¹Nhalo ghwa lukolo lwa Yesu kilisto kibheleko kya Daudi, ubheleko ghwa Ablahamu. ²Ablahamu Tate ghwa Isaka, Isaka kakinlela Yakobu, Yakobu kakinlela Yuda na akalongo bhake. ³Yuda Tate ghwa Pelesi papamu na Zela, bhene ma ghwabhe kakibha Tamali,na Pelisi Tate ghwa Esiloni, na Esiloni Tate ghwa Alamu.⁴Alamu kakinlela Aminadabu, na Aminadabu Tate ghwa Nashoni, na Nashoni Tate ghwa Salimoni. ⁵Salimoni Tate ghwa Boazi, ma ghwake Boazi kakibha Lahabu, Boazi na Lutu bhakibha abhele bha Obedi, na Obedi Tate ghwa Yese. ⁶Yese Tate ghwa Mutwa Daudi . Daudi kakinlela Salomani, ywene ma ghwake ndo yula ywakabheghite nndala ghwa Ulia.⁷Solomoni Tate gwa Lehobohamu, na Lehobohamu Tate ghwa Abiya, na Abiya Tate ghwa Asa. ⁸Na Asa Tate ghwa Yoshafati,na Yoshafati Tate ghwa Yolamu, na Yolamu Tate ghwa Uzia.⁹Na Uzia Tate ghwa Yotamu, na Yotamu Tate ghwa Ahazi, na Ahazi Tate ghwa Hezekia. ¹⁰Na Hezekia Tate ghwa Manase, na Manase Tate ghwa Amoni, na Amoni Tate ghwa Yosia. ¹¹Na Yosia Tate ghwa Yekonia na alongo bhaki, Mumanjubha gha kihamo kughenda ku Babeli.¹²Mbole ya Akaayahudi kughegwa ku Babeli, Yekonia Tate ghwa Shelitieli, na Shelitieli kakinlela Zelubabeli. ¹³Zalubabeli Tate ghwa Abihudi, na Abihudi Tate ghwa Eliakimu na Eliakimu Tate ghwa Azoli. ¹⁴Azoli Tate ghwa Zadoki, na Zadoki Tate ghwa Akimo, na Akimo Tate ghwa Elihudi.¹⁵Na Elihudi Tate ghwa Eliazali,na Eliazali Tate ghwa Matania, na Matania Tate ghwa Yakobo. ¹⁶naywo Yakobu Tate ghwa Yosefu ywakabheghite nnume ghwa Malia , maghwaki na Yesu ywakemitwe Kilisto. ¹⁷Ndo, kukibhegha mbalango ya hibheleko ya mbinda mabhoko yimo na ncheche kuhuma kwa Ablahamu mbaka kwa Daudi, hibheleko mbinda mabhoko yimo na ncheche tangu Daudi mbaka manjubha gha kihamo ghwa kughegheghwa kughenda kughubhandwa Babeli, kangi kukibhegha hibheleko lwa mbinda mabhoko yimo na cheche kuhuma manjubha gha kihamo kughubhandwa ghwa kughenda kubabeli mbaka kubhelekwa kwa Kilisto.¹⁸Kubhelekwa kwa Yesu Kilisto kukibhegha naha, Maliamu maghwaki Yesu kakiposwa na Yosefu, peni kukali kughonja na nnyaki, Maliamu kakibhonekana kana ndumbu kwa makakala gha Nhuki ghwa Chapanga. ¹⁹Kiyaha Yosefu nnume ghwake kakibhegha mundu wa kuhokamila, kakipala ng'obhe kunnyuyuha Maliamu pakindabhanji; mbole kakipala kunneka kwa mbwepo.²⁰Hinu pa kapabheghiti mu kuwachila kutenda nhalo aghwo nndumitumi ghwa kunani kwa Chapanga kakinbwitukila munoto na kakinng'ombela, “Yosefu mwana ghwa Daudi, ghukotoke kuyoghopa kuntola Malia kabhe nndala gwako, kiyaha ndumbo ywakabheghiti naywo ndo kayimokola kwa makakala Nhuki ghwa Chapanga. ²¹Naywo katalela mwana nnume, na ghwenga ghwanpegha lihina lyake Yesu, kiyaha mwene ndo kataalopoha bhandu mu ulemwa ghwabhe.”²²Hinu agha ghoha ghakibwitukila ngati ghatwihiliki ghala ghakalongiliti Bambo kwa njila ya mbuye, ²³“Kamwalilinda kaakamula ndumbo, naywo katanlela mwana nnume, nabho bhaankema Lihina lyaki Emanueli.” Fwambulo yaki, “Chapanga papamu na twenga”.²⁴Habhu Yosefu pakayumukiti mu ng'ono, kakitenda handa ndumitumi ghwa kunani kwa Chapanga pakankwilikihiti, kakintola Malia kabhe nndala ghwaki. ²⁵Peni kakighonja naywo ng'obhe mbaka Malia pakalela mwana nnume. Naywo Yosefu kakinkema yula mwana lihina lyake Yesu.

¹Yesu kakibhelekwa kukitami kya Betelehemu, ku nkoa ghwa Yudea, manjubha agho Helode pakabheghiti mutwa. Kamu, mbole ya kubhelekwa kwaki, bhana utendehi bha kusoma ndondwa kuhuma kungeha bhakihika ku Yelusalemu. ²“Kabhengha kwoki mwana ywakabhelekitwe, Mutwa ghwa Akaayahudi? Tuyibhona ndondwa yaki yitubwitukiliti ku ngeha na twenga tuhika kumtundamila”. ³Mutwa Helode pa kayihwite nnando aghu kakibaghaya, mwene papamo na bhandu boha bha ku Yelusalemu.⁴Herode papamu akulu bha andundami na ahunda bha Malaghilo kakibhakonya “Kilisto katabhelekwa kwoki?”. ⁵Bheni bhakiyanga “kumbwani ya kubetelemu, ku nkoa ghwa Yudea. Kakityeka mbuyi ghwa Chapanga. ⁶Ee Bethelehemu nnima ghwa ku Yudea, Ghwenga nndokwa ng'obhe nkati ya hitami ihwdali hya ku Yudea, Mana kwa ghwenga katabwitukila kilongohi ywakapala kualongoa bhandu bhangu Akaaisilaeli.”⁷Apwo ndo Helode kakibhakema pambwegha bhala atendehi bha kusoma ndondwa, kakiakonyekeha bhammanyihe lisaa yiibhonekanite yila ndondwa. ⁸Mbole kakibhalaghila ku Betelehemu pakiaghombela: “Nng'ende kuhingukigha maha maha mihalo ya mwana aywo. Mbole ya kummona mumuyile mihalo yakina ngati na nenga ng"ende kuntundamila.”⁹Mbole ya kunyihwa Mutwa, bhene bhatendehi bha kusoma ndondwa bhakibhuka, na yila ndondwa yabhayibhonite ku ngeha yikibhalongoha, nabho bhakiyitughila mbaka payiiyimite pala pakabheghite mwana . ¹⁰Pabhayibhonite yila ndondwa bhakiyelwa munu.¹¹Pabhayingilite nkati ya kila kitutubhi bhakimmona mwana papamu na Ma ghwaki Malia, bhakinhokamila na kuntundamila yula mwana Yesu. Ndo bhakihughula hilumbo yabhe ya mahabha na luhumba na ntela ghungi ghuunungilite ghuukemitwe manemane na bhakinpegha. ¹²Mbole Chapanga kakialakalila mululoto bhakotoke kummuyila Helode kangi, ndo bhakibhuya ukaya kwabhe kwa njila yingi.¹³Mbole ya bhala ahenja kubhuka, nndumitumi ghwa kunani kwa Chapanga kakinbwitukila Yosefu mu maloto, na kunng'ombela, “Ghuyimuke! Ntole mwana papamu na ma ghwaki na ntughile ku Misili. Ntame akwo mbaka panukughombela, kiyaha Helode kangupala kunkoma ayu mwana.” ¹⁴Habhu, Yosefu kakibhuka pakilo kakintola mwana papamu na ma ghwaki, na bhakighenda ku Misili. ¹⁵Bhakitama akwo mbaka pakahweghite Helode. Nhalo aghwa ghukitulukila ngati libwitukile lila lilagho lyakalongilite Bambo kwa kungu ya mambuye bhaki, pakilongela, “Nikinkema mwana ghwangu kuhuma ku Misili.”¹⁶Helode pakamanyite kukita bhala atendehi bha kusoma ndondwa bhakinnyuyuha, kakikalala munu. Ndo kakikwilikiha bhana alumi bhoha akomwe mu kitami kya Betelehemu na mu mbwegha mbwegha yaki, bhana bhoha bha abheghite na ngungwa kutandila ibhili mbaka nonono. Kakitenda naha kubhukana na manjubha gha akindite tangu pakakonganite na bhala atendehi bha kusoma ndondwa.¹⁷Ndo kya abhu ghakitulukila malagho ghala gha akambukitwe na mbuye ghwa Chapanga Yelemia, ¹⁸“Lilobhe liyihwanika akwo Rama, Kililo na makukuliko mayoloho, Raheli kangualilila bhana bhaki, na kangulema kutekulwa, kiyaha bhoha bhahwegha.”¹⁹Mbole ya kuhwgha Helode, ndumindumi ghwa kunani kwa Chapanga kakinbwutukila Yosefu mumaloto akwo ku Misli. ²⁰na kunng'ombela, “Uyimuki! ghuntole mwana papamu na ma ghwaki, muye kangi ku nnima ghwa Yelusalemu, kiyaha bhala bha apalite kunkoma mwana ahwegha kala”. ²¹Hinu, Yosefu kakiyimuka, kakintola mwana papamu na ma ghwaki, kakibhuya mu nima wa Isilaeli.²²Peni Yosefu kakiyoghopa kughenda akwo pakayihwite kukita Alkelao kaghuhala utabhala ghwa tate ghwaki Helode. Mbole ya kulakalilwa na nndumitumi ghwa kunani kwa Chapanga mu maloto, bhakighenda mu mbande ya Galilaya. ²³na kakighenda kutama ku kitami kiikemitwe Nazaleti. Habhu ndo ghakitulukila malagho ghaakambukitwe na mabuye, “Katakemwa Nnazaleti.”

¹Mumanjubha ghala Yohana yunakubatisa kakibwituka, na kakiyanda kulandamiha mu kibhala kya Yudea, pakilongela, ²“mulipetule, kiyaha ghubhutwa ghwa kunani kwa chapanga ghuheghelela” ³Ayu ndo Yohana yula mbuyi Isaya kakilondola ya kya mwene pakilongela, Lilobhe la mundu likukema mukibhala, Munndendekehe Bambo njila yaki, nghololehe njila ya kutyangila mwene.’”⁴Yohana kakihwala mapindaghaatendikihitwe kwa mayuni gha nnyama ywaakemitwe ngamia, na ukungi ghwa liyula mu kibhuno kyaki. Hilyo hyaki hikibhegha mapalala na bhuchii. ⁵Hinu, bhandu kuhuma ku Yelusalemu, kuhilapandi hyoha ya Yudea na ng'ebhu yoha ya kubwegha ya lukemba lwa Yolodani bhakinng'endela. ⁶Nabho bhakilipetula ulemwa ghwabhe, na kakiabatisa mulukemba lwa Yodani.⁷Peni pakaabhonitea Akaafalisayo na Akasadukayo pakinngendela ngati abatiswe, kakiaghombela, “Mwenga kibheleko kya liyoka Ndo ghani aywo ywakaakanikihite ngati mutuke kiyaghabhu kighipala kuhika? ⁸Hinu mulilahe kwa ndendelo kukita mulipetula. ⁹Nkoto kuhola na kulongela, Tati ghwetu Ablahamu Ninguaghombela hoto, Chapanga kaahotola kughatendekeha maganga agha ghabhe bhana Ablahamu.¹⁰Hata naha, libhaghu libhegha kala mu ngigha ya nkongo. Nkongo ghohele ghuupambikiti ng'obhe mapambiko gha maha, ghwaadumulwa na kutagwa mu mwoto. ¹¹Nenga nunguabatisa kwa machi kubhoneha kukita mulipetula. Peni ywakapala kuhika mbole ya nenga kanamakakala kupitingana nenga, na yingunnogha ng'obhe hata kuyegha hilatu hyaki. Mwene kataabatisa kwa Nhuki ghwa Chapanga na kwa mwoto. ¹²Mweni kakamula mumabhoko ghaki kipalo kya kupetela mbunje yaki, kakungane ngono yaki mu luhanja, na mayeyele kaghayoche kwa moto ghwa nga kuhimika.¹³Mumanjubha agho Yesu kakihuma Galilaya na kakihika mu likemba lwa Yolodani, ngati kakabatiswe na Yohana. ¹⁴Peni Yohana kakilitumba kunkanikiha pakinng'ombela, “Nenga ningupala kubatiswa na ghwenga, yibha bhuli ghuhika paghupala kubatiswa na nenga?” ¹⁵Yesu kakinnyanga, “Ghuleki yibhe naha hinu. Kiyaha kya abhu yingutunogha kutendekeha shaliya yoha.” Habhu Yohana kakinnyitikila.¹⁶Naywo Yesu pakayomolite kubatiswa, kamu pakahumite mu machi, pindulu kunani kwa Chapanga kukihughuka, kakimmona Nhuki ghwa Chapanga pakihuluka handa ngunda na kutama unani ghwake. ¹⁷Lilobhe kuhuma kunani kwa Chapanga likilongela “Ayu ndo mwana ghwa upalo ghwangu, yunuyelilitwe naywo munu.”

¹Mbole Yesu kakilongohwa na Nhuki ghwa Chapanga mbaka kukibhala ngati kakang'ehwe na Nchipila. ²Kakilikunga manjubha mbinda mabhoko nniche pamuhi na pakilo, kuuhiko kakibhona njala. ³Mbole, nnyegheleha kakinhikila na kunng'ombela, “Handa ghwenga ndo Mwana ghwa Chapanga, ghughakwilikihe maganga agha ghabhe mangate.” ⁴Peni Yesu kakinnyanga, “Yityekwa, ‘Mundu katalama ng'obhe kwa mangate ghweka, ngati kwa lilagho lyohele lyakalongite Chapanga.”⁵Mbole Nchipila kakintola mbaka ku Yelusalemu, Kitami king'anyimo kakimmika kunani pakinala kya Kitutubhi kya Chapanga, ⁶na kakinng'ombela, “Handa ghwenga Mwana ghwa Chapanga,ghulitaghe pahi, kiyaha yityekwa, Chapanga katakulaghikiha Anndumitumi bhaki, nabho bhatakutola mu mabhoko ghabhe, Ukotoke kulikubhala mu maganga.”⁷Yesu kakinnyanga, “Yityekwa, ‘Ghukotoke kunng'eha Bambo Chapanga ghwako.” ⁸Mbole Nchipila kakintola Yesu mbaka ku kinemba kya kitumbi kitandamaho na kakinnaha ubhutwa ghwa nnima na utabhala ghwaki. ⁹Nchipila kakilongela, “Agha ghoha ndaghupegha handa paghuhokamila na kundundamila.”¹⁰Peni Yesu kakinnyanga “Ghubhuke mu kibhungi kyangu, ghwenga Nchipila! Kiyaha yityekwa, ‘Ghuntundamile Bambo Chapanga ghwako, na ghuntendele lihengo mwene ghweka” ¹¹Mbole Nchipila kakinneka, nabho andumitumi ghwa kunani kwa Chapanga bhakihika kunndendela lihengo.¹²Yesu pakayihwite kukita Yohani Yunakubatisa kabhikwa mukibhopo, kakibhuya ku Galilaya. ¹³Kakibhuka Nazaleti, kakighenda kutama ku Kapelinaumu kitami kiibheghiti mubwegha ya lihibha lya Genasaleti , mu mbakilo ya kitami kya Zabuloni na Naftali.¹⁴Ngati litulukile lilagho lyakalongelikiti Chapanga kwa kukindila mbuyi Isaya, ¹⁵Nnima wa Zebuloni na nnima wa Naftali, Kulongoha ku lihibha kumwambo ya lukemba Yolodani, Galilaya, nnima ya bhandu bha milima yingi! ¹⁶Bhandu bhatamiteghe mu lubhindu Bhalubhuna lubhwelu lukulu. Bhene bhatamiteghe mu nnima ghwa lubhindu na kihwili kya kiho Lumwuli luwangaha"¹⁷Kutandila pala Yesu kakiyanda kulandamiha pilongela, “Mulipetule, kiyaha Ghubhutwa ghwa kunani kwa Chapanga ghuheghelela”¹⁸Yesu pakabheghite mukityanga mupwegha ya lihibha Galilaya, kakiabhona alongo abhili aghomeha homba, Simoni ywakankemiteghe Petili na Andilea nnongo mundu, paakihomegha homba kwa njaho mulihibha. ¹⁹Ndo Yesu kakiaghombela, “Munndughile, na nenga ndabhatenda mmeghe aghomeha bhandu. ²⁰Kamu bhahileka njaho hyabhe na bhakintughila.²¹Pabhaghendite paulogolo kya mandina, kakiabhona akalongo bhangi abhili, Yakobu na Yohani, bhana wa Zebedayo, abha bhakabhegha nkati ya bhwato papamo na tati ghwabhe Zebedayo, bhaki tendekegha njaho yabhe. Ndo Yesu kakiakema. ²²kamu bhakighuleka bhwato papamu na tate ghwabhe, na bhakintughila.²³Yesu kakighenda mu hitami yoha ya Galilaya, kakihunda mu hitutuhi ya kukonganikila Akaayahudi na kulandamiha Nhalo ghwa maha ya kya ghubhutwa ghwa Chapanga, pakilamiha matamwa nhanganganiko yakabheghite naywo bhandu. ²⁴Mihalo yaki yikikwila mu mbande hyoha ya ku Silia, na atamwa bhoha bhaabheghite na mitamwa nhanganganiko, na bhala bhaapughitwe na himbamanda nhandanganiko, bhaakwehwite na mindilu, bhaabheghite na kihilika na bhandu alelebhaho, bhakigheghwa kwa Yesu naywo kakialamiha bhoha. ²⁵Himati hiyoloho ya bhandu bhakintughila, kuhuma ku Galilaya na Dekapoli na Yelusalemu na Yudea na kumwambo ya lukemba lwa Yoludani.

¹Yesu pakahibhonite himati ya bhandu, kakikwela kukitumbi, na kakitama, na ahundwa bhake bhakinng'endela. ²mweni kakiyanda kuahunda, akilongela, ³“Bhanonelwa bhabheghite makapukwa mu ntima, Kiyaha ghubhutwa ghwa kunani kwa Chapanga ndo bhabhe. ⁴Bhanonelwa bhaakukulika, kiyaha bhaatengelekehwa.⁵Bhanonelwa bhapole kiyaha bhaakamuhwa kila kyakya kambukite Chapanga. ⁶Bhanonelwa bhaabhegha na njala na nyota ya shaliya kiyaha bhene bhaanyukutwa ⁷Bhanonelwa bhaabheghite na luhungu kiyaha bhaamokola lipyanda. ⁸Bhanonelwa bhaabhegha na nhuki ghwa maha, kiyaha bhombe bhaamona Chapanga.⁹Bhanonelwa bhala bhaachengite kaya kiyaha bhaakemwa bhana bha Chapanga. ¹⁰Bhanonelwa bhaapungwa kwa kutenda ghala gha aghapala chapanga, kiyaha Ghubhutwa ghwa Kunani kwa Chapanga ndo ghwabhe.¹¹“Maanonelwa mwenga pala bhandu paabhakokela na kuakamukila uhakata ghwohele ya kaya nenga. ¹²Myelelwe kwa hilulu, kiyaha lilumbo lyenu likulu kunani kwa Chapanga. Ubhwabhu abhu ndo bhakiapukila ambuye bha Chapanga bhaabheghite kukali ya mwenga.¹³“Mwenga ndo mwinyu bha nnima. Peni handa mwinyu ghuhobheha unogho ghwaki ya bhuyilwa bhuli kangi unogho ghwaki? Yingunogha kangi ng'obhe kwa kyohele, ngati yataghwa panje ghulibhatwe na bhandu. ¹⁴“Mwenga ndo lubhwelu lwa nnima. Kitami ki ichengwite mu kitumbi kyahihwa ng'obhe.¹⁵Ebu bhandu bhangukwata ng'obhe limbamba na kulighubika na kipumbulu, mboli angulibhika mu kitamiko kyake, nalwo lungubwelukila kwa mundu ywohele ywaabhegha mu kitutubhi kila. ¹⁶Ubhwabhu abhu lubhwelu lwenu luyakihe mu ulongolo ghwa bhandu, ngati amokole kuyibhona ndendelo yenu ya maha na bhantike Tate ghwenu ywakabheghite kunani.¹⁷“Nkotoke kuhwacha kukita hika kughahobheha malaghilo ebu ambuye, Hika kughabhuha ng'obhe ngati kughatengelekeha. ¹⁸Kulyaghila nunguaghombela, mbaka apwo nnima na kunani payipala kukinda peni kahone hata nga lilembo limo lichocho ebu nukita yiipalakubhuhwa, mbaka malaghilo ghoha ghabwituke.¹⁹Habhu, ywohele ywakakiluka yimo ngwiliho njoko kupitingana kwa hyoha, na kuahunda bhandu bhakatende habhu, kaabhegha nndokwa mu Ghubhutwa ghwa kunani kwa Chapanga, peni mundu ywakaghatenda malaghilo na kuahunda ayake, aywo kaabhegha nkulu mu Ghubhutwa ghwa kunani kwa Chapanga. ²⁰Ndo mana nunguaghombela luhungu lwenu paghuchweha ng'obhe ghula ghwa ahunda bha Malaghilo na Akaafalisayo, maayingila kata mu Ghubhutwa ghwa kunani kwa Chapanga.²¹“Nnyihwa paaghombilitwe bhandu bha makachu, ‘Ghukotoke kukoma, mundu ywohele ywakoma yingunnogha katoswe.’ ²²Peni nenga ninguaghombela kukita, mundu ywohele ywakannyaghabhalila nnongo ghwaki , yingunnogha katoswe. Ywakannyuyuha nnongo ghwaki katayeghwa ku libalasa. Peni ywakanng'ombela nnongo ghwaki ‘Ghwenga nhila mahala ghukotolwe!’, Yingunnogha toso ya kuyingihwa mu mwoto ghwa kumambe.²³Hinu, paghuyegha matulo ghako ku likuta na apwo paghulikulungwa kukita nnongo ghwako kabha na bhulwa na ghwenga, ²⁴ghughaleke matulo ghako apwo mu ulongolo ghwa likuta, ghughende huti ghukalingane malobhe na nnongo ghwako, mbole ghubhuye na ghukatule matulo ghako.²⁵“Ghulingane malobhe nkokela ghwako kya kuyumbatika pa ghubhegha naywo mu njila kughenda ku libalasa, ngati nkokela ghwako kakotoke kukukamuha mu mabhoko gha nlamula, naywo nlamula kakotoke kukukamuha mumabhoko gha machonda, na ghwenga ghwaabhopwa mu kibhopo. ²⁶Kulyaghila nungukughombela, ghwaabhuka kata amwo, mbaka paghukamuha mbiya mbiya ya uhiko.²⁷“Nyihwa kukita bhandu bhakighombelwa kukita, ‘Ghukotoke kutyala.’ ²⁸Peni nenga nunguaghombela kukita, mundu ywohele ywakannolekeha nndala kwa kya kunpala katyale naywo, aywo katyala naywo kala mumwoyo ghwaki.²⁹Liho lyako lya kunnilo palikikunyegheleha ghutende uhokelo, ghuligobotole na ghulitaghe kutali. Mbaha kwa ghwenga kuhobheha kibhungo kimo kya mmili ghwako, chepa kwa mmili ghwako ghwoha ghutaghwe mu mwoto ghwa kumambe. ³⁰Handa kibhoko kyako kya nnilo kingughunyegheleha ghutende ulemwa, ghukidumule na ghukitaghe kutali. Mbaha kwa ghwenga kuhobheha kibhungo kimo kya mmili ghwako, chepa kwa mmili ghwako ghwoha kutaghwa mu mwoto kumambe.³¹“Bhubho yikikambukwa kukita, ‘Mundu ywohele ywakanneka nndala ghwaki na kanpeghe lihamba lya kulekana.’ ³²Peni nenga nunguaghombela, mundu ywohele ywkwnneka nndala ghwaki kwa kya uhokelo ghwa utyahe, kanguntenda nndala ghwaki ntyahe. Na mundu ywohele ywakantola nndala ywakalekitwi, kangutyala.³³“Kangi nnyihwa kukita bhandu bha makachu bhakighombelwa, ‘Ghukotoo kulapa kwa uhwangi, ngati ghutwihilihe kilapo kyako kwa kwa Bambo.’ ³⁴Peni nenga nunguaghombela, nkotoke kulapa, hangi kya kunani, kiyaha ndo kiteho kya utabhala kya Chapanga; ³⁵ebu kwa nnima, kiyaha nnima ndo pakughabhikila maghulu ghaki, ebu kya ku Yelusalemu, kiyaha ndo kitami kya Mutwa Nkulu.³⁶Nkotoke kulapa kwa mitwe yenu, kiyaha ghwaahotola ng'obhe kutenda uhwili ghumo ghubhe nhuhu ebu npili. ³⁷Paghulongela ‘Ena’ Hino yibhe ‘Ena’ na paghulongela ‘Ng'obhe’ Hino yibhe hoto ‘Ng'obhe’ Lyohele kupitingana kwa agha ghanguhuma kwa yula nhokela.³⁸“Nnyihwa kukita yikikambukwa, ‘Liho kwa liho na na lino kwa lino.’ ³⁹Peni nenga nunguaghombela, nkotoo kunbhuyihila uhakata yunakuahokela. Peni handa mundu kaghuhyatula mu likanja lya nnilo, ghunkilibhuhile na lingi. ⁴⁰Handa mundu kapala kukukokela ngati katole lighwanda lyako, ghunneke katole na likoti lyako. ⁴¹Handa mundu pakaghukwiliha ghupape nhigho ghwaki mwanja ghwa maili yimo, ghuupape maili ibhili. ⁴²Ghunpeghe ywakaghuyupa, hangi ghukotoke kunkilibhukila kihogho ywakapala kughuyahika kilibhi.⁴³“Nyihwa kukita yikikambukwa, ‘Ghunpale nng'anja ghwako na ghunnyaghabhalile nmyanja ghwako.’ ⁴⁴Peni nenga nunguaghombela, mubhapale amyanja bhenu na mubhayupile bhala bhaabhayaghabhalila, ⁴⁵ngati npati kubheghaa bhana bha Tate ghwenu ghwakabheghite kunani kwa Chapanga. Kiyaha ywombe kangualangahila luchubha lwaki bhandu ahokela na bhandu bha maha, naywo kanguakomela hula aghololeho na ahokelo.⁴⁶Handa munguapala bhala bhaabhapalite ghweka chabhe, maapata lilumbo lyoki? Bhuli akamuha sumu angutenda habhu ng'obhe? ⁴⁷Na handa pamubhajambuha alongo bhenu ghweka chabhe, Bhuli mungutenda kyoki kupitingana kwa bhangi? Hata bhandu bhangakunmanya Chapanga bhangutenda ubhwabhu habhu. ⁴⁸Kya habhu mmeghe atwihiliko handa Tate ghwenu ghwa kunani mwakabheghite ntwihiliko.

¹“Mulindakile, nkotoo kutenda mihalo ya maha muulongolo ghwa bhandu ngati abhabhone. Kiyaha ng'obhe pantenda naha, mungumokola ng'obhe lilumbo kuhuma kwa tate ghwenu ywaabheghite Kunani kwa Chapanga. ²“Habhu, pamubhapegha hilibhi bha apalite, nkotoo kulandamiha handa pa tendite afyangu mu hitutubhi hya ngonganilo na mu hindangabhanji, ngati atikilwe na bhandu. Kulyaghila nunguaghombela bhakilikingama kala lilumbo lyabhe.³Peni mwenga pa mubhuhite matulo, ntendi kwa mbwepo, hata kibhoko kyako kya kungiya kikotoo kumanya kiitenditwe na kibhoko kyako kya nnilo, ⁴ngati matulo ghako ghabhe gha mbwepo. Ndo Tate ghwako ghwa Kunani kwa Chapanga ywaabhonite mu mbwepo katakupeha lilumbo mu hindangabhanji.⁵Pa mmeghite mu kuyupa nkotoo kubha handa afyangu, kiyaha bhene akipala kuyupa pa akiyima mu hitutubhi hya ngonganilo na mumbwegha ya njila ngati abhonekane kwa bhandu. Kulyaghila nunguaghombela, bhene alipata kala lilumbo lyabhe. ⁶Peni ghwenga pa ghupala kuyupa, ghuyingile mu chumba kati yako, ghutate nlyango na ghunnyupe Tate ghwako ywaabheghite mu mbwepo. Naywo tate ghwako ywaabhona kumbwepo katakupegha lilumbo lyako. ⁷Na mwenga pa mmeghiti mu kuyupa nkotoo kulongela malagho mayoloho ya nga mana handa pa atenditi bhanga kunmanya Chapanga. Kiyaha bhene angumanya kukita bhaayihwa kwa malagho yabhe mayoloho.⁸Nkotoke kubhegha handa bhene, kiyaha tate bhenu kangumanya kila mukipalite kukali na kuyupa. ⁹Abhu, ndo unogho ghwa kuyupa: Tate ghwetu ghu ubheghite Kunani kwa Chapanga, lihina lyako likwihwe ¹⁰Ghubhutwa ghwako ghuhike upalo ghwako ghutendeke mu nnima handa Kunani kwa Chapanga.¹¹Ghutupeghe lelo hilyo yi tuyipala ¹²Ghutulekekehe ulemwa ghwetu Handa pa tubhalekekeha bhala bha atuhokelagha. ¹³Ghukotoo kutuyingiha mu mayigho, peni ghutulopohe kuhuma kwa yula nhokela kiyaha Ghubhutwa ndo bhako na makakala na ukulu mbaka manjubha hyoha.¹⁴Kiyaha handa pa mubhalekekeha bhandu bhangi pa abhahokela, Tate ghwenu ghwa Kunani kwa Chapanga naywo kataalekekeha mwenga ubhwabu abhu. ¹⁵Peni panlema kubhalekekeha bhangi uhakata ghwabhe, na Tate ghwenu ghwa Kunani kwa Chapanga kubhalekekeha ulemwa ghwenu kata.¹⁶Kangi pa mmegha mu kulikunga, nkotoo kuhyononeka handa pa atenda afyangu. Kiyaha bhene bhakihikunja hibhungi yabhe ngati ayibhonehe kukita bhalikunga. Kulyaghila nunguaghombela bhene bhakingama kala lilumbo lyabhe kamili. ¹⁷Peni pa mlikunga, muyityelemeke mahuta mu mutwe na kukuha hibhungi hyenu. ¹⁸ngati kukunga kwa mabhene kukotoke kuhibhoneha kwa bhandu bhanga ngati Tate ghwenu ywatamiti mu mbwepo, naywo Tate ghwenu yunakubhona mu mbwepo kataapegha lilumbo lyenu pa kindangabhanji.¹⁹Nkotoke kuyibhikila utopelo mu nnima, apa umehe na kutu bha kanjaghana, na wehi bhaabanjanga na kuyibha. ²⁰Peni mughubhike utopelo ghwenu ku luhingu kwene umehe na kutu kukanjaghana kata, ebu wehi kubanjanga kata. ²¹Kiyaha pa ghuubheghite utopelo ghwako, apwo ndo mwoyo bhako pa ghubhegha.²²Liho ndo limbamba lya mmili. Handa liho lyako lya maha, mmili ghwako bhoha ghwabhegha na bhwelu. ²³Peni handa liho lyako lya maha ng'obhe, mmili ghwako ghwa mema lubhindu. Hinu naha, handa bhwelu lu ghubheghite mu nkati yako lukibha lubhindu, alo ndo lubhindu lwa kya bhuli! ²⁴Kya nga mundu ywa kuhotola kubhatendela lihengo abambo abhili, Kiyaha katankalalila ayu na katanpala yula yungi, ebu katabhegha tela kwa ayu na kunnyuyuha aywo yungi. Mwenga maahotola ng'obhe kubhatendela lihengo Chapanga na utopelo.²⁵Abhu nunguaghombela, nkotoo kubhegha na bhwaghalili ya kya ulami ghwenu, maalyegha niki ebu maanywegha niki abu kya kya mmili ghwenu handa maahwala niki. Bhuli, ulami ghwenu ghwapitingana ng'obhe kwa hilyo na mmili kupitingana maghwanda? ²⁶Mubhalole hiyuni, bhene angukweta ng'obhe mbeyu ebu angubena ng'obhe ebu kubhika mbuje mu luhanja, peni Tate ghwenu ghwa Kunani kwa Chapanga kangualyegheha. Bhuli, mwenga ndo ghwa utopo kupitingana abho hiyuni.²⁷Ndo ghani aywo mu mwenga ywene kwa kulighaya katahotola kuliyonjokeha nga lisaa limo mu ulami ghwaki? ²⁸Mwenga, bhuli kulighaya kwa kya maghwanda? Mughahwachile malubha ya kumighunda pa ghamela. Kutenda lihengu kata ebu kughatalasa mapinda yabhe. ²⁹Peni nunguaghombela, hata mwene Solomoni mu utopelo ghwaki ghoha kakihwalihwa ng'obhe handa limoo lya agha malubha.³⁰Peni handa Chapanga kangughahwaliha abhu mahamba gha kunng'unda, yene lelo yabhegha na kilabho ghangutaghwa mu mwoto, bhuli kataandendela mwenga ng'obhe kupitingana aywo malubha? Mwenga bhandu bha hyubhalilo njoko. ³¹Hinu nkotoo kubha na bhwaghalili, pa nkighomba, ‘Twaalegha niki?’ ebu ‘Twaanywegha niki?’ ebu sijajua kilichotokesijajua kilichotoke ‘Twaahwala nikia³²Kiyaha bhandu bhanga kunmanya Chapanga ndo bhangulighaya naywo, peni Tate ghwenu ghwa Kunani kwa Chapanga kangumanya kukita mungughapala agha ghoha. ³³Peni mughupalahe huti Ghubhutwa ghwa Chapanga na shaliya yaki na agha ghoha maayonjokehwa. ³⁴Hinu nkotoo kulighaya ya kya kilabho, kiyaha kilabho ya lighaya yene. Yingunogha kwa lisiku na uhakata ghwaki.

¹Nkotoke kuatosa bhangi, ngati nkotoo kutoswa na Chapanga. ²Kiyaha pa bhula mubhatosa bhangi, ubhwabhu ndo ghwaatoswa kwa nteko ghula ghuubhuhite kwa bhangi ndo ghwakamuhwa ghwenga.³Kiyaha niki ghungululolekeha lukapi mu liho lya nnongo ghwako na ghungulilola ng'obhe lutela luubheghite mu liho lyako? ⁴Ebu, ghwahotola bhuli kunnongela nnongo ghwako, ‘Leka huti nulubhuhe lukapi mu liho lyako na mu muliho lyako likibha lutela?’ ⁵Ghwenga nfyangu, lubhuhe huti lutela mu liho lyako mwene na ndo ghwahotola kubhona na kulubhuha lukapi luchoko mu liho lya nnongo ghwako.⁶Nkotoke kuapegha kabhwa hilibhi hinakung'anyima kiyaha bhata akilibhukila na kubhakanjana ebhu nkotoo kuapegha maghulubhe hilibhi hya utopo, kiyaha bhatahilibhata libhata.⁷Nnyupe na mwenga maakamuhwa, npalahe na mwenga maapata, ntiti hodi na mwenga maahughulihwa nlyango. ⁸Kiyaha hyohele yunakuyupa katakamuhwa, yunakupalaha katabhona na yunakutiti hodi katahughulighwa nlyango. ⁹Ndo ywoki aywo mu mwenga mwene mwana bhaki pakannyupa lingati katankamuha liganga? ¹⁰Ebu, pakannyupa homba katankamuha liyoka?¹¹Hinu, handa mwenga maahakata mungumanyanya kuakamuha bhana bhenu hilibhi hya maha, mulihwachile bhuli Tate bhenu ywa kabheghite Kunani kwa Chapanga kataapegha ng'obhe hilibhi hya maha bhala bhaannyupa? ¹²“Habhu kyohele kya npala kutendelwa na bhandu, na mwenga na mwenga mubhatendele ubhwabhu. Kiyaha aywo ndo Malaghilo na ambuye. Njila ya nga kakukonda na njila yiikondite.¹³“Nnyingile kwa kukindila nlyango ghwa nga kukonda, kiyaha njila yilonguhite ku ghukanjabhano ndo yila yikonditi, na nlyango ghwa kuyingilila ndo ghukonditi na ayoloho anguyenda mu njila aywo. ¹⁴Peni njila yi longuhite mu ubhumi ndo ya nga kukonda, na nlyango ghwa kuyingilila amwo ndo ghwa nga kukonda, bhandu achoko ghweka bhaahotola kuyimanya njila aywo.¹⁵“Mulindakile na ambuye ghwa uhwangi, bha bhaahikila kunu akihwala mapinda gha mene kunu nkati ndo kabhwa ahakata ghwa kuhitu. ¹⁶Maamanya kwa ndendelo yabhe. Bhuli, bhandu angunuka mapambiko mu mihomi ebu tini mu misondwa? ¹⁷Ubhwabhu abhu nkongo ghwa maha ghungupambika mapambiko gha maha na nkongo nhakata ghuupambika mapambiko machakamu.¹⁸Nkongo ghwa maha kahone kupambika mapambiko machakamu ebu nkongo nhakata kahone kupambika mapambiko gha maha. ¹⁹Nkongo ghwohele ghwa nga kupambika mapambiko gha maha ghwaadumulwa na kutaghwa mu mwoto. ²⁰Habhu, maabhamanya kwa ndendelo yabhe.²¹Kahone ywohele yunakunng'ombela, ‘Bambo, Bambo’, katayingila mu ghubhutwa ghwa Chapanga ngati yula yunakutenda upalo ghwa Tate ghwangu ywaabheghite Kunani kwa Chapanga. ²²Mu lisiku alyo yoloho bhatanng'ombela, ‘Bambo, Bambo, tukilandamiha lilagho lya Chapanga kwa lihina lyako na kwa lihina lyako kutiabhuha mandilu na kutenda mihabho miyoloho. ²³Ndo ndabhalongela, ‘Kyana lumu nikiamanya ng'obhe. Nbhuke kwa nenga, mwenga atenda uhakata!’²⁴Habhu, hyohele yunakuyihwa malagho ghangu na kughatenda, ndo handa mundu yuna mahala ywakachengite kitutubhi kyaki mu litabhala. ²⁵Hula yikikoma, na ngumbwa ya machi yikihika na liyegha lukilunduma na kukituta kitutubhi kila, peni yikighwegha ng'obhe kiyaha kitamiho kyaki kikibha ku litalabha.²⁶Na ywohele yunakuyihwa malagho ghangu na kutenda kata, aywo ndo handa mundu yuna uhila mahala ywakachengiti kitutubhi kyaki mu nhanga. ²⁷Hula yikikoma, na mikemba yikingumbwa na liyegha lukiyegha na kukituta kitutubhi kila, naywo yikighwegha kwa king'indo ngulu.²⁸Yesu pakayomolite kulongela aywo, lumati lwa bhandu lukikangachwa munu mahundo ghaki, ²⁹Kiyaha kakibha ng'obhe handa ahunda ghwabhe ghwa malaghilo, ngati kakiahunda kwa makakala.

¹Yesu pakahulukite ku kitumbi, lumati lukulu lwa bhandu lukintughila. ²Mundu yumo yunamaloha kakinchutamila mayughwa paking'ombela , “Bambo, handa ghupala, ghwahotola kung'uluha” ³Yesu kakikigholoha kibhoko kyaki kakinbyala pakilongela, “Nungupala ghu ghululike.” Kamu yula mundu kakilama maloha ghaki.⁴Mbole Yesu kakiaghombela, “Ghuyihwe! Ghukotoo kunng'ombela ywohele, ngati ghughende ghukaghibhonehe kwa ndundame, na kutula matulo gha ghalaghilitwe na Musa ngati yibhe uyimiho handa ghulamighwa.”⁵Yesu pakayingiliti ku Kapelinaumu, machonda kilongohi yumo kaknhikila pakinnyupa utango ⁶pakilongela, “Bambo, ndumitumi ghwangu kaghonja ukaya, ntamwa ghwa ulelebhalo kangi kakitamwa munu.” ⁷Yesu kakinng'ombela, “Ndahika kunlamiha.”⁸Peni yula machonda kilongohi kakinng'ombela, “Bombo, yingunnogha ng'obhe ghwenga kuyingila mu lubhagha lwangu. Peni ghukambuke lilagho ghweka chake na nndumitumi ghwangu katalama. ⁹Kiyaha na nenga ndi mundu ghwa makakala, abhegha machonda pahi ya nenga. Panung'ombela ayu ‘Ghughende!,’ Kataghenda, na yungi panung'ombela ‘Ghunhikile!’ Katahika. Na panung'ombela ndumitumi ghwangu ‘Ghutende kilibhi aki!’ Naywo katatenda.” ¹⁰Yesu pakayihwa malagho agha kakikangacha, na kakiaghombela bhala bha antughilite, “Kulyaghila nunguaghombela, hata mu Isilaeli nenga kughubhona uhyubhalilo handa abhu kata.¹¹Nunguaghombela kukita bhandu ayoloho bhaahika kuhuma ku luchomukiti na lupikiti luchubha, nabho bhaatama mu chekwa papamu na Ablahamu na Isaka na Yakobo mu Ghubhutwa ghwa Kunani kwa Chapanga. ¹²Peni bhala bha ghubheghite ghubhutwa ghwabhe bhaataghwa panji, akwo kwaabhegha na kililo na kuhyagha mino.” ¹³Mbole Yesu kakinng'ombela yula kilongohi ghwa machonda, “Ghughende na yibhe handa uhyubhalilo ghwako.” Na yula ndumindumi kakilama lisaa lila lila.¹⁴Yesu pakahikiti ku lubhagha lwa Petili, kakimmona ma ghwa nndala ghwa Petili pakighonja pa ulili kana nhehemela. ¹⁵Kakikibyala kibhoko kya aywo nnhinja na nhehemela ghukinnleka na kakiyinuka na kuyanda kubhakeyela.¹⁶Pa kimuhi bhakinnyeghela bhandu bha mahele bha abheghiti na mandilu, naywo kakighabhuha ghala mandilu kwa lilagho lyaki na kualamiha atamwa bhoha. ¹⁷Agha ghakitendeka ngati libwitukile lila lilagho likambukitwe na mbuye Isaya handa, “Mwene kakighatola matamwa ghetu na kakitola kubhina kwa twenga.”¹⁸Yesu pakabhoniti lumati lwa bhandu pa lukintindila, kakiakwilikiha ahundwa bhaki aghende kumwambo ya lihibha. ¹⁹Nhunda yumo bha malaghilo kakinng'endela, pakinng'ombela, “Nhunda, nenga ndakutughila kwohele pa ghupala kughenda.” ²⁰Yesu kakinnyanga, “Mabhweha abhegha na mbako, na hiyuni abhegha na hiyumba, peni mwana ghwa Mundu kabhegha ng'obhe na pa kughonjeha mutwe ghwaki.”²¹Nhunda yungi kakinng'ombela, “Bambo, ghuntegheke huti nkankulile tate ghwangu.” ²²Peni Yesu kakinng'ombela, “Ghuntughile! Ghubhaleke bha aghweghite abhakulile bhala bha aghwegha ayabhe.”²³Yesu pakahubhukiti mu bhwato, ahundwa bhaki bhakintughila. ²⁴Kamu likibwituka liyegha likulu mu luhibha mbaka bhwato ghukiyanda kudibalwa na mayuka, peni Yesu pakibhegha pakighonja ng'ono. ²⁵Ahunda bhaki bhakinng'endela na bhakinnyumuha, pa akighomba, “Bambo, ghutulopohe! tunguhwegha!”²⁶Naywo Yesu kakiaghombela, “Kiyaha niki munguhyoghopa mwenga bhandu bha uhyubhalilo nchoko?” Mbole kakiyumuka na kakililakalila liyegha na nnyukano ghwa machi, na kukibha tuli. ²⁷Bhala bhandu bhakikangacha, pa akilongela, “Ayu ndo mundu ghwa kya bhuli mbaka liyegha na nnyukano ghwa machi ghukinnyitikila?”²⁸Pa ahikiti kumwambo ku nnima ghwa Akaagelasi, bhandu abhili bha akwehitwe na mandilu bhakikungana Yesu pa bhakihuma ku mandogholo. Bhandu abha bhakibha ahakata munu mbaka kakibhegha ng'obhe mundu ywakahotolite kukinda mu njila yila. ²⁹Bhakituta kyobho pa akighomba, “Ghungubhegha na niki na twenga, mwana ghwa Chapanga? Bhuli ghunguhika apa kutukanjaghana kukali na lisaa likwilikihitwe?”³⁰Kutali kya mandina kuhuma pala pa abheghite, pakibhegha na lumati lwa maghulubhe lukihakila. ³¹Ghala mandilu ghakinnyupa Yesu, “Handa pa ghutubhuha, ghututegheke tughende mu lula lumati lwa maghulubhe.” ³²Kakiaghombela, “Nng'endi!” Habhu bhakibhuka na bhakiayingila bhala maghulubhe, na lumati lwoha kwa lubhilo likihulukila mu ngemba, likiyingila mu luhibha na lukihwegha mu machi.³³Bhala bha abheghiti mu kuahakila bhala maghulubhe bhakitugha lubhilo na bhakiyingila mu kitami, bhakiaghombela yoha ya bwitukiliti kwa bhala bha akwelitwe na mandilu. ³⁴Mbole bhandu bhoha bha nnima ghula bhakibhuka na kughenda kukongana na Yesu. Na pakammoniti bhakinyupa kakabhuke mu nnima ghwabhe.

¹Yesu kakihubhuka mu bhwato, kakiyomboka na kuhika ku kitami kyaki. ²Mu lisaa alyo alyo bhakinnyeghela mundu ywakatebhalite, pakaghonjekwa mu ulili. Yesu pakabhoniti uhyubhalilo ghwabhe, kakinng'obela yula ywaatebhaliti, “Ghukotoke kudunyuka mwoyo mwana ghwangu, ulemwa ghwako ghulekekehwa.”³Kwa kya nnando agho, amoo ghwa ahunda ghwa malaghilo bhakiyanda kuhwacha mu myoyo yabhe, “Mundu ayu kangukundula” ⁴Peni Yesu kakiyimanya hwachilo yabhe, kakialongela, “Kiyaha niki munguhwacha uhakata mu myoyo yenu? ⁵Kyoki kiibheghite na unonopo ng'obhe, kughomba, ‘Ulemwa ghwako ghulekekehwa,’ ebu kughomba, ‘Ghuyime utyange?’ ⁶Peni ngati mbati kumanya kukita Mwana ghwa Mundu kanamakakala gha kulekekeha ulemwa mu nnima” Ndo kakinng'ombela yula mundu ywakatebhaliti, “Ghuyime, ghutole, ulili ghwako, na ghughende ku lubhagha lwako.”⁷Yula mundu kakiyima, na kakighenda ku lubhagha lwaki. ⁸Bhandu bhoha mu lula lumati pakabhoniti agho bhakiyingilwa lyogha lya Chapanga, bhakinkwila Chapanga, ywakabhuhiti makakala ghala kwa bhandu. ⁹Yesu pakabheghiti mu kutyanga kuhuma akwo, kakimmona mundu yumu lihina lyaki Matayu katama mu kitutubhi kya kukamuha sumu. Yesu kakinng'ombela, “Ghuntughile.” Matayu kakibhuka na kakintughila.¹⁰Yesu pakabheghiti mu nyumba na pakatamiti mu hilyo akamuha sumu atangala na bhanaulemwa atangala bhakihika kulyegha papamu naywo na ahundwa bhaki. ¹¹Akaafalisayu pakabhoniti mihalu aywo, bhakiakonya ahundwa bhaki, “kiyaha niki nhunda ghwenu kangulyegha papamu na akamuha sumu na bhana ulemwa?”¹²Peni Yesu pakaghayihwa agho kakiaghombela, “Bhandu bha maha angunpala ng'obhe nng'anga ngati bhala bha atamiti angunpala.” ¹³Hinu, nng'endi makayibhule fwambulo ya malagho agha, ‘Ningupala lipyanda, ngati ng'obhe nyambi.’ Kiyaha nikihika ng'obhe kuakema bha abheghiti na shaliya, ngati ulemwa.”¹⁴Ahundwa ghwa Yohana nbatisa bhakihika na kunkonya Yesu, ”Yikibha bhuli twenga na Akaafalisayu tungulikunga, peni ahundwa bhako bhangulikunga ng'obhe?” ¹⁵Yesu kakiayanga, “Buli, ahenja bha yunakutolanndala bhahotola bhuli kuhyononeka pa abheghiti na yunakutola? Lisaa lya hika paabhukabambo yunakutola, apwo ndo bhaalikunga.¹⁶Kahone mundu yunakupabhika kipabhiko kya hyono mu likama, kiyaha kila kipabhiko kyaametukana mu alyo likama na pala pakapabhikiti paayonjokeha.¹⁷Ebu bhandu angubhikangóbhe difwai ya hyono mu kibhigha kya liyula lihakaliti. Handa pa atenda naha kila kibhigha kya liyula kyaabaluka na difwai ya yitika. Na hibhigha ya mayula ya kanjaghanika, peni difwahi ya hyono yabhikwaha mu hibhigha ya liyula lya hyono na hibhigha yaabhegha ya tela.. ¹⁸Yesu pakabheghiti mu kughaghomba agho, kamu kakiyingila kilongohi ghwa kitutubhi kya ngonganilo, kakichutamila mayughwa mu ulongolo ghwaki na kunng'ombela, “Nhinja ghwangu kaghwegha hinu hinu, peni ghuhike na ghunbyalike kibhoko kyako unani mwaki naywo katalama.” ¹⁹Yesu kakibhuka na kakilongohana naywo, ahundwa bhaki nabho bhakintughila.²⁰Lisaa alyo alyo nhumbu yumu ywakabheghite na liholobhela kwa ngungwa mbinda mabhoko yimo na ibhili, kakinhikila Yesu kya kuhyetu na kakilibyala lipinda layaki, ²¹Kiyaha kakighomba mu mwoyo ghwaki, “Handa nda byala lipinda lyaki, nda lamihwa.” ²²Yesu kakilibhuka, naywo pakammoniti kakinng'ombela, “Nhinja, ghukotoke kudunyuka mwoyo, ghuhyubhalilo ghwako ghukulamiha.”²³Yesu pakahikiti ku lubhagha lwa yula kilongohi ghwa kitutubhi kya ngonganilo na kakiabhona bha hyononikiti bhakipyemba lipyembilo na lumati lwa bhandu lukibhegha mu kuhyononeka. ²⁴kakiaghombela, “Nmmuke! kiyaha nhinja kahwegha ng'obhe ngati kaghonja.” Bhene bhakinheka.²⁵Lumati lwa bhandu lukibhuka na Yesu kakiyingila mu nyumba na kakikibyala kibhoko kya yula nhinja naywo kakiyimuka. ²⁶Mihalu aywo yikikwila mu nnima ghwoha.²⁷Yesu pakabheghiti mu kubhuka pala, bhangalola abhili bhakintughila, bhakituta kyobho kwa makakala na bhakilongela, “Mwan ghwa Daudi ghubhonele luhungu” ²⁸Pakayingiliti mu nyumba bhala bhangalola bhakinhikila. Kakiakonya, “Munguhyubhalila kukita ndahotola kutenda nnando aghu?” Bhakinnyanga, “Ena Bambo”²⁹Ndo Yesu kakiabyala mehu ghabhe na kulongela,“Yibhe kwa mwenga telatela na uhyubhalilo ghwenu.” ³⁰Mehu ghabhe ghakihughuka. Yesu kakiakanikiha , pakilongela, “Mulolekehe mundu ywohele kakotoke kughumanya nnando agho.” ³¹Peni bhene bhakighenda na kukwila mihalu yila mu nnima ghula ghoha.³²Pakabheghiti mu kubhuka, mundu yumumundu yumu ywakakwelitwe na mandilu na ywakabheghiti ng'obhe na makakala gha kulongela kakiyeghwa kwa Yesu. ³³Pakabhuhitwe lila lindilu, yula ywanga kulongela kakilongela. Lula lumati lwa bhandu lukikangacha na kulongela, “Nnando handa abhu kahone kubwitukila mu Isilaeli.” ³⁴Peni akaafalisayu bhakighomba, “Aywo kangughabhuha mandilu kwa makakala gha nkulu ghwa mandilu.”³⁵Yesu kakityanga mu hitami hyoha na hijiji hyoha, pakiahunda mu hitutubhi yabhe ya ngonganilo yabhe, pakilandamiha nhalo ghwa maha ghwa ghubhutwa ghwa Chapanga na kulamiha atamwa ghwoha mu bhandu. ³⁶Pakaabhoniti bhandu himati himati kakiabhonela luhungu kiyaha bhakilighaya kyanga utango, handa mene ghwanga nhakila.³⁷Ndo kakiaghombela ahundwa bhaki, “Mabeno ghatangala peni atenda lihengu ndo achoko. ³⁸Hinu munnyupe Bambo ghwa mabeno, ngati kakayeghe atendalihengo mu nng'unda ghwaki ghwa mabeno.”

¹Ndo Yesu kakiakema bhala ahundwa bhaki mbinda mabhoko yimo na abhili, na kakiapegha makakala kughabhingabhinga mandilu na kulamiha matamwa yoha nhanganganiko.²Agha ndo mahina ghabhe bhala ahundwa mbinda mabhoko yimo na abhili. ³Ghwa kalongohi, Simoni, ywakakemitwe Petili na Andelea nnongo ghwaki, Yakobu mwana ghwa Zebedayu na Yohana nnongo ghwaki, Filipo na Batimayu, Tomasu na Matayu nkamuha sumu, Yakobu mwana ghwa Alufayu, na Tadayu. ⁴Simoni mundu ghwa kimati kya kananayu na Yuda Isikaliyoti ywakankilukiti Yesu.⁵Abha mbinda mabhoko yimo na abhili Yesu kakiapegha malagho agha, “Nkotoke kughenda kwa bhandu bha milima yingi na nkotoke kuyingila kitami kyohele kya Akaasamalila. ⁶Peni mbaha nngendi kwa mene ghwa akaisilaeli bhaahobhiti handa mene. ⁷Pa nng'e nda nlandamihe pa nkilongela. ‘Ghubhutwa ghwa Chapanga ghuheghelela.’⁸Makalamihe atamwa, makaahyuhe bhaahweghiti, makaahuluhe bha abheghiti na maloha, makaghabhuhe mandilu. Mukamuhwa yaghi, makabhuhe yaghi. ⁹Nkotoke kutola dhahabu, ebu mbiya, ebu lihabha mu mihako yenu. ¹⁰Nkotoke kutola nhako ghwa mwanja, ebu mapinda mabhili, ebu hilatu yingi, ebu nkongocho, kiyaha ntenda lihengu yingunnogha lilumbo lyaki.¹¹Pamuyingila mu nnima ghwohele ebu kijiji kyohele, munpalahe mundu ywaanogha kunhikila, na ntame apwo mbaka pa nnonda kubhuka. ¹²Pannyingila mu kitutubhi, mukikambukihe uhihimilo huti. ¹³Handa kitutubhi akyo kingunogha, uhihimilo ghwenu ghubhe mu kitutubhi akyo ngati ng'obhe, na uhihimilo ghwenu ghubhabhuyile bhene.¹⁴Handa mundu ywohele kataakingama ng'obhe mwenga, ebu kughayihwa malagho yenu, mulipumunde liho mu maghulu ghenu pa mmeghiti mu kubhuka mu kitutubhi akyo ebu kitami. ¹⁵Kulyaghila nungualongelamilima ya Sodoma na Gomola yaalimbilila mu toso kupitingana nnima aghwo.¹⁶Nnole, nungualaghila handa mene mu kabhwa nhitu. Hinu mmeghe na mahala handa liyoka na apole handa ngunda. ¹⁷Mulindakile na bhandu, kiyaha bhaayegha mu njengakaya yabhe na kuatuta mu hitutubhi ya ngonganilo yabhe. ¹⁸Na maayeghwa kwa atabhala na abhutwa kwa kya nenga, ngati makannyimihe kwabhe na mu ulongolo ghwa milima.¹⁹Peni paabhayegha amwo, nkotoke kulighaha kuhwacha kya npala kulongela, kiyaha maakamuhwa kya kughomba lisaa alyo. ²⁰Kiyaha ndo mwenga ng'obhe maabheite mu kughomba ngati Nhuki ghwa Tate ghwenu ywaalongela kukindila mwenga.²¹NNongo katankiluka nnongo ghwaki ngati kakakomwe, na tate katankiluka mwanaghwaki, bhana bhaakiluka abhele bhabhe na kuatenda akakomwe. ²²Na maakalalilwa na bhandu bhoha kwa kya Lihina lyangu. Peni yunakulimbilila mbaka uhiko ndo katalopolwa. ²³Paabamanda mu kitami kimo mutughile mu kitami kingi. Kulyaghila nunguaghombela, kuyomola hijiji hyoha ya Isilaeli kata kukali na kubhuya Mwana ghwa Mundu.²⁴Nhundwa kunhotola nnhunda ghwaki kata ebu nndumitumi kunhotola bambo ghwaki. ²⁵Yingunogha nnhundwa kubha handa nhunda ghwaki na nndumitumi kubhegha handa bambo ghwaki. Hnda nkulu ghwa kitutubhi kakemwa Belisebuli, yaabhegha bhuli kwa bhala bha atamiti mu kitutubhi kyaki!²⁶Hinu nkotoke kubhayoghopa abho, kiyaha kahone kihihitwe kya ghubutulwa ng'obhe, ebu kahone mbwepo ya nga kumanyika. ²⁷Lilagho niakambukihite mu kiho, mwenga mulilandamihe pa muhi na lila linnyihwiti mu mbwepo, mu mangutu yenu mulilandamihe ku linyakaa lya kitutubhi.²⁸Nkotoke kubhayoghopa bhala bhaakoma mmili peni kukoma nhuki kata. Mbaha muayoghope mwene ywaahotola kughukoma nhuki na mmili akwo kumambe. ²⁹Bhuli, ngadwidwi abhili anguhemelwa ng'obhe kwa mbiya ibhili ghweka? Peni kahone nga yumo ywaaponeka kya nga kumanya Tate ghwenu ghwa Kunani kwa Chapanga. ³⁰Mbaka hwili ya mitwe yenu hyoha yibhalangwa. ³¹Habhu nkotoke kuyoghopa, kiyaha mwenga ndo a kitopa munu kupitingana ngadwidwi ayoloho.³²Ywohele yunakunkambuka muulongolo ghwa bhandu, na nenga ndankambuka mu ulongolo ghwa Tate ghwangu ywa kunani. ³³Na ywohele yaankiluka nenga mu ulongolo ghwa bhandu, na nenga ndankiluka mu ulongolo ghwa Tate ghwangu ghwa kunani.³⁴Nkotoke kuhwacha kukita nikiyegha uhihimilo mu nnima, niyegha ng'obhe uhihimilo ngati lukechelo. ³⁵Kiyaha nikihika kuatenda tate na mwana nnume ghwaki amyanja, kangi nhinja na ma ghwaki abhe amyanja, nnume na ma ghwa nndala ghwaki. ³⁶na amyanja ghwa mundu bha abhegha bhandu bha mulubhagha lwaki.³⁷Ywohele yunakumpala tate ghwaki ebu ma ghwaki kupitingana nenga, kangunoghelwa ng'obhe kwa nenga. Na ywohele yunakunpala akakombo ghwaki ebu nhinja ghwaki kupitingana kya nenga, kangunoghelwa ng'obhe kwa nenga. ³⁸Kangi ywohele ywaatola ng'obhe lupingika lwaki na kuntughila, kangunoghelwa ng'obhe kwa nenga. ³⁹Yunakughubhona ntima ghwaki kataghuhobha, peni yunakughubhuha ulamo ghwaki kwa kya nenga kataghukamuha ulamo ghwaki.⁴⁰Ywohele yunakuakingama mwenga katabhegha mu kunkingama nenga na ywohele ywakangingama nenga kangunkingama ywakanlaghiliti. ⁴¹Mundu ywohele ywaankingama mbuye kiyaha aywo mbuye, katakamuhwa lilumbo lya mbuye na yunakunkingama yunashaliya kiyaha aywo ndo yunashaliya, katakamuhwa lilumbo lya yunashaliya.⁴²Handa ywohele katanpegha nga nteko ghwa machi yumoo ghwa abha adokwa kiyaha ndo ahundwa ghwangu, kulyaghila, nunguaghombela, katakamuhwa lilumbo lyaki.”

¹Mbole ya Yesu kuyomola kughabhuha malagho kwa ahundwa bhaki mbinda maboko yimo na abhili, kakibhuka apwo na kakighenda kulandamiha na kuhunda mu milima yabhe. ²Yohana mu kibhopo pakayihwa mihalo yakatenditi Yesu, kakialaghila ahundwa bhaki, ³ngati bhakankonye, “Ghwenga ndo yula ywa apala kuhika, ebu tunlindilile yungi?”⁴Yesu kakiyanga, “MMuye makanng'ombele Yohana ghala gha mughabhona na kughayihwa. ⁵Bhangalola angukamuhwa kubhona, ghwanga kutyanga angutyanga, bha abheghiti na maloha anguhululwa, bhanga kuihwa anguyihwa, bhaahweghiti anguhyuka na akapukwa angulandamihwa Nhalo ghwa maha. ⁶mbahaa mundu yula ywakakalahitwi ng'obhe nanenga.”⁷Bhala ahundwa ghwa Yohana bhaabheghiti mu kubhuka, Yesu kakiyanda kughomba na bhandu kwa kya Yohana Yunakubatisa. Kakiakonya, “Panng'enda ku kibhala, mukighenda kubhona niki? lunyahi pa lukiyukwa na liyegha? ⁸Handa ng'obhe, mukighenda kubhona niki? Mundu ywakahwaliti mapinda gha maha? Ng'ohe, bhala bhaahwaliti mapinda gha maha angutama mu hitutupi hya abhatwa.⁹Hinu mukighenda kubhona niki? Bhuli, kunmmona mbuye? Ena, nunguaghombela, mwene ndo kupitingana mbuye. ¹⁰Aywo ndo mihalo yaki yikityekwa, ‘Nnole nungunlaghila ndumitumi ghwangu mu ulongolo ghwako, ywa kutendekeha njila mu ulongolo ghwako.¹¹Kulyaghila nunguaghombela, mu bhandu bha abhelekitwi na nndala, kakibhegha ng'obhe ywakabheghiti nkulu kupitingana Yohana Yunakubatisa, peni ywaabhegha nnchoko munu mu ghubhutwa ghwa Kuluhingu, ndo nkulu kupitingana Yohana. ¹²Kuhuma mu manjubha gha Yohana Yunakubatisa mbaka hinu, Ghubhutwa ghwa Kunani kwa Chapanga ghungukamulwa kwa makakala, na bhabheghiti na makakala bhangughupukila kwa kingakamiho.¹³Kiyaha ambuye bhoha na malaghilo ghakilondola mbaka mu manjubha gha Yohana Yunakubatisa. ¹⁴Handa mubha kala kulikingama ali, mwene ndo yula Eliya mwene ambuye bhakilondola kukita katahika. ¹⁵Ywaabhegha na mangutu gha kuyihwa kakayihwe.¹⁶Peni kibheleko aki nikihwananihe na niki? kingulihwan na bhana bhaatamite pa kindangabhanji pa akiakema ayabhe na kualongela ¹⁷na kulongela, ‘Tukiapyembela lipyembo, peni kukina kata, kukiayimbila lwimbo lwa kibhembo peni kuhyononeka kata.’¹⁸Kiyaha Yohana Yunakubatisa kakihika kulyegha kata ebhu kunywegha, nabho bhakighomba, ‘Aywo kana lindilu.’ ¹⁹Mwana gha Mundu kakihika pakilyegha na kunywegha, nabho bhangughomba, ‘Nnole, nhukila na nlobhi, nnghanja ghwa akamuhwa sumu na bhana ulemwa. Peni malangu ghangutengeleheka kwa shaliya gha ndendelo yaki.”²⁰Yesu kakiyanda kuhihyongolekeha milima yakatenditi mihabho yiitangala kupitingana kwingi, kiyaha bhandu bhaki bhakilipetula ng'obhe. ²¹“Kimmone, Kolazini! Kimmone Betisaida! Kiyaha handa mihabho yiitendikiti kwa mwenga, yingalitendeka Tilo na Sidoni, milima ywo yingalipetula kuhuma makachu kya kuhwala malobota na kuyityelemeka liho. ²²Peni nungualongela, mu lisiku lya toso, mwenga maakamuhwa toso ngulu kupitingana milima ya Tilo na Sidoni.²³Na ghwenga Kapelinaumu, bhuli, ghwa kwehwa mbaka kunani kwa Chapanga? Ng'obhe ghwa huluhwa maka pahi munu. Mihabho yiitendikiti kwa ghwenga yingalitendeka akwo Sodoma, mulima aghwo ghukibhegha mbaka lelo. ²⁴Peni nungukughombela kukita, Sodoma yaalimbilila toso yaki mu lisiku lila la toso kupitingana ghwenga.²⁵Mu manjubha agho Yesu kakighomba, Ningukulumba Tate, Bambo ghwa kunani na nnima, kiyaha ghukiyihiha mihalo ayi kwa bhana mahala na asomi, na ghughagubutula kwa bhana nonono. ²⁶Ena Tate, kiyaha habho ndo yikunoghiliti. ²⁷Nikikamuhwa hilibhi hyoha na Tate ghwangu, kahone mundu ywaamanya Mwana ngati Tate, ebu kahone ywaanmanya Tate maha nga Mwana na ywohele ywakapalitwi na Mwana kunghubutulila Tate ghwaki.²⁸Munhikile bhoha mu bamanditwi na kutopelwa na mihiho, na nenga nda bhapumulila. ²⁹Mulikunge kingongolo kyangu, kiyaha nenga ndo npole na nnyenyekevu ghwa mwoyo, na mwaakamuhwa unogho mu nntima ghwenu. ³⁰Kiyaha kingongolo kyangu kunonopa kata na nhiho ghwangu ghutopa ng'obhe.

¹Mu lisiku lya kupumulila Yesu kakibhegha paakityanga mu mighunda ya ngano. Na ahundwa bhaki bhakibhegha na njala, ndo bhakiyanda kughadunyula mahonjo gha ngano na kulyegha. ²Peni akaafalisayo pakabhoniti nnando agho, bhakinng'ombela,“Ghulole, ahundwa bhako angutenda nnando ghwa nga kunoghelwa lisiku lya kupumulila.”³Yesu kakiayanga, “Bhuli, mukihundwa ng'obhe kyakyatenditi Daudi na ayake pa abheghiti na njala? ⁴Kakiyingila mu Kitutubhi kya Chapanga na kakilyegha mangati yaabheghite ya kya Chapanga, mwene na ayake nnando ghuubheghiti tela ng'obhe kwa mabhene, maha nga andundame ghweka chabhe.⁵Ebu mukilihunda ng'obhe mu kitabho kya malaghilo kukita mu Lisiku lya kupumulila andundame anguahokela malaghilo mu Kitutubhi kya Chapanga peni angubhonekana ng'obhe kukita ahokela? ⁶Nunguaghombela hoto kukita, ywakabheghiti nkulu kupitingana Kitutubhi kya Chapanga kabhegha apa.⁷Handa mangamanyiti mana ya malagho agha, ‘Ningupala lipyanda, ngati ng'obhe nyambi,’ mangaatosa ng'obhe bha nga uhokelo, ⁸Kiyaha Mwana ghwa Mundu ndo Bambo ghwa Lisiku lya kupumulila.”⁹Yesu kakibhuka apwo na kakiyingila mu kitutubhi kya ngonganilo lyabhe. ¹⁰Akwo pakibhegha mundu ywakatebhaliti kibhoko. Pa akipalaha nhalo ghwa kunkokela Yesu bhakinkonya, “Bhuli yibha tela kulamiha Lisiku lya Kupumulila.?"¹¹Yesu kakiayanga, “Ndo ghani aywo mu mwenga ywakabheghiti na mene ghwaki ywakaponikiti mu libhumba mu Lisiku lya Kupumulila na kakanbhuhe ng'obhe? ¹²"Mundu ndo ghwa utopelo kupitingana mene. Habhu yibha tela kutenda gha maha Mu Lisiku lya kupumulila.”¹³Ndo kakinng'ombela yula mundu, “Kigholohe kibhoko kyako.” Kakikigholoha nakyo kikilamihwa na kikibhegha handa kila kingi. ¹⁴Peni Akaafalisayu bhakibhuka panje na akighombana ya kya kunkoma Yesu.¹⁵Peni Yesu pakayimanyite hwachilo yabhe, kakibhuka. Bhandu atangala bhakintughila, naywo kakialamiha bhoha. ¹⁶kakiaghombela akotoke kulongela kukita mwene ndo ghani. ¹⁷Ngati libwituke lila lilagho lyakakambukiti mbuye ghwa Chapanga Isaya pakilongela.¹⁸“Ghulole nndumitumi ghwangu yununhaghuliti, yununpaliti, yunuyelelitwi naywo. Ndaghubhika nhuki ghwangu kwa mwene, Naywo kakalandamiha shaliya mu milima.¹⁹Katatenda bhulwa ng'obhe ebu kututa kyobho, ebu ywakayihwa lilobhe lyaki mu njila. ²⁰Lidenge lyakadumukiti kataludumula ng'obhe, Ebu lutambi lututumaha lyohi kuluhima kata, Katayendelela mbaka shaliya yihotole. ²¹Na mu lihina lyake milima yabhika uhyubhalilo ghwabhe.²²Mbole bhakinnyeghela mundu ywakakwelitwe na lindilu, naywo ndo ywangalola na ywa nga kughomba, Yesu kakinlamiha mbaka kakihotola kughomba na kubhona. ²³Bhandu bhoha bhakikangacha na kughomba, “Bhuli, yinguhotolekwa kukita ayu ndo Mwana ghwa Daudi?”²⁴Peni akaafalisayu pakayihwa malagho agho bhakighomba, “Mundu ayu kangughabhuha mandilu kwa makakala gha Belisebuli, lindilu kilongohi.” ²⁵Yesu pakighamanya mahwachilo yabhe, kakiaghombela, “Ghubhutwa ghwohele ghuumetukana mu himati himati yinakupingikihana, aghwo kulama kata, ubhwabhu abhu nnima ghwohele ebu lubhagha lwohele luumetukana mu himati himati hinakupingikihana kutengeleheka kata.²⁶Handa lindulu lingughabhubha mandilu, kangulipingikiha mwene na ghubhutwa ghwaki ghwayima bhuli? ²⁷Na nenga handa nungughabhuha mandilu kwa makakala gha Belisebuli, bhuli akaafwasi ghwenu angughabhuha mandilu kwa makakala gha ghani? Hinu naha, abho ndo bhataatosa mwenga.²⁸Na handa nenga nungughabhuha mandilu kwa Nhuki ghwa Chapanga, ndo nmanye kukita Ghubhutwa ghwa Chapanga ghubhahikila. ²⁹Na mundu katahotola bhuli kuyingila mu kitutubhi kya mundu yunamakakala na kughupukila utopelo ghwaki handa kammopa ng'obhe yula yuna makakala? Pakammopa kala, kulyaghila katahotola kughupukila utopelo ghwaki. ³⁰Ywaabheghite ng'obhe papamu na nenga kangunpingikiha, na ywaakungana ng'obhe papamu na nenga, kangupwilingana.³¹Hinu nunguaghombela, ulemwa ghwohele na na ngundulo bhandu bhaalekekehwa, peni ywaankundula Nhuki ghwa Chapanga kulekekehwa kata. ³²Mundu ywohele ywakakambuka lilagho kya kya Mwana ghwa Mundu katalekekehwa, peni ywohele yaakambuka lilagho kyakya Nhuki ghwa Chapanga kulekekehwa kata, mu nnima aghu ebu mu nnima ghwa pala kuhuka.³³Ghuutende nkongo ghubhe ghwa maha na mapambiko ghaki ghaabhegha gha maha, ebu ghuutende nkongo ghubhe nhakata na mapambiko ghaki ghaabhegha mahakata, kiyaha nkongo ghwaamanyikwa kwa mapambiko ghaki. ³⁴Mwenga kibheleko kya liyoka! Mahotola bhuli kukambuka mihalo gha maha, na mwenga alemwa? Kiyaha nnomo ghwa mundu ghwaakambuka ghala gha memiti mu mwoyo ghwaki. ³⁵Mundu ghwa maha ghuyibhuha mihalu ya maha kuhuma mu kitopa kya mwoyo ghwaki, naywo mundu nhakata ghughabhuha mahakata kuhuma mu kitopa kya mwoyo ghwaki.³⁶peni nunguaghombela, mu lisiku lya toso bhandu bha abhuha mbalango mu malagho ghoha gha uhila mahala bha aghakambukiti. ³⁷Kiyaha kwa malagho ghako ghwabhalangwa kukita ghubhegha na shaliya na kwa malagho ghako ghwatoswa uhakata.”³⁸Mbole amoo bha Akaafalisayu na ahunda bha malaghilo bhakinng'ombela, “Nhunda tungupala naho kuhuma kwa ghwenga.” ³⁹Peni mwene kakiayanga, “Kibheleko kihakata na kya utyahe kingupala naho! Peni kyaakamuhwa naho ywohele ngati nga ya mbuye ghwa Chapanga Yona. ⁴⁰Kiyaha handa bhula Yona pakabheghite mu lutumbo lwa homba nyangumi kwa manjubha mandatu pamuhi na pakilo, ubhwabhu Mwana ghwa Mundu katabhegha mu mwoyo ghwa nnima majubha mandatu, pamuhi na pakilo.⁴¹Lisiku lya toso bhandu bha Ninawi bhaayima papamu na kibheleko aki na kukitosa, kiyaha bhene akilipetula pakalandamihitwe na Yona na nnole mu mwenga kabhegha ywakabheghite nkulu kupitingana Yona.⁴²Mutwa nndala ghwa Kusi katayima mu lisiku lya toso na katakitosa kibheleko aki, kiyaha mwene kakihika kuhuma ku uhiko ghwa nnima ngati kakaghayihwe mahala gha Solomoni na mu mwenga kabhegha nkulu kupitingana Solomoni.⁴³Lindilu pakammukiti mundu, katabyela byela mu ng'ebhu yiibheghiti ng'obhe na machi pakipalaha ng'ebhu ya kupumulila, peni katamokola ng'obhe. ⁴⁴Ndo kataghomba, ‘Ndabhuya mu kitutubhi kyangu panmukite’ Naywo pakabhuya kaayibhona kila kitutubhi kya yaghi, yipyaghilwa na kubhikwa maha. ⁴⁵Mbole kataghenda na kbhaghegha mandilu bhangi saba, ahakata kupitingana mwene, nabho bhaayingila na kuatama amwo. Na mu uhiko aywo mundu katabhegha nhakata kupitingana ulongohi. Abhu ndo yabhegha kwa kibheleko aki kihakata.⁴⁶Pakabheghiti mu kulongela na lumati lwa bhandu, ma ghwaki na alongo bhaki akibhegha pa akiyima panje pa akipala kulongela naywo. ⁴⁷Ndo mundu yumu kakinng'ombela, “Ghulole ma ghwako na alongo bhako ayima panje , angupala kuyobhela na ghwenga.”⁴⁸Peni mwene kakinnyanga na kunng'ombela yula mundu, “Ma ghwangu ndo ghani, na alongo bhangu ndo aghani?” ⁴⁹Kakikigholoha kibhoko kyaki kuabhonea ahundwa bhaki, pakilongela, “Abha ndo ma ghwangu na alongo bhangu! ⁵⁰Kiyaha ywaatenda mapalo gha Tate ghwangu ghwa kunani, aywo ndo nnongo ghwangu, nhacha ghwangu na ma ghwangu.”

¹Lisiku alyo alyo Yesu kakihuma panje ya kitutubhi na kakitama pambweha ya Lihibha. ²Lumati lukulu munu lwa bhandu lukikwemukana pa lukintindila mbaka yikinkwiliha kayingile mu bhwato na kakitama amwo, na bhandu bhoha bhakiyima mu mbweha ya luhibha.³Ndo kakiaghombela mihalo miyoloho kwa ndambulo, pakighomba, “Yunakukweta mbeyu kakighenda kukweta mbeyu hyaki. ⁴Pakabheghite mu kukweta mbeyu aywo, yingi yikiponeka mu njila, hiyuni bhakiihonyola. ⁵Mbeyu yingi yikiponeka mu miganga na kukibha ng'obhe na lutupi luchoko. Yikimela kya kuyumbatika kiyaha lutupi lukibha luchoko. ⁶Peni nkenge pa ghukamalili, mimela yila yikiyuma kiyaha ngiya yaki kikiihomeka pahi ng'obhe.⁷Mbeyu yingi yikiponeka mu mikongo ya mihomi, naywo yikiyukwa na mihomi ayo. ⁸Mbeyu yingi yikiponeka mu lutupi lwa maha naywo yikimela na kupapa mbeyu, yingi kya mbinda mabhoko kumi, yingi kya mbinda mabhoko sita na yingi kya mbinda mabhoko ndatu. ⁹Yuna makutu ya kuyihwa kakayihwe!”¹⁰Ahundwa bhaki bhakinng'endela na bhakinkonya, “Kiyaha niki ghungughomba na bhandu kwa ndambulo?” ¹¹Kakiayanga, “Mwenga munemelwa kuyimanya mbwepo ya Ghubhutwa ghwa Chapanga, peni abho kata. ¹²Kiyaha yula ywakabheghite na kilibhi katakamuhwa na kuyonjokehwa, naywo katabhegha na hilibhi hya mahele, peni yula ywakabheghite ng'obhe na kilibhi, na kila kakabheghite nakyo katapokwa.¹³Hinu nikulongela nayo kya mfanu kya kihaya ingaa wangulolekea, wakotokke kulolekea hoto. Na ingawa bhanguyubhwa bhangayubhwa wala kumanya. ¹⁴Umbuye ghwa Isaya utimilika ghwabhe ule kulongelayo, "Nnyuhwe peni kwa namna hyoha kumanya ngati kubhona muwese kulola, Peni kwa namna hyohweli ila kumanya¹⁵Kiyaha mioyo ya bhandu abha yibha na unonopo, anguyihwa ng'obhe kwa makutu yabhe na bhakighaghubika mehu yabhe. Ngati ng'obhe, bhangabhoniti kwa mehu ghabhe, bhangamanyiti kwa mahala yabhe na kunkilibhukila na kualamiha, kaghomba Bambo.’¹⁶Peni mbaha mwenga, kiyaha meho yenu yangubhona na makutu yenu yanguyihwa. ¹⁷Kulyaghila nungubhaghombela, Ambuye na bhandu bha maha ayoloho bhakipalaha kughabhona ghala gha mughabhonitepeni bhakighabhona ng'obhe na kughayihwa ghala gha mughayihwa peni kughabhona kata.¹⁸Naha, nnyihwe fwambulo ya ndambulo ya nkweta mbeyu. ¹⁹Mundu ywohele pakayihwa lilagho lya Ghubhutwa ghwa Chapanga kya nga kulimanya, ndo handa yila mbeyu yi iponikiti mu njila, yula nhakata kaahika na kunyahula kila kimehite mu mwoyo ghwaki.²⁰Yila mbeyu yi iponikiti mu maganga ndo nhwano ghwa mundu ywa ayihwiti lilagho alyo na kamu kangulikingama kwa kuyelelwa. ²¹Peni likibha ng'obhe na ngiya mu ntima ghwaki, katayendelela kulibhika kwa ng'ebhu njoko na na paghuhika n'daluko ghwa hibamanda na mu lung'ahi lwa lilagho alyo kamu kangudunyuka mwoyo.²²Yila mbeyu yi iponikiti mu mikongo ya mihomi, ndo nhwano ghwa mundu ywa ayihwa alyo lilagho, peni bhwaghalili ya nnima aghu na utyahe ghwa utopelo ghukilinyuka lilagho alyo, nalyo kupambika kata. ²³Peni yila mbeyu yiimehitwe mu lutupi lwa maha ndo nhwano ghwa mundu ywa ahihwite lilagho alyo na kulimanya. Kulyaghila aywo kangupambika mapambiko, pakapambika yimo mbinda mabhoko kumi, yungi mbinda mabhoko sita na yungi mbhinda mabhoko ndatu.”²⁴Yesu kakiaghombela bhandu ndambulo yingi pakalongela, Ghubhutwa ghwa Chapanga ghungulihwana na mundu ywakakwetiti mbeyu ya maha mu nng'unda ghwaki. ²⁵Peni bhandu pa abheghiti mu kughonja, nmyanja bhaki kakihika na kakikweta mandendyiha mu yila ngano, na kakighenda. ²⁶Payimelite ngano na kutomola mahonjo, mandendya naywo yakibwituka.²⁷Andumindumi ghwa yula nkolanng'unda bhakinng'endela na kunng'ombela, ‘Bambo, kulyaghila twenga kukikwenta mbeyu ya maha mu nng'unda ghwako. Hinu mandendyiha ghahuma kwoki? ²⁸Kakiayanga, Nmyanja ndo ywakatenditi nnando aghwo.’ Bhakinkonja ‘Hinu ghungupala tughendi tukaghatupule?"²⁹Peni mwene kakiayanga, ‘Ng'obhe, nkotoo kughatupulanga, kiyaha pa mmeghite mu kughatupula mandendyiha maahotola kutupula na ngano yeni. ³⁰Mleki ngano na mandendyiha hikule papamu mbaka mu ndaluko ghwa mabeno. Mu ndaluko aghwo ghwa mabeno ndabhaghombela bhaabeniti bhaakungane mandendyiha huti, bhaghahope hinginja hinginja ngati bhaghayoche mwoto, mbole bhakungane ngano na kuhiyegha mu luhanja lwangu.’”³¹Yesu kakiaghombela kangi ndambulo yingi, “Ghubhutwa ghwa Chapanga ghungulihwana na mbeyu ya nkongo ghwa haladali yiitolitwe na mundu yumu na kuyikweta mu nng'unda ghwaki. ³²Aywo ndi njoko munu kupitingana mbeyu hyoha, peni pa yimeliti kala yabhegha ngulu kupitingana mimela hyoha. Yingukula na kubha nkongo, mbaka hiyuni ghwa kunani bhaahika na kuchenga hiyumba mu mapanyu ghaki.”³³Yesu kakiaghombela ndambulo yingi, “Ghubhutwa ghwa Chapanga ghungulihwana na linjacha lyene nndala kakilitola na kulihangangana mu hiteko hindatu ya ukobha mbaka bhoha ghukitutumuka.”³⁴Yesu kakiaghombela bhandu agha ghwoha kwa ndambulo. Kakiaghombela ng'obhe kyohele kya nga ndambulo. ³⁵Ngati nhalo ghu ukambukitwi na mbuye ghwa Chapanga ghubwitukile, “Ndaghomba nabho kwa ndambulo. ndahumbula ghala ghahihitwi kuhuma kubhumbwa kwa ndamiho ya nnima aghu.”³⁶Mbole Yesu kakialagha bhala bhandu, na kakiyingila mu kitutubhi. Ahunda bhaki bhakinng'endela na bhakinng'ombela, “Ghutufwambulile yila ndambulo ya mandenyiha ku nng'unda.” ³⁷Yesu kakiaghombela, “Nkweta mbeyu ghwa yila mbeyu ya maha ndo Mwana bha Mundu. ³⁸Ghula nng'unda ndo nnima aghu. Yila mbeyu ya maha ndo bhala bhandu bhene ghubhutwa ndo bhabhe. Peni ghala mandenyiha ndo bhala bhandu bha yula nmyanja. ³⁹Nmyanja ywakakwetiti ghala mandenyiha ndo Nchipila. Mabeno ndo uhiko ghwa nndaluko na bhaabenite ndo andumitumi ghwa Kunani kwa Chapanga ghwa Chapanga.⁴⁰Handa bhula mandendyiha pa ghakunganitwe na kuyochwa mwoto, ubhwabhu yabhegha mu uhiko ghwa nndaluko. ⁴¹Mwana ghwa mundu kataalaghila andumitumi ghwaki ghwa Kunani kwa Chapanga, nabho bhataakungana kuhuma mu Ghubhutwa ghwaki kyohele kya anyegheleha ulemwa, na bhoha bha atenditi ulemwa. ⁴²na kubhatagha mu lindukulu lya mwoto, na akwo baalila na kuhyagha mino. ⁴³Mbole bhala bhandu bha maha bhaang'anyima handa nkenga mu ghubhutwa bha Tate ghwabhe. Yunamakutu gha kuyihwa kakayihwe.⁴⁴Ghubhutwa ghwa Chapanga ghungulihwana na utopelo ghuhihitwe mu nng'unda, ghwene mundu yumu pa aghubhoniti kakighuhiha kangi. Kakiyelelwa munu mbaka kakighenda kuhemengana hyoha ywakabheghiti naywo, na kakighuhemela nng'unda ghula. ⁴⁵Kangi ghubhutwa ghwa Chapangu ghungulihwana na nhemeha yumo ywakapalaha lulu ya maha. ⁴⁶Pakapatiti lulu yimo hya utopelo nkulu, kakighenda kuhemengana hyoha ywakabheghiti naywo na kakiihemela yila lulu.⁴⁷Kangi ghubhutwa ghwa Chapanga ghungulihwana na njahe ji itaghwitwi mu lihibha, na yikihomeha homba nhanganganiko. ⁴⁸Payimemiti, bhandu bhakiikwemula pa mbweha ya lihibha, bhakitama na bhakiahaghula homba ghwa maha na bhakiabhika mu hikapu hyabhe na bha maha ng'obhe bhakiatagha.⁴⁹Abhu ndo yabhegha mu uhiko ghwa nndaluko, bbaabwitukila andumitumi ghwa Kunani kwa Chapanga ghwa Chapanga na bhaabhaghula bhandu ahakata na bhala bha maha. ⁵⁰na kuatugha mu lindukulu lya mwoto bhala ahakata. Kwo bhaalila na kuhyagha mino.⁵¹Yesu kakiakonya, “Bhuli, muyimanya fwambulo ya aghwo ghoha?” Bhakinnyanga, “Ena tuhimanya” ⁵²Ndo kakiaghombela, “Hinu naha, nhunda ghwa malaghilo ywohele ywaabheghite nhundwa ghwa ghubhutwa ghwa Chapanga kangulihwana na nkola kaya ywa abhuhite mu utopelo ghwaki hilibhi hya hyono na ya makachu.” ⁵³Yesu pakayomolite kulongela ndambulo ahyo kakibhuka.⁵⁴Na kakighenda ku kijiji kyaki. Akwo kakibhegha mu kuahunda bhandu mu kitutubhi kya konganilo labhe mbaka bhakikangacha, bhakilongela, “Ayu kaghamokola kwoki mahala agha na mihabho? ⁵⁵Buli, ayu ndo yula mwana ghwa nhongola mikongo ng'obhe? Bhuli, ma ghwaki kangukemwa Malia ng'obhe? na alongo bhaki ndo Yakobo, Yosefu, Simoni na Yuda? ⁵⁶Na ahachacha ghwaki ndo abha ng'obhe bha abheghiti papamu na twenga? Hinu kaghamokola kwoki agha ghwoha?”⁵⁷Ndo bhakinlema. Peni Yesu kakiaghombela, “Mbuyi ghwa Chapanga katahokamilwa kwoha, ngati ng'obhe mu nnima ghwaki na mu aghanja bhaki na alongo bhaki” ⁵⁸Kya abhu, kakitenda ng'obhe mihabho miyoloho kwa kya kukotoo kuhyubhalila kwabhe.

¹Mu manjubha agho, mutwa Helode kakiyihwa matiko gha Yesu. ²Ndo kakiaghombela andumindumi bhaki, “Aywo ndi Yohana Yunakubatisa, kahyuka kuhuma kwa bhaahweghiti. Na makakala gha kutenda mihabho ghangutenda lihengu mu mwene.”³Aywo Helonde ndo ywakankamulite Yohana, na kakimmopa na kakimmika mukipbopo kwa kya Helodia nndala ghwa Filipo nnongo ghwak. ⁴kiyaha Yohana kakinnongela Helode kukita, “Yingunoghelwa ng'obhe kwa mwenga kun'tola aywo nndala” ⁵Helode kakipala kunkoma Yohana, peni kakiayoghopa bhandu kiyaha Yohana kakibha Mbuye.⁶Mu chekwa ya kubhelekwa kwaki Helode, nhinja ghwa Helodia kakikina mu ulongolo ghwa ahenja naywo Helode kakiyelelwa munu. ⁷mbaka kakilapa kwa kilapo kunpegha aywo nhinja kyohele kya akipala kukiyupa.⁸Naywo kunu pa akinyeghelehwa na ma ghwaki, kakilongela, “Ghunpeghe mutwe ghwa Yohana Yunakubatisa mu kipumbulu.” ⁹Mutwa kakihyononeka, peni kwa kya kila kilapo kya kya lapiti mu ulongolo ghwa ahenja, kakikwilikiha hamba kakakamuhwe nyupo hyaki.¹⁰Akikwilikiha Yohana Yunakubatisa kakadumulighwe mutwe mula mu kibhopo. ¹¹Mutwe ghwaki ghukiyeghwa mu kipumbulu, na bhakinpegha yula nhinja, naywo kakinnyeghela ma ghwaki. ¹²Mbole ahundwa bha Yohana bhakihika, na bhakiutola ntumba ghwaki na kughukulila. Mbole bhakighenda kunng'ombela Yesu.¹³Yesu pakayihwite agho ghabwitukiliti, kakibhuka bhwato na kakighenda pa ghweka. Peni bhandu pabhamanyiti paaghenditi bhakintughila kwa maghulu kuhuma ku kitami. ¹⁴Mbole Yesu pakahulukiti pa mbweha ya lihibha, kakilubhona lumati lukulu lwa bhandu, na kakiabhonela luhungu, kakialamiha atamwa bhabhe.¹⁵Pa yibheghite makimuhi, ahundwa bhaki bhakinng'endela na bhakinng'ombela, “Apa pa tubheghite ndi pakibhala, na nkenge ghungutipika. Hinu ghubhalaghe bhandu ngati aghende mu hijiji hya bhakahihemelele hilyo.¹⁶Yesu kakiaghombela, “Kya bhuli abhuke? Mwenga ndo bha kuapegha hilyo.” ¹⁷Peni bhene bhakinng'ombela, “Tubhegha na mangati nhano ghweka na homba abhili.” ¹⁸Yesu kakiaghombela, “Mnnyeghela apa.”¹⁹Mbole Yesu Kakiakwilikiha bhandu atame mu manyahi. kakihitola yila mingate nhano na bhala homba abhili, kakilolekeha kunani Kunani kwa Chapanga kakiyinonela yila mingati na kakiyimetulanga, mbole kakiapegha ahundwa bhaki ayo mangati na bhala homba na ahundwa bhakiapegha bhandu. ²⁰Bhandu bhoha bhakilyegha na bhakiyukuta. Mbole ahundwa bhakikungana mahighalo na bhakimemekeha hikapu mbinda mabhoko yimo na hibhili. ²¹Mbalango ya bhalyeghiti ikibhegha alumi elfu nhano, kya nga mbalango ya adala na bhana.²²Kamu kakiakwilikiha ahundwa bhaki ahubhuke mu bhwato, bhanlongolele kumwambo ya lihibha mwene pakabheghiti mu kuhilagha himati ya bhandu. ²³Mbole ya kubhalagha bhandu, kakihubhuka ku kitumbi kya ghweka chaki kutundamila. Payibheghiti makimuhi, mwene kakibhegha akwo kya ghweka chaki. ²⁴Na mumasaa agho ghula bhwato ghukibha kala ugheghela na pakati ya lihibha, peni yikibha mu mapughwo kwa kya liyegha luhiututite.²⁵Pa uhiku ugheghela na malabhila, Yesu kakiaghendela ahundwa pa akityanga unani mwa machi. ²⁶Ahundwa bhaki pa anmmoite pa akityanga unani mwa machi bhakihyoghopa munu, pa bhakighomba, “Ndo lihoka” Bhakituta kyobho kwa lyogha. ²⁷Kamu, Yesu kakighomba nabho, “Mulitetebhale. Nkotoke kuhyoghopa ndo nenga.²⁸Petili kakinngombela, “Bambo, kulyaghila handa ndo mwenga ghunng'ombele nhike kwa mwenga pa nkityanga unani mwa machi.” ²⁹Yesu kakinng'ombela, “Ghunhikile” hinu Petili kakihuluka mu bhwato, na kakityanga mu machi pa akinng'endela Yesu. ³⁰Peni pakabhoniti likusi kakiyingilwa bhwaghalili, naywo kakiyanda kudibala, kunu pa akituta kyobho, “Bambo, ghunlopohe!”³¹Kamu, yesu kakikigholoha kibhoko kyaki na kakinkamula, pakinng'ombela, “Ghwenga ghwa uhyubhalilo nchoko, kya bhuli ghukibhona bhwaghalili?” ³²Na pabhahubhukite mu bhwato likusi kuliyima. ³³Ndo bhoha bha abheghiti mu bhwato bhakintundamila Yesu pa bhakighomba, “Kulyaghila mwenga ndo mwana ghwa Chapanga.” ³⁴Bhakiyomboka lihibha na bhakihika ku nnima ghwa Genesaleti. ³⁵Bhandu bha akwo pa bhanmanyiti bhakikwiha nhalo aghwo kwoha mu nnima aghwo. Habhu, bhakinnyeghela Yesu atamwa bhoha. ³⁶Bhakinnyupa abhalekekehe anbyale nga lupindo lwa lipinda lyaki, nabho bhoha bha anbyaliti akilamihwa.

