn'i Zakaria zanak'i Barakia, izay novonoinaré také anelanelan'ny fitoerana masigna sy ny Alitara. ³⁶Vôlagniko marigna aminaré, fô ny razanaré jiaby de ho tônga amin'itô taranaka itô.³⁷Ry Jerosalema, ry Jerosalema, anà izay mamono ny mpaminany sy mambalavala izay asaina ho aminà! Impiry Zaho no magniry ny hanangona ny zanakanà miaraka, karaha ny akaho vaviny araiky manangona ny akoho hely akô ambany elatrananjy, kanéfa tsy nagneky anaré! ³⁸Indro, ny tranonaré no ambéla ho anaré. ³⁹Fô volagniky aminaré, hatraminjô, tsy hahita Anahy tokoàtra anaré mandra-pivolananaré hoe: 'Isaorana ane izay avy amin'ny anaran'ny Tompo.'''

¹Nivôaka ny tempoly Jesosy ké lasagna nandèha. Nagnatogna ananjy iré mpianatrany mbô hagnatoroagna ananjy ny rafitrany tempoly. ²Néfa namaly izy ké nivôlagna tamin'jaré ré hoe: ''Tsy hitanaré vô iré raha jiabijiaby iré? Volagniko marigna aminaré, tsy ho isy vato ho tavèla amin'ny araiky hafa izay tsy ho ravàgna.''³Kô nipètraka také an-tendrombohitr'Oliva Izy, de nagnatogna ananjy mangingina iré mpianatrany kè nivôlagna hoe: ''Zakèo anay, hoviagna iré raha jiabijiaby iré no hivôaka? Ino no famataragna ny fahatongavanà sy ny fara-andro?'' ⁴Namaly Jesosy kè nivôlagna ananjy iré hoe: ''Mitandréma mbô tsy hisy hamitaka anaré.'' ⁵Fô ho fôntry ny ho avy amin'ny agnarako. Kè hivôlagna zaré ré hoe: 'Izaho no kristy,' kè fôntry no ho voafitaka.⁶Haregny ady sy tatitr'ady anaré. Mitandréma mbô tsy hitaitaigna anaré, fô tsy maintsy hipoitra izégny raha jiaby izégny; kanéfa tsy mbôla tônga ny faragny. ⁷Fô hisy firenena hitsangana hanôhitra firenena, ary fanjakana hanôhitra fanjakana. Hisy siloagna sy horohon-tany amin'ny toerana samby hafa. ⁸Kanefa izégny raha jiaby izégny de fiandohan'ny fanaintainan'ny fitirahagna foagna ihany.⁹Ké ho atolotranjaré ré ho amin'ny fahoriagna anaré ké ho vonoiny. Ho halany firenena jiaby anaré nohon'ny anarananahy. ¹⁰Ary fôntry ny ho tafitohigna, ké hifamadika sy hifankahala ny tsiraikaraika. ¹¹Mpaminagny sandoka fôntry no hisangana ké hamitaka ôlagna fôntry.¹²Satrià ny faharatsigna de hitômbo, ké fôntry ny hihamangatsika ny fitiavany. ¹³Fô ilay raika izay miharitra katramin'ny farany de ho voavonjy. ¹⁴Itô filazantsaran'ny fanjakana tô de ho toriagna erak'izao tontôlo izao ho vavolambelogna amin'ny firenena jiaby. Avy aké de ho tônga ny faragny.¹⁵Noho izégny, kô mahita ny fahavetavetan'ny fandravagna anaré, izay nivolagnin'i Daniela mpaminany, de hitsangana aké amin'ny toeragna masigna anaré'' (ôka ny ampamaky hahatakatra), ¹⁶''ôka iré izay agny Jodia hilefa ho agny an-tendrombôhitra, ¹⁷ôka izey akô an-tampon'ny tragno tsy hirôrogno halaka raha avy akô an-tragnony, ¹⁸ary ôka izay agny anatiala tsy hierigna halaka ny lambany.¹⁹Fô loza ho an'iré bikibo sy mampinono amin'izègny andro izégny! ²⁰Mivavaha mbô tsy ho amin'ny ririnina na amin'ny Sabata no hisehoà ny filifasanaré. ²¹Fô hisy fahoriana matômboko, izay tsy mbôla nisy karaha izégny hatragny am-piandohan'izao tontôlo izao mandrak'ankehitriny, tsia, ké tsy hisy intsony. ²²Izikoà tsy afoizigna iré andro iré, de tsy hisy nôfo ho vonjegna. Fô nohon'ny ôlom-boafidy, de hafohezigna iré andro iré.²³Izikô misy ôlogno mivôlagna aminaré hoe: 'Itô, ilay Kristy' na, arô ilay Kristy' de aza mino izégny. ²⁴Fô ny Kristy sandoka sy ny mpaminany sandoka de ho avy aké hampiseho fahamantaragna matômboko sy raha mahagaga, mbô hametsy, kô azo atô ià fô na iré ôlom-boafidy aza. ²⁵Indro efa, nivolagniky anaré mialôhan'ny fotoagna.²⁶Kè izagny, kô mivôlagna anaré izy iré hoe: 'efa, angy an-efitra,' dé aza mandeha an-efitra. Na hoe 'igny, agny anaty efitragno izy' de aza mino izègny. ²⁷Fô karaha raha izay mibiagna avy akagny antsinanana ka mazava foagna andrefana, dé karaha izègny ny fahatongavan'ny Zanak'ôlo. ²⁸Na akaiza na akaiza misy biby maty, de akagny no hivorian'ny voltara.²⁹Kôfa vao afaka ny fahoriagna amin'iré andro iré de ho maizigna ny masoandro, tsy agnamia ny hazavagna ny volagna, hilatsaka avy akagny an-dagnitra ny kintagna, avaké hietsiketsika ny herin'ny lanitra.³⁰Avaké de hivoaka aké amin'ny lanitra ny famantaran'ny Zanak'ôlo, kè ny foko jiaby ambon'ny tany hisaona. Hahita ny Zanak'ôlo tonga amin'ny rahogna ny lanitra miaraka amin'ny hery sy voninahitra maventy izy iré. ³¹Mandefa iré anjeliny izy miaraka amin'ny feo trompetra mafy, kè hamory ny ôlom-boafidiny avy akagny amin'ny vazan-tany efatra izy iré, manomboka amin'ny faravodilagnitra kè hafarany amin'ny hafa.³²Mianara ny lesogna avy amin'ny aviavy. Kôfa vantany kofa matoy ny sampana ary mamoaka ny raviny, dé fantatraré fô miamariny ny fahavaratra. ³³Karaha izègny koa, kôfa mahita izègny raha jiaby izégny ianaré, dé tokony ho fantatraré fô efa mariny izy, akeo amin'iré vavahady foagna.³⁴Volagniko marigna aminaré, fô tsy ho lany ity taranaka ity mandra-pivoahan'ny raha jiaby izegny. ³⁵Tsy hisy koza ny lanitra sy ny tany, fô ny koragniko de tsy ho levogna mandrakizay.³⁶Kanefa ny mahakasika izegny andro sy ora izegny de tsy misy mahafantatra, na ny Anjelin'ny lanitra aza, na ny Zanaka lalahy, fa ny Ray fôgna.³⁷Karaha ny tamin'ny fotoagnan'i Noa, dé karaha izegny foagna koa ny fahatongavan'ny Zanak'ôlo. ³⁸Fô karaha tamin'iré andro mialôhan'ny safo-drano dé nihinagna sy nisotro izy iré, nanambady sy nampakarigna mandra-pahatongan'ilay andro nidiran'i Noa takô anatin'ilay sambo fiara, ³⁹kè tsy nahafantatra na ino na ino izy iré mandra-patôngan'ny safo-drano kè nandringana ananjy jiaby-de karahanjagny ny fihatongavan'ny Zanak'ôlo.⁴⁰Kè avake hisy lalahy roa akagny agnantialany raika ho raisigna, ary ny raika ho avela. ⁴¹Vahiavy roa no hitoto vary - ny iraika ho raisina, kè ny iraika ambela. ⁴²Kôfa izagny de miambena, fô tsy fantatraré izay fotoagna hatongavan'ny Tomponaré.⁴³Fô fantaro izao, kô fantatry ny tompon-trano hoe amin'ny firy aligna no hatongavan'ny mpangalatra, de ho niambigna izy ké tsy nagnambela ny tranony ho vaky. ⁴⁴Ké izegny de tsy maintsy mivognona ihany koa anaré ré, fô ho avy ny Zanak'ôlogno amin'ny ora tsy ampoizinaré.⁴⁵Kè izôvy moa ilay mpanompo mahatoky sy hendry izay nasain'ny tompony hanapaka ny ankohonany mba amiagny ananjy iré ny sakafon'izy iré amin'ny fotoagna mety? ⁴⁶Sambatra izagny mpanompo izègny izay hitan'ny Tompony fa magnano izagny kôfa tonga izy. ⁴⁷Volagniko marigna aminaré fô ny tompony no hanapaka ananjy ho ambonin'ny raha jiaby izègny anagnany.⁴⁸Kôfa misy mpanompony ratsy mivôlagna akô am-pony hoe: 'Ela fahatongavana ny tompoko', ⁴⁹ka manomboka mamono iré manompo namany, sy mihinagna ary misotro miaraka amin'iré mpimamo; ⁵⁰de ho avy ny tompon'ilay mpanompo amin'ny fotoagna izay tsy ampoiziny ke amin'ny ora izay tsy fantany. ⁵¹De ho kapakapain'ny tompony izy kè ho ataony karaha an'iré mpihatsaravelatsy ny anjarany, izay hisy fitomanina sy ny fikotroha-nify.

¹Ary taminy alignan'ny Sabata, kô mbôla vao nanômboka nandrainabe ny andro voalôgnany amin'ny herinandro, de dila nénga nizaga ny tragnomanara Maria Magdalena ndraiky Maria araiky hafa. ²Indro, nisy horohoron-tany bé, fô ny anjelin'ny Tompo no nandrôrogno avy agny an-dagnitry tônga ké nagnabiribiry ny vato, ké nipétraka také ambonin'ny zegny.³Ny endrikany de karaha tselatra, ary ny lambany de ôran-javogno. ⁴Raiki-tahotro iré mpiabigny ké karahy ny lalahy naty.⁵Nikoragna tamin'iré viavy ilay anjely ké nivôlagna taminjaré izy hoe: "Aza magnahy, haiko fô mizaha an'i Jesosy anaré, ilay nifantsihigna tamin'ny kakazofijaliagna. ⁶Tsy akato izy efa nifôha, araka ny éfa nivolagniny. Avià zahavo ny toéragna zay nandrian'ny Tompo. ⁷Mandihana malaky ké volagno iré mpianatrany hoe: 'Nifôha tamin'ny maty Izy. Egy éfa nandeha nialôha lalagna anaré agny Galilia Izy. Akagny no hahitanaré Ananjy.' Egy, éfa nikoragniko taminaré.''⁸Nandao malaky ny tragnomanara tamin-tahotro ndraiky hafaliana bého iré viavy, ké niazakazaka mbô hivôlagna amin'ny mpianatrany. ⁹Egy, nitraotro taminjaré Jesosy ké nivolagna hoe: ''Mbalatsara!'' nanatogna iré viavy, nitazogno tongony ké nidera Ananjy. ¹⁰Avy také Jesosy nivôlagna taminjaré hoe: ''Aza matahotrô. Mandihana mivolagna amin'iré rahalahiko mbô hiainga ké homba an'i Galilia. Agny no hahitanjaré Anahy.''¹¹Kô mbôla nandéha iré viavy, egy, ny sasany tamin'iré mpiambigna nakagny amin'ny tanan-dehibe ké nivôlagna tamin'ny lôhan'ny mpisôrogna zegny raha jiaby niseho. ¹²Kôfa nitraotro tamin'iré lohologno ny mpisôrogno ké nikoragna momban'ny olagna taminjaré ré, de nagnomia vôla be an'iré miaramila zaré ré ¹³ké nivolagnan-jaré hoe: ''Volagno amin'iré hafa hoe: 'Tônga tamin'ny andro aligna iré mpianatry Jesosy ké nangalatra ny vatany kô mbôla nandry zahy.'¹⁴Kô tônga agny amin'ny governora izegny tatitra izegny, de handresy lahatra ananjy antsika ké hagnala ny ahiahy aminaré.'' ¹⁵tônga dé nalain'ny miaramila ny vôla ké nagnano araka izégny nivolagnan-jaré zaré. ké zegny tatitra zegny de nieli-patrana také amin'iré Jiosy ké mbôla mitohy mandrak'iniany aza.¹⁶Fô lasa nakagny Galilea iré mpianatra raikambiny fôlo, tagny amin'ny tendrombohitra zay efa natoron'i Jesosy ananjy iré. ¹⁷kôfa nahita Ananjy zaré ré, de nidera Ananjy, fô ny sasany ndraika nagnahiahy.¹⁸Nagnatognanjaré Jesosy ké nikoragna taminjaré ké nivôlagna hoe: ''Efa namiagna Anahy ny fahifagna jiaby any an-dagnitry ndraiky aty an-tany. ¹⁹Ké mandihana ké anö ho tônga mpianatrako ny firenena jiaby. Ataovy batisa zaré amin'ny anaran'ny Ray, ny zanaka, ndraiky ny Fagnahy Masigny.²⁰Ampianaro zaré ré hankatoa ny raha jiaby nandidiko anré. Egy, miaraka aminaré fôgna zah, ia fô na hatramin'ny fiafaran'izao aza.''

¹Itö no niatombôhan'ny koragnan'i Jesosy kristy, ilay zanak'Andriamanitra. ²Araky zègny voasõratra ako amin' Isaia mpaminagny hoe: "Itô zahô magnasa ny asaiky hialôha anô, ny araiky agnambôatra ny lalagnanô. ³Misy feo regny magnantso mafy agny agn' efitry hoe: "Atôvo vôgnono ny lalagnan' ny Tompo; Atõvo mahitsy ny lalan- oboany" .⁴Tônga Jaona, nagnano batisa tagny agn- efitry ary nitoro ny batisan' ny fibèbahagna ho amin' ny famotsõragn- keloko nohon' ny fahotagna. ⁵Ny tanagnan' ny Jodia jiaby sy ny mponogno jiaby tõ Jerosalema dia tõnga nagnatogno ananjy. Natony batisa tõ amin'ny siragnan'i Jordana zare, izy kofa niheky ny fahotagna. ⁶Jaona dia nagnato lamba volon- drameva ary nagnano sentiry hôditra take amin' ny andilagna, ary kijaija sy tintely remby no hanignany.⁷Nagnambara izy hoe: "Misy araiky ho avy magnaraka zaho izegny mahery mihôatra zaho, ary tsy magneva zaho na dia ny hamaha tadin- kapany aza. ⁸Zaho nagnano batisa anare tamin' ny rano, fa izy koza agnano batisa anare amin'ny Fagnahy Masigna."⁹Tamin' ny fotoägna nandalovan' i Jesosy avy agny Nazareta to Galilia no nipoitrty zegny, Ary natôn' i Jaona batisa to amin' ny siragnan' i Jordana izy. ¹⁰Izy koa nibôaka ny rano Jesosy, dia hitany nisokatra ny lagnitra ary nidigna takeo aminanjny karaha ny voromailala ny Fagnahy. ¹¹Ary nisy feo avy agny an-dagnitra nagnano hoe: "Ano no zanako malalako. Ano no sitrako."¹²Avak eo dia nitaritin'ny Fagnahy ho agny agn' efitry Jesosy. ¹³Efapolô andro Izy no tagny agn' efitrty, naalain' ny satana Fagnahy. Nitôetry niaraka tamin'ny bibidia Izy, ary nanômpo ananjy zare anjely.¹⁴Ary kofa voasambotro Jaona, dia tônga tô Galilia Jesosy nitory ny filazantsaran' Andriamanitra, ¹⁵ary nivôlagna hoe: "Efa tônga ny ftoagna, ary efa mariny ny fanjakan' Andriamanitra. Mibaibaha dia minõa ny filazantsara."¹⁶Izy koa nandaiha tagny amôrondranomasignin' i Galilia Izy, dia nahita an' i Simona sy Andrea ralahin' i Simona nagnarato, satria mpagnarato zare. ¹⁷Hozy Jesosy tamin' jare hoe: "Avia, magnaraha zaho, fô atôko mpagnarato olo anareo." ¹⁸Takekeo dia nambailany ny harato zare koa nagnaraka ananjy.¹⁹Izy koa nandaiha lavidavitry Jesosy, dia nahita an'i Jakoba zanak' i Zebedio sy sy Jaona ralahiny; zegny tan-dakana nagnamboatra ny arato. ²⁰Nagnatso anjare Izy kè dia nilôzany tako avy an-dakanahely avy atragny Zebedio babany niaraka tamin' jare mpikarama, kè nagnaraka anajré.²¹Avake dia tônga takô Kapernaomy zare, ary taminn' ny andro Sabata, dia nitsofotrô tô amin' ny synagoga Jesosy ary nampianatra. ²²Talanjogno tamin' ny fampianaragnany zaré, satria nampianatra nanjy ré karaha ologno managna fahaifagna Izy fô tsy karaha zaré mpanôra-dalagna.²³Avtaké nisy lalahy araiky tako amin' ny Synagogan' jaré izegny nanagna fagnahy maloto nigahiky mafy, ²⁴nagnano hoe: "Ino no ifankazahôany amino, ry Jesosy avy agny Nazareta? Tonga hamôtiky anaÿ mô anõ? Haiky fõ izövy anã. Anã Masign' Andriamanitra!" ²⁵Nikoragna mafy ny demonia Jesosy kë nagnano hoe: " Mangigna kë miböha aminanjy! ²⁶Ary ilaÿ Fagnahy malõto nandavo ananjy sy nivõaka taminanjy keï nagnatso tamin' ny feõ mahery.²⁷Variagna ny ologno jiaby, keï nifagnontany zare hoe: "Ino tô? Fampianragna vovo misy fahaïfagna? Baikony na dia iré Fagnahy malôto mbõ magneky ananjy koa zaré!" ²⁸Ny vovo momba ananjy dia naparaïtaka takagny jiabijiaby takagny tako amin' ny farit' i Galilia jiabijiaby²⁹Izy koa avy nivoaka ny Sinagoga, dia tôgnga tako andragnon'i Simona ndraïky Andrea zaré, niaraka tamin'i Jaokoba ndraïky Jaona. ³⁰Ary ny rafõzam-bavin' i Simona natôry azontazogno, kaï nivolagnin'jaré tamin'i Jesosy mõmba ananjy. ³¹Kaï nagnatogna Izy, ké nangalaka ananjy tamin' ny tagnany, ary nagnarigna ananjy; dia afaka ny tazognany, ary nanomboka nanõmpo Ananjy zaré.³²Tamin' io ariva io, tafaran' ny nilintehan' ny masõva, dia nivôlagna zaré take aminanjy narary jiabijiaby na misy démonia. ³³Taftrötro niaraka také an-tamiagna ny takô antanagna jiaby. ³⁴Nagnasitragna ologno maro zegny nararin' ny aretigny samihafa Izy ary nandrôaka demonia maro, fö tsy nambaïlany hikoragna iré demonia satriâ nahaï Ananjy zaré.³⁵Niföha mandraigny be Izy, izy koa mbôla mahizigny ny andro; niala také Izy ke nandeïha tagny amin' ny toeragna mitôkagna ary také Izy no nivavaka. ³⁶Nizaha Ananjy Simona ndraïky zaré niaraka taminanjy. ³⁷Nahita ananjy zaré ary nivõlagna taminanjy hoe: " Mizaha ano ologno jiaby."³⁸Ahoziny hoe: "Andaïha antsika agny amin' ny toeragna-hafa, akagny ivaïlany ako amin'iré tanagna magnodidigny, mbo afahako mitory teny agny koa. Fô zegny antony miboahako tatô." ³⁹Dia nivolagna an' i Galilia jiabijiaby Izy, nitôry teny takô amiin'ny Sinagogan'jaré sady nandroaka demonia maro.⁴⁰Nisy boka araïky tõnga také Aminanjy. Nitaregny taminanjy izy; nandongalitry take Aminanjy ary nivolagna taminanjy hoe: "Izy koa hikehinô, dia afaka magnadio zaho Ano." ⁴¹Mahinakinaka ananjy, dia nagnampatra ny tagnany Jesosy ary nikasiky ananjy, nagnano taminanjy hoe: "Sitrakö. Magnanovamady ano." ⁴²Afaka taminanjy takekeo ny habokagna ary nady izy.⁴³Nmpitandrigna mafy ananjy Jesosy ary nagnadaïfa ananjy. ⁴⁴Ahozy taminanjy hoe: "Tandremo tsy hivolagna na ino na ino amin'jôvy na amin'jôvy anö, fö madihana, avoaho amin'anjy mpisorogna ny tegnanö, ary magnanova fagnatitry nöhon'ny fagnadiovagna anö araka ny nandidian'i Mosesy, mbo ho fijoroagna vavolombelogno ho anjaré⁴⁵Kö nivoaka izy ary nanöboko nivölagna tamin'ologno jiabijiaby sy nampariaka löatra ny koragna ke dia tsy afaka nandröso an-kalalahagna tagny amin' ny tanagna jiabijiaby köza Jesosy. Ke nitoetry tagny ivaïlany tagny amin'ny toeragna mitökagna Izy ary nagnatogna Ananjy ny ologno avy amin'ny toeragna jiaby.

¹Zaré Fariseo sy ny mpanôradalagna sagnany zegny avy agny Jerosalema dia tõnga niangogna nagnodidigna Ananjy²Izy kôa hitanjaré ny mpianatrany sagnany nihinagna môfo tamin' ny tagnana tsy vôadio, izegny hoe tsy vôasasa. ³(Fô ny Fariseo sy ny Jiosy jiaby dia tsy mbô mihinagna izy kôa tsy efa nagnasa ny tagnan'jaré, satria magnaraka ny fômbafômban'jaré lohôlogno.) ⁴Izy kôa niherigny avy tagny a-bazary zaré Fariseo, dia tsy mihinagna zaré izy kôa tsy avy mandro, ary mitazogno ny fômbafômba maro karazagna zaré, karaha fanasagna kapôaka, sy ny famaragnana, sy fanaka varahagna, ary ny kitrara gegny ihimoanan'jaré.)⁵Zaré Fariseo sy ny mpanoradalagna nagnontany anin' ny Jesosy hoe: "Nagnino ny mpianatranô no tsy mandaîha araka ny fômbafômban' jare lohologno, fô mihinagna ny môfon'jaré amin'ny tanagna tsy vôasasa?"⁶Kanefa Ahozy tamin'jaré: "Isaia naminagny magneva mômba andré mpihatsaravelatsihy. Nisoratany hoe: "Itô vahoaka itô magnaja Zaho amin'ny môlotrony, fô ny fôny ndreky lavitry Zaho. ⁷Foagna ny fivavahagna atôlotron'jaré Zaho, koa nampianatra ny lalangan'olombelogno ho favmpianaragnan'jaré.⁸Ambela naré ny didin'Andriamanitra fô hazonandré mafy ny fômban'ologno." ⁹Ary hozy fogna koa Izy tamin'jaré: "Karaha ny karakory ny fagnarianare ny didin' Andriamanitra mbo hitandrenaré ny fômban-drazagnãnaré! ¹⁰Fô hozy Mosesy: "Magnaja ny babanô ndraiky réninô," ary koa , "Zegny mivolagna ratsimanjary ny babany na ny réniny dia ho faty tokôatra."¹¹Kanefa anaré mivôlagna hoe: "Ko misy lalahy araïky mivôlagna babany na ny réniny hoe: "Na ino na ino tiano ho azo taminahy dia efa Korbana," (zegny hoe: "Namiagna an'Andriamanitra") -- ¹²dia tsy ambèlanaré haganno na ino na ino amin'ny babany sy ny reniny koaza izy. ¹³Magnafoagna ny tenin'Andriamanitra anaré nôho ny fômban-drazagñaré zô nitagnanaré. Ary raha maro mitôvy amin'jegny koa no atônaré.¹⁴Ary nagnatso ny fôkonolo ndaiky Izy kei nivolagna tamin'jare hoe: "Mitandregny Zaho, anaré jiaby, ke fantaro. ¹⁵Tsisy raha avy ivèlany zegny miditry agnatin'ôlogno kè afaka mandoto anjare kôfa miditry aminanjy. Fô izy mivoaka avy akô agnalin'ôlogno no mandoto ananjy." ¹⁶[Ny fandikagna tsara kokoa dia tsy magnisy ny andigniny faha 16: Izy kôa misy manan-tadigny hitandrignaisagna, aoka izy hitandregny.]¹⁷Izy kofa nial take amin'ny fôkonologno Jesosy kè nitsofotro tako an-dragno, ny mpianatrany nagnotany Ananjy mômba njegny fagnoaragna. ¹⁸Hozy Jesosy taminanjy: "Anaré koa mô mbôla tsy managna fahafantaragna? Tsy hitanaré mô fô zegny jiaby miditry ako agnatin'ôlogno avy agny ivèlany dia tsy mahalôtô ananjy, ¹⁹Satria tsy afaka-mitsôfotro akô am-pôny zegny, fô ako am-bôtrakany foagna fô mivoaka agny amin'ny fibohagnany?" Tamin'jegny fagnambaragna izegny dia nahatônga ny hanigny jiaby ho mady i Jesosy.²⁰Hozy Ananjy: "Zegny mivôaka avy ako amin'ny ôlogno no mahalôto zegny. ²¹Fô avy ako agnatin'ny ôlogno, avy akô am-pôny, no hivôahan'y saigny-ratsy, ny fahavaitavaitagna, ny halatra, ny famonoagn'ôlogno, ²²ny fijangajangagna, fagniriagna, ny haratsiam-pagnahy, ny fitaka, ny fijejojejoagna, ny fialôgnana, ny fiampangagna-lainga, ny fiavôgnana, ny afokagna. ²³Zegny raha-ratsy jiaby zegny no mivôaka avy aka agnatin'ny ôlogno ary ré no malôto zegny."²⁴Niala take Izy lasagna nadaiha tagny amin'ny faritry Tyro sy Sidonia. Nitsôfotro tako an-dragno raiky Izy ary tsy tiany ho fantan'jovy na zovy fô takô Izy. Kanaifa tsy afaka nibôaka. ²⁵Nèfa niaraka tamin'jegny dia nisy vahiavy araiky, zegny nisy fagnahy malôto raiky ny zagnany vahiavy hely, naregny ananjy, tônga, ary niankotro take an-tôngony. ²⁶Ary Grika lay vahiavy, Syro foinika no naviany. Nitavandra Ananjy izy mbô hamôaka ny demonia hiala amin'ny zanany viavy.²⁷Hoziny taminanjy: "Ôka alôngany hamiagn-kanigna aloha ny zaza. Satria tsy manjary ny malaka ny môfon-jaza ke manimpy anamjy ho an'ny kiva." ²⁸Nèfa namaly izy kai nagnano Taminanjy hoe: "Ia, Tompo, fô ny kiva ako ambany latabatra aza dia mbo mihinagna ny sômbôtsômbôny amin'ny môfon-jaza."²⁹Dia hozy Taminanjy: "Nôho zegny koragnano zegny, afaka mandaiha anô. Efa nivôaka tamin'ny zanakano viavy ny demonia." ³⁰Izy koa niherigny tagny an-dragnony ravahiavy dia nahita ny zaza nandry take ambonin'ny kitrara, ary ny demonia èfa niala.³¹Ary Jesosy nibôaka koa niala ny faritry Tyro, dia namaky an'i Sodia hatrany amin'ny Ranomasigan'ny Galilia kè nadaiha ny faritry Dekapolisy. ³²Ary nindesin'jarè take Aminanjy ny ôlogno raiky maregniny sady sahiragna izy koa mivôlagna, ary taraigny Taminanjy zaré mbo hamitrahany ny tagnany anminanjy.³³Nitôndra an-dralalahy nitôkagna niala take amin'ny fôkonôlo Izy, dia nagnambaila ny rantsan-tagnany take an-tadigniny Izy, ary raha avy nandrora, dia nikasiky ny lèlany. ³⁴Dia niandra ny lagnitra Izy, dia nisento kè nagnano taminanjy hoe: "Efata," zegny hoe: "Maladia!" ³⁵Ary nalaky take ny tadigniny dia naregny, ary zegny namehy ny lèlany dia potiky ary afaka nivolagna mazava tsara izy.³⁶Ary Jesosy nanakagna anjarè tsy hivôlambôlagna na amin'jovy na amin'jovy. Kanaifa na dia tsinasaigny aza zaré, vôa maika nampariaka zegny maromaro kokôa. ³⁷Dia magnana tantairaka ny ôlogno, ke nivôlagna hoe: "Natôny tsara dahôlo ny raha jiaby. Natôny maregny aza ny maregnina ary mivolagna ny môà."

¹Nivôlagna Izy tamin'jaré hoe: "volagniko aminandré marigna tokôatra, fô misy aminandré zegny mitsangagna akéto tsy hagnandragna zegny fahafatesagna zegny mialohan'ny hahytan'jare ny fanjakan'Andriamanitra zegny ho avy amin'kery maventy." ²Ary enignandro tavafara, de nindôsiny Jesosy miaraka aminny Petera ndaiky Jakoba ary Jaona takagny amin'ny tanety ambo, ary zaré foagna no tagny. Avy také niôva sôra také alôhan jaré Izy. ³Ny akanjony niôva nangilangilatra be avaké fôtsy be, fôtsy lômbolômbo ndrahajiaby nampamotsiagna lôatra taketoambonin-tany⁴Avakeo Elia ndraiky Mosesy niboaka tamin'jareo, kai nikoragna tamin'i Jesosy zaré. ⁵Petera namaly ke nivôlagna tamin'i Jesosy hoe: "Raby ô, tsara izikôa midôko aketo antsika, kai andeha agnano lay telo, ny araiky ho Anô, ny araiky ho an'i Mosesy, ary ny araiky ho an'i Elia." ⁶(Fô tsy hainy zegny rà tôkony ho hivolagniny, satria nangôrohôro boe zaré.⁷Nisy rahogna tônga ke nagnarôgna anjaré. Ary nisy feo nibôaka avy agny agnatin'ny rahogna hoe: "Itô ny Zanako Malalako. Mitandrinaisa Ananjy." ⁸Tampoko také, izikôa nizaha magnodidigny zaré, dia tsy nahita na zôvy na zôvy kôza, kofa-tsy Jesosy araiky fôagna.⁹Izy kôa nandrôrogno avy tagny an-tanety zaré, de nivolagniny mafy mbo tsy hikoragna na amin'jovy na amini'jovy ny raha hitan'jaré, izikôa tsy efa mitsangagna amin'ny maty ny Zanak'ôlogno. ¹⁰Ary de nitazognin'jaré ho anjaré zegny koragna zegny, kanéfa nifanpagnotany zaré ny amin'ny manjary ho dikan'jegny "fitsanganagna amin'ny maty" zegny.¹¹Nagnotany Ananjy zaré hoe: "Nangnakôry zaré mpanôra-dalàgna no nivôlagna fô tsy maintsy avy alôlôha Elia?" ¹²Dia Ahozy tamin'jaré ré hoe: " Aifa tônga voalôhany Elia hagnarigna ny raha jiaby. Ary akôry voasôratra fô ny Zanak'Ôlogna dia ijaly mafy amin'ndraha maro ary atô kara ôlogna tsy misy dikany? ¹³Naifa volagniko aminandre fô efa tônga Elia, ary naton'ôlogma taminanjy tiany fôny, araka zegny aifa vôlagnin'ny Sôratra Masigna mamba ananjy."¹⁴Ary kofa niverigny take amin'ny mpianatra zaré, dia nahita fôkon'ôlo maro nagnodidigna anjare ary zaré mpanora-dalàgna nimalo taminanjy. ¹⁵Kôfa nahita an'i Jesosy zaré, dia nidagnaka ny fôkon'ôlo jiaby ary ra'igny nihazakazaka nagnatogna Ananjy igny zaré dia nifagnontsanfa Ananjy. ¹⁶Nangnotany iré mpianatarany Izy hoe: "Momba nino no mampimalo andré."¹⁷Ary nisy raiky tamin'jaré fôkon'ôlo namaly Ananjy hoe: "Mpampianatra ô, nindôsiko ho aketo aminô ny zanako lalahy. Misy fagnahy ratsy tsy mampivôlagna ananjy izy. ¹⁸Migôdagna ananjy ràha io kè mampibiribry ananjy avake mifôtafô ranivy izy, sady mihidy vazagna, ary lasa mihènjagna izy. Nangataka tamin'ny mpianatranô zaho mbô handroaka zegny hiala aminanjy, kanaifa tsy vitan'jaré zegny." ¹⁹Ary namaly ananjiré Izy hoe: "Ry taranaka tsy mino, mandra-pahoviagna no antèrako aketo aminandré? Mandra-pahoviagna no handifèrako aminandré? Indeso atô aminahy izy."²⁰Ary nindôsiny take amin'ny lay zazalahy, izy kofa nahita an'Jesosy lay fagnahy ratsy, dia nampifagnitôgno ananjy zegny. Lavo tambon'ny tany lay zazalahy ary feno ranivy ny vavany. ²¹Jesosy nagnontany ny babany hoe: "Nanômboko noviagna no naha-karany ananjy?" Dia hozy ny baba hoe: "Nanômboko izy mbôla hély." ²²Indraindraiky io fagnahy ratsy io nandavo ananjy tagny agnaty afo na tagny agnaty rano ary nagnandragna ny hamôtiky ananjy. Izikoa mahaÿ magnano ny raha jiaby Anô, dia miantrà zèhay ary ampia zèhay."²³Jesosy nivôlalagnana taminanjy hoe: "Izikoa mahaÿ anô"? ²⁴Ny raha jiaby dia hain'jegny mino." Niaraka tamin'jegny ny baban'dra zaza dia nidalala mafy nagnano hoe: "Matôky zahô! Tahy zaho amin'ny tsy finoako!" ²⁵Kofa hitan'Jesosy iré fôkon'ôlo niazakazaka nagnatogna anjaré, dia nivolagniny mafy lay fagnahy malôto ary nagnano hoe: "Ry fagnahy moà sy maregnina, madidy anô Zaho, mibôaha aminanjy, ary aza miherigny mitsofotro akà aminanjy koà."²⁶Nihafatra mafy zegny kè nampifagnintogna mafy lay zazalahy ary avy take niboaka. Karaha ny ôlogna maty lay zazalahy, kè maro no nivôlagna hoe: "Maty izy." ²⁷Fô Jesosy naalaka ananjy tamin'ny tagnany kè nagnarigny ananjy, dia nitsangangna lay zazalahy.²⁸Kôfa nitsôfotra tako an-dragno Jesosy, dia nagnontany Ananjy manôkagna mpianatarny hoe: "Nagnino zaihay no tsy nahavoaroaka lay fagnahy ratsy?" ²⁹Ahozy tamin'jaré hoe: "Ny kara ndregny dia tsy miboaka izikoa-tsy amin'ny alalan'ny vavaka."³⁰Niala také zaré ary nandalo tagny Galilia. Tsy tiàny ho fantan'jôvy na jôvy hoe takaiza zaré, ³¹fô nampianatra ré mpianatrany Izy. Ahozy tamin'jaré hoe: "Ny zanakôlogna de hatôlotro akagny an-tagnan'ny ôlogna, ké ho vonôn-jaré Izy. Ary kôfa naty Izy.dia afaka telo andro." ³²fô tsy takan'jaré io fagnambaragna io, ary natahotra zaré hagnotany Ananjy.³³Avtake tônga takà Kapernaomy zaré, kôfa avy nitsôfotra tan-dragno Izy dia nagnotany ananjy zaré hoe: "Ino ny raha nivolagninare tagny an-dalagna?" ³⁴Fô nangigna zaré. Satria efa nandinika tagny an-dalagna zaré ny amin'jegny maventy indrindra. ³⁵Nitoetry, dia nagnatso iré roembifôlo lahy niaraka Izy ary nivolagna tamin'jare hoe: "Izy koa misy te-ho vôlohany, dia tsy maintsy farany amin'ny jiaby izy ary ho mpanômpon'ny jiaby."³⁶Nalaka zazahely araiky Izy ary natôny tagnivon'jaré. iré hoe: ³⁷"Na izôvy na izovy malaka ny zaza karanjo amin'ny agnarako, dia mandray Zaho koa, ary koa misy malaka Zaho, dia tsy malaka Zaho araiky izy, fô lay nagnasa Zaho koa."³⁸Hôzy Jaona Taminanjy hoe: "Mpampianatra ô, nahita ôlogna namoaka demonia tamin'ny agnaranô zaihay ary nivolagnina izy, satria tsy magnarak'antsika." ³⁹Fô Jesosy nagnano hoe: " Aza raragna izy, fô tsy misy ôlogna hagnano asa maventy amin'ny agnarako nefa tailatsaila afaran'jegny dia hivolagna raha ratsy mikasiky Zaho.⁴⁰Na izôvy na izôvy tsy manôhitra atsika dia màgnaraka atsika. ⁴¹Na izôvy na izôvy magnomia anô rano kôpy araiky ho giahigny satria an'Kristy anô, dia volagniko aminô marigny tokoatra, fô tsy ho very ny valim-pitagnany.⁴²Fô na izôvy na izôvy magnano ra mavignitra ny raiky amin-dre de hely mino Anahy zaré, dia tsara ho ananjy ny agnatognana vato maventy fikorôham-bary mifatotra agnambôzony alatsaho an-dranomasigna. ⁴³Rà ny tagnano no matônga ano ho tafitohigny, bongoa. Fô tsara amino ny managnantra agny amin'ny fiainagna naifa managna tagnan-droai ary handèha agny agnafo be, agny amin'ny afo tsy mety vonoigna. ⁴⁴[Fanamarihagna: Ny fandikagna tsara kôkoà dia tsy magnisy ny fehezanteny ako amin'ny andigniny faha 44 sy 46 hoe: "Zgny tsy maty mihitsy ny ôfagna agnatiny afo tsy manjary vonoigny mandrakizay."]⁴⁵Rà tôngotranà no magnafitôhagna, bongoà agny. Tsara amina ny mitsikilagna agny amin'ny fiainagna tozay managna tôngotra roai ka naifa mivarigny amin'ny afobe. ⁴⁶[Zahano ny fanamarihagna ako amin'ny andigniny faha 44]⁴⁷Izikoa ny masonô no magnafitohagna ano, alao hiala agny. tsara amino ny miditry ny fanjakan'Andriamanitra miaraka amin'ny maso tôkagna kara zegny maso roai ary hariagna agny amin'ny afobe, ⁴⁸agny amin'ny toairagna zegny tsy mafaty ny kankan'jaré, ary ny afo tsy manjary vonôgny.⁴⁹Fô ny ôlogna jiaby dia somby ho vôasira amin'ny afo. ⁵⁰Tsara ny sira, fô raha ny sira no tônga majaiba, ahôana no afahanô mampamasigny ananjy koa? Asiagna sira ako aminare, ary mihavagna amin'ny tsiraikiraiky aby.a"

¹Ary rà niala takà an-kianjan'ny tempoly Jesosy, dia nivolagna tami'ny araiky tamin'jaré mpianatrany hoe: "Mpampianatra ô, zahava ny hatsaran'ny vato sy ny hattsaran'ny rafitry!" ²Hozy taminanjy hoe: "Hitanô mo reto rafitry maventy reto? Tsy havaila hisy vato areky hifampitikigna ake ke tsy ho ravagna."³Rà nidôko také an-tanetin'Oliva nifagnandrify ny tempoly Izy, dia nagnontany Ananjy mangingigna Petera, Jakoba, Jaona sy Andrea hoe: ⁴"Volagno aminay, hoviagna no hitranga zegny jiaby zegny? Ino no famantaragna izikoa hitranga iré raha iré?"⁵Ary Jesosy nanômboko nivolagna tamin'jaré hoe: "Mitandrèma mbo tsy hisy ôlogno hampivily lalagna anandré. ⁶Fô maro no ho avy amin'ny Agnarako sy hivolagna hoe: "Zaho no izy", ary maro no ho voafitaka.⁷Rà naregny ady sy korambe momban'ny ady anaré, dia aza magnahy; tsy maintsy higadogna iré, fô tsy mbôla zegny ny farany. ⁸Fô hisy firenegna hitsangagna hamely firenegna, ary hisy fananjakagna hamely fanjakagna. Ary hisy hôrohôron-tany amin'ny toeragna maro, sady hisy silogna. Zegny no fihantombohan'ny fiterahagna.⁹Mitandrèma anaré. Ho atôlotron'jaré amin'ny Synedriona anare, ary ho vilezigna ako amin'ny Synagoga. Hitsangagna manoloagna iré mpanapaka sy iré mpanjaka noho ny Aminahy anaré, ho vavolombelogna amin'jaré. ¹⁰Fô ny Filazantasra dia tsy maintsy ho toriagna agny amin'ny firenena jiaby alôngany.¹¹Rà misambotro sy manôlotro anaré zeré, dia aza magnahy ny amin'jegny tôkony ho volagninaré. Fô amin'igny ôra igny, dia hamiagna anaré zegny tôkony ho volagninaré; tsy anaré akôry no hivolagna, fô ny Fagnahy Masigna. ¹²Ny ralahy hanôlotro ny ralahy ho faty, ary ny baba hanôlotro ny zanany. Ny zanaka hitsangagna hanôhitry ny ray aman-dreniny ka hahavono anjaré. ¹³Ho halan'ny ôlon-jiaby anaré nôhon'ny Agnarako. Fô na izôvy na izôvy maharitry hatragniamin'ny farany, dia ho voavônjy zegny ôlogna zegny.¹⁴Fô raha hitanaré mitsangagna aké amin'ny tsy tôkony hitsanganany ny fahavetavetagnan'ny fandravagna (oka hisaigna zegny mamaky), dia aoka zegny avy agny Jodia jiaby hilaifa agny an-tanety, ¹⁵zegny ako an-tafon-tragno oka tsy handrorogno ako an-dragno na hamôaka raha avy ako amin'jegny, ¹⁶ary zegny agny an-tsaha oka tsy hiverigna hialaka ny akanjony.¹⁷Lozan'jaré vihavy bikibo sy mampinono amin'jegny andro zegny! ¹⁸Mivavaha anaré mbô tsy ho amin'ny ririrgnina no hitrangan'jegny. ¹⁹Fô hisy fahoriagna be, zegny tsy mbôla nisy hatragniam'bôlohany, kôfa namôrogno zô tôntolo zô Andriamanitra, ke mandrak'iniany, ahà, kè mandrakizay tsisy kôza zagny. ²⁰Izy kô tsy nafohézin'ny Tompo zegny andro zègny, dia tsohisy nôfo ho voavonjy. Fô nôhon'ny ôlom-bôafidy, zègny voafidiny, dia nafohezin'ny isan'jegny andro zègny.²¹Ary koa misy ôlogna mivôlagna hoe: "Zahano, atô lay Kristy!" na koa hoe: "Zahano, arô Izy!" dia aza matôky anjègny. ²²Fô hisy Kristy sandoko sy mpaminagny sandoko hiboaka kè hamoaka famantaragna sy fahagagagna, mbô hamitahagna, na dia ny ôlom-bôafidy aza, kôa azo atô. ²³Miambèna! Efa nivolagniko taminaré mialôha ny fotoagnan'iré raha jiaby iré.²⁴Kanaifa afaran'ny fahoriagnan'iré, dia hanômbokoahizigny ny masôva, ny davôlagna tsy hagnamia ny hazavagna, ²⁵iré kintagna hiraraka avy agny amin'ny lagnitry, ary iré hery zègny ako an-dagnitra ho hôzongôzognina. ²⁶Kè ho hitan'jaré ny Zanak'Ôlogna avy agny amin'ny rahôgna amin'ny hery mafy sy voninahitry. ²⁷Ary hagnasa ny anjeliny Izy kè hagnangogna miaraka iré ôlom-boafidiny avy agny amin'ny vazan-tany èfatra, avy agny amin'ny faran'ny tany kè hatragny amin'ny faran'ny lagnitra.²⁸Malaka lesogno avy amin'ny kakazon'aviavy. Rà koa mandady sy maniry ny rantsany, dia fantanaré fô mariny ny lôhatogno. ²⁹Kara zègny koa, izy ko hitanaré mitranga zègny raha jiaby zègny, dia fantanaré fô èfa mariny Izy, marikitry ny vavahady.³⁰Volagniko aminaré, marigny tokoatra, itô taranaka itô dia tsy ho foagna mandra-pitrangan'jegmy raha jiaby zègny. ³¹Ho levogno ny lagnitra sy ny tany, fô ny teniko kosa tsy mbô ho levôgna mandrakizay. ³²Fô ny mahakasiky zègny andro na fotoagna zègny, dia tsisy mahai, na dia iré anjely agny an-andagnitra aza, na ny Zanaka, fô ny Baba foagna.³³Mitandraima! Miabaina, satria tsy fantanaré ny fotoagna. (Fanamarihagna: Iré fahaifagna talôha dia hoe: Mitandraima! Miabaina ary mivavaha, satria...) ³⁴Zègny dia karaha ny lilahy araiky handaiha lavitra_niala ny tragnony izy kè iré mpanompony no nasainy niambigna ny tragnony, samy amin'ny raharahany avy, ary nandidy ny mpiambigna Izy mbô tsy hatôry.³⁵Koa miambèna, satria tsy fantanaré hoe hoviagna no ho avy ny tompon-tragno; mety ho amin'ny androaligna zègny, na amin'ny sasak'aligna, na magneno akôho, na mandraigny. ³⁶Fô koa avy tampoko izy, dia aza avèla hahita anaré mandry izy. ³⁷Izy volagniko aminandre dia volagniko amin'ôlogno jiaby koa: Miambèna!"

