¹Se parrisaucin na malamcin dumaya ɗagai/jəgab da nai, i ri Yeso da Urrushslima, da ramma, ²"Gaɗa gəmo pukurraucinci a dləmit/kətl aada ndawa gazgaraucin? Gaɗa akshi a viya amikshi bai, lakwtu akshi aye ta masana nin." ³Yeso da ngumi, da ramikshi ma, "Kun wam, gaɗa gəmo kwa kǝtl/muwa dumaya Kakasəku gaɗa aadadin kun?⁴Gaɗa Kakasəku ramma, 'A dlamina/a barina kwakwana i afakun na mikun,' na, 'Aci mi dlam rama vatku/kəlaɗo i ɗa afku ko miwu, katanas, a mutungəri.' ⁵Amman kwa ramau ma, 'tike mi rami afku ko miwu ma, "Zada lata tawanke ka bau da ri ga, bari ne, da ri Kakasəku,'" ⁶warrau tənu, a mərradi kwakwana i afku bai. Da devuu sənu, kwa kata na rama Səku, bi vatku kenang, gada aadadin kun.⁷Kun munafukaucin, ai Ishaya dlam rama i dak bee mi a wakata da ri kun, lakwtu mi aci ramma, ⁸'Ndangu a dlama kwakwana na miyakshi rrugara, amman gəshakshi pəɗəm na iyu. ⁹A dlamanai nakwana i vatku gaɗa akshi a gugza devu ɗəgau, kakshi na dumayak/ramak ndawa.'"¹⁰Se aci da ɗauri algu i ri gəri, da ramikshi ma, "A kərrimtina, kwa sanuci, ¹¹go bee mi a təfə miya, da kaci na nən ƙazami. se dai bee mi a vərayi da miyau, atu ne a ƙazamta na nən."¹²Se pukurraucin da nai da rami Yeso ma, "Ka zəgadu kuwa ma, gəshi parrisaucin dləmatungara, akshi kəma rama təku tənu? ¹³Yeso da ngumi da ramma, "Zəgəm tawanke, warra zəgəmun Afəkga kə dəsku binin, nda pətadu ɓurrok. ¹⁴Abzinakshi jaɓ, Akshi dləguyayin ndak tatka dəvu. To, nən dləguyu, ma a tatka dəvu i nən dama mi dləguyu nin, ai akshi guiɗ, a payi nakshi kun vək.¹⁵Bitrrus da ngumi da rami Yeso ma, "A parakti ja rama na gagenawa təku ba." ¹⁶Yes da ramma, "Gusku yaye, ci go sanuta/zegaya bi? ¹⁷Ka lawangu bai, tamke təfi miya gənən nin, a nuta i kun bazhi, da nucingara i kun shadda?¹⁸Amman bee warra vəreu da miya gənə nin , a vərayi da kun geshi gəri. Akshi ne, baya mi a ƙazamta/dləmit gənən. ¹⁹Gaɗa da kun gəshi ne, gaɓshu/ kelado darrurrarrin, a vərayi; ja tek gənən, na ɗəga garamcin,na tapai, na dləmta amatin,na kəra, na saida papiya,na nanga/aasharr. ²⁰Amman nda tau, na ami warra da vəya bai nin, a dləmit/kazamta gənən bai.²¹Se yeso d yingəri da riwu da baringəri, i gəre larrdi ɗa marəmamin kə Taya na Sidom. ²² Se so amaa Kan'aniya ɗagai, vəreu da larrdu. Da dlam kurwa da ramma, "A kəm kanjino ga, Məgənyi, wən Dauda; wənya ga a təka sa ravan tlaparr, na zuwak." ²³Amman Yeso ngumitu bee wambai. Pukurraucingəri da nai, da dlamici wili/dladliya ma, "A rarki na atu, gaɗa atu a ɗəga wa na kurwa."²⁴Amman Yeso da ngumi da ramma, "Nda wane iyu, i ri nən wanbai, se dai iri tumamin warra ɗayu, kə wənduwa Isrraila." ²⁵Amman atuu da nai, da pi kufugara, i kəma gəri, a təka ramau ma, "A laacayu" ²⁶Aci da ngumi da ramma, "Dlam kalkal bai, nda mi burrodi mamau nda vərki jaɗin gangamin."²⁷Atuu da ramma, "Auwo, Məgənyi, amman yaye, ko gangamin jaɗingu wəm a tau da pəshshar mi a vəgi lakwtu mi baci wənduwakshi a ta msana." ²⁸"Se yeso da ngumi, da ramitu ma, "Amaa, kəm na iman tlapar. Kasən da dlabe kəm , kakə mi ka maku." Se wənya garau da ngacin gara i kalkal lakwtu.²⁹Yeso daivi na rəwu, da yingəri damtu Gaderra Galili. Se da gayi ɗa guguyak da mbashingəri i riwu. ³⁰Algagin gawa da nai i ri gəri. Danna ɗukdadin, na dləguyayin, na bebeucin, na ndawa gawa mi ngabai/a fera. da ni dii ri Yeso, aci da ngaci na akshi.³¹Se algu da jəb ajab , akshi ikau kurmamin a rama, ɗukdadin bana ngata tənu, na dluguyayin a lawan, na dkuyayin a kəmu rama . Akshi da sakərrci Kakasəku Isrraila.³²Yeso da ɗaure pukurraucingəri da ramma, "Iyu na kəmu kanjəno algi təku, gaɗa akshi mbasu na iyu, harr yiwan kwan sərram, ke na bee da ci bai. Nan ci na sallamacakshi na kunu gaɗau bai, gaɗa kada akshi da yindinakshi i dəvu." ³³Pukurraucingu da ramici ma, "Wa bayi dəgulelin burrodi warra a baci/wayu na akshi da rawan, i ritku mi go nən.?" ³⁴Yeso da jayakshi ma, "Dəngul nawan, kun na atu?" Akshi da ramma, "Gatkasa, na gangamin vənakau rrap." ³⁵Se Yeso da ɗawi algu da mbash i ɗa.³⁶Aci da mi dəngulalin gatkasau, na vənakau gu, aci dlam sambarka tənu, da gəjaji dəngulalin gu, da bari pukurraucingu. Pukurraucingu da ɓəri i algi gu. ³⁷Ndiwau mak, daci da wayi nakshi . Akshi da cacpi masana mi gazau, da pəshasharr dəngulalingu, harr daɓərr ganiyak gatkasa. ³⁸Ndawa mi ta masanau, akshi dubu fuɗu gamsak, banda amatin na mamau. ³⁹Se Yeso da sallamaci na algagingu, da təfi kun sawu aam, da yingəri larrdi Magadan.

¹I locktu wam,se pukuraucingu dani ri yesu da ramma , baci martaban tai i garva sǝku? ²Yeso da daure mayum gangam dampi witagshi ³se da ramma na ramekun jirewa,se kwa dlab kamamu gangaminbin kwa bi tife garva sǝku bai.⁴Gaɗa kasən, tike mi ma aɗagəri bewambai ka mayim gangam təku nin, aci ne rəmadi marəm i garva dəsku. ⁵Ke tike mi gənu mayim gangam zadak sau, i kun dləgun ga nin, gən na iyu. ⁶Amman tike ɗawu gayi da kun gangamin təku, mi dlamna iman na iyu, da dlam aipu nin, a ɗəki di ngalko i warrau, nda taushici marəm venyi i wura gəri, nda vərkəna aci, i kun anku warra pəɗəm.⁷Wadarre i duniya, gaɗa lakwtuk dlagat! Gaɗa dlamin gara dolle, lakwatatin təkugu danai , amman , wadarre i nən, mi lakwtatin təku a wakata da ri gəri. ⁸Amici na zəgərci a ɗawaci i dlagat nin, a wuji du, ka vərkədu, gaɗa ngalko ka təfi janna garanak, da miya nda vərki na ci, i kun aka harr dəmarro, na ami na zəgər mak.⁹Daci gayi a ɗawa ci ka dlam aipu nin, aaji du, gaɗa ngalko ka təfi garva Səku na daa gayi, da miya nda vərki na ci, i kun aka na daa ci shirin¹⁰Kwa muwa mamau gangamin təku bai, gaɗa fatawanke, maleikaucinshi a lawan jampel Afekga mi a dəsku. ¹¹Gaɗa wəngənən deu gaɗa ra bee mi gaɗayak.¹²Kwa tuman gu nana? Nən na tumamkin danamak nin, gayi da kunu da ɗayingara da kunu, aci aiv/bəza gumu kuɗkuvda ayawau kuɗkuvdau bai, dayi da makai gayu? ¹³Aci beu du nin, na ramekun jirrewa, ai dlam kuno tlaparr i ɗa gayi gu, da rəmi na warra a dlamau, i ɗa gumu kuɗkuvda ayawau kuɗkuvdagu, mi ɗayu bai tənu. ¹⁴Kakal kasən ke, dlaɓu ntu Səku bai, ko gayi da kun gangamin təku da kambeci.¹⁵Yagana ci dlami ci aipu nin, ka cimeci bai, a ramici aipu gəri mi a witaci na aci. Aci kərrəmtu na ci nin, ka raa na aci da kun təfe aka dəsku. ¹⁶Amman aci kuru na kərrəmtaci nin, aji ri gəri na yagana gayi ko shirin, gaɗa da miya shaidadin shirin ko kwan nda bi na jirrewa.¹⁷Aci kuru na kərrəmtakshi nin, se ka ram biwu i coci. Zam aci kuru na kəmu rama coci gu nin, ami na warrau,ka nən mi zəga Səku bai na baci gən arrajo.¹⁸Na ramekun jirrewa, tamke kwa təpu i duniya nin, dlaɓa da təpa i dəsku, Zam bee tawanke kwa fətku i duniya nin, a dlaɓa da fətka i dəsku. ¹⁹Nakat na ramekun, nən shirin arrdatu i duniya i ɗak tamke mi akshi a jayau nin, Afək ga kə dəsku a dama dikshi. ²⁰Ai nən shirin ko kwan cacpu i kun dləgun ga nin, iyu ke na dlaɓe riwu, i witakshi.²¹Se Bitrrus da nai da rami Yeso ma, "Məgənyi, yagana ga a dlama aipu zəgər nawan, na tupti ci? "Zəgər gatkasa? ²²Yeso da ramma, "Na rami ci ma zəgər gatkasa bai, amman gumu gatkasa zəgər gatkasa.²³Gaɗa kasən, garva dəsku dlam gənawa na dəgəm mi anci da nyi ləman gəri, mi a ami gabayayi gəri. ²⁴ Aci ɓandu naau tenu, se nda ni dici gabayi gayi, mi aca ɗəga gəri i basa talen dəbu guma. ²⁵Amman acu na dəvu ngumu gu bai. Se baci wənduwa gəru, da ɗawi ma, nda ɗəɓji na aci i ɗagayi na amagəri, na tamke mi aci na atu, gaɗa nda ngumi basau.²⁶Se gabayi gu da pi kufu gəri i kəma baci wənduwagəru, da ramma, 'A dlama kəmarr ba, na ngumu dici tamke.' ²⁷se baci wənduwa gabayu, kəma na kanjino gəri tənu, da ta'yi na aci, da tupti dici basau.²⁸Amman gabayi mi nda tuptici basau, vəri da tashi kamanci gəri gabayi ɗagai, mi aci ke a ɗəga gəri dənarr danamak gayi. da jəba ci , da zhebi na wura gəri, da ramma, 'A ngumi danai bee mi na ɗəga ci i basa.' ²⁹Amman kamanci gəri gabayu, dada dagamii ɗaa, a barici kanadi ma, ' adlama nai kanadi ba! Na ngumu dici.'³⁰Amman gabayi səkurr gu da kurdu, da miya kasənu, se da yi da ɗawuna aci i dəlo, ma se aci a nguma dici nin. ³¹Sartu mi kamancawaɗshi gabayayin ɗagai ika bee warra wakatu tənu, se biwu da dləmci dikshi gəshakshi tlaparr. Se da yi da ramna bee wakatu tawanke i baci wənduwakshu.³²Baci wənduwa gabayi səkurr gu da ɗaure aci, da ramici ma,'Ci baci kəmangarr, na tuptu dici basa mi ɗəgəci mak, gaɗa ka bara miya harr na jiganta təka. ³³Ci wam ka dlama kanjino i gabayi kamancaci bai, kakə mi na dlamici?³⁴Gəshi baci wənduwa gəru da dləmacingara, da bari na aci i nda bari kabine kə dəgəm, se aci nguma basa warra nda ɗəga gəri mak. ³⁵Kasən ke Afək ga kə dəsku a dame kun, kwa tuptu aipu yagana kun , da ku gəsha kun bi nin.

¹Aku yeso damuna ramatku, seda tlai da Galili da nai lardi yahudiya da pala anku Urdun. ²marǝm algi dǝge aci, acu ke da ngatakshi i riwu.³Parrisaucin da nai i ri geri, da kaktlaci, maya, ''Kalkal bi, nen da ta'yi ama geri gada hal tawanke?'' ⁴Yeso da ngumi da ramma, ''Kwa kerratu bai, ma aci mi dlamakshi tin sekurr gara ,dlamakshi, gemsek na gama?⁵Aci mara dlamakshi ram wam ma, gada kasǝn nǝn gǝmsǝk ai vai na afǝkgǝri na migǝri, datlibɗǝngǝri na amagǝri, shiringu da dlabnakshi be gayi? . ⁶gususku akshi tǝka shirin wambai amman tǝka gayi. Gada kasǝn, kakasǝku nǝbkǝdǝn, nǝngaiwa da ɓura bai.⁷Akshi rami ci ma, "Gaɗa kəmo nabi Musa barija linok ki bari kakkadi ta ta'yi na kə rarka?" ⁸Se a ci da ramikshi ma, "Gaɗa gauɗak gəsha ku ne, nabi Musa aivu kun kwa ta'yi amatən kun, amman tən səkur kasən bai. ⁹Na rame kun, nən tawanke tadu ama gəri, amman gaɗa tabai nin, da zəbi dama to a tapai. Nən tawanke mi zəbu ama gataɗak, a tapai."¹⁰Pakuraucin gu da rami Yeso ma, "Tlabin gara kasən nin, a tlaman gara bəlan nən da dlam zəba bai. ¹¹Yeso da ramma, "Nən tawan ke bai a gən na gugza tuku, se ndawa mi ardatu nakshi da gənyi. ¹²Na ndawa mi da'yawakshi, i mbasu gamsak bai, mi tun da kun mikshi da 'yawakshi ka sunu. Na ndawa mi dlaɓu gamsak bai gu, dawakshin ndawa da dlaɓ kasunu. Ke na ndawa mi dlaɓu gabsak bai dawu aɗakshi da dlaɓ ka sunu gaɗa garva dəsku. Nən wara a dumana gənyi gugza tuku, a ci da gənadu.¹³Se ndawa dani di ci mamau gangamin gaɗa aci dampikshi aikwak i aɗak shi da dlamikshi magita, amman pukurraucingu da dapci nakshi. ¹⁴Amman Yeso da ramma, "Aivina mamau gamgamin, dani ri ga kwa daptakshi bai, gaɗa garva Səku kə zadakshi." ¹⁵Dampi aikwak gəri iɗa mamau gu, se dayin gəri da riwu.

¹ɗa tlanu pəɗək mara, marumamin pristaucin na ndawa gasgaraucin yahudaucin da nibki miyakshi iɗa duvu mi wara akshi a ɗigau dabi Romaucin da tiki na yeso. ²sai akshi da takshi na ami yeso dai na aci i Bilatus, Gwamna Roma.³Sai yahuza nən wara bar yeso, na bai ɗidke du nda ye tik na yeso sai da tifingəri i kun jiyayi i ɗa be aci dlamu. Dayi na dagda sule gumu kwan gu i marum pristaucin na gasgaraucin. ⁴Da ramikshi ma," Na dlam na aipu Na bar Na nən mi go aipu"akshi da kalakcikshi ma," Sən jikti ja bai! jiktici" ⁵ Sai yahuza damuna dagdau dai da virkidu i kun patata wənduwa magita dayi da dligə na aɗa gəri.⁶Dəgəm pristaucin gu dami ayawa dagdau da ramma," sutuku dagda mi nda baru iɗa nən nda tuku. Kuru dumaya wa yardatu bai wampi zada dagda tuku i kun bitilimanwa" ⁷sai akshi da masi na patata na dagdau mi nda ɗaurau ma patata potter. Akshi da dlam na patatau ri dabak magərafcin mi a mutu i kunn Urushalima. ⁸Gaɗa sən ne riwu gusku yaye nda ɗaurau ma," patata dədəm".⁹Dari masa patata tiku, dlamun gara jire rama wara Nabi irmiya tarnu tin da kaɗe," Akshi mana ayawa silver gumu kwan, sən ne be marumamin Israila rami i ɗagəri. ¹⁰Kuru na dagda tunu akshi aye masa patata potter. akshi dlam kasən kaki mi Məgənyi rama nai."¹¹Sai Yeso da tli dar i kima Gwamna. Gwamnau da jayaci, "ka ramau bi ma ci dəgəm yahudaucin?" yeso da ngumi ci ma Awoo kaki be mi ka ramu". ¹²Amman laktu marim pristaucin na gasgarauccin wədu adalama i ɗa yeso iɗak be gawa wara be dlam bai aci da kurna kaci dəkshi. ¹³Sai Bəlatus da rami ci ma," ka kima adlama gawa wara akshi a wudau i ɗa ci bai ka kata dikshi bai?. ¹⁴Amman yeso ram be wam bai. Getak aci kalaktishi bai da kun be wara akshi wudi ci adalama gu bai gaɗa kasən Gwamnau da jabci.¹⁵Dlaməngara ƙilado Gwamnau i aman tawanke, laktun ngumuru paska nən da taɗi nən gayi da kun dilo Aci a taɗi nən tawanke mi ndawa ancu nda taɗi da kun dilogu. ¹⁶I sartu na nən ɗagai a kun Urushalima wara ga zəgayak baci dlugun ma Barnaba.¹⁷Laktu mi Algi cacpu, Bəlatus da jayakshi," Baci kun dilogu tawan kwan cu na taɗe kun, Barnaba ra yeso wara kwa ɗaurau ma Masihu?. ¹⁸Aci dlan jayatu gaɗa na bai aci yakintudu marim pristaucin gu de na yeso gaɗa akshi tana gəshi na yeso Bəlatus a kuraram i ɗak ko Algu a ramau ma nda taɗa na yeso. ¹⁹Laktu Bəlatus dambasu aɗa kurus ki kagala tin, sai amagəri da wanai ci saktu ma, "I miya dlanuk ɗa tiku na dlam suwan gabshu iɗak nən tuku ka dlama hagata i ɗak Nəngu mi go aipu bai pa!.²⁰Amman marim pristaucin na gasgaraucin da maki algi da jayi B əlatus da tadikshi Barnaba,amman nda barna yeso i mutu. ²¹Laktu Gwamnau jayakshi, "tawan da kun nda dilogu na taɗi kun gayi? Sai akshi da ram ma Barnaba" ²²Bəlatus da jayakshi Na dlama nana na yeso wara ndakun jigab a raurau ma, Masihu? Akshi mak dangumi ma aɗawi askarabaucin da dləgədu.²³Bəlatus "da ram ɗawun tam? aipu tawan aci dlamu? "Amman ndau da sukci wurakshi i da ramma Nda dliga na aci. ²⁴Bəlatus yakin tidu go be aci a ye dlamau sai aci daki ndau aye tlatləna tarzoma, sai da mai bik viya da pi am da viyina amigəri i dak dakshi da rama ma, "Dari viya amiga na tatike kun iɗak nəngu mutu nən aipa kun bin kabai²⁵Sai ndau dan ngumikshi ma, "Alaki mutugəri da dlaɓangara aɗa ja na kutli ja cam!" ²⁶Sai aci da ɗawi askarabaucin da taɗi dikshi Barnabas. Amman da ɗawi nda dlam kurpak i Yeso, da ɗivari na aci i Askarabaucin gaɗa dayi da kim na Yeso i tika dəmtliga.²⁷Sai Askarabaucin Gwamnau da dai na yeso da barna aci i Askaraubaucin barigi.Ndau mak da cacpinakshi i ɗagəri.²⁸Akshi da tlici na kare gəri, da tatiki ka aci dəgəm,akshi da ɗawi ci bakta mi am bau da tagsici a kugəri.²⁹Akshi da tlimpiye gabta waka jijim da yaiɗi kwabci da ɗawidici i ɗagəri, akshi da mai zawa da ɗawi amigəri ki mata da jib kaki zawa garva. Sai akshi dapi kufakshi i kima gəri da ngarin taci a rama ma ,"Alangubro dəgəm yahudaucin.³⁰Akshi da tli tipkeci nawuk.Akshi da ginna zawau da kimi aɗagəri na atu.³¹Daku akshi damuna dlamici gabshu rama tunu,akshi da jina zani garvau da ɗawudici kare gəri.Sai akshi dai na aci i ri wara akshi aye kuma gəri i tika dəmdliga.³²Aku yeso kakiri dimdliga gəri ki ri rab, Askarabaucingu daki nən ɗagai bacidlugun Saminu, wara vurai da alkariya ki Cyrene. Akshi da ɗawaci da tambi yeso na kakira dimdligau. ³³Akshi da nai i ri ɗagai mi nda ɗaurau ma, Golgata. ma ana dlugunngu ma, "kwankwayak". ³⁴Laktu akshi zada riwu nda mai am ɗagai gwadlugaɗak akshi da bari yeso ma dashi gaɗa aci dakima fuu tita ƙuma gəri bai a ɗak dim tliga bai. Amman laktu aci mi aci tamba ngum da kurna sau. Askarabaucin gu jəgaɓ da mi na kacum gəri³⁵Sai akshi da dləgi na aci i ɗa dəm dləga, Da kugu, Akshi da ɓurna kacum gəri i gadavakshi da duvu dlama bama gaɗa tai a bi be tawan da kun kare gu. ³⁶Sai askarabaucin gu dambasunakshi gaɗa da ankalci, gaɗa nən wam da dina damaci bai. ³⁷Akshi da tarni be dawu da dləgi Yeso nda kəmu də i təka dəm dləga i dəsku aɗa Yeso ma, "Sutuku Yeso dəgəm Yahudaucin".³⁸Akshi da dligi nda kapat duvu shirin i ɗa dim dliga gu , gayi da mata yeso gayi ye da matlawai. ³⁹Nda nuta da tli ngarin ta gəri har a rib aɗakshi kaki aci gabshi gə nən. ⁴⁰da ram, "Cima ka ribgana wənduwa Seku tuku kuru ka limadu i kun yiwan kwan! to in har ka dumuna sən, da ka dəmu ra aɗa cin! In ci wən Kakasku nən, a fuwen da ɗa dəm dləgau!"⁴¹Kasən wam, marəm Pəristaucin na ndwa wara tattiku dumaya Yahudaucin, na gasgaraucin ndan ngarintaci. Akshi a rameci kasau, ⁴²Ngatu na ndawa da furak shi amman a dəmu lata aɗa gəri bai. "Aci ram ma aci dəgəm israila. Aci da fuwina da ɗa dəm dləgau. Se wa bari ci jirewa."⁴³Aci ram ma aci bar na jirewa i Səku, kuru ma aci Wun Səku. In har Kakasku a kəmu karak gəri nən, to Kakasku da gumba ci ba gusku.!" ⁴⁴Akəraucin shirin gu miwara nda dləgag shi i ɗa gayi na aci cam da dlami ci zada rama tuku cam.⁴⁵I afa aɗa se ɗagu da dlamən gara aiwa pələk i lardak shi gwiɗ har karpe kwan kə aduwau. ⁴⁶I fara kare kwan se Yeso da tlatli wura i dəsku, maya, "Eli, Eli, Lama Sabaktani?" Kakasku ga, Kakasku ga, Kai va yu gaɗa gəmo? ⁴⁷Lakwtu miwara ndo gafkai dar i a riwu kəma tun akshi da ram maya, "Aci a təka ɗaura Nabi Iliya".⁴⁸Kaɗe kaɗe gayi da kunakshi da rawi da me soso da ɗawi dɗa am zhom da dləgi i təka zawa da sukci Yeso i dəsku, ma da pa'i am gu da təkau. ⁴⁹Amman ndo jigaɓ da ram maya, "Aivina waiki ko Iliya ani da rə na aci!." ⁵⁰Da ku gu Yeso da sukci wura gəri rankata da ta'i na aro gəri i Kakasku.⁵¹I laktu tənu marəm bəbərəm mi wara cimu kun susu magita Səku da tləmpiyi gara kurak shirin da dəsku har dani i dəɗa, gagai da dlam řəɓ, guguyayin da dlaji nakshi. ⁵²Auɗaɗin da rəpci nakshi, Guvavin ndawa gawa wara na aibu bai davji a kunu da gəraji nakshi. ⁵³Da vərə nakshi da kun auɗaɗin gu da ku tlayi Yeso, da təfu nakshi i kun Urushalima da tatki aɗak shi i ndawa gawa.⁵⁴Marəm baci nkalta askarabaucin wara kumu Yeso na ndawa wara a lawan Yeso gu, dai ki ruwawaɗ gagai na be wara wakatu, da kalwu nakshi tlapar, da ram maya, "Jire, acu Wun Səku." ⁵⁵Amatau gawa wara ɗəge Yeso da Galili gaɗa da nkaltaci na aci, a lawan be tawanke da pəɗəm. ⁵⁶A gadava amatu gu na Maryamu Magdaliya, Maryamu mi Yakubu na Yusubu, na mi kutli Zabadi.⁵⁷Aduwau dlamən gara tunu, baci bərəɗ ɗagai wara de da Arimatiya, dlugun gəri ma Yusubu. Aci ke cam Bukura Yeso. ⁵⁸Aci dayi ri Bəlatus da jayaci da bari ci guvu Yeso da dabgə du. Se Bəlatus da rami Askarabaucin gəri da bari ci guvu gu.⁵⁹Se Yusubu dame na guvu Yeso gu da yai'i du ikun lakapani arawai sol. ⁶⁰Da sənyi na guvu i kun karara auɗu wara aci dlamə gaɗa aɗa gəri wara aci yau i kun guguyak. Se aci da vərgagənyi na guguyak marəm da cimə na miya auɗu dayin gəri. ⁶¹Maryamu Magdaliya na Maryamu gayu a riwu, dambasə nakshi i jamɓel auɗu gu.⁶²Ɗa tlanən Subduwa gafa putu Yahudaucin, marəm Pristaucin na Parsaucin jəgaɓ da cicpi dayi iri Bəlatus. ⁶³Akshi da rami ci, "Alamgəbəro, ja tanu na lakwtu wara baci ləvata ndawa lakwtu wara aci na aro gəri ramu ma, "Daku yəwam kwan na tlayin ga wam." ⁶⁴Gaɗa kasən, a jimbəli Askarabaucin da nkalci auɗu har kə yiwam kwan, ka dlam kasən bin, Bukuraucin gəri a dəmu ni da kəri na guvu, se da rami ndawa ma "Nabai tlan gəri da mutu," akshi jib ləvata ndawa kasən nən, topa, aye dlama gaɓshu rama i ɗa ləvata wara aci dlamu i ndiwa waci."⁶⁵Bəlatus da ramik shi ma; kwa dəmu na kwai vana Askarabaucin, ada na akshi iri auɗu gu, aiki na riwu da sərita bəlan kaki wa zəgau." ⁶⁶Se akshi dayi i ri auɗu da ciriɓci da ri tawas zayi da miyau na kəmau da verkə du dai vǝ na Askarabaucin jigaɓ da sərici auɗu gu.

