¹Labini Yeso Kirisi, shãari Dawuda jaa, Ibirayii jaa ²Ibirayii ɓi Ishaaku yeɓi, Ishaku wuko Yaakuɓu yeɓi, Yaakuɓu wuko Yaahuza yeɓi ni zungɓi yii, ³. Yaahuza wuko ye Farisa ni Ziira Taamari yeyi, Farisa ɓi Haasuruna yeɓi, Haasuruna, ɓi Araama yeɓi.⁴Araama ɓi Amiinada yeɓi, Amiinada ɓi Naashↄng yeɓi, Naashↄng ɓi Salmon yeɓi, ⁵Salmon ye Buwaza ni wu soo Raahapi, Buwaza ye Obida ni wu sɔɔ Ruti, Obida ɓi yeesi yeɓi ⁶Yeesi wuko ye Kpanti Dawuda. Dawuda ye Suuleman ni Uriiya sɔɔ.⁷Suuleman wuko ye Rehɔbom. Rehɔbom wuko ye Abiiya, Abiiya wuko ye Asaa, ⁸Asaa wuko ye Jeehoshafa, Jeehoshafa ɓi Yɔɔram yeɓi, Yɔɔram ko Azaariya yebongɓi.⁹Azzariya wuko ye Yootam, Yootam wuko ye Ahaasi, Ahaasi wuko ye Haazikaya. ¹⁰Haazikaya wuko ye Maanasa, Maanasa wuko ye Amon, Amon ɓi Yoosiya yeɓi, ¹¹Yoosiya ɓi Yeekɔniya yeɓong ɓi ni zungɓiyi alaaɓe shↄng seeyii a ware yii Babila ɓe.¹²Atunpu ɓe shↄng seeyii a ware yii Babila ɓe Yiikoniya wuko ye Shiiyeting, Shiiyeting wuko ye Zaarubabi Yebongɓi ¹³Zaarubabi ɓi Abiihu yeɓi, Abiihu ɓi Eleeyaking yeɓi, Eleeyaking ɓi Azuuro yeɓi ¹⁴Azuurɔ wuko ye Saaduki, Saaduki ɓi Akiimɔ yeɓi, Akiimɔ ɓi Aliiyuda yeɓi.¹⁵Aliiyuda ɓi Eleezara yeɓi, Eleezara ɓi Maatan yeɓi, Maatan ɓi Yaakubu yeɓi. ¹⁶Yaakuɓu wuko ye Yusuu Mereyamu jeere, ayi kabi ko shɔng ye Yeso Kirisi. ¹⁷Shãari kɔpi atu dɛ̃ɛro Gaa a Ibirayii yu a wa a Dawuda, shãari kɔpi atu dɛ̃ɛro a Dawuda yu a wa Laaɓe shↄng see yii a ware yii Babila, shãari sɔ wa kɔpi atu dɛ̃ɛro a laaɓe shↄng see yii a ware yii Babilaa a wa Kirisi yu.¹⁸Yeni Yeso Kirisi wating anaa ɓemi. Yĩngɓi, Mereyamu, Yusuu sii gẽwu ye, laaɓe yii sii de wɔng yãwe ɓa, shɔng kpawu nin yato ɓe Suru Tɔ̃ɔving. ¹⁹Aruviya Yusuu, wu jere, ɓi shↄng yato ɓɔlɔngɓɔ de kase ɓa wu awu yusẽ a shɔng nung ɓa, sɔ beke wu daa wuna kaal.²⁰A Laaɓe de Lereni aruviingyii, Laa shↄngshɔngni jãa a wuni a loro, a tɔni, “Yusuu jaa Dawuda, mona zaa ɓa mo too mo soo Mereyamu ɓa, aruviya jaa ɓe tosemi ɓi Suru Tɔ̃ɔving awuke. ²¹In ye jaa, mↄng sɔ ɓawu ring ni Yeso, ɓi wuko kpense wu shↄng a ruviini walikãng.”²²Vimi wating ke walikãngg aru viɓe Daayere shãng ni wu shↄngzeni kaa ɓii. ²³“Zeemi, jaasooye in too yato in sɔ ye jaa, yiing ɓawu ring ni Imaanuwe” -ɓe shↄng riiseni “Laa ni woni.”²⁴Yusuu yupa a nurɔng a pele anaa ɓe Yere shↄngshɔngni a gãale wu ɓe. ²⁵Ananko de zewu ɓa sooye a e laɓe ye jaa ɓe. Asɔ bawu rĩngni Yeso.

¹Laɓe shↄng ye Yeso a Bayitalami a tipi Yaahudiya a laɓe Hiiridusi roo Kpanti, Shↄng nung zeni yii keni dii a e Uruushelima, a tↄↄni, ²“Kpanti Yaahuda ɓe shↄng ye wu mi weya? Wo zewu seng a dii wo eke wo gɓãarewu.” ³Laɓe kpanti Hiiridusi tãa vim ye wu yato de leseni vɛ̃ni, shↄng Uruushelima yiijↄ ananko.⁴Hiiridusi muse kpanti Firisi ni shↄng labini shↄngzeng yii walikãng, a yɛ̃yii ni, “Shↄng ye Kirisi a mↄ weya?” ⁵Yii gãalewu ni, “a Bayitalami a tipi Yaahudiya, ɓem ɓii viɓe shↄng zeni binke ɓeko. ⁶Mↄko, Bayitalami, a tipi Yaahudi, ɓa yiiko tↄkↄlↄng a rooni koo ɓee Yaahudi, aru viya shↄngɓɔɔ daa eke a roo kpanti, ɓe daa ga N shↄng bii Isarayila.”⁷Hiiridusi ɓaa shↄng zenim yii yã kaali wu yɛ̃ɛyi laɓe seng ke ɓe. ⁸A shɔngyii a Bayitalami, tɔ̃ɔning, “Nↄ wata nↄ ɓee mↄng jaa wãrãtim tↄ̃ↄving. Nↄna kpawu ye, nↄ esen yã shãni aruɓe N daa waa gbãarewu jↄ ɓe.⁹A laɓe yii tãa kpanti ye ɓe, yii wayi dↄrↄng, seng ɓe yii ze a dii ɓe kn ayii ting a laɓe e a shii a mↄng ɓe jaa wãrãtim ani ɓe. ¹⁰A laɓe yii ze seng yeɓe yii tã tↄ̃ↄving puru yato tɔ̃ɔna¹¹Yii ɓɔɔ vusu yee a ze jaa wãrãti ni yiinɓii Meriyamun. Yii wete a wu ting a gɓãarewu ke. Yii puu duku a see jɔ̃ɔlebũng, gãasi ɓɔɔ ¹²Laa waseyii yã a loro ni yii na zuuse Hiiridusi bii tↄɓa, Yiisɔ yii dɔrɔng ɓɔɔ a sɔyii koo. Laɓe yii yaa mɔngɓii ye ɓe¹³Daayere shↄngshoni e a Yuusufu bii a loro a gãalewu ni, “Yupata, mↄ too jaa wãrãti ni yinɓii mↄ yu Masari. Mↄ wↄ̃ng a mↄng ni laɓe N daa gãalemↄ ɓe, aru viya Hiiridusi kase beeni jaa wãrãtim wu nung wu vɔɔ.” ¹⁴A ziiɓiin Yuusufu yupa a too jaa wãrãtim ni yiinɓii ni a waa Masari. ¹⁵Wↄ̃ng a mↄni waa laɓe Hiiridusi vↄↄ ye ɓe. Vim wɔ̃ng anaa ɓe Daayere shɔng zeni shãng, tɔɔni “N ɓang jaa yã a tipi Masari.”¹⁶Aɓe Hiridusi, zeye shↄng zeni yii, wu yato lese vɛ̃ɛni. A shong yã shɔng nung jaa veeye ɓe yii saa zit a sↄↄni tũnpu a Bayitalami ni gãasi koo ɓe a tipi Bayitalami walikãng vↄↄ, a laɓe tãa a shɔng zeni yii yã ɓe.¹⁷Aru wu tase viɓe Irimiya shɔng zeni shãng ɓe, tɔɔni ¹⁸“Shↄng tãa yã a Raama, kaani yãvↄↄ, ɓɔɔ ɓɔrↄngɓɔ nugn kɔni, Raahila kaa aru wu jaa yii, a ɓɛ̃ɛ teni lemɓa, aru viya yii tɔɓa.”¹⁹Laɓe Hiiridusi vↄↄ ye ɓe, zepĩn Daayere shↄngshoni e Yuusufu bii a loro a Masari a gãalewu ni, ²⁰“Yupata mↄ too jaa ɓii ni yiinɓiin mↄ waa tipi Isarayila, shↄng ɓe ying bee jaa ɓii suru yii vↄↄ ye.” ²¹Yuusufu yupa, a too jaa mi ni yiinɓii ni a e tipi Isarayila.²²A laɓe tãaye ni Arikilayu wuko kpanti a tipi Yaahudiya ɓe te yeɓii Hiiridusi ladoong, a zaake waa wↄ̃ng waa. A laɓe Laa gɔ̃ɔwu yuu shoo ye a loro, a kn ke a wa wɔ̃ng a Galili ²³A waa ke a wɔng a bɔrɔ koo tipi Nazara. Ɓem tase yã shãni ɓe shɔng zeni shãng ɓe ni shↄng ɓawu ni shↄng Nazara.

¹A diki wa yii Yɔhana shↄng ɓatizima eke a wayaa Laa a jĩinti Yahuda a shãng ni, ²”Nↄ yanɔ ruvinita, rɔɔni koolapa kpaaye maani.” ³Bemi ɓi shↄngɓe shɔngzeni Ishaaya shãng yã aru wuni, a shãng ni, “shↄngɓɔ in ɓaa yaa a jiinti, “Nↄↄ gɔnte Yere dõrɔng ta, nↄ koore wu dõrong kĩngni gɓɔlɔngɓɔlɔng.”⁴Yɔhana tuse farashenti gɓankurume asɔɔ maa zĩin ni laang zun. Wu viishãngg ɓi zↄↄrↄ ɓɔ nung wara. ⁵Shↄng Uruushelima, shↄng Yaahuda, ni shↄng ɓↄ ɓee yii a kɔɔ yoo Urudu yii waale wu ɓii walikãng. ⁶Pele yii ɓatizima a yoo Urudu, yii sↄↄ shãngyii ruuvini walikãng.⁷Alaɓe zee shↄng Farisayi ye ni shↄng Saadɔkiyi vɛ̃ɛni yii de e wu biini ni wu pele yii Batizima, a shãngsheyi yiini, “Nɔ ɓe nɔ shãari badiyi, ɓiwe gõnɔ shoo ni nↄↄ yuu Laa leseni yato ɓe tening weya? ⁸Nↄↄ pele vii ɓe da tase nↄↄ ya nɔ ruuviniye ⁹Nↄↄ naa leere ɓa nɔ shãng ni weni, “ wo daa Ibiirayii.” N gãle nↄↄ Laa tise nungye wuu keese Ibiirayii jaa a taram yii.¹²¹⁰Shↄng shĩng kpaali ye a diinli layii. La ɓe na de ree nung tↄ̃ↄving ɓa shↄng koo a tipii shɔng sɔɔ lɔke a vusu ya. ¹¹N pele nↄↄ Batizima seenizanpu ni mee. Shↄng ɓe in e a tunpu jãan kↄtↄ ni ɓↄrↄ, N de zeenung ɓa in tu wu rãti ɓa. In pele nↄ Batizima ni Suru Tɔ̃ɔving ɓↄ yaa. 12 Wu waa viishekeni anaa N koo wu guru viishãng yiiriri in muse wu zee in tẽ a ɓɔɔ. Wu sↄↄ share Laagɓang a yaa ɓe rĩnke ɓa.”¹³Yeso e a Galili a wa yoo Urudu aru ɓe Yↄhana da pele wu batizima ɓe. ¹⁴Yↄhana pele ke wu zaare wu, a shãng nin, “Like mɔko mɔna pelen batizima, mↄ sↄↄ en bii ya?” ¹⁵Yeso risewu asɔ gãle wuni, “Yata hami, likↄtↄ wo shing vii tↄ̃ↄving wu wɔng anankɔ ɓatata.” Yↄhana sɔɔ pele wu.¹⁶Alaaɓe pele wu batizima ye ɓe, Yeso kee a mee dongo, shɔng sɔng zeke, koolaapa puu aru wuni. A zee Suru Laa de lↄↄni a wu yu anaa koro a lang a wu yu. ¹⁷Zemi, yã ke a koolaapa a shãng nin, “ɓemi ɓi N Jaa ɓe N kase wu vẽeni. N tãa wu tↄ̃ↄving ɓe.”

¹A mɔni Suru ware Yeso a jiinti aru ɓe viiniviivii rãmang da maase wu ɓe. ²Alaɓe ziiyã viishãngni ye ɓe diki Laaziiti zii ni láni, tã wↄ̃ko. ³Shↄng maaseni e wu bii a shãngshe wu ni, “Mↄnaa Jaa Laa, gãle taramyii ta yii rii bubula.” ⁴Yeso sɔɔ kose wuni, “Shↄng binke ni, ‘shↄngzeng kpeng ɓa ni bubula ko shee ɓa, shↄng kpeng ni ruu ɓe ke a Laa yã ɓeko shee.’”⁵A moni vĩiniviivĩi rãmang too wuke a ware wu tɔ̃ɔving ɓundang bɔrɔ a shire wu a yusↄↄng jaakalaa, ⁶asɔ tɔɔ wuni, mↄnaa Jaa Laa, wote ta a tiipi, shↄng binke ni, “N gãle wu shↄngshɔngniyi yii kɔmɔ ke,’ a ‘yii sɔ kpemↄ a naa, aruɓe mo da nungse dɔɔ ɓa a tara ɓa ɓe.’”⁷Yeso rise wuni, “Shↄng binke tɔti ni, ‘Mↄnaa maase mↄ Daayere Laa ɓa. ⁸Vĩini-vĩivii rãmang too wu tↄt a ware wu a yuu kɔpɔ ɓe ɓii vẽeni an sɔn tase wu rɔɔni kpanti ɓe koodanga ni wu bongseni walikãng. ⁹An gãle wu ni, “Viɓem walikãng N amↄ mↄ naa tangye a tipi mↄ gbãareng ye.¹⁰A mon ɓi Yeso sɔɔ tↄↄ wuni, “Ya mↄng mi ta, Shelanǃ Shↄng binke ni mↄ gbãare Daayere mↄ Laa wuko goro mↄ a wu bɔrↄ a bii.” ¹¹A mon ɓi vĩini-viivĩi rãmang yawu ke, shɔng sɔɔ zeke, shↄngshɔngni Laa ying eke an awu bɔrↄ a bii.¹²Alaɓe Yeso in tã ke shↄng maa Yↄhana ye, an wa Galili. ¹³Ya Naazara a wa wɔng Kafarnahu, ɓe a yã yoo Galili avusu tipi Zaabaluna ni Nafitali.¹⁴Viɓeng wɔng ke awu sɔ̃re yã viɓe shↄngzeni Laa Ishaaya shãngg ɓe nungoko, ¹⁵“Tipi Zaabaluna ni tipi Naftali, a yã waapo, a tuke dang Uruudum, tipi Galili ɓe shↄngɓe yii ɓa shɔng Isrela ɓa ɓeǃ ¹⁶Shↄng ɓe yii wɔngre a mↄn tiirii yii zee bɔrↄngbɔ mↄn ɓenkeni, ɓo shɔngɓe yi wɔngre a yiinse vɔɔ a koo ɓin, ayi yu kɔ yi ze ɓenkeni.”¹⁷Alaɓi Yeso gaa wani yã Laa a tɔɔ ni, “Nɔ ya nɔ ruuvini ta, roonikpanti ɓe lapa kpaaye maani.¹⁸Alaɓe de kĩnni a yã waapo Galili, azee zung yi ziti Samenu ɓe shↄng ɓa wuni Bituru ni zungɓii Andarawusi, siin tẽ jang a waapo, aruviya yiɓi shↄng Jeezung yiini. ¹⁹Yeso tↄↄ yiini, “Nↄ eta, nↄ dung, N rise nↄ shↄng yini shↄngzeng yii.” ²⁰Yi de ɓa jan ɓa yi yayi jang dun wuke dongo.²¹Alaɓe Yeso de waa ni ting ɓe a mↄm ɓiko in zee zung ɓↄ yii tɔt zit, Yakubu Zabadi Jaa ɓɔɔ Zungɓi Yↄhana. A vusu tusii ni yeɓii Zabadi yiin gonte jang. An bayii yã, ²²yi de ɓa jang ɓa yi yayi tusii ni yeɓin a dung wuke.²³Yeso raake a vusu Galili walikãng, maante vii a yii jaaka Laa, a wa yã ruutↄ̃ↄving ɓe roonikpanti asɔ gangte vↄↄ zↄngzↄng ɓɔɔ vↄↄ ɓe shɔng bii walikãng. ²⁴Wu ruɓii tangte a wa tipi Suuriya walikãng, shↄng ese wu shↄngɓe yiing kpãre ni zɔng vↄↄ ɓↄ bii kↄni zↄngzↄng, shↄngɓe vĩini-viivii rãmang yii ke yii, shɔng vɔɔ vↄↄleniyi, ni shↄng bii ɓoleni yii, Yeso gante yii walikãng. ²⁵Shↄng mↄↄ kpã yii dũngwu a tipi Galili, ni tipi Dikafolisi, ni tipi Urushelima, ɓɔ tipi Yahuda, a tuke dang Urudu.

¹Laɓe Yeso ze mↄↄ ye, a vɔ̃ng kↄpↄ. A laɓe wↄ̃ng ye a tipi, wu jaadↄↄ yii e wu bii. ²Puwu yã a mante yii ni, ³“Pãnti ɓiinɔ ɓee shↄng rang a suru aru viya rooni kpanti koolapa ɓii yii ɓee ko. ⁴Pãnti shɔngɓe yii a yato viiki, shɔng sɔɔre yii zãnzãng kↄtↄ.⁵Pãnti ɓii shↄngɓe yii toose yuu ɓa ɓe, ying kpaa Koodanga kɔtɔ. ⁶Pãnti ɓii shↄngɓe ying tãa wɔ̃ko ɓɔɔ sɔ̃ɔti aru vi tɔ̃ɔving, ying puu kɔtɔ. ⁷Pãnti ɓii shↄngɓe ying tãa shↄng nugn kɔng, shↄng rori yii singsing kↄtↄ. ⁸Pãnti ɓii shↄngɓe yii yato ɓolonɓo ying kpaa zeni Laa kↄtↄ.⁹Pãnti ɓii shↄngɓe yii kase wↄ̃ni ɓatata ɓe, shↄng ɓayii ni Jaa Laa. ¹⁰Pãnti ɓii shↄngɓe shɔng kpaare yii aru vii tↄ̃ↄving rooni koolapa ɓiiyii ɓee ko.¹¹Kpãnti ɓiinↄ ɓee a laɓe shↄng dãnↄ, a kpãare nↄ a shãng yã nangka ɓeweya anↄ yuu aru mini. ¹²Nↄ tãa tɔɔving nɔ pele puru yato, nɔng kpanↄ dɔɔyɔni kɔtɔ a koolapa. Jɔ anaa ɓii ko Shↄng kpãare Laa shɔng zeni yii ɓe yii sii tɛ̃ɛtɛ̃ ɓe.¹³“Nↄko nɔ tãyɛ̃n koodanga tãyɛ̃n tɔ̃ɔni na leseye, shↄng tãwu tɔ̃ɔni tɔ nuko viya? Tɔɓa tɔ̃ɔving ɓe shↄng daa pele viɓɔɔ ni ɓa naɓa shɔng wu wↄ̃ɔse a tipi shↄng wu naale ni dↄↄ. ¹⁴Nↄko zeni koodang. Koo ɓe shɔng maa a yuu kɔpɔ ɓe daa vɔ̃ɔ ɓa.¹⁵Kɔ shↄngwu ɓeng yaa a shɔng wu shing a ɓuu kɔnsi, naɓa shɔng wu shing a lapii aruɓe daa ɓenke mɔng a yee walikãng ɓe. ¹⁶Yanↄ zeni ta wu ɓenke mɔng a shɔng bii aruɓe yii da zenɔ vii peleni tɔ̃ɔving ayii anɔ yeejaa ɓe a koolapa bɔrɔ ɓe.¹⁷Nↄ na mile ɓa ni N eke N lese rudani kↄ labini shↄngzeni yã Laa ɓa. N de e ɓa N lese yii ɓa N eke N sɔ̃ɔre yã viɓe shɔng binke ɓe. ¹⁸N gãale nↄ nungoko koolapa ni koodanga yiin dase kɔtɔ, a rudani binkeni ɓↄ ɓa kↄ tↄkↄlↄng kↄ kati binkeni ɓɔↄ tↄkↄlↄng daa dase a rudani ɓa, vim yiin pele walikãng.¹⁹Na ananko shↄngɓe na naa ladanim ɓɔɔ ye je tɔkɔlɔng na mante shↄngye yii pele ke shɔng ɓawu ni shɔng tɔkɔlɔng a koo panti ɓee lapa. Shↄngɓe na yiise yii ye sɔɔ manteyii ye shↄng ɓawu ni ɓɔrↄngɓɔ shↄng a rooni koolapa. ²⁰Aru goko N gãalenↄ shɔngɓe wu tↄ̃ↄving nade jãa tɔ̃ɔving shↄng labini ɓɔɔ shↄng Farisiyi ɓa, kↄ ni dↄrↄng ɓeweya nↄng ɓɔ rooni koolapa ɓa.²¹Nↄ tãa shↄng shãng a koo ling tɛ̃ɛtɛ̃ ni, ‘Mↄna nung vↄↄ ɓa,’ ɓɔɔ, ‘Shↄng ɓe na nung shↄng vↄↄ ye, shↄng ɓɔɔrewu yori.’ ²²N gãale shↄngɓe na rise nugn ye ni zungɓii shↄng ɓɔɔrewu yɔri; shↄng ɓe na gãale zungɓii ye ni, ‘Mↄ ɓa shↄng tↄ̃ↄving ɓaǃ’ shↄng ɓawu yã a shↄng bɔrɔ yii ting; shↄng ɓe na tↄↄ mↄ ye ni, ‘Shↄng vi wureniǃ’ shↄng shoshewu a ye yaa.²³Aru goko mↄ nang a Laa vii a la vii ani, mↄ yee nugn zungwa ɓↄↄ yãdɔng ni mↄni, ²⁴mↄ yaa ani a mↄng la vii ani, mↄ waa mɔ waani. Nↄ tↄ̃ↄre ni zungwani sasat, mↄ eke mↄ a mↄ vii ani.²⁵Mↄ tɔ̃ɔre ni mɔ shɔng yãgã ni tɛ̃t laɓe nɔng waa mↄng yori ɓooni, kɔ mɔ shɔng yãgã wu amɔ a mɔng shↄng yori ɓooreni naa, shɔng yori ɓooreni wusɔɔ amɔ a yuubɔrɔ naa, shↄng wusɔɔ ɓamɔ dɔɔ a gãayã. ²⁶N gãalemɔ nungoko, mↄng ke ɓa a mↄng waa kↄvɛ̃ ɓa mↄn shoo viiɓe shɔng dũmɔ walikãng.²⁷“Nↄ tãake shↄng shãni, ‘Nↄna pele kɔng ɓa.’ ²⁸N gãalenↄ shↄngɓe na mile sooye ni nung kↄng pele kɔngye ni wuni a singsing.²⁹Mↄ nung kaa nashang nadaa shimↄ a kↄseni dↄↄ, zↄ̃ta mↄ lokewu ni gaa. Lii kↄtↄ mↄ mↄng bii ɓↄↄ goro wu leseke ɓe mↄ bii walikãng shↄng daa shoshe a yee yaa. ³⁰Mↄ nashang nadaa shimↄ a kɔseni dↄↄ, zĩngta mↄ loke ni gaa. Lii kↄtↄ mↄ mↄng bii ɓↄↄ goro wu leseke ɓe mↄ bii walikãng shↄng da shoshe a yee yaa.³¹Nɔ tãa tɔt shɔng tɔɔni ‘Shↄngɓe na lantewu soo ye, wu awu labini vaseni.’ ³²N gãalenɔ ni shↄngɓe na lantewu soo ye, naɓa aruɓe pele kɔng ɓa, shinwuye a dɔɔrɔng peleni kɔng. Shɔng ɓe na yɛ̃ɛ sooye ɓe shɔng kesewu ye pele kɔng ni wuni.³³Tↄt, nↄ tãa ke shɔng tɔɔ a kooling tɛ̃ɛtɛ̃ ni, ‘Nↄ na teng ɓee yã jini ɓa, mↄ am a Daayere naa.’ ³⁴N gãalenↄ ni, nↄna teng ɓa ni bĩng, kɔ ni koolapa aru viiya ɓii Laa mↄng wↄ̃ni; ³⁵kↄ ni koodanga, aru viiy ɓii mɔngɓe N naa dↄↄ ani ɓe; kↄ ni Uruushelima, aru ɓe ɓii bɔrɔ koo Kpanti.³⁶Nↄna teng ɓa ni nↄ yuu ɓa aru viiya nↄ daa zenung ɓa nↄ rise nↄ sisi yuu viiki kↄ puru ɓa. ³⁷Nↄ yãshãni wu shii a yuu ‘anangko,’ kↄ ‘ɓa ananko ɓa.’ Viɓe na jãa ɓem ye ke a shↄng vinivĩvĩ bii.³⁸Nↄ tãake shↄng shãng ni, ‘Nung jↄ a yuu nung, tãri jↄ a yuu tãri.’ ³⁹Aru viya N gãlenↄ, nɔna bɛ̃ɛ shↄng nangka ɓa, shↄngɓe na numↄ naa ye a kalong nashang mↄ risewu kaɓↄ tↄt.⁴⁰Shↄngɓɔↄ na kase wu waremↄ mↄng yori wu temↄ bɔrɔ fara bii, mↄ yaa shↄngɓii wu temↄ fara bii kukeni. ⁴¹Shↄngɓe na shimↄ, mↄ shiwu dↄↄ mɛɛli goro, mↄ wani wuni mɛɛli zit. ⁴²Mↄ a shↄngɓe gↄ̃ↄre vii amↄ naa, mↄna yu shↄng ɓe kase gↄ̃ↄreni vii amↄ naa ɓa.⁴³Nↄ tãa shↄng shang ni, ‘Mↄ kase mↄ shↄng yãkasi mↄ bɛ̃ɛ mↄ shↄng yãgã.’ ⁴⁴N gãlemↄ, mↄ kase mↄ shↄng yãgã mↄ gↄ̃ↄre shↄngɓe ying kpãare mↄ Laa, ⁴⁵aruɓe nↄdaa wↄ̃n nↄ Daa ɓe a Koolapa ɓe jaa yii. Shinke laa tooyã a shↄng nangka ni shↄng tↄ̃ↄving yii, sã mɛɛ a shↄng ɓe yii pele vii tↄ̃ↄving ɓɔɔ shↄngɓe yii pele vii tↄ̃ↄving ɓa.⁴⁶Mↄna kase shↄngɓe yii kasemↄ ko shee, mɔng kpaamɔ dɔɔ yɔɔni ki nuko viya? Ɓa ananko shɔng teni saka vii tipi yii pele ɓa ya? ⁴⁷Mↄna jii zungwa yã ko shee, mↄ pele vii a jã shↄng gãsi yii vii ya? Ko ɓa ananko shɔng gãsi yii pele ɓa ya? ⁴⁸Aru goko nↄ wↄ̃n shↄng tↄ̃ↄving anaaɓe nↄ Daa ɓe a koolapa wu tↄ̃ↄving ɓe.

