¹Poyamba Mulungu elenga kulu na calo ca pansi. Calo cenze cosakonzewa bwio. ²Ndipo mucalo mwenzeve kanthu. Mdima wenze paliponse. Mzima wa Mulungu wenzoyenda-yenda pamanzi.³Mulungu eciti, "Lekani kutube." Ndipo kwetuba. ⁴Mulungu eona kuti kutuba kula kwenze kwabwino. Epatula kutuba kucosa ku mdima. ⁵Mulungu eita kutuba kula "siku", na mdima euta kuti "usiku." Ndipo kwenze mcingulo na m'mawa, pa siku yoyamba.⁶Mulungu eciti, "Pankhale mkumbi pakati pa manzi, na ugabe manzi kufuma ku manzi." ⁷Mulungu epanga mkumbi na kulenisha manzi benze pansi pa mkumbi na manzi benze palulu pa mkumbi, ndipo cenze teto. ⁸Mulungu eita mkumbi ula "kululu." ndipo kwenze mcingulo na m'mawa pa siku ya cibili.⁹Mulungu eciti, "lekani manzi yapanyansi yasonkhane pamozi pa malo amozi ndipo nthaka yoyuma ioneke," ndipo cenze teto. ¹⁰Mulungu eita nthaka yoyuma "calo," na manzi yesonkhanishiwa eiyaita kuti "nyanja," ndipo eona kuti niyabwino.¹¹Mulungu eciti, "lekani calo cishume vomela: vomela vili na mbeu na vimiti va vipaso vutwala vipaso vutwala vipaso vili na nsele mkati mwake, monga mwa mtundu wake." ndipo cenze teto. ¹²Calo cefumya vomela, vomela vetwala mbeu mwa mtundu wake, vimiti votwala vipaso venze na nsele mkati mwake, monga mwa mtundu wake. Mulungu eona kuti venze vabwino. ¹³Ndipo penze mcingulo na m'mawa, pa siku la citatu.¹⁴Mulungu eciti, "Lekani pankhale kutuba mululu kuti pasiyane mzuba na usiku ndipo kunkhale ngati vizindikilo va nyengo, masiku na vyaka. ¹⁵Lekani zinkhale nyale kululu kuti zipase kuwala pacalo." Cenze teto.¹⁶Mulungu epaanga nyale zibili zikulu zikulu, nyale ikulu ilamulile mzuba, na nyale itontho ilamulile usiku. Epanga sotinyenyezi. ¹⁷Mulungu eviika mululu kti vilete kutuba pa calo, ¹⁸kuti vilamulile mzuba na kulamulila usiku, na kusiyanisha kutuba na mdima. Mulungu eona kuti venze va bwino. ¹⁹Ndipo kwenze mcingulo na m'mawa, pa siku ya folo.²⁰Mulungu eciti, "lekani mumanzi muzule na vinyama vinyinji va moyo, lekani nyoni zimbululuke pa calo mu mikumbi ya mumlenga-lenga." ²¹Mulungu elenga vamoyo vikulu va munyanja, monga soti na vamoyo viyakine monga mwa mtundu wake. Volengewa voyenda na vuzula m'manzi paliponse, na nyoni zonse za mapapiko monga mtundu wake. Mulungu eona kuti venze vabwino.²²Mulungu evidalisa, eciti, "munhale ovyalana na kupaka, na kuzuzhya manzi ya mnyanja, lekani nyoni zipake pacalo." ²³Penze mcingulo na m'mawa pa sikku ya faifi.²⁴Mulungu eciti, "Lekani calo cikhale na volengewa vamoyo, ciliconse monga mwa mtundu wake. Vibeto, vukalaba, vinyama va pacalo, monga mwa mtundu wake." Ndipo cenze teto. ²⁵Mulungu elenga vinyama va pa calo monga mwa mtundu wake. Vibeto monga mwa mtundu wake, na vukalaba vonse va pa nthaka monga mwa mtundu wake. Eona kuti niva bwino.²⁶Mulungu eciti, "Tipange munthu mu cifanizo casu, na mucinkhalidwe casu. Leakani alamulile pa nsomba za mnyanja,pa nyoni za mu mlemga-lenga na pa vibeto, na calo conse, na pa vokalaba vonse vukalaba pa calo." ²⁷Mulungu elenga munthu mcifanizo cake, mcifanizo cake emulenga eve. Mwanalume na Mwanakazi ebalenga beve.²⁸Mulungu ebadalisa beve nakuti, "Muvyalane na kupaka. Muzuzhye calo, mucigonjese. Munkhale na ulamulilo pa nsomba za mnyanja, pa nyoni za mumlemga-lenga, na camoyo ciliconse coyenda pa cola." ²⁹Mulungu eciti, "onani, nakupasani vomela vonse vutwala nsele amene vili mcalo na cimuti cili conse cili na vipaso va nsele mkati mwake. Vibe cakulya canu.³⁰Kwa cinyama ciliconse pacalo, ku nyoni zili zonse mululu, na ku colengewa ciliconse cili na moyo. Nakupasani vomela va matepo kuti vibe cakulya. Ndipo cenze teto. ³¹Mulungu eona vonse velengwa. Ndipo eona, venze vabwino ngako. Ndipo penze mcingulo na m'mawa pa siku ya sikisi.

¹Ndipo kululu na calo capansi vesila, navamoyo vonse veikamo. ²Pa siku ya seveni Mulungu esilizya nchito yake, nopumula pa siku ya seveni ku nchito yake yonse. ³Mulungu edalisa siku ya seveni nolipatula, cifukwa mu siku lili epumula ku nchito yecita mucilengedwa cake.⁴Izi zenze zocitika zokhuza zakululu na pacalo capansi, pezelengewa, pa siku Yehova Mulungu pepanga calo capansi na kululu. ⁵Penzeve sanga pa calo capansi, kwenzeve mbeu ya m'munda yenzomela, pakuti yehova Mulungu enze akilyoleta mvula pa calo capansi, nakuti kwenzeve munthu olima pa nthaka. ⁶Koma nkhungu yenzocoka pansi kuluta kululu nopangisha calo conse kulandila manzi.⁷Yehova Mulungu epanga munthu kufumila kulito, nakumufuzilila mphweya wa moyo mphuno, munthu enkhala colengewa ca moyo. ⁸Yehova Mulungu ecala munda kum'mawa, mu Edeni, ndipo mwamene umu ndiye mweika munthu welenga.⁹Kucokela pansi Yehova Mulungu epanga cimuti ciliconse kukula cokondweleha mumeso yake na cabwino kucilya. Ivi nikuikilapo na cimuti ca moyo cenze pakati pa munda, na cimuti cozibisha cabwino na ciipa. ¹⁰Mkolo wenzocokela mu Edeni ndiye wenzothila manzi munda. Kucokela apo wegabikana nonkhala mikolo folo.¹¹Zina la mkolo oyamba ni Pishoni, Uyo niye mkolo upita pakati pa Havila, mwamene muli golide. ¹²Golide yamu calo ici niyabwino. Mulisoti na mwala wa bedola na mwala wa onikisi.¹³Zina la mkolo wacibili ni Gihoni. Uyu ni mkolo usefukila mudela lonse la Kushi. ¹⁴Zina la mkolo wacitatu ni Tigilisi, uyu upita kum'mawa kwa Ashura. Mkolo wa folo ni Filate.¹⁵Yehova Mulungu etola munthu nomuika m'munda wa Edeni kuti akousamala. Yehova Mulungu elamulila munthu kunena kuti, ¹⁶"Ungalye mwaulele kufumila mu cimuti ciliconse ca m'munda. ¹⁷Koma kufumila mu cimuti ca cozibisha ca bwino na ciipa osalyamo cifukwa siku liti ukalyemo, ukuyokufwa ndithu."¹⁸Yehova Mulungu eciti, " Nicabwino lini kuti munthu ankhale yeka, nimupangile omuthandiza ndipo omuyenela." ¹⁹Kufumila kulito Yehova Mulungu epanga nyama iliyonse yamusanga, na nyoni iliyonse yamululu. Ndiye pevileta ku munthu kuti aone mazina yangavipase. Zina iliyonse munthu yepasa zamoyo, ndiye zina lake. ²⁰Munthu epasa mazina vibeto vonse, nyoni zonse zam'mulengalenga na nyama iliyonse yamusanga. Koma kwa yeve munthu kwenzeve omuthandiza omuyenela.²¹Yehova Mulungu epangisha munthu kuti alale tulo tukulene, ndipo munthu elala. Yehova Mulungu etola mbambo imozi mwa mbambo zake, novalopa pecosa mbambo. ²²Na mbambo Yehova Mulungu yecosa ku munthu, epanga mwanakazi nomuleta ku mwanalume. ²³Mwanalume eciti, " Pa nthawi ino iyi nilifupa ya mafupa yangu, munyofu ya munyofu wangu. Akoitiwa kuti 'mwanakazi' kamba kakuti wafuma ku mwanalume."²⁴Mwaici, mwanalume asiye awisi na anyina, nakuphatikijyana na mwanakazi wake, apa onkhala thupi imozi. ²⁵Onse abili enze cinthako, mwanalume na mwanakazi wake, ndipo benzeve nsoni.

¹Lomba njoka yenze yocenjela ngako kupambana vinyama vonse venze mu munda vepanga Yehova Mulungu. Eciti kwa mwanakazi. "Ndiye kuti Mulungu eciti, 'musalye vamciti ciliconse cili muno m'munda'?" ²Mwakazi eciti kwa njoka, "tingalye vobala va vimiti vili mu munda, ³Koma vobala va cimuti cili pakati pa munda , Mullngu eciti, 'tisalye, olo kucikumya, ndaba tingafwe.'"⁴Njoka yeciti kwa mwanakazi, "mungafwe lini mweo yayi. ⁵Pakuti Mulungu oziba kkuti siku yati mukalye mweo menso bnu akavulike, ndipo mungalinaganae naye Mulungu, kuziba vabwino na viipa." ⁶Mwanakazi peona kuti cimuti cenze cabwino kulya, nakuti cenzooneka bwino m'menso, cingapase nzelu, etola vobala vake nakulya. Ndipo etola viyakine nakupasa mwanalume wake wenze naye, nakulya naye.⁷Menso ya onse abili yeseguka, ndipo eziba kuti enze cinthako. Etunga matepo ya mkuyu nakuzipangila voziphimba. ⁸Ecimvwa mchwachwa wa Yehova Mulungu kuyenda mkuzizila kwa siku, mwanalume na mwankazi wake ebishala pamenso pa Yehova Mulungu mvimiti va mumunda.⁹Yehova Mulungu emuita mwanalume nakuti kwa eve, "ulu kuni?" ¹⁰Mwanalume eciti, "nakumvwani mweo m'munda ndipo nayopa, nadaba nebze cinthaku. Niye panabishama." ¹¹Mulungu eciti, "Nibani ekuuzhya kuti kuti uli cinthaku? Ndiye walya vamcimuti cinekulamulila weo kuti usalye?"¹²Mwanalume eciti, "mwakazi wemwenipasa kuti ninkhale naye, enipasa cipaso camcimuti, ndipo nalya." ¹³Yehova Mulungu eciti kwa mwanakazi, "nicinji ici ciwacita?" mwanakazi eciti, "njoka yaninamizhya ndipo nalya."¹⁴Yehova Mulungu eciti kwa njoka, " cifukwa wacita teti, wotembeleleka ni weo weka pakati pa vvonse vobeta na vinyama vam'munda. ukoyenda na pamala, soti ukokulya kakungu masiku onse amoyo wako. ¹⁵Niike cidani pakati weo na mwanakazi, pakati pa mbeu zako na mbeu zake. Apelese mutu wako, na weo upelese kadenene kake."¹⁶Ku mwanakazi eciti, "Niojezeko ululu ponkhala na bana; ukobala bana mwa ululu. Ukokhumbwila mwanalume wako, koma akokulamulila."¹⁷Kwa Adamu eciti, "cikwa wamvwela mau a mwanakazi wako, nakulya camcimuti, camene nedo nekulamulila weo, kuti, usalye za umu,' yotembeleleka ni nthaka cifukwa ca weo; Kupitila mu nchito zako zokosa ukopeza cakulya ca masiku onse amoyo wako. ¹⁸Ikubalile minga na sasamwa, soti ukokulya vakulya vamumunda. ¹⁹Mu cibe ca pamenso pako ukokulya buledi, mpaka ukawelele ku nthaka, ndaba niye kuwefumila. Pakuti niwe kakungu, na kukakungu ukawelele."²⁰Mwanalume emupa zina mwanakazi wake kuti Eva ndaba enze nyinawene wa amoyo onse. ²¹Yehova Mulungu emupangila Adamu na mkazi wake vovwala va vikumba na kubavwalika.²²Yehova Mulungu eciti, "Lomba mwanalume wankhala ngati m'mozi wa seo, kuziba cabwino na ciipa. Teto lomba iosaloleka kutambulula kwanja yake, Kutola za mcimuti ca moyo, nakulya, nakunhala na moyo wamuyaya. ²³Teto Yehova Mulungu emufumya kunja kwa munda wa Edeni, kuti agaule nthaka kwamene eve efumila. ²⁴Teto Mulungu emufumya mwalume m'munda, nakunkhazikisha akelubi kum'mawa kwa munda wa Edeni, na vingwanja va mulilo venzozunguluka konse-konse, kuvalizhya njila ya kucimuti camoyo.

¹Mwanalume emuziba mwanakazi wake Eva ndipo enkhala na vumo novyalamo Kaini. Mwanakazi eciti, " Navyala mwanalume mwa thandizo ya Yehova," Kucoka apo evyala mkwao Abelo. ²Lomba Abelo enkhala cibeta koma Kaini enzolima nthaka³Cecitika mkupita kwa nthawi Kaini eleta ziyakine mwa mbeu zecosa m'munda monga ngati copeleka kwa Yehova. ⁴Koma Abelo, eleta vobeta voyamba kubadwa nazila zoina zamafuta. Yehova emuvomela Abelo na copeleka cake, ⁵koma emukana Kaini na copeleka cake. Ndipo Kaini ekalipa ngako nakuzozyolika.⁶Yehova eciti kwa Kaini, " Nicifukwa canji cawakalipila na kuzyolikisha nkhope? ⁷Ngati ucita cabwino, sembe ulivomelezyewe? Koma ngati ucitalini ca bwino, cimo yutapata pa mulyango ndipo yulakalaka kuti ikulamulile, koma ufunika kuilamulila."⁸Kaini elabila na mkwao Abelo. Cecitika nicakuti pebenze m'munda, Kaini emuukila Abelo mkwao nakumupaya. ⁹Ndipo Yehova eciti kwa Kaini, " Alikuni mkwanu Abelo?" Eciti, " Nuzibalini, nineo wosunga mkwasu?"¹⁰Yehova eciti, " Nicinji cawacita? ngazi ya mkwanu yuniita kufuma ku nthaka. ¹¹Niwe otembeleleka wewo kufumila ku nthaka yamene yevula pakamwa pake kulondelela ngazi ya mkwanu kufumila ku manja yako. ¹²Ukalima pa nthaka, kuyambila lomba ukalandilini kulingana na mphamvu yake. Unkhale outukautuka nakuyendayenda pa calo capansi."¹³Kaini eciti kwa Yehova, " Cilango cangu nicikulene ngako cukanga namuninga nyamulile. ¹⁴Nicendi mwanifumya lelo kunthaka iyi, nakuti nibeobisama ku cinso canu. ninkhale oyendayenda na wosoba mcalo capansi ndipo eliyense atiakanipeze akanipaye." ¹⁵Yehova eciti kwa yeve" Watiapaye Kaini cikawezyelewe kwa yeve ka seveni." Ndipo Yehova eyika cizindikilo Kaini, nakuti aliyense wamupeza yeve, munthu uyo asamucite ciyipa.¹⁶Teto Kaini ecoka pameso ya Yehova nakuyonkhala mu malo ya Nodi, kum'mawa kwa Edeni. ¹⁷Kaini emuziba mwanakazi wake ndipo enkhala na vumo. Ebala Enoki. Emanga mzinda nakuuteya zina la mwana wake Enoki.¹⁸Kwa Enoki kwebadwa Iradi. Iradi enkhala wisiwake wa Mehuyaeli.Mehuyaeli enkhala usuwake wa Metusaeli. Metusaeli enkhala usuwake wa Lameke. ¹⁹Lameke ezitolela yeka anakazi abili. Muyakine zinalake enze Ada ndipo zina la muyakine soti enze Zila.²⁰Ada ebala Yabala. Enze usuwao wabala enzonkhala mu matenti enze soti na vibeto. ²¹Zina la mkwao enze Yubala. Enze usuwao wabala enzoimba zeze na citolilo. ²²Monga kwa Zila, ebala Tubala-kaini, wopanga zida za mkuwa na za nsimbi. Mnekwao wa mwanakzi wa Tubala- Kaini enze Nama.²³Lameke eciti kwa anakazi bake, " Ada na Zila mvwani ku mawu bangu, mweo anakazi ba Lameke mvwani canulabila. Ndaba napaya munthu pakuti wanicita, wanifyula. ²⁴Ngati Kaini ewezyelewa ka seveni, ndiye kuti Lameke akawezyelewe ka 17²⁵Adamu emuziba soti mwanakazi wake, nakubala mwana muyakine mwanalume ndipo Eva emuteya zina kuti Seti nakuti, " Mulungu wanipasa mwana mwanalume m'malo mwa Abele, pakuti Kaini emupaya." ²⁶Mwana mwanalume ebadwa kwa Seti nomuteya zina kuti Enosi. Pa nthawi iyo banthu beyamba kuita pa zina la Yehova.

¹Iyi ndiye ndondomeko ya mbadwe wa Adamu. Pasiku imene Mulungu elenga, ebapanga beve mucifanizilo cake. ²Mwanalume na mwanakazi ebapanga. Ebapanga nobadalisa nakubateya kuti banthu pamene pebapanga.³Adamu pecifwika zaka 130, enkhala wisi waa mwana mwanalume mucinkhalidwe cake, mucifanizo cake, nakumupasa zina ya Seti. ⁴Adamu pecinkhala wisi wa Seti, enkhala zaka 800. Enkhala wisi wa bana bayakine analume na banakazi. ⁵Adamu enkhala zaka 930 nakumwalila.⁶Seti pecifwika zaka 105, enkhala wisi wa Enosi. ⁷Pecinkhla wisi wa Enosi, enkhala zaka 807 nakunkhala wisi wa bana bayakine analume na banakazi. ⁸Seti enkhala zaka 912, na kumwalila.⁹Enosi pecinkhala zaka 90, enkhala wisi wa Kenani. ¹⁰Pecinkhala wisi wa Kenani, enkhala zaka 815. ¹¹Enkhala wisi wa bana bayakine banalume na bnakazi. Enosi enkhala zaka 905, nakumwalila.¹²Kenani pecinkhala zaka 70, enkhala wisi wa Mahalale. ¹³Pecinkhala wisi wa Mahalale, Kenani enkhala zaka 840. ¹⁴Enkhala wisi wabana bayakine banalume na banakazi. Kenani enkhala za 910 nakumwalila.¹⁵Mahalale pecicinkhala na zaka 65, enkhala wisi wa yaredi. ¹⁶Pecinkhala wisi waYaredi, Mahalale enkhala zaka 830. Enkhala wisi wa bana bayakine banalume na banakazi. ¹⁷Mahalale enkhala zaka 895 nomwalila.¹⁸Yaredi pecinkhala za 162, Enkhala wisi wa Enoki. ¹⁹Pecinkhala wisi wa Enoki, Yaredi enkhala zaka 800. Enkala wisi wa bana bayakine analume na anakazi. ²⁰Yaredi enkhala zaka 962, nakumwalila.²¹Enoki pecinkhala zaka 65, enkhala wisi wa Metusela. ²²Enoki eyenda na Mulungu zaka 300 pecinkhala wisi wa Metusela. Enkhala wisi wa mbana bayakine analme na banakazi. ²³Enoki enkhala zaka 365. ²⁴Enoki eyenda na Mulungu, ndipo eluta cifukwa Mulungu emutola.²⁵Metusela pecinkhala zaka 187, enkhala wisi wa Lameki. ²⁶Pecinkhala wisi wa Lameki, Metusela enkhala enkhala zaka 782. Enkhala wisi wa bana bayakine analume nabanakazi. ²⁷Metusela enkhala zaka 965. Ndipo emwalila.²⁸Lameki pecinkhala zaka 182, enkhala wisi wa mwana mwanalume. ²⁹Emuteya zina Nowa, nakukamba kuti, "uyu akatipe mupumulo ku zinchito zasu, na kuzinchito zababa, zamanja basu, zatufunika kucita cifukwa ca nthaka ya Yehova yamene yetembelela."³⁰Lameki enkhala zaka 595 pecinkhla wisi wa Nowa. Enlhala wisi wa bana bayakine banalume na banakazi. ³¹Lameki enkhala zaka 777, nakumwalila.³²Nowa pecinkhala zaka 500, enkhala wisi wa Semu, Hamu na Yafeti.

¹Cecozocitika piwenzopaka mtundu wa banthu pa calo na bana banakazi bebadwa kwa beve, ²kuti bana banalume ba Mulungu beona bana banakazi ba mtundu wa banthu kuti benze okumbwilika. ³Yehova eviti, "muzimu wangu unkhalilile lini na mtundu wa banthu nthawi zonse, pakuti nibamubili. Ankhale tyala na moyo zaka 120."⁴Vibanthu vitalivitali venze pacalo mu masiku awo, na masiku okonkhapo. Izi zeccitfika pamene bna ba Mulungu pecilungula bana ba banthu anakazi, na kubala nao bana. Ababenze banthu ba mphamvu ba kale omvwika.⁵Yehova eona kuipa kwa banthu kwekula mcalo, nakuti zilizonse zenzoganiza mumtima zenze ziipakopitilila. ⁶Yehova ecimvwa caaipa kuti epanga mtundu wa banthu pa calo, cemubaba mumtima mwake.⁷Teto ecciti Yehova, "nicosepo mtundu wa banthu winelenga pa calo- mtundu wa banathu na vinyama, vinthu vukalaba na nyoni za mululu, ndaba nukondwela lini kuti nevipanga." ⁸Koma nowa epeza kukondelewa pamenso pa Yehova.⁹Izi niye zocitika za Nowa. Nowa enze munthu olungama, soti enzeve cilema pakati pa banthu bake. Nowa eyenda na Mulungu. ¹⁰Nowa ecizonkhala wisi wa bana banalume batatu; Semu, Hamu, na Yafeti.¹¹Calo cenkhala ciipa pamenso pa Mulungu, ndipo cezula na nkhalidwe iipa. ¹²Mulungu eciona calo ca pansi; onani, cenze na nkhalidwe iipa, pakuti banthu bonse beifya njila zao pacalo.¹³Mulungu eciti kwa Nowa, "Nuona kuti ni nthawi yosilizya banthu bonse, ndaba calo cozula na nkhaza zao. Nicendi, niononge zeve na calo. ¹⁴Zipangile combo ca vimiti. Upange vlipinda mcombo, ucimate na tiba makti na kunja. ¹⁵Ucipange teti: muutali mamita 140, muufupi mamita 23, msinkhu wake unkhale mamita 13.¹⁶Combo ucipangile mtenge, ucisilizye na sentimita 50 kucokela palulu cakumbali. Ika ciseko cakumbali nakupanga cipinda ca pansi, cpalulu pake, na cacitatu. ¹⁷Imvwa, nufunoleta manzi yanyinji pa calo ca pansi, kuti niononge nyama zonse zina kufuza kwa moyo pansi pa kululu. Zonse zili pa calo zizifwe.¹⁸Koma nipange pangano na weo. Ulobe mcombo weo, na bana bako banalume, na mkaziwako, na banakazi ba bana bako bali na weo. ¹⁹Pa zamoyo za nyama zonse, utole zibili pa mtundu wa nyama zonse, uzilete mu combo, kuti zisungiwe na moyo na weo, zonse zinalume na zinakazi.²⁰Pa nyoni mtundu wake, na pa nyama mtundu wake, pavokalaba pa nthaka mtundu wake, zibili za mtundu ulionse ziwele kwa weo kuti uzisunge na moyo. ²¹Ziunjikile weka mtundu ulionse wa vakulya novisunga, kuti vinkhale vakulya na weo na onse." ²²Nowa ecita teto. Kulingana na vonse vemulamulila Mulungu, niye mwecitila.

¹Yehova eciti kwa Nowa, "wela weo na ng'anda yako, yonse mcombo, pakuti naona kuti niwe olungama pamenso pangu mumbadwe uno. ²Pamtundu uliwonse ulyewa ulobepo zinalume seveni na zinakazi sevni. ³Pa mtundu ulionse wa nyama usalyewa, pa izi utolepo zibili zinalume na zinakazi. p nyoni za mululu, ulete zinalume seveni, kuti mtundu usungike na moyo pa calo conse ca pnsi.⁴Pakapita masiku seveni niponeshe mvula pa calo capansii kwa masiku fote usiku na mzuba. Nukuzoononga kalikonse ka moyo kaneumba." ⁵Nowa ecita vonse vemulamulila Yehova.⁶Nowa enze na zaka sikisi hundiledi cigumula pacewela paziko ya pansi. ⁷Nowa, na bana bake analume, mwanakazi wake, na azinakazi ba bana bake eloba mcombo pamozi kamba ka cigumula.⁸Nyama zulyewa na nyama zusalyewa, nyoni na ciliconse cuyenda pa calo ca pansi, ⁹zibili-zibili, yanalume na yanakazi, zonse zewela kwa Nowa noloba m combo, mnga mwelamulila Mulungu Nowa. ¹⁰Piyepita masiku seveni, manzi yacigumula yewela pa calo ca pansi.¹¹Mu caka ca sikisi hundiledi ca Nowa moyo wa Nowa, mu mwezi wa cibili pa siku ya sevenki ya mu mwezi, siku yamene iyo, nyenje zonse zonoka zeseguka. ¹²Mvula yewela ndipo yelokwa pa calo ca pansi kwa masiku fote usiku na mzuba.¹³Pasiku yamene iyo Nowa na bana bake, Semu, Hamu, na Yafeti, na mkazi wake Nowa, na azinakazi ba bana bake, eloba mcombo. ¹⁴Beloba pamozi na nyama zonse za musanga monga mwa mtundu wake, vibeeto mwa mtundu wake, na zikalaba zonse mwa mtundu wake, nyoni zilizonse mwa mtundu wake, coumbiwa ciliconse ca maphaphiko.¹⁵Zibili mwa zonse zamnyofu zenze na mpweya wa moyo zewela kwa Nowa noloba mcombo. ¹⁶Nyama zeloba zenze zanalume na zanakazi za mtundu ulionse; zelobakulinga na mwemulamulila Mulungu eve. Ndipo Mulungu ebavalilako ciseko.¹⁷Ndipo cigumula cewela kwa masiku fote, manzi yepaka nakunyamula combo pa calo ca pansi. ¹⁸Manzi yekwanila ponse-ponse pa calo, ndipo combo ceyangalala palulu pa manzi.¹⁹Manzi yekwela palulu pa calo ca pansi cakuti malupili yenze pansi pa mlenga-lenga yembila. ²⁰Manzi yepaka kufika mamita seveni palulu pa malupili.²¹Zonse za moyo zenzoyenda pa calo ca pansi zecifwa- nyoni, vibeto, nyama zamsanga, zamoyo zonse zenze mumagulu yakuleni pa calo ca pansi, na banthu onse. ²²Zonse za moyo zenzonkhala pa calo, zenzofuza mpweya wa moyo kupyolela mu mphuno zecifwa.²³Camoyo ciliconse ca pa calo ca pansi ceonongewa, kuyambila mtundu wa banathu, nyama, zokalaba na nyoni zamululu. Zonse zeonongewa pa calo ca pansi. Ni Nowa tyala nabenze nao mu combo niye besala. ²⁴Manzi benkhala pa calo kwa masiku 150.

¹Mulungu emukumbukila Nowa, zonse nyama zamusanga, na vobeta vonse venze navo mucombo. Mulungu ekunthisha mphepo pa calo capansi, ndipo manzi eyamba kucepa. ²Nyenje zapansi na mawindo yakululu yevalika, namvula yeleka kulokwa. ³Manzi yacigumula yeyemba kucepa patontho patontho pa calo capansi, ndipo peyesila masiku handiledi na fifite manzi yepwilila⁴Combo cecizo nkhazikika mu mwezi wa seven, pa siku ya seventini ya mwezi, pa lupili ya Ararati. ⁵Manzi yepitilizya kucepa mpaka mu mwezi wa teni. Pa siku yoyamba ya mwezi, palulu pa malupili peyamba kuonekela.⁶Peyepita masiku fote Nowa esegula windo ya combo yepanga. ⁷Etuma khwangwala endalala ndalala kuzunguluka mpaka manzi yayuma pa calo capansi.⁸Ndipo etuma nkhunda kuyoona ngati manzi yephwilila pa calo capansi. ⁹Koma nkhunda iliye peze podyaka mendo yake, ndipo yewelela kwa yeve mu combo, ndaba manzi yenze yakalipo pa calo capansi, efumya kwanja yake nakuitola kuilovya mu combo mweenze.¹⁰Eyembekeza soti masiku seveni nakuituma soti nkhunda kufuma mu combo. ¹¹Nkhunda yewelela soti m'mazulo, onani! kukamwa kwake kwenze litepo ibisi ya azitona. Teto Nowa eziba kuti manzi yephilila pa calo capansi. ¹²Eyembekeza soti masiku yayake seveni. Ndipo etuma soti nkhunda. Iliyewelele soti kwa yeve.¹³Cecitika mu caka ca sikisi handiledi na wanu, mu mwezi woyamba, pa siku yoyamba ya mwezi, manzi yeyuma pa calo capansi. Nowa efumyapo civwinikilo pa combo, elanga kunja, nakuona kuti,onani, palulu pa nthaka penze poyuma. ¹⁴Mu mwezi wa cibili pa siku ya twenti-seveni ya mwezi, pacalo peyuma.¹⁵Mulungu eciti kwa Nowa, ¹⁶"Fuma mu combo, weo, mkazi wako, bana , na banakazi ba bana bako. ¹⁷Ucose cili conse ca moyo cili nawewo- nyoni, nyama, na ciliconse cukalaba pa calo capansi- kuti vikapake mu calo nakuti vikavyalane nopaka ngako pa calo capansi."¹⁸Teto Nowa efuma nabana bake, mwanakazi wake, nazinakazi ba bana bake. ¹⁹Camoyo ciliconse, cokalaba ciliconse, na nyoni zonse, ciliconse coyenda mu calo capansi, kulingana na mtundu wake vefuma mu combo.²⁰Nowa emanga guwa ya Yehova. Etola nyama zolyewa ziyakine na nyoni ziyakine zolyewa, no twala nsembe yoshoka pa guwa. ²¹Yehova ecimvwa fungo yabwino yonunkhila nakuzolabila mu mtima mwake kuti, " Nikatembelele lini soti nthaka cifukwa ca munthu olo kuti maganizo ya mitima yao niyipa kufumila kuusaza wao. Nikaononge lini soti camoyo ciliconse, monga mwanacitila. ²²Malinga calo cikalipo, nthawi yocala na yovuna, kuzizila na kuphya, malanga na mainza, mzuba na usiku vikasille lini."

¹Ndipo Mulungu edalisa Nowa na bana bake analume, na kuti kwa beve, "muvyalane, mupake, na kuzuzya calo. ²Kuyofya kwanu na kucitisha owa kwanu kube pa nyama ya pacalo iliyonse pa calo, pa nyoni kiliyonse yamululu, pa voili vonse vuyenda pansi, na pa nsomba zonse za mnyanja. Zapasiwa m'manana mwako.³Vilivonse vuyenda vibe vakulya vanu. Monga mwenekupila ndiyo za matepo. Lomba nukupasa vilivonse. ⁴Koma musalye nyama na moyo wake yamene ili ngazi muli yeve.⁵Koma pa ngazi yanu, moyo wamene uli mungazi yanu neo nikafune malipilo. Kufuma pa kwanja ya nyama iliyonse ikaifune yeve. Kufuma pa kwanja ya munthu aliyense, uyo , epaya mkwao m'manja mwake, neo nikafune lufelo pa moyo wa munthu ula. ⁶Aliyense okhesa ngazi jya munthu, a mutnhu ngazi yake ikakhesewe, pakuti ni mucithunzi-thunzi ca Mulungu cecipanga munthu. ⁷Koma kwa mweo, muvyalane na kupaka, mumwazyikane paliponse pa calo na kupaka pamene ao."⁸Ndipo Mulungu elabila kwa Nowa na kubana bake banalume benzenao, ecti, ⁹"koma kwa neo, mvway! nikankhazikishe pangano yangu na weo na mbeu zanu zukuza pavuli, ¹⁰na colengewa ciliconse ca moyo cili na weo, na nyoni, zobeta na colengewa ciliconse ca mcalo na mweo, kwa vala vonse vefuma mu combo, ku colengewa ciliconse camoyo pa calo.¹¹Pano lomba nunkhazikisha pangono na mweo, kuti nikacenekelini ca moyo ciliconse na manzi a cigumula. Kuliye soti kuyoceneka calo na cigumula." ¹²Mulungu eciti, "ici ndiye cioneshelo ca pangano yanupanga pakati pa neo na mweo na colengewa ciliconse ccili na mweo, ku mibadwe yonse ya kusogolo: ¹³Neo naika utaleza wangu mu m'tambo, ndipo cikabe cioneshelo ca pangano pakati pa neo na calo ca pansi.¹⁴Zikacitike kuti pati nikalete mtambo kululu kwa calo na uta wa leza kuonekela kululu, ¹⁵Ndipo nikakumbukile pangano yangu, yamene ili pakati pa neo na mweo na cil;iconse colengewa ca mibili yonse. Manzi akabe lini soti cigumula kuzoononga va moyo vonse.¹⁶Uta wa leza lukabe kumakumbi ndipo neo nikauone, kuti nikakumbuke pangano yosasila pakati pa Mulungu na vilivonse vamoyo volengewa vili mcalo." ¹⁷Ndipo Mulungu eciti kwa Nowa, "ici ndiye cizinkilo pangano yanankhazikisha pakati pa neo na vamoyo vonse vili mccalo."¹⁸Bana analume a Nowa efuma mcombo enze Semu, Hamu, na Yafeti. Hamu enze usuweni wa Kenani. ¹⁹Kwa aba atatu ndiye kwefuma calo conse.²⁰Nowa eyamba kuba mlimi, ndipo ecala munda waa mphesa. ²¹Eve emwako uyake vinyu na kukolewa. Elala tulo cosayambata mtenti mwake.²²Ndipo Hamu, usuweni wa Kenani eona cinthaku ca ausu wake nakuuzyako anekwao abili kunja. ²³Teto Semu na Yafeti etola coyambata noika pa maphewa bao lonse abili. na kuya cavuli na kuyambatisha cinthaku ca usuwao.²⁴Nowa pecikololoka, eziba cecita mwana wake mtontho kwa eve. ²⁵Teti eciti, "Kenani abe otembeleleka. Akabe wanchito wa kubanchito ba anekwao."²⁶Eve soti eciti, "Yehova, Mulungu wa Semu, adalisike, ndipo Kenani abe wanchito wake. Mulungu akazuzyu malile a Yafeti. ²⁷Mulungu akakuzye malile a Yafeti, nakuti akpange ng'anda yake mu matenti ya Semu. Kenani abe wanchito wake."²⁸Pacepita cigumula, Nowa enkhala na moyo fili hundiledi fifite. ²⁹Onse masiku ba Nowa benze naini hundiledi fifite, ndipo ecifwa.

¹Iyi ndiye yenze mibadwe ya bana ba Nowa, Semu, Hamu na Yafete. Be bala bana pecepita cigumula.²Bana bananalume ba Yafete benze, Gomeri, Magogi, Madai, Yavoni, Tubala, Misheke na Tirasi. ³Bana ba Gomeri analume benze Asekenazo, Rifati na Togarama. ⁴Bana analume ba Yavani benze Elisa, Tarisisi, Kitimu na Dodanimu. ⁵Kufuma kwa aba benzonkhala kufupi na manzi egabikana malo kuluta kumalo yaeka yaeka kulingana na citundu, kulingana na banja yake, na calo cake.⁶Bana banalume ba Hamu benze, Kusi na Mizraimu, Puti na Kanani. ⁷Bana banalume ba Kusi benze Seba, Havila, Sabita, Raama na Sabiteka. Bana banalume ba Raamah benze Sheba na Dadane.⁸Kusi ndiye enkhala wisiwake wa Nimrodi, enze wopambana oyamba pa calo capansi. ⁹Enze cibinda wa mphamvu pameso pa Yehova. Nicifukwa cake eciti, " Nga ni Nimrodi, cibinda wa mphamvu pa meso pa Yehova." ¹⁰Malo yoyamba kunkhala kwa ulamulilo wake yenze Babele, Ereke na Akadi,naku Karine ku calo ca Sinali.¹¹Pefuma umu m'malo eluta ku Ashuri nakuzomanga Ninive, Rehoboli, na Kala, ¹²na Resene pakati pa Ninive na Kala. Uyu wenze mzinda ukulene ngako. ¹³Mizraimu ecizovyala Aluditi, Anamimu, Alehabimu, Anafutu, ¹⁴Apaturusi, Akasilu na Akafitori ( Kwamene kwefumila Afilisiti0), na Akafitorimu.¹⁵Kenani evyala Sidoni ndiye enze mwana oyamba na Heti, ¹⁶soti na Ahiti, Ayebusi, Aamori, Agirigasi, ¹⁷Ahivi, Aariki, Asini, ¹⁸Aravadi,Azemari na A hamati. Kufuma apo mabanja ya Kenani epaka nakupezeka paliponse.¹⁹Malile yaku Kenani enzofumila ku Sidoni kuya ku Gerari, mpakana ku Gaza, nakuya ku Sodomu, Gomora, Adima, na Zeboimu mpakana ku Lasha. Aba ²⁰enze bana banalume ba Hamu, m'mabanja yao, m'mtundu wao,m'mzinda wao, na mcalo cao.²¹Bana analume ebadwa kwa Semu, mkulu wake wa Yafete. Semu enze soti kholo ya mbadwe onse wa Eberi. ²²Bana analume ba Semu enze Elamu, Ashuri, Aripakisadi, Ludi, na Aramu. ²³Bana analume ba Aramu benze Uzi, Huli, Getele, na Mesheke.²⁴Aripakisadi evyala Sela, Sela evyala Ebere, ²⁵Ebere enkhala na bana abili analume. Oyamba enze Pelege pakuti m'masiku yake calo cegabikana. Mkwao enze Yakitani.²⁶Yokitani evyala Alamodadi, Selefe, Hazaramaveti, Yera na ²⁷Hadorimu, Uzari, Dikila, ²⁸Obal, Abimaeli, Sheva, ²⁹Ofiri, Havila, Yobabi. Onse aba enze bana ba Yokitani.³⁰Malo bao enzofumila kuyambila ku Mesa, mpakana ku Sefere, lupili ya kum'mawa. ³¹Aba bana analume enze ba Semu, kulingana na banja na mitundu yolingana na malo yao, kulingana na vyalo³²Yamene iyi ndiye mibadwo ya bana ba Nowa, kulingana na mitundu yao, na vyalo vao. Kufuma apo vyalo na mitundu yepatukana pacesila cigumula.

¹Lomba calo conse cenzosebenzesha citundu cimozi na mau amozi. ²Pebenzoyenda cakum'mawa, bepeza cipululu kumalo ya Sinaro nakuzonkhala kwamene kula.³Belabizyana beka na beka kuti, " Welani, tiyeni tiumbe nchelwa nozishoka bwino bwino." Ndiye benze na nchelwa mumalo mwa miyala, besebenzesha tiba m'malo mwa madaka. ⁴Benena kuti, " Welani, tiyeni tizimangile mzinda na nsanja yati ikafike kululu, ndipo tiyeni tizipangile zina. Ngati ticitelini teti, timwazyikane pa calo conse capansi.⁵Teto Yehova eseluka kuzoona mzinda na nsanja yenzemanga bana ba Adamu. ⁶Yehova eciti, " Onani, nibanthu amozi na citundu cimozi, ndipo bayamba kucita teti! Lombapano paliye chintu cakufuna kucita caticibakange. ⁷Welani, tiyeni tilute tisokoneze citundu cao, kuti baleke ku mvwana."⁸Teto Yehova ebamwazya calo conse ca pansi ndipo beleka nomanga mzinda. ⁹Mwaici, zina la mzinda lenkhala Babelo, cifukwa apa Yehova ndiye pesokonezela citundu ca calo conse ca capansi ndipo kucokela apo Mulungu ebamwazya pa calo conse capansi.¹¹Uyu ndiye mubadwe wa Semu.Pepepita zaka zibili cigumula pecesila, Semu evyala Aripakisadi na zaka wanu handiledi. ¹⁰Semu enkhala zaka faifi handiledi pavuli povyala Aripakisadi. Enkhala soti wisiwene wa bana ayakine analume na anakazi¹²Aripakisadi penkhala na zaka 35, evyala Sela. ¹³Pevyala Sela enkhala zaka 403. Evyala soti bana analume na anakazi ayakine.¹⁴Sela penkhala na zaka sate, evyala Ebere. ¹⁵Sela enkhala zaka 403 pavuli povyala Ebere. Evyala soti bana analume na anakazi ayakine.¹⁶Ebere penkhala na zaka 34, evyala Pelege. ¹⁷Ebere enkhala zaka 430 pavuli povyala Pelege. Evyala soti bana analume na anakazi ayakine.¹⁸Pelege penkhala na zaka Sate, evyala Reu. ¹⁹Pelege enkhala zaka 209 pavuli povyala Reu. Evyala soti bana analume na anakazi ayakine.²⁰Reu penkhala zaka 32, pevyala Serugi. ²¹Reu enkhala zaka 207 pavuli povyala Serugi. Evyala soti bana analume na anakazi ayakine.²²Serugi penkhala na zaka 30, evyala Nahori. ²³Serugi enkhala zaka 200 pavuli povyala Nahori. Evyala soti bana analume na anakazi ayakine.²⁴Nahori penkhala na zaka 29, evyala Tera. ²⁵Nahori enkhala zaka 119 pavuli povyala Tera. Enkhala soti na bana analume na anakazi ayakine. ²⁶Tera penkhala na zaka 70, evyala Abram, Nahori, na Harani.²⁷²⁸Lomba uyu ndiye wenze mubadwe wa Tera. Tera evyala Abram, Nahori, na Harani, ndipo Harani evyala Loti. Harani efwila pameso ya Tera wisiwake kumalo kwe badwila, mu Uri waku Akadeya.²⁹Abramu na Nahori onse ekwatila. Zina la mwanakazi wake wa Abrame enze Sarai ndipo mwanakazi wake wa Nahori Milika, uyu awisi bake na mkwao Isika enze Harani. ³⁰Lomba Sarai enze chumba, enzevye mwana.³¹Tera etola mwana wake Abramu na Loti mwana wa Harani, na Sarai mpongozi wake, mwanakazi wa mwana wake Abramu, pamozi benyamuka kufuma mu m'mzinda wa Uri kuluta ku malo ya Kenani. Koma poyamba beciyonkhala m'mzinda wa Harani. ³²Tera enkhala zaka 205 nakufwa mu Harani.

¹Lomba Yehova eciti kwa Abramu, " Fuma mu banja yako, na pa anekwanu, na pa ng'anda ya auso, ukuya ku malo yati nikuoneshe weo. ²Neo nikupange weo kunkhala mtundu ukulu ngako. nukodalisa weo, nopangisha zina lako kukula ngako, nawe ukankhale mdaliso. ³Nikadalise bala okudalisa, koma aliyense onyoza weo nikuyomutembelela. Kupitila mwa weo mabanja yonse ya pa calo capansi akadalisiwe."⁴Teto Abramu eluta, monga Yehova mwemuuzyila, Loti naye ekonkha. Abramu enze na zaka 75 pefuma ku Harani. ⁵Abramu emutola Sarai, mwanakazi wake, Loti, mwana wamukwao, yonse katundu yao yebepeza, na banthu bebepeza mu Harani. Benyamuka kuluta ku Kenani, ndipo beciyonkhala mu Kenani.⁶Abramu epitila ku malo yaku Sekomu, ku vimiti va nthundu vaku Mole. Panthawi iyo Akenani enzonkhala mu malo aba. ⁷Yehova eonekela kwa Abramu, nakuti, " Ku bana bako nupasa aba malo." Teto Abramu emanga guwa kwa Yehova, amene emuonekela yeve.⁸Kufuma uko eluta ku malo amalupili kum'mawa kwa Beteli, kwamene kwemanga tenti yake, na Beteli kum'mazulo ndipo Ai kum'mawa. Uku emanga guwa kwa Mulungu nakuita pa zina ya Yehova. ⁹Ndipo Abramu epitilijya ulendo nakuya ku Negevu¹⁰Mwenze njala mu ziko, ndipo Abramu eluta ku Aigupto kuyonkhala, ndaba njala yenze yekulisha mu malo yala. ¹¹Alipafupi kuloba mu Aigupto, eciti yeve ku mwanakazi wake Sarai, " Ona weo, nuziba kuti niwe mwanakazi okongola ngako. ¹²Akakuona Aigupto alabile kuti, ' Uyu ni mwanakazi wake,' ndipo banipaye neo, koma weo bakusunge. ¹³Unene kuti niwe mulongosi wangu, kuti zininkhalile bwino neo kamba ka weo nakuti moyo wangu ukasamilike kamba ka weo."¹⁴Cecitika kuti Abramu peloba mu Aigupto, baku Aigupto beona kuti Sarai enze mwanakazi okongola ngako. ¹⁵Madoda ya Falao bemuona nakuyokamba zabwino payeve kwa Falao, ndipo mwanakazi uyu bemutola kulutanaye kwa Falao. ¹⁶Falao emusamala bwino Abramu kamba ka yeve, ndipo Abramu elandila mbelele, ng'ombe, mabulu analume, anchito analume, anchito anakazi, mabulu yanakazi, na ngamila.¹⁷Ndipo Yehova etumizya matenda yakulene pa Falao na banja yake yonse cifukwa ca Sarai, mwanakazi wa Abramu. ¹⁸Falao emuita Abramu, nakuti, " Ni cinji ici cawanicita neo? ni cifukwa canji ciulyeniuzyile kuti uyu ni mwanakazi wako? ¹⁹cifukwa canji cewelabilila kuti' ni mulongosi wangu,' cakuti nemutola kunkhala mwanakazi wangu? Lomba teti, uyu mwanakazi wako, mutole, nkhoya kwanu." ²⁰Ndipo Falao elamulila madoda bake za yeve, ndipo bemupelekejya kunjila pamozi na mwanakazi wake na vonse venze navo.

¹Teto Abramu efuma mu Aigupto na kuya ku Negevu, eve, na mwanakazi wake, na vonse venze navo. Loti na eve eciya nawo. ²Lomba Abramu enze olemela mu vibeto, mu siliva, na golide.³Epitilizhya na ulendo wake kufuma ku Negevu kuya ku Beteli, ku malo kwamene kale kwenze hema yake, pakati pa Beteli na Ai. ⁴Eluta ku malo kwamene kwenze guwa yamene yenze manga kuvuli. Apa eita zina ya Yehova.⁵Lomba Loti, enzoyendela pamozi na Abramu, enze soti na mbelele, ng'ombe, na matenti. ⁶Malo yenzokwanila lini kuti bankhale pafupi na pafupi, ndaba katundu wenze nao wenze uinyinji, mwakuti balikwanishe kunkhala pamozi. ⁷Soti, penze mkangano pakati pa osunga vibeto va Abramu na osunga vibeto ba Loti. Ba Kenani na ba Perezi enzonkhala mu malo pa nthawi iyo.⁸Mwakuti Abramu eciti kwa Loti, "leka pasankhale kukangana pakati pa weo na neo, na pakati pa osunga vibeto bako na osunga vibeto bangu; pakuti, nise banja. ⁹Wayaona malo aya? nkhoya uzinkhalile paweka. Ngati ulute kumanzyhele, neo nilute ku kwendi. Kapena ngati ulute ku kwendi, ndipo neo nilute ku manzhyele."¹⁰Teto Loti elenga-langa mozungulila, na kuona kuti cigwa conse ca Yorodani cenze na manzi ngako mpaka kuyofwika ku Zoari, monga munda wa Yehova, monga malo ya Aigupto. Ici cenze teto Yehova akaliye ononge Sodomo na Gomora. ¹¹Teto Loti ezisankhila cigwa conse ca Yorodani na kuya ku m'mawa, ndipo pokwao bepatukana.¹²Abramu enkhala mu malo ya Kenani, ndipo Loti enkhala mu mizinda yenze mu cigwa. Eika ma tenti yake mpakana ku Sodomu. ¹³Lomba banthu baku ku Sodomu benze baipa ngako ocimwila Yehova.¹⁴Yehova eciti kwa Abramu pefumako Loti kwa eve, "kufumila pa malo pawapanama ulange kum'poto, kum'mwela, kum'mawa, na kum'mazulo. ¹⁵Aya maloyonse yauona, nikupase na mbadwe wako kosasila.¹⁶Nikapange mbadwe wako kuba unyinji monga ni mcenga wapa calo pansi, kuti ngati munthu angabelenge mcenga wapa calo ca pansi, ndiye kuti na mbadwe wako ungabelengeke. ¹⁷Nyamuka, uyende -yende mu malo yonse muutali na muufupi, pakuti nipase weo." ¹⁸Teto Abramu enyamula tenti yake, nakuza nakunkhala pavimiti va thundu vaku Mamure, vamene vili ku Hebroni, ndipo kwala emanga guwa kwa Yehova.

¹Cecitika mu mumasiku ya Amarafere, fumu ya Sinara, Arioki, mfumu ya Elasala, Kedolaoma, mfumu ya Elamu, na mfumu ya Goimu, ²kuti becita nkhondo na Bera mfumu Birisa, mfumu ya Gomora, Sinabi mfumu ya Adima, Semebera mfumu ya Ziboimu, na mfumu ya Bela (yoitiwa soti Zoari).³Aba mafumu faivi pavuli pewela pamozi mu cigwa ca Sidimu (panyanja ya munyu). ⁴Zaka twelufu besebenzela Kedolaoma, koma mu caka ca 13 bemuukila. ⁵Ndipo mu caka ca fotini, Kedolaoma na mafumu benzenao befwika kuzoyamba Arefai ku Aseteroti Kamaimu, na Azuzu ku Hamu, na Aemi ku Save kiriataim, ⁶ndipo Ahori mu calo cao cakumalupili ya Seiri, kufwikila ku Eliparana, kufupi na cipululu.⁷Ndipo bewelela kuza ku Eni Mispati (yoitiwa soti kuti Kedesi), ndipo maiko yonse ya Aamaleki, Aamori benzonkhala mu Hazezoni Tamara. ⁸Ndipo mfumu ya Sodomo, fumu ya Gomora, fumu ya Adima, na fumu ya Zeboimu, na fumu ya Bela (yuitiwa soti kuti Zoari) beluta kuyokonzekela nkhondo ku cigwa ca Sidimu ⁹Na kedolaoma fumu ya elamu, na Tidala, fumu ya ku Goimu na Amarafele, fumu ya Sinara, na Arioki fumu ya Elasara; mafumu folo kuukila mafumu faifi.¹⁰Lomba cigwa ca Sidimu cenze cezula na visengu va tiba, ndipo mafumu ya Sodomo na Gomora penzeutuka penzoponelamo. Ndipo onse esala bethabila ku malupili. ¹¹Teto mafumu betola katundu onse wa Sodomo na Gomora na vonse vofunikila noyambapo. ¹²Pabeciya beve, betola na Loti mwana wakwao wa Abrahamu amene anzonkhla mu Sodomu, na vonse venzenavo.¹³Umozi ebathaba nakuyouzya Abrahamu mu heberi. Ezonkhla pa vimiti va thundu pa Mamure, eve enze mkwao wa Esakolo, na Aneri, onse ezokatizyana na Abrahamu. ¹⁴Lomba Abrahamu pecimvwa kuti adani bakata mkwao, esogolela asilikali bake 318 analume bephunzila nakubadwa mu ng'nda yake ndipo ebapilikisha mpkana ku Dani.¹⁵Ebagaba banchito bake nathawi ya usiku nakubanyata nakuzobapilikisha kufwikila ku Hoba, ku calo cakumpoto kwa Damasiko. ¹⁶Ndipo eleta soti vinthu vao vonse, na kuleta soti Loti mkwao na vinthu vake, pamozi na anakazi na banthu bayakine.¹⁷abrahamu ewelela kufuma kuyopambana Kedolaoma na mafumu enze na eve, fumu ya Sodomo yeluta kuyokumana naye ku cigwa ca Save (coitiwa soti kuti cigwa ca mafumu). ¹⁸Melekizedeki fumu ya Salemu, ebaletela buledi na vinyo, enze wansembe wa Mulungu wakululu.¹⁹Emudalisa nakuti, "Odalisika Abrahamu na Mulungu wakululu, olenga kululu na calo capansi. ²⁰Odalisika ni Mulungu wakululu, epasa adani bake mumnaja yako." Ndipo Abrahamu emupas cakhumi pa zonse.²¹Fumu yaku Sodomo yeciti kwa Abramu, "nipaseko banthu, uzitole katundu ube wako." ²²Abramu eciti kw afmu yaku Sodomo, "nanyamula manja yangu kwa Yehova, Mulungu wakululu, olenga kululu na pansi, ²³Kuti nikatole lini nthambo, nthambo za nsapato, kapena kalikonse kanu, kuti musakalabile kuti, 'nineo nelemelesha Abrahamu,' ²⁴Sinizatola kanthu komtyala cabalya anyamata na gawo ya analume baneluta nao. Lekani Aneri, Esikolo, na Mamure, atole gawo lao."

¹²³Kufuma ivi vinthu mau ya Yehova yewela kwa Abramu mu menso mphenya, nakuti, "usayope, Abramu! Nine cishango cako na mphoto yako ikuleni." Abramu eciti, "Ambuye Yehova, mukanipase cinji, pakuti nupitilizhya kunkhala niliye mwana, na otola coloba ca mng'anda mwangu ni Eliyaza waku Damasiko?" Abramu said, "pakuti muliye nipase bana, onani, uozi wobabwa mu ng'anda yangu akankhale coloba!"⁴Ndipo langani, mau ya Yehova yewela kwa eve, nakuti, "Uyu munthu akabe lini coloba; koma wati akafume ku thupi yako akabe coloba cako." ⁵Ndipo emuleta panja, na kuti, "langa kululu, ndipo ubelenge nyenyezi, ngati ungakwanishe kubelenga." Ndipo eciti kwa eve, "Na mbadwe ukabe teti."⁶⁷⁸Ekhulupilila Yehova, na kumuona kuti niolungama. Eciti kwa eve, "nine Yehova, ekufumya mu Uri waku Akaldayo, kuti nikupase iwe ziko iyi kuti inkhale coloba cako." Eciti, Ambuye Yehova, nizibe tyani kuti cinkhale coloba cangu?"⁹¹⁰¹¹Ndipo eciti kwa eve, "Niletele ng'mbe yanakazi ya zaka zitatu, mbuziyanakazi yazaka zitatu, mbelele ya zaka zitatu, nkhunda, na njiba itontho." Emuletela izi zonse, nakuzitenda pabili, na kuviika colangana na ciyake, koma aliye gabe nyoni. Nyoni zakulya nyama pizewela pansi pa nyama, Abramu ezipilikisha.¹²¹³Ndipo zuba piyenzoloba, Abramu elala tulu ndipo, onani, mdima ukuleni ndipo woyofya wemufwikila eve. Ndipo Yehova eciti kwa Abramu, "ufunika kuziba mosakaika kutimbadwe wako ukabe wacilendo mu calo cisali cao, na kunkhala mu ukapolo novutishiwa kwa zaka 400.¹⁴¹⁵¹⁶Nikaweluze calo ico cati bakatumikile, ndipo kucoka apo akafumemo na cuma cinyinji. Koma weo kukafwe mu mtendele, ndipo akakuike m'manda mu ukalamba wako wabwino. Mu mbadwo wa namba folo bakawele soti kuno, pakuti ucimo wa Amori uliye fwike pa muyeso wake."¹⁷Zuba piyeloba ndipo kwenze mdima, onani, poto wa cusi ca mulilo na nyale ya mulilo zepita pakati pa nyama. ¹⁸Pasiku iyo Yehova epanga pangano na Abramu, kuti, "ku mbadwo wako nupeleka ziko iyi, kufumila ku msinje wa ku Aigupto kufwika ku msinjeukuleni, wa Yufurate- ¹⁹Akenani, Kennizi, Kadimoni, ²⁰Ahiti, Aperezi, Aferaimu, ²¹Aamori, Akanaani, Agirigasi, na Ayebusi."

¹Lomba Sala, mwanakazi wa Abramu, enze akliye muvyalile mwana, koma enze na wanchito mwanakazi, waku Aigupto, zina yake Hagara. ²Teto Sara eciti kwa Abramu, "ona, Yehova wanilengesha kusavyala bana. Ulute ukalale nawanchito wangu. Kapena ningankhaleko na bana kupitila mwa eve." Abramu ecimvwa lizu la mkazi wake Sara. ³Pavuli ponkala zaka 10 mu Kenani ndiiye pamene Sala, etola Hagara, kumupasa kwa Abramu kunkhala mkzazi wake. ⁴Teto enkhala pa ubwenzi na Hagara, nakumita vumo. Peciona kuti wankhala na vumo, elanga mopeusha mbuye wake.⁵Ndipo Sara euzya Abramu, "ici ciipa paneo ni kamba na neo. Nikupa wanchito wangu mumanja mwako, koma peciona kuti wankhala na vumo, nesuliwa mu menso mwake. Lekani Yehova aweluze pali neo na weo." ⁶Koma Koma Abramu euzya Sara, "ona kuno, uyu mwanchito mwanakazi ali mu manja mwako, uchite vingakuwamile nayeve." Teto sara emusausha eve, ndipo emuthaba.⁷Mngelo wa Yehova emupeza lpa nyenje ya manzi mu cipululu, nyenje ili ku njira yaku Shuri. ⁸Emuuzya kuti, "Hagara, wanchito wa Sara, wafumila kuni ndipo ukuya kuni?"eve eciti, "Nuutuka mbuya wangu mwanakazi Sara."⁹Mngelo wa Yehova emuuzya kuti, "welela kwa mbuye wako mwanakazi ukagonjele ku ulamulilo wake. ¹⁰Lomba mngelo wa Yehova emuuzya kuti, "Nikapakishe ngako mbadwe wako, kuti bakabe banyinji ndipo paliye angabelenge."¹¹Mngelo wa Yehova naye emuuzya kuti, "Ona, uli na vumo ukankhale na mwana mwanalume, ukamuteye zina Ishmaeli, cifukwa Yehova wamvwa kubabiwa kwako. ¹²Akankhale bulu wamsanga wa banthu. Abe wacizondo kuli munthu aliyense, na munthu aliyense akamuzonde, akonkhala patali na azikwao."¹³Teto emupa iyi zina Yehova eve wenzolabila naye, "Niwe Mulungu muniona." Ndaba eciti, "nipitilizye kulanga, pamene eve waniona?" ¹⁴Pali ico cisime eciita kuti Beya Lahai Royi; onani, cili pakati pa Kadesi na Beredi.¹⁵Hagara ebala mwana mwanalume wa Abramu, ndipo Abramu emuteya zina, webala Hagara, Ishimaeli. ¹⁶Abramu enze na zaka 86 pamene Hagara ebala Ishimaeli kuli Abramu.

¹Abramu penze na zaka 99, Yehova Mulungu eonekela kuli Abramu nomuuzya kuti, "neo nine Mulungu wa mphamvu zonse. Yenda pamenao pangu uliye cilema. ²Ndipo nisimikizye pangano iyi pakati pa neo na weo, nakuti nikupakishe weo ngako."³Abramu ebelama na cinso cake pansi ngako ndipo Mulungu enzokamba naye, eciti, ⁴"Monga kwa neo, onani, pangano yangu ili n a weo. Unkhale wisi wa vyalo vinyinji. ⁵Kuliye soti kuti zina yako weo ibe Abramu, koma zina yako weo ube Abrahamu- pakuti nakusankha kuti ube wisi wa magulu a vyalo vininji. ⁶Nikupange weo kuti uvyale ndipo nipange vyalo vinyinji kufumila muli weo, ndipo mafumu acokele muli weo.⁷Ninkhazishe pangano pakati pa weo na neo na bana bako akuza kuspgolo kwako, kucokela mu m'mbadwe pangano ili nilamuyaya, kkuti ninkhale Mulungu kuli weo na bana akuza kusogolo kwako weo. ⁸Nikupase weo na bana bako bakusogolo kwako, malo, pamwenzonkhala, malo yonse ya Kenani, mphto yanu ya muyaya, ndipo ninkhale Mulungu wao."⁹Ndipo Mulungu eciti kwa Abrahamu, "koma kwa weo, ufunika kusunga pangano yangu, weo na bana bakusogolo na mibadwe yao yonse. ¹⁰Iyi ndiye pangano yangu, yofunikila kusunga, pakati pa neo na weo na bonse olondola pavuli pako: Aliyense mwanalume pakati panu ofunika mdulidwe. ¹¹Ufunika kutendewa ku mubili wako nkhanda ya kusogolo, ici cinkhale cizindikilo ca pangano pakati pa neo na weo.¹²Aliyense mwanalume pakati panu kuyambila ali nama siku eiti ofunika kutendewa kufwikila mibadwe yonse. Aba nikuika na bal obadwa mu banja mwako noikapo owela oguliwa na ndalama kucokela ku vyalo va kutali osati ba mumbadwe wako. ¹³Uyo eve obadwa m'banja yako naula woguliwa na ndalama ufunikila kutendewa. Coteto pangano yangu inkhale mumubili mwako pangano ya muyaya. ¹⁴Aliyense mwanalume osatendewa mumubili kucosa nkhanda yakunsonga, uyo moyo ucosewe pakati pa banthu; waphwanya pangano."¹⁵Mulungu eciti kwa Abrahamu, "Monga kwa Sarai mwanakazi wako, osamuita soti kuti Sarai. M'malo mwake, zina yake ibe Sara. ¹⁶Nimudalise, nikupase mwana mwanalume kupitila muli eve. Nimudalise nakuti ankhale nyina wa vyalo vinyinji. Mafumu anyinji akafumile muli eve.¹⁷Pa ici Abrahamu ebalama na nkhope yozyolika pansi, nakuseka, ndipo eciti, mumtima mwake, "ko mwana angabadwe ku munthu ali na zaka 100? nanga Sara ali na zaka 90, angabale mwana mwanalume?" ¹⁸Abrahamu eciti kwa Mulungu, "O kuti Ishimaeli ankhale na moyo pamenso panu!"¹⁹Mulungu eciti, "Yai, koma Sara mwanakazi wako akkubalile mwana mwanalume, ndipo ukamuteye zina Isaki. Nikuzonkhazikisha pangano yamuyaya na bana bake omulondola pavuli pake. ²⁰Monga kwa Ishimaeli, nakumvwa weo, koma ona, namudalisa eve ndipo namudalisa kuti avyalane na kupaka ngako. Ankhale wisiwa bana ba mafumu analume ali twelufu, ndipo impange kunkhala calo ca mphamvu. ²¹Koma pangano yangu nunkhazikisha na Isaki wamene Sara avyale kwa weo pa nthawi ino caka cikuza."²²Pesilizya kulabila naye, Mulungu eluta kululu kucoka kwa Abrahamu. ²³Apa Abrahamu etola Ishimaeli mwana wake, na onse ebadwa mu banja yake, nabala onse eguliwa na ndalama, mwanalume aliyense abada mu banja ya Abrahamu etendewa nkhanda yakusogolo monga mwemuzyila Mulungu.²⁴Abrahamu enze na zaka 99 petendewa nkhanda yakunsonga kwake. ²⁵Ishimaeli Ishimaeli mwana wake enze na zaka 13 pecitiwa mdulidwe wa nkhanda yakusonga. ²⁶Pa siku imozi Abrahamu na mwana mwanke Isaki ecitiwa mdulidwe onse abili. ²⁷Analume onse amubanja ya Abrahamu ecitiwa mdulidwe naye pamozi, kuikapo na bala ebadwa mu banja na bala eguliwana ndalama kucokla ku vyalo vacilwendo.

¹Yehova eonekela kwa Abramu penze mnyansi mwa cimuti penze ku Mamure, Penzenkhala ca kumlyango mu kupya kwa siku. ²Elanga kululu, onani, eona analume atatu enze cilili pasilya kucokela penze eve. Pecibaona, efuma mtenti nobautukila nogwada pansi.³Eciti, "Ambuye, ngati napeza kukondelewa pamenso panu, napapata musamupitilile wanchito wanu." ⁴Lekani manzi yatontho yaletewe, musambe kumendo nopumula mnyansi mwa cimuti. ⁵Lekani nilete cakulya citontho, kuti muzizilisheko mitima. Kucokela apo mungalute, pakuti mwawela ku wanchito wanu." Benkha kuti, "cita muwanenela."⁶Mwamsanga Abramu eloba mu tenti mwenze Sara. "Endesha, tola vipimo vitatau va unga, ukanye, nopanga buledi." ⁷Teto Abramu eutukila ku vibeto, notola kwana ka ng'ombe katontho kabwino, nokapeleka kuwanchito wake, naye keyendesha kukakonza. ⁸Etola mafuta na mkaka, na ka ng'ombe kenze ke konzewa, noika vakulya pali beve, nayeve epanama pafupi nao mnyansi mwa cimuti. pabenzokulya.⁹Beciti kwa eve, "mwanakazi wako Sara ali kuni?" ebankha kuti, "uyo mtenti." ¹⁰Eciti, "Nikawele soti pa nthawi monga yamene ino, ona, Sara mwanakazi wako akankhale na mwanan mwanalume." Sara enzokumvwa pamlyango mu tenti, yenze kuvuli kwake.¹¹Lomba Abrahamu na Sara benze bekalamba, na zaka zenze lzinyinji, na Sara enze epitilila pa msinkhu wa Azimai wakuti angankhale na bana. ¹²Teto Sara eseka peona, nolabila kwa eve eka." Neo osila kale na abwana banagu niokalamb, nisangalale lomba?"¹³Yehova eciti kwa Abrahamu, "Osekelanji Sara nolabila kuti, ningankhale na mwana, panakalamba? ¹⁴Ndiye kuti pali cinthu cokosa kwa Yehova? panthawi ineika neo, mnthawi yamene ino, nikawele kwa weo. Monga nthawi ino caka cikuza Sara akankhale na mwana mwanalume." ¹⁵Lomba Sara ekana nolabila kuti, "niliye seke," ndaba enze eyopa. Naye emuyankha kuti, "yai wenzoseka."¹⁶Ndipo bantu awo enyamuka nosondokela ku Sodomo. Abrahamu ebapelekezya, ¹⁷koma Yehova eciti, "nimbisilenje Abrahamu canufuna kucita. ¹⁸Pakuti Abrahamu ankhale mtundu ukulu ndipo wamphamvu, na mitundu yonse ya pa calo capansi yakadalisike mwa eve? ¹⁹Pakuti namusankha kuti alangizhye bana bake na bamung'anga omukonkha kuti basunge njila ya Yehova,kucita zabwino na cilungamo, kuti Yehova alete pa Abrahamu cecilabila kwa eve."²⁰Yehova eciti, "pakuti kulila cifukwa ca Sodomo na Gomola kwakula, na cifukwa cimo yao yakula. ²¹Niluteko kuti nikaone kulila kwo cifukwa ca eve kwafwika kwa neo, ngati nicendi becicita ici. Ngati niwenye, nizibe."²²Ndipo banthu befumako uko, noluta caku Sodomo, Koma Abrahamu enkhala opanama pamenso pa Yehova. ²³Lomba Abrahamu efwika pafupi nonena kuti, muonongele pamozi olungama na aipa?²⁴Nanga mukapeza ali fifite olungama mu mzinda, muononge osasiya malo kamba ka olungama fifite alimo? ²⁵Cinkhale kutali na mweo kucita ici cinthu. Kupaya olungama pamozi na aipa, kuti olunga na aipa atolewe pamozi-mozi. Cinkhale kutali na mweo! Ndiye kuti oweluza wa calo conse acite lini colungama? ²⁶Yehova eciti, "Ngati ningapezemo fifite mu Sodomu olungama mkati mwa mzinda kamba ka beve niononge lini mzinda onse."²⁷Abrahamu eyankha eciti, "Langani naonyamuka nolabila na Ambuye, olo nine tyala kakungu na milota! ²⁸Nanga kuti papezeke kucosapo faifi pa fifte olungama? mungaononge mzinda onse ndaba paliye tyala faifi?" Lomba ecciti, "ningaononge lini, ngati ningapeze 45."²⁹Elabila soti kwa eve, na kuti, nanga mukapezeka fote? eyankha, "kamba ka fote nicite lini." ³⁰Eciti, "napapata musakalipe, Ambuye, kuti nilabile. Nanga sate bakapezeka." Eyankha, "nicite lini, ngati napezamo sate." ³¹Eciti, " langai, nangonyamuka nolabila kwa Ambuye! nanaga mukapeza twenti." Eyankha, ningaononge lini kamba ka twenti."³²Eciti, "Napapata musakalipe, Ambuye, nilabile soti kamozi kosilizyila. Nanga bakapezeka teni." Lomba eciti, "ningaononge lini kamba ka teni alomo." ³³Yehova eluta njila yake pesilizya kulabila na Abrahamu, ndipo Abrahamu ewelel ku ng'anda.

¹Angelo abili ewela ku Sodo mcingulo, pamene Loti enze nkhezi pa mlyango wa Sodomo. Loti ebaona, eima kukumana nao, nogwada kubelama cinso cake pansi. ²Ecciti, "conde obaba bangu, khwenthelani mu ng'anda ya kapolo wanu, mulale usiku nosamba m'mendo. Teto mukauyouka m'mawa mukapilizye ulendo wanu." Beyankha, "Yai tikalale mumseu." ³Koma ebayumilizya ngako teto beciya naye noloba mung'anda yake. Ebakonzela cakulya nopanga buledi uliye cofufumisha, ndipo becilya.⁴Koma akaliyo lala, banthu bamumunzi, banthu bamu Sodomo, ezunglila ng'anda, onse atontho-atontho na akulu-akulu, banthu bonse kufumila mbali zonse za munzi. ⁵Bemuita Loti, ndipo eciti, kwa eve, "alikuni analume bawela kuzoloba kwa weo usiku? tifumyile kuti tibazibe."⁶Teto Loti efuma kumlyango novalako cakuvuli. ⁷Eciti, "nukusengani mweo, anekwasu, musacite ciipa coteti. ⁸Onan, nili bana babili anakazi akaliye zibepo mwanalume mucite nao cilicconse camuona cabwino m'menso mwanu. Musabacite cilicnse aba banthu, ndaba bawela pansi pa cimfwile ca mtenge wangu."⁹Beciti, "patuka!" ndipo soti eciti, "uyu ewela kuno kuzonkhala monga mulwendo, ndipo lomba wnkhala otiweluza! lomba nawe ciipa kupambana beve." Bemufyandikizya kusushana naye, Loti nowela pafupi kkuti aphwanye ciseko.¹⁰Koma angelo befuma panja nomulobesha mkati Loti novalako ciseko. ¹¹Ndipo alwendo ba Loti evala menso banthu bala enze kunja kwa ciseko ca ng'anda, onse atontho na akulu-akulu, teto kuti bankhala ovutika pebenzo fufuza kuti apeze mulyango.¹²Ndipo aangelo eciti kwa Loti, "uli naye muyakine aliyens kuno? Akomwne aliwonse, bana banalume na bana banakazi, na aliyense bauli nao m'munzi, bafumyeko kuno. ¹³Pakuti tili pafupi kuononga malo bano, cifukwa kunenezewa kwake pamenso pa Yehova kwankhala komvwikila kuti watituma kuzoinonga."¹⁴Loti eciyolabila na azikweni bake, azibambo benzelonjeza kulungula bana bake, nakuti, "fulumilani, cokani ku maolo bano, pakuti Yehova ali pafupi kuononga munzi." ¹⁵Koma kwa akomwene bake emuona monga ocita nthabwala. Pakwecica, angelo emufulumizyisha Loti, kuti yambako tola mkazi wako na bana bako banakazi abili ali kuno, kuti usatolewe mu cilango ca munzi."¹⁶Koma ewaya-waya. Teto angelo emkata kwanja, na kwanja ya mwanakazi wake, na manja ya bana be anakazi abili, cifukwa Yehova enze na cifundo kwa eve. ebafumya nobaika kunja kwa munzi. ¹⁷Pecibafumya kunja umozi wa angelo eciti, "thabishani miyoyo yanu! osalanga kuvuli, kapena kunkhala paliponse mcipululu.Thabila kulupili kuti usatolewe.¹⁸Loti eciti kwa beve, yai, napapata, ambuya bangu! ¹⁹kapolo wanu wapeza ufulu m'menso mwanu, ndipo mwanionesha cifundo cikuleni mu kupulumusa moyo wangu, koma siningautukile kulupili cifukwa cionongeko cinganipeze ndipo ningafwe. ²⁰Langani, munzi ula uliko pafupi kuthabilako soti niutontho. Napapata, lekani nipulumukile kwamene. (Nikatontho lini?), ndipo moyo wangu upulumuke."²¹Eciti kwa beve, "cbwino, nuvomelezya pempho yao, kuti ningaononge lini munzi uwatomola. ²²Yendeshani! thabila kwamene kula pakuti ningacitelini cinthu ciliconse mpaka ukafwike kwamene, " Teto munzi euita Zoari.²³Zuba yekwela Loti pecifwika ku Zoari. ²⁴Ndipo Yehova elokwesha surfule na mulilo pa Sodomo na Gomorakufuma kuli Yehova kumlenga-lenga. ²⁵Eiononga minzi ila, na cigwa na onse onkhala m'minzi, na mbuto zomela pa nthaka.²⁶Koma mkazi wa Loti, enze kuvuli kwake, eceuka, nopangika culu ca munyu. ²⁷Abrahamu ecelela kuuka m'mamawa nakuya kumalo kwecipanama pamenso pa Yehova. ²⁸Elanga ku Sodomo na Gomora na ku malo onse a cigwa. Elanga onani, cusi cenzo kwela kufumila ku malo monga ni cusi camng'anjo.²⁹Teto peciononga Yehova minzi yamcigwa, Mulungu emkumbukila Abrahamu. Emcosa Loti pakati pa cionongeko peciononga minzi mwenzonkhla Loti.³⁰Koma Loti eciya kufuma kum Zoari kuyonkhala m'malupili na bana bakae anakazzi abili, cifukwa benze na mantha kunkhla ku Zoari. Teto enkhala ku nkhwema, eve na bana bake anakazi.³¹Wsoyamba eciti ku msaza wake, "Atata niokalamba, ndipo kuliye mwanalume kulikonse kuti alale nase monga mwakucitila calo conse. ³²Wela tibamweshe walwa atata, nolala nao, teto kuti usungike mkoka wa atata." ³³Teto ebamwesha walwa ausuwao usiku ula. Ndipo mkuleni eloba nakulala nao awisi; aliye zibe ecilala kapena peciuka.³⁴Siku lokonkhapo mkuleni eciti msaza wake, "mvwaya, usiku wasila nelala nao atata. Tiye tibamweshe soti walwa usiku, nakuti ulobe nolala nao. Teto kuti usungike mtundu wa atata." ³⁵Teto ebamwesha soti usiku ula walwa, na msanza eciya nolala nao. Aliye zibe pecilala kapena peciuka.³⁶Teto onse bana ba Loti enze na vumo ya awisi bao. ³⁷Mkuleni abala mwana mwanalume, noteya kuti Moabu. Enkhla wisi wao wa a Moabu ba lelo. ³⁸Monga kwa msaza, naye ebala mwa mwananalume, naye mteya Ben-Ami; enkhala wisi wao wa amoni ba lelo.

