¹²³Uu wau mwandio wa mpola zaki Yesu Kilisito, Muana waki Mukungile. kinali yandikue nu muloti u Isaya. Laa, nukumutuma umujumbe wane ntongela yako, umui nukijipilia inzila yako. Lulii lua muntu nuyita mushaka," mikaminkilii inzila yaki Shekulu, zigololii nzilaa zakue."⁴U Yohana aliwizile, alubatisia mushaka nu kutanantia ubatizo wa toba ku usamili wa milandu. ⁵Nsii tulu nya Yudea nii antu tulu aku Yelusalemu naenda kumuakue. Aliibatisigua nunduyo ku mongo wa Yoldani,naiyunga milandu yao. ⁶Yohana alukulaa ukujala ijalo ya nzoa za ngamia nu mukanda wa ndilii mukiino kiakue, na alikulia mpandi nu ukii mushaka.⁷Alitanantia nu kutambula, Ukolii umui ujile pembele yangu utite ngulu kukila inee, na numugila ka heshima synga kutuna pansi nu kutungula imigila ya ilatu yakue. ⁸Inee alinukumubatisia ku mazii, lakini umwene ukakumubatisia inyee ku muau muelu.⁹Naipunila ku ntondo zaso kina u Yesu nuiza kupuna ku Nazareti nya ku Galilaya, na alimubatisigue nu Yohana mu mongo wa Yoldani. ¹⁰Tungo u Yesu kinanuuka kupuna mumazii, nuona igulu nalituanuka kualie nu nkolo nutima pansi kyanya yakue kuna nkunda. ¹¹Nu lulii nalupuna kugulu, " uwee ingii umuana wane muilogua. nilogeligua zigi nunduwe"¹²Kangi nkua imui nkolo nyumukankanika kuyuka kushaka. ¹³Nutula wili kushaka ntondo makumi manii, nugemua nu munaubii. aliwipalumui ni nimuu za mushaka, ni amalaika aliakumualia.¹⁴Iyoo pembele yaki Yohana kuguilua , Yesu nuiza ku Galilaya nutanantia impola zaki Mukungile. ¹⁵nutambula, " matungo matimiila, nu utemi wa kugulu wapiipika. ungamii nu kushuila ku mpola".¹⁶Na nukila kumpelo ya bahali nya Galilaya, numuona u Simoni nu Andelea muntua waki Simoni iguma inyavu zao mu bahali, kunsooko aliazuiii, ¹⁷Yesu nuailaa, Nzuii, ntiatii, na nikakumutenda muazii aa antu" ¹⁸Na nkua imui naaleka inyavu namutiata.¹⁹Tngo u Yesu kinanugenda ukulii inino, numuona u Yakobo muana waki Zebedayo nu Yohana mununa wakue: aliili mu mumutumbwi ijipia inyavu. ²⁰Nkua nuaita niaso namuleka u tata wao u Zebedayo mukati ya mutumbwi ni itumii naliakodisigue, namutiata.²¹Kina napikaa ku Kapelnaumu, lutondo lua sabato, Yesu nuigila mukintengeli nu kumuania. ²²Naakulilua imanio liakue, kunsooko alukiamania kina muntu nutiite usuumi nasika kina muandikii.²³Tungo lilo lilo alukolii muntu mukintengeli kyao nalutiite nkolo nshapu, nukua kilanga, ²⁴nutambula kutite kyani kyakutenda nunduwe, Yesu wa ku Nazaleti? wizile kukulimansiliane? Nukuizii uwe wii wani.uwee ingi umuelu ung"ene waki Mukungile !"" ²⁵Yesu numukenela u pepo nu kutambula, " Tulia na upune mukati yakue! ²⁶Nu nkolo mushapu numugusha pansii na numupuna kumuakue tungo nulilaa kululi lua mukyanya.²⁷Ni antu tulu nakulilia, iyo naikikolia kila umui, " iyii itii nzani? Manio piia nalitite usuumi? Sunga kulagilia apepo naashapu nindio akumutegelaa" ²⁸Ni mpola kuhusu umwene nkua imui nazisapatila kila nandii mukati ya mukoa tulu wa galilaya.²⁹Na nkua imui pembele nya kupuna kunzii ya kintengelii, naingila munumba muaki Simoni nu andelea naiensii nu Yakobo nu Yohana. ³⁰Iyoo umukuii waki Simoni alugonile muluile homa, na nkua imui namuila u Yesu impola zakue. ³¹Iyo nuiza, numuamba kumukono, nu kukumuukia kukianya: ululile naulega kumuakue, nuandia kukiaalia.³²Impindii nyaso impasu nyakondishalila, namuletela tulu nalialuile, hau naankile imapepo. ³³Kisali tulu nailingila palumui pa mulango. ³⁴Nuakamia ingii nalialulie amaluile sia sia nu kupunia mapepo mingii, bali sikanugombia pepo kulikitia kunsooko aliamuizii.³⁵Nulalila dau, tungo kinalikili kiiti: nulega nu kuyenda luandi pana ituulu na nulompa kuaso. ³⁶U Simoni ni tulu naliiensi palumui nunduyo namutiata. ³⁷Namukuga nu kukumuila, "Kila umui ukukudumaa"³⁸Nuailaa, kuinii luandi luingii, kunzii kuishalii naipilimikililie, nsuume kutanantia nukuaso gaa. iyoo nsooko nalinizile ipaa." ³⁹Aliwendile nukila ku Galilaya tulu, nutanantia mu muintengelii yao nu kukenelaa imapepo.⁴⁰Munaukoma ukoma umui nuiza kumuakue. nukumupepia, Nutungamia imaluu nu kukumuila, " Kina usiilie, wasumii ntenda ntule numuelu" ⁴¹Nugumuligua ni kinishungu, Yesu nugolola mukono wakue nu kukumutona, nukumuila, nsiilie. uule umuelu" ⁴²Nkua imui ukoma naumupuna, na nutendue kutula muelu.⁴³Yesu numukania itakii numuila walege nkua imui, ⁴⁴Numuila," laa uleke kutambula lukani ku wensi, lakini lenda, wilagiile kuaki kuhani, na upunie ishongelio kunsooko ya weligua u Musa nalulagilie, kina ushuda kumiao"⁴⁵Lakini nuenda nu kuyandia kukukuila kila muntu nu kushapatilia kukilikila sunga u Yesu sikanusuma kanki kuingila mukisali ku uhulu. iyoo nukalansa pa luandi lua utuulu ni antu naiza kumuakue kupuna kila luandii.

¹Kina nushoka ku Kapelnaumu pembele ya ntondo nkyii, naigulika kina aliwilii kukaa. ²Antu ingii zigi aliilingilile paso na alikutilii lioma kankii, sunga ilo lia paso pa mulango, nu Yesu nutambula lukani kumuiao.³Kangi akei aa antu naizaa kumuakue muntu nalukiligandii: antu anii aliamukenkile. ⁴Tungo kinanalemua kukumuegela kunsooko ya mulundo wa antu, nalegia imaloo kyanya ya luandii paso kinaliwilii. Ni kina aliakondii dusula ikombo, natimia ikitanda kya muntu naliukiligandi aliugonile.⁵Kina nuuukia usuili wao, Yesu numuila muntu nalukiligandi, "muana wane, milandu yako yasamilagua" ⁶Lakini akei aandiki ioo nali ikalansile paso naikolia miyoo yao, ⁷Usumilie mbii muntu uyu kutambula itii.? ukufulu! Wani nukulusumile kushamila milandu si u Mukungile mwene ung"ene?⁸Nkua u Yesu alulingile munkolo yakue naliakukisiiga katia yao nee. Nuaila, kua nikii mushiiga itii munkolo zani? ⁹Nalyii nipepele kukila kutambula ku muntu nukiligandii, milandu yako yasamilagua " hau kutambula Imikaa, sola ikitanda kiako, ugendee?¹⁰Lakini ili aligie kulinga kina umuana waki Adamu utite usuumi wa kusamila milandu mu unkumbigulu, alumuilile uyo nalukiligandi, ¹¹Nukukuila uwee, ukaa, sola umukeka wako, ulongole kukaa yako" ¹²Nuimika na nkua imui nusola umukeka wakue, nupuna kunzii ya numba ntongela ya kila muntu, iyo tulu nakulilua namupelaa u Mukungile ukuligua, natambula " aaa, kilikalaonaga ikintu kina ikii"¹³Nuenda kanki kumpelo ya ziwa, nu mulundo tulu wa antu naaza kumuakue, nanuamania. ¹⁴Kinalukila numuona u Lawi muana waki Alfayo ukalansile pa luandi luakuilingilia ikodi na numuila, "ntiatee" nuimika numutiata.¹⁵Ni tungo u Yesu kinalulia india ku numba yaki Lawi, ailinga kodi ingii ni antu natiite imilandu aliiliania nu Yesu ni amanigua akue, kunsooko aliingii nindio namutiata. ¹⁶Tungo andikii, nali a Mafalisayo, kinanaona kina u Yesu aliuila ni antu natiite milandu ni ailinga kodi, naaila amanigua akue, " kua nikii uliaa ni ailinga kodi ni antu natiite milandu?¹⁷Tungo u Yesu kinanuigia itii nuailaa," antu na miili mipanga sikaasiilie ka muganga: ingi antu naaluile ing"ene ee amusiilie. sikalinizile kukiaita antu natite ihaki, lakini antu natiite milandu"¹⁸Amanigua aki Yohana ni Mafalisayo aliiadindile. Na akei aa antu naaza kumuakue nu kukumuila, Kua nikii amanigua akii Yohana ni Mafalisayo akudindaa, lakini amanigua akoo sikaidindaa? ¹⁹Yesu nuailaa," mbii naliipikile pa wingaa asumile kudinda tungo u Shekulu wa winga ikili wili palumui nindio? kuyensii Shekulu wa winga ngakili ukoli palumui nindio sikushuma kudinda"²⁰Lakini ntondo zikiiza tungo shekulu nua winga kinukilegigua kumiao, nu ku ntondo zaso iene ikidinda. ²¹Kutili muntu nukutuma ikipande nakipia kya ntiila ku kijalo kyakalii, nasikaiyo kilaka kikilekela kupuna paso, kipia kulega kupuna ku kyakalii, na ikaukolii utandukii ubii.²²Kutilii muntu nukuikila nampia mu nsupa zakalii, lasikaiyo idivai ikakiitandula inshupa na tulu ibilii ikiopua ni nshupa ikilimilaa. Badala yalue, ikila ikikopua kipia kunsupa naipia"²³Ku lutondo lua Sabato Yesu nukila ku migunda mikyii, ni amanigua akue naishola masuke makei ma ngano. ²⁴Ni Mafalisayo namuilaa, Laa, kua nikii itenda kintu na sikakyene ku shalia ya kulutondo lua sabato?"²⁵Nuailaa, Sikalimusomileikio nalutendile u Daudi kinaliutite inzala_ mwene palumui ni antu naliiensii palumui nunduyo? ²⁶namuna kinaliwendile ku numba yaki Mukungile tungo u Abiathali kinali kuhani mukulu na nulia mukate naliuikue ntongela_nali sia ni shalia ku muntu wensi kuliaa ila ukuhani. na nuapela sunga akei aa ioo naliiensi palumui nunduyo"?²⁷Yesu nutambula, sabato nalintendue kunsooko yaki muana muntu, sika muana muntu kunsooko ya sabato. ²⁸Kululo, muana waki Adamu ingi Shekulu, sunga ku sabato.

¹Ni kanki nuingila mukatii ya kintengeli nu muaso alukolii muntu alutiite mukono naukiligandi. ²Akei aa antu aliakumutiatila ku upiipi kuyona kina ukakumukamia lutondo lua sabato galee amutakie.³Yesu numuila muntu nua mukono naukiligandi," uukaa wimikee katikatii ya mulundo uu" ⁴Kangi nuaila antu, Mbii ingi halali kutenda ntendo nziza lutondo lua Sabato hau kutenda nasika haki, kuguna ukalii, hau kuyulaga? Lakini nasaga duu.⁵Nualaa ku kuoo, nutula kinishungu kunsooko ya ukaku wa mioo yao, na numuila u muntu uyo, Golola mukono wako" nuugolola nu Yesu numukamia mukono wakue. ⁶Mafalisayo naenda kunzii nankua natendaa njama palumui na Mahelode zidi yakue galee amuulage.⁷Kangi Yesu, palumui ni amanigua akue, naenda ku bahali, nu mulundo ukulu wa antu naumutitata kupunila ku Galilaya nu ku Uyahudi ⁸nu kupuna ku Yelusalemu nu kupuna ku Idumaya ni ntongela ya Yoldani nu upiipi waki Tilo nu Sidoni, umulundo ukulu, kina nawigia kila kintu nukukitenda, naaza kumuakue.⁹Na nuailaa amanigua aku kujipilia umutumbwi naunino kunsooko yakue nu mulundo, ili kina alekiza kumupienenkelia. ¹⁰Kunsooko aliwakamilie ingii, kila muntu nalutite uwagii alutite nsula ya kumupikila ili watonue.¹¹Pensi nkolo namushapu kinanamuona, nagua pansi ntongela yakue nu kulila, natambula,"uwee ingi muana aki Mukungile" ¹²Nualagilia ku kuusisikilia aleke kumutendaa wakumukee.¹³Nuenda kukyanya ya mulima, nuaita naliwasiilie, naenda kumuakue. ¹⁴Nuasagula kyumi na abili ( naliwaitile atumua) atule palumui nunduyo na wasume kukuatuma kutanantia, ¹⁵nu kutula ni mamlaka ma kupunia mapepo. ¹⁶Na nuasagula kyumi na abili: Simoni, nalumupiile lina lya Petelo,¹⁷Yakobo muana waki Zebedayo, nu Yohana mununa waki Yakobo, nalimupegue lina lya Bonagesi, aso ingi, anaa aki ngulumo, ¹⁸nu Andelea, Pilipo, Baltimayo, Matayo, tomasi, Yakobo muana waki Alfayo, Tadayo, Simoni Mkananayo, ¹⁹nu Yuda Iskaliote, namusalitii.²⁰Kangi nuenda kukaa, nu mulundo wa antu nawiza palumui kanki, sunga alekishuma kulia sunga u mukate. ²¹Familia yakue kina naigia impola nyasio, naenda kumuguila , kuani natambula "muputue ni masala" ²²Iandikii naliizile kupuna ku yelusalemu aliatambuile" mupagawe nu Belzebuli "nu " ku mutemi wa mapepo upunia mapepo.²³Yesu nuaita kumuakue nu kutambula nindio ku mpiani " namuna kii u shetani usumile kukumupunia u shetani? ²⁴Kina utemi utuanuke wene, utemi waso sikausumile kuyimika. ²⁵Kina numba angituanuke nzene, numba nyaso sikishuma kuyimika.²⁶Kina u Shetani ukiyuka sia yakue mwene nu kutuanuka, sukushuma kuyimika, na ututula wapika impelo yakue. ²⁷Lakini kutilii sunga numui nusumile kuingila mukati ya numba ya muntu nutite ingulu nu kuiia intu yakue bila kukumutunga umuna ngulu kuandia, na papo wailinge nakikoli munumba.²⁸Kulukulu nukumuilaa, milandu tulu nya anaa aa antu ikishamilua, palumui ni kufulu nakizilikitia, ²⁹lakini wensi nukakumukufulu u muau muelu sikukishamilua kamwe, bali utite utiulia wa mulandu wa kali na kali," ³⁰Yesu alutambuile ilii kunsooko aliitambula, "utite nkolo nshapu."³¹Kangi u mau wakue ni antua akue aliizile nu kuyimika kunzii. Namutuma muntu, kukumuita. ³²Nu mulundo wa antu nali ukalansile piipi nunduyo namuilaa, "u mau wako nu mununa wako akolii, na akukudumaa uwee"³³³⁵Nuashokelia, " Itii wani mau wane ni anuna anee". ³⁴Nualaa naliikalansile amupilimikilie, nu kutambula, Laa, iaa ingi amau anee ni antua anee ! wensi nukituma ulowa waki Mukungile, muntu nuaso ingi muntua wane, nu dada wane, nu mau wane"

¹Kanki nuandia kumania mumpelompelo ya bahali. nu mulundo ukulu nawiilingila naumupilimikila, nuingilamukati yamutumbwi mu bahali, nukukikala. umulundo tulu aliwili kumpelo ya bahali pankonenkone. ²Na nuamania mantu mingi ku mpiani, nutambula kumuao ku mamanio makue.³Tegelii, mupandili nuenda kupandila. ⁴Kinalupandila, mbeu nkyii nazigua munzila, inoni naziza nazilia. ⁵Mbeu nzia nazigua mumague, kuaso alitilii kaulongo wingii. papo nazinyala, kunsooko, alingila ka ulongo nawendile.⁶Lakini ijua kinanalitua, nazinyala, nu kunsooko alingila kamiyilii,nazuuma. ⁷Mbeu nzia nazgua pakati mumiigia . Imigia nmakula nu kukuzilemelia, na sikanazilela nkali zensi.⁸Mbeu nzia nazigua mu ulongo nauzaa nazilela nkalii tungo nazikula nu kuyongeleka, inzia nazilela nkua makumi matatu kukilikila, ni nzia makumi mutandatu, ni nzia gana" ⁹Nutambula, " wensi nutite akutui akutegela, nwigie!"¹⁰Yesu kina ung"ene mwene, ioo naliili piipi numwene ni ndio kyumi na abili namukolia gua impiani. ¹¹Nutambula kumuao, " kumiani muapegua unkunku wa utemi wa kugulu. Lakini kua naili kunzi kila kintu ingi mpiani, ¹²kina alaee, ioo akulaa, lakini sikaiona, nu kululo kinaitegela ioo akuigaia, lakini sikailingaa, anga sikaiyo aliijipiluka nu Mkungile alujilekusamila.¹³Nutambula kumiao, Mbii sikamulingile impiani iyii? mushuma mbii kulingaa impiani nazingi? ¹⁴Mupandili alupandile lukani. ¹⁵Akyei ingi ioo naliaguile kumpelo ya nzila, luandi lukani kinalilupandilue. Na kinanaigia, nkua u shetani nuiza nu kukulusola u lukani nalilupandilagua mukati yao.¹⁶Ni akyei ingi ioo naliapandilue kyanya ya mumague, aso kinanaigia lukani, ku ukau nasingila ku ulumbi. ¹⁷Na agila ka miyili yensi mukati yao, lakini ikiumatilia kutungo kupii. iyoo uluago nu usunsulia kinayazaa kunsooko ya lukani, papo ukikumpagia.¹⁸Ni iia ingi ioo mi migia. itegela u lukani, ¹⁹lakini usunsulia wa munkumbigulu, nukongua wa nsao, ni nsula za mantu mingii, ukuaingila nu kululemelila u lukani, na lulemua kulela inkalii. ²⁰Nkangi akoli ioo napandilue mu ulongo nauzaa. akuluigia u lukani nu kukulusingila akulelaa nkalii: inzia makumi matatu, inzia makumi mutandatu, ni nzia gana."²¹Yesu nuailaa," Mbii kulukuleta ntala mukati mu numba nu kukumiika pansi ya kikap, hau pansi ulilii? Ukumileeta mukati nu kukumiika kyanya ya muhapa. ²²Kunsooko kutili kyensi nakyipisile nasika kikikuazuka, na kutilii unkunku naukiyikua kualie. ²³Na ukolii nutite akuti akutegela, nwigie!"²⁴Nuailaa, tulii nikilao ku kiaso namukikigia, kululo ikipimo namupimila, kikio namukipimilua, na ikiyongeligua kumiani. ²⁵Kunsooko umwene nukitite, ukishingila kukilikila, nu nduyo namugila, kupuna kumuakue ikisholua sunga ioo nuitite.²⁶Na nutmbula, Utemi wa kugulu umpianigue nu muntu nalupandile imbeu mu ulongo. ²⁷Kina nugonaa utiku nu kulaila idau, ni mbeu nazilia nu kukulaa, kuna sikulingile kinaipunile. ²⁸Unkumbigulu ukupunagia mbeu uwene: kuandia masanzii, kangi maua, kangi mbeu nazakamaa. ²⁹Ni tungo mbeu kinaitula yailaa nkua yukutuala mbulunku, kunsooko maimbula mapikaa.³⁰Na nutambula, kuumpianie utemi wa kugulu ni kintu ki, hau kutmile mpiani kii kukuulikitilia? ³¹Ingi kina mbeu nya haladali, iyo kinalimpandilue ingi nino zigi kukila mbeu tulu munkumbigulu. ³²Sunga tungo nampandilue, ikula nukutula nkulu kukila mimea tulu mukitanga, na itenda matambi makulu, sunga inoni za kugulu zukusuma kujipia itii yao ku milule yakue.³³Ku mpiani ningi alumanilie nu nutambula lukani kumuao, kuio naliasumile kulinga, ³⁴na sikalutambulie nindio bila mpiani. Lakini tungo kinali ung'ene, nuaila kila kintu amanigua akue.³⁵Ku lutondo luaso, tungo lia mpindii kina naupika kumiao, kwinii luandi lua kabili" ³⁶Iyo naauleka umulundo, namusola u Yesu, tungo liaso aliwakonda kutula mukati mumtumbwi. imitumbwi imia aliyi palumui nunduyo. ³⁷Ni nzega ntakii nya kungua ni matuta alimiingila mukati ya mutumbwi ni mtumbwi aliwakonda kukijula.³⁸Lakini u Yesu mwene aliwili mu shetli, ugonile mumuto. Namulailia, naitambula " mwalimu, sikukukelile ishie kukia? " ³⁹Nulaila, numitakila inzega nu kukumiila ibahali," itule ntuulu, amani," Inzega nipelaa, na aliukoli utuulu.⁴⁰Na ntambula kumiao, kua nikii munopoka? Mbii muagila ka usuili kilii?" ⁴¹Aliijulue nu kitete kikulu mukati yao naikilikitilia ene ku ene, Uyu itii wani kanki, kunsooko sunga inzega ni bahali yukumutegela?

¹Aliizile mpaka uluandi lua lua bahali, ku mukoa wa Gelasi ²Na gafula tungo u Yesu kinalupuna kunzii ya mutumbwi, muntu nutite nkolo nshapu nuiza kumuakue kupuna muibiila.³Muntu uyu alukikala muibiila. K utilii nalusuumile kukumugilia kukila, kutilii sunga ku migilaa. ⁴Alimutungue matungo mingii ku masuka ni migila. nudumula migila ni masuka makue namaunika. Kutilii sunga umui nalutite ingulu za kumudula.⁵Utiku ni munsii nuili ku ibliaa nu mumilima, nulilaa nu kukitema mwene mukola ku mague namugii. ⁶Kinanumuona u Yesu ku kulii, numankiila kumuakue nukutuna ntongela yakue.⁷Nulila kululi lukulu, usiilie nukutendele yani, Yesu , muana waki Mukungilenuili kukyanya zigi? Nukukupepia kuaki Mukungile mwene, ulekinjagia. ⁸Kunsooko aliumuilile , Mupune muntu uyu, uwee nkolo mshapu"⁹Nunduyo numukolia, " ilina liako wani"? Nunduyo nushokelia, "Lina liane ingi Legion, kunsooko kukoli kuingii" ¹⁰Numupepia kanki na kanki walekekuatuala kunzii ya mukoa.¹¹Iyo idale kulu lia nguluma alililisigua kyanya ya kilima, ¹²nindio namupepia, naitambula, Kutume ku nguluma: kuingile mukati yao" ¹³Iyo nuagombia: nkolo nashapu naapuna nu kuingila mukati ya nguluma, nindio namankiila pansii ya kilima paka mu bahali, na piipi ngulua ihumbii ibilii nagula mu bahali.¹⁴Ni aso nailishia inguluma namanka nu kupunia impola ya nakipunile mu muji nu ku nsii. Papo antu ingii napuna kuyuka kulaa nakipunile. ¹⁵Iyo naaaza kuaki Yesu na nauona muntu namusaligue ni pepo_ nalutite ni jeshi_ ukalansile pansi, mujaligue, na kina wili mumasala makue mapanga, nindio naopoka.¹⁶Ioo naliatula aona nalikipunile ku muntu nali musaligue ni pepo naaila nalikipunile kumuakue ni nguluma gaa. ¹⁷Nindio naandia kukumupepia walege mu mukoa wao.¹⁸Nikina aluingila mukati ya mutumbwi , muntu nalimusaligue ni mapepo numupepia wauke palumui numuene. ¹⁹Lakini sikanugombia, lakini numuilaa, " longola ku numba yako nuku antu ako, na wailee alukutendile Shekulu, nu usamilua nukupiile. ²⁰Iyo nuenda nuakuyandia kutanantia mantu makulu u Yesu numatendile kumuakue ku Dekapoli, Na kila muntu alimukulilue.²¹Ni tungo u Yesu kinanuputa kanki luandi lua, mukati ya mutumbwi, umulundo ukulu nawiilingila kukumupilimikilia, kinali wili mpelo ya bahali. ²²Nu mui wa atongeli a kintengeli, alukuitagua Yailo, nuizaa, kina numuona, nugua mumigulu yakue. ²³Numupepia kukilikila nu kukilikila, nutambula "munanso wane munino wapiipika kukia. Nukukupepia, nzuu uike mikono yako kyanya yakue wasuume kuigia upanga nu kukikalaa" ²⁴Iyo nuenda palumui nunduyo, nu mulundo ukulu naumutiata nindio namunyengelia piipi namupilimikilie.²⁵Alukoli nu musungu miagili yakue aliyukupuna ku miaka kyumi ni bilii. ²⁶Aliwagile zigizigi pansi ya ganga ingii na alutumile kila kintu nalutiite. Sunga iyo sikanualilika ku kyensi, lakini badala yakue nuzidi kutula nihali mbii. ²⁷Nuigia mpola zaki Yesu. Iyo nuiza kunuma yakue tungo kinali ugenda mukati ya mulundo, nunduyo nutona ikijalo kiakue.²⁸Kunsooko alitambuile, "kina angantone ijalo yakue du, nikitula numupanga." ²⁹Kina numutona, kupuna imigali naipela, na nuitegela ku mwili wakue kina wakamagigua kupuna muwagii wakue.³⁰Ni gafula u Yesu nugundula mukati yakue mwene kina ngulu zumupunile. Na nupiluka kunu nu kunu ku mulundo wa antu nu kukolia, " Itii wani nutonile ikijalo kyane? ³¹Amanigua akue namuila, ulalie umulundo uu ukunyengelilile ukupilimikilie, nunduwe utambula, itii wani nuntonile? ³²Lakini u Yesu nulaa kunu nu kunu kuyona nutendile ilii.³³Musungu, numanile nakipunile kumuakue, nopoka nu kukikima. Nuiza nu kugua pansii ntongela yakue nu kukumuila ikulukulu tulu. ³⁴Nutambula kumuakue, munanso, usuili wako wakutenda utle umupangaa. Lenda ku amani na ukamigue kupuna ku uluile wako."³⁵Kinali ulikitia, antu akei naaza kupuna ku atongeli a kukintengelii, naitambula, "munanso wako wakia. Nikii kuendelele kukumunoma u mwalimu?"³⁶Lakini u Yesu kinanuigia naliakitambuile, namuila umutongeli wa kintengeli, "lekiyopoka. Suilaa du." ³⁷Sikanumugombia wensi kukitiata nunduyo, ali u Petelo, Yakobo, nu Yohana, mununa waki Yakobo. ³⁸Naizaa munumba yaki mutongeli wa kintengeli nunduyo aluonie munomo, kulila kuwingi nu kuyomboleza.³⁹Kina nuingila munumba, nuailaa,"nsooko kii mushikitika na nsooko kii mulila ? Mulisha sikukiile ugonile." ⁴⁰Namuseka, lakini umwene, nuapunia tulu kunzii, numusola u tata wa mulisha nu nina nindio nalii palumui nunduyo, nuingila mukati kinawili u mulisha.⁴¹Nuusola u mukono wa mulisha na numuilaa, "Talita koum," kua kutambula, " munanso munino, nukukuila, lailaa." ⁴²Gafula mulisha nulaila nu kugendaa(kunsooko alutite lika lya miaka kyumi nibilii). Ni gafula naambua nuukulilua ukulu. ⁴³Nualagilia ku ngulu kina kutilii wensi nayumujipiile kumana kuilii. Na nuailaa amupelee u munanso nuaso india.

¹Na nulega paso nuenda ku mujini wao, ni amanigua akue namutiataa. ²Sabato kinanipika, nuandia kumania mu kintengeli. Antu ingii namutegela nu kukungualigua. Natambula " uligilie pii imamanio igaa? "Itii hekima kii iyii namupegue.?" utendai ishembo ii ku mikono yakue?" ³Mbii uyu sika oyo selemala, muana waki Maliamu nu muntua wao iaa Yakobo,Yose, Yuda nu Simioni? Mbii iaa dada akue siakikalaa papa palumui nindishie"? na sikalialumbiligue nu Yesu.⁴Yesu nuailaa,"Nabii sikuulagia ka heshima, ila sikakukisalii kyakue katia mua antu akue nu munumba yakue." ⁵Sikanusuuma kutenda ishembo paso, iladu nuaikila mikono aluile akei nuakamia. ⁶Nukuliligua zigi kunsooko ya kulekishuila kumuao. kangi nuigendela ishalii ya piipi numania.⁷Nuaita amanigua ioo kyumi na abilii nuandia kukiatuma abili abili. Nuapela usuumi lyanya ya pepo nashapu, ⁸nu kukualagilia alekishola kyensi kinaalonguile ila inkome du. Alekishola mukate, wala ilatu, wala impia mukilindo, ⁹lakini ajale ilatu, na sika nkanzo zibili.¹⁰Na nuailaa," numba yensi namukiingila, ikalansii papo mpaka kinamukilega. ¹¹Ni kisali kyensi nasikakyika kuusingila nu kukumutegela, legii kumiao, ikununtii ulunkundii mu migulu yani, yii ushuda kumuao."¹²Nindio naenda naitanantia antu aungame nu kuleka milandu yao. ¹³Naingaa mapepo mingii, na apaka makuta aluile nu kukuakamia.¹⁴U mutemi Helode kinanuigia maso, kunsooko lina liaki Yesu alilikumazukile zigi.akei natambula, " Yohana mbatisia wiukaa na kunsooko iyo, iyii ngulu ya ishembo yikituma mulimo mukati yakue" ¹⁵Akei aoo natambula, "uyu ingi Elia" Kili iia natambula, Uyu ingii nabi, kina umui wa ioo manabii a kalii.¹⁶Lakini Helode kinanuigia igaa nutambula, "Yohana, nalinumutemile itue wiuka." ¹⁷Indogolelio Helode mwene alulagililie u Yohana waguilue numutunga kugeleza kunsooko ya Helodia( musungu waki kaka wakue u Pilipo)kunsooko umwene aliumutolile.¹⁸Kundogolelio Yohana numuila u Helode, " sika halali kukumtola musungu waki mununa wako." ¹⁹Lakini Helodia nuandia kukumsukilua na alusiilie kukumuulaga, lakini sikanusuuma, ²⁰ndogolelio u Helode alumopokile u Yohana: alulingile kina ingi utite haki muntu muelu,na numuleka salama. Na kinanulongoleka kukumutegela nussnsulia zigi, lakini nulumba kukumutegela.²¹Sunga kinaipika matungo mene naluapiika lutondo lua kulelua u Helode nuazipililia iakulu akue sikunkulu, ni agalimanga, ni atongeli aa ku galilaya. ²²Iyo munanso nuaki Helodia nuingila nukukisiga ntongela yao, numulumbilia u Helode ni agenda naliikalansile itungo lia ndia za mpindii. papo u mutemi numuilaa munanso, "Nompe kyensi nusiilie nine nikakukupela."²³Numulapila nu kutambula, kyensi nukimbuila, nikakukupela, sunga iunsu ya utemi wane" ²⁴Nupuna kunzii numukolia u mau wakue, "Nompe yani?" nutambula, "Tue lyaki Yohana mbatisia" ²⁵Na nkua imui nuingila kwaki mutemi nuandia kutambula, nsiilie umpele mukti ya sahani, tue liaki Yohana mbatisia."²⁶Mutemi nusunsuligua zigi, lakini kunsooko ya kilapo kyakue nu ku agenda, sikanusuma kukukmusitilia ilompi lyakue. ²⁷Iyo, mutemi nutuma agalimanga katia ya alindilii akue nu kukualagilia kuyenda kumuletela itue liaki Yohana. Mulindilii nuenda kumutema itue nuili kukitungo. ²⁸Nulileta itue liakue mu sahani nu kukumupela u munanso, nu munanso numupela umau wakue. ²⁹Ni amanigua akue kinanaigia maso, naenda kukuusola umwili wakue naenda kuuika mukibiila.³⁰Ni atumua, naiilingila palumui ntongela yaki Yesu, namuila tulu naliamatendile ninali amamanilie. ³¹Numwene nuaila, "Nzui ninye paluandi lua unkunku na kusupie ku matungo" Antu ingii aliizaa nukulega, sunga sikanaligia ka lioma lia kuliaa. ³²Iyo nanankila imashua naenda luandii lua unkunku ing'ene enee.³³Lakini naaona ilega na ingii naamana, kwa palumui namanka ku migulu kupuna ishali tulu, nindio napika kabula yao. ³⁴Kinanapika kumpwani, nuona mulundo ukulu nuaonela kinishungu, kunsooko aliili zii nkolo nangila ka mudimii. Nuandia kukuamania mantu mingii.³⁵Mtungo kina namenda zigi, amanigua namuizila namuilaa," ipa ingi luandi lua unkunku ni matungo mendaa. ³⁶Walagee ende kuishali ya piipi ni ijiji ili igulilie india"³⁷Lakini nuashokelia nutambula, "Apeli ninye india" Namuila, 'Kusumile kuyendigula imikate nitite thamani ya dinali magana mabili nu kukuapela alie? ³⁸Nuaila " mutite mikate ingaa? longoli muendilaa." kinaakuga naamuila , Mikate itano ni nsii ziblii'³⁹Nualagilia antu ikalanse mu malundo kyanya ya masanzi matotu. ⁴¹Naakialansia ku malundo: malundo ma magana ku makumi matano. ⁴⁰Iyo nusola mikate itano ni nsii zibili, nu kulaa kugulu, nuikembeta kangi nuapela amanigua aike ntongela ya mulundo. ni kangi nutuanula insii zibili ku antu tulu.⁴²Naalia tulu hadi naendela. ⁴³Nailingila ipande ya mikate naliishagile, Naijula ikapi kumi na ibilii, iyo gaa ipande ya nsii, ⁴⁴Na ali agosha ihumbii itano nalialile imikate.⁴⁵Nkua nuailaa anankile mu mashua endee luandi luingi, hadi ku Bethsaida, tungo u mwene nukualaga inamukutano. ⁴⁶Kinaakonda kulega, nuenda ku mulima kulompa. ⁴⁷Aliyaza mpindii, ni mashua yao tungo liaso naliili katikati ya bahali, nunduyo alu mwene ung"ene munsii nayumu.⁴⁸Na aliwaonie iyaga kukua imakasia kunsooko inzega aliyukuagilia. Kina nayegela idau nuiagana, nugenda mukyanya ya mazii, nutaka kukuakila. ⁴⁹Lakini kina namuona ugenda kyanya ya mazii, naingilua nu oaa nasigile ingi muntunga sunga nakua kilanga. ⁵⁰Kunsooko aliamuonie naijulua ni kitete. Nkua nutambula nindio nuailaa, " mutule muagimia ingi nene! mulekitula niktete"⁵¹Naingila mukati ya mashua, ni nzega nilekaa kukunka, indio namukulilua duu. ⁵²Iyo sikalialingile indogolelio ya mikate nyasio. Indogolelio imasala mao alimatiite ulingi unino.⁵³Niene kina naputa kuluandi, napika insii nya Genesaleti mashua nyimaa. ⁵⁴Kina napuna kunzii ya mashua, nkua namulingaa. ⁵⁵Namanka kutanantia ku mukoa wensi na kukualeta aluile kua machela, kila kinaliategelile ujile.⁵⁶Pensii kinali wingile ku ijiji, hau mu mujini, hau mu nsii, naaika aluile luandi pa soko, na mupepia wagombie kutona ipindo lia kijalo kiakue. Na tulu naliamutonile nakamigua.

¹Mafalisayo ni andikii akei naliapunilile ku Yelusalemu nailingila kukumupilimila umwene²Na aliaonie kina akei aa amanigua akue alialile mukate ku mikono mishapu: nasika miogigue. ³( kua Mafalisayoni Ayahudi tulu sikailia mpaka ogie mikono yao izaa; aambilile utamaduni wa anampala. Tungo ⁴Mafalisayo kinashokile kupuna kuluandi ku soko, sikailia mpaka ogee kuandia. Na ikoli shalia yingii nakuzitiata nkankana. ingi palumui nu yogia ikombe, masupulia, isheme ya shaba, na sunga matengu namitumika tungo lia ndia.⁵Mafalisayo ni andikii namukolia u Yesu , ;kua nikii amanigua akoo sikaikalile kuligana ni tamaduni za anampala, kuani iliaa mukate bila kukalala mikono?''⁶Lakini mwene nuaila, Isaya alulotile izaa kuhusu inyee akinilii, aliwandikile, ' antu iaa aneshimile kumilomo yao, lakini imioo yao ikoli kulii ni nene. ⁷Intendela usalilii naugila kandogolelio, imania shalia za ana antu kina masingilo mao'.⁸Muamileka ishalia yaki Mukungile nu kuyambila ku upepele itamaduni za ana antu.'' ⁹Na nutambula kumia, '' muasitaa ilagilio liaki mukungile ku utontu ili mutunze itamaduni zani! ¹⁰Kunsooko u Musa alutambuile, " muheshimu u tata wako nu mau wako : nu mwene nukutambula namabii kyanya yaki tata wakue hau mau wakue taitai ukikia".¹¹Lakini mutambula, " kina muntu watambule kuaki tata wakue hau mau, " waliligua wensi nali mujilishingila kupuna kumuane ingi kilindo kya polelio," ( iyo ingi kutambula kina, mpunigue kuaki Mukungile') ¹²Iyo sikaumgombilie kutenda kintu kyensi kunsooko yaki tata hau mau wakue. ¹³Mukumitenda iamuli yaki Mukungile kutula nankanda kua kueta itamaduni wani. Ni mantu mingii ma yaso namukumatendaa".¹⁴Aliwaitile ianamukutano kankii nu kukuailaa, Mntegelee inee, inyee tulu, na muningee. ¹⁵Kutilii kyensii kupuna kunzii ya muntu nakisumile kukumushapula u muntu nakyukuingila kumuakue. Bali ingi ikio nakyukumupuna muntu kikio nakyukumushapula. ¹⁶( Amabilii: mukilili uu, " kina muntu wensi utite akutui a kutegela, nuigie" ukutilii mu nakala za kalii.).¹⁷Yesu kina nualekaa imakutano nu kuingila munumba, amanigua akue namukolia kuhusu mpiani nyaso. ¹⁸Yesu nutambula, Ni ninye gaa kilii mulingee? Sikamuonie kina kyensi nakyukumuingila u muntu sikakisumile kukumushapula, ¹⁹kunsooko sikakisumile kuyuka mu moo wakue, lakini kiingila mu mundaa yakue na kikila kuyuka kushoo," Ku nkani izii u Yesu azitendile india tulu kutula nzelu.²⁰Alutambuile, " Ingii ikio nakyukumupuna u muntu kikioo nakyukumushapulaa. ²¹Kunsooko makupuna mukati ya muntu, kunzii ya moo, makupuna masiigo madobu, zinaa, wii, uulagii, ²²ukosii, nsula nambii, udobu,ukongani, kukigona, wilu, kashifa, wiketii, ulele. ²³Madobu igaa tulu mipunila mukati, ee mago namakumushapula u muntu.²⁴Nulaila kupuna paso nu kulega kuyenda ku mukoa wa Tilo ni Sidoni. Nuingila mukati na sikalusiilie muntu wensi walinge kina alukoli paso, lakini sikanaishuma kukumupisa. ²⁵Lakini gafula musungu, nua mulisha wakue munino alutite nkolo nshapu, nuigia impila zakue, nuizaa, na nugua mumigulu yaku. ²⁶Musungu nuaso ali muyunani, wi kabila liaki Kifoeniki. Numupepia mwene wamuinge u pepo kupuna ku munanso wakue.²⁷Yesu numuila musungu," alekee ialisha alisigua kuandia, kunsooko sika saw kushola u mukate wa alisha nu kukuzigumia imbua". ²⁸Lakini musungu nushokelia nu kutambula, Eee Shekulu, sunga imbua pansii ya meza zukulia masagigua ma ndia za alisha.²⁹Numuila, : Kunsooko watambula itii, ukoli hulu kuyenda. Pepo liamulega u munanso wako" ³⁰Musungu nushoka kunumba yakue numuagana munanso wakue ugonile mukitanda , ni pepo aliliamulega .³¹Yesu nupuna kanki kunzii ya mukoa wa Tilo nu kukilila ku Sidoni kuyukila ku bahali ya Galiaya mpaka ku kanda ya Dikapolisi. ³²Na muletela muntu nali kiziwii na sikali usuumile kutambula izaa, Namupepia u Yesu waikee mikono kyanya yakue.³³Numupunia kunzi ya mulundo ku unkunku, na nuika injala zakue kua akutui akue, na pembele kina nutia iamatii, nutona lulimi luakue. ³⁴Nulaa kukyanya kugulu , nusupa nu kuyuga, "Efata," yaso ingi kutambula "diguka" ³⁵Ni tungo lilo lilo akutui nadiguka, ninali kigililie u lulimi nakiononua na nusuuma kutambula izaa.³⁶Na nualagilia aleke kumuila muntu wensi. Lakini kadili kinawalagililie, iyoo natanantia impola zaso kuwingii. ³⁷Taitai nakuliligua, nu kutambula, " utendile kila kintu kizaa. sunga watenda akiziwi kutegela ni abubu kutambula"

¹Ku ntondo zaso, aliukoli kanki nu mulundo ukulu, na aliagila ka ndia. Yesu nuaita amanigua akue nuaila, ²Nuuonela kinishungu mulundo uu, endelile kutula palumui ninene ku ntondo zitatu na agila ka ndia. ³Anganiatuanule ashoke ku numba zao bila kulia asumile kukia mukanka munzila na nzalaa. Ni akei aoo apunile kuliizigi" ⁴Amanigua akue nashokelia, kukikuga pii mikate nyendilee kukuikutia antu iaa ku luandi ulu nilekue?⁵Nuakolia, "mutite ipande ingaa ya mikate.?" Natambula,"mupungati." ⁶Nuulagila mulundo ukale pansii. Nusola mikate mupungati, numusongelia u Mukungile, nu kukuiuna. nuapelaa amanigua akue aiike ntongela yao, nindio naaiika ntongela ya mulundo.⁷Gaa aliatite ni nsii nino nkyii, pembele ya kusongelia, nualagilia anmanigua akue agailee indii gaa. ⁸Nalia nukuyendela. Nailinga ipande naliishagile, ikapu ikuluu mupungati. ⁹Aliapiipikile antu ihumbii inii. Na nualeka alongolee. ¹⁰Nkua nuingila mu mashua ni amanigua kaue naenda ku mpelo ya Dalmanuta.¹¹Kangi Mafalisayo napuna kunzii nu kuyandia kukishokelia nunduyo. Aliasiilie wapele muena kupuna kugulu, kua kukumugema. ¹²Nusiiga zigi munkolo yakue nutambula, "kua nikii kilelii ikiikidumaa mienaa? Nukumuilaa inyee kulukulu, kutilii muena naukipunigua kukileli ikii " ¹³Kangii nualekaa, nuingila mukati ya mashua kanki, nulegaa kuyukiila uluandii luingii.¹⁴Tungo liaso amanigua naiwaa kushola imikate. aliagila ka mikate kukila ikipande kimui nalikiili mu mashua. ¹⁵Nualanga nu kutambula, "mutule miso na mulindile zidi ya ngasho ya Mafalisayo nii ngasho ya Helode.¹⁶Amanigua nailikitiilia ene ku ene, "Ingi kunsooko kuagila ka mikate." ¹⁷Yesu aliulilingile ilii, na nuailaa, Kua nikii mukilikitiilia kuhusu kulekitula ni mikate? sikamumanile kilii? Sikamulingile? mioo yani yazaa mipepele¹⁸Mutite miso, sikamuonie? mutite akutui, sikamuigia? Sikamujukile? ¹⁹Nalintuanilie mikate itano ku antu ihumbii itano, alimusolile ikapu ingaa naliijuile ipande ya mikate?" namushokelia, kumi na ibilii."²⁰Na nalintuanilie mikate mupungatii ku antu ihumbii inii, alimusolile ikapu ingaa?" ²¹Natambula, "mupungatii" Nuailaa, "kilii sikamulingile?"²²Naaza ku Bethsaida. Antu ao aliamuletile kuaki Yesu muntu mupoku namupepia u Y esu wamutone. ²³Yesu numuamba kua mukono umupoku nuaso, nu kukumutongela kunzii ya kijiji. Kina nutia imatii kyanya ya miso makue nu kugolola mikono yakue kyanya yakue, numukolia , "uyona kyensii?²⁴Nulaa kukyanya nu kutambula,"Niona antu igiile kina makota migendaa." ²⁵Iyo nugolola kanki mikono yakue kyanya ya miso mauke, muntu nuaso nukunukula imiso makue, nuona kanki, na nuona kila kintu izaa. ²⁶Yesu numuleka wendee kukaa na numuia," ulekiingila ku mjini.²⁷Yesu nulega ni amanigua akue kuyuka ijiji y Kaiselia nya Pilipi. Naili munzila nuakolia amanigua, "Antu itambula inee ni wani? ²⁸Namushokelia natambula, Yohana mubatisia.Iiia itambula, "Eliya" ni iia, 'umui wa manabii"²⁹Nuakolia, 'Lakini inyee mutambula inee ni wani?" Petro numuila, "uwe wi Kilisito" ³⁰Yesu nualanga aleke kumuila muntu wensi kumuhusu u mwene.³¹Nuandia kukuamania yakina muana waki Adamu lazima wagee ku mantu mingii, na ukishiitua ni atongelii ni Makuhani akulu, ni andikii, ni atauwa, ni pembele ntondo zitatu ukiiuka. ³²Alutambuile igaa ku ukualie. papo u Petelo numusola kumpelo nuandia kukumukenela.³³Lakini Yesu nupiluka nukualaa amanigua akue na numukenela u Petelo nu kutmbula,"kilaa kunuma yane shetani! sikukelile mantu maki Mukungile, ila imantu ma antu" ³⁴Iyoo nuuita u mulundo ni amanigua akue palumui, nu kukuailaa,"Kina ukoli muntu usiilie kuntiata, nuikane mwene, wasole u musalaba wakue na wantiate.³⁵Kululo wensi nusiilie kuguna ukali wakue ukakuulimilia, na wensi nukakuulimilia ukali wakue kunsooko yane nu kunsooko ya mpola, ukakuuguna. ³⁶Uligia nsailo kii muntu, kukuuligia unkumbigulu tulu, na nkangi kuligia hasala ya ukali wakue? ³⁷Muntu usumile kupunia yani badala ya ukali wakue?³⁸Wensi numonela nsoni ni nkani zane ku kileli ikii kya ukosi nikileli kya ana milandu, Muana waki Adamu ukakumuonela nsoni kinaukiiza ku utemi waki Tata wakue palumui ni amalaika naelu.