¹Maro iré niaizaka nanôratra tantara mikasika iré raha-nitranga zai tanteraka takéto amintsika, ²karaha izégny efa nanoloran-jaré ré ananjy tamintsika, zai efa vavolombelogna nagnatri-maso sy mpanompon'ny teny hatragny ambolôhany. ³Ary aminahy hiany koà de karaha manjary - kôfa nagnadihady tsara ny fandehan'ny raha jiaby hatramin'ny vôlohany- ny hanôratra tatitra karaha ny filaharany ho anô, ry Teofilo mendrika indrindra. ⁴Izégny de mbô ahaizanô ny marigna mômba iré raha nampianarigna anô.⁵Tamin'ny andron'i Heroda, mpanjakan'ny Jodia, de nisy araika tamin'ny mpisorogna antsôvigna hoe Zakaria, avy amin'ny antokon'i Abia. Ny vadiny de avy amin'ny Zanak'i Arona viavy, Elizabeta ny agnarany. ⁶Samy marigna tagnatrehan'Andriamanitra zaré ré, ary nagneky iré didy jiaby sy iré fitsipikin'ny Tompo. ⁷Fô tsy nanan-janaka kanefa zaré ré, satria mômba Elizabeta, ary samy efa tegna antitra ihany koa izy aroa tamin'izegny fotoagna izegny.⁸Ary zegny de makasika an'i Zakaria te ny fagnatrehan'Andriamanitra, nagnatantairaka iré asan'ny fisorognana araka ny fifandimbiasagna isan-tôkony. ⁹Araka ny fômba fatôn-jaré ré ny amin'ny fisafidianagna mpisorogna zai tôkony hanompo, de voafidin'ny kodia hely hiditra hagnoro ny hemboka magnitra akô an-tempolin'ny Tompo izy. ¹⁰Tamin'ny laira nandoragna ny hemboka magnitra de nivavaka tagny ivelany fôkon'ôlo jiaby.¹¹Ary nisy anjelin'ny Tompo niseho taminanjy ké nitsangagna tankavanagna také amin'ny alitara nisy hemboka magnitra. ¹²Kôfa nahita ananjy i Zakaria, de raiki-tahotra ary tegna feno tahotra izy. ¹³Fô ahozy ny anjely taminanjy: "Aza matahotra ry Zakaria, efa regniko ny vavakanô. Ho bikibo zaza lalahy aminô Elizabeta vadinô. Jaona no hatônaré agnarany.¹⁴Hanam-pifaliagna sy haravoagna anô, ary maro koà no ho faly amin'ny faterahany. ¹⁵Satrià ho maventy izy amason'ny Tompo. Tsy hisotro divay na ra fisotro mahery mihitsy izy, ary ho feno Fagnahy Masigna laitry avan-kibon'ny mamany izy.¹⁶Maro amin'ny fôkon'ôlon'Israely hitodika amin'ny Tompo Andriamanitran-jaré. ¹⁷Handeha alôhan'ny tavan'ny Tompo amin'ny fagnahy sy ny herin'Elia izy. Zegny no atôny de ny mbô hitodian'ny fôn'ny baba amin'ny zanaka, mbô handiananjaré zay tsy magneky amin'ny lalan'ny fahindriagnan'ny marigna mbô hagnomanagna fôkon'ôlo efa vognona ho an'ny Tompo nomanigna ho ananjy."¹⁸Ary Zakaria novôlagna tamin'lay anjely hoe: "Akory ny hahaizako zegny? Fô za efa antin-dahy ary ny vadiko efa antitra." ¹⁹Ary aozy ny anjely namaly sy nivôlagna taminanjy: "Za no Gabriela, ilay mitsangana eo agnatrehan'Andriamanitra. Ary nasaigna za mbô hivôlagna aminô, hitôndra itô vôvô tsara zao aminô. ²⁰Koa indro! Ho moà anô, kay tsy ahaifa hivôlagna, mandra-patongavan'ny andro hisehoan'iré raha iré. Satria tsy nino raha nivolagniko anô, zai tantairaka amin'ny fotoagna voafaritra."²¹Ary ny fokon'ôlo sasany nandigny an'i Zakaria. Variagna nohon'ny fidokahany elabe takô an-tempoly zaré ré. ²²Fô kôfa niboaka izy, de tsy afaka nikoragna taminjaré ré. Ary fantan-jaré fô nahita fahitagna izy takô an-tempoly. Nagnano béko moà tamin'iré izy ké nijanogna ho moà. ²³Ary kôfa tônga ny andro ahataperan'ny fanompoagnany, de lasagna tagny an-dragno izy.²⁴Tafaran'ire andro ire, de bikibo Elizabeta ary nivony nandritra ny dimy volagna. Aozy hoe: ²⁵"Zô no naton'ny Tompo anahy kôfa nizaha anahy Izy mbô hagnala ny haignatranay amason'ologna."²⁶Tamin'ny faenim-bôlagna, de nirain'Andriamanitra ny anjely Gabriela nandaiha tagny amin'ny tanàgna raika tao Galilia antsôvigna hoe Nazareta, ²⁷ho agny amina virijiny raika zay fôfom-badina lalahy antsôvigna hoe Josefa. Agnisan'ny taranak'i Davida izy, ary ny agnaran'ilay virijiny de Maria. ²⁸Nandaiha tô izy ary nivôlagna hoe: "Arabaigna, ry lay nasoavigna indrindra! Ny Tompo ho akô aminô". ²⁹Fô taigna very hevitra tamin'ny koragna izy nagnontany tegna hoe karazagna fiarabagna karaha ino zégny .³⁰Nivôlagna anjely taminy: "Aza mataotra ,ry Maria, fô aifa nahita sitraka tamin'Andriamanitra anô. ³¹Indro, ho bikibo anô kay hitairaka zazalalahy. Ary agnarany antsôvinô hoe 'Jesosy'. ³²Ho mahaventy Izy ké antsôvigna hoe Zanaky ny Avo indrindra. Ny Tompo Andriamanitra hagnamia Ananjy ny sezy fiandrianan'i Davida razambeny. ³³Ary hanjaka mandrakizay amin'ny taranak'i Jakoba izy, ary tsy hanampatapairagna ny fanjakany."³⁴Hoy Maria tamin'ilay anjely: "Magnakôry atongavan'izegny, fô mbôla tsy niara-nandry tamin-dalahy za?" ³⁵Ny anjely namaly ananjy hoe: "Hilatsaka aminô ny Fagnahy Masigia, ary ny herin'ny Avo Indrindra no ho avy aminô. Kay lay masigna ho tairaka de antsôvigna hoe Zanak'Andriamanitra.³⁶Indro, Elizabeta havanô de bikibo zazalalahy koà na de aifa antitra aza. Aifa fa enimbôlagna ny kibony zao, izy lay nantsôvigna hoe momba. ³⁷Satrià tsisy raha tsy azo tantiraignia amin'Andriamanitra ." ³⁸Hoy Maria: "Indro, zaho no mpanompovavin'ny Tompo. Ôka ho tantairaka aminahy zegny araka ny afatrao." Ary niala taminanjy ny anjely³⁹Ary tamin-jagny andro zegny i Maria de niala kay nandaiha nalaky akagny amin'ny tany avo, agny amin'ny tanagnan'i Jodia. ⁴⁰Nandaikagny amin'ny tragnon'i Zakaria izy ary niarahaba an'i Elizabeta. ⁴¹Izikôfa naharegny ny fiaraban'i Maria i Elizabeta, de ravoravo ny zaza tan-kibony, ary feno ny Fagnahy Masigna.⁴²Nivôlagna mafy izy hoe: "Nasoavigna noho ny viavy jiaby za, ary nasoavigna ny natairaky ny kibonô. ⁴³Nagnakôry zegny no mitranga aminahy fô lay maman'ny Tompoko no tônga hagnatogna za? ⁴⁴Fô indro kôfa tônga tantadigniky ny fiarabagnanô de faly be ny zaza ankiboko. ⁴⁵Sambatra izy zay nino fô ho tantairaka ire raha zay nivolagnin'ny Tompo taminy."⁴⁶Aozy i Maria: "Midaira ny Tompo ny fagnahiko, ⁴⁷ary ny fagnahiko nifaly tamin'Andriamanitra mpamonjy anahy.⁴⁸Fa nizaha ny fahantragnan'ny mpagnampiny viavy Izy. Ary indro, manomboka zô ny taranaka jiaby hagnantso anahy hoe sambatra. ⁴⁹Satria nagnano raha maventy taminahy lay mahaifa ny raha jiaby, ary masigna ny agnarany.⁵⁰Fô maharitra ho an'ny taranaka faramandimby zay matahotra ananjy ny famidram-pony. ⁵¹Nitoroany ny heriny tamin'ny sandriny izy; ary napariakany re zai niraiharaiha tamin'ny eritreritry ny fon-jare.⁵²Naongany tamin'ny seza fiandrianany ny zanakalahin'ny mpanjaka. Ary lay ambany nampakariny. ⁵³Nataony voky raha tsara ire tihinagna, fô ny manan-draha natony tsy managna namba hely.⁵⁴Nagnamia fagnapiagna an'Israely mpanompony Izy, mbô hatsiarôvany haneho famindram-po ⁵⁵(araka ny nilazainy tamin'ny razantsika re) tamin'i Abrahama sy ny taranakananjy mandrakizay."⁵⁶Nidôko nipètraka taka amin'i Elizabeta tôkony ho telo volagna i Maria ary avake niherigna nôdy tan dragnony. ⁵⁷Ary tônga ny fotoagna hitirahan'i Elizabeta ny zanany ary niteraka zaza lalahy izy. ⁵⁸Naregny famindram-po maventy natôn'ny Tompo tamin'ny mpiara-monigna ré sy ny havany ré, ary niara nifety taminjare zare.⁵⁹Ary tamin'ny andro fahavalo de tônga hamositra zaza zare. Saiky antsôvigna zare hoe "Zakaria," karaha ny agnaran'i babany izy. ⁶⁰Fô ny mamany ndraiky namaly ary nivolagna hoe: "Ahey. Jaona no agnantsôvagna ananjy." ⁶¹Ary aozy zare taminanjy: "Tsisy amin'ny havanô antsôvigna amin'agnaragna karahan-jany."⁶²Nagnano beko moà tamin'i babany zare amin'ny raha tiagna hatao hagnarany. ⁶³Nangaho solaitra fanoratagna ny babany ary hanôratra hoe: "Jaona no agnarany." Ary magnana tamin-jaigny zare jiaby.⁶⁴Ary niaraka tamin-jai de nisôkatra ny vavany ary nafahagna ny lailany. Nivôlagna izy ary nidaira an'Andriamanitra. ⁶⁵Tônga tamin-jare jiaby nagnodidigna te ny tahotra. Ary nisahely airan'ny tanàgnan'i Jodia ny raha jiaby niseho te. ⁶⁶Ary zare jiaby naregny ndrai nandatsaka tam pony, ary nivolagna hoe: "Ho lasagna ino marô tô zaza tô?" Fô momba ananjy ny tagnàn'ny Tompo.⁶⁷Ary feno Fagnahy Masigna i Zakaria babany ary naminagny, kai nivolagna hoe: ⁶⁸"Deraigna anie ny Tompo, Andriamanitr'Isiraely, fô tônga nagnampy sy nagnatantairaka ny fagnafahagna ho an'ny vahoakany Izy.⁶⁹Nakarigna ambôny ny tandrom-pagnavôtagna tan-dragnon'i Davida mpanompony Izy, ⁷⁰karaha zai nikoragniny tamin'ny vavan'ire mpaminagny masigna tamin'ny andro talôha tagny. ⁷¹Hitôndra famonjiagna amin'ny fahavalontsika sy amin'ny tagnan'ire mankahalantsika jiaby ire Izy.⁷²Zaigny no hatôny de mbô hampisehoany ny famindram-po amin'ire babantsika sy ampatsarôvagna ny fanekem-pihavanagnany Masigna, ⁷³de lay fiainagna nivolagnin'i Abrahama babantsika. ⁷⁴Nifanta ny hazaontsika, kôfa hafaka tan-tagnàn'ny fahavalontsika, manompo Ananjy tsy amin-tahotra, ⁷⁵am-pasahiagna sy am-pamarinagna agnatrehany amin'ny androntsika jiaby.⁷⁶Ia, ary anô, ry zaza, de hantsôvigna hoe mpaminanin'ny avo indrindra, fô handaiha hialôha ny tavan'ny Tompo anô ary hagnaboatra ny lalany, ⁷⁷mbô hanomagnan'ny ôlo ny amin'ny fiaviany, mbô hagnomia fahalalam-pamonjiagna ho an'ny ôlony amin'ny alalan'ny famelagna ny helon- jareo.⁷⁸Izégny no hiseho de noho ny famindram-po masign'ny Andriamanintsika, nohon'ny aminjagny no hiposahan'ny masoandro avy amin'ny avo mbô ho avy hagnampy antsika, ⁷⁹hagnazava an'ire zai mipaitraka agnaty ny haizigna sy ire agnatin'ny aloky ny fafataisagna. Hataony zegny mbô hitarihagna ny hongontsika amin'ny lalam-piadanagna."⁸⁰Ary ny zaza de nitômbo kai nanjary nahery amin'ny fagnahy, ary tagny agnefitra izy mandra-pahatonga ny andro hisehoany ampahibe maso amin'Israely.

¹Ary tamin'ny andro zagny, nandaifa didy mibéko ny hagnisagna ny ôlogna jiaby miaigny eto amin'izao tontolo izao Aogosto Kaisara. ²Zagny no fagnisam- bahoaka natô volôhany tamin'i Kyrenio no mpanapaka takagny Syria. ³Noho zagny ny ôlo jiaby de nandaiha tagny amin'ny tanàgna niaviany aby mbô hisôratra agnaragna amin'ny fagnisam-bahoaka.⁴De nandeha niakatra avy tagny Galilia kôa Josefa, avy tagny an-tanàgnan'i Davida zai antsôvigna hoe Betlehema, satria izy avy amin'ny tragno sy fianakavian'i Davida. ⁵Nadaiha tagny izy mbô hisôratra agnaragna tamin'i Maria, zai fôfom-badiny ary bikibo.⁶Ary kô mbôla tagny zare, de tônga ny fotoagna hitirahany ny zanany. ⁷Nitairaka zaza lalahy izy, zanany vôlôhany, ary Izy nandrakotra lamban-jaza Ananjy sy nampandry ananjy te ampinanam-bilogna, satria tsisy toeragna ho anjareo ta lôtely.⁸Nisy mpiambigna ondry amin-jegny farira zegny zay nijanogna tagny agnatiala, niambigna ny andian'ondry tandroaligna. ⁹Nisy anjelin'ny tompo niseho tamin-jare, ary ny voninahitra ny Tompo namirapiratra magnodidigna ananjy, ary feno tahotra be zare.¹⁰De nivôlagna tamin-jare ny anjely nagnano hoe: "Aza matahotra, fô hitôndra vôvô tsara zai hitôndra hafaliagna maventibe ho an'ny ôlogna jiaby zaho. ¹¹Igniany de mpagnavotra izay tairaka ho anaré agny an- tanàgnan'i Davida! ¹²Izy no Kristy Tompo! Zô no famantaragna zay hamiagna anaré: Hahita zaza hely mirakotra lamban-jaza ary mandry ampinanam-bilogna anaré."¹³Tampoka te niaraka tamin'ilay anjely, de nisy tafiky ny lanitra maventy nidaira an'Andriamanitra nagnano hoe: ¹⁴"Voninahitra agny amin'ny avo indrindra, ary fiadanagna anie akéto an-tany eo amin'ôlogna zay ankasitrahany."¹⁵Ary kôfa niala také aminjare nandeha an dagnitra ré anjely ré, nyy mpiandry ondry nifampivôlagna hoe: "Andô antsika zô andaiha agny Betlehema, ary hizaha raha mitranga akagny, zay nampafantarin'ny Tompo antsika zégny." ¹⁶Nandaiha nalady tagny zare ary nahita an'i Maria sy Josefa, ary nahita ny zaza hely nandry tam-pinanambilogna te.¹⁷Tafaran'ny nahitan-jare Ananjy, de nampafantarign'zare ny raha jiaby nivolagnina taminjare mikasika an'io zaza io. ¹⁸Izay jiaby naharegny izégny de hariàgna ny amin'ny nivolagnin'ny mpiandry ondry taminjaré ré. ¹⁹Fô Maria ndraiky nanohy nieritreritra mômba ny raha jiaby regny, ary nikajy zégny tam-pôny. ²⁰Niherigna ire mpiandry ondry, nagnamia voninahitra sy nankalaza an'Andriamanitra noho ny raha jiaby zai regninarè, karaha zai nivolagnina taminjare.²¹Kôfa tapitra ny andro fahavalo, kai niforaigna Izy, de namiagna agnaragna hoe Jesosy, lai agnaragna namian'ny anjely Ananjy talôhan'ny namitrahagna ananjy tan-kibo.²²Ary kôfa dila ny isan'ny andro nitakigna hidiôvany, araka ny lalàgnan'i Mosesy, de nitôndra Ananjy niakatra ho an-tempoly tô Jerosalema i Maria sy Josefa mbô hanolotra ananjy eo amin'ny Tompo. ²³Araka zay voasôratra aka amin'ny lalàgna ny Tompo hoe: " Ny lahy jiaby izay volôn-tairaka de hatôkagna ho an'ny Tompo." ²⁴Noho zaigny de nanolotra sorogna araka zay nivolagnina amin'ny lalàgnan'ny Tompo izy re," domoina na zana-bôromailala roa."²⁵Ary indro, nisy lalahy tagny Jerosalema, Simona no agnarany, ary zegny de marigna sy mafana fô. Nitady ny fampiononagna an'Israely izy, ary taminanjy ny Fagnahy Masigna. ²⁶Nivolagnin'ny Fagnahy Masigna taminanjy fô tsy hifoaty izy halôan'ny ahitany ny Kristin'ny Tompo izy.²⁷Nidôsin'ny Fagnahy nandaiha an-tempoly Simona. Kôfa nitôndra an'i Jesosy zazahely nitsôfotra ny ray aman-dreniny, mbô agnano Ananjy araka ny fomba akô amin'ny lalàgna, ²⁸de nalainy tan-tagnany Izy sady nidera an'Andriamanitra ary nagnano hoe: ²⁹"Avaizo avilay za handaiha am-piadanagna ny mpanomponô, ry Tompo, araka ny teninô avaizo.³⁰Fa ny masoko nahita ny famonjiagnanao, ³¹zay nomagninao tamin'ny fagnatraihan'ôlo jiaby: ³²De fazavagna ho fanambaragna ho an'ny Jentilisa ary voninahitra ho an'Israely ôlognanao."³³Ny baba sy maman'ilay zaza de gaga tamin-draha nivolagniny mikasika Ananjy. ³⁴Nitso-drano anjare Simona ary nivôlagna tamin'i Maria mamany hoe: "Indro, itô zaza itô de vôtendry ho amin'ny fagnifagna sy fandratagna ny ôlon'Israely maro ary ho famantaragna zay nolavigna- ³⁵ary hisy lefogna handavaka ny fagnahinao - ke ho voambara ny hevitry ny fo maro."³⁶Nisy mpaminany viavy raika antsôvigna hoe Ana te. Zanakaviavin'i Fanoela avy amin'ny foko Asera izy. Taigna antitra izy. Nipaitraka niaraka tamin'ny vadiny fito tôgna tavafaran'ny naverijiny ananjy izy, ³⁷ary nitôndrategna tagnatin'ny aifatra amby valopôlo tôgna.Tsy nagnadigno ny tempoly mihitsy izy fô nanompo tamin'ny fifadian-kanigna sy vavaka, andro aman'aligna. ³⁸Tamin'izegny laira zegny izy ary nanomboka nagnamia fisoragna an'Andriamanitra sy nivolagna ny momban'ilay zaza tamin'olo jiaby zay nandigny ny fagnavotagna an'i Jerosalema.³⁹Kôfa nahita ny raha jiaby nasaigna natôny araka ny lalàn'ny Tompo zare, de niherigna tagny Galilia, agny amin'ny tanàgnan-jare agny Nazareta. ⁴⁰Naventy ny zaza ary natanjaka, nitômbo fahindriagna, Ary ny fasoavan'Andriamanitra de taminanjy zégny.⁴¹Ny Ray aman-dreniny de nakagny Jerosalema isan-tôgna hamonjy ny firavoravoan'ny paska. ⁴²Kôfa roa ambin'ny fôlo tôgno Izy ,de nandeha tagny zare karaha raha fanon-jare zare. ⁴³Ary kôfa nipetreka tagny nandritry ny andron'ny fety manontolo zare, de nanomboka niherigna nôdy zare. Fa Jesosy zaza lahy nidôko tagny Jerosalema naifa tsy fantan- dray aman-dreniny zaigny. ⁴⁴Natônjare fô dia raiky tamin'ôlogna niara-dia tamin-jare Izy, de nandaiha nandritra ny andro raiky zare. Ary avy te de nanomboka nizaha Ananjy tamindry havany sy kamaradiny zare.⁴⁵Kôfa tsy hitanjare Izy, de niherigna tagny Jerosalema Zareo kai nanômboka nizaha Ananjy tagny. ⁴⁶Kôfa afaka telo andro, de hitanjare tan- tempoly Izy, nipètraka tagnivon'ire mpampianatra, nitandregny anjaré sy namétraka fagnotaniagna taminjare. ⁴⁷Izay jiaby naharegny ananjy de magnana tamin'ny fahalalagnany sy ire valinteny ananjy.⁴⁸Kôfa nahita Ananjy zare de variagna. Ny mamany nivôlagna taminanjy hoe: "Zanako magnino anao magnany aminay karaha zegny? Tandrigneso, za sy babanô nizaha anô tamin-tebiteby." ⁴⁹Izy nivolagna taminjare hoe: "Nagnigno anaré no mizaha anahy? Tsy fantanare mô fô tsy maintsy an-dragnon'ny babako Za?" ⁵⁰Fô tsy azon-jare ny raha tiany koragnina tamin-jany.⁵¹Dia nôdy niaraka tamin-jare takagny Nazareta Izy sady nagneky anin-jareo. Ny mamany de nikajy raha jiaby zagny tam-ponanjy tô. ⁵²Fô i Jesosy nahai- nitômbo fahedriagna sy nitômbo tegna, ary nitombo fitia tamin'Andriamanitra sy ny ôlogna.

¹Tamin'ny tôgno faha dimy ambin'ny fôlo nanjakan'i Tiberie Kaisara- fony Pontio Pilato no governoran'i Jodia, Heroda de mpanjaka tao Galilia, Filipo ralahiny de nanapaka takô amin'ny faritra Itoria sy Trakonitisy, ary Lysania de mpanapak'i Abilena, ²nandritry ny fisoranam-ben'i Aniasy sy Kaiafa- de tônga tamin'i Jaona zanaka lalahin'i Zakaria tagn'efitra ny tenin'Andriamanitra.³Nandaiha tagny amin'iré faritra jiaby magnodidigna ny Jordana Izy, nitory ny batisan'ny fibebahagna ho famelagna ire heloka.⁴Araka ny voasôratra agnatin'i bokin'Isaia mpaminagny hoe: "Nisy feo raiky nagnantso mafy avy agny agnefitra hoe: "Atôvo vognona ny lalan'ny Tompo, atôvo mahitsy ny lalan-kalaihany.⁵Ny lôhasaha jiaby ho totôfagna, ary ny tanety sy ny havoagna ahegna, ary ny lala-miôlaka de amboarigna ahitsy, ary ny toairagna misy lavadavaka de hatô lalagna, ⁶ary ny nôfo jiaby de ahita ny famonjiagnan' Andriamanitra."⁷Kai nivôlagna tamin'ire vahoaka zai tônga hatô batisa i Jaona hoe: "Anaré ry taranaka ny mainaragna! Izovy nampitandrigna anaré mbô hilaifa ny havigniragna zay ho avy?⁸Noho zaigny, mamokatra voa manjary fibaibahagna, ary aza manomboka mivolagna agnatinare hoe: "Zaihay managna an'i Abrahama ho babanay," fô mivôlagna anaré za fô Andriamanitra de afaka manangagna zanaka avy amin'iré vato ré.⁹Avahizo aza ny famaky de mipaitraka amin'ny fôto- kakazo. Kay ny kakazo jiaby zay tsy mamoa voa tsara de firaigna ary hatsipy agnaty afo."¹⁰Ary ire vahoaka de nagnontany ananjy tamin'ny raha nikoragniny hoe: "Ino ariky raha atônay?" ¹¹Namaly Izy kay nivolagna taminjare hoe: "Izy kô misy ôlogna managna rôby lava roa, tôkony mizara zaigny amin'ôlogna raiky zay tsisy izy, ary zay misy raha hoanigna de tôkony hagnano karahan-jaigny koa."¹²Ire mpamory hetra kôa de mbô tônga mbô hatô batisa, ary nivolagna taminanjy hoe: "Mpampianatra o, ino no tsy maintsy hatônay?" ¹³Izy nivôlagna hoe: "Aza magnokom-bola mihoatran'izay nasaigna halainare."¹⁴Miaramila maromaro koa nagnotany ananjy, nivôlagna hoe: "Karakory monba anay? Ino raha tsy maintsy hatônay?" Izy nivôlagna tamin-jare fô: "Aza mangala-bôla amin'ôlogna an-keriny, ary aza miampanga lainga ôlogna. Mifalia amin'ny karamanare."¹⁵Ary kôfa taigna nandigny ny fahatongavan'i Kristy ny vahoaka, de nagnontany tam-pony mikasika an'i Jaona ny tsiraikiraiky, na mety izy na tsy izy no Kristy. ¹⁶Jaona namaly tamin'ny fivolagnana ananjy jiaby hoe: "Kô aminahy, de magnano anaré batisa amin'ny rano za, fô misy ôlogna raiky zay mahery mihoatra anahy, ary na za tsy mendrika hagnala tadin-kapananjy. Izy hagnano batisa anaré amin'ny Fagnahy Masigna sy ny afo.¹⁷Aké an-tagnany ny fikororohany mbô hagnadiôvana tsara ny ao am-pamoloany sy agnokonagna ny vary sy sompiny. Fô idorany amin'ny afo tsy mety vonigna ny angafony."¹⁸Niaraka tamin'ny fagnanaragna maro koa Jaona nitory vôvô tsara ho an'ny vahoaka. ¹⁹Heroda mpanjaka kôfa nanarigna nony fanambadiagna ny vadin-dralahiny Herodiasy, sy nony raha ratsy hafa jiaby zay vitany, ²⁰de ho fagnampin'izagny jiaby zagny, de nahidiny tangadra Jaona.²¹Ary, kôfa vita batisa daholo ny ologna jiaby, de natao batisa kôa Jesosy, ary raha mbola nivavaka Izy, de nisôkatra ny lagnitra, ²²ary ny Fagnahy Masigna nalaka endrika ka nandrorogna taminanjy karaha ny voromailala, ary nisy feo avy agny an-dagnitra nagnano hoe: "Anao no Zanako, tiako. Faly zaho nohon'ny aminao."²³Kôfa nanômboka ny asa fanompoagnany Jesosy, de te amin'ny telopolo tôgna te Izy. Izy no zanaka lalahin'i Josefa (araky ny fihaivairagna), zanak'i Hely, ²⁴zanak'i Matata, zanak'i Levy, zanak'i Melky, zanak'i Josefa.²⁵Josefa de zanak'i Matitia, zanak'i Amosa, zanak'i Nahoma, zanak'i Elsy, zanak'i Nagay, zanak'i Mata, ²⁶zanak'i Matatia, zanak'i Semey , zanak'i Joseka, zanak'i Joda.²⁷Joda de zanak'i Joanana, zanak'i Rase, zanak'i Zerobabela, zanak'i Sealtiela, zanak'i Nery, ²⁸zanak'i Melky, zanak'i Ady, zanak'i Kosama, zanak'i Elmadama, zanak'i Era, ²⁹zanak'i Josoa, zanak'i Eliezara, zanak'i Joreima, zanak'i Matata, zanak'i Levy.³⁰Levy de zanak'i Simeona, zanak'i Joda, zanak'i Josefa, zanak'i Jonama, zanak'i Eliakima, zanak'i Melea, ³¹zanak'i Mena, zanak'i Matata, zanak'i Natana, zanak'i Davida,³²zanak'i Jese, zanak'i Obeda, zanak'i Boaza, zanak'i Salmona, zanak'i Nahasona.³³Nahasona de zanak'i Aminadaba, zanak'i Adimina, zanak'i Arny, zanak'i Hezrona, zanak'i Fareza, zanak'i Joda, ³⁴zanak'i Jakoba, zanak'i Isaka, zanak'i Abrahama, zanak'i Tera, zanak'i Nahora, ³⁵zanak'i Seroga, zanak'i Reo, zanak'i Palega, zanak'i Ebera, zanak'i Sela.³⁶Sela de zanak'i Kenana, zanak'i Arparksada, zanak'i Sema zanak'i Noa, zanak'i ³⁷Metosela, zanak'i Enoka, zanak'i Jareda, zanak'i Mahalalila, zanak'i Kenana, ³⁸zanak'i Enosa, zanak'i Seta, zanak'i Adama, zanak'Andriamanitra.

¹Tafaran'izégny Jesosy, réhéfa feno ny Fagnahy Masigna, de niherigna avy tagny amin'ny reniranon'i Jordana, ké nandesin'ny Fagnahy Masigna tagny agn'efitra ²zay nangalan'ny devoly fagnahy Azy nandritry ny éfapôlo andro. Tsy nihinagna na ino na ino izy nandritry iré andro iré, ké tamin'ny fotoàgnà farany de vôsolôgna izy.³Ny devoly nivôlagna taminanjy hoe: "Kô zanak'Andriamanitra Anô, de hivoà môfo io vato io.'' ⁴Namaly ananjy Jesosy hoe: ''Tsy môfo foagna hivilôman'ôlo.'''⁵Avake nindôsiny devoly tamin'ny toeragna ambony Jesosy ary natorony Ananjy dohôlo ny fanjakana jiaby tambôn'ny tany. ⁶Ny devoly nivôlagna taminanjy hoe: "Hamiako anô ny fahifagna jiaby sy ny famifapiratany satrià aifa namiagna za ire, ary amiako ny ôlo zay tiàko amiagnananjy. ⁷Noho izegny, ra miakôhitra sy manompo za Anô, de azonô zegny."⁸Kanaifa Jesosy namaly kay nivôlagna ananjy hoe: "Voasôratra fa hoe: 'Hidaira ny Tompo Andriamanitranô anô, ary Izy raika ihany no hitompoinô.'''⁹Avake nitôndra ananjy tagny Jerosalema ny devoly ary natôny tagny antilintilin'ny tempoly Jesosy ary nivôlagna taminanjy hoe: "Ra zanak'Andriamanitra Anô, de milatsaha avatoè. ¹⁰Satrià aifa voasôratra hoe: 'Hibeko ny anjeliny ny aminô Izy, mbô hiaro anô,' ¹¹ary, Izy ire nanandratra anô amin'ny tagnany, mbô tsy ho voatsitohigna amin'ny vato ny tongonô.'"¹²Namaly ananjy, Jesosy kay nivôlagna hoe: "Aifa nambara hoe: 'Aza malaka fagnahy ny Tompo Andriamanitranô.''' ¹³Kôfa vita ny fangalany fagnahy an'iJesosy, de lasagna izy ary niala Ananjy mandrapatongavan'ny fotoagna hafa.¹⁴Avake Jesosy niherigna tagny Galilia tamin'ny herin'ny Fagnahy, ary ny vôvô momba Ananjy de aifa niparaitaka tamin-tany jiaby. ¹⁵De nanômboka nampianatra takô amin'ny Synagogan-jare Izy ary niirain'ôlo jiaby Izy.¹⁶Nandaiha tagny Nazareta Izy, lay tanàgna nankavety ananjy, ary araka ny fomba fatôny, de nitsôfotra takô amin'ny Synagoga tamin'ny andro Sabata Izy kay nitsangagna mbô hamaky teny mafy. ¹⁷Natôlotra ananjy ny hôron-taratasin'Isaia mpaminany. Nisokafiny ilay boky ary hitany ny toeragna nanoratagna ananjy,¹⁸"Ny Fagnahin'ny Tompo de akato aminahy, satrià Izy nagnôsotra za hivôlagna ny vôvô mafaly ho an'ny mahantra. Izy no hagnondaifa za hagnambara fagnafahagna ho an'ire babo, ary hamerigna ny fahifagna ho an'ny Jamba, hagnafaka ire zay ampijaligna, ¹⁹hagnambara ny tôm-pankasitrahan'Andriamanitra.''²⁰Avake de nahôriny ny taratasy, naheriny tagny amin'ny mpitadrigna, ary nipaitraka Izy. Nizaha Ananjy mason'ôlogna jiaby takô amin'ny Synagoga. ²¹Nanomboka niraisaka taminjare Izy hoe: ''Igniany itô Sôratra Masigna itô de tantairaka aketo.'' ²²Ny jiaby de nivôlagna tsara ny momba Ananjy ary gaga tamin'ny tenim-pasoavagna zay navoakany vavany zare, ary nagnontany zare hoe: "Fô tsy ilay zanak'i Josefa ve itô?''²³Izy nivôlagna taminjare hoe: "Azo antoka fô hivôlagna itô hôbôlagna itô aminahy anaré hoe: 'Dokotaira, tahà ny taignanô. Na ino na ino regninay fô natônô takô Kapernaomy, de magnanôva karanjagny agny amin'ny taninô.''' ²⁴Naifa nivôlagna Izy hoe: ''Volagniko marigna aminare, tsisy mpaminagny masigna amin'ny taniny.²⁵Kanaifa volagniky marigna aminare fô maro ny viavy mitôvo tagny Israely tamin'ny andron'i Elia, ra nihidy ny lagnitra tagnatin'ny telo tôgna sy enimbôlagna, ary nisy silôgna be tônga tamin'ny tany jiaby. ²⁶Naifa Elia tsy nalaifa na tamin'ny raika taminjare aza, fô takô Zerapata any Sidona ihany, tagny amin'ny ilay mpitondra tena izay nipaitraka tagny. ²⁷Fô maro ire boka takô amin'Israely tamin'ny andron'i Elisa mpaminany, naifa tsy nisy na de raika taminjare aza sitragna afa-tsy Namàna lay Syriana.''²⁸Ny ôlo jiaby tagnaty Synagoga de vignitra mafy kôfa naregny raha jiaby ire. ²⁹Nitsangagna zare, nahery Ananjy hiala ny tanàgna, ary hagnondaifa Ananjy tan-tampon'ny havoagna zay nipitrahan'ny tanàgnan-jare, mbô hanjeragna Ananjy amin'ny hantsagna. ³⁰Naifa nandaiha namakivaky tantaignantaignan-jare Izy de lasa nandaiha tagny amin'ny toeran-kafa.³¹Avake Izy de nirôrogna tagny Kapernaomy, tanàgna raika agny Galilia, ary nanomboka nampianatra azy ire tamin'ny Sabata Izy. ³²Izy ire de gaga be tamin'ny fampianaragna natôny, satrià nivôlagna tamin'ny fahifagna Izy.³³Ary takô amin'ny Synagoga de nisy lalahy zay nisy devoly, ary izy de niafatrafatra mafy hoe: ³⁴"Ah! Ino hifandraisanay aminô, ry Jesosy avy agny Nazareta?Tônga mbô hamotika zaihay ve Anô? Fantako hoe izôvy Anô- ilay Iraika Masin'Andriamanitra!'''³⁵Jesosy nivôlagna mafy ilay demony, ké nagnano hoe: "Aza mivôlagna ary mialà aminanjy!'' Kôfa nanipy lay lalahy ho lavo také agnivonjaré ré ny demony, de niala takô aminanjy, ary tsy nandratra ananjy aby. ³⁶De gaga dahôlo ny ôlogna jiaby, ary nanony koragna momba izegny. Nivôlagna zare hoe: "Fô teny karakôry zegny?'' Bekony amin'ny fahifagna sy hery ny devoly de mivoàka.'' ³⁷Noho zegny de nanomboka niparaitaka nagnairan'ny faritra magnodidigna ny lazany.³⁸De niala ny synagoga Jesosy ary nitsôfotra tandragnon'i Simona. Ary nampijalin'ny tazogna mahery ny rafôzany vavy, ary niangavy taminy ho azy izy ire. ³⁹Kay nitsangagna talôha Izy ary nivôlagna mafy ny tazogna, de niala taminy zegny. De nahivagna tampoka izy de nitsangagna ary nanomboka nanompo azy ire.⁴⁰Kôfa nilentika ny masoandro, de nitôndra ny ôlo- jiaby nararin'ny aretigna maro samihafa tamin'i Jesosy ny ôlo. Kay namaitra-tagnana tamin'ny tsiraikiraikia avy aminjare Izy kay nagnasitragna azy ire. ⁴¹Ire devoly ihany koà de niala takô amin'ny maro tamin'izy ire , niafatrafatra mafy sy nivôlagna hoe: ''Anô no zanak'Andriamanitra!''Jesosy nivôlagna mafy ire devoly kay tsy namaila zare hivôlagna, satrià hain-jare fô Izy no Kristy.⁴²Mandraindray Izy de nandaiha tagny amin'ny toeragna mangingigna. Ôlo maro be nizaha Ananjy ary nandaiha amin'ny toeragna nisy Ananjy. Izy ire de nihaizaka ny nitagna Ananjy mbô tsy hiala aminjare. ⁴³Fô Izy nivôlagna taminjare hoe: "Tsy maintsy mitory ny vôvô mafaly momba ny fanjakan'Andriamanitra amin'ny tanàgna maro hafa ihany koà za, satrià zegny no antony nagnirahagna za . ⁴⁴Avake Izy de nanony nitory takô amin'ire Synagoga magnairagna an'i Jodia.

¹Ary zô ny raha nitranga, kôfa nivorivory nagnodidign'i Jesosy zare nitandregny ny tenin'Andriamanitra, de nitsangagna tamôrony farihin'i Genesareta Izy. ²Nahita Sambokely roa nidôko nariny farihy Izy. Efa nivoaka tao ire mpanjono ary nanasa ire aratony. ³Niditra tamin'ny raika amin-jare antsambokely Jesosy, zay an'i Simona, ary nangaho ananjy mbô agnondaifa zaigny amin'ny rano lavidavitra tanety. Avy te nipaitraka Izy kay nampianatra ny ôlogna tivailan'ny sambokely.⁴Kôfa nidôko nivôlagna Izy, de nivôlagna tamin'i Simona Izy hoe: "Indôso amin'ny rano lalindaligna ny sambokely de halatsao ny haratonare mbô hazahoanare lôka." ⁵Simona namaly kay nivôlagna hoe: "Tompo o, aifa niasa bôriky kiaka zaihay, fô tsisy raha hazo, fô noho Anô mivôlagna, de haheriky alatsaka ndreky ny harato." ⁶Kôfa natôn-jare zaigny de nahazo lôka maro bé zare, ary triaka aby ny haraton-jare. ⁷Kay nagnano fihetsika tamin'ny naman-jare tagnaty sambokely hafa raiky zare fô zare mbô tôkony ho avy agnampy zare. De avy zare kay nagnomia sambokely roa, kay nanomboka nilentika zare.⁸Fa Simona Petera, raha vô nahita zaigny, de niakohotra tan-tongon'i Jesosy, nivôlagna hoe: "Mialà aminahy fô lalahy mpanota za." ⁹Fô gaga izy, sy zare jiaby niaraka taminanjy, nohon'ny abitsahan'ny lôko aozin-jaré. ¹⁰Tagnatin'izaigny i Jakoba zanak'i Zebedio, zay mpiara-miasa amin'i Simona. Jesosy nivôlagna tamin'i Simona hoe: "Aza matahotra, fô manomboka zô de hagnarato ôlogna anô." ¹¹Kôfa nentinjare tan-tanety ny sombokelin-jare, de navailan-jare raha jiaby fô nagnaraka Ananjy zare.¹²De zô raha nisy taminjare mbola tan-tanàgna raiky, nisy lalahy feno habokagna také. Kôfa nahita an'i Jesosy Izy, de niakohotra taminanjy te sady nikorery nagnano hoe: "Tompo o, kô mety aminao, mbô hidiôvo zaho." ¹³Ary de nahinjin'i Jesosy ny tagnany kay nikasika ananjy, nivôlagna hoe: "Mety aminahy. Madiôva." Samiarak'igny hafaka ny habokagna.¹⁴Tsy nikegna Izy mbô hilaza na amin-jôvy nô izôvy, fô nivolagnina taminanjy hoe: "Tohizo lalagnanao, misehoa amin'ny mpisorogna ary manolôra sôrogna ho fagnadiôvagna anô, arak'izai nandidian'i Mosesy, mbô ho fijoroagna vavolombelogna aminjaré."¹⁵Kanaifa ny tatitra momba Ananjy de nisahely lavitra kokoà aza, ary vahoaka maro be no niara-tônga mbô hitandregny Azy nampianatra ary mbô ho sitragna amin'ny aretin-jare zare. ¹⁶Kanaifa matetika Izy de niala nankany amin'ny tany foagna ary nivavaka.¹⁷Ary tamin'ny andro raiky nampianarany anjaré, de nisy Fariseo sy mpampiana-dalàgna nipaitraka te zay avy tan-tanagna hafa ao amin'ny faritry Galilia sy Jodia, ary avy agny Jerosalema koa. Ny herin'ny Tompo no taminanjy mbô hagnasitranagna.¹⁸Ary nisy lalahy sanagny tônga, nitôndra lalahy raiky zay hazon'ny tasiôgna tambôn'ny fandriagna foagna, ary zare de nizaha fômba hitondragna ananjy agnatignatiny akagny mbô hamitrahagna ananjy alôhan'i Jesosy. ¹⁹Tsy nahita fômba hampidiragna ananjy agnatignatiny zare nohon'ny hamaroan'ôlogna, kay nakatra ta tafon-tragno zare ary narôron-jare avy ta tafon-tragno io lalahy io miaraka amin'ny fandriagnanjy, tafôvôhan'ôlogna, talôhan'i Jesosy.²⁰Kôfa nahita ny finoagnany zaré, de hoy Jesosy hoe: "Ralelahy, voavela heloka anô." ²¹Nanomboka nagnontany iry mpanora-dàlagna sy Fariseo ré, kay nivôlagna: "Izôvy no hafaka mamaila fahotagna afa-tsy Andriamanitra raiky foagna?"²²Fô fantan'i Jesosy raha nieritreretin-jare, kai nivaliany hoe: "Magnino anaré no magnontany zaigny am-ponare? ²³Ino no môramôra volagnina: voavaila ny helokanô sa ny mivôlagna hoe: 'Mitsangana ary Mandihana?' ²⁴Naifa mbô hafantaranare fô ny zanak'ôlogna de manam-pahefagna hamaila heloka akéto ambôny tany, de za mivôlagna aminô mitsangàna, indôso fandriagnanao ary mandihana an- dragnonao."²⁵Te foagna de nitsangana talôhan-jare Izy ary nalaka ny fandriagnanjy zay nandriany. Avy te niala de nadaiha tan-dragnony izy, nagnomia voninahitra an' Andriamanitra. ²⁶Variagna ny ôlo jiaby ary nagnomia voninahitra an'Andriamanitra zare. Feno tahotra zare kay nivôlagna hoe: "Nahita raha maha-magnana antsika nigniany."²⁷Tafaran'ny nitrangan're raha ré, de niala také Jesosy ka nahita mpamory hetra raiky zay antsôvigna hoe Levy nipaitraka tan-dragnon'ny mpamory hetra. Nivôlagna taminanjy Izy hoe: "Magnaraha Anahy." ²⁸De nitsangagna i Levy kai nagnaraka Ananjy, kay nambailany ny raha jiaby.²⁹De nagnano fagnasagna maventibe tan-dragno ananjy i Levy. Baitsaka ire mpamory hetra sy ré ôlogna hafa zay nipaitraka te amin'ny latabatra ary hihinagna hiaraka taminjare. ³⁰Kanaifa ire Fariseo sy mpanora-dalàgna de nitaraigny taminjare mpaminagny, nivôlagna hoe: "Nagnino anô hômagna sy misotro miaraka amin'iré mpamory hetra sy mpanota hafa?" ³¹Jesosy namaly anjaré hoe: "Tsy mila dôktaira ny ôlogna mahivagna; fô ny marary foagna. ³²Tsy tônga hagnantso ny ôlogna marigny hibaibaka za, fô hagnatso mpanota mbô hibaibaka."³³De aozin-jare taminanjy hoe: "Ny mpianatr'i Jaona ré mifady hanigna matetika sy mivavaka, ary ny mpianatr'i Fariseo ré magnano zaigny koa. Kanaifa ny mpianatranô de hômagna sy misotro." ³⁴I Jesosy nivôlagna taminjare hoe: "Misy ôlogna mô mampifady hanigna ny havan'ny mpampakatra kô mbôla mipaitra aminjaré aké ny mpampakatra? ³⁵Fô ho avy andro raiky hangalagna ny mpampakatra aminjaré, ary amin' izagny andro zaigny de hifady hanigna zare."³⁶De nagnano fagnoharagna tamin-jare kôa Jesosy. "Tsisy ôlo mandrôta tapa-damba avy amin'ny lamba vôvô ary mampiasa zaigny mbô hagnaboarana lamba kôro. Raha magnano zagny izy, de handratra ilai vôvô, ary ilay tapa-damba avy amin'ilay vovô de tsy hifagnaraka amin'ilay lamba kôro.³⁷Tsisy ôlogna magnatô divaigna vôvô agnatin'ny siny oditra kôro. Kô hagnanon-jaigny izy de ho triaka ny hoditr'ilay divaigna vôvô, ary de raraka ny divaigna, kay haratra ilay siny hoditra. ³⁸Fô divaigny vôvô de tsy maintsy atô agnatin'ny siny hoditra vôvo. ³⁹Fô tsisy ôlo nisotro ny divaigny talôha kay hagniry ny vôvô, fô aozy hoe: 'Ilay talôha no tsara."'