¹Abrhamu efumako na kuya ku calo ca Negevu, enkhala pakati pa Kedesi na Suri. Enze wacilwendo kunkhala mu Gelali. ²Abrahamu eciti za Sara mwanakazi wake, nimlongosi wangu." teto Abimeleki mfumu ya ku gelali emuita Sara nakumutola. ³Koma Mulungu ewela kwa Abimeleki m'maloto usiku, nakkuti kwa eve, "langa, niwe mwanalume wakufwa cifukwa ca mwanakai wawatola, pakuti ni mwananakazi wa mwine."⁴Lomba Abimeleki enzevye fwendele naye pafupi nakuti, "Ambuye, mukapaye na calo colungama? ⁵Aliyekambe yeka kwa neo kuti, 'nimlongosi wake?' nangu eve eka ecciti,'nimkwasu mwanalume.' ndipo neo soti nakusunga kuti usanicimwile. teto nikuvomelezye weo kumukumya.⁶Ndipo Mulungu eciti kwa eve m'maloto, " Ee, neo nuziba soti kuti mu ubwino wa mtima wako wacita teti, ndipo neo soti nekusunga kuti usanicimwile. Mwakuti niliye kuvomelezye kumukumya. ⁷Moteto, muwezye mwanakazi wamwine. Ndaba eve nimneneri. Akakupempelele, unkhale na moyo. Koma nagati sumuwezya, uzibe kuti weo naonse bauli nao mukokufwa cendi."⁸Abimeleki euka m'mamawa na kuita wonse banchito kwa eve. Ebauzya vinthu ivi vonse, ndipo azibambo ecita mantha ngako. ⁹Ndipo Abimeleki eitanisha Abrahamu nakuti kwa eve, "ncinji ciwacita? Nakucimwilani tyani mweo, pakuti mwaniletela cimo neo na m'malo mwangu? wanicitila cinthu cosafunika kucita."¹⁰Abimeleki eciti kwa Abrahamu, "ncinji cakutuntha kuti ucite cinthu ici?" ¹¹Abrahamu eciti, "cifukwa naganiza kuti, 'zoona muliye kuyopa Mulungu m'malo muno, banganipaye cifukwa ca mwanakazi wangu. ¹²Koma, nimlongosi wangu mwana mwanakazi wa atata, koma osati mwana mwanakazi wa amama; ndiye enkhala mwanakazi wangu.¹³Pamene Mulungu eniyendesha kunifumya mng'anda ya atata nakuniyendesha kunifumya uku nakupeleka uku. Neciti kwa eve, 'ufunika kuniosha kukhulupilika monga mwanakazi wangu: Pamalo paliponse pitaluta, ukokamba za neo, "nikwasu mwanalume.'"" ¹⁴Ndipo Abimeleki etola mbelele na ng'ombe, na akapolo analume na anakazi, nakupasa Abrahamu, kwa eve. Ndipo emuzya Sara, mwanakazi wa Abrahamu, kwa eve.¹⁵Abimeleki eciti, "langa, malo bangu nibako. Kankhale paliponse pati pakuwamizye." ¹⁶Kwa Sara eciti, "Langa, nampasa mkwanu masiliva sauzande. Nicofafanizila cinecita m'menso mwa onse baulinao, na kwaliyense wakonzeka mofwikapo."¹⁷Ndipo Abrahamu epemphela kwa Mulungu, na Mulungu epolesha Abimeleki, mwanakazi wake, na akapolo bake nanakazi kwakuti bekwanisha kunkhala na bana. ¹⁸Pakuti Yehova enzevalilatu mavumo ya anakazi onse ba anakazi a mng;anda ya Abimeleki, cifukwa ca Sara, mwanakazi wa Abrahamu.

¹Yehova emvwilila Sara monga mwelabilila, ndipo Yehova ecitila Sara monga mwemulonjezela. ²Sara enkhala na vumo nakumuvyalila Abrahamu mwana mwanalume mu ukalamba wake, pa nthawi yake yoikika yamene Mulungu elabila naye. ³Abrahamu emuteya zina mwana wake emvyalikila, wamene Sara emvyalikila Isaki. ⁴Abrahamu ecita dudwe mwana wake Isaki pecikwanisha masiku 8, monga mwamene Mulungu emlamulila.⁵Abrahamu enze na zaka 100 penzobadwa mwana wake Isaki. ⁶Sara eciti, "Mulungu wanisekesha; aliyense wati amvwe aseke nane pamozi." ⁷Eciti soti, "nibani angalabile kwa Abrahamu ktui Sara angalele bana, koma ndithu namvyalila mwana mwanalume mu ukalamba wake!"⁸Mwana ekula nakumulesha kunyonkha, Abrahamu ekonza madyelelo yakulu pa siku yeleshewa kunyonkha Isaki. ⁹Sara eona mwana wa Hagara mu Aigupto, wecivyala kwa Abrahamu obaseka.¹⁰Ndipo eciti kwa Abrahamu, "mcose wanchito mnakazi uyo na mwana wake, pakuti mwana wa wanchito uyo sakatolapo cuma ciliconse pamozi na mwana wangu Isaki." ¹¹Ichi cinthu cemubaba ngako Abrahamu kamba ka mwana wake.¹²Koma Mulungu ecti kwa Abrahamu, "usamvwe kubaba kamba ka mnyamata, kapena kamba ka wanchito mwanakazi. Imvwa mau bake na ciliconse cati alabile pa nkhani iyi, pakuti ni mwa Isaki mwati mbadwe wako ukaitiwe mazina. ¹³Nikapange soti mwana wa wanchito wako mtundu na mtundu, pakuti ni mbadwe wako."¹⁴Abahamu euka m'mamawa, etola buledi na cikumba ca manzi, nakumpasa Hagara, eika pa phewa pake. Empasa mwana wake mwanalume, nakumuuzya abekuya, eluta nakuynda-enda mcipululu ca Bereseba. ¹⁵Manzi mcikumba pibesila, emusiya mwana wake pansi pacishasha. ¹⁶Ndipo eluta, nakunkhala pansi kamtunda patontho na eve, kutali kwake monga kuponya muvwi, pakuti eciti, "nisaoneko mwana wangu pakufwa." Penkhala apala patali ekweza mau bake na kulila.¹⁷Mulungu ecimvwa lizu la mnyamata, na mngelo wa Mulungu emuita Hagara kucokela kululu nakuti, "nicinji cakuvuta Hagara? Usayope, pakuti Mulungu wamvwa mau ba manyamata kwamene kwa ali. ¹⁸Nyamuka, muimye mnyamata, na kumulimbikisha, pakuti nimpange mtundu ukulu."¹⁹Ndipo Mulungu evula menso bake, ndipomeona cisime ca manzi. eluta na kuzuzya cikumba na manzi nakumpasa mnyamata kuti amwe. ²⁰Mulungu enze naye mnyamata, ndipo ekula. ²¹Enkhala mcipululu ca Palan, ndipo anyina emtolela mwanakazi waku Aigupto kuti alungule.²²Pa nthawi ila cecitika ni cakuti, Abimeleki na Fikolo mkulu wa nkhondo wake elabila na Abrahamu, ecti, "Mulungu ali namwe pa kalikonse kamucita. ²³Mwaici unilumbilile pa Mulungu wako kuti suzanicitila monyenga, pa bana bangu na mbeu zangu zonse zangu zonse. Unioneshele neo na calo ciwankhalamo kukhulupilika kwa pangano kumozi-mozi kula kwenekuoneshela neo. ²⁴Abrahamu eciti, "nulumbila."²⁵Abrahamu naye edandaula za cisime camene banchito ba Abimeleki bemulonda. ²⁶Abimeleki eciti, "nuziba lini wacita ici cinthu. Uliye niuzyeko mpakana lelo, niliye mvweko mpaka lomba." ²⁷Ndipo Abrahamu etola mbelele na ng'mbe nakumpasa Abimeleki ndipo aba abili epangana pangano.²⁸Ndipo Abrahamu eika mbelel zili seveni zinakazi mwa zeve zeka. ²⁹Abimeleki eciti kwa Abrahamu, "nanga tanthauzoya mbelele seveni zinakazi zamwapatula pazeka nicinji?" ³⁰Eyankha kuti, "mbelele izi zati mulondele kwa neo, kuti zinkhale kwa neo mboni kuti nineo nakumba cisime ici."³¹Teto eita malo bala kuti Bereseba, pakuti pala onse elumbila lumbilo. ³²Epanga pangano pa Bereseba, ndipo Abimeleki na Fikolo mkulu wa nkhondo yake bewelela ku calo ca Afilisiti.³³Abrahamu ecala cimuti ca mawembe mu Bereseba, Ndipo epembeza Mulungu waku nthawi zonse. ³⁴Abrahamu enkhala mlwendo mu calo ca Afilisiti masiku anyinji.

¹Kufuma apo ivi vonse vecitika Mulungu peciyesa Abrahamu. Eciti kwa eve, "Abrahamu!" Abrabrahamu eciti, "ni neo pno." ²Ndipo mulungu eciti, "tola mwana wako, mwana wako eka, waukonda, Isaki, ubekuya naye ku malo ya moriya. Upeleke mwana wako nga ni sembe yoshoka pa imozi mwa malupili yati nikuuzye," ³teto Abrahamu euka m'mamawa eluta na bulu wake, etolako anyamata abili beciluta nao pamozi na mwana wake Isaki. Etenda nkhuni zoshokela nsembe, eyambapo ulwendo wakuya ku malo kwecimuuzya Mulungu.⁴Siku yacitatu Abrahamu elanga kulu nakuzoona malo patali. ⁵Abrahamu eciti kuli anyamata bake benze nao, "salani pano na bulu, neo na mwan uyu tikuya pasogolo apo. Tikuyopembeza tikuza soti pano pali mweo." ⁶Abrahamu etola nkhuni zoshokela nsembe nakunyamulisha mwana wake Isaki. Eve enyaula kumanja kwake naifi na mulilo; eluta onse abili pamozi.⁷isaki eciti kwa awisi Abrahamu, "Atata," ndipo eyankha, nineo pano mwana wangu." Eciti, "onani, mulilo na nkhuni tili navo, nanga mbelele yoshokela nsembe ilikuni?" ⁸Abrahamu eciti, "Mulungu mwini kazi apeleke mbelele yoshokela nsembe mwana wangu." Eyambapo onse abili pamozi.⁹Pecifwika pmlo pecimuuzya Mulungu, Abrahamu emanga guwa noyalikapo nkhuni. Emumagilila mwana wake Isaki, nakumulalika pa guwa, palulu pa nkhuni. ¹⁰Abrahamu etambasula kwanja kutola naifi kuti apaye mwana wake.¹¹Mngelo wa Yehova emuita kufuma kululu kuti, "Abrahamu, Abrahamu," eciti, "ni neo pano." ¹²Eciti, "osaikapo kwanja pa mwana, kapena kucita ciliconse ciipa, apa lomba naziba kuti uyopa Mulungu, poona kuti uliye kanile mwana wako eka tyala kuli neo."¹³Abrahamu enyamula muti waake nolanga kululu, kuvuli kwake kwenze mbelele yokashiwa mamphondo pakasanga. Abrahamu eluta kuyomasula mwana wa mbelele nakushoka kuipeleka nsembe m'malo mwa mwan wake. ¹⁴Abrahamu eita malo ayo kuti, "Yehova apeleke," mpaka lelo yakuluzibika teti, "palupili ya Yehova apeleke.¹⁵Mungelo wa Yehova eita Abrahamu kacibili kufuma kululu ¹⁶nakuti- aya ni mau a Yehova- pa neo neka nalumbila kamba kakuti wacita ici cinthu, nakuti uliyonikanizye mwana wako eka, ¹⁷moona nikudalise ndipo nipakishe ngako mtundu baa bako ngati ni nyenyezi zakululu, ngati ni mchenga wakusilya kwa manzi; ndipo m'mbadwo wako ukatole katundu wa adani bao.¹⁸Kufumila ku mbeu yako vyalo vonse va pa calo ca pansi vikadalisike, kamba ka kumvwa mau bangu." ¹⁹Abrahamu ewelela penzesiya anyamata bake, banyamuka pamozi nakuya ku Bereseba, enkhala ku Bereseba.²⁰Pizepita izi, Abrahamu emuuzya kuti, "Milika wavyalika bana, naye, kuli mkwanu Nahori." ²¹Oyamba enze Uzi, mkwao enze Bazi na Kemuele wisi wake wa Aramu, ²²Kesedi, Hazo, Pilidasi, Yilidafi na Betuele.²³Betuele evyala Rabeka. Aba benze bana eiti bevyalika Milika kuli Nahori mkwao wa Abrahamu. ²⁴Mkazi wake mtontho enzozibika na zina yakuti Reuma, eve evyala soti Teba, Gohamu, Tahasi na Maaka.

¹Sara enkhala zaka 127. Izi niye zaka za moyo wa Sara. ²Sara efwila mu Kiriati Araba, ndiye kuti, Hebroni, kumalo ya Kenani. Abrahamu eita cisoni nakulila Sara.³Ndipo Abrahamu enyamuka kufuma kumwakanazi wake wakufwa, na kulabila na bana ba Heti, nakuti, ⁴"nine mulwendo pakati panu. napapata nipenkoni malo pakati panu kuti niike wakufwa wangu."⁵Bana ba Heti emuyankha Abrahamu eciti, ⁶"timvwilileni seo, fumu yasu. nimwe mwana wa Mulungu pakati pasu. Ikani wakufwa wanu ku manda yasu yati muzisankhule. Paliye waseo angaleshe mweo mumnada yake, kuti muike wakufwa wanu."⁷Abrahamu epanama nogwadila banthu bakumalo, kubana banalume ba Heti. ⁸Elabila nao, eciti, "ngati mwavomelezya kuti niike wakufwa wangu, lomba nimvweni neo munidandaulile kwa Efroni mwna mwanalume wa zahari, za neo. ⁹Mupempheni kuti anigulise nkhwema yake ya Makipela, yali nayo, ili kosizyilila kwa mnda wake. Pa mtengo wake okwanila lekani anigulise pakati pa banthu abe malo ba manda."¹⁰Lomba Efroni enkhala pakati pa bana ba Heti, ndipo Efroni mu hiti eynkha Abrahamu mukumvwilila kwa bana ba Heti, banalume, pa onse bewela pamlyango wamzinda, eciti, ¹¹"yai, fumu yangu, niimvweni neo. Nukupasani mweo pamenso pa bana analume ba banthu bangu. Nukupasani mweo kuti muike wakufwa wanu."¹²Ndipo Abrahamu egwada pansi pamenso pa banthu bakumalo kwamene kwala. ¹³Elabila na Efroni mumvwilila kwa banthu bakumalo kwala eciti, "koma ngati mufuna, napapata nimvwileni. Nilipile pa munda. Tolani ndalama kwa neo ndipo niike wakufwa wangu kwamene kwala."¹⁴Efroni eyankha Abrahamu eciti, ¹⁵"Napapata mbuya wangu nimvweni neo, malo yogulisiwa folo hundiledi sekelo ya siliva, pali cinji pakati pa mweo na neo? ikani wakufwa wanu." ¹⁶Abrahamu emvwisha kwa Efroni ndipo Abrahamu ebelenga ndalama za siliva kwa Efroni zelabila pamenso pa bana banalume ba Heti, ndalama folo handiledi za siliva kulingana na mupimo wene-wene wa malonda.¹⁷Teto munda wa Efroni, wenze ku makipela, wamene wenze pafupi na Mamure, ndiye munda, cinkhwema cenze mkati, na vimiti vonse venze mumunda na mumbali monse mozungulila, wepasiwa ¹⁸kwa Abrahamu pogula pamenso pa bana ba Heti analume, pamenso pa banthu lonse enzewela pamlango wamzinda wake.¹⁹Pivepita ivi Abrahamu emuika mwanakazi wake Sara ku nkhwema mu munda waku Makipela, uli pafupi na Mamure, ndiye kuti, Hebroni, mcalo ca Kenani. ²⁰Teto munda na nkhwema yenzemo vepasiwa kwa Abrahamu ngati maloya manda kufuma ku bana banlume ba Heti.

¹Lomba Abrahamu enze okalamba ngako ndipo Yehova emudalisa mu vinthu vonse. ²Abrahamu eciti ku wa nchito wake, wala enzepo mkuleni mung'anda mwake ndip amene enzolamulila vonse venze navo. "Ika kwanja kwako mnyansi mwaa cibelo cangu ³kuti nikulumbilshe kuli Yehova, Mulungu waku kulu na Mulungu wa pacalo capansi, kuti mukatole lini mwanakazi wa mwana wangu kufuma mubana ba Akanani, pakati pao nupanga ng'anda yangu. ⁴Koma ukalute ku calo cangu, na kubnja langu, nakotola mwanakazi wa mwana wangu Isaki kwamene kwala."⁵Wanchito wake ecciti kwa eve, "nanga ngati mwanakazi sakavomela kunikonkha ku malo bano?" nikamuwezye mwana wanu kumalo kwamwefuma?" ⁶Abrahamu eciti kwa eve, uonesheshe kuti ukamuwezye lini mwana wangu kwala. ⁷Yehova Mulungu wakululu, wamene enitola kufuma ku ng'anda kwa atata naku malo ya anekwasu, na wamene enilonjeza na cilumbilo kunena kuti, 'ku mbeu zako nikapase malo aba,' akatume mngelo wake pasogolo panu, ndipo mukapeze mwanakazi wa mwana wangu kwala.⁸Koma ngati mwnakazi sakavomela kukukonkha, apo weo ukabe omasuka ku kulumbila kwangu. Koma usakamtwale soti mwana wangu kwala." ⁹Teto wanchito eika kwanja lake kunyansi kwa cibelo ca Abrahamu mbuye wake na kulumbila kwa eve za iyi nkhani.¹⁰Wanchito etola ngamila teni za ambye wake noyambapo. Etola soti mphaso za mitundu yonse noyambapo. Enyamuka noluta ku malo ya Aramu Nahaimu, mzinda wa Nahori. ¹¹Egwadisha ngamila pansi kunja kwa mzinda ku cisime ca manzi. Kwenze mcingulo, nthawi yakutapilamo manzi anakazi.¹²Ndipo eciti, "Yehova Mulungu wa Ambuye wangu Abrahamu, nipeni kupambana lelo nakuonesha cilungamo canu pa pangano lanu kwa mbuye wngu Abrahamu. ¹³Onani, neo napanama pa cisime ca manzi, na bana anakazi ba banthu ofuma panja kuzotapa manzi. ¹⁴Lekani cicitike teto. Nikalabila na mwana mwankazi, 'selushako nongo yako kuti nimweko manzi,' ndipo akalabila kuti kwa neo, 'imwa, ndipo nimweshe soti na ngamila zako,' teto lekani eve ankhale mwanakazi umwasankhila kapolo wanu Isaki. Pocita ici nizibe kuti mwaonesha kukhulupilika kwa lumbilo kwa mbuye wangu."¹⁵Cecitika teto kuti aliyosilizya kulabila, onani, Rabeka etulukila na nongo yake ya manzi pa phewa pake. Rabeka ebadwa kwa Betuelu mwana wa Milika mukazi wa Nahori, mkwao wa Abrahamu. ¹⁶Uyo mwanakazi enze okongola ngako ndipo enze namwali. enze akaliy zibe mwanalume aliyense. Esondokela ku cisime, nozuzya nongo yake nokwezeka.¹⁷Ndipo wanchito eutuka kuyokumana naye na kuti, napapata nipeko manzi yakumwa yatontho mnongo yako. ¹⁸Eciti, "mwani, ambuye wangu," ndipo mufulumila eika nongo yake pa kwanja, nakumpasa manzi akumwa.¹⁹Pesilizya kumuoasa cakumwa, eciti, "nikutapileni soti manzi ya ngamila zanu, mpaka zishilizye kumwa." ²⁰Teto efulumizya kukhutula nongo yake mu comwelamo nakuutukila soti ku cisime kuyotapa manzi, notapila ngamila zake zonse.²¹Munthu wala emuonelela mwacinsinsi kuti aone ngati Yehova ekwanilisha ulwendo wake kapena yai. ²²Ndipo ngamila pazesilizya kumwa, munthu wala etola mphete yapamphuno ya golide hafu ya sekele mabangili abili akumanja kwake olemela masekele teni, ²³nokonsha, "niwe mwana wa bani? niuzye napapata, alimo malo mng'anda mwa auso bakuti seo tingapulilemo usiku?"²⁴Eciti kwa eve, "nine mwana wa Betuele mwana mwanalume wa Milika, wecivyalila Nahori." ²⁵Eciti soti kwa eve, tili navo vonse uzu na vakulya, soti na malo yopulumukilamo usiku."²⁶Ndipo munthu wala ebelamila pansi noyanika Yehova. ²⁷Eciti, Adalisike Yehova, Mulungu wa mbuye wangu Abrahamu, wamene aliyetaye kukhulupilika kwa pangano lake, koma kwa neo, Yehova wanisogolela mnjila ya kung'anda yaba banja ba mbuye wangu."²⁸Ndipo musimbi uyu eutuka nouzya ba mng'anda ya anyina wake vonse ivi vinthu. ²⁹Lomba Rabeka enze na mkwao, zina lake enze Labani. Labani eutukila kwa munthu wala enze kunja kwa njila yakucisime. ³⁰Ndipo peona mphete yakumphuno na vibangili ku manja ya mulongosi wake, na pecimvwa mau amulongosi wake Rabeka, "ici niye ciwalabila munthu wala kuli neo," eluta kwa munthu wala ndipo, onani, enze paname pafupi na ngamila pafupi na cisime.³¹Ndipo Labani eciti, "wela weo odalisika wa Yehova. upanamilanji kunja? nakonza ng'anda, na malo ya ngamila." ³²Teto munthu ewela kung'anda notula katundu pa ngamila. Ngamila zepasiwa uzu na cakulya. Ndipo manzi yepasiwa kuti asambe kumendo na analume benze nao.³³Bemukonzela cakukya kuti alye, koma eciti, "nilye lini mpka nilabile zunufuna kulabila." Teto Labani eciti, "labila." ³⁴Eciti, "nine wanchito wa Abrahamu. ³⁵Yehova wadalisa mbuye wangu ngako ndipo wankhala mkuleni. Amupasa mbelele na ng'ombe, siliva na golide, anchito analume na anakazi,na ngamila na mabulu.³⁶Sara mkazi wa mbuye wangu emuvyalila mwana mwanalume mbuye wangu penze nkhalamba, ndipo epasa vonse valinavo kwa eve. ³⁷Ambuye wangu enilumbilisaha, kunana kuti, 'usakatole mwanakazi wa mwana wangu mwanalume kufuma ku bana anakazi ba Kanani, kumalo kwanupanga kwasu. ³⁸M'malo mwake, ufunika kuya ku banja la atata na kwa anekwasu, ndipo ukamutolele mwanakzi mwana wangu mwanalume.'³⁹Nelabila kuti kwa ambuye wangu, 'payakine mwankazi akanikonkhe lini.' ⁴⁰Koma ecit kwa neo, 'Yehova wamene unuyenda naye, akutumizyile angelo bake ndipo akudalise mnjila yako, kuti ukatole mwanakazi wa mwana wangu mwanalume kufumila pakati pa azibululu bangu na kufumila ku banja ya atata." ⁴¹Ndipo ukabe omasuka ku lumbilo langu wawelako kwa anekwasu ndipo aliyekupase mwanakazi. Mwaico ukamasuke ku lumbilo langu.'⁴²Ndipo nafwika lelo pa cisime, nakuti, 'O Yehova Mulungu wa mbye wangu Abrahamu, napapata, ngati mufuna zoona kupanga ulwendo wangu kukwanilishika- ⁴³nili pano, napanama pa cisime ca manzi- lekani mwanakazi mtontho akuzotapa manzi, mwanakazi wati niuzye kuti, "napapta nipeko manzi atontho kufuma mu nongo nomweko," ⁴⁴mwanakazi akati kwa neo, "imwa, nane nizitapile soti manzi ngamila zako"- Lekani ankhale mwanakzi wakuti mweo Yehova, mwamsankhila mwana wa mbuye wangu.'⁴⁵Nikaliosilizye kulabila mu mtima mwangu, onani, Rabeka wawela na nongo yango yake pa phewa pake ndipo eluta kucisime na kuyotapa manzi. Teto neciti kwa eve, 'napapata nipaseko cakumwa.' ⁴⁶Mofulumila etula nongo yake pa phewa pake na kuizya kuti, "imwa, ndipo nipase soti ngamila zako manzi.' Teto necimwa, ndipo wamwesha soti na ngamila zangu.⁴⁷Nemukonsha kuti, 'niwe mwana bani'? eciti, mwana wa Betueli mwana mwnalume wa Nahori, wamene Milika emuvyalila.' Ndipo naika mphete pa mphuno pake na vibangili ku manja kwake. ⁴⁸Ndipo nebelamisha nkhope yangu pansi noyamika Yehova, nakupembeza Yehova, na kudalisa Yehova, Mulugu wa mbye wangu Abrahamu, wamene watisogolela mnjila yabwino kupeza mwanakazi mwa anekwao ba mbuye wangu kutolela mwana wao mwanalume.⁴⁹Lomba mwaici, ngati nimwe okonzeka kuonsha cikondi ca cendi na cikhulupililo kwa mbuye wangu, muniuzye. Koma ngati nteto lini, muniuzye, kuti nipatukile ku kwanja yaku kwendi kapena ku manjele."⁵⁰Labani na Betueli eyankha na kuti, "cinthu ici camufuma kwa Yehova; Tingalabile lini kwa weo cabwino kapena ciipa. ⁵¹Onani, Rabeka ali na mweo. Mtoleni mwakuya, kuti ankhale mwanakazi wa mwana mwanalume wa mbuye wanu monga Yehova wenenela."⁵²Ndipo wanchito wa Abrahamu ecimvwa mau yao, ebelamila pansi pamenso pa Yehova. ⁵³Wanchito eleta vinthu va siliva na vagolide, na vovwala, nakumupasa Rabeka. Epasa soti pmhaso zabwino ku mlongosi wake na kwa anyina wake.⁵⁴Ndipo eve na analume benze nao becilya na kumwa. Benkhala kwamene uko kucezela, ndipo peciuka m'mawa, eciti, "nitumeni kwa Ambuye wangu." ⁵⁵Mkwao na anyina eciti, "mulekeni msimbi ankhale na seo kwa masiku atontho, okwana ngati teni, pavuli pake angalute."⁵⁶Ndipo elabila kuti kuli beve, "musanicingilizye, pakuti Yehova wadalisa mnjila yangu. nitumizyeni kuti nilute kwa ambuye wangu." ⁵⁷Beciti, timute msimbi kuti tomkoshe." ⁵⁸Teto bemuita Rabeka nakumukonsha, "ulute na munthu uyu?" eyankha, "nilute."⁵⁹Teto betumizya mlongosi wao Rabeka, pamozi na wanchito wake mwanakazi, pa ulwendo wao na wanchito wa Abrahamu na banthu bake. ⁶⁰Bemudalisa Rabeka, na kuti kuli eve, "mlongosi wasu, leka ukabe nyina wa banthu masauzande na mateni sauzande, na bana obadwa pavuli pako akatole pamlyango pa bala obazonda."⁶¹Ndipo Rabeka enyamuka, eve na banchito bake asimbi bemanga ngamila, nobakonkha analume. Ndiye mwecimutolela Rabeka nakuya naye. ⁶²Lomba enzonkhla ku Negevu, ndipo engofwika kufuma ku Beeri Lahai Roi.⁶³Isaki mcingulo eluta kumunda nakuyambo nakuyamba kulingalila. Enyamula mutu nakuona, langani, kwenze ngamila zenzokuza! ⁶⁴Rabeka elanga, ndipo peciona Isaki elumpha pansi kufumapo pa ngamila. ⁶⁵Eciti ku wa nchito, "nibani mwanalume ula oyenda m'munda kuzokumana nase?" Wanchito eciti, "nimbuye wangu," teto etola nyula nozivinikila.⁶⁶Wanchito efotokoza vinthu vonse kwa Isaki vecitika. ⁶⁷Ndipo Isaki emuleta kwa Anyina wake Sara mu tenti nakutola Rabeka, ndipo enkhala mkazi wake, ndipo emukonda. Teto Isaki ebindishiwa pecifwa anyina.

¹Abrahamu etola mwanakazi muyake; zina yake enze Ketula. ²Emubalila Zimelani, Yokosani, Medan, Midyani, Yisebaki, na Sua. ³Yekosani enkhla usuwake wa Seba na Dedani. Bana bake ba Dedanij benze banthu baku Asuli, banthu baku Letuse, na banthu baku Leumi. ⁴Bana analume ba Midyani enze Efa, Afele, Hanoki, Abida na Elida. Aba onse benze bana bake ba Ketula.⁵Abrahamu epasa vonse venze navo kwa Isaki. ⁶Nangu cibe teto, eve akali moyo, epasa mphaso ku bana analume ba anakazi bake atontho no batumizya ku calo caku m'mawa, kumafumya kwa Isaki, mwana wake mwanalume.⁷Aba benze masiku ba moyo ba Abrahamu beinkhala, zaka 175. ⁸Abrahamu efuza kosilizya na kufwa pa msinkhu wa bwino waunkhlamba, munthu wamoyo wa moyo wake wokwana, na kutolewa ku banthu bake.⁹Isaki na Ishimaeli, bana bake analume emuika ku nkhwema ya Makipela, mu munda wa Efroni mwana wake wa Zohari mhiti, uli pafupi na Mamure. ¹⁰Uyu munda Abrahamu enzeugul ku bana ba Heti. Abrahamu eikiwa uko na Sara mwanakazi wake. ¹¹Pavuli pa imfwa ya Abrahamu, Mulungu edalisa Isaki mwana wake na Isaki enkhala pafupi na Bele-lahai-roi.¹²Lomba aba niye benze bana ba Ishimaleli, mwana mwanalume wa Abrahamu, wamene Hagara mu Aigupto, wanchito wa Sara, webalila Abrahamu.¹³Aba niye mazina a bana analume ,ba Ishimaeli, mwa mundandanda wa kubadwa kwao: Nebayoti- mwana oyamba wa Ishimeli, Kedala, Abidele, Mibisamu, ¹⁴Mishima, Duma, Masa, ¹⁵Hadadi, Tema, Yetuli, Nafisi, na kedoma. ¹⁶Aba niye benze bana analume ba Ishimaeli, na aba mazina bao, mwa minzi yao, na mwa matenti bao, bana twelufu ba mfumu analume monga mwa mitundu yao.¹⁷Izi niye zaka za moyo wa Ishmaeli, 137. Efuza kosizyila na kufwa, notolewa kubanthu bake. ¹⁸Benkhla kufuma ku Havila kudwika ku Suli, ali pafupi na Aigupto, ku njila yaku Asuri. Benzokhala moyamba yambana beka-beka.¹⁹Izi ni zocitika za Isaki, mwana wake wa Abrahamu. Abrahmu ebala Isaki. ²⁰Isaki enze na zaka fote pecitola mwanakazi wake Rabeka, mwana wanakazi wa Betuele Msuriya waku Padani Aramu, mulongosi wake wa Labani Msuriya.²¹Isaki epemphelela mkazi wake kwa Yehova cifukwa enzeve mwana, na Yehova eyankha pemphelo na mkazi wake emita. ²²Bana enzokangana mkati mwake, naye eciti, "cifukwa nicinji ici cucitikila neo?" Eve eluta kuyokonsha Yehova za ici.²³yehova eciti kwa eve, "vyalo vibili vili mumala mwako,na magulu abili ba banthu bakapatukanemkati mwako. Gulu limzi likabe lamphamvu kupambana liyake, na mkulu akatumikile msaza."²⁴Piyekwana nthaqwi yakuti abale, langani, mwenze amphundu m'mala mwake. ²⁵Oyamba mwana efuma musweta pali ponse monga ni malaya ausako. Emuteya zina lake Esau. ²⁶Pavuli pa ici, mkwao efuma. Kwanja kwake kwenzokatilila kadenene ka Esau. Eve eitiwa kuti Yakobo. Isaki enze na zaka sikisite mkazi wake peba bala²⁷Anyamata bekula, na Esau enkhala cibinda wa luso, munthu wa mu munda; Koma yakobo enze munthu wofasa, enzotaya nthawi yake mu matenti. ²⁸Lomba Isaki enzokonda Esau pakuti enzokuliya nyama zenzopaya, koma Rabeka enzokonda Yakobo.²⁹Yakobo epika muto. Esau ewela kufuma ku munda, ali olenguka na njala. ³⁰Esau eciti kwa Yakobo, "nipaseko muto wko usweta uyo. Napapata, nine obeba!" Ico niye cobatila zina lake Edomu.³¹Yakobo eciti poyamba nigulise ulu wako." ³²Esau eciti, "ona, neo nili pafupi na kufwa. Ukulu uli na phindu lanji kwa neo?" ³³Yakobo eciti, "poyamba ulumbile kwa neo," teto esau elumbila na mwa njila iyo egulisa ukulu wake kwa Yakobo. ³⁴Yakobo epasa Ebuledina muto wa nyemba. Eve ecilya na kumwa, ndipo noima na kuya pa njila yake. Mwa njila Esau enyozela ukulu wake.

¹Lomba njala yecitika mcalo, pavuli pa njala yoyamba yamene yenzeko pa masiku ba Abrahamu. Isaki eluta kuli Abimeleki, mfumu ya Afilisiti ku Gerari.²Lomba Yehova eonekela kwa eve nakuti, "osaluta Aigupto; nkhala mcalo camene cati nikuuzye kuti unkhalemo. ³Nkhala mcalo mwamene muno, ndipo nibe na weo nakukudalisa; kwa weo na mbeu zako, nukupase onse malo aba, ndipo nikwanilishe lumbilo yenelumbila kuli kusuwako Abrahamu.⁴Nikapakishe mbeu zako monga ni nyenyezi za kululu, ndipo nikapase mbeu zako malo aba onse. Kupitila mwa mbeu zako calo conse ca pansi cikadalisike. ⁵Neo nikacite ivi kamba ka Abrahamu kumvwa mau bangu na kusnga malango bangu, malamulo bangu, malemba bangu, na maweluzo bangu."⁶Teto Isaki enkhala mu Gerari. ⁷Pamene analume ba malo bala ekonsha za mwanakazi wake, eve eciti, "nimlongosi wangu." Eve enzoyopa kunena kuti, "ni mkazi wangu," cifukwa eve eganiza, "analume anikezi ba malo anipaye neo kuti atole Rabeka, cifukwa enze okongola." ⁸Pavuli pa Isaki kunkhala kula nthawi itali, Abimeleki mfumu ya Afilisiti elanga panja pa windo. Eona, langani, Isaki enzopapasa nosekesha Rabeka, mkazi wake.⁹Abimeleki eita Isaki kwa eve nakuti, "langa mosakaikila eve nimkazi wako. Cifukwa nicinji welabila, 'eve ni mlongosi wangu?" Isaki eciti kwa eve, kamba ka kuti nenzoganiza kuti muyakine anganipaye kuti amtole eve." ¹⁰Abimeleki eciti, "nicinji ciwacita kwa seo ici? munthu umozi sembe elala naye mkazi wako mosavuta, ndipo sewmbe waticimwisha seo." ¹¹Teto Abimeleki ecenjezya banthu onse na kuti, aliyense wati akate mwanalume uyu na mkazi wake zoona apaiwe."¹²Isaki ecala mbeu mbeu mcaka cila m'malo bala na kuwezya mcaka camene cila ma teni teni, cifukwa Yehova emudalisa . ¹³Mwanalume enkhala olemela,na cuma cake cepaka mpaka enkhala olemela ngako. ¹⁴Eve enze na mbelele zinyinji na ng'ombe, na banja ikuleni. Afilisiti emcintila nsanje.¹⁵Lomba visime vonse vecikumba banchito ba ausuwake Abrahamu awisi, afilisiti evivala mwakuvifwikila na lito. ¹⁶Abimeleki ecti kwa Isaki, "nkhoya kutali na seo, pakuti weo uli na mphamvu kupambana seo." ¹⁷Teto Isaki efumako kwala nakuyonkhla ku cigwa ca Gerari, ndipo enkhala kwamene kwala.¹⁸Isaki efukula soti visime va manzi, vamene vabekumba mu masiku ya Abrahamu ausuwake. Afilisiti enzefwikila pavulu pa imfwa ya Abrahamu. Isaki etaya visime mazina cimozi-mozi mwenzeteyela awusuwake¹⁹Banchito bake ba Isaki pabekumba mu cigwa, kwamene kwala bepeza cisime ca manzi oyenda. ²⁰Olusa vibeto baku Geralali beyambana na olusa vibeto ba Isaki, na kuti, "aba manzi ni basu," Teto Isaki eteya cisime cala "Eseke," cifukwa benze beyambana naye.²¹Ndipo bekumba cisime ciyakine, ndipo beyambana pa ceve, soti, teto ecipasa zina ya "Sitina." ²²Efumako kula na kuyokumba ciyakine soti cisime koma baliye yambane pa cala. Teto eciteya zina kuti Rehoboti, ndipo seo titukuke mu malo muno."²³Ndipo Isaki efumako kula nokwezeka kuya ku Bereseba. ²⁴Yehova eonekela usiku ula kwamene kwala na kuti, "neo nine Mulungu wa Abrahamu usuwako. Osayopa, pakuti nili nawe ndipo nikudalise na kupakisha mbeu yako, cifukwa ca Abrahamu wanchito wangu." ²⁵Isaki emanga guwa ya nsembe kwamene kwala na kuita pa zina ya Yehova. Kwala emnaga tenti yake, na banchito bake bekumba cisime.²⁶Ndipo Abimeleki eluta kuli eve kufuma ku Gerari, na Ahuzati muyake, na Fikoli, mkuleni wa asilikali bake. ²⁷Isaki eciti kwa beve, "cifukwa ni cinji kmuza kwangu, pakuti muninyanya na kunipilikisha kunifumya kwanu?"²⁸Ndipo beciti, "seo taoneshesha kuti Yehova enze na weo. Teto seo taganiza kuti pabe kulumbila pakati pasu, inde, pakati pa seo na weo. Teto tiyeni tipange pangano na we, ²⁹kuti weo usaticitle ciipa, monga mwatiliye kucitile ciipa weo, monga mwatecitila weo bwino ndipo tekufumya weo mumtendele. Ndithu, niwe odalisika na Yehova."³⁰Teto Isaki epangila phwando, ndipo becilya na kumwa. ³¹Beuka m'mangu m'mawa nolumbila paguwa muyake na muyake. Ndipo Isaki ebafumya, ndipo bemusiya mumtendele.³²Siku yamene yala banchito ba Isaki bewela kuzomuuzya za cisime cibekumba, beciti, "tapeza manzi." ³³Eve eteya cisime zina yake Siba, teto zina ya mzinda ula ni Bereseba mpaka lelo.³⁴Pmene Esau efwika zaka fote, etola mwanakazi, Judi mwana mwanakazi wa Beeri Mhiti, ndipo etola Basemati mwana mwanakazi wa Eloni mhiti. ³⁵Beleta cisoni kwa Isaki na rabeka.

¹Pamene Isaki ekalamba menso bake benze bakufwa kuti enzo langa lini, teto eita Esau, mwana wake mwanalume mkuleni, ndipo eciti kwa eve, "mwana wangu." Esau eciti neo nilipano." ²Ndipo Isaki eciti, "langa kuno nine okalamba. Nuziba lini siku yakufwa kwangu.³Teto tola zida zako, uta na mkondo wako, ndipo ulute ku munda ndipo ukanifunile nyama yakusanga. ⁴Unipangile cakulya ca bwino neo, cakulya cunukonda uniletele kuti nilye nakukudalisa nikaliye kufwe."⁵Lomba Rabeka ecimvw pamene isaki enzokamba na Esau mwana wake mwanalume. Esau eluta kumunda kuyofuna nyama yakusanga nakuwela nayo. ⁶Rabeka elabila na Yakobo mwana wake mwanalume nakuti, "langa kuno, navmwa auso alabila na Esau mkwanu. Bakamba kuti, ⁷'Niletele nyama yakusanga ndipo unipangile cakulya kuti nilye ndipo nikudalise pamenso pa Yehova nikaliye kufwa.'⁸Lomba mwaici, mwana wangu, mvwaya, mau bangu monga nukulamulila. ⁹Nkhoya ku voibeto, ndipo uniletele tumbuzi tubili twabwino: kuti nibakonzele cakulya cabwino kufuma kwa tweve mnga mocikondela. ¹⁰Ucitwale kwauso, kuti alye kuti akudalise aliye kufwa."¹¹Yakobo eciti kwa Rabeka anyina bake, "langani Esau mkwasu ni munthu waweya, koma neo niliye. ¹²Payakine atata akanikate-kate neo, ndipo nikaoneke kwa beve monga wonyenga. Ningaziletele tembelelo pa neo osati daliso."¹³Anyina bake ecditi kwa eve, "mwana wangu, leka tembelelo iliyonse iponele pali neo. mvwaya mau bangu ndipo niletele neo." ¹⁴Lomba Yakobo eluta naluyotola tubana twa mbuzi nakutuleta kwa anyina. Ndipo anyina epanga cakulya cabwino, monga awisi bake ocikonda¹⁵Rabeka etola vovwala vabwino va Esau, mwana wao mukuleni. Zamene enzenazo mun'ganda nakupasa Yakobo, mwana wao mwanalume mtontho. ¹⁶Eika vikumba va kambuzi katontho m'manja mwake ndipo soti nakumbali yamkosi wake. ¹⁷Eika cakulya cabwino na buledi wepanga mu manja ya mwana wake Yakobo.¹⁸Yakobo eluta kwa awisi nakuti, "tata bangu," awisi eciti, "nili panno, niwe bani, mwana wangu?" ¹⁹Yakobo eciti, kwa awisi, "nine Esau mwana wanu woyamba. Nacita mwamwalabilila kwa neo. Lomba nkhalani kuti mulye nyama yakusanga, kuti munidalise.²⁰Isaki eciti ku mwana wake mwanalume, "waipeza tyani msanga, mwana wangu?" eciti, "cifukwa kuti Yehova Mulungu wanu waileta kwa neo. ²¹Isaki ecite kwa Yakobo, "wela pafupi na neo, kuti nikukate, mwana wangu, kuti nizibe ngati niwe mwana wangu wazoona Esau kapena yai."²²Yakobo eluta kwa Isaki awisi bake; ndipo awisi emkata nakuti, "mau ni ba Yakobo koma manja nimanja ya Esau." ²³Isaki aliye muzibe eve. Cifukwa manja bake be na weya, monga manja ba mkwao Esau ndipo Isaki emdalisa.²⁴Eciti, "niwe zendi mwana wangu Esau?" eyankha, "nineo." ²⁵Isaki eciti, "niletele cakulya, kuti nileye nyama, kuti nikudalise," Yakobo eleta cakulya kwa beve. Isaki ecilya, ndipo Yakobo emuletela vinyo, nakumwa.²⁶Ndipo awisi bake Isaki eciti, "wela pafupi lomba unifyofyone, mwana wangu." ²⁷Ndipo Yakobo ewela pafupi nakubafyofyona, ndipo enusha mnusho wa vovwala vake nakumudalisa. Eciti, "langa, mnunkho wamwana wangu uli monga munda wamene Yehova Edalisa.²⁸Leka Mulugnu akupase gawo yamame akululu, gawo ya kuina kwa calo, na kupaka kwa tiligu na vinyu.²⁹Leka banthu bakutumikile na vyalo vikugwadile. Nkhala mbuye wa anekwanu na bana ba nyoko bakugwadile. Lekani aliyense wokutembelela akutembelele; aliyense akudalise adalisike."³⁰Pamene Isaki pesilizya kumudalisa Yakobo, ndip Yakobo efumapo mwakacetece penze awisi Isaki, mkwao ewela kufuma kuyofuna nyama kusanga. ³¹Epanga soti cakulya cabwino kwa awisi. Eciti kwa awisi, "atata, ukani mulye kui munidalise."³²Isaki eciti kwa eve, "niwebani?" eciti, nine mwana wanu, woyamba. ³³Isaki enjenjemela ngako, ndipo eciti, "nibani wasakila nyama nakuleta kwa neo? nakulya ukaliye wela, ndipo namudalisa. Zoona, adalisike."³⁴Pamene Esau ecimvwa mau ba awisi bake elila mokuwa na kulila kobaba, nakuti kwa awisi bake, "nidaliseni, neo nane, atata bangu. ³⁵Isaki eciti, "mkwanu wenze wawela kuni monyenga ndipo watola madaliso bako."³⁶Esau eciti, "nanga siwamene Yakobo? pakuti wanina neo kabili konse. Etola uku wangu, langani lomba watola madaliso wbangu." Ndipo eciti, "muliye nisungileko daliso yangu neo?" ³⁷Isaki eyankha nakuti kwa Esau, "namupanga eve mkulu wako, ndipo kwapasiwa kwa eve kuti onse akwao abe akopolo bake, ndipo nampasa tiligu na vinyu va lomba. Vinyinji votyani vingakucitile mwana wangu."³⁸Esau ecciti kwa awisi bake, "nanga muliye daliso imozi yangu, atata? nidaliseni, na neo, atata." Esau elila mokuwa.³⁹Isaki awisi bake eyankha ndipo eciti kwa eve, "langa, malo yamene ukankhaleko nikutali na kulemela kwa pacalo, kutali na mame yakumitambo. ⁴⁰Mwalupanga yako ukankhale, nakutumikila mkwanu koma ukamuukile, ukanyang'nyishe goli yako kufumya mumkosi mwako."⁴¹Esau emuzonda Yakobo cifukwa ca madaliso yamene awisi emupasa. Esau eciti mumtima mwake, "masiku yolila atata yali pafupi, pakapita izi nipaye mkwasu Yakobo." ⁴²Mau ba Esau mwana mkuleni yeuzyiwa kwa Rabeka. Ndipo emtuma nakumuita Yakobo mwana wake mtontho nakuti kwa eve, "langa, mkwanu Esau ozibindisha eka za weo popingilila zokupaya.⁴³Lomba, mwana wangu, nimvwile neo ndipo ubekuya kwa Labani, mkwasu, ku Harani. ⁴⁴Nkhala nao pa kanthawi, ⁴⁵mpakila ukali wa mkulu wako ukacepeko, kufwikila ukali wke wacoka pa weo, ndipo alubeko zuwemucita. Ndipo nikakuwezye soti kufuma kwala. cifukwa nicinji nikulunzeni monse pa panthawi?⁴⁶Rabeka eciti kwa Isaki, nabeba na moyo cifukwa ca bana banakazi ba Heti. Ngati Yakobo angatole umozi mwa bana banakazi ba Heti ngati mkazi wake, monga anakazi oteti, bayakine banakazi ba mcalo, moyo wangu ungabe na ubwino otyani?"

¹Ndipo Isaki eita Yakobo, namkudalisa, nakumlamulila, "osatola mwanakazi mu mtundu wa Kenani. ²Nyamuka nkhoya ku Padani Aramu kung'anda ya Betuele, ausuwao ba anyina wako ukatole mwanakazi kwamene uko m'mozi mwa bana ba Labani, mkwao mwanalume wa anyina wako³Mulungu wamphavu zonse akudalise, muvyalane na kupakisha, kuti munkhale banthu anyinji. ⁴Akupase madaliso ya Abrahamu kwa weo, nakuli m'mbadwo wokukonkha, kuti utole malo yawenzonkhlapo, yecipasa Abrahmu kuli Mulungu."⁵Teto Isaki emfumyapo Yakobo. Yakobo eluta kwa Padani Aramu, kwa Labani mwana mwanalume wa betueli mu Aramu, mlongosi wake wa Rabeka anyina bao ba esau na Yakobo.⁶Esau eona kuti Isaki emudali Yakobo nakumutuma ku Padani Aramu, kuyotola mwanakazi kwamene uko. Eona soti kuti emudalisa nakumupa ulamulilo, kuti, "usatole mwakazi pakati pa Akanani." ⁷Esau eona soti kuti Yakobo emvwila awisi na anyina, nakuya ku Padani Aramu.⁸Esau eona kuti anakazi baku Kenani aliyokondweleshe Isaki ausuwake. ⁹Teto eluta kwa Ishimaeli, nakuyotola, kucoselako anakazi benzenao, etola Mahalati mwana mwankazi wa Ishimaeli mwana wa Abrahamu, mulongosi wake wa Nebayoti ankhale mwanakazi wake.¹⁰Yakobo efumako ku Bereseba na kuya ku Haramu. ¹¹Efwika pamalo payakine elala pamene apo, pakuti zuba yenze yeloba. Etolapo mwala umozi apo pamalo, nakuzosamilapo, elala tulo pamalo pamene apo.¹²elota nakuona kuti matanda epanama pansi palulu pake penzofwika mpaka kululu na angelo ba Mulungu enzokwela nakuselukapo. ¹³Onani, Yehova epanama nakuti, "nine Yehova, Mulungu wa Abrahamu ausuwako, nine Mulungu wa Isaki. Malo yawalalapo weo nikuoase weo na mibadwo yako.¹⁴Mibadwo yako inkhale nga ni kakungu wapacalo ca pansi, ndipo ukamwazyike kum'mazulo, kum'mawa, kum'mpoto, na kum'mwela. Kupitila mwa weo na mibadwo yako mabanja yonse pa calo ca pansi yakadalisike. ¹⁵Ona, nili nawe, nikusunge kulikonse kwaungalute. Nikakuwezye soti ku malo yano; Pakuti nikakuleni lini. Nikacite vonse vanakulonjeza weo."¹⁶Yakobo peuka kutulo, eciti, " nchendi Yehova ali malo bano, koma nenzevyozibe." ¹⁷Ecimvwa mantha eciti, "nipoyofya pano pamalo! Pamene pano ndiye pa ng'anda ya Mulungu. Uyu ndiye mlyango wakululu."¹⁸Yakobo euka m'mamawa nakutola mwala wecisamilapo. Nakuupanamika nga ni pilala nakuthilapo mafuta palulu pake. ¹⁹Eita malo ayo kuti Betele, koma kufumila kale-kale ayo malo yenzozibika kuti Luzi.²⁰Yakobo elumbila, kuti, "ngati Yehova abe na neo na kunicingilizya munjila iyi yanuyedamo, nakunipa buledi wakuti nilye, na vovwala kuti nivwale, ²¹kuti niwelele bwino ku ng'anda kwa atata, apo Yehova ankhale Mulungu wangu. ²²Lomba uyu mwala wanapanamika nga ni pilala unkhale mwala wopatulika pa vonse vati munipe nipeleke ca khmi kwa mweo.

¹Ndipo Yacobo eluta pa ulendo wake nakufwika kumalo ya banthu akum'mawa. ²Pelanga, eona cisime ca manzi m'munda, ndipo onani, magulu ya mbelele yatatu yenze lele pafupi. Pakuti pa cisime ici enzomweshelapo magulu ambelele, ndipo mwala wenzovala pamulyango wa cisime wenze ukulene. ³Magulu onse ambelele akakumana, olyeshela ofunika kukunkhuluzya mwala kuucosa pamulyango wa cisime na kumwesha mbelele, nakuuwzyelapo soti akasilijya.⁴Yacobo eciti kwa beve, " Anekwasu, mufumila kuni?" Beciti, " Tufumila ku Harani." ⁵Eciti kwa beve, " M'muziba Labani mwana wa Nahori?" Beciti, " Tumuziba." ⁶Eciti kwa beve, " Ali bwino?" Beciti, " Ali bwino, langa, Lakele mwana wake mwanakazi akuza na mbelele."⁷Jacob eciti, "Onani, nipakati pa siku. ni nthawilini yokumanizya magulu ambelele pamozi. Mufunika kuzimwesha manzi nakuzitwala kuti zikalye." ⁸Beciti, " Tingazimweshe lini mpakana magulu akumane yonse pamozi. Madoda ndiye pati akunkhulujye mwala kufumya pamulyango wa cisime, ndiye pozimwesha mbelele."⁹Yacobo penzeaalulabila, Lakele ewela na mbelele za awisi, pakuti ndiye enzolusa. ¹⁰Yacobo pemuona Lakele, mwana wa Labani, akwao wa anyinawake, na mbelele za Labani mkwao wa anyinawake,Yacobo afwika pafupi, nakukunkhuzya mwala kuucosa pamulyango wa cisime, nakumwesha manzi gulu ya mbelele za Labani mkwao wa anyinawake.¹¹Yacobo emufyofyona Lakelele nakulila ngako mokuwa. ¹²Yakobo emuuzya Lakele kuti niwa banja ya awisiwake, nakuti ni mwana wa Labeka. Ndipo eutuka kuyouzya awisiwake.¹³Labani pecimvwa za Yakobo mwana wa mlongosi wake, emuutukila kuyokumana naye, nakumukumbatila, kumufyofyona, nakuza naye ku ng'anda kwake. Yakobo emuuzya Labani vinthu vonse mwevenzele. ¹⁴Labani eciti kwa yeve, " Ndithu niwe fupa na mnofu wangu." Ndipo Yakobo enkhala naye ngati mwezi umozi.¹⁵Labani eciti kwa Yakobo, " Ndiyekuti ukonosebenzela tyala ndaba niwe m'bululu wangu? Niuzje, malipilo yako nicinji? ¹⁶Lomba Labani enze nabana anakazi abili. Zina la mwana mkulene enze Leya na zina la msaza enze Lakele. ¹⁷Leya enze na meso yatontho, koma Lakele enzeoneka okongola. ¹⁸Yakobo enzokonda Lakele, ndipo eciti, " Nikusebenzeleni zaka seveni pa Lakele, mwana wanu msaza."¹⁹Labani eciti, " Ni cabwino kuti ni pase weo kuposa kupasa mwanalume muyakine. Nkhala na neo." ²⁰Teto Yakobo esebenza zaka seveni pa Lakele; ndipo kwa yeve yeoneka monga ngati ni masiku ya tontho, kamba ka cikondi cenzenaco pa yeve.²¹²²Ndipo Yakobo eciti kwa Labani, " Nipaseni mwanakazi wangu, pakuti nasilizya masiku yangu- nufuna kuti nimkwatile!" Teto Labani esonkhanisha pamozi madoda yonse nocita madyelelo.²³M'mazulo, Labani etola Leya mwanawake mwanakazi nakumtwala kwa Yakobo, nakulobana naye. ²⁴Labani epasa wanchito wake mwanakazi Zifa ku mwanawake Leya, kuti ankhale wa nchito wake. ²⁵M'mawa,kansi onani, enze Leya! Jakobo eciti kwa Labani, " Nicinji ici camwacita kwa neo? Niliye sebenzele Lakele? Ni cinji nanga camwaninamizyila?"²⁶Labani eciti, " Ni mwambo wasulini ku kwatiwisha mwana mwanakazi msaza mkulene akaliye kukwatuiliwa. ²⁷Silizya sondo yacikondwelelo ca ukwati na mwana uyu, ndipo tizakupase uyu ukanisebenzela zaka seveni ziyakine soti."²⁸Yakobo ecita teto, esilijya sondo ya Leya. Nipo Labani empasa soti Lakele mwanawake mwanakazi kuti ankhale mkazi wake. ²⁹Labani etola soti Biliya nopasa mwanawake Lakelele, kuti ankhale wa nchito wake. ³⁰Teto Yakobo elobana na Lakele, soti, koma enzokonda ngako Lakele kuposa Leya. Teto Yakobo esebenzela soti Labani zaka seveni.³¹Yehova eona kuti Leya enzosakondewa, teto esegula mala yake, koma Lakele enzevye mwana. ³²Leya enkhala na vumo novyala mwana mwanalume, ndipo emuteya zina kuti Rubeni. ndaba eciti, " Pakuti Yehova waona kusauka kwangu; lomba mwanalume wangu akonikonda neo."³³Ndipo enkhala soti navumo novyala mwana mwanalme. Eciti, " Pakuti Yehova wamvwa kuti nukondewalini, muoneka wanipasa mwana uyu mwanalume soti. Ndiye emuteya zina kuti Simiyoni. ³⁴Ndipo enkhala soti na vumo novyala mwana mwanalume. Eciti, " Apa mwanalume wangu aphatikizike kwangu, cifukwa namuvyalila bana analume." Mwaici emuteya zina kuti Levi.³⁵Enkhala soti na vumo novyala mwana mwanalume. Eciti, " Ino nthawi nikomuyamika Yehova." Mwaici emuteya zina kuti Yuda; ndipo eleka kuvyala bana.

¹Pamene Rakele eona kuti eona kuti aliyomuvyalile bana Yakobo, Rakele ecimvwa nsanje kuli mkwao. Emuuzya Yakobo, "nipase bana olo ninifwe." ²Yakobo ekalipa ngako kuli Rakel. Emuuzya kuti, "nili lini m'malo ba Mulungu, wakulesha kuti unkhalle na bana."³Emuuzya kuti, "Ona, kuli wanchito wang Biliha. Nkhoya kwa eve, kuti angavyale bana pa mendo bangu, na ne ningankhaleko na bana muli eve." ⁴Teto emupa wanchito wake Biliha kuba mwanazi wake, ndipo Yakobo elala naye.⁵Biliha emita nakumubalila mwana mwanlume Yakobo. ⁶Rakele eciti, "Mulungu wanileshelela neo, wanimvwa nakunipasa mwana mwanume." mwa ici emutaya zia Dani.⁷Biliha, wanchito wa Rakele, emita soti nakubala mwana wacibili kwa Yakobo. ⁸Rakele eciti, "Kulimbana kwa mphamvu nalimbana naye mkwasu nakumupambana." Emuteya zina Nafitali.⁹Pamene Leya eona kuti waleka kuvyala, etola Zilipa, wanchito wake, nakumupasa Yakobo kuti abe mkazi wake. ¹⁰Zilipa, wanchito wa Leya, evyala mwana mwanalume kuli Yakobo. ¹¹Leya eciti, "uyu nimwai!" teto emuteya zina Gadi.¹²Ndipo Zilipa, wanchito wa Leya, emuvyalila Yakobo mwana mwanalume wacibili. ¹³Leya eciti, "nakondwela! cifukwa bana banakazi ba kaniite kukondwa." Emteya zina yake Asa.¹⁴Rubeni eluta mu masiku yovuna tiligu nakupeza mankhwala yolezyelesha mu munda. Nakuyaleta kwa anyina Leya, Ndipo Rakele eciti kwa Leya, "nipaseko mankhwala yozyelesha ya mwana wako." ¹⁵Leya emuyankha kuti, "yuoneka nkhani kitontho kuli weo, kuti wetola mulume wangu? ufuna utole na mankhwala yolezyelesha, soti?" Rakele eciti, "kansi alale na weo lelo usiku, cifukwa ca mankhwala ya mwana wako."¹⁶Yakobo efuma kumunda mcingulo, Leya emulandila nakumuuzhya kuti uzelale na neo, nakulipilila na mankhwala ya cikondi ya mwana wangu yolezelesha." Teto Yakobo elala naye Leya usiku. ¹⁷Mulungu emumvwa Leya, emita nakuvyal mwana mwanlume wa faifi muli Yakobo. ¹⁸Leya eciti, "Mulungu wanilipila, cifukwa nepasa wanchito mwanakazi kuli mulume wangu." Emuteya zina yake Isaka.¹⁹Leya emita na kuvyala mwana mwanlume wa sikisi kwa Yakobo. ²⁰Leya eciti," Mulungu wanipasa mphaso yabwino. Ndipo mulume wangu azanikonde cifukwa namuvyalila bana banalume sikisi." ²¹Emutya zina Zebuluni. Kucoka apo evyala mwana mwanakazi nakumuteya zina yake Dina.²²Mulungu emkumbukila Rakele nakumumvwa. Nakumulengesha kuti amite. ²³Emita nakuvyala mwana mwanlume. Eciti, "mulungu wanicosa nsoni." ²⁴Emuteya zina yake Yosefe, nakuti, "Yehova waniikilapo mwana mwanalume muyakine.²⁵Rakele pecivyala Yosefe, Yakobo euzya Labani, "nileke nibekuya koteto kuti nikalute ku ng'anda yangu na ku calo cangu. ²⁶Nipaseni akazi bangu na bana bangu banakusebenzelani, unileke nibekuya cifukwa uziba mwanakusebenzela."²⁷Labani emuuzya kuti, "ngati napeza kukondelewa m'menso mwako, ulindile, cifukwa na ziba kusebenzesha kuombeza kuti Yehova wanidalisa cifukwa ca weo." ²⁸Ndipo eciti, "kamba malipilo yako, ndipo nikulipile."²⁹Yakobo emuuzya kuti, "uziba mwanakusebenzela weo, namwamene vibeto vako vapakila na neo. ³⁰Ndaba wenze na vitontho nikaliywela, koma vpaka ngako. Yehova wakudalisa paliponse panasebenza. Lomba nibasebenzele lini ba m'banja mwangu.³¹Teto Labani eciti, "Nikulipile cinji?" Yakobo eciti, "unipase ciliconse, ngati unicitile ici neo, Nilyeshe vibeto vako neo. ³²Leka niyende-yende mu vibeto vonse lelo, nicosemo vamabanga-mabanga na vamathotho-mathotho na zifipa zonse mbelele, nazamathotho-mathotho mbuzi zamabanga-mabanga. Izi ndiye zati zinkhale malipilo bangu.³³Cilungamo cangu cini kambileko mu sogolo, pati ukawele ku zoona malipilo bangu. zonse ziliye mabanga na mathotho ku mbuzi, na zifipa mu mbelele. Ikapeze na neo nishi niyoiba." ³⁴Labani eciti, "zamvwika. zinkhale monga muwkambila."³⁵Siku yamene iyo Labani ecosa mbuzi zanalume zenze za mabyululu-mabyululu na zenze na mathotho-mathotho, na mbuzi zinakazi zenze za mabanga-mabanga, na zenze na mathotho-mathotho, na liyonse yenze na tutuba mkati, zonse zenze zifipa pakati pa mbelele, ndipo epasa bana bake banalume. ³⁶Labani eika ulwendo wa masiku yatatu pakati pa eve na Yakobo. Teto yakobo epitilizya kusunga mbelele za Labani.³⁷Yakobo etola misambo yotenda ibisi ya vimiti va mkundi, na alimoni wa cimuti ca puleni, na kushuba vikwa kucosako kamuti katuba kenze mkati. ³⁸Etola misambo yeciopala nakuika kusogolo kwa mbelele, kusogolo kwa voikamo manzi yakumwa. Zenzomita zikawela kuzokumwa manzi.³⁹Vibeto vephingana pasogolo pa misambo; ndipo zebala bana zabyululu, zamathotho, na zamabanga. ⁴⁰Yakobo esiyanisha vibeto, nakuika ziyake zilange kuli zamabyululu nyama na mbelele zifipa mu vibeto va Labani. Ezipatulila eka mbelele zake mwine osaziika pamozi na za Labani⁴¹Ngati mbelele zokosa zuphingina, Yakobo enzolalika misambo mu mucomweshelamo vibeto pamenso pa vobeta, kuti zimitile pakati pa misambo. ⁴²Koma zobeta zofoka zikawela, enzoikapo lini misabo pasogolo pake. Teto nyama zofoka zenze za Labani, zokosa zenze za Yakobo.⁴³Mwanalume uyu enkhala wacuma ngako, enze na vobeta vinyinji, na banchito analume na anakazi, na ngamila zinyinji na abulu anyinji.

¹Lomba Yakobo ecimvwa mau ya bana banalume ba Labani, pebeciti, " Yakobo watitolela vonse venze va awisiwasu, ndipo nikucokela mu katundu wa atata mwa walemelela." ²Yakobo eona kalangidwe pa meso ya Labani. Eona kuti nkhalidwe pa yeve yasintha. ³Ndipo Yehova eciti kwa Yehova, "Welela ku malo ya makolo yako kwakwanu, ndipo ninkhale nawe."⁴Yakobo etumizya mau kwa Lakele na Leya kuti awele kwenzobetela mbelele zake ⁵ndipo eciti kwa beve, "Naona cinkhalidwe ca ausuwanu kwa neo casintha, koma Mulunngu wa atata alinane. ⁶Muziba kuti na mphamvu zangu zonse nankhala nusebenzela ausuwanu.⁷Ausuwanu aninamizya nakunisinthila malipilo ka teni, koma Mulungu aliyocivomele kuti anicite ciyipa. ⁸Ngati enzenena kuti, 'Zamabyululu byululu zikankhale malipilo yako,' lomba mbelele zonse zubala bana amabyululu. Ngati enzenena kuti, ' Zamabanga zikankhale malipilo bako, lomba ndiye kuti zonse mbelele zubala bana amabanga mabanga. ⁹Munjila iyi Mulungu ecosa vobeta kwa ausuwnu nopasa neo.¹⁰Panthawi yobala, nili m'maloto neona apongo enzokwela zanakazi enze amabyululu byulu, amabanga mabanga,na amathotho mathotho. ¹¹M'ngelo wa Mulungu eciti kwa neo m'maloto, 'Yakobo' Neciti, 'Nili pano.'¹²Eciti, 'Tumphula meso bako uone apongo enzokwelana na zanakazi. Ni amabyululu byululu, amabanga mabanga, na amathotho mathotho, ndaba naona vonse vakucita Labani kwa weo. ¹³Neo nine Mulungu waku Beteli, kula kwewe panamika nsanja noizoza mafuta, kula kwewepanga lonjezo kwa neo. Lomba nyamuka ndipo ucoke kuno ku malo uwelele kumalo kwewebadwila."¹⁴Lakele na Leya beyankha ndipo beciti kwa yeve, " Ko paliko gao kapena mbali yasu seo paza m'ng'anada mwatata? ¹⁵Ko otitola lini monga nise banthu aziko lacilwendo seo? Pakuti etigulisa nakutionongela ndalama zasu. ¹⁶Pakuti cuma conse cecosa Mulungu kwa ausuwasu lomba nicasu nabana basu. Lomba zili zonse zawanena Mulungu kwa weo, uzicite."¹⁷Ndipo Yakobo enyamuka nakuika bana bake analume nazinakazi bake pa ngamila. ¹⁸Epesa vibeto vake vonse pasogolo pake, pamozi na katundu wake wonse, kuikapo na vobeto vepeza mu Padani- Aramu. Enyamuka kuluta kwa Isaki awisi mu ziko ya Kenani.¹⁹Ndipo Labani peluta kuyocosa usako mbelele zake, Lakele eiba tumilungu twenze m'ng'anda mwa ausuwake. ²⁰Yakobo naye enamizya Labani wamu Arameni, posamuuzya kuti akuya. ²¹Ndipo ethaba na vonse venzenavo msanga msanga no jumpha mkolo, no kwezeka ku ziko la lupili la Giliyadi.²²Pasiku yacitatu Labani bemuujya kuti Yakobo ethaba. ²³Etola azinekwao noyamba kulondolamo kwa masiku seveni. Ndipo bemupeza muziko ya malipili ya Giliyadi.²⁴Lomba Mulungu emuonekela Labani waku Arameni kumaloto usiku nonena kuti kwa yeve, " Unkhale chelu kuti usalabile vabwino kapena viyipa kwa Yakobo." ²⁵Labani emupeza Yakobo ndipo wamanga matenti bake mu ziko yamulupili. Labani naye na anekwao epanga misakasa mu zio yamulupili ziko ya Giliyadi.²⁶Labani eciti kwa Yakobo, " Ko ndiye cinji cawacita ici, kuninamizya nakunyamula bana bangu anakazi monga nakapolo ba nkhondo? ²⁷Ni cifukwa canji kuti wethaba mwacisinsi nakunibisa osaniuzya? Sembe nekumasula na cisangalalo na nyimbo, na vitolilo na mbata. ²⁸Uliye nilole neo kuti nifyofyone azukulu na bana bangu. Lomba wacita vinthu mopusa.²⁹³⁰Nina mphamvu yokucita viyipa, koma Mulungu wa auso enikambisha usiku wapita kuti, " Unkhale na chelu pokamaba na Yakobo nakuti usalabile vabwino kapena viyipa." Lomba waluta ndaba wenzoyewa kuwelela ku ng'anda ya auso. Nanga weibilanji tumilungu twangu?"³¹Yakobo eyankha kuti kwa Labani, " Ni cifukwa cakuti nenze na mantha kuti munilonde bana banu anakazi naukali. mwakabisila nethaba. ³²Aliyense eiba tumilungu twanu apitilizyelini kuba na moyo. Pameso yazinekwasu, fufuzani cili na naneo ngati ni canu mutole." Pakuti Yakobo aliye zibe kuti Lakele ndiye eiba.³³Labani eloba mu tenti ya Yakobo, mu tenti ya Leya, na m'matenti ya ba nchito anakazi babili koma aliye pezemo kanthu. Efuma mu tenti ya Leya noloba mu tenti ya Lakele.³⁴Lomba Lakele niye enzetola tumilungu twa m'ng'anda nakutuika pa conkhalapo capa ngamila, nnkhalapo. Labani esakila tenti yonse, koma sapeza kanthu. ³⁵Ndipo eciti kwa ausuwake, " Musakalipe, atata, kuti nupanama lini pameso panu, nifukwa cakuti nili munthawi yangu yaku mwezi." Teto esakila koma aliyezione milungu ya m'ng'anda mwake.³⁶Ndipo ekangana naye Labani. Eciti kwa yeve, "Nalakwa cinji neo? cimo yangu niyotyani, kuti mwaukali mwanilondola pavuli? ³⁷Pakuti mwasakila pa katundu wangu onse. mwapezapo cinji canu mweo camu ng'anda mwanu? Viyikeni apa meso ya anekwasu kuti agamule pa seo tabili.³⁸Kwa zaka 20 nankhala na mweo Mbelele na mbuzi zanakazi zanu zilye poloze, koma soti nliye lyepo mwana wa cibeto canu ciliconse. ³⁹Zenzolyewa na vinyama nilyete kwa mweo. koma m'malo mwake, nenzo citola kuti yalyewa niyangu. Mwenzo nilipilisha pa cibeto cili conse cikasoba. Olo caibiwa m'zuba kapena usiku. Neo nenzepo nthawi zonse; ⁴⁰m'zuba zuba yenzonishoka ndipo usiku mphepo yenzoni kanthamula; ndipo usiku nenzo lala lini⁴¹Zaka 20 zonse izi nenze m'banja lanu. Nesebanza zaka 14 kusebenzela bana banu anakazi abili, na zaka 6 kusebenzela vibeto. Mwanisinthila malipilo yangu ka 10. ⁴²Pokhapo ngati Mulungu wa ausuwangu, Mulungu wa Abrahamu, Mulungu wakuyopa Isake, enze naneo, kunena cilungamo sembe mwenitumizya na m'manja muliye kanthu. Mulungu waona kudyakiliwa kwangu nakusebenza na mphamvu kwangu, ndipo ekuzuzulani usiku wapita."⁴³Labani emuyankha Yakobo nakuti, "Bana anakazi aba ni bangu, azukulu nazukulu bangu neo, vibeto ni vibeto vangu. Vonse vauona ni vangu. Nanga lelo nicinji cinngacite pa bana anakazi aba kapena pa bana bao becivyala? ⁴⁴Lomba teti, tiye tipange pangano, weo na neo, leka unkhale umboni pakati pa weo na neo."⁴⁵Ndipo Yakobo etola mwala nakuupanamika kuti cinkhale cizindikilo. ⁴⁶Jacobo eciti kwa anekwao, " Unjikani myala," Ndipo beunjika myala nopanga nthutu ya myala. Ndipo becilya cakulya pa nthutu. ⁴⁷Labani epateya zina kuti Yegara-sahaduta, koma Yakobo eitapo kuti Galiyeada.⁴⁸Labani eciti, " Iyi nthutu ni umboni pakati pa weo na neo lelo." Coteto zina yenkhala Galeada. ⁴⁹Poitiwa soti kuti Mizipa, cifukwa Labani eciti, " Lekani Yehova ayang'anile pakati pa weo na neo, ngati tataikana uyu na muyake. ⁵⁰Koma ngati unzunza bana bangu anakazi, olo watola anakazi ayakine kumbali kwa bana bangu anakazi, ona olo kuti paliye munthu aliyense alinase, ona, Mulungu ndiye mboni pakati pa neo na weo."⁵¹Labani eciti kwa Yakobo, " Langa nthutu iyi, na mzati uyu, yanaika pakati pa weo na neo. ⁵²Nthutu iyi ni mboni na mzati uyu ni mboni, kuti sinizapitilila nthutu iyi kuza kwaweo, ndipo nawe siuzacitta teto kulumpha nthutu na mzati kuza kwa neo, kuzocita ciyipa. ⁵³Lekani Mulungu, Lekani Mulungu wa Abrahamu, mulungu wa Nahori, milungu ya ausuwao, aweluze pakati pasu." Yakobo elumbila mwa mantha ya ausuwake Isake.⁵⁴Yakobo epeleka nsembe pa lupili noita anekwao onse kuzokulya cakulya. Becilya nonkhala pa lupili usiku onse. ⁵⁵M'mamawa Labani euka, nofyfyontha azukulu bake na banabake nakubadaliso. Ndipo Labani eyambapo kuwelela kwao.

¹yakobo naye eluta njila yake, na angelo a Mulungu, ekumana naye. ²Pecibaona Yakobo eciti, "aya ni malo ya Mulungu, "teto eita pamalo apo kuti Mahanaimu."³Yakobo etuma amithenga pasogolo pake kwa mkulu wake Esau kumalo a Seiri, mcalo ca Edomu. ⁴Ebalamulila, kuti, "izi niye zati mulabile kwa bwana wangu Esau: izi niye zolabila wanchito wanu Yakobo: 'Nenzokhala na Labani, naktui nacelwa kuwelela mpaka lomba. ⁵Nili na ng'ombe na mabulu, na vibeto, na banchito banalume, na banchito banakazi. Natumauthenga uyu kwa bwana wangu, kuti ningapeze kukondelewa m'menso mwanu.'"⁶Bamithenga bewelela kwa Yakobo nolabila kuti, "teluta kwa mkulu wako Esau. okua kuzokumana nawe, na banthu banalume 400 balinaye." ⁷Lomba Yakobbo eyopa ngako no khumudwa. Teto egaba banthu bake benze nao m'magulu yabili, na vibeto, na ng'ombe, na ngamila. ⁸Eciti, Esau akawela kugulu imozi niceneka, gulu yosila iutuke."⁹Yakobo eciti, "Mulungu wa atta Abrahamu, Mulungu wa atat a isaki, yehova, elabila kuti kwa neo, 'welela ku calo cako na mtundu wako, na neo nikulemeleshe,' ¹⁰nuyenela lini za zocitika za kukhululipilika kwa pangano na kuyembekezeleka konse kwa mwaonesha kwa wanchito wanu. Ndaba na ndodo yangu tyanla netauka Yorordani iyi. Teto lomba nankhala magulu abili.¹¹Napapata nipulumusheni ku kwanja ya mkwasu, kwanja ya Esau. Ndaba numuyopa, kuti awele nocita ciipa na banakazi bali na bana. ¹²Koma mweciti, 'nikulemeleshe. Nikapange mbadwe wako monga ni mcenga wapanyanja, wakuti kungabelenge lini.'"¹³Yakobo enkhala pamene pala usiku uyo. Etolapo pa va enze navo nopanga mphaso kwa Esau, mkwao: ¹⁴mbuzi zinakazi 200 na mbuzi zinalume 20, mbelele zinakazi 200 na mbelele zinalume 20, ¹⁵ngamila zamkaka 30 na tubana twao, ng'ombe 40 zinalume zili 10, abulu bali 20 banakazi na banalume bali 10. ¹⁶Izi epasa m'manja mwa banchito bake, mtundu uli onse wa vobeta paweka. Eciti kwa banchito bake, "nkhoyani pasogolo pangu notalamusha vobeta mu mitundu yao."¹⁷Elamulila wanchito wake woyamba, kuti, "akakumana namwe Esau nokunshani, kuti, 'nimwe bani? mukya kuni? nga ivi vinyama vili pasogolo panu nivbani?' ¹⁸Lomba mulabile kuti, 'niva wachito wanu Yakobo. Nimphaso zotwalila bwana wangu Esau. Langani, otikonkha kuvuli."¹⁹Yakobo euzya soti malangizo ku gulu yacibili, yacitatu, na onse nalume enzokonkha vinyama. Eciti, "mumuuzye cimo-mozi Esau mukakumana naye. ²⁰Mukalabile soti kuti, 'wanchito wanu Yakobo akuza pavuli pasu.'" Naba eganiza kuti, nimumvwishe bwino na mphaso zati nitume pasogolo pangu. Pasogolo pake nikamuona eve, payakine anilondelele. ²¹"Teto mphaso zeluta pasogolo pake. Eve esalila mtenti nthawi iyo.²²Yakobo euka usiku, notola banakazi bake abili, banchito bake banakazi baili, na bana bake banalume leveni. Ebatuma kusilya kwa ciba ca Yaboki. ²³Teto niye mwebatumila kusilya kwa mkolo na katundu wake wonse.²⁴Yakobo esala eka, na munthu mwanalume elimbana naye mpaka kumatanda kuca. ²⁵Uyu munthu mwanalume peona kuti aliye mupambane, echaya Yakobo pa mfyuku. Mfyuku ya Yakobo yevyungunuka penzolimbana naye. ²⁶Munthu uyu eciti, "nileke nilute kwayamaba kuca. Yakobo eciti, "nikuleke lini kuti ulute mpaka unidalise."²⁷Mutnhu uyu eciti, "niwe bani zina?" Yakobo eciti, "Yakobo." ²⁸Munthu wala eciti, "ukoitiwa lini Yakobo kuyambila lelo, koma Israeli. Naba walimbana na Mulungu na banthu banalume nakumpambana."²⁹Yakobo emkosha, "napapata niuzyeni zina yanu. " Eciti, "unikonshelanji zina?" Pamene apo emudalisa. ³⁰Pamalo apo Yakobo etapo kuti Penueli ndabaeciti, naona Mulungu menso na menso, na umoyo wangu niomasuka."³¹Zuba yemufumila Yakobo penpita pa Penueli. Enzogolintha cifukwa ca mfyuku yake. ³²Nicifukwa banthu ba Israeli bakulya lini nyama za pamfyuku, ndaba uyu munthu eononga nyama-nyama povyungunula mfyuku ya Yakobo.