¹Aku ngumu Yahudaucin subduwa nutun gara, gafa laduwa puɗik, maryamu magdaliya na maryamu mashiringara dayi lawan auɗu Yeso. ²Nda dlam rupu gagai mi awayau gaɗa malaika dari Kakasəku dew da dəsku. Aci dayi kima auɗugu da virgagənyi na gugguyak cima miya vək auḍɗugu, dan dambashin gəri i ɗa gugguyak gu.³Tika gəri kaki ɓayan, kare gəri ke arawai mbol kaki ayayin. ⁴Tika ndatsirita riwu da jib jiganta gaeɗa kalau jib nakshi, sai akshi da dagaminakshi kaki ndawa gamtak.⁵Malaika da rami amatu shirən guma, "kwa dlama kalau bai na zigadu kwa maka wara ndak kuma ci i tika dəm dləga. ⁶A ri tuku bai! Kakasku na bai tlatla na aci na aro wam, kaki mi yeso rami kuna ci aye dlamau! Anna kwa ki ri wara nda tsunu guvu gəri!. ⁷To ada kaɗe kwa kwa rami pukuraucin gəri. Na bai tlagəri da mutu: Atika rakan i kima kun nye lardi Galili kwa lawan na aci i ri tunu. Ampina ankal i ɗa be na ramikun.⁸Da kaɗe ngum amatu gu dai ve na ri auɗu gu.Akshi a tika kalau amman atika perɗai ye Akshi da rawi dayi da rami pukuraucin gu be wara wakatu. ⁹Go tatsəna lackwtu akshi a kun rawa sai so yeso da pakai shi. Aci da ram ma, "Na nduma kun!" Amatu gu da nai i dantu na aci, akshi da pii kufakshi i dantu na zigir gəri da dlamici nakwana. ¹⁰Sai yeso da ramikshi ma, "kwa dlama kalau bai! Ada kwa rami pukuraucin gu mak iɗa akshi dayi Galili. Akshi a lawan na 'yu iri tunu".¹¹laktu mi Amatugu a kun rakan, Askarabaucin gu jigab wara a tsirita auɗu gu da yi kun ɗa. Akshi dayi da bar labar i marumamin prestaucin ki be ki be wara mak wakatu. ¹²sai marumamin prirstaucin gu na nda gasgaraucin yahudaucin da dlam mbasu i ɗak maka duvu mi wara akshi a rame ndawa nda dlam na na auɗu da kacin gara gaɗau. Akshi da bar dagda gawa i Askarabaucin gu gaɗa da cum na miyakshi. ¹³Akshi da ramma, "A ramine ndawa, pukuraucin gəri dew dəvəd laktu ja kun yuwan akshi da kirna guvu gəri".¹⁴Ngwamna kima na be wakatun jana aɗaja ja dlama be tawan gaɗa ankal gəri da tla bai har da bari kun bone, ko gayi kwa jikta bai. ¹⁵Sai Askarabaucin gu dami na dagdau, dayi da dlam kaki be nda ramikshi. Amman gafo ngum nda bar na labar gu mak i kun yahudaucin.¹⁶A kugu , pukuraucin gu guma ayawa gayi gu dai nakshi i lardi Galili dai nakshi i ɗak guguyak wara yeso ramikshi ma dayi. ¹⁷Akshi da kaci i riwu da dlamici nakwana. Amman ndau jigab bar jirewa bai i ɗa ko yeso gu! kuru tlangəri na arro wam bai.¹⁸Sai Yeso da nai i dan tukshi, da ramma, "Afikga barda kərmai i ɗak be tawanke na i ɗak nən tawanke i kun dəsku na ɗa. ¹⁹Ada kwa dlam paida na kərmai ga kwa tatiki ramaga i ndawa ,ndawa zadak tawanke gaɗa da dlam nakshi pukuraucin ga.A dlaminakshi Baptisma i kun kərmai Afik, na ki Wən na ki Nənwa Səku.²⁰A gugzinekshi da ɗəgi be tawanke wara na ramikun kuru kwa zigədu na dlaɓa aɗa gayi na kun har gafa tlai duniya.

¹nda ɓandu labar her ki Yeso wun kakasku ka sau ²Ka ke mi nda tarnu ikun kakadi na bi Ishaya ma aiki na wanyi muwanak ga da saparaci duvu ³wura warau a rara i kun pata, a dalmina duvu i migǝnyi da nɗamugara tǝrr.⁴Yahai deu a babtisma i kun pata, ke a wazik babtismak tubu gada aipapin. ⁵Lardi judiya, na dak Urushalima gwǝd da jib virayi i rigǝri, a tǝka tubi aipapinkshi aci da dlamikshi babtisma. ⁶Yahai tadi kacum ki yad dligǝmau, na bik takwas ki rivǝk i akugǝri, ta gǝrin amgwam na zhabuwa pata.⁷Da dlam kagala ma, dagai aye ni mi dǝkana iyu i kǝrmai, ko zayi sono gǝri ngun na bata na fǝtki bai. ⁸Iyu, na dlamekun babtisma na am, amma aci aye dlamekun na nǝnuwa Sǝku.⁹ Su wakatu, ikun yuwan mi yeso deu da nazarat, i Galili se Yahai da dlamici babtisma ikun gaderak Urdun. ¹⁰Lakwtu Yeso a vǝrayi da kun amgu tunu, daiki dǝsku da rǝpci, se nǝn wa Sǝku da fuwai i da gǝri ka tataru. ¹¹Se wura da vǝrai da dǝsku a ramau ma " Ci wunga nai na kǝmu karakci tlapar."¹²Se nǝwa sǝku, dai na aci i kun fanfariya pata. ¹³Aca kun patau har yuwan gumu fudu Aca dagayi na fayin pata, malekaucin Sǝku a dlameci wana.¹⁴Daku nda jib na Yahai, se Yeso da nai ikun Galili a Kagala herr ki kakasku. ¹⁵" A ramau ma lakwtu dlamǝngara garva sǝku a damtau, a dlamana tubi kwa kasakcinakun na labar herr gu.. ¹⁶Aca rakan ikun anku galili tunu, se dai ki Siman na Andirawus yaganagiri a jiba vinakau gada daman akshi ndak jibau ¹⁷Yeso da ramikshi maya anna kwadigayu na kacinaskun ndak jiba ndiwa". ¹⁸Na tasina bai se akshi daivina ragaya jiba vinakugu¹⁹Yeso rakini kima rabtǝnu, se daiki yakubu wunzabadi na yahai yaganagǝr, a kunu sawu am gada a dalma ragaya jibak vinakau ²⁰Se da daurakshi akshi daivǝna Afakshi zabadi na ndak dlameci wana ikun sawu amgu da digǝna Aci.²¹Se akshi da nai ikun kaparnahum Yeso da tifi kunu lima ri cacpa Yahudaucin gafa putakshi da dlam gugza ²²Akshi a ajabtau gukza gǝru gada acu a gugzekshi na kirmai dikana ki malamcin dumaya.²³Na tasina bai se so baci zuwak da tli na kurwa ikun limakj cacpa Yahudaucin ²⁴A ramau ma, "lambejantam naci; Yeso ki nazarat kade kambeta na ja bi? na ziganaci. Ci ki sǝku mi go aipu!" ²⁵Yeso da gǝrnyi adagǝri da ramma "Abzamu naci, ka virai da kunu gǝri!" ²⁶Se zuwakgu da karɓina aci da, da vǝri da kunu gǝri daivina aci, a adan na kurwa dlpar.²⁷Ndawa mak a ajab se dajib jaya i gatǝkshi, "Suwam tam? karara gugza na kǝrmai? har a ɗawa zuwawin da dlamici nakwana!" ²⁸Na tasina bai se labargǝri da vaikingara i rawanke i lardi galili.²⁹Akshi vǝre nakshi ikun lima ricacpa yahudaucin tunu se dayi wuduwa ja Siman, na andrawus. A dagayi na Yakuybu na Yahai. ³⁰Lakwtu saurak siman gama ngabai se akshi da rami Yeso. ³¹Yeso da yi da jib amigara da sukwtatu se da gatǝngara da firau, atu da banji dlamekshi bikta.³²Aduwau aku vǝrayi afa akshi da ngaci ndak fira mak, na ndak zuwawin. ³³Ndak ɗagu mak da cacpinakshi a miya mavgu. ³⁴Dagacina ndak fira gawa, daji zuwawin da ɗak ndawa gawa.³⁵Yeso da veri digikɗa dayi riwara go nǝn da dlam magita i rǝwu ³⁶Siman na ndawa mi akshi a dagayi da jib makagǝri ³⁷se akshi da bina aci, da ramici ma, "Tike a makaci.³⁸Se da ramma, wade ri dama iɗajigam, na dlam wazǝk irǝyu ke. ³⁹Dalil vǝragu kenan.⁴⁰Agurdadimak dagai da nai i rigǝri dapukufugǝri, da wili, a ramau ma, "kan cidu nin, kadumuna ngataga." ⁴¹se Yeso da kǝmuna kanjinogǝri "Dalintaci na aikokgǝri da ramici ma, "Nancu a ngatinaci. ⁴²Na tasina bai se so fira agurdadimakgu da ngacingara.⁴³Yeso da dlamici gabaɓ ma. ⁴⁴" Karame nǝn wambai pa, amman a ji, ka tatki adaci i pǝris ka dlam bari ƙi saspa mi musa ramma, nda dlami gada saida.⁴⁵Amman se da vǝri da ɓanji bari Labar i rawanke har da dapcina, Yeso i vǝre ɗa rawanke, i patata. Se ndanbashingǝri, i ri wara go ndawa amman, ndawa zam da jib ni rigǝri.

¹Laktuwara akshi jinakshi i miya anku t‌ənu, i lardi Garasunawa. ²Go zigaya laktu Yeso v‌ərai da kun daragai am se baci z‌əwak da pakai da kun ri dabak ndawa.³Warau dan mbasu akun ri dabakgu amman gawa. Go n‌ən batau da daptaci ko dawaa kan dumbil. ⁴Nda tagsaci z‌əgir gawa I dimbil na zayi. S‌e da burjina zayew na dimgu go baci awayau wara da daptaci.⁵Div‌əd na afa tawanke lokuty aci a kun ri dabagu ko kun guguyak na div‌əd bai na afa bai a wuda t‌əka g‌əri na guguyaym nda lanau. ⁶Lockwtu aci ike Yeso da pidim, da v‌ərena rawai iri g‌əri da gutki i k‌əmagri.⁷S‌e aci da danyi na wura sosai da ramma, "Na dlam gumo naci, Yeso wun kakas‌əku? Na nibkici na kakaseku na a‌ɗa g‌əri ka bara bone bai." ⁸Gada aci a ramedi ma "a v‌ərnachi da kum warau ci zuwak."⁹S‌e aci da jayaci ma, "Dlugunci matam?" Aci da ngumi ma, "Dlug‌ənga ma, Tlapar gada ja gawa." ¹⁰S‌e aci da wilitaci da ramma, kada‌əa bai da lardu.¹¹A laktu gu na birri aladadin gawaa dawa a ‌ɗa zigawu. ¹²S‌e zuwawingu da jayaci ma, "Aci daivakshi datfi nakshi i tika aladadin." ¹³S‌e aci daivinakshi zuwawingu da v‌əre nakshi da t‌əfinakshi i kum aladadin gu, akshi da rawai mak da dasinakshi kun ankil. Akshi datu dubu shirm da 'yam nakshi i kun ankugu.¹⁴S‌e, makwataklingu v‌ər na rawa, dayi na labar be mi wakatu i ‌ɗak ‌ɗa na lardu. Ndawa gawa da v‌ərai ga‌ɗa ki be wara wakatu. ¹⁵S‌e kshi danai i rik Yeso daki baci zuwak, wara gwaigwailu. Babu zuwakgu, dam mbasu a kun kachum kuru a kun hankal g‌əri; se akshi da kumi na kalau.¹⁶Ndawa wara ikana be wakatu na babuk zuwak gu, da ramikshi be wara wakatu na aci na aladadingu. ¹⁷S‌e akshi da barikshi k‌əmar daivi na lardu.¹⁸Laktu wara aci atifi kuu daragai amm, baci zuwakgu da barici kumar ma aci a ‌ɗigana aci. ¹⁹Amman aci yar da tubai, "Se da rami ci ma, asi mun duwa iri ndakun, ka ramikshi be m‌əg‌ənyi dlam mi ci, na kanjino wara dlami ci." ²⁰Das‌ən se dayingiri da tli yayata bik ajab wara Yeso dlamu i Dikapolis, tike a jabtau.²¹Laktu wara Yeso sa a‌ɗa anku i kun daragai am t‌ən algi da chacpai I Irig‌əri. ²²Laktu na nin marim gayi babu wana a sisau magita, tligun g‌əri ma Jaixus, canai, s‌e ika Yeso tunu, da gudki i kima g‌əri. ²³Da barici kemar wam da rameei atl‌ən! atlen! "w‌ənya ga a miya mutu, a dlam kanadani ayen, kampi ami ci l'aga‌əa sa‌ɗ a ugat‌əngara." ²⁴S‌e ari da dig‌əna aci na algi a digag‌əri dantau, dantau. (dama-dama)²⁵Na ama, lakwtu, mara a pik didim ki amman guma ayaw a shirin. ²⁶A tu sa bonai ‌rankata I ami dak korgun, da dlimcina bi, amigara gid amman ba, ‌rama bai. ²⁷Atu, kima labar Yeso t‌ən, danai, daku g‌əri lockwtu wara aci a rakan a kun algi, s‌e atu da linci miya jampa g‌əri.²⁸Da rami g‌əshi gara ma, "In na lintu mya jampa g‌əri nin na ngat‌ənga." ²⁹Lockwtu atu linta ci tunu, didimgy darin gara, se atu da kimi itukagara atu ngatunga‌əg.³⁰Tinin Yeso kimi kirmai viri dakun g‌əri. Se pimi da jayi ndawa, "Lintu zanigan tai?" ³¹Se pukuraucin g‌əri da rami ci ma, ka gada va ndawa, ka ramma, lintunyin tai?" ³²Amma Yeso da pime gaɗa daki bai linta g‌əri.³³Amau zigana be wara batu tunu kalu ‌ɗa j‌əbnatu tika gara da j‌əb jiganta se atu danai i kimak Yeso da gutki da ramdici jirewa be atu dlamu. ³⁴Se aci da ramitu, "Wun'ya bar ji‌rewakum dgatu ngatuna keim, aji kilapiya, kura ka ngatuna k‌əmda kun furak‌əm."³⁵Laktu wara aci akun rama, se dawa da nai da ridegim magita da rami ci maya, "Wieyanci bukotun gara. Ka jigta mallum gu wambai."³⁶Amma laktu wara Yeso a kirimta b‌əwara akshi a ramau tunu se darami digim susa mayitau, "Ka kima kalaubai a barina jirewa." ³⁷Aci ivu nin mambai da digaci se Bitrus, na Yakubu, na Yahai Yagang Yakubu. ³⁸Se akshi danai i wunduwau warim susu magita, se da ki dawa a kara a na a‌ɗan tlapar.³⁹Laktu wara aci tifu i wunduwau da ramikshi, "Ga‌ɗa gimo d

¹Ndiwa gawa maku i gəshskshi da tarrnyi bayangu mi wakatu katanas i witaja, ²kakə mi nda rami ja da miya ndawa mi biwu wakati daakshi, wato muwanaucin sakwtu gu. ³Iyu ke naika dlamingara bəlan, na tarrnyici bee tawanke kurak-kurak, gaɗa tin səkurr na ɗəgena dalasa bayangu cak-cak, alanguprro baci martapa Tiyopulus. ⁴Sutku kasən gaɗa kaa zəgi jirrewa i ɗa tamke warra nda ramici.⁵I zaman Hirridus dəgəm Yahudiya, nda dlam pərris ɗagai , baci dləgun Zakarriya, warra vəre da kun auɗu Pẹrris Abija. Aci zəbe ama da kun auɗu Harruna gamaɗ, mi dləgun Alisabatu. ⁶Akshi shirin cam ndak adalta i ri Kakasəku, gaɗa akshi a ɗəga dumaya mak na be tawanke mi Məgənyi ancu, na gəshi gayi. ⁷Amman akshi na matkam bai, gaɗa Alisabatu gu duguru,, so akshi ke garunakshi tlapar i lakwtu.⁸Sartu ɗagai, Zakarriya a kəma Səku, a miya wana gəri kə pərris, gaɗa gafo ke, miya wanau vaikengara kə pallakshi. ⁹Kakə mi nda kawa cikɗa pərris warra aye dlama wana, se nda cikɗe aci da kun palla pərrisaucin mi aca kunu gaɗa da təfi wənduwa Məgənyi da baki atərrshan. ¹⁰Algi ndawa mak a magita a vəda i lakwtu mi aca baka atərrshan gu.¹¹Se maleika Səku da pakai da rrə'yi da baaka bagadi baka atẹrrshangu. ¹²Lakwtu mi Zakarriya i ka ci tənu, se da gəraɓi, kalau da jəb na aci. ¹³Amman maleikau da ramici ma, "Zakarriya, ka kalwa bai, gaɗa Kakasẹku wuru na magita ci. Amaci Alisabatu aye ɗi ci mayim. Ka ɗaura dləgun gəri Yahai.¹⁴Ka ye dlama kuno na pərrɗai tlaparr, zam ndawa gawa aye kuno ɗi gəri. ¹⁵Gaɗa aci aye dlaɓa marəm gənən i kəma Məgẹnyi. Aca dlaɓa baci sak səma bai, ko baci sa bee mi a ɗawa kuyo. Nda niya na aci na Nẹnwa Səku tin da kun madu miwu,¹⁶a katayi na ndak Isrraila gwa i ɗak dəvu Məgənyi Kakasəkwakshi. ¹⁷Aci aye dlama rakan i kəma Məngənyi i kun nənwa na kərrmai Nabi Iliya. Aye dlama kasau gaɗa da məsci gəshi afafkin i gərre kutlatlkinshi, gaɗa nda gauɗak gaɗa da ɗigi dəvu adalta. Da sərmi ndawa mi nda sapərratu gaɗa Məgənyi."¹⁸Se Zakarriya da rami maleikau ma, "Na zəgi kasu nana? So na garənga, amaga ke garəngara." ¹⁹Maleikau nda ngumici da ramma, "Iyu Jibrrilu, baci rrə'yi kəma Kakasəku. Nda wane iyu na ramici, nandici labarr herr təku. ²⁰Aiki, ka kaci na ci dakuya, ka dəmu rama bai, se gafa warra bayangu wakatu. A dlaɓa kasau gaɗa ka bar jirrewa na rama warra na rami ci bai, mi aye wakata i kal-kal lakwtu gara.²¹Sarrtu ndawa a dərri Zakarriya tənu, se da jəb ajab gaɗa gawa sukwakuya gəri, i kun Wənduwa Səku gu. ²²Aci vəre tənu, a dəmu dlamekshi rama bai. Akshi da sanucidu ma, acu dlame na lawan i kun Wənduwa Səku. Se aci da jəb dlamekshi rama na aikwak, a dəmu rama na miya bai. ²³Sarrtu warra miya yiwan wana gəri kə lakwtu damungara tənu, se da kacingeri wenduwa geri²⁴Da ku yiwan təku, se amagəri Alisabatu da mi na madau, da deɓshi na aɗagara harr tərra vaɗ, da ramma, ²⁵"Sutku ne bee mi Məgənyi dlama nai, sarrtu mi launayu na kanjino, gaɗa da mi danai bik zhirau, da ri ndawa."²⁶Lakwtu Alisabatu a kun tərra ma-zədu na ma madau, se Kakasəku da wanyi maleika Jibrrilu i ɗa ɗagai i kun lardi Galili mi dləgun Nazarrat, ²⁷i ri dabaku ɗagai, mi dləgun Maryamu, warra Isubu kə auɗu dəgəm Dauda a ɗəgau i patla. ²⁸Maleikau da nai i ri gara, da ramma, "Nda ndəma kəm, kəm warra ka ba na herr tlaparr! Kakasəku a ɗagayi na kəm." ²⁹Amman ankal gara tlangara tlaparr i ɗa təlam gəru, se atu da dlam ajap, da ramma, zada ndema tawan kasau.³⁰Maleikau da ramitu ma, 'Ka kalwa bai Marryamu, gaɗa ka ba na herr da ri Səku. ³¹Aiki, ka ye bi madau, ka 'yawi mayim. Kaye ɗaura dləgun gəri 'Yeso.' ³²Aye dlaɓa marəm, ke, ndaye ɗaura gəri Wən Kakasəku Mulah/baci saksakta. Kakasəku Məgənyi a bardici gwajere garva auɗu Dauda.. ³³Aye dlama garva wənduwa/audu Yakubu harr dəmarro, garva gəri ke a dama bai."³⁴Se Maryamu da rami maleikau ma, "Bitku a wakata nana, bee galte na zẹga gəmsək bai?" ³⁵Se maleikau da ngumitu, da ramma, "Nẹnwa Sẹku aye fuwayi ɗa kəm, kərrmai Səku Mulah ke a cima na kəm. Gaɗa kasən, nən go aipu mi ndaye ɗi gu, nda ɗaurau Wen Kakaseku.³⁶Aiki, yagana kem Alisabatu cam na madau mayim i kun garugaragu. Sutku terra gara ke zedu, atu mi nda daura tu duguru. ³⁷Gada go-bee warra a bedamu i Kakaseku." ³⁸Se Marryamu da ramma, "To, so iyu gabayi gama ke Megenyi rro. Arr'yi da dlabanai kake mi ka ramu." Se maleikau daivi na atu.³⁹Se maryamu da tli kaɗe, i kun yiwangu, da yi ɗa ɗagai, mi a kun guguyayin Yahudiya, ⁴⁰təfi kunu wənduwa Zakarriya, da ndəmi Alisabatu. ⁴¹Lakwtu mi Alisabatu kəma ndəma Marryamu tənu, se matkam warra a kunu garagu da dlam katarr, ke nda niyi na Alisabatu na Nənwa Səku.⁴²Se atuu da tlatli wura gara na awayau da ram maya, "Mi barka ne kəm i kun amatin, matkam mi a kuna kəm ke baci barka. ⁴³Gaɗa gəmo wakatu na iyu kasau, harr mi məgənyi ga da nai i ri ga? ⁴⁴Aiki, lakwtu mi ndəma kəm təfi agu ga tənu, se matkam mi a kunuga katərri gaɗa pərrɗai. ⁴⁵Zam mi barka ne atu, mi barna jirrewa na bayangu, warra nda ramitu alkawarr gu da ri Məgənyi, ma nda niya du."⁴⁶Se Marryamu da ramma, "Arroga a saksakta Məgənyi, ⁴⁷nənwa ga ke a pərrɗai na Kakasəku baci ra ga,⁴⁸Gaɗa aci tanu na gabayi gəri gama. Aiki, i kəmangu, zaman tawanke mak, aye ɗaura ganai mi barka. ⁴⁹Gaɗa Kakasəku baci kərrmai dlamu danai bik ajap tlaparr, dləgun gəri ke go apu.⁵⁰Kanjənogəri dlaɓungara katanas harr dẹmarro, i ɗa zaman/kəlama tawanke mi a kalu gəri/a dlameci nakwana. ⁵¹ Aci tatku kərrmai ami gəri, da wayi na ndawa mi a rrakdlaɗa na kurrarram gəshakshi.⁵²Aci wurrtu na nda garva, da gwajerarin garvakshi, se da saksakci na ndawa warra bee wammbai. ⁵³Ndak maya ke aci da wayi na akshi na bəlalmin bayangu, amman nda bərrəɗ, aci rarka du ami gaɗau⁵⁴ Da banaci gabayi gəri Isrraila, gaɗa aci da tanyi da tatki mugurəm, ⁵⁵ (kakə mi aci rami afafkin ja) i Ibrrahim na kadugumamin gəri harr dəmaro."⁵⁶Marryamu da mbasi ri yaganagara Alisabatu harr damtu tərra kwan, da kugu da kacingara i wənduwa gara. ⁵⁷Yiwan mi Alisabatu aye ɗingara dengara tin se da'yawi mayim. ⁵⁸Makapətatin na yaganaucingara kəma ma Məgənyi tatku na mugurum geri tlaparr i Alisabatu, se akshi da jəb dlama pərdai atu.⁵⁹Gafa yiwan danda-fudu na di mayingu dengara tenu, akshi da nai i wuda mayingu, Askhi maku da mpici dlegun ma "Zakariya;" cubena afekgeri. ⁶⁰Amman miwu da ramma, "O,o. Ndaye daura geri Yahai." ⁶¹Se akshi da ramitu ma, "Go nen warra a kun yaganaucin kun mi nda daurau na dlegun teku."⁶²Se akshi da dlam rama i afku na amai, nda jaya ci dlegun warra aci anci nda dauri mayim gu na atu. ⁶³Afku da jayi bi tarran, da tarrnyi ma, "Dlegun geri Yahai." Akshi mak da jeb ajap i da biyu.⁶⁴Na tasena bai se Seku da repci na miya geri da fetki na marrnyu. Aci da banji rama a saksakta Kakaseku. ⁶⁵ Ndawa mi da mbasu a damtukshi mak, da kalwi nakshi Kakaseku warra dlam bitku i Zakariya. Labarr bayangu mak da vaikingare lardi guguyayin Yahudiya. ⁶⁶Ndawa mi kema mak, da mpi di geshakshi, da jeb ramau ma, "Zada marem genen tawan mayim teku aye dlaba?" Gada aikwak Megenyi a da geri.⁶⁷Nenwa Seku da niyi na afek geri Zakariya, da dlam anapci, maya, ⁶⁸"Sarkerta i Megenyi, Kakasəku Isrraila, gaɗa aci deu da dlam bana, ke damu na wana kə dləgda ndagəri,⁶⁹Aci waneu diwa baci ra, warra na kərrmai tlaparr kə ra, da wənduwa gabayi gəri Dauda, wato da kun auɗu Dauda zədai gəri, ⁷⁰kakə mi Kakasəku ramu, da miya nabaucingəri mi ga aipu tin zaman waci. ⁷¹Acaye ni diwa ra, da ri makuraucinwa na nda gaba na wa.⁷²Aca dlama kasau gaɗa da tatki kanjino i afafkinwa Ibrrahim, ke da tanyi ardiya gəri mi goaipu, ⁷³ yinɗa warra aci ramu i afəkwa Ibrahim, ⁷⁴ ta yinɗa bəza nawa, wa dlamici nakwana go-kalau, aku nda ra na wa da ami makuraucinwa, ⁷⁵wa dlaɓi go aipu i kun adalta i kema geri, i kun mbasawa mak,⁷⁶Auwo, mayim təku ke, ndaye ɗauraci nabi kə Kakasəku Mulah, gaɗa ka ye nute jampel Məgənyi, ka sapərraci ndiwa gaɗa ni gəri, ⁷⁷ka parrakci dəvu ra i ndiwa, da ri tupta aipapinshi.⁷⁸Sutku aye wakata ne gaɗa gawa kanjino Kakasəkwawa, gaɗa ɓidla da dəsku a ni, da bariwa bana da ri Səku, ⁷⁹da bari ɓidla i ndawa mi da mbasu i kun aiwakwina, na nənwa mutu. Aca ye dlama sau da tatkiwa dəvu salam."⁸⁰Mayingu da rawi da dlamingeri na awayau i kun Nenwa Seku, da mbasu a pata harr lakwtu mi aci bandu wazek i ndak Isrraila.