¹Ndo amoo bha akaafalisayu na ahunda bha malaghilo bhakinhikila Yesu kuhuma ku Yelusalemu na bhakinkonya, ²“Kiyaha niki ahundwa bhako angughakiluka mahundo gha gha aghohi bhetu bha makachu? Kiyaha bhene angukuha ng'obhe mabhoko kukali ya kulyegha.” ³Yesu kakiayanga, “Yibha bhuli na mwenga mungughakiluka malaghilo gha Chapanga kwa kya mabhundo gha aghohi bhenu?⁴Kiyaha Chapanga kakighomba, ‘Ghubhahokamile Tate na ma ghwako’ na ‘Na ywohele ywaanligha tate ebhu ma ghaki, kakakomwe.’ ⁵Peni mwenga munguhunda kukita, mundu pakan'ghombela tate ebhu ma ghwaki, ‘Kila kya kukutanga mwenga nikikibhika kwa kya Chapanga,’ Na aywo ndo na aywo ndo kaatangatile kangi ng'obhe. ⁶Hinu, yingunnogha ng'obhe kunhokamila tate ebhu ma ghwaki! Kya abhu ndo munguliyuyuha lilagho lya Chapanga kya kughatughila mahundo yenu mabhene.⁷Mwenga maafyangu!Isaya kakilondola ya kya hoto ghweka kwa kya mwenga. ⁸‘Bhandu abha bhangunnyitikila kwa milomo yabhe, peni mioyo yabhe yibha kutali na nenga ⁹Kuntundamila kwabhe ndi yayi, nabho malaghilo yabhe ndo ngwiliho ya anabhandu.’”¹⁰Kakilukema lula lumati lwa bhandu na kakilughombela, “Nnyihwani na makamanye. ¹¹Kintenditi mundu kabhe na kinyakali muulongolo ghwa Chapanga ndi kila ng'obhe kinnyingiliti ng'obhe mu nnomo ghwaki, ngati ndo kila kimmukiti mu nnomo ghwaki.¹²Mbole ahundwa bhaki bhakinhikila na bhakinkinya Yesu, “Ghungumanya kukita akaafalisayo bhakikalala munu pakayihwiti mihalo yila yi ghuyikambukiti?” ¹³Peni mwene kakiayanga, “Nmmela ghwohele ghuhomikitwi ng'obhe na tate ghwangu ghwa Kunani kwa Chapanga ghwatupulwa.” ¹⁴Mubhaleke mana bhene ndo hilongohi ghwa nga kulola, bha abhalongohiti bha nga kulola ayabhe. Na handa ywa nga kulola katannlongoha ywanga kulola nnyaki, bhoha abhili bhaayingila mu libhumba.”¹⁵Petili kakiakonyekeha na kakilongela Yesu, “Ghutufwambulile nhwano agho.” ¹⁶Yesu kakiakonyekeha, “Na mwenga nkali kumanya? ¹⁷Bhuli mungumanya ng'obhe kukita kyohele kiyingiliti mu nnomo kyaghenda mu lutumbo na mbole kyabhuhwa panje pakibheghiti kinyakali?¹⁸Peni kila kihumite mu nnomo kinguhuma mu mwoyo, na akyo ndo kinnyingihite mundu kinyakali. ¹⁹Kiyaha mu mwoyo yinguhuma hwachilo ya uhakata, kukoma, utyahe, lumatamata, wihi, uyimiho ghwa uhwangi na kashfa. ²⁰Aywo ndo yakunnyingiha mundu kinyakali, peni kulyegha kya nga kukuha mabhoko kungunnyingiha ng'obhe mundu kinyakali.”²¹Yesu kakibhuka pala na kakighenda mbande ya Tilo na Sidoni. ²²Nndala yumu Nkaanani ywakatamiti ugheghela na mbande aywo kakinhikila, pakilila kunu pakighomba, “Ghunmmonele luhungu Bambo, Mwana ghwa Daudi, nhinja ghwangu kakikwelwa na lindilu na kangubamandika munu.” ²³Peni Yesu kakiyanga ng'obhe nga lilagho limo. Ndo ahundwa bhaki bhakinng'endela pa bhakinnyupa munu, pa bhakighomba, “Ghunng'ombele kaghende kiyaha kanguyendelela kutututila kyobho.”²⁴Yesu kakiayanga, “Nikilaghilwa kwa kya mene ghwa Isilaeli bha ahobhiti.” ²⁵Peni yula nndala kakihika, pakichutama mayughwa mu kibhungi kya Yesu, pakilongela, “Bambo ghuntange” ²⁶Yesu kakinnyanga, “Yibha shaliya ng'obhe kuhitola hilyo ya bhana na kuataghila akabhwa.”²⁷Yula nndala kakinnyanga, “Ena Bambo, peni na akabhwa angulyegha mahighalo ghaaponikiti mu kindangabhanji kya abambo ghwabhe.” ²⁸Ndo Yesu kakinng'ombela, “Nndala, ghuhyubhalilo ghwako nkulu! yibhe kwa mwenga handa ghu upala.” Naywo nhinja bhaki kakilama kuhuma lisaa lila.²⁹Yesu kakibhuka apwo na kakighenda pa mbweha ya lihibha Galilaya, kakihubhuka kitumbi na kakitama. ³⁰Bhandu ayoloho munu bhakinhikila, pa akiayegha atebhalo, ghwa nga kubhona, bha nga kutyanga, bha nga kuyihwa, na bhangi bha mahele, bhakiatamiha mu ulongolo ghwa maghulu ghaki naywo kakialamiha. ³¹Bhandu abho bhakikangacha pa abhoniti bhanga kughomba pa bhakighomba, atebhalo pa bhakilamihwa, bhanga kutyanga pa bhakityanga na bhanga kubhona pa bhakibhona, bhakinkweha Chapanga ghwa Isilaeli.³²Mbole Yesu kakiakema ahundwa bhaki pakiaghombela, “Nungulubhonela luhungu lumati alu lwa bhandu, kiyaha bhakibhegha na nenga kwa manjubha mandatu na abhegha ng'obhe na hilyo hyohele, na nenga mbala ng'obhe kubhalagha pa akibhegha na njala ngati ng'obhe bha hima mu njila.” ³³Ahundwa bhaki bhakinnkonya, “Apa tubhegha pa kibhala, twaamokola kwoki hilyo ya kuakwila bhandu abha bhoha?” ³⁴Yesu kakiayanga, “Mmegha na mangati malingi?” Bhakinnyanga, “Saba na homba bha mandina.” ³⁵Yesu kakilukwilikiha lula lumati lutame pahi.. ³⁶Kaki yitola yila mingate saba na bhala homba, kakinnumba Chapanga, kakihimetulanga na kakiapegha ahundwa bhaki, nabho bhakiaghabhanila bhandu. ³⁷Bhoha bhakilyegha na kuyukuta. mbole bhakikungana mahighalo na bhakimemekeha hikapu saba. ³⁸Bhala bha alyeghiti bhakibhegha alumi elfu ncheche, kya nga kubhanlanga adala na bhana. ³⁹Ndo Yesu kakialagha bhandu, kakihubhuka mu bhwatoka na kakighenda ku magadani.

¹Akaafalisuyu na Akaasadukayu bhakinhikila Yesu pa bhakintyegha, bhakinnyupa kakaabhonehe naho kuhuma ku lihingu. ²Peni Yesu kakiayanga,“Pa ihikiti makimuhi mwenga mungughomba, ‘Lelo kwabhegha na hali ya maha ya mwuhuki kunani ku lihingu mana ni ngeli.³Na pa lukela mungughomba ‘Lelo mu uhiku kwabhegha liyegha kiyaha kunani kubhegha kukele na mahundi ghakikwila.’ Mungumanya ya yabhegha bhuli kwa kulolekeha kunani pamahundi, peni mungulepelwa kughumanya nndaluko aghu. ⁴Kibheleko kya ahakata na kya utyahe kingupalaha naho ya nndaluko, peni kyaakamuhwa ng'obhe naho ywohele ngati nga naho ya Yona. Yesu kakialeka na kakighenda.⁵Pa ayombokiti kala kumwambo ya lihibha, bhakimanya kukita bhakilibhaya kutola mangate. ⁶Yesu kakiaghombela, “Mulindakile na muyilolekehe na linjacha lya Akaafalisayu na lya Masadukayo.” ⁷Bhakighombana bhene kwa bhene, pa bhakilongela, “Kangughomba naha kiyaha tukitola ng'obhe mangati.” ⁸Yesu kakiyimanya hwachilo yabhe, kakialongela, “Mwenga bhandu bha uhyubhalilo nchoko! Bhuli mungughombana kya kukotoo kutola mangati?⁹Bhuli, nkali kumanya? Bhuli munguhwacha ng'obhe pala nighametuliti ghala mangati nhano kwa bhala bhandu elfu nhano? Bhuli mukimemeka hikapu hilingi ya mahighalo? ¹⁰Ebu ghala mangati saba gha ghabhalyegheha bhandu elfu ncheche, bhuli mukikungana hikapu hilingi ya mahighalo.¹¹Hinu bhuli mukimanya ng'obhe kukita nikighomba ng'obhe ya kya mingati? Mulindakile na linjacha lya Akaafalisayu na Akamasadukayu.” ¹²Apwo ndo ahundwa bhakimanya kukita kakiaghombela ng'obhe kulindakila na linjacha lya mangati, ngati mahundo gha Akaafalisaayo na Akaasadukayo.¹³Hinu Yesu pakahikiti ku Kaisalia Filipi kakiakonya ahundwa bhaki, “Bhandu ngughomba kukita nenga Mwana ghwa Mundu ndo ghani?” ¹⁴Bhakinnyanga, “Bhangi angulongela ndo Yohana Yunakubatisa, bhangi Eliya, bhangi Yelemia ebu yumoo ghwa ambuye.” ¹⁵Yesu kakiakonya, “Bhuli, mwenga mungulongela kukita nenga ndo ghani? ¹⁶Simoni Petili kakinnyanga, “Ghwenga ndo kilistu, Mwana ghwa Chapanga yunakulama.”¹⁷Yesu kakilongela, “Mbaha ghwenga, Simoni mwana ghwa Yona, kiyaha kahone mundu ywohele ywa akufwambulila nhalo aghu, ngati Tate ghwangu ghwa Kunani kwa Chapanga. ¹⁸Na nenga ningukughombela, ghwenga ndo Petili na mu litalabha ali nda kichenga kitutubhi kya kutundamila kyangu, mbaka milyango ya kumambe yahotola ng'obhe.¹⁹Ndakupegha kihughulilo kya Kunani kwa Chapanga, kyohele ki ghukitata pannima, kyaatatwa Kunani kwa Chapanga, na kyohele kighukihughula pa nnima, kyahughulighwa Kunani kwa Chapanga ubhwabhu abhu.” ²⁰Mbole kakiakanikiha ahundwa akotoke kunng'ombela mundu ywohele kukita ywombe ndo Kilistu.²¹Kuhuma mu manjubha agho Yesu kakiyanda kuaghombela ahundwa bhaki kukita yingunkwiliha kughenda ku Yelusalemu, na kupata hibamanda miyoloho kwa nyegheleho ya aghohi, akulu bha andundame na ahunda bha malaghilo na handa yingunnogha kuhwegha na mu lisiku lya ndatu katahyuka. ²²Apwo Petili kakintola pa mbegha na kakiyanda kunlakalila, pakighomba, “Chapanga kakaghakandile agha kutali, Nnando aghu ghwakubwitukila ng'obhe!” ²³Peni Yesu kakinghalambukila pakinng'ombela Petili, “Ghubhuki mu kibhungi kyangu, Nchipila! Ghwenga ndo kikwazo kwa nenga. Ghwenga ghwangahwacha gha Chapanga ngati gha anabhandu”²⁴Mbole Yesu kakiaghombela ahundwa bhaki, “Mundu ywohele pakipala kubha nfwasi ghwangu, yingunkwiliha kulilema mwene, kakatole lupingika lwaki na antughile. ²⁵Kiyaha ywohele ywakapala kughulopoha ulami ghwaki kataghuhobheha, peni ywohele ywakaghuhobheha ulami ghwaki kwa kya nenga kataghumokola ulami ghwaki. ²⁶Kiyaha mundu katamokola niki handa kataghukamula nnima bhoha peni kakaghuhobhe ulami ghaki? ebu mundu katabhuha niki badala ya ulami ghwaki?²⁷Kiyaha Mwana bha Mundu katahika mu ukulu ghwa Tate ghwaki papamu na andumitumi ghwaki ghwa Kunani kwa Chapanga naywo katankamuhwa ywohele kwa kya ndendelo yaki. ²⁸Kulyaghila nunguaghombela hoto, Abhengha bhangi bahala apa bhene bhaahwegha ng'obhe kukali na kummona mwana ghwa Mundu pakihika mu Ghubhutwa ghwaki.

¹Mbole ya manjubha sita Yesu kakiatola Petili, na Yakobu na Yohane nnongo ghwaki, kakighenda nabho mbaka kunani mwa kitumbi mu ng'ebhu ya nga bhandu. ²Akowo Yesu kakighalambuka kibhungi mu ulongolo ghwabhe, kibhungi kyaki kikiyaka handa nkenge na mapinda ghaki ghakibha mahuhu handa lumuli.³Kamu bhakiabwitukila Musa na Eliya, pa bhakighomba na Yesu. ⁴Apwo Petili kakinng'ombela Yesu, Bambo, yingunogha twenga tutami apa. Na handa ghupala nda chenga highubi hindatu, Kimoo kyako, Kingi kya Musa na Kingi kya Eliya.⁵Pakabheghite kakali pakighomba agha lihundi liing'anyimiti, likiaghubhika na lilobhe likibhuka mu lila lihundi pa likighomba, “Ayu ndo Mwana ghwa upalo ghwangu, yunyelilitwi naywo munu, mu yihwe mwene.” ⁶Bhala ahundwa pakayihwiti agha bhakighwegha pahi makukama, na bhakiyingilwa na lyogha. ⁷Peni Yesu kakihika na kuabyala pakiaghombela, “Nkotoke kuhyoghopa muyinuke.” ⁸Pabhayinuliti mehu yabhe, bhakimmona mundu ywohele yula maha nga Yesu ghweka chaki.⁹Paabheghiti mu kuhuluka ku kitumbi, Yesu kakialaghila, “Nkotoke kung'ombela mundu ywohele mabhono gha mughabhoniti mbaka Mwana ghwa Mundu pakahyuka kuhuma kwa ahweghiti.” ¹⁰Bhala ahunda bhakinkonja, “Kiyaha niki ahunda bha malaghilo angulongela kukita yingunkwiliha Eliya kahike huti?¹¹Yesu kakiayanga, “Aywo ndo hoto, yingunkwiliha Eliya kahike huti kukeyela mihalo hyoha. ¹²Peni nunguaghombela, Eliya kahika kala, nabho bhakimmanya ng'obhe, na bhakintendela yoha ya abhapalite. Ubhwabhu abhu Mwana ghwa Mundu katabamandwa mu mabhoko yabhe.” ¹³Ndo bhala ahunda bhakimanya kukita kakighomba nabho mihalo ya Yohana Yunakubatisa.¹⁴Pabhahikiti ku lumati lwa bhandu, mundu yumu kakinhikila Yesu na kutundamila mayughwa mu kibhungi kyaki pa akilongela. ¹⁵“Bambo, ghummonele luhungu mwana ghwangu. Mwene kanakihilika na kangubamandika munu. Pipipi kangughwegha mu mwoto ebhu mu machi. ¹⁶nikinnyegha kwa ahundwa bhakopeni bhakilepelwa kunlamiha.¹⁷Yesu kakiyanga, “Mwenga kibheleko kya nga kuhyubhalila na kihobhiti, nda tama na mwenga mbaka pakiki? Mnnyeghe nhongolo apa kwa nenga.” ¹⁸Yesu kakililakalila lila lindilu, nalyo likimmuka yula nhongolona kakilama lisaa lila lila.¹⁹Mbole ahundwa bhakinng'endela kwa kya ghweka chabhe, na bhakinnkonya, “Kiyaha niki twenga tukilepelwa kulibhuha lila lindilu?” ²⁰Yesu kakiayanga, “Kiyaha ya hyubhalilo yenu njoko. Nunguaghombela hoto, Handa pammegha na hyubhalilo njoko handa mbunji ya nkongo ghwa haladali, maahotola kukighombela kitumbi aki, ‘Ghubhuki apa ghughendi pala.’ nakyo kyaabhuka. Na kwabhegha ng'obhe na nnando ghwanga kuhotoleghwa kwa mwenga. ²¹Lindilu lya kya abho kyanga kuyupa na kulingunga kubhuka kata. ”²²Lisiku limo pabhabheghiti papamu akwo Galilaya, Yesu kakiaghombela, “Mwana ghwa Mundu katakamuhwa mu mabhoko gha bhandu. ²³Nabho bhatankoma na mu lisiku lya ndatu katahyuka.” Ahundwa bhaki bhakihyononeka munu.²⁴Mbole ya Yesu na ahundwa bhaki kuhika Kapelinaumu, akamuha sumu ya Kitutubhi kya Chapanga bhakinnhikila Petili na kunnkonya, “Bhuli, nhunda ghwenu kangukamuha sumu ya Kitutubhi kya Chapanga?” ²⁵Petili kakiayanga, “Ena, kangukamuha.” Petili pakabhuyiti ukaya, Yesu kakibha bha ulongohi kulihaghulila, pakinnkonya, “Ghwenga ghungumanya niki Simoni?” Abhatwa ghwa nnima bhangu kamuha toso na sumu kuhuma kwa aghani? Bhuli, kuhuma kwa bhana bhabhe ebu kwa bhandu bhangi?²⁶Petili kakinnyanga, “Kuhuma kwa bhandu bhangi.” Yesu kakinng'ombela, “Hinu bhana bhabhe alekekehwa. ²⁷Peni ngati tukotoke kuamyalula mioyo yabhe, ghughende ku lihibha ghukataghe ndoana. Ghuntole homba ghwa ulongolo ghu ghunhomeha, ghuhughule nnomo ghwaki na ghwayibhona mbiya amwo, ghuyitole ghukakamuhe sumu ya kya ghwenga na nenga.

¹Mu manjubha ghala ahundwa bhakinng'endela Yesu na bhakinkonya, “Ywoki ywakabheghiti nkulu mu Ghubhutwa ghwa Chapanga?” ²Yesu kakinkema mwana yumo, na kakinnyimiha pakati yabhe, ³mbole kakilongela, “Nunguaghombela hoto, handa pa nkilibhuka ng'obhe kubhegha handa bhana, kahone kuyingila mu Ghubhutwa ghwa Chapanga.⁴Ywohele yunakuhihuluha handa ayu mwana, aywo ndo ywakabheghite nkulu mu Ghubhutwa ghwa Kunani kwa Chapanga. ⁵Ywohele yunakunkingama mwana yumo handa ayu kwa lihina lyangu, kangunkingama nenga. ⁶Peni handa mundu ywohele kangunnyegheleha yumoo ywa abha adokwa bhayubhaliliti kakatende ulemwa, yingunnogha munu kakabhopwe liganga likulu lya kuhyaghila mu nntandala ghwaki na kutaghwa mu machi ya lihibha.⁷Kinmone nnima aghu kwa kya mihalu yila yianyegheliti bhandu kutenda ulemwa! mihalu aywo yingukwilihwa kubhegha peni kimmone mundu yula yunakuyinyegheleha. ⁸“Handa kibhoko ebu kighulu kyako kingukunyegheleha kutenda ulemwa, ghukidumule na ghukakitaghe kutali. Yibha mbaha kwa ghwenga kuyingila mu ubhumi paghukibhegha ng'obhe na kibhoko kimo ebu kighulu kimo, chepa kutaghwa mu mwoto pa ghukibhegha na mabhoko mabhili ebu maghulu mabhili.⁹Na liho lyako pa likuhokela ghulikopole na kulitagha kutali. Yibha mbaha kwa ghwenga kuyingila mu ulami na liho limo chepa kutaghwa mu mwoto ghwa nga kuhimika pa ghukibhegha na meho mabhili.¹⁰“Mulindakile! Nkotoke kunnyuyuha yumoo ywa abha adokwa. Nunguaghombela Andumitumi ghwabhe bha Kunani kwa Chapanga manjubha ghoha abhegha mu ulongolo ghwa Bambo. ¹¹Kiyaha Mwana ghwa Mundu kakihika kualopoha bhala bha ahobhiti.¹²Mungubhona bhuli? Handa mundu kabhegha na mene mbinda mabhoko kumi, na yumo mu bhala pakihobha, kataaleka ng'obhe bhala mbinda mabhoko tisa na tisa mu hitumbi na kughenda kunpalaha yula yumo ywakahobhiti? ¹³Naywo mbole ya kunmmona, kulyaghila nunguaghombela, katayelelwa kyanalumu kya aywo mene yumo kupitingana kwa bhala mbinda mabhoko tisa na tisa bhala bha ahobhiti ng'obhe. ¹⁴ubhwabhu abhu Tate ghwenu ghwa Kunani kwa Chapanga kangupala ng'obhe hata nga yumu mu abha adokwa kakahobhe.¹⁵Handa nnongo ghwako kahokela, ghughende kukammonehe uhokelo ghwaki pa mkibhegha abhili ghweka chenu. Handa katakuyihwa ghwaammokola kangi nnongo ghwako. ¹⁶Handa kakuyihwa ng'obhe, ghuntole mundu yumo ebu abhili papamu na ywombe, ngati kwa malobhe bha ayimiho abhili ebu andatu nhalo ghwohele ghupele.¹⁷Handa pakiayihwa ng'obhe abho, ghubhaghombele bhandu bha antundamiliti Chapanga na aywo kabhe kwa mwenga handa bhandu bha nga kummanya Chapanga na akamula sumu.¹⁸Nunguaghombela hoto, kyohele kimukitata pa nnima kyaatatwa Kunani kwa Chapanga, na kimukihughula mu nnima kyaahughulwa Kunani kwa Chapanga. ¹⁹Kangi nunguaghombela, handa abhili mu mwenga bhaalikunga mu nnima kya nhalo ghwohele la kuyupa, Tate ghwangu ghwa Kunani kwa Chapanga kataatendela nnando aghwo. ²⁰Kiyaha pwohele pala pa akwemukiti bhandu abhili ebu andatu kwa kya lihina lyangu, nenga mmegha pakati yabhe.²¹Mbole Petili kakinkonya Yesu, “Bambo, nnongo ghwangu kakanhokele mala yoki? Bhuli mala saba?” ²²Yesu kakinnyanga, "Nungukughombela ng'obhe mala saba, ngati mbinda mabhoko saba mala saba.²³kiyaha Ghubhutwa ghwa Kunani kwa Chapanga ghwahotola kulihwana mutwa ywakapaliti kutenda mbalango yaki ya mbiya na andumindumi ghwaki. ²⁴Pakayanditi kutenda mbalango yaki, mundu yumo ywakabheghiti na nongwa ya mbiya elfu kumi, kakiyeghwa kwa mwene. ²⁵Kiyaha aywo mundu kakibha ng'obhe na makakala ng'obhe ya kubhuyila nongwa aywo, bambo ghwaki kakikwilikiha kakahemelwe, mwene, nndala ghwaki, bhana bhaki na yoha yakabheghiti naywo ngati yila nongwa yikabhuyilwe.²⁶Yula nndumindumi kakichutamila mayughwa pakinnyupa yula bambo pakilongela, ‘Nungukuyupa ghunlimbilile, na nenga nda yibhuyila nongwa yako yoha.’ ²⁷Yula bambo ghwa yula nndumindumi kakimmonela luhungu, na kakiyilekekeha nongwa yaki yoha na kakinneka kakaghende.²⁸Peni yula nndumindumi pakabheghiti mu kubhuka panje, kakikungana na nndumindumi nnyaki ywakannyahikiti mbiya mbinda mabhoko kumi. Kakinkamula, pakinnigha ntandala na pakinng'ombela, ‘Ghummuyilile kila nkuyahikiti.’ ²⁹Yula nndumitumi nnyaki kakichutamila mayughwa, pakinnyupa, ‘Nungukuyupa ghunlimbilile, na nenga nda kubhuyilila nongwa yako yoha.’³⁰Peni kakilema. Mbole yaki, kakighenga kuntagha mu kibhopo mbaka pakabhuyila yila nongwa. ³¹Andumindumi ayake pakabhoniti ghaabwitukiliti, bhakikalala munu, nabho bhakighenda kunng'ombela bambo ghwabhe hilibhi hyoha yi ibwitukiti.³²Ndo yula bambo kakinnkema yula nndumindumi na kakinng'ombela, ‘Ghwenga nndumindumi nhakata! Nenga nikikulekekeha nongwa yako yoha paghunyupiti. ³³Bhuli! yikikungogha ng'obhe kunmonela luhungu nndumindumi nnyako handa nenga pankummoniliti luhungu.³⁴Kwa kiyaghabhu yula bambo ghwaki kakinkamuha yula nndumindumi ghwaki kwa amachonda ghwa kibhopo ngati kakabamandwe mbaka pakabhuyila nongwa yoha ywakayahikitwi. ³⁵Abhu ndo Tate ghwangu ghwa Kunani kwa Chapanga katantendela ywohele mu mwenga handa katalekekeha ng'ohe kuhuma mu mwoyo nnongo ywakanhokiliti.”

¹Yesu pakayomolite kulongela malagho agho, kakibhuka Galilaya na kakighenda ku Yudea, kumwambo ya lukemba Yoldani. ²Lumati lukulu lwa bhandu lukinntughila, naywo kakialamiha ukwaku.³Amoo bha akaafaliayu bhakinnhikila ankonye kya kuntyegha, “Bhuli, yibha tela kwa nnume kunpegha nndala ghwaki lihamba lya kulekana kwa uhakata ghwohele?” ⁴Yesu kakiayanga, “Bhuli, yikityekwa ng'obhe kukita pa nnima apwo Chapanga kakiabhumba mundu nnume na mundu nndala.⁵Pakighomba, ‘Kwa kya abhu mundu katanneka tate ghwaki na ma ghwaki naywo katalongohana na nndala ghwaki na abho abhili bhaabhegha mmili ghumo? ⁶Habhu ndo abhili kangi, ngati mmili ghumo. kya abhu kila kya kya kilungiti Chapanga, mundu kakotoo kughabhanila.”⁷Peni bhene bhakinnkonya, “Handa naha, kiyaha niki Musa kakilaghila kukita mundu katanpegha nndala ghwaki lihamba la kunneka na mbole kanneke?” ⁸Yesu kakiayanga, “Musa kakialekekeha kualeka adala bhenu kya ngakataho ya mioyo yenu. Peni kutandila makachu yikibhegha abho ng'obhe. ⁹Nenga nunguaghombela, ywohele ywakanneka nndala ghwaki chepa kwa nongwa ya utyahe naywo kakatole yungi, aywo kangutyaha. Naywo yunakuntola yula nndala ywakalekitwi kangutyaha ubhwabhu abhu.”¹⁰Ahundwa bhaki bhakinng'ombela, “Handa yibha abhu kya nnume na nndala, mbaha mundu kakotoke kutolela.” ¹¹Yesu kakiaghombela, “Kulikingama lihundo ali kwa bhandu abha kata, ngati kwa bhala bha ahaghulitwi na Chapanga. ¹²Kiyaha kubhegha na nongwa nyoloho ya kuntenda mundu akotokoked kutola, bhangi abhegha mbende na akibhelekwa abho, bhangi kya upalo bha bhandu, na bhangi kya Ghubhutwa ghwa Chapanga. Ywohele ywa kughukingama nhalo aghu na kakaghukingame.¹³Mbole bhandu bhakinnyeghela Yesu bhana adokwa ngati abhayahiki mabhoko ghaki mu mitwe yabhe. Peni ahundwa bhakialakalila bhala bha abhayeghiti. ¹⁴Yesu kakighomba, “Mualekekehe bhanda adokwa ahiki kwa nenga, nkotoo kuakanikiha, kiyaha Ghubhutwa ghwa Kunani kwa Chapanga ndo bha bhala abhighiti handa bhana. ¹⁵Naywo kakiayabhikila mabhoko ghaki mu mitwe yabhe, mbole kakibhuka akwo.¹⁶Mundu yumo kakinhikila Yesu na kakinkonya, “Nhunda ghwa maha ndende kilibhi ghani kya maha ngati nhale ubhumi ghwa manjubha ghoha?” ¹⁷Yesu kakinng'ombela, “Kiyaha niki ghungunkonya ya kya kilibhi kya maha? kahone ywakabheghiti ghwa maha ngati nga Chapanga ghweka chaki. Peni pa ghupala kuyingila mu ubhumi ghakamule malaghilo.”¹⁸Yula mundu kakinkonya, “Ngwilikiho yoki?” Yesu kakinnyanga, “Kukoma kata, utyahe kata, kuyibha kata, uyimiho ghwa uhwangi kata, ¹⁹ghubhayitikile tate ghwako na ma ghwako, na ghunpale nngheghela ghwako handa pa ghulipala ghu mwene.”²⁰Yula nhongolo kakinlongela, “Aywo hyoha nikighakamula, ndende niki kangi? ²¹Yesu kakinng'ombela, “Handa pa ghupala kubha bha maha, ghughende ghukahemengane hyoha ghu ubheghiti naywo na aywo mbiya ghukaapeghe akapukwa, na ghwabhegha na utopelo Kunani kwa Chapanga, mbole ghuhike na undughile.” ²²Yula nhongolo pakayihwiti agho, kakighenda pakihyononeka, kiyaha kakibhegha na utopelo ghwa mahele.²³Ndo Yesu kakiaghombela ahundwa bhaki, “Kulyaghila nunguaghombela, yabhegha unonopo kwa yunautopelo kuyingila mu Ghubhutwa ghwa Kunani kwa Chapanga. ²⁴Kangi nunguaghombela, yabhegha unonopo ng'obhe kwa nnyama ngamia kukinda mu lilanga lya sasia peni chepa kwa yunautopelo kuyingila mu Ghubhutwa ghwa Chapanga.”²⁵Ahundwa bhaki pakayihiti agho bhakikangacha munu na bhakinkonya, “Ndo ghani aywo ywaahotola kulopoka?” ²⁶Peni Yesu kakialolekeha na kakiaghombela. “Kwa anabhandu nhalo aghu kuhotolwa kata, peni kwa Chapanga mihalo yoha yinguhotolwa.” ²⁷Ndo Petili kakinnyanga, “Ghulole, twenga tuhileka hyoha na kukutughila, twamokola niki?”²⁸Yesu kakiaghombela, “Kulyaghila nunguaghombela, Mwana ghwa mundu paatamu mu kiteho kyaki kinakung'anyima kya Utabhala mu nnima ghwa hyono, mwenga munntughiliti maatama mu hiteho mbinda mabhoko yimo na ibhili pa mukiyitosa nongelo mbinda mabhoko yimo na ibhili ya Isilaeli.²⁹Na ywohele ywakalekiti kitutubhi, ebu nnongo, ebu nhacha, ebu tate, ebu ma ghwaki. ebu bhana bhaki, ebu mighunda, kwa kya nenga, katakamuhwa mala mbinda mabhoko kumi kupitingana, na ubhumi ghwa manjubha yoha. ³⁰Peni bha pahina kaabhegha bha kundahe na bha kundahe bhaabhegha bha kuhina.

¹Kiyaha ghubhutwa ghwa Chapanga ghungulihwana na mundu ywakabheghiti na nng'unda ghwa misabibu, ywene ywakayimukiti putiputi kuabhika atenda lihengu mu nng'unda ghwaki. ²Kakilingana nabho kuapegha mbiya yimo kwa siku, mbole kakiayegha mu nng'unda ghwaki ghwa misabibu.³Kakibhuka mu lisaa lya ndatu malabhila, na kakiabhona bhandu bhangi bha ayimiti mu ligulio, akibhegha ng'obhe na lihengu lya kutenda. ⁴Kakiaghombela, ‘Nng'endi makatende lihengu mu nng'unda ghwangu ghwa misabibu, na nenga ndabhapegha shaliya yenu..⁵Ndo bhakighenda. aywo nkola nng'unda kakibhuka kangi mu lisaa lya sita na lya tisa, pakitenda ubhwabhu abhu. ⁶Na mu lisaa lya mbindamabhoko yimo na yimo makimuhi, kakibhuka kangi, kakiabhona bhandu bhangi bhaayimiti pala pa ligulio. Ndo kakiakonya, ‘Kiyaha niki muyima apa leghe leghe tipi kya nga lihengu? ⁷Bhakinnyanga, ‘Kiyaha kakibhegha ng'obhe mundu ywakatupeghiti lihengu lya kutenda.’ Naywo kakiaghombela, ‘Nng'endi makatende lihengu mu nng'unda ghwangu ghwa misabibu.’⁸Mu makimuhi, yula nkola nng'unda ghwa misabibu kakiaghombela nnyapala, ‘Ghuakeme abho atendalihengu na ghubhapehe shaliya yabhe, pa ghukiyanda na bhala bha ahikite mu makimuhi mbole bhala bha ahikiti malabhila bhabhe bha mwisho ⁹Ndo bhakihika bhala bhaahikiti mu lisaa lya mbinda mabho ko yimo na yimo, bhakikamuhwa kila yumo dinali yumo. ¹⁰Bhala bha ulongohi pa bhahikiti, bhakilihwachila kukita bhatakamuhwa kupitingana ayabhe, peni hata bhombe bhakikamuhwa kila yumo mbiya yimo.¹¹Bhakiyikamuha mbiya yabhe, peni bhakiyanda kunhyononokela yula bambo. ¹²Pa akighomba, ‘Bhandu abha bha akikiti makimuhi bhakitenda lihengu kwa lilaa limo ghweka, bhuli ghututendela tela na bhombe ngati twenga tukilimbilila lihengu linakitopa leghe leghe tipi mu nkenge.’¹³Apwo yula bambo kakinnyanga yumoo ywabhe, ‘Ghanja, nikikupugha ng'obhe kilibhi! Bhuli tukilingana ng'obhe kukupegha mbiya yimo? ¹⁴Yitole shaliya yako, ghughende. Nu mwene nikipala mwene kunpegha ayu ghw uhiko mbiya yimo tela na ghwenga.¹⁵Bhuli yingunnogha ng'obhe kutenda kyohele na utopelo ghwangu? Bhuli ghungubhona malili kiyaha nenga ndo mundu ywa maha. ¹⁶Yesu kakiyomola pakighomba, “Ubhwabhu abhu bha mu uhiko katabhegha bha ulongolo na bha ulongolo katabhegha bha uhiko.”¹⁷Yesu pakabheghiti mu kuhubhuka ku Yelusalemu, kakiatola kya ghweka bhala ahundwa bhaki mbinda mabhoko yimo na abhili na kakiaghombela, ¹⁸“Nnyihwe! Tungughenda ku Yelusalemu, na akwo mwana ghwa mundu katakamuhwa kwa akulu ghwa andundame na ahunda bha malaghilo, nabho bhatanntosa kakakomwe. ¹⁹Bhatankamuhwa kwa bhandu bha milima yingi ngati kakayighwe, kakatutwe hinjupunjupu na kubamandwa, peni mu lisiku lya ndatu katahyuka.”²⁰Apwo ma ghwabhe bhana bha Zebedayu kakinhikila Yesu papamu na bhana bhaki, kakichutamila mayughwa mu ulongolo ghwaki na kunnyupa kilibhi. ²¹Yesu kakinnkonya, “Ghungupala niki?” Mwene kakinnyanga, “Chonde, nungukuyupa mu ghubhutwa ghwako mwana ghwangu yumo kakatame mu mbande yako ya nnilo na yungu ku ngiya.”²²Yesu kakinnyanga, “Mwenga mungumanya ng'obhe kila mukiyupa. Bhuli maahotola kunywegha, bhuli mahotola kulimbilia kimbamanda kya nenga?” Bhakinnyanga, “Twahotola.” ²³Yesu kakiaghombela, “Kulyaghila maalimbilila kibamanda kya kya nenga, peni kutama ku mbande ya nnilo ebhu mbande ya ku ngiya alyo lihengu lyangu ng'obhe, nhalo aghwo ghwaakamuhwa bhala bhaabhikitwi kala na Tate ghwangu.” ²⁴Bhala ahundwa bhangi mbinda mabhoko yimo pakayihwa agho, bhakiakalalila abho alongo abhili.²⁵Habhu Yesu kakiakema, na kakiaghombela, “Mungumanya kukita atabhala ghwa milima naguatabhala bhandu kwa makakala, na kuatenda atende lihengu kwa makakala ghabhe. ²⁶Peni kwa mwenga nkotoo kubhegha handa bhene, peni ywaapalite kubha nkulu mu mwenga mbaka kabhe nndumindumi ghwa bhoha. ²⁷na ywaapala kubhegha ghwa ulongolo mumwenga mbaka kabhe nndumindumi ghwenu. ²⁸Handa bhula Mwana ghwa Mundu kakihika ng'obhe kutendelwa lihengu, ngati kutenda lihengu na kughubhuha ubhumi ghwaki ngati kakaalopohe ayoloho.”²⁹Yesu pakabheghiti mu kubhuka ku kitami kya Yeliko, lumati lwa bhandu lukinntughila. ³⁰Hinu pakibhegha na ghwa nga kubhona abhili bha atamiteghe pa mbwegha ya njila, na pabhayihwiti kukita Yesu kangukinda apwo, bhakikweha malobhe yabhe, “Bambo, Mwana ghwa Daudi, ghutubhonele luhungu” ³¹Lula lumati lwa bhandu lukialakalila na kubhalongela anyamale. Peni bhene bhakiyendelela kututa kyobho, “Bambo, Mwana ghwa Daudi, hutubhonele luhungu”³²Yesu kakiyima, kakiakema na kuakonya, “Mungupala nibhatendele niki?” ³³Bhakinnyanga, “Bambo tunguyupa meho ghetu ghahughulilwe.” ³⁴Ndo Yesu kakiabhonela luhungu, kakiabyala meho ghabhe, na kamu bhakihotola kubhona, bhakinntughila.

¹Yesu na ahundwa bhaki paabheghiti ugheghela na Yelusalemu na kuhika Befifage ku kitumbi kya Miseituni, kakialaghila ahundwa bhaki abhili. ²Pakiaghombela, “Nng'endi mbaka ku kijiji kibheghiti mu ulongolo ghwenu na maamona kaputa ywakabhopitwi na mwana bhaki. Mubhahughule na mubhayeghe kwa nenga. ³Handa mundu kabhakonya kiyaha niki mungahughula, mmnyange, ‘Bambo kangunpala,’ naywo kamu kataalekekeha.”⁴Nnando aghu ghukibwituka ngati ghabwituke ghala ghaaghombitwe na ambuye, ⁵Mukighombele kitami kya Sayuni, Nnole mutwa ghwako kanguhika! Ndo mpole na kanhubhuka kaputa, mwanakaputa, mwana ghwa kaputa.⁶Habhu bhala ahundwa bhakighenda kutenda handa bhaalaghilitwi na Yesu. ⁷Bhakinnyegha yula kaputa na mwana bhaki, bhakiyalila ngubho yabhe mu nng'ongo ghwa ghwabhe na Yesu kakitama kunani. ⁸Lumati lukulu lwa bhandu bhkiyalila ngubho yabhe mu njila, na bhandu bhangi bhakidumula maputilo ya mikongo na kuyayalila mu njila.⁹¹⁰Yesu pakabheghiti mu kuyingila Yelusalemu, kitami kyoha kikimema bhulwa, bhandu bhakibha bhakikonya “Ayu ndo ghani? ¹¹“Bhandu mu lula lumati lwa bhandu bhakighomba, “Ayu ndo mbuye Yesu, kuhuma Nasaleti kitami kya Galilaya.”¹²Mbole Yesu kakiyingila ku kitutubhi kya Chapanga, na kakiabhinga bhinga mbaka panje bhala bha abheghiti mu kuhemela na kuhemengana hilibhi mu Kitutubhi kya Chapanga, Kakihipalangula hindambi hya bhala bhaabheghite mukuhemengana ngalabha na hitebho hya bhanakuhemela ngunda. ¹³Pakiaghombela “Yikityekwa mu malembo ghanakunyanyima, ‘Kitutubhi kyangu kyabhegha kitutubhi kya kutundamila.’ Peni mwenga mukitenda kibhe mbaku ya kuahiha apoka.” ¹⁴Amoo bha anga kubhona na anautebhalo bhakinng'endela akwo ku Kitutubhi kya Chapanga naywo Yesu kakialopoha.¹⁵Hinu, akulu bha andundame na ahunda bha malaghilo pabhaghabhoniti mihabho ghakatenditi Yesu, na kangi bhana?" ¹⁶Akalongela, "uhihikwa kila kinacholongela na abha bhandu?" Yesu Kakalongela, ndo! Peni hamjawahi kusoma, 'Mu kwa mindomo lya wana na wana wadoko wanyonyao mna sifa umaha?" ¹⁷Mbole Yesu kakihwacha na kughenda panji ya nnima mu Bethania na kulala huko.¹⁸Malabhila pakabheghite kubhuya kumbwani kabheghite na njala. ¹⁹Kaki bhona nkongo umbwegha mbwegha ya njila kaughendilite peni pakuulongelela "Nkotoke na matunda kwako ngungu jyoha kangi" na mara nkongo ghula unayaluka.²⁰Ahundwa pabhabhonite bhakikangacha na kulongela "Ibheghite nkongo unyaluka mara ghinu?" ²¹Yesu kaki nyanga na kubhaghomkela nungubha ghombela handa pambhegha na uhyubhalilo ya ngali lyogha, matenda ng'o kila kyatenditehwa aghu nkongo tu, peni mwaughombela hata aghu mnnima, utolwe na ukataghwe kilihibha na itendekehitwe. ²²Jyohele kumpala kuyupa kwa sala kunu mu kibha mukipokela.²³Yesu pakahikiti hekaluni akulu bha ndumindumi na akahota bha bhandu bha hikilite ngati kwa mamlaka ghani pautenda mihalo aghi? Nani ghani kampeghite mamlaka aghi? Yesu ²⁴kakijyanga na kubha ghombela, "Nenga kangi nibhakonye swa limu handa paunongela nenga hila hila mungubhaghombela ni kwa mamlaka ghani nungutenda mihalo aghi.²⁵Ubatiso ghwa Yohana ubhukiti koki kunani ghwa Chapanga ebu ghwa bhandu?" bhakikonya bhene, bhakilongela pabhalonglite ubhukiti kunani ghwa Chapanga katatulongelela kihaya mumwanigo. ²⁶Peni patulongela ubhukiti kwa bhandu tungutula ngunganikilo ghwa sababu bhoha bha ngumbona Yohana handa Mbuye. ²⁷Mbole bhakinyanga Yesu na kulongela, "Tumanya ng'o kabhalongela kangi hata nenga ndabha longelela ng'obhi ni kwa mamlaka ghani nungutenda mihalo aghi²⁸Peni munguhwacha niki? mundu yuna bhana bhabhili kaghenda kwa jyumu na kundongela mwana ghwangu, ngende ukatende utendehi mu nugunda ghwa misabibu ²⁹Lelo mwana kanyaga na kulongela,naghenda ng'o, 'Peni mboli ghake na kaghenda. ³⁰Na mundu yula kaghenda kwa mwana ghwa bhili na kulongela kilibhi kila kila. Mwana aghu kanyaga na kulongela, 'ndaghenda Bambo', Peni kangenda ng'o.³¹Jyoki ngati ya bhana bhabili yaatendite matakwa gha Tate ghake? Wakasema, "Mwana ghwa tandi Yesu akabhalongelela hoto nukubhalongelela bha kungana kusumula na ngongola bhajyingila kuutundamila ghwa Chapanga ngali bhene kujyingila. ³²Kwa maana Yohana kahikiti kwa bhombe kwa njila jyelelu. Peni kuuwani ng'obhibha kungana sumula na ngongola walimwanini. na Mwenga, pambonite aghi paitendeka, uwesite ngobhi mbole jyake kumwamini.³³Nyuhanile ninganilo ghingi kukibha na mundu, mundu yuna lutupi lukulu kubhatika musabibu kakibhikila lubhigho kakitendekeha na ndeleko ya kulimbila Divai kakichenga kikugo lya kuhindilila na kabha yahikila kwa watunza sabibu. ni bole kakighenda nnima ghungi. ³⁴Pauhikilite mabeno ya sabibu paghilite kya kibhatuma bhamajyaghi kwa atendehi bha ukanda kanda bha masabibu kutola masasbibu ghake³⁵Peni bha bhakanda kanda misabibu bha kibhatola atenda bhatende bhake bhantuta jyumu, na ankoma jyungi na antuta jyumu kwa maghanga. ³⁶Kangi jyingi mwene nkola kakibhatuma atenda kasi bhangi atangala mtitingano ya bhala bha ulongolo peni akalaa kanda bha misabibu akibhalendelela hila hila. ³⁷Mbole hyake Bambo yula kakintuma kwabhe mwanga ghwake, kakilongela bhatanhokamila mwana ghwangu!'³⁸Peni bhakanda kanda bha misabibu pamboniti nhongolo yula bhakilongilana, ajyu mbala, uhike, tuukome tahale mbala'. ³⁹Naha bhantola, bhantagha panjiya nng'unda ya misabibu na kukoma⁴⁰Bhli nkola nng'unda papala kuhika kata atenda niki bhakanda kanda bha misabibu?" ⁴¹bhandongelela atawakachangana abho bhandu bha hakata munjila ya uhakata nkulu ya ukali muno, na kangi bhakandakanda bhangi bha misabibu bhandu ambao bhahomba kiyaha ya misabibu paiyekala⁴²Yesu kakialongelela nsoma ng'o mu nyandiko, 'Liganga lyaalemiti waashi libhegha liganga likulu lya utandilo ali likihuma kwa Bambo na inangacho mumeho ghetu?'⁴³Hinu nukubholonglolela, Ubhutwa ghwa Chapanga ghatolwa kuhuma kwa mabhene na kupewa nnima unauayenyekeho matunda ghake. ⁴⁴Ywoheli jywaponeka kunani lya liganga ali lyatumunyula hipandi hipande. Peni kwa ywoheli palipala ngwihila lya uhyangha.⁴⁵Akulu bha makuhani na akaafalusayo pabha jyuhwiti ninganilo jyake abhona kangu bhalo ngolela bhene. ⁴⁶Peni pabhapaliti kughinula mabhoko kunani jyake bhakitila ngonganilo kiyaha bhandu bhakindolekeha handa mbuye.

¹Yesu kakighomba nabho kangi kwa ndambulo, ²“Ghubhutwa Kunani kwa Chapanga ghungulihwana na mutwa ywakantendikihite mwana ghwaki chekwa ya kutola. ³Kakialaghila andumitumi ghwaki kuakema bhala bha alalikitwi mu chekwa, peni akilema kuhika.⁴Mbole kakialaghila andumindumi bhangi pa akilongela, ‘Mubhaghombele bhala bha alalikitwi kukita chekwa yibha kala kwa kya mwenga, nhinja kala makambako ghangu na bhana senga bha maha.’⁵Peni bhene akilema, na bhakighenda, yumoo kunng'unda ghwaki, na yungi ku utendehi ghaki. ⁶Amoo bhangi bhakiakamula bhala andumndumi bhake na bhakiatendela ndendelo ya honi na kuakoma. ⁷Yula mutwa kakihyoma muno, kakialaghila amachonda bhaki kuakanjaghana bhala akoma na kughuyocha nnima ghwabhe kwa mwoto.⁸Mbole kakiaghombela andumindumi ghwaki, ‘Chekwa ya kutola yibha kala, peni bhala bha nibhalalikite yikibhanogha ng'obhe kuhika. ⁹Hinu nng'endi mu hipingika ya njila na makaalalike mu chekwa ywohele ma mammona.’ ¹⁰Bhala andumindumi bhakighenda mu njila na bhakiakungana bhandu bhoha bha abhabhoniti, bha maha na ahakata. Lubhagha lwoha lwa chekwa lukimema ahenja.¹¹Peni mutwa pakayingiliti mu lubhagha ngati kakaabhone ahenja, amwo kakimmona mundu yumu ywakahwaliti ng'obhe lipinda lya chekwa ya kutola. ¹²Mutwa kaknkonya, ‘N'ghanja, kukiyingila bhuli amu kya nga lipinda lya kutolela? Yula mundu kakibha ng'obhe na kilibhi kya kughomba.¹³Ndo mutwa kakiaghombela andumindumi ghwaki, "Mummope mabhoko na maghulu na makantaghe panje ku lubhindu, Akwo kwabhegha na kililo na kuhyagha mino. ¹⁴Kiyaha, bhaakemitwe atangala muno, peni bhahaghulitwi achoko.”¹⁵Mbole Akaafalisayu bhakibhuka panji, na bhakighombana kya kuntyegha Yesu kwa malagho ghaki. ¹⁶Ndo bhakialaghila akaafwasi bhabhe papamu na bhandu bha kimati kya Helode nabho bhakinnkonya, “Nhunda, tungukumanya kukita ghwenga ndo mundu ghwa kuyubhalilwa, na kukita ghunguyihunda njila ya Chapanga kwa telatela kya nga kughubhoneha upalo kwa mundu. ¹⁷Hinu ghutughombele, ghwenga ghungubhona bhuli? Yiteghekwa kunpegha sumu mutwa nkulu ghwa Akaaloma ebu ng'obhe?”¹⁸Peni Yesu pakimanya hwachilo yabhe ya uhakata kakiaghombela, “Mwenga maafyangu, kiyaha niki mungupala kuntyegha? ¹⁹Mummonehe mbiya ya kutulila sumu.” Bhakinnyeghela mbiya ya kutulila sumu.²⁰Naywo kakiakonya, “Kibhungi aki na malembo agha ndo gha ghani?” ²¹Bhakinnyanga, “Ya mutwa nkulu ghwa Akaaloma” Ndo Yesu kakiaghombela, “Mumpeghe mutwa nkulu ghwa Akaaloma yiibheghite ya mwene, na Chapanga mnpeghe yiibheghiti yaki.” ²²Pakayihwiti aghwo bhakikangacha. ndo bhakinneka na bhakibhuka.²³Lisiku alyo alyo Akaasadukayo, bhala bhaaghombiti kukita kahone uhyuko bha ahweghiti, bhakinhikila Yesu na kunkonya ngonyo pa akighomba, ²⁴“Nhunda, musa kakilongela, Handa mundu pakihwegha kya nga bhana, nnongo ghwaki kakantole aywo nndala nnekwa ngati kakanpeghe bhana aywo nnongo ghwaki ywakahweghiti.²⁵Ndo pakibhegha na alongo saba mu nnima ghwetu. Yula ghwa ulongohi kakitola nndala, naywo kakihwegha kya nga bhana, ndo kakinnekela nnung'una ghwaki aywo nndala. ²⁶Yikibha ubhwabhu abhu kwa yula nnongo ghwa ubhili na bha undatu, mbaka bhoha saba. ²⁷Mbole yula nndala naywo kakihwegha. ²⁸Bhuli, lisiku lya uhyuko, aywo nnhinja katabhegha nndala ghwa ghani mu bhala alongo saba, kiyaha bhoha bhakintola”²⁹Yesu kakiayanga, “Munguhobha kiyaha mungumanya ng'obhe malembo ebu makakala gha Chapanga. ³⁰Kiyaha bhaahweghiti pa alonda kuhyuka kutola kata ebu kutolelwa kata, ngati bhaabhegha handa andumitumi ghwa Kunani ghwa Chapanga.³¹Peni ya kya uhyuko ghwa ahweghiti mukilihunda ng'obhe kila kya kya alongiliti Chapanga kukita, ³²Nenga ndo Chapanga ghwa Iblahimu, Chapanga ghwa Isaka, na Chapanga ghwa Yakobu? Ywombe ndo Chapanga ghwa ahweghiti ng'obhe ngati ndo Chapanga bha abheghiti na ughumi.” ³³Lula lumati lwa bhandu pa luyihwite agho, lukikangacha munu kya kya mahundo ghaki.³⁴Peni Akaafalisayu pakayihwiti kukita Yesu kakianyamala jii Akaasadukayu, ndo Akaafalisayu akikungana papamu. ³⁵Yumoo ywabhe nhunda ghwa malaghilo, kakinkonya likonyo ngati kakantyeghe, pakilongela. ³⁶“Nhunda, ndo laghilo lyoki mu kitabho kya malaghilo liibheghiti ngulu kupitingana yohwi?”³⁷Yesu kakinnyanga, “‘Ghunpale Bambo kwa mwoyo ghwako ghoha na kwa nhuki ghwako ghoha na kwa mahala ghako ghoha. ³⁸Alyo ndo laghilo kulu kangi lya ulongolo.³⁹Naywo ya ubhili ndo handa aywo, naywo ndo ayi, ‘Ghunpale nngheghela ghwako handa ntima ghwako.’ ⁴⁰Malaghilo agha mabhili ndo kitamiko kya malaghilo na ambuye.”⁴¹Paakwemukiti papamu Akaafalisayo, Yesu kakiakonya. ⁴²“Munguhwacha niki ya kya Kilistu ywakahaghulitwe na Chapanga? Ywombe ndo ghwa kibheleko kyoki?” Bhakinnyanga, “Ywombe ndo ghwa kibheleko kya Daudi.”⁴³Kakiaghombela, “Hinu yibha bhuli aywo Daudi pakakwehitwe na Ntima ghwa Chapanga kangunkema Kilistu ywakahaghulitwe na Chapanga ‘Bambo?’ Kiyaha kakighomba, ⁴⁴‘Bambo kakinng'ombela Bambo ghwangu, ghutame mu mbande yangu ya nnilo, Mbaka pa nonda kubhabhika amyanja bhako pahi ya maghulu ghako.?”⁴⁵Handa Daudi kangunkema mwene ‘Bambo’ Yibha bhuli kabhe mwana ghwaki kangi?” ⁴⁶Kahone mundu ywakahotola kunnyanga lilagho. Kuhumila lisiku alyo kahone mundu ywakapalite kunkonya kangi makonyo.

¹Mbole Yesu kakilughombela lula lumati lwa bhandu papamu na ahundwa bhaki, ²“Ahunda bha malaghilo na Akaafalisayu atama mu kiteho kya Musa, ³Habhu yingunoghelwa kuayitikila na kutendekeha kyohele kya abhaghombiliti. Peni nkotoo kutenda ghala gha aghatenditi, kiyaha bhene angutenda ng'obhe ghala gha aghalandamihiti.⁴Bhene anguyibhopa mihiho mikulu na kuhibhika mu makombi gha bhandu, peni bhene angulema nga kuyikamula kwa hikonji yabhe. ⁵Bhene angutenda ndendelo yabhe yoha ngati abhonekane na bhandu. Anguhwala pete yi ibheghiti na malembo ya malaghilo mu hibhungi yabhe na mumabhoko na kuyonjokeha mapinda yabhe.⁶Angupala kutama mu hiteho ya ng'ebhu ya kuhokamilwa mu chekwa na mu yila hiteho ya kuhokamilwa munu mu hitutubhi ya ngonganilo, ⁷Angupala kujambuhwa mu hindangabhanji na nagupala bhandu abhakeme "nhunda."⁸Peni mwenga nkotoke kukemwa “nhunda.” Kiyaha mmegha na Bambo yumo na mwenga bhoha ndo alongo. ⁹Na nkotoke kunkema ywohele ‘Tate.’ mu nnima aghu kiyaha mmegha na Tate yumu, naywo kabhegha kunani. ¹⁰Kata kukemwa “Nhunda.” Kiyaha mmegha na nhunda yumu ghweka chaki ndo Kilisto.¹¹Aywo ndo nkulu kupitingana mwenga bhoha, na mumwenga katabhegha ndumindumi ghwenu. ¹²Kiyaha ywohele yunakuhiyinula katahululwa na ywohele yunakulihuluha katayinulwa. ¹³Peni kimmone mwenga ahunda ghwa malaghilo na Akaafalisayu maafyangu! kiyaha munguatatila bhandu milyango ya ghubhutwa ghwa Kunani kwa Chapanga. Mabhene munguyingila ng'obhe, na bhala bha apala kuyingila munguakanikiaha. ¹⁴Kimmone mwenga ahunda bha malaghilo na Akaafalisyu, mungulyegha mu hitutubhi ya adala alekwa, kunu mukiyitenda handa ghwa maha, munguyupa nyupo nyoloho. Habhu kibamanda kyenu kyabhegha kikulu. ¹⁵Kimmone ahundwa ghwa malaghilo na akaafalisayu maafyangu! mwenga mutendekeha mwanja mu luhibha na mu nnima nyumu ngati makantende mundu yumu kakakilibhuke na kuatughila mwenga, peni mbole ya kuatughila, munguntenda kabhe nhakata kupitingana kalongohi.¹⁶Kimmone hilongohi ywangalola, Mwenga mungulongela, ‘Handa mundu kakilapa kwa Kitutubhi kya Chapanga, kilapo akyo kya yaghi, peni pakilapa kwa likuta lwa Kitutubhi kya Chapanga, kabhopwa mu kilapo kyaki. ¹⁷Mwenga manga lola ahila mahala! Ndo kyoki kiibheghiti kikulu kupitingana kingi, lula lukuta ebu kila Kitutubhi kya Chapanga akyo kiibhikiti alwo lukuta lubhe lwa kya Chapanga.¹⁸Kangi nungughomba, ‘Mundu pakilapa kwa likuta, akyo kilibhi ng'obhe, peni pakilapa kwa nyambi yiibheghiti mu likuta, kabhopwa mu kilapo kyaki.’ ¹⁹Mwenga mangalola! Ndo kyoki kikulu mu aywo, yila nyambi, ebu lila likuta liitenditi aywo nyambi yibhe ng'anyimo?²⁰Habhu, mundu ywaalapa kwa likuta, kangulapa kwa alwo likuta na yoha ya abheghiti unani ghwaki. ²¹Naywo mundu ywaalapa kwa Kitutubhi kya Chapanga, kangulapa kwa akyo Kitutubhi kya Chapanga na kwa aywo ywa atama mu Kitutubhi akyo. ²²Naywo yunakulapa kwa kunani kwa Chapanga, kangulapa mu kiteho kya utabhala kya Chapanga na kwa aywo ywa atama mu kiteho akyo.²³Kimmone mwenga ahunda bha malaghilo na Akaafalisayu maafyangu! Peni kinmone! Kwa mwenga, Makaafalisayo kiyaha mungunpegha Chapanga matulo gha kimati kya mbinda mabhoko yimo kwa manyahi ghaanungila nyanyi, binsali na jila peni mukiyileka mihalo mikulu ya malaghilo, ndo shaliya, luhungu na uhyubhalilo. Agho yinguakwiliha kughatenda kya nga kughabhaya ghangi. ²⁴Mwenga hilongi bha ngalola, mungunbhuha inzi na mungunlyegha nnyama ngamia!²⁵Kimmone ahunda bha malaghilo na Akaafalisayu afyangu! kiyaha munguhulula panje ya nnobho na panje ya kipumbulu, peni nkati mumema hilibhi muyipatite kwa upoka na ughwimi. ²⁶Mwenga Akaafalisayu mangalola! Mughulule huti nkati ya nnobho na hipumbulu, ndo panje paabhegha nyanyi.²⁷Kimmone mwenga ahunda bha malaghilo na Akaafalisayu afyangu! Mungulihwana na mandogholo gha ghalembwitwe maha yene pa panje ghangubhonekana maha peni nkati yabhegha na mihupa ya bhaahweghiti na hinyakali hyoha. ²⁸Ubhwabhu abhu, na mwenga kya panje mungubhonekana mmegha na shaliya peni nkati mmema utyahe na uhakata.²⁹Kimmone mwenga ahunda bha mmalaghilo na Akaafalisayu afyangu! Munguchenga mandogholo gha ambuye na kughalemba mandogholo gha abheghiti na shaliya. ³⁰Na mwenga mungughomba, ‘Handa tungalamiti mu majubha gha aghohi ghwetu, tukibhegha papamu nabho ng'obhe mu kuakoma ambuye. ³¹Habhu munguyiyimiha mabhene kukita mwenga ndo bhana bha bhala bhaabhakomiti ambuye.³²Hinu naha, mughumemekehe nteko ghwa uhakata ghwa atate ghwenu. ³³Mwenga kibheleko kya liyoka yuna sumu! Mahotola bhuli kuchepuka toso ya kumambe?³⁴Kiyaha ya kya agha nnole nunguayeghela ambuye na bha abheghiti na shaliya na bhana mahala na ahunda. Amoo bhangi maakoma na kuamangalila, amoo maatuta hinjupunjupu mu hitutubhi ya ngonganilo yenu na amoo maatugha kuhuma kitami kimo mbaka kitami kingi. ³⁵Habhu ghula mwahi ghwa abheghit na shaliya bhoha yiiyikitite munnima aghu, kuhumila mwahi ghwa Abeli, ywakatenditi uhakata ng'obhe, mbaka mwahi ghwa Zakaliya mwana ghwa Balakia, munkomiti pakati ya pang'anyimo na likuta, yabhahikila unani mwa mwenga. ³⁶Kulyaghila nunguaghombela agha ghoha gha ahika mu kibheleko aki.³⁷“Ghwenga Yelusalemu, mubhakomiti ambuye na kuatuta kwa maganga bhala bha alaghilitwi kwa mwenga! Pakiki nikilitumba kuakungana bhana bhako, handa bhula nguku paakungana bhana bhaki mu mbawa yaki, peni ghukilema! ³⁸Ghulole kitutubhi kyako kikilekwa yaghi kangi ukibha. ³⁹Kiyaha nunguaghombela, maanmona kangi ng'obhe mbaka lijubha lila panlongela, ‘Kanemelwa ywene yunakuhika kwa Lihina lya Bambo.’”

¹Yesu kakibhuka mu Kitutubhi kya Chapanga na pakabheghiti mu kubhuka, ahundwa bhaki bhakinng'endela ngati bhakammonehe hitutubhi ya Kitutubhi kya Chapanga. ²Peni kakiakonyekeha, “Bhuli, mungughabhona agha ghoha? kulyaghila nunguaghombela, lyabhegha nga liganga limo lya highala apa unani ghwa lingi, hyoha yaakanjaghanwa.”³Yesu pakatamiti ku kitumbi kya Miseituni, ahundwa bhake bhakinng'endela kya ghweka chabhe, na bhakinkonya, “Ghutughombele, mihalo ayi yaabwitukila pakiki? Na naho yoki yaabhoneha kuhika kwa ywome na uhiko ghwa ndaluko?” ⁴Yesu kakiayanga, “Mulindakile, mundu kakotoo kuakulubha. ⁵Kiyaha atangala bhaahika kwa lihina lyangu paakighomba, ‘Nenga ndo Kilisto ywakahaghulitwi na Chapanga,’ Nabho bhaakulubha atangala.⁶Maayihwa mihalo ya mikoha na mbwepo ya mikoha, mulindakile nkotoo kuhyoghopa, kiyaha agho mbaka ghabwitukile, peni ghula uhiko ghwaabhegha kala ng'obhe. ⁷Nnima ghumo ghwaatutana na nnima ghungi na ghubhutwa ghumo na ghungi. Kwaabhegha na lung'ahi lwa njala na ndetemo ya lutupi mu ng'ebhu nhanganganiko. ⁸Agha ghoha ndo ghambegha ulongohi ghwa kupapa.⁹Ndo maakilukwa, ngati mubamandwe na kukomwa. na mwenga maakalalilwa na milima yoha kwa kya nenga. ¹⁰Mu manjubha agho, atangala bha aleka uhyubhalilo ghwabhe, na bhaakilukana bhoha yumo na yungi na kukalalilana. ¹¹Bhaabwitukila ambuye ayoloho bha uhwangi, na bhaakulubha bhandu atangala.¹²Kwa kya kuyonjokeha kwa uhakata, upalo ghwa bhandu ayoloho ghwaapela. ¹³Peni yula yunakulimbilila mbaka uhiko ndo katalopoka. ¹⁴Nhalo ghwa Maha ghwa Ghubhutwa ghwalandamihwa mu nnima ghwoha, ghubhe uyimiho kwa milima yoha. Ndo ghula uhiko ghwaahika.¹⁵Hinu pammona kila Kilibhi kinakunnyaghabhiha Chapanga kiilongilitwi na mbuye Danieli kikiyima mu ng'ebhu yinakung'anyima, yunakusoma kakamanye. ¹⁶ndo bhala bha abheghiti ku Yudea kakatughile ku hitumbi. ¹⁷Na yula ywaabheghiti ku linyakaa lwa kitutubhi kakotoke kuhuluka ngati kakatole kyohele mu kitutubhi kyaki, ¹⁸Ywaabhegha kunng'unda kakotoke kuhuya ukaya kutola lipinda lyaki.¹⁹Kibhabhone bhala bha abheghiti na ndumbo na bha abheghiti na bhana nonono mu manjubha agho! ²⁰Nnyupe ngati kutugha kwa mwenga kukotoo kubhegha mu nndaluko ghwa malili ebu lisiku lya Kupumulila. ²¹Kiyaha mumanjubha agho kwabhegha na lung'ahi lukulu kubitukila kata kuhuma kubhumbwa kwa nnima mbaka lelo, ebu yaabhegha ng'obhe. ²²Handa manjubha agho ghahutitaghwa ng'obhe, kahone nga nga mundu yumo yaalopoka, peni ya kya ahaghulwa manjubha agho ghaahupitwagha.²³Mumanjubha agho handa mundu ywohele kataaghombela, ‘Nnole, Kilisto ywakahaghulitwe na Chapanga kabha apa ebu Kilisto ywakahaghulitwe na Chapanga kabha kula!’ nkotoke kuhyubhalila. ²⁴Kiyaha bhaabwitukila makilisto ghwa uhwangi na ambuye ghwa uhwangi na bhaatenda naho ngulu na mihabho minyoloho ngati kuahokela, na muno bhala ahaghulwa. ²⁵Mulindakile kiyaha ninguaghombela kala kukali na kubwitukila.²⁶Hinu mundu ywohela pakiaghombela, ‘Kabha kula ku kibhala,’ nkotoke kughenda akwo. Ebu pakilongela, ‘Kabhegha mu nyumba kati,’ nkotoke kuhyubhalila. ²⁷Kiyaha handa bhula lung'ali lwa njahe palubwitukiti ku ngeha na kubhonekana mbaka kulutipikiti luchubha, habho ndo yaabhegha kuhika kwaki Mwana ghwa Mundu. ²⁸Kiyaha pwohele paghubheghiti ntumba, akwo ndo bhaakungana hiyuni bha akemitwe tai.²⁹Kamu mbole ya lula lung'ahi ghwa manjubha ghala, nkenge ghwayingilwa lubhindu, na lubhalamwehi kumwulika kata na ndondwa yaaponeka kuhuma kunani, na makakala gha kunani ghaatingilinganika.³⁰Ndo yabhonekana naho ya Mwana ghwa Mundu mu mahundi gha kunani, mu makakala na ukulu mukulu. ³¹Naywo katalaghila andumitumi ghwaki kwa lilobhe likulu lwa lipalata, nabho bhaakungana ahaghulwa bhaki kuhuma mu mbande hyoha ncheche ya nnima, kuhuma mu uhiko ghumo ghwa nnima mbaka uhiko ghungi.³²Mulihunde kuhuma mu nkongo ghwa tini. Maputilo ghaki pa ghayanda kutomola mahamba, nmanyi kukita nndaluko ghwa mabeno ghuheghelela. ³³Hata habhu, pa mmona mihalo aywo pa yibwitukila, mmanyi kukita, Mwana ghwa Mundu kabha ugheghela.³⁴Kulyaghila nunguaghombela, kibheleko aki kyaakinda ng. obhe mbaka mihalu ayi yoha yibwitukile. ³⁵Kunani kwa Chapanga na nnima ghwaakinda, peni malagho ghangu kukinda kata.³⁶Kwa nhalo ghwa lisiku lila na lisaa kahone ywa amanya, mbaka andumitumi ghwa kunani ghwa Chapanga ebu Mwana ghwa Mundu, ngati nga Tate ghweka chaki.³⁷Handa payibheghiti mu majubha gha Nuhu, ubhwabhu ndo yabhegha kuhika kwa Mwana ghwa Mundu. ³⁸Kiyaha majubha ghala kukali na ndimbwi ya machi, bhandu bhakibhegha pa akilyegha na kunywegha, pa akitola na kutolelwa, mbaka mu lisiku lila Nuhu pakayingiliti mu ghula bhwato, ³⁹na bhakimanya ng'obhe kyohele mbaka payihika yila ngumbwa ya machi na kuapukila bhoha. Yabhegha ubhwabhu paalonda kuhika Mwana ghwa Mundu.⁴⁰Bhandu abhili bha abhegha ku nng'unda, yumoo katanyaghulihwa na yungi katalekwa. ⁴¹Adala abhili bhaabhegha mu kuhyagha papamu, yumoo katanyaghulihwa na yungi katalekwa. ⁴²Hinu, nkilukihe kiyaha mwamanya ng'obhe lisiku lyoki lyaahika Bambo ghwenu.⁴³Peni mughumanye nhalu aghu kukita, handa nkola kaya kangamanya mu lisaa lyoki pa kilo lya mwihi kuhika, kangalikilukiha na kangalikileka ng'obhe kitutubhi kyaki kikanjaghanwe. ⁴⁴Habhu na mwenga yinguakwiliha kubha kala, kiyaha Mwana ghwa Mundu katahika lisaa mu lisaa muulimanyiti ng'obhe.⁴⁵Ndo ywoki ywakabheghiti ndumindumi ghwa kuhyubhalika na yuna mahala mwene bambo ghwaki kammika kuyimilila andumindumi bhangi mu lubhagha lwaki, ngati abhapeghe hilyo mu lisaa lya hilyo? ⁴⁶Mbaha nndumindumi yula ywene bambo ghwaki paabhuya katammona pakitenda habho. ⁴⁷Kulyaghila nunguaghombela, katammika ndumindumi aywo kabhe nnyimilila ghwa utopelo ghwaki ghoha.⁴⁸Peni handa aywo nndumindumi ndo nhakata naywo pakighomba mu mwoyo ghwaki, ‘Bambo gwangu kangukabhalila majubha yatangala,’ ⁴⁹mbole pakayanda kuatuta andumindumi ayaki na kulyegha na kunywegha papamu na alevi, ⁵⁰bambo ghwa nndumindumi aywo katahika lisiku lyaamanyiti ng'obhe na lisaa lya alimanya ng'obhe. ⁵¹Katanndumula aywo nndumindumi hipalamande hipalamande na kunbhika mu ng'ebhu yimo na afyangu, mu ng'ebhu yaabhegha na kililo na kuhyagha mino.

¹Mu manjubha agho, Gubhutwa ghwa Kunani kwa Chapanga ghwabhegha handa akabhali mbinda mabhoko yimo bhaatoliti mambamba yabhe na kughenda kunkingama bambo yunakutola. ²Nhano mu bhene akibha ahila mahala, na nhano bhakibha na mahala. ³Bhala ahila mahala bhakitola mambamba yabhe peni akitola ng'obhe mahuta ghangi. ⁴peni bhala bha abheghiti na mahala bhakitola mambamba yabhe na mahuta ghangi mu kyupa.⁵Bambo yunakutola pabhila kuhika bhala akabhali bhoha bhakitopelwa ng'ono na akighonja. ⁶Uhiku pa kilo kati pakibhegha na kyobho, ‘Nnole, bambo yunakutola kanguhika! Mmuke panje kunkingama.’⁷Ndo bhala akabhali bhoha bhakiyimuka na kughatendekeha mambamba yabhe. ⁸Bhala ahila mahala bhakiaghombela bhala bha abheghiti na na mahala, ‘Mutupeghe mahuta ghenu kidokwa, mambamba ghetu ghanguyimika.’ ⁹Peni bhala bha abheghiti na mahala bhakiayanga, ‘Kata, kiyaha ghangutukwila ng'obhe twenga na mwenga. Mbaha nng'endi anakuhemengana mukahemele mahuta yenu.’¹⁰Na pa abheghiti mu kughenda kuhemela mahuta, bambo yunakutola kakihika. Bhala akabhali bha abheghiti kala, bhakiyingila mu nyumba papamu naywo mu chekwa ya kutolela na nlyango ghukitatwa. ¹¹Mbole yaki bhala akabhali bhangi nabho bhakihika, na bhakikema, ‘Bambo! Bambo! Ghutuhughulile nlyango.’ ¹²Peni Bambo yunakutola kakiayanga, ‘Kulyaghila nunguaghombela, nunguamanya ng'obhe.’ ¹³Yesu kakiyomola pa akilongela, “Hinu nkilukihe, kiyaha mungumanya ng'obhe lisiku ebu lisaa.¹⁴Kangi, Ghubhutwa ghwa Kunani kwa Chapanga ndo handa mundu ywakapala kughenda ku mwanja, kakiakema andumitumi ghwaki na kuakamuha utopelo ghwaki. ¹⁵Yumoo kakinpegha mihako nhano ya mbiya, na yungi mihako mibhili ya mbiya, na yungi nhako ghumo ghwa mbiya, bhoha bhakikamuhwa kya makakala ghabhembole mwene kakibhuka. ¹⁶Kamu yula ywakakamuhitwe mihako nhano ya mbiya kakighenda mu kuyitendela lihengu kakimokola mihako ya mbiya nhano mingi.¹⁷Ubhwabhu abhu yula ywakakamuhitwe mihako mibhili ya mbiya kakimokola mihako mingi ya mbiya mibhili. ¹⁸Peni yula nndumindumi ywakakamuhitwe nhako ghumo ghwa mbiya, kakighenda na kakibukula libhumba mu lutupi na kakiyihiha yila mbiya ya bambo ghwaki.¹⁹Mbole ya nng'ebhu nyoloho yula bambo ghwa bhala andumitumi kakibhuya na kutenda mbalango na bhene. ²⁰Kakihika yula nndumindumi ywakakamuhitwe mihako nhano ya mbiya, kakiyegha mihako yingi nhano ya mbiya. Na kakilongela, ‘Bambo ghukinkamuha mihako nhano ya mbiya, nnole nikimokola mihako mingi nhano.’ ²¹Bambo ghwaki kakinng'ombela, ‘Ghutenda maha munu, nndumitumi ghwa maha na bha kuhyubhalilwa! ghukitenda maha kwa hilibhi hichoko, ndakubhika kubha nnyimilila ghwa hilibhi hitangala. Nhike ghuyelelwe papamu na bambo ghwako.’²²Yulaa ywakabheghiti na mihako mibhili ya mbiya naywo kakihika. Na kakilongela, ‘Bambo, kwa nenga ghukibhika mihako mibhili ya mbiya. Nnole nikimokola mihako mibhili mingi.’ ²³Bambo ghwaki kakiyanga, ‘Ghutenda maha munu, nndumindumi ghwa maha na ghwa kuhyubhalikwa, ghukitenda maha mu mihalo michoko, ndakubhika kubha nnyimilila bha hilibhi hitangala. Ghuhike ghuyelelwe papamu na bambo ghwako.’²⁴Mbole yula nndumindumi ywakakamuhitwe nhako ghumo ghwa mbiya kakihia na kakilongela, ‘Bambo, Nikimanya kukita ghwenga ndo mundu n'nonopo, ghuubeniti pala pa ghukwetiti ng'obhe na kukungana pala pa ghupwilinganiti ng'obhe mbeyu. ²⁵Hinu nikihyoghopa, nikiyihiha mbiya yako mu lutupi. Nnole, aghu apa ghuubheghiti utopelo ghwako.’²⁶Bambo ghwaki kakinnyanga, ‘Ghwenga nndumitumi nhakata, Ghukimanya kukita ningubena kila ki ngwetiti ng'obhe na kukungana pala nipwilinganiti ng'obhe mbeyu. ²⁷Hinu, yingukukwiliha kuyibhika mbiya yangu kwa akamuha liba ngati pa muyiti ndole yiibheghiti yangu na mokolo.²⁸Habhu, munpoke agho nhako ghwa mbiya na makanpeghe ywabheghiti na mihako mbinda mabhoko yimo. ²⁹Kiyaha ywohele ywa abheghiti na kilibhi katayonjokehwa na ywaabhegha na yamahele. Peni kwa yula ywa abheghiti ng'obhe na kilibhi na kila kakabheghiti nakyo katapokwa. ³⁰Na aywo nndumindumi nhakata muntaghe panje, mu lubhindu, mu ng'ebhu ya kililo na kuhyagha mino.’³¹Paahika Mwana ghwa Mundu mu ukulu ghwaki na andumitumi ghwa kunani kwa Chapanga papamu naywo, apwo ndo katatama mu kiteho kya utabhala kya ukulu ghwaki. ³²Bhaakwemukana bhandu bha milima yoha mu kibhungi kyaki, naywo kataabhaghula handu nhakila pa abhabhaghuliti mene na mbuhi. ³³Kataabhika mene mu mbande yakiki ya nnilo na mbuhi ku ngiya kwaki.³⁴Ndo mutwa kataaghombela bhala bha abheghiti mu mbande yaki ya nnilo, ‘Nhike mwenga munemilitwi na Tate ghwangu, mughuhale Ghubhutwa ghuutendikihitwi kwa kya mwenga kumumila pa kubhumbwa kwa nnima. ³⁵Kiyaha pammeghiti na njala mukimbegha hilyo, pa nnyumilwa, mwenga mukimbegha machi ghwa kunywegha, na pammegha nhenja mukinngingama, ³⁶pa mmegha uhula mukinhwaliha mapinda, pammegha ntamwa mukinlela, na pammegha mu kibhopo mukihika kuntyangila.’³⁷Ndo bhala bha abheghiti na shaliya bhakilongela, ‘Bambo, ndo lisiku lyoki tukikubhona na njala na tukikulyegheha ebu ghuyumilwa ndo tukikunyweghela machi? ³⁸Lijubha lyoki tukikubhona nhenja tukikukingama ebu uhula tukikuhwaliha? ³⁹Kangi lijubha lyoki tukikubhona ntamwa na twenga tukikubhika ebu pa ghubhegha mu kibhopo tukikutyangila?’ ⁴⁰Naywo Mutwa kataayanga, ‘Kulyaghila nunguaghombela, kwa kya mubhatendiliti yumoo ghwa abha alongo ghwangu adokwa, ndo mukindendela nenga.’⁴¹Mbole kataaghombela bhala bha abheghiti mu mbande yaki ya ngiya, ‘Mmukane kwa nenga mwenga mukotolitwe, nng'endi mu mwoto ghwa nga kuhimika ghuutendikihitwi kwakya nchipila na mandilu andumitumi ghwaki, ⁴²Kiyaha nikibha na njala na mukimbegha ng'obhe hilyo, nikinyumilwa, kummbegha machi kata. ⁴³Nikibha nhenja peni kungingama kata, nikibha uhula peni kunhwaliha kata, pammegha ntamwa kunlela kata na pammegha mu kibhopo kunndyangila kata.’⁴⁴Ndo bhene nabho bhaayanga, ‘Bambo lisiku lyoki alyotukikubhona pa ghukibha na njala ebu ghunyumilwa ebu kukibhopo ebu uhula ebu paghubhegha ntamwa na mukibhopo na tukikulela ng'obhe? ⁴⁵Mutwa kataayanga, ‘Kulyaghila nunguaghombela, kwa kya mulema kubhatendela yumoo ywa abha alongo adokwa, ndo mukilema kundendela nenga.’ ⁴⁶Hinu abho bhaayingila mu kihyato kya manjubha ghoha, peni bhala bha abheghiti na shaliya bhaayingila mu ughumi ghwa manjubha ghoha.”

¹Yesu pakayomoliti kughaghomba agho ghoha, kakiaghombela ahundwa bhaki, ²“Mungumanya kukita mbole ya majubha mabhili yabhegha Pasaka, naywo Mwana ghwa Mundu katakilukwa ngati kakamangalilwe.”³Ndo hilongohi bha andundame na aghohi bha bhandu bhakikwemukana mu kitutubhi kya utabhala kya Ndundame Nkulu, lihina lyaki Kayafa. ⁴Bhakighombana ngati ankamule Yesu kwa mbwepo na ankome. ⁵Peni bhakighomba, “Yikotoke kubhegha mu chekwa, ngati ng'obhe yaabwitukila bhulwa mu bhandu.”⁶Yesu pakabheghiti ku Betania mu lubhagha lwa Simoni ywakabheghiti na maloha, ⁷nndala yumo kakinhikila na kyupa kya mahuta ghanakunungila munu ya ngalabha ngulu, kakighapopokehela mu mutwe ghwa Yesu pakabheghiti pa kulyegheha hilyo. ⁸Peni ahundwa bhaki pakaghabhoniti aghwo bhakikalala, bhakilongela,“Ghuhobheha mbiya aghu ghwa niki? ⁹Mahuta agha gha kunungila ghangahemelwa kwa ngalabha ngulu na mbiya aywo bhangakamuhwa akapukwa.”¹⁰Yesu kakighamanya mahwacho ghabhe, “Kiyaha niki mungunng'aha nndala ayu? Mwene kantendela nhalo ghwa maha munu. ¹¹Makapukwa maabhegha nabho manjubha ghoha, peni maabhegha ng'obhe na nenga manjubha ghoha.¹²Pakanpopokihiti agha mahuta mu mmili ghwangu, kangummika kala kwa kya ngulilo yangu. ¹³Ninguaghombela hoto, kwohele paalandamihwa Nhalo ghwa Maha mu nnima ghwoha, nhalu aghu ghaautenditi ghwaakambukwa, kwa hwachilo yaki.¹⁴Mbole Yuda Isikalioti, yumoo ywa bhala mbinda mabhoko yimo na abhili, kakighenda kwa hilongohi bha mandundame ¹⁵na kakikonya, “Manpegha niki handa ndankamuha Yesu kwa mwenga?” Bhakinkamuha Yuda hipalamande mbinda mabhoko ndatu ya mahabha. ¹⁶Kuhuma lisaa alyo kakipalaha ng'ebhu ya maha ya kunkiluka.¹⁷Lisiku lya ulongohi lya chekwa ya mangati ya nga linjacha, ahundwa bhakinhikila Yesu na bhakinkonya, “Ghungupala tukakutendekehele kwoki pa kulyeghela Pasaka?” ¹⁸Kakiyanga, “Nng'endi kwa nnume yumu akwo ku kitami, na makanng'ombele, ‘Nhunda kaghomba naha, lisaa lyangu liheghelela, na mu lubhagha lwako ndalyegha Pasaka papamu na ahundwa bhangu.’” ¹⁹Ndo ahundwa bhakitenda handa pakaghombilitwi na Yesu, nabho bhakitendekeha Pasaka.²⁰Payihikiti makimuhi Yesu kakitama pa kulyegheha papamu na bhala mbinda mabhoko yimo na abhili. ²¹Na paabheghiti mu kulyegha Yesu kakilongela, “Kulyaghila nunguaghombela yumoo ywenu katangiluka.” ²²Bhene bhakihyononeka munu, bhakiyanda kukonya yomoo mbole ya yungi, “Bhuli Bambo, nenga?”²³kakialongela, “Yula ywakachikiti hikonji yaki papamu na nenga mu kipumbulu, ndo katanngiluka. ²⁴Mwana ghwa Mundu kangughenda chaki handa paantyekiliti. Peni kimmone yula ywaankiluka Mwana ghwa Mundu. Yaabhegha mbaha kwa mwene kakotoke kubhelekwa” ²⁵Mbole Yuda yula ywakankilukiti Yesu kakighomba, “Kulyaghila nenga ng'obhe nhunda?” Yesu kakinnyanga, “Ghwenga ghughomba na kila ki ghughomba ndo hoto.”²⁶Pabhaabheghiti mu hilyo, Yesu kakitola lingati na kakilumba, kakilumetula, kakiapegha ahundwa bhaki pakilongela, “Ntole, nlyeghe, aghu ndo mmili ghwangu.”²⁷Mbole kakighutola nteko, kakilumba, kakiapegha pakilongela, “Nnyweghe mabhoha mu nteko aghu. ²⁸Aghu ndo mwahi ghwangu ghwa ninganilo, yila yiiyitika kwa kya ubhuho ghwa ulemwa kwa bhandu atangala. ²⁹Peni nunguaghombela, kuhuma hinu nda nywegha kangi ng'obhe kibheleko aki kya nkongo ghwa nsabibu, mbaka lisiku lila pa nnonda kunywegha ya hyono papamu na mwenga mu Ghubhutwa ghwa Tate ghwangu.”³⁰Pakayomoliti kuyimba lwimbo, bhakibhuka kughenda ku kitumbi kya Miseituni. ³¹Mbole Yesu kakiaghombela, “Lelo pakilo bhoha maaneka, kiyaha yikityekwa mu malembo ghanakung'anyima, ‘Ndantuta yunakuhakia, na lumati lwa mene lwa pwilinganika.’ ³²Peni mbole ya nenga kuhyuka nda bhalongolela kughenda ku Galilaya.”³³Peni Petili kakiyanga, “Hamba bhoha bhaakuleka, nenga kukuleka kata.” ³⁴Yesu kakiyanga, “Kulyaghila nungukughombela, “Mu uhiku aghu kukali na kubhika mbichi, ghwanngiluka pa ndatu.” ³⁵Petili kakighomba, “Hata handa yangwilikiha kuhwegha papamu na ywombe, kukuleka kata.” Na ahundwa bhangi bhoha bhakilongela ubhwabhu abhu.³⁶Mbole Yesu kakighenda papamu na ahundwa bhaki mbaka ku nng'unda ghu ukemitwi Getisemai, ndo kakiaghombela, “Ntami apa na nenga nungughenda pala kuyupa.” ³⁷Kakintola Petili papamu na bhala bhana abhili bha Sebedayu, naywo kakiyanda kuhyononeka na kukulika. ³⁸Mbole kakiaghombela, “Nhuki ghwangu kukulika munu mu nnteko ghwa kuhwegha. Ntami apa pankikilukiha papamu na nenga.”³⁹Kakighenda kutali kutali ng'ombe, kakighwegha makukama pakiyupa, pa akilongela, “Tate ghwangu, handa yinguhotoleka, nnteko aghu ghunpitile kutali, peni handa mbala nenga ng'obhe ngati handa ghuupala mwene.” ⁴⁰Kakiabhuyila bhala ahundwa bhaki na kakiabhona aghonja kala. Kakinkonya Petili, “Ndo kughomba, mukilepelwa kukilukiha na nenga nga lisaa limo? ⁴¹Nkilukihe pa nkiyupa ngati nkotoke kuyingila mu mayigho. Kulyaghila nhuki ghubha kala, peni mmili ghuulepelwa.” Kakighenda kala kya ubhili na kuyupa, “Tate ghwangu, handa yihotoleka ng'obhe nteko aghu kunkindila kutali ndo upalo ghwako ghuubwituke.”⁴²Kakighenda kala kya ubhili na kuyupa, “Tate ghwangu, handa yihotoleka ng'obhe nteko aghu kunkindila kutali ndo upalo ghwako ghuubwituke.” ⁴³Pakabhuyiti kakiabhona aghonja kangi, kiyaha meho yabhe ghakinonopa. ⁴⁴Habhu kakialeka na kakighenda chaki kya ndatu na kuyupa pa akilongela malagho gha ghala ghala.⁴⁵Mbole kakibhuya kwa bhala ahundwa na kakialongela, “Nkali mungughonja na kupimulila? Nnole, lisaa lihika na Mwana ghwa Mundu yingukwiliha kakakamuhwe mu mabhoko ghwa alemwa. ⁴⁶Muyinuke tughende chetu! Nnole yula ywa kunkiluka kanguheghelela”⁴⁷Pakabheghiti kakali pakighomba, Yuda, yumoo ywa bhala mbinda mabhoko yimo na abhili, kakihika pakilongohana na lumati lukulu lwa bhandu bha abheghiti na makechelo na hindupa bha alaghilitwi na hilongohi bha andundame na aghohi bha bhandu. ⁴⁸Hinu nkiluka kakiapegha kala naho kukita, “Mwene nda nchwembulagha ndo munkamule.”⁴⁹Kamu kakinhikila Yesu na kunjambuha, “Ayi mwika,Nhunda.” Mbole kakinchwembula. ⁵⁰Yesu kakinng'ombela, “Ghanja, ghutende kila kighukihikiliti.”Mbole bhala bhandu bhakiheghela ulongolo na bhakinkamula Yesu.⁵¹Kamu yumoo bha bhala bha abheghiti na Yesu pakabhoniti agho, kakilukamula lukechelo lwaki, na kakintuta nndumindumi ghwa Ndundame Nkulu, na kakinndumula lingutu. ⁵²Yesu kakinng'ombela, “Ghulubhuyile lukechelo mu nhako ghwaki, kiyaha bhoha bha akoma kwa lukechelo bhaakomwa kwa lukechelo. ⁵³Bhuli ghunguhwacha kukita ningulepelwa kunnyupa Tate ghwangu naywo kamu kakangheghela kupitingana himati mbinda mabhoko yimo na ibhili ya andumitumi ghwaki kwa kunani? ⁵⁴Peni bhuli, Malembo mang'anyimo ghangughomba yingukwiliha agha ghabwitukile abhu?”⁵⁵Mu lisaa alyo Yesu kakilughombela lula lumati lwa bhandu, “Munhikila na machechelo na hindupa ngati munkamule handa nenga npoka? Masiku matangala nikitamua Mukitutubhi kya Chapanga pankihunda bhuli mukinngamula ng'obhe? ⁵⁶Peni agha ghoha ghakibwitukila ngati malembo gha ambuye ghabwitukile.” Ndo ahundwa bhaki bhoha bhakitugha na bhakinneka.⁵⁷Bhala bha ankamuliti Yesu bhakinghegha Kwa Kayafa Ndundame Nkulu, pakakunganiti ahunda bha malaghilo na aghohi. ⁵⁸Peni Petili kakintughila kya kutali mbaka mu lubhigho lwa Ndundame Nkulu. Kakiyingila mu lubhigho na kakitama papamu na amachonda ngati kakabhone kyaabwitukila.⁵⁹Hinu alongohi ghwa aghohi, andundame na balasa lyoha likipalaha uyimiho ghwa uhwangi kwa Yesu ngati ankome. ⁶⁰Peni bhakimokola ng'obhe nhalo ghwohele, peni ayimiho bha uhwangi atangala bhakitumbuka. Mu uhiko bhakibhegha ayimiho abhili bha uhwangi ⁶¹bhakilongela, “Mundu ayu kakighomba, ‘Ninguhotola kukikanjaghana Kitutubhi kya Chapanga na kukichenga kangi mu majubha mandatu.’”⁶²Mbole Ndundame Nkulu kakiyima na kunng'ombela Yesu, “Bhuli ghwanga ghungutuyanga ng'obhe? Bhandu abha anguyimiha niki kwa ghwenga?” ⁶³Peni Yesu kakinyamala. Ndo Ndundame Nkulu kakinng'ombela, “Ningukulapila mu kibhungi kya Chapanga yunakulama, ghutughombele handa ghwenga ndo Kilistu, Mwana ghwa Chapanga.” ⁶⁴Yesu kakiyanga, “Ena, handa ghughombiti. Peni nunguaghombela bhoha, kuhuma hinu maamona Mwana ghwa Mundu pakitama ku mbande ya nnilo ya Chapanga yunamakakala, na pakihika mu mahundi ya kunani.”⁶⁵Ndo Ndundame nkulu kakighametungana mapinda ghaki pakilongela, “Kakundula! kiyaha niki tungupala uyimiho ghungi kangi? Nnole, hinu na mwenga muyihwa agho makundulo. ⁶⁶Munguketula bhuli nnando aghu?” Bhakinnyanga, “Yingunnogha kuhwegha.”⁶⁷Mbole bhakinhunila mata ku kibhungi na bhangi bhakinhyatula himbalamande ⁶⁸pa akilongela, “Ghutulondolele, ghwenga Kilisto! ndo ghani aywo ywakakuhyatulite?”⁶⁹Mu lisaa alyo Petili kakitama panje ya lubhigho. Nndumindumi yumo nndala kakinhikila na kakinng'ombela, “Na ghwenga ghukibhegha papamu na Yesu ghwa Galilaya.” ⁷⁰Peni Petili kakilema mu ulongolo bhabhe bhoha pakilongela, “Ningumanya ng'obhe ki ghughoma.”⁷¹Pakabhukiti panje kakihika mu nnlyango, nndumindumi yungi nndala kakimmona, na kakiaghombela bhandu bha abheghiti, “Mundu ayu kakibhegha papamu na Yesu, Nnasaleti.” ⁷²Kakilema kangi hinu na kwa kilapo pakilongela, “Nenga nungummanya ng'obhe aywo”⁷³Mbole kya mandina bhala bha ayimiti pala bhakinng'endela Petili na bhakinng'ombela, “Kulyaghila ghwanga ndo yumoo ywabhe, kiyaha kula kughomba kwa ghwenga ndo handa bhabhe.” ⁷⁴Ndo Petili kakiyanda kulikundula na kulapa, “Nenga nungunmanya ng'obhe mundu aywo” Kamu njogholo kakibhika. ⁷⁵Petili kakihwachila lila lilagho lyakalongiliti Yesu, “Kukali na kubhika njogholo, ghwankiluka pa ndatu.”