¹Yakobo enyamula mutu nakuzolanga, akeleonani, Esau enzokuza, pamozi nayeve penze madoda 400. Yakobo egaba bana pakati pa Leya, Lakele na nchito anakazi abili. ²Ndipo eika anchito anakazi na bana bao kusogolo, Leya na bana bake elondolapo, nosilizyila na Lakele na Yosefe. ³Yeve yeka ndiye eluta pasogolo pao. Egwada pansi nobelama ka 7, mpakana pefika pafupi na mkwao.⁴Esau eutuka kuyokumana naye, nomukumbatila, nomukangamila m'mkosi, ndipo emufyofyontha. Ndipo belila. ⁵Esau penyamula meso nolanga, eona anakazi na bana. eciti, " Nibani banthu aba baulinao? Yakobo eciti, " Bana bepasa Mulungu mwa cisomo kwa kapolo wanu."⁶Ndipo banchito banakazi bewela pasogolo nabana bao, nakugwada pansi. ⁷Wokonkhapo enze ni Leya nabana bake kuzogwada pansi. Pothela pake Yosefe na Lakele bewela pasogolo kuzogwada pansi. ⁸Esau eciti, "Uthanthauzanji pa magulu aya yanakumana nayo?" Yakobo eciti, " Kuti nipeze cisomo pa meso ya mfumu yangu."⁹Esau eciti, "Nina vinyinji, mkwasu. Sunga vaulinavo nivako." ¹⁰Yakobo eciti, "Yai, napapata, ngati napeza cisomo m'meso yanu, vomelani mphaso yafuma m'manja yangu, chendi naona nkhope yanu, cili monga ngati naona nkhope ya Mulungu, nakuti mwanilandila neo. ¹¹Napapata landilani mphaso zanakuletelani, ndaba Mulungu wanicitila cifundo, nakamba kakuti nili navo vinyinji." Ndaba Yakobo emukakamizya, Esau evumela.¹²Ndipo Esau eciti, " Tiyeni lomba tiyambepo. Nisogole neo." ¹³Yakobo eciti kwa yeve, "Mfumu yangu yuziba kuti bana akali batontho, ndipo mbelele na ng'ombe zina matole onyonkha. Ngati tingazipese kunyamuka ulendo ngankhale siku imozi, nyama zonse zizifwe. ¹⁴Napapata lekani mfumu yangu ilute pasogolo pa kapolo wanu. Nikoyenda patontho patontho, patamphuloyuvuyendelapo vobeta vanilinavo, napamayendedwe yabana, mpakana nikafike ku mfumu yangu ku Sela."¹⁵Esau eciti, "Lekani nikusiyeni na anyamata bayake pa anyamata banilinawo." Koma Yakobo eciti, "Mucitilanji teti? Lekani nipeze cisomo pa meso ya ambuye wangu." ¹⁶Teto Esau pasiku ila eyambapo kuwelela ku Sela. ¹⁷Yakobo eluta ku Sikoti, nozimangila ng'anda navibaya vavobeta vake., mwaici malo yoitiwa kuti Sikoti.¹⁸Yakobo pefuma ku Padalanama, efwika bwino ku boma ya Sekemu, iyi ili mu Kenani. Emanga msasa pafupi na boma. ¹⁹Ndipo egula malo ku bana ba Hamoli yekhomapo tenti yake, usuwake wa Sekemu, pa mtengo wa siliva 100. ²⁰Kwamene kwala eika guwa nakuita kuti Eleloha Aisraeli.

¹Lomba Dina, mwana mwanakazi wa Leya wevyala kwa Yakobo, eluta kuyokuma na anakazi batontho-batontho ba mula mcalo. ²Sekemu mwana mwanalume wa Hamori waku Hivi, mwana wa mfumu wa mula mcalo, emuona eve. Emtola na kulala naye, nakumumvwisha nsoni. ³Ekopeka naye Dina. mwana mwanakazi wa Yakobo. Emkonda mwanakazi uyu na kulabila naye mofewa.⁴Sekemu elabila na awisi a Hamori, eciti, "munitolele mwanakazi uyu kuti abe mwanakazi wangu." ⁵Lomba yakobo ecimvwa kuti emuipisha Dina mwana wake. Bana bake banalume benze msanga, teto benkhala cete mpaka pewela.⁶Hamori awisi ba Sekemu eluta kuyolabila na Yakobo. ⁷Bana ba Yakobo bewela kufumila msanga becimvwa nkhani iyi. Analume bala bekhumudwa, bakalipa ngako ndaba bepepusha Israeli palala na mwana wa Yakobo, pakuti cinthu ici conzofunika lini kucitika.⁸hamori elabila nao, kuti, "mwana wangu Sekemu emkonda mwana wanu mwanakazi. Napapata mumpase kuti ankkhale mwanakazi wake. ⁹Mulungulane nase mutipase bana banu banakazi, na mweeo mutole bana basu banakazi. ¹⁰Munkhale nase, na calo cibe comasuka kwa mweo kunkhalamo na kucitamo malonda, na kupezamo cuma."¹¹Sekkemu eciti,kwa awisi na azilongosi bake ba Dina, "lekani nipeze kukondelewa pamenso panu, na ciliconse cati muniuzye nikupaseni. ¹²Muniuzye neo mtengo ukulu wa ndalama yacikwati na mphaso mwamufunila ndipo nipeleke ciliconse cati muniuzye, koma munipase mwankazi uyu kuti abe mwanakazi wangu. ¹³Bana ba Yakobo bemuyankha Sekemu na awisi wake mwa cinyengo ndaba Sekemu eipisha Dina mlongosi wao.¹⁴Beciti kwa beve, "tingacite lini cinthu ici, kupasa mlongosi wasu ku analume osatendewa; pakuti ico nicomvwisha nsoni kwa seo. ¹⁵Pa ici ceka cati tifune seo kuti mu cite apo tovomelezyane namwe: ngati mungatendewe monga seo, ngati mwanalume aliyense pakati panu watendewa. ¹⁶Apo peve tingakupaseni bana basu banakazi, naseo ndiye patingatole bana banu banakazi, ndipo tinkhale namawe nakunkhala banthu amozi. ¹⁷Koma nagti simungatimvwile na kutendewa, titole mlongosi wasu na kuya naye."¹⁸Mau bao bemkondwelesha Hamori na mwana wake Sekemu. ¹⁹Munyamata uyu aliye celwe kucita vecinena, ndaba enze okondwela na mwana mwanakazi wa Yakobo, nakuti enze munthu opasiwa ulemu kuposa bayakine mng'anda ya awisi.²⁰Hamori na Sekemu mwana wake eluta pa cipata ca mzinda na kulabila na analume ba mumzinda wao, eciti, ²¹"Aba bali pa mtendele na seo teto balekeni bankhale mu calo na kucita malonda, pakuti calo nicikulu ngako kubakwanila. Lekani titole bana bao banakazi kuba anakazi basu na seo tipase bana basu banakazi.²²Pa ici ceka catiuzya ndiye pati bativomele aba kunkhala nase na kunkhala banthu amozi. Ngati mwanalume aliyense pakati pasu watendewa, monga mwalili beve. ²³Sikuti vibeto vao na cuma cao- na nyama zao zonse zibe zasu? Teto tiyeni tivomelezyane nao, ndipo bankhale pakati pasu."²⁴Analume onse amumzinda emvwilila Hamori na Sekemu, mwana wake, Mwanalume aliyense etendewa. ²⁵Pa siku yacitatu, benze bakalukumvwa kubaba, bana ba Yakobo (Simeoni na Levi azilongo ba Dina) aliyense etola lupanga yake na kuononga mzinda wamene wenze na kucingililiwa kwabwino, na kupaya banalume onse. ²⁶Bepaya Hamori na mwana wake Sekemu na nsonga ya lupanga. Betola Dina mu ng'anda ya sekemu nakuya naye.²⁷Bana bayakine ba Yakobo beloba mumzinda nakutola vonthu vao, ndab bala banthu beipisha mlongosi wao. ²⁸Betola mbelele zao, ng'ombe zao, abulu bao na vonse venze mumzinda na minda yenze pafupi na ²⁹cuma cao conse. Bana bao onse na anakazi bao onse, betola. Betola soti cuma cao conse cenze muman'ganda bao.³⁰Yakobo eciti kwa Simeoni na Levi, "mwaniletel mavuto, kuti muninunkhishe ku bene ba cino calo, a Kanani na a Perizi. Seo nise batontho, bakasonkhana na kutiukila seo nakuticita nkhondo, ndiye kuti bationonge neo na banja langu." ³¹Koma Simeoni na Levi beciti," Nanga Sekemu enzofunikila kucita na mlongosi wasu monga mwangacitile na hule?"

¹Mulungu eciti kwa Yakobo, "Nyamuka, nkhoya ku Betele, ukankhale kwamene kula. Ukamange guwa kwa Mulungu, wamene ekuonekela peweutuka kufuma kwa Esau mkwanu." ²Ndipo Yakobo eciti kubam'ng'anda mwake naku onse benzenaye "Cosani milungu yonse yacilwendo yimulinayo. Zitubisheni nosintha vovwala. ³Ndiye patitilute ku Betele. Nikuyomanga guwa ya Mulungu kwamene kula, eniyanha neo m'masiku ya mavuto yangu, ndipo onkhala nane kulikonse kwanaluta."⁴Teto emupasa milungu yacilwendo yonse yebenze nayo m'manja mwao, namphete zenze kumatu kwao. Yakobo evifwikila pansi munyasi mwa cimuti cenzepafupi na Sekemu. ⁵Balipa ulendo, Mulungu eleta mantha pa mizinda yonse enzozungulila, teto banthu bala aliyoyemba kubakonkha konkha bana ba Yakobo.⁶Teto Yakobo efwika ku Luzi ( Uku, niku Betele), wamene uli mziko ya Kenani, yeve nabanthu onse benzenao. ⁷Emanga guwa kwamene kula nakuiyita kuti Ele Betele, cifukwa Mulungu eonekela kwa yeve, penzoutuka mkwao. ⁸Debola, mulezi wake wa Rabeka, ecifwa. Eikiwa m'nyasi mwacimuti caku Betele, teto enzoitapo kuti Aliyoni Bakuti.⁹Yakobo peciwela kufumila ku Padanaramu, Mulungu emuonekela soti nakumudalisa. ¹⁰Mulungu eciti kwa yeve, "Zina lako niwe Yakobo, koma zina lako silizankhala soti Yakobo. Zina lako unkhale Israeli." Teto Mulungu emuteya zina kuti Israeli.¹¹Mulungu eciti kwa yeve, "Nine Mulungu wa mphamvu zonse. Muvyalane ndipo mupake. Ziko nama yiko anyinji bakafume mwa weo, ndipo mafumu yakacokele pakati pa mubadwe wako. ¹²Malo yenepasa Abrahamu na Isake, nipase weo. Kwa mubadwe kucokela kwa weo nubapasa aya malo." ¹³Mulungu ecoka pa malo penzolabila naye.¹⁴Yakobo epanamika mzati pamalo pemukambishila Mulungu, mzati wa mwala. Ethilapo copeleka cakumwa nothilapo mafuta. ¹⁵Yakobo eita pamalo pemulabizyila Mulungu, Betele.¹⁶Beyenda kufuma ku Betele. Pebenze bakali na mtunda kufwika ku Efrati, Lakele yeuka vumo. Enze na vuto ikulene kuti avyale. ¹⁷Akali mukati mwa vuto ya uvyazi, mubeleki eciti kwa yeve, "Osayopa, pakuti lomba unkhale soti namwana mwanalume muyakine." ¹⁸Penzokufwa yeve, akali kufuza emuteya zina kuti Beni-oni, koma ausuwake amuteya zina kuti Benjamini. ¹⁹Lakele ecifwa ndipo emuika panjila yakuya ku Frati ( Yamene ili, Betelehemu). ²⁰Yakobo epanamika mzati pamanda yake. Ni cizindikilo ca manda ya Lakele mpaka lelo.²¹Israeli eyenda ndipo eika matenti kupyola pa sanja ya vibeto. ²²Israeli akalunkhala m'malo yala, Rubeni elalana na Biliya mwanakazi mtontho wa ausuwake ndipo Israeli ecimvwa za ici. Lomba Israeli enze nabana 12.²³Bana bake kwa Leya enze Rubeni, mwana oyamba wa Yakobo, Simeoni, Levi, Yuda, Isakara na Zebulani. ²⁴Bana bake kwa Lakele Yosefe na Benjamini. ²⁵Bana bake kwa Biliha, wanchito wake, Dani na Nafitali.²⁶Bana bake kwa Zila, wanchito wake, enze Gadi na Asa. Onse aba enze bana ba Yakobo bebadwa penzonkhala mu Padanaramu. ²⁷Yakobo efwika kwa Isake, ausuwake, ku Mamre, ( Kwamene kwenze ku Kiriyati- Ariba kapena soti kuti Hebroni), kwamene Abrahamu na Isake kwenzo nkhala.²⁸Isake enkhala zaka 180. ²⁹Isake efuza kosilizila nakufwa, ndipo ekiwa pamakolo bake, munthu okalamba na msiku bake, Esau na Yakobo, bana bake bemuika.

¹Aba ndiye bana ba Esau (enzoitiwa soti kuti Edomu). ²Esau elungula banakazi bake ku Kenani. Aba ndiye benze banazaki bake: Ada mwana mwanakazi wa Eloni mu Hiti; Oholibana mwana mwanakazi wa aAna mzukulu wa Zibeoni waku Hivi; ³Na Basemati mwana mwanakazi wa Ishimaeli, mlongosi wa Nebayoti.⁴Ada evyala Elifazi kwa Esau, na Basemati evyala Ruyeli, ⁵Oholibna evyala Yeusi, Yalami, na Kora. Aba ndiye benze bana ba Esau bemuvyalila mu calo ca Kanani.⁶Esau etola anakazi bake, bana banalume, banakazi, na bonse ba mbanja yake, vibeto vake- vons- na nyama zonse ziyakine, na cuma cake conse, cesonkhanisha mcalo ca Kenani, nakuluta mcalo ciyakine kutali na mkwao Yakobo. ⁷Ecita ici nada cuma cao cenze cinyinji, kuti bangankhale pamozi. calo cenze nkhalako ciliye bakwanilire kamba ka vibeto vao. ⁸Teto Esau loitiwa soti kuti Edomu, ecionkhala ku lupili ku seiri.⁹Aba ndiye benze bana ba Esau, kholo ya ba Edomu mu lupili ku Seiri. ¹⁰Aba ndiye mazina ya bana banalime ba Esau: Elifazi mwana wa Ada, makazi wa Esau; Reueli mwana wa Basemati, mkazi wa Esau. ¹¹Bana banlume ba Elifazi benze, Temani, Omari, Zefo, Gatamu na Kenazi. ¹²Timna, mzakazi wa Elifazi, mwana wa Esau,evyala Amaleki. Aba benze azukulu ba Ada, mkzi wa Esau.¹³Aba ndiye benze bana banalume ba Reueli: Nahati, Zera, Samma na Miza. Aba ndiye benze azukulu ba Basemati mwanakazi wa Esau. ¹⁴Aba ndiye benze bana ba Oholibama, mkazi wake wa Esau, enze mwana wa Ana na mzukulu wa Zibeoni. Evayala kwa Esau Yeusi, Yalamu na Kora.¹⁵Iyi ndiye yenze mikoka mwa bana ba Esau, bana ba Elifazi, mwana oyamba ea Esau: Temano, Omari, Zefo na Kenazi. ¹⁶Kora Gotamu na Amaleki. Iyi ndiye mikoka yefumila mwa Elifazi mu calo ca Edomu.Benze azukulu ba Ada.¹⁷Iyi ndiye yenze mikoka ya Reueli, mwana wa Esau: Nhati, Zerana Sama na Miza. Iiyi ndiye mikoka yefumil mwa Reuelimu calo ca Edomu. Benze bazukulu ba Basemati mkazi wa Esau. ¹⁸Iyi ndiye mikoka ya Oholibama, mkazi wa Esau; Yeusi, Yalami, Kora. Iyi ndiye mikoka yefumila mwa Oholibama mkazi wa Esau, mwana mwanakazi wa Ana. ¹⁹Aba ndiye bana ba banalume ba Esau. (enzoitiw asoti kuti Edomu), ndipo aba ndiye enze mafumu bao.²⁰Aba benze bana banalume ba Seiri waku Hori, obadwa ba mcalo cila: Lotani, Sobala, Zibiyeni, Ana, ²¹Disoni, Ezeri na Disani. Iyi ndiye mikoka ya Hori, ovuyalika a mu Seiri mu calo ca Edomu. ²²Bana banalume ba Lotoni benze Hori na Hemani na Timna enze mlongosi wa Lotani.²³Aba ndiye benze banalume ba Sobala; Alivani, Manahati, ebala, Sepho na Onamu. ²⁴Aba ndiye benze ban ba banalume ba Zebioni: Aiyanna Ana. Uyu Ana ndiye epeza nyenje zakupya mcipululu, penzolusa abulu ba awisi a Zebioni.²⁵Aba ndiye benze bana ba Ana: Disoni na Oholibama mwana mwanakazi wa Ana. ²⁶Aba ndiiye benze bana banlume ba Disoni, Hemdani, Esibani, Itrani na Kerani. ²⁷Aba ndiye benze bana banalume ba Ezeri: Bi;ihani, Zaavani na Akani. ²⁸Aba ndiye benze bna banalume ba Disani: Uzi na Arani.²⁹Iyi ndiye yenze mikoka ya Hori; Lotani, Sobala, Zibioni na Ana. ³⁰Disoni, Ezeri, Disani: Iyi ndye yenze mikoka ya a Hori, kulingana na mndandanda wa mikoka mu calo ca Seiri.³¹Aba ndiye mafumu balamulila mu calo ca Edomu. Ikaliye lamulilepo mfumu liyonse pa bana ba Israeli. ³²Bela mwana wa Beori, elamulila mu Edomu na zina la mzinda lenze Dinihaba. ³³Pecifwala Bela, Yobab mwan wa Zera waku bozira elamulila m'malo mwake.³⁴Pecifwa Yobabu, Husamu, enze wakucalo ca Temani, elamulila mula mu calo. ³⁵Pecifwa Husani, Hadadi mwana wa Bedadi egonjesa Midiani mcalo ca Moabu, ellamulila mu malo bala. Zina la mzinda lenze Aviti. ³⁶Pecifa Hadadi, Samla waku Masreka elamulila m'malo mwake.³⁷Pecifwa Samla, Saulo waku Rehoboti ali m'mbali mwa msinje elamulila m'malo mwake. ³⁸Pecifwa Saulo, Baala-Hanani mwana mwanalume wa Akiboro elamulila m'malo mwake. ³⁹Pecifwa Baala-Hanani mwana mwanalume wa Akiboro, Hada elamulila m'malo mwake. Zina la mzinda wake lenze Pau.Zina la mkazi wake lenze Mehetabele, mwana mwanakazi wa Me Zahabu.⁴⁰Aba ndiye bakulu-bakulu ba mikoka kufumila pa bana ba Esau, monga mwa mikoka na madela bao, mwa mazina bao; Timna, Aliva, Yeteti, ⁴¹Oholibama, Ela, Pinoni, ⁴²Kenazi, Temani, Mibzara, ⁴³Magidiyeli na Iramu. Iyi ndiye mokoka ya Edomu monga mwenkhalila mcalo cibelonda. Uyu ni Esau, wisi wa ba Edomu

¹Yakobo enkhala ku malo kwenzonkhala awisi kumalo a ku Kenani. ²Uko kwenze vocitika vokhuzana na Yakobo. Yosefe, mnyamata wacicepele wa zaka seventini, enzobeta gulu la mbelele na anekwao. Enze na bana banalume ba Biliya na mwana mwanalume wa Zilipa, azinakazi ba awisi wake. Yosefe eleta nkhani yosakondwelesha ya beve kwa awisi.³Lomba Isreali enzokonda ngako Yosefe kuposa bana bake onse analume, cifukwa enze mwana wake wakuunkhalamb kwake. Empangila covwala cokongola. ⁴Anekwao eona kuti awisi bao okonda ngako eve kuposa anekwao. Emzonda ndipo enzokamba lini naya bwino.⁵Yosefe elota loto, ndipo ebauzya azikwao mwazenzele. Ndiye pemzonda ngako. ⁶Eciti kwa beve, "napapata mvwani ku loto ili laneta.⁷Onani, tenzo manga mitolo ya mbeu m'munda ndipo onani, mtolo wangu wauka noimilila, ndipo nonani, mitolo yanu yewela kuzungulila na kugwada pansi ku mtolo wangu." ⁸Anekwao eciti kwa eve, "ko weo unkhale mkulene pa seo? Ko weo ukatilamulile seo?" Emzonda koposa kamba ka maloto bake na mau baake.⁹Elota loto liyakine nakubauzya ankwao. Eciti, "onani, nalota loto liyakine: Zuba na nyenyezi zili leveni vanigwanila pansi." ¹⁰Eciobauzya awisi bake mweciuzyala azikwao, ndipo awisi emuzuzula. Eciti kwa eve, "niloto lanji lwalota? Koanyina wako na neo na azikwanu tikawele na kuzogwada pansi kwa weo?" ¹¹Anekwa ecita naye nsanje. Koma awisi engoisungilamnzelu nkhani iyi.¹²Anekwao eciya kubeta gulu ya mbelele ku za awisi wao ku Sekemu. ¹³Israeli eciti kwa Yosefe, "Anekwanu obetela lini gulu la mbelele ku Sekemu? wela nikutumizye kwa beve, "Yosefe eciti kwa beve, "nine okonzeka." ¹⁴Eciti kwa eve, "nkhoya lomba ukaone ngati zili bwino na anekwanu na kuti ngati zili bwino magulu ya mbelele, ndpo uniletele mau." Teto Yakobo emtuma eve ku cigwa ca Hbreni, ndipo Yosefe eciya ku Sekemu.¹⁵Munthu muyakine empeza Yosefe. Onani, Yosefe enzofunafuna m'munda. Munthu emkonsha, "ufuna cinji?" ¹⁶Yosefe eciti, "nufuna anekwasu. Niuzyeni napapata, kwa kubetela gulu mbelele," ¹⁷Munthu eciti, ecokako kuno pakuti nebamvwa kukamba kuti, 'tiyeni tibekuya ku Dotani.'" Yosefe eciya kukonkha anekwao nakubapeza ku Dotani.¹⁸Emuona patali, ndipo aliyefwike pafupi na beve, bepangana kuti bamupaye. ¹⁹Anekwao wyamba kumabilana, "langani, uyu wamaloto akuza. ²⁰Welani lomba, moteto, tiyeni timpaye nakumtaya mcimozi ca visengu ivi. Tikakambe kuti, 'nyama yamsanga yamulya,' Tikaone mwati zikankhalile za maloto bake."²¹Rubeni ecimvwa nakumulondesha m'manja mwao, eciti, "tisacose moyo wake." ²²Rubeni eciti kwa beve, £tisacose magazi. Mtayeni mcisengu ici cili muno mcipululu, koma osatambasula kwanja pa eve"- ktui amulondeshe m'manja mwao na kumleta soti kwa awisi.²³Cecitika kuti pamene Yoseve efwika kwa anekwao, emvula covwala cake cokongola. ²⁴Emtola nakumutaya mcisengu. Cisengu cenzevye manzi.²⁵Ekhala pansi kuti alye buledi. Penyamula menso bao nakulanga, ndipo, onani, ulwendo wa Aishumaeli zenze nyamula zonunkhila na mafuta ba mankhwala. Enzo kuya kuyotwala vila vinthu ku Aigupto. ²⁶Yuda eciti kwa anekwa, "Tiphindulenji ngati timpaye mkwasu nakuphimba magazi bake?²⁷Welani, kuti timgulise kwa Aishumaeli ndipo osati titambasule manja p eve, pakuti nimkwasu, nithupi lasu," Anekwao emumvwela eve. ²⁸Amidiani amalonda enzopta, anekwao emufumya Yosefe na kumnyamula palulu kumcosa mcisengu. Emugulisa yosefe kwa Aishumaeli na ndalama zasiliva twenti. Aishumaeli eluta naye Yosefe ku Aigupto.²⁹Rubeni ewelelako ku cisengu, ndipo onani, Yosefe mwenzevye mcisengu. Eng'amba vovwala vake. ³⁰Ewelela kwa anekwao na kuti, "mnyamata muliye mula! ndipo neo, nilute kuni?"³¹Epaya mbuzi nakutola covwala ca Yosefe nakucisusika ,m'magazi. ³²Ndipo ecileta kwa awisi bao nakuti," tapeza ici, tapapata onani ngati ncovwala ca mwana wanu kapena yai." ³³Yakobo eciziba nakuti, "ncovwala ca mwana wangu. Cinyama ca msanga camulya. Yosefe watendewa-tendewa mu vidunswa."³⁴Yakobo eng'amba covwala cake na kuvwala ciguduli mluunda mwake, elila mwana wake masiku anyinji. ³⁵Bana bake onse anlume na anakazi euka kuti amubindishe, koma enaka kubindishika, eciti, "pakuti nane nikaye kumanda kwa mwana wangu,. "Awisi wake emulila. ³⁶Amidiani emugulisa ku Aigupto kwa Kayafa, nduna ya Falao, kapitao wa olonda mfumu.

¹Cecitika kuti Yuda esiya azikwao nakuyonkhala na munthu muyakine waku Adulamu. Zina yake enze Hira. ²Kwamene uko ekumana na munthu mwanakazi waku Kenani zinayake enze Shuwa. Emtola nakuloba mwa eve.³Enkhala na vumo novyala mwana mwanalume. Emupa zina yakuti Eri. ⁴Enkhala soti na vumo nakunkhala na mwana mwanalume. Emupa zina lakuti Onani. ⁵Evyala soti mwana mwanalume nomteya kuti Shela. kwenze ku Kezibu kwecivyalila uyo.⁶Yuda emzela mwanakazi Eri, mwana wake woymba. zina yake enze Tarma. ⁷Eri, mwana wa Yuda woyamba, enze muipa mtima pamenso pa Yehova. Yehova emupaya.⁸Yuda eciti kwa Onani, "loba mwa mwanakazi wamkwanu. gwila nchito ya mulamu kwa eve, nomuukishila mwana mkwanu. ⁹"Onani eziba kuti mwana akankhale lini wake. Nthawi zonse akaloba mwa mwanakzi wa mkwao, enzothila mphavu yake pansi teo aliye mvyalile mwana mkwapo. ¹⁰Cecitika cenze ciipa pamenso pa Yehova. Yehova emupaya naye.¹¹Yada eciti kwa Tamara mpongozi wake, nkhla mwanakazi wa mnda mwa auso mpaka Sela, mwana wangu mwanalume, akule." ndaba eyopa, "kui naye angafwe soti, monga azikwao." Tamara ecoka nakuyonkhala mnanda mwa awisi.¹²Papepita nthawi, mwana wanakazi wa Shuwa, mukazi wa Yuda, ecifwa. Yuda ebindishiwa nakuluta kwa opusula mbelele bake ku Timina, eve na muyake Hira waku Adulamu. ¹³Tamara euzyiwa, "langa, apongozi bako analume akuya ku Timina kuyopusula mbelele zao." ¹⁴Evula vovwala vaumasiye na kuziphimba na viyakine na kuzipomba. Enkhla mumlyango wa Enamu, uli mbali mwa njila yaku Timina. Ndaba eona kuti Shela ekula koma enzeve mpase kuba mkazi wake.¹⁵Yuda penuona eganiza kuti ni hule ndaba enbisa cinso cake. ¹⁶Eluta kwa eve mbali mwa njira nolabila kuti, "wela, napapata leka nilale nawe"- ndaba enzeve zibe kuti nimpongozi wake mwanakzi- naye eciti, munipase cinji kuti mulale nae?"¹⁷Eciti, "nikutumizyile kambuzi katontho pa vibeto." Eciti, "munipase cikole mpaka mukatumizye?" ¹⁸Eyankha, ni cikole cotyani cinjingakupase?" mphete yanu na nthambo yanu, na ndodo ili m'manja mwanu." Empasa noloba mwa eve, emupa na vumo.¹⁹Euka noluta. Evula vila venze evwala novwala soti vila vaumasiye. ²⁰Yuda etuma muyake waku Adulamu kutwala kambuzi katontho kuti akalonde venze m'manja mwa mwanakazi, koma aliye mpeze.²¹Lomba uyu waku Adulamu ekonsha analume akumalo uko, "likuni hule enze pa Enaimu mbali mwa njila?" beciti, ponkhala lini hule pala." ²²Ewelela kwa Yuda nomuuuzya kuti, "niliye mpeze. Soti, analume ba kwamene kwala beciti, 'ponkhala lini hule pala.'" ²³Yuda eciti, "leka asunge vinthu, kuti tisamvwishiwe nsoni. Kulabila cendi, netumzya kambuzi katontho, koma uliye mpeze."²⁴Pepita miyezi itatu bemuuzya Yuda kuti, "Tamara mpongozi wako mwanakazi wacita uhule, nakuti cendi, etola na vumo. "Yuda ecti, "muleteni kuno kuti azeshokewe." ²⁵Pecimfumyiwa, etuma mau kwa apogozi bake analume, ni mwanalume mwinekazi wa ivi vinthu niye enipa vumo." Langani bwino napapata kuti ivi ni vabani, mhete na nthambo na ndodo." ²⁶Yuda eviziba nolabila kuti, "niolungama ngako kuposa neo, ndaba niliye mpase kuti ankhale mkazi wa Shela, mwana wangu mwanalume." Aliye lale soti naye.²⁷Cecitika pa nthawi iyo penzofuno vyala, langani, mwenze amphundu m'mala mwake. ²⁸Cecitika penzovyala kuti umozi efumya kwanja, na anamwino etola ka nthambo kasweta ku kwanja nolabila kuti, "uuyu niye wayambila kufumu."²⁹Koma ewezya soti kwanja, lomba, langani, mkwao niye eymbila kufuma. Anamwino eciti, "waphwanyika tyani!" teto emuita kuti Perezi. ³⁰Kucoka apo mkwao efuma, enze na ka nthambo kasweta pa kwanja, nakumuita kuti Zera.

¹Yosefe esondokela naye ku Aigupto. potifara yenze nduna ya Farao enze mkulu wa olonda mu Aigupto, emugula eve kufuma mu manja mwa Aishumaeli, esluka naye. ²Yehova enze na Yosefe ndipo enkhala munthu olemela. Enkhala mu ng'anda mwa mbuye wake waku Aigupto.³Ambye wake eona kuti Yehova enze na eve nakuti Yehova edalisa vonse venzocita. ⁴Yosefe epeza kukondelewa pamenso pake. Etumikila Potifa. Potifa epasa Yosefe nchito yonse yosamalila noika m'manja mwake vonse va pang'anda venze navo.⁵Vecizociti kuti penzemuika osamalila katundu onse pang'anda na vonse venze navo, Yehova edalisa ng'anda ya mu Aigupto kamba ka Yosefe. Madaliso ya Yehova yenze pa vonse venze navo Potifa vamunganda na vamumunda. ⁶Potifa eika vonse vake m'manja wam Yosefe kuti asamalile. Enzodela lini nkhawa kapena kuganiza vilivonse tyala kapena vakulya. Lomba Yosefe enzooneka bwino nakunyoloka bwino.⁷Veyamba kucitika kuti akazi ba ambuye bake ayamba kumkhumbwila nakumuuzya kuti, "lala nene." ⁸Eve ekana ayankha akazi ba mbuye bake kuti, "onani, abwana bangu oikako lini nzelu pa vanucita vonse muni mng'anda, eika vonse vali navo mcisamalilo cangu. ⁹Paliye mkuleni muno opambana pali neo. Kuliye caliye nipase kucoselako mweo, kamba kakuti nimwe akazi bao. Ningacite tyani ciipa ici kwa Mulungu?"¹⁰Enzokamba naye Yosefe nthawi zonse, koma ekana kulala nao. ¹¹Siku liyakine cecitika kuti eluta mng'anda kuti akagwile nchito. Paliye mutnhu aliyense enzemo mng'anda. ¹²Emkata pamalaya eciti, "lala nane." Ethaba kufuma panja, nakusiya malaya bake m'manja mwao nothabila panja.¹³Cecitika kuti peciona kuti asala na malya bake m'manja mwao eve wathabila panja, ¹⁴eita anyamata enzosebenze panja nakubauzya kuti, "onani, Potifa waleta mu Heberi kuti aticitishe nsoni. Enze waloba kuti alala nane ndiye panakuwa. ¹⁵Pawamvwa kuti nukuwa, niye pawanisiila malaya, nakuthabila panja."¹⁶Eika malaya bake pafupi mpaka ambuye wake efwika kung'anda. ¹⁷Ebafotokozela, "wanchito waciheberi wamweleta pano pang'anda. Ofuna kuti atimvweshe nsoni. ¹⁸"Panakuwa, wasiya malaya bake nothabila panja."¹⁹Cecitika kuti abwana bake pecimvwa mau yecilabila akazi bao. "Ndiye vuwacita wanchito wanu," ekalipa ngako. ²⁰Ambuye wake Yosefe emutola nakumuika mjere, emuika mwenzosungila akaidi ba amfumu. Enkhala mjere mwamene umo.²¹Koma Yehova enze na Yosefe nakumuonesha pangano yakukhulupilika kwake. Emupa kukondelewa pamenso pa ocingilizya jere. ²²Osamalila jere eika akaidi onse m'manja mwa Yosefe. Kalikonse kenzocitika, Yosefe enzolamulila. ²³Ocingilila jere enzodako lini nkhawa pa kalikonse kenze m'manja mwake, pakuti Yehova enze naye. Kalikonse kenzocita Mulungu enzopakisha.

¹Cecizocitika pevepita ivi vinthu, kuti opanga vakumya na opika aku ng'anda kwa mfumu ya Igupto, enzelakwila mfumu ya Igupto. ²Falao ekalipa nao aba madoda abili, mukulu wa opanga vakumya na mukulu wa vopika. ³Ebaika mu citolokosi m'nganda ya mkulu wa oyang'anila akaidi, mu jele imozi mwenze na Yosefe.⁴Mkulu wa jele ebaika m'manja ya Yosefe, ndipo ebatumikila. Benkhala m'jele kwa kanthawi. ⁵Onse abili enze lota maloto- opanga vakumwa na opika ba kwa mfumu amu Igupto benze m'jele- aliyense enze na maloto yake mu usiku imozi, ndipo maloto yalionse yenze na kumasulila kwake.⁶Yosefe ewela kwabeve m'mawa kuzobaona. Onani, benzeosakondwa. ⁷Ebakosha aba adindo ba Falao benze nao pamozi m'jele, nakuti, "Muonekelanji osakondwa lelo?" ⁸beciti kwa yeve, "Tonse tenze maloto yake yake koma paliye angatimasulile." Ko kumasulila kufumila lini kwa Mulungu? Niuzyeni napapata."⁹Mkulu wa opanga vakumwa emuuzya Yosefe maloto yake, "M'maloto yangu, onani, cimuti cenze pasogolo pangu. ¹⁰Cimuti cenze na misambo itatu. Peyeyamba kuphuka yeyamba nakubala vipaso ndipo vipaso noyamba kuphya. ¹¹Kapu ya Falao yenze m'manja mwangu. Netola vipaso va mphesa nofinyila mu kapu ya Falao ndipo netola kapu noiika ku kwanja ya Falao."¹²Yosefe eciti kwa yeve, "Ukundiyekumasulila kwake. Misambo itatu ni masiku yatatu. ¹³M'masiku yatatu tyala Falao akunyumula mutu naku kuwezyelapo soti pa nchito yako. Ukuyo soti kapu m'manja ya Falao monga mwenzenzele kale .penze opanga vakumwa¹⁴Koma ukanikumbuke zikayokuendela bwino, napapata ukanicitileko cifundo. Ukamuzyekonifumya Falao za neo nakuti akani fumyeko muno m'jele. ¹⁵Ndaba cetonifumya m'calo ca Aheberi mwacifwamba. Kuno soti paliye cenelakwa kuti aniyike muno m'cisengu."¹⁶Mkulu wa vopika peona kuti kumasulila kwake kwenze kwabwino, naye eciti kwa Yosefe, "Nane nenze na maloto, ndipo, onani, ma swanda yatatu ya buledi yenze pa mutu pangu. ¹⁷Pa swanda yenze palulu ngako yenze na vakulya mitundu mitundu va Falao, koma nyoni zewela nakuzokulya kufumila pa swanda yenze pa mutu pangu."¹⁸Yosefe eyankha nakuti, "Ukundiyekumasulila kwake. Ma swanda yatatu ni masiku yatatu. ¹⁹M'masiku yatatu tyala Falao akuzonyamula mutu wako nakuzopacika pa cimuti."²⁰Cecitika kuti pa siku yaci tatu yenze siku yacisangalalo ca kukumbukila kubadwa kwa Falao. Ebapangila madyelelo anchito bake. ²¹Falao emuwezyela pa udindo wake ula mkulu wa opeleka zakumwa. Eyamba soti kukata nchito yake, ndipo eyamba soti kuika kapu m'manja ya Falao. ²²Koma mkulu wa opika emupacika, monga mwamene mwemasulila Yosefe kwa beve. ²³Koma mkulu wa opeleka zakuma ula aliye mkumbukile Yosefe, koma emuluwilakothu.

¹Cecitika kuti pivepita vyaka vibili vyakamphumbulu Farao enkhala na ciloto. ²Langani, epanama mbali mwa Naelo. Langani, mwefuma ng'ombe zili seveni mu Naelo, zooneka bwino ndipo zoina, zeyamba kulya m'matete. ³Langani, pavuli pa izo mwefuma soti ziyakie zili seveni mu Naelo. Zosaoneka bwino ndipo zoyonda. Zepanamapafupi na izo ziyakine mbali mwa mkolo.⁴Lomba ng'ombe seveni zosaoneka bwino zoyonda zecilya ng'ombe seveni zooneka bwino zoina. ⁵Lomba Farao euka. Elala soti nolota kacibili. Langani, ngala-ngala seveni za tirigu zemela pa mbeu imozi-imozi, zoina bwino. ⁶Langani ngala-ngala zoyonda na mphepo yakum'mawa, zemela pavuli pa ziyake.⁷Ngala-ngala zoyonda zemela zila ziyake zozula. farao euka, soti, langani cenze ciloto. ⁸Cecitika m'mawa kuti mzimu wake wevutika. Ndipo etunizya noita a masenga onse na analume onseanzelu mu Aigupto. Farao ebauzya ciloto cake, koma paliye enzekwanisha kumuuzya tanthauzo Farao.⁹Pkulene pali onyamula makapu eciti kwa Farao, "lelo nuganzila pa milandu yangu. ¹⁰Farao ekalipa nao banchito bake, eniika mjele ya mng'anda ya mkulu wa olonda, na mkulu wa opika buledi na neo. ¹¹Tonse telota uski umozi, eve na neo. Telota aliyense kulingana na kumasulila kwake ciloto cake.¹²Tenze na mnyamata mheberi, wanchito wa mkulu wa olonda. Temuuzya nakuti etimasulila mmalo yasu. Etimasulila maloto aliyense kulinga na maloto yake. ¹³Cecitika ncakuti kulingana na mwecimasulila, niye vecitika. Farao eniwezyelapo soti pa mpando wangu, koma wala muyake emunyonga."¹⁴Ndipo farao etuma nakuyoita Yosefe. Bemufumya msanga mcisengu. Ezigela, esintha vovwala, noloba mwa Farao. ¹⁵Farao eciti kwa Yosefe, "nenze na maloto, unganitanthauzile." ¹⁶Yosefe emuyankha Farao, kuti, "zili lini mwa neo."Mulungu amuyankhe na kukondela."¹⁷Farao elabila kwa Yosefe, "m'maloto bangu, langani, nenze na panama mbali mwali Naelo. ¹⁸Lagani, ng'ombe seveni zefuma mu Naelo, zoina zooneka bwino, zenzokulya mu mishanga.¹⁹Langani, ng'ombe seveni ziyakine zefuma pavuli pazila zofoka, zosaoneka bwino, soti zoonda. Nikaliyoonako mu Aigupto kusaoneka bwino monga uko. ²⁰Ng'ombe zoyonda na zosaoneka bwino zecilya zila zoyamba seveni zoina. ²¹Pezesilizya kulya, kuliye nozibike kuti zalya ziyake, ndaba zenze ziluoneka caipa monga poyamba. Mphela neuka.²²Nelangamo m'maloto bangu, ndipo, langani, ngala-ngala sili seveni zemela pa mbeu imozi, zozula za zabwino. ²³Langani ziyakine ngala-ngala zofota, zoyonda, na zakupya na mphepo yakum'mawa- zefuma pavuli pa izo. ²⁴Ngala-ngala zoyonda zecilya zala seveni zabwino. Neuzya amasenga, koma paliye ekwanisha kinimasulila."²⁵Yosefe eciti kwa Farao, "Maloto ya Farao niyamozi na yamozi, Zofunocita Mulungu, waziuzya Farao. ²⁶Ng'ombe zabwino seveni ni zaka seveni, na ngala-ngala zili seveni ni zaka seveni. Maloto niyolingana.²⁷Seveni ng'ombe aoyonda zosaoneka bwino zewela pavuli pake ni zaka seveni, soti na ngala-ngala zoyonda zakupya na mphepo yakum'mawa zinkhale zaka seveni za njala. ²⁸Niye cinthu cinelabila kwa Farao. Cakufuno cita Mulungu wacionesha kwa Farao. ²⁹Langani, zaka seveni za vakulya zukuza pa calo ca Aigupto.³⁰pasogolo pake pawela zaka seveni zanjala, navakulya vinyinji vonse vikalubika mcalo ca Aigupto, na njala ikaononge calo. ³¹Vakulya vonse vikakumbukike lini na njala yati ikakonkhepo, ndaba inkankhale likulu. ³²Calengesha kuti maloto yawelezyewepo ni kamba ka kuti ni Mulungu wacinkhazikisha ici, na Mulungu acicite lomba pano.³³Lomba lekani Farao asakile mwanalume olanga zakusogolo na wanzelu, na kuti alamulile pa calo ca Aigupto. ³⁴Lekani Farao aoike oyang'anila pa calo, lekani akosonkhesha ca faifi ca vovuna mu Aigupto pa zaka seveni za vakulya.³⁵Lekani baunjike vakulya va vyaka vonse ivi vabwino vukuza na kusunga pnsi pa ulamulilo wa Farao, vakulya vati vikasebenzeshewe. Bavisamalile. ³⁶Vakulya vati vikapsiwe ku calo kwa zaka seveni za njala yati ikabeko mu Aigupto. Teto calo sicikaonongeka na njala."³⁷Uyu uphungu wenze wabwino pamenso pa Farao na pa banchito bake onse." ³⁸Farao eciti ku banchito bake, "tingapenze muthu monga oteti, ali na mzimu wa Mulungu mwa eve?"³⁹Teto Farao ecti kwa Yosefe, "Pakuti Mulungu wakuonesha izi zonse, Paliye mutnhu oona za msgolo na wanzelu monga weo. ⁴⁰Ulamulile pa nanda yangu, na mkulinga na mau bako niye mwati balamulile banthu bangu onse. Ni pampando tyala wacimfumu pati ninkhale mkulu pali weo." ⁴¹Farao eciti kwa Yosefe, langa, nakuika palulu pa calo conse ca Aigupto."⁴²Farao evula mphete yake ku kwanja kwake nomuvwalika Yosefe ku kwanja. Emuvwalika vovwala va bafuta, na cheni ya golide pamkosi. ⁴³Empasa kuti okoyendeshewa mngolo ya cibili yenze yake. Analume benzokuwa pavuli pake. "Petekani nkhokola." Farao emuika olamulila pa calo conse c Aigupto.⁴⁴Farao eciti kwa Yosefe, "nine Farao, ndipo paliye we paliye mwanalume wati akaimye kwanja kapena kwendo mcalo conse ca Aigupto." ⁴⁵Farao emteya zina Yosefe kuti ni Zefenati-Paneya." Empasa Asenati, mwana mwanakazi wa Potifela kuti wa nsembe waku oni, kuti abe mwanakazi wake. Yosefe eyenda-yenda mcalo ca Aigupto.⁴⁶Yosefe enze na zaka 38 pecipanama pali Farao, mfumu ya ku Aigupto. Yosefe ecokapo penze Farao, nolita mcalo conse ca Aigupto. ⁴⁷Mu zaka seveni za vakulya nthaka yefumya vinyinji.⁴⁸Eunjika vakulya vonse va vyaka seveni venze mu Aigupto na kuika vakulya m'minda. Eika vakulya mumzinda ulionse vakulya za m'mizinda yozungulika. ⁴⁹Yosefe esunga vovuna monga nimcenga waku nyanja, kwakuti eleka nobelenga, ndaba venzokwanishika lini kubalenga.⁵⁰Zikaliyo fwike zaka za njala, Yosefe nze na bana banalume babili, bamene Asenat, mwana mwanakazi wa Pitifera wa nsembe waku Oni, becimuvyalila. ⁵¹Yosefe eita zina la oyamba kuti Manase, eciti, Mulungu walengesha akuti nilube mavuto yangu yonse na yamwa atata onse." ⁵²Mwana wake wacibili emita kkuti Efraimu, eciti, Mulungu enivyalisha mnthaka ya manzunzo bangu."⁵³Zaka seveni zavakulya zenze mcalo ca Aigupto zesila. ⁵⁴Zaka seveni za njala zeyamba, monga mwecilabilila Yosefe. Mwenze njala mvyalo vonse, koma mu Aigupto mwenze vakulya.⁵⁵Calo conse ca Aigupto paceponelewa na njala, beita mokuwa palo Farao kuti abape cakulya. Farao eciti kwa banthu onse bamu Aigupto, "Nkhoyani kwa Yosefe ndipo mucite vati akuuzyeni." ⁵⁶Njala yeponela pa calo conse. Yosefe evula mananda yosungilamo yonse nogulisa kwa Aigupto. njala yenze yekula mcalo ca Aigupto. ⁵⁷Calo conse cenzowela ku Aigupto kuzogula vakulya kwa Yosefe, ndaba njala yenze yekula mcalo conse.

¹Lomba Yakobo ezindikila kuti kwenze cakulya ku ziko la Igupto. Eciti ku bana bake, "Nicifukwa ninji mungo langana langana?" ²Eciti, "Onani kuno, namvwa kuti ku ziko la Igupto ndiye kuli cakulya. Nkoyankoni m'kaguleko kuti tisafwe nanjala koma tinkhale na moyo. ³Anekwao 10 ba Yosefe beluta ku ziko la Igupto kuyogula cakulya. ⁴Koma Yakobo aliye lole kuti Benjamini, m'kwao wa Yosefe, kuti alutenao anekwao, ndaba eciti, "Nuyopa kuti ciyipa cingamucitikile."⁵Bana ba Israeli bewela kuzogula pakati pa banthu benzeluta kuyogula, ndaba njala yenze m'ziko la Kenani. ⁶Yosefe enze nduna ikulene yolamulila ziko. Ndiye enzogulisa cakulya ku banthu onse m'ziko. Anekwao ba Yosefe bewela nakuzogwada mowisha vinso vao pansi kwa yeve.⁷Yosefe ebaona anewkao ndipo ebazindikila, koma ezizimbaisha kuti basamuzibe nakukamba nao mwa nkhanza. Eciti kwa beve, "Mwafumila kuni?" beciti, "Tafumila ku ziko la Kenani kuzogula cakulya." ⁸Yusefe ebazindikila anekwao, koma beve baliyomuzibe.⁹Ndipo Yosefe ekumbukila maloto yecilota za beve, nakuti kwa beve, "Nimwe ofufuza mweo! mwawela kuzoona malo yosatetezewa ya ziko." ¹⁰beciti kwa yeve, "Yai bwana wangu. Akapolo banu bawela kuzogula cakulya. ¹¹Tonse nise bana ba munthu umozi. Nise banthu okhulupilila. Akapolo banu niofufuza lini."¹²Eciti kwa beve, "Yai, mwawela kuzoona malo yosatetezewa ya ziko." ¹³Beciti, "Seo akapolo banu tili 12 pokwasu, bana analume ba munthu umozi m'ziko la Kenani. Onani, mutontho pa onse wasala na ausuwasu, lomba m'yakine m'kwasu niwamoyo lini soti."¹⁴Yosee eciti kwa beve, "Zili mwanakuuzyilani; nimweofufuza. Mwaici muyesewe. ¹⁵Pa moyo wa Falao, mufumelini muno, mpakana msaza wanu awele kuno. ¹⁶Tumani umozi pa mweo alute akamtole. Musale m'jele, kuti mau banu beyesewe, kapena pali vacendi pa mweo kapena yai, pa moyo wa Falao, zoona mweo nimwe ofufuza." ¹⁷Ndipo ebaika m'jele kwa masiku atatu.¹⁸Yosefe eciti kwa beve pa siku yacitatu, "Citani teti kuti m'nkhale na moyo, pakuti nuyomba Mulungu. ¹⁹Ngati nimwe banthu okhulupilika, lekani umozi mwa mweo asale m'jele umu, koma weo monse mubekuya, m'nyamule cakulya ca banja yanu. ²⁰Letani msaza wanu kuti mau banu basimikijyiwe ndipo mufwelini." Ndipo becita teto.²¹Ndipo beciti beka na beka, "Seo nicendi tecimwila mkwasu teona mwevutikila m'mtima penzotidandaulila koma tiliye kumvwe. Mwaici mavuto yatiponela nase" ²²Rubeni ebankha, "Niliye leshe neo kuti, osamcimwila mwana uyu; koma muliye kumvwe? Lomba, onani, lomba tulandila malipilo ya ngazi yake."²³Beve benzoziba lini kuti Yosefe enzokumvwa vebonzolabila, pakuti benzosebenzesha nchito munthu omasulila palabila naye. ²⁴Yosefe eluta kwaeka kuyo lila. Nakuza soti kuzolabila nao. Yeve etola Simioni nakum'manga onse olanga. ²⁵Yosefe elamula anchito bake kuti anekwao abazuzyile mathumba na cakulya, nakuti, munthu aliyense amuikilemu ndalama yake yenzegulila cakulya, nakuti abapase vakulya volyela m'njila.²⁶Anekwao epakizya cakulya pa abulu noyambapo ulwendo. ²⁷Pefika pamalo payakin kuti balale, umozi mwa beve esegula saka yake kuti apase abulu vakulya vao, eona ndalama, engoona kuti ndalama zake zili pakamwa pa ska yake. ²⁸Eciti kwa anekwao, "Bawezyelamo ndalama zangu izi. Onani, zili msaka yangu."Mitima yao yecita monga yacokamo ndipo becimvwa mantha, nakuti, "Ninji ici cawaticitila Mulungu?"²⁹Pefika kwa Yakobo, ausuwawo enze m'ziko la Kenani emofotokoza vonse vebacitikila m'njila. Beciti, ³⁰"Nduna, ikulene yam'ziko ila, yenzolabila nase mwa nkhaza ndipo enzotiganizila kuti nise akazitape, ³¹Temuuzya kuti, 'Seo nisebanthu okhulupilika. niselini akazitape. ³²Tili 12 bana analume pokwasu, bana ba ausuwasu amozi. Umozi ndiye alilini na moyo, ndipo msaza ngako wasala na ausuwasu ku ziko la Kenani.'³³Munthu ula, nduna ya ziko ila, eiciti kwa seo, 'Kuti nizindikile kuti nimwe banthu okhulupilika mcite teti. Siyani umozi mwa anekwanu kuno, m'nyamuke kuwelelamo na cakulya ca banja yanu. ³⁴M'kamulete msaza wanu kwa neo. ndipo nikasimikizye kuti nimwelini akazitape. ndipo nizam'masule mkwanu uyu apo lomba mongacite malonda mziko lino."'³⁵Pebenzokhutula masaka yao ya cakulya, bedabwa kuti aliyense m'saka yake epeza kuti kathumba kake ka siliva kalimkati, ndipo pebeona teto onse pamozi na ausuwawo ecita mantha ngako. ³⁶Yakobo usuwawo eciti kwa beve, mwanilonda bana bangu neo. Yosefe emwalila, Simioni paliye naye, lomba mufuna kuti mutole soti Benjamini. Vonse ivi vaponela neo."³⁷Rubeni eciti kwa ausuwake, "Mungapailemo bana bangu analume abili ngati Benjamini nikawele nayelini. Muyikeni m'manja yangu, ndipo nikawele naye soti kwa mweo." ³⁸Yakobo eciti, "Mwana wangu simuzaluta naye. Ndaba mkwao ecifwa yeve yeka niyewasalapo. Lomba ngati ciyipa camucitikila m'njila, mukawishile imvwi zangu zau nkhalamba kumanda."

¹Ndipo njala yekula m'calo. ²Zecitika kuti pebesilizya kulya vakulya vebenze beleta kufuma ku Igupto, ausuwawo eciti kwa beve, "Mulute soti; kaguleni vakulya"³Ndipo Yudah emuuzya kuti, "Ula munthu eticenjezyelatu kuti, 'simuzaiona nkhope yangu koma ngati m'kwanu m'kawele naye.' ⁴Ngati m'kwasu tikuya naye, tikuya kuti tikagule cakulya. ⁵Koma ngati m'muleshe, sitilutako. Ndaba ula munthu elabililathu kuti,' simuzaiona nkhope yangu koma tyala ngati m'kawele naye m'kwanu.'"⁶Israeli eciti, "Ni cifukwa cinji mufuna kunivutishila teti pakumuuzya ula munthu kuti munam'kwanu muyakine?" ⁷Beciti, "Ula munthu etikosha za banja lasu. Eciti 'Ko ausuwanu akali na moyo? muna m'kwanu muyakine?' Temuyankha kulingana namafunso aya. Sembe teziba tyani kuti atiuzye kuti 'm'kamulete m'kwanu?'"⁸Yudah eciti kwa ausuwake, "Nipaseni m'nyamata nilute naye. Tilute kuti tisafwe koma tinkhale namoyo, tonse seo, mweo, na bana basu soti.. ⁹Neo nuzipeleka kuti ninkhale cikole. Nikomuteteza neo. Ngati numuleta lini kwa mweo nakuzomuonesha pa meso yanu, lekani kuti mulandu ukankhale pa mutu pangu muyaya. ¹⁰Kuti tiliye wayewaye sembe lomba tewelako kwa nthawi yacibili."¹¹Ausuwawo Israeli eciti kwa beve, " Lomba ngati zili teto, citani teti. Tolani vinthu va bwino vam'calo canu ndipo muike m'msaka. Munyamule nakuyo m'pasa mphaso ula munthu.-m'munyamulile mafuta wopaka, uci, mafuta onunkhilisha vakulya, mule, nshaba, na alimoni. ¹²Ndalama m'nyamule zokwanila. Ndalama ziyakine nizakobwezela zila zenzekuikilani m'mathumba yanu. Payakine engosokoneza.¹³Soti m'mutole na m'nekwanu. Nyamukani mubekuya ku munthu ula. ¹⁴Lekani Mulungu wa mphamvu zonse akupaseni cifundo pa meso ya munthu uyu, kuti akam'masule mnekwanu uyu muyakine na Benjamini. Ngati nine ulila nine olila." ¹⁵Madoda yenyamula mphaso, enyamula soti na ndalama zokwanila, pamozi na Benjamini. Benyamuka kuluta ku Igupto ndipo Yosefe epanama pa meso yao.¹⁶Ndipo Yosefe peona beve na Benjamini, eciti ku wa nchito wam'ng'anda yake, "Balete m'ng'anda aba madoda, upaye nyama ndipo ubakonzele cakulya, ndaba banthu aba bukulya nane cakulya ca mzuba." ¹⁷Wosunga ula ecita mwemuuzyila Yosefe. Ebaleta madoda bala m'ng'anda ya Yosefe.¹⁸Madoda aba benze na mantha ndaba ebaleta ku ng'nda kwa Yosefe. Beciti, "Nicifukwa ca ndalama zewezyewa m'masaka ulendo oyamba petewela, ofuna kuti apeze mpata wakuti atipeze ciyipa. Mwina ofuna kuti manga notipanga akapolo, nolonda abulu basu." ¹⁹Ndipo befwendela pafupi na wanchito wa Yosefe ula, belabila naye pamulyango wa ng'anda ya Yosefe, ²⁰nakuti, "Bwana wangu, tewela kuno nthawi yoyamba kuzogula vakulya.²¹Ndipo cecitika nicakuti, petefwika pa malo olalapo, temasula masaka yasu, ndipo, onani, ndalama zonse za aliyense zenzemo m'aka ya munthu aliyense. Tazileta soti m'manja mwasu. ²²Ndalama ziyakine zatawela nazo nizakuti tigule cakulya. Tuziba lini eika ndalama m'masaka yasu." ²³Wanchito eciti, "Mtendele unkhale namwe, osayopa. Mulungu wanu na Mulungu wa ausuwanu oyenela kuti ndiye eikamo ndalama m'masaka banu. Nelandila ndalama zanu." Wanchito wa Yosefe emuleta Simioni kwa beve.²⁴Wanchito wa Yosefe ebatola madoda nakubalovya nakubalovya m'ng'anda ya Yosefe. Ebapasa manzi, nakusamba besamba m'mendo. Nopasa vakulya abulu bao. ²⁵Bekonzekela bwino mphaso zao zila kuti azampase akawela pa 12 koloko, pakuti becimfwa kuti akuzokulya nao.²⁶Yosefe pewela ku ng'anda, beleta mphaso m'nganda zenze m'manja mwao, ndipo begwada pansi pameso yake. ²⁷Ebakosha za umoyo wao nakuti soti, "Nanga ausuwanu ali bwino, lidoda lemwenzokambapo? Ko akali namoyo?"²⁸"Ausuwasu mtimiki wanu alibwino. Akali na moyo." begwada pansi nompasa ulemu. ²⁹Penyamula meso yake eona Benjamini mkwao, mwana wanyinawake, nakuti, "Ko uyu ndiye mtontho pa onse wemwenzokambapo?" Ndipo eciti, "Lekani cisomo ca Mulungu cinkhale nawe, mwana wangu."³⁰Yosefe ecoka mwam'sanga m'sanga, ndaba ekhuziwa ngako m'mtima mwake kamba ka mkwao. Eloba mcipinda cake nolila. ³¹Esamba kumeso nopukuta misozi ndiye pefuma. Ezilimbikisha, nolamula kuti, "Ciwele cakulya."³²Anchito bepila payeka cakulya Yosefe na anekwao pabeka. Aigupto nao becilya pabeka ndaba Aigupto ekangiwa kulya buledi pamozi na Aheberi, cifukwa ici ni conyansa kulingana na mwambo wa ci Aigupto. ³³Anekwao bala ebankhazika pasogolo pake Yosefe, kuyambila m'kulene kulingana na cibadidwe mpakana kufwikila othela kubadwa. Ndipo benzongolanga nodabwa. ³⁴Yosefe ebagabilako vakulya venze pa mbale yake. Koma vakulya va Benjamnini venze vinyinji ka 5 koposa anekwao bake onse. Becimwa nakusangalala naye pamozi Yosefe.

¹ysefe elamulila wanchito wamng'anda yak, kuti, "zuzya mathumba ya analume na vakulya, mumungakwanishile kunyamula, na kuika ndalama za mnalume aliyense pakamwa pa thumba klake. ²Uike kapu yangu, ya siliva, mu thumba la mtontho pa onse, na ndalama zake za vakulya." Wanchito ecita mwecimuuzyila Yosefe.³Mumawa kwecica, na analume etumizyiwa, na mabulu bao. ⁴Pibefuma mu mzinda koma bakaliye kuya patali, Yosefe eciti ku wanchito wake, nyamuka, bakonkhe analume, ndipo ukabapeza, ulabile nao, nicinji mwatiwezyela ciipa pa cabwino? ⁵Ko iyi niyamene lini kapu yakumwelamo mbuye wangu, kapu yakusenzesha kuombeza? mweo mwacita ciipa, ici cinthu cimwacita.'"⁶Wanchito ebapeza beve nolabila mau aba kwa beve. ⁷Beve eciti kwa eve, "nicinji mbuye wangu ciulabilila mau monga aba? Cibe capatali kuli banchito banu kuti bakacite cinthu ca mtundu uyu.⁸Onani, ndalama zitipeza seo ku kamwa kwa mathumba basu, tezileta soti kwa mweo kufumila ku calo caku Kenani. ndipo tingaibe tyani ku ng'anda kwa ambuye wako siliva kapena golide? ⁹ngati umozi wa banchito banu angapezeke nayo, mulekeni afwe na seo tibe akapolo ba ambuye wangu." ¹⁰Wanchito eciti, "Lomba soti cibe monga mwa mau banu. Wati apezeke na kapu abe kapolo wangu, na mweo mwayake mube muliye mulandu."¹¹Ndipo mwanalume aliyense eyendeshaa kuselusha thumba lake pansi, ndipo aliyense avula thumba lake. ¹²Wanchito esakila. Eve eyamba na kulu nosizyila na mtontho, na kapu yipezeka mu thumba la Benjamini. ¹³Ndipo beve beng'amba malaya bao. Aliyense eika vinthu pa bulu wake nowelela ku mzinda.¹⁴Yuda na azinekwao bewelela ku ng'anda ya Yosefe. Enze akali kwala, nao bemubelamila pansi. ¹⁵Yosefe eciti kwa beve, "nicinji ici mweo cimwacita? ko mweo muziba lini kuti munthu monga neo nuombeza?"¹⁶yuda eciti, "Olo tingaziyeneleze tyani? Mulungu wapeza macimo ba anchito banu. Onani nise akopolo ba mbuye wasu, seo tonse, na uyo epezeka n kapu mu kwanaja kwanja kwake." ¹⁷Yosefe eciti, "cininkhalile kutali kuti neo nikacite teto. Munthu epezeka na kapu mu kwanja mwake, niye wati abe kapolo wangu, koma mweo mwayake nkhoyani mumtendele kwa ausuwanu."¹⁸Ndipo Yuda ewela pafupi naye nakuti, "Mbuye wangu, muvomelezyeni wanchito wanu kulabila liu mu matu mwa mbuye wangu na ndipo musaleke kuti apye nao ukali wanu kapolo wanu, pakuti mweo muli tyala monga ni Falao. ¹⁹Mbuye wangu ekonsha akapolo bake, kuti, 'ko mweo muli nao ausuwanu kapena mkwanu?'²⁰Seo teciti kwa mbuye wasu, seo teciti, 'tili nao ausuwasu, munthu okalamba, na mwana wa muukalamba wake, ni mtontho. Koma mukwao ecifwa, naye ali eka esala wa anyina, ndipo awisiomukonda. ²¹Ndipo mwenena kwa akapolo banu, 'muleteni eve kwa neo kuti neo nikamuone.' ²²Pavuli pa ico, seo tinena kkuti 'mnyamata sangasiye awisi. Pakuti ngati angabasiye awisi ausuwake angafwe.'²³Ndipo mweciti ku banchito banu, 'peka-peka ngati mkwanu msaza angawele na mweo, mweo simungaone pa menso pangu soti.' ²⁴Ndipo cecitika kuti pamwekwezeka ,kuya ku wanchito wanu ausuwangu tebauzya mau ba mbye bangu. ²⁵Ausuwasu eciti 'nkhoyani soti, mukatigulile vakulya.' ²⁶Ndipo ticiti, 'sitingalute kusondoka. Ngati msaza wasu mtontho ali na seo, ndiye patingasondoke, pakuti singaone pamenso pake wala munthu peka-peka ngati msaza wasu ali na seo.'²⁷Wanchito wanu ausuwangu ecti kwa seo, 'mweo muziba kuti akazi bangu enivyalila bana abili analume. ²⁸Umozi wa aba eluta kufuma kwa neo ndipo neciti, "mosimikizya kuti eng'mbiwa tudunswa-tudunswa, na neo nikaliye muone kufuma apo." ²⁹Lomba mweo ngati mungatole soti na uyu kwa neo, na ciipa cimucikile, mweo mukathwale imvwi zangu kumanda.'³⁰Lomba neo nikayowela ku wanchito wanu atata, na mnyamata ali na seo, pakuti umoyo wake niomangika pa moyo wa mnyamata, ³¹cikacitike kuti, akayoona kuti mnyamata ali lini na seo, beve bakafwe. Banchito banu bakalete pansi imvwi za wanchito wanu ausuwasu na cisoni ku manda. ³²Pakuti wanchito wanu enkhala cisimikizyo ca mnyamata kwa atata na kuti, 'ngati neo nikalete kumuwezya kwa mweo, ndipo nikabe na cifukwa kwa atata nthawi zonse.³³Lomba mwa ici, napapta nivomelezyeni neo wanchito wanu kuti ninkhale m'malo mwa mnyamata ngati kapolo kwa mbuye wangu, na kuvomelezya munyamata kuti akwezeke na zikwao. ³⁴Pakuti ningalute tyani kwa atata ngat mnyamata ali lini na neo? neo nuyopa ciipa cingawele pa atata."

¹Ndipo Yosefe cekanga kuti azilishe pali anchito onse enze panama na eve. Elabila mokuwa, "Aliyense anileke neo," paliye wanchito enze panama pali eve pezizibisha kuli anekwao. ²Elila moluwa, a Aigupto ecimvwa, na kunag'anda ya Farao ecimvwa. ³Yosefe eciti kuli anekwao, "Nine Yosefe. Ko atata akali moyo?" anekwao aliyomuyankhe pakuti enkhala odabwa pamenso pake.⁴yosefe eciti kwa Anekwao, "welani pafupi na neo, napapata." Ewela pafupi. Eciti, "nine Yosefe mkwanu, wamwegulisa ku Aigupto. ⁵Osakalipa kapena kusunga cakumtima mwa mweo mweka kuti ndaba mwenigulisa kuno, pakuti Mulungu enituma kusogolo kuti nikasunge umoyo. ⁶Pa zaka zibili izi pakwenze njala kumalo, soti kukali zaka faifi kusogolo zikuza zakuti kunkhale lkuliye kulima kapena kukolola.⁷Mulungu enitumilatu kusogolo kwanu kuti mukasale mcalo, nakuti akakusungeni na moyo kwa cimasulo cikuleni. ⁸Teti nimweo lini mwenituma kuno koma ni Muliungu, soti wanipanga tate wa Farao, mbuye wa ng'anda yake yonse na olamulila wa a Aigupto.⁹Endeshani nkhoyani kuti atata mukabauzye, 'ndiye cawalabila mwana wanu Yosefe akuti, "Mulungu wanipanga mbuye wa Aigupto onse. Selukani welani kwa neo osacelwa. ¹⁰Muzankhale mu malo ya Goseni, muzankhale pafupi na neo, mweo na bana banu na bana ba bana banu, na vibeto na mbelele na vonse vumili navo. ¹¹Nikampeni vonse, pakuti kukali zaka faifi za njala, kuti musnkhale mu umphawi, mweo na mabanja banu onsena vonse vumuli navo."¹²Onani menso banu aone, na menso bamkwasu Bennjamini, kuti ni kamwa yangu yulabila na mweo. ¹³Mukauzye atata za ulemelero wangu onse mu Aigupto na vonse vamwaona. Muyendeshe mukabalete atata kuno."¹⁴Ekumbatila banjamini mkwao mumkosi nolila, nae Benjamini elila. ¹⁵Efyofyona anekwao onse nakubaliliila. Kufuma apo anekwao emulabizya.¹⁶Nkhani zonse zecitika zeuzyiwa ku ng'anda ya Farao: "Anekwao a Yosefe awela." Cemkondwelesha ngako Farao na banchito bake onse. ¹⁷Farao eciti kwa Yosefe, "auzye anekwanu, 'cita teti: nyamulani nyama zanu mubekuya ku Kenani. ¹⁸Katoleni ausuwanu na mabanja banu onse muwele kwa neo. Nizakupeni zabwino za muno m'malo mwa Aiguto, ndipo muzalye mafuta ya muno m'malo.'¹⁹Lomba mulamuliliwa, 'cita ici, mubatolele bana banu na akazi banu ngolo za mcalo ca Aigupto. Katoleni ausuwanu muwele nao. ²⁰Musade nkhawa pa vonse vamuli navo, pakuti vabwino vonse va mcalo ca Aigupto ni vanu.'"²¹Bana ba Israeli ecita teto. Yosefe ebapasa ngolo, kulingana na lamulo la Farao nakubapa vonyamula paulwendo. ²²Kwa onse ecipa aliyense vovwala vosinthilako, koma kwa Benjamini emupa 300 masiliva na vovwala vosinthilako paulwendo vili faifi. ²³Kwa ausuwake etumizya ivi: Abulu teni enyamula vinthu vozula vaku Aigupto; na abulu teni anakazi enyamula elongezya tiligu, buledi, na viyakine va paulwendo va awisi.²⁴Etuma azinekwao ktui abekuya ndipo beluta. Eciti kwa beve, "muonesheshe kuti muyambana lini mnjila." ²⁵Benyamuka kufuma ku Aigupto kuza ku malo ba Kenani, kwa Yakobo ausuwao. ²⁶Emuuzya kuti "Yosefe akali moyo, soti ndiye olamulila mzinda onse wa Aigupto." Mtima wake wenkhala wodabwa, cifukwa aliye khulupilile vecimuuzya.²⁷Emuuzya mau onse ba Yosefe yelabila nao. Yakobo peona ngolo zecitumizya Yosefe kuti amunyamulilemo, mzimu wa yakobo ausuwao wesisimushiwa. ²⁸Israeli eciti, "vakwana. Yosefe mwana wangu akali moyo. Nikuya nikamuone niliyokufwe."

¹Israeli esonkhanisha vonse venze navo nakunyamuka ulendo kuluta ku Beerisheba kuyotwala nsembe kwa Mulungu wa Isake ausuwake. Ndipo ²Mulugu elabila naye Isake m'masomphenya usiku , kuti, "Yakobo, Yakobo." eciti, "Nili pano." ndipo eciti, ³"Nine Mulungu, Mulungu wa ausuwako. Usayope kuluta ku Igupto, cifukwa kula ukuyonkhala ziko ikulene ngako. ⁴Nukuyanawe mpakana mu Igupto, nikakubweze soti kuno ndipo Yosefe ndiye watiakakuvale meso yako nakwanja yake."⁵Yosefe enyamuka kufuma ku Beerisheba. Bana bake bemukwezeka Yakobo usuwao, na bana bao, pamozi na azinakazi bao mungolo zetumizya Falao kuti abanyamule. ⁶Benyamula vibeto vao na vonse venzepeza m'ziko la Kenani. Bewela ku Igupto, Yakobo na bana bake. ⁷Ndipo Yakobo efwika ku Igupto pamozi na bana bake banalume, bana banakazi, pamozi nazukulu onse nam'badwe wake onse.⁸Aba ndiye mazina ya ban a ba Israeli beluta ku Igupto: Rubeni, mwana wa Yakobo oyamba; ⁹bana ba Rubeni, Hanoki, Palu, Hezironi na Karimi. ¹⁰Bana ba Simioni analume ni aba: Yemueli, Yamini, Ohadi, Yakini, Zohari na Shaulo wamene nyinawake enze waku Kenani; ¹¹Bana ba analume ba Levi, Geresoni, Kohati na Merari.¹²Bana ba Yuda benze aba: Eri, Onani, Sela, Perezi na zera, (Koma Eri na Onani befwela m'ziko la Kenani). Bana analume ba Perezi enze Hezironi na Hamuli. ¹³Bana analume ba Isakara niyaba: Tola, Puwa, Yobi, na Simironi; ¹⁴bana analume ba Zebulani benze Seredi, Eloni na Yahaleeli ¹⁵aba benze bana ba Leya bevyala kwa Yakobo mu Padanaramu, pamozi na mwana munakazi zinalake Dina. Bana onse benze 33.¹⁶Bana analume ba Gadi benze Zifioni, Hagi, Suni, Ezibini, Eri, Arodi na Areli. ¹⁷Bana ba Aseli benze Imuna. Isivi, Beriya na Sera mulongosi wao. Bana anlume ba Beriya enze Heberi na Malikieli. ¹⁸Aba enze bana ba Zilipa, bamene Labani epasa Leya mwanawake. Aba bana evyala kwa Yakobo- onse pamozi enze 16.¹⁹Bana analume ba Lakele mwanakazi wa Yakobo enze Yosefe na Benjamini. ²⁰Mu Igupto Manase na Efereimu bebadwa kwa Yosefe ku mwanakazi wake Asenati. mwana wa Potifara wansembe waku Oni. ²¹Bana ba Benjamini enze Bela, Bekeri, Asebeli, Gera, Naamani, Ehi, Rosi, Mupimu, Hupimu na Aridi. ²²Aba enze bana ba Lakele bevyala kwa Yakobo- Onse pamozi enze 14.²³Mwana mwanalume wa Dani enze Husimu. ²⁴Bana analume ba Nafutali enze Yahazeeli, Guni, Yezeri na Silemu. ²⁵Aba nibana be vyala Yakobo kwa Biliha wanchito wamene Labani enzepasa mwanawake Lakele- onse pamozi enze 7.²⁶Pamozi onse beluta na Yakobo ku Igupto m'badwe wake tyala, kucoselako anakazi ba bana bake, enze 66. ²⁷Kuikilako bana abili ba Yosefe bebadwila ku Igupto, banja ya Yakobo beluta ku Igupto onse pamozi enze 70.²⁸Yakobo esogozya Yuda pasogolo payeve kuluta kwa Yosefe kuti asogolele njila yaku Goseni ndipo befwika kumalo ya Goseni. ²⁹Yosefe ekonzeka ngolo yake kuluta koyolandila Israeli ausuwake mu Goseni, ebaona, nakuzobakumbatila m'mkosi, ndipo elila nthawi itali akali cikumbatile m'mkosi. ³⁰Israeli eciti kwa Yosefe, "Lomba nilekeni nifwe, ndaba naiona nkhope yako, kuti ukali na moyo."³¹Yosefe eciti kwa anekwao na banja lonse la ausuwake, "Nikuya kwa Falao nikamuuzye, kuti, 'Anekwasu na banjalonse la ausuwangu, benze m'ziko ya Kenani, bawela kwa neo. ³²Madoda nacibeta, ndaba onkhala osunga vibeto. Bawela na mbelele, ng'ombe, nakutundu wao onse.'³³Ika fwika nthawi, ngati Falao wakuitani nakukukoshani, 'Musebenza nchito yanji?' ³⁴mufunika kuyankha teti, 'Akapolo banu bankhala osunga vibeto kufumila kuumwana mpakana lelo, tonse seo, na makolo basu' mukaciteti kuti m'nkhale m'malo ya Goseni, cifukwa cibeta aliyense niconyansa kwa Aigupto."

¹Teto Yosefe eluta kuyomuuzya Falao kuti, "Atata na anekwasu, mbelele na ng'ombe zao, na vonse valinavo, bafwika kufumila ku calo ca Kenani. Ona, bali m'calo ca Goseni." ²Etolapo 5 pa anekwao nakubazibisha kwa Falao.³Falao eciti kwa anekwao, "Musebenza nchito yanji?" Beciti kwa Falao, "Akapolo banu niyacibeta, monga makolo yasu." ⁴Ndipo beciti kwa Falao, "Tawela ngati alwendo osankhalisha m'calo cino. Kuliye polyeshela vobeta vaakapolo banu, cifukwa njala niyikulu m'calo ca Kenani, Lomba teto, lekani akapolo banu ankhale m'calo ca Goseni."⁵Farao eciti kwa Yosefe, "Ausuwako na anekwanu bawela kwa weo. ⁶Ziko lonse la Igupto lili m'manja mwako. Ubaike kumalo yaconde, malo ya Goseni. Ngati alipo uuziba pa anekwanu akaswili pa kubeta vibeto ubapase udindo oyanganila vibeto vangu.⁷Teto Yosefe epeleka ya Yakobo ausuwakeFalao. Yakobo emudalisa Falao. ⁸Falao eciti kwa Yakobo "Wankhala zaka zingati?" ⁹Yakobo eciti kwa Falao, "Zaka zapa ulendo wangu zili 130. Zaka za umoyo wangu ni zitontho ndipo zobaba. Zili lini monga zamakolo bangu." ¹⁰Yakobo emudalisa Falao nakufuma pameso pake.¹¹Yosefe enkhazikisha ausuwake na anekwao. Ebapasa malo mu Igupto, malo babwino ngako mu Ramese, mwamene mwecilamulila Falao. ¹²Yosefe ebapasa vakulya ausuwake, anekwao na onse banthu ba m'ng'anda mwa ausuwake, kulingana na nambala yakusunga.¹³Lomba mwenzeve vakulya m'calo conse; ndaba njala yenze ikulene m'calo. M'calo ca Igupto na calo ca Kenani banthu belefuka kamba ka njala. ¹⁴Yosefe esonkhanisha ndalama zonse zenze m'calo ca Igupto na m'calo ca Kenani, paku gulisa tiligu ku banthu. Yosefe ezileta ndalama izi kwa Falao.¹⁵Pezesila ndalama za banthu bamu Igupto na bamu Kenani, Aigupto onse enzowela kwa Yosefe, "Tipase cakulya! Tifwilenji seo m'meso mwanu ndaba ndalama zasu zasila kugulila cakulya?" ¹⁶Yosefe eciti, "Ngati ndalama zasila, letani vibeto vanu ndipo tikuzosinthanisha vakulya na vibeto." ¹⁷Teto beleta vibeto vao kwa Yosefe. Yosefe ebapasa vakulya kusinthana na akavalo, mbelele, ng'ombe, na bulu. ebalyesha buledi kusinthana na vibeto caka cila.¹⁸Lomba caka cila pecesila, bewela caka cokanhapo ndipo beciti kwa yeve, "Tinga biselini kwa bwana wasu kuti ndalama zasila, na ng'ombe zonse zasila bwana wangu. Paliye casalako camungaone nameso yanu, koma tyala ma thupi yasu na malo yasu. ¹⁹Tifwilenji m'meso yanu, seo na malo yasu? Tiguleni pamozi seo na malo yasu potipasa vakulya, ndipo seo na malo yasu tinkhale akapolo ba Falao. Tipaseni mbeo kuti tinkhale na moyo, ndipo osati kuti m'calo munkhale muliye banthu."²⁰Teto Yosefe egula malo yonse kugulila Falao. Pakuti mu Aigupto aliyense egulisa malo yake, ndaba njala yenze ikulu ngako. Mwa ici, malo yonse yenkhala ya Falao. ²¹Koma banthu, ebapanga kunkhala akaplo kufumila ku malile yoyambila mpaka kufikila ku malile yakothela. ²²Ni malo tyala ya ansembe baliye gule Yosefe, ndaba ansembe enzopasiwa gao lao. Enzokulya kufumila kugao yecibapasa Falao. Mwaici baliye gulise malo yao.²³Ndipo Yosefe eciti ku banthu, "Onani, nakugulani mweo na malo yanu kugulila Falao. Lomba tolani mbeu iyi niyanu, m'cale m'malo. ²⁴Powezya mufunika mukapase ca 5 kwa Falao, vosalila 4 nivanu, va mbeu kumunda na vakulya m'ng'anda na bana banu."²⁵Beciti, "Wapulumusha miyoyo yasu. Tapeza cisomo m'meso mwanu. Tinkhale akapolo ba Falao." ²⁶Teto Yosefe eika lamulo m'calo ca Igupto yenkhazikika mpakana lelo, kuti ca 5 nica Falao. Ni malo tyala ya ba nsembe yenze lini ya Falao.²⁷Teto Israeli enkhala m'calo ca Igupto, m'malo ya Goseni. Banthu bake mbenkhala na katutu ngako. Bevyalana nakupaka ngako. ²⁸Yakobo enkhala zaka 17 m,calo ca Igupto, teto zaka za umoyo wa Yakobo wenze 147.²⁹Nthawi peyefwika yomwalila Iraeli, emuita mwana wake Yosefe, "Ngati napeza cisomo pa meso yako, yika kwanja yako pansi pa cibelo cangu, unioneshe ku khulupilika na kuwama mtima kwako. Napapata osaniika mu Igupto. ³⁰Nikalala na makolo, ukaninyamule kunifumya mu Igupto nakuyoniika m'manda mwalala makolo bangu." Yosefe eciti, "Nikacite mwamwaniuzyila." ³¹Israeli eciti, "Lumbila nimvwe," ndipo Yosefe elumbila. Ndipo Israeli egwada kumutu kwa bedi.