¹Na alutambuile kumiao, " Taii nitambula kumiani, akei anii akoli antu naimikile ipa sikaitoma inkia kabla ya kukuuona utemi waki Mukungile upolokile kua ngulu." ²Ni pembele lutondo lua mutandatu, Yesu nuasola u Petelo, Yakobo, nu Yohana palumui nunduyo ku mulima, enee ing'ene. Papo nuandia nuikailika ntongela yao. ³Ijalo yakue naimiliminta zigi, melu kukilikila, melu kukila mumilimintia wensi munkumbigulu.⁴Papo Eliya palumui nu Musa napunila ntongelo yao, na aliitambula nu Yesu. ⁵Petelo nushokelia numuila u Yesu, " Mwalimu, ingi izaa ishee kutula ipaa, na kuzenge ibanda itatu, kimui kiako, kimui kiaki Musa, ni kia kiaki Eliya" ⁶( kunsooko skaliulingile kiani kia kutambula, naopoka zigi.)⁷Ilunde nalipunila naliakumbaa. Papo luli nalupunila mumalunde nitambula, Uyu ingi muana mulugua.Mutegelii mwene." ⁸Gafula, kinalilaa, sikanamuona wensi palumui nindio, ila ali u Yesu du.⁹Kinaitilimbuka kupuna ku mulima, nualagilia kuleka kumuila muntu wensi igoo tulu naliamaona, mpaka muana waki Adamu kinaukiiuka kupuna kua akii. ¹⁰Papo aliamatunzile mantu ene akola. Lakini aliilikitilie ene kwa ene ingi yani ndogolelio yakue "kuiulua kupuna kua akii'¹¹Namukolia u Yesu, "kua niki andikii akutambula lazima Eliya waze kuandia?" ¹²Nuailaa, tai Eliya ukiiza kuandia kuguna intu tulu. kua nikii yandikue Muana waki Adamu lazima waligie luago luingi na wasukilue? ¹³Lakini nitambula kumuiani Eliya wakonda kuiza, na aliamutendile kinali aloelue, kina iyo mandikoo namakuuga kuhusu mwene'¹⁴Na kina shoka ku amanigua, naona idale kyulu liapilimilile ni Masadukuyo aliakikunguma nindio. ¹⁵Ni nkua kinanamuona, idale tulu nalikulilua nu kukumumankiila kukumuugia. ¹⁶Nuakolia amanigua akue,"mukikunguma nindio kukyanya ya yani?"¹⁷Umui wao ku dale numushokelia, "Mwalimu, alinumuletile muana wane kumuako: utite nkolo nshapu yukumutenda walekishuma kutambula, ¹⁸na yukumusakilagia kukikima nu kukumugusha pansi, nu kupuna ipombolu mumulomo nu kushia imino nu kukiinkila. Nanialompa amanigua ako kukumupunia pepo, lakini sikanasuuma. ¹⁹Nuashokelia,"Kileli nasika kyakusuila, nikakikala nininye ku matungo kii? nikakisolela nininye mpaka nalii?²⁰Namuleta mulisha wakue. Nkolo namushapu kinanumuona u Yesu, gafula namuingilia kukikima. musumbati nugua pansii nu kupunia ipombolu mumulomo. ²¹Yesu numukolia u tata wakue, Watula ni hali iyii ku matungo kii? Tata nutambula," kupunila uulisha. ²²Nkua nzia ukugua mu moto hau mu mazii, nu kugema kukumulimansilia. kina usumile kutenda liensi kuonele kinishungu na ukualilile."²³Yesu numuila, " kina wili tayali? Kila kintu kisumikile ku wensi nusuilile." ²⁴Gafula tata wa mulisha alulilile nu kutambula, " Nsuilile! nzalilie kulekishuila kuane." ²⁵Itungo Yesu kinanuona idale limanka kumuao, numukenela nkolo namushapu nu kutambula, "uwee nkolo bubu na u kiziwi, nukukulagia mulekee. ulekiingila kumuakue kankii."²⁶Nulila kua ngulu nu kukumuagia mulisha ni nkolo nyumupuna. Mulisha alugiile zi ukiile, Papo ingii natambula, Wakia," ²⁷Lakini u Yesu numusola ku mukono numuukia, nu mulisha nuimikaa.²⁸Tungo Yesu kinanuingila mukati, amanigua akue namukolia unkunku, "kua nikii sikakuasuma kukumupunilia?" ²⁹Nuailaa,"ku namuna iyii sukupuna ilaku malompi"³⁰Napuna paso nu kukililaku Galilaya. sikalusiilie muntu wensi walinge kinailii, ³¹kunsooko aliumania amanigua akue. Nuailaa, "Muana waki Adamu ukipikigua mumikono ya antu, na ikakumuulaga. Kina ukitula wakia, pembele ntondo zitatu ukiiukaa kanki," ³²Lakini sikanalinga inkani izii, naopoka kukumukolia.³³Papo napika ku Kapelnaumu. Tungo nuili mukati ya numba nuakolia,"Azamukikolia yani munzila"? ³⁴Lakini aliatulilie du. kuani alikikunguma munzila kina wani ali mukulu kukilikila. ³⁵Nukalansa pansii nuaita kyumi na abilii palumui, nu kutambula niene, " kina wensi usiilie kutula wa kuadia, ingi lazima watule wa mpelo na muitumi wa tulu.³⁶Numusola mulisha munino numuika pakatii yao. numusola mu mikono yakue, nutambula, ³⁷Wensi nukumusingila mulisha kina uyu ku lina liane, gaa wansingila nene, na kina muntu unsingile, sikunsingile nene du, lakini gaa nuntumile."³⁸Yohana numuila, "Mwalimu aalikumuonie muntu upunia pepo ku lina liako na kuamugilia, kunsooko sikukutiatile." ³⁹Lakini u Yesu nutambula, lekikumugilie, kunsoko kutlii nukakituma mulimo ukulu ku lina liane na iyo pembele watambule lukani lubii luensi kyanya yane.⁴⁰Wensi nasika wili sia nindishe ukoli luandi luitu. ⁴¹Wensi nukakukupela kikombe kya mazii ma kukopaa kunsooko wiensi nu Kilisito, kulukulu nukumuila, sikukilimile ithawabu yakue.⁴²Wensi nukuatiulia iaa naanino nansuilile inee, azitula izaa kumuakue kutungiligua igue lia kushela munkingo nu kutagua mu bahali. ⁴³Kina mukono wako ukakukutiulia uteme. ingi izaa kungila ku upangaa bila mukono kukila kuingila ku ulamulua utite ni mikono tulu. ku moto "nasikaudiba." ⁴⁴( Ambilaa: mukilili uu, " luandi kina ing"unuii sikazika nu moto nasikaudiba."ukutlii ku nakala za kalii)⁴⁵Kina mugulu wako ukakukutiulia, uteme. nigi izaa kumuako kuingila muupangaa iukilema, kuleka kutagua muulamulua ni migulu ibilii. ⁴⁶( Ambiilaa: Mukilili uu, Luandii ing"unuiii nasikazika nu oto nasikausumile kudiba" ukutilii mu nakala za kalii).⁴⁷Kina liso liako likakukutiulia likuule. Ingi izaa kumuako kungila ku utemi waki Mukungile iu utite liso lumui, kukila kutula ni miso mabili nu kutagua kuzimu. ⁴⁸Luandi kinzakolii ing"unuiii nasikazikia, nu moto nasikaudiba.⁴⁹Kunsooko kila umui ukoligua nu moto. ⁵⁰Mulenge ingi uzaa, kina mulenge ulimilie ukyukukii wakue, ukitendai utule nu ukyukukii wakue kankii, na mutle ni amani ku kila umui"

¹Yesu nulega paluandi luaso nuenda ku mumukoa wa Uyahudi luandi lua kuntongela ya mongo wa Yolodani, nimakutano namutiata kanki. Nuamaniia kanki, kina iyo nali kawaida yakue kutendaa. ²Ni Mafalisayo aliizile kukumgema namukolia, "Itii halali ku mugosha kukuleka nu musungu wakue?' ³Yesu nuashokelia, "Musa aliwalagilie yani?" ⁴Natambula, "Musa nugombia kuyandika sheti kya kileka nu kumuinga musungu."⁵"Ingi kunsooko ya mioo yani mikaku iyo ndogolelio aliwandikile shalia iyii" ⁶Yesu nuwailaa. Lakini kupuna muandio wa uumbii, Mungu aliwaumbile⁷Kunsooko iyi mugosha ukakumuleka u tata wakue nu mau wakue nukukamantana nu musungu wakue, ⁸iaso abilii ikitulu mwili umui: Kunsooko sika abili kanki, azaa mwili umui. ⁹Kululo nukikamantanilie u Mukungile, muanamuntu waleke kukitemanula.¹⁰Kinaiili mukati munumba, amanigua akue namukolia kanki kuhusu ilii. ¹¹Nuaila, "Wensi nukumulekaa musungu wakue nu kutoola musungu wingiii, utendaa ukosi ku mua. ¹²Musungu nunduyo angawamuleke mugosha wakue nu kutoolua nu mugosha wingii, utendaa ukosii."¹³Nindio namuletela alisha anino watone, lakini amanigua naakenela. ¹⁴Lakini u Yesu kinanulilingia lyaso, sikanulogeligua iliaso nkankana nuaila, "Agombii alisha nanino azee kumuane, na muleke kuagilia, kunsooko nailii kina iaa utemi waki Mukungile ingi waoo.¹⁵Kulukulu nukumuilaa, wensi nasika ukusingila utemi waki Mukungile kina mulisha munino taii sikushuma kuingila mu utemi waki Mukungile. ¹⁶Iyoo nuasola alisha mumikono yakue na nunakembeta nukuaikilaa mikono yakue kyanya yao.¹⁷Na kinanuandia musinzo wakue muntu mui numumankiila nu kutungamia maluu ntongela yakue, numukolia "Mwalimu mukende, ntende iii nsuume kushalaa upangaa wa kali na kalii? ¹⁸Na u Yesu nutambula, " kua nikii unitaa mukende? Kutilii namukende, ila u Mukungile mwene ung"ene. ¹⁹Uziziine iamlii: ulekiulaga, ulekiia, ullekishudila uulongo, ulekikonga, muheshimu u tata nu mau wako"²⁰Muntu nuaso nutambula, " Mwalimu, igaa tulu nimatitaitile kupunila usumbati wane." ²¹Yesu numulaa nu kumulogua. Nuailaa, umukepelue kintu kimui. Yukujipiile kugulia tulu nuitiite na apeele iatuka, na ukitula ni kilindo kugulu. Papo wizee untiate." ²²Lakini nutia nsula kunsooko ya nkani izii: nulega nutula utiite ukiaa, kunsooko alutiite nsao ningii.²³Yesu nulaa nandii tulu nu kukuailaa amanigua akue, " Itii namuna kii kinayili ikaku ku mugolii kuingila mu utemi waki Mukungule! ²⁴Amanigua nakuliligua ku nkani izii. Lakini u Yesu nuailaa kanki, Alisha. itii namuna kii kina yili ikaku kuingila mu utemi waki Mukungile! ²⁵Ingi itontu ku ngamia kukila mu tundu lia lusinge, kukila muntu mugolii kuingila mu utemii waki Mukungile."²⁶Nakulililua zigi nu kukilikitelia, itii waki nukigunika" ²⁷Yesu nualaa nu kutambula, ku munamuntu sikaishumika, lakini sika kuaki Mukungile. Kunsooko kuaki Mukungile tulu masumikile." ²⁸Petelo nuandia kukitambuila nunduyo, " Laa kulekile tulu na kuakutiata."²⁹Yesu nutambula, "kulukulu nukumuila inyee, kutilii nulekile numba,hau mugulii,hau mununa,hau mau,hau tata,hau alisha, hau nsii, kunsooko yan, nu kunsooko ya mpola, ³⁰unuaso nasiku kishingila nkua magana kukila itungo ilii ipa munaunkumbigulu: numba,mguli, mununa, mau,alisha,ni nsii, ku wagii, nu unkumbigulu naujile, upangaa wa kali na kali. ³¹Lakini ingii naakuandia ikitula aa mpelo nina aa mpelo ikutula aa muandio."³²Kinalii munzila, kuyuka ku Yelusalemu, Yesu aliwatongelile ntongela yao. Amanigua nakulilua, ni ndiio naliatiatile kunuma naopoka. Iyoo u Yesu nuapunia ku mpelo kanki ioo kumi na abilii nuandia kukuailaa nakikakumupunila itii piipi: ³³Laa,kulonguile mpaka ku Yelusalemu, nu muana waki Adamu ukipikigua kua makuhani akulu ni aandikii. Ikamulamula wakie na ikakumupunia ku antu a nsiii. ³⁴Ikakumupopota, ikakumutiila matii, ikakumukua, nkome, na ikakumuulaga. Lakini pembele ntondo zitatu ukiiuka."³⁵Yakobo nu Yohana anaa aki Zebedayo, naaza kumuakue nu kutambula, "Mwalimu kukusilie ukutendelie kyensii nakukukulompa." ³⁶Nuailaa, " Musiilie numutendele yani? " ³⁷Natambula, Kugombie kukale nunduwe ku ukuligua wako, umui ku mukono wako wa kigosha nu umua mukono wako wa nkigii."³⁸Lakini Yesu nuashokelia, " sikamuizii namukukilompa. Musumile kukikopela kikombe nanika kukikopela hau kukiumilia ubatizo naniki batisigua?" ³⁹Namuilaa, "Kusuumile" Yesu nuaila, "Kikombe nanikakukikopela, mukakukikopela. Nu ubatizo kuwaso nanu mubatisigue, mukakuumatila. ⁴⁰Lakini nukakikala mukono wane wa kundiilo hau wa mukono wane wa nkigii sika nene wa kupuniaa, lakini ingi ku ioo nakondijipiligua.⁴¹Ioo amanigua ingii kumi kinanaigia igaa, naandia kukuatakiila u Yakobo nu Yohana. ⁴²Yesu nuaita kumuakue nu kutambula, '' Mulingile kina ioo naishigilua kina atemii a antu a nsii akuatema, ni antu aoo mashuhuli akuaolagila imamlaka kyanya yao."⁴³Lakini sikaijipiile kutula itii katia yanii. Wensii nukitula mukulu katia yani lazima wamutumikile, ⁴⁴na wensi nukitaka kutula wa kuandia katia yani ingi lazima watule musese wa tulu. ⁴⁵Kunsooko muana waki Adamu sikali wizile kutumikilua bali kutumikaa, nu kukuupunia ukalii wakue kutula fidia ku ingii"⁴⁶Naaza ku Yeliko kinalu ulega ku Yeliko ni amanigua akue ni dale kulu, muana waki Timayo, Btilimayo, mupoku mulompii, alukalansile kumpelo ya balabala. ⁴⁷Kinanuigia kina ingi Yesu munazaleti, nuandia kukua kilanga nu kutambula, Yesu, muana waki Daudi,monelee kinishungu ⁴⁸Ingii namukeela mupoku uyo, nakumuilaa watulie. Lakini alulilile ku lulii kukilikila, "Muana waki Daudi, monele kinishungu!"⁴⁹Yesu nuimika nukulagilie witue. namuita mupoku uyo, naitambula, kina mugimia! Ukaa! Yesu ukukuita." ⁵⁰Nutaga kumpelo ikoti liakue, numanka kukilkila, nu kuiza kuaki Yesu.⁵¹Yesu numushokelia nu kutambula, "Usiilie nukutendele yani?" mugosha uyo namupoku numushokelia, "Mwalimu , nsiilie kuyona." ⁵²Yesu numuilaa, "lenda. usuilii wako wakukamagia." Iyo papo miso makue namaona: na numutiata u Yesu mu balabala.

¹Tungo liaso kinanaaza ku Yelusalemu, kinaapiipika ku Besthfage nuku Bethania, ku mulima wa mizeituni, Yesu nuatuma abilii katia ya amanigua akue ²na nuailaa, longolii ku kisalii nakilainkanilie nindishe. nkua kina mukiingila muaso, mukiyagana muana ndogui na kili wanankilue. Mutungulii na mumulete kumuane. ³Na kina wensi angawamuile, " kuaniki mutendaa itiii? yumujipiile kutambula, Shekulu umusiilie ni nkua ukakumushokia ipaa"⁴Naenda namuagana u muana ndogui mutungue kunzii pa mulango ku mutaa nawili kualie, nindiio namutungula. ⁵Ni akei aa antu nali imikile paso namuilaa, Mutndaa yanii, kukumutungula umuana ndogui nuaso? ⁶Naailaa kina u Yesu naliwailile, ni antu naaleka endee.⁷Amanigua abilii namuleta muanandogui kuaki Yesu naalaa ijalo yao kyanya yakue u Yesu wasume kukumunankila. ⁸Antu ingii naalaa ijalo yao mu balabala, na ingii naalaa matambii naliamatiile kupuna ku migundaa. ⁹Ioo naliendile ntongela yakue ni ndiio naliamutiatile nakua kilangaa, "Hosana! mukembetue nupolokile ku lina liaki Shekulu. ¹⁰Ukembetue utemi naujile waki Tata wetu Daudi! Hosana ka nuili kunyanya"¹¹Papo u Yesu nuingila ku Yelusalemu na nuendaa kupolelio nulaa kila kintu . niino, matungo alimeenda, nuendaa ku Bethania palumui nindiio kumi na abilii. ¹²Lutondo nalilutiatile, matungokinali ashokile kupuna ku Bethania, alutite nzala.¹³Na nuona ikota lia nkalii nalilitiite masanzii kua kulii, nuendaa kulaa kina alusumile kuigia kyensii kyanya yakue. ni matungo kinanuenda ku liaso, sikanuligia kyensii ila masanzii du, kunsooko sika kamatungo mi nkalii. ¹⁴Nuuilaa, "Kutilii wensii nukilia nkalii kupuna kumuakokankii" Ni amanigua akue nategeela.¹⁵Naaza ku Yelusalemu, nunduyo nuingila ku polelio nu kuyandia kukiapunia kunzii agulia nii agulii mukati ya polelio. nuzikanagalia imeza za akailii a mpia ni intu ya ioo naliigulia inkunda. ¹⁶Sikanugombigu awensi kukenka kyensii mu polelio nailkisumile kuguligua.¹⁷Nuamania nu kutambula, " Mbii sikaliyandikue, numba yane ikyitua numba ya sala ku nsii tulu? Lakini muamitendaa luluu lia alegelania." ¹⁸Makuhani akulu ni andikii aliigilie kina utambula, nindioo naduma nzila ya kumuulaga. Sunga iyo aliamopokile kunsooko mulundo aliukuliligue ni mamanio makue. ¹⁹Ni kila itungo mpindi kinanipika, alialegile ku mujini.²⁰Kinaigenda idau, naliona ikota lia nkali liumile mpaka imiili yakue. ²¹Petelo nujuka nu kutambula, "Rabi! Laa, ikota lia nkali nizumue liumaa"²²Yesy nuashokelia, " mutule nuusuili ku Mukungile. ²³Suilii nukumuilaa kina kila nukuiila u mulimauu,lega, na witage wene mu bahali, " na kina mugila kankankani mumoo wakue lakini uusuilile kina nukitambuile kikipunila, iyo iyo Mukungile ukitendaa.²⁴Kululo nukumuila: kila kintu namukulompa nu kukolia kunsooko yakue, suilii kina muasingilaa, niyaso yazaa yani, ²⁵Tungo kinamuyimika nu kulompa,, yumujipiile kushamila kyensi namutiite katia ya wensi, ili kina Tata wani nuili kugulu wamusamile gaa nininye utiulia wani. ²⁶(Ambiila: mukililiuu,"Lakini angamuleki shamila, wala Tata wani nuili kugulu sikukishamila milandu yani" ukutilii mu nakala za kalii).²⁷Naaza ku Yelusalemu kanki. Nu Yesu kinalugenda mu polelio, makuhani akulu, andikii ni anampalaa naaza kumuakue. ²⁸Namuilaa, ku mamlaka kii utendaa mantu igaa?"" Na wani nukupiile mamlaka kutenda igaa?"²⁹Yesu nuailaa, nikakumukolia kolio limui. mbuilii ni nene nikakumuila ku mamlaka kii nikimantendaa mantu igaa. ³⁰Mbii, ubatizo waki Yohana aliupunile kugulu hua aliupunile ku anaantu? nshokelii"³¹Naikunguma katia yao nu kukilemelia nu kutambula, "kina kutambule, kupuna kugulu, ukitambula, kuaniki gua sikanamumusuilia? ³²Lakini kina kutambule, kupuna ku anantu,..."aliaopokile antu, kunsooko tulu aliaambilile kina Yohana ali nabii. ³³Papo namushokelia u Yesu nukutambula,, Sikakuizii. papo Yesu nuailaa, "Wala ninene sikanikakumuila ku mamlaka kii nitendaa mantu igaa.

¹Kanki Yesu nuandia kukuamania ku mpiani. Nutambula, "Muntu alupandile mugunda wa mizabibu, nulipilimile lukingaa, na nusimba ikombo lia kuzipilia mubinyo. Nuzenga munala ni kanki nupangisha umgunda wa mizabibu ku alimii a mizabibu. kanki nuenda musinzo wa kulii. ²Tungo kinaipika , numutma muiumi kua almii a mizabibu kushingila kupuna kumuiao makei ma nkalii za mugunda wa mizabibu. ³Lakini namutuka, namukua, namuingia bila kyensii.⁴Numutuma kumiao muitumi wingii, namualalia kute nu kukumutendela mantu ma nsoni. ⁵Kilii numutuma wingii, nunduyu umui namuulagaa. Aliatendiile niia ingii mantu kina mago mago, naakuakua nii iia kukuaulaga.⁶Alikiili nu muntu umui kukila nua kumutuma, muana mulogua. uyo ali mpeleleko nalimutumue kumiao. Nutambula." ikakumuheshumu umuana wane." ⁷Lakini iapangi nailikitilia ene ku ene, Uyu wayu musalii. Nzuii, shani na akumuulage, nu usalii ukitula witu."⁸Namwingilila, namuulaga nu kukumutaga kunzii ya mugunda wa mizabibu. ⁹Kululo, Mbii! ukitendai umutemii wa mugunda wa mizabibu? ukiiza nukukualimansiilia limii a mizabibu na ukakuapela mugunda wa mizabibu kua naingii.¹⁰Sikamuligile kushoma iliandiko ilii? " Gue nalii alisitile iazengi, liatula gue lia kumpelo. ¹¹Ilii alilipunile kuaki Shekulu, na lia kisembe mumiso mitu" ¹²Aliadumile kukumuguila u Yesu, Lakini naaopoka makutano, kuani alialingile kina alu likitilie mpiani nyaso, zidi yao. Iyo namuleka na naendaa iyao.¹³Iyo naatuma akei a mafalisayo ni maherodia kumuakue ili kukumutega ku nkani. ¹⁴Kinanaapika, namuilaa, "Mwalimu, kulingile kina ukukelaa masiigo ma wensii na sikulagiila ku ukuilii katii ya antu. U mania nzila yaki Mukungile ku kulukulu. Mbii! Iti haki kulipa ikodi kua Kaisali hau la? Mbii! kusumile kulipa hau la? ¹⁵Lakini Yesu alulingile ukinilii wao nu kukuailaa, " kua nki mungemaa? Mpelii dinali nsuume kukumilaa"¹⁶Naleta mui kuaki Yesu, Nuailaa, " Mbii! iti lyelu lia kuani ni maandiko namakoli ipaa ma kuani? Natambula, " ya Kaisali." ¹⁷Yesu nuailaa, Mpelii u Kaisali intu yaki Kaisali nu Mukungile intu yaki Mukungile namukulilua.¹⁸Kingi Msadukuyo, nakutambula kutili ka wiulua, namwaganaa. Namukolia, naitambula, ¹⁹"Mwalimu, Musa alukuandikile kina, anga mununa waki muntu wakie nu kukumuleka musungu kunuma yakue, lakini sikanuleka ka mulisha, muntu ukakumusola musungu wa muna waakue, nu kukiligia alisha kunsooko ya mununa wakue.²⁰Aliakoli antu mupungatii akinuna, nua kuandia nusola musungu halafu nukia, sikanuleka ka alisha. ²¹kanki nua kabili nuusola numwene nukia, sikanuleka ka alisha. ²²Nu nuaka tatu iyo. Nu nua mupungatii nukia bila kuleka alisha. mpeleleko nu musungu gaa nukia. ²³Matungo ma wiukii, kinaikiiuka kanki, Mbii! Ukitula musungu wa kuani? Kuani ioo antua tulu mupungati aliagosha akue."²⁴Yesu nuailaa, Mbii! iyi si nsooko kina muapugamulagua, kunsooko sikamuizi mandiko wala ngulu zaki Mukungile?" ²⁵Matungo ma kuiuka kupuna kua akii, sikaikitola wala kuingila ku ntola, bali ikitula kina malaika aa kugulu.²⁶Lakini, ku akii naiiulua, Mbii! sikanamusoma kupuna ku kitabu kyaki Musa, ku mpola za mukituntu, kina u Mukungile naliutambuile nu kukumuila, " Inee nii Mukungile waki Ablahamu, na Mukungile waki Isaka, na Mukungile waki Yakobo? ²⁷Muene sika Mukungile wa akii, bali wa naapanga, Ingi kualie muapugamuka"²⁸Umui wa andikii nuiza nu kutegela ulikitia wao: nuona kina u Yesu alushokelie izaa. Alumukolilie,Mbii! itii amlii nyii nyamuhimu kukilaa izaso tulu? ²⁹Yesu nushokelia, nya muhimu ingi nsiyi, " Tegela , Islaeli, Shekulu Mukungile witu, Shekulu ingi umui. ` ³⁰Lazima umulogue u Mukungile wako, ku moo wako tulu, ku nkolo yako tulu, ku masala mako tulu, nuku ngulu zako tulu. ³¹Amlii ya kabili ingi nsii, " Lazima umulogue umunapiipi wako kina nuilogilue uwee" Kutilii amlii inzia nankulu kukilaa izii"³²Muandikii nutambula, iza Mwalimu! watambula kulukulu kina Mukungile ingi umui, na kutilii umua kukilaa umuene. ³³Kukumulogua umwene ku moo tulu, nu kuulingi tulu nu kungulu tulu, nu kukumulogua umunapiipi kina uwee, ingi muhimu nkana kukila masongelio ni zabihu za kulimansiilia." ³⁴Tungo Yesu kinanuona wapunia shokelio lya busala, numuila, "Uwee sika wii kulii nu utemi waki Mukungile," Pembele paso kutilii sunga nunumui nalugemile kukumukolia u Yesu makoli mensi.³⁵Nu Yesu nushokelia, tungo kinalumania mu hekalu, nutambula, " Mbii! andikii akuugai kina u Kilisito ingi muana waki Daudi? ³⁶Daudi mwene ku muau muelu, alutambuile, Shekulu alutambuile kwaki Shekulu wane,ikalanse ku mukono wane wa ndiilo, mpaka niatende iana ubii ako pansii ya migulu yako" ³⁷Daudi u mwene ukumuita Kilisito, Mbii! ingi muana waki Daudi kinambii?" Nu mulundo ukulu naumutegela ku ulumbi.³⁸Ku mamanio maki Yesu alutambuile, " ikendegelii ni andikii, natite nsula ya kugenda ni nkanzo ndipu nukulamukigua mu masoko ³⁹nu kukikalansa mu matengu ma akulu muintengilii nu musikunkulu ku nandii za akulu. ⁴⁰gaa ilia numba za ajane nu kulompa malompi maliipu ili antu aaone. iantu iaa ikishingila ulamulua nakaukulu."⁴¹Kaingi Yesu nukalansa pansi piipi ni shandiko lya masongelio mukati ya muluandi mu polelio: Alikiala antu naliiyikila mpia zao mukati ishandiko. Antu ingii agolii aliaikile ngele nkulu nya mpia. ⁴²Nkangi musungu mujane mutuka nuiza nu kuyikila ipande ibili, thamani ya senti.⁴³Nkangi nuaita amanigua akue nu kukuailaa, Suilii nukumuilaa, musungu uyu mujane uiyikle ngele nkulu kukila tulu nakondipunia mu shandiko lya masongelio. ⁴⁴Kwani tulu apunilie kupunila nu wingi wa uligia wao. lakini musungu mujane uyu, kupuna mu utuka wakue, uikile mpia tulu nazayumujipiile kukumitumila mu ukalii wakue"

¹Yesu kinali ugenda kupuna mu hekalu, umui wa amanigua akue numukolia, " Mwalimu, laa mague igaa makukulilua ni mazengua!" ²Nuailaa, waonane imzengua igaa makulu? Kutilii sunga igue limui nalikishagila kyanya ya liia nasikalikigusigua pansii"³Nu mwene kinalukalile kyanya ya mulima wa mizeituni kunuma ya hekalu, Petelo,Yakobo, Yohana nu Andelea namukolia ku unkunku, ⁴Kuilee, mantu igaa mikitula nalii? Itii muena kii wa mantu igaa kupunila?⁵Yesu nuandia kukuailaa," tulii nikilao kina muntu wensi waleke kumupugamula. ⁶Ingii ikiiza ku lina lyane iitambula, Ine nene, na ikakiapugamula ingii.⁷Kinamiigia imbita ni uteketi wa mbita, mulekiopoka, mantu igaa ingi lazima mapunile, lakini impelo kyiili. ⁸Nsii ikiyuka sia ni nsii inzia, nu utemi sia nu utemi. ikitula ni kyikimo nandii ningii, ni nzalaa.Uu wau muandio wa uwai.⁹Tulii nikilao, ikakumutuala mpaka mumabalaza, na mukipingua mu masinagogi. Mukiyimikigua ntongela ya imilii ni atemi kunsooko yane, ika ushuda kumiao. ¹⁰Lakini impola kuandia itanantigue ku nsii tulu.¹¹Kinaikakumuguila nu kukumuleka,mulekiopoka ku kyaso namukakukitambula. mukati ya matungo maso, mukipegua kyani kya kutambula: sika mukitula ninye namukitambula, bali muau muelu. ¹²Muntua ukakumuamba muntua kuyulagua, tata nu muana wakue. Alisha ikiyimika sia nia a tata aoonu kushakia kuyulagua. ¹³Mukiyipilua nu kila muntu kunsooko ya lina lyane. lakini nukakiumatilia mpaka impelo muntu nuaso ukigunika.¹⁴Kina mukiyona yipilo lya wononi lyimikile paso kinasika takilue kuyimika{nukusoma nua lingee}, papo naili mukati yaki Yuda amankiile kumulima, ¹⁵nunawilii kukyanya ya numba walekitima pansi ya numba, hau kushola kyensi kunzii, ¹⁶na nuilii kumugunda walekishoka kushola kijalo kyakue.¹⁷Lakini ole wao asungu natitee maimbii nina iyonkia ku ntondo zaso! ¹⁸Lompii ilekipunila ku tungo lya mpepo. ¹⁹Ikitula luago lukulu, nakili makae kupunila, piyukii u Mukungile kinali uumbile unkumbigulu, mpaka nitungo ilii, aaa, wala sikaikipunila kankii. ²⁰Mpaka Shekulu kinaukikepia intondo, kutilii umwili nakiugunika, lakini kunsooko ya asagulua, unakakiasagula, ukikepia maalio ma ntondo.²¹Itungo liaso kina muntu wensi ukakumuila, Laa, Kilisito ukolii ipaa!" hau Laaukolii ipo!," mulekishuila. ²²Kwani Akilisito aa ulongo nia manabii aa ulongo ikipunila na ikipunia miena ni ishembo, ingi amukongee, sunga asagulua. ²³Tulii nikilao! nakonda kumuila igaa tulu ikyilii imatungo.²⁴Lakini pembele ya luago lua ntondo zaso, mpasu ikiyikilua kiiti, mweli sikaukipunia uwelu wakue, ²⁵nsonda zikigua kupuna kukyanya, ni ngulu nazili kugulu zikishungusika. ²⁶Papo kina ikakumuona u muana waki Adamu upolokile mumalunde ku ngulu nkulu nu ukuligua. ²⁷Papo ukituma amalaika akue nu kukuailingila palumui asagulua akue kupuna nandii zinii za unkumbigulu, kupuna impelo nya unkumbigulu mapaka impelo nya kugulu.²⁸Kwani mukota imanie. kina tyambii nalyuku suma kupunia nu kuyika kuukau masanzii makue, papo mukimana kina ikipasu kyilii piipi. ²⁹Iyo yilii, kinamukiyona mantu igaa kinamipunila, manii kina ukolii piipi, na milango.³⁰Kulukulu, nukumuila, ikii kileli sikakikikila kulii kyilii mantu igaa kilimapunile. ³¹Gulu ni nsii zikikila, lakini nkani zane sikazikikila kamwe. ³²Lakini ku lutondo luaso hau, kulitii nulingile, sunga malaika aa kugulu , wala muana, ila u Tata.³³Tulii nikilao, Laa, kunsooko sikamulingile ingi tungo kii mikipunila. { Ambilaa: mukilili uu, Mutule nikilao, Lai nu kulompa kunsooko..." ukutilii mu nakala za kalii.} ³⁴Ingii kina muntu nulonguile musinzo: nuleka numba yakue, nu kukumuika musese wakue kina mutawala wa numba, kila muntu nu mulimo wakue. Nu kukumulagilia mulindini kukikansa nikilao.³⁵Kululo tulii nikilao! Kwani sikamulingile itii nalii Shekulu wa numba kina ukishoka ku numba, ishumikile yi mpindii, utiku wa manane, tungo umumbii kina ukikunkula, hau dau. ³⁶kina waze gafla, walekekukuagana wagonaa. ³⁷Ikyo nakikitambula kumuako nukukitambula ku kila muntu: elii''!

¹Alii ntondo zibili du pembele nya sikunulu nya pasaka ni mikate nsikamiikilue ngasho. makuhani akulu ni andikii aliiduma nzila ya kumuguila u Yesu ku hila nu kukumuulaga. ²Kunsooko aliatambuile, " sika matungo masikunkulu, antu alekizitenda munomo"³Tungo u Yesu kinali wili ku Bethania kukaa kuaki Simoni Mukoma, nikina aluyegela pa meza, musungu umui nuiza kumuakue utite nsupa ya malashi melu magalama nkulu zigi, nuuna insupa nu kutagila mukyanya ii tue lyakue. ⁴Lakini aliakoli akei aoo natakaa. Naiilaa ene ku ene naitambula, " Itii yani nsooko ya upugamuki uu? ⁵Manukato igaa azamasumile kuguligua ku kukila idinali magana matatu, na apegue iatukaa" nindio namukenela.⁶Lakini u Yesu nutambula, Muleki mwene ung"ene. Nki mukumuagua? Utendile kintu kiza kumuane. ⁷Ntondo tulu atuka muiensi, ni matungo tulu kinamutite nsula musumile mutende mza kumuao, lakini sikamukitula ni nene matungo mensi. ⁸Utendile ikio nusumile: waukuya u mwili wane makuta kunsooko ya uikua. ⁹Kulukulu nukumuila, kila luandi impola kinaitanantigua mu unkumbugulu tulu, ikio nukitendile musungu uyu kikilikitigua ku wijukua wakue.¹⁰Iyo Yuda Iskaliote, umui waioo kumi na abili, nuenda kua akulu aa makuhani ili waligie kukuakabizi kumiao. ¹¹Tungo akulu aa makuhani kinaigia yaso, nalumba nkangi naahidi kukumupela mpia. Nuandia kuduma lyoma lya kumukabizi kumiao.¹²Ku lutondo lua kuandia lua mukate nasikauikilue ngasho, tungo naliapunilie umuanankolo wa pasaka, amanigua akue namuila, Usiilie kuende pii kuendijipilia uligie kulia india za pasaka? ¹³Nuatuma amanigua akue abili nu kukuaila, longolii ku mujini, nu mugosha nukenkile ntunda ukakiona nininye. mutitatii. ¹⁴Numba nukiingila, mutitaitii na muilii umukola numba nyaso, Mwalimu utambula, " kikoli pii ikyumba kya agenda luandi kinaniklia ipasaka ni amanigua anee?¹⁵Ukakumulagila kyumba kya kukyanya kikulu kitite samani na kikoli kyakondaa. Tendii uzipilia ku kunsooko yitu paso." ¹⁶Amanigua nalega naenda ku mujini: naagana kila kintu kina iyo naliwaililile, nazipilia india za pasaka.¹⁷Tungo nali mpindii, nuiza ni ndiio kumi na abili. ¹⁸Ni kina aliaegela pa meza nu kulia, Yesu nutambula, "Kulukulu nukumuila, umui katia yanii nulia palumui ninene ukimputa." ¹⁹Tulu nasikitika, na umui pembele ya mua namuila, Tai sika nene?"²⁰Yesu nushokelia, " Ingi umui wa kumi na abilikatia yani, umui nulilia ntonge mu bakuli palumui ni nene. ²¹Kunsooko muana waki Adamu ukienda kina iyo mandiko namakutambula kyanya yakue. Lakini ole wakue muntu uyo na kukilila umwene muana waki Adamu ukigalukua! Aza iza kukila kumuakue kina muntu uyo angaliwalekilelua.²²Ni kina ilia, Yesu nusola mukate, nukembeta, nu kukuumega. Nuapela nutambula, "solii. uu ingi mwili wane" ²³Nusola kikombe, nusongelia, nuapelaa, na tulu nakopelaa. ²⁴Nuailaa, "iyii ingi migali yane nilyago, migali nyukuitika kunsooko ya ingii. ²⁵Kulukulu nukumuila sikanikikopa kanki ku ulelua uu wa mzabibu mpaka lutondo luaso kinanikikopa nampia ku utemi waki Mukungile."²⁶Kinaliakondi yimba ilyimbo, naenda kunzi mu mulima wa mizeituni. ²⁷Yesu nuailaa, "Inye tulu mukakitenga kulii kunsooko yane, kunsooko yandikue, Nikakumukua mudimi ni nkolo zikishapatila.²⁸Lakini pembele nyakuika inee, nikakumutongela ntongela yani ku Galilaya" ²⁹Petelo nuailaa, " sunga kina tulu ikakukuleka, inee sikanikakukuleka."³⁰Yesu nuailaa, "Kulukulu nukukuila, utiku uu, kakilii umumbii wakunkule nkua zibili, ikawankana nkua zitatu." ³¹Lakini Petelo alutambuile, sunga indazimishe kukia palumui nunduwe, sikanikakukukana." Tulu aliapunilie ahadii iyo iyo.³²Naaza paluandi nalilyitue Gethsemane, nu Yesu nuailaa amanigua akue, ikalansi ipaa nsalile." ³³Nuasola Petelo, Yakobo, nu Yohana palumui nunduyo, nuandia kushiga nu kushunsulia zigi. ³⁴Nuailaa, "nafsi yane itite kinishungu zigi, sunga kukia. sagii papaa muelie.³⁵Yesu nuenda ntongela inino, nugua pansii, nulompa, kina angaliishumikile, ku tungo ilii alilyumupugamuke. ³⁶Nutambula, " Aba,Tata, mantu tulu kumuako masumikile. ndegelie kikombe ikii. Lakini sika ku ulowa wane, bali ulowa wako"³⁷Nushoka nuaagana agonaa, numuila u Petelo, "Simoni, mbii wagonane? siawasuma kuyelia sunga itungo limui? ³⁸Elie na mulompe mulekiziingila mu magemua. Tai nkolo yili radhi, lakini mwili uneketu." ³⁹Nuenda kanki nu kulompa, na nutumila nkani zizozizo.⁴⁰Nuiza kanki nuagana agonaa, kunsooko miso mao alimaza maluto nasikaalingile kyani kya kumuila. ⁴¹Nuiza nkua ya katatu nu kukuailaa " kilii mugonile nu kushupia? Yatosagia! tungo lyapika. Laa! muana waki Adamu ukisalitiwa mumikono ya ana milandu. ⁴²Lailii, kuinii. Laa,uyo nunsaliti wili piipi"⁴³Mala du kinalikili ulikitia, Yuda, umuiwa ioo kumi na abili, nupika, ni dale kulu kupuna kua akulu a makuhani, andikii ni azee natite impanga ni ipini. ⁴⁴Tungo liaso umsaliti wakue aliwapiile muena, nutambula, uyoo nakikakumusuna, uyo. muguili na mutualii pansi ya ulindili." ⁴⁵Tungo u Yuda kinanupika, moja kwa moja nuenda kwaki yesu nu kutambula, "mwalimu!' numusuna. ⁴⁶Iyo namuika pansi ya ulindili nu kukumguila.⁴⁷Lakini umui katia yao nuliwimikile piipi nunduyo nusopola impanga yakue numukua muitumi waki kuhani namukulu numutema ukutui. ⁴⁸Yesu numuila, "Muizile kunguila ni mpanga ni ipini kina mulegelania? ⁴⁹Matungo kila ntondo aliniensi nininye nanukumumania mu hekalu, sikanamunguila. Lakini lii litendeka madiko matimile. ⁵⁰Ni ndio tulu naliiensi nu Yesu namuleka namankaa.⁵¹Musumbati umui numtiata, nalujalile mugolole du aliwikumbile wipilimilie, namuguila lakini ⁵²nuasupatuka nuleka mugolole papo numanka kipuii.⁵³Namutongela u Yesu kuaki kuhani mukulu. Paso aliingilile palumui nunduyo makuhani akulu tulu, anampala ni andikii. ⁵⁴Petelo nunduyo numutiata u Yesu kua kulii, kuyukila mulua luaki kuhani mukulu. nukalans palumui ni alindilii, naliili piipi nu moto iyotaa akuge upiu.⁵⁵Tungo liaso makuhani akulu tulu ni balaza tulu aliiduma ushaidi zidi yaki Yesu gale amuulage. Lakii sikanakuga. ⁵⁶Kunsooko antu ingii aliileta ushaidi wa ulongo zidi yakue, lakini sunga ushaidi wao sikanawimpiana.⁵⁷Akei aliimikile nu kuleta ushaidi wa ulongo zidi yakue, naitambula, ⁵⁸Azakumuigilie utambula, " nikakilionona ihekalu ilii nijipigue ku mikono, na mukati ya ntondo zitatu nkiakilizenga lyingii nasikalijipigua na mikono." ⁵⁹Lakini sunga ushaidi wao sikanawimpiana.⁶⁰Kuhani mukulu nuimika pakati yao numukolia u Yesu,"Mbii, umugla kishokelio? Antu iaa akukushudila yani zidi yako?" ⁶¹Lakini nukala du na sikanushokelia kyensi. Mla u Kuhani mukulu numukolia kanki, '' mbii uwee iti Kilisito, muana wa mukembetua.?" ⁶²Yesu nutambula, "Ine nene. Na ukakumuona muana waki Adamu ukalile mukono waku ndiilo wa ngulu ujile ni malunde ma kugulu."⁶³Kuhani mukulu nutandula ijalo yakue nu kutambula, "Mbii, kilii musiilie ushaidine? ⁶⁴Muategela ikufulu. ulamulii wani na wiii?" Na tulu naliamulamuile kina umui nayumujipile nkia. ⁶⁵Akei naandia kumutiila matii na kukumukumba usiu nu kukumukua kukumuila, "Lotelia maafisa namusola namukua.⁶⁶Nu Petelo kina ukilii ukolii pansii kulua, muitumi umui wa ananso aki kuhani mukulu nuiza kumuakue . ⁶⁷Numuona u Petelo kinali wimikilie nuyota umoto, na numulaa kua kumuegela. iyo nutambula, " nunduwe gaa azwiensi nu munazaleti, u Yesu." ⁶⁸Lakini nusiita, nutambula, " sikanizi wala sikaningile ikiaso nukukitambula!" nupuna kunzii kulua.( Ambiila: mukilili uu, " nu mumbi nukunkulaa" ukutilii munakala za kalii)⁶⁹Lakini muitumi wa kisungu paso, numuona na nuandia kkuaila kanki ioo naliimikile paso, "Muntu uyu ingi umui wao!" ⁷⁰Lakini nukana kanki, Pembele inino ioo naliimikile paso naliakumuila u Petelo, " hakika uwe ingi umui wao, kundogolelio uwee gaa ingi u Mugalilaya."⁷¹Lakini nuandia kukiika umwene pansi ya uzumua nu kulapa, "sikanumuizi muntu uyu namukumutambula." ⁷²Iyo mumbi nukunkula nkua yakabilii. Iyo u Petelo nujuka inkani u Yesu nali wamuila: nakili u mumbi wakunkule nkua ya kabili, ukunkana nku zitatu." na nugua pansi nu kulila.

¹Idau mapema akulu a makuhani natagana palumui ni anampala ii balaza lyensi lya anampala. namutunga u Yesu namutuala kuaki Pilato. Pilato numukolia, uwe umutemi wa Ayahudi?" ²Nushokelia , uwe utambuile maso." ³Akulu a makuhani nalikitia mingii kyanya yaki Yesu.⁴Pilato numukolia kanki, " sikushokelia kyensi? sikuonie kina akukutakia ku mantu mingii? ⁵Lakini u Yesu sikanumushokelia u Pilato, iyaso nayumukulilaa.⁶Ku kawaida tungo ma sikunkulu ukumutungulila mutungua umui, mutungua namulompile. ⁷Aliakoli ononii abilii mugeleza, muamui a aulagii katia ya naliaasile naitumikila makosa mao. Alukoli muntu mui ukuitagua Baraba. ⁸Umulundo nawiza kuaki Pilato, nu kukumulampa watende kina alutendile uko kunuma.⁹Pilato nuashokelia nu kutambula, Musiilie numutungulilie mutemi wa Ayahudi?" ¹⁰Kunsooko alulingile ingi nsooko ya wilu akulu a makuhani aliamugilile u Yesu nu kukumuleta kumuakue. ¹¹Lakini akulu Makuhani nasonsekelia umulundo kukua kilanga kuakukitunta kina watungulue u Baraba badala yakue.¹²Pilato nuashokelia kanki nu kutambula, numutende yani u mutemi wa Ayahudi? ¹³Nakua kilanga kanki, "muangike!"¹⁴Pilato nutambula, "utendile kintu kii nakibii?" Lakini naikomelila kukua kilanga kukilikila nu kukuilikila" muangike." ¹⁵Pilato nutaka kialogelia nailundile, nuatungulila u Baraba, Numukua u Yesu inkome iyo numupunia amuangike.¹⁶Agalimanga namutongela mpaka mukati mulua (uloo naluili mukati ya nkambii) nailingila palumui kikosi kya agalimanga, ¹⁷Namujalia u Yesu knanzo ya langi ya zambalau, na nasota taji nya migia namujalia. ¹⁸Naandia kukumtanila nu kutambula, " mpola, mutemi wa Ayahudi!"¹⁹Namukua kutue na mwanzi nu kukumutiila imatii. Natungamia maluu ntongela yakue kua kukumukulia. ²⁰Sunga kinanakondia kukumutanila, namujula inkanzo iyoo nya langi ya `zambalau namujalia ijalo yakue, namupunia kunzii kuyenda kukumuangika. ²¹Namukankanika mukila nzila kukumualilia, naluingila mu mujini kupuna kumgunda. Nukuitagua Simoni Mkirene ( tat waki Iskanda nu Rufo): namukankanika kukenka u musalaba waki Yesu.²²Agalimanga namutuala u Yesu luandi nalukuitagua Goligota (ndogolelo ya tafasiri iyii ingi, luandi lua ng"anga lii tue ) ²³Namupela mubinyo nausangigue ni manemane, lakini sikanukopa. ²⁴Namuangika nu kugaana ijalo yakue, naaikuila kula kulamula kipande nukiligia kila mugalimanga.²⁵Naipika saa tatu dau kinaliamuangikile. ²⁶Naika kyanya yakue lubao naliluandikue itakigua, " mutemi wa Ayahudi" ²⁷Aliamuangikile palumui ni asambo abilii, umui luandi luakue lua kundilo nu mua kunkigi yakue. ²⁸( Ambiila mukilili uu, N mandiko namatimila nalimalikitigue" ukutlii munakala za kalii).²⁹Nindio nalikila namutukila, naishungusha matue mao naitambula, " Aha! uwe .nukiuna iihekalu nu kukulizenga ku ntondo zitatu, ³⁰Igune uwee na utime pansi kupuna mu musalaba!"³¹Ku namuna iyoiyo akulu amakuhani namutanila naikiliktilia, palumui ni andikii nu kutambula, "Aliwagunile naingii, lakini sikushuma kukiguna umwene. ³²Kilisito mutemi wa Islaeli, tima pansii ino kupuna mu musalaba, kusume kuyona nu kushuila" Ni ndioo naliangikue palumui nunwene gaa namutanila.³³Kina nipika isaa mutandatu, kiiti nakyiza kyanya ya nsii tulu mpaka isaa kenda. ³⁴Tungo lya saa kenda, Yesu nukua kilanga ku lulii lukulu, "Eloi, Eloi, lama sabaktani?" indogolelio yakue Mukungile wane ,Mukungile wane, nikii wandeka?" ³⁵Akyii aa aso naliimikile kina naigia natambula, Laa, ukuuita u Eliya."³⁶Muntu mui numanka, nuijulia isiki mu siponji numiika kyanya ikota lya mwanzi, numupela wakopee. muntu mui nutambula, lindila kuone kina u Elia ukiiza kukumutimia pansii." ³⁷Nkangi u Yesu nulila ku lulii lukulu nukia. ³⁸Pazia lya hekalu nalituanuka ipande ibili kupuna mpaka pansii.³⁹Ofisa umui naliwimikile umuukililie u Yesu, kinanuona wakia kunamna nyaso, nutambula," kulukulu uyu alii muana waki Mukungile," ⁴⁰Aliakolii asungu nailiilaa kua kulii. katia yao alukolii Mariamu magdalena, Mariamu( nina waki Yakobo munino waki Yose),nu Salome. ⁴¹Tungo kinawili ku Galilaya aliamutiatile nu kukumutumikila . Ni asungu ingii ingii gaa aliipalumui nunduyo mpaka ku Yelusalemu.⁴²Alimpindii, nu kunsooko alii lutondo lua mazipilio, lutondo ikilii Sabato, ⁴³Yusufu wa Arimathaya nuiza paso. Ali mujmbe wii Balaza nukuligua muntu nuyukila utemi waki Mukungile. Ku igumia nuenda kuaki Piilato, nu kukuulompa u mwili waki Yesu. ⁴⁴Pilato nukulilua kina u Yesu wakondaa kukia: numuita u ofisa uyo numukolia kina u Yesu wakia.⁴⁵Kina nuligia utaitai kuaki afisa kina wakia, numugombia u Yusufu kukuusola u mwili. ⁴⁶Yusufu aliwagula sanda. numutimia kupuna mu musalaba, numutunga ii sanda, nu kukumuika mukati mukibiila nlikisimbue mugue. kangi nuilingila igue pa mulango waki kibiila. ⁴⁷Mariamu Magdalena nu Mariamu nina waki Yose aliaonie luandii kinalimuikue u Yesu.

¹Tungo Sabato kinanisila, Mariamu Magdalena nu Mariamu nina waki Yakobo, nu Salome, aliagulile manukato mazaa, asuume kuiza kuukuya makuta u mwili waki Yesu kunsooko ya maiiko. ²Dau mapema lutondo luakuandia lui juma, naenda ku kuibiila tungo ijua kinalilitua.³Naitambuila enee kua enee, " wani nukiilingilaigue kunsooko yiitu kusume kuilngila mu kibiila? ⁴Tungo kinalilaa, namuona muntu wakondaa kukuliingila igue, alikulu zigi.⁵Naingila mu kibiila namuona musumbati ujalile nkanzo nzelu, ukalile luandi lua kundiilo, nakuliaa. ⁶Nuailaa, "Lekiopokii. Mukumuduma u Yesu, wa Nazareti, nalimuangikue. Wiukaa! ukutili ipaa.Laa luandii luaso nkinali amuikile. ⁷Longolii, muailee amanigua akue nu Petelo kina watongela kuyukila ku Galilaya. ukuaso mukakumuona. kina nalumuilile."⁸Nalega nu kumanka kupna mu kibiila: nakikima nukukulilua. sikanatambula kyensi ku muntu wensi nsooko aliopoka zigi.⁹(Ambiila:nakala za kalii zukutilii marko 16:9-20) Mapema ku lutondo lua kuandia lui juma, pembele ya kuiukaa, numupuniila kuandia Mariamu Magdalena, unaso kupuna kumuakue alumupunilie mapepo mupungati. ¹⁰Nulega nu kukuailaa ioo nali ipalumui nunduyo, tungo kinaliyuzunika nu kupunia misholi. ¹¹Naigia kina ingi mupangaa na wigelelaa nunduyo, lakini sikanamusuilaa.¹²(Ambiila: nakala za kalii ngila Mariko 16:9-20) pembele ya maso, nuipunilia ku namna sia ku antu ingii abili,tungo kinaliigenda kupuna mu nsii. ¹³Naenda nu kukuailaa amanigua nailasagile, lakini sikanaasuilaa.¹⁴(Ambiila:Nakala za kalii ngila Marko 16:9-20) Yesu pembele nuipunilia ku ioo kumi na umui nailiegamile imeza, nuakenela kua kulekishuila kumiao nu kaku wa mioo, kunsooko sikanaasuilaa ioo nailamuonie pembele nya kuiukaa kupuna kua akii. ¹⁵Nuailaa," Lendii mu unkumbigulu tulu, nu kutanantia impola ku iyumbe tulu. ¹⁶Wensi nukishuilaa nu kubatisigua ukigunua, nu uyo nasikushuila ukilamulua.¹⁷(Ambiila"Nakala za kalii ngila Marko 16:9-20)imiena iyii iambinkanilie nu tulu naauilile. Ku lina lyane ikipunia pepo. Ikitambula ku ntambo nampia. ¹⁸Ikiyamba nzoka ku mikono yao, nsunga akope kintu kya kuulaga sikaiyalalika. Ikiyika mikono kua aluile, nindio ikitula apanga."¹⁹Pembele u Shekulu kina nutambula nindio, nusolua kyanya kugulu na ukalile mukono wa kigosha waki Mukungile. ²⁰Amanigua nalega nu kutanantia kila luandii, tungo Shekulu nukituma mulimo nindio na nailagila lukani ku kisembo ni miena nyitiatile nindio.