¹Ary tamin'ny Sabata de nandaiha akagny ankôraka Jesosy ary mpianatra ny nalaka tôvary, nikôsoka izegny tamin'ny tagnan-jare ary nihinagna ny vihiny. ²Fô ny sanagny tamin'ire Fariseo kôza nivôlagna hoe: "Nagnino anare no magnano ra tsy ara-dalàgna ny magnano ananjy amin'ny andro Sabata?"³Namaly ananjy, Jesosy kay nivôlagna hoe: "Mbôla tsy nivakinare mô ny natôn'i Davida kôfa tihinagna izy, sy ire lalahy zay niaraka taminanjy? ⁴Nandaiha tan-dragnon'Andriamanitra izy, ary nalaka môfon'ny fahantairagna sy nihinagna ny ampahany tamin-jaigny, ary namiany ampahany kôa ny lalahy zay niaraka taminanjy mbô hihinagna, na de mpisorogna ihany aza ara-dalàgna kô hômagna zaigny." ⁵Avake Izy nivôlagna taminjare hoe: "Ny Zanak'Ôlogna de Tômpon'ny Sabata."⁶Ary tamin'ny Sabata hafa de nandaiha tagny amin'ny Synagoga Izy de nampianatra ny vahoaka take. Nisy lalahy raika maty tagnana hakavanagna tao. ⁷Nizaha mariny Ananjy tsara zare mpanora-dalàgna sy ré Fariseo mbô ahita kô agnasitragna ôlogna amin'ny Sabata Izy, mbô afahan-jare mahita antony hiapangagna Ananjy. ⁸Kanaifa fantany ny raha tantsaignan-jare ary nivôlagna tamin'ilay lalahy zay maty tagnana Izy hoe: "Mitsangàna, ary mandihana alohan'ôlo jiaby akéto." Kay nitsangana ilay lalahy ary nitsangana také.⁹Jesosy nivôlagna tamin-jare hoe: "Magnontany anaré za, ara-dalàgna amin'ny andro Sabata ve ny fagnanôvagna ny tsara sa ny fagnanôvagna ny ratsy, ny magnatr'aigna sa ny mandratra ananjy?" ¹⁰Ary nizaha ny magnodidigna ananjy Izy kay nivôlagna tamin'ny lalahy io hoe: "Hinjagno ny tagnanô." Nagnano zaigny izy, ary nahivagna ny tagnany. ¹¹Naifa feno havigniragna zare ary nifampivôlagna momba an'izay mety hatôn-jare amin'i Jesosy.¹²Taminjany andro zegny de nandaiha antanety Izy mbô hivavaka. Nitohizany bôrikiaka ny fivavahagna tamin'Andriamanitra. ¹³Kôfa tônga ny andro, natsôviny ny mpianany ho aminanjy, ary nifidy roa ambin'ny folo taminjare Izy, zay natsôviny koa hoe Apostoly.¹⁴Ny agnaranjare Apostoly re de Simona (zay antsôvigna koa hoe Petera) ary ralahiny Andrea, Jakoba, Jaona, Filipo, Bartelemeo, ¹⁵Matio, Tomasy, Jakoba zanakalalahin'i Alfeo, Simona zay antsôvigna hoe Zelota, ¹⁶Jodasy zanak'i Jakoba, ary Jodasy Iskariota, zay tônga mpamadika.¹⁷Avy te Jesosy nirôrôgna tan-tanety niaraka taminjare de nitsangagna tamin'ny tany marigna niaraka tamin'ny mpianany maro sy vahoaka maro avy agny Jodia sy Jerosalema ary ny sisin-tanin'ny Tyro sy Sidona. ¹⁸Tônga ire mbô hitandregny Ananjy ary mbô hahivagna amin'ny aretigna zare. Nahivagna koa ny vahoaka zay nigodagnin'ny fagnahy maloto. ¹⁹Ny olo jiaby tamin'ny vahoaka re de niaizaka mbô hisasika Ananjy hatrany satria nibôaka avy taminanjy ny hery mampahivagna, de nahivagna daholy zare jiaby.²⁰De nizaha ny mpianany Izy, ary nivôlagna hoe: "Sambatra anare zay mahantra, fô anare ny fanjakan'Andriamanitra. ²¹Sambatra anare zay tihinagnana igniany, fô ho voky anare. Sambatra anare zay mitomagny igniany, fô hihomehy anare.²²Sambatra anare kôfa tsy tiagn'ôlogna ary kôfa ahilikanjare sy haratsinjare, nohon'ny amin'ny Zanak'Ôlogna. ²³Mifalià aminjegny andro zegny ary mibitaha an-kafaliagna, satria azo antoka fô hahazo valisoa maventy be agny andagnitra anare, fô mitovy aminjegny no nitondrasan'ny razanare ire mpaminagny.²⁴Fô lozanare zay manjary, fô aifa azonare zay mahafa-po anare. ²⁵Lozanare zay voky igniagny, fô mbôla ho tihinagna anare andro afa agny. Lozanare zay mihomehy igniany, fô andala sy hitomagny anare andro afa agny.²⁶Lozanare, kôfa mivôlagna tsara mômba anare ny ôlo jiaby, fô karanjegny ny nataon'ny razanjare tamin'ny mpaminangny sandoka re.²⁷Fô mivôlagna aminare zai mitandregny Zaho, tiavo ny fahavalonare ary magnanova tsara amin'izay tsy tia anare. ²⁸Tahio zay magnôzogna anare ary mivavaha ho an'ire magnano tsinontsinogna anare.²⁹Kôfa misy manaifaka ny fifinô raiky, de amiazo ananjy koa ny ilany. Kôfa misy ôlogna malaka lambanô, aza mitagna na de ny akanjonô koa aza. ³⁰Amia zay ôlo jiaby mangataka aminô. Kôfa misy ôlona malaka raha anô, aza mangataka ny hamerenany izany aminô eky.³¹Karanzai tianô hataon'ôlogna aminô, de tôkony hataonô aminjare koa zegny. ³²Kô zai ôlogna tianô foagna no tiavinô, ino mô tsara azonô aminjany? Fô na ny mpanota aza mbô tia zegny koa. ³³Kô amin'ôlogna magnano tsara aminô foagna no agnanovanô tsara, ino mô tsara azonô aminjany? Fô na ny mpanota aza mbô magnano karanjegny. ³⁴Kô tsy mampindragna afa-tsy amizay ôlogna handrasagna fô hangerigny ananjy aminô foagna anô, ino mô tsara azonô aminjany? Fô na ny mpanota aza mbô mampindragna ny mpanota, mbô hazaogna karanjegny koa.³⁵Fô tiavo ny fahavalonare ary magnanova ny tsara aminjare. Mampindrama kay aza madigny valiny ary ho maventy ny valisoanare ary zanaky ny Avo Indrindra anare, fô Izy tegnany de tsara fagnahy amizay tsy misôtra sy ny ôlogna ratsy fagnahy. ³⁶Manàgna famindram-po, karaha ny Babanare mpamindra fo.³⁷Aza mitsara, mbô tsy ho tsaraigna anare. Aza magnameloka, ary tsy ho melohigna anare. Mamelà ny hafa, de mbô availa anare.³⁸Magnomiaza, de amiagna anare zegny. Fahafoizagna be zay mitafotafo, miara-voahontsagna ary mitôbaka no hararaka am-pofoagnanare. Kara zay famatraragnare, no hamatraragna anare koa."³⁹Avake Izy nagnano fagnoharagna taminjare koa. "Moa ve ny ôlogna jamba ho afaka mitarika ôlo-jamba hafa? Kô magnano zegny izy, de mety hivaringarigna antevagna zare roa, sa tsy zegny? ⁴⁰Ny mpianatra raika de tsy maventiventin'ny mpampianatrany, fô zay nahatantairaka ny fiofanagna jiaby de ho karan'ny mpampianatrany.⁴¹Fa nagnino mô anô no mizaha ny mpiti-kakazo hely zay agnatimason-drahalahinô, kanaifa tsy mahatsikaritra ny vatan-kakazo agnaty masonô? ⁴²Ino mô no ivolagnanô amin-dralahinô hoe: 'A Ralahiky, ambilay za hagnala ny mpiti-kakazo amin'ny masonô io, naifa tsy itanô aby ny vatan-kakazo agnaty masonô? Ry mpiatsaravelatsihy! Ala aminy masonô malôkany ny vatan-kakazo avake hainô tsara be hagnala ny mpiti-kakazo amin'ny masondralahinô.⁴³Fô tsisy kakazo tsara hamoa voankazo lo, na hoe kakazo lo hamoa voankazo tsara. ⁴⁴Fô ny kakazo tsiraikiraiky de fantatra amin'ny karazam-boankazo zay vokariny. Fô tsy afaka hisangotra aviavy amin'ny fatsy ny ôlogna, na halaka voaloboka amin'ny kakazovoandroy.⁴⁵Ny ôlona tsara mamoa zay tsara avy amin'ny hariagna soan'ny fony, ary ny ôlogna ratsy mamoa avy amin'ny haria-dratsin'ny fony. Fô zay avoakan'ny fony no volagnin'ny vavany.⁴⁶Fô magnino anare no magnantso Anahy hoe: 'Tompo, Tompo', kanaifa tsy magneky raha koragniky? ⁴⁷Ny ôlo jiaby magnatogna Za sy mitandregny raha koragniky ary magneky zegny, de hovolagniky anare hoe kara ino izy. ⁴⁸Karaha ny ôlogna zay nanangagna tragno izy, zay nandavaka laligna tamin'ny tany nananganany fôtotrin'ny tragno tambôny vatolampy take. Kô fa tônga ny rano be, de nandriaka nanôhitra zagny tragno zagny, fô tsy nampietsiky ananjy, satria tsara origna izy.⁴⁹Ary zay ôlogna naharegny koragnanay naifa tsy magneky zaigny, de mitovy amin'ôlagna zay nagnôrigna trano tambôn'ny tany kay tsy nagnatô fôtotra. Kôfa nandravagna tragno ny ranobe, de nirodagna avy atrany zaigny, ary ravagna tantairaka zaigny tragno zaigny."

¹Kôfa navita nivolagna raha jiaby zegny tagnatrehan'ny vahoaka Jesosy, de niditra tagny Kapernaomy Izy.²Ary nisy kapiteny raika nanagna mpanompo zay tegna najaigny, ary narary sy aifa nariny ho foaty izy. ³Kô fa naregny mômban'i Jesosy ilay kapiteny, de naniraka lohôlognan'ny Jiosy handaiha aminanjy izy, angaho ananjy mbô ho avy hampahivagna ny mpanompony. ⁴Ary kôfa tônga tamin'i Jesosy zare, de nangaho mafy taminanjy hoe: "Tegna tôkony hatô aminanjy raha zegny, ⁵Satria tiany ny firenegnanay, ary lay nagnamboatra ny Synagoga ho anay."⁶Kay nanohy ny diany niaraka taminjare Jesosy. Fô mbola tsy lavitra ny tragnony aby Izy, de nandaifa namagna lay kapiteny nivolagna taminanjy hoe: "Tompo o, aza manahiran-tegna Anô, satria tsy tôkony hidiranô andragno aby zaho. ⁷Noho zegny de tsy nihevitra ny tegnako ho tôkony handaiha aminô aby za, fô teny tôkagna foagna volagninô de mahivagna ny mpanompoko. ⁸Koa satria zaho koa mbô lalahy manampahefagna, managna miaramila ambanimbaniky koa. Hoy zaho amin'ny raika: 'Andô,' de mandaiha izy, ary amin'ny raika hafa koa hoe: Avia,' de avy izy, ary amin'ny mpanompoko hoe: 'Atôvo tô,' de atôny zegny."⁹Kôfa naharegny zegny Jesosy, de variagna taminanjy Izy, ary nitodika tamin'ire vahoaka zay nagnaraka Ananjy de nagnano hoe: "Volagniko aminare, fô na tagny Israely aza tsy nahitako finoagna karanjô." ¹⁰Kôfa nierigna tandragno zare nasaigna, de nahita fô nahivagna tsara lay mpanompo.¹¹Tafarahelinjany, de nandaiha tagny amin'ny tanàgna atao hoe Naina i Jesosy, ary niaraka taminanjy zare mpianany sy re vahoaka maro be. ¹²Kôfa nariny ny vavahadin'ny tanàgna Izy, indro, nisy fatin-dalahy raiky nindôsigna niboaka, zanaka lahy tôkan-dreniny (zay mpitondrataigna), ary vahoaka maro be avy ao amin'ny tanàgna no niaraka taminanjy. ¹³Nony nahita ananjy ny Tompo, de nalahelo tantairaka ananjy kay nagnano taminanjy hoe: "Aza mitomoagny." ¹⁴Avy te de niakatra Izy ary nikasika an'ilay serké zay nitondrasanjare lay razagna, ary nidôko zare nitôndra zegny. Aozin'ny hoe: "Ry tôvolahy, hoa zaho aminô, miaraima." ¹⁵De niarigna ilay maty kay nanomboka nivôlagna, ary Jesosy nanolotra ananjy tamin-dreniny.¹⁶Nangôrohôro aby zare jiaby, ka nitohy nidaira an'Andriamanitra zare nivôlagna hoe: "Mpaminagny maventy no natsagagna aketo amintsika" ary "Andriamanitra nitsinjo ny ôlognany." ¹⁷Itô vôvô momban'i Jesosy tô de nisahely magnairagna an'i Jodia sy ireo faritra magnodidigna jiaby.¹⁸Ire mpianatr'i Jaona nivôlagna taminanjy ny momba ire raha ire. ¹⁹De nagnantso roa tamin'ny mpianatra ananjy i Jaona kay nagnasa ananjy re ho agny amin'ny Tompo mbô hivôlagna hoe: "Anô mô lay ho avy, sa tôkony mbola hizaha hafa zahay?" ²⁰Ary kôfa nagnatogna mariny an'i Jesosy zare, de aozin'ny lalahy re hoe: "Jaona mpagnano batisa no nagnasa anay andai aminô atô hagnontany hoe: 'Anô mô lay ho avy, sa tôkony mbola hizaha hafa zahay?'"²¹Ary tamin'ny laira zagny de nampahivagna ôlogna baitsaka tamin'ny aretigna sy fahoriagna ary fanaintaignana avy amin're fagnahy ratsy Izy, ary ôlogna Jamba baitsaka no napahiratiny. ²²Jesosy namaly ka nivôlagna taminjare hoe: "Kôfa avy nandaiha tamin'ny lalagnanare anare, tatero amin'i Jaona zay hitanare sy regninare. Nahiratra ny jamba, nandaiha ny malemy, ny boka nadio, naregny ny maregnina, nitsangan-kovelogna ny maty, ary ny mahantra nitoriagna filazantsara. ²³Sambatra ny ôlogna zay tsy mitsahatra ny mino Anahy nohon'ny atôko."²⁴Ary kôfa lasagna re ôlogna nasain'i Jaona, de nanomboka nivôlagna tamin'ny vahoaka Jesosy ny momban'i Jaona hoe: "Hizaha ino mô no nivoahanare tagny an'efitra? Vôlomaigna nahozongozonin'ny rivotra mô? ²⁵Fô hizaha ino nivohanare tagny? Lalahy miakanjo tsara?Zahavo, fô zare magnatô akanjo lafo vidy sy re mihaigna amin'ny fiainagna tsara de amin'ny lapan'ny mpanjaka. ²⁶Fô hizaha ino nivohanare takagny?Mpaminagny sa? Ia, Hoa zaho aminare, ary mihoatra lavitra noho ny mpaminagny.²⁷Izy no ilay voasôratra hoe: Indro, alaifako mialôha anô ny mpitôndra hafatranahy, zay hagnomagna ny lalagnanô mialôha anô. ²⁸Lazaiky aminaré, fô aminaré zay nataira-biavy de tsy misy maventy karahan'i Jaona. Naifa ilay faran'ny hely de maventy amin'ny fanjakan'Andriamanitra izy."²⁹(Kôfa naregny zaigny ny ôlo jiaby, agnisan'izany ny mpamory hetra, de nagnambara fô marigna Andriamanitra, satrià natô batisa tamin'ny batisan'i Jaona izy ré. ³⁰Fa ré Fariseo sy ré mpahay lalàgna Jiosy kosa nandà tanjon'Andriamanitra ho an'ny taignanjaré, satrià tsy natôn'i Jaona batisa.)³¹"Amin'ino mô, no afahako mampitaha ny ôlogna amin'ito taranaka tô? Karaha ino mô zare? ³²Karaha zaza midôla ny bazary izy ré, zay mipaitraka sy mifagnantso ary mivôlagna hoe: 'Nitsatra sodigna ho anaré zaihay, de tsy nandihy anaré. Nagnano hira mandàla ho anare zaihay, de tsy nitomoagny anaré.'³³Fô i Jaona mpagnano batisa tônga tsy nihinagna môfo ary tsy nisotro divaigna, de ozinare hoe: 'Misy demonia izy.' ³⁴Ny Zanak'Ôlogna tônga nihinagna sy nisotro, de aozinare: 'Zahô, angoaignana sy mpisotro Izy, naman'ire mpamory hetra sy mpanota!" ³⁵Fô ny fahindriagna de amin'ny zanany jiaby."³⁶Ary ny raika tamin're Fariseo nagnasa an'i Jesosy hiaraka hihinagna taminanjy. Kôfa avy nitsôfôtra tandragnon'ilay Fariseo Jesosy, de nipaitraka hihinagna tambôn'ny latabatra. ³⁷Indro, nisy viavy tan-tanàgna zay mpanota. Kôfa natsikaritra izy fô nipaitraka tamin'ny latabatra tandragnon'ilay Fariseo Izy, de nitôndra boatin'Alabastara feno menaka magnitra izy. ³⁸Kôfa nitsangana tankilan'ny tongony izy, de nitomoagny, kay nanomboka nandegny ny hongony tamin'ny ranomasony, de nifafany tamin'ny voron-dôhany re sady nirôhiny ny hongony ary nosôrany menaka magnitra.³⁹Kôfa nahita izegny ilay Fariseo nagnasa an'i Jesosy, de nieritreritra, nivôlagna hoe: "Ra mpaminagny itô lalahy tô, de tôkony fantany hoe karazam-biavy magnakôry io mikasika Ananjy io, fô panota io.'' ⁴⁰Jesosy namaly kay nivôlagna taminanjy hoe: "Simona, misy ra koragniky aminô. Ahozy hoe: "Volagno zegny, Mpampianatra o!''⁴¹Jesosy nivôlagna hoe: "Nisy mpampindram-bôla nanagna mpitrôsa rolahy. Ny raika tôkony agnaifa diman-jato denaria, raika dimam-pôlo. ⁴²Kôfa tsy afaka nagnaifa zegny taminanjy izy ire, de sômby navailany an'izy rolahy. Noho zegny, izôvy aminjare rolahy taigna tiànanjy ? ⁴³Simona namaly Ananjy kay nivôlagna hoe: "Lay nagnombaila be." De ahozy Jesosy taminanjy hoe: "Marigna fitsaragnanô."⁴⁴Ary Jesosy nitodika tagny amin'ilay viavy kay nivôlagna tamin'i Simona hoe: "Hitanô io viavy io. Nitsôfotra tandragnonô Za. Tsy namianô rano hanasan-tongotra, fô io viavy io de ranomasony no nandaimany tongoko ary voron-dôhany no namôrany ananjy. ⁴⁵Tsy nagnôroka Za anô, fô izy de tsinidôka nagnôroka ny tongoko.⁴⁶Tsy nisôranô diloilo ny lôhako, fô izy de nagnôsitra zegny tamin'ny tongoko. ⁴⁷Noho zegny de milaza aminô Za fô, ire fahotany zay maro, de voavaila - satrià izy be fitiavagna. Fô zay navaila hely, de tià hely''.⁴⁸De ahoziny taminy hoe: "Voavaila ire faotanô.'' ⁴⁹Ire niara-nipaitraka nihinagna te de nanomboka nifampikoragna te aminjare hoe: 'Izôvy moà itô vô de mamaila heloka? ⁵⁰Avake ahozy taminiviavy hoe: "Ny finoagnanô no navonjy anô. Madiana am-piadanagna."

¹Ary tavafara helin'izegny de nanomboka nandaiha nitety tanàgna sy tanety samihafa Jesosy, nitory sy nagnambara ny filazantsara mikasika ny fanjakan'Andriamanitra. Niaraka taminy ire roa ambin'ny fôlo lahy, ²karaha ire viavy sanagny zay sitragna tamin'ny fagnahy ratsy sy ny aretigna: Maria zay nantsôvigna hoe Magdalena, zay aifa namoahagna devoly fito; ³Johana, vadin'i Koza, zay mpitan-drarahan'i Heroda ary Sosana; sy ire maro afa koà, zay, tamin'ny fagnagnanjare, de nagnamia zay nilainjare.⁴Ra mbôla nisy vahoàka maro niangogna, de nagnatogna Ananjy ire ôlo avy tamin'ny isan-tanàgna, de nagnano fagnoharagna izy hoe: ⁵"Nisy pambôly nivoàka mbô hamafy ny vihiny. Ra izy namafy igny, de voafafy tamôron-dalagna ny sanagny ary de voadiàdià zegny, ary lanin'ny vôron'ny lagnitra. ⁶Ny sanagny kôza vaofafy tamin'ny vatolampy, de nalazo zegny, satrià tsy nisy hamandoagna.⁷Ary ny sanagny de voafafy tamin-dramaragnitra, ary ny tsilo niaraka naniry kay voagaija zegny. ⁸Ny sanagny voafafy tamin'ny tany lonaka kay namoà vokatra tsara lavitra be."Tavafaran'i Jesosy nivôlagna ire raha ire, de nagnantso mafy Izy hoe: "Zay manantadigny hitandrignaisagna, ôka izy nitandregny".⁹Nagnontany Ananjy ire pianany ny amin'ny tiàn'izegny fagnoharagna zegny hivolagnina. ¹⁰Ahoziny hoe: "Ny falalagna ramivon'ny fanjakan'Andriamanitra de namiagna anare, fô ho an'ny afa de miraisaka amin'ny fagnoharagna Za, mbô tsy ahita zare na de mahita aza, ary tsy hahay na de maregny aza."¹¹Ary zao no dikany fagnoharagna: ny vihy de ny tenin'Andriamanitra. ¹²Ire voafafy tantsisin-dalagna de ire zay naregny naifa avitake de tônga ny devoly de nalakananjy tam-pôny, mbô tsy hino sy ho voavonjy zare. ¹³Ary ire tamin'ny vatolampy kôza de ire zay naregny ny teny, de mandray zegny amin-kafaliagna. Naifa tsy nisy fôtony ire; malaky foagna ny finoagnanjare, ary amin'ny fotoagna fitsapagna de lavo zare.¹⁴Ire vihy voafafy tamin'ny tsilo de ire ôlo maregny ny teny, fô kôfa mandaiha amin'ny diàny zare, de voagaijan'ny fitadiavagna sy hariagna ary ny fafinaraitagna amin'izô fiainagna zao, kay tsy matoy ny vihiny. ¹⁵Fô ny vihiny voafafy tamin'ny tany tsara, de ire naregny ny teny tamin'ny fo marigna sy tsara, ary izy ire zay mitagna tsara ary namokatra am-paraitagna.¹⁶Ary, tsisy ôlo, kôfa namelogna jiro, de manarogna ananjy amin'ny rakony na mamaitrakananjy akô ambany fandriagna. Fô mamaitrakananjy amin'ny fagnatôvan-jiro, mbô ho hitan'ôlo jiaby zay mitsôfotra ny hazavagna. ¹⁷Satrià tsisy takogna zay tsy ampafantarigna, na raha miafigna zay tsy hay ary hiseo amin'ny hazavagna. ¹⁸Kay tandrignaiso tsara, zay managna, de mbôla hamiagna baitsabaitsaka kokoà, fô zay tsisy kôza, na zay heritreretiny hanagnany aza de halagna aminanjy.''¹⁹Avake ny mamany sy ralahiny nagnatogna Ananjy, naifa tsy afaka nagnakaiky Ananjy nohon'ny vahoàka. ²⁰Nisy novôlagna taminy hoe: "Ny mamanô sy ralahinô de mijaridigna ivailany, te hahita anô.'' ²¹Fô Jesosy namaly sy nivôlagna taminjare hoe: "Ny mamako sy ralahiky de ire zay mitandregny tenin'Andriamanitra sy magnano zegny.''²²Ary indraik'andro de nandaiha an-dakana Izy niaraka tamin'ire pianany, ary Izy nilaza taminjare hoe: "Andaiha antsika arô ampitan-drano irô.'' De lasagna zare. ²³Fô ra nandaiha igny zare de tafandry Jesosy. Ary nisy rivotra tônga tamin'ny farihy, kay feno rano lakagna, ary notandindoni-doza zare.²⁴Avy te nandaiha taminanjy namôha Ananjy ré mpianatr'i Jesosy, nagnano hoe: "Tompo o! Tompo o! ho foaty antsika!" Ary nifôha Izy kay nivôlagna mafy ny rivotra sy ny rano magnonja, de nidôka, de tony avy te. ²⁵Ary nivôlagna taminjare Izy hoe: Aiza mô ny finoagnanare?" ary natahotra mafy zare. Tsy vitany natahotra fô magnana koa zare, ary nifampagnontany hoe: "Izôvy mô izy, no mandidy na ny rivotra sy ny rano aza, magnaiky Ananjy?"²⁶Zare de nahazon'ny faritr'i Gerasena, zay narindrin'ny farihin'i Galilea. ²⁷Ary kôfa niakatra tan- tanety Jesosy, de nitrôtra tamin'ny lalahy raiky avy tan- tanàgna zay nisy demonia. Kôfa aila izy tsisy lamba, ary tsy nipaitraka tan dragno fô tam-pasagna.²⁸Kôfa nahita an'i Jesosy izy, noafatra mafy sady niakôhotra talôhany kay nivôlagna mafy hoe: "Ino mô iraisanô aminahy ry Jesosy, zanak'Andriamanitra o? Miangavy anô za, aza ampijaligna." ²⁹Fô Jesosy nandidy ny fagnahy maloto hiala tagnatin'io lalahy io. Fô aifa nandritry ny fotoagna maro no nigijain'izagny izy, kay nifatôrany tamin'ny rôjo sy gadra vy no noambaisany ananjy, de narateny ire rôjoananjy ary nindôsin'ny demonia tagny agnefitra izy.³⁰Jesosy nagnontany ananjy hoe: "Izôvy agnaranao? Ary hoy izy hoe: "Legiona," fô aifa maro ny demoniaka zayaifa niditra taminanjy. ³¹Izy ré niangavy ananjy foagna mbô tsy handaifa ananjy an- davaka tsy hita noanoa.³²Ary nisy kisoa maro nihinagna tankilan'ny havoagna. Kay niangavy Ananjy ilay demonia mbô hamaila anjaré, handaiha hifindra akagny kay navailany zegny. ³³Kô nivoàka tamin'io lalahy io ny demonia de nifindra tamin'ny kisoà, ary nitantraivatraiva tagny an-taivagna kay nandaiha amin'ny farihy ilay kisoà kay maty.³⁴Ary kôfa hitan'ny mpiabin-kisoà ny raha nitranga, de niazakazaka ka nivôlagna anjagny tan-tanàgna sy tagnaty ala zare. ³⁵Kay niboaka aby ny fokon'ôlogna tan-tanàgna mbô hizaha ny raha nitranga, ary nagnatogna an'i Jesosy zare kay nahita an'ilay lalahy nivoahan'ny demonia. Ary nipaitraka tan-tongon'i Jesosy izy, nagnatô lamba izy sady vory saigny; de natahotra zare.³⁶Avy te zare nahita zay nivôlagna zay fômba nahivagnan'ny lalahy nanjakan'ny demonia. ³⁷Ary ny vahoaka jiaby tamin'ny faritr'i Gerasena de nangataka an'i Jesosy mbô hiala aminjare aké, satrià natahotra mafy zare. Noho zegny de nadaiha an-tsambo kely Izy mbô afahan-jare miherigna.³⁸Lay lalahy nivoahan'ny demonia ndreky de niangavy Ananjy mbô indôsiny hagnaraka Ananjy, fô Jesosy nagnasa ananjy niherigna de nivolagniny hoe: ³⁹" Mihiraigna agny an-dragnonô anô kay magnanôva tatitra feno momba zay natôn'Andriamanitra taminô." Ary ilay lalahy nandaiha tamin'ny lalany, de nagnambara magnairan-tany ny raha natôn'i Jesosy taminanjy.⁴⁰Ary kôfa niherigna Jesosy de nandray ananjy ny vahoàka, fô zare de aifa nandigny Ananjy. ⁴¹Ary nisy lalahy atô hoe Jairo, zay raiky tamin'ire mpitarika tako amin'ny Synagoga, nagnatogna niakôhotra tan- tongon'iJesosy, kay niangavy Ananjy mbô Andaiha an- dragnony, ⁴²satria ny zanany vavy tôkagna za roambiny fôlo tôgna te marary mafy ho foaty. Kô nandaiha tan-dalàgna Jesosy, de maro ny ôlogna nifanisitsisika magnodidy Aminanjy aké.⁴³Ary nisy viavy araiky také zay nandaiha rà nandritry ny roabin'ny fôlo tôgno ary nandany ny vôlany jiaby, [Fanamarihagna: iré mpanam-pahaizagna de aifa nizarazara hevitra raha tôkony ampidirigna akéto ny fehezanteny hoe: "Nandany ny vôlany jiaby (izy)] ary tsisy nampahivagna ananjy na izôvy na izôvy. ⁴⁴Ary izy tafaran'ny nikitiany ny poetin-damban'i Jesosy, de nidôko ny rànanjy.⁴⁵Jesosy nivôlagna hoe: "Izôvy nitagna anahy te?" Kôfa nandà ny ôlo jiaby de aozy i Petera hoe: "Tompo, magnodidigna anô indre ôlogna jiaby ary magnery Anao." ⁴⁶Fa Jesosy nivôlagna hoe: "Nisy nitagna za te, fô fantako fô nisy hery niala avy taminahy."⁴⁷Kôfa hitan'ilay viavy fô tsy takotra izy, de nangitakitaka izy, ary niakôhotra taminanjy te izy. Nivolagniny tamason'ôlogna ny antony nikasihany Ananjy, sy ny fômba nahivagnany takéke. ⁴⁸Ary Izy nivôlagna taminanjy hoe: "Ry zanako vavy, ny finoagnanô no nampahivagnanô. Mandihana am- piadanagna."⁴⁹Avy te kô mbôla nivôlagna izy, de nisy ôlogna raiky avy an-dragnon'ny mpitarika synagoga, nagnano hoe: "Maty ny zanagnô viavy. Aza sahiragninao eky ny mpampianatra." ⁵⁰Kôfa naregny zagny Jesosy, de namaly an'i Jairo Izy hoe: "Aza matahotra; minoà foagna de ahivagna izy."⁵¹Kôfa nandaiha an-dragno Izy, de tsisy ôlon-tôkagna nanjary niditra tao ankoatran'i Petera sy Jaona sy Jakoba, sy ny baba sy maman'ilay zaza. ⁵²Ary zare nandàla sy nitomoagny ananjy, ⁵³Fô Izy nivôlagna hoe: "Aza mitomoagny; tsy maty izy fô mandry." De nihomehy ananjy zare, satrià fantatra fô maty ilay zaza viavy.⁵⁴Fô niraisiny tamin'ny tagnany izy kay nagnantso mafy, nivôlagna hoe: "Zanako, mitsangàna!" ⁵⁵Ary niherigna ny fagnahiny, kay niharigny avy hatrany izy. Ary nibéko ananjy ré Izy mbô hagnamia habigna ananjy. ⁵⁶Ary magnana ny Ray aman-dreniny, fô Izy ndraiky nandrara anjaré mbô tsy hivôlagna na aminjôvy nô izôvy ny raha nitranga.

¹Ary tafaran'iregny raha regny, de nifidy fitopôlo lahy [Fagnamarihagna: Maro amin'ire fandikagna talôha taigna tsara no milaza hoe: "fitopôlo", fô ny sasany milaza hoe: "roa ambi-fitopôlo." ] hafa ny Tompo, ary nandaifa anjare tsiroaroa nialôha Ananjy tagny amin'ny tanàgna jiaby sy toeragna zay fandihanany. ²Aoziny taminjare hoe: "Be ny vokatra, fô vitsy ny mpiasa. Noho zaigny hangataho ny Tompon'ny vokatra mbô handaifa mpiasa mbô ho eny amin'ny vokatra."³Mandaihana amin'ny lalagnare. Jere, alaifako karan'ny zanak'ondry ampôvoan'ny ambodia anare. ⁴Aza mitôndra kajiam-bôla, na fitoeragn'entagna, na kapa, ary aza magnotsafa na izôvy na izôvy an-dalagna.⁵Zay tragno hidiranare, volagno mialôha hoe: 'Fiadanagna anie ho amin'itô tragno itô!' ⁶Kôfa misy ôlognan'ny fiadanagna akô, de hipaitraka akô ny fiadanagna volagninare, kôfa tsisy, de hiherigna aminare zaigny. Mipitraha andragno akô malôkany, mimoàna sy misotroà zay amianjare akô, fô ny mpiasa de taigna tôkony hahazo karamany. ⁷Aza mifindrafindra tragno.⁸Fô amin'izay tanàgna zay idiranare, kay mandray anaré, hoano zay atolony anaré, ⁹ary ampahivagno ny marariny. Volagno zare hoe: 'Aifa mariny anaré ny fanjakan'Andriamanitra.'¹⁰Na oviagna na oviagna anare no miditra an-tanàgna kay tsy mandray anare zare, de miboaha an-dalambe ary volagno hoe: ¹¹'Na de ny fasigna ny tanàgnanare zay mipaitaka amin'ny tongonay aza de hifafanay hanôhitra anare! Fantaro anaifa zô: Aifa mariny ny fanjakan'Andriamanitra.' ¹²Volagniko aminare fô amin'ny andro fitsaragna de ho azo liferigna kokoà ny an'i Sodoma noho ny amin'izegny tanàgna zegny.¹³Loza ho anô, ry Korazina! Loza ho anô, ry Betsaida! Fô kô ny asa maventibe zay natô taminô no natô tagny Tyro sy Sidona, de aifa aila zare no nibaibaka, nipaitraka tamina lamba mandala sy jôfo. ¹⁴Fô azo liferigna kokoà ny an'i Tyro sy Sidona amin'ny fitsaragna toy zay nenare. ¹⁵Anô, ry Kapernaomy, mievitra mô anô fô andaiha an-dagnitra? Ahe, hindôsigna arorogna any amin'ny Afo be anô.¹⁶Zay mitandregny anaré de mitandregny Anahy, ary zay mandà anaré de mandà Anahy de mandà ilay nagnasa Anahy."¹⁷Nierigna am-pifaliagna reo fito-pôlo, kay nivolagna hoe: "Tompo, na de ny demonia aza de magneky anay tamin'ny agnaranô." ¹⁸Jesosy nivolagna taminjare hoe: "Nahita an'i Satana nilatsaka avy tagny an-dagnitra karaha varatra Zaho." ¹⁹Zahà, fô efa namiako anare ny fahefagna handià menaragna, ny ala, ary ambonin'ny hery jiaby ny fahavalo, ary na ino na ino de tsy hisy handratra anare amin'ny fômba jiaby. ²⁰Na de zaigny aza mifaly foagna aminjany, hoe: nagneky anare ny fagnahy, fô mifalià fô voasôratra agny an-dagnitra ny agnaranare."²¹Tamin'io fotoagna io foagna de nifaly tokôa tao amin'ny Fagnahy Masigna Izy, ary nivolagna hoe: "Midaira Anô Zaho, a Baba, Tômpon'ny lagnitra sy ny tany, fô efa navoninô ny raha regny tamin'ny hendry sy ny manan-tsaigna, ary nivolagninô tamin'ire tsy manam-pahalalagna, karaha zaza hely. Ia, Babako, fô zaigny no ankasitrahagna amasonô."²²Ny Raha jiaby de nankinin'ny Babako taminahy, ary tsisy mahafantatra Anahy kô tsy Babako foagna, ary tsisy mahafantatra hoe: izôvy ny Babako afa-tsy ny Zanaka sy zay nisafidianan'ny Zanaka haseho Azy."²³Avy take de niodigna tamin'ny mpianatra Izy kay nivolagna mangingigna hoe: "Sambatra zay mahita ny raha hitanare. ²⁴Volagniko aminare, mpaminagny sy mpanjaka maro no nagniry ahita zay raha itanare, fô tsy hitanjare zagny ary haregny raha regninare, fô tsy reninjare zaigny."²⁵Indro, nisy mpampiagnatra ny lalànan'ny Jiosy raiky nitsangagna mbô hitsapa Ananjy, ka nivolagna hoe: "A ramose o, ino mô no tsy maintsy hatôko mbô handôvako ny fiainagna mandrakizay?" ²⁶Jesosy nivolagna hoe: "Ino mô no voasôratra amin'ny lalàgna?Karakory famakianô ananjy?" ²⁷Nagnomia valinteny izy de nivolagna hoe: "Tiavo ny Tompo Andriamanitrao amin'ny fognao jiaby, amin'ny fagnahinao jiaby, amin'ny herinao jiaby, amin'ny fisainagnanô jiaby, ary tiavo ny namanô karan'ny taignanao." ²⁸Jesosy nivolagna taminanjy hoe: "Marigna ny valinteninô. Ataovy zaigny de ho velogna anô."²⁹Fô ny mpampianatra, nagniry hagnamarigna ny tegnany, de nivolagna tamin'i Jesosy hoe: "Izôvy mô namako?" ³⁰Jesosy namaly ka nivolagna hoe: "Nisy lalahy raiky nirôrôgna avy tagny Jerosalema ho agny Jeriko. Izy de nindahin'ny mpagnaindaka, de nalainy fanagnana jiaby taminanjy sady nivileziny izy de navailany kôfa ho foaty izy. "³¹Ary sendra nisy mpisorogna nandalo taminjany lalagna zagny, kôfa nahita ananjy izy, de nandaiha tampitany. ³²Karanjagny koa nisy Levita raika, kôfa nandalo tamin'ilay toeragna kay nahita ananjy, de nandaiha tampitany.³³Fô nisy Samaritana raiky, kôfa nandaiha tamin'ny tany nandaihanany izy, de tônga tamin'ny tany nisy ananjy. Kôfa nahita ananjy izy, de nitsetra ananjy. ³⁴De nagnatogna ananjy izy kaY nifognôsiny ny fery ananjy, ary nandraràhany mainaka sy divaigna taminanjy. Nampitikininy ny biby ananjy izy, kay nindôsiny talôtely, ary nikarakarainy. ³⁵Amaraignaniny de nalaka denaria roa izy, ary natôlony ny tompon'ny hôtely zaigny, ary nivolagna izy hoe: 'Karakarao izy, ary na otrino na otrino laninô mihoàtra, kôfa mierigna zaho magnaifa ananjy. '³⁶Izôvy aminjare telo nieritreretinô, mbô kamaradin'ilay naindahina mpagnaidaka?" ³⁷Namaly ilay mpampianatra hoe: "Ilay raiky zay naneho fiantragna ananjy. "Jesosy nivolagna taminanjy hoe: "Mandihana ary magnanova karanjagny koa."³⁸Ary kôfa niara-nandaiha taminjare Izy, de niditra tan-tanàgna raiky, ary nisy viavy raika nantsôvigna hoe Marta nampandroso Ananjy tandragnony. ³⁹Nanagna rahavavy atao hoe: Maria izy, zay nipaitraka tan-tongon'ny Tompo ary nitandregny raha nivolagniny.⁴⁰Fô Marta sahiragna be tamin'ny fikarakaragna ny sakafo ho arôso. Nandaiha tamin'i Jesosy izy, de nagnano hoe: "Tompo, tsy mampagnino Anô ny agnombailan'ny rahavaviky anahy hiasa raika? Kay volagno izy mbô hagnampy anahy." ⁴¹Fô namaly ny Tompo ka nagnano hoe: "Marta, Marta, magnahy amin'ny raha maro be anô, ⁴²kanaifa raha raiky foagna no taigna ilaigna. Maria de aifa nifidy zay taigna tsara, zay tsy alagna aminanjy."