¹Putiputi pa ngeha, hilongohi ghwa andundame bhoha na aghohi bha bhandu bhakitenda ngokeho papamu ya kya Yesu ngati ankome. ²Bhakimmopa na bhakinghegha kwa Pilato, aywo ndo ywakabheghiti ntabhala.³Yuda ywene ywakankilukiti Yesu, pakabhonite kukita Yesu katoswa, kakihyononeka munu na kakihibhuyila yila himati ya mbiya ywakakamuhitwe na hilongohi ghwa andundame na aghohi ghwa bhandu. ⁴Kakilongela, “Ndenda uhokelo, kiyaha nikighukiluka mwahi ghuubheghite ng'obhe na ulemwa.” Ndo bhakinnyanga, “Aghwo ndo nnando ghwa kughuhwachila twenga ng'obhe, Ghwamanya mwene.” ⁵Ndo Yuda kakihitagha hila himati ya mbiya mu Kitutubhi kya Chapanga kakibhuka na kakighenda kulikoma mwene.⁶Bhala andundame akulu bhakiyitola yila mbiya na bhakighomba, “Yinoghelwa ng'obhe kuhangangana mbiya ayi na matulo kiyaha ayi ndo mbiya ya mwahi.” ⁷Hinu, mbole ya kughombana, bhakilamula kuhemengana nng'unda ghwa yunautetehi ghwa kutetendekeha hibhigha, ngati kubhe kwa kukulila ahenja. ⁸Ndo mana agho nng'unda mbaka lelo ghungukemwa nng'unda ghwa mwahi.⁹Ndo likibwituka lila lilagho lyakaghombite mbuye Yelemia kukita, “Akitola himati mbinda mabhoko ncheche ya mbiya, utopelo ghubhuhitwe na bhandu bha Isilael, ¹⁰bhakihemengana nng'unda ghwa yunautetehi ghwa kutendekeha hibhigha, handa bhula Bambo mwakanilaghiliti.”¹¹Lisaa lila Yesu pakayimite mu ulongolo ghwa ntabhala, ntabhala kakinkonya, “Bhuli, Ghwenga ndo mutwa ghwa Akaayahudi?” Yesu kakinnyanga, “Ghwenga ndo ghwa ghomba agho” ¹²Peni hilongohi ghwa andundame na aghohi pa ankokilite kakiyanga ng'obhe lilagho. ¹³Ndo Pilato kakinkonya, “Bhuli, ghunguyihwa ng'obhe aywo ngokelo ywa akukokiliti?” ¹⁴Peni Yesu kakinnyanga ng'obhe nga ngokelo yimo, na kya abho ntabhala kakikangacha.¹⁵Hinu, yikibha hitohe ya ntabhala kunhughula nbhopwa yumo ywakahaghulitwe na lumati lwa bhandu mu nndaluko ghwa chekwa. ¹⁶Mu manjubha agho pakibhegha na mbhopwa yumo nhakata, ywakakemitwi Balaba.¹⁷Habhu lumati lwa bhandu pakakwemukiti, Pilato kakiakonya, “Mungupala nibhahughulile ywoki, Balaba au Yesu ywene ywaakemwa Kilistu?” ¹⁸Kiyaha kakimanya kukita Yesu kakikamuhwa kwaki kwa kya malili. ¹⁹Pilato pakatamite pa kiteho kyaki kya toso, nndala ghwaki kakintaghila lilobhe ali, “Ghukotoo kulibhika ghu mwene mu ngokeho ya mundu aywo ywa maha,kiyaha lelo nikilighaha munu mu maloto kya mwene. ”²⁰Peni hilongohi bha andundame na aghohi bhakilukokeha lula lumati lwa bhandu kukita ayupe ngati Balaba ahughulilwe na Yesu kakakomwe. ²¹Ntabhala kakiakonya kangi, “Ndo ywoki mu abha abhili mungupala nibhahughulilile?” Bhakiyanga, “Balaba” ²²Pilato kakiaghombela, “Hinu, ndende niki kwa ayu ywaakemwa Kilistu?” Bhakiyanga, “Ghunmangalile mu lupingika.”²³Pilato kakiakonya, “Kiyaha niki? Katenda uhokelo ghwoki?” Peni bhombe bhakiyendelela kututa kyobho, “Ghunmangalile mu lupingika” ²⁴Pilato pakabhoniti katahotola ng'obhe kyohele, na kukita bhulwa yikitandila, kakitola machi, kakikuha mabhoko ghaki mu ulongolo ghwa lula lumati lwa bhandu, pakighomba, “Mmegha ng'obhe na ulemwa mu mwahi ghwa mundu ayu, maamanya bhene”²⁵Bhandu bhoha bhakiyanga, “Mwahi ghwaki ghubheghe unani yetu na unani ya bhana ghwetu” ²⁶Ndo, kakiahughulila Balaba na mbole ya kuntuta Yesu hinjupunjupu ya ndoana, kakinbhuha ngati kakamangalilwe.²⁷Mbole, machonda kilongohi ghwa ntabhala kakinghegha Yesu mu kitutubhi kya utabhala, na amachonda bhoha bhakinkwemukila. ²⁸Bhakinbhuha mapinda yaki na bhakinhwaliha mapinda mekundu. ²⁹Mbole bhakitendekeha hilemba ya mihomi na bhakihibhika mu mwutwe ghwaki. Bhakinkamuha nhimbati mu kibhoko kyaki kya nnilo, bhakichutamila mayughwa mu ulongolo ghwaki pa akilongela, “Ayi mwika, mutwa ghwa Akaayahudi?”³⁰Bhakinhunila mata, na bhakighutola ghula nhimbati mu mabhoko ghaki na bhakintuta nalwo ku mutwe kangi na kangi. ³¹Mbole ya kunng'eha, bhakinbhuha lila lipinda, bhakinhwaliha kangi ngubho yaki. ndo bhakintola ngati bhakanmangalilile mu lupingika.³²Pa abheghiti mu njila, bhakikungana na mundu yumo ywa Kilene, lihina lyaki Simoni, nabho bhakinkwilikiha kakaghugheghe lula lupingika. ³³Bhakihika mu ng'ebhu yi ikemitwe Goligota, mana yaki ng'ebhu ya huhu la mutwe. ³⁴Bhakinpegha difwai yi ihanganganitwe na kilibhi kichungu. Peni Yesu pakayibhikiti mu lulimi lwaki kakilema kunywegha.³⁵Pa amangaliliti kala bhakighabhana mapinda ghaki kwa kututila kula, ngati libhwituke lila lilagho liighombitwi na mbuye kukita “Bhakighabhana mapinda ghake kwa kututila kula.” ³⁶Mbole akitama ngati anpingikihe. ³⁷Unani ya mutwe ghwaki mu lupingika, bhakiyityeka ngokeho yaki, ayu ndo Yesu, mutwa ghwa akaayahudi.³⁸Apoka abhili bhakimangalilwa papamu na ywobe, yumo mu mbande ya nnilo na yungi mu mbande ya ngiya. ³⁹Bhandu bha abheghite mu kukinda mu njila, bhakinligha kunu pa akihyononeka na akighomba ⁴⁰“Ghwenga, ywakukanjaghana Kitutubhi kya Chapanga na kukichenga mu manjubha mandatu, hinu ghulilopohe ghu mwene! Handa ghwena ndo Mwana ghwa Chapanga, ghuhuluke mu lupingika!”⁴¹Ubhwabhu abhu, hilongohi ghwa andundame na ahunda ghwa malaghilo na aghohi bhakinng'eha, ⁴²pa akilongela, “Kakialopoha bhangi, peni kakihotola ng'obhe kulilopoha mwene. Mwene ndo Mutwa ghwa Akaayahudi. Hinu, kahuluke kuhuma mu lupingika ndo twannyubhalila.⁴³Kangunhyubhalila Chapanga, hinu Chapanga kakanlopohe handa kangupala, kiyaha kakilongela, ‘Nenga ndo Mwana ghwa Chapanga.’” ⁴⁴Na bhala apoka bha amangalitwi naywo bhakinligha ubhwabhu abhu.⁴⁵Kuhumita lisaa lya sita mbaka lisaa lya tisa lubhindu lukighugubika nnima ghwoha. ⁴⁶Mu lisaa lya tisa Yesu kakituta kyobho kwa lilobhe likulu, “Eloi, Eloi lama Sabakthani?” Mana yaki, “Mwenga Machapanga ghwangu, bhuli ghunneka?” ⁴⁷Amoo bhandu bha ayimite pala pakayihwite agho bhakilongela, “Kangunkema Eliya.”⁴⁸Kamu, yumoo ghwabhe kukitula lubhilo na kuyegha Sifongo yihanganganitwi na siki, kakiyibhika mu ludenge na kakinpegha Yesu ngati kakanyweghe. ⁴⁹Bhangi bhakighomba, “Munneke ngati tulole handa Eliya katahika kunlopoha.” ⁵⁰Mbole Yesu pakatutite kyobho kangi, ndo kakihwegha.⁵¹Lisaa alyo alyo, lipinda lya kughubikila nlyango ghwa Kitutubhi kya Chapanga lukibaluka hipalamande ibhili, kutandila unani mbaka pahi. Nnima ghukindemandema na mitalabha yikibaluka. ⁵²Mandogholo ghakihughuka na nmili ya ang'anyimo bha ahweghiti yikihyuka. ⁵³Bhakibhuka mu mandogholo na mbole ya Yesu kuhyuka bhakiyingila ku nnima nng'anyimo na kuabwitukila bhandu ayoloho.⁵⁴Ndo yula machonda kilongohi na bhala bha abheghiti papamu naywo pa akinpingikiha Yesu pakabhoniti nnima ghungundemandema na yoha yabwitukiliti, bhakihyoghopa na bhakilongela, “Kulyaghila ayu kakibhegha Mwana ghwa Chapanga” ⁵⁵Apwo pakibhegha na adala bha alolikihite kya kutali. Abhwo bhakintughilagha Yesu kuhuma Galilaya ngati antendele lihengu na kunkeyela. ⁵⁶Mu bhene akibhegha Malia ghwa ku Magidala, Malia ma ghwaki Yakobu na Yosefu na mama yabhe bhana bha Zebedayu.⁵⁷Payihikiti makimuhi, kakihika mundu yumu kuhuma ku Alimataya ywakakemitwe Yosefu, na aywo kakibhegha nhundwa ghwa Yesu. ⁵⁸Kakinng'endela Pilato, kunnyupa mmili ghwa Yesu. Pilato kakikwilikiha kakakamuhwe.⁵⁹Yosefu kakighutola mmili ghwa Yesu, kakighubhilingiha sanda ⁶⁰na kughukulia mu lindogholo lyaki lya hyono lyakalihonguliti mu litabhala. Mbhole kakilibhilingiha liganga likulu mu nlyango ghwa lindogholo na kakibhuka. ⁶¹Malia ghwa ku Magdala na yula Malia yungi bhakibhegha pala, pa utamo ghwa kulilolekela lindogholo.⁶²Kilabho yaki, ndo lisiku lilonguanite na lila lisiku lya kutendekeha Lijubha lya kupumulila, hilongohi ghwa andundame na Akaafalisayu bhakinng'endela Pilato ⁶³Pa akilongela, “Bambo, tukilihwacha kukita yula nhwangi kukali na kuhwegha kakilongela, ‘Mbole ya majubha mandatu ndahyuka.’ ⁶⁴Hinu, ghukwilikihengati lindogholo lipingikihwe kwa makakala makulu mbaka lisiku lya ndatu. Ngati ng'obhe ahunda bhake bhatahotola kughuyibha mmili ghwaki na kuaghombela bhandu kukita kahyuka kuhuma kwa ahweghiti. Uhwangi aghu ghwa uhiko ghwabhegha uhakata nkulu kupitingana ghula ghwa ulongohi.”⁶⁵Pilato kakiaghombela, Mwenga mmegha na amachonda apingikiha. Nng'endi makalipingikihe handa pa npala.” ⁶⁶Ndo bhakighenda na amachonda ngati akalipingikihe lindogholo kwa makakala hyoha, bhakibhika naho yabhe mu lila lindogholo na kupingikiha.

¹Mbole ya lisiku lya kupumulila, malabhila putiputi lijubha la ulongohi lya Juma, Malia ghwa kumagdala na yula malia yungi bhakighenda kulilolekeha lindogholo. ²Kamu pakibhegha na lulundumo lukulu lwa lutupi, kiyaha nndumitumi ghwa kunani kwa Chapanga kakihuluka kuhuma kunani kwa Chapanga na kakighenda ku lindogholo kalibhilingihila lila liganga na kakitama unani.³Kibhungi kya aywo nndumitumi ghwa kunani kwa Chapanga kikibhegha handa lung'ali lwa njahena mapinda ghaki ghakibha mahuhu handa balafu. ⁴Bhala amachonda bhaabheghiti palindogholo bhakikangacha munu, bhakiloghoya munu na bhakibha handa ahweghiti.⁵Yula nndumitumi kakiaghombela bhala adala, “Nkotoke kuhyoghopa, kiyaha nungumanya kukita mungunpalaha Yesu ywakabamanditwi. ⁶Kabhegha ng'obhe apa, kiyaha kahyuka, handa bhula paalongiliti. Nhike mukapalole pala pakaghonjihitwi. ⁷Mbole nngendi kwa kuyumbatika mukaaghombele ahundwa bhaki kukita, ‘Kahyuka kuhuma kwa ahweghiti, naywo kabhalongolela kughenda ku Galilaya. Akwo ndo bhaammona. Nhwachile aki ki nibhalongilite.”⁸Habhu bhala adala bhakibhuka pala pa lindogholo, pa akibhegha na lyogha peni bhaayelilitwi munu, bhakitugha lubhilo nganti bhakaaghombele ahundwa bhaki mihalo aywo. ⁹Kamu, Yesu kakikungana nabho, na kakighomba, “Mwika mwika!” Bhala adala bhakinheghelela, bhakighakamula mapinda ghaki na bhakintundamila. ¹⁰Ndo Yesu kakiaghombela, “Nkotoke kuyoghopa. Ng'endi makaaghombele alongo bhangubhaghende ku Galilaya, akwo ndo bhanbhona.¹¹Paabheghiti mu kubhuka bhala adala, amoo bha bhala amachonda bha abheghiti mu kupingikiha lindogholo bhakighenda ku kitami na bhakiaghombela Hilongohi bha andundame yoha yabwitukiti. ¹²mbole bhakikungana na aghohi na mbole ya kutama papamu, bhakiapegha bhala amachonda ngalabha nyoloho. ¹³Pa akiaghombela, “Mwenga maaghomba naha, ‘Ahundwa bhaki bhakihika pakilo, na bhakintola twenga pa tubheghite mu kughonja.’¹⁴Na handa kilongohi ghwa nnima katayihwa mihalo ayi, twenga taaghomba naywo na maabhegha ng'obhe mu kibamanda.” ¹⁵Habhu, bhala amachonda bhakiitola yila ngalabha na bhakitenda handa pa alongilitwi na andundame. Nhalo aghu ghukikwila mu Akaayahudi mbaka lelo.¹⁶Ndo bhala ahundwa mbinda mabok yimo na yumo bhakighenda mba ku Galilaya ku kila kitumbi ghwakalaghilitwi na Yesu. ¹⁷Paamoniti, bhakintundamila, peni amoo bhangi bhakiyingilwa bhwaghalili.¹⁸Yesu kakiahikila ugheghela na kakiaghombela, “Nikamuhwa makakala yoha kunani kwa Chapanga na mu nnima. ¹⁹Hinu, nng'endi mu nnima makaatende bhandu bha milima yoha abhe ahundwa, pa mukiabatisa kwa Lihina lya Tate, na lya Mwana na lya Nhuki ghwa Chapanga.²⁰Na muahunde kuyikamula mihalu yoha nibhakwilikihite. Kulyaghila nenga mmegha papamu na ywombe mu manjubha yoha mbaka uhiko ghwa nndaluko.

¹Aghu ndo ulongohi ghwa Nhalo ghwa Maha ghwa Yesu Kilisto, Mwana ghwa Chapanga. ²Ghukiyanda handa payityekwite mukitabho kya mbuye ghwa Chapanga ywakakemitwe Isaya, “Chapanga kakighomba ‘Nannlaghiha ndumitumi ghwang muulongolo ghwako katayitendekeha njila yako.”. ³Lilobhe lya mundu lingukema kukibhala, Muyitendekhe njila ya Bambo, "Muyitendekhe njila ya Bambo"⁴Yohana kakibwitukila kukibhala, pakihingula na kubhalandamiha bhandu pakighomba, “Mulipetule kyakya ulemwa ghwenu na muhingulwe na mwene Chapanga kataghulekekeha ulemwa ghwenu.” ⁵Bhandu ayoloho kuhuma ku nnima ghwa Yudea na bhoha bha kitami kya Yelusalemu bhakin’ng’endela na bhakilipetula uhokelo ghwabhe naywo kakiabatisa mulukemba lwa Yoludani. ⁶Yohana kakihwala lipinda litendekehitwe kwa mayuni gha nnyama ywakakemitwe ngamia na nkungi ghwa liyula mukibhuno kyake. Hilyo hyaki hikibha mapalala na bhuchi.⁷Naywo kakialandamiha bhandu pakighomba “Ywa apala kuhika mbole ya nenga kabha na makakala makulu kupitingana kwa nenga, yiteghekwa ng’obhe hokame na kulegheha ngoyi gha makobasi hyake. ⁸Nenga ndabhabatisa kwa machi, peni ywombe kataabatisa kwa Nhuki ghwa Chapanga”⁹Mu masiku agho Yesu kakihika kuhuma Nasaleti kitami kya ku Galilaya naywo kakibatiswa na Yohana mulukemba lwa Yoludani. ¹⁰Kamu Yesu pakahumite mumachi, kakibhona luhingu lukiyughuka na Nhuki ghwa Chapanga kakinhulukila unani ghwake handa ngunda. ¹¹Lilobhe likiyihwanika kuhuma kuluhingu; “Ghwenga ndo! Mwana ghwangu yunughupala nungunoghelwa na ghwenga”¹²Pala pala! Nhuki ghwa Chapanga kakinlongoha kughenda kukibhala. ¹³Kakitama akwo masiku mbinda mabhoko ncheche kunu kaking’ehwa na Nchipila akwo kakibha papamu na anyama bha kunhitu, nabho andumitumi ghwa kuluhingu bha Chapanga bhakinlela.¹⁴Yohana pakabhopwite kukibhopo, Yesu kakighenda ku nnima ghwa Galilaya, kakiyanda kulandamiha Nhalo ghwa Maha ghwa Chapanga, ¹⁵kunu pakaghomba, “Uhiko uhika kala, na Ghubhutwa ghwa Chapanga ghunguheghelela; Mulipetule na kuhyubhalila Nhalo ghwa Maha ghwa Chapanga.”¹⁶16 Yesu pakabheghite mukutyanga mumbwegha ya lihibha lya Galilaya, kakiabhona Simoni na Andelea nnongo ghwake paatagha njaho hyabhe mulihibha; mana akibha aghomeha homba. ¹⁷Yesu kakiaghombela, “Munhikile, na nenga ndabhahunda kunnyeghela bhandu handa aghomeha homba paayegha homba.” ¹⁸Pala pala! bhakiyileka njaho hyabhe na bhakintughila¹⁹Pakatyangite kya mandina, kakiabhona Yakobu na Yohana, bhoha bhana bha Zebedayo. Nabho bhubho bhakibha mubhwato, paatandabhuha njaho hyabhe. ²⁰Pala pala! kakiakema, nabho bhakinleka tate ghwabhe Zebedayo mubhwato papamu na andumitumi bhabhe, bhakighenda na kuntughila Yesu.²¹Yesu na ahundwa bhake bhakilongohana mbaka ku Kapelinaumu, palihikiti Lisiku lya Kupughwa Yesu kakiyingila mu kitutubhi kya kukonganila Akaayahudi, na kakiyanda kuhunda. ²²Bhandu bhakikangacha munu kya mahundo ghake, mana kakibha mukubhahunda handa mundu yuna makakala, kiyaha kakilihwana ng’obhe na ahunda bha malaghilo.²³Peni apo! kakibhegha mundu yunamandilo mu kitutubhi kya ngonganilo yabhe, naywo kakikyota kyobho. ²⁴“Ghuna niki na twenga Yesu ghwa Nasaleti? Ghuhika kutukanjaghana? Manya kukita ghwenga ndo! Ghani, Nng’anyimo ghwa Chapanga!” ²⁵Yesu kakinlakalila, pakighomba, “Ghunyamale, Na ghunneke mundu ayu.” ²⁶Ghala mandilu ghakinnyukayuka kakikyota kyobho na kakinmuka.²⁷Bhandu bhoha bhakikangacha na kukonyekehana, “Ayi ndo mihalo ghani? Ndo Mahundo gha hyono? Kangi ghana makakala gha utabhala kanguakwilikiha mandilo nabho bhangu nnyitikila!” ²⁸Mihalo yaki yikikwila kanongola nongola mumilima yoha ya Galilaya.²⁹Bhakibhuka mu kitutubhi kya kukonganila bhakighenda papamu na Jakobu na Yohana mbaka kulubhagha lwa Simoni na Andelea. ³⁰Na ma ghwa nhumbu ghwa Simoni kakibha na nhehemela tepatepa paulili, bhakinkambukiha Yesu mihalo yaki. ³¹Ndo Yesu kakinng’endela, na kunkamula kibhoko na kunnyinula. Mbole nhehemela ghukinnekekeha, naywo kakiyanda kuakeyela.³²Payihikite makimuhi, na luchubha palutipikiti, akinng’eghela Yesu bhandu bhananhehemela na bhaakwelitwe na mandilo. ³³Bhandu bhoha bha kitami kila bhakikwemukila paulongolo ghwa kitutubhi kya Simoni. ³⁴kakialamiha atamwa ayoloho na bhana mihehemela nhanganganiko na kakiabhuha mandilo ayoloho, peni kakibhaleka ng’obhe ghala mandilu bhaghombe kiyaha bhakimanya kukita ywombe ndo ghani.³⁵Malabhila putiputi pangeha kukali na lubhindu, Yesu kakibhuka ngati kaghende panga bhandu kakan’tundamile Chapanga. ³⁶Simoni na ayake bhakighenda kunpalaha, ³⁷Paammonite, bhakinng’ombela “Bhandu bhoha angughupalaha!”³⁸Yesu kakiayanga, “Tughende pamoo pangi pa hitami hya nng’eghela, ngalandamihe na akwo nakwo, kiyaha akyo ndo kinikihikilite.” ³⁹Kakitindila Galilaya yoha, kakilandamiha muhitutubhi ya kukonganikila Akaayahudi na kughabhuha mandilo.⁴⁰Mundu yumu ywakabheghite na maloha kakinng’endela Yesu, kakinchutamila mayughwa na kunnyupa, na kung’ombela, “Paghupala, ghwahotola kunghulula!”. ⁴¹Yesu kakimmonela luhungu, kakigholoha kibhoko kyake kakinnyabhika kunu pakanng’ombela “Ningupala ghululika!” ⁴²Kamu maloha ghakinbhuka naywo kakighululika.⁴³Mbole ya kunkanikiha, Yesu kakinlekekeha kaghende kunu pakanng’ombela ⁴⁴“Ghukotoo kunng’ombela mundu ywoheli yula mihalo ayi peni ghughende ghukalilahe kwa ndundame bha Chapanga na ghukatule matulo kya kughululikwa kwako handa pakakwilikihite Musa yibhe uyimiho kwa bhombe kukita ghulama.”⁴⁵Peni yula mundu kakibhuka kakiyanda kualubhulila bhandu mihalo ya kulamihwa kwa mwene kya nga uhiho. Hinu Yesu kakilepelwa kuyingila kangi mumilima kya nga uhiho, peni kakitama panje ya kitami mbande ya nga bhandu. Hata naha bhandu bhakintughila Yesu kuhuma mumbande hyoha.

¹Mbole ya masiku gha mandina, Yesu kakibhuya ku Kapelinaumu, bhandu bhakiyihwa kukita kakibha ukaya. ²Hino bhakikwemukana bhandu ayoloho, bhakimema kupitingana kunlyango mbaka paulongolo ghwa kitutubhi. Yesu kakibha pakialandamiha lilagho lyaki.³Lisaa lilalila bhandu ncheche bhakihika na bhakinng’egha mundu nlelebhaho kwa Yesu. ⁴Kiyaha ya lumati lwa bhandu bhakilepelwa kunheghekeha pakabheghite Yesu. Hinu bhakihotola lunyakaha lubheghite unani pakabheghite Yesu, paahotolite kala bhakinhuluha aywo mundu pakaghonjite mulikahe.⁵Yesu pakabhoniti uhyubhalilo ghwabhe kakinng’ombela yula nlelebhaho “Mwana ghwangu, ‘ghulekekehwa ulemwa ghwako.’” ⁶Amoo bha ahunda bha malaghilo bhaatamite pautamo aghwo, bhakihwacha mumyoyo yabhe. ⁷“Yibha bhuli mundu ayu kangughomba naha? Ayu kangunkundula Chapanga! Kahone mundu ywakulekekeha ulemwa maha nga Chapanga ghweka chake.”⁸Kamu Yesu kakighamanya mahwachilo gha myoyo yabhe, kakiakonya, “Bhuli munguhwacha habhu mumyoyo yenu? ⁹Kingiki kya kunoghelwa muno, kunng’ombela mundu nlelebhaho, ‘Ghulekekehwa ulemwa ghwako ebu kunng’ombela ghuyinuke ghutole likahe lyako ghutyange?¹⁰Hinu nungupala mmanye kukita Mwana ghwa Mundu kabhegha na makakala gha utabhala ghwa kualekekeha bhandu ulemwa ghwabhe munnima” Ndo Yesu kakinng’ombela yula nlelebhaho. ¹¹“Ningughughombela ghuyime, ghutole likahe lyako ghughende ukaya kwako.” ¹²Kamu! kakiyima na kakitola likahe lyake na kakibhuka. Bhandu bhoha bhakikangacha na kunkwiha Chapanga paakilongela, “Twenga tuyibhona ng’obhe mihalo handa ayi.”¹³kakighenda kangi mumbwegha bwegha ya lihibha lya Galilaya. Lumati lukulu lwa bhandu lukinhikila naywo kakiyanda kuahunda. ¹⁴Pakabheghite mukutyanga kakinmona Lawi mwana ghwa Alufayu kakitama pakitutubhi kya lusumulo sumu, Yesu kakinng’ombela “Ghunndughile” Lawi kakiyimuka na kuntughila.¹⁵Mbole yaki Yesu kakitama mukulyegha hilyo, mulubhagha lwa Lawi, kakibha papamu na bhanakusumula sumu ayoloho na bhana ulemwa bhakibhegha mukulyegha papamu na ahundwa bhaki, mana kukibha na bhandu ayoloho bhaantughiliti ¹⁶Amoo ahunda bha malaghilo na Akaafalisayu paammoniti pakalyegha papamu na asumula lusumu na bhanaulemwa bhakiakonya ahundwa bhaki, “Kiyaha niki Yesu kangulyegha papamu na bhanakusumula sumu na bhana ulemwa?”¹⁷Yesu pakayihwite kakiaghombela, “Bhandu bha ngautamwa ampala ng’obhe nng’anga, maha atamwa. Hika ng’obhe kubhakema bhandu bha maha, ngati bhana ulemwa.”¹⁸Hinu, ahundwa bha Yohana na ahundwa bha akaafalisayo bhakulikunga kulyegha. Amoo bhandu bhakinhikila Yesu kunkonyekeha, “Bhuli ahundwa bha Yohana na ahundwa bha Akaafalisayo bhangulikunga kulyegha, peni bhuli ahundwa bhako bhangulikunga kulyegha ng’obhe?” ¹⁹Yesu kakiayanga “Ahenja bha bambo yuna chekwa ya kutolela bhahotola bhuli kulikunga kulyegha pala bambo yuna chekwa ya kutolela paabheghite papamo nabho? Kiyaha yuna chekwa ya kutolela lisiku alyo kabhegha papamu na bhombe kabhone kulikunga kulyegha. Peni lisiku lyahika kwa yuna chekwa ya kutolela kubhuhwa mubhombe; peniapwo ndo bhatahotola kulikunga kulyegha hilyo.²⁰Peni lisiku lyahika kwa yuna chekwa ya kutolela kubhuhwa mubhombe; peniapwo ndo bhatahotola kulikunga kulyegha hilyo. ²¹Bhandu apabhikagha ng’obhe kipabhiko kya hyono mulikama. Handa paatenda naha akyo kipabhiko kya hyono kyalakatukanga likama alyo nalyo lyakanjabhanika munu.²²Na kabhone mundu yuna kubhika difwai ya hyono mu mihako ihakalite ya mayula handa paatenda naha yila difwai ya hyono yahibalula yila mihako ihakalite gha mayula kangi divai yayitika pahi na nhako ghula ghuhakalite ghwa metukana. Divai ya hyono yingubhikwa mu mihako hya hyono.²³Lisiku limu lya Kupughwa, Yesu kakibha mukutyanga mumighunda ya mapemba. Paabheghite mukutyanga ahundwa bhaki bhakiyanda kubena mahonjo gha mapemba. ²⁴Akaafalisayo bhakinkonya Yesu, “Ghulole! Kiyaha niki ahundwa bhako angutenda nhalo ghwanga kunoghelwa lisiku lya kupughwa?”²⁵kakiayanga, “Mukali kusoma ng’obhe yakatendite Daudi na ayake paabheghite na njala? ²⁶Daudi kakiyingila mukitutubhi kya Chapanga, kakilyegha yila mingati yibheghite yakya Chapanga. Nhalo aghu ghukitendwa paabheghite Abitai ndundame nkulu. Na ndo andundame ghweka chabhe akiyeghekehwa kulyegha mingate ayo ya kya Chapanga. Peni Daudi kakilyegha, kangi kakiapegha ayake”?²⁷Yesu kakibhaghombela “Lisiku lya kupughwa likitendekwa kwa kya bhandu na ng’obhe bhandu kwa kya Lisiku lya kupughwa. ²⁸Hila hila Mwana ghwa Mundu ndo Bambo ghwa Lisiku lya Kupughwa.”

¹kakiyingila kangi mu kitutubhi kya kukonganila Akaayahudi, na akwo pakibha na mundu yumo yunaulelebhaho ghwa kibhoko. ²Amwo, amoo bhandu bhangi bhakintyegha kanlamihe mundu ayo lisiku lya kupughwa apati ngupukiho ya kuntakila.³Yesu kakinng’ombela mundu yula ywakalelebhukite kibhoko, “Ghuhike apa paulongolo” ⁴Mbole kakiakonya bhandu, “Hinu lyoki likunoghelwa kutendwa mu lisiku lya kupughwa, kutenda mihalo ya maha ebu mihakataho, kulopoha ubhumi ebu kukoma?” Peni bhombe akinyamala jii.⁵Yesu kakialolekeha bhoha kwa kiyaghabhu, na kakikukulika kwa hyeta ya myoyo yabhe, na kakinng’ombela yula mundu, “Ghugholohe kibhoko kyako!” Kakikigholoha kibhoko kyake na kikibha kya maha kangi. ⁶Kamu Akaafalisayo bhakighenda panji kutenda ngokeho pamoo na bhandu bha kimati kya Helode bhakipalaha njila ya kunkanjaghana Yesu.⁷Yesu kakibhuka papamu na ahundwa bhaki kakighenda kumbwegha ya lihibha Galilaya na bhandu ayoloho kuhuma kunnima ghwa Galilaya, ⁸ku Idumea kumwambo ya lukemba Yoludani, kiyaha bhakiyihwa mihalo miyoloho yakatendite,⁹Kiyaha ya kya lumati lukulu lwa bhandu Yesu kakiaghombela ahundwa bhaki, bhanyeghele bhwato atame amwo ngati lumati lwa bhandu lukotoke kunnyuka. ¹⁰Kiyaha Kakialamiha atamwa bha mahele, ndo bhala bhana utamwa bhakiyukana ngati anbyale.¹¹Bhandu bha abheghite na mandilo paanmonite Yesu bhakilitagha pahi pa ulongolo ghwa maghulu ghake na bhakikyota kyobho, “Ghwenga ndo Mwana ghwa Chapanga” ¹²Peni Yesu kakiakwilikiha ghala mandilu kwa lilakali bhakotoke kummanyiha kwa bhandu.¹³kakihubhuka kukitumbi, kakiakema bhala abhahaghulite nabho bhakighenda naywo. ¹⁴Kakiahaghula mbinda mabhoko yimo na abhili ndo abha akiakema Andumitumi, ngati abheghe papamu na ywombe, kakaalaghihe kulandamiha ¹⁵kangi abheghe na makakala gha kughabhinga bhinga mandilu. ¹⁶Abha ndo bhala mbinda mabhoko yimo na abhili akabhahaghuliti: Simoni Yesu kakinkema lihina lyake Petili.¹⁷Yakobu na Yohani bhana bha Zebedayu, bhombe kakibhapegha lihina Boanelege, mana yaki ndo bhana bha lulundumo, ¹⁸Andelea na Filipi na Batolomayo na Matayo na Tomasi na Yakobu mwana ghwa Alufayo na Tadayo na Simoni Nkananayu na ¹⁹Yuda Isikaliyoti, ywene ywakankilukite.²⁰Mbole Yesu kakibhuya ukaya, lumati lwa bhandu lukikwemuka kangi, mbaka mwene na ahundwa bhaki bhakilepelwa kulyegha hilyo. ²¹Paayihwite alongo bhake mihalo ayi bhakighenda kuntola, mana bhandu bhakighomba, “Kayingilwa na nng’uluka.” ²²Ahunda bha malaghilo bhakihika kuhuma ku Yelusalemu, bhakighomba, “Ayu kana Belisebuli! Kangi kangubhabhinga bhinga mandilo kwa makakala gha nkulu ghwa mandilo.”²³Hinu Yesu kakibhakema bhombe na kubhaghombela kwa mihwanu, “Nchipila katahotola bhuli kunbhinga bhinga Nchipila nnyake? ²⁴Handa ghubhutwa ghumo ghumegheka mulumati hinakupingikana, ghubhutwa agwo ghwalama ng’obhe. ²⁵Na handa lubhagha lumo lutamegheka mulumati lumati lunakupingikana, lubhagha alwo lutatengeleheka ng’obhe.²⁶Na handa ghubhutwa ghwa nchipila ghutapwilinganika mu himati hichoko hichoko kabhone kuhotola na uhiko ghwaki ghuhika. ²⁷“Kabhone mundu ywohele yula ywakahotola kuyingila kukitutubhi kya mundu yuna makakala na kunpoka utopelo ghwake, mbaka kakantute na kammope mundu aywo, ndo katahotola kunpoka utopelo ghwake.²⁸“Kulyaghila nungubhaghombela gha hoto bhandu bhatalekekehwa ulemwa ghwabhe ghwoha na ngundulo hyabhe hyoha kwa Chapanga. ²⁹Peni yunakunkundula Nhuki ghwa Chapanga kabhone kulekekehwa: kana nongwa ya ulemwa ghwa masiku ghoha.” ³⁰Yesu kakighomba habhu kiyaha bhombe bhakighomba, “Kana lindilo”³¹Ma ghwaki Yesu na alongo bhake bhakihika papamu na bhakiyima panji, bhakinlaghila mundu kankeme. ³²Lumati lwa bhandu lukibha palukintindila. Ndo, bhandu bhakinng’ombela, “Ma gwako na alongo bhako bhabhegha panji, bhangukukema.”³³kakiayanga, “Ma ghwangu na alongo bhangu ndo a ghani?” ³⁴Apa kakialolekeha bhala bhandu bhaantindilite, na kakighomba, “Abha ndo ma ghwangu na ndo alongo bhangu. ³⁵Mundu ywohele ywakatenda ghakaghapala Chapanga, aywo ndo nlongo ghwangu na nhacha ghwangu na ndo ma ghwangu.”

¹kakiyanda kangi kuhunda mumbwegha ya lihibha lya Galilaya. Lumati lukulu lwa bhandu lukinkwemukila mbaka ywombe kakilamula kuhubhuka mubhwato ghuubheghite mulihibha na kakitama amo, lumati lwoha lukibhegha kuuyumu ya mbwegha ya lihibha. ²Kakihunda mihalo miyoloho kwa ndambulo, mumahundo ghaki kakilongela,³“Nnyihwani! Pakibhegha nkweta mbeyu yumo kakighenda kukweta mbeyu hyaki. ⁴Pakabheghite mukukweta mbeyu, yingi yikiponeka munjila, hiyuni akihika kuihonyola. ⁵Yingi yikiponeka mumaganga pa nga lutupi nnyoloho, yikimela kwa kulopokeha, kiyaha lutupi lukibha luchoko.⁶Luchubha paluyakiti yikiyuma mana ngigha hyake hikibha hupitaho hikinyaluka. ⁷Yingi yikiponeka pamikongo yina mihomi, nayo yikikula na yikiyipepechula, nahyo hikipapa ng’obhe mapambika.⁸Yimoo yingi yikiponeka mulutupi lwa maha, yikimela, yikikula na yikipapa mapambika, yimu mbinda mabhoko ndatu, yimu mbinda mabhoko sita, na yimu mbinda mabhoko kumi.” ⁹Mbole kakiaghombela, “Ywakabhegite na makutu kakayihwe.”¹⁰Yesu pakabheghite pa ghweka chake, amoo bhangi bhaannyihwanilite bhakinng’endela papamo na bhala ahundwa mbinda mabhoko yimo na abhili, bhakinkonya kumanyika kya mandambulo ghala. ¹¹kakibhaghombela, “Mwenga mulekekehwa kumanya mbwepo ya ghubhutwa ghwa Chapanga, peni bhala bha abheghite panji bhataghombelwa kilibhi kyohele kwa mandambulo. ¹²Ngati, “ ‘Bhalole hoto, peni kahone kubhona. Bhayihwanile hoto, peni kahobhe kumanya. Hela bhumbho bhangankilibhukiliti Chapanga, naywo nge kabhalekekehite.’ ”¹³Mbole kakibhakonya, “Muyimanya ng'obhe ndambulo ayi? Mutaghamanya bhuli mandambulo mamoo ghangi? ¹⁴Nkweta mbeyu aywo kakikweta lilagho lya Chapanga. ¹⁵Bhandu bhangi ndo handa mbeyu yiponikiti munjila; Kamu paaliyihwa lilagho, Nchipila kahika na kulibhuha lilagho lila liikwetitwe mumyoyo yabhe.¹⁶bhangi ndo handa mbeyu yila yiponikite mumaganga. Kamu paayihwa lilagho alyo bhangulipokela kwa uyelelo. ¹⁷Peni lingubhayingila ng’obhe na kubhegha na ngigha mumyoyo yabhe. Bhahyatilagha behi ng’o, mbole ya mapungwo na luhuyu kya lilagho alyo, kamu bhangulileka lila lilagho.¹⁸bhangi ndo handa hila mbeyu hiponikite mumikongo yina mihomi. Abha ndo nhwano ghwa bhala bhaaliyihwanila alyo lilagho, ¹⁹Peni bhwaghalili ghwa nnima aghu, tama ya utopelo na tama ya hyoheli hila payihika na kuliyuka lila lilagho na kulitenda likotoke kupapa. ²⁰Peni amo bhangi abhegha handa mbeyu hikwetwite mulutupi lwa maha. bhayihwanilite lilagho alyo, na kulikingama na kupapa mapambika na bhangi mbinda ndatu bhangi mbinda mabhoko sita na bhangi mbinda mabhoko kumi.”²¹Kakiaghombela “Bhuli hino limbamba lyakwatwa na kugubikwa pahi mulijamanda ebu pahi palihungu lya ulili? ng’obhe, lyakwatwa na kubhikwa kunane mwa kinyuta kyake. ²²Kiyaha kahobhe kilibhi kyoheli kila kinakuhihwa kya nga kuhwimulighwa, ebu nhalo ghwoheli ghwa lupwepo ghwangayeghwa pakindandabhanji. ²³Mundu yuna makutu gha kuyihwa, kayihwe.”²⁴Kakiaghombela kangi, “Mmanye maha ghamuliyihwa, malaghilo ghala gha mumubhatosa bhangi, Chapanga kataatosa mwenga kangi na kupitingana. ²⁵Kiyaha yuna kilibhi katayonjokehwa kingi, naywo ywa nga kilibhi kangi, katapokwa hata kilibhi kichoko kyakabheghite nakyo.”²⁶Yesu kakiaghombela “Ghubhutwa ghwa Chapanga ghulihwana na mundu ywakakwetite mbeyu munng'unda, ²⁷Mbole ya kukweta, pakabheghite mukughonja ebhu pakabheghite meho, mbeyu yikumela na kukula kya nga kumanya payikula. ²⁸Mana lutupi lunguyitenda mbeyu imele yibhe nmela; mbole lukibha lihonjo mbole mbunje mulihonjo. ²⁹Peni mbeyu pa iyelite, kamu, nkweta mbeyu aywo katayingila mung'unda na kikwakwa kya kubenela mabeno.”³⁰Yesu kakighomba kangi, “Tughulandanihe na niki Ghubhutwa ghwa Chapanga? Ebu tughukambuhe na nhwanu ghani? ³¹Gubhegha handa mbunji ya nhaladali, yene ndo njoko njoko munu kupitingana na mbeyu hyoha yinakukwetwa mulutupi. ³²Peni payikwetwa kala, yingumela na ghubhegha nkongo nkulu kupitingana na mikongo yoha ya mumighunda. Matambalilo ghake ghangubhegha makulu na hiyuni anguchenga hiyumba hyabhe mumatambaliho agho.”³³Kwa mandambulo ghangi mayoloho, Yesu kakighomba nabho lilagho lyake handa pabhahotolite kuyihwa na kumanya. ³⁴Kakighomba ngo'bhe kyanga ndambulo, Peni pakabheghite na ahundwa bhake kakiahotolela hoto ya hilibhi hyoha ya ndambulo yila.³⁵Lisiku alyo makimuhi, Yesu kakiaghombela ahundwa bhaki, “Tuyomboke tughende kumwambo ya lihibha.” ³⁶Bhakiluleka lula lumati lwa bhandu, bhakibhuka naywo mumbwato ghwakabheghite. Kangi yikibhegha na mibhwato miyoloho yikintughila. ³⁷Kamu likibhegha liyegha likulu lukiyanda kupula, na liyuka lya machi likilututa bhwato ghula mbaka machi ghakiyanda kumema mubhwato.³⁸Yesu kakibhegha kunyuma ya libhwato pakighonja munhaghamilo, ahundwa bhaki bhakinnyumuha mung’ono na aking’ombela, “Nhunda, ghungubhona ng’obhe hamba tungupala kuhwegha?” ³⁹kakiyumuka na kakililakalila lila liyegha na kakilikwilikiha liyuka lya machi mulihibha “Ghuyime, ghutengeleke,” kamu kamu liyuka likiyima tuli na kukibha tuli maha muno.⁴⁰Mbole Yesu kakiaghombela ahundwa bhaki, “Kiyaha niki mukuyoghopa? Nkali na uhyubhalilo ng’obhe?” ⁴¹Nabho bhakiyoghopa muno, bhakikonyekeana, “Ayu ndo ghani? Mwene likusi na mayuka gha machi ghangunnyihwa

¹Yesu na ahundwa bhaki bhakiyomboka kumwambo ya lihibha Galilaya na bhakihika kunnima ghwa Akaagelasi. ²Yesu pakahulukite mubhwato kamu kakikongana na mundu yuna lindilu pakahuma kumandogholo.³Mundu ayo masiku ghoha kakitama akwo kumandogholo, kahone mundu ywakahotolite kunkanikiha ebhu kunmopa kwa nnyololo ⁴Pipipi bhakimmopa nnyololo mumabhoko na kingongolo maghulu peni kakimetulanga akyo kingongolo mumaghulu ghake na kahone mundu yuna makakala gha kunkanikiha.⁵Pakilo na pamuhi kakibhegha kumandogholo na kuhitumbi pakakyota kyobho na kulikachanga kwa maganga. ⁶Pakanmonite Yesu kya kutali, kakintughila na kakinchutamila mayughwa pakibhungi kyake⁷Kakikyota kyobho kwa makakala na pakighomba, “Ghuna niki na nenga, Yesu, Mwana ghwa Chapanga abheghite kunani muno? Nungukuyupa kwa Lihina lya Chapanga ghukotoke kumbamanda.” ⁸Kakilongela naha kiyaha kakibha pakinng’ombela “Ghumbhuke ayo mundu ghwenga lindilu!”⁹Yesu kakinkonya “Lihina lyako ghani?” Mwene kakinnyanga “Lihina lyangu machonda, kiyaha tubhegha ayoloho” ¹⁰Kakinnyupa muno kakotoke kubhatagha kutali na nnima ghula.¹¹Ugheghela na pala pauhelelo ghwa kitumbi bhakibhegha maghulubhe ayoloho bhakihakilwa. ¹²Ghala mandilu bhakinnyupa paaghomba, “Ghutuyeghe kwa bhala maghulubhe, ghutulekekehe tubhayingile.” ¹³kakibhalekekeha. Ndo ghala mandilu ghakinbhuka yula mundu na kubhayingila bhala maghulubhe. Lula lumati lukibhegha na maghulubhe elufu ibhili, ndo lukihelela kungende na bhakidibala mu lihibha.¹⁴Bhala bhandu bhaabheghite mukuhakila bhala maghulubhe, bhakitughila kukitami na kuhijiji hyoha kulubhulila nnando agho. Bhandu bhakighenda kulola ghaghabwitukilite. ¹⁵Bhakihika kwa Yesu na bhakinmona yula mundu ywakabheghite na lumati lwa mandilu, kakihwala lipinda, na luhala lwake lukimmuyila, bhandu bhoha kiyoghopa.¹⁶Bhala bha bhakabhonite nlando aghwo bhakiaghombela na bhandu amo bhangi, ghaabwitukilite kwa yula mundu ywakabheghite na mandilu na ghaghabwitukilite kwa lula lumati lwa maghulubhe. ¹⁷Hinu, bhakiyanda kunyupa kabhuke munnima ghwabhe.¹⁸Yesu pakabheghite mukuyingila mubhwato, yula mundu ywakabheghite na mandilu kakinnyupa Yesu kaghende papamu naywo. ¹⁹Yesu kakinkanikiha, ndo kakinng’ombela “Ghughende ukaya kwa aghanja bhako ghukaaghombele milandu mikulu yakakutendilite Bambo, na pakakubhonelite luhungu.” ²⁰Yula mundu kakighenda na kakiyanda kulandamiha ako ku Dekapoli, mana yaki nnima ghuna hitami mbinda mabhoko yimo, ghala ghakatendelitwe na Yesu, na bhandu bhoha bhakikangacha.²¹Yesu, na bhandu bhoha bhakikangacha.Yesu pakayombokite kangi kwa bhwato kughenda kumwambo ya lihibha Galilaya. Bhandu ayoloho akikwemukala na mwene kakibhegha umbwegha ya lihibha. ²²Ndo kilongohi yumo ywa kitutubhi kyakukonganila Akaayahudi ywakakemitwe Jailu, kakinhikila pala, na pakanmonite Yesu kakichutamila mayughwa pakibhungi kyake, ²³kannpembeleha pakalongela, “Nhinja ghwangu nndokwa kangutamwa tepatepa paulili, Ningughuyupa ghuhike na ghunnyabhike kibhoko kyako ngati kalame kabhe bha maha.” ²⁴Ndo Yesu kakighenda papamu naywo, bhandu ayoloho bhakinntughila na akinnyuka mbande hyoha²⁵Apwo pakibhegha ndala yumu yuna liholobhela mungungwa mbinda libhoko yimo na hibhili. ²⁶Ndala aywo kakipungwa muno kwa kughenda kwa aghanga ayoloho. Na kakiyomola hilibhi hyoha hyakabheghite naywo, peni mbole ya kulama ndo utamwa ghukintopela muno. ²⁷Naywo kakibhegha pakayihwite mihalo ya Yesu na kakinhikila Yesu kya kuhyetu ya lumati lwa bhandu na kakilibyala lipinda lyaki,²⁸kiyaha kakighomba mumwoyo ghwaki, “Handa nda hotola kulibyala lipinda lyaki, kulyaghila ndalama.” ²⁹Kamu, liholobhela lyaki likiketuka, naywo kakighubhona mmili ghwake ghulama.³⁰Kamu, Yesu kakimanya kukita makakala ghake ghakinlamiha mundu. Kakilupilukila lula lumati na kakilukonyekeha, “Ndo ghani aywo ywakabyalite lipinda lyangu?” ³¹Ahundwa bhaki bhakinnyanga, “Ghumwene ghungubhona lumati lwa bhandu palighuyuka, hinu yibhegha bhuli ghungukonyekeha, ndo ghani aywo ywakakuyabyalite?” ³²Yesu kakilolekeha mbande hyoha ngati kammone aywo ywakanbyalite.³³Yula nndala kakimanya kila kinbwitukllite kakinyingilwa lyogha, kakiloghoya na kakighwila mumaghulu ghaki na kakinlubhulila hyoha hyakanbwitukilite. ³⁴kakinng'ombela, “Nhinja, uhyubhalilo ghwako ghukulopoha. Ghughende kwa uhihimilo, na ghulame kulukulu utamwa ghwako.”³⁵Pakabheghite mukughomba, Bhandu bhakihika kuhuma kulubhagha lwa yula kilongohi ghwa kitutubhi kya kukonganika Akaayahudi,bhakinng'ombela, “Nhinja ghwako kahwegha kala. kiyaha niki kunng’aha nhunda?”³⁶Pakayihwite agho Yesu kakinng’ombela aywo nkulu ghwa kitutubhi kya kukonganikila Akaayahudi, “Ghukotoke kuyoghopa ghwenga ghuhyubhalile tu” ³⁷Kakinlekekeha ng’obhe mundu yumooyungi ywa kulongohana naywo maha nga Petili na Yakobo na Yohana nnongo ghwaki Yakobo. ³⁸Pakahikite mulubhagha lwa yula kilongohi ghwa kitutubhi kya kukonganila Akaayahudi, Yesu kakibhona bhulwa, bhandu kwa bhakilila ngukuliko na kwa lilobhe likulu.³⁹Pakayingilite munyumba kati, kakiaghombela, “Kiyaha niki mungutenda bhulwa na kulila? nhinja kahwegha ng’obhe, ngati kaghonja hela.” ⁴⁰Bhala bhakinheka kwa uyuyuho. Peni mwene kakiabhuha bhoa panje, kakibhatola tate na ma ghwa yula nhinja papamu na bhala ahundwa bhake andatu. Kakiyingila munyumbakati mbaka pala pakabheghite yula nhinja⁴¹Kakinkamula kibhoko yula nhinja na kaking'ombela, “Talita komu!” Mana hyaki “Nhinja nungughughombela yumuka.” ⁴²Kamu yula nhinja kakiyima, na kakiyanda kutyanga, aywo nhinja kakibhegha na ngungwa mbinda mabhoko yimo na hibhili. Bhandu paaghabhonite agha bhakikangacha muno ⁴³kakialaghila kwa lilakali bhakotoke kung'ombela mundu nhalo ghula, na kakiaghombela bhanpeghe yula nhinja hilyo.

¹kakibhuka akwo na kakighenda kukitami kyabhe, na ahundwa bhaki bhakintughila. ²Palihikite lisiku lya kupughwa, kakiyanda kuhunda mu kitutubhi kya kukonganila Akaayahudi, na bhandu ayoloho paayihwite bhakikangacha. Bhakikonya, “Mundu ayu kayihopola kwoki mihalu ayi yoha? Nnole ndo mahala gha bhuli ghakabheghite nagho? Nnole ndendelo ya mihabho ghakayitenda. ³Aywo ndo yula nhongola hilibhi hya mikongo ng’obhe? Mwana ghwa Malia? Alongo bhaki ndo Yakobo na Yosefu, Yuda na Simoni ng’obhe? ahacha bhaki ndo abha ng’obhe tubhegha nabho papamu?” Nabho bhakiyaghabhihwa munu kwa kya ywombe bhakinhyula⁴Yesu kakiaghombela, “Mbuyi ghwa Chapanga kanguhokamilwa kwoha, ngati ng'obhe mukitami kyake na mu aghanja bhaki na alongo bhaki.” ⁵Ndo kakitenda ng’obhe nhabho ghwoheli ghula, peni kakiayabhikila mabhoko atamwa bha mandina na kakialamiha. ⁶kakikangacha Muno kiyaha bhakihyubhalila ng’obhe? Mbole Yesu kakihityangila hijiji hya ugheghela pakiahunda bhandu.⁷Kakiakema bhala ahundwa mbinda mabhoko yimo na abhili, na kakialaghiha abhili abhili na kakiapegha makakala gha kughabhuha mandilu. ⁸Kakialaghiha pakighomba, “Nkotoke kutola kyoheli mumwanja maha ntole lukongocho weka chake. Nkotoke kutola lingate, ebu nhako ghwa mapinda, ebhu ngalabha. ⁹Nhwale tabhalanda, peni nkotoke kuhwala lipinda lingi.”¹⁰Kangi kakiaghombela, “Kitutubhi kyoheli kila kya abhakingama ntame apwo nkotoke kubhuka bhuka, mbaka lisiku lila lya kubhuka mukitami akyo. ¹¹Handa poheli pala paabhalema kubhakingama ebu kubhayihwa, npumunde lihu mumaghulu ghenu ngati yibhe uyimiho kwa bhombe.”¹²Ndo bhakibhuka na kughenda kulandamiha bhandu ngati bhalipetule na kuleka ulemwa ghwabhe. ¹³Bhakiabhinga bhinga mandilu mayoloho, na bhakiatyeka mahuta gha nzeituni atamwa ayoloho na kualamiha.¹⁴Hinu mutwa Herode kakiyihwa mihalu ayi, kiyaha mihalu ya Yesu yikimanyikwa poheli. Bhandu bhangi bhakighomba, “Yohana yunakubatisa kakihyuka kuhuma kumambi ndo mana makakala ghaki ghakutenda mihabho mu mwene!” ¹⁵Bhandu bhangi bhakighomba, “Mundu ayu ndo! Eliya” na amoo bhandu bhakighomba, “Mundu ayu ndo mbuyi, handa mmoo yumo ghwa mambuye bha makachu.”¹⁶Peni Helode pakayihitwe nhalu aghu, kakighomba, “Aywo ndo Yohana yunakubatisa! yununndumulite mutwe, hinu kahyuka!” ¹⁷Kiyaha Helode kakikwilikiha Yohana yunakubatisa kakamulwe na kabhikwe mukibhopo. Kakitenda naha kiyaha kakintola Helodia nndala ghwa Filipo nnongo ghwaki mwene.¹⁸Yohana kakinng'ombela Helode, “Yinoghela ng'obhe kwa ghwenga kuntola nndala ghwa nnongo ghwako.” ¹⁹Ndo Helodia kakibha na kihyongololo na Yohana kakipala kunkoma. Peni kakihotola ng'obhe. ²⁰Kiyaha Helode kakinnyoghopa Yohana kakimanya kukita ndi mundu ghwa maha na nng'anyimo, kakinpingikiha. Herode kakinoghelwa kunnyihwanila Yohana peni kakihyononeka muno pakayomolite kunnyihwa.²¹Lisiku limu Helodia kakipata ling'ebu muchekwa hwachilo ya lisiku lya kubhelekwa kwa Herode. Helode kakialalika aghohi bha libalasa lyaki, alongohi ghwa machonda ghwa mikoha, na alongohi ghwa ako ku Galilaya. ²²Ndo nhinja ghwake Helodia kakiyingila kukina, na Helode kakiyelelwa papamu na bhandu bha abheghite mu hilyo. Mutwa Helode kaking’ombela yuna nhinja, “Ghunyupe kyoheli kighukipala na nenga ndaghupegha.”²³Kangi kakinlapila yula nnhinja “Ndaghupegha lyoheli lila lyakapala kuyupa, hata ngabhee lihinda lya ghubhutwa ghwangu” ²⁴Yula nhinja kakighenda panji kunkonya ma ghwake, “Nyupe niki?” ma ghwake kakinyanga, “Ghuyupe mutwe ghwa Yohana Yunakubatisa.” ²⁵Kamu yula nhinja kakibhuya kanongola kaking’ombela mutwa, “Mbala ghumbeghe hinu apa mutwe ghwa Yohana Yunakubatisa mukipalo.”²⁶Mutwa kakihyononeka muno, peni kiyaha kakilapila muulongolo ghwa ahenja kakilepelwa kunkanila. ²⁷Kamu mutwa kakinlaghila yumoo ywa machonda na kakinkwilikiha kakangheghele mutwe ghwa Yohana. Kakighenda kukibhopo na kakinndumula mutwe ghwa Yohana Yunakubatisa. ²⁸Mbole yula lichonda kakiyegha mutwe mukipalo na kakinpegha yula nhinja, na yula nhinja kakinpegha ma ghwaki. ²⁹Ahundwa bha Yohana paayihwite nhalo ghula, bhakighenda kughutola ntumba ghwaki, bhakinkulila.³⁰Bhala andumitumi bhaYesu bhakibhuya na bhakinng'ombela mihalu yoha yaatendite na kuhunda. ³¹Pakibhegha bhandu ayoloho muno bhaghenditeghe na kubhuka kwa Yesu mbaka Yesu na andumitumi bhaki mbaka bhakilepelwa kulyegha, kakiaghombela ahundwa bhaki, “Tughende pa nga bhandu, ngati makapughwe” ³²Ndo bhakibhuka ghweka chabhe mu mbhwato bhakighenda kutama pa nga bhandu.³³Peni bhandu ayoloho bhakiabhona paaghenda, na bhakipamanya paaghendite, nabho bhakighenda kwa maghulu kuhuma mu kila hitami, nabho bhakilongola kuhika. ³⁴pakahikiti ku nnima nnyumu na kulubhona lula lumati na kakiabhonela luhungu, kiyaha bhakibhegha handa mene bha nga nhakila. Hino kakiyanda kubhahunda mihalo miyoloho.³⁵Makimuhi paghaheleliti, ahundwa bhaki bhakinng’endela na bhakinng’ombela, “Apa patutamite ndo pakibhala na hinu lubhindu lunguyanda kuyingila. ³⁶Hino ghualaghe bhandu aghende mumighunda na mu hijiji hya kubhwegha bhakahemele hilyo.”³⁷Peni kakiayanga “Mubhapeghe mwenga hilyo.” Bhakinnkonya, “Nhunda ghungubhona ng'obhe kukita yingutupala tubheghe na ngalabha nyoloho ndo twahotola kubhahemelela bhandu abha hilyo?” ³⁸Yesu kakiakonyekeha, “Ng’ende mukalolekehe yibhegha mingate milingi?” Bhakighenda na paabhuyite bhakinng’ombela, “Yibhegha mingate nhano na homba abhili.”³⁹Ndo kakiakwilikiha bhaatamihe bhandu mu himati himati mumanyahi mabhihi. ⁴⁰Nabho bhakitama muhimati hya bhandu mbinda mabhoko kumi na bhangi mbinda mabhoko nhano. ⁴¹Mbole Yesu kakiyitola yila mingate nhano na bhala homba abhili kakilolekeha kuluhingu, kakinnumba Chapanga, kakiyimetula yila mingate, na kakiapegha ahundwa bhaki bhabhapeghe bhandu bhoha. Hila hila bhakiapegha bhandu bhoha bhala homba abhili.⁴²Bhandu bhoha bhakilyegha na bhakiyukuta. ⁴³Ahundwa bhaki bhakihiyola mahighalo gha hipalamande hya mingate na homba, na bhakimemekeha hikapu mbinda mabhoko yimo na hibhili.⁴⁴Mbalango ya bhandu alumi bha alyeghite bhakibhegha elfu nhano.⁴⁵Kamu, kakiakwilikia ahundwa bhake ayingile mu mbhwato bhalongole kughenda ku Betisaida kumwambo ya lihibha, mwene pakabheghite mukualagha lumati lula lwa bhandu. ⁴⁶Mbole ya kualagha, mwene kakighenda kukitumbi kunntundamila. ⁴⁷Payihikite makimuhi ghula bhwato ghukibhegha pakati ya lihibha, na Yesu kakibhegha ghweka chake munnima nnyumu.⁴⁸Kakiabhona ahundwa bhaki mu bhwato akighayaghaya pa bhakibhyatula kwa makakala, kiyaha likibhegha liyegha likiapingika. Ugheghela na kuchegha Yesu kakiaghendela ahundwa bhake pakityanga unani mwa machi. Ywombe hamba kakapaliteghe kubhayomboka. ⁴⁹Peni paanmonite pakityanga unani mwa machi bhakihwacha kakibha lihoka, bhakitula kyobho. ⁵⁰Kiyaha bhoha paanmonite bhakiyoghopa muno. Mbole kakighomba nabho, “Nkotoke kuyoghopa! Ndo nenga!”⁵¹Kakihubhuka mubhwato ghwa abheghite na lila liyegha likiyima! Bhala ahundwa bhakikangacha muno. ⁵²Kiyaha bhakimanya ng’obhe nhalo ghwa yila mingati abhalyeghitehe bhandu elfu n'hano, ndo mahala ghabhe ghakighubhanikwa.⁵³Paayombokiti lihibha, bhakihika nnima ghwa Genesaleti, bhakipaghika bhwato ghwabhe ⁵⁴Pabhahulukite kuhuma mu bhwato ghula, bhandu bhakinmanya Yesu, ⁵⁵Bhakighenda mu nnima ghwoha kanongola nongola, bhakiayegha atamwa mumikahe yabhe na bhakiayegha kwoheli paayihwite kukita Yesu kakibhegha.⁵⁶Na kwoheli kula pakaghendite , yibhe muhijiji na muhitami ebu mumighunda bhandu bhakiabhika atamwa bhabhe pa hindangabhanji na bhakinpembeleha kabhategheke bhabyale lipinda lyaki na bhoha bhaanbyalite lipinda lyaki bhakilama.

¹Akaafalisayo na amoo bha Ahunda bha malaghilo bhaahumite ku Yelusalemu bhakikwemukila kuulongolo ghwa.²Bhakiabhona amoo bha ahundwa bha bhakilyegha hilyo kwa mabhoko ghabhe kya nga kukuha handa mughapalite malaghilo gha Akaayahudi. ³Akaafalisayo na Akaayahudi bhoha kahone kulyegha hilyo mbaka akuhe mabhoko ghabhe mbaka ku kingogho kiyaha angukamulila hitohe hya aghohi bhabhe. ⁴Paahuma ku hindandabhanji kahone kulyegha mbaka akuhe. Kangi yibhegha hitohe hingi hiyoloho hya ahalite handa bhula kughulula ndebho, hibhigha na hilibhi hya mahabha.⁵Hino bhala ahunda bha malaghilo na Akaafalisayu bhakinkonya Yesu, “Yibha bhuli ahundwa bhako bhangutughila ng'obhe mihumu ya aghohi bhetu mbole yaki angulyegha kwa mabhoko ghana kinyakali?”⁶kakiayanga, “Mbuye Isaya kakilondola hoto ya kya mwenga, mwenga maafyangu, handa pakatyekite:‘Chapanga kangughomba: Bhandu abha bhangunyikitila kwa milomo yabhe,peni miyoyo yabhe yibhegha kutali na nenga. ⁷Bhangundundamila yaghi, paakihunda hitohe hya anabhandu paakighomba agho ndo malaghilo gha Chapanga.’⁸“Mwenga muyileka malaghilo gha Chapanga na kuyikamula mihumu ya anabhandu” ⁹kakiaghombela, “Mwenga mmegha na njenjelo ya kuyilema ngwilikiho ya Chapanga ngati muyikamule mihumu yenu! 10 ¹⁰Kwa nhwano, Musa kakighomba, ‘Ghubhayikitile tate na ma ghwako’ na ‘ywoheli ywakanligha tate ghwake ebu ma ghwake kakomwe’¹¹Peni mwenga mungughomba, mundu ywakanng'ombiliti tate ghwake ebu ma ghwake kukita, ‘Kila kya kukutanga ghwenga ndo Kolibani’ kukita kibhibhegha lilumbo lya kya Chapanga, ¹²Mbole ya agha kangukwilika ng'obhe kuntanga tate ebu ma ghwake. ¹³Kwa njenjelo ayi mwenga munguyuyuha lilagho lya Chapanga kwa mihumu yenu yimulibhikilite. Mwenga mukutenda mihalu miyoloho yakya njenjelo ayo.¹⁴Yesu kakilukema kangi lula lumati lwa bhandu na kakiaghombela, “Nnyihwanile, bhoha na mmanye nlando aghu. ¹⁵Kahone kilibhi kina kunyingiha mundu kakatende ulemwa kwa kya Chapanga, peni kina kummuka ndo kina kunbhika mundu kakatende ulemwa kwa kya Chapanga. ¹⁶Handa mundu ywoheli yuna makutu gha kuyihwa, na kayihwe”¹⁷Yesu Pakalulekiti lula lumati lwa bhandu na kuyingila munyumba kati, ahundwa bhaki bhakinkonya mana ya ndambulo yila. ¹⁸Kakiayanga, “Na mwenga mmanya ng'obhe? Mmanya ng'obhe kukita kilibhi kinakunnnyingila kahone kunbhika mundu kakatende ulemwa kwa kya Chapanga? ¹⁹Kiyaha mundu pakalyegha kilibhi kingunnyingila ng'obhe mu mwoyo maha mulutumbo mbole yaki kingummuka panji ya mmili bhake. Kya kughomba naha Yesu “kakilekekeha hilyo hyoha ndo hya maha kwa kulyeghwa”²⁰Kakighendelela kughomba, “Kila kinakummuka mundu ndo kingunbhika kabhe na ulemwa kwa Chapanga. ²¹Kiyaha kuhuma mumwoyo ghwa mundu kungubhuka: Hwachilo ya mihakataho na utyahe na bhwihi na kukoma na ²²lumatamata na tama ya uhakata na ukiluko na uhwangi na tama ya utopelo na malili na maligho na lukilu na ubhughabhugha. ²³Mihalu ayi yoha yinguhuma mu mwoyo ghwa mundu naywo na ndo yina kunbhika mundu kabhe nhokela.”²⁴Ndo Yesu kakibhuka akwo na kakighenda ku nnima ghubheghite ugheghela naTilo. Kakiyingila mu kitutubhi kimo, na mwene kakipala ng'obhe bhandu amanye kukita kabhegha amo. Peni kakihotola ng'obhe kulihiha. ²⁵Peni nndala yumo ywakabheghite na nhinja nndokwa naywo kakibhegha na mandilu kakiyihwa mihalu ya Yesu na kakinhikila na kakichutamila mayughwa muulongolo ghwa Yesu. ²⁶Hinu aywo nndala kakibhegha ng'obhe Nnyahudi, nkolannima ghwa ku Foinike ya akwo Silia. Kakinnyupa Yesu kakaghabhuhe mandilu kwa nhinja ghwake.²⁷Yesu kaking'ombela, “Ghubhaleke bhana ayukute huti, yibhegha maha ng'obhe kutola hilyo ya bhana na kuataghila kabhwa.” ²⁸Peni yula nndala kakinnyanga, “Bambo, na akabhwa abheghite pahi pakindangabhala alyeghagha mahighalo gha hilyo hya bhana.”²⁹Ndo Yesu kakinnyanga, “Kiyaha ya kya liyango alyo, ghughende kulubhagha lwako na yula lindilu kammuka kala nhinja ghwako.” ³⁰Kakibhuya kulubhagha lwake na kakinmona nhinja ghwaki kakighonja paulili, na lila lindilu likimmuka kala.³¹Mbole Yesu kakibhuka ako ugheghela na Tilo, kakipitila Sidoni mbaka Dekapoli nnima ghuna hitami mbinda mabhoko yimo mbaka kakihika kulihibha Galilaya. ³²Akwo bhandu bhakinnyeghela mundu yumu ywa nga kuyihwa na na kana kimama, bhakinnyupa kakannyabhikile kibhoko kyake ngati kakannlamihe.³³Mbole Yesu kakinnyegha yula ywa nga kuyihwa kutali na bhandu, Yesu kakinnyingiha hikonji hyake mu makutu ghake, kakihuna mata muhikonji hyaki na kakilubyala lulimi lwa yula mundu. ³⁴Mbole kakilolekeha kunani kuluhingo kakitweta kwa makakala kakinng'ombela, “Efata!” Mana yaki “Hughuka.” ³⁵Kamu! makutu ghaki ghakihughuka na lulimi lwaki lukilekekehwa kakiyanda kulongela maha.³⁶Yesu kakibhakwilikiha bhakotoo kunnongela mundu ywohele mihalo aywo. Peni paabhakanikihite ndo bhakiyonjokeha kulandamiha munu mihalu aywo. ³⁷Bhandu bhoha bhakikangacha munu! bhakilongela “Katenda mihalo yoha yinakunoghela munu! kabhatangatila bha nga kuyihwa, kuyihwa na bhana kimama bhalongele.”

¹Mumasiku agho, lumati lukulu lwa bhandu lukikwemuka kangi, na bhakibhegha ng'obhe na hilyo. Hino Yesu kakiakema ahundwa bhaki na kakiaghombela, ²“Nungulubhonela luhungu lumati alu lwa bhandu, kiyaha hino bhabhegha na nenga kwa masiku mandatu na kibhahone kya kulyegha. ³Handa panialagha aghende ukaya kwabhe kya nga kulyegha, bha hima kwa njala munjila, mana amoo bhangi ahumila kutali” ⁴Ahundwa bhaki bhakinkonya, “Apa pakibhala twahumbula kwoki mangati gha kukwila kulyegha lumati lwoha alu?”⁵Yesu kakiakonya, “Mubha na mingate milingi?” Ahundwa bhaki akinnyanga, “Tubhegha na mingate saba.” ⁶Kakiakwilikiha bhandu bhoha atami pahi. Ndo kakiyitola yila mingate saba, kakinnumba Chapanga kakiyimetulanga yila mingate, kakiapegha ahundwa bhaki abhaghabhanikihe bhandu, nabho bhakiaghabhanikiha bhandu.⁷Hilahila bhombe bhakibhegha na hihomba hya mandina, Yesu kakinnumba Chapanga kwa kya bhala homba na kakiakwilikiha ahundwa bhake abhapeghe bhandu ubwabhu abhu. ⁸Bhandu bhala bhakilyegha na kuyukuta na mbole yaki ahundwa bhakikungana hipalamande hihighalite na bhakimemekeha hikapu nhano na ibhili. ⁹Bhandu bha alyeghite akibhegha elfu ncheche. Ndo Yesu kakialagha. ¹⁰Kamu kakihubhuka mubhwato papamo na ahundwa bhake na kakighenda ku kitami kya Dalumanuta.¹¹Amoo bha Akaafalisayo bhakinhikila Yesu, na bhakiyanda kughombana naywo kwa kunng'eha na bhakinpala katende nhabho ghwa kunmanyiha kwa bhene kukita makakala ghake ghakuhuma kwa Chapanga. ¹²Peni Yesu kakikukulika mumwoyo na kakiaghombela, “Kiyaha niki kibheleko aki kingupala nhabho? Kulyaghila, nungubhaghombela, kya kamuhwa ng'obhe nhabho ghwoheli.” ¹³Mbole kakibhaleka, kakihubhuka ku bhwato, na kakiyomboka kumwambo yingi ya lihibha.¹⁴Ahundwa bhaki bhakilibhalila kuyegha mingate ya kukwila, na bhakibhegha na lingate limo mubhwato. ¹⁵Yesu kakiatakilila, “Nhingukihe, na linjakamu lya Akaafalisayo na linjakamu lya Helode.”¹⁶Bhakiyanda kughombana bhene kwa bhene, bhakighomba, “Kangulongela naha kiyaha tuyegha ng'obhe mingate.”¹⁷Yesu kakighamanya maghombano ghabhe, na kakiakonya, “Kiyaha niki mungughombana nhalo ghwa nga kuyegha mingate? Nkali kundambula ebu kumanya ng'obhe? Yibha bhuli mioyo yenu yibha na unonopo naha?¹⁸Bhuli mmegha na meho peni mungulepelwa kubhona! Bhuli mmegha na makutu peni mungulepelwa kuyihwa? Bhuli nde mungundambula ng'obhe? ¹⁹Pala pametulite mingate nhano na kubhalyegheha bhandu Elfu nhano, mukikungana mahighalo gha hikapu hilingi? Ahundwa akinnyanga, “Mbinda mabhoko yimo na hibhili.”²⁰Na pametulite yila mingate nhano na ibhili na kualyegheha bhandu elfu ncheche, mukikungana mahighalo gha mingate, hikapu hilingi himemekihitwe?” Akinnyanga “Nhano na ibhili.” ²¹Ndo kakiakonya “Nde nkali kumanya?”²²Ndo kakiakonya “Nde nkali kumanya?”22 Yesu na ahundwa bhaki bhakihika ku Betisaida, amoo bhandu bhakinnyegha mundu ywa nga kubhona, bhakinnyupa kakan'yabhike. ²³Yesu kakinkamula kibhoko ywa nga kubhona aywo, kakinnyegha panji ya kijiji. Kakinhunila mata mu meho ghake yula ywa nga kubhona na kunmikila mabhoko mu meho, kakinkonya “Ghungubhona kilibhi kyoheli?”²⁴Yula ywa nga kubhona kakilola, kakilongela, “Ningubhona bhandu angubhonekana handa mikongo yinakutyanga.” ²⁵Yesu kakinmikila kangi mabhoko ghaki mumeho yula ghwa nga kulola. Naywo kakihulutula meho, kubhona kwaki hinu kukimmuyila, kakilola hilibhi hyoha telatela. ²⁶Yesu kakinlagha kabhuye ukaya kwake na kakinkwilikiha, “Ghukotoo kuyingila kukijiji.”²⁷Yesu na ahundwa bhake bhakibhuka na kughenda nng'eghela mwa hijiji hya Kaisaliya Filipi. Paabheghite munjila, Yesu kakiakonya, “Bhandu angulongela nenga ndo ghani?” ²⁸Bhakinnyanga, “Amoo bhandu angulongela ghwenga ndo Yohana yunakubatisa, bhangi angulongela ghwenga ndo Eliya na bhangi angulongela ghwenga ndo yumoo yumo ywa mambuye ghwa Chapanga.”²⁹Yesu kakiakonya, “Mwenga mungulongela nenga ndo ghani?” Petili kakinnyanga, “Ghwenga ndo Kilisto ywakahaghulitwe na Chapanga.” ³⁰Mbole Yesu kakiakanikiha, “Akotoo kunlongelela mundu ywohele mihalo ya nenga.”³¹Hino Yesu kakiyanda kuhunda ahundwa bhaki, “Mwana ghwa Mundu katambamandwa na katalemwa na aghohi, na mandundame akulu na ahunda bha malaghilo. Kukita katakomwa, na mbole ya masiku mandatu katahyuka.” ³²Yesu kakilongela habhu kya nga uhiho. Ndo Petili kakinkemela pambwegha na kakiyanda kunlakalila.³³Peni Yesu kakikilibhuka na kualolekeha ahundwa bhaki, kakinlakalila Petili na kakilongela. “Ghubhuke kughulongolo ghwangu Nchipila! Ghwenga ghwangahwacha gha Chapanga ngati gha anabhandu.” ³⁴Mbole kakilukema lula lumati lwa bhandu na ahundwa bhaki, kakiaghombela, “Mundu ywohele ywakapala kundughila, mbaka kalileme mwene, kalutole lupingika lwake, kandughile nenga.³⁵Mana mundu ywohele ywakapala kuulopoha ubhumii ghwaki katauhobheha, peni mundu ywaka uhobheha ubhumi ghwaki kwa kya nenga na kwa kya Mihalo ya Maha kataulopoha. ³⁶Mundu katamota niki handa kataghukamula nnima ghwoha na kuuhobheha ubhumi ghwaki? Kabhone kumota kyoheli. ³⁷Ebu mundu katabhika kilibhi ghani kihegheke ubhumi ghwaki?³⁸Mundu ywoheli ywakanmonela honi nenga na mahundo ghangu mukibheleko kya utyahe na kya uhokelo. Mwana ghwa Mundu katammonela honi pakalonda kubhuya muukulu ghwa Tate ghwaki papamu na Andumitumi ghwa kuluhingu ghwa Chapanga.”

¹Yesu kakighendelela kubhaghombela, “Kulyaghila nungubhaghombela, amoo bhandu bhaayimite apa bhatahwegha ng'obhe mbaka paalonda kughubhona Ghubhutwa ghwa Chapanga paghuhika kwa makakala.” ²Mbole ya nhano na yimo, Yesu kakighenda papamu na Petili na Yakobu na Yohana mbaka kukitumbi kitandamaho kwa nga bhandu, kakighalambuka kibhungi mu ulongolo ghwabhe. ³Mapinda ghaki ghaking'anyima ng'anyi, kahone mundu ywoheli ywa kahotola kung'anyihya handa bhula, pannima apa,⁴bhakibwitukila Eliya na Musa, bhakibha pa ayobhela na Yesu ⁵Petili kakinng'ombela Yesu.“ Nhunda, inoghela twenga tutame apa, tuchenge higubi hindatu, kimo kya ghwenga na kimo kingi kya Musa na kingi kangi kya Eliya.” ⁶Petili na ayake bhakimanya ng'obhe kya kughomba kiyaha bhakiyoghopa muno.⁷Ndo likibwitukila lihundi likibhagubika na lilobhe likiyihwanika kuhuma mu lila lihundi palighomba, “Ayu ndo Mwana ghwangu yununpala munnyihwanile ywombe.” ⁸Kamu paalyungite mehu kunu na kunu bhakimmona ng'obhe mundu ywoheli papamu naywo; ngati nga Yesu ghweka chake.⁹Paabheghite mukuhelela kuhuma kukitumbi, Yesu kakiakwilikiha, “Nkotoo kunng'ombela mundu ywohele mihalu muyibhonite mbaka Mwana ghwa Mundu pakalonda kuhyuka.” ¹⁰Bhakilikamula lilaghilo alyo na bhakighombana, “Akwo kuhyuka mana yaki ndo niki?”¹¹Bhakinkonya, “Bhuli ahunda bha malaghilo angulongela, Eliya kahiki huti?” ¹²Yesu kakiayanga “Tela, Eliya katalongola huti kutengeleha mihalu yoha. Bhuli hino yityekwa kukita Mwana ghwa Mundu inogha kambamandike muno na kuyuyuhwa? ¹³Peni nungunng'ombela, Eliya kahika kala nabho antendela bhaghapalite handa muyityekitwe ya kya ywombe.”¹⁴Pabhaahikiliti bhala ahundwa bhangi, bhakiabhona bhatindilwa na lumati lukulu lwa bhandu. Na amoo ahunda bha malaghilo bhakighombana na bhombe. ¹⁵Kamu bhandu bhala paammonite Yesu bhakikangacha munu, bhakintughila annamuhe ¹⁶Yesu kakiakonya ahundwa bhake, “Mungughombana nabho niki?”¹⁷Mundu yumo ywa mulumati kakinnyanga, “Nhunda nunnyegha kwa ghwenga mwana ghwangu kana lindilo lyakantendite kabhe ywa nga kulongela. ¹⁸Pipipi aywo lindilo pakankwehagha mwana ghwangu, kannghwihagha pahi na kuntenda kahumwe na lihuluhulu munnomo na kuhyagha meno, mbole mmili ghwaki ghungukakama. Nikibhayupa ahundwa bhako bhammuhe aywo lindilu peni bhakilepelwa.” ¹⁹Yesu kakiaghombela, “Mwenga kibheleko kya nga uhyubhalilo nda tama na mwenga mbaka pakiki? Ndabhalimbilila mbaka pakiki? Munnyeghe aywo nhongolo kwa nenga.”²⁰Bhombe bhakinnghegha yula nhongolo Yesu. Kamu lila lindilu pakammonite Yesu kakinkweha kihilika naywo nhongolo kakighwegha pahi kakibingilika na kuhumiha lihuluhulu pa ngulu. ²¹Yesu kakinkonya tate ghwa yula nhongolo “Nnando aghu ghuntandila pakiki?” Naywo kakinnyanga, “Kutandila pa ukakombo ghwaki. ²²Pipipi lindilu aywo likinnghwiha mumwoto na mumachi ngati kankanjaghane yomo, hinu handa ghwa hotola chonde ghutubhonele luhungu ghututange.”²³Yesu kakinng'ombela, “Ena handa ghwa hyubhalila, mihalo yoha yahotoleka kwa mundu yunakuhyubhalila.” ²⁴Kamu, tate ghwa yula nhongolo kakinlilila Yesu, “Ninguhyubhalila, peni uhyubhalilo ghwangu ukwila ng'obhe, ghundange.” ²⁵Yesu pakabhonite lumati lwa bhandu lukinkwemukila papamu kanongola, kakinkwlikiha yula lindilu, kakinng'ombela, “Ghwenga lindilu ghwanga kughomba na kuyihwa, nungughukwilikiha, ghummuke nhongolo ayu na ukotoo kunnyingila kangi.”²⁶Yula lindilu kakikyota kyobho, kakinnghwiha, kakinloghoheya kwa makakala na kakimmuka. Yula nhongolo kakibhegha handa ntumba bhandu bhakilongela “Kahwegha!” ²⁷Peni Yesu kakinkamula kibhoko yula kakombo, kakinnyinula naywo kakiyima.²⁸Mbole, Yesu kakiyingila munyumba kati, ahundwa bhaki bhakinkonyekeha mwa bhabheghite pa ghweka chabhe, “Bhuli twenga tukihotola ng'obhe kunmuha yula lindilu?” ²⁹Yesu kakiayanga, “Ndendo ya kya naha kahone kubhuka maha kwa kunnyupa Chapanga na kulikunga.”³⁰Yesu na ahundwa bhaki bhakibhuka akwo bhakipitila ku Galilaya. Yesu kakilema mundu ywohele kamanye kwa kabheghite. ³¹Kiyaha kakibha mu kuahunda ahundwa bhaki. Kakiaghombela, “Mwana ghwa Mundu katakilukwa na kukamuhwa kwa bhandu nabho bhatankoma mbole ya lisiku lya ndatu katahyuka.” ³²Peni, ahundwa bhaki bhakimanya ng'obhe kila kyakaahundite, nabho bhakihyoghopa kunkonya.³³Hinu bhakihika ku Kapelinaumu mbole ya kuyingila mu kitutubhi Yesu kakiakonya ahundwa bhaki, “Mukighombana kingiki munjila?” ³⁴Peni bhene bhakinnyamala, kiyaha panjila pala bhakighombana ya kya ghani ndo nkulu mubhombe. ³⁵Yesu kakitama pahi na kakibhakema bhala ahundwa mbinda mabhoko yimo na abhili na kakiaghombela, “Handa mundu ywoheli ywakapala kubhegha kilongohi inogha kabheghe ghwa kundahe dokwa na kabhe ndumitumi ghwa bhoha.”³⁶Mbole kakintola mwana nndokwa kakinnyimiha pakati yabhe, kakinpakata na kakiaghombela, ³⁷“Mundu hyowele ywakankemela yumoo! ywa abha bhana adokwa kwa lihina lyangu, kangungemela nenga. Naywo ywaka ngemela nenga kangunkema yula ywakanaghilite.”³⁸Yohana kaking'ombela “Nhunda, tunmona mundu kangubhua mandilo kwa lihina lyako, twenga tukinkanikiha kiyaha ywombe kabha mukimati kyetu ng'obhe.” ³⁹Yesu kakighomba, “Mangankanila, kahone ywohele ywakatenda mihabho kwa lihina lyangu mbole kahotole kukambuka lya uhakata kwa nenga.⁴⁰Kiyaha ywakabhegha tela na twenga kabha mu mbande yatu. ⁴¹Kulyaghila nunguaghombela, ywohele ywakanpegha mwenga nteko ghwa machi gha kunywegha kiyaha mwenga ndo bhandu bha Kilisto kulyaghila kahone kuhobha lilumbo lyake.”⁴²Mundu ywohele ywakannyegheleha yumoo ywa adokwa abha bhatenda ulemwa, yingunnoghela mundu aywo kabhopelwe liganga likulu lya kuhyagila muntandala ghwake na kuchumbukihwa mulihibha. ⁴³Kibhoko kyakyo pakighunyegheleha ghutende ulemwa ghukilumuhe. Mbaha ghuyingile mu ubhumi kya nga kibhoko kimo chepa kuyingila na mabhoko mabhili na kuchumbukihwa mumwoto ghwa masiku ghoha ghwa nga kuhimika. ⁴⁴Amwo, mahinje ghaki anguhwegha ng'obhe na mwoto ghwaki ghwa nga kuhimika.⁴⁵Na kighulu kyako pakighunnyegheleha kutenda ulemwa, ghukilumule, mbaha ghuyingile muulami kya nga kighulu kimo, chepa kuyingihwa na maghulu ghako ghoha mabhili na ghutaghwe mumwoto ghwa masiku ghoha ghwa nga kuhimika. ⁴⁶Amwo, mahinye ghaki kahone kuhwegha na mwoto ghwaki ghwa nga kuhimika masiku ghoha.⁴⁷Na liho lyako palighunyegheleha ghutende ulemwa, ghulitupule! mbaha ghuyingile mu Ghubhutwa ghwa Chapanga na liho limo ndu chepa kubhegha na meho ghoha mabhili na ghutaghwe mu mwoto ghwa masiku ghoha ghwa nga kuhimika. ⁴⁸Amwo, ‘Mahinye ghaki kahone kuhwegha na mwoto ghwaki ghwa nga kuhimika.⁴⁹“Mana mundu ywohele kaalungwa mwinyo kwa mwoto. ⁵⁰“Mwinyo ntema ghwa maha peni handa payiluluka , ghwalungihwa na niki? “Mmeghe na mwinyo mu mwenga, na ntame kwa uhihimilo nkati yenu.”