¹“Nↄ shĩng nung nↄ na pele vii tↄ̃ↄving ɓa a shↄngzeng yii tiing aruɓe yi zee ɓa, nↄ na pele ye nↄn kpa viidɔɔ yɔɔni ba a nɔ Daa ɓe Koolapa bii ɓa. ²Nↄ nang a shↄng vii, nↄ na jẽe jeegɔng ɓa ana shↄng lakeni shↄng yii pele a jakala ɓↄↄ a dↄↄrↄng ja, aruɓe shↄng da ayi ɓɔnseni a bii. Nungoko N gale nↄ ye, Yii kpa yii vi viidɔɔ yɔɔni dongo.³Aruviya nↄ nang a shↄng vii, nↄ na yaa ɓa nɔ naa nagãng wu zee vii ɓe na nashãng in pele ɓa ⁴Aruɓe nↄ ani vii da wɔng a vusu võseng. Aruɓe nↄ Daa ɓe zeevii a vusu võseng da a nɔ vidɔɔ yɔɔni.⁵“Nↄ nang gↄ̃ↄre, nↄ na wɔng ɓa a na shↄng Laakeni shↄng yii ɓa, aruɓe yii kase yii shii a jakala ɓɔɔ dↄ̃ↄrↄng ja aruɓe shↄngzeng yii da zee yii walikãng. Nungoko N gãle nↄ, yii teye vidɔ yɔɔni ye. ⁶Nↄ kɔ, nɔ nang gↄↄre, mↄ ɓɔɔ a mↄ vusu jaaka. Mↄ kuu nↄↄrↄng mↄ sɔ gɔ̃ɔre mɔ Daa, ɓe zee vi võseni. Mↄ Daa ɓe zee vi a võseni ing mↄ viidɔɔ yɔɔni. ⁷Nↄ nang gↄↄre, nↄ naa pase shãngkeni viigoro ɓa ɓↄɓↄ ɓa anaa shↄng vaa yii pele ɓe, aruviya yiin mile ke shↄng da tã yii aru viɓe yiin shãnke vɛ̃ɛni ɓe.⁸Na ananko, nↄ na wɔng ɓa anaa yiini ɓa, aruviiya nɔ Daa zee vii ɓe nↄ kase nↄng gↄↄre wu ye. ⁹Na ananko nↄ gↄↄre Laa a nemiː ‘Wo Daa ɓe koolapa, ɓɔrↄ ani ɓi mɔ ɓe ko. ¹⁰Mɔ roonikpanti wu eta. Viɓe mɔ kase wu wɔng a koodanga anaɓe a koolapa ɓe,¹¹mɔ a wɔ vishãngg ɓe diki lam. ¹²Mɔ sɔɔ yaase wɔ ruuvini, anaɓe wɔ yaase shɔngɓe yi pele wɔ ruvini. ¹³Mɔ na waare wɔ ɓa a mɔn maaseni ɓa, mɔ kpense wɔ a viivivii walikãng.’¹⁴Mↄ na yase shↄng ruviini ye, mɔ Daa ɓe a koolapa in yaase mↄ ɓe kↄↄtↄ. ¹⁵Mↄ na de yaase yii ruviini ɓa, nɔ Daa in yaase nↄ ruviini jɔ ɓa.¹⁸¹⁶“Nↄ nang zii yã, nↄ na za waatiing ɓa ana shↄng Laakeni shↄng yii pele ɓa, yii za tiin aruɓe yii da tase shɔng yiin ziiyã. Nungɔkɔ N gãle nↄ, yii kpa yii dɔɔ yɔɔni yi dongo. ¹⁷Nↄ nang zii yala nↄ sↄↄnung a yu nↄ sↄↄke waatiing 18 aru ɓe shɔngzengyi da ze ɓa ni nↄ zii yã ɓa, nɔ tase nɔ Daa kɔ she ɓe ze vivõseni; nɔ Daa ɓe ze vivõseni wukon anɔ vidɔɔ yɔɔni.¹⁹“Nↄ na tↄↄle nↄ yu viinaa ɓa a koodanga, a mↄn ɓe zↄↄrrↄ ni zãran lese ɓa, ɓɔ a mɔn ɓe shↄngɓↄↄ da wɔ̃ngke ke asɔ ɓↄↄ ɓa. ²⁰Vipeleni wuko, nɔ tↄↄle nↄ yu viina a koolapa, a mↄng ɓe zↄↄrↄ kɔ zãran yii da lese ɓa, bɔ a mɔng ɓe shↄngɓↄↄyii yii da zenung ɓa yii wɔ̃ngke ke yii ɓↄↄ ɓa. ²¹Aruviya mↄng ɓe mↄ viina ani, mↄ sĩngsĩng jↄ a mↄng ɓii kɔ.²²Nung wuko bii vii zeni. Arugɔkɔ, mↄ nung na tↄ̃ↄving, mↄ ɓii walikãng in wɔng ni zeni. ²³Mↄ nung na ɓa tↄ̃ↄving ɓa, mↄ ɓii walikãng a tĩingrii. Arugɔkɔ, zeni ɓe mↄ ɓii na ɓi tĩingrii, tĩngri ɓi wu gɔ̃ɔni in wɔng nukɔviya. ²⁴Shↄngzeng gɔrɔ da dũng yere ziti ɓa. Kↄ wu ɓẽe gɔrɔ wu kase gɔrɔ, kↄ wu daa gɔrɔ wu sɔɔ a shↄng gɔrɔ ɓↄ yuu. Mↄng zenung ɓa mɔ dũng Laa a mɔ sɔ dũng viina ɓa.²⁵Arugɔkɔ N gale nↄ, nↄ na yↄↄre yu ɓa aru nↄ surubii ɓa, aru viɓe nↄ da sha nii vii ɓe nↄ da ɓɔɔ ɓa; kↄ aru nↄ bii, kɔ vii ɓe nↄ da tuse. Aru viya surubi de jã viishãng ɓa ya, bii de sↄↄ jã fara ɓa ya? ²⁶Zee jenung ɓe yii a lapa mi. Yii ruuɓa kɔ yi tɔ vina gɓaa kɔ yi tole a ɓɔɔ ɓa, Nɔ Daa ɓe a koolapa wuko shari yiike. Nↄ de jãa yii ɓa kↄↄtↄ ɓa ya?²⁷Ɓii we a nↄ titim aru wu yuyↄreng da zenung kɔtɔ wu paan dↄↄgɔrɔ awu diki wɔngni weya? ²⁸Aruvii nↄng yↄↄre yu aru vituseni viiya? Nↄ leere pĩi a ru kɔɔni la ɓe jinti, dɔ ɓe yii bɔng ɓe. Yii pele shɔngni ɓa, yii sɔ ɓɔse fara ɓa. ²⁹N gãle nɔ, kↄ Suleman ni wu bɔngseni walikãng de gɔnte bii ɓa ana lam ɓↄ gɔrɔ ɓa.³⁰Laa na da gɔnte wusi jĩnti yii bii, ɓe wɔ̃ng lam ni ɓuru shↄng sɔ tẽeyii a yaakuuru, viim zãreke da gɔnte nↄ ɓa viiya, shↄng tↄↄkↄlↄng gn shĩngniyi ³¹Arugɔkɔ nↄ na yↄre yuɓa asɔ tↄↄni, ‘Wo da shaa viiya?’ Kɔ wo da ɓoo viiya? ‘kɔ wo da tuse viiya?’³²Aruviya shↄngɓe yi de ze Laa ɓa yii be zↄng vim yiiko, nↄ Daa ɓe Koolapa zeye nii nↄ kase vĩm yii kↄↄtↄ ³³Nↄ bee shɔɔni wu mɔng roonikpanti nii wu yato ɓɔlongɓɔ, shɔng sɔɔn a nɔ vim yii walikãng. ³⁴Arugɔkɔ, nↄ na yↄɔre yuu ɓa aru ɓuru ɓa, aruviya ɓuru ko wu yↄↄre yuu aru wu yuu. Kɔ diki ɓɔweya e jↄ ni wu runangkani.

¹Nↄna ɓoore shↄng yori ɓa, shↄng ɓoore nↄ yori jↄ ɓa. ²Anaaɓe nↄ ɓoore shↄng yori shↄng sɔɔ ɓoore nↄ yori jↄ ananko, jowa ɓe nↄ mase shↄng vii ani ɓe shↄng sɔɔ masenↄ jↄ a wuko.³Aru vii mↄng mile peere la ɓe a zungwa nung, mↄde shing nung ɓa bↄrↄ kãati la ɓe amↄ nung ɓa viya? ⁴Mↄdaa gãle zungwa nung ko vii ni, ‘Shiipĩ N zↄ̃semↄ peere la ɓe amↄ nung,’ mↄ ya bɔrɔ kãati la ɓe amↄ nung vii ya? ⁵Mɔ shↄng lakeni shↄngǃ Zↄ̃ kãati la ɓe amↄ nung tani gaa sasat, aɓe mↄdaa ze mↄng gɓang mↄsɔɔ zↄ̃se zungwa peere la ɓe awu nung ɓe.⁶Mɔna a zaa vii kpanti ɓa, mɔna sɔɔ loke jɔlebũng ɓa a gãyã ting ɓa. Aru viya daa naale ni dↄↄ wusↄↄ rii bii wu tãale mↄ shekasheka.⁷“Gↄ̃ↄre ta, shↄng amↄ kↄtↄ. Bee ta, mↄng kpaa kↄtↄ. Nung yↄrↄng ta, shɔng puuremɔ kↄtↄ. ⁸Aru viya shↄngɓe na gↄ̃ↄre ye, hↄng awu kɔtɔ, shɔngɓe na bee ye kpaa kↄtↄ, shↄngɓe na nung yↄrↄng ye shɔng purewu kↄtↄ. ⁹Ɓiiwe anↄ titi, wu jaa daa gↄ̃ↄre bubula da awu tara weya? ¹⁰Kↄ gↄ̃ↄre jezĩn daa awu sↄkↄ weya?¹¹Aru goko, ɓe nɔ nangka nↄna ze dɔɔɓe nↄdaa anↄ jaayii vii tↄ̃ↄving ye daa wↄng nuko vii nɔ yere ɓe a koolapa daa a shↄngɓe yii gↄ̃ↄrewu vii tↄ̃ↄving ɓa viya? ¹²Aru goko, viɓe mↄna kase shↄngwu pelemↄ, mↄng pele shↄng jↄ wuko, ɓem ɓii rudani shɔng zeni yii.¹³“Mɔ ɓo yↄrↄng zoororo aru viya yↄrↄng puuni gɓololo ɓii dↄrↄng vↄↄ shↄngzeng vɛ̃ɛni yiing jãa dↄrↄng ɓiiko. ¹⁴Yↄrↄng zoororo wu dɔɔrɔng kpãa kↄtↄ ɓe da kpense shɔng ɓe, shↄngzeng pota yii kpãa dↄrↄng ɓii ke.¹⁵Shingn ta a shↄng zeni yã yeleni yii, ɓe ying enↄ bii ni koo mɛrɛ a bii nungoko yii gbɛ̃ɛ. ¹⁶Nↄng zeyii a yii jaareni. Shↄng muse zaare kↄtↄ a kↄↄkↄ jĩnti kↄ sĩnri a kↄↄkↄ gbɛ̃ɛ ya? ¹⁷Jɔ ananko, la tↄ̃ↄving ree jaa tↄ̃ↄving, la nangka ree jaa nangka.¹⁸La tↄ̃ↄving daa ree jaa nangka ɓa, kↄ la nangka wu ree jaa tↄ̃ↄving ɓa. ¹⁹La ɓe nade ree jaa tↄ̃ↄving ɓa shↄng kowu a tipi a loke a yaa ²⁰Amɔng ɓiiko, nↄng sↄↄ zeyii ayii zↄng jaa ɓe yii ree ɓe.²¹Ɓa shↄng walikãng ɓe yii tↄng ni, ‘Daayere, Daayere,’ yiing ɓɔɔ rooni koolapa ɓa, ɓii shↄngɓe yii pele viɓe Daa ɓe a koolapa shãng ɓe. ²²A diki waa shↄngzeng vɛ̃ɛni yiing tↄng ni ‘Daayere, Daayere wode shãng zuru yã ɓa nii mↄ ring ko, a kese viirãmãng yiini mↄ ring, asↄↄ pele vii zaani bii ni mɔ ring ko ɓa ya?’ ²³Amɔng ɓiiko N daa sↄↄ gãale yii a gaa gbang ni, ‘N de zenɔ zɔng ɓaǃ Yuuta an bii mi, shↄngɓe nɔ dũng rudani ɓa.²⁴“Aru goko, shↄngɓe na tãng ru bii nɔsɔɔ dung yiiye wu a na shↄng maa yee a yuu tara. ²⁵Mɛɛlapa tɛ̃ɛ, yoo luuke, zaasii nung yee ɓii, de wãnke ɓa, aruɓe shↄng maa tung yee ɓii a yuu tara.²⁶Shↄngɓe naa tãng N ruu bii ye de dũng ɓa wↄn anaa shↄng vii wureni ɓe maa yee a yuu sɛ̃ɛli. ²⁷Mɛɛlapa tɛ̃ɛ ke, yoo luuke, zãasi nung yee ɓii, a wãnke a tipi ɓↄkↄkↄ”²⁸A laɓe Yeso sↄ̃ↄre rumi yii shãni yã ye, bii zaa mↄↄ ɓii ni viɓe manteyii ɓe, ²⁹aru viya manteyii anaa shↄngɓe kpaa kaka ɓe, ɓa anaa yii shↄng labini yii ɓa.

¹Laɓe Yeso lↄↄ ye a yuu jebu, mↄↄ yii dũng wu. ²Milepĩn, shↄng viibii eke a kute a wu ting a tↄwu ni, “Daayere, mↄna kaseye, mↄ gantang” ³Yeso de waare naani a liwu, a tↄwu ni, “N kaseye. Gante ta.” Wu vↄↄ viibii gante a mↄni dongoro.⁴Yeso tↄwu ni, “Zepĩn mↄna gãale shↄngɓↄɔ ɓa. Waata mↄ tase mↄ yuu a shↄng Firisi yii bii, mↄ a viɓe ruu dani Muusa shãng ɓe, ɓe wu wↄ̃ng vii taseni a yii bii.”⁵Ɓe de ɓo Kafanahu ni ɓe, yuu bɔrↄ sↄↄja ɓɔɔ ewu bii, a gↄ̃ↄrewu ⁶a tↄwu ni, “Daayere, N jaayee roo a yee wu vↄↄ gburukat wu a titi kpãareni vɛ̃ɛni.” ⁷Yeso tↄwu ni, “N e kↄtↄ N wa gantewu ke.”⁸Sↄↄja mi kosewu a tɔɔni, “Daayere, N de tise nung ɓe mↄdaa ɓong yee ɓa. Mↄ shãngyã ko shee N jaayee daa gante kↄtↄ. ⁹Aru viya N a shↄngɓↄↄ naa, sↄↄjaa yiijↄ an naa. N tↄↄ shↄngɓↄↄ ni, ‘Waa ta,’ sɔɔ waake, N tↄↄ shↄngɓↄↄ tɔni, ‘Eta,’ wu sɔɔ eke, N tↄng jaayee ni, ‘Pele vim ta,’ wusↄↄ pele ke.” ¹⁰Laɓe Yeso tãa vim ye, a yinaa a yã a tɔɔ shↄngɓe ying dũngwu ni, “N gãlenↄ nungoko, N de kpãa shↄngɓɔɔ ɓe zɔng ani anaa ɓem ɓa.¹¹N gãlenↄ ye, shↄngzeng vɛ̃ɛni ying eni kaadii ɓɔɔ kaapaa ying wↄ̃ng a lateni ni Ibiirayii, Ishaaku, ɓɔɔ Yaakupu a rooni koolapa ¹²Shↄng loke jaa rooni kooyii a mↄng tĩngrii gbĩtingbĩ, mↄng ɓe shↄng kaa yãvↄↄ ni shaani tãri.” ¹³Yeso gãle sↄↄjaa mi ni, “Waa taǃ Anaaɓe mↄ azɔng ɓe, wu wɔ̃ngse mɔ ta ananko.” Jaayee wa gante a laɓiini.¹⁴Laɓe Yeso ɓɔ Bituru yee ye, a ze Bituru kpenɓii roo a tipi wu vↄↄ bii yɔɔrewu kɔtɔ. ¹⁵Yeso liwu naa a bii, vↄↄ mi yawu ke. Yupaa ke a wãreyii vishaang.¹⁶Labe lareng tiseye, shↄng ese Yeso shↄngzeng vɛ̃ɛni ɓe vĩinivĩivĩi rãmãn yiyii ɓe. Langte vĩinivĩivĩi rãmãn ni yã shãni a gangte shↄngɓe yii vↄↄ walikãng. ¹⁷Aru ɓem tu tase viɓe shↄng shãni ruu Laa Ishaaya shang ɓe, “towo bii kↄni ye asɔɔ tesewo vↄↄ.”¹⁸Alaɓe Yeso ze mↄↄ yii ye awu bii, tↄↄni yii tuke dang yã Waapo Gaalili ta. ¹⁹Shↄng labini ewu bii a tↄwu ni, “Shↄng vii manteni, N dũngmↄ mↄngɓee mↄna wa ye walikãng.” ²⁰Yeso tↄↄ wuni zãakang yii yãtoo ani, jeenung ɓe yii a lapa yii saati ani, Jaa Shↄngzeng mↄngɓe daa shinwu yuu ani ɓa.”²¹Wu jaadↄↄ ɓↄↄ tↄwu ni, “Daayere, yangta N waa gbãa madaa sasat.” ²²Yeso tↄwu ni, “Dũnta, mↄ ya vↄↄ yii gbãa wee a yii nung vↄↄ.”²³Laɓe Yeso ɓo vusu tusii ye ɓe wu jaadↄↄ yii dũngwu. ²⁴Zepĩn, bɔrↄ zãasi mɛ̃ɛ yupa a waapo ɓe kuuke tusii ɓii. Yeso a yuu nungroni. ²⁵Wu jaadↄↄ yii ewu bii a yuusewu paa, a tɔwu ni, “Kpensewo ta, Daayere; wode vↄↄleniǃ”²⁶Yeso shãng ni, “Nɔng zaa vɔɔ aru viya, nɔ shɔng gnshini pota?” Yupa a langte zãasi mɛ̃ɛ ɓɔɔ waapo yaa. Mↄngɓii de shiini jɔ ananko kirikirik. ²⁷Shↄng ɓii yii ãa yã a shãng ni, “Ɓem ɓii zↄng shↄng ɓɔwe, ɓe zãasi ni waapo yiing dũng wu yã weya?”²⁸Alaɓe Yeso ke dang yã waapo ɓɔɔ koo shↄng Garaasiyii, veeye ziti yii ɓe vinivĩvĩrãmãn ɓoyii bii yii kpãwu ke. Yii ke a vusu yuusaa ni kaka bii, aruɓe shↄng daa zenung teni dↄrↄng ɓii ɓa. ²⁹Zepĩn, yii lang yã a shãng ni, “Wo ruu vini mɔni viya, Laa Jaa? Mɔ eke mↄ kpãarewo ɓe wo diki de e ɓam ɓaya?”³⁰Amↄng ɓiini bɔrↄ lava yãgbãla yiing shale vishang, de rante ɓani yini ɓa. ³¹Vĩinivĩivĩi rãmãngyi yii waating ni gↄ̃ↄreni Yeso a gãalewu ni, “Mↄ nang kesewo ye gaa, mↄ dↄ̃ↄ wo a vusu lava yãgbãla waa yii bii.” ³²Yeso shãngshe yii ni, “Waataǃ” Vĩinivĩivĩi rãmãngɓiiyi yii ke ke a ɓɔle yãgbãlayi bii; Amɔngɓii, lava ɓii yii walikãng yii yule a dũng jebu a bɔle vusu waapo ɓii asɔɔ vↄle a vusu mɛ̃ɛ ɓii.³³Shↄngɓle ying ga yãgbãla yisɔɔ yuke a ɓo vusu bɔrↄkoo ɓii a gãle shↄng viɓe wating walikãng, yãgbãngbãng ni viɓe kpaa veeye ɓe vĩinivĩivĩi rãmãng ɓo yii ɓe. ³⁴Milepĩn, bɔrↄkooɓii ke walikãng a kpaa Yeso. Yii zewu ke a gↄ̃ɔrewu ni wu ya yii koo ta.