¹Ndipo pevepita ivi, mutnh umozi eciti kwa Yosefe, "ona, ausuwako nao olwala." Teto etola bana bake babili Manase na Efraimu. ²Yakobo pa bemuuzya kuti, mwana wako mwanalume Yosefe wawele kuzokuona," Israeli ezilimbikisha nakunkhala pa bedi.³Yakobo eciti kwa Yosefe, Mulungu wa mphamvu enionekela lu Lazi mu munzi wa Kenani. Enidalisa ⁴nakuniuzya kuti, 'nikuvyalishe nakukupakisha. Nikupange weo kunkhala msonkhano wa maiko. Nipase calo ici ku bana bako cuma cao camuyaya.'⁵Lomba bana bako analume abili, bevyalika kwa weo, mu calo ca Aigupto panikaliye wela kwa weo kuno ku Aigupto, nibangu. Efraimu na Mnase bakabe bangu, monga Rubeni na Simoni ni bangu. ⁶Bana baulinao kucoka pali beve nibako; bakaikiwe pansi pa mazina ya anekwao mcoloba cao. ⁷Koma kuli neo, panefuma ku Padani mwacisoni Rakele emwalila mu calo ca Kenani pa njila, kwesala tyala patontho kkuti tifwike ku Efrate. Nemuika pamene pala pa njila yaku Efrate," (ndiye ku Betelehemu).⁸Pamene Israeli peona bana analume ba Yosefe, eciti," nibani aba?" ⁹Yosefe eciti kwa awisi, "nibana bangu analume. becinipasa mulungu kuno." Israeli eciti, "balete kuno, kuti nibadalise." ¹⁰Lomba menso ba Israeli enzokanga cifukwa ca kukula, teto enzolanga lini. Mwakuti Yosefe ebaleta pafupi naye, ebafyofyontha nakubakumbatila.¹¹Israeli eciti kwa Yosefe, "sinezoyembekela kuona soti cinso cako, koma Mulungu wanilengesha kuti nione nabana bako." ¹²Yosefe ebafumya pakati pa nkhokola za Israeli, elanga cinso cake pansi. ¹³Yosefe ebatola onse abili, Efraimu ku kwanja lamnanja pafupi na kwanja la Israeli laku manjele, ma Manase ku kwanja la manja la Israeli, na kubaleta pafupi na eve.¹⁴Isralei etambasula kwanja kwake kwa kumanja naku kuika pa mutu ba Eraimu, enze musaza, na kwanja kwakumanjele pa mutu pa Manase mkuleni. Ebapambanisha manja cifukwa Manase enze mkuleni. ¹⁵Israeli edalisa Yosefe nakuti, "Mulugnu eyenda na makolo bangu Abrahamu na Isaki, Mulungu enisamala kufwika lelo, ¹⁶Mngelo enicingilizya kuviipa, adalise anyamata aba. Lekani zina langu liiteyewe mwa beve, na zina la makolo bangu Abrahamu na Isaki. Lekani bakule mcigulu pacalo ca pansi."¹⁷Yosefe peciona awisi aika kwanja yamanja pa mtontho Efraimu, aliyokondwele. Etola kwanja ya awisi kuti aicose pamutu pa Efraimu aike pa mutu pa Manase. ¹⁸Yosefe eciti, "teto yai, atata; uyu niye mwana woyamba. Ikani kwanja kwanu kwa kwendi pamutu pake."¹⁹Awisi bekana nakuti, "nuziba, mwana wangu, nuziba. Naye akankhale banthu, ndipo na eve akabe mkuleni. Koma mkwao mtontho akabe mkulu ngako kupambana eve, na obadwa pavuli pake akankhale magulu ba vyalo vinyinji." ²⁰Israeli Ebadalise pa siku ila na mau aba." Banthu baku Israeli bakakambe madaliso pa mazina banu kuti, 'Lekani Mulungu akakupange monga Efraimu na Manase.'" Mu njila iyi, Israeli eika Efraimu pasogolo pa Manase.²¹Israeli eciti kwa Yosefe, "ona, nili pafupi na kufwa, koma Mulungu akabe na weo, ndipo akakulete ku calo ca makolo bako. ²²Kuli weo, uli palulu pa anekwanu, nukupasa mnyansi mwa lupili yenetola kuli ba Aamori na lupanga yangu na uta."

¹Yakobo eita bana bake, ndipo eciti: "Welani monse pamozi, kuti nikuuzyeni vativikakucitikileni kusogolo. ²Kumanani monse pamozi mumvwe, mweo bana ba Yakobo. Mvwani kwa Israeli, usuwanu.³Rubeni niwe mwana wangu oyamba kubadwa, mphamvu yangu, ndipo nikuyamba kwa mphamvu yangu, ulemu oposa na mphamvu yoposa. ⁴Wosaleshekewa monga manzi ya mphamvu namupopomwa, unkhalelini oposa, cifukwa wekwela pa bedi ya ausuwako. ndipo weifyapo; wekwela polala pangu.⁵Simeoni na Levi nipokwao. vida vaciwawa ndiye lupanga lao. ⁶O moyo wangu, usankhale mukukumana kwao; usapezeke mkusonkhana kwao, pakuti mtima wangu unaciyamika ngako pa ici. Pakuti muukali wao bepaya madoda. Mkufuna kwao elemeleka ng'ombe zamamphondo.⁷Lekani ukali wawo utembeleleke, ndaba wenzoyofya-nkaupya mtima, pakuti yenze ninkhanza, nikabagabe mwa Yakobo nakubamwazya mwa Iraeli.⁸Yuda, anekwanu akakuyamikile. Kwanja yako ikankhale pamkosi pa adani bako. Bana ba ausuwako akakugwadile.⁹Yuda uli ningati ka mwana ka mkango, Mwana wangu, uwelela kwanu navovulaza vako. Ezyolika pansi, nakuuluma ngati mkango, ngati mkango wanakazi. Nibani angakwanishe kumuusha?¹⁰Ndodo yaufumu sikacosewa pa Yuda, ukaupanilile ulamulilo kwakuti paliye watiakuucose, mpakana nthawi ya Silo. Vyalo vikamumvwile.¹¹Kumanga bulu yake kucimuti, namwana wa bulu ku misambo yabwino, esuka covwala cake muvinyu, usuka mkhanjo wake muvinyu monga magazi. ¹²Meso yake yakankhale yafipa ngati vinyu, na meno yatuba ngati mkaka.¹³Zebulani akankhale m'mbali mwa nyanja. Akankhale ngati dooko yamangalawa, ndipo malile yake yakuyofwika mpaka ku Sidoni.¹⁴Isakara nibulu ya mphamvu, wamene olala pakati pa makhola ya mbelele. ¹⁵Oona malo yabwino yopumulilapo na nthaka yokongola. Akabelamike phewa lake kwa ofoka nakunkhala kapolo pa nchito¹⁶Dani akuyolamulila banthu bake monga ngati umozi wa mtundu wa Israeli. ¹⁷Dani akankhale ngati njoka m'mbali mwa njila, njoka ya ululu uluma akavalo kututende, kuti wakwelapo apone cangada. ¹⁸Nulindila cipulumuso canu Yehova.¹⁹Gadi- amaliongo akamucite cipongwe, koma yeve akabapilikishe. ²⁰Aseli akuyonkhala na cakulya ca bwino, ndipo akopasa vakulya vabwino vaufumu. ²¹Nafitale ali ngati mbabala yomasuliwa; akankhale na bana okongola.²²Yosefe ali ngati msambo wobala, msambo wobala uli pafupi na kasupe, misambo yake yamene yukwela pa cipupa. ²³Amauta akamuvute nakumulasa nakumucitila nkhanza.²⁴Koma uta wake ukankhale mphela wa mphamvu cifukwa ca manja ya mphamvu ya Yakobo, kamba ka zina ya cibeta, mwala wa Israeli.²⁵Mulungu wa ausuwako akakuyavye ndio Mulungu wa mphamvu zonse akakudalise kufumila palulu pa mitambo, madaliso apansi pozama, na madaliso yaku maziba nayam'mvumo.²⁶Madaliso ya auso niyakulu kuposa madaliso yapa lupili yakale olo kapena vinthu vofuna vapa malupili yakale. Lekani yabe pa mutu wa Yosefe, ngankhale pa kolona wapamutu pa anekwao akalonga.²⁷Benjamin ni mumbulu wa njala. M'mawa akulyacokhamula nyama yawakata, ndipo m'mazulo ogaba vawalonda"²⁸Iyi ndiye mitundu 12 ya Aisraeli. Izi ndiye zelabila ausuwawo mpezobadalisa. Aliyense emudalisa namudaliso wake oyenela. ²⁹Ndipo ebauzyisha kuti, "Nili pafupi kuya ku mtundu wangu. Muniike pamozi na makolo bangu m'mpako ili m'munda wa Efuloni mu Hiti, ³⁰mphako ili mu Makipela, pafupi na Mamre mu calo ca Kenani, munda wegula Abrahamu kwa Efuloni mu Hiti kuti yankale manda.³¹Uku ndiye mweika Abrahamu na Sara mwanakazi wake; beikako Isake na mwanakazi wake Rabeka; ndiye kweneika Leya. ³²Munda na mphako vili mu malo aya evigula ku banthu baku Heti." Ndipo ³³Yakobo pesilizya kulangijya bana bake, enyamula mendo yake kuyaika pa bedi, nofuza kosilizyila, nakuya ku mtundu wake.

¹Ndipo Yosefe cifundo cemukata ngako nakuzopona pansi, ndipo elila, nakuzofyofyontha awisi. ²Yosefe elamulila anchito bake kuti bakonze bwino thupi la ausuwake kuti lisaole. Ndipo thupi lekonzewa la Israeli kuti lisaole. ³Cebatolela masiku 40 kukonza thupi ndaba ndiye yenze nthawi yofikapo kuti thupi likonzewe. Aigupto bemulila masiku 70.⁴Masiku yamalilo peyesila, Yosefe elabila na am'ng'anda ya Falao, kuti, "Koma ngati lomba napaza ufulu pakaati panu, napapata labilani naye Falao, kuti, ⁵'Atata enilumbilisha, kuti, "Ona, nili pafupi kufwa. Ukaniike m'manda bangu bala benezikumbila neka mu calo ca Kenani. Kwamene kula ukaniike, neo," Lomba munivomezye nakuya kuyoika atata mcalo ca Kenani, nakuza soti kuno"' ⁶Falao eyankha kuti, "Nkhoya ukaike auso pakuti ekulumbilisha."⁷Yosefe eluta kuyoika ausuwake. Zonse nduna za Falao zeluta naye- madoda bam'ng'anda mwake, na onse akulu akulu abwalo la Igupto, ⁸na yonse ng'anda ya Yosefe na anekwao, na am'ng'anda mwa ausuwake. Koma bana bao, vibeto na magulu a ng'ombe vesela mu calo ca Goseni. ⁹Magaleta na asilikali okwela akavalo nao beluta naye. Yenze gulu ikulene ngako ya banthu.¹⁰Ndipo pebefwika pa mwala wa mphelo wa Atadi kusilya kwa Yorodani, belila mwacisoni ngako nakuphwanyika mitima. Apa Yosefe kwa masiku 7 elila malilo ya ausuwake. ¹¹"Ndipo banthu onkhala m'calo ca Kenani pebecimwa kulila pamwala wa Atadi, beciti, "Iyi ni nthawi ya cisoni ngako kwa Aigupto." Ni cifukwa cake aya malo yoitiwa kuti Abeli-mizraimu, uku nikusilya kwa Yorodani.¹²Teto bana analume becitila Yakobo monga mwebauzyila. ¹³Ndipo bana bake bemunyamula kumuthwala ku calo ca Kenani na kumuika mu mphako ili mu munda wa Makipela, pafupi na Mamre. Abrahamu enzegula mphako na munda kuti yankhale manda. Eyagula kwa Efuloni mu Hiti. ¹⁴Pavuli poika ausuwake, Yosefe ewelela ku Igupto, yeve, pamozi na anekwao, na onse benzekonkha kuzoika naye ausuwake.¹⁵Ndipo anekwao ba Yosefe pebeona kuti ausuwawo amwalila, beciti, "Lomba ngati Yosefe angafune kuusha ukali nafuna kuwezyela ciyipa cetemucitila seo?" ¹⁶Teto bemuita Yosefe kuti awele, nona kuti, "Auso esiya malamulo akliye kufwa, kuti, ¹⁷'M'muuzye Yosefe kuti, "Napapata khululuka viyipa vebekucita anekwanu na macimo yebecita pebekucita viyipa."' Lomba khululukila akopolo ba Mulungu wa ausuwako." Yosefe elila pebelabila naye teto.¹⁸Anekwao nao beluta pafupi nakuyoika nkhope zao pansi pa meso pake. beciti, "Ona seo ndise akapolo bako." ¹⁹Koma Yosefe ebayankha kuti, "Osayopa. ko natola malo ya Mulungu? ²⁰Mweo, mwenzofuna kunicita ciyipa koma Mulungu enze na colinga ca bwino, kuti akapulumushe miyoyo ya banthu anyinji, monga m'mungaonele lelo. ²¹Teto musayope. Nikusamalileni pamozi na bana banu batontho batontho." Ndipo ebankhazikisha mitima pansi munjila iyi nolabila nao mwacifundo ku mitima yao.²²Ysefe enkhala mu Igupto, pamozi na banja ya ausuwake. Enkhala zaka 110. ²³Yosefe ebaona bana ba Efremu mpakana m'badwe wacitatu. Eona soti na bana ba Makiri mwana wa Manase, benzenkhazika pamendo ya Yosefe.²⁵Yosefe eciti kwa anekwao, "Nili pafupi kufwa; koma Mulungu zoona akuzokusgolelani mweo kukufumyani m'calo cino kukutwalani ku calo celumbila kuti aka pase Abrahamu, kwa Isake, nakwa Yakobo." ²⁴Yosefe elumbilisha bana ba Aisraeli. enena kuti, " Coona Mulungu akuyokuza kwa mweo. Pa nthawi iyo mukafunike kunyamula mafupa yangu." ²⁶Teto Yosefe emwalila, na zaka 110. emupaka vimankhwala visaolesha thupi nakumuika mu bokosi mu Igupto.

¹Aya ndiye mazina ya bana ba Israeli bemene beluta ku ziko la Igupto pamozi na Yakobo usuwawo, aliyense na am'ng'anda yake: ²Rubeni, Simioni, Levi, na Yuda, ³Iasakara, Zebulani, na Benjamini, ⁴Dani, Nafutali, Gadi, na Aseri. ⁵Banthu onse obadwa m'ng'anda ya Yakobo benze 70. Yosefe enze kale mu Igupto.⁶Lomba Yosefe, na anekwao onse, na m'badwe onse ula becifwa. ⁷Koma Aisraeli evyalana na kupaka ngako, ndipo benkhala bamphamvu ngako; ziko yezula na beve.⁸⁹¹⁰Lomba pewela mfumu iyakine yecizolamulila ziko la Igupto yamene yenzoziba lini za Yosefe. Eciti ku banthu bake, "Onani, Aisraeli bapaka ngako ndipo otiposa mphamvu. Welani, tiyeni ticite nao mwanzelu, ndaba bangapitilizye kupaka, lomba ngati kwauka nkhondo, bakuyogwilizana na adani basu, nakunyatana nase, nakuzofumamo m'ziko."¹¹Teto ebaikila akapitao kuti akobanzunza nakubakakamizya cito zokosa ngako. Aisraeli emumangila mizinda yosungilamu cakulya Falao: Pitomu na Ramesesi. ¹²Koma olo kuti Aigupto enzobapondelezya ngako, Aisraeli enzokuya opakilako pakilako. Cakuti Aigupto eyamba kuyopa Aisraeli.¹³Aigupto ndipo ebagwilisha nchito mwankhanza Aisraeli. ¹⁴Elengesha umoyo wao kunkhala obaba kamba ka nchito yokosa yokanda madaka nochaya nchelwa, nazinchito zosiyana siyana zam'munda. Nchito iliyonse yebenzofunuka kugwila yenze yokosa ngako.¹⁵Mfumu ya Aigupto yelabila na anamwino aciheberi; mazina yao enze Ssifira na Puwa. ¹⁶Eciti, "Pumuyavya anakazi baciheberi popapa, mkolangishisha. Ngati ni mwana mwanalume, nikumpaya; ngati ni mwana mwanakazi, angankhale namoyo." ¹⁷Koma anamwino enzoyopa Mulungu ndipo enzocitalini kulingana naveyelamula mfumu ya Aigupto; Koma m'malo mwake belekelela bana banalume kunkhala namoyo.¹⁸Mfumu ya Aigupto ebaita anamwino ndipo eciti kwa beve, "Mwacitalanji teti, nolekelela bana analume kunkhala namoyo?" ¹⁹Anamwino bemuyankha Falao kuti, " Anakazi baciheberi olingana lini na anakazi ba Aigupto. Banamphamvu ngako yovyala musanga namwino akaliye fwika kwa beve apobavyala kale."²⁰Mulungu ebateteza anamwino aba. Ndipo banthu bepaka nakunkhala na olimba ngako. ²¹Ndaba anamwino benzoyopa Mulungu, ebapasa ma banja yaoyao. ²²Falao elamula banthu bake onse kuti, "Bana analume onse batiokobadwa mkobataya m'mkolo, koma mwana aliyense mwanakazi mkomuleka namoyo."

¹Lomba munthu wa mtundu wa Levi ecizolungula mwanakazi wa mtundu wa Levi. ²Mwanakazi uyu enkhala na vumo nakuvyala mwana mwanalume. Peona kuti enze mwana mwanalume ndipo wa thanz,i emubisa kwa miyezi itatu³Lomba peona kuti angam'mbise lini kupitilila apo, etola ka swanda kama bango nakukamata na tiba. Ndiye petola mwana nomuyika m'swanda nakuyoika pakati pa mabango m'manzi ya mkolo wa Nailo. ⁴Mulongosi wake wa mwana uyo epanama patali kuti aone chingamcitikile mwana.⁵Mwana mwanakazi wa Falao ewela kuzosamba ku mkolo apo azakazi bake ongoyenda yenda kumbali kwa mkolo. Eona swanda pakati pa mabango ndipo etuma mzakazi wake kuti akakatole. ⁶Pevunukulapo, eona mwana. Onani, mwana enzongolila. Ndipo ecitanaye cifundo mwana ula nakuti, "Uyu nim'mozi mwa bana baciheberi."⁷"Lomba mulongosi wake wa mwana eciti ku mwana wa Falao, "Ningalute kuyokusakililani mwanakazi waciheberi kuti azakunyosheleni uyu mwana?" ⁸Mwana wa Falao eciti kwa yeve, "Nkhoya" Ndipo wala m'simbi eluta kuyotola nyina wa wala mwana.⁹Mwana mwanakazi wa Farao euzhya nyina wa wala mwana kuti, "uninyonshele uyu mwana ndipo nikupe malipilo." wala mwanakazzi etola mwana kuyonyonsha. ¹⁰Wala mwana pecikula, emuleta kwa mwana mwanakazi wa Farao, ndipo enkhala mwana wake. Emuteya zina kuti Mose na kuti, "pakuti nemuvuula pa manzi."¹¹Pecikula Mose, eluta kuli banthu bake kuyoona mwenzosbenzela nchito zokosa. Eona mu Aigupto okwapula mu Heberi umozi wa banthu bake. ¹²Elanga uku na uko, peona kuti munthu aliyense, epaya mu Aigupto nakufwikla mubili wake mumcenga.¹³Eluta siku yokpnkhapo, ndipo, onani, analume abili aciheberi enzonyatana. eciti kuli umozi wala enze olakwa, "nicinji caumnyatila muyako?" ¹⁴koma ula mwanalume eciti, Nibani ekuika kuba oweluza na osogolela pali seo?" uganizila zonipaya mwawepaila wala mu Aigupto?" Mose eyopa na kuti, "vanecita vezibika ku banthu bayakine."¹⁵Pecimvwa Farao efuna kuti amupaye Mose koma Mose ethaba kuya ku Midiani. Kwala enkhala pansi mbali mwa cisime. ¹⁶Lomba wansembe waku Midiani enze na bana anakzi seveni. Bewela, kutapa manzi, kuzuzya goliyomwelamo vibeto va ausuwao. ¹⁷Azibusa ewela kuzobapilikisha, koma Mose kozobayavya. Emwesha vibeto vao.¹⁸Asimbi peluta kuli ausuwao a Rehueli, eciti, "cifulkwa mwawelako mofulumila ku ng'anda lelo?" ¹⁹Eciti Mu Aigupto wapulumusha ku azibusa. Watitapila na manzi notimweshela vibeto vasu." ²⁰Eciti kwa bana bake anakazi, "teti ali kuni?" mwamsiilanji uyo mwanalume? muiteni kuti azalye nase cakulya."²¹Mose evomela kunkhala naye uyo munthu, emupa soti na mwana wake mwanakazi Zipora kuti alungule. ²²Evyala mwana mwanalume, ndipo Mose emutaya kuti Gerisomo; ecit, "nankhala mulwendo mu calo cacilwendo."²³Payepita nthawi itali, mfumu ya Aigupto yemwalila. Aisraeli, elila kamba ka nchito ya ukapolo. Elilila thandizo, kulila kwao kwefwika kwa Mulungu kamba ka ukapolo wao. ²⁴Mulungu pecimvwa kulila kwao, Mulungu ekumbukila pangano lake na Abrahamu, na isaki, na Yakobo. ²⁵Mulungu eona Aisrali, nakumvwishisha vibenzipitamo.

¹Koma Mose enze akalube vibeto va Yatero mpongozi wake, wansembe waku Midiani. Ndipo Mose esogolela vobeta ku malo yakutali mcipululu nakukufwika pa Horebe, lupili la Mulungu. ²Pamene apo mungelo wa yehova eonekela kwa eve mu mululilo mu cishasha. ndipo Mose elanga, onani, cishasha cenzoyaka koma cenzonyeka lini. ³Mose ecit, " lekani kuti nipatuke kuti nione cinthu icicodabwisha, cifukwa nicinji cishasha cunyeka lini."⁴Pamene Yehova pecion kuti wapatauka kuti aone, Mulungu emuita kufumila mcishasha na kuti, "Mose, Mose." Mose eciti, "nili pano." ⁵Mulungu eciti, usafwendlee pafupi! vula nsapato zako kumendo kwako, pakuti malo yawaimililapo niyopatulika kwa neo." ⁶Eonjezela, "Nine Mulungu wa auso mulungu wa Abrahamu, Mulungu wa Isaki, na Mulungu wa Yakobo. " Mose ebisa cinso cake, pakuti enze na mantha kulanga Mulungu.⁷Yehova eciti, "Naona manzunzo ya banthu bangu ali mu Aigupto. Namvwa kukuwa kwao cifukwa ca obakakatisha nchito mwankhaza, pakuti nuziba za vobaba vao. ⁸Naseluka kuzobamasula u mphamvu ya Aigupto na kubafumya mcalo cila n kubaleta mcalo ca bwino, ndipo cikulu, mcalo ca mkaka na uci; ku malo ya a kenani, na a Hiti, na Aamori, na a perizi na Ahivi na a Yebusi.⁹Lomba kulila kwa bana ba Airaeli kwanifwika. Mwakuti, naona kuvitishiwa kwakucita a Igupto." ¹⁰Lomba apa, nikutume kwa Farao kuti ukabalete banathu bang, Aisraeli, kubafumya mu Aigupto¹¹Koma Mose eciti kwa Mulungu, "nine bani neo, kuti ningalute kwa Farao n kuleta a Israeli kubafumya mu Aigupto.?" ¹²Mulungu eyankha, "Neo ninkhale nawe. Ici cibe cizibisho kuti nekutuma neo. Ngati wabaleta banthu kucokela mu Aigupto, uzanipembeze neo palupili pano."¹³Mose ecit kwa Mulungu, "Neo nikayoluta kwa Aisraeli nakubauzya, 'Mulungu wa makolo banu wanituma kwa mweo,' ndipo bakakayonena kwa neo, 'zina yake ni bani?' nikakambe kuti tyani kuli beve?" ¹⁴Mulungu ecti kwa Mose, "NI NEO AMENE NILI NEO." Mulungu eciti, "ufunika kunena kwa Aisraeli, nineo nakutuma kuli ¹⁵beve." Mulungu elabila soti kuli Mose kuti, "ukalabile kwa Aisraeli, "Yehova Mulungu wa makolo banu, Mulungu wa Abrahamu, Mulungu wa Isaki, na Mulungu wa Yakobo wanituma kuli mweo. ili kndiye zina langu la muyaya, umu niye mwati akanikumbukile m'maganizo m'mibadwe yonse.'¹⁶Nkhoya ukaike akalu-akulu ba a Israeli pamozi. Ukati kuli beve, 'yehova Mulungu wa makolo banu, Mulungu wa Abrahamu, wa Isaki, na wa Yakobo, waonekela kwa neo nakuti, "mwancendi nalangishisha ndipo naona vukucitikilani mu Aigupto. ¹⁷Nulonjeza kumfumyani mcalo ca Aigutpo mwamuvutishiwa nokuletani mu calo ca a Kanaani, a Hiti, Aamori, Perizi, a hivi, na Yebusi, calo ca mkaka na uci.'" ¹⁸Bakaku mvwilileni mweo. Weo na akulu-akulu ba mu Isralei mufunika kuluta kwa mfumu ya Aaigupto, na kubauzya, 'Yehova, Mulungu wa Aheberi wakumana nase, teto tileke tilute pa ulwendo wa masiku atatau mu cipululu, kuti tikapeleke nsembe kwa Yehova, Mulungu wasu.'¹⁹Koma nuziba kuti mfumu yaku Aigupto akakulekeleleni lini kuti mweo mwakuya, koma ngati kwanja kwake kwakakamizyiwa. ²⁰Nitambasule kwanja langu kufwika ku Aigupto na vozizwisha kuti nikavicite pakati pa beve. Pavuli pa ici, akakulekeleleni kuti mwakuya. ²¹Nikapase banthu kukondelewa kufuma kwa Aigupto, kuti mukayonyamuka musakayende m'manja muliye kanthu. ²²Mwanakzi aliyense akasenge mphete za siliva na golide na vovwala kwa Aigupto bakunkhala nao pafupi ndipo mwanakazi aliyensse onkhala mng'anda ya munthu wakunkhala naye pafupi. Mukavwalike bana banu banalume na banakazi. Mu njila iyi mukuyobatolela Aigupto.

¹Mose eynkha, "nanga bakayokana kunikhulupilira kapena kunimvwila nakulabila kuti, "Yehova alyokuonekele?" ²Yehova eciti, "nicinji cili m'manja mwako?" Mose eciti, "ndodo." ³Yehova eciti, "iponye pansi." Mose eiponya pansi, ndipo yeyaluka njoka. mose eutuka cakuvuli.⁴Yehove elabia na Mose, "fwika nakuikata cakumcila," teto wfwendela nakuikata njoka. Yesanduka soti ndodo m'manja mwake. ⁵"Ici cili teto kuti bakakhulupilire kuti Yehova, Mulungu wa makolo bao, Mulungu wa Abrahamu, Mulungu wa Isaki, na Mulunguw wa Yakobo, wakuonekera weo."⁶yehova elabila naye, "lomba ika kwanja lako mumkanjo wako, "teto mose eika kwaja lake mumkanjo. Peifumya kwanja, langani, kwanja lake lenkhala na khate, lituba monga ni cikulo. ⁷Yehova eciti, "ika soti kwanja lako mumkhanjo, "teto Mose eika kwanja lake mkati mwa mkhanjo wake, peifumya, eona kuti yenkhala soti bwino, kulinga na nkhanda yake yonse.⁸Yehova eciti, "ngati bakakumvwile lini weo- ngati bakaikeko lini nzelu ku cooneshela coyamba ca mphamvu yangu, loko kukhulupila mwa ceve, ndiye kuti azekhulupilire ku cooneshela cacibili. ⁹Ngati baliye khulupilire ku ivi vooneshela vibili va mphamvu zangu, loko kumvwila weo, ndiye kuti ukatole manzi mumkolo nakuyathila pa iyumu. Manzi yati ukatole yakayaluke magazi pa nthaka iyumu.¹⁰Ndipo Mose eciti kwa Yehova, "Ambuye, nikaliyo labilepo mofulumizya, olo kuvuli nangu kufumila pamwelabila nakapolo wanu. Nulabila moluzya na lilime yoluzya." ¹¹Yehova eciti kwa eve, " nibani elenga mlomo wa munthu? nibani olenga munthu kuba osalabila olo wosamvwa olo olanga olo osalanga? ni neo lini Yehova? ¹²Lomba teti, nkhoyan ndipo nibe na pakamwa pako na kukuphunzisa vati ukolabila." ¹³Koma MOse eciti, "Ambuye, napapata tumani muyake, aliyense wati mufune kutuma."¹⁴Ndipo yehova ekwiya naye Mose, nakuti, "nanga Aroi, mkwanu, mlevi? nuziba kuti angalabile bwino. Koma soti, akuza kuzokumana nawe, ndipo akakunona ankhale okondwela mumtima mwake. ¹⁵Ulabile naye na kuika mau yati akalabile mkamwa mwake. Nikabe na mlomo wako na mlomo wake, nakukuoneshe vonse vati ukacte. ¹⁶Akalabile na banthu m'malo mwa weo. Akabe mlomo wako, ndipo ukabe ngati neo, Mulungu kwake. ¹⁷Ukanyamule ndodo iyi m'manja mwako. Na yeve ukacite nayo vozibisha."¹⁸Teto Mose ewelela kwa Yeterompongozi wake na kuti kwa eve, "Niloleni nakuya kuti niwelele ku banja langu ili ku Igipito na kuti nikaone ngati bkali moyo." Yetero eciti kwa Mose, nkhoya mwamtendele." ¹⁹Yehova eciti kwa Mose ku Midyani, "nkhoya welela ku Igipito , ndaba onse analume benzofuna kukupaya becifwa." ²⁰Mose etola mkazi wake na bana bake analume nakubaika pa bulu. Ewelela ku Aigupto, ndipo enyamula ndodo ya Mulungu m'manja mwake.²¹Yehova eciti kwa Mose, "ukawelela kuya ku Aigupto ukaonesheshe kuti ukacite vonse vodabwisha vinaika mumphamvu zako pamenso pa Farao. Koma nikakoseshe mtima waake nakuti akaleke lini banthu kuluta. ²²Ufunika ukalabile kwa Farao, "ici niye ciwanena Yehova: Israeli ni mwana wangu, mwana woyamba, ²³ndipo nukuti kwa weo, "muleke mwana wangu kuti abekuya, kuti akanilemeke." Koma cifukwa wakana kuti abakuya, coona nikupaile mwana wako mwanalume, wako woyamba.'"²⁴Lomba mnjira, Pabepanama usiku, yehova ekumana na MOse ndipo efuna kumupaya. ²⁵Ndipo Zipora etola naifi notenda nkhanda ya mwana wake mwanalume, nakuikatisha na vimbombo vakumendo, ndipo eciti, "cendi niwe mkwatibwi wangu mwamagazi." ²⁶Teto Yeova emleka eciti, "niwe mkwatibwi wangazi" cifukwa ca mdulidwe.²⁷Yehova eciti kwa Aroni, "nkhoya msanga ukakumane naye Mose." Aroni eciya ekumana naye ku lupili la Mulungu, nakumphyophona. ²⁸Mose emuuzya Aroni yonse mau Yehova yemtuma kuti akalabile na vizindikilo va mphamvu za Yehova vemulamulila kuyocita.²⁹Ndipo Mose na Aroni eluta na kuyosonkhanisha onse akuleni ba Aisraeli. ³⁰Aroni elabila mau onse becilabila Yehova kwa Mose. Eoneshela soti vizibisho vonse va mphamvu za Yehova pamenso pa banthu. ³¹Banthu bekhulupilira. Pabecimvwa kuti Yehova waona kunzunzika kwa Aisralei nddipo begwada nakupemphera.

¹Pavecitika ivi vinthu, Mose na Aroni beluta kwa farao na kuti, "ivi nivamene Yehova, Mulungu wa a israeli, walabila: 'baleke banthu bangu balute kuti bakanicitile phwando mcipululu.'" ²Farao eciti, "Yehova ni bani? nimvwililenji mau bakke nakulola Aisraeli kuluta ? nuziba lini Yehova; Moteto, nibalole lini Aisraeli kuti alute."³Beciti, "Mulungu wa a Heberi wakumana nase. Tilute ulwendo wa masiku yatatu mcipulu nakupeleka nsembe kuli yehova Mulungu wasu kuti asatikwapule na mulili kapena lupanga." ⁴Koma mfumu yaku Aigupto Yeciti kwa beve, "Mose a Aroni mubatolelanji banthu ku nchito yao? Welelani ku nchoto yanu." ⁵Eciti soti, Lomba pali banthu ba nyinji pa calo casu, ndpo mubapanga mweo kuti baleke nchito yao."⁶P siku lamene ilo, Farao epeleka lamulo ku okatisha banathu nchito mokakamiza na msogoleli. ⁷Eciti, "musabapase soti banthu uzu kuti apange nchelwa. Balekeni abekuya beka akazisonkhanishile, monga mwamwencitila kale. ⁸Mwaici, mukolamulila kuli beve kuti cibelengelo ca nchelwa cikokuba cimozi-mozi monga nikale. Musavomele kuba zitontho, cifukwa nibaulesi. Nicifukwa cake boita na kuti, tilekeni tibekuya nakuyopeleka nsembe kwa Mulungu wasu.' ⁹Onjezani nchito ya analume kuti akokatisha nakusaikako nzelu ku mau ya wenye."¹⁰okatisha banthu nchito na osogolela beluta nakuyozibisha banthu beciti, "Farao walabila kuti, "nikupaseni soti lini uzu. ¹¹Mweo mweka mufunika kuluta kuyofuna uzu kulikonse kumungaupeze, koma nchito yanu icepeshewe lini.'"¹²Teto banthu onse bebalalika mu calo conse ca Aigupto kuyosonkhanisha ciputu m'malo mwa uzu. ¹³Okatisha banthu nchito bepitilizya kubauzya kuti, "silizyani nchito yanu, cimozi-mozi monga pala mwenzopasiwa uzu." ¹⁴Okatisha nchito ba Farao na olamulila ebanyata osgolela ba Israeli, banalume bamene bala beciika kuba oyanila banchito. Okatisha nchito epitilizya kubakonsha, "Muliyokwanishienji kupanga nchelwa zamufunika kukwanisha, lelo kapena mailo monga mwamwenzocitoila kuvuli?"¹⁵Moteto osogolela a Israeli eluta kwa farao nakulila kwa eve. Beciti, "mubacitilanji teti banchito banu? ¹⁶kuliye soti uzu upasiwa ku banchito banu, koma opitilizya kutiuzya kuti 'pangani nchelwa!' seo, banchito banu, tunyatiwa nthawi zonse, koma nimulandu wa banthu banu." ¹⁷Koma Farao eciti, "Nimwe baulesi! Nimwe baulesi! mukuti, 'tiloleni tilute tikapeke nsembe kuli Yehova.' ¹⁸Teto lomba welelani ku nchito yanu. Kuliye soti uzu wati upasiwe kwa mweo, koma mufuka kupanga nambala imozo-mozi ya nchelwa.¹⁹Osogolela ba a Israeli pibeona kuti bali mu mavuto peuzyiwa kuti, "muyenela lini kucefya muyeso wa nchelwa za siku na siku. ²⁰Bekumana na Mose na Aroni, benze peneme kunja kwa nga'nda ya mfumu, pabenzokuya kufuma kwa Farao. ²¹Beciti kwa Mose na Aroni, Lekani Yehova akuoneni nokulanga, pakuti mwapangisha kuti seo tinkhale ocimwa pamenso pa Farao na banchito bake. Mwaika lupanga m'manja mwake kuti atipaye."²²Mose ewelela kwa Yehova nakuti, "Ambuye, mwaletelanji vuto kwa banthu aba? mwenitumilanji poyamba? ²³Mwaneyambila kuwela kwa Farao kuzolabila naye muzina yanu, opanga viipa ku banthu bake, ndipo muliye masule banthu banu yai."

¹Ndipo Mulungu eciti kwa Mose, "lomba uwone citi nicite kwa Farao. Uwone ici, pakuti akabavomelezye kuluta cifukwa ca kwanja langu lamphamvu. Kamba ka kwanja langu lamphamvu akabafumye mcalo cake."²Mulungu elabila na Mose eciti, ³"Nine Yehova. Neonekela kwa Abrahamu, kwa isaki na kwa Yakobo ngati Mulungu wamphamvu; koma mwa zina langu, Yehova, nenze osazibika kwa beve. ⁴Ndipo nenkhazikisha pangano na beve, kubapasa calo ca Kanani, mcalo mwamene enkhala monga alwendo, mcalo mongo yenda-yenda. ⁵Mwai ici, namvwa kubuula kwa a Israeli amene Aigupto abapanga akapolo, ndipo nakumbukila pangano langu.⁶Mwaici, labila kwa a Israeli, 'Nine Yehova, nikufumyani ku ukapolo pansi pa Aigupto, ndipo nikumasuleni ku mphavu yao, nikuomboleni pakuonesha mphamvu yangu, na macitidwe ba ciweruzo ba mphamvu. ⁷Nikakutoleni kwa neo neka monga banthu bangu ndipi nikankhale Mulungu wanu. Mukazibe kuti nine Yehova Mulungu wanu. Wakufumyani ukapolo pansi pa Aigupto.⁸Nikakutoleni mu calo cinekulumbililani kupasa kwa Abulamu, kwa Isaaki, na kwa yakobo. Nikaipase kwa weo onga coloba, Nine Yehova." ⁹Pecibauzya ici Mose a Israeli, baliye muvwile cifukwa ca kulefuka kwao kwa ukapolo wa nkhanza.¹⁰Ndipo Yehova elabila kwa Mose, eciti, ¹¹"nkhoya umuuzye Farao, mfumu ya Aigupto, kuti alole banthu ba a Israeli abekuya kufuma mcalo cake. ¹²Mose eciti kwa Yehova, "ngati a Israeli aliyenimvwile neo, Farao akanimvwile ndaba cinji, pakuti nulabila lini bwino?" ¹³Yehova elabila na Mose na kwa Aroni. Epasa lamulo kwa a Israelin na kwa Farao, mfumu ya Aigpto kubafumya a Isralei mcalo ca Igupto.¹⁴Aba enze mitu ya mng'anda ya awisi bao: Bana ba Rubeni banalume, woyamba wa Israeli, enze, Hanoki, Palu, Hezroni, na Karmi. Iyi yenze mikoka ya makolo ba Rubeni. ¹⁵Bana banalume ba Simeoni enze Yemuli, Yamini, Ohadi, Yakini, Zohari, Sauli, mwana mwanalume wa mwanakazi waku Kanani. Iyi yenze mikoka ya makolo ba Simeoni.¹⁶Pano elembewa mazina ya bana banalume ba Levi, pamozi na bana bake. Benze Gerisoni, Kohati, na Marari. Levenkhala mpaka enze na zaka 137. ¹⁷Bana banalume ba Gerisoni benze Libni na Simeyi, mwa mabanja bao. ¹⁸Bana banalume ba Kohati benze Amramu, Izara, Hebrroni na Uziyeli. Kohati enkhla mpaka zaka 133. ¹⁹Bana banalume ba Merari enze Mali na Musi. Aba benkhala mkoka wa makolo ba Alevi. PAmozi na mtundu wao.²⁰Amramu elungula Yokobedi, mkwao wa awisi. Emuvyalila Asroni na Mose. Amramu enkhala zaka 137 na kufwa. ²¹Bana banalume ba Izara benze Kora, Nefegi na Zikiri. ²²Bana banalume ba Uziyeri enze Misayeli, Alifazana, na Sitiri.²³Aroni elungula Eliseba, mwana mwanakazi wa Aminadabu, mulongosi wa Nasoni. Emuvyalila Nadabu na Abihu, Eliaza na Itamara. ²⁴Bana banalume ba Kora benze Asiri, Elikana, na Abisafu. Iyi yenze mikoka ya makolo ba Akohati. ²⁵Eliaza mwana mwanalume wa Aroni, elungula umozi mwa bana ba Petieli. Emuvyalila Pinehasi. Aba benze mitu ya ng'anda za awisi bao pakati pa Alevi, kulingana na mikoka.²⁶Aba banthu babili benze Mose na Aroni bamene Yehova eciti, "fumyani Aisraelimcalo ca Igipi, mwa magulu bao analume ba nkhondo. ²⁷Aroni na Mose belabila kwa Farao, mfumu ya Igipito, kuti abalole kufumya Aisraeli kufuma ku Aigupto. Aba benze amene bala MOse na Aroni.²⁸Pamene Yehova elabila na Mose mcalo ca Igipito, ²⁹eciti kwa eve, "Nine Yehova. Unene kwa Farao, mfumu ya Igipito, vonse viti nikuuzye. ³⁰Koma Mose ecit kwa Yehova, "nili lini bwino kulabila, ko Farao anganimvwile.

¹Yehova eciti kwa Mose, "langa, nakupanga monga mulungu wa Farao. Aroni mkwanu akabe mneneri wako. ²Ukalabile ciliconse cati nikakulamulire kulabila. Aroni mkwanu akalabile na Farao kuti, akabalole bana ba Israeli kuti akalole bana ba a Israeli kufuma mcalo cake.³koma nikakoseshe mtima wa Farao, ndipo nikabaoneshe vizindikilo vinyinji mwamphamvu yangu, vodabwisha vinyinji mcalo ca Aigupto. ⁴Koma Farao akamvwile lini, nikaike kwanja langu pa Aigupto nakuleta magulu ba analume bankhondo, banthu bangu, banthu ba a Israeli kufuma mu calo ca Aigutpo mwa cilango cikuleni. ⁵Aigupto akazibe kuti nine yehova pti nikatambasule kwanja langu pa Igupto nakufumya a Israeli pakati pao."⁶Mose na Arsoni ecita teto; ecita monga Yehova ebalamulila. ⁷Mose enze na zaka 80, ndipo Aroni enze na zaka 83 penzokamba na Farao.⁸Yehova eciti kwa Mose na Aroni, ⁹"Farao akayokuuzyani, 'citani codabwisha,' ndipo ukanene kuti kwa Aroni, 'tola ndodo yako nakui[onya pansi pamenso pa Farao, kuti ikasansuke njoka.'" ¹⁰Ndipo Mose na Aroni eluta kwa Farao, na kucita monga mwecilamulila Yehova. Aroni eponya pansi ndodo yake pamenso pa Farao na akapolo bake, ndipo yenkhala njoka.¹¹Ndipo farao eita zibambo bake banzelu na mang'anga. Ecita cinthu cimozi-mozi kulinga na masenga bao. ¹²Munthu aliyense eponya pansi ndodo yake, ndipo ndodo zesanduka njoka, koma ndodo ya Aron yemela njoka zonse. ¹³Mtima wa Farao wekoseshewa, ndipo aliye kumvwe monga mwecikambila Yehova.¹⁴Yeova eciti kwa Mose, "mtima wa Farao niokaosa ndipo okana kuti banthu balute. ¹⁵Nkhoya kwa Farao m'mawa pala pakuya ku manzi. ukapamaname mbali mwa mkolo kuti ukakumane naye, m'mnja mwako utole ndodo yamene yala yesansuka njoka.¹⁶Ukati kwa eve, "Yehova Mulungu wa a Heberi, wanituma neo weo kuti, "lekani banthu bangu alute, koteto kuti akanilemekeze mcipululu. Mpaka lomba umvwa lini. ¹⁷Yehova wanena kuti, "pa ici ukazibe kuti neo nine yehova. Nikochaya manzi mu mkolo wa Nailo na ndodo ili m'manja mwangu, ndipo manzi akasanduke magazi. ¹⁸Somba zili m'manzi zikafwe, na mkolo ukanunkhe. Aigupto akamwe lini manzi yofuma mumkolo.'""¹⁹Ndipo Yehova eciti kwa Mose, "labila kwa Aroni, 'tola ndodo yako nakutambasulila kwanja lako ku manzi ali mu Aigupto, na mikolo yao, ngalande, vikhuvu, na mvithaphwila vao vonse, koteto kutmanzi bao onse ankhale magazi. Cita teto kuti magazi abe paliponse olo mnongo za vimiti na mu myala.'"²⁰Mose na Aroni lecita monga mwecibalamulila Yehova. Aroni enyamula ndodo nakucaya pamanzi mumkolo pamenso pa Farao na banchito bake, manzi onse mumkolo esanduka magazi. ²¹Somba mumkolo zecifwa, na mkolo weyamba kununkha, Aigupto ekanga kuwa manzi mumkolo, na magazi enze pali pose mcalo ca Aigupto. ²²Koma ng'anga za mu Aigupto zecita cimozi-mozi na masenga bao. Mwakuti mtima wa Farao wekosa, ndipo ekana kumvwila Mose na Aroni teto mwelabilila Yehova, kuti cikacitike.²³Ndipo Farao ewelela nakuya kung'anda kwake. Aliye mvwishishe za ici. ²⁴Aigupto wonse ekumba mbali mwa mkolo manzi akumwa, koma aliye kwanishe kumwa mazni yamumkolo uyu. ²⁵Masiku seveni yepita kufuma pamene Yehova echaya pamkolo.

¹Ndipo Yehova eciti kwa Mose, "nkhoya kwa Farao ukamuuzye kuti, 'Yehova walabila ici: "leka banthu bangu alute kuti akanipembeze. ²Ngati ukana kuti balute, nikavutishe calo canu na acule. ³Mu mikolo mukapake na acule. Beve akakwele na kuluta mu mang'anda yanu, muvipinda vanu, na bedi panu. Bakalute mu mang'anda ya banchito bako. Bakalute pa banthu bako, mu uvuni wanu, na mu mbale zanu zokanyilamo. ⁴Acule kakwele weo, banthu bako, na banchito bako onse'""⁵Yehova elabila Mose, "nena kwa Aroni, nyolola kwanja lako na ndodo yako ku mkolo, mu mshabo, na muvikhuvu, na kuleta acule palulu pa calo ca Aigupto.'" ⁶Aroni enyolola kwanja lake palulu pa calo ca Igipito. ⁷Koma amasenga becita cimozi-mozi na masenga bao; beve bethwala acule palulu pa calo ca Igipito.⁸Ndipo Farao eita kwa Mose na Aroni na kuti, "pempherani kwa Yehova kuti eve enifumyile acule neo na banthu bangu. Ndipo neo nibaleke banthu kuluta, kuti beve bakamupelekele nsembe eve." ⁹Mose eciti kwa Farao, "mweo muli na mpata ouzya neo paningakupemphelereni mweo, banchito banu, na banthu, kuti acule akacosewe kwanu na ku ng'anda kwanu na kunkhala tyala mumkolo."¹⁰Farao eciti, "mailo." Mose eciti, "lekani zinkhale mwa mwalabilila, teto kuti mweo mukazibe kuti kuliye muyakine olingana na Yehova, Mulungu wasu. ¹¹Acule akalute kwanu, kung'anda kwanu, banchito banu, na banthu banu. Beve akankhale tyla mumkolo." ¹²Mose na Aroni beluta kufuma kwa Farao, ndipo Mose na Aroni elila kwa Yehova za acule becileta pa Farao.¹³Yehova ecita monga Mose epepmpha: acule ecifwa mung'anda, mukhoti, na muminda. ¹⁴Banthu ebaunjika mumagulu, ndipo calo cenunkha. ¹⁵Koma pamene Farao eona kuti kuli mpumulo, eyumisha mtima wake na kusabamvwila Mose na Aroni, monga Yehova elabilira kuti eve akacite.¹⁶Tehova eciti kwa Mose, "labila kwa Aroni, nyolola kwanja lako ndipo inyate pansi pa lito, kuti iyaluke inda paliponse mcalo ca Igipito.'" ¹⁷Becita teto. Pamene Aroni enyolola kwanj lake nonyata pansi palito, inda zewela pa banthu na panyama. Lito yonse ya pansi yenkhala inda paliponse mcalo conse ca Igipito.¹⁸Amasenga beyesa na masenga yao kupanga inda, koma aliye kwanishe. Teto kwenze inda pa banthu na pa nyama. ¹⁹Ndipo amasenga eciti kwa Farao, "ici niye cimbombo ca Mulungu." Koma mtima wa Farao wenze weyumishiwa, teto ekana kumvwila. Cenze monga mwecinenela Yehova Farao cati akacite.²⁰Yehova eciti kwa Mose, "uka m'mangu m'mamawa na kupanama pasogolo pa Farao pala pakuya ku mkolo. Unene kwa eve, 'Yehova onena ici! "leka banthu bangu alute teto kuti bakanipembeze neo. ²¹Koma ngati ulole lini banthu bangu kuluta, neo nikatumizye inzi pa weo, banchito bako, na banthu bako, na mumang'andaa banu. Mung'anda ya Aigupto yakabe yozula na inzi, olo pansi pakupanama beve pakazule na inzi.²²Koma pa siku ilo neo nikacite mosiyana na calo ca Goshni, calo munkhala banthu bangu, teto kuti kusankhale inzi kweve. Iici cikacitike teto kuti mukazibe kuti neo nine Yehova mu calo ici. ²³Neo nikapange cosiyanisha pakati pa banthu bangu na banthu bako. Ici coonesha mphamvu zangu cikacitike mailo. '"" ²⁴Yehova ecita teto ndipo vimagulu va inzi viwela mung'ada ya Farao na ma ng'anda ya banchito bake. Pali ponse pa calo ca Igipito, nthaka yeonongeka cifukwa ca magulu ya inzi.²⁵Farao eita Mose na kuti, "nkhoyani mupeleke nsembe ya Mulungu wanu mumalo basu." ²⁶Mose eciti, "nicabwino lini kwa seo kucita teto, pakuti nsembe atupanga kwa Yehova Mulungu wasu nizonyanyisha kwa Aigupto. Ngati seo tupanga nsembe pamenso pao ili conyanyisha Aigupto, akatiteme lini seo na myala? ²⁷Yai, uyu ni ulwendo wa masiku atatu atufunika kuloba mcipululu watufunika kupanga, kuti tikwanishe kupeleka nsembe kwa Mulungu wasu, monga eve etilamulila seo."²⁸Farao eciti, "neo nikuloleni mweo kuluta na kupeleka nsembe kwa Yehova Mulungu wanu mucipululu. Tyala mufunika lini kuya kutali ngako. Munipemphelele neo." ²⁹Mose eciti, "lomba pano neo nnukuya kufuma kwa mweo, neo nikapemphele kwa Yehova kkuti gulu la inzi ikulekeni. Farao, na banchito banu na banthu banu mailo. Koma mweo musayese soti kunyengezya banthu basu mwakubalesha kuya kuyopeleka nsembe kwa Yehova."³⁰Mose eluta kufuma kwa Farao na kupemphela kwa Yehova. ³¹Yehova ecita monga Mose epemhela; ndipo eve ecosa gulu ya inzi kufuma kwa Farao, banchito bake, na banthu bake. Osasalako olo imozi. ³²Koma Farao eyumisha mtima wake nthawi iyi soti, ndipo aliye balolezye banathu kuluta.

¹Yehova eciti kwa Mose, "nkhoya kwa Farao ukamuuzye kuti, 'Yehova, Mulungu wa Aheberi, akuti: "leka banthu bangu balute kuti balanipembeze." ²Koma ngati ukane kubaleka kuti balute, ngati ukali kubasungilila, ³ndipo kwanja la Yehova ilete milili pa vobeta vako vili m'munda- a bulu, hosi, ngamila, ng'ombe na vobeta. ⁴Koma Yehova asiyanishe pa vobeta va a Israeli na va Aigupto, kuti pasakapezeke cobeta ca Aigupto citi cikafwe.⁵Yehova waika nthawi; walabila kuti, "ni mailo pati nikacite ici cinthu pa calo.'"" ⁶Yehova ecita ici siku yokonkhapo: ng'ombe zonse za Aigupto zecifwa, koma paliye cobeta ca Aisralei cecifwa, olo cinyama cimozi. ⁷Farao efufuza, ndipo, langani, paliye cinyama olo cimozi ca Aisraeli cecifwa. Koma mtima wake wenze okosa, teto aliye baleke banthu kuluta.⁸Yehova eciti kwa Mose na kwa Aroni, "tolani milota yozula kwanja mcitofu. Weo, Mose, uponye milota mululu m'mphepo pamene Farao olangako. Inkhale kakungu wopel mcalo ca Aigupto. ⁹Ikalengeshe vituza na vilonda pa banthu na pa vinyama mcalo ca Igipito." ¹⁰Teto Mose wa Aroni betola milota mcitofu nopanama pasogolo pa Faro. Lomba Mose eponya milota mululu m'mphepo. Milota yelengesha vituza na vilonda kufuma pa banthu na pa vinyama.¹¹Amasenga aliye kwanishe kukangana naye Mose kamba ka vituza, ndaba vituza venze pali beve na pa Aigupto ayao onse. ¹²Yehova ekosesha mtima wa Faro, teto Farao aliye bamvwile Mose na Aroni. Ici ndiye camene celabila Yehova kwa Mose kuti ndiye cati akacite Farao.¹³Lomba Yehova eciti kwa Mose, "uuke m'mamawa, upaname pamenso pa Farao, nolabila kuti kwa eve, 'Yehova, Mulungu wa Aheberi, walabila ici: "leka banthu bangu balute kuti bakanipembeze. ¹⁴Pakuti nthawi ino nitume milili yangu pa wamene weo, pa banchito bako na banthu bako. Nicite ici kuti uzibe kuti paliye olingana na neo mcalo conse.¹⁵Pali lomba sembe natambulula kale kwanja langu nokukantha weo na banthu bako na nthenda, na mweo sembe mwesilizya kale mcalo. ¹⁶Koma kenze kamba ka izi kenevomelezya kuti mu pulumuke: kuti nikulangizye mphamvu yangu, kuti zina langu lilakiwe mcalo conse. ¹⁷Ndiye kuti ukali kuzitukumula pa banthu bangu pakusabaleka kuti balute.¹⁸Imvwa! mailo monga nthawi ino nkalete cimvula camatalala camphamvu, cakuti cikaliyo onekapo mu Igipito kucoka paciyambi kufwika lomba. ¹⁹Lomba, utume analume baike vibeto vako pamozi na cili conse cauli naco m'minda ku malo abwino. Mwanalume aliyense na cinyamacili m'munda ciliye letewe ku nanda- matalala yaviponele, vivifwe.'""²⁰Bala banchito ba Farao bekhulupilila uthenga wa Yehova beyendesha kuleta akapolo bao na vibeto m'mananda. ²¹Koma bala betola uthenga wa Yehova mopepuka bebasiya akapoo bao na vibeto m'maminda.²²Yehova citi kwa Mose, "tambulula kwanja lako kululu kuti kuwela matalala mcalo conse ca Aigupto, pa banhtu na pa vibeto, vomela vonse va m'minda mcalo ca Igipito." ²³Mose eitambulula na ndodo yake elata kululu, ndipo Yehova etuma kugunda, matalala, nakaleza. elokwesha na matalala pa calo ca Igipito. ²⁴Moteto kwenze tuleza na matalala yoyavizyana na matalala, yakuleni ngako, yakulu yakaliyo citikapo m'malo ya Igipito kucokela paciyambi.²⁵Mcalo conse ca Igipito, yeononga kalikonse ka m'maminda, banthu pamozi na vinyama. Yeoononga comela ciliconse cam'maminda na kuthyola vimiti vili vonse. ²⁶Ni mumalo tyala ya Goseni mweka, mwenzonkhla a Israeli, mwenzeve matalala.²⁷Farao etuma Analume kuyoita Mose na Aroni. Eciti kwa beve, "nacimwa nthawi ino. Yehova niolunga ndipo neo na banthu bangu nise aipa. ²⁸Pemphelani kwa Yehova ndaba kugunda kwa mphamvu na matalala vanyanya. Nikulekeni mulute, ndipo munkhaleko lini soti."²⁹Mose eciti kwa beve, "nikangosiya mzinda, nikatambulule manja bangu kwa Yehova. Kugunda kuleke na matalala yabeko lini soti, mwa ici uzibe kuti calo n'ca yehova. ³⁰Koma kwa weo na banchito bako nuziba kuti mukaliyo yamba kulemekeza Yehova Mulungu."³¹Lomba thonje na balele veonongeka, ndaba balele yenzotumbuka, na thonje yenzocosa maluba. ³²Koma tiligu na layi ziliye onongeke ndaba nimbeu zucaliwa mocelwa. ³³Mose pecisiya Farao na mzinda, etambuluka manja bake kwa Yehova: Kugunda na matalala veleka, na mvula iliyopone soti.³⁴Farao peciona kuti mvula, matalala, na kugunda veleka, ecimwa soti nokosesha mtima wake, pamozi na anchiito bake. ³⁵Mtima wa Farao wekoseshewa, ndipo soti aliye leke banthu ba a Israeli kuluta, monga mwecilabilila Yehova na kwanja ya Mose.

¹Yehova eciti kwa MOse, "nkhoya kwa Farao pakuti nayumisha mtima wake na mitima ya banhtu ba nchito bake, nacita ici kuti nioneshe vizindikilo va mphamvu yangu pakati pao. ²Nacita soti ici kuti namwe muuzye bana banu na azukulu vinthu vanacita, muukali munacitila Aigupto, ndipo napeleka vizindikilo vinyinji vooneshela mphamvu zangu pakati pa beve. Munjira iyi ,muzibe kuti nine Yehova."³Mose na Aroni beluta kwa Farao nakuti kuli eve, "Yehova Mulungu, wa a Heberi, wanena ici: 'ukana kuzicefya pamenso pangu mpaka lini? baleke banthu bangu abekuya kuti akanipembeze. ⁴Koma ngati ukana kuti banthu abekuya, mvwaya, mailo nuketa zombe mcalo cako.⁵Likuzophimba pamenso pa calo cako conse nakuti paliye wati aaone nthaka. Likuzokulya kalikonse kepulumuka ku cimphepo. Likuzokulya cimuti ciliconse comela m'minda mwanu. ⁶Likuzozula m'mang'aanda mwanu, mwa bala onse banchito bako, na bala onse ba Aigupto- nicinthu cakuti auso kapena ambuya wako akaliye cionapo, paliye ceonekapo kucokela pa siku lenzepacalo mpaka lero.'" Ndipo Mose ecoka nofumapo pamenso pa Farao.⁷Banchito ba Farao beciti kwa eve, "uyu mutnhu ati chele misampha mpaka lini? lekani a Israeli abekya kuti akapembeze Yehova Mulungu wao, kapena muzindikila lini kuti Igipito waonongeka?" ⁸Mose na Aroni ebaleta kwa Farao soti, enena kuti kuli beve, "nhoyani mukapembeze Yehova Mulungu wanu. Koma bati balute niye bani?"⁹Mose eciti, "koma tibekuya na batontho-batontho na bakulu-bakulu, na bana basu anakazi. Tibekuya na gulu ya mbelele na gulu la ng'ombe zasu, pakuti tufunika kucita madyelero ya Yehova." ¹⁰Farao eciti kwa beve, "Lekani Yehova ankhale namwe, ngati namutaililani kuti mwakuya n bana abekya. Onani pakuti pali ciipa m'maganizo banu. ¹¹Yai! nkhoyani analume tyala pakati panu, na kupemebeza Yehova pakuti ndiye cafuma," ndipo Mose na Aroni bebacosa pa menso ya Farao.¹²Ndipo Yehova eciti kwa Mose, "tambasula kwanja lako pa calo ca Igipto ku zombe, lifwike nakulya comera cili conse, na cili conse cesala ku cimphepo." ¹³Mose etambasula ndodo yako pa calo ca Aigupto, ndipo Yehova eleta mphepo ya kum'mawa pa calo m'zuba na usiku. pikwecica m'mawa, mphepo yaku m'mawa yeleta zombe.¹⁴Ndipo zombe leluta paliponse mu calo ca Igipito na kuonekela mbali zonse za calo. Ndipo kucokela kale zenze zakliyo citikapo kuti pankhale gulu loteti la zombe mcalo, nakuti kuliye soti coteti cikaonekepo pavuli pa ici. ¹⁵Ndipo zombe iyi yephimba calo conse nakuti pansi pecita mdima. Ndipo yecilya vonse vomela mcalo na vipaso vose venze mu vimiti venze vesala pa nthawi ya cimphepo. Mcalo conse ca Igipito, kwenzeve camoyo cibisi comela, kepana cimuti comela m'munda.¹⁶Ndipo Farao msanga-msanga eita Mose na Aroni na nakuti, "nacimwila Yehova Mulungu na weo. ¹⁷Lomba apa, khululukila macimo bangu nthawi ino, ndipo upemphere kwa Yehova Mulungu wako kuti afumye imfwa iyi kwa neo." ¹⁸Mwaici Mose efuma no coka kwa Farao nopemphera kwa Yehova.¹⁹Yehova elta mphepo yamphamvu ngako yofumila ku m'mazulo yenyamula zombe na kuyolitaya mu nyanja ya Mshanga: kwenzve zombe olo imozi yesala mu calo conse ca Igipito. ²⁰Koma Yehova eyumisha mtima wa Farao, ndipo Farao aliye vomele kuti a Israeli alute.²¹Ndipo yehova eciti kwa Mose, "tambasula kwanja lako ku mitambo, kuti pankhale mdima pa calo ca Igipito, mdima wakuti ungamvwike." ²²Mose etambasula kwanja lake cakumtambo, ndipo penze mdima witmba pa calo conse ca Igipito kwa masiku atatu. ²³Kwenzeve enzoona muyake; paliye efuma m'nganda mwake kwa masiku atatu. Mwakuti, onse a aIsraeli kwenze kutuba kumalo bao kwabenznkhala.²⁴Farao eita mose nakuti, "nkhoya kapembeze Yehova. Na mabanja baoko ulute nao, koma mbelele na ng'ombe zisale kuvuli. ²⁵Koma Mose eciti, "tiloleni seo tipeleke nsembe na nsembe zoshoka kuti tipeleke kwa Yehova Mulungu wasu. ²⁶Ng'ombe zasu zibekuya na seo; pasankhale ciblogodo kapena cimozi kuvuli, tufunika tizitole pa kopembeza yehova Mulngu. Ndipo pakuti tuziba lini vatufunikila kupembeza navo mpaka tifwike kwamene kula.²⁷Koma Yehova eyumisha mitima wa Farao, nakuti abalole lini kuti babekuya. ²⁸Farao eciti kwa Mose, "coka kwa neo! nkhala chelu pa cinthu cimozi, kuti usanione soti, pakuti siku lati ukaone cinso cangu, ukokufwa." ²⁹Mose eciti, "weo weka wakamba, nizacione lini soti cinso cako."

¹Ndipo Yehova eciti kwa Mose, "kukali soti mliri wati nilete pa Farao na Aligupto. Vikapita ivi akakuloleni mubekuya kufuma kuno. Posilizyila Akakuloleni kuti mubekuya, akakupilikisheni monse. ²Lamulila mwanakazi na mwanalume kuti asenge wakunkhala naye pafupi viya va siliva na viya va golide." ³Lomba Yehova epangisha Aigupto kunkhala oofuna kukondwelesha a Israeli. Koma soti, uyu munthu Mose enz okondwelesha m'menso mwa banchito ba Farao na banthu bamu Aigupto.⁴Mose eciti, "yehova olabila ici, "Pakati pa usiku nikayende-yende mu Aigupto. ⁵Onse oyamba kuvyalika mu calo ca Aigupto babafwe, kuyambila oyamba kubadwa wa Farao, onkhala pa mpando wake wa cimfumu, kufwikila woyamba kubadwa wa kapolo mwanakazi ali kuvuli kwa mphero kupera, kufwikila ku vibeto voyamba kubadwa.⁶Ndipo kunkhale kulila kukulu ngako kuzungulila calo conse ca Aigupto, uko kukaliyocitikapo nakale lonse ndipo kukacitkikepolini soti. ⁷Koma olo imbwa ikauwepo lini soti aliyense wa banthu ba a Israeli, kapena kuuwapo munthu olo nyama. Munjila iyi mukazibe kuti nukutolani mosiyana ba Aigupto na ba Isareli. ⁸Banchito bako bonse aba, Farao, akawele kwa neo nakunigwadila. Bakanene kuti, 'nkhoya, weo nabanthu bonse okukonkha!' vikayopita ivi nikacokeko." Ndipo ecoka kwa Farao naukali ukulu.⁹Yehova eciti kwa Mose, "Farao akakumvwilile lini, cikabe teto kuti nikacite vodabwisha vinyinji mu calo c Aigupto." ¹⁰Mose na Aroni becita vodabwisha ivi pmenso pa Farao, koma Mulungu eyumisha mtima wa Farao, ndipo Farao aliye baleke banthu ba Israeli kuti bafume mcalo cake.

¹Yehova eciti kwa Mose na Aroni ku calo ca Aigupto. Eciti, ²"kwa mweo, uno mwezi unkhale mwezi woyamba, mwezi woyamba kwa mweo.³uzya msonkhano wa Aisraeli, pa siku la teni mu mwezi uno ofunika aliyense atole mbelel olo kamwana kambuzi kwa eve yeka, mbanja iliyonse kucita ici, mbelele pa banja iliyonse. ⁴Ngati banja niitontho pa mbelele imozi, munthu na wali naye pafupi ofunika kuti atole mbelele olo nyama ya kamwana ka mbuzi yamene tit inkhale yokwanila pa banthu. Yufunika kuti ikhale yokwanila kuti aliyense alye. Yufunika kukhala yokwanila kuti aliyense akwanile kulya. Moteto ofunika kutola nyama yokwanila kuti kulyesha onse⁵Mbelele kapena mbuzi yanu yufunika kuti inkhale iliye kalema yacak cimoziyanalume. Mufunika kutola mbelele kapena mbuzi. ⁶Mufunika kukasunga mpakila siku ya fotini ya mwezi uyo. Ndipo gulu yonse ya Aisraeli yufunika kupaya nyama izi mcingulo. ⁷Mufunika mutoleko ngazi iyakine nakuiika ku mabli zibili za ciseko na palulu pa ng'anda mwati mukalyele nyama. ⁸Mufunika kuti mulye nyama usiku wamene uyo, mukashokako pa mulilo mulye na buledi uliye cofufumisha, pamozi na mankhwala obaba.⁹Musalye ibisi kapena yopika na manzi. M'malo mwake, mushoke pamulilo pamozi na mtutu, mendo na vamkati. ¹⁰Musalole kuti iyakine isalepo mpaka m'mawa. ¹¹Niye mwamene mufunikilo lyela, na bande wanu womanga, nsapato zili ku mendo, na ndodo yanu ili mumanja. Mufunika kulya msanga-msanga, nipasika wa Yehova.¹²Yehova ekamba ici: Nikalute ku calo ca Aigupto usiku wamene uyo nakuononga onse woyamba kubadwa ba banthu na vinyama mu calo ca Aigupto. Nikalete vilango kwa milungu yonse ya Aigupto. Nine Yehova. ¹³Ngazi ikabe cizindikilo pa ng'anda yanu pa kuwela kwangu kwa mweo nikaone ngazi, nikakupitilileni mweo nakoonaga calo ca Aigupto. Uyu mulili ukafwikelini kwa mweo kuyokuonongani. ¹⁴Siku iyi ikabe yacikumbusho kwa mweo, yamene mufunika kusunga monga phwando ya Yehova; kwa mibadwo yanu- kuti cinkhale conkhazikisha cosasila.¹⁵Mukalye buledi uliye cofufumisha kwa masiku seveni. P siku layamba mukacose cofufumisha mng'anda yanu. Aliyense wakulya buledi uli na cofufumisha kucokela pa siku loyamba mpaka pa siku la seveni, uyo ofunika afumyiwe pakati pa Asiraeli. ¹⁶Pa siku yoyamba kukabe kusonkhana kwamene kuli koatulika kuli neo, ndipo pa siku la seveni kukabe kusonkhana monga kwamene uko. Kuliye nchito yati ikokatiwa pa masiku aba, kucosako tyala kupika kuti aliyense alye. Iyo niye nchito yeka yati ikokatiwa na mweo.¹⁷Mufunika kusunga mwambo wa buledi uliye cofufumisha cifukwa yenze siku iyi kuti neleta kupatukana kwanu ku calo ca Aigupto. Mufunika kusunga siku nthawi yonse ya mibadwo wa banthu banu monga lamulo yosasila. ¹⁸Mufunia kulya buledi uliye cofufumisha kufumila mcingulo mpaka, pasiku la fotini mu mwezi woyamba wa caka mpaka pakati pa siku la twenti wanu mu mwezi.¹⁹Mu nthawi ya masiku sevenimusapezeke cofufumisha mung'anda mwanu, aliyense wakulya cofufumisha ofunika acosewe pakati pa bana ba Aisraeli, olo kuti uyo munthu ni owela olo ebadwa ku malo kuno. ²⁰Musalye kanthu kopangiwa na cofufumisha. Kulikonse kumwankhala mufunika kuly buledi uliye cofufumisha'"²¹Ndipo Mose eita analume onse ba Aisrali na kuti kwa beve, "nkhoyani mukasankhe mbelele kapena tubana twati tukankhale tokwanila kulyesha mabanja banu ndipo mupaye mbelele ya mphwando. ²²Ndipo mutole mulu wa sope na kuciika mu ngazi yamene ili mu cikaye. Pakani ngazi mucikaye palulu pa ciseko na palulu na mumbali mwa ciseko mubili. Paspezeke wakuya panja pa ciseko cake mpaka m'mawa.²³Pakuti Yehova apite pakati pa Aigupto. Akayoona ngazi palulu pa ciseko na mbali mwa ciseko, akapitilile ciseko canu ndipo sazalola woononga kuloba mung'anda mwanu nakuononga mweo.²⁴Mufuniika kusunga cinthu ici. Ici cinkhale lamulo kwa mweo na bana banu. ²⁵Mukayoloba mu malo yamene Yehova okupasani mweo, monga mwecilonjezela kucita, mufuniko sunga mapembezo aba.²⁶Pamene bana banu bakakukonsheni, 'nanga kutumikila uku kwa mapembezo mkotyani?' ²⁷ndipo mukati, 'nicopeleka ca pasika wa Yehova, cifukwa Yehova epita pa mang'anda ba Aisrali mu Igipito pamene enyata Aigupto. Emasula mang'anda basu.'" ²⁸Ndipo banthu bebelamisha cinso cao pansi naukupembeza Yehova. Aisraeli eluta nakucita kulingana Yehova elamulila Mose na Aroni.²⁹Cecitika pakati pa usiku kuti Yehova enyata onse bana boyamba ba mcalo ca Igipito, kuyambila mwana woyamba wa Farao, wonkhala pa mpando wake wa cimfumu, kufwika ku mwana woyamba wa wala ali kujere na ku vobeta vonse yoyamba. ³⁰Farao euka usiku- eve, na banchito bake, na Aigupto wonse. Kwenze kulila kokuwa mu Igipito, pakuti kwenzeve yenzeve munthu wakufwa³¹Farao eita Mose na Aroni usiku nakuti, "nyamukani, fumani pakati pa banthu bangu, weo na Aisraeli nkhoyani kapembezeni Yehova muwelabilila kuti ufuna kucita. ³²Nyamulani vobeta vanu, monga muwekambila, na kuya, ndipo munidalise." ³³Aigupto benze ofulumila ngako kubafumya kunja kwa malo, pakuti beciti, "titifwe tonse."³⁴Ndipo banthu betola fulaulo uliye cofufumisha na vapongilamo vao venze vomanga kale mu vovwala vao pamaphewa. ³⁵Lomba banthu ba Aisralei becita moga Mose ebauzyila. Besenga aigupto za viya va siliva, na viya va golide, na vovwala. ³⁶Yehova epanga Aigupto okonzeka kubakondwelesha a aisraeli. Teto Aigupto ebapsakalikonse kabepepha. Munjila iyi, Aisraeli ebalonda Aigupto.³⁷Aisraeli beyenda kufumila ku Rames mpaka ku Sukoti, benze monga 600,000 analumeoyenda na mendo, na kuikilapo anakazi na bana. ³⁸Gulu la banthu osakanizika beluta nao, pamozi na mbelele na ng'ombe, gulu ikuleni ya vobeta. ³⁹Bepika buledi uliye cofufumisha mu fulawo weleta Aigupto. Wenze uliye cofufumisha cifukwa becosewa kuli Aigupto ndipo baliye celwe kukonza cakuya. ⁴⁰A israeli bankhala mcalo ca Igipto kwa zaka 430.⁴¹Posila kwa zaka 430, pa siku lamene yala, magulu onse bankhondo ba Yehova efumamo mcalo ca Agupto. ⁴²Uyu wenze usiku wonkhala m'menso, pakuti Yehova obafumya mcalo ca igipito. Uyu wenze usiku wa Yehova kuti a Israeli onse na mbadwe wao aonelele.⁴³Yehova eciti kwa Mose na Aroni, "Iyi niye lamulo la siku la pasaka: Pasankhale owela kuzokulya kutolako mbali pakulya. ⁴⁴Mwaici, kapolo aliyense wa Israeli, oguliwa na ndalama, ngalye ngati mwamcita mdulidwe.⁴⁵Owela na banchiito ofunika lini kulya cakulya ciliconse. Cakulya mufunika kuti mukolyela mng'anda immozi. ⁴⁶Mufunika lini kunyamula nyama iliyonse kufuma nayo panja pa ng'anda, ndipo mufunika lini kuphwanya bonzo yake iliyonse.⁴⁷Gulu lonse la Aisrali lufunika kusunga siku la phwando. ⁴⁸Ngati owela onkhala na mweo ofuna kusunga siku la pasaka kwa Yehova, azibululu bake onse analume ofunika kucita mdulidwe. ndipo angawele angawele kuzoisunga. Ankhale monga ni banthu bebadwila mu malo yamene ayo. Mwakuti, munthu osacita mdulidwe asalye cakulya ico ciliconse.⁴⁹Iyi lamulo yuyenela kwa tonse obadwa muno olo alwendo onkhala pati pasu." ⁵⁰Moteto onse a Israeli becita kulingana na mwamene Mulungu elamulila Mose na Aroni. ⁵¹Cecitika kuti siku yamene yala kuti Yehova efmya a Israeli kunja kwa calo ca Aigupto na gulu yao ya nkhondo.