¹De zao raha nitranga refa nivavaka tamin'ny toeragna raiky Jesosy, nisy raika tamin'ny mpianany nivolagna taminanjy hoe: "Tompo, mbô hampianaro mivavaka zaihay karan'ny nampianaran'i Jaona reo mpianany."²Aozin'i Jesosy taminjare hoe: "Kôfa mivavaka anare de volagno hoe: 'Ray o, ho hamasinigna anie ny agnaragnô. Ho tônga anie ny fanjakagnanô.³Amiavo anay ny hanignanay igniany. ⁴Ambilao ny fahotagnanay, karaha ny nambilanay zay meloka taminay. Aza mitôndra anay handaiha amin'ny fakam-pagnahy."⁵Jesosy nivolagna taminjare hoe: "Izôvy aminare no hanagna namagna, ary handaiha aminanjy amin'ny sasakaligna, ary agnano aminanjy hoe: 'Ry namagna, mbô ampindramo môfo telo edy zaho, ⁶fô misy namako raiky vô tônga avy lavitry, ary tsy managna na ino na ino harôso aminanjy zaho.' ⁷Ary hamaly ananjy donko raiky tatragno kay nivolagna hoe: 'Aza mifagnelingeligna.' Aifa mifody tamiagna, ary ny zanako, aifa mandry am-pandriagna, miaraka aminahy. Tsy afaka mitsangagna zaho hagnomia môfo anô.' ⁸Mivolagna aminare Zaho, fô na de tsy mitsangagna sy magnomia mofo ananjy aza izy satria mpikamarady zare, de hagnomia fô izy nohon'ny fikirizany tsy misy haignatra, de hitsangagna izy ary hagnomia môfo jiaby zay ilainy.⁹Mbô milaza aminare koa aho, Mangataha, de amiagna anare; mitadiava, de hahita anare; konkogno, de hisokafigna anare. ¹⁰Fô ny ôlogna jiaby zay mangataka de mahazo, ary zay mitady de mahita; ary zay ôlogna magnonkogna, de hisokafigna.¹¹Izôvy aminare raim-pianakaviagna re mô, kôfa angatahan'ny zanany lôko, de hagnomia ananjy bibilava fô tsy lôko? [Fagnamarihagna: re fandikagna tegna tsara de misy vaki-teny fohy kokoà, zay arahintsika aketo. Ny fandikagna talôha sanany de misy vaki-teny lavalava kokoà, zay hita akô amin'ny Matio7:9 koa: "Raim-pianakaviagna izôvy aminare, mô mangao môfo ny zanakare, no hagnomia ananjy vato? Na lôko, de hagnomia ananjy bibilava?" ] ¹²Na kô mangao atody izy, de hamiagnare ala izy vô? ¹³Noho zagny, kô anare ratsy fagnahy aza mahay magnomia fagnomaizagna tsara ho an'ny zanakare, de karakôry ny habaizan'ny Fagnahy Masigna hamian'ny Ray anare izay any an-danitra ho an'ireo izay mangao Aminy?"¹⁴Ary Jesosy nandroàka demonia moà. Kôfa niboika lay demonia, de nahay nivolagna lay lalahy moà, ary magnana ny vahoaka. ¹⁵Fô ny ôlogna sanany nivolagna fô: "Amin'ny alalan'i Belzeboba, zay mpitarika ny demonia, no androasany demonia."¹⁶Ny sanany nitsapa Ananjy ary nizaha famantaragna avy tagny an-dagnitra taminanjy. ¹⁷Naifa fantatr'i Jesosy zay tagnaty lôhanjare ka nivolagna taminjare Izy hoe: "Re fanjakagna jiaby zay mirasarasa de rava, ary ny tragno zay mirasarasa de hirodagna."¹⁸Kô miady an-tragno Satana, agnano akory hampaharitra ny fanjakagnany? Fa ozinare hoe mandroaka demonia amin'ny alalan'i Belzeboba Zaho. ¹⁹Kô mandroaka demonia amin'ny alalan'i Belzeboba Zaho, amin'ny alalanjôvy ndraiky no androahan'ny mpagnara-dia anare ananjy? Donko, de zare no hitsara anare. ²⁰Kô mandroaka ny demonia amin'ny alalan'ny ratsan-tagnan'Andriamanitra Zaho, de tônga aminare ny fanjakan'Andriamanitra.²¹Kôfa ampy fitôvagna tsara ny lalahy mantajaka raika miamby tragnony, de voahambigna ny hariagnany, ²²Naifa kô raha mahery noho izy ny lalahy raika ka mandresy ananjy, de alain'ilay lalahy mahery kokoa amin'ilay lalahy ny fiadiana, ary ho robainy ny fanagnan'ilay lalahy. ²³Zay tsy miaraka Aminahy de mpanôhitra Anahy, ary zay tsy mionkogna aminay de misaraka aminahy.²⁴Kôfa miala amin'ôlogna raika ny fagnahy ratsy, de lasagna izy mamakivaky toairagna tsisy rano ary mizaha fitsaharagna. Ary kôfa tsy mahita, de aozy hoe: "Andaiha ierigna an-dragno niaviako zaho.' ²⁵Kôfa tafaerigna, izy dia mahita zagny tragno zagny mady sy milamigna. ²⁶Avake de lasagna izy malaka fagnahy hafa ratsy lavitra ny te miisa fito miaraka aminanjy ary de miditra mbô hipaitraka akô zare jiaby. Kay ratsiratsy lavitra ny te ny iafaran'izagny ôlogna zagny."²⁷Kôfa nivolagna raha re Izy, de nisy viavy raika nanandratra ny feony tagnaty vahoaka ary nagnano taminanjy hoe: "Sambatra ny kibo zay nitairaka Anô sy ny nono zay ninonoanô." ²⁸Fa Aoziny hoe: "Zay mitandregny ny Tenin'Andriamanitra sy mitagna anjany, no Sambatra lavitra noho zegny."²⁹Kô mbôla nitômbo ny vahoaka, de nanomboka nivolagna Jesosy hoe: "Itô taranaka tô de taranaka ratsy. Mizaha famantaragna izy, naifa tsisy famantaragna hatoro ananjy afa-tsy ny famantaragnan'i Jona. ³⁰Fô karaha ny nahatônga an'i Jona ho famantaragna tamin'ire Ninivita, karanjegny koa de ho famantaragna ny Zanak'Ôlogna amin'ity taranaka itô"³¹Ny Mpanjaka vavin'ny Atsimo de hitsangagna amin'ny fitsaragna miaraka amin'ireo lalahy amin'itô taranaka itô kay hanameloka anjare, fa tônga avy tagny amin'ny faran'ny tany izy mbô hitandregny ny fahidriagnan'i Solomona, ary indro, aketo misy Ôlo- maventy noho i Solomona.³²Ny lalahin'ny Ninive de hiara hitsangana amin'itô taranaka itô amin'ny fitsaragna ary hagnameloka ananjy, satria nibaibaka tamin'ny toritenin'i Jona zare, ary indro, misy Ôlogna maventy noho Jona aketo.³³Tsisy ôlogna raiky, kôfa mamelogna jiro, de apaitraka ambandraha na agnaty bazary, fô atô ambôny pilasinjiro, mbô ho hitan'izay miditra ny hazavagnany. ³⁴Ny masonô no jiron'ny vatagnanô. Kôfa tsara ny masonô, de rakotra hazavagna ny taignanô jiaby. Fa kô ratsy ndraiky ny masonô, de ahizigna ny taignanô. ³⁵Noho zagny, mitandrema anare mbô tsy ho maizigna ny hazavagna aminare. ³⁶Ary, kôfa feno hazavagna ny taignanô jiaby, kay tsisy ampahan'zagny maizigna, de ho karanjeny ny jiro zay mampamiratra ny hazavagna amin'ny taignanô jiaby.³⁷Kôfa vita raha nikoragniny, de nisy Fariseo nagnasa ananjy hiaraka-hihinagna aminanjy an-dragnony, de niditra Jesosy kay nipaitraka. ³⁸Magnana ilay Fariseo fô tsy nagnasa alôhan'ny hihinagna Jesosy.³⁹Fa aozin'ny Tompo taminanjy hoe: "Avahizo, anare Fariseo, de magnady ny ivailan'ny tasy sy ny lasety, naifa ny agnatinare de feno rombaka sy faharatsiagna." ⁴⁰Anare hely saigna! Tsy nagnano zay ao agnatiny mô no nagnano ny ivailany? ⁴¹Amiavo ny mahantra zay ao agnatiny, de ho mady ho anare aby ny raha jiaby.⁴²Fa loza ho anare ry Fariseo, satria mandoa ny ampahafolon'ny solila sy ny rota ary ny kakazo hafa agnaty ala anare, naifa tsy nahoanare ny fahamarinagna sy ny fitiavan'Andriamanitra. Ilaigna ny magnano ny marigna sy ny mitia an'Andriamanitra, no sady tsy magnadino ny raha hafa koa.⁴³Loza ho anare ry Fariseo, fô tianare ny pilasy vôlôhany amin'ny synagoga sy ny fiarahabagna feno fagnajana anare a bazary. ⁴⁴Loza ho anare, fô anare de karan'ny fasagna tsisy famantaragna zay hidiavin'Ôlogna fa tsy fantany zagny.⁴⁵Ny raika taminjare mpampianatra lalàgna nivôlagna taminanjy hoe: "Mpampianatra o, zegny lazainô zegny de manaivataiva anay koa.'' ⁴⁶Jesosy nivôlagna hoe: 'Ho anare, ry papiana-dalàgna ! Fô mampitôndra ainta-mavaisatra tsy zakan'ôlo anare, naifa tsy mikasika zegny ainta-mavaisatra zegny na de ny ratsan-tagnanare raika aza.⁴⁷Loza ho anare, satrià magnôrigna fasagna ho an'ire paminany anare, naifa ny razambenare no namono azy ire. ⁴⁸Koa vavolOmbelogna ary magneky ny asan'ny razagnare anare, fô namono azy ire tokoàtra zare ary anare no magnôrigna ny fasagny.⁴⁹Karanjeny koa, no anambaran'ny fahindriagnan'Andriamanitra hoe: 'Handaifa mpaminagny sy apostoly aminjare Zaho, ary zare hamono sy hagnenjika ny sanany amin'izy re.' ⁵⁰Itô taranaka itô, zany, no ho tômpon'andraikitra amin'ny ràn'ire mpaminagny jiaby nilatsaka hatramin'ny hiforôgnan'izao tontolo izao, ⁵¹nanomboka te amin'ny ràn'i Abela ka hatramin'ny ràn'i Zakaria, zay nivonigna tagnivon'ny alitara sy ny fitoeragna masigna. Ia, volagniko marigna aminare, fa itô taranaka itô no ho tompon'antoka.⁵²Loza ho anare ry mpampianatra lalàgnan'ny Jiosy, satrià nalainare ny fagnalahidin'ny falalagna; tsy mitsôfotra akô ny taignanare, ary sakananare, ire zay miditra.''⁵³Tavafaran'ny nialan'i Jesosy také, de nanôhitra Ananjy ny panôra-dalàgna sy ny Fariseo ary niady hevitra taminy mikasika ny raha maro, ⁵⁴sady nihaizaka ny hamandrika Ananjy tamin'ny teniny ihany.

¹Tamin'izegny, kôfa niara-niangogna ny vahoaka andrivony maro, baitsaka loàtra kay nifandià zare, vôlôhany indrindra de nanomboka nivôlagna tamin'ire mpianany Izy hoe: "Tandremo ny anign'ire Fariseo, zay fitsarambailatsihy.²Fô tsisy takogna zay tsivoaka, ary tsisy miafigna zay tsy ho hay. ³Kay na ino na ino volagninare akô amin'ny haizigna de regny agnatin'ny fazavagna, ary zay volagninare mangigigna de hambara ampaibemaso.⁴Milaza aminare Za ry kamaradiky, aza matahotra ire zay mamono ny taigna, ary avafaran'izegny de tsisy na ino na ino azony atô aikia. ⁵Fô hampitandrigna anare Za ny amin'izay hatahôragna. Matahôra ilay raika kôfa avy mamono, de managna fahifagna ny hagnary anare agny amin'ny helo. Ia, mivôlagna aminare Za, matahôra Ananjy.⁶Tsy ambidy farantsa hely ro ve ny tsitsina dimy? Kanaifa tsisy raika amin'iregny zay adigno agnatraihan'Andriamanitra. ⁷Fô na ny voron-dôhanare asa de voaisa dahôlo. Aza matahotra. Fô lômbolômbony tsitsina maro anare.⁸Ahozy Za aminare, izay jiaby magneky Za agnatraihan'ny ôlo, ny Zanak'Ôlogna ihany koà de hagneky ananjy agnatraihan'ire anjelin'Adriamanitra, ⁹fô zay mandà Za agnatraihan'ôlogna de ho lavigna agnatraihan'ire anjelin'Adriamanitra. ¹⁰Zay jiaby mivôlagna manôhitra ny Zanak'Ôlogna, de havaila aminy zegny, fô zay jiaby mivôlagna ratsy manôhitra ny Fagnahy Masigna kôza, de tsy voavaila zegny.¹¹Kôfa mitôndra anare agnatraihan'ny Synagoga, ire panapaka, sy ire manam-pahifagna zare, de aza magnahy ny amin'izay ho fomba fivôlagnare, ho fiarôvan-taignanare, na izay hilazainare, ¹²satrià ny Fagnahy Masigna no hampianatra anare zay tôkony hilazainare amin'izegny laira zegny.''¹³Avake nisy ôlogna raika avy takô amin'ire vahoaka nivôlagna taminy hoe: ''Ry papianatra, volagno ny ralahiky mbô hirasa lôva aminahy.'' ¹⁴Jesosy nivôlagna taminy hoe: "Alalahitô, zôvy namaitraka Za ho mpitsara na pagnailagnailagna anare''? ¹⁵Ahozy Izy taminjare hoe: ''Miambaina mbô hitananare ny taignanare lavitra ire fagnirian-dratsy jiaby, satrià ny fiainagn'ôlo raika de tsy miankigna amin'ny fabaitsaky ny fanagnany.''¹⁶Avake Jesosy nagnano fagnoharagna raika taminjare, nivôlagna hoe: "Namoà be ny raha tan- tsabon'ny lalahy mpanadraha raika, ¹⁷zay nagnontany taigna izy, kay nivôlagna hoe: 'Ino mô ny atôko, fô tsy managna toairagna hikajiagna vokatranahy reto zaho? ¹⁸Ary aozy hoe: 'Zô raha atôko. Hirobaiko ny tragno fitoaira-vokatranahy de hagnaboatra maventiventy noho ty zaho ary aminaré no hikajianako ny vokatranay sanany. ¹⁹De hivôlagna amin'ny fagnahiko za hoe: "Ry fagnahiko, anô de managna vokatra baitsaka mikajy an-dragno maro. Mitsahara tsara, de momoàna, misotroa, mifalia."²⁰Fô Andriamanitra nivôlagna taminanjy hoe: 'Ry lalahy adala, igniany ariva foàgna ny fagnahinô de halaiky aminao, ho anin-jôvy raha ré? ²¹Zaigny ny ôlogna zaigny mikajy hariagna ho an'ny taignany Ary tsy manan-kariagna manoloagna an'Andriamanitra."²²Jesosy nivôlagna tamin'ny mpianany hoe: "Noho zagny de volagniko aminare, aza magnahy ny amin'ny aignanare sy zay hohaninare, na ny mômban'ny tenanare zay tafinare. ²³Fô ny aigna de mihoatra noho ny raha hohanigna, ary ny taigna de mihoatra noho ny raha tafigny.²⁴Hivero ny goaika, tsy mamafy zare na mijinja. Tsy magnana tohitra zay hikajianagna, kanaifa amian'Andriamanitra hanigna zare regny. Karanjeny karakory ny fihoaragnare noho re vôrogna! ²⁵Zôvy aminare no afaka magnampy zehy raika amin'ny andro iaignany aminy fanahigna? ²⁶Ke zegny raha hely be zegny aza tsy ainare atô, kay akôry anare miahiahy ny amin'ilay tavaila?²⁷Hivero re lilia - magnano akory ny faniriny. Tsy miasa zare regny, na mamboly. Kanaifa lazaiky aminare, fô na i Solomoma tamin'ny voninahitrananjy jiaby tsambôla nagnatô regny. ²⁸Kôfa tafin'Andriamanitra karanjany re ahitra an-tsabo, zay aké igniany, ary amaraigna de arian'Andriamanita agnaty fatagna, mihoatra lavitra noho zagny ny hampitafian'Andriamanitra anare ry hely finoagna!²⁹Aza mizaha zay ho haninare sy zay ho sotroinare, ary aza magnahy. ³⁰Fô reo firenegna jiaby ambon'ny tany aketo re de mizaha regny raha regny, ary fantatry Babanare fa mila anjagny anare.³¹Fô zaha malôka ny fanjakagny, de hamiagna ho fagnampiny ho anare ny raha jiaby. ³²Aza matahotra, ry ondry vitsy, satria ny Babanare de taigna faly hagnomia anare ny fanjakagnany.³³Ambidì re fanagnare ary amiazo ny mahantra. Magnanova kajiam-bôla ho an'ny taignanare zay tsy mety kôro hariagna agny andagnitra zay tsy mety lany, zay tsy tsisy mpangalatra ankilany, ary tsisy kadradraka mandratra. ³⁴Fô agny amizay hipitrahan'ny hariagnanare, de ankagny koa fonare.³⁵Ôka ny lamba lavanare hatônare angnadilagnare, ary ôka ny jironare hirehitra hatrany, ³⁶ary magnanova karahan're ôlogna zay mandigny re tompony hierigna avy namonjy mariazy, mbô kôfa tônga izy kay handondogno, de hanôkatra tamiagna ananjy zare.³⁷Sambatra ny mpanompo, zay hitan'ny tompony fô miambigny kôfa tônga izy. Volagniko marigna aminare, fo hisikigna ny lamba lavany agnandilany izy, ary hampipetraka anjare an-databatra, kay ho avy izy ary hanompo anjare. ³⁸Kô avy aminy laira faharoa androaligny ny Tompo, na amin'ny laira fahatelo aza, kay mahita anjare vognona, de ho sambatra re mpanompo re.³⁹Ho fagnampiny zegny de fantako zô, kô fantan'ny tômpon-tragno ny laira hatongavagn'ny mpangalatra, de tsy havailan'ny tragnony ho vakigna. ⁴⁰Mivognòna koa, fa tsy fantanare ny laira hatongavan'ny Zanak'Ôlogna."⁴¹Petera nivolagna hoe: "Topmpo ô, aminay foagna no ivolagnanô zegny fagnoharagna zegny, sa amin'ôlo jiaby?" ⁴²Nivolagna ny Tompo hoe: "Izôvy araiky no mpitantagna mahatoky sy hendry zay hitindren'ny tômpony ho ambônin're mpanompony hafa mbô hagnomia anjare ny anjara sakafonjare amin'ny fotoagna mety? ⁴³Sambatra zagny mpanompo zagny, zay hitan'ny tômpony magnano zagny kôfa tônga izy. ⁴⁴Koragniko aminare fa hi tindreny hanapaka ny fanagnany jiaby izy."⁴⁵Fô kô mivôlagna ao am-pony zaigny mpanompo zaigny hoe: 'Nahisony ny tompoko ny fihiraignany,' kay manomboka mamono re mpanompo lalahy sy viavy, ary hômagna sy misotro, kay nanjary mamo, ⁴⁶Ny tompon'zagny mpanompo zagny de ho avy amin'ny andro tsy ampoizigny, amin'ny laira tsy fantany, ary hanapatapaka ananjy kay hanomagnan'ny toairagna ho ananjy miarakamin're tsy mahatoky.⁴⁷Zagny mpanompo zagny, nahafantatra ny sitrapon'ny tompony, kanaifa tsy niomagna na nagnano araka ny sitrapony, de hivilezigna amin'ny familaizagna maro. ⁴⁸Fa zay tsy nahafantatra ary magnano zay manjary azahoagna vely ndraika, de vilezigna amin'ny familezagna hely. Fô re jiaby zay namiagna be de bebe koa no takiagna aminanjy, ary reo zay nagnankignana be, de taigna be no angahoegna aminanjy.⁴⁹Tônga zaho hanipy afo ambonin'ny tany, ary karakory ny fagnirianako mbô hirihaitan-jagny malaky. ⁵⁰Fô managna fagnanovam-batisa mbô hagnanovana batisa zaho, ary karakory ny fahoriako mandra-pahatantairak'izagny!⁵¹Mihevitra mô anare fô tônga Zaho mbô hitôndra fiadanagna aketo an-tany? Ahe, mivolagna aminare Za, fô fisarahagna aza. ⁵²Manomboka zao de hisy dimy an-dragno raika hisaratsaraka, ôlogna telo manohitry ny roa, ary ôlogna roa manohitra ny telo. ⁵³Hisaratsaraka zare, ny babany hanohitra ny zanany lahy, ary ny zanaka lalahy hanohitra ny babany; ny reny hanohitra ny zanaka vavy ary ny zanaka vavy hanohitra ny reniny; ny rafôzam-bavy hanohitra ny vinanto vavy ary ny vinanto vavy hanohitra ny rafôzam-bavy."⁵⁴Nivolagna tamin're vahoaka koa Jesosy hoe: "Kôfa mahita rahogna mifôrogna eny andraifagna anare, de avy hatrany anare de mivolagna hoe: 'Hisy oragn'andro ho avy,' ary de mitranga zagny. ⁵⁵Kôfa misy rivotra mitsoka avy agny atsimo, de aozinare hoe: 'Hisy hafanagna be ho avy,' ary mitranga zagny. ⁵⁶Ry mpiahatsaravelatsihy, haignare ny mandika ny toetoetry ny tany sy ny lagnitra, fô karakory tsy ahaizanare mamantatra zô andro avahizo zô?"⁵⁷Karakory anare tsy mitsara marigna ho an'ny taignanare? ⁵⁸Fô kôfa mandaiha miaraka amin'ny mpifagnandrina aminare agnantraihan'ny mpitsara ambôny anare, mbôla an-dalagna de miezahà handamina ny olagna miaraka aminanjy mbô tsy handihanany handrirotra anare amin'ny mpitsara, ary mbô tsy hanolôran'ny mpitsara anare agny amin'ny mpamatotra, ary mbô tsy handifasany anare agny am-ponja. ⁵⁹Hoa zaho aminare tsy ho tafambôka akô mihitsy anare mandrapa agnifanare ny vola farany zay madinika indrindra."

¹Taminjany andro zagny, nisy ôlogna sasany take nivolagna taminanjy ny momba re Galiliana zay ny ràn'izy re no nafangaron'i Pilato tamin'ny sorony manôkàgna. ²Namaly Jesosy ary nivolagna taminjare hoe: "Anare mô mieritreritra fô re Galiliana re de mpanota mihoatra noho re Galiliana hafa jiaby satria nijaly karaha zaigny? ³Ahe, Zaho mivolagna aminare fô kô tsy mibaibaka anare, anare rehetra de ho foaty karanjegny.⁴Na regny ôlogna valo ambifôlo tao Siloama zay nilavoan'ny tikikambo kay nahafaty anjare, mievitra mô anare fa taigna mpanota ratsy mihoàtra noho re lalahy hafa tao Jerosalema regny? ⁵Ahe, Hoa Za. Fa anare kô tsy mibaibaka, anare jiaby koa de ho foaty."⁶Jesosy nagnano zao fagnoharagna zao hoe: "Nisy ôlogna nanagna kakazon'aviavy raiky namboleny tan-tsabony ary tônga izy nizaha voankazo taminanjy take naifa tsy nahita na ino na ino. ⁷Ilay lalahy de nivolagna tamin'ny mpagnano zaridaigna hoe: 'Indro, tônga taketo zaho aifa telo tôgna no niaizaka nizaha vihiny tamin'itô kakazo tô kanaifa tsy nahita mihintsy. Nagnino io avela handratra ny tany?'⁸Namaly lay mpagnano zaridaigna kay nivolagna hoe: 'Ambilay akea bôka izy amin'ny tôgna tô mandrapagnadiôvako manodidigna ananjy sy agnatôvako zezika aminanjy'. ⁹Koa mamoà izy amin'ny tôgna magnaraka, tsara; fô kô tsy zegny, de firaiky izy!"¹⁰Ay Jesosy nampianatra tao amin'ny raika tamin'ny synagoga nandritra ny Sabata. ¹¹Indro, nisy viavy raika zay nanagna fagnahy ratsin'ny fahalimiagna nandritrin'ny valo ambin'ny fôlo tôgna te, ary izy de nivôkoka ary tsy nahavita nijoro tsara.¹²Kôfa nahita ananjy Jesosy, de nagnantso ananjy kay nivolagna hoe: "A viavy e, afaka aminô ny falimiagnanô." ¹³Napaitrany taminanjy take ny tagnany, ary niaraka taminjay de nahivagna ilay viavy ary nihoby an"Andriamanitra. ¹⁴Naifa ny mpanapaka ny synagoga de vinitra noho ny fahivagnana natôn'i Jesosy tamin'ilay viavy tamin'ny andro Sabata. Noho zegny de namaly ilay mpanapaka kay nivolagna tamin'ny vahoaka hoe: "Misy enin'andro zay tôkony iasagna. Tongava kay maivàgna, fô tsy amin'ny andro Sabata."¹⁵Ny Tompo namaly ananjy ka nivolagna hoe: "Ry mpiatsaravelatsihy! Tsy samy mamaha ny boriky na ny aombiny am-balananjy mô anare kay mitôndra ananjy hisotro rano amin'ny andro Sabata? ¹⁶Ary karanjeny koa itô zanakavavin'i Abrahama tô, zay voafatotr'i Satana nandritran'ny valo ambin'ny folo tôgna tô, tsy tôkony mbô hovahagna mô ny fatotrananjy amin'ny andro Sabata?"¹⁷Ary kôfa nivolagna raha jiaby zegny Izy, de maignatra zare jiaby zay nanohitra Ananjy, fa ny vahoaka jiaby ndraika de faly noho ny raha jiaby malaza natôny.¹⁸Ary Jesosy nivolagna hoe: "Karakory ny fanjakan'Andriamanitra, ary karaha ino no afaka agnoharana ananjy?" ¹⁹Zagny de karaha ny voatsinampy zay nalaigna sy nafifin'ny lalahy raika tan-jaridainany, kay nanjary kakazo maventy raiky, ary ny vôron'ny lanitra de nanamboatra ny tragnony te amin'ny rantsagnananjy re."²⁰Mbôla nivolagna koa Izy hoe: "Ino no afaka hampitahaiky ny fanjakan'Andriamanitra? ²¹Zaigny de karaha masirasira zay nalain'ny viavy raika kay nafangarony tamin'ny koba in-telon'ny famaragna mandra-piparitahany ao anatin'ny koba jiaby."²²Jesosy de nandaiha nitety tanàgna sy ny vohitra tsirairay tagny an- àlagna mankany Jerosalema ary nampianatra ananjy zare. ²³Nisy raika nivôlagna taminanjy hoe: "Tompo, vitsy mô ny ôlogna vonjena?" Ary Aozy taminjare hoe: ²⁴"Miadiva ny hiditra ny tamiagna mahety anare, satria, Zaho mivolagna aminare, maro no te-hitsôfotra, fô tsy afaka ny hiditra."²⁵Kôfa mitsangana ilay tompon-tragno ary mamody tamiagna, de hijoro ivelany ake anare kay hagnokogna ny tamiagna ary hivolagna hoe: 'Tompo, Tompo, ampidiro zahay.' ²⁶Izy hamaly kay hivolagna aminjare hoe: 'Tsy haiky anare na ny fiaviagnanare.' Ary hivolagna anare hoe: 'Nihinagna sy nisotro te alôhanô zahay, ary Anô aifa nampianatra tan-dalambenay.' ²⁷Fô Izy hamaly hoe: 'Mivolagna aminare Za, tsy haiky zay fiaviagnanare. Mialà amina ake, anare mpagnano ratsy!'²⁸Hisy tagny sy fikitroha-nify kôfa mahita an'i Abrahama, Isaka, Jakoba, sy ny mpaminany jiaby ao amin'ny fanjakan'Andriamanitra anare, naifa anare voàroaka agny ivelany. ²⁹Zare de avy agny antsignanana, andraifagna, avaratra, atsimo kay hipaitraka amin'ny latabatry ny fanjakan'Andriamanitra. ³⁰Fantàro zô, re zay tsy de manan-danja no ho vôlôhany, ary re zay taigna manan-danja no ho farany."³¹Tafara helinjagny, nisy Fariseo sanany tônga ary nivolagna taminanjy hoe: "Mandihàna laoso ny aketo satria Heroda de te-hamono Anô." ³²Jesosy nivolagna hoe: 'Mandihàna ary volagno zagny amboadia zagny hoe: 'Indro, Zaho mandroaka Demonia sy mampahivagna igniany sy amaraigna, ary amin'ny andro fahatelo de ho tratrako ny tanjoko.' ³³Na ino na ino mitranga, zava-dehibe aminahy ny manohy io, amaraigna, sy ny andro hafa, satria tsy azo ikegna ny famonoagna ny mpaminagny lavitra an'i Jerosalema.³⁴"Ry Jerosalema, ry Jerosalema, izay mamono ny mpaminagny sy mitora-bato re zay nasaigna tagny aminare. Impiry Zaho nagniry ny hagnokogna ny zanakare kara akoho vavy magnokogna ny zanany ambany ailany, naifa tsy magniry zagny anare. ³⁵Indro, nilaôsagna ny tragnonare. Zaho de mivolagna aminare, tsy ho hitanare Zaho ambaram-pivolagnanare hoe: "Sambatra zay avy amin'ny agnaran'ny Tompo."

¹Ary indray Sabata, kôfa nandaiha antragnon'ny raika tamin'ire mpitarika ny Fariseo hihinagna môfo Izy de nagnara-maso Ananjy mariny zare. ²Indro, talôhany nisy lalahy raiky zay nampijalen'ny Edema. ³Jesosy nanontany re manam-pahaizagna amin'ny lalàgnan'ny Jiosy sy re Fariseo hoe: "Manjary atô mô ny mampahivagna amin'ny andro Sabata, sa tsy manjary?"⁴Fô zare de nangigna. Noho zagny de niraisin'i Jesosy izy, ary nampahivagniny, de nalaifagny handaiha. ⁵Hoziny taminjare hoe: "Zôvy aminare manan-janaka lahy na aomby tafalatsaka agnaty lava-drano amin'ny andro Sabata no tsy hanjovy ananjy samiaraka?" ⁶Zare de tsisy navita nagnomia valiny an're raha re.⁷kôfa arakan'i Jesosy ny fomba fisafidianan-jare zay nasaigna ny toeram-boninahitra, nagnano fagnoharagna Izy, nivolagna taminjare hoe: ⁸"Kôfa asaigna amin'ny mariazy anare, aza mipaitraka amin'ny toeram-boninahitra, satria mety nisy ôlogna nasaigna mbola manam-boninahitra noho anare. ⁹Kôfa tônga le ôlogna zay nagnasa anare, de hivolagna aminare izy hoe: 'Amia an'itô ôlon-kafa itô ny toeragnanô,' ary amin-kaignatra no andihananare hamonjy ny toeragna farany ambany."¹⁰Kôfa asaigna anare, mandiàna de mipitràha amin'ny toeragna farany ambany, amzay kôfa mandalo ake Ilay ôlo nagnasa anô, de mety hivolagna anô izy hoe: 'A kamarady, miakara ambônimbôny.' Ary avake de hamiam-boninahitra anare agnatraihan're miray latabatra aminare jiaby re. ¹¹Fa re zay manandra-taigna de hahahetry, ary zay magnetri-taigna de hasandratra."¹²Jesosy koa nivôlagna tamin'ilay lalahy nagnasa Ananjy hoe: "Kôfa magnomia hanigna na fagnasana anô, de aza magnasa ré kamaradinô na ré ralahinô na ré ankilanô na ré manjary magnodidigna anô, amin'ny mety agnasany anô de fagnaifan'izagny, de valiàny anô.¹³Kôfa magnano fagnasana anô, asaivo ny mahantra, ny managn'antsa, mandringa, ary ny jamba, ¹⁴de ho sambatra anô, satria tsy afaka hamaly anô zare. Fa anô de ho voavaly amin'ny fitsanganan'ny marigna."¹⁵Kôfa naregny raha re ny raika taminjare niray latabatra tamin'i Jesosy, de nivolagna taminanjy izy hoe: "Sambatra zay hômagna ny môfo amin'ny fanjakan'Andriamanitra!" ¹⁶Fô Jesosy nivolagna taminanjy hoe: "Nisy lalahy raika nikarakara hanim-be ary nagnasa ôlogna maro. ¹⁷Kôfa voakarakara ny sakafo, de nagnasa ny mpanompony izy hivolagna amin're zay nasaigna hoe: 'Mandosoa, fô ny raha jiaby aifa vôgnona.'¹⁸Zare jiaby de nitovy saigna ary nanomboka nagnano fialan-tsigny. Lay vôlôhany nivolagna taminanjy hoe: Nividy tsabo za, kay tôkony hivoaka za hizaha zaigny. Miala tsigny za.' ¹⁹Ary ny raika hafa nivôlagna hoe: 'Nividy aomby fôlo za ary andaiha hamantatra anjaigny. Miala tsigny za. ²⁰Avy take nisy lalahy raika hafa nivolagna hoe: "Vao avy nagnano mariazy za, kay noho zagny de tsy afaka ny ho avy zaho.'²¹De tônga lay mpanompo ary nivolagna tamin'ny tompony re raha re. Avy te lay tompon-tragno vignitra kay nivolagna tamin'ilay mpanompony hoe: "Mandihàna malaky amin're andalambe sy an-dalankely aketo an-tanàgna de hindôso atô ny mahantra, ny mandringa, ny jamba, ary ny managn'antsa.' ²²Nivolagna ilay mpanompo hoe: "Tompo aifa vita zay nibokoenô, fô mbôla misy toairagna foàgna.'²³Aozin'tô tompony tô tamin'ilay mpanompo tô hoe: "Mandihana agny an-dalambe sy sisim-boly ary tiré zare ho avy, amin'izay ho feno ny tragnoko. ²⁴Fô volagniko aminaré, tsisy hagnandragna ny hanignanahy re lalahy nasaigna ré."²⁵Ary vahoaka maro no nandaiha niaraka taminanjy, ary nitodika Izy ary nivolagna anjare hoe: ²⁶"Kô misy aminare magnatogna Anahy ary tsy mankahala ny babany, sy mamany, ny vadiny, ny zanany, re rahalahiny sy re rahavaviny, ary na ny fihaignany aza, de tsy afaka ny ho mpianatranahy izy. ²⁷Na zôvy na zôvy tsy milanja ny kakazofijaliagny ary magnaraka Anahy de tsy afaka ny ho mpianatro.²⁸Fô izôvy aminare, zay magniry ny hanangagna tilikambo, no tsy mipaitraka alôha ary mikajy ny fandaniana kô managna zay ilaigna hamitagna ananjy izy? ²⁹Kô tsy zegny, kôfa namaitraka ny fototra izy naifa tsy hahavita zegny aby, de hanomboka handatsa azy reo jiaby zay mahita anzagny, ³⁰magnano hoe: 'Io lalahy io nanomboka nanangagna kanaifa tsy nahavita aby.'³¹Na mpanjaka ino kô mandaiha hifanaitra amin'ny mpanjaka hafa amin'ny ady, no tsy hipaitraka alôha ary haka hevitra raha miaraka amin'ny lalahy ray aligna de afaka hiady amin'ny mpanjaka hafa zay tônga manohitra ananjy miaraka amin'ny lalahy ro aligna? ³²Kô tsy zagny, kô mbôla lavitra ny tafika hafa, de mandaifa antoko izy ary mangataka fepetra ho amin'ny fihavanagna. ³³Kay noho zegny, na zôvy na zôvy aminare tsy mahafoy zay raha jiaby hanagnany de tsy afaka ho mpianatro izy.³⁴Tsara ny sira, fa kô very ny tsiron'ilay sira, ino no hiraignany mbô ho masigna ndraiky? ³⁵Tsy misy ilan'ny tany na de zezi-tany aza. Ariam-poagna zaigny. Zay manan-tadigny mitandrignaisa."

¹De aozin'i Jesosy tamin're mpianany hoe: "Nisy lalahy mpanan-kariagna raiky nanagna mpitantagna, ary notanterigna taminanjy fô io mpitantagna io no nandany ny fanagnany jiaby. ²Kô nampagnatso ananjy ilay lalahy mpanan-kariagna ary nivolagna taminanjy hoe: 'Ino raha regniko momba anô zegny?Magnomiaza tatitra momban'ny asa fitantagnanô, fa anô tsy afaka ho mpitandri-panagnana aiky.'³Ary ilay mpitandrim-pagnanana nivolagna tan-tsaignany hoe: "Ino re no tôkony atôko, fô magnala anahy amin'ny asa tantaniko ny tompoko? Tsy manan-kery hiasagna tany zaho, ary mainatra ny hangataka zaho." ⁴Fantako ny ho atôko, mbô kôfa alany amin'ny asa fitantagnako zaho, de hampandroso anahy an-tragnonjare ny ôlogna.'⁵Avy te lay mpitan-draharaha nanantso ny tsiraikiraiky tamin're mpitrôsan'ny tompony, de nanontany lay voalohany izy hoe: 'Otrino no anagnan'ny tompoko aminô?' ⁶Nivolan'izy hoe: 'Mainaka oliva zato litatra.' Nivolagna taminanjy izy hoe: 'Raiso ny taratasinô, mipitraha malaky, ary dimampôlo soratagna.' ⁷Ary avake ilay mpitantagna nivolagna tamin'ny raika hoe: 'Otrino ny trosanô?' Nivolagna izy hoe: 'Vary zato famaragna.' Nivolagna taminanjy izy hoe: 'Raiso ny taratasinô, ary soraty hoe valopôlo.'⁸Avy te lay tompo de nidaira lay mpitantagna tsy marigna satria niasa tamin-kafetsiagna izy. Fa taigna fetsy ny zanak'izao tontolo izao ny amin'ny fifagnarahagna amin'izy samy ôlogna noho ny zanaky ny fahazavagna. ⁹Mivolagna aminare Zaho, mitadiava namagna amin'ny alalan'ny vola tsy marigna, amin'izay kôfa lany zagny, de ho raisin'izy re amin'ny fonegnana mandrakizay anare.¹⁰Zay mahatoky amin'ny faran'ny hely de mahatoky amin'ny be koa, ary zay tsy marigny amin'ny tena hely de tsy marigny amin'ny be koa. ¹¹Kô tsy mahatoky amin'ny fampiasagna vola tsy marigny anare, zôvy no hatoky anare amin'ny hariagna marigna? ¹²Kô tsy mahatoky amin'ny fampiasagna ny vôlan'ny ôlo-kafa anare, zôvy no hagnomia vôla ho anare manokagna?¹³Tsisy mpanompo afaka manômpo tompo ro, fô na izy tsy tià andraika de tià ny raikia, na koà hanôlo- taigna ho andraika de hagnano tsisy dikany lay hafa. Tsy afaka manômpo an'Andriamanitra sy ny hariagna anare.''¹⁴Ary ny Fariseo, zay tià vôla, kôfa naregny zegny raha zegny, de nagnamavo Ananjy zare. ¹⁵Nivôlagna taminjare Izy hoe: "Anare de magnamarigna ny taignianare alôhan'ôlo, fô Andriamanitra mahay ny fônare. Fô zay hambonesigna agnatraihan'ôlo de ratsy agnatraihan'Andriamanitra.¹⁶Ny lalàgna sy ire mpaminany de nisy mandra- paviàn'i Jaona. Aifa hatramin'izegny fotoagna zegny, no aifa nitoriagna ny filazantsaran'ny fanjakan'Andriamanitra, ary ny tsiraikaraika de nihaizaka nagnitsy ny diàny ho amin'izegny. ¹⁷Fô môramôra kokoà ny hahafoagna ny lagnitra sy ny tany noho ny sôratra hely be akô amin'ny lalàgna ho tônga tsy manan-kery.¹⁸Zay misaraka amin'ny vadiny kay mamokatra viavy hafa de mijangajanja, ary zay aifa nisara-bady de mijangajanga.¹⁹Ary panan-kariagna raika zay nagnatô vôloparasy sy rongony manify ary nankafy isan'andro ny harem-beny. ²⁰Nisy mpangataka raika antsôvigna hoe Lazarosy nipaitraka tamin'ny vavahadiny, vay foàgna, ²¹ary nagniry mbô hihinagna zay latsaka avambôny latabatr'ilay lalahy ngetroka. Fô na ny kiva aza tônga milailatra ny vainy.²²Ary de samy maty zare ro, de ilay mahantra nindôsin'anjely tankilan'i Abrahama. Naty foàgna koà lay mpanan-kariagna ké nariagna, ²³ary takô amin'ny fahaverezagna, de nanandratra ny masony izy ké nahita an'i Abrahama tegny alavitra sy Lazarosy také ankilany.²⁴Kay niàka mafy izy sy nivôlagna hoe: 'Abrahama Baba, mamindrà fo aminahy ary asaivo Lazarosy, mbô handrobohany ny tendron'ny rantsan-tanany ao anaty rano hely ampangatsiatsiaka ny lailako, fô mijaly mafy za akato may.²⁵Fô Abrahama nivôlagna hoe: 'Anaka, aza adignonô fô ana aifa nahazo zavatra tsara ianao, naifa ny an'i Lazarosy kosa zavatra ratsy. Fô avaizo ndraiky izy no voatambitamby, mbô anjaranô ndraiky mijaly. ²⁶Fô akoàtr'izégny jiaby izégny, de misy lavaka be, mbo tsy afaka hiampita izay te-hiampita avy ety mankeny aminareo, ary tsy misy afaka hiampita avy eny hankety aminay.'²⁷Lay lalahy ngetroka nivôlagna hoe: 'Miangavy anô za, ry Abrahama Baba, mbô asaivo zalahy ho agny aminay _ ²⁸fô managna ralahy dimy za_ mba afahany mampitandrina anjare, nohon'ny tahotra ny hatongavagn'izy ireo ato amin'ito pilasin'ny fijaliana ito koa."²⁹Fô nivôlagna Abrahama hoe: 'Managna an'i Mosesy sy ny mpaminany zare; ôka zare hitandregny azy ire.' ³⁰Ary namaly ilay lalahy ngetroka hoe: Tsia, ry Abrahama Baba, ra misy avy take amin'ny maty mankany aminjare, de hibaibaka ire. ³¹Fô Abrahama kôza nivôlagna taminy hoe: 'Ra tsy mihaino an'i Mosesy sy ireo mpaminany zare re, de tsy ho resy lahatra mihitsy na misy ôlo mitsangagna amin'ny maty aza.'''

¹Jesosy nivôlagna tamin-jare mpianany hoe: "Azo antoka fô hisy raha hafa hanôsika antsika hanota, fô loza ho an'ny ôlogna zay hiaviany zagny! ²Taigna tsara aminanjy kô agnatôvagna vatobe agnam-bôzony kay hatsipy agny an-andranomasigna, toy zay hatafitohigna ny raika amin're madinika ré.³Mitandraima anaré. Kô manota ny ralahinare, volagno mafy izy, ke mibaibaka izy, mamilà ananjy. ⁴Kô manota aminô impito agnatin'ny andro raiky izy, kay impito miverigna aminô izy, mivôlagna hoe: 'Mibaibaka zaho,' de tsy maintsy mamaila ananjy anô!"⁵Ire apostoly nivôlagna tamin'ny Tompo hoe: "Ampitomboe ny finoagnay." ⁶Ny Tompo nivolagna hoe: "Kô managna finoagna karaha voatsinampy anaré, de afaka mivôlagna amin'ny voaroihazo io hoe: 'Miavôta, ary magniria agny an-dranomasigna,' de hagneky anaré izy.⁷Fô zôvy aminaré, mô no managna mpanompo miasa tany na mpiambigna ondry, kay hivôlagna aminanjy kôfa tônga avy agny agnatiala izy hoe: 'Avia malaky kay mipitraha mbô hihinagna'? ⁸Fô tsy hivôlagna aminanjy mô izy hoe: 'Karakaray raha hioaniky, kay atôvo saintiry magnodidigna ny lambanô de manompoà anahy mandrapahalanin'ny hanignànahy sy fisotroàgnanahy. De avaké anô hômagna sy misotro'?⁹Tsy misôtra lay mpanompo izy satrià nagnano ré zay nibokoeny ananjy izy, sa misôtra izy vô? ¹⁰Na de anaré koà aza, kôfa nahavita ré raha jiaby zay nandidiany anaré ré, de tôkony hivôlagna hoe: 'Zaihay de mpanompo tsy manjary. Zay tôkony natônay foàgna no natônay.'''¹¹Ary kôfa nandaiha tagny Jerosalema Izy, de nadaiha tamôron-tany tagnailagnailan'i Samaria sy Galilia. ¹²Kôfa niditra tô amin'ny tanàgna raika izy, de nisy boka fôlo lahy nitrôtra taminanjy tô. Nitsangagna lavitra Ananjy zare ¹³ary nanandratra ambôny ny feonjare zare, kay nivôlagna hoe: "Jesosy, Tompo o, mamindrà fo aminay.''¹⁴Kôfa nahita anjare Izy, de nivôlagna tamin-jaré hoe: "Mandihana de ampizahà anjaré ny mpisorogna ny taignanaré.'' ¹⁵Kôfa lasagna igny zare de nadi. Kôfa nahita ny raika tamin-jare zaré fô nahivagna izy, de niherigna, niaraka tamin'ny feo avo ary nankalaza an'Andriamanitra. ¹⁶Niankôhotra tan-tongon'i Jesosy izy, nanôlotra fisôragna ho Ananjy. Izy de Samaritana.¹⁷Ary Jesosy nivôlagna hoe: "Tsy aifa nadi mô izy fôlo? Fô akaiza ny sivy? ¹⁸Tsisy hafa niherigna hagnomià voninahitra an'Andriamanitra vô, afa- tsy tô vahiny tô? ¹⁹Ary Aoziny taminy: "Mitsangàna, kay mandihana. Ny finoàgnanô no nampahivagna anô.''²⁰Kôfa nagnontanian-njaré Fariseo hoe raha oviàgna mô ny fanjakan'Andriamanitra no tônga, de namaly ananjare Jesosy kay nivôlagna hoe: "Tsy taza- maso ny fiaviàn'ny fanjakan'Andriamanitra. ²¹Tsy hivôlagna koà zare hoe: 'Irôko ilai izy!' Fô Indro, ny fanjakan'Andriamanitra de agnatinare.''²²Hoy izy tamin'ire mpianatra: "Avy ny andro hagniriànare ny ahita andro raika amin'ny andron'ny Zanak'Ôlogna, fô tsy ahita zaigny anaré. ²³Ary zare de hivôlagna aminjaré hoe: 'Zahà arô, zahà atô!' Fô aza miboàka na magnenjika aninjare, ²⁴fô karaha tselatra mangilatra mazava kôfa mitaratra avy agny amin'ny hilan'ny lagnitra kay zisika agny amin'ny ilany raika, de karanjany ny Zanak'Ôlogna amin'ny androny.²⁵Fô vôlohany de tsy maintsy hijaly amin'ny raha maro Izy ary ilazin'ny taranaka tô. ²⁶Karaha zay nitranga tamin'ny andron'i Noa, no hiseho koà amin'ny andron'ny Zanak'Ôlogna. ²⁷Nihinagna zare, nisotro, nanambady, natôlotra ho ampakarigna, mandra- piaviàn'ny andro zay nidiran'i Noa tamin'ny sambofiara ary tônga ny Safo-drano kay nandringagn'ôlo jiaby.²⁸Karaha izay nitranga tamin'ny andron'i Lota nihinagna sady nisotro izy ré, nividy sy nivarotra, namboly sy nagnano trano. ²⁹Fô tamin'ny andro zay nivoahan'i Lota avy tagny Sodoma, de afo sy solifara no nilatsaka avy tagny an-dagnitra kay nandringagna ananjy jiaby.³⁰De karan-jagny koà ny amin'ny hisehoàn'ny Zanak'Ôlogna. ³¹Amin'izaigny andro zaigny, aza availa hirôrogna halaka ire aitagnananjy ho ivailan'ny tragno zay agny amin'ny tômpon-tragno; ary aza availa hierigna zay agny an-tsabo.³²Tsarôvo ny vadin'i Lota. ³³Na izôvy na izôvy zay mizaha hamonjy ny aignany de hahavery ananjy, fô na izôvy na izôvy hahavery ny aignany de hamonjy ananjy.³⁴Milaza aminareo Aho, fa amin'izany alina izany dia hisy olona roa eo ambonin'ny fandriana iray. Ny iray dia horaisina, ary ny iray ho avela. ³⁵Ary hisy roa vavy miara-mitoto vary. Ny anankiray ho raisina, ary ny anankiray ho avela." ³⁶[Fanamarihana: ireo fandikana taloha tsara indrindra dia manala ny andininy faha 36 hoe: "Hisy roa lahy any an-tsaha; ny anankiray ho raisina, ary ny anankiray ho avela."] ³⁷Nanontany Azy izy ireo hoe: "Aiza, Tompo?" ary Izy niteny tamin'izy ireo hoe: "Izay hitoeran'ny faty, dia any koa no hisy votoro hiara-miangona."