¹Ingii ikamatikagia kuyika ku mupangiilo wausimilili kuhusu masuala namatimilgigua katia yitu, ²kana nalikupile ishee, na kupunila umuandio ingi mashuda a miso ni itumii ajumbe. ³Iyo ninene gaa, pembele ya kukendegela ku ulai kiandilio lya mantu igaa tulu kupunila mandio _ naona ingi izaa kumuane gaa kukuandikia ku mupangilo wakue_ muheshimiwa zigi Theofilo. ⁴Ili kina usume kumana ikulukulu ya mantu nalumaumanigue.⁵Ku ntondo zaki Herode mutemi wa Yudea, alukoli kuhani nalimuitue Zekaria, wa lulii luaki Abiya. Musungu wakue nupuna kuaki aaki nanso haruni, ni lina lyakue alimuitue Elizabeti. ⁶Tulu aliatite haki ntongela yaki Mukungile: aliagendile bila lawama ku amli tulu ni malagilio maki Shekulu. ⁷Lakini aliagila ka muana, kunsooko Elizabeti ali mugumba, nu ku tungo ilii tulu abilii aliatula anampala zigi.⁸Inoo naipunila kina Zakaria ku ukoli waki Mukungile, nuendelile nu wajibu wa Kikuhani ku utalatibu wa zamu yakue. ⁹Kuligana ni destili ya kusagula ingi kuhani nui nukuhudumila, alimusagulue ku kula kuingila mu hekalu lyankiShekulu na iyo alujizukila uvumba, ¹⁰Dale tulu lya antu laililompa kunzi tungo lya kuzukiligua ku uvumba.¹¹inoo malaika aki Shekulu numupunila nu kuyimika luandi lua kundilo wa mazabahu ya kuzukilia. ¹²Zakaria nutisika kinanumuona: woaa naumuguila. ¹³Lakini malaika numuila, "Ulekiopoka Zakaria, kunsookoo malompi mako wamigagia, Musungu wako Eizabeti ukakukulelelia muana. Lina lyakue ukakumuita Yohana.¹⁴Ukitula nu ulumbi nu ushangamuku, na ingii ikakukulumbilia kulelua kumukaue. ¹⁵Kunsooko ukitula mukulu ntongela ya miso makiShekulu. Sikukopa ka divai hau kikopua nakikali, na ukitula mujuligue nu Muau Muelu kupunila mundaa yaki mau wkaue.¹⁶Ni antu ingii aa Izlaeli ikipilulua kuaki Shekulu Mukungile wao. ¹⁷Ukiyenda ntongela za usiu waki Shekulu ku nkolo ni ngulu zaki Eliya. Ukitenda itii kushokia mioo yatata ku alisha, ili kina nasikaitegela ikiyenenda lu hekima yaki natite haki. Ukitenda itii kuyika tayali kuaki Shekulu antu na azipiligue kunsooko yakue.¹⁸Zakaria numuila malaika, Nikishumai kumana ilii? kunsooko inee ingi numunampala nu musungu wane miaka yakue yatula mingiizigii." ¹⁹Malaika nushokelia numilaa,"inee ingi Gabirileli, na nukuimikile ntongela zaki Mukungile. alinumutumue kukuilaa, kukuletela mpola iyii nanziza. ²⁰Na laa,sikukitambula, ukitula widuu, sikukishuma kutambula mpaka lutondo uloo mantu igaa kinamikipunila. Iyii ingi kunsooko alumulemue kushuila nkani zane na mikitimiligua ku matungo mwafaka.''²¹iInoo antu ali amulindilile u zakaria .Nakukungualigua kina aliutumila matungo mingii mu hekalu. ²²Lakini kinanupuna kunzi sikanusuma kutambula nindio. Nalinga kina ali waligagia maono kinali wili mu hekalu. nuendelela kulagila miena nusaga duu. ²³Naipununila kina ntondo za huduma yakue kina nazishila nulega kushoka kukaa yakue.²⁴Pembele yaki Zakaria kushoka kukaa kupuna ku huduma yakue, musungu wakue nutula muluto. Nunduyo sikanupuna kukaa yakue ku matungo ma mieli itano,. Nutambula, ²⁵Ilii lyali u Shekulu nutendile kumuane kinanundaa ku ukuili ili kulegia nsoni zane ntongela za antu.''²⁶Inoo, ku mueli wa mutandatu wa imbii lyaki Elizabeti, Mukungile numuila malaika Gabilieli kuyenda ku muji wa Galilaya naukuitagua Nazareti, ²⁷Kuaki bikira nalimuposue nu mugosha na lina lyakue Yusupu, Mwene ali wa lulii luaki Daudi, ni lina lyaki bikira uaso ali Mariamu. ²⁸Nuiza kumukue nutambula, "Mpola, uwee nusingile ukende ukulu! Shekulu mulogeligue nunduwe." ²⁹Lakini nkani zaki malaika nazumusalinkania na sikanulinga kua niki malaika nutambula mpola iyii nya kisembo kumuakue.³⁰Malaika numuila," Ulekiyopoka, Mariamu, ndogolelio waligagia ukende kupuna kuaki Mukungile. ³¹Na laa, ukikenka imbii mundaa yako na ukilela muana. Nunduwe ukakumuita lina lyakue "Yesu." ³²Ukitula mukulu na ukiyitua Muana wa nuili kukyanya zigi. Shekulu Mukungile ukakumpela tyengu lya enzi kya ki Daudi tata wakue. ³³Ukitawala kyanya ya lulii luaki Yakobo kali na kali nu utemi wakue sikaukitula wa mpelo.³⁴Mariamu numuila malaika, ilii likipunila ku namna kii, ndogolelio kilingeme kugona nu mugosha wensi? ³⁵Malaika nushokelia nu kumuila, Muau Muelu ukakukuizila kyanya yako, ni ngulu za nuili kyanya zigi ikiiza kyanya yako. Kululo, muelu nukilelua ukiyituta Muana waki Mukungile.³⁶Na laa, mununa mununa wako u Elizabeti utite uluto wa muana ku lika lyakue lya unampala. Uuu ingi mueli wa mutandatukumuakue, na alikuitagua mugumba. ³⁷Ndogolelio kutili nasikalyukusumika kuaki Mukungile." ³⁸Mariamu nutambula, "Laa, inee ingi muitumi wa kisungu waki Shekulu. Leka itule iyo kumuane sawasawa ni mpola zako." Nkangi malaika numuleka.³⁹Papo ku ntondo zaso Mariamu nulega nu ku wangu nuenda ku nsii ya ilima, ku muji ku nsii ya Yudea. ⁴⁰Nuenda kukaa yaki Zakaria numuugia u Elizabeti. ⁴¹Inoo, naipunila kina Elizabeti kinanuigia mpola yaki Mariamu, mulisha mundaa yakue nuputa, nu Elizabeti nujuilgua nu Muau Muelu.⁴²Nuitunta lulii luakue nu kutambula ku lulii lukulu, "umukembetue uwee kukilikila miongoni mua asungu, nu mulisha nukoli mundaa yako mukembetue. ⁴³Na yatulai kumuane kina, mau waki Shekulu wane iliijipile waze kumuane? ⁴⁴Kunsooko laa, kina naigulika mua akutui anee lulii lua kulamukia kumuako, mulisha mundaa yane nuputa kua ulumbi. ⁴⁵Na mukembetue musungu uyo na nusuila ya kina alujilipunia ukaminkilu wa mantu igoo nalimuilue kupuna kuaki Shekulu."⁴⁶Mariamu nutambula nasifi yangu yukumukulia Shekulu, ⁴⁷ni nkolo yane yilowa ku Mukungile muguni wane.⁴⁸Kundogolelio umilaile hali ya pansii ya muitumi wakue wa kisungu. Laa, kupuna inoo ku ileli tulu ikinjita mukembetua. ⁴⁹Ku ndogolelio mwene namusuumi utendile mantu makulu kumuane, ni lina lyakue ingi lielu.⁵⁰Rehema yakue iyima kupuna kileli sunga kileli ku ioo namuheshimile u mwene. ⁵¹Walagila ngulu ku mukono wakue: wasapatilagia ioo na naikikeeta kyanya ya masiigo ma mio yao.⁵²Watimagia pansi alisha akai Mutemi kupuna ku matengu ma enzi nu kukuanansula kyanya natite hali ya pansi. ⁵³Nuakutia natite nzala ku inti naizaa, bali agolii waingaa mikono mitili.⁵⁴Upunilie walilia kua Izlaeli muitumi wakue, ilii kukijuka kulagila rehema ⁵⁵(kina nalutambuila kua tata itu) kuaki Abrahamu nu uleli waki kali na kali."⁵⁶Mariamau nukala nu Elizabeti nipika mieli itatu itii papo nushoka ku kaa yakue. ⁵⁷Inoo tungo alilyapika kuaki Elizabeti kukitunguila mulisha wakue na nuitungila mulisha waki kigosha. ⁵⁸Jilani akue ni antua akuenaigilia namna Shekulu numikulile rehema kumuakue, nalumba palumui nunduyo.⁵⁹Inoo naipunila lutondo lua munana kina aliizile kumutala kumbi mulisha. aliyajipiile kumuita lina lyakue, "Zekaria." kua kuyambila lina lyaki tata wakue, ⁶⁰Lakini mau wakue nushokelia nu kutambula, aaa:ukiyitua Yohana." ⁶¹Namuilaa, kutilii sunga numui ku antua ako nuyitua ku lina ilii."⁶²Namutendela muena tata wakue kulagila mwene alutakile lina witue wani. ⁶³Tata wakue nutaka kibao kya kuandikila, na nuandika, "Lina lyakue ingi Yohana," Tulu nakulilua ni ilii.⁶⁴Gafla mulomo wakue naudugulua ni lulimi luakue nautula hulu. nutambula nu kumukulia Mukungile. ⁶⁵Woa nawaizila tulu naliikalile piipi nindio. Mantu igaa namasapatila ku nsii tulu nya ilima ya Yudea. ⁶⁶Na tulu naliamigilie namatunza mu mioo yao, naitambula, " Mulisha uyu kina wa namna kii?" Kunsooko mukono waki Shekulu al w palumui nunduyo.⁶⁷Tata wakue Zekaria nujuligua nu Muau Muelu na nupunia unabii, nutambula, ⁶⁸Wakuligue Shekulu, Mukungile wa Izlaeli, kunsooko unzalililie na aluwagile ugunua ku antu akue.⁶⁹Wakunansulilagia mpembe ya ugunua ku numba ya muitumi wakue u Daudi, kupuna miongoni mua luli lua itumii aki Daudi, ⁷⁰kina naulutambuile ku kilakala kya manabii akue naliakoli ku matungo ma kalii. ⁷¹Ukakukuguna kupuna kua alugu itu nu kupuna mu mikono ya tulu nakuipilue.⁷²Ukitenda itii kulagila rehema kua tata itu, nu kukijuka lyago lyakue lielu, ⁷³kilapo nukitambuile kuaki Abrahamu tata witu. ⁷⁴Alulapile kukanikilia kina aliisumika kumutumikila Mwene bila woa, pembele ya kugunua kupuna ku mikono ya alugu itu. ⁷⁵ku welu ni haki ntongela zakue ntondo zitu tulu.⁷⁶Iyo, nu nduwe mulisha, ukiyitua nabii wa nuili kukyanya zigi, kunsooko ukiyenenda ntungela za usiu waki Shekulu ili kukumuzipilila nzila, kukuazipilia antu kunsooko ya wizilo wakue, ⁷⁷kukualingia antu akue kina, ikigunua ku nzila ya kusamilua milandu yao.⁷⁸Ilii likipunila kunsooko ya kinishungu kyaki Mukungile witu, nsooko imapasu kupunila kyanya likakuizila, ⁷⁹Kuyangaja kumuao naikaka mukiiti nu ku uvuli wa nkia. Ukitenda itii kukuitongela migulu yituku nzila ya amani."⁸⁰Inoo, uyo mulisha nukula nu kutula muna ngulu munkolo na nukala mushaka mpaka lutondo lua kipunilia kumuakue kua Izlaeli.

¹Inoo ku ntondo zaso, naipunila kina Kaisari Agustino nupunila lyagilio nulingia kina isolue sensa ya antu tulu naikikala munkumbigulu. ²Iyii ali sensa ya kuandia nalitendekile tungo Krenio na gavana wa Siria. ³Iyo kila umui nuenda ku mujini kumuakue kuyandikisigua sensa.⁴Nunduyo Yusupu nulega gaa ku muji wa Nazareti kuaso ku Galilaya nu kuyenda ku Yudea ku muji wa Bethlehemu, nakula ukumazukile kina muji wa Daudi, Kunsooko ya lulli luaki Daudi. ⁵Nuenda uko kukiandikisha palumui nu Mariamu, nali wamuposa na aliulailile mulisha.⁶Inoo naipunila kina, naili kuaso tungo liakue lya kitunguila mulisha naupikaa. ⁷Nuitunguila mulisha wa kigosha, mulelua wakue wa kuandia, numupilimila ntiila mu mwili kumukinga mpepo mulisha. Papo numuika ku pango lya kulisilia nimuu, kunsooko alikutili kalyoma mu numba za agenda.⁸Ku yeneo lyaso, kinali ilii adimii nali ikalile mumigunda nailinda madale ma nkolo zao utiku. ⁹Gafla ,malaika waki Shekulu nuapunila, nu utukufu waki Shekulu naumiliminta kukuapilimilia, natula nu woa zigi.¹⁰Papo malaika nuailaa, "Mulekiyopoka,kunsooko numuletile mpola nziza na ikileta ulumbi ukulu ku antu tulu . ¹¹Ntende muguni mulelue kunsooko yani mujini muaki Daudi! Mwene wayu Kilisito Shekulu! ¹²Uu wau muena na mukipegua, mukakumuagana mulisha mutungue ntiila na ugonila mu pango lya kulisilia nimuu."¹³Gafla naitula ni jeshi lya kugulu nalikamantana ni malaika nuaso namukulia Mukungile, naitambula, ¹⁴Utukufu kuaki Mukungile nuili kyanya zigi, na amani itule munkumbigulu tulu na mulogeligua nunduo."¹⁵Naitula kina malaika kinatula alega kuyenda kugulu, adimi naitambuila ene kua enee, "Kuini inono uko ku Bethlehemu, na kuendiyona kintu ikii nakyapunila, u Shekulu nukulingagia." ¹⁶Nakaya uko, namuagana Mariamu nu Yusupu, namuona mulisha ugonile mu pango lya kulisilia nimuu.¹⁷Kina naono itii, naailaa antu ikio naliailue kumuhusu mulisha. ¹⁸Tulu nailigilie mpola iyii nakulilua ni ikio nakitambulue ni adimi. ¹⁹Lakini Mariamu nuendlela kushiga kuhusu tulu nuakonda kumaigia, nukumatunza mu moo wakue. ²⁰Adimi nashoka akumukulia nu kukumsifu Mukungile kunsooko ya kila kintu naliakondaa kuigia nu kuyona, kina du naliilikitigue kumiao.²¹Kinalupika lutondo lua munana na ali matungo ma kumutuala kumbi mulisha, namuita lina Yesu, lina naliwakondipegua nu malaika uyo ikili imbii kutungua mundaa.²²Ndelua nalintakue za wielia nazakilile, kuligana ni shalia yaki Musa, Yusupu nu Mariamu namutuala mu hekalu uko ku Yelusalemu kukumuika ntongela zaki Shekulu. ²³Kina naliyandikue ku shalia ayaki Shekulu, "Kila mugosha nutungula ndaa ukiyitua namupunigue wakfu kuaki Shekulu." ²⁴Ioo iyo iyo aliiizle kupunia sadaka kuligana ni ikio nakitambulua ku shalia yaki Shekulu. "Pea ya nkunda hau makinda mabili ma nkunda."²⁵Laa, aliukoli muntu ku Yelusalemu lina lyakue uyitua Simeoni. muntu uyu ali muna haki na mukulia Mukungile Mwene alulindile kunsooko ua mupolelia wa Izlaeli, nu Muau Muelu aliwi kyanya yakue. ²⁶Aliyakondikunukulua kumuakue kukilila Muau Muelu kina sikalujilikia ikili ya kumuona Kilisito Shekulu.²⁷lutondo lumui nuiza mukati yi hekalu namutongelue nu Muau Muelu. ialeli namuleta mulisha, Yesu, kumutendela igoo nalimamujipiile kawaida ya shalia, ²⁸Papo Simeoni numusingile mumikono yakue, na numukulia Mukungile nu kutambula, ²⁹Inoo mugombie muitumi wako walongole ku amani Shekulu, kuliganila nu lukani luako.³⁰Kunsooko miso mane mauona ugunua wako, ³¹na wigela ku miso ma antu tulu. ³²Mwene ingi welu kunsook ya ukunukulua ku wamataifa nu utukufu wa natu Izlaeli."³³Tata nu mau wa mulisha nakulilua kyanya yakue. ³⁴Papo Simeoni nuakembeta na nutambula kuaki Mariamu mau wakue,"Tegelii kuu utuulu! Mulisha uyu ukitula nsooko ya kulimila ku utuulu nu kugunika ku antu ingii ku izlaeli na ingi muena na antu ingii ikipingaa. ³⁵Gaa ingi mpanga naukishonsa nafisi yako mukola, ili kina masigo ma mioo ya ingii migelele."³⁶Nabii musungu nalimuitue Ana gaa alukolii mu hekalu. Mweneali munanso waki Fanueli kupuna kabila lya Asheri. alutite miaka mingi zigi. Nunduyo alukalile nu mugosha wakue ku miaka mupungati pembele ya kiona, ³⁷na papo nutula mujane ku miaka makumi munana na inii. Nunduyo alikiwalege mu hekalu nu aliendelile kukumukula Mukungile palumui nu kufunga nukulompa,utiku ni munsi. ³⁸Nu kutungo liaso, nuiza paso naili nuandia kukumusongelia Mukungile. nutambula kumuhsu mulisha ku kila muntu na lulindile ukomolua wa Yelusalemu.³⁹Kinakndia kila kintu naliatakue kutenda kuligana na shalia yaki Shekulu, nashoka ku Galilaya, mujini kumuao, Nazareti. ⁴⁰Mulisha nukula, na nutula ni ngulu, nuyongeleka ku hekima, na ukende waki Mukungile ali kyanya yakue.⁴¹Aleli akue kila mwaka naenda ku Yelusalemu kunsooko ya sikunkulu ya Pasaka. ⁴²Kinaliwili ni lika wa miaka kumi ni bili, naenda kanki tungo mwafaka kidesturi kunsooko ya sikunkulu. ⁴³pembele ya kusaga ntondo tulu kunsooko ya sikunkulu, naandia kushoka kukaa. Lakini musumbati Yesu nusaga kunuma muaso mu Yelusalemu na aleli akue sikalialingile ilii. ⁴⁴Aliagelile kina ukoli mu dale nalisafili nindilo, iyo naenda musinzo wa lutondo. Papo naandia kumuduma miongoni mua antu ni asuaia aoo.⁴⁵Kina nalemua kumuligia, nashooka ku Yelusalemu naandia kumuduma muaso. ⁴⁶Naipunila kina pembele ntondo zitatu, namuligia mu hekalu, nukalansile pakati ya mwalimu, nukuategela nu kukuakolia makolio. ⁴⁷Tulu naliamutegelile nakulilua nu umani wakue ni mashokelio makue.⁴⁸Kinanamuona, nakulilua. Mau wakue numuilaa, "Muana wane, kua niki ukutendile itii? Tegela, tata wako ni nene kuaza kukuduma ku woa ukulu. ⁴⁹Nuailaa, " kua niki muazinduma? Sikamulingile kina lazma ntule mu numba yaki Tata wane ? ⁵⁰Lakini sikanalinga yani ndogolelio yakue ku nkani zaso.⁵¹Papo nuenda palumui nindio mpaka kukaa ku Nazareti na alimutegeli kumuao. Mau wakue nuika mantu tulu mnkolo yakue. ⁵²Lakini Yesu nuendelela kukula ku hekima nu ulipu, na nukilikila kulogua nu Mukungile ni antu.

¹Inoo, ku mwaka wa kumi na mitano wa utawala waki Kaisari Tiberia, tungo Pontio Pilato ali gavana mukulu wa mukoa wa galilaya, ni Trakoniti, ni Lisania ali mukulu wa mukoa wa Abilene, ²na tungo ali mukulu wa ukuhani mukulu wa Anasi ni Kayafa, Lukani luaki Mukungile nalumuizila Yohana muana waki Zakaria, mubalangu.³Nusafili ku mukoa tulu kupilima mongo wa Yrdani, nutanantia ubatizo wa yungamo kunsooko ya usamilua wa milandu.⁴Kina yandikue ku kitabu ky nkani zaki Isaya nabii, "luli lua muntu nukulila mushaka, " mizipilii ikonde nzila yaki Shekulu, mazipilii makilo makue namagolokile.⁵Kila bonde likakijuligua, kila kilima ikisawazisigua, balabala nazikunzile zikigololua, ni nzila nazitite makombo zikitontigua. ⁶Antu tulu ikakuuona ugunua waki Mukungle.''⁷Iyo, Yohana nauailaa makutano ukulu wa antu naliamuizilile aligie kubatizua nu mwene, " Inyee ulelua wa nzoka nautite sumu, wani numulangile kukumimanka gazabu nipolokile?⁸Lelii nkali namalinganile nu uungami. na mulekiyandia kutambula mukati yani," Kutite Ibrahimu na ingi tata witu: kunsooko nukumuilaa ya kina, Mukungile usumile kukumunansulia alisha sunga kupunila ni mague igaa.⁹Yakondaa mpopo yaikagua pa muili wi makota. Iyo, kila kota nasikalilela namaza, lyukutemagua nu ktagua mu moto.¹⁰Nkangi antu ku makutano namukolia naitambula, "Inoo kuatakue kutendei?" ¹¹Nushokelia nuaialaa, "kina muntu utite nkanzo zibili mutakilue wapunie nkanzo mui ku muua na mugila nkankana, na ni nutite ndiia nuatende iyo iyo.''¹²Nkangi akei atoza ushulu naiza gaa kubatizua, namuilaa, "Mwalimu, kuatakilue kutendai? ¹³Nauailaa, " Muleilingila mpia kukilikila kukila namuatkilu kuilingila.''¹⁴Akei a agalimanga gaa namukolia naitambula, "aishe mbii? Kuatakilue kutendei?" Nuailaa, "Mulekishola mpia ku muntu wensi ku ngulu, na mulekumutungia muntu wnsi ku ulongo. liziki ni misala yani."¹⁵Inoo, kunsooko antu aliatite nsula ya kumulindila Klisito nujile, kila umui alishiga mu moo wakue kuhusu Yohana kina mwene uyo Kilisito. ¹⁶Yohana nushokelia kua kuailaa tulu, "Inee nukumubatiza inye ni mazi, lakini ukoli umui nupolokile utite ngulu kukila inee, na sikanijipiile sunga kutungula indigi za ilatu yakue. Ukakumubatiza inye ku Muau Muelu nu ku moto.¹⁷Petelo lyakue lyili mu mukono li kuyelia izaa uwanda walue w akupetela ngano nu kumilingila ngani mugugu lyakue. Lakini, ukakumalimansilia makapi ku moto na sikausumile kudiba.¹⁸Ku malango mingii mingi gaa, alutanantilie mpola nziza ku antu. ¹⁹Yohana numukenela gaa u Herode mukulu wa mukoa kua kumutola u Herodia, musungu wa mununa wakue ni maudobu mingi mingii na Herode alumatendile. ²⁰Lakini pembele Herode alutendile udobu wngi ubii zigi. Numutunga u Yohana mugeleza.²¹Nkangi naipunila kina tungo antu tulu kina ibatizua nu Yaohana, nunduyo Yesu alimubatizue gaa. Tungo kina ulompa, gulu naliduguka. ²²Muau Muelu nutima kyanya yakue ku mpiani ya kiwliwli kina nkunda, tungo lilo lilo lulii naluiza kupuna nitambula, "Uwee ingi Muana wane muilogua. Nanilogeligua zigi nu nduwe."²³Inoo Yesu mukola, kinanuandia kumania, aliutite lika lya miaka makumi matatu. Ali muana(kina nalimuililue)waki Yusupu, muana waki Eli, ²⁴muana waki Mathati, muna waki Lawi, muana waki Melki, muana waki muana waki Yana, muana waki Yusupu.²⁵muana waki Matathia, muana waki Amosi, muana waki Nahumu, muana waki Esli, muana waki Nagai, ²⁶muana waki Maati, muana waki Matathia, muana waki Semeini, muana waki Yusupu, muana waki Yuda.²⁷muana waki Yoanani, muana waki Resa, muana waki Zrebabeli, muana waki Sheltieli,muana waki Neti, ²⁸muana waki Meiki, muana waki Adi, muana waki Kosamu, muana waki Elmadamu,muana waki Eri, ²⁹muana waki Yoshua, muana waki Eliezeri,, muana waki Yrimu, muana waki Matathi, Muana waki Lawi,³⁰muana waki Simeoni,muana waki Yuda, muana waki Yusupu, muana waki Yonamu, muana waki Eliyakimu, ³¹muana waki Melea muana waki Mena, muana waki Matatha, muana waki Nathani, muana waki Daudi, ³²muana wakiYese, muana waki Obedi, uana waki Boazi, muana waki Slmoni, muana waki Nshoni,³³muana waki Abinadabu, muana waki Aramu, muana waki Hesroni, ³⁴muana waki Yakobo, muana waki Isaka, muana waki Ibrahimu, muan waki Tera, muana waki Nahori, ³⁵muana waki Seruig, muana waki Ragau, muana waki Pelegi, muana Ebri, muana waki Sala,³⁶muana waki Kenan, muana waki Arfaksadi, ³⁷muana waki Metusela, muana waki Henoko, muana waki Yaredi, muana waki Mahalalei, muana waki Kenani, ³⁸muana waki Enoshi,muana waki Sethi, muana waki Adamu, muana waki Mukungile.

¹Nkangi, Yesu nujuile Muau Muelu, nushoka kuuna ku mongo wa Jordani, na alimutongelue nu muau kubalangu ²ku ntondo makumi manii, nu kuaso alimugemue nu Ibilisi. Tungo lyiaso sikanulia kyensi, ni mpelo wi tungo liaso aluhisile nzala.³Ibilisi numuilaa, "Kina uwee ingi Muana waki Mukungile, liamulu gue ilii kutula mukate." ⁴Yesu nushokelia, " yandikue: muntu sikukakikala ku mukate ung'ene."⁵Nkangi Ibilisi numutongela kyanya ku kilele kya mulima, nu mulagilla utemi tulu wa unkumbugulu ku tungo kupii. ⁶Ibilisi numuilaa, "Nikukupela mamlaka ya kutawala utemi uu tulu palumui ni fahali yakue. Nsumile kutenda yaso kunsooko tulu ikabizigue kumuane niitawale, na nsumile kumupela wensi nansiilie kumupela. ⁷Kululo, kina ukintungamila nu kunkulia , intu iii tulu ikitula yako."⁸Lakini Yesu nushokelia nu kumuilaa, "yandikue, "lazima umukulie Shekulu Mukungile wako, na lazima umutumikile Mwene ung'ene du."⁹Pembele Ibilisi numutongela u Yesu hadi ku Yelusalemu nu kumuika sehemu ya kyanya nkankana yi jengo lya hekalu nu kukumuila, "Kina uwee ingi Muana waki Mukungile, itage pansi kupuna ipaa. ¹⁰Kunsooko yandikue, "Ukakukulagilila malaika akue akutunze nu kukulinda, ¹¹na ikakukuukia kyanya mu mikono yaoili kina ulekiyalika migulu yako kyanya yi gue."¹²Yesu nushokelia , "Ilikitigue,"uleke kumugema Shekulu wako." ¹³Ibilisi kinanumala kukumugela u Yesu nuenda iyakue nu kumuleka hadi tungo lyingii.¹⁴Nkangi Yesu nushoka ku Galilaya ku ngulu za nkolo, ni mpola kumuhusu mwene nazishaptila nu kushambala ku mikoa jilani tulu. ¹⁵Alumania ku masinagogi mao, na kila umui alumukulilie.¹⁶Lutondo lumui nuenda ku Nazareti, muji na alimtunzue nu kukulila. Kina nyili destuli yakue nuingila ku sinsgogi lutondo lua Sabato, na nuimika kushoma maandkio. ¹⁷Alimukabiziwe gombo la nabii Isaya, iyo, nulitunga gombo na nuduma sehemu nalinandikue.¹⁸Nkolo waki Shekulu wili kyanya yane, kunsooko alumbikile makuta kutanantia mpola nziza ku utuulu. Untumile kutanantia uhulu kua atungua, nu kuwatenda alekiyona asumee kuyona kanki. Kukuaika hulu ioo nayonatiligua, ¹⁹kukuutanantia mwaka u Shekulu ukilagilaukende wakue."²⁰Nkangi nulitungula gombo numushokelia mutongeli wasinagogi , nanukalansa pansi. Miso ma antu tulu naliili mu sinagogi namamulaa mwene. ²¹Nuandia kulikitia nindio nutambula, "Ntende lyandiko ilii lyatimilagigua muakutui anii. ²²Kila umui paso alushudile ikio nukitambuile u Yesu na ingii miongoni muao nakulilua ni nani za hekima nalizipuna ku kilakala kyakue. ali itambula " uyu ingi musumbati du waki Yusupu, sika iyo?²³Yesu nuailaa, "taii mukitambula methali iyii kumuane, "Muganga, ikamie uwee. Kyensi nalikuigilie ukitendile ku Kapernaumu, kitende ipaa gaa ku kisali kyako." ²⁴Gaa nutambula, "taii ukumuilaa inyee, kutilii nabii nugombekile ku nsii yakue."²⁵Lakini nukumuilaa inyee kulukulu kina aliakoli ajane ingii ku Izlaeli matungo maki Eliya, tungo igulu kinali tungua ilekitula ni mbula ku miaka itatu ni nusu, tungo kinali nzala nkulu ku nsii tulu. ²⁶Lakini Eliya sikalimutumuae ku wensi umui wao, lakini Eliya mujane umui du nalukikala ku Sarepta piipi nu muji wa Sidoni. ²⁷Gaa, aliakoli anaukoma ingii ku izlaeli ku tungo lya Elisha nabii,lakini kutili sunganumui wao nalimukamigue ila u Naamani du muntu waku Siria.²⁸Antu tulu mukati yii Sinagogi naijulua ni gazabu kina naigia igaa tulu. ²⁹Naimika nu kumusukumilia kunzi ya muji nu muji wao aliuzengue kyanya yakue, ili asuumue kumutaga pansi. ³⁰Lakini nukila salama pakati yao nuenda iyakue.³¹Nkangi nutima ku Kapernaumu. ku muji wa Galialaya. Sabato mui aliumania antu mukati yi Sinagogi. ³²Nakulilua ni mamanio makue, kunsooko alumania ni mamlaka.³³Inoo lutondo luaso muakti yi sinagogi, alukoli muntu nalutite nkolo yi pepo mushapau, na alulilile ku luli lua kmukyanya, ³⁴Kutite yani nunduwe, Yesu waku Nazareti? wizile kukulimansilia? Ningile kina uwee ingi wi wani! uwee ingi umelu waki Mukungile!"³⁵Yesu numukenela pepo nutambula, Tulia du, na umupune muntu uyu!" pepo nuaso kinanumutaga muntu nuaso pansi pakati yao, numupuna muntu nuaso bila ya kumusakilia uwai wensi. ³⁶Antu tulu nakulilua, naendelela kulikitilia kinu kyaso kila umui nu mua. Naitambula, "Itii nkani za namna ki izi? Ukuaamlisha inkolo nashapu ku mamlaka ni ngulu na ilega." ³⁷Iyo, mpola kyanya yaki Yesu nazendela kila seemu ku maeneo namapilime mukoa waso.³⁸Nkangi Yesu nulega mu muji waso nuingila ku numba yaki Simoni. Inoo, mau muki wakue nu Simoni alimuluile homa ntaki, namupepia ku niaba yakue. ³⁹Iyo, Yesu numuegela, numukenela ihoma nyaso na nyumulekela. Gafla na nuandia kukuaatumikila.⁴⁰Mpasu kinatula kushalila, antu namuletelau Yesu kila umui nalimuluile wa uluile wa aina siasia. Nuika mikono yakue kyanya ya kila muluile na nuakamia tulu. ⁴¹Mapepo gaa naamapuna ingii aoo namilila ku luli nu kutambula, uwe ingi muana waki Mukungile!" Yesu nuakenela mapepo na sikanuagombia atambule, kunsooko alialingile kina mwene ali Kilisito.⁴²Tungo kinanawela, nuenda yeneo nigila ka antu. Makutano a antu naliamutiatile naaza ku yeneo kinaliwili. Nagema kukumugilia walekiyenda kulii ni enee. ⁴³Lakini nuailaa, "Lazima gaa ntanatie mpola nziza za utemi waki Mukungile ku miji nimia mingii, kunsooko iyii yoi nsooko alinumutume ipa." ⁴⁴Nkangi nuendelela kutanantia mukati yi masinagogi ku uyahudi tulu.

¹Iyo naipunila tungo antu kinanamulingila nu kukumupilima u Yesu nu kutegela lukani luaki Mukungile, na aliwimikile ku mpelo ya nanza ya genesareti. ²Nuona mashua zibili zitulile naga kumpelo ya nanza. Azua aliapuna aliyogia nyavu zao. ³Yesu nuingila ku mui ya mashua zaso, na aliyaki Simoni nu kumulompa wamituale mu mazi kuiii inino ni nsii nanumu. Nkangi nukalaa nu kumania kupunila ku mashua.⁴kutambula, numuilaa u Simoni,"mituale mashua yako mpaka ku kilindi kya mazi nukutimia nyavu zako uzue insii." ⁵Simon nushokelia nu kutambula, Shekulu, kuituma mulimo utiki wensi, na sikakuaguila kyensi, lakini ku lukani luako, nikakizitimia nyavu. ⁶Kina tenda yaso nailinga ngel nkulu nya nsii nu nyavu zaonazandia kutiika. ⁷Iyo naapela muena ashilika aoo ku mashua yingi ili aze nukuwaalilia. Naiza naijulia mashua tulu, ngele nazandia kujama.⁸Lakini Simoni Petro, kinanuona yaso, nugua mu maluu paki Yesu nutambula,"lega kumuane, kunsooko inee ingi muntu muna milandu Shekulu." ⁹Kunsooko alimukulilue, na tulu nalii palumui nunduyo, kua uzui wa nsii naliautenda. ¹⁰Iyii aliwajumulisilie Yakobo nu Yohana alisha aki Zebedayo, na aliashirika aki Simoni. Nu Yesu numuila Simoni, ¹¹"Uekiopoka, kunsooko kuyandilia inoo nu kuyendelea ukizua ni antu." Kinanatulaazileta mashua zao ku nsii numu, naleka kila kintu nu kumutiata mwene.¹²Nipunila kina kinali wili ku muji uko. tungo muji umui wakue, muntu nalujuile ukoma aliwili kuaso. tungo kinanumuona u Yesu, nugua nutunia usiu kumuakue mpaka kunsilili nu kumulompa , nutambula,"Shekulu, anga usiilie, wasuma kunjelia, ¹³Nkangii u Yesu nugolola mukono wakue nu kumutona ,nutambula , "Nsiilie. elaa." Na tungo lilo lilo ukoma naumuleka.¹⁴Numulagilia walekumuila muntu wensi,lakini alumuilile, "Lenda iyako, na wilagile kua makuhani na upunie sadaka ya weligua wako, sawasawa ni ndikio Musa nukiamlisilie, ku ushuda kumiao."¹⁵Lakini mopla kumhusu mwene nazendela kulii kukilikila, nu mulundo ukulu wa antu nawiza palumui kumutegela numania nu kukamia maluile mao. ¹⁶Lakini nkua ku nkua alukitenga ku unkunku nu kulompa.¹⁷Nipunila lutond katia ya ntondo zaso ali umania, na alai mafalisayo ni amwalimu a shalia ikalansile paso na aliizile apunilile ijiji nyingi sia ku mukoa wa Galilaya ni Yudea, na gaa kupunila ku muji wa Yelusalemu. Ngulu zaki Shekulu aliyi palumui nunduyo kumukamia.¹⁸antu akei naaza, amukenkile mu mukeka muntu nupoozile, naduma nzila ya kumuingilia mukati ili amugonie pansi ntongela yaki Yesu. ¹⁹Sikanaligia nzila ya kumuingilia mukati kunsooko ya mulundo, iyo nanankila kyanya ya mugamba wa numba nu kumutimia uyo muntu pansi kukilila ku igae, kyanya mukeka wakue pakati ya antu, ntongela nkankana yaki Yesu.²⁰Nuingila usuili yao, Yesu alutambuile, "musamua, milandu yako wasamilagua." ²¹Andikii ni Mafalisayo naandia kuhoji liaso, naitambula, "Uyu ingi wani nutambula makufulu? Ingi usumile kushamila milandu ila Mungu ung'ene mwene?"²²Lakini Yesu, nulingile yani naliakusiiga, nuashokelia nu kuailaa, "Kua nki mukukilia lilii mu mioo yani? ²³Kyi ni kitontu kutambula, 'milandu yako yasamilagua' hau kutambula imika ugendee?' ²⁴Lakini mumane ya kina Muana waki Adamu utite mamlaka munkumbigulu ma kusamila milandu, Nukukuilaa uwee, 'Laila, sola mukeka wako na wende kukaa yako."²⁵Tungo lilo lilo nulaila ntongela yao na nusola mukeka wake naliugonile. Nkangi nushoka kukaa yakue nukumutukuza Mukungile. ²⁶Kila umui nukuliligua namukulia Mukungile Naijulua ni woa, naitambula, " Kuaona mantu nasika makawaida ntende.''²⁸Pembele ya mantu igaa kupunila, Yesu nupuna kuaso na numuona mutoza ushulu naluyitua Lawi ukalansile yeneo lya kukusanilia kodi. Numuilaaa, "ntiate," ²⁷Iyo Lawi nuuka numutiata, nuleka kila kintu kunuma.²⁹Nkangi Lawi nuzipilia ku numba yakue kalamu nkulu kunsooko yaki Yesu. kinaliakoli atozaushulu ingii kuaso ni antu ingii naliikalansile pa meza nailia ppalumui nindio, ³⁰Lakini Mafalisayo ni andikii aoo aliakuanaganila amanigua, naitambula, "Kua nki mulia nu kukopa ni atoza ushulu palumui ni antu naingi natite milandu? ³¹Yesu nushokelia, Antu naili mupanga nauza sikaasiilie ka muganga, ingi ioo du naaluile aoo asiilie mhitaji mui. ³²Sikalinizile kuuaita antu natite haki aligie kuyungama, bali kukuaita natite milandu aligie kuyungama."³³Namuilaa, "Amanigua aki Yohana nkua ningi ukufunga nu kulompa, na kulompa, ni amanigua a Mafalisayo nindio akutenda iyo iyo. Lakini amanigua ako akulia nu kukopa." ³⁴Yesu nuailaa, "ishumikile muntu ensi watende napikile pa winga mutoli kufunga tungo mutoli kili wi palumui nindio? ³⁵Lakini ntondo zikiiza tungo mutolii kinaukilegigua kumuao, papo ku ntondo zaso ikifunga."³⁶Nkangi Yesu nutambula gaa kumuao ku mpiani. "Kutili nutandula kipande kya ntiila kupnua ku kijalo kipia nu kukitumila kujipilia kijalo kya kaliii. Kina watende yaso, ukakumitandula ntila mpia, ni kipande kya ntila kupuna kijalo kipia sikakifaa kutumika ni ntila ya kijalo kya kalii.³⁷gaa, kutili muntu nukuika divai mpia ku iliba nakulukulu, Kina watene yaso, divai nampia sikalitandula ikesme ikio, ni divai alijiliitika, ni iliba aliijili yononeka. ³⁸Lakini divai mpia lazima iikilue iliba ipia. ³⁹Na kutili muntu pembele ya kukopa divai nya kalii, sikukitaka nampia, kunsooko akutambula, ' nya kalii ingi bola."

¹Inoo naipunila ku Sabato kina Yesu aliukila ku mugunda wa musembe ni amanigua akue aliikala masuke, namakilisha kilisha katia ya mikono yao nalia nafaka. ²Lakini akei ya Mafalisayo natambula, "Kuaniki mutenda kintu na sika halali kishali kukitenda lutondo lua Sabato"?³Yesu, nuashokelia, nutambula, " Kilimu somage ikio u Daudi alutendile kinali utite nzala, mwene nui aosha nalii palumui nunduyo? ⁴Nuenda ku numba yaki Mukungile, na nusola mikate mielu nu kulia, mikei, nu kuipunia ku akei ku antu naliiensi nindio kulia, sungakina alihalali ku makuhani kulia." ⁵Nkangi nuailaa, "Muana waki Adamu ingi Shekulu wa Sabato."⁶Nipunila ku Sabato nyingi kina nuenda mukati yi sinaggi nu kuamania antu kuaoso. alukoli muntu u mukono wakue wa kundilo aliupoozila. ⁷Andikii ni Mafalisayo aliakumulaa ku utulizanu kuyona kina alujile kumukamia muntu lutondo lua Sabato, iliasuume kuligia nsooko yakumutakia kua kutenda ikosa. ⁸Lakini alulingile yani aliishiga na nutambula ku muntu naliupoozile mukono,"Laila, imika ipa pakati ya akila umui." Iyo muntu nuuka nu kuyimika paso.⁹Yesu nutambula kumiao, "Nukumukolia inye, ingi halali lutondo lua Sabato kutenda mazaa hau kutenda mazala, kuguna ukalii hau kuyonona?" Nkangi nualaa tulu nu kumuila uyo muntu, ¹⁰Golola mukono wako." Nutenda iyo, nu mukono wakue aliwaponagua. ¹¹Lakini naijulua ni kuo, naitambuila enee ku enee kuhusu yani yajipiile atende kuaki Yesu.¹²Naipunila tondo zaso kina nuenda ku mulima kulompa. Nuendelela utiku wensi kumulompa Mukungile. ¹³Kinanaitula dau, nuaita amanigua akue kumuakue, na nuasagula kumi na abili katia yao, na gaa nuaita "atumua."¹⁴Mina ma ioo atumua ali Simoni(na gaa numuita Petelo) nu Andrea mununa wakue, Yakobo, Yoaha,Filipo,Bartholomeo, ¹⁵Mathayo, Tomaso nu Yakobo muana waki Alfayo, Simoni, na alimuitue Zelote, ¹⁶Yuda muana Yakobo nu Yuda Iskaliote, na ali musaliti.¹⁷Nkangi Yesu nutima palumui nindio kupuna mulima nu kuyimika luandi Tamablale. ngela nkulu ya amanigua akue alii kuaso, palumui ni ngele nkulu ya antu kupuna uyahudi ni Yelusalemu, nu kupuna ku pwani ya Tiro ni Sidoni. ¹⁸Naiza kumutegela nu kukamigua maluile mao. Antu naliiyagigua ni pepo ashapu nakamigua gaa. ¹⁹Kila umui ku mulundo nugema kumutona kunsooko ngulu za ukamia alizipunigua mukati yakue, na aliwakamilie tulu.²⁰Nkangi nualaa amanigua akue, nu kutambula, Muakembetue inyee namuatuka, ku ndogolelio utemi waki Mukungile ingi wani. ²¹Muakembetue inyee namutite nzala inoo, kundogolelio mukakikutigua. Muakembetue inyee namulila inoo, kundogolelio mukisheka.²²Muakembetue inyee na antu kinaikakumuipilua nu kumutenga nu kumushutumu inyee kina ingi muadobu, kunsooko ya Muana waki Adamu, ²³Lumbii ku lutondo luaso nu kuputa puta ku ulumbi, kunsooko tai mukitula ni thawabu nkulu kugulu, ku ndogolelio tata aoo aliatendile iyo iyo manabii.²⁴Lakini ole wani namuagoli! kundogolelio muakonda kuligia polelio yani. ²⁵Ole wani namukutile inoo! kundogolelio nzala pembele. ole wani namusheka inoo! kundgolelio mukishunsulia nu kulia pembele.²⁶Ole wani, namukikuligua ni antu tulu! kundogolelio tata aoo aliatendile manabii a ulongo iyo iyo.²⁷Lakini nasema kumuani inyee namuntegela, aloguii adui anii nu kuatenda namaza kuanakumuipilua. ²⁸Akembetii ioo nakumuzuma inyee na alompelii ioo nakumuonela.²⁹Kumuakue mwene nukukua kunda limui, mupilulie ni lya kabili. Kina muntu angawakulegelie joho lyako lekakumugilia ni nkanzo. ³⁰Mupele kila nukulompaa, Kina muntu angawakulegelie kintu na nsao yako, leka kumulompa wakushokelie.³¹Kina mualogue antu amutendele, nininye atendeli iyo iyo. ³²Kina angamualogue antu namulogulue inyee du, nyaso itii thawabu kii kumiani? Kundogolelio sunga natite milandu akualogagua ioo naalogulue. ³³Kina muatendele namaza ioo nakumutendela inyee namaza, nyaso thawabu kii kumiani? Kundogolelio sunga natite milandu akutenda iyo iyo. ³⁴Kina mukopishe intu ku antu namutegamilile ikakumushokelia, nyaso itii thawabu kii kumiani? Sunga natite milandu akuakopisagia natite milandu, na akutegemela kushingia ngele iyo iyo kanki.³⁵Lakini alogue anaulugu ani na atendelii namza. Akopishi na mulehofu kuhusu kushokeligua, na thawabu yani ikitula nkulu, Mukitula alisha aki nuili kukyanya, kunsooko mwene mukola ingi mukende ku antu nagila ka usongelia ni adobu, ³⁶Tulii ni kinishungu, kina Tata wani nuili ni kinishungu.³⁷Mulekilamula, nininye sikmaukilamulua. Mulekizuma , nininye sikamukizumua, Samili naingi , nininye mukishamilua.³⁸Apeli naingi, nininye mukipegua, Ngele nya ukende_ nakikanangilue, kushukuashukua nu kuitika_ kikiitika mumaluu mani, Kunsooko ku kipima kyensi namutumila kupimila, kipimo kikyo kikyo kikitumika kukuapimila inyee."³⁹Nkangi nuailaa mpiani gaa."Mbii muntu namupoku usumile kumtongela muntu wingi namupoku? Kina alutendile yaso, basi tulu aliijiliguila mukombo, mbiisikaliijiguila? ⁴⁰Munanigua sikutula mukulu kukila mwalumu wakue,lakini kila muntu nagawamainigue ku ukaminkilu ukitula kina mwalimu wakue.⁴¹Na ku yani gua ukukilaa kibanzi nakyili mukati ya liso lya munta wako, ni kisimbili nakyili mukati ya liso lyako sikulaa? ⁴²ukishumai kumuila muntua wako , muntua, nilompa ndegie kibanzi nakyili mukat ya liso lyako, nunduwe sikulaa kisimbili nakyili ku liso lyako mukola? Munafiki uwee! kunadia legia boriti ku liso lyako mukola, papo ukiona izaa kulegia kisimbili ku liso lya muntua wako.⁴³Kunsooko kutili kota naliza nalyukulelaa nkali nambii, wala kutili kota nibii nalyukulela nklai nanziza. ⁴⁴Kunsooko kila kota lyulingika ku nkali zakue. Kunsooko antu sikaikala tini kupuna ku mmigia, wala sikaikala zabibu kupuna ku mishongoma.⁴⁵Muntu mukende ku kilndo kiza lya moo wakue ukupunagia namaza, nu muntu mudobu ku kilindo kibii kya moo wakue ukupunagia namabii. Kunsooko kilakala kyakue ukutambula namaujulilie moo wakue.⁴⁶Kuaniki munjita, 'Shekulu,' Shekulu, na kili sikamutenda igoo nanukutambula? ⁴⁷Kila muntu nukuiza kumuane nu kuigia nkani zane nu kumatendela mulimo, nikamulagila ikna wili. ⁴⁸Wimpianile nu muntu nukuzenga numba yakue, na ukusimba pansi zigi, nu kujenga musingi wa numba kyanya ya igue nkamu. Mafuliko kina namaza, mapolomoko ma mazi namamikua numba, lakini sikanamasuma kushungusika, kunsooko alinzengue izaa.⁴⁹Lakini wensi nukuigagia lukani luane nu sikawalutiata: mpiani yakue ingi muntu nalizengile numba kyanya ya nsii bila kutula nu musingi, mongo naumitimila ku ngulu, numa iyo niligia ulimansilia ukulu.