¹Teto Yehova elabila na Mose kuti, ²"Unipatulile bana onse analumeoyamba pakuti ciliconse coyamba kusegula mala mwa aIsraeli nicangu, ankhale munthu kapen nyama."³Mose eciti ku banthu, "mukumbukile siku ili, siku lamwefuma mu Aigupto, kufuma mu ng'anda ukapolo, mwa kwanja la Yehova yamphamvu ekufumyani m'malo aba. Musalye buledi unacofufumisha. ⁴Mwafuma mu Aigupto lelo munomu mwezi wa Abibu. ⁵Yehova azokuletani mu malo ya Akenani na ya Hiti, na ya Amori, ya a Hivi, na ya Yebusi, malo yecilapila ku makolo banu kuti akakupeni malo ba mkaka na uci- mnkhalidwe wa mapembezo uno mwezi.⁶Kwa masiku seveni ulye buledi uliye cofufumisha, 'pasiku ya seveni kukabe phwando kulemekeza Yehoza. ⁷Buledi uliye cofufumisha ukolyewa masiku yonse yali seveni; pasakaoneke buledi unacocfufumisha pakati panu. Pasakoneke vofufumisha pakati pa malile banu.⁸Pa siku yala mukauzye bana banu, 'ivi ni kamba ka vecicita Yehova patefuma mu Aigupto. ⁹ici cikabe cikubusho pa kwanja lanu, na pamhumi panu. Ici cili teto kamba ka kuti lamulo la Yehova linkhale mkamwa mwanu. Pakuti na kwanja lake la mphamvu Yehova ekufumyani mu Aigupto. ¹⁰Mwaico musunge ili lamulo kufumila pa yaikika caka na caka.¹¹Yehova akakuleteni ku malo ya Akenani mwecilumbilila kwa mweo na makolo banu kuyocita, napati akape malo kwa mweeo, ¹²mufunika kumupatulila Yehova onse oyamba kubadwa m'mala mulimonse. nyama zonse zoyamba kubadwa zinalume, zikabe zake Yehova. ¹³Woyamba kubadwa mwa abulu mukomuombola na mwana wa mbelele. Ngati ulipila lini umthyole mkosi. Koma onse bana analume oyamba mufunika kuombola.¹⁴Akamkonshani mwana wanu mwanalume, kuti ivi vutanthauza cinji? mukamuuzye kuti, 'lenze kamba ka kwanja la Mulungu la mphamvu letifumya mu Aiguto, kufuma mu ng'anda ya ukapolo. ¹⁵Pecicita nthota Farao kuti atilekelele, Yehova epaya onse oyamba mu Aigupto, onse oyamba ku nyama na ku banthu. Nicifukwa nupeleka nsembe kwa yehova zonse zinalumezoyamba kubadwa koma onse bana bangu analume nuombola.' ¹⁶Ici cikabe cokumbushla pa kwanja lako na pa mphumi pako, kamba ka kwanja la mphamvu la Yehova letifumya mu Aigupto.¹⁷Farao pebalekelela banthu kuti abekuya, Mulungu aliyo basogolele munjila ya kumalo ya Afilisiti, ngakhale kuti ao malo benze pafupi, pakuti Mulungu eciti, "mwina banthtu angasinthe maganizo apita mu nkhondo agaawelele ku Aigupto." ¹⁸Yehova ebazungulusha ao banthu mu njila yamcipululu ku knyanja isweta. Aisraeli befuma mu Aigupto okonzekela nkhondo.¹⁹Mose enyamula mafupa ya Yosefe, pakuti Yosefe enze ebalumbilisha panganobana ba a Israeli, eciti, "Mulungu akakuthandizeni mweo mukanyamule mafupa bangu." ²⁰A israeli enyamuka kufuma ku Sukoti nakuyolala pa Etamu, penzolekezyela cipululu. ²¹Yehova ebasogolela mzuba na mkumbi, uski na mulilo. ²²Mu njila iyi enzoyenda usiku na mzuba. Yehova aliyo fumyepo mkumbi mzuba kapena nsandamila ya mulilo lusiku.

¹Ndipo Yehova elabila kwa Mose, kuti, ²"nena na banthu ba Israeli kuti beve awelele na kuyolala pafupi na Pihahiloti, pakati pa Migoli na nyanja mukaliye fwike ku Baala Zefoni. Mukalale pafupi na nyanja molangana na Baala Zefoni. ³Farao akanene za banthu ba Israeli, 'Beve eyenda cimuyuendela mu calo. Cipululu cabavalizyila beve.'⁴Nikayumishe mtima wa Farao, na kuti abakonkhe. nikalemekewe kamba ka Farao na bankhondo bakeonse. Banthu ba ku Aigupto bakazibe kuti nine Yehova." Teto bantu ba Israeli elala monga mwebauzyila. ⁵Payeuzyiwa mfumu ya ku Aigupto kuti banthu baku Asraeli beutuka, nzelu za Farao na banchito bake zeukila bala banthu. Beciti, "nicinji citacita? tamasula Israeli kufuma ku kutumikila."⁶Ndipo Farao etola ngolo zake noika pafupi nakutola bankhondo bake pamozi na eve. ⁷Etola ngolo zosankhiwa sikisi handiledi na ngolo zonse zamu Aigupto, na akulu-akulu ba nkhondo pa zonse. ⁸Yehova eyumisha mtma wa Farao, mfumu yaku Aigupto, ndipo mfumu yebakonkha banthu baku Israeli. Lomba a Israeli beluta mopambana. ⁹Koma Aigupto ebakonkha, pamozi na abulu na ngolo zao zonse, lokwela pa abulu na bankhondo bake. Ebapenza baku Israeli olala mu mabali mwa nyanja pafupi na Pihahiroti, molangana na Baala Zefoni.¹⁰Farao pecifwika pafupi , baku Israeli balanga kulu ndipo bedabwa. Baku Aigupto enzo bakonkha, nao ecimvwa owa. Baku Israeli belilila Yehova . ¹¹Beciti, kwa Mose, "nikamba ka kuti muliye manda mu Aigupto, kuti weo wetifumya kuti tizafwile mu cipululu? Waticitilanji coteti seo, kutifumya seo mu Aigupto? ¹²Nicamene lini ici citenzekuuzya mu Aigupto? tenze tikuuzya kuti, tileke seo, kuti tikabasenbenzele baku Aigupto.' Cingabe ca phindu seo kubasenela kusyana nakuti seo tifwile mu cipululu."¹³Mose eciti ku banthu, "osacita owa. Panamani nakuona cipulumuso cati yehova akucitileni lelo. Pakuti Aigupto aba bumuona lelo simukabaona soti. ¹⁴Yehova akunyatileni nkhondo, ndipo mweo mukabe tyala peneme."¹⁵Ndipo yehova ecti kwa Mose, "nicinji weo, mose, upitilizya kuita kwa neo? Auzye a Israelikuti bakuya pasogolo. ¹⁶Nyamula ndodo yako, no tambulula kwanja kwako ku nyanja na kugaba pa bali, kuti banthu ba Isareli bakapite pa nyanja poyuma. ¹⁷Nkhalani chelu kuti neo nikayumishe mitima ya Aigupto kuti akabakonkhe. Neo nikalemekezewe kamba ka Farao, na bankhondo bake bonse, ngolo zake, na okwela pa abulu. ¹⁸Ndipo a Aigupto akazibe kuti neo nine Yehova nikayotola ulemelelo kamba ka Farao, ngoo zake, na okwela pa abulu."¹⁹Mungelo wa Mulungu enzosogolela a Israeli, efumalo nowelela ku vuli kwao. Mukumbi wla wefumako kusogolo kwao nakuyo panama pavuli pao. ²⁰Mukumbi wiwela pakati pa gulu wa Aigupto na gulu la a Israeli. Wenze mukumbi ufupa kuli ba Aigupto, koma wenzotubisha usiku kuli ba a Israeli, teto kuti kulye mabliimozi iwela pafupi na iyake usiku onse.²¹Mose etambulula kwanja kwake palul pa nyanja. Yehova eiwezya nyanja na cimphepo cakum'mawa usiku one wala nopanga nyanja kunkhala nthaka yoyuma. mwanjila iyi manzi egabiwa. ²²Aisraeli eloba pakati pa nyanja pa nthaka yoyuma. Manzi ebngila cipupa ku kwanja kwao kwa kwendi na kumanjele.²³Aigupto ebakonkha. Ebakonkha pakati pa nyanja- onse abulu ba Farao, ngoo, na okwela p abulu. ²⁴Koma nthawi ya m'mamawa, Yehova elanga pansi pa bankhondo ba Aigupto kupitila mu mulilo na mukumbi. Eve ebangazimisha Aigupto. ²⁵Ma wilo ya ngolo zao befasa na oyendesha ebayendesha movutika. Teto Aigupto eciti, "tiyeni tibautuke A Israeli, pakuti Yehova obanyatila nkhondo yao na seo."²⁶Yehova eiti kwa Mose, "tambulula kwanja kwako pa nyanja koteto kuti manzi yawelele pa Aigupto, ngolo zao, na oyendesha ngolo." ²⁷Teto Mose tambulula kwanja kwake pa nyanja, yiwelela ku kayendedwe kake ku m'mawa. Aigupto eutukila mu nyanja ndipo yehova ebakhetela pakati pa nyanja. ²⁸Manzi yewelela nombizya ngolo za Farao, okwela pa abulu, na bankhondo bake onse benze bekonkha ngolo mu nyanja. Paliye epulumuka.²⁹Mwaici, a Israeli eyenda pa nthaka yoyuma pkati pa nyanja. manzi yence cipupa kwao ku kwanja kwa kwendi na ku kwanja laku manjele. ³⁰Teto Yehova epulusha aIsraeli si yala kuabafumya mu manya ya Aigupto, ndipo a Isralei eona Aigupto bakufwa mumbali mwa nyanja. ³¹Aisraeli peciona mphamvu ikulu yecisebenza Yehova kwa Aigupto, banthu elemekeza Yehova, nao bekhulupilila mwa Yehova na muwanchito wake Mose.

¹Ndipo Mose na mbanthu ba Israeli beimaba nyimbo iyi kwa Yehova. Beimba, "niimbe kuli Yehova, ndaba wapambana mwaulemelero; akavalo na okwela wake wabaponya mnyanja.²Yehova niye mphamvu zngu na nyimbo, wankhala cipulumuso cangu. Uyu niye Mulungu wangu, ndipo nimulemekeze, Mulungu wa atata, ndipo nimutamande eve. ³Yehova niwankhondo; Yehova ndiye zina lake.⁴Wataya galeta na bankhondo ba Farao mu nyanja. Analume osankhiwa ba Farao bembila mu nyanja isweta. ⁵Ndipo efwikilika ngako; embila nakukufwikilika monga mwala.⁶Kwnja kwanu kwendi, Yehova, nikwaulemelero mu mphamvu; kwanja kwanu kwendi, Yehova, kwaphwanya adani. ⁷Mu ukulu wanu mwegonjesa omuukilani, mwetumizya ukali; webashoka monga ciputu. ⁸Cifukwa ca mphepo mphuno mwanu manzi yeunjikana; manzi yoyenda yepanama; manzi ya ponoka yekosa mumtim wa nynja.⁹Mdyelekezi eciti, 'nibakonkhe, nibapitilile, nigabanishe zolondewa; ndipo kufuna kwangu kukakutilishiwe pa beve; nikasolole lupanga; kwanja kwangu kukabaononge.' ¹⁰Koma mwefuzilila mphepo, ndipo nyanja yebafwikila; bembila monga mtovu mu manzi ya mphamvu. ¹¹Nibani ali monga ni mweo, Yehova pakati pa milingu? nibani ali monga ni mweo, mkulu mtuba, wolemekezeka mu mapembezo, ocita vodabwisha.¹²Mwetambasula kwanja kwanu kwendi na calo cebamela. ¹³Mupangano lakuzipeleka kwanu mwasogolela banthu bamweombola. Mu mphamvu zanu mwabasogolela ku malo yanu yatuba kwamunkhala.¹⁴Banthu bakamvwe, ndipo bakanjenjemele; mantha yakabakate banthu baku Filistiya. ¹⁵Ndipo mamfumu yaku edomu yakabe na mantha; Asilikali baku Moabu akanjenjemele; onse banthu ba mu Kenai bakasunguke.¹⁶Mantha na kuyopa kukabaponele. Cifukwa ca kwanja lnu lamphamvu bakankhale ngati mwsala mpaka banthu banu bakapite, Yehova- mpaka banthu bamweombola- bakapite.¹⁷Mukabalete na kubacala pa lupili la coloba canu, pa malo, Yehova, yamene mwepanga ku nkhalamo, malo atuba, Ambuye, yamene manja yanu yepanga. ¹⁸Yehova alamulile ufumu wamuyaya."¹⁹Akavalo a Farao eyenda na magaleta na okwel akavalo xmu nyanja. Yehova ewezyela manzi yamunyanja pali beve. Koma bana ba Israeli beynda poyums pakati pa nyanja. ²⁰Ndipo Miriamu muneneri, mulongosi wa Aroni, etola lingaka, na azimai onse befuma namalingaka, kuvina na eve. ²¹Miriamu ebaimbila: "imbilani Yehova, pakuti wapambana mwaulemelero. Kavalao na okwelapo wake waponyewa mnyanja."²²Ndipo Mose eyendesha bana ba a Israeli kufuma ku nyanja. Beluta mu cipululu ca Shuri. Beyenda masiku yatatu osapeza manzi. ²³Ndipo bewela ku Mara, koma bakangiwa kumwa mazni kula cifukwa manzi yenze yobaba. Teto malo yala beyaita kuti Mara.²⁴Teto banthu bendaula kwa Mose kuti, "titimwe cinji?" ²⁵Mose elira kwa Yehova ndipo Yehova emulangizya cimuti. Mose eciponya mu manzi ndipo manzi yenzuna kuyamwa. Ndipo nikula kwamene Yehova ebapasa lamulo, lamphamvu, ndiye pamene ebayesa. ²⁶Eciti, "ngati mukamvwesheshe ku mau ya Yehova Mulungu wanu, nakucita vakufuna mu menso yake, ndipi nakumweshesha malanuro yake nakuyakonkha yonse malamuro nikaikelini matenda aliyonse yaneika paba Aigupto, neo nine Yehova nupolesha matenda yanu."²⁷Ndipo banthu bewela ku Elimu, kwamene kwenze nyenje za manzi twekufu na vimiti va kanjeza sevente. Ndipi bepanga misasa mumbali mwa manzi.

¹Banthu bepitilizya ulwendo kufuma ku Yelimu, na gulu la a Israeli yewela ku cipululu ca Sini, camene cili pakati pa Yelimu na Sinai, pa siku la fifitini mu mwezi wacibili pibefuma ku calo ca Igipito. ²Gulu lonse la a Israli ledandaula nao Mose na Aroni mu cipululu. ³A israeli beciti kwa beve, "sembe tengokufwa tyala na kwanja la Yehova mcalo ca Igipito patenzonkhala ku mapoto ya nyama na kulya buledi nokuta. Pakut imweo mwetifumya notileta mcipululu nopaya gulu lonse na njala."⁴Lomba Yehova eciti kwa Mose, "nikulokwesheleni buledi kufuma kululu. Banthu balute kunja nounjika yokwana siku limozi pa siku iliyonse kuti nibayese kuti nione ngati bangayende m'malamulo yangu kapena yai. ⁵Cizacitike kuti pa siku la sikisi, bazaunjike kabili kulingana na mwakuunjikila masiku yakuvuli, nakupika vati bakalete."⁶Mose na Aroni beciti ku banthu onse ba a Israeli, "mcingulo mkoziba kuti ni Yehova wakufumyani mcalo ca Agupto. ⁷M'mawa mukoona ulemerelo wa Yehova ndaba akumvwa kudandaula kwanu kumudandaula pali eve. Nise bani seo pamudandaula pali seo?" ⁸Mose naye eciti, "muzibe ici kuti Yehova akakupaseni nyama mcingulo na buledi m'mawa vokutika- ndaba wamvwa madandaulo yamudandaula pali eve. Neo na Aroni nise bani? madandaulo banu bali lini pali seo; koma bali pali Yehova."⁹Mose eciti kwa Aroni, uzya gulu la a Israeli, 'welani pafupi pali Yehova, wamvwa madandaulo banu.'" ¹⁰Cecitika kuti, pecilabila Aroni ku gulu la banthu ba a Israeli, kuti belanga cakucipululu, ndipo, langani, ulemelero wa Yehova weonekela mumtambo. ¹¹Ndipo Yehova elabila kwa Mose, kuti, ¹²"namvwa madandaulo ya banthu ba Aisraeli. Labila nao nakuti, 'mcingulo mulye nyama, na m'mawa mukute na buledi. Niye pati muzib kuti nine Yehova Mulungu wanu.'"¹³Cecitika kuti mcingulo kwewela akwale nozula pa malo. M'mawa, mame yeonekela kuzunguluka pa malo. ¹⁴Payesila mame, pamalo pala ponse pamsasa peoneka kanthu kamtika oyonda monga cifulele pansi. ¹⁵Pamene banthu ba Aisralei pebeona izi, bekonshana, "nicinji ici?" baliye cizibe kuti nicini. Mose eciti kwa beve, "nibuledi wakupasani Yehova kuti mulye.¹⁶Iyi niye lamulo lawaika Yehova: 'muunjike aliyense wa mweo, yamufunika kuti mulye monga mwa njala yanu, oma imozi pa munthu wa namba ya banthu banu. kumu niye mwati muunjikile, muunjike zokwana munthu aliyense onkhala mtenti mwanu.'" ¹⁷Banthu ba Aisraeli becita teto. bayakine beyola vinyinji, bayaikene beyola tutontho. ¹⁸Pabepima na oma, bala beyola vinyinji viliye saleko, na bala beyola tutontho balliye pelebele. Munthu aliyense eunjika zokwanila kulingana na zenzofunikila¹⁹Mose eciti kwa beve, "pasapezeke munthu osunga mpaka m'mawa." ²⁰Mwakuti, baliye mumvwile Mose. Bayake mwa beve besunga mpaka m'mawa. Koma webala vikusi nonunkha. Ndipo Mose ekalipa nao. ²¹Benzounjika m'awa mulimonse. Munthu aliyense eyola wokwanila kulya pa siku ilo. Zuba ikashoka, venzosungunuka.²²Cecitika kuti pa siku la sikisi beyola kabili kulinganizya na buledi ueyola, ma oma yabili pa munthu umozi. Osogolela ba gulu ili onse bewela kuzomuuzya Mose. ²³Eciti kwa beve, "izi niye zolabila Yehova. mailo nikypumula, sbata yabwino kulemeza Yehova. Pangani wamufuno panga tapatishani wamufuno tapatisha. Wosalila onse muzisungile mpaka m'mawa.'"²⁴Teto besunga mpaka m'mawa, monga mwecibauzyila Mose. Ilyenunkhe, navikusi mwenzeve. ²⁵Mose eciti, "Lyani cakulya ico lero, ndaba lero ni siku yopatulika kulemekeza Yehova. Lero muipeze lini m'minda.²⁶Mukoyola m'masiku sikisi, koma siku la seveni ni sabata. Pasabata kukonkhala lini mana." ²⁷Cecitika kuti pa siku la seveni bakine beluta kuyoyola mana, koma baliye yapeze.²⁸Yehova eciti kwa Mose, "mukane kangati kusunga malamulo bangu? ²⁹Langani, Yehova wakupani sabata. Teto pa siku la namaba sikisi okupani buledi wa masiku yabili. Aliyense wa mweo ofunika kunkhala m'malo mwake; pasankhale munthu ofuma pa malo pake pa siku la seveni." ³⁰Moteto banthu bepumula pa siku la seveni.³¹Banthu ba a Israeli beita vakulya ivo kuti "Mana." yenze ituba monga mbeu ya koliyanda, mukailaba mkamwa yenzomvika monga mwaikako uci. ³²Mose eciti, "ici niye cawalamula Yehova: lekani oma imozi ya mana isungiwe ku mibabwo ya banthu kuti bana banu bakaone buledi wa nekundyeshani mcipululu, panekufumyani ku calo ca Aigupto.'"³³Mose eciti kwa Aroni, "tola poto uikemo oma imozi ya mana. Uisunge pamennso pa Yehova kuisungila mibadwo yonse ya banthu." ³⁴Monga mwecilamulila Yehova Mose, Aroni esunga kumbali kwa cipangano mlikasa. ³⁵Banthu ba a Israeli becila mana zaka fote mpaka befwika m'malo onkhalamo. Becilya mpaka kufwika ku malire ba calo ca Kenani. ³⁶Lomba oma ni cimozi ca zili teni za efa.

¹Gulu yonse ya Aisraeli yeenda ulwendo kufumila ku cipululu ca sini, mokonkha malamulo ya Mulungu, Nolala pa Refidimu, koma peneve manzi kuti banthu bamwe. ²Koteto kuti banthu bedandaula na Mose pa cecitika na kuti, "Tipase manzi kuti timwe." Mose ecit, "mukangana nane ndaba cinji? Mumuyeselanji Yehova?" ³Banthu benze na njota ngako, ndipo bedandaula mosushana na Mose. Beciti, "Waticoselanji mu Aigupto? kuti utipaye na bana basu na vibeto vasu na njota?"⁴Ndipo Mose elilira Yehova, "nicite tyani na banthu aba? Pakuti ni okonzeka kuti baniteme myala. ⁵Yehova eciti kwa Mose, "Batangulile aba banthu , utole analume ba israeli. Utole ndodo yati ukanyatile mumkolo, ndipo nkhoya. ⁶Nikapaname pafupi na weo pa mwala pala pa Horebe, ndipo weo ukanyate pa mwala . Manzi yakafume mwamwene kuti bantu bakamwe." Ndipo Mose ecita teto pamenso pa analume ba Israeli. ⁷Eita malo bala Masa na Meriba kamba ka kudandaula kwa Israeli, na kuti beyesa Ambuye ponena kuti, "Ko Yehova ali pakati pasu kapena yai?"⁸Ndipo gulu kla nkhondo la Amaleki lewela na kubanyata ku Refidimu. ⁹Teto Mose eciti kwa Yoswa, Sankha aanalume na kufua, nyatanani nao Amaleki. Mailo nikapaname palulu pa lupili na ndodo ya Mulungu m'manja mwangu." ¹⁰Teto Yoswa ebanyata Amaleki monga mwemuuzyila Mose. Pamene Mose, Aaroni, na Huri bekwela palulu pa lupili.¹¹Pamene Mose enzonyamula manja bake mululu, Israeli enzopambana; koma akaika manja bake pansi kuti apumule, Amale benzoyamba kupamba. ¹²Pamene manja ba Mose belema, Aroni na Huri betola mwala nakuika pansi pake kuti ankhale, pa nthawi yamene iyo, Aaroni na Huri bemkata manja yake kuti yabe mphela mululu, mutnhu m'mozi ku mbali yake imozi, na muyakine ku mbali iyakine. Teto manja ya Mose yekatililiwa mpaka mcingulo. ¹³Teto Yoswa egonjesa Amleki na lupanga.¹⁴Yehova eciti kwa Mose. "lemba ici mu buku, nakubelenga Yoswa akumvwa, kamba ka kuti nikafafanizeniziretu cikumbukilo ca Ameleki pansi pa mkumbi. ¹⁵Ndipo Mose emanaga guwa la nsembe nakuliita kuti, "Yehova ndiye ndembel yangu." ¹⁶Eciti, "pakuti kwanja lenyamuliwa ku mpando wa Yehova nakuti Yehova akayambe nkhondo na Amaeki kufumirsa ku m'mbadwe mpaka ku m'mabadwe."

¹Yetero, wansembe wa Midiani mpongozi wake wa Mose, ecimvwa vonse vecita Mulungu kwa Mose na banthu baku Israeli. Ecimvwa kuti Mulungu wafumya banthu ba Israeli mcalo ca Igipito. ²Yetero mpongo wa Mose, etola Zipora mwanaka wa Mose, pavuli pomtumizya ku ng'anda, ³na bana bake analume abili; zina ya mwanawake mwanalume enze Geresomo, pakuti Mose enzeciti, "nenze mlwendo mcalo cacilwendo." ⁴Ndipo zina la muyakine enze Eliazara, pakuti Mose eciti, "Mulungu wa makoloo bangu enze thandizo langu. Enipulumusha ku lupanga la Farao."⁵Yetero, mpongozi wa Mose, ewela na bana abili analume na makazi wake wa Mose kwa Mose mu cipululu kwamene kwenze manga misasa ku lupili la Mulungu. ⁶Eciti kwa Mose, "neo mpongozi wakoYetero, nukuza kuli weo na mkazi wako na bana bake analume abili."⁷Ndipo Mose eluta kuyokumana na apongozi bake, ndipo ebelama pansi, na kumpyopyontha. Bekonshana za umyo na kuyoloba mu tenti. ⁸Mose euzya apongozi bake vonse vecita Yehova kwa Farao na Aigupto cifukwa a Isaeli, na vopinga vonse venze vebapekera mnjira, na mwamene Yehova ebaombolela.⁹Ndipo Yetero enze osangalala pa vabwino vonse vecita Yehova pali a Israeli, kuti ebaombola ku kwanja la a Aigupto. ¹⁰Yetero eciti, "Lekani Yehova atamandike, pakuti wakuombolani ku kwanja la Aigupto na la Farao, na kumasula banthu ku kwanja la Aigupto. ¹¹Lomba nuziba kuti Yehova niopambna pa milungu yonse, cifukwa Aigupto pabenzonzunza a Israeli mwankhanza, Mulungu waombola banthu bake."¹²Yetero, mpongozi wa Mose, eleta nsembe yoshoka na copelekakuli Mulungu. Aroni na asogoleli ba a Israeli bewela kuzokulya cakulya pamenso pa Mulungu pamozi na apomgozi bake Mose.¹³Pa siku lokonkhapo Mose enkhala pansi kuweruza banthu. Banthu bepanama kumzungulila kucokela m'mawa mpaka mcingulo. ¹⁴Pamene mpngozi wa Mose peciona vonse vetila banthu, eciti, "nanga vaucita ku banthu nivinji? nanga nicinji caunkhalila weka na banthu onse kuimilira kukuzunguluka kucoka m'mawa mpaka mcingulo?"¹⁵Mose eciti kwa apongozi bake, "banthu akuza kwa neo kuzofuno ziba njira za Mulungu. Ngati basiyana maganizo, bakuza kwa neo. ¹⁶Ndipo nuweruza pakati pamozi na muyake, ndipo nubaphunzisa njira za malamulo ba Mulungu."¹⁷Mpongozi wake Mose eciti kwa eve, "vaucita vili lini bwino ngako. ¹⁸Uzibebeshe weo weka, weo n banthu bauli nao. Ici nicolmesha cikulu ngako kwa weo. Weo ungakwanilishe lini kucita nchito iyi pa weo weka. ¹⁹Mvwaya kwa neo. Nikupase uphungu, ndipo Mulungu abe na weo, cifukwa niwe oimilira banhu kwa Mulungu, nakuti ubaletela zovuta zao kwa eve. Ufunika ubaphunzise njira na malamulo. ²⁰Ufunika kubaonesha njira yoyendelamo na nchito yofunika kucita.²¹Moonjezela, usankhe analume angakwanishe kufuma mu banthu, analume olemekeza Mulungu, analume bacilungamoozondana na dipo losalungama. Ubaike oyang'anila banthu, abe asogoleri pali masauzande, mahandiledi, mafifite, nama teni. ²²Bakoweruza banthu mu nkhani za siku na siku, koma milandu yovuta akoileta kuli weo. Koma kwa milandu itontho-itontho bangoweruza beka na beka. Munjira iyo cikokupepukila, ndipo banyamule nawe colema. ²³Ngati waciti ici, ngati Mulungu walamula kuti uciite ici, ndiye kuti ukwanilishe kupilira. na banthu onse bakoluta ku ng'anda okhutila."²⁴Ndipo Mose ecimvwa mau onse becimuuzya apongozi bake nakucita vonse vecimuuzya. ²⁵Mose esankha analume oyenela kucokela mwa a Israeli nobaika kuti ankhale asogoleri ba banthu, oyang'anila masauzande, mahandiledi namateni. ²⁶Beweruza banthu mu njira yabwino nthawi zonse. Nkhani zikulu-zikulu benzileta kwa Mose, koma beve benzoweruza milandu itontho-itontho. ²⁷Ndipo Mose elola apongozi bake kuti abekuya, ndipo Yetero ewelaramo ku calo cake.

¹M'mwezi wa citatu banthu ba Isaraeli pecifuma kucokela ku calo ca Aigupto, pa siku lamene ilo, ewela ku cipululu ca Sinai. ²Pecifuma ku Refidimu nakuza ku cipululu ca Sinai bankhala mcipululu ca Sinai pasogolo pa lupili.³Mose ekwela kwa Yehova. Yehova emuita kufumila ku lupili na kuti, "ufunika kubauzya ba ng'anda ya Yakobo, banthu ba Israeli: ⁴Weona cinecita kuli ba Aipto, mwinekunyamulila pa mapapiko ya nkhwazi nokuletani kwa neo neka. ⁵Ndipo lomba, ngati unimvwe ku mau bangu nakusunga pangano yangiu, ndipo munkhale cuma cangucapadela kufuma pakati pa banthu onse, pakuti calo cose ni cangu. ⁶Mukabe ufumu wa ansembe na calo cangu cituba. Aba niye mau bati ukalabile ku banthu ba Israeli."⁷Ndipo Mose ewela na kulabila na akulu ba banthu, ebaikila pamenso pao mau aba onse amene Yehova bamulamulila. ⁸Banthu onse eyankha ndipo eciti, "Ticite zonse ziwalbila Yehova." Ndipo Mose ewela na kuuzya Yehova mau yelabila banthu. ⁹Yehova eciti kwa Mose, "nikawele kwa weo mu mtambo wotikama teto kuti banthu bakanimwe pati nikolabila na weo kuti akakhulupilile nthawi zonse." Ndipo Mose emuuzya Yehova mau ya banthu.¹⁰Yehova eciti kwa Mose, "nkhoya ku banthu. Lero na mailo ufunika unipatulile beve, ndipo asuke vovwala vao. ¹¹Ukonzekele siku la citatu, pakuti pa siku la citatu Yehova akaseluke pansi pa lupili la Sinai.¹²Ubaikile malile bantu kuzunguluka lupili ulabile nao, 'nkhalani chel kuti musalute kukwela ku lupili mkapena kukumyamalile bake. Aliyense wati akakumye lupili cendi akafwe.' ¹³Kwanja la munthu aliyense lufunika lini kukumya munthu uyo. m'malo mwake, cacendi ofunika kutemewa mwala kapena kumulasa. Ngakhale ni cibeto kapena munthu, ofunika apaiwe. Pamene lipenga ikamvwika kwa nthawi itali, bangawele mnyansi mwa lupili."¹⁴Ndipo MOse eseluka pansi mulupili na kuya ku banthu. Epatulila banthu kwa Yehova ndipo besuka vovwala vao. ¹⁵Eciti ku banthu, nkhalani okonzeka pa siku la citatu; musalute kufupi na anakazi banu."¹⁶Pa siku lacitatu, pimwenze m'mawa, kwenze tuleza na kugunda na mtambo wotimba pa lupili, ndipo na mau a lipenga omvwika ngako. Banthu onse mu misasa enjenjema. ¹⁷Mose ebafumya banthu kunja kwa misasa kukumana na Mulungu, ndipo bepanama mnyansi mwa lupili. ¹⁸Lupili la Sinai lenze levwinikilika na cusi cifukwa Yehova eseluka pa leve mu mulilo na mu cusi. Cusi cekwela monga cusi ca mng'anjo, na lupili lonse legwendezeka mwa congo.¹⁹Mau ba lipenga penzo kulilako-kulilako, Mose elabila, ndipo Yehova emuyankha m'mau. ²⁰Yehova eseleuka pa lupili la Sinai, palulu pa lupili, noita Mose palulu. Teto Mose ekwela. ²¹Yehova eciti kwa Mose, seluka kabacenjezye banthu; pakuti anagazikakamizye kwa Yehova kuti akamuone, ndipo anyinji mwa beve angaonongeke. ²²Leka ansembe soti bala owela pafupi kwa neo azipatule beka- azikonzekele kuwela kwangu- teto kuti nisabasule."²³Mose eciti kwa Yehova, "banthu angawele lini ku lupili la Sinai, pakuti mwetilamulila: 'ika malile malileozunguluka lupili nakuipatula kwa Yehova.'" ²⁴Yehova eciti kwa eve, "nkhoya seluka ndiponukwele naye Aroni, koma ulsalola ansembe na banthu kupita ku kwela kwa Yehova, pakuti angabaononge." ²⁵Teto Mose eseluka kuya ku banthu na kukulabila nao.

¹Mulungu ekamba mau ons aba: ²"nine Yehova Mulungu wako, amene nekufumya mcalo ca Aigipito, kufuma mng'anda ya ukapolo. ³Musankhale na milungu iyakine pamenso pangu.⁴Usapange cosema ciliconso kapena colingana na cilingana na ciliconse cili mululu kapena cili pa calo ca pansi kapena pansi pa manzi. ⁵Mufunika lini kuvigwadile kapena kuvipembeza. Pakuti neo, Yehova Mulungu wako, nine Mulungu wansanje. Nupasa cilango ku viipa va makolo poleta cilago ku bana, ku mbadwo wa citatu na wa folo ku bala onizonda. ⁶Koma nulangizya cikondi asauzande kwa bala onikonda nakusunga malamulo bangu.⁷Musatole zina la Yehova Mulungu wan, patyala, pakuti nikamuyese lini wosacimwa aliyense otla zina langi patyala.⁸Kumbukila siku lla sabata, kunipatulila neo. ⁹Ufunika kukata nchito na kusilizya mu masiku sikisi. ¹⁰Koma siku la seveni ni sabata ya Yehova Mulungu wako, pa iliusakate nchito iliyonse, weo, kapena mwana wako mwanalume, kapena mwana wako mwanakazi, kapena wanchito wako mwanalume, kapen wanchito wako mwanakazi, kapena vibeto kapena mlwendo ali pamlyango panu. ¹¹Pakuti mu masiku sikisi Yehova epanga kululu na pansi, nyanja, na vilivonse vilimo, na kupumula siku la seveni. Moteto Yehova edalisa siku la sabata naklulipatula.¹²Lemekeza auso na anyoko, kuti unkhalishe mcaalo caamene yehova Mulungu wako akupasa. ¹³Osapaya aliyense. ¹⁴Osacita cigololo.¹⁵Osaibila aliyense. ¹⁶Osacitilaumboni wa wenye ku muyako. ¹⁷Osakhumbwila mng'anda ya muyako, osakhumbwila mwanakazi wa myako, wanchito wake mwanalume, wanchito wake mwanakazi, ng'ombe zake, abulu bake, kapena kalikonse ka muyako."¹⁸Banthu onse eona kugunda na kaleza , na nakumvwa mau a lipenga, ndipi eona malupili ofuka cusi. Banthu peona, enjenjemela nopanama patali. ¹⁹Eciti kwa Mose, "labila kwa seo, titimwe, koma osalola kuti Mulungu alabile na seo nadaba tingafwe. ²⁰Mose eciti ku banthu, "osacita mantha, pakutii Mulungu wawela kukuyesani kuti kulemekezeka kwake kunkhale mwa mweo, na kuti musacimwe." ²¹Teto banthu bepanama kutali, ndipo Mose efwika pa mdima wotikama penze Mulungu.²²Yehova ecciti kwa Mose, "ici ndiye cufunika kuti ubauzye bana ba a Israeli: 'mweo mwka mwaona kuti nalabila namwe kucokela kululu. ²³Osazipangila mwka milungu iyakine kunkhala pamozi na neo, milungu ya siliva kapena milungu ya golide.²⁴Unipangile guwa la lito, ndipi ukopelekapo nsembe zoshoka, nsembe yaciyanjano, mbelele na ng'ombe zako. m'malo aliwonse baningapange zina langu kulemekezeka. Nikawele kwa weo nakukudalisa. ²⁵Ngati wanipangila guwa ya myala osaimanga na myala yotenda, pakuti ngati musebenzsesha vokatizyilako vanu, muliifya. ²⁶Osaluta pa guwa langu na matanda, kuti cinthako cako cisaonekele.'"

¹"lomba aya niye maweruzo yati uabaikile:²"wagula wanchito waci heberi, asebenze zaka sikisi, ndipo mucaka ca seveni alute waufulu osalipila ciliconse. ³Ngati ewela eka, akawelelemo waufulu paeka; ngati niokwatila, mkazi wake akalute mwaufulu nayeve. ⁴Ngati bwana wake emupasa mwanakazi ndipo emuvyalila bana banalume na banakazi, mwanakazi na bana bakankhale ba bwana wake ndipo ofunika kuya awaufulu payeka.⁵Koma wnchito wakambishisha kuti, nubakonda abwana bangu, mkazi wangu, na bana bangu, nilute lini waufulu." ⁶Ndipo bwana wake amulete kuli Mulungu. Bwana wake amulete paciseko kapena pamlyango, ndipo bwana wake amuboole matu na lusungulu. ndipo wanchito amusebenzele umouo wake onse.⁷Ngati mwanalume wagulisa mwana mwanakazi kuba wanchito, ofunika lini kuyenda waufulu monga banchito banalume mwakucitila. ⁸Ngati okondwelesha lini abwana bake bezisankhila beka, akamuleke aguliwe soti. Aliye mphamvu yomugulisa ku banthu ba mitundu. Aliye ulamulilo, ndaba wacita naye cinyengo.⁹Koma ngati bwana wake wamusankha kuba mwanakazi wa mwana mwanalume, kuti amucite monga mwana wake mwanakazi. ¹⁰Ngati watola mwanakazi muyakine wake, amsate vakulya, vovwala nangu malamulo ya cikwati. ¹¹Koma gati aliye peleke ivi vinthu vitatu va mzimai, angalute waufulu osalipilila ndalama iliyonse.¹²Aliyense wanyata mwanalume kuti afwe, uyu munthu ofunika kuoaiwa naye. ¹³Ngati mwanlume aliyecicite mociganizila, koma mwangozi, teto nikaike malo kwangathabile. ¹⁴Ngati munthu wanyata muyake mwadala nomupaya mucinyengo, ndipo mutole, nangu abe pa guwa ya Mulungu, kuti akamupaye.¹⁵Aliyense wachaya awisi kapena anyina ofunikil kumupaya. ¹⁶Aliyense waiba munthu- nangu wamuyiba amugulisa, kapena ula munthu ba mupeza mumanja yake- ula waiba ofunika kumupaya. ¹⁷Aliyense watembelela awisi kapena anyina wake ofunika kumupaya.¹⁸Ngati banalume babili onyatana ndipo umozi wanyanata muyake na mwala kapena na khofi, ndipo ula munthu aliyekufwe, koma wacitiwa ndipo ofunika kuba mu bedi kwa kanthawi; ¹⁹ngati wapola nakuyamba kuyenda kusebenzesha ndodo yake, munthu emutema ofunika kumulipila pakumutaisha nthawi; ofunika kumulipila mpaka akapole. Koma uyu munthu aliye mulandu wopaya.²⁰Ngati munthu wanyata wanchito wake mwanalume kapena wanchito wake mwanakazi na ndodo, ndipo wanchito wafwa cifukwa comunyata, ula munthu ofunikila kulangiwa. ²¹Ngati wanchito wankhala siku limozi, kapena yabili, bwna wake asamulange cifukwa walunza.²²Ngati banalume banyatana ndipo bamucita muzimai ali na keteto kuti wapita mwatyala, koma paliye kucitika kuyakine kwa eve, pa ici mwanalume wolakwa ofunika kumulipila mulume wa mwanakazi muwafunila eve, ndipo lofunika kulipila monga mwemuuzyla olipila. ²³Koma ngati kuli kucitika kukuli, ufunika kupasa moyo pa moyo, ²⁴linso pa linso, lino pa lino, kwanja pa kwanja, kwendo pa kwendo, ²⁵kupya pa kupya, cilonda pa cilonda kapena kumyuka pa kumyuka.²⁶Ngati wanyata pa linso la wanchito mwanalume kapena wanchito mwanakazi nakumuonongelatu, ndipo ofunikila kumuleka wanchito abekuya waufulu cifukwa ca linso lake. ²⁷Ngati wacosa lino la wanchito mwanalume kapena mwanakazi, ofunikila kumuleka wanchito cifukwa ca lino.²⁸Ngati ng'ombe yamukonya mwanalame kapena mwanakazi mpaka kufwa, ng'ombe monga ila itemewe myala ndipo nyama basalye; koma mwine wa ng'ombe bamumasule. ²⁹Koma ngati ng'ombe ila yenze nakamukhalidwe kokonya kuvulu, ndipo na mwine bemuuzyapo koma aliye kumvwe, ndipo ng'ombe yapaya mwanalume kapena mwanakazi, ila ng'ombe baiteme myala, namwine apaiwe. ³⁰Ngati malipilo yofunika pa moyo wake, ofunika alipile vufunikila kulipila.³¹Ngati ng'ombe yakonya mwana wa munthu mwanalume kapena mwanakazi, mwine wa ng'ombe ofunika cixweruzo cofunikila kuli eve. ³²Ngati ng'ombe yakonya wanchito mwanalume kapena mwanakazi mwine wan'gombe alipile makele yali sate ya siliva, ndipo ng'ombe baiteme myala.³³Ngati munthu wasegula cisengu kapena wakumba cisengu osavwinikilpo, ndipo ng'ombe kapena bulu yaponelamo, ³⁴mwine wacisengu ofunikila kulipila. Ofunika kulipila ndalama ku mwine wa nnyama yakufwa, ndipo nyamakufwa ibe yake.³⁵Ngati ng'ombe ya munthu yacita ng'ombe ya munthu muyakine teto yafwa, teto baigulise yamoyo ng'ombe nakubaganisha mtengo wake, ndipo ofunika kugabana soti ng'ombe yakufwa. ³⁶Koma ngati cenzozibika kuti ng'obe yenze na kamakhalidwe konkonya kuvuli ndipok na mwine aliyeisunge mkati, ofunika kulipila ng'ombe pa ng'ombe, ndipo nyama yakufwa ikabe yake.

¹Ngati munthu waiba nkhabi kapena mbelele na kupaya kapena kugulisa, ndiye kuti ofunika kulipila nkhabi zili faivi pa lulu pa imozi nkhabi, na mbelele folo pa mbelele imozi. ²Ngati kawalala wapezeka kuti ophwanya kuti alobe, wanyatiwa kuti afwe, moteto kuliye mulandu wopaya wati upasiwe kwa aliyense pa mulandu wake. ³Koma ngati zuba lafuma akaliyophwanya, mulandu upasiwa kuli eve munthu wapaya. Kawalala ofunika kuwe veiba. Koma ngati aliye kanthu, ufunika kumgulisa pa kuiba kwake. ⁴Koma ngati cibeto caibiwa capezek na eve cikali moyo, kapena kuti ni nkhabi, bulu, kapena mbelele, ofunika kulipila kabili.⁵Ngati munthu walyesha vibeto vake m'muda kapena mu'munda wa mpesa na kutailila vibeto, vayo kulya m'munda mwa munthhu muyakine, ofunika kuwezya vinthu vabwino kucokela m'muda wake na kucokela m'munda wake wa mphesa.⁶Ngati mulilo wayaka wapita m'minga mpaka kufwika ku vilulu kuli vakulya vosungika, kapena vakulya vikali m'munda, kapena munda wapya, eyasha mulilo ofunika kulipila.⁷Ngati mutnhu wapasa ndalama kapena katundu ku wakunkhala naye pafupi kuti katundu usungike, ndipo katundu waibiwa kufumila mg'anda mwake, ngati kawalala wapezeka, kawalala uyo ofunika kulipila kabili. ⁸Koma ngati kawalala aliyopezeke, mwine wang'anda ofunikila kuzoonekeka ku oweruza kuzoona ngati ni eve wasobeshela dala katundu wa muyake. ⁹M'landu uliwonse wa colakwa, ngati niwa nkhabi, bulu, mbelele, vovwala kapena viyakine vasoba muyakine akuti, "ici nicangu," kulimbilana kwa onse abili kufunika kuonekela pamenso pa oweruza. Wala wapezeka kuti vinthu nivake lini ofunika kulipila kabili kuli mnansi wake.¹⁰Ngati munthu wapasa mubululu wake bulu kapena nkhabi, mbelele kapena cibeto ciliconse kuti asunge, ngati cafwa kapena cacitiwa kapena catolewa osaziba aliyense kapena osaona aliyense, ¹¹cilumbilo kwa Yehova cufunika catolewa na onse n abili, kuti cizibike kuti paliye olo m'mozi wa ikapo kwanja lake katundu ca mnansi. Mwine ofunika kuvomekezya ici, nakuti muyake alipile lini ciliconse. ¹²Koma ngati ceibiwa kuli eve, ndiye kuti muyake alipile ku mwine. ¹³Ngati cibeto cetendewa m'mapisi-mapisi, leka ni kuti muyakine alete cibeto cinkhale cisimikizyo. Afunike lini kulipila pa cala cetendewa.¹⁴Ngati munthu waceleka cibeto kuli mnansi wake ndipo cazicita olo cafwa mwinekazi akaliyo nkhala naco, muyake ofunika kumulipila. ¹⁵Koma ngati mwine enze nayo, muyake alipile lini: ngati cibeto beceleka molipilapo kanthu, ilipiliwe na malipilo yocelekera.¹⁶ngati mwanalume onyengelela moye akaliyopasiwa cikole, na kulala naye, ofunika amtole kunkhala mwanakazi wake polipila malipilo a cuma cofunika pa ici. ¹⁷Ngati awisi kana kumpeleka kuli eve, ofunika kulipila ndalama zolingana na malipilo a cuma ca ukwati wa moye.¹⁸Musavomele mfwiti kunkhala na moyo. ¹⁹Aliyense olala na cobeta ofunika kupaiwa.²⁰Aliyense opeleka nsembe ku kamulungu kayakine katontho kalikonse kucosako Yehova ofunika kuonongeka. ²¹Osakhumudwisha mlwendo ocokela ku calo ciyakine kapena kumdyakilila, nawe wenze mlwendo mcalo ca Aigupto.²²Osacita nkhanza ku mfelekazina bana bamasiye. ²³Ngati ubakhumudwisha, ndipo bakaita pa neo, nikuzobamvwa. ²⁴Mkwiyo wangu ukaphya nikukupaya na na cingwanja, azinakazi bako akuzonkhala afelekazi na bana bako akuzonkhala bamasiye.²⁵Ukacelekesha ndalama pakati pa bnathu bangu osauka, osankhala monga ni bala okongolesha ndalama kuli eve olo kuikililapo palulu. ²⁶Ngati watola ,vovwala aku mnansi wako pa cikole, unika kumbwezela zuba ikaliyoloba, ²⁷pakuti ndiye coyambata tyala cali naco, ni coyambata ca mubili wake, nicinji cyake cangalalemo? Akaita pali neo, nikuzomumvwa, pakuti nina cifundo.²⁸Usaninyonze neo, Mulungu, kapena kutembelela olamula wa banthu bako.²⁹Usakatilire copeleka pa vokolola vako kapena zakumwa zako. Ufunika kunipasa bana bako banalume oyamba kubadwa. ³⁰Ufnika kucita cimozi-mozi na ng'ombe na mbelele. Pa masiku seveni zinkhale na aznyina wao, koma pa siku ya eiti uzipase kwa neo. ³¹Mukabe banthu opatuliwa kwa neo. Teto osalya nyama yolumiwa-lumiwa na vinyama vamsanga, m'malo mwake, ufunika kuponyela imbwa.

¹Osapeleka nkhani za wenye za munthu aliyense. Osagwiriza na munthu muipa kunkhala mboni za wenye. ²Osakonkha gulu kucita viipa, kapena kunkhalila umboni pamozi na gulu kuzyebesha cilungamo. ³Osaonesha kukondela kubanthu osauka pa mavuto bake.⁴Ngati wakumana na ng'ombe kapena bulu wa mdani yukuya kuyosoba, ufunika kuileta kuli eve. ⁵Ngati waona bulu wa munthu muyakine okuzonda yapona pansi mnjila, ufunika lini kumusiya munthu wala. Ufunika kumuyavya pamozi na bulu wake.⁶Osakhotesha cilungamo pa mulandu wa muyako osauka. ⁷Osalumikizyana na banthu nakupanga milandu ya wenye, ndipo osapaya osalakwa kapena olungama, pakuti nikamasule lini ocimwa. ⁸Osatola cowamishila mulandu pakuti cowamishila mulandu cuvula menso yabala banthu bacilungamo. ⁹Musafwanthilile mulwendo, pakuti muziba moyo wa mulwendo, pakuti mwenze alwendo namwe mcalo ca Aigupto.¹⁰Pakuti zaka sikisi mufunka kucala mbeu mu malo banu nakuika pamozi vobala vake. ¹¹Koma mu caka ca seveni mukaleke osalimamo na kusakonzamo kuti osauka pakati pa banthu bakalyeko. Vala vabesiya, nyama zamsanga zikalye. Mukacite cimozi-mozi pali minda yanu ya mpesa na minda yanu ya azitona.¹²Mumasiku sikisi mukocita nchito zanu, koma pa siku ya seveni mukopumula. Citani ici kuti ng'ombe zanu na bulu wanu zikopumula, nakuti bana ba akapolo banu anakazi na alwendo aliyense apumule na kusisimushiwa. ¹³Ikankoni nzeru pa zonse zanakamba kwa mweo. musatomole zina ya miungu iyakine olo mizina bao basamvwik pakamwa panu.¹⁴Mufunika kuya kuyosunga madyeleleo ya neo katatu pa caka. ¹⁵Mufunika kusunga mwambo wa buledi uliye cofufumisha. Munekulmulilani mweo, mukalye buledi uliye cofufufmisha kwa masiku seveni. Pa nthawi iyi, mukaonekele kwa neo mu mwezi wa Abibu, woikiwa pa ganizo iyi. Wenze mwezi uyu pumwefuma mu Aigupto. Koma mufunika lini kuonekela kwa neo muliye kanthu m'manja.¹⁶Mufunika kusunga mwambo wa vovuna, vobala voyamba va nchito yanu ngati mwacala mbeu kumunda. Mufunika kusunga soti mwambo wa madyelelo yoika pamozi posila kwa caka, pumwaika pamozi vinthu vakumunda kwanu. ¹⁷Analume onse ofunika kuonkela pamenso pa Ambuye Yehova katatu caka ciliconse.¹⁸Mufunika lini kupeleka magazi kufumila ku nsembe yopangila neo na buledi uli na cofufumisha. Mafuta ya nsembe yakumwabo wangu yofunika lini kunkhala usiku onse mpakila m'mawa. ¹⁹Mufunika kuleta cabwino coyamba ca mbeu ya zam'munda mwanu kunanda yangu. Nanda ya Yehova Mulugu wanu. Mufunika lini kupika ka mwana ka mbuzi na ka mkaka wa nyina wene.²⁰Nikatume mngelo kwa mweo kukusogolelani mnjila, nakukuletani kumalo yanakukonzelani. ²¹Nkhalani bamatu kuli eve mumvwileni. Musamukalipishe, pakuti akakhululuke lini vocita vanu. Zina yangu ili pali eve. ²²Ngati zoona muvwile mau bake na kucita vukuuzyani, teto ninkhale mdani wa adani banu na oononga kuli oonanga banu.²³Mngelo wangu akalute pasogolo panu nakukuletani kuli ba Amori, a Hiti, a Perezi, a Kanaani, Hivi na Yebusi, nikabaononge. ²⁴Osagwadila milungu yao, kapena kucita vakucita. M'malo mwake mufunika kubagonjeselatu nakuphwanya vipupa va myala vao mutudunswa-tudunswa. ²⁵Mufunika kupembeza Yehova Mulungu wanu, ndipo akakudalise buledi wanu na manzi yanu. Nikafumye matenda pakaati panu.²⁶Kuliye mwanakazi wati akabe osaba kapena kupita mwatyala mcalo canu. Nikakupaseni moyo wamuyaya. ²⁷Nikatumizye wowa wa neo kwa bala bamene malo mukaluteko. Nikapaye banthu onse bati mukakumanae nao. Nikapange adani banu onse kukuukilani kuti munyatane nao. ²⁸Nikatumizye mago ;pasogolo panu kuti akacose a Hivi, na Hiti,pamenso panu. ²⁹Nikabafumye lini pamenso panu mcaka cimozi, cifukwa malo bakasiiwe ndipo nyama zamsanga zingayokuba zininji kuli mweo.³⁰M'malo mwake, nikabafumye patontho patontho pamenso panu mpaka kufwikila mukapake na kutola malo. ³¹Nikaike malile banu kucokela kunyanja ya Redi kufwikila ku nyanja ya afilisiti na kucokels ku cipilulu kuyofwika kumsinje wa Yufuleti. Nikakupaseni kupambana pa banthu ba pamalo. Mukabafumye pamenso panu. ³²Mufunika lini kupanga panagano na beve kapena milungu yao. ³³Ofunika lini kunkhala mu malo banu, cifukwa bangakuoangisheni mweo kunicimwila. Ngati mupembeza milungu yao, ici zoona cikabe msampha kuli mweo.'"

¹Ndipo Yehova eciti kwa Mose, "kwela wela kuli neo- weo, Aroni, Nadabu, Abihu, na akulu-kulu sevente ba Aisraeli, banipembeze patali. ²Mose eka angawele pafupi na neo, ayakine asafwike kufupi na neo, na banthu asawele naye.³Mose eciya nakubauzya banthu mau onse ba Yehova na maweluzilo bake. banthu onse beyankha na mau amozi nakuti, "ticicte mau onse yelabila Yehova." ⁴Teto Mose elemba mau onse yecilabila Yehova. Mumawa mawa, Mose emanga guwa mnyansi mwa lupili na kukonza sandamila twelufu a myala, kuti myala twelufu ipanamile mitundu twelufu ya bana ba Israeli.⁵Etuma anyamata ba Israeli atontho-atontho kupeleka nsembe zoshokela na copeleka ca mgwirizano ca ng'ombe kuli Yehova. ⁶Mose etola magazi pakati na pakati noika mudishi; nakuwazya yala yosalila paguwa.⁷Etola buku yacipangano nobelenga mobilizya kubanthu; ndipo beve beciti, "ticite vonse valabila Yehova. Timvwilile." ⁸Moteto Mose etola magazi nowazyila banthu. Eciti, "aya ni magazi ya cipangano yamene Yehova yiwapanga na mweo pakukupani lonjezo na mau onse aba."⁹Ndipo Mose, Aroni, Nadabu, Abuhu, na bakulu-bakulu sevente ba bana ba Israeli beluta kulupili. ¹⁰Beona Mulungu wa Israeli. Kunyansi kwa kwendo yake kwenze myala yoyalikiwa ya Safire, maonekedwe bake enze owala monga ni mumlenga-lenga. ¹¹Mulungu aliye ike kwanja pa asogoleli ba Aisraeli. Beona Mulungu, becilya na kumwa.¹²Yehova eciti kwa Mose, "kwela wela kuli neo lkulupili na kunkhala kwamwne kwala. Nikupe maseleti ya myala na cilamulo na malamulo yanalamba, kuti ukabaphunzise." ¹³Teto Mose eluta na mthandizi wake Yoswa na kukwela kuya kulupili kwa Mulungu.¹⁴Mose eciti kwa akulu-akulu, "nkhalani pano mutiyembekeze mpaka tiwele kwa mweo. Aroni na Huri bali na mweo. Ngati aliyense ali na covuta, bangalute kuli beve." ¹⁵Ndipo Mose ekwela kulupili, na mukumbi wephimba.¹⁶Ulemelelo wa Yehova wenkhazikika pa lupili jya Sinai, ndipo mukumbi weiphimba kwa masiku sikisi. Pa siku ya seveni eita Mose kufuma mu makumbi. ¹⁷Maonekedwe ba Yehova enze monga ni mulilo wonyekesha palulu pamenso pa bana ba Aisraeli. ¹⁸Mose eloba mumakumbi nokwela kulupili. Enze palulu pa lupili kwa masiku fote usiku na mzuba.

¹Yehova elabila kwa Mose, ²"Bauzye Aisraeli kuti batole nsembe zangu kwa munthu aliyense wotunthiwa na mtima wofuna. Ukolondela nsembe zangu m'malo mwangu.³izi ndiye nsembe zati ukolandila kuli beve: golide, siliva, na mkuwa; ⁴yabulu, ya pepo, naisweta; covwala cathonje cabwino; usako wa mbuzi; ⁵vikumba va mbelele vosusikiwa mu visweta na vikumba va katumbu vabwino; na cimuti ca sitimu; ⁶mafuta banyale; zonunkhlisha za mafuta ozozela na cofukiza ca fungo yabwino; ⁷myala ya onikisi na myala yabwino yoikapo efodi na capanganga.⁸Lekani banipangile malo lyopatulika kuti ninkhale pakati pao. ⁹Muipange nde-nde-nde muti nikuoneshele mcifanizo ca kacisi na zosebenzeshela zonse.¹⁰Bapange likasa ya vimiti. Pansi pake mamita yabili na hafu; m'mabali mwake mita imozi na hafu, utali wake ikabe mita imozi na hafu. ¹¹Mufunika kuimata kunja na mkati na golide, ndipo mufunika kupanga malile ya golide kuzungulila palulu pake.¹²Uilembe mphete fote folo za golide , noziika pa mendo folo ya likasa, kumbali imozi mohete zibili, na zibili kumbali iyakine. ¹³Mupange vimiti va akesiya novipaka na golide. ¹⁴Mufunika kuika vimiti mu mphete zili mbali mwa likasa, kuti mkonyamulila likasa.¹⁵Vimiti vufunika kunkhalilila mu mphete za likasa; visacoke kulikasa. ¹⁶Uikeko manenelo ya cipangano yati nikupase. ¹⁷Upange covalilapo ca golide wacendi. utali wake cinkhale mamita abili na hafu, na mbali mita na hafu. ¹⁸Upange akelubi abili a golide ubaike pa mbali zibili za cavalilapo¹⁹Kosilizyila kuyake kwacovalilapo upangilepo kelubi imozi, na kosilizyila kuyake kelubi imozi. bapangiwe monga cinthu cimozi ca covalila. ²⁰Akelubi atambulule mangala yao nophimba covalila. Akelubi balangane colanga pakati pa covalila. ²¹Uike covalila palulu pa likasa, ndipo ufunika kuika covalila palulu pa likasa, ndipo mulika mkemo manenelo ya panagano yanukupasa weo.²²Nipalikasa pati nikokumana na weo. Nikolabila na weo kucoka pa malo pangu palulu pa covalila. Nikucikela pakati pa akelubi palulu pa likasa la umboni yati nikolabila na weo pa malamulo yonse yati nikupase kuli bana ba Aisreali.²³upange thebo ya cimuti akesiya. utali wake mamita yabili; mbali mwake mita imozi, msinkhu wake inkhale mita mozi na hafu. ²⁴Mufunika kuimata na golide na kuika malile kya golide kuzungulilka palulu.²⁵Ufunika upange felemu kuizungulusha yoin monga ni kwanja, na malile ya golide yozunguluka felimu. ²⁶Uipangile mphete zili folo za golide uzikumanishe ku makona folo, kwenze mendo folo. ²⁷Mphete uzikumanishe ku felemu m'malo mokonzelewa vimiti, kuti thebo ikonyamulika.²⁸Ukopangila vimiti va akesiya novipaka golide kuti thebo ikaonyamuiliwa pamo naveve. ²⁹Upange ma dishi, masupi, manongo, na makapu yosebenzesha kutitilila nsembe za kumwa. ³⁰Uzipange na golide ya cendi. ufunika kuika buledi nthawi zonse ya pamenso pangu pa thebo ya pameso pangu.³¹upange na coikapo nyale ca golide. Coikapo nyale cinkhale na ciphaka na moka maafuta. Makapu yake, ciphaka ca matepo, na maluba yake yapangiwe na imozi-imozi. ³²Mbalimwake mucoke misambo ili sikisi- misambo itatu icokele ku mbali imozi, na misambo itatu ya coikapo nyale icokele ku mbali iyake.³³Musambo oyambo unkhale na makapu yatatu yopangiwa na katunguluwe, na capansi calitepo na liluba, yonse misambo yali sikisi yocoka ku coikapo nyale yankhale cimozi-mozi. ³⁴Pa coikapo nyale ceve, cigao capakati, pankhale makapu folo opangiwa monga ya katunguluwe, ibe na viphaka va matepo na maluba.³⁵Nkhale ciphaka ca litepo panyansi poyambila misambo- vongiwa monga nicimozi, pankhale soti ciphakha ca litepo pa fundo yacibili ya misambo- nayopangiwa monga cimozi na ceve. Cimozi-mozi pankhale ciphaka calitepo panyansi pa fundo yacitatu ya misambo, monga cimozi na eve. Cibe cimozi-mozi na msambo yonse yofuma ku coikapo nyale. ³⁶Viphaka vake va matepo na misambo vonse vinkhale cinthu cimozi, nchito yochaiwa ya golide wabwino.³⁷Upange coikapo nyale na nyale zake seveni, uziyashe nyale zake kuti ziisanikile. ³⁸Malabi na voikapo vipangiwe na golide wabwino. ³⁹Usebenzeshe talenti imozi kupangila coikapo nyale na zofunikila zake. ⁴⁰Uonesheshe kuti upange mapangidwe mwanakuoneshela palupili

¹Ufunika kupanga kacisi na maketani yopangiwa na va bulu, va pepo, na thonje usweta copangiwa monga ni akerubi. Iyi ikabe nchito ya munthu aliyense wa luso. ²Utali wa ketani iliyonse yufunika kuba ma mita eiti, mbali ma mita folo. Maketani yonse yofuniko nkhala yolingana. ³Maketani yali faivi yofunika kujoina panamozi, na yayakine yali faivi yofunika kuyaina pamozi.⁴Mufunika kupanga nthambo za buluu mbali mwa kunja kwa kosilizyila kwa ketani imozi. Mu njira imozi, ucite cimozi-mozi mbali mwa kunja kwa kosilizyila kwa ketani yacibili. ⁵Upange nthambo zili fifite pa ketani yoyamba, ndipo upange nthambo zili fifite ya maketani yacibili mu maketani yacibili. ucite ici kuti nthambo zibe zolangana na ziyake. ⁶Upange vokobela va golide na kujoina pmozi na maketani kuti kacisi unkhale umozi.⁷Ufunika upange maketaniya usako wa mbuzi wa tenti ya palulu pa kacisi. Upange maketani ya izi yali leveni monga yamene aya. ⁸Utali wake wa maketani ube mamita yali sate, ndipo mbali mwa iliyonse ibe mamita folo. maketani yonse yabe yolinga. ⁹Ujoine maketani yali faivi kuli iyake na yali sikisi kuli iyake. Ufunika kupamikizya pali maketani yali sikisi pasogolo pa tenti.¹⁰Ufunika upange nthambo zili fifite za kosilizyila kwa ketani yoyamba, na nthambo zili fifite za kosilizyila kwa maketani yojoina maketani yacibili. ¹¹Ufunika upange vokolobekela va mkuwa vili fifite na kuika mu nthambo. Ndipo ujoine pamozi na tenti kuti vibe cinthu cimozi.¹²Hafu ya ketani yosalako, iyi niye, mbali yubisa kupitilila yosalako ku maketani ya tenti, yufunika kuvwinikila kuvuli kwa kacisi. ¹³Kunkhale mita imozi ya ketani ku mbali imozi, na mia imozu ya ketani ku mbali iyake- yala yusalako ku utali wa ketani ya tenti yufunika ivwinikire m'mbali mwa kacisi ku mbali imozi na kumbali iyake, kuti ici vwinikire. ¹⁴Mufunika mupange covwinikila ca kacisi ca nkhanda ya mbelele ya penta redi, na covwinikila ciyakine ca cikumba cosalala kuti cibe palulu pake.¹⁵Ufunika kupanga mafelemu kufuma ku cimuti ca mkangaza copangila kacisi. ¹⁶Utali wake wa mafemu ufunika mamita teni, mbali mwake mita imozi na hafu. ¹⁷Pabe na vophinila va cimuti ku felemu iliyonse. Mufunika mupange felemu yone ya kacisi mu njira iyi. ¹⁸Mukapanga mfelemu ya kacisi, mufunika mupange mafelemu ya twenti yaku mbali yakumwela.¹⁹Mupange vapansi va siliva vili fote vati viye pansi pa mafelemu twenti. Pofunika pabe vansi vibili pansi pa mafelemu oyamba kuti abe vokatilila vake, na vansi vibili pansi pa felemu iliyonse pa vokatilira vake vibili. ²⁰Ku mbali yacibili ya kacisi, ku mbali yakumpoto, ufunika upange mafelemu yali twenti ²¹na vapanyansi vake va siliva vili fote. Pofunika kuba vakunyansi vibili panyansi pa mafelemu abili oyamba, vapanyansi vibili pansi pa felemu yokonkhapo, mpaka teto.²²Kumbali ya kuvuli ya kacisi caku m'mzulo, upange mafelemu yali sikisi. ²³Ufunika upange mafelemuabili ya kuvuli kwa makona ya kacisi. ²⁴Mafelemu aba ofunika kuba otayana panyansi, koma okumana palulu ku mphete imozi. Cibe teti ku makona onse abili yakuvuli. ²⁵Pofunika kuba mafelemu bali eight pamozi na vapanyasi vake. Vapanyansi vufunika kuba sikisitini vonse pamozi, vapansi vibili kunyansi kwa felemu yoyamba, vapanyansi vibili pansi pa felemu yacibili, mpaka teto.²⁶Ufunika upange mitanda ya cimuti ca makangaza- faifi ya mafelemu ya mbali imozi ya kacisi, ²⁷mitanda faifi ya mafelemu ya mbali iyakine ya kacisi, na mitanda ili faifi ya mbali yakuvuli ya kacisi ku mbali yakumpoto. ²⁸Mitanda pakati pa mafelemu, ici niye, hafu kululu, yufunika kufwika konse kubili.²⁹Muvwinikere mafelemu na golide. mufunika mupange mphete zake na golide, kuti veve vinkhale monga vokatilira ku mitanda, ndipo muvwinikire mitanda na golide. ³⁰Ufunika uushe kacisi pokonkha mankhalidwe bawelangizyiwa palupili.³¹Ufunika upange maketani ya buluu, pepo, na nyula isweta, na nyula yopepuka, na mapangidwe ba akerubi, nchito ya munthu wa luso. ³²Ufunika ubapanyike pa vipupa va cimuti ca mkangaza covwinikiliriwa na golide. Vipupa ivi vufunika vibe na vokobela va golide voikiwa pa vapanyansi folo va siliva. ³³Ufunika upanyike maketani palulu pansi pa vokobera, ndipo ulobeshe likasa la umboni. Ketani niyosiyanisha malo atuba na malo atunba ngako.³⁴Uikepo covalila pa cotetezela pa likasa la umboni, yamene ili mu malo atuba ngako. ³⁵Uike kacisi kunja kwa ketani. Ufunika uike coikapo nyale polangana na thebo kumpoto kwa kacisi. thebo yufunika inkhale kum'mwela.³⁶Upange volelemba va pamlyango pa tenti. Uipange na buluu, pepo na nyula isweta na nyula yotungiwa, nchito ya munthu wotunga. ³⁷Ku volelemba, upange vipupa vili faifi va cimuti ca mkangaza nakuvivwinikira na golide. vokobela vake vibe va golide, ndipo uvipalngire vakunyassi vili faifi vamkuwa.

¹Ufunika upange guwa na cimuti ca mkangaza, Utali wake mikono faifi na mikono faifi mbali. Guwa ibe yolingana mabli zonse ndipo msinkhu wake mikono itatu. ²Upange mokuzyila mwake mwa makona yali monga ni mapondo ya nkhabi. mapondo yapangiwe ngati ni cidunswa cimozi na guwa, ndipo uyavwinikire na mkuwa.³upange viya paguwa: mapoto ya milota, soti na mashavelo, dishi, mafoloko ya nyama, na mapani ya muliro. Ufunika upange viya vonse ivi na mkuwa. ⁴Ufunika upange made ya paguwa, yopangiwa na mkuwa. Upange mphete za mkuwa za makona yonse ya made.⁵⁶Uike made pansi pa ..........ya guwa, pakati kusondoka mpka kunyansi. Upange vimiti va paguwa, vimiti va cimuti ca mkangaza, ndipo uvivwinikire na mkuwa.⁷Vimiti vunika kuikiwa mu mphete, ndipo vimiti vufunika kuba ku mbali zibili za guwa, kuinyamula. ⁸Guwa lufunika linkhale namalo mkati, yopangiwa na mafelemu. Ufunika uipange muwelangizyia kulupili.⁹¹⁰Ufunika upage panja pocingiwa pa kacisi. Kufunika kube volelemba ku mabali ya kumwela kwa panja pocingiwa, volelemba va nyula wotungiwa mikono handiledi kutalimpha. Volelemba vibe........., na vanyansi vili twenti vamkuwa²⁰²¹Ufunika ulamulire bana ba Israeli kuti balete mafuta ya Azitona,

¹Uziitire Aroni mkwanu na bana bake analume- Nadabu Abihu, Eliyazara, na Itamara- kufuma pa bana ba Israeli kuti banitumikire ngati bansembe. ²Aroni, mkwanu, mufunika mumupangire covwala camene cili copaulika kwa neo. Covwala ici cibe clemekezeka ndipo cabwino. ³Ufunika ulabile na banthu onse bala ali na nzelu m'mitima, bala binazuzya na mzumu wa nzelu, kuti bapange covwala ca Aroni copatulika kuti anitumikire ngati wansembe.⁴Covwala cofunika kupanga ni capanganga, efodi, nthambo, cikhoti cotungiwa, covwala copikapika, na kasashi. Ofunika kupanga vovwala ivi vamene vili vopatulika kuli neo. Vikabe va mkwanu Aroni na bana bake analume kuti anitumikire nagti bansembe. ⁵Analume baluso ofunika asebenzeshe nyula yosalala ya golide, buluu, pepo, na isweta.⁶Ofunika efodi ya golide, buluu, pepo, na isweta, na bafuta ya thonje.ifuniko onkhala nchito ya waluso. ⁷Ifunika kunkhala na vaphewa vibili voktilila ku makona bake abili apalulu. ⁸Nyula zake zosalala zamuluunda zinkhale monga ni efodi; ifunika kupangiwa na cidunswa cimozi na efodi, yopangiwa na bafuta wa golide, buluu, napepo, na isweta. ⁹Mufunika mupange myala ya oniki yabili na kusemapao mazina ya bana analume ba Israeli.¹⁰Mazina yali sikisi yofunikonkhala pa mwala umozi, ndipo mazina sikisi ayakine ofunikonkhala pa mwala uyakine, mu mndandanda wa kubadwa kwao. ¹¹Na nchito ya waluso wosema myala, monga wosema pa vizibisho, ofunika kusema myala ibili na mzina ya bana analume ba Israeli. ¹²Ufunika uike myala na zoikamo za golide. Ufunike uike myala pa cidunswa caphewa ca efodi, kuba myala kumbusha Yehova za bana ba Israeli. Aroni akonyamula mazi yao paphewa pake kwa Yehova monga comukumbsha eve.¹³Upange voikamo va golide ¹⁴na nthambo zibili zopyatiwa za golide wendi, ndipo ufunika ulumikizye nthambo ku voikamo.¹⁵Upange capanganga ca ciweruzo, nchito ya munthu waluso, copangiwa monga ni efodi. Ucipange na golide, buluu, pepo na thonje usweta, na nyula yasalala. Cufunika cinkhale colingana. ¹⁶Ufunika upeteke capanganga kabili. Cinkhale cikhaso cimozi mu utali na cikhaso cimozi mkukula.¹⁷Ufunika uikemo mizela yabili ya myala yonkongola. Mzela woyamba unkhale na rubi, topazi, na ganeti. ¹⁸Mzela wacibili unkhale na emarodi, safire, na diyamondi. ¹⁹Mzela wacitatu unkhale na yasinta, agate, na akalama. ²⁰Mzela wa folo unkhale na beryl, na oniki, na yasipa. Zufunika ziikiwe mu phete za golide.²¹Myala yofunika kuiiwa molingana na mazina ya bana banalume ba Israli. yofunika kuba monga ni cosema pa mphete ya cizibisho, zina iliyonse kupanamila m'mozi mwa mitundu yali twelufu. ²²Ufunika kupanga capanganga monga ni cingwe ca nyula, nchito yotungiwa ya golide wendi. ²³ufunika kupanga mphete zibili za capanganga na kuzilumikizya kosilizyila kubili kwa capanganga. ²⁴Ulumikizye vigwe vibili va golide ku makona ya capanganga.²⁵Ukumanizye songa zibili za nthambo zawatunga ku voikamo viili. Ndipo ukumanizye izo ku zidunswa za phewa za efodi pasogolo pake. ²⁶Ufunika upang mphete zibili za golide, ndipo uziike mu makona ayakine ya capanganga, mbali mwa mkati mwa kosilizyila.²⁷ufunik kupangilapo mphete za golide zibili, ufunika uzikumanizye na mnyansi mwa zidunswa zapaphewa zibili za kusogolo kwa efodi, pafupi na motungiwa mwake palulu pa kamluunda ka nyula yosalala ya efodi. ²⁸Ofunika kumanga capanganga na mphete zake na nyula ya buluu, kuti zikumane na palulu pa kamluunda ka efodi. Ici cili teto kuti capanganga cisacoke ku efodi.²⁹Aroni pakuya mu maloatuba, ofunika kunyamula ma zina ya bana ba Israeli pamtima pake mu capanganga ca ciweruzo, monga copititlizya kukumbukila pamenso pa Yehova. ³⁰Ufunika kuika Urimu na Tulimu mu capanganga ca ciweruzo, kuti cibe pamtima pa Aroni ngati akuya pamenso pa Yehova. Niye kuti Aroni akonyamula mopangila ciweruzo ca banthu ba Israeli pa mtima wake pamenso pa Yehova³¹Upange covwala ca efodi ca buluu konse. ³²Cufunika kuba na polobesha mutu pakati. Poloesha mutu mufunika kutungiwa mbali mwa polobeshela mutu kuti musakang'ambike. Iyi yufunika kuba nchito ya wotunga.³³Pa mbali pa nyansi, uikemo makangaza ba buluu, pepeo, na isweta mbali mwake monse. ma belu yagolide yofunika kuba pakati m'mabali monse. ³⁴Pofunika kuba ka belu ka golide na makakngaza, belu la golide na makangaza- na viyakie- pa mbali pa myansi mwa covwala. ³⁵Covwala cikuba ca Aroni potumikila, kuti congo cake cikomvwika ngati akuya mu malo atuba na pakufuma. Ici cili teto kuti asafwe.³⁶Upange mbale ya golide wend na kusemapo, monga cosema pa cizibisho, "Cituba kwa Yehova." ³⁷Umange mbali iyi pa kanyula ka buluu kusogolo kwa ndubila. ³⁸Yufunika kuba pamhumi pa Aroni; Ofunika kutola macimo yali yonse kukhuzana na nsembe za zopeleka zituba zamene bana ba Israeli apatula kwa Yehova. Ndubila yufunika kuba pamhumi pake nthawi zonse kuti Yehova avomele zopeleka zao.³⁹Mufunika kupanga malaya ya nyula yosalala, na ndubila ya nyula yopepekua. uange soti ka sashi, nchito ya munthu wotunga.⁴⁰Kwa bana ba Aroni upange malaya, tumasashi, na mabeoti yakumutu ya ulemelero wao ndipo yabwino. ⁴¹Ufunika umuvwalike Aroni mkwanu, na bana bake. Ubazoze, ubapange kuba bansembe, nakubapatula kuli neo, kuti banitumikile monga bansembe.