¹Yeso ɓɔɔ tusii, a tuke dang gaa, a sɔ ɓɔɔ wu kɔɔ. ²Milemi, shↄng ese wu shↄngbiiɓoleni roo a yuu sii. Ing zee yii shĩingni gn. Yeso gãle shↄng ɓii ɓoleni ɓi, “Wojɔ, maasĩngsĩng ta, Shↄng yaase mↄ ruvini ye.”³Zeemi, shɔng labiniyi yii tɔnsen ke a shãngni, “Shↄng veeren de too ruubong ni” ⁴Yeso zee vii ɓe yii lere a sĩngsĩng a gãle yiini, “Aruvii nↄn lere vĩni-vĩvĩ ruu a nↄ sĩnsĩng viiya? ⁵Ɓii vii kpãa a mɔng viya, ‘shↄng tↄↄni, ‘shↄng yaase mↄ ruviini ye,’ kↄ shↄng tↄↄni, ‘yupata mↄ kn?’ ⁶Aru ɓe nↄ da zeeke Jaashↄngzeng kaka ani a koodanga wu yaase shↄng ruvini,… a gãle shↄngɓii ɓↄleni ɓi, “Yupa ta, too mɔ sii ta, mↄ sɔɔ waa yee.“⁷Shↄngveere ɓi yupa a tɔɔ wu sii a wa yee. ⁸Alaɓe mↄↄ yii zee vim ye ɓe, bii zaa yii yii sɔɔ a Laa bongni a bii, ɓe a shↄngzengyi zↄng kakam ⁹Aɓe Yeso tuke mↄng ɓi ye, a zee shↄngveereɓɔ shↄng ɓawu rĩing ni Matiyu wɔng a kuute shɔng teni saka vii tiipi,”Dũng ta. “Yupa asɔɔ dũng wu ke.¹⁰Alaɓe Yeso wↄ̃ng a yee ing shaa viishãng, a mɔni, shↄng teni saka viitiipi ɓɔɔ shↄng ruvĩini ye eke a shaaviishãng ni Yeso ɓↄɔ wu jaadↄↄ yii. ¹¹Alaɓe shↄng Farisa yiin zee ɓe, yii shãnshe wu jaadↄↄyii ni, “Aru vii nↄↄ shɔng maangteni vii ing shaavishãng ni shↄ̃ng teni saka viitipi ɓↄɔ shↄng ruvĩiniyii viiya?”¹²Alaɓe Yeso taa vim ye, ang shãngni, “Shↄng ɓe yii bii gitiri yii bee shↄng gãan ɓa, shↄng vↄↄ kↄ shee yii beeke. ¹³Nↄ waata nↄ mante vii ɓe vim tase keː ‘N bee gn kɔngni sĩnsĩng ɓa vii ani ɓa.’ N de e ɓa ing ɓaa shↄng yato ɓɔlɔngɓɔyi yii yayi ruuvini ɓa, niɓ a yaa ɓay ii see zangpu ɓa. N e aru shↄng ruvĩini yii.”¹⁴Yↄhana jaa dↄↄ yii e wu ɓii a tↄↄ wuni, “Aru vii wo ziiyãa ni shↄng Farisa yiini, mↄ jaa dↄↄ yii ziyã ɓa viiya?” ¹⁵Yeso gãle yiini, “Shↄng gɓare jaa da wɔng kↄtↄ ni viki yato ni ɓe soo polo dong ni yiini ya? Diki ing e kↄtↄ ɓe shↄng na too soo polo ye, yii ziiyã alaɓii kɔ.¹⁶Shↄng too tãni fara polo ɓa a ɓase ni gbenti fara ɓa, aruviya gbenti fara ɓi in tãle kɔtɔ, tãni ɓi ing sɔɔ lese vɛ̃ni.¹⁷Anaɓe shↄng tɛ̃ɛ saa polo ɓa a gbenti gugu ɓa. Shↄng na pele ye, gugu ɓi ing wɔ̃ngke, saa ɓi ing sooyi, gugu saa ɓi ing sɔɔ leese. Vipeleni wuko, shɔng tɛ̃ɛ saa polo a vusu polo gugu, yi zĩnzĩn ying wɔng tɔ̃ɔving.¹⁸Alaaɓe Yeso de shãnshe yii viɓeng yini, zepĩn, yubɔrɔ ɓɔɔ eke a gbãabii awu bii. A gãle wu ni, “N jaasooye dong vↄↄ haham, eta mↄ shiinshe wu naa a bii, ing taa kↄtↄ.” ¹⁹Yeso yupa ke a dũng wu, wuu jaadↄↄ yi sɔɔ dũng jɔ.²⁰Mile pĩn, Sooye ɓe ɓoo kpãareni saa kopi atu ziti kpaa tɛ̃ɛ awu bii sɔɔ ni wu kuku asɔɔ lii wu yã fara. ²¹Aruviya shãng awu gn ni, “Nan da liikɔtɔ wu fara ko shee, N gangte kↄtↄ.” ²²Yeso raa nung a zewu ke, asɔɔ shãng ni, “Maajaa, maa gn ta; mɔ gn shĩngni gante mↄ ye.” Sooye ɓi sɔɔ gangte alaɓin.²⁴²³Alaɓe Yeso e yubɔrↄ ɓi yee, a zee shↄng jɛ̃ɛni leri ni mↄ yii de laangkeyãni. 24 A shãng ni, “Waata ni kaɓi, aruviya jaasooye mi de vↄↄ ɓa, roo rungron.” Yii lare wu a base wu.²⁵Alaɓe shↄng kese mɔɔ ye ni gaa, a ɓɔ vusuu jaaka a peng jaasooye ɓi ni naa, jaasooye ɓi sɔɔ yupa. ²⁶Ruɓem leng kooyi walikãng.²⁷Alaɓe Yeso de tuke ni mↄng wa, shↄng nung gbãati ziti yii dũng wu. Yii kĩntĩn ni yã langkeni asɔɔ shãng ni, “Tãa wo nugn kɔ̃ni ta Dawuda Jaaǃ” ²⁸Alaɓe Yeso ɓoo yee ɓi, shↄng nung gbãti ɓi yii ewu bii. Yeso gãleyii ni, "Nↄ a zↄng ye N da pele vim kↄtↄ ya?" Yii tɔɔ wuni, "Ananko, Yere."²⁹Yeso sɔɔ lii yii nung a shãngni, “Wu wↄ̃ng ta ana nɔɔ anizↄng,” ³⁰yii nung sɔɔ puke. Yeso sɔɔ nungse yii laa a tipi ni, “Zepĩn shↄngɓↄ naa tãa vim ɓa.” ³¹Veeɓiyii zĩnzĩn yii keke asɔɔ waa yã rum a koo ɓini walikãng.³²Laɓe veeye zitim yiide waani a mɔn ɓi, zepĩn, shↄng ese shↄng yãɓa ɓe vĩinivĩivĩiramãng yii wu a Yeso bii. ³³Alaɓe kese vĩinivĩivĩiramãng ye, shↄng yãɓa ɓi sɔɔ shãng yã. Shↄng mɔɔ yii ãa yã a shãng ni, “Shↄng de zee zↄng viɓem ɓa a tipi Isarayila ɓa.” ³⁴Shↄngfarisa yii shãngkeni, “Kese vĩinivĩivĩiramãng mi, ni Kpanti vĩinivĩivĩiramãng.”³⁵Yeso leng yii bɔrↄkoo ni kpatakpa. A kĩntĩng niyi vi mangteni a yii jaka Laa, wase yii ruu roonikoo a yii jaaka Laa a gangte zↄng vↄↄ walikãng ni zↄng biikↄni walikãng. ³⁶Alaɓe zee mↄↄ ye, a tãyi nugn kɔni, aruviya yiini yɔreni ɓɔɔ sĩngsĩng beeteni. Yii wɔng anaa mɛrɛ ɓe jeegani ɓa.³⁷Gãle wu jaadↄↄ yiini, “Viigba zung ye vɛ̃ɛni, shↄng viishɔngni yi pota. ³⁸Na ananko nↄ gↄ̃ↄre Daayere shↄng tooni viigba, aruɓe da shong shↄng viishɔngni awu kulu.”

¹Yeso ɓawu jaadↄↄ kop atu zit yii yã a yãwee a yii naa a yuu nangka suruyii, ni yii langteyi ni gaa, yii sɔɔ gangte zↄng vↄↄ walikãng ni zↄng vↄↄ bii kↄni walikãng.²Jaadↄↄ kop atu zit mi yii ring ko anaɓem. Ɓee shↄↄni, Saminu (ɓe shↄng ɓawu ni Bituru), ɓɔɔ zungɓii Andarawus; Yaakubu Zaabadi jaa, ɓɔɔ zungɓii Yↄhana; ³Filibu, ɓɔɔ Batalamawu; Tɔma; ɓɔɔ Matiyu shↄng teni saka viitipi; Yaakubu Alfayu jaa, ɓɔɔ Tadiyu; ⁴Saminu shↄng ɓe Zaloti, ɓɔɔ Yaahuza Iskariyoti, shↄngɓe malewu ɓe.⁵Yeso shong shɔng kop atu zitim yii. A kɔseyii yã a shãng ni, “Nↄna wa mↄngɓe shↄngɓe yiide ze Laa ɓa wɔ̃ng ɓe. Nɔna sↄɔ ɓo shↄng Saamaritayi koo ɓa. ⁶Nɔ wa jaa rĩni ɓee tipi Isarayila yii; ⁷alaɓe nↄna waaye, nↄ wase yii yã, nↄ shãng ni, ‘Laa roonikpanti kpaye maani.’⁸Nↄ gangte shↄng vↄↄ yii, nↄ yuse vↄↄ paa, nↄ sɔɔke shↄng viibii, nↄ sɔɔ langte vĩinivĩivĩi rãmãng. Nↄ te kↄvɛ̃, nↄ a kↄvɛ̃. ⁹Nↄna too jɔlebung, ni takpɛ̃rɛ̃rɛ̃, kɔ sozũng anɔ zũsng. ¹⁰Nↄna too duku ɓa anɔ zangti waani ɓa, kↄ fara ɓɔɔ, kↄ koodↄↄ, kↄ bala ɓa, aruviya lii kɔtɔ shɔng vishoni wu kpawu vishãng dɔɔyɔni.¹¹Bɔrↄkoo kɔ jekoo ɓe nↄna ɓoye, nↄ bee shↄngɓe tↄ̃ↄving amɔni, nↄ wↄng a mↄni, a e diki ɓe nↄdaa yaa ɓe. ¹²Alaɓe nↄna ɓo yee ɓii ye, nↄ jiyi yã. ¹³Ye ɓii na lii kɔtɔ nↄ ɓatata wu wↄng a yee ɓiini. Ye ɓii nade lii ɓa, ɓatata wu zuse anɔ bii.¹⁴Anaɓe shↄngɓe yii nade tenↄ ɓa kↄ yii weshoo anↄ yã ɓa, nↄna de yaa yee ɓiini kↄ koo ɓiini, nↄ kuute zangpu ɓe anↄ dↄↄ. ¹⁵N gãlenↄ nungoko, a diki yori ɓooni shↄng naa lemɓa ni tipi Saaduma ɓɔɔ Goomora bɔrↄ koo ɓii.¹⁶Nↄ zepi, N shonɔ a anaa mɛɛrɛ a titi gbɛ̃ɛ, nↄↄ kpɛ̃ɛ anaa sↄkↄ nↄ wↄng tↄ̃ↄving anaa koroyi. ¹⁷Nↄ shinnung a shↄngzengǃ Yin waarenↄ a yuuboro yii bii, ying sɔɔ nunɔ ayi mɔng gɔ̃ɔreni. ¹⁸Ananko shↄng esenↄ a shↄng ladong gomna ɓɔɔ kpanti aru N ruubii, anaa vishãni a yii bii ɓↄɔ shↄngɓe yiide ze Laa ɓa.¹⁹Yina warenↄ ye, nↄna yↄↄre yuu ɓa aru kɔ viɓe nↄdaa shãng ɓe, aruviɓe nɔ daa shãng ɓe shɔng anɔ kɔtɔ a labini. ²⁰Aruviya ɓe ɓa nↄko nɔng shãng ɓa, ɓii nↄ Daa suru daa shãng yã anↄ bii ɓe²¹Zung ying a zung shɔng nungwu vↄↄ, yeejaa ni wu jaa ni, jaa ying yupa a yeejaa yuu, wu shing shɔng wu nungwu vɔɔ. ²²Shↄngzeng walikãng ying bɛ̃nↄ aru N rĩng. Shↄngɓe na tiye gatangatang wuko daa kpenke. ²³Alaɓe yina kpãarenↄ ye a bɔrↄkoomi, yuta nↄ waa koo ɓɔɔ, aru goko N gãalenↄ nungoko, nↄng leng bɔrɔ koo Isarayila walikãng ɓa alaɓe Jaa Shↄngzeng daa e ɓe.²⁴“Jaadↄↄ de jãa yuu bɔrↄɓa, kɔ jaayee de jãa wu shↄng yee ɓa. ²⁵Tiseye jaadↄↄ wu wↄ̃ng anaa wu yuubɔrↄ, ɓɔɔ jaayee anaa wu shↄngyee. Yina ɓaa shↄngyee ni Balazubul (Yuubɔrↄ rãmãng), ɓii zↄng riing nagka ɓeweya ɓe yii daa ɓaa jaa yee yiini weyaǃ²⁶Arugoko nↄna zaa yii ɓa, aru vii ɓↄↄ ɓa ɓe shↄng kuuke ɓe shɔng daa kese gaa ɓa, vii ɓɔɔ ɓa ɓe shɔng vↄↄse ɓe shↄng daa zee ɓa. ²⁷Viɓe N gãale nↄ a mↄng tĩnri ɓe, nↄ shãng a gaa gbãn, vii ɓe nↄ naa tãa a yuu shoo ɓɔɔseni, nↄ shãng a yuusɔng jaka.²⁸Nↄna zaa shↄngɓe yii daa nung nↄ gigiri bii vↄↄ ɓa ying ze nung nungni suru bii ɓa. Aru goko, nↄ za shↄngɓe da zenung kↄtↄ wu nung bii ni suru wu shooshe vusu yee yaa. ²⁹Ɓa shↄng male jiilɔng zit a yuu saka tↄkↄlↄng ɓa ya? Ananko ɓↄↄ daa lɔↄ ɓa a tipi goro ɓa ni Yeera ɓe koolapa zeni ɓa. ³⁰Kɔ shengti ɓe anɔ yuu shↄng gɛ̃ɛ yii ye walikãng. ³¹Nↄna za ɓa. Nↄ jãa jiilɔng yii vɛ̃ni.³²Aru goko shↄngɓe naa shãng N ruubii ye a shↄngzeng yii bii, N sɔɔ shãng wu ruubii jↄↄ a maa Daa ɓe wu a koolapa bii. ³³Shↄngɓe naa bɛ̃ɛn ye a shↄngzeng yii bii, N bɛ̃ɛwu jↄↄ a maa Daa ɓe koolapa bii.³⁴“Nↄna leere ɓa ni N eke N ese wↄ̃ng ni ɓatata a koodanga ɓa. N de eɓa N ese wↄ̃ng ni ɓatata ɓa, N ese yeewa. ³⁵Aru N eke N base jaa veeye ɓang ni yeeɓiing, jaa sooye ni yiingɓiing, jaa sooye kpenɓii ni sooyeng. ³⁶Shↄngzeng shↄng yãgãa daa wɔ̃ng wu shɔng titi yee ko.³⁷Shↄng ɓe na kasewu yeeɓii ni yiinɓiing a jãan kↄtↄ de tise ɓa wu wↄ̃ng ni min ɓa, shↄng ɓe na kasewu jaa veeye kↄ jaa sooye a jãan kↄtↄ de tise ɓa wu wↄ̃ng ni min ɓa. ³⁸Shↄng ɓe naa de tɔɔwu Laajeesheni ɓa a dũng ɓa de tise ɓa wu wↄ̃ng ni min ɓa. ³⁹Shↄng ɓe na kasewu suru daa kpaa ɓa, shↄng ɓe nade kasewu suru ɓa aru min daa kpaa wu suru kɔtↄ.⁴⁰“Shↄngɓe na tenↄ ye te mikɔ, shↄngɓe na teeng ye te shↄngɓe shongɓe. ⁴¹Shↄng ɓe na te shↄng ruu Laa ye, aru ɓe wu shↄng ruu Laa da te wu dɔɔ yɔni ɓe shɔng ruu Laa. Shↄng ɓe na te shↄng yato ɓolonɓo ye aru ɓe wu shↄng yato ɓolonɓo, daa te wu dɔɔ yɔni ɓe shↄng yato ɓolonɓo.⁴²Shↄngɓe na a goro a titi jejaa tↄkↄlↄn yii waa mɛ̃ɛviki ni wu jaa dↄↄ rĩn yii ɓɔɔke, nungoko N gãale nↄ, shɔng da zãrewu vi dɔɔ yɔni ɓa.”