¹Yesu kakiyomboka lukemba lwa Yoludani na kakighenda ku nnma ghwa Yudea. Lumati lwa bhandu lukintughila, naywo kakibhahunda handa kitohe kyake. ²Hino Akaafalisayo bhakinng'endela kunng'eha na bhakinkonya, “Bhuli, malaghilo ghanguyegheka mundu nnume kunleka nndala ghwake?” ³Yesu kakiayanga, “Musa kakiakwilikiha niki?” ⁴Bhombe bhakinnyanga, “Musa kakitegheka kukita mundu katantyekela lihamba lya kunleka nndala ghwake na kunleka.”⁵Yesu kakiaghombela “Musa kakityeka laghilo alyo lya kya unonopo ghwa myoyo yenu ⁶Peni kutandila ubhumbilo ghwa nnima, ‘Chapanga kakiabhumba mundu nnume na mundu nndala.’⁷“Ndo nnume katanleka tate ghwake na ma ghwake naywo katalungana na nndala ghwaki. ⁸Abha abhili bhatabhegha mmmili ghumo.’ Hinu abho abhili ng'obhe ngati mmili ghumo. ⁹Hinu, kyakakilungite Chapanga, anamundu kakotoo kupwilinganiha.¹⁰Pakayingilite munyumba kati, ahundwa bhaki bhakinkonya ya kya nhalo ghula. ¹¹Mwene kakiaghombela, “Ywakanleka nndala ghwaki na kutola yungi, kangutenda utyahe. ¹²Na nndala ywakanleka nnume ghwaki na kakatolelwa na nnume yungi, kangutenda utyahe.”¹³Bhandu bhakinnyeghela Yesu bhana adokwa ngati kabhayabhike mabhoko ghake unani mwabhe, ahundwa bhaki bhakialakalila. ¹⁴Yesu pakabhonite naha kakikalala na kakiaghombela ahundwa bhaki, “Mubhategheke bhana ahike kwa nenga, nkotoke kuakanikiha, kiyaha Ghubhutwa ghwa Chapanga ndo ghwa bhandu bha abheghite handa abha.”¹⁵Kulyaghila nunguaghombela, mundu ywoheli ywa nga kukingama Ghubhutwa ghwa Chapanga handa bhana adokwa kahone kuyingila amwo. ¹⁶Ndo kakiatola bhala bhana mu mabhoko ghake kakiapakata, kakiayabhika mabhoko ngati abhanonele.¹⁷Yesu pakabheghite mu kubhuka, mundu yumo kakintughila, kakitundamila mayughwa mu ulongolo ghwaki na kakinkonya, “Nhunda ghwa maha, ndende niki nighuhale ubhumi ghwa masiku ghoha ghwa nga uhiko?” ¹⁸Yesu kakinnyanga, “Kiyaha niki ghungungema ghwa maha? Kahone mundu ghwa maha, ngati nga Chapanga ghweka chake. ¹⁹Ghungughamanya malaghilo: ‘Kukoma kata, utyahe kata, kuyibha kata, unyimiho ghwa uhwangi kata, ukubhuhi kata, ghubhayikitile tate ghwako na ma ghwako.’”²⁰Mwene kakinnyanga, “Nhunda, malaghilo agha hyoha nikighakamula tangu pa meghite nhongolo.” ²¹Yesu kakinlolekeha na kakinpala, ndo kakinng'ombela “Ghupelelwa na kilibhi kimo ghughende ghukahemengane hyoha hiubheghite nahyo na ghubhapeghe ngalabha ahyo bhandu kapukwa, ghwabhegha na utopelo nnyoloho ku luhingu, mbole ghundughile.” ²²Yula mundu pakayihwite agho, kakukulika muno na kakibhuka kunu pakahyononeka, kiyaha kakibha na utopelo nnyoloho.²³Yesu kakilolekeha mbande hyoha, kakiaghombela Yesu ahundwa bhaki, “Kya bhuli yabhegha unonopo kwa bhana utopelo kuyingila mu Ghubhutwa ghwa Chapanga!”²⁴Ahundwa bhaki bhakikangacha muno kwa malagho agho, Yesu kakiaghombela kangi, “Bhana bhangu, kya bhuli yabhegha unonopo mundu yuna kuhyubhalila utopelo kuyingila mu Ghubhutwa ghwa Chapanga. ²⁵Yabhegha unonopo kwa yunautopelo kuyingiha mu Ghubhutwa ghwa Chapanga mbaha ya nnyama ngamiha kuhotola kuyingila mu lilanga lya sasia.”²⁶Ahundwa bhaki bhakikangacha muno bhakikonyana, “Ndo ghani aywo ywakahotola kulopoka?”²⁷Yesu kakiahulutulila meho na kakiayanga, “Kwa anamundu ali kahone, peni kwa Chapanga ng'obhe; yoha kwa Chapanga yahotolwa.” ²⁸Petili kunng'ombela, “Twenga tuhileka hyoha na kughutughila ghwenga!”²⁹Yesu kakiaghombela, “Kulyaghila nunguaghombela mundu ywohele ywakalekite lubhagha lwaki ebu nnongo ghwaki ebu nhacha ebu maghwake ebu tate ghwaki ebu bhana bhaki ebu mighunda kwa kya nenga na kwa kya Nhalo ghwa Maha, ³⁰mwene katakamuhwa mala mbinda mabhoko kumi mu masiku agha, kitutubhi na nnongo ghwaki na nhacha ghwaki na Ma ghwaki na tate ghwaki na bhana bhaki na mighunda papamo na himbamanda, mbole ndo ubhumi ghwa nga kupela munnima ghwalonda kuhika. ³¹Peni bhandu ayoloho bhabheghite kuulongolo bhaabhegha ghwa kundahe na bha kundahe bhaabhegha bha ulongolo.”³²Yesu na ahundwa bhaki bhakibhegha munjila kughenda ku Yelusalemu na Yesu kakialongolela. Ahundwa bhakibha na bhwaghalihi, na bhandu bhaatughilite bhakimememwa bhakiyoghopa. Yesu kakiatola kangi bhala ahundwa mbinda mabhoko yimo na abhili kya ghweka na lula lumati na kakiaghombela ghala ghaalonda kunhikila. ³³Kakighomba, “Nnyihwe tunguhubhuka kughenda ku Yelusalemu, na akwo Mwana ghwa Mundu katakilukwa na katakamuhwa kwa hilongohi bha andundame na ahunda bha malaghilo. Bhene bhatantosa kiho, na kunkamuha kwa bhandu abheghite ng'obhe Akaayahudi. ³⁴Bhene bhatanhyula, bhatanhunila mata, bhatantuta minjupuchupu na kunkoma. Peni lisiku lya ndatu kaahyuka.”³⁵Ndo, Yakobo na Yohana, bhana bha Zebedayo, bhaking'endela Yesu na bhakinng'ombela, “Nhunda, tungupala ghututendele lyoheli lila litupala kukuyupa.” ³⁶Naywo Kakibhaghombela, “Hinu, mungupala nibhatendele nhalo ghani?” ³⁷Bhakinng'ombela, “paghutama mu kitebho kyako kya ukulu kya Ghubhutwa ghwako tungupala ghututamihe yumu mbande yako ya nnilo na yungi mu mbande ya nngiya.³⁸Yesu kakiaghombela, “Mungumanya ng'obhe kimukiyupa. Kulyaghila mahotola kulimbilia kimbamanda kya kya nenga na mabhegha kala kwa kiho kya nonda kuhwegha nenga” ³⁹Bhakinnyanga “Twahotola” Ndo Yesu kakiaghombela, “Nteko ghwa nlonda kuywegha nenga manywela na ubatiso ghwa kya nenga mabatisighwa, ⁴⁰Peni kutama mbande yangu ya nnilo ebu ya ngiya, aghu ndo nnando ghwa nenga ng'obhe kuapegha ngati aghu ndo ya bhala bhaabhikilitwe kala na Chapanga.”⁴¹Bhala ahundwa bhangi mbinda mabhoko yimo paayihwite nhalo agho bhakiyanda kubhayaghabhalila Yakobo na Yohana. ⁴²Yesu kakiakema ahundwa bhaki papamu na kakiaghombela, “Mungumanya kukita atabhala bha bhandu bha milima yingi bhangubhatabhala bhandu kwa makakala, nabho akulu bhanguangwiliha bhandu bhabhe.⁴³Peni kwa mwenga kata. Mbole yaki ywoheli ywakapala kubhegha nkulu mumabhene ndo yinguntama kabheghe nndumitumi ghwenu. ⁴⁴Na mundu ywoheli ywakapala kubhegha kilongohi, yinguntama kakaatumikile bhangi. ⁴⁵Kiyaha hata Mwana ghwa Mundu kakihika kutendelwa lihengo ng'obhe, ngati kakihika kutenda lihengo na kuubhuha ubhumi ghwaki ghubheghe ukombohi kwa bhandu ayoloho.⁴⁶Ndo bhakihika Yeliko, pala Yesu pakabhukite mukitami na ahundwa bhaki papamu na lumati lukulu lwa bhandu, ywangakubhona lihina lyaki Balitimayu, mwana ghwa Timayu, kakitama mumbhwegha ya njila pakiyupa utangwo. ⁴⁷Balitimayu pakayihwite kukita ndo Yesu ghwa ku Nazaleti ywakabheghite mukupita, kakiyanda kukweha lilobhe pakaghomba, “Yesu, Mwana ghwa Daudi, ghumonele luhungu!” ⁴⁸Bhandu ayoloho bhakinlakalila na kung'ombela kanyamale, peni mwene kakighendelela kukweha lilobhe pakighomba, “Mwana ghwa Daudi ghunmonele luhungu!”⁴⁹Yesu kakiyima na kulongela, “Munkeme” Ndo bhakinkema yula ywanga kubhona bhaking'ombela, “Ghulikunge mwoyo! ghuyime, kangughukema.” ⁵⁰Kakilitagha lipinda lyake, na kakihumba na kung'endela Yesu.⁵¹Yesu kakinkonya, “Ghungupala nukutendele niki?” Yula ywanga kubhona kakinnyanga, “Nhunda ghwangu mbala kubhona.”⁵²Yesu kaking'ombela, “Ghughende, hyubhalilo yako yikulamiha.” Kamu yula ywanga kubhona kakilola, naywo kakintughila Yesu na kakighenda naywo papamu.

¹Pabhaheghelelite ku Yelusalem bhakihika ku hitami hya Betifage na ku Betania ugheghela na kitumbi kya Miseituni, Yesu kakibhalaghila abhili mu ahundwa bhaki, ²kakiaghombela, “Nng'ende mbaka kukitami kya kuulongolo ghwenu na kamu pannyingila pakitami akyo matammona mwanakaputa kabhopelelwa lughoyi, kakali na kutendelwa lihengu. Mummopole mung'eghele apa. ³Handa mundu ywohele pakabhakonya “Bhuli mungunmopola? munnyange, ‘Bambo kangunpala na hamba katammuyila’”⁴Bhakighenda na bhakimmona mwanakaputa kabhopolelwa mumbwegha ya njila, ugheghela ghwa nlyango ghwa kitutubhi. ⁵Pabhabheghite mukummopola bhandu bhaayimiti paugheghela bhakiakonya, “Yibha bhuli mungummopola mwanakaputa?” ⁶Bhakiayanga handa bhula pakabhalaghiliti Yesu, nabho bhandu bhala bhakibhategheka.⁷Bhakinnyeghela Yesu yula mwanakaputa, bhakiyalila nghubho hyabhe pang'ongo ghwake naywo Yesu kakihubhuka. ⁸Bhandu bha ayoloho bhakiyalila ngubho hyabhe munjila na amoo bhangi bhakiyalila hiputila hya mikongo bhayadumulite mumighunda ya kya kunhokamila. ⁹Mbole bhala bhaalongolite kuulongolo na bhala bhaabheghite kukihongo unyuma bhakiyimba malobhe paaghombite, “Lilumbo! Kanonelwe mwene aywo ywakahika kwa lihina lya Bambo! ¹⁰Ghunoneleghwa Ghubhutwa ghuupala kuhika ghwa tate ghwetu Daudi!”¹¹Yesu kakighenda ku Yelusalemu na kakiyingila Kitutubhi kya Chapanga. Kakilolekeha hilibhi hyoha hiibheghite, peni kiyaha yikiyingila makimuhi, kakighenda ku Betania papamu na bhala mbinda mabhoko yimo na abhili. ¹²Kilabho yake pabhabheghite mukubhuka ku Betania Yesu yikinbhina njala.¹³Pakaghubhoniti nkongo ghwa ntini kya kutali ghubheghite na mahamba manyelemba, kakighughendela kakaghulole kukita ghukipambika. pakaghuhikiliti kakighabhona ngamahamba ghweka kiyaha yikibha kihuku kya nga kupambika. ¹⁴Yesu kakighughombela ghula nkongo ghwa ntini, “Kuyandila lelo mbaka masiku ghoha ghapala kuhika mundu ywohele katalyegha ng'obhe mapambiko kuhuma kwa ghwenga” Ahundwa bhaki bhakiyihwa paakighomba agha.¹⁵Pakahikiti ku Yelusalemu Yesu kakiyingila mu Kitutubhi kya Chapanga kakiyanda kubhabhinga bhinga bhala bhaabheghite mukuhemela na kuhemengana hilibhi munyumba kati ya Kitutubhi kya Chapanga. Kakihipalangula hindambi hya bhala bhaabheghite mukuhemengana ngalabha na hitebho hya bhanakuhemela ngunda. ¹⁶Hangi kakintegheka ng'obhe mundu ywohele kutola kilibhi kyoheli kupitila lubhigho lwa Kitutubhi kya Chapanga.¹⁷Mbole kakibhahunda, “Yityekwa, ‘Kitutubhi kyangu kyaabhegha Kitutubhi kya kutundamila bhandu bha milima yoha, peni mwenga mukitenda yibhe mbaku ya kuahiha apoka!’” ¹⁸Akulu bha mandundame na ahunda bha malaghilo pakayihwite mihalo ayi bhakiyanda kunpalahila luhila lwa kunkoma, peni bhakinnyoghopa, kiyaha bhandu bhohabhakikangacha kwa mahundo ghaki. ¹⁹Payihikite makimuhi, Yesu na ahundwa bhaki bhakibhuka mu kitami.²⁰Malabhila ghake, paabheghite mukutyanga mu njila, bhakighubhona ghula ntini ghunyaluka kala kuhumila kunani mbaka pa kitepo. ²¹Petili kakighuhwachila na kaking'ombela Yesu, “Nhunda, ghulole ghula ntini ghu ghukotolite ghunyaluka!”²²Yesu kakiayanga, “Munhyubhalile Chapanga.” ²³Kulyaghila ningubhaghombela mundu ywohele ywakalonda kukighombela kitumbi aki, ghutupuke ghukataghwe kulihibha, na kakotoo kubhona bhwaghalihi mumwoyo ghwaki ngati kahyubhalile kukita ghatatendekwa, katatendeghwa nnando aghwo.²⁴Ngati hino ningubhaghombela kyoheli kimukiyupa na kutundamila, nhyubhalile kukita maakingama nakyo kyabhegha kyenu. ²⁵Pammegha mukutundamila, munnekekehe mundu ywohele ywakabhatenditi uhokelo ghwoheli, ngati Tate ghwenu ywakabheghiti kuluhingu kabhalekekehe ulemwa ghwenu. ²⁶Peni pamubhalekekeha ng'obhe bhangi, hata Tate ghwenu ywakabheghite kuluhingu katabhalekekeha ng'obhe ulemwa ghwenu.²⁷Yesu na ahundwa bhaki bhakihika kangi ku Yelusalemu, pakabheghite mukutyanga ku Kitutubhi kya Chapanga, Akulu bha mandundame na ahunda bha malaghilo na aghoghi bhakinng'endela, ²⁸Bhakinkonya, “Ghukitenda mihalo ayi kwa ngwiliho ya ghani? Na ywakakukamuhite makakala agha ndi ghani?”²⁹Yesu kakiayanga, “Ndabhakonya ngonyo yimo, na nenga nda bhakambuha kukita ndi kwa makakala gha ghani ningutenda mihalo ayi.” ³⁰Mung'ombele, makakala gha Yohana yunakubatisa ghukihuma kuluhingo kwa Chapanga ebu! kwa anabhandu?”³¹Bhakighombana, pabhakighomba, “Handa patulongela, ghukihuma kuluhingu kwa Chapanga, katatukonya, mona mukighuhyubhalila ng'obhe? ³²Peni patughomba, ‘ghukihuma kwa anabhandu.’” Bhakihyoghopa bhandu, mana bhandu bhoha bhakihyubhalila kukita Yohana kakibha ndo mbuye ghwa Chapanga. ³³Ngati hino, bhakinnyanga Yesu, bhakighomba, kukita “Tungumanya ng'obhe.” Yesu kakibhayanga “Hata nenga ndabhaghombela ng'obhe kukita nungughatenda agha kwa gwiliho ya ghani.”

¹Yesu kakiyanda kughomba nabho kwa mandambulo, pakibhaghombela: “Mundu yumo kakikanda nng'unda ghwa mizabibu, kakichenga lubhigho kughutindila ghula ng'unda, na kakitendekeha pa kukama difwai, hilahila kakichenga kilingo na kakiapegha bhandu bhanpeghe sumu, ywombe kakibhuka kughenda kunnima ghungi. ²Mumasiku gha mabeno kakinlaghila nndumitumi ghwake kwa bhala akanda kanda bhaki kakatole lusumulo lwaki. ³Bhala akandakanda bhakinkamula yula nndumitumi, bhakintuta na bhakinbhuyiha mabhoko gha yaghi kya nga kilibhi.⁴Kangi yula nkola nngunda kakinlaghila nndumitumi yungi kwa bhombe, bhala akandakanda bhakintuta mumutwe na kuntendela mihalo ya honi. ⁵Kangi yula nkola nng'unda kakinlaghila nndumitumi yungi, aywo bhakinkoma. Kakialaghila andumitumi bhangi ayoloho, bhala akandakanda bhakiatuta bhala andumitumi na amoo bhangi bhakiakoma.⁶Nkolang'unda kakihighala na mundu yumo ndundundu ghwa kunlaghiha, aywo ndo mwana ywakanpaliti. Muuhiko kakinlaghila pakaghomba, ‘Bhatanhokamila mwana ghwangu". ⁷Peni bhala akandakanda bhakighombana, paakighomba, ‘Aywo ndo yunakuhala, nhiki tunkome, na lipala lyaki lya bhegha lyetu.’⁸Ndo bhakinkamula, bhakinkoma na kuntagha panje ya ghula ng'unda ghwa mizabibu. ⁹Yesu kakiakonya “Munguhwacha yula nkolang'unda katatenda niki? Katahika na kubhakoma bhala akandakanda, mbole katabhapegha akandakanda bhangi ghula ng'unda ghwa mizabibu.¹⁰Mukisoma ng'obhe malembo agha:11 Bambo kaghutenda nhalu aghu nayo ndo ngangahyo mumehu ghetu!’”12 ¹¹Akulu bha mandundame, ahunda bha malaghilo na aghoyi pabhamanyite kukita kakighomba ndambulo yila kwa kya bhombe bhakipala kunkamula, peni bhakiluyoghopa lula lumati lwa bhandu. Bhakinneka na bhakibhuka. ¹²Akulu bha mandundame, ahunda bha malaghilo na aghoyi pabhamanyite kukita kakighomba ndambulo yila kwa kya bhombe bhakipala kunkamula, peni bhakiluyoghopa lula lumati lwa bhandu. Bhakinneka na bhakibhuka.¹³Mbole, bhakialaghila Akaafalisayo na kimati kya Helode ngati bhanhikile Yesu bhantyeghe kwa mihalo yaki. ¹⁴Bhaking'endela Yesu bhakinng'ombela, “Nhunda, tungumanya kukita ghwenga ghu mundu ghwa kuyubhalilwa ghunakulongela hoto. Ghunguayoghopa ng'obhe ukulu ghwa bhene, peni ghwenga ghunguhunda hoto ya Chapanga telatela. Hinu yinguteghekwa kunpegha mutwa nkulu ghwa Akaaloma kodi ebu ng'obhe? Hinu tunpeghe ebu tukotoo kunpegha?” ¹⁵Peni Yesu kakimanya ufyangu ghwa bhombe na kakiakonya, “Bhuli mukupala kuntyegha? Munyeghele ayo ngalabha niyilole.”¹⁶Bhakinnyeghela ngalabha na mwene kakiakonya, “Kibhungi aki na lihina lityekitwe ali lya ghani?” Bhene akinnyanga “Ndi lya Mutwa nkulu ghwa Akaaloma.” ¹⁷Ndo Yesu kakiaghombela, “Munmpeghe Mutwa nkulu ghwa Akaaloma hya kya mwene na Chapanga hya kya Chapanga.” Na bhene bhakibhughanikwa muno naywo.¹⁸Mbole, Akaasadukayu, bhala bhanakughomba kahone uhyuko bhakinhikila Yesu na bhakinkonya, ¹⁹“Nhunda, Musa kakitutyekela kukita handa mundu pakahwegha na kunleka nndala kya nga mwana, ndo nlongo ghwaki katantolela yula nndala nnekwa ngati kakanpapile nnongo ghwaki bhana.²⁰Ndo bhakibhegha alongo nhano na abhili. Yula ghwa ulongohi kakitolela nndala na kakihwegha kya nga mwana ywohele. ²¹Ghwa ubhili kakinhala yula nnekwa peni naywo kakihwegha kya nga kunneka mwana ywoheli, yikibhegha ubhwabhu abhu kwa yula ghwa ndatu. ²²Ndo bhoha nhano na abhili muulongo ghula bhakighwegha kya nga kunneka mwana na muuhiko ghwa hyoha na yula nndala kakihwegha. ²³Ngati hino, palisiku lya bhandu kuhyuka, nndala yula katabhegha ghwa ghani kiyaha kakitolelwa na alongo bhoha nhano na abhili?”²⁴Yesu kakiayanga, “Mwenga munguhokela kiyaha mungumanya ng'obhe Matyeko Mang'anyimo ebu ngwiliho ya Chapanga. ²⁵Bhaahweghite paalonda kuhyuka, kahone kutolela ebu kutolelwa kiyaha bhatabhegha handa andumitumi bha kuluhingu bha Chapanga.²⁶Na kwa mihalo ya kya uhyuko ghwa bha aghweghite, nde nsoma ng'obhe mu kitabho kya Musa akwo Chapanga pakalongilite na Musa kuhuma mukiputila kiyakiteghe mwoto pakaghomba, ‘Nenga ndo Chapanga ghwa Ablahamu, na Chapanga ghwa Isaka na Chapanga ghwa Yakobu." ²⁷Hinu, mwene ndo Chapanga ghwa aghweghite ng'obhe ngati ndo Chapanga ghwa bhanakukeka. Mwenga nhokela muno!”²⁸Nhunda yumu ghwa malaghilo kakihika na kakiyihwa paaghombaniti. Kakibhona kukita Yesu kakiayanga tela bhala Akaasadukayo, naywo kakinkonya, “Mungwilikiho hyoha yibheghite ngulu ndo yoki?” ²⁹Yesu kakinnyanga. “Nnyihwanile mwenga bhandu bha Isilaeli, ngwiliho ngulu ndo ayi, Bambo Chapanga ghwetu, ndo Bambo yumo. ³⁰Ghunpale Bambo Chapanga ghwako kwa mwoyo ghwako ghwoha na kwa nhuki ghwako ghwoha na kwa mahala ghako ghoha na kwa makakala ghako ghoha. ³¹Na ya kabhili ndi ayi, ghunpale nng'eghela ghwako handa mughulipala ghumwene, kahone ngwilikiho yingi ngulu kupitingana kwa ahi.”³²Yula nhunda ghwa malaghilo kaking'ombela Yesu, “Kulyaghila nhunda ghuyanga maha kukita Chapanga ndo yumu kahone yungi ngati nga ywombe. ³³Kunpala Chapanga kwa mwoyo ghwoha na kwa mahala ghoha na makakala ghoha na kunpala nng'eghela ghwako handa mughulipala ghumwene ndi tela kya na lumu kulandana ng'obhe na kuyambika nyambi ya kuyocholela na matulo. ³⁴Naywo Yesu pakabhonite kukita kakiyanga kwa mahala, kaking'ombela, “Ghwenga ghubhegha kutali ng'obhe na Ghubhutwa ghwa Chapanga.” Kuyandila pala kahone mundu ywakayighite kunkonya Yesu nkonyo kangi.³⁵Yesu pakabheghite mukuhunda akwo ku Kitutubhi kya Chapanga kakikonya, “Yibha bhuli ahunda bha malaghilo angulongela kukita Kilisto ywakahaghulitwe na Chapanga ndo Mwana ghwa Daudi?” ³⁶Mana Daudi mwene kakikambuka pakalonguhitwe na Nhuki ghwa Chapanga pakighomba. “Bambo kaking'ombela Bambo ghwangu, ghutame mu kibhoko kyangu kya nnilo mbaka panonda kubhabhika amyanja bhako pahi ya ngwiliho yako.’ ³⁷Daudi mwene kangunkema Kilisto ywakahaghulitwe na Chapanga, “Bambo” yabhegha bhuli hino ywombe kabhe mwana ghwaki?”³⁸Yesu pakabheghiteghe mu kuahunda, kakilongela, “Mulindakile na ahunda bha malaghilo. Bhombe apalagha kutyanga paahwala mapinda matandamaho na kulamuhwa kwa kuhokamilwa mu hindandabhanji, ³⁹na kutama muhitebho hya kuulongolo mu Kitutbhi kya kukonganila Akaayahudi na muhitebho hya ulongolo mu chekwa. ⁴⁰Anguapugha ahumbu alekwa kunu bhangulikupukiha kulandulila malandulo matandamaho lisiku lya uhiko kyabhabhona kimbamanda kikulu!”⁴¹Mbole Yesu kakitama ugheghela na kipalamande kya abhikiteghe matulo, kakilulolekeha lumati lwa bhandu pa abheghite mukubhika ngalabha mulijamanda lya kitutubhi kya Chapanga. Na bhana utopelo ayoloho bhakiyingiha ngalabha nyoloho. ⁴²Peni nndala nlekwa yumo kapukwa, kakihika na kakibhika ngalabha ibhili njoko hya lihabha.⁴³Yesu kakiakema ahundwa bhaki kakiaghombela, “Kulyaghila nunguaghombela nndala nlekwa ayu kapukwa kabhika ngalabha nyoloho mulijamanda lya nyambi kupitingana kwa bhangi bhoha bhabhikiti. ⁴⁴Kiyaha bhangi bhoha bhakibhika uyonjokeho ghwa mota hyabhe, peni ayu nhumbu nlekwa mu ukapukwa ghwake kakitola hyoha hyakabheghite nahyo hata kila kyakakipalite nde kya kulama.

¹Yesu pakabheghite mu kuhuma ku Kitutubhi kya Chapanga, yumoo ywa ahundwa bhaki kakinng'ombela, “Nhunda, ghulole huti maganga agha mughabheghiti makulu na hitutubhi ahi muhinnyelembekite. ²Yesu kakinnyanga, “Ghuhibhona hitutubhi ahi muhibheghite ngulu? kahone hata liganga limo lya kulonda kuhighala unani mwa liganga lingi, ghoha ghatahangulighwa.”³Yesu pakatamite ku Kitumbi kya Mizeituni paakilola Kitutubhi kya Chapanga Petili na Yakobu na Yohana na Andelea bhakinkonya mu lupwepo, ⁴“Chonde, ghutughombele mihalu ayi yabhegha pakiki? na naho yaki yabhegha bhuli ya kuheghelela kubwitukila?”⁵Yesu kakiaghombela. “Mulindakile, mundu ywoheli kakotoke kuakuluha. ⁶Kiyaha ayoloho bhaahika kukambuka kwa lihina lyangu, paalongela, ‘Nenga ndo Kilisto’ nabho bhataahokeha bhandu ayoloho.⁷Pannyihwa kyobho ya mikoha paugheghela ebu mihalo ya mikoha kya kutali, nkotoo kubhegha na bhwagalili. Mihalu ayi mbaka yihumbuke peni uhiko ghwaki ukali hela. ⁸Mana bhandu bha nnima ghumo ghwatutana na bhandu bha nnima ghungi; na ghubhutwa ghwatutana na ghubhutwa ghungi. Kwabhegha na migwangwaliko mbande nhanganganiko lung'ahi lwa njala. Mihalu aywo yingulihwana na lihingila lya ulongohi.⁹“Peni mwenga mulindakile, mana bhatabhakokela mu njengakaya, na kuatuta mu Hitutubhi ya kukonganila Akaayahudi; bhatabhayegha hilongohi na akaabhutwa kwa mihalo ya nenga ngati mubhaghombele Nhalo ghwa Maha. ¹⁰Peni mbaka Mihalo ya Maha yilandamihwe huti kwa bhandu bha milima yoha kukali na kuhika ghula uhiko.¹¹Nabho paabhakamula na kubhakokela mu njengakaya, nkotoo kubhegha na bhwaghalili ya kya kulongela; Uhiko pauhika, nnongele kyohele kya kya mukamuhitwe ngati mwenga ng'obhe munpala kulongela ngati Nhuki ghwa Chapanga. ¹²“Nnongo katankiluka nnongo ghwaki ngati kakakomwe, na tate katankiluka mwana ghwake. Bhana bhataakiluka tate na ma ghwabhe na kuakoma. ¹³Bhandu bhoha bhataakalalila mwenga kwa kya nenga. Peni yunakulimbilila kunhyubhalila mbaka kuuhiko katalopoka.¹⁶¹⁴“Pamulibhona ‘Kilibhi kinakunnyaghabhiha Chapanga’ kiyima pautamiho ghwaki ng'obhe” Yunakusoma kamanyeghe nhalo aghu, hino bhala bhaabheghite ku Yudea bhatughile ku hitumbi. ¹⁵Ywakabheghite kulinyakaha ya kitutubhi kakotoho kuhuluka kuyingila munyumba kati mwaki kakatole kilibhi. 16 Naywo ywakabheghite kunng'unda kakotoo kubhuya ukaya kutola kyoheli.¹⁷Peni kibhabhone bhombe bhana ndumbo na bhanakuyongeha bhana masiku agho! ¹⁸Nnyupe kwa Chapanga ngati mihalo ayi yikotoo kubwitukila pakipepo. ¹⁹Mana mumasiku agho lutabhegha lung'ahe lukulu lwa nga kubhonekana, tangu ulongohi pala Chapanga pakabhumbite nnima mbaka lelo. Na kubhegha kangi ng'obhe mumasiku gha pala kuhika. ²⁰Handa Bambo kangahupitahiti ng'obhe masiku agho, Kahone kulopoka mundu ywohele. Peni kwa kya bhandu ahaghulwa, bhakabhahaghulite, kaghahupia masiku agho.²¹Hinu mundu ywohele pakaaghombela, ‘Nnole, Kilisto ywakahaghulitwe na Chapanga kabhegha apa!’ ebu, ‘Kabhegha kula’ mangahyubhalila. ²²Mana bha bwitukila akina kilisto bhanga kuhaghulwa na Chapanga na mambuye bha uhwangi. Nabho bhatatenda naho na mihabho ngati bhabhahokehe ahaghulwa bha Chapanga. ²³Peni mwenga mulindakile, nenga niabhaghombela ghoha ghakali na kubwitukila.²⁴“Peni mumasiku agho, mbole ya lung'ahe alwo, luchubha lwayingihwa lubhindo, na lubhalamwehi kabhone kumulika, ²⁵ndondwa hyaponeka kuhuma kunani na makakala gha kunani pamahundi ghatayukana. ²⁶“Ndo bhandu bhatammona Mwana ghwa Mundu pakihika mumahundi kwa makakala mayoloho na ukulu. ²⁷Mbole katabhalaghiha andumitumi ghwaki ghwa kuluhingu abhakwemukihe bhandu ahaghulwa bhaki kuhuma mumbande hyoha ya nnima kuyandila kuuhiko ghwa n'nima mbaka kuuhiko ghwa luhingu.²⁸Mughulole nkongo ghwa ntini na mulihunde ndambulo ayi; kamu pa mubhabhona mapanyo ghaki paghatomola mahamba mmanye kukita pamabeno paheghela ²⁹Ubhwabhu abhu, pamuyibhona mihalu ayi payitendeka, mmanye kukita Kilisto ywakahaghulitwe na Chapanga kabha ugheghela mwa nlyango!³⁰Kulyaghila nungubhaghombela, kibheleko aki kyapitingana ng'obhe mbaka mihalu ayi yoha yibwituke. ³¹Luhingu na nnima hyapitingana, peni malagho ghangu kahone kupita kata.³²Peni kwa mihalo ya lisiku lila na lisaa kahone ywa kumanya, hata andumitumi ghwa kuluhingu ghwa Chapanga, ebu Mwana, maha nga Tate ghweka chaki ndo yunakumanya.³³Mulindakile, mmeghe kala, kiyaha mmanya ng'obhe lisaa alyo lya hika pakiki. ³⁴Yabhegha handa mundu ywakabheghite mumwanja ywakabhalekiti andumitumi bhalulolekehe maha alwo lubhagha lwake kila mundu na lihengo lyaki, naywo kakinkwilikiha lichonda ghwa ku nlyango ‘Ghukotoo kughonja.’³⁵Hinu mbheghe kala mana, mmanya ng'obhe mabhuyo gha nkola lubhagha, kukita makimuhi, ebu pakilu pa pakati, ebu pangeha ya kubhika njogolo, ebu malabhila pakuchegha. ³⁶Handa pakabhuya kwa kinunu kabhayitukihe nng'onja. ³⁷Na ali linibhaghombela mwenga, nungubhaghombela bhoha, mmbheghe kala!”

¹Yikibha masiku mabhili yikali na kuyingiha chekwa ya Pasaka na ya mingate ya nga kuyingihwa linjacha. Akaandundame akulu na ahunda bha malaghilo bhakipalaha njila ya kunkamula Yesu kwa njenjelo ngati bhankome. ²Mana bhakighomba, “Tukotoo kunkamula lisiku lya chekwa ya Pasaka, kiyaha bhandu bhaatenda bhulwa.”³Yesu pakabheghite akwo ku Betania kulubhagha lwa Simoni ywakabheghite na maloha, pakabheghite mukindangabhala pakalyegha hilyo kakihika nndala yumo ywakabheghite na kyupa kya liganga lya alabasita kina mahuta ghanakunungila munu gha ngalabha ngulu, kakakimetula kila kyupa na kakinpopohela Yesu mumutwe ghwaki ⁴Bhandu amoo bhangi bhaabheghite pala bhakighombana bhene kwa mabhene, “Kiyaha niki mahuta aghangalabha ngulu ghangunyanyanganwa hela? ⁵Mahuta agha ghangahemelitwe kwa ngalabha ngulu na ngalabha ahyo bhangabhapeghite kapukwa.” Bhakinlakalila munu yula nndala.⁶Peni Yesu kakiaghombela, “Bhuli mungunng'aha? Munneke, kiyaha kanndendela nnando ghunakuhalala. ⁷Makapukwa mmegha nabho masiku ghoha na mahotola kubhatanga masiku ghoheli ghamughapalite. Peni nenga kahone kubhegha papamu masiku ghoha. ⁸Nndala ayu kandendela kila kakahotolite, kalongolela kuntyelemeka mahuta mmili ghwangu kyakummika kala kya kungulila. ⁹Kulyaghila nenga nungubhaghombela pohele pala pannima payilandamihwa Nhalo ghwa Maha, nnando aghu ghwakatendite nndala ayu ghwakambukwa kwa uhwacho ghwake.”¹⁰Ndo Yuda Isikaliyote yumoo ywa bhala ahundwa mbinda mabhoko yimo na abhili kakighenda kwa andundame akulu ngati kakankiluke Yesu. ¹¹Mandundame akulu pakayihwite nhalo aghwo bhakiyelelwa munu, bhakinnagha kunpegha ngalabha. Hinu Yuda kakiyanda kupalaha ling'ebu lya kunkiluka Yesu.¹²Lisiku lya ulongohi lya chekwa ya mingate ya nga kuyingihwa linjacha, lisiku paanhinjite mwana mene ahundwa bhaki bhakinkonya Yesu, “Ghungupala tughutendekehele kwoki pakulyegha Pasaka?” ¹³Hinu Yesu kakialaghila abhili muahundwa bhake, kakiaghombela, “Nng'ende kukitami, na akwo ma mmona nnume yumo yunakuyegha kibhigha kya machi ndo muntughile, ¹⁴mbaka ku lubhagha lwakayingila munng'ombele yula nkola kaya pakayingiliti yula yuna kibhigha ‘Nhunda kangukonya, kyumba kati kyaki kibhegha kwoki kya agheni kyene kikapala kulyegha Pasaka papamu na ahundwa bhangu?"¹⁵Naywo katabhalaha chumba kati kikulu muligholofa lyaki na maabhona hilibhi hyoha hibhegha kala kwa kya twenga.” ¹⁶Bhala ahundwa bhakibhuka, bhakighenda kukitami, na bhakibhona hilibhi hyoha tela tela handa Yesu pakaaghombilite na bhakitendekeha hilyo hya Pasaka amwo.¹⁷Payihikite makimuhi, Yesu kakihika papamu na ahundwa bhake mbinda mabhoko yimo na abhili. ¹⁸Paabheghite mukulyegha hilyo Yesu kakiaghombela, “Kulyaghila nungubhaghombela yumoo ywenu yunakulyegha papamu na nenga katangiluka.” ¹⁹Apa ahundwa bhake bhakiyanda kuhyononeka, bhakinkonya yumu mbole ya yumu “Ngati nenga ng'obhe?”²⁰Yesu kakiayanga, “Ndi yumoo ywenu mwenga mbinda mabhoko yimo na abhili, yuna kuchwika lingati papamu na nenga mukipumbulu. ²¹Kiyaha Mwana ghwa Mundu katakomwa handa yityekitwe. Peni kimmone Mundu yula ywakankiluka mwana ghwa Mundu mbaha mundu aywo kangalepelitwe kubhelekwa!”²²Paabheghite mukulyegha Yesu kakitola lingate, kakilumba, kakilimetula na kuapegha ahundwa bhake pakighomba. “Mughutole nlyeghe aghu ndo mmili ghwangu.” ²³Mbole kakitola nteko ghwa difwai, Kakinnumba Chapanga na kakibhapegha bhoha bhakinyweghela nteko aghwo. ²⁴Kakiaghombela, “Aghu ndo mwahi ghwangu ghwa Ninganilo, ghuuchecheka kwa kya bhandu bha ayaloho. ²⁵Kulyaghila ningubhaghombela, nda nywegha kangi ng'obhe difwai ya lizabibu mbaka lisiku lila linonda kunywegha ya hyono mu Ghubhutwa ghwa Chapanga.²⁶Paayimbite kala nhambo, bhakibhuka bhakighenda kukitumbi kya Miseituni.²⁷Yesu kakibhaghombela ahundwa bhaki, “Mabhoha mwenga mataneka, Mana matyeko ghaghomba, “Ndantuta yunakuhakila, na mene nabho bhatapwilinganika.²⁸Peni mbole ya kuhyuka, ndabhalongolela kula ku Galilaya.”²⁹Petili kakighombela Yesu, “Hata handa bhoha bhataghuleka, nenga ndaghuleka ng'obhe.”³⁰Yesu kakinng'ombela Petili, “Kulyaghila ningughughombela uhiku aghu ghwanganila pandatu, ukakali na kubhika njogholo pabhili.³¹Peni Petili kakighendelela kughomba, “Hata payinoghela kuhwegha papamu na ghwenga, ndaghuleka ng'obhe.” Nabho ahundwa bhangi bhoha bhakighomba bhu bhwabhu abhu.³²Bhakihika mukitogholo kya Getisemani, Yesu kakibhaghombela ahundwa bhake, “Ntame apa, nenga pang'enda kuyupa. ³³Mbole kakibhatola Petili na Yakobu na Yohana. Naywo Yesu kakiyanda kuhyononeka na kughayaghaya. ³⁴Kakibhaghombela, “Mwoyo ghwangu ghubha na luhyononeko ugheghela na kuhwegha. Ntami apa na nkilukihe.”³⁵Kakighenda ulongolo pamandina, kakighwegha pahi makukama, kakiyupa kukita, handa yahotoleka kuyingila lisaa alyo lya kimbamanda linhyetuke. ³⁶Kakighomba, “Tate ghwangu, kwa ghwenga mihalo yoha yinguhotoleka. Ghumuhile nteko aghu peni yikotoke kubhegha kimbala nenga ngati kila ghukipalite ghwenga.”³⁷Kakibhuya kwa ahundwa bhaki bhala andatu kakibhabhona akighonja, kakinkonya Petili, “Simoni, ghukighonja? Ghulepelwa kukiluha hata lisaa limu? ³⁸Nkiluhe na kuyupa mangayingila mumayigho. Nhuki ghungupala peni mmili ghubhegha nnelebhu.”³⁹Kakighenda kangi kuyupa pakighomba malagho ghaghalaghala.⁴⁰Mbole kakibhuya kwa ahundwa bhake, kakibhabhona akighonja kangi kiyaha mehu ghabhe ghakitopelwa na ng'ono nabho bhakimanya ng'obhe kya kunng'ombela. ⁴¹Kakibhabhuyila pandatu, na kakiakonya, “Nkali makaghonja na kupumulila? Hinu muyimuke, Lisaa lihika kala Mwana ghwa Mundu kangukamuhwa mumabhoko gha bhandu bhana ulemwa. ⁴²Nnyumuke tughende! Nnole, yula ywakunngiluka kaheghelela.”⁴³Yesu pakabheghite akali mukughomba, Yuda, yumoo ywa bhala ahundwa mbinda mabhoko yimo na abhili, kakihika papamu na lumati lwa bhandu bhaabheghite na mikechelo na hinduku. Bhandu abho bhakilaghilwa na andundame akulu ahunda bha malaghilo na aghohi. ⁴⁴Yuda Isikaliyote nkiluka kakibhapegha naho bhala bhandu kukita, “Yula yunonda kunhyubhatila, ndo mwene, munkamule na munng'eghe kindakila” ⁴⁵Hino Yuda pakahikite, kakinng'endela Yesu na kaking'ombela “Nhunda!” mbole nhyubhatila. ⁴⁶Bhala bhandu bhakinkamula Yesu, na bhakinbhika kindakila.⁴⁷Ndo yumoo ywa bhala bhaayimite apo papamu na Yesu kakihomola kikechelo kyaki kakintuta ndumitumi ghwa Ndundame Nkulu na kakinkechula likutu. ⁴⁸Yesu kakiakonya, “Nhika na mikechelo na hinduku handa kukita nenga ndi npoka? ⁴⁹Masiku ghoha nikibhegha papamu na mwenga panibhahunda mu Kitutubhi kya Chapanga, kya nga kungamula. Peni hino Matyeko ghanakung'anyima mbaka ghakamale.” ⁵⁰Ndo ahundwa bhaki bhoha bhakinneka na kutukumbuka lubhilo.⁵¹Kakibha na nhongolo yumu ywakabheghite kanguntughila Yesu kakihwala nng'ololi nhuhu, nabho bhakiyigha kunkamula. ⁵²Peni mwene kakityelembuka kakighuleka ghula nnghololi kakitugha kyanga lipinda.⁵³Bhakinnyegha Yesu kwa Ndundame Nkulu nabho andundame akulu, aghohi na ahunda bha malaghilo bhakikongongana papamu. ⁵⁴Petili kakintughila Yesu kya kutalii, mbaka kulubhigho lwa Ndundame Nkulu. Akwo kakitama papamu na amachonda bha kupingikiha paakiyota mwoto.⁵⁵Mandundame akulu na bhandu bhoha bha libalasa likulu bhakipalaha uyimiho ghwa kunkokeha Yesu ngati ankome, peni bhakilepelwa. ⁵⁶Bhandu ayoloho bhakighomba uyimiho ghwa uhwangi kwa kya Yesu, peni uyimiho ghwabhe ghukiponingana.⁵⁷Ndo bhangi bhakiyima bhakilongela uyimiho ghwa uhwangi kwa kya ywombe pakilongela, “Tukinnyihwa mundu ayu pakalongela, ‘Ndakihalulanga ⁵⁸kitutubhi lya Chapanga ali liichengitwe na bhandu na mumasiku mandatu ndalichenga lingi lya nga kuchengwa kwa mabhoko gha anabhandu’” ⁵⁹Peni hata habhu unyimiho ghwabe ghukiponingana⁶⁰Ndundame Nkulu kakiyima nga paulongolo ghwabhe, kakinkonya Yesu, “Bhuli ghwenga ghuyanga ng'obhe? Ulemwa niki ghwaaghughombela?” ⁶¹Peni ywombe kakinyamala jii na kakighomba ng'obhe hata lilagho limo. Ndundame Nkulu kakinkonya kangi, “Ghwenga ndo Kilisto, Mwana ghwa Chapanga Nkwiho?” ⁶²Yesu kakiyanga. “Ena nenga ndo mwene, kangi matammona Mwana ghwa Mundu katama mukibhoko kya nnilo kya Chapanga yunamakakala, pakahika mumahundi gha kuluhingu.”⁶³Ndundame Nkulu kakilikachula lipinda lyake pakilongela; “Tughupalaha uyimiho ghwa niki kangi?” ⁶⁴Mwenga munyihwa pakanlighite Chapanga npimaki?” Bhoha bhakilamula kukita yinnoghela kakomwe. ⁶⁵Amoo bhangi bhakiyanda kunhunila mata, bhakinngubika mehu ghaki na bhakintuta na kung'ombela “Ghulondole kukita ghani ywakakutulite!” Amachonda bhakintola na bhakintuta mambande.⁶⁶Petili pakabheghiteghe pahi kulubhigho, yumoo ywa akaandumitumi nndala ghwa Ndundame Nkulu kakihika. ⁶⁷Paka mmonite Petili pakayota mwoto, kakinnolekeha kaking'ombela, “Hata ghwenga ghukibha papamu na Yesu ghwa ku Nasaleti.” ⁶⁸Peni Petili kakimaka pakighomba, “Nummanya ng'obhe hangi ghughaghomba nigughamanya ng'obhe.” Mbole kakibhuka kakighenda pakuyingilila. Apa njogholo kakibhika.⁶⁹Yula nndumitumi nndala pakammonite kangi Petili, kakiaghombela bhala ayimite nabho, “Mundu ayu ndi yumoo ywabhe.” ⁷⁰Petili kakimaka kangi.Mbole pamandina bhandu bha ayimite apwo bhakinng'ombela Petili, “Kulyaghila ghwenga ndi yumoo ywabhe, mana ghwenga ndi Nngalilaya”⁷¹Peni Petili kakiyanda kukotola na kulapa pakighomba, “Nenga nunmanya ng'obhe mundu aywo yumunnghomba mihalu yaki.” ⁷²Apa njogholo kakibhika paabhili, Petili kakihwachila kya aghombite Yesu “Ikali na njogholo kubhika paubhili ghwa nnganila pandatu” Petili kakilila munu kakipopoheka mahohi.

¹Malabhila putiputi, akaandundame hilongohi, papamu na aghohi, na ahunda bha Malaghilo na aghoyi bha Libalasa lyoha bhakipatana kala malobhe. bhakinmopa Yesu na kunnyegha na kunkamuha kwa Pilato. Pilato kakinkonya, “Ghwenga ndo Mutwa ghwa Akaayahudi?”Yesu kakinnyanga, ²“Ena yibha handa ghughombite.” ³Hilongohi bha Akandundame bhakinkokela Yesu kwa mihalo miyoloho.⁴Pilato kakinkonya kangi, “Bhuli, ghubhegha na kya kuyanga ng'obhe? Ghulole nongwa nyoloho bhaghuyegheliti ya kya ghwenga.” ⁵Peni Yesu kakiyanga ng'obhe kyoheli, ndo Pilato kakikangacha.⁶Yikibhegha hitohe yabhe pachekwa ya Pasaka Pilato kunmopolela ywakabheghite mu kibhopo ywohele ywene bhandu bhaanpalite. ⁷Mumasiku agho kakibhegha mundu yumo ywaankemiteghe Balaba ywakabhopitwe papamu na akiluka bhangi, bhakiakoma bhandu mu bhulwa nkulu. ⁸Lula lumati lwa bhandu lukihika kwa Pilato na lukipala kabhatendele handa muyibheghite hitohe hyaki.⁹Pilato kakiakonya, “Mungupala nibhahughulile ayu Mutwa ghwa Akaayahudi?” ¹⁰Pilato kakilongela bhula kiyaha kakimanya kukita alongohi ghwa Andundame bhakinnyegha Yesu kwa mwene kwa luhila. ¹¹Peni hilongohi bha andundame bhakilukokeha lula lumati lwa bhandu bhannyupe Pilato kabhabhopolele Balaba mbole ya Yesu.¹²Pilato kakiakonya kangi, “Hinu mungupala nintendele niki ayu yumunkema Mutwa ghwa Akaayahudi?” ¹³Bhakituta kyobho kunu bhakighomba “Ghummangalile palupingika!”¹⁴Pilato kakiakonya, “Kiyaha niki? Katenda uhakata niki?” Peni bhene bhakituta kyobho kwa makakala makulu, pabhakighomba, “Ghummangalile!” ¹⁵Pilato pakipala kulunogheha lula lumati lwa bhandu, kakibhahughulila Balaba, na mbole ya kuntegheka Yesu kututwa hinjupunjupu mbole kakinbhuha kabamandwe.¹⁶Amachonda bhakinyegha Yesu mbaka kuludamu lwa nyumbakati lwa kitutubhi kya nkulu ghwa nnima ghwa Yudea, akwo bhakikongana kimati kyoha kya machonda. ¹⁷Bhakinhwaliha Yesu lipinda lya salabati na kilemba kya ghubhutwa kipyokolitwe kwa mihomi na bhakinhwika mumutwe. ¹⁸Bhakiyanda kunnjambuha kwa uyuyuho, “Mwika, Mutwa ghwa Akaayahudi.”¹⁹Bhakintuta nhimbati ghwa nndenge kumutwe, bhakinhunila mata, bhakichutama mayughwa mukibhungi kyake na bhakinhokamila. ²⁰Paayomolite kuntendela lihwangila bhakinhula lila lipinda lya salabati na bhakinhwalia mapinda ghaki. Mbole bhakinpiha panje bhakammangalile. ²¹Mundu yumo kuhuma ku Kilene, lihina lyaki Simoni, tate ghwabhe Alekisanda na Lufo, kakibha mumwanja kuhuma panje ya kitami, amachonda bhakinkwilikiha kulughegha lula lupingika lwa Yesu.²²Ndo bhakinng'egha Yesu mbaka ku Goligota mana yaki, pa Huhu ya Mutwe. ²³Nabho bhakinpegha bhwengu ghuhanganganikite na ntela ghukemitwe manemane, peni kinywegha ng'obhe. ²⁴Ndo bhakimmangalila mulupingika, na bhakighabhana mapinda ghaki mumabhwombe kwa kutenda uhaghulo ngati ghani kapati kyoki.²⁵Ndo yikibhegha malabhila ya saa ndatu paamangalite mulupingika. ²⁶Bhakityeka malembo gha nongwa yaki, “Mutwa ghwa Akaayahudi.” ²⁷Papamu na ywombe bhakibhangalilwa apoka abhili, yumoo mumbande yaki ya nnilo na yungi mumbande ya ngiya kila mundu mulupingika lwake. ²⁸Na matyeko mang'anyimo ghakitengeleheka ghaghombite “Kakibhalangwa papamu na bhanauhokelo”²⁹Bhandu bha apitite ugheghela na apwo bhakinokola mitwe yabhe kwa lihwangila na bhakinligha paakighomba “Aaah! ghwenga ghunakulikanjaghana litutubhi lya Chapanga na kulichenga mumasiku mandatu, ³⁰Hino ghulilopohe ghumwene na ghuhuluke mulipingika.”³¹Ubhwabhu abhu Hilongohi bha andundame papamu na ahunda bha malaghilo bhakintendela lihwangila mubhombe paakighomba, “Ywene kakialopoha bhandu bhangi, peni kahotola ng'obhe kulilopoha mwene. ³²Maka ayu, Kilisto ywakahaghulitwe na Chapanga, Mutwa ghwa Akaayahudi, kahuluke hinu kuhuma mulipingika, ngati tubhone na kuhyubhalila.”³³Paihikite saa nhano na yimu mbaka saa nhano na nchehe pamuhi kukibhegha na lubhindu lukulu lukighubika nnima ghoha. ³⁴Mulisaa lya nhano na ncheche makimuhi Yesu kakilila kwa lilobhe likulu pakilongela “Eloi, Eloi, lama sabakitani?” Mana hyaki, “Eeeh Chapanga, Chapanga ghwangu bhuli ghunguneka?” ³⁵Bhandu amoo bhangi ayimite paugheghela paayihwite mihalo aywo bhakighomba, “Munnyihwe kangunkema Eliya.”³⁶Mundu yumo kakitugha lubhilo, kaghenda kutola libhoya na kuchwika mu difwai yichachandikite, kakilibhika mulidenge, kakinpegha kanyweghe pakighomba, “Hinu, munleke, ngati tubhone kukita Eliya katahika kunhuluha apwo palupingika.” ³⁷Mbole Yesu kakilila kwa lilobhe likulu na kakighwegha. ³⁸Na lipasia likulu lya kitutubhi kya Chapanga lukibaluka mbande hibhili kuhumila unani mbaka pahi yaki.³⁹Hino yumoo ywa akulu bha amachonda ayimite apwo muulongolo ghwa lupingika ghwa Yesu, pakabhonine pakaghonjite ntumba, kakighomba, “Kulyaghila mundu ayu kakibhegha Mwana ghwa Chapanga!” ⁴⁰Hilahila akibhegha adala ammoo bhangi kya kutali, na mubhene akibhegha, Malia mundu nndala ghwa ku Magidala, Malia ma ywabhe Yakobo nndokwa na Yosefu papamu na Salome. ⁴¹Adala abha ndo bhantughilite Yesu na kuntangatila paabheghite ku Galilaya. Kangi bhakibhegha adala bhangi ayoloho bhahikite papamu naywo ku Yelusalemu.⁴²Payihikite makimuhi, kiyaha likibhegha lisiku lya Makunganiko, lisiku limo kukali na kuhika Lisiku lya Kupughwa. ⁴³Yosefu ghwa Alimataya mundu ghwa kuhokamilwa mu njenga kaya ngulu ya Akaayahudi, naywo kakighupala muno Ghubhutwa ghwa Chapanga. Kaking'endela Pilato kya nga lyogha na kakighupala mmili ghwa Yesu. ⁴⁴Pilato kakikangacha pakayihwite kukita Yesu kahwegha kala. Ndo kakinkema yula kilongohi ghwa amachonda, na kakinkonya kukita handa Yesu kahwegha kala.⁴⁵Pilato pakayihwite nhalo ghwa kuhwegha kwa Yesu kuhuma kwa nkulu ghwa machonda, Pilato kakintegheka Yosefu kakaghutole ntumba aghwo. ⁴⁶Apo Yosefu kakihemela sanda, kakighuhuluha mmili ghwa Yesu kuhuma mulupingika, mbole kakighunyengeleha sanda na kakimmika mulindogholo lihongolitwe mulitalabha na kakilibhilingiha liganga na kulitata lindogholo alyo. ⁴⁷Malia mundu nndala ghwa ku Magidala na Malia ma ghwake Yosefu bhakipabhona apwo pakaghonjihitwe.

¹Paliyomokite Lisiku lya Kupughwa, Malia mundu ndala ghwa ku Magidala, Malia maghwake Yakobo na Salome bhakihemela hilibhi hya kunungilila ngati bhaghutyeke mmili ghwa Yesu. ²Malabhila puti puti, lisiku lya ulongohi lya juma ndo Jumapili, kamu palubalikiti luchubha bhakighenda kulindogholo.³Munjila bhakikonyana, “Ghani ghwa kutubhilingihila lila liganga panlyango ghwa lindogholo?” ⁴Peni paalolekihite, bhakilibhona lila liganga likulu munu, likibhilingihwa kala kuhuma panlyango ghwa lindogholo.⁵Paabheghite mukuyingila mula mulindogholo, Bhakimmona nhongolo yumo ywakahwalite lighwanda lihuhu na kakitama mu mbande ya nnilo, nabho bhakibhughanikwa muno. ⁶Naywo kakiaghombela, “Nkoto kubhughanika. Mungunpalaha Yesu, ghwa Nasaleti ywakabhangalilitwe mulipingika. Kahyuka, Kabhegha ng'obhe apa, nnole apa paanng'onjihite. ⁷Hino nng'ende mukabhaghombele ahundwa bhaki papamu na Petili, kukita, ‘Kabhalongolela kughenda ku Galilaya, akwo ndi bhatammona handa pakabhaghombilite.”⁸Ndo bhakibhuka na bhakitugha lubhilo kuhuma mula mulindogholo bhakibha na bhwaghalihi nkulu na nkangacho, nabho bhaking'ombela ng'obhe mundu ywohele lilagho lyoheli kiyaha bhakiyoghopa munu.⁹Yesu pakahyukiti ngeha puti puti lisiku lya ulongohi lya juma, kakimbwitukila huti Malia mundu nndala ghwa Magidala, ywakabhuhitwe mandilu nhano na abhili na Yesu. ¹⁰Malia kakighenda kubhaghombela bhala bhaabhegite mu kulongohana na Yesu, abho akibha akali bhangukukulika na kulila. ¹¹peni paayihwite kukita Yesu kakali kangukeka na kukita Malia kakimmona, bhakinhyubhalila ng'obhe.¹²Mbole Yesu kakiabwitukila abhili muahundwa bhaki paabheghite mukughenda panje ya kitami na kakibhegha mu kibhungi kingi. ¹³Nabho bhakibhuya na kubhaghombela ayabhe. Peni nabho bhakihyubhalila ng'obhe.¹⁴Mbole Yesu kakiabwitukia bhala ahundwa bhaki mbinda maboko yimo na yumo, paabheghite mukulyegha hilyo. Kakiandakila kwa ghwagahyubhalila ghwabhe na unonopo ghwa myoyo yabhe, Kiyaha bhakibhahyubhalila ng'obhe bhala bhammonite mbole ya kuhyuka. ¹⁵Kakiaghombela, “Nng'ende kumilima yoha, mukalandamihe Nhalo ghwa Maha kwa bhandu bhoha. ¹⁶Ywohele ywakahyubhalila na kubatiswa katalopoka. Peni ywohele ywa nga kuhyubhalila katatoswa.¹⁷Nayo mihabho ayi yabhegha papamu na bhala bhanakuyubhalila. Kwa lihina lyangu bhabhuha mandilu, na bhayobhela kwa nongelo ya hyono. ¹⁸handa paakamula mayoka, ebu paanywegha lusungu lwoheli, bhaatebhaha ng'obhe, bhatayabhika mabhoko ghabhe kwa atamwa nabho bhatalama.”¹⁹Mbole ya kughomba agha Bambo Yesu, kakitolwa kunani kuluhingu na kakitama mumbande ya nnilo ghwa Chapanga. ²⁰Ndo ahundwa bhake bhakibhuka, bhakilandamiha kwoha, naywo Bambo kakitenda lihengu papamu nabho na kutengelekeha nhalo ghwake kwa mihabho yilongohanite nabho.

¹Bhandu bha mahele bhakilitumba kutyeka handa bhaatyekiti luhumu lula lubwitukiliti mu twenga. ²Bhatyeka handa mutughombilitwe na bha abhonite kwa meho ghabhe kuhuma ku ulongohi ghwa lihengo lya Yesu. Na abho ndo bhakiyikwiha mihalu ayo. ³Mbole ya kughulolekeha maha nlando ghula kuhuma ku ulongohi ghwake, mmona ibhegha maha nighutyekile kwa nningo, ghwenga nnongo Tofili. ⁴ngati na ghwenga ghupate kumanya yila hoto ya ghala gha ghuhunditwe.⁵Pa kabheghite Helode mutwa ghwa nnima ghwa Yudea, pakibhegha ndundami yumu lihina lyaki Zakalia, mwene kakihuma mu kimati kya mandundame ghwa Abiya. Elizabeti nhumbu ghwaki nayo kakibha ghwa ubheleko ghwa ndundame Aluni. ⁶Zakalia na nhumbu ghwake Elizabeti bhoha abhili bhakitama mu kunnyelela Chapanga na bhakiyitikila malaghilo na ngwiliho ya Bambo, ⁷peni bhakibha na mwana ng'obhe, kiyaha Elizabeti kakibha ng'obhe na makakala gha kulela na abha abhili bhakibha aghohi muno.⁸Linjubha limu payibheghite samu yaki ya kutendekeha lihengu lyaki lya undundame mu Kitutubhi kya Chapanga, ⁹bhakinhaghula kwa njunga handa yibheghiti hitohi hya andundame, na kakiyingila mu Kitutubhi kya Bambo, ngati kakatutumihe luhumba. ¹⁰Pakabheghite mu lihengu lya kututumiha luhumba, lumati lwa bhandu lukibha lukinnyupa Chapanga panji.¹¹Hinu nndumitumi ghwa kunani ghwa Chapanga kakinbwitukila Zakalia, kakiyima ku nnilo ghwa kindambi kya kututumiha luhumba. ¹²Zakalia pakammonite kakiyituka na kakiyingilwa na bhwaghalili, ¹³peni yula nndumitumi ghwa kunani ghwa Bambo kaking'ombela, “Ghukotoke kuyoghopa Zakalia nyupo hyako yiyihwanika, na nhumbu gwako Elizabeti katapapa mwana nnume, na mankema Yohana.¹⁴Ghwenga ghwabhegha na chekwa na bhandu atangalo bhatayelelwa kwa kya kubhelekwa kwa mwene. ¹⁵Kiyaha katabhegha nkulu paulongohi ghwa Bambo, katanywegha ng'obhe difwai ebu ughimbi peni katamemekwa na Nhuki ghwa Chapanga kuhumila mu lutumbo lwa ma ghwake.¹⁶Na ywombe katabhabhuyiha bhandu atangalo bha Aisilaeli kwa Bambo Chapanga ghwabhe. ¹⁷Mwene katalongolela pa ulongolo ghwa Bambo mu nhuki handa ghwa Eliya, ngati kataatenda abhele abhatendele bhana bhabhe kwa uhihimilo nabha nga kuyitika bhabhe na mahala gha kuyitika na ndo katabhabhika kala bhandu kwa kya Bambo.”¹⁸Zakalia kakinng'ombela yula nndumitumi ghwa kunani ghwa Chapanga, “Ndamanya bhuli kukita nnando aghwo ndo hoto? Kiyaha nenga na nhumbu ghwangu tubhegha twa aghohi.” ¹⁹Yula nndumitumi ghwa kunani ghwa Chapanga kakinnyanga, “Nenga ndo Gabilieli, nndumitumi ghwa Chapanga, naghilwa kwa ghwenga ngati nighughombele mihalu ayi ya maha. ²⁰Hinu kiyaha, ghunguhyubhalila ng'obhe mihalu ayi yiipala kutulukila mu ng'ebhu yaki, habhu ghwaabhegha ghwa nga kulongela mbaka paghatulukila.”²¹Peniapwo bhandu bhakibha bhangunnindila Zakalia panji kunu paakangacha kya kukabhalila kuhuma mu kitutubhi kya Chapanga. ²²Pakahumiti panji kakihotola ng'obhe kuyobhela nabho, kakiapegha naho kwa mabhoko, bhene bhakimanya kukita kabhona mabhono mu kitutubhi kya Chapanga. ²³Hinu manjubha gha kutendekeha lihengu lyake lya undundame ghakipela na kakibhuya ukaya kwaki.²⁴Mbole ya manjubha ghala nndala ghwake Elizabeti kakiyima ndumbo, naywo kakibhuka ng'obhe ukaya kwake kwa mwehi nhano. ²⁵Kakilongela “Ali ndo lyakandendilite Bambo; kannola na kayibhuha honi ya nenga ya kulepelwa kupapa kwa bhandu.”²⁶Mwehi ghwa sita mbole ya kuyima ndumbo Elisabeti, Chapanga kakinlaghila nndumitumi ghwaki ghwa kunani ywaakemwa Gabilieli, kaghende ku kitami kya Nasaleti mu nnima ghwa Galilaya ²⁷kwa nhinja kamwali yumu ywakaluhitwe na mundu yumo lihina lyake Yosefu ghwa lukolo lwa Daudi. Lihina lya ayo nhinja likibhegha Malia. ²⁸Na yula ndumitumi ghwa kunani ghwa Chapanga kakinhikila Malia na kakinng'ombela, “Mwika ghwenga ghunonilitwe, na Bambo kabhegha papamu na ghwenga!” ²⁹Malia kakibhughanika muno kwa kya nhalo ghula na kakilikonyekeha mwene mu mwoyo ghwaki, “Nhalu aghu fwambulo yaki niki.³⁰Ndo nndumitumi ghwa kunani ghwa Bambo kakinnyanga, “Ghukotoke kubhughanikwa Malia, Kiyaha Chapanga kakupegha ghumaha ghwaki. ³¹Nnole, ghwayima ndumbo, na ghutalela mwana nnume na ghwankema lihina lyaki Yesu. ³²Mwene katabhegha ywa kuhyubhalilwa na bhaankema Mwana ghwa mwene ywabhegha unani mwa hyoha, Bambo Chapanga katantenda kabhe Mutwa handa pakabheghiti tate ghwaki Daudi. ³³Katakitabhala kibheleko kya Yakobo manjubha ghoha na Ghubhutwa ghwaki ghwabhegha ghwa nga kupela.”³⁴Malia kakinkonyekeha yula nndumitumi ghwa kunani ghwa Chapanga, Yaabhegha bhuli mihalu ayi kiyaha nenga ngali nhinja kamwali. ³⁵Nndumitumi ghwa kunani ghwa Chapanga kakinnyanga, “Nhuki ghwa Chapanga kataghuhikila, na makakala gha Chapanga ywa unani mwa hyoha, hinu ywaapala kubhelekwa aywo katabhegha yunakung'anyima, Mwana ghwa Chapanga.³⁶Ghumanye naha, nnongo ghwako Elizabeti kabha na ndumbo mu ughohi ghwaki na hinu ndo mwehi ghwa sita kwa yula ywakamanyikwa kukita ywa nga kulela, ³⁷kiyaha kahone nhalo ghwa nga kuhotolwa kwa Chapanga.” ³⁸Maria kakilongela, “Nnole! Nenga ndo nndumitumi ghwa Bambo, ndendelwe handa mughulongiliti.” Ndo nndumitumi ghwa kunani ghwa Chapanga kakibhuka na kunneka.³⁹Mbole ya manjubha gha mandina, Malia kakibha mu mwanja na kakiyumbatika mbaka pa kitami kimo ku hitumbi hya Yudea. ⁴⁰Kakiyingila mu kitutubhi kya Zakalia na kunnjambua Elizabeti. ⁴¹Elizabeti pakayihwiti lilobhe lya Malia, mwana ywakabheghite mu lutumbo lwaki kakilighalambula, ndo makakala gha Nhuki ghwa Chapanga ghakinhikila Malia.⁴²Kakilongela kwa lilobhe likulu, “Ghunonelwa ghwenga kupitingana kwa adala bhoha naywo yughupala kumpapa kanonelwa! ⁴³Nenga ndo ghani, mbaka ma ghwa Bambo ghwangu kanhikile? ⁴⁴Kamu panyihwite lilobhe lyako lya kunnjambuaha nonono ghwa mu lutumbo lwangu kakiyelelwa na kulighalambula. ⁴⁵Ghunonelwa ghwenga ghuhyubhaliliti lila lyakaghombiti Chapanga kukita lyahotolwa.”⁴⁶Malia kakilongela, “Mwoyo ghwangu ghunguntika Bambo. ⁴⁷Na mwoyo ghwangu ghubhegha na chekwa kwa Chapanga ywakannopoliti nenga⁴⁸Kiyaha kangulungwa nenga nndumitumi ghwake nndokwa. Hinu kutandila hinu bhandu bhoha bhanngema yunakunonelwa ⁴⁹Kiyaha Chapanga yunamakakala kanndendela mihalu mikulu, Lihina lyake lya nga kuhihwana na mahina ghangi.⁵⁰Lipyanda lyako ghunguatendela bha aghutundamila, Kuhuma ubheleko mbaka ubheleko. ⁵¹Kiyaha katenda mihalo ya mihabho kwa kibhoko kyaki, Kabhapwilinganiha bhanaluhimba mu hwachilo ya myoyo yabhe.⁵²Kabhahuluha atabhala mu hiteho hyabhe Peni kabhayinula bhala adokwa. ⁵³Kabhayukutiha bhaabheghite na njala kilibhi kya maha, Na bhana utopelo kaabhuha kya nga kilibhi kwa mabhoko gha yaghi.⁵⁴Kantangatila nndumitumi ghwake Isilaeli, pakikulungwa kuapegha lipyanda lyaki. ⁵⁵Kakulungwa kuabhoneha lipyanda kwa Ablahamu na ubheleko ghwaki ghoha mbaka manjubha ghoha.”⁵⁶Malia kakitama na Elisabeti mu myehi mindatu, mbole kakibhuya ukaya kwaki. ⁵⁷Manjubha gha kupapa kwaki Elisabeti ghakihika na kakipapa mwana nnume. ⁵⁸Paayihwite agheghela na aghanja bhaki kukita Bambo kanntendela lipyanda likulu, bhakiyelelwa papamu naywo.⁵⁹Ndo linjubha lya nhano na ndatu bhakihika kunnyingiha unyagho yula mwana, na bhakipala kunkema Zakalia, lihina lya tate ghwake. ⁶⁰Peni ma ghwake kakilema, na kakilongela, “Ng'obhe, Lihina lyaki kaakemwa Yohana. ⁶¹Bhene bhakinnyanga, “Kahone mundu yumo mu lukolo lwako yuna lihina alyo!” Ndo bhakinntendela naho Zakalia tate ghwa yula mwana ngati bhamanye mwene katapala kunkema mwana lihina lyoki.⁶²Ndo bhakinntendela naho Zakalia tate ghwa yula mwana ngati bhamanye mwene katapala kunkema mwana lihina lyoki. ⁶³Mwene kakiyupa lihamba lya kutyekela na kakityeka naha, “Lihina lyake Yohana.” Bhandu bhoha bhakikangacha.⁶⁴Pindulu kakiyanda kukambuka kangi na kakinntikila Chapanga. ⁶⁵Agheghela bhoha bhakiyingilwa na lyogha, na nhalo agho ghukikwila mu nnima ghwoha ghwa hitumbi hya Yudea. ⁶⁶Ywoheli yula ywakayihwite mihalo ayi kakihwachila mu mwoyo ghwaki na kakikonyekeha “Hinu mwana aywo katabhegha mundu ghwa kya bhuli?” Kiyaha makakala gha Bambo ghabhegha papamu naywo.⁶⁷Zakalia tate ghwaki yula mwana, kakiyingililwa na makakala gha Nhuki ghwa Chapanga na kakilondola naha. ⁶⁸“Tuntike Bambo, Chapanga ghwa Akaisilaeli, Kiyaha kabhahikila kuatangatila bhandu bhaki na kualopoha.⁶⁹Mwene kakitupegha nlopohi yuna makakala kuhuma mu ubheleko ghwa nndumitumi gwaki Daudi. ⁷⁰kakilongela kwa ngulu ya ambuye bhaki kutandila makachu ⁷¹kukita katatulopoha kwa amyanja bhetu na kutuhumiha mu makakala gha bhala bhoha bhaatulema.⁷²Kakilongela kataabhonela luhungu atate bhetu, na kaalikulungwa ninganilo lyaki linakung'anyima. ⁷³Kilapo kyakanlapiliti Ablahamu hukulu ghwetu, ⁷⁴kutulopoha kuhuma mu makakala gha amyanja bhetu ngati tuntembekehe kya nga lyogha, ⁷⁵Ngati tubhe ahyubhalika kwa Chapanga na ayitikila mu malaghilo ghaki. mu manjubha ghoha gha ubhumi ghwetu.⁷⁶“Ghwenga mwana ghwangu, ghwakemwa mbuye ghwa Chapanga ghwa unani ghwa yoha kiyaha ghwabhegha pa ulongohi gwa Bambo na kutendekeha njila kwa kya Bambo. ⁷⁷Kubhalandamiha bhandu kukita bhatalopolehwa, kwa kulekekehwa ulemwa ghwabhe.⁷⁸Upalo ghwa Chapanga na ghumaha ghwaki ghwatung'anyimila, handa pa ghuhomikiti nkenge mu mahundi. ⁷⁹Kwa twenga tuutama mu kihwili kya lubhindu kya kiho, bhwelo alo lutubhutukila na kutulongoha mu ubhumi ghwa uhihimilo.”⁸⁰Yula mwana kakikula na kuyonjokeheka makakala mu nhuki. Kakitama ku kibhala mbaka linjubha lila pakabwitukiliti kwa Akaaisilaeli.

¹Mu manjubha ghala Mutwa nkulu ghwa Lumi ywaakemitwe Agustino, kakikwilikiha bhandu bhoha bha utabhala ghwa Lumi abhalangwe. ²Bhalango ayi ya bhandu ndo ya ulongohi pakabheghite Kulenio Mutwa ghwa nnima ghwa Silia. ³Bhandu bhoha bhakighenda kutyekwa ku kitami kya pakabhelekwite.⁴Naywo Yosefu bhubho kakiyanda mwanja kuhuma ku kitami kya Nasaleti yiibheghite mu nnima ghwa Galilaya, kiyaha kakibhegha ghwa ubheleko ghwa Daudi, kakighenda kumbwani Betelehemu ku nnima ghwa Yudea, pakabhelekiti mutwa Daudi. ⁵Kakighenda akwo kubhalangwa papamu na Malia nhumbu ghwaki, naywo Malia kakibha na ndumbo⁶pa bhabheghite ku Betelehemu, linjubha lya Malia lya kupapa likihika. ⁷Kakilela mwana nnume ghwa ulongohi na kakinhwika mapinda gha kilembwe, na kaking'onjeka mwana mu likungwa lya kualyegheha senga kiyaha yikibha ng'obhe ng'ebu mu kitutubhi kya ahenja.⁸Mu nnima aghwo, pakibhegha ahakila anyama bha atamiteghe mu ihaka, pa akibhinga himati hya anyama pakilo. ⁹Kamu nnole, nndumitumi ghwa kunani kwa Chapanga kakiabwitukila, na ung'anyimo ghwa Bambo ghukiang'alikiha mbande hyoha, na bhakiyingilwa na lyogha muno.¹⁰peni nndumitumi ghwa kunani kwa Chapanga kakianghombela, “Nkotoke kuyoghopa! Kiyaha nnole, nibhagheghela Nhalo ghwa Maha ghwa kuanogheha bhandu bhoha. ¹¹Lelo mu kitami kya Daudi, kwa kya mwenga kabhelekwa nlopoho ndo Kilistu Bambo!. ¹²ayi ndo naho kwa mwenga, mammona nonono kabhulungililwa mapinda gha king'enya na anng'onjeka mu likungwa lya kualyegheha senga.”¹³Kamu kukibha na lumati lukulu lwa andumitumi ghwa kunani kwa Chapanga papamu na aywo nndumitumi ghwa kunani kwa Chapanga paakintika Chapanga paakilongela. ¹⁴“Ukulu kwa Chapanga akwo kunani,na uhihimilo ghubheghe mu nnima, kwa bhandu bha abhahaghulite.”¹⁵Pa lubhukiti lula lumati kughenda kunani bhala ahakila anyama bhakighombana, “Tughende ku Betelehemu tukaghubhone nnando aghwo, ghwakatughombiliti Bambo.” ¹⁶Ndo bhakiyumbatika kughenda ku Betelehemu na bhakiahikila Malia na Yosefu na yula nonono kaghonjehwa mu likungwa lya kualyegheha senga.¹⁷Paammonite yula nonono bhakialubhulila ghala bha aghombilitwe gha kya yula mwana. ¹⁸Nabho bhoha bhaayihwite mihalo yaaghombilitwe na ahakila anyama bhakighakangacha, ¹⁹peni Malia kakiyibhika mihalo ayi yoha mu mwoyo ghwaki na kughahwachila muno. ²⁰Bhala ahakila mene bhakibhuya, kunu paakikweha na kuntikila Chapanga kwa mihalu yoha ya ayiyihwiti na kuyibhona, handa pa aghombilitwi na andumitumi ghwa kunani ghwa Chapanga.²¹Mbole ya linjubha lya nhano na ndatu, ndo likibha linjubha lya kunnyingiha unyagho yula mwana, na bhakinkema Yesu, lihina lyakakambukiti nndumitumi ghwa ku kunani kwa Chapanga, yikali na Malia kuyimika ndumbo.²²Paghahikiti manjubha lya kuliyogha kwa Malia na Yosefu handa malaghilo gha Musa ywakakamuhitwe na Chapanga, Malia na Yosefu bhakighenda na mwana ku Yelusalemu ngati bhakammike mwana ywa kya Chapanga. ²³Handa muyityekitwi mu Malaghilo gha Bambo, “Mwana nnume ywohele ywa ulongohi kaabhegha ghwa kya Chapanga.” ²⁴Bhakighenda kutendekeha nyambi handa muyityekitwe mu malaghilo gha Chapanga, ngunda abhili ebu ngunda bhana abhili.²⁵Hino kakibhegha mundu yumo akwo ku Yelusalemu lihina lyaki Simoni, mwene kakitenda handa mughapaliti malaghilo na kakinntundamila Chapanga, kakighulindila kwa upalo nkulu ulopoho ghwa Akaisilaeli. Na Nhuki ghwa Chapanga kakibha papamu naywo. ²⁶Nhuki ghwa Chapanga kakinlaghila kukita kaahwegha ng'obhe mbaka kammone Kilistu ywakahaghulitwe na Chapanga.²⁷Ndo, Nhuki ghwa Chapanga kakinlongoha Simoni kuyingila mu kitutubhi kya Chapanga. Malia na Yosefu paanng'eghite mwana mu kitutubhi kya Chapanga kuntendela handa yibheghite hitohe hya malaghilo gha Musa, ²⁸Ndo Simoni kakintola mwana mu mabhoko ghaki na kakintikila Chapanga, pakilongela, ²⁹“Hinu Bambo, ghutenda handa paghulaghiliti, ndo ghunlekekehe nndumitumi ghwako kaghende kwa uhihimilo.³⁰Kiyaha kwa mehu ghangu nummona Nlopohi. ³¹Ghuunhaghuliti kabhe Nlopohi ghwa bhandu bha milima yoha. ³²Mwene kaabhegha lubhwelu lwa kuang'aliha bhandu bha milima yingi anmanye Chapanga, na ukulu kwa bhandu bhako Isilaeli.”³³Ndo Yosefu na Malia bhakikangacha mihalo yila yakalongiliti Simoni kwa kya aywo mwana. ³⁴Ndo Simoni kakianonela na kakinng'ombela Malia ma ghwake yula mwana, “Mwana ayu katabhegha nhokolo ghwa kuhobha, na bhangi kulopoleghwa bhandu atangala mu Isilaeli, mwene katabhegha naho yakulemwa na bhandu atangala. ³⁵Habhu mahwacho gha bhandu atangala ghabhegha pa kindandabhanji, na kwa ghwenga lihingila handa kikechelo lyakuhoma mu mwoyo ghwako.”³⁶Kakibhegha mbuye ghwa Chapanga yumo nndala nng'ohi muno, lihina lyake Anna, biti Fanueli ywa likabila lya Asheli. Kakitolelwagha na kakitama na nnume ghwaki ngungwa saba ndo nnume ghwaki kakihwegha. ³⁷Mwene kakibha nndala nnekwa na kakilama ngungwa mbinda mabhoko nane na ncheche. Aywo kakibhuka ng'obhe amwo mu kitutubhi kya Chapanga pakilo ebu pamuhi pakantundamila Chapanga, kunu pakilikunga na kuyupa. ³⁸Lisaa lila lila, Anna kakihika kakiyanda kuntikila na kunnumba Chapanga na kakighomba mihalo ya aywo mwana, kwa bhandu bhoha bhaulindiliti ulopoho ghwa ku Yelusalemu.³⁹Yosefu na Malia paayomolite kutenda mihalo yoha ya malaghilo gha Bambo, bhakibhuya ku kitami kyabhe Nazaleti akwo ku Galilaya. ⁴⁰Mwana yula kakikula na kuyonjokoheka makakala na pakimemekehwa mahala na Chapanga kakibha pakinnonela. Nhongolo Yesu mu Kitutubhi kya Chapanga⁴¹Kila ngungwa Yosefu na Malia bhakighendagha ku Yelusalemu ku kikubhu kubhu kya Pasaka. ⁴²Yesu pakabheghite na ngungwa mbinda mabhoko yimo na ibhili bhakighenda ku chekwa handa muyibheghiti hitohe hyabhe. ⁴³Paayomolite kikubhu kubhu, Yosefu na Malia paabheghiti mu kubhuya ukaya, Yesu kakihighala ku Yelusalemu. Peni abheli bhaki bhakimanya ng'obhe. ⁴⁴Bhene bhakihwacha kukita kakibhegha mu mwanja papamu na bhandu bhangi, bhakighenda mwanja ghwa linjubha lya nyima ndo bhakiyanda kumpalaha nkati ya alongo na aghanja bhabhe.⁴⁵Kiyaha bhakimmona ng'obhe, ndo bhakibhuya ku Yelusalemu ngati anpalahe. ⁴⁶Linjubha lya ndatu bhakimmona mu Kitutubhi kya Chapanga kakitama pa kati ya ahunda bha malaghilo pakiayihwa na kuakonyekeha ngonyekeho. ⁴⁷Bhoha bhaannyihwiti bhakikangacha mahala ghaki na mayango ghakaayangiti.⁴⁸Yosefu na Malia paammonite Yesu bhakikangacha muno, ma ghwake kakinkonya, “Mwana ghwangu, bhuli ghungututenda naha? Nnole nenga na tate ghwako tungukupalaha kwa bhwaghalili nkulu.” ⁴⁹Yesu kakiayanga, “Yibhegha bhuli mungumbalaha? Mukimanya ng'obhe kukita yingunkwiliha kutama mu kitutubhi kya tate ghwangu?” ⁵⁰Peni bhene bhakimanya ng'obhe fwambulo ya lila lyakaaghombiliti.⁵¹Ndo kakighenda papamu na bhene mbaka ku Nazaleti, naywo Yesu kakiayitikila bhene kwa mihalo yoha. Ma ghwaki kakighendelela kukulungwa mihalo ayi yoha. ⁵²Naywo Yesu kakikula mu mahala na utandamaho na kakighendelela kuayeleha Chapanga na bhandu.

¹Mu ngungwa ya mbinda mabhoko yimo na nhano ya utabhala ghwa mutwa nkulu Tibelio, Pontio Pilato pakabheghiti ntabhala ghwa Yudea, na Helode kakibhegha mutwa ghwa Galilaya, na Filipo nnongo ghwaki kakibha ntabhala ghwa nnima ghwaItulea na Tilakoniti, na Lisania kakibha ntabhala ghwa Abilene. ²na Anasi na Kayafa bhakibha Andundame akulu ghwa Chapanga, ndo mumanjubha agho lilagho lya Chapanga likinhikila Yohana mwana ghwa Zakalia akwo ku kibhala.³Ndo Yohana kakighenda mu nnima ghwoha mu mbwegha ya lukemba lwa Yoludani, pakalandamiha ubatiso ghwa kulipetula na kummuyila Chapanga, ngati Chapanga kabhalekekehe ulemwa ghwabhe.⁴Handa yityekitwi mu kitabho kya Mbuyi ghwa Chapanga ywaakemitwe Isaya, “Mundu kangukema kuhuma ku kibhala, Muyitendekehe njila ya Bambo, muyighololehe ndyangilo yaki.⁵Luluchi lwoheli lwa memekehwa, hitumbi hyabhegha telelele, na njila yinakupimbitala yaghololehwa panamigangalabhu patabhikwa maha. ⁶Na bhandu bhoha bhataghubhona ulopoho ghu ghugheghitwe na Chapanga⁷Ndo Yohana kakilughombela lula lumati lwa bhandu, lunhikilite ngati kabhabatise, “Mwenga kibheleko kya liyoka, ndo ghani aywo ywakaakanikihite ngati mukibhutuke kiyaghabhu kiipala kuhika?⁸Hinu ndendelo hyenu yibhe tela na kulipetula kwa mabhene, hinu nkotoke kuhwacha kukita Chapanga kataakingama handa pa mulidkwina kukita hukulu ghwenu ndo Ablahamu. Kulyaghila nungubhaghombela hoto, Chapanga kanamakakala gha kughatendendekeha maganga agha ghabhe bhana bha Ablahamu.⁹Habu, libhaghu libhegha kala mu kihina kya nkongo, na nkongo ghwoheli ghula ghwa nga kupapa mapambiko gha maha, ghwadumulighwa na kutaghwa mu mwoto.”¹⁰Lula lumati lwa bhandu lukinkonya, “Hinu tutende niki?” ¹¹Yohana kakiayanga, “Yula ywakabheghiti na magwanda mabhili kakanpeghe yula ywakabheghiti nalyo ng'obhe, na yula ywakabheghiti na hilyo kakatende ubhwabhu abhu!”¹²Asumula sumu nabho bhakinhikila ngati kabhabatise, nabho bhakinkonya “Nhunda na twenga tutende niki. ¹³Kakiayanga, “Nkotoke kutola nyonjokeho ya sumu yiilaghilitwe.”¹⁴Amoo bha amachonda nabho bhakinkonya, “Bhuli na twenga yingutunogha tutende niki?” Kakiaghombela, “Nkotoke kutola mbiya kwa ywohele kwa makakala na ubhwabhu abhu nkotoke kunkokela ywohele kwa uhwangi, ngati nnyukutwe na hupu hyenu.”¹⁵Bhandu bhakihyubhalila kilibhi kimoo, hinu bhakiyanda kulikonya mu mwoyo yabhe ya kya Yohana kukita pangi ywombe ndo Kilisto ywakahaghulitwe na Chapanga. ¹⁶Hinu Yohana kakiayanga pakiaghombela, “Nenga nungaabatisa kwa machi peni katahika yunamakakala kupitingana kwa nenga, yiteghekwa ng'obhe nenga hokame na kulegheha ngoyi hya makobasi ghaki. Mwene kataabatisa kwa Nhuki ghwa Chapanga na kwa mwoto.¹⁷Ywombe kabhegha na kipalo kyake mu mabhoko ghaki, kabhegha kala kukilima kibhanja kya kuyebheha mbunji hyaki na kuyibhika mu luhanja lwaki, na mayeyele kataghayocha mu mwoto ghwa nga kuhimika.” Ywombe kabhegha na kipalo kyake mu mabhoko ghaki, kabhegha kala kukilima kibhanja kya kuyebheha mbunji hyaki na kuyibhika mu luhanja lwaki, na mayeyele kataghayocha mu mwoto ghwa nga kuhimika.”¹⁸Hinu kwa nganikiho yingi ndangalo Yohana kakialandamiha bhandu Nhalo ghwa Maha. ¹⁹Mbole yaki Yohana pakanlakalilite mutwa Helode ya kya kunpoka Helodia nndala ghwa nnongo ghwaki na kuntenda kabhe ghwaki, na mahakataho ghoha ghakaghatendite. ²⁰Mbole Helode kakihangangana agha ghoha, kakimmopa Yohana ku kibhopo.²¹Mbole ya bhandu bhoha kubatiswa, Yesu naywo kakibatiswa, naywo pakabheghite mu kunyupa Chapanga, kunani kwa Chapanga kukiyughuka. ²²Na Nhuki ghwa Chapanga kakihuluka kwa mmili handa ghwa ngunda, na lilobhe likiyihwanika kuhuma kunani kwa Chapanga palilongela, “Ghwenga ndo mwana ghwangu, ghunughupala, nnyelelwa na ghwenga muno.”²³Yesu kakibhegha na Ngungwa mbinda mabhoko ndatu pakayandite lihengu lyaki, na bhandu bhakihwacha kukita kakibha mwana ghwa Yosefu, mwana ghwa Heli, ²⁴na Heli kakibhegha mwana ghwa Matati, na Matati kakibhegha mwana ghwa Lawi, na Lawi kakibhegha mwana ghwa Melki, na Melki kakibhegha mwana ghwa Yanai, na Yanai kakibhegha mwana ghwa Yosefu,²⁵na Yosefu kakibhegha mwana ghwa Matatia, Matatia kakibhegha mwana ghwa Amosi, na Amosi kakibhegha mwana ghwa Naumu, na Naumu kakibhegha mwana ghwa Esili, na Esili kakibhegha mwana ghwa Nagai, ²⁶Nagai kakibhegha mwana ghwa Maati, na Maati kakibhegha mwana ghwa Matatia, na Matatia kakibhegha mwana ghwa Semeini, na Semeini kakibhegha mwana ghwa Yoseki, na Yoseki kakibhegha mwana ghwa Yoda²⁷Yoda kakibhegha mwana ghwa Yoanani, na Yoanani kakibhegha mwana ghwa Lesa, na Lesa kakibhegha mwana ghwa Zelubabeli, na Zelubabeli kakibhegha mwana ghwa Shealitieli, na Shealitieli kakibhegha mwana ghwa Neli, ²⁸na Neli kakibhegha mwana ghwa Melki, na Melki kakibhegha mwana ghwa Adi, na Adi kakibhegha mwana ghwa Kosamu, na Kosamu kakibhegha mwana ghwa Elimadamu, na Mwana ghwa Eli, ²⁹Eli kakibhegha mwana ghwa Yoshua, na Yoshua kakibhegha mwana ghwa Eliezeli, na Eliezeli kakibhegha mwana ghwa Yolimu, na Yolimu kakibhegha mwana ghwa Matati, na Matati kakibhegha mwana ghwa lawi,³⁰na Lawi kakibhegha mwana ghwa Simoni, na Simoni kakibhegha mwana ghwa Yuda, na Yuda kakibhegha mwana ghwa Yosefu, na Yosefu kakibhegha mwana ghwa Yonamu, na Yonamu kakibhegha mwana ghwa Eliakimu, ³¹na Eliakimu kakibhegha mwana ghwa Melea, na Melea kakibhegha mwana ghwa Mena, na Mena kakibhegha mwana ghwa Matata, na Matata kakibhegha mwana ghwa Natani, na Natani kakibhegha mwana ghwa Daudi, ³²Daudi kakibhegha mwana ghwa Yese, na Yese kakibhegha mwana ghwa Obedi, na Obedi kakibhegha mwana ghwa Boazi, na Boazi kakibhegha mwana ghwa Salimoni, na Salimoni kakibhegha mwana ghwa Nashoni,³³na Nashoni kakibhegha mwana ghwa Aminadabu, na Aminadabu kakibhegha mwana ghwa Alimi, na Alimi kakibhegha mwana ghwa Hesiloni, na Hesiloni kakibhegha mwana ghwa Pelesi, Pelesi kakibhegha mwana ghwa Yuda, ³⁴Yuda kakibhegha mwana ghwa Yakobo, na Yakobo kakibhegha mwana ghwa Isaka, na Isaka kakibhegha mwana ghwa Ablahamu, na Ablahamu kakibhegha mwan ghwa Tela, na Tela kakibhegha mwana ghwa Naholi, ³⁵Naholi kakibhegha mwana ghwa Salugi, na Salugi kakibhegha mwana ghwa Leu, na leu kakibhegha mwana ghwa Pelegi, na Pelegi kakibhegha mwana ghwa Ebeli, na Ebeli kakibhegha mwana ghwa Sala,³⁶36 na Sala kakibhegha mwana ghwa Kenani, na Kenani kakibhegha mwana ghwa Alifakisadi, na Alifakisadi kakibhegha mwana ghwa Shemu, na Shemu kakibhegha mwan ghwa Nuhu, na Nuhu kakibhegha mwana ghwa Lameki, ³⁷na Lameki kakibhegha mwana ghwa Mesusela, na Mesusela kakibhegha mwana ghwa Enoki, na Enoki kakibhegha mwana ghwa Yaledi, na Yaledi kakibhegha mwana ghwa Mahalaleli, na Mahalaleli kakibhegha mwana ghwa Kainani, ³⁸Kainani kakibhegha mwana ghwa Enoshi, na Enoshi kakibhegha mwana ghwa Seti, na Seti kakibhegha mwana ghwa Adamu, na Adamu kakibhegha mwana ghwa Chapanga.