¹Lombaici ndiye cufunika kucita kubatula kwa neo teto kuti akanitumikile monga ansembe. Toal mwana wa ng'ome umozi na mbelele zibili zosalemala, ²buledi uliye cofufumisha, na makeke aliye cofufumisha oyavizya na mafuta. Utole soti tumabisiketi tuliye cofufumisha totambisha na mafuta. Upange tumabisiketi kusenzesha tiligu wa unga wosalala.³Uziike mu nswanda imozi, uzilete mu nswanda, uzilete munswanda pamozi na ng'ombe yanalume na mbelele zibili zanalume. ⁴Ulete Aroni nabana bake banalume pamlyango pa tenti yokumanilapo. Aroni na bana bake banalume ufunika kuti ubasuke na manzi⁵Ufunika utole vovwalal na khoti uvwalike Aroni, mkhanjo wa efodi, efodi, na capanganga, nakumanga bande muluunda mwake. ⁶Uike cosote pa mutu wake, na kuika kolona utuba palulu pa cosote. ⁷Ndipo utole mafuta ozozela uthile pamutu pake, ndipo mnjila iyi umzoze.⁸ulete bana bake banalume nobavwalika makhoti. ⁹Uvwalike Aroni bana bakae banalume ka sashi na kuika bande kumutu kwao. Nchito ya ansembe inkhalae yao mwa lamulo yosasila munjila iyi mufunika kupanga Aroni na bana baka kuti beve bakonitumikila.¹⁰Monse mufunika kuleta ng'ombe ku tenti yokumanilako, ndipo Aroni na bana bake ofunika kuika manja bao pamitu pa zeve. ¹¹Ufunika kupaya ng'ombe pamenso pa Yehova pa mlyango pa tenti yokumanako.¹²Ufunika kutola ngazi ya ng'ombe ziyake noika m'mamphondo ya guwa na combombo, nakuthila ngazi yusala pansi pa guwa la nsembe. ¹³Ufunika kutola mafuta onse ovala mkati, ndipo utole soti covwinikila cibindi na insozibili namafut bake; ushoke vonse pa guwa. ¹⁴Koma kwa nyama ya ng'ombe, na cikumba cake na matuvi, ushokele kunja kwa msasa. Inkhale copeleka ca ucimo.¹⁵Utole soti mbelele imozi, ndipo Aroni na bake banalume aike manja bao pamitu. ¹⁶Upaye mbelele, ndipo utole ngazi yake niwazya mbali zonse za guwa. ¹⁷Uitende mbelele muntuli ndipo usuke vamkati na mendo bake, ndipo uile vamkati pamozi na nthuli na mutu wake, ¹⁸pa guwa. ndipo ushoke mbelele yonse inkhale nsembe yoshoka kwa yehova, ya mfungo yabwino, inkhale nsembe yoshoka yopangila Yehova yamulilo.¹⁹utole mbelele iyakine, ndipo Aroni na bana bake banalumeayikepo manja bao pa mitu. ²⁰Ndipo upaye mbelele nakutolako ngazi yake. uyike pa nsoga ya kwatu ya Aroni na songa ya ku kwendi ya bana bake banalume, pa cikumo caku kwanja laku kwendi napa cimbobo cikulu cakukwendo la ku kwendi, ndipo uwazye ngazi ku guwa yansembe mbali zonse.²¹Utoleko ngazi iyakine ili pa guwa na mafuta ozozela ayakene, na kuyamwazya yonse pali Aroni na pa covwala cake, soti na pa bana bake analume soti napa vovwala vao. Aroni anakhale opatulika kuli neo, na vovwala vake, bana bake na vovwala vao pamozi naye.²²Utole mafuta ya mbelele, mcila, mafuta ovwinikila vamkati, na ovwinikila vibindi, na inso zibili na mafuta bake, na cibelo caku kwendi- pakuti mbelele iyi niyopatulikila ku wansembe kuli neo. ²³Utole buledi imozi, keke imozi ya buledi wopangiwa na mafuta, na bisiketi imozi mu nswanda y buledi uliye cofufumisha ili pamenso pa Yehova.²⁴Mufunika kuika ivi vinthu m'manja mwanja mwa Aroni na m'manja mwa bana bake banalume na kuiweyula pamenso pangu ku copeleka coweyula pamenso pa Yehova. ²⁵Ufunika kutola cakulya m'manja mwao na kucishoka pa guwa na copeleka coshoka. Cicose mfungo yabwino kuli neo; cinkhale copeleka coshokewa copangila neo na mulilo.²⁶Utole nganga ya mbelele ya Aron yopelekewa ndipo uiweyuwe ku copeleka coweyula pamenso pa Yehova, ndipo inkhale gawo yako. ²⁷Unipatulile capanganga ca copeleka coweyula, coweyulila, na yacibelo yosonkhewa ya ansembe- vonse pamozi yapanganga yoweyula na cibelo na yacibelo yesonkhewa ya Aroni na bana bake. ²⁸Iyi inkhale gawo yopitilila ya Aroni na bana bake. Cinkhale cosonkha kucokela ku banthu ba Aisraeli kupasa kwa Yehova kufumila ku zopeleka zao zamtendele.²⁹Vovwala vituba va Aroni visungiwile mtundu wa pavuli pake. Akazozewe mwa beve nonkhazikika kwa neo mwa beve. ³⁰Wansembe wati akalobe pamalo pake kufumila pakati pa bana bake analume, owela mu tenti yokumanako kunitumikila mu malo atuba, ofunika ovwala vovwala vamene ivo kwa masiku seveni.³¹utole mbelele ya unsembe ya wansembe kwa neo ndipo upike nyama yake m'malo atuba. ³²Aroni na bana bake analume alye nyama ya mbelele na buledi ili mu nswanda pa mlyango waku tenti yosonkhanamo. ³³Alye nyama na buledi yepasiwa pobatetezela na kuika manja pa beve. Asalye munthu aliyense cakulya cala, cifukwa bakocitola monga copatulika kupatulikila neo consungila neo. ³⁴Ngati nyama iliyonse yasala yopelekewa nsembw, kapena buledi iliyonse, yasala mpaka m'mawa mwake, teto mufunika kuishoka. Yufunika lini kulya cifukwa ynkhala yopatulika kuli neo.³⁵Munjila iyi, monkonkha vonse yanekulamulilani kucita, mukocitila Aroni na bana bake analume. Kwa masiku seveni ubakonzekele. ³⁶Masiku onse ukopeleka ng'ombe monga copeleka cotetezela ca ucimo. Uyelese guwa ya nsembe pocita cotetezela nayo, ndipo uizoze kuti uniptulile. ³⁷Kwa masiku seveni umange cotetezela pa guwa ya nsembe na kupatulila kwa Yehova. Ndipo guwa ya nsembe ikhale yonipatulikila. Ciliconse cokhza guwa ya nsembe cnkhale copaatulika kwa Yehova³⁸Ukopeleka kabili-kabili paguwa masiku yonse mbelele zibili ca caka cimozi. ³⁹Mbelele imozi ukopeleka m'mawa, ndipo iyakine ukopeleka zuba poloba.⁴⁰Na mwana woyamba, upeleke ca teni ca efa wa unga wosalala woyavizya na magawo folo ya lita ya mafuta yofuma ku azitona, ndipo gawo ya folo ya lita ya vinyu monga copeleka ca cakulya.⁴¹Kupeleka mbelele yacibili poloba zuba, ukopeleka cimoz-mozi copeleka cambeu monga ca m'mawa, ndipo cimozi-mozi copeleka cakumwa. Izi zikanicosele na mfungo yabwwino; cikankhale copeleka conipangila mwa mulilo. ⁴²Izi zinkhale nsembe zoshoka zopeleka zosalezya m'mibadwo yanu. Kumlyango kwa tenti yokumanako pamenso pa Yehova, pati tikokumana na weo kulabila na weo kwamene kwala.⁴³Nikwamene kuniti nikokumana na Aisraeli; tenti ikapatulike kwa neo ku ulemelelo wangu. ⁴⁴Nikapatuale tenti yokunamako na guwa la nsembe pakuti izi nizangu neka. Nikapatule soti Aroni na bana bake analume kuti akonitumikila monga ansembe.⁴⁵Nikabe pakati pa bana ba Aisraeli ndipo nikabe Mulungu wao. ⁴⁶Akazibe kuti nine Yehova, Mulungu wao, amene abaleta kufuma ku Aigupto teto kuti ninkhale pakati pao. Nine Yehova Mulungu wao.

¹Upange guwa loshokelapo nsembe, uipange na cimuti ca kankhande. ²Kutalimpha kwake kube mita imozi. Inkhal yolingana mbali zonse na m'sinkhu wake unkhale mamaita abili. Mapondo apangiwe monga nicimozi.³Uiphmbe guwa yoshokelapo na golide wendi palulu pake, mbali mwake, na mapondo bake. Ufunika kuika malile ozunguluka ba golide. ⁴Ufunika kuapanga mphete zibili zati zinkhale zomatila ku guwa kunyansi wa malile bake ku mbali zibili zululangane. Mphete iziz zinkhale zokatilila vimiti vonyamulilapo guwa.⁵ufunika ukonze vimiti va kankhande, uviphimbe na golide. Ufunika uike guwa ya nsembe pamenso ketani yamene ili pafupi na likasa ya umboni. ⁶Inkhale pamenso pa covalila pa cotetezela cili palulu pa likasa ya umboni, pati nikumana na weo.⁷Aroni ofunika kushoka nsembe yonunkhila bwino m'mawa muli monse. Akoshoka poyasha nyale, ⁸ndipo Aroni akoyasha soti nyale mcingulo kuti nsembe zikoshokelapo masiku yonse pamenso pa Yehova, mu mbadwo wanu wonse. ⁹Koma osapeleka nsembe iliyonse pa guwa ya nsembe, kapena nsembe iliyonse yoshokela kapena copeleka ca mbeu. Osathilapo copeleka cakumwa.¹⁰Aroni ofunika kupanga cotetezela pa mapondo kamozi pa caka. Na ngazi ya cotetezela ucimo apange coteteza kamozi pa caka mu mibadwo yonse. Yopatuliwa kuikiwa padela kuli Yehova."¹¹Yehova elabila kuli Mose, nakuti, ¹²"Ucita cibelengeo ca Aisraeli, aliyensee munthu apeleke ciombolo ca moyo wake kuli Yehova. Ufunika kucita ici pavuli pa kubabelenga, kuti pankhale paliye mlili pakati pa beve ngati wababelenga. ¹³Aliyense wabelengewa alipile gao limzi mwa magao ya seekeli ya siliva, monga mwa kulema kwake kwa sekeli wa mu kacisi (sekeli ni cimozi-mozi na magera twenti). Gao imozi mwa magao abili a sekeli inkhale copeleka kwa Yehova. ¹⁴Aliyense wa belengewa, kucokela pa zaka twenty na kukulipo, ofunikila kupasa copeleka kwa neo.¹⁵Ngati banthu baleta copeleka kwa neo pangani coteteza mu myoyo yao, olemela asapeleke mopitilila gao limozi magao abili a sekeli, na osauka asapeleke mopelebela. ¹⁶Ufunika kulandila coteteza ndala kucokela kwa Aisraeli nakugaba nchito yakutenti yokumanilako. Cufunika kunkhala cikumbuso kuli Aisraeli pali neo, kupanga coteteza pa myoyo yanu."¹⁷Yehova elabila kwa Mose, kuti, ¹⁸"upange cibafa cikulu ca mkuwa conoka na koikapo ka mkuwa, cibafa cosambilamo. Uciike pakati pa tenti yokumanilamo na guwa, uikemo na manzi mkati.¹⁹Aroni na bana bake banalume akosambilamo m'manja na mendo na manzi mkati. ²⁰Bakaluta mu tenti yokumanilamo kaoena bakaluta pafupi na guwa kunitumikila neo na nsembe yoshka, bofunika kusamba na manzi kuti basafwe. ²¹Bofunika kusamba m'manja na m'mendo kuti basafwe. Ili lufunika kunkhala lamulo lacinkhalile kwa Aroni na bobadwa kusogolo kwake na mbadwe ya banthu bonse."²²Ndipo Yehova elabila na Mose, kuti, ²³"Tola izi zonunkhila zabwino faifi handiledi sekeli ya mure wa manzi, na thu handiledi fifite ya sekeli ya zonunkhila bwino yasinamoni, thu handiledi fifite sekeli ya zonunkhila bwino za mzunzu, ²⁴faifi handiledi sekeli ya kesiya, wopimiwa na kulema kwa sekeli wa mnanda mwa Yehova, na lita imozi ya mafuta ya azitona. ²⁵Upange mafuta ozozewa na lizi zoikako, nchito ya zonunkhilisha. Yankhale mafuta ozozewa, yusungiwa kuli neo.²⁶Ufunika kuzoza tenti yokumanamo na mafuta, na likasa la umboni, ²⁷thebulo na viya vake vonse, coikapo nyale na visulo vake, guwa la nsembe, ²⁸guwa loshokelapo nsembe na visulo vake vonse, na cibafa na coikapo cake.²⁹Ufunika uvipatule kuli neo kuti vinkhale vituba kuli neo. Ciliconse cavikumya cikokuba cituba. ³⁰Umzoze Aroni na bana bake analume nakubapatula kuli neo kuti banitumukile monga bansembe. ³¹Ufunika uuzye Aisraeli, ''aba ni mafuta ozozewa opatulika kuli Yehova ku banthu mibadwe yonse.³²Isazolewe pa nkhanda ya banthu, kapena kupanga mafuta ayakine mnjila iyi, cifukwa niyopatulika kuli Yehova. mucitole mnjila iyi. ³³Aliyense wati apange zonunkhilisha monga izi, kapena kuika pa munthu, uyo munthu ofunika kucosewa pakati pa banthu bake.'"³⁴Yehova eciti kwa Mose, "tola zonunkhila- natafi, oniyoca, na galibunamu- zonunkhila zonzuna pamozi na lubani, zonse zolingana mumuyeso. ³⁵Uzipange zinkhale monga nsembe, zopangiwa na opanga zonunkhilisha, zothilako munyu, zopatulika. ³⁶Uzigaye kuti zinkhale zopeleka bwino ndipo zosakanizyiwa bwino. Muike ziyake pasogolo pa likasa la umboni, lamene lili mtenti yokumanako, mwamwene mwati nikumana na weo. Muitole kuti niituba ngako kuli neo.³⁷Pansembe iyi yati mupange, mupange munjila monga imozi na yanu. Inkhale ituba ngako kuli mweo. ³⁸Aliyense opanga cili conse monga ici kuti asebenzeshe monga zonunkhilisha ofunika kucosewa pakati pa banthu bake."

¹Ndipo Yehova elabila na Mose kuti, ²"langa, namuita zina Bezaleli mwana mwanalume wa Uri mwa mwanalume wa Huri, kufuma mumtundu wa Yuda.³Bezaleli namuzuzya na mzimu wangu, kuti umupase nzelu, kumvwishisha, na kuziba nchito za mtundu uliwonse. ⁴kupanga nchito zaluso nakusebenza mgolide , siliva, na mkuwa; ⁵Soti na kutenda na kuika m'malo mwake myala na kusema vimiti- kuti vicite nchito za mtundu uliwonse.⁶Moonjezela kuli eve, nasankha Oholiyabu mwana mwanalume wa Ahsamaki, kufumua mumtundu wa Dani, naika luso mu mitima ya onse ali na nzelu kuti akapange vonse vanakulamulila. Izi nikuonjezapo ⁷tenti yokumanamo, likasa la umboni covalila pa cotetezela ca likasa, na wonse katundu wamkati- ⁸thebo na vipangizo vake, coikapo nyale coyenela na vonse vipangizo vake, guwa la nsembe yoputizya, ⁹guwa ya copeleka coshokewa na vipangizo vonse, na dishi ikuleni na capansi cake.¹⁰Apa nikuikapo soti covwala copepuka cakotoni- vovwala vopatulika va Aroni wansembe na va bana bake, nakusamlila kuti akacite nchito monga wansembe. ¹¹Apa nikuonjezapo soti mafuta ozezewa na zonunkhila bwino za pamalo atuba. Baluso ofunika kuciita vonse vinthu monga mwanakulamulila weo."¹²Ndipo Yehova elabila kuli Mose kuti, ¹³"bauzye Aisraeli; mufunika kusunga sabata ya Yehova, pakuti ici cinkhale cizindikilo pakati pa eve na weo mwa mibadwo yanu kuti eve ni Yehova, ekupatulani. ¹⁴Teto mukosunga sabata, pakuti lufunika kulisunga lituba, mumpatulile eve. Aliyense wati aliifwe cendi ofunika kupaiwa. Aliyense okata nchito pa sabata, uyo munthu ofunika kupatuliwa cendi ku banthu bake. ¹⁵Nchito ikokatiwa mu masiku sikisi, koma siku ya seveni linkhale sabata lopumulalilatu, lituba pamenso pa Yehova. Aliyense akacita nchito pa sabata cendi apaiwe.¹⁶Moteto Aisraeli ofunika kusunga sabata. Ofunika kulisunga ku mbadwo wonse wa banthu bao ngati pangano losasila. ¹⁷Sabata inkhale mphela cizindikilo pakati pa Yehova na Aisraeli, kwa masiku sikisi Yehova epanga kululu na calo capansi, ndipo siku la seveni, epumula nakupeza mphamvu.'"¹⁸Mulungu pesilizya kulabila na Mose pa lupili la Sinai, emupasa magome abili ya cinenelo ca cipangano, copangiwa na mwala, wolembewa na kwanja lake.

¹Banthu pabeona kuti Mose wacelwa kuseluka lupili, beunjikana kuzunguluka Aroni na kuti kuli eve, "wela, tipangile fano yati ilute pasogolo pasu. Monga za uyu Mose, mwanalume etifumya mcalo ca Aigupto, tuziba lini cacitika kuli eve." ²Teto Aroni eciti kuli beve, cosani mphete za golide zili kumatu kwa anakazi banu, na kumatu kwa bana banu banalme na banakazi, na kuzileta kuli neo."³Banthu bevula mphete zao za goolide nakuzipeleka kuli Aroni. ⁴Elondela golide kufuma m'manja mwao nakuisungunula na cisulo copangila nopanga fano monga mwana wa ng'ombe. Lomba beciti, "Aya niye milungu yako, Israeli, niye yekufumya mcalo calo ca Aigupto."⁵Aroni peona ici emanaga guwa pafupi na mwana wa ng'ombe nonenelela; eciti, "mailo kukabe phwando kulemekeza Yehova." ⁶Banthu beuka m'mawa siku yokonkhapo nopeleka nsembe zoshoka noleta na nsembe za ciyanjano. Lomb benkhala pansi nakulya na kumwa, nopanama soti kuyamba kumwa na cikondwelelo cikuleni.⁷Yehova eciti kwa Mose, "nkhoya msabga, naba banthu bako, baweleta kufuma mcalo ca Aigupto, baziifya. ⁸Bataya mwamsanga njila yanebalamulila. Bapanga fano monga ni mwana wa ng'ombe nakuipembeza noipasa nsembe. Banena kuti, 'iyi niye milungu yako, Israeli, yekuleta kufuma ku Aigupto.'"⁹Yehova eciti kwa Mose, "nabaona aba banthu. Langa, nibanthu osauzyika. ¹⁰Lomba, usayese kunilesha. Ukali wangu uupye nakubayakila, nobaononga. Lomba nipange mtundu ukulu kufuma mwa weo." ¹¹Koma Mose eyesa kuzizizlisha ukali wa Yehova Mulungu wake. Eciti, "Yehova, mwakalipilanji nao banthu banu, bamweleta kufuma mcalo ca Aigupto na maphamvu ikulu na kwanja ya mphamvu?¹²Aigupto alabililenji kuti, 'etwanla kunja na colinga ciipa, kuti abapaye m'malupili nakubaononga kubacosa pacalo?' welelani kuukali wanu woyaka na kulelka osabalanga banthu banu. ¹³Kumbukilani Abrahamu na Isaki na Israeli, banchito banu, bamwelumbililako kuzilumbila mweka nolabila kuti kuli beve, 'nipange bana banu monga ni nyenyezi zakululu, nakupasa bana banu malo aya yonse yanalabila. yakankhale yao kwamuyaya.'" ¹⁴Lomba Yehova aliye lete cilango cecilabila kuti acilete pa banthu bake.¹⁵Mose ecunguluka noseluka lupili, enyamula myala yabili ya cinenelo cacipangano m'manja mwake. myala yenze yolembewa mbali zonse zibili, konse kusogolo na kuvuli. ¹⁶Myala yenze nchito yake ya Mulungu, na zolembewa zenze zolembewa za Mulungu, yosemewa pa myala.¹⁷Yoswa peciona congo ca banthu pebenzokuwa, eciti kwa Mose, "kuli congo ca nkhondo kumisasa." ¹⁸Koma Mose eciti, "nicongo lini ca banthu opambana, nicongo lini soti ca banthu opambaniwa, koma congo coimba canikumvwa."¹⁹Mose pecifwika kufupi na misasa, eona mwana wa ng'ombe na banthu ovina. Ekalipa. Eponya myala yenze m'manja mwake noiphwanya mnyansi mwa lupili. ²⁰Etola mwana wa ng'ombe wa bepanga banthu, nomushoka, nopela kunkhala milota, noitala m'mnzi, nakubauzya banthu ba Israeli kuti bayamwe manzi.²¹Mose eciti kwa Aroni, "bacitanji aba banthu kwa weo, pawaleta cimo ikulene yonse iyi pali beve? ²²Aroni ecti, musakalipe ngako, abwana bangu, mubaziba banthu, mubalili pa kucita ciipa. ²³Beciti kwa neo, 'tippalngile mulungu wati alute pasogolo passu. Ndaba Mose, lidoda letileta kutifumya mcalo ca Aigupto, tuziba lini cacitika kwa eve.' ²⁴Lomba neciti kwa beve, 'aliyense ali na golode, lekani avule.' Benipasa golide ndipo neo neiponya pa mulilo, niye mwacoka mwana wa ng'ombe uyu."²⁵Mose eona banthu beyamba kusokonezeka (ndaba Aroni ebalekelela kuti bakocitilamo nongesha adani bao kuyamba kubaseka). ²⁶Mose epanama pamlyango wa misasa nolabila kuti, "aliyense ali ku mbali kwa Yehova awelel kwa neo." Alevi onse beunjika pali eve. ²⁷Eciti kwa eve, Yehova, Mulungu wa Asraeli, olabila ici: Lekani mwanalume aliyense anyamaule lupanga lake noyamba kupita-pita ku milyango ya misasa yonse, na kupaya anekwao, ayake, na onkhala pafupi naye.'"²⁸Alevi ecita mwecibauzyila Mose. Siku ila banthu pafupi fili sauzande becifukwa. ²⁹Mose ecit kwa alevi, "mwaikiwa mnchito ya Yehova lelo, ndaba aliyense wa mweo wacitapo kanthu kuononga mwana wake mwanalumena mkwao, teto Yehovaangakupeni daliso lelo."³⁰Siku yokonkhapo Mose eciti ku banthu, "mwacita cimo ikulu ngako. Lomba nilute kwa yehova. Payakine ningapapatileko macimo yanu. ³¹Mose ewelela kwa Yehova na kulabila kuti, "Ha, aba banthu bacita cimo ikuleni nakuzipangila fano ya golide. ³²Koma lomba, napapata bakhululukileni macimo bao: Koma ngati muleke, municosemo mbuku yamwelemba."³³yehova eciti kwa Mose, "aliyense wanicimwila nikamcosemo buku langu. ³⁴Teto lomba nkhoya, basogolele banthu kumalo yenenzolabila nawe. Langa, mngelo akusogoleleni. Koma pasiku yati nikabalange, nikabalange kamba ka macimo yao." ³⁵Yehova etuma mlili pa banthu cifukwa bepanga mwana wa ng'ombe wala wecipanga Aroni.

¹Ndipo Yehova elabila kwa Mose, "nkhoyani kufuma pano, weo na banthu webewela nao kufuma ku mali ya Aigupto. nkhoya ku malo yenelumbilila kuli Abrahamu, kuli Isaki, na kuli Yakobo, pineciti, nikaipase kuli bana bako.' ²Nitume mngelo pasogolo pako, ndipo nibapikishe a Kenani, Amori, Hiti, Perizi, Hivi, na Yebusi. ³Nkhoyani ku malo kufuma mkaka na uci, koma nilute lini nawe, cifukwa nimwe banthu boyua mitima. ningakusilizyeni pa njila."⁴Banthu pabecimvwa mau aya yovutisha, belila, ndipo kuliye aliyense evyala voziwamilisha. ⁵Yehova eciti kuli Mose, "labila na bana ba Aisraeli kuti , nimwe banthu oyuma mitima, kut niyende pakati panu ngakhale kathawi katontho, ningamuononeni. Komba lomba, vulani voziwamilizya kuti niganizile vocita namwe.'" ⁶Teto Aisraeli aliye vwale voziwamilizya kufuma ku lupili la Horebe.⁷Mose etoal tenti nakuikhomela kunja kwa msasa, kamtunda kufuma ku msasa. Euita kuti tenti yokumanako. Liyense ofunosenga Yehova kalikonseeluta kunja kwa tenti yokumanako, kunja kwa msasa. ⁸Mose ngati akaya ku malo yokumnako, banthu bonse benzopanama cili pa milyango yamatenti bao ndipo enzolangilila mose mpaka kufwikila alobe mkati. ⁹Nthawi zonse Mose ngati oloba mumalo yokunamo, nsandamila ya mtambo yenzoseluka nakupanama pa mulyango wa malo yokumanilako, ndipo Yehova enzolabila na Mose.¹⁰Nthawi zonse banthu bonse bakaona nsandamila ya mtambo wapanama pa mlyango wa tenti, benzopanama nopembeza, mwanalume aliyense pa mlyango wa tenti yake. ¹¹Yehova enzolabila na Mose menso na menso, monga munthu olabila na muyake. ndipo mose enzowelela ku msasa, koma wanchito wake Yoswa mwana mwanalume wa Nuni, munyamata, enzosalila mu tenti.¹²Mose eciti kwa Yehova, "langani, mwenzoniuzya kuti, 'peleka aba banthu pa ulwendo wao,' koma muliye niuzye wati nilute nae. Mweciti, 'Nukuziba weo mwazina lako, ndipo wapeza soti kukondelewa m'menso mwangu.' ¹³Lomba ngati napeza kukondelewa m'menso mwanu, nilangizyeni njila zanu kuti nikuzibeni ndipo kuti nipitilizye kupeza kukondelewa m'menso mwanu. Kumbukilani kuti calo cino ni banthu banu."¹⁴Yehova eyankha, "Neo nilute nawe, ndipo nikakupase mpumulo." ¹⁵Mose eciti kuli eve, "ngati mulute lini na seo, osatipelekako kwala. ¹⁶Mwakuti, cizibike tyani kuti napeza kukondelewa m'menso mwanu, neo na banthu banu? cikabelini teti kuti ngati mulute lini na seo ndipo neo na banthu banthu nise osiyana na banthu ayakine bamene bali pansi pa calo?"¹⁷Yehova eciti kwa Mose, "nicite cintu ici, cawakonsh, pakuti wapeza kukondelewa m;menso mwangu, ndipo nukuziba mwazina lako." ¹⁸Mose eciti, "napapa nionesheni ulemelelo wanu."¹⁹Yehova eciti, "nipange kuwama kwangu kupite pamenso pako, ndipo nilalikile zina langu 'Yehova' pamenso pako. Nicitile chisomo kuwati nicitile chisomo, na kuonesha cifundo ku wati nionshe cifundo." ²⁰Koma Yehova ecit, "unganone lini cinso cangu,pakuti kuliye oona cinso cangu nonkhala na moyo."²¹Yehova eciti, "langa, malo aba pano pafupi na neo; upaname pa mwala uyu. ²²Ulemelo wangu puwupita, nikuike kunkhwema ya mwala na kuvala pamenso pako na kwanja kwangu mpaka nipite. ²³Ndiye pati nicose kwanja langu, ndipo uone kumsana kwangu, koma nkhope yangu ioneke lini."

¹Yehova eciti kwa Mose, "tenda maseleti abili a myala monga bala ba poyamba. nilembepo pa maseleti mau benze pama seleti oyamba, maseleti yala yawephwanya. ²Unkhale okonzela kukwwela lupili la Sinai m'mawa, nakuzileta mweka kwa neo palulu pa lupili.³Kuliye muyake wati akawele na weo. Usalole kuti muyakine akaonekele palulu pa lupili. Kuliye ng'ombe kapena mbelele zulyela kusogolo kwa lupili. ⁴Teto Mose etenda maseti abli a myala monga oyamba, na kuuka m'mamawa na kuluta ku lupili la Sinai moonga Yehova mwecikambila kwa eve. Mose enyamula ma seleti a myala m'manja.⁵Yehova eseluka pansi pa mitambo na kuimiila na Mose pamene apo, ndipo efotokoza zina "Yehova." ⁶Yehova epita pamenso pake nokuwa, "Yehova, Yehova, wacifudo na Muluungu wacisomo, wocelwa kukalipa, wonkhazikika, kuwama mtima na cikondi na kukhulupilika, ⁷kusunga cikondi pa masauzande, kukhululukila nthota, zolakwa na macimo. Koma omasula lini opalamula mlandu. Aalete cilango pa macimo pa bana na pa bana ba bana, mpaka m'midwe wacitatu na folo."⁸Mose mwamsanga ebelamila pansi nakupembeza. ⁹Ndipo eciti, "loma ngati napeza ufulu mu menso mwanu, Mbuye wangu, napapata mulute pakati pasu, pakuti aba banthu ni bayumu mtima, tikhululukileni nthota zasu na macimo basu, nakuti londela monga banu."¹⁰Yehova eciti, "langa, nili pafupi kupnga pangano. Pamenso pa banthu bako. Nicite vodabwisha vakuti vikaliyo citikapopa calo conse kapena muminda uliwonse. Banthu bose pakati panu bazione zocita zangu, pakuti ni cinthu cocitisha mantha cati nicite na mweo. ¹¹Mvwilani vanukulamulilani lelo, nili pafupi kufumya pamenso panu ba Amori, a Kanani, a Hiti, Perizi a hivi na yebusi.¹²Nkhalani ba chelu pakusapanga panagano na bonkhala mucalo mwamukuya, bangayonkhala msampha pakati panu. ¹³M'malo mwake, phwanyani maguwa yao, mukaponeshe myala ya vizindikila n kutenda vimiti va mafano. ¹⁴Musapembeze mulungu muyakine, pakuti Yehova, zina lake ni Nsanje, Ni Mulungu wa nsanje.¹⁵Munkhale bachelu pakusapanga pangano na banthu ba mcalo cimulutako, pakuti ozicitisha mafano na milungu yao, bopeleka nsembe kuli milungu yao. Muyakine akakuiteni ndipo mukalye vakupeleka nsembe, ¹⁶mukatole bana bake banakazi kutolela bana banu banalume, ndipo bana bake anakazi akozicitisha mafano ku mulingu yao, na kuzopanga bana bako banalume mafano ku milungu yao. ¹⁷Osazipangila mweka tumilungu twa nsimbi zosungunula.¹⁸Mukosunga phwando la buledi uliye cofufumisha, Mwanekulamulilani, mukokulya buledi uliye cofufumisha kwa masiku sevenipa masiku yamwaika mu mwezi wa Abibu, pakuti ni mwezi wa Abibu wumwefumila mu Aigupto.¹⁹Oyamba kubadwa onse nibangu, na vinalume vonse va vibeto voyamba kubadwa, vofumika ku mbelele kapena ng'ombe. ²⁰Mufunika kuombola voyamba kubadwa va bulu muombole na mwana wa mbelele, ngati muliye igule kuti iwelele, ngati muliye igule muithyole mkosi. Mufunika kuombola onse oyamba kubadwa ba bana banu banalume. Musaonekele pamenso pangu m'manja muliye kanthu.²¹Mukosebenza pa masiku sikisi, koma pa siku ya seveni mukopula. Angakhale pa nthawi yolima na vuna, mukopumula. ²²Mukosunga phwando la masabata yayovuna voymaba va tiligu, na kusunga phwando la kuviika pamozi pakusila kwa caka.²³Katatu pa caka analume onse banalume bakoonekela pamenso pa Ambuye Yehova, Mulungu wa Israeli. ²⁴Nipilikishe vyalo pamenso panu nakukulisha malile banu. Kuliye wati akolaka-laka calo canu monga cao mukacokapo kuyoonekela pamenso pa Mulungu Katatu pacaka.²⁵Usapeleke ngazi na nsembe ya yisiti, kapena nyama kucokela ku nsembe ya cisangalalo ca pasaka kuti isaleke mpaka m'mawa. ²⁶Mukoleta vabwino va vipaso voyamba kuthwala kufumila m'minda zanu kuleta mung'anda yangu. Musabwatushe mwana wa mbuzi ali na mkaka wa nyina wake."²⁷Yehova eciti kuli Mose, "Lemba mau aba, pakuti mwa mau napanga pangano na weo Israeli." ²⁸Mose enze pamene apo masiku fote usiku na mzuba; aliye kulya cakulya kapena kumwa manzi yaliyonse. Elmba pa maseleti mau ba pangano malamulo teni.²⁹Mose pefuma palupili la Sinai na maseleti abili a cipangano conenewam'manja mwake, aliyo zibe kuti nkhanda yake yakumenso yenze yonyezimila penzolabila na Milungu. ³⁰Aroni na Aisraeli peciona Mose, nkhanda yakumenso kwake yenzonyamila, benze na mantha kufwika naye pafupi. ³¹Koma Mose ebaita, Aroni na bonse azisogoleli ba mdela bewela kuli eve. Ndipo Mose elabila nao.³²Pavuli pa izi bonse banthu ba a Asraeli bewela kuli Mose, nakubauzya malamulo yonse yempasa Yehova pa lupili la Sinai. ³³Mose pesilizya kulabila nao, eika nyula pamenso pake.³⁴Nthawi zonse Mose akaluta pamenso pa Yehova kuoyolabila nae, enzocosa nyula, mpaka afume. Akafuma, enzouzya a israeli ciwalamuliliwa kuti alabile. ³⁵Ngati a Israeli amuona banona cinso ca Mose kung'animila, enzovwala soti nyula pamenso mpaka akawelele soti kuyokamba na Yehova.

¹Mose esonkhanisha gulu yonse ya bana ba Israeli nakuti kuli beve, "Ivi niye vinthu vamene Yehova wakulamulilan kuti mucite. ²Pa masiku sikisi nchito ingakatiwe, koma kuli mweo, siku ya seveni yufunika kuba siku ituba, siku ya sabata yopumulilatu, ituba kuli Yehova. Aliyense wokata nchito pa siku ila ofunika kufwa. ³Mufunika lini kuyasha mulilo pa mang'anda yanu pa siku ya sabata."⁴Mose elabila na gulu ya a Israeli kuti, "ici niye cinthu ciwakulamulilani Yehova. ⁵Pelekani copeleka kuli Yehova, monse ba mweo muli na mitima yofunishisha. Letani copeleka kuli Yehova- golide, siliva, mkuwa, ⁶va buluu, pepo, visweta na nyula zopepuka; usako wa mbuzi; ⁷cikumba ca mbelele copentewa redi na cikumba copepuka; cimuti ca minga; ⁸mafuta yamnyale yosanikila, zonunkhilisha za mafuta yozozela, ⁹miyala ya oniki na myala oyakine yabwino kuti yaikiwe mu efodi na pa capacifuwa.¹⁰Mwanalume aliyense waluso pakati panu awele nakupanga vonse vuwalamulila Yehova- ¹¹kacisi na tenti yake, covwikila cake, vokobela vake, mfelemu, mitanda yake, mphanda, na capansi; ¹²soti likasa na tonyamulila twake, covalila pa cotetezela, na ketani yoicingilizya¹³Beleta thebulo na tonyamulila twake, na viya vake vonse, na buledi wa poonekela; ¹⁴coikapo nyale cosanikila, na vinthu vake, nyale zake, na mafuta yamnyale; ¹⁵guwa ya nsembe yofukiza na vonyaulila vake, mafuta ozozela na zonunkhilisha; volelemba vapamlyango pa kacisi; ¹⁶guwa uoshokelapo nsembe na made ya mkuwa na vonyamulila na vofunikila; na dishi ikuleni na capansi cake.¹⁷Beleta volelemba vapanja na vonyamulila vake na vapansi, na maketani ya pamlyango wa panja; na vophinila va kacisi ¹⁸na vophinila va panja, pamozi na nthambo zake. ¹⁹Beleta vovwala vopepuka votungiwa votumikila mu malo atuba, vovwala vituba va Aroni wa nsembe na bana bake analume, kuti beve batumikile ngati bansembe."²⁰Ndipo mitundu yonse yonse ya bana ba Israeli befumapo pamenso pa Mose. ²¹Aliyense wamene mtima wake wekhuziwa na mzimu wake wemfunishisha ewela na kuleta copeleka kuli Yehova cipangila teni yokumanako, na vautumiki vake mkati, na vovwala vituba. bewela onse anakazi na analume, bonse bala enze na mtima ofunishisha. ²²Beleta mphete za pamhuno, mphete zakumatu, na mphete zosindikizyila, na bangili, vowamishila vonse va golide. Bonse bepeleka cpeleka ca golide monga copeleka cobaiabisha kuli Yehova.²³Aliyense enze na bulu, pepeo kapena cisweta, nyula yopepuka, usako wa mbuzi, cikumba ca mbelele copentewa redi kapena cikumba copepuka bevileta. ²⁴Bonse benzopanga copeleka ca siliva kapena mkuwa beleta nagti copeleka kuli Yehova, ndipo aliyense enze na cimuti ca minga ca nchito iliyonse becileta.²⁵Mwanakazi aliyense waluso epyata thonje na manja bake na kuza naco ciwapyata - ca buluu, pepo, kapena thonje usweta kapena bafuta yopepuka. ²⁶Onse anakazi bamene mtima wao wekhuziwa na benze na luso epyata usako wa mbuzi.²⁷Asogoeli beleta myala ya sohamu na myala kuti yaikiwe mu efodi na capacifuwa; ²⁸beleta zonunkhilisha na mafuta yamnyale, yozozela, na cofukiza ca fungo yabwino. ²⁹A israeli beleta copeka caulele kuli Yehova. Mwanalume na mwanakazi aliyense wamene mtima wake wenze ofunishisha eleta vinthu vosebenzeshela pa nchito yamene Yehova elamulila Mose kuti icitiwe.³⁰mose eciti kuli a Israeli, "Yehova waita pa zina ya Bzaleli mwana wa Uri mwana wa Huri, kufuma mu mtundu wa Yuda. ³¹Wazuzya Bezaleli na mzimu wake, kumupasa nzelu, kumvwishisha, na kuzibishisha pa nchito zonse za luso, ³²kupanga vopanga-panga na kusebenza mu golide, siliva, na mkuwa; ³³soti kutenda na kuika myala na kusema vimiti- kupanga vonse vopanga-panga na nchito zonse zamunthu waluso.³⁴Waciika mumtima mwake kuti aphunzise, onse eve na Oholiabu mwana mwanlume wa Alimaleki, kufuma mu mtundu wa Dani. ³⁵Wabazuzya na luso yocita nchito ya mtundu uliwonse ngati baluso, monga wosema, wotunga mu buluu, pepo, na thonje usweta na nyula yosalala, na opanga nyula. Nibaluso mu nchito zonse, ndipo niopanga vopanga-panga.

¹Teto Bezaleli na Oholiyabu na munthu aliyense waliso wamene Yehova epasa luso na cizibisho cokwanisha kuziba nchito iliyonse mopangila malo atuba ofunika kusebenza kulingana na mwecilamulila Yehova."²Mose eita Bezaleli, Oholiyabu na munthu aliyense waluso wamene mzelu zake Yehova emupasa luso, ndipo wamene mtima wake wakhuziwa kuwela kuzocita nchito. ³Belandila zopeleka zonse kuli Mose zamene a Israeli peleta za nchito ya malo atuba.Banthu benze bakaluleta vopeleka vaulele m'mawa muli monse kuli Mose. ⁴Teto banthu onse baluso benzosebenzela m'malo atuba bewela ku nchito zao zibenzocita.⁵Baluso beuzya Mose, " banthu boleta kupitilila pa zofunikila pa nchito yemene Yehova etilamulila kucita." ⁶Teto Mose euzya banthu kuti pasapeke aliyense oleta copeleka ca nchito ya malo atuba. ⁷Teto banthu beleka kuleta mphaso. Benze na vokwanila vosebenzela nchito na kusalako.⁸Moteto bazaluso onse mwabeve bepanga kacisi na maketani yali teni yopangiwa nabafuta ya thonje na bulu, pepo, na thonje usweta na vopangiwa va akelubi. Iyi yenze nchito ya Bezaleli, munthu waluso ngako. ⁹Utali wake wa ketani iliyonse mamita yali 28, mbali mamita folo. Maketani yonse yenze yolingana muyeso wake. ¹⁰Bezaleli elumikizya maketani yali faivi kuiyake, ndipo yali faifi eyalukizya soti yayake.¹¹Bepanga nthambo za buluu mwa kunja kwa kosilizyila kwa keyani ku imozi, na kucita cimozi-mozi kunja kwa kosizyila kwa ketani yacibili. ¹²Epanga nthambo zili fifite za maketani yoyamba na zili fifite za kosilizyila kwa maketani yacibili. Teto nthambo zenze zolangana. ¹³Epanga vokobela vili fifite va golide nakuika maketani pamozi na veve kuti kacisi unkhale pamozi.¹⁴Bezaleli epanga mketanii ya usako wa mbuzi wa tenti palulu pa kacisi; epanga maketani yali leven. ¹⁵Utali wa ketani iliyonse wenze mamita yali sate, mbali mamita folo. Ketani iliyonse yenze yolingna muyeso wake. ¹⁶Elumikizya maketani yali faivi pamozi ndipo yali sikisi eyalumikizya soti pamozi. ¹⁷Epanga nthambo zili fifite mbali mwa kosilizyila kwa ketani ya moika moyamba, na nthambo zili fifite mbali mwa kosilizyila kwa ketani kulumikizya moika mwacibili.¹⁸Bezaleli epanga vokolobekela va mkuwa vili fifite nolumikizya pamozi kuti cinkhale cidunswa cimozi. ¹⁹Epanga covinikila pa kacisi ca cikumba ca mbelele copentewa redi, ciyakine covinikila ca cikumba cosalala cakuya palulu pa ico.²⁰Bezaleli epanga mafelemu yopanamika kufuma ku cimuti ca minga ca Kacisi. ²¹Utali wake wa felemu wenze mamita teni, ndipo mbali mwake mwa felemu yenze mita imozi na hafu. ²²Felemu iliyonse yenze na cophinila columizyila mafelemu pamozi. Ecita ici ku mafelemu yonse ya kacisi. ²³Epanga ma felemu ya kacisi mu njila iyi: mafelemu yali twenti ku mbali kyakumpoto.²⁴Bezaleli epanga vapansi va siliva vili fote kuti vinkhale pansi pa mafelemu. Penze vapansi vibili pansi pa felemu iliyonse kulumikizya mafelemu pamozi, soti vapansi vibili pansi pa felemu iyakine iliyonse kulumikizya mafelemu pamozi. ²⁵Mbali yacibili ya kacisi, kumazulo, epanga mafelemu twenti ²⁶na vakunyansi vake vili fote. Penze vakunyansi vibili pansi pa felemu yoyamba, vakunynsi vibili pansi pa felemu yonkhapo, mpaka teto.²⁷Kuvuli kwa kacisi kumwela, Bezaleli epanga mafelemu yali sikisi. ²⁸Epanga mafelemu yabili ya kuvuli kwa makona ya kacisi.²⁹Mafelemu aba benze ogabanikana panyansi, koma olumikizyana palulu mu mphete imozi. Epanga yabili mwa yeve mu njila iyi ya makona abili. ³⁰Penze mafelemu yali eiti, pamozi na vapanyasi vake va siliva. Penz vapanyansi vili sikisitini pamozi, vapanyansi vibili kunyansi kwa felemu yoyamba, vakunyansi vibili kunyansi kwa felemu yokonkhapo, mpaka teto.³¹Bezaleli epanga tumitanada twa cimuti ca minga- mafelemu faivi ya mbali iyakine ya kacisi, ³²tumitanda tuli faivi twa mafelemu twa mbali iyakine ya kacisi, ndipo mitanda yali faivi ya mafelemu ya mbali yakuvuli kwa kacisi cakumwela. ³³Epanga kamtanda kapakati pa felemu, ili, hafu kulu, kufwika kosilizyila na kosilizyila. ³⁴Evwinikila mafelemu ya golide. Epanga mphete zake na golide, kuti veve vikatilile tumitada, ndipo evwinikila tumitanda na golide.³⁵Bezaleli epanga maketani ya buluu, pepo, na thonje usweta, na bafuta yosalala, na mapangidwe ya akelubi, nchito ya munthu wa luso. ³⁶Epanga sandamila na cimuti ca minga za maketani, nakuvivinikila na gollide. Epanga soti tokobela twa sandamila, nakuipo vapansi vili folo.³⁷Epanga colele mba ca pamlyango pa tenti. cenze copangiwa na bulu, pepo, na thonje usweta, kusebenzesha bafuta, nchito ya wotunga. ³⁸Epanga soti volelemba va sandamila na vkobela. Evinikila palulu pake na tumiti twake na golide. Vakunyansi vake venze vopngiwa na mkuwa.

¹Bezaleli epanga likasa la cimuti ca minga, kutalimpha kwake kwenze manja abili na hafu; kufupika kwake kwanja na hafu; msnkhu wake kwanja na hafu. ²Evwinikila mkati kunja na golide wabwinonakipanga molekezyela mwa golide kuzunguluka palulu pake. ³Eponyamphete folo za golide m'mendo bake, na mphete zibili mbali yake imozi na mphete zibili kumbali iyakine.⁴Epanga mijikililo ya cimui ca minga na kuivwinikila na golide. ⁵Eika mijikililo m'mphte mbali mwa likasa, kuti anyamule likasa. ⁶Epanga civwinikilo ca pacotetezela ca golide wabwino kutalimpha kwake manja abili na hafu, na kufupika kwake kwenze kwanja limozi na hafu.⁷Bezalelei epanga makelubi abili a golide onola mbali zzibili zosizyila za civwinikilo a pacotetezela. ⁸Kelubi m'mozi enze wa kothela kwa civwinikilo ca pa cotetezela, na kelubi muyakine enze wa kothela kuyakine. Vepangiwa ngati cinthu cimozi na civwinikilo cotetezela. ⁹Akelubi emwazya mapapiko yao mululu na kuvwinikila civwinikilo catetezela. Akelubi elangana nolanga pakati pa covwikila pa cotetezela.¹⁰Bezaleli epanga thebo ya cimuti ca minga, kutalimpha kwake kwenze manja abili, kufupika kwake kwanja limzi, na mulu mwak mwenze kwanja na hafu. ¹¹Elivwinikila na golide wabwino nakuika mothela mwake gollide wabwino kuzunguluka palulu. ¹²Eipangila mitanda mozunguluka mokwanila kwanja limozi, na na cozunguluka mbali mwa golide wa mtanda. ¹³Eiponyela mphete flolo za golide nakuimatuzhya mphete m'makona folo, kenze mendo folo.¹⁴Mphete zenzematizyiwa ku mitanda kupasa mpata mijikililo, kuti thebo inyamulike. ¹⁵Epanga vijikilila ca vimiti va minga na kuvwinikila na golide, kuti anyamulele thebo. ¹⁶Epanga viya vonkhala pa thebo- ma dishi, masupuni, viya na misuko kuti akoikam zopeleka. Evipanga kusebenzesha golide wabwino.¹⁷Epanga coikapo nyale ca golide wabwno. Epanga cokaipo nyale na sinde yake na mubili wake, makapu bake, na sinde yonola, na maluba bake venzepangiwa molumukizika. ¹⁸Misambo sikisi yefuma kumbali ake- misambo itatu yefuma kumabli iyakine, na misambo itatu ya coikapo nyale yefums kumabli iyakine. ¹⁹Msambo woyamba wenze na makaku atatu yopangiwa n katunguluwe, na sinde yalitepo na liluba, na makapu atatu opangiwa na katunguluwe m'misambo iyakine, na sinde ya litepo. Cenze cimozi m'misambo yonse sikisi yefuma ku coikapo nyale.²⁰Panyale peve, mabli ya pakati penze makap folo opangiwa ngati katungulume na sinde ya litepo na liluba. ²¹Penze sinde ya litepo mnyansi mwa msambo wayamba- wopangiwa ngati gawo limozi, na mphada mnyasi mwa msambo wacibili- wepangika soti ngati umozi. Munjila iimozi-mozi kwenze sinde ya litepo mnyansi mwa gawo ya misambo yacitatu, yopangiwa ngati gawo imozi. Cenze cimozi-mozi ku misambo yonse sikisi yefuma ku coikapo nyale. ²²Masinde ya matepo yao na mphanda venze volumikizyika kwa ceve, conolewa cimozi canchito ca golide wabwino.²³Bezaleli epanga coikapo nyale na nyale zake seveni, vopanilila na vonyamulila va golide. ²⁴Epanga coikao nyale na zipangizo zake na talente ya golide wabwino.²⁵Bezaleli epanga guwa lofukiza, elipanga na cimuti ca minga, kutalinpha kwanke kwenze kwanja limozi na kufupika kwake kwanja limozi. Cenze na mbali zolingana na mululu mwake mwenze manja abili, mansengo bake benzepangiwa mulumikizika na ceve. ²⁶Evwininkila guwa lofukiza na golide wabwino- palulu pake, mbali mwake na mansengo bake, Epanga sti malile ozungulla ba golide.²⁷epanga mphete zibili za golide kuti zilumikizyike kwa ceve kunyansi m'malile bake ba mbali zibili zisyana. Mphete zenze zkatilila ku mikililo ponyamulila guwa. ²⁸Epanga mijikililo ya vimiti ya minga na kuvwinikila na glolide. ²⁹Epanga mafuta opatulika ozoza na cofukilza conkhila bwino, mwa nchito ya onunkhilisha.

¹Bezaleli epanga guwa yoshokelapo nsembe na cimuti camakangaza. Yenze mamita faifi mbali na mamita faifi kukula- yolingana mbali zonse- na mamita yatatu utali. ²Ekulishilako m'makona mopangiwa monga ni mapondo ya ng'ombe. Mapondo yepangiwa na cidunswa cimozi ca guwa, ndipo ecivwinikila na mkuwa. ³Epanga zofunikila zonse zapaguwa- mapoto ya milota, mashavelo, madishi, mafoloko ya nyama, na mapani ya muliro. Epanga zofunukila zonse izi na mkuwa.⁴Epanga made ya guwa, yopangiwa na mkuwa kuti iikiwa pansi pa coikapo, pakati na pakati mpakana kunyasi. ⁵Eika mphete zili folo za makona yali folo ya made yamkuwa, monga cokatila mitanda.⁶Bezaliyele epanga mitanda ya cimuti ca makangaza nakucivinikila na mkuwa. ⁷Eika mitanda mu mphete mbali mwa guwa, kuti inyamuliwe. Epanga guwa ya mpata, yopangiwa na mapulanga.<<<<<<< HEAD⁸Bizaliyele epanga dishi ikuleni ya mkuwa na coikapo cake. Dishi eipanga na gilasi yefumila ku anakazi benzotumikila pamlyango wa tenti yokumanilamo.=======⁸Bezaleli epanga dishi ikuleni na coikapo cake. Epanga dishi na gilasi ya anakazi benzotukila pamlyango pa tenti yokumanako.>>>>>>> e021478d447cd9f71a21deb48fd34a276c5c5308<<<<<<< HEAD⁹Epanga soti panja pocingililiwa. Volelemba vakumbali yakum'mwela kwa panja pocingililiwa venze va nyula yosalala, mamita handiledi mbali. ¹⁰Volelemba venze na mitanda twenti, na vapansi vili twenti. Penze vokobela vokumana na mitanda, pamozi na tumiti twa siliva.=======⁹¹⁰Epanga soti panja. Volelemba vakum'mwela kwa panja venze va bafuta, mamita yali handiledi kutalimpha.>>>>>>> e021478d447cd9f71a21deb48fd34a276c5c5308¹¹Cimozi-mozi na mbali yakumpoto, kwnze volelelmba mamita handiledi mbali na mitanda twenti, vapanyansi va siliva twenti, vokobela vokumana na mitanda, na tumiti twa siliva. ¹²Volelemba vakum'mazulo venze mamita fifite mbali, na mitanda teni na vapanyansi. vokobela na tumiti venze va siliva.¹³Panja pocingililiwa napo soti penze mamita fifite mbali kum'mawa. ¹⁴Volelemba va mbali imozi ya pamlyango yenze mamaita fifitini mbali. Benze mna mitanda itatu na vapanyansi vitatu. ¹⁵Ku mabli iiyakine ya pamlyango wa panja pocingililiwa penze soti volelemba mamatita fifitini mbali, pamozi na mitanda itatu na vapanyansi vitatu. ¹⁶Volelemba vonse venze vopangiwa na nyula yosalala.¹⁷Vapanyansi va mitanda venze vopangiwa na mkuwa. Vokobela na tumiti twa mitanda venze pongiwa na siliva, ndipo vovwinikila palulu pa mitanda venze vopangiwa na siliva. Mitanda yonse ya panja pocingililiwa yenze yovwinikiliwa na siliva. ¹⁸Ketani ya pamlyango wa panja pocingililiwa yenze mimita twenti utali. Ketani yenze ya buluu, pepo, na isweta, na bafuta wa thonje, ndipo yenze mamita twenti utali. Mamita twenti mbali na mamita faifi kuya kululu, monga maketani ya panja pocingililiwa. ¹⁹Yenze na vanpansi vili folo vamkuwa na vokobela vasiliva. Vovwinikila va palulu pake na tumiti twake twepangiwa na siliva. ²⁰Vophinila vonse va tenti ya kacisi na panja pocingililiwa venze vopangiwa na mkuwa.²¹Ici ni cibelelngelo ca zinthu zamkacisi, kacisi ya umboni, mwecetolewa kukokha mau ba Mose. Yenze nchito ya a Levi pansi paulmuliro wa Itamara mwana wa Aroni wansembe. ²²Bezaleli mwa wa Uri mwana wa Huri, kufuma mu mtundu wa Yuda, epanga vonse vecilamulira Yehova kwa Mose. ²³Oholiyabu mwana wa Ahisamaki, kufuma mu mtundu wa Dani, esebenza pamozi na Bezaleli monga osema, monga nchito ya munthu waluso, ndipo ngati wotunga mu buluu, pepo, na thonje isweta na nyula yosalala.²⁴Golide wonse wesebenzeshewa pa nchito, mu nchito zonse za malo atuba- golide w nsembe yobaibisha- wenze matalenti 29 na masekeli 730, kupimiwa kulinga na mpimo wa malo atuba wa masekeli. ²⁵Masiliva epeleke na gulu la banthu belema matalenti 100 na 1,775 masekeli, kulingana na masekeli ya mao atuba, ²⁶kapena beka imozi pa munthu, yamene ili hafu ya sekeli, pa mpimo wa masekeli ya malo atuba. Uyu ni muyeso wolinganizya pa munthu aliyense ebelengewa pa cibelengelo, bala benze na zaka twenti na kuya palulu- 603,550 analume onse pamozi.²⁷Matalenti handiledi ya siliva yeikiwa ku vakunyansi va malo atuba na maketani ya vakunyansi- vapanyansi handiledi, cakunyansi ciliconse talenti imozi. ²⁸Na masekeli yoasalila 1,775 ya siliva, Bezaleli epanga vokobela va mitanda, novwinikila palulu pa mitanda, na kupanga tumiti twake. ²⁹Mkuwa wa nsembe yobaibisha yelema matalenti sevente na masekeli yali 2,400.³⁰Na izi, epanga capanyansi ca pamlyango wa tenti yokumanamo, guwa ya mkuwa, made yake, zinpangizo zonse za pa guwa, ³¹capanyansi ca panja pocingililiwa, capnsi ca pamlyango pa panja pocingililiwa, vophinila vonse va tenti ya kacisi, na vophinila vonse va panja pocingililiwa.

¹Nava bulu, pepo, navisweta, vovwala, bepanga yoonekela mikhanjo ya nchito mumalo atuba beoanga munkhanjo wa Aroni wa kumalo atubamonga Yehova elamulila Mose.²Bezaliyele epanga epfodi ya golide, ca bulu, pepo, na covwala cisweta, na nylala ya kotoni yopepuka. ³Ndipo benola malata ya golide nakuyatenda mu mawaya. kuusebenzesha mu bulu, pepo, namcovwala cisweta, na munyulala zopepeuka, nchito za munthu wa luso.⁴bepanga tudunswa twa paphewa kuli efodi, kulumikizyana zibilizapalulu pakona. ⁵Cotungiwa copepuka camuluunda cenze monga ni efodi; cenze copangiwa kadunswa kamozi kamozi ka efodi, yopangiwa na nyula yopepuka yamene yenze golide, bulu, pepo, na nyula isweta monga mwemuuzyila Yehova Mose.⁶Bekonza ngolo ya myala, nakuivala na golide. Beika mosamala monga cizindikilo na mazia ba bana ba Israeli. ⁷Bezaleli eika pa maphewa tudunswa-tudunswa twa efodi kuti tunkhale mwala okumbukilapo kwa bana ba Israleli, monga Yehova elamuila Mose.⁸Epanga capapanganga, nchito yamutnhu waluso yopangiwa monga efodi. Epanga ca golide, wa bulu,pepo, na nyula yopepuka isweta. ⁹Cenze camakona yolingana, becipeteka capanganga kabili. Cenze cimozi citali nacimozi cotalamuka.¹⁰Beika mizela folo ya myala yabwino. Muzela woyambawenze na rubi, topazi, na ganeti. ¹¹Muzela wacibili wenze na emarodi, safire na dayamondi. ¹²Muzela wacitatu swenze na yasipa, mpanda, na amafesti. ¹³Muzela wa folo wenze na berili, oniki, na yasipa. myala yeunjikiwa mumaikidwe ya golide.¹⁴Kwenze myala twelufu, umozi wa mazina onse a bana ba a Israeli, ciliconse cosemewa na zina imozi ya mibadwo twelufu ya bana ba a Israeli. ¹⁵Capanganga bepanga na cheni monga vinthambo nchito yomangiwa na golid wendi. ¹⁶Bepanga golide ibili, na mphete ya golide, ndipo beika mphete zibili mumakona ba capanganga.¹⁷Beika macheni yotungiwa yabili ya golide mu mphete zibili mumakona ba capanganga. ¹⁸Beika masilizyilo yabili, ya macheni yopyatiwa ku zoikamo zibili. Beika ku capaphewa cotenda ca efodi kusogolo kwake.¹⁹Bepanga mphete zibli za golide na kuika kumakona babili ba capanganga mu mbali kufupi na kumalile yamkati. ²⁰Bepanga soti mphete za golide nakuziika ku nyansi kwa vidunswa vibili vapaphewa pasogolo pa efodi, pafupi na potungiwa, palulu pa nyula yopepuka ya mpango ya efodi.²¹Bemanga capanganga na mphete zake ku za efodi na nthambo za buluu, kuti inkhale yokatilila palulu pa nyula yopepeuka ya mpango. Izi zenze teto kuti capanganga cisankhale cosakana na efodi. Izi zeciti monga yehova mwemulamulila Mose.²²Bezalileli epanga mkhanjo wa efodi wa nyula ya buluu, nchito ya wopyata. ²³Cenze na povulika ca mutu pakati. Povulika penze nsonga yopyata kuti pasang'ambike. ²⁴Pasi bepanga mpendelelo wa buluu, pepo, na ca kotoni wa thonje na nyula yopepuka.²⁵Bepanga belu ya golide wendi, ndipo beika mabelu pakati pa mkawo wa makangaza na kuzunguluka pansi posilizyila mkhanjo, pakati pa makangaza- ²⁶Belu na makangaza, belu na makangaza- kosilizyila kwa mkhanjo wa Aroni wotumikila uyu enze Yehova elamulila Mose.²⁷bepanga khoti ya nyula yosalala ya Aroni na bana bake. ²⁸Bepanga dubila ya nyunla yosalala, na covwala cakumutu ca nyula yosalala na covwala camkati ca nyula yosalala ²⁹na ka sashi ka nyula yosalala ya buluu, pepo, na isweta, nchito ya waluso. Ici cenze monga Yehova mwelamulilila Mose.³⁰Bepanga mbale za kolona utuba wa golide; besemelamo, monga cosemelamo ca cizindikilo, "cituba kuli Yehova." ³¹Beikako nthambo ya nyula ya buluu, palulu pa ndubila mwamene Yehova elamulila Mose.³²Lomba nchito yapa kacisi, tenti yokumanako, yesilizyika. banthu ba Isaraeli becita vonse. Bekonkha malamulo yonse Yehova epasa Mose. Beleta ³³kacisi kwa Mose- tetni na zonse zofunikila, mapulanga, mitanda, nsandamila, na vakunyase vake; ³⁴Vovwinikila va vikumba va mbelele visweta, vovwinikila va vikumba na nyula yovwala ³⁵likasa la umboni, ndipo soti na vimiti na covwinikila pa cotetezela.³⁶Beleta thebulo, na zofunikila zake zonse, na buledi wa poonekela; ³⁷coikapo nyale ca golide wendi na nyale zake mumzelea, na zonse zofunikila na mafuta ya munyanle; ³⁸guwa ya golide, mafuta ozozela na zonunkhilisha; ketani ya polobela pa kacisi; ³⁹guwa ya mkuwa, na made yake yamkuwa na vimiti vake na viya na dishi ikuleni na capansi cake.⁴⁰Beleta maketani ya mkati na volembapo vake na capansi cake ndipo na ketani yapamlyango; nthambo na tenti na vokatila tenti na zonse zofunikila za nchito ya mkacisi, na tetni yokumanako. ⁴¹Beleta vovwala vopatulika mumalo yatuba, vovwala vituba va Aroni wansembe na bana bakekwa eve kuti asebenze monga wansembe.⁴²Aba ni banthu ba a Israeli ecita nchito monga Yehova elamulila Mose. ⁴³Mose eziyesa zinchito zonse, ndipo, langani, beicita. Monga mwelamulila Yehova, mu njila iyo beicita. Ndipo Mose ebadalisa.

¹Yehova elabila kwa Mose, kuti, ²"pasiku yoyamba ya mwezi oyamba wa caka ca nyowane mpange kacisi, tetni yokumanilamo.³Muikemo likasa la umboni mwamene umo, mukoibia likasa na ketani. ⁴Muikemo thebulo na vinthu vunkhala pamene apo. Uikemo coikapo nyale noikapo na nyale zake.⁵Muike na guwa ya nsembe ya golide pafupi na likasa la umboni, na pamlyango wa kacisi muikepo ketani. ⁶Muike guwa yoshokelapo nsembe kusogolo kwa mlyango wa kacisi, ku teenti yokumalako. ⁷Uike dishi ikulu papkti pa tenti yokumalako na guwa noikamo manzi mkati.⁸Muike mpanda wozunguluk kacisi, polobela mumpanda muikepo ketani. ⁹Ufunika utole mafuta ozozela nozoza kacisi na zonse zili mkati mwake. Uipatule na vonse vufunika; nduye pati ikankhale yopatulika. Uzoze guwa yoshokelapo nsembe na viya vake vonse. ¹⁰Ufunika unipatulile guwa kuti nayo ikhale yopatulika kuli neo ndipo inkhale ituba ngako kuli neo. ¹¹Uzoze dishi yamkuwa na ciphaka cake noipatula kuba yangu.¹²Ufunikoleta Aroni na bana bake banalume ku mlyango wa tentiyokumanako na kubasambika na manzi. ¹³Aroni umuvwalike vovwala vopatulikila neo, umuzoze nompatula kuti asebenze monga wansembe.¹⁴ulete bana bake banalume nakubavwalika vikhoti. ¹⁵Ubazoze pauzoza ausuwao kuti banisebenzele monga bansembe. Kuzoza kwao kulengeshe kuti unsembe upitilile kupita m'mibadwo ya banthu bao onse." ¹⁶Ici niye cecita Mose: eonkhal vonse vemulamulila Yehova. Ecita ivi vinthu vonsr¹⁷Teto kacisi wpanamikiwa pasiku yoyamba mu mwezi woyamba mu caka cacibili. ¹⁸Mose epanamika kacisi, eika ciphaka cake m'malo, eimika mafelemu, noika vokatililisha, noimika mphanda na nsandamila. ¹⁹Etambusula covwnikila pa kacisi noikapotenti palulu pake, mwecimulamulila Yehova. ²⁰Etola zinenelo za cipangano nozika mulikasa. eika soti vimiti palikasa noikapo civwinikilo ca pa cotetezela palulu pake.²¹Eleta likasa mkacisi. Eikapo ketani kubisa likasa la umboni, monga mwemulamulila Yehova. ²²Eika thebulo mtenti yokumanako, kumpoto kwake kwa kacisi, kunja kwa ketani. ²³Eika buledi m'malo mwake pa thebulo pamsenso pa Yehova, monga mwemulamulila Yehova.²⁴Eika coikapo nayle mtetni yokumanako, kupita pa thebulo, kumwela kwa kacisi. ²⁵Emuyashila nyale Yehova, monga mwenze mulamulila Yehova.²⁶Eika guwa ya zonunkhia ya golide mtenti yokumanako kusogola kwa ketani. ²⁷Eshoka lubani wonunkhila pamene apo, monga mwecimulamulila Yehova.²⁸Ekhoma ketani pamlyango pa kacisi. ²⁹Eikamo guwa ya nse,be zoshoka pamlyango pa kacisi, tenti yokumanako. Eikamo nsembe zoshoka na nsmebe yaunga, monga mwecimulamula Yehova. ³⁰Eika dishi pakati pa tenti yokumanako na guwa, noikamo manzi osamba.³¹Mose, Aroni na bana bake analume benzosambamo m'manja na m'mendo mwamwene umo mu dishi. ³²Nthawi zonse akafuna kuloba mu tetni yokumanako na pala ngati ofunoluta pa guwa. Benzosamba monga mwecimulamulila Yehova. ³³Mose eimika mpanda kuzunguluka kacisi na guwa. Eikapo ketani poloela mumpanada. Mwanjila iyi, Mose esilizya nchito.³⁴Lomba mtambo wephimba tetni yokumanako, na ulemelelo wa Yehova wephimba kacisi. ³⁵Mose ekangiwa kuloba mu kacisi cifukwa ca mtambo wenze wenkhalapo, na cifukwa ca ulemelelo wa Yehova wenze wezula mkacisi.³⁶Nthawi zonse mtambo ukacose pa kacisi, banthu ba Israeli benzoyambapo ulwendo. ³⁷Koma ngati mtambo ukaliye fumapo pa kacisi, banthu ba a Israeli benzonyamuka lini. Benzonkhala mpaka siku yati ikacosewe. ³⁸Ndaba mtambo wa Yehova wenkhala palulu pa kacisi mzuba, na mullo wake usiku, mkulanga kwa banthu bonse ba Israeli paulwendo wao wonse.

¹Yehoova elabila na Mose kucoka mtetni yokumanako, eciti, ²"Labila nao banthu ba Israeli nobauzya kuti, 'ngati munthu aliyense wocoka pakati panu waleta nsembe kwa Yehova, mulete cinyama monga nsembe, kucoka pa ng'ombe olo pa vibeto.³Ngati nsembe yake ni nsembe yoshoka ya pa ng'ombe, ofunika kupeleka inalume iliye cilema. Ofunika kuipelekela pa mulyango wa tenti yokumanako, kuti ivomelezyewe kwa Yehova. ⁴Ofunika kuika kwanja lake pamutu pa nsembe yoshoka, na kuti ikpvomelezyewa m'malo mwa eve kupanga cotetezelako cake.⁵Apaye ng'ombe inalume pamenso pa Yehova. Bana banalume ba Aroni bansembe, beleta magazi nakuyawazya paguwa ili pamlyango wa tetni yokunamo. ⁶Ndipo afundule nsembe yoshoka na kuitenda mu nthuli.⁷lomba bana ba Aroni wansembe baike muliro paguwa noika nokonza nkhuni pamuliro. ⁸Ndipo bana banalume ba Aroni, bansembe, baikepo akoikapo nthuli, pamozi na mutu na mafuta, pankhuni zili pamuliro uli pa guwa. ⁹Koma vam'mala na mendo avisuke na manzi. Ndipowansembe ashoke vonse monga nsembe yoshoka. Ocose ka mfungo kabwino kati kawere kwa neo; inkhale nse,be yopangiila neo na muliro.¹⁰Ngati nsembe yake ya nsembe yoshoka niyocokela pa vibeto, imozi ya mbelele olo imozi ya mbuzi, ofunikopeleka inalume iliye cilema. ¹¹Apaye cakum'mwela kwa guwa pamenso pa Yehova. Bana banalume ba Aroni, bansembe, bawazye magazi yake pa mbali zonse za guwa.¹²Aitede nthuli na mutu na mafuta yake, na bansembe baike nthuli pa nkhuni zili pamuliro uli pa guwa, ¹³koma vamkati na mendo avisuke na manzi. Ndipo wansembe apeleke vonse, novishoka paguwa. Ni nsembe yoshoka, nakuti ifumye kamfungo kabwino kwa Yehova; ibe nsmebe yopangiwila eve na muliro.¹⁴Ngati nsembe yake ya kwa Yehova ibe ya vinyoni, ofunika kuleta nkhunda olo cikanda ca njiba. ¹⁵Wansembe ailete ku guba, acose mutu wake, na kuishoka pa guwa. Ndipo magazi bake akocosela kumbalikwa guwa.¹⁶Ofunika kucosa mbeu zake na vonse vili mkati mwake, na kuziponya pa mbali pa guwacakum'mawa, ku malo kwa phulusa. ¹⁷Aing'ambe na maphaphiko, koma asaisilizyiletu kuitenda kugaba pabili. ndo wansembe aishoke paguwa, pankhuni zili pamuliro. Inkhale nsmebe yoshoka, na kuti ifumye amfungo kabwino kwa Yehova; inkhale nsembe yopangiwila eve na muliro.

¹Aliyense akaleta nsembe ya mbeu kwa Yehova, nsembe yake inkhale unga wopela, nakuti atileko mafuta na kuikapo zonunkhilisha. ²Atwale nsembe yake kwa bana ba Aroni banalume bansembe, ndipo uko wansembe atole kwanja yozula na unga wopela na mafuta na kuikako zonunkhilisha. Lomba wansmebe ashoke nsembe paguwa monga nsmebe yompanamilako. Ifumye kamfungo kabwino kwa Yehova; inkhale nsembe yompangila na muliro. ³Zonse zosalila pa nsembe ya mbeu zibe za Aroni na bana bake banalume. Nituba ngako kwa Yehova yocoka ku nsembe za Yehova yopangiwa na muliro.⁴Mukapeeke nsembe iliye cofufumisha yopangila mcitofu, yufunika kunkhala buledi yofeba ya unga woyavizya na mafuta, olo buledi yokosa iliye cofufumisha, yoapakiwa na mafuta. ⁵Ngati nsembe yanu ya mbeu niyopangiwila pani ya nsimbi, ikhale ya unga wopelailiye cofufumisha koma muyavizye na mafuta.⁶Muigab notilapo mafuta. Iyi ni nsembe ya mbeu. ⁷Ngati nsembe yanu ya mbeu yapikiwa pa pani, yufunika kupangiwa na unga wopela na mafuta.⁸Mufunika kuleta kwa Yheova nsembe za mbeu zopangiwa na izi zinthu, nayo ikatwaliwe kwa wansembe, wati akailete ku guwa. ⁹Lomba wansembe atolepo pa nsembe za mbeu zati zibe nsembe zopanamilako, nakuishoka pa guwa. Zinkhale nsembe zopangiwila na muliro, nayo itwale ka fungo kabwino kwa Yehova. ¹⁰Ziti zisalepo pa nsembe za mbeu zibe za Aroni na bana bake banalume. Niituba kwa Yehoava yufuma ku nsembe ya Yehova yopangiwa na muliro.¹¹Paliye nsembe ya mbeu yati mkoleta kwa yehova yati nokopanga na isiti, osati mukoshoka cofufumisha, olo uci uliwonse, kuti inkhale nsembe yopngila Yehova na muliro. ¹²Mupeleke kwa Yehova monga nsembe za vipaso voyamba kutwala, koma vikasebenzeshewe lini kutwala fungo labwino pa guwa. ¹³Muiwanishe nsembe iliyonse na munyu. Osati mukolola kuti munyu wa cipangano ca Mulungu ukopezeka kuti paliye pa nsembe yanu ya mbeu. Pa nsembe iliyonse mukoikapo munyu.¹⁴Ngati mupeleka nsembe ya mbeu ya voyamba kutwala kwa Yehova, mupeleke zosayuma na kuzishoka na muliro na kuzithwa kupanga unga. ¹⁵Muikeko mafuta na vonunkhilisha. Iyi ni nsembe ya mbeu. ¹⁶Lomba wansmbe ashokepo ziyake za zila zapelewa na mafuta na vonunkhilisha monga nsembe yopanamilako. Iyi ni nsmebe yoapngila Yehova na muliro.

¹Ngati muyakine opeleka yamene ili copeleka ca ciyanjano ya cinyama cocoka pa ng'ombe, ingankhale inalume olo ianakazi, apeleke cinyama ciliye cilema kwa Yehova. ²Aike kwanja yake pa mutu wa copeleka nakucipaya pamlyango wa tetni yokumanako. Lomba bana banalume ba Aroni bansembe bawazye ngazi mbali mwa guwa.³Munthu apeleke nemsebe ya ciyanjano na muliro kwa Yehova. Mafuta yophimba olo kugumikizyana na vamkati, ⁴na inso zibili na mafuta ali mwamene umo ali mu luunda, na ovwinikila cibindi, na inso-vonse ivi ufumyemo. ⁵Bana ba Aroni bashoke pa guwa pamozi na nsembe zoshoka, zamene zili pa nkhuni zili pamuliro. Izi zifumye kamfungo kabwino kwa Yehova; inkhale nsembe yompangila pamuliro⁶Ngati nsembe ya mutnhu ya ciyanjano ni yocoka pa gulu ya mbelele; inalume olo iankazi, ofunika kupeleka nsmebe iliye cilema. ⁷Ngati opeleka mwana wa mbelele nsembe yake, aipeleke kwa Yehova. ⁸Aike kwanja lake pamutu pa nsembe na kuipaya pafupi na tenti yokumanako. Lomba bana ba Aroni banalume bawazye ngazi yake m'mbali mwa guwa.⁹Mwanalume apeleke nsembe monga copeleka copangiwa pa muliro kwa Yehova. Mafuta, mcila wa mafuta wonse mutendele pafupi na bonzo yapamsana, na mafuta ophimba vamakati na mafuta onse yali pafupi na vamakati, ¹⁰na inso zonse zibili na mafuta bake, yali mluunda, na yovwinikila cibindi, na inso- conse uvifumyemo. ¹¹Ndipo wansembe ashoke zonse pa guwa mnga nsembe yoshoka ya cakulya kwa yehova.¹²Ngati copeleka ca muntu ni mbuzi acipeleke kwa Yehova. ¹³Aike kwanja lake pa mutu pa mbuzi na kuipaila pafupi na tenti yokumanamo. Lomba bana ba Aroni bawazye ngazi yake mbali mwa guwa. ¹⁴Munthu apeleke nsembe yake yopangiwa na muliro kwa yehova. Acose mafuta opahimba vamakti na mafuta yali kufupi na vamkati.¹⁵Acoseko na inso zibili na mafuta yake, yali pafupi na vamkati, yamene yali mluunda, na cuvwinikila cibindi na inso. ¹⁶Wansembe ashoke vonse monga nsembe yoshoka ya vakulya, kuti icose kafungo kabwino. Mafuta yonse niya Yehova. ¹⁷Inkhale lamulo yonkhalilila la mbadwo ya banthu yonse m'malo muli monse mwati mupange monkhala kuti osati mukokulya mafuta yangazi.

¹Yehova elabila kwa Mose, kuti, ²"bauzye banthu ba Israeli kuti, 'ngati pali munthu wacimwa cosafuna kucimwa, wacita pa vinthu vecilamulira Yehova kuti osati vukocitiwa, nakucita cinthu coleshelewa, pofunika pacitike izi. ³Ngati ni mkulu wansembe wacimwa noleta mulandu pa bantu, lekani apeleke pacimo iwacita atole ng'ombe inalume iliye cilema kwa yehova monga nsembe yaucimo.⁴Alete ng'ombe inalume ku mlyango wa tenti yokumanako kwa Yehova, akiike kwanja pamutu, nakupaya ng'ombe inalume kwa Yehova. ⁵Wansembe ozozewa atolepo pa ngazi ya ng'ombe inalume noitwala ku tetni yokumanako.⁶Wansembe asusike cikumo cake mu ngazi nowazya iyakine ka seveni kwa Yehova, pafupi na ketani yaku malo yotubishsha. ⁷Lomba wansmebe aike ngazi iyakine pa mapondo ya guwa ya lubani yonunkhila kwa Yehova, yamene ili mtetni yokumanamo, lomba atile ngazi ya ng'ombe inalume yosala pansi paguwa ya nsembe yoshoka, yamene ili pa mlyango pa tenti yokumanamo.⁸Atende mafuta onse ba ng'ombe ya nsembe yaucimo; mafuta ophimba vamkati, mafuta onse okatana na mkati, ⁹inso zibili na mafuta bake, yamene yali muluunda, na vibindi, na inso- atende vonse ivi. ¹⁰Avicoseko, mwakucosela ku ng'ombe yopeleka nsembe zamtendele. ndipo wansembe ashoke vibalo ivi pa guwa ya nsembe zoshoka.¹¹Ckumba ca nkhabi na nyama zosalaa, na mutu wake na mendo bake na vamkati vake na matumbo bake, ¹²vibalo vonse vosalila va nkhabi - atwale ivi vibalo vonse kunja kwa msasa kumalo yobatubishila neo, kwati akathilepo milota, bashoke vibalo ivo pa nkhuni. Ofunika kushoka vibalo ivo kumalo kotaila milota.¹³Ngati gulu lonse la Israeli lacimwa mwakusafuna kucimwa, na kuti gulu iliyezibe kuti bacimwa na kucita cecilamulila Yehova kuti basacite, nakuti ngati bali na mulandu, ¹⁴teto, ngati cimo yabacita yazibika, niye kuti gulu iyi yufunika kupeleka kalitole kankhabi kunkhala nsembe yaucimo na kuileta kut tenti yokumanamo. ¹⁵Akulu akulu a gulu aike manja bao pamutu pa nkhabi pamenso pa Yehova, ndipo nkhabi ipaiwe pamenso pa Yehova.¹⁶Wansembe wozozewa alete iyakine ngazi ya nkhabi ku tetni yokumanamo, ¹⁷na wansembe asusike cikumo cake mu nagzi nowazya ka seveni pa guwa pa Yehova, pafupi na ketani.¹⁸Ngazi iyakine aiike pa mapondo ya guwa yamene ili pamenso pa Yehova, jyamene ili mtenti yokumanamo, na kutila ngazi yonse pansi pa guwa kunkhala nsembe yoshoka, ili pa mlyango wa tenti yokumanamo. ¹⁹Acekeko mafuta onse kubacosa nakuyashoka pa guwa.²⁰Izo niye zofunika kucita nayo nkhabi. Monga mocitila na nkhabi ya nsembe yaucimo, niye mwati acitile na nkhabi iyi, na wansmebe apange copapatilako pa banthu nao bakhululukiwe. ²¹Twala nkhabi kunja kwa msasa na kushoka mwecishokela nkhabi yoyamba. Iyi ni nsembe yaucimo ya gulu lonse.²²Ngati wolamulira wacimwa cosana, kucita cinthu camene Yehova Mulungu elesha kuti cisacitike, na kupezeka na mulandu, ²³niye kuti macimo bake bawacita bazibika kwa eve, alete pa nsembe yake mbuzi, inalume iliye cilema.²⁴Aike manja yake pamutu pa mbuzi na kuipaya m'malo mwakupaila nsembe zoshokela Yehova. Iyi ni nsembe ya ucimo. ²⁵Wansembe atole ngazi yake ya nsembe yaucimo na cikumo cake nakuika pa mapondo ya guwa ya nsembe zoshoka, na kutila ngazi pansi pa guwa yansembe zoshoka.²⁶Ashoke mafuta onse pa guwa, monga mafuta ya nsembe ya zopeleka zamtendele. Wansembe apange cotetezelako za msogoleri pa cimo lake, ndipo msogleri akhululukiwe.²⁷Ngati muyakine wacita cimo yucitiwa na aliyense cosafuna kucimwa, kucita vinthu vilivonse vecilamulira Yehova kuti visacitiwe, ndipo pawaziba kuti wacimwa, ²⁸ndipo cimo yawacita yazibika kwa eve, niye alete mbuzi ya nsembe yake, ianakazi ilye cilema, kamba ka cimo yawacita.²⁹Aike kwanja lake mpamutu pa copeleka ca ucimo na kupaya copeleka ca ucimo pamalo ya nsembe yoshoka. ³⁰Wansembe atole ngazi na cikumo cake nakuika pamapondo ba guwa ya nsembe zoshoka. Atile ngazi yosala yonse pansi pa guwa.³¹Aceke mafuta onse, monga mwakucekela mafuta ya nsembe yamtendele. Wansembe aishoke pa guwa kuti ifumye kufungo kabwino kwa Yehova. Wansembe apange cotetezelako uyo munthu, ndipo eve akhululukiwe.³²Ngati munthu waleta kamwana kambelele kuba nsembe yaucimo, alete kanalume laiye cilema. ³³Aike kwanja yake pamutu pa nsembe yaucimo nakuipaya kupanga nsembe yaucimo pamalo popaila nsembe zoshoka.³⁴Wansembe atole ngazi ya copeleka ca ucimo na cikumo cake noika pa mapomdo ya guwa yansembe zoshoka, notila ngazi yake yonse pansi pa guwa. ³⁵Atendeko mafuta onse, monga mwakufumyila ya nsembe ya mtendele, ndipo wansembe aishoke pa guwa palulu pa nsembe za Yehova yopangiwila pamuliro. Wansembe apange cotetezelako mutnhu uyu ku macimo yawacita, ndipo munthu uyo akhululukiwe.