¹E amɔng alaɓe Yeso gãle wu jaadↄↄ kɔp atu zit yii ruu ye walikãng, asɔ ya mↄngɓii a waa yii borokoo ni wu maangte yii vii. ²Alaɓe Yↄhana tãa aru Kirisi vii peleni a puruzing shong wu jaadↄↄ yii ni yã ³asɔɔ gãle wu, “Mↄko shↄngɓe daa e ya, kↄ wo shin nungta a shↄngɓↄ?”⁴Yeso kase yii asɔ gãleyii ni, “Nↄ wata nↄgãle Yↄhana vii ɓe nↄↄ ze a tãa ɓe. ⁵Shↄng nungbãtiyi nung puu ye, shↄng dↄↄ ɓa yii de kn leni, shↄng viibii yii shɔng sɔɔkeyi ke, shↄng shooɓa yii shoo de tãale mↄ̃ngni tↄt, shↄngɓe yii vↄↄle ye shɔng de sɔɔre yii suruni, ɓɔɔ shↄng wase shↄng rãng yii ruu tↄ̃ↄving ye. ⁶Tↄ̃ↄving ɓii shↄng ɓe de kↄse dↄↄ ɓa aru mini ɓa.”⁷Laɓe shↄngɓii yii waleye ɓe, Yeso de gãale mↄↄ yii aru Yↄhana, “Nↄ wale jingti nɔ ze yuuwusi ɓe zãsi zite ya? ⁸Nↄ wale nↄ ze shↄng veeye ɓe tuse fara lepeleng ya? Nungoko, shↄngɓe yii tuse fara lepeleng yii wↄ̃nre a kpanti yee.⁹Nↄ wa nↄ ze shↄng shãni ruu Laa ya? Ananko, N gãle nↄ, ɓɔɔ jãa shɔng shãni ruu laa kↄtɔ. ¹⁰Zepĩn ɓem ɓii shↄngɓe shↄng binke aru wuni, ‘Zepĩn, N shong shↄng yãshoni a mↄ tĩng, shↄngɓe da gɔnte mↄ dↄrↄng ɓe.’¹¹Nungoko N gãle nɔ a titi shɔngɓe sooye yeyii walikãng, shↄngɓↄ de yupa ɓa ɓe daa Jã Yↄhana shɔng batizima ɓa. Aruviya shↄng ɓe jetↄkↄlↄn tↄ̃ↄving a rooni koolapa jãwu kɔtɔ. ¹²Gaa a diki Yↄhana shↄng ɓatizima a e anaa ham, rooni koolapa shaa kpãareni, shↄng kpãareni yii ra ni kaka.¹³Laɓiini shↄng shãni ruu Laa ɓɔɔ ruudani yii shãng zuru laa a e a diki ɓee Yↄhana; ¹⁴mↄna kase mɔ te ke, wuko Iliya ɓe sii daa e ɓe. ¹⁵Shↄngɓe wu shoo ani, wu tãake.¹⁶N da tiisi shↄngLaakɔni ni viiya? Yii ana woɔje ɓe yii wonre a nung mↄↄ yiing ɓale weeyaa ni woɔjaaree nↄↄ lɔeeri nↄↄ de yaasan ɓa woɔ mↄↄ mↄↄvↄↄ nↄↄ de kaa yaa vↄↄ ɓa. ¹⁷Yↄhana eeke shaavii ɓa ɓɔɔ vii ɓa.¹⁸Aruviya Yↄhana eke shaa bubula ɓa kɔ ɓoo mɛɛ reeni la ɓa, yii tↄↄni, ‘Wu zãsi a yuu.’ ¹⁹Jaa shↄngzeng eke shaa viishãngg a ɓooyi yii tↄↄni, ‘Zepĩn, Wu ɓii shↄng vii shãngi ɓↄↄ shↄng viiɓooni, wosang shɔng saka viitipi teni ɓↄɔ shↄng ruviniǃ’ Vii peleni wuko tase kpɛ̃ɛni.²⁰Yeso sɔɔ watĩng ni b̃eni ɓɔrↄkooyi ɓe pele wu viibizani vɛ̃eni a moni ɓe, aruɓe yii de yayi ruvini ɓa. ²¹“Mↄↄ vi nugn kɔnni, Kɔɔrasaǃ Mↄↄ vi nugn kɔnni Ɓeseda! Na viibii zani ɓe shↄng pele a nɔɔ bii shong pele a koo Tayaa ɓo Sidon ananko, yii naa yayi ruvini tɛ̃tɛ̃ avusu tãtãfara ni tẽni pũng a yuu. ²²N gaale nↄↄ a diki yɔɔri ɓooreni shↄng naase Taaya yiini Sidom doo ɓa na nɔkɔ ɓa.²³Moko, tipi Kaafanahum, amoo lereni shↄng da ɓɔngse moo kɔtɔ ana yee laapa ya? Ɓa ananko ɓa, shↄng lↄↄre moo a Hades. Na shↄng pele vii zaani bii a Sodom anaɓe shↄng pele anↄↄ koo, Sodom naa don ani a ɛ ana lami. ²⁴N gãle nɔɔ ing kpã ɓa vɛ̃eni aru shong tipi Sodom a diki ɓɔɔreni yɔɔri ɓa anaa nɔɔ bi bii.”²⁵Alaɓii Yeso shãng ni, “N doo moo ye, Daa, Daayere ɓe koolapa ɓɔɔ ɓe tipi, aru ɓe mↄↄ vↄ̃ↄse vimyi a shↄng kpẽni ni shↄng zeeni yii bii, mↄↄ sɔɔ tase woojaa tↄↄkↄlↄng yii. ²⁶Anangko, Daa, aruɓe vim likɔtɔ a mo nung. ²⁷Daa ang vim yii ye walikãng; aru shↄngɓↄ de zee Jaa ɓa ɓi Daa kɔ she ɓɔɔ shↄngɓe wu Jaa rɔɔyike wu taseyi.³⁰²⁸Nↄↄ eng biita, shↄng ɓe nↄng shaa kpãren ni vim a yuu kpititi, N sɔɔ nɔɔ wↄ̃nke. ²⁹Nↄↄ tɔng lajĩsheni ta nↄↄ sɔɔ mangte ang bii, aruɓe N yuu de laake ɓa ing tɔt shↄng yatɔ zãngzãng, nↄng sɔɔ kpa rooni sĩngsĩng a nɔɔ surubi. 30 Aru ɓe ing lajĩsheni de kpite ɓa N kpãreni de sɔɔ shamɓa.

¹Alaɓɔ a diki wↄ̃keni Yeso sↄↄ dↄ̃rↄng ɓe ɓoo ɓuuzee. Wↄ̃ko shaa wu jaadↄↄyii a gaa sũni nɛrɛng vi a la a shake. ²Alaɓe sↄng Farisa yii zee vim, yii shãngshe Yeso ni, “Zepĩn, mↄↄ jaadↄↄyi yiing pele vii ɓe rudani zãre shↄng pele a Diki wↄ̃nkeni.”³Yeso gãleyii ni, “Nↄↄ de ɓale vii ɓe Dawuda peleke laɓe wↄ̃ko shawu, ni shↄngɓe yii sii ni wuni ɓaya? ⁴Ɓoo Jaaka Laa a shaa bubula ɓee Laa watĩng, ɓe rudani zãre wu shaa ni ɓɔɔ shↄngɓe ni wu ni, rudani yaase shↄng Farisa yiiko shee.⁵Nↄↄ de ɓale a rudani ni a Diki wↄ̃keni shɔng Farisa yii pele vii nangka a Jaaka Laa shↄng ayi ruviini ɓa ayi yuu baya? ⁶N gãle nↄↄ shↄngɓe jã Jaaka Laa kↄtↄ ɓe wuko a mↄm.⁷Na nↄↄ zee vii ɓe rumi taase ye, ‘N kase tãani nugnkↄnni ɓa vii ani ɓa,’ nↄↄ na de leese shↄngɓe yii ɓa shↄng ruviinim yii ɓa. ⁸Aruviya Jaa shↄngzeng wuko Daayere Diki wↄ̃keni.”⁹A mɔng ɓiko Yeso ya mↄmɓi a ɓoo yii Jaaka Laa. ¹⁰Zepĩn, Shↄng veere ɓɔɔ ani ɓe wu naa ɓole kↄtɔ. Shↄng Farisa yii yɛ̃ɛ Yeso, ni, “Likↄtↄ shↄng gangte shↄng a Diki wↄ̃keni ya?” Aruɓe yi da langsewu ni pele ruvini.¹¹Yeso gãle yiini, “Ɓii shↄng ɓowe a nↄↄ titim wu mɛrɛ ani goro, ɓe, wu mɛrɛ naa ani goro, naa shoye a too a Diki wↄ̃keni, da yii wu ɓa wu kese wu gaa ɓa ya? ¹²Ɓivi jãa vim viya, ham, shɔngzeng ni mɛrɛ niǃ Na ananko ɓa rudani shↄng pele vii tↄ̃ↄving a Diki wↄ̃keni ɓa.”¹³Yeso sↄↄ shãngshe veere ɓii ni, Dĩing mↄↄ naa ta.” A dĩing wu naa, sↄↄ gangte ke, anaa goro naa ɓi. ¹⁴Shↄng Farisa yii wake a mang yã awu yuu. A bee dↄ̃rↄng ɓe yii da leese wu ɓe.¹⁵Yeso, zee viimke, a ya mↄng ɓii. Shↄngzeng vɛ̃ɛni yii dũng wuke, sɔɔ gangte yii walikãng. ¹⁶A gɔ̃yi shoo ni yii naa shin ɓa shↄng gãsii yii zee wu zↄng ɓa, ¹⁷Aru wu sɔ̃re yã viiɓe shↄngshãngni ruu Laa Ishaaya shãngg ɓe, ni,¹⁸“Zepĩn, N jaadɔɔ ɓe N rɔɔwu, shↄng ɓe gɔrɔ ing kaase ɓe, shↄngɓe N suru tãwu tɔ̃ɔving. N shĩng N Suru a wu yuu, wu sɔɔ waase shↄngɓe yii de zee Laa yã.¹⁹Da kpãre ɓa kɔ wu kaa ni kaka ɓa; kɔ shↄngɓɔ wu tã wu yã a doorↄng. ²⁰N kake wusi ɓe yii langke ɓa; daa rinse zĩri yaa ɓa, ing shing nung wu zeeke shↄng tɔ̃ɔving wat̃ing ye. ²¹awu vusu rĩnko shↄngɓe yii de ze Laa ɓa yiing shĩng gn.²²Shↄng ese Yeso shↄng nung ɓa ɓɔ yã ɓa, ɓe vĩiniivĩivii rãmang yiiwu. Gangtewu ke, ɓe taseye shↄng yã ɓa ɓɔ nung ɓa shãng yã yee sɔɔ ze mↄng ye. ²³Bii zaa shↄng mɔɔ walikãng yii sɔɔ shãng ni, “Shɔngmi da wɔng kↄtↄ Dawuda Jaa ya?”²⁴Alaɓe shↄng Farisa yii tã ruu viibii zani mi ye, yii shãng ni, “Shↄng veerem kese vĩinivĩivĩi rãmang ɓa kɔvɛ̃ ɓa na ɓa ni Baalzaabul, kpanti vĩinivĩivĩi rãmang yii.” ²⁵Yeso ze yii lereni a shãngshe yii ni, “Roonikpanti ɓe naa vaseye ni wu yuu ing wɔng shɔng tɔɓa ni ɓa, koobɔrɔ kↄ yee ɓe naa vaseye ni wu yuu da shi ɓa.²⁶Shelan nang kese Shelan, vase wu yuu ni wu bibii. Wu roonikpanti da shi nuko viiya? ²⁷Nang sɔɔ langte vĩinivĩivĩi rãmang ni Baalzaabul, ni vii nↄↄ jaayii langte vii ya? Aru viiɓemyi yiing wɔng nↄↄ shↄng yori ɓooreni.²⁸Nang langte vĩinivĩivĩi rãmang ni Suru Laa, Laa roonikpanti e nↄↄ yuu ye. ²⁹Shↄngɓↄɔ daa ɓo shↄng kaka yee kↄtↄ wu sɔɔ see wu vii yee de maa shↄng kaka ɓii ɓa sasati ɓaya? A mɔng ɓiko daa ɓɔwu vii ye. ³⁰Shↄngɓe wu naa ɓa ni mini ɓa wu ɓii N shɔngpong, shↄngɓe naa de muse ɓa ni mini ɓa saateye.³¹N gãle nↄɔ arugoko, ruvĩni ɓɔɔ toni rubɔng shↄng yaase shↄngzenyi kↄtↄ, shↄngɓe naa too rubɔng a Suru yuu shↄng yaase wu ɓa. ³²Shↄngɓe na shãng ruu nangka ye a Jaa shↄngzeng yuu, shↄng yaase wu kↄtↄ, shↄngɓe naa shãng ruu nangka ye a Suru Tɔ̃ɔving yuu, shↄng yaase wu ruu vĩini ɓa. kↄ a koodanga mi, kↄ a koodanga ɓe daa e ɓe.³³Nↄↄ naa shing la tɔ̃ɔving ye wu reni in sɔɔ wɔng jↄↄ tɔ̃ɔving, Nↄↄ naa shing la nangka ye wu reni in sɔɔ wɔng jↄↄ nangka, aruviya shↄng ze la a wu zↄng reni. ³⁴Jaa sↄkↄ badi yii, nↄↄ ɓe shↄng nangka, nↄↄ da shãng viitɔ̃ɔving nuko viiya? Aruviya yã shãng vii ɓe shↄngzeng toole a yato. ³⁵Shↄngzeng tɔ̃ɔving keese viitɔ̃ɔving ɓe toole a sĩnsĩng, shↄng nangka keese vii nangka ɓe toole awu vusu nangka sĩnsĩng.³⁶N gãle nɔɔ a diki yori ɓooreni shↄngzengyi yiing a vii peleni ɓee ruu nangka ɓe yii shãng ke kɔvɛ̃. ³⁷Aruviya ni mↄↄ ruu shãngni shɔng kpense mɔ, ni mↄↄ ruu shãngni ko tɔt shɔng lese mɔ.”³⁸A mɔng ɓi shↄng labini ɓɔɔ shↄng Farisa yii kase Yeso asɔɔ shãng ni, “Shↄng viimangteni, wo kase wo ze viitaseni a mɔ bii.” ³⁹Yeso sɔɔ kaseyii ke a shãngsheyi ni, “Shↄng vii nangka yii ɓɔɔ shↄng kↄng lakomi yiing bee vitaseni. Shↄng tase nↄ zↄng viɓↄ ɓa shↄng tase nↄↄ viitase ɓe shɔng shãngni yã Laa Yunana kɔ shee. ⁴⁰Anaɓe Yunana wɔng a vusu yato bɔrɔ jezung diki tati zii tati mi, Jaa Shↄngzeng daa wɔng jↄↄ ananko ɓee diki ɓɔɔ zii tati a yuusa.⁴¹41 Shↄng Neneba yiing yupa a diki yori ɓooreni ni shɔng lakomi yii leseyi ke. Aruɓe yi tã Yunana yã waani a yayi ruuvĩni. Nↄ zepĩn, shↄngɓe jã Yunana kↄtↄ wuko mi.⁴²Sokpan ɓe lɔnbɔng daa yupa a diki yori ɓooreni ni shɔng lakomi wu sɔɔ leseyi ke. E a kaa koodanga ɓɔɔ aruɓe daa tã kpɛ̃ɛni ɓe Sulemanu, nↄ zepĩn, shↄng ɓe jã Sulemanu kↄtↄ wuko mi.⁴³Nangka suru viiki naa ke ye a shↄngzeng bii, kĩnleke a mↄng ɓe mɛɛ ɓa ani ɓa wu bee mɔng rooni, naa de kpa ɓa. ⁴⁴Wu shãng ni, ‘N zuse yee ɓe N kee ani.’ Nang zuse ye, N kpa yee ɓii ye viɓↄɔ ɓa ani ɓa- shↄng koye yiiriri shↄng gongte ye ɓatata. ⁴⁵Wu sↄↄ waake wu see suru nawatati ɓe yii jã wu kↄtↄ ni nangka ɓe, yiing sɔɔ eke yii wɔng a mɔng ɓi. Shɔngwa wu leseni ing jã ɓee shɔɔni kↄtↄ. N wɔng jɔ ananko ni nangka lakomi ni.”⁴⁶Alaɓe Yeso dong shãng yã ni mɔɔ yii ɓe, milepĩn, yĩingɓi ɓɔɔ zungɓiyi yii eke a shii a gaa, yiing bee ke yii shãng yã ni wuni. ⁴⁷Shↄngɓɔↄ gãle wuni, zepĩn, “Inna ɓɔɔ zungwayii yii shiile a gaa, yii kase yiing shãng yã ni mɔni.”⁴⁸Yeso kase yã a shãngshe shɔngɓe gãle wu ni, “Ɓii wee maanaa ɓɔɔ maazungyii weya?” ⁴⁹Asɔɔ taase naa awu jaadɔyii bii a shãng ni, “Zepĩn, maanaa ɓɔɔ maazung yii ko mi! ⁵⁰Aruviya Shↄngɓe naa pele vii ɓe maa Daa ɓee koolapa kaseye, shↄngwa yii ko maazung, ɓɔɔ manaa ɓɔɔ maanaa.

¹Yeso ya yee ɓii a diki waa awↄ̃ng a yã waapo. ²Mↄↄ vɛ̃ɛni yii muse awu bii, ɓↄ vusu tusii a wↄ̃ng ani, mↄↄ yii shii a yã gengen.³Yeso shãngshe yii ruu vɛ̃ɛni ni yãgeni. A tↄↄni, “Zepĩn, shↄng mↄng lani waa kulu wu ru lↄkↄ. ⁴Laɓe de runi ɓe, lↄkↄ ɓↄↄ lↄↄ a yã dↄↄrↄng, jeenung eke a koleyii. ⁵Ɓↄↄ yii lↄↄ a mↄng tara ɓe sɛ̃ɛli ɓa ani vɛ̃ɛni ɓa. A dɔɔdɔɔni yii ta tɛ̃t aruɓe sɛ̃ɛli ɓa a mↄni vɛ̃ɛni ɓa ⁶Alaɓe la too yã ye, yii wate a vↄleyi.⁷Lↄkↄ ɓↄↄ yii, lↄↄ a ɓuu kɔↄkↄ, kↄɔkↄ bɔng a kɔ̃seyii. ⁸Lↄkↄ ɓↄↄ yii lↄↄ a tipi tↄ̃ↄving yii tɛ̃ɛnung lamaani, ɓↄↄ latat, ɓↄↄ tɛ̃ɛnung bmat atu kop. ⁹Shↄngɓe shoo ani, wu tãake.”¹⁰Jaadↄↄ yii e Yeso bii a tↄwu ni, “Aru vii mↄng shãnshe mↄↄ yii runi yãgeni viya?” ¹¹Yeso koseyi a tɔɔni, “Shↄng anↄ dↄrↄng nↄ ze vii vɔ̃ɔseni ɓee rooni koolapa, yi biibii shↄng de ayii ɓa. ¹²Shↄngɓe vii naa ani shↄng awu ɓↄↄ, shɔng sɔɔ awu tɔt vɛ̃ɛni. Shↄngɓe wu ɓee naɓa ani ɓa, kↄ ɓe awu naa pota shↄng teni a kaati ni gaa.¹³Ɓem ɓii vii ɓe shiinke N shãnshe yii runi yãgeni ɓe koː yii miile vii, yiing ze ɓa; yii sɔɔ tãa kɔtɔ, daa loɓa a yii shoo ɓa, aru goko yii tãa ɓa. ¹⁴Ayi bii ko ruu shɔngzeni Ishaaya tase ke, ɓe shãngke, ‘Weenishoo ta, nↄng tãa kↄtↄ, daa loɓa anɔ shoo ɓa; nↄng miile kɔtɔ nɔng ze ɓa.¹⁵Shↄm yii singsing vↄ kɔtɔ, ni yii shooni yii tãa ɓa. Yii too ayii singsing yii sɔɔ sɔni tũnpu, N sɔɔ gangte yii ke.”¹⁶Pãnti wu wɔ̃ngta anɔ nung, aru ɓe yiing ze kɔtɔ; ɓɔɔ anɔ shoo, yiing tãa kɔtɔ. ¹⁷Nungoko N gãlenɔ shↄng zeni yii vɛ̃ɛni ɓɔɔ shɔng tɔ̃ɔvingyi yii kase yii ze viɓe nɔng zemi yide ze ɓa. Yii kaseye yii tãa viɓe nↄng tãa mii yii, yide tãa ɓa.¹⁸Nↄ tãa yãgeni shↄng mↄng lani ɓe ruwu lↄkↄ. ¹⁹Shↄngɓe na tãa ruu rooni kpanti ye de too ɓa, vĩiniivĩivĩi rãmãng yii eke a yee see viɓe ruɓe awu singsing. Ɓem ɓi lɔkɔ ɓe shɔng ru a kati dɔɔrɔng.²⁰Lↄkↄ ɓe shↄng ruu a yuu tara ɓi shↄng ɓe tãa ruu Laa a te tɛ̃t ni puru yato, ²¹De yii dĩngli pĩn ɓa ɓe da ti pota ɓa. Alaɓe yↄɔreni yuu ɓɔɔ kpãareni na yuupa ye aru ruu Laa, wete a kati tɛ̃t.²²Ɓe shↄng ruu a ɓuu kↄɔkↄ, ɓem ɓi shↄngɓe tãa ruu Laa, yuu yↄↄreni koodanga ni lakeni viiyee kɔ̃se ruuɓi, shiinke de tɛ̃ɛ nung ɓa. ²³Lↄkↄ ɓe shↄng ruu a tipi tↄ̃ↄving, ɓi shↄngɓe tãa ruu Laa a too vii ɓe tase ɓe. Reke a tɛ̃ɛnung, ɓɔɔ yii lamaani, ɓɔɔyii latati, ɓɔɔ yitɔ bmat atu kop anaa vɛ̃ɛni ɓe shɔng ruɓe.”²⁴Yeso gãle yii yãgeni ɓↄↄ. A tↄni, “Rooni kpanti ɓe koolapa anaa shↄngɓe ruu lↄkↄ tↄ̃ↄving awu kulu. ²⁵Alaɓe shↄng roo nurong ye ɓe, wu shɔng pong de eni a ruu nangka wisi a vusu zee ɓini a waa ke. ²⁶Laɓe zee mi yii keye tɛ̃ɛ nungye, wisi yii sↄↄ ke jↄ.²⁷Shↄng kulu ɓi wu jaadɔɔ yii eke a tↄwu ni, ‘Shↄngbɔrↄ, mↄde ruu ɓa lↄkↄ tↄ̃ↄving amɔ kulu ɓa ya? Sↄɔ kawe wisi ke a vusu weya?’ ²⁸“A tɔɔyii ni, ‘Ɓi shɔng pong pele vi.’ “Wu jaadɔɔ yii tↄwu ni, ‘Mɔ kase ye wo waa zɔ̃ɔke ta ya?²⁹“Shↄng gɔng tɔɔyii ni, ‘Ɓa. Alaɓe nɔna de zↄ̃ↄke wisi ɓi, nɔ daa zↄ̃ↄni zeeni walikãng. ³⁰Nↄ yayi ta yii ɓɔng a yãwee wu waa la vii kani. A laɓi ko N gãale shↄng vii kuku tooni, “Yii zↄ̃ↄke wisi ko shooni yii malle a tuntun yii shaareyii, shɔng muse viishang nɔ tɛ̃ɛ a ɓoo.³¹Yeso gãle yii yã geni ɓↄↄ tↄt, a shãng ni, “Roonikpanti ɓe lapa ana la lakĩn ɓe shↄng veere ɓↄↄ ruu a wu kulu. ³²Jenung ɓem ɓii tↄↄkↄlↄng jenung a titi gãsi lↄↄkↄ yii walikãng. Laɓe na ɓɔng ye, jã gãsi vii guru yii walikãng. Rii ɓɔrɔ la, aruɓe jenung ɓe lapa yii eke a yãa sati awu nasẽng.³³Yeso sɔɔ gãle yii yã geni ɓↄↄ tↄt, “Roonikpanti ɓe lapa ana yiisii ɓe sooye yii tɔɔ asɔɔ dure ni tasa tati ɓee zuumang wu gake wu sɔɔ bong ke.³⁴Yeso shãngshe shↄng mↄↄ yii vim walikãng ni yã geni; de gãle yii ruuɓↄↄ ɓa ni yã geni ɓa. ³⁵Ɓem kĩnke aru vii ɓe shɔng shãngni yã Laa yi shãngke da e walikãng, alaɓe shãng ni, “N pung yã avusu yã geni, N shãng vii ɓe shↄng sii võse tɛ̃tɛ̃ a takeni koodanga ɓe.”³⁶Yeso sɔɔ ya shↄngmↄↄ yii a ɓoo vusu yee. Wu jaadoyii e wu ɓii a tↄↄ wuni, “Gãle wo yã geni ɓe wiisi a kulumta.” ³⁷Yeso sɔɔ kase yiini a shãng ni, “Shɔngɓe ruu lↄↄkↄ tɔ̃ɔving ɓii Jaa Shɔngzeng. ³⁸Kuluɓii ɓii koodanga; lↄↄkↄ tɔ̃ɔving ɓii, ɓii jaa roonikpanktiyii. Wiisiɓii ɓii jaa nangka yii. ³⁹Shↄng ɓe ruu wiisim ɓe ɓii vĩinivĩivĩi rãmang. La toniviishangɓii ɓii diki ɓe koodanga da sↄ̃yã ɓe, shɔng kani lɔkɔyi yii ko Laa shɔngshɔngni.⁴⁰Arugoko, anaɓe shɔng muse kãa asɔɔ share a yaa ɓe, ing wɔng jɔ ananko a diki koodanga sɔ̃ni yã. ⁴¹Jaa Shↄngzeng ing shong wu shɔng shongshɔngniyii, yiing sɔɔ muse shↄng ɓe yii shiinke shↄng kↄↄse dɔɔ a dↄↄrↄng dũngni Laa ni shↄng ɓe yii dũng ruu Laa. ⁴²Yii lↄↄke yii a yaa, a mↄng ɓe yii da kaa yãvo ni shaani tãri ɓe. ⁴³Alaɓi ko shong tɔ̃ɔving yiing ɓenke ana la ayi Daa Laa roonikpanti. Shɔngɓe wu shoo ani wu tã ke.⁴⁴“Roonikpanti ɓe lapa ana kaa ɓe shↄng võse a kulu. Shↄng veeye ɓɔɔ kpa ke a võse ke. A titi yatɔpuru wa ke, a maale wu vinna walikãng, a wo kulu ɓii. ⁴⁵Ɓɔɔ tɔt, roonikpanti ɓe lapa wɔng anaa shↄngveeye ɓe wu bii shↄng lumo ɓe in ɓee in ɓe vitɔ̃ɔving kpẽrere ɓe. ⁴⁶. A Laa ɓe kpa gɔrɔ ɓe kpẽrere ye, awa maale wu viinaa walikãng a woke.⁴⁷“Ɓɔɔ tɔt, roonikpanti ɓe lapa wɔng ana jãng ɓe shↄng tẽ a waapo, asɔo, yii jezung zɔng zɔng. ⁴⁸Alaɓe yiye, shↄng yini jezungyii yii gↄ̃ a kese a yã gengeng. Yii wɔng a take ɓe yii tɔ̃ɔving a tẽ a viitẽnivii, asɔɔ wɔse ɓe yii ɓa tɔ̃ɔving ɓa a gaa.⁴⁹Da wɔng ananko a diki ɓe koodanga da sõyã ɓe. Laashↄngshɔɔni yiing e yiing vase shↄng nangka yii ni shↄngzeng tɔ̃ɔving. ⁵⁰Yiing lɔɔke yii a vusu yaa, a mↄng ɓe shↄng kaa yãvo ni shaani tãri.⁵¹51 “Nↄↄ zee vim yii ye walikãng ya?” Wu jaadoyi shãngshe wuni, “Ananko.” ⁵²Yeso sɔɔ gãle yiini, “Arugoko shↄng labini ɓe naa rii jaadoo ɓe roonikpanti ɓe kolapa ye wu ana shɔng yee, ɓe keese wu viinaa gbengti ɓɔɔ polo.” ⁵³Wating ke alaɓe Yeso sↄↄre yã geni yã ye, keeke a yaa mↄngɓii.⁵⁴Yeso sɔɔ ɓoo wu koo a maangte shↄngzeng yii vii a yii jaaka Laa. Vĩim shiinke yii aa yã a tↄↄni, “Shↄng veremi kpa kpẽnimi ɓɔɔ peleni viibii zanimi ni kaka a meya? ⁵⁵Ɓem ɓa shↄngla ɓani mi jaa ɓaya? Ɓa yĩngɓii ko shɔng ɓawu ni Mereyamu ɓa ya? Ɓa zungɓii ko Yakubu, Yusuu, Samenu ɓↄↄ Yahuza ɓa ya? ⁵⁶Ɓa naaɓii sooye yii kɔ ni woni ɓa ya? Kpa viim yii a mↄng weya?⁵⁷Yii kↄↄse dↄↄ aru wuni. ⁵⁸Yeso sɔɔ gãle yini, “Shɔng shãngni yã Laa wu bongni ɓa yee ba a kooɓo kɔ shee.” Aruɓe yi anizɔng ɓani ɓa de pele viibii zani ɓa vɛ̃eni ayi bii.