¹Pakabhuyite kuhuma ku lukemba lwa Yoludani Yesu pakibhegha na makakala makulu gha Nhuki ghwa Chapanga na aywo Nhuki kakinlongoha ku kibhala. ²akwo Nchipila kakinng'eha mu manjubha mbinda mabhoko ncheche. Mu manjubha agho ghoha kakilyegha ng'obhe kyohele, mbole ya agho manjubha yikinbhina njala.³Ndo Nchipila kakinng'ombela, “Handa ghwenga ndo Mwana ghwa Chapanga, ghughakwilikihe maganga agha ghabhe mangate.” ⁴Yesu kakinn'yanga paakinng'ombela, “Matyeko mang'anyimo ghangulongela, ‘Mundu katalama ng'obhe kwa mangate ghweka chake.”⁵Mbole Nchipila kakinnyegha mbaka ku kitumbi kitandamaho munu na kakimmoneha tabhala yoha ya nnima kwa pa yimo. ⁶Nchipila kakinng'ombela, “Ndaghupegha utabhale milima ayi yoha na ghwatikilwa munu, kiyaha yibha mu mabhoko ghangu na nenga ndanpegha ywohele handa mumbalite. ⁷Handa ghwanndundamila, hilibhi hyoha yabhegha hyako.”⁸Yesu kakinnyanga, “Yityekwa mu matyeko mang'anyimo, ‘Ghuntundamile Bambo Chapanga ghwako na ghuntendele lihengu kya kunhokamila mwene ghweka chaki. ”⁹Mbole Nchipila kakinnghegha mbaka ku Yelusalemu, na kakinmika unani ghwa nnala ghwa kitutubhi kya Chapanga, kakinng'ombela, “Handa gwenga ndo Mwana ghwa Chapanga, ghulitaghe pahi. ¹⁰kiyaha yityekwa mu matyeko mang'anyimo, ‘Chapanga kataghulaghikiha andumitumi bhake bha kunani akukingikihe, ¹¹Kang Bhatakutola kwa mabhoko ghabhe ghukotoke kulikubhala kighulu kyako mu liganga.’ ”¹²Yesu kakinnyanga, “Yityekwa mu matyeko mang'anyimo, ‘Ghukotoke kunng'eha Bambo Chapanga ghwako.’ ” ¹³Nchipila pakayomolite kunng'eha Yesu, kakinleka mbaka ng'ebu yingi.¹⁴Mbole Yesu kakibhuya mbaka ku Galilaya, pakibha na makakala gha Nhuki ghwa Chapanga, na mihalo yaki yikikwila mu mbande yoha ya milima ya ugheghela. ¹⁵Kakiyanda kuhunda mu hitutubhi ya ngonganilo yabhe Akaayahudi na bhoha bhakintika.¹⁶Yesu kakighenda ku Nazaleti apwo pakalelilitwe, na mu linjubha lya kupumulila kakighenda ku kitutubhi kya ngonganilo handa muyibheghiti kitohe kyaki na kakiyima ngati kasomi malembo mang'anyima kwa lilobhe likulu. ¹⁷kakikamuhwa kitabho kya mbuye ghwa Chapanga ywakakemitwe Isaya, kakikiyughula na kakibhona pa patyekwiti,¹⁸“Nhuki ghwa Bambo kabhegha nkati ya nenga, kiyaha kanhaghula na kundyeka mahuta ngati kualandamiha akapukwa mihalo ya maha. Kannaghila kualandamiha abhopwa kuhughulighwa kwabhe na bha nga kubhona apati kubhona kangi, na kubhalopoha bha abheghite mu kimbamanda, ¹⁹na kulandamiha kukita manjubha ghahika, apwo Bambo kataalopoha bhandu bhaki.”²⁰Mbole kakikigubika kitabho, kakikibhuyiha kwa nndumitumi na kakitama. Na mehu gha bhaabheghite mu kitutubhi kya ngonganilo ghakinlolekeha mwene. ²¹Ndo kakiyanda kuaghombela, “Matyeko agha ghabwitukila lelo, pamughayihwite.” ²²Bhoha bhaayihwite bhakinoghelwa naywo na kughakangacha malagho ghaki ghaabheghite gha maha, paakikonyana, “Ayu ndo mwana ghwa Yosefu ng'obhe?”²³Yesu kakiaghombela, “Kulyaghila maaghomba nongelo ayi, ‘Ng'anga ghulilamihe ghumwene.’ Kangi maalongela, ‘Mihalo yila tuyiyihwiti kukita ghukitenda akwo ku Kapelinaumu, ghuyitende na apa ku kitami kyako ghumwene. ” ²⁴Yesu kakighendelela kulongela, “Kulyaghila nunguaghombela, Kahone mbuye ghwa Chapanga ywakakingamwa maha mu kitami kyaki mwene.²⁵“Peni ayi ndo hoto, pakibha na adala alekwa atangalo mu Isilaeli mu manjubha gha mbuye ghwa Chapanga akemitwe Eliya, pakabhopitwi kunani kwa Chapanga kwa ngungwa ndatu na mwehi sita na pakibha na njala ngulu mu nnima ghwoha. ²⁶Hata habhu! Eliya kakilaghilwa ng'obhe kwa yumoo yumoo ywa adala alekwa abho, ngati nga kwa nndala nlekwa yumo ghwa Seleputa mu nnima ghwa Sidoni. ²⁷Kangi akibhegha bhana maloha atangalo, mu makachu gha mbuye ghwa Chapanga ywakakemitwe Elisha, peni kakibhegha ng'obhe yumoo yungi ywakaghululitwe, ngati nga Naamani mundu ghwa ku Shamu.”²⁸Bhandu bhoha mu kitutubhi kila kya kukonganila Akaayahudi paayihwiti mihalu ayi bhakikalala muno. ²⁹Ndo bhakiyima na bhakimmuha panji ya kitami kila, kiichengitwe kunani ya kitumbi, ngati antaghe pahi mu ngende ya kitumbi akyo. ³⁰Peni mwene kakikinda pakati yabhe na kakighenda.³¹Mbole Yesu kakighenda ku kitami kya Kapelinaumu, nnima ghwa ku Galilaya na mu linjubha lya kupumulila kakibhegha mu kuhunda. ³²Bhandu bhakikangacha muno na mahundo ghaki, kiyaha malagho ghaki ghakibha na makakala.³³Mu kila kitutubhi kya ngonganilo kukibha na mundu ywakakwehwitwi na lindilu, kakichobha kyobho pakilongela, ³⁴“Tubhegha na niki, ghwenga! Yesu ghwa ku Nasaleti? Bhuli ghuhika kutukanjaghana? Nungughumanya ghwenga ndo Nng'anyimo ghwa Chapanga.”³⁵Ndo Yesu kakililakalila lila lindilu pakalongela, “Ghunyamale na ghummuke mundu aywo!” Lila lindilu likintagha pahi muulongolo ghwa bhoha na likimmuka kya nga kunkanjaghana. ³⁶Bhandu bhoha bhakikangacha na bhakighombana, “Agha ndo malagho gha kya bhuli? Kiyaha kwa makakala kangughakwilikiha mandilu ghabhuke, nagho ghangubhuka.” ³⁷Mihalu yaki Yesu yikikwila kwoha ku nnima ghula.³⁸Yesu kakibhuka ku kitutubhi kya ngonganilo lya Akaayahudi na kakighenda ukaya kwa Simoni. Ndo akwo kakimmona ma ghwa nndala ghwa Simoni kananhehemela muno, nabho bhakinnyupa Yesu kantange. ³⁹Ndo Yesu kakiyima ugheghela na mwene na kakighulakalila ghula nhehemela, naghwo ghukinleka, kamu yula nndala kakiyima na kuyanda kuakeyela.⁴⁰Pa mbungamihe, bhandu bhoha bha abheghite na atamwa nhanganganiko bhakiaghegha kwa Yesu, naywo kakiayabhikila mabhoko ghake yumoo mbole ya yungi na kakialamiha. ⁴¹Nagho mandilu ghakialeka bhandu atangala, paghabhukiti ghakiyobha kyobho pa bhakilongela, “Ngwenga ndo mwana ghwa Chapanga” Peni Yesu kakialakalila na kughakanikiha bhakotoke kulongela, kiyaha bhakinmanya kukita ywombe ndo Kilistu ghwa Chapanga.⁴²Kilabho yaki malabhila, Yesu kakighenda pa kya kighweka, bhandu atangala bhakinpalaha kwoha, na paammonite, bhakipala kakotoke kabhuka kwabhe. ⁴³Peni mwene kakiaghombela, “Yingunnogha ngalandamihe Nhalu ghwa Maha ghwa Ghubhutwa ghwa Chapanga mu hitami hingi, kiyaha Chapanga kanlaghila kwa kya nhalu aghu. ⁴⁴Naywo kakighendelela kulandamiha mu hitutubhi ya ngonganilo ya Akaayahudi nnima ghwa Yudea.

¹Linjubha limu Yesu pakabheghite kumbwegha ya lihibha lya Genesaleti ubhwabhu lingumanyika handa lihibha Galilaya, na bhandu atangala bhakiyukana kuntindila ngati bhayihwe lilagho lya Chapanga. Ndo ²kakiyibhona mibhwato mibhili mu mbwegha ya lihibha yikilekwa apo na aghomea homba bha abheghite mu kutandambuaha njaho hyabhe. ³Kakiyingila mu bhwato ghumoo ghuubheghiti ghwa Simoni, na kakinnyupa Simoni kakaghuhegekehe mu machi kutali kya mandina kuhuma ku mbwani, mbole kakitama mu bhwato aghwo na kakiyanda kuluhunda lula lumati lwa bhandu.⁴Pakayomolite kuahunda, Yesu kakinng'ombela Simoni, “Hinu ghuhole bhwato ghwako mbaka mu machi njulwa ya lihibha mbole ghuyihuluhe njaho hyenu na makaghomehe homba.” ⁵Ndo Simoni kakinnyanga, Bambo, tukitenda lihengu lya kutopa kilukilu ndaa Na tukighomeha ng'obhe kyoheli. Peni kwa lilagho lyako nda huluha njaho. ⁶Mbole ya kuhuluha njaho, bhakighomeha homba bha mahele muno, mbaka njaho hyabhe yikiyanda kulakatuka. ⁷Hinu ndo bhakiakema kunu pa akiatendela naho kwa mabhoko aghomeha bhangi bha abheghite mu bhwato ghungi ahike kuatangatila. Bhakihika na bhakimemekeha homba mibhwato yoha mibhili mbaka yikiyanda kudibala.⁸Simoni Petili pakabhonite aghwo ghaabwitukilite kakighwegha mu maghulu gha Yesu na kakinng'ombela, “Bambo ghubhuke kwa nenga, kiyaha nenga nnemwa!” ⁹Simoni na aghomeha ayake bhakikangacha muno kwa kya bhala homba bha mahele bhaabhamokoliti. ¹⁰Ubhwabhu abhu ayake Yakobu na Yohana, bhana bha Zebedayu bhakikangahwa munu. Ndo Yesu kaking'ombela Simoni, “Ghukotoke kuyoghopa, kiyaha kutandila hinu ghwanngheghela bhandu handa aghomeha homba paaghegha homba mu hitutubhi hyabhe.” ¹¹Ndo bhakiyongeha mibhwato yabhe mu ngemba ya lihibha, na akileka hyoha hyaabheghiti naywo na bhakintughila Yesu.¹²Yesu pakabheghiti ku kitami kimo, mundu yumu yuna maloha mmili ghwoha kakinhikila. Pakammonite Yesu kakighwegha makukama na kakinnyupa Yesu pakilongela, “Bambo, paghupala ghwaahotola kunnamiha ngati ng'ululike.” ¹³Yesu kakikigholoha kibhoko kyake na kakinnyabhika yula mundu, mbole kakinng'ombela, “Ningupala ghughululike!” Kamu kakilama ghala maloha.¹⁴Ndo Yesu kakinkwilikiha, “Ghukotoke kunng'ombela mundu ywohele, peni ghughende kwa ndundame na ghukatule matulo ghakalaghiliti Musa ngati bhandu amanye kukita ghughululwa.”¹⁵Peni mihalo ya Yesu yikiyonjokeheka kuchweha mbande yoha na bhandu lumati bhakikwemukana kunnyihwa na kulamihwa matamwa ghabhe. ¹⁶Peni mwene pipipi kakighenda mu kumanyahi, akwo kakighenda kunnyupa Chapanga.¹⁷Linjubha limu Yesu pakabheghite mu kuhunda, na apwo akibhegha amoo bha Akaafalisayo na Ahunda bha malaghilo, kuhuma mu hijiji hya Galilaya na kuhuma ku Yudea na Yelusalemu. Na makakala gha Chapanga ghakibhegha na Yesu kwa kya kualamiha atamwa.¹⁸Bhakihika bhandu bhaampapite ntamwa ghwa ulelebhalo ghwa mmili mu likahe. Bhakilitumba kunnyingihaunyumba ngati ammike mu ulongolo ghwa Yesu. ¹⁹Peni bhakilepelwa kunnyingiha mu kitutubhi kila kubhukana na lumati lwa bhandu. Hinu bhakihubhuka ku linyakaa na bhakimatula himoo hya hipalamande hya hipumbulu na bhakinhuluha aywo ntamwa ghwa ulelebhalo mu likahe lyaki pakati ya lula lumati lwa bhandu pakabheghiti Yesu.²⁰Yesu pakabhoniti kukita bhanguhyubhalila, kakinng'ombela yula ntamwa, “Ghanja, ghulekekehwa ulemwa ghwako.” ²¹Akaafalisayo na bhala ahunda bha malaghilo bhakiyanda kukonya, “Ndo ghani aywo ywakakambukite mihalo ya kunkundula Chapanga? Kahone mundu yuna makakala gha kulekekeha ulemwa maha nga Chapanga ghweka chake?”²²Yesu kakighamanya mahwacho ghabhe ndo kakiakonya, “Kiyaha niki munguhwacha habhu mu myoyo yenu? ²³Hinu lyoki lya nga unonopo, kunng'ombela mundu ayu ‘Ghulekekehwa ulemwa ghwako’ ebu kulongela ‘Ghuyime ghughende’? ²⁴Hinu, mbala mmanye kukita nenga Mwana ghwa Mundu megha na makakala gha kulekekeha ulemwa mu nnima aghu.” Habhu kaking'ombela mundu yula yunaulelebhalo, “Nungukughombela ghuyime, litole likahe lyako na ghughende ku lubhagha lwako.”²⁵Kamu mundu aywo kakiyima kunu paankilola, kakitola likahe lyake na kakighenda ku lubhagha lwake kunu pakinkweha Chapanga. ²⁶Bhandu bhoha bhakikangacha na kuyingilwa lyogha, bhakinkweha Chapanga, paakikilongela, “Lelo tuyibhona mihalo ya mihabho.”²⁷Mbole ya agha, Yesu kakibhuka na kakinmmona nsumula sumu yumu lihina lyaki Lawi, pakitama mu kitutubhi kya kukamuha sumu. Yesu kakinng'ombela, “Ghundughile.” ²⁸Naywo Lawi kakighaleka ghoha ghakabheghite nagho na kakintughila.²⁹Mbole Lawi kakintendela Yesu chekwa ngulu mu lubhagha lwaki, nalwo lumati lukulu lwa asumula sumu na bhandu bhangi bhakibha mu kulyegha papamu nabho. ³⁰Akaafalisayo na ahunda bha malaghilo bhakiakukulikila ahundwa bha Yesu, pa akilongela, “Kiyaha niki mungulyegha na kunywegha papamu na asumula sumu na bhana ulemwa bhangi?” ³¹Yesu kakiayanga, “Bha nga utamwa bhanpala ng'obhe nng'anga ngati atamwa. ³²Ubhwabhu abhu hika ng'obhe kuakema bhandu bha maha muulongolo ghwa Chapanga ngati alemwa bhalipetule.”³³Amoo bhandu bhakinng'ombela Yesu, “Ahundwa bha Yohana na ahundwa bha Akaafalisayo pipipi angulikunga na kuyupa, peni kiyaha niki ahundwa bhako bhangughendelela kulyegha na kunywegha?” ³⁴Yesu kakiayanga, “Hinu maahotola bhuli kuatenda ahenja bha yunakutolela nndala bhalikunge pa abheghite papamu na aywo ntolela nndala? ³⁵Peni linjubha lyahika kwa mundu yunakutolelaa kubhuhwa, apa ndo bhatalikunga.”³⁶Yesu kakiapegha ndambulo ayi, pakiaghombela, “Kahone bhandu bha kupabhika kipabhiko kya hyono na kutalasa mu likama. Handa paakatenda naha bhaakachula lila lipinda lya hyono na kila kipabhiko kyalandana ng'obhe na lila likama.³⁷Kahone mundu ywakabhikiti difwai ya hyono mu nhako ghwa liyula lihakalite. Handa katatenda naha ayo difwai ya hyono yitakibatulanga akyo nhako ghwa liyula na kuyitika pahi na nhako ghwa liyula kya hanganganika. ³⁸Difwai ya hyono yibhikwagha mu nhako ghwa liyula lya hyono. ³⁹Na kahone mundu ywakapalite difwai ya hyono mbole ya kunywegha yila ya makachu, kiyaha katalongela, ‘Mbaha yila ya makachu.”

¹Mulinjubha limo lya kupumulila, Yesu na ahundwa bhaki bhakibhegha mukutyanga mu mighunda ya ngano. Ahundwa bhaki bhakitunyula mahonjo gha ngano na bhakipulula mbunji hyaki mu mabhoko ghabhe na kulyegha. ²Amoo bha Akaafalisayo bhakiakonya, “Kiyaha niki mungutenda nhalo ghuukanikihitwe kutenda mu Linjubha lya kupumulila?”³Yesu kakiayanga, “Mwenga munasoma ng'obhe pakatenditi Daudi na ayake pa abheghite na njala? ⁴Daudi kakiyingila mu kitutubhi kya Chapanga, kakiyitola yila mingateyibhuhitwe kwa Chapanga, na ywombe kakiapegha na ayaki, yene yikinogha kulyegha andundame ghweka chabhe” ⁵Habhu Yesu kakiaghombela, “ Nenga Mwana ghwa Mundu ndo Bambo ghwa Linjubha lya Kupumulila.”⁶Mu Linjubha lingi lya Kupumulila Yesu kakiyingila mu kitutubhi kya kukonganila Akaayahudi na kakihunda bhandu, na akwo kakibhegha mundu yumo yuna ulelebhalo ghwa kibhoko kyaki kya nnilo. ⁷Akaafalisayo na ahunda bha malaghilo gha Musa bhakipalaha kihokonyo kya kunkokelela Yesu, na ndo bhakilindila abhone handa kaanlamiha mundu Linjubha lya Kupumulila. ⁸Peni Yesu kakighamanya mahwacho ghabhe na kakinng'ombela yula mundu, “Ghuyime na ghuhike ghuyime pakati!” Yula mundu kakighenda kukiyima pakati yabhe.⁹Ndo Yesu kakiaghombela bhala ahunda bha Malaghilo na Akaafalisayo, “Nunguakonya mwenga, malaghilo ghangutupala kutenda niki mu Linjubha lya Kupumulila? Kughatenda gha maha ebu gha mihakataho? Kulopoha ulami ebu kuukanjaghana?” ¹⁰Yesu kakialolekeha bhandu bhoha bhabheghite pala na ndo kakinng'ombela yula mundu, “Ghugholohe kibhoko kyako.” Naywo kakikigholoha kibhoko kyake nakyo kamu kikibha tela. ¹¹Habhu bhombe bhakikalala munu, bhakighombana bhene kwa bhene lyoki lya kuntendela Yesu.¹²Mu manjubha agho Yesu kakighenda ku kitumbi kuyupa, na kakikilukiha akwo pakinnyupa Chapanga. ¹³Pa malabhila kakiakema ahundwa bhaki, na munkati yabhe kakiahaghula bhandu mbinda mabhoko yimo na abhili na ndo abho kakiakema andumitumi.¹⁴Simoni, yula Yesu ywakankemitwe Petili na Andelea nnongo ghwake Petili, Yakobu na Yohane na Filipo na Batolumayo, ¹⁵Matayu na Tomasi na Yakobu mwana ghwa Alufayo na Simoni mundu ywakakomaniliti nnima ghwaki, ¹⁶Yuda mwana ghwa Yakobu na Yuda Isikaliyote aywo ndo mbole kakibhagha nkiluka.¹⁷Yesu kakihuluka papamu na ahundwa bhake na bhakiyima pa telelele. Na apwo pakibhegha na ahundwa bhaki atangalo na lumati lukulu lwa bhandu kuhuma mu mbande yoha ya nnima ghwa Yudea na kitami kya Yelusalemu na kuhuma mu bhwani ya hitami hya Tilo na Sidoni, ¹⁸bhaahikiti kunnyihwa na kulamihwa matamwa ghabhe. Bhala bhoha bhaabamanditwi na mandilu kakialamiha. ¹⁹Bhandu bhoha bhakipala kunbyala, kiyaha makakala ghakibha ghakinmuka nkati yake na kualamiha bhoha.²⁰Yesu kakialolekeha ahundwa bhaki na kakilongela “Nnnonelwa mwenga munmeghite makapukwa, kiyaha Ghubhutwa ghwa Chapanga ndo ghwenu. ²¹Nnnonelwa mwenga mummeghite na njala hinu, kiyaha mbole maayukuta, Nnnonelwa mwenga mummeghite kililo hinu, kiyaha maaheka kwa uyelelo!²²Nnnonelwa mwenga bhandu paabhayaghabhalila, bhanmaghula na kualigha na kulilema lihina lyenu handa nhalo nhakataho, kwa kya nenga Mwana ghwa Mundu. ²³Pamakachu apwo aghohi bhenu akaiatendela ubhwabhu abhu ambuye ghwa chapanga. Hinu mihalu ayi payibwituka, nnyelelwe na kuhanga kwa kiheko, kiyaha lilumbo lyenu lyabhegha likulu kunani kwa Chapanga.²⁴Peni kimmone mwenga munautopelo, kiyaha lilumbo lyenu libhahikila kala. ²⁵Kimmone mwenga munnyukuta hinu! Kiyaha maabhegha na njala. Kimmone mwenga mummeghite na kiheko hinu! kiyaha maakukulika na kulila.²⁶Kibhabhone bhandu paabhatika, kiyaha aghohi bhabhe akiatika ambuye ghwa uhwangi ubhwabhu abhu.²⁷Peni ninguaghombela mwenga bhaannyihwa, mubhapale amyanja bhenu. Mubhatendele gha maha bhala bhaabhakalalila. ²⁸Munnyupe Chapanga abhanonele bhala bhaabhakotola mwenga na mubhayupile bhala bha abhatendela mihakataho.²⁹Handa Mundu kaghuhyatula likanja limo ghunpiluhile na lingi. Mundu pakatola lighwanda lyako ghunpeghe na lighwanda litandamaho bhubho. ³⁰Mundu pakakuyahika kilibhi na handa mundu kakupoka utopelo ghwako ghukotoke kupala kaghubhuyihile.³¹Mubhatendele bhangi handa bhula mpalite bhene abhatendele mwenga. ³²Handa pamuaapala bhala bhaanpalite, maamokola lilumbo lyoki? Na bhana ulemwa anguapala bhaabhapalite. ³³Hinu handa mukuatendela ghamaha bhala bha abhatendelite ghamaha ghweka chabhe, maamokola lilumbo lyoki? Na bhana ulemwa bhangutenda ubhwabhu abhu. ³⁴Kangi handa pa mubhayahikila bhala mubhamanyite kukita bhatabhuyiha, maamokola lilumbo lyoki? Hata bhana ulemwa bhanguayahikila bhanaulemwa ayabhe ngati bhabhuyihilwe.³⁵Peni mubhapale amyanja bhenu, mubhatendele ghamaha, mubhayahikile kya nga kumanya kukita bhataabhuyihila kila kimubhayahikilite. Ndo litiko lyenu lyabhegha likulu, pantenda naha maabhegha handa pa yinoghela kutenda bhana bha Chapanga, kiyaha mwene ndo ghwa maha kwa bhandu bha nga kulumbo na alemwa. ³⁶Mubhe na lipyanda handa Tate ghwenu pakabheghiti na lipyanda³⁷Nkotoke kuatosa bhangi, kiyaha Chapanga kataatosa mwenga. Nkotoke kulibhaya, kiyaha na mwenga maabhaywa. Nnekekehe, na mwenga maalekekehwa.³⁸Muakamuhe bhandu hilibhi, na mwenga maakamuhwa. Nteko ghwa kumemekehwa kumamatihwa na kuyukwa mbaka kuyitika, akyo ndo bhandu bhataabhuyiha mwenga. Kiyaha nteko ghughula ghula ghwa muatekela bhandu ndo maatekeghwa mwenga.”³⁹Kangi kakiapegha ndambulo, “Ywanga kubhona katahotola bhuli kunlongoha ywa nga kubhona nnyake? Ng'obhe, bhoha abhili bhataghwegha mu lilindi. ⁴⁰Nhundwa kahone kunhotola nhunda ghwaki, ngati yula ywakahotoliti mahundo katahotola kubhegha handa nhunda ghwaki.⁴¹Bhuli ghungululolekeha lukapi luubheghite mu liho lya nnongo ghwako na ghungubhona ng'obhe lutela luubheghiti mu liho lyako mwene?. ⁴²Ebu ghwa hotola bhuli kunng'ombela nnongo ghwako, ‘Nnongo ghuleke huti nulubhuhe lukapi luubheghite mu liho lyako,’ handa ghumwene ghungulubhona ng'obhe lutela mu liho lyako? Ghwenga nfyangu! Ghulubhuhe huti lutela mu liho lyako, ndo ghwabhona tela na ndo ghwahotola kulubhuha lukapi mu liho lya nnongo ghwako.⁴³Kahone nkongo ghwa maha ghuupambikiti mapambiko ghaahechukiti, ebu nkongo nhakataho ghupambikiti mapabhiko gha maha. ⁴⁴Nkongo ghwoheli ghungumanyika kwa mapambiko ghaki. Kiyaha bhandu bhangunuka ng'obhe mahuku mu mihomi ebu zabibu mu mihomanga.⁴⁵Ubhwabhu abhu mu mundu ywa maha yitahuma mihalo ya maha kuhuma mu ghala ghaabheghite mu mwoyo ghwaki, na mu mundu ghwa mihakataho ghaahuma mihakataho kuhuma mu ghala ghaamemiti mu mwoyo ghwaki. Kiyaha mundu katakambuka kwa ngulu yaki ghala ghamemite mu mwoyo ghwaki.⁴⁶Kiyaha niki mungunngema ‘Bambo Bambo,’ Na mwenga mungutenda ng'obhe ghala nighalaghilite?. ⁴⁷Ndabhapegha ndambulo ya mundu yunakuhika kwa nenga na kuyihwa mihalo ya nenga na kuyitenda. ⁴⁸Aywo ndo handa mundu yunakuchenga kitutubhi, na kukumba pahi muno na kubhika ndamilo ya kitutubhi akyo mu lutalabha. Ngumbwa ya machi payikihika, kamu machi ghakikituta kila kitutubhi peni kikitingilika ng'obhe, kiyaha kikichengwa unani mwa litalabha.⁴⁹Peni yunakuyihwa mihalo ya nenga na kutendekeha kata, ayo ndo handa mundu ywakachengite kitutubhi unani mwa nhanga kya nga kitamiko. Payihikite ngumbwa ya machi kila kitutubhi kamu kikighwegha na kuhaghunganika pechepeche.

¹Mbole pakayomolite kughomba agha ghoha na bhandu paannyihwiti kakiyingila ku kitami kya Kapelinaumu.²Akwo kakibhegha nndumindumi yumu ghwa kilongohi ghwa amachonda ghwa Akaalumi, mwene ywakannyelelitwe munu na nkulu ghwaki, kakitopelwa utamwa na kakibhegha tepatepa paulili. ³Kilongohi aywo ywa machonda pakayihwiti mihalo ya Yesu, kakialaghila amoo hilongohi bha Akaayahudi kwa Yesu, ngati akannyupe kahike ngati kakanlamihe ndumindumi ghwa kilongohi aywo gwa amachonda. ⁴Bhala hilongohi paahikiti kwa Yesu bhakinnyupa kakanntangatile yula kilongohi ghwa amachonda pa akilongela, “Mundu aywo yingunnogha kakatendelwe nnando aghwo. ⁵kiyaha kanguapala bhandu bhetu hila hila kakituchengela kitutubhi kyetu kya kukonganila.”⁶Hinu Yesu kakilongohana nabho, peni pakabheghiti kutali ng'obhe na lubhagha lwaki, yula kilongohi ghwa amachonda ghwa Akaalumi kakialaghila aghanja bhaki kunng'ombela Yesu, “Bambo, ghukotoke kulighaha kiyaha nenga yingunnogha ng'obhe kwa ghwenga kuyingila mu lubhagha lwangu. ⁷Ndo nikilibhona yingunnogha ng'obhe kughuhikila. Peni ghulongele lilagho ghweka chaki na nndumindumi ghwangu kaalama. ⁸Kiyaha nenga ndo mundu niibheghiti pahi ya makakala, megha na machonda bha abheghiti pahi ya nenga. Pa nunng'ombela ayu ‘Ghughende!’ Naywo kaaghenda, na ayu ‘Ghuhike!’ Naywo katahika. Panunng'ombela ndumindumi ghwangu ‘Ghutende aki!’ Ywombe kaatenda.”⁹Yesu pakayihwite malagho agho kakinkangacha munu, kakilupilukila lula lumati lwa bhandu luuntughilite, na kakiaghombela, “Nenga niyibhona ng'obhe hyubhalilo ngulu handa ayi hata mu Akaaislaeli. ¹⁰Bhala bhandu paabhuyite mu lubhagha lwa nkulu ghwabhe bhakimmona yula ndumindumi kalama kala.¹¹Mbole kya mandina Yesu kakighenda ku kitami kimo kikemitweghe Naini. Nabho ahundwa bhake na lumati lukulu lwa bhandu bhakilongohana papamu naywo. ¹²Pakabheghiti ugheghela na nlyango nkulu ghwa kitami, bhakikongana na bhandu bha ayeghiti ntumba paakibhuka kughenda panje ya kitami. Aywo ywakahweghiti kakibhegha mwana ghwa kighweka ghwa nndala nnekwa. Lumati lukulu lwa bhandu bha kitami kila lukibhegha papamu na nndala aywo. ¹³Bambo Yesu pakammonite yula nndala nnekwa, kakimmonela luhungu, kakinng'ombela, “Ghukotoke kulila.” ¹⁴Mbole kakiheghelela kuulongolo na kakikikamula kila kindanda kya kugheghela ntumba, na bhala bhandu bha alipapite bhakiyima jii. Yesu kakilongela, “Nhongolo, ningughughombela ghuyumuke.” ¹⁵Yula nhongolo ywakahweghiti kakitama na kakiyanda kuyobhela, naywo Yesu kakinkamuha kwa ma ghwaki.¹⁶Bhandu bhoha bhakiyingilwa na lyogha lya Chapanga na bhakintika Chapanga paakilongela, “Mbuyi nkulu ghwa Chapanga kabwituka kwa twenga, Chapanga kahika kubhalopoha bhandu bhaki.” ¹⁷Mihalu ayi yakayitenditi Yesu yikikwila mu nnima ghwa Yudea yoha na mu milima yoha ya ugheghela.¹⁸Ahundwa bha Yohana yunakubatisa bhakinng'ombela Yohana mihalu ayi yoha yakayitendite Yesu. Mbole Yohana kakiakema ahundwa bhaki abhili, ¹⁹na kakialaghila kwa Bambo Yesu ngati bhakankonye, “Bhuli, ghwenga ndo yula ywakapala kuhika ywene ywakankambukite Yohana, ebu tunlindilile yungi?” ²⁰Bhala ahundwa paahikiti kwa Yesu bhakinng'ombela, “Yohana yunakubatisa katulaghila tughukonye, ‘Bhuli, ghwenga ndo yula ywakapala kuhika ebu tunlindile yungi?”²¹Mu lisaa alyo alyo, Yesu kakibhegha mu kualamiha atamwa atangalo, na akwelitwe na mandilu, ubhwabhu abhu kakiatenda bha nga kubhona atangala, abhone. ²²Ndo Yesu kakiayanga bhala bha alaghilitwi, “Mmuye makanng'ombele Yohana ghoha ghamughabhonite na kughayihwa. Bha nga kubhona angubhona, ngwabhenghwabhe angutyanga, abheghiti na maloha angughululwa, bha nga kuyihwa anguyihwa, bha ahweghite anguhyuka na akapukwa bhangulandamihwa Nhalo ghwa Maha. ²³Chapanga katannemela mundu yula ywakabheghite ng'obhe na nyengema na nenga.”²⁴Pabhabhukite ahundwa bha Yohana, Yesu kakilughombela lula lumati lwa bhandu, mihalu ya kya Yohana: “Pamughenditi ku kumanyahi nyahi mukighenda kulola niki? Bhuli, mukighenda kubhona lunyahi pa luyukwa na liyegha? ²⁵Handa ng'obhe, mukighenda kubhona niki? Akakaa bhandu ahwalite mapinda matandamaho na kulama ulami ghwa utyahe angutama mu hitutubhi hya ghubhutwa. ²⁶Peni mukighenda kubhona niki? Mukighenda kummona mbuye? Kulyaghila ninguaghombela yumummoniti kakibhegha kupitingana kwa mbuye ghwa Chapanga.²⁷Kiyaha Yohana ndo mwene matyeko mang'anyimo ghangulongela kukita, “Nnole nungunlaghila nndumitumi ghwangu, kakaghulongolele kukutendekehela njila yako. ²⁸Yesu kakiyomola kwa kulongela, “Nunguaghombela bhoha kukita mu anabhandu bhoha bha atamiteghe mu nnima kahone ywakabheghiti nkulu kupitingana kwa Yohana, peni ywakabheghiti nndokwa mu Ghubhutwa ghwa Chapanga aywo ndo nkulu kupitingana Yohana.”²⁹Bhandu bhoha na asumula sumu paayihwite mihalo ya Yesu, bhakiyitikila kukita nnando ghwa Chapanga ghukibha ghwa maha, abho ndo bhala bhaayitikilite kubatiswa na Yohana. ³⁰Peni Akaafalisayo na ahunda bha malaghilo bhakighulema nnando ghwa Chapanga kwabhe, kiyaha bhakilema kubatiswa na Yohana.³¹Ndo Yesu kakighendelela kulongela, “Bhandu bha kibheleko aki nibhahwananihe na kilibhi kyoki? Ndo bhandu bha kya bhuli? ³²Bhene abhegha handa bhana bhaatamite mu ligulio. Paakemana bhene kwa bhene pa akilongela , ‘Tukiapyembela lupalata peni mukikina ng'obhe, tukiayimbila nhambo ghwa kuhyononeha peni mukilila ng'obhe!³³Kiyaha Yohana yunakubatisa kakibhegha pakalyeghagha ng'obhe lingati ebu kakinywegha difwai, mwenga mukilongela, ‘Kana lindilu. ³⁴Mwana ghwa Mundu kahika kunu pakalyegha na kunywegha na mwenga mungulongela, ‘Nlole, nhukila aywo na nnobhi, nng'anja ghwa asumula sumu na bhana ulemwa bhangi! ³⁵Hata habhu Malangu gha Chapanga ghayimikihwa kubha hoto kwa bhoha bhanakughakingama.”³⁶Nfalisayo yumo kakinlalika Yesu ku lubhagha lwaki kwa kya hilyo, hinu Yesu kakighenda ku lubhagha lwa nfalisayo aywo na kakitama kulyeghela hilyo. ³⁷Mu kitami kila pakibhegha nndala yumo yunaulemwa, pakamanyiti kukita Yesu kakibhegha mu lubhagha lwa Nfalisayo yula nndala kakitola kyupa kya liganga lya alabasita kimemikihitwe mahuta ghanakunungila maha munu. ³⁸Kakihika na kakiyima ugheghela na maghulu gha Yesu, pakalila, na mahohi ghaki ghakinponekela Yesu mu maghulu ghaki. Ndala aywo kakighapukuta maghulu gha Yesu kwa hwili hyaki. Mbole kakighachwembula maghulu gha Yesu na kughatyeka mahuta ghala.³⁹Yula Nfalisayo ywakanlalikite Yesu pakabhonite agho, kakihwacha mu mwoyo ghwaki, “Handa Mundu ayu kangabheghiti mbuyi ghwa Chapanga ghwa hoto kangamanyiti kukita nndala ayu ghwa kya bhuli na kukita nndala ayu kanaulemwa.” ⁴⁰Yesu kaking'ombela aywo Falisayo, “Simoni, megha na nhalo ghwa kughughombela.” Simoni kakinnyanga, “Mwika Nhunda, ghung'ombele.”⁴¹Pakibhegha na nkulu yumo yunakuayahikila ngalabha bhandu abhili, Yumu kakinnyahika hipalamande hya ngalabha mbinda mabhoko kumi nhano na yungi hipalamande ya ngalabha mbinda mabhoko kumi. ⁴²Bhoha abhili bhakilepelwa kubhuyiha ngalabha yila, na yula mundu kakialekekeha bhoha. Hinu ndo ywoki mu abha abhili katampala munu yula nkulu? ⁴³Simoni kakinnyanga, “Ninguhwacha katabhegha yula ywakalekekihitwe ngalabha ngulu.” Yesu kakinng'ombela, “Ghuyanga maha.”⁴⁴Mbole Yesu kakinkilibhukila yula nndala na kakinng'ombela Simoni, “Hinu, ghungummona nndala ayu? Pa nyingilite mu lubhanga lwako ghukimbegha ng'obhe machi gha kukuha maghulua ghangu, peni nndala ayu kanng'ulula maghulu ghangu kwa mahohi ghaki na kakighapukuta kwa hwili hyaki. ⁴⁵Ghukinamuha ng'obhe kya kunjwembula, peni nndala ayu kakileka ng'obhe kughachwembula maghulu ghangu kutandila pa hikiti.⁴⁶Ghukindyeka ng'obhe mahuta mu mutwe ghwangu, peni mwene kakighatyeka maghulu ghangu mahuta ghanakunungila. ⁴⁷Hinu nungughughombela ulemwa ghwaki ghuubheghite ghwa mahele ghulekekehwa, kiyaha kaghubhoneha upalo ghwa mahele. Peni yula ywakalekikihitwe kya mandina kaapala kya mandina.”⁴⁸Mbole Yesu kakinng'ombela yula nndala, “Ghulekekehwa ulemwa ghwako.” ⁴⁹Peni bhala bhaatamite papamu naywo mu hilyo, bhakiyanda kughombana bhene kwa bhene, “Mundu ayu ndo ghani mbaka kabhe na makakala gha kulekekeha ulemwa?” ⁵⁰Yesu kakinng'ombela yula nndala, “Uhyubhalilo ghwako ghukulopoha, ghughende kwa uhihimilo.”

¹Mbole ya agha Yesu kakighenda mu hitami nhanganganiko na hijiji pakilandamiha Nhalo ghwa Maha ghwa Ghubhutwa ghwa Chapanga; na bhala ahundwa bhake mbinda maboko yimu na abhili bhakibhegha papamu naywo, ²ubhwabhu abhu amoo bha adala bhaabhuhitwe mandilu na kulamihwa utamwa, mu bhene kakibhegha Malia ghwa ku Magidala, ywakabhuhitwe mandilu nhano na abhili. ³Yoana nndala ghwa Kusa, ndumindumi nkulu ghwa mutwa Helode na Susana na amoo atangala, abho bhakintendelagha lihengo kwa utopelo ghwabhe.⁴Linjubha alyo bhandu bhakighendelela kunhikila Yesu kuhuma ku kitami kimu mbole ya kingi na pakibhegha na lumati lukulu lwa bhandu. Naywo Yesu kakiaghombela ndambulo ayi, ⁵“Mundu yumo kakighenda kukomolela mbeyu hyaki. Pakabheghite mu kukweta mbeyu ahyo, yingi yikiponeka mu njila bhandu bhakihilibhata na hiyuni bhakiihonyola. ⁶Mbeyu yingi yikiponeka mu lutupi luubheghite na mitalabha, na payimelite, yikiyuma kiyaha kukibha na kinyikilo ng'obhe.⁷Na mbeyu yingi yikiponeka mu mikongo ya mihomi, yila mihomi yikikula papamu na kuhiyuka, ndo ayo mimela yikiyuma. ⁸Peni mbeyu yingi yikiponeka mu lutupi luubheghiti na mbosela, yikimela na kupapa mbunje mbinda mabhoko kumi kwa kila mbeyu.”Mbole ya kulongela agha, kakikweha lilobhe pakilongela, “Yuna makutu gha kuyihwa kakayihwe.”⁹Ahundwa bhaki bhakinkonya fwambulo ya ndambulo ayi. ¹⁰Naywo kakiayanga, “Mwenga munemelwa kumanya hoto ya Ghubhutwa ghwa Chapanga ghwene pamakachu ghukimanyika ng'obhe, peni hinu ghungumanyika kwa mwenga, peni kwa bhangi nungulongela kwa mandambulo ngati paalolekeha akotoke kubhona, na paayihwa akotoke kumanya.¹¹Fwambulo ya ndambulo ayo ndo ayi, Mbeyu ndo lilagho lya Chapanga. ¹²Yila yiponekite mu mbwegha ya njila, ndo bhala bha aliyihwite lilagho lya Chapanga, Nchipila kanguhika na kulibhuha mu myoyo yabhe, ngati akotoke kuhyubhalila na kulopoka. ¹³Yila yiponikiti mu lutupi lwa mitabhala ndo bhala bhene paayihwiti lilagho lya Chapanga angulikingama kwa uyelelo, peni lilagho alyo lingutengeleheka ng'obhe mu myoyo yabhe, anguhyubhalila kwa ng'ebhu mandina, peni mu mang'eho anguleka kuhyubhalila.¹⁴Yila mbeyu yiiponekiti mu mihomi ndo nhwano ghwa bhala bhandu bha ayihwiti, peni kamu paabhuka anguyukwa na bhwaghalili lya ulamo aghu, utopelo na utyahe, na uhyubhalilo ghwabhe ghungubhuha ng'obhe mihalo ya maha. ¹⁵Peni yila mbeyu ya mu lutupi lunambosela ndo nhwano ghwa bhala bhaayihwite lilagho lya Chapanga kwa mwoyo ghwa nyitikilo, nabho kwa ulimbililo ghwa mahele angughendelela kuyitenda mihalo yinanogha Chapanga.¹⁶Kahone mundu ywaakwata limbamba na kuligubika mu nkambo ebu pahi ya lihungu lya ulili. Ng'obhe, ngati lyakwatwa na kubhikwa kunane mwa kinyuta kyake ngati bhala bhaabheghiti munyumba abhone bhwelu. ¹⁷Ubhwabhu kahone kilibhi kyoheli kila kinakuhihwa kya nga kuhwimulighwa, ebu nhalo ghwoheli ghwa lupwepo ghwa ngayeghwa pakindandabhanji. ¹⁸Hinu, mulindakile pamuyihwa. Kiyaha ywohele ywakabheghite na kilibhi katayonjokehwa na ywohele ywa nga kilibhi na kila kyakahwachila kukita kabhegha nakyo, katapokwa.”¹⁹Ndo ma ghwa Yesu na alongo bhaki bhakinng'endela, peni bhakihotola ng'obhe kunheghelela kwa kya lumati lwa bhandu. ²⁰Mundu yumo kakinng'ombela Yesu, “Ma ghwako na alongo bhako abhegha panji apo na angupala kughubhona. ²¹Peni Yesu kakiaghombela bhandu bhoha, “Ma ghwangu na alongo bhangu ndo bhala bha aliyihwa lilagho lya Chapanga na kuliyitikila.”²²Linjubha limu Yesu kakihubhuka mu bhwato papamu na ahundwa bhaki, kakiaghombela, “Tuyomboke lihibha tughendi mbaka kumwambo ya lihibha.” Ndo bhakiyanda mwanja. ²³Ndo paabheghite mu mwanja, Yesu kakitopelwa ng'ono, mbole kakighonja, kamu likusi likulu na nnyukano ghwa machi ghukiyanda mu lila lihibha, mbaka bhwato ghukiyanda kumemeka machi, nabho akibhegha ugheghela na kudibala.²⁴Bhala ahundwa bhakinng'endela Yesu, bhakinnyumuha paakilongela, “Bambo, Bambo! Tunguhwegha." Yesu kakiyumuka na kakilikwilikiha likusi liyime na nnyukano ghwa machi ghukipela. ²⁵Ndo kakiakonyekeha ahundwa bhaki, “Hyubhalilo yenu yibha kwoki?” Peni bhene kwa lyogha na ngangahyo bhakighombana, “Ayu ndo mundu ghwa bhuli, ywene ywakakwilikiha likusi na nnyukano ghwa machi nahyo yingunnyitikila?”²⁶Bhakighendelela na mwanja ndo bhakihika ku nnima ghwa Akaagelasi, ghuubheghite kumwambo ya lihibha kuhuma ku Galilaya, ²⁷Yesu pakahulukite mu bhwato, kakikongana na mundu yumu ywa kitami kila ywakakwelitwe na mandilu, naywo kwa manjubha matangalo kakihwala ng'obhe lipinda ebu kutama mu lubhagha ngati mu mandogholo.²⁸Pakammoniti Yesu kakituta kyobho, pakilitagha pahi mu ulongolo ghwaki na kulongela kwa lilobhe likulu, “Ghwenga, Yesu Mwana ghwa Chapanga Nkulu, ghubhegha na nhalo ghani na nenga? Nungukuyupa ghukotoke kumbamanda!” ²⁹Kakilongela naha kiyaha Yesu kakilighombela alyo lindilu limmuke mundu aywo. Pipipi lindilu alyo likinkwela mundu aywo, hata bhula bhandu paammopiti kwa nnyololo mu mabhoko na maghulu ghaki na kubhikwa mu kibhopo, mwene kakinotola aghwo nnyololo na alyo lindilu likinnyegha ku kibhala.³⁰Yesu kakinkonya, “Lihina lyako ghani?” Mwene kakinnyanga, “Lumati” kiyaha kakiyingilwa na mandilu gha mahele. ³¹Ghala mandilu ghakinnyupa muno Yesu kakotoke kuakwilikiha aghende mu libhumba litali lya nga uhiko.³²Ugheghela na apwo kukibhegha lumati lukulu lwa maghulubhe paakihakila ku uhelelo ghwa kitumbi. Bhala mandilu bhakinnyupa Yesu abhakwilikihe abhayingile bhala maghulubhe, naywo Yesu kakiategheka. ³³Bhala mandilu paammukite yula mundu, bhakiayingila bhala maghulubhe, na lula lumati lwoha lwa maghulubhe lukipitila mu ngende na lukiyingila mu luhibha na bhakihwegha mu machi.³⁴Bhala bhandu bhaabheghite paahakila lula lumati lwa maghulubhe pabhabhonite ghaghabwitukilite, bhakitugha, na kulandamiha nhalo ghula mu kitami na mu hijiji. ³⁵Nabho bhandu bhakihika kughenda kubhona bhene gha ghabwitukilite. Paahikite apwo pakabheghite Yesu, bhakimmona yula mundu ywakabheghite na mandilu pakitama ugheghela na Yesu, kahwala ngubho na kanamahala ghaki gha maha ndo bhakiyoghopa.³⁶Bhala bhaabhonite nnando aghwo bhakialubhulila ayabhe kya yula mundu ywakabheghite na mandilu pakalamihitwe. ³⁷Ndo bhandu bhoha bha kitami kila kya Akaagelasi bhakinnyupa Yesu kabhuke kwabhe, kiyaha bhakimemekwa lyogha. Ndo Yesu kakihubhuka kangi mu bhwato ngati kakabhuke.³⁸Yula mundu ywakabhuhitwe mandilu kakinnyupa Yesu ngati kalongohane naywo. Peni Yesu kakintegheka ng'obhe, pakinng'ombela, ³⁹“Ghubhuye ukaya kwako na ghukaaghombele mihalo mikulu yakakutendiliti Chapanga.” Ndo yula mundu kakighenda na kakilandamiha mu kitami kyoha mihalo mikulu yakatendilitwe na Yesu.⁴⁰Ndo Yesu pakabhuyiti kumwambo ya lihibha lumati lukulu lwa bhandu lukinkingama kya kuyelelwa, kiyaha bhandu bhakinlindila. ⁴¹Mbole mundu yumu lihina lyaki Yailo, kilongohi ghwa kitutubhi kya ngonganilo, kakihika na kakilitagha mu ulongolo ghwa Yesu, na kakinnyupa kaghende ku lubhagha lwaki, ⁴²kiyaha nhinja ghwaki ghwa kighweka ywaabheghiti na ngungwa mbinda mabhoko yimo na ibhili, kakibhegha mu njupula ya kuhwegha.Yesu pakabheghite mu kughenda, lumati lwa bhandu lukinnyuka mbande yoha.⁴³Mu lumati alwo pakibhegha nndala yumo kanaliholobhela kwa ngungwa mbinda mabhoko yimo na ibhili, kangi kakiyomola hilibhi hyoha hyakabheghite nahyo kwa aghanga, peni kakibhegha ng'obhe nng'anga ywakahotolite kunnamiha. ⁴⁴Aywo nndala kakinhikila kya kuhyetu na kakilibyala lipinda lya Yesu, kamu liholobhela lyaki likiketuka.⁴⁵Yesu kakikonya, “Ghani aywo ywakanbyalite?”Bhandu bhoha paalemite, Petili kakilongela, “Bambo, ndo alu lumati lwa bhandu lukutindilite na kukuyuka mbande hyoha!” ⁴⁶Peni Yesu kakilongela, “Kabhegha mundu ywakanbyalite, kiyaha manya kukita ninlamiha mundu kwa makakala ghangu.”⁴⁷Yula nndala pakamanyite kukita katahotola ng'obhe kulihiha, kakinhikila pakiloghoya kwa lyogha, kakichutamila mayughwa mu ulongolo ghwa Yesu, na kakilubhulila mu ulongolo ghwa bhandu bhoha kya niki kakinbyala na bhula mwakalamihitwe. ⁴⁸Yesu kakinng'ombela, “Nhinja, kuhyubhalila kwako kughulamiha. Ghughende kwa uhihimilo.”⁴⁹Yesu pakabheghite akali kangulongela, kakihika ndumindumi kuhuma ku lubhagha lwa Yailo, yula kilongohi ghwa kitutubhi kya ngonganilo, kunng'ombela, “Nhinja ghwako kahwegha kala, ghukotoke kunng'aha kangi nhunda.” ⁵⁰Yesu pakayihwite nhalo aghwo, kakinng'ombela Yailo, “Ghukotoke kuyoghopa, ghuhyubhalile, naywo nhinja ghwako katalamihwa.”⁵¹Pabhahikite ku lubhagha lwa Yailo, kakintegheka ng'obhe ywohele kayingile mu kitutubhi papamu naywo ngati nga Petili na Yakobu na Yohana na tate na ma ghwa yula nhinja. ⁵²Lisaa alyo bhandu bhoha bhakibhegha paakilila na kuhyononeka kwa kya aywo nhinja. Yesu kakiaghombela, “Nkotoke kulila. Nhinja kahwegha ng'obhe ngati kaghonja.” ⁵³Nabho bhankiheka Yesu kwa kunnyuyuha kiyaha bhakimanya kukita nhinja kahwegha.⁵⁴54Peni Yesu kakinkamula kibhoko yula nhinja na kukema, “Nhinja, ghuyumuke!” ⁵⁵Kamu nhuki ghwaki ghukimmuyila, naywo kakiyimuka. Yesu kakikwilikiha anpeghe kilibhi kyoheli kya kulyegha. ⁵⁶Abhele bha yula nhinja bhakikangacha munu, peni Yesu kakiakanikiha akotoke kunng'ombela mundu ywohele ghaghabwitukiliti.

¹Yesu kakiakema bhala ahundwa mbinda mabhoko yimo na abhili papamu, na kakiapegha makakala gha kughabhuha mandilu ghoha na kualamiha atamwa bhoha, ²mbole kakialaghila aghende kulandamiha bhandu Ghubhutwa ghwa Chapanga na kualamiha atamwa.³Kakialaghila pakilongela, “Pammegha mu mwanja nkotoke kutola kilibhi kyohele, ebu nkongocho, ebu nhako, ebu hilyo, ebu mbiya, ebu lighwanda lya kuhemengana. ⁴Lubhagha lwohele lu muluyingila, ntame amwo mbaka panmpala kubhuka mu kitami akyo.⁵Handa bhandu paabhalema kubhakingama, mmuke mu kitami kyabhe, npumunde lihu mu maghulu ghenu ngati yibhe naho ya lukinyo kwa uhakata ghwabhe.” ⁶Ndo bhala ahundwa bhakibhuka bhakighenda kijiji mbaka kijiji, pa akilandamiha Nhalo ghwa Maha na kualamiha atamwa kwoha.⁷Ndo mutwa Helode, ntabhala ghwa ku Galilaya kakiyihwa mihalo yoha yakatendite Yesu, kakiyingilwa na bhwaghalili kiyaha amoo bhandu akilongela kukita Yohana yunakubatisa kahyuka. ⁸Bhangi bhakilongela kukita Eliya ywakabheghite mbuye ghwa Chapanga kabhabwitukila, na bhangi bhakilongela yumoo bha mambuye bha makachu kahyuka. ⁹Peni Helode kakilongela, Yohana nikinndumula mutwe. Peni aywo ndo ghani niyiyihwiti mihalo yaki? Ndo kakipala kummona.¹⁰Bhala andumitumi bhaki paabhuyiti, bhaking'ombela Yesu hyoha hyaatenditi. Yesu kakiatola na kakighenda nabho pa kighweka mbaka kitami kimo kiikemitwi Betisaida. ¹¹Peni lumati lwa bhandu palumanyite paaghendite, lukintughila. Ndo Yesu akiakingama na kakiyobhela nabho ya kya Ghubhutwa ghwa Chapanga na kualamiha bhala bhoha bhaapaliti kulamihwa.¹²Payiheghegheliti makimuhi, bhala ahundwa mbinda mabhoko yimo na abhili bhakinng'endela Yesu na bhakinng'ombela, “Ghululaghe lumati alu lwa bhandu lubhuke ngati aghende mu hijiji na mumighunda ya ugheghela, ngati bhakapalahe hilyo na ng'ebhu ya kughonja, kiyaha apa tubhegha pa manyahi." ¹³Peni Yesu kakiaghombela, “Mubhapeghe mwenga hilyo.” Nabho bhakinnyanga, “Tubhegha na kyohele ng'obhe, ngati nga mangate nhano na homba abhili, pangi tughende tukahemele hilyo hya kukwila bhandu bhoha abha” ¹⁴Kiyaha akibhegha bhandu Elfu nhano. Ndo Yesu kakiaghombela ahundwa bhaki, “Muaghombele bhandu atame mu himati hya bhandu mbinda mabhoko nhano.”¹⁵Ahundwa bhakitenda handa aghombilitwe na Yesu, bhakiatamiha pahi bhandu bhoha. ¹⁶Mbole Yesu kakighatola ghala mangate nhano na bhala homba abhili, kakilolekeha kunani pakinnumba Chapanga, kakiyinonela na kuyimetulanga, mbole kakiapegha ahundwa bhaki alupeghe lula lumati lwoha lwa bhandu. ¹⁷Bhandu bhoha bhakilyegha na akiyukuta. Ahundwa bhakikungana mahighalo ghahighalite, na ghakimema hikapu mbinda mabhoko yimo na hibhili.¹⁸Linjubha limo Yesu pakabheghiti mu kuyupa pakighweka, na ahundwa bhaki bhakibhegha ugheghela. Ndo kakiakonyekeha, “Bhandu angulongela kukita nenga ndo ghani?” ¹⁹Nabho bhakinnyanga, “Bhangi angulongela kukita ghwenga ndo Yohana yunakubatisa, bhangi angulongela kukita ghwenga ndo Eliya na bhangi angulongela, ghwenga ndo yumoo ywa ambuye bha makachu kahyuka kuhuma kwa bhaahweghite.”²⁰Mbole kakiakonyekeha, “Bhuli mwenga, mungulongela kukita nenga ndo ghani?” Petili kakinnyanga, “Ghwenga ndo Kilistu ywakahaghulitwe na Chapanga.” ²¹Mbole Yesu kakiakanikiha muno akotoke kunng'ombela mundu ywohele nhalo aghu. ²²Yesu kakighendelela kakilongela, “Yingunnogha Mwana ghwa Mundua kapati himbamanda hitangalo na kulemwa na aghoghi, na hilongohi bha andundame na ahunda bha malaghilo naywo katakomwa na mu linjubha lya ndatu katahyuka.”²³Mbole kakiaghombela bhoha, “Ywohele ywakapala kunndughila yingunnogha kalileme mwene, kakatole lupingika lwaki manjubha ghoha na kakandughile. ²⁴Kiyaha ywohele ywakapala kughulopoha ulami ghwaki kataghuhoha, peni ywohele ywakaghuhoha ulami ghwaki kwa kya nenga, kataghulopoha. ²⁵Hinu, yibhegha hupo yoki kwa mundu kughukamula nnima ghwoha, na kulikanjaghana mwene?²⁶Handa mundu ywohele ywakamonela honi nenga na malagho gha nenga, Mwana ghwa Mundu naywo katammonela honi mundu aywo paahika mu Ukulu ghwaki na mu ukulu ghwa Tate na ghwa andumitumi ghwaki ghwa kunani. ²⁷Kulyaghila nunguaghombela, amoo bhandu bha abheghite apa bhene bhatahwegha ng'obhe mbaka pakapala kughubhona Ghubhutwa ghwa Chapanga.”²⁸Ghakikinda manjubha nhano na ndatu mbole gha kughalongela ghala, Yesu kakiatola Petili, na Yakobu na Yohane kakighenda nabho ku kitumbi kunnyupa Chapanga. ²⁹Pakabheghiti mu kuyupa, mmonekano ghwa kibhungi kyaki ghukighalambuka, mapinda ghaki ghaking'anyima mbuletee.³⁰Kamu bhakiabhona bhandu abhili, Musa na Eliya paakiyobhela na Yesu. ³¹bhala bha abwitukiliti akibhegha mu ung'anyimo, paakilyobhela na Yesu yakya kubhuka kwaki paayomola akwo Yelusalemu.³²Petili na ayake akibhegha mu ng'ono ngulu, hata habhu kamu bhakiyimuka, bhakighubhona ung'anyimo ghwa Yesu na bha bhala abhili bhaayimimiti papamu naywo. ³³Musa na Eliya, paabheghite mu kubhuka, Petili kakinng'ombela Yesu, “Bambo yibha maha tubha apa! Hinu tuchenge higubi hindatu, kimoo kyako, kimoo kya Musa na kimoo kingi kya Eliya” Peni Petili kakimanya ng'obhe kyakalongiliti.³⁴Petili pakabheghiti kakali pakalongela likihuluka lihundi na likiagubika, nabho bhakiyoghopa paayingiliti mu lila lihundi. ³⁵Lilobhe likiyihwanika kuhuma mu lila lihundi palikilongela, “Ayu ndo mwana mpalo ghwangu yununhaghuliti, munnyihwe mwene.” ³⁶Mbole ya lilobhe alyo kuyihwanika, bhakimmona Yesu pakibhegha ghweka chaki. Bhala ahundwa bhakinyamala jii na mumanjubha agho bhakinng'ombela ng'obhe mundu ywohele ghala ghaaghabhoniti.³⁷Kilabho yaki, Yesu papamu na ahundwa bhake andatu paahulukiti kuhuma ku kitumbi, kakikongana na lumati lukulu lwa bhandu. ³⁸Mundu yumu mu lula lumati lwa bhandu kakichobha kyobho paakilongela, “Nhunda, nungukuyupa ghunlolekehe mwana ghwangu, ndo mwana ghwangu ghwa kighweka. ³⁹Pipipi lindilu lingunkwela na kuntenda kayobhe kyobho, mbole lingunng'wigha pahi na linguntenda kabhe na kihilika na lihuluhulu likimmuka mu ngulu yaki. Alyo lindilu lingunbamanda muno na likinlekekeha ng'obhe kya kuyumbatika. ⁴⁰Nikiayupa ahundwa bhako alibhuhe alyo lindilu peni bhakilepelwa.”⁴¹Yesu kakiyanga pakilongela, “Mwenga kibheleko kya nga uhyubhalilo na kinakuhokela, nda tama na mwenga na kualimbilila mbaka pakiki?” Mbole kakinng'ombela yula mundu, Ghunnyeghe mwana ghwako apa.” ⁴²Yula nhongolo pakabheghiti mu kunhikila Yesu, lila lindilu likinng'wiha pahi, likinnyingiha kihilika. Peni Yesu kakililakalila lila lindilu limmuke, kakinnamiha yula nhongolo na kakimmuyiha kwa tate ghwaki⁴³Bhandu bhoha bhakikangacha makakala makulu gha Chapanga. Bhala bhandu paabheghite akali angukangacha ghoha ghakatendite Yesu, mwene kakiaghombela ahundwa bhaki, ⁴⁴“Nkingikihee makutu ghenu, namuyiyihwe mihalu ayi, Mwana ghwa Mundu kangughenda kukilukwa na kukamuhwa mu mabhoko gha bhandu.” ⁴⁵Peni bhombe bhakimanya ng'obhe fwamulo yaki niki. Kiyaha fwambulo ya mihalu ayo yikihihwa kwabhe, habhu bhakighamanya ng'obhe, nabho bhakiyoghopa kunkonya fwambulo yaki.⁴⁶Ghakibwituka maghombano mu bhala ahundwa bha Yesu gha kya ghani ywakapala kubhegha nkulu mu bhoha. ⁴⁷peni Yesu kakighamanya mahwacho ghabhe, kakintola mwana nndokwa na kakinnyimiha mu ugheghela ghwake, ⁴⁸mbole kakiaghombela, “Mundu ywohele yunakunkingama mwana nndokwa kiyaha kangunnyitikila nenga, mudu aywo kangunngingama nenga, na ywohele ywakangingama nenga, kangunkingama yula ywakanaghilite, kiyaha yula ywakabheghite nndokwa kupitingana kwa bhoha mu mwenga aywo ndo nkulu kupitingana bhoha.”⁴⁹Yohane kakilongela, “Bambo tummona mundu pakighabhua mandilu kwa bhandu kwa lihina lyako, twenga tunkanikiha, kiyaha mwene kabha yumoo ywetu ng'obhe.” ⁵⁰Yesu kakiaghombela, “Nkotoke kunkanikiha, kiyaha ywohele ywa nga kupingikana na mwenga kabhegha mu mbande yenu.”⁵¹Manjubha paghahegheleliti kwa Yesu kutolwa kughenda kunani kwa Chapanga, mwene kakikamala kughenda ku Yelusalemu. ⁵²Habhu kakialaghiha bhandu bhanlongolele, nabho bhakighenda na bhakiyingila mu kijiji kimo kya Akaasamalia kunkeyela hyoha. ⁵³peni akolannima bha kijiji kila bhakinkingama ng'obhe kiyaha kakibhegha mu mwanja ghwaki kughenda ku Yelusalemu.⁵⁴Ahundwa bhaki ndo Yohane na Yakobo paabhonite agho, bhakilongela, “Bambo, ghupala tughukwilikihe mwoto ghuhuluke kuhuma kunani kwa Chapanga ghubhayoche?” ⁵⁵Peni mwene Yesu kakikilibhuka na kualakalila. ⁵⁶Nabho bhakibhuka na bhakighenda ku kijiji kingi.⁵⁷Pa abheghiti mu njila pa akighenda, Mundu yumu kakinng'ombela Yesu, “Ndaghutughila kwohele kughughenda.” ⁵⁸Yesu kakinnyanga, “Mabweha abhegha na mbako na hiyuni hya kunani abhegha na hiyumba, peni Mwana ghwa Mundu kabhegha ng'obhe na pakulighonjeha.”⁵⁹Mbole Yesu kakinng'ombela mundu yungi, “Ghundughile.” Peni yula mundu kakinnyanga, “Bambo, ghundegheke huti ngankulile tate ghwangu.” ⁶⁰Yesu kakinng'ombela, “Ghualeke bhanakuhwegha mu myoyo yabhe abhakulile bhaahweghite bhabhe, ngati ghwenga ghughende ghukaghulandamihe Ghubhutwa ghwa Chapanga.”⁶¹Mundu yungi kakinng'ombela, “Bambo, ndaghutughila peni ghundegheke huti ngaalaghe alongo bhangu.” ⁶²Yesu kakinng'ombela, Mundu ywohele ywakapala kukanda lutupi, mbole kangulolekeha kuhyeto, kalemwa mu Ghubhutwa ghwa Chapanga.”

¹Mbole ya agho Yesu kakiahaghula Afwasi bhangi mbinda mabhoko saba na abhili, kakialaghila abhili abhili bhannongolele kughenda ku hitami hyoha hyakapalite kughenda mwene. ²Kakiaghombela, “Mabeno ghabha matangalo peni bhanakubena abhegha bha mandina hino munnyupe Bambo ghwa mabeno, kabhalaghile bhanakubena munng'unda ghwake.³Hinu Nng'ende, na mmanyi kukita nungualaghila handa mene bhanakughenda mu nkati ya kabhwa bha kunhitu. ⁴Mangayegha nhako ghwa mbiya, ebu nchako, ebu hilatu; kangi nkote kunjambuha mundu ywohele mu njila.⁵Na panyingila mu lubhagha lwoheli nnongele huti ‘Uhihimilo ubheghe mu lubhagha alu! ⁶Handa kabhegha mundu yunakupala uhihimilo, ndo uhihimilo ghwenu ghwabhegha mu ywombe, handa kabhegha ng'obhe yunakughupala uhihimilo, uhihimilo ghwenu ghwaabhuyila. ⁷Ntami pa lubhagha alwo kunu pannywegha na kulyegha hyaabhapegha, kiyaha kila yunakutenda lihengu yinnogha matulo ghake, nkotoke kubhuka mu lubhagha alu na kughenda mu lubhagha lula.⁸Handa panhika pakitami kyohele! Na bhandu paabhakingama nlyeghe hyaabhapegha. ⁹Mubhalamihe atamwa bhaabheghiti akwo, na mubhaghombele bhandu, ‘Ghubhutwa ghwa Chapanga ghuheghelela.¹⁰Peni pannyingila ku kitami kyoheli kila na bhandu paabhalema kuakingama, mmuke na pantyanga mu njila yabhe nnongele, ¹¹‘Hata malihu ghaa kitami kyenu ghaamamatiliti mu maghulu ghetu tungughapumunda yibhe naho ya makinyo kwa kya mwenga. Peni mmanyi kukita Ghubhutwa ghwa Chapanga ghuheghelela.’ ¹²Kulyaghila nungubhaghombela, linjubha lila kitami akyo kyamokola toso ngulu kupitingana kya bhandu ahakata bha Sodoma.¹³“Kinmone Kolazini, Kinmone Betisaida! Kiyaha mihabho yiitendikite kwa mwenga yingatendikite kula ku Tilo na Sidoni, bhandu bhaki bhangalipetuliti kya kuhwala mapinda gha malobota na kulityelemeka lihu kuilaha kukita alipetula ulemwa ghwabhe. ¹⁴Hata naha, linjubha lya toso mwenga maamokola toso kikulu kupitingana kwa bhandu bha ku Tilo na Sidoni. ¹⁵Mwenga ma bhandu bha ku Kapelinaumu, munguhwacha kukita maatikilwa mbaka kunani kwa Chapanga? Aka kaa, mahuluhwa mbaka kumambe.”¹⁶Mbole Yesu kakiaghombela ahundwa bhaki, “Ywakabhayihwa mwenga, kangunyihwa nenga, na ywakalema kubhayihwa mwenga kangunema kungingama nenga. Na ywohele ywakalema kungingama nenga, kangulema kunkingama Chapanga ywakanlaghilite.”¹⁷Mbole yaki, bhala Afwasi mbinda mabhoko saba na abhili bhakibhuya kunu bhakibha na uyelelo na akilongela, “Bambo, Hata mandilu ghakituyitikila patughakwilikihite ghabhuke kwa lihina lyako.” ¹⁸Yesu kakiaghombela, “Nikinmona Nchipila pakiponeka handa lumuli lwa njahe kuhuma kunani kwa Chapanga. ¹⁹Nnole nibhapegha makakala gha kughalibhata mayoka na hipinini na makakala gha kunhotola Nchipila, na kahone kilibhi kya kubhatebhaha. ²⁰Hata habhu, nkotoke kuyelelwa kiyaha mandilu ghakibhayitikila, ngati nnyelelwi kiyaha mahina ghenu ghatyekwa kunani kwa Chapanga ngati mmeghe bhandu bhake.”²¹Nga Lisaa lila lila Yesu kakiyelelwa kwa makakala Nhuki ghwa Chapanga na kakilongela; “Ningughulumba ghwe Tate, Bambo ghwa kunani na nnima, kiyaha ghubhahiha bhanamahala na bhanamalango mihalo ayi, ngati ghubhayughulila bhana adokwa. Ena Tate kiyaha agha ndo ghanaghuhalala.”²²Mbole kakilongela, Tate ghwangu kangamuha hilibhi hyoha. Kahone mundu ywa kummanya mwana, maha nga Tate, kangi kahone Mundu ywakammanyite Tate maha nga Mwana, na ywohele yula ywakapala kunnyughulila.”²³Mbole kakiaghalambukila ahundwa bhaki na kakiyobhela nabho mu lupwepo, “Bhanonelwa bhala bhaaghabhona ghala ghamughabhona mwenga. ²⁴Kulyaghila nungubhaghombela, mambuye atangala na abhutwa bhakipala kughabhona ghamughabhona, peni bhakighabhona ng'obhe ebu kughayihwa gha mughayihwa.”²⁵Mbole nhunda yumo ywa malaghilo kakiyima na kakinkonya kwa kuntyegha, “Nhunda, Ndende niki ngati mokole ulamo ghwa nga kupela?” ²⁶Yesu kakinnyanga, “Yityekwa bhuli mu malaghilo? Ghangulongela niki?” ²⁷Kakinnyanga, “ ‘Ghunpale Bambo Chapanga ghwako kwa mwoyo ghwako ghwoha, kwa nhuki ghwako ghwoha, na kwa makakala ghako ghoha na kwa mahala ghako ghoha.’ Na ‘Ghunpale nhikila ghwako handa paghulipala ghumwene.’ ” ²⁸Yesu kakinng'ombela, “Ghuyanga tela. Ghukatende naha na ndo ghwalama manjubha ghoha.”²⁹Peni aywo nhunda ghwa malaghilo kakipala kakalibhonehe kubha bha maha kwa Chapanga, Ndo kakinkonya Yesu, “Na nhikila ghwangu ndo ghani?” ³⁰Yesu kakinnyanga pakalongela, “Mundu yumu kakibha mu kubhuka ku Yelusalemu kughenda ku Yeliko, pakabheghite mu njila kakipukilwa na apoka, na bhakinpoka ngalabha hyaki na bhakintuta na bhakinleka pakaghonja njupula ya kuhwegha. Handa njuka naha! Ndundame yumu kakibha mu kukinda mu njila yiyila yila, pakammonite kakikindila kya kutali.³¹Handa njuka naha! Ndundame yumu kakibha mu kukinda mu njila yiyila yila, pakammonite kakikindila kya kutali. ³²Ubhwabhu abhu Nlawi yumu, pakahikiti pala, kakimmona peni kakikindila mbande yingi na kakinleka bahala pala.³³Peni Nsamalia yumu ywaabheghiti mu mwanja, kakiheghelela mbaka pala pakabheghiti yula ywakapokilitwi na pakammoniti kakimmonela luhungu. ³⁴Kakinng'endela, kakinng'ulula hilonda hyaki na kuntyeka mahuta na difwai, na kunbhilungila hilonda yaki, mbole kakinhubhuha mu nng'ongo ghwa kaputa ghwaki na kakinnyegha mu kitutubhi kya kughonja ahenja kakinnwaha. ³⁵Kilabhu yaki kakikamuha hipalamande hibhili hya ngalabha kwa nkola kitutubhi na kakinng'ombela, ‘Ghunnwahe mundu ayu na kyohele kiipala kuyonjokeheka ndaghuyeghela pamabhuya.’ ”³⁶Mbole Yesu kakinkonya, “Ghungulola bhuli ywoki ndo nndamani ghwaki mu abha andatu? Kwa yula ywakapukilitwi na apoka?” ³⁷Yula nhunda ghwa malaghilo kakinnyanga, “Ndo yula ywakammoniliti luhungu.” Yesu kakinng'ombela “Ghughende ghukatende ubhwabhu abhu.”³⁸Yesu na ahundwa bhaki pabhabheghiti mu mwanja kughenda ku Yelusalemu, bhakihika ku kijiji kimo, apa nndala yumu lihina lyaki Malita, kakinkingama mu lubhagha lwaki. ³⁹Malita kakibha na nnung'una ghwaki ywakakemitwe Malia, ayu kakitama ugheghela na Yesu pakayihwa mahundo ghaki.⁴⁰Peni Malita kakibha na mihalo mitangalo ya kukeya, hino kakinng'endela Yesu na kakinng'ombela, “Bambo, ghungumona ng'obhe kukita nnung'una ghwangu kangunnekela kukeya ghweka changu? Mbaha ghunng'ombele kahike kanndangatile.” ⁴¹Peni Bambo Yesu kakinnyanga, “Malita, Malita, ghwenga ghungulighaha na kughaya kwa kya mihalo mitangalo. ⁴²Peni kubhegha na nnando ghumu ghwa maha kupitingana hyoha na nnando aghwo ndo kunnyihwa. Na nnando aghwo ndo ghwakaghuhaghulite Malia.”

¹Linjubha limu Yesu kakibhegha kumoo kumo pakinnyupa Chapanga. Pakayomolite kuyupa, yumoo ywa ahundwa bhaki kakinng'ombela, “Bambo, tungughuyupa ghutuhunde kunnyupa Chapanga, handa bhula Yohana pakaahunditi ahundwa bhaki.”²Yesu kakiaghombela, “Pa mmegha mu kunnyupa Chapanga nnongele naha: “Tate, ghwetu ghubheghite kunani lihina lyako lihokamilwe, Ghubhutwa ghwako ghuhike.³Ghutupeghe hilyo hyetu hya kila linjubha. ⁴Gutulekekehe ulemwa ghwetu, kiyaha twenga tungualekekeha bhoha bhaatutendela uhokelo. Na ghukotoke kutuyingiha mu mayigho.”⁵Mbole Yesu kakiaghombela ahundwa bhaki, “Tulongele yumoo ywenu ywakabheghite na nng'anja ghwaki, na kakighenda ku lubhagha lwaki pakilo, kakanng'ombele, Ghanja nje ghunnyahikile mangate mandatu chonde. ⁶Kiyaha nng'anja ghwangu kanhikila pakibha mu mwanja ghwaki na nenga mmegha nakyo ng'obhe kya kunpegha.’ ⁷Naywo nge kakannyangule kakali mu nyumba, ‘Ghukotoke kunng'aha ndata kala nlyango. Nenga na bhana bhangu tughonja kala ndayumuka ng'obhe kukupegha kilibhi. ⁸Kulyaghila, nunguaghombela, mundu aywo katayumuka ng'obhe kunpegha aywo mingati kiyaha ndo ghanja ghwaki, peni kiyaha yula mundu kaabhona ng'obhe honi, kughendelela kuyupa hinu aywo mundu katayimuka na kunpegha kilibhi kyohele kyakakipalite.⁹“Hinu ningubhaghombela, nnyupe na mwenga maakamuhwa, npalahe na mwenga matabhona, makatiti hodi na mwenga maayughulighwa. ¹⁰Kiyaha ywohele yunakuyupa kaakamuhwa yunakupalaha kaabhona na yula yunakutiti hodi kaahughulighwa.¹¹Bhuli, kabhegha ywohele mu mwenga ywene mwana ghwaki pakannyupiti homba, kaanpegha liyoka kihyengo kya homba? ¹²Ebu pakannyupa lihumbi kaanpegha kipinini? ¹³Mwenga bhandu bha mihakataho, mungumanya kuapeha bhana bhenu hilibhi hya maha, yabhegha bhuli kwa Tate ghwenu ghwa kunani katabhapegha ng'obhe mwenga Nhuki ghwaki Ghunakung'anyima kwa bhala bhaannyupiti?”¹⁴Hinu Yesu kakibhegha mu kulibhuha lindilu kuhuma kwa mundu ywanga kughomba. Lila lindilu pakammukiti yula mundu ywanga kughomba kamu kakiyanda kuyobhela, nalo lumati lwa bhandu lukikangacha. ¹⁵Peni amoo bhandu bhakilongela, “Kangughabhuha mandilu kwa makakala ghakakamuhitwe na Belisebuli, yula nkulu ghwa mandilu.¹⁶Bhandu bhangi bhakinng'eha kwa kunpala kakatende nhabho kuhuma kunani kwa Chapanga, kubhoneha kukita kakiteghekwa na Chapanga. ¹⁷Yesu pakimanya mahwacho ghabhe, kakiaghombela, “Ghubhutwa ghwohele ghunakumetukana himati himati hinakupingikihana ghwakanjaghanika, ubhwabhu abhu lubhagha lwoheli luubheghite na bhulwa lwa pwilinganika.¹⁸Handa utabhala ghwa Nchipila naghwo ghungulikan ghwene, utabhala ghwabhe ghwatengeleheka bhuli? Nungubhaghombela naha mwenga kiyaha mwenga mungulongela kukita nungughabhingabhinga mandilu kwa makakala gha Belisebuli. ¹⁹Hinu, handa nenga nungughabhuha mandilu kwa makakala gha Belisebuli, hata ahundwa bhanu ubhwabhu angughabhuha kwa makakala ghake hinu ahundwa bhenu bhaabhoneha mwenga kukita mmegha tela ng'obhe. ²⁰Peni handa nenga nungughabhuha mandilu kwa makakala gha Chapanga, nmanyi kukita Ghubhutwa ghwa Chapanga ghubhahikila.²¹“Mundu yuna makakala pakakamula mikoha kukingika kitutubhi kyake, utopelo ghwaki ghoha ghwabhegha tela. ²²Peni pakahika mundu yuna makakala kupitingana kwa yombe aywo katanpukila na kuntuta na kunhotola mbole katanpoka mikoha yaki yoha yakalitumbilite na kuyitola hilibhi hyaki hyoha ²³“Mundu ywohele ywanga kubhegha papamu na nenga, kagumbingikiha, na ywohele ywa nga kukongoha papamu na nenga, kangupwilinganya.²⁴“Lindilu pakammuka mundu, kataghenda kuuyumu kupalaha pa kupumulila, peni handa kapabhona ng'obhe katalongela. ‘Ndabhuya ku kitutubhi kyangu kunhumiti. ²⁵Paabhuya na kukibhona kila kitutubhi kipyaghilwa na kulembwa maha. ²⁶ndo kataghenda na kughatola mandilu ghangi nhano na abhili ahakata kupitingana kwa mwene nabho bhaayingila na kutama amwo. Ku uhiko njimba ya yula mundu yabhegha tepatepa kupitingana kya ulongohi.”²⁷Yesu pakabheghiti mu kulongela agha, nndala yumo ywakabheghiti pakati ya lula lumati kakikweha lilobhe pakilongela, “Kanonelwa nndala ywakakupapite na kukunyongeha!” ²⁸Yesu kakinnyanga, “Peni bhanonelwa muno bhala bhaaliyihwa lilagho lya Chapanga na kuliyitikila.”²⁹Lumati lwa bhandu palubheghiti mu kuyonjokeheka, Yesu kakighendelela kuaghombela, “Aki ndo kibheleko kya uhakata, kingupalaha naho peni kya kamuhwa ng'obhe naho yohele ngati nga yila ya Yona. ³⁰Kiyaha handa bhula Yona pakabheghite naho kwa bhandu bha Ninawi, ubhwabhu abhu Mwana ghwa Mundu kaabhegha naho kwa kibheleko aki.³¹Linjubha lya toso kilongohi nndala ghwa Kusi katayima papamu na bhandu bha kibheleko aki, naywo pakiyimiha uhokelo ghwa kibheleko aki, kiyaha mwene kakibhegha mumwanja kuhuma kutali kahike kughayihwa malango gha Solomoni. Peni apa mmegha nkulu kupitingana Solomoni³²Linjubha lya toso, bhandu bha Ninawi bhaayima papamu na kibheleko aki na kubhoneha kukita kibheleko aki kihakata, kiyaha bhene bhakilipetula paannyihwiti Yona pakilandamiha. Peni apa mmegha nkulu kupitingana Yona³³“Kahone mundu ywakakwatiti limbamba na kulihiha ebu kuligubika na nkambo, maha bhangulibhika mu utamo ghwaki ngati bhandu bhoha bhalubhone lung'ali. ³⁴Liho ndo limbamba lya mmili ghwako. Handa liho lyako lingubhona tela, mmili ghwako ghwoha ghwabhegha mu lung'ali. Peni handa liho lyako libhoho, mmili ghwako ghwoha ghwabhegha mu lubhindu. ³⁵Hinu, ghulilolekee, lung'ali lughubheghiti mu ghwenga ghukotoke kubhegha lubhindu. ³⁶Hinu, handa mmili ghwako ghwoha ghukwila lung'ali, kya nga kipalamande kiibheghite mu lubhindu, ndo mmili aghwo ghwang'aliha tela handa bhula limbamba mulughung'aliha kwa lung'ali lwaki.”³⁷Yesu pakayomoliti kuyobhela, Nfalisayo yumu kakinlalika Yesu ku lubhagha lwaki kwa kya hilyo. Yesu kakiyingila na kutama na kulyegha. ³⁸Yula Nfalisayo kakikangacha kukita Yesu kakikuha ng'obhe mabhoko ghaki kukali na kulyegha hilyo, handa payibheghite hitohe yabhe.³⁹Ndo Bambo kaking'ombela, “Mwenga makaafalisayo mungughulula nnobho na kipumbulu kya panje, peni mu mwenga yimema bhulwa na uhakata. ⁴⁰Mwenga ahila mahala! Mungumanya ng'obhe kukita Chapanga ywakabhumbiti panje ndo aywo aywo ywakabhumbite nkati? ⁴¹Hinu, handa pamuapegha makapukwa himuyibheghite naywo, na hilibhi hyoha yimuyitendite yanhalala Chapanga.⁴²“Peni kinmone! Kwa mwenga, Makaafalisayo kiyaha mungunpegha Chapanga kimati kya mbinda mabhoko yimo kwa manyahi gha midadangala, na mahambanyungu na makolo gha manyahi matangalo, kangi munguakuluha bhandu na mungunpala ng'obhe Chapanga. Yinguanogha kuyilolekeha huti mihalo aywo kya nga kughabhaya na ghala ghangi.⁴³“Kimmone mwenga Makaafalisayo, kiyaha mwenga mungupala kutama mu hiteho hya kuulongolo pakuhokamilwa mu hitutubhi hya ngonganilo Akaayahudi, na kulamuhwa kwa kuhokamilwa mu ulongolo ghwa bhandu. ⁴⁴Kimmone Makaafalisayo, kiyaha mwenga ndo handa mandogholo gha nga matumbila, ghene bhandu bhangughalibhata kya nga kumanya.”⁴⁵Nhunda yumo ghwa malaghilo kakinnyanga pakilongela, “Pa ghulongela mihalo ayi ghungutuligha na twenga ubhwabhu.” ⁴⁶Yesu kakinnyanga, “Kimmone kwa mwenga ahunda bha malaghilo kiyaha munguapapiha bhandu mihigho ya nga kuhotola kuyitola, na mwenga mungubhatangatila ng'obhe nga kwa kuyinula kikonji.⁴⁷Kimmone mwenga, kiyaha munguachengela mandogholo ambuye bha Chapanga bha akomitwe na atate bhenu. ⁴⁸Hinu mwenga ndo ayimiho na munguyitikila ndendelo ya aghohi bhenu, kiyaha bhene bhakiakoma abho ambuye bha Chapanga na mwenga munguchengela mandogholo ghabhe.⁴⁹Hinu, Chapanga kakilongela naha mu malango ghake, ‘Ndabhayeghela ambuye na andumitumi, peni amoo bhangi mabhakoma na bhangi mamubhabamanda. ⁵⁰Hinu kibheleko aki kyaatoswa kwa ambuye bhoha bha Chapanga bhaakomitwe kutandila kuyimikwa kwa nnima aghu. ⁵¹Kutandila kukomwa kwa Abeli mbaka Zakalia, ywakakomitwe pakati ya likuta na pa ung'anyimo. Kulyaghila nunguaghombela, kibheleko aki kya toswa kwa kya agha ghoha.⁵²Kimmone mwenga ahunda ghwa malaghilo, kiyaha mungukibhua kiyughulo kya nlyango ghwa mahala gha kunmanya Chapanga. Mabhene munguyingila ng'obhe na bhala bha apalite kuyingila munguakanikiha.”⁵³Yesu pakabheghite mu kubhuka akwo, ahunda bha malaghilo na Akafalisayo bhakiyanda kunpingikiha muno na kunnyuka kwa ngonyo tangalo. ⁵⁴Apati kuntyegha na kunkamula pakilongela kyohele kihakata.