¹Ilakwtu ɗagai, se wagərrma da vəre da miya Kaisarr Agustus i ndak duniya, ma tike dayi ɗakshi nda tarrnyi dləgungəri. ²Sutku ne tarran dləgun kə səkurr mi nda dlamu, lakwtu mi Karrniliyus a gwamna Surriya. ³Se tike da banji nya i ri warra kakancin gəri vərau gaɗa nda tarrnyi dləgungəri.⁴Isubu ke da tli da Galili, ɗa marəm da Nazarrat, dayi marəm ɗa Dauda mi nda ɗaurau ma Baitalami, gaɗa aci kadugu da yal ke Dauda ⁵Aci ji riwu gaɗa nda tarrnyi dləgunshi na Marryamu warra aca ɗəge patla, atu na madu ajap a təka gara.⁶Akshi a riwu tənu, se lakwtu da ningara kə ɗi matkam gara, ⁷Atu da nyawi mayim, wato matkam gara kə səkurr, se atu da yaiɗi na aci na bakta gwadam kə gudaf, da sənyi na aci i kun daragai, gaɗa akshi ba səsu bai, i ri zədapakshu,⁸Na makwataucin ɗagai mi a pata larrdu, a ɗemi bərik fayinshi dəviɗ. ⁹Na tasəna bai, se so maleika Məgənyi da pakekshi, se mayabak Məgənyi ɓayan da vaiki na akshi, kalau da jəb na akshi tlaparr.¹⁰Se maleikau da ramikshi ma, "Kwa kalwa bai, gaɗa na deu dikun labarr herr, mi a ni na pərrɗai tlaparr i ndawa mak. ¹¹Gusku nda 'yawu dikun baci ra, i kun marȩm ɗa Dauda! Aci ne Masihu Məgənyi! ¹²Səku a tatka dikun gənawa təku, kwa tashi kulabi da yayiɗa a kun bakta gwadam, da səna i kun daragai¹³Na tasəna bai se so maleikaucin Səku gawa, da pakai na maleika kə səkurrgu, da jəb sakərrta Kakasəku maya, ¹⁴"Saksakta i Kakasəku i kun dəsku, i kun duniya ke salam da dlaɓa i wita ndawa mi Səku a kəmu karak mbasakshi.¹⁵Lakwtu mi maleikaucin gu ji nakshi da rikshi i dəsku tənu, se makwataucingu da rami gatukshi ma, "Wada gususku i ɗa Baitalami, waiki bitku mi wakatu, warra Kakasəku ramu diwau." ¹⁶Se akshi da yi kərrat da tashi Marryamu na Isubu, da launyi kulaɓu da səna a kun daragai fayin.¹⁷Akshi ika na aci tənu, se dayi dajəb bari labarr bee warra nda ramikshi i ɗa mayingu. ¹⁸Nda wa mi kəma mak, da jéb ajap i a bee mi makwataucingu ramikshi, ¹⁹Amman Maryamu da jəb kurrarram bqyangu mak warra atu kemau, a təka jajəmgu i gəshi gara. ²⁰Se makwataucingu da kacinakshi, a sakərrta Kakasəku, i ɗa bee akshi kəmau na bee akshi ikau, kalkal kakə mi nda ramikshi.²¹Yiwan dadan fuɗu na ɗi mayimgu dlamingara, nda wudi na aci, se nda mpi ci dləgun Yeso, dləgun warra maleika kapən nda dlam madau gəri²²Lakwtu mi akshi damuna viya aada, kakə warra dumaya musa tatku tənu, se Isubu na marryamu da ni na mayimgu i Wənduwa Səku i Urrushalima gaɗa nda nina aci kəma Məgənyi. ²³Kakə mi nda tarrnu i kun dumaya Məgənyi ma, "Matkam gemək səkurr tawanke nda daa na aci i kəma Məgənyi." ²⁴Se akshi da dlam sanam kakə mi dumaya Mənyi ramu, ma, " Tatarararin shirin ko tatabararin shirin."²⁵I lakwtu, na nən ɗagai a Urrushalima baci dləgun Siman, warrau baci dlama bee mi Səku a kumu karak gu, ke baci nakwana i dumaya Kakasəku. Acu jəktəngəri na ni gənən warra aye dlama dlawapi i Isrraila, Nənwa Səku ke a ɗa gayi na aci. ²⁶Nənwa Səku tatkə dici ma, aca mutu bai se aci ika Məgnyi Masihu.²⁷Gafo, se Nənwa Səku da ni na aci i Wənduwa Kakasəku. Lakwtu ke ma'yawawin Yeso deu na kulabi gəri, gada nda dlamici bee mi aada dumaya Kakasəku ramu. ²⁸Simangu daa maci, i ami gəri, da sakərrci Kakasəku da ramma, ²⁹"Gusəsku abzhi guzəɓ ci da yi bjgəri i kun salam, Məgənyi, kakə mi ka ramu."³²Gada daa ganai ika na ra ci, ³¹mi ka saperratu i ndiwa mak: ³⁰Mayim təku aye dlaɓa ɓidla i ndiwa mi zəga Səku bai, da dam sanuta parrak, da ni na saksakta i ndak Isrraila."³³Afək mayimgu na miyu da dlam ajap i ɗa bayangu mi Siman ramu i ɗa mayingu. ³⁴Se Simangu da pikshi barka, da rami Marryamu mi mayingu ma, "Aiki, mayim təku a dlabangəri sanadi vəgi, na ra i ndiwa gawa i Isrraila, ke a dlaɓa sakwtu warra ndiwa gawa a kuridu." ³⁵Aiwa gəshakem a dlaɓa fau, kabe nda dlapu gəshakəmgu na kasakarr."³⁶Nabi ɗagai gama, mi dləgun Hannatu a riwu. Atu wunya Fanuwal kə zadak Ashirru. Atuu gagarak, amman mbasu na məsək gara kə aaman gatkasa aku zəbakshi, ³⁷da dlam mbasu duguru kə aaman gumu dandafuɗu ayawo fuɗu aku mutu maəkgu. Ngalte atuu bəzu kun Wənduwa Səku bai, fatawanke a nakwana i Kakasəku, i kun aasham na magida, dəviɗ na afa. ³⁸I kalkal lakwtuu, se Hannatu da təfai i rikshi, da ɓanji sambarrkata Kakasəku, atu da dlam rama i game na mayimgu i tike mi a təka dərri baci ra Urrushalima.³⁹Lakwtu mi Isubu na Marryamu damu na tamke mi dumaya Məgənyi maku akshi da dlami tənu, se da kacinakshi i ɗakshi Nazarrat mi a larrdi Galili. ⁴⁰Myimgu da rawi da dlaɓən gəri na awayau, a səkuna i asəm, herr Kakasəku ke a ɗa gəri.⁴¹Aaman tawanke, ma'yawawin Yeso aye Urrushalima gaɗa ngəmurri Paska. ⁴²lakwtu, aaman gəri guma ayawo shirin tənu, akshi da yi wam, i lakwtu aada dlqmq paskau. ⁴³Aku akshi damu na yiwan dlama Paskau tənu, se akshi da jibe dəvi katayi wənduwa. Amman kane mayimgu rrəɗengəri akau i kun Urrushalima. Amman ma'yawawin gəru zəga bai. ⁴⁴Akshi a tumangu ma, aci a kun ndak rakan mi a ɗagayi na akshi, harr aku rakan nawa gayi. Se akshi da banji maka gəri, i kun yaganaucinshi na mangaucin.⁴⁷Akshi ika ci bai tənu, se da kaci Urrushalima da jəb maka gəri i riwu. ⁴⁶Se aku yiwan kwan, akshi daa baci, i kun Wənduwa Səku, da mbasu i wita malamcin, a kərrimtakshi, a təka dlamekshi jaya ke. ⁴⁵Ndiwa mi kərrimtaci mak da jəb ajap, i ɗa gawa zəgaya geri, na zada kalkal nguma warra aca a dlamau.⁴⁸Ma'yawawingeru ika ci tənu, se akshi da dlam ajap. Miwu da ramici ma, "Matkam! Ka dlamija kasau gaɗa gemo ? Ankal bəba na iyu tlangara, ja teka maaka ci" ⁴⁹Acu da wurikshi ma, "Kwa maka ga gada gəmo? Kwa zəga biko, dolle na dlabi wənduwa afəkga? ⁵⁰Aman akshi sanutu bee mi aca ramau bai.⁵¹Se Yeso da kacin gəri wənduwa na akshi i da Nazarrat, ke a dlamekshi nakwana. Se miwu da mpi na bayangu mak i gəshigara. ⁵²Amman Yeso da ci kəma na sukuna i aasəm, na daati, na mayaba i kəma Kakasəku na ndiwa.

¹I kun aman guma ayawo vaɗ kə garva Kaisarr Tibarriyus, lakwatuBintus Bilatus a gwamna yahudiya, Hirridus ke a dəgəm i Galili, yagana gəri Pilibus a garva i larrdi Iturriya na Tirrakonitis, Lisaniyas ke a garva i lardi Abiliya., ²zam i lakwtu mi Hanana na kayafa a marmamin pərrissaucin, rama Kakasəku da nai i ri Yahai wən Zakarriya, i kun fanfariya pata.³Se da vaiki Larrdadin aku gadərra Urrdun mak, a wazək baptismak tubi kə tupta aipu.⁴Kakə mi da tarna i kun kakkadi nabi Ishaya ma, "Wura ɗagai a ɗaura i kun fanfariya pata,ma, 'A sapərraci devu kə Məgənyi, a ɗalmi devu gəri tərr!⁵Guɗapiya tawanke nda niyadu, zəgawu na guguyak tawanke nda rəbgadu, gaɗəbadlak dəvu tawanke nda ɗəmadu tərr, mi gaɓshu ke nda ɗalmadu təlus. ⁶Nəngaiwa mak a lawan na dəvu ra Kakasəku i ndawa."⁷Se Yahai da rami algi ndawa mi a təka ni gaɗa aci da dlamikshi baptisma ma, "Kun kutli mbikɗaɗin! Gapɗƒu kun nin tai ma kwa rawi da dakənekənek warra Səku a wanayu?⁸Gaɗa kasən, a dlamina bee bəlan warra da tatki, ma kwa dlamna tubi da aipapin kun. Kwa dlama tumangu bai ma, ja kadugu Ibrrahim, ai Səku a təmata ja bai,' to na ramekun, Səku a dəmu na dlama kutlai i Ibrahim da kun guguyayin təku.⁹Ko gususku yaye nda mpa na gawa i ɗa aruu wakakin. Gaɗa kasən, waka tawanke mi a bari ɗi bəlalmin binin, nda karma du vərkədi kun aka."¹⁰Se algagin gu da jəb jaya gəri, a ramau ma, "To, tam ja dlamau? ¹¹Se Yahai gu da ngumi da ramikshi ma, "Nən na nzanai shirin nin, da bara gayi i nən mi na atu bai, nən mi na masana ke da dlama kasənu."¹²Nda gən arrajo ke da nai gaɗa nda dlamikshi baptisma, akshi ke da ramici ma, "Maləm, ja wam ja dlam gəmo? ¹³Aci da ramikshi ma, "Kwa gəna dagda bai, mi ɗẹkana warra nda ramikun kwa gənyi."¹⁴Askarrabaucin cam da jayi ma, "Ja wam askarrabaucin? Ja dlama gəmo?" Aci da ramikshi ma, "Kwa gəna dagda dolle da ri gənən wammbai! Kasən ke, kwa wuda ngadarr i nən gaɗa ko kwa bi dagwda bai."¹⁵Gaɗa ndawau, a kun tuman na dərri ni kə Masihu tənu, se nen tawanke a kurrarram i gəshi gəri i ɗak Yahai ko acine Masihu gu. ¹⁶Yahai nda ngumi, da ramikshi mak ma, "Iyu tənu, na dlame kun baptisma na aam, amman na dagai mi ani, warra deka na iyu, marrtapa ga ngum bata bai, ko fetka zayi soono geri. Aci aye dlamekun baptisma na Nenwa Seku ke na aka.¹⁷Fəna tlaryagəri a amigəri, a kasa na ri tlaryau bəlan, da cacpəna ayawa alkamau i gatligəri. Amman a baka na rafiwau na aka warra alambaram a mutu bai."¹⁸ Na gawa zada rama təku cam, Yahai dlam gabaɗ na wazək labarr herr i ndiwau,. ¹⁹Yahai zam dlam gabaɗ i Hiridus gwamna, gaɗa zəba Hirridiya; ama yaganagəri, na bi kəlaɗo gawa warra aci dlamu, ²⁰aci da dlam bi gaɓshu wam; da jəbi Yahai da ɗawi na aci i dəlo.²¹Nda ri tənu, lakwtu mi nda təka dlama baptisma i ndiwa tin, Yeso cam nda dlamici. Lakwtuu, Yeso a magita tənu, se dəsku da répci, ²²Nénwa Séku da fuwai i ɗagəri i kun gənawa tataru, se wura da vərai da dəsku, maya, "Ci wən ganai, warra Na ntugu, arroga parrak na aci."²³Lakwtu Yeso ɓandu wanagəri, aaman gəri gumu kwan. Aci wen (kakə mi nda a tumangu) Isubu, Isubu wen Hali, ²⁴Hali wen Matat, Matat wen Lawi, Lawi wen Malki, Malki wen Yanna, Yanna wen Isubu.²⁵Isubu wən Matatiya, Matatiya wən Amos, Amos wen Nahum, Nahum wən Hasli, Hasli wən Najaya, ²⁶Najaya wən Ma'ata, Ma'ata wən Matatiya, Matatiya wən Shimeya, Shimeya wən Yoseka, Yoseka wən Yoda.²⁷Yoda wən Yowanan, Yowanan wen Rresa, Rresa wən Zarrubabel, Zarrubabel wən Shiyaltiyel, Shiyaltiyel wən Nirri, ²⁸Nirri wən Malki, Malki wən Addi, Addi wen ²⁹Kosama, Kosama wən Almadama, Almadama wən Err, Err wən Yoshuwa, Yoshuwa Aliyazar, Aliyezar wən Yorrəm, Yorrəm wən Matat, Matat wən Lawi.³⁰Lawi wən Siman. Siman wən Yahuda, Yahuda wən Isubu, Isubu wənYonam, ³¹Yonam wən Eliyakim, Eliyakim wən Meleya, Meleya wən Menna, Menna wən Mattata, Mattata wən Natan, Natan wən Dauda, ³²Dauda wən Yesse, Yesse wən Obed, Obed wən Bowaz, Bowaz wən Salmon, Salmon wən Nashon.³³Nashon wən Amminadab, Amminadab wən Arram, Arram wən Hezrron, Hezrron wən Perrez, Perrez wən Yahuda, ³⁴Yahuda wən Yakubu, Yakubu wən Ishaku, Ishaku wən Ibrrahim, Ibrrahim wən Terra, Terra wən Nahorr, ³⁵Nahorr wən Serrug, Serrug wən Rreyu, Rreyu wən Peleg, Peleg wən Eberr, Eberr wən Shela.³⁶Shela wən Kenan, Kenan wən Arrfakshada, Arrfakshada wən Shem, Shem wən Nuhu, Nuhu wən Lameck, ³⁷Lamek wən Metusela, Metusela wən Annuhu, Annuhu wən Yarred, Yarred wən Mahalalel, Mahalalel wən Kenan, ³⁸Kenan wən Enosh, Enosh wən Set, Set wən Adamu, Adamu wən Kakasəku.

¹Se Yeso, ganiyak na nənwa Səku kateu da gadərak Urrdun, se Nənwa Səku dayi na aci kun fanfariya pata, ²i ri warra ləspərr jarraptaci kə yuwan gumu fuɗu, I lakwatu aci ta beaa bai, se maya da jeb na aci i kun daama yuwangu³Ləspərr da ramici ma, "Ci wən Səku nin, a ɗayi guguyak təku ba da məscingara i burrodi." ⁴Se Yeso da wurici ma "Da tarrna, 'Nən a dlaɓu se na burrodu rrugara bai.'"⁵Se ləspərr da yi na aci i dəsku jigam ɗagai pəɗəm, da tatkici garvavin duniya mak i kun lakwtu rrap. ⁶Ləspərrgu da ramici ma, ""Naa bardici kərrmaigu na mayaba na ləmangu gwiɗ, gaɗa cak-cakshi nda bardanai, iyu ke na dəmu du na bardi nəntawanke mi nancu. ⁷To, ka gutka naci ka dlama nakwana nin, gwiɗ a dlaɓa nakshi kəci."⁸Amman Yeso da ngumi da ramici ma, "Da tarrna, 'Ka dlama nakwana se Məgənyi Kakasəku rrugəri, ke ka dlama guzapəna i aci rrugəri.'"⁹Se ləsperrgu da yi na Yesogu i Urrushalima, da rri'yi na aci iri mi rəmadi pəɗəm, i dəsku ləma Wənduwa Kakasəku, da ramici ma, "CI Wən Səku nin, a katərri da sau ka vəgi ɗa, ¹⁰gaɗa da tarrna ma, 'Aci a ɗawa na maleikaucingəri gaɗaci da cərəptici,' ¹¹ke, 'Akshi a sukta naci dəsku i amikshi, gaɗa kakkəmazəgərci bai i guguyak.'"¹²Yeso da ngumici, "Da tarrna, 'Ka ɗawa Məgənyi Kakasəkwaci i jarrabta bai.'" ¹³Ləspərr damu na jarrapta Yeso tənu, se da yingəri daivi na aci lakwtu dama.¹⁴Se Yeso da kalakcingəri Galili i kun kərrmi Nənwa Səku, labarrgəri da vaikəngara i rawanke i kun larrdu. ¹⁵Acu ke da jəb gugza i kun ləmamin ri cacpa yahudaucin, ndiwa mak da sakərrta ci.¹⁶Aci da nai i Nazarrat, ɗa warra nda tliɗaci, ke kakə mi aci kawau gafa putu yahudaucin tawanke.Se da təfi kun ləma ri caapau gafa putugu, kakə mi dlamungara aada, aci da tli darr'yi gaɗa da dlam kərratu. ¹⁷Se nda ɗivareci kakkadi nabi Ishaya. Aci da pərrci kakkadu da bi riwarra nda tarrnu ma,¹⁸"Nənwa Məgənyi a ɗaganai, gaɗa aci baranai kərrmai na bari labarr herr i ndak tluwa. Aci wane iyu na dlam kagala bi-aɗa ndiwa mi a dəlo, na rəpci daa dluguyayin, na ta'yi ndiwa warra a guzapəna, ¹⁹zam na dlam kagala kə zadayi aaman warra Məgənyi aye tatka kunu gayi geri."²⁰Se Yeso da yaiɗi na kakkadu, da bardi baci mpiwu da mbashingəri. Nda kun ləma ri cacpa yahudaucingu mak da pədici daa i ɗagəri. ²¹Se aci da ɓanji dlamekshi rama ma, "Gusku, rama kakkadi Səku təku, wakatəngara da miya ga, na kərrəmtakun." ²²Tike i riwu da dlaɓəngəri saida bee warra aci ramu, se makshi damagarrci aci, a japta zada rama herr warra vərayi da miya gəri. Akshi da jəb jayau ma, "Sutku wən Isubu, ko kasən bai?"²³Aci da ramikshi ma, "Katanas, kwa rama da gamzazəgai təku; 'Lakita, a ngaci aɗaci. Bee mak warra ja kəmau ma ka dlamu i Kaparrnahum, a dlam kasən cam i ɗakun ba. ²⁴"Se da ramikshi wam ma, "Katanas na ramekun, galte go-nabi mi nda gənyi gəri, i kun ɗa warra aci tlau.²⁵Amman jirre na ramekun, na gudugwamcin gawa i kun larrdi Isrraila i zaman nabi Iliya, lakwtu mi go-aam harr kə aman kwan na tərra zedu, gaɓshu maya da vəgai i rawanke tənu, ²⁶Amman nda wana nabi Iliya i ɗa ko gayi da kunakshi bai, amman se i Zarrafat kə Larrdi Sidom rrugara, iri gudugum warra da mbasu a riwu. ²⁷Zam na agurrdadumamin gawa i kun Isrraila, i zaman nabi Ilisha, amman ko gayi nda ngatu bai, se Na'aman, nən Sirriya rrugəri."²⁸Ndawa mi a kun ləma ri cacpa yahudaucin gu kəma bayangu tənu, se makshi da shitənyi nakshi. ²⁹Akshi da tli , da ji na Yeso i dolle da ɗagu, da yi na aci ɗa miya zəgau warra nda ləmu ɗagu, da maki jəmbula gəri gorrorro. ³⁰Amman da rakənyingəri da witakshi, da yingəri ri dama.³¹Se da yingəri Kaparrnahum, marəm ɗa ɗagai i lardi Galili, da ɓanji gugzekshi i gafa putu yahudaucin. ³²Akshi da jəb ajap i ɗa gugza gəru, gaɗa aca ramau na kərrmai.³³I kun ləma ri cacpa yahudaucingu, na nən ɗagai warra na zəwak ləspərr a ravangəri, se da dlam kurwa na wura marəm ma, ³⁴"Kai! Lambe jan tam na ci, Yeso kə Nazarrat? Kade kambetaja bi? Na zəga na ci--nən Səku mi go-aipu!"³⁵Yeso da gərrnyi ɗa zəwakgu, a ramau ma, "A cim miyaci ka vərai naci da kunugəri!" Ləspərrgu karɓuna warrau i gadava ndawa tənu, se da vərai da kunu warrau, ke kimeci təta bai ko rrap. ³⁶Ndau mak a japtau tlaparr, da jəb rama i ɗau i gatukshi. Aramau ma, "Zada təlalmin tawan kasau? Aci da ɗawi gaɓshu zuwawingu na kərrmai na awayau da vərai nakshi." ³⁷Se labarrgəri da vaikəngara i rawanke, na bakakin larrdu'³⁸Se Yeso daive na kun ləma ri cacpa yahudaucingu da təfingəri kun wənduwa Simon. i lakwtu, saurak Simon gama a sa bone da fəra guvu, akshi da wili Yeso da ngacatu. ³⁹Se aci darr'yi, da gutki i ɗagara, da ɗawi guvu da ta'yi na atu. Na sukwakuya bai se atu da tli, da ɓanji dlamekshi guzapəna.⁴⁰Gərre vəgi afa tənu, se ndawa da jəb ni na tike mi a dagas na zada fəra dama-dama gawa i Yeso. Aci da mpi amigəri i ɗa tawanke, da ngaji na akshi. ⁴¹Gaɓshu zuwawin ke da vəre da təka ndawa gawa, a ɗanau a ramau ma, "Ci ne Wən Kakasəku!" Yeso da jəb gərrne ɗa gaɓshu zuwawingu da dapci na akshi dlama rama, gaɗa akshu zəgadu ma aci ne Masihu.⁴²Da tlanungəra tənu, aci da vəri da yinngəri i ri mi go-nen, Ndawa gawa da jeb maka gəri, se da zadai iri mi aca kunu. Akshi da raimici da marci da bəza ɗakshuu bai. ⁴³Amman se aci da ramikshi ma, "Dolle cam na dlam wazək labarr herr game na garva Səku i ɗa marəmamin jəgap ke, gaɗa sau ne dalil mi Səku wane iyu i ritku." ⁴⁴Se aci da ci kəma a wazək i kun ləmamin ri cacpa yahudaucin i rawanke i lardi Yahudiya.

¹Gafo ɗagai Yeso darr'yi a baka anku Janisarret, na ndawa gawa a damtugərri a kərrəmta təlam Səku. ²Se daiki sawu aam shirin da mpayi i baka ankuu. Ndak jəba vənakau gu bəzu na kunu, a təka viya rariyakshi kə jəba vənakaugu. ³Yeso da təfi kun sawu aamgu gayi, warra kə Simon, da ɗawaci da dabi sawu amgu rrap i nye kun amgu. Se yeso da mbashi kunu da dlam gugza i ndawa warra a miya aamgu.⁴Aci damu na rama tənu, se da rami SImon ma, "A dabi sawu aamcu, i kun am pəɗəm ka ta'yi rariyaya ci i jəba vənakau." ⁵Simon da ngumi da ramma, "Məgənyi, ja wunu perr ja wanau, ja jəb bee bai, amman ka ramu tənu, na ta'yi rariyagagu." ⁶Akshi taɗu rariyau tənu, se da caapai vənakau gawa, harr rariyau da ɓanji tləmpiya. ⁷Se akshi da ɗaurai kamancawaɗshi mi a kun sawu aam dama da nai i latakshi. Akshi da nai da niyi na sawu ammgu mak na vənakakin, harr akshi da ɓanji na 'yamu.⁸Simon Bitrus ika biwu tənu, se da pi kufugəri i kəma Yeso, da ramma, "Abzhayu Məgənyi, gaɗa iyu nən baci apu." ⁹Aci da dlam ajap, har na ndawa warra a ɗagayi na aci mak, gaɗa gawa vənakau warra akshi ngwau. ¹⁰Simon g, na kamancawaɗ gəri; Yakubu na Yahai mamu Zabadi. Se Yeso da rami Simon ma, "Ka kalwa bai, gaɗa da gususku kaye jəba nina ndiwa. ¹¹Akshi dabe na suwawin aamshu i baka anku tənu, se daivi na tamke da ɗəgi na Yeso.¹²Lakwtu mi Yeso a kunu gayi da kun marəmamin ɗa tin, na nən baci agurrdadəmak tlaparr a riwu. Acu ika Yeso tənu, se da gutki na jampel gəri i gagai, da ramma, "Məgənyi, ka arrdatu naci nin, ka dəmu du ka cəlti na iyu." ¹³Se Yeso da ɗəvari amigəri da ləntaci, da ramma, "Na ardatinganai, A cəlti naci." Na sukwakuya bai se argurrdadəmak gu da celtingara.¹⁴Se da gabɗaci ma, da rama bai i nən, amman da ramici ma, "Aji bi ci, ka tatki aɗaci i pərris ka dlam sanam kə cəlta ci, kakə mi nabi musa ɗawu, gaɗa shaida i akshi."¹⁵Amman labarr i ɗagəri vaikəngara pəɗən, harr algi gawa da cacpai i kərrəmta gugzagəri, na da bi ngata da fərarinsh. ¹⁶Amman fatawanke a ɓəra aɗagəri i ri warra go-nən da dlam magita.¹⁷Gafo ɗagai Yeso a gugza tənu, na parrisaucin na malamcin dumaya, warra deu da ɗa pata dama-dama kə larrdadin Galili na Yahudiya,na ɗa Urrushalima cam da mbasu i riwu. Kərrmai Məgənyi a ɗagəri i dlama ngata.¹⁸Se ndawa ɗagai da nai a kakəra baci ranu ɗagai i ɗa buci, da jəb maka dəvu warra akshi a təfayi na aci , da mpaci kəma Yeso. ¹⁹Amman akshi ba dəvu bai gaɗa gawa ndiwa tin, se akshi da gayi dəsku səsu warra Yeso a kunugu, da zəkci aɗau, da taɗe warrau i ɗa buci gəru da gadava ndawa i kəma Yeso.²⁰Yeso ika imanshi tənu, se da ramma, "Warra, nda tuptudici aipapinci." ²¹Parrisaucingu na malamcin dumayau da jəb jayau, da ramma, "Sutku gu tai, a tatka muwa i Səku? A tupta aipapin nin tai banda Kakasəku rrugəri?²²mman Yeso sanutu na bee akshi a kurrarram i ɗau tin, se da jayakshi ma, "Gaɗa gəmo kwa jaya i aɗak sau, i gəsha kun? ²³"Tawan ɗəka di 'yale nda rami, 'nda tuptu dici aipapin ci,' ko nda ramma, 'Atlu ka dlam rakan?' ²⁴Amman gaɗa kwaa zəgi ma WəngəNən na kərrmai i duniya, da tupti aipapinn! Na rameci, 'Atlu, ami bucaci kayi naci wənduwaci."²⁵Se da tli kərrat i kəmakshi, da mi buci mi aci da səna a ɗau. Da kalakcingəri wənduwa a sakərrta Kakasəku. ²⁶Tike a japtau, se akshi da saksakci Səku. Kalau da da niyi na akshi, da ramma, "Jaika na magəraf bayangu gusku."²⁷Daku wakata bayangu, Yeso da vərəngəri da sənu, se daiki baci gən arrajo ɗagai baci dlugun Lawi, dammbasu i ri gən arajo gəru. Yeso da rami ci ma, "A ɗəgen iyu" ²⁸Se Lawi da tli da ɗigi na aci, daivi na bee tawanke i akau.²⁹Se Lawi da dlam marəm ngəmuri i wənduwageri i Yeso.Ndak gən arajo gawa na ndau jəgab danai a ta masana na akshi. ³⁰Amman parisaucin na malamcin dumaya da jəb ngurrngurr i pukurraucin, a ramau ma, "Gaɗa gəmo kwa tau na sau na nda gən arajo na ndak aipu?" ³¹Yeso da ramikshi ma, "Ndawa warra a kun kəlappiya nin, lambekshi bai na lakita, se ndawa mi ngabai rrukkshi ne a maradu. ³²Na deu gaɗa daura ndak adalta i tubi bai, amman i ɗaura ndak aipapin da tubaci."³⁵Malamcin dumayau da rami yeso ma, "Pukurraucin Yahai fatawanke a asham na magita, pukurraucin parisaucin ke a dlamau. Amman pukurraucinci a teka ta na sa." ³³Yeso da ramikshi ma, "ɗagai a dəmu na ɗawa magərafcin ango bi da dlam asham, lakwtu mi ango gu a ɗagayi na akshi? ³⁴Amman lakwtu aye ni, warra ndaye ma na angogu da rikshi, i lkwtu ne aksha dlama na asham."³⁶Se Yeso da dlamikshi rama i kun gagənawa wam ma, "Go-nən a tlimpiya bakta da təka karara zanai da ɗanki cima miya tlimpiya kə gmana zanai. Warrau dlamu kasən nin, aca tlimpiya na karara zanai gu, ke bakta kara zanaigu, adlam bəlan na gamanazanai gu bai.³⁷Zam, go-nən mi pi karara am inabi i kun gamana janjamiya, warrau dlam kaṣən nin, karara am inabi gu a zəbayingara da zəkci na janjamiyau, am inabu a jəba yayu, jajanjamiyau da tlimpayayin gara. ³⁸Amman dlamingara dolle nda pi karara am inabi i kun karara janjamiya. ³⁹Ke go-nən warra a ntu karara am inabi, daku sa gamanau, gaɗa ramau ma, "Gamanau rema na kararau."