¹A la wan, Hiridu tã Yeso ruubii. ²A gãle wu jaadɔɔyi, "Ɓem ɓi Yɔhana shɔng Baptisima; yupa a yusa. Arugoko kaka vipelemi ni wuni³Aruviya Hiridu yi Yɔhana, a maa wu, a shĩng wu doo a gã ya aru Hiriduya, zũngɓi Filibu soo. ⁴Aruɓe Yɔhana gãle wu ni, "Rudani zãre kɔtɔ mɔ sɔre wu ana mɔ soo." ⁵Hiridu na nung wu vo akati, sɔɔ zaa shongzeng yi, aruviya yi toowu ni wu ɓi shɔng zeni Laa.⁶alaɓe Hiridu diki yeni eye, Hiriduya wu jaa sooye yã sang ayi titi asɔɔ shing Hiridu puru yato. ⁷A wu riseni, a vaase ni teni nin awu viɓe na yẽye walikãng.⁸Alaɓe yĩngɓi kpẽre wu ye ɓe, a shãng ni, "Anta a mɔm, a pii, Yɔhana shɔng Baptizima yuu." ⁹Wu gõreni de tɔ̃ɔre Kpanti ɓa bii ɓa, aru wu tengni ɓe tengɓe ɓɔɔ shɔngɓe ying shã vishang nin wuni ɓe, a yaase yi dɔ̃rong nin yi pele ta ananko.¹⁰A shong shɔng shɔng sɔɔ ye Yɔhana yuu a gãya. ¹¹Alaɓi shɔng ese wu yuu a pii sɔɔ teke a ã yĩngɓi. ¹²Wu jaadɔɔyi yi sɔɔ eke, a toowu gigiribii, asɔɔ gɓãyi. Atumpu vim, yi wa ke a gãle Yeso.¹³Hami alaɓe Yeso tã vim ye, yaa mɔm ɓi avusu tuusi awa mɔmɓe shɔng ɓa ni ɓa. Alaɓe shɔng mɔɔ yi tã ye ɓe, yi ke a vusu bɔrɔkoo a dũng wu nin dɔɔ. ¹⁴Alaɓi Yeso eke a zee shɔng mɔɔ vɛ̃ɛni. A tã yi nugn kongni asɔɔ gangte yi vobii.¹⁵Alaɓe lasãni tiseye ɓe, wu jaadɔɔyi yi e wu bii a shãng ni, "Ɓem ɓi ɓu jĩnti, lá yeye. Vase mɔɔ yã ta, aruɓe yi da wa jekoo wodotyi yi wa woo vishãng ɓe yi yuu.¹⁶Aɓe Yeso gãle yi nin, "De liɓa yi wa ɓa. Nɔ́ɔ́ ayi viɓe yi da shaa ɓe." ¹⁷Yi gãle wu ni, "Viɓe a mɔm ɓi bubula maani ɓɔɔ jezũng ziti." ¹⁸Yeso shãng ni, "Nɔɔ ese yi ta mɔm."¹⁹Yeso sɔɔ gãle mɔɔ yi wɔng ta a tipi a yuu wiisi. Too bubula maani ɓi ɓɔɔ jezũng ziti ɓi. A peng nung ni koolapa, a tɛ̃ zuuku a kake bubula ɓi asɔɔ awu jaadɔɔyi, wu jaadɔɔyi yi sɔɔ a mɔɔ. ²⁰Yi walikãng yi sha apuuyi. Yi sɔɔ muse gã sii bubula ɓe yase ɓe-yi kalesaka kop atu ziti. ²¹Shɔngɓe yi sha ɓe yiwa nung veeye labong maani, sooye ɓɔɔ wojaayi ɓa vusu ɓa.²²Ɓani-jãɓaseni ɓa shing wu jaadɔɔyi yiwa ɓɔɔ tuusi yiwa a ting ni kaɓɔ, aɓe vase mɔɔ yã ye. ²³atumpu ɓe vase mɔɔ yã ye, a võng yuu kɔpɔ ni wu yuu a gõre Laa. Alaɓe lasãni tiseye ɓe, wɔng a mɔng ɓi a bĩn. ²⁴Aɓe tuusi ɓi waye fefe nin tipi, aɓe zãsi de gisewu, aruɓe zãsi in wungsiyi ɓe.²⁵Alaɓe gandi kpaye wu rɔɔse ɓe Yeso kpa bii ayi bii, de kĩn ni a yu waapɔ. ²⁶Alaɓe wu jaadɔɔyi yi zee wu ye de kĩnleni a yu waapɔ, yi yoreyu a shãng ni, "Ɓem ɓi rãmang," yi sɔɔ ka yã voozani. ²⁷Yeso sɔɔ shãng yã nin yini dongo a tooni, "Nɔɔ maa singsing taǃ Ɓi mikoǃ Nɔɔ na za ɓa."²⁸Buturu kase wu asɔɔ shãng ni, "Daayere, na ɓi moko, gãlen ta in e mɔ bii a yuu mɛ." ²⁹Yeso shãng ni, "Eta." Buturu sɔɔ ke a vusu tuusi asɔɔ kĩn a yuu mɛ wu kpa Yeso. ³⁰Aɓe Buturu zee gini zãsi nin kaka ni, sɔɔ za voo. Alaɓe de yeni a mɛ ɓe, a kaa yã voo a tooni, "Daayere, Kpenseng taǃ"³¹Ɓani-jãbaseni ɓa Yeso kese wu naa, ayi Buturu na, asɔɔ gãle wu ni, "Moo ɓe shɔng tɔkɔlɔng gn shĩngni, aruvi mo de a zong ɓa viya?" ³²Labe Yeso ni Buturu yi ɓɔɔ vusu tuusi ye ɓe, zãsi gini sɔɔ zii yã. ³³Alaɓim jaadɔɔyi ɓe yi a vusu tuusi yi gware Yeso asɔɔ shãng ni, "Nungoko mɔko Jaa Laa."³⁴Alaɓe yi tuke ye, yi e a lɔɔ a tipi Janasara. ³⁵Alaɓe shɔng tipi ɓi yi too Yeso zong ye, yi shaa yã a yee ɓe mɔng ɓi walikãng, yi sɔɔ ese wu shɔng vooyi. ³⁶Yi gõre wu ni kɔ yi lii kɔ wu yã fara koshe, shɔngɓe yi lii wu walikãng yi gangte ke.

¹Alaɓi shɔng Farisayi ɓɔɔ shɔng labini yi ke a Urushalima a wa Yeso bii. Yi shãng ni, ²"Aruvi mɔɔ jaadɔɔyi yiing kĩn ɓa a dɔ̃rong lansi ɓe shɔngborɔyi ɓa viya? Aru yi na de shaa bubula ni yii sɔke naa ɓa." ³Koose yi yã asɔɔ shãng ni, "Aruviya nɔɔ lese Laa yãdani aru nɔɔ lansi viya?⁴Aru Laa shãng ni, 'Moo a yara ɓɔɔ inna borɔ,' 'shɔngɓe naa sɔɔ shãng yã nangka ye a yeɓi kɔ yĩngɓi yuu in voo kɔtɔ.' ⁵Nɔɔ sɔɔ shãng ni, 'Shɔngɓe naa shãngshe wu yeɓi ye kɔ yĩngɓi ye, ⁶"Viɓe mɔɔ naa kpaye walikãng an naa wu wɔng ana Laa vii ani." A mɔng ɓem ko nɔɔ shing Laa ruu ye wu wɔng kɔvɛ̃ aru nɔɔ ruu lansi.⁷Nɔɔ shɔng lakeni shɔngǃ Anaɓe Ishaya shãng aru nɔɔni alaɓe tooni, ⁸Shɔng ɓen yi an borɔ nin reete aɓe yii singsing fefe nin mini. ⁹Yii gwaren kɔvɛ̃ aruɓe yii mante shɔngzengyi rudani ana yi vi lansi."¹⁰Sɔɔ ɓa moo yã awu bii asɔɔ shãngshe yi ni, "Wee shota nɔɔ sɔɔ zemi- ¹¹Ɓa vi walikãng ɓe ɓoo yã lese shɔngzeng ɓa. Viɓe pele wuko, ɓi viɓe na keye a yã, wuko lese shɔngzeng."¹²Alaɓi wu jaadɔɔyi yi eke asɔɔ gãle Yeso ni, "Moo zeye shɔng Farisayi yi lese yato kɔtɔ alaɓe moo shãng ruum ya?" ¹³Yeso koose yi yã asɔɔ shãng ni, "Lá ɓe ɓa Daa ɓe koolapa ru ɓa shɔng zɔ̃wu ni gaa, ¹⁴Yayi ta kɔvɛ̃, yi ɓi shɔng taseni ɓe yi nung ɓa. Shɔng nung ɓa na da tase shɔng nung ɓa dɔ̃rɔng, yiing zĩngzĩng yiing wote a too."¹⁵Bituru kase Yeso yã a shãng ni, "Gãle wo viɓe yã ganin tase ta." ¹⁶Yeso shãng ni, "Nɔɔ bi bii nɔɔ de zee jɔ ɓa ke ya? ¹⁷Nɔɔ de ze ɓa ni vi walikãng ɓe ɓoo vusu yã tuke a buru asɔɔ ke gaa wu ɓoo too gooti ɓa ya?¹⁸Viɓe sɔɔ ke a yã e a vusu singsing. Yi ɓi viɓe lese shɔngɓe. ¹⁹Aruviya avusu singsing ko ke nangka lereni, nungni shɔng voo, beni sooye ɓɔɔ, pele ni kɔng, ɓɔɔni, teseni yãjĩni, ɓɔɔ dãni shɔng." ²⁰Ɓem ɓi viɓe lese shɔngzengyi ko. Shaani vishãng ni naa rĩnte ɓa wuko lese shɔng ɓa.²¹Alaɓi Yeso waa ni gaa asɔɔ waa borɔ koo ɓe Taaya ɓɔɔ Sidom. ²²Zepĩn, Sooye Ka'anan ke a koo ɓi, ka yã asɔɔ shãng ni, "Tãn nugn kɔnni, Daayere, Jaa Dawudaǃ Vĩni-vĩvi rãmangyi yi yiing jaa." ²³Yeso de kosewu ruuɓɔ ɓa. Wu jaadɔɔyi yi eke asɔɔ gɔ̃re wu, a shãng ni, "Kese wu ta gaa, aru in kake yã a yuu."²⁴Yeso kooseyi wu asɔɔ shãng ni, "Shɔng de shong ɓa a shɔngɓboyi bii ɓa na ɓa rĩngni mɛre ɓe yee Israila ɓa." ²⁵Sɔɔ eke a kuute a tipi awu waatĩng, a shãng ni, "Daayere, yiseng na." ²⁶De liɓa shɔng too wojaayi bubula asɔɔ loke zaa zaa yi ɓa.²⁷Shãng ni, "Ananko, Daayere, zaa zaa yi kwa vishang kɔtɔ pota a titi ɓe lo a yuborɔ yu teburu." ²⁸Yeso sɔɔ kose wu asɔɔ shañgshe wuni, "Sooye, moo anizong bɔrɔngbɔ; wu wɔng ta anaɓe moo kase ɓe." Wu jaa sɔo, gangte alaɓi.²⁹Yeso ya mɔm ɓi asɔɔ wa maani nin waapo Galili. Asɔɔ võng yuu jebuu a wɔng a mɔng ɓi. ³⁰Moo vɛ̃eni yi ewu bii. Yi ese wu shɔng gɓenka, shɔng nung ɓa, shɔng yã ɓa, shɔngɓe dɔɔ ɓa, ɓɔɔ shɔng vɛ̃eni ɓe yi voo. Yi tẽyi a Yeso dɔɔ, sɔɔ gangte yi. ³¹Moo yi tã puuru yato alaɓe yi zee ye shɔng yã ɓa yi shãng yã ye, shɔngdɔɔɓa yi gangte ye, shɔng gɓenka yi kĩnye, ɓɔɔ shɔng nung ɓa yi zee mɔng ye. Yi a Laa ɓe Israila borɔ a bii.³²Yeso ɓa wu jaadɔɔyi yã asɔɔ gãle yi ni, "N tã moo ɓem yi nugn kɔnni ye aruviya yi wɔng ye nin mini ɓe diki tati hami yi de shaa vishãng ɓa. N de kase ɓa N vaseyi yã aruɓe yi de shaa vishãng ɓa, kɔ yida wote a dɔ̃rɔng ɓa." ³³Wu jaadɔɔyi yi shãngshe wu ni, "A mɔng ɓo weya woo da kpa bubula vɛ̃ɛni a jĩngti ɓe shɔng ɓa mi woo shaare moo vɛ̃ɛni weya?" ³⁴Yeso gãle yi ni, "Nɔɔ bubula ana dɛ̃ya?" Yi shãng ni, "Nawa tati, ɓɔɔ jezũng pɔta." ³⁵Yeso sɔɔ gãle moo yi wɔng ta a tipi.³⁶Too bubula nawa tati ɓi ɓɔo, jezũng, atumpu ɓe dɔre Laa ye, kake bubulaɓiyi asɔɔ a wu jaadɔɔyi. Wu jaadɔɔyi yi sɔɔ a moo. ³⁷Shɔngɓiyi yi shaa asɔɔ puu walikãng. Yi sɔɔ muse mumu bubula ɓe yii kale-saka nawa tati ɓe shɔng yaa gãsi ɓe. ³⁸Shɔngɓe yi shaa yi wa veeye nung labɔng dɛ̃rɔ, sooye ɓɔɔ wojaa ɓa titi ɓa. ³⁹Yeso sɔɔ shong moo asɔɔ ɓoo vusu tuusi a ɓoo vusu koo Magadan.

¹Shɔng Farisayi ɓɔɔ Sadukiyi yi eke asɔɔ yẽ wu ruu aruɓe yi da maa wuke nin wu tase yi vi zee ni a lapa. ²Koose yi yã asɔɔ shãng ni, "na ɓi lasãni, nɔɔ shãng ni, 'Lapa mi likɔtɔ, aruɓe lapa rã kɔtɔ.³Na ɓi mɔng gandi, nɔɔ shãng ni, 'lapa mi da lii ɓa, arube lapa rã kɔtɔ asɔɔ dangke bami.' Nɔɔ zenung shãng ni keni lapa ye, nɔɔ de sɔɔ zenung zeni taseni ɓe lá ɓa. ⁴Nangka ɓɔɔ lakomi shɔng kɔ̃ng yiing bee taseni, shɔng a nɔɔ taseni ɓɔɔ ɓa na ɓa taseni ɓe Yunana ɓa." Yeso sɔɔ yaa mɔm ɓi a keyi dɔ̃rɔng.⁵Alaɓe wu jaadɔɔyi yi tɔo ka ɓo ye, yi de toò bubula ɓa. ⁶Yeso gãle yini, nɔɔ puu nung aru yisi ɓe Farisayi ɓɔɔ Sadukiyi." ⁷Wu jaadɔɔyi yi lere ayi titi asɔɔ shãng ni, "Aruɓe woo de toò bubula ɓa." ⁸Yeso zee vĩ̃m ye asɔɔ shãng ni, "Nɔɔ shɔng shĩngnign tɔɔkɔlɔng, aruvi nɔɔ lere a nɔɔ titi an shãng ni aruɓe nɔɔ de toò bubula ɓa viya?⁹Nɔɔ de zee ɓa ya? Nɔɔ de yè nugn ɓa aru bubula maani ɓe shɔng nung lá maani, ɓɔɔ kale-saka dẽya nɔɔ muse ɓa ya? ¹⁰Kɔ bubula nawa tati ɓe shɔngzeng nung lá dẽro, muse kale-saka dẽya?¹¹Aruvi nɔɔ de zee ɓa ni N siing shãng yã ɓa aru bubula ɓa viya? Nɔɔ puu nung aru yisi ɓe Farisayi ɓɔɔ Sadukiyi ¹²Alaɓi ko yi zee ke de gãle yi yã ɓa ni yi shĩng nung aru yisi ɓe vusu bubula ɓa, gãle yiing ni yi shĩng nung a manteni shɔng Farisayi ɓɔɔ Sadukiyi.¹³Hami alaɓe Yeso e koo ɓe mani ni Kaisara Filibu ye, a yẽ wu jaadɔɔyi, ning, "Shɔngzeng ying shãng ke ni Jaa Shɔngzeng wu weya?" ¹⁴Yi shãng ni, "Shɔngɓo yi tɔɔni Yɔhana shɔng Baptizima, shɔngɓoyi, Iliya; ni gãsi yi, Irimiya, kɔ gorɔ shɔng zeni yi." ¹⁵Gãle yi ni, "Nɔɔ bi bii nɔɔ shãngni miko weya?" ¹⁶Kooseni, Bituru Siman shãng ni, "Mɔko Kristi, Laa Jaa ɓe rɔɔ koo ɓe."¹⁷Yeso koose wu yã asɔɔ tɔɔni, "Zuuku mɔ ɓe ko, Siman jaa Yunana, aru ɓa bii ɓɔɔ kpa tase moo vĩm ɓa, ɓi Maa Daa ɓe wu a koolapa. ¹⁸N sɔɔ gãle mɔɔ ni mɔko Bituru, a yu taran ko N maa N Jaaka. Dõrong Hades jã mo kaka ɓa.¹⁹N a mɔ vi puni nɔrɔng ɓe roonikpanti ɓe kolapa, Viɓe nɔɔ na Maaye a koodanga shɔng maa jɔ ananko a koolapa, mona sɔɔ kale viɓoye a a koodanga shɔng kale jɔ lapa." ²⁰Alaɓi Yeso gãle wu jaadɔɔyi ni yi na gãle shɔng ɓɔɔ ɓa ni wuko Krisiti²¹Alawa ko Yeso gaa gãleni wu jaadɔɔyi ni N waa Urushalima, N kpãre a vi zɔng zɔng a shɔngborɔ, kpanti shɔng lansiyi, ɓɔɔ shɔng labiniyi na, yiing nung wu voo, shɔng sɔɔ yuse wu pa ni surubi a tumpu diki tati. ²²Bituru sɔɔ gõwu ni kati a dĩngwu yu shoo, a shãng ni, "Vim wu wa fefe ni mɔni, Daayereǃ Vĩm na wɔ̃ng ɓa ananko ni mɔni ɓaǃ" ²³Yeso sɔɔ ribii a gãle Bituru ni, "Sɔɔ tang tumpu, Shelan, aruɓe mɔ lere ɓa yu vi Laa ɓa, mɔ lere yu vi shɔngzengyi."²⁴Yeso sɔɔ gãle wu jaadɔɔyi ni, "Shɔngɓe na kase wu dũng ɓe, in ɓẽ wu yu sasat, wu tòò wu lajisheni, wu sɔɔ dũng. ²⁵Aruviya shɔngɓe na kase wu yu in (da ke), shɔngɓe na sɔɔ bẽ wu surubi ye aru mini in kpa kɔtɔ. ²⁶Aruviya ɓi vi shɔngzeng da kpa ke na kpa vi koodanga ye na sɔɔ (da wu surubi ye viya)? Ɓivi shɔngzeng a wu kose aru wu surubi viya?²⁷Aruviya Jaa Shɔngzeng N e ni bongni ɓe wu Daa ni wu shɔng shongniyi. N sɔɔ a shɔng walikãng vidoo anaɓe yi vipeleni tase ɓe. ²⁸Nungoko N gãle nɔɔ, shɔngɓɔyi ani ɓe yi shile a mɔm ɓe mi ɓe yiing tã vooni ɓa na ɓa yi zee Jaa shɔngzeng teni a wu roonikpanti."