¹Avake Izy nilaza fagnoaragna taminjare ny momba ny tôkony hivavahanjare isanan'andro, ary tsy ho kaitraka, ²nivôlagna hoe: "Tamin'ny tanàgna raika de nisy mpitsara zay tsy natahotra an'Andriamanitra ary tsy nagnaja ôlo.³Nisy mpitôvo raika tamin'io tanàgna io, ary izy nandaiha aminanjy matetika, kay nivôlagna hoe: 'Ampià za mbô hazahoako rariny manoloagna ny favaloko. ⁴Fô aifa haila izy no tsy vôgnona hagnampy ananjy, fô tavafarahelin'izegny de nivôlagna izy hoe: 'Na de tsy matahotra an'Andriamanitra aza za na tsy magnaja ôlo, ⁵fô satrià mandrairaka za itô viavy mitôvo itô, de hagnampy ananjy za mbô hazahoany rariny, mbô tsy hiraignany lava atô.⁶Avake nivôlagna ny Tompo hoe: "Tandrignaiso zay ambaran'ilay mpitsara tsy marigna. ⁷Ary tsy hitôndra rariny ho an'izay voafidiny zay magnantso mafy Ananjy andro aman'aligna koa ve Andriamanitra ? Hangatak'andro lava aminjare ve izy? ⁸Volagniky aminare fô hitôndra rariny malaky aminjare izy. Karanjegny koà, kôfa tônga ny Zanak'Ôlogna, hahita finoagna ambônitany ve izy ?''⁹Avake koà Izy nivôlagna zô fagnoaragna zô tamin'ny sanagny zay natoky ny taignanjare fô hoe marigna sy zay manaivataiva ire ôlo hafa: ¹⁰"Nisy rolahy niaraka tan-tempoly mbô hivavaka _ ny raika de Fariseo ary ny raika mpamory hetra.''¹¹Lay fariseo nitsangagna ary nivavaka ireto raha momban'ny taignany ireto hoe: 'Andriamanitra ô, misôtra Anô za fô tsy mitovy amin'ôlon-kafa _ mpangalatra, ôlo tsy marigna, mpijangajanga _ na karaha itô aza. ¹²Mifady hanigna indro isan-kerinandro za. Magnamià apafôlokarena za.'¹³Fô lay mpamory hetra, nitsangagna lavitra, kay nizaha lagnitra de nivôlagna hoe: "Andriamanitra ô, mamindrà fo aminahy, mpanota.' ¹⁴Mivôlagna aminare Za, io lalahy io de niherigna nitsôfotra tandragnony voamarigna noho lay raika, satrià zay mandra-taigna de hahetra, fô zay magnetri-taigna no hasandratra.''¹⁵Ny ôlo koà de nitôndra ny zanagny hely taminy mbô hitahany zegny ire mpianatra, de nivôlagna mafy azy ire. ¹⁶Fô Jesosy nagnantso azy ire hagnatogna Ananjy, nivôlagna hoe: "Avilay ny zaza hagnatogna Za, ary aza raragna zare. Fô karananjy ire ny fanjakan'Andriamanitra. ¹⁷Volagniky marigna aminare, na zôvy na zôvy tsy kara io zaza tô de tsy hahazo zegny fanjakan'Andriamanitra zegny mihitsy.''¹⁸Ary nisy mpanapaka raika nagnontany Ananjy hoe: "Mpampianatra tsara ô, ino no tsy maintsy hatôko mbô handovako ny fiainagna mandrakizay?'' ¹⁹Jesosy nivôlagna taminy hoe: "Nagnino Za antsôvinô hoe tsara? Tsisy ôlo tsara, afa-tsy Andriamanitra raika ihany. ²⁰Hainô ire didy_Aza mijangajanga, aza momono ôlo, aza miditra vavolambelogna mandaingia, magnaja babanô sy mamanô.'' ²¹Nivôlagna lay mpanapaka hoe: "Ra jiaby zegny de aifa nitandraimako nanômboka za tanora.''²²Kôfa naregny zegny Jesosy, de nivôlagna taminy hoe: "Ra raika no tsy ampy aminô. Ambidy ny fanagnanô zaray amin'ny mahantra ary hanagna hariagna agny an-dagnitra anô_ ary avià, agnaraka Za.'' ²³Fô kôfa naregny zegny lay mpanapaka, de nanjary nalahelo mafy, fô nanan-draha be izy.²⁴Ary Jesosy, nahita ananjy nalahelo mafy [Fagnamarihagna: Ire manam-pahaizagna de misara-kevitra ra tôkony ampidirigna aketo hoe :[Izy] de nanjary nalahelo mafy. Ampitovio ny And 23] ary nivôlagna hoe: "Magnakôry ny fasarôtan'ny fidiragna akô amin'ny fanjakan'Andriamanitra ho an'ire zay mpanambôla! ²⁵Fô môramôra kokoà ho an'ny ramaiva ny hitsôfotra amin'ny vodim-pilo, noho ny hidiran'ny mpanambôla akô amin'ny fanjakan'Andriamanitra.''²⁶Ire zay naregny de nivôlagna hoe: "Izôvy ariky no afaka vonjegna?'' ²⁷Jesosy namaly hoe: "Ire raha zay hain'ôlogna de hain'Andriamanitra.''²⁸Petera nivôlagna hoe: 'Indro, nagnombaila ny raha jiaby zaihay ary nagnaraka anô.'' ²⁹Ary Jesosy nivôlagna hoe: "Volagniky marigna aminare, fô tsisy ôlo zay nafoe tragno, na vady, na ralahy, na ray aman-dreny, na zanaka, nohon'ny fanjakan'Andriamanitra, ³⁰zay tsy hahazo be kokoà amin'itô, tontolo itô ary amin'ny andro ho avy, de fiainagna mandrakizay.''³¹Kôfa avy nagnangogna ny rombifôlo lahy te Aminy Izy, de ahoziny taminjare hoe: "Indro, miakatra ho agny Jerosalema antsika, kay ra jiaby ire zay voasôratr'ire mpaminany momban'ny Zanak'Ôlogna de ho tantairaka. ³²Fô hatôlotra amin'ire Jentilisa Izy, kay himohaizagna, sy halagna baraka, ary androragna. ³³Afaran'ny hamilaizagna Ananjy, de voninjare Izy ary amin'ny andro fatelo de nitsangagna ndraiky Izy.''³⁴Tsy hainjare na ino na ino tamin'ire raha ire, ary nafeniny taminjare ire volagna zegny, ke tsisy azonjare ire raha izay novolagnina.³⁵Ary ra narivo an'i Jeriko i Jesosy, de nisy lalahy jamba raika nipaitraka tan-tsisin-dalagna, nagnatogna, ³⁶ary ra naregny ny vahoaka nandalo, de nagnontany zay ra nitranga izy. ³⁷Nilaza taminy zare hoe nandalo take Jesosy avy agny Nazareta.³⁸Koa nagnantso mafy ilay lalahy jamba, nagnano hoe: ''Jesosy, Zanak'i Davida, mamindrà fo aminahy.'' ³⁹Fô ire zay nandaiha talôha de nivôlagna mafy i lalahy jamba io, kay nivôlagna taminy mbô hangignia. Fô izy vô maika nagnantso mafy hoe: "Ry Zanak'i Davida, mamindra fo aminahy.''⁴⁰Jesosy nijanogna ary nagnasa mbô hitondragna ilay lalahy aminanjy. Ary kôfa tankilany ilay jamba, de nagnontany ananjy Jesosy hoe: ⁴¹"Ino no tiànô hotôko ho anô?'' Nivôlagna izy hoe: ''Tompo, tiàhita za.''⁴²Jesosy nivôlagna taminy hoe: ''Mahirata. Ny finoagnanô no nasitragna anô.'' ⁴³De nahita tampoka te izy ary nagnaraka Ananjy, nagnamia voninahitra an'Andriamanitra. Ny ôlo jiaby, kôfa nahita zegny, de nanôlotra fideragna ho an'Andriamanitra.

¹Ary andro raiky, kô nampianatra ny vahoaka tô amin'ny tempoly Jesosy ary nitory ny filazantsara, de nagnatogna Ananjy ré lohan'ny mpisorogna sy mpanôra-dalàgna niaraka taminjare lôhôlogna. ²Nivôlagna zare, nagnano taminanjy hoe: "Volagno aminay hoe fahifagna inô no hagnanovanô ire raha ré? Na koà izôvy no nagnamia anô zô fahifagna zô?"³Namaly Izy ary nivôlagna hoe: "Izaho koà de hamaitraka fagnotaniagna aminaré. Volagno Aminahy ny mikasika ⁴ny batisan'i Jaona. Zagny mô avy agny an-dagnitra sa avy amin'ôlombelogna?''⁵Niady hevitra zare, nivôlagna hoe: ''Kô mamaly antsika hoe: 'Avy agny andagnitra' de hivôlagna Izy hoe: 'Kay magnino anaré no tsy mino Ananjy?' ⁶Fô kô mivôlagna antsika hoe: ''Avy amin'ôlombelogna,' de hitôra-bato antsika ny vahoaka jiaby, satrià zare ré de resy lahatra fô i Jaona de mpaminagny.''⁷Noho zaigny de namaly zare fô tsy fantanjare zay naviàny. ⁸Jesosy nivôlagna taminjare hoe: ''Zaho koà tsy hivôlagna aminaré zay fahifagna hagnanovako zô raha jiaby zô.''⁹Nivolagniny tamin'ny vahoaka zô fagnoaragna zô: "Nisy lalahy raika nagnano tanim-boaloboka, nampagnôfa zaigny tamin'ny mpambôly voaloboka, ary nandaiha tagny amin'ny firenegna hafa nandritra ny fotoagna maharitra. ¹⁰Tamin'ny laira voatôndro de nandaifa mpanompo izy ho agny aminjare mpambôly voaloboka, fô tôkony hagnomia ananjy vokatr'ilay voaloboka zare. Nivilezin'ire mpambôly anaifa izy, ary nalaifany niherigna tagnam-pôlo.¹¹Avy te de nandaifa mpanompo hafa ndraiky izy ary mbôla nivileziny koà, nalàny baraka, ary nalaifanjare tagnam-pôlo koà . ¹²Mbôla nandaifa fagnintelony izy ary natônjaré naratra koà sady niroàsiny.¹³Noho zaigny de nivôlagna ny tômpon'ilay tanim- boaloboka hoe: 'Ino hatôko? Halaifako agny ny zanako lahy tsy foeky. Mety mbô hajainjare izy.'' ¹⁴Fô kôfa tazanjare izy, de nifampi-vôlagna zare hoe: 'Iró lay mpandôva. Ndô hivonintsika izy, mbô ho lasantsika ny lôva.'¹⁵Niroahin-jare niala také izy ary nivoninjare. Ino Ary no hatôn'ilay tômpon'ilay tanim-boaloboka aminjaré? ¹⁶Ho avy izy ary hamotika ire mpambôly voaloboka, ary hagnomia ilay tanim-boaloboka ho an'ny hafa.'' Kôfa naregny zagny zare, de nivôlagna hoe: "Sagnatria amin'Andriamanitra!''¹⁷Fô nizahànjare Jesosy, nivôlagna hoe: "Ino ny hevitr'ilay voasôratra hoe: 'Ny vato zay nilavin'ny mpagnano tragno no tônga fehizoro?' ¹⁸Ny tsiraikiraikia zay lavo tamin'ny vato io de harotidrotika. Fô na iza na iza hianjerany, dia ho potika.''¹⁹De nitady hisambotra Ananjy tamin'io lera io reo mpanora-dalàgna sy reo mpisorogna, fô fantan-jaré fô nivolagniny io fagnoharagna io hanohitra anjare. Kanaifa natahotra ny vahoaka zare. ²⁰Tam-pandinihagna Ananjy tsara, de nandaifa mpitsikilo magnambara ho marigna zare, mbô hahafahan-jaré mahita tsigny amin'ny raha volagniny, kay hanolotra Ananjy eo amin'ny fanapahagna sy ny fahefan'ny governora.²¹Nagnontany Ananjy zare, nivôlagna hoe: "Mpampianatra ô, fantanay Anô fô mivôlagna sy mampianatra am-pahamarignana, ary tsy voasarikin'ny hevitr'izôvy na izôvy, fô anô de mampianatra ny fahamarignana mômban'ny lalagn'Andriamanitra. ²²Ara-dalàgna ho anay mô ny mandôà hetra amin'i Kaisara, sa tsia?"²³Fô Jesosy de nahatakatra ny hafitsiagnan-jaré, ary nivôlagna tamin-jaré Izy hoe: ²⁴"Magnatoroà denaria raika Aminahy. Anjovy io sary io sy agnaragna aminanjy io?" Nivôlagna zare hoe: "An'i Kaisara."²⁵Aoziny taminjaré hoe: "Noho zagny amiavo an'i Kaisara ny raha an'i Kaisara, ary an'Andriamanitra, reo raha zay an'Andriamanitra." ²⁶Tsy nahita tsigny tamin'izay nivôlagniny te agnatraihan'ny vahoaka zare, fô de magnana tamin'ny valin-teniny kay nangigna.²⁷Kôfa tônga taminanjy ny sanany taminjaré Sadoseo, re zay nivôlagna fô tsisy fitsanganagna amin'ny maty, ²⁸Nagnontany Ananjy zare hoe: "Mpampianatra ô, Mosesy de nanôratra ho antsika fô kô maty ny rahalahin'ny lalahy raika, manam-bady, ary tsy manan-janaka, de tôkony halaka vady an'ilay vadin-drahalahiny ilay lalahy, ary hanomia zanaka ho an'ny rahalahiny.²⁹Nisy mpirahalahy fito ary ny vôlôhany nanam-bady, ary maty tsy nanan-janaka, ³⁰ary ny faharoa koa karanjegny. ³¹Nampakatra ananjy ny fahatelo, ary karanjegny aby izy fito samy tsy nanan-janaka, ary maty. ³²Tafaran-jagny de maty koa lay viavy. ³³Amin'ny fitsanganagna amin'ny maty, ho vadinjôvy ary izy? Fô samy aifa vadin-jaré fito. "³⁴Jesosy nivôlagna tamin-jaré hoe: "Reo zanak'izao tontolo izao de mampaka-bady sy ampakarina. ³⁵Fô reo zay hita amin'izao andro andro izao fô mendrika handray ny fitsanganagna amin'ny maty de tsy hampaka-bady na hampakarigna. ³⁶Tsy ho foaty eky zare, satria mitovy amin're anjely sy re zanak'Andriamanitra zay zanaky ny fitsanganagna amin'ny maty."³⁷Fô ny maty de natsangagna, na Mosesy aza de nampiseho, teo amin'ilay toairagna zay nisy voaroy, zay nagnatsôvan'ny Tompo ho Andriamanitr'i Abrahama sy Andriamanitr'i Isaka ary Andriamanitr'i Jakoba. ³⁸Ary Izy de tsy Andriamanitry ny maty, fô ny velogna, satria ny velogna jiaby de Aminanjy."³⁹Ny sanany taminjaré mpanôra-dalàgna namaly hoe: "Mpampianatra ô, namaly tsara Anô." ⁴⁰Satria tsy sahy namaitraka fagnontaniagna hafa taminanjy eky zare.⁴¹Jesosy nivôlagna an-jaré hoe: "Akory no ivôlagnan-jaré fô Kristy de zanaka lahin'i Davida? ⁴²Fô Davida taignany no nivôlagna tamin'ny Bokin'i Salamo hoe: Ny Tompo mivôlagna tamin'ny Tompoko hoe: 'Mipitraha eo an-tagnana ankavagnako, ⁴³mandra-pagnanovako ny fahavalonô ho fitoairan-tongonô.' ⁴⁴Noho zagny Davida de nagnatso an'i Kristy hoe: 'Tompo', kay akory no maha zanak'i Davida Ananjy?"⁴⁵Tagnatraihan'ny ôlogna jiaby de nivôlagna taminjare mpianany Izy hoe: ⁴⁶"Mitandraima amin'ny mpanôra-dalàgna, zay magniry handaiha miaraka amin'ny akanjo lava, sy tià fiarahabagna manôkagna abazary, sy seza vôlôhany agnaty synagoga, ary toairagna vôlôhany agny amin'ny fagnasagna. ⁴⁷Zare koà de mandany ny tragnon're mpitondra-taigna, ary magnano vavaka lavareny ho fisehosehoàgna. Ny lalahy karanjegny de hahazo fagnamelohagna maventy be kokoà."

¹Jesosy nanopy maso ka nahita reo lalahy manan-kariagna zay nandrotsaka ny fanatitran-jaré tao amin'ny fandatsahan-drakitra. ²Nahita mpitondra-taigna mahantra raika nandrotsaka farantsa roa tao Izy. ³Ka oziny hoe: "Volagniko marigna aminare, itô mpitondran-taigna mahantra itô de nandrotsaka baitsaka noho zare jiaby. ⁴Zaré jiaby re de nagnomià fanatitra araky ny haben'ny hariagnany. Fô itô mpitondran-taigna itô, tamin'ny fahantrany, de nandrotsaka ny fivilômany jiaby."⁵Kô nisy maro nikoragna mômban'ny tempoly, fô voaravaka vato tsara tarehy sy fanatitra zagny, de hoy Izy hoe: ⁶"Fô amin'reo raha hitanare re, mbôla ho avy ny andro zay tsy hisy na vato raika aza hidôko amin'ny hafa ka tsy ho ravaigna."⁷Kay nagnatogna Ananjy zare, nagnano hoe: "A mpampianatra, oviagna reo raha reo no hitranga?" Ino mô hafantaragna kôfa hitranga re raha re? ⁸Jesosy namaly hoe: "Mitandraima" mbô tsy ho voafitaka anaré. Fô maro no ho avy amin'ny Agnarako hagnano hoe: 'Zaho no Izy,' ary aifa mariny ny fotoagna'. Aza manaraka anjare. ⁹Kôfa maharegny ady sy fikomiagna anaré, de aza mangôrohôro, fô re raha re de tsy maintsy hitranga alôha, fa ny farany de tsy hitranga eo noho eo."¹⁰Ary Aoziny taminjre hoe: "Ny firenegna de hitsangagna hanohitra firenegna, ary fanjakagna hanohitra fanjakagna. ¹¹Hisy hôrohôron-tany maventy be, ary mosary sy areti-mandringagna agny amin'ny toairagna samihafa. Hisy tranga mampatahotra ary famantaragna maventy avy agny an-dagnitra.¹²Fô mialôhan'ire raha jiaby re, de hisambotra anare Izy re ary hangnenjika anare, hanolotra anare ao amin'ny synagoga sy ny figadragna, hitôndra anaré eo anoloan're mpanjaka sy re mpanapaka nohon'ny agnarako. ¹³Zany de hagnomià fahafahagna ho amin'ny fijoroanaré vavolombelogna.¹⁴Noho zegny de manapaha hevitra ao am-ponaré mbô tsy hagnomagna ny fiarovanaré mialôhan'ny fotoagna, ¹⁵fô Zaho hagnomià teny sy fahindriagna anare, zay tsy afaka toherigna sy lavin'ire mpanohitra anaré.¹⁶Fô anare koa de ho atolotry ny Ray aman-dreny, reo rahalahy, reo havagna sy reo namagna, ary zaré de hamono ho faty ny sanany aminaré. ¹⁷Ho halan'ny tsiraikiraiky noho ny agnarako anaré. ¹⁸Fô tsy hisy ho very na de singam-bolo raika eo amin'ny lôhanaré aza. ¹⁹Amin'ny faharaitanaré ny fagnahinaré.²⁰Kôfa hitanaré voadidigna miaramila Jerosalema, de fantaro fô aifa mariny ny faharavany. ²¹De aoka re zay agny Jodia handositra agny an-tendrombohitra, ary aoka reo zay agny agnivon-tanàgna hiala, ary aza availa hiditra ao reo zay agny ambanivôlo. ²²Fô ire no andron'ny valifaty, mbô ho tantairaka reo raha jiaby aifa voasôratra.²³Loza ho anaré zay bikibo sy ho anaré mampinono aminjany andro zagny! Fô hisy fahoriagna maventy be ambôny tany, ary havigniragna amin'io vahoaka io. ²⁴Ho lavon'ny sabatra zare ary hindôsigna ho babo agny amin'ny firenaigna jiaby, ary Jerosalema de ho voahôsihôsin'ire Jentilisa, mandrapaha-tantairaky ny andron'ny Jentilisa.²⁵Hisy famantaragna eny amin'ny masoandro, eny amin'ny volana, sy eny amin'ny kintana, ary eto an-tany. Ho tra-pahoriagna re firenegna, hitaintaigna nohon'ny eron-dranomasigna sy re onja. ²⁶Hisy lalahy ho toran'ny tahotra sy ny fiandrasagna re raha zay ho avy eto an-tany. Fô ho voahôzongôzogna ny herin'ny lagnitra.²⁷Avake de ho hitanjare ny Zanak'Ôlogna tônga eny amin'ny rahogna miaraka amin'ny hery sy vogninahitra maventy be. ²⁸Fô kôfa manomboka mitranga re raha re, de mitsangàna ary hasandrato ny lôhanaré, satria aifa mariny ny fanafahagna anaré."²⁹Nagnano fagnoharagna taminjaré Jesosy hoe: "Zahà ny kakazon'aviavy, sy reo kakazo jiaby. ³⁰Kôfa mamailagna re, de hitanaré manôkagna fô aifa mariny ny lôhatôgna. ³¹Karanjany koa, kôfa hitanaré mitranga re raha re, de fantanaré fô aifa mariny ny fanjakan'Andriamanitra.³²Volagniko aminaré, marigna tikoàtra, itô taranaka tô de tsy ho foaty mandra-pisehon'Ire raha re. ³³Ny lagnitra sy ny tany de ho levogna, fô ra koragniko de tsy ho levogna mandrakizay.³⁴Fô mitandraima amin'ny taignanaré, mbô tsy ho vesaran'ny vokatry ny fisotroagna sy ny fahamamoagna ny fonaré, sy re ahiahin'ny fiainagna, kaY avake de hihidy tampoka aminaré karan'ny fandrika zagny andro zagny. ³⁵Fô zagny de ho tônga amin'ny tsiraikiraiky zay miaigna magnairan-tany.³⁶Fô mbô mailo amin'ny fotoagna jiaby, mivavaha mbô ho ampy hery anaré hilifasanaré re raha jiaby zay hiseho re, ary hitsangana eo anoloan'ny Zanak'Ôlogna."³⁷Koa nandritry ny andro de nampianatra tao amin'ny tempoly Izy, ary ny aligna de nandaiha nivoaka Izy ary nidoka teo an-tendrombohitr'Oliva. ³⁸Re vahoaka jiaby de tonga mbôla maizignizigny mbô hitandregny Ananjy tao amin'ny tempoly.

¹Ary aifa antomotra ny Firavoravoana amin'ny Môfo tsisy masirasira, zay antsovigna hoe Paska. ²Niady hevitra re lôhan'ny mpisorona sy re mpanôra-dalàgna ny amin'ny fomba afahanjaré mamono an'i Jesosy, satria natahotra ny ôlogna zaré.³Avy te Satana niditra tamin'i Jodasy Iskariota, zay raiky tamin're roa ambin'ny fôlo. ⁴Jodasy nandaiha tagny amin're lôhan'ny mpisorona sy re kapiteny ary niady hevitra taminjaré ny amin'ny fomba hamadihany an'i Jesosy eo aminjaré.⁵Faly zaré, ary nagneky ny hagnomià vola ananjy. ⁶Nagneky izy, ary nitady kendry tohigna mbô hanolôrany Ananjy aminjaré kôfa lavitry ny vahoaka.⁷Tônga ny andron'ny môfo tsisy masirasira, zay tsy maintsy hagnanovagna sorogna ny zanak'ondrin'ny Paska. ⁸Jesosy nagnasa an'i Petera sy Jaona, nagnano hoe: "Mandaihana ary homagno ho antsika ny sakafon'ny Paska, mbô afahantsika hômagna zagny." ⁹Zaré nanontagny Ananjy hoe: "Aiza no tianô hanagnôvanay ny fanomagnana? "¹⁰Namaly anjare Izy hoe: "Tandrignaiso, kôfa miditra ny tanàgna anaré, de hisy lalahy raika mitondra sinin-drano mitrôtro aminaré. Magnaraha ananjy amin'izay tragno idirany. ¹¹De volagno ny tômpon-tragno hoe: 'Ny mpampianatra mivolagna aminô hoe: "Aiza ny efi-tragno fandraisam-bahiny, zay hihinanako ny sakafon'ny Paska miaraka amin'ire mpianatro?'"¹²Izy hagnatoro anaré efitragno ambôny etazy maventy be misy fanaka. Atôvy akô ny fagnomanagna." ¹³Koa de nandaiha zaré, ary nahita ny raha jiaby araka zay nivolagniny taminjaré. Ary nagnomagna ny sakafon'ny Paska zare.¹⁴Kôfa tônga ny fotoagna, de nipaitraka niaraka tamin'ire apostoly Izy. ¹⁵De nivolagna taminjaré Izy hoe: "Nagniry mafy ny hihignana itô Paska itô miaraka aminaré Zaho mialôhan'ny hijaliako. ¹⁶Fô volagniko aminaré, tsy hihinagna itô eky Zaho, mandra-pahatantairak'izagny agny amin'ny fanjakan'Andriamanitra."¹⁷De nandray kapoaka Jesosy, ary kôfa nisôtra Izy, de nagnano hoe: "Raiso itô, ary rasay aminaré. ¹⁸Fô volagniko aminaré, tsy hisotro ny vokatry ny voaloboka eky Zaho, mandra-pahatongan'ny fanjakan'Andriamanitra."¹⁹De nandray ny môfo Izy, ary kôfa nisotra, de notapahiny zagny, ary namiàny anjaré, de nivolagna hoe: "Itô ny vatako zay amiagna anaré. Atôvy zao ho fahatsiarôvagna Anahy." ²⁰Noraisiny karanjagny koa ny kapoàka kôfa vita ny sakafo, de Aoziny hoe: "Itô kapoàka itô de ilay fanekena vaovao amin'ny ràko, zay narotsaka ho anaré.²¹Fô mitandraima. Ilay raika zay hamadika Anahy de miaraka Aminahy aketo an-databatra. ²²Fô ny Zanak'Ôlogna de mandaiha tikoàtra araka zay voatendry. Fô loza ho an'izay lalahy zay hamadika Ananjy zagny!" ²³Nanomboka nifapagnontany zaré ny amin'iraika izay mety hagnano anjany.²⁴De nisy fifandiragna niseho koa taminjare momba zay heverigna ho lehibe indrindra aminjaré. ²⁵Nivôlagna taminjare Izy hoe: ''Iré mpanjakan'ny Jentilisa de tompn'izy irè, ary irè zay managna fahifagna aminjaré de atô ho karaha zay magnano tsara ho an'ny vahoakany.²⁶Fô tsy karanjegny mihitsy ny aminire. Mifanôhitra amin'izegny, ôka zay te lehibe indrindra aminare ho lasa toy ny hely indrindra, ary ôka zay manan-danja indrindra ho tônga kara zay manômpo. ²⁷Fô zôvy no lehibe kokoà, zay mipaitraka amin'ny latabatra, sa zay manômpo? Tsy zay mipaitraka eo amin'ny latabatra ve? Kanaifa Za akéto aminare mitovy ny raika zay manômpo.²⁸Fô anare no ôlo zay nanohy niaraka taminahy takô amin'ny fakam-pagnahy niàtra taminahy. ²⁹Amiako fanjakagna anare, kara Babako koa zay nagnamia fanjakagna ho Anahy, ³⁰mbô ho afaka hihinagna sy hisotro eo an-databatranahy agny amin'ny amin'ny fanjakako anare, ary hipaitraka eo amin'ny sezy fiandrianagna hitsara ny fokon'ny Israely roambinifôlo anare.³¹Simona, Simona, mitandraima, mitady ny hahazo anare Satana, mbô afahany manivagna anare kara vary. ³²Fô nivavaka ho anô Za, mbô tsy ho foàty ny finoagnanô.Tavafaran'ny hiraignanô ndraika, de ampaherezo iré ralahinô.''³³Petera nivôlagna taminy hoe: "Tompo, vôgnona hiaraka Aminô za na agny angadrà na ho agny amin'ny fafataisagna.'' ³⁴Jesosy namaly hoe: "Volagniky aminô, ry Petera, mbôla tsy hagneno ny akôho amin'izegny andro zegny, alôhan'ny handavanô Za intelo hoe tsy mahay Za anô.''³⁵De nivôlagna taminjare Jesosy hoe: "Kôfa nandaiha anare tsy niaraka tamin'ny fitoeram-bôla, fitoeram-basy, na kiraro, nisy raha tsiampy anare ve?'' Namaly zare hoe: "Tsisy. '' ³⁶De nivôlagna taminjare Izy hoe: "Fô zao, zay managna fitoeram-bôla, ôka izy hialaka zegny, na fitoeram-basy ihany koà. Zay tsy managna lefogna de tôkony hivarotra ny lambany ary hividy raika.³⁷Fô Za mivôlagna aminare, zay voasôratra momba Za de tsy maintsy tantairaka: 'Izy de niraisignia kara raika amin'ire tsy managnara-dalagna.' Fô zay nivôlagna miàlôha momba Za de aifa ho tantairaka'' ³⁸de nivôlagna zare hoe: "Tompo, zahà! Ireto misy lefogna roa.'' Izy nivôlagna taminjare hoe: ''Ampy Zay.''³⁹Tafaran'ny sakafo, de nandaiha Jesosy, kara fatôny matetika, tagny an-tendrombôhitr'Oliva, ary nagnaraka Azy irè mpianatra. ⁴⁰Kôfa tônga zare, de ahozy taminjare: ''Mivavaha mbô tsy hidiranare amin'ny fakam-pagnahy.''⁴¹Niala taminjare aviatrany amin'ny indray mitôra-bato Izy, de nandongalitra Izy ary nivavaka, ⁴²nagnano hoe: "Baba ô, ra sitrakanô, de alà aminahy itô kapoàka itô. Na zegny aza tsy zay tiàko, fô zay tiànô hatôko.''⁴³De nisy anjely avy agny an-dagnitra niseho taminy nampahery Ananjy. ⁴⁴Takô agnatin'ny harariagna, nivavaka tamin-kafanam-pô mafy kokoà Izy, ary ny dignitrany de nanjary kara rà nitete tamin'ny tany.⁴⁵Ary kôfa nitsangagna avy nivavaka Izy, de nanday agny amin'ny mpianatra, ary nahita azy ire nandry nohon'ny alahelonjare, ⁴⁶kay nagnontany azy irè hoe: "Nagnino anare mandry? Mitsangàna ary mivavaha, mbô tsy hidiranare amin'ny fakam-pagnahy.''⁴⁷Ra mbôla nivôlagna Izy, indro, nisy vahoaka niseho, niaraka tamin'i Jodasy, raika amin'iré rombifôlo lahy, nitarika azy irè. Nagnankaiky an'i Jesosy izy mbô hiôroka Ananjy, ⁴⁸fô Jesosy nivôlagna taminy hoe: "Jodasy, mamadika ny Zanak'Ôlogna amin'ny ôrokave anô?"⁴⁹Kôfa nahita ra-niseho irè zay nagnodidigna an'i Jesosy, de nivôlagna zare hoe: "Tompo, tôkony rantsangninay amin'ny lefogna ve zare? ⁵⁰Avake ny raika tamin'iré mpianatra nampijagna ny tadignin'ny mpanompon'ny mpisôrogna be, ary tapaka ny hilany ankavanagna. ⁵¹Jesosy nivôlagna hoe: "Ampy zay!'' Nitanany ny tadigny, de nitahany izy.⁵²Jesosy nivôlagna tamin'ny lohan'ny mpisorona, tamin'ire kapitenin'ny tempoly, ary tamin'ire lôh'ôlogna zay tônga nanôhitra Ananjy hoe: "Tônga karaha hanambotra mpangalatra mô anaré, miaraka min'ny sabatra sy langilangy? ⁵³Tamin'Zaho niaraka taminaré tan tempoly, tsy nisambôrinaré Za. Fô zô no lairanaré, sy ny fahifan'ny hizigna."⁵⁴Take am-pisambôragna Ananjy, de notarihin-jare Izy, Ary nindôsinjaré tagny an-tragnon'ny mpisoronabe. Fô Petera nagnaraka avy lavidavitra. ⁵⁵Kôfa nampirehitra afo teo agnivon'ny tôkotany ary niara-nipaitraka zaré, de nipaitraka tagnivon-jaré Petera.⁵⁶Nisy mpanompo viavy raika nahita ananjy nipaitraka te amin'ny fahazavan'ny afo, ary nizaha mahitsy ananjy sy nivôlagna hoe: "Itô lalahy itô koa niaraka taminanjy." ⁵⁷Fô Petera nandà zegny, nivôlagna hoe: "A viavy e, tsy fantako Izy." ⁵⁸Afaka kelikely de nisy ôlogn-kafa nahita ananjy, ary nivôlagna hoe: "Anô koa raika amin-jaré." Fô Petera nivôlagna hoe: "A lalahy e, zaho tsy izy."⁵⁹Nony afaka adiny raika te ho eo de nisy lalahy hafa nagnizingizina sy nivôlagna hoe: "Marigna fô niaraka taminanjy koa itô lalahy itô, fô izy de Galiliana." ⁶⁰Fô Petera nivôlagna hoe: "A lalahy ro, tsy haiky raha volagninô." Te no ho eo, kô mbôla nivôlagna izy, de nisy akôho nagneno.⁶¹Nitodika, ny Tompo nizaha an'i Petera, ary Petera nahatsiaro raha nikoragnin'ny Tompo, tamin'ny nivolagnany taminanjy hoe: "Alôhan'ny hagninoan'ny akôho igniany de handà Anahy intelo anô." ⁶²Niboaka tagny ivailany Petera ary nitomoàgny mafy.⁶³Ary lalahy re niambigna an'i Jesosy de nagnadala ary namely Ananjy. ⁶⁴Natôvan-jaré sarin-dôha Izy ary nanontagny Ananjy zaré, nivôlagna hoe: "Maminanià! Zôvy lay ôlogna namely anô?" ⁶⁵Nivôlagna raha hafa maro hanôhitra an'i Jesosy zaré, nagnasàha Ananjy.⁶⁶Kôfa nazava ny andro, de niara-nivory re lôh'ôlogna, ny lôhan'ny mpisorona sy ny mpanôra-dalàgna. Nidôsin-jaré tagny amin'ny Synedriona Izy ⁶⁷ary nivôlagna hoe: "Koa Anô no Kristy, de volagno aminay."Fô izy nivôlagna tamin-jaré hoe: "Kô volagniko aminaré, de tsy hino anare," ⁶⁸ary kô hagnontany anaré Zaho, de tsy hamaly anaré.⁶⁹Fô manomboka zo, ny Zanak'Ôlogna de hipaitraka eo an-tagnana akavagnan'ny herin'Andriamanitra." ⁷⁰Zare jiaby nivôlagna hoe: "De Zanak'Andriamanitra zagny Anô?" Jesosy nivôlagna taminjaré hoe: "Voalazanare fô Zaho no Izy." ⁷¹Zaré nivôlagna hoe: "Nagnino no mbôla mila vavolombelogna antsika?" Fô antsika mitsy no maharegny avy tamin'ny vavany."

¹Nitsangagna ny ôlo jiaby taminjaré, ary nitôndra an'i Jesosy te anoloan'i Pilato. ²Nanomboka niampanga Ananjy zaré, nivôlagna hoe: "Hitanay itô lalahy tô namaitavaita ny firenegnanay, nandrara ny hagnomiàzagna ny hetra ho an'i Kaisara, ary nivolagna fa Izy taignany mitsy no Kristy, mpanjaka."³Pilato nagnontany Ananjy, nivôlagna hoe: "Anô mô no mpanjakan'ny Jiosy?" Jesosy namaly ananjy ary nivôlagna hoe: "Voalazanô." ⁴Pilato nivôlagna taminjaré lôhan'ny mpisorogna sy zaré vahoaka hoe: "Tsy mahita fahadisoagna amin'itô lalahy to zaho." ⁵Fô mbôla nagnizingizigna zaré, nivôlagna hoe: "Magnakorontagna ny vahoaka io, mampianatra eran'ny Jodia manontolo, manomboka avy agny Galilia na hatrety amin'itô toeragna itô aza."⁶Kôfa regnin'i Pilato zagny, de nagnontany izy kô raha Galiliana lay lalahy. ⁷Kôfa hitany fô ambany fahefan'i Heroda Izy, de nalaifany Jesosy nankagny amin'i Heroda, zay tagny Jerosalema koa taminjany andro zagny.⁸Kôfa hitan'i Heroda Jesosy, de taigna ravoravo izy, satria aifa te-hahita Ananjy aifa ela. Naharegny ny momba Ananjy izy ary nagnantaigna ny hahita fahagagagna maro natôny. ⁹Heroda namaitra-panontaniagna an'i Jesosy tamin'ny koragna maro, naifa Jesosy tsy namaly na ino na ino ananjy. ¹⁰Re lôhan'ny mpisorogna sy re mpanôra-dalàgna nitsangagna, niampanga Ananjy mafy.¹¹Heroda sy re miaramilany nanaivataiva an'i Jesosy sady nanesoeso Ananjy. Avy te de nampiakanjo Ananjy lamba tsara tarehy zaré ary nalaifan-jaré nierigna tagny amin'i Pilato Izy. ¹²Fô i Heroda sy Pilato de lasa mpinamana tamin'ny androtr'io (talôhan'zaigny de mpifahavalo zaré).¹³Avy te Pilato nagnantso re lôhan'ny mpisorogna sy re mpanapaka ary re vahoaka maro niaraka, ¹⁴ary nivôlagna taminjaré hoe: "Nindosinare taminahy takéto tô lalahy tô karaha ny lalahy zay mitarika ny ôlogna hagnano ratsy, ary zahao, zaho, kô nametra-pagnotaniagna taminanjy teo anoloanaré, de tsy mahita fahadisoagna amin'itô lalahy itô mahakasika re raha zay hiampanganaré Ananjy.¹⁵Ahe, na de Heroda aza, satria nalaifany nierigna tatô amintsika Izy, ary zahao, tsy misy na ino na ino zay mendrika fahafatesagna vitany. ¹⁶Noho zagny de ho faiziko Izy, ary ho havôtsotro Izy.'' ¹⁷[Fanamarihagna: re fandikagna taigna tsara de tsy manisy ny and 17 hoe: Ary Pilato de voatery namôtsotra gadra raika ho anjaré Jiosy tamin'ny andro firavoravoagna.]¹⁸Fô niara-niàfatra mafy zare, nagnano hoe: "Ndôso agny io lalahy io, ary avotsôry ho anay Barabasy!" ¹⁹Barabasy de lalahy raika zay nampiditra am-ponja nohon'ny fikomiagna maro tao an-tanàgna sy famonoagna ôlogna.²⁰Ary nivôlagna tamjaré ndraiky i Pilato, nagniry ny hamôtsotra an'i Jesosy. ²¹Saingy nitabataba mafy zaré, nivôlagna hoe: "Homboy Izy, homboy Izy." ²²Nivôlagna taminjaré fagnintelony izy hoe: "Nagnino, fô no ratsy vitan'itô lalahy itô? Tsy nahita na ino na ino zay tôkony hanaziagna Ananjy ho foaty za. Noho zagny kôfa avy manafay Ananjy, de hamôtsotra Ananjy zaho."²³Fô izy nanizingizigna tamin'ny feo avo, nangataka Ananjy mbô hombogna. Ny feonjaré de nandresy lahatra an'i Pilato. ²⁴Kô de nanapa-kevitra ny hagneky ny fangatahan-jaré Pilato. ²⁵Navôtsony ilay raiky nangatahin-jaré zay nalaifa tagny am-ponja nohon'ny fikomiagna sy famognoana ôlogna. Fô natologny ho amin'ny sitrapon-jaré Jesosy.²⁶Ary te am-pitondragna Ananjy zaré, de nitàgna an'i Simona avy agny Syrenia, zay avy agny ambanivôlo, ary napaitrakan-jarè tamin'ny kakazofijaliagna mbô hindesiny, nagnaraka an'i Jesosy.²⁷Maro tamin'ire vahoaka, sy re viavy zay nalahelo mafy sy nisaona Ananjy, no nagnaraka Ananjy. ²⁸Fô kôfa nitodika tagny amin-jaré, de nivôlagna Jesosy hoe: "Ry zanakavavin'i Jerosalema, aza mitomagny Anahy, fô mitomagnia ho an'ny taignanaré sy ny zanakaré.²⁹Fô indro, ho avy ny andro zay hivôlagnan-jaré hoe: 'Sambatra re momba sy re kibo zay tsy nitairaka, ary ny nono zay tsy nampinono zaza.' ³⁰Ary de hanomboka hivôlagna amin'ire tendrombohitra zaré hoe: 'Milavoà aminay,' ary amin'ny havoagna hoe: ''Mandrakôfa anay.'' ³¹Fô raha magnano zagny raha zagny zaré raha mbôla maitso ny kakazo, ino no hitranga kôfa maigna zagny?''³²Nisy lalahy hafa, ôlon-dratsy roa, nindôsigna niaraka taminanjy mbô hivonigna.³³Kôfa tônga te amin'ny toairagna raika zay antsôvigna hoe: "Ikarandôha" zaré, de te no nanomboan-jaré Ananjy, sy re ôlon-dratsy - ny raika tamin'ankavanany ary ny raika te amin'ny ankaviany. ³⁴Jesosy nivôlagny hoe: ''Ray ô, mamelà anjaré, fô tsy fantanjaré zay atôny.'' Avy te de niloka zaré, nizarazara re fitafiany.³⁵De nijoro nizaha te re ôlogna re raha mbôla nagnadala Ananjy koa re mpanapaka, nivôlagna hoe: "Namonjy re hafa Izy. Avilay Izy hamonjy ny taignany, kô Izy no Kristin'Andriamanitra, ilay raika voafidy."³⁶Re miaramila ihany koà de nagnalabaraka Ananjy, nagnomià Ananjy vinaingitra, ³⁷ary nivôlagna hoe: "Raha Anô no mpanjakan'ny Jiosy, vonjeo ny taignanao." ³⁸Nisy famantaragna koa te amboniny hoe: ''Itô no mpanjakan'i Jiosy.''³⁹Ny raika tamin're ôlon-dratsy zay nihantogna te no namingavinga Ananjy tamin'ny nivôlagnany hoe: ''Tsy anô ve no Kristy? Vonjeo ny taignanô sy zaihay.'' ⁴⁰Fô ny raika nivôlagna mafy ananjy, nagnano hoe: ''Tsy mbô matahotra an'Andriamanitra mô anô, kô samy ambônin'ny fagnamelôhana mitovy foàgna? ⁴¹Antsika de akéto ara-drariny tokoàtra, satrià mandray zay tôkony valin'ny asantsika. Fô tô lalahy tô tsy nagnano raha ratsy.''⁴²Avy te izy nivôlagna hoe: ''Jesosy ô, tsarovy aho kôfa tônga agny amin'ny fanjakanô Anô.'' ⁴³Jesosy nivôlagna taminanjy hoe: ''Volagniko marigna aminô, fô niagny anô de hiaraka amiko agny Paradisa.''⁴⁴Ary laira faha-enigna te ho eo taminjany, ary ny aizina avy nandrakotra ny tany manontolo hatramin'ny laira fahasivy ⁴⁵kôfa niha maizigna ny hazavan'ny masoandro. Avy eo ny lamban'ny tempoly de nizara avy te antaignataignany.⁴⁶Niàfatra tamin'ny feo mafy, Jesosy nivôlagna hoe: "Ray ô, eo an-tagnanô no amaitrahako ny fagnahiko." Kôfa avy nivôlagna zagny, de maty Izy. ⁴⁷Kôfa hitan'ilay kapiteny ny raha nitranga, de nagnomia voninahitra an'Andriamanitra izy, nivôlagna hoe: "Azo antoka tokoatra fô ôlo-marigny itô lalahy tô."⁴⁸Kôfa hitan're vahoaka jiaby zay niara-tônga ho vavolombelogna nagnatri-maso re raha nitranga re, de nierigna niteha-tratra zaré. ⁴⁹Fô zaré jiaby zay nahafantatra Ananjy, sy re viavy zay nagnaraka Ananjy avy agny Galilia, de nitsangagna teny alavidavitra, nizaha zagny raha zagny.⁵⁰Ary indro, nisy lalahy raika antsoina hoe Josefa, zay mpikambagna tao amin'ny Synedriona. Ôlogna tsara sady marigna izy. ⁵¹Io lalahy io de tsy nagneky ny fanapahan-kevitry ny Synedriona sy ny asanjaré. Avy agny amin'ny tanàgnan'ny Jodiana tagny Armatia izy; ary izy de nikatsaka ny fanjakan'Andriamanitra.⁵²Io lalahy io, raha nagnatogna an'i Pilato, de nangataka ny vatan'i Jesosy. ⁵³Nalainy nirôrôgna zegny, norakôfany hariry madinika, ary napaitrany tagnaty fasagna raiky zay novakiagna tamin'ny vatolampy, zay tsy mbôla nisy ôlogna nalevigna mihitsy.⁵⁴Andron'ny Fiomanagna taminjany, ary mbôla naizignizigna ny Sabata. ⁵⁵Ire viavy, zay niaraka tamin'i Jesosy niala tao Galilia, de nagnaraka avy ao afara ary nahita ny fasagna sy ny fomba nametrahagna ny fatiny. ⁵⁶Nierigna zare, ary nagnomana zava-magnitra sy mainaka magnitra. Ary tamin'ny Sabata de nitsahatra zaré araka ny didy.