¹Gafa putu yahudaucin ɗagai, Yeso a nuta da kun kaamin alkama, pukurraucingəri da jəb kətli aɗa jəgab a mərrmusau na aikwakshi, a kəɗa ayawau. ²Se parrisaucin jəgab mi a riwu da ramma, "Gaɗa gəmo kwa dlama bee warra dumaya dabtu dlamau gafa putu?"³Yeso da ngumikshi ma, "Ngalee kwa kərratu bee Dauda dlamu bai, lakwtu mi aca kəmu maya, aci na ndawa mi a ɗagayi na aci a lakwtu? ⁴Aci təfi kwakunu wənduwa, da ngwi burrodi kəma kakasəku da ci jəgab da kunu, cam da bari jəgab i ndawa mi a ɗagayi na aci ke da ci, yaye perrissaucin rrukshi ne dumaya tatku ma a tau." ⁵Se Yeso da ramikshi wam ma, "Wən gəNən rro aci Məgənyi Gafa putu."⁶Gafa putu ɗagai wam, Yeso təfi kun ləma ri cacpa yahudaucin, da dlam gugza i rewu, Nən ɗagai ke a riwu warra ami gəri kə mata garanak, ⁷Se malamcin na parrisaucin da jəb pi ci da, daiki ko Yeso a dlama ngata gafa putu gu, gaɗa akshi daiki da bi dalil dlame ci zankam. ⁸Amman Yeso zəga na be mi aksha kurrarram gu i gəshakshi tənu, se da rami baci ami garanakgu ma, "Atlu, karri'yi kəma tike." Se warrau da tli darri'yi riwu.⁹Yeso da ramikshi ma, '"Na jaya kun, kalkal bi i dumaya nda tlam bee bəlan ko bee gaɓshu, nda ri arro ko nda təkdu.? ¹⁰Se Yeso da launyaksi mak da rami warrau ma, "A sukten amici." Aci da sukci, se ami gəru da ngacingara. ¹¹Amman gəshskshi da dlimacin gara, da dlam rama i gatukshi i ɗak bee mi aksha dlamau.¹²Gafo ɗagai Yesovəru da gayi ɗa guguya i dlama magita. Se da wunyi perr a dlamau i Kakasəku. ¹³Datlanu tənu da ɗaure pukuraucingəri i rigəri, se da cik'yi guma ayawo shirin da kunakshi, warra aci ɗaurakshi cam ma muwanaucin.¹⁴Dlugwagwin muwanaucingu ma:Simon (mi aci mpeci dlugun Bitrrus) na yaganagəri Andrrawus, na Yahai,na Pilibus, na Bbatalomi, ¹⁵na Matta, na Toma, na Yakubu wən Alfa, Simon mi nda ɗaurau Zilot, ¹⁶na Yahuda wənYakubu, na Yahuda Isariyoti, warra katangəri baci ta-aamaan.¹⁷Se Yeso da fuwai da ɗa guguyakgu na akshi, darr'yi aɗa patata warra go-jigam. na marəm Pukurraucin gəri gawa a riwu, na ndawa tlaparr da larrdi Yhudiya, na ɗa Urrushalima, na da larrd baka anku Taya na Sidom. ¹⁸Akshi deu gaɗa da kərrəmci Yeso, na da bi ngata da fərarinshi. Ndawa warra tẹka bədərr na gaɓshu zuwawin cam bama ngata. ¹⁹Nən twanke da kun algu jəb maka lənta gəri, gaɗa kərrmai a vərayi da təkagəri da ndatakshi mak.²⁰Se Yeso daiki pukurraucingəru, da ramma, "Barrka i kun, mi tluwa, gaɗa kwa bi na rai garva Səku. ²¹Barrka i kun, mi na maya gususku, gaɗa ndaye wayu nakun. Barrka i kun, warra kwa aɗan gusku, kwaye dlama gamas na pərrɗai.²²Barka i kun , sarrtu mi ndawa a kurakun ke a nguftakun, a nanga kun, gaɗa wəngeNən. ²³A dlamina pərrɗagai na kuno gafa kasən wakatikun nin, gaɗa katanas kwa bina marəm tumanja i dəsku, gaaɗa kasənke kakanci-kakacinshi dlamu i nabaucin.²⁴Amman wadarrekun, ndak ləman gusku, gaɗa kwa gənna bəmtakun sərram. ²⁵Wadarre kun, kunmi gawayak, gaɗa kwaye kəmu maya kəma. wadarrekun nda gamas gusku, gaɗa kwaye dlama aɗan na saurai.²⁶Wadarekun, lakwtu mi, sartu mi ndawa mak a gedliɓ kun, gaɗa kasənke kakanci-kakancinshi gedliɓu nabaucin papiya.²⁷Amman na ramekun, nda kərrəmtaga, a ntuta makurakun, ke kwa dlam bee bəlan i nda nguptakun. ²⁸A barkata nangakun, a dlam magita gaɗa nda ravan/bazarrta kun.²⁹Nən maskalatu ci da palla gayi nin, a məstici palla gayi wam, nən gəndici marəm kacum ci nin, da mana gangamgu cam. ³⁰A barina i tike mi jayi kun bee nin.Nən mau na bee warra kəkun nin, kwa jayaci bai da kate dikun.³¹Tamke mi kancu ndawa da lamkun, ci ke a dlamikshi kasənu. ³²Ka ntutu ndawa warra antutaci rukshi nin, Zada akəri Sekuu tawan kaye biwu? Ai ndak aipu cam a ntuta ndak ntukshi. ³³Kwa dlama herr i ndawa warra a tatke kun herr rrukshi nin, zadak atəri tawan kwa biwu? Ko ndak apapin ngum a dlama kasən. ³⁴Kwa bari basa, se i ndawa warra kwa lawangu a dəmuna ngumugu rrukshi nin, kwa dlama tuman atəri da ri Kakasəku bai, gaɗa ko nda apapin ngum a bari basa indak apapin i kun tuman ngənyi ngumu be akshi baru kalkal.³⁵Amman a ntutina makurarin kun, kwa dlamikshi bik herr. A barina basa na tuman ngumugu bai, atəri aye dlaɓa tlapar da ri Səku, ke kwa dlaɓa nakun kutli Kakasəku Mulah. Gaɗa aci na aɗagəri ngum na mugurəm i ndawa mi go-sambarrka na kəlaɗoɗin. ³⁶A dlaɓina na kanjəno, kalkal kakə mi Afək kun ke baci kanjəno.³⁷Kwa mpa bike i nən bai, kun ke nda mpi kun bai. Kwah agata, kun ke nda hagata kun bai. A təpta, kun ke Səku a təpta dikun.³⁸A dlamina bari, kun ke Səku a bari kun gawa. Nda pi kun zada kə baci ngalta, ganiyak da takɗa, da rəɓ harr a payi i ɗa gəma, kasən ke Səku a bari kun. Atəro, na bi ngalta warra kwa dlam wana na atu, na atu ne ndaye ngaltekun."³⁹Se da dlamikshi rama i kun gagənawa wam ma, "Dləguyu a dəmuna 'yiwa dlguyu bi? Aci dlamu nin, mak shi a vəgi i kun vək bi ko? ⁴⁰Ai pukurra a rəmu maləmgəri bai, amman tike warra bana gugza tlaparr nin, a dlamangəri ka maləmgəru.⁴¹Gaɗa gəmo ka pi daa i lawan gangam ngapcetl kə daa yagana ci, amman ka ankaltu na təmtem warra a kun daaci tin bai? ⁴²Ka ramau nana i yaganaci ma, 'Yagana, arr'yi naaji dici ngapcetl daaci,' amman ci na aɗaci ngum kaika təmtəm warra a kun daaci tin bai? Ci mənafək! Səkurr aaji na təmtəm warra a kun daaci tənu, damba ka dəmi lawan parrak gaɗa ka dəmi kaji ngapcetl mi a daa yaganacigu.⁴³Atərro go-waka bəlan warra ɗi gabshu, go-waka gabshu ke mi a bari ɗi bəlan. ⁴⁴Gaɗa ka zəgiina waka tawanke da ri ɗigara. Atərro, ngalte nda bi ɗi ayawu bai, da waka akɗa, ko ɗi inabi da waka tlatlirraɗak.⁴⁵Kasən ke, nən bəlan a dlam bee bəlan da kun bee warra bəlan mi a gəshi gəri, mənafək gənən ke a dlama bee gaɓshu da kun gadlai gabshu mi a kun gəshigəri. Ai da kun bee warra da cacpa i kun geshi ne miya gənən a ngwau da rami.⁴⁶Gaɗa gəmo kwa ɗaura ga ma, 'Məgənyi, Megenyi,' dək na kasən kwa dlama nakwana i bee mi na ramekun bai? ⁴⁷Nən tawanke, warra ani i riga, a kərrəmta təlalminga, ke a dlamawu nakwana nin, ⁴⁸dlaməngəri kakə nən mi a ləma wənduwa, se da dlam zəda gazbərr i dəɗa, harr aɗa guguyak, da dlam ləmagəru i aɗau. Lakwtu ganjau deu na awayau tənu, ka a raɓa na wənduwau, amman dəma bai, balle da rəbgi, gaɗa warrau ləmudu na awayau.⁴⁹Amman nən warra a kərrəmta ramaganai, amman a dlamawu nakwana bai nin, dlaməngəri kakə nən warra a ləma wənduwa gəri, amma bədlu vəg kə mpi vəkshi ləmau bai, se da mpi dəsku gagai. lakwtu ganjau deu na awayau i təka wənduwau tənu, na səkwakuya bai wəmduwau da dagamungara, da rəbgingara cakcak.

¹Aku Yeso damuna rama tamke i ndawa mi a kərrəmta tənu, se da kacingəri kaparrnahum.²I ɗagu na marəm askarrabu ɗgai mi na guzəɓ warra aci a ntutugu tlaparr. ³Guzəɓgu nga bai harr a miya mutu. Marəm askarrabu kəma labarr Yeso tənu, se da wanyi gazgaraucin yahudaucin i rigəri, da jayaci da nai da ngaci gabayi gəru. ⁴Akshi zade ri Yeso tənu, se akshi da jayaci wilaci da ramma, "Ai marəm askarrabu batadu ka dabi banaci, ⁵gaɗa acu baci ntu larrdawa, harr ləmiija ri cacpa yahudaucin."⁶Se Yeso rakənyi na akshi i ɗagayi. Aci dengəri damtu wənduwau tənu, marəm askarrabu da wanyi mangaucingəri da ramici ma, "Məgənyi, ka ravəna aɗaci bai, gaɗa na bata bai ka təfai i wenduwa ganai. ⁷Gaɗa kasən, na batawəmbai harr na nai i rici, amman a dlam rama jaɓ, gabayi gagu a ngatangəri. ⁸Gaɗa iyu ke na ɗagai a dəskuga warra dolle na dlamici nakwana, ke na askarrabaucin a deɗaga. Na rami nənangu ma, 'Ajin,' se da yi, i dama ma, 'Ayan nin' se da nai, i gabayiga ke ma, 'Adlam kasau nin,' se da dlami."⁹Yeso kəma kasau tənu, se da japci warrau, se da məstai da məsci i ri algi warra a ɗəga gəru, da ramma, "Na ramekun, ko i kun Isrraila, ngalte naika zada iman kasau bai." ¹⁰Lakwtu ndawa warra marəm askarrabu wanugu kalakteu i wənduwa tenu, se da tase gabayigu ngatungəri.¹¹Dakuk sen, na sekwakuya bai, se Yeso da yi ɗa ɗagai mi nda ɗaurau ma Nayin, pukurraucingəri na algi gawa a rakan i ɗagayi na aci. ¹²Aci zade damtu miya mavgi ɗagu tenu, se so nda meu guvu warrau ɗagai, mi acu gaitakgeri wən guduguM ɗagai, na ndawa gawa ke da kun ɗagu a ɗagayi na atu. ¹³Məgənyi ikatu tənu, se gəshi gəri da niyingara na kanjəno gara, se da ramitu ma, "Ka ɗana bai." ¹⁴Se aci da yi da lenci maɗanba ma guvugu, se nda kakar guvu darr'yi nakshi. Yeso da ramma, "Mpəndi, na ramici, atlu." ¹⁵Se guvu da tli da ɓanji rama, se Yeso da bari na aci miwu.¹⁶Se kalau da jəb na ndau mak, akshi da jəb sakərrta Kakasəku, a ramau ma, "Nda tlatla na marəm nabi i wita wa," ke "Kakaseku shalu na ndagəri." ¹⁷Ndiwa da jəb bari labarr bee mi Yeso dlamu təku i rawanke i larrdi Yahudiya na baka gara mak.¹⁸Pukurraucin Yahai baci baptisma da ramici labarr bayangu mak. ¹⁹Se Yahaigu da ɗauri pukurraucingəri shirin da wanyakshi i ri Məgenyi Yeso da ramici ma. "Ci ne nən warra aye ni tənu, ko ja launyi ɗagi dama? ²⁰Ndau da yi ri Yeso da ramma, "Yahai baci baptisma wane ja, ja jayi ci ko ci ne warra mi aye ni, ko ja maki agai dama?"²¹I kun lakwtu, Yeso ngatu ndawa gawa da dagas na fərarin na gaɓshu zuwawin, dluguyayi gawa cam ba lawan na dakshi. ²²Se Yeso da ngumi da ramikshi ma, "Kwa zada nakun nin, a rama i Yahai bee warra kwaikau na warra kwa kəmau, Dluguyayin a təka bi lawan, ɗukdadin ke a rakan, agurrdadimamin a təka bi cəlta, dakuyayin ke a təka kəmu rama, ndawa mi mutu ke a təka tlayi na arro, nda wazək labarr herr ke i ndak tluwa. ²³Barka i nən warra bəzu dlama nai iman bai gaɗa wana warra na dlamau."²⁴Aku ndawa warra Yahai wanau gu jinakshi tənu, se Yeso da ɓanji rama i algagin gu iɗa Yahai ma, "Tam kwa ji lanau i kun fanfariya pata? Azəm, warra zuwak a rəɓgu? ²⁵Amman kwa ju gaɗa lawan gəmo? Nən baci ta'yi kacum bəlan sarral? Aiki, ndawa mi a ta'yi bəlan kacum, warra a kunbəmtu ke, rro a ngwapate dgamcin. ²⁶To kwa ji lawan gəmo? Nabi? Auwo, na ramekun, ɗəka na nabi.²⁷Yahai aci ne mi nabaucin dlam tarran i ɗagəri tin kaɗe ma, "Aikina, naye wanyi sakwtuga i kəma ci, warra a sapərrateci dəvu i kəmaci. ²⁸Jirre na ramekun, i kun ndawa mi 'yawakshin amatin mak, go-nən warra ɗəka Yahai baci baptisma. Dək na kasən, aci warra gambotak i garva Seku ɗəka na aci.²⁹Sarrtu ndawa warra yahai dlamikshi batisma mak , harr na ndak gən arrajo cam, kəma kasən tənu ,se da ramma, lalle Səku baci adalta. ³⁰Amman parrisaucin na malamcin dumaya kurna dlama bee warra Kakasəku ancakshi da dlami, gaɗa akshi kurna baptismak Yahai.³¹"To na tam na kaktla ndak zaman tuku na atu? Akshi dlam gənawa na tam? ³²Akshi a gənawa na mamau mi a kawa a miya aṣək, warra a rama na gatukshi a ramau ma, 'Ja fiyi kun shila , kwa dlam səwari bai. Ja dlam aɗan mutu, amman kwa ɗanu na ja bai.'³³To yahai baci baptisma deu ata burodi bai, a sa aam inabi bai, kwa ramau ma, 'Acu na zuwkak.' ³⁴Wəngənən deu a tau na sau, se kwa jəb ramau ma, 'Aiki, acu baci mbamba na kuyo, manga ndak gən arrajo na ndak aipapin.' ³⁵Amman asəm Səku tatkəna aɗagara kalkal da ri kutligara.³⁶Gafo ɗagai nən parrise ɗagai da ɗaure Yeso i wənduwagəri da ci masana na aci. Yeso təfu tənu, se da mbashi ri ta masanau. ³⁷Na ama ɗagai mi aipu tlaparr i kun ɗagu. Amau kəma ma Yeso a ri ta masana i kun wənduwa nən parrisegu tənu, se da nai na kwalɓa atərrshan mi na dagwda tlaparr. ³⁸Atu rriɗi aku gəri i gəre zəgər gəri a ɗanau tənu, se da ɓanji rridla zəgər gəri na sauraigara, a saspau na yaɗ aɗagara, da mpi miyagara i aɗa zəgəru, da jəb zuwa atərrshangu i zəgərgu.³⁹Nən parrise warra ɗaure Yesogu ika kasau tənu, se da rami gəṣḥɩgəri ma, "Nənangu nabi nən, daa a zəgi na tai na zada amau tawan a ləntagəri gu; mi aipu." ⁴⁰Se Yeso da ngumici ma, "Simon , iyu na bee na rameci." Aci da ramma, "A rami, maləm!"⁴¹Se Yeso da ramma, "Na nən shirin warra ma basa da ri ləman ɗagai. Warrau gayi ma dinarr danamak vaɗ, gayi ma dinarr gumu vaɗ. ⁴²Akshi dəma ngumu gu bai tənu, se warrau da tupti dikshi mak. I kunakshi, tai a rəmudii tatka ntau i baci ləmangu? ⁴³Simon da ngumici da ramma, "I tuman ganai, nən mi da tuptici gawau." Yeso da ramici ma, "Ka ramdu kalkal."⁴⁴Yeso da launyi amau, da rami Simon ma, "Kaika amangu, na təfe kunu wənduwaci, ko am vəya zəgər ka bara bai. Amman atu vəyu da zəgərga na saurai gara da sau'yi da na yaɗgara. ⁴⁵Ka dlama zada lale kə ntu bai, amman tin təfayi ga i ritku, atu bəzu mpi miya gara i ɗa zəgərga bai.⁴⁶Ka paa mərak i aɗaga bai, amman atu pa atərrshan i zəgərga. ⁴⁷Gaɗa kasən na rameci, dək na aipapin gara gawa warra atu dlamu, nda tuptu ditu; gaɗa atu tatku gawa ntau. Amman nən mi nda tuptici rrap, tatku ntu rrap."⁴⁸Se Yeso da ramitu ma, "Nda tuptu dikəm aipapin kəm." ⁴⁹Ndau warra a ri ta masana na aci da ɓanji ramau i gatukshi ma, "Sutku warrau tawan harr ma a tuptaaipu, ka aci Kakasəku? ⁵⁰Se Yeso da rami amau ma, "Iman kəm ra na kəm, aji kun salam."

¹Da kuk sən, na sukwkuya bai se Yeso na muwanaucin geri da ɓanji rakan a vayak ɗa marəmamin na ɗa patatin a kagala na wazək labarr herr game na garva Səku. ²Na amatin ɗagai gawa, warra nda dekshi gaɓshu zuwawin na warra nda ngatakshi da fərarin dama-dama; Marryamu mi nda ɗaurau Magdaliya, mi Yeso detu zuwawin gatkasa, ³na Yuwanna ama Kuza baci shala wənduwa Hirridus, na Suzana, na amatin jəgab gawa warra dlamikshi bana na bik amikshi.⁴Sartu mi algi gawa a təka cacpayi, ndawa ke təka ni i ri gəri ɗa dama-dama tənu, se Yeso da dlam rama i kun gagənawa ma, ⁵"Baci zəgəm ɗagai ju i zəgəm zadak gəri. Aca kun zəgəm tənu, zadak gu jəgab, da pi baka dəvu, ndawa da tak'yidu na zəgər, se ɗutatin da cidu mak. ⁶Jəgab da pi aɗa guguyak, zadak gu vəraeu tənu, da rawi, amman da wu'yingara, gaɗa na nasawa bai.⁷Gafkai ke vəgi kun jəjim, da rawi ɗagayi na jəjimgu da zhibinakshi. Amman ⁸zadakgu gafkai da pi ɗa gagi bəlan da rawi bəlan da bari ɗi tlaparr nakkadabai." Daku Yeso damu na rama bayangu tənu, se da ramma, "Nən warra na aguɗ kəmu rama nin, da kəma."⁹Pukurraucingəri da jayaci da parrakcikshi rama na gagənawa warra aci dlamikshi gu. ¹⁰Se aci da ramikshi ma, "Kun nda bardikun zəgaya ashərr garva Seku, amman i ndau jəgab, na rama i kun gagənawa, gaɗa, 'ko akshi ikau, a launau bai, ko akshi kəmau, a sanutau bai.'¹¹To so bee mi rama kun gagənawau tatku; ayawa zadakgu təlam Səku. ¹²Warra pe ɗak dəvugu, tatku ndawa mi kəma təlam Səku, amman ləspər danai da gumbuna na təlamgu da kun gəshakshi, gaɗa akshi da kasakta na təlamgu ba da bi ra. ¹³Zadak mi pe aɗa guguyak tənu tatku ndawa mi kəma təlangu tin se da kasakci nakshi na atu na kuno. Amman akshu dlam awayau bai i kun kasaktakshu, lakwtu akshi kema kabine tin, se da kaci nakshida kau.¹⁴Zadak warra pe kun jəjimgu, a tataka ndawa mi kəma təlamgu da gən na ramau, amman ruwawaɗ na ləman na bəmtu kə duniya da zhibinakshi, halshi rawa bai i kun ɗəga təlamgu. ¹⁵Amman zadak mi pe aɗa gagai warra bəlan tənuu,akshi ne ndiwa mi kəma ṭəlam gu, da gənyi na jirrewa na gəshi gaitak, a ɗəgau ke a wana na atu na kanadi, harr a parya a bari kutlai tlaparr nakkadabai.¹⁶Ngalte, go nən mi a ɓidla pətəle da cimdu na fəna ko da mpidi shi rakai, se dai da mpidi dəsku bee ɗagai. Gaɗa tike ika riwu nin, a lawan na ɓidlau. ¹⁷Atərro go bee mi da dəɓsa warra nda dəmu zəgiwu bai. ko bee mi a kun ashərr warra nda diwu i patata nda zəgi bai. ¹⁸Gaɗa kasən, a kərəmtina na akal; Seku a ɗawa akshi warra dlam iman na jirrewa da dlam sanuta wam tlaparr, amman ndiwa mi dlam iman na zəgi jirrewa bai tənu, zəgaya rrap mi akshi a tumangu akshi na atu gum, Seku a ɗawau nda gubudu.¹⁹Se mi Yeso na na yaganaucingəri da nai i rigəri, amman ba zaji i damtugəri bai gaɗa algi. ²⁰Se nda ramici ma , " Mici na yaganaucinci darr'yi a vəda, anci lawanci. ²¹Amman Yeso da ngumi da ramikshi ma, "Miga na yauganaucinga nin ndawa warra a kəmu ṭəlam Kakasəku a ɗəgau ke."²²Gafo ɗagai wam se Yeso da gayi kun sawu am na pukuraucingəri, da ramikshi ma, "Arr'yi wa katirri baka anku da siwu. ²³Akshi bandu rakan katarrgu tənu, se yuwan dami na Yeso. Na tasəna bai se so zuwak na awayau tlaparr da fuwe i ɗa anku, a wabat am i kun sawu amgu, ka a 'yamu nakshi, a kun hal kambeta.²⁴Se pukurraucin Yeso da nai i rigeri da tlatlaci, a ramau ma, "Baci martapa! baci martapa! Waye mutu nawa!" Se Yeso da tli da gərrnyi aɗa zuwak na am warra zuwakgu tlatttleu, se mak da kusamu nakshi. ²⁵Se aci da ramikshi ma, "Imankun a rawan?" Se kalau da jəb na akshi, a japta bee mi wakatu, da jəb jaya i gatukshi ma, "Sutku zada nn tawan? Harr a gərin i ɗa zuwak na am, ke da dlamici nakwana."²⁶Akshi da ci kəma da zadai larrdi Garrasinaucin, mi a aku anku da Galili. ²⁷Sarrtu Yeso a təka fuwayi da kun sawu amgu tənu, se so warrau ɗagai baci gaɓshu zuwak da kun marəm ɗagu da tase aci. Warrau sukwakuyingeri a rakan na shi gaɗau, ke a mbasu i wənduwa bai se i kun auɗaɗin dabak nda mutu.²⁸Warrau ika Yeso tin, se da dlam aɗan da gutki kəma Yeso, da sukci wura gəri tlaparr, da ramma, "Lambecin tam na iyu, Yeso, Wən Kakasəku Mulah? A marrci, ka ravvəravənayu bai." ²⁹Gaɗa Yeso ramdi gaɓshu zuwakgu da vərengeri da ṭeka warrau. Gaɗa zuwakgu karrɓaci zəgər gawa zuwakgu a karɗagəri. Nda ɗawa wrrau i dəmbəl nda taushi na aci, nda jəb ankalta gəri amman dək na kasen, a gəji na bi tawas gəru, zuwakgu da dabi na aci kun fanfariya pata.³⁰Se Yeso da jayaci ma, "Dləgunci ma tam?" Acu da wurici ma, "Tlaparr," Gaɗa gaɓshu zuwawingu təfici gawa. ³¹Ashi da jəb wiligəri aɗau-aɗau ma da jəmbəlakshi bai i kun vək mi go-dadəgəri.³²Sarrtu na marəm biri aladadin ɗagai a dawa i ɗa sərrnəp zəgawu i damtu rəwu' Se gaɓshu zuwawingu da wili Yeso dabzakshi da təfi kun aladadingu, se dabzhi nakshi. ³³Se gaɓshu zuwawingu da vərai da təka warrau da təfi nakshi kun aladadingu. Se bəru mak da fuwai da ɗa sərrnep zəgawu, da pinakshi i kun anku da 'yaminakshi.³⁴Makwtaucin aladadingu ika bee wakatu tənu, da vəri na rawa da yi kun ɗagu na larrdu bari labarrgu. ³⁵Se ndiwa da vərai gaɗa lawan bee mi wakatugu. Ashi zade ri yeso da tase nən mi gaɓshu zuwawingu vəre da təka gəri, da mbasu i kema Yeso , na zanai i təkagəri, ke a kun ankalgəri tənu, se kalau da jəb na akshi.³⁶Ndawa mi ika lakwtu mi nda ngatu warrau tənu, se da jəb bari labarrgu i ndiwa. ³⁷Se ndiwa mi a larrdi garrasinaucigu mak da rami Yeso ma da yingəri da ɗakshi, gaɗa kalau jébnakshi tlaparr. Se Yeso da téfi kun sawu amgu gaɗa da kaci nakkshi.³⁸Nən warra nda deci gaɓshu zuwawingu da wili Yeso ma dabzaci da yi na aci. Amman Yeso da ramici ma, ³⁹"A kaci naci wənduwa, ka rami tamke mi Kakasəku dlamici." Warrau da yingəri, a kagala betawanke mi Yeso dlamici i rawanke i kun marəm ɗagu.⁴⁰Lakwtu Yeso kateu tənu, algu da ndəmaci na kuno, gaɗa akshi mak a zaga katayi gəri. ⁴¹Se so nən ɗagai baci dləgun Yayirrus, gayi da kun ndawa gazgaraucin kə kun ləma ri cacpa yahudaucin, da nai da gutki i kəma Yeso , da wilaci ma da nai i wənduwagəri, ⁴²gaɗa wunyagəri gaitakgara, amangara guma ayawo shirin, aye mutungara. Sartu mi Yeso a ɗa dəvu nya i riwu tin, se algagin ndawa da cacpai i ɗagayi i bakagəri.⁴³Ikun algu ke na ama ɗagai warra təka pi dədəm harr kə aman guma ayawo shirin, ke təku na dagwdagara mak i ri likətatin, amman ba ngata bai da ri ko gayi da ri likətatingu. ⁴⁴Atu da ni aku yeso da lənci miya armamagəri, na tasəna bai se payi dədəmgu da rr'yingara.⁴⁵Se Yeso da ramma, "Tai ləntayu?" Tike da dlam na gamɗaya ləntagəri tin, se Bitrrus da ramma, "Alangubrro, algagin ndawa rro mak vaikənaci, ke a zhibaci." ⁴⁶Amman Yeso da ramma, "Dagai jaɓ ləntayu, gaɗa na kəma kərrmai vəru da təkaga."⁴⁷Amau ika asherrgara a vərangara tənu, se da nai da pi kufugara i kəma Yeso, təkara a jəganta. Se atu da rami i kəma tike, dalil warra atu ləntaci, na go-sukwkuya mi atu ngata. ⁴⁸Yeso da ramitu ma, "Wunyaga, iman kəm ngatu na kəm. Aji bikəm i kun salam."⁴⁹Sartu Yeso a kun rama tənu, ɗagai da nai da wənduwa nəngazgara kun ləma ri cacpa yahudaucin, da rami warrau ma, "Ka ravəna maləmgu bai, wunyacu bakotəngara." ⁵⁰Amman Yeso kəma kasau tin, se da wuri Yayirrus ma, "Ka kalwa bai, a bari jirrewa jaɓ, atu a ngatangara."⁵¹Yeso zade wənduwauYayirrus tin, da dapcina tike da təfi ɗagaayi na aci, se Bitrrus na Yahai na Yakub, na afək wunyau na miwu rukshi. ⁵²Lakwtu ndawa mi a kun wənduwa mak a kurwa a ɗanu wunyau, amman Yeso da ramikshi ma, "Kwa ɗana bai; atu mutu bai a yiwan." ⁵³Amman akshi dadlamici gamas , na zəgaya ma atu mutungara.⁵⁴Yeso dayi ri wunyau da sukci amigara da dlam ɗara ma, "Wunya, tlu! ⁵⁵Nənwa gara da katengara, na tasəna bai se atu da tli. Aci da ɗawakshi da makitu bee da ci. ⁵⁶Ma'yawawin gara da dlam ajap, amman yesogu daramikshi ma kwa rame nən waambai be warra wakatu.