¹A tunpu diki maani goro ɓe dase ɓe Yeso too Bituru, Yakupu, ɓɔɔ Yɔhana zungɓi, yii waa bɔrɔ yuu kɔpɔ ayii nung. ²Wu zɔng bii de kɔseni amɔng ɓini. Wu waa ting de puse mɔng ni anaa laa, wu fara de rini puru shang.³Zepĩn, Muusa ɓɔɔ Iliya yide keni ayii bii a shãng yã ni wuni. ⁴Bituru de koni a tɔɔ Yeso ni, "Daayere, lii kɔtɔ ɓe wo amɔng. Mɔna kaseye N gurewo yinsi tat goro ɓimɔ ɓee, ɓɔɔ goro Muusa ɓe, ɓɔɔ goro Iliya ɓee."⁵Laɓe wu don a yuu yã shãni, amɔng ɓini, yãasi de e kuke yiini, amɔng ɓini, yã de keni a vusu yãasi, tɔɔni, "Ɓem ɓin jaa, ɓe N kasewu ɓe. Nɔ weshoo awu yã." ⁶Laɓe wu jaadɔɔ yii tãye, yiide weteni ni waating a tipi asɔɔ zavɔɔ tɔ̃ɔna. ⁷Yeso de eni a liyii ni naa asɔɔ tɔɔni "Nɔ yupata nɔna zavɔɔɓa." ⁸Laɓe yii pen nung yee ni paa yide ze shɔngɓɔɔ ɓa Yeso ko shee.⁹Laɓe yii de lɔɔni a yuu kɔpɔ, Yeso wase yii yã a tɔɔni, "Nɔ na gãle shɔgɓɔɔ viɓe nɔ zemi ɓa nɔ yaa Jaa Shɔngzeng na yupaye a yuusa." ¹⁰Wu jaadɔɔ yii yɛ̃wu, a tɔɔ, "Aruvi shɔng labini yii tɔɔni Iliya daa e shɔɔni viya?"¹¹Yeso koseyii a tɔɔni, "Iliya ing e kɔtɔ nungoko wu sɔɔre vii walikang. ¹²N sɔɔ gãlenɔ ni, Iliya eye, yide towu zung ɓa. Vipeleni wuko, yii pelewu viɓe yii kasewu peleni ɓe. Jɔ ananko, Jaa Shɔngzeng daa sɔɔ ye kpãare a yii naa." ¹³Alaɓi ko wu jaadɔɔ yii zeke ni wun shang yã aru Yɔhana shɔng Batizima.¹⁴Laɓe yii e titi mɔɔ ye, shɔng vere ɓɔɔ de ewu bii ni, a kute awu wating, a tɔɔni, " ¹⁵Daayere, tãa jaa nugn kɔni ta, kpãare ye tɔɔna sɔɔ vɔle kɔtɔ. Aruviya shoshewu a yaa a laɓɔɔ kɔ mɛɛ. ¹⁶N esewu mɔ jaadɔɔ yii ye, yide zenung wu ganteni ɓa."¹⁷Yeso kosewu a tɔɔwu ni, " shɔngɓe yide azɔngɓa ɓɔɔ shɔng nanka lakoo mi, N wɔng alawe ni nɔni anam weya? N daa tinɔ nuko viya? Nɔ esewu ta amɔm." ¹⁸Yeso gɔ̃ɔre vĩiniivĩivĩi rãmãng gãgã ni, de keni awu bii, jaaɓi de gante alaɓi ni.¹⁹Yeso jaadɔɔ yiide ewu biini ni kali a tɔɔwu ni, "Aruvi wode gantewu ɓa viya?" ²⁰Yeso tɔɔni "Aruɓe nɔ gn shini pota ɓe. Aruviya N gãlenɔ nungoko, nɔ gn shini naa anii kɔ ana jenung lakn, nɔng zenung tɔɔni kɔpɔ mi kɔtɔ ni, 'Giseta a mɔm mɔ waa mɔngwa,' daa sɔɔ gise kɔtɔ, viɓɔɔ daa sɔɔ jãnɔ kaka ɓa. ²¹Aru gɔ̃ɔreni ɓɔɔ zini yã daa lante zɔng vim ni gaa; wuko shee.²²Laɓe yii shiye a Galili, Yeso tɔwu jaadɔɔ yini, "Shɔng a jaa shɔngzeng a shɔng naa, ²³yiing sɔɔ nuwu vɔɔ, a diki tat daa sɔɔ yupa." Wu jaadɔɔ yii yɔɔre yuu tɔna.²⁴Alaɓe yii e Kafanahum ye, shɔngɓi yii te saka vii tipi yã gãagã ɓe shekel a Bituru bii a tɔɔni, "Wo shɔng manteni yii a shekel vii tipi yã gãagã ya?" ²⁵A tɔɔni, "Ananko." Alaɓe Bituru ɓo yee ɓii yee, Yeso gaa shãni yã ni wuni a tɔɔni, "Mɔ lereni kini viya Saminu? Kpanti koodanga, yii te saka vii tipi awe bii weya? A yii shɔng rang yii bii ya kɔ shɔng zanti yii bii ya?"²⁶Bituru kosewu ni, "A shɔngɓɔɔ yii bii." Yeso tɔɔni, "Jaa yii kɔvɛɛ." ²⁷Aruviya wo da shin shɔng teni saka vii tipi yii kɔse dɔɔ ɓa, waata a waapo, nɔ loke galo, mɔ yii jezung ɓe na eye shɔɔni. Mɔna puwu yã ye, mɔng kpaa shekel kɔtɔ. Too ta mɔ a shɔngɓe yii te saka vii tipi aru mini ɓɔɔ mɔ ɓee."

¹A la wa Yeso wu jaadɔɔyi yi e wu bii a shãng ni, "Ɓi we pãnti a vusu roonikpanti ɓe koolapa weya?" ²Yeso ɓa wojaa ɓɔɔ tɔɔkɔlɔng ni wu, a shiru wu a yi titi, ³asɔɔ shãng ni, "Nungoko N gãle nɔɔ ke, nɔɔ de wɔng ɓa ana wojaa tɔkɔlɔngyi ɓa, nɔɔ zenung ɓoo ni Laa roonikpanti ɓe koolapa ɓa.⁴Arugoko, shɔngɓe na roore yuye ana wojaa tɔkɔlɔngyi wuko pãnti a vusu Laa roonikpanti ɓe koolapa. ⁵Shɔngɓe na tee wojaa tɔkɔlɔng ye anem ni N rĩing tee miko. ⁶Shɔngɓe na sɔɔ shĩng goro ye a titi wojaa tɔkɔlɔng ɓe yi azong an mini yi kɔse dɔo, da likɔtɔ shɔng maase wu rɛɛ a tuu, shɔng sɔɔ shoshe wu a vusu waapo.⁷"Vi nugn kɔngni a koodanga aru wɔng ni tɔ̃po ɓe kɔseni dɔɔǃ Aruɓe wɔng ye ala weya ni tɔ̃po ɓe kɔseni dɔɔ mi wu e, ɓivi nugn kɔngni shɔngɓe tɔ̃po kɔseni dɔɔ mi e nin wu biiǃ ⁸Mo naa kɔ dɔɔ nang shĩng mo kɔseni dɔɔ, moo zĩing akati moo sɔɔ lɔɔke a gaa. Da likɔtɔ moo ɓoo Laa yee ni surubi naa ɓa kɔ gɓenka nin ɓe shɔng da looke moo a vusu yáa ɓe sõyã ɓa ni moo naayi ziti kɔ dɔɔ ziti.⁹Moo nung nang shĩng mu kɔseni dɔɔ, zɔ̃ ta moo looke fefe ni moni. Da likɔtɔ moo ɓoo Laa yee ni surubi nung kago nin ɓe shɔng da looke moo a vusu yáa ni moo nung zĩingzĩing.¹⁰Mo zee ke mo de mile wojaa tɔkɔlɔngyi nin nung gẽni ɓa. Aru N gãle nɔɔ ni avusu koolapa yi shɔng shongni mile Maa Daa ɓe a koolapa waating diki diki. ¹¹"Aruɓe Jaa Shɔngzeng eke aru wu kpense vi ɓe rĩng ɓe."¹²Nɔɔng lere nuko viya? Shɔngɓo wu mɛrɛ na ani la maani, goro ɓɔ na rĩngye, da ya gãsi la dẽro atu kɔp tu nungko bẽ goro ɓa adɔɔ kɔpɔ awa bee ɓe rĩng ɓa ya? ¹³Na kpaye, nungoko N gãle nɔɔ, in tã puuru yato aru ɓe rĩng wu jã gãsi la dẽro atu kɔp tu nungko bẽ goro ɓe yi de rĩng ɓa mi. ¹⁴A dɔ̃rong goro, ɓa nɔɔ Daa ɓe koolapa kaseni goro a titi wojaa miyi yi lese ɓa.¹⁵"Zũngwa na pele moo ruvini ye, moo wa gɔ̃ wu yu sho, moo ni wu ni nɔɔ ziti. Na tã moo ye, moo ra zũngwa yu ye. ¹⁶Aɓe na de tã moo ɓa, moo tòo shɔng goro kɔ ziti aruɓe a yã shɔngzeng ziti kɔ tati ruu wɔng ye..¹⁷Na bẽye de tã yi yã ɓa, moo gãle shɔng Jaaka Laa ruuɓi. Na de tã shɔng Jaaka Laa yã ɓa, wu wɔng ta a mo bii ana shɔngɓe yi ɓa shɔng dũng Laa ɓa kɔ shɔng teni saka vii tipi.¹⁸Nungoko N gãle nɔɔ, Vi walikãng ɓe nɔɔ na maaye a koodanga shɔng maa a koolapa, viɓe walikãng nɔɔ sɔɔ kaleye a koodanga shɔng kaleye a koolapa. ¹⁹Nungoko N gãle tot, Shɔngzeng ziti yi na ɓase yã ye a koodanga aru viɓe yi gɔ̃re, Daayere ɓe koolapa in pele yi anaɓe yi kase. ²⁰Aru mom ɓe shɔngzeng ziti kɔ tati yi museyu an vusu rĩing, N wɔng ayi titi,"²¹Bituru sɔɔ eke a gãle Yeso ni, " Daayere, "Mazũng daa pelen ruvini ya dẽya N sɔɔ yase wu weya? Wu wa ya nawa tati ya? ²²Yeso gãle yi ni, "N de gãle nɔɔ ɓa ya nawa tati ɓa, nɔɔ yase wu nawa tati ya la atu kɔpi.²³Arugoko Laa roonikpanti ɓe koolapa wɔng jɔ ana kpanti ɓɔ ɓe kase ke wu gonte wu vina nin wu jaadɔɔyi. ²⁴Aɓe waatĩng ye nin gonteni, shɔng ese wu jaadɔɔ ɓo ɓe in dũng wu saka Talenti labong labong kɔpi. ²⁵Aɓe wu dɔ̃rɔng shoni ɓa mi, wu shɔngye shãngni ni shɔng maale wu ta, shɔng ɓase ni wu sooye ɓɔɔ wu jaayi ɓɔɔ wu vina walikãng, aruɓe shɔng sho saka ɓi.²⁶Wu jaadɔɔ bi sɔɔ wote a tipi, gɓare awu wating, asɔɔ tɔ ni, 'Yuborɔ' na lemɓa ta ni mini, N da shore moo walikãng.' ²⁷Jaadɔɔ ɓi yuborɔ, tã wu nugn kɔnni, a ya wu naa asɔɔ yaase wu kɔɔpɔ ɓi.²⁸Jaadɔɔ ɓi ke gaa asɔɔ kpa wu goro jaadɔɔyi ɓo, ɓe in dũng wu kɔɔpɔ saka dinari labong maani. Gɔ̃ wu tuu fara, a waatĩng ni bõni tuu, asɔɔ gãle wu ni, 'Shoren N kɔɔpɔ ɓe N dũng moo ta.' ²⁹Wu jaadɔɔ wote a tipi asɔɔ gɔ̃re wu, ning, 'Na leɓa ta mini, N shore moo kɔɔpɔ kɔtɔ.'³⁰Jaadɔɔ ɓe shoni ɓi bẽ a nung. Viɓe pele wuko, waa a looke wu avusu gãyã nin wu shore wu kɔɔpɔ sasak. ³¹Alaɓe wu gãsi jaadɔɔyi yi zee viɓe waatĩng ye, yi lese yato vɛ̃ɛni. Yi eke asɔo, gãle yi yuborɔ viɓe waatĩng ɓe walikãng.³²"Jaadɔɔɓi yuborɔ ɓa wu yã asɔɔ gãle wu ni, 'Moo ɓi Nangka jaadɔɔ, N dare moo kɔɔpɔ saka walikãng aruviya moo gɔ̃ren kɔtɔ. ³³Aruvi moo de tã moo jaadɔɔ nugn kɔnni ɓa, anaɓe N tã moo nugn kɔnni ɓa viya?'³⁴Wu yuborɔ lese yato asɔɔ awu a mom ɓe shɔng ɓoore wu yoori aru wu sho viɓe shɔng dũng walikãng. ³⁵Ananko jɔ Maa Daa ɓe koolapa N pele nɔɔ nɔ de dare zũngwa ɓa a moo vusu sĩingsĩing ɓa."

¹Watĩng ke alaɓe Yeso sɔ̃re yã shãngni ruuɓenyi ye, ya Galili asɔɔ wa kaa Yahuda ɓe a Yoo Urudum tĩng. ²Moo vɛ̃ɛni yi dũng wu, sɔɔ gangteyi a mo wa.³Shɔng Farisayi yi e wu bii, ni yi maase wu ke, yi shãng ni, "Ɓi rudaniya shɔng veeye wuu da wu sooye na aru vuɓo ya?" ⁴Yeso kooseyi yã asɔɔ shãng ni, "Nɔɔ de ɓale ɓa ni shɔngɓe taake yi tɛ̃tɛ̃ taake yi veeye ɓɔɔ sooye ɓa ya?⁵Shɔngɓe taake yi sɔɔ shãng ni, "Aru ɓem ko shɔng veeye in ya yeɓi ɓɔɔ yĩngɓi wu sɔɔ ɓase yu ni wu sooye, yi ziti ɓi ying wɔng bii goro. ⁶Yi tɔ ɓa ziti ɓa, yi wɔng ye goro. Arugoko viɓe Laa ɓase mɔng goro, shɔngɓo na vase ɓa.⁷Yi tɔ wu ni, "Aruvi Muusa gãle woo ni wo a labini daani sooye woo sɔɔ langte wu weya?" ⁸Gãle yi ni, "Aru nɔɔ lakeni sĩngsĩng, Muusa dare nɔɔ dɔ̃rong nɔɔ ya nɔɔ soo yi, a tɛ̃tɛ̃ ɓa ananko ɓa. ⁹N gãle nɔɔ, shɔngɓe na daa wu soo na ye, na ɓa aru pele ni kɔng ɓa, na sɔɔ yẽ sooye ɓɔɔ ye, pele kɔng ni sooye ɓi."¹⁰Wu jaadɔɔyi yi gãle Yeso ni, "Na ananko ruu veeye nin wu sooye, de li ɓa shɔng yẽ soo ɓa. ¹¹Yeso gãle yi ni,"Ɓa shɔngzeng walikãng yĩing tée ruumi ɓa, ɓi shɔngɓe shɔng ayi ko she. ¹²Aru shɔng ye shɔngɓoyi sha vookɔ, shɔngɓoyi ɓi shɔngzenyi rise yi shɔng sha vookɔ, shɔngɓo yi ko yi rise yi yu shɔng sha vookɔ aru Laa rookpanti koolapa. Shɔngɓe na da zenung teni manteni mi kɔtɔ, wuu té ta.¹³Shɔng sɔɔ ese wu wojaa tɔkɔlɔngyi aru wu shĩngshe na ayu wu sɔɔ gɔ̃re yi Laa, wu jaadɔɔyi yi gɔ̃yi sho ke. ¹⁴Yeso sɔɔ gãle yi ni, "Daa wojaa tɔkɔlɔngyi ta, nɔɔ na sɔɔ zãre yi N eni bii ɓa, aru Laa roonikpanti ɓe koolapa ɓi yi zong ko." ¹⁵Shĩng na a wojaa ɓiyi yu, asɔɔ ke a ya mom ɓi.¹⁶Zepĩn, Shɔng veeye ɓo e Yeso bii a shãng ni, "Shɔng Manteni, ɓi vi tɔ̃ɔving ɓo weya ɓem da pele aru N kpa surubi ɓe sɔ̃yã ɓa weya?" ¹⁷Yeso gãle wu ni, "Aruvi mɔng yẽng aru vi tɔ̃ɔving viya? Shɔng goro wuko tɔ̃ɔving, moo na kase moo kpa surubi ɓe sɔ̃ yã ɓa, moo dũng rudani."¹⁸Shɔng veeye ɓi gãle wu ni, "Rudani ɓe weya?" Yeso gãle wu ni, "Moo na nung shɔng voo ɓa, moo na pele kɔng ɓa, moo na ɓoo ɓa, moo na teng yã jĩni ɓa, ¹⁹moo a yara ɓɔɔ inna borɔ a bii, moo sɔɔ kase moo shɔng kasi yee ana moo yu."²⁰Jaa veeye ɓi gãle wu ni, "N dũng rudani ɓem yi ye walikãng. Ɓi vi N pele tɔ viya?" ²¹Yeso gãle wu ni, "Moo na kase moo wɔng shɔng tɔ̃ɔving, wata, moo male moo vi yee walikãng, moo sɔɔ a shɔng rãngyi, mɔng sɔɔ kpa vitoleni a koolapa; moo sɔɔ e, moo dũng." ²²Alaɓe jaa veeye ɓi tã viɓe Yeso shãng ye, a ya mɔng ɓi nin yato viki, aruviya wu vina ani vɛ̃ɛni.²³Yeso gãle wu jaadɔɔyi ni, "Nungoko N gãle nɔɔ, Kpã kɔtɔ shɔng vina wu ɓoo Laa roonikpanti ɓe koolapa. ²⁴. N gãle nɔɔ tɔti, de kpã ɓa gbwanturumi wu ɓoo nung bɔko jeleng anaɓe kpã kɔtɔ shɔng vina wu ɓoo Laa roonikpanti ɓe koolapa."²⁵Alaɓe wu jaadɔɔyi yi tã ye, vi ɓi zayi ɓi yi sɔɔ shãng ni, "Ɓi we da kpeng weya? ²⁶Yeso mile yi ke asɔɔ tooni, " A shɔngzenyi kaa bii kpã kɔtɔ, a Laa kaa bii vi walikãng de kpã ɓa." ²⁷Bituru sɔɔ koose wu yã asɔɔ tɔ ni, "Mile mi, woo da viye walikãng woo dũng moo ye. Wo daa kpa ki viya?²⁸Yeso gãle yi ni, "Nungoko N gãle nɔɔ, A koo polo ɓe ting alaɓe Jaa Shɔngzeng na wɔng ye a wu yu bongni lakpanti, nɔɔ ɓe nɔɔ dũng ɓe nɔɔ wɔng ni mini a yuu lakpanti kopi tu ziti, nɔɔ ɓoore yãko kopi tu ziti ɓe Israila yoori.²⁹Shɔngɓeyi walikãng na ya yeeyi, zũngɓiyi, naɓiyi, yeɓi, yĩngɓi, wojaayi, kɔ tipi aru mini in tée la maani anaɓe wu sɔɔ kpa surubi ɓe sɔ̃yã ɓa. ³⁰Vɛ̃ɛni ɓe yi shoni yiing wɔng a tumpu, shɔngɓe yi a tumpu yiing wɔng shoni.