¹Vao mandraigna tamin'ny andro voalôhan'ny herignandro, de nankagny amin'ny fasagna zaré, nitôndra ré zava-magnitra zay nokarakarain-jaré. ²Hitanjaré nikodia lavitry ny fasagna ilay vato. ³Niditra taka zaré, kanaifa tsy nahita ny vatan'ny Tompo Jesosy.⁴Ary, koa mbôla sahiran-tsaigna momba zagny zaré, tampoka take, de nisy lalahy roa nagnano fitafiagna mamirapiratra nitsangagna te ankilanjaré. ⁵Ary kôfa feno tahotra re viavy re de niankôhotra tamin'ny tany, nivôlagna tamin're viavy re zaré hoe: "Nagnino anaré no mizaha ny velogna atô amin'ny maty?⁶Tsy akato Izy, fô aifa natsangagna! Tsarôvo ny nivôlagniny anaré fony Izy mbôla tagny Galilia, ⁷nagnambara fô ny Zanak'Ôlogna de tsy maintsy hatôlotra ho eo an-tagnan'ny mpanota kay hofantsihigna eo amin'ny hazo fijaliagna, ary amin'ny andro fahatelo de hitsangagna indray.''⁸Re viavy re de nahatsiaro re raha nivolagniny, ⁹kay nierigna avy tagny amin'ny fasagna ary nivôlagna zegny raha jiaby zegny tamin'ire raika amin'ny fôlo lahy sy ny ambiny jiaby. ¹⁰Ary Mary Magdalena, Johana, Mara maman'i Jakoba, ary re viavy hafa niaraka taminanjy de nitatitra zagny raha zagny tamin'reo apostoly.¹¹Fô zagny hafatra zagny de karaha tsisy dikany tamin're apostoly, kay tsy nino re viavy zaré. ¹²Kanaifa nitsangana Petera, de nihazakazaka nankeny amin'ny fasagna, ary niondrika sy nizaha take, de nahita re lambam-paty nitokana. Ary Petera nody tagny an-tragnony, nagnontagny taigna ny amin'izay raha nitranga.¹³Indreo, ny roa taminjaré re nandaiha tamin'io andro io ho agny amin'ny tanàgna atao hoe Emaosy, zay enimpolo stadio miala an'i Jerosalema. ¹⁴Izy re de nifampiresaka momba re raha jiaby zay nitranga.¹⁵Ary, kôfa nikoragna sy niara- nametra-panontaniagna zaré, de nagnatogna sy nandaiha niaraka tamin-jaré Jesosy. ¹⁶Fô ny mason-jaré de nosakagnana mbô tsy hahafantatra Ananjy.¹⁷Jesosy nivôlagna taminjaré hoe: "Ino raha koragninare roa atô an-dalambe?" De nidoko zare sady nalahelo endrika. ¹⁸Ny raika tamin-jaré, nantsoina hoe Kleopasy, namaly Ananjy hoe: "Anô raika mô no ôlagna tao Jerosalema tsy nahafantatra reo zava-nitranga tagny tamin'zagny andro zagny?¹⁹Jesosy nivôlagna taminjaré hoe: "Raha ino?" Zare namaly Ananjy hoe: "Reo raha mikasika an'i Jesosy ilay Nazarena, zay mpaminagny, nahery tamin'ny asa sy ny teny te anatrehan'Andriamanitra sy ny ôlogna jiaby, ²⁰ary ny fomba nanoloran're lôhan'ny mpisorogna sy re mpanapaka Ananjy mbô ho melôhagna ho foaty sy ny nanomboagna Ananjy te amin'ny kakazofijaliagna."²¹Kanaifa zay nagnantaigna fô Izy no ilay hagnafaka an'Israely. Ia, ary ankoatra zagny raha jiaby zagny, telo andro niagny zô no nitrangan'zagny raha jiaby zagny.²²Naifa koa, ny viavy sanany tamin'ny namanay de nahavariagna anay, zay tagny amin'ny fasagna vao mandraigna. ²³Kôfa tsy nahita ny vatany zaré, de avy nivôlagna fô zaré koa de nahita fahitagna anjely zay nivôlagna fô velogna Izy. ²⁴Ny lalahy sanany zay niaraka taminay de nandaiha tagny amin'ny fasagna, ary nahita zagny araka zay nivolagnin'ny viavy re. Saingy tsy nahita Ananjy zaré."²⁵Jesosy nivôlagna taminjaré hoe: "A lalahy adala sy votsa saigna vao mino re raha jiaby voalazan'ny mpaminagny! ²⁶Moa ve tsy nilaigna ho an'i kristy ny nijaly tamin'regny raha regny, kay hiditra agny amin'ny voninahiny?" ²⁷Ary nanomboka tamin'i Mosesy ka hatramin're mpaminany jiaby, de nadikan'i Jesosy taminjaré ao amin'ny Sôratra Masigna ny momba ny taignany.²⁸Nony nariny lay tanàgna zay nalaihany zaré, de naneho fihetsika karaha hoe handaiha lavidavitra Jesosy. ²⁹Fô nanery Ananjy zaré, nivôlagna hoe: "Midokoa aminay aketo, fô aifa ho hariva zao ary hifaragna ny andro." Kay niditra mbô hidoka niaraka taminjaré Jesosy.³⁰Ary, kôfa nipaitraka mbô hiaraka hihinagna taminjaré Izy, de naka ny môfo, nisaotra anjagny, sy namaky anjagny, ary nagnomia anjagny anjaré. ³¹Avy eo nisôkatra ny mason-jaré, kay nahafantatra Ananjy, ary nanjavogna te imason-jaré Izy. ³²Izy re nifampiteny hoe: "Moa ve ny fontsika tsy niredareda tao agnatitsika, kôfa nivôlagna tamintsika teny an-dalagna Izy, kôfa nanôkatra ny Sôratra Masigna tamintsika Izy?"³³Nitsangana zaré tamin'io laira io, kay nierigna tagny Jerosalema. Nahita re raika ambin'ny fôlo niara-nivory zare, sy re zay niaraka taminjaré, ³⁴nivôlagna hoe: "Ny Tompo de nitsangagna tikoatra, ary niseho tamin'i Simona." ³⁵Kay nivolagnin-jaré zay raha nitranga tagny an-dalagna, sy ny fomba nisehoan'i Jesosy tamin-jaré tamin'ny fanapahagna lay môfo.³⁶Kôfa nivolagna zagny raha zagny zaré, de nijoro tanivon-jaré Jesosy taignany, ary nivolagna tamin-jaré hoe: "Fiadanagna anie ho anaré." ³⁷Saingy taitra sy raiki-tahotra zaré, ary nihevitra fô nahita fagnahy.³⁸Jesosy nivolagna taminjaré hoe: "Nagnino anare no matahotra? Nagnino no misy fagnontaniagna ao am-ponaré? ³⁹Zahà ny tagnako sy ny hongoko, fô Zaho taignako itô. Kasiho Zaho kay zahà. Fô ny fagnahy tsy managna nôfo sy tôlagna, karan'ny ahitanaré Anahy hoe managna." ⁴⁰Kôfa nivôlagna zagny Izy, de nasehony taminjare ny tagnany sy ny tongony.⁴¹Mbôla tsy nino zagny zaré nohon'ny hafaliagna, ary magnana zaré. Jesosy nivôlagna anjaré hoe: "Managna raha hihonigna mô anaré?" ⁴²Namian-jaré lôko voatono izy, ⁴³kay nalainy zagny ary nihoaniny te anoloàn-jaré.⁴⁴Izy nivolagna taminjaré hoe: "Tamin'Izaho niaraka taminaré, de nivôlagna taminaré fô zay raha voasôratra tao amin'ny lalàgnan'i Mosesy sy re mpaminagny ary re Salamo de tsy maintsy ho tantairaka."⁴⁵Ary nisokafiny ny saignan-jaré, mbô hazahoan-jaré ny Sôratra Masigna. ⁴⁶Nivôlagna tamin-jaré Izy hoe: "Zô ny voasôratra, fô ilay Kristy de hijaly, ary hitsangagna amin'ny maty ndraika amin'ny andro fahatelo. ⁴⁷Fibaibahagna sy famelan-keloka no tôkony ho torigna amin'ny Agnarany agny amin'ny firenegna Jiaby manomboka ao Jerosalema."⁴⁸Anaré no vavolombelon'regny raha regny. ⁴⁹Indro, halaifako aminaré zay nampanantenain'ny Raiko. Kanaifa mitoaira an-tanàgna mandra-pitafianaré ny hery avy agny ambony."⁵⁰Ary Jesosy nitarika anjaré mandra-pahatônganjaré tany Betania. Nasandrany ny tagnany, ary notahiany zaré. ⁵¹Ary, kôfa nitso-drano anjaré Izy, de nandao anjaré Izy ary lasa nakarigna tagny an-dagnitra.⁵²De nidaira Ananjy zaré, ary nierigna tagny Jerosalema tamin'ny fifaliagna maventy be. ⁵³Nitohy nankao amin'ny tempoly zaré, nankalaza an'Andriamanitra.

¹Tamin'ny voalôhany ny Teny, ary ny Teny tamin'Andriamanitra, ary ny Teny de Andriamanitra. ²Zégny de takô amin'Andriamanitra tamin'ny voalôhany. ³Ny raha jiaby de avy Aminanjy aby, ary kô tsy noho Izy de tsisy na ino na ino.⁴Noho Izy no nisiam-piainagna, ary io fiainagna io no fahazavan'ny ôlogna jiaby. ⁵Ny hazavagna de mamiratra agnatin'ny hizigna, ary ny hizigna tsy nandresy zégny.⁶Nisy lalahy raiky nirahin'Andriamanitra, Jaona no agnarany. ⁷Tônga izy mbô ho vavôlombelogna hagnambara ny momban'ny fahazavagna, mbô hinoan'ny jiaby amin'ny alalany. ⁸Tsy Jaona lay fahazavagna, fô tônga ndraika mbô hagnambara ny momba lay fahazavagna izy.⁹Ny fahazavagna marigna, zay magnamia hazavagna ny ôlo-jiaby, de tônga aketo amin'izô tontôlo zao.¹⁰Teto amin'izô tontôlo zao Izy, ary Izy nahariagna an'izô tontôlo zao, ary zao tontôlo zao tsy nahafantatra Ananjy. ¹¹Tônga tagny amin'ny ôlony Izy, ary ny ôlony de tsy nandray Ananjy.¹²Fô iré maro nandray Ananjy, zay nino ny agnarany, de namiàny fahefagna ho tônga zanak'Andriamanitra. ¹³Iré de tsy nateraka tamin'ny rà, na ny sitrapon'ny nôfo, na ny sitrapon'ny ôlogna, fô ny an'Andriamanitra.¹⁴Ary ny Teny tônga nôfo ké nonigna tamintsika. Hitanay ny vôninahiny, vôninahitra kara lay raiky sy tôkagna zay tônga avy tamin'ny Baba, feno fahasoavagna sy fahamarinagna. ¹⁵Jaona nagnambara ny momba Ananjy ké nihafatra mafy, magnano hoe: "Izy lay raika zay efa nivolagniko hoe: 'Izy zay tônga afarako de maventy be noho zaho, satrià talôhako Izy.'"¹⁶Fô avy amin'ny fahafenoany no nandraisantsika jiaby fahasoavagna hagnampy fahasoavagna. ¹⁷Fô ny lalàgna de namiagna tamin'ny alalan'i Mosesy. Ny fahasoavagna sy fahamarignana de tônga tamin'ny alalan'i Jesosy Kristy. ¹⁸Tsisy nahita an'Andriamanitra na oviagna na oviagna. Fô lay Andriamanitra raika sy tôkagna, izô aké an-tratran'ilay Baba, no nampahafantatra Ananjy.¹⁹Ary izô no fagnambaran'i Jaona kôfa nagnasa iré mpisorona sy Levita avy tagny Jerosalema hankeo aminanjy iré Jiosy mbô hagnontany ananjy hoe: "Zôvy mô anà?" ²⁰Nitsotra izy, ké tsy nandà, fô namaly hoe: "Tsy Kristy zaho." ²¹Ké nagnontany ananjy zaré hoe: "Ino ariky anà izégny? Elia vô anà?" Nivôlagna izy hoe: "Tsy izy zaho." Ahozy zaré ré hoe: ''Anà mô lay mpaminany?'' Namaly izy hoe: "Aha."²²Avy také zaré ré nivôlagna taminanjy hoe: "Izôvy anà, mbô afahanay magnamià valin-teny amin'ire zay nagnasa anay? Ino no volagninà momban'ny tegnanà?" ²³Ahozy izy hoe: "Zaho lay feo, magnantso mafy agny an'efitra hoe: 'Atôvy mahitsy ny lalan'ny Tompo,' araka ny voalazan'Isaia mpaminany."²⁴Ary nisy iraky sanany avy aminjaré fariseo nalefa, ²⁵ary nagnontany ananjy zaré ké nivôlagna taminanjy hoe: "Nagnino ariky anà no magnano batisa kô tsy Kristy anà no sady tsy Elia no tsy lay mpaminagy?"²⁶Ary Jaona namaly anjaré ré, magnano hoe: "Magnano batisa amin'ny rano zaho. Fô aké agnivonaré de misy ôlogna araiky mijôro zay tsy fantanaré. ²⁷Izy lay araiky zay tônga avy akô afarako, zay tsy tôkony ho zaho no hamaha ny tadi-kapany." ²⁸Iré raha iré de natô tagny Betania tagny andafin'i Jordana, zay nagnanovan'i Jaona batisa.²⁹Amaraigna Jaona nahita an'i Jesosy nagnatogna ananjy ary nivôlagna hoe: "Zahà, indro ny zanak'ondrin'Andriamanitra zay magnala ny fahotan'izô tontôlo izô!" ³⁰Itô lay araiky zay nivolagniko hoe: 'Lay araiky zay tônga avy afarako de maventy be noho zaho, satrià talôhako Izy.' ³¹Ary zaho tsy nahafantatra Ananjy, fô mbô ho voavôlagna amin"Israely izy no nihaviàko hagnano batisa amin'ny rano.''³²Jaona nagnambara, magnano hoe: "Nahita ny Fagnahy nirôrogna avy agny an-dagnitra kara ny voromailala zaho, ary nipetraka také ambôniny izégny. ³³Tsy mahafantatra Ananjy zaho, fô Izy zay nagnasa anahy hagnano batisa amin'ny rano nivôlagna taminahy hoe: "Aké ambonin'izay hitanà hirorôgnan'ny Fagnahy sy hitoerany aké aminanjy, izy lay araiky zay magnano batisa amin'ny Fanahy Masina.' ³⁴Sady nahita zaho no nagnambara fô izy lay Zanak'Andriamanitra.''³⁵Ny amaraigna, ndraiky, kôfa nijôro niaraka tamin'ny roy amin'iré mpianany Jaona, ³⁶de nahita an'i Jesosy nandaiha zaré ré, ké ahozy Jaona hoe: "Zahà, lay Zanak'ondrin'Andriamanitra!"³⁷Naharegny ananjy nivôlagna izégny iré mpianany roy ké nagnaraka an'i Jesosy zaré ré. ³⁸Avy také Jesosy nitodika ké nahita anjaré ré nagnaraka Ananjy ké nivôlagna anjaré ré hoe: ''Ino no ilainaré?'' Namaly iré hoe: ''Raby (zay midika hoe mpampianatra), eza Anà no mitoetra?" ³⁹Namaly anjaré ré Izy hoe: "Magnatôgna ary zahà." Ké nagnatogna zaré ré ké nahita ny toeragna zay nipitrahany; nitoetra niaraka Taminanjy takô zaré ré tamin'io andro io, fô tôkony efa ho lera fahafôlo taminjagny.⁴⁰Araiky tamin'iré mpianatra roy naharegny an'i Jaona nivôlagna ary nagnaraka an'i Jesosy avy aké i Andrea, rahalahin'i Simona Petera. ⁴¹Nitady an'i Simona rahalahiny alôha izy ké nivôlagna taminanjy hoe: "Hitanay ny Mesia" (zay adika hoe Kristy) ⁴²Nitondra ananjy tagny amin'i Jesosy izy, ary nizaha ananjy Jesosy ké nivôlagna hoe: "Anà de Simona zanak'i Jaona, Anà de antsovigna hoe Kefasy" (zay midika hoe: Petera).⁴³Ny amaraigny, kôfa te andeha ho agny Galilia Jesosy, de nahita an'i Filipo Izy ary nivôlagna taminanjy hoe: "Magnaraha Anahy." ⁴⁴Filipo de avy agny betsahida, tanàgnan'i Andrea sy Petera. ⁴⁵Nahita an'i Natanaela i Filipo ké nivôlagna taminanjy hoe: "Izy zay nosoratan'i Mosesy takô amin'ny lalàgna, sy iré mpaminany, hitanay Izy, de Jesosy zanak'i Josefa, avy agny Nazareta."⁴⁶Natanaela nivôlagna taminanjy hoe: "Mô hisy raha tsara avy akô Nazareta?" Filipo nivôlagna taminanjy hoe: "Magnatôgna ké zahà." ⁴⁷Jesosy nahita an'i Natanaela nagnatogna ananjy ké nivôlagna iré mombamomba ananjy hoe: "Zahà, izégny no tegna israelita, zay tsisy fitaka aminanjy!" ⁴⁸Natanaela nivôlagna Taminanjy hoe: "Karakôry nafantaranà anahy?" Jesosy namaly ké nivôlagna taminanjy hoe: "Talôhan'ny nagnatsôvan'i Filipo anà, kôfa tambanin'ny kakazo aviavy anà, de hitako."⁴⁹Natanaela namaly hoe: "Raby, Anà lay zanak'Andriamanitra! Anà no mpanjakan'Israely!" ⁵⁰Jesosy namaly ké nivôlagna taminanjy hoe: "Satrià Zaho nivôlagna taminà hoe: 'Nahita anà také ambanin'ny kakazo aviavy Zaho,' no hinoanà? Hahita raha tsara mihoatra noho izégny anà." ⁵¹Avy aké Izy nivôlagna hoe: "Volagniko aminaré, marigna, de marigna tokoà, fô hahita ny lagnitra hisôkatra anaré, ary iré anjelin'Andriamanitra hiakatra sy hirôrogna aké ambonin'ny zanak'ôlogna."

¹Telo andro tafarany, de nisy fampakaram-bady takô Kanà akô Galilia, ary takô ny maman'i Jesosy. ²Jesosy sy iré mpianany dia nasaigna tamin'ilay fampakaram- bady.³Kôfa lany ny divay, de nivôlagna taminanjy ny renin'i Jesosy hoe: "Tsy managna divay zaré ré." ⁴Ary ahozy Jesosy taminanjy hoe: "Raviavy, nagnino anà no mandeha atô aminahy? Mbôla tsy tônga ny fotoagnako.'' ⁵De ahozy ny reniny tamin'iré mpanompo hoe: "Na ino na ino volagniny aminaré, de atôvo izégny.''⁶Ary nisy siny vato enina také zay fampiasaigna amin'ny andro fisasan'ny Jiosy, mazaka roa hatramin'ny telo metatra aby. ⁷Aozy Jesosy taminjaré hoe: "Finoà rano ny siny.'' ké nifinoàn- jaré ziska amin'ny môlony izégny. ⁸Nony avy také de Aozy tamin'iré mpanompo hoe: ''Magnovôza amin'izay ké indôso agny amin'ny tômpon'andraikitra.'' Ké nitanterahin-jaré ré izégny.⁹Nandraman'ny tômpon'andraikitrin'ny fikarakaragna lay rano nanjary divaigna, kanéfa tsy nahafatatra zay niaviàn'izégny izy (fô iré mpanompo zay nagnôvo ny rano ndraika nahafatatra). Avy aké de nagnantso ny mpampakatra Izy ¹⁰ké nivôlagna taminanjy hoe: "Ny ôlogna jiaby de mandroso divaigna tsara alôha zay vô ny divaingna môramôra kôfa mamo zaré ré. Fô anaré ndraiky nikajy ny divaigna tsara ziska zô.''¹¹Izégny no famantaragna vôlôhany natôn'i Jesosy tako Kanà agny Galilia, ary naneho ny voninahiny Izy, ké nino Ananjy iré mpianany.¹²Tafaran'izégny de nirôrogna ho agny Kapernaomy Jesosy, ny mamany, iré ralahiny sy iré mpianany ké nidôko takô andro vitsivitsy zaré.¹³Ary kôfa nariny ny Pasky ny Jiosy, de niakatra tagny Jerosalema Jesosy. ¹⁴Nahita mpivarotra aomby, ondry ary voromailala takô an- tempoly Izy, ary nipaitraka takô koà iré mpanakalo vôla.¹⁵Noho izégny de nagnamboàtra karavasy izy ké nandroàka anjaré jiaby hivoàka ny tempoly, na ny ondry na aomby. Nandraraka ny vôlan'iré mpanakalo vôla Izy ké nagnongana ny latabatran-jaré ré. ¹⁶De Aozy tamin'iré mpivarotra pizina hoe: "Indôso mivoàka itô toairagna itô iré raha iré. ôka zay ny fagnanovagna ny tragnon-dRaiko ho toeram- pivarôtagna.''¹⁷Ary tsaroàn'iré mpianany fô efa voasôratra hoe: "Ny firehetako ny amin'ny tragnonanà no handevogna anahy.'' ¹⁸Avy aké namaly iré lôhandôhan'ny mpisorogna Jiosy ké nagnano taminanjy hoe: "Ino ny famantaragna ho asehonô anay, matônga anô magnano irégny raha irégny?'' ¹⁹Jesosy namaly hoe: "Ravay itô tempoly itô, fô hantsangako agnatin'ny telo andro monja izégny.''²⁰Ary aozin'iré mpanapaka Jiosy hoe: "Enina amby efapôlo tôgno no nagnorainagna itô tempoly itô, ké anô ndraiky hahatsangagna ananjy agnatin'ny telo andro?'' ²¹Kanéfa, mômban'ny tempolin'ny taignany no nikoragniny. ²²Tafaran'ny nitsanganany tamin'ny naty, de tsaroàn'iré mpianany fô nilvôgna izégny izy, ké nino ny sôratra Masina sy zany teny nilazain'i Jesosy izégny zaré.²³Ary kôfa takô Jerosalema Izy tamin'ny andro firavoravoan'ny Paska, de maro no nino ny agnarany kôfa nahita iré famantaragna zay natôny. ²⁴Fô Jesosy ndraiky tsy nahatoky anjaré ré noho Izy nahafantatra tsara ananjy jiaby, ²⁵satrià tsy nila na izôvy na izôvy agnabara aminanjy ny mômban'ny ôlogna Izy, noho Izy nahafantatra ny akô agnatin'ôlogna.

¹Ary kôfa fantatr'i Jesosy hoe fantatr'irè Fariseo fô nahazo sy nagnano batisa mpianatra maro noho Jaona Izy ²(na de tsy Jesosy tegnany aza no nagnano batisa, fô iré mpianany), ³de niala takô Jodia Izy ary niherigna nandeha agny Galilia ndraiky.⁴Fô ilainy ny mamakivaky an'i Samaria. ⁵Ké de tônga takô amin'ny tanàgna raiky akô Samaria Izy, antsôvigna hoe Sykara, mariny lay ilan-tany zay namian'i Jakoba an'i Josefa zanagny.⁶Také lay fangalan'i Jakoba rano. Natsiaro reraka tamin'ny lehany Jesosy ké nipetraka tamin'ilay fangalan-drano. Tôkony tamin'ny laira faenignia te. ⁷Nisy viavy Samaritana raika tônga hialadrano, ké ahozy Jesosy taminanjy hoe: "Mbô amià rano Zaho ho sotroiko.'' ⁸Fô iré mpianatra efa lasa agny an-tanàgna mbô hividy hanigna.⁹Avake ahozy lay viavy samaritana taminanjy hoe: "Karakôry anà, zay Jiosy, no mangataka aminahy, zay viavy samaritana, rano ho hihoanigna? Fô irè Jiosy tsisy hifandraisagna amin'ny Samaritana. ¹⁰Fô namaly Jesosy ké nagnano taminanjy hoe: "Kô fantanô ny fagnamiazan'Andriamanitra, sy zay mivôlagna aminô hoe: 'Amià zaho ho sotroiko,' de anô ndraiky no ho nangaho taminanjy, ké amiàny rano velogna.''¹¹Ahozy lay viavy taminanjy hoe: "Tompoko, anô de tsy managna fanovôzagna ké ny fatsakana laligna. Ké akeza no hahazahoanô rano velogna? ¹²Anô de tsy maventy, mô vô, noho Jakoba razambentsika, zay nagnomia anay ny fatsakagna sy nisotro tamin'izégny ny tegnanay, karaha ny natônjaré zanany sy iré bibiny?"¹³Jesosy namaly ké nagnano taminanjy hoe: "Zay jiaby misôtro amin'itô rano itô de mbôla hangetaheta ndraiky, ¹⁴fô na zôvy na zôvy misotro amin'ny rano zay hamiako ananjy de tsy hangetaheta mandrakizay. Fô ndraiky, ny rano zay hamiako ananjy de ho tônga loharano miboiboika akô agnatiny, zay mitondra agny amin'ny fiainagna mandrakizay."¹⁵Ahozy raviavy taminanjy hoe: "Tompoko, amiàvo izégny rano izégny zaho mbô tsy hangetaheta sy ho tônga hatsaka aketo intsony." ¹⁶Ahozy Jesosy tamin'draviavy hoe: "Mandehagna, antsôvy vadinô, de miregna atô."¹⁷Namaly lay viavy ké nivôlagna taminanjy hoe: "Tsy manambady zaho." Namaly Jesosy hoe: "Marigna ny voalazanô hoe: 'Tsy manambady zaho,' ¹⁸fô efa nanambady indimy anô, ké lay raiky zay hipetrahanô avaizo de tsy mbôla vadinô. Marigna zay voalazanô."¹⁹Ahozy raviavy taminanjy hoe: ''Tompoko, itako fô mpaminagny Anô. ²⁰Iré razantsika nivavaka taketo amin'itô tendrombohitra itô, kanefa anaré magnambara fô Jerosalema no toeragna tôkony hivavahan'ny ôlogna.''²¹Ahozy Jesosy taminanjy hoe: "Minoa Anahy, raviavy, fô ho avy ny andro zay hideranaré ny Baba ké sady tsy amin'itô an-tendrombohitra itô no tsy agny Jerosalema. ²²Fô anaré miankôhoka amin'izay tsy fantanaré. Zahay ndraika miankôhoka amin'izay fantanay, satrià ny famonjegna de avy amin'iré Jiosy.²³Kanefa, ho avy ny andro, ary tônga avaizo, kôfa hidera ny Baba amin'ny fanahy sy fahamarinagna iré tegna mpivavaka, satrià ny Baba de mitady ôlogna kara izégny ho mpidera Ananjy. ²⁴Andriamanitra de Fanahy, ké ny ôlogna zay midera Ananjy de tsy maintsy midera amin'ny fanahy sy fahamarinagna."²⁵Ahozy lay viavy taminanjy hoe: "Fantako fô ho avy ny Mesia (lay antsôvigna hoe Kristy). Ary kôfa tônga Izy, de hagnazava amintsika ny raha jiaby." ²⁶Ahozy Jesosy taminanjy hoe: "Zaho zay mivôlagna aminô, no Izy."²⁷Tamin'izégny fotoagna izégny de nierigna iré mpianany. Ary nagnontany tegna zaré ré hoe nagnino Izy no mikoragna amin'ny viavy, fô tsisy nivôlagna hoe: "Ino no tadiavinô?" na hoe: "Nagnino anô mikoragna aminanjy?"²⁸Noho izégny de namela ny sininy raviavy, ké nandeha nierigna tagny an-tanàgna, ary nivôlagna tamin'ny ôlogna hoe: ²⁹"Handeha, zahà lay lalahy zay nivôlagna ny raha natôko jiaby. Tsy ho Kristy izégny, sa vô Izy?" ³⁰De niala také an-tanàgna zré ré ké nankeo Aminanjy.³¹Nandritr'izégny, namporisika Ananjy iré mpianatra, magnano hoe: "Raby, mihinàna."³² Fô ahozy tamin-jaré ré hoe: "Zaho de managna hanin-ko hanigna zay tsy fantanaré." ³³Ké nifampivôlagna iré mpianatra hoe: "Tsisy ôlogna nitondra raha ho hanigna ho Ananjy, sa vô nisy?"³⁴Ahozy Jesosy taminjaré ré hoe: "Ny hanigna de ny magnano ny sitrapôn'Ilay nagnasa Anahy ké magnano ny asany. ³⁵Anô mô tsy mivôlagna hoe: ''Efa-bôlagna tavela de ho avy ny fararano?' Volagniko aminaré, hatopazo ny masonaré de zahà ny agny an-tsaho, fô efa masaka ary ho jinjaigny iré! ³⁶Zay minjinja de mandray karama sy magnangogna vokatra ho amin'ny fiainagna mandrakizay, ké hiara-paly ny mpamafy sy ny mpijinja."³⁷Fô amin'izégny de marigna lay teny magnano hoe: 'Ny raiky mamafy, ké ny raiky ndraiky minjinja,' ³⁸Nagnasa anaré hinjinja zay tsy nisasaranaré Zaho. Iré hafa no nisasatra, ké anaré no niditra také amin'zay nisasarany."³⁹Maro tamin'iré samaritana takô amin'izégny tanàgna izégny no nagneky Ananjy nohon'ny tatitr'ilay viavy zay magnambara hoe: ''Nivolagniny taminahy aby zay natôko jiaby." ⁴⁰Kôfa nagnantogna Ananjy iré samaritana, de nangataka Ananjy mbô hidônko hiaraka aminjaré ré, de nidônko takô roy andro Izy.⁴¹Maro hafa no nagneky nohon'ny teniny. ⁴²Ahozy zaré ré tamin-draviavy hoe: "Tsy noho zay nivolagninô eky no hinoanay, fô zahay mihitsy no efa naharegny, ké fantanay fô Izy tokoà no lay Mpamonjy an'izô tontôlo izô."⁴³Tafaran'iré roy andro iré, de niala avy takô Izy hakagny Galilia. ⁴⁴Fô Jesosy mihintsy no nagnambara fô ny mpaminany de tsy manan-danja akô amin'ny taniny manôkagna. ⁴⁵Kôfa tônga takô Galilia Izy, de nandray Ananjy iré Galiliana. Zaré ré de nahita ny raha jiaby zay natôny takô Jerosalema tamin'ny andro firavoravoagna, satria nandeha tagny amin'ny andro firavoravoagna foagna koà zaré ré.⁴⁶Ary tônga takô Kana akô Galilia ndraiky Izy, zay toeragna nampodiany ny rano ho divay. Nisy tandapa raiky zay nanagna zanaka lahy marary takô Kapernaony. ⁴⁷Kôfa regny fô avy agny Jodia ho agny Galilia Jesosy, de nankeo amin'i Jesosy izy ké nangataka taminanjy mbô hirôrogna ké hampahivagna ny zanany lahy, zay efa ho foaty.⁴⁸Avy také Jesosy nivôlagna taminanjy hoe: "Kôfa tsy mahita famantaragna sy fahagagagna anaré, tsy mbô hino mihintsy." ⁴⁹Ahozy lay tandapa taminanjy hoe: "Tompoko, mirorôgna ré mialôhan'ny hafatesan'ny zanako." ⁵⁰Ahozy Jesosy taminanjy hoe: "Mandehàna. Velogna ny zanakanô." Nino ny teny zay nivolagnin'i Jesosy taminanjy lay lalahy, ké de lasagna izy.⁵¹Kôfa agny izy nirorôgna igny, de nitsena ananjy re mpanompony, nivôlagna fô velogna ny zanany. ⁵²Ké nagnontagny anjaré ré ny lera zay nagnaretany izy. Namaly Ananjy zaré ré hoe: "Omaly tamin'ny lera fahafito no nialàn'ny tazogna taminanjy."⁵³Fantatr'ilay papany avy také fô tamin'io lera io no nivolagnan'i Jesosy ananjy hoe: "Velogna ny zanakanô." Ké de nino ny tegnany sy iré ankohonany jiaby. ⁵⁴Izégny no famantaragna faharoy natôn'i Jesosy fony Izy niala takô Jodia ho agny Galilia.

¹Tafaran'izégny de nisy andro firavoravoan'ny Jiosy, ary niakatra ho agny Jerosalema Jesosy. ²Ary tagny Jerosalema eké ankilan'ny vavahadin'ondry, de nisy farihy, zay natsôvigna tamin'ny Hebreo hoe Betesda, ké misy fialôfagna dimy izégny. ³Maro iré ôlogna marary, jamba, malemy, na tsy afa-mietsika natory takô. (Fagnamarihagna: Ny antontan-taratasy talôha zay tsara indrindra de magnala ny fehezanteny hoe: "Miandry ny fihetsehin'ny rano") (Fagnamarihagna: Ny antontan-taratasy talôha tsara indrindra de magnala ny and. ⁴hoe: "Fô nisy anjelin'ny Tompo raiky nirôrogna ké nampihetsika ny rano ndraikindraiky ary na zôvy na zôvy nandroso nankô kôfa nihetsika ny rano de nahivagna tamin'iré aretigna zay namparary ananjy na ino na ino.")⁵Ary nisy lalahy araiky také zay efa narary valo amby telo-pôlo tôgna. ⁶Kôfa hitan'i Jesosy nandry také izy, sy tafaran'ny nahatsapany fô efa an-tôgna maro izy no také, de ahozy izy taminanjy hoe: "Te-ho sitrana mô anô?"⁷Namaly lay lalahy marary hoe: "Tompoko, tsy managna na zôvy na zôvy zaho handroboka anahy akô agnaty farihy kôfa mihetsika ny rano. Kôfa mandeha zaho, de misy misôsoka aké alôhako." ⁸Ahozy Jesosy taminanjy hoe: "Mitsangàna, indôso ny fandriagnanô, ké mandehana."⁹Avy hatrany de nahivagna lay lalahy, ké niraisiny ny fandriagnany de nandeha izy. Ary Sabata izégny andro izégny.¹⁰De ahozy iré Jiosy tamin'ilay nahivagna hoe: "Sabata ny andro de tsy mahazo mitôndra ny fandriagnanô anô". ¹¹Namaly izy hoe: "Lay nampahivagna anahy no nivôlagna taminahy hoe: "Ndôso ny fandriagnanô ké mandehana."¹²Ary nagnontagny ananjy zaré ré: "Izôvy Lay lalahy nivôlagna taminô hoe: 'Ndôso ny fandriagnanô ké mandehana'?" ¹³Kanefa, lay nahivagna tsy nahalala Ananjy satrià niala môramôra Jesosy fô nisy vahoaka také an-toeragna.¹⁴Nony avy také, hitan'i Jesosy takô an-tempoly izy ké ahozy taminanjy hoe: "Io, nahivagna anô! Aza manota Eky, mbô tsy hitranga aminô ny raha ratsy noho ny také." ¹⁵Avy také de lasagna ralalahy ké nitatitra taminjaré Jiosy fô Jesosy no nanasitrana ananjy.¹⁶Ary noho iré raha iré de nagnenjika an'i Jesosy iré Jiosy, satrià nagnano iré raha iré tamin'ny Sabata Izy. ¹⁷Ary namaly ananjy iré Jesosy hoe: "Ny Raiko de miasa egny fô na avaizo aza, ary Zaho, ihany koà, de miasa." ¹⁸Noho izégny, de vô maika nitady hamono Ananjy iré Jiosy tsy nohon'ny faniratsirany ny Sabata foagna, fô ny niantsoany an'Andriamanitra ihany koà hoe Babany manôkagna, magnano ny tegnany ho mitôvy amin'Andriamanitra.¹⁹Ary Jesosy namaly anjaré ré hoe: "Volagniko aminaré marigna, de marigna tokoà, fô ny Zanaka de tsy afaka magnano na ino na ino ho Ananjy, afa-tsy zay hitany ataon'ny Ray foagna, fô na ino na ino ataon'ny Ray, de ataon'ny Zanaka ndraiky koà iré raha irè. ²⁰Fô ny Ray tia ny Zanaka ké nampiseho Ananjy ny raha jiaby zay natôn'ny tegnany, ary hampiseho ananjy raha maventy be mihoatra noho iré Izy mbô ho magnana anaré.²¹Fô karaha ny Ray manangagna sy mamelogna ny maty, de karanjegny koà no ameloman'ny Zanaka zay tiany. ²²Fô ny Ray de tsy mitsara na zôvy na zôvy, fô namiany ny Zanaka ny fitsaragna jiaby ²³mbô hagnajan'ny jiaby ny Zanaka karaha ny hagnajan-jaré ny Ray. Zay tsy magnaja ny Zanaka de tsy magnaja lay Ray nagnasa Ananjy.²⁴Volagniko aminaré marigna, de marigna tokoà, fô zay maharegny ny teniko sy mino zay nagnasa Anahy de managna ny fiainagna mandrakizay kè tsy ho helohigna, fô niala tamin'ny fahafatesagna ho amin'ny fiainagna izy.²⁵Volagniko aminaré marigna, de marigna tokoâ, fô avy ny lera, ary tônga izégny avaizo, kôfa haharegny ny feon'ny Zanak'Andriamanitra ny maty, ary ho velogna iré zay maharegny.²⁶Fô karaha ny Ray managna fiainagna akô Aminanjy, no nagnomezagna ny Zanaka ihany koà mbô hanagnany fiainagna akô Aminanjy, ²⁷ary namian'i Ray fahefagna hitsara ny Zanaka noho Izy Zanak'ôlogna.²⁸Aza magnana amin'izégny, fô avy ny andro handrignesan'ny ôlogna jiaby agny am-pasagna ny feony ²⁹ké hivoaka: iré zay nagnano ny tsara de ho agny amin'ny fitsanganagna ho amin'ny fiainagna, fô iré zay nagnano ny ratsy ndraiky de ho agny amin'ny fitsanganana ho amin'ny fitsaragna.³⁰Tsy afaka magnano na ino na ino kôfa Zaho foagna. Araka zay regniko, no itsarako, ary ny fitsarako de marigna satrià tsy mitady ny sitrapoko manôkagna Zaho fô ny sitrapon'Izy zay nagnasa Anahy. ³¹Kôfa tôkony hagnambara ny momban'ny tegnako Zaho, de tsy marigna ny fagnambarako. ³²Misy raiky hafa zay nagnambara ny momba Anahy, ary fantako fô marigny ny fagnambaragna zay nivolagniny momba Anahy.³³Nasainy tagny amin'i Jaona anaré, ary nagnambara ny marigna izy. ³⁴Kanefa ny fagnambaragna zay raisiko de tsy avy amin'ny ôlogna. Mivolagna izégny raha izégny Zaho mbô mety ho voavonjy anaré. ³⁵Jaona de jiro nirehitra sy nagnazava, ary anaré nagniry ny hifaly vetivety takô amin'ny fahazavany.³⁶Kanefa ny fagnambarako de mbôla maventy noho ny an'i Jaona, fô iré asa namian'ny Ray ho tantairahiko, iré asa zay ataoko iré, no magnambara ny momba Anahy fô nasain'ny Ray Zaho. ³⁷Ny Ray zay nagnasa Anahy mihitsy no nagnambara Anahy. Tsy mbôla naharegny ny feony na nahita ny tavany anaré. ³⁸Ary ny teniny tsy mbô mitoetra akô agnatinaré, satrià tsy mino lay nasainy anaré.³⁹Mitady ny Sôratra Masigna anare satria heverinare fô akô amin'iré no anagnanaré fiainagna mandrakizay, ary iré Sôratra Masina iré foagna no magnambara momba Anahy, ⁴⁰kanefa tsy vôgnona ny hagnatogna Anahy anaré mbô hanagnaré fiainagna.⁴¹Tsy mandray laza avy amin'ny ôlogna Zaho, ⁴²satrià fantako fô tsisy fitiavagna an'Andriamanitra akô aminaré.⁴³Tônga amin'ny agnaran'ny Raiko Zaho, nefa tsy raisinare. Kôfa misy hafa tônga amin'ny agnarany manôkagna, de ho raisinaré Izy. ⁴⁴Akôry no hinoanaré, anaré zay mandray laza avy amin'ny ôlon-kafa kanefa tsy mitady ny laza zay avy amin'Andriamanitra tôkagna?⁴⁵Aza mieritreritra hoe: Zaho no hiampanga anaré agnatrehan'ny Ray. Lay raiky miampanga anaré de Mosesy, zay nametrahanaré ny fagnantenagnaré. ⁴⁶Kôfa nino an'i Mosesy anaré de tôkony hino Anahy, satrià nanôratra ny momba Anahy izy. ⁴⁷Kôfa tsy mino iré nisoratany anaré, de ataonaré akôry no hino ny teniko?

¹(Fagnamarihagna: Zahà ny fagnamarihagna momban'i Jaona 7:53-8: 11 etsy ambony) Nankagny an-tendrombohitr'i Oliva Jesosy. ²Vao mandregna de nakegny an-tempoly ndray Izy, ary ny ôlogna jiaby nagnatogna Ananjy; nipetraka Izy ary nampianatra anjaré ré. ³Iré mpanora-dalàgna sy iré Fariseo de nitôndra viavy raiky tratra nijangajanga. Napetrakan-jaré ré také agnivony izy.⁴(Fagnamarihagna: Zahô ny fagnamarihagna momban'i Jaona 7:53-8:11 ambôny) Avaké ahozy zaré ré taminanjy hoe : "Ry mpampianatra ô, itô viavy itô de tratra tam-pijangajangagna. ⁵Ary akô amin'ny lalàgna, Mosesy nibeko zahay mbô hitôra-bato ny ôlo karaha izégny; ino no ambaranô moba ananjy?'' ⁶Nilazainjaré ré hamandrihagna Ananjy eky, nefa izégny mbô afahanjaré ré magnameloka Ananjy, fô Jesosy ndraiky niondrika ary nanôratra tamin'ny rantsa-tagnany.⁷(Fagnamarihagna: Zahà ny fagnamarihagna momban'i Jaona 7 :53-8:11 aké ambôny) kôfa nametraka fagnontaniagna taminanjy foàgna zaré ré, de nitsangagna Izy ké nivôlagna ananjy irè hoe: "Zay tsy nanota taminaré, ôka izy no hambalavala vato ananjy voalôhany.'' ⁸De niondrika ndraiky Izy, ary nanôratra tamin'ny tany tamin'ny rantsa-tagnany.⁹(Fagnamarihagna: zahà ny fagnamarihagna momban'i Jaona 7 :53-8:11 aké ambôny) Kôfa naregny izégny zaré ré, de niala tsiraikaraika, nanomboka tamin'ny zôkiny be. Ary ny farany de Jesosy raiky foagna no tavela takè, niaraka tamin'ilay viavy zay také tantegnantegnany. ¹⁰Nitsangagna Jesosy ké nivôlagna taminanjy hoe: "Raviavy, fô lasa akeza iré mpagnameloka anô? Tsisy nagnameloka anô vô?'' ¹¹Ahoziny zaré hoe : "Tsisy, Tompoko.'' Ary ahozy Jesosy hoe: "Tsisy magnameloka anà Zaho. Mandihana ké aza manota koà.'']¹²Nivôlagna taminjaré ré ndraiky Jesosy, magnano hoe: "Izaho no fahazavagn'izô tontôlo izô; zay magnaraka Anahy de tsy handeha amin'ny haizigna fô hanagna ny fahazavagnan'ny fiainagna.'' ¹³Ahozy iré Fariseo taminanjy hoe: "Anô de magnambara ny taignanô; tsy marigna ny fagnambaragnanô.''¹⁴Jesosy namaly ké nagnano taminjaré ré hoe: "Na de magnambara ny tegnako aza Zaho, de marigna ny fagnambarako. Fantako ny nihaviàko sy ny lalagna ingianako, fô anaré ndraiky tsy mahafantatra zay nihaviàko na zay ingianako. ¹⁵Anaré de mitsara araky ny nôfo; fô Zaho tsy mitsara na zôvy na zôvy. ¹⁶Na de mitsara aza Zaho; de marigna ny fitsarako satrià tsy tôkagna Zaho, fô miaraka amin'ny Baba zay nagniraka Anahy.¹⁷Ia, ary akô amin'ny lalàgnanare de voasôratra fô marigna ny fijoroan'ny ôlon-droy vavolambelogna. ¹⁸Zaho no nagnambara ny tegnako, ary i Baba zay nagniraka Anahy foagna koà de magnambara Anahy.''¹⁹Ahozy zaré ré taminanjy hoe: "Akeza ny babanô?'' Jesosy namaly hoe: ''Tsy fantanaré na Zaho na ny Raiko; kôfa nafantatra Anahy anaré, de mafantatra ny Raiko foagna koà.'' ²⁰Tankilan'ny fandatsahan- drakitra Izy no nivôlagna izégny koragna izégny kôfa igny Izy nampianatra také amin'ny tempoly igny, ary tsisy nisambotra Ananjy satrià tsy mbôla tônga ny lera.²¹Ary ahozy taminjaré ré hoe: ''Andeha Zaho; hizaha Anahy anaré ké ho foaty amin'ny fahotanaré. Zay ingianako, de tsy azonaré hingianagna. ²²Ahozy irè Jiosy hoe: ''Hamono Tegna vô Izy? Izégny vô no antony nivôlagnany hoe: 'Zay ingianako, de tsy azonare handianagna'?''²³Ahozy Jesosy taminjaré ré hoe: "Avy atô ambany anaré; Zaho ndraiky avy agny ambôny. Avy amin'izô tontôlo izô anaré; fô Zaho tsy avy amin'izô tontôlo izô. ²⁴Noho izégny, nambarako taminaré fô ho foaty akô amin'ny fahotanaré anaré. Fô kôfa tsy mino anaré fô Zaho no Izy, de ho faty amin'ny fahotanaré anaré.''²⁵Noho izégny de ahozy zaré ré taminanjy hoe: "Zôvy mô Anô?'' Ahozy Jesosy taminjaré ré hoe: "Araka zay nivôlagniky taminaré hatragny am-bôalôhany. ²⁶Managna raha betsaka ho koragnina sy hitsaràgna momba anaré Zaho. Kanefa, Izy zay nagniraka Anahy de marigna; ary iré raha zay regniky avy taminanjy, de hivôlagniko amin'izô tontôlo izô.'' ²⁷Tsy azonjaré ré anefa fô Izy de nikoragna taminjaré mômba ny Ray.²⁸Ahozy Jesosy hoe: "Kôfa asandratraré ny Zanak'Ôlogna, de ho fantatraré fô zaho no Izy, ary tsy magnano na ino na ino ho Anahy Zaho. Araka ny nampianaran'ny Ray Anahy, no hivolagnako irè raha irè. ²⁹Izy zay nagniraka Anahy de miaraka aminahy, ary tsy namela Za raiky Izy, noho Zaho magnano zay ankasitrahany mandrakariva.'' ³⁰Kôfa nivôlagna iré raha iré Jesosy, de betsaka no nino Ananjy.³¹Jesosy Nivôlagna tamin'iré Jiosy zay nino Ananjy hoe : ''Kôfa mitoetra amin'ny teniky anaré, de ho tegna pianatranahy; ³²ary ho fantatraré ny marigna, ary ny marigna hagnafaka anaré.'' ³³Ary zaré namaly Ananjy hoe: "Taranak'i Abrahama zahay ary tsy mbôla nadivosin-jôvy na izôvy hatrizay; koà karakôry no hilazanô hoe: 'Ho afaka anare'?''³⁴Jesosy namaly ananjy iré hoe:''Volagniky aminaré, marigna, de marigna tokoà fô iré zay manota de andevon'ny ota. ³⁵Ny andevo de tsy mipetraka akô an-dragno mandrakizay; fô ny zanaka no mitoetra mandrakizay. ³⁶Noho izégny, kôfa ny Zanaka no magnafaka anaré, de ho afaka tokoà anaré.³⁷Fantako fô taranak'i Abrahama anaré; mitady zay hamonoagna Anahy satrià tsy managna toeragna akô aminaré ny teniky. ³⁸Mivôlagna zay hitako niaraka tamin'ny Babako Zaho, ary anaré koà magnano zay regninaré tamin'ny babanaré.''³⁹Namaly zaré ré ké nivôlagna taminanjy hoe: "Abrahama no babanay.'' Jesosy nivôlagna ananjy iré hoe: ''Kôfa zanak'i Abrahama anaré, de hagnano ny asan'i Abrahama. ⁴⁰Kanefa, avaizo anaré mitady hamono Anahy, zay lalahy Nivôlagna taminare ny marigna zay regniky tamin'Andriamanitra. Abrahama tsy nagnano izégny. ⁴¹Anaré de magnano ny asan'ny babanaré.'' Ahozy zaré ré taminanjy hoe: "Tsy teraka tamin'ny fijangajangagna zahay; raiky foagna ny Babanay: de Andriamanitra.''⁴²Jesosy nivôlagna azy irè hoe: "Ra Andriamanitra no babanare, de tôkony ho tià Za anare , satrià avy tamin'Andriamanitra no nivoahako sy nandianako atô; fô tsy tônga ho azy Za, fô Izy no nagniraka Za. ⁴³Nagnino no tsy azonare ny teniky ? Zegny de satrià tsy afaka hagneky ny teniky anare. ⁴⁴Avy amin'ny babanare anare, lay devoly, ary ny tiànare atô de ny filagna zay natôn'ny babanare. Mpamono ôlogna hatramin'izay izy ary tsy mijoro amin'ny famarinagna satrià tsisy marigna akô aminy. Kôfa mandainga Izy , de ny toetra fatôny ihany no lazainy satrià mpandainga Izy ary baban'ny lainga.⁴⁵Kanaifa, satrià milaza ny marigna Za, de tsy mino anare. ⁴⁶Zôvy aminare no magnameloka Za amin'ny fahotagna? Ra mivôlagna ny marigna Za, nagnino no tsy hinoanare? ⁴⁷Zay avy amin'Andriamanitra de maregny ny tenin'Andriamanitra; tsy maregny zegny anare satrià tsy avy amin'Andriamanitra.''⁴⁸Namaly irè Jiosy ke nivôlagna taminy hoe: Moa ve tsy milaza ny marigna zahay fô Samaritana Anô ary misy devoly? ⁴⁹Jesosy namaly hoe: "Tsisy devoly Za, fô magnamià voninahitra ny Raiko, ary anaré tsy magnomia voninahitra Anahy.⁵⁰ Tsy mitady ny voninahitranahy Za; misy raikia mitady sy mitsara. ⁵¹Volagniky aminare, marigna , de marigna tokoàtra, fô ra misy mitandrigna ny teniky, de tsy hahita fafataisagna mandrakizay izy.''⁵²Ahozy irè Jiosy taminy hoe :" Avaizo fantanay fô managna devoly Anô. Aifa maty Abrahama sy irè paminany; kanaifa anô milaza hoe: 'Ra mitandrigna ny teniky, de tsy hahita fafataisagna mandrakizay Izy.' ⁵³Tsy maventy noho Abrahama Babanay, zay aifa maty Anô, sa ve maventy ? Irè paminany ihany koà de maty. Magnano ny taignanô izôvy Anô?''⁵⁴Jesosy namaly hoe :"Ra mankalaza ny teniky Za , de ho tsinontsinogna ny voninahitranahy; ny Babako zay atônare ho Andriamanitra no mankalaza Za. ⁵⁵Tsy fantanare Izy, fô Za mafantatra Ananjy. Ra milaza Za hoe: 'Tsy mafantatra Ananjy Za, de ho kara anare, mpandainga. Kanaifa, fantako Izy kay mitandrigna ny teniny Za. ⁵⁶Ny babanare de nifaly nahita ny androko; nahita zegny de faly.''⁵⁷Ahozy irè Jiosy taminy hoe: "Mbôla tsisy dimampôlo tôgna anô, kay de aifa nahita an'Abrahama ve?'' ⁵⁸Ary ahozy Jesosy taminjare hoe :" Volagniky aminare, marigna, de marigna tokoàtra, fô talôhan'ny natirahan'i Abrahama, de Za no Izy. ⁵⁹''Avake de nalaka vato hivalavalagna Ananjy zare, fô Jesosy kôza nitodika kay nivoàka ny tempoly.