¹Lumati lukulu lwa bhandu akaelufu kwa aelufu bhakinkwemukila mbaka bhakilibhatana, Yesu kakiyanda kulongela huti na ahundwa bhaki, pakiaghombela, “Mulindakile na linjacha lya Akaafalisayo, ndo ufyangu ghwabhe"²Kahone nhalo ghwohele ghuugubikitwi ghwene ghwa nga kuhughulighwa ebu nhalo ghwa mbwepo ghwa nga kumanyikwa. ³Hinu lyoheli limulikambuka palubhindu bhandu bhaaliyihwa pa ulangalo, na kila kinpwepite pa nga bhandu mu nyumba kati pantata nlyango, kyalandamighwa panje ya lubhagha.⁴“Nunguaghombela mwenga maaghanja bhangu, nkotoke kubhayoghopa bhala bhaaukoma mmili na mbole ya alyo anguhotola ng'obhe kutenda nnando ghwohele. ⁵Ndabhaghombela ghwa kunnyoghopa ndo ghani, munnyoghope yula mwene mbole ya kughukoma mmili, kana makakala gha kuatagha mu mwoto. Nunguaghombela kulyaghila munnyoghope aywo.⁶“Mungumanya kukita njegheha nhano bhanguhemelwa kwa mbiya njoko munu, peni Chapanga kangunnibhalila ng'obhe hata nga yumo. ⁷Hata mbalangwo ya hwili hya mitwe hyenu hikibhalangwa hyoha. Hinu, nkotoke kuyoghopa, mwenga ndo ghwa utopelo kupitingana njegheya atangalo.⁸“Nunguaghombela kukita ywohele yunakunnyitikila nenga muulongolo ghwa bhandu, Mwana ghwa Mundu naywo katannyitikila muulongolo ghwa andumitumi ghwa kunani bha Chapanga. ⁹Peni yula ywakangiluka muulongolo ghwa bhandu, Mwana ghwa Mundu naywo katankiluka muulongolo ghwa andumitumi ghwa kunani bha Chapanga. ¹⁰“Ywohele ywakakambuka lilagho lya uhakata kwa kya Mwana ghwa Mundu, Chapanga katalekekeha ulemwa ghwaki, peni ywohele yunakunligha Nhuki ghwa Chapanga, Chapanga katanlekekeha ng'obhe.¹¹“Paabhayegha kuakokela nongwa mu hitutubhi hya kukonganila Akaayahudi, na muulongolo ghwa atabhala na bhana makakala, nkotoke kubhegha na bhwaghalili ya kya kulongela ebu ya kya kuyanga. ¹²Kiyaha Nhuki ghwa Chapanga kataahunda mu lisaa alyo alyo kyene kiyinoghwa kukambukwa.”¹³Habhu mundu yumo mu lula lumati lwa bhandu kaking'ombela Yesu, “Nhunda, ghung'ombele nnongo ghwangu tukaghabhane lipala lyakatulekihite tate ghwetu.” ¹⁴Peni Yesu kaking'ombela, “Nng'anja, ndo ghani ywakandamite nenga meghe nlamula na nghabhanila utopelo nkati yenu?” ¹⁵Ndo Yesu kakiaghombela, “Mulindakile na mulikingikihe na kila ughwimi ghwa utopelo. Kiyaha ubhumi ghwa mundu ghunguhuma ng'obhe mu utopelo ghwakabheghiti naghwo.”¹⁶Ndo Yesu kakiaghombela ndambulo ayi, “Nng'unda ghwa mundu yumo yunautopelo ghukipambika muno. ¹⁷Naywo kakihwacha mumwoyo ghwaki, ‘Luhanja lwangu ludokwa. Hinu ndatenda niki?’ ¹⁸Ndo aywo yunautopelo kakilighombela, ‘Ndalupaghula luhanja lwangu lwa mbunji na kuchenga lungi lukulu na akwo ndaghabhika mabeno ghangu. ¹⁹Na nenga ndaghughombela mwoyo ghwangu, ghwenga ghubhegha na hilibhi hya maha hitangalalite hyene ghulibhikiliti kwa ngungwa ndangalo. Hinu ghupughwe, na ghulyeghe, na ghunyweghe na ghuyelelwe.²⁰Peni Chapanga kakinng'ombela, ‘Ghwenga nmughabhugha! Uhiku aghu ghwaahwegha, hinu ahyo hilibhi ghuhibhikiti hyabhegha hya ghani?’ ” ²¹Yesu kakiyomola kughomba pakalongela, “Habhu ndo yibha kwa Mundu yunakulibhikila utopelo kwa kya ywombe, peni ywa nga utopelo mu ulongolo ghwa Chapanga.”²²Mbole Yesu kakiaghombela ahundwa bhaki, “Nkotoke kubhegha na bhwaghalihi ya kya hilyo muhipalite kwa kulama ebu ya kya mapinda mughapalite kwa kya mibhili yenu. ²³kiyaha ubhumi ndo ghwa maha kupitingana kwa hilyo na mmili ndo ghwa maha kupitingana kwa mapinda.²⁴Mubhahwachile makungulu! Bhene angukanda kanda ng'obhe ebu abhegha na hihanja ng'obhe, peni Chapanga kangualyegheha. Mwenga ndo bha utopo kupitingana kwa makungulu. ²⁵Ndo ghani aywo mu mwenga ywene kwa kulighaha katahotola kughuyonjokeha ubhumi ghwaki nga kwa lisaa limo? ²⁶Handa mungulepelwa kutenda nhalu nchoko handa habhu, hinu kiyaha niki kulighaha kwa kya ghangi?²⁷Mughalolekehe malubha paghamela, ghangutenda lihengu ng'obhe ebu kupota mapinda, hata mwene Solomoni na utopelo ghwaki ghwoha kakihwalihwa ng'obhe handa limoo lya malubha agho. ²⁸Hinu handa Chapanga kangughahwaliha habhu mahamba gha kunng'unda ghene ghabhegha lelo na kilabho ghangutaghwa mu mwoto, maha ng'obhe kwa mwenga kataahwaliha ng'obhe mwenga bha uhyubhalilo nchoko!²⁹“Hinu, nkotoke kulighaha mu myoyo yenu kukita maalyegha niki ebu maanywegha niki. Nkotoke kubhegha na bhwaghalili ya kya agha. ³⁰Bhandu bha nga kunmanya Chapanga angulighaha munu mu kya hilibhi ahi hyoha. Peni Tate ghwenu ghwa kunani kangumanya kukita munguhipala.³¹Hinu mughughayighayile huti Ghubhutwa ghwa Chapanga na hilibhi hyoha kataapegha. ³²“Nkotoke kuyoghopa mwenga kimati kichoko, kiyaha Tate ghwenu kabhona maha kuapegha mwenga Ghubhutwa.³³Muhemengane hilibhi yenu mukaapeghe makapukwa ahyo mbiya. Akwo ndo kulibhikila utepelo kunani kwa Chapanga kughubheghiti na mihako ya nga kuhakala, mukayibhikile utopelo ghwa nga kupela kunani kwa Chapanga, apwo mwihi kahika kata ebu hipuluputu ghwahika kata. ³⁴Kiyaha paghubheghiti utopelo ghwako, ndo akwo na mwoyo ghwako ghwaabhegha.³⁵“Mmeghe kala kunndendela lihengo kunu mambamba ghenu paghayaka. ³⁶Handa andumindumi bhaanlindila nkulu ghwabhe pakabhegha mu kubhuya kuhuma ku chekwa ya kutolana, ngati pa kahika na kughutiti nlyango kamu apati kunhughulila nlyango.³⁷Bhaanonelwa bhala andumindumi bhene nkulu ghwabhe pakahika kataabhona bhangaghonja. Kulyaghila ninguaghombela, katalibhika kala na kuakema mu hilyo, naywo katahika kuakeyela. ³⁸Bhaanonelwa kwa andumindumi abho bhene nkulu ghwabhe pakahika kaakongela bhangakughonja hata handa katahika pakilo muno, ebu ugheghela na malabhila.³⁹Peni mughumanye nnando aghu kukita, handa nkola kaya kangamanyiti, lisaa lyoki mwihi kaahika, kangakilekiti ng'obhe kitutubhi kyake kikanjaghanwe. ⁴⁰Na mwenga yinguakwiliha mmeghe kala manjubha ghoha, kiyaha Mwana ghwa Mundu katahika lisaa lya nga kumanyika.”⁴¹Ndo Petili kakinkonya, “Bambo, ndambulo ayi ghungutughombela twenga ebu ghunguaghombela bhandu bhoha? ⁴²Yesu kakinnyanga, “Ndo ywoki aywo nndumindumi ywa kuhyubhalika na yuna malango, ywene nkulu ghwaki katammika unani ghwa andumindumi bhangi ngati kabhapeghe hilyo mu lisaa lya kulegha? ⁴³Kanonelwa nndumindumi aywo pala pakabhuya nkulu ghwaki katankonga kangutenda habho. ⁴⁴Kulyaghila nunguaghombela, katanpegha utabhala mu hilibhi hyoha hyakabheghite nahyo.⁴⁵Peni handa yula nndumindumi kaahwacha mu mwoyo ghwaki, nkulu ghwake kangukabhalila kubhuya na kuyanda kuatuta bhala andumindumi alumi na adala ubhwabhu kangulyegha na kunywegha na kulobhela ughimbi, ⁴⁶nkulu ghwaki yula nndumindumi katahika linjubha lya nga kulimanya. Aywo nkulu ghwaki katantosa kya nga luhungu na kummika papamu na bha nga kuyitikila.⁴⁷“Nndumindumi yunakughamanya mapalo gha nkulu ghwaki peni kalibhike kala ng'obhe hangi kutenda handa gha ghannogha kutenda, aywo katatutwa hinjupunjupu ndangalo. ⁴⁸Peni yula ywanga kumanya na kakatende ghala ghannogha kututwa, katatutwa kachoko. Ywohele ywakakamuhitwe hilibhi hitangala, kataghambwa hilibhi ndangalo na ywohele ywakakamuhitwe kutenda lihengo likulu kataghambwa nalumu.⁴⁹“Hika kukwata mwoto mu nnima, ningupala handa ghungabheghiti ghuyaka kala, ⁵⁰Peni megha na ubatiso ghungungwiliha nbatiswe, na nenga megha na himbamanda yingwilihite kukamuhwa na ndayendelela kubhegha na luhuyu mu mwoyo ghwangu mbaka ubatiso ghwangu ghutwihilike!⁵¹Munguhwacha kukita hika kughuyegha uhihimilo mu nnima? Ng'obhe, hika kuyegha ulekano. ⁵²Kutandila hinu, mu lubhagha lumo lwa bhandu nhano lwaaghabhanika, andatu kwa abhili na abhili kwa andatu. ⁵³Tate kaasighana na mwana ghwaki nnume na mwana nnume kwa tate ghwaki, ma kwa nhinja ghwaki na nhinja kwa ma ghwaki, nkohano nndala kwa nndala ghwa mwana ghwaki na nkohano kwa ma ghwa nndala ghwaki.”⁵⁴Ubhwabhu abhu Yesu kakilughombela lula lumati lwa bhandu, “Pamulibhona lihundi palihuma ku lutipikila luchubha, kamu mungulongela, hula yaakoma na kya hoto yaakoma. ⁵⁵Na pammona likusi kuhuma ku mbande ya kusini lingupula, mungulongela, kwaabhegha na lupyupo na kya hoto kwaabhegha lupyupo. ⁵⁶Mwenga maafyangu! Mungumanya nndaluko ghwa ngungwa kwa kughulolekeha nnima na kunani kubhwelo pakubheghite. Mungulepelwa bhuli kughumanya fwambulo ya mihalo yiitendikiti hinu?⁵⁷“Kiyaha niki mungulepelwa kuhaghula nhalo ghwa maha ghwa kutenda? ⁵⁸Pa ghubhegha mu njila na nmyanja ghwako kughenda kwa nndumula nongwa, mbaha ghulingane malobhe naywo mu njila amwo. Handa chepa katakughegha kwa nndumula nongwa, naywo nndumula nongwa katakukamuha kwa machonda naywo machonda katakutagha ku kibhopo. ⁵⁹Ninguaghombela hoto, ghwabhuka ng'obhe amwo mbaka ghuyomole mbiya yako yoha.”

¹Mu lisaa lilalila, akibhegha bhandu bhaanng'ombiliti Yesu ya kya mihalo ya Akaagalilaya bha akomitwe na Pilato na mwahi ghwabhe ghukihanganganika na nyambi yabhe ya kuyochwa. ²Yesu kakiakonya, “Munguhwacha kukita Akaagalilaya abho bhaakomitwe akibhegha na ulemwa kupitingana kwa Akaagalilaya bhangi bhoha? ³Aka kaa! na mwenga handa malipetula ng'obhe maahwegha ubhwabhu abhu.⁴Ebu bhala bhandu mbinda mabhoko yimo na nane bha ahweghite kwa kuponekelwa na nnala akwo ku Siloamu, hanbhu munguhwacha kukita bhene akibhegha ahokelo kupitingana kwa bhangi bhoha bhaatamiteghe ku Yelusalemu? ⁵Nunguaghombela, aka kaa, na mwenga handa malipetula ng'obhe na kunbhuyila Chapanga, bhoha maakanjabhanika ubhwabhu abhu.”⁶Mbole Yesu kakiaghombela ndambulo ayi, “Mundu yumu kakibhegha na nkongo ghuukemitwe ntini ghuumelihitwe mu nng'unda ghwaki ghwa misabibu, kakihika kupalaha tini mu nkongo aghwo, peni likinhobha ng'obhe na limo. ⁷Habhu kakinng'ombela nndumindumi ghwa nng'unda ghula, ‘Ghulole, kya ngungwa ndatu nikihika kupalaha mapambiko mu nkongo aghu ghwa tini, na likinhobha ng'obhe na limo. Hinu ghuudumule, kiyaa niki ghunguhanjaghani lutupi?⁸Yula nndumindumi ghwa nng'unda kakinnyanga, ‘Nkulu, ghuuleke kangi kwa ngungwa yimo, na nenga ndaghukimbulila lutupi na kughubhikila mbosela. Handa paghupambika mapambiko mu ngungwa yipala ⁹kuhika yabhegha maha, hela bhubho ghuudumule. ”¹⁰Mu Linjubha limo lya kupumulila, Yesu kakibha pakihunda mu kitutubhi kimo kya ngonganilo ya Akaayahudi . ¹¹Mu lisaa alyo alyo kakihika nndala yumo ywakabheghite na lindilu, naywo kakipimbitala nng'ongo kwa ngungwa mbinda mabhoko yimo na nane kubhukana na lindilu alyo, hangi kakihotola ng'obhe kuligholoha.¹²Yesu pakammonite kakinkema na kakinng'ombela, “Nhumbu, ghulamihwa utamwa ghwako.” ¹³Kakinnyabhikila mabhoko kamu mmili ghwaki ghukigholoka kangi na kakiyanda kuntikila Chapanga. ¹⁴Peni kilongohi ghwa kitutubhi kya kukonganila Akaayahudi kakikalala kiyaha Yesu kakinlamiha aywo nndala mu Linjubha lya Kupumulila. Hinu kakiaghombela bhala bhandu bha akwemukiti pala, “Mmegha na manjubha nhano na yimo ya kutenda lihengo, mumanjubha agho ndo nhike kulamihwa, ngati ng'obhe mu Linjubha lya Kupumulila.”¹⁵Peni Bambo kakinnyanga, “Mwenga maafyangu! Ndo ghani aywo mu nkati yenu mwene ywa nga kunhughulila senga ghwaki ebhu kaputa ghwaki kuhuma mu lubhigho na kunng'egha kunnywegha machi Linjubha lya Kupumulila? ¹⁶Hinu, ayu nndala, nhinja ghwa kibheleko kya Ablahamu, ywakabamanditwe na nchipila kwa ngungwa mbinda mabhoko yimo na nane, yikinoghela ng'obhe kuhughulighwa mu kibhopo akyo Linjubha lya Kupumulila?”¹⁷Yesu pakalongiliti agha, amyanja bhaki bhakibhona honi kiyaha bhandu bhakiyelelwa kwa kya mihalo ya mihabho ghakaghatenditi.¹⁸Mbole Yesu kakikonya, “Ghubhutwa ghwa Chapanga ghungulihwana na niki? Na ndaghulandaniha na niki? ¹⁹Ghulihwana na mbunje yiikemitwe haladali yiibheghite njoko mumo, mundu yumu kakiyitola na kuyimeleha mu nng'unda ghwaki. Naywo yikimela, yikibha nkongo nkulu na hiyuni hya kunani akichenga hiyumba yabhe mu mapanyo ghaki.²⁰Yesu kakiakonya kangi, “Ndaghuhwananiha Ghubhutwa ghwa Chapanga na niki? ²¹Ghulihwana na linjacha, lyene nndala kakilitola na kulihangangana na hipalo indatu ya ukobha mbaka ghwoha ghukikwina.”²²Yesu kakibhetukila mu hitami na hijiji pakilandamiha pakabheghiti mu mwanja ghwaki kughenda ku Yelusalemu. ²³Mundu yumo kakinkonya, “Bhuli Bambo, ndi bhandu bhaapala kulopoleghwa bhaabhegha bhamandina?” ²⁴“Mulitumbe kuyingila kya kupitila nlyango ghuukepiti, kiyaha nunguaghombela, bhandu atangalo bhatalitumba kuyingila peni bhaalepelwa.²⁵Lisaa lya nkola kitutubhi pakapala kutata nlyango, maayima panje paankong'onda nlyango na pang'omba, ‘Bambo, Ghutuhughulile nlyango.’ Peni ywombe kataayanga, ‘Nubhamanya ng'obhe hangi kwoki kunhumiti! ²⁶Na mwenga matanng'ombela, ‘Ndo tukinywegha na kulyegha papamu na ghwenga, kangi ghukituhunda mu hijiji hyetu" ²⁷Peni ywombe kataayanga, ‘Ninguamanya ng'obhe mwenga ebu ku nhumite. Nmuke kwa nenga, mwenga atenda ulemwa!’²⁸Apwo ndo maalila na kuhyagha mino, pannonda kummona Ablahamu na Isaka na Yakobo na mabuye bhoha bha Chapanga paakibhegha mu Ghubhutwa ghwa Chapanga, pala mwenga pantaghwa panji. ²⁹Bhandu bhaahika kuhuma kumbande hyoha ya nnima, kungeha na kulutipikila luchubha, na Kukaskazi na kukusi, nabho bhaatama muchekwa mu Ghubhutwa ghwa Chapanga. ³⁰Nnole bhala bhaabheghitea bhaunyuma bhaabhegha bhaulongolo nabho bhaulongolo bhaabhegha bhaunyuma.”³¹Mu lisaa alyo amoo bha Akaafalisayo bhakinng'endela Yesu na bhaking'ombela, “Ghubhuke apa na ghughende pamoo pangi kiyahaa Helode kangupala kughukoma.” ³²Yesu kakiayanga, “Nng'ende mukanng'ombele yula kibweha naha, ‘Ndaghabhingabhinga mandilu na kughalamiha atamwa lelo na kilabho, na mu linjubha lya ndatu ndaliyomolela lihengu lyangu. ³³Yingunnoghela kuyendelela na mwanja ghwangu lelo, kilabho na pamalabho, kiyaha yinoghela ng'obhe mbuye ghwa Chapanga kakomwe pa kitami kingi ngati nga pa Yelusalemu.³⁴“Mwenga ma bhandu bha ku Yelusalemu! Ghwenga ghuakomagha mambuye bha Chapanga na kuatuta maganga bhala bhaalaghilitwe kwa mwenga! Palingi mbaliteghe kuakwemula bhana bhako papamu handa nguku pakaayubhatila bhana bhaki mu mambapatilo ghaki kwa kya kuakingikiha, peni ghukilema. ³⁵Hinu nnole, Kitutubhi kyenu kya Chapanga kyalekwa mang'obha, nunguaghombela ma mona kangi ng'obhe mbaka lisaa lila panmbala kulongela, ‘Kanonelwa aywo ywakalaghilitwe na kukamuhwa makakala na Chapanga.”

¹Linjubha limo lya Kupumulila Yesu kakighenda kulyegha hilyo ku lubhagha lwa yumoo ywa kilongohi ghwa Akaafalisayo, na bhandu bhaakibhegha apwo bhangunhingukiha. ²Bahala pala mu ulongolo ghwaki kakibhegha mundu ywakabheghite na utamwa wa kutupa mmili. ³Yesu kakiakonya bhala Akaafalisayo na ahunda bha malaghilo, “Bhuli malaghilo gha Musa ghangututegheka ebu ng'obhe kualamiha bhandu mu Linjubha lya Kupumulila?”⁴Peni bhombe bhakitama nuu. Habhu Yesu kakinkamula kibhoko yula ntamwa na kakinlamiha, na kakintegheka kaghende ukaya kwake. ⁵Mbole Yesu kakiakonya bhombe, “Handa yumoo ywenu kangabheghiti na mwana ebu senga ghwaki ghwakachumbukilite mu kilibha Linjubha lya Kupumulila, bhuli, mangannekiti kya nga kummuha?” ⁶Na bhandu abho bhakibhegha nakyo ng'obhe kya kunnyanga.⁷Yesu pakabhoniti bhala ahenja bhaalalikitwe anguhaghula hiteho hya kuulongolo pauhokamilo lisaa lya mulyo, ndo kakiaghombela ndambulo ayi. ⁸“Mundu pakaghulalika ku chekwa ya kutolana, ghukotoke kutama pa kiteho kya kuulongolo, kiyaha pangi kanlalika mundu yungi ywa kuhokamilwa kupitingana kwa ghwenga, ⁹handa pantenda naha yula ywakaalalikiti mwenga maabhili, katahika na kughughombela, ‘Ghunlekele mundu ayu katame mu kiteho kyako," Ndo kwa honi yaghukwiliha kutama ku kiteho kya unyuma.¹⁰Mbole yaki handa paghulalikwa, ghutame ku kiteho kya unyuma ngati yula nkolakaya ghwako pakaghubhona katahika na kukughombela, ‘Ghanja ghwangu, ghuhike ghutame mu ng'ebhu ya maha paulongolo.’ Apwo ndo ghwakwehwa mu ulongolo ghwa ahenja ayako bhoha. ¹¹Kiyaha mundu ywoheli ywakalikweha kaahuluhwa, na ywakalihuluha kaakwehwa.'¹²Mbole Yesu kakinng'ombela yula ywakaalalikiti, “Paghutendekeha chekwa ya hilyo ya pamuhi ebu ya makimuhi, ghukotoke kualalikiha aghanja bhako ebhu alongo bhako bhako bhaabheghite na utopelo ghweka chabhe. Handa paghutenda habhu na bhene bhaghukulalika kwabhe, na ghwenga ghwabhuyihilwa kila kighuatendilite na ghwamokola lilumbo lyako kala.¹³Kihyengo kyaki handa paghutenda chekwa, ghubhalalike akapukwa, bhanautebhalo na bhangabhona, ¹⁴na ghwenga ghwaanonelwa kiyaha abho abhegha nakyo ng'obhe kya kughubhuyihila. Chapanga kaghupegha lilumbo lyako pala bhandu bha maha paahyuka.”¹⁵Hino yumoo ywa bhala bhandu ywakatamiti papamu na Yesu pakayihwiti agha kaking'ombela Yesu, “Kanonelwa mundu yula ywakapalakulyegha mumulyo ghwa Ghubhutwa ghwa Chapanga!” ¹⁶Yesu kakiaghombela bhombe, “Mundu yumu kakibhegha mu kutendekeha chekwa ngulu, kakialalika bhandu atangalo. ¹⁷Lisaa lya chekwa palihikite kakialaghila andumindumi bhaki bhakaaghombele bhala bhakaalalikiti, ‘Nhike, kiyaha kila kilibhi kibha kala.’¹⁸Peni bhoha yumu mbole ya yungi bhakiyanda kulongela kinlemikihiti kuhika muchekwa. Ghwa ulongohi kakilongela, ‘Hemela nng'unda, na yingwiliha ng'ende kughubhona, chondi ketekete ghunekekehe.' ¹⁹Mundu yungi kakilongela, ‘Hemela senga mbinda libhoko yimo bha kukanda lutupi, hinaa ningughenda kubhayighihila kukanda, chondi ketekete ghunekekehe.' ²⁰Na mundu yungi kakilongela, ‘Ndolela nndala hinu hinu, habhu ndaahika kata.'²¹Yula ndumindumi kakibhuya, na kakinng'ombela nkulu ghwaki mihalo yila. Ndo yula nkola kaya kakikalala, kakinlaghila yula ndumindumi pakilongela, ‘Ghughende kya kuyumbatika mu njila na mu hijiji hyoha, ghubhayeghe apa makapukwa, angwabhengwabhe, bhangalola na atebhaho bhangi." ²²Mbole yula ndumindumi kakibhuya na pakilongela, ‘Nkulu, ghala ghunaghiliti nighatenda kala, peni yikali yihighala ng'ebu mu ludamu.'²³Ndo yula nkulu kaking'ombela ndumindumi ghwaki, ‘Ghughende mu njila na hijiji hibheghiti panji ya kitami na ghubhakwilikihe bhandu bhayingile ngati kitutubhi kyangu kimeme. ²⁴Peni ninguaghombela, kahone hata yumu ywa bhala bhanialalikiti ywaapaha hilyo hya Chekwa ya nenga.'²⁵Lumati lukulu lwa bhandu lukibhegha lungulongohana na Yesu, naywo kakikilibhuka na kakilighombela, ²⁶“Mundu ywohele ywakahika kwa nenga, kaahotola ng'obhe kubhegha nhundwa ghwangu handa katambala ng'obhe nenga kupitingana tate ghwake, ebu ma ghake, ebu nndala ghwaki na bhana bhaki, ebu alongu bhake, ebu ahacha bhake, eenaa, na hata ubhumi ghwaki mweni. ²⁷Ywohele yunakutola ng'obhe lupingika lwaki na kundughila nenga kaabhegha nhundwa bhangu kata.²⁸“Nleki huti niabhaghombele, ndo ghani mu mwenga, mwene handa kapala kuchenga nnala, katatama ng'obhe pahi na kuyibhalanga utahuko ghwaki kaghubhone kukita kabha na ngalabha hya kukiyomolela? ²⁹Hela bhubho, mbole ya kuchenga kitamiko kyaki na kulepelwa kuyomola kughuchenga nnala, bhandu bhoha bhaamona bhaayanda kunheka, ³⁰paalongela, ‘Mundu ayu kakiyanda kuchenga, peni kalepelwa kuyomolela.’³¹Ebu ndo Mutwa ywoki ywakabhuka kughenda ku mikoha kututana na mutwa yungi, na kakotoke kuhwacha huti kahotola kututana mikoha na kukita handa kabhegha na machonda mbinda libhoko elufu kaahotola kuntuta yula ywakahika na machonda mbinda mabhoko ibhili elufu? ³²Handa kaabhona katalepelwa, katabhalaghila atangatila bhake aghende kukongana na yula mutwa yungi, ayupe mihilo ya uhihimilo, pala yula mutwa yungi pakakali kutali. ³³Ubhwabhu abhu, kahone na yumu mu mwenga kaahotola kubha nhundwa ghwangu handa kataleka ng'obhe hyoha hyakabheghite naywo.³⁴Mwinyu ndo kilibhi kya maha, peni handa mwinyu paghululuka, kahone kya kutendelwa ngati yibhe kangi mwinyu. ³⁵Ghwanogha ng'obhe kwa mighunda ebu kwa mbosela, ngati ghwataghwa hela. Yunamakutu gha kuyihwa, kakayihwe.”

¹Linjubha limo, asumula sumu na bhanaulemwa bhoha bhakighenda kunnyihwa Yesu. ²Peni Akaafalisayu na ahunda bha malaghilo bhakinkukulikila Yesu pakalongela, “Mundu ayu kanguakingama bhanaulemwa na kangulyegha papamu nabho”³Ndo yesu kakiayanga kwa ndambulo ayi. ⁴“Handa yumoo ywenu kana mene mbinda maboko kumi na pakamanya kukita yumoo ywabhe kahobha. Hinu, katabhaleka ng'obhe bhala mbinda maboko tisa na tisa mu manyahi na kughenda kunpalaha yula ywakahobhiti mbaka kakanpati? ⁵Na mbole ya kunmona, katayelelwa na katanpapa mu makombi ghaki,⁶na kughenda ku lubhagha lwaki na kuakema aghanja bhaki na agheghela na kuaghombela, ‘Nnyelelwe papamu na nenga, kiyaha nunmona mene ghwangu ywakahobhiti.’ ⁷Ubhwabhu abhu ninguaghombela, kwaabhegha na uyelelo munu kunani kwa Chapanga kwa kya yunaulemwa yumu ywakalipetula, kupitingana kwa bhandu mbinda mabhoko tisa na tisa bhanakulidumbila kukita bhene bha maha, bha nga kulipetula.⁸Yesu kakiaghombela ndambulo yingi, pakalongela, “Tulongele, nndala yumu kabha na njuluku mbindama bhoko yimu, naywo kayihoha yimu, hinu kaatenda niki? Katakwata ng'obhe limbamba na kupyaghila kitutubhi na kuyipalaha mbaka kayibhone? ⁹Na mbole ya kuyimokola, kataakema aghanja bhaki na andamani bhaki na kuaghombela, ‘Nnyelelwe papamu na nenga, kiyaha niyibhona yila njuluku yangu yiniihohiti. ¹⁰Ubhwabhu abhu nunguaghombela, kwaabhegha na uyelelo muulongolo ghwa andumitumi bha kunani bha Chapanga kwa yunaulemwa yumu ywakalipetula na kunbhuyila Chapanga.”¹¹Yesu kakighendelela kulongela, “Kukibhegha na mundu yumu ywakabheghiti na bhana abhili alume. ¹²Yula nndokwa kaking'ombela tate ghwaki, ‘Tate, ghumbeghe kipalamande kyangu kya utopelo.’ Habhu kakiabhaghulila bhana bhaki utopelo ghwaki.¹³Mbole ya manjubha gha mandina, yula nndokwa kakikungana hilibhi hyoha hyakabheghiti nahyo, na kakighenda ku nnima ghwa kutali na akwo kakighupwilingana utopelo ghwaki kwa utyahe. ¹⁴Mbole ya kuyomola kutumila hilibhi yaki hyoha hyakabheghite naywo, lukibwituka lung'ahe lwa njala mu nnima ghula ghwoha, naywo kakibhegha ng'obhe na kyohele.¹⁵Ndo kakighenda kuyupa lihengo kwa nkolannima yumu ghwa nnima ghula naywo kakinnyegha ku nng'unda mundu aywo kualyegheha maghulubhe. ¹⁶Nhongolo yula kakibha na njala munu na kakipalagha kulyegha manganju ghaalyeghiteghe bhala maghulubhe, kiyaha kahone mundu ywakanpeghiti kilibhi.¹⁷Peni pakalihwachiliti mu mwoyo ghwaki, kakilongela, ‘Bhabhegha andumindumi atangala kwa tate ghwangu bhene angulyegha na bhanguleka mahighalo, na nenga nunguhwegha apa kwa njala! ¹⁸Ndabhuka na kubhuya kwa tate ghwangu na kunng'ombela, Tate ndenda ulemwa kwa Chapanga na nughuhokela ghwenga tate. ¹⁹Yingunnoghela ng'obhe kukemwa mwana ghwako, ghundende handa yumoo ywa nndumindumi bhako.’²⁰Hinu, kakiyinuka na kakiyanda kubhuya kwa tate ghwaki. “Peni pakabheghite kakali kutali, tate ghwaki kakimmona, mwoyo ghwaki ghukimemekwa luhungu, kakintughila, kakinnyubhatila kwa upalo. ²¹Yula mwana kaking'ombela tate ghwaki, ‘Tate, ndenda ulemwa kwa Chapanga na na nighuhokela ghwenga. Yingunnogha ng'obhe kukekwa mwana ghwako kangi.’²²Peni tate ghwaki kakiaghombela andumindumi bhaki, ‘Munnyeghele lipinda linyelembiti kya kuyumbatika na munhwalihe, munhwike pete mu kikonji kyaki na makobasi mu maghulu ghaki. ²³Munnyeghe senga ywakahatiti na munhinje, ngati tubheghe na chekwa, tulyeghe na kuyelelwa. ²⁴Kiyaha ayu mwana ghwangu kakibhegha handa kahwegha, na hinu kangulama, kangi kakihobha, naywo kabhuya ukaya!’ Nabho bhakiyanda kutenda chekwa.²⁵Mu lisaa alyo yula mwana ghwaki nkulu kakibhegha kunng'unda. Pakabheghiti mu kubhuya ugheghela na ukaya, kakiyihwa bhandu paayimba na kukina. ²⁶Kakinkema yumoo ywa andumindumi na kakinkonya, ‘Kubhegha na niki apa? ²⁷Yula ndumindumi Kakinnyanga, ‘Nnung'una ghwako kahika, naywo tate ghwako kanhinjila senga ywakahatiti kiyaha mwana ghwaki kabhuya kakali kangulama.'²⁸Yula mwana nkulu kakikalala na kakilema kuyingila mu kitutubhi. Ndo tate ghwaki kakighenda panje kunpembeleha ngati ayingile munyumba. ²⁹Peni ywombe kakinnyanga tate ghwaki, ‘Nnole! Mu ngungwa ahi hyoha nikighutendela lihengu na kya nga linjubha lyene linekiti ngwiliho yako, peni ghukimbegha ng'obhe nga mbuhi ngati nyelelwe papamu na aghanja bhangu. ³⁰Peni aywo mwana ghwako ywakapwilinganiti utopelo ghwako kwa atyahe pakabhuyite ukaya ghwenga ghunhinjila senga ywakahatiti.³¹Tate gwaki kakinnyanga, ‘Mwana ghwangu, ghwenga ghubhegha na nenga manjubha ghoha na hyoha nihibheghiti nahyo ndo hyako. ³²Peni yingutunogha kuyelelwa kwa hilulu kiyaha aywo nnung'una ghwako kakihwegha hinu kahyuka, kakihobha hinu kabhuya ukaya.”

¹Yesu kakiaghombela ahundwa bhaki, “Pakibhegha yunautopelo yumu ywakabheghiti na nnyapala ghwaki. Bhandu bhakinkokehela aywo nnyimilila kwa nkulu ghwaki kukita kangupwilingana utopelo ghwa ghwaki. ²Ndo aywo yunautopelo kakinnkema na kunkonya, ‘Ndo nnando ghwoki aghwo ghunighuyihwa ghwa kya ghwenga? Hinu ghunmbeghe mbalango gha motelo na malyeghelo gha utopelo ghwangu, kiyaha yingukunoghela ng'obhe ghubhe nnyapala kangi.'³Yula nnyapala kakilighombela mu mwoyo ghwaki, ‘Hinu ndatenda niki kangi? Bambo ghwangu kammuha mu lihengu lyangu. Megha ng'obhe na makakala gha kukandakanda. Na kangi ningubhona honi ya kuyupayupa. ⁴Ena, nungulimanya lya kutenda, ngati pamingwamingwa mulihengu bhandu bhangingame mu hitutubhi yabhe.⁵Ndo yula nnyapala kakiakema aghambwa bhoha bha nkulu ghwaki yumo mbole ya yungi. Kakinkonya ghwa ulongohi, ‘Ghungughabwa kyoki na nkulu ghwangu?' ⁶Naywo kakinnyanga, ‘Mapipa mia ya mahuta gha miseituni.’ Yula nnyapala kakinnyanga, ‘Ghutami pahi na ghutyeke kya kuyumbatika mapipa amsini.' ⁷Mbole kakinkonya nnghambwa yungi, ‘Ghwenga ghungughabwa hilingi?’ Naywo kakinnyanga, ‘Michako mia ya ngano.’ Yula nnyapala kakinng'ombela, ‘Ghutole lihamba lyako na ghutyeke michako mbindasemanini ya ngano.⁸Ndo yula nkulu kakinnumba yula nnyapala kwa kya mahala ghaki. Kiyaha bhandu bha nga kunhyubhalila Chapanga angutenda mahengo ghabhe kwa mahala kupitingana kwa bhandu bha anhyubhalaila Chapanga.” ⁹Ndo Yesu kakighendelela kulongela, “Nunguaghombela muatangatile ayenu kwa utopelo ghwenu ghwa nnima aghu, ngati pa ghuyomoka utopelo aghwo, nkingamwe mulubhagha lwa manjubha ghoha.¹⁰Ywohele yunakuhyubhalika kwa mihalo michoko, katahyubhalika kwa mihalu mikulu, naywo ywa nga kuhyubhalika kwa mihalo michoko kahone kuhyubhalika kwa mihalu mikulu. ¹¹Handa maahyubhalika ng'obhe kwa utopelo ghwa nnima aghu, ndo ghani aywo ywakaayubhalila mwenga mu mihalo ya utopelo ghwa hoto? ¹²Na handa pa nhyubhalika ng'obhe kwa utopelo ghwa bhandu bhangi ndo ghani aywo kataakamuha utopelo ghwenu mabhene?¹³Kahone nndumindumi ywakuhotola kubhatendela lihengo akulu abhili. Kiyaha nkalalila yumu na kunpala yungi ebu katantendela lihengu lya maha yumu na yungi katanyuyuha. Maahotola ng'obhe kuntendela lihengo Chapanga papamu na utopelo.”¹⁴Peni Akaafalisayo paayihwite agho, bhakinnyuyuha Yesu kiyaha bhene akipalaha munu ngalabha. ¹⁵Yesu kakiaghombela, “Mwenga mungulitumba kukita mmegha bha maha mu ulongolo ghwa anabhandu, peni Chapanga kanguyimanya myoyo yenu. Kiyaha hilibhi hiibhoneka hya maha kwa bhandu, Chapanga kangughayaghabhalila.¹⁶Malaghilo gha Musa na malembo gha ambuye ghwa Chapanga ghakialongoha mbaka ku nndaluko ghwa Yohana yunakubatisa. Kuhuma apwo Nhalo ghwa maha ghwa Ghubhutwa ghwa Chapanga ghungulandamihwa, na bhandu bhoha angughombelwa kya kulitumba ayingile mu Ghubhutwa ghwa Chapanga. ¹⁷Peni yaabhegha yeyebhu munu kwa kunani kwa Chapanga na nnima aghu kuhobha, ngati ng'obhe nga kwa lilembo limo kubhuka mu malaghilo gha Musa kuhobha.¹⁸Handa mundu ywohele katantyekela nndala ghwaki lihamba lya kunleka na mbole kakatole nndala yungi aywo kangutyaha, na nnume yunakuntola nndala ywakatyekihitwe lihamba lya kulekwa kangutyaha.¹⁹Yesu kakighendelela kulongela, “Pakibhegha na yunautopelo yumu ywakahwaliteghe mapinda gha ghalabha ngulu munu gha langi ya samalati na mapinda mahuhu, na pakitendekeha chekwa mumanjubha ghoha. ²⁰Pala pa nnlyango ghwaki kakibha kapukwa yumu ywakayeghiteghwe apwo, lihina lyaki Lazalu, ywakabheghite hilonda mu mmili ghwaki ghwoha. ²¹Aywo Lazalu kakihyubhalila kulyegha mahighalo ghaaponikiti ku kindangabhala kya aywo yunautopelo. Mbaka akabhwa bhakihika na kumyanga hilonda hyaki.²²Lisaa palikihikiti, yula kapukwa kakihwegha, na andumitumi bha kunani bha Chapanga bhakintola na kunbhika kakatame papamu na Ablahamu. Yula yunautopelo naywo kakihwegha na bhakinkulila. ²³Yula yunautopelo pakabheghite kumambe mukimbamanda, kakilolekeha kunani naywo kakimmona Ablahamu kya kutali, naywo Lazalu kakibhegha ugheghela naywo.²⁴Hino yula yunautopelo kakinkema, ‘Tate Ablahamu, ghunmonele luhungu, na ghunlaghile Lazalu kakichwike kikonji kyaki mu machi ngati kalughupohe lulimi lwangu, kiyaha nungupungwa muno mu mwoto aghu.²⁵Peni Ablahamu kakinnyanga, ‘Mwana ghwangu, ghulikulungwe kukita paghubheghite kukali ghungulama ghukihumbula mihalu ya maha, peni Lazalu kakimokola mihalu ya uhakata. Peni hinu kanguyelelwa apa na ghwenga ghubha na kibamanda kikulu. ²⁶Hata habhu, pakati yetu libhegha libhumba likulu, ngati bhala bhaapalite kubhuka akwo na kuhika kunu kakotoke ahotole, ebu mundu ywohele kakotoke kuyomboka kuhika kunu.²⁷Ndo yula yunautopelo kakilongela, ‘Hinu, nungukuyupa, ghunlaghile Lazalu kaghende ku lubhagha lwa tate ghwangu ²⁸kiyaha mmegha na alongo nhano. Kakaakinye ngati akotoke kuhika kunu kuhimbamanda.²⁹Peni Ablahamu kakinnyanga, ‘Alongo bhako abhegha na malembo gha Musa na ambuye bhangi bha Chapanga, aghatughile agho. ³⁰Yula yunautopelo kakilongela, ‘Ng'obhe, tate ghwangu Ablahamu, handa mundu kaahyuka kuhuma kumambe kataahikila, bhaalipetula ulemwa na kummuyila Chapanga. ³¹Peni Ablahamu kakinng'ombela, ‘Handa bhaayitikila ng'obhe malaghilo gha Musa na Ambuye bhangi bha Chapanga, bhaahotola ng'obhe kunnyihwa hata mundu ahyukite kuhuma kumambe.”

¹1 Yesu kakiaghombela ahunda ghwaki kukita, “Mihalo yinakunyegheleha bhandu atende ulemwa ghabhegha manjubha ghoha. Peni kinmone mundu yula ywakayighegha mihalo ayi. ²Yingabheghiti mbaha mundu aywo kabhopolelwe liganga linakutopa lya kuhyaghila mu n'tandala ghwaki na kuchumbukihwa mu lihibha ngati ng'obhe kunnyeghelegheha yumoo ywa bhandu bhaandughila katende ulemwa.³Hinu naha, mulindakile! Handa nnongo ghwako kaghuhokela ghunkinye, handa pakalipetula, ghunlekekehe. ⁴Handa kaghuhokela pausaba kwa linjubha limo na pausaba pakaghuhikila na kughulongela ‘Ghunekekehe.’ Ghunlekekehe.”⁵Andumitumi bhaki bhakinng'ombela Bambo, “Ghutuyonjekehe kunhyubhalila Chapanga.” ⁶Yesu kakiayanga, “Handa mungabheghiti na uhyubhalilo nndoko handa mbunje ya njoko ya haladali, mungahotoliti kughughombela nnkongo aghu ghwa nkuyu ‘Ghulitupuhe na ghukamele mu lihibha,’ Naghwo ghungiayitikiliti.⁷Handa mundu yumo mu mwenga kabhegha na ndumindumi ghwaki ghwa kukandakanda mu nng'unda ebu ywakahakila mene, bhuli, nndumindumi aywo pakabhuya, katanng'ombela ng'obhe aywo nndumitumi, ‘Ghuhike apa kya kuyumbatika ngati ghulyeghe hilyo? ⁸Bhuli, kihyengo kyaki katanng'ombela, ‘Ghungeyele huti hilyo, nnyeghe, ghuhwale mapinda ghako telatela, ghuyime apa mbaka pannyomola kulyegha na kunywegha, mbole ndo ghulyeghe na kunywegha?⁹Bhuli aywo mundu katannumba nndumindumi ghwaki kya kutenda ghala ghakankwilikihite? ¹⁰Ubhwabhu abhu na mwenga pa nnyomola kutenda ghala gha nlaghilitwe, nnghombe, ‘Twenga ndo andumitumi hela, tutenda ghala ghatunoghilitwe kughatenda.”¹¹Yesu pakabheghite mu njila pakighenda ku Yelusalemu, kakikindila mu mbakilo ya Samalia na Galilaya. ¹²Pakabheghite mu kuyingila mu kijiji kimo, bhandu mbinda mabhoko yimo bhaabheghite na maloha bhakikongana naywo, na bhakiyima kya kutali, ¹³bhakikwiha lilobhe pa akiilongela, “Bambo Yesu, ghutubhonele luhungu!”¹⁴Pakaabhonite kakiaghombela, “Ng'endi makalibhonehe kwa andundame.”. ¹⁵Yumoo ywabhe pakabhonite kukita kakilama, kakibhuya kwa Yesu kunu pakintika Chapanga kwa lilobhe likulu. ¹⁶Kakilitagha kuulongolo ghwa maghulu gha Yesu kunu pakinnumba. Na aywo mundu kakibhegha Nsamalia.¹⁷Yesu kakikonya, “Bhuli, bhakilamighwa ng'obhe bhoha mbinda mabhoko yimo? Abhegha kwoki bhala nhano na ncheche? ¹⁸Bhuli, kahone na yumu ywakabhuyite ngati kannumbe Chapanga maha nga ayu nhenja?” ¹⁹Yesu kakinng'ombela, “Ghuyime na ghughende, kuhyubhalila kwako kughulamiha.”²⁰Mu linjubha limu Yesu pakakonyekihitwe na Akaafalisayo Ghubhutwa ghwa Chapanga ghwahika pakiki, ywombe kakiayanga, “Ghubhutwa ghwa Chapanga ghunguhika ng'obhe handa kilibhi kighuhotola kukibhona kwa meho, ²¹ebu bhandu bhatalongela ng'obhe, ‘Ghula pala’ ebu ‘Ghula kula’ Kiyaha Ghubhutwa ghwa Chapanga ghubha pa kati ya mwenga.”²²Mbole Yesu kakiaghombela ahundwa bhaki, “Manjubha ghanguhika na maapala kulibhona linjubha nga limo lya Mwana ghwa Mundu, peni malibhona ng'obhe. ²³Bhandu bhataaghombela, ‘Kabhegha kula!’ Ebu, ‘Kabhegha apa!’ Nkotoke kuatughila. ²⁴Nmanyi kukita Mwana ghwa Mundu pakapala kubhuya katahika handa lumuli lwa njahe palumulika kamu, palumulika mbande yoha ya kubhwelo.²⁵Peni yingunkwiliha kambamandike munu na kukilukwa na kibheleko aki. ²⁶Handa payibheghite mu manjubha gha Nuhu, ndo yaabhegha ubhwabhu mu manjubha gha kuhika kwa Mwana ghwa Mundu. ²⁷Mu manjubha gha Nuhu bhandu bhakighendelela kulyegha na kunywegha, paakitolela na kutolwa mbaka mu linjubha lila Nuhu pakayingilite mu bhwato nkulu ghuukemitwe Safina, ndo machi ngumbwa ghakimema mu nnima na kuakanjaghana bhoha.²⁸Yikibhegha ubhwabhu abhu mu manjubha gha Lutu, bhandu bhakighendelela kulyegha na kunywegha, paakihemela na kuhemengana, paakikweta mbeyu na kuchenga. ²⁹Peni linjubha lila Lutu pakabhukite ku Sodoma, mwoto nkalipa ghukihuluka kuhuma kunani kwa Chapanga handa hula na ghukiakanjabhana bhoha.³⁰Ubhwabhu abhu ndo yabhegha mu linjubha lila Mwana ghwa Mundu pakapala kugubutulighwa. ³¹Mu linjubha alyo, mundu ywohele ywakabheghite unani mwa lunyakaa, kakotoke kuhuluka kutola hilibhi hyaki. Ubhwabhu abhu mundu ywakabhegha ku nng'unda kakotoke kubhuya ku lubhagha lwaki kutola kyohele.³²Mulikulungwe ghaghanbwitukilitea nndala ghwa Lutu. ³³Mundu ywohele ywakapala kughulopoha ulami ghwaki kataghuhoha, na ywohele ywakaghuhohiti ulami ghwaki kataghulopoha.³⁴Ninguaghombela, mu uhiku aghwo ghwa linjubha alyo bhandu abhili bhatabhegha pa akighonja papamu paulili ghumo, yumo katatolwa na yungi katalekwa. ³⁵Adala abhili bhaabhegha paahyagha mbuje papamu, yumo katatolwa na yungi katalekwa.³⁷Mbole ahundwa bhake bhakinnkonya, “Bambo, agho ghaabwitukila kwoki.”

¹Mbole Yesu kakiapegha ahundwa bhaki ndambulo ngati kabhahunde kukita yinguakwilikiha kuyupa Chapanga kyanga kulumuka mwoyo. ²Kakiaghombela, “Mu kitami kimo kakibhegha nndumula nongwa ywanga kuntundamila Chapanga ebu kughayihwa gha bhandu.³Mu kitami akyo akyo kakibhegha nndala nnekwa yumo ywene pipipi kakinhikila na kunnyupa, ‘Ketekete, ghumbeghe shaliya yangu kubhuka kwa nmyanja ghwangu.' ⁴Kya manjubha matangalo yula nndumula nongwa kakilema kuntangatila aywo nndala nnekwa . Peni ku uhiko kakilighombela mu mwoyo ghwaki, ‘Hata handa nenga nangantila Chapanga ebu kughayihwa gha bhandu, ⁵peni kiyaha ayu nndala nnekwa kangung'aha, ndantangatila ngati kakotoke kunhechuha kwakya kunhikila pipipi.”⁶Hinu Bambo kakighendelela kulongela, “Nnyihwe kyakalongilite aywo nndumula nongwa nhakata. ⁷Bhuli, Chapanga kataatangatila ng'obhe bhakaahaghulite bhaanlilila pamuhi na pakilo? Bhuli, katakabhalila kuatendela gha maha? . ⁸Ninguaghombela, Chapanga katangatila kya kulopokeha. Peni bhuli, Mwana ghwa Mundu pakapala kuhika mu nnima kataabona bhandu bhaanhyubhalila?”⁹Yesu kakiaghombela ndambulo ayi kwa bhala bhaalibhonite kukita bhombe ndo bhaatenda gha maha na kuayuyuha bhangi. ¹⁰'Bhandu abhili bhakighenda ku Kitutubhi kya Chapanga kuyupa, yumo kakibha Nfwalisayo na yungi nsumula sumu.¹¹Yula Nfwalisayo kakiyima ghweka chaki kakiyupa abhu. ‘Chapanga, ningughulumba kiyaha nenga megha handa bhandu bhangi ng'obhe, apoka, alemwa, atyahe ebhu handa ayu nsumula sumu. ¹²Nenga ningulikunga pabhili kwa lijuma, ningubhuha lifungu lya mbinda mabhoko yimo ya motelo yangu.¹³Peni yula nsumula sumu kakiyima kya kutali, kya nga kakiyinula kibhungi kyaki kulolekeha kunani kwa Chapanga, ngati kakighakamula mabhoko ghaki na kuhokamila pakakukulika kunu pakilongela, ‘Chapanga ghumonele luhungu, nenga nunmeghite na ulemwa.' ¹⁴Ninguaghombela, yula nsumula sumu kakibhuya ukaya pakalekekehwa ulemwa ghwake, ngati ng'obhe yula Nfwalisayo ywakalikwehite kwa Chapanga. Kiyaha ywohele ywakalihwachilite kukita nkulu katahuluhwa na ywohele ywakalihuluha katakwehwa.'¹⁵Linjubha limu amoo bhandu bhakinnyeghela Yesu bhana adokwa ngati kabhayabhike hibhoko hyake ngati kakaanonele. Ahundwa bhaki paabhonite habhu bhakiakanikiha bhala bhandu. ¹⁶Peni Yesu kakiakema bhala bhana ahike kwa ywombe, kakilongela, “Mualeke bhana adokwa anhike kwa nenga, hangi nkotoke kuakanikiha, kiyaha Ghubhutwa ghwa Chapanga ghubhegha ghwa bhandu abheghite handa abha bhana. ¹⁷Kulyaghila nunguaghombela, ywohele ywa nga kughukingama Ghubhutwa ghwa Chapanga handa mwana nndokwa, katayingila ng'obhe mughubhutwa aghwo.”¹⁸Kilongohi yumo kakinkonya Yesu, “Nhunda ghwa maha, ndende niki ngati nighumokole ubhumi ghwa manjubha ghoha kyanga uhiko?” ¹⁹Yesu kakinnyanga, Kyabhuli ghungunngema ghwa maha? Kahone mundu ghwa maha ngati nga Chapanga ghweka chake. ²⁰Ghungughamanya malaghilo gha Musa, ‘Utyahe kata, Kukoma kata, kuyibha kata, unyimiho ghwa uhwangi kata, ghubhayitikile tate ghwako na ma ghwako. ²¹Ywombe kakiyanga, “Malaghilo agha ghoha nighakamula tangu pammbeghite kakombo.”²²Yesu pakayihwite agha kakinng'ombela, “Ghupelelwa nnando ghumo. Ghughende ghukahemengane hyoha ghuhibheghite naywo na ghubhapeghe ngalabha ahyo bhandu kapukwa,kya kutenda habho ndo ghwabhegha na utopelo ntangalo kunani kwa Chapanga, mbole ghuhike na ghundughile.” ²³Pakayihwite lilagho alyo kakihyongoloka muno kiyaha kakibhegha na utopelo ntangalo.²⁴Yesu pakammonite kanguhyongoloka habhu na kakilongela, “Nnole kya bhuli yabhegha kulimba kwa bhanautopelo kuyingila mu Ghubhutwa ghwa Chapanga! ²⁵Kulyaghila yabhegha yelebhu kwa nnyama ywakakemitwe ngamiha kuyingila mu lilanga lya sasia, chepa kwa bhanautopelo kuyingila mu Ghubhutwa ghwa Chapanga.”²⁶Bhandu paannyihwite malagho agha bhakinkonya, “Handa yilimba naha, ndo ywoki aywo ywakahotola kulopoka?” ²⁷Yesu kakiayanga, “Gha nga kuhotoleka kwa anabhandu kwa Chapanga ghanguhotoleka.”²⁸Ndo Petili kakilongela, “Nnole tughaleka ghoha ghatubheghite nagho na tughutughila ghwenga” ²⁹Yesu kakiyanga, “Kulyaghila nunguaghombela, mundu ywakalekiti lubhagha lwaki, ebu nnhumbu ghwaki ebu alongo bhake, ebu tate na ma ghwake ebu bhana bhaki kwa kya Ghubhutwa ghwa Chapanga ³⁰matangalo kupitingana ahyo mu ulamo aghu na ku uhiko katakamuhwa ulami ghwa manjubha ghoha.”³¹Yesu kakiatola bhala ahundwa bhaki mbinda mabhoko yimo na abhili kya kighweka na kakiaghombela, “Nnyihwe, tungughenda ku Yelusalemu na hyoha hityekitwe na ambuye bha Chapanga kwa kya Mwana ghwa Mundu hyaabwitukila. ³²Kiyaha kaagheghwa na kukamulwa na bhandu Akaayahudi ng'obhe, nabho bhatantendela mahakataho na bhatanhunila mata. ³³Bhatantuta kwa ndomondo na bhatankoma na mu linjubha lya ndatu katahyuka.”³⁴Ahundwa bhaki bhakiyimanya ng'obhe mihalu ayi, kiyaha fwambulo yaki yikihihwa kwabhe, nabho bhakimanya ng'obhe kyakalongiliti Yesu.³⁵Ahundwa bhaki bhakiyimanya ng'obhe mihalu ayi, kiyaha fwambulo yaki yikihihwa kwabhe, nabho bhakimanya ng'obhe kyakalongiliti Yesu.35 Yesu pakabheghite kanguheghelela ku nnima ghwa Yeliko, mundu yumu ywangabhona kakibhegha katama mu bhwegha ya njila paakiyupa utangwo. ³⁶Mundu ywangabhona aywo pakayihwite mayobhe gha lumati lwa bhandu palukinda, kakikonya, “Kubhegha na niki?” ³⁷Bhala bhandu bhakinnyanga, “Yesu ghwa Nasaleti kangupita.”³⁸Yula mundu ywangabhona kakikweha lilobhe pakilongela, “Yesu!, Mwana ghwa Daudi!, ghumonele luhungu!” ³⁹Bhala bha abheghite ku ulongolo bhakinlakalila bhakinng'obhela kanyamale. Peni mwene kakighendelela kukweha lilobhe “Mwana ghwa Daudi, ghumonele luhungu”⁴⁰Yesu kakiyima na kakikwilikiha bhannyeghe mundu aywo kwa mwene. Pakabheghite ugheghela, Yesu kakinkonya, ⁴¹“Ghungupala nighutendele niki?” Ywombe kakiyanga, “Bambo, ningupala kubhona.”⁴²Yesu kakinng'ombela, “Ghubhone! kuhyubhalilo kwako kughukulamiha.” ⁴³Kamu mundu yula kakibhona lisaa lila lila, na kakinntughila Yesu, kunu pakintikila Chapanga. Bhandu bhoha paabhonite mihalo ayi, nabho bhakintikila Chapanga.

¹Yesu kakiyingila kunkitami kya Yeliko, naywo kakipita pakati ya kitami akyo. ²Mukitami akyo, pakibhegha mundu yumu lihina lyaki Zakayu. Mundu aywo kakibhegha nkulu ghwa asumula sumu, kangi kakibhegha yuna utopelo.³Mwene kakipalaha kammone Yesu mundu ghwa kya bhuli. Peni yakya lumati lukulu lwa bhandu kakilepelwa kiyaha kakibhegha nhupitaho. ⁴Hinu kakilongoha kuulongolo ghwa lula lumati lwa bhandu kakihubhuka mu nkongo ghwa nkuyu ngati ammone Yesu, kiyaha nge kakinde mu njila yila.⁵Yesu pakahikiti pahi ya ghula nkongo ghwa nkuyu, kakilolekeha kunani, na kakinng'ombela, “Zakayu ghuhuluke kya kuyumbatika, kiyaha lelo ndahwelekeha ku lubhagha lwako!” ⁶Ndo Zakayu kakihuluka kya kuyumbatika, na kakinkingama Yesu mu lubhagha lwaki kya uyelelo nkulu. ⁷Bhandu bhoha bhaabhonite bhakiyanda kuhyongoloka paakilongela, “Kaghenda kubhegha nhenja ghwa mundu yunaulemwa."⁸Peni Zakayu kakiyima na kung'ombela Yesu, “Muyihwe, Bambo! Nenga ndaapegha lihinda lya utopelo ghwangu akapukwa, na handa nikighupoka utopelo ghwa mundu kwa makakala nda mmuyihila pancheche ya utopelo ghula.” ⁹Ndo Yesu kakinng'ombela, “Lelo, ulopoho ghukihika mu lubhagha alu, kiyaha ayu naywo ndi kibheleko kya Ablahamu. ¹⁰Kiyaha Mwana ghwa Mundu kahika kupalaha na kulopoha bhandu bhahobhite.”¹¹Bhandu bhaannyihwite Yesu bhakihwacha kukita Ghubhutwa ghwa Chapanga ghunguhika masaa ghala ghala na akibhegha ugheghela na Yelusalemu ndo Yesu kakilongela ndambulo ayi. ¹²Pakibhegha mundu yumo ywa lukolo ghwa ghubhutwa, kakibhegha mu mwanja kughenda ku nnima ghwa kutali ngati kakakingame ulongohi ghwa ghubhutwa, mbole kakabhuye.¹³Kukali na kubhuka kakiakema mbinda libhoko yimo mu ndumindumi ghwaki na kakiapegha kila yumo kimati kya ngalabha pakilongela, ‘Makatende kyohele na mbiya aywo mbaka pambala kubhuya.' ¹⁴Peni bhandu bha nnima ghwaki bhakibha paakinnyaghabhalila ndo bhakialaghila ajumbe paakilongela, ‘Tungupala ng'obhe aywo kabhe mutwa ghwetu.' ¹⁵Hata naha mundu aywo kakikamuhwa ghubhutwa na kakibhuya ku nnima ghwaki. Mbole kakiakema bhala ndumindumi bhaki ghwakaalekiliti ngalabha ngati kakamanye kya amokolite kwa ndendelo hya kila yumoo.¹⁶Nndumitumi ghwa ulongohi kakihika pakilongela, ‘Nkulu, kuhumila mu kimati kimo ya ngalabha yighunekiliti niyimokola mala mbinda mabhoko yimo.’ ¹⁷Yula Nkulu kakinnyanga, ‘Ghutenda maha ndumindumi ghwa maha, kiyaha ghuhyubhalika mumihalo midokwa, ndakupegha makakala mu hitami mbinda mabhoko yimo.¹⁸Ndumindumi ghwa ubhili naywo kakihika, pakilongela, ‘Kimati kya mbiya kighungamuhiti kiyonnjokeheka mala nhano.' ¹⁹Nkulu ghwaki kakinnyanga, ‘Na ghwenga ghwa bhegha nkulu mu hitami nhano.²⁰Mbole kakihika yula ndumindumi yungi pakilongela, ‘Nkulu ghutole kimati kya ngalabha hyako. Kiyaha nikiihiha maha mulipinda. ²¹Nikiyoghopa kiyaha ghwenga ndo mundu nhakata. Ghwenga ghungutola hilibhi hibheghite hyako ng'obhe, na kunuka hila ghuyihimelihiti ng'obhe.'²²Nkulu ghwaki kakinnyanga, ‘Ningughutosa kwa kya lilagho lyako, ghwenga ndumindumi nhakata, ghukimanya kukita nenga nhakata yunakutola hilibhi hiibheghite hyangu ng'obhe na kunuka kyanga kuhimeleha. ²³kiyaha niki, ghukihibhika ng'obhe kimati kya ngalabha yangu kwa ayahika ngalabha ngati pamuya ntole yiibheghite yangu na yila yiiyonjokihite?²⁴Ndo kakiaghombela bhala bhaayimite ugheghela, ‘Mumpoke kimati kya ngalabha yaki na makanpeghe yula ywakabheghite na himati mbinda mabhoko yimo.' ²⁵Bhakinng'ombela, ‘Nkulu, aywo kabhegha kala na himati mbinda mabhoko yimo.'²⁶Kakiayanga, ‘Ninguaghombela kukita, ywohele ywakabheghiti na kilibhi, katayonjokehwa, na yula ywa nga kilibhi, hata kila kyakabheghite nakyo, katapokwa, ²⁷peni bhala amyanja bhangu bhene bha nga kupala mmeghe mutwa ghwabhe, maayeghe apa makaakome kunu nenga pannola.”²⁸Mbole ya kughalongela agha Yesu kakilongola kughenda ku Yelusalemu.²⁹Naywo pakaheghelelite kuhika mu hijiji hya Betifage na Betania ugheghele na kitumbi kiikemitwe Miseituni, kakialaghila andumindumi bhaki abhili, ³⁰pakialongela, “Nng'endi mu kijiji kila kibheghite mu ulongolo ghwenu, pammegha mu kuyingila mu kikijiji akyo, maamona mwana kaputa ywanga kuhubhukwa na mundu ywohele, kabhopwa apwo. Munhughule na munnyeghele apa. ³¹Handa mundu kataakonya, ‘Bhuli mungunhughula?’ Munng'ombele, ‘Bambo kangunpala."³²Bhala bha alaghilitwe bhakighenda, na bhakibhona hyoha hila hila handa bhula pakaaghombilitwi na Yesu. ³³Paabheghite mu kunhughula yula mwana kaputa, bhala bhanhughite yula kaputa bhakiakonya, “Bhuli mungunhughula aywo mwana kaputa?” ³⁴Bhala ahundwa bhakiayanga, “Bambo kangunpala.” ³⁵Bhakinnyegha kwa Yesu yula mwana kaputa, na mbole ya kuyalika maha mapinda ghabhe munng'ongo ghwa mwana kaputa bhakinhubhuha Yesu mu nng'ongo ghwa mwana kaputa aywo. ³⁶Yesu kakighendelela na mwanja ghwaki na bhandu bhakiyalila mapinda ghabhe mu njila.³⁷Pakabheghite ugheghela na Yelusalemu, mu uhelelo ghwa kitumbi kya Miseituni, lumati lwoha lwa bhandu bhaantughilite bhakiyanda kuntika Chapanga kwa nnyelelo na kwa lilobhe likulu kwa kya ndendelo ya mihabho bha ayibhonite. ³⁸Pa akilongela, “Kanonelwa Mutwa yunakuhika kwa makakala gha Chapanga! Uhihimilo kunani kwa Chapanga na ukulu akwo kunani munu.!”³⁹Amoo bha Akaafalisayo bha abheghite mu lula lumati lwa bhandu bhakinng'ombela Yesu, Nhunda ghubhaghombele ahundwa bhako anyamale. ⁴⁰Yesu kakiayanga, “Nunguaghombela, handa abha bhaanyamala, maganga agha ghaachobha kyobho.”⁴¹Yesu pakabheghite ugheghela na kitami kya ku Yelusalemu na pakakibhonite kitami, kakikililila, ⁴²pakilongela kwa kya bhandu bha kitami akyo, “Nikipalaha hata lelo mmanyi mihalo ya kutenda ngati mmeghe na uhihimililo, peni hinu ghuihihwa na mahotola ng'obhe kughubhona uhihimilo.⁴³Kulyaghila manjubha ghaahika, na amyanja bhako bhaakuchengela kindupa kikangamalo kukitindila kitami kyako nabho bhaayanda kukututa kuhuma mu mbande hyoha. ⁴⁴Bhatakubajanga ghwenga na bhana bhako mu hindupa hyako. Nabho bhataleka ng'obhe liganga limu kunani ya liganga lingi, kiyaha ghukilimanya ng'obhe lisaa lyakahikite Chapanga kukulopoha.”⁴⁵Mbole Yesu kakiyingila mu lubhigho kitutubhi kya Chapanga, na kakiyanda kuabhingabhinga bhala bhaabheghite mu kuhemengana hilibhi amwo. ⁴⁶Naywo kakiaghombela, “Yikityekwa mumalembo mang'anyimo, Chapanga kakilongela, ‘Kitutubhi kyangu kyaabhegha kitutubhi kya nnyupo.’ Peni mwenga mungukitenda kibhe mbako ya apoka.”⁴⁷Mu manjubha ghoha Yesu kakibhegha pakihunda pa Kitutubhi kya Chapanga. Peni hilongohi bha akaandundame na ahunda bha malaghilo na hilongohi bha bhandu bhakibhegha paakipalaha njila ngati ankome. ⁴⁸Peni akihotola ng'obhe kiyaha bhandu bhoha bhakibhegha paakinnyihwa kya nga kutagha lilagho limo.

¹Linjubha limu Yesu pakabheghite pakihunda bhandu ku Kititibhi kya Chapanga na kulandamiha Nhalo ghwa Maha, hilongohi bha mandundame, ahunda bha malaghilo, papamu na aghohi bhakinhikila. ²Bhakinkonya, “Ghutughombele, ghunguntenda mihalu ayi kwa ngwiliho ya ghani? Na ndo yoki ywakakupeghite mwenga makakala agha?”³Yesu kakiayanga, “Na nenga ndabhakonya ngonyo, munng'ombele, ⁴ubatiso ghwa Yohana ghukihuma kunani kwa Chapanga ebu kwa anabhandu?”⁵Bhakighombana bhene, paakighomba naha, “Handa patughomba, ‘Ghukihuma kunani,’ katatukonya ‘Yibha bhuli mukihyubhalila ng'obhe?’ ⁶Peni handa patulongela, ‘Ghukihuma kwa ana bhandu,’ bhandu abha bhoha bhatatututa kwa maganga, kiyaha bhanguhyubhalila kukita Yohana kakibha mbuye ghwa Chapanga.”⁷Hinu bhakinnyanga, “Tungumanya ng'obhe kughuhumite. ⁸Ndo Yesu kakiaghombela, “Na nenga ndabhaghombela ng'obhe ningutenda mihalu ayi kwa makakala gha ghani.”⁹Ndo Yesu kakighendelela kuaghombela bhandu ndambulo ayi, “Mundu yumu kakikanda nng'unda ghwaki ghwa misabibu, na kakiapegha akandakanda bhankamuhe sumu, mbole kakibhuka kwa manjubha matangalo. ¹⁰Manjubha gha mabeno mundu aywo kakinlaghila ndumindumi ghwaki kwa bhala akandakanda bhaapeghite ghula nng'unda, ngati bhanpeghe kimati kya mambeno gha nng'unda ghwaki ghwa misabibu. Peni bhala akandakanda bhakintuta, na kunbhingabhinga kyanga kunpegha kilibhi kyohele.¹¹Yula nkola nng'unda kakinlaghila kangi nndumindumi yungi, na aywo bhakintuta, bhakintendela mihalu ya honi na bhakinbhingabhinga kyanga kunpegha kilibhi. ¹²Kangi kakinlaghila ndumindumi yungi ghwandatu, aywo ndo bhakinkechela hilonda na kuntagha panje ya nng'unda.¹³Ndo yula nkola nng'unda ghwa misabibu kakilongela, ‘Nda tenda niki? Nda nlaghila mwana ghwangu yununpala, pangi bhatanhokamila.’ ¹⁴Peni bhala akandakanda bhaakamuhitwe ghula nng'unda, paanmmonite bhakighombana bhene kwa bhene, ‘Ayu ndo yunakuhala, hinu tunkome ngati tuhale twenga.'¹⁵Habhu, bhakinbhuha panje ya ghula nng'unda ghwa misabibu, na bhakinkoma.” Yesu kakiakonya, “Yula yunanng'unda ghwa misabibu kataatendela niki bhala akandakanda? ¹⁶Katahika na kubhakoma bhala akandakanda, na katabhapegha akandakanda bhangi ghula nng'unda ghwa misabibu.” Bhandu pabhayihwite agha bhakilongela, “Ng'obhe, nhalo aghu ghukotoke kubwitukila kwa twenga!”¹⁷Yesu kakibhahulutulila mehu mbole kakighomba, “Hinu, Malembo agha mang'anyimo fwambulo yaki ndo niki? “Liganga bhalilemite bhanautendehi ghwa kuchenga hinu libhegha liganga likulu lya pambwegha; ¹⁸Mundu ywohele ywakaponekela mu liganga alyo katadunyuka dunyuka na ywoheli liinponekela katabajangika muno.”¹⁹Ahunda bha malaghilo na mandundame akulu bhakipalaha kihokonyo kya kunkamula pala pala pakabheghite kiyaha bhakimanya kukita kakikambuka ndambulo yila kwa kya bhombe. Peni bhakibhayoghopa bhandu. ²⁰Kya abhu akulu abho bhakinnyubhatila Yesu bhankamule. Hinu bhakianyegheleha bhandu kwa ngalabha na kualaghila aghende kunkonya Yesu kwa ngonyo, bhandu abho akilitenda bha bhaha na tumbe bhakipala ng'ebhu ya kunkamula na kunghegha kwa ntabhala bha Akaaoma.²¹Bhandu abho bhaalaghilitwe bhaking'ombela Yesu, “Nhunda, tungumanya kukita ghunguhunda gha hoto yakya bhuli bhandu yinguanoghela kulama handa pakapalite Chapanga. ²²Hinu ghutughombele, yitukwiliha kunpegha sumu kilongohi nkulu ghwa Akaalumi ebu ng'obhe?”²³Peni Yesu kakimanya ntyegho ghwabhe, habhu kakiaghombela, ²⁴“Munnangihe ayi njuluku, kibhungi aki na lihina ali lya ghani?” Bhakinnyanga, “Lya kilongohi nkulu ghwa Kaisali.”²⁵Yesu kakiaghombela, “Hinu munpeghe Kaisali hiibheghiti yaki na munpeghe Chapanga hibheghite hya Chapanga.” ²⁶Hinu bhakihotola ng'obhe kunng'omeha kwa nhalo ghwohele mu ulongolo ghwa bhandu na bhakinyamala nuu pakilikangacha liyango lyaki.²⁷Amoo Akaasadukayo, bhala bhaalongela kukita kahone uhyuko ghwa bhaahweghite, bhakinhikila Yesu na bhakinkonya, ²⁸“Nhunda, Musa kakitutyekela kukita, handa nnongo ghwa mundu yumu kahwegha na kunneka nndala kyanga mwana, hinu nnongo ghwaki yingunnogha kuntola aywo nndala ngati kanpapile nnongo ghwaki.²⁹Hinu, bhakibhegha alongo saba, ywa ulongohi kakitolela na kakihwegha kyanga mwana. ³⁰Mbole, yula nnongo ghwa ubhili kakinhala yula nndala nnekwa, hata naha aywo naywo kakihwegha kyanga mwana. ³¹Ghwandatu naywo kanhala naywo kakihwegha kyanga mwana. Yikibha ubhwabhu abhu kwa alongo bhoha saba kakinhala aywo nndala na bhoha bhakihwegha kyanga mwana. ³²Kuuhiko yula nndaala nnekwa naywo kakihwegha. ³³Hinu naha, linjubha lya bhandu kuhyuhwa, aywo nndala katabhegha nndala ghwa ghani? Kiyaha kakitolelwa na alongo bhoha saba.”³⁴Yesu kakiayanya, “Bhandu bhaalama hinu mu nnima aghu bhangutola na kutolelwa. ³⁵Peni bhala bhaabhalangitwe na Chapanga kukita yibhanogha kumokola ling'ebhu mu nnima ghula na mu uhyuko ghwa bhaahweghite, kahone kutola ebu kutolelwa. ³⁶Bhene bhaabhegha handa andumitumi ghwa kunani ghwa Chapanga na bhaahwegha kangi ng'obhe. Bhene ndo bhana bha Chapanga, kiyaha bhaahyuka kuhuma kwa bhaahweghite.³⁷Peni nhalo aghu ghwa kuhyuka kwa bhaahweghite, hata Musa kakilongela agha mu malembo mang'anyimo pala kihaka pakayakiti mwoto na apwo Bambo Chapanga kakilongela, ‘Ywombe ndo Chapanga ghwa Ablahamu, Chapanga ghwa Isaka na Chapanga ghwa Yakobu.’ ³⁸Mwene ndo Chapanga bha ahweghite ng'obhe ngati ghwa bhaabheghite na ubhumi, kiyaha bhoha kwa mwene bhoha angulama.”³⁹Amoo bha ahunda bha malaghilo bhakilongela, “Nhunda, ghuyanga tela tela.' ⁴⁰Mbole ya agha kahone mundu ywakayighiti kukonya likonyo kangi.⁴¹Mbole Yesu kakiaghombela, “Yibha bhuli bhandu bhalongele kukita Kilistu ywakahaghulitwe na Chapanga ndo mwana ghwa Daudi? ⁴²Mwene Daudi kakityeka mu kitabho kya Sabuli, Bambo kaking'ombela Bambo ghwangu, Ghutami mu kibhoko kyangu kya nnilo, ⁴³mbaka pambala nighutende ghubhahotole amyanja bhako na kuatabhala.’ ⁴⁴Handa Daudi mwene kangunngema Kilistu, ‘Bambo’ Hinu yibha bhuli kabhe mwana ghwa Daudi?”⁴⁵Bhandu bhoha paabheghiti pa akinnyihwa, Yesu kaiaghombela ahundwa bhaki, ⁴⁶“Mulindakile na ahunda bha malaghilo. Bhene apalagha kutyanga paahwala magwanda matandamaho na kulamuhwa kwa kuhokamilwa mu hindandabhanji. Kunu pabhakitama mu hiteho ya ulongolo mu hitutubhi hya kukonganila Akaayahudi na kutama mu mang'ebhu ya ahenja bha kuhokamilwa mu chekwa. ⁴⁷Bhanguapugha adala alekwa, na ngati abhonekane na bhandu kukita bha maha bhangutundamila mayupo matali. Bhandu handa abho bhaakamuhwa toso ngulu.”

¹Mbole Yesu pakayinuliti meho ghaki mu mbande yoha, kakiabhona bhanautopelo pabhakibhika ngalabha hyabhe mulijamanda lya Kitutubhi kya Chapanga. ²Kangi kakimmona nndala yumo nnekwa kapukwa, pakibhika amwo mbiya ibhili ya lihabha. ³Ndo Yesu kakilongela, “Kulyaghila nunguaghombela, ayu nndala nnekwa kapukwa kakibhika litulo likulu kupitingana bhoha. ⁴Kiyaha abha bhandu bhangi bhakibhuha matulo machoko kwa Chapanga kuhuma muutangalo ghwa utopelo ghwabhe, peni ayu nndala nnekwa mu ukapukwa ghwaki, kabhuha kila kyakuntangatila kwa kulama.”⁵Amoo bha ahundwa bhaki bhakibhegha mu kunnangiha Kitutubhi kya Chapanga kinyelembikitwe kwa maganga gha maha na hilibhi hibhuhitwe handa matulo kwa Chapanga. Peni Yesu kakiaghombela, ⁶“Linjubha lyahika kwa agha ghoha gha mughabhona na mulinjubha alyo kahone liganga limo lya highala kunani mwa lingi, hyoha hya hyahaghunganika.”⁷Ndo ahundwa abho bhakinnyanga, “Nhunda! Mihalu ayi yaabhwituka pakiki? Na naho yoki yabhoneha kukita yinguheghelela kubhwituka?” ⁸Yesu kakiayanga, “Mlindakile, mundu kakotoke kuakuluha. Kiyaha atangalo bha ahika kwa lihina lyangu, pakilongela, ‘Nenga ndo mwene Kilisto,’ kangi bhaalongela, ‘Uhiko ghwa nnima ghuheghelela.’ Nkotoke kuatughila. ⁹Peni pannyihwa mihalo ya mikoha na bhulwa, nkotoke kuyoghopa. Kiyaha agho ghanogha ghabwituke huti, peni uhiko ghwa nnima, ghukali.”¹⁰Mbole kakiaghombela, “Nnima ghumo ghwaatutana na nnima ghungi, na ghubhutwa ghumo ghwaatutana na ghubhutwa ghungi. ¹¹Pohele paabhegha na migwangwaliko ya lutupi, lung'ahi lwa njala na matamwa gha uhakata munu. Kwaabhegha na mihalo mikulu ya kuyoghoha handa naho kubhwelu.¹²Peni kukali na kubhwitukila agha ghoha, bhata akamula mwenga na kubhabamanda. Bhaabhaghegha kwa akulu ghwa hitutubhi hya ngonganilo hya Akaayahudi, na kuabhopa mu hibhopo, na maagheghwa kwa bhatwa na atabhala kiyaha mwenga mungunhyubalila nenga. ¹³Na aywo yaabhegha ng'ebhu yenu ya kunnyimiha kwa bhombe.¹⁴Peni nkotoke kubhegha na bhwaghalihi kukita maalongela niki akwo. ¹⁵Kiyaha ndabhapegha malagho na mahala, na kwa mahala agho kahone nmyanja ghwenu nga yumo katahotola kuapingikiha kwa malagho ghaki.¹⁶Maakilukwa na tate na ma ghwenu, na alongo bhenu na aghanja bhenu na amoo mu mwenga bha abhakoma. ¹⁷Maakalalighwa na bhandu bhoha kiyaha mwenga mungunhyubhalila nenga. ¹⁸Peni kahone nga hwili yimo ya kuhobha mu mitwe hyenu. ¹⁹Kya kulimbilila maalopoha ulamo ghwenu.²⁰“Pammona kitami kya Yelusalemu pakitindilwa na machonda, ndo mmanye kukita kukanjaghanwa kwaki kukiheghela. ²¹Apwo bhala bha abheghite kunnima gwa Yudea atughile kuhitumbi, na bhabheghite ku kitami kya Yelusalemu abhuke amwo na abheghite mumighunda akotoke kuyingila ku kitami. ²²Kiyaha manjubha agho ghabegha manjubha gha kimbamanda ngati ghakabwitukile ghoha ghatyekitwe na ambuye bha Chapanga.²³Kibhabhone bhala bhaabheghite na ndumbo na bhala bhaayongea bhana mu manjubha agho! Kiyaha kwa bhegha na himbamanda hikulu mu nnima na kiyaghabhu kya Chapanga kwa kya bhandu abha. ²⁴Bhangi bhaahwegha kwa lukechelo, na bhangi bhaabhegha abhandwa mu milima yingi, na kitami kya Yelusalemu kyaatabhalalwa kwa makakala na kuambamanda bhandu bhaki na bhandu bha milima yingi, mbaka ng'ebhu yabhe payipela.²⁵Kwaabhegha na naho muluchubha na mulubhalamwehi na mundondwa. Na pa nnima aghu kwabhegha na lung'ahe na lyogha kubhukana na lilobhe lya nyukano nkulu ghwa machi gha lihibha ²⁶Bhandu bhaahima kubhukana na lyogha likuku paakihwacha kyoki yaabwituka mu nnima, kiyaha makakala gha hilibhi hya kunani ku bhwelo hyaatingihikwa.²⁷Mbole bhaammona Mwana ghwa Mundu paakihika kuhuma kumahundi papamo na makakala na ukulu nkulu. ²⁸Payitandila kubwituka mihalu ayi, nnyime na kuyinula mitwe yenu kunani, kiyaha ulopoho ghwenu ghubha ugheghela.”²⁹Mbole Yesu kakiaghombela ndambulo ayi, “Mughulolekehe nkongo ghwa tini, na mikongo mitangalo yoha. ³⁰Payitomolite mahamba, mungumanya kukita ndaluko ghwa mabeno yikiheghela. ³¹Ubhwabhu abhu, pa mmona mihalu aywo yingubwituka, ndo maamanye kukita Ghubhutwa gwa Chapanga ghuheghelela.³²“Kulyaghila nunguaghombela, bhandu bha kibheleko aki kyaakinda ng'obhe mbaka agha ghoha ghabwituke. ³³Kunani kwa Chapanga na nnima ghwaakinda, peni malagho ghangu kukinda kata.³⁴Mulindakile, myoyo yenu yikotoke kutopelwa kwa uhukilo, ulobhi, na mihalu ya ulamo aghu. Hela bhubho linjubha lila lyahika kwa kuyumbatika. ³⁵Kiyaha handa bhula ntyegho paghukamula, ndo ubhwabhu abhu linjubha lila lyahika kwa bhandu bhoha bha alamite mu kibhungi kya nnima aghu ghwoha.³⁶Hinu nkilukihe pamunnyupa Chapanga, ngati nlopoke na ghala ghoha ghaabwituka na kuyima mu ulongolo ghwa Mwana ghwa Mundu.”³⁷Manjubha ghoha pamuhi Yesu kakibhegha mukuhunda bhandu mu Kitutubhi kya Chapanga, peni mu makimuhi kakighenda ku kitumbi kya Miseituni na kakitama akwo kilu kilu nda. ³⁸Na bhandu bhoha bhakihika ku Kitutubhi kya Chapanga putiputi ngati apati annyihwa Yesu.

¹Pakiheghelelite kikubhukubhu kya mingati yanga kubhikwa linjacha, yiikemiteghwe Pasaka. ²Andundame akulu na ahunda bha malaghilo bhakibha bhangupalaha kihokonyo kya kunkoma Yesu, peni bhakibhayoghopa bhandu.³Hino, Nchipila kakinnyingila Yuda, ywaankemiteghe Isikaliote, yumoo ywa bhala ahundwa kumi na mbili. ⁴Yuda kakighenda kwa andundame akulu na kwa mahofisa bha machonda bha kupingikiha Kitutubhi kya Chapanga, kakighombana nabho kwa kya bhuli bhangankamula Yesu.⁵Nabho bhakiyelelwa na bhakilingana kunpegha ngalabha. ⁶Naywo Yuda kakiyitikila, na kakiyanda kupalaha ng'ebhu ya maha ya kunkamuha Yesu kwa bhene, kya nga lwa bhandu kumanya.⁷Hinu likihika linjubha lya mingate yangabhikwa linjacha, alyo ndo linjubha lya kunhinja mwana mene ghwa Pasaka. ⁸Habhu Yesu kakialaghila Petili na Yohana pakilongela, “Nng'ende mukabhike kala hilyo hya Pasaka ngati tulyeghe.” ⁹Bhene bhakinkonya, “Ghungupala tuyitendekehe kwoki?”¹⁰Yesu kakiayanga, “Munnyihwe! Pammegha mukuyingila ku kitami, maakongana na nnume yumu kaghegha kibhigha kya machi, muntughile mbaka ku kitutubhi kyakapala kuyingila, ¹¹Munng'ombele nkola kitutubhi, ‘Nhunda kangukonya, "kibhegha kwoki kyumba kya ahenja, kyene nenga na ahundwa bhangu twaalyegha kikubhukubhu kya Pasaka?"¹²Kataalangiha kyumba kikulu kuligholofaa, kiibhikitwe maha kala. Ntendekehe amwo. ¹³”Bhakighenda na bhakibhona kila kilibhi kibhegha tela handa paaghombilitwe Yesu. Kya habhu bhakitendekeha mulyo ghwa Pasaka.¹⁴Palihikite lisaa, Yesu kakitama pakulyegha hilyo papamu na andumitumi bhaki. ¹⁵Mbole kakiaghombela, “Nikinoghelwa muno kuilyegha Pasaka ayi papamu na mwenga kukali na kumbamandwa kwa nenga. ¹⁶Hinu nunguaghombela, ndaalyegha kangi ng'obhe Pasaka mbaka pakaakombola bhandu bhaki bhoha na kutabhala.”¹⁷Mbole Yesu kakitola nnobho, kakinnumba Chapanga pakilongela, “Ntole nnobho aghu nkingulani mabhoha. ¹⁸Kiyaha nunguaghombela, kutandila hinu ndanywegha kangi ng'obhe difwai mbaka paghupalakuhika Ghubhutwa ghwa Chapanga."¹⁹Mbole kakilitola lingati, kakinnumba Chapanga, kakilimetula na kakiapegha andumitumi bhake pakilongela, “Aghu ndo mmili ghwangu ghuubhuhwa kwakya mwenga, ntende naha kya kungulungwa nenga.” ²⁰Ubhwabhuabhu mbole ya kulyegha, kakighutola ghula nnobho ghwa difwai pakilongela, “Nnobho aghu ndo Ninganilo lya hyono liibhonihitwe kukita lya hoto kwa mwahi ghwangu, ghuuyitika kwakya mwenga.²¹“Peni nnole, yula ywakapalakungiluka kabhegha bahapa apa pakulyeghela papamu na nenga. ²²Kulyaghila Mwana ghwa Mundu kangughenda kukomwa handa muyipanganitwi na Chapanga, peni kimmone yula yunakunkiluka.” ²³Andumitumi bhaki bhakiyanda kukonyana bhene kwa bhene, ghani mu bhombe ywangahotoliti katatenda nnhalo ghula.²⁴Mbole ghakibwituka maghombano mu bhala ahundwa kukita ghani kanguhwachilwa kabhe nkulu kupitingana bhangi? ²⁵Yesu kakiaghombela, “Bhatwa bha milima mingi, bhanguatabhala bhandu bhabhe kwa makakala, nabho bha abheghite na makakala angulikema aghanja bha bhandu bha abhatabhala.²⁶Peni mwenga nkotoke kulandana na bhombe, ngati yula ywaabhegha nkulu mu mwenga, yingunkwiliha kabhe nndokwa kupitingana bhoha, na kilongohi mbaka kabhe handa ndumindumi. ²⁷Hino ndo ywoki ywaabheghite nkulu, yula ywakutama pakulyeghele hilyo, ebu yula ywakaatendekeha hilyo? Kulyaghila ndo yula ywakatama pakulyeghela hilyo! Hata naha nenga megha apa mumwenga handa nndumindumi.²⁸Mwenga mmegha papamu na nenga mu mayighilo ghangu ghoha. ²⁹Na handa bhula Tate ghwangu pakangamuhite ghubhutwa, ubhwabhu abhu na nenga nunguakamuha mwenga ghubhutwa. ³⁰Mwenga maalyegha na kunywegha paulyeghelo ghwangu mu ghubhutwa ghwangu, na maatama mu hiteho hya ghubhutwa pamubhatosa bhandu bha makabila kumi na mbili gha Isilaeli.³¹“Simoni, Simoni ghuyihwe, ghumanye kukita Nchipila kalekekehwa na Chapanga ngati abhapalangule handa mundu paayebheha mbunje hya ngano. ³²Peni nenga nughuyupila kwa Chapanga ghwenga Simoni, ngati kuhyubhalila kwako kukotoke kulepelwa, na paghumuyila ghuatengelehe alongo bhako.”³³Petili kakinnyanga, “Bambo, nenga megha kala kughenda papamu naghwenga kukibhopo na kuhwegha.” ³⁴Yesu kakinnyanga, “Ningukughombela Petili, kukali na kubhika njogholo pa kilo lelo, ghwangana paundatu kukita ghungunmanya ng'obhe.”³⁵Mbole Yesu kakiakonya ahundwa bhaki, “Panubhaalaghilite kya nga lilobota ebu nhako ebu makobasi, mkipelelwa kilibhi kyohele?” Bhakinnyanga, “Aka kaa, tukipelelwa ng'obhe na kilibhi kyohele.” ³⁶Yesu kakiaghombela, “Peni hinu, ywakabheghite na lilobota kakalitole na ywakabheghite na nhako ubhwabhu abhu. Na ywanga lukechelo, kakahemengane koti lyaki ngati kakahemele lukechelo limo.³⁷Kiyaha yityekwa mu matyeko mang'anyimo, ‘Kabhalangwa papamu na alemwa.’ Mihalo ayi yikityekwa kwa kya nenga, nunguaghombela kukita mihalo ayi mbaka ndendelwe. ³⁸Ahundwa bhaki bhakinng'ombela, “Bambo, ghulole, apa tubhegha na makechelo mabhili.” Kakiayanga, “Hinu yikwila.”³⁹Yesu kakibhuka na kakighenda ku kitumbi kya Miseituni handa payibheghiti hitohe hyaki, na ahundwa bhaki bhakintughila. ⁴⁰Pakahikiti akwo, kakiaghombela ahundwa bhaki, “Nnyupe ngati nkotoke kuyingila mumayigho.”⁴¹Mwene kakilibhaghula nabho kya ng'ebhu ya utali ghwa kutagha liganga, kakichutama mayughwa pakiyupa Chapanga, ⁴²pakilongela, “Tate handa ghupala ghuubhuhe nnobho aghu ghwa kimbamanda, peni yibhe ng'obhe handa mumbaliti nenga, ngati lila lighulipatite ndo lihotolwe.”⁴³Nndumitumi ghwa kunani ghwa Chapanga kakinbwitukila ngati kannyonjokehe makakala. ⁴⁴Naywo pakabheghiti mu lihingili likulu, kakiyupa kya kukangamala munu, na lihuki lyake likibha handa mandondogholo gha mwahi ghaaponekiti mu lutupi.⁴⁵Mbole ya kuyupa, kakiabhuyila ahundwa bhaki, kakiabhona paakighonja, bhakibha bhakitotokela kubhukana na kuhyongoloka. ⁴⁶Naywo kakiakonya, “Kiyaha niki mungughonja? Nnyumuke nnyupe, ngati nkotoke kuyingila mu mayigho.”⁴⁷Yesu pakabheghite mukulongela, lumati lukulu lwa bhandu lukinhikila, pa lukilongohwa na Yuda ywakabheghite yumoo ywa bhala ahundwa mbinda mabhoko yimo na abhili. Naywo Yuda kakinheghelela Yesu ngati kakannjambuhe kwa kunhumbatila. ⁴⁸Peni Yesu kakinng'ombela, “Bhuli Yuda, ghungunkiluka Mwana ghwa Mundu kwa kunhumbatila?”⁴⁹Ahundwa bha Yesu paabhoniti ghaabhwitukilite bhakinng'ombela, “Bambo, tubhakechule kechule kwa makechelo ghetu?” ⁵⁰Yumoo ywa ahundwa ghwa Yesu, kakinkechula nndumindumi ghwa Ndundame Nkulu kwa lukechelo na kakilikechula likutu lyaki lya mbande ya nnilo. ⁵¹Peni Yesu kakilongela, “Nneke!” Kakiliyabhika lila likutu lya yula Mundu na kakinlamiha.⁵²Mbole yesu kakiaghombela Akulu bha andundame, hilongohi bha amachonda bha Kitutubhi kya Chapanga na hilongohi bhangi bha Akaaisilaeli bha anhikilite ngati ankamule, “Bhuli, munhikila na makechelo na hindonga, handa nenga npoka? ⁵³Pa meghite papamu na mwenga mu manjubha ghoha mu Kitutubhi kya Chapanga mukingamula ng'obhe. Peni ali ndo lisaa lyenu, lisaa lya utabhala ghwa lubhindu.”⁵⁴Mbole bhakinkamula Yesu, bhakintola na bhakighenda naywo mbaka ku lubhagha Ndundame Nkulu. Peni Petili kakiatughila kya kutali. ⁵⁵Bhandu bhala pabhahikiti kala, bhakikwata mwoto pakati ya lubhigho lwa kitutubhi kya Ndundame Nkulu na kutama papamu na kuyota mwoto, naywo Petili kakitama papamu nabho.⁵⁶Nndumitumi yumo nndala, pakammonite Petili pakitama pambhwegha ya mwoto, kakinhulutulila mehu pakilongela, “Mundu ayu naywo kakibhegha papamu na Yesu!” ⁵⁷Peni Petili kakilema pakilongela, “Ndala! Nenga nungunmanya ng'obhe mundu aywo!” ⁵⁸Mbole kya mandina, mundu yungi kakimmona Petili na kakilongela, “Ghwenga ndo yumoo ywabhe.” Peni Petili kakinnyanga, “Ghwenga mundu ghwee! Nenga ng'obhe.”⁵⁹Mbole ya kya lisaa limu, mundu yungi kakiyanda kakibhinilila, “Kulyaghila mundu ayu naywo kakibhegha papamu na Yesu, kiyaha ywombe naywo ndi Nngalilaya.” ⁶⁰Petili kakiyanga, “Ghwenga mundu ghwee! Nenga nungumanya ng'obhe kighukilongela!” Pahala pala, pakaakali mukulongela njogholo kakibhika.⁶¹Naywo Bambo kakikilibhuka na kunlolekeha Petili. Petili kakighakulungwa ghala malagho gha Yesu ghakanng'ombiliti, “Lelo kukali na kubhika njogholo ghwaangiluka pa ndatu.” ⁶²Mbole Petili kakighenda panje na kakilila muno.⁶³Bhala bhandu bha abheghite mu kunpingikiha Yesu bhakiyanda kunnyuyuha na kuntuta. ⁶⁴Bhakinmopa lipinda mu meho na bhakinkonya, “Ghutumanyihe! Ghani aywo ywakakututite?” ⁶⁵Na bhakighendelela kunligha kwa maligho matangalo.⁶⁶Paghucheghiti, kitamo kya aghohi hilongohi bha Isilaeli kikitama, na andundame akulu na ahunda bha malaghilo nabho bhakibhegha. Yesu kakigheghwa mulibalasa alyo. ⁶⁷Bhakinng'ombela, “Handa ghwenga ndo Kilistu ghutughombele.” Yesu kakiayanga, “Handa panubhaghombela maahyubhalila ng'obhe. ⁶⁸Na handa panubhakonya ngonyo mannyanga ng'obhe.⁶⁹Peni kutandila hinu Mwana ghwa Mundu katatama mu mbande ya nnilo ya Chapanga Yunauhotolo.” ⁷⁰Bhoha bhakikonya, “Hinu ghwenga ndo Mwana ghwa Chapanga?” Mwene kakiayanga, “Mwenga nnongela kukita nenga ndo ywene.” ⁷¹Mbole bhakilongela, “Bhuli! Tungupala uyimiho ghwoki kangi? Twabhene tuyihwa pakilongela kwa nlomo ghwaki mwene.”