¹Laa roonikpanti wɔng ana shɔng tipi ɓe ke zii bĩni wu wa ɓe shɔng vi shɔngni aru wu gong. ²Atumpu ɓe yi yã ɓaseye ni shɔng vipeleni ɓe a dinari goro a diki, a tẽyi a gong.³A ke gaa tɔt a saka tati ɓe lá a kpa shɔng shongni ɓoo yi shiye kɔvẽ a yã nungmoo. ⁴A tɔyi ni, 'Nɔ bi bii, wang ta a vusu gong, in anɔ viɓe tɔ̃ɔving ɓe.' Yi sɔɔ waa a pele vishong.⁵Wa tɔti a la saka maangoro ɓɔ la saka nunko bẽ goro, a pele tɔ ananko. ⁶Ananko tɔti a lasaka kopi tu goro a ke gaa asɔo, kpa shɔngɓoyi yi shile kɔvẽ. A gãle yi ni, 'Aruvi nɔ shile a mɔng ɓe mi kɔvẽ tung gandi viya'? ⁷"Yi tɔwu ni, 'Aruɓe shɔngɓo de tɔ wo ɓa.' "Nɔ wata jɔ nɔ ɓɔng gong.'⁸Alaɓe lasãni pele ye ɓe, shɔng gong ɓi gãle wu shɔng zeni gong, 'ɓa shɔng shongniyi yã ta mo sɔ shoreyi saka vipeleni, mo ga ni shɔng tumpung mo wa shɔng shoni.' ⁹"Alaɓe shɔng shongniyi ɓe shɔng tóyi a lasaka kopi tu goro yi eye, yi walikãng yi tée dinari goro. ¹⁰Alaɓe shɔng shongni ɓe shoni yi eye, a yi lereni yiing tée vɛ̃ɛni, yi tée jɔ dinari goro ko walikang.¹¹Alaɓe yi tée yi saka vipeleni ye, yi lese yato ni shɔng tipi ɓi. ¹²Yi shãng ni, 'Shɔng shongni ɓe tumpungyi yi pele shongni ɓe lasaka goro, mo sɔɔ ɓase wo yu ye ni yini goro, woko ɓe ɓoo kpãreni ɓe diki ɓɔɔ ɓooni wãni láye.¹³"Shɔng gong ɓi koosi yi yã a shãngshe yi yã walikang, 'Shoyi, N de pele nɔ viɓe ɓa ɓatata ɓa. Nɔ de kase ɓa ni in a nɔ dinari goro ɓa ya? ¹⁴Tée nɔ vita nɔ wa nɔ mɔng wani. Ɓi miko N kase ke N a shɔng shongni tumpuyi anaɓe N a nɔ ɓe.¹⁵Ɓi tɔ rudani in pele viɓe in kase ke in pele ni vina ya? Kɔ nɔng pele yãkɔng aruɓe in shɔng tɔ̃ɔving ya? ¹⁶aru shɔngɓe yi a tumpu yiing wɔng shoni, shɔngɓe yi shoni yiing wɔng a tumpu.¹⁷Alaɓe Yeso de võng Urushalima ni, tóo wu jaadɔɔyi kopi tu ziti ni kati, a gãleyi a dɔ̃rong ni, ¹⁸"Mile mi, wong vɔ̃ng ham Urushalima, shɔng a Jaa Shɔngzeng a kpanti Firisi ɓɔ shɔng labiniyi na. Yiing nung wu voo ¹⁹yiing sɔɔ da wu a shɔngɓe yi de zee Laa na yi baase wu, yi nuwu, yi sɔɔ ɓa wu na a lá. Shɔng sɔɔ yuse wu pa a tumpu diki tati."²⁰Alaɓi Zabadi wu jaayi yĩngɓi e Yeso bii ni wu jaayi ni. Tang a wu wating a yẽ viɓo a wu bii. ²¹Yeso gãle wu ni, "Mo kase viya?" Gãle wu ni, "Shãng yã ta ni in jaa zitin yi wɔ̃ng, goro a mo na shãng goro ɓo a mo na gãng, a mo roonikpanti."²²Yeso sɔɔ koose wu a shãng ni, "Mo de zee viɓe mɔm yẽ ɓa. Mo da zenung ɓooni a jewa viɓe kpaye N ɓoo mi ya?" Yi gãle wu ni, "Wɔng zenung kɔtɔ." ²³Gãle yi ni, "Nɔng ɓoo mɛ jewa mi kɔtɔ ananko. Wɔngni a N na shãng ɓɔ na gãng ɓa N maa N a ɓa, ɓi shɔngɓe maa Daa gongte ke wu ayi ɓe." ²⁴Alaɓe gãsi kopi ɓi yi tã vĩm ye, yi lese yato nin zũng ziti mi.²⁵Yeso ɓa yi yã awu bii a shãng ni, "Nɔ zee yuborɔ shɔngɓe yi dũng Laa yi shingyi pelevi nin kaka bii, shɔngɓeyi shɔngzeng borɔ yi tase yi kaka na ayi yu. ²⁶Na wɔng ɓa ananko nin nɔ ni ɓa. Vipeleni wuko, shɔngɓe kase ke wu wɔng borɔ a nɔ titi wu wɔng nɔ jaadɔɔ, ²⁷shɔngɓe na kase ke wu wɔng shoni a nɔ titi wu wɔng nɔ jaadɔɔ, ²⁸anaɓe Jaa Shɔngzeng de e ɓa ni shɔng gware wu ɓa, eke wu ri jaadɔɔ, wu sɔɔ a wu surubi aru rani shɔngyu vɛ̃ɛni."²⁹Alaɓe yi de ke ni a Yeriko, moo vɛ̃ɛni yi dũng wu ke. ³⁰A mɔng ɓi shɔng nung gbãti ziti yi wɔng a yã dɔ̃rong. Alaɓe yi tã ye nin Yeso de daseni mɔn, yi gɓɔnke yã ki, "Daayere, Jaa Dawuda, tã wo nugn kɔngni mi." ³¹Shɔng moo yi gɔ̃yi sho ke, a gãle yi ni yi zĩing yã ta, yi sɔɔ ɓa yã ki ni kaka vɛ̃ɛni, "Daayere, Jaa Dawuda, tã wo nugn kɔngni mi."³²Yeso sɔɔ shi ke ziyi a ɓa yi yã a wu bii a gãle yi ni, "Ɓi vi nɔ kase N pele nɔ viya? ³³Yi tɔ wu ni, "Daayere, wo kase shɔng puu wo nung." ³⁴Aɓe Yeso, tã yi nugn kɔngni ye, li yi nung, ɓani-jãɓaseni ɓa yi kpa zeni mɔm asɔɔ dũng wu ke.

¹Anaɓe Yeso ni wu jaadɔɔ ɓo Urushalima a e Betafaji, a Kɔpɔ Zaitu, amɔngɓi Yeso shɔng wu jaadɔɔ zit, ²a gãleyi ni, "Waa ta a jekoo ɓe anɔ ting, a mɔngɓi nɔng kpaa lakoropi ni wu jaa ni ɓe shɔng make ɓe. Nɔ kale wu nɔ esen ni. ³Shɔngɓɔ na shãngshe nɔ yã ye aru ni, nɔ tɔni, 'Daayere kaseyi kɔtɔ,' shɔng waa N yasenɔ yii kɔtɔ ɓani jang ɓani ɓa."⁴Hami vimi kn ting ke wu sɔ̃ɔre yã viiɓe Laa shɔngzeni shangɓe, tɔni, ⁵"Gãle jaa sooye Siyona ta, 'Zepĩn, nɔ Kpanti teni anɔ bii, Roore yuu a vɔ̃ng jaa lakoropi, ɓe shɔng de vɔ̃ng ɓa yaa goro ɓa."⁶A mɔngɓi wu jaadɔɔ yii waa a pele anaa viiɓe shãngshe yii ɓe. ⁷Yii ese lakoropi ni jejaani yii sɔɔ shing yii fara a yupa, Yeso sɔɔ wɔng a yuu fara ɓi. ⁸Mɔɔ gãasi yisɔɔ yɔle fara a yuu dɔrɔng, shɔng gãasi yisɔɔ kake nasɛ̃ng ɓala asɔɔ yɔle a yuu dɔrɔng.⁹Mɔɔ ɓe yii kn a Yeso ting ɓɔɔ ɓe yii dũngwu yide bale yãni, "Hozana a Dawuda jaaǃ Pãnti a shɔngɓe e a Daayere ringǃ Hozana a koolapaǃ" ¹⁰Alaɓe Yeso e Urushalima ye, koo ɓi de baani yikiki asɔɔ tɔɔni, "Ɓem ɓi weya?" ¹¹Mɔɔ koni ni, "Ɓem ɓi Yeso Laa shɔng zeni ke a Nazara a Vusu Galili."¹²Alaɓi ko Yeso ɓo jaka Laa. A lante shɔngɓe yii woke ɓɔɔ shɔng maleni a mɔng jaka Laa ni gaa walikãng, asɔɔ dɔ̃leyii teburu kɔseni saka ɓɔɔ mɔng wɔni shɔngɓe ying male koro yii. ¹³A tɔyii ni, "Shɔng binkeni, 'Shɔng ɓang yee ni yee gɔ̃ɔreni Laa,' nɔsɔɔ rise ye mɔng ɓɔɔni shɔng." ¹⁴Shɔng nung gbãti ɓɔɔ shɔng dɔɔ ɓa yii ewu bii a jaka Laa, asɔɔ ganteyii ke.¹⁵Laɓe yuu bɔrɔ firisiyi ɓɔɔ shɔng labini yii ze vii zani ɓe pele ye, yii sɔɔ tãa dɔɔɓe wejaa ying baleyã a jaka Laa an tɔɔni, "Hozana a Dawuda Jaa," yii yato de leseni tɔ̃ɔna. ¹⁶Yii de tɔwu ni, "Nɔ tãa viɓe ying shãng ye ya?" Yeso gãleyii ni, "Anankoǃ Nɔ de ɓale ɓa ya, 'A wejaa kpatata yii yã ɓɔɔ ɓe yii dong maa ming mɔ gonte dɔɔni ɓa ya'?" ¹⁷Alaɓi ko Yeso yayi ke asɔɔ ke a koo ɓi a waa Betaya a gɔ̃ɔre mɔng a mɔng waa.¹⁸Hami ni gandi alaɓe sɔɔ vusu koo ɓi ye, wu yato de leseni. ¹⁹Ze laa sĩnri a yã dɔrɔng, a waa amɔni de kpaa viɓɔɔ ɓa a laa ɓini ɓa ɓi ɓala ko shee. A tɔwu ni, "Mɔng ree tɔɓa a laɓɔɔ ɓa dondong," a mɔni tɛ̃t laa sĩnri mi de waateni.²⁰Alaɓe wu jaadɔɔ yii zeye, viɓi de zayi bii ni asɔɔ tɔɔni, "Pele nuko vii laa sĩnri mi vɔɔ ananko tɛ̃t viya?" ²¹Yeso de koseyii ni a tɔɔyii ni, "N gãlenɔ nungoko, nɔ zɔng ani na ani nɔna de pele ɓa yato zit ɓa, nɔng pele ɓa viɓe shɔng pele laa sĩnri mi ko shee ɓa nɔng zenung gãleni kopom kɔtɔ zɔ̃ta mɔ sho a waapo,' daa pele kɔtɔ. ²²Viɓe nɔna yɛ̃ɛ ye a gɔ̃ɔreni, ni zɔng ani nɔng te kɔtɔ."²³Alaɓe Yeso e jaka Laa ye, yuu bɔrɔ firisi ɓɔɔ shɔng bɔrɔ yii ewu bii a tɔni, "Ni kaka ɓewe mɔng pele vim yii we, ɓi wee sɔɔ amɔ kaka we ya?" ²⁴Yeso sɔɔ koseyii yã a gãleyii ni, "N sɔɔ yɛ̃ɛnɔ ruu ɓɔɔ jɔ goro. Nɔ na gãlen ye, N sɔɔ gãlenɔ mɔngɓe N kpaa kaka ɓe N pele vimi yii ani ɓe.²⁵Batizima Yɔhana ke a mɔng weya? ke a koolapa ya kɔ a shɔngzen?" Yii de shãnkeni ayi nung a tɔɔni, 'Wona tɔɔye ni, 'Ke a koolapa,' daa gãlewo ni, 'Aruvi nɔde azɔng ɓa a wuni ɓa viya?' ²⁶Wona sɔɔ tɔɔye tɔni, 'A shɔngzeng,' weng zaa mɔɔ, aruviya yii too Yɔhana anaa shɔng zeni ruu Laa." ²⁷Yide kose Yeso ni a tɔɔni, "Wode zeɓa." Asɔɔ gãleyii jɔni, "N biibii N sɔɔ gãlenɔ mɔngɓe N kpaa kaka peleni vimi yijɔ ɓa.²⁸Mɔ sɔɔ lerekeni viya? Anaa shɔgnɓe jaa veeye zit. A waa ɓe shɔɔni bii a tɔɔni 'Jaa, waa mɔng vii peleni ta a kulu.' ²⁹"Jaa veeye mi de tɔɔni, 'N pele ɓa,' Asɔɔ kɔsewu singsing a kati a waake. ³⁰"Shɔngɓi de sɔɔ waa jaa veeye ɓe zit bii ni a shãng tɔɔ ruu goro mi ko. De sɔɔ kosewu ni a tɔɔni, 'N pele kɔtɔ, Daa,' Asɔɔ de waa ɓa.³¹A Titi jaa veeye zitim ɓi we pele viɓe yeɓi kase weya?" Yii tɔɔni, "Ɓi ɓe shɔɔni mi." Yeso gãleyii ni, "N shãngshe nɔ nungoko, shɔng teni saka vii tipi ɓɔɔ sookɔng yiing ɓo yee Laa a nɔni shɔɔni. ³²Aruviya Yɔhana enɔ bii a dɔrɔng tɔ̃ɔving, nɔde sɔɔ azɔngɓa a wuni ɓa. Shɔng saka vii tipi ɓɔɔ sookɔng yii azɔng a wuni. Nɔ biibii kɔ alaɓe nɔ ze vimi, nɔde seetipi ɓa kɔ nɔ azɔng tũnpu ɓa.³³Nɔ weshoo ta a yã gani ɓɔɔ. Jaa vere ɓɔɔ ani, shɔng kulu. Ruu vii awu kulu, a guu kulu ɓi, a gbãa mɔngɓe daa kãng mɛɛ lami ani ɓe, a maa mɔng gani kulu ɓi, asɔɔ a shɔngɓe yidaa gasewu kulu ɓi a naa. Asɔɔ waa koo ɓɔɔ. ³⁴Alaɓe laa toni reni nung laami eye, a shong wu jaadɔɔ ɓɔɔ yii a shɔng gani kulu ɓi yii bii aru teni reni nung laa ɓi.³⁵Shɔng gani kulu mi yide yiwu jaadɔɔ mii yii ni, a nung goro ɓɔ, a nung ɓɔɔ vɔɔ, asɔɔ lole ɓɔɔ yii ni tara. ³⁶Shɔng kulu mi de shong jaadɔɔ ɓɔɔ yini tɔt, ɓe jãa ɓee shɔɔni yii kɔtɔ, shɔng gani kulu mi yide peleyi ni tɔt anaa ɓe si ɓe. ³⁷Alaa wa, shɔng kulu mi de shong wu jaani ayii bii, tɔɔni, 'Ying an jaa bɔrɔ kɔtɔ.'³⁸Alaɓe shɔng gani kulu mi yii zewu jaa ye, yide shãng ni ayi nung ni, 'Ɓim ɓi shawu vivɔɔ. Nɔ eta wo nung wu vɔɔ wo maare wu vii.' ³⁹Yisɔɔ towu, a lokewu a kuku kulu ɓi a nuwu vɔɔ.⁴⁰Hami alaɓe shɔng kulu mi na eye, daa ye pele shɔng gani kulu mi yii nuko viya?" ⁴¹Yide tɔwu ni, "Daa ye doose shɔng yato rãani mi yii, daa sɔɔ ye a kulu mi a shɔng gani kulu ɓɔɔ yii naa, shɔng ɓe yii da esewu lɔkɔ a laa tooni vii na gbaa."⁴²Yeso tɔɔyii ni, "Nɔde ɓale ɓa a labini ni, 'Tara ɓe shɔng maani mɔng yii bɛ̃ɛke yii shing wuko a yãkati. Ɓem a ke Daayere, lii kɔtɔ awo nung'?⁴³Ananko N gãlenɔ ni, shɔng te rooni koolaa kɔtɔ anɔ bii shɔng wu a koo ɓe daa ree kɔtɔ tɔ̃ɔving. ⁴⁴Shɔngɓe da wete ye a yuu tara mi daa kake kɔtɔ. Tara mi na wete shɔngɓɔɔ yuu daa wãnke kɔtɔ."⁴⁵Alaɓe bɔrɔ firisi ɓɔɔ Farisa yii tãawu yã gani, yii zeye shãng aru yiko. ⁴⁶Yii bee yii yiiwu, yii zaa mɔɔ, aruviya shɔng towu anaa shɔng zeni ruu Laa.

¹Yeso shãng yã tɔti a vusu gãni, shãng ni, ²Laa roonikpanti ɓe koolapa wɔng ana kpanti ɓo ɓe gongte wu jaa shaani gbare. ³A shong wu jaadɔɔyi yi waa ɓa shɔng ɓe shɔng gãle yi e aru shaani vishang gbare ɓi, shɔngɓi yi de e ɓa,⁴Kpanti ɓi sɔɔ shong wu jaadɔɔ ɓɔ tɔti, a shãng ni, 'gãle shɔngɓe shɔng gãle yita, "Mile mi, N gongte vishãng ye. Shɔng ye N napo ye nin gbiti mɛrɛ yi ni, vi walikãng wɔng ye dang. E mɔm shaani vishãng gbare ta."⁵Yi de we sho ɓa asɔɔ waa gaa, goro ɓo wa wu kulu, shɔngɓo wa wu mɔm nungmo. ⁶Shɔngɓoyi yi ki kpanti ɓi jaadɔɔyi, a pele yi vi yusẽ, asɔɔ nu yi voo. ⁷Kpanti ɓi lese yato, asɔɔ shong wu sɔmɛrɛyi yi wa sate/lese shɔng nungni shɔng voo wa yi asɔɔ sháare yi bɔɔrɔ koo.⁸A gãle wu jaadɔɔyi ni, 'Gbare ɓi gaa ye, shɔngɓe shɔng ɓayi yã yi de wa ɓa shɔng ɓa yi yã. ⁹Na ananko wa ta dɔ̃rong tuuke ni bɔɔrɔ nɔ ɓa shɔngzeng vɛ̃ɛni ɓe nɔ kpayi yã yi e shaa vishãng gbare. ¹⁰Wu jaadɔɔyi yi wa dɔ̃rɔng ɓɔɔrɔyi a muse shɔng walikãng ɓe yi kpayi ɓe, nin shɔng tɔ̃ɔ ɓɔ shɔngɓe ɓa tɔ̃ɔ ɓa. Mɔm mani gbare ɓi sɔɔ yii vɛ̃ɛni.¹¹Alaɓe kpanti ɓi eye wu mile wu shɔng zangti yi, a zee shɔngɓɔ a mɔng ɓi ɓe de ɓɔse fara gbare ɓa. ¹²Kpanti ɓi gãle wu ni, 'Shoo, mo e mɔm nuko viya ɓa nin fara gbare ɓa viya?' Shɔngɓi de shãng yã ɓo ɓa.¹³Alaɓi kpanti ɓi gãle wu jaadɔo,yi, 'Maa jaa veeyem na ɓɔ doo ta, nɔ sɔɔ shooshe wu a vusu mɔm tĩngri, mɔm ɓe shɔng ka yã voo nin shaani tãri.' ¹⁴Aruviya shɔng ɓa shɔngzeng vɛ̃ɛni yi yã, shɔng rɔɔ pota ko she."¹⁵Alaɓi shɔng Farisayi yi wa ke a gongte/bee dɔ̃rɔng ɓe yi da jãngte Yeso a wu vusu shãng ni yã. ¹⁶Alaɓi yi shɔngshe wu yi jaadɔɔ, yi base yu nin Hiriduyi. Yi gãle Yeso ni, "Shɔng manteni, wo zee ye mo ɓi shɔng nungoko, mo sɔɔ mante Laa dɔ̃rɔng ni nungoko. Mo shing yã ɓa a shɔngɓɔ ru ɓa, mo sɔɔ tase shɔng vi zeni we ɓa. ¹⁷Gãle wo ta, mo lere nuko viya? Ɓa rudani wo a Kaisa saka vitipi kɔ wo na awu ɓa ya?¹⁸Yeso zee yi nagka pele a shãng ni, "Aruvi nɔ mang viya? nɔ shɔng lakeni shɔng? ¹⁹Taseng kɔɔpɔ vitipi ta." Yi sɔɔ kese wu dinari goro.²⁰Yeso gãle yi ni, "Ɓiwe susurubi ɓo rĩng mi we ya?" ²¹Yi gãle wu ni, "Kaisa ɓe." Yeso sɔɔ gãle yi ni, "Nɔ a Kaisa vi ɓe ɓi Kaisa ɓe, nɔ sɔɔ a Laa vi ɓe Laa ɓe." ²²Alaɓe yi tã ye ɓe, vi ɓi za yi bii. Yi sɔɔ da wu awa akati.²³A diki wa shɔng Sadukiyi ɓɔ, ɓe yi tɔni voo yu pa ɓa, yi e wu bii. Yi yẽ wu, ²⁴a shãng ni, "Shɔng manteni, Muusa shãng ni, Shɔngɓɔ na voo ye, wu jaa ɓa, zũngɓi wu sɔre wu sooye aru wu kpare zũngɓi voo wojaayi.'²⁵Zũngɓoyi ani yi nawa tati. Ɓe shoni yẽ sooye asɔɔ vooyi. De da jaa ɓa, a dare zũngɓi wu soo. ²⁶Zũngɓi ɓe ziti pele jɔ ananko, ɓe na tati pele jɔ, yi nawa tatin wali yi yẽ wu. ²⁷Ayi tumpu walikãng, sooye ɓi voo ke. ²⁸Hami a yuni pa voo, sooye ɓi da ri shɔngɓo weya jere a titi zũng nawa tati mi? Aruviya yi yẽ wu ye walikãng."²⁹Yeso Koose yi yã a shãngshe yi ni, "Nɔ rĩng ye aruviya nɔ de zee labini ɓa kɔ Laa kaka. ³⁰Aru a shɔng na yu pa ye shɔng yẽ we ɓa kɔ shɔng a shɔngɓɔ a gbare. Viɓe yiing wɔng wuko, yiing wɔng ana shɔng shongni a koolapa.³¹Aru yuni pa ɓe voo, nɔ de ɓale viɓe Laa shãng yã nin nɔni ɓa ya, aɓe shãng ni, ³²N ɓi Ibirayi Laa, Ishaku Laa ɓo Yakubu Laa? Laa ɓa Laa ɓe voo ɓa, wu ɓi Laa ɓe shɔng surubi wɔng ni." ³³Alaɓe moo yi tã vĩm ye, Bii za yi aru wu manteni.³⁴Alaɓe shɔng Farisa yi tã ye Yeso maa shɔng Sadukiyi yã ye, yi muse yu mɔm goro. ³⁵Yi goro ɓo, wu tɔ̃ɔving a ɓaleni rudani, yẽ wu ke, aru wu maa wu ke- ³⁶"Shɔng manteni, ɓi ɓowe panti a Laa ruu dangni we ya?"³⁷Yeso gãle wu ni, "'Mo kase Daayere Laa ni mo singsing walikãng, ni mo surubi walikãng, ɓɔ ni mo lereni walikãng.' ³⁸Ɓem wuko panti ɓo shoni Laa rudangni.³⁹Laa rudangni ɓe na ziti wɔng ane mi-'Mo kase mo shɔng kaseyi ye ana mo yu.' ⁴⁰A yu Laa rudangni ziti mi rudangni ɓɔ shãngni shɔng zeni yi dĩng bii.⁴¹Hami alaɓe shɔng Farisayi yi dong muse kɔtɔ mɔm goro, Yeso yẽ yi ruɓem. ⁴²A shãng ni, "Nɔ lereni nuko viya aru Kirisi? Wu ɓi we jaa we ya?" Yi kase wu ni, "Dawuda jaa."⁴³Yeso gale yi ni, "Aruvi Dawuda a vusu Suru ɓa wu ni Daayere, a shãng ni, ⁴⁴'Daayere shãngshe Daayere ni, "Wɔng ta a N na nashãng, N sɔɔ shĩng mo shɔngpɔng mo vi shĩngni doo'"?⁴⁵Dawuda na ɓa Kirisi ni 'Daayere,' da wɔng Dawuda jaa nuko viya? ⁴⁶Shɔng ɓa goro ɓe wa nung wu kase wu ruu ɓa, shɔng ɓa goro ɓe tãke wu yẽ wu ruuɓo tɔti ɓa vi ɓe yi diki waa a wating.