¹Ary kôfa nandalo Jesosy, de nahita lalahy jamba letry vao tairaka. ²Nagnontany Ananjy ré mpianatra hoe: "Raby, zôvy nanota, io lalahy io sa lay ray aman- dreniny, no de tairaka jamba karanjô izy?"³Jesosy namaly hoe: "Tsy io lalahy io nanota, na ny ray aman- dreniny, fô natô zô mbô hanihoagna aminajy ny asan'Andriamanitra. ⁴Tsy maintsy magnano asan'zay nagnasa Anahy antsika kô mbôla mazava. Fô ho avy ny aligna zay tsy ahafahan'na izôvy na izôvy miasa eky. ⁵Kô mbôla akéto amin'izao tontolo zao Zaho, de Zaho no fahazavan'izao tontolo zao.''⁶Kôfa avy nivôlagna zagny Jesosy, de nandrôra tamin'ny tany, ary nagnano feta tamin'lay rôra, kai nagnôsotra ny fôtaka tamin'ny mason'lay lalahy. ⁷Aoziny taminanjy hoe: ''Mandihana ary sasa agnaty ranon'ny Siloama (zay adika hoe: nirahina) ny masonô.'' Kai lasagna i lalahy io, nanasa zagny, ary niherigna nahita.⁸Ary nifampagnotany ré ôlogna mpiray vody rindrigna tamin'ny lalahy io sy ré nahita ananjy nangataka talôha nagnano hoe: "Tsy tô mô lalahy nipaitraka nangataka taketo?'' ⁹Ny sanany nagnano hoe: "Ahay, tsy izy fô karaha ananjy foàgna izy.'' Fô izy ndraiky nagnano hoe: ''Zaho tô.''¹⁰Aozinjaré taminanjy hoe: ''Karakôry ariky no ahitan'ny masonô?'' ¹¹Namaly izy hoe: "Lay lalahy antsôvigna hoe Jesosy no nagnano feta ary nagnôsotra zaigny tamin'ny masoko kai nivôlagna taminahy hoe: 'Mandihana agny Siloama ary sasao ny masonao.' De nandaiha zaho ary nanasa zagny kai nahita.'' ¹²Aozinjaré taminanjy hoe: "Aiza Izy?'' De nivaliany hoe: "Tsy fantako."¹³Nindôsinjaré tamin'ny Fariseo lay lalahy zay jamba talôha. ¹⁴Tamin'ny andro Sabata mô nagnanôvan'i Jesosy ny feta sy nampahitany ny masony. ¹⁵Ary nagnontany ananjy ndraiky iré Fariseo ny amin'ny fomba nahitàny. Aoziny taminjaré hoe: ''Natôvany feta ny masoko, nisasako, kai mahita za zô.''¹⁶Ny sanany taminjaré fariseo nivôlagna hoe: "Tsy avy amin'Andriamanitra tô lalahy tô satrià tsy mbô magnaja ny andro Sabata.'' Ny hafa nagnano hoe: "Akôry no ahafahan'ny ôlogna mpanota magnano famantaragna maventy be karahanjô?'' ¹⁷Kai nisy fizarazaragna taminjaré. Kai niherigna nagnontany lay lalahy jamba ndraiky zaré hoe: "Ino no hambaranô mômba Ananjy, hatramin'ny nahitany ny masonô?'' Aozin'lay lalahy jamba hoe: "Mpaminagny Izy.'' ¹⁸Ary mbôla tsy nino ny mômba Ananjy foàgna iré Jiosy hoe izy aifa jamba kai nahita kô tsy nagnantso ny ray aman- drenin'lay lalahy nahita zaré.¹⁹Nagnontany iré ray aman-dreny zaré hoe: "Tô mô lay zanakaré zay nivolagninaré fô tairaka jamba? Kai ino ariky nahitany zô?'' ²⁰Ary de nivaliànjaré hoe: "Fantanay fô zanakanay io sady tairaka jamba izy. ²¹Fô ny amin'ny nahitany, tsy fantanay, ary zay nampahita ny masony, tsy hainay. Agnontanià ananjy, fô aifa maventy izy. Afaka mivôlagna ho an'ny taignany izy."²²Nivôlagna zagny iré ray aman-dreniny, satrià natahotra an'ré Jiosy zaré. Satrià aifa nifankariny iré Jiosy fô kô misy magneky Ananjy ho Kristy, de hiroàhigna hiala ao amin'ny Synagoga izy. ²³Nohon'ny amin'izagny, no nivolagn'iré ray aman-dreniny hoe: "Aifa maventy izy, izy no agnontanià."²⁴Ary nagnantso lay lalahy jamba talôha am-pagnindroa ndraiky zaré kai nivôlagna taminanjy hoe: "Amià voninahitra Andriamanitra. Fantanay fô mpanota zagny lalahy zagny." ²⁵Avy te namaly lai lalahy hoe: "Tsy aiky alôha na mpanota Izy. Fô raha aiky de zô: jamba za talôha, fo mahita zaho zô."²⁶Avy te aozin-jaré taminanjy hoe: "Fô ino no natôny taminô? Akôry ny fomba nampahitany anô?" ²⁷De namaly izy hoe: "Aifa nivolagniko taminaré fô tsy tandignaisanaré! Kai magnino anaré no te hitandregny zagny koà? Te ho isan'ny mpianany kô mô naré, sa tsy zagny?" ²⁸Nagneso ananjy zaré kai nivôlagna hoe: "Anô no mpianany, fô zaihay mpianatr'i Mosesy. ²⁹Fantanay fô aifa nikoragna tamin'i Mosesy Andriamanitra, fô kô zagny lalahy zagny de tsy hainay zay nihaviàny.''³⁰De namaly lay lalahy kai nagnano taminjaré hoe: "Magaga zagny, tsy hainaré tany fiàviany, kanaifa nampahita ny masoko Izy. ³¹Fantatsika fô tsy mintandregny ré mpanota Andriamanitra, fô kô misy mazoto mivavaka sy magnano ny sitrapony, de mitandregny anajy Izy.³²Hatraminjay niatombohan'izao totonlo zao de tsy mbôla regny mihitsy hoe nisy nampahiratra ny mason'izay tairaka jamba. ³³Ko tsy avy amin'Andriamanitra zagny lalahy zagny, de tsy mahaifa na ino na ino.'' ³⁴De namaly ananjy zaré hoe:" Taigna tairaka tamin'ny ota anô, de anô ndraiky no hampianatra anay?" Avy te de hiroàhigna nivoàka izy.³⁵Regnin'i Jesosy fô niroahin-jaré amin'ny Synagoga izy. Ary Izy nahita ananjy de nivôlagna hoe:"Mino ny zanak'Ôlogna mô ana? ³⁶Namaly izy hoe:'' Zôvy mô Izy, Tompo, mbô hinoàko Ananjy?'' ³⁷Jesosy nagnano taminanjy hoe: "Aifa nahita Ananjy anô, ary lay raika Zay mikoragna aminô zô zaigny." ³⁸Aozin'lay lalahy hoe: "Tompo mino zaho." Ary de nidaira Ananjy izy.³⁹Jesosy nivôlagna hoe: "Fô fitsaragna no nahatongavako akéto amin'ny zao tontolo izao mbô hahiratra iré jamba ary mbô ho tonga njamba iré mahita.'' ⁴⁰Naregny zagny ny sanany tamin'iré Fariseo zay niaraka taminanjy kai nagnontany Ananjy hoe: ''Ary zaihay koà zagny jamba?'' ⁴¹Fô Jesosy nivôlagna taminjaré hoe''Kô jamba anaré, de tsy ho nanan-keloka, fô anaré ndraiky aminjô mivôlagna hoe: 'Mahita zaihay,' de mbôla mitoetra ny helokaré.''

¹Ary nisy lalahy raika narary antsôvigna hoe Lazarosy. Avakô Betania izy, tanàgnan'i Maria sy Marta ravaviny. ²Maria no nagnôsotra mainaka magnitra ny Tompo tamin'ny vôlony, ary Lazarosy anadahiny no narary.³Ary irè mpiralahy nagniraka ôlo ho agny amin'i Jesosy, nilaza hoe: "Tompo, zahô, fô marary lay tiànô.'' ⁴Kôfa regnin'i Jesosy zegny, de ahozy Izy hoe: ''Tsy fafataisagna no hiafaran'itô aretigna itô, fô kôza ho fanehoagna ny voninahitr'Andriamanitra mbô hanandratagna ny Zanak'Andriamanitra amin'ny alalan'izegny.''⁵Ary Jesosy de tià an'i Marta sy ny ravaviny ary Lazarosy. ⁶Kay kôfa naregny Jesosy fô marary Lazarosy, de mbôla nijanogna ro andro takô amin'ny toeragna nisy Ananjy Izy. ⁷Ary tavafaran'izegny, de nivôlagna tamin'ire pianatra Izy hoe: "Andaiha antsika ho agny Jodia ndraiky.''⁸Ahozy irè pianatra taminy hoe: "Raby, amin'izô de mikasa ny hitôrabato Anô irè Jiosy, kay mbôla hierigna akagny ndraiky ve Anô?'' ⁹Ary namaly Jesosy hoe: "Tsy rombifôlo laira ve ny fazavan'ny andro? Ra misy mandaiha amin'ny andro mazava, de tsy ho voàtsitohigna izy, satrià mahita ny fazavan'izô tontolo izô.¹⁰Kanaifa, ra mandaiha amin'ny aligna izy, de ho voàtsitohigna satrià tsy akô aminy ny fazavagna .'' ¹¹Nivôlagna irè raha irè Izy, ary tavafaran'ire, de ahozy Izy taminjare hoe: "Resin-tôry Lazarosy kamaradintsika, fô handaiha Za mbô hafahako mamôha ananjy amin'ny torimaso.''¹²Kay ahozy irè pianatra taminy hoe: "Tompo, ra tafandry izy, de ho tsara.'' ¹³Kanaifa Jesosy nivôlagna ny fafataisany, saingy nieverinjare fô fialan-disaka amin'ny torimaso no volagniny. ¹⁴Avake Jesosy nivôlagna tsotra taminjare hoe: "Maty Lazarosy.¹⁵Faly Za, nohon'ny aminare, fô tsy tagny Za mbô hagônga anare hino. Andaiha antsika ho agny aminy.'' ¹⁶Tomasy, zay antsôvigna hoe Didymo, de nivôlagna tamin'ire pianatra kamaradiny hoe: "Andaiha koà antsika mbô hiara-maty amin'i Jesosy.''¹⁷Kôfa tônga Jesosy, de hitany fô aifa nalevigna aifatrandro takô am-pasagna Lazarosy. ¹⁸Ary Betania de aifa mariny an'i Jerosalema, amin'ny dimy ambifôlo stadio eo no ailanailany. ¹⁹Maro irè Jiosy tônga takô amin'i Marta sy Maria, mbô hampahery azy irè nohon'ny fafataisan'ny anadahin-jare. ²⁰Avake Marta, kôfa naregny fô tônga Jesosy, de nandaiha nitsaina Ananjy, fô Maria kôza nipaitraka tandragno.²¹De nivôlagna tamin'i Jesosy Marta hoe: "Tompo, ra te anô, de tsy maty ny anadahiky. ²²Naifa na de izô avaizo izô aza, de fantako fô na ino na ino angatahinô amin'Andriamanitra, de hamiany anô zegny.'' ²³Ahozy Jesosy taminy hoe: "Ny anadahinô de hatsangako velogna ndraiky.''²⁴Marta nivôlagna taminy hoe: "Fantako fô hitsangagna ndraiky izy amin'ny fitsanganagna amin'ny maty amin'ny andro farany.'' ²⁵De ahozy Jesosy taminy hoe: "Za no fananganagna ny maty ary fiainagna; zay mino Anahy, na de maty aza izy, de ho velogna ndraiky; ²⁶ary na izôvy na izôvy velogna kay zay mino Anahy de tsy hifoaty mandrakizay. Mino zegny ve anare ?''²⁷Ahozy izy taminy hoe: ''Tompo ô,mino za fô Anô no Kristy, Zanak'Andriamanitra, lay ho tônga akéto amin'izô tontolo izô.'' ²⁸Kôfa nivolagniny zegny, de lasa izy nagnantso mangigiky an'i Maria ravaviny. Ahozy izy hoe: "Tônga ny Papianatra ary magnantso anô izy.'' ²⁹Kôfa regnin'Maria zegny, de nitsangagna malaky izy de nankagny aminy.³⁰Ary Jesosy tsy mbôla tônga akô an-tanàgna fô mbôla tamin'ilay toeragna nitrôfan'i Marta taminy ihany. ³¹Noho zegny irè Jiosy, zay niaraka taminy tan-dragno sy nampahery ananjy, kôfa nahita an'i Marta nitsangagna malaky, kay lasa nivoàka, de nagnaraka ananjy, niherigna fô handaiha hitomany agny amin'ny fasagna izy. ³²Kôfa tônga tamin'ny toeragna nisy an'i Jesosy i Marta kay nahita Ananjy, de niankôhitra izy ary nivôlagna taminy hoe: "Tompo, ra te anô, de tsy maty ny anadahiko.''³³Kôfa nahita ananjy nitomoagny Jesosy, ary irè Jiosy niaraka taminy koà nitomoagny, de vonto ny fagnahiny ary natahotra Izy; ³⁴de ahozy Izy hoe: "Takaiza no nandivaignanare ananjy?'' De ahozy zare taminy hoe: "Tompo, avià ary zahà.'' ³⁵Nitomoagny Jesosy.³⁶Avake ahozy ire Jiosy hoe: ''Zahavo ny haben'ny fitiavany an'i Lazarosy !'' ³⁷Fô ny sanagny taminjare nivôlagna hoe: "Moa ve tsy hain'itô lalahy itô, zay nampahiratra ny mason'ilay jamba, ny magnano zay tsy nafaty itô lalahy itô koà?''³⁸Avake ndraiky Jesosy, ra mbôla vônto ny fagnahiny, de nandaiha amin'ny fasagna. Ary zohy zegny, ary misy vato manarogna ananjy. ³⁹Ahozy Jesosy hoe: "Alà hiala ny vato.'' Marta, anabavin'ilay maty, nivôlagna tamin'i Jesosy hoe: "Tompo, aifa maimbo ny vatany ra amin'izô fotoagna izô, satrià aifatrandro izô no nafataisany.'' ⁴⁰Ary Jesosy nivôlagna taminy hoe: "Tsy aifa nivôlagniky anô ve fô, ra mino anô, de ho hitanô ny voninahitr'Andriamanitra?''⁴¹De nalanjare ny vato. Nizaha tambôny Jesosy kay nivôlagna hoe: '' Baba ô, misôtra Anô Za satrià nitandregny Za Anô. ⁴²Fantako fô mitandregny Za mandrakariva Anô, fô nohon'ny vahoàka mitsangagna mognodidigna Za no nivolagnako zegny, mbô hafahanjare mino fô Anô no nagniraka Za.''⁴³Kôfa avy nivôlagna zegny Izy, de nagnantso mafy hoe: "Lazarosy, mivoàha!'' ⁴⁴Nivoàka lay lalahy maty; nisy fehim-paty ny tongony sy ny tagnany, ary voàfehy lamba koà ny tarehiny. Ahozy Jesosy taminjare hoe: "Vahô izy ary avilay handaiha.''⁴⁵Avake maro tamin'ire Jiosy zay tônga takô amin'i Maria sy nahita ny natôn'i Jesosy, no nino Ananjy; ⁴⁶Fô ny sanagny taminjare kôza lasa nandaiha akagny amin'ny Fariseo ary nivôlagna taminjare ny raha natôn'i Jesosy.⁴⁷Avake ny lôhan'ny mpisôrogna sy ny Fariseo namory ny Synedriona niaraka ary nagnano hoe: ''Ino no hatôntsikia? Itô lalahy itô de magnano famantaragna maro. ⁴⁸Ra availatsika amin'izô Izy, de hino Ananjy dahôlo; ary ho avy ny Romana haka ny tananantsika sy ny firenentsika.''⁴⁹Kanaifa, nisy lalahy raika taminjare, Kaiafa, zay mpisôrognabe tamin'izegny tôgna zegny, nagnano taminjare hoe: "Anare de tsy mahay na ino na ino. ⁵⁰Tsy mieritreritra akory anare fô tsara ho anare ra lalahy raika no maty ho an'ny ôlogna toy zay ny firenena jiaby no ringiana.''⁵¹Ary zay nivolagniny de natôny ho ananjy ihany. Fô kôsa, noho izy mpisôrogna be tamin'i tôgna io, de naminagny fô tôkony hifoaty ho an'ny firenena Jesosy; ⁵²ary tsy ho an'ny firenena ihany, fô mbô hampitambatra ny Zanak'Andriamanitra zay nipaitraka koà. ⁵³Kay nanomboka tamin'io andro io de nagnano tetika ny fomba hamonoagna an'i Jesosy zare.⁵⁴Ary Jesosy tsy nandaiha niariary tamin'ire Jiosy koà, fô niala te izy nankagny amin'ny tany marivo efitra ho agny an-tanàgna atô hoe Efraima. Ary nipaitraka takô Izy sy irè pianatra. ⁵⁵Ary aifa marivo ny Pasky ny Jiosy, ary maro tamin'ire tagny ivailan'ny tanàgna no niakatra Takô Jerosalema mialôhan'ny Paska mbô hagnadio ny taignanjare.⁵⁶Nizahà an'i Jesosy zare, ary nitsangagna tamin'ny Tempoly nifampiraisaka hoe: ''Ino no eritreretinare? Hoe tsy ho tônga amin'ny andro firavoravoàgna ve Izy ?'' ⁵⁷Ary aifa nagnamia beko ny lôhan'ny mpisôrogna sy ny Fariseo fô ra misy mahay ny misy an'i Jesosy, de tôkony milaza izy mbô hanambôranjare Ananjy.

¹Enin'andro mialôhan'ny paska, de tônga takô Betania Jesosy, zay nipitrahan'i Lazarosy, lay aifa natsagan'i Jesosy tamin'ny maty. ²Kay nagnano sakafo ho Ananjy zare, ary Marta no nandroso aninjaré, fô Lazarosy ndraiky de agnisan'iré niara-nipaitraka tamin'i Jesosy také amin'ny latabatra. ³Avy té Maria nalaka mainaka magnitra litatra raika zay vita tamin'ny narda sarobidy, kay nagnôsotra ny tongontr'i Jesosy tamin'zagny, ary namafa ny tongony tamin'ny voro-dôhany. Feno ny hagnitr'lay mainaka ny tragno.⁴Ary Jodasy Iskariota, raika tamin'iré mpianatrany, zay hamadika Ananjy, nagnano hoe: ⁵"Nagnino io mainaka io no tsy nambidy 300 dinaria de namiagna ny mahantra?'' ⁶Ary izy nivôlagna an'zagny, tsy nohon'ny fiahiany ny mahantra, fô satrià mpangalatra izy: take aminy ny kitapom-bôla ary ho angalariny zay natô tô.⁷Jesosy nagnano hoe: Ambilay izy mbô hitagna zay hanagnany ho amin'ny andro handivaignana Anahy. ⁸Ho aké aminaré foàgna ny mahantra, fô Zaho ndraiky tsy ho aminaré foagna.''⁹Ary nisy vahoaka maro tamin'iré Jiosy nahafantatra fô také Jesosy, kai nagnatogna zaré, tsy ho an'i Jesosy raiky foàgna, fô mbô hahita an'i Lazarosy ndraiky koà, lay natsangan'i Jesosy tamin'ny maty. ¹⁰Iré lohan'ny mpisorogna de nitetika niaraka mbô hafahan-jaré hanôsika an'i Lazarosy amin'ny fafataisagna foàgna koà; ¹¹satrià noho Izy no nahatonga ny ankamaroan'iré Jiosy andaiha ary nino an'i Jesosy.¹²Ny amaraigna de vahoàka maro no tônga tamin'ny andro firavoravoàgna. Kôfa regnin-jaré fô ho avy akà Jerosalema Jesosy, ¹³de nalaka sampan-drafià zaré ary nivoàka kay nitsaiza Ananjy tamin'ny antso mafy hoe: "Hosana! Sambatra edy lay avy amin'ny agnaran'ny Tompo, lay mpanjakan'Israely.''¹⁴Ary Jesosy nahita zana-boriky raiky kay nipaitraka tam-bôniny; ¹⁵Araka ny voasôratra hoe: "Aza matahotra, ry zanakavavin'i Ziona; zahà, indro avy ny Mpanjakanaré, zay mipaitraka am- bônin'ny zana-boriky."¹⁶Tsy nahazo iré raha iré ny mpianany tamin'ny vôlôhany; fô kôfa namiàm-boninahitra Jesosy, de tsaroàn-jaré fô voàsôratra mômba Ananjy iré raha ré ary aifa natôn-jaré taminanjy zagny.¹⁷Ary ré vaoaka zay niaraka taminanjy tamin'ny nagnatsôvany an'i Lazarosy hivoàka ny fasagna sy nanangagna ananjy tamin'ny maty de sômby nijoro vavolombelogna aby. ¹⁸Noho zagny antony zagny foàgna koà no nahatônga ny vahoàka hitsaiza Ananjy, satrià regninjaré fo nagnano zagny famantaragna zagny Izy. ¹⁹Ire Fariseo noho zagny nifampivôlagna hoe: ''Zahà, tsy afaka magnano no ino no ino anaré; indro, magnaraka Ananjy izao tontolo zao.''²⁰Ary nisy grika vitsivitsy tamin'iré zay niakatra hidaira agny amin'ny firavoravoàgna. ²¹Nankagny amin'i Filipo zaré, zay avy agny Betsaida agny Galilia, ary nagnontany ananjy hoe: "Tompoko, mbô ti-hahita an'i Jesosy zahay." ²²De lasagna i Filipo nivôlagna tamin'i Andrea; de lasagna Andrea niaraka tamin'i Filipo, ary nivôlagna an'i Jesôsy zaré.²³Jesosy namaly aninjaré kay nagnano hoe: "Aifa tônga ny fotoagna hagnomiàzagna voninahitra ny zanak'Ôlogna. ²⁴Volagniko aminaré, marigna, de marigna tikoatra, fô kô tsy latsaka amin'ny tany ny vihim-bary kay maty, de mipaitraka amin'ny taignany raiky zagny; fô kô maty zagny, de hamoà be.²⁵Zay tià ny fiainany de hagnary zagny; fô zagny mankahala ny fiainany akéto amin'izao tontolo izao ndraiky de hitagna zagny ho agny amin'ny fiainagna mandrakizay. ²⁶Kô misy manômpo Anahy, aoka izy hagnaraka Anahy; ary zay nipitrahako, de akò koà hipitrahan'ny mpanompoko. Kô misy manompo Anahy, de hagnomià voninahitra ananjy ny Ray.²⁷Avahizo mangôrohôro ny fagnahiko ary ino no tôkony hivolagniko? 'Ray o, vonjeo amin'itô laira itô Zaho'? Kanaifa noho zagny antony zagny no nahatongavako amin'izao fotoagna zô. ²⁸Ray o, hankalazao ny anaranô.'' Avy te nisy feo nanako avy agny an-dagnitra nagnano hoe: "Aifa nankalazaiko zagny ary mbôla hankalazaiko ndraiky." ²⁹Ary ré vahoàka nitsangagna te sy naregny zagny de nivôlagna fô nisy kotroka také. Ny sanany nivôlagna hoe: "Nisy anjely nikoragna taminanjy."³⁰Jesosy namaly hoe: "Zagny feo zagny de tsy tônga ho Anahy, fô ho anaré. ³¹Tônga avahizo ny fitsaragna an'izao tontolo izao: Ary de hiroàhigna ny mpanapaka an'izao tontolo izao.³²Kôfa hasandratra hiala amin'ny tany Zaho, de hitôgno ny tsiraikiraiky hagnaraka Anahy.'' ³³Nivolagniko zagny mbô hanehoagna hoe karazagna fafataisagna karaha ino no hafataisany.³⁴Ré vahoàka namaly Ananjy hoe: "Regninay tamin'ny lalàgna fô Kristy de hidôko mandrakizay. Karakôry no afahanô mivôlagna hoe: 'Ny zanak'Ôlogna de tsy maintsy hasandratra'? Zôvy zagny zanak'Ôlogna zagny?" ³⁵Avy te Jesosy nivôlagna aninjare hoe: "Ny hazavagna de mbôla hiaraka aminaré mandritra ny fotoagna fôhy. Mandihana dieny mbôla managna hazavagna, mbô tsy hafahan'ny hizigna mialôha anaré. Zay mandaiha amin'ny hizigna de tsy mahalala ny lalagna alaihany. ³⁶Kô mbôla managna ny hazavagna anaré, de minoà zagny mbô ho zanakin'ny hazavagna anaré." Jesosy nivôlagna ire raha iré ary avy té de tsy hita ary niary ananin-jaré.³⁷Na de nagnano famantaragna maro te agnatraihan-jaré aza Jesosy, de tsy ninoan-jaré. ³⁸mbô ho tantairaka ny tenin'Isaia mpaminagny, zay nivôlagna hoe: ''Tompo, zôvy no nino ny tatitray, ary zôvy no nampisehoagna ny sandrin'ny Tompo?"³⁹Noho zagny antony zagny de tsy nino zaré, araka ny voàlazan'Isaia hatrany hoe: ⁴⁰"Nanjabainy ny mason-jaré, ary namafisiny ny fon_jaré; mifanôhitra amin'izagny zaré de ti-hahita amin'ny mason-jaré ary ahazo amin'ny fon-jaré, kay hitodika, ary Zaho nagnasitragna anin-jaré."⁴¹Isaia nivôlagna iré raha ré satrià hitany ny voninahitr'i Jesosy kay nivôlagna mômba Ananjy. ⁴²Kanaifa na zagny aza, de maro tamin'iré mpanapaka no nino an'i Jesosy; fo noho iré Fariseo, de tsy ho voasakagna ho amin'ny Synagoga. ⁴³Tian-jaré kokoà ny fideragna avy amin'ny ôlogna noho ny fideragna avy amin'Andriamanitra.⁴⁴Jesosy nagnantso mafy kay nivôlagna hoe: "Zay raika mino Anahy, aza mino Anahy raika foàgna fô Zay nagnasa Anahy, ⁴⁵ary zay raika mahita Anahy de mahita Ananjy zay nagnasa Anahy.⁴⁶Zaho de tônga karaha ny hazavagna taketo amin'izao tontolo izao, mbô tsy hipaitraka ao agnaty hizigna zay mino Anahy. ⁴⁷Kô misy maregny ny teniko naifa tsy mitandrigna zagny, de tsy hitsara ananjy Zaho; satrià Zaho tsy tônga hitsara izao tontolo zao, fô hagnavotra izao tontolo zao.⁴⁸Zay mandà Anahy sy tsy mandray ny teniko, de managna raika zay mitsara ananjy. Lay teny zay nivolagniko no hitsaragna ananjy amin'ny ndro farany. ⁴⁹Fô Zaho tsy mivôlagna ho Anahy, fô lay Ray zay nagnasa Anahy, amin'zagny hivolagnina sy koragnina. ⁵⁰Fantako fô ny didiny de fiainagna mandrakizay, koà zay volagniko_de koragniko araka zay nivolagnin'ny Ray taminahy.''

¹Ary andro mialôhan'ny firavoravoagnan'ny Paska zao. Fantatr'i Jesosy fô tônga ny laira hialany akéto amin'izao tontolo zao kai handaiha agny amin'ny Ray. Kôfa nitià ny mpiara-dia taminanjy taketo amin'izao tontolo izao Izy, de nitià aninjaré hatramin'ny farany. ²Ary ny devoly de aifa namaitraka zao tan-tsaignan'i Jodasy Iskariota zanak'i Simona, de ny hamadiagna an'i Jesosy.³Izy de nafatatra fô ny raha jiaby aifa napaitrakin'ny Ray také am-pelatagnany ary Izy de avy amin'Andriamanitra ary hierigna agny amin'Andriamanitra. ⁴Nitsangagna Izy také am- pinanagna ary nagnala ankajony ivailany. Avy te Izy nalaka lamba ary nisalotra zagny. ⁵Avy te nandraraka rano tagnaty siny Izy de nanomboka nanasa tongotr'iré mpianatra ary namafa ananjy iré tamin'lay lamba nisalôrany.⁶Nagnatogna an'i Simona Petera Izy, ary ahozy taminy hoe: "Tompo, hanasa ny tongoko ve Anô:" ⁷Jesosy namaly ary nivôlagna taminy hoe: "Zay atôko de mbôla tsy ho azonô zô ny heviny, fô ho azonô ihany zegny agny avafara." ⁸Ahozy taminy hoe: ''Tsy hanasa ny tongoko mihitsy Anô.'' Jesosy namaly ananjy hoe: ''Ra tsy manasa ny tongonô Za, de tsy managna anjara aminahy anô''. ⁹Ahozy Simona Petera taminy hoe: "Tompo, aza ny tongoko ihany no sasagna, fô ny tagnako sy ny lôhako ihany koà.''¹⁰Ahozy Jesosy taminy hoe: "Zay aifa nandro de tsy mila zegny, afa-tsy ny manasa tongony ihany, fô izy de aifa modio tantairaka; anô de mady, fô tsy jiaby naifa.'' ¹¹(Satrià aifa fantatr'i Jesosy hoe: "Tsy anare jiaby no mady.'')¹²Kay kôfa avy nanasa ny tongonjare Jesosy sy nalaka irè lambany kay nipaitraka ndraiky, de ahozy Izy taminjare hoe: "Fantanare ve ny natôko ho anare? ¹³Antsôvinare Za hoe papianatra' sy 'Tompo,' ary marigna ny voalazanare, satrià zegny tokoàtra Za. ¹⁴Kanaifa ra Za, sady Tompo no papianatra, no nanasa ny tongonare, anare ihany koà de tôkony hifanasa tongotra. ¹⁵Satrià aifa nagnamia ôhatra ho anare Za kay mbô tôkony hagnano kara natôko ho anare ihany koà anare.¹⁶Volagniky aminare marigna de marigna tokoàtra fô ny panompo de tsy maventy kokoà noho ny tompony; na koà ny mpitôndra hafatra de tsy maventy kokoà noho ny lay nagniraka ananjy. ¹⁷Ra fantanare irè raha irè, de ho tahignia anare ra magnantantairaka zegny. ¹⁸Tsy anare jiaby no volagniky; fantako irè zay nifidiky-fô zegny de mbô hahatantairaka ny Sôratra Masigna hoe: 'Zay mihinagna ny môfoko de nanandratra ny vodi-tongony hamadikià Anahy.'¹⁹Volagniky aminare zô zegny mialôhan'ny hitrangany mbô kôfa mitranga zegny, de mety hino anare fô Za no Izy. ²⁰Volagniky aminare, marigna de marigna tokoàtra, fô zay mandray zay nasaiky, de mandray Za, ary zay mandray Ananjy zay nagniraka Za''.²¹Kôfa nivôlagna zegny Jesosy, de nangôrohôro ny fagnahiny. Nagnambara Izy ary nilaza hoe: "Volagniky aminare marigna de tokoàtra fô hisy raika aminare hamadika Anahy.'' ²²Nifampizaha irè pianatra, nagnontany taignia hoe izôvy zegny volagniny zegny.²³Nisy raika taminjare pianany, zay tiàn'i Jesosy, nipaitraka tamin'ny latabatra ampitan'i Jesosy. ²⁴Nagnontany i pianatra i Simona Petera ary nivôlagna hoe: "Agnontanià Ananjy hoe zôvy zegny volagniny zegny.'' ²⁵Kay niherigna niankignia tamin'i Jesosy izy ary nivôlagna taminy hoe: "Tompo, zôvy zegny?''²⁶Avake Jesosy nivôlagna hoe: "Lay hamiako itô môfo itô zegny.'' Kay kôfa nolomany ny môfo, de namiany an'i Jodasy Zanak'i Simona Iskariota zegny. ²⁷Ary tavafaran'ny môfo, de niditra takô aminy satana, kay ahozy Jesosy taminy hoe: ''Zay atônô, atôvy malaky zegny.''²⁸Tamin'izay irè jiaby tan-databatra tsisy nahay ny antony nivolagnan'i Jesosy ananjy zegny. ²⁹Ny sanagny nieritreritra hoe, satrià Jodasy no nitagna kitapom-bôla, no nivôlagnin'i Jesosy hoe: ''Vidio ny raha jiaby ilaintsikia amin'ny andro firavoravoàgna,'' na hoe tôkony hagnamia raha ho an'ny mahantra izy. ³⁰Ra vô avy nandray ny môfo Jodasy, de lasa nivoàka avy hatrany izy. Aligna ny andro taminjay.³¹Kôfa lasa Jodasy, de ahozy Jesosy hoe: ''Avaizo de amià-boninahitra ny Zanak'Ôlogna, ary ³²Andriamanitra de amià-boninahitra akô aminy. Andriamanitra de amià-boninahitra Ananjy akô amin'ny taignany, ary Izy hagnamia voninahitra Ananjy avy hatrany. ³³Ry zaza madinikia, fotoagna fôhy sisa no hiarahako aminare. Hitady Za anare, ary araka zay nivolagniky tamin'ny Jiosy hoe: 'Zay ingianako, tsy azonare ingianagna. 'Ary Volagniky aminare koà zegny avaizo.³⁴Didy vôvô no amiako anare, de ny hifankatiavanare; kara ny nitiavako anare, no tôkony hifankatiavanare ihany koà. ³⁵Aminjegny no hahafantaran'ny jiaby fô pianatranahy anare, ra mifankatià anare.''³⁶Ahozy Simona Petera taminy hoe: "Tompo, fô andaiha akaiza Anô?'' Namaly Jesosy hoe: "Zay ingianako, de tsy afaka hagnarahanare Za zô, fô hagnaraka anare agny avafara.'' ³⁷De ahozy Petera taminy hoe: "Tompo, nagnino za no tsy afaka magnaraka Anô zô? Foèky ho Anô ny aigniako.'' ³⁸De namaly Jesosy hoe: " Hafoènô ho Anahy ve ny aignanô? Volagniky, aminô marigna, de marigna, tokoàtra, fô mbôla tsy magneno ny akôho de aifa handà Anahy intelo anô.''

¹''Aza availa hongôrohôro ny fônare. Minoà an'Andriamanitra anare, de minoà Anahy koà. ²Misy efitra maro andragnonin'ny Baba. Ra ts'izegny, de aifa nivôlagna taminare Za, fô hagnomagna toeragna ho anare. ³Ra handaiha Za ary hagnomagna toeragna ho anare, de mbôla hierigna ndraiky Za ary handray anare akato Aminahy, kay zay misy Za de hisy anare koà.⁴Anare mahay zay ingianako.'' ⁵Ahozy Tomasy tamin'i Jesosy hoe: "Tompo, tsy fantanay zay ingiananô, akôry hahaizanay ny lalagna?'' ⁶Ahozy Jesosy taminy hoe: ''Za no lalagna sy famarinagna, ary fiainagna; tsisy afaka magnantogna ny Baba ra tsy amin'ny alalako. ⁷Ra mahay Za anare, de tôkony mahay Babako koà. Manomboka zô de fantanare Izy ary aifa hitanare.''⁸Ahozy Filipo tamin'i Jesosy hoe: "Tompo, atoro anay ny Baba, de ampy ho anay zegny.'' ⁹Ahozy Jesosy taminy hoe: "Aifa atrignaila no niarahako taminare de mbôla tsy hainare foàgna ve Za, ry Filipo? Na zôvy na zôvy nahita Za de nahita ny Baba. Koa ino no hivolagnanare hoe: 'Atoro anay Babanô zegny'?¹⁰Tsy Mino ve anare fô akô amin'ny Baba Za ary ny Baba akato Aminahy? Irè teny zay volagniky aminare de tsy Volagniky avy amin'ny fahifako manôkana, fô velogna akato agnatiky no magnano ny asany. ¹¹Minoà Anahy fô Za de akô amin'ny Baba, ary i Baba akato Aminahy, ra ts'izegny de minoà noho irè asa manôkana.¹²Volagniky aminare, marigna, de marigna tokoàtra, zay mino Anahy de hagnano ny asa zay atôko, ary hagnano asa be mihoàtra noho iregny izy satrià ho agny amin'ny Baba Za. ¹³Na ino na ino angatahinare amin'ny Agnarako,de tantirahiky zegny mbô hagnamiazam-boninahitra ny Baba akô amin'ny Zanaka. ¹⁴Ra mangataka raha amin'ny agnarako anare, de hitantirahiky zegny.¹⁵Ra tià Za anare, de hintandrignia irè didiko, ¹⁶ary hivavaka amin'ny Baba Za, de hagnamia anare Mpampahery hafa Izy mbô ake aminare mandrakizay izy - ¹⁷ny Fagnahin'ny famarinagna. Tsy afaka mandray Ananjy izô tontolo izô satrià tsy mahita na mafantatra Ananjy. Fô anare kôsa mahay Ananjy, satrià mipaitraka miaraka aminare Izy ary akô agnatinare.¹⁸Tsy hamaila anare ho tôkagna Za; mbôla hierigna atô aminare za. ¹⁹Afaka fotoagna vitsy ihany de tsy hahita Za koà izô tontolo izô, fô anare mahita Za. Satrià velogna Za, de ho velogna ihany koà anare. ²⁰Ary amin'izay andro zay de ho fantanare fô akô amin'ny Baba Za, ary anare akato Aminahy, ary Za akô aminare.²¹Zay managna irè didiko kay mitandrigna iregny de izy lay tià Za, ary zay tià Anahy de ho tiavin'ny Babako koà, ary Za hitià ananjy sy hiseo aminare.'' ²²Ahozy Jodasy (Tsy Iskariota) tamin'i Jesosy hoe: "Tompo, nagnino Anô no hiseo aminay fô tsy amin'izô tontolo izô?''²³Jesosy namaly ary nivôlagna taminy hoe: "Ra misy ôlo tià Anahy, hintandrignia ny teniky izy. Hitià ananjy ny Babako, ary ho avy aminy Zaihay ary nagnamboàtra fitoeranay miaraka aminy. ²⁴Fô zay tsy tià Anahy de tsy mitandrigna ny teniky. Ny teny zay regninare de tsy avy Aminahy fô avy amin'ny Baba zay nagniraka Anahy.²⁵Aifa nivolagniky taminare irè raha irè, ra mbôla nidôka niaraka taminare Za. ²⁶Kanaifa, lay Mpampahery - lay Fagnahy Masigna, zay hasainy Baba amin'ny Agnarako_ izy no hampianatra anare ny raha jiaby sy hanohignia zay jiaby nivolagniky taminare. ²⁷Fiadanagna no availako ho anare; amiako anare ny fiadanako. Tsy amiako ôhatra ny fagnomaizan'izô tontolo izô zegny. Aza availa hongôrohôro ny fônare, ary aza matahotra.²⁸Aifa regninare Za nivôlagna taminare hoe: 'Andaiha Za, ary hierigna agny aminare ndraiky.' Ra nitià Za anare, de tôkony hifaly satrià handaiha amin'ny Baba Za, satrià Baba de maventy kokoà noho Za. ²⁹Ary nivôlagniky anare deny mbôla tsy mitranga zegny, mbô hinoànare, kôfa mitranga zegny. ³⁰Tsy hivôlagna baitsaka aminare koà Za, fô aifa ho avy ny mpanapak'izô tontolo izô. Tsy managna fahifagna Aminahy izy, ³¹fô mbô hahaizan'izô tontolo izô fô tiàko ny Baba, de atôko kara ny nandidiàn'ny Baba Za. Andaiha hitsangagna antsika ary hiàla .''