¹Pembele Yesu Kumala kila kintu nalutambula ku antu naliamugilie, nuingila ku Kapernaumu.²Mutumua kitngua waki akida, nalutuite wa thamani zigi kumuakue, akumuluile zigi na aliwili piipi ya kukia. ³Lakini kinanutegela kuhusu Yesu, akida uyo numutuma mutongeli wa kiyahudi, kumulompa waze kukumuguna mutumua wakue ili wakikia. ⁴Kinanapika piipi nu Yesu, namupepia ku ukamatiku nu kutambula, ujipiile kina yukujipiile kutendue itii kunsooko yakue, ⁵kunsooko ulilogilua taifa lyitu, nu mwne naluzengile sinagogi kunsooko yitu."⁶Yesu nuendelela nu musinzo wakue palumui nindio. lakini kilii wende kulii ni numba, afisa umui aliwatumile asuaia akue kukitambuila nunduyo. "Shekulu, lekakikatalia mukola kunsooko inee sikanijipiile uwee kuingila ku dari yane. ⁷Kunsooko iyii sikalinsigile sunga inee mukola kutula nfaile kuiza kumuako, lakini tambula lukani du ni muitumi wane ukipona. ⁸Kuani inee gaa ingi muntu nalinumuikue ku mamlaka na ntite mugalimanga pansi yane. Ukutambula kuaki uyu "Lenda" na ukuenda, nu ku muua, "Nzuu" nunduyo ukuiza, nu kuaki muitumi wane 'Tenda iki," nu mwene ukutendaa."⁹Yesu kinanuigia igaa nukulilua, na kukuapilukila makutano naliamutiatile nu kutambula. "Nukumuila, sunga ku Izlaeli, kilimone muntu nutite usuili ukulu kina uyu. ¹⁰Nkangi ioo naliatumue naashoka kukaa namuagana muitumi mupunga.¹¹Kitunga pembele ya igaa, naipunila kutula Yesu aliuyende musinzo ku muji naliwitue Naini. amanigua akue naenda palumui nunduyo naiilaa nu mulundo wa antu. ¹²Kinanupika piipi ni lango lya muji laa, muntu nukiile alimukenkue, na ingi mulisha ung'ene kuaki mau wakue, nali mujane, nu mulundo wa aakilishi kupuna ku jiji alii palumui nunduyo. ¹³Kinanumuona, Shekulu numuegeela ku kinishungu kikulu zigi kyanya yakue na numuila "lekilila." ¹⁴Nkangi nuigela ntongela nulitona ijeneza naliakenkile mwili, ni ndio naliakenkile naimika nutamabula "musumbati lala" ¹⁵Mukii nuuka nu kukikala pansina nuandia kutambula. Nkangi Yesu numukabizi kuaki mau yake.¹⁶Nkangi woa nawaizila tulu. naendelela kumukulia Mukungile naitambula "Nabii mukulu wanansulagua miongoni mumuitu" nu Mukungile walaa antu akue" ¹⁷Mpola izii zaki Yesu nazishapatila ku Yudea tulu nu ku mkoa tulu ya jilani.¹⁸Amanigua aki Yohana naumuila mantu igaa tulu. ¹⁹Papo Yohana nuaita abili amanigua akue nukukuatuma kuaki Shekulu kutambula "uwee wayu mwene nujile, hau ukoli muntu wingii kumulaile? ²⁰Kinanapika piipi nu Yesu iaa natambula, "Yohana mubatisia ukutumile kumuako kutambula, "uwee ingi uyo nujile hau ukoli muntu wngii kumulaile?²¹Ku tungo liaso kinanuakamia antu ingii kupuna ku maluile nu luago, kupuna ku nkolo nshapu, nu ku antu naitite upoku nuapela kuyona. ²²Yesu nushokelia nu kutambula kumuao. Pembele ya kutula muenda kinamupunile mukiyilua Yohana namukinie ninamakigilie. Napoku ishingila kuyona nakitele igendaa, ana ukoma iyeligua, akiziwi iigia, akii iiulua nukutula apangaa kanki, atuka iyilua mpola nziza. ²³Nu nasikukileka kunshuila inee ku nsooko ya ntendo yane mukembetue."²⁴Pembele ya ioo naliatumue nu Yohana kushoka kinaliapunile, Yesu nuandia kutambula ku makutano kyanya yaki Yohana, "Azamuendile kunzi kulaa yani? ²⁵lakini azmuendile kunzi kuyona yani, muntu nujalile izaa? laa antu ioo naijalaa ijalo yakiktemi nu kukikala ukalai wa luloyo luako ku lyoma lya atemi. ²⁶lakini mulunji kunzi kuyona yani,Nabii? Iyo, nitambula kumuani na kukilikila zigi kukil anabii.²⁷Uyu wayu nalimuandikilue, "Laa, namutuma mujumbe wane ntongela ya miso mani, nukijipilila nzila kunsooko yane, ²⁸Nitambula kumuani, katia ya ioo nalelule nu musungu, kutili mukulu kina Yohana, lakini muntu nasika muhimu zigi, nukakikala nu Mukungile luandi nukoli mwene, ukitula mukulu kukila Yohana."²⁹Ni antu tulu kinanaigia igaa palumui ni atoza ushullu, natanantia kina Mukungile ingi muna haki. Aliakoli katia yao ioo naliabatisigue ku ubatizo waki Yohana. ³⁰Lakini mafalisayo ni ataalamu a shalia za kiyahudi., naskialiabatizue nu mwene nasiita hekima zaki Mukungile kunsooko yao akola.³¹Kanki nsuumile kukualiganilia ni yani antu a kileli ikii? Iiiihasa! ³²Impianile ni alisha naikisiga ku yeneo lya soko, naikikala nukukiita umui pembele ya muua naitambula, Kupemba mpilimbi kunsooko yani, na sikanamuisiga. kuasunsuilia na sikanamulila.'³³Yohana mubatisia nuiza sikanulia mukate wala sikanukopa divai, namutambula Utite pepo. ³⁴Muana wa Muntu waza walia nu kukopa namutambula, "Anga ingi mulaku na mugala, musaia wa atoza ushulu natite milandu! ³⁵Lakini hekima yalingika kina itite haki ku alisha akue tulu."³⁶Umui wa mafalisayo numulompa Yesu wende kulia palumui nunduyo. Pembele yaki Yesu kuingia ku numba ya falisayo, nuegemela pa meza ili walie. ³⁷Laa alukoli musungu umui ku iji liaso nalutite milandu. nugundula kina aliukalile kua Failsayo, nuleta nsupa ya manukato. ³⁸Nuimika kunuma yakue piipi ni migulu yakue kunu nulila. Kanki nuandia kutotia migulu yakue ku misholi, nu kukuiputa kua ntumbi za mute lyakue, nukuisuna migulu yakue nu kukuikuya manukato.³⁹Nu Falisayo naliumualikie u Yesu kinanuona yaso, nusiga mukola nutambula, "Kina uyu muntu alujilitula nabii, angawalinge uyu ingi wani na ingi aina kii nya musungu nukumutona, ya kutula ingi mun milandu. ⁴⁰Yesu nushokelia nu kumuilaa, "Simoni ntite kintu kya kukukuila. "Nutambula" "kitambule du muwalimu!"⁴¹Yesu nutambula " aliakoli adaigua abili ku mukopisha umui. Umui aludaigua dinali magana matano nu nua kabili aludaigua dinali makumi matano. ⁴²Na kinali agila mpia nya kumulipa nuasamila tulu. Inoo wani nukakumulogua kukilikila? ⁴³Simoni numushokelia nu kutambula, Ngelile namusamilue kukilikila. :Yesu numuila, " Walamula ku usawa."⁴⁴yesu numupilukila musungu nu kutambula kuaki Simoni, "Wamuona musungu uyu. Ningila ku numba yako. Sikumpile ka mazi kunsooko ya migulu yane, lakini uyu, ku misholi yakue, alutotilie migulu yane nu kuiputa ku ntumbi zakue. ⁴⁵Sikaliunsunile, lakini mwene, kupunila kinaliwingile munu sikanuleka kunchuna migulu yane.⁴⁶Sikanukuya migulu yane ku makuta, lakini wamikuya migulu yane ku manukato. ⁴⁷Ku kintu ikii, nukukuila kina aliutite milandu mingi na wasamilagua kukilikila, na gaa alimulogue kukilikila. Lakini namusamilua inino, ukulogagua inino du."⁴⁸Pembele numuilaa musungu, "milandu yako yasamilagua" ⁴⁹Ioo naliikalile pa meza palumui nunduyo naandia kukitambuila enee kua enee, "Uyu ingi wani mpaka ushamila milandu? ⁵⁰Nu Yesu numuila musungu, " Usuili wako wakuguna. Enendaa ku amani"

¹Naipunila tungo kupii pembele kina u Yesu nuandia musinzo ku muji ni ijiji sia sia, nutanantia mpola nziza za utemi waki Mukungile ni ioo kumi na abili naenda palumui nundyuyo, ²iyo iyo asungu kitunga naliakamigue kupuna ku nkolo na ashapunu maluile sia sia. ali Mariamu nukuitagua Magdalena na alimpuniligue pepo mupungati. ³Yoana musungu waki Kuza nu meneja waki Herode, Susana, ni asungu naingii ingi naliapunilie nsao zao kunsooko yao akola.⁴Ni pembele mulundo wa antu kukilingila palumui, nakolii ni antu naliiizile kumuakue kupuna miji sia sia, nuilikitiilia nindio kua kutumila mpiani. ⁵mupandili nuenda kupandila mbeu, kinalupandila,zaaso mbeu nkei zaso nzigua kumpelo munzila nazitilatua pansi mu migulu, ni noni za kukyanya nazile. ⁶Mbeu nzia nazigua kyanya ya ulongo wa ndii na kina nazilia nu kutula mishe kinazilia kunsooko alitilii ka utotu.⁷Mbeu nzia nazigua pi kota lya migia, nindio nyaso makota nikula palumui ni mbeu zaso natuniligua. ⁸Lakini mbeu nzia naziga mu ulongoo nauza nazilela maimbula nkua magana kukilikila. "Pembele yaki Yaki Yesu kutambula mantu igaa, nuitunta lulii," Wensi nutite akuti makuigia na wigie."⁹Kanki amanigua akue namukolia ndogolelio ya mpiana nyaso, ¹⁰Yesu nuaila, "Muapegue ukuilua wa kumana unkunku wa utemi waki Mukungile. lakini antu naingi ikimanigua du ku mpiani, ili kina aone alekiona na angigie alekilingaa.¹¹Na iyii yoi ndogolelio ya mpiani iyii. ¹²Mbeu ingi lukani luaki Mukungile. izo naliziguile mpelo mpelo ya nzila ingi ioo antu naitegela lukani, ni pembele mudobu shetani ukulusola kulii kupuna mu moo, ili kina alekishuila nu kugunua. ¹³Nkangi na ndizo naziguile ku gue ingi antu ioo naiigia lukani nu kulisngila ku ulumbi lakini agila myilii yensi, asuilile du ku tungo pupii, ni tungo lya magemua ukugua.¹⁴Ni mbeu izo nazigua ku nigia ingi antu nakugagia lukani, lakini kinaendelile kukula zukutunilagigua na kudumaa nu ugoli nu ubora wa ukalii uu na sikailela ka nkali. ¹⁵Lakini mbeu izo nazigua ku ulongoo nauzaa ingi ioo antu, na ingi anyenyekevu ni mio miza, pembele ya kulutegela lukani ukuliambila natula salama nu kulela nkali ma wiumatilia.¹⁶Inoo, kutili sunga numui, nuyakilia ntala nu kukumikumba nibakuli hau kumiika pansi ya kitanda. Bdala ya kumiika ku kinal kya ntala ili kina kila umui nuingila waligie kumiona. ¹⁷Kunsooko kutili nakikakipisa na sikakikikumuzuka, hau kyensi nakyili mu unkunku na sikakikikumazuka iklyili ku welu. ¹⁸Kululo tula makini kinautegela. Kunsooko nutite, kumuakue ukiyongeligua kukilikila, lakini namugila ka kintu sunga ikio nakinino nutite ndikio kikisholua.¹⁹Pembele mau wakue u Yesu ni antua naaza kumuakue ukuakalibisagia kunsooko ya mulundo wa antu. ²⁰Na nupegua mpola, "Mau wako ni antua ako ipo kunzi asiilie kukuona uwee. ²¹Lakini, Yesu nushokelia nutambula naitegela lukani luaki Mukungile nu kuliambila."²²Naipunila lutondo lumui katia ya ntondo zaso u Yesu ni amanigua akue nanankila mu mutumbwi, na nuailaa,"Na kupuute kutumbi lya kabiliya nanza." Nazipilia mashua yao. ²³Lakini kinanaandia kulega, Yesu nugona ndolo, nizoluba ntaki nitite nzega, ni mashua yao nyandia kukijula mazi natula mu ulugu zigi.²⁴Pembele amanigua akue naza kumuakue kukumlailia, naitambula, "Shekulu mukulu! Shekulu mukulu! kuili piipi kukia!" Nulaila nukemela nzega ni mawimbi ma mazi naitulia naitula nu utuluu. ²⁵Kanki nuilaa,"usuili wani wili pii?" naopoka, Nakulilua, naitambuila enee kua enee kila umui nu muua, "Uyu iti wani,ingele kina uyamlisha sunga nzega ni mzi nayukumutii?"²⁶Napika ku muji wa Gerasini nyili upande wa numa ya Galilaya. ²⁷Yesu kinanutima nu kutilata muulongo, muntu kitunga kupuna ku mujini, nutagana nunduyo, nunduyu muntu aliutite ni ngulu za kiiti. Ku tungo piipu aliskijala ka ntiila, na alisikukikala mu numba, lakini aliukikala mu ibiila.²⁸Kinanumuona u Yesu nulila ku lulii, na nugua pansi ntongrls yakue. ku lulii lukulu nutambula, Ntendile yani kumuako, Yesu muana waki Mukungile nuili kukyanya? Nukukupepia, Ulekimpela azabu inee" ²⁹Yesu nuamlisha nkolo nshapu yumupune muntu nuaso, kunsooko nkua ningi umupagaile. sunga kina ali mutungue migila nu kutunua nu kuyikua pansi ya ulindili, nuuna itunga nu kuyendesigua ni mapepo mpka ku balangu.³⁰Yesu numukolia, "Lina lyako wani?" nushokelia nutambula, "Legioni" Ku ndogolelio mapepo mingii mingila kumuakue. ³¹Naendelela kumupepia uleke kukuamlisha kuende ku kombo.³²Dale lya nguluma alilidima kyanya ya kilima, namupepia wagombie azingile ku nguluma zaso. na nuagombia kutenda yaso. ³³kululo ioo mapepo namupuna muntu nuaso nu kuingila kua nguluma zaso, ni dale lyaso nalimanka mwinuka wa mulima mpaka ku nanza na nazama muaso.³⁴antu ioo aliidima inguluma izo kinanaona naliipunile, namanka na napunia mpola pso kumujini nu kunzi ku miji naliypilimikilie. ³⁵Antu kinaanigia maso naenda kulaa nakipunile, na naaza kuaki Yesu na namuona muntu na muna masala makaminkil, ukalile ku miguluyaki Yesu, na aliopokile.³⁶Papo umui wao nuonie nakipunile nuandia kukuasimulila naingi namna muntu uyu nali utongelua ni mapepo nalimukamigue. ³⁷Antu tulu a mukoa wa Wagerasi na maeneo nalimapilimilie namulompa u Yesu walege kumuao kunsooko ali atite woa ukulu. Na nuingila ku mutumbwiili washoke.³⁸Muntu uyo nalimupunue ni pepo numupepia u Yesu kuyennda nunduyo, Yesu numuilaa wende nu kutambula, ³⁹Shoka ku numba yako na ualie iga tulu u Mukungile nukutendile" muntu uyu nulega, nutanantia pensi ku muji tulu igoo tulu u Yesu nutendile kunsooko yakue.⁴⁰Na Yesu nushoka, makutano namukalibisha, kunsooko tulu ali amulindilile. ⁴¹Laa nuiza muntu umui uyitua Yairo nugua migulu paki Yesu nukumupepia wendeku numba yakue, ⁴²Kunsooko aliutite mulisha munanso umui du, ulika lya miaka kumui nibili, na aliwili ku hali kukia. Na kinaulonguile, makutano aliituninkilile zidi yakue.⁴³Musungu muna kupunua migali ku miaka kumi nibili aliwili paso na aliutmile mpia tulu kua aganga, lakini kutili naliumukamile sunga numui, ⁴⁴nuiza kunuma yaki Yesu nu kutona pindo lya kijalo lyakue na gafla kupuna migali naikoma.⁴⁵Yesu nutambula,"Wani nu ntonile?" Kinanasita tulu, Petelo nutambula, Shekulu mukulu, mulundo wa antu nakukusukuma na akukusonga." ⁴⁶Lakini Yesu nutambula, Muntu umui aluntonile, ndogolelio aliningile ngulu zapuna kumuane."⁴⁷Musungu kinanuona yamkina sikushuma kukipisa nukitendile, nuandia kukikima, nugua pansi ntongela yaki Yesu nutanantia ntongela ya antu tulu nsooko nalizumuntendile wamutone na iyo nukaigu gafla. ⁴⁸Nkangi nutambula kumuakue, "Munanso, usuili wako wakutenda utule mupangaa. Enenda kua amani."⁴⁹Kinali wendelile kutambula, muntu umui nuiza kupuna ku numba ya mutongeli w asinahogi, nutambula, Munanso wako wakia. leka kumuagiau mwalimu." ⁵⁰Lakini kinanuigia yaso, nushokelia, "Lekiyopoka. Suila du na ukigunua."⁵¹Nkangi kinanuingila ku numba nyaso, sikanugombia muntu wensi kuingila palumui nunduyo, ila u Petelo, Yohana nu Yakobo, tata waki munanso, nu mau wakue. Inoo antu tulu aliisunsulia nu kupunia lulii kuno yakue, ⁵²lakini nutambula, "Mlekikua kilanga, sikukiile, lakini ugonile du." ⁵³Lakini namuseka ku kimeli, nalinga kina wakia.⁵⁴Lakini mwene, nukumuamba munanso mukono, nuita ku luli, nutambula, "Mulisha uuka" ⁵⁵nkolo yakue nyumushokela, na nuuka tungo lilo lilo. Nuamlisha kina, wapegue kintu kitunga kunsooko walie. ⁵⁶ALeli akue nakulilua, lakini aliwaamlisilie alekumuila muntu nali kipunie.

¹Nuaita ioo kumi na abili palumui nuapela usuumi ni mamlaka kyanya ya mapepo tulu nu kukamia maluile. ²Nuatuma endee kutanantia utemi waki Mukungile nu kukamia aluile.³Nuailaa, "Mulekishola kyensi kunsooko ya musinzo wani wala nkome, wala mbogosi,walamukate, wala mpia wala mulekishola nkanzo zibili. ⁴Numba yensi namukiingila, ikalii muaso mpaka kinamukilega luandi paso.⁵Naku ioo nasiishingila, kinamukilega muji waso, ikununti lunkundi mu migulu yani ku ushuda kyanya yao" ⁶Nalega nu kuyenda kukilila ijiji, naitanantia mpola nziza nu kukamia antu kila luandi.⁷Ino Herode, mutawala, aliwigilie tulu nalimitula mipunila aliwagile zigi, kunsooko alitambulikile ni akei kina Yohana mubatisia wiuka kupuna kua akii, ⁸ni akei kina Elia wakondipunila, nu ku naingi kina umui wa manabii kalii wiukaa ku akii kanki. ⁹Herode alutambuile, "alinumusinzile Yohana,lakini uyu ingi wani naniigia mpola zakue? Nu Herode nuduma nzila ya kumuona u Yesu.¹⁰Tungo kinashoka ioo naliatumue, namuilaa kila kintu naliatendile. nuasola palumui nunduyo, nuenda ung'ene mwene ku muji naukuitagua Bethsaida. ¹¹Lakini makutano naigia kuhusu ilii namutiata, na nuakalibisha, nu kutambula nindio kuhusu utemi waki Mukungile, na nuakamia ioo naliasiilie ukamigua.¹²lutondo naluandia kusila, ni ndioo kumi na abali naenda kumuakue nu kutambula, "asapatilie makutano kina endee ku ijiji ya piipi nu mijini endiduma usupia ni ndia, kunsooko kukoli yeneo lya masaka." ¹³Lakini nuailaa," inie apeli kintu kya kulia." Natambula "kuagila kukilikila ipande itanao ia mikate ni nsii zibili, ila azakujiyenda kugule ndia kunsooko ya mulundo uu wa anatu." ¹⁴Aliakoli agosha aliigile ihumbi itano paso. nuailaa amanigua akue. "Ikalanshii pansi ku madale ma antu igiile makumui matano ku kila dale.¹⁵Kululo natend aiyo ni antu naikalansa pansi. ¹⁶Nusalo mikate itano ni nsii zibili nulaa kugulu, nuikembeta, nuimega ku ipande, nuapela amanigua akue ili aiyike ntongela ya makutano. ¹⁷Tulu nalia nu kukikuta, ni ipande ya ndia naliishagile naisholelua nu kukijulia ikaikapu kumi na ibili.¹⁸Niyaso naitula kina, kinali ulompa ung'ene mwene, amanigua akue palumui nunduyo, na nuakolia nutambula ,"antu akutambula ine ni wani? ¹⁹Nashokelia, natambua, "Yohana mubatisia, lakini naingi akutambula Elia, naingi akutambula umui wa manabii a matungo makalii wiuka kanki."²⁰Nuaila, "Lakini inyee mutambula inee ni wani?" Nushokelia u petelo nutambula, "Kilisito kupuna kuaki Mukungile." ²¹Lakini kua kualanga, Yesu nuailaa kulekumuila wensi kyanya ya ilii, ²²nutambula kina muana waki Adamu lazima wagigue ku mantu mingi nu kushitua ni anampala ni Makuhani akulu na andikii ni autauwa, nu lutondo lua katatu ukiiuka.²³Nuailaa tulu,"kina muntu wensi angawatake kuntiata, lazima wikane mukola, wasole musalaba wakue kila ntondo na wantiate. ²⁴Wensi nukugema kukuuguna ukalii ukakuulimila, lakini wensi nukulimilagia ukalii wakue ku nsailo yane, ukakuuguna. ²⁵Mbii yikakumusaila yani muanamuntu , kina angawaligie unkumbigulu tulu,lakini walimile hau waligie asala ya nafisi yakue?²⁶Wensi nukimonela nsoni inee ni nkani zane, kumuakue mwene muana waki Adam ukakumuonela nsoni kinautkitula ku utukufu wakue, nu utukufu waki Tatanni malaika eluu. ²⁷Lakini nukumuila ikulukulu, akoli akei ani nakuimika ipaa, sikaikitoma nkia mpaka wauone utemi waki Mukungile."²⁸Naipunila iligia ntondo munana pembele yaki Yesu kutambula nkani izii kina nuasola palumui nunduyo Petelo,Yohana nu,Yakobo, nanankila mumulima kulompa. ²⁹Na kinawili kulompa, mugelo wa usiu wakue naukailika, ni ijalo yakue naitula yelu na ya kumiliminta.³⁰Na laa, aliakolii agosha abili naitambula nunduyo! alii Musa nu Elia, ³¹Naigela ku utukufu. natambula kuhusu kulega kumuakue, kintu nali wapiipika kukaminkila Yelusalemu.³²Inoo Petelo ni ioo palumui nunduyo aliili mu ndolo nduto.Lakini kina nalaila, naauona utukufu wakue ni agosha abili naliimikile palumui ³³nunduyo.Naipunila kina, kinaliilega kuaki Yesu, Petelo numuila, "Sekulu, ingi izaa kumuitu kukila ipaa na yukujipiile kujipia ukalii wa antu atatu. Kuzipie umui kunsooko yako, umui kunsooko yaki Musa, na umui kunsooko yaki Elia." Sikanulinga naliukukilitelilia.³⁴Kinautambula maso, nalyiza lunde nalyakumba: naopoka kinanaona apilikiligue na apilimue ni lunde. ³⁵Lulii nalupunilaku lunde nitambula, " "Uyu ingi Muana wane muteule. Mutegeli mwene. ³⁶Lulii kina nalutuulia, Yesu aliung'ne mwene. naikala du, nu ku ntondo zaso sikanualia kyensi wensi miongoni mua naliamaonie.³⁷Lutondo nalilutiatile, pembele ya kupuna ku mulima, mulundo ukulu wa antu nautagana nunduyo. ³⁸Laa, mugosha kupuna ku mulundo nulila kua luli, nutambula, Mwalimu nukukulompa umulae muana wane, kunsooko ingi muana wane ung'ene. ³⁹Uyona nkolo nshapu yukumuamba, nankua ukukua kilanga, na gaa ukumutenda wasalinkanilue nu kupunia pombolu mukilkala. Nimene makupuna kua shida, namakusakila uwai utaki. ⁴⁰Nanumupepia amanigua ako kukenela ipune, lakini sikanasuma."⁴¹Yesu nushokelia nutambula,Inyee kileli nasikakishuila nakipugamukile, mpaka nali nikakikala nininye nu kukisolela nininye? Mulete muana wako ipaa" ⁴²Musumbati naliupolokile , nkolo nshapu nyumugusha pansi nu kukumusungusha ku munomo. Lakini Yesu nukenela nkolo nyaso nanshapu, numukamia musumbati, nu kukumukabizi kuaki tata wakue.⁴³Tulu nakulilua nu ukulu waki Mukungile. Lakini kinaikulilua tulu mantu tulu nalimatendekile, nutambula kua amanigua akue, ⁴⁴Nkani zumukale mua kutui ani, kunsooko Muana waki Adamu ukipunigua mu mikono ya anaantu." ⁴⁵Lakini sikanalinga ndogolelio ya nkani zaso, na alimpisue mu miso mao, ili alekizilinga. Naopoka kumukolia kuhusu lukani luaso.⁴⁶Nkangi mugogolo nawandia kuzuka miongoni muao kyanya ya wani aliwatule mukulu. ⁴⁷Lakini Yesu kinanulinga naliakikolia mu mioo yao. numusola mulisha munino, na numuika upande wakue, ⁴⁸na nutambula, "kina muntu wensi angawamsingile mulisha munino kina uyu ku lina lyane, wansingila nene gaa nuntumile, kunsooko na munino katia yani tulu uyo namukulu."⁴⁹Yohana nushokelia nutambua, "Shekulu, alikumuonie muntu uyinga pepo ku lina lyako kuamugilia, kunsooko sikuambatanile nindishe." ⁵⁰Lakini Yesu numuila, "leki kumugilia, kunsooko sikawili sia nininye ingi wa kumuani"⁵¹Naipunila kina, kulinga ni tondo nazitula ziyengela ntondo zakuee za kuenda kugulu, ku ukamu nuelekeza usiu wakue ku Yelusalemu. ⁵²Nutuma ajumbe ntongela yakue, nindio naenda nu kuingila ku kijiji lya Asamaria ili amuzipilile, ⁵³Lakini antu uko sikanamusingila, kunsooko ali ulekezile usiu wakue Yelusalemu.⁵⁴Amanigua akue Yakobo nu Yohana kina naliona ilii, natambula, "Shekulu usiilie kuamlishe moto utime pansi kupuna kugulu walimansilie? ⁵⁵Lakini nuapilukila nuakenela. ⁵⁶Nkangi naenda kijiji kyingi.⁵⁷Kinali alunji ku nzila yao, muntu umui nuailaa, "Nikakukutiata pensi kinulunji." ⁵⁸Yesu nuailaa, "Amulula atite makombo, nani za kukyanya atite itiii, lakini muana waki Adamu mugila pakugonia itue lyakue."⁵⁹Papo numuila muntu muua, "ntiate," Lakini mwene nutambula,"Shekulu, ngombie kuandia nende kumuika tata wane," ⁶⁰Lakini mwene numuila, "Aleke akii aikee akii iaa, lakini uwee lenda utanantie utemi waki Mukungile kil luandi."⁶¹Gaa muntu muua nutambula. "Nikakukutiata, Shekulu, lakini ngombie kuandia nende kualaga naili ku numba yane." ⁶²Lakini Yesu nuailaa kutilii muntu, nukuikila mukono wakue kulima nu kulaa numa nukifaa ku utemi waki Mukungile."

¹Pembele ya mantu maso, Shekulu nusagula makumi mupungati ku kila muji ni eneo nalusigile kuyuka. ²Nuaila, " Maimbula ingi mingi, lakini ituma mulimo ingi akei. Iyo gua mulompii u Shekulu wa maimbula, ili kina watume wangu ituma mulimo ku maimbula makue.³Longoli ku miji Laii, nukumutuma kina nkoloo pakati ya iyingii. ⁴Mulekikenka mupuko wa mpia, wala mbogosi a anamusinzo,wala ilatu, wala mulekekumuugia muntu wensi munzila.⁵Numba yensi namukiingila, kuandia tambuli, 'Amani itule ku numba iyii. ⁶kina muntu wa amani ukoli paso, amani yani ikishaga kyanya yakue, lakini kina sikaiyo,ikishoka kumuani. ⁷Sagii mu numba nyaso, liii na mukope naikakukipunia, kundogolelio muituma mulimo ujipiile mushala walue. Mulekishama kupuna numba iyii kuyenda nyingii.⁸Muji wensi namukuingila, na amusingile, lii kyensi nakikiyikua ntongela yani, ⁹na kamiii aluile nakolii muaso. Tambuli kumuao, Utemi waki Mukungile wazaa piipi yani.¹⁰Lakini ku muji wensi namukiingila, na aleke kumusingila, lendi kunzi ku balabala na tambuli, ¹¹Sunga lunkundi ku muji wani naumilile mu migulu yani kukununta zidi yani! Lakini lingii ilii, Utemi waki Mukungile wapiipika. ¹²Nukumuilaa kina lutondo lua ulamulua ikitula ingi wiumatilia kukilikila ku Sodoma kukila muji waso.¹³Ole kumuako Korazini, ole kumuako Bethsaida! Kina mulimo mikulu itumii mukati yako aliijitendeka ku Tiro nu ku Sidoni, Aliijiungama kalii zigi, ikikala mukati ya ntila za magunila ni mau. ¹⁴Lakini ikitula wimatiilia kukilikila lutondo lua ulamulua ku Tro ni Sidoni kukilikila inyee. ¹⁵Uwee Kapernaumu, ushiga ukinansulua mpaka kugulu? Ataa, Ukitimigua pansi mpaka kuzimu.¹⁶Nukakumutegela inyee untegela nene, na wensi nukakumusita wansitaa nene, na wensi nukunsita inee ukumusitaa nuntumile"¹⁷Ioo makumi mupungati nashoka nu ulumbi, naitambula,"Shekulu, sunga mapepo makutegela ku lina lyako." ¹⁸Yesu nuaila , azanumonie shetani ugua kupuna kugulu kina nkua. ¹⁹Laa, numupiile mamlaka ma kutilata nzoka ni ngii, ni ngulu tulu zaki munaulugu, na kutilii kyensi ku nzila yensi nakikakumualalia. ²⁰Sunga iyo muleke kiloa du ku ilii, kina nkolo zukumtegela, lakini lumbii kukilikila kina mina mani mandikue kugulu."²¹Ku tungo lilo lilo nulumba zigi ku Muau muelu, nu kutambula, "nukukulia uwee,Tata, Shekulu wa kugulu nu unkumbigulu, kunsooko wamapisa mantu igaa kupuna kua natite hekima ni masala, nu kukumakunukula kua nasika amanigue, kina alisha anino. Eee,Tata kunsooko aliijipiile ku miso mako."²²Klia kintu kikabizigue kumuane nu Tata wane, na kutilii nakululingile Muana ing wani ila Tata, nakutilii nakululingile Tata ingi wani ila Muana, na wensi u Muana utite nsula kukimbula kumuakue."²³Nuapilukila amanigua , nutambula ku unkunku, " Akembetue nakumaona igaa na inyee namukumaona. ²⁴Nukumuila inyee, kina manabii ingii ni atemi aliatite nsula kuyona mantu namukumaona, na sikanamaona, nu kuigia igia namukumaigia, na sikanamigia."²⁵Laa,mwalimu kitunga wa shalia ya Kiyahudi nuimika nu kumgema, nutambula, "Mwalimu, ntende yani nsale upangaa wa kali na kali?" ²⁶Yesu numuila, "kyandikue yani ku shalia? Ukumisomai?" ²⁷Nushokelia nutambula, "U kakumulogua u Shekulu Mukungile wako ku moo wako tulu, ku nkolo yako tulu, ku ngulu zako tulu, ni ku masala mako tulu, ni jilani wako, kina nafisi yako mukola." ²⁸Yesu nutambula, Washokelagia ku usawa. Tenda itii na ukakikala.²⁹Lakini mwalimu, nutamani kukialilia haki mukola, Numuila u Yesu, " Nu jilani wane ingi wani? ³⁰Yesu nushokelia nutambula, "Muntu kitunga alutinintika kupuna ku Yelusalemu kuyenda ku Yeriko. Nuguila katia ya alegelanya, naliamulegilie nsao ayakue. nu kumukua nu kumuleka piipi watula nusu mukiu..³¹Ku bahati kuhani kitunga aliutima ku nzila nyaso, kina numuona nukila luandi luingi. ³²Iyo iyo Mlawi gaa,kinanupika luandi luaso numuona nukila luandi luingi.³³Lakini Msamaria umui, kinali wili musnzo, nukila paso kinaliwili muntu nuaso, nusukumua ku kinishungu. ³⁴Numuegela numutungula inkonko zakue, numukuya makuta ni divai kyanya yakue. Numunankilia kyanya ya nimuu yakue, nu kumutuala ku numba ya agenda nu kumuhudumila. ³⁵Lutondo nalilutiatile nusola dinali zibili, numupela mukola numba ya agenda nu kumuila, Muhudumile kyensi kya ziada nukitumila, nikakukulipa kinanikishoka.³⁶Nui katia ya iaa natatu, ushiiga,ali jilani kumuakue mwne naluguile katia ya alegelanya?" ³⁷Mwalimu nutambula, Ingi uyo nulagilile kinishungu kumuakue." Yesu numuila, "lenda na utende yaso iyo iyo"³⁸Inoo kinali ilii musinzo, nalingila kijiji kitunga, nu musungu umui lina lyakue Martha numukalibisha ku numba yakue. ³⁹Aliutite nu mununa nalimuitue Mariamu, nalukalile mu migulu yaki Shekulu nu kutegela lukani luakue.⁴⁰Lakini Matha nuipela milimo mingii nya kuzpilia ndia. Nuenda kuaki Yesu, nu kutambula, "Shekulu, sikukela kina mununa wanewandeka nikituma ning'ene? Iyo muile wanzalilie." ⁴¹Lakini Shekulu numushokelia, "Martha, uyaga kyanya ya mantu mingi, ⁴²lakini ingi kintu kimui du kya muhimu. Mariamu usaguile nakizaa, na sikakikilegigua kupuna kumuakue."

¹Naipunila tungo Yesu kinalimulompa luandi kitunga, umui wa amanigua akue numuila, "Shekulu, kumanie ishee kulompa kina Yohana naliwamanilie amanigua akue.'²Yesu nuailaa, Kina mushalila, tambuli,Tata, lina lyako likuligue. utemi wako wize.³Ukupele u mukate witu wa kila ntondo. ⁴Ukusamile milandu yitu, kina ishee nakukuasamila tulu nakukukosela. uleke kukutongela mumagemua."⁵Yesu nuailaa,"Itii wani kumuani ukitula nu musuamua, na ukakumuagana utiku, nu kumuila, Musuamua nazime mikate itatu. ⁶Kunsooko musuamua wane wanagana inono kupuna ku musinzo, ninene numugila lya kumuzipililia.' ⁷Nu nduyo nuili mukati nushokelia, lekinagia, Mulsngo wakondi dindua, ni alisha anee, palumui ninene kuakondi gona mukitanda. Sika nishuma kuyuka nu kukupela uwee mikate. ⁸Nukumuila, japo sikuyuka nu kukumupela mikate kina musuamua wakue, kunsooko ya kuendelela kukumugongela bila nsoni, ukiyuka nu kukumupela ipande ingii ya mikate kuliganila nu uitaji wako.⁹Ninene gaa nukumuilaa, lompii, nininye mukipegua: dumii, nininye mukigia, kui hodi mukiduguilua. ¹⁰Kunsooko muntu nukulompa ukishingila, ni kila muntu nukuduma ukiligia, na kila muntu nukukua hodi, mulango ukidugulua kumuakue.¹¹Itii tata kii miongoni mumiani, u muana wakue wamulompe nsii ukakumupela nzoka nadala yakue? ¹²Hau wamulompe giiukakumupela ngii badala yakue? ¹³Kululo, anga inyee namuadobu muizi kukuapela alish anii kinaugenda kiza, mbii sika kukilikila zigi u Tata wani nua kugulu kina ukakumupela Muau Muelu aso nakumulompa?"¹⁴Pembele, Yesu nutula kuakenela pepo, nu muntu nutite pepo ali bubu, naitula pepo kinanlumupuna, muntu nuaso nusuma kutmbula. Mulundo nakulilua zigi. ¹⁵Lakini antu naingi natambula, uyu ulegia mapepo ku Beelzebul, mukulu wa mapepo.¹⁶Naingi namugema nu kumutaka walagiile miena kupuna kugulu. ¹⁷Lakini Yesu aliwalinga masigo mao nu kuailaa, "Kila utemi naukituanuka iktula ukiwa, ni numba nituanukile ikigua.¹⁸Kina Shetani ukitula watuanuka, utemi wakue ukiyimika i? Kunsooko mutambula nipunia pepo ku Belzebuli ¹⁹Kina inee nipunia mapepo ku nzila kii? Kunsooko iyii, ioo ikakumulamula inyee. ²⁰Lakini, kina nipunia mapepo ku luala luaki Mukungile, iyogua utemi waki Mukungile wamuizila.²¹Muntu nitite ngulu nutite ni nsonga nilindila numba yakue, intu yakue yikakikala salama. ²²Lakini angawingililue nu muntu nutie ngulu kukilikila, Muntu uyo nutite ingulu ukakumulegelia insonga zakue, nu kukuzishola nsaozakue tulu. ²³Mwene nasika wi palumui ninene wili sia ninene, na mwene nasikuilingila palumui ninene uksaatiagia.²⁴Pepo mushapu kinaukumupuna u muntu , ukuenda nu kuduma luandi kinatili ka mazi ili wasupiie. Kinakawatiulagia, ukutambula nikishoka kinmpunile. ²⁵Angawashoke nu kuyagana numba mpiagulue na ikalile izaa. ²⁶Iyo ukuenda nu kuduma mapepo mupungati nadobu kukila mwene mukola nu kukualeta aze ikale luandi paso. Ni hali ya muntu nuaso yukutula mbii kukila kinali yili nkua yakuandia."²⁷Niupunila kina kinali utambula nkani zaso, musungu kitunga nuitunta lulii luakue kukilikila tulu ku mukutano wa antu nu kutambula" Nkembetue indaa nyukulelile ni mbelele nuzonkile" ²⁸Lakini mwene nutambula, akembetue ioo nakuigagia lukani luaki Mukungile nu kulitunza.²⁹Tungo mulundo wa antu naikiilingila nu kuyongelka, Yesu nuandia kutambula" Kileli ikii ingi kileli kya udobu. Akuduma miena, na kutilii miena naikipega kukilikila ya miena iyo nyaki Yona. ³⁰Ndogolelio kina Yona nali miena ku antu aku Nnawi, ee nu muana waki Adamu kinaukitula miena ku kileli ikii³¹Malkia wa kutakama ukiyimika lutondo lua ulamuli ni antu aki kileli ikii nu kukualamula enee, kuani mwene alupunila ku mpelo nya nsii ili waze wategele hekima zaki Slomoni, ni ndipa ukoli mukulu kukila Solomoni.³²Antu a Ninawi ikiyimika ku ulamuli palumui ni antu a kileli ikii lutondo lua ulamuli ikakukilamula, kuani ioo aliaungamile ku utanantia waki Yona, na laa, ipa ukoli namukulu kukila u Yona.³³Kutilii Muntu wensi, nukakilagia ntala nu kumiika sehemu ya nsilili nitite kiiti nasikikigela hau nsilili ya kikapu, ila yukuakilagigua nu kuyikua kyanya ya kintuili kila muntu nukuingila wasuume kuyona uwelu. ³⁴Liso lyako ingi ntala ya mwili. Liso lyako anga libii basi mwili wako tulu ukitula mukiiti. ³⁵Kululo , mulae ili welu nawili mukati yani ulekiyikilua kiiti. ³⁶Iyo gua , kina mwili wako tulu ukoli ku welu, na kutilii sehemu nyiliimukiiti, iyogua mwili wako ukitula sawa ni ntala nyukuakila nu kupunia welu kumiani."³⁷Kina numala kutambula, Falisayo alumualikile walie ndia ku numba yakue, Yesu nduyo nuingila mukati nu kutula palumui nindio. ³⁸Ni Mafalisayo nakulilua ku namna nali skukalile kuadia kilii ndia za mpindi.³⁹Lakini Shekulu nuailaa, "inyee Mafalisayo mulagila kunzi ya ikombe ni bakuli, lakini mukati yani mujile tamaa nu udobu. ⁴⁰Inyee antu namuagila ulingii, Mbii mwene naluumbile kunzi sikali uumbile nu mukati gaa? ⁴¹Apeli atuka namili mukati, na mantu tulu mikitula safi kumiani.⁴²Lakini ole wani Mafalisayo, kuani mupunia zaka ya munanaa nu mushisha na kila aina za nanii za mu kitanga. Lakini mualeka mantu ma haki nu kukumulogua Mukungile. Ingi muhimu kukilikila kutenda na ma haki nu kukumulogua Mukungile, bila kuleka kutenda nu maso namingi gaa.⁴³Ole wani Mafalisayo kunsooko mualogue kukikala ku matengu ma nongela mu masinagogi nu kuugigua ku mpola za heshima ku soko, ⁴⁴Ole wani, kuani muimpiani ni ibiila naigila ka muntozo ni antu akugenda kyanya yakue bila kulinga."⁴⁵Mwalimu umui wa shalia za akaiyahudi numushokelia nu kumuilaa, "Mwalumu, nukukitamula kyukukila gaa ishee." ⁴⁶Yesu nutambula, "ole wani a mwalimu a shalia! kuani mukuapela antu miligo mikulu nasikaishuma kukenka, walakini inyee sikamutona miligo nyaso sunga ku mui ya nzala zani.⁴⁷Ole wani, kunsooko muzenga nu kuyika kijukijuki ku ibiila ya manabii' na naulagua na akuku anii. ⁴⁸Iyo inyee mushudila nu kukigombia ni milimo nalitumile a kuku anii, kunsooko tai aliaulague manabii na muznga kijukijuki ku ibiili yao.⁴⁹Kunsooko nyaso gaa, hekima yaki Mukungile itambula 'Nikakumutumila manabii ni atumua ndio ikakumuagia nu kuaulaga akei aoo. ⁵⁰Kileli iki kikiwajibika ku migali ya manabii naliaulague kupunila kuyandia ku unkumbigulu, ⁵¹Kupuna migali yaki abeli hadi migali yaki Zakaria, Nali muulague pakati y mazabahu na yelu. eee, nukumuila inyee, kileli ikii kikiwajibika.⁵²Ole wani alimu a shalia za kiyahudi, kunsooko muaso mpugulo muasola mpungulo za ulingi: ninyee akola muaso mpunglo za ulingi: Inyee akola sikamuingla, ni ndiio nasiilie kuingil amukuagilia."⁵³Pembele yaki Yesu kulega paso, Andikii ni Mafalisayo nampupinga nu kukikunguma nunduyo kyanya ya mantu mingii. ⁵⁴naigema kumuguilia ku nkani zakue.

¹Ku tungo liaso, ihumbi ingii ya antu naiilingila palumui, ngele ya kuandia kukitilata, nuandia kutambula ni amanigua akue kuandia," ihazali ni ngasho ya Mafalisayo na ingi ukinilii"²Na ikitula kutilii ka unkunku nawipisile na sikaikikunukulua, wala kintu nakipisue na sikakikikumazuka. ³Na lyensi nalimutambuile mu mukiiti, kikiigigua mu welu. Na mensi namutambula mua kutui mukati ya naitungue ikitanantigua kyanya ya mugamba wa numba.⁴Numuila asuaiane , mulekuapoka ioo nakuulaga mwili na nkangi agila kintu kyngi kya kutenda. ⁵Lakini nikakumulanga namukakumopoka. Mopoki uyo na pembele ya kutula waulaga, utite mamlaka ma kutaga kulungu lya moto. Iyo, nukumuila inyee mopoki nuaso.⁶Mbii shomolo atano sikaguligua ku salafi zibili? sunga iyo kutili umui wao nukiyigua ntongela zaki Mukungile. ⁷Lakini mumane kina, ntumbii za matue manii iyaligue. Mulekiyopoka. Innyee ingi mua thamani nkulu kukila shomolo naingii.⁸Nukumuilaa, wensi nukingomba inee ntongela ya antu, Muana waki Adamu ukakumugomba ntongela za malaika akai Mukungile. ⁹Lakini wensi nukinkana ntongela za antu nunduyo ukikanua ntongela ya Malaika aki Mukungile. ¹⁰Wensi nukitambula lukani lubii kyanya ya Muana waki Adamu, ukishamilua, lakini wensi nukakumukufulu Muau Muelu, sikukishamilua.¹¹Kinaikakumutuala ntongela ya akkulu a masinagogi, atawala, ni natite mamlaka, mullekiypoka kyanya na namna ya kutambula kukitetea hau yani namukitambula, ¹²Kunsooko Muau Muelu ukakumuamnia namna kinamukitambula ku tungo lyaso."¹³Muntu mui kuilingilo numuilaa, "Mwalimu, muilee mununa wane wanomuele sehemu ya usalii wane." ¹⁴Yesu numushokelia , wani numbikile kutula mulamuli na mupatanisha katia yani? ¹⁵Papo nuailaa, igilii ni kila namna ya nsula, kunsooko upanga wa muntu ukutilii ku wingi wa intu nutite."¹⁶Yesu nuailaa mpiani, nutambula, Mugunda wa muntu umui mugoli alililelie zigi, ¹⁷na nuikolia mukati yakue, nutambula, nikitendai kuani numugila luandi pa kuika malelua manee? ¹⁸Nutambula, nikitenda itii. Nikiuna masagi mane namanino nu kuzenga nikulu, nu kuyika malelua manee tulu ni intu nayingi. ¹⁹Nikakumiila nafisi yane, "Nafisi, wiikilagia akiba ya intu ingii ku miaka mingi. Supia, ulie, ukope na wiloelie.²⁰Lakini Mukungile numuila, uwee muntu umupumbavu, utiku wa natende asiilie nkolo yako kupuna kumuako, ni intu tulu nuizipilile ikitula ya kwani? ²¹Iyo kinaikitula ku kila muntu nukiikilia nsao na sika kukizipilia kunsooko yaki Shekulu.²²Yesu nuailaa amanigua akue, Kululo nukumuila muleshupa kyanya ya ukalii wani__ yakina mukilia yani hau miili yani __ ya kina kijala yani ²³Kunsooko ukalii ingi kukilikila india, nu mwili kukikila ijalo.²⁴Laii noni za kukyanya, sikalima wala kuyimbula. Agilaa kyumba wala shagi lya kutunzila, lakini Tata wani ukualisagia. Inye sika bola kukila inoni! ²⁵Iti nui katia yani na angawiagie ukishuma kuyongelia zilaa mui ku ukalii wakue? ²⁶Anga iyo sikamushuma kutenda kintu kyaso kinino kitontu kua niki gua kuyangaikila maso namingii?²⁷Lai maua_ namimea. Sikamikituma mulimo wala sikamishokota. Lakini nukumuila, sunga Suleimani ku utukufu wakue tulu sikaijalue kina mui ya igaa, ²⁸Kina Mukungile ukumajalagia izaa masanzi ma kumbuga, ni nantende makoli, nu mudau mitagua ku moto. Mbii si kukila ukumujalia inyee? inyee mua usuili ukei!²⁹Mulekekiagia kyanya ya kina mukilia yani hau mukikopa yani, wala mulekitula nishupo. ³⁰Kunsooko Mataifa tulu ma unkumbigulu makuagila mabo mao. nu Tata wani ulingile ya kina musiilie maso.³¹Lakini dumii utemi wakue kuandia, ni maso namingi mukiyongeligua, ³²mulekiypoka, inyee dale nino, kunsooko Tata wani ulumbilia kukumupela inyee utemi waso.³³Gulii nsao zani na mukamuapele iatuka, mutendelie mipuko nasikayukusililagua__ kilindo kya kugulu nasikakyupela, sehemu iii sikaikiyegela wala nondo sikishuma kuyonona. ³⁴Kunsooko kinakikoli kilindo, papo ni nkolo yako kinakaikoli.³⁵Ntila zani ndip ntungue nu mukanda, ni ntala zani zihakikisigue kina zendeleila kuyakila, ³⁶na mutule kina antu namulailile U shekulu wao kupuna ku sikunkulu nya wingaa, ili kina waze nu kuku hodi, ikishuma kukumuduguila mulango ku wangu.³⁷Akembetue itumii io, u Shekulu nukakiagana akoli alaile. Taii ukitunga ntiila yakue ndipu nu mukanda, nkangi ukakikalanshia pansi ku ndia, na nkangi kukiahudumila. ³⁸Kina Shekulu ukiiza ku zamu ya kabili nya ulindili wa utiku, hau sunga zamu nya katatu nya ulindili wa utiku, nu kukuagana akoli akondaa, ikitula ingi heli kua itumii aso.³⁹Kukilikila maso, mumane ilii, kina shekulu mukola numba angaliulingile matungo u mwii ujile, sikalujigomba numba yakue iunue. ⁴⁰tulii muakondaa gaa kuani skamulingile tungo kii muana waki Adamu ukishoka.⁴¹Petelo nutambula, "Shekulu, ukukuilaa ishee akoli mpiani iyii, hau ukumuila kila muntu? ⁴²Shekulu numuila, "itii wani musese musuili hau nutite hekima u Shekulu wakue ukakumuika kyanya ya itumii naingii, ili wagaile ndia zao ku tungo sawa? ⁴³Mukembetue muitumi nuaso, u Shekulu wakue angawaze ukakumuagana utenda igoo namulagiligue. ⁴⁴Tai nukumuila inyee ya kina ukakumuika kyanya ya nsao zakue tulu.⁴⁵Lakini Muitumi uyo watambule mumoo wakue, "shekulu wane utinia kushoka: iyo wandie kukuakua itumi ioo a kigosha ni aki sungu, nkangi wandie kulia, kukopa nukugala, ⁴⁶shekulu wakue uyo muitumi ukiiza mu lutondo nasikutegamilile ni tungo naikulingile, nunduyo ukakumutema ipande ipande nu kumuika ku sehemu palumui nina sikaasuili'⁴⁷Muitumi nuizi ulowa waki shekulu wakue nunduyo sikawizipilie wala sikanutenda sawasawa nu ulowa wakue, ukikua iboko ingii. ⁴⁸Lakini muitumii nasikawizi ulowa waki shekulu wakue,lakini nutenda namijiile azabu, ukikua iboko ikei. kunsooko mwene namupegue ingii, ingi yukuddagigua kupun akumuakue, nu mwene namusuilue ku wingi, kumuakue ikidaigua ingii kukilikila.⁴⁹Nizile kuyakilia moto munkumbigulu, nitamani iwakondaa kyakila, ⁵⁰Lakini ntite ubatizo na anikibatizua, na ntite ukia mpaka kinaukikamilika!⁵¹Mbi mushiga kina naza kuleta amani munkumbigulu? ata, Nukumuilaa, badala yakue ndetile mutuanuko. ⁵²Kupuna inoo nu kuyendelela ikitula ni antu atano ku numba mui atuanukile, na atatu ikitula sia ni nabili, ni nabili ikitula sia ni natatu. ⁵³Ikituanuka, tata ukitula sia nu muana wakue, numuana wakue ukitula sia nu tata wakue, mau ukitula sia nu munanso wakue, nu munanso ukitula sia nu mau wakue, mukui na musungu ukitula sia nu muki wakue nunduyo mukui ukitula sia na mau mkwe wakue.⁵⁴Yesu nutula ukialilaa makutano gaa, "Nkua kinamuaona malunde mipunila kumweli, mutambula matungo ma mbula mazaa: na iyo naitula, ⁵⁵Ni nzega nya kutakama angikunke, mutambula, ikitula nu upiu utaki, na iyo naitula. ⁵⁶Inyee akinili, musumile ktafasili muonekano wa nsii ni kyanya, lakini itulai sikamushuma kutafasili tungo nalikoli?⁵⁷Niki kila umui wani walekipambanula nalia tai kumuakue kukulitenda tungo angali utite lyoma lya kutenda yaso? ⁵⁸Ndogolelio angauende nu mutakia wako ntongela yaki mulamuli, ikamatikie kukilinga nu mutakia wako kinakili mukoli munzila walekiza kukutuala kuaki mulamuli,nu mulamuli wakutuale kuaki ofisa wakutage mugeleza. ⁵⁹Nukukuila, sukukipuna kuaso hadi walipa mpaka isenti nya mpelo.

¹Ku tungo lilo lilo, alikaoli antu akei nalimuilile kyanya ya Agalilaya u Pilato aliwaulagile nu kushanga migali yao ni sadaka zao. ²Yesu nushokelia nu kuailaa, "Mbii mugelila kina Agalilaya aso aliatite milandu kukila Agaliaya naingii tulu ndodolelio akugua namabii maso? ³Ata, nukumuila,lakini kinamulekiuyngama, nininye mukilimansiila iyo iyo.⁴Hau antu ioo kumi na munana ku Siloamu u munala naliuguile nu kuaulaga, mushiga ioo aliatite milandu kukila antu naingii ku Yelusalemu? ⁵Ata, inee nitambula, lakini kina mulekiyungama inye tulu gaa mukilimansiila.⁶Yesu nuailaa mpiani iyii, "Muntu umui alutite ikota pandilue ku mugunda wakue na nuenda kuduma nakili kukyanya yakue lakini sikanukuga. ⁷Numuila muntunza kitanga, Laa, ku miaka itatu nazaa nu kugema kuduma nkali mukota ilii lakini sikanakuga. liteme. Kua niki ulete wononi wa nsii?⁸Mutunza kitanga nushokelia nu kutambula, ' lileke mwaka uu ili niligingile nukuyikila mbolea kyanya yakue. ⁹Kina likilelaa nkali mwaka naujile, ingi izaa: lakini kina sikalikilela, uuliteme.!¹⁰Inoo Yesu ali umania ku mui ya masinagogi tungo lya Sabato. ¹¹Laa, alukoli mau mui na ku miaka kumi na munana alikulanutite nkolomshapu wa uneketu, na mwene aliwikunzile na mugila usumi nkankana wa kuimika.¹²Yesu kinanumuona, numuita, numuila, "Mau, waikagua hulu kupuan ku uneketu wako." ¹³Nuikaa mikono yakue kyanya yakue, na nkua mwili wakue nuigolola numululiau Mukungile. ¹⁴Lakini mukulu wa sinagogi nutakaa kunsooko Yesu aliumukamilie utondo lua Sabato. Iyo mutawala nshokelia nuaila makutano, "zikoli ntondo mutandatu za lazima kukitma milimo. Nzui kugunua gua, sika ku lutondo lua Sabato.¹⁵Shekulu numushokelia nu kutambula, "akinili! Kutilii kila numui wani kutungula ndogui hau ng'ombe kuuna mumpongolo nu kukumitungela kukumutuala kukopa lutundo lua Sabato? ¹⁶Iyo gaa munanso waki Abrahamu, u shetani umutungile ku miaka kumi na munana, mbi sikaliyumjipile kitungo kyakue kilekitungulua lutondo lua Sabato?"¹⁷Kinalutambula nkani zaso, ioo tulu naliampingile naona nsoni, bali makutano tulu a iiaa nalumbila kunsooko ya mantu ma kisembo nalutendile¹⁸Yesu nutambula, " Utemi wa kugulu wimpianile ni yani na nsuumile kuuliganilia ni yani? ¹⁹Ingi kina mbeu ya haladari naliumisolile muntu umui nu kumipandila mumugunda wakue, na nikula nitula kota kulu, ni noni za kugulu nazizenga itiii yao ku matambi makue.²⁰Kanki nutambula, "Nuumpianie ni yani utemi waki Mukungile? ²¹Ingi kina ngasho u musungu aliusolile nu kushangia ku ipimo itatu ya utuu sunga naukumukaa."²²Yesu aligendelile kila muji ni kijiji munzila nuukilile ku Yelusalemu nu kukuamania. ²³Muntu mui nukolia, "Shekulu, ingi antu akei du naikigunua?" Iyo nuailaa, ²⁴Ikamatikie kuingila kua kukilila mulango nauniginigi, kunsooko ingii ikigema na sikaikishuma kuingila.²⁵Nkua pembele ya mutawala wa numba kuyimika nu kudinda mulango, iyogua mukiyimika kunzi nu kukua ihodi pa mulango nu kutambula, Shekulu, Shekulu, kuduguile mwene ukishokelia, sikanumuizi inyee wala kinamupunile. ²⁶Papo mukitambula, Alikulile nu kukopa ntongela yako nu uwee alumanilie ku mitaa yitu." ²⁷Lakini mwene ukakumushokelia, nukumuilaa, sikanumuizi kinamupunile, legii kumuane, inyee atenda madobu.!²⁸Ikakiloli ni kililo nu kushia mino tungo kinamukauaona Abrahamu, Isaka, Yoakob, ni manabii tulu ku utemi waki Mukungile, lakini inye akola muatagagua kunzii. ²⁹Ikipika kupuna ku kilima, mweli,sukuma,ni takama, nu kushupia pa meza ya ndia za mpindii ku utemi waki Mukungile. ³⁰Ningile ilii, wa mpelo ingi a kuandia na a kuandia ukitula wa mpelo."³¹Tungo kupii pembele, akei ya Mafalisayo naaza nu kumuilaa, " lenda na lega ipa kunsooko herod usiilie kukuulaga." ³²Yesu nutambula, "Lendi mumuilee uyo mulula, Laa, nukuinga pepo nu kutenda ukamia ntende nu mudau, nu lutondo lua katatu nikitimilia lengo lyane. ³³Ku hali yensi ingi muhimu kunsooko yane kuyendelela ntende,mudau,nu lutondo nalilutiatile, ku iyo sikaigombeka kukumuulaga nabii kulii ni Yelusalemu.³⁴Yelusalemu, Yelusalemu, wani kumuulaga manabii nu kukumukua mague mague ioo natumue kumiani. Nkua zinga nsiilye kukumuilingila alisha anii kina iyo nkuku nyukuingila makinda makue pansi ya mbaa zakue, lakini sikalimusiilie ilii. ³⁵Laa,numba yako yagumanilagigua. Ninene nukumuilaa, sikamushuma kumona sunga kinamukitambula 'Mkembetue nuaso nujile ku lina lyaki Shekulu."