¹Mbole lumati lwoha lwa bhandu lukiyima na kunnyegha Yesu kwa Pilato. ²Nabho bhakiyanda kunkokela pa akilongela: “Tukimmona mundu ayu kanguapotongana bhandu bha nnima ghwetu, kanguakanikiha bhandu akotoke kukamuha sumu kwa Mutwa Nkulu ghwa Lumi na kangulikema mwene ndo Kilisto, Mutwa.”³Ndo Pilato kakinkonya Yesu, “Ghwenga ndo mutwa ghwa Akaayahudi?” Yesu kakinmyanga, “Gwenga ghulongela.” ⁴Ndo Pilato kakiaghombela akulu bha andundame na lumati lwa bhandu, “Nighubhona ng'obhe uhokelo ghwohele ghula kwa mundu ayu!” ⁵Peni bhene bhakikamala kulongela, “Kanguakolekeha bhandu kwa mahundo ghake mu nnima ghwoha ghwa Yudea. Kakiyanda ako Galilaya na hinu kahika aku.”⁶Pilato pakayihwite agha kakikonya, “Mundu ayu nkolannima ghwa ku Galilaya? ⁷Pakamanyiti kukita Yesu kakihuma nnima ghwa mutwa Helode, kakinyegha kwa Helode, ywene mu manjubha agho kakibhegha akwo ku Yelusalemu.⁸Helode kakiyelelwa muno pakammonite Yesu, kiyaha kwa manjubha matangalo kakiyihwa mihalo miyoloho ya kya Yesu. Kangi kakipala kummona pakitenda nhabho. ⁹Helode kakinkonya Yesu makonyo matangalo, peni Yesu kakinnyanga ng'obhe kyohele. ¹⁰Akulu bha akaandundame na ahunda bha malaghilo bhakihika kuulongolo, bhakinkokela Yesu kwa ukalipo munu.¹¹Helode na amachonda bhake bhakinkinila Yesu na kunbhikila ubhichi. Bhakinhwaliha lipinda lya kibhutwa na bhakinbhuyila kwa Pilato. ¹²Kalongohi, Helode na Pilato bhakibha amyanja, peni kutandila linjubha alyo akibhegha aghanja.¹³Hinu Pilato kakiakema hilongohi bha akaandundame, hilongohi bha Akaayahudi na bhandu bhangi, ¹⁴kakiaghombela, “Mwenga mungunnyegha mundu ayu kwa nenga pa mukilongela kukita kanguakolekeha bhandu atende bhaghukiluke utabhala. Hinu nnyihwe! Mbole ya kuhingukiha nhalo agho mu ulongolo ghwenu nikighubhona ng'obhe uhokelo mungokelo yenu kwa mwene.¹⁵Ebhu Helode kakimmona ng'obhe na uhokelo ghwohele ndo mana kakimmuyila kwa nenga. Kulyaghila mundu ayu katenda ng'obhe kyohele kya kuntenda kahweghe. ¹⁶Hinu ningukwilikiha katutwe hindomondo na ndanlekekeha.” ¹⁷Mu kila kikubhukubhu kya Pakasa yikibha hitohe ya Palato kubhahughulila bhandu nbhopwa yumu.¹⁸Ndo bhandu bhoha bhakituta kyobho kwa papamu, “Ghunkome mundu aywo! Ghutuhughulile Balaba!” ¹⁹Balaba kakibhopwa mu kibhopo kiyaha kakilongoha bhulwa ngulu mu kitami na kya kukoma.²⁰Pilato kakipala kunlekekeha Yesu, ndo kakilongela nabho kangi. ²¹Peni bhene bhakiyendelela kututa kyobho pakilongela, “Ghunbhambe mulupingika! Ghunbhambe mulupingika!” ²²Kya pa ndatu Pilato kakiaghombela, “Katenda uhekelo ghani? Nenga ningughubhona ng'obhe uhokelo ghwohele kwa ywombe lya kuntenda kakomwe, hinu nda nntuta hindomondo mbole ndanlekekeha.”²³Peni bhene bhakiyendelela kututa kyobho kwa makakala muno, kukita yingunnogha kakabhambwe. Mu uhiko malobhe ghabhe ghakikingamwa. ²⁴Hinu Pilato kakilamula kukita kila bhaakipala bhandu kitendeke. ²⁵Kakimmopolela yula mundu bhaanpalite, ywakabheghite mu kibhopo, ywene ywakatendite bhulwa ngulu kwa utabhala na kukoma bhandu. Na kakinkamuha Yesu mu mabhoko ghabhe, ngati bhantendele handa mwaapalite.²⁶Amachonda pa abheghite mu kunnyegha ku Goligota, bhakikongana na mundu yumu ankemite Simoni ghwa Kulene, ywakabheghite mu kubhuya kuhuma panji ya kitami. Hinu bhakinkamula na bhakinpapiha lula lupingika kaluyeghe kuhyetu kwa Yesu.²⁷Lumati lukulu lwa bhandu lukimmutukila, pakibhegha adala bhaabheghite mu kunlilila na kunhyononekela. ²⁸Yesu kakiaghalambukila, na kakiaghombela, “Mwenga makaadala ghwa Yelusalemu, nkotoke kunilila nenga ngati mulilile mabhene na bhana bhenu²⁹Kiyaha kulyaghila manjubha ghatahika apo bhatalongela, ‘Bhanonelwa bhala adala bhangalela, ebu mabhele ghangayongeha. ³⁰Kiyaha mu manjubha agho bhandu bhatayanda kuhighombela hitumbi, ‘Mutughweghele!’ Na hitumbi hichoko hichoko, ‘Mutugubike. ' ³¹Kiyaha handa bhandu bhaghutendelaa bhabhu nkongo nmihi, kwa nkongo nnyumu yabhegha bhuli?”³²Machonda bhakintola Yesu papamu na ahakataabhili, ngati bhakabhambwe mulupingika.³³Pa ahikite pala apakemite Lihuhu lya Mutwe, apa ndo bhakinbhamba Yesu mu lupingika, na bhala ahakata abhili bhakiabhamba kila yumo mu lupingika lwaki yumo mu mbande hyaki ya nnilo ya Yesu na yumo mu mbande hyaki ya ku ngiya. ³⁴Yesu kakilongela, “Tate ghubhalekekehe kiyaha bhangumanya ng'obhe kila kyabhaatenda!” Mbole bhakigabhana mapinda ghaki kwa kutenda simbi.³⁵Bhandu bhakiyima apwo pa akinlolekeha, na hilongohi ghwa Akaayahudi bhakinbhicha Yesu pa akilongela. “Kakialopoha bhangi! Hinu kalilopohe mwene, handa mwene ndo Kilistu ywakahaghulitwe na Chapanga!”³⁶Amachonda nabho bhakihika, ntendela bhakinbhichi na kunkinila, bhakinyeghela difwai yiihechukiti ngati kanyweghe. ³⁷Nabho bhakinng'ombela, “Handa ghwenga ndo Mutwa ghwa Akaayahudi, ghulilopohe ghumwene.” ³⁸Hilahila unani mwa lupingika lwaki bhakilubhika lupapi luutyekitwe malembo agha, “AYU NDO MUTWA GHWA AKAAYAHUDI.”³⁹Yumoo ghwa bhala nhokelo bhaabhambitwe papamu naywo kakilongela, “Ghwenga ndo Kilistu ng'obhe? Ghulilopohe ghumwene na ghutulopohe na twenga.” ⁴⁰Yula nhokelo yungi kakinlakalila nnyake, pakilongela, “Ghwenga, bhuli ghungunn yoghopa ng'obhe Chapanga? ⁴¹Twenga tutoswa kwa shaliya kiyaha tungunoghwa toso ya ndendelo yetu. Peni mundu ayu kakitenda ng'obhe kyohele kihakata.”⁴²Mbole kakilongela, “Bambo Yesu, ghuhwachile nenga paghuyingila mu Ubhutwa ghwako.” ⁴³Yesu kakinnyanga, “Kulyaghila, nungughughombela hoto, lelo ghwabhegha papamu na nenga ku Paladiso.”⁴⁴Yikibhegha handa saa sita, kukibhegha na lubhindu mu nnima ghwoha mbaka saa tisa, kiyaha luchubha lukileka kubhuha bhwelo. ⁴⁵Na lipinda linakutopa liighabhaniti pabhili Kitutubhi kya Chapanga likibaluka hipalamande hibhili.⁴⁶Yikibhegha handa saa sita, kukibhegha na lubhindu mu nnima ghwoha mbaka saa tisa, kiyaha luchubha lukileka kubhuha bhwelo. ⁴⁷Na lipinda linakutopa liighabhaniti pabhili Kitutubhi kya Chapanga likibaluka hipalamande hibhili.⁴⁸Bhandu bhoha bhaaghenditi kwakya nhalo agho, paabhonoti agho ghaabwitukiliti bhakibhuya ukaya kwabhe kunu bhaakilituta tuta mu hifubha hyabhe kubhoneha kukita bhakibhegha na hyononeko munu. ⁴⁹Peni aghanja, alongo na bhoha bhaanmanyiti Yesu, papamu na bhala adala bhantughiliti kuhuma ku Galilaya, bhakiyima kya kutali paakilolekea nnando aghwo.⁵⁰Hinu, kukibha na mundu yumu lihina lyaki likibha Yosefu, ywakabheghite nkolannima ghwa ku Alimatayu akwo Yudea. kakibhegha mundu ywa maha na ywa kuhokamilwa. ⁵¹Aywo kakibhegha mu kughulimbilila Ghubhutwa ghwa Chapanga. Mwene kakibhegha yumoo ywa bhandu bha njengakaya ya Akaayahudi, peni mwene kakililumba ng'ohe mu toso na ndendelo ya alongohi ayake. naywo kakibhegha mu kughulindila Ghubhutwa ghwa Chapanga kwa upalo nkulu.⁵²Yosefu kakighenda kwa Pilato kuyupa kakakamuhwe mmili ghwa Yesu. ⁵³Kakighuhuluha kuhuma ku lupingika, kakighubhulungilila sanda na kughubhika mu lindogholo lihongolitwi mu litabhala, mu alyo lindogholo kakibhikwa ng'obhe mundu ywohele.⁵⁴Linjubha alyo likibhegha linjubha lya utendekeho ghwa Linjubha la Kupumulila, na Linjubha lya Kupumulila likibhegha ugheghela kuyanda. ⁵⁵Bhala adala bhaahikite papamu na Yesu kuhuma ku Galilaya, bhakintughila Yosefu, bhakilibhona lila lindogholo na bhuli bhuli Yosefu kakighughonjeha mmili ghwa Yesu. ⁵⁶Mbole bhakibhuya ukaya na bhakitendekeha luhumba lwa kunungila na mahuta gha kughutyeka mmili ghwaki. Peni bhakipumulila Linjubha lya Kupumulila handa muyibheghite malaghilo gha Musa.

¹Mulinjubha lya ulongohi lya juma, malabhila putiputi, adala bhala akitola mahuta ghanakunungila ghaaghabhikiti kala na bhakighenda kulindogholo. ²lila liganga likulu liigubikiti lindogholo libhilingihwa kala kuhuma mu lindogholo. ³Peni paayingiliti mu lindogholo bhakighubhona ng'obhe mmili ghwa Bambo Yesu.⁴Paabheghite mu kukangacha nhalo aghwo, kamu bhandu abhili bha ahwalite mapinda ghang'anyimite muno handa limuli lwa njahe, bhakiyima ugheghela nabho. ⁵Bhala adala bhakiyingilwa lyogha munu na bhakihokama pahi. Peni bhala bhandu bhakiaghombela, “Kiyaha niki mungunpalaha yunaubhumi mu bhaahweghite?⁶Kabhegha ng'obhe apa kahyuka kala! Mughakulungwe ghala ghakaaghombilite pakabheghite na mwenga akwo Galilaya, ⁷kukita, ‘Yikibhegha mbaka Mwana ghwa Mundu kakamuhwe mumabhoko gha bhandu bhanaulemwa, ahakata, kabamandwe na linjubha lya ndatu kahyuke."⁸Kamu ndo bhakighakulungwa malagho ghabhaghombilitwi na Yesu. ⁹Paabhuyite kuhuma akwo kulindogholo, bhakiaghombela bhala ahundwa kumi na moja na bhangi mihalo aywo yoha. ¹⁰Bhaayeghite mihalu aywo akibhegha, Malia Magadalenaa, Yoana na Malia ma ghwaki Yakobo papamu na bhangi bhaalongoanite nabho.¹¹Peni bhala bhaayihwite bhakihyubhalila ng'obhe, kiyaha malagho ghabhe ghakibhegha handa bhana uhila mahala. ¹²Hata naha Petili kakiyinuka na kughenda kula kulindogholo. Pakahokamite ngati kalolekehe mula mulindogholo, kakiyibhona sanda ghweka. Naywo kakibhuya ukaya kunu pakikangacha ghala ghabwitukiliti.¹³Mulinjubha alyo alyo, ahundwa abhili bha Yesu bhakibhegha mu mwanja kughenda ku kijiji kya Emau, yikibha Maili saba kuhuma ku Yelusalemu. ¹⁴Bhakibha bhangughombana bhene kwa bhene kya ghala ghabwitukiliti.¹⁵Pabhabheghite mukuyobhela, mwene Yesu kakiahikila na pakityanga papamu nabho. ¹⁶Bhombe bhakimmona kwa meho ghabhe peni bhakimmanya chepa.¹⁷Yesu kakiakonya, “Ndo mihalo ghani ayi yimuyiyobhela kunu pamutyanga?” Bhombe bhakiyima, na bhakihyononeka muno. ¹⁸Yumo ywabhe ywaankemite Kileopa, kakinkonya, “Yingubhonekana ghwenga ndo nhenja ghwa ghweka chako ghwanga kumanya ghala ghabwitukiliti Yelusalemu mumanjubha agha?”¹⁹Yesu kakiakonya, “Mihalu yoki?” Bhombe bhakinnyanga, “Milando ya Yesu ghwa ku Nazareti. Mwene kakibha Mbuye ghwa Chapanga, na kakibhegha na makakala makulu mu malagho yaki na ndendelo yaki mu ulongolo ghwa Chapanga na anabhandu bhoha. ²⁰Hilongohi bha andundame na hilongohi bha twenga bhakinbhuha na bhakinntosa kuhwegha, nabho bhakinbhamba mu lupingika.²¹Twenga tukihwacha kukita mwene ndo nkombola ghwa Isilaeli. Peni hinu linjubha lya ndatu kuhuma paghabwitukiliti agho.²²Kangi, amoo bha adala bha kimati kyetu bhakitulilimuha munu. Bhakighenda kulindogholo lelo putiputi, ²³peni bhakighubhona ng'obhe mbhili ghwaki. Na paabhuyite bhakilongela kukita bhakiabhona andumitumi bha kunani bha Chapanga na abho bhakiaghombela kukita aywo Yesu kangulama. ²⁴Mbole amoo bha twenga bhakighenda kulindogholo na bhakibhona bhula bhula handa bhaalongilite bhala adala, Peni bhakimmona ng'obhe aywo Yesu.”²⁵Mbole Yesu kakiaghombela, “Mwenga muna uhila mahala ghwa bhuli, na atopo ghwa myoyo ya kuhyubhalila ghala ghaalongilitwe na ambuye bha Chapanga! ²⁶Bhuli, yikinkwiliha ng'obhe Kilistu ywakahaghulitwe na Chapanga kumbamandwa kwakya naha na mbole kakayingile mu ukulu ghwaki?” ²⁷Kakifwambulila mihalu yoha yakya mwene mu Malembo ghanakung'anyima kutandila mu hitabho ya Musa na mbaka mambuye bha Chapanga bhoha.²⁸Nabho pabhabheghite ugheghela na kijiji kya aghenditi, Yesu kakibhegha handa kangupala kughendelela mumwanja ghwaki. ²⁹Peni bhombe bhakinpembeleha muno katame papamu nabho, pakilongela, “Ghutame apa na twenga kiyaha ndo makimuhi na lubhindu linguyingila” Ndo kakiyingila mu kitutubhi na kakitama nabho.³⁰Pakatamite kulyegha hilyo papamu nabho, kakitola lingati, kakinnumba Chapanga, kakilimetula na kakiapegha. ³¹Kamu mehu ghabhe ghakihughulighwa, na bhakinmanya kukita ndo Yesu, peni mwene kamu kakibhuka mu bhene. Na bhakimmona kangi ng'obhe. ³²Bhakikonyana bhene kwa bhene, “Bhuli, mioyo yetu yikiyaka ng'obhe kwa uyelelo pala pakabheghite mu kulongela na twenga mu njila na kutuhunda malembo?”³³Kamu bhakibhuka na bhakibhuya ku Yelusalemu. Bhakihika kwa bhala ahundwa kumi na moja na bhala bhabheghite papamu nabho, bhakikunganika ³⁴bhakiaghombela bhala ahundwa abhili, “Kulyaghila Bambo kahyuka, naywo kakinbwitukila Simoni.” ³⁵Mbole bhala ahundwa abhili nabho bhakiaghombela ghala ghabhabwitukilite mu njila na kyabhuli bhakinmanya Yesu pakalimetuliti lingati.³⁶Pabhabheghite mu kubhaghombela agho, mwene Yesu kakiyima pakati yabhe na kakiaghombela, “Ntame kyanga bhulwa.” ³⁷Bhakililimuka na bhakiyoghopa na bhakihwacha kukita bhakilibhona lihoka.³⁸Peni Yesu kakiakonya, “Kiyaha niki munguyoghopa? Kiyaha niki mmegha na bhwaghalili mumyoyo yenu? ³⁹Mughalole mabhoko na maghulu ghangu ndo mmanye kukita ndo nenga. Mughubyale mmili ghwangu kiyaha lihoka libhegha ng'obhe na mmili ebu kihupa handa pamunbhona.” ⁴⁰Pakaghaghombite agha, kakiabhoneha mabhoko na maghulu ghaki.⁴¹Bhakiyelelwa munu, kunu paakangacha mbaka bhakilepelwa kumanya kukita ghala ghaabhabhonite ndo hoto, ndo Yesu kakiakonya, “Mmegha na hilyo hyohele apa?” ⁴²Bhakinpegha kipalamande kya homba ghwa kubanika, ⁴³naywo kakikitola na kakilyegha mu ulongolo ghwabhe.⁴⁴Mbole kakiaghombela, “Ayi ndo fwambulo ya ghala ghanibhaghombilite pangali na mwenga, kukita ghoha ghatyekitwe yakya nenga mu Malaghilo gha Musa, ambuye bha Chapanga na Saburi mbaka ghabwituke.”⁴⁵Ndo kakighahughula malango ghabhe ngati bhabheghe na makakala gha kughamanya malembo gha Chapanga. ⁴⁶Kakiaghombela, “Agha ndo ghaatyekitwe, Kilisto ywakahaghulitwe na Chapanga katabamandwa na linjubha lya ndatu katahyuka kuhuma ku bhaahweghite.” ⁴⁷Kangi kwa lihina lya Yesu bhandu bha milima yoha kutandila Yelusalemu bhaalandamihwa kukita bhalipetule ulemwa ghwabhe ngati Chapanga kabhalekekehe ulemwa ghwabhe.⁴⁸Na mwenga ndo ayimiho bha mihalo ayi na yinguakwiliha kulandamiha ghoha ghamughabhonite. ⁴⁹“Nnole nenga ndanlaghila Nhuki Yunakung'anyima, ywele Tate kakilongela kukita kataapegha. Peni nlindile apa pa kitami mbaka pankingama ghala makakala kuhuma kunani”⁵⁰Mbole ya kualongoha ahundwa bhaki panje ya kitami mbaka ku Betania, kakiyinula mabhoko ghaki kunani na kubhanonela. ⁵¹Pakabheghite mu kuanonela kakialeka, kakitolwa kughenda kunani kwa Kwa Chapanga.⁵²Mbole bhakichutamila mayughwa na kuntundamila na bhakibhuya Yelusalemu paakibhegha na uyelelo nkulu. ⁵³Bhakitama masaa ghoha mu Kitutubhi kya Chapanga kunu bhakinkweha Chapanga. Ayi mwika.

¹Paulongohi kukibhegha lilagho, aywo lilagho kakibhegha kwa Chapanga, naywo lilagho kakibhegha Chapanga. ²Kutandila kalongohi aywo Lilagho kakibhegha papamu na Chapanga. ³Hilibhi hyoha hikitendekwa kwa ywombe, hangi kya nga ywombe kahone kilibhi kyoheli kiibhumbwiti kinakubhumbwa.⁴Mu ywombe ndo muubheghiti ubhumi na ubhumi aghwo ghukibhegha lung'ali lwa bhandu. ⁵Nalwo lung'ali lung'anyimagha palubhindo, nalwo lubhindo lukiluhotola ng'obhe alwo lung'ali.⁶Kakibhegha mundu yumu ywakalaglitwi na Chapanga, mundu aywo kakikemwa Yohana. ⁷kakihika handa nnyimiho ngati kaluyimihe alwo lung'ali, kwa ywombe bhandu bhoha ahotole kuhyubhalila kwa ywombe. ⁸Ywombe Yohana kakibhegha lung'ali alwo ng'obhe, kakihika kuyimiha alwo lung'ali.⁹Alu ndo lung'ali menyu, lunng'ali luuhika pa unnima, kubhang'alikiha bhandu bhoha.¹⁰Aywo lung'ali kakibhegha pa unnima na hata payibhele unnima ghukibhumbwa na ywombe, peni unnima ghukinng'amula ng'obhe. ¹¹Kakihika kwa bhaabheghite bha ywombe, peni bhombe bhakinkingama ng'obhe.¹²Ngati bhoha bhaankingamite, kakiapegha ngwiliho ya kutendekwa bhana bha Chapanga, ndo bhala bhanakulihyubhalila lihina lyaki. ¹³Abha ndo bhaabhelekwite kwa mwahe ng'obhe ebu kwa upalo gwa mmili ebu kwa upalo ghwa anamundu, maha kwa upalo ghwa mwene Chapanga.¹⁴Lilagho kakitendekwa mmili, kakihanganganikana na twenga, na twenga tukighubhona ukwiho ghwaki, ukwiho handa ghwa mwana ghwa kighweka ghwa yunakuhuma kwa Tate, kamemwa luhungu na uhotohi. ¹⁵Yohana kakiyimiha mihalo yaki. Kakikweha lilobhe, “Ayu ndi yunubhaghombilite kukita, ‘Ywombe yunakuhika mbole ya nenga ndo nkulu kwa nenga, kiyaha kakibhegha ikali na kubhelekwa nenga.”¹⁶Kubhukana na umemeho ghwaki twabhoha twenga tulukingama luhungu mbole ya luhungu. ¹⁷Kiyaha malaghilo ghakikamuhwa mu mabhoko gha Musa, peni luhungu na uhotohi ghuhika kukindila kwa Yesu kilistu. ¹⁸Kabhone mundu ywoheli ywakammonite Chapanga ngungwa yoheli yila, maha nga Chapanga mwana ghwa kighweka, ywakabheghiti pakihubha kya Tate, ndo ywakankambuhite.¹⁹Aghu ndo uyimiho ghwa Yohana pala Akaayahudi paabhalaghilite mandundame na Akaalawi kuhuma ku Yelusalemu kunkonya “Ghwenga ndo ghani?” ²⁰Yohana kakiayanga hotohoto kya nga uhiho Kakilongela “Nenga nu Kilistu ng'obhe.” ²¹Bhakinkonya, “Ghwenga ghu ghani hinu?” Tulongele ghwenga ghu Eliya?Yesu kakiyanga, “Aka kaa, nenga ng'obhe.” “Ebu ghwenga ghu yula Mbuye?” Kakiyanga, “Ng'obhe.”²²Ndo bhakinng'ombela, “Hinu ghutughombele ghwenga ghu ghani tuabhuyihile luyango bhala bhaatulaghihiti. Ghwenga ghughombaki gha kya ghumwene?” ²³Yohana kakiayanga kwa malagho gha Mbuye ghwa Chapanga Isaya, pakilongela, “Nenga nu lilobhe lya mundu ywakakema kukibhala: Muyigholelehe njila ya Bambo!”²⁴Hino bhandu bhala bhakilaghilwa kuhuma kwa Akaafwalisayu, ²⁵Bhakinkonya “Handa ghwenga ndo kilisto ng'obhe, ebu Eliya ng'obhe na kukita yula mbuye ng'obhe, yibheghaki ghungubatisa?”²⁶Yohana kakiayanga, “Nenga ningubatisa kwa machi, peni munkati yenu kabhegha mundu ywangakunmanya. ²⁷Ywombe yunakuhika mbole ya nenga, ningahone hata kubhopola ngoyi hya hilatu hyaki.” ²⁸Milando ayi yoha yikitendekwa akwo ku Betania kumwambo ya lukemba lwa Yoludani, kweni Yohana kwakabheghite kangubatisa.²⁹Kilabhu yaki, Yohana kakimmona Yesu pakinhikila, na kakilongela, “Nnole, Mwanamene ywa Chapanga yunakubhuha ulemwa ghwa pannima! ³⁰Ayu ndo yula yunubhaghombilite kukita ‘Kanguhika mundu mbole yangu ywene ndi nkulu kwa nenga, mana kakibhegha kali na kubhelekwa nenga.’ ³¹Nimwene nikinmanya ng'obhe, peni nenga hika kubatisa kwa machi ngati ywombe kamanyikwe kwa Akaaisilaeli.”³²Mbole Yohana kakiyimiha habhu: “Nikimmona Nhuki pakihuluka kuhuma Kunani kwa Chapanga handa ngunda, kakitama unani mwaki. ³³Nenga nikimmanya ng'obhe peni ywombe ywakanaghilite ndibatise kwa machi kaking'ombela, ‘Yula mundu yughupala kummona Nhuki pakinhulukila na kutama unani mwaki, aywo ndo ywakapala kubatisa kwa Nhuki Yunakung'anyima.’ ³⁴Nimwene nenga mona nnando aghu na ninguyimiha kukita ndo Mwana ghwa Chapanga.”³⁵Kilabhu yaki, Yohana kakibhegha kangi akwo papamu na ahundwa bhaki abhili. ³⁶Pakammoniti Yesu pakapita. Kakilongela “Ayu ndo Mwana Mene ghwa Chapanga!”³⁷Bhala ahundwa bhaki abhili paannyihwiti Yohana pakilongela agha, bhakintughila Yesu. ³⁸Yesu kakikilibhuka, kakiabhona paantughila na kakiakonya, “Mungupalaha niki?” Bhakinnyanga “Ghungutama kwoki, Labi?” Mu Kihebulania Fwambulo ya lilagho Labi ndo “Nhunda.” ³⁹Yesu kakiayanga, “Nhike na mupabhone,” Hino bhakighenda na kupabhona pala pakatamiteghe, bhakitama naywo linjubha lila kiyaha yikibha makimuhi.⁴⁰Andelea nnongo ghwaki Simoni Petili, kakibhegha yumoo ywa bhala abhili bhaannyihwiteghe Yohana pakalongileghe na bhakintughila Yesu. ⁴¹Kamu Andelea kakinpalaha Simoni nnongo ghwaki na kunng'ombela, “Tummona Masiya” Fwambulo yaki, “Kilisto”. ⁴²Naywo kakinnyegha kwa Yesu. Yesu kakinnolekeha Simoni na kughomba, “Ghwenga ndi! Simoni mwana ghwa Yohana. Peni ghwaakemwa Kefa”Lihina Kefa fwambulo yaki ndo Petili.⁴³Kilabhu yaki Yesu kakipala kughenda ku Galilaya. Kakimmona Filipi na kakinng'ombela, “Ghundughile!” ⁴⁴Naywo Filipi kakibhegha nkolannima ghwa Betisaida, kitami kyaatamiteghe Andelea na Petili. ⁴⁵Filipi naywo kakimmona Natanaeli na kakinng'ombela kukita, “Tummona ywombe ywene Musa kakityeka mihalo yaki mu kitabho kya Malaghilo, naywo bhubho mambuye bhakityeka ya kya ywombe, naywo ndi Yesu ghwa ku Nasaleti Mwana ghwa Yosefu”.⁴⁶Natanaeli kakinkonya Filipi, “Nasaleti, kilibhi kyoheli kya maha kyaahotola kubwitukila ku Nasaleti?” Filipi kakinng'ombela, “Ghuhike na ghulole.” ⁴⁷Yesu pakammoniti Natanaeli kanguntughila, akilongela ya kya ywombe, “Nnole ayu ndi! N'isilaeli hoto, kahone ukubhuhi mu mwoyo ghwaki!” ⁴⁸Natanaeli kakinkonya, “Ghunmanya bhuli?” Yesu kakinnyanga, “Nikighubhona ukali paghubheghiteghe pahi ya nkongo ghwa tini ikali Filipi kanaghughukema.”⁴⁹Natanaeli kakinng'ombela,! “Nhunda, Ghwenga ndo Mwana ghwa Chapanga! Ghwenga ndo Mutwa ghwa ku Isilaeli!” ⁵⁰Yesu kakinkonya, "Ghunguhyubhalila kiyaha nikighughombela nikighubhona paghubhegheteghe ukali pahi ya nkongo ghwa tini? Hino ghwabhona mihalo mikulu kyanalumu kupitingana alyo” ⁵¹Ndo! Kakinng'ombela, “Kulyaghila ningubhaghombela, mwenga maabhona kunani kwa Chapanga paghuyughuka na andumitumi bha Chapanga paahubhuka na kuhuluka unani mwa Mwana ghwa Mundu.”

¹Lisiku lya ndatu kukibhegha Chekwa ya kutolana mu kitami kya Kana ya ku Galilaya, naywo ma ghwaki Yesu kakibhegha akwo. ²Yesu na ahundwa bhaki bhakilalikwa kuchekwa ya kutolana bhubho.³Difwai payiyomokiti ma ghwaki Yesu kakinng'ombela Yesu, “Bhapelelwa difwai.” ⁴Yesu kakinnyanga, “Nhumbu megha na niki na ghwenga? Lisaa lyangu likali kuhika.” ⁵Ma ghwaki Yesu kakiaghombela bhala afwasi, “Lyoheli lyakapala kubhaghombela mukitende.”⁶Hino hikibhegha hibhigha sita hya kubhikila machi hibhumbitwe kwa maganga kwa kya kulighulula kwa hitohe hya Akaayahudi, kila kibhigha kikikwilacroeded hijoba hibhili ebu hindatu. ⁷Yesu kakiaghombela bhala afwasi bhake, “Muhimemekehe machi hibhigha ahi.” Bhombe bhakihimemekeha ng'enang'ena. ⁸Mbole kakiaghombela, “Hinu nteke machi agha gha mandina, munpeghe nkulumbi ghwa chekwa.” Bhala afwasi bhakitenda habhu.⁹Yula nkulumbi ghwa chekwa kakighapaha ghala machi gheni ghakighalambuka kubhegha difwai, kakimanya ng'obhe kuyihumiti difwai yila. Peni bhala afwasi bhaatekite machi bhombe bhakimanya. Kakinkemela pambwegha bambo ghwa chekwa ¹⁰kakinng'ombela, “Bhandu bhoha apangagha difwai ya maha huti, mbole bhandu paakwila kunywegha apangagha difwai bhwakabhwaka, peni ghwenga ghuyibhika yila ya maha mbaka hinu!”¹¹Aghu ndo ghukibhegha nhabho ghwa ulongohi ghwa Yesu ghwakatendite akwo ku Kana ya ku Galilaya. Naha Yesu kakiyimiha ukwiho ghwaki na ahundwa bhaki bhakinhyubhalila.¹²Mbole ya agha, Yesu papamu na ma ghwaki na alongo bhaki na ahundwa bhaki, bhakighenda ku Kapelinaumu na bhakitama akwo kwa manjubha gha mandina.¹³Payihegheleliti chekwa ya Akaayahudi ya kikubhukubhu ya Pasaka, Yesu kakighenda ku Yelusalemu. ¹⁴Hino akwo ku Kitutubhi kya chapanga kakiabhona bhandu paahemela senga na mene na ngunda, na bhangi bhakitama mu hindangabhala paahemengana ngalabha.¹⁵Hino kakitendekeha kighwechulo kya lughoyi, kakiabhingabhinga bhoha kubhuka mu Kitutubhi kya Chapanga, papamu na senga na mene, kakighwiha hindangabhala hya bhala bhanakuhemengana ngalabha na kuhiyita ngalabha hyabhe, ¹⁶kakiaghombela bhala bhanakuhemengana ngunda, “Muhibhuhe hilibhi ahi apa! Nkotoo kukitenda Kitutubhi kya Tate ghwangu kukita ndo kitutubhi kya ligulio!”¹⁷Bhala ahundwa bha Yesu bhakikulungwa kukita matyeko ghatyekwa, “Upalo ghwangu kwa kitutubhi kyako kyanhoma handa mwoto.” ¹⁸Ndo Akaayahudi bhakinkonya, “Ghwahotola kutulaha mihabho yoki ngati kuyimiha makakala gha kutenda milando ayi?” ¹⁹Yesu kakiayanga, “Mukihalulange kitutubhi aki kya Chapanga, na nenga ndakichenga kangi kwa manjubha mandatu.”²⁰Bhala Akaayahudi bhakilongela, “Kitutubhi aki kya Chapanga kichengwa kwa ngungwa kumi ncheche na sita! Bhakinkonya ghwenga ghwahotola bhuli kukichenga kwa manjubha mandatu?” ²¹Peni ywombe Yesu kakikambuka ya kya mihalo ya mmili ghwaki. ²²Mbole ya kuhyuka kuhuma kwa bhaahweghiti, ahundwa bhaki bhakikulungwa ghala ghakalongeliti, ndo bhakihyubhalila Malembo na ghala makambuko gha Yesu.²³Yikibha pala Yesu pakabheghiti ku Yelusalemu mu Chekwa ya Akaayahudi, bhandu atangala bhakibhona naho na mihabho pakatenda kwa lihina lyaki bhakihyubhalila. ²⁴Peni Yesu kakiliyimiha ng'obhe kwa bhombe, kiyaha kakiamanya myoyo ya bhoha. ²⁵Yesu kakipala ng'obhe uyimiho kuhuma kwa mundu ywohele, kiyaha kakimanya ghoha ghaghabheghiti mu myoyo ya bhandu bhoha.

¹Hino pakibhegha mundu yumu Nfalisayu, lihina lyaki kakikemwa Nikodemu, kilongohi ntabhala ghwa Akaayahudi. ²Aywo kakinng'endele Yesu pakilo na kunng'ombela, “Labi,tungumanya kukita ghwenga ghu nhunda ywakalaghilitwi na Chapanga, mana kahone mundu yunakuhotola kutenda mihabho ayi yighuyitenda ghwenga, handa Chapanga kabhegha ng'obhe papamu na ywombe.”³Yesu kakinnyanga, “Kulyagila nenga ningughughombela, mundu ywohele ywa nga kubhelekwa pa ubhili kahone kuyingila ku ghubhutwa ghwa Chapanga.” ⁴Nikodemu kakinkonya, “Anamundu kaahotola bhuli kubhelekwa pa ubhili? Kulyaghila kaahotola ng'obhe mundu kuyingila mu lutumbo lwa ma ghwaki pabhili ndo kabhelekw kangi?”⁵Yesu kakinnyanga, “Kulyaghila nenga ningughughombela, kahone mundu ywoheli ywa kuyingila Ghubhutwa ghwa Chapanga mbaka kabhelekwe kwa machi na Nhuki. ⁶Mundu ywakabhelekitwi kwa mmili kabha mmili, peni kiibhelekwa kwa Nhuki kibha Nhuki.⁷Ngati hino ghukotoke kukangacha panughughombela yighunogha ghubhelekwe kangi. ⁸Liyegha lingupula kwohele kuulipala, ghwayihwa lupulo lwaki, peni kahone kuumanya kuhuma ebu kuughenda. Yibha ubhwabhu kwa mundu ywoheli ywkabhelekwite kwa Nhuki.”⁹Nikodemu kakinkonya, “Mihalo ayi yahotoleka bhuli?” ¹⁰Yesu kakinnyanga, “Ghwenga ghu nhunda ghwa Isilaeli, na ghwenga ghumanya hupu milando ayi? ¹¹Kulyaghila nenga ningughughombela, twenga tungukambuka ghatughamanya na kuyimiha lila litulibhona, peni mwenga anabhandu mungughukana uyimiho ghwetu¹²Ningubhaghombela milando ya pa nnima, na mwenga mukinhyubhalila ng'obhe, manhyubhalila bhuli panibhaghombela milando ya kunani kwa Chapanga? ¹³Kahone mundu ywoheli ywakaghenditi kunani kwa Chapanga maha nga ywombe ywakahulukiti kuhuma kunani kwa Chapanga, ngati nga Mwana ghwa Mundu.”¹⁴Handa bhula Musa pakannyinuliti yula liyoka kula kukibhala, ubhwabhu abhu Mwana ghwa Mundu yinnogha kuyinulighwa kunani, ¹⁵ngati mundu ywohele ywakannyimiha kabhi na kulama kwa manjubha ghoha.¹⁶“Mana ya kya luhumu alu Chapanga kakighupala nnima mbaka kakitupegha Mwana ghwaki ghwa kighweka, ngati kila mundu ywakanhyubhalila kakotoo kuhobha, maha kabheghe na kulama kwa manjubha ghoha!” ¹⁷Mana Chapanga kakinnaghila Mwanaghwaki kaghutose nnima ng'obhe, maha kaghulopohe nnima. ¹⁸Mundu ywoheli ywakanhyubhalila kaatoswa ng'obhe, peni mundu ywoheli ywa nga kunhyubhalila kaatoswa kala, kiyaha kakinhyubhalila ng'obhe Mwana ghwa kighweka ghwa Chapanga.¹⁹Na toso yene ndo ayi, ya kukita lung'ali luhika pa nnima, peni bhandu bhalupala lubhindo bhaghulema lung'ali, kiyaha ya ndendelo yabhe ya uhokelo. ²⁰Kiyaha kila mundu ywakatenda uhokelo kangulukalalila lung'ali, hangi kahiki ng'obhe pa lung'ali ngati mandendelo ghaki gha uhokelo ghakotoo kufwambuka. ²¹Peni bhala bhanakutenda ghanakunoghela ahikagha pa lung'ali, ngati mandendelo ghabhe ghabhonikani pa ubhwelo kukita ghandendeka mwa Chapanga.²²Mbole ya agha, Yesu na ahundwa bhaki bhakighenda ku nnima ghwa Uyahudi, nabho bhakitama akwo manjubha gha mandina na bhakiabatisa bhandu. ²³Yohana naywo kakibhegha kangubatisa akwo ku Ainoni ugheghela na kijiji kya ku Salimu kiyaha akwo kukibha na machi matangalo ngenju. Bhandu akulu bhakinng'endela akwo ngati bhabatiswe. ²⁴Habhu yikibha ikali na Yohana kubhopwa ku kibhopo.²⁵Ghakihwimbuka maghombano mu amoo bha ahundwa bha Yohana yunakubatisa na N'yahudi yumu kya luhumu lwa kitohe kya kulighulula. ²⁶Hino bhala ahundwa bhakinng'endela Yohana na bhakinng'ombela, “Nhunda, yula mundu ywakabheghiti na ghwenga kumwambo ya lukemba lwa Yoludani, na ywene ghwenga ghukinnyimiha hinu kangubatisa na bhandu atangalo bhangunng'endela”²⁷Yohana kakiayanga, “Kahone mundu ywohele ywakahotola kupokela kilibhi kyohele mbaka katangwe kuhuma kunani kwa Chapanga. ²⁸Mabhene mwenga mubha uyimiho ghwa nenga kukita nikilongela, ‘Nenga nu kilisto ywakahaghulitwi na Chapanga ng'obhe, ngati naghilwa ninnongolele ywombe.’²⁹N'dala yunachekwa ya kutolelwa ndo ywaki bambo yunachekwa ya kutolela; peni nng'anja ghwaki bambo yuna chekwa ya kutolela, kanguyelelwa munu pakaliyihwa lilobhe lya bambo yunachekwa ya kutolela. Hinu ndo mana uyelelo ghwangu uhika pa kitanga. ³⁰Ywombe yinnoghakabheghe nkulu munu na nenga yingunnogha meghe n'dokwa.”³¹Ywene Yesu ywakahika kuhuma kunani kabhegha kunani kwa hyoha. Na ywombe ywakabheghite pa nnima ndo ghwa pa nnima naywo kanguyobhela mihalo ya pa nnima, ngati ywombe ywakahikiti kuhuma kunani kwa Chapanga kabhegha kunani kwa hyoha. ³²Ywene kanguyimiha ghala ghakaghabhonite na kughayihwa, peni kahone mundu ywakauyikitila uyimiho ghwaki. ³³Peni mundu ywoheli ywakauyikitila uyimiho aghwo kanguyimiha kukita Chapanga ndo hoto.³⁴Ywombe ywakalaghihitwi na Chapanga kakambukagha malagho gha Chapanga, kiyaha Chapanga kanpiha Nhuki kya nga nteko. ³⁵Tate kangunpala Mwanana naywo kunnyingiha hilibhi hyoha mu mabhoko ghaki. ³⁶Mundu ywoheli ywaka nhyubhalila Mwana kaabhegha na kulama kwa manjubha ghoha, peni mundu ywa nga kunhyubhalila Mwana kataghubhona ng'obhe kulama, maha kiyaghabhu kya Chapanga kyabhegha unani mwaki.

¹Aka Afalisayu bhakiyihwa kukita Yesu kakibhegha kanguapokela nakuabatisa ahundwa ayoloho kupitingana kwa Yohana, ²Peni Yesu mwene kakibatisa ng'obhe, maha nga ahundwa bhaki. ³Yesu pakayihwiti nhalo aghu bhand anguyobhela, kakibhuka ku Uyahudi na kakibhuya kangi ku Galilaya.⁴mu mwanja aghwo yikinnogha kalongohe pa kati ya Samalia. ⁵Kakihika ku kitami kimu kya Samalia kya akikemagha Sikali, ugheghela na nng'unda ghwane Yakobu kakinpegha mwanaghwaki Yosefu.⁶Akwo ndo kukibha na kila kilibha kya Yakobu naywo Yesu kakitotokela kiyaha kakihuma ku mwanja kakitamiha ugheghela na kilibha. Yikibha pamuhi. ⁷Ndala yumu Nsamalia kakihika kuteka machi, na Yesu kakinng'ombela, “Nje ghundange machi nyweghe.” ⁸Penapo ahundwa bha Yesu bhakighenda ku kitami kuhemela hilyo.⁹Yula n'dala kakinnyanga, “Nghwenga ghu N'yahudina nenga nu Nsamalia yibhegha bhulibhuli ghu nyupe machigha kunywegha?” Aka Ayahuda bhakibha bhanguhanganganika ng'obhe na aka Asamalia. ¹⁰Yesu kakinnyanga , “Handa ghungamanyiti kukita lilumbo lya Chapanga ywakakuyupa machi kanyweghe, ghwenga ghunnyupe ywombe nge kaghupeghe machi gha kulama.”¹¹Yula n'dala kakinkonya, “Bambo, ghwenga ghubhegha ng'obhe na nnobho ghwa kutekela machi, na kilibha aki kitandamahu. Agha machi gha kulama ghwaghapiha kwoki? ¹²Ebu ghwenga ghu nkulu kupitingana kwakwa tate ghwetu Yakobu ywene, ywakatupeghite kilibha aki. Kyene ywombe papamu na bhana bhaki na anyama bhaki bhakinywegha?”¹³Yesu kakinnyanga, “Mundu ywokeli ywakanywegha machi gha kilibha aki katabona nyota kangi. ¹⁴Peni ywoheli ywakaywegha machi gha nonda kunpegha nenga, kahone kubhona nyota manjubha ghoha. Machi gha nonda kunpegha ghaabhegha nkati mwaki na luhemuku lwa machi pa lupopoheka ulami ghwa manjubha ghoha.”¹⁵Yula ndala kakinng'ombela Yesu, “Bambo, chondi ghumbeghe machi agho ngetule nyota kamu kangi, ubhwabhu ngotoo kuhikakangi apa kuteka machi.” ¹⁶Yesu kakinng'ombela, “Ghughende ghukankeme nngwana ghwaku, mbole uhike .”¹⁷Yula n'dala kakiyanga, “Na nga nnume.” Yesu kakinng'ombela, “Ghulongela hoto kukita ghwa nga nnume. ¹⁸Mana ghukibhegha kala na alume nhano, na nnume ghuubheghiti naywo hinu kabha nnume ghwaku ng'obhe. Ghunng'ombela ya hoto.”¹⁹Yula ndala kakilongela, “Bambo, nungughubhona ghwenga ghu mbuye.” ²⁰Akaatati bhetu Asamalia bhakintundamila Chapanga pa kitumbi aki, peni mwenga mungulongela inogha mbaka tukantundamile Chapanga akwo ku Yelusalemu.”²¹Yesu kakinnyanga, ghwenga "n'dala, ghu nhubhalile, linjubha linguhika lyeni matantundamila ng'obhe Tati pa kitumbi aki, ebu akwo ku Yelusalemu. ²²Mwenga maka Asamalia mungutundamila ma nga kukimanya; peni twenga twAkaayahudi tunguntundamila Chapanga yutunmanya kiyaha ulopohi ghunguhumila kwa Akaayahudi.²³Peni lisaa linguhika na libhegha kala, ngati bhandu bhala bhanakutundamila kya uhoto na makalala gha Nhuki ghwa Chapanga. Ndo Tate kanguapalaha bha luhumu alu. ²⁴“Chapanga ndo Nhuki, na bhoha bhanakuntundamila yibhanogha bhantundamile kwa Nhuki na hoto.”²⁵Yula n'dala kakinng'ombela Yesu, “Ningumanya kukita kilisto ywakahaghulitwi na Chapanga kanguhika, ywombe pakalonda kuhika,kaatufwambulila mihalo yoha.” ²⁶Yesu kakinng'ombela yula n'dala, “Nenga ghunuyobhela na ghwenga, ndo kilisto ywakahaghutwi na Chapanga.”²⁷Kamu ahundwa bha Yesu bhakibhuya, bhakikangacha paammoniti pakayobhela n n'dala. Peni kahone mundu ywakankonyiti Yesu, “Ghungupala niki kwa ywombe?” Ebu “Yibheghaki ghunguyobhela naywo n'dala ayu?”²⁸Yula n'dala kakikileka kila kijoba kyaki pala, kakibhuya ku mbwani,na ku alubhulila bhandu, ²⁹“Nhike mukanmone mundu ywakanubhuliliti kila kilibhi ki ndenditi. Pangi mani nndo kilisto?” ³⁰Hino bhandu bhakikwemuka kuhuma ku mbwani bhakinng'endela Yesu.³¹Peniapo ahundwa bhaki Yesu bhakibhegha bhangunpembeleha, “Nhunda ghuleghe huti hilyo!” ³²Peni Yesu kakiyanga, “Nenga megha na hilyo hya nga kuhimanya mwenga.” ³³Hino ahundwa bhaki akiyanda kukonyekehana, “Kabhegha mundu ywkannyegheliti hilyo?”³⁴Peni Yesu kakiayanga, “Hilyo hyangu ndo kutenda upalo ghwa Chapanga ywene ywakanaghihiti kuliyomolela lihengo lyaki. ³⁵Nde mwenga nng'ombagha ng'obhe, ‘Yihighala mindondwa ncheche tubene mabeno.’ Nunguaghombela, nnyinule meho ghenu muyilolekehe mighunda; kya ya mapambika paghayeliti kala kya kubenwa! ³⁶Na yunakubena kangupokela kala lilumbo lyaki naywo kangukungangana mbunje kya kwa ubhumi ghwa manjubha ghoha; ngati ywombe yunakukweta na ywombe yunakubena ahangi papamu.³⁷Habhu kula kulongela, ‘Yumoo kakwetagha, na yungi kabenagha yibha hoto kulu.’ ³⁸Nikialaghila mukabene mabeno mu mighunda ma nga kuyitendela mahengo; bhangi akihechukila na mahengo, peni mwenga mmotela mu mapungwo ghabhe.”³⁹Akaasamalia ayoloho kuhuma ku kitami kila bhakinhyubhalila Yesu kubhukana na uyimiho ghwa yula n'dala pakaaghombilitikukita, “Kang'ombela mihalo yoha yini yindenditi.” ⁴⁰Hino bhala Akaasamalia paanhikiliti, bhakinpembeleleha katami kwa bhombe, Naywo Yesu kakitama akwo manjubha mabhili.⁴¹Kubhukana na malagho ghaki, bhandu bhakinhyubhalila. ⁴²Bhala bhandu bhakinng'ombela yula n'dala, “Hinu tunguhyubhalila, ebu kiyaha ghwenga ghukighomba malagho ghaku ng'obhe, maha kiyaha tunnyihwa twabheni twenga, na tungumanya hoto kukita ayu ndo kilistonnopohi ghwa nnima.”⁴³Mbole ya manjubha ghala mabhili, Yesu kakibhuka na kughenda ku Galilaya. ⁴⁴kihaya mwene kakiyimiha kukita mbiye kahokamilaghwa ng'obhe pa nnima ghwaki mwene. ⁴⁵pakahikiti ku Galilaya, aka Agalilaya bhakinkingama kiyaha bhakibhona ghala ghakatenditi akwo ku Yelusalemu pa chekwa ya Akaayahudi yiilongoliti mana bhombe bhakililumba ku chekwa ayo.⁴⁶kakihika kangi mbaka ku kitami kya Kana ya Galilaya,pala pakahyuhiti machi ghabheghe difwai. Akwo kukibhegha mundu yumu Hofisa ghwa ubhutwa mwana ghwaki kakibhina tepatepa pa ulili akwo ku Kapelinaumu. ⁴⁷Pakayihwiti kukita Yesu kakihika ku Galilaya kuhumila ku Yudea, kakinng'endela Yesu na kunnyupa ngati kaghende kakannamihe mwana ghwaki, ywakabheghiti ntamwa tepatepa pa ulili.⁴⁸Yesu kakinng'ombela yula, “Mwenga manabhandu kyanga kubhona naho na mihabho mahyubhalila ng'obhe.” ⁴⁹Yula hofisa ghwa kibhutwa kakinng'ombela Yesu, “Chonde Bambo, tughende ukaya kwangu ikali na kuuleka ulili mwana ghwangu.” ⁵⁰Yesu kakinng'ombela yula hofisa, “Ghughende ukaya kwaku, mwana ghwako kangukeka!”Yula hofisa kakihyubhalila ghala malagho gha Yesu ghakanng'ombeliti, kakibhuka na kakighenda ukaya kwaki.⁵¹Pakabheghiti kakali ku njila kakibhonana na andumitumi bhaki na bhakinng'ombela kukita, “Mwana ghwaku yughunng'endela kalama” ⁵²Kakiakonya bhala andumitumi bhaki lisaa lyakapatiti upughwo mwana ghwaki, nabho bhakinnyanga, “Yikibha licho pamuhi lichubha lwa londondohi utamwa ghukinnekekeha.”⁵³Ndo tate ghwa yula mwana kakihwachila kukita likibha ndo lisaa lilalila lyeni Yesu pakankambikiliti, “Mwana ghwaku kangukeka.” Hino ywombe na bhandu bhoha bha lubhagha lwaki bhakinhyubhalila Yesu ndo kilisto ywkahaghulitwi na Chapanga. ⁵⁴Ayi ndo yikibha naho ya ubhili yeni Yesu yakatenditi pakabhuyiti Galilaya kuhumila ku Yudea.

¹Mbole ya agha, kukibhegha na chekwa ya Akaayahudi Yesu kakighenda ku Yelusalemu ²Akwo ku Yelusalemu, pakibhegha litanda limo ugheghela na nlyango gwa mene, likabila lya aka Hebulania alikemagha Betizata; lyene likitindilwa na midamu nhanu. ³Peniapo pakibhegha na atamwa ayoloho bhanautebhaho, handa, bha ga kubhona na angwabhengwabhe na bhana ulelebhaho paakilindila machi ghabwangulighwe. ⁴Mana kamu na kamu kakihulukagha nndumitumi na kughabwangula machi ghala, na yula ywakabheghite ghwa ulongohi kuyingila nkati mwa machi mbole ya kubwangulighwa, kakilama utamwa ghwaki ghwoha ghwakabheghite naghwo.⁵Mundu yumu kakibhegha akwo ywene ywakalwaliti kwa ngungwa mbinda mabhoko ndatu na nhanu na ndatu. ⁶Yesu pakammoniti kaghonjiti apwo, na kakimanya kukita kabheghiteghe pala mu masaa matangalo, kakinkonya, “Ghupala kulamihwa?”⁷Yula ntamwa kakinnyanga, “Bambo, nenga na nga mundu ghwa kunyingiha mu litanda pala machi paghabwangulighwa, pa mbala kuchumbukila mu litanda, kali nenga na kuyingila mundu yungi kangulopokela,” ⁸Yesu kakinng'ombela, “Ghuyime, ghutole likahi lyaku na ghutyange.”⁹Kamu yula mundu kakilama, kakitola likahe lyaki kakiyanda kutyanga. Nnando aghu ghukitendekwa linjubha lya kupughwa.¹⁰kya habhu Akaayahudi bhakinng'ombela yula ywakalamihitwe, “Lelo ndo linjubha lya kupumulila, ghwenga ghungupapa likahe lyaku, ghungukiluka mihilo.” ¹¹Yula ywakalamihitwi kakiayanga, “Yula mundu ywakanamihiti kaking'ombela ghutole likahi lyakuna ngutyange.”¹²Bheni Akaayahudi bhakinkonya, “Ndo mundu ghani aywo ywakakughombiliti utole likahe lyaku ghutyange?” ¹³Peni yula ywakalamihitwi kakimmanya ng'obhe ndo ghani ywakannamihiti, mana Yesu kakilibhuha pa lumati lwa bhandu luubheghite apwo.¹⁴Mbole yaki Yesu kakikongana naywo yula mundu ywakalamihitwi mu kitutubhi kya Chapanga na kunng'ombela, “Ghuyihwanile,ghulama hinu, ghukotoo kutenda kangi ulemwa yalabha likuyingila lingi lya mu mbula.” ¹⁵Ndo yula ywakalamihitwi kakighenda kuaghombela Akaayahudi kukita ndo Yesu ywakannamihiti.¹⁶Kya habhu Akaayahudi bhakiyanda kunng'aha, kiyaha kakibhegha kangutenda mihalo handa ayo lisku lya kupumulila. ¹⁷Peni Yesu kakiayanga, “Tate ghwangu kangutenda lihengo lyaki pipipi, na nenga ningutenda lihengo ubhwabhu.” ¹⁸Malagho agho ghakiayaghabhiha munu hilongohi bha Akaayahudi bhakiyigha kutenda kila lukila lwa kya kunkoma Yesu mana kakimetula malaghilo gha linjubha lya kupumulila na kakinkema Chapanga Tate habhu kakililinganiha ywombe tela na Chapanga.¹⁹Hino Yesu kakiaghombela. “Kulyaghila nenga ninguaghombela; Mwana kahone katende nnando mwene, maha ghula ghwene kangummona Tate kangutenda. Ndo na Mwana kangutenda ubhuabhu abhu. ²⁰Kiyaha Tate kangunpala Mwana naywo kangunnangiha ghoha ghakaghatenda mwene. Hata na lihengo likulu lya nalumu kupitingana kwa agha katannangiha, ngati mwenga npati kukangacha.²¹Kulyaghila handa bhula Tate pakabhahyuha bha ahweghiti na kuapegha ulami, ubhwabhu abhu na Mwana kanguapegha bhala bhakaapaliti. ²²Ebu Tate kantosagha ng'obhe mundu ywoheli, peni tosa yoha kankamuha Mwana, ²³ngati bhandu bhoha bhanhokamile Mwana handa bhula pabhanhokamila Tate. Hinu mundu ywoheli ywa nga kunhokamila Mwana kangunhokamila ng'obhe Tate ywakanaghihiti.²⁴“Kulyaghila nenga nunguaghombela, mundu ywoheli ywakaghayihwa malagho ghangu na kunhyubhalila ywombe ywakanaghihiti. Kabhegha naghwo ubhumi ghwa manjubha ghoha, katatoswa ng'obhe, ngati kayomboka kuhuma ku toso ya ntumbahi na kuyingila mu ubhumi.²⁵Kulyaghila nenga nunguaghombela kangi, lisaa linguhika, nalyo lisaa lihika kala, pala bhaahweghite paalonda kuyihwa lilobhe lya Mwana ghwa Chapanga, nabho bhaalonda kuyihwa bhaabhegha na ulami.²⁶Handa bhula Tate mwakabheghiti na ubhumi, nkati mwaki ubhwabhu abhu kanpegha Mwana kabheghe na ubhumi nkati mwaki. ²⁷Naywo Chapanga kanpegha Mwana ghwaki ukwiho ghwa kutosa, kiyaha ywombe ndo Mwana ghwa Mundu.²⁸Nkotoo kukangacha pannyihwa nnando aghu; mana lisaa linguhika pala bhala bhaaulekiti ulili bha yihwa lilobhe lyaki ²⁹Nabho bhahwimukila panje, na bhala bhaatenditi gha kuhalala bha hyuka apati ubhumi, na bhala bhaatenditi ulemwa bha hyuka atoswe.”³⁰Yesu kakilongela, “Nenga ndahotola ng'obhe kutenda nnando ghwoheli ghweka changu; nungutosa bhula mu nyihwa kuhuma kwa Chapanga, na tosa yangu yibha ya ngwiliho, kiyaha nungupalaha gha nighapaliti nenga ng'obhe maha ghakapalite ywakanaghihiti. ³¹“Handa ningaliyimihiti nimwene, uyimiho ghwangu ghungabheghiti ghwa hoto ng'obhe. ³²kabhegha yungi ywakanyimiha na nenga ningumanya kukita uyimiho ghwaki ghwakayimiha ghwa kya nenga ndo ghwa hoto.³³Mukilaghila afwasi kwa Yohana yunakubatisa, naywo kakiyimiha hoto. ³⁴Nenga ningughuhyubhalila uyimiho ghwa anabhandu ng'obhe; peni ningughomba agha ngati mwenga bhandu npati kulopoleghwa. ³⁵Yohana kakibhegha handa limbamba, libheghiteghe mu kuyaka na kulangaha lung'ali, na mwenga mukipala kulumbalila lung'ali lwaki kya mandina.³⁶Peni uyimiho ghu meghiti naghwo nenga ndo nkulu kupitingana ghula ghwa Yohana, mahengo ghala gha nighatenda, ghanyimiha yakya nenga ghala ghene Tate kanaghila kuyomolela, naho ahi hinihitenda hinguyimiha kukita Tate ndo ywakanaghiliti. ³⁷Naywo Tate, mwene ywakanaghiliti, kayimiha yakya nenga. Mukiliyihwa ng'obhe lilobhe lyaki lisaa lyoheli ebu kahone kukibhona kibhungi kyaki, ³⁸na nhalo ghwaki ghungutama ng'obhe nkati ghwenu, kiyaha mukinhyubhalila ng'obhe ywombe ywakannaghiliti.³⁹Mwenga munguhingukiha malembo, panhwachila kukita mu nkatimwaki ghubegha ubhumi ghwa manjubha ghoha. Na malembo agho ndo ghanakunyimiha nenga ⁴⁰mungulema kuhika kwa nenga ngati npati ubhumi.⁴¹Ningupalaha kukwehwa na anabhandu ng'obhe. ⁴²Peni ninguamanya mwenga, nungumanya upalo ghwenu kwa Chapanga kahone mu myoyo yenu.⁴³Nenga hika kwa ngwliho ya Tate ghwangu, peni mungungingama ng'obhe; yungi pakahika kwa ngwiliho yaki mwene, mankingama. ⁴⁴Mwenga mukuhyubhalila kutangana ukulu mabhene kwa mabhene, peni mungupalaha ng'obhe lilumbo kuhuma kwa Chapanga ywombe ywakabheghiti ghweka chaki?⁴⁵Peni mangahwachila, kukita nenga ndo yumoo ywa kubhakokela kwa Tate. Nenga Musa, yweni yumunmikiti uhyubhalilo ngwenu ywakalonda kunkokela. ⁴⁶Handa manganhubhaliliti Musa, manganhyubhaliliti na nenga, mana katyeka mihalo ya kya nenga. ⁴⁷Peni handa mungughahyubhalila ng'obhe ghala ghakatyekiti Musa, maghahyubhalila bhuli malagho ghangu ghanighaghomba?”

¹Mbole ya agha, Yesu kakighenda kumwambo ya lihibha lya Galilaya ebu akemagha ubhwabhu abhu lihibha lya Tibelia. ²Na lumati lukulu lwa bhandu lukintughila kiyaha bhakibhona naho nyoloho na mihabho yakatenditi kwa atamwa. ³Mbole Yesu kakihubhuka ku kitumbina kakitama akwo papamu na ahundwa bhaki.⁴Na chekwa ya Akaayahudi ayikemagha Pasaka yikibha yinguheghelela. ⁵Yesu pakakilibhukiti kakilolekeha na kulubhona lumati lukulu lwa bhandu paluntughila, kakinkonya Filipi, “Twahemela kwoki mingati ya kukwila bhandu bhoha abha ngati alyeghe?” ⁶Yesu kakikonya ngonyo ayi kwa kuntyegha Filipi; kiyaha kakimanya kya kukitenda.⁷Filipi kakinnyanga Yesu, “Ngalabha ya mbiya mbinda mabhoko kumi ibhili, yakwila ng'obhe hata ngabhee kila mundu kapati kidokwa.” ⁸Yumoo ywa ahundwa bhaki, kakemwagha Andelea, nnongo ghwaki Simoni Petili, kakilongela, ⁹“Apa kabhegha nhongolo yumu kabha na mingati nhano na homba abhili. Peni ahi hyakwila niki lumati lwoha alu.”¹⁰Yesu kakilongela, “Muatamihi bhandu abha pahi,” Pakibhegha na manyahi matangalo pala. Na bhandu bhoha bhaatamite pahi; bhakibhegha bhandu alume elufu mbinda mabhoko nhano. ¹¹Ndo Yesu kakiyitola yila mingati, kakinnumba Chapanga, na kakiaghabhanikiha bhandu bhaatamiti. Kakitenda ubhwabhu na kwa bhala homba, na kila mundu kakipata kya kukwila. ¹²Bhandu bhoha paayomoliti kulyegha na paayukutiti, Yesu kakiaghombela ahundwa bhaki, “Nkugane mahighalo ghoha gha hipalamande, kikotoo kuhighala hata kimu.”¹³Habhu bhakikungana hyoha na kumemekeha hikapu mbinda mabhoko yimo na ibhili hya hipalamande hyaalyeghiti bhandu bhala. ¹⁴Mbole Bhandu paabhoniti nhabho ghula ghwakatenditi Yesu, bhakiyanda kulongela, “Kulyaghila mundu ayu ndo Mbuye yunakuhika pannima” ¹⁵Yesu pakamanyiti kukita bhandu bhakipala kuntenda kabhe mutwa ghwabhe kya lingakamiha; kakityelembukila ku kitumbi kangi ghweka chaki.¹⁶Payihikiti makimuhi, ahundwa bhaki Yesu bhakihelela na kughenda mbaka ku lihibha, ¹⁷Kamu bhakihubhuka mu bhwato, na bhakiyanda kuyomboka lihibha kughenda ku Kapelinaumu. Lubhindo lukiyingila kala na Yesu ka kikali kulilumba papamu na bhombe. ¹⁸Lihibha likibhyaluka kiyaha kukibhegha likusi lingubyaluha machi.¹⁹Bhala ahundwa paaghenditi utali ghwa maili ndatu ebu ndatu na mandina bhakinmona Yesu pakatyanga unani mwa machi, kanguheghelela ku bhwato bhakiyoghopa munu. ²⁰Peni kakiaghombela, “Ndo nenga, nkotoo kuyoghopa!” ²¹Ndo ahundwa bhakinkemela mu bhwato kya uyelelo, na kamu bhwato ghukihika kula ku nnima ghwa bhaabheghiti mu kughenda.²²Kilabho yaki lula lumati lwa bhandu bhala bhahighaliti kula kumwambo ya lihibha bhakindambula kukita kukibha na bhwato ghumu ndu pala. Na bhakimanya kukita Yesu kakiyingila ng'obhe papamu na ahundwa bhaki mula mu bhwato ghwa abhukiti nabho, maha nga ahundwa bhaki bhakighenda ghweka chabhe. ²³Peni yikihika mibhwato yingi kuhuma ku Tibelia, uheghela na paalyeghite mingati mbole ya Bambo kunnumba Chapanga.²⁴Kamu lula lumati lwa bhandu paandambuliti kukita Yesu kakibhegha ng'obhe pala, ebu ahundwa bhaki nabho, bhakihubhuka mu mibhwato yila, bhakighenda ku Kapelinaumu ngati bhakanpalahe Yesu akwo. ²⁵Bhala bhandu paammoniti Yesu kumwambo ya lihibha bhakinkonya, Labi ghuhika lili kunu?”²⁶Yesu kakiayanga, “Kulyaghila nenga nungunng'ombela; mwenga mungumbalaha nega kiyaha mukibhona naho na mihabho yila ng'obhe, maha mungumbalaha kiyaha mukilyegha mabhoha yila mingati na mukiyukuta. ²⁷Nkotoo kughayighayila hilyo hinakubhola; maha nng'ayighayile hilyo hya kulama mbaka mu ubhumi ghwa manjubha ghoha. Ndo Mwana ghwa Mundu ywakalonda kunpegha, kiyaha Chapanga, ngati Tate, kannyimiha kukita katampegha.”²⁸Hino bhakinkonya Yesu, “Tutende niki twenga ngati tupati kughatenda mahengo gha Chapanga?” ²⁹Yesu kakiayanga bhala bhandu na kakiaghombela, “Lihengo lya Chapanga ndo ali mulitende; munhyubhalile ywene ywakalaghihitwi na ywombe.”³⁰Habhu bhandu bhakinkonya, “Ghwatenda naho niki ya nhabho ngati tuyibhone na tughuhyubhalile? Ghwatenda nnando ghani? ³¹Akaatate bhetu bhakilyegha mana kukibhala, handa muyityekitwe mu malembo, ‘Kakiapegha minga kuhuma kunani kwa Chapanga ngati alyeghe.”³²32 Yesu kakiaghombela, “Kulyaghila nenga nunguaghombela, Musa kakiapegha ng'obhe hilyo hya mingati kuhuma kunani kwa Chapanga; maha Tate ghwangu ndo ywakampegha mwenga hilyo hya lingati lya hoto linakuhuma kunani kwa Chapanga. ³³Mana lingati lya Chapanga ndo yula yunakuhuluka pahi kuhuma kunani kwa Chapanga na kuupegha nnima ubhumi.” ³⁴Hino bhakinng'ombela Yesu, “Bambo, kutandila hinu ghutupeghe lingati alyo manjubha ghoha.”³⁵Hino Yesu kakiaghombela, “Nenga ndo lingati lya ubhumi, ywombe ywkahika kwa nenga katabhona kangi njala ng'obhe kabhili; naywo ywakanhyubhalila nenga katabhona kangi nyota ng'obhe kabhili. ³⁶Hino, handa mununng'ombiti mwenga kukita hata pamumoniti peni mungunhyubhalila ng'obhe. ³⁷Bhala bhandu bhoha bhakambegha Tate bhahika kwa nenga. Na mundu ywohele ywakahika kwa nenga ndanmingibhingila panje ng'obhe,³⁸Kiyaha huluka pahi kuhuma kunani kwa Chapanga ngati ndende ghambalite nenga ng'obhe maha ghala ghakapaliti Tate ywakanaghihiti ³⁹Agha ndo mapalo ghaki Tate ywakanaghihiti, kukita ngotoo kunhoha hata mundu yumu ywa bhala bhakambeghiti nenga, maha niahyuhe bhoha mu linjubha lya uhiko. ⁴⁰Kiyaha mapalo gha Tate ghwangu ndo agha gha kukita kila ywakammona Mwana na kunhyubhalila kabhe na ubhumi ghwa manjubha ghoha. Na nenga ndabhahyuha mu linjubha lya ku uhiko.”⁴¹Kya nhalo aghu Akaayahudi bhakiyanda kunnkukulikila Yesu kiyaha kakilongela, “Nenga ndo lingati kuhuma kunani kwa Chapanga.” ⁴²Bhakilongela, “Mundu ayu ndi Yesu mwana ghwa Yosefu, ng'obhe ayu? Tunguamanya tate na ma ghwaki. Bhuli, hino, kanguyigha kulongela kukita kahuluka pahi kuhuma kunani kwa Chapanga?”⁴³Habhu Yesu kakiaghombela, “Nneke kukukulikilana mabhene kwa mabhene. ⁴⁴Kahone mundu ywakahotola kuhika kwa nenga handa kanakweghwa ng'obhe na Tate ywakanaghihiti nenga; na nenga ndanhyuha linjubha lya ku uhiko. ⁴⁵Ambuye bhalemba, ‘Bhandu bhoha bhatahundwa na Chapanga.’ Na mundu ywohele ywakannyihwanila Tate na kulihunda kuhuma kwa ywombe, aywo katahika kwa nenga.⁴⁶Kahone mundu ywoheli ywakammoniti Tate; maha nga ywombe ywakahumiti kwa Chapanga, ywombe ndo ghweka chaki ywakammoniti Tate. ⁴⁷Kulyaghila nenga nungunng'ombela; mundu ywakahyubhalila kabha naghwo ubhumi ghwa manjubha ghoha.⁴⁸Nenga ndo lingati lya ubhumi. ⁴⁹Akaa Tate bhenu bhakilyegha mana kukibhala, peni bhoha bhakihwegha.⁵⁰Peni apa libhegha lingati lihulukiti pannima kuhuma kunani kwa Chapanga ngati mundu ywoheli ywakalonda kulyegha katahwegha ng'obhe. ⁵¹Nenga ndo lingatilia lya ubhumi ghula ghuhukiti pahi kuhuma kunani kwa Chapanga. Mundu ywoheli pakalyegha lingati ali, katalama manjubha ghoha.Lingati ali ndo mmili ghwangu, ghweni ghunonda kumpegha kwa kya ubhumi ghwa unannima.”⁵²Ndo Akaayahudi bhakighombana bhene kwa bhene paaghomba. “Ayu katahotola bhuli kutupegha mmili ghwaki tuulyeghe?” ⁵³Habhu Yesu kakiaghombela Akaayahudi, “Kulyaghila nenga nungunng'ombela; pankotoo kulyegha mmili ghwa Mwana ghwa Mundu na kuunywegha mwahi ghwaki, kahone kubhegha na ubhumi nkati mwenu.⁵⁴Mundu ywoheli yunakuulyegha mmilighwangu na kuuywegha mwahi ghwangu kabha na ubhumi gwa manjubha ghoha, na nenga ndanhyuha linjubha lya uhiko. ⁵⁵Mana mmili ghwangu ndo hilyo hya hoto na mwahi ghwangu ndo kiywegho kya hoto. ⁵⁶Mundu ywoheli yunakulyegha mmilighwangu na kunywegha mwahi ghwangu katatamaa nkati yangu, na nenga ndatama nkati mwaki.⁵⁷Handa bhula Tate ywakanaghihiti kabhegha na ubhumi . na nenga ningulama kupitila kwa Tate, habhu ywakanyegha nenga katalama kupitila kwa nenga. ⁵⁸Ali, ndo, lingati linakuhuluka pahi kuhuma kunani kwa Chapanga; libha handa mana ng'obhe bhaalyeghiti aka atate bhenu. Na bheni bhakihwegha, peni ywoheli yunakulilyegha lingati ali katalama manjubha ghoha.” ⁵⁹Yesu kakilongela malagho agha pakabheghiti mu kuhunda mu kitutubhi kya kukonganikila Akaayahudi akwo ku Kapelinaumu.⁶⁰Ayolo bha ahundwa bhaki paayihwiti nnando aghu bhakilongela, “Mahundo agha ghanonopa. Ndo ghani ywakahotola kughakingama?” ⁶¹Kya nga kughombelwa na mundu, Yesu kakimanya kukita ahundwa bhaki bhakinhyonononekela kyamahundo ghaki, kakiakonya, “Bhuli, nnando aghu ghunguayaghabhiha?⁶²Kakiaghombela, yabhegha bhuli handa pamummona Mwana ghwa Mundu pakabhyela kughenda akwo kwakabheghiti kalongohi? ⁶³Nhuki ghwa Chapanga ndo yunakuyingiha ubhumi, mmili kilibhi ng'obhe. Malagho agha ghaniaghombiliti ndo Nhuki ghwa Chapanga kangi ndo ubhumi.⁶⁴Peni amoo bhenu munguhyubhalila ng'obhe.” Mana Yesu kakimanya ghoha kuyandila kalongohi ndi akina ghani bha nga kuhyubhalila mu nkati yabhe na ghani ywakalonda kunkiluka ywombe. ⁶⁵Mbole Kakilongela kangi, “Ndo mana nikiaghombela kukita kahone mundu ywoheli ywakalonda kuhotola kuhika kwa nenga kya nga kukweghwa na Tate.”⁶⁶Kubhukana na nnando ghula kutandila pala, amoo ahundwa bhaki bhakibhuya kihyengelenyuma bhakileka kulongohana na Yesu. ⁶⁷Habhu Yesu kakiakonya bhala ahundwa bhaki mbinda mabhoko yimo na abhili, “Hinu, namwenga ubhwabhu mungupalakubhuka?” ⁶⁸Simoni Petili kakinnyanga, “Bambo, tubhuke tughende kwoki? Ghwenga ubhegha na malagho gha ubhumi ghwa manjubha ghoha. ⁶⁹Tunguhyubhalila na kumanya kukita ghwenga ndo Kilisto Mwana ghwa Chapanga yuna kulama.”⁷⁰Ndo Yesu kakiayanga, “Nikiahaghula mwenga mbinda mabhoko yimo na abhili ng'obhe? Peni yumoo ywenu kabha nchipila!” ⁷¹Yesu kakinkambukila Yuda, mwana ghwa Simoni Isikalioti mana ayu kakibhegha ndo kangankilukiti, hata nge pakabheghiti mmoo ghwa bhala mbinda mabhoko yimo na abhili.

¹Mbole ya milando ayi, Yesu kakighenda mu mbande ya ku Galilaya; kakilema kughenda ku kitami kya Yuda kiyaha Akaayahudi bhakipala kunkoma. ²Na chekwa ya Akaayahudi ya Higubi yikiheghelela.³Habhu alongo bhaki Yesu bhakinng'ombela Yesu, “Ghubhuke apa ughende ku ku kitami kya ku Yuda ngati ahundwa bhako bhakabhone mihabho yako yighuyitenda. ⁴Mundu ywakapala kumanyikwa katendagha ng'obhe milando yaki kya kihiho. Kiyaha ghumwene ghungutenda milando ayi mbaha ghuliyimihe kwa bhanannima”⁵Hata alongo bhaki mwene Yesu kahone ywakanhyubhaliliti. ⁶Yesu kakiaghombela bhandu bhala kukita, “Lisaa lyangu lya maha likali kuhika. Peni kwa mwenga kila lisaa libha tela tela. ⁷Bhanannima bhabhankalalila ng'obhe mwenga manjubha ghoha, peni bhanannima bhangungalalila nenga kiyaha nunguayimiha kukita mandendelo ghabhe manjubha ghoha ghabha gha mihakataho.⁸Mwenga nng'ende ku chekwa, peni nenga ndalilumba ng'obhe na mwenga mu chekwa ayi, kiyaha lisaa lyangu likali kuhika.” ⁹Yesu kakilongela malagho agha na kakihighala ku Galilaya.¹⁰Peni alongo bhaki paabhukiti kala kughenda ku chekwa, na Yesu kakighenda ubhwabhu kwa kuhiho, kya nga kulilaha. ¹¹Akwo ku chekwa Akaayahudi bhakibha bhangunpalaha na kukonyekehana. “Kabhegha kwoki?”¹²Kukibhegha na mbwepwe ya kya Yesu mu lumati lwa bhandu paalongela. “Mundu aywo ywa maha,” Amoo bhangi bhakilongela. “Ng'obhe Ywombe kanguahokeha bhandu.” ¹³Kahone mundu ywakayighiti kulongela mihalo ya Yesu pakindandabhanji, kiyaha bhakiayoghopa Ayahudi.¹⁴Payihegheliliti pakati ya chekwa, Yesu kakihubhuka ku kitutubhi kya Chapanga na kuahunda bhandu. ¹⁵Aka Ayahudi bhakibhughanikwa kya mahundo ghaki bhakilongela, “Mundu ayu kayimanya bhuli mihalo ayi kya nga kuhundwa?” ¹⁶Ndo Yesu kakiayanga Ayahudi, “Mahundo ghangu agha gha nenga nimwene ng'obhe, ngati ghahuma kwa ywombe Chapanga, ywakanaghihiti.¹⁷Mundu ywoheli pakapala kutenda mapalo gha Chapanga katamanya kukita mahundo ghangu ghanguhumila kwa Chapanga ebu nungulongela ya kya nenga nimwene. ¹⁸Mundu ywakakambuka kwa kya yumwene kangutenda naha kya kupalaha ukulu ghwaki. Peni yula ywakapalaha ukulu ghwa yula ywakannaghihiti ndo ghwa hoto, hangi kahone uhokelo nkati mwaki.¹⁹Bhuli Musa kakinpegha ng'obhe malaghilo? Peni kahone mundu yumoo ywenu ywkakamuliliti malaghilo. Bhuli hino mungupala kungoma? ²⁰Lula lumati lya bhandu lukinnyanga, Ghwenga ghuna lindilo! Ghani ywakapala kukukoma?²¹Yesu kakiluyanga lula lumati lwa bhandu, “ “Nughutenda nhabho ghumu mabhoha mungubhughanikwa. ²²Musa kakinkwilikiha nnumule unyagho, kitohe aki kikihuma kwa Musa ng'obhe, maha kihumila kwa ahukulu bhenu, mungualumula bhana hata linjubha lya kupumulila Ayahudi.²³Handa yibhegha mwana katalumulighwa unyagho lisku lya kupumulila Ayahudi ngati nkotoo kumetula malaghilo gha Musa, bhuli mungungalalila kya kunnamiha mundu mmili ghwaki linjubha lya kupumulila Ayahudi? ²⁴Nneke kutosa mihalo pa mummona, ngati ntose kwa umaha.”²⁵Ndo amoo bha bhandu bha ku Yelusalemu bhakilongela, “Ayu ndo yula ywaapaliti kunkoma ng'obhe? ²⁶Nnole, kanguyobhela kya nga uhiho, na kahone mundu ywakankambukila lilagho lyoheli lila? Bhuli, ebu yimanyikana hilongohi bhangumanya kukita Ayu ndo kilisto ywakahaghulitwi na Chapanga? ²⁷Twabhoha tungumanya kwakahumiti, peni kilisto ywakahaghulitwi na Chapanga kahone mundu ywakalonda kumanya kwa kahumila.”²⁸Ndo Yesu kakikweha lilobhe pakahunda mu Kitutubhi kya Chapanga pakalongela, “Ena mwenga mungumanya ku humiti? Nenga hika kya mumbaliti nimwene ng'obhe, maha kwa kya yula ywakanaghihiti. Ndo ywa hoto mangammanya mwenga, ²⁹Nungummanya, kiyaha huma kwa ywombe naywo ndo ywakanaghihiti.”³⁰Hino bhakipalaha ng'epu ya kunkamula, peni kahone mundu ywoheli ywakayighiti kunpukila kiyaha lisaa lyaki likibha likali kuhika. ³¹Na bhandu ayoloho bha mulumati bhakinhyubhalila na bhakilongela bhuli kilisto pakalonda kuhika katatenda mihabho mikulu lumu kupitingana ya ³²Aka Afalisayu bhakiyihwa bhandu paakambuka mihalo ya kya Yesu, ndo bhombe na hilongohi bha Mandundami bhakilaghiha machonda bha Kitutubhi kya Chapanga bhakankamule Yesu.³³Yesu kakilongela, “Nenga ndabhegha na mwenga kwa manjubha gha mandina, mbole hamba ndabhuya kwa ywombe ywakanaghihiti. ³⁴Mambalaha nenga, peni mamona ng'obhe, na kunonda kumegha nenga, mwenga mahotola ng'obhe kuhika.”³⁵Aka Ayahudi bhakikonyekehana bhene, “Ayu kangupala kughenda kwoki kweni kwa nga kuhotola twenga kuntughila? Ebu kapala kughenda ku kitami kya Agiliki kweni kwaapwilinganiliti bhandu bhetu kakaahunde Agiliki? ³⁶Ndo lilagho ghani ali lyakakambuka, mambalaha peni mamona ng'obhe na akwo kunonda kubhegha nenga mwenga mahotola ng'obhe kuhika?”³⁷Mu linjubha lya uhiko lya chekwa, linjubha lya kindimba, Yesu kakiyima ghwima kakilongela kya kukweha lilobhe pakalongela, “Mundu ywoheli yukabheghiti na nyota kahiki kwa nenga kanyweghe. ³⁸na ywohele ywakanyimiha nenga, handa matyeko mughalembwiti, Hikemba hya machi hyapopoheka mu mwoyo ghwaki.”³⁹Peni kakikambuka lilagho lila mu mihalo ya Nhuki ghwa Chapanga, ywene kwa bhala bhanakunhyubhalila bhangankingamiyi mbole yaki. Mana Nhuki kakibhegha kakali kuhika kiyaha yesu kakibhegha kakali kukwihwa.⁴⁰Bhandu paayihwiti mihalo ayi, amoo bhandu bha mulumati lula bhakilongela, “Kulyaghila mundu ayu ndi yula Mbuye” ⁴¹Bhandu bhangi akilongela, “Ayu ndo Kilisto ywkahaghulitwi na Chapang!” Bhangi akilongela, “Kilisto ywakahaghulitwi na Chapanga kahumila ku Galilaya? ⁴²Malembo ghatyekwa kukita Kilisto kaahika kuhuma mu lukolo lwa Daudi na kubhelekwa ku Betilehemu, kitami kyakatamiti Mutwa Daudi ng'obhe?”⁴³Kya habhu bhandu bhakighabhanika kwa kya Yesu. ⁴⁴Amoo bha bhandu bhakipala kunkamula kindakila, peni kahone mundu ywakayighiti kunkamula kibhoko.⁴⁵Mbole bhala machonda bhakibhuya, na mandundame akulu na Afalisayu bhakiakonya, “Yibheghaki munankamula ng'obhe?” ⁴⁶Bhala machonda bhakiayanga, “Kahone ndwee kubhonekana mundu handa pakayobhela ywombe!”⁴⁷Aka Afalisayu bhakiakonya machonda, “Bhuli na mwenga, nkubhulilikwa ubhwabhu?” ⁴⁸Bhuli, kabhegha kilongohi ywoheli yumummanyiti ebu mukimmona yumoo ywa Afalisayu ywakanhyubhaliliti? ⁴⁹Peni lumati alu lwa bhandu lwangamanya malaghilo bhana likoto lya Chapanga”⁵⁰Yumoo ywa Afalisayu kakibhegha Nikodemu, yula ywakanng'endeliti Yesu linjubha limu pakilo. Kakiakonya ayaki, ⁵¹“Malaghilo ghetu ghangutuyegheka twenga tuntose mundu ywoheli ikali na kunnyihwanila na kamanye kyoki kya katenditi?” ⁵²Nabho bhakinnyanga, “Bbhuli, na ghwenga uhumila ku Galilaya ubhwabhu? Uhingukihe malembo ghanakung'anyima na ghwenga ghwabhona kukita kahone mbuye kabwitukile ku Galilaya.”⁵³Mbole bhakibhuka, kila mundu kakibhuya ukaya kwaki.

¹Paapwilinganiti Yesu kakighenda ku Kitumbi kya mkongo Miseituni. ²Kilabho yaki malabhila Yesu kakibhuya ku Kitutubhi kya Chapanga. bhandu bhoha bhakikwemuka, ywombe kakitama pahi kakiyanda kuhunda. ³Ahundwa bha malaghilo na aka Afalisayu bhakinnyegha n'dala yumu ywaapukiliti ku ngongola,bhakinnyimiha pakati ya lumati lwa bhandu bhoha.⁴Mbole bhakinng'ombela Yesu kya kuntyegha, “Nhunda, n'dala ayu tunpukila pakatenda ngongola. ⁵Mu malaghilo, Musa kakitukwilikiha kuatuta maganga adala bha luhumu alu mbaka ahweghe. Ghwenga ughombaki?” ⁶Bheni akinkonya naha kya kuntyegha Yesu, ngati apati nhokolo ghwa kunkokela. Peni Yesu kakihokamila pahi kakiyanda kulemba mu lutupi kwa kibhoko kyaki.⁷Paachwehiti kunkonyakonya makonyo, kakiyinuka na kakiaghombela, “Handa kabhegha mundu mu nkati yenu ywene ywa nga ulemwa kabhe ghwa ulongohi ghwa kuntaghila liganga.” ⁸Kamu kakihokama kangi nakakilemba mu lutupi kwa kikonji kyaki.⁹Bheni paayihwiti malagho agha, bhakipwilinganika, yumu mbole ya yumu, kuyandila aghohi mbaka ghwa uhiko. Kakihighala Yesu ghweka chaki, na yula n'dala kayima ku ulongolo gwa Yesu. ¹⁰Yesu kakiyinuka na kahone mundu ywakanmoniti maha nga yula n'dala na kakinkonya, “Abhegha kwoki bhaakutositi? Kahone mundu ywakakutositi ghubhe na uhokelo?” ¹¹Yula n'dala kakinnyanga, “Kahone hata yumu Bambo,” Yesu kakinng'ombela, Nenga ndaghutosa ng'obhe. Ghughende, ghukotoo kutenda ulemwa kangi.”¹²Mbole Yesu Kakilongela nabho kangi pakalongela, “Nenga ndo lung'ali lwa pannima. Mundu ywoheli ywakandughila nenga katatyanga kangi ndwee mu lubhindo, maha katabhegha na lung'ali lwa ubhumi.” ¹³Afalisayu bhakinng'ombela Yesu, “Uyimiho ghwako ghubha tela ng'obhe; kiyaha ghunguliyimiha ghumwene.”¹⁴Yesu kakiayanga, “Hata handa paniliyimiha nimwene, uyimiho ghwangu ghubha ghwa hoto, kiyaha nungukumanya kunhumiti na kunng'enda. Peni mwenga mungukumanya ng'obhe kunhumiti nenga ebu kunng'enda. ¹⁵Mwenga mungutosa kya mahwachu gha kimundu, peni nenga nungutosa ng'obhe mundu. ¹⁶Peni hata handa pandosa, tosa yangu yibha ya hoto, kiyaha nungutosa ghweka ng'obhe; maha nenga papamu na Tate ywakanaghihiti.¹⁷Yityekwa mu malaghilo ghenu kukita, uyimiho ghwa bhandu abhili ghubha ghwa hoto. ¹⁸Nenga ndo nunguliyimiha nimwene, naywo Tate ywakanaghihiti nenga kangunyiha bhubho.”¹⁹Ndo bhakinkonya Yesu, “Tate ghwako kabhegha kwoki?” Yesu kakiayanga, “Mwenga mungumanya ng'obhe nenga ebu Tate ghwangu mungunmanya ng'obhe, handa mungamanyiti nenga, munganmanyiti na Tate ghwangu.” ²⁰kakilongela malagho agha pakabheghiti mu kuhunda mu kitutubhi kya Chapanga ku chumbakati kya luhanja. Peni kahone mundu ywakanpukiliti kiyaha lisaa lyaki likikali kuhika.²¹Yesu kakiaghombela kangi, “Nenga nungughenda, peni mwenga mambalaha nenga kya ulemwa ghwenu. Na kunonda kughenda nenga mwenga mahotola ng'obhe kuhika.” ²²Bhala hilongohi bha Ayahudi bhakilongela, “Kangupala kulikoma, ndo kiyaha kangulongela kung'enda nenga mwenga mahotola ng'obhe kuhika?”²³Yesu kakiaghombela, “Mwenga nhuma pahi bahapa apa pa lutupi, peni nenga huma kunani. Mwenga mu bha pa nnima aghu peni nenga ghwa nnima aghu ng'obhe. ²⁴Habhu nikiakambukila kukita mahwegha kya ulemwa ghwenu,kiyaha pannema kuhyubhalila kya kukita NENGA NDO MWENE, Mahwegha kya ulemwa ghwenu".²⁵Bhombe bhakinkonya Yesu, “Ghwenga ndo ghani?” Naywo Yesu kakiayanga, “Nenga ndo yula ywene yunuakambukilti kuyandila makachu. ²⁶Mbegha na mihalo miyoloho ya kulongela ya kya mwenga na ya kuatosa. Peni ywombe ywakanaghihiti ndo hoto, nunglongela pannima ghanighayihwiti kuhuma kwa ywombe.” ²⁷Bhakimanya ng'obhe kukita Yesu kanguakambukila Tate ghwa kunani kwa Chapanga.²⁸Mbole Yesu kakiaghombela, “Pamunnyinula kala Mwana ghwa Mundu, ndo mamanya kukita ‘Nenga ndo Nimwene’; na mamanya kukita nenga ndo niilongiliti kukita nungutenda ng'obe nnando kya kighweka, maha ghala Tate ghakanhundite. ²⁹Ywombe Tate ywakanaghiti kabhegha papamu na nenga; kananeka ng'obhe nenga pa kingweka, kiyaha nenga nungutenda ghala ghakapalite mwene manjubha ghoha.” ³⁰Bhandu ayoloho bhaannyihwiti Yesu pakalongela malagho agha bhakinhyubhalila.³¹Mbole Yesu kakiaghombela bhala Ayahudi bhaanhyubhaliliti, “Mwenga handa maghungila na pantama mu malagho ghangu, maabhegha ahundwa bhangu hoto hoto, ³²Ndo maamanya hoto, naywo hoto yabhabhika mu uhihimilo.” ³³Bhombe bhakinkonya, “Twenga kibheleko kya Abulahamu,Tunabhegha ng'obhe abhandwa bha mundu ywoheli. Bhuli, ‘Ghungulongela twabhikwa uhihimilo?”³⁴Yesu kakiaghombela, “Kulyaghila nenga nunguaghombela, Mundu ywoheli yakatenda ulemwa kabha nbhandwa ghwa ulemwa. ³⁵Nbhandwa katamagha ng'obhe ukaya kwaki kwakandumikwa manjubha ghoha, Peni Mwana katamagha ukaya pipipi. ³⁶Habhu Mwana pakabhabhikwa uhihimilo, ndo maabhegha uhihimilo hoto hoto.³⁷Nungumanya kukita mwenga ma kibheleko kya Abulahamu. Peni mungupalaha kungoma nenga, kiyaha munguyelelwa nagho ng'obhe mahundo ghangu. ³⁸Nungughatenda ghala ghaniaghabhoniti kwa Tate ghwangu, peni mwenga ghala ghakanng'ombeliti tate ghwenu.”³⁹Aka Ayahudi bhakinnyanga, “Tate ghwetu ndi Abulahamu.” Yesu kakiaghombela, “Handa mungabheghite kibheleko kya Abulahamu mungatenditi mihalo yila yakatenditi Abulahamu. ⁴⁰Nenga nibhaghombela uhoto ghunuuyihwiti kuhuma kwa Chapanga, peni hata naha mwenga mungupalaha kungoma nenga. Abulahamu kakitenda nnando ghwa naha ng'obhe. ⁴¹Mwenga mungutenda mihalo yilayila yakatenditi tate ghwenu.” Bhombe bhakinnyanga, “Twenga twa kibheleko kya ngongola ng'obhe,tubhegha na Tate yumu ndu naywo ndo Chapanga ghwa hoto.”⁴²Yesu kakiaghombela, “Handa Chapanga kangabheghite Tate ghwenu, mungambalite nenga, kiyaha nenga muka kwa Chapanga na hino mbegha apa. Hika kwa kya numwene ng'obhe, maha kwa kya ywombe ywakanaghihiti. ⁴³Yibha bhuli mungumanya ng'obhe kiniaghombela? Kiyaha mwenga munguhotola ng'obhe kuyihwa kinuaghombela. ⁴⁴Mwenga ma bhana bha tate ghwenu nchipila, na mungupala kukakimiha tama ya tate ghwenu. Ywombe kakibhegha nkoma bhandu kuyandila makachu bhubho kakilingana ng'obhe na uhoto mana kahone uhoto nkati mwaki. Pakalongela gha uhwangi kangulongela gha ghabheghite ghaki mwene kiyaha ywombe ndo nhwangi na tate ghwa aghwo uhwangi.⁴⁵Peni kiyaha ninguaghombela uhoto ndo mana mungunhyubhalila ng'obhe. ⁴⁶Ghani nkati yenu ywakahotola kunyimiha kukita nenga mbegha na ulemwa? Handa hino nungulongela hoto, yibheghaki mwenga mungunhyubhalila ng'obhe? ⁴⁷ywombe ywakabheghiti ywa Chapangakangughayihwa malagho gha Chapanga. Peni mwenga munguyihwanila ng'obhe kiyaha mu bhandu bha Chapanga ng'obhe.”⁴⁸Aka Ayahudi bhakinnyanga Yesu, “Bhuli, tubhegha tela ng'obhe mutulongela kukita ghwenga ghu Nsamalia hangi kangi ghuna lindilu?” ⁴⁹Yesu kakiayanga, “mbegha na lindilu ng'obhe, ngati ningunhokamila Tate ghwangu, peni mwenga mungunnyuyuha nenga.⁵⁰Nenga nunguupalaha ghubhutwa ghwangu nimwene ng'obhe; ngati kabhegha ywakaghupalaha na kuatosa. ⁵¹Kulyaghila nenga nunguaghombela ywoheli ywakakamulila mahundo ghangu katahwegha ng'obhe.”⁵²Ndo Akaayahudi bhakinng'ombela Yesu, hinu tuhumbula hoto kukita ghwenga ghuna lindilu! Abulahamu kakihwegha, na mambuye bhakihwegha bhubho, ghwenga ghungulongela kukita ywakakamulila mahundo ghako katahwegha ng'obhe. ⁵³Ghungulitenda ghu nkulu kuchweha kwa tate ghwetu Abulahamu ywene kakihwegha? Hata na mambuye bhakihwegha bhubho. Ghungulitenda ghwenga ghu ghani?”⁵⁴Yesu kakiayanga, “Handa panilikwiha nimwene, ukulu ghwangu ghwabhegha kilibhi ng'obhe. Kabhegha yumu ywakangwiha ndo Tate ghwangu, aywo ndo mwenga mungughomba ndi Chapanga ghwenu. ⁵⁵Mwenga mungunmanya ng'obhe, peni nenga nungunmanya. Pa nongela nungunmanya ng'obhe, ndabhegha nhwangi handa mwenga. Peni nenga nungunmanya na nungukamulila malagho ghaki. ⁵⁶Tate ghwenu Abulahamu kakilumbalila kalibhone linjubha lyangu; naywo kakilibhona na kakiyelelwa.”⁵⁷Hino Akaayahudi bhakinng'mbela yesu, ghwenga ukali na kuhikila ngungwa mbinda mabhiko nhano, ghulongela ghummona Abulahamu? ⁵⁸Yesu kakiaghombela Ayahudi, “Kulyaghila nenga nunguaghombela, kakali na kubhelekwa Abulahamu , NENGA NIKIBHEGHA.” ⁵⁹Bhombe ndo bhalokota maganga ngati bhantaghile, peni Yesu kakilihiha na kakibhuka mu kitutubhi kya Chapanga.