¹Yeso da ɗaure muwanaucingu da barikshi awayau na kərrmai kə di zada gaɓshu zuwawin tawawanke na ngata fərarin. ²Da wanyashi da dlam wazək garva Seku ke da ngaci nda fəra.³Aci da ramikshi ma, "Kwa ma bee waambai gaɗa buwa kungu. Kwa ma zawa bai, ko cizimi, ko burrodi, ko dagwda ko zanai dama wam. ⁴Wənduwa tawanke kwa təfu nin, a mbasine riwu harr se nya kun deu.⁵Sartu tawanke mi nda gən kun binin, kwa bəza ɗagu nin , a saspina na bəbər ɗagu da zəgər kun, da dlaɓi shaida i aɗakshi." ⁶Se akshi da tli da vaiki ɗa patatin larrdu, a kagala labarr herr na dlama ngata i rawanke.⁷Hirridus baci garva kəma labarr bee warra a wakata mark tənu, se ankal geri da tlingaratlapparr, gaɗa nda təka ramau ma Yahai baci batisma tlengəri da kun nda mutu, ⁸ndau jəgab a ramau ma nabi Iliya ne pakeu, jəgab ke a ramau ma gayi da kun nabaucin waci ne tleu. ⁹Se Hirridus da rmma, "Yahai rro na wudu na aɗau, amman sugu tai mi na kəmu bayangu game na aci.¹⁰Lakwtu mi muwanaucingu kateu tənu, se da rami betewanke warra akshi dlameu i Yeso. Se aci da ngwakshi dayi na akshi pəɗəm i ɗa ɗagai mu nda ɗaurau ma Baesaida. ¹¹Amman algagingu kema kema kasən tin, se ɗəgi na aci. Aci da dlamikshik marraba da dlamikshi rama game na Garva Səku, zam da ngaci ndawa mi ancu ngata.¹²Nawa gafo a damtu damangara tənu, se muwanaucingu da nai i ri Yeso da ramici ma, "A sllamaci na algu ba, gaɗaakshi dayi ka ɗa patatin baka təku da maki ri vəji naa masana, gaɗa wa ai mi go- nən. ¹³Amman aci da ramikshi ma, "Kun a barinekshi bee da ci." Akshi da ramma, "Ja na bee warra ɗəka burrodi vaɗ na vənakau bai--se dai jayi ja masai masana i ndawa tətu." ¹⁴(A riwu na gamsak dubu vaɗ). Yeso da raminpukurraucingəri ma, A ɗawakshi da mbashi kurak-kurak na dawa gumu vaɗ i kurak tawanke."¹⁵Se akshi da ɗawi ndau da mbashi kura-kurakgu. ¹⁶Yeso da ngwi burrodi vaɗ na vənakau shiringu, da sukci aɗagəri dəsku, da sambarrci burodu na vənakaugu, da gəjaji gangamin da bari pukurraucingu da ɓəri algi ndawau. ¹⁷Akshi mak da ci da wayi nakshi. Se pukuraucingu da capi bee warra gazau harr da niyi daɓərr guma ayawo shirin.¹⁸Na gafo ɗagai mi Yeso a magita na adagəri, pukauraucingu a rigeri, se aci da jayakshi ma, "Ndawa a ramau ma iyugu tai?" ¹⁹Akshi da ngumi ma, "Yahai baci batisma, amman ndau jəgap ma ci Iliya, jəgap ke ma, gayi da kun nabaucin waci ne tleu da mutu."²⁰Se aci da ramikshi ma, "Amman kun wam, kwa ramau ma iyugu tai?" Bitrrus da ngumi ma, Masihu wen Səku." ²¹Amman Yesogu da gabɗakshi na awayau ma akshi da rama su i nən wammbai, ²²acu da ramma, "Dolle Wengənən da shi bone bee gawa, ke ndawa gazgaraucin na pərissaucin na malamci dumaya da kur na aci, zam ndaye tək na aci,aku yiwan kwan nda tlatli na aci na arro."²³Se da rami gwiɗshi mi a riwu ma, "Tike anci ɗəga ga nin, dolle da kuri ɗəga ntu gəshi gəri, dolle ke fatawanke da jəb dlamanai nakwana ko i miya mutu. ²⁴Tike mi aci ra arro geri a dəmu buka du, amman tike mi bukuna arro gəri gaɗa ga nin, a ra du. ²⁵Paidon tam, nen da bi na duniya mak da buki ko da dlam na asarr arro gəri?²⁶Nən tawanke mi a kəmu zhiru ɗəga ga na təlalmingaga nin, kasen ke wəngənən aye kəmu zhiru warrau, lakwtu mi aci kete kun saksaktagəri, na saksakta afku, na kə maleikaucin mi go-aipu. ²⁷Amman jirre na ramekun, jəgab da kuna kun mi darr'yi ritku a tamba mutu bai damba akshi daiki garva Səku."²⁸Aku Yeso ramu təlalmin təku na yiwan dandafuɗu, se da mi Bitrrus na Yahai na Yakubu, da gayi ɗa guguyak i magita. ²⁹Sartu aca kun magita tənu, se gənawa jampelgəri da palcingara, kacungeri ke da dlamngara arawai sarral.³⁰Na tasəna bai, se so ndawa shirin a rama na aci; nabi Musa na Iliya, ³¹mi pakau i kun saksakta na wiɗa saral. Akshi rama na Yeso a ɗa mutu gəri mi acaye dlamau i kun Urrushalima.³²Bitrrus na kamancawaɗgeru akun dukshi yiwan, amman aku akshi gərradunakshi tənu, se akshi daiki saksakta Yeso na ndawa mi darr'yi na acu. ³³Nabi musau na iliyau aye nyanakshi da riwu tenu, se Bitrrus da rami Yeso ma, "Məgenyi, ai dlaməngara bəlan ja riwu. Aivi ja, ja ɗalmi cubebin kwan. Gayi kəci, gayi kə nabi Musa, gayi ke kə Iliya." (acu rro zəga bee aca ramau bai).³⁴Bitrrus a ku rama tnu, se kəraɓak da fuwai da cimna akshi, kalau da jəbna akshi, sartu kəraɓakgu fuwayi tənu. ³⁵Se nda kəmi wura da kun kəraɓakgu, a ramau ma, "Sutku Wenga warra na cikɗu; a kəminaci." ³⁶Sartu wurau damu na rama tənu, se akshi daiki Yeso rrugəri. Pukurraucingu da mpi na biwu i gəshakshi, akshi ramu bee akshi ikagu i nənwaammbai.³⁷Sartu akshi kateu da ɗa guguyak gu ɗatlanu tənu, algi gawa da ni i ri Yeso. ³⁸Se nən ɗagai da dlam ɗaura da kun algu ma, "Malum, na wilaci kaiki wənganai, atərro aci wnga gaitakgəri. ³⁹Sotai gaɓshu zuwak a ravangri, a ɗawagəri kurwa go-dalasa, zam a vərkagəri matiɗək harr miyau a kumpa. Abzagəri bai se kəmeci təta tlaparr damba daivaci. ⁴⁰Na wilu pukurraucin ci daa jidu, amman akshu dəma bai."⁴¹Se Yeso da wuri da ramma, "Kun gaɗibadlak zaman mi go iman, harr fatawan na dlaɓa ɗagayi na kun, gusku yaye kwa baru jirrewa bai? Ayen na wəncu i ritku." ⁴²Nda kun nina mayingu tənu, gaɓshu zuwakgu da sukcaci dəsku da karɓaci ɗa, da jijgaci na matiɗək tlaparr. Amman Yeso da gərrnyi ɗa gaɓshu zuwakgu, mayingu da bi na ngata, da barnaci afku.⁴³Se ndau mak da japci marəmkwina Kakasəku.Aksha kun japta bee tawanke mi aca dlamau tin, se aci da rami pukurraucingu ma, ⁴⁴"Akərrəmtina bəlan bee mi naye ramekun: "Na sukwakuya bai ndaye bari na Wəngənən i ami ndawa." ⁴⁵Amman pukurraucingu sanutu bee aca ramau bai. Gaɗa nda dəɓsu dikshi sanuta bee warra aci ramu. Ke akshi a kalu jayagəri i ɗa ramau.⁴⁶Se gamɗaya da tli i wita pukurraucingu, i ɗak tai da kunakshi ɗəkadi marəm. ⁴⁷Amman Yeso zəga na na kurrarram gəshakshi tin, se da mi mayim gangam, da mpidi baka gri, ⁴⁸da ramikshi ma, "Nən tawanke mi gənu mayim gangam kasau gaɗa ganai nin, dlaməngara ka marrabtu na iyu. Nen mi gən na iyu ke, gən na aci warra wane iyu. Gaɗa tke mi dlaməngəri gangam i witakun mak nin, acine ɗékadi marém.⁴⁹Yahai da ngumi da ramma, "Baci wənduwaga, Jaika agai a di gashu zuwak i kun dlugunci se ja dapci na aci na dlamau, gaɗa aca ɗagayi na ja bai" ⁵⁰Yeso da ramikshi ma "Kwa daptaci bai, gaɗa tike mi a gaba na kun binin, ai kukun."⁵¹⁵³Yuwan ma Yeso i nye dəsku dengata damtau tin, se acu da ɗawi nye Urrushalima nakat-nakat i gəshigəri. ⁵²Se da wanyi ndawa ɗagai da bənci kəma, dayi ɗa pata larrdi samariya da sapərraci tamke damba akshi da zadai. Amman Yeso zade tənu, ndak ɗagu gənaci bai, gaɗa gəshigəri mana nye Urrushalima.⁵⁴Pukurraucingu,Yakubu na Yahai ika kasən tənu, se da jayaci ma, "Məgənyi, kanci ja ɗawe aka da dəsku da kambeci na akshi bi? ⁵⁵Amman Yeso da məstai da gərnyi aɗakshi, ⁵⁶da bəncinakshi ɗa pata dama i larrdu.⁵⁷Aksha kun rakan i ɗak dəvu tənu, se nən ɗagai da rami Yeso ma, "Na ɗega naci rawanke mi kaya. ⁵⁸Yeso da ramici ma, Adayau na vək mi kakshi, ɗutatin kun dəsku ke na sakakinshi, amman Wəngənən go-ri səna aɗagəri ngum.⁵⁹Se Yes da rami nən ɗagai damaa, ma, "A ɗəgayu." Amman warrau da ramma, "Məgənyi, aivayu dəgo na yi na dabge na afəkga." ⁶⁰Amman Yeso da ramici ma, "Aivi ndawa mi gamtak da dabgi ndakshi warra mutu. Amman i ci, aji pəɗəm na ri gawa ka dlam wagərrma garva Kakasəku."⁶¹Se nən ɗagai wam da ramma, "Naɗəga naci, amman səkur dəgo arr'yi na dlame anya i wənduwa ganai." ⁶²Se Yeso da wurici ma, "Go-nən mi a puɗa zam a pima, dlam kalkal na tife garva Kakasəku."

¹Daku Bayangu, se Meəgənyi da cik'yi ndawa gumu gatkasa wam, da wanyakshi shirin-shrin i ɗa gawa na ri mi aci tuman nye riwu. ²Aci da ramikshi ma, "Tatamgu gawa,amman nda wanau rapɗagai. Gaɗa kasən a jayi Megənyi kamgu da wanyi ndak wana i kun kamgu'³Ada! Aikina na wanakun ka tumamkin i wita bədlamamin. ⁴Amman kwa ma lalitarr bai, ko jaka buwa, ko sono, ke kwa rriɗe dlama ndəma bai i ɗak dəvu.⁵Wənduwa tawanke kwa təƒ‌u nin, sekurr a ramina ma, 'Salam Seku da dlaɓe ɗa wənduwa təku.' ⁶Na baci salam i wənduwau nin, salam kun a fuwe ɗagəri, amman na baci salam binin, salam kun a katayingara i rikun. ⁷A dlaɓine wənduwau, kwa ci kwa shi bee warra nda barikun, atərro dlaməngarra kalkal baci wana da bi akəri gəri. Kwa jəba yawo i wənduwa dama bai gaɗa ri vəji.⁸Ɗa warra kwa təfu tawanke, akshi gən na kun nin, a tina bee tawanke mi nda mpau i kəma kun, ⁹kwa ngaci ndak fəra mi a riwu ke. Kwa ramikshi ma, Garva Səku dengara i damtu kun.'¹⁰Lakwtu tawanke mi kwa təfi ɗa, ndau da kuri na gənya kun nin, ada i aɗak tarbo ɗagu kwa ramma, ¹¹'kakə warra kwa kuru gənyaja, kasən ke ja kuru na kun, harr bərrbərr ɗakun mi jəbu zəgər ja ngum ja saspudu, gaɗa da dlaməngara saida i aɗakun. Amman a zəgəna sau:Garva Səku dengara damtau.' ¹²Naremekun, i gafa sharriya, Sodom a bi na 'yale da ɗəki na ɗa təku.¹³Wadarre kəm, Korrazin! Wadarre kəm, Batsaida! marəmamin wana mi nda dlami kuna kəm,da nda dlame kun Taya na Sidom nin, da tubatu nakshi tin kaɗe, dari ɗawa dina na mbasu i kun bəbət. ¹⁴Amman aye ɗəkidu i 'yale, i Ttaaya na Sidom i gafa shariya i aɗa kəm. ¹⁵Kem Kaparrnahum ke, ka tumangu ndaye saksaktakum i nye desku bi? O, o. Ndaye vərka na kəm fak i hadəs.¹⁶Nən warra kərəmtu na kun nin, kərəmtu na iyu. Nən mi kuru na kun nin kurna iyu, ke nən tawanke mi kurna iyu nin kurna baci wanayi ga."¹⁷Pukuraucin gumu gatkasau da katai na pərɗai a təka ramau ma, "Məgənyi, harr gaɓshu zuwawin ngum dlamija nakwana i kun dləgunci." ¹⁸Yeso da ramikshi ma, "Naika ləsperr a vəgayi da dəsku kakə wiɗa. ¹⁹Aikina, na baridikun kərrmai mi kwa dəmu na takaɗ mbəkɗaɗin, na wərrjajin, harr kwa ta na awayau makurakun mak, ke go bee mi dəmu laruta kun. ²⁰Dək na kasənu, kwa dlama pərrɗai bai i ɗak sən, ma nénuwawin dlamikun nakwana, amman a dlama pérrɗai gaɗa nda tarrnu na dləgun kun i kun dəsku."²¹I kun lakwatu, Yeso dlam pərrɗai tlaparr i kun Nənwa Kakasəku, da ramma, "Na səkarrta ci, Baaba, Məgənyi kə dəsku na ɗa, gaɗa ka dəɓsu na bayangu da miya ndak asəm na zəgaya, ka tatkəna akshi i ndawa mi na gangam zəgaya ka mamau. Auwo, Baaba, Gaɗa sutku ne bee warra rəma dici karak.²² Afəkga ɗawu daa bee tawanke i aikwaga, go-nən mi zəga Wəngu se Afəkgu, ke go-nən mi zəga Afəkgu se Wəngu, na ndaw warra Wəngu cikɗu da tatki Afəkgu i akshi."²³Se da məsci ri pukurraucingu da ramikshi rukshi ma, "Barrka i ndawa mi a lawan bee warra kwa lawangu. ²⁴Na ramekun, nabaucin gawa na dəgamcin gawa maku daiki bayangu mi warra kwa lawangu, amman akshi ba lawangu bai, da əmi bayangu mi kwa kərrəmtau amman ba kərrəmtau bai."²⁵Se so maləm dumaya yahudaucin ɗagai da tli darr'yi gaɗa da kaktli Yeso, se da ramma, "Maləm, tam na dlamau gaɗa na bi gado arro mi go dadəgəri?" ²⁶Se Yeso da ramici ma, Tam nda tarrnu i kun dumaya? Ka kərratu nana? ²⁷Se warrau da wuri ma, "A ntuci Məgənyaci na gəshaci cakcak, na arroci, zam a ntuci makəpətci ka aɗaci." ²⁸Yeso da ramici ma, Ka ramu du kalkal. A dlam kasəgu, ka kaci."²⁹Amman maləm dumayau ancu gən na aɗagəri tin se da ramma, "Makapət ga nin tai?" ³⁰Yeso da wurici na rama ma, "Na warrau ɗagai a ye Yariko da Urrushalima. Se da vəgi ami ndak bəmbəɗa, da gubi na bigəri mak, da dadgaji, daivi naci miya mutu.³¹Se so pərris ɗagai ɗəge da dəvu warra nda dlam bəmbəɗa i warrau, aci duguru aci tin, se da gwapəngəri, da nucingəri da baka damaa. ³²Kasən ke Lawi ɗagai de riwu ika warrau tənu, se da bəncingəri da baka dama.³³Amman nən Samarriya ɗagai, aye buwa, da zade ri mi warrau a kunu. Aci ika ci tənu, mugurum da jəb na aci. ³⁴Da nai i ri warrau, se da pi mərak na am inabi i miya matlau da yayiɗidu na bakta. Da mi warau i aɗa dabbagəri dayi na aci ri zədapu magərafcin, da ankaca ci. ³⁵Ɗatlanu tin, se da mi dagda mi a baci na ankaltagəri kə yiwan shirin, da bari baci wənduwa zədapu magərafcingu, da ramma, 'Ankaltanai aci, na kate nin , na kaci dici miya dagda warra ka səkunu i ɗa warra na barici gu.'³⁶Tawan da kun ndawa kwan təku, ka tumangu, aci ne makapət i nən mi vəgi ami nda bəmbəɗa gu? ³⁷Maləm gu da ramma, "Warrau mi tatkici mugurumgu." Yeso da ramici ma, "Aji ka dlami kasənu."³⁸Yeso a kun rakan na pukurraucingeri tənu, se da təfi kun ɗa pata ɗagai. Ama ɗagi mi dləgun Marrta da gənyaci i wənduwa gara. ³⁹Atuu na yagana midləgun Maryamu, warra mbasi damtu Məgənyi a kərrəmta təlam gəri.⁴⁰Amman atu Marrta jəkcingara na wana dlama masana. Atuu da nai i ri Yeso da ramma, "Məgənyi, ka saltu bai yagana bəzu na iyu na təka ɗauzata rruga? Aramitu baa da nai da tambayu." ⁴¹Amman Məgənyi da ngumi, da ramitu ma, "Marrta, Marrta, ka jəktu nakəm i aɗa bee gawaa, ⁴²amman na be gaitak mi ɗəkadii paida. Marryamu nabai zaɓetu na be mi rəmadii bəlan. warra go-nən mi a dəmu gumbau da rigara."