¹Ngati pali wacimwa cifukwa cosacita umboni pamene waona cinthu cacitika cofunika kuti acite umboni, payakine waciona olo kucimvwa, ciwile pa eve. ²Kapena munthu wakumya cinthu ciliconse Mulungu cempanga kuba conyansa, kapena mubili wa cinyama camsanga conyansa olo mubili wa cibeto olo colengewa conyasa cuyenda pa nthaka, olo kuti senzoziba cecitika, waipishiwa nonkhala na mulandu.³Kappena ngati wakumya kunyansa kwa munthu muyake, kunyansa uko olo kunkhale kotyani, olo ngati soziba za ici, ankhale na mulandu akaziba. ⁴Olo ngati muyake wafulumila kulumbila na milomo yake kucita ciipa, olo kucita cabwino, ciliconse cawafulumila kulumbila, olo kuti oziba lini, akaziba, ankhale na mulandu, mu vinthu ivi vonse.⁵Ngati mutnhu wapezeka na mulandu mu ivi vonse, aulule cimo ili yonse yiwacita. ⁶Lomba ofunika kulata copeleka ca ucimo kwa Yehova kamba ka cimo yawacita, cinyama cinakazi pa vinyama, mngankhale mbelele olo mbuzi, kupanga copeleka ca ucimo, na wansmebe ampangile copapatilako kulingana na cimo ciwacita.⁷Ngati angakwanishe lini kugula kamwana ka mbelele, lomba angalete monga nsembe ya ucimo nkhunda zibili olo njiba zibili kwa Yheova, imozi ya copeleka ca ucimo na iyakine ya nsembe yoshoka. ⁸Ofunika kuzileta kwa wansembe, wati apeleke imozi ya nsembe ya ucimo poyamba- aceke mutu kutendela mumkosi koma osaucoselatu ku mubili. ⁹Ndipo awazye ngazi ya copeleka ca ucimo mbali mwa guwa, na kucosa ngazi yosala pansi pa guwa. Iyi ni nsembe ya ucimo.¹⁰Lomba apeleke nyoni yacibili monga nsembe yoshoka, monga mwazilili ndondomeko zake, na wansembe apange copapatilako pa cimo yawacita, na munthu uyu akhululukiliwe.¹¹Koma ngati okwanisha lini kugula nkhunda zibili kapena vikanda va njiba zibili, alete unga opela pa cimo lake wokwana kilogilamu imozi kuti ibe nsembe ya ucimo. Asaikekeo mafuta olo conunkhilisha ndaba ni nsembe ya ucimo.¹²Aulete kwa wansembe, ndipo wansembe atoleko wzula kwanja monga copanamilako copeleka na kushoka pa guwa, palulu pa nsembe zopgiwila Yehova zapamuliro. Iyi ni nsembe ya ucimo. ¹³Wansembe apange copapatilako pa cimo iliyonse yawacita uyo mutnhu, na munthu uyo akhululukiliwe. Zosalako ku nsembe zinkhale za wansembe, monga soti na zopeleka za mbeu.'"¹⁴Ndipo Yehova elabila kwa Mose, kuti, ¹⁵"Ngati pali wacimwa na kucita vinthu vosakhulupilika va Yehova, koma wacita mwa kusafuna, teto ofunika kuleta nsembe ya mulandu kwa Yehova. Copeleka ici cinkale mbelele inalume iliye cilemakucokela pa mbelele zake; na mtengo wake unkhale okwana masekeli ba siliva- kulingana na kabelengedwe ka masekeli ba kung'anda ya Mulungu- monga nsembe ya mulandu. ¹⁶Ofunika amkondweleshe Mulungu kulinga na ciipa cecita pa zinthu zituba, na kuyangizya pa ca faifi no vipasa kwa wansmebe. Lomba wansembe apange copapatilako eve nambelele inalume ya nsmebe ya mulandu, na munthu uyo akhululukiwe.¹⁷Ngati pali wacimwa na kucita cinthu cecilesha Yehova kuti cisacitike, olo kuti enzoziba lini, ana mulandu mphela ofunika ofunika kunyamula mulandu wake. ¹⁸Ofunika kuleta mbelele inalume iliye cilema kucoka pa mbelele zake, ya mtengo woyenela, monga nsembe ya mulandu kwa wansembe. Ndipo wansembe apange copapatilako pa cimo yawacita, pakusaziba, na munthu uyo akhululukiwe. ¹⁹Iyo ni nsembe ya mulandu, na kuti ali na mulandu kwa Yehova."

¹Yehova elabila na Mose, kuti, ²"ngati muyakinne wacimwa nocita mosakhulupilika kwa Yehova ku kunyengezya muyake pa vinthu vecimupasa, olo kusungizya, olo cinthu ceibiwa, olo ngati epondelezya muyake, ³olo epeza vinthu vecisobesha muyake nakumunamizya, olo ngati walumbila wenye, olo mu vinthu vilivonse voteti vakucimwilamo banthu, ⁴ndipo ngati wacimwa nakupezeka na mulandu, ofunika awezye ciliconse cecilonda muyake kapena kumpondelezya, kapena cila cecimsungizya, olo cenze cesoba lomb eve wacipeza.⁵Kuyangizyapo mu kalikonse kecilumbila wenye, ofunika awezye mokwana na kuyangizyapo cacifaifi kulingana na mtengo wake na kumulipilamwinekazi pa siku yawapezeka na mlandu. ⁶Lomba aziletele nsembe ya mulandu kwa Yehova, mbelele inalume iliye cilema kucoka pa mbelele zake nayo inkhale yolingana na mtengo wa nthawi yamene iyo, monga nsembe ya mulandu kwa wansembe. ⁷Wansembe apange compapatilako kwa Yehova, na eve akhululukiwe pa ciliconse ccipezeka kuti ali na mulandu naco."⁸Ndipo yehova elabila kwa Mose, kuti, " ⁹mulamulile Aroni na bana bake banalume, kuti, 'iyi niye lmulo ya nsembe zoshoka; nsembe zoshoka zikonkhala mpamuliro pa guwa usiku onse mpaka m'mawa, na muliro wapaguwa usungike woyaka.¹⁰Lomba wansembe avwale vovwale vake vabwino, na vovwala vake vamkati vabwino. Anyamule milota yosalako pala muliro ukasila kushoka nsembe pa guwa, ndipo aike milota pambali pa guwa. ¹¹Avule vovwala vake novwale viyake ponyamula milota kutwala kunja kwa msasa ku mlo yatuba.¹²Muliro wapaguwa ukosungiwa oyaka. ufunika lini kuzima, na wansembe akoikapo nkhuni m'mawa mulimonse. Akoika bwino nsembe zoshoka monga mwazufunikila kuikiwapo, noshokelapo mafuta ya nsembe za mtendele. ¹³Muliro usungike oyaka nthawi zonse paguwa. Osati ukozima.¹⁴Iyi niye lamulo ya nsembe za mbeu. Bana banalume ba Aroni bapeleke ku guwa kwa Yehova. ¹⁵Wansembe atole unga wopela wozula kwanja wa nsembe ya nga na mafuta na vonunkhilisha vili pa nsembe ya mbeu, na kuishoka pa guwa kuti ifumye kamfungo kabwino monga nsembe yopanamilako.¹⁶Aroni na bana bake banalume balye vonse vosala ku nsembe. Yufunika kulyewa iliye isiti mu malo atuba. Balyele panja pocingililiwa pa tenti yokumanamo. ¹⁷Isapangiwe na isiti. Naipasa kuba mbali yao ya nsembe yanguyopangiwila pa muliro. Niyotubishisha, monga nsembe ya ucimo na nsembe ya mulandu. ¹⁸Mwanalume aliyense pa bana ba Aroni, monga mwa caikiwila cinkhale teto mpaka mibadwo yonse, yofumyiwa ku nsembe za pamuliro zopangiwila Yehova. Aliyense wa bakata ankhale mtuba.'"¹⁹Teto Yehova elabila soti kwa Mose, kuti, ²⁰"Iyi niye nsembe ya Aroni na bana bake banalume, yati bakopeleka kwa Yehova pa siku yozozela umozi wa beve: mbali ya teni ya efa ya unga wopela monga nsembe ya mbeu nthawi yonse, m'mawa hafu na mcingulo hafu.²¹Ikopangiwa na mafuta mpani. Ikasusikiwa muilete mkati, m'mapisi yopikiwa mpeleke nsembe ya mbeu kuti itwale kafungo kabwino kwa Yehova. ²²Mwana mwanalume wa wasnembe mkulu wati ankhale wansembe mkulu walomba pakati pa bana bake banalume niye wati aipeleke. Monga mwa lamulo la nthawi zonse, yonse ikoshokewela Yehova. ²³Nsembe ya mbeu iliyonse ikoshokewelatu osasiyapo. Yufunika lini kulyewa."²⁴Yehova elabila na Mose, kuti, ²⁵"labila na Aroni na bana bake banalume, kuti, 'iyi niye lamulo ya nsembe yaucimo: nsembe ya ucimo yukopaiwila pamalo popaila nsembe kwa Yehova. Nibatuba ngako. ²⁶Wansembe woipeleka ya ucimo ailye. Ikolyewa m'malo atuba panja pocingililiwa pa tenti yokumanilamo.²⁷Ciliconse cokhuza nyama yake cunhala cituba, na ngazi ikathonyela ku covwala ciliconse, mukociwasha, pamene apo payathonyela, m'amalo atuba. ²⁸Koma cinkhombe cimwapikilamo ciphwanyiwe. Ngati mwapikila mu poto wamkuwa, ufunika kupaliwa na kusukiwa mu manzi abwino.²⁹Mwanalume aliyense pakati pa nsembe anlyeko ndaba niituba. ³⁰Koma ngati nsembe yaucimo iliyonse yaletewa ngazi yake mtenti yokumanamo kupanga copapatilako m'malo yatuba isalyewe. Yufunika kushokewa.

¹Iyi ni lamulo ya nsembe ya mulandu. Niyotubishisha. ²Ofunika kupaila nsembe ya mulandu mu malo moipala, na ngazi yake baiwazye m'mabali mwa guwa. ³Mafuta bake onse yalimo yapelekewe: mcila wa mafuta, mafuta yali ku vamkati, ⁴inso zibili na mafuta yaliko, na yali ku vamkati vokonkhapo, na yophimba cibindi, na isno- yonse mcoseko.⁵Wansembe ofunika kushoka vibalo ivi vonse monga nsembe zopangila pa muliro za Yohova. Iyi ni nsembe ya mulandu. ⁶Mwanalume aliyense pakati pa bansembe angalyeko pa nsembe izi. Zufunika kulyewela m'malo atuba ndaba nizotubishisha.⁷Nsembe ya ucimo ili monga nsembe ya mulandu. Lamulo imozi na imozi yosebenza ku zonse zibili. Nizabansembe opanga nazo cotetezelako. ⁸Wansembe aliyense wopeleka munthu nsembe yoshoka angatoleko kalikata pa nsembe.⁹Nsembe ya mbeu iliyonse yopangiwila pa citofu, ndipo nsembe yoteto yopikiwila pa pani zinkhale za wansembe omupelekelako. ¹⁰Nsembe iliyonse ya mbeu, yoyuma olo yoyavizya na mafuta, zonse zikhale za bana ba Aroni.¹¹Iyi niye lamulo yati banthu okopeleka nsembe za mtendele kwa Yehova. ¹²Ngati pali opeleka kuti ayamikile, aipeleke na nsembe za makeke yopanga ciliye isiti, koma yoyavizya na mafuta, ya makeke yaliye isisti, koma yali na mafuta, na yamakeke yopanga na unga opela oyavizya na mafuta.¹³Soti na colinga copeleka ciyamiko, apeleke nsembe ya mtendele buledi ili na isiti. ¹⁴Akopeleka imozi pa mtundu ulionse monga copeleka kwa Yehova. Inkhale ya bansembe owazya ngazi ya mtendele pa guwa.¹⁵Munthu oleta nsembe yamtendele nacolinga coyamikila alye nyama ya nsembe yake pa siku yopelekelamo. Osati akosiyako iliyonse mpaka m'mawa. ¹⁶Koma ngati colinga copelekela nsembe yake ni kulonjeza, kapena colinga ca nsembe ya ulele, nyama ilyewe pa siku yopelekelamo nsembe, koma zosalila angalye siku yokonkhapo.¹⁷Mwaici, nyama iliyonse yosalap mpaka siku yacitatu yukoshokewa. ¹⁸Ngati nyama iliyonse ya nsembe yamtendele ya m'mozi yalyewa pa siku yacitatu, ikolandiliwa lini, olo kubelengelewa kwa woipeleka. Inkhale cinthu ca tyala-tyala, na munthu woilya anyamule mulandu wa cimo lake.¹⁹Nyama iliyonse yakulya conyansa osati ikolyewa. Yufunika kushokewa. Koma nyama izi ziyake, aliyense mtuba angalye. ²⁰Mwaici, munthu wosaliungama akalya nyama iliyonse ya nsembe za mtendele za Yehova- uoyo munthu acosewe pa banthu bake.²¹Ngati munthu wakumya conyansa ciliconse- kungankhale kuipa kwa banthu olo kwa cinyama kapena kuipa kuyake, vinthu vonyansa- nakulya ziyakine za nyama zopelekewa nsembe ya mtendele ya Yehova, uyo munthu acosewe pa banthu bake.'"²²ndipo Yehova elabila kwa Mose, kuti, ²³"labila na banthu ba Israeli na kuti, 'osati mukokulya mafuta ba ng'ombe, mbelele, olo mbuzi. ²⁴Mafuta ba nyama yafwa cosapekelekew nsembe, olo mafuta ba nyama yong'ambiwa na nyama zamsanga, yangasebezeshewe nchito ziyakine, koma osati mukokulya.²⁵Aliyense wakulya mafuta ba cinyama bakuti banthu bangapeleke nsembe zapa muliro kwa Yehova, uyo munthu afumyiwe pa bantu bake. ²⁶Osati mkokulya ngazi kalikonse m'manganda mwanu muli monse, ingankhale nyoni kapena cinyama. ²⁷Aliyense wakulya ngazi, uyo munthu afumyiwe pa banthu bake.'"²⁸Teto Yehova elabila kwa Mose na kuti, ²⁹"labila ku banthu ba Israeli na kuti, 'aliyense otwala nsembe ya mtendele kwa Yehova akoleta gao la nsembe yake kwa Yehova. ³⁰Nsembe ya Yehova ikopangiwa pa muliro, kwanja yake eve ikoileta. Akoleta mafuta na liziba, kuti liziba akoiyangalzya monga nsembe yoyangalazya kwa yehova.³¹Wansembe akoshoka mafuta paguw kum liziba nila Aroni na bana bake. ³²Cibelo cakukwendi mkocipasa wansembe monga nsembe kucoka nsembe zamtendele.³³Wansembe, umozi wa bana ba Aroni, opeleka ngazi ya nsembe ya mtendele na mafuta- atole cibelo cakukwendi mnga gao yake pa nsembe. ³⁴Pakuti nacosa pa banthu ba Israeli, liziba la nsembe yoyangalazya, na cibelo nivosonkha, na kuti vapasiwa kwa Aroni wansembe na bana bake banalume monga gao lati bakolandila.³⁵Iyi niye gao ya Aroni na bana bake kucoka ku nsembe za Yehova zopangiwila pa muliro, pa siku Mose yati akabaoneshele kutumikila Yehova mu nchito ya wansembe. ³⁶Iyi niye gao yecilamulila Yehova kuti bakopasiwa kucosa ku banthu ba Israeli, pa siku yecizoza bansembe. Inkhale gao yao kumibadwo yonse.³⁷Iyi ni lamulo ya nsembe yoshoka, ya nsembe za mbeu, ya nsembe za ucimo, nsembe za mulandu, nsembe za kupatulika, na zopeleka za nsembe zamtendele, ³⁸zamene Yehova za epasilapo malamulo kwa Mose palupili ya Sinai paksiku yelamulira banthu ba Israeli kuti bakopeleka kwa Yehova mcipululu ca Sinai.'"

¹Yehova elabila kwa Mose, kuti, ²"utole Aroni na bana bake banalume bali na eve, vovwala na mafuta ozozela, nkhunzi ya nsembe ya ucimo, mbelele zinalumw zibili, na nswanda ya buledi iliye isiti. ³Ikani gulu pa mlyango pa tenti yokumanamo."⁴Teto Mose ecita mwecimulamulila Yehova, na gulu lewela pa mlyango pa tenti yokumanako. ⁵Ndipo Mose eciti ku gulu, "izi niye zawalamulira Yehova kuti zikocitika."⁶Mose eleta Aroni bana bake banalume na kubasambika na manzi. ⁷Aroni emuvwalika malaya bamkati na kumanga nthambo mluunda, emvwalika mkhanjo na efodi pa eve, no mpomba na efodi na band wopanga bwino mluunda mwake.⁸Eika capanganga pa eve, na na mcapanganga eika Urimu na Tumimu. ⁹Eika cisoti pamutu pake, na cisoti, kusogolo, eika mbale ya golide, cisoti caumfumu cituba, monga mwecilamulamulila Yehova.¹⁰Mose etola mafuta ozozela, ezoza msasa na vonse venze mkati nakuvipatulila Yehova. ¹¹Ewazya mafuta paguwa ka seveni, na kuzoza guwa na zonse zosebenzesha, na dishi yosambilamo ni capansi, kuvipatulila Yehova.¹²Etila mafuta ayake ozozela pamutu pa Aroni na kumuzoza kumupatula. ¹³Mose eleta bana banalume ba Aroni na kubavwalika vovwala vamakati: Ebamanga nthambo muluunda na kubamanga manyula kumutu, monga mwecimulamulira Yehova.¹⁴Mose eleta nkhunzi ya nseme ya ucimo, na Aroni na banabake banalume beika manja yao pa mutu wa nkhunzi yibeleta kupeleka nsembe ya ucimo. ¹⁵Eipaya, nakutolako ngazi noika pa mapondo ya guwa na cimbombo cake, etubisha guwa, etila ngazi pansi pa guwa, na kuipatulila Mulungu kupanga coitetezelako.¹⁶Etola mafuta onse enze pa vamkati, na ophimba vibindi, na inso zibili na mafuta bake, na Mose evishoka pa guwa. ¹⁷Koma nkhunzi, vobisika vake, nyama yake, na vamkati eshoka kunja kwa msasa, monga mwecimulamulira Yehova.¹⁸Mose eoneshela mbelele ya nsembe yoshoka, na Aroni na bana bake banalume beika manja yao pa mutu pa mbelele inalume. ¹⁹Eipaya na kuwazya ngazi yake ku mbali iliyonse ya guwa.²⁰Eceka mbelele inalume mu nthuli na kushoka mutu na nthuli na mafutan. ²¹Esuka vamkati na mendo na manzi, na kushoka mbelele yonse paguwa. Yenze nsembe yoshoka ndi[o yuleta kafung kabwino, nsembe yopangiwa na muliro ya Yehova mng Yehova elamulira Mose.²²Mose eonesha mbelele iyakine inalume, mbelele inalume ya cipatulo, na Aroni na nbana bake banalume beika manja yao pa mutu pa mbelele inalume. ²³Aroni eipaya, ndipo Mose etolako ngazi noika pansonga pa kwatu ya Aroni ya ku kwendi, na cikumo cikulu ca ku kwanja yakukwendi, napa cikumo cikulu caku kwendo ya ku kwendi. ²⁴Eleta bana banalume ba Aroni, nobaika ngazi ku nsonga ya katu yakukwendi, pa cikumo cikulu caku kwanja laku kwendi, na pacikumo caku kwendo laku kwendi. Lomba Mose ewazya ngazi yaye kumbali iliyonse ya guwa.²⁵Etola mafuta, mafuta yamcila, mafuta onse ba vamakati, cophimba vibindi, inso zibili na mafuta bake, na cibelo cakukwendi. ²⁶Kufuma mu nswanda ya buledi uliye cofufufmisha yenze pamenso pa Yehova, etola buledi imozi iliye cofufumisha, imozi yoikiwa mafuta,na imozi yopamphanthala, noyaika pa mafuta na pacibelo cakukwendi. ²⁷Eika zonse m'manja mwa Aroni na m'manja mwa bana bake banalume na kuyangalazya kwa Yehova monga nsembe yoyangalazya.²⁸Ndipo Mose evitola m'maja mwao noshoka paguwa kupanga nsembe zoshoka. Zenze nsembe zopatulika na kuleta kafungo kabwino. Yenze nsembe yopangila pa muliro ya Yehova. ²⁹Mose etola liziba nakuliyangalazya monga nsembe yoyangalazya kwa Yehova. Yenze gao ya Mose ya mbelele inalume poika bansembe, monga mwecimulamulira Yehova.³⁰Mose etola yayakine mwa mafuta yozozela na ngazi yenze pa guwa; ewazya ivi pali Aron, vovwala vake, pa bana bake, pamozi na vowala va bana bake. Mu njila iyi epatula Aronu na vovwala vake na bana bake banalumena vovwala vao kwa Yehova.³¹Teto Mose eciti kwa Aroni na kwa bana bake banalume, "mu bwatushe nyama pa mlyango pa tenti yokumanamo, pamene apo muilye pamozi na buledi ili mswanda ya cipatuliko, monga mwane lamulira, kuti, 'Aroni na bana bake banalume balye.' ³²Ciliconse cosala pa nyama napa buledi mucishoke. ³³Osafuma pamlyango wa tenti yokumanamo mpaka masiku seveni, mpaka masiku banu bonkhazikishiwa yakwane. Ndaba Yehova akupatuleni pa masiku seveni.³⁴Camene cacitika lero- Yehova wacilamulira kupanga citetezo canu. ³⁵Munkhalepo mzuba na usiku kwa masiku seveni pa mlyango wa tenti yokumanamo, nosunga lamulo la Yehova, teto mungafwe lini, ndaba ici niye canalamuliliwa." ³⁶Teto Aroni na bana bake banalume becita zonse zecibalamilira kupitila mwa Mose.

¹Pa siku la eiti Mose eita Aroni na bana bake banalume na akulu-akulu ba Israeli. ²Eciti kwa Aroni, "tola mwana wa ng'ombe pa ng'ombe kupanga nsembe ya ucimo, na mbelele inalume liliye cilema kupanga nsembe yoshoka, na kuzipeleka kwa Yehova.³Ufunika kulabila kwa banthu ba Israeli na kuti, 'tola mbuzi inalume kupanga nsembe ya ucimo na mwana wa ng'ombe na mwana wa mbelele, zonse za caka cimozi soti ziliye cilema, kupanga nsembe zoshoka; ⁴Utole na nkhabi na mbelele inalume kupanga nsembe ya mtendele kupeleka kwa Yehova, na nsembe ya mbeu yoyavizya na mafuta, ndaba lero Yehova aonekele kwa ⁵mweo.'" Teto beleta vonse vecilamulira Mose ku tenti yokumanako, n msonkhanao onse wa Israeli wefwika na kupanama pa Yehova.⁶Lomba Mose ecit, "ici niye cecilamulila Yehova kuti mukocita, kuti ulemelero wake ukoonekela pa mweo." ⁷Mose citi kwa Aroni, "wela pafupi na guwa upeleke nsembe zako zaucimo na nsembe zoshoka, upange cotetezelako ca weo na banthu onse, nobapelekelak nsembe nakupanga cobatetezelako, monga mwawalamulilira Yehova."⁸Teto Aroni pefwendela pafupi na guwa na kupaya mwana wa ng'ombe kupanga nsembe ya ucimo, yenze ya eve. ⁹Bana banalume ba Arooni beleta magazi kwa eve, ndipo eve esusika cikumo cake noshangulila pa mapondo ya guwa; lomba ethila ngazi pansi pa guwa.¹⁰Mwa ici, eshoka mafta, inso, navophimba pa vibindi pa guwa monga nsembe yaucimo, monga Yheova mwecilamulila Mose. ¹¹Nyama na vobisika eshoka kunja kwa msasa.¹²Aroni epaya nsembe yoshoka na bana bake banalume bemupasa ngazi, yeciwazya kumbali zonse za guwa. ¹³Lomba bemupasa nsmbe yoshoka, mu nthuli,pamozi na mutu, nakuvishoka paguwa. ¹⁴Esuka vamkati na mendo na kivishoka palulu pa nsembe zoshoka paguwa.¹⁵Aroni eoneshela nsembe za banthu- mbuzi, nakuitola monga nembe ya cimo yao na kuipaya; eipeleka monga ya ucimo, monga mwecicitila na mbuzi yoyamba. ¹⁶Epeleka nsembe yoshoka na kuipeleka monga mwecilamulira Yehova. ¹⁷Epeleka nsembe ya mbeu; ezuzya kwanja lake nakuishoka paguwa, pamozi na nsembe zoshoka za m'mawa.¹⁸Epaya nkhabi na mbelele inalume, kupeleka nsembe yamtendelele, yenze ya banthu. Bana ba banalume ba Aronibempasa ngazi, yeciwazya ku mbali zonse za guwa. ¹⁹Mwakuti, befumyko mafuta na mbelele inalume, mcila wa mafuta, mafuta ophimba vmakati, inso na ophimba civindi.²⁰Betola vibalo venzetendewa na kuviika pa maziba, ndipo Aroni eshoka mafuta paguwa. ²¹Aroni eyangalazya maziba na cibelo ca kwendi monga nembe zoyangalazya kwa Yehova, monga mwecilamulila Mose.²²Lomba Aroni enyamulamanja yake kulata ku banth na kubadalisa; lomba eseluka nakucoka kupeleka nsebe za ucimo, nsembe zoshoka, na nsembe zamtendele. ²³Mose na Aron beleoba mtenti yokumanamo, nofuma soti panja nakudalisa banthu, naulemero wa Yehova weoonekla pa banthu. ²⁴Muliro wefuma kucoka kwa Yehova nonyekesha nsembe na mafuta pa guwa. Banthu onse pebeona izi, bekuwa nolalika vinso vao pansi.

¹Nadabu na Bihu, bana ba Aron banalume, aliyense etola mbale yofukizilapo, noikapo muliro, na vonunkhilisha. Lomba bapeleke kwa Yehova muliro wacilendo, waliye balamulire kuupeleka. ²Teto muliro wefuma kucoka kwa Yehova nakubashoka, nakufwa pamenso pa Yehova.³Ndipo mose eciti kwa Aroni, "izi niye zenzolabila Yehova peciti, 'nioneshe cilungamo cangu kwa owela pafupi na neo.'" Aroni labile ciliconse. ⁴Mose eita Misayeli na Elizafani, bana banalume ba Uziyele malume wake wa Aroni, nakulabila kwa eve, "welani kuno mutwale azikwanu panja pa msasa bacoke kukacisi."⁵Bewela pafupi na kubanyamula, bakali bovwala va unsembe, ebacosa kunja kwa msasa, monga mwebauzyila Mose. ⁶Teto Mose eciti kwa Aroni na Eliyaza na Itama, bana bake banalume, "Osalola sisi ya pamut panu kulelemba, msang'ambe na vvwala, kuti musafwe, nakuti Yehova asakalip na msonkhano wonse. Koma baloleni bazibululu banu, ng'anda yonse ya Israeli, kubalila bashokewa na muliro wa Yehova. ⁷Osafumapo pamulyango wa tenti Yokumanamo, ndaba mungafwe, pakuti mafuta yozozela ya Yehova yali pa mweo." Teto becita mwecibauzyila Mose.⁸Yehova elabila kwa Mose, kuti, ⁹"Osamwa walwa kapena cakumwa caukali, mweo, kapena bana banalume bamwasala nao, mukaloba mtetniyokumanam, teto mufwe lini. Ici conkhale coikika ku m'mbadwo ya banthu banu onse, ¹⁰kusiyanisha pakati pa atuba na banthu wamba, pakati pa badothi na batuba, ¹¹kuti muphunzise banthu ba Israeli xzoikika za Yehova zecilamulira kutilila kupitila mwa Mose."¹²Mose elabila kwa Mose na kwa Eliyaza na kwa itama, bana bake banalume besalapo. "Tolani nsembe ya mbeu zosalila ku nsembe za Yehova zopangila pamuliro, mulye kuliye Isiti mulyele m'mbali mwa guwa ndaba niyotubushisha. ¹³Mufunika kukilyela m'malo mutuba, ndaba ni gao yanu na bana banu banalume yapa nsembe za Yehova yopangila pamuliro, ici niye canalamuliliwa ku kuuzyanu.¹⁴Liziba loyangalazyiwa na cibelo cila copelekewa kwa Yehova, muvilyele m'malo atuba yovomelezhewa na Mulungu. Mweo na bana banalume na banakazi mukokulya vi gao ivo, ndaba vapasiwa kunkhala gao yanu na bana banu kucoka zopeleka za nsembe zaciyanjano za banthu ba Israeli. ¹⁵Cibelo copelekewa na liziba yoyangalazyiwa, vufunika kuletela pamozi na nsembe za mafuta zopangila pamulilo, kuviyangalazya kwa Yehova. Zinkhale zanu na bana banalume monga gao yamuyaya, monga mwawalamulila Yehova."¹⁶Ndipo Mose ekonsha za mbuziya nsembe ya ucimo, nopeza yeshokewa. Teto ekalipa nao Eliyaza na Itama, bana bosalapo ba Aroni; eciti, ¹⁷"mwalekelanji kulya nsembe yaucimo m'malo mwa cihema, pakuti niyotubishisha, nakuti Yehova wakupani kuti mucose conyansa pa msonkhano, kuanga cotetezelako cao kwa eve? ¹⁸Langani, ngazi yake iliye letewe mkati mwa cihema, teto nsembe mwenze mwalya kulyela m'malo ya cihema, monga mwenelamulilila."¹⁹Lomba Aroni emuyankha Mose, "langa, lero bapanga nsembe yaucimo na nsembe yoshoka kwa Yehova, na ici canicitikila lero. Kuti nenze nalya nsembe yaucimo lero, si sembe cenze cokondwelesha pamenso pa Yehova?" ²⁰Mose pecimvwa izo, ekhutila.

¹Yehova elabila na Mose na Aroni, kuti, ²"labila na bana ba Israeli, kuti, 'ivi niye vinthu vamoyo vamene mungalye pa nyama zonse zili pacalo capansi.³Mungalye nyama iliyonse yoganaika cibodo ndipo yubyukula. ⁴Teto nyama iyakine zubyukula olo zogabanika cbodo ndipo musalye, nyama monga ngamila, cifukwa zubyukula koma nizosagabanika cibodo. Teto ngamila niyoifyiwa kwa mweo.⁵Mbila soti, yubyukula koma yosagabanika cibodo, niyoifyiwa kwa mweo. ⁶Kalulu obyukula koma niosagabanika cibodo, ali oifyiwa kwa mweo. ⁷Nkhumba, olo kuti niyogabanika cibodo, yubyukula lini, ili yoifyiwa kwa mweo. ⁸Mufunika ini kulya nyama yake iliyonse, olo kuikata mamba bake. Yali yoifyiwa kwa mweo.⁹Nyama zamene zunkhala mu manzi zamene mungale nizala zili na viphyela na mamba, ngakhale ni zamnyanja olo zamkolo. ¹⁰Koma zamoyo zonse zamene ziliye viphyela na mamba zamnyanja kapena mumkolo, pamozi na zonse zuyenda mu manzi na zamoyo zonse zili mu manzi- zufunika kuti zonse muziyese zoifyiwa kwa mweo.¹¹Pakuti nizoifyiwa, musalye nyama yake, mamba yake niyoifyiwa; soti, matupi yake niyoifyiwa. ¹²Zilizonse zunkhala mu manzi ndipo zilye viphyela nizoifyiwa kwa mweo.¹³Izi niye nyoni zamufunika kuziyesa zonyansa- ndipo musalye cifukwa nizoifyiwa: ciomba nyama, nkhwazi, na mphungu, ¹⁴na muimba na mphamba na mtundu wake: ¹⁵kungubwi mwa mitundu yake ¹⁶nthibatiba, na cipudo, na kakoba, na kabawi mwa mutundu wake.¹⁷nkhutukutu na manchinchi, ¹⁸sekwe, vuwo, na dembu, ¹⁹indwa, na cimeza moonga mwa mitundu yake, na sazu soti na nyankhupiti²⁰Zonse zamangala zuyenda na mendo folo nizonyansa kwa mweo. ²¹Koma mungalye zilizonse mwa zila zumbululuka ndipo zuyenda na mendo folo ngati zili na mendo ngati zili na mendo yopamikizyana. ²²Mungalye mtundu uliwonse wa zombe, noni, nkhululu, na vidiza. ²³Koma zonse zumbululuka zina mendo zili zonyansa kwa mweo.²⁴Munganakhale oifyiwa mpaka m'mazu ngati mungalye mamba ba imozi mwa izi. ²⁵Aliyense anganyamule imozi wa mibili iyi ofunika awashe vovwala vake ndipo ankhale ofifyiwa mpakana mcingulo.²⁶Nyama iliyonse yogabanaika cibodo yamene ili yosasizyika kubanikana olo yosabyukula ili yoifyiwa kwa mweo. Aliyense oikata oifyiwa. ²⁷Iliyonse yuyenda yosaganika cibodo pa zamoyo zonse yuyenda na mendo folo, iliyodeswakwa mweo. Aliyense oikata mubili wake anakhale odesewa mpakila mcingulo. ²⁸Aliyense onyamula mubili woteto ofunika kuwasha vovwala vake na kunkhala oiyiwa mpaka mcingulo. Nyama izi zikabe zodesewa kwa mweo.²⁹Pa nyama zuyenda pansi, izi niye nyama zati zikankhale zodesewa kwa mweo: likongwe, khoswe, na mtundu uliwonse wa buluzi, ³⁰kayeye, mbulu, buluzi, msambululu, na lumvwi.³¹Pa nyama zonse zuyenda pans, izi ni nyama zamene zinkhale zodesewa kwa mweo. Aliyense wazikata pazili zakufwa ankhale odesewa mpaka m'mazulo. ³²Ngati m'mozi wa beve wafwsa ndipo waponela pa cinthu, cala cinthu cinkhale codesewa, olo kuti nicopangiwa na cimuti, covwala, cikumba, olo malaya yamasaka. Kapena ciliconse cokatila naco nchito, cufunika kuikiwa m'manzi: cinkhale codesewa mpaka mcingulo. Ndipo cinkhale cituba. ³³Pakuti cinkhombe ciliconse camene nyama yodesewa yaponelamo, ciliconse cili mpoto cinkhale codesewa, ndipo munika kuphwanya poto uyo.³⁴Cakulya ciliconse camene cingalyewe koma cili na manzi kufumila mu poto uyo ni codesewa. Manzi yaliyonse yakumwa kufumila mu poto uyu yli yodesewa. ³⁵Kalikonse kamene imozi mwa mamba aba kakaponelepo konkhala kodesewa; ngati ni citofu kapena copikilapo citontho, cufunika kuti citendewe tudunswa-tudunswa. Nivodesewa ndipo vufunika kuti vinkhale vodesewa kwa mweo.³⁶mkolo kapena cisime mufuma manzi cunkhala cabwino: koma aliyense wokata mubili wake onkhala odesewa. ³⁷Ngati mbali iliyonse ya mubili wao yaponela pa mbeu iliyonse yocala, mbeu zala zili zabwino. ³⁸Koma ngati manzi yaikiwa mu mbeu, ndipo ngati mbali iliyonse ya mubili yaponelapo ndipo zunkhala zodesewa kwa mweo.³⁹Ngati nyama iliyonse yamene mungalye yafwa, ndipo yeve angakate mubili akankhale odesewa mpaka ⁴⁰mcingulo. Aliyense wakulya mubili ofunika kuti awashe vovwala vake ndipo ankhale odesewa mpaka mcingulo. Aliyense onyamula mbili ofunika awahse vovwala vake ndipo ankhale odesewa mpaka mcingulo.⁴¹Nyama iliyobse yuyenda pansi ili yodesewa: yufunika lini kulyewa. ⁴²Zonse zuyenda nakumala, na zonse zuyenda na mendo folo, olo zilizonse zamendo- yinyinji zonse nyama zuyenda pansi, izi musalye, pakuti zili zodesewa.⁴³Osazipanga odesewa na nyama za moyo zuyenda: osazipanga odesewa na zeve, kuti munkhale odesewa cifukwa ca zeve. ⁴⁴Pakuti nine Yehova Mulungu wako . ufunika uzipange weka mtuba, mwaici ndipo nkhala otuba, cifukwa nine otuba, usaziifye weka na nyama iliyonse yuyenda pansi. ⁴⁵Pakuti nine Yehova, nekufumya kumlo ya Igigpito, kunkhala Mulungu wako. Ufunika ukhale otuba, pakuti nine mutuba.⁴⁶Aba ni malamulo ya nyama na nyoni, zamoyo zonse zuyenda mu manzi, na nyama zonse zuyenda pansi, ⁴⁷pakuti kusiyana kupangiwa pakati pa zodesewa na zosadesewa, na pakati pa zamoyo zingalyewe na zamoyo zusalyewa'"

¹Yehova eciti kwa Mose, ²"labila na bana ba Israeli, kuti, 'ngati mwanakazi wankhala navumo nakubala mwana mwanalume, ndipo nakahle odesewa kwa masiku seveni, monga mwalili odesewa mu masiku ya kumwezi kwake. ³Pa siku la eiti nkhanda yakusogolo kwa mwana mwanalume yufunika kutendewa.⁴Kutubishiwa kwa nyina kufuma mu kufuma ngazi kwao kupitilizyika na masiku sate fili. Ofunika lini kukata kanthu katuba olo cowela ku malo ya kacisi kukweika masiku ya citubisho cake yasila. ⁵Koma ngati wabal mwana mwanakazi, ankhale odesewa kwa masabata abili, mwamene onhalila kumwezi. Ndipo kutubishiwa kwa nyina kupitilizhika kwa masiku sikisiste sikisi.⁶Ngati masiku yacibisho cakae yasila, kwa mwana mwanalume kapena mwanakazi, ofunika kuleta wana wa mbelele wacaka cimozi monga ngati nsembe yoshoka, ndipo njiba kapena nkhunda ngati copeleka ca macimo. Pamlyango wa tenti yokumanamo, kwa wansembe.⁷Ndipo aipeleke kwa Yehova akucita coteteza. Ndipo akankhale odesewa mukufuma kwa ngazi yake. Iyi ni lamulo kwa mwanakazi obala mwana mwanalume kapena mwanakazi. ⁸Ngati sanga kwanishe mbelele, atole nkhunda zibili olo njiba zitontho zibili, imozi ngati nsembe yoshoka ndipo iyakine nsembe yaucimo, ndipo wansembe apange cotetezela kwa eve; ndipo ankhale mtuba.'"

¹Yehova elabila na Mose na Aroni, kuti, ²"ngati aliyense ali na covima pa nkhanda ya pamubili wake olo cikadambu olo cibadwe cuonka ngako, ndipo cankhala na matenda pa nkhanda ya pamubili wake, teto ofunika kuletewa kwa Aroni mkulu wansembe, olo ku m'mozi wa bana bake bansembe.³Mwakuti wansembe akaone matenda ali pa nkhanda yapabuli wake. Ngati sisi za pamalo pali matenda zasanduka kuba zituba, ndipo ngati matenda ooneka kuti beloba mkati osati pa nkhanda tyala, niye kuti ni matenda otolela. Wansembe akamuona, ofunika kuuzyiwa kuti niodesewa. ⁴Ngati cibamba cili pa nkhanda yake nicutuba, na maonekedwe bake niosapititlila pa nkhanda, ndipo ngati sisi za pa nkhada yake ziliye sanduke kuba zituba, teo wansembe ofunika kumupatula wamatenda kwa masiku seveni.⁵Pa siku la seveni wansembe ofunika kuti amuone kuti ngati matenda aliye pititlile, ndipo nakuti ngati aliye falikile ku nkhanda. ngati yaliye, niye kuti wansembe ofunika kumupatula kwa masiku ayakine seveni. ⁶Wansembe ofunika kuti amuone sooti kuti ngati matenda yapola olo kut yaliye pake pa nkhanda. Ngati yaliye pake, wansembe ofunika kuti alabile kuti ni mutuba. Ni tovimba tyala. Ofunika kuwasha vovwale vake,ndipo abe mutuba.⁷Koma ngati covimba capitilila ku nkhanda kufuma piwaonesha kale ku wansembe pa kutubishiw kwake, ofunika kuti azioneshele soti ku wansembe. ⁸Wansembe ofunika kuti amuone ngati tovimba twapitilila ku nkhanda. Ngati twapitilila, wansembe ofunika kuti amuuzye kuti niodesewa na matenda otolela.⁹Ngati matenda ya ku nkhanda yali ku munthu muyakine , ofunika kuletewa ku wansembe. ¹⁰Wansembe ofunika kuti amuone ngati pali covimba cituba pa nkhanda, ngati sisi zasanduka, kapena pali covimba ca lomba pano. ¹¹Ngati cilipo, niye matenda yonkhalilatu, teto wansembe ofunika kuti amuuzye kuti niwodesewa. Amupatule lini, ndaba niwodesewa kale.¹²Ngati matenda yafuma pa nakufalikila pa nkhanda yonse na kuvala nkhanda ya munthu ali na matenda kufuma kumutu mpaka ku mendo, malinga mwayuonekela ku wansembe, ¹³wansmebe ofunika amuone bagti matenda yavwinikila mubili onse. Ngati yavwinikila, pamene apo wansembe alabile kuonesha munthu amene ali na matenda kuti ali bwino. Ngati yonse yasanduka kuba yatuba, niye kuti ali bwino. ¹⁴Koma ngati tovimba twalomba tuoneka pa eve, abe wodesewa.¹⁵Wansembe ofunika aone pa mnyofu ubisi nakulabila kwa eve kuti niodesewa cifukwa mnyofu ubisi niodesewa. Ni matenda otolela. ¹⁶Koma ngati mnyofu ubisi wankhala utuba soti, niye kuti munthu ofunika kuya kwa wansembe. ¹⁷Wansembe akamuone ngati myonfu wankhala utuba. Ngati wankha niye kuti wansembe ofunika kuti amuuzye kuti niwe mutuba.¹⁸Pamene munthu ali na cilonda pa nkhanda pake ndipo capola, ¹⁹ndipo m'malo mwa cilonda pankhala covimba olo cikanga, cisweta-cotuba, teto cufunika kuoneshewa ku wansembe. ²⁰Wansembe acione ngati caluta mkati mwa nkhanda, ndipo ngati sisi yankhala ituba. Ngati nteto, wansembe alabile kuti niodesewa. Ni matenda yotolela, nagti cankhala pamalo penze cilonda.²¹Koma ngati wansembe waciona nopeza kuti paliye sisi zituba, na kuti cili lini pankhanda koma cavimba, teto wansembe amupatule kwa masiku seveni. ²²Ngati cakulilako pa nkhanda, wansembe alabile kuti ni wodesewa. Ni matenda otolela. ²³Koma ngati cikanga cankhalisha pa malo amozi ndipociliye pake, teto cunkhala cibamba ca cilonda, ndipo wansembe ofunika kuti albile kuti ni mutuba.²⁴Ngati nkhanda yapya na muliro na mnyofu wapa cilonda wankhala usweta-utuba olo cibamba cituba, ²⁵teto wansembe akacione ngati sisi pa cikanga yankhala ituba, ngati nteto, niye kuti ni matenda otolela. yaonekela pa kupya, ndipo wansembe ofunika alabile kuti uyu niodesewa. ni matenda yotolera.²⁶Koma ngati wansembe waona nakupeza kuti paliye sisi ituba pa cikanga, ndipo sicili mukati mwa nkhanda koma ni civimba, ²⁷teto wansmebe ofunika amufumye mutnhut uyo kwaa msiku seveni. Ndipo wansembe ofunika amuone pa siku ya seveni, ngati capakilapo pa nkhanda, teto wansembe alabile kuti ni matenda yotolera. ²⁸Ngati cikanga capanama pa malo pake ndipo osapakila pa nkhanda koma pali covimba. Teto nicovimba cofumila ku kupya, ndipo wansmebe ofunika albile kuti ali bwino pakuti paliye kanthu ni cibamba tyala cakupya.²⁹Ngati mwanalume kapena mwanakazi ali na matenda pamutu olo pa sisi, ³⁰moteto wansembe ofunika kumuona munthu uyo ngati matenda ooneka patali pa nkhanda, ndipo ngati pali yelo, sisi yoyonda. ngati ilipo, wansembe ofunika kulabila kuti ali odesewa. Ni vonyalula, ni matenda otolela ya kumutu olo ku kagama.³¹Ngati wnsembe waona matenda yonyaula,ndipo waona kuti yali lini pa nkhanda, ndipo ngati paliye sisi ifipa, teto wansmebe amufumye muntu uyo wa matenda yonyaula kwa masiku seveni.³²Pasiku ya seveni wansembe akaone nthenda ngati yapakilapo, ngati paliye sisi ya yelo, ndipo nagti matenda yaoneka mukati mwa nkhanda, ³³teto ofunika kugela, koma pamalo ya matenda asagele, ndipo wansembe amupatule munthu uyo namatenda yonyaula kwa masiku seveni opakilapo.³⁴Pa siku la seveni wansembe aone matenda ngati yaleka kupaka pa nkhanda. Ngati yuoneka kuti patali na nkhanda, ndipo wansembe albile kuti ali bwino. Munthu uyo awashe vovwala vake, ndipo ankhale bwino.³⁵Koma ngati matenda yonyaula yapakilako ngako pa nkhanda wansembe walabila kalae kuti alibwino, ³⁶moteto wansembe ofunika kuti amuone soti. Ngati matenda yapakilako mpaka ku nkhanda, wansembe ofunika lini kufuna sisi za yelo. Munthu ali odesewa. ³⁷Koma ngati mukuona kwa wansembe matenda yonyaula yaleka kupalakilako ndipo sisi ifipa yakula pamalo pala, niye kuti matenda yapola. Alibwino, ndipo wansembe anene kuti alibwino.³⁸Ngati mwanalume kapena mwanakazi ali na cikanga pa nkhanda, ³⁹wansembe ofunika amuone munthu ngati cikanga cili pa mubili ncosatuba ngako, camene cili tovimba twafuma pa nkhanda. Ali bwino.⁴⁰Ngati sisis ya mwanalume yapona kumutnut kwake, ali na dazi, koma ali bwino. ⁴¹Ngati sisi yake yapona kufumila kumbali ya pamphumi kwake pa mutu, ndipo kusogolo kwake kuli dazi ali bwino.⁴²Koma ngati kuli cilonda cisweta cituba pa dazi pake olo pa mphumi, ni matenda otolela yamufuma. ⁴³Wansembe ofunika muone ngati kuvimba kwa matenda kuli pamalo yadazi olo pamphumi pali mateda ooneka ngati matenda yotolela pa nkhanda. ⁴⁴Ngati zili teto, ali na matenda yotolela ndipo ali wodesewa. Wansembe ofunika zoona kulabila kuti ali wodesewa cifukwa ca matenda yali ku mutu kwake.⁴⁵Munthu ali na matenda yotolela akovwala vovwala vong'ambika, na sisi yake yukolelemba yomasuka, ndipo ofunika kuvwinikila kumenso kwake mpaka pamhuno na kukuwa, 'wodesewa, wodesewa.' ⁴⁶Mu masiku yonse yati abe na matenda yotolela abe wodesewa. ndaba niwodesewa na matenda angafalikile, Ofunika kuti akonkhala eka. ofunika kunkhala kunja kwa msasa.⁴⁷Covwala catolako matenda yotolela, Kotoni olo covwala cosalala, ⁴⁸kapena ciliconse cosoka olo cosalala, olo cikumba olo ciliconse copangiwa na cikumba- ⁴⁹ngati kuli cagilini olo cisweta cothombelela pa covwala, cikumba, ca thonje olo cotungiwa, olo ciliconse copangwa na cikmba, niye kuti ni matenda yotolela yafalikila; cufnika kuoneshewa ku wansembe.⁵⁰Wansembe amuone wamatenda; ofunika afumye ciliconse cili na matenda kwa masiku seveni. ⁵¹Ofunika aone soti matenda pa siku la seveni. Ngati yafalikila pa covwala olo ciliconse ca thonje olo cotunga na thinje kapena nyula cosalala, olo cikumba olo ciliconse cusebenzeshewa na cikumba, niye kuti niciipa na matenda, niye kuti covwala ico ni codedewa. ⁵²Ofunika kushoka vovwala, olo ciconse ca thonje olo cotungiwa ca thinje olo nyula yosalala, olo cikumba olo ciliconse copangiwa na cikumba, cilicconse camene matenda apezekako, pakuti cingabatwale ku matenda. Covwala cufunika kushokewa conse.⁵³Ngati wansembe waona ciinthu kuti matenda yaliye falikile ku covwala olo copanga olo cotunga comumila ku thonje olo ku usako, olo ku zabwino zacikumba. ⁵⁴Ndipo akabalumile kuti akawashe cinthu camene kwenze matenda yotolela. ndipo ofunika kuti acicose kwa mwasiku seveni yopakilapo. ⁵⁵Teto wansmebe akaone ku cinthu cala kwenze matenda aciwasha, ngati matenda yaliye sinthike mtundu wake, olo kuti yaliye pake tto niyodesewa, mufunika kushoka vinthu, vilivonse vamene mateda yankhalako.⁵⁶Ngati wansembe waona cinthu, ndipo ngati matenda yotolela yafafanizika payawashiwa, teto ofunika kuti ang'ambe malo yokhuziwa kucokela ku civwala olo kucikumba, olo kucokela ku copangiwa olo ku cotunga. ⁵⁷Ngati matenda yakhate ikali kuoneka ku vcovwala, olo kumuyaloo, olo kucotungiwa, olo ciliconse copangiwa na cikumba, ikali kupakila-pakila, mufunika kushoka kalikonse kamene matenda bakahate yankhalapo. ⁵⁸Covwala olo kalikonse kumuyalo olo cotunga cathonje olo ca kotoni, olo cacikumba olo ciliconse copangiwa na cikumba- ngati wawasha cinthu ndipo matenda yaluta, teto cinthu cufunika kuwasha soti, ndipo cinkhale cituba.⁵⁹iyi niye lamulo ya matenda yakucovwala ca thpnje olo ca kotoni, olo ciliconse ca muyalo olo cotunga cofumila ku usako olo kunyula, olo ku cikumba olo ku ciliconse copangiwa na cikumba, kuti mulabile kuti ni cabwino olo codesewa.

¹Yehova elabila na Mose, kuti ²"iyi nilamulo ya wamatenda ba khate pa siku lotubisha. Ofunika kumuleta ku wansembe.³Wansembe alute kunja kwa munzi aone ngati matenda yapola. ⁴Teto wansembe alamulile kuti ofuna kutubisha atole nyoni zibili zabwino, zamoyo, na cimuti, camkunguza, na weya wa hisope. ⁵Wansembe amuamulile kuti apayepo imoz nyoni palulu pa manzi yali mbale yalito.⁶Wansembe atole nyoni yamoyo na cimuti, na weya na hisope, ndipo aviike vonse vinthu pamozi na nyoni yamoyo, mu ngazi ya nyoni yapaiwa mu manzi yoyenda. ⁷Ndipo wansembe awazye manzi aba ka seveni pa munthu ofuna kutubishiwa ku matenda yamakhate, ndipo wansembe alabile kuti ali bwino. Ndipo wansembe akate ila nyoni kuti alute.⁸Munthu watubishiwa awashe vvwalavake, agele sisis ake, ndipo asambe eka mu manzi,kufuma apo angawele mu misasa, koma ankhale kunja kwa tenti kwa masiku seveni. ⁹Pa siku la seveni ofunika kugela sisi yonse kumutu ndipo ofunika soit kugela ndevu na nsiye. Ofunka agele sisi yonse, ndipo ofunika kuwasha vovwala vake na kusamba mu manzi; teto ankhale bwino.¹⁰Pa siku la eiti ofunika atole mbelele zibili zanalume ziliye cilema, imozi yanakazi ya caka cimozi iliye kalem, na zitatu zamagao teni aunga wabwino wosakanizya na mafuta na unga wa copeleka, na mmpimo umozi wa mafuta. ¹¹Wansembe wotubisha munthu wala apanamike wala munthu wotubishiwa, pamozi na na vinthu ivo, pamenso pa Yehoova pamlyango pa tenti yokumanamo.¹²wansembe akatole mbelele inalume imozi nakupeleka kwa wansmbe yacipepeso, pamozi na umozi mpimo umozi wa mafuta; akazibaibishe pa nsembe yobaibisha pamenso pa Yehova. ¹³Ofunika kupaya mbelele yanalume pamalo opaila copeleka ca macimo na copeleka ca ciyanjano, mu malo ya kacisi, pakuti nsembe yamacimo niya yawansembe, monga copeleka ca copalamula cifukwa nicotuba ngako.¹⁴Wansembe atoleko ngazi iyakine ku nsmbe yopalamula na kuika kothela kwa kwatu yamanzyele kwa munthu ofunika kutubishiwa, kucimbombo ca kwanja lake la kwendi, na kucimbombo cikuleni ca kwendo lake la kwendi. ¹⁵Ndipo wansembe atole mafuta na kuthila pa manja ya kwanja yake ya kwendi, ¹⁶nakuika ku cimbombo cake ca kwanja ya kwendi mu mafuta cili ku kwanja yake yakumanjele, na kuwazya mafuta bayakine na cimbombo cake ka seveni.¹⁷Wansembe akaike mafuta ayakine mu manja mwake kothela kwa kwatu ya munthu ofunika kutubishiwa, ku cimbombo ca kwanja yake yakwendi, na kumbombo cikulu cakukwendo. Ofunika mafuta palulu pa ngazi ya nsembe yopalamula. ¹⁸Kwa mafuta osalilako yali mu manja ya wansembe, aike pamutu pa munthu ofunika kutubishiwa, ndipo wansmebe akapange comtetezela pamenso pa Yehova.¹⁹Ndipo wansembe akapeleke nsembe yaucimo, na kupanga comtetezela wamene ofunika kutubishiwa cifukwa ca kudesewa kwake, ndipo kufuma apo, apaye nsembe yoshoka. ²⁰Teto wansembe apeleke nsembe yoshoka na nsembe yaunga guwa. Wansembe apange comutetezela munthu, ndipo abe mutuba.²¹Moteto ngati mutnhu niosauka ndipo angakwanishe lini vopeleka ivi, teto angatole mbelele yanalume imozi monga nsembe yopalamula kuti ibabishiwe, kuti amupangile comutetezela, na gao imozi ya efa ya fulaulo wosalala woyavizya na mafuta monga nsembe ya unga, na mpimo wa mafuta, ²²pamozi na nkhunda olo njiba zibili, monga angakwanishe kutola; nyoni kimozi ibe nsembe ya ucimo na iyakine nsembe yoshoka. ²³Pa siku la eiti ofunika azilete ku kutubishiwa kwake kwa wnsembe, pamlyago wantetni yokumanamo, pamenso pa Yehova.²⁴Wansembe atole mbelele ya nsembe, na kutola pamozi na mafuta, ndipo azinyamule mululu pozipeleka pamenso pa Yehova. ²⁵Akapaye mbelele ya nsembe ya mulandu, nakutolako ngazi yake iyakine ya nsembe ya mulandu na kuika kusonga kwa kwatu yake yaku kwendi ya wala ofunika kutubishiwa, pa cimbombo cake cakukwendi, na kucimbombo cake cikuleni caku kwendo yakukwendi.²⁶Teto wansembe akathile mafuta ku kwanja lake lakumanjele, ²⁷na kuwazya na cimbombo cake ca ku kwanja laku kwendi ya mafuta na ukyakine uli ku kwanja yakumanjele ka seveni pamenso pa Yehova.²⁸Wansembe akaike mafuta ayakine ali m'manja mwake kosizyila kwa kwatu yakeofunika kutubishiwa, pa cimbombo cake caku kwanja laku kwendi, na pacimbombo cake cikuleni ca kukwendo laku kwendi, pa malo amozi peciika nsembe yamulandu. ²⁹Aike mafutaaiyakine bamene ali m'manja mwake pa mutu pake ofunika kutubishiwa, kupanga comutetezela kwa Yehova.³⁰Ofunka apeleke nkhunda imozi olo njiba itontho yamene yakwanisha kupeza- ³¹imozi monga nsembe yaucimo ndipo iyakine monga nsembe yoshoka, pamozi na nsembe yamulandu. Teto wansmbe apange comutetezela ofunika kutubishiwa pamenso pa Yehova. ³²Ici ni cilamulo kwa munthu ali na matenda yakhalete, amene sokwanilisha nsembe yoyenela yomutubisha.³³Yehova elabila na Mose na Aroni, kuti, ³⁴"mukawela ku malo ya Kenani yanakupsani ngati coloba caniu, ndipo ngati naika matenda ya khate yopaka mu mang'anda ya alo ya coloba canu. ³⁵Ndipo eve watola n'ganda awele azauzye wansembe. Ofunika kukamba kuti, 'cuoneka kwa neo kuti muli zinthu monga matenda ya makhate mu ng'anda mwanu.³⁶Teto wnsembe alamulile kuti mung'anda musankhale kanthu akaliye kuyoona cizindikilo ca matenda yamakhate, kuti musankhale kanthu mu ng'anda kati kaifyiwe. Pakapita kanthawi wansembe abekuya kuyoona mung'anda. ³⁷Ofunika aone ngati namkhate aliye nkhale kucipupa ca ng'anda, na kuona ngati vuonekela gilini kapena visweta mumilindi ya palulu pa vipupa. ³⁸Ngati ng'anda ili na makhate, teto wansmebe abekuya kunja kwa ng'anda nakuvala ciseko ca ng'anda kwa masiku seveni.³⁹Ndipo wansembe akawelele pa siku la seveni nakuona nagati makhate yapakilapo mucipupa ca ng'anda. ⁴⁰Ngati ili nayo, niye kuti wansembe alamulile kuti acose mwala kwamene kwapezeka makhate nakuzitaila ku malo yaipa kunja kwa msasa.⁴¹Akafune mukati monse mwang'anda mukasukiwe, ndipo vonse viipa vamkati mwa ng'anda vikataiwe kunja kwa msasa na ku malo aipa. ⁴²Ofunika kuti atole mwala uyakine na kuika m'malo mwa mwala wala wafumyiw, ndipo ofunika kusebenzesha lito la nowane kumata nga'anda.⁴³Ngati makhate bawela soi na kuloba mu ng'anda mwamene mwala yecosewamo ndipo cipupa cesukiwa nakumatiwa, ⁴⁴ngati wansembe ofunika awele na kuona nga'anda kuti ngati makhate yapakilapo mu mg'anda. Ngati yapakilapo ni makhate yaipa, ndipo ng'anda niyodesewa.⁴⁵Ng'andayufunika kugumuliwa. Myala, vimiti, na lito lonse lematiwa lufunika kutaiwa kunja kwa mzinda ku malo yodesewa. ⁴⁶Moikailapo, aliyense waluta ku ng'anda pa nthawi yamene ili yovaliwa akankhale odesewa mpaka mcingulo. ⁴⁷Aliyene walala mu ng'anda ofunika awashe vovwala vake, ndipo aliyense walyela mu ng'anda ofunika awashe vovwala vake.⁴⁸Ngati wansembe waloba mu ng'anda kuyoona kuti ngati makhat yapakilapo mu ng'anda akaikuluba, mwakuti, ngati makhate yaluta, akalabile kuti ng'anda ili bwino.⁴⁹Teto wansembe atole nyoni zibili zokonzekela mu ng'anda na cimuti, na sikaleti yani na hisope. ⁵⁰Akapaye nyoni imozi pa manzi yabwino mu cinkhombe. ⁵¹Akatole cimuti, na hisope na sikaleti yani, na yoni ya moyo nakuviika mu ngazi ya nyoni yopaiwa, mu manzi yabwino, na kuthila ku ng'anda ka seveni.⁵²Akatubishe ng'anda na ngazi ya nyoni na manzi abwino, na nyoni yamoyo, na cimuti, hisope, na sikaleti yani. ⁵³Koma akataye kamoyo kabekuya kunja kwa mzinda kusanga. Munjila iyi ofunika apange cotetezela ca ng'anda, ndipo ankhale bwino.⁵⁴Iyi niye lamulo ya mateda ba makhate yapa nkhanda na zinthu zuleta matenda aba, na yonyaula, ⁵⁵na makhate ya kucovwala na mang'anda, ⁵⁶ya covimba, ya vovumbuka, na ya cibamba cuoneka ngako, ⁵⁷kuona kuti matenda aba niwodesewa kapena niwosadesewa. Iyi niye lamulo ya matenda ya makhate.

¹Yehova elabila na Mose na Aroni, kuti, ²"labila na banthu ba Israeli, nakut kwa beve, 'ngati mwanalume aliyense ali na vofuma va matenda vufuma pamubili wake, onkhala odesewa. ³Kudesewa kwake ni cifukwa ca matenda aba. Ngakhale kuti mubiliwa ufuma vinthu kapena waleka niwodesewa.⁴Pa bedi aliponse pati alale pabe podesewa, na vonse vati ankhalepo vibe vodesewa. ⁵Aliyense wati akate polala pake ofunika awashe vovwala na kusamba mu manzi, na kunnkhala wodesewa mpaka mcingulo.⁶Aliyense nkhala pa cinthu camene mwanalumeofuma vinthu enze wankhalapo, uyo munthu ofunika kuwasha vovwala vake na kusamba na manzi, ndipo abe odesewa mpaka mcingulo. ⁷Aliyense wokata mwanakazi wofuma vinthu va matenda wofunika kuwasha vovwala vake na kusamba na manzi, ndipo abe odesewa mpaka mcingulo.⁸Ngati munthu amene ofuma vinthu ivo lomba vawila pa munthu wosadesewa, teto munthu uyo ofunika kuti awashe vovala vake, ndipo asmbe na manzi na kunkhala odesewa mpaka mcingulo. ⁹Conkhalapo ciliconse camene wala munthu ali na vinthu vufuma cati ankhalepo cukuba codesewa.¹⁰Moteto aliyense okatako kalikonse ka munthu wofuma vinthu munthu uyo ankhale odesewa mpaka mcingulo ndipo aliyense onyamula vinthu ivo ofunika awashe vovwala vake na kusamba na manzi, ndipo ankhale odesewa mpaka mcingulo. ¹¹Munthu aliyense amene wati akakatiwe na munthu woofuma vinthu akaliyosamba na manzi ofunika akawashe vovwala vake na kusamba eve eka na manzi, ndipo akabe odesewa mpaka mcingulo. ¹²Cinkhombe ciliconse camene wofuma vinthu wakata cufunika kuti ciphwanyiwe ndipo cibwitiza ciliconse ca cimuti cufunika kusukiwa na manzi.¹³Pamene wala ali na vofuma wotubishiwa mu vofuma vake, teto ofunik kuzibelengela masikiu sveni yakutubishiwa kwake; ndipo awashe vovwala vake na kusamba mubili wake na manzi. Ndipo abe mutuba. ¹⁴Pa siku la eiti atole nkhunda zibili olo njiba zibili nakuza pamenso pa Yehova pamlyango wa tenti yokumanamo; apo ofunika kupeleka nyoni izo ku wansembe. ¹⁵Wansembe ofunika kuzipeleka, imozi monga nsembe yaucimo na iyakine monga nsembe yoshoka, ndipo wansembe ofunika kumupangila cotetezela pamenso pa Yehova pa vofuma vake.¹⁶Ngati mphamvu ya mwanalume aliyense yafuma, ndipo asambe mubili wake wonse na manzi; ankhale woifyiwa mpaka usiku. ¹⁷Covwala ciliconse kapena cikumba camene kuli mphamvu ya mwanalume yufunika kuwashiwa na manzi; cinkhale codesewa mpaka usiku. ¹⁸Ngati mwanalume walala na mwanakazi ndipo mphamvu ya mwanalume yasalira, onse abili ofunika kusamba na manzi ndipo bankhale oifyiwa mpaka usiku.¹⁹Ngati mwanakazi ali kumwezi, kuifyiwa kwake kupilizye kwa masiku seveni, ndipo aliyense wamkata ankhale oifyiwa mpaka mcingulo. ²⁰Ciliconse ciwalalapo ngati ali kumwezi cunkhala coifyiwa; ciliconse ciwankhalapo cikuba coifyiwa.²¹Aliyense wakata polala pake ofunika awashe vovwala vake na kusamba na manzi; uyo munthu abe odesewa mpaka mcingulo. ²²Aliyense wokata conkhalapo cake ofunika awashe vovwal cvake na kusamba na manzi; uyo munthu abe odesewa mpaka mcingulo. ²³Ngankhale ni pa bedi olo ni paliponse pati ankhale, ngati wacikata, uyo munthu ankhale odesewa mpaka mcingulo.²⁴Ngati mwanalume aliyense walala naye, ndipo vofuma vake vodesedwa vamukumya, ankhale odesewa kwa masiku seveni. Polala paliponse pati alale pankhale podesewa.²⁵Ngati mwanakazi aofuma nagazi kwa masiku anyinji pamene ninthawi yake lini yakumwezi olo ngati ofuma ngazi kupitilila masiku yake ya kumwezi, mu masiku yake yonse yofuma yakudesewa, ankhale monga enze mumasiku yake yakumwezi. Ni wodesewa. ²⁶Polala paliponse pamene walala pa masiku yakufuma ngazi kwake yakankhale kwa eve monga polala pawalala pa masiku yamumwezi, ndipo kalikonse kawankhalapo kakankhale kodesewa, monga kudesewa kwa kumwezi kwake. ²⁷Aliyense angakate viyakine mwa vinthu ivi akankhale wodesew; ofunika awashe vovwala vake na kusamba eve eka na manzi, ndipo abe wodesewa mpaka mcingulo.²⁸Koma ngati watubishiwa mukufuma ngazi kwake, ndipo angabelenge masiku yake seveni, kufuma apo abe mutuba. ²⁹Pa siku la eiti akazinyamulile nkhunda zibili kapena njiba zibili nakuzileta kwa wansembe pamlyango pa tenti yokumanamo. ³⁰Wansembe akapeleke nyoni imozi monga nsembe yaucimo na nyoni imozi monga nsembe yoshoka, na kumupangila cotetezela pamenso pa Yehova pa kufuma ngazi kwake kodesewa.³¹Umu niye mwati ukasiyanishire banthu ba Israeli mu kudesewa kwao, kuti basakafwe cifukwa ca kusedwa kwao, pa kuifya kacisi wangu, mwanunkhala pakati pao.³²Aba nimalamulo kwa aliyense ali na vinthu vufuma, kwa mwanalume liyense mphamvu yake yufuma nakumupanga wodesewa, kwa mwanakazi aliyense ali kumwezi, ³³kwa aliyens ali na vufuma, mwanakazi kapena mwanalume, na ku mwanalume aliyense wolalal na mwanakazi wodesewa.'"

¹Yehova elabila na Mose- Apa peze kucoka pecifwa bana ba Aroni babili, pecifwika pafupi na Yehova na kufwa. ²Yehova eciti kwa Mose, "labila na Aroni mkwanu kuti sati akowela-wela mu malo yatubamukati mwa ketani, pamnso pa covalila capacotetezela cili pa likasa. Ngati angacitee angafwe, cifukwa nuoneka mu makumbi pa covalila pa cotetezela.³Teto umu niye mwani Aroni akowelela ku malo yatuba. Ofunika kuti akoloba na ng'ombe itontho monga nsembe yamacimo, ndipo mbelele ngati nsembe yoshoka. ⁴Ofunika kuti avwala zopatulika, ndipo ofunika kuvwala malaya amkati mwa covwala, ndipo ofunika kuvwala nyula sashi na thabani. Ivi ni vovwala vituba. Ofunika kusamba mubili wake mu manzi ndipi na kuvwala vovwala ivi. ⁵Ofunika avitole mu gulu la banahtu ba Israeli mbuzi zinalume zibili nsembe yacimo na mbelele monga nsembe zoshoka.⁶Teto Aroni ofunika kuti aoneshe ng'ombe monga nsembe ya macimo, yamene yunkhala ya eve eka, kupanga comutetezelaca eve yeka na banja yake. ⁷Teto ofunika atole mbuzi zibili na kuziika panso pa Yehova pamlyango wa tenti yokumanamo.⁸Teto ofunika Aroni acite mayele pa mbuzi zibili; mayele amozi ya Yehova, ndipo mayele bayakine ba zazeli. ⁹Aroni ofunika kuonesha mbuzi pamene mayele baponela kwa Yehova, nakupeleka mbuzi ngati nsembe ya macimo. ¹⁰Koma mbuzi kwamene kwaponela mayele kwa azazeli ofunika awele amoyo pamenso pa Yehova, kupanga comutetezela nakumutumizya monga mu zazeli mu cipululu.¹¹Ndipo Aroni aoneshele ng'ombe ya nsembe yaucimo, yamene inkhale ya eve eka. Ofunika kupanga comutetezela eve eka na banja yake, teto ofunika kupaya ng'ombe monga nsembe ya ucimo kwa eve eka.¹²Aroni atole mbale ya zofukizilamo yozula na muliro kubafumya pa guwa ya nsembe pamenso pa Yehova, na manja bake bozula na zofukizilamon zopeleka zonunkhila zabwino, nukuleta zinthu izi mkati mwa ketani. ¹³Nakuika zofukizila pa muliro pamenso pa Yehova kuti makumbi ya cofukizila yavale cotetezela palulu pa cipangano. Ofunika kucita ivi kuti asafwe,¹⁴Teto ofunika kutolako ngazi iyakine ya ng'ombe nakuwazya na vimbombo vake pasogolo pa covalilapo, ofunika awazye ngazi iyakine na vimbombo vake ka seveni pasogolo pa covalila pa cotetezela.¹⁵Teto ofunika apaye mbuzi ya copeleka ca ucimo ico ni cabanthu ndipo mulete ngazi yake mkatimwa ketani. Teto ofunika acite nayo ngazi monga mwecitila na nazi ya ng'ombe: ofunika awazye ku covalila pa cotetezela na pamenso pa covalila pa cotetezela. ¹⁶Ofunika kipanga covalila pa cotetezela pa malo atuba cifukwa ca vocitika vodesewa va banthu ba Israeli, na cifukwa ca kusagonjela kwao na macimo bao onse. Ofunika acite soti ici pa tenti yokumanamo kwamene Yehova onkhala pakati pao, pakati pa ziipa zao.¹⁷Paliye munthu ofunika mu tenti yokumanamo pamene Aroni oloba mkati kupanga cotetezela mu malo atuba, mpaka afume kunja ndipo asilizye kupanga comtetezela ca eve eka na ca banja, na ca onse ba gulu la Israeli. ¹⁸Ofunika kuya kunja ku guwa yamene ili pamenso pa Yehova nakupanga comtetezela, ofunika aatole ngazi ya ng'ombe zikyakine na ngazi yambuzi ziyakine nakuziika pa mapodo ba guwa mozunguluka. ¹⁹Ofunika kuti awazye ngazi iyakine na vimbomboka seveni kutubiisha na kuciika padela kwa Yehova. Kutali nazocitika zodesewa za banthu ba Israeli.²⁰Akasilizya kucita cotetzela ca malo yatuba, mu tetni yokumanamo, na guwa. Ofunika kuoneshela mbuzi yamoyo. ²¹Aroni ofunika aike manja bake yabili pa mutu pa mbuzi yamoyo na kulapa mu malo mwa ziipa zao za banthu ba Israeli. Kuukila kwao konse pamutu pa mbuzi na kutumizya mbuzi ku munthu ali okonzekela kuithangulila ku cipululu. ²²Mbuzi yufunika kuzinyamulila ucimo onse wa banthu ku malo ya eka. Ku cipululu kwala, munthu ofunika kuileka mbuzi kuti ibekuya yomasuka²³Aroni awelele mu tenti na kuvula covwala ca nyula yamene yevwala akaliye kuya mu malo atuba, ndipo ofunika kusiya vovwala kwamene kwala. ²⁴Ofunika kusamba na manzi mu mubili wake mu malo atuba, na kuvwala vovwala vao vamasiku yonse teto ofunika kuya kunja nakupeleja nsembe zoshoka na nsembe za banthu, ndipi munjila iyo apange comutetezela eve eka na cabanthu.²⁵Ofunika kushoka mafuta ya copeleka ca ucimo pa guwa. ²⁶Munthu olekelela mbuzi ofunika kuti awashe vovwala vake na kusamba mu manzi; kufuma apo, anagawelele ku misasa.²⁷Ngombe ya copeleka ca ucimo na mbuzi ya copeleka ca ucimo yamne ngazi yao yeletewa kupanga cotetezela mu malo atuba, yofunika kupelekewa kunja kwa misasa. Kwala ofunika kushoka cikumba, nyama yake, na uvite. ²⁸Munthu oshoka magao awo ofunika kuwasha vovwala vake na kusamba na manzi pamubili; kufuma apo angawelele kumisasa.²⁹Cikankhale nthawi zonse lamulo kwa weo kuti mu mwezi wa seveni, pa siku la teni mu mwezi, mufunika kuzicepesa mweka, ndipo musasebenze, kapena obadwa olo alwendo onkhala pakati panu. ³⁰Ici ni cifukwa cakuti pa siku iyi cotetezela cupangiwa ca mweo, kukutubishani ku macimo banu onse kuti mube atuba pamenso pa Yehova. ³¹Ni sabta yolumbilila yopumula mweo, mufunika muzicepese mweka ndipo musaasebenze, ici cinkhale cilamulo pakati panu.³²Mkulu wansmbe wamene wati akazozewe kuba mkulu wansembemu malo mwa awisi wakae, ofunika kupanga citetezo ici na kuciika pa covwala ca nyula, camene cili, covwala cituba. ³³Ofunika kupanga cotetezela mu malo atuba; ofunika kupanga cotetezela ca tenti yokumanamo na ca paguwa, ndipo ofunika kupanga cotetezela ca wansembe na ca gulu lonse la banthu.³⁴Ici cinkhale nthawi zonse cilamulo kwa mweo, kupanga cotetezela banhtu ba Israeli cifukwa ca macimo bao, kamozi pa caka." Ici cenzectika monga Yehova elamulila Mose.