¹Naipunila lutondo lua Sabato, kinali ulongolile kukaa kuaki umui wa atongelii a mafarisayo kulia mukate, nindio ali akumushunguza kua piipi. ²Laa, paso ntongela yakue ali muntu na uyagigua nu uimba. ³Yesu nukolia Ataalamu ku shalia ya ayahudi ni Mafarisayo." Mbii, ingi halali kumukamia lutondo lua Sabato,hau sikaiyo?"⁴Lakini ioo aliidu, kululo Yesu numuamba, numukamia nu kumugombia wende iyakue. ⁵Nunduyo nuailaa, "iti wani katia yani nutite mulisha hau ng'ombe uguila muluzi lutondo lua Sabato sikaukakumuluta kunzi nkua mui?" ⁶Ioo aliagila nu usumii wa kupunia shokelio ku mantu igaa.⁷Tungo Yesu kinanugundula namna ioo nalialikue kina asaguile matengu ma heshima, nuailaa mpiani, nukuailaa ⁸"Tungo kinamuyalikua nu muntu muwinga, ulekekikala pa lyoma lya heshima, kunsooko ishumiklie mualikue muntu nua kuheshimiwakukila uwee, ⁹Tungo muntu namualikile inyee abili angawapike, ukakukuila uwee, "mulegele muntu uyu lyoma lyako." na nkangi ku nsoni ukiyandia kushola lyoma lya mpelo.¹⁰Lakini uwee angawalikue, lenda wikale luandi lya mpelo, ili tungo uyo nukualikile angawaze,asume kukuila uwee, Musua mua, lenda ntongela kukila." papo ukitula waheshimika ntongela ya tulu naikalansile palumui nunduwe pa meza. ¹¹Kundogolelio kila nukinankilagia ukitimigua, nu mwene nukitimagia ukinankiligua.¹²Yesu gaa numuilaa muntu nalumualikile, 'Kinupunia ndia za munsi hau za mpindi, ulekekuaalika asuaiaa ako hau antua ako hau ajamaa ako hau ajilani ako nagoli, ili kina ioo alekiza kualika uwee uligie malipo.¹³Badala yakue, kintenda sikunkulu, anee atuka, alema, anakitele ni apoku, ¹⁴nu nduwe ukikembetua, kunsooko sikaasumile kukulipa. kundogoelio ukilipua ku wiukii wa natite haki."¹⁵Tungo umui wa io naliikalansile mu meza palumui nu Yesu kinanuigia maso, nunduyo numuila, "Mukembetue uyo nukilia mukate ku utemi waki Mukungile! " ¹⁶Lakini Yesu numuilaa, "Muntu mui aluzipilile sikunkulu nkulu, nuanaa antu ingii. ¹⁷Tungo sikunkulu kinali yakondaa, numutma muitumi wakue kukuaila ioo nalianue, nzui, kunsooko intu tulu yakondaa kuyikue.¹⁸Tulu, naandia kulompa lazi, wa kuandia numuila muitumi, 'Nagulaa mugunda, lazima nende kuulaa, nsamile.' Nu muua nutambula, ¹⁹"Nagulaa ng'ombe, ni nene nunji kukuzigema. nsaamile.' ²⁰Nu muntu muua nutambula, 'Natola musungu, kululo sikanishuma kuiza.'²¹Muitumi nushoka nu kukumila shekulu wakue mantu maso. Uyo mukola kaa nuipilua numuilaa muitumi wakue, 'lenda wangu mu mitaa nu mu mapanda ma muji walete ipa atuka, alema,apoku, ni alemavu." ²²Muitumi nutambula, Shekulu,maso nulagilie makonditendka, na sunga inoo kili likolii lyoma.²³Shekulu numuilaa muitumi, Lenda ku nzila nankulu nu mumapanda na wakankanike antu ingile, ili numba yane iujle. ²⁴Kundogolelio nukumuilaa, ku ioo naanue akuandia kutilii nukitoma sikunkulu yane.'²⁵Inoo mulundo ukulu nalialonguile palumui nunduyo, nunduyo nupiluka nu kuailaa, ²⁶Kina muntu waze kumuane nunduyo sikumuipulue u tata wakue, mau wakue. musungu wakue, alisha akue, antua, akue agosh ani asungu_ iyo, na sunga ukalii wakue gaa_ sikusumile kutula mumanigua wane. ²⁷Muntu angawalekuusola musalaba wakue nu kuiza kunuma yane sikushuma kutula mumanigua wane.²⁸Ndogolelio itii wani katia yani, utite nsula kuzenga munala sikaukakikala kuandia wakadilie galama ku aalio kina utite ikio nukisiilie ili kukaminkilia lyaso? ²⁹Iiaa, pembele ya kuika musingi nu kulemua kumala, tulu naonie ikyandia kukumumela, ³⁰naitambula, Muntu uyu alwandilie kuzenga, nutla mugila ngulu za kumala.³¹Hau mutemi kii, alusiilie kuyenda kikua nu mutemi muua ku mbita, na sikukakikala pansii kuandia nu kushola ushauli kuhusu kina ukishuma, palumui ni antu ihumbi kukikua nu mutemi muua nupolokila kyanya yakue na antu ihumbi makumi? ³²Na kina sikaiyo, tungo jeshi lya mashaliti ma amani. ³³Kululo gua, wensi katia yani na sikukileka tulu nuitite, sikaishuma kutula mumanigua.³⁴Mulenge ingi uzaa, lakini anga mulenge ilimilie unonu wakue. namna kii isumile kutula mulenge kanki? ³⁵Ngila ka matumizi ku ulongoo hau sunga ku mbolea. ukutagua kulii. Mwene nutite akutui akuigia, nuigie."

¹Iyo atoza ushulu tulu ninaingi natite milandu naaza kuaki yesu nu kumutegela. ²Mafalisayo tulu ni andikii nainagana naitambula, Muntu uyu ukuakalibisagia naite milandu na sunga kulia nindio."³Yesu nutambula mpiani iyii kumiao, nutambula ⁴Wani kumiani, kina utite nkoloo gana limui na angawalimilue ni mui yao, sikaukakialeka ioo makumi kendaa mushaka, na wend kumuduma iyo nilimilile hadi wamikuge? ⁵Nunduyo kinawamuligie ukumuika kumaiega makue nu kulumbilia.⁶Kinawapika mu numba, ukuaita asuaia akue ni ajilani akue nuailaa lumbii palumui ni ninene, kunsooko namiligagia nkoloo yane naliyalimila. ⁷nukumuila iyo iyo, iktula nu ulumbi kugulu kunsooko uya muna milandu mui nuyungama, kukila ya natite haki makumi kendaa na agila ka haja ya kuungama⁸Hau ukoli musungu kii nutite salafu kumi za mpia, angawalimilie salafu mui, sikukiyakilia ntala nu kupiagula numba na kuduma ku bidii mpaka kinaukakumiligia? ⁹Na kinawamione ukuaita asuaia akue nia jilani akue nuailaa lumbii palumui ninene, kunsooko namikuga kanki salafu yane nalinamilimilagia. ¹⁰Sunga iyo nukumuilaa ukoli ulumbi ntongela ya malaika waki Mukungile kunsooko ya muna milandu mui nukuungama."¹¹Nu Yesu nutambula, "Muntu mui alutite alisha abili ¹²uyo namunino numuila tata wakue, Tata mpele sehemu ya nsao nanijipiile kushala. Iyo nutuanula nsao zakue katia yao.¹³Ntondo sika ningi uyo namunino nuilingila tulu nuishalile nuenda nsii ya kulii, nu kuaso nusapatila mpia zakue, kua kugula intu nasika wishiilie, nu kushapatilia mpia zakue ku anasa. ¹⁴Nunduyo kinali wakonda kutmila tulu nzala nkulu nyingila insii iyo nunduyo nuandia kutula ku uitaji.¹⁵Nuenda nu kuyajili mukola mu mui wa laia w ansii nyaso, nunduyo numutuala ku mugunda wakue kulisha nguluma. ¹⁶Na nutula utamani kukiuta ku makulu nazilile nguluma kunsooko kutilii muntu numupiile kintu kyensi waligie kulia.¹⁷Ila muana namunino kinaambila mumoo wakue, nutambula ingi itumii angaa aki tata wane atite ndia ningii kya kutosha ni nene nkoli ipaa, nikia na nzala! ¹⁸Nikilega nu kuyenda kuaki tata wane, nu kukumuila, " Tata wane, nukukumuila, 'Tata nakosaa kyanya yi gulu ni ntongela ya miso mako. ¹⁹Sikanijipiile kyitua muana wako kanki: ntende kina umui wa itumi ako."²⁰Papo nulega kuyenda kuaki tata wakue. Kinali kili wili kuli tata wakue numuona numuonela kinishungu nuenda mulugu nu kukumukumbatila nu kumusuna. ²¹Uyo muana numuila, 'tata nakosaa kyanya ya gulu nintongela ya miso mako sikanijipiile kuyitua muana wako."²²Uyo tata nuaila itumii akue, leti wangu kijalo na bola mumujalie muikili ni pete muluala ni ilatu ku migulu. ²³Nkangi mileti muana ng'ombe uyo namuginu mumisinze kulie kulumbe. ²⁴Kunsooko muana wane aliwakia nunduyo mupanga. Aliwalimila nunduyo wigwla nandia kukilowa.²⁵Iyogua uyo muana namukulu aliwili ku mugunda. Kinaliupolokile nu kumiegela inumba nuigia nduli za mimbo ni misigo. ²⁶Nuita muitumi mui numukolia mantu igaa ndogolelio yakue yani? ²⁷Muitumi numuilaa munino wako waza nu tata wako wamusinzila mwana ng'ombe namuginu kunsooko washoka salama.²⁸Muana mukulu nuipilua nusiita kuingila mukati nu tta wakue nupua kunzi kumupepia. ²⁹Ila numushokelia tata wakue nutambula,, Laa inee nakutumikile miaka mingi, wala kili nkose amli yako, lakini sikumpiile muana mbuli, ili nsuume kukiloelia ni asuaia ane. ³⁰Lakini kinawaza uyu muana wako nusapatilie nsao zako tulu palumui ni akahaba wamusinzila muana ng'ombe namuginu.³¹Tata numuilaa, Muana wane, uwee wi palumui ninene ntondo tulu naiitite ingi yako. ³²Ila ali izaa kumuitu kutenda sikunkulu nu kulumba, uyu muntua wako aliwakia, na inoo mupangaa: aliwalimila nunduyo wigela."

¹Yesu nuailaa kanki amanigua akue, "Alukoli muntu mui mugoli alutite nu meneja, na alimuilue kina meneja uyu ushapatilia nsao zakue. ²Iyo mugoli numuita, numuila, "Itii yani iyii naniigia kyanya yako? Punia yalio lya umeneja wako, kunsooko sikushuma kutula meneja kanki.'³Meneja uyo nutambula mu moo, Ntende mbii, ndogolelio shekulu wane undegelia mulimo wane wa umeneja? Numugila ngulu za kulima, nu kulompa niona nsoni. ⁴Ningile nanikitenda ili kinanikilegigua ku mulimo wane wa uwakili antu ankalibishe munumba zao.⁵Iyo wakili nuaita adeni akue kila mui numuila wa kuandia, udaigua ngele zinga nu shekulu wako? ⁶Nutambula ipimo gana limui ya makuta numuilaa sola hati yako ikalanse wangu andika makumi matano. ⁷nkangi numuilaa muua nunduwe udaigua ngele kii? nutambula ipimo gana limui ya utuu wa ngano. Numuilaa sola hati yako andika makumi munana."⁸Uyo shekulu numusifu u mneja zalimu ku iyo, naliumatendile ku alaila. Kunsooko alisha a unkumbigulu uu ulaila wingi na ukushugulka ku usuguu ni antu a upande wao kukila naili alisha a welu. ⁹Ninene nukumuila itendelie asuaia ku nsao za uzalimu ili kinayulikana akalibishe ku ukalii wa kalii na kalii.¹⁰Namusuili ku ninino zigi kulaa musuili ku nkulu gaa. ni nazalimu ku ninino kulaa zalimu ku nikulu gaa. ¹¹Kina inyee sikalimuasuili ku nsao za uzalimu iti wani nukakumusuilia ku nsao za kuluku? ¹²Ni kina sikali muasuili kua kutumila nsao za muntu wingii itii wani nukakumupelela na yani akola?¹³Kutili muitumi nukusuuma kutumikila ahekulu abili, kundogolelio ukakumusukilua mui nu kumuolgua muaa, aman ukikamantana nu uyu nukumumela uyu. Sikamushuma kumutumukila u Mukungile ni nsao."¹⁴Basi Mafalisayo, nalialogue mpia naigia igaa tulu na namulela. ¹⁵Na nualilaa, "Inyee ninye namukidai haki ntongela ya ana antu, lakini Mukungile uilingila imioo yani. Kunsooko nalyukuaganile kula yipilo ntongela zaki Mukungile.¹⁶Shalia na manabii alikoli mpaka Yohana kinanuiza. Kupuna tungo lilo, mpola nziza za utemi waki Mukungile ukutanantagigua, na kila muntu ukugema kukingila ku ngulu. ¹⁷Lakini ingi itontu ku gulu ni nsii ilege kukila sunga helufi mui nya shalia iulikane.¹⁸Kila nukumuleka musungu nu kutola musungu wingii uzini, nunduyo nukumutoola mwene namulekue nu mugosha uzini.¹⁹Alukoli nu muntu mui ngoli nalujalile ntiila za langi ya zambalau ni kitani safi na aliulmbilia kila ntondo ugoli wakue ukulu. ²⁰Nu mutuka lina lyakue Lazalo alimuikue ku nkilii pamuakue , na utite nkonko. ²¹Nunduyo ali utamani kukikutigua ku makombo namaguile pa meza yaki mugoli uyo sunga mbua naziza nazumulampa inkonko zakue.²²Naitula uyo mutuka alukiile na nusolua ni malaika mpaka kukikua kyaki Iblahimu. mugoli uyo nunduyo nukia nuikua. ²³Na uko kuzimu kinaliwili ku luago nunansula miso makue numuona Iblahimu kua kulii nu Lazalo mu kikua kyakue.²⁴Nulila nutambula, 'Tata Iblahimu, monele kinishungu umutume u Lazalo watone nsonge ya luala luakue mu mazi, waluloye lulimi luane: kunsooko niyagigua ku moto uu.²⁵Lakini Iblahimu nutambula, Muana wane ijukeya kina ku ukalii wako alusingile mantu mako maza, nu Lazalo iyo aliuligile namabii. Ila inoo ukoli ipa upoleligua nu nduwe uyalaligua. ²⁶Na kukilila maso, iyikue kombo kulu nalyipu katia yitu, ili ioo nasiilie kupuna kunu kuyenda kumiani alekishuma wala antu a kumiani alekiuputa kuiza kumuitu.²⁷Mugoli nuaso nutambula, 'Nukukulompa Tata Iblahimu, kina umutume ku numba kuaki tata wane ²⁸kunsooko ntite antua atano ili walange, ku woa kina wao gaa ikiiza luandi ipa pa luago.²⁹Lakini Iblahimu nutambula, wanao Musa ni manabii. Aleke ategele enee. ³⁰Mgoli uyo nutambula, ata, Tata Iblahimu, lakini kina angawaagane muntu nukupuna kua akii ikiyungama. ³¹Lakini Iblahimu numuila, kinalekekuaigia u Musa ni manabii sikaikishisikiligua sunga muntu angawiuke kua akii.

¹Yesu nuaila amanigua akue, mantu namakusakagia antu atende milandu magila ka budi kupunila, Lakini ole wakue muntu nushakia ! ²Alijile heri kina muntu uyo aliwamutungile gue luto lya kushela munkingo nu kutagua mu nanza, kukila kumutenda umui wa iaa nanino atende milandu.³Ilindii. kina muntua wako wakukosele mulange, nunduyo angawaungame musamile. ⁴Kina wakukosele nkua mupungati ku lutondo lumui na nkua mupungati ku lutondo lumui waze kumuako utambula, niyungama, musamile!"⁵Atumua akue namuila Shekulu, kongelie usuili witu." ⁶Shekulu nutambula,"kina angalumutite usuili kina mpeke ya haladaliii, alimujishuma kukuliila kota ilii lya mukuyu, kulika na wendilia mu nanza, nundo aliujilekumtegela.⁷Lakini wani miongoni muitu, nutite muitumi nulima mugunda hau nudima nkoloo, ukakumuila kinushokile ku mungunda, Nzuu wangu n akalansa ulie ndia? ⁸Mbii sikamukamuila, Nzipilie ndia ndie, na itunge mukanda na untumikile mpaka kinanikamala kulia nu kukopa. Pembele ya paso ukilia nu kukopa?⁹Sunga musongelii muitumi nuaso kunsooko watimilia igoo namaamlisigue? ¹⁰Iyo iyo nininye angakondie kutenda namualagiligue tambuli Ishee du kuitumi nasikakujipiile kuatenda du igoo nakujipiile kutenda.¹¹Naipunila kina kina wili musinzo kuyenda ku Yelusalemu, nukila mu mumpakawa Samaria ni Galilaya. ¹²Kinauingila mu kijiji kimui, uko nutagana ni antu kumi aliatite nu ukoma. Naimika kulii ¹³naitunta nduli natambula "Yesu, Shekulu kuonele kinshungu."¹⁴Kina nuaona nuaila, "Lendi muilagiile kua maakuhani." nindio kinali alonguile naelaa. ¹⁵Mui wao kinanuona kina wakamagia, nushoka ku lulii lukulu nukumukulia Mukungile. ¹⁶Nutungamia maluu mu migulu muaki Yesu numusongelia. Mwene ali msamaria.¹⁷Yesu nushokelia, nutambula, "Mbii sikanaela tulu kumi? ilii pii ioo naingii kendaa? ¹⁸Kutilii sunga mui nalugiile kushoka ili kumusongelia Mukungile, ila mugenda wayu? ¹⁹Numuila, "Ukaa na wende iyako usuili wako wakukamia."²⁰Kinanukoligua ni mafalisayo utemi waki Mukungile ukiiza nali, Yesu nuashokelia nutambula, "Utemi waki Mukungile sika kintu nakisumuile kukigela. ²¹Wala antu sikaiktambula, Laa ipa! hau, Laa uko!' ku ndogoleio utemu waki Mukungile ukoli mukati yani."²²Yesu nuailaa amanigua akue, Tungo likipika na mukitamani kuyona mui ya lutondo luaki Muana waki Adamu, lakin sikamukimona. ²³Ikakumuila, Laa, uko! Laa ipa! ' Lakini mulekiyenda kulaa, wala kukuatita, ²⁴kina umeme wa nkua naukumilika ku kyanaya kuyandia upande umui hadi uua. Iyo sunga Muana waki Adamu ukitula iyo ku lutondo luakue.²⁵Lakini kuandia yikakumujipila kuyaga ku mantu mingii na kushitua ni kileli ikii. ²⁶Kina yilii ntondo zaki Nuhu, iyo kinaikitula ku ntondo yaki Muana waki Adamu. ²⁷Nalia,nakopa, naitola nu kutolua mpaka lutondo ulo u Nuhu kinanuingila mu safina ni kinuenue nakyiza nu kukualimansiilia tulu.²⁸Iyo aliyili ku ntondo zaki Lutu, nalia,kukopa, naigula nu kugulia, kulima nu aliazengile. ²⁹Lakini lutondo ulo Lutu kinanulega ku Ssodoma , nikua mbula ya moto ni kibilit kupuna kugulu nyalimansilia tulu.³⁰Iyo kinaikitula lutondo luaso luaki Muana waki Adamu kinaukikunukulua. ³¹Lutondo luaso, uleke kumugombia nuili kukyanya yanumba watime kushola intu yakue mukati ya numba. Na uleke kumugombia nuili ku mugunda kushoka kukaa.³²Mujuke musungu waki Lutu. ³³Wensi nugema kukumaguna ukalii wakue ukakuulimila, lakini wensi nukakuulimilia ukalii wakue ukakuuguna.³⁴Nukukuila, utiku waso ikitula ni antu abili ku kitanda kimui. umui ukisholua, nu muua ukilekua. ³⁵Ikitula ni asungu abili ishia musembe palumui, umui ukisholua na muua ukilekua."³⁷Namukolia, "pii, Mukungile?" Nuailaa, "ipo kinawili muzoga, papo nzia zukiilingila kua palumui."

¹Nkangi nuaila mpiani ya namna nayajipiile kulompa daima, na alekikata tamaa. ²nutambula, 'alukoli nu mulamuli ku muji kitunga, na sikali umopokile Mukungile nu sikaliamuheshimile antu.³Alukoli mujane ku jiji liaso, nunduyo alumuaganile nkua ningi, Nalilie kuligia haki zidi ya mupingi wane ⁴Ku tungo lipuu sikali wili tayali kukumualilia lakini pembele ya tungo nutambula mu moo wakue, ⁵ila inee sikanukumopoka Mukungile hau kuheshimu muntu, lakini ku iyo uyu mujane unjuga nikamualila kuligia haki yakue,ili walekizi nkatalia kunizila nkua ku nkua."⁶Nkangi Shekulu, Tegelaa kinalutambuile unuaso mulamuli zalimu. ⁷Mbii Mukungu gaa sikukleta haki kua ateulua akue na kumulilia munsi nu utiku? mbii mwene sikaukitula muiumatilia kumuao ? ⁸Nukumuiila kina uleta haki kumua wangu. Lakini tungo Muana waki Adamu kinaukiiza mbii, ukiyagana usuili munkumbigulu?⁹Papo nuailaa mpiana iyi kua akei a antu nakiona akola kina atite haki nu kukuamela antu iaa, ¹⁰Antu abili nanankila kuyenda ku hekalu kushalilia mui Mfalisayo umuua mutoza ushulu.¹¹Falisayo nuimika nulompa mantu igaa kyanya yakue mukola, 'Mukungile , nukusongilie ku iyo inee sika kina antu naingii na alegelanya,antu masika adilifu, akosi,hau kina uyu mtoza ushulu. ¹²Nukufunga nkua zibili kila juma. Nipunia zaka ku maligio tulu naniligia.¹³Lakini uyo mtoza ushulu ,nuimika kulii, bila sikanusuma sunga kunansula miso makue kugulu, nukua kikua kyakue nutambula,Mukungile,nsamile inee ntite milandu.' ¹⁴Nukumuilaa,muntu uyu nushoka nutula waalagigua haki kukila muua uyo, kunsooko kila nukunansula ukitimigua, lakini kila muntu nukitimagia ukinansulua.¹⁵Antu namuletela alisha aoo atakata,ili wasume kuatona, lakini amanigua akue kinanaona maso, naakolia. ¹⁶Lakini Yesu nuaita kumuakue nutambula, Aleki alisha anino aze kumuane,wala muleke kuagilia. Ndogolelio utemi waki Mukungile ingi wa antu kina aso. ¹⁷Suili,nukumuila, muntu wensi nasikuusingila utemi waki Mukungile kina alisha ingi kualie sikukakuuingila.¹⁸Mutemu mui numukolia, nutambula, 'Mwalimu mukende, ntende yani nuusale uupanga wa kalii na kalii? ¹⁹Yesu numuilaa,'Kua niki unita numukende? Kutili muntu nmukende, ila Mukungile mwene ung'ene. ²⁰Wizizi amli_ uleki zini,ulekiyulaga,ulekiia,ulekishudila ulongo,waheshimu tata wako nu mau wako. ²¹mutemi nuaso nutambula, Mantu igaa tulu nimaambile kupunila kinali numusumbati.'²²Yesu kinanuigia maso numuila, "Umukepelue kintu kimui. Lazima ugulie tulu nuitite na uagaile atuka, nunduwe ukitula ni hazina kugulu -nkangi nzuu, untiate. ²³Lakini mugolii kinanuigia maso, nuhuzunika zigi, kunsooko ali mugoli zigi.²⁴Nkangi Yesu numuona naluhuzunikile zigi nutambula, Namna kiii kinaikitula ikaku ku agoli kuingila ku utemi waki Mukungile! ²⁵Ndogolelio ingi itontu zigi ku ngamia kukila ku kukombo lya lusinge , kukila ku mugoli kuingila ku utemi waki Mukungile.²⁶Ioo naliigilie maso, natambula, Wani gua, nukishuma kugunua? ²⁷Yesu nushokelia, Mantu nasikamasumikile ku muananuntu kuaki Mukungile masumikile."²⁸Petelo nutambula, 'Naam, ishee kulekile kila kintu na kuakutiata uwee. ²⁹Nkangi Yesu nuailaa,Suili, nukumuilaa kina kutilii muntu nulekile numba ,hau musungu, hau muntua, hau aleli, haua alisha, kunsookomyautemi waki Mukungile. ³⁰na sikukishingila mingi kukilikila ku unkumbigulu uu, na ku unkumbigulu naujile, upangaa wa kalii na kalii.³¹Pembele ya kukuailingila ioo kumi na abili, nuailaa,Laa,kunankila kuyuka ku Yelusalemu, ni mantu tulu mandkiue ni manabii kuhusu Muana waki Adamu mikikaminkiligua. ³²Ku ndogolelio ukiyikua mu mikono ya antu a mataifa na ukitendelua utanilua ni halali, na ukitiilua matii. ³³Pembele iamutama iboko ikakumuulaga nu lutndo lua katatu ukiiuka.'³⁴Sikanalinga mantu igaa, nu lukani ulualilupisua kumuao, na sikanalinga mantu nalimatambulue.³⁵Naitula Yesu kinanupiipika ku Yeriko, muntu mui mupoku aliukalile pa mpelo ya balabala nulompa waliligua, ³⁶kina nuigia mulundo wa antu ukila nukolia yani naipunila. ³⁷Namuilaa kina Yesu wa Nazareti ukila.³⁸Iyo mupoku uyo nulila ku lulii, nutambula, Yesu, Muana waki Daudi, unsamile. ³⁹ioo nali igenda namukenela mupoku nuaso, namuilaa watulie. Lakini mwene nuikomelia kulila ku lulii, Muana wakiDaudi, unsamile.⁴⁰Yesu nuimikaa nuamlisha muntu nuaso waletue kumuakue. nkangi mupoku nuaso kinanumuegela, Yesu numukolia, ⁴¹'Usiilie nukutendele yani?' Nutambula , Shekulu, nsiilie kuyona.'⁴²Yesu numuila, 'Uligie kuyona. Usuili wako wakukamagia. ⁴³Nkua iyo nuligia kuyona, numutiata u Yesu nukumukulia Mukungile. Kinanona ilii, antu tulu namusifu Mukungile.

¹Yesu nuingila nu kukila pakati ya Yeriko. ²Na paso alukoli nu muntu mui nukuitagua Zakayo. na ali mukulu wa atoza ushulu kanki muntu mugoli.³Alitula ugema kumuona u Yesu ingi muntu wa namna kii, lakini sikanusuma kuyona kunsooko ya mulundo wa antu, kunsooko ali mukupii wa kimo. ⁴Iyo, nutongela mbio ntongela za antu nunankila kyanya ya mukuyu ili wasume kumona,kunsooko Yesu aliwegela kukila nzila nyaso.⁵Tungo Yesu kinanupika luandi luaso, nulaa kukyanya numuila, Zakayo, tima wangu, ndogolelio ntende ingi lazima niilia mu numba yako.' ⁶Nutenda wangu, nutima numukalibisha ku ulumbi. ⁷Antu tulu kinanaona yaso, nalalamika, naitambula, Wendaa kumugendela muntu n wa milandu.'⁸Zakayo nuimika numuila Shekulu, Laa Shekulu nusu ya nsao zane nukuapela atuka, na anga numulegile muntu wensi kintu, nikakumushokelia nkua znii,' ⁹Yesu numuilaa, ntende ugunua wapika ku numba iyii, kunsooko mwene gaa ingi muana waki Iblahimu. ¹⁰Kundogolelio Muana wa muntu waza kuduma nu kuguna antu nalimile.'¹¹Kina naigia maso, nuendelela kutambula na nupunia mpiani, kunsooko aliwili piipi ni Yelusalemu, ni ndio aliagelile ya kina utemi wa Mukungile aliwili piipi kukigela nkua mui. ¹²Iyo nuailaa, Ofisa mui aliwendile nsii ya kulii ili wasingile utemi na nkangi washoke.¹³Nuaita itumii wakue kumi, nuapela maungi kumi, nuailaa, 'tendi usuluja mpaka kinanikishoka.' ¹⁴Lakini anansii akue aliamuipilue na kuyaso natuma ajumbe ende kumutiata nu kutambula, 'Sikakutakil muntu uyu wakutawale. ¹⁵Naitula kinanushoka kukaa pembele ya kutendua mutemi, nuamlisha itumii ioo naliwalekile mpia itue kumuakue, waligie kulinga nsailo kii namiligilie kua kukituma usuluja.¹⁶Wa kuandia nuiza, nutambula, Shekulu, yungi lyako lyatenda maungi kumi kukilikila. ¹⁷Ofisa nuaso numuilaa, izaa, muitumi mukende. Kunsooko akiwi musuili ku kintu kinino, ukitula ni madalaka kyanaya ya miji kumi.'¹⁸Wa kabili nuiza, nutambula, Shekulu, yungi lyako lyatenda maungi matani.' ¹⁹Afisa nuaso numuila, Sola mamlaka kyanya ya miji itano.'²⁰Nu muua nuiza, nutambula, 'Shekulu tii ipa mpia yako, na alinimiikile ku usalama mu kitambala, ²¹kundogolelio alinopokile kunsooko uwee ingi muntu mutaki. Ukulegagia ikio nasikuikile nu kuyimbula nasikupandile.'²²Ofisa nuaso numuilaa, Ku nkani zako mukola, nikakukulamula, uwee muitumi mubii. alulingile kina inee ni muntu numutaki, nishola nasikanikiikile nu kuyimbula nasikanikipandile. ²³Iyo, apa sikanuika mpia yane ku benki, ili kinsnshoke nsole palumui ni nsailo?²⁴Ofisa nuaila antu naliimikile paso, 'Mulegelii iyungi lyaso mpeli uyo nutit maungi kumi.' ²⁵Namuilaa, Shekulu, mwne utite maungi kumi.'²⁶Nukumuilaa, kila muntu nutite ukipegua kukilikila, lakini namugila, sunga ikio nukitite kikisholua. ²⁷Lakini anaulugu ane iaa sikali asiilie ntule mutemu wao, aletii ipaa nu kukuaulaga ntongela ayane."²⁸Pembele ya kutambula maso, nuendelela ntongela nunankila kuyenda ku Yelusalemu.²⁹Naitula kinanupiipika ku Bethfage, piipi nu mulima wa mizeituni, nuatuma amanigua akue abili, ³⁰nutambula: longoli ku kijiji kya jilani. angamuingile, mukiyagana muana_ndogui kili wanankilue. Mutunguli, mukamumulete kumuane. ³¹Kina muntu wamukolie, mbona mukumutungula?' Tambulu, Shekulu umusiilie."³²Ioo naliatumue naenda namuona muana _ ndogui kina Yesu naliwailile. ³³Kinali akumutungula muana ndogui amiliki naaila ,'niki mukumutungula muana ndogui uyu? ³⁴Natambula, Shekulu umusiilie. ³⁵Iyogua, namutualila u Yesu, naala ntila zao kyanya ya muana ndogui na namunankilya u Yesu kyanya yakue. ³⁶Kinaulonguile antu natandaza ijalo yao mu balabala.³⁷Kinali utima mu mulima wa Mizeituni, jumuia tulu nya amanigua naandia kukiloa nukumukulia Mukungile ku ndulu nkulu, kunsooko ya mantu makulu naliamaonie, ³⁸naitambula, wayu mukembetua mutemi nujile ku lina lyaki Shekulu! Amani kugulu ,nu utukufu kyanya!'³⁹Akei a Mafalisayo ku mukutano naaila, Mwalimu, atulie amanigua ako. ⁴⁰Yesu,nushokelia, nutambula, Nukumuilaa, kina iaa atulie,mague mikakituntia ndulu.⁴¹Yesu kinanuwegela muji nulilila, ⁴²nuatmbula, laiti alulingile sunga uwee,ku lutondo ulu mantu namakukuletela amani! lakini inoo mapisikile mu miso mako.⁴³Kunsooko ntondo zijile anaulugu ako ikizenga iboma piipi nunduwe, nukupilimikilia nu kukukandatilia kupuna kila upuande. ⁴⁴Ikakukugusha pansi uwee ni alisha ako. Skikaikakukulekela sunga igue limui kyanya ya liia, kunsooko sikanulinga tungo Mukungile kinalugema kukuguna.⁴⁵Yesu nuingila mu hekalu, nuandia kukuaingaa ioo naliigulia, ⁴⁶nukuailaa, Yandikue, Numba yane ikitula ya sal, lakini inye muamitenda kutula luluu lya alegelanya."⁴⁸Kululo, Yesu ali muania kila ntondo mu hekalu, Mkuhani akulu a shalia ni amwalimu a shalia ni atongeli a antu nataka amuulage, ⁴⁷lakini sikanasumua kuligia nzila ya kutenda yaso, kunsooko antu tulu aliakumutegela kuu makini.

¹Naitula lutondo lumui, Yesu kinali ukuamania antu mu hekalu nu ktanantia mpola za injili, makuhani akulu ni amuwalimu a shalia namuagana palumui ni anampala, ²Nalikitia ,nakumuila, Kuilee iti ku mamlaka kii utenda mantu igaa? hau iti wani nuaso nukupiile mamlaka igaa?³Nunduyo nushokelia, nuailaa, Ninene gaa nikakumukolia kolio. Mbuili ⁴ubatizo waki Yohana, Mbii, alupunile kugulu ama ku antu?⁵Lakini nailikitilia ene kwa enee, naitambula, angakutambule,Alipunile kugulu, ukakukukolia,iyogua,mbona sikanamumusuila? ⁶Na angakutambule, alipunile kua anaantu, antutulu ipa ikakukukua mague, ndogolelio tulu ishuila kina Yohana ali nabii.⁷Iyogua , namushokelia ya kina sikalialingile kinalipunile. Yesu nuailaa, ⁸"Wala inee sikanukumuila inye ingi ku mamlaka kii nitenda mantu igaa."⁹Aliwailile antu mpiani iyii, "Muntu mui alipandile mugunda lya mizabibu, nulikodisha kua alimi a mizabibu, na nuenda nsii yingii ku tungo lyipu. ¹⁰Ku tungo nipangue, numutuma muitumi kua alimi a mizabibu, kina ampele sehemu ya nkali za mugunda wa mizabibu namukua,namushokia mikono _mitili.¹¹Nkangi numutuma kanki muitumi wingi na nindio namukua, kumtendela ibii, namushsokia mikono _mitili. ¹²Numutuma kanki nua katatu nindio namualalia nu kumutaga kunzi.¹³Iyo shekulu wa mugunda nutambula,Ntende yani? Nikakumutuma muana wane muilogua. hamui ikakumuheshimu. ¹⁴Lakini alimi a mzabibu kinanamuona, nailikitila ene kua enee naitambula, Uyu wayu musali. Kumuulage, ili usali wakue utule witu.¹⁵Namupunia kunzi ya mungunda wa mizabibu nu kumuulaga. Mbii shekulu ukakuatenda yani? ¹⁶Ukiiza kukualimansilia alimi a mizabibu, na ukakuapela mugunda waso ingii." Nindio kinaigia maso, natambula, 'Mukungile wasitaa'¹⁷Lakini Yesu nualaa, nutambula,"Mbii lyandiko ililitite ndogolelio kii? Gue nalialisitile azengi, lyatula gue lya kumpelo'? ¹⁸Kila muntu nukugua kyanya yi gue liaso, ukiunika ipande ipande. Lakini uyo nalikakumuguila, likamutula.'¹⁹Iyo andikii ni akulu a makuhani naiduma nzila ya kumuguila tungo lilo lilo, alialingile kina alitambuile mpian iyii zidi yao. Lakini naapoka antu, ²⁰Namulaa kua utuulu, natuma mupeleli naliitendilie kina antu a haki, ili aligie kuligia kosa ku utanantia wakue, ili kukumutuala kua atawala ni naitite mamlaka.²¹Nindio namukolia,naitambula,"Mwalimu, kulingile kina utambula nu kumania mantu ma kulukulu na sika kushisikiligua nu muntu wensi, lakini uwee ukumanagia ikulukulu kuhusu nzila yaki Mukungile. ²²Mbii,iti halai kumuitu kulipa kodi kuaki Kaisari, hau laa?"²³Lakini Yesu nuulinga mutego wao, nuailaa, ²⁴Ndagiili dinali. Kyelu nu muntozo wa kuani ukoli kyanya yakue?" natambula, "yaki Kaisai."²⁵Nunduyo nuailaa, iyogua,mupelii Kaisari namakue u Kaisari, nu Mukungile namaki Mukungile. ²⁶Andikii ni akulu a makuhani aliagila kausumi wa kusokia ikio nalutambuile ntongela ya antu. nakulilua mashokelio makue na siknatambula kyensi.²⁷Akei a Masadukuyo namuagana, ioo naitambula kina kutili wiukii, ²⁸namukolia, naitambula, "Mwalimu, Musa alukuandikile kina anga muntu wakiilue nu mununa nutite musungu namugila ka mulisha iyogua ujipiile kukumusola musungu wa mununa wakue nu kulela nunduyo kunooko yaki kaka wakue.²⁹Aliakoli anuna mupungati wa kuandia nutola, nukia bila kuleka mulisha, ³⁰nu nua kabili gaa. ³¹Wa katatu numusola iyo iyo, iyo iyo nu nua mupungati sikanuleka alisha na nukia. ³²Pembele musungu uyo nukia gaa. ³³Ku wiulua ukitula musungu wa kuani? Ndogolelio tulu mupungati aliamutolile.³⁴Yesu nuailaa,"alisha a unkumbigulu uu ukutola nu kutolua. ³⁵Lakini ioo naijipiile kushingila wiulua wa akii nu kuingila upangaa wa kalii na kalii sikaitola wala sikaitolua. ³⁶Wala sikaishuma kukia kanki, kunsooko kula sawasawa ni malaika na ingi alisha aki Mukungile, alaisha a wiulua.³⁷Lakini nyaso akii iiulua, sunga Musa alulagilile luandi ku mpola za kitunku, ipo numuita Shekulu kina Mukungile waki Iblahimu nu Mukungile waki Isaka nu Mukungile waki Yakobo. ³⁸Inoo, mwene sika Mukungile wa akii, bali wa napangaa, kunsooko tulu akikala kumuakue.³⁹Akei amwalimu a shalia namushokelia, Mwalimu, washokelagia izaa, ⁴⁰Sikanagema kumukolia makolio namingi kukilikila.⁴¹Yesu nuailaa,"Ku mbii antu itambula kina Kilisito ingi muana waki Daudi? ⁴²Ndogolelio Daudi mukola utambula ku zabuli: Shekulu numuilaa Shekulu wane: Kalanse mukono wa ndiilo, ⁴³mpaka naike anaullugu ako pansi ya migulu yako. ' ⁴⁴Daudi ukumuita Kilisito 'Shekulu,' Iyogua ukitulai muana waki Daudi?"⁴⁵Antu tulu naliakumutegela nuailaa amanigua akue, ⁴⁶Ihazali ni andikii, nakula alogue kugenda ajalile ijalo ilepuu, na alogua mpola maalumu ku soko ni matengu ma heshima ku masinagogi, ni maeneo ma heshima mu sikunkulu. ⁴⁷Ioo gaa akuli numba za ajane, na ikitendia ishalila sala ndiipu. iaa ikishingila ulamulua ukulu kukilikila.'

¹Yesu nulaa nuaona agosha agolii aliiyika kinaugenda yao ku kilindo. ²Numuona mujane mui mutuka uyika sent zakue zibili. ³Iyo nutambula, "kulukulu nukumuilaa, uyu Mujane mutuka uikile ningii kukila naingi tulu. ⁴Iaa tulu apunile inaugenda ii kupuna ku ingii naitiite. Lakini uyu mujane, ku utuka wakue,upunilie mpia tulu nazutiite kunsooko ya ukalii wakue.⁵Tungo naingi kinaitambula kyanya yi hekalu, namna nalipambue ni mague mazaa ni mapunio,nutambula, ⁶Ku mpola za mantu igaa namukumaona, ntondo zikiza kutili gue limui nalikilekua kyanya yague liia na sikalibomolua."⁷Iyo namukolia, "Mwalimu, mantu igaa mikipunila nali? Na yani itii ikitula muena kina mantu igaa makoli piipi kupunila? ⁸Yesu nushokelia, "Mutle mualai kina mulekikongua. Kunsooko ingii ikiiza ku lina lyane, iitambula, 'Inee nene, na Tungo lyapipiika . Mulekekuatiata. ⁹Angamuigie mbta ni minomo mulekiyopoka, kunsooko igaa mantu lazima maunile kuandia, lakini mpelo sikaukipunila wangu."¹⁰Nkangi nuailaa, Insii ikiyuka kukikua ni nsii nzia, nu utemi kyanya ya utemi uua. ¹¹Ikitula ni matetemeko makulu, ni nzala i tauni ku nandi sia sia. ikitula ni mautkio ma kuisha ni miena ya kutisha kupuna kugulu.¹²Lakini kilii mantu iga tulu, ikiyika mikono yao kyanya yani nu kukuagi, kukuatula ku masinagogi ni mageleza, kukualeta ntongela za atemi natite mamalaka kunsooko ya lina lyane. ¹³Iyii ikakuaduguila lyoma ku ushuda wani.¹⁴Kululo lamuli mu mioo yani kulekijipilia utetezi wani mapema, ¹⁵kunsooko nikakumupela inkani ni hekima, ni anaulugu itu tulu sikaikishuma kukumipinga hau kukumikana.¹⁶Lakini mukishitua gaa ni aleli anii, antua anii, jamaa anii ni asuaia anii, ni atauwa akei anii. ¹⁷Mukiyipilua ni kila mui kunsooko ya lina lyane. ¹⁸Lakini kutili sunga lutumbi lumui lua mu matue mani naukilimila. ¹⁹Ku wiumatilia mukikamia nafisi zani.²⁰Kina mukiyona Yelusalemu mpilimiligue ni majeshi, iyogua manii kina wononi wakue wapiipika. ²¹Paso ioo naili ku Yudea amankilie ku milima, ni ndiio nalili pakati ya jiji alege, na muleke kualeka nalili muijiji ²²kuingila.Ndogolelio izii ingi ntondo za malipilo, ili kina mantu tulu naliamandikue mligie kukaminkila.²³Ole ingi kua ioo natite maimbi ni kua ioo naiyonkia ku ntondo zaso! Ku ndogolelio ikitula ni wagi ukulu kyanya ya nsii, ni gazabu ku antu iaa. ²⁴Na ikigua ku nsonge ya mpanga na ikisholua mateka ku mataifa tulu ni Yelusalemu ikitilatua ni antu a mataifa, mpaka tungo lya antu a mataifa ukitimila,²⁵Ikitula ni miena ku mpasu, mweli ni nsonda. Nu ku nsii ikitula ni ziki ya mataifa, ku kukata itamaa kupunila ni mililo ya nanza ni mawimbi. ²⁶Ikitula ni antu nakaikia mukanka ku woa nu kutalajia mantu namikipunila kyanya ya unkumbigulu. kun ndogolelio ngulu za kugulu zikishungusigua.²⁷Nkangi ikakumuona Muana waki Adamu ujile ku malunde ku ngulu nu utkufu ukulu. ²⁸Lakini mantu igaa kinamikyandia kupunila, imikii, ukiii matue mani, kunsooko ukomolua wani wegelaa piipi."²⁹Yesu nuailaa ku mpiani, " lilaii kota, ni makota mingii. ³⁰kinaipunia nsapua, mukionela akola ni kulinga kina kipasu kyakondaa kyili piipi. ³¹Iyo iyo, kinamuyona igaa mipunile, inyelingii ya kina utemi waki Mukungile wegeela.³²Kulukulu, nukumuilaa, kileli iki sikakikila, mpaka mantu igaa tulu kinamikipunila. ³³Gulu ni nsii zikikila, lakini nkani zane sikszikikila ninaido.³⁴Lakini ilaii akola, ili kina mioo yani ilekizilemeligua nu ufisadi,ugalaa, ni usunsulia w ukalii uu. Kunsooko lutondo luaso yikakumuizila gafla ³⁵kina mutego. kunsooko ikitula kyanya ya kila mumui nukikala ku usiu wa unkumbigulu tulu.³⁶Lakini mutle mukondile tungo tulu, mulompe kina mukitula muakamu ya kukonda kuyepuka igaa tulu namikipunila, nu kuyimika ntongela zaki Muana waki Adamu."³⁷Iyo tungo lya munsi alimania mu hekalu nu utiku nupuna kunzi, nuenda kuyelia ku mulima nauyitua wa Mzeituni. ³⁸Antu tulu namuizila dau mapema kumutegela mukati ya hekalu.