¹"Zaho no taigna voaloboka, ary ny Raiko no mpamboly. ²Alàvo aminahy ny sampagna jiaby zay tsy mamoà voankazo, ary rantsagnina ny sampagna zay mamokatra mbô hamoà voankazo bebe kokoà zagny.³Aifa mady anaré noho lay hafatra zay nivolagniko taminaré. ⁴Mitoaira aminahy, ary Zaho aminaré. Karaha ny sampagna tsy afaka mamoà voankazo amin'ny taignany ko tsy mipaitraka ao amin'ny voaloboka zagny, de karanjagny koà anaré, kô tsy mipaitraka aminahy.⁵Zaho no voaloboka, anaré no sampagna. Zay mipaitraka Aminahy ary Zaho aminanjy,de mamoà be izy, fô kô tsisy Anahy de tsy mahaifa na ino na ino anaré. ⁶Kô misy ôlogna tsy mipaitraka Aminahy, de ariagna karaha ny sampagna izy ary halazo, ary zaré magnonkogna iré sampagna ary magnary zagny amin'ny afo, ary may zaré. ⁷Kô mipaitraka Aminahy anaré, ary kô mipaitraka minaré ré teniko, angataho na ino na ino irinaré, de atô aminaré zagny.⁸Ny Raiko de amià-boninahitra amin'zao tontolo zao, de ny amokaranaré voankazo bebe kokoà kai ho porofo fô mpianatranahy anaré. ⁹Karaha ny nitiavan'i Ray Anahy, no nitiavako anaré. Mipitraha amin'ny fitiavako.¹⁰Kô mitandrigna iré didiko anaré, de hipaitraka ao amin'ny fitiavako, karaha ny nitandraimako iré didin'ny Raiko sy nipitrahako tao amin'ny fitiavany. ¹¹Nivôlagna iré raha régny taminaré Zaho mbô ho aminaré ny fifaliàko ary mbô ho feno ny fifalianaré.¹²Zô no didiko, de ny hifankatiavanaré karaha ny nitiavako anaré. ¹³Tsisy manam-pitiavagna maventy be mihoàtra noho zô, de ny manolotra ny ainy ho an'iré sakaizany.¹⁴Namako anaré kô magnano iré raha andidiko anaré ré. ¹⁵Tsy hagnatso anaré hoe mpanopoko eky Zaho, satrià ny mpanompo de tsy mahay zay atôny tômpony. Nantsoviko hoe namako anaré, satrià ny raha jiaby zay regniko tamin'ny Raiko, de nampafantariko anaré.¹⁶Tsy nifidy Anahy anaré, fô Zaho no nifidy anaré ary nanendry anaré mbô andeha ka hamokatra, ary mbô Andaiha ka hamokatra, ary mbô tokony hipaitraka ny vokatranaré. Natô zagny mbô na ino na ino angatahinaré amin'ny Ray amin'ny Agnarako, de amiànare zagny. ¹⁷Regny raha jiaby regny no andidiako anaré mbô hifankatiavanaré.¹⁸Kô mankahala anaré zao tontolo zao, fantaro fô nankahala Anahy izy talôhan'ny nankahalany anaré. ¹⁹Kô avy amin'izao tontolo zao anaré, anaré, de ho tian'izao tontolo zao karaha ny azy anaré. Fô satrià anaré ary nifidiko hiala amin'izao tontolo izao, noho zagny de halalan'izao tontolo izao anaré.²⁰Tsarôvy ny teny nivolagniko taminaré hoe: 'Ny mpanompo de tsy maventy noho ny tômpony.' Koà nagnejika Anahy zaré, de hagnenjika anaré koà; ary kô nitadrigna ny teniko zaré, de hitandrigna anaré koà. ²¹Hagnano iré raha iré aminaré zaré noho ny agnarako, satrià tsy fantan-jaré Izy zay nagnasa Anahy. ²²Kô tsy tônga sy nivôlagna taminjaré Zaho, de tsy ho nanota zaré, fo zô tsy afa miala amin'ny fahotany zaré.²³Zai mankahala Anahy de mankaha ny Raiko koà. ²⁴Kô tsy nahavita ré asa zay tsy naton'ôlon-kafa teo agnivon-jaré, fô zô aifa sady hitany no halany Zaho sy ny Raiko. ²⁵Fô zagny de mbô hahatatairaka ny eny zay voasôratra ao amin'ny lalàgnan-jaré hoe: 'Mankahala Anahy amin'ny tsisy antony zaré.'²⁶Kôfa ho avy lay Mpampahery_zay hasaiky aminaré avy amin'ny Ray, lay, Fagnahin'ny famarinagna, zay mivoàka avy amin'ny Ray_ de hagnambara ny mômba Anahy Izy. ²⁷Anaré koà de mijoro vavolombelogna satrià aifa niaraka taminahy laitry am- piandohagna anaré.

¹"Nivolagniko taminaré zagny raha jiaby zagny mbô tsy ho solafaka anaré. ²Hiroahinjaré ao amin'ny Synagoga anaré. Fô tônga ny andro kôfa hievitra zay jiaby mamono anaré fô zaré de manolotra raha tsara ho an'Andriamanitra.³Haton-jaré zagny satrià tsy mahay ny Ray Na ny taignako zare. ⁴Nivolagniko anaré iré raha ré mbô kôfa avy ny lairan-jaré, de ho tsaroànare fô aifa nivolagniko taminaré ny mômba aninjaré.Tsy nivolagniko taminaré iré raha ré tagny ampiandohagna, satrià mbôla taminaré Zaho.⁵Fô avahizo ho agny amin'lay nagnàsa Anahy Zaho, naifa tsy mbôla nisy nagnontany Anahy anaré hoe:" Handaiha ho aiza mô anô?" ⁶Fô satrià nivolagniko taminaré iré raha iré, de alahelo no nameno ny fonareo. ⁷Fô volagniko marigna aminaré, tsara kokoà ho anaré ny handihanako. Satrià kô tsy mandaiha Zaho, de tsy ho tônga aminaré ny Mpampahery, fô kô mandeha Zaho, de handaifa Ananjy ho aminaré.⁸Kôfa tônga izy, de hagnaporofo amin'izao tontolo zao ho diso mômban'ny fahotagna, ny fahamarinagna, ary mômban'ny fitsaragna— ⁹mômban'ny fahotagna ny mampahery, satrià tsy mino Anahy zaré; ¹⁰mômban'ny fahamarinagna, satrià hody agny amin'ny Ray Zaho, kay tsy ho hitanaré eky; ¹¹ary mômban'ny fitsaragna, satrià ny mpanapaka izao tontolo zao de nitsaraigna.¹²Managna raha maro hambara aminaré Zaho, fô tsy ho azonaré ny hevitr'izagny zô. ¹³Kanaifa, kôfa tônga izy, Fagnahin'ny Fahamarinagna, de hitarika anaré ho amin'ny fahamarinagna jiaby, satrià tsy hivôlagna avy amin'ny taignany izy, ary hivôlagna aminaré iré raha ré zay ho avy. ¹⁴Hagnomià voninahitra Ananjy izy, satrià ny avy amin'ny Aninahy foàgna no ambarany aminaré.¹⁵Zay jiaby anagnan'ny Baba de Anahy. Noho zegny, nivôlagna Za fô lay Fagnahy de hiàlaka amin'izay Anahy ary hivôlagna zegny aminare. ¹⁶Afaka fotoagna fôhy de tsy hahita Za èky anare, ary afaka fotoagna fôhy de hahita Za ndraiky anare.''¹⁷Avake ny sanagny tamin'ire pianany nifampiraisaka hoe: "Ino ary zegny volagniny amintsika zegny hoe: 'Afaka fotoagna fôhy de tsy hahita Anahy aiky anare, 'sy hoe: 'Satrià ho agny amin'ny Baba Za'?'' ¹⁸Noho zegny de ahozy zare hoe: "Ino ary zegny volagniny zegny hoe: 'Afaka fotoagna fôhy'? Tsy hainay ny tiàny hikoragnina.''¹⁹Hitan'i Jesosy fô te nagnontany Ananjy zare, de ahozy Izy taminjare hoe: "Zô ve no agnontanianare taigna, de ny tiàko hivolagnina amin'ny fivolagnana hoe: 'Fotoagna fôhy sy tsy hahita Za aiky anare, ary afaka fotoagna fôhy ndraiky naifa de hahita Anahy anare'? ²⁰Volagniky aminare marigna de marigna tokoàtra, fô hitomagny anare ary hitaraigia, fô izô tontolo izô kôza hifaly. Ho feno alahelo anare, kanaifa ho lasa hafaliagna zegny. ²¹Kôfa mietsi-jaza ny viavy raika de malahelo satrià tônga ny fotoagnany, fô kôfa tairaka kôza lay zazahely, de tsy tsy tsaroàny aiky alahelony nohon'ny hafaliagna fô nisy zazahely tairaka amin'izô tontolo izô.²²Kay malahelo anare avaizo, Kanaifa Za mbôla hitrôtra aminare ndraiky, ary ho faly ny fônare, ary tsy hoisy hagnalagna zegny hafaliagnanare zegny aminare. ²³Amin'izegny andro zegny de tsy hangataka Aminahy na ino na ino anare. Volagniky aminare marigna de marigna tokoàtra, ra mangataka na ino na ino amin'ny Baba aminagnarako anare, de hamiany anare zegny. ²⁴Hatramin'izô anaifa tsy mbôla nangataka na ino na ino tamin'ny agnarako anare. Mangataha, de namiagna anare mbô ho feno ny hafaliagnanare.²⁵Aifa nivolagniky taminare tamin'ny fagnoaragna irè raha irè, fô avy ny laira kôfa tsy hiraisaka aminare amin'ny fagnoaragna aiky Za, fô kôza hivôlagna aminare mazava ny mômban'ny Baba.²⁶Amin'izegny andro zegny de hangataka aminagnarako anare ary tsy hivôlagna anare Za hoe hivavaka amin'ny Baba ho anare, ²⁷fô ny Baba mihitsy no tià anare satrià nitià Anahy anare ary nino fô avy agny amin'ny Baba Za. ²⁸Avy amin'ny Baba Za, ary tônga teto an- tany. Fô hiala izô tontolo izô za ary ho agny amin'ny Ray.''²⁹Ahozy ny pianany taminy hoe: "Zahô, avaizo Anô mivôlagna mazava tsara ary tsy mampiasa fagnoaragna. ³⁰Fantanay avaizo fô mahay rajiaby Anô, ary tsisy tiànô hamaitraka fagnotaniagna aminô. Noho zegny, de mino zaihay fô avy amin'Andriamanitra Anô.'' ³¹Namaly azy irè Jesosy hoe: "Mino amin'izay ve anare?³²Indro, tônga izô laira, tônga tokoàtra, kôfa hiparaitaka anare, ny tsiraikiraiky samy agny amin'ny tragnony dahôlo manôkagna, de havailanare tôkagna Za. Naifa tsy tôkagna Za satrià miaraka aminahy i Baba. ³³Aifa nivolagniky taminare mbô hanagna fiadanagna akato Aminahy anare. Managnolagna anare aketo amin'izô tontolo izô, naifa mahiraiza: aifa nandresy izô tontolo izô Za.''

¹Kôfa avy nivôlagna ire raha ire Jesosy, de nanandratra ny masony ho amin'ny lagnitra Izy ka nagnano hoe: "Ray ô, tônga ny fotoagna, mankalazà ny Zanakao mbô hankalazan'ny Zanaka Anao_ ²karaha ny nagnomiazanao Ananjy fahefagna ambôn'ny nôfo jiaby mbô hagnomiazany fiainagna mandrakizay ho an'izay jiaby namianao Anajy.³Zaho no fiainagna mandrakizay: de ny afantaran-jaré Anô, lay Andriamanitra tôkagna sady marigna, Ary Izy zay nasainao, de Jesosy Kristy. ⁴Nankalaza Anô Zaho teto an-tany. Aifa vitako ny asa zay namianô Anahy ho ataoko. ⁵Avahizo, ry Ray, hankalazao miaraka amin'ny taignanao Zaho amin'ny voninahitra zay nanagnako niaraka taminô talôhan'ny zao tontolo zao.⁶Nampafatatra ny agnaranao tamin'ny ôlogna zay namiànao Ananjy avy amin'izao tontolo izao Zaho. Anao regny, ary namiàna Ananjy, ary nitandraimany ny teniko. ⁷Avahizo fantan-jaré fa ny raha jiaby zay namiànao Anahy de avy aminao, ⁸Satrià namiako aninjaré aby ny teny zay namiànô Anahy. Noraisin-jare iregny ary fantany marigna tikoatra fô avy taminô Zaho, ary nino zaré fô anô no nagnasa Anahy.⁹Mivavaka ho an-jaré Zaho. Tsy mivavaka ho an'izô totôlo izô Zaho fô ho an'ire zay namiagna Anahy, noho izy ré Anô. ¹⁰Ny raha jiaby zay Anahy de Aninô, ké Zay anô de Anahy ¹¹Tsy amin'izao tontolo izao eky Zaho, fô ire ôlogna de aketo amin'izao tontolo zao, ary magnatogna anaré Zaho. Ray Masigna o, itano aimin'ny agnaranô zay namianô Anahy zaré mbô hitambatra ho raiky, karaha ny maha raiky Antsika.¹²Kô mbola také amin-jare Zaho, de nitagna anjaré tamin'ny agnaranô, zay namianô Anahy. Niaro aninjaré Zaho, ary tsisy very na de raika aza, afa tsy ny zanaky ny fahaverezagna foagna, mbô ho tantairaka ny Soratra Masigna. ¹³Ary ho agny aminô Zaho, fô mivôlagna iré raha ré amin'izao tontolo zao Zaho mbô hantantairaka ny hafaliàko aminjaré. ¹⁴Aifa namiàko zaré ny teninô, nankalazain'izao tontolo zao zaré satria tsy avy amin'izao tontolo zao, karaha Anahy tsy amin'izao tontolo zao.¹⁵Zaho de tsy mangataka Aminô ny agnalanô aninjaré amin'izao tontolo zao, fô mbô hiarôvanô aninjaré amin'lay ratsy. ¹⁶Zaré de tsy amin'izao tontolo zao, karaha Anahy agny amin'izao tontolo zao. ¹⁷Hamasino amin'ny fahamarinagna zaré. Fô ny teninô no fahamarinagna.¹⁸Karaha ny nagnasanô Anahy amin'izao tontolo zao, no nagnasako anjaré ho amin'izao tontolo zao koa. ¹⁹Fô nohon'ny fitiavako anjaré no nagnamasinako ny taignako, mbô hagnamasinagna ny taignanjaré amin'ny famarinagna koa.²⁰Zaho de tsy mivavaka ho an'iré foagna, fo an'iré zay hino Anahy amin'ny alalan'ny teninjaré koa ²¹mbô ho raiky foagna izy jiaby, karaha anô, Ray, aminahy akato, ary Zaho aminô. Mivavaka Zaho mbô ho amintsika koa zaré mbô hinoàn'izao tontolo zao fô nagnasa Anahy Anô.²²Ny voninahitra zay namiànô Anahy, de namiàko aninjaré, mbô ho raky zaré, karaha ny maha raiky antsika. ²³Zaho amin-jaré, ary Anô aminahy akato _ kai ho taigna raiky tantairaka tikoàtra zaré, mbô ho fantatr'izao tontolo zao fô nagnasa Anahy Anô, ary nitià zaré karaha ny nitiavanô Anahy.²⁴Ray ô, re zay namianô Zaho de tiako hiaraka aminahy na akaiza na akaiza no misy Anahy, ary nahita ny voninahitro, lay voninahitra zay namianô Anahy satrià nitia Anahy anô talôhan'ny nahariagna izao tontolo zao.²⁵Ray marigna ô, tsy mahay Anô izao tontolo zao, fô Zaho mahay Anô; ary zaré mahay fô nagnasa Anahy Anô. ²⁶Nampafantariky anjaré ny agnaranô, ary mbôla ho ampafatariky zagny mbô ho amin-jaré ny fitiavagna zay nitianô Anahy, ary Zaho ho amin-jaré.

¹Tafaran'ny nivolagnan'i Jesosy iré teny ré, de nivoaka niaraka tamin'iré mpianany Izy ho ampitany akagny amin'ny lôhasan-drika agn'i Kidrona, zay nisy tsabo nidirany sy iré mpianany. ²Ary Jodasy, zay namadika an'i Jesosy, nahay ny toairagna koa, satria nandaiha matetika tagny Jesosy sy iré mpianany. ³Avy té Jodasy, nitarika ire vondrogna miaramila sy ire mpiandry raraha sanany avy amin'ire lôhan'ny mpisorogna sy Fariseo, nandaiha tagny niaraka tamin'ny fagnilo, fanala ary fitaovam-piadivagna.⁴Avy te Jesosy, zay aifa nahay ny raha jiaby hitranga Aminanjy, nandroso talôhany ary nagnontany aninjaré hoe: "Zôvy no zahànaré?" ⁵Namaly Ananjy zaré hoe: "Jesosy avy agny Nazareta." Ary aozin'i Jesosy tamin-jaré hoe: "Zaho no Izy." Jodasy, zay namadika Ananjy, de nitsangagna niaraka tamin'iré miaramila koa.⁶Kai kôfa nivôlagna taminjaré Izy hoe: "Zaho no Izy," de nihisotra izy kai lavo tamin'ny tany. ⁷Avy te ndraiky de nagnontany aninjaré Izy hoe: "Zôvy zahànaré?" Ary nivôlagna ndraiky zaré hoe: "Jesosy avy agny Nazareta."⁸Jesosy namaiy hoe: "Nivôlagna anaré Zaho fo Zaho no Izy. Noho zagny kô mizaha Anahy anaré, de ambilay reto andaiha." ⁹Zagny mbô hantatairaka ny teny nivolagniny hoe: "Amin'iré zay namiagna Anahy, tsy natôvako very na mba raiky."¹⁰Avy te Simona Petera, zay nanagna sabatra, namoaka zagny ary namely lay mpanompon'ny mpisorognabe kay namira ny tadigniny ankavanagna. Ary Malko no agnaran'lay mpanompo. ¹¹Aozin'i Jesosy tamin'i Petera hoe: "Ahiregno amin'ny tragnony ny sabatranô.Tsy tôkony hisotro ny kapoaka zay namian'ny Ray Anahy mo Zaho?"¹²Noho zagny iré vôndrogna miaramila sy ny kapiteny, ary iré mpiandry rarahan'iré Jiosy, de nisambotra an'i Jesosy ary namatotra Ananjy . ¹³Nindosinjaré tagny amin'i Anasy Izy malôka Izy, satria izy de rafôzan-dahin'i Kaiafa, Zay mpisorognabe tamin'io tôgna io. ¹⁴Ary Kaiafa de lay nagnomia hevitra iré Jiosy fô tsara kokoa kô misy ôlogna raiky maty ho an'ny vahoaka.¹⁵Nagnaraka an'i Jesosy Simona Petera, ary nagnano karaha zagny koa ny mpianatra raiky hafa. Ary fantatr'ilay mpisorognabe zagny mpianatra zagny, ary niditra niaraka tamin'i Jesosy tamin'ny kianjan'ny mpisorognabe izy; ¹⁶fô Petera de nijoro tivailan'ny vavahady. Noho zagny lay mpianatra hafa, zay fantatry ny mpisorognabe, de nivoàka kay nivôlagna tamin'ilay mpanompo vavy zay mpiambigna ny vavahady ary nitôndra an'i Petera hiditra.¹⁷Avy té lay mpanompo vavy, mpianbigna ny vavahady, nivôlagna tamin'i Petera hoe: "Anô koà mô tsy raika amin'ny mpianatr'i lalahy io?" Aoziny hoe: "Tsy izy zaho." ¹⁸Ary nijoro te ré sy ré mpiandry raraha, ary nandrehitra afon'arigna zaré, satrià nangatsiaka ny andro; kay nagnafana ny taignan-jaré. Petera koà niaraka taminjaré, nijoro také ary nagnafana ny taignany.¹⁹Nagnontany an'i Jesosy mômba iré mpianany sy ny fampianarany ny mpisorognabe. ²⁰Jesosy namaly ananjy hoe: "Nivôlagna ampahibemaso tamin'izao tontolo izao Zaho. Nampianatra mandrakariva tao amin'ny Synagoga sy tan-tempoly Zaho zay nifampitaognan'ny Jiosy jiaby. Tsisy nivolagniko tankizigna. ²¹Nagnino anô no magnotany Anahy? Agnontanià an'iré zay naregny Anahy mômba zay nivolagniko. Zahà, iré ôlogna ré de mafantatra zay nivolagniko.''²²Kôfa avy nivôlagna zagny Jesosy, de nisy raika tamin'iré mpiandry raraha nijoro také nanaifaka an'i Jesosy ary nivôlagna hoe: "Zagny ny fomba hamalianô ny mpisorognabe?" ²³Jesosy namaly ananjy hoe: "Ko nivôlagna raha diso Zaho, mijoro vavolombelogna amin'izagny diso zagny, fô kô marigna, nagnino anô no namely Anahy?" ²⁴Avy té Anasy nandaifa Ananjy mifatotra nankagny amin'i Kaiafa ilay mpisorognabe.²⁵Ary nitsangagna Petera kay nagnafana ny taignany. Avy te aozin'iré ôlogna ré taminanjy hoe: "Anô kô mô tsy raiky tamin'ny mpianany?" Nandà zagny izy ary nivôlagna: "Tsy izy zaho." ²⁶Raiky tamin'iré mpanompon'ny mpisorognabe, zay havan'lay lalahy zay nifirain'i Petera tadigny, nivôlagna hoe: "Tsy hitako niaraka taminanjy tao amin'ny saha mô anô?" ²⁷Avy té Petera nandà ndraiky, ary avy hatrany de nagneno ny akôho.²⁸Avy té nindosinjaré avy tao amin'i Kaiafa ho agny agnaty rova Jesosy. Mbôla mandraigna bé ny andro tamin'zagny, ary zaré de tsy niditra tao agnaty rova mbô tsy ho voaloto fô aifa hihinagna ny Paska. ²⁹Kay nivoàka te aminjaré Pilato kay nivôlagna hoe: "Ino ny fiampangagna indonsinaré manôhitra tô lalahy tô?" ³⁰Namaly zaré ary nivôlagna taminanjy hoe: "Kô tsy mpagnano ratsy i lalahy io, de tsy natolonay anô."³¹Noho zagny Pilato nivôlagna tamin-jaré hoe: "Hindôsonaré Izy, nary tsaray arakan'ny lalàgnanaré." Aozin'iré Jiosy hoe: "Tsy ara-dalàgna ho anay ny manôlotra ôlogna ho faty.'' ³²Nivôlagna zagny zaré mbô ahatantairaka ny tenin'i Jesosy zay nivôlagna hoe karazagna fafataisagna karaha inona hafataisany.³³Avy té niditra tagnaty rova ndraiky Pilato kay nagnantso an'i Jesosy ary nivôlagna hoe: "Anô no mpanjakan'ny Jiosy?" ³⁴Jesosy namaly hoe: "Magnotany avy amin'ny taignanô mô anô? Sa nisy hafa nivôlagna taminô mômba Anahy?" ³⁵Pilato namaly hoe: "Tsy Jiosy zaho, sa tsy zagny?" Ny vahoakanô sy iré lôhan'ny mpisorogna no nanôlotra anô taminahy. Ino no natonô?''³⁶Jesosy namaly hoe: "Ny fanjakako de tsy akéto amin'izao tontolo izao. Fô kô mbô tagnatin'izao tontolo izao ny fanjakako, de hiady iré mpanompoko mbô tsy hanolôragna Anahy amin'iré Jiosy. Fô avahizo ny fanjakako de tsy avy atô." ³⁷Avy te Pilato nivôlagna tamin'ny hoe: "Mpanjaka ariky mô Anô?" Jesosy namaly ananjy hoe: "Voalazanô fô mpanjaka Zaho. Fô amin'ny zagny tanjogna zagny no nahatantairahako, ary ho amin'izagny antony zagny no niaviako akéto amin'izao tontolo izao, mbô hijoroako vavolombelogna amin'ny fahamarinagna de mitandregny ny feoko."³⁸Pilato nivôlagna taminanjy hoe: "Ino no atao hoe marigna?" Kôfa avy nivôlagna zagny izy, de nivoàka ndraiky Ary nivôlagna tamin'ire Jiosy hoe: "Tsy mahita heloka amin'itô lalahy tô zaho. ³⁹Fô anaré managna fômba izay zay afahako ôlogna raika ho amianaré amin'ny Paska. Noho zagny tianaré ny hagnafahako aminaré ny mpanjakan'ny Jiosy?" ⁴⁰Avy té zaré niafatra mafy ndraiky ary nivôlagna hoe: "Tsy lalahy io, fô Barabasy." Ary Barabasy de mpangalatra.

¹Avake nidôsin'i Pilato Jesosy kay nivileziny. ²Nandrenitra satroka tsilo irè miaramila. Napaitrajare tandôhan'i Jesosy zegny ary nagnatôvagna lamba vôlomparasy Ananjy. ³Nagnontany Ananjy irè ary nivôlagna hoe: ''Arabaigna, ry mpanjakan'ny Jiosy!'' Ary namely Ananjy zare.⁴Avake nivoàka ndraiky Pilato kay nivôlagna taminjare hoe: "Indro, indôsiky aminare ivailany Izy mbô hafantaranare fô tsy mahita heloka Aminy Za.'' ⁵Kay nivoàka Jesosy, nagnano lay fehilôha tsilo sy lay lamba vôlomparasy. Ahozy Pilato taminjare hoe: "Indro, ty lalahy ty!" ⁶Kôfa hitan'ny lôhan'ny mpisorogna sy ny manamboninahitra Jesosy, de nihiàka mafy zare kay nivôlagna hoe: ''Fantsio izy, fantsio izy''! De ahozy Pilato taminjare hoe: "Alaivonare Izy ary fantsio, fô Za tsy mahita heloka Aminy.''⁷Namaly azy irè Jiosy hoe: "Managna lalàgna antsika, ary araka ny lalàgna tôkony ho foaty Izy satrià milaza taigna ho Zanak'Andriamanitra.'' ⁸Kôfa regnin'i Pilato zegny, de natahotra mafy izy, ⁹ary niditra takô amin'ny lapam-panjakagna ndraiky Izy kay nivôlagna tamin'i Jesosy hoe: "Avakaiza ny fiaviànô?'' Kanaifa tsy nagnamia teny ananjy Jesosy.¹⁰Avake Pilato nivôlagna taminy hoe: "Tsy managna ra ikoragnina aminahy ve Anô? Tsy hainô fô managna fahifagna hagnalanô za, sy fahifagna hamantsika Anô? ¹¹Namaly ananjy Jesosy hoe: ''Tsy managna fahifagna Aminahy anô ra tsy namiagna anô avy agny ambôny zegny. Noho zegny, izy zay nagnamia Za taminô de managna fahifagna bebe kokoà.''¹²Taminjegny valin-teny zegny, de nihaizaka ny hagnafaka Ananjy Pilato, fô niaka mafy irè Jiosy, nagnano hoe: ''Ra alanô io lalahy io, de tsy kamaradin'i Kaisara anô. Zay magnano ny taignany ho mpanjaka de manôhitra an'i Kaisara.'' ¹³Kôfa regnin'i Pilato irè teny irè, de nindôsiny nivoàka Jesosy ary nipaitraka tamin-tsezy fitsaragna zay antsôvigna hoe: "lampivato,'' fô amin'ny teny Hebreo hoe ''Gabata.''¹⁴Ary tônga ny andro fagnomanagna ny Paska, tamin'ny laira faenignia te. Ahozy Pilato tamin'ire Jiosy hoe: "Indro, itô mpanjakanare!'' ¹⁵Nihiàka mafy zare hoe: ''Avilay Izy, avilay Izy; fantsio Izy!'' Ahozy Pilato taminjare hoe: "Tôkony hamantsika ny mpanjakanare ve anare?'' Namaly irè lôhan'ny mpisorogna hoe: "Tsy managna mpanjaka akôtran'i Kaisara zaihay.'' ¹⁶Avake de namian'i Pilato azy irè hifantsiagna Jesosy.¹⁷Avake nalainjare Jesosy, ary nandaiha nivoàka izy, nilanja ny kakazofijaliagna, ho agny amin'ilay toeragna antsôvigna hoe: ''Toeran'ny karandôha,'' zay amin'ny Hebreo antsôvigna hoe ''Golgota.'' ¹⁸Nifantsian'ire tagny Jesosy, ary nisy lalahy ro hafa niaraka taminy, raika isaky ny ilany, ary Jesosy tagnivo.¹⁹Nanôratra famantaragna koà Pilato ary namaitraka zagny te amin'ny kakazofijaliagna. Zao no voasôratra te: JESOSY AVY AGNY NAZARETA, LAY MPANJAKAN'NY JIOSY. ²⁰Maro tamin'iré Jiosy no namaky zagny famantaragna zagny satrià tsy lavitra ny tanàgna no misy ny toairagna nonomboagna an'i Jesosy. Lay famantaragna de nisoratagna tamin'ny Hebreo, Latina, Grika.²¹Avy te aozin'iré lôhan'ny mpisorognan'ny Jiosy tamin'i Pilato hoe: "Aza soratagna hoe: 'Lay Mpanjakan'ny Jiosy,' fô aleo hoe: 'Tô raika tô de nivôlagna hoe: ''Zaho no mpanjakan'ny Jiosy.''" ²²Ary namaly Pilato hoe: "Zay voasôratra de voasôratra."²³Kôfa nombohan'iré miaramila Jesosy, de nalain-jaré ny lambany, kai nizarain-jaré efatra, de samy managna raika aby zaré; ary lay ankajo koà. Ary tsisy vitragna lay ankanjo, fô tegnona aiky foàgna. ²⁴Avy té nifampivôlagna zaré hoe: "Aleo tsy triarintsika tô, fô andô hilokagna ahitagna zay mahazo anazy." Nitranga zagny mbô ahatantairaka ny Sôratra masigna zay milaza hoe: "Nifampizaranjaré ny lambako ary nilokany ny fitafiko." Zagny no naton'iré miaramila.²⁵Ary nijoro tankilany kakazofijaliagnan'i Jesosy ny reniny, ny ravavin-dreniny, Maria vadin'i Klopa, Ary Maria Magdalena. ²⁶Kôfa nahita ny reniny sy iré mpianatra zay tiàny nijoro te ankilan'i Jesosy, de nivôlagna tamin'ny Izy hoe: "A Viavy, indro ny zanakanô lahy!" ²⁷Avy te Aoziny tamin'ny mpianatra hoe: "Indro, ny reninaré!" Ary tamin'izagny laira zagny de nalain'ny mpianatra ho agny aminanjy izy.²⁸Tafaran'izagny, kôfa nafantatra fô vita ny raha jiaby kai mbô ho tantairaka ny Sôratra Masigna, de aozin'i Jesosy hoe: "Mangetaheta Zaho." ²⁹Ary nisy tavoara feno divaigna masigna nipaitraka také amin'io toairagna io, kai natôvan-jaré divaigna masigna ny sipaonjy kai nitohizany taminy hysopa ary napaitapaitany tamin'ny tamin'ny vavany. ³⁰Kôfa nisotro lay vinaigitra Jesosy, de Aoziny hoe: "Vita." Nahondriny ny lôhany ary niala ny fagnahiny.³¹Satrià andron'ny fihomagnana tamin'izagny ,kay tsy hijanogna eo amin'ny kakazofijaliagna mandritry ny Sabata (satrià ny Sabata de andro manan-danja manôkagna) iré vata-mangatsiaka, de nangataka tamin'i Pilato iré Jiosy avy eo, ny mbô hanapahagna ny tongon-jaré ary hagnalagna aninjareo. ³²Avy nagnatogna iré miaramila kay nanapaka lay tongotr'lay lalahy vôlôhany sy lay lalahy faharoa zay voahombo niaraka tamin'i Jesosy. ³³Kôfa nagnatogna an'i Jesosy azaré, de nahita fô aifa maty Izy, kay tsy nitapahin-jaré ny tongony.³⁴Kanaifa, nisy miaramila raika nanindrogna ny lanivoany tamin'ny lefogna, ary avy atrany de nisy rà sy rano niraraka. ³⁵Lay raika zay nahita zagny de nijoro vavolombelogna, ary marigna ny fagnambarany. Fantany fô marigna zay nivolagniny mbô hinoànaré koà.³⁶Fô iré raha iré no nitranga mbô hahatantairaka ny Sôratra Masigna hoe: "Tsy hisy tapaka namba raiky ny amin'ny tôlany" ³⁷Ary mbôla, misy Sôratra Masigna hafa mivôlagna hoe: "Zaré de hizaha Ananjy zay nilefonin-jaré."³⁸Tafaran'ny raha iré, Josefa avy agny Arimatia, hatramin'ny naha mpianatr'i Jesosy ananjy (fô taminanjy mangingigna nohon'ny fatahoragna iré Jiosy), nagnontany an'i Pilato kô afaka malaka ny vatan'i Jesosy izy. Namiàn'i Pilato alalagna izy. Kai tonga Josefa ary nalaka ny vatany. ³⁹Tonga tagny koà Nikodemosy, izy zay tônga vôlohany hizaha an'i Jesosy ny align'igny.Ary nitôndra mainaka magnitra sy vahogna izy, te amin'ny zato litatra te ny fatrany.⁴⁰Kay niraisin-jaré ny vatan'i Jesosy ary nifognosin-jaré tamin'ny lambam-paty sy zava-magnitra, araka ny fômba fandivaignana Jiosy. ⁴¹Ary tamin'ny toairagna nanomboagna Ananjy tao de nisy tsabo; ary také amin'lay tsabo nisy fasagna vôvô zay mbôla tsy nandivaignan'ôlogna. ⁴²Satrià andron'ny fiomanagnan'iré Jiosy tamin'zagny ary satrià mariny ny fasagna, de nalevin-jaré takô Jesosy.

¹Ary mandraindraignan'ny andro vôlôhan'ny erignandro, kô mbôla maizigna igny, de nakagny amin'ny fasagna Maria Magdalena ary nahita lay vato aifa nikisaka lavitra lay fasagna izy. ²Noho zagny de nihazakazaka izy ary nagnatogna an'i Simona Petera sy lay mpianatra hafa zay tiàn'Jesosy, ary aozy taminjaré hoe:" Nalainjaré tamin'ny fasagna n'y Tompo, ary tsy fantanay zay namaitrahan-jaré Ananjy."³Avy te nandaiha nivoàka Petera sy lay mpianatra hafa, ary nankagny amin'ny fasagna zaré. ⁴Samy niazakazaka zaré, ary nisongonan'lay mpianatra hafa nalaky Petera ary de izy no tônga vôlohany tagny amin'ny fasagna. ⁵Avy te niondrika izy, ary natazagna lay lambam-paty nipaitraka té, fô tsy mbôla nitsôfoka tagnatiny izy.⁶Tônga tafarany avy te Simona Petera ary niditra tao am-pasagna. Tazany nipaitraka té lay lambam-paty ⁷sy lay lamba natô tamin'ny lôhany. Tsy niara-nipaitraka tamin'lay lambam-paty anaifa lay izy fô nivalogna ho azy te amin'ny toairany.⁸Avy te lay mpianatra raika hafa, lay tônga vôlohany te amin'ny fasagna, niditra tagnatiny koà, ary nahita sy nino izy. ⁹Fô hatramin'io fotoagna io zaré de tsy mbôla nahay ny Sôratra Masigna fô Izy de tsy maintsy hitsangagna amin'ny maty. ¹⁰Kay niherigna tagny an-tragno ndraiky iré mpianatra.¹¹Fô Maria de nijoro nitomagny tivailan'ny fasagna. Kô izy nitomagny igny, de niondrika tao amin'ny fasagna. ¹²Nahita anjely roa magnatô lamba fotsy nipaitraka izy, ny raika teo an-dôha, ary ny raika teo an-tongotra také amin'ilay toairagna namitrahagna ny vatan'i Jesosy. ¹³Aozin-jaré taminanjy hoe: "A Viavy, nagnino anô no mitomagny?" Aoziny taminjaré hoe: "Satrià nindôsinjaré ny Tompoko, ary tsy haiky ny namaitrahan-jaré Ananjy."¹⁴Kôfa avy nivôlagna zagny izy, de nitodika ary nahita an'i Jesosy nijoro te, fô tsy hainy hoe Jesosy io. ¹⁵Aoziny taminanjy hoe: "A Viavy, nagnino anô mitomagny? Fô zôvy mô Zahànô?" Niheveriny fô lay mpiambigna anaifa Izy, kay aoziny taminanjy hoe: "Tompoko, kô Anô no nalaka Ananjy, de volagno aminahy ny nametrahanô Ananjy, fô alaiky agny Izy."¹⁶Aozin'i Jesosy taminanjy hoe: "Maria." Nitodika izy, ary nivôlagna taminanjy tamin'ny teny Hebreo hoe: "Rabôny" (zay midika hoe: "Mpampianatra.") ¹⁷Aozin'i Jesosy taminanjy hoe: "Aza mikasika Anahy, fô mbôla tsy niakatra agny amin'ny Baba Zaho, fô mandihana agny amin'ire ralahiky ary nivôlagno azy irè fô hiakatra agny amin'ny Babako sy Babanare Za, ary na Andriamanitranahy sy Andriamanitrare.'' ¹⁸Nandaiha Maria Magdalena ary nivôlagna irè pianatra hoe: "Nahita ny Tompo za,'' ary irè raha irè no nivôlagniny taminy.¹⁹Ary hariva tamin'izay, tamin'io andro io, andro voalôhan'ny herinandro, ary irè tamiagna zay nisy irè pianatra, de nihidy nohon'ny fatahôragna irè Jiosy, nagnatogna Jesosy ary nitsangagna tantaignantaignan-jare kay nivôlagna azy hoe: "Fiadanagna ho anare.'' ²⁰Kôfa avy nivôlagna zegny Izy, de naseony azy irè ny tagnany sy ny tritriny. Faly irè pianatra kôfa nahita ny Tompo.²¹Avake Jesosy nivôlagna azy irè hoe: "Fiadanagna ho anare. Karaha ny nagnasan'ny Ray Anahy, no hagnirahako anare koà.'' ²²Kôfa avy nivôlagna zegny Jesosy, de nitsotra ny fôfon'aignany taminjare ary nivôlagna azy irè hoe: ''Alaivo ny Fagnahy Masigna. ²³Na helok'izôvy na helok'izôvy availanare, de ho voavaila zare; ary na an-jôvy na an-jôvy tsy availanare, de tsy voavaila zegny.''²⁴Tomasy, raika tamin'ire rombifôlo lahy, nantsôvigna hoe: Didymo, de tsy niaraka taminjaré kôfa tônga Jesosy. ²⁵Ré mpianatra hafa avy té nivôlagna taminanjy hoe: "Hitanay ny Tompo." Aoziny taminjaré hoe: "Kô tsy hitako amin'ny tagnany tômbakin'iré fantsika, ary mamaitraka ny rantsan-tagnako ao agnatin'ilay tômbaka an'iré fantsika zaho, ary mamaitraka ny tagnako amin'ny lanivoany, de tsy hino zaho."²⁶Valo andro tafara de takô ndraiky ré mpianany, ary niaraka taminjaré Tomasy. Nagnatogna Jesosy kô nagnidy tamiagna,ary nijoro niaraka té aminjaré, ary nivôlagna hoe: "Fiadanagna ho anaré." ²⁷Avy te nivôlagna an'i Tomasy izy hoe: "Magnatôgna atô miaraka amin'ny tagnanô ary apitraho akéto amin'ny lanivoako zagny. Aza kely finoagna, fô minoà."²⁸Tomasy namaly ary nivôlagna Ananjy hoe: "Tompoko sy Andriamanitro. ²⁹Ahozy Jesosy taminanjy hoe: "Satrià nahita Anahy Anô, de nino. Sambatra iré Zay tsy nahita, naifa mino.''³⁰Avahizo Jesosy de nagnano famantaragna maro hafa teo agnatraihan'iré mpianany, famantaragna zay tsy voasôratra tagnatin'itô boky tô, ³¹fô ré de voasôratra mbô hafahanaré mino fô Jesosy no Kristy, ilay zanak'Andriamanitra, ary kôfa mino Ananjy anaré, de hahazo ny fiainagna amin'ny agnarany.

¹Tafaran'iré raha ré Jesosy de niseho tamin'iré mpianatra ndraiky teo amin'ny ranomasin'i Tiberiasy. Karanjô ny fomba nisehoany: ²Simona Petera de niaraka tamin'i Tomasy zay antsôvigna hoe Didymo, Natanaela avy agny Kana agny Galilia, ire zanak'i Zebedio, ary mpianatr'i Jesosy roa hafa. ³Hoy Simona Petera taminjaré hoe: "Handaiha hagnarato zaho.'' Ary aon-jaré taminanjy hoe: ''Zahay koà andaiha hiaraka aminô.'' Kai lasagna zaré ary niditra tan- tsambokely raika, fô tsy nahazo na ino na ino zaré bôriky kiaka.⁴Ary, kôfa mangiran-dratsy sahady ny andro, de nijoro te an-dranomasigna Jesosy, fô tsy fantatr'iré mpianatra hoe Jesosy io. ⁵Kai aozy Jesosy taminjaré hoe: "Ry tôvolahy, Tsy manan-ko-hanigna mô anaré?'' Namaly Ananjy iré izy hoe: "Ahe'' ⁶Aoziny taminjaré hoe: ''Atsipazo eo amin'ny sisiny ankavanan'ny sambokely ny haratonareo.'' De hahazo anaré.'' Kai de natsipin-jaré ny haraton-jaré ary tsy nahavita nampiakatra zany tao nohon'ny habetsaky ny lôka.⁷Avy te hoy lay mpianatra zay tian'i Jesosy tamin'i Petera hoe: ''Ny Tompo io.'' Kôfa regnin'i Simona Petera fô ny Tompo io, de nampiditra ny ambônin'ankajony izy (satrià tsy niakanjo izy), kai nitsambikigna tagnaty ranomasigna. ⁸Iré mpianatra hafa nankao an-tsambokely (satrià zaré tsy lavitra ny tanety, také amin'ny roanjato hakiho teo), ary nisintogna ny harato feno lôko. ⁹Kôfa tafiakatra an-tanety zaré, de nahita afon'arigna tamin'ny lôko te ambôniny, miaraka amin'ny môfo.¹⁰Hoy Jesosy taminjaré hoe: "Mitondrà lôko maromaro aminiré vao azonaré te." ¹¹Ary niakatra Simona Peteraka kai nisintogna an-tanety ny harato, zay feno lôka maventy; 153.Tegna maro bé, kanaifa tsy nitriatra Ilay harato.¹²Aozy Jesosy taminan-jaré hoe: "Avià hihinagna mandraigna:" Tsisy tamin'ire mpianatra nasahy nagnontany Ananjy hoe: ''Izôvy mô Anô?'' Fantan-jaré fô ny Tompo io. ¹³Nagnatogna Jesosy, nandray ny môfo, ary nagnomia zaigny anjaré, karanjagny koà ny lôka. ¹⁴Fagnintelony amin'io no nisehoan'i Jesosy tamin'ire mpianatra tafaran'ny nitsanganany tamin'ny maty.¹⁵Kôfa avy nihinagna lay hanigna nandraigny zaré, de aozy Jesosy tamin'i Simona Petera hoe: "Simona zanak'i Jaona, tià Anahy mihoàtra noho iré mô anô?" Hoy Simona Petera taminanjy hoe: "IaTompo, fantanô fô tià Anô zaho.'' Aozy Jesosy taminanjy fahano iré ondriko." ¹⁶Nivôlagna am-pagnindroa ndraiky Izy hoe:'' Simona zanak'i Jaona, tià Anahy mô anô?'' Aozy i Petera taminanjy hoe: "Ia Tompo, fantanô fô tià Anô zaho.'' Aozin'i Jesosy taminanjy hoe: "Karakaray ny ondrianahy.''¹⁷Nivôlagna taminanjy am-pagnitelo izy hoe: "Simona, zanak'i Jaona, tià Anahy mô anô?'' De nalahelo Petera satrià Jesosy nagnano intelo taminanjy hoe: "Tompo, Anô mahafatantra ny raha jiaby,fantanô fô tiàko Anô'' Aozy Jesosy taminanjy hoe: "Fahano ny ondriànahy.'' ¹⁸Volagniko aminô marigna, de marigna tikoàtra, tamin'ny anô mbôla tanora, de zatra nampiditra raika ny ankanjonô ary nandaiha tamin'zay tianô, fô kôfa nahai-antitra anô, de haninjitra ny tagnanô, ary ôlon-kafa no hampiakanjo anô sy hitôndra anô amin'zay lalagna tiànô andihanagna.''¹⁹Ary Jesosy nivôlagna zaigny mbô hahafantaragna hoe amin'ny karazagna fafataisagna karaha ino no agnomianazan'i Petera voninahitra an'Andriamanitra. Kôfa avy nivôlagna an-jagny Izy, de Aozy tamin'i Petera hoe: "Magnaraha Anahy."²⁰Nitodika Petera kai nahita lay mpianatra zay tiàn'i Jesosy nagnaraka Ananjy zaré, lay raika zay niankigna ampitan'i Jesosy ndraika koà tamin'ny fihinanagna ary nagnano hoe: "Tompo, izôvy lay hamadika Anô?" ²¹Nahita ananjy Petera ary aoziny avy te tamin'i Jesosy hoe: "Tompo, ino no natôn'i lalahy io?''²²Aoziny Jesosy taminanjy hoe: "Kô tiàko hitoetra izy mandra-piaviàko, de midika ino zagny aminô? Magnaraha Anahy.'' ²³Kai niparaitaka teo amin-jaré mpiralahy zagny teny zagny, fô tsy ho foaty io mpianatra io. Naifa Jesosy tsy nivôlagna tamin'i Petera fô tsy ho foaty lay mpianatra hafa, fô hoe: "Kô tiàko hitoetra izy mandra-piaviàko, de midika ino zagny aminô?''²⁴Izy lay mpianatra zay nijoro vavolombelogna mômba iré raha iré, sy lay nanôratra iré, ary fantatsika fô marigna ny fagnambarany. ²⁵Misy raha maro hafa koà zay natôn'i Jesosy. Kôfa voasôratra tsiraikiraiky aby zagny, de hiveriko fô na de zao tontolo zao aza tsy ho hômby ny boky zay ho soratagna.