¹Lakwtuu ɗagai, Yeso a magita i ri ɗagai, se gayi da kun pukurraucingəri da ramici ma, "Məgənyi, a gugzhi ja dlama magita , kakə mi Yahai gugzi pukurraucingəri."²Yeso da ramikshi ma, "Sartu mi kwa magita nin, a ramina ma, 'Baaba, dləgunci bik saksakta. Garva ci danna.³A barija bik taa, kə gafa tawanke. ⁴Atupti diija aipapinja, kak mi ja tuptau i nən tawanke mi dlamija bike. Kaiva ja ja vəgi kun jarrapta bai."⁵Se Yeso da dlamikshi ramatku, "Tai da kunakun na manga, se dayi rigəri i kun dəviɗ da ramici ma, 'Manga a baraa dəvga burrodi kwan, ⁶gaɗa manga ganai deu gususku jaɓ da dəvu buwa, iyu kuwa na bee na bari ci da ci bai.' ⁷Daa warrau ngumici da kun wənduwau ma, 'Ka ravəna iyu bai, na cimna miya mavgi ga sərram. So iyu na mamuga gwiɗ, ja vədunaja, na dəmu tlayi na barici bee bai nin wam.' ⁸A kəmina, warrau a dəmu da kurna tlayi da barici burrodu koda aci mangari yaye, amman ko gaɗa mangagəru dlam zhiru jaya gəri aɗau-aɗau bitənu, aci a tlayi da barici burrodu warra aca marradu gawa.⁹"To, zam na ramekun, a jayina nda bardikun, amakina kwa bidu, a gwagdlina nda rǝptadikun mavgu. ¹⁰Tike mi jayu nin a gǝndu, nǝn maku ke a bidu, nǝn maku tawanke mi gwagdlun nda rǝbtadici mavgu.¹¹Afək tawan i kuna kun, wǝngǝri jayici vǝnakau nin da barici mbəkɗa i sərrəm vənakaugu? ¹²Ko aci jayu agwai nin, da bari ci wurrji? ¹³To kun nda gǝshi gabshu ngun,kwa dumuna bari bee bǝlan i mamukun, balle Afək kun kə dəsku warra a barna Nenwa Seku i ndawa warra jayaci nin!"¹⁴Sarrtu ɗagai Yeso a təka di gaɓshu zuwak warra dlam na nən ɗagai muka . Lakwtu Yeso da na zuwak gu tənu, se warrau da ɓanji rama. Algi ndawa i a riwu da dlam ajap! ¹⁵Amman ndau jəgab a ramau ma, "Ai a di zuwakgu na kərrmai Ba'alzabuba, dəgəm gaɓshu zuwawin"¹⁶Ndau jəgap kaktli Yeso, akshi makaci da dlamikshi bik ajap da dəsku. ¹⁷Amman Yeso zəga na bee mi a gəshakshi tənu, se da ramikshi ma, "Garva tawanke mi ɓəru na aɗagra na gaba nin, a rəbgangara."¹⁸Ləspərr na nda aɗagəri a tləri i gatukshi nin, garva gəri rri'yi nana? Kwa təka ramau ma na di zuwawin na Ba'alzabuba. ¹⁹Ramau kun gu jirre nin, wate na kərmai gaye nda ɗəga kun a di zuwakgu? Gaɗa kasən, akshi a dlaɓa nakshi ndak dlame kun shariya. ²⁰Amman na di zuwawin na kərrmai Səku nin, to garva Kakasəku zadengare rici.²¹Nən baci awayau, baci karre zha ɗəmiyu na wənduwagəri nin, karregəri a dlaɓa gacirəptak. ²²Amman nən dama warra ɗəkadi awayau, ta na awayugəri nin, nən mi ɗəkadi awayugu a gumba na karre ragaɗa warrau, da ngwi na ngwi na bee aci na atu mak. ²³Nən mi a ɗagayi na iyu bi nin, a təka gaba na iyu, nən warra a cacpau i ɗagayi na iyu binin ke a təka wayau.²⁴Sartu mi gaɓshu zuwak vəru da aɗagənən nin, a jəba wudadarr i fanfariya pata, a makak ri di mafiya. aAmman ba binin, a ramau ma, 'Na kacinga i wənduwa ganai, ri warra na vəreu.' ²⁵Kata nin, tasa wənduwau da kasa, tamke da ɗalmagara cikas nin, ²⁶aye nya da ngwai gaɓshu zuwawin gatkasa, warra ɗəka na aci i kəmengarr wam, makshi na aci danai da mbashi nakshi i kun warrau. Ngənpu warrau kə gususku a ɗeki na kə waci i gaɓshu."²⁷Yeso a kun rama bayangu tənu, se ama ɗagai da sukci wuragara i dəsku kə tike i kun algu, da ramma, "Barka i mai mi 'yawuci na anyi warra ka sau." ²⁸Amman Yeso da ramma, "Ndawa mi a kərrəmta təlam Kakasku, ke a wana na atu nin, rəmadi barrka."²⁹Algu a təka səkuna tənu, se Yeso da ɓanji ramau ma, "Zaman təku zaman ndak kəlaɗo. A maka lawan gənawa da tatki ma na deu da ri Kakasəku, ko da go-gənawa mi ndaye tatketu se zada kə Yunusa. ³⁰Atərro, kakə mi Yunusa dlaɓu gənawa i ndak Nniniba, kasən ke Wəngənən aye dlaɓa gənawa i zaman təku.³¹Ama warra a garva Sheba i aɗau aye rri'yi da dlam sharriya na ndak zaman təku, ke da kambeci na akshi. Atuu rro deu da ri pəɗən, gaɗa kərrəmci aasəm Sulemanu. Aikina, so ɗagai mi ɗəka na Sulemanu a ritku.³²Ndak Neneba aye rri'yi sharia na ndak zaman təku, da hagaci du, gaɗa ndak Nenebau kəma wazək Yunusa da dlam tubi, aikina, so ɗagai warra ɗəka na Yunusa a ritku.³³Go nən mi a ɓədla pətəle da cimdu na fəna, ko da mpudu i dəɗa daɓərr amman a mpidi dəsku baya gaɗa ndawa təfi susugu nin daiki ɓədla tlaparr. ³⁴Daa kun a mbasu pətəle. Daa kun bəlan nən, təka kun a dlaɓangara na ɓədla. Amman daa kun bəlan binin, təka mak a dlaɓangara aiwa tlaparr. ³⁵To, a dlamina alkal pa! Gaɗa ɓelda warra a rikun da dlaɓa aiwa bai. ³⁶Təka kun mak ganayak na ɓədla nin, ke go aiwakwina ko rrap nin, to təka kun mak a dlaɓa gara ka pətəle mi a bari ɓədla gara i aɗa kun."³⁷Lakwtu mi Yeso damu na rama tənu, se nəən parise ɗagai da ɗauraci i ta masana i wənduwa gəri, se Yeso da yi da mbashi i ri tau. ³⁸Se nən parise gu da dlam ajap, ika Yeso vəyi aikwak gəri ba tənu.³⁹Amman Məgənyu da ramici ma, "Kun parrisauci kwa vəya aku gərgiyayin na gadakuwawin, amman kwakuna kun ganiyak na mbamba na kəlaɗo. ⁴⁰Kun kakaɓaucin ndawa! Nən warra dlam wurzu, aci ne dlam kwakunu bai? ⁴¹Abarina bee mi a kwakunu indak tluwa, tamke ke a cəltangara i kun.⁴²Amman wadarre kun parrisaucin, gaɗa kwa bari zakka harr kə gangamin awai na karre dlugwan, amman kwa shalu na jirrewa na ntu Kakasəku bai. Dlaməngara dolle nda dlam adalta na ntu Kakasəku, amman a jəba dlama bee mi bəlalmin jəgab cam ke.⁴³Wadarre kun parrisaucin, gaɗa kulum kwancu nda bari kun ri mbasu martapa i kun ləma ri cacpa yahudaucin, ke kwancu nda jəb ndəma kun i patatatin asək. ⁴⁴Wadarre kun, gaɗa kwa dlam nakun ka auɗaɗin mi go saida, warra ndiwa a takɗau go zəgaya."⁴⁵Se gayi da kun malamcin dumaya da wuri Yeso ma, "Maləm, bee warra ka ramu rro, nangu naja rro cam." ⁴⁶Yeso da ramma, "Kun ke wadarre kun , malamcin dumaya! Gaɗa kwmpi karre dukshi, da kakəri da kerr, amman kun ko damtu karregu ngum kwa ni bai, balle kwa lənci ko na zhigwet kun gayi.⁴⁷Wadarre kun, gaɗa kwa ləmak bi tana i ɗak aɗaɗin nabaucin, amman rro rəbagshi nin kakancin kakacin kun. ⁴⁸Kane kwa dlam nakun saida, wato kwa zəga na bee warra kakancin kakancin kun dlamu kenang, gaɗa jirre akshi rəbu nabaucin, warra kwa ləmu bik tana i aɗa auɗaɗinshi.⁴⁹Gaɗa dalil təku ke, Səku i kun asəm gəri ramma, 'Naye wanyekshi nabaucin na muwanaucin, ashi ke aye tatkeshi daraari bone da təki na jəgab.' ⁵⁰Zaman təku dolle da mi alakə dədəm nabaucin mi nda pau mak, tin dlaɓa duniya, ⁵¹da dədəm Habila i nye dədəm Zakariya mi nda təku i gadava bagadi na ri mi go aipu kə wənduwa Səku. Auwo na ramekun, zaman təku aye ma lakəgu.⁵²Wadarre kun malamcin dumaya yahudaucin, gaɗa kwa ma na surram zəgaya, kun ke kwa təfu bai, kwa daptuna nda ntu təfa ke.⁵³Aku Yeso bəzu na wənduwa nən parrise gu, se malamcin taran, na parrisaucin da tashaci, da ɓanji nguptagəri tlaparr, a gamɗaya na aci i ɗa bee gawa. ⁵⁴Akshi təka mpici kambudi jəba gəri i kun təlalmin gəri,

¹

¹Gafo ɗagai nda gənyi arrajo na ndak aipapin jəgap da jəb ni iri Yeso a kərrəmta gəri. ²Parrisaucin na malamcin dumaya mak da jəb ngurrngurr i gatukshi, a ramau ma, "Warrangu men a mbasi ḍagayi na nda aipapin, harr ateḍgayi na akshi."³Se Yeso da dlamikshi rama i kun Gagənawa kasau, ⁴"Warrau tawan da kunakun, aci na təmamkin danamak, se gayi da ḍayingara, aci aiva gumu kuḍkuvuda ayawau kuḍkuvudau bai i kun pata , dan dayi i maka gayi warra ḍayu se aci beu na atu nin? ⁵Sartu aci bedu nin, aci da sənidu i aḍa gapta gəri da jəb pərrḍai.⁶Lakwtu mi aci deu i wənduwa nin, a ḍaurayi mangaucingəri na makapətaucingəri, da ramikshi ma, ''A dlamina pərrḍai na iyu, gaɗa na beu na tumakuga mi ḍayu gu.' ⁷ Na ramekun, harr kasən ke aye dlaɓa na pərɗai tlaparr i kunu dəsku, gaɗa baci aipu warra dlam tubi, rəma na ndak adalta gumu kuɗkuvda ayawau kuɗkuvda warra na fətkən tubi bai.⁸Ko amau tawan na ayawa rrəpila guma, se da buki na gayi da kun. , Ata ɓidla pətəle bai, da kashi wənduwa, da dlam maka bəlan, se atu ba gayi gu? ⁹Sartu mi atu badu nin, a ɗaurayi muyayingara na makəpətatingara, da ramma, 'A dlamina pərrḍai na iyu, gaɗa na beu na ayawa rəpəlaga mi ḍayu gu.' Na ramekun, ¹⁰harr kasən ke aye dlaɓa na pərɗai i ri maleikawucin Kakasəku, i gaɗa baci aipu gayi mi dlam tubi."¹¹Se yeso da ramma, "Warrau ɗagai na mamau gamsak shirin, ¹²gangam gu da rami afəkgəri, ma 'Baaba, a bardanai miya kurak ləman warra dlaɓəngarra kanai.' Se afku da ɓeri na karre gəri i gadavakshi.¹³Aku yiwan rrap, se wən gangamgu da cacpi karre mi kəri i ɗagayi, dan dampəna aɗagəri i larrdi ɗaga pəɗəm, da dləmci na dagwdagəri, a masa baya mi aci na go pətkəngu. da təkéna dagwda gəri i ăɗa mbasu vatku. ¹⁴Aku acu təkuna tamke tənu, se maya gaɓshu da pakai i rawanke i kunu larrdu, se aci da ɓanji kəmu pətkən.¹⁵Se dayi da bari na aagri dagwanji i nen agi kə larrdu, da wanyi na aci i kun kamingəri da bari ta i aladadin. ¹⁶Aci maku da niyi bazhigəri na bəji warra aladadingu a tau, gaɗa go nən mi barici bikta da ci.¹⁷Amman lakwtu mi mayimgu kateu i alkalgəri tənu, se da ramma, 'Gabayayin kə dagwanji afəkga, akshi nawan na abən warra da ɗəkza gara, so tai iyu naye mutunga da miya maya! ¹⁸Na bəza na ritku, nayinga iri afəkga, na ramici ma, 'Baaba, na dlamna aipu i Səku na ci. ¹⁹Na bata wam bai nda ɗaurayu wənci. a kaci na iyu ka gayi da kunu gabayi dagwanji ci.''²⁰Se mafəndu, daivi na riwu, da ningəri damtu afku. Afku ikaci da pəɗəm tənu, se da kəmi na kanjino geri da jëb na aci. Afku darawi da jəbaci i adla gəri. ²¹Wəngu da ramici ma, 'Baaba, na dlamna aipu i Səku na ci. Na bata wam bai nda ɗaurayu wənci.'²²Afku da rami gabayayingəri ma, 'Kaɗe Kaɗe, anna nakacum mi bəlan, kwa ta'yici, zam kwaɗawici kuyu i aikwakgəri, na sono i zəgǝr gəri. ²³Se kwa nina gawayak abuwan kwa zəji. Wa ci wa dlam ngəmurri. ²⁴Atərro waci wənganai mutu, amman gusku na arro. Aci ɗayu, gusku nda bau na aci.' Se akshi da ɓanji ngəmurri.²⁵Lakwtu ke wǝngəri marəmgu ji kam a təka katayi, Aci zadeu damtu wənduwa tənu, se da kəmi nda ruwa na səwari. ²⁶Aci da ɗaure gayi da kun gabayayin wənduwau, Da jayaci ma nda tawan wam? ²⁷Gabayu da ramici ma, 'Gədənci katengəri wənduwa, afəkci da ziji gawayak abuwan, gaɗa katengəri kəlappiya.²⁸Wəngu gazgarau da shitinəngəri. da kuri na tife wənduwau. Se afku da vərai da barici miya. ²⁹Amman gazgara wəngu da ngumi afku ma, 'Aiki! Amananin təku mak na dlameci guzapəna, ngaltena muwa ramaci bai, ko matkam aku ka bara bai, na dlami ngəmurri na mangaucinga, ³⁰Amman wənci warra ju da təki na ləmanci mak na kəlakawaɗ, ka zəjici abuwa mi ramadi gawayak,'³¹Se afku da ramici ma, 'Wənganai, ci fatawanke kaa ɗagayi na iyu, tamke mi kanai ke kəci. ³²Amman ai dlaməngara kalkal i waa, wa dlam ngəmurri na pərrɗai, gaɗa atǝrro yaganaci təku mutəngəri, so gusku aci na arro; ke nda bau na aci.'"

¹Se Yeso da rami pukaraucingəri ma, katanas, bik ɗawau wa dlam aipu ani, amman wadarre i nən warra biwu ani da rigəri. ²Arəmudi bəlan, ngalko nda takwshi vənyi i wəra warrau, nda vərki na aci i kun madlarram, da miya aci da ɗawi ko gayi da kunu mamu gangamin təku da dagami.³A ankaltina aɗakun pa! Yaganaci dlamici bike nin, a dlamici gabaɗ, dlamiici tubi nin, a tupti dici. ⁴Ko aci dlamici bike zəgər gatkasa i gafa gayi, aci ramici zəgər gatkatkasa ma, 'Na tubi!' nin, dolle ka tuti dici!'"⁵Se muwanaucingu da rami məgenyigu ma, "A sukunyi ja iman ja!" ⁶Se Məgənyi da ramma, Imankun bata na ayawa mustad nən, kwa dəmu na rame marəm waka təku ma, "A pici nakum, ka kumi nakəm i kunu madlarram nin,' a dlama dikun nakwana.⁷To nən tai kunakun, na gabayi warra a dlameci puɗa ko dawa tumamkin, kateu da pata nin a rameci bi ma, 'Kaɗe a mbashi ka cii abən? ⁸Baci wənduwau a rame ci bai ma, 'Dugo a sapərrata bee naci, ka dlam ɗamara, ka dlamanai guzapəna, harr se na damu tau na sau. Se da kugu dəgo kaci ka shi?⁹ Acu a dlama sambarrka i gabayu bai, ko gaɗa dlamna be mi nda ɗawaaci da dlami gu? ¹⁰Kun camkasən, kwa dlama na bee warra nda ɗawukun kwa dlami nin, kwa dəmu na ramau ma, 'ai ja gabayayin jaɓ, atərro ja dlamu wana warra kamatu ja dlami rrugara.'"¹¹Gafo ɗagai Yeso aye Urrushalima tənu, se da dəvu mi a gadavak Samarriya na Galili. ¹²Aca təka təfe ɗa pata ɗagi tənu, se aci da tase agurrdadəmamin ɗagai guma. Akshi da rrə'yi pəɗəm na aci, ¹³se da sukci wurakshi dəsku, a ramau ma, "Yeso, Məgənyi, a kəmi kanjino ja."¹⁴Yeso ikakshi tənu, se da ramikshi ma, "Ada kwa tatki aɗakun i perissaucin." Akshi a təka rakan i nya tənu se dacelti nakshi. ¹⁵Gayi da kunakshi ikau aci ngatungəri tin, se da məstai da akau, na wura marəm a saksakta Səku. ¹⁶Da gutki i damtu zəgər Yeso, da dlamici sambarrka. Aci nən Samarriya. ¹⁷Se Yeso da jayi algu, ma, "Nda cəltu hdawa guma bai? Arawan kuɗkuvdau? ¹⁸Go jəgab wara kateu da bari sakərrta i Kakasəku, banda magərafcin təku? ¹⁹Aci da rami warrau ma, "Atlu, ka yi bici. Imanci dlamu naci akəlappiya."²⁰Gafo ɗagai, Parrisaucin da jayi Yeso ma, "Garva Səku ani fatawan? Se Yeso da wuri ma, "Kwa dəmu sanuta ni garva Səku na dabai. ²¹Ko nda ramaobai ma, 'Sotai! ko 'Sitai!' Gaɗa garva Səku a witakun."²²Se da rami pukurraucingəri ma, "Lakwtu aye ni, mi kwa ye pətkən lawan gayi da kunu yuwan gawa kə wəngənən, amman kwa lawnau bai." ²³Ndawa aye ramekun ma, 'Aiki ritiu!' ko 'Aiki ritku! Amman kwa vəra bai ko kwa rawi ɗəgau. ²⁴Atərro ni Wəngənən adlaɓa i kun yiwan gəri ka wiɗa mi a ɓidla i dəsku da baka gayi i nye baka dama.²⁵ Amman Səkurr, dolle aci da shi bone bee gawa, ndak zaman təku ke da kurna aci. ²⁶ Ka mi wakatu i zaman Nuhu, kasən ke a wakata i kun lakwtu ni Wəngənən. ²⁷Ndawa jəb tak ta, na sak sa, ke a zəba, a baru kutlikshi i zəba, harr gafa mi Nuhu təfi kunu sawu am, se so ganjau danai danci nakshi mak.²⁸Kal kal kakə zaman lutu ke, ndawa a təka ta, na sa, a masa a ɗəbət, a zəgəm, a ləma. ²⁹Amman lakwtu warra bəzu kunuk ɗa sadom, aka da vəgai da dsku da cinakshi mak.³⁰"A dlaɓa kasən ke, gafa mi nda tatku pakayi Wəngənən. ³¹I gafogu, kwaiva nən mi a ɗak sau da fuwine ɗa bai, i ngwa karregəri da kunu wəduwau, kasən ke, Ke kaiva nən mi a pata da katai i wənduwa bai.³²A tanina ama Lutu ba! ³³Tike mi a maka cərəpta arrogəri nin, a bukadu, amman tike mi buku arrogəri gaɗaga, aye ra du.³⁴Na remekun, i dəvɗgu, nən shirin aye dlaɓe ɗa rakai gayi. Nda ma na gayi, ndaivi na gayi. ³⁵Amatin shirin aye naya i ɗagayi. Ndaye ma na gayi, ndaivi na gayi. ³⁶[Gaamsak shirin ke adlaɓa a pata, nda ma na gayi, ndaivi na gayi.]" ³⁷Se pukurraucingu da jayaci ma, "Bitku a dlaɓa a rawan, Məgənyi?" Se Yeso da ramikshi ma, "Ri warra guvu a riwu , ai dishaucin ke a cacpa i ɗagayi."

¹Aci ke da ramik i kunu gǝnawa kame kullum akshi da dlam magita fatawanke gǝshak shi da tatla bai. ²aci maya, "li ɗa ɗagai na baci kagala ɗagai wara a kaluk Sǝku bai, a lawan martapa ndawa ke bai.³Na gudugum ɗagai a ɗa tǝngu. wara atu a jibe nye i ri gǝri, atu a rame ci maya. 'A latayu ba nazǝgi dǝvu wara na bi na adalta darik makur ga nai.' ⁴Sukwakwin gara aci ancu lata gara bai, amman dakugu, ⁵se de rami i kuni gǝshi gǝri, 'ka gaɗe na Sǝku bi yaye, na martapatak ndawe ke bai.⁶Se mǝgǝnyi da ram maya "A kǝmi na be wara ba ci kagala wara na jirewa bai a ramau. ⁷Gususku kasau Sǝku a ngumuk ndawa wa aci cikɗakshi bai wara a dlame ci adan dǝvǝɗ na afa i ɗak be wara kakshi? Aci a ngǝstan gǝri i ri latakshi? ⁸Na rame kun aci a dlama dikshi bik jirewa kaɗe kaɗe. Amman lakwtu wara wǝn gǝnǝn de nin, a tasayi na jirewa bi i kunuk duniya?"⁹Zam aci da dlam rama na gǝnawa i ndawa wara akshi a muwak gagzhin ndawa ¹⁰"Ndawa ɗagai shirin da tufa i kunuk sǝsu magita gaɗa akshi da dlam magita-gayi nǝn Farisa gayi ke baci gǝnyi arajo.¹¹Se nǝn Farisau da tle dayi da dlam magita i ɗak be wara ke aɗa gǝri. 'Kakasǝku, na godeti ci. gaɗa iyu ka ki gagǝzhin ndawa a mbamba, ko nda buka adalta. Ko ndak tapai, ko ka kǝ ba ci ganyi arajo tǝku. ¹²Magi tawanke na dlamak asham zǝgǝr shirin. Na dik zakka da kunuk mak be wara na bau.'¹³Amman ba ci gǝnyi arajo tǝn dayi pǝdǝm dǝma sukta aɗa gǝri i dǝsku bai, se da jǝb kǝma adla gǝri, aramau maya, 'Kakasǝku, a dlama a ni kanjino, iyu ba ci aipu." ¹⁴Na rame kun, maran gu kata i wǝnduwa gǝri ga tǝptak ka ki waro gayu bai, gaɗa dik nǝn wara sukta aɗa gǝri, nda kaci na aci i di ɗa, amman duk nǝn ware a sǝna aɗa gǝri nda sukta na aci.¹⁵Se ndawau ani na kulaɓaɓin shi gaɗa aci da lintakshi, pukuraucin gǝri ika kasu tunu, akshi da garnyi ɗakshi. ¹⁶Amman Yeso da ɗaure akshi i ri gǝri, da ramikshi maya. "Aivina mamu gangamin dani i ri ga. kwa daptakshi bai. Ai garve sǝku kǝ zadakshi. ¹⁷Na rame kun jirewa, duk nǝn wara gǝnu garva sǝku ka kǝ mayim gamgam binǝn. lalle aci a tafu bai."¹⁸Baci garva dagai da jaya ci maya, "Malǝm ba ci mugurum, na dlama gǝmo nabi aro wara go dadigiri?" ¹⁹Yeso da rami ci maya, "ka daura yu ba ci mugurum gaɗa gǝmo? Na baci mugurum bai se sǝku rugǝri. ²⁰Aturo ka zǝga na linok gu ka dlama tapi bai, ka tǝka nangaiwa bai, Ka dlama kǝra bai, ka dlama wudak ngadar bai. a saksakeci afǝk ci na mii ci." ²¹Se ba ci garvau da ram maya. "Jandu taku na ciriptudu tun lakwtu " ii mapǝndi."²²Yeso kǝmǝ kasan tuni, da rami ci maya. "Gaze cin be getak. Dolle ka ɗǝɓdina lǝman ci mak, ka ɓǝri di ndak tluwa, ka bina lǝman wam i dǝsku-ka kate ka ɗi ga yu. ²³Amman ba ci garvau kǝma kasǝn tunu. Se da dlaɓan gǝri na gǝshi aiwa tlapar, gaɗa aci baci bǝrǝɗ tlapar.²⁴Se Yeso, ika gǝshi gǝri dlǝmatǝn gara tǝnu, da rami ci maya. "A dlaɓa tǝta ndak bǝrǝɗ da tafi i kunu garva sǝku! ²⁵A dlaɓan gara na ramaa i dlǝgǝmau da tǝfi da tǝn alibǝram. i ɗak baci bǝrǝɗ da tǝfi i kunu garva Sǝku."²⁶Ndawa wara kǝma rama tunu se akshi da ram maya, "In de kasan nin abi raa nin tai? ²⁷Yeso da Wuri maya, "Be ware rǝma na awayu gǝnǝn a dlaman gara i ri sǝku."²⁸ Se Bitrus da ram maya, "To so tai ja bǝzu na lǝman ja dǝgi na ci." ²⁹Yeso da ramik shi maya. "Jirewa, na rame kun na nǝn ware aiva wǝnduwe gǝri bai ko ama gǝri ko yaganaucin gǝri, ko afǝk gǝri na mii gǝri, ko kutli gǝri gaɗa garva Sǝku. ³⁰sannan da buka na nuba gǝri gawa i kunu duniya tǝku na aro wara go dadigiri i duniya mi ni."³¹Daku wara aci cacpǝ guma ayawo shirin gu, da ramik shi maya. "Sotai, wa tǝke rakan i nye Urushalima, be wara nda tarni iɗak wǝn gǝnǝn mak da amik nabaucin a dlama nakshi tabbas. ³²Atǝro nda barna aci i ndawa mara zǝga Sǝku bai, nda dlami ci muwa, nda ba ri ci bone nda tǝkwi ci nanuk. ³³Akshi a dlame ci guzapunak aci a tǝkna aci a dǝk yǝwan ma kwan ke a tlayin gǝri."³⁴Amman akshi sanuti ko gayi da kunak be wara aci ramikshi bai, gaɗa nda dǝbsa na ramau da rikshi akshi sanutu be wara aci a ramik shi bai³⁵Aci de i dantau Jeriko tunu, se so tai zǝgǝɗ ɗaga da mbasu i baka dǝvu atka wili, ³⁶aci kama algi a nuta tunu, se aci da jayakshi ma awakatan tam. ³⁷Akshi da rami ci ma a nuta nǝn Yeso kǝ Nazarat³⁸Se zǝgǝɗ gu da tlatle wura gǝri na awayau maya, "Yeso, Wǝn Dauda, a dlama ni kajino." ³⁹Se ndawa a kǝma da gaɓɗa ci ma da bǝzaman gǝri. Amman da sukci wura tlapar i dǝsku maya, "Wǝn Dauda, a dlama ni kanjino."⁴⁰Se Yeso dar'i, da ɗawi ndani na aci i ri gǝri. Dlǝgǝɗ gu de i damtu tunu, se Yeso da jaya ci, ⁴¹"Kan cu na dlami ci tam?" Aci da ram ma "Mǝgǝnyi, nanci na dlam lawan."⁴²Yeso da rami ci maya "A dlam lawan. Barik jirewa ci ngatu na ci." ⁴³Aci da bǝna lawan i miyak da, aci da ɗǝgǝna Yeso, a dlama saksakta i Sǝku Ndai ke kasǝn tǝn, Se algi mak dajiɓ ma aɗa sǝku.