¹Iyogua Sikunkulu ya Mukate nasiaukilue ngasho aliyegela, na iyitua Pasaka. ²Makuhani akulu ni andikii naikilikitilia namna ya kumuulaga Yesu, kunsooko aliapokile antu.³Shetani nuingila mukati yaki Yuda Iskaliote, umui wa ioo amanigua kumi na abili. ⁴Yuda nuenda kukilikitilia ni akulu a makuhani ni akulu namna kina ukakumukabizi u Yesu kumiao.⁵Nalumbaa, nu kukigombia kumupela mpia. ⁶Mwene nulizika, na nuduma lyoma lya kumukabizi u Yesu kumiao kulii ni dale lya antu.⁷Lutondo lua mikate nasika miikilue ngasho nipika. na nkolo wa Pasaka lazima ipunigue. ⁸Yesu nuatuma Petelo nu Yohana, nutambula, Longolii mukuzipilie ndia za Pasaka ili kuizi kulie." ⁹Namukolia, "Pii usiilie kuenditendela mazipilo maso?"¹⁰Nuasokelia,"Tegelii, kinamukitula muingila mu mujini, mugosha nukenkile ntunda ya mazi ukitagana nininye. Mutiatii ku numba nukiingila. ¹¹Nkangi muilii u Shekulu wa numba, "Mwalimu ukukilaa, "Kikoli pii kyumba kya agenda, luandi kinanikilia Pasaka ni amanigua anee?¹²Ukakumulagila kyumba kya golofa nakikoli kyakondaa. Tendii mazipilio muaso." ¹³Iyo naenda, na naagana kila kintu kina naliwailil. Nkangi nazipilia ndioa za Pasaka.¹⁴Tungo kina nalipika nukala ni amtumua ¹⁵ioo.Nkangi nuaila,Ntiite nsula nkulu ya kulia sikinkulu iyii nya Pasaka ni niniye kili ya kuagigua kumuane. ¹⁶ku ndogolelio nukumuila, sikanikilia kanki mpaka kinaikitimiligua ku utemi waki Mukungile."¹⁷Nkangi Yesu nusola kikombe, na kinanukondia kushongelia, nutambula, "solii ikii, na mugaane ninye kua ninye. ¹⁸Ku ndogolelio nukumuila kanki mulelua wa mzabibu, mpaka utemi waki mukungile kinaukiiza.¹⁹Nkangi nusola mukate, na kinanukonda kushongelia, nuumega, nuapela,nutambula,"Uu ingi mwili wane na upunigue kunsooko yani. Tendi itii kua kukinjuka inee." ²⁰Nusola kikombe iyo iyo pembele ya ndia za utiku nutambula,"Kikombe ikii ingi lyago nipia ku migali yane, na yitika kunsooko yani.²¹Lakini laii. Uyo numpiluka ukoli palumui ninene pa meza. ²²Ku ndogolelio Mwana wake Adamu ku kulukulu uyenda yakue kina naliyakondilamulua. Lakini ole ku muntu uyo na kukilila mwene Mwana waki Adamu upilukua!" ²³Naandia kukikolia enee kua enee, wani miongoni muao nalujilitenda kintu ilii.²⁴Nkangi namapunila wikungumi pakati yao kina iti wani nugelua nushigua kutula mukulu kukila tulu. ²⁵Nuailaa, Atemi wa antu a mataifa atite ushekulu kyanya yao, ni ndio natite mamlaka kyanya yao iyitua aheshimiwa atawala.²⁶Lakini sikaitakue nkankana kutula itii, Badala yakue, leka uyo na ingi mukulu katia yani watule kina munino. Nu nduyo ingi wa muhimu zigi watule kina nukutumika. ²⁷Kunsooko nui mukulu, uyo nukikaapa meza hau uyo nutumika? Mbii sika uyo nukikaa pa meza? Ni nene kili ingi katia yani kina nukutumika.²⁸Lakini inyee ninye muendelela kutula ninene ku magemua mane. ²⁹Nukumpela inyee utemi, kina iyo Tata numpiile inee utemi, ³⁰kina muligie kulia nu kukopa mu meza kumuane ku utemi wane. Na mukakikala ku matengu ma enzi imukuzilamula kabila kumi na zibili za Islaeli.³¹Simoni,Simoni, linga kina,Shetani walompa waligie ili wapete zi ngano. ³²Lakini nakulompela, kina usuili wako ilekidulua. Pembele ya kutula washoka kanki, akamie antua ako.³³Petelo numuila,"Shekulu, nkoli nakondaa kuyenda nu nduwe ku geleza na sunga ku nkia." ³⁴Yesu nushokelia, "Nukukuila, Petelo, Mumbi sikukikunkula ntende, ikili unkane nkua zitztu kina unzizi."³⁵Nkangi Yesu nuailaa, "kinanaumutuala inye bila mupuko, kikapu kya ndia, hau ilatu,mbii, alimuakeelue ni kintu?" Nashokelia kutilii." ³⁶Nkangi nuailaa, "Lakini inoo, kila nutite mupuko, nuausole palumuini kiakapu kya ndia. Uyo namugila ka mpangaa yumujipiile wagulie joho lyakue wagule umui.³⁷Ku nsooko nukumuilaa, tulu namandikue kunsooko yane lazima matimilike, Na nusolua kina muntu nuyuna tolati.' Kunsooko ikio nalikiloteligue kunsooko yane kitimiligua. ³⁸"Nkangi natambula,"Shekulu,laa! Izii ia mpanga zibili." Na nuailaa" yakondaa."³⁹Pembele ya ndia za utiku, Yesu nulega, kina na nuatula utenda nkua kua nkua, nuenda mulima wa Mzeituni, ni amanigua namutiata. ⁴⁰Kina napika, nuailaa, "Lompii kina mulekiingila mumagemua."⁴¹Nuenda kulii na ndio kina muputio wa gue, nutungamia maluu nulompa, ⁴²nutambula ,Tata,kina usiilie, ndegelie kikombe ikii. Lakini sika kina nsiilie inee, lakini ulowa wako utendeke.⁴³Nkangi malaika kupuna kugulu numupunila, numupela ngulu. ⁴⁴Nuili ku hali ya kuluala, nulompa ku ngulu kukilikila,ni yilaa lyakue nalitula kina matone makulu ma migali namitona pansi.⁴⁵Tungo kinanulaila kuuna ku malompi makue, nuiz akua amanigua, na nuuaagana kunsooko ya ukia wao, ⁴⁶na nuakolia" Kua niki mugona? laili mulompe mulekiingila mumagemua."⁴⁷Tungo kinalikili utambula, laa, dale kulu lya antu naliupunila, nu Yuda, umui wa atumua kumi na abili nuatongelil. Nuiza piipi nu Yesu ili wamusune, ⁴⁸lakini Yesu nuailaa, "Yuda, mbii ukumupiluka Muana waki Adamu kua kumusuna ?"⁴⁹Tungo ioo naliili piipi nu Yesu kinaanona maso mipunila,natambula, "Shekulu, mbii kuakue mpanga ?" ⁵⁰Nkangi umui wao numukua muitumi wakikuhani mukulu, numutema kutui wa kundilo. ⁵¹Yesu nutambula, "iyii yakondaa. Na nutona kutui lyakue numukamia.⁵²Yesu nutambula kuaki kuhani mukulu,na kua akulu a heklu, nu kua anampala naliizile sia numwene,"Mbii mujile kana kina mujile kukikinda nu mulegelanya, nu ipini ni mpangaa? ⁵³Kinali nili palumui nininye ntondo tulu ku hekalu, sikanamuika mikono yani kyanya yane. Lakini iyii ingi saa yako, ni mamlaka ma kiiti."⁵⁴Namuguila,namutongela, namuleta mu numba muaki kuhani mukulu. Lakini Petelo numutiatila ku kulii. ⁵⁵Pembele ntula akilagia moto ku uwanda uoo wa mukati na kinatula ikala pansi palumui, Petelo nukala pakati yao.⁵⁶Muitumi umui nua kisungu numuonau Petelo kinali ukalansile ku welu nautokana nu moto, numulaa numuilaa, Muntu uyu gaa aliwi palumui nunduyo." ⁵⁷Lakini Petelo nukana,nutambula,"musungu,inee sikanumuizi." ⁵⁸Pembele tungo nino, muntu muua numuona nutambula ''uwee gaa ingi umui wao". Lakini Petelo nushokelia, "Mugosha , inee sika nene."⁵⁹Pembele kina saa mui itii, mugosha mui nusisikila nutambula, "kulukulu nkankana uyu muntu gaa ali ipalumui nunduyo, ndogolelio ingi Mgalilaya." ⁶⁰Lakini Petelo nutambula," mugosha, sinizi nutambula," Na nkua tungo nutambula, mumbii nukunkula.⁶¹Nupiluka, Shekulu numulaa u Petelo. Nu Petelo nulujuka luani luaki Shekulu, paso kinanumuilaa, "Kili u mumbi kukunkula ntende, ukinkana inee nkua zitatu." ⁶²Nuenda kunzi, Petelo nulila ku uwai wingi.⁶³Nkangi ioo agosha naliakumulinda u Yesu, namutanila nu kukumukua. ⁶⁴Pembele ya kumukumba miso, namukolia, "Lotelia! Itii wani nukukuile? ⁶⁵Natambula mantu mingi sia nu Yesu nu kukumukufulu mwene.⁶⁶mala naipika dau, anampala a antu nailingila palumui, akulu a makuhani ni andikii. Namutuala ku Balaza, ⁶⁷naitambula, " kina uwee ingi Kilisito, kuilee, Lakini mwene nuaila, " Kina anganumuile, sikamunshuila, ⁶⁸na kina anganumukolia sikamukishuila."⁶⁹Lakini kuyandilia inoo nu kuyendelela, Muana waki Adamu ukitula ukalile mukono wa kigosha wa ngulu yaki Mukungile.? ⁷⁰Tulu natambula, Kululo uwee ingi Muana waki Mukungile?" Nu Yesu nuailaa, "Inyee mutambuile kina inee nene." ⁷¹Natambula, "Kua nki kili kusiilie kanki ushaidi?Kunsooko ishee akola kuigagia kupuna ku kilalkala kyakue mukola."

¹Mkutano tulu naimika, Namutuala u Yesu ntongela yaki Pilato. ²Naandia kumushutumu, naitambula, "Kuamuagana muntu uyu upugamula taifa lyitu, kua kugilia kulekiunia kodi kua Kaisari. na nutambula kina mwene mukola ingi kilisito, mutemi."³Pilato numukolia, nutambula, "Mbii uwee ingi mutemi wa ayahudi?" Nu Yesu numushokelia nutambula, "uwee utambula yaso." ⁴Pilato numilaa kuhani mukulu ni makutano, "Sikamonie ikosa ku muntu uyu." ⁵Lakini ioo nasisikilia, naitambula " Walinukinila antu, numania ku Uyahudi tulu, kuyandilia ku Galilaya na inoo ukoli ipa."⁶Pilato kinanuigia igaa, nukolelia kina muntu nuaso ingi wa Galilaya? ⁷Kinanulinga kina aliwili pansi ya utawala waki Herode, numutuala u Yesu kuaki Herode, nunduyo aliwili ku Yelusalemu ku ntondo zaso.⁸Herode kinanumuon u Yesu, nulumba kunsooko alusiilie kumuona ku ntondo ningi. Aliwigilie mpola zakue na alutamani kuyona mui ya miujiza nitende nu mwene. ⁹Herode numukolia u Yesu ku mkani ningii, lakini Yesu sikanushokelia kyensi. ¹⁰Makuhani akulu palumui ni andiki naimika ku utaki nakumutakia.¹¹Herode palumui ni agalimanga akue, namutuka nu kumutanila, nu kumujalia ijalo naiza, nkangi numushokia u Yesu kuaki Pilato. ¹²Herode nu Pilato natula kisuakia kuyandilia lutondo luaso, (kili ya paso alikula anaulugu).¹³Pilato nuaita palumui makuhani akulu ni atawala nu mulundo wa antu, ¹⁴Nuailaa, Muandetela muntu uyu kina muntu nukuantongela antu atende namabii, na laa, pembele ya kutula namukolagia ntongela yani, sikanaona ikosa ku muntu uyu kuhusu mantu tulu na inye mukumutakia mwene.¹⁵Ataa, wala Herode, ku ndogolelio wamuushokia kumuitu, na laa kutili kyensi nukitendile nakijipiile azabu ya nkia. ¹⁶Kululo iyogua nikakumulanga nu kumulekela. ¹⁷(Inoo,Pilato ulazimika kumulekelela mutungua umui kua ayahudi tungo lya sikunkulu).¹⁸Lakini tulu nakua kilanga palumui, naitambula "Mulegii nuaso, na kutungulilie Baraba!" ¹⁹Baraba ali muntu nali muikue ku geleza ku nsooko ya utiulia kitunga ku kijiji nu kua kuyulaga.²⁰Pilato nuailaa kanki, nutamani kumulekela u Yesu. ²¹Lakini ioo nakua kilanga, naitambula, "Muangike, muangike." ²²Nuakolia ku nkua ya katatu, "kua niki, muntu uyu utendile udobu kii? Sikanandigia ki kosa nalijipiile azabu ya nkia kumuakue. Kululo kinanikimala kukumulanga nikakumulekela."²³Lakini nasisikelia ku lulii lua kyanya, nasiilie wangikue. Ni ndulii zao nazumsisikilia Pilato. ²⁴Iyo Pilato nulamula kukuapela matakua mao. ²⁵Numulekela uyo naliamusiilie nali mutungue ku kushakia munomo nu kuyulaga. Lakini numupunia u Yesu ku matakua mao.²⁶Kinali akumutuala, namuguila muntu umui nukuitagua Simoni wa Ukirene, nupunila ku nsii, namutuika musalaba waukenke, numutiatile u Yesu.²⁷Mulundo ukulu wa antu, ni asungu nasunsulia nu kulila ku nsooko yakue, ali akumutiata. ²⁸Lakini nuapilukila nuailaa, 'Ananso aku Yelusalemu,lekindilili inee, bbali ilililii ninye akola nu ku nsooko ya alisha anii.²⁹Laa, ntondo zijile naikitambula,"akembetue naagumba ni ndaa nasikazukulela, ni mbelele nasikazonkilie. ³⁰Papo kinaikiyandia kukuiila milima, 'Kuguilii,' ni ilima, 'Mukukumbe,' ³¹Ndogolelio kina atende mantu igaa anga kota yiisi,ikitulai anga wuumu?"³²Agosha naingi, ononi abili, aliatualue palumui nunduyo ili aulague.³³Kinanapika luandi nalukuitagua ng'anga i tue, papo namuangika palumui ni ononi ioo,umui luandi lua kundilo nu muua luandi lua kunkigi. ³⁴Yesu nutambula,"Tata, asamile, kunsooko sikalingile nakulitenda. "Nindio nakua kula, kuawa ijalo yakue.³⁵Antu ali imikile naikulilua kunu atawala nakumutanila, naitambula, "Aliwagunile naingi. Inoo nuigune mukola, kina mwne ingi Kilisito wai Mukungile, muteulua."³⁶Mugalimanga gaa namumelaa, namuegelaa mwene namupeela siki, ³⁷naitambula, Kina uwee ingi Mutemi wa ayahudi igune mukola" ³⁸Aliukoli muntozo kyanya yakue nalinandikue "UYU WAYU MUTEMI WA WAYAHUDI."³⁹Umui wa ononi nalimuangikue numutuka nuatmbula, "uwee sika Kilisito? igune mukola ni ndishe" ⁴⁰Lakini uyo mua nushokelia nukumukenela nutambula, "Mbii uwee sikukumopoka nu Mukungile, nunduwe ukoli ku ulumulua uoo uoo? ⁴¹Ishee kukolii papa ku haki, ku ndogolelio ishee kushingila ikio nakujipiile ku ntendo zitu, Lakini muntu uyu sikaliutendile kyensi na kibii."⁴²Na nuongelia, "Yesu, ujnuke kinaukiingila ku utmi wako." ⁴³Yesu numuilaa, "Suila nukukuila, ntende iyii ukitula palumui ninene ku Paradiso."⁴⁴Paso alipiipi saa mutandatu, kiiti nakyiza kyanya ya nsii tulu jadi saa kendaa, ⁴⁵Welu wa mpasu naudiba. Nkangi pazia lya hekalu nalituanuka pakati kuyandia kyanya.⁴⁶Nulila ku lulii lukulu, Yesu nutambula, "Tata mumikono yako nukumiika nkolo yane," pembele ya kutambula igaa, nukia. ⁴⁷Tungo Akida kinanuona naliamatendekile numukulia Mukungile nutambula, " Tai uyu ali muntu wa haki."⁴⁸Tungo mulundo wa antu naliizile palumui kushudila kina naona mantu nalimatendekile, nashoka kunu naikua ikua yao. ⁴⁹Lakini asuaia akue, ni asungu naliamutiatile kupuna ku Galilaya, naimika kua kulii nailaa mantu maso.⁵⁰Laa, aliukoli nu muntu nukuitagu Yusupu, na ingi umui wi balaza, muntu muzaa na muna haki, ⁵¹(alisika wigombilie nu ulamuli hau ntendo zao), Armathaya,muji wa Kiyahudi, na aliulindilue utemi waki Mukungile.⁵²Muntu uyu numuegela Pilato, nulompa wapegue mwili waki Yesu. ⁵³Numutimia, na nupipimila sanda, na numuika ku kibiila nalishongue ku gue, na kutili nuakaile kuyikua.⁵⁴⁵⁶Ali lutondo lua mazipilio, ni Sabato niyegela. Asungu, naliizile nindio kupuna ku Galilaya, aliamutiatile,naona kibiila ni namna mwili wakue kinaugonigue. ⁵⁵Nashoka nu kuyandia kujipilia manukato ni marashi. Nkangi lutondo lua Sabato aliasupilie ku mujibu wa shalia.

¹Mapema zigi lutondo lua kuandia lua juma, naaza pa kibiila, naletile manukato naliamazipililie. ²Naagana guwe ililngilue kulii ni kibiila. ³Naingila mukati, lakini sikanauagana u mwili waki shekulu Yesu.⁴Naipunila kina, tungo asalinkanilue kuhusu ilii, gafla,antu abili naimikaa pakati yao ajalile ijalo ya kumiliminta. ⁵Asungu naijula woa na naitunia usiu wao pansi, naaila asungu, "Kua niki mukumudumaa namupangaa miongoni mua akii?"⁶Ukutile ipa, ila wiukaa! ijukii kinliutambuile nininye kinali kili wili ku Galilaya, ⁷nutambula kina Muana waki Adamu lazima wapunigue ku mikono ya antu natite milandu na wangikue, na lutondo lua katatu wiukee kanaki."⁸Asungu ioo naijukaa mkani zakue, ⁹nashooka kupuna ku kibiila na naaila mantu iga tulu ioo kumi na umui ni naingii tulu. ¹⁰Iyogua Maria Magdalena, Joana, Mara mau waki Yakobo, ni asungu naingii palumui nindio napunia mpola izi kua atumua.¹¹Lakini ujume uu nawigela zii mpanila du kua atumua, na sikanaasuila iia asungu. ¹²Sunga iyo Petelo nuuka, numanka kuyukila ku kibiila, na nukuuna nu kulaa mukati, nuona sanda ing'ene nzene. Petelo nkangi nulega nuenda kukaa yakue, nukulilua yani nakipunila.¹³Na laa, abili miongoni muao aliiyenda lutondo lulo lulo ku kijiji kimui nakyukuitagua Emmau, ali kyili maili makumi mutandatu kupuna ku Yelusalemu. ¹⁴Nailikitilea enee kua kuhusu mantu tulu nalimapunile.¹⁵Naipunila kina, tungo kinali ikilikitiilia nu kukikolia makolio, Yesu nuegela piipi nukamantana nindio. ¹⁶Lakini miso mao namagiligua kumumana mwene.¹⁷Yesu nuailaa, "Yani katii inyee namuabili mukukitambula tungo namugendaa?" Naimikaa paso naigiile kinishungu nu ukia. ¹⁸Umui wao, lina lyakue Cleopa, numushokelia, "Mbii uwee ingi muntu ung'ene ipaa pa Yelusalemu na sikawizi mantu nalimapunile uko ntondo izii?¹⁹Yesu nuailaa, "Mantu kii?" Namushokelia, "Mantu kuhusu Yesu Mnazareti, na alii nabii, musuumi ku ntendo ni nkani ntongela zaki Mukungile ni antu tulu. ²⁰Na ku namna akulu a makuhani ni atongeli itu naliamupunilie kulamulua nki nu kuyangikua.²¹Lakini alikusuilile kina mwene wayu ukakiaika hulu Izlaeli. Iyo, kulii ni ndiiga tulu, inoo ingi lutondo lua katatu kupunila mantu igaa kinapunilee.²²Lakini gaa, akei a asungu kupuna ku dale lyitu nakukulia, pembele yakutula ku kibiila dau ni mapema. ²³Kina uulia u mwili wakue, naaza, naitambula kina naona gaa maono ma malaika naliatambulie kina mupangaa. ²⁴Akei a agosha ali palumui nindishe naenda ku kibiila, na kuyagana ingi kina iyo asungu naliatambuila. Lakini sikanamuona u mwene."²⁵Yesu nuailaa, "Inye antu mualele na mutiite mioo miluto ya kusuila tulu iaa manabii atambuile! ²⁶Mbii sikali lazima u yesu kuyaga ku mantu igaa, na kuingila ku utukufu wakue? ²⁷Nkangi kuyandilia kupuna kuaki Musa ni manabii tulu, Yesu nualingia mantu namamuhusile mwene ku mandkio tulu.²⁸Kinanaegela kijiji ikio. kuaso kinaalunji, Yesu nutenda kana zii uyendelela ntongela, ²⁹Lakini namukankanika, naitambula,"Ikale palumui nindishe, ndogolelia yaukila mpindii nu lutondo ingi kina luasila." Iyo Yesu nuingila kuyenda kukaa nindio.³⁰Naipunila kina, tungo ukala nindio kulia, nusol mukate , nukembeta, nu kuuuna, nuapelaa. ³¹Nkangi miso mao namakunukulua, namumana, na nulega gafla ntongela ya miso mao. ³²Naitambuila enee kua enee, "Itii mioo yitu siyakila mukati yitu, tungo kinazutambula nindishe munzila, tungo kinawakukunukulila mandiko?³³Naukaa tungo lilo lilo, nu kushoka ku Yelusalemu. Naagana ioo kumi na umui ilingilile palumui, ni ioo nalii ipalumui nindio, ³⁴naitambula, "Shekulu wiukaa kulukulu, na wamupunila S imoni." ³⁵Iyo namuilaa mantu nalimapunile munzila, na namna Yesu nalimulagiilue kumuao ku kukumema mukate.³⁶Tungo naitambula mantu maso, Yesu mukola aliwimikile pakati yao, na nuailaa, Amani itule kumiani." ³⁷Lakini napokaa na kukijulua nu woa, nasiiga kina aliaonie nkolo.³⁸Yesu nuailaa, kua niki mushunsulia? kua nikimakolio miyukaa mu mioo yani? ³⁹Laii mikono yane ni migulu yane, kina ingi nene mukola. Tonii na muone. Ku ndogolelio nkolo ngila nama ni makupa, kina namukumona inee kina nitiite." ⁴⁰Kinanukondia kutambula itii, nualagiila mikono yakue ni migulu.⁴¹Kinali kili nu ulumbi nalisalinkine ni kulekishuila, nu kukulilua, Yesu nuailaa, "Mbii mutite kintu kyensi kya kulia? ⁴²Namupela kipande kya nsii nakiasigue. ⁴³Yesu nukisola, nu kukilia ntongela yao.⁴⁴Nuailaa, "Kinaniensi nininye, alinumuilile kina tulu namandikue ku shalia yaki Musa ni manabii ni zabulli lazma matimiile."⁴⁵Nkangi nutungla masala mao, kina asuume kulinga mandiko. ⁴⁶Nuailaa, "Kina yandikue, Kilisito lazima wagee, nu kuiuka kanki kupuna kua akii lutondo lua katatu. ⁴⁷Ni yungamo nu musamaha wa milandu lazma utanantigua ku lina lyakue ku mataifa tulu, kuyandilia kupunila ku Yelusaalemu.⁴⁸Nininye ingi mashuda a mantu igaa. ⁴⁹Laa, nukumutualilia ahadi yaki Tata wane kyanya yani, Lakini lindilii ipa kijiji, mpaka kinamukijalua ngulu kupuna kyanya.⁵⁰Nkangi Yesu nuatongelaa kunzii mpaka kinanaegelaa ku Bethania. Nunansula mikono yakue kyanya, na nuakembeta. ⁵¹Naipunila kina, tungo kinali ukiakembeta, nualeka nukenkua kyanya kuyukiila kugulu.⁵²Iyogua namukulia, nu kushoka ku Yelusalemu nu ulumbi ukulu. ⁵³Naendelela kutula akolii mu hekalu, nakumukembeta Mukungile.

¹Muandio alilukoli lukani, nu lulkani aliluili palumui nu Mukungile, nu lukani alii Mukungile. ²Uyu, lukani, umuandio aliwi palumui nu mukungile. ³Intu tulu aliitendekile kukilila mwene, na pasipo mwene kutili sunga kintu kimui nalikytula kitendekile.⁴Mukati yakue aliukoli upangaa, nu upangaa waso ali welu wa antu tulu. ⁵Welu imiliminta mukiiti, wala ikiti sikanalidibia.⁶Alukoli muntu alimutumue kupuna kugulu, na lina lyakue Yohana. ⁷Aliwizile kina shaidi kushudila kuhusu uwelu uoo, ili kina tulu asuume kushuila kukilila u mwene. ⁸Yohana sikali welu, bali aliwizile ili washudile kuhusu uwelu uoo.⁹Uwaso alii welu wa kulukulu na aliiza ku unkumbigulu nunduo ukumuikila welu kila umui¹⁰Aliwili ku unkumbigulu, nu unkumbigulu aliumbue kukilila mwene, nu unkumbigulu sikanaumumana. ¹¹Aliwizile ku intu yakue, ni antu akue sikanamusingila.¹²Bali ku ioo ingii naliamupokelile, nali asuilile lina lyakue, ku aso nuapela haki y akutula anaa aki Mukungile, ¹³Na alelue, sika ku migali, wala ku ulowa wa mwili, wala ku ulowa wa muntu, bali kuaki Mukungile mwene.¹⁴Nu lukani nitendeka mwili na nuikala muamui ituu, kuauona utukufu wakue, utukufu kina kina wa antu ing"ene wa ung"ene naliwizile kupuna kugulu kuaki Tata, ujuile ukende ni kulukulu. ¹⁵Yohana alushudile kuhusu mwene, na nuitunta nutambula, " Uyu wayu nalintambuile mpola zakue nanitambula," Uyo nujile pembele yane ingi mukulu kukila ine, kunsooko walukoli kabla yane.¹⁶Kunsooko kupuna ku utimili wakue, ishe tulu kusingile nkanda kipawa pembele ya kipawa. ¹⁷Kunsooko shalia alindetue kukilila u Musa. ukende ni kulukulu aliyizile kukilila u Yesu Kilisito. ¹⁸Kutili muanamuntu nalumuonie Mukungile tungo lyensi. Muntu pekee na ingi Mukungile, nuili mu kikua kyaki Tata, wamutenda mwene wakumazuke.¹⁹Na uu wau ushuda waki Yohana tungo makuhani ni alawi naliatumue kumuakue ni Ayahudi kukumukolia, uwe wi wani?" ²⁰Bila kukisinsila na sikanukana, bali alushokelile, " ine sika ni Kilisito." ²¹Iyo namukolia, "kululo uwe itii wi wani gua?" uwee wi Eliya? Nutambula, " inee sikamwene." Natambula, uwee unabii nee? nushokelia," sikanene."²²Iyo namuila, "uwee wi wani, ili kina kuapele ishokelio nakutumile"? ukuishudilai uwee mukola? ²³Nutambula, Ine ingi luli luakue nukulila mushaka: Gololi inzila yaki Shelulu, kina nabii Isaya nalitambuile."²⁴Iyogua aliakoli antu atumue kupuna kua Mafalisayo. Namukoli nu kutambula, ²⁵Kua niki wibatisia gua kina uwee sika wi KIilisito wala Eliya wala nabii?"²⁶Yohana nuashokelia nutambula, nibatisia ni mazii, sunga iyo, muamui anii uyimika muntu naasikamumulingile. ²⁷Uyu wayu nujile pembele yane. Inee sikanijipile kushulungutia ludigi lua ilatu yakue." ²⁸Mantu igaa alimatendekile uko ku Bethania, ng"ambo ya Yordani, luandi u Yohana kinalubatisia.²⁹Lutondo nalilutiatilile Yohana numuona u Yesu upolokile kumuakue nutambula, " Laa muanankoloo waki Mukungile nukusaola milandu nya unkumbigule! ³⁰uyu wayu nalintambuile impola zakue nanitambula, " u mwene nujile kunuma yane ingi mukulu kukila inee, kunsooko alikoli kabla yane. ³¹Sikalinumulingile mwene, lakini naipika yaso ili kna wakunukule ku Izlaeli, kina alinizile nainibatisia ni mazii."³²Yohana alushudile, namona nkolo itima kupuna kugulu mpiani ya nzia, na nisagaa kukyanya yakue. ³³Inee sikalinumulingile lakini mwene naluntumile ili mbatisie kua mazii alumbuilile, uyo nukakumuona utima nu kukikala kyanya yakue, Unuaso uyo nukubatisagia ku muau muelu." ³⁴Naonaa nu kushudila uyu ingi muana waki Mukungile."³⁵Kanki lutondo nalilutiatile Yohana aliwimikile palumui ni amanigua akue abili, ³⁶namuona u Yesu ugendaa utambula , "Laa, Muana nkolo waki Mukungile!"³⁷Amanigua abili namuigia u Yohana nutambula iga namutiata u yesu. ³⁸Kanki u Yesu nupuluka nuaona amanigua ioo amutiatile, na nuaila," Musiilie yani?" Nashokelia, "Rabbi, ( ndogolelio yakue mwalimu, ukikala pii? ³⁹Nuailaa, "Nzui muonee. " Kangi naenda nu kuyona luandi nalukikala: naikala palumui nunduyo lutundo luaso, kunsooko alitula kina matungo ma saa kumi itii.⁴⁰Umui wa ioo naliamuigile u Yohana ulikitia na kanki kukumutiata u Yesu alii Andrea, muntua waki Simoni Petelo. ⁴¹Numuona u muntua wakue u Simoni na numuila, Kuamuligagia u Mashi" ( na itafasiliwa Kilisito) ⁴²Numuleta kuaki Yesu. Yesu numulaa nu nutambula, " uwee ingi Simoni muana waki Yohana" ukiyitua Kefa." (ndogolelio yakue Petelo).⁴³Lutondo nalilutiatile tungo u Yesu kinanutaka kulega kuyuka ku Galilaya, numuligia u Filipo numuilaa, " ntiate inee." ⁴⁴Filipo alimwenyeji wa ku Bethsaida, muji wa Andrea nu Petelo. ⁴⁵Filipo numuligia u Nathanaeli nu kukumuila, Kuamuligagia uyoo u Musa naliwandikile impola zakue ku shalia ni anabii. Yesu muana waki Yusufu, kupuna ku Nazareti.⁴⁶Natanaeli numuila," Mbii kintu kiiza kisumile kupunila ku Nazareti?" Filipo numuila , Nzuu na ulae." ⁴⁷Yesu numuona u Nathanaeli upolokile kumuakue na nutambula, Laa, Mwizlaeli kulukulu namugila ka ukongaii mukati yakue!" ⁴⁸Nathanaeli numuila, Wamanambii inee?" Yesy nushokelia numuila, " kabla u filipo wakuite nazawili pansi ikota, azanakuona.⁴⁹Nathanaelli nushokelia, " radi uwee u muana waki Mukungile! uwee ingi u mutemi wa Izlaeli"! ⁵⁰Yesu nushokelia numuilaa, kunsooko alinukuilile alinukuonie pansi yii kota mbii ushulaa ukiyona matendo makulu kukila igaa. ⁵¹Yesu nutambula, Suilii suili nukumuilaa mukiyona igulu litunguka, na kukianona amalaika inankila nu kutima kyanya ya muana waki Adamu."

¹Pembele ntondo zitatu, aliukoli wingaa uko ku Kana nya Galialya nu mau wakue aliwili kuko. ²Yesu ni amanigua akue alianue ku wingaa.³⁵Tungo kina nasililua ni divai, mau waki Yesu numuilaa, " agila ka divai." ⁴Yesu nushokelia, " Musungu inyaso imbusile yani ine? matungo mane mikilii kutimiila." mau wakue nuailaa itumii, " kyensi nukakumuila tendii."⁶Iyo alizikoli ntunda mutandatu za mague paso alimbikue kunsooko ya kukulala ku sikunkulu za Ayahudi, kila imui alitite nu ujulo wa nzio zibili zitatu. ⁷Yesu nuailaa, Ijuliii mazii ntunda za mague." Naijulia mpaka kyanya. ⁸Nkangi nuailaa ioo itumii, "solii ngele inoo mutuale ku muhudumu mukulu nua meza." Natenda kina alialagiligue.⁹Muhudumu mukulu nutoma imazii maso alimatula makaililka nu kutula divai, ila sikalulingile kinalimapunile(lakini itumii natepela mazii alialingile kinamapunile). Kangi numuita mutizila namugosha nu ¹⁰kumuila," Kila umui ukaundagia kukiahudumila antu divai nziza na anga agalee ukiapela divai nasika nziza. Lakini uwee umitunzile divai nziza mpaka inoo."¹¹Kisembo ikii kya ku Kana nya Galilaya, ali iyo muandio wa miena ya ishembo nalutendile u Yesu, nukunukula utukufu wakue, iyo amanigua akue namusuila.¹²Pembele ya iyii, Yesu, mau wakue, antu akue ni amanigua naenda ku muji wa Kapernaum na naikalaa kuaso ku ntondo nkei.¹³Iyo Pasaka ya Ayahudi nuenda ku Yelusalemu. ¹⁴Nuaagana agulia aa ng"ombe, nkoloo, ni nkunda mukati ii hekalu. Gaa na niakaila mpia aliikalilemukati mu hekalu.¹⁵Yesu nuzipia nkome nazitite magundo, nuapunia tulu naliakoli mu hekalu, naikuilia ng"ombe ni nkoloo. nuita mpia za akaila mpia nu kukuzipindula imeza zao. ¹⁶Kua agulia aa nkunda nuailaa, "Punii intu ii kulii pa luandi ipaa, lekii kukumitenda numba yaki Tata wane luandi lua soko."¹⁷Amanigua akue naijuka kina aliyandikue, ' Wilu wa numba yako ukindia." ¹⁸Akulu Ayahudi nashokelia, namuilaa, Itii muena nawii naukilagilaa kunsooko utendaa mantu igaa?" ¹⁹Yesu nushokelia, ligumulii hekalu ilii ninene nikakulizenga pembele ntondo zitatu."²⁰Nkangi akulu Ayahudi natambula, aliigalamikile miaka makumi manii na mutandatu kuzenga hekalu ilii nunduwe utambula ukakulizenga ku ntondo zitatu?" ²¹Ingawa, mwene alulikitie hekalu alindogolelio mwili wakue. ²²Iyo pembele nya kuiuka kumuakue kupuna ku akii, amanigua akue naijukaa kina alutambuile yaso, nasuila maandiko ni ntambo iyii u Yesu naliwakondi kumitambula.²³Iyo kinaliwili ku Yelusalemu tungo pasaka, tungo lya sikunkulu antu ingii nasuilaa lina lyakue, Kinanaona muena wa ishembo naliwitendile, ²⁴Lakini Yesu alimugila ka usuili nindio kunsooko aliwalingile ana antu tulu. ²⁵Sikalusiilie muntu wensi kukumuila kuhusu kinaili anaadamu kunsooko alulingile nalikyilii mukati yao.

¹Iyo aliakoli a Falisayo ilina lyakue Nikodemo, umui wa ajumbe ii balaza lya Ayahudi. ²Muntu uyu numuagana Shekulu Yesu utiku na numuila, "Rabi, Kulingile kina u mwalimu kupuna kuaki Mukungile, ku ndodolelio kutilii muntu nukusuma kutendaa miena iyii tulu Mungu angasika ipalumui nunduyo."³Yesu akamjibu, Suilii, suilii, muntu sikusumile kuingila ku utemi waki Mukungile kinawakilelua nkua ya kabili." ⁴Nicodemo nutambula, " Muntu ushumambii kulelua anga munampala? sikusumile kuingila mundaa yaki mau wakue nkua ya kabili nu kulelua, mbii ushumai?"⁵Yesu nushokelia, " Suilii, suili muntu angawalekilelua ku mazii nu ku nkolo, sikushuma kuingila ku utemi waki Mukungile. ⁶Nakilelue ku mwili ingi mwili, na nakilelue ku nkolo ingi nkolo.⁷Ulekikulia kunsooko alinukuilile, ngi lazima kulelua nkua ya kabili. ⁸Inzega yukukunka pensi kinandoe nu luli luakue mukuluigia,lakini sikamulingile kinaipunile wala kinilunjii. Iyo yilii hali ya kila namulelue ni nkolo.⁹Nicodemo nushokelia,kua kutambula, "Mantu iga mishumika mbii? ¹⁰Yesu nushokeli, uwee u mwalimu wa Izlaeli, sunga sikumizii mantu igaa? ¹¹Suilaa, suiliaa, nukukuilaa, ikio nakukyizii kukukishudila ku ikio nakukionie. Lakini sikamushingile ushuda witu.¹²Kina namuilaa mantu ma ipaa unkumbigulu na sikamushuila, Mukishumai kushuila kina anganumuile mantu ma kugulu? ¹³Ndogolelio kutilii nalunankile kukyanya kupuna kugulu angasika mwene nalutmile, Muana waki Adamu.¹⁴Kina iyo u Musa naluminansuile inzoka mubalangu, iyo iyo Muana waki Adamu lazima wanansulue, ¹⁵kina tulu naikakumusuila aligie upangaa wa kalii na kalii.¹⁶Kundogolelio namna iyii Mukungile aliulogilue unkumbigulu, kina numupunia u muana wakue nung"ene ili kina muntu wensi nukumusuila walekilimansila bali watule nu upangaa wa kali na kalii. ¹⁷Kunsooko Mukungile sikaliumutumile muana wakue munkumbigulu ili waulamule unkumbigulu, bali kina unkumbigulu ugunue ku mwene. ¹⁸Nukumusuilaa mwene sikukilamulua. Mwene naikumusuilile yakondaa kuulamulua kunsooko sikulisuilile lina lyakiMuana ung"ene waki Mukungile.¹⁹Iyii yai nsooko ya ulamulu kina welu wizile munkumbigulu,lakini anaantu nalogua ikiiti kukilikila uwelu kunsooko matendo mao alimadobu. ²⁰Kila muntu nukutenda namabiii ukuipilagua uwelu wala sikujile mu welu ili matendo makue malekiziyikua kualie. ²¹Lakini, mwene nukutendaa kulukulu ukuiza mu welu ili matendo makue migelele kina matendue ku utiifu waki Mukungile.²²Pembele igaa, Yesu palumui ni amanigua naenda ku nsii nya Yudea. Ukuaso alitumile matungo palumui nindio na aliukiabatisia. ²³Inoo Yohana gaa alubatiza kuaso Ainea piipi nu salim ndogolelio alimakoli mazi mingii paso. Antu aliipoloka kumuakue nu kubatizua, ²⁴Kunsooko Yohana alikili watague kugeleza.²⁵Kangi naupunila wibishia kati ya amanigua aki Yohana nu Myahudi kuhusu sikunkulu za utakaso. ²⁶Naenda kwaki Yohana naumuilaa, "Rabi, u mwene nazamuiensi kutumbi lya mongo wa Yordani, mwene nalushudile mpola zakue, laa, ubatiza na tulu alonguile amutiatile."²⁷Yohana nushokelia muntu sikusumile kushingila kintu kyensi angasika kna mupegue kupuna kugulu. ²⁸Nininye akola mushudile kina alintambuile, inee sika Kilisito." badala yakue alintambuile, numutumue ntongela yakue.²⁹Mwene nutite u mutizila namusungu ingi mutizila namugosha. Inoo musuamua waki mutizila namugosha , nukuimika nu kutegela ukumbilagia zigi kunsooko ya lulii luaki mutizila mugosha. Iyii inoo ingi ulumbi wane naukamilikile. ³⁰Yumuipiile kukilikilia, ninene injipiile kukepa.³¹Mwene nukupuna kukyanya, wili kyanya ya tulu, Mwene nua unkumbigulu upuna munkubigulu na ukulikitagia mantu ma munkumbigulu. Mwene nukupuna kugulu wili kyanya ya tulu. ³²Mwene ukushudila igoo namaonie nu kukumigia, lakini kutilii nukusingila ushuda wakue. ³³Mwene nukusingila ushuda wakue uhakikisile kina Mukungile ingi wakulukulu.³⁴Kunsooko mwene namutumue nu Mukungile ukulikitagia nkani zaki Mukungule. kunsooko sikukumupela nkolo kua kipimo. ³⁵Tata ukumulogua muana na umupiile intu tulu mu mikono yakue. ³⁶Mwene nukumusuila Muana utite upanga wa kali na kali, lakini kuaki mwene nakikumutii u Muana sikukiona upangaa, bali gazabu yaki Mukungile yukukamantana kyanya yakue.

¹Iyo u Yesu kinanulinga kina Mafalisayo igagia kina Yesu aliutiata nu kukiabatiza kukilikila u Yohana, ²(ingawa Yesu mwene sikalubatiza ila amanigua akue), ³nupuna ku Yudea na nuenda ku Galilaya.⁴Iyo ali muhimu kukilila ku Samaria. ⁵Na nupika ku muji wa Samaria, nauyitua Sitika, piipi ni yeneo u Yakobo nalumupiile u muana wakue Yusufu.⁶Nu luzi luaki alikyili papo. Yesu aliwakatala kunsooko ya musinzo nukala piipi nu luzi. ali matingo ma munsi. ⁷Musungu Musamaria nuiza kutepela mazi, nu Yesu numuilaa, "mpele mazi nkope." ⁸Kunsooko amanigua akue alienda iyao ku mujini kugula india.⁹Musungu uyo numuila, itulai uwee Muyahudi, kunompa inee musungu Msamaria, kintu kya kukopa?" Kunsooko Ayahudi sikaasalinkanile ni Asamaria. ¹⁰yesu nushokelia, "kina angulingile kalama yaki Mukungile, nu nduyo nukukuila "mpele mazi," alujilekumulompa, na alukukupela mazi ma upanga."¹¹Musungu nushokelia, "Shekulu umugila ndoo ya kutepelela, nu luzi lusimu. Ukakualigia pii mazi ma upangaa? ¹²Mbii uwee ingi u mukulu, kukila tata witu Yakobo, nulukupelile luzi ulu, nu mwene mukola ni alisha akue palumui ni mitugo yakue nakopa mazi maluzi ulu?¹³Yesu nushokelia, "Wensi nukukopa mzii igaa ukikolua nota kanki. ¹⁴lakini mwenenukikopa mazi nanikakumupela sikukikolua nota kanki. Badala yakue mazi nanikakumupela mikitula kisiizi nakishamamba sunga ikali na kali."¹⁵Musungu uyo numuila, "Shekulu, nilompa mazii maso ili ndekiligia ka nota, na ndekiyaga kuiza ipa kutepela mazi." ¹⁶Yesu numuila, " lenda umuite mugosha wako, nkangi ushoke."¹⁷Musungu numuila, "Numugila mugosha," Yesu nushokelia, " utambuile izaa, Numugila mugosha." ¹⁸ku ndogolelio watula ni agosha atano, na umui nutite inoo sika mugosha wako, ilii utambuile kulukulu!"¹⁹Musungu numuila, "Shekulu niona yakina uwee ingi nabii. ²⁰Tata itu aliamukulile mu mulima uu. Lakini inye mutambula ya kina Yelusalemu lulo luandi na antu yajipilie kukumukulia."²¹Yesu nushokelia, Musungu, nsuile,tungo lijile na sikamukakumukulia Tata ku mulima uu hau Yelusalemu. ²²Inye antu mukulia nasikamukyizi, lakini ishe kukulia nakukimanile, kunsooko ugnua upuna kua Ayahudi."²³Sunga iyo, tungo lijile, na inoo ukoli ipaa, tungo nakukulagia kulukulu ikakumukulia Tata ku nkolo ni kulukulu, kunsooko Tata ukuaduma antu a namna nyaso kutula antu akue naakumukulia. ²⁴Mungu ingi nkolo, ni ndioo naakumukulia yajipiile kukumukulia ku nkolo ni kulukulu."²⁵Musungu numuila, " Ningile kuwa masihi ujile,( nukuitagua Kilisito). Unuaso kinaukiiza ukakukuila tulu." ²⁶Yesu numuila, "inee nutambula ninene wayu."²⁷Tungo lilo lilo amanigua akue nashokaa, nindio nakulilua kua niki alulikitia nu musungu, lakini kutili nalugemile kukumukolia, "Usiilie yani?" hau "kua niki ulikitia nunduyo?"²⁸Iyo musungu numileka intunda yakue na nuenda ku mujini nuailaa antu, ²⁹Nzui muone muntu numbuilile mantu mane tulu nanimatendile, mbii ishumikile ukitula mwene Kilisito? ³⁰Napuna mu mujini naaza kumuakue.³¹Tungo lya munsi amanigua akue namunena naitmbula, "Rabi liaa indiia." ³²lakini mwene nuailaa, " inee ntite ndiia nasikamuzizii inye." ³³Amanigue naiilaa, kutili nalumueletile kintu kyensi kulia," Mbii alialeta?"³⁴Yesu nuailaa, Ndiia zane ingi kutenda ulowa wakue mwene naluntumile nu kutimilia mulimo wakue. ³⁵Mbii, sikamutambula, Kilii mieli itano ni maimbula mikitula makondaa?" Nukumuilaa laai migunda nyakondaa ku maimbula! ³⁶Mwene nukuimbula ukusingila mishala nu kuilinga nkali kunsooko ya upanga wa kali na kali, ili kina Mwene nukupandila nunduyo nukuimbula alumbe palumui.³⁷Kunsooko kiuge ikii ingi kya kulukul, umui upandila nu muua uyimbula. ³⁸Alinumutumile kuyimbula nasikamukyangaikile, iiaa itumile mulimo nininye muingila ku ulumbi wa mulimo wao."³⁹Asamaria ingii ku muji uoo aliamusuilile kunsooko ya mpola zaki musungu uyo nalushudila, "Nalumbuilile mantu tulu nalinimatendile." ⁴⁰Iyo Asmaria kina naaza namunena wikale palumui nindio na nukalaa kumuao ku ntondo zibili.⁴¹Na ingii kukilikila namusuilaa kunsooko ya lukani luakue. ⁴²Namuila musungu uyo, kusuilile sika du ku nkani zako, kunsooko ishee akola kuigagia, na inoo kulingile kina taii mwene ingi muguni wa unkumbigulu."⁴³Pembele lutondo zaso zibili, nulega kyukila ku Galilaya. ⁴⁴Kunsooko mwene mukola alii watanantagia kina nabii mugila heshima ku nsii yakue mukola. ⁴⁵Kina kupuna ku Galilaya, Agalalilya namukalibisha. Aliaona mantu tulu nalumatendile ku Yelusalemu ku sikukunkulu, kunsooko ni ndioo gaa aliakolii mu sikunkulu.⁴⁶Nuiza kani kupuna ku Kana ya Galilaya uko kinalukaile mazii ktula divai. Alukoli ofisa na muana wakue alimuluile uko ku Kapernaumi. ⁴⁷Kina nuigia kina u Yesu alupunile ku Judea nu kuyuka ku Galilaya, aliwendile kuaki yesu nu kukumunena watme wamukamie muana akue, na aliwili piipi kukia.⁴⁸Iyo u Yesu numuilaa, Inyee angamulekiyona miena ni ishembo sikamushuma kushuila. ⁴⁹Mutongeli nutambula,' Shekulu tima pansii kabla muana wane kukia. ⁵⁰Yesu numuilaa, Lenda muana wako mupanga." U muntu nusuila lukani nalulutambuile u Yesu na nuenda iyakue.⁵¹Kina utima, itumi akue namusingila nu kukumuila muana wakue ali mupanga. ⁵²Iyo nuakolia itii matungo kii aluligilie lymo. Nashokelia, " gulo matungo ma saa mupungati ihoma kinazayumulekile.⁵³Papo tata wakue nulinga kina matungo mago mago Yesu nalutambuile, " Muana wako ingi mupangaa." Iyo mwene ni familia yakue nasuila. ⁵⁴Iyii alii muena wakabili nalutendile u Yesu kinalupunile ku Yudea kuyuka ku Galilaya.

¹Pembele ya paso alikoli sikunkulu ya Ayahudi, nu Yesu nuankila kuyuka ku Yelusalemu. ²Nu kuaso ku Yelusalemu alilikoli bilika pa mulango wankoloo, nalilyukuitagua ku ntambo ya Kieblania Bethzatha, nindilo litite matao matano. ³Ngele nkulu nya aluile alikolii, apoku, anakitele, hau napozile aliagonile mu matao maso. (Ambiila: Nkani za mukilili wa 3 sikamigiile mu nakala nziza zakali. " nalindilile mazi makuluganigue.") Ku taii tungo kitunga malaika nutima mukati yaki Shekulu nu kukulugania mazi, ⁴Kululo, uyo nali wa kuandia kuingila mukati pembele mazi kina makuluganigua alimutendue mupanga kupunila ni kyensi nali kyumuambile ku tungo lyaso.⁵Nu muntu umui nali walualile ku matungo ma miaka makumi matatu na munana aliwili mukati ya matao. ⁶Yesu kina numuona ugonile mukati ya matao ni pembele ya kulinga kina ugonile paso ku matungo malipu numilaa, "Mbii usiilie kutula umupangaa?"⁷Muluile uyo numushokelia, Shekulu numugila muntu, wa kumbikila mu bilika itungo mazii kinakuluganigue. Tungo kinanigema kuingila muntu muua ukuntongela." ⁸Yesu numuilaa, Ukaa usole igodolo lyako ulongole."⁹Nkuamuntu uyo nukamigua, nusola ikitanda kyakue nuendaa. Nu lutondo luaso alii lutondo lua Sabato.¹⁰Iyo Ayahudi namuilaa muntu uyo nalimukamigue, "Ntende ingi lutondo lua Sabato, na sikaigombigue kukenka igodolo lyako." ¹¹Nushokelia, mwene nalunkamilie uyo alumbuilile, "sola igodolo lyako na ulongole."¹²Nakolia, "itii wani nukuilile sola igodolo lyako ulongole?" ¹³Ilagua, uyo nalimukamigue sikanumana, kunsooko Yesu aliwalegaa ku unkunku. kunsooko aliakolii antu ingii ku luandi luaso.¹⁴Pembele paso Yesu numuagana muntu nuaso mu hekalu na numuila, Laa, wakamagia! Ulekitenda milandu kanki ulekiziyaganua nikintu kibii kukilikila." ¹⁵Muntu uyo nuenda kuailaa Ayahudi kina Yesu umukamilie.¹⁶Iyo, kunsooko ya mantu maso Ayahudi namuaga u Yesu, kunsooko alutendile mantu igaa lutondo lua Sabato. ¹⁷Yesu nuailaa, Tata wane ukituma mulimo sunga inoo ninene nikituma mulimo." ¹⁸Kunsooko nyaso Ayahudi nakilikila kukumuduma amuulage sika du kunsooko ya kuuna Sabato, bali kukumuita Mukungile Btata wakue, nukitendia kina sawa nu Mukungile.¹⁹Yesu nuashokelia, "Suili,suili, muana sikusumule kutenda kintu kyensi agasika ikio numuonie u Tata wakue ukukitenda. kunsooko kyensi Tata nukukitenda kikioo nu muana nukakukitenda. ²⁰Kunsooko Tata umulogilue Muana, na ukumulagila kila kintu nukukitend na ukakumulagila mantu makulu kukila igaa ili kna mukilikile kukulilua."²¹Kunsooko kina iyo nu Tata nukuaiulaa akii nu kukiapela uupangaa, iyogua nu Muana gaa ukuapela wensi numulogilue. ²²Kunsooko Tata sikukumulamulaa wensi, bali umupiile Muana ulamuli tulu ²³ili kina tulu amuheshimu u Muana kina iyo Muana numusheshimle u Tata. Mwene nasikumuheshimile Muana sikumuheshimile Tata numutumile.²⁴Suila,suila, mwene nukuigagia lukani luane nu kukumusuila mwene nuntumile utite upangaa wa kalii na kalii na sikukilamulua. Badala yakue, wakila kupuna munkia nu kuingila mu upangaa.²⁵Suila,suila, nukumuilaa tungo lijile na inoo ukoli ii akii ikiigia luli luaki Muana waki Mukungile, na tulu naikiigia ikakikala.²⁶Kunsooko kina iyo Tata nuili nu upangaa mukati yakue mukola, ²⁷iyo umupiile Muana kutula nu upangaa mukati yakue, nu Tata umupiile Muana mamlaka ili kina walamule kunsooko ingi Muana waki Adamu.²⁸Mulekikuliligua ni ndilii, kunsooko itungo lijile ii akii tulu naili muibiila ikiigia luli luakue ²⁹nindio ikipuna kunzii: kua natendile namaza ku wiulua wa upangaa, na naliatendile mabii ku wiulua wa ulamulua.³⁰Sikansumile kutenda kintu kyensi kupuna kumuane mukola. Kina nanukuigagia, iyo nanilamula ni ulamuli wane ingi wa haki kunsooko sikaniduma ulowa wane, bali ulowa wakue nunutmile. ³¹Kina nishudile mukola, ushuda wane sikaliujilitula wa kulukulu. ³²Ukoli wingii nushudila kuhusu inee na ningile taii ushuda nunshudila ingi wa kulukulu.³³Mutumile kuaki Yohana nunduyo ushudile kulukulu. ³⁴Sungaiyo,, ushuda nanukuusingila sikaupuna kuaki muanamuntu. Nitambula igaa musume kugunua. ³⁵Yohana alii ntala naliyakila nu kumiliminta, nali muakondaa kumilumbila ku tungo kitambo welu wakue.³⁶Ushuda nantite ingi ukulu kukila uoo waki Yohana, ku milimo u Tata numpiile kukuikaminkilia, milimo nyaso nanikituma ishudila kina Tata untumile. ³⁷Tata nuntumile mwene mukola ushudile kuhusu inee. Kilimuigie luli luakue wala kuyona yumbile lyakue tungo lyensi. ³⁸Muagila lukani luakue nalikikala mukati yani kunsooko sikalimumusuilile mwene naluntumile.³⁹Mukimashunguza maandiko mushiga mukati yakue mutite upangaa wa kali na kali, ni maandiko maso mashudile mpola zane na ⁴⁰sikamutakile kuiza kumuane ili muligie upuangaa wa kali na kali.⁴¹Sikanishingila sifa kupuna ku antu, ⁴²lakini ningile kina muagila ulowa waki Mukungile mukati yani inyee akola.⁴³Nazaa ku lina liaki Tata wane, sikanamusuma kunshingila. kina muua waze ku lina liakue alimujile kumusingila. ⁴⁴Mbii mushuma i kushuila inye namushingila sifa kupuna k kila umui wani lakini sikamuduma sifa nyukupuna kuaki Mukungile ung"ene?⁴⁵Mulleki shiga ine nikakumuamba ntongela zaki Tata. nukumutakia inyee ingi Musa, na inyee muaika matumaini mani kumuakue. ⁴⁶Kina angali mukumusuilia Musa, alimujilinshuila inee kunsooko aliwandikile kuhusu mpola zane. ⁴⁷Kina sikamushuila maandiko makue, mukishumai kushuila inkani zane?