¹Yesu pakabhegite mu kutyanga, kakimmona mundu yumu ywa nga kulola tangu kubhelekwa. ²Hio ahundwa bhakinkonya Yesu, “Nhunda, ghani ywakatenditi ulemwa, mundu ayu, ebu abhele bhaki, mbaka kabhelekwe ghwa nga kulola?”³Yesu kakiayanga, “Nnando aghu ghubha ulemwa ghwa mundu ayu ng'obhe ebu ghwa abhele bhaki ng'obhe. Maha kakibhelekwa ghwa nga kulola ngati makakala gha Chapanga ghayimihwe mu ubhumi ghwaki. ⁴Yinoghela kughatenda mahengo ghaki ywombe ywakanaghihiti pa ukali pamuhi; kiyaha uhiku ghunguheghelela kahone mundu ywa kuhotola kutenda lihengo. ⁵Pa ngaliti mu nnima, nenga ndi lung'ali lwa nnima.”⁶Mbole ya kulonngela agha, Yesu kakihuna mata pahi kakitendekeha lindika, kakintyelemeka yula ywa nga kubhona mu meho, ⁷mbole kakinng'ombela, “Ghughende ukakuhe ku litanda lyaSiloamu.” (lihina ali manayaki ywakalaghihitwi). Apa yula ywa nga kubhona kakighenda, kakikuha kibhungi, mbole kakibhuya kunu pakabhona.⁸Bhana ugheghela bhaki, na bhandu bhaanmanyiti kukita kakibhegha kapukwa yuna luyupayupa, bhakilikonya, bhuli ayu ngati yula mundu ywakatamiteghe na kuyupayupa?” ⁹Amoo bhabho akilongela, “Ayu ndo ywombe,”Amoo bhangi bhakilongela, “Ayu mwene ng'obhe; yibha kalihwana naywo.”Peni nga kakilongela, “Nenga ndo mwene.”¹⁰Hino bhakinkonya, “Meho ghako ghafwambulighwa bhuli?” ¹¹Ywombe kakiayanga, “Yula mundu ywakakemaghwa Yesu kakitendekeha lindika, kakindyelemeka mu meho ghangu, na kaking'mbela ng'ende ku litanda lya Siloamu na nikakuhe kibhungi kyangu. Apa nenga nikighenda na nikikuha, ndo nikibhona.” ¹²Bhombe bhakinkonya, “Kabhegha kwoki aywo?” Ywombe kakiayanga, “Nenga manya ng'obhe,”¹³Mbole bhakinnyegha yula mundu ywakabheghite ywa nga kubhona kwa aka Afalisayu ¹⁴Lisiku alyo Yesu lyakatendekehite lindika na kunfwambula mundu aywo, likibhegha linjubha lya kupumulila Ayahudi, Sabatu. ¹⁵Afalisayu, nabho, wakinkonya kangi yula mundu, kakilamihwa bhuli. Naywo kakiayanga, “Kakindyelemeka lindika mu meho ghangu; nikikuha kibhungi kyangu, na hinu ningubhona.”¹⁶Amoo bha Afalisayu bhakilongela, “Mundu ayu kahuma kwa Chapanga ng'obhe, kiyaha kangukamula ng'obhe malaghilo gha Sabatu.” Bhangi bhakilongela, mundu yuna ulemwa kaahotola bhuli kutenda mihabho handa ayi?” Kukibhegha nghabhano nkati yabhe. ¹⁷bhakinkonya kangi yula mundu ywkabheghite ywa nga kubhona, “Ghughombaki ya ywombe Yesu, kiyaha ghwenga ndo ghufwambitwi meho?” Mwene kakiayanga, “ywombe ndi mbuye.” ¹⁸Aka Ayahudi hilongohi bhakihyubhalila ng'obhe, kukita mundu aywo kakibhegha ywa nga kubhona makachu na hino kangubhona, mbaka paabhakemite abhele bhaki¹⁹Na bhakiakonya, “Ayu ndo mwana ghwenu ywene mwenga mukilongela kakibhelekwa ywa nga kubhona? Yibhegha bhuli hino kangubhona?” ²⁰Abhele bhaki bhakiyanga, “Tungumanya kukita ayu ndo mwana ghwetu, hangi kakibhelekwa ywa nga kubhona. ²¹Peni kafwambulighwa bhuli meho ghaki, twenga tumanya ng'obhe;hangi tunmanya ng'obhe ywene ywakanfwambuliti meho. Munkonye mwene, kabha nkulu, hangi mwene kataayanga hoto!”²²Abhele bhaki bhakilongela naha kiyaha bhakiayoghopa hilongohi bha Akaayahudi, mana bhakipangana kukita mundu ywohele ywakalonda kupetula kukita Yesu ndo kilistu ywakahaghulitwi na Chapanga kaabhingwa bhingilwa panji ya Lisinagogi. ²³Ndo mana abhele bhaki bhakilongela, “Kabha mundu nkulu; munkonye mwene!”²⁴Aka Afalisayu bhakinkema kangi yula ywakabhelekitwe kya nga kubhona, na kunng'ombela, “Ulongele hoto kwa Chapanga! Twenga tumanya kukita mundu ayu ywakakulamihiti ndi yuna ulemwa.” ²⁵Ywombe kakiayanga, “Nenga niyimanya ng'obhe kukita kana ulemwa ebu ng'obhe. Nenga nughumanya nnando ghumu: nikibha ywa nga kubhona, na hino nungubhona.”²⁶Bhakinkonya, “kakighutendela niki? Kakighufwambula bhuli meho ghako?” 27 ²⁷Ywene kakiayanga, “Nibhalubhulila kala, na mwenga nhibhungana. Yibheghaki npala ninnubhulile kangi? Bhuli mwenga, npala kubhegha ahundwa bhaki?”28 ²⁸Peni bhombe bhakinwyaka na kunng'ombela, “Ghwenga ndo nhundwa ghwaki; ngati twenga twa ahundwa bha Musa. ²⁹Twenga tumanya kukita Chapanga kakiyobhela na Musa, peni mundu ayu tumanya ng'obhe kwa kahumite!”³⁰Yula mundu kakiayanga, “Aghu ndo nnando ghwa kukangahya! Mwenga mungukumanya ng'obhe kwa kahumiti, peni nenga kafvwambula meho ghangu. ³¹Tungumanya kukita Chapanga kanguayihwa ng'obhe bhandu bhana ulemwa, maha kanguayihwa bhoha bhaantundamila na kunhokamila.³²Kuyandila ulongohi ghwa nnima tunayihwa ng'obhe kukita mundu kaghafvwambula meho gha mundu ywakabhelekitwi ywa nga kubhona. ³³Handa mundu ayu kanahumila kwa Chapanga ng'obhe, nge kahotoliti ng'obhe kutenda kyoheli.” ³⁴Bhombe bhakinnyanga, “Ghwenga ghubhelekwa na kukulila mu ulemwa; ghwahotola bhuli kutuhunda twenga?” Bhakinpiha panji ya lisinagogi.³⁵Yesu pakayihwiti kukita yula mundu ywa nga kubhona bhakinpiha panji ya lisinagogi, pakanmoniti kakinkonya, “Bhuli ghwenga ghungunhyubhalila Mwana ghwa Mundu?” ³⁶Aywo mundu kakinnyanga Yesu, “Njaku ghungambuhe aywo, chonde Bambo, mbala nganhyubhalile” ³⁷Yesu kakinnyanga, “Ghunmona kala, naywo ndo yughuyobhela naywo hinu.” ³⁸Yula mundu kakilongela, “Nunguhyubhalila, Bambo!” Naywo kakinhokamila.³⁹Yesu kakilongela, “Nenga hika pannima apa kuatosa, ngati bhala bha nga kubhona apati kubhona, na bhala bhanakubhona abheghe bha nga kubhona.” ⁴⁰Amoo bha Afalisayu bhaabheghiti papamu naywo bhakiyihwa malagho agho, “Hino twenga hoto twa nga kubhona, ubhwabhu?” ⁴¹Yesu kakiayanga, “Handa mungabheghiti ma nga kubhona, mungabheghiti na ulemwa ng'obhe; peni hino mungulongela mungubhona, hino ulemwa ghwenu ghungualemelela.”

¹Yesu kakilongela, “Kulyaghila nenga nunguaghombela, ywoheli ywa nga kayingila mu lubhigho lwa mene kya munn'yango, maha kangunyegheleha na kuyingila kwa njila yingi, aywo ndi mwihi na mpoki. ²Peni mundu ywakayingilila pa nlyango aywo ndo yunakuhakila mene.³Nkingikiha ghwa litatilo kaanhughulila; na mene bhaayihwa lilobhe lyaki, naywo kaakema kila yumu na lihina lyaki, na kualongoha panji ya lubhigho. ⁴Mbole ya kuapiha bhoha panji, kangulongolela ku ulongolo ghwabhe nabho mene bhangummutukila, kiyaha bhangulimanya lilobhe lyaki.⁵Mene abho bhammutukila ng'obhe nhenja,ngati bhata ntugha kiyaha bhangulimanya ng'obhe lilobhe lyaki.” ⁶Yesu kakiaghombela ndambulo ayi, Peni bhombe bhakimanya ng'obhe kila kyakapaliti kuaghombela.⁷Hino Yesu kakilongela nabho kangi, “Kulyaghila nenga nunguaghombela, nenga ndo litatilo lya mene. ⁸Bhala bhangi bhoha bhaalongoliti ikali na nenga abhwihi na apoki, peni mene bhakiayihwa ng'obhe.⁹Nenga ndo litatilo. Ywoheli ywakayingila kupitila kwa kwa nenga katalopoka; kaayingila na kubhuka panji na kaapata kilyo. ¹⁰Mwihi kahikagha kiyaha kayibhe, kakome na kakanjaghane. Nenga hika ngati abheghe na ubhumi- ubhumi ghwa bhoha ayonjokeheke.¹¹“Nenga ndo nhakila ghwa maha, Nhakila ghwa maha kaghubhuhagha ubhumi ghwaki kiyaha ya mene. ¹²Mundu ywa kuhemeha ngalabha ywene mene bhabha bhaki ng'obhe, kabhabhone kabhwanhitu kanguhika, kangualeka mene kangutugha lubhilo; mbole kabhwa nhitu kanguakamula na kaapwilinganiha. ¹³Ywombe katughagha kiyaha kabha mundu ywa kuhemeha hangi mihalo ya mene yibha kilibhi ng'obhe kwa ywombe.¹⁴Nenga ndo nhakila ghwa maha, nunguamanya mene bhangu na mene bhangu bhangumanya nenga. ¹⁵Handa bhula tate mwakamanya nenga na nenga mununmanya tate. na nenga nungughubhuha ubhumi ghwangu kiyaha ya mene. ¹⁶Kangi megha nabho mene bhangi hangi abhegha ng'obhe mu lubhigho alu. Yingunnogha kubhayeghela abho bhubho, nabho bhataliyihwa lilobhe lyangu, mbole bhabhegha kimati kimo na kaabhegha nhakila yumo.¹⁷“Tate ghwangu kangumbala kiyaha ningughubhuha ubhumi ghwangu, ngati mbole nighubhuyihe kangi. ¹⁸Kahone mundu ywakumuhila uhumi ghwangu. Ningughubhuha kya upalo ghwangu. Mbegha na makakala gha kuubhuha, hangi mbegha na makakala gha kuubhuyiha kangi. Naha ndo Tate ghwangu mwakangwilikihiti ndende.”¹⁹Kwa malagho agha Akaayahudi bhakighabhanika. ²⁰Ayoloho bhabhe bhakilongela, “Kana lindilo ayu! Kananng'uluka! Ya niki kunnyihwanila?” ²¹Bhangi bhakilongela, “Malagho agha gha mundu yuna lindilo ng'obhe! Yuna lindilo kaahotola kubhafwambula bha nga kubhona?”²²Akwo ku Yelusalemu kukibhegha na Chekwa ya kulindula Kitutubhi kya Chapanga, kikibhegha kipepo. ²³Naywo Yesu kakibhegha kangutyanga mu ludami lya Sulemani ku Kitutubhi kya Chapanga. ²⁴Ayahudi bhakinkwemukila na kunkonya, Ngwatubika mu bhwaghalihi mbaka pa kiki? ghutughombele hoto Ghwenga ndo kilistu ywakahaghutwi na Chapanga?”²⁵Yesu kakiayanga, “Nibhaghombela, peni mwenga munguyimiha ng'obhe.Mahengo agha ghanighatenda kwa lihina lya tate ghwangu ghangunyimiha, ²⁶Peni mwenga munguyimiha ng'obhe kiyaha mwenga mwa bha mu kimati kya mene bhangu ng'obhe.²⁷Mene bhangu bhanguyihwa lilobhe lyangu; Nunguamanya, na bhombe bhangundughila. ²⁸nunguapegha ubhumi ghwa manjubha ghoha, nabho bha hobha ng'obhe. Kahone mundu ywa kuumboka kubhuka mu mabhoko ghangu.²⁹Tate ghwangu ghwakambeghiti mene abha ndo nkulu kupitingana kwa bhoha, hangi kahone mundu kuabhuha mu mabhoko gha Tate ghwangu. ³⁰Nenga na Tate tubha uhango.” ³¹Kabhili kangi Akaayahudi bhakilokota maganga ngati antute.³²Yesu kakiaghombela, “Nialaha mahengo gha maha matangalo kuhuma kwa Tate. lyoki lya mu mahengo agha mungupala kunnduta maganga?” ³³Ayahudi bhakinnyanga, “kwa mahengo ghamaha tungughututa kwa maganga ng'obhe, maha kiyaha ghunkundula Chapanga! Mana ghungulitenda ghwenga Chapanga kunu ghu anamundu hela!”³⁴yesu kakiayanga, “yityekwa ng'obhe mu malembo gha malaghilo ghenu kukita nikilongela, ‘mwenga mu machapanga.’ ³⁵Handa Chapanga kakiakema machapanga bhala bhakabhalaghilikihiti lilagho lyaki, na twenga tungumanya kukita malembo ghanakung'anyima ghangulongela hoto. ³⁶Bhuli, Tate kahaghula nenga nakakinnaghila pa nnima. Yibheghaki, mwenga munglongela kana lukundula kiyaha nikilongela nenga ndo mwana ghwa Chapanga'?³⁷Handa ningutenda ng'obhe lihengo lya Tate ghwangu, nkotoo kunhubhalila. ³⁸Peni panihitenda, mangalema kunhyubhalila, mbaha mughahyubhalile mahengo ghala, Makamanyi maha kukita Tate kabhegha nkati ya nenga na nenga mbegha nkati ya Tate.” ³⁹Bhakiyigha kangi kunkamula esu peni kakikwipuka mu mabhoko ghabhe.⁴⁰Yesu Kakighenda kangi kumwambo ya lukemba Yoldani, mbaka pala pakabheghite Yohana kangubatisaapwo kalongohi ⁴¹Na bhandu ayoloho bhakinng'endela na bhakilongela. “ Yohana kakitenda ng'obhe naho yoheli, peni ghoha ghakalongiliti Yohana ya kya mundu ayu ghabha hoto.” ⁴²Bhandu ayoloho akwo bhakinhyubhalila Yesu.

¹Mundu yumu lihina lyaki Lasalo, ywakatamiteghe ku Betania, kakibhegha ntamwa. Akwo ku kijiji kya Malia na Malita ahacha bhaki. ²Maliamu ndo yula ywakantyekiti Bambo mahuta gha kunungila na kakinpukuta maghulu kwa hwili hyaki, nhacha ghwaki Lasalo ndo ywakabheghiti ntamwa.³Hino ahacha bha Lasalo bhakilaghila lilagho kwa Yesu, “Bambo nng'anja ghwako ntamwa.”Yesu pakayihwiti, kakilongela, “Utamwa aghu ghwa ⁴kuyegha ntumbahi ng'obhe; maha ndi Ghwa kunkwiha Mwana ghwa Chapanga, kalwala ngati kwa kya Chapanga kakwihwe.”⁵Hata naha Yesu kakiapala bhoha Malita na Malia na nhacha bhwabhe Lasalo. ⁶Mbole ya kuyihwa kukita Lasalo kabha ntamwa, Yesu kakibhinilila kutama kwakabheghiti manjubha mabhili nalumu. ⁷Mbole kakiaghombela ahundwa bhaki, “Hinu ndo tubhuye kangi ku Yudea.”⁸Ahundwa bhaki bhakinkonya, “Nhunda, machanachana apa Akaayahudi apaliteghe aghutute kwa maganga, hino ghwenga ghungupala kubhuya kangi akwo?” ⁹Yesu kakiayanga, “Lisiku limu libhegha na masaa mbinda mabhoko yimo na mabihli ng'obhe? Bhanakutyanga pamuhi batalikubhala ng'obhe kiyaha bhangulubhona lung'ali lwa nnima aghu.¹⁰Peni bhala bhanakutyanga pakilo bhatalikubhala kiyaha kahone lung'ali nkati yabhe.” ¹¹Yesu pakayomoliti kulongela malagho agha kakiaghombela, “Nng'anja ghwetu Lasalo kaghonja pahi, peni nenga nda ghenda kunnyumuha.”¹²Ahundwa bhaki bhakinng'ombela, “Bambo, handa kaghonja ng'ono katayumuka.” ¹³Peni Yesu kakikambukila mihalo ya kiho kyaki Lasalo, bhene bhakihwacha mihalo ya kughonja ng'ono. ¹⁴Ndo Yesu kakiaghombela kya nga uhiho, “Lasalo kahwegha, nenga ninguyelelwa ya kya mwenga kukita nikibhegha ng'obhe akwo, ngati npati kuhyubhalila. Peni hinu tughende kwaki.”¹⁵nenga ninguyelelwa ya kya mwenga kukita nikibhegha ng'obhe akwo, ngati npati kuhyubhalila. Peni hinu tughende kwaki.” ¹⁶Ndo Tomaso, ywaakemiteghe Pacha, kakiaghombela ahundwa ayaki, “Tughende na twenga, ngati tukahweghe papamu naywo.”¹⁷Hino Yesu pakahikiti akwo, kakibhona Lasalo kakibhegha kala ku lindogholo kwa manjubha ncheche. ¹⁸Kijiji kya Betania kikibha ugheghela na Yelusalemu utali ghwa kilomita ncheche, ¹⁹Na bhandu ayoloho bha mu Ayahudi bhakihika kwa Malita na Malia kuakamula mabhoko kwa kya kibhembo kya nhacha ghwabhe. ²⁰Ndo Malita pakayihwiti kukita Yesu kanguhika, kakighenda kunkingama, peni Malia kakihighala ukaya.²¹Malia kakinng'ombela Yesu, “Bambo, handa ghungabheghiti apa, nhacha ghwangu ka ngahweghiti ng'obhe. ²²Peni hata hinu nungumanya kukita kyohele kighupala kunnyupa Chapanga kataghupegha.” ²³Yesu kakinng'ombela Malita, “Nhacha ghwako kaahyuka.”²⁴Malita kakinnyanga Yesu, “Nungumanya kukita kaahyuka mu uhyuko ghwa bhanakuhwegha linjubha lya uhiko.” ²⁵Yesu kakinng'ombela, “Nenga ndo agho uhyuko na ulami. Mundu ywoheli ywkanyimiha nenga hata kahweghe, kaalama; ²⁶na ywohele ywkalama na ku nhyubhalila kahwegha ng'obhe kabhili. Ghunguhyubhalila agha?”²⁷Malita kakinng'ombela, “Ena Bambo! Nenga nunguhyubhalila kukita ghwenga ndo kilisto, Mwana ghwa Chapanga, yula ywakalonda kuhika pannima.” ²⁸Mbole ya Malita kulongela agha, kakighenda kunkema Malia nkulu ghwaki kya lupwepo, “Nhunda kabhegha apa kangughukema” ²⁹Naywo Malia pakayihwiti naha, kamu kakiyinuka kakintughila Yeasu kwakabheghiti.³⁰Yesu kakibhegha kakali na kuyingila nkati ya kijiji, ngati kakibhegha kakali papala pala pakakingamilitwi na Malita. ³¹Hino bhala Ayahudi bhaabheghiti papamu na Malia, pa ankamula mabhoko, pa abhoniti kamu, kakikwipitukila panji. Bhakintughila, bhakihwacha kukita kakighenda ku lindogholo kukulikila akwo. ³²Malia pakahikiti pala pakabheghiti Yesu, kakichutamila mayughwa mu maghulu gha Yesu na kulongela, “Bambo, handa ghungabheghiti apa nhacha ghwangu ka ngahweghiti ng'obhe!”³³Yesu pakammoniti Malia kangulila, na bhala Ayahudi bhaalongohaniti nabho bhangulila bhubho, kakikukulika mu mwoyo,kakihyononeka mu mwoyo. ³⁴Mbole kakiakonya, Mummika kwoki?” Bhakinng'ombela, “Bambo, ghuhike ghulole,” ³⁵Yesu kakilila.³⁶Ndo Akaayahudi bhakilongela, “Nnolekehe nde mwakanpaliti!” ³⁷Peni amoo bhabhe bhakilongela, Bhuli, ayu ywakanfwambuliti meho yula ywa nga kubhona ng'obhe? Kangahotoliti ng'obhe kuntenda na ayu kakotoo kuhwegha?”³⁸Yesu kahyononeka kangi kabhili, kakihika ku lindogholo, lindogholo lyeni likibha mbaku lya litalabha na panlyango likihibhwa na liganga. ³⁹Yesu kakilongela, “Mulibhuhe liganga alyo!” Malita, nhacha ghwaki yula ywakahweghiti, kakinnyanga, “Bambo, kangununga kiyaha katama mu lindogholo manjubha ncheche!” ⁴⁰Yesu kakinng'ombela, “Bhuli, nikighughombela ng'obhe kukita paghuhyubhalila ghwaghubhona ukulu ghwa Chapanga?”⁴¹Ndo bhakilibhuha lila liganga. Yesu kakilolekeha kunani ku luhingu na kulongela, ⁴²Nungughulumba ghwe Tate kiyaha ghungunyihwa nenga. Nungumanya kukita ghungunyihwa manjubha ghoha, peni nungulongela agha kwa kya lumati alu luuyimiti apa, ngati ayimihe kukita ghwenga ndo ghunaghihiti.”⁴³Mbole ya kulongela agha, Yesu kakikwiha lilobhe lyaki kakikema, “Lasalo ghuhiki kunu panji!” ⁴⁴Yula ywakahweghiti kakihika panji kunu kakihwikwa sanda mu maghulu na mu mabhoko na kilemba mu kibhungi kyaki. Yesu kakiaghombela, “Munmopole na munneke kaghende.”⁴⁵Habhu Ayahudi ayoloho bha ahikiti kunkamula mabhoko Malia, pa abhoniti ghala ghakatenditi Yesu, bhakihyubhalila. ⁴⁶Peni amoo bhabhe bhakighenda kwa Afalisayu kuaghombela ghala ghakatenditi Yesu.⁴⁷Hino mandundame akulu na Afalisayu bhakikema lukemo lwa libalasa likulu na bhakiyobhela, “Tutende bhuli? Mundu ayu kangutenda naho nyoloho munu. ⁴⁸Patunnekekeha ayu na luhumu lwaki bhandu bhoha bhatanhyubhalila, na aka Aloma bha hika kukikanjaghana kitutubhi kyetu kya Chapanga na nnima ghwetu!”⁴⁹Yumoo ywabhe, ywakakemwagha Kayafa, ywene kakibhegha Ndundame Nkulu ngungwa ayo, kakilongela, mwenga ma nga kamanya kilibhi kyoheli. ⁵⁰Mungumanya ng'obhe kukita mbaha mundu yumu kahweghe, hangi na kukanjaghanwa nnima ghwoha?”⁵¹Na lilagho alyo, kakilongela kya mahwacho ghaki ng'obhe, maha kiyaha kakibhegha ndundame nkulu ngungwa yila, kakilondola kukita Yesu katahwegha kwa kya nnima aghwo, ⁵²hangi kwa kya Ayahudi ghwekachabhe ng'obhe, maha bhubho kwa kya bhana bha Chapanga bha apwilinganiti, ngati bhabheghe bhamo. ⁵³Kutandila linjubha alyo hilongohi bha Ayahudi bhakitendekeha lukia lwa kunkoma Yesu.⁵⁴Kya habhu Yesu kakibhegha kangutyanga pa kindandabhanji ng'obhe mu mwa Ayahudi, kakighenda mbande yi ibheghiti ugheghela na kibhala, ku kitami kikemitweghe Efulaimu, kakitama akwo na ahundwa bhaki. ⁵⁵Chekwa ya Ayahudi ya Pasaka yikiheghelela, bhandu ayoloho bhakighenda ku Yelusalemu kuhumila mu hitami hyabhe ngati bhakalikuhe kali na Pasaka ayo.⁵⁶Ndo bhombe bhakibha bhangunpalaha Yesu, na pa akonganikiti mu Kitutubhi kya Chapanga, bhakikonyekehana, mungubhoana bhuli? “Kaahika ng'obhe mundu ayu, mu Chekwa ayi?” ⁵⁷Hilongohi bha andame na Afalisayu bhakibhika ngwilikiho kukita mundu ywoheli ywkalonda kumanya kwakabheghiti Yesu, kaakmbuhe ngati apati kunpukila kindakila.

¹Masiku sita kali na Pasaka, Yesu kakighenda ku Betania kweni kwakatamiteghe Lasalo, ywene ywakahyuhwitwi na Yesu kuhuma kwa bhaahweghiti. ²Akwo bhakintendekehela mulyo ghwa makimuhi, Malita kakibhegha kangunkeyela Yesu, Lasalo kakibhegha yumoo ywa bhala bha atamiti mu ³mulyo.Mbole Malia kakitola kyupa kina lihinda lya mahuta gha kunungila luhumba lwa nalido, kakinpopokehela Yesu mu maghulu ghaki na kakinpukuta kwa hwili hyaki. Nakyo kitutubhi kikimemekwa luhumba lwa mahuta gha kunungila.⁴Hino Yuda Simoni Isikaliyote, yumoo ywa ahundwa bhaki ywene ywakalonda kunkiluka Yesu, ndo kakilongela, ⁵“Kya bhuli luhumba alu lungahemenganiti kwa mbiya mbinda mabhoko kumi ndatu, na ngalabha ahyo angakamuhitwi kapukwa?” ⁶Naywo mweni Yuda kakighalongela agha kya kuabhonela luhungu kapukwa ng'obhe, ngati kiyaha kabha mwihi. naywo ndo ywakakamuliti nhaku na kakihitola hiibheghiti amwo.⁷Yesu kakiayanga, “Munneke ! Kakighahemela mahuta agha ngati kaghabhiki kwa kya linjubha lya kukulilwa nenga. ⁸Kiyaha kapukwa mmegha nabho manjubha ghoha peni nenga maabhegha papamu ng'obhe.”⁹Lumati lukulu lwa Akaayahudi paamanyiti kukita Yesu kakibhegha ku Betania, bhakihika kya kummona Yesu ghwekachaki ng'obhe, ngati bhammone Lasalo ywene Yesu kakinhyuha kuhuma mwa bhaahweghiti. ¹⁰Kya habhu hilongohi bha mandundami bhakiyenga lukila lwa kunkoma Lasalo ubhwabhu, ¹¹kiyaha kubhukana na mihalo ya kuhyuhwa Lasalo Akaayahudi ayoloho bhakintughila Yesu na kunhyubhalila.¹²Kilabhu yaki lumati lukulu lwa bhandu bhaahikiti ku kikubhukubhu bhakiyihwa kukita Yesu kakibhegha mu njila kuhika ku Yelusalemu. ¹³Hino bhakitola mapanyu gha misalisi bhakibhuka kughenda kunkingama, kunu paakwiha malobhe pa alongela “Lilumbo! Kanonelwe aywo yunakuhika kwa lihina lya Bambo. Kanonelwe Mutwa ghwa Akaaisilaeli!”¹⁴Yesu kakimmona mwana kaputa, kakinhubhuka handa bhula muyityekitwi. ¹⁵“Ghukotoo kuyoghopa, kitami kya Sayuni; Ghulole Mutwa ghwako kanguhika, kahubhuka mwana kaputa.”¹⁶Kalongohi ahundwa bhaki Yesu bhakimanya ng'obhe mihalo ayi, peni Yesu pakakwihwiti kala, ndo bhakamanya kukita mihalo ayi yikityekwa kwa kya ywombe, na kukita bhandu bhakintendela ywombe.¹⁷Lumati lwa bhandu luubheghiti papamu na Yesu pala pakankemiti Lasalo kuhuma mu lindogholo, kakinhyuha kuhuma kwa bhaahweghiti, bhakighendelela kunnyimiha. ¹⁸Kya habhu lumati alwo lwa bhandu lukinkingama, kiyaha bhakiyihwa kukita Yesu kakighutenda nhabho aghwo. ¹⁹Habhu Afalisayu bhakighombana bhombe kwa bhombe, “Mungubhona, kukita tungunoghwa ng'obhe kutenda kilibhi kyoheli! Nnole, anabhandu bhoha bhanguntuughila ywombe"²⁰kukibhegha na Agiliki bhamo bhaaghenditi ku Yelusalemu kutundamila mu kikubhukubhu akyo. ²¹Abho bhakinng'endela Filipi nkola nnima ghwa ku Betisaida ya ku Galilaya, bhakinng'ombela, “Bambo tungupala kummona Yesu.” ²²Filipi kakighenda kunng'ombela Andelea, mbole ndo bhoha abhili bhakighenda kunng'ombela Yesu.²³Yesu kakiayanga, “Lisaa lya kukwihwa Mwana ghwa Mundu lihika kala. ²⁴Kulyaghila nunguaghombela: lupunji lwa ngano kya nga kuponeka mu lutupi na kuhwegha lwahighala handa lupunji ghweka chaki. Peni paluponeka na kuhwegha, lwapambika mbunji nyoloho.²⁵Mundu ywoheli ywakaghupala ubhumi ghwaki kataghuhoha; naywo ywakaghukalalila ubhumi ghwaki mu nnima aghu kataghubhika kwa kya ubhumi ghwa nga kupela. ²⁶Mundu ywoheli ywakapala kutengehela nenga yinnogha kanndughile, habhu kukita poheli pala paameghiti nenga ndo ndumitumi ghwangu kaabhegha. Hangi mundu ywoheli ywakandengehela nenga Tate ghwangu katantetekeha.²⁷Hino ntima ghwangu ghungubhaghaya munu: mani nongele niki? Ndaalongela, ‘Tate, ghukotoo kutegheka lisaa ali linhikile’? Peni ndi kwa kya nnando aghu nilihikila lisaa ali. ²⁸Tate, likwihwe lihina lyako. Ndo likihika lilobhe kuhuma kunani kwa Chapanga, “Nilikwiha kala, na ndalikwiha kangi.” ²⁹Lula lumati lwa bhandu luubheghiti pala lukiyihwa. Nalwo lukilongela, ali lilobhebhe lya njahe, bhangi bhakilongela, “Ndumitumi ghwa kunani kwa Chapanga kanguyobhela naywo”³⁰Peni Yesu kakiaghombela, “Lilobhe ali liyihwanika kwa kya mwenga, hangi kwa kya nenga ng'obhe. ³¹Hino ndo lisaa lya kutoswa nnima aghu; hino nkulu ghwa nnima aghu katataghwa panji.³²Nenga panonda kuyinulighwa kunani kwa Chapanga, peni ndabhakwemula bhandu bhoha ahiki kwa nenga.” ³³kakilongela agha pakilaha kiho ghani kyakalonda kuhwegha.³⁴Lula lumamati lwa bhandu likinnyanga, “Tuyihwanila kuhuma mu malaghilo kukita Kilistu ywakahaghulitwi na Chapanga kaalama manjubha ghoha. Hinu ghungulongela bhuli Mwana ghwa Adamu katayinulighwa kunani kwa Chapanga? Aywo mwana ghwa Adamu ndoghani?” ³⁵Ndo Yesu kakiayanga, “Lung'ali lukali papamu na mwenga pa mandina, nnyendelele kutyanga nalwo lukali pa lung'aliha, ikali na kuyingilwa lubhindo; kiyaha mundu ywakatyanga mu lubhindo kaamanya ng'obhe kwakaghenda. ³⁶Mughubhiki uhyubhalilo ghwenu mu lung'ali alwo, ngati mmeghe bhana bha lung'ali. Mbole ya kulongela agha Yesu kakibhuka, kakilihiha akotoo kummona.³⁷Hata mbole ya kutenda mihabho yoha ayi mu ulongolo ghwabhe, bhene bhakinhyubhalila ng'obhe, ³⁸ayi yikibha ngati likwile lila lilagho lya mbuye Isaya lliihikiti: “Bambo, ghani ywakahyubhaliliti lilagho lyetu? Na makakala gha Bambo ghuyimihwa kwa ghani?³⁹Habhu bhakihyubhalila ng'obhe, kiyaha Isaya kakilongela pamoo pangi, ⁴⁰"kabhapohwola meho ghabhe na kabhapughaha mahala ghabhe, akotoo kubhona kwa meho ghabhe akotoo kumanya kwa mahala ghabhe, na akotoo kungilibhukila, kalongela Bambo, ngati hotole kualamiha.”⁴¹Mbuye Isaya kakilongela agha kiyaha kakighubhona ukulu ghwa Yesu na kakilongela mihalo yaki. ⁴²Hata naha, ayoloho bha hilongohi bha Akaayahudi bhakinhyubhalila Yesu; Peni kiyaha ya Akaafalisayu bhakililaha ng'obhe pa kindandabhanji, mana bhakiyoghopa kubhingwa mu hitutubhi hya ngonganilo. ⁴³Bhombe bhakipala kutikilwa na bhandu chepa kutikilwa na Chapanga.⁴⁴Mbole Yesu kakilongela kwa lilobhe likulu, “Mundu ywoheli ywakanhyubhalila nenga, kangunhyubhalila nenga ghwekachangu ng'obhe, ngati kangunhyubhalila bhubho yula ywakanaghihiti. ⁴⁵Ywoheli ywakamona nenga kungummona bhubho yula ywakanaghihiti⁴⁶Nenga hika pa nnima handa lungali, ngati kukita mundu ywoheli ywakanhyubhalila kakotoo kuhighala pa lubhindo. ⁴⁷Na ywoheli ywakaghayihwa malagho ghangu peni kangughakamulila ng'obhe, nenga ndantosa ng'obhe. Kiyaha hika kuutosa nnima ng'obhe, ngati kughulopola.⁴⁸Ywakangana nenga na kughakana malagho ghangu kabhegha ywkapala kuntosa. Lilagho lila linongiliti ndo nnamula linjubha lya uhiko ⁴⁹Ayi ndo hoto, kiyaha ningulongela kwa makakala ghangu ng'obhe, peni Tate ghwangu ywakanaghihiti ndo ywakangwilikihiti nongele niki na nyobhele niki. ⁵⁰Na nenga nungumanya kukita ngwiliha yaki yingughegha ubhumi ghwa manjubha ghoha. Hino, nenga nungulongela ghala ghakanaghihiti Tate nighalongele.”

¹Likibhegha linjubha kali na kikubhukubhu kya Pasaka. Yesu kakimanya kukita lisaa lyaki lya kubhuka pa nnima ngati kaghende kwa Tate likihika. Kakiapala bhandu bhoha bhaabheghiti munnima, na kakiapala munu kulyaghila mbaka kuuhiko. ²Hino Yesu na ahundwa bhaki bhakitama kulyegha mulyo ghwa makimuhi. Nchipila kakinnyingiha kala Yuda, mwana Simoni Isikalioti, linogho lya kunkiluka Yesu.³Yesu kakimanya kukita Tate kakibhegha kankamuha makakala ghoha; Na kakimanya kukita kakihuma kwa Chapanga na kangubhuya kwa Chapanga. ⁴Habhu kakibhuka mu mulyo, kakihula lipinda lyaki lya panji, na kakilikunga nkungi mu kibhuno. ⁵Mbole kakipopoha machi mu nkambo na kuyanda kuaghulula maghulu ahundwa bhaki na kuapukuta kwa ghula nkungi ghwakalikungiti.⁶Pakanhikiliti Simoni Petili, Petili kakinng'ombela Yesu, “Bambo, ghwenga ghwang'ulula maghulu ghangu nenga?” ⁷Yesu kakinnyanga, “Ghungumanya ng'obhe kinukitenda hinu peni mbole ghwakimanya.” ⁸Petili kakinng'ombela, “Akakaa, ghwenga ghwang'ulula maghulu ndwee” Yesu kakinnyanga, Handa panughughulula ng'obhe ghwenga ghwabhegha nhundwa ghwangu ng'obhe kangi.” ⁹Simoni Petili kakinnyanga, “Bambo, ghung'ulule maghulu ghweka chaki ng'obhe, maha papamu na mabhoko ghwangu na mutwe, ubhwabhu”¹⁰Yesu kakinng'ombela, “Mundu ywakayoghiti kala kangunoghwa kughulula maghulu ghweka, mana kaghululika kala mmili ghwaki ghwoha. “Mwenga nng'ululika, peni mabhoha ng'obhe.” ¹¹Yesu kakimmanya yula ywakalonda kunkiluka; ndo mana kakilongela, “Mwenga nng'ululika, peni mabhoha mwenga ng'obhe.”¹²Yesu pakayomoliti kuaghulula maghulu ghabhe, kakihwala kangi lipinda lyaki, kakibhuya kutama pa utamo na kakiakonya. “Mungumanya agha ghanuatendeliti? ¹³Mwenga mungungema nenga Nhunda na Bambo, ayi tela yimuyilongela, kiyaha ndo mumeghiti. ¹⁴Kya habhu, nenga nunmeghiti Bambo na Nhunda ghwenu nuaghulula mwenga maghulu, mwenga ubhwabhu mungunoghwa kughululana maghulu mabhene kwa mabhene. ¹⁵Nubhapegha nhwanu aghu, ngati na mwenga bhubho ntende handa munuabhatendeliti.¹⁶Kulyaghia nunguaghombela, ndumindumi nkulu ng'obhe kupitingana kwa bambo ghwaki, hangi yunakulaghilwa nkulu ng'obhe kupitingana kwa ywakannaghihiti. ¹⁷Hino handa mungughamanya agha maha mbaha mukatetekehe. ¹⁸“Nungolongela agha ghamabhoha ng'obhe, Nenga nungaamanya bhanibhahaghuliti. Peni mbaka ghatwihilike matyeko Mang'anyimo ghaalongela, ‘Yula ywakalyeghite mulyo ghwangu kangukilibhila mihakataho.’¹⁹Nenga ningubhaghombela mihalo ayi yikali na kubwitukila, ngati paghapala kubwitukila mmokole kuhyubhalila kukita ‘Nenga Ndo Mwene.’ ²⁰Kulyaghila nungunng'ombela, ywoheli ywakankingama yula yununnaghila nenga kangungingama nenga, na ywakangingama nenga kangunkingama yula ywakanaghilite nenga.”²¹Pakayomolite kulongela agha, Yesu kakibheghaghaya muno mu mwoyo, kakilongela hoto hoto, “Kulyaghila nungubhaghombela. “Yumoo ywenu kataangiluka.” ²²Ahundwa bhake bhakilolekehana, kya nga kumanya kukita kangunnonga ghani.²³Yumoo ywa ahundwa bhaki, Ywene Yesu kakibhegha kangunpala muno, kakibhegha katama ugheghela na Yesu. ²⁴Hino, Simaoni Petili kakinkwenyula na kakinng'ombela, “Ghukonye ndo ghani ywakankambuka.” ²⁵Habhu nhundwa aywo kakiheghelela ugheghela kyanalumu na Yesu na Kakinkonya, “Bambo, ndo ghani aywo?”²⁶Yesu kakinnyanga, “Yula yumbala kunpegha kipalamande kya lingate mbole ya kukichwika mu kiluki, ndo yuywayu ayu.” Habhu kakikitola kipalamande kya lingate, kakikichwika mukiluki na kakinpegha Yuda, mwana ghwa Isikalioti. ²⁷Yuda pakakikingamite kala kila kipalamande, Nchipia kakinnyingila. Hino Yesu kakinng'ombela, “Kighukipala kukitenda ghuitende kanongola”²⁸Peni kahone hata yumu ywa bhala bhaatamite mu mulyo kya bhuli Yesu kakinng'ombela habhu. ²⁹Kiyaha Yuda kakibhegha mmika ngalabha, amoo bha ahundwa bhakihwacha kukita Yesu kakinng'ombela kakahemela hilibhi hya kya kikubhukubhu, ebu kakinng'ombela kakaapeghe akapukwa hilibhi hyohele. ³⁰Hino pakakikingamite kala kila kipalamande kya lingati kakibhuka unyumba. Nayo yikibha pakilo.³¹Mbole ya Yuda kubhuka unyumba, Yesu kakilongela, “Hinu Mwana ghwa Mundu kakwihwa, naywo Chapanga kakwihwa nkati mwake. ³²Na handa ukulu ghwa Chapanga ghuhwimulighwa nkati ya Mwana, hino, naywo Chapanga kataghuyimiha ukulu ghwa Mwana ghwa Mundu nkati mwake mwene, na katatenda naha kamu. ³³Ma bhana bhangu, nenga ngali papamu na mwenga kwa nndaluko ghwa mandina hela. Maambalaha, peni hinu nungaaghombela ghala ghanibhaghombilite hilongohi bha Akaayahudi, ‘Kung'enda nenga, mwenga mahotola ng'obhe kughenda.’³⁴Nughabhapegha ngwilikiho ya hyona, mulipale mabhene. Mulipale handa nenga munubhapalite mwenga. ³⁵Pamulipala, bhandu bhoha bhaamanya kukita mwenga ndo ahundwa bhangu.³⁶Simoni Petili kakinkonya Yesu. “Bambo ghungughenda kwoki?” Naywo Yesu kakinnyanga Petili, “Kung'enda nenga ghwahotola ng'obhe kundughila hinu, peni ghwandughila mbole yaki.” ³⁷Petili kakinkonya kangi Yesu, “Bambo kya bhuli nenga ndahotola ng'obhe kughutughila hinu? Megha kala kuhwegha kwa kya ghwenga!” ³⁸Yesu kakinnyanga, “Bhuli ghubhegha kala hoto kuhwegha kwa kya nenga? Kulyaghila nungughughombela, Yikali ya kubhika njogholo ghwanganila paundatu kukita ghungumanya ng'obhe.

¹"Nkotoo kubhaghayika mu myoyo yenu mungunhyubhalila Chapanga munhyubhalile na nenga bhubho. ²Ukaya kwa Tate ghwangu kubhegha na matamo matangalo. Hela bhubho ningabhaghombiliti, kiyaha nungughenda kuatendekehela matamo. ³Na mbole ya kughenda na kuatendekehela utamo, ndaabhuya na kuakemela kwa nenga, ngati mwenga mmeghe pala pameghiti nenga.⁴Muyimanya njila ya kughenda akwo kung'enda nenga” ⁵Tomasi kakinkonya, “Bambo twenga tukumanya ng'obhe kughughenda; hinu twayimanya bhuli njila ayo?” ⁶Yesu kakinnyanga, Nenga ndo njila, na uhoto, na ubhumi; kahone mundu ywakahotola kughenda kwa Tate ngati kya kukindila kwa nenga. ⁷Handa mungamanyiti nenga,” “Munganmanyiti na Tate ghwangu bhubho, na kuyandila hino mungunmanya Tate kangi mummona.”⁸Filipi kakinng'ombela, “Bambo ghutulangihe Tate twayelelwa.” ⁹Yesu kakinnyanga, “Ndama na mwenga manjubha ghoha agha, ghwenga Filipi ghunmanya ng'obhe? Ywakamoniti nenga kammona na Tate, hino ghungulongela bhuli, ‘Ghutulahe Tate’?¹⁰Ghunguhyubhalila ng'obhe, Filipi, kukita nenga megha nkati ya Tate na Tate kabhegha nkati yangu? Malagho ghanibhaghombela mwenga, nunguyobhela kwa kya nimwene ng'obhe. Ngati Tate ywakabheghiti nkati yangu, ndo ywakatenda mahengo ghaki. ¹¹Munhyubhalile nenga kukita megha nkati ya Tate naywo Tate kabhegha nkati yangu. Handa Chepa, nhyubhalile kubhukana na mahengo ghala ghanighatenda.¹²Kulyaghila nunguaghombela: ywakanhyubhalila nenga katatenda milando yiniyitenda nenga, ena, kataghatenda makulu kuchweha, kiyaha nenga nungughenda kwa Tate. ¹³Na mwenga kyoheli kimukiyupa kwa lihina lyangu akyo ndakitenda, ngati Tate kakwihwe nkati ya Mwana. ¹⁴Pamunyupa lilagho lyoheli kwa lihina lyangu ndabhatendela.¹⁵“Handa pamumbala, mayikamula ngwilikiho hyangu. ¹⁶Na ndannyupa Tate, naywo katannpegha Nndumitumi Yungi ngati katame na mwenga manjubha ghoha ¹⁷aywo ndo Nhuki ghwa Chapanga ghwa hoto. Nnima ghwahotola ng'obhe kunkingama, kiyaha ghwahotola ng'obhe kummona. Peni mwenga mungummanya, kiyaha kabha papamu na mwenga na kangutama nkati yenu.¹⁸“Ndabhaleka ng'obhe mwenga bhana alekwa; ndahika kangi kwa mwenga. ¹⁹Mbole ya manjubha gha mandina anannima bhamona nenga kangi ng'obhe,peni mwenga mamona nenga; kiyaha nenga nungulama, na mwenga mabhegha mu kulama bhubho. ²⁰Lisiku alyo palihika, mamanya kukita nenga megha nkati ya Tate ghwangu na mwenga mmegha nkati yangu na nenga megha nkati yenu.²¹“Ywoheli ywakakingama ngwilikiho yangu na kuyitenda aywo ndo ywakambala nenga. Na Tate ghwangu katammpala yula ywakambala nenga; na nenga ndammpala na ndaliyimiha kwa ywombe.” Ndo ²²Yuda, Yuda Iskalioti ng'obhe, “Bambo, yahotoleka bhuli ghwenga kuliyimiha kwa twenga na chepa kwa bhanannima?”²³Yesu kakinnyanga, “Mundu pakambala na katalitenda mahundo ghangu, na Tate ghwangu katampala, na Tate ghwangu papamu na nenga twahika kwa ywombe na kutama naywo. ²⁴Mundu ywoheli ywa nga kumbala nenga kataghatenda ng'obhe mahundo ghangu, na mahundo ghanibhapeghiti gha nenga ng'obhe, ngati gha Tate, ywakanaghihiti nenga.²⁵“Nubhaghombela agha ghoha bhula pameghiti ngali papamu na mwenga. ²⁶Peni Ntangatila, Nhuki ghwa Chapanga, ywene Tate katannaghiha kwa lihina lyangu, katanhunda milando yoha kubhabangatula yoha yinubhaghombiliti. ²⁷“Uhihimilo nungubhalekela; uhihimilo ghwangu nungubhapegha. nungubhapegha handa ghula ghwaghukamuhagha bhanannima ng'obhe. Nkotoo kubhaghaya mu myoyo yenu, nkotoo kuyoghopa.²⁸Mukiyihwa pa nongela, ‘nungulighendela, peni ndabhuya kangi kwa mwenga.’ Handa mungambaliti mungayelelitwi kiyaha nungughenda kwa Tate, kiyaha ywombe ndo nkulu kupitingana kwa nenga. ²⁹Nubhaghombela mihalo ayi yoha ikali na kubwitukila, ngati payilonda kubwitukila npati kuhyubhalila. ³⁰Ndayobhela na mwenga kangi ng'obhe mihalo miyoloho, kiyaha ntabhala ghwa nnima aghu kanguhika. Kabha na makakala ng'obhe kwa nenga, ³¹peni nnima ghumanye kukita numpala Tate; na handa bhula Tate mwakangwlikihiti nenga nungutenda bhubhwabhu. “Nnyime, tubhuke apa.

¹“Nenga ndo nkongo nzabibu ghwa hoto, na Tate ghwangu ndo nkanda lutupi. ²Lipanyu lyoheli mu nkati yangu lya nga kupambika mapambika kangughadumulala, na lipanyu lyoheli linakupambika mapambika kangulipyetula.³Mwenga mmegha kala nyanyi kubhukana na lila lilagho linubhaghombiliti. ⁴Ntame nkati yangu, na nenga nkati yenu. Handa bhula lipanyu mulihotola ng'obhe kupambika mapambika kya nga kubhegha mu nkongo nzabibu; ubhwabhuabhu na mwenga mahotola ng'obhe kupambika kya nga kutama nkati yangu.⁵Nenga nu nkongo nzabibu, na mwenga ndo mapanyu. Ywakatama nkati yangu, na nenga nkati yaki, Aywo kangupambika mapambika matangalo; kiyaha kya nga nenga mahotola ng'obhe kutenda kyoheli. ⁶Mundu ywoheli ywa nga kutama nkati yangu katataghwa panji handa lipanyu na kunwyaluka; bhandu bhangughakungana na kughatagha mu mwoto, na kulaghala. ⁷Mwenga pantama nkati yangu na malagho ghangu paghatama nkati yenu, nnyupe kyoheli kimukipala na makamuhwa.⁸Kya habhu Tate ghwangu katakwihwa handa pampambika mapambika matangalo na mwenga mabhegha ahundwa bhangu. ⁹“Handa bhula tate mwakambaliti nenga, habhu nenga nunguapala mwenga. Hinu ntami mu upalo ghwangu.¹⁰Pamuhikamula ngwlikiho hyangu matama mu upalo ghwangu, handa bhula nenga munihikamuliti ngwilikiho hya Tate na kutama mu upalo ghwangu. ¹¹Agha nubhaghombela ngati uyelelo ghwangu ghutami nkati yenu na uyelelo ghwenu utengeleke.¹²Pamuhikamula ngwlikiho hyangu matama mu upalo ghwangu, handa bhula nenga munihikamuliti ngwilikiho hya Tate na kutama mu upalo ghwangu.¹³Agha nubhaghombela ngati uyelelo ghwangu ghutami nkati yenu na uyelelo ghwenu utengeleke.¹⁴Mwenga maaghanja bhangu pantenda ghala ghanighakwilikihiti. ¹⁵Mwenga ndabhakema kangi ng'obhe mandumindumi, Kiyaha ndumindumi kamanya ng'obhe kyakakitenda bambo ghwaki. Ngati mwenga nungubhakema maaghanja kiyaha nubhakambukila kala ghoha ghanighayihwiti kuhuma kwa Tate.¹⁶Mwenga mukinhaghula nenga ng'obhe; peni nenga ndo yunubhahaghuliti na kubhalinga ngati nng'ende mukapambike mapambiko gha maha, na mapambiko ghenu ghakamale. Na kukita kyoheli kimunnyupa Tate kwa lihina lyangu kabhapeghe. ¹⁷Hino, ayi, ndo ngwilikiho yangu: mulipale.¹⁸“Handa bhanannima bhangubhayaghabhalila mwenga, nbangatuke kukita bhangunyaghabhalila nenga ikali na kubhayaghabhalila mwenga. ¹⁹Handa mungabheghiti bhandu bha bhanannima, bhanannima bhangabhapaliti bhaabheghiti bhaki. Peni kiyaha mwenga bha nnima aghu ng'obhe, ngati nenga nubhahaghula mu nnima, kya habhu bhanannima bhangubhayaghabhalila.²⁰Nbangatuke lila lilagho linubhaghombiliti: ‘Kahone ndumindumi ywakabheghiti nkulu kupitingana kwa bambo ghwaki.’ Handa bhandu bhambamanda nenga, bhatabhabamanda na mwenga ubhwabhu; Handa bhalikingama lilagho lyangu bhatalikingama na lilagho lyenu bhubho. ²¹bhatabhatendela mwenga agha ghoha kwa kya lihina lyangu kiyaha bhanmanya ng'obhe ywakanaghihiti nenga. ²²Handa ningahikiti ng'obhe na kuyobhela nabho bhangabheghiti na uhokelo ghwa ulemwa ng'obhe, peni hino bhahotola ng'obhe kulikengekeha kukita bha nga ulemwa.²³Ywoheli ywakanyaghabhila nenga kangunnyaghalila Tate ghwangu ubhwabhu. ²⁴Handa ningatenditi ng'obhe kwa bhombe milando yene kahone mundu ywakatenditi ng'obhe bhangabheghiti na uhokelo ng'obhe; peni hino bhayibhona yoha yiniyitenditi bhangalalila nenga, bhankalalila na Tate ghwangu. ²⁵Peni litengeleki lila lilagho liityekitwi mu malaghilo kukita; ‘Bhanyaghabhalila kya nga nhokolo ghwoheli.’²⁶Peni pakalonda kuhika aywo Ntangatila yunonda kunnaghiha kwa mwenga kuhuma kwa Tate. aywo nhuki ghwa hoto ghwa Chapanga, ywombe katanyimiha nenga. ²⁷Na mwenga ubhwabhu mannyimiha nenga, kiyaha mukibegha na nenga kutandila kalongohi.

¹“Nubhaghombela milando ayi kiyaha nkotoo kughuleka uhyubhalilo ghwenu. ²Bhandu bhatabhabhaghula mwenga mu hitutubhi hya ngonganilo hyabhe, kangi lisaa linguhika lyeni ywoheli ywakalonda kuabhakoma katahwacha kukita kangunkeyela Chapanga.³Nabho bhatabhatendela milando ayi kiyaha bhangummanya ng'obhe Tate ebu nenga. ⁴nubhaghombela milando ayi, ngati palilonda kuhika lisaa lyaki nbangatuke kukita nikibhaghombela “Nikibhaghombela ng'obhe milando ayi kutandila kalongohi, kiyaha nikibhegha papamu na mwenga.⁵Peni hinu nenga nungughenda kwa ywombe Ywakanaghihiti, hangi kahone yumoo ywenu yunakukonya ghungughenda kwoki? ⁶Mu myoyo yenu yimema ngukuliko, kiyaha nubhaghombela milando ayi. ⁷Peni nenga nungubhaghombela hoto: yingunoghwa nenga muke, kiyaha kya nga kubhuka aywo Ntangatila katahika ng'obhe kwa mwenga. Peni pang'enda, hinu ndannaghiha kwa mwenga⁸Naywo mbole ya kuhika, kataayimiha bhandu bha nnima kukita bhahokela ya kya mihalo ya ulemwa, na shalia na toso ya Chapanga. ⁹Kwa mihalo ya kya ulemwa, kiyaha bhangunhyubhalila ng'obhe nenga; ¹⁰kwa mihalo ya kya shalia, kiyaha nungughenda kwa Tate na mwenga mamona kangi ng'obhe; ¹¹Kwa mihalo ya toso, kiyaha yula nkulu ghwa anannima aghu katoswa kala.¹²Tangu meghanayo milando miyoloho ya kualubhulila, peni mahotola ng'obhe kughalimbilila kwa hinu. ¹³Peni, pakapala kuhika aywo Nhuki ghwa hoto, kaalongoha ku uhoto ghwoha kwa kya Chapanga, mana kaalongela kwa kya ywombe mwene ng'obhe, ngati kaakambuka ghakaghayihwa, na kuaghombela mihalo yipala kuhika. ¹⁴Ywombe kaangwiha nenga, kiyaha kaankambuha ghala kaghatola kuhuma kwa nenga na kuaghombela mwenga.¹⁵Hyoha hyakabheghitinahyo Tate ndi hyangu; ndo mana nongela kukita aywo nhuki kaankambuha ghala ghoha kaghatola kuhuma kwa nenga na kuaghombela mwenga. ¹⁶“Yikali manjubha gha mandina maamona kangi ng'obhe nenga, na mbole kangi ya manjubha gha mandina maamona.”¹⁷Apwo amoo bha ahundwa bhaki bhakiyanda kukonyana, “Kabha na mana ghani ayu? Kangutughombela Yikali manjubha gha mandina maamona kangi ng'obhe nenga, na mbole kangi ya manjubha gha mandina twaamona; kangi kangulongela ubhwabhu, ‘Kiyaha nugughenda kwa Tati?". ¹⁸Hino bhakibha bhangukonyana, “Yikali manjubha gha mandina? Tungumanya ng'obhe kyakalongela!”¹⁹Yesu kakimanya kukita bhakipala kunkonya ya kya alyo, habhu kakiaghombela, “Bhuli mungukonyana mabhene ya kya ghala ghanighalongiliti? Yikali manjubha gha mandina maamona kangi ng'obhe nenga, na mbole kangi ya manjubha gha mandina maamona.'? ²⁰Kulyaghila nungaaghombela, mwenga maalila na kukukulika, peni nnima ghwayelelwa; na mwenga maabhona machwingo peni uchwingo ghwenu ghwakilibhuka uyelelo. ²¹N'dala pakabhegha mukulibhopola, kangubhona lihingila kiyaha lisaa lyaki lya lihingila lihika, peni mwana pakabhelekitwi kala kangulibhalila lihingila kubhukana na uyelelo ghwa kubhelekwa kwa mwana pa nnima.²²habhu mwenga hinu mmegha na lihingila ubhwabhu, peni ndabhahikila kangi, na maabhegha na uyelelo mu myoyo yenu, na uyelelo aghwo kahone mundu ghwa kughubhuha ²³“Lisiku alyo maanyupa ng'obhe kilibhi kyohele, kulyaghila nunguagombela, kyohele kimunnyupa Tati kwa lihina lyangu kaanpegha. ²⁴mbaka hinu munayupa nnando ghwoheli ng'obhe kwa lihina lyangu; Nnyupe ngati uyelelo ghwenu ghutwihiliki.²⁵Nubhaghombela mihalo ayi kwa mandambulo. Lisaa linguhika lyeni ndaalongela na mwenga ng'obhe kwa mandambulo, peni ndabhaghombela hotohoto ya kya Tate.²⁶Lisiku alyo palihika, maayupa kwa lihina lyangu; na ndabhaghombela ng'obhe kukita ndannyupa Tate kwa kya mwenga, ²⁷kiyaha Tate mwene kanguapala mwenga. kanguapala mwenga kiyaha mungumbala nenga na mungunhyubhalila kukita huma kwa Chapanga. ²⁸Nenga nikihuma kwa Tate, hinu hika apa pannima; na hinu nugughuleka nnima nungughenda kwa Tate.”²⁹Ndo ahundwa bhaki bhakilongela, “Hinu ghungulongela hotohoto nalumu kya nga mandambulo. ³⁰Hinu tungumanya kukita ghwenga ghungumanya milando yoha; na ghupala ng'obhe kukonywa na mundu ywohele. Habhu tunguhyubhalila kukita ghuhuma kwa Chapanga.” ³¹Yesu kakiayanga, “Bhuli munguhyubhalila hinu?³²Lisaa linguhika, kangi lihika kala, lyeni mabhoha mapwinganika, kila mundu kughenda ukaya kwake, maneka nenga ghweka changu. Peni nenga megha ghweka changu ng'obhe, kiyaha Tate kabhegha na nenga. ³³Nubhaghombela milando ayi ngati npati kubhegha na uhihimilo mu kulilunga na nenga. Pannima mamokola luhuyu. Peni mulikungi myoyo! Nenga nughuhotola nnima.

¹Mbole ya kulongela agha Yesu, kakilolekeha kunani kwa Chapanga na kakilongela, “Tate, lisaa lihika kala. Ghunkwihe mwana ghwako ngati mwana ghwako naywo kaghukwihe ghwenga. ²Kiyaha gumpegha makakala mu mwa bhoha abha bhaaunpeghiti.³Na ubhumi ghwa manjubha ghoha ndo aghu, Bhaghumanye ghwenga ghuubheghite ghweka chako Chapanga ghwa Hoto, na Yesu Kilisto ghuyunnaghiliti. ⁴Nenga nughukwiha apa pannima; niliyomola lila lihengo lighumbeghiti niltende. ⁵Hinu, Tate, Ghughwihe nenga mu ulongolo ghwako, kwa ghula ukulu ghumeghiti naghwo ikali ya kubhumbwa nnima.⁶Nilikambuha lihina lyako kwa bhoha bhaghumbeghiti kuhuma Pannima. Bhakibhegha bha ghwenga, na ghukimbegha nenga, nabho bhalikingama lilagho lyako, ⁷na hinu bhamanya kukita kilibhi hyoha highumbegiti kihuma kwa ghwenga. ⁸Nenga niapegha lila lilagho lighumbeghiti, nabho bhalikingama bhamanya kukita hoto huma kwa ghwenga, na bhanguhyubhalila kukita ghwenga ndo ghunaghila.⁹“Nungaayupila bhombe. Nunguyupa kwa kya nnima ng'obhe peni kwa bhoha bhaghumbeghiti, kiyaha abho ndo bha ghwenga. ¹⁰Bhoha bhaabheghiti bha nenga ndo bha ghwenga, na bhoha bha ghwenga ndo bha ghwenga; na nenga nughukwiha nkati mwabhe. ¹¹Na hinu nunguhika kwa ghwenga; megha kangi ng'obhe pannima, peni bhombe abhegha pannima. Tate Nng'anyimo! Kwa makakala gha lihina lyako, lihina lighumbeghiti, ketekete ghubhabhiki maha ngati bhabheghe kilibhi kimu handa twenga mutubheghiti kilibhi kimu.¹²Pameghiti papamu na bhombe, nikibhabhika maha kwa makakala gha lihina lyako, lihina lighumbeghiti. Nenga nibhakingikiha, kahone yumoo ywabhe ywakahobhiti, peni nga yula mwana nhobheho, ngati malembo ghatwihilike hoto. ¹³Na hinu nunguhika kwa ghwenga, na nongela lilagho ali pannima ngati abheghe na uyelelo ghwangu nkati mwabhe. ¹⁴Niapegha lilagho lyako, nabho bhanannima bhabhakalalila kiyaha bhombe bha nnima aghu ng'obhe handa nenga mumeghiti ghwa nnima aghu ng'obhe.¹⁵Nunguyupa ng'obhe kukita ghuabhuhe pannima, ngati nunguyupa ghubhakingihe na yula nkiluka. ¹⁶Bhombe bha nnima aghu ng'obhe handa nenga mumeghiti ghwa nnima aghu ng'obhe. ¹⁷Ghubhaghulule kwa yila hoto, lilagho lyako ndo lya hoto.¹⁸Handa bhula mughunaghiliti nenga mu nnima, na nenga nungabhalaghila bhubhwabhu. ¹⁹Kwa kya bhombe nungulikamuha nimwene, ngati abha bhaghululwe na yila hoto.²⁰“Nunguayupila abha ghwekachabhe ng'obhe, peni nunguayupila na bhala bhoha bhaapala kunhyubhalila kukindila lilagho lyako. ²¹Bhoha abheghe na ughumo handa bhula ghwenga. Tate! Mughubheghite nkati yangu na nenga nkati yako. Ngati unannima ghuhyubhalile kukita ghwenga ndo ghunaghilite.²²Ukulu ghula ghuumbeghite nenga nibhapegha bhombe, ngati bhabheghe na ughumo handa twenga mutubheghite ughumo. ²³Nenga nu nkati yako na ghwenga ghu nkati yangu, ngati bhabhe atwihiliko mu ughumo na unnima ghumanye kukita ndo ghuunaghila, na nenga nuapala handa mughumbalite nenga.²⁴“Tate, nungupala abha bhaghumbeghite abheghe papamu na nenga pala pambalakubhegha, ngati bhaghubhone ukulu ghwangu ghuumbeghite; kiyaha ghumbala ikali na kubhumbwa unnima.²⁵Tate nkola shalia!Unnima ghungukumanya ng'obhe, peni nenga nungukumanya, na abha bhangumanya kukita ghunaghila. ²⁶Ndenda lihina lyako limanyike kwa bhombe na nenga ndaghendelela kutenda limanyikwe, ngati kukita upalo ghula ghuumbeghite nenga ghubhegha nkati yabhe na nenga nkati yabhe.

¹Yesu pakayomoliti kulongela agho, kakibhuka papamu na ahundwa bhaki bhakighenda kumwambo ya kikemba kya Kediloni. Akwo kukibhegha kitogholo, Yesu kakiyingila amwo papamu na ahundwa bhaki. ²Hino Yuda, yula nkiluka kakipamanya pala, kiyaha Yesu kakibhegha kangughenda na ahundwa bhaki akwo pipipi. ³Habhu Yuda, kakilongoha kimati kya machonda bha Akaalumi na amoo bha ahofisa bhaahumiti kwa hilongohi bha andundami na Akaafwalisayu, bhakibha na mambamba na mikoha.⁴Yesu pakimanya ghala ghoha ghaapala kuntula, kakilibwitukiha mu ulongolo ghwabhe na kakiakonya, “Mungunpalaha ghani?” ⁵Bhombe bhakinnyanga “Yesu ghwa Kunasaleti” Yesu kakiaghombela, “Ndo nenga”Naywo Yuda ywakankilukiti kakiyima papamu nabho machonda.⁶pakaaghombiliti, “Ndo nenga,” Bhakibhuya kihyengelenyuma na kughwegha pahi. ⁷kakiakonya kangi, “Mungunpalaha ghani?” Bhombe bhakinnyanga, “Yesu ghwa Kunasaleti”⁸Yesu kakiaghombela, “Nubhaghombela kala kukita ndo nenga, kya habhu handa mungumbalaha nenga mubhaleke abha bhandu bhaghende.” ⁹Ayi yikibha ngati litwihikie lila lilagho lyakalongiliti, “Tate, bhala bhaghumbeghite nunhoha ng'obhe hata yumoo ywabhe.”¹⁰Hino Simoni Petili kakibhegha na kikechelo, kakihomola na kakin'dumula likutu lya kunnilo ndumindumi ghwa Ndundame Nkulu, ndumindumi aywo kakikemwa lihina lyaki Maliki. ¹¹Yesu kakinng'ombela Petili, “Ghubhuyihe kikechelo kyako mu nchako ghwaki. Bhuli nteko ghwakambeghite Tate nenga ngotoke kughunywila?"¹²Hino bhala machonda na yula machonda nhwadali na andumindumi bha Akaayahudi bakinkamula Yesu na kummopa, ¹³kalongohi bhakinng'egha kwa Anasi. Aywo Anasi kakibhegha nkohano ghwake Kayafa, ywene ywakabheghite Ndundame Nkulu Ngungwa yila. ¹⁴Kayafa ndo yula ywakaapeghite unyeghelehi Akaayahudi kukita yinnogha mundu yumu kahwegha kwa kya bhandu.¹⁵Simoni Petili papamu na nhundwa yungi bhakintughila Yesu. Aywo nhundwa yungi kakibhegha kangumanyikwa kwa Ndundame Nkulu, Habhu kakiyingila papamu na Yesu mbaka mu ludamu lwa Ndundame Nkulu; ¹⁶Peni Petili kakiyima panje ugheghela na nlyango. Hino aywo nhunda yungi kakibhuya kuyobhela na ndumindumi nhinja ywakakingikihiti nlyango kantegheke Petili kayingile unyumba.¹⁷Yula nhinja nkingikiha nlyango kakinkonya Petili, “Na ghwenga ghu yumoo ywa ahundwa bhaki mundu ayu ng'obhe?” Petili kakiyanga, “Nenga ng'obhe” ¹⁸Bhala andumindumi na akingingikiha bhakikoleka mwoto na bhakiyima, bhakibha bhanguyotela, kiyaha kukibha na malili. Naywo Petili kakiyima papamo nabho pakiyotela.¹⁹Hino Ndundame Nkulu kakinkonya Yesu ya kya ahundwa bhake na mahundo ghake. ²⁰Yesu kakinnyanga, “Nikibha panyobhela manjubha ghoha na bhandu bhoha pakindandabhanji, kamu na kamu nikihunda muhitutubhi hya kukonganila Ayahudi na mukitutubhi kya Chapanga, kweni kwaakonganiti Akaayahudi bhoha. Hangi ninayobhela ng'obhe kwa lupwepo. ²¹Kya bhuli ghungungonya nenga? Ghubhakonye bhala bahaanyuhwite ghala ghaniaghombilite, bhombe bhangumanya ghanighalongilite.”²²Pakayomolite kuyobhela agha, yumu ywa machonda ywakayimiti ugheghela naywo kakin'yama mbande Yesu pa kibhungi, na kakilongela, “Naha ndo ghungunnyanga Ndundame nkulu?” ²³Yesu kakinnyanga, “Handa nyobhela nnando nhakataho, ghulongele aghwo uhokelo ghunongelite. Peni handa nongela ghaghabheghite hoto, bhuli ghungunyama nenga? ²⁴Hino Anasi kakinnyegha Yesu kwa Ndundame Nkulu Kayafa pakikali kabhopwa.²⁵Lisaa alyo Simoni Petili kakiyima apwo kanguyota mwoto. Amoo bha bhala bhaayimiti pala bhakinkonya, “Bhuli, na ghwenga ghu yumoo bha ahundwa bhaki ng'obhe?” Ywombe kaking'aka na kulongela, “Aka kaa, nenga ng'obhe” ²⁶Yumoo ywa andumindumi bha Ndundame Nkulu, nnongo ghwaki yula mundu ywene Petili kakinkechula likutu, kakinkonya, “Ghwenga nikighubhona ng'obhe kula ku kitogholo papamu na Yesu?” ²⁷Petili kaking'aka kangi pa ubhili, kamu njogholo kakibhika.²⁸Mbole Akaayahudi bhakintola Yesu kuhuma kwa Kayafa mbaka ku Plaitolio, naywo yikibha ngeha. peni bhombe bhakiyingila ng'obhe mu kitutubhi kya Plaitolio, bhakilema kubhegha Kinyakali bhamokole kulyegha kikubhukubhu kya Pasaka. ²⁹Kya habhu Pilato kakiaghendela panji, “Mmegha na ngokeho ghani kwa mundu ayu?” ³⁰Bhombe bhakinnyanga, “handa mundu ayu kya nga kubhegha na uhokelo ng'obhe tungannyeghiti ng'obhe kwa ghwenga.”³¹Hino Pilato kakiaghombela, “Hino muntole mabhene, mukantose kubhukana na malaghilo ghenu.” Bhene Akaayahudi bhakinnyanga, “Twenga tuteghekwa ng'obhe kuntosa toso ya kuhwegha mundu ywohele.” ³²bhakilongela habhu ngati ghala malagho ghakalongilite Yesu gha kya kiho kyakapala kuhwegha ghatwihilike.³³Pilato kakiyingila kangi mukitutubhi na kakinkema Yesu na kakinkonya. “Maka ghwenga ndo Mutwa ghwa Akaayahudi?” ³⁴Yesu kakinnyanga Pilato, “Ghwenga ghulongela naha kwa mahwacho kwa njimba yako ebu bhandu bhangi bhaghughombela mihalo yangu? ³⁵Pilato kakiyanga, “Maka, nenga nu nnyahudi? Bhandu bha nnima ghwako ghumwene na hilongohi bha mandundame ndo bhaghuyeghite kwa nenga. Ghutenda uhokelo ghani?”³⁶Yesu kakilongela, “Ghubhutwa ghwangu ghwa unannima aghu ng'obhe, handa ghubhutwa ghwangu ghungabheghite ghwa unannima aghu, afwasi bhangu bhangangomaniliti, ngati ngotoke kuyingihwa mu makakala gha Akaayahudi. Akakaa, ghubhutwa ghwangu ghwa apa ng'obhe” ³⁷Pilato kakinkonya Yesu, “Kya habhu ghwenga ndo mutwa nde?” Yesu kakiyanga, “Ghwenga ghungulongela kukita nenga ndo mutwa” Nenga nikibhelekwa na kuhika pa unannima kwa kya agha, na kwa kya agha nighuyimihe unannima uhoto. Bhandu bhoha bhaabheghite na uhoto bhangunyihwa nenga.”³⁸Pilato kakinkonya Yesu, “Hoto ndo niki?” Mbole ya kulongela agha Pilato kakighenda kangi panji na kakiaghombela bhala hilongohi bha Akaayahudi, “Nighubhona ng'obhe uhokelo kwa mundu ayu.” ³⁹Peni kwa mwenga Makaayahudi mmegha na hitobhe hyenu, kukita pakikubhukubhu kya Pasaka nibhahughulile mmopwa yumu. Kyahabhu, mungupala nibhahughulile mutwa ghwa Akaayahudi?” ⁴⁰Habhu Akaayahudi bhakiyobha kyobho paalongela, “Aka kaa, ayu ng'obhe! tungunpala Balaba!” Naywo Balaba kakibhegha mundu mpoka.

¹Hino Pilato kakikwilikiha katolwe Yesu, katutwe hinjupunjupu ²Nabho machonda bhakipota kilemba kya mihomi na bhakinhwika mu mutwe ghwa Yesu, na bhakinhwika lighwanda litandamaho lya salabati ³na bhakinhikila mu ulongolo ghwa Yesu na kunng'ombela, “Mwika Mutwa ghwa Akaayahudi!” kunu paanbhakula mukibhungi kyaki.⁴Pilato kakibwitukila kangi panji na kakiaghombela bhala bhandu, “Nnoo, ayu Yesu nungunnyegha panji kwa mwenga, mmanye kukita nenga nughubhona ng'obhe uhokelo ghwohele kwa ywombe. ⁵Habhu Yesu kakighenda panji, pakihwala kilemba kya mihomi na lighwanda litandamaho lya salabati. pilato kakiaghombela, “Nnoo, mundu mwene ndo ayu!” ⁶Ndo mandundame hilongohi na akingika bhabhe paanmonite bhakikweha malobhe, paakilongela, “Ghunmambe, Ghunmambe” Pilato kakiaghombela, “Muntole mabhene, mukanmambe, kiyaha nenga nighubhona ng'obhe uhokelo ghwohele kwa mundu ayu.⁷Akaayahudi bhakinnyanga Pilato, Twenga tubhegha na malaghilo na kwa malaghilo agha kangukwilihwa kuhwegha, kiyaha ywombe kakilikema Mwana ghwa Chapanga.” ⁸Hino pilato pakayihwiti malagho agho kakiyoghopa kyanalumu. ⁹Kakiyingila kangi unyumba na kakinkonya Yesu, “Ghwenga ghuhuma kwoki?” Peni Yesu kakiyanga ng'obhe kyohele.¹⁰Habhu Pilato kakinng'ombela, “Ghwenga ghungulema kuyobhela na nenga? Ghungumanya ng'obhe kukita nenga megha na makakala gha kughuyughulila na kughubhamba?” ¹¹Yesu kakinnyanga, “Ghwenga ghungabheghite ng'obhe na makakala kwa kya nenga handa ghungakamuhitwe ng'obhe kuhuma kwa Chapanga. Kwa kya habhu, yula ywakangamuhiti kwa ghwenga kabha na ulemwa nkulu kyanalumu.”¹²Kutandila apwo, Pilato kakipala kummopolela, peni Akaayahudi bhakiyobha kyobho, paakilongela, “Paghummopolela mundu ayu, ghwenga ghu nng'anja ghwaki ng'obhe Mutwa nkulu ghwa Akaaloma! Mana mundu ywohele ywakalitenda mutwa kangunpingikiha na Mutwa nkulu ghwa Akaaloma, naywo ndo Kaisali!” ¹³Hino, Pilato pakayihwiti malagho agha, kakinnyegha Yesu panji na kakitama mukiteho kya toso, paapakemagha “Lukilimo lwa Maganga”. Apwo kwa Kihebulania bhakipakema “Gabata.”¹⁴Naywo likibha linjubha lya kutendekeha Pasaka handa Saa sita pamuhi naha. Pilato kakiaghombela Akaayahudi, “Nnoo ayu ndo Mutwa ghwenu!” ¹⁵Bhene Akaayahudi bhakikweha kyobho , paakilongela, “Ghunmuhe! Ghunmuhe! Ghunmambe!” Pilato kakiakonya Akaayahudi, “Bhuli, nummambe Mutwa ghwenu?” Bhala hilongohi bha mandundame bhakinnyanga Pilato, “Twenga tubhegha na mutwa yungi ng'obhe maha nga Kaisali!” ¹⁶kuuhiko Pilato kakinkamuha yesu kwa bhombe ngati bhanmambe.¹⁷Yesu pakilupapa lupingika lwaki, kakibhuka kughenda Paapakemiteghe lihuhu lya mutwe, kwa Kihebulania, akemagha Goligota. ¹⁸Apwo ndo paammambite Yesu, papamu naywo bhakibhambwa bhandu bhangi abhili kila mundu na lupingika lwaki, yumu mbande ya nnilo ghwa Yesu na yungi mbande ya ngiya, na Yesu kakibhegha pakati yabhe.¹⁹Pilato kakikwilikiha lityekwe lipapi na kubhikwa unani mwa lupingika lwa Yesu. Nalwo lukityekwa naha: YESU GHWA KU NASALETI MUTWA GHWA AKAAYAHUDI. ²⁰Kya habhu Akaayahudi atangalo bhakilisoma lipapi alyo, kiyaha pala pakabhambitwi Yesu pakibha ugheghela na kitami, nagho matyeko ghakityekwa kwa nongelo ya Kihebulania, na Kilatini na Kigiliki.²¹Hino, hilongohi bha mandundame bhakipingika na bhakinng'ombela Pilato, “Ghukotoke kutyeka, ‘Mutwa ghwa Akaayahudi,’ Ngati ghutyeke, ‘Ywombe kakilikema, nenga ndo Mutwa ghwa Akaayahudi.’ ” ²²Pilato kakiayanga, “Kinikityekiti kala kityekwa.”²³Machonda paammambiti kala Yesu, bhakighatola mapinda ghaki na bhakighaghabha himati ncheche, kila machonda na kimati kyaki. Ubhwabhuabhu bhakitola na lighwanda lyaki litandamaho liipotitwe kwa kipalamande kimo, kya nga kutalaswa. ²⁴Machonda bhakighombana bhene, “Tukotoke kulikachula ngati tulitendele usimbi ngati kulamula ghani kalitole.” Ayi yikibha ngati ghatwihilike matyeko ghaalongilitwe. “ Bhakighabhana mapinda ghangu bhombe na bhakilitendela usimbi lighwanda lyangu.”²⁵Ugheghela ghwa lupingika lwa Yesu bhakiyima Malia ma ghwa Yesu, na nkulu ghwa ma ghwa Yesu na Malia ghwa ku Magudala. ²⁶Yesu pakammoniti ma ghwake na nhundwa ghwake ywakanpaliti bhayima pala, kakinng'ombela ma ghwaki, “Nhumbu, ayu ndo mwana ghwako.” ²⁷Mbole kakinng'ombela nhundwa ghwaki, “Ghulole, ayu ndo ma ghwako.” Kutandila lisaa lila yula nhundwa kakintola ma ghwa Yesu na kutama naywo ukaya kwaki.²⁸Mbole ya agho, Yesu pakimanya kukita ghoha ghayomoka, ngati matyeko ghatwihilike hoto, kakilongela, “Nyumilwa nyota.” ²⁹Apwo pakibhegha kimbundi kiimemite kilobhi, kya habhu bhakichwika libhoya mu kilobhi akyo , bhakibhika mu nkongo ghuukemitwe hisopo bhakinnyinulila mu nnomo ghwa Yesu. ³⁰Mbole ya kukipaha akyo kilobhi, Yesu kakilongela, “Yiyomoka!” Kakihokamiha mutwe ghwaki na kakihwegha.³¹Likibha linjubha lya ijuma, linjubha lya matengeleho gha Pasaka, Akaayahudi bhakipala ng'obhe mibhiwli ihighale mulupingika linjubha lya kupumulila. Mana linjubha alyo lya kupumulila lingabheghiti Kikubhukubhu. Bhakinnyupa Pilato kakwilikihe ghatunulwe maghulu gha bhala bhaabhambitwe mu mipingika ngati ahweghe kya kuyumbatika na mibhili yibhuhwe mu mipingika. ³²Kya habhu machonda bhakighenda na kughametula maghulu gha mundu ghwa ulongohi ywakabhambitwi ugheghela na Yesu na yula yungi ghwa ubhili. 3 ³³Peni paanhegheleliti Yesu, bhakibhona kukita kahwegha kala, kya habhu bhakintunula ng'obhe maghulu ghaki.³⁴Kihyengokyaki, machonda yumo kakinhoma mulubhaho kwa nkoha, na kamu ghukipopoheka mwahi na machi. ³⁵Naywo ywakabhonite kayimiha, na uyimiho ghwaki ndo hoto, naywo kangumanya kukita kangulongela hoto ngati na mwenga npati kuhyubhalila.³⁶Nnando aghwo ghukitendekwa ngati matyeko ghanakung'anyima ghatwihilike, “Kahone nhupa ghwaki ghumo ghuupalakutunulwa.” ³⁷Bhubho ghabhegha matyeko ghangi ghatyekwa, Bhandu bhatannolekeha yula ywaanhotoliti.”³⁸Mbole ya agha, Yosefu, nkolannima ghwa ku Alimataya, kakinnyupa Pilato utegheko ghwa kughutola mmili ghwa Yesu. Aywo Yosefu kakibhegha nfwasi ghwa Yesu, peni kya kihiho, kakiayoghopa hilongohi bha Akaayahudi. Hino, Pilato kakintegheka kaghutole mmili, habhu Yosefu kakighenda, kakighuhuluha mmili ghwa Yesu na kughenda naghwo. ³⁹Naywo Nikodemu ywene apwo kalongohi kinng'endela yesu pakilo, kakihika kunu pakibha na nhanganganiko ghwa mahuta gha kunungila na luhumba lwa ubani lwa utopo ghwa kilo salasini.⁴⁰Bhoha abhili bhakighutola mmili ghwa Yesu, bhakighubhilingiha sanda papamu na lula luhumba, kubhukana na hitobhe hya Akaayahudi mukukulila. ⁴¹Peniapwo pakabhambitwe Yesu pakibhegha na kitogholo, na mukitogholo akyo mukibhegha lindogholo lya hyono lyene likali kubhikwa mundu nnyumba. ⁴²Hino, kubhukana na matengeleho gha Akaayahudi gha linjubha lya kupumulila na kya bhula lindogholo lila likibha ugheghela, bhakimmika yesu amwo.

¹Malabhila putiputi linjubha lya ulongohi lya juma, Malia ghwa Kumagdala kakighenda ku lindogholo na kakibhona lila liganga libingilighwa kala kuhuma mu lindogholo. ²Hino kakighenda lubhilo mbaka kwa Simoni Petili na kwa yula nhundwa yungi, yweni Yesu kakimpala, na kakiaghombela, “Ammuha Bambo kuhuma mu lindogholo, na tukumanya ng'obhe kwaammikiti”³Kamu Petili papamu na yula nhundwa yungi bhakighenda ku lindogholo. ⁴Bhakighenda lubhilo bhoha abhili, Peni yula nhundwa yungi kakitugha kya kuyumbatika kupitingana kwa Petili na kakilongolela kuhika ku lindogholo. ⁵Kakihokama na kuhungulila mu nkati kakibhona mapinda gha sanda, peni kakiyingila ng'obhe nkati.⁶Simoni Petili naywo kakihika unyuma, kakiyingila mu lindogholo. kakighabhona ghala mapinda gha sanda ghakibha pala pahi ⁷na kila kilemba kiibheghiti ku mutwe ghwaki Yesu, kikihyoghwa patali pa kighweka.⁸Mbole ndo kakiyingila naywo yula nhundwa yungi ywakalongoliti kuhika ku lindogholo, kakibhona na kakihyubhalila. ⁹Kiyaha mbaka lisaa alyo bhakikali kumanya ghala malembo kukita lingakamiha Yesu kahyuke kuhuma kwa bhaahweghiti. ¹⁰Mbole bhala ahundwa bhakighenda ukaya kwabhe.¹¹Peni Malia ghwa Kumagdala kakiyima panji ya lindogholo. Kakibha kakali kangulila, Kakihokama na kulolekeha mu lindogholo ¹²kakiabhona Andumitumi bha kunani kwa Chapanga abhili bhaahwaliti mapinda mahuhu, bhakitama pala paaghughonjikiti mmili ghwa Yesu, yumu ku mutwe na yungi ku maghulu. ¹³Bhombe bhakinkonya, “Nhumbu kya bhuli ghungulila?” Ywombe kakiayanga, “Nungulila kiyaha antola Bambo ghwangu na nungukumanya ng'obhe kwaammikiti”¹⁴Mbole ya kulongela agha kakikilibhuka kuhyetu na kakimmona Yesu kayima apo, peni ywombe kakimanya ng'obhe kukita kakibhegha Yesu. ¹⁵Yesu kakinkonya, “Nhumbu, kya bhuli ghungulila? Ghungnpalaha ghani”? pakihwacha kukita nkingiha ghwa kitogholo, ndo kakinng'ombela, “Bambo,handa ghuntola ghwenga, ghunng'ombele kughummikiti, nenga ndaaghenda na kuntola.”¹⁶Yesu kakinkema, “Malia!” Ywombe kakikilibhukila Yesu na kulongela naywo kya Kiheblania, “Raboni!” fwambulo yaki “Nhundwa ghwangu” ¹⁷Yesu kakinng'ombela ghukotoo kungamula kiyaha ninabhyela ng'obhe kughenda kwa Tate. Peni ghughende kwa alongo bhangu ghukaaghombele nungubhyela kughenda kwa Tate ghwangu na Tate ghwenu, Chapanga ghwangu na Chapanga ghwenu.” ¹⁸Kya habhu Malia ghwa Kumagdala kakighenda kuaghombela ahundwa bha Yesu kukita nummona Bambo na kukita kakinngombela habhu.¹⁹Yikibha makimuhi ya linjubha alyo lya ulongohi lya juma, ahundwa bha Yesu bhakikongana papamu mu nyumbakati, milyango bhakiitata kiyaha bhakiayoghopa Akaayahudi. Ndo Yesu kakiabwitukila na kakiyima pakati yabhe.Kakiaghombela, “Uhihimilo ghubhe na mwenga.” ²⁰Mbole ya kulongela agha, kakialaha mabhoko ghaki na lubhaho lwaki. Ahundwa bhaki bhakiyelelwa munu paamoniti Bambo.²¹Yesu kakiaghombela kangi, “Uhihimilo ghubhe na mwenga. Handa bhula Tate pakanaghihiti nenga, na nenga bhubho nungualaghiha mwenga.” ²²Naywo pakayomoliti kulongela agha kakiapulilila na kuaghombela, “Nkingame Nhuki ghwa Chapanga. ²³Pamualekekeha bhandu ulemwa ghwabhe, bhalekekehwa; pamuabhopela ulemwa ghwabhe, bhabhopelwa”²⁴Peni Tomasi, ywaankemiteghe Pacha, yumoo ywa bhala ahundwa bhaki mbinda mabhoko yimo na abhili kakibhegha ng'obhe pakahikiteghe Yesu. ²⁵Hino bhala ahundwa bhangi bhakinng'ombela, “Tummona Bambo” Peni Tomasi kakiaghombela, Pamona ng'obhe mango ya mibhangililo mu mabhoko ghaki na kubhika kikonji kyangu mu mango ahyo hya mibhangililo na kubhika kibhoko kyangu mu lubhaho lwaki, ndahyubhalila ng'obhe.”²⁶Mbole manjubha nhano na ndatu, ahundwa bhaki Yesu bhakikongana kangi papamu mu nyumbakati, naywo Tomasi kakibhegha papamu nabho. Ndo Yesu kakihika na milyango bhakitata, kakiyima pakati yabhe na kakilongela, “Uhihimilo ghubhe na mwenga.” ²⁷Mbole kakinng'ombela Tomasi, “Ghubhiki kikonji kyako apa na ghubhone mabhoko ghangu;ghugholohe kibhoko kyako ghuyabhiki lubhaho lwangu. Ghukotoo kubhegha na bhwaghalili, ngati ghuhyubhalile”²⁸Tomasi kakinng'ombela “Bambo ghwangu na Chapanga ghwangu” ²⁹Yesu kakinng'ombela Tomasi, ghuhyubhalila kiyaha ghumona nenga? Anonelwa bhala bhene bha nga kumona nenga peni ahyubhalila”³⁰Yesu kakitenda mihabho yingi ya mahele, ya nga kuyityeka mu kitabho aki. ³¹Peni agha ghatyekwa ngati nhotole kuhyubhalila kukita Yesu ndo Kilisto ywakahaghulitwi na Chapanga, Mwana ghwa Chapanga, na kya kuhyubhalila mmeghe na ubhumi ghwa manjubha ghoha.