¹Nda rimu ga fan ɗagai, Yeso a kun gugza a kim susu magida uia maziz hin, sei marǝm prist au cin na ndak t aran da nai i rigǝri na adawa gurgaraucin. ²Akshi da dlam vama, akshi a ramau ma, "A ramija ka dlam wang tuku na zadak kǝrmai tawan." bari ci kǝrmai gun tai?"³⁴Aci da ngumikshi da rami kshi ma, "'Yu ke na dlame kun jaya. a ramina i ɗak baptisma tahai. Atu dew da dǝsku va da ri ndawa bi?"⁵Sai akshi da jib saya ga tukshi akshi a ramau ma, "in wa ma da dasku nin, a dlamau ma. To gaɗa gǝmo kwa bar Jirewa na a ci bari? ⁶In wa ramma, da ri ndawa nin; ndawa dmo a vǝrkawa na gugu tak. gaɗa aikshi mak zǝga du i dak Yahai nabi ne.⁷Sei akshi da ngumi ci ma akshi zǝga ri wara atu dew bai. ⁸Yesu ɗa ramikshi ma, "To i ye na rame kun bai ka na dlam wana tuku na kǝrmai tawan."⁹Aki da ramikshi rama gagǝna wa tuku," Nan daigai dibu kam inabi gǝri, aci da ban na wama rawi gu i dak siwi dagai. dayin gǝri ɗa ɗagari da sukwakuyengǝri de bai. ¹⁰Da lakwtu karam dengara tunu aci da wanyi gabayi gǝri i ri dak dimigu, gaɗa akshi da bari ci da kun kare kamgu. Amman dak riwi gu do dadgaci, se akshi da rarki na aci na ami gadau.¹¹Aci da sukuni wanyi gabaya dama wam, zam akshi da dadkaci, da zharwu na aci, zam da rarkina aci na ami gaɗau. ¹²Zam aci da sukuni wanyi kǝ zǝgar kwan, akshi da laru ci na aci akshi da varkina aci vǝda.¹³Sai aci baci kamgu da ramma, "Na dlam gǝmo ? Na wanyi wǝn ntu ga. Da wnange akshi a bar di ci martapa. ¹⁴Amman sartu mi ndak riwai gu i ka aci tunu, aikshi da dlam shawar i witakshi akshi a ramau ma. "Butuku baci gadota kamgu. Wa tǝka na aci gaɗa gado da dlabin gara kuwa.¹⁵Akshi da varki na aci da kun kamgu i vada akshi da tǝici no aci Ba kangu a dlam gǝmo i dak riwigu? ¹⁶Aci ani da hagati na ndak riwi kam gu, aci da bar na kamgu i mdawa ɗagai." lakwtu wara akshi kǝma jandau. akshi da ramma "Kakasǝku da dabta."¹⁷Amma Yeso da pikshi da daramikshi da ramma. "ma ana rama tuku ma tam. "Guguyak mi wara ndak lǝma kuru atune ndampa du i iɗak daa kufu lǝma? ¹⁸Duk nǝn mi dagamu i dak guguyak gun a rukɓangiri, amman in nǝn wara guguyakgu vage i ɗa gǝrin a naya na aci.¹⁹Se ndak taran gu na marmamin pristaucingu da maki da jǝbna aci a sartu gaɗa akshi zigadu aci dlam rama tuku gaɗakshi. Amman akshi da kǝmi na kalu ndawa. ²⁰Akshi a pakota gǝri, akshi da wangi ndak sanuta ka akshi ndak adalta, gaɗa akshi dabi bi karam i ɗa rama gǝri, gaɗa akshi da baraci nda hagataci na kǝrmari gwamna.²¹Akshi da Jaya ci maya malǝm, ja zigadu i ɗak ka rama na gugaza be tawanke kal kal, zam go nan waya a dawe ci rama gǝri i kunu kǝ ci amman ka gugza jirewa i dak dǝvu sǝku. ²²Biwu linok rambi ma da bar arajo i kaisar, ko o, o?"²³Amman Yeso da yakinci na kǝmangarci. Se da ramikshi maya. ²⁴"A tatkina dagwdau gǝnawa gaye a ɗau zam dlǝgun gaye a ɗau?" Akshi ma "kǝ kaisar ne."²⁵Aci da ramikshi ma, "Sai kwa bar be mi kǝ kaisar i kaisar, be mi kǝ sǝku kǝ kwa bari sǝku." ²⁶Ndak tarangu na marumanin priestaucingu akshi ba bi gabɗa bai i kunu rama gǝri i kǝma ndawa akshi da dabti zaɗak amsa wara Yeso barikshi akshi ramikshi be wam bai.²⁷ Sartu sadukiyawa ɗagai da nai i ri gǝri mi akshi a ramau ma nda tlayi da mutu bai, ²⁸akshi da jaya ci da rami maya, " malǝm Musa tarnu ma in yagana nin ɗagai mutu nun, aci na ama amman na matkambai. Se yagana gǝru da zǝbna amau , da 'yawi matkam i yagana gǝri gu.²⁹Na yaganaucin nǝn gatkasa marǝm shi aci na ama se da mutun gǝri go matkam. ³⁰kasin ke ki mashmingu. ³¹Kǝ ma kwan gu da zǝbatu kasin ke har kǝ ma gatikasau buzi Matkam bai da mutu nakshi. ³²Daku ama ke da mutun gara. ³³To, i gafa tlayi da mutu, atu a dlaɓa amau kaye da kunakshi?³⁴Yeso da ramikshi ma, "Kutli duniya tuku a dlam zǝba, zam da barakshi i zǝba. ³⁵Amman ndawa mi adai kena ankalshi i kun auɗu tiwu, akshi bata da bi tlayi da kunu mutu akshi a dlam zǝba bai ke nda barik shi zǝba bai. ³⁶Gaɗa akshi fak a mutu bai, gaɗa akshi kalkal na maleikaucin zam akshi kutlin kakasǝku gaɗa akshi kutli tlai da mutu ne.³⁷Amman i ɗak tlayi da kunu mutu, ko Musa ngum tatki na sau i kunu pata, ri mi aci dauru mǝgǝnyi, kakasǝku kǝ Ibrahim na kakasǝku kǝ Ishaku na kakasǝku kǝ Yakubu. ³⁸Gususku aci kakasǝku kǝn ndawa mi mutunakshi bai amman kǝ ri nda aro, gaɗa makshi na aro i ri gǝri³⁹Ndak taran ɗagai da wuri ma, "Malǝm ka ngumdu bǝlan." ⁴⁰Dasin akshi dlami ci jaya dama wambai.⁴¹Yeso da ramikshi ma, "Gaɗa gǝmo akshi a ramau ma masihu wǝn Dauda? ⁴²Gaɗa Dauda a ramu i kunu kakadu zabura ma. " mǝgǝnyi rami mǝgǝnyi ga na " a mbashi da amiga kǝ mata; ⁴³se na katana ndak kura ci i diɗa zǝgǝr ci!" ⁴⁴Dauda ɗauru masihu ma mǝgǝnyi to dlam na na da dlami wǝn Dauda!"⁴⁵Ndawa mak a kǝmu gu a rama i pukuraucin gǝri, ⁴⁶A dlamin ankal na ndak taran, mi akshi a rakan na marǝmamin kachum, akshi ye ancu nda ndumakshi i kunu asǝk. Na marǝmamin rai, na kun sǝsu magita na duk ri murmamin ri ngumwuru. ⁴⁷Akshi ke a gǝma wǝduwawin amatin wara gu mǝsaskin a ke a ɗayuna a gǝnawa dari gazibar magitakshi. Ndangu a sa na marǝm hagata.

¹Yeso suktu aɗagəri tənu se daiki ndak ləman a təka ta'yi kakshi barri i kun Wənduwa Səku ²Daiki gudugum ɗagai mi tluwa a pi anini shirin ³Se da ramma, "Jirre na ramekun, gatluwak gudugum tǝku dlamu bari warra ɗǝka na kakshi mak ⁴Ndangu mak dlamu bari da kunu bərrəɗ mi akshi na atu rro. Amman gudugum təku da kun tluwagara baru bee warra atu na atu cak cak"⁵Sartu mi ndau jǝgab a samana i ɗak Wǝnduwa Sǝku, a mangarrta zada guyuyayin bǝlan mi nda lǝmu na atu, na zada karre mi ndawa baru warra nda dlamitu jage na atu tənu, se Yeso da ramma, ⁶"Gaɗa bayangu mi kwa təka lawangu nin, lakwtu aye ni warra ko guyuyak gaitak ndaivau bai i ɗa kamancu, makshi nda rǝbgadu."⁷Se akshi da jayaci ma, "Maləm, bayangu a wakata fatawan? Ke, tam a tatka gənawa lakwtu mi bayangu gu aye damtu wakata? ⁸Se Yeso da wuri da ramma, "A dlamina ankal kada nda ləvaci kun. Gaɖa gawa aye ni i kunu dləgunga, a ramau ma, 'Iyu gu aci.' ke ma 'Lakwtuu dengara damta.' Kwa ɗəgakshi bai. ⁹Kwa kəma zha na tlati ankal nin, kwa kalwa bai, gaɗa dolle bayangu da wakaci səkurr, amman dadəəriu aye wakata gususku-gususku bai."¹⁰Se da ramikshi ma, "Larrdi a tlayi na zha i ɗa larrdi, garva ke i ɗa garva. ¹¹Ndaye gawa rǝb gagai tlaparr, na maya na dlamra i ri gawa.Bik ɗawa kalau na bik ajap aye wakata i dǝsku.¹²"Amma kapǝn bayangu mak da wakaci, akshi aye jǝbakun da ravǝnyi kun,daya nakun i lǝma gazgaraucin kunu ləma ri cacpa yahudaucin, na dǝlo, nda yi nakun i kǝma dǝgamcin na ndak garva, mak gaɗa dləgunganai. ¹³Sutku a bardikun kaada bari labarr i ɗa ga.¹⁴Gaɗa kasǝn, ampina di gǝshakun, kwa dlama saperra bai, i ɗa bee mi kwa ramau gaɗa ra aɗakun. ¹⁵Atərro na baridikun tǝlam na aasǝm mi harr makuraucinkun ngum adǝmu mǝstekun rama bai, balle da dlamikun gamɗaya na bee mi kwaye ramau.¹⁶Amman harr Afafkin na miwaɗkun na yaganaucinkun na mangaucinkun ngum a bari nakun, nda tǝki na jǝgab da kunakun. ¹⁷Tike a kuri nakun, gaɗaganai. ¹⁸Amman ko yaɗ gaitak kǝ aɗakun a kambeta bai. ¹⁹I kunu kanadakun, kwa gənna arro.²⁰"Lakwtu mi kwaika nda vaikǝna Urrushalima na askarrabaucin nin, a zǝgǝnadu ma kambeta gara dengara damtau. ²¹To, ndawa mi a kunu Yahudiya da rawanakshi i aɗa guguyayin, ndawa warra a kunu marǝm ɗa ke, da vəra nakshi, kwaiva nda kunu pata ke da təfine kwakunu bai. ²²Atərro, sutku ne lakwtu foro, gaɗa bee mi nda tarrnu mak da wakacingara.²³Wadarre i amatin mi na madau, na warra na gudaf mi a sa anyi i lakwtu! Gaɗa ndaye dlama gaɓshu bone i larrdu, dlǝmatu gǝzhi kakasǝku aye vǝgayi i ɗak ndangu, ²⁴Nda tǝknakshi na kasakarr, ko makuraucinshi da ngwinakshi i guzapǝna i larrdadin dama. Ndawa mi Yahudaucin bai a taa na Urrushalima na zha, da dlamikshi garva, harr se lakwtu mi Səku ampau damu.²⁵"Ndaye lawan gənawawin i kun afa, na tərra, na gəshaucin. I duniya ke, ndaye dlama bone kə duniyabu , na ruwawaɗ gaɗa ganjau aam kə madlarram. ²⁶ Arro ndawa aye vərangara gaɗa kalau, tumaan bee warra aye fəwayi aɗak duniya a ɗawa na ndawa i kalau. Kərmai kə duniya aye rəɓ.²⁷I lakwtu, ndaye lawan wǝngǝnǝn ani i kun kǝraɓak na kǝrrmai na saksakta tlaparr. ²⁸Kwaika bayangu ɓanduna wakata nin, a ɗauzatina aɗakun gaɗa ra kun dengare damtau."²⁹Se da dlamikshi rama na gagənawa ma, "Aikina wakakin mak ba, ³⁰ɓanduna ɗuwayu nin, kwa zəgidu dəman dengara damtau. ³¹Kasən ke, kwaika bayangu a wakata nin, a zəgnadu ma garva Səku dengara i damtau.³²"Jirre na ramekun, zaman tǝku a nuta bai, harr se bayangu mak wakatu, ³³Dəsku na ɗa a damangara, amman təlamga a nuta bai alambaram.³⁴"Amman a dlamina ankal, gaɗa gǝshakun da niya bai na mbamba na kuyo, na ruwawaɗ duniya. Kada yuwangu a ni go tasǝna da jǝb nakun. ³⁵Gaɗa aye ni i ɗak ndawa mak warra a duniya.³⁶A dlaɓina a kun ɗmai,kwa magita fatawanke gaɗa kwa bi awayau gwapi dari bee mi aye wakata, kwa bi kwaryi kəma wəngənən.³⁷Da tlanu wai, Yeso a gugza i wǝnduwa Səku, aduwau wai a vǝra dayi ɗak zəgawu warra nda ɗaurau Zaitun da wunyi riwu. ³⁸Ndawa mak da nai pəɗəkpəɗək i wǝnduwa Səku gaɗa da kərramtaci.

¹Lakwtu ngǝmurri burrodi mi go yist mi nda ɗauro ma, Ngǝmurri Paska dengara damtau tənu, ²mammamin prrisaucin na malamcin dumaya da maka dəvu jəba Yeso amman i kunu dəɓəs, gaɗa akshu a kalu ndau.³Se lǝspǝrr da tǝfi gǝshi Yahuda, mi nda ɗauraugǝri ma iskaryoti, gayi da kunu muwanaucin Yeso. ⁴Se acu dayi i ri marəmamin pərrisaucin na marəm askarrabaucin ndak ɗəmi ləma Wənduwa Səku, gaɗa akshi da dlam shawarr i ɗa dǝvu warra aci a bari na Yeso.⁵Akshu da dlam pərrɗai tlaparr, Se akshi da dlam sapərra barici dagwda. ⁶Yahuda da kasakcingəri, se da jəb maka dəvu mi aci a baridikshi Yeso i lakwtu mi go algi i riwu.⁷Gafa ngəmurri Burrodi mi go yist dengara, lawtu warra dolle nda ziiji gwamak sanam paska. ⁸Se Yeso da ɗaurai Bitrrus na Yahai, da ramikshi ma "Ada, kwa sapəraciwa Ngəmurri paska, gaɗa wa ci." ⁹Akshu da jayaci da ramma "kancu jayi ja sapərraci manasanau i rawan?"¹⁰Da wurikshi ma, "kwa təfi kunɗa nin, kwa ndagəma na nən ɗagai a kakar vakənak am. A ɗəgina warrau i wənduwa mi aci aya, ¹¹Se kwa rami baci wənduwau ma, "maləmja a jayau ma, səsu mpi magərafcinci a rawan, ri warra naye ta masana Ngəmumi paska na pukuraucinga.¹²Warrau a tatka dikun səsu dəsku ɗagai marəm, na karre mbasu da sərma ɗarai a kunu, se kwa sapərraci riwu." ¹³Akshi dayi, da tashi tamke kalkal, kakə warra Yeso ramikshi, se akshi da sapərraci Ngəmurri paskau.¹⁴Lakwtu dengara tənu, Yeso dambashi na muwanaucingu. ¹⁵Se da ramikshi ma, "Na ntutu tlaparr naci masana ngəmurri paska təku nakun, damba kabine ga danai ¹⁶To na ramakun, na ta ngemurri təku wam bai, se lakwtu dalil dlamau niyu i garva səku."¹⁷Se Yeso dami gərgiya aam inabi, da sambarkaci Səku, da ramma, "Amina sau kwa ɓəri gadava kun. ¹⁸To na ramekun, na sa aam kə ɗi inabi təku wam bai, se garva səku deu."¹⁹Se dami burrodi da sambarkaci Səku da barikshi, a ramau ma, "Sutku təka ganai,warra nda baru gaɗa kun. A dlamina sau gaɗaga nai." ²⁰Kasən ke, dami gərgiya, da ku ta Masanau, da ramma, "Am inabi kə kun gərgiya təku, kararak arrdiya i kun dədəm ganai, mi nda pau gaɗa kun.²¹Amman akəmin. Nən warra aye bari na iyu i makuraucinga a təka ta masana a ɗagayi na iyu! ²²Wəngənən rro aye mutu kakə mi nda sapərratu, amman wadarre i nən mi acine aye bari Wəngənən." ²³Se pukurraucinga da ɓanji jaya gatkukshi, ma, tai i gadavakshi aye dlama bitku.²⁴Se gamɗaya da tlengara i wita pukurraucingu, aɗak, tai da kunakshi nda lawangu ma ɗəkadi marəm. ²⁵Yeso da ramikshi ma,"Dəgamcin duniya təku rro a dlama garva ndiwa na gantam, akshi warra na kərrmai bari lənok ke ancu nda ɗaurakshi ma, "Ndak marrtapa."²⁶Amman da dlaɓa kasən bai na kun, da miya kasən, ngalko nən mi ɗəkadi marəm i witakun da dlaɓi ka warra ɗəkadi gangam i witakun, aci baci garva ke da dlaɓi ka gabayi. ²⁷To tai ɗəkadi marəm? Nən mi a təka ta abənguu, ko baci guzapənau? Ai nən mi a təka tau ne ɗəkana baci gapənau i marəm. Amman so iyu na kunakun ka baci guzapəna.²⁸Amman kun ne mi kwa rrəɗu na iyu i kun sa jarrababinga . ²⁹Kakə mi Afəkganai baridanai garva, kasən ke na bardikun, ³⁰gaɗa kwa ci, kwa shi i ɗagayi na iyu i kun garva ganai, kwan mbashi i ɗa gwajerarin garva, kwa dlam sharriya i auɗaɗin guma ayawo shirin kə Isrraila.³¹"Siman, Siman, Ləspərr jayu da bi kun, gaɗa da tlaryikun, kakə alkamac. ³²Amman na dlamna magita gaɗaci Siman, gaɗa ka ci kema na aaman na iyu. Da ku ka kateu wam nin, ka ɗauzaci yaganaucinci kaskci na iyu."³³Bitrrus da ramici ma, Məgənyi, iyu na bəza ɗəgaci bai, ko i nye kun dəlo ko mutu." ³⁴Yeso da ngumi ma, "Na rameci, Bitrrus, damba gaskam da dlam kwarya gusku, kaye dlama gamɗaya zəgər kwan ma ka zəgayu bai."³⁵Se Yeso da rami pukurraucingəri ma, "Lakwtu na wana kun go lalitarr, go kare buwa, ko sonanin tənu, kwa buku tam?" Akshi da wuri da ramma, "ja buku bee waammbai! ³⁶ Acu da ramikshi ma, "Amman lakwtu təku tənu, nən na lalintar nin, daa maa, harr na karre buwa cam. Tike mi go kasakarr nin, da ɗəbda kachumgəri da mashi gayi.³⁷To na ramekun, bee warra nda tarrnu game na iyu dolle da wakaci. Nda tarna ma, 'Nda nau na aci i kun ndak bike,' Auwo, bee warra nda tarrnu i ɗagagu a təka wakata." ³⁸Se pukurraucingu da ramici ma, "Aiki, Məgənyi, sotai kasakarr shirin." Se aci da ramikshi ma, "Bata du."³⁹Dagaduwau, se Yeso da vəri, kakə mi aci kawau, i nye ɗa guguyak Zaitun, pukuraucin gu ke da ɗəgaci. ⁴⁰Akshi zada riwu tənu, se aci da ramikshi ma, "A dlama magita, gaɗa kwa vəgee kun jarrapta bai."⁴¹Se acu da dabi kəma rap da rikshi, da pi kufugəri da dlam magita. ⁴²Aramau ma, "Baaba, ka laməntudu nin, amidanai gərgiyak bone təku da ɗaga. Dəkna kasən, ka ɗəga bee nacu bai, a kəci da dlaɓa!"⁴³Se so maleika da pakai da dəsku, a ɗauzatagəri. ⁴⁴Gaɗa acu a kun kabine tlaparr, se da ci kəma na magita , harr ɗafugəri da jəb payi tlaparr ka ɗatlka dədəm i ɗa.⁴⁵Yeso tla dari magitagəri tənu, se da kaci ri pukurraucingəru, da tashakshi a yiwan, gaɗa ayuwa gəshi. ⁴⁶Da ramikshi ma, "Kwa yiwan gaɗa gəmo? A tlina kwa dlam magita, gaɗa kwa vəge kun jarapta bai."⁴⁷Acu a kun dlamekshi rama, se so algi ndawa da pakai. Yahuda, gayi da kunu muwanaucingəri guma ayawo shiringu, deu na akshi. Se da dabai i ri Yeso, da jəbaci i guvagəri. ⁴⁸ Amma Yeso da jayaci ma, "Yahuda, kane na jəba gənən i guva bi, kaye bari wəngənən?"⁴⁹Lakwtu pukurraucin warra a ɗagayi na Yeso ika bee warra a wakata tənu, se da jayi Yeso ma, "Məgənyi, ja dlam karam bi, na kasakarr? ⁵⁰Se gayi da kunu pukurraucingu da karmi guzəɓ marəm pərrisgu, dagəjidici aguɗgəri kə mata. ⁵¹Amman Yeso da ramikshi ma,"Kwa dlama kasu wam bai." Se da lənci aguɗ warrau, da ngaci na aci.⁵²Se Yeso da rami marəm pərrisaucingu, na marmamin askarabu ɗəmi wənduwa Səku, na ndawa gazgaraucin mi mi a gaaba na acu ma, "kwa deu na kasakarr, na zawawin gaɗa jəbagaa, kabe iyu baci bmbəɗa? ⁵³Fatawanke na ɗagayi nakun, i wənduwa səku, kwa jəbayu bai. Amman sutku atu ne lakwtakun, na kərrmai Ləspərr da dlam wana ."⁵⁴Akshi da jəbna Yeso dayinkakshi na naci i wənduwak marəm pərris. Amman Bitrrus da jəb ɗəgagshi da pəɗəm. ⁵⁵Ndak ɗəmi wənduwau da fici aka i gandərvu wənduwau, dambashinakshi i miyau, se Bitrrus ke dambashingəri i witakshi.⁵⁶Gabayi dabaku ɗagai ikau Bitrrus dambasu a miya akau tənu, se da pəci da, da ramma, "Nənangu a ɗagayi na aci." ⁵⁷Amman Bitrrus da dlamna gamɗayau, daramma, "Ama, na zəgaci bi pa." ⁵⁸Aku lakwtu rap, warrau ɗagai ikaci tin, se da ramma, "Ci cam gayi da kunakshi." Amman Bitrrus da ramma "Kaici, iyu bai."⁵⁹Aku lakwtu rap, se nən ɗagi wam da ramma, "Katanas ,nənangu a ɗagayi na aci, gaɗa acu nən Galili." ⁶⁰Amman Bitrrus da ramma, "Warra! Na zəga bee ka ramau ngum bai!" Damba da dami ramau, se gaskam da dlam kwakuryakok.⁶¹Məgənyi da məsci daiki Bitrrus. Se Bitrrus da tanyi təlam Məgənyi, warra ramici, "Damba gaskam da dlam kwarya gusku, ka dlamagamɗaya zəgər kwan ma, ka zəgayu bai." ⁶²Se Bittrus da vəri vəda, da ɗanyi tlaparr.⁶³Se ndawa warra nda mpakshi i ɗəmai Yeso, da ɓanji ngarrəmtagəri da dadgaci. ⁶⁴Akshi cimdici daagəri tin, da jayaci ma, "A rami təlam da ri Səku! Kəmu ci nin warrau tawan?" ⁶⁵Aksh dlamu rama gaɓshu gawa i ɗa Yeso, da dlamici ngadar i ɗagəri.⁶⁶Da tlanu tənu, gazgaraucin kə Yahudaucin, na marmamin pərrisaucin, na malacin dumaya da cacpi, se ndanna Yeso i kəma majalis, ⁶⁷da ramma, "Aramija, ci ne Masihu?" Amman aci da ramikshi ma, "Ko na rami kun, kwa kasakta na iyu bai, ⁶⁸ke na dlamikun jaya nin, kwa ngumugu bai.⁶⁹Amman da kəmangu, Wəngənən aye dlɓa da mbasu i ami mata kərrmi Kakasəku." ⁷⁰Se akshi mak, da ramma, "kane cigu wən Kakasəku bi?' Dangumikshi ma, "Kwa ramdu kal kal, kasənu." ⁷¹Se akshu da ramma, "Wate, wa maka zada saida tawam zam? So, wa kəmadu da miyagəri."

¹Se ndak majalis kə yahudaucingu mak datli, dayi na Yeso i kəma Bilatus. ²Akshu da ɓanji zankam i Yesogu, a rammau ma, "Ja beu nənagu a shikshikta ndawa. A ramekshi ma da nguma arrajo bai, zam a təka ramau ma aci gu Masihu, dəgəm."³Bilatus da jayaci da ramma, "Cine dəgəm Yahudaucin ?" Yeso da ngumici ma, "Ka ramu kasənu." ⁴Se Bilatus da rami marmamin pərrisaucin na algu ma, "Iyu rro na bau ko bike iri nənangu bai." ⁵Amman akshi da jəb tatkau na awayau, ma, "Acu a shikshikta ndawa, a gugza i rawanke i larrdi Yahudiya, Ɓandeu da Galili, harr so dengəri ritku."⁶Bilatus kəma kasən tənu, se da jayi ma, "Warrau nən Galili bi?" ⁷Acu kəma ma Yeso a dəɗa kərrmai Hirridus tənu, se da dabi na aci ri Hirridus, Lakwtu ke Hirridus a kun Urrushalima.⁹⁸Hirridus ika Yeso tənu, se da dlam pərrɗai rrankata, acu maku daikaci tin kaɗe. Gaɗa acu kema labarrgəri, ke aci təka tuman launa bik ajap da rigəri.⁹Hirridus da dlami jaya i Yeso i kun təlalmin gawa, amman Yeso wurici bee waammbai. ¹⁰Marəmamin pərrisaucin na malamcin dumaya mi darr'yi a riwu danai i kəma, a dlama zankam i Yeso i ɗa bee gawa.¹¹Hirridus na askarbaucingri da jəb nanga gəri, da dlamici muwa, da ɗawici karre dəgəm, a ngarrəmtagəri, da kaci na aci i ri Bilatus. ¹²Hirridus na Bilatus da dlaɓinakshi mangaucin gafogu. Waci kuwa akshi a gaba i gatukshi.¹³Bilatus da cacpe marmamin pərrisaucin na nda garva na algi ndawa, ¹⁴da ramikshi ma "Kwa deu danai nənangu ma, 'A shikshikta ndawa i ɓədamu.' Sotai na jayaci i kəma kun, amman warrangu na bikekin warra kwa təka ramau ma acu dlamu bai.¹⁵Ko Hirridu ngum a tuma da acu acu na bike bai, gaɗa sənu, kate diwa aci. Nənangu go be mi dlamu warra bata na mutu. ¹⁶Gaɗa kasənu, na dlameci lakodi na ta'yi na aci" ¹⁷[Daaman i lakwtu Ngəmurri paska tawanke, Bilatus a ta'yi nən gayi da dəlo.]¹⁸Amman makshi da dlam kurwa, a ramau ma, "Aamina na warrangu nda təkədu, nda tayi ja Barrabas!" ¹⁹Barrabas gu nən mi a kun dəlo, dlamu bike ɗagai kə tlatli ankal ndawa, harr təkə nən.²⁰Bilatus ancu da tayi na Yeso, se da dlamikshi rama wam. ²¹Amman akshu da jəb kurwa, a ramau ma, "Nda dləga na aci! Nda dləga na aci!" ²²Bilatus da dlamikshi rama zəgər kə makwan ma, "Gaɗa gəmo? Aipu tawan nənangu dlamu? Iyu dai nabaci na bee ɗagai warra bata wuda shariya mutu bai. Na ɗawau nda dlamici lakodi, na ta'yi na aci."²³Amman akshi da jəb jəktagəri na kurwa, a makau ma se nda dləgi na Yeso. Se kurwakshu da nzəmi na Bilatus. ²⁴Se Bilatus da dlamdikshi bee akshi ancu. ²⁵Aci da taɗe dikshi nən mi akshi maku da taɗaigu, warra a dəlo gaɗa bike tlatli ankal ndawa na tək gənən. Amman da baridikshi Yeso gaɗa bee warra akshi ancu.²⁶Askarrabaucin mau yeso da ri Bilatus tənu, se akshi da jəbi ɗagai baci dləgun Simon kə Bakurane, warra a təka ni da ɗa pata, se da mpici dəm dləga i aɗa gəri, nda ɗawaci da ɗəgi aku Yeso.²⁷Algi ndawa gawa ke da jəb ɗəgakshi, harr na amatau warra gəshakshi ga-dləmatak, a təka aɗan Yeso. ²⁸Amman Yesogu da məstai i rikshi, da ramma, "Amatin Urrushalima, kwa dlama aɗan gaɗaga bai, a dlamina gaɗa aɗakun na kutlatlkin kun.²⁹Aikina, lakwtu aye ni, mi ndawa aye ramau ma, 'Barrka i amatin duguraucin , na bazhi mi ngalte yawu bai, na anyi mi ngalte tliɗu bai' ³⁰I lakwtu ne, akshi aye rame guguyayin ma, 'A vəgine aɗa ja!' Da rami zəgawawin ke ma, 'A cimina na ja!' ³¹To. akshi dlamu bayangu sartu mi waka gatla nin, tam a wakata sarrtu mi wakau gauɗak?"³²Askarrabaucingu dayi na Yeso na ndak bike shirin, gaɗa nda təki na akshi.³³Akshi zadeu i ri mi nda ɗaurau, "Kwankwayak" tənu, se akshi da dləgi na aci na nnda bikegu. Nən gayi da baka mata gəri, gayi ke da madlawai gəri. ³⁴Yeso da ramma, " Baaba, a təptidikshi, gaɗa akshi zəga bee mi aksha dlamau bai. " Se askarrabaucingu da dlam baama, i ɓəra kacumamin gəri.³⁵Ndau darr yi a launa bee warra a wakata, nda garva ngum da jəb dlameci muwa, a ramau ma, "Aca ra ndawa, to da ra aɗagəri ba, aci Masihu kə Kakasəkugu nin."³⁶Askarrabaucingu ca da dlamici muwa. Da ɗəvarici am i inabi warra zhomungara tlaparr, ³⁷a ramau ma, "Ci dəgəm Yahudaucin nin, ari aɗaci ba." ³⁸Nda dlam tarran ɗagai i dəsku aɗagəri ma, "Stku dəgəm yahudauci."³⁹Gayi da kun ndak bike warra nda dləgakshi ɗagayi na acu da dlamici muwa, a ramau ma, "Biwu, ci Masihu bi ko? To ari aɗaci ba, ka ri ja ke." ⁴⁰Amman nən gayu da gərrnyi aɗagəri, da ramma, "Ci ka kalu Səku bi ko, Ci warra nda hagatu ci kal kal na aci? ⁴¹Wa rro nda hagatuwa kal kal na bikewa, amman nənangu go bike, ko rrab."⁴²Se da ramma, "Yeso a tanayu, ka deu i kun garvaci nin!" ⁴³Yeso da ngumici ma, "Jirre na rameci, katanas gusku ka dlaɓa na iyu i kun janna."⁴⁴ I adliyadliya, se ɗagu da dlaməngara ayuwa pələk harr miya aduwau, ⁴⁵afa dlaməngara ayuwa tənu, se ɓabərəm kə kun Wənduwa Səku da tləmpiyingara da dəsku harr dəɗa da gadava.⁴⁶Yeso da sukci wuragəri na awayau da ramma, "Baaba, na baru na arroga i amici." Ramu kasu tənu, damcingəri. ⁴⁷Marəm askarrabu ika bee warra wakatu tənu, se da səkarrci Səku da ramma, "Pakat, nənangu baci adalta."⁴⁸Algagin mi deu i riwu gaɗa saida riwu, ika bee mi nda dlamu tənu, da kacinakshi wənduwa, akkəma adlakshi i kun dləmatu gəshi. ⁴⁹Amman ndiwa mi zəga na Yeso mak, harr na amatin mi ɗəge aci da larrdi Galili, da rrə'yinakshi pəɗəm, a lawan bee wakatu.⁵⁰Na nən ɗagai baci dləgun Isubu,, gayi da kun marəmamin majalis Yahudaucin, baci adalta na kunu gayi, ⁵¹(Aci kuru na kwapta i ɗa na bee mi akshi dlamu). Aci nən ɗa Arrimatiya kə kun larrdi Yahudiya. Acu kuwa a kun dəri ni garva Səku.⁵²Isubugu dayi ri Bilatus, da jayi guvu Yeso. ⁵³Se da wurtedi ɗa, da yayiɗidu i kun bakta lilin, da ɗawudi kun auɗu, mi nda bədlu i kun guguyak, warra ngalte nda dabgu nən i kunu bai.⁵⁴Gafogu, gazarrab nda ɓanji na gafa putu. ⁵⁵Amatin warra ɗəge Yeso da larrdi Galili tənu, da ɗəgi Isubu, gaɗa akshi daiki ri auɗugu, na zada dabak mi nda dlami guvu Yeso gu. ⁵⁶Se amatingu da kacinakshi wənduwa, da dlam sapərra mərak zuwa, na atərrshan. Se gafa putu gu, akshi da ji mafiya, kakə mi dumaya ramu.