¹Pembele muntu igaa, Yesu nuenda nandi za Bahali ya Galilaya, gaa yukuitagua Bahali ya Tiberia. ²Mukutano ukulu aliumutiatile kunsooko aliaonie miena nalutendile ku nailaluile. ³Yesu nunankila kyanya mpaka luandi lua kyanya mu mulima nukalansa kuaso ni amanigua akue.⁴(Ni pasak, Sikunkulu ya Ayahudi alii yapipiika). ⁵Yesu kina nunansula miso makue kyanya nukuyona mulundo ukulu upolokile kumuakue, numuila u Filipo," Kukienda pii kugulla mikate iaa asuume kulia?" ⁶(Lakini Yesu alutambuile igaa kuaki Filipo kua kumugema kunsooko mwene mukola alulingile nukakukitenda).⁷Filipo numushokelia," Sunga mikate nya thamani ya dinali magana mabili sikalimijilitshia sunga kila umui kuligia sunga kipande kinono," ⁸Andrea, umui wa amanigua akue muntua waki Simoni Petro numuila ⁹Yesu, "ukoli musumbati ipa utite mikate itano ni nsii zibili, lakini iyii ifaile yani ku antu ingii namna iyii?"¹⁰Yesu nuailaa, " Ikalanshii antu pansi" ( alimakoli masanzi mingi luandi luaso). Iyo agosha alii ihumbii itano naikalansa pansii. ¹¹Nkangi Yesu nusola mikate nyaso nitano nusongelia nuagaania ioo naliikalansile. Iyo iyo nuaagaila nsii ku kadili ya iyo kinaasiilie. ¹²Antu kinanaikuta, nualia amanigua akue, "iilingili ipande ya masago, naishagile ili kina kilekilimila kyensi."¹³Iyo nailingila nu kukijulia ikapu kumi na ibili, ipande ya mikate itano y ashayili_ ipande nalishagigue ni ndioo nalialile. ¹⁴Nkangi antu kina naona miena iyii nalutendile natambula,"kulukulu uyu wayo uyo nabii nujile munkumbigulu. ¹⁵Yesu kinanulinga kina aliasiilie kukumuguila ili amutende kutula mutemi wao, nuitenga, kanki nuenda ku mulima mwene ung"ene.¹⁶Kina nipika mpindi amanigua akue natima kuyenda ku ziwa. ¹⁷Nanankila mu mutumbwi na aliiputa kuyukila ku Kapernsumu. (Kiiti alikingila nu Yesu alikiili waze kumuao). ¹⁸Tungo liaso nzega alikunka, ni bahali aliyendelile kushapuka.¹⁹Kanki amanigua akue kinaliakua makasia kina makumi mabili nitano hau makumi matatu, namuona u Yesu ugendaa kyanya ya bahali kukuuegela mutumbwi, naopoka. ²⁰Lakini nuaila, "ingi nene! lekiyopoki." ²¹Kanki aliakondaa kukumukenka mu mutumbwi, na nkua mutumbwi naupika ku nsii luandi kinali alunjii.²²Lutondo nalilutiatile, mukutano naliwimikile luandi lua bahali naona kina kutilii mutumbwi wingii ila uuo u Yesu ni amanigua akue alikilii aunankile lakini amanigua akue alienda iyao akola. ²³( ingawa, aliko mitumbwi mikei nalipunile ku Tiberia piipi nu luandi kinalilile mikate pembele shekulu kupunia shonelio).²⁴Tungo makutano kinalinga kina sika Yesu wala amanigua akue aliili kuaso, ine akola nanankila mukati ya mutumbwi naenda kukapernaumu namutiatile u Yesu. ²⁵Pembele y akumuligia luandi luingi lua ziwa namukolia, "Rabbi azawaznali kunu?²⁶Yesu nuashokelia, nuailaa, Suili,suili, munduma nene, sika kunsooko nazamuaziona imiena, bali kunsooko zamulile mikate nukukikuta. ²⁷Lekii kukitendela mulimo ndia za kunoneka, bali mutendela mulimo ndia nazukudumu sunga ikali na kali ikio u muana waki Adamu ukakumupela, kunsooko Mukungile Tata uikile muntozo kyanya yakue."²⁸Nkangi nuailaa,"Itii yani nayukujipiile kutenda ili kukuitenda milomo yaki Mukungile? ²⁹Yesu nushokelia, Iyii yoi mulimo waki Mukungile: kina mumusuile mwene nuntumile,"³⁰Iyo namuilaa, " Itii miena nyii nukitenda, kina kusumile kuiona nu kukusuila? ukitenda yani? ³¹Tata itu alialile mana kubalangu, kina naliyandikue, "Nuapela mikate kupuna kugulu ili alie."³²Nkangi Yesu nushokelia,Suili,suili, sika Musa naliwapiile mkate kupuna kugulu, bali Tata wane uyo nukumupela mukate wakulukulu kupuna kugulu. ³³Kunsooko mukate waki Mukungile ingi uoo naukutima kupuna kugulu na kukuupela upungaa unkumbigulu. ³⁴Iyo namuila, "Shekulu kupeele mukate uu tungo lyensi."³⁵Yesu nailaa,"Inee wayu mukate wa upangaa, mwene nukuiza kumuane sikukiigia ka nzala nu mwene nukusuila sikukitegela kanota kamwe. ³⁶Ingawa alinumuilile kina, muamona, na kilii sikamusuilile. ³⁷Tulu nu Tata numpela ikiizakumuane, na wensi nukuiza kumuane sikanikakumutaga kunzii kabisa.³⁸Kunsooko natimaa kupuna kugulu, sika kunsooko ya kutenda ulowa wane, bali ulowa waki nuntumile. ³⁹Nu nduu wau ulowa wakue nuntumile, kina ndekekumulimia sunga numui wa ioo numpiile, bali nikakuaiulaa lutondo lua mpelo. ⁴⁰Kunsooko uu wau ulowa waki Tata wane, kina wensi nukumulaa Muana nukumusuila waligie upangaa wa kalii na kali, ninene nikakumuiula lutondo lua mpelo.⁴¹Nkangi ayahudi namulalamikila kumhusu mwene kunsooko alutambuile, "ine nu mukate nautimile kupuna kugulu." ⁴²Natambula, " uyu sika Yesu muana waki Yusupu, na tata wakue nu mau wakue kumulingile? Yatulai inoo utambula, natima kupuna kugulu?"⁴³Yesu nushokelia, nuailaa, lekilalamiki mumuingoni muani akola. ⁴⁴Kutilii muntu nukuza kumuane isikamulutue nu Tata wane nuntumile, ninene nikakumuiula lutondo lua mpelo. ⁴⁵Kunsooko yandikue ku manabii, " Ikimanigu anu Mukungile. Kila nuigagia wimanagia kupuna kua Tata, ukuiza kumuane.⁴⁶Sikkina ukolii muntu numuonie Tata, angasika mwene nukupuna kuaki Mukungile_ wamuona Tata. ⁴⁷Suili,suili,mwene nukusilia utite upangaa wa kali na kali.⁴⁸Inee ingi mukate wa upangaa. ⁴⁹A tata itu alialile manna kubalangu, nakia.⁵⁰Uu wau mukate naukutima kupuna kugulu, ili kina muntu waulie sehmu yakue ili wakikila. ⁵¹Inee ingi mukate naukikala na utimile kupua kugulu. Kina muntu wensi walie sehemu ya mukate uu, ukakikala ikali na kalii. Mukate nanikakuupunia ingi mwili wane kunsooko ya upangaa wa unkumbigulu."⁵²Ayahudi naataka enee kua enee naandia kukikunguma naitambula, Muntu uyu ushumai kukupela mwili wakue kulie?" ⁵³Nkangi u Yesu nuailaa, "Suilii,suilii, anga mulekilia mwili wa Muana waki Adamu nu kukopa migali yakue, sikamukitula nu upangaa mukati yani.⁵⁴Wensi nukuulia mwili wane nu kukopa migali yane utite upangaa w akalii na kalii, ninene nikakumuiula lutondo lua mpelo. ⁵⁵Kunsooko mwili wane ingi ndia za kulukulu, ni migali yane ingi kikopua kya kulukulu. ⁵⁶Mwene nukuulia mwili wane nu kukopa migali yane ukikalaa mukati yane, ninene mukati yakue.⁵⁷Kina Tata nutite upangaa nuntumile, na kina nikikalaa kunsooko yaki Tata, nu mwene gaa ukakikala kunsooko yane. ⁵⁸Uu wau mukate naukutima kupuna kugulu, sika kina iyo atata nalialile nakia. Mwene nukuulia mukate uu ukakikala ikali na kalii. ⁵⁹Yesu alumatambuile igaa mukati ya sinagogi kinali umania uko ku Kapernaumu.⁶⁰Iyo ingii aa manigua wakue kinanaigia igaa, Natambula, ilii manio kyaku itii wani nukusumaa kukulisingilaa? ⁶¹Yesu kunsoko alulingile yaikina amanigua akue aliilalamika kintu ikii, nuailaa mbii kintu ikii kyukumualalia?⁶²Iyo ikitulai kinamukakumuoana muana waki Adamu utima kupuna kinaliwili kabla? ⁶³Ingi nkolo nyukupunagia upangaa. Mwili sikaunsaila kintu kyensi. Nkani nalinizitambuile kumiani ingi nkolo na ingi upangaa.⁶⁴Kilii akolii antu katia yani nasikaasuilile." kunsooko Yesu alulingile kupunila umuandio uyo nasikushuma kushuila nu mwene na angaliwamusaliti. ⁶⁵Nuailaa, ingi kunsooko iyii alinumuililile kina kutilii muntu nukusuuma kuiza kumuane angasikamupegue nu Tata."⁶⁶Pembele ya igaa amanigua akue ingii nashoka numa na sikanatula palumui nunduyo kanki. ⁶⁷Yesu nuaila ioo kumi naabili," Mbii nininye musiilie kulega? ⁶⁸Simoni Petelo numushokelia, " Shekulu kuuke kuakuani kuani uwee utite inkani za upangaa wa kalii na kalii, ⁶⁹na kuasuila nu kumana kina uwee ingi umuelu waki Mukungile."⁷⁰Yesu nuailaa," Mbii inee sikalinumusaguile inyee, na umui wani ingi ibilisi? ⁷¹Inoo alulikitia kuhusu Yuda, muana waki Simoni Iskaliote, kunsooko alii mwene nuili umi wa ioo kumi na abili, na uyo alujile kumusaliti u Yesu.

¹Ni Pembele ya mantu igaa Yesu nuenda musinzo itii ku Galilaya, kunsooko sikalimulogue kuyenda ku Uyahudi kunsooko Ayahudi aliipanga mipango ya kukumuulaga, ²Inoo sikunkulu ya Ayahudi, sikunkulu ya iyanda, alii yipiipi.³Papo antua akue kinaamuilile, lega luandi ipaa wendee ku Uyahudi, ili knia amanigu ako iyoiyo amalae matendo nukumatendaa. ⁴Kutilii nukutenda lyensi ku unkunku anga mwene usiilie kukumazuka kualie. anga ukitenda mantu igaa, ilagiile mukola muunkumbiulu."⁵Sunga antua akue gaa sikaliamusuilile. ⁶Papo u Yesu kinaliwailile, " tungo lyane kili lipike, lakini tungo lyani kila nkua wakondaa. ⁷Unkumbigulu sikausumile kukumuipilua inyee, bali umbipilue inee kunsooko nukuushudila kina matendo makue ingi madobu.⁸Nankili kuyuka ku sikunkulu: inee sikanunji ku sikunkulu iyii kunsooko tungo lyane kililikaminkile kilii. ⁹Pembele ya kutambula mantu maso kumuao, nusaga ku Galilaya.¹⁰Sungaiyo, antua akue kinaenda kusikunkulu, papo nunduyo nuenda, sika kualie bali ku unkunku. ¹¹Ayahudi aliakumuduma ku sikunkulu nu kutambula, wili pii?"¹²Alimakoli wilikitilia wingii mumiongoni mua makutano kyanya yakue, iiaa natambula, " Ingi muntu muuza." aaa, sikaliapugamuile makutano." ¹³Sunga iyo kutilii nalulikitilie kualie kyanya yakue ku kukuapoka Ayahudi.¹⁴Tungo sikunkulu kinanipia pakatii, Yesu nunankila mu hekalu nu kuyandia kumania. ¹⁵Ayahudi alikulilua nu kutambula, " ku namna kii muntu uyu ulingile mantu igaa? sikusomile ninaido." ¹⁶Yesu nuashokelia nuailaa, " Mamanio mane sika mane, bali ingi yakue mwene nuntumile.¹⁷Anga wensi ukilogua kutendaa ulowa wakue mwene, ukilinga kuhusu mamanio igaa, kina mipuna kuaki Mukungile, hau kina nilikitia kupuna kumuane mukola. ¹⁸Kila nulikitia namakupuna kumuakue mukola ukudumaa utukufu wakue, bali kila nukudumaa utukufu wakue mwene nuntumile, muntu nuaso ingi wa kulukul, na mukati yakue kutilii kulekitenda iahaki.¹⁹Musa sikaliumupiile inyee ishalia? Lakini kutilii sunga numui katia yani nukutendaa shalia. kua nikii musiilie kumbulaga? ²⁰Makutano, utite pepo. wani nusiilie kukuulaga?"²¹Yesu nushokelia nuailaa, "Natendaa mulimo umui. nininye tulu muakulilagua kunsooko yakue. ²²Musa allumupiile tohara(sika kina ipuna kuaki Musa, bali iyo ipuna kua Atata). nu ku Sabato mujipiile muntu.²³Ana muntu ukishingila tohara ku lutondo lua Sabato ili kina shalia yaki Musa ilekiyunua, kua niki muntakiila inee kunsooko namutenda muntu kutula mupanga nkankana ku Sabato? ²⁴Mulekilamula kuliganila nu wigeleli, bali lamulii ku haki.²⁵Akeii aoo kupuna Yelusalemu, natambula, "sika wayu naiduma kukumuulaga? ²⁶Na laa, ulikitia kualie, na sikaitambula kyensi kyanya yakue. sikisumile itule kina atongelii alingile kulukulu kina uyu ingi Kilisito,ishumile kutula? ²⁷Kulingile muntu uyu upunilile pii. Kilisito kinaukiiza, sunga iyo, kutilii nukilinga pii upunila."²⁸Yesu aliukitunta ululi luake mu hekalu, numania nu kutambula, "inyee tulu muningile inee na mulingile kinampunile.sikalinizile zii nene, bali mwene aluntumile ingi wa kulukulu, na sikamuizii u mwene. ²⁹Numuizii mwene kunsooko mpunile kumuakue na aluntumile.³⁰Aligema kukumuguila, lakini kutilii sunga umui nalunasuile mukono wakue kyanya kunsooko itungo yakue alikili ipikee.. ³¹Sunga iyo, ingii ku makutano namusuila. Natambula, "Kilisito kinaukiiza, ukitenda miena mingii kukila nalutendile muntu uyu?" ³²Mafalisayo naaigia makutano ikipuepuela mantu igaa kuhusu Yesu, nii akulu aa makuhani ni Mafalisayo natuma maafisa gale amuguile.³³Papo Yesu nutambula, Kilii likoli tungo nino nkoli palumui nininye, na pembele nikienda kumuakue naluntumile. ³⁴Mukindumaa wala sikamukimona: uko kinanunji, sikamukishuma kuiza."³⁵Kululo Ayahudi naitambuila enee kua enee, "Muntu uyu ukiyenda pii gua kulekishuma kukumuona? Ukienda kua nasapatiile katia ya Ayunani nu kuamania Ayunani? ³⁶Itii lukani kii uluu naliulutambuile, " Mukindumaa wala sikamukimona: uko kinanunji sikamukishuma kuiza"?"³⁷Inoo ku lutondo lua mpelo, lutondo lukulu lua sikunkulu, Yesu nuimika nuitunta ululi, nutambula, " anga wensi utite nota, nuaze kumuane wakopee. ³⁸Mwene nunsuilile inee, kina maandiko nalimatambuile , kupuna mukati yakue ikishambia miongo ya mazi ma upangaa.³⁹Lakini alumutambuile iga kuhusu mkolo, ni ndioo namusuilile ikakumusingila; nkolo alikiili ilegigue kunsooko Yesu alikiili wakuligue.⁴⁰Akei amakutano, kina naigia inkani izii, natambula, "kulukulu uyu ingi nabii." ⁴¹Iiaa natambula, "Uyu ingi Kilisito." Lakini iia natambula, "yani, Kilisito usumile kupuna ku Galilaya? ⁴²Maandiko sikamatambulile kina Kilisito ukipunila ku lulii luaki Daudi nu kupuna ku Bethelehemu, kijiji u Daudi naliwilii?⁴³Iyo, ipaso nauuka mutuanuko pakati ya makutano kunsooko yakue. ⁴⁴Iiaa ktaia yao aliijilekumuguila, lakini kutili nalugololile mikono yakue kyanya yakue.⁴⁵Papo ioo maofisa nashoka kua akulu a Makuhani, nindio naaila, niki sika muamuleta? ⁴⁶Maofisa nashokelia, "Kutilii muntu nuakaile kulikitia kina uyu kabla."⁴⁷Papo Mafalisayo namushokelia, "ni ninye gaa muapugamulagua? ⁴⁸Ukoli wensi katia ya atemii numusuilile, hau wensi wa Mafalisayo? ⁴⁹Bali iaa makutano nasika amiizi shalia_azumue."⁵⁰Nikodemo nuaila ( mwene nalumuaganile u Yesu kalii,nuili umui wa Afalisayo), ⁵¹Mbii shalia yitu yumuhusile muntu anga sika mutegelue kuandia nu kulinga nukukitendaa? ⁵²Namushokelia nu kukumuila, "nunduwe gaa upunile ku Galilaya? Dumaa na ulae kina kutilii nabii nupunilile ku Galialya."⁵³(Ambiila nkani nkei zaki Yohana 7:53_8:11 makutili mu nakala nanziza za kalii). nkangi kila muntu nuenda kumuakue.

¹Ambiila: Laa ufafanuli waki Yohana 7:53_8:11 paso pakyanya).Yesu nuenda ku mulima wa mizeituni. ²Dau nuiza kanki pi hekalu, ni antu tulu namuagana: nuikalansa nu kukuamania. ³Andikii ni Afalisayo namuletela musungu nalimuguilue mu kitendoo kya kuzinii. namuika pakatii.⁴⁶(Ambila: laa ufafanuli waki Yohana 7:53_8:11paso pa kyanya). Papo namuila u Yesu. Mwalimu, musungu uyu muguilue mu ukosii, mu kitendoo nkankana. Inoo, ku shalia, Musa wakuamlisagia kukuatula mague antu kina iaa,utambui kyanya yakue? ⁵Aliatambuile igaa ili kukumutega ailigie kintu kya kumutakia, lakini yesu nutuna pansi nuandika pnsi ku luala luakue.⁷(Ambiila :Laa uafafanuli waki Yohana 7:53_8:11 paso pa kyanya). kinaliendelile kukukolia, nuimika nu kukuaila,"mwene namugila katia yani, nuatule wa kuandia kukumutula imague. ⁸Nutuna kanki pansii, nuandika pansii ku luala luakue.⁹(Ambiila :Laa uafafanuli waki Yohana 7:53_8:11). Kinaigia maso, nailega umui pembele ya muaa,kuyandilia munampala , impelo u Yesu nulekua ung"ene, palumui nu musungu naliwili pakati yao. ¹⁰Yesu nuimika nu kukumuila, "Musungu, nakutakilie ilii pii? Kutilii sunga numui nukulamuile?" ¹¹Nutambula kutili sunga nu numui Shekulu." Yesu nutambula, " Sunga ninene sikanukukulamula. Lenda ni nzila yako: kuyandilia inoo nu kuyendelela ulekitenda milandu kanki."¹²Kanki u Yesu nulikitia ni antu nutambula, " inee ingi weluwa unkumbigulu; mwene nukuntiata sikukigenda mukiiti bali ukitula nu welu wa upangaa." ¹³Mafalisayo namuilaa, " Ukishudila mwene: ushuda wako sika wa kulukulu."¹⁴Yesu nushokelia nuailaa, " Sunga kina nikakishudila mukola, ushud wane ingi wa kulukulu. Ningile kina luandi kinampunile nu nduko kinanunji, lakini inyee sikamulingile luandi nampunile hau uko kinanunjii. ¹⁵Inyee mulamula kimwili: inee sikanilamula wensi. ¹⁶Inee sunga anganamule, ulamuli wane ingi wa kulukulu kunsooko sika ning"ene, bali palumui nu tata nuntumile.¹⁷Eee, nu kushalia yani nyandikue kina ushuda wa antu abilii ingi kulukulu. ¹⁸Inee nene nanikishudila, nu Tata nunutmile unshudila."¹⁹Namuilaa, "Tata wako wilii pii?" Yesu nushokelia, " inee sikamunzizi wala u Tata wane sikamumuizii: angalimunizi inee, alimujile kumumana nu Tata wane gaa. ²⁰Alutambuile inkani izii nuili piipi ni kilindo kinali umania mu hekalu, na kutili sunga numui nalumuguilile kunsooko tungo lyakue alii kiili lipikee.²¹Iyo nuailaa kanki, Naukaa iyane: mukinduma na mukikia mu milandu yani. Uko kinanunji, sikamukishumua kuiza.' ²²Ayahudi natambula, " ukakiulga mwene, mwene nalutambuile, "uko kinanunji sikamukishum kuiza?"²³Yesu nuailaa, Mupuna pansi: inee nipuna kyanya. Inyee ingi wa unkumbugulu uu: inee sika wa unkumbugulu uu. ²⁴Kululo, alinumuilile kina mukikia mu milandu yani. nasika iyo musuile kina INEE NENE, mukikia mu milandu yani."²⁵Kululo namuilaa, " uwee wi wani?" Yesu nuailaa, Igo nalinumuililile kupunila umuandio. ²⁶Ntite mantu mingii ma kulikitia nu kulamula kyanya yakue. Sunga iyo, mwene naluntumile ingi wa kulukulu: ni mantu nalinimigile kupuna kumuakue, mantu igaa nukumatambula ku unkumbigulu." ²⁷Sikanamulinga kina aliukitmbuila nindio kuhusu Tata.²⁸Yesu nutambula, " kinamukakumunansula kyanya Muana wa muntu, papo kinamukimana kina INEE MWENE, na kina sikanitenda kyensi ku inee zii inee, Kina u Tata numanilie, nilikitia mantu igaa. ²⁹Mwene nuntumile wii palumui ninene, nu mwene sikundekile ning"ene, kuani kila nkua nitenda igoo namamujipiile. ³⁰Tungo u Yesu nutambula mantu igaa, ingii namusuililaa.³¹Yesu nutambula kua ioo Ayahudi naliamusuilile, "anga mukale mu lukani luane, papo mukitula amanigua ane kulukulu, ³²Nininye mukakumimana ikulukulu, na kulukulu ikakumuika hulu." ³³Namushokelia, "ishee ingi ulelua waki Iblahimu na ninaido kili kutule pansi ya usese wa wensi: ukitambulai, Kukiyikua hulu?"³⁴Yesu nuashokelia," Suili,suili, nukumuilaa, kila nukutenda milandu ingi musese wa milandu. ³⁵Musese sikukala munumba matngo tulu: muana ukuima ntondo tulu, ³⁶Kululo, anga Muana angawamuike hulu, mutula hulu kulukulu nkankana.³⁷Ningile kina inyee ingi ulelua waki Iblahimu: mudumaa kumbulaga kunsooko lukani luane lugila ka lyoma mukati yani. ³⁸Nitambula mantu nanimaonie palumui nu Tata wane, ni ninyee iyoiyo mutenda mantu nalimumigilie kupuna kuaki tata wani."³⁹Namushokelia nu kukumuilaa, "Tata witu ingi Ablahamu." Yesu nuailaa, kina angali mu alisha aki Iblahimu, alimujilitenda milimo yaki Iblahimu. ⁴⁰Sunga inoo mudumaa kumbulaga, muntu nalumuilile ikulukulu kina alinigile kupuna kuaki Mukungile. Ablahamu sikalutendile itii. ⁴¹Mukituma milimo yaki tata wanii." Namuilaa, "sikalikualelelue mu ukosi, kutite u Tata umui, Mukungile."⁴²Yesu nuailaa,"anga Mukungile ingi Tata wani, alimujilindogua ni nene, kundogolelio mpunile kuaki Mukungile: wala sikalinizile ku nene zii nene,bali mwene aluntumile. ⁴³Kuaniki sikamulinga inkani zane? Kunsooko sikamusumile kiumatiilia kutegela inkani zane. ⁴⁴Inyee ingi muaki tata wani, shetani, na musiilie kutenda nsula zaki tata. Alimuulagi kupunila umuandio na sikushuma kuyimika ku kulukulu kunsooko kulukulu yukutilii mukati yakue. Kinutambula uulongo, utambula kupuna ku kuyukii liakue kunsooko ingi mulongo na tata wa ulongo.⁴⁵Sunga inoo, kunsooko nitambula nya kulukulu, sikamunshuila. ⁴⁶Itii wani katia yani nunshudila kina ntite milandu? ⁴⁷Mwene nuaki Mukungile ukuzigagia inkani zaki Mukungile: inyee sikamukizigia kunsooko sika muaki Mukungile."⁴⁸Ayahudi namushokelia nu kukumuilaa, sikakutambuile kulukulu kinaa uwee ingi Msamalia na utite pepo? ⁴⁹Yesu nushokelia, numugila pepo, lakini numuheshimile Tata wane, nininye sikamuneshimile.⁵⁰Sikanidumaa utukufu wane: ukoli umui nukudumaa nu kulamula. ⁵¹Suili,suili, nukumuilaa, anga wensi nukiamba lukanai luane, sikukiona ka nkia ninaido.⁵²Ayahudi namuilaa, Inoo kualinga kina utite pepo. Ablahamu ni manabii nakia: lakini utambula, " anga muntu ukiamba lukani kuane, sikukitoma kankia." ⁵³Uwee sika umukulu kukila u tata witu Ablahamu nalukiile, sikaiyo? Manabii gaa aliakile. uwee ukitendia kina wi wani?"⁵⁴Yesu nushokelia,"anga nikakikula mukola, utukufu wane ingi nkanda, ingi Tata wane nunkulia_ uyo namukumutambula kina ingi Mukungile wani. ⁵⁵Inyee sikamumumanile u mwene, lakini inee namuizi u mwene,. anga ntambule, "sikanumuizi", nikitula zii unininye, mulongo. Sunga iyo, numuizii ni nkani zakue niziambile. ⁵⁶Tata wani Ablahamu aliuwiloililie lutondo luane: aluluonie nulumba.⁵⁷Ayahudi namuilaa, kilupikie lika lia miaka makumi matano kili, nunduwe wamuona Iblahamu?" ⁵⁸Yesu nuailaa,Suili,suili, nukumuila kabla Ablahamu kiliwalelue, INEE NKOLII." ⁵⁹Papo nasolela mague aligie kukumukua,lakini Yesu nuipisa nupuna kunzii ii hekalu.

¹Tungo, kina u Yesu kinalukila numuona muntu mupoku kupunila kulelua kumuakue. ²Amanigua akue namukolia, "Rabi, wani nutendile milandu, muntu uyu hau aleli akue, sunga walelue mupoku?"³Yesu nuashokelia, Sika uyu muntu wal alelii akue naliatendile milandu, bali milimo yaki Mukungile iligie kukunukulua kukilila kumuakue. ⁴Yukujipiile kukituma milimo yakue mwene nalunutmile tungo kilii munsii. Utiku waza tungo naka kutilii nukishuuma kukituma milimo. ⁵Tungo nankoli munkumbigulu, inee ingi welu wa unkumbigulu."⁶Pembele Yesu kinanutambula nkani izii, nutia matii munsii, nutenda ulolo kua matii, n numukuya muntu uyo mumiso ni ulolo uoo. ⁷Numuilaa, lenda ogee mu luzii luaki Siloam( ndogolelio kina nalimutumue)." Kululo muntu nuaso nuenda, nukalala, nushokaa, uyona.⁸Anapiipi amuntu uyo ni ndiio naliamuonie umandio kina mulompii natambula, Mbii! uyu sika uyo muntu nalikula ukikalaa nukulompa?" ⁹Ni iaa natambula, "aaa, bali wimpianile nunduyo." Lakini alii utambula, Ingi nene."¹⁰Namuilaa, "Inoo miso mako azamadiguluei?" ¹¹Nushokelia, muntu nukuitagua Yesu alulluile lolo nu kumpaka mu miso mane nu kumbuila, Lenda ku Siloam ukalale." Kululo nanendaa, nankalala, nandigia kuyona kanki." ¹²Namuilaa, "ukolii pii?" nushokelia "magu."¹³Namutualaa muntu uyo nalikula mupoku kua Mafalisayo. ¹⁴Nindio alii lutondo lua Sabato tungo Yesu kinalu uluile ilolo nu kukumbula miso makue. ¹⁵Papo kanki Mafalisayo namukolia azuligiliei kuyona. Nuailaa, "Aliuikile lolo mu miso mane, nankalala, na inoo nishuma kuyona."¹⁶Akei aa Mafalisayo naambula, "Muntu uyu sikupunile kuaki Mukungile kunsooko sikuyamba Sabato." Iiaa natambula, "Ishumikambii muntu nutite milandu kutenda miena kina nyaso?" Kululo nautla mutuanuko katia yao. ¹⁷Papo nalimukolilie mupoku uyo kanki, "Utambulai kyanya yakue kunsooko aliwadigula miso mako? mupoku nutambula, "ingi nabii." ¹⁸Sunga tungo ilii Ayahudi sikanamusuilaa kina ali mupoku nunduyo waligia kuyona mpaka kina naaita aleli akue mwene naluligilie kuyona.¹⁹Naakolia aleli, Mbii, uyu wayu muana wani namutambula alimulelue mupoku? wasumambii inoo kuyona?" ²⁰Iyo aleli akue namushokelia, Kulingile kina uyu ingi muana witu ni kina alimulelue mupoku. ²¹Namna kii inoo uyona,magu sikakuizii, Mukolii mwene. ingi muntu mukulu. usumile kulikitia mukola."²²Aleli akue aliatanbuile mantu igaa, kunsooko aliaopokile Ayahudi. ku iyo Ayahudi aliakondaa kukigombia kina, anga wensi nukigomba kina Yesu ingi Kilisito, ukitemanulua ni sinagogi. ²³Kunsooko iyii, aleli akue aliatambuile, "Ingi muntu mukulu,mukolii mwene."²⁴Kululo ku nku aya kabili, namuita uyo nalikula mupoku nu kukumuilaa, "Mupele u Mukungile utukufu.Kulingile kina muntu uyu ingi muna milandu." ²⁵Papo muntu nuaso nushokelia, " watule muna milandu, inee sikanizi. Kintu kimui nanikilingile: alii numupoku, na inoo niyona."²⁶Papo naliamuilile, "ukuntendile yani? azaumakunukuile mbii miso makue?" ²⁷Nushokelia, "nakondaa kukuilaa, ni ninyee sikamuamutegelaa! nikii musiilie kutegela kanki? Nininye sikamusiilie kutula amanigua akue gaa, sikaiyo? ²⁸Namutuka nu kutambula, " uwee ingi umuanigua wakue, lakini ishee ingi amanigua aki Musa. ²⁹Kulingile kina Mukungile alulikitilie nu Musa, lakini kua muntu uyu, sikakuizi kinupunile."³⁰Muntu uyo nushokelia nu kuailaa," kua niki, ikii ingi kintu kya kukulilua, kina sikamuizi kinaupunil, na kilii wkunukula miso mane. ³¹Kulingile kina Mukungile sikukuategela natite milandu, lakin anga muntu wensi ukumukulia Mukungile na ukutenda ulowa wakue, Mkungile ukumuigagia.³²Kupunila kuyandia ku unkumbigulu kili ninaido kutegelua kina wensi wakunukula miso ma muntu nalimulelua mupoku. ³³Anga muntu uyu sikalupunile kuaki Mukungile, sikaliujitenda kyensi." ³⁴Nashokelia nu kukuaila, " aliumulelue mu milandu nkankana, na uwee ukukumania ishee?" Papo namuingaa kupuna mu sinagogi.³⁵Yesu nuigia kina amulegagia mu sinagogi. Numuligia nu kukumuila ,"Umusuilile Muana wa Muntu?" ³⁶Nushokelia nu kutambula, "itii wani, Shekulu, ni nene ndigie kukumusuila?" ³⁷Yesu nuailaa, " wamuona, nunduyo nukulikitia nunduyo mwene." ³⁸Muntu uyo nutambula,"Shekulu, Nsuilile." papo numukulia.³⁹Yesu nutambula, "ku ulamuli nazaa ku unkumbigulu uu ilii kina ioo nasikaakuona aone na ndioo naiyona atule apoku." ⁴⁰Akei aa Mafalisayo alii palumui nunduyo naigia nkani zaso nu kukumukolia, "ni ndishe gaa ingi kuapoku?" ⁴¹Yesu nuailaa, 'Kina alii muapoku , sikalimujilitula ni milandu. Sunga iyo, inoo mutambula, Kuyona, milandu yani ikalile."

¹Suili, suili nukumuilaa, uyo nasikuingila kua kukilila mulango wa luigii lua nkoloo, lakini unankila ku nzila yingii, muntu nuaso ingi mwii na mulegelanya. ²Mwene nukuingia mulango ingi mudimii wa nkoloo.³Kumuakue mulindila ukumudugulila. nkoloo akuluigia luli luakue na ukuziita inkolo zakue ku mina mao nu kukuzipunia kunzii. ⁴Kina ukakuzipunia kunzii aso naakue. ukuzitongela, ni nkoloo zukumutiata, kunsooko alulingile lulii luakue.⁵Sikaikakumutiata u mugenda badala yakue ikakumupuga, kunsooko sikaazizi nduli za agenda." ⁶Yesu aliutambuile ku mpiani iyii kumuao, lakini sikanalinga mantu igaa na aliutambula kumuao.⁷Yesu nutambula nindio kanki,Sili,suili, nukumuilaa, Inee ingi mulango wa nkoloo. ⁸Tulu nantongelile ingi iii na alegelanya, lakini nkoloo sikanaategela.⁹Inee ingi mulango. Wensi nukuingila kukilila kumuane, ukigunua: ukiingila mukatii nu kupuna, numuene ukakiligile ulii. ¹⁰Mwii sikujile angasika kuiia, kuyulaga, nu kulimansilia. Naza ili kina aligie upuangaa na atule nunduo wingii.¹¹Inee ingi numudimi muzaa. Mudimi muzaa ukupunagia upangaa wakue kunsooko ya nkoloo. ¹²Muitumi namuikue, na sika mudimi, na inkolo sika nsao zakue,, ukiuona mbugii zipolokile ukuzileka nu kukuzimanka inkoloo. ¹³Ni mbugi zukuziguila nu kukuzishapatilia. Ukumanka kunsooko ingi muitumi wa kuikua na sikuzikelile inkoloo.¹⁴Inee ingi mudimii muzaa, na nialingile naane, nindio naane aningile inee. ¹⁵Tata uningile, ninene numulingile Tata, ninene nukuupunia upangaa wane kunsooko ya nkoloo. ¹⁶Ntite nkoloo zingii sika za mpongolo iyii. Niaso gaa, injipiile kukuzileta, nindio ikakuluigia luli luane kina ilikoli dale limui nu mudimi umui.¹⁷Iyii yaii nsooko Tata undogilue: Nuupunie upangaa wane halafu nuusole kanki. ¹⁸Kutili nukuusola kupuna kumuane, lakini inee nukuupunia mukola. Ntiite mamlaka ma kuupunia, na ntiite mamlaka ma kuusola gaa, Nsingile lyagilo ilii kupuna kuaki Tata."¹⁹Mutuanuko kanki naupunila katia ya Ayahudi kunsooko ya nkani izii. ²⁰Ingii aoo natambula, "Utite pepo na ingi musalii. Kua niki mukumutegela?" ²¹Ingii natambula, "Sunga sika nkani za muntu namupagawe ni mapepo. Pepo lisumile kunukula miso ma mupoku?"²²Papo nyiza sikunkulu ya kuikua wakifu Yelusalemu. ²³Ali matungo ma mpepo, nu Yesu aliugenda mu hekalu mu ukumbi waki Selemani. ²⁴Papo Ayahudi kina namupilimilia nu kukumuila, "na nalii ukakukuika mu shupo? kina uwee wi Kilisito kuilee kualie.²⁵Yesu nuashokelia, "nakondaa kumuila lakini sikamushuila. Milimo nanikituma ku lina liaki Tata wane, zaso zishudila kyanya yane. ²⁶Sunga iyo sikamusuilile kunsooko inyee sika nkoloo zane.²⁷Nkoloo zane akuluigia luli luane: Nizilingile, nindizo zintiata inee. ²⁸Niapiile upangaa wa kali na kali: sikaikilimansiila ninaido, na kutili sunga numui nukakumusukantula mu mikono yane.²⁹Tata wane, numpiile aso, ingi mukulu kukila naingii tulu, na kutilii sunga numui nutite usumii wa kukumusukantuala kupuna mu mikono yaki Tata. ³⁰Inee nu Tata kuipalumui." ³¹Naakenka mague ilii amutule kanki.³²Yesu nuashokelia, Namulagiila milimo mingi mizaa kupuna kuaki Tata. Ku milimo nyii katia ya nyaso musiilie kuntula mague? ³³Ayahudi namushokelia, " Sikakukukutula mague ku mulimo wensi nauzaa, lakini ku kukufulu, kunsooko uwee, nui muntu, ukitendia kina u Mukungie."³⁴Yesu nuashokelia, "Sikaliyandikue ku shalia yani, "Alintambuile, "inyee mwii Mukungile"?" ³⁵Angali umuitile miungu, ku ioo ulukani luaki Mukungile naluaizila( ni Maandiko sikamasumile kuunua), ³⁶mutanbula kyanya ya uyo u tata numupunia nukumutuma mu unkumbigulu, " ukufulu," kunsooko alintambuile, inee ingi muana waki Mukungile'?³⁷Anga sikanikituma milimo yaki Tata wane, mulekinshuile, ³⁸Sunga iyo, anga nikituma, sunga kina sikamunshuila, isuilii milimo kina musume kumana nu kulinga kina Tata ukoli mukati yane ni nene nkoli mukati yaki Tata." ³⁹Nagema kanki kukumuguila u Yesu, lakini nuenda iyakue kupuna mu mikono yao.⁴⁰Yesu nuenda iyakue kanki ku tumbii lya Yordani luandi u Yohana nalibatisia kuandia, nukalansa kuko. ⁴¹Antu ingii naaza kuaki yesu. naendelela kutambula, "Yohana kulukulu sikalutendile ka muena wensi, lakini mantu tulu nalumatambuile u Yohana kyanya yaki muntu uyu ingi ma kulukulu." ⁴²Antu ingii namusuila u Yesu papo.

¹Basi Muntu umui lina liakue Lazaro alimuluile. Aliupunilile ku Behania, kijiji kya Maliamu nu mununa wakue u Martha. ²Alikula ingi Mariamu uyo yuyo nalumupakile u Shekulu Marhamu nu kukumupiagula migulu yakue ku ntumbii zakue, nu muguli wakue u Lazaro alimuluile.³Papo ananso iaa natuma mpola kuaki Yesu nu kutambula," Shekulu, laa uyo numulogilue muluile." ⁴Yesu kinanuigia nutambula, " Uluile uu sika wa nkia, lakini, badala yakue ingi kunsooko ya utkufu waki Mukungile ili kina Muana waki Mukungile waligie kukuligua ku uluile waso."⁵Yesu alumulogilue Martha nu mununa wakue nu Lazaro. ⁶Kinanuigia u Lazaro ingi muluile, Yesu nukala ntondo zibili kukilikila luandi kinaliwili. ⁷Papo pembele ya ilii nuailaa amanigua akue, Kwiini ku Uyahudi kanki."⁸Amanigua namuilaa, Rabi, Ayahudi aliigema kukumutula mague, nunduwe usiilie kshoka kuaso kanki? ⁹Yesu nuashokelia, matungo ma munsii si kumi na mbilii ne?Muntu kinugenda munsii sikusumile kukikumpia, kunsooko uyona ku welu wa munsii.¹⁰Sunga iyo, anga ukigenda utiku ukakikumpia kunsooko welu ukutili mukati yakue." ¹¹Yesu nutambula mantu igaa, ni pembeleya mantu igaa, nuailaa, "Musamua witu Lazaro ugonile, lakini nunji ili ndigie kukumulailia kupuna mundolo."¹²Papo amanigua namuilaa, Shekulu, kina ugonile, ukilaila. ¹³Tungo ilii Yesu aliulikitia mpola za nkia yaki Lazaro, lakini ioo aliagelile ulikitia kyanya ya kugona ndolo. ¹⁴Papo u Yesu nulikitia nindio kualie, "Lazaro wakia.¹⁵Ntite ulumbi kunsooko yani, kina alinukutilii uko ili muligie kushuila. Kwiini kumuakue." ¹⁶Iyo u Tomasi, nkuitagua Pacha, nauilaa amanigua iaa, "Nindishe kuini gaa kuendikia palumui nu Yesu."¹⁷Tungo Yesu kinanuiza, nagana Lazaro wakondaa kutula wili mukibiila ntondo zinii. ¹⁸Ni Bethania aliyili piipi ni Yelusalemu kina kilomita makumi manii na zitano itii. ¹⁹Ingii katia ya Ayahudi naaza kua Martha nu Mariamu kukiapolia knsooko ya muguli wao. ²⁰Papo u Martha kinanuigia kina u Yesu upolokile, nuenda kutagana nunduyo, lakini Mariamu nuendelela kukikala kukaa.²¹Papo u Martha numuilaa u Yesu, Shekulu, kina azawili ipaa, u muguli wane sikalukia. ²²Sunga inoo, ningile kina lyensi nukilompa kupuna kuaki Mukungile ukakukupela." ²³Yesu numuilaa, muguli wako ukiiukaa kanki."²⁴Martha numuila, ningile kina ukiiuka ku ukunukulua lutondo lua mpelo." ²⁵Yesu numuilaa," "Mimi ingi ukunukulua nu upangaa: mwene nunsuilile, ingawa ukikia, sungu iyo utiktula ukiakala: ²⁶nu mwene nukikala nu kunshuila inee sikukikia. ushuila ilii?"²⁷Numuilaa, "eee, Shekulu nsuilile kina uwee ingi Kilisito, Muana waki Mukunile, mwene nujile mu unkumbigulu." ²⁸Kinanukondii tambula ilii, nuenda iyakue nukumuita mununa wakue u Mariamu kumpelo. nutambula, "Mwalimu ukoli ipaa ukukuita." ²⁹Mariamu kinanuigia igaa, nuuka kuukau nuenda kuaki Yesu.³⁰Nunduyo u Yesu alikiili waze mukati mu kijiji, bali alikiili luandii naliataganile nu Martha. ³¹Papo Ayahudi naliensi nu Mariamu ku numba ni ndiio naliakuapolelia, kinanamuona uyuka kuukau nu kupuna kunzii, namutiata: aliagelile kkina ulunji kukibiila wendilila kuaso. ³²Papo Mariamu, kinanupika paso u Yesu kinaliumuonie nugua pansi ya migulu yakue nu kukumuila,"Shekulu, kina angaliukoli ipaa, muguli wane sikalukia.³³Yesu kinanumuon aulila, ni Ayahudi naliizile palumui nunduyo aliilila gaa, alusunsuilile mu nkolo nu kushueta, ³⁴nutambula, " Mumugonilie pii? namuiila,"Shekulu, nzuu ulae." ³⁵Yesu nulila.³⁶Papo Ayahudi natambula," Laa nalumulogilue u Lazaro!" ³⁷Lakini iiaa katia yao natambula, "sika uyu, muntu nalumakumbulile miso ma uyo nalii mupoku, sikanusuma kumutenda muntu uyu walekikia?"³⁸Papa Yesu,hali nushunsulia munafis yakue kanki, nuenda ku kibiila. Inoo alii lulu, ni gue yikue mu kyanya. ³⁹Yesu nutambula,"lilegii igue." Martha, muguli waki Lazaro, mwene nalukiile, numuila u Yesu, Shekulu, ku tungo ilii, mwili ikawaola, kunsooko watula maiti ku ntondo zinii." ⁴⁰Yesu numuila, "Inee sikalinukuilile kina, anga usuile, ukakuona utukufu waki Mukungile?"⁴¹Kululo nalilegia igue. yesu nunansula miso makue kyanya nu kutambula, "Tata, nukusongilie kunsooko untegelile. ⁴²Aliningile kina ukuntegelaa nkua tulu, lakini ingi kunsooko ya mulundo nawimikile kumpilima kina natambula igaa, kina aligie kushuila kina uwee untumile."⁴³Pembele kina nutambula igaa, nulila ku luli lukulu. "Lazaro, puna kunzii! ⁴⁴Mukii nupuna kunzii mutungue mikono ni migulu ku sanda nya kuikiala, nu usiu wakue aliutungue kitambala." Yesu nuailaa,"mutungulii mumuleke wendee."⁴⁵Papo Ayahudi ingii naliizile kuaki Mariamu na kuyona u Yesu nalutendile, namusuilaa: ⁴⁶lakini akei aoo naenda kua Mafalisayo nu kukuaila mantu nalumatendile u Yesu.⁴⁷Papo akulu a Makuhani ni Mafalisayo nailingila paalumui pi balaza nu kutambula, "Kukitenda yani? Muntu uyu utenda miena mingii. ⁴⁸Anga kumuleke iti ung:ene mwene, tulu ikakumusuila, Alumi ikiiza nukushola tulu luandi luitu ni nsii yitu."⁴⁹Sunga, Muntu umui katia yao, Kayafa, nali kuhani mukulu mwaka waso,nuailaa," Sikamuizii kyensi nkanka. ⁵⁰Sikamushiga kina ifaile kunsooko yani kina muntu umui ijipiile kukia kunsooko ya antu kukila nsii tulu kulimansila."⁵¹Igaa sikalutambuile kunsooko yakue mwene, badal ayakue, kunsooko ali kuhani mukulu mawka waso, alulotelile kina Yesu ukikia kunsooko ya nsii: ⁵²na sika ku nsii ing:ene nzene, bali Yesu waligie iyoiyo kukiailingila alisha aki Mukungile nasapatiile luandi kunu nu kunu. ⁵³Kululo kuyandia lutondo luaso nukuyendelela napangaa namna ya kumuulaga u Yesu.⁵⁴Yesu sikanugenda kanki kualie katia ya Ayahudi, bali nulega paso nu kuyenda nsii nyili piipi ni balangu ku muji naukuitagua Efraimu. Paso nukalansa ni amanigua. ⁵⁵Basi Pasaka ya Ayahudi aliyili piipi, na ingii nanankila kuyeka ku Yelusalemu kunzii ya muji kabla ya Pasaka ili aligie kukiogia akola.⁵⁶Aliamutiale u Yesu, nu kulikitia kila umui kinaimikile mu hekalu, " Mushiiga yani? kinasikuiiza ku sikunkulu? " ⁵⁷Tungo ilii akulu a makuhani ni Mafalisayo aliapunile amli kina anga umui ukilinga u Yesu kina wili, yumujipiile kupunia impola ili kina aligie kukumuguila.

¹Lutondo lua mutandatu kabla ya pasaka, Yesu nuenda ku Bethania, kinaliwili u Lazaro, mwene mwene nalumuiule kupuna kua akii. ²Iyo namuzipililia ndia za mpindi kuaso, nu Martha numutumikila, Tungo liaso Lazaro aliumui wakue wa ioo naliikilansile pa ndia palumui nu Yesu. ³Nkangi Mariamu nusola latili nya manukato nalimazipigue kua nardo safi, namatite thamani nkulu, numupaka u Yesu mu migulu, nu kumupiagula migulu ku ntumbi zakue: numba tulu nijula mununko wa manukato.⁴Yuda Iskaliote, umui wa ioo amanigua akue, na uyo ukakumupuluka u Yesu, nutambula, ⁵Kuaniki manukato igaa sikalimiguligua ku dinali magana matatu apegue atuka? ⁶Nunduyo alumatambuile maso, sika kua kiaonela kinishungu atuka, bali kunsooko alii mwii: mwene wayu naluambile mupuko wa mpia na na alushola ikei naliiyikue muaso kunsooko yakue mwene.⁷Yesu alutambuile, Muleke waike nutiite kunsooko ya lutondo lua uikua wane. ⁸Atuka mukitula nindio ntondo tulu: lakini sikamukitula ninene ntondo tulu."⁹Iyo mulundo ukulu wa Ayahudi naligia kulinga kina u Yesu ukoli kuaso, nindio naaza, sika kunsooko yaki Yesu du, ila amuone nu Lazaro u Yesu alumuiuile kupuna mua akii. ¹⁰Nindio akulu a makuhani natenda shauli ili amuulage Lazaro: ¹¹ndogolelio kunsooko yakue ingii kua Ayahudi naenda iyao namusuila u Yesu.¹²Nu lutondo lua kabili mulundo ukulu naaza ku sikunkulu.Kinaigia ya kina u Yesu upolokile ku Yelusalemu, ¹³Nasola matambi ma makota ma mitende nu kupuna kunzii kuyenda kumusingila nakua kilanga, "Hosana! mukembetue mwene nujile ku lina liaki Shekulu, mutemi wa Islaeli."¹⁴Yesu numuligia muana_ndogui numunankila: kina iyo naliyandikue, ¹⁵Ulekiopoka, munanso waku sayuni, tazama, Mtemi wako upolokile, unankile muana_ndogui."¹⁶Amanigua akue sikanamalinga mantu igaa ipo pa muandio: lakini Yesu kinalimutukuzue, papo kinanaijuka yakina mantu igaa alimuandikilue mwene na ya kina atenda mantu igaa kumuakue.¹⁷Iyo dale ilo lia antu naliakoli palumui na Yesu tungo kinalumuitile u Lazaro kupuna mukibiila, nashudila kua naingii. ¹⁸Na ali kunsooko iyii gaa kina dale lya antu naliendile kukumusingila kunsooko aliigilie kina watenda umuena waso. ¹⁹Mafalisayo naitambuila ene kua ene,"Laa, inoo sikamushuma kutenda lyensi: laa, unkumbigulu wendaa kumuakue."²⁰Inoo akei a Ayunani aliikia mu ioo nalienda kuyabudu ku sikunkulu. ²¹Iaa namuagana u Filipo, nalupunile ku Bethsaida nya ku Galilaya, Namulompa naitambula, "Shekulu, ishee kutite nsula ya kumuona u Yesu." ²²Filipo nuenda numuilaa u Andrea: Andrea nu Filipo naenda kumuilaa u Yesu.²³Yesu nuashokelia nuaila, saa yapika kunsooko ya Muana waki Adamu kukuligua. ²⁴Suilii, suillii, nukumuila, nseke nya ngano angilekigua pansii ikie, yikikala ahali iyoiyo ing"ene nzene: bali angikie, ikilela nkali ningii.²⁵Mwene nukuulogilue upungaa wakue ukakuulimilia: bali mwene nukuipilagua upanga wakue mu unkumbugulu uu ukakuuguna sunga upangaa wa kalii na kalii. ²⁶Muntu wensi angawantumikile ine, nuantiate: ine kinankoli, papo nu muitumi wane kinaukitula ukolii. Muntu wensi anga wantumikile, Tata ukakuheshimu.²⁷Inoo nkolo yane yasueta: inee ntambulei? "Tata, ungune ku tungo ilii. Lakini ingi kua kusudi ilii napikiila tungo ilii. ²⁸Tata, ulikulie lina liako." "Nkangi luli naluiza kupuna kugulu nu kutambula, Nalikulagia inene nikakulikulia kanki." ²⁹Iyo mukutano naliwimikile piipi nunduyo naigia, natambula yakina yatula mukolomo. iiaa natambula. "Malaika watambula nunduyo."³⁰Yesu nushokelia nu kutambula, " Luli ulu sikayizile kunsooko yane, bali kunsooko yani. ³¹Inoo ulamuli wa unkumbigulu uu ukoli: inoo mukulu wa unkumbigulu uu ukitagua kunzii.³²Ninene anganansulue kyanyaa ya nsii, nikakualuta tulu kumuane." ³³Alulikitie maso nulagila nkia kii nukikia.³⁴Mukutano namushokelia," Ishee kuigagia ku shalia ya kina Kilisito ukiyima sunga ikali na kali. Nunduwe utambulai, "Muana adamu lazima wanansulue kyanya? Uyu Muana muntu itii wani? ³⁵Iyo Yesu nuailaa, "Welu angaukoli palumui nininye tungo dogo. Longoliki maadamu mutite uwelu, ili kina kiiti kileke kumusuma. Mwene nukuenda mukiiti sikulingile kinulunji. ³⁶kinakili mutite welu, usuilii welu waso muligie kutula alisha a welu," Yesu alutambuile igaa na nkangi nuenda iyakue nuipisa alekekumuona.³⁷Ingawa u Yesu alutendile miena mingi namna nyaso ntongela yao, kiili sikanamusuila ³⁸lutimiile lukani lua nabii Isaya, nalutambuile: "Shekulu, iti wani nuzisuilile impola ziitu? Nu mukono waki Shekulu mukunukulilue wani?"³⁹Iyo nsooko enee sikanasuila, ndogolelio Isaya alutambuile kanki, ⁴⁰Wapokulagia miso, na watenda mikaku imioo yao, alekizinona ku miso mao nalinga ku mioo yao, na natongeleka naniakamia."⁴¹Isaya alutambuile nkani zaso kunsooko aliuonie utukufu waki Yesu nu kulikitia mpola zakue. ⁴²Walakini, sunga akulu ingii namusuila u Yesu : laikini kunsooko ya Mafalisayo, sikanagomba gale alekitengua ni sinagogi. ⁴³Alialogue sifa za anaantu kukila sifa nazukupuna kuaki Mukungile.⁴⁴Yesu nuitunta ululi nu kutambula, "Mwene nukunsuila inee, sikunsuilile nene du bali nu mwene nuntumile inee, ⁴⁵nunduyo nukumona inee ukumuona mwene nuntumile.⁴⁶Inee nazaa kina welu mu unkumbigulu ili kila muntu nunsuilile inee waleke kikala mukiiti. ⁴⁷Anga muntu wensi nukiigia nkani zane lakini walekiyamba, inee sikanukumulamula, ndogolelio sikalinizile nuulamule unkumbigulu, bali nuugune unkumbugulu.⁴⁸Mwene nukunsita inee nu nasikugomba nkani zane, utite nukumulamula: lukani luaso nalinutambuile lulo lukamulamula lutondo lua mpelo. ⁴⁹Ndogolelio inee sikandikitie ku nafisi yane du. Bali ingi Tata untualile, mwene mukola undagilile nanikilikitia ni nanikakumatambula. ⁵⁰Ninene ningile yakina lyagilo liakue ingi upangaa wa kali na kali, iyo maso nakulikitagia inee _ kina Tata nalumbuilile, iyo nukulikitagia kumuao."