¹Yehova elabila na Mose, kuti, ²"Labila na Aroni na bana bake, na ku banthu onse kuti ba Israeli. Bauzye camene Yehova walamulira: ³'Mwanalume aliynse wa Israeli wapaya ng'ombe, mbelele, kapena mbuzi mu mumsasa, olo opaila lkunja kwa msasa, kufuna kuti apeleke nsembe- ⁴ngati oileta lini ku mlyango wa tenti yokumanilamo kuileta monga nsembe kwa Yehova pamenso pa kacisi, uyo munthu ni ocimwa pofumya ngazi. Wafumya ngazi, ndipo munthu uyo ofunika kufumyiwa pakati pa banthu.⁵Colinga ca kulamulira uku kuli teto kuti banthu bakoleta nsembe kumlyango wa tenti yokumanamo monga nsembe yao kwa Yehova pamlyango wa tenti yokumanamo, kwa wansembe kuti apeleke ngati ciyanjanoca copeleka kwa Yehova, m'malo mopeleka copeleka mu munda. ⁶Wansembe akawazye ngazi pa guwa ya Yehova pa mulyango wa tenti yokumanamo; akashoke mafuta kuti bafumye kafungo kabwino kwa Yehova.⁷Banthu ofunika lini kupeleka nsembe ku milungu ya mbuzi, pakuti ocita monga ni mahule. Ici cinkhale cilamulo camuyaya kwa beve ku mbadwo wao wonse.'⁸Ufunka ulabile kwa beve, 'mwanalume aliyense wa Israeli, olo mulwendo aliyense wonkhala pakati pao, opeleka nsembe zoshoka olo nsembe ⁹ndipo oleta lini kumlyango wa tenti yokumanamamo kuti apeleke nsembe kwa Yehova, munthu uyo ofunika kufumyiwa pakati pa banthu bake.¹⁰Ngati mutnhu aliyense wa mung'anda ya Israeli, kapena mulwendo onkhala pakati pao wamwa ngaziiliyonse, nikatumizye pamenso pangu kwa uyo munthu amene wati akamwe ngazi ndipo nikamufumye pakati pa banthu. ¹¹Pakuti moyo wa nyama uli mu ngazi yake. Nakupasani ngazi yake kuti mupange cotetezela ku guwa la moyo wanu, cifukwa ni ngazi yopanga cotetezela, pakuti ni ngazi yuteteza moyo.¹²Mwaici nukuti ku banthu ba israeli kuti pasankhale m'mozi pakati panu wakulya ngazi, kapena mulwendo onkhala pakati panu akulya ngazi. ¹³Aliyense wa banthu ba Israeli, olo aliyense wa mulwendo onkhala pakati panu, amene osakila na kupaya nyama olo nyoni zamene zulyewa, munthu uyo ofunika athile ngazi ya nyama iyo na kuvwinikila ngazi iyo na lito.¹⁴Pakuti moyo wa nyama ni ngazi yake. ncifukwa cake neciti ku banthu ba Israeli, "mufunika lini kulya ngazi ya nyama iliyonse, pakuti moyo wa nyama iliyonse ni ngazi yake. Aliyense wakulya ofunika kupayiwa."¹⁵Munthu aliyense wakulya nyama yakufwa kapena yolumiwa na nyama zakusanga, olo kuti uyo munthu niobadwa olo ni mulwendo onkhala pakati panu, ofunika awashe vovwala vake na kusamba eve eka mcingulo, ndipo ankhale odesewa mpaka mcingulo. Ndipo ankhale mtuba. ¹⁶Koma ngati aliye washe vovwala vake olo kusamba mubili wake, teto ofunika kuti anyamule macimo bake.

¹yehova elabila na Mose, kuti, "labila na banthu ba Israeli na kuti kwa beve, 'Nine Yehova Mulungu wanu. ²Mufunika lini kucita vinthu vamene banthu ba Igipito benzocita, kumwezonkhala kuvuli. ³Mufunika lini kucita vinthu vamene banthu baku Kenani bocita, ku malo kwamene nukithwalani. Mufunika lini kukonkha makhalidwe bao.⁴Malamulo bangu ni bamene mufunika kucita, ndipo malamulo nibamene mufunika kusunga, kuti muyende, cifukwa ni Yehova Mulungu wanu. ⁵Moteto mufunika kusunga cilamulo na malamulo bangu. Ngati munthu wakonkha, akankhale na moyo cifukwa calamulo nine Yehova⁶Usafwike pafupi na mu bululu wako aliyense kumuvula cinthako cake, nine Yehova. ⁷Usavule cinthako ca amai bako: ni amai bako, ufunika lini kubavula cinthako cao. ⁸Musavule cinthako ca akazi ba zusuwako: ni cinthako ca ausuwako.⁹Usavule cinthako ca nkwanu mwanakazi, olo ni mwana mwanakazi wa auso olo mwana mwanaka wa amai bako, olo kuti ekulila pang'anda panu olo kutali na mweo. ¹⁰Usavule cinthako ca mwana wa mwana wako mwanakzi olo mwana wa bana bako banakazi, ku cinthako cao ni cinthako cako. ¹¹Usavule cinthako ca mwana wa mwanakazi wa mkazi wa auso, okulila mu banja ya auso, pakuti ni mkwanu.¹²Usavule cinthako ca mkwao wa auso; pakuti ni mu bululu wa auso. ¹³Usavule cinthako ca mkwao wa amai bako, pakuti ni mkwao wa amai bako. ¹⁴Usavule cinthako ca mkwao wa awisi bako pakuti, usafwike pafupi na mwanakazi wao: pakuti ni akwao ba auso.¹⁵Usavule cinthako ca mpongozi wako; ni mwanakzi wa mwana wako mwanalume; ufunika lini kuvula cinthako cake. ¹⁶Musavule cinthako ca mwanakazi wa mkwanu; uyo ni mwanakazi wa mkwanu.¹⁷Musavule cinthako ca mwanakzi na mwana wake; ndipo usatole mwana mwanakazi wa mwana wake mwanalume olo mwana wake mwanakazi kumuvula cinthako. ¹⁸Usakwatile mkwao wa mwanakazi wako monga mwanakzi wako wacibili na kumuvula cinthako pamene mwanakzi wako akali moyo.¹⁹Usafwike pafupi na mwanakazi kumuvula cinthako cake pa nthawi ya kusayelesedwa kwake. ²⁰Usalale na mwanakazi waunkhala naye pafupi na kuziifya mu njila iyi.²¹Ufunika lini kupasa bana bako ku mulilo, kuti upeleke nsembe kwa Mleki cifukwa musaifye zina la Mulungu. Neo nine Yehova.²²Musalalane na analume bayanu monga anakazi; nicosalolewa. ²³Musalalane na nyama iliyonse na kuziifya mweka olo mwanakazi aliyense kuzipeleka ku nyama kulalana nazo; ni musokonezo uipa.²⁴Usaziifye weka weka mu njila yamene iyi, pakuti muzonse izi vyalo vonse veifyiwa, zvyalo vati nikafumye kwa mwe. ²⁵Malo yenkhala yodesewa, mwakuti nupeleka clango ca macimo bao, ndipo malo yefumya vonkhalamo.²⁶Mweo, lomba, mufunika kusunga malamulo bangu na coweluza cangu, ndipo musacite kalikonse ka izi vinthu viipa olo obadwa mu Israeli kapena alwendo onkhala pakati panu. ²⁷Pakuti uku ni kuipa mtima camene banthu bali mu malo ocita, bala onkhala kuno kukaliye mweo, ndipo lomba malo yaipa. ²⁸Moteto nkhalani ocenjela kuti malo yasakuleni soti mukaiifya, monga muyelukila banthu benzeko kukaliye mweo.²⁹Aliyense angacite vinthu viipa, munthu ocita camene ico akafumyiwe pakati pa banthu. ³⁰Mwakuti mufunika kusunga malamulo bangu osacita zilizonse za ivi vilamulo viipa yamene yenzocita kale kukaliye mweo, kuti musaziifye mweka na veve. Nine Yehova Mulungu wanu'"

¹Yehova elabila na Mose, kuti, ²"labila na gulu la anthu ba Israeli na kuti kwa beve, 'mufnika kunkhala atuba pakuti nine Yehova Mulungu wanu nine mtuba. ³Aliyense ofunika kulemekeza amai bake na awisi bake , ndipo mufunika musunge sabata, Nine Yehova Mulungu wanu. ⁴Musawelele ku milungu yatyala, olo kuzipangila mweka milungu kufuma ku sibmi. Nine Yehova Mulungu wanu.⁵Pamene mupeleka nsembe ya ciyanjano yoyamikila kwa Yehova, mufika kupeleka kuti mulandiliwe. ⁶Yufunika kulyewa siku limozi imwapelekela , olo siku yokonkhapo. Ngati zinthu ziyakine zasalapo mpaka siku yacitatu, zufunika kushokewa na mulilo. ⁷Ngati zonse zalyewa pa siku yacitatu, ni nyama yodesewa; yufunika lini kulolewa. ⁸Aliyense wakulya azinyamulile macimo bake cifukwa waifya camene cili cabwino kwa Yehova, ndipo munthu uyo ofunika kuti afumyiwe pakati pa banthu.⁹Pamene mwafumya zolima zam'munda mwanu, mufunika lini kusilizyilatu makona yonse ya m'munda, olo kuunjika zocosa zonse za munda mwanu. ¹⁰Mufunika lini kuunjika pamozi mpesa ya m'munda mwanu, olo mpesa wopana pansi mumunda mwanu. Mufunka muzisiyile osauka na alwendo. Nine Yehova.¹¹Musaibe. Musaname wenye, Osanamizyana na muyako. ¹²Musalimbile pa zina langu mwa wenye na kuifya zina ya Mulungu. Nine Yehova.¹³Osapondelezya munthu waunkhala naye pafupi olo kumuibila. Mphoto ya wanchito wako yufunika lini kunkhala na weo mpaka m'mawa. ¹⁴Usatembelele agonthi olo kuika copinga kwa aliye menso. M'malo mwake, mufunika kuyopa Mulungu. Nine Yehova.¹⁵Usapange ciweruzo kuba cawenye. Usaoneshe kukondela ku munthu cifukwa niosauka, ndipo usaoneshe kukondela ku munthu cifukwa niofunikila ngako. M'malo mwake, uweruza wapfupi na weo mwacilungamo. ¹⁶Usayende mozunguluka kukamba ziipa za banthhu bako, koma esesha kuti ucingilizye umoyo wa wala unkhala naye pafupi. Nine Yehova.¹⁷Usazonde mkwanu mumtina mwako. Ufunika mwa coona umuzuzule unkhala naye pafupi kuti usagabane naye ucimo cifukwa ca eve. ¹⁸Usawezye ciipa olo kusunga ukali uliwonse pali munthu aliyense, koma konda unkhala naye pafupi monga mwauzikondela weka. Nine Yehova.¹⁹Mufunika kusunga malamulo bangu. Osalungulisha nyama zako na nyama ziyakine zosiyana-siyana. Usasakanizye mbeu zibili zosiyana pamene pamucala ku munda. Usavwale covwala copangiwa na nyuala za mitundu ibili.²⁰Aliyense walala na kapolo mwanakzi amene euzyiwa na mwanalume kuti okuyomukwatila, koma amene aliye mulipile olo kumupasa mtendele, ofunika apasiwe cilango. Ofunika lini kupaiwa cifukwa enzelini omasuka. ²¹Mwanalume Ofunika kuleta nsembe yamacimo kwa Yehova pamlyango pa tenti yokumanamo- mbelele monga nsembe yamacimo. ²²Moteto wansembe akapange comtetezela na mbelele ya nsembe yamacimo pamenso pa Yehova, pa cimo iyi yiwacita. Ndipo cimo yiwacita ikakhululukiwe.²³Mukawela ku malo ndipo nakucala vimiti vosiyana-siyana va vakulya vipaso vufunika kuyesewa monga vokaniwa kwa zaka zitatu. Vufunika lini kulyewa. ²⁴Koma mu caka ca folo vipaso vonse vikabe vituba, copeleka ca wansembe kwa Yehova. ²⁵Mu caka ca faifi mungalye vipaso, pimwayembekeza kuti vimiti vibale ngako. Nine Yehova Mulungu wanu.²⁶Musalye nyama iliyonse na ngazi yake mkati mwake. Musakonshe mizimu pa zakusogolo, ndipo musafune colamulila bayakine mu mphamvu za mumizimu. ²⁷Mukazungulushe lini makona ya sisi yanu mbali kwa mutu wanu olo kugela kothela kwa ndevu. ²⁸Musatende mubili wanu cifukwa ca wakufwaolo kutenda ndembo pa mubili wanu. Nine Yehova.²⁹Musamvwishe nsoni mwana wanu mwanakazipakumupanga eve wacigololo, olo calo cingawe mu cigololo ndpo malo yangazule na viipa. ³⁰Mufunika kusunga masabata bangu nakulemekeza malo atuba ya mukacisi. Nine Yehova.³¹usawelele kwa bala olabila na bakufwa kapena mizimu. Musasabafune, pakuti bangakuifyeni. Nine Yheova Mulungu wanu.³²Mufunika kunyamuka pemenso pa wa imvwi na ku kulemekeza okalamba. Mufunika kuyoopa Mulungu wanu. Nine Yehova.³³Ngati mulwendo onkhala pakati panu mu malo banu, mufunika lini kumucita ciipa. ³⁴Mulwendo onkhala na mweo ofunika kuba na mweo monga obadwa banu ba Israeli onkhala pakati panu, ndipo mukakonde moonga seo. Cifukwa mwenze alwendo ku Igipito. Nine Yehova Mulungu wanu.³⁵Musasebenzeshe mupimo wawenye pamene mupima muutali, mukulema olo vinyinji. ³⁶Mufunika kusebenzesha tyala sikelo, kuziba kulemela kwake. Nine yehova Mulungu wanu, nekufumyani mu calo ca Igipito. ³⁷Mufunika kukonkhala ndondomeko zangu na malamulo bangu onse, nabacita. Nine Yehova.'"

¹Yehova elabila na Mose, eciti, ²"labila na bana ba Israeli, 'aliyense pakati pa bana ba Israeli, olo mulwendo onkhala mu Israeli opasa mwana wake kwa Moliki, ofunika kufwa. Banthu baku bamu malo bofunika kumtema myala.³Neo nikailke cizondi pamenso pangu na eve ndipo nikamufye ku banthu bake cifukwa epasa mwana wake ku Moleki, kuti aifye malo yangu yoapatulika n kudesa zina yangu yopatulika. ⁴Ngati banthu baku malo bovala menso yao pamene opeleka mwana wake kwa Moleki, ngati bomupaya lini, ⁵niye kuti neo neka nikaike cizondi pa menso pangu pa eve na banja lake, ndipo nikamufumye ku banthu bake na onse ocita cigololo pocita uhule na Moleki.⁶Munthu wamene owelela kwa bala olabila na bakufwa, olobala oakamba na mizimu kuti acite nayo cigololo, nikaike cizondi pa munthu uyo; nikamufumye pakati pa banthu bake. ⁷Mwakuti muzipatule mweka na kunkhala atuba, cifukwa nine Mulungu wanu.⁸Mufunika kusunga malamulo bangu nabacita. Nine Yehova okupatulani kuba atuba. ⁹Aliyense otembelela awisi bake olo anyina zoona ofunika apaiwe. Watembelela awisi bake n anyina, teto ali ocimwa ofunika kufwa.¹⁰Munthu ocita cigololo na mwankazi wa mwine, kapena kuti munthu aloyense ocita cigololo na mwanakazi wa munthu onkhala naye pafupi- ocita na ocicita onse abili ofunika kupaiwa. ¹¹Ngati munthu walala na akazi ba awisi, wavula cinthako cawisi. Onse abilu mwanakazi wa awisi apaiwe, ngazi yao ili pa eve. ¹²Ngati munthu walala na mwanakazi wa mwana wake mwanalume, onse abili ofunika kupaiwa. Bacita msokonezo. Niocimwa ndipo oyenela kufwa.¹³Ngati munthu olala na mwanalume muyake, monga ni mwanakazi onse abili bacita cosaloleka. Ofunika kupaiwa ndithu. Niocimwa ndipo ofunika kufwa. ¹⁴Ngati mwanalume wakwatila mwanakazi soti nokwatila anyina, ici nicokhumudwisha. ofunika kushokewa, onse mwanalume na mwanakzi, kuti pasankhale ziipa pakati panu.¹⁵Ngati munthu walala na nyama, ofunika ndipo mufunika kuipaya nyama. ¹⁶Ngati mwanakazi wafwika pafupi na nyama nolala nayo, mufunika kupaya nyama na munthu ofunika kupaiwa ndithu. Niocimwa ndipo ofunika kufwa.¹⁷Ngati munthu watola mkwao mwanakazi, mwana wa awisi olo mwana wa anyina, ndipo wavula cinthako, ndipo waona cinthako, nicomvwesha soni. Ofunika kucosewa pamenso pa bana ba banthu bao. Wavula cinthako ndipo ofunika kuzinyamulila ucimo wake. ¹⁸Ngati munthu walala na mwanakazi waku mwezi ndipo wavula cinthako cake wavula kuona kufuma ngazi yake, kufuma kwa ngazi. Onse mwanakazi na mwanalume ofunika kufumyiwa pakati pa banthu bao.¹⁹Ufunika lini kuvula cinthako ca mkwao wa anyina wako, olo mkwao mwanakazi wa auso, cifukwa umvwisha soni anekwanu. Ufunika kunyamula macimo bako. ²⁰Ngati munthu walala na mkwao wa awisi, wamvwisha soni amalume bake, akazinyamulile yeka acimo bake, akamwalile aliye bana. ²¹Ngati munthu wakwatila mwanakazi wa mkwao pamene mkwao akali moyo, nikusalemekeza mkwao, ndipo nikamufumye ku bna bake kalikonse kabali nako kibetola ku makolo bao.²²Mufunika kuti musunge malamulo na vonse volamulila vangu; mufunika kubasunga kuti kumalo kwamene nukupelekani kuti mukankhale musakalukiwe. ²³Mufunika lini kuyenda m'malamulo ba calo camene nukupelekani, pakuti bocita vonse ivi vinthu, pakuti nuvizonda.²⁴Neciti kwa mweo, "mukatole malo bao; nikakupaseni kuti yankhale ynu, malo yoyenda na mkaka na uci. Nine Yehova Mulungu wanu, wakupatulani mweo ku banthu bayakine. ²⁵Mufunika kusiyanisha pakati pa nyama zabwino na ziipa, na pakati pa nyoni ziipa na zabwino. Musaziifye mweka na nyama ziipa olo nyoni olo na zilizonse nyama zuyenda pansi, zamene napatula kuti ni ziipa kwa mweo.²⁶Mufunika kunkhala atuba, pakuti neo, yehova, nine mutba ndipo pakuti mweo nimwe bangu.²⁷Mwanalum olo mwanakazi olabila na bakufwa olo olabila na mizimu zoona ofunika kupaiwa. Banthu ofunika kubatema na myala. Ni olakwa ndipo boyenela kufwa

¹Yehova eciti kwa Mose; kamba na bansembe, bana banalume ba Aroni, na kuti kuli beve, 'paliye pakati panu wati akoziifya eka kwa beve bakufwa pakati pa banthu bake, ²kucosako bala abululu na zikwao- anyina, awsi, mwana wake mwanlume, mnekwake, ³kapena mnekwake mwanakazi oyembekezela pa eve, pakuti aliye mwanalume- kwa eve angankhale osatuba.⁴Koma asazipange kunkhala osatuba pa azinekwao ayakine na kuziipisha eve eka. ⁵Bansembe agele sisi zao kapena kugela mbali mwa ndevu zao, kapena kuceka mibli yao. ⁶Ofunika kunkhala atuba kuli Mulungu wao, na kusacitisha nsoni zina la Mulungu wao, cifukwa bansembe opeleka cakulya ca copeleka kwa Yehova, buledi kwa Mulungu. Mwaici bansembe ankhale atuba.⁷Ofunikka lini kukwatila mwanakazi hule ndipo osayenela oziifya eka, asakwatile mwanakazi elekewa a mwanalume wake, pakuti bepatuka kuli Mulungu wao. ⁸Mumuike pa mbali, pakuti uyu niye opeleka buledi kwa Mulungu. Ankhalemtuba kwa weo, cifukwa neo, Yehova niye nukupanga weo kunkhala mtuba, nine mtuba. ⁹Mwana mwanakazi wa wansembe aliyense oziifya ponkhala hule ndipo ocisha nsoni awisi. Ofunika kushokewa.¹⁰Wamene ali mkulu wansembe pakati pa azinekwao, wamene pamutu pake petiliwa mafuta ozozela, wamene epatulika na kuvwala covwala capadela caunsembe, asavwale sisi lake losakonza kapena kung'amba covwala cake. ¹¹Asalute kulikonse kwamene kuli mubili wa munthu wakufwa na kuziifya eka, kapena ya anyina olo ya awisi. ¹²Wansembe mkuleni ofunika lini kucoka m'malo ba ng'anda ya Mulungu ya cuhema, kapena malo a zoonewa ba ng'anda ya mukungu wake, cifukwa waikiwa padela kunkhala wansemebe mkulu na mafuta ozozela na Mulungu wake. Nine Yehova.¹³Mkulu wansembe afunika kukwatila namwali kunkhala mwanakazi wake. ¹⁴Ofunika lini kukwatila mfelekazi, mwanakazi olekewa, kapena mwanakazi ali hule. Asakawatile mitundu iyi ya anakazi Angakwatile tyala moye kufumila pa banthu ba mtundu wake, ¹⁵teto asasiye bana bake pakati pa banthu ba mtundu wake, pakuti neo nine Yeova, Numpanga eve kuba mtuba.'"¹⁶Yehova elabila na Mose, kuti, ¹⁷"ulabile na Aroni na muuzya kuti, 'aliyense mwa mbadwe wako mu mikoka yonse ali na cilema mumubili, ofunika lini kufwika pafupi kupeleka cakulya kwa Mulungu wake.¹⁸Aliyense ali na cilema mumubili wake ofunika lini kufwika pafupi na Yehova, monga aliye menso, osakwanisha kuyenda, ana cilema ca maonekedwe aipa pa mubili wake kapena ana vibalo vozizila, ¹⁹munthu ali na kwanja lolemala kepa kwendo, ²⁰munthu ali na nthunda kumsana olo woyonda mopitilira kepana kufupika, munthu ali na cilema m'menso mwake kapena ana nthenda, vilonda, mphele, olo mavwalo bake baphwanyiwa. ²¹Kuliye munthu aliyense wofumila mumbadwe wa Aroni wansembe ali na cilema pa mubli angawele pafupi kuzopeleka copeleka capamuliro kwa Yehova. Munthu oteto na cilema pamubili; asawele pafupi kuzopeleka buledi kwa Mulungu wake.²²Angalye vakulya va Mulungu wake, mwina viyakine nivituba ngako kapena nivituba. ²³Mwaici, Ofunika llini kuloba mu ketani olo kufwika pafupi na guwa, cifukwa ali na cilema pamubili, kuti asaifye malo atuba, pakuti nine Yehova, obapanga beve kuba atuba.'" ²⁴Teto Mose elabila mau aba kwa Aroni, ku bana bake, na ku banthu onse ba Israeli.

¹Yehova elabila kwa Mose, eciti, ²"labila na Aroni na kubana bake anlume, bauzye bankhale kutali ku vinthu va banthu vituba va banthu ba Israli, vebepatula kwa neo. Basanenele pa zina langu lituba. Nine Yehova. ³Unene kuli beve, 'ngati aliyense wambadwe mu mikoka yonse ofwika pafupi na vinthu vituba vamene banthu ba Israeli bepatula kwa Yehova, pamene eve ni wosatuba, uyo mutnhu ofunika kucosewa pamenso pangu: nine Yehova.⁴Pasankhale na m'mozi wa m'mbadwe wa Aroni ali na matebda akunkhanda kapena oyambukira, kapena nthenda yaponela pa mubili wake, angalye kalikonse kopelekewa nsembe kwa Yheova mpaka ankhale mtuba. Aliyense okata ciliconse cosatuba ndipo cakufwa, kapena kukumyana na mutnu ocosa unalume mumubili wake, ⁵olo aliyense okata kanyama kokala pansi kompanga kunkhala ostub, olo mutnhu aliyense ompanga kusatuba mtundu uliwonse wa cosatuba ungankhale- ⁶ndipo wansmebe okata vinthu vosatuba ankhale osatuba mpaka mcingulo. Asalye kalikonse katuba, pokhapo wasmba mumubili mwake na manzi.⁷Ngati zuba laloba, apo ankhale mtuba. Zuba ikaloba angalye kanthu kalikonse katuba cifukwa ni cakulya cake. ⁸Asalye kalkonse kopezeka kapena kopaiwana nyama zamsanga cifukwa na izi ankhale oipishiwa eka. Nine Yehova. ⁹Ansembe alondole mamuro, olo bankhae osushiwa na macimo na kufukwa cifukwa cochula neo. Nine Yehova nibapanga kuba atuba.¹⁰Kusankhale olo m'mozi kunja kwa banja la wansembe, kuikapo na alwendo onse olo banchito angalye kalikonse katuba. ¹¹Koma ngati wansembe wagula kapolo na ndalama zake, Kapolo uyo angalye vakulya vopatulika kwa Yehova. Ba banja la wansembe na akapolonmu ng'anda yake, bangalye naye vakulya ivo.¹²Ngati mwana mwanakazi wa wansembe wakwatiliwa na munthu asali wansembe, sangalye copasiwa copekewa cituba. ¹³Koma ngati mwana mwanakazi wa wansembe wafwilwa, olo walekewa, nakkuti aliye mwana kuti wa welera kuyambonkhala mng'anda ya awisi monga nthawi ya usikana, angalye kucokela mu vakulya va awisi. Koma paliye osafumila mu banja la wansembe angalye cakulya ca mng'anda ya wansembe.¹⁴Ngati munthu walya cakulya cituba mosaziba, ofunika kulipila wansmebe; ofunika kuikapo kamozi pali vili faifi no bwezera kwa wansmebe. ¹⁵Banthu ba Israeli sofunika kunenela pa vinthu vituba vabanyamula palulu kupeleka kwa Yehova, ¹⁶na kubapanga kunyamula ucimo cati cibapange kusushiwa kulya vakulya vituba, pakuti neo nine Yheova nubapanga kunkhala atuba.¹⁷Yehova elabila na Mose, eciti ¹⁸"labila na Aroni na bana bake analume na banthu onse ba Israeli. Unene kuti kwa beve, 'Mu Israeli aliyense, kapena owela onkhala mu Israeli, ngati mwapeleka nsembe- ngati nikukwanilisha lumbilo kapena copeleka ca ulele, olo kupeleka kwa Yehova nsembe yoshoka, ¹⁹ngati yavomelewa, mufunika kupeleka ng'ombe yanalume ilye kadontho, mbelele olo mbuzi.²⁰Osapeleka nsembe ili na madontho. Sinizaivomela m'malo mwanu. ²¹Aliyense opeleka nsembe ya ciyanjano kufumila pa gulu la ng'ombe kapena mbelele kwa Yehova ku kwanilisa lumbilo, kapena copeleka caulele, yufunika kuba ilye cikema kuti ivomelewe. Pasankhale cilema ciliconse pa nyama iyo.²²Osapeleka yama zakufukwa menso, zolemala, zili na vomela-mela, vilinda na mphele. Osapeleka izi kwa Yehova kunkhala nsembe yamuliro paguwa. ²³Mungapeleke copeleka caulele nkhabi kapena mbelele yolemela olo itontho, koma copeleka monga ico sicizavomelewa kwa lumbiro.²⁴osapeleka nsembe kwa Yehova copela copeleseka, kuphwanyika, kung'ambika kapena yothenew. Osacita ivi mucalocanu. ²⁵Osapeleka buledi kwa Mulungu wanu kufumila mu kwanja la mulwendo. Vobeta volemala na ulema mkati mwake, zilondelelewe lini kwa mweo'"²⁶Yehova elabila na Mose nakuti, ²⁷"ngati mwana w ng'ombe olo mbelele olo mbuzi wabadwa, yufunika kunkhala masiku seveni ikali na anyina. Kucokela pa masiku eiti kuluta kusogolo ingavomelewe kunkhala nsembe ya copeleka copangiwa na muliro kwa Yheova.²⁸Osapaya ng'ombe kapena mbelele pamozi na mwana wake, pa siku limozi. ²⁹Ngati mupeleka nsembe ya ciyamiko kwa Yehova, mufunika kupeleka mu njira yovolezeka. ³⁰Yufunika kulyewa siku lamene ili layapelekewa. Osasiyako mpaka m'mawa siku lokonkhapo. Nine Yehova.³¹Teto mukosunga malamulo bangu na kucita Nine Yehova. ³²Osaneneza zina langu lituba. Nufunika kuzindikiliwa na banthu ba Israeli. Nine Yehova nubapanga atuba, ³³nekufumyani mu calo ca Igipito kuti nibe Mulungu wanu: Nine Yehova."

¹Yehova elabila na Mose: ²"labila na banthu ba Israeli nakuti kuli beve, 'aba niye masiku osankhika a phwando kwa Yehova, ya mufunika kuyasunga monga kukumana kutuba; ni masiku ya cikondwelero cangu yakabili kabili.³Munga sebenze mu masuku sikisi, koma siku la seveni ni sabata yopumula, msonkhano utuba. Mufunka lini kucita nchito iliyonse cifukwaa ni sabata ya Yehova mu malo yonse yumunkhalamo.⁴Ivi niye visangalalo vosankhika va Yehova, msonkhano utuba umufunika kuulasa pa nthawi yoikiwa: ⁵Mu mwezi woyamba, pa siku la nambala fotini la mwezi pa kuonekela kwa mwezi, ni siku la pasaka ya Yehova. ⁶Pa siku la nambala fifitini la mwezi wamene uyo ni siku la mhwando la siku la buledi uliye cofufumisha la Yehva.Kwa masiku seveni mukokulya buledi ulye cofufumisha.⁷Pa siku loyamba mufunika kuzioatula kuunjikana pamozi; musaciite nchito iliyonse mwa nchito zamucita kabili-kabili. ⁸Mukopeleka copeleka ca cakulya kwa Yehova masiku seveni. Siku la seveni ni ssiku la msonkhano wozipatula kwa Yehova na pasiku ili musagwire nchito zamugwira kabiri-kabiri.'"⁹Yehova elabila na Mose, eciti, ¹⁰"labila na banthu ba Israeli na kuti kuli beve, 'ngati mwafika mu calo cati nikupaseni, ngati mwavuna vokolola vake, apo mufunika kuleta mtolo wa va m'munda voyamba kuca va nsele kuli wansembe. ¹¹Akanyamule mtolo wa nsele pamenso pa Yehova nakuzipeleka kuli eve, ivomelewe m'malo mwanu. Apa ni pasiku la sabata ikapita wonse aunyamule na kileta kuli neo.¹²Pa siku lamunyamula mtolo wa mbeu nouleta kwa neo, mufunika kupeleka mwana wa ng'ombe ali na caka cimozi aliye cilema monga nsembe yoshoka kwa Yehova. ¹³Copeleka ca mbeu cufunika kunkhala magao abiri pali vili teni va efa va fulaulowogaya bwino wosakanizya na mafuta, copeeka copanga pa muliro kwa Yheova, yufumya fungo konzuna bwino, noikapo cakumwa copeleka ca vinyu, na folo ya hini. ¹⁴Musalye na buledi, osaocha kapena mbeu zibisi, mpaka siku limozi pamuleta copeleka ici kwa Mulungu wanu. Ili linkhale laulo la cinkhalire pa banthu banu mumikoka, mu malo yonse yumunkhala.¹⁵Kuyambila pa siku ikapita sabata- ili niye siku lamweleta mtolo wa mbeu monga copeleka coyangalazya- mubelenge mssabata seveni ozula. ¹⁶Mufunika kubalenga masiku fifite, inkhala siu yakapita masabata yali seveni. Mufunika kupeleka copeleka ca mbeu za nyowane kwa Yehova.¹⁷Mukolet kufumila ku mang'anda kwanu ma buledi abiri opangiwa ku copeleka ku magao abiri pali teni ya efa. Zufunika kuoalngiwa na fulaulo wogaya bwino, woikiwa mu uvuni woikako cofufufmisha; Inkonkhala copeleka coyangalazya coyamba kuca kwa Yehova. ¹⁸Mufunika kuleta mabuedi seveni na mwana wa ng'ombe laiye dontho, kankhunzi kamozi katontho, na mbelele zibili. Zufunika kunkhala nsembe yoshoka kwa Yehova na mbeu ya copeleka na zakumwa zopeleka, copeleka copangiwa na muliro ndipo cufumya kafungo kabwino kwa Yehova.¹⁹Mufunika kupeleka mbuzi imozi ya cokhululukira macimo, mbelele zibili zinalume za caka cimozi ya copeleka, monga copeleka ca ciyanjano. ²⁰Wansembe ofunika ku zuyangalazya pamozi na buledi wa copeka ca voyamba kuca kwa Yehova, na kuzileta kuli eve ngati copeleka pamozi na mbelele zibili. Zikabe zopeleka zituba kwa Yehova za wansmebe. ²¹Ufunika kunenela pa ici pa siku lamene ilo. Kukonkhala msonkhano utuba, musagwire nchito wamba. Iyi inkhale lamulo lacinkhalire pakati pa banthu na mikoka na m'malo mumunkhala.²²Ngati mwavun vam'munda mwanu, osacoselatu vonse na m;makona mwa minda yanu, osacosa na tosakosa mu zovuna zanu. Mukosiyako cifukwa ca bala osauka na alwendo. Nine Yheova Mulungu wanu'"²³Yehova elabila na Mose, eciti, ²⁴"Labila na banthu ba Isralei na kuti, 'mu mwezi wa seveni, pa siku loyamba la mwezi ikayambe kunkhala siku yopumula kwa mweo, cikumbuso colizya lipenga na msonkhano utuba. ²⁵Musakate nchito wamba, mufunika kupeleka nsembe yopangiwa pamuliro kwa Yehova.'"²⁶Yehova elabila na Mose eciti, ²⁷"lomba siku la nambala teni mu mwezi uno wa seveni ni siku la citetezo. Lufunika kuba msonkhano utuba, ndipo mufunika kuzicepesa mweka na kupeleka nsembe yamuliro kwa Yehova.²⁸Musagwire nchito iliyonse pa siku ilo cifukwa ni siku lacitetezo, kuzipeleka mweo mweka kwa Yehova Mulungu wanu. ²⁹Aliyense osazicefya pa siku ilo ofunika kucosewa pakati pa banthu bake.³⁰Aliyense ogwira nchito pa siku ili, neo, Yehova, nizamuononge kumufumya pakati pa banthu bake. ³¹Musagwire nchito ya mtundu uli wonse pa siku ilo. Ili linkhale lamuro la cinkhalire pakati pa banthu boonse mikoka na m'malo monse mwamunkhala. ³²Siku ili lufunika kunkhala siku la sabata siku lopumula, na kuzucefya mweo mweka siku la naini la mwezi mcingulo. Kucokera usiku kufwika usiku mukosamala sabata lanu.³³Yehova elabila na Mose, eciti, ³⁴"labila na banthu ba Israeli, kuti, pa siku la namba fifitini ya mwezi wa namba seveni ikonkhala phwando ya misasa ya Yoeha. Ikotola masiu seveni.³⁵Pa siku loyamba ni siku la msonkhano lituba.Musagwire nchito zamucita kabili-kabili. ³⁶Pa siku la seveni mufunika kupeleka nsembe yopangiwa pa maluiro kwa Yhova. Pa siku la eiti kufunika msonkhano utno, na kupeleka nsembe ya pamuliro kwa Yehova. Msonkhano wopatulika, musagwire nchito zamugwire kabili-kabili.³⁷Aba niye ma phwando osankhika kwa Yehovaamene mufunika kunenela pamsonkhano utuba kupeleka nsembe yamuliro kwa Yheova, nsembe yoshoka na copeleka ca mbeu, copleka cakumwa cilicpnse p siku iliyonse. ³⁸Maphwando aba zankhale yoonjezera pa sabata ya Yehova na mphaso zanu, zolumbira zanu zonse na zopeleka zaulele zamupeleka kwa Yehova.³⁹Pa nkhani ya phwando ya msasa, pa sikunla fifitini mwezi wa seveni, ngati mwaleta pamozi zovuna znu mu calo canu, mufunika kusunga phwando ili kwa Yehova kwa masiku seveni siku loyamba mupumule, na siku ya eoiti mupumule.⁴⁰Pa siku loyamba mukotola vipaso vokongola ngak kucokela mu vimiti vanu, misambo ya pamu, na misambo ili na vishahsa ngako ya vimiti votimba, kucokela m'mikolo mukoyanda nosangalala kwa Yehova Mulungu kwa masiku seveni. ⁴¹Masiku seveni caka cili conse, mufunika kusangalala na phwando kwa Yehova. Ili linkhale lamuro lacinkhalire pa banthu banu onse, mikoka na m'malo monse mwamunkhala. Mufunika kusangalala mphwando mu mwezi wa seveni.⁴²Mukonkhala mu misasa itontho-itontho kwa masiku seveni. Onse ebadwira mu Israeli ofunikankhal mu misasa itontho-itontho kwa masiku seveni. ⁴³Kuti mibadwe yanu, mikoka yokonkhapo, ingaphunzire mwenepangira banthu bamu Israeli kunkhala mumisasa monga iyi penebafumya mu calo ca Igipito. Nine Yehova Mulumgu wanu. ⁴⁴Mu njira iy Yehova euzya banthu ba Israeli ma phwando osankhika kwa Yehova.

¹Yehova elabila na Mose, eciti, ²"lamula bana ba Isralei kuti baniletele mafuta oyenga bwino becicosa ku olivi kuti yasebenz mu nyale, kuti kukonkhala kutuba nathawi zonse.³Kunja kwa ketani pangano likayonenewa mu tenti yokumanamo, Aroni ofunika mopitilira, kucoka mcingulo mpaka m'mawa, kusunga nyale yoyaka kwa Yehova.Ili linkhale lamulo lacinkhalire pakati pa mibadwe ya banhtu onse. ⁴Mkulu wansembe ofunika kusunga nyale yoyaka nthawi zonse pamenso pa Yehova, nyale ili pa coikapo ca golide wapululu.⁵Ufunika kutola fulaulo wopela bwino nopanga mabuledi ali twelufu na weve. Pofunika kuba magao abili pali teni ya efa mu buledi umozi. ⁶Muike bukedi mumizela iviri, sikisi mu mzela umozi, pa thebulo la golide woyenga bwino kwa Yehova.⁷Mufunika kuika zonunkhila pambali pa mzela ukiwonse wa buledi kunkhala copeleka copanamila. Conunkhilisha ici cishokewe kwa Yehova. ⁸Sabata iliyonse mkulu wansembe ofunika kuika buledi pamenso pa Yehoava m'malo mwa banthu ba Isralei cinkhale cizindikiro ca cipangano camuyaya. ⁹Copeleka ici nicha Aroni na bana bake analume, ofunika kulya m'mlo atuba, pakuti ni gao la copeleka ca Yehova copangiwa na muliro."¹⁰Lomba vecitika kuti mwana wa mzimai waci Israeki wisi enze mu Aigupto, eluta pakati pa Isralei. Mwana mwanalume wa mzimai wa ci Israeli eusha ndeo nakunyata mwana mwanalume wa ci Israeli mu misasa. ¹¹Mwana mwanalume wa ci Israeli enyoza zina la Yehova naku tembelera Mulungu, banthu bemuleta kwa Mose, zina la anyina enze Selomiti, mwana mwanakazi wa Dibiri, kufumila mu mtundu wa banthu ba Dani. ¹²Bemusunga mu malo a milandu mpaka Yehova ebauzya eka cofuna cake kuli beve.¹³Yehova elabila na Mose, kuti, ¹⁴"mtoleni munthu watembelera Yehova kunja kwa msasa. Bonse bemumvwa baike manja bao pamutu pake ndipo mzinda onse umponye myala.¹⁵Ufunika umasulire ku bana ba Isralei kuti, 'aliye wotembelera Mulungu wake ofunika azinyamulire yeka kulakwa kwake. ¹⁶Uyo onyoza Yehova ofunika kupaiwa ndithu. Mzinda wonse ufunika kumponya myala, ankhale mulwendo kapena nzika yobadwila mu Israeli. Ngati aliyense onyoza zina la Yehova, ofunika kupaiwa.¹⁷Ngati munthu wapaya munthu muyake, naye ofunika kupaiwa. ¹⁸Ngati aliyense wapaya nyama yamuyake, ofunika kuilipla, camoyo pa camoyo.¹⁹Ngati munthu wata munthu wakunkhala naye pafupi, cufunika cicitike kuli eve cecitika kuli muyake. ²⁰Cilema pa cilema, linso pa liso, lino pa lino. Monga mwanapangila ulema ku muyae, coteto na kuli eve. ²¹Aliyense opaya cobeta ca muyake ofunika kulipila, ndipo aliyense opaya munthu naye apaiwe.²²Mufunika kunkhala na lamulo limozi kwa onse mlwendo na nzika yebadwila mu Israeli, pakuti nine Yehova Mulungu wanu.'" ²³Teto Mose elabila na bana ba Isralei, ndipnbantu befumya munthu kunja kwa msasa, wamene etembelera Yehova. Bemuponya myala. Banthu ba Israeli becita lamuro la Yehova kwa Mose.

¹Yehova elabila na Mose pa lupili la Sinai, eciti, ²"labila na banthu ba Israeli na kuti kuli beve, 'mukayowela ku calo cinakupasani , niye kuti calo cufunika kusunga sabata kwa Yehova.³Mukocala m'minda yanu kwa zaka sikisi, na pazaka sikisi mukothenela mbeu na kuvuna kuika pamozi. ⁴Koma mu caka ca seveni, siku la sabata lopumula lufunika kulikonkha sabata kwa Yehova. Osacala minda yanu olo kuthenela mbeu zanu.⁵Osaika siku la covuna la comela ceka, na kuti osaika siku la kuyovuna vipaso vomela vosathenela misisi. Ici ni caka ca mpumulo ku calo. ⁶Comela ciliconse pa nthaka yosakonza mu caka ca sabata cinkhale cakulya kwa neo. Weo, na banchito analume na anakazi, banchito ba ganyu na alwendo onkhala na weo bangavune vakulya, ⁷na vibeto vako na nyama zamsanga zingalye vili vonse nthaka vayafumya.⁸Mufunika mukofumyako zaka seveni za sabata, niye kuti, ka seveni zaka seveni, kuti kukonkhala zaka seveni zamasabata, zonse pamozi ni zaka fote naini. ⁹Mufunika mukolizya lipenga mokuwa kulikonse pa siku la teni mu mwezi wa seveni. Pasiku lolapa mufunika kulizya lipenga mu calo conse.¹⁰Mukoika pa dela caka ca fifite kwa Yehova na kunenela mtendele mu calo conse na onkhalamo bake. Inkhale Jubili kwa neo, mwakuti katundu na akapolo bofunikowelela ku mabanja bao.¹¹Caka ca fifite ni jubili kwa mweo. Osacala mbeu kapena kuika siku lovuna. Lyani kalikonse kozimelela keka, na kuika pamozi vipaso vomela na vosathena misisi. ¹²Pakuti ni jubili, niyoyenela kwa mweo. Mufunika kulya vakulya vozimelea veka kunja kwa minda.¹³Aliyense akowezya pa katundu wake mu caka ca Jubili. ¹⁴Ngati wagulisa malo kwa mnansi wako kapena kugula malo kuocokela ku mnansi wake, osalabila wenye kapena kucitila ciipa.¹⁵Ngati wagula malo ku mnansi wako, ganizilapo pa nambala ya zaka na mbeu zingavuniwe kuyofwika pa jubili yokonkhapo. Mnansi wako ogulisa malo nae ofunika kuganizilapo. ¹⁶Nambala ikulu ya zaka kufwika pa jubili yokonkhapo yuonjjera mtengo wa malo, namabala itontho ya zaka kufwika pa jubili yokonkhapo yucepa mengo, cifukwa nmabala ya zovuna za malo zucosela mwine wagulaikaliyofwika jubili yokonkhapo. ¹⁷Musanamane wenye kapena kucitilana ciipa na muyako; m'malo mwake, mufunika kulemekeza Mulungu wanu, pakuti nine Yehova Mulungu wanu.¹⁸Kamba ka ici mukokumvwa kulabila kwangu, sungani malamulo bangu, na kuyacita. Apo munkhale na moyo mu calo motetezewa. ¹⁹Nthaka ikofumya zbala, mukokulya na kukuta nakunkhala mcitetezo.²⁰Mungalabile kuti, "tikolyanji mu caka ca namba seveni? onani, sitingacale na kuvuna mbeu zasu." ²¹Nilamulire daliso langu kuwera pali mweo mu caka ca namba sikisi, ikofumya vovuna vinyinji vokwanila pa zaka zitatu. ²²Mukocala mu caka ca nmba eiti na kupitilizya kulya vocoka mu zaka zakuvuli na vakulya vimwesunga. Mpaka vovuna vamcaka ca naini vawela, mukokulya vakulya vufuma ku vimwesunga zaka zakuvuli.²³Malo asagulisiwe ku munthu wacinkhalire wanyowane, cifukwa malo nibangu. Monse nimwe alwendo ndipo osankhalisha pa calo cangu. ²⁴Mukoyanganila danga loombolewa mu malo onse amwapeza; kukolola kuti malo aguliwe soti na bene bemwegulako. ²⁵Ngati mu Israeli muyako wasauka pa cifukwa ici wagulisa katundu uyake, niye kuti anansi bake apafupi awele na kuombola katundu wa wagulisa.²⁶Ngati aliye mnansi omuombolela katundu, koma walemera nakuti okwanisha kuombola, ²⁷angabelengele zaka kucoka pa nthawi malo pecigulisiwa nolipila nadalama zosalako kwa munthu enze gula malo. Apa angawele ku katundu wake. ²⁸Koma ngati okwanisha lini kuzitolela malo kwa eve eka, niye kuti malo ankhalilie m'manja mwa wamene ula eyagula malo mpaka caka ca jubili. Pa caka ca jubili, malo owelera kwa ula egulisa malo, na mwine oyamba atole katundu wake.²⁹Ngati munthu wagulisa ng'anda matauni ili na cipupa, angaigule soti mcaka cimozi kufuma piyegulisiwa. Kwa caka cimozi ca nthu-nthu ali na danga yoombola. ³⁰Koma ngati ng'anda yuombolewa lini mkati mwa caka, niye kuti ng'anda ili mu tauni ya cipupa inkhale cinkhalile katundu wa ogula na mbadwe wake. Isawezyewe mu caka ca jubili.³¹Koma ng'anda zakuminzi ziliye vipupa zikotolewa kuti zeve ni malo ba munda. zingaombolewe, zufunika kuwezyewa mu caka ca jubili. ³²Koma ili zili teti, ng'anda za Levi zingaombolewe nthawi iliyonse.³³Ngati aliyense mwa a Levi aliyoombele ng'anda yecigulisa, na kuti ng'anda yecigulisa ili ku tauni niye kwa ilili yufunika kuwezyewa mu caka ca jubili, pakuti mang'anda ya mumatauni ya a Levi ni katundu wao pakati pa banthu ba Israeli. ³⁴Koma minda yozungulila matauni yangagulisiwe lini pakuti ni katundu wacinkhalie wa a Levi.³⁵Ngati nzika muyako wasauka, kuti okokwanisha lini kuzilyesha eka, umuthandize mwaungathandizile mulwendo olo munthu onkhala monga ni wakuyake pakatipanu. ³⁶Osaonjezela malipilo kapena kuyesa kupanga phindu pa eve munjira iliyonse, koma lemeka Mulugu wake kuti mnansi wako apitilile kunkhal na weo. ³⁷Usampase nkhongole ya ndalama na kuikilapo malipilo palulu, kapena kumugulisa vakulya kuti uzipelapo phindu. ³⁸Nine Yehova Mulungu wanu, ekufumyani mu calo ca Igipito, kuti akakupaseni calo ca Kenani, na kuti ninkhlale Mulungu wanju.³⁹Ngati nzika muyako wasauka nakuzigulisa yeka kuli weo, osampanga kuti akosebenza monga nikapolo. ⁴⁰Mtole ngati waganyu. Akonkhala monga ni ula onkhala na weo kanthawi katontho. Atumukire na weo mpaka caka ca jubili. ⁴¹Apa agalute kufuma kuli weo, na bana bake na eve, awelele ku banja lake na kukatundu wa ausu wake.⁴²Pakuti ni azitumiki bangu binefumya mu Igipito. sazagulisiwa monga akapolo. ⁴³Musabalamulire mwaukali koma kulemekeza Mulungu. ⁴⁴Monga pa akapolo bako na anakazi, bewecosa ku maiko nakuti wankhala unkhala nao, ungagule akapolo kuli beve.⁴⁵Ungagule soti akapolo kwa alwendo onkhala pakati panu kucokela ku mibadwe ili na mweo, babadwila mcalo canu, ndipi bangankhale katundu wako. ⁴⁶Unga ike kuti akapolo aba angankhale cosiliila bana bako ngati waluta, kusunga katundu, na kubapanga akapolo ba umoyo wonse, koma osalamulia pakati pa anansi bako banthu bamu Israeli mwaukali.⁴⁷Ngati mulwendo olo munthu onkhala na weo kathawi katontho walemela, nakuti m'mozi mwa Israeli muyako wasauka na kuzigulisa eka ku mulwendo, kapena ku m'mozi mwa mibadwe yacilwendo, ⁴⁸pavuli pakuti nzika muyako mu Israeli bamugula, angaguliwe nomuwezya. Muyakine m'banja mwake angamuombole.⁴⁹Nagankhale amalume bake, mwana wa amalume bake mwanalume, omuombola eve, kapena aliyense ali mumbadwe. Kapena ngati walemela, angaziomole eka. ⁵⁰Ofunika kutondelana namunthu emugula; ofunika kubelenga aka kucokela pezigulisa eka mpaka caka ca jubili. Mtengo woombolela ufunika kupezeka posunga malipilo na mtengo waganyu, pa nambala ya zaka angapitilizye kusebenzela emugula eve.⁵¹Ngati zaka zikaliko zinyinji kufwika caka ca Jubili, ofunika kulipila ndalama yoasalako pa mtengo woombolela kulingana na zaka zake. ⁵²Ngati pali tyala zaka zitontho kuti caka ca Jubili cikwanile, ofunika kutondela na wamene emugula kuonapo pa zaka zasalila kufwika caka ca Jubili, ofunika kulipila coombolela mukusunga nambala ya zaka.⁵³Ofunika kutolewa ngati munthu olembewa nchito caka na caka. Muonensheshe kuti otolewa lini mwaukali. ⁵⁴Ngati aliye ombolewe mu njira izi, niye kuti asebenze mpaka caka ca Jubili, eve na bana bake. ⁵⁵Kwa neo banthu ba Isralei ni ba nchito. Ni azitumiki bangu benefumya mu calo ca Igipito. Niine Yehova Mulungu wanu.

¹Musapange mafano, kulemekeza cosema, kapena mphompho ya mwala, ndipo musaike mwala wosema mu calo canu nakuugwadila, pakuti nine Yehova Mulungu wanu. ²Mufunika mukosunga sabata nolemeka nanda yangau. Nine Yehova.³Ngati muyenda mu malamulo bangu na kusunga malamulo bangu na kumvwila beve, ⁴niye kuti nikokupasani mvula mu nthawi yake; nthaka ikocosa zobala, na vimiti vam'munda vikobala vipaso.⁵Nthawi yako yotondola ikopitilila nthawi yako yovuna, ndipo kuvuna mpesa ikopitilila nthawi yocala.Mukokulya buledi nokuta na kunkhala otetzewa pamupanga munzi mcalo canu. ⁶Nikopasamtendele mu calo; mukolala kuliye comucitishani mantha. Nikafumye nyama ziipa ngako mcalo canu, ndipo lupanga likapetemo lini mcalo canu.⁷Mukopilikisha adani banu, nakupona pamenso panu na lupanga. ⁸Muli faifi mukopilikisha banthu handiledi, muli handiledi mukopilikisha teni sauzande; adani banu akopona pamenso panu na lupanga.⁹Nikolanga mweo nacifundo nopanga mweo kuba ovyalana nokupakishani; ninkhazikishe pangano pakati pa mweo na neo. ¹⁰Mukokulya vakulya vesunguwa kale-kale. Ukokulya vakulya vakale cifukwa ukofunika malo oikamo vovuna vanyowane.¹¹Niike kacisi pakati nanu, ndipo nikuzondelini weo. ¹²Nikayende pakati panu ndipo nikabe Mulungu wanu, ndipo mukabe banthu bangu. ¹³Nine Yehova Mulungu wanu, ekufumyani mu calo ca Igigpito, kuti musabe akapolo bao. Naphwanya mitanda ya unyolo wanu nakukupangani kuti mukoyenda monyolaka.¹⁴Koma ngati munimvile lini, nikakayakonkhe lini malamulo yonse aya, ¹⁵ndipo ngati mukana manenelo bangu nakuphwanya malamulo bangu, kuti musakonkhe malamulo bangu onse, koma kumphwanya pangano-¹⁶Ngati mucite ivi vinthu niye kuti nicite ivi kwa mweo: nilamulire mantha pa mweo, nthenda na kuphwanya mubili kwati kuononge menso ndipo nifumye moyo wanu kukocala mbeu paliye kanthu, cifukwa adani banu ba kokulya vovuna vanu. ¹⁷Nifumye nkhope yangu pali weo, ndipo ukonkhala ogonjesewa na adani bako. Banthu okuzonda akokulamulira, ndipo ukobathaba, napamene paliye okupilikisha.¹⁸Pa vuli pa ivi vonse ngati munimvwila lini, niye kuti nikupaseni cilango ca muyeso k seveni pamacimo banu. ¹⁹Nikuzophwanya kumeka kwanu m'mphamvu zanu, nikuzopanga mtambo pali mweo monga ni nsimbi na calo canu monga ni msangalabwe. ²⁰Mphamvu zanu zikosebenzeshewa paliye kanthu, cifukwa nthaka yanu ikocosa lini vovuna, na vimiti va calo sivikobla vipaso.²¹Ngati muyenda mokangana na neo na kusamvwila, nilete mphepo yopitilira muyeso wakaseveni pali mweo, kukinganizya na macimo banu. ²²Nitume vinyama vamsanga pali mweo, vati vikokulyelani bana banu, kuononga vobeta van, nopanga mweo kucepa mu nambala kuti miseu yanu inkhale kiliye banthu.²³Ngankhale ivi vacitika mukalukana ciweruzo cangu ndipo mukalupitilizya kuyenda mosushana na neo, ²⁴nane nikayende mosushana na mweo, ndipo neo neka nikakulangeni kali seveni kamba ka macimo banu.²⁵Nilete lupanga lati lilete bwezela pophwanya pangano. Muunjikiwe pamozi mu matauni banu, ndipo nitume nthenda pakati panu uko, na kupelekewa m'manja mwa adani banu. ²⁶Ngati natenda njira kufuma vakulya vanu, azimai teni akokwanilisha kupanga buledi mu citofu cimozi, akokugabilani buledi wopima. Mukokulya koma osakuta.²⁷Ngati mukumvwa lini olo pali ivi vinthu, koma mupitilizya kkuynda mukusamvwa kwa neo, ²⁸niye kuti na neo niyende mosushana na mweo mu kukali, nikupaseni cilango camuyeso wa kaseveni pa macimo banu.²⁹Mukolya nyama ya bana banu analume; mukokulya nyama ya bana banu anakazi. ³⁰Niononge malo banu apalulu, kuwisha maguwa bansembe, notaya vitanda pa vitanda va tumilungu, nakuti neo neka nikulesheni mweo.³¹Nisinthe ma tauni banu kunkhala matongwe nakuononga ma chechi banu. Ninkhale lini okondwela na nsembe ya zopeleka zanu. ³²Nivutishe calo. Adani banu bati bakonkhala mwamene bakodabwa namavuto. ³³Nikumwazyileni pakati pacalo, ndipo nifune lupanga langu nikankhani mweo. Calo cangu cikhale cosiiwa na matauni yankhale matongwe.³⁴Calo cikosangalala na masabatabake malinga calo cunkhala cosuliwa ndipo mweo muli mu calo ca adani banu. Mu nthawi iyi, calo cipumule nakusangalala na masabata bake. ³⁵Malinga cunkhala cosuliwa, cinkhale na mpumulo, wamene uli mpumulo wkaliyonkhalopo nawo na masabata banu. ³⁶Kwa mweo mwati musale mu calo ca adani banu, nitume mantha mumtima mwanu kuti olo congo ca litepo lugunduzika na mphepo likuyfyani, nakuthaba monga muthaba lupanga. Mukapone, pamene kuliye okupilikishani.³⁷Mukokhumudwa na muyake monga kuti mwethaba lupanga, olo kuti pa;liye ukupilikishani. Mukankhale muliye mphamvu pamenso pa dani banu. ³⁸Mukaonongeke pakati pa maiko, ndipo calo ca adani banu, likuzokuononga mweo. ³⁹Bati kasale pakati pa mweo ba onongeke mu macimo bao, mu clo ca adani banu, na cifukwa macimo ya aziusuwanu namwe muonongeke cimozi-mozi.⁴⁰Koma ngati mulapa na macimo ya makolo banu, na kulakwa kwao pakunkhala osakhulupilika kwa neo, na kuyenda kwao kosushana a neo- ⁴¹cepangisha neo kucoka kuli beve na kubaleta mu calo ca adani bao- ngati mitima yao yostendewa yuzicefya, ngati bovomela cilango ca macimo bao, ⁴²ndipo nikuzociika ku maganizo ba cikumbumtima ca pangano na Yakobo, pangano na Isaki, na pangano na Abrahamu; soti na cikumbutima ca calo.⁴³Calo cikuzosiiwa na beve, cinkhale cosangalash na masabata pamene calo cunkhalo cosuliwa kuliye beve. Bakuzolipila cilango ca macimo bao cifukwa bekana kenena kwangu na kupepusha malamulo bangu.⁴⁴Ngakhale zili teti, pamene pabali mu calo ca adani bao, nibakane lini, kapena kubayofya na kubaononga na kusiya pangano langu na bave, pakuti NineYehova Mulungu wao. ⁴⁵Koma cifukwa ca beve nikumbuke pangano langu na makolo bao, benefumya mu calo ca Igigpito mu menso mwa vyalo, kuti ninkhale Mulungu wao. Nine Yehova."⁴⁶Aba niye malamulo, kunenera na malamulo yamene Yehova epanga pakati pa eve na banthu ba Isralei pa lupili la Sinai kupitila muli Mose.

¹Yehova elabila na Mose kuti, ²"labila na banthu ba Israeli nakuti kuli beve, 'ngati munthu walumbira mwa pambali kwa Yehova, musasebenzeshe njira izi.³Muyeso woyenera wa mwanalume wa zaka twenti kufwika pa zaka sikisite ni masekeli fifite ya siliva, molinganizya na sekeli wa mukacisi. ⁴Kwa mwanakazi wa zaka zimozi-mozi muyeso ufunika wa masekeli sate.⁵Kucokela pa zaka faifi kufwika pa za twenti muyeso oyenera ufunika kukhala ma sekeli twenti, na mwanakazi masekeli teni. ⁶Kucokela pa mwezi umozi kufwika lpa zaka faifi muyeso oyenera wa mwanalme ni masekeli faifi ya siliva na masekeli atau pa mwanakazi.⁷Kucokela pa zaka sikisi na kuluta palulu mwanalume muyeso wake woyanela ufunika kunkhala teni na masekeli faifi palulu na mwanakazi masekeli teni. ⁸Koma ngati munthu olumbira anagalipire muyeso oyenela, niye kuti munthu opasiwa ofunika kupelekewa kuonekela kwa wansembe, nakuti wansembe aike muyeso wa munthu pachula mtengo kwa munthu olumbira kuti akwanilishe.⁹Ngati walumbira cobeta cololewa kwa Yehova, mbali iliyonse ya cobeta capasiwa cunkhala cituba. ¹⁰Munthu asaisinthanishe kapena kuwezya kucosa po yabwino kuikapo iipa pa yabwino, kapena yabwino pa iipa. Ngati wasinthanish cobeta na ciake, zonse zunkhala zituba.¹¹Mwaici, munthu walumbira kupeleka kwa Yehova niyosayenela, niye kuti Yehova aivomele lini, mwaici munthu uyu alte cobeta kuli wansembe. ¹²Wansembe aipase muyeso, muyeso wapamsika wa cobeta. Mtengo uliwonse wansembe wati aike pa cobeta , uyo niye mtengo wake. ¹³Ngati ofuna kuombla, niye kuti pamtengo waake aonjezepi faifi mtengo woombelera.¹⁴Ngati munthu wapatula ng'anda kunkhala mphaso ituba kwa Yehova, niye kuti wansembe aike muyeso wake wabwino kapena uipa. Mulimonse mwati aikire muyeso, zibe teto. ¹⁵Koma ngati mwine waipatula ofuna kuombora, ofunika kuonjezapo faifi pa muyeso wake pa mtengo wo ombolera ndiye kuti inkhale yake.¹⁶Ngati munthu wapatula mbali ya malo bake, niye kuti muyeso wake ulinganizyiwe na muyeso wa mbeu yufunikira kucalapo- dengo yabale iyesewe pa fifi masekeli ya siliva.¹⁷Ngati wapatula munda waake mu caka ca Jubili, muyeso unkhale wapakati na pakati. ¹⁸Koma ngati wapatulira munda wake pavuli pakuti caka ca jubili capita, niye kuti wansembe ofunika kubelengela muyeso wa munda poona namba ya zaka zasalako kufwika pa jubili ikuza kusogolo, muyeso wake ufunika kubwezako.¹⁹Ngati munthu wapatula munda wake ofunika kuombola, niye kuti aikepo faifi pa muyeso wake niye pati atole kuti unkhale wake. ²⁰Ngati oombola lini munda, kapena ngati wagulisa munda ku munthu muyake, siungaombolewe soti yai. ²¹M'malo mwake, munda, ngati bautailira mu caka ca Jubili, inkhale mphaso ituba kwa Yehova, monga munda wapssiwa mwa nthu-nthu kwa yhova. unkhale wa wansembe.²²Ngati munthu opatula munda wake wesegula, koama munda uli lini mbali ya malo ba banja lake, ²³niye kuti wanse,be apeze muyeso wake kufwika mu caka ca jubili, nakuti munthu uyu ofunika kulipira muyeso pa siku lamene ilo ngati mphaso yoyenera kwa Yehova.²⁴Mu caka ca jubili, munda uwelele kwamene kuli munthu wegulako, mwine wa malo. ²⁵Miyeso yonse yofunika kulinganizya na mpimowa sekeli wa m'nganda ya Mulungu. Twenti gerari pa sekeli limozi.²⁶Kuliye anagapatle coyamba kubadwa pakati pa vbeta, pakuti voyamba kubadwa niva Yehova kale; zibe nkhabi kapea mbelele niz Yehova. ²⁷Ngati nicobeta cosatuba, mwine angaigule soti pamtengo wake, koma faifi palulu ofunika kuikapo. Koma coobeta nicosaombolewa, niye kuti cigulisiwe pa muyeso woikiwa.²⁸Koma kuliye kalikonse munthu kangapeleke kwa Yehova, kufumila pa zonse zalinazo, munthu kapena cobeta, kapena malo ba banja lake, angagulisiwe kapena kuombalewa. Kalikonse kapelekwa nikatuba kwa Yehova. ²⁹Paliye nsembe ingapekewe pa munthu wapekewa kucionongeko. Munthu uyu ofunika kupaiwa.³⁰Ca khumi ciliconse camcalo, mwina ni mbeu zocaliwa pa nthaka pakena vipaso cofumira mu vimiti ni va Yehova. Nivituba kwa Yehova. ³¹Ngati munthu wa ombola cili conse mwa ca khumi cake, ofuni kuikapo faifi palulu pa muyeso.³²Pa cimozi mwa teni ya mbelele kapena ng'ombe, zili zonse zupita munyansi mwa ndodo ya m'busa, limo mwa mateni lipatuliwe kwa Yehova. ³³M'busa asasakile zabwino kapena ziipa zibeto, ndipo asasinthishe na ziyake. Ngati wasintha, zonse zibili naila yawasintha zunkhala zituba. Sisingaombolewe.'"³⁴Aya niye malamuro yepeleka Yehova palupiri la Sinai kuli Mose ku banthu ba Israeli.

¹Aya niye mau yelabila Mose kwa Israeli onse kusilya kwa Yorodani mcipululu, mcidikha camkolo wa Yorodani molangana na Sufi, pakati pa Parana, Topeli, Labani, Hazeroti. na Dizahabu. ²Nimtunda wa masiku leveni kufumila ku Horebe kupitila njira yaku lupili la Siya kuya ku Kadesi Barniya.³Vicitika mcaka ca fotini, mu mwezi wa leveni, pa siku loyamba la mwezi, Mose elabila na mutundu wa Israeli, kubauzya vonse vecilamulila vokhuzana na beve. ⁴Apa niye pefuma kunyata Sihoni mfumu ya Amori, onkhala ku Hesidoni, na Ogi mfumu ya Basana, onkhala ku Asitaroti ku Edrei.⁵Kusilya kwa Yorodani mcalo ca Moabu, Mose eyamba kuulusa malangizo, na kuti, ⁶"Yehova Mulungu wasu elabila na seo pa Horebe, kuti, 'mwankhala nthawi ikuleni mcalo ici cakumalupili.⁷Chungulukani na kuyambapo ndipo mulute ku calo liri kumbali kwa lupili ya Amori na kumalo onse apafupi kwala ku cidikha cakumkolo wa Yorodani, kucalo cakulupili, m'malo amnyansi, ku Negevu, ndipo mnyansi mwa nyanja- mcalo ca Kanani, naku Lebanoni kutali kumkolo ukuleni, Yufrati. ⁸Langa, naika malo yelumbila Yehova ku makolo banu- kwa Abrahamu, Isaki, na Yakobo- kubapasa na mbeu akuza pavuli pao.⁹Nelabila namwe pa nthawi ila kuti, 'ningakwanishe lini pa neo neka kukunyamulani. ¹⁰Yehova Mulungu wanu wakupakishani, ndipo langani, lero muli ngati ni nyenyezi zinyinji zakululu. ¹¹Lekani Yehova Mulungu wamakolo banu akupangisheni kuba masauzande kupambana mwamulili na kukudalisani monga mwawakulonjezelani mweo!¹²Koma ninganyamule tyani neo neka katundu wako, volemesha vako, na mikangano yako? ¹³Tola analume anzeru, analume omvwishisha ndipo analume ambili yabwino ku mtudu wonse ndipo nibaike abe mitu pa mweo.' ¹⁴Weniyankha kuti, 'vinthu vimwalabila nivabwino kwa seo kuvita.'¹⁵Teto netola mitu ya azisogoleri bako, analume banzelu, ndipo analume ali na mbili yabwino, nakubaika kuba asogoleri pakati panu, akapitao ba masauzande, akapitao ba mahandiledi, akapitao ba mafifite, akapitao ba mateni, na oyang'anila mtundu na mtundu. ¹⁶Nelamulila oweruza bako pa nthawi yal, kuti, "mvwani milandu ya pakati panekwanu, na kuweruza moyenela pakati pa mutnhu na mkwao, na mulwendo ali na mweo.¹⁷Usaoneshe sankho pamlandu wa aliyense; ukomvwila onse atontho na akulu molingana, Osayopa nkhope yamunthu, kuweruza nikwa Mulungu. Mkangano waoneka olimba kwa weo, ukouleta kwa neo, ndipo nikoumvwa.' ¹⁸Nekulamulila pa nthawi yala vinthu vonse vaufunika kucota.¹⁹Teyenda kufuma ku Horebe nopita mcipululu cikulene coyofyaceweona munjila mwasu pakuya ku calo ca lupili la Amori. Monga Yehova Mulungu wasu mwetilamulila; ndipo tefwiika ku Kedesi Barniya.²⁰Nelabila namwe, wawela ku munzi wa Amori wakulupili wapasiwa kwa seo na Yehova Mulungu. ²¹Langa, Yehova Mulungu wako waika malo m'manja mwako, kwela ukalobe nibako, walabila namwe; osacita mantha loko kumvwishiwa ulesi.'²²Aliyense wa mweo aciza kwa neo na kunena kuti, 'tiyeni titume analume panthangu pasu, kuti akayendele malo m'malo mwasu, na kuti atililetele mau mwatingabadumile, na kutiuzya maboma mwati akafume.' ²³Mau beneikondwelesha neo; netola analumebali twelufu ba mweo, munthu umozi pa mtundu uliwonse. ²⁴Bewelela na kuya ku minzi yakumalupili, nofwika ku kumshambo wa Esikoli, nakuiyendela.²⁵Betola vipaso viyake va kumalo yala m'manja mwao, notiletela seo. Beleta soti mau na kuti, "ni malo yabwino yakutipa Yehova Mulungu wasu.²⁶Koma mukana kudumela, koma mucitira mwano malamulo ya Yehova Mulungu wanu. ²⁷Mukwinyilila mu matenti yanu na kuti, " ncifukwa cakuti Yehova otinyanya cifukwa cake etifumya mcalo ca Aigupto, kuti thwala m'manja ya Amori kuti ationonge seo. ²⁸Tilute kuni lomba? anekwasu apangisha miti yasu kuti timvwe mantha, kuti, 'bala banthunibakulu ssoti nibatali kupambana seo; mabonma bao nibakulu soti yanavipupa vitali vufwika kululu: ciyake, taona bana ba Anaki kula.'"²⁹Ndipo neciti kwa mweo, 'osamvwishiwa mantha, loko kuyopa. ³⁰Yehova Mulungu wanu, onkhala pasogolo panu, akumenyeleni, monga mwecitila vonse mu Aigupto pamenso panu, ³¹na mwecitila soti mucipululu, mwemweonela Yehova Mulungu wankukunyamulani, ngati mwanalume onyamula mwana wake mwanalume, kulikonse kwemweluta mpaka mwefwika ku malo yano.'³²Mweo olo pene mau aba muliye khulupilile Yehova Mulungu wanu, ³³eluta pasogolo pa njila yanu kuyokusakililani malo kuti mweo mumange misasa, mu mulilo usiku ndipo mzuba mumukumbi.³⁴Yehova ecimvwa mau banu ndipo ekalipa; elumbila na kuti, ³⁵'cendi paliye m'mozi wa analume aba bambadwo wocimwa uyu wati aone malo aweme benelumbilira kupa makolo banu, ³⁶kufumyapo Kalebe mwana wa Yefune. Akayaone ndipo nikamupe na mabeu zake malo yadyakapo, cifukwa walondola Yehova mokwanila.'³⁷Soti Yehova enikalipila cifukwa ca mweo, kuti, "weo soti ukalobe lini mwala; ³⁸Yoswa mwana wa Nuni, opanama pa menso pako, akalobe mwala; mulimbikishe, ndaba akasogolele a israeli kuyolobamo.³⁹Kupitilizya, bana bako atontho, beweciti akakhuziwe, baliye nzeru zoziba vabwino na viipa- bakalobe mwala, kwa beve nikabape malo, ndipo bakalobemo. ⁴⁰Koma kwa weo, welela na kuya ulwendo wakuyaku cipululu kupitila kunyanja ya matete.'⁴¹Ndipo mweyankha na kuti kwa neo, 'tacimwila Yehova; tilute kuyonyata nkhondo, ndipo tilondole zonse zawatilamulila Yehova Mulungu wasu kuzicita. 'Aliyense mwanalume mwa mweo anyamule vida vake vankhondo, ndipo mwenze okonzekela kuyoduma calo ca kulupili. ⁴²Yehova eciti kwa neo "bauzye kuti, Musadume ndipo musanyte cifukwa nibe lini na weo, ndipo mugonjesewe na adani banu.'⁴³Nelabila namwe mnjila yoteti, koma aliye kumvwe, wepandukila malamulo ya Yehova; mwenze na mwano na kudumela bala benzonkhala kumalupili. ⁴⁴Koma ba Amori, benzonkhala mcalo cila cakulupili, bekufumilani nokupilikishani ngati nzimu, nokuwishani pansi ku Seiri, kutali caku Horima.⁴⁵Mwewelela kuzolila kwa Yehova; koma Yehova aliye kumvwe kulila. ⁴⁶Teto mwenkhala ku Kedesi masiku anyinji, masiku onse bemwenkhala kula.

¹Ndipo tewelela noyambapo ulwendo wasu kupitila mcipululu kunjila yaku nyanja yamatete monga mwelabilila Yehova kwa neo; tezweta lupili la Seira kwa masiku anyunji. ²Yehova elabila nane kuti, ³'wazuluguluka lupili ili kwa nthawi itali; cungulukila ku m'mpoto.⁴Lamulila banthu, kuti, "mupitile mu malile ya azinekwanu, bana ba Esau, onkhala ku Seira; bankhale na mantha na mweo. Moteto nkhalani na chelu kuti ⁵musayambane nao, pakuti nikupeni lini malo yao yaliyonse, yai, Osakwanila loko nsonga ya kwendo kudyakamo; ndaba nepaa lupili ya Seira kwa Esau ngati coloba cake.⁶Mukagule cakulya kwao na ndalama, kuti mukaluye; mukagule soti manzikwa beve na ndalama, kuti mukamwe. ⁷Pakuti Yehova Mulungu wanu wakudalisani mu nchito zanu zilizonse za manja banu; waziba mayendedwe banu onse mcipululu cino cikulu. Pa zaka fote Yehova Mulunguwanu wankhala na mweo, ndipo muliyesopo kanthu.'"⁸Teto tepitilako kwa anekwasu , akubanja ya Esau onkhala ku Seira, kutali na mseu waku Araba, kufuma ku Elati nakufuma Ezioni Gebera. Ndipo tewelela nakupitila njira yaku cipululu ca Moabu.⁹Yehova elabila nane, "usavutishe Moabu, ndipo usanyatane nao ku nkhondo. Pakuti nukupe lini nthaka yake kuti ibe yako, cifukwa napasa Ari kwa bana obadwa kuvuli ba Loti, monga coloba cao.'¹⁰(Ba Emiti bezonkhalako kale, banthu bamphamvu, banyinji, ndipo batali ngati ba Anaki; ¹¹aba soti otolewa kuba a Refaimu, monga ba Anaki; koma a Moanu obaita kuti ba Emiti.¹²Ba Hori benkhalako ku Seiri kuvuli, koma bana ba Esau ebagonjesa. Ebaononga kale kale nakuyonkhala mu malo bao, Monga mwecitila Israeli nthaka ya coloba cake yebapa Yehova.)¹³'"Lomba nyamuka nukuya kutaukila ku doko ya Zeredi.' Teto tetauka doko la Zeredi. ¹⁴Lomba masiku yatefuma ku Kedesi baniya kufwika petetauka doko la Zeredi, yenze zaka sate eiti. Yenze nthawi yala kauti mbadwo wonse wa analume ofwikapo kunyata nkhondo wetisiya, monga mwelumbilila Yehova kwa beve. ¹⁵Moonjela, kwanja la Yehova kwenzoshuna na mbadwo uyu kuti abaononge kufuma pa banthu mpaka usile.¹⁶Teto zecitika, pesila onse analume bakuti banganyate nkhondo besila nakufwa pakati pa banthu, ¹⁷teto Yehova elabila naneo, kuti, ¹⁸'ufunika kupitilila Ari, malile ya Moabu. ¹⁹Mukayofwika pafupi molangana na banthu ba Amoni, musabavute olo kunyatana nao; pakuti nikakupe lini malo aliyonse pkati pa banthu ba Amoni ngati coloba, cifukwa nipasa mbadwo wa Loti kuba coloba cao.'"²⁰(Yala soti yotolewa kuba malo ya Refaimu. Ba rafaimu benzonkhala kula masiku ya kuvuli- koma ba Amoni enzobaita kuti ba Zamzumimu- ²¹banthu bamphamvu, manyinji, ndipo batali monga ni ba Anaki. Koma Yehova ebaononga pamenso pa Amoni, ndipo bekwanisha kubagonjesa na kunkhala mu malo bao. ²²Uyu Yehova ecita soti ku banthu ba Esau, benzonkhla ku Seiri, peciononga a hariti kufuma pakati pao, ndipo mbadwo wa Esau webagonjesa na kunkhala m'malo bao mpaka kufwika lero.²³Kwa Aviti benzonkhala m'minzi kutali na Gaza, ba Kafitorimu, befumila ku Kafitori, ebaononga nonkhala m'malo bao.)²⁴'"Lomba nyamukani, nkhoyani pa ulwendo wanu, ndipo mupitile mcigwa ca Anoni; langani, napeleka m'manja mwanu Sihoni mu Amori, mfumu ya Heziboni, na malo yake. Yambani kubatola ndipo unyatane naye nkhondo. ²⁵Lero nuyamba kuika mantha na ciophyezo cako kwa banthu bali pansi pa mkumbi; babamvwe mbili yako nakukutumila nakumvwa mantha cifukwa ca mweo.'²⁶Natuma onyamula uthenga kufuma ku Kademati kufwika ku Sihoni mfumu ya Hesiboni, na mau ya mtendele, kuti, ²⁷'lekani tipile mu malo yanu; nupitilila mu mseu ukulene; nipatukile lini ku kwanja la kwendi olo ku kwanja la manjele.²⁸Munigulise vakulya na ndalama, kuti nilye; nipaseni manzi ya ndala kuti nimwe; mulole tyala kuti nipite na mendo yangu; ²⁹monga mbadwo wa Esau wenkhala mu Seiri na Moabu enkhala mu Ari ecitila; mpaka nikapite kutauka Yorodani mu malo yamene Yehova Mulungu wasu etipasa.'³⁰Koma Sihoni mfumu ya Hesiboni, aliye tilole kupitila m'malo mwake, ndipo Yehova Mulungu wanu ekosesha maganizo yake nakulimbikisha mtima wake mopitilila, kuti amgonjese kusebenzesha mphamvu zanu, zawacita siku la lero. ³¹Yehova elabila na neo, 'langa, nayamba kupeleka Sihoni na malo yake kwa weo; yamba kubatola, kuti unkhale mu malo bake.'³²Teto Sihoni ewela notinkila seo, eve na banthu bake onse kunyatana pa Yahazi. ³³Yehova Mulungu wassu emupeleka kwa seo ndipo tegonjesa eve na bana bake na banthu bake onse.³⁴Tetola maboma bake onse pa nthawi iyo na kusilizyilatu kuononga boma iliyonse- analume a anakazi na bana atontho; tiliye siye wamoyo. ³⁵Nyama tyala tetol kuba cioneshela casu, pamozi na zooneshela vamboma vetetola.³⁶Kufuma ku Aroeri, ili kosilizyila kwa cigwa ca Arinoni; na kufuma ku boma ili mcigwa, mpaka kufwika ku Giliyadi kwenzevye boma litali kwa seo, Yehova Mulungu wasu eyapeleka m'manja mwasu. ³⁷Kwenze tyala malo yambadwo wa Amoni yamulie luteko, na mabli yamkolo wa Yaboki, na boma ya calo ca lupili- kulikonse Yehova Mulungu kwetililesha kulutako.