¹Pǝɗǝk-Pǝɗǝk gafak sukur kǝ magi, akshi da nai i ri auɗu akshi dan na kare aci fan karak mi akshi sapartu. ²Akshi da tasai na jǝmbuluna guguyak gu da miya auɗu. ³Akshi da tǝfi l kunu, amman akshi ba tǝka Mǝgǝnyi Yeso bai.⁴Wakatu kasin, sartu mi akshi ga tlayak aɗa sǝnun, go tatsǝna nǝn shirin dar'i i kǝmakshi na kare mi a wiɗa. ⁵Sartu mi amatau gu gutkina aɗakshi gaɗa kalau akshi da rami ma, "Gaɗa gǝmo kwa maka baci aro i kunu gamtatin?⁶A ri tuku bai amman tlangǝri! A tani na na rama wara rami kun sartu wara aci a kunu Galili, ⁷maya nda barna Wǝngǝnǝn ndawa mi na aipu. Akshi da dligǝ na aci; aku yuwan kwan a tlayingǝri."⁸ Se amatau gu da tanyi na tǝlam gǝri, ⁹akshi da kacinakshi da ri auɗu akshi da rami i guma ayawa na ndawau Jǝgab bayangu mak. ¹⁰Atu Maryamu Magadaliya Yagana Maryamu mi Yakubu na gagzhin amatau wara a ɗa gayi na akshi akshi da bar labar be wakatu i mawanaucingu.¹¹Amman mawanaucingu dami na ramau i ɗak be wambai, kuru akshi da kurna bar Jirewa i amatugu. ¹²Duk na kasǝn Bitirus da tlii se da rawi i ri auɗu, da gutki dai ki kunu, sai aci daki likafanu rugara. Da sǝn aci dayingǝri i wǝndugǝri aci a jabta be wara wakatu.¹³I gafau se so shirin da kunakshi a rakan i nye kauye mi nda ɗaurau ma imawus mi gadava gara na Urshalima ka mel kwan. ¹⁴Akshi a rama gatukshi i ɗak be wara wakatu.¹⁵Sarta wara akshi a rama a jaya aɗau tunu, se Yeso na aɗa gǝri da dabe i dantau na akshi da jǝb rakan i ɗa gayi na akshi. ¹⁶Amma dukshi dǝma rǝpta daa da yakinci ma aci bai.¹⁷ Yeso da ramikshi ma, "Bi wu kun shirin kwa rama a ɗa gǝmo sartu mi kwa rakan?" Akshi darɗi i riwu gǝshak shi ga dlimatak. ¹⁸Gayi da kunakshi, babu dlǝgun Kiliyobas da ngumi ci, "Ci ruci bi nǝn wara a kunu Urushalima, mi zǝga be wara wakatu bai i ri tǝnu i kunu yuwanangu?"¹⁹Yeso da ramikshi ma, "Biwu tawan?" Akshi da ngumici ma Be a ɗak Yeso kǝ nazarat, mi aci nabi, baci marmamin wana na tǝlam da ri sǝku na ndawa, ²⁰na yadda marǝmamin priestaucin na ndak garva akshi barna aci gaɗa nda hagaci na aci i mutu zam nda dligǝ na aci.²¹Amman akshi dlam tumangu ma aci ne a ye dligdǝ kutli Israila. I, aku na sǝn zam gususku yuwan kwan na be wara wakatu.²²Zama gusku yaye, amatin mi aɗa gayi na ja dlami ja bik ajab, lakwtu akshi ji ri auɗu tǝn pǝɗǝk. ²³Akshi i ka tǝka gǝri bi tunu akshi da nai, a ramaw ma akshi ye ika wahayi da ri malekaucin mi akshi ramikshi ma aci na aro. ²⁴Gamsaɗin jǝgab da kunu dayi ri auɗu, akshi da tashi ka ki wara amatugu ramu. Amman akshi i ka ci bai.²⁵Yeso da ramikshi ma, "Kun kakaɓawaɗ na ndak kur bar jirewa na be nabaucin ramu! ²⁶Dlamǝngara katanas bai ma, Masihu da shi bone bayangu mak, zam aci da tǝfin geri i kunu saksakta gǝrí?" ²⁷Tunda sǝkur Musa, har i nye nabaucin mak, Yeso da parak cikshi duk be mi nda ram i ɗa gǝri na kakkadu mak.²⁸Da akshi zadenakshi dantu kaye gutunu ri mi akshi aya, Yeso da dlam ka aci a nutana akshi. ²⁹Amma akshi da ɗawaci i awayu, maya, am mbashi naja, gaɗau dlamingara afa atuke gaza gawabai da vǝgǝrigara." Se Yeso dayi da mbasin gǝri i rikshi.³⁰Lakwtu mi aci aɗa gayi akshi aya taa bikta sai aci dami boridi da barkawaci da pishashiri da barikshi. ³¹Dasǝn daakshi da rǝpcin gara, akshi yakintu na aci tunu, se da ɗayin gǝri da rikshi. ³²Se akshi da rami gatukshi ma, "gǝshawa baki bai i kunawa sartu mi aci a rakan aɗa gayi na wa i ɗak dǝvu, sartu mi aci rǝptiwa kakkadadin?"³³ Akshi datli i sartu, se da ka ci nakshin i Urshalima. Akshi da tasi guma awaya gayu a aɗa gayi na ndau jǝb na akshi, ³⁴maya, "Katanas mǝgǝnyi Yeso tlan gǝri aci dagǝmu na Siman." ³⁵Se akshi da ram be wakatu i ɗak dǝvo mak, na ka ki mi nda tatkikshi Yeso na lakwtu wara aci pishashuru burodi.³⁶Sartu mi akshi a tǝka rama bayangu se Yeso dar'i gadavakshi, se da ramikshi ma, "Salamko." ³⁷Amman akshi da kalwunakshi na kalau akshi a tumangu ma akshi i kana nǝnuwa.³⁸ Yeso da ramikshi ma, "kwa jǝkta gaɗa gǝmo? Gaɗa gǝmo kwa jaya i kunu gǝshakun? ³⁹Aikina amiga na zǝgǝrga, i ɗak Iyu ne na aɗaga. A lǝnta kwai ki. Gaɗa nǝnuwa na tǝka bai na awǝk bai ka ki wara kwai kau Iyu na atu." ⁴⁰Aku aci dlam rama tuku se aci da tatkishi ami gǝri na zǝgǝ gǝri.⁴¹Sartu mi akshi da niya na pǝrdai na bi ajab tunu Yeso da ramikshi ma, "kuna bikta ɗagǝ bi?" ⁴²Se akshi da ba ri ci vǝnekau da baka, ⁴³Yeso da gǝnyi, da ci kimakshi⁴⁴Se aci da ramikshi ma, "Sartu mi na ɗa gayi na kun tunu, na ramdikun maya, duk be mi nda tarnu i kunu linok Musa na kǝ nabaucin na, zabura katanas da jǝbki."⁴⁵Se aci da rǝpci hankalshi gaɗa akshi da yakinci kakkadadin. ⁴⁶Da ramikshi ma, "Da tarna ma, "masipu a sa bone, a tlayin gǝri da kunu mutu, i kunu yuwun kwan. ⁴⁷A dlamina wa'azik tubi na kǝ tubta aipapin i kunu dlǝgun gǝri i duk ndawa mi zǝga Sǝku bai, a bandina da kunu Urshalima.⁴⁸Kun saida ne i bayangu mak. ⁴⁹Aikina na wana akawar Afǝk ga i ɗa kun. Amma a dirina i kunu Alkariya. Se da nyi kun na kǝrmai da dǝsku."⁵⁰Dasǝn se Yeso dayin gǝri i ɗa gayi na akshi har i dantau Betanya. ⁵¹Se da sukci ami geri da pikshi barka.⁵²Se akshi da dlami ci nakwana da kalakcinakshi i Urshalima na pǝrɗai gawa. ⁵³Fatawanke akshi a kunu sǝsu magita akshi a barkata Sǝku.

¹Lakwtu mi wara Yeso zigadu parrisaucin gu abin dak diga geri. ²(Yeso na ada geri da dlami ci baptisma bai amman nda dlam du i pakuraucin geri), ³dai vina Judiya dayin geri i kunu Galili.Amman jəbəngara aci da yi da Samariya. ⁵Se aci da tefei da ɗa ki Samariya nda dauro ma Sychar a dantau a patata mi Yakubu bari wun gəri Yusuf.⁶Duwa Yakubu a riwu, Yeso diwatlingəri na rakan dambashin gəri miya dawau, dan tu na lakwtu zədu. ⁷Se amak da Samariya da nai i ma am, Yeso da jayatu ma, "A bara ni am na shi." ⁸Sartu pakurauccin gu jinakshi kun da i masayi bikta.⁹Se ama Samariyau da ramici ma, "A dlama na na ci Yahudu ka ja ya ga ama Samariya na bari ci am ka shi?" go be nibki Yahudu na Samariya. ¹⁰Yeso da daramitu ma, "Da kasigana barik Səku nen, na baci jaya kəm ma a baranai na shi da ka jaya ci da a bar dikəm am aro."¹¹Amau da ramici ma, "Wara ci na kurpi bai so duwau ke gazbər ka be am aro gu da rawan? ¹²Ci kadkana afaja Yakubu bi ba ci bari ja duwau, mi aci gum sau da riwu na kutlai gəri na fayin gəri?"¹³Yeso da kalaktitu da ramitu ma, "Tike mi sa am tukun a kəmuna giji wam, ¹⁴amman nən tawanke wara aye sau da kun am mi na baru a kimu giji wam bai, gaɗa am mi na baru a dlamangara am i kunu gəri mi barici am aro mi go dadigiri."¹⁵Amau da ramici ma, "Wara, a bara nai am tuku gaɗa na kəma giji wambai na vina ni i magum tuku." ¹⁶Yeso da ramitu ma, "A ji ka daure misakim kwanai i rituku."¹⁷Amau da ramici ma, "Iyu na məsek bai" Yeso da rami tu ma, "Karamna jirewa i dak kim na misek bai,' ¹⁸Gaɗa ka dlam misaskin vaɗ kuru mi ka da gayi na aci məsakəm bai be karam gu jirewa.¹⁹Amau da rami ci ma, "Wara na lawangu kabe ci nabi. ²⁰Afafkin ja dlamu nakwana iɗa guguyak tuku amman ci karam ma Urshalima a ne ri ndawa aye dlama nakwana."²¹Yeso da ramitu a bara jirewa Ama, lakwtu a ni mi ka dlama na kwana i afək i ɗak gugyaktu ko i kun Urshalima bai. ²²Kwa nakwana i be kwazga bai, ja ja nakwana i be jazgadu, ra ani da ri yahudauccin.²³Dəg na kasen lakwtu a ni, a rituku me wara ndak na kwana jirewa a dlama nakwana i afək i kun Nənwa Səku na jirewa, gaɗa afək gu a maka zada ndangu da dlapeci nakwana gəri. ²⁴Kakasəku Nənwa kuru ndak dlameci nakwana ye a dlame ci nakwana i kun Nənwa na jirewa."²⁵Amau da rami ci maya, "Na zigadu masihu gu ani (Nən mi da rauru ma məgənyi). Lakwtu aci den a rama dija be tawanke." ²⁶Yeso da rami tu ma, "I ne aci, ba ci dlame kəm rama tuku."²⁷A sartu ye pakurauccin gu zadenakshi. Se akshi da jibi jabtau dawun tam aci a rama na ama, amman go nən dlam rama idau, "Kancu tam?" ka rama na atu gaɗa gemo?"²⁸Se amau de vina dawai ma am gara, da yen gara kun da da rami nda ɗangu ma, ²⁹"An na kwa ki nən mi ramda nai be na dlamu mak. Su a dlaman gəri Masihu da, ko na na?" ³⁰Akshi dai vena dagu da ni ri gəri.³¹A sartu gu pakurauccin a tika dlame ci rama ma, "Mulum aci ta." ³²Amman aci daramekshi ma, "I na bikta wara kwa ziga bai." ³³Se pakurauccin gu da rame gatukshi ma go nən deu dici bikta, ko na na?"³⁴Yeso da ramekshi ma, Abən ga nin na dlam be wara baci wanai gu ancu kuru na damuna wana gəri. ³⁵Kwa ram bai ma, gaza tera hudu lakwtu karam da nin gara? Na ramekun, a suktina aɗa kun i dəsku kwa ki patata kam gu na bai nawangara gazen karam! ³⁶Ba ci wana karam aye genyi tumanja na cacpu di aro me go dadegiri. Gada ba ci zəgəm na baci wana karam gu da kime karak iɗa gayi.³⁷I kun ramatuku jirewa, 'nən gayi a zəgəm, ma shirin a karam.' ³⁸Na wana kun kwa dlam karam be wara wana du bai. Ndawa jəgab dlan na wanau, kun ye kwadfinakun i kun wanakshi."³⁹Gawa da kun Samariyauccin gu wara vire ɗa dagu bar dici jirewa gaɗa rama wara akshi kəmau da miya amau, "Aci ramda be tawanke wara na dlamu." ⁴⁰Sartu mi wara Samariyayin gu deu ri gəri, akshi da jaya ci iɗak dambashi na akshi se aci da fuwi i ritun ki yuwan shirin.⁴¹Se ndawa gawa da Sekuni bar jirewa gaɗa tilam gəri. ⁴²Se akshi da rami amau ma, "Ja jirewa gaɗa be karamija bai, amman na adaja ja kəmadu, kuru jazegadu iɗak na nangu baci ra duniya.⁴³Aku na yiwan shirin tunu, aci da tli da ritunu da yin gəri Galili. ⁴⁴Gada Yeso na aɗa gəri gum rama nabi na martaba bai ikun dak shi. ⁴⁵Akshi ike na be wara mak aci dlamu ikun Urshalima a lakwtu ngumuri gaɗa akshi ye ju iri ngumuru.⁴⁶Zam aci da nai wam i Kana ki Galili iri wara aci mustu am i am dəninim na nən baci aɗa garva wara matikan gu gabɗai a kun Kaparrnahum. ⁴⁷Lakwtu aci kəma ma Yeso ivena Judiya a ni i Galili da ramici ma da nai ba, ndam gaci wun gəri wara a miya mutu.⁴⁸Yeso da ramici ma, "Se ke kau gagənawawen na bi bari ajab ben ka bar jirewa bai." ⁴⁹Baci aɗa garvau da ram maya baci martaba a yan damba mattkikam ga damci." ⁵⁰Yeso da rami ci maya, "A ji mattikam ci ngatin gəri" warau bar na jirewa aɗa təlam mi Yeso rame ci, se da yin gəri.⁵¹Lakwtu aci a kun rakan tunu, dan nda gəmən gəri na guzabcin gəri iɗak dəvo da rameci ma mayingu ngatin gəri. ⁵²Se aci da jaya akshi sartu mi wara ngatu akshi da rami ci ma, "Garvaca dantu na sartu ma gatkasa, furau guvo dai va ci."⁵³Se afəku da sanutudu kalkal na sartu wara Yeso ramici ma, "Mattkam ci a gatan gəri." gaɗa ka sunu aci na aɗa gəri na ndak kun wunduwa gəri mak da barna jirewa. ⁵⁴Su tuku bi ajab ma shirin wara Yeso dlamu lakwtu mi aci ive Judiya da ni Galili

¹Yeso da yin gǝri i aɗak gugyak Olives. ²Dǝgigɗa a ci dayi kun wǝnduwa Sǝku wam, se algu mak danai a ci da mbashi da dlamikshi gugza. ³Malǝmcin dumaya na pakuraucin ndan di ci ama mi akshi jibu i dawana, akshi dan na atu dam pina atu i gadava.⁴Se akshi darami ci ma, "Malǝm, amangu nda jǝba tu a tǝka tapai. ⁵Gusku i kun dumaya, Musa rami ja ma nda virki zada ndangu na gugyayin: Ci wam ka ramma tam i aɗa gara?" ⁶Akshi ram su tuku gaɗa akshi a maka da jǝba ci na gaya ida gara, Amman Yeso da guɗki iɗa da dlam taran i gagai na gurbak gǝri.⁷Akshi irdi bai na jaya gǝri, a ci da tli dardi dǝsku se da ramikshi ma, "Nǝn wara na aipu bai a kuna kun sǝkur da banda virak gara na gugyak." ⁸Zam a ci da gugti da tarni iɗa wam na gurbak gǝri.⁹Sartu akshi kǝma ka sunu, akshi da bandi zǝrma gayi na gayi ɓandau da ɗa marmamain witakshi. Da ku gu ndai vina Yeso ru gǝri, se amau wara wa ci dardi a gadava. ¹⁰Yeso da tli dardi da ramitu ma, "Ama, nda ndak dlamekǝm adalama? Gayi da kunakshi jǝb kǝm na aipu be? ¹¹Atu daram ma, "Go nǝn, Mǝgǝngyi" Yeso da ram ma, "Iye na jǝb kǝm bai, a ji bi kem fak ka dlama aipu wam bai."¹²Zam wam Yeso da dlamikshi rama ma, "Iyu ne payan ki duniya, nǝn ba ci dǝga ga a dlam rakan i kun da ayuwa bai, amman a bi na payan ki aro." ¹³Parrisaucin da rami ci ma, "Ka bar saida i ɗa ci; saida ci jire bai."¹⁴Yeso da ramikshi ma, "Ko na bar saida aɗa ga, saida ganai jire, nasgana ri na deu kuru i na ri na ya, amman kun kwasga ri na deu bai na ri wara na ya. ¹⁵Kwa ngalta gǝ nǝn da tǝka, Iyu na ngalta gǝ nǝn bai. ¹⁶Amman da na ngaltan, ngalta ga a dlaɓa jire gaɗa Iyu ruga bai, Iyu na da gayi na Afǝk wara waneu Iyu.¹⁷Auwo, i kun dumaya da tarna ma saidak ndawa shirin dlamun gara jire. ¹⁸Iyu nǝn wara bari saida aɗa gǝri kuru Afǝk ye wara waneu Iyu bar saida i aɗa ga."¹⁹Akshi da rami ci ma, "Afǝk ci a rawan?" Yeso da ngumikshi ma, "Kwasga Iyu bai bale Afǝk ga; da kwas gana Iyu nin da kwasga na Afǝk ga cam." ²⁰A ci ram tǝlamin tuku da kun bitilman lakwtu wara a ci a kun gugza i kun wǝnduwa Sǝku na nǝn wam jǝba ci bai gaɗa sartu gǝri zadai bai dǝgo.²¹Zam a ci da ramikshi ma, "Na yanga fak; kwa ye maka ga, kuru kwa mutuna kun i kun aipabin kun ri wara na ya kwa dǝmu ni bai." ²²Yahudaucin da ram ma, "A tǝk aɗa gǝri bi? Gaɗa su ne a ci ramma, "Ri na ya kwa dǝmu nya bai?"²³Yeso da ramikshi ma, "Kun dak duniya, Iyu da dǝsku. Kun ki kun duniya Iyu ki duniya bai. ²⁴Gaɗa ka sunu, na rami kun ma kwa mutu na kun i kun aipapin kun. Se kwa bar jirewa iɗa Iyu ne a ci bin kwamtuna kun i kun aipapin kun.²⁵Akshi da ramici ka sunu ma, "Ci tai?" Yeso da ra mikshi ma, "Be wara na rami kun da sǝkur gara. ²⁶Iyu na be gawa na rame kun kuru na shariyata aɗa kun. Duk na ka sunu, ba ci wanai ga jire na be wara na kǝmau da ri gǝri jandau tuku na ramdu i duniya." ²⁷Akshi sanutu bai aɗa a ci aromau na akshi i aɗa Afǝk gǝri.²⁸Yeso da ramma, "Laktu wara kwa suktu na wǝn gǝ nǝn i dǝsku sartu kwas gudu Iyu ne aci, kuru na dlama be na aɗa ga bai ka ki be Afǝk gu gugza na ram jandau tuku. ²⁹Ba ci wanayi gagu aɗa gayi na Iyu, kuru iva Iyu i ruga bai gaɗa kulum na dlama be ntu gǝri." ³⁰I sartu Yeso a rama jandau tuku, ndawa gawa da bar di ci jirewa.³¹Yeso da rami yahudaucin wara bar di ci jirewa ma, "In kwa dlaɓu na kun i kun tǝlam ga, to jirewa kwa dlam na kun pakuraucin ga; ³²kuru kwa zǝgi na jirewa, jirewa ara na kun." ³³Akshi da ra mi ci ma, "Ja kakancin Ibrahim, ngalte ja dlam guzabcin gǝ nǝn bai, a dlama na na karam ma, 'Nda ra na ja'?"³⁴Yeso dan ngumi ci ma, "Jirewa, jirewa na rame kun nǝn tawanke mi dlamu aipu guzub aipu. ³⁵Guzub a mbasu kun wǝnduwa bai fatawanke; matkam a dlaɓe wǝnduwa fatawan ke. ³⁶Gaɗa kasau, in matikangu tligɗi na cin jirewa ka tligɗi na ci.³⁷Nasgadu kun kakancin Ibrahim; kwa maka tǝk ga gaɗa tǝlam ga na ri bai i kuna kun. ³⁸I na rama be wara nekau a ri Afǝk ga, Kun ye kwa dlama be kwa kǝmau da ri afǝk kun."³⁹Akshi dan ngumi ci ma, "Afǝk jan Ibrahim" Yeso da ramikshi ma, In da kun kutli Ibrahim nin da kwa dlama wana ki Ibrahim. ⁴⁰Amman gusku kwa maka tǝk ga ba ci rame kun jire mi na kǝma da ri Sǝku. Ibrahim dlam su bai. ⁴¹Kwa dlama wana afa kun." Akshi da rami ci ma, "Nda 'yaw ja da kun tapai bai; ja na Afǝk gayi, Kakasuku."⁴²Yeso da ramikshi ma, "In da Kakasǝku Afǝk kun nin da kwa ntuta na Iyu, gaɗa na deu da ri Kakasǝku so Iyu na ri tuku; Ngalte na deu gaɗa aɗa ga bai, amman a ci waneu Iyu. ⁴³Dawun tam kwa sanutu tǝlam ga bai? gaɗa kwa kǝma tǝlamin ga bai. ⁴⁴Kun ki afǝkun, lǝsper kuru kwan cu dlama be afǝkun ancu. A ci ba ci tǝk gǝ nǝn da sǝkur gara gum, ancu ri di iɗak jirewa bai gaɗa na jirewa bai a kunu gǝri lakwtu a ci a ramamin papiya, a rama da kunu gǝri gaɗa a ci ba ci ngadar kuru afǝk nda ngadar.⁴⁵Zam, gaɗa na rama jirewa, kwa bara jirewa bai. ⁴⁶Tai da kuna kun ba Iyu i kun aipu? In na rama jirewan dawun tam kwa bara jirewa bai? ⁴⁷Nǝn mi wara ki Kakasǝku a kǝmu na tǝlamin Sǝku kwa kǝmukshi bai gaɗa kun ki Sǝku bai."⁴⁸Yahudaucin gu dangumi da rami ci maya, "Biwu jire jarami ci bai iɗak ci ba samariya kuru ci na zuwak?" ⁴⁹Yeso da ramikshi ma, Iyu na zuwak bai, amman na martapa Afǝk ga, amman kun kwa kuru na Iyu.⁵⁰Na maka kǝrmai gada ga bai; na dagai a makau hagata. ⁵¹Jirewa, jirewa na rame kun in na nǝn mi jǝbna rama ga nin a ci fak a lawan mutu bai."⁵²Yahudaucin gu da rami ci ma, "Gusku ne jasgadu ci na zuwak, Ibrahim na nabaucin mutu; amman ka ramma, duk nǝn mi wara jǝb na tǝlam tukun, warau a tamba mutu bai. ⁵³Karmana afaja Ibrahim bi wara mutu? Nabaucin cam mutu, ci ka mana aɗa ci tai?"⁵⁴Yeso da ngumikshi ma, "In na bar saksakta iɗa ga nin, saksakta ga a dlaman gara vatku; Afǝk ga nai ne ba ci bara nai kǝrmai iɗak nǝn wara kwa ramma a ci Kakasǝku kun. ⁵⁵Kwa zǝga a ci bai, amman na dlaman ga ka ki ci kun, ndak papiya. Amman nasga na a ci kuru na jǝbna tǝlam. ⁵⁶Afǝk kun Ibrahim dlam pǝrdai na lawan lakwtu ga , a ci i kadu da kǝmi karak.⁵⁷Yahudaucin gu da rami ci ma, "Ka dlam aman gumu vaɗ bai, karam ma ke ka na Ibrahim?' ⁵⁸Yeso da ramikshi ma, "Jirewa na rame kun kabin nda dlam Ibrahim Iyu na riwu. ⁵⁹Se akshi ndan gwi gugyayin da tli vǝrika gǝri amman Yeso da dipshin gǝri da virin gǝri da kunu wǝnduwa Sǝku.