¹Inoo kiii sikunkulu nya Pasaka, kunsooko Yesu alulingile kina tungo liakue lyapikaa na ukipuna mu unkumbugulu uu kuyeka kuaki tata, angawalogilue antu akue naliakoli, aliwalogilue upeo. ²Nu ibilisi aliwakondiyikua mu moo waki Yuda Iskariote, muana waki simoni, kumupiluka u yesu.³Yesu alulingile kina tata uikile intu tulu mu mikono yakue ni kina upunile kuaki mukungile na aliulonguile kanki kuaki Mukungile. ⁴Nuuka pa ndia nuala kijalo kyakue pansi ky akunzi. Nkangi nusola taulo nuitunga mukola. ⁵Nankangi nuikila mazii mubakuli nuandia kuagogia migulu amanigua akue nu kukuapiagula na taulo naliwitungile mwene mukola.⁶Nuiza kuaki Simoni Petelo, nu Petelo numuila, "Shekulu, Usiilie kunogia migulu yane? ⁷Yesu nushokelia numuilaa, " nanukutenda sikulilingile inoo, lakini ukilinga pembele." ⁸Petelo numuila, Sikukinogia migulu yane ninaido. "Yesu numushokelia, Angandekekukogia, sikukitula luandi palumui ninene." ⁹Simoni Petro numuilaa, Shekulu, lekinogia migulu yane duu, bali gaa ni mikono ni tue lyane."¹⁰Yesu numuilaa, " Wensi nuakondaa kuyoga sikusiiliekuyoga ila migulu yakue, na watula safi mwili wakue tulu: inye muatula safi, lakini sika tulu. ¹¹Kunsooko Yesu alulingile uyo nukakumupiluka: iyii yoi nsooko alutambuile, sika tulu muatula safi."¹²Tungo Yesu kinaliukuaogia migulu yao na kina nusola kijalo kyakue nu kukikala kanki, nuailaa, "Mbii mulinga ikio nanumutendiile? ¹³Munita inee "Mwalimu " nu Shekulu ilii mutambula kulukulu, ndogolelio iyo kinanilii. ¹⁴Anga inee Shekulu na Mwalimu, namogagia migulu yani, nininye gaa yumujipiile kukiaogia iiani migulu. ¹⁵Kunsooko inee namupela mpiani ili kina inye gaa mutende kina inee nantendile kumuani.¹⁶Suili,suili, nukumuila, musese sika mukulu kukila shekulu wakue, wala uyo namutumue ingi mukulu kukila uyo numutumile. ¹⁷Anga ulingile mantu igaa, umukembetue angumatende. ¹⁸Sikanitambula kuhusu inye tulu, kunsooko nialingile ioo naniasaguile_ ilaa nitambula igaa ili kina maandikomasuma kutimiligua: Mwene nukuli mukate wane wanansulilagia kintigino kyakue."¹⁹Nukumuila ilii inoo kilii lipunile kina likipunila, musuume kushuila kina inee MWENE. ²⁰Suilii,suilii, nukumuilaa, nukunsingila inee ukumusingila uyu nanukumutuma, na uyo nukunsingila inee ukumusingila uyo naluntumile inee.²¹Tungo Yesu kinanutambula igaa, aliwagile mu nkolo, alushudile nu kutambula," Suilii,suilii, nukumuilaa kina umui wani ukimpiluka. ²²Amanigua akue nailaa. nakulilua ingi kunsooko ya kuani nalulikitie.²³aliukoli pa meza umui wa amanigua akue wegamile mukikua muaki Yesu uyo nalumulogilue. ²⁴Simoni Petelo numukolia mumanigua uyu nu kutambula, "Kuilee iti nuiii kumuakue nulikitia." ²⁵Mumanigua uyo naliwegamile mu kikua muaki Yesu numuilaa, "Shekulu, itii wani?²⁶Nkangi Yesu nushokelia, "Ingi kumuakue uyo nanikitoelia kipande kya mukate nu kukumupeela," Iyo kinaliwatoilagia mukte, numupeel u Yuda muana waki Simon Iskaliote. ²⁷Ni pembele ya mukate, Shetani numuingila. Nkangi Yesu numuila, "kio nukisiilie kukituma ukitume wangu."²⁸Inoo kutilii muntu pa meza nalulingile nsooko yaki Yesu kutambula kintu ilii kumuakue. ²⁹Akei aoo aliagelile kina, kunsooko u Yuda aluambile mupuko wa mpia, Yesu numuila, " Gulaa intu nakuisiilie kunsooko ya sikunkulu," hau kina yumujipiile kupunia kintu kua atuka. ³⁰Pembele u Yuda kinanusingila mukate, nupuna kunzi wangu: na ali utiku.³¹Tungo Yuda kinaliwalega, Yesu nutambula, "Inoo muana waki Adam wakulagigua, nu Mukungile wakulagigua ku mwene. ³²Mukungile ukikuligua ku mwene mukola, na ukakumukulia wangu. ³³Alisha anino, nkoli palumui nininye tungo nino. Mukunduma , na kina nalinumuilile Ayahudi, ' kinanunji, sikamushuma kuiza." inoo nukumuilaa inyee, gaa.³⁴Nukumupela amli mpia, muilogue: kina inee nanilii nanumulogilue inyee. ³⁵Kunsooko ya ilii antu ikilinga kina inyee ingi amanigua anee, anga mutite ulowa ku kila umui nu muaa."³⁶Simoni Petelo, "Shekulu, ulunji pii?" Yesu nushokelia, "Luandi nanunji ku inoo sikukishuma kuntiata, lakini ukintiata pembele." ³⁷Petelo numuilaa, Shekulu, kua nik i ndeke kukutiata sunga inoo? Inee nikakuupunia ukalii wane kunsooko yako." ³⁸Yesu nushokelia, Mbii ukakuupunia ukalii wako kunsooko yane? Suilaa, suilaa nukukuilaa, mumbii sikukikunkula ikili unkane nkua zitatu."

¹Uleke kuugombia u moo wako kutula mu luago. Umusuililile Mukungile nsuilee gaa ninene. ²munumba yaki Tata wane ukoli ukalii wingii wa kikala: kinali sikaiyo, alijilenakuilaa, kuiyo nunjii kukuzipilila luandi kunsooko yako. ³Kina nikiyenda nu kukumuzipililia luandi, nikiiza kanki kukumusugamilia kumuane, uluandi nankoli gaa nininye muimukolii.⁴Mulingile nzila uluandi kinanunj." ⁵Tomaso numuilaa u Yesu, Shekulu, sikakulingile luandi nulunji: Mbii! Kushumambii kukumilinga inzila? ⁶Yesu numuila, "Inee nene nzila, kulukulu, nu upangaa: kutilii nukusuma kuiza kuaki Tata ila kukilila kumuane. ⁷Kinali mumanile inee, alimujile kumumana nu Tata wane gaa: kuyandilia inoo nu kuyendelela mumuizii namuamuona mwene."⁸Pilipo numuilaa u Yesu, "Shekulu, kulagile u Tata, na iyo ikitula yakuendela." ⁹Yesu numilaa, "kilintule palumui nininye ku matungo malipu, na kilii sikunzizi inee, Pilipo? Wensi numonie inee wamuona Tata: Namna kii utambula, kulagiile, Tata"?¹⁰Sikamusuilile kina inee ingi namukati yaki Tata, nu Tata ukoli mukati yane? Nkani nanukuzitambula kumiani sikanitambula kua kusudi liane mukola: badala yakue, ingi Tata nukikala mukati yane nukituma mulimo wakue. ¹¹Nsuilii inee, kina nkoli mukati yaki Tata, nu Tata ukoli mukati yane: iyogua nsuilii inee kunsooko ya milimo yane nkankana.¹²Suilii,suilii, nukumuila, mwene nukunsuilaa, inee milimo iyo nanikitumaa, ukatumaa milimo iyii gaa: na ukakituma sunga milimo mikulu kunsooko nunji kuaki Tata. ¹³Kyensi angamulompe ku lina liane, nikakituma ili kina u Tata wasuume kukuligua ku Muana. ¹⁴Kina mulompe kintu kyensi ku lina line, liaso nikakituma.¹⁵Kina angamundogue, mukiamba amli zane. ¹⁶Na nikakumulompa u Tata, Nunduyo ukakumupeela mualilia numuua ili kina wasuume kutula palumui nininye ikali na kalii, ¹⁷Nkolo nua kulukulu. Unkumbigulu sikausumile kumusingila mwene kunsooko sikaumuonie, hau kumumana mwene. sunga iyo inye, mumuizii mwene, kuani ukikala palumui nininye na ukitula mukati yani.¹⁸Sikanikakumuleka mung:ene inye: nikshoka kumiani. ¹⁹Ku tungo nino, unkumbigulu sikaukimona kanki, lakini inyee mumona. Kunsooko nikalile, inyee mukakikala gaa. ²⁰ku lutondo luaso mukimana kina inee nkoli mukati yaki Tata, na kina inyee mukoli mukati yane, na kina inee nkoli mukati yani.²¹Wensi nukuziamba amli zane nu kuzitendaa, uyo umui na nundogilue inee: na nundogilue inee ukilogua nu Tata wane, na Nikakumulogua na nikakilagiila inee mukola kumuakue." ²²Yuda ( sika ka Iskariote) numuila u Yesu, "Shekulu, Mbii! Itii kyani nakipunila kina ukakilagiila mukola kumuitu na sika ku unkumbigulu?²³Yesu nushokelia numuila, " Kina wensi nundogilue, ukiamba lukani luane. Tata wane ukakumulogua, na kukitula kumuakue na kukitenda ukalii witu palumui nunduyo. ²⁴Wensi na sikundogilue inee, sikuyamba nkani zane. Lukani namukuluigia sika luane ila luaki Tata nuntumile.²⁵Namatambula manu igaa kumiani, ntungo kiili nikalile muamui mumiani. ²⁶Sunga iyo, mupembeli, Muau muelu, nu Tata ukakumutuma ku lina liane, ukakumumania mantu tulu na ukakumutenda mujuke tulu nali nimatambulie kumiani. ²⁷Amani nukupela amani yane inyee. Sikanukumupela iyii kina unkumbigulu naukupunagia. Muleke kuitenda imioo yani mikaku kutula nu luago, nu woa.²⁸Alimuigilie iyo kinanumuilile, nauuka iyane, na nikishoka kumiani." Kinali mundogilue inee, alimujilitula nu ulumbi kunsooko nunji kuaki Tata, kunsooko Tata ingi mukulu kukila inee. ²⁹Inoo nakondaa kumuilaa kilii ipunile kina tungo angaipunile, musuume kushuilaa. ³⁰Sikanikitambula nininye nkani ningii, kunsooko mukulu wa unkumbigulu iyii upolokile. Mwene mugila ngulu kyanya yane, ³¹lakini kina unkumbigulu uligie kumana kina numulogilue u Tata, nitendaa u Tata nundagilia inee, kina iyo nalumpile amli. ukii, na kupune uluandi ipaa.

¹Inee ingi muzabibu wa uu kulukulu, nu tata wane ingi mulimi wa muzabibu. ²Kila itambi mukati yane nasika lyukulela nkali, na ukusapisagia kila lutambi nalukulela nkali ukulilegagia kina lisuume kulela kukilikila.³Nininye muakondaa kutula muielu kunsooko ya mpola naza namuilaa. ⁴Mukale mukati yane, ni nene mukati yani. Kina tyambi nasikalishuma kulela ling"ene angalilekitula mu muzabibu, iyo nininye, angamuleke kikala mukati yane.⁵Inee ingi muzabibu: inyee mumatambi. Nukuima mukati yani ni nene mukati yakue, muntu uyu ukulela nkali ningii, kunsooko anga sika nene sikamushuma kutenda kintu kyensi. ⁶anga muntu wensi sikukishaga mukati yane, ukitagua kina tyambi nu kuyuma: antu akuilinga matambi nu kukumataga mu moto, nu kulimansila. ⁷Anga muime mukati yane, na kina inkani zane zikale mukati yani, lompii lyensi namusiilie, nininye mukitendelua.⁸Ku ilii tata wane wakulagigua, kina mulela nkali ningii nakina ingi amanigua anee. ⁹Kina tata wane nundogilue inee, ninene gaa namulogagua inyee: kamii mu ulowa wane.¹⁰Anga muziambi iamli zane, mukiyima mu ulowa wane kina nanambile amli zaki tata wane nu kuyima mu ulowa wakue. ¹¹Natambula mantu igaa kumiani ulumbi wane utule mukati yani na kna ulumbi wani utendeke kutula ukaminkilu.¹²Iyii yoi amli yane, kina muilogue ninye kua ninye kina nanumulogilue inyee. ¹³Kutilii muntu nutite ulowa ukulu kukila uu, kina wapunie ukalii wakue kunsooko ya asuaia akue.¹⁴Inyee ingi asua iaa anee anga mukitenda igoo nakumulagilagia. ¹⁵Sikanukumuita asese, kunsooko musese sikawizi ikio nukukitendaa u shekulu wakue. Numuitile inyee asuaia, kunsooko namuilaa mantu tulu nanamigagia kupuna kuaki Tata.¹⁶Sikalimunsaguile inee, ilaa inee alinumusaguile inyee nu kukumuika mwendi lela nkali, ni nkali yani iligie kukikala. Iyii ikoli itii kina kyensi namukulompa kuaki Tata ku lina liane, ukakumupela. ¹⁷Mantu igaa nukumulagilia, kin amuilogue kila muntu nu miako.¹⁸Kina unkumbigulu ukakumuipilua, mumane kina alimbipilue nene kiliii ukuipilue inyee. ¹⁹Kina angali mua unkumbigulu, unkumbigulu aliumulogue kina aku nshao: Lakini kunsooko inye sika mua unkumbigulu nu kunsooko alinumsaguile kupuna mu unkumbigulu, ingi kunsooko iyii unkumbigulu ukumuipilagua.²⁰Ijukii lukani nali numuilile, 'Musese sika mukulu kukila u shekulu wakue." Angali anagile inee, ikakumuagia nininye gaa. Ikakumuagia nininye gaa: Kina aluambe lukani luane, aliijiliamba nu luani gaa. ²¹Ikakumutendela mantu igaa tulu kunsooko ya lina liane kunsooko sikaizii uyo nuntumile. ²²Kinali ndekiiza nu kukumuilaa, sikaliijile atendaa milandu: lakini inoo agila witetei ku milandu yao.²³Nukumbipilagua inee ukumuipilagua nu Tata gaa. ²⁴Anga sikanitumile milimo mumiongoni muao na kutili numui nuitumile , alijile agila ka milandu: lakini inoo atendile tulu mabili aonaa na ambipilagua inee nu Tata wane. ²⁵Ilii lipunila kina lukani lutimiile lialuandikue u shalia yao: "Imbipilua inee bila nsooko."²⁶Tungo mupolelia wazaa, nanukumutuma kumiani kupuna kuaki Tata, uyu wayu, Nkolo wa kulukulu, na upunila kuaki Tata, ukinshudila. ²⁷Nininye gaa munshudila kunsooko muatula palumui ninene kupunila umuandio.

¹Namuilaa mantu igaa mulekishuma kukwazua. ²Ikakumupunia kunzii ya masinagogi: taitai tungo lijile na kila nukakumuulaga ukishiga kina ukituma mulimo uzaa kunsooko yaki Mukungile.³Ikakumutendela mantu igaa kunsooko sikamuizii u Tata wala sikaaznizi inee. ⁴Namuilaa mantu igaa kina tungo lipike lya igaa kupunila, musumile kumijuka ni jinsi nalinumuilile muasume ioo. Sikalinumilile kuhusu mantu igaa kupuna umuandio kunsooko ali palumui nininye.⁵Ilagua, inoo naukaa kuaki uyo nuntumile: lakini kutilii katia yani nunkolia, " Waukaa pii? ⁶Kunsooko natambula nkani izii kumiani,ukia ujile mu mioo yani. ⁷Sunga iyo, nukumuilaa ikulukulu: ingi izaa kumiani angandegee: ku ndogolelio angandekilega, mupolelia sikukiiza kumiani: lakini nikakumutuma kumiani.⁸Angawaze, unuaso mupolelia ukakuusibitisha unkumbigulu kuyusiana ni milandu, nu kuyusiana nu ulamuli. ⁹Kuyusiana ni milandu, kunsooko sikaliansuilile nene, ¹⁰Kuyusiana ni haki, kunsooko nunji kuaki tata, sikamukimona kanki: ¹¹na kuyusiana nu ulamuli kunsooko mukulu wa unkumbigulu uu walamulagua.¹²Ntiite mingii ma kumuilaa, lakini sikamukakumalinga inoo. ¹³Lakini, mwene, nkolo wa kulukulu, angawaze, ukakumtongela ku kulukulu tulu: kunsooko sikukiatambula kunsooko yakue mukola. lakini mensi nukakimiigia, ukakumatambula mantu maso: na ukakumalagiila kumiani mantu namikiiza. ¹⁴Mwene ukinkulia inee, kunsooko ukakumasola mantu mane nkangi ukakumatanantia kumiani.¹⁵Intu tulu nutite u Tata ingi yane: kululo, ntambuile kina nkolo ukishola mantu mane na ukakumalagila kumiani. ¹⁶Kilii matungo makupi, sikamukimona kanki: ni pembele matungo makupi kanki, mukimona."¹⁷Akei a amanigua akue naiilaa, "itii yani nukukuilaa, "matungo makupi, sikamukimona kanki," na, nkangi, matungo makupi mukimona," na, "kunsooko naukaa kuaki Tata? ¹⁸Kululo natambula, "Itii kintu kii nutambula, "Kilii matungo makupi"? sikakuizi nutambuile."¹⁹Yesu nuona kina aliatite nsula ya kumukolia, nunduyo nuailaa, " Mukikolia akola kuhusu ilii, nantambuile, Kilii matungo makupi, sikamukimona kanki: na pembele matungoa makupi mukimona"? ²⁰Suili,suili, nukumuila, mukilila nu kushunsulia, lakini unkumbigulu ukilumbilia, mukitula nu ukia lakini ukia wani ukipiluka kutula ulumbi. ²¹Musungu utula nu ukia tungo kinutite uwai kunsooko tungo lyakitunguila lyapika: lakini kinawitunguila mulisha, sikukijuka kanki uwai kunsooko ya ulumbi wakue kina mulisha walelagua mu unkumbigulu.²²Nininye gaa mutite ukia inoo, lakini nikakumuona kanki: na mioo yani ikilumba na kutili nukishuma kuulegia ulumbi wani. ²³Lutondo luaso sikamukinkolia ka makolio. Suili,suili, nukumuilaa, Anga mulompe lyensi kuaki Tata, ukakumupela ku lina lyane. ²⁴Mpaka inoo sikamulompile lyensi ku lina lyane: lompii, nininye mukishingila kina ulumbi wani ukaminkile.²⁵Nilikitilagi nininye ku ntambo nasikilingikile, lakini tungo lijile na sikanikitia ku ntambo nasikilingikile lakini badala yakue nikakumuila kualie kuhusu Tata.²⁶Lutondo luaso mukilompa kulina lyane, na sikanukumuila kina nikilompa kuaki Tata kunsooko yani: ²⁷Kunsooko Tata mwene umulogilue kunsooko muandogagua inee na kunsooko muansuilaa kina mpunile kuaki Tata. ²⁸Alimpunile kuaki Tata na nazaa mu unkumbigulu: kanki, nilega mu unkumbigulu na nunji kuaki Tata."²⁹Amanigua akue namuilaa, "waona, inoo ulikitia kualie na sikutumila mafumbo. ³⁰Inoo, kuizii kina wizii mantu tulu, na sikusiilie muntu wensi wakukolie maswali. Kunsooko iyii kusuilile kina upunile kuaki Mukungile. ³¹Yesu nuashokelia, "Inoo muasuilaa?"³²Laa, tungo lijile, ee na taitai lyapika, na mukishapatila kila umui na kua akunshao mukindeka mukola. Lakini sika ning"ene nene kunsooko Tata ukoli ninene. ³³Nukumuilaa mantu igaa kina mukati yane mutule ni amani. Unkumbigulu mutite matatizo, lakini ipeli umoo, naudula unkumbigulu.

¹Yesu aliutambuile igaa: nkangi nunansula miso makue kuyukila kugulu na nutambula, "Tata, tungo lyapikaa: mukuilie muana wako nu muana nduyo wakukulie uwee_ ²kina iyo numupiile mamlaka kyanya ya tulu naitite mwili wapele upangaa wa kali na kali ioo tulu numupiile.³Uu wau upangaa wa kali na kali: akumane uwee, Mukungile wa kulukulu na ung"ene, nu mwene numutumile, Yesu Kilisito. ⁴Alinukukulilie ipaa pa unkumbigulu, nu kukuukaminkilia mulimo nalumpiile nitume. ⁵Inoo, Tata, unkulie ine palumui nu nduwe mukola ku utukufu uoo nalintite palumui nu nduwe kilii unkumbigulu kuyumbua.⁶Nalilikumbua lina liako ku antu nalumpiile ipaa pa unkumbigulu. ali antu ako: lakini nankabizile inee. nindio aluambile lukani luako, ⁷Inoo alingile kutula kila kintu nalumpiile inee kipuna kumuako, ⁸ku nkani izo nalumpiile inee_ Nakondaa kukupela enee nkani zaso. Aliamasingile na kulukulu namana ya kina inee mpunile kumuako, na nasuilaa kina uwee uwe untumile.⁹Nukualompela enee. Sikanukulompela unkumbigulu numpiile kunsoo ienee ingi ako. ¹⁰Intu tulu na yane ingi yako, ni yaso nitite uwee ingi yane: ninene nikakukulia ku yaso. ¹¹Inee nukutili kanki mu unkumbigulu, bali ioo akoli mu unkumbigulu, ninene inoo nijile kumuako. Tata numuelu, atunze ku lina lyak numpiile ishee ili ienee nindio atule nu umui, kina iyo inee nunduwe nakuili nu umui.¹²Kinaniensi nindio, aliniandilile ku lina nalumpiile: Aliniandilile, na kutilii sunga numui wao nulimilile angasika muana wa ulimilii, ilii kina maandiko matimile. ¹³Inoo nijile kumuako: lakini nitambula igaa unkumbigulu ili kina ulumbi wane ukaminkiligue muakti yao enee. ¹⁴Napela lukani luako: unkumbigulu wamuipilagua kunsooko ienee sika aa unkumbigulu , kina iyo inee nasika naunkumbigulu.¹⁵Sikanukumulompela kina umupunie mu unkumbigulu bali mulindue nu mudobu uyo. ¹⁶Ioo sika a unkumbigulu kina iyo inee nasika na unkumbigulu. ¹⁷Waike wakfu kumuako mukola ku kulukulu: lukani luako lua kulukulu.¹⁸Aliuntumile mu unkumbigulu, ninene namutumaa mu unkumbigulu. ¹⁹Kunsooko yao inee mukola nikipunia kumuako ili kina ni enee ipunie kumuako ku kulukulu iyo.²⁰Si iaa du nanukualompela, bali ni ndiio naikishuila kukilila lukani luao ²¹ili kina enee nindio atule nu umui, kina iyo uwee Tata, nuili mukati yani ninene mukati yakue. Nukumulompela ili kina ioo gaa asumee kutula mukati yitu ili unkumbigulu usuume kushuila kina uwee nuntumile.²²Utukufu uoo numpile inee_ napeela enee, ili kwamba asuume kutula nu umui, kina iyo ishee nakuili umui_ ²³Inee mukati yao, nunduwe mukati yane, ili asuume kukaminkiligua mu umi: ili unkumbigulu umane kina taitai uwee uwee nuntumile, na kukualogua, kina iyo uwee nalundongilue ,inee.²⁴Tata, ikio nalumpiile inee_ nitamani kwamba nindio gaa asuume kutula palumui ninene luandi nankoli ilii asuuume kuyona utukufu wane, uoo nalumpiile: kunsooko uwee alundogilue inee kilii ya kuumbua ku misingi nya unkumbigulu.²⁵Tata muna haki, unkumbigulu sikaliukumanile uwee, lakini inee nukumanile uwee: na amanile kwamba aluntumile. ²⁶Nanilitenda lina liako likumazuke kumiao, na nikakulitenda likumazuke ili kwamba ulowa uoo na kuwaso alundogilue inee usuume kutula mukati yao, ni nene nsuume kutula muakti yao."

¹Pembele u Yesu kina nutambula nkani izii, nulega ni amanigua akue kuyukiila kubonde lya Kidron, kuaso alikikoli kitanga, u mwene ni amanigua akue naingila mukati yakue. ²Inoo u Yuda uyo, nasiilie kukumupiluka, nunduyo alulimanile yeneo liaso, kuani u Yesu alikula ukuenda pi yeneo ilii nkua kazaa naiensi na amanigua akue. ³Nu Yuda, pembele kina nutula waligagia idale lya agalimanga ni maofisa kupuna kua akulu a makuhani, naaza natite ni ntalaa, kulunzi ni nshonga.⁴Nu Yesu nduyo, hali nulingile kila kintu nalikitedeka zidi yakue, nuipunilia ntongela nuakolia, "itii wani namukumudumaa?" ⁵Nindio namushokelia, "Yesu Mnazareth." Yesu nuailaa, "nene mwene" Nu Yuda mupilukii, aliwimikile palumui ni agalimanga ioo.⁶Kululo kinanuailaa, "nene mwene" nashooka numa nu kugua pansii. ⁷Halafu nuakolia kanki, "Itii wani namukumuduma? Nindio namushookelia kanki, "Yesu mnazareth."⁸Yesu nuashokelia, "Nakonda kumuilaa kina nene mwene: kululo kina munduma nene, alekii iaa naingii alongole." ⁹Igaa alimili iyo ilii lukani uloo lutimiile:ipo kinalutambuile: "kumioo nalumpiile, sikananumulimila sunga numui."¹⁰Papo Simoni Petelo, alutiite mpanga, nusopola numutema kutui nua kundiilo muitumi waki Kuhani mukulu. ilina liakue muitumi nuaso ai Malko. ¹¹Yesu numuilaa u Petelo, Shokia impanga yako mu mbogosi yakue. kuani ndekikopela kikombe ikio naliumpile u Tata?"¹²Iyo dale iloo lya agalimanga ni jemedali, ni itumii a Ayahudi, namugila u Yesu nu kukumutunga. ¹³Nindio namutongela kunadia mpaka ku Anasi, kuani mwene ali mukui waki Kayafa, na mwne ali kuhani mukulu ku mwaka waso. ¹⁴Iyo Kayafa mwene aliwapiile masiigo Ayahudi ya kina aliyumujipile muntu umi wakie kunsooko ya antu.¹⁵Smoni Petelo numutiata u Yesu, na iyo iyo mumanigua muua. Nu mumanigua uyo aliumanikile kuaki kuhani mukulu, nunduyo nuingila palumui nu Yesu pa behewa nyaki Kuhani mukulu,: ¹⁶lakini Petelo aliwimikile kunzi ya mulango. Iyo mumanigua uyo nalumanikile kua kuhani mukulu, nupuna kunzi nuenda kitambuila nu musungu uyo muitumi nalikula mulindila mulango nu kumuingilia Petelo mukati.¹⁷Iyo kijakazi uyo nalimulindila mulango, numuilaa Petelo, " Mbiii uwee sika umui wa afuasi muntu uyu? nunduyo nutambula , "sika nene." ¹⁸Ni itumii ioo na akulu aliiyimika luandi paso : akolelile moto wa kundogolelio, ali mpepo, naiyo aliiyota moto aligie upiu. Nunduyo u Petelo aliiensi, nuyota nuimikile.¹⁹Kuhani mukulu numuhoji u Yesu kyanya ya amanigua akue ni mamanio makue. ²⁰Yesu numushokelia, Nauilaa kualie unkumbigulu: Inee alimanilie nkua na nkua mu masinagogi nu muhekalu luandi iaa Ayahudi kinakilingila. Ninene sikantambula lyensi ku unkunku. ²¹Kua nikii alimunkolile? Akolii naliantegelile kyanya ya ikio nalintambuile. antu alingile mantu igoo nalintambuile.²²Yesu kinanukondia kutambula yaso, umui wa akulu naliwimikilenumukua u Yesu nu mukono wakue na nkangi nutambula, "Mbii yaso iyo yukujipiple kukumushokelia u kuhani mukulu?" ²³Nu Yesu nduyo numushokelia, " Kina ntambuile kintu kyensi kibii iyogua utule shaidi kunsooko ya udobu, na kina nshokelileizaa kua niki kunkua? ²⁴Papo Anasi numutuala u Yesu kuaki Kayafa kuhani mukulu namutungue.²⁵Inoo Simoni Petelo aliwimikile nukipeela upiu mukola. Halafu antu ioo namuilaa, "Mbii, uwe gaa sika umui wa amanigua wakue?" nukaananutambula "Siks nene." ²⁶Umui wa itumi aki kuhani, na ali muntua wa mugosha uyo u Petelo naliumutemile ukutui. nutambula, "Mbii sika uwee nalinukuonie nunduyo uko ku kitanga?" ²⁷Petelo nukaana kanki, na nkua mumbii nukunkula.²⁸Nkangi namusola u Yesu kupuna kuaki Kayafa mpaka ku Praitorio. ali dau nankulu. enee akola sikanaingila i Praitorio iyo ili aleke kishapula nu kulia psaka. ²⁹Kululo Pilato nuaagana nutambula. "Itii shitaka kii nalyumuhusie umuntu uyu?" ³⁰Namushokelia nu kukumuila, "kina muntu uyu angaliskia mutenda namadobu, sikalikujile kumuleta kumuako."³¹Pilato nuailaa,"Musolii inee akola, muende kumulamula kuligana ni shalia yani." nindio Ayahudi namuilaa, "shaliasikayukuhusile ishee kukumuulaga muntu wensi." ³²Aliatambuile igaa ilii lukani luaki Yesu lutimiile, lukani naliwakonda kutambula kyanya ya aina ya nkia yakue,³³Basi Pilato nuingila kanki pa Praitorio numuita u Yesu: numuilaa, "Mbii uwee ingi mutemi wa Ayahudi?" ³⁴Yesu numushokelia, "Mbii, uwee unkolia swali ilii kunsooko wataka kumana hau kunsooko naingii akutumile ili unkolii inee?" ³⁵Pilato nduyo numushokelia, ' inee sika ni Muyahudi, hau sikaiyo?" Nsii yako nu kuhani mukulu muene naliakuletile kumuane: uwee utendile yani?³⁶Yesu nushokelia, " utemi wane sika wa unkumbigulu uu, kina utemi wane angali utiite sehemu munkumbigulu uu asese anee aliijilinkuilia ili ndekipunigua kua Ayahudi. Ku kulukulu utemi wane sikapuna ipaa" Iyo ³⁷Pilato numuilaa, "Mbii, uwee gua u mutemi?" Yesu nushokelia, " uwee iyo utambula kina inee ingi mutemi, Kunsooko iyii inee alinumulelue nu kunsooko iyii inee nazaa mu unkumbigulu ilii ntule shaidi wa kulukulu iyo. Wensi nua kulukulu iyo ukuluigagia lulii luane.³⁸Pilato numuilaa, "kulukulu ingi yani?" Nunduyo kinaliwakondi tambula igaa nuenda kua Aayahudi nu kukuailaa " sikamonie ku lyensi ku muntu uyu. ³⁹Nininye mutite utamaduni nauntenda numutungulile mutungua umui tungo lya Pasaka. Mbii musiilie numutungulile mutemi wa Ayauhudi." ⁴⁰Nkangi nakua kilanga naitambula, sika uyu, kutungulile Baraba." Nu Baraba nduyo alimulegelanya.

¹Iyo Pilato numsola u Yesu nu kukumutama. ²Agalimanga ioo nasokota migia nazipia taji. naikaa kyanya yii tue lyaki Yesu nu kumujalia kijalo kya langi ya zambalau. ³Namuizila nu kutambula, uwee mutemi wa Ayahudi ni nkangi namukua ku mikono yao.⁴Nkangi Pilato nupuna kunzii na kuailaa antu, "Laa namuletela muntu uyu kumiani ili mumane kwamba inee sikamonie utilia wensi mukati yakue." ⁵Kululo Yesu nupuna kunzi: alijalile taji y migia ni kijalo kya zambalau. Papo Pilato nuialaa, Laai muntu uyu ipaa!" ⁶Kululo tungo kuhani ni akulu kina namuona u Yesu, nakua kilanga naitambula, " Muangike,muangike." Pilato nuailaa, "Musolii ninye akola muende kumuangik, kunsooko inee simonie ka utiulia mukati aykue."⁷Ayahudi namushokelia u Pilato, "ishee kutite shalia, na kushalia nyaso yumujipiile kukia kunsooko mwene alukitendia kina muana waki Mukungile." ⁸Pilato kinanuigia nkani izii nukilikila kuypoka, ⁹nuingila ku Praitorio kanki nu kumuila u Yesu, "Uwee upunile pii? Sunga yaso, Yesu sikanushokelia.¹⁰Nkangi Pilato numuilaa,"Mbii, uwee sikutambula ni nene"? Mbii uwee sikawizi kina inee ntite mamlaka ma kukutunguila ni mamlaka ma kukuangika?" ¹¹Yesu numushokelia " angalumugila ka ngulu zidi yane kina angaulekipegua kupuna kyanya. Kululo, muntu naliumpunile kumuako utite mlandu ukulu."¹²Kupunila ni shokelio ilii, Pilato nutaka wamuleke hulu, lakini Ayahudi nakua kilanga naitambula, "Kina ukakumuleka hulu iyo gua uwee sika umusua mua waki Kaisali: Kila nukitendagia kutula mutemi ukuikitagia sia kyaki Kisari." ¹³Pilato kinanuigia nkani izii numueta u Yesu kunzi nkangi nukalansa mu tyengu lya ulamuli luandi ipo pinaikumazukile kina pansii, lakin kua Kieblania, Gabatha.¹⁴Lutondo lua uzipilia wa pasaka kinanipika, pitungo lya matungo mutandatu. Pilato nuailaa Ayahudi, "Laai mutemi witu uyu ipaa!" ¹⁵Nakua kilanga, "Mulegiii mulegii, muangikii!" Pilato nuailaa," Mbii, numuangike u mutemi wani?" Nunduyo Kuhani mukulu nushokelia, "Ishee kuagila mutemi ila u Kaisali." ¹⁶Papo Pilato numupunia u Yesu kumuao ili wangikue.¹⁷Nindio namusola u Yesu, nunduyo nupuna, hali uukenkile musalaba wakue mukola mpaka pi yeneo nalyukuitagua ng"anga li tue, kua Kieblania yukuitagua Golgotha. ¹⁸Papo namuangika u Yesu, palumui nunduyo agosha abili, umui luandi uluu nu muua luandi ulu, nu Yesu pakati yao.¹⁹Nkangi Pilato nuandikaa kilingasilio nu kuyika kyanya ya musalaba. Paso aliyandikue: YESU MNAZARETH, MUTEMI WA AYAHUDI. ²⁰Ingii a ayahudi naasma kilingasilio kyaso kuani luandi luaso kinalimuangikue u Yesu ali piipi nu muji. Kilingasilio kyaso aliyandikue kua Kieblania, kua Kilumi nu ku Kiyunani.²¹Nkangi akulu a makuhani a Ayahudi namuilaa u Pilato, Ulekiandika, "Mutemi waAayahudi: bali mwene alutambuile ingi mutemi wa Aayahudi." ²²Nunduyo Pilato nuashokelia, nanimandikile namandika."²³Pembele ya agalimanga kukumuangika u Yesu, naasola ijalo yakue nu kukumagaa ku maungi manii, kila mugalimanga yungii limui, iyoiyo nu nkanzo, Inoo nkanzo iyo sikalintumue bali alinfumue tulu kupunila kyanya. ²⁴Nkangi naitambuila enee kua enee, "kuleke kumutandula, bali kukue kula ili kuyona ikitula ya kuani." Ilii alilipunile ili lyandiko ilo litimiligue, ilo nalyukutambula natuanula intila zane, ni kijalo lyane naakikuila kula."²⁵Agalimanga aliatendile mantu igaa. Mau waki Yesu, mununa waki mau wakue, Mariamu musnugu waki Kleopa nu Mariamu Magdalena_ asungu iaa aliimikile piipi nu musalaba waki Yesu. ²⁶Yesu kinanumuona u mau wakue palumui nu mumanigua uyo nalumulogilue naimikile piipi, numuila mau wakue" Munsungu, laa, ona muana wako tuyu ipa!" ²⁷Nkangi numuila mumanigua uyo, "Laa, tuyu ipaa mau wako. "kupunila tungo liaso mumanigua uyo numusola kuyuka ku numba yakue.²⁸Pembele ya lyaso, Hali Yesu numanile kina tulu makondaa kushilaa ili kutimilia maandiko, Nutambula, " niona nota." ²⁹Kiseme nalikijuile Siki alikiikue paso, Kululo naikaa sifongo nyijuile siki kyanya ya lukito lua hisopo, naumuikilila mu mulomo wakue. ³⁰Nunduyo u Yesu kinanumitoma nyaso, nutambula, "Yasilaa." Nkangi numtunia itue lyakue, numikbizi nkolo yakue.³¹Kunsooko ali matungo wa maandiko, nu kunsooko miili siklimitakilue kushaga kyanya ya musalaba tungo sabato(kunsooko sabato ali yamuhimu), ayahaudi namulompa u Pilato kina migulu yao ioo nali angikue iunue, na kwamba miili yao itimigue. ³²Papo agalimanga naaza nu kuyuna migulu ya muntu wa kuandia nu nua kabili nali muangikue palumui nu Yesu. ³³Kina namupikila u Yesu, namuagana wakondaa kukia, kululo sikanauna imigulu yakue.³⁴Sunga iyo, umui wa aglimanga numusoma u Yesu mulubalu ni ndilima, na nkua namapuna mazi ni migali, ³⁵Nunduyo nuonie ilii wapunagia ushuda, nu ushuda wakue ingi wa kulukulu. Mwene umunile kina nukitambule ingi kya kulukulu ili nininye gaa mumusuilee.³⁶Mantu igaa alimatulile ili lukani nalilutambulue luligie kutimila, ³⁷"Kutilii sunga nuakue naukiunua." Kanki liandiko liingii lyukutambula, " Ikakumulaa mwene namusomile."³⁸Pembele ya mantu igaa Yusupu wa Almathaya, kunsooko ali mumanigua waki Yesu, lakini ku unkunku kua kukuapoka ayahudi, numulompa u Pilato wausole mwili waki Yesu, Pilato nduyo numgombia. kululo Yusufu nuiza kuulegia mwili waki Yesu. ³⁹Nunduyo Nikodemo napakuandia aliumutiatile u Yesu utiku nunduyo nuiza. Mwene nuleta musalinkanio wa manemane nu udi, yaligia uluto wa latili gana limui.⁴⁰Kululo naausola mwili waki Yesu nautunga mu sanda ya kitani palumui ni manukato igoo, kina nali desituli ya Ayahudi tungo lya kuikaa. ⁴¹Luandi u Yesu nalimuangikue ali kikoli kitanga: mukati ya kitanga kiaso alikikoli kibila kipia na kutilii muntu nawakaile kuyikua muaso. ⁴²Basi, kunsooko ali lutondo lua maandiko kua Ayahudi, na ku iyoiyo kibila alikyili piipi, iyo namugonia u Yesu mukati yakue.

¹Kidau lutondo lua kuandia lui juma, kili kiiti, Mariamu Magdalena nuiza pa kibila: nuliona igue iloo liegigue mukibila. ²Kululo numanka kuyenda kuaki Simoni Petelo nu kua mumanigua uyo mua u Yesu alumulogilue, nkangi nuailaa, "amusolaa u Shekulu mu kibila, nindishe sikakulingile uko kinamugonilie."³Nkangi Petelo nu mumanigua uyo umua napuna, kuyukiila ku kibila. ⁴Tulu namanka kua palumui: mumanigua mua numankikya kukilikila u Petelo nukupika ku kibila wa kuandia. ⁵Nuimika na nkangi nulaa mu kibila: numiona sandaiyo nya kitani igonile, lakini sikaningila mukati.⁶Nkangi Simoni Petelo nunduyo nupika nukingila mukati ya kibila. Numiona sanda ya kitani igonile paso ⁷na kitambala ikio nalikyili kutue lyakue sikaligonile palumui ni sanda izo za kitni bali ali igonile pampelo ing"ene nzene.⁸Papo mumanigua uyo umua nunduyo kinanuingila mukati ya kibila: nuona nukushuila. ⁹Kunsooko hadi tungo liaso alikili amane maandiko kwamba aliyumulazimile Yesu wiuke kanki mu akii. ¹⁰Nkangi amanigua naenda kanki kunumba kunshao.¹¹Sunga iyo,Mariamu aliwimikile pa kibila nulila, kiawendelile kulila aliwimikile nkangi nulaa kibila. ¹²Nuona malaika abili atite kyelu lielu akalile umui kutue umua ku migulu luandi u Yesu kinali ugonile. ¹³Nindio namuilaa, " Musungu, niki ulila?" nunduyo nuailaa, "Ingi kunsooko amusolaa u Shekulu wane, ninene sikaningile kinamuikile."¹⁴Kina nukondia kutambula maso, nupiluka numuona u Yesu nuimikile. Lakini sikanulinga kina nuaso ali Yesu. ¹⁵Nu Yesu numuila, "Mau, niki ulilaa? ukumuduma wani?" nunduyo nugela ingi mutunza kitanga numuila, 'Shekulu, kina ingi uwee numusolile, mbuile kinaumuikile, ninene nikakumusola."¹⁶Yesu numuila,"Mariamu," nunduyo nupiluka mukola nu kukumuila kua kiaramu, "Raboni," yani iyi ingi kutambula, "Mwalimu." ¹⁷Yesu numuila, " lekintona, kuani kiili mputee kuyenda kuaki tata: bali wende kua antua anee wailee kina nikiputaa kuyenda kuaki Tata wane na gaa ingi Tata wani, Mukungile wane nu Mukungile wani." ¹⁸Mariamu Magdalena nuiza kuailaa amanigua, " namuona Shekulu,'' na kwamba wamuilaa mantu igaa.¹⁹Na kinali mpindi, lutondo luaso, lutondo lua kuandia lui juma, ni milango alimidindue luandi amanigua kinali akiasupa Ayahudi, Yesu nuiza nukuyimika pakati yao nu kuailaa, 'Amani itule kumiani." ²⁰Kinali wakondaa kutambula igaa nualagila mikono yakue nu lubalu luakue. Nindio amanigua kinanamuona u Shekulu nailowa.²¹nkangi Yesu nuailaa kanki, "Amani itule nininye. kina iyo Tata naluntumile inee, iyoiyo ninene nukumutuma inye." ²²Yesu kinanukonda kutambula maso, nuavuvilia nuailaa,Singili muau Muelu. ²³Wensi namukumusamila milandu, ashamilua; ni ndioo namukakuafungila ikifungilua.²⁴Thomaso, umui waioo kumi na abili, nalimuitue Didimas, sikaliensi ni amanigua iiaa Yesu kinanuiza. ²⁵Amanigua ioo naingii namuila pembele, Kuamuona u Shekulu. Nunduyo nuailaa, " kina sikanikiona mintozo ya misumali mu mikono yakue, nu kuyika nzala zane mu mintozo nyaso, nukuyika gaa mukono wane mu lubalu wakue sikanikishuila."²⁶Pembele lutondo lua munana amanigua alii kumbele kanki, nu thamaso aliwi palumui nindio. tungo milango kinali migalilue Yesu aliwimikile pakati yao. nu kutambula, "Amani na itule nininye." ²⁷Nkangi numuila u Thomasi, leta luala luako uone mikono yane: leta ipa mikono yako uiike mu lualu luane: wala ulekitula nasikusuilile bali nusuilile."²⁸Nu Thomaso nushokelia nukumuilaa, Shekulu wane nu Mukungile wane." ²⁹Yesu numuilaa, Kunsooko wamona, wasuilaa. Akembetue ioo naishuilaa, kinasikaonie.³⁰Nkangi Yesu alutendile miena mingii ntongela ya amanigua, nakili yandikague ku kitabu ikii: ³¹bali iyii miandikue ili kina musume kushuila kina Yesu mwene Kilisito, muana waki Mukungile, na kina muasuilaa mutule nu upangaa ku lina lyakue.

¹Pembele mantu maso Yesu nuilagila kanki kua amanigu akue mu bahali ya Tiberia: itii yoi naliwilagilile mukola; ²Simoni Petelo aliwi palumui nu Thomaso nukuitagua Didimas, Nathanael wa ku Kana ya Galilaya, anaa aki Zebedayo ni amanigua ingii abilii aki Yesu. ³Simoni Petelo nuaila, "Inee nauka kujua nsii." Nindio namuilaa, "Ishee, kukienda gaa nunduwe."Naenda naingla mu mashua,lakini utiku waso tulu sikanaligia kyensi.⁴Ni dau kina nawela, Yesu nuimika mu ufukue, nindio amanigua sikanalinga kina ali Yesu. ⁵Nkangi Yesu nuailaa,"Asumbati, mutite kyensi kya kulia?" nindio namushokelia, kuagila," ⁶Nuailaa, "Timiii wavu wani wa kukigosha wa mashua, nininye mukigia ngele." Kululo natimia wavu wao sikanasuuma kuluta kanki kunsooko ya wingii wa nsii.⁷Iyo mumanigua uyo u Yesu nalumulogilue numuilaa u Petelo, " Ingi Sheluku," Nunduyo Simoni Petelo kinanuigia kina ingi Shekulu, nuitunga kijalo kyakue(ndoglelio sikaujalile izaa), nkangi nuitaga mu bahali. ⁸Amanigua ioo naingii naaza mu mashua( kuani sikaliili kulii ni mpwanim iligia mita gana limui kupuna ku ufukue), nindiio aliiluta inyavu izoo nalizijuile insii. ⁹Kinanapika ku ufukue, naona moto wa mukala ipo nu kukyanya yakue alikolii nsii imui palumui ni mikate.¹⁰Yesu nuailaa, " letii nsii nkei namuzuile inoo itii." ¹¹Iyo Simoni Petelo nunankila nu kushola uwavu aliujuile nsii nkulu, ngele nya nsii 153: japo aliigi, wavu uoo sikanautanduka.¹²Yesu nuailaa," Nzui muligie kutungula kilakala." Kutilii sunga umui wa amanigua nalugemile kukumukolia, "uwee itii wani?" Nalinga kina alii Shekulu. ¹³Yesu nuiza, nusola mukate, nkangi nuapelaa, nutenda iyoiyo nu ku nsii izoo. ¹⁴Iyii ali nkua ya katatu kuaki Yesu kukilagila kua amanigua akue pembele ya kuiuka kupuna kua akii.¹⁵Pembele ya kutula atungagua kilakala, Yesu numuilaa Simoni Petelo, 'muana aki Yohana mbii, undogilue ine kukil iaa?" Petelo nushokelia, "eee, Shekulu: "uwee ulingile inee nukulogilue," Yesu numuilaa," lishia anankolo anee." ¹⁶Numuilaa nkua ya kabili, "muana waki Yona, mbi, undogilue ?" Petelo numuilaa, "eee, Shekulu: uwe ulingile kina nukulogilue" Yesu nuailaa, "Diima nkolo zane."¹⁷Numuilaa kanki nkua ya katatu, "Simoni, muana waki Yohana, Mbii undogilue?" Nunduyo Petelo alihuzunikile kua iyo naliumuilile nkua ya katatu, "Mbii, uwee undogilue?" Nunduyo numuilaa, Shekulu, ulingile tulu: ulingile kina nukulogiue." Yesu nuailaa, Lishia nkoloo zane. ¹⁸Suila, suilia, nukukuila, kinali umusumbatii aliupunilile kujala ntila mukola nu kuyenda pensi kinalusiilie: lakini kinaukitula umunampala, ukilagila mikono yako, nu muua ukakukujalia ntiila nu kukutuala kinasikusiilie kuyenda."¹⁹Yesu alutambulie igaa kulagiila itii aina kii nya nkia u Petelo aliwamukulie u Mukungile. Pembele kinanutula watambula igaa, numuilaa u Petelo, "ntiate."²⁰Petelo nupiluka numuona mumanigua uyo u Yesu nalumulogilue nuatiata_Uyu wayu naliwegemile mu kikua kyaki Yesu tungo lya ndia za mpindi nu kukumukolia, "Shekulu, iti wani nukakukupiluka?" ²¹Petelo aliumonie na nkangi numukolia u Yesu, "Shekulu, muntu uyu ukitenda yani?"²²Yesu numushokelia, Kina nsiilie wasagee mpaka kinanikiiza, lyaso lyukuhusile yani?" Ntiate." ²³Kululo mpola iyii nikumazuka mua antua ioo, kina mumanigua nuaso sikukikia. Lakini Yesu sikaliumuilile u Petelo kina, mumanigua nuaso sikukia, "Kina nsiilie mwene wasage mpaka kinanikiiza yukuhusile yani?"²⁴Uyu wayu mumanigua nukupunagia ushuda wa mantu igaa, na wayu naliwandikile mantu igaa, na kulingile kina ushuda wakue ingi kulukulu. ²⁵Makoli mantu mingi mingii u Yesu naliumantendile. Kina kila limui angalilyandikue, ngelile kina unkumbigulu wene sikaliujili kondaa kukuiyika itabu nali ijiliyandikua.