¹Yeso shãng yã ni moo ɓɔ wu jaadɔɔyi. ²A shãng ni, "Shɔng labiniyi ɓɔ shɔng Farisayi yi wɔng a Muusa lawɔngni. ³Arugoko viɓe yi na gãle nɔ ye nɔ pele, pele viɓem yi ta nɔ sɔɔ dũng yi ke. Nɔ na dũng yi vi pele ni ɓa, aruviya yi pele viɓe yi shãng ɓa.⁴Ananko, yi maa kpiteni viɓe yi de zenung ɓa yi tó ɓa, yi shĩng a shɔngɓɔyi na bála. Ɓe yi nin yi yu yi da zenung peng ni ɓa ni yi jenaɓa. ⁵Yi pele viɓe shɔngzenyi da zeke. Aru yi pele yi mang yi vi toleni kɔpɔ bɔrɔ, yi sɔɔ puuyi yã farabi.⁶Yi kase wɔngni a mɔm panti ⁷Yi sɔɔ kaseke shɔng ji yi yã a nungmo, shɔng sɔɔ kaseke shɔngzengyi ɓayi ni 'shɔng manteni'⁸Nɔ na ya ɓa shɔng ɓa nɔ ni 'shɔng manteni' ɓa, aru nɔ walikãng nɔ zũngyi. ⁹Nɔ na sɔɔ ɓa shɔngɓɔ ɓa a koodanga maa daa ɓa, aruviya nɔ Dayere wu goro she, wu mɔm wɔngni a koolapa. ¹⁰Nɔ na sɔɔ da ɓa shɔng ɓa nɔ ni 'shɔng mante' ɓa. aruviya nɔ shɔng mante goro ko she, wuko Kirisi.¹¹Shɔngɓe pãnti a nɔ titi wu wɔng nɔ jaadɔɔ. ¹²Shɔngɓe na tóse yuu ye shɔng roore wu, shɔngɓe na sɔɔ roore wu yuu ye shɔng bongse wu.¹³Nɔ ɓi vi nugn kɔngni, shɔng labiniyi, shɔng Farisayi, ɓɔ shɔng lakeni shɔngyiǃ Nɔ kuu Laa roonikpanti ɓe koolapa aru shɔngzeng yi. Nɔ sɔɔ de ɓoo ɓa nɔ nin nɔ yu kɔ nɔ da shɔngɓe yi kase ɓooni dɔrɔng ¹⁴"Nɔ ɓi vi nugn kɔngni, shɔng labiniyi, shɔng Farisayi, ɓɔ shɔng lakeni shɔngyiǃ Aru nɔ lese soo vooyi yee, alaɓe nɔ tasé shɔng gɔ̃re ni Laa vɛ̃ɛni. Arugoko nɔ kpa pãnti leseni." ¹⁵Nɔ ɓi vi nugn kɔngni, shɔng labiniyi, shɔng Farisayiǃ Aru nɔ waa kooga ni tipi ɓɔ aruɓe nɔ kpa shɔng dũngni, alaɓe ri shɔng dũngni ye, nɔ shing wu ke wu ri ya ziti ana jaa yaa ana nɔ ni.¹⁶"Nɔ ɓi vi nugn kɔngni, shɔng nungbãti ɓe yi tase shɔng dɔ̃rɔng, nɔ ɓe nɔ shãng, 'Shɔngɓe na tengye nin jaaka Laa, ɓa viɓo ɓa. Shɔngɓe na sɔɔ tengye nin jɔlebɔng ɓe jaaka Laa, tengni ɓi shiye awu yuu.' ¹⁷Nangka shɔng nungbãtiyiǃ Ɓi ɓɔwe borɔngbo we ya, jɔlebong kɔ jaaka Laa kɔ shĩng jɔlebong ɓolɔngɓo?¹⁸'Shɔngɓe na tengye ni lɔng jaaka Laa, ɓa viɓo ɓa. Shɔngɓe na tengye ni vi ani ɓe yu lɔng jaaka Laa, tengni ɓi shiye awu yuu.' ¹⁹Shɔng nungbãtiyiǃ Ɓi ɓɔwe borɔngbo we ya, vi ani kɔ lɔng jaaka Laa kɔ shĩng lɔng ɓolɔngɓo?²⁰Arugoko, shɔngɓe na tengye ni lɔng jaaka Laa teng ni wuko ɓɔ viɓeyi a yu ɓe. ²¹shɔngɓe na tengye ni jaaka Laa teng ni wuko ɓɔ shɔngɓeyi wɔng a vusu ɓe. ²²Shɔngɓe na sɔɔ tengye ni koolapa teng ni Laa vi wɔngni ɓɔ shɔngɓe wɔng a yuu ɓe.²³Nɔ ɓi vi nugn kɔngni, shɔng labiniyi, shɔng Farisayi ɓɔ shɔng lakeni shɔngǃ Aru nɔ kese vitipi ɓe yoo nungzang, shiling ɓo doorɔ, nɔ sɔɔ daa vi kpitini rudangni ye a tipi- vi tɔ̃ɔving, nugn kɔngni ɓɔ ani zong. Ɓem ɓi viɓe nɔ na pele ko nɔ sɔɔ ya ye tipi an pele viɓe de liɓa nɔ pele. ²⁴Shɔng nungbãti ɓe yi tase shɔng dɔ̃rɔng, nɔ yaa pãkã tɔkɔlɔng asɔɔ ing gbamturumiǃ²⁵"Nɔ ɓi vi nugn kɔngni, shɔng labiniyi, shɔng Farisayi ɓɔ shɔng lakeni shɔngǃ Aru nɔ sɔke kuku jewa ɓɔ pii, anɔ titi ɓi shɔngɓɔɔ ni shɔng ɓe yi kase tɔ̃ɔreni ɓi nangka. ²⁶Nungbãti shɔng Farisayiǃ Nɔ́ sɔke shoni vusu jewa ɓɔ pii, aruɓe yi kuku da rii tɔ̃ɔving jɔ.²⁷"Nɔ ɓi vi nugn kɔngni, shɔng labiniyi, shɔng Farisayi ɓɔ shɔng lakeni shɔngǃ Aru nɔ sɔke kuku yuusa puuru shang, ɓe tase a gaa likɔtɔ kpẽrẽrẽ, vusu sɔɔ yi ni shɔngzengyi kaka voo ɓɔ viɓe walikãng ɓa tɔ̃ɔving ɓa. ²⁸A dɔ̃rɔng gorong ko, nɔ tase bii a gaa ni nɔ shɔng tɔ̃ɔving a shɔngzengyi bii, anɔ vusu bii nɔ ɓi shɔng lakeni shɔng ɓɔ shɔngɓe yi dũng rudangni ɓa.²⁹"Nɔ ɓi vi nugn kɔngni, shɔng labiniyi, shɔng Farisayi ɓɔ shɔng lakeni shɔngǃ Aru nɔ máare shɔng zeniyi yuusa asɔɔ gonte shɔng tɔ̃ɔving yi yuusa. ³⁰Nɔ shãng ni, "Na shɔng yewo awo daayi diki. wo na de base na ɓa nin yi ni a tẽre shɔng zeniyi kpa ɓa.' ³¹Arugoko nɔ taseye ni nɔ yuu nin nɔ ɓi jaa shɔngɓe yi nungke shɔng zeniyi voo.³²Nɔ sɔɔ yiise yarayi vi maanivi ³³Sɔɔ yi, jaa bãdiyi, nɔ da yu Laa ɓooni yoori ɓe yee yaa nuko viya?³⁴Na ananko, mile pĩ, N de shong she no shɔng zeniyi ni, shɔng kpẽniyi ni ɓɔ shɔng labiniyi ni. Shɔngɓɔyi nɔn nungyi voo an sɔɔ jishetyi, shɔngɓɔyi nɔn nungyi ni shãngla anɔ jaaka Laa nɔ sɔɔ langte shɔngɓɔyi anɔ ɓorɔ kooyi. ³⁵Vi taseni ɓi wuko anɔ yuu ko shɔng tɔ̃ɔving yi kpaa ɓe shɔng tẽe a koodanga mi ing lɔɔyi, ayi a shɔng tɔ̃ɔving Habila kpaa yuu, awa Zakariya Berikaya jaa kpaa yuu, ɓe nɔ nungwu voo a titi jaaka Laa ɓɔ vi jɔleni. ³⁶Nungoko N gãle nɔ, viɓem yi walikãng a lɔɔ a lakoomi yuu.³⁷"Urushalima, Urushaliam, mɔko ɓe nung ke shɔng zeniyi voo asɔɔ loole shɔngɓe shɔng shongyi anɔ biiǃ N pelere N kuku nɔ anaɓe kĩn kuku wu jaayi a yãwe awu vusu shengtiyi, nɔ bẽye nunǃ ³⁸Mile pĩ, nɔ tuuyee wɔng ye waati. ³⁹N gãle nɔ, nɔn zen tɔɓa na ɓa laɓe nɔn tɔɔni, 'Ɓi shɔng zuuku shɔngɓe da e a Daayere rĩng.'"

¹Yeso ke a vusu jaka Laa wawu mɔng waani. Wu jaadɔɔ yii ewu bii yii tasu maani ɓee jaka Laa. ²Asɔɔ koseyii yã a tɔyii ni, "Nɔ de ze vimi yii walikang ɓaya? Nungoko N gãlenɔ, tara ɓɔɔ daa wɔng ɓa a goro ɓɔɔ yuu ɓa ɓe shɔng daa zii a tipi ɓa."³Alaɓe wɔng a Kɔpɔ Zatum ɓe, jaadɔɔ yii ewu bii a -------- a shãngshewu ni, "Gãlewo ta, vimi yiing kn ting laa weya? ɓi vii daa tasewu ke mɔ teni ɓɔɔ ɓe sɔɔniya koodanga viya?" ⁴Yeso koseyii yã a tɔyi ni, "Nɔna yaa shɔngɓɔɔ ɓa wu kɔsenɔ dũng ni. ⁵Aru vɛ̃ɛni yiing e ang ring. Yiing tɔɔni, 'N ɓi Kirisi,' asɔɔ kɔɔse dũni.⁶Nɔng tãa aru tani sii ɓɔɔ yã kpatakpa aru sii tani. Zepĩn nɔna yɔɔre yuuɓa, aru vimi yiing kn ting kɔtɔ; sɔɔniya koodanga de e ɓa. ⁷Aruviya koo yiing naare ɓa ni wee ni ɓa, ɓɔɔ rooni kookpanti yiing naare ɓa ni wee niɓa. Wɔ̃ko daa loo a koo ɓɔɔ ziiteni tipi a koo vɛ̃ɛni. ⁸Vimi yii walikang ɓi g̃ani kpãareni ɓe jaayeni⁹Alaɓi ko yiing anɔ a kpãareni asɔɔ nunɔ vɔɔ. Koo vɛ̃ɛni ying bɛɛnɔ aru N ring. ¹⁰Alaɓi ko vɛ̃ɛni yiing kɔse dɔɔ, asɔɔ rese wee kuku ɓɔɔ wee bɛ̃ɛni. ¹¹Shɔng zeni rulaa ɓee yã jĩni vɛ̃ɛni yiing yupa ying sɔɔ wunte shɔng vɛ̃ɛni.¹²Aruɓe shɔngɓe ying dũng rudani ɓa yiing shang kɔtɔ, shɔngzen vɛ̃ɛni yii kaseni wee daa sɔɔ zãnzãng. ¹³Shɔngɓe na tii kpãareni ye shɔng kpensewu a ting. ¹⁴Shãni ruu tɔ̃ɔving ɓee rooni kookpanti mi waa koodanga walikang wu sɔɔ wɔng anaa taseni a koo yii. Alaɓiko koodanga ing sɔɔyã.¹⁵"Arugoko, alaɓe nɔna ze rubɔng leseni, ɓe shɔng zeni ruula Daniye shãng ɓe, ɓe shii a mɔng tɔ̃ɔving." (Yaa shɔng laɓaleni wu zeke), ¹⁶"Yaa shɔngɓe yii a Yahudiya ta yii vũng kɔpɔ, ¹⁷Yaa shɔngɓe wu a yee lapa wuna loo tipi wu too vii ɓɔɔ awu yee ɓa, ¹⁸ɓɔɔ shɔngɓe wu a kulu wuna sɔɔ yeeɓa wu towu bɔrɔ fara ɓa.¹⁹A diki wa daa wɔng vii nugn kɔɔ ni a shɔngɓe yini jaa yato ɓɔɔ shɔngɓe ing a jaa ming yii biiǃ ²⁰Gɔ̃ɔreta aru nɔ waani wuna wɔngɓa Diki Wɔ̃keni kɔ laa tãri ɓa. ²¹Aruviya bɔrɔ kpãareni ing e kɔtɔ, ɓe de kn ting ɓa a gani koodanga a e anaa hami, shɔng zewu zɔng tɔɓa. ²²Shɔng nade zĩing diki ɓi ɓa, sɛ̃ɛ bii ɓɔɔ daa kpen ɓa. Aru shɔng pãnti ɓe shɔng rɔ̃ɔ yii diki waa shɔng zĩing kɔtɔ.²³Shɔnɓɔ na tɔɔnɔ yee, 'Zepĩn, ing Kirisi mi' kɔ, 'ing ko Kirisi waaǃ' nɔna azɔngɓa. ²⁴Aru shɔng yã jini Kiristiyii ɓɔɔ shɔng yã jini shɔng zeni runa yiing yupa a tasenɔ bɔrɔ vii taaseni ɓɔɔ vii bii zani, aruɓe yii da kɔsenɔ dũni ɓe, ing ananko, shɔng pãnti ɓe shɔng rɔɔyii yuu. ²⁵Zepĩn, N gãlenɔ sii laa de tiseɓa.²⁶Arugoko, yina tɔɔnɔ ye, 'Zepĩn, wu a jĩnti,' nɔng waa jĩnti ɓi ɓa. Kɔ, 'Melepĩn, ing kowu a vusu jaka,' nɔna azɔngɓa ani ɓa. ²⁷Anaa ɓe yaa kpen a ke a kaadii welenwe wu sɔɔ ni kaapaa, anaa ɓoko Jaa Shɔngzeng eke. ²⁸Kɔ mɔng ɓeweya ɓe viva vɔɔke, amɔng wa kɔ------------- ying muse ke.²⁹A diki waa a dɔdɔni laa daa wɔng-------, shele daa sɔɔ keɓa, sĩing ying loleke, ɓɔɔ kaka ɓe koolapa daa ziiteke.³⁰Alaɓiko taaseni ɓe Jaa Shɔngzen daa ke a lapa, shɔngzen walikãng ɓe a koodanga yiing kaa yãvɔɔ. ........................................................ ..................................... ...................... ......................... ............................ ³¹Ing shong laashɔng shoni ni yã raka, yiing sɔɔ muse amɔng goro shɔng kpanti ɓe shɔng rɔ̃ɔyi yuu a zãzi....................................³²"Mante ta a manteni ɓe laa............. A laɓe nasɛ̃ng laaɓi bɔng ye tɔkɔlɔng asɔɔ kese ɓalayii, nɔ zeye kwee kpãye maani. ³³Adɔrɔng goro ko, nɔna mile vimi yii ye walikãng, nɔng ze kɔtɔ shɔngɓi wu mani, a yɔrɔng yee.³⁴Nungoko N gãlenɔ, koodangami daa dase ɓa, ing vimi yii walikãng yii de kn ting ɓa. ³⁵Koolapa ɓɔɔ koodanga yiing dase kɔtɔ, N ruumi yii daa dase ɓa a loɓoni ɓa.³⁶Aru diki ɓi kɔ laɓi shɔngɓɔɔ de ze ɓa, kɔ Laa shɔng shoni ɓe yii a koolapa, kɔ Jaa Laa, ɓi Yerejaa ko she zeke.³⁷Anaa Nuhu diki yii, ananko Jaa shɔngzen ing eke. ³⁸.............. .................... ................. .............. .......... ...... ³⁹yii sɔɔ de ze viɓɔ ɓa mɛɛmi e seeyii ke walikãng ananko Jaa Shɔngzen daa eke.⁴⁰Alaɓi shɔnzeng zit yii a kulu shɔng too goro, asɔɔ yaa goro ɓi ke. ⁴¹Sooye zit ying nãng vii shɔng too goro, asɔɔ yaa goo ɓI ke. ⁴²Arugoko nɔ wɔ̃ng ni zeni, aruɓe nɔde ze diki ɓe Daayere daa e ɓa.⁴³Zevimi pĩn, shɔng yee na ze laɓe shɔgɓɔ daa e ni zii, wuna wɔ̃ng shɔng vii gani aruɓe shɔngɓɔ da ɓowu yee ɓa. ⁴⁴Arugoko nɔ wɔ̃ng ni paa, aruɓe Jaa shɔngzen ing e kɔtɔ a laɓe nɔde zeɓa.⁴⁵Ɓi we shɔng nungoko ɓɔɔ shɔng kpẽni jaadɔɔ ɓe wu shɔngyee shĩng wu awu vi yee walikãng aruɓe da ayi vishaani a laɓe likɔtɔ we ya? ⁴⁶Pãnti ɓi jaadɔɔ ɓe wu shɔng yee N e kpawu ing pele viɓe shɔng shĩng wu. ⁴⁷Nungoko N gãle nɔ ni wu shɔng yee ing shĩng wu ayu wu vi yee ana walikãng.⁴⁸Jaadɔɔ ɓi na ɓi nangka na shãng ye awu sĩingsĩing, 'N shɔngyee shile vɛ̃ɛni,' ⁴⁹na sɔɔ wating ye ni nungni wu gãssi jaadɔɔyi, nang shaavi ni ɓooni vi ni shɔng saa ɓooniyi, ⁵⁰alaɓi ko wu shɔngyee ing e a diki ɓe wu jaadɔɔ de ze ɓa da eke kɔ wu zee la eni ɓi ɓa. ⁵¹Wu shɔngyee ing yele wu kpatakpa an sɔɔ shĩng wu a mɔng ɓe shɔng lakeni shɔng yi ani, a mɔng wa ko yiing kaa yã vɔɔ ni yɔngni tãri ni.

¹"Rooni kpanti koolapa wɔng ana jaa sooye kopi ɓe yi too yi viyaa ɓengni yi wa kɔseni shɔng gware ni. ²Shɔng wureni maani ayi titi ɓɔ shɔng kpẽni maani. ³Aruviya alaɓe wureni sooye maani mi yi too yi viyaa, yi de too nung ɓɔ ɓa ni yini. ⁴Shɔng kpẽni maani ɓe yi titi yi too nung ɓɔ ana ni yi viyaa.⁵Hami shɔng gware yi ɓa jãng ye, yi walikãng nurong yɔɔreyi yi sɔɔ roo nurong. ⁶Alaɓe yu titi zii tiseye shɔng kaa yã, ' zeta, shɔng gwareyiǃ Wata nɔ kpawu.'⁷Jaa sooye ɓi walikãng yi yupa asɔɔ ɓen yi viyaa. ⁸Shɔng wureni yi shãngshe shɔng kpẽni ɓi, 'Awu nɔ nung jɔ pota aru wo viyaa ɓengni de rĩnkeni.' ⁹"Shɔng kpẽni ɓiyi kaseni a tɔni, 'Da tise wo ɓa ni nɔni, nɔ wata shɔngɓe yi maale nɔ sɔɔ woo ɓe nɔ yuu.'¹⁰Alaɓe yi wa gaa yi woo, shɔng gware ɓiyi eke, shɔngɓe yi viyaa ani yi ɓoo mɔm shaani vishãng gware ɓi, shɔng sɔɔ kuu nɔrong jaaka. ¹¹"A tũmpu ɓi gãsi wureni sooye ɓi yi eke asɔɔ tɔni, 'Shɔngyee, shɔngyee, puure wo ta.' ¹²"Asɔɔ koose yi yã a tɔni, 'Nungoko N gãle nɔ, N de ze nɔ ɓa.' ¹³Arugoko nɔ gaa, aruɓe nɔ de ze diki kɔ la ɓa.¹⁴"Wɔng ana shɔng vere ɓɔ ɓe kase ke wu wa vusu koo ɓɔ. A ɓa wu jaadɔɔyi yã ayi wu vina. ¹⁵A a goro ɓɔ Talenti maani, a a ɓɔ ziti, asɔɔ a ɓɔ tɔti talenti goro. Ayi a dɔɔ ɓe yi kaka da zenung ɓe, asɔɔ wa zangti. ¹⁶Shɔngɓe tee talenti maani wa ke a pele vi shongni ni asɔɔ kpa ɓɔɔ a yupa talenti maani.¹⁷A dɔɔ goro mi ko, shɔngɓe tee talenti ziti kpa ɓɔ a yupa ziti. ¹⁸Goro jaadɔɔ ɓe tee talenti goro wa ke, a gbã too tipi, a vɔ̃se wu shɔngyee saka a mɔng ɓi.¹⁹Hami a tũmpu diki vɛ̃ɛni jaadɔɔ mi yi shɔngyee sɔyee a eke wu gongte wu dɔɔ kĩn ni wu jaadɔɔyi. ²⁰Jaadɔɔ ɓe tee talenti maani ese talenti maani ɓɔ. A tɔni, 'N shɔngyee, mɔ ang talenti maani. Ze ta, N kpa ɓɔye a yupa talenti maani.' ²¹"Wu shɔngyee gãle wu ni, 'N bee, jaadɔɔ tɔ̃ɔvingǃ Mɔ yise vi potan ye tɔ̃ɔving. N shĩng mɔ yubɔrɔ ayu vi vɛ̃ɛni. Ɓoota a mɔ shɔngyee puuru yato.'²²"Jaadɔɔ ɓe tee talenti ziti eke a tɔni, 'N shɔngyee, mɔ ang talenti maani. Ze ta, N kpa ɓɔye a yupa talenti ziti.' ²³"Wu shɔngyee gãle wu ni, 'N bee, jaadɔɔ tɔ̃ɔvingǃ Mɔ yise vi potan ye tɔ̃ɔving. N shĩng mɔ yubɔrɔ ayu vi vɛ̃ɛni. Ɓoota a mɔ shɔngyee puuru yato.'²⁴"Jaadɔɔ ɓe tee talenti goro mi eke a tɔni, 'Shɔngyee, N ze ye mɔ ruubi kpã kɔtɔ. Mɔ se vi a mɔng ɓe mɔ de ruu ɓa, mɔ sɔɔ bee vi a mɔng ɓe mɔ de wose ɓa. ²⁵N za mɔ vɔɔ, arugoko N wa ke a gbã mɔ talenti a vusu tipi. Ze ta, mɔ vi ko mi.'²⁶"Wu shɔngyee kaseke a tɔ wuni, "Nangka ɓɔ shɔng dongpa jaadɔɔ, mɔ ze ye N bee vi a mɔng ɓe N de ruu ɓa, N sɔɔ bee vi a mɔng ɓe mɔ de wose ɓa. ²⁷Na ananko mɔ na a shɔng kɔseni saka N saka, ang eni nang kpa N saka ni saka mɛɛ.²⁸Na ananko tee talenti ɓe awu na ta nɔ a jaadɔɔ ɓe talenti kopi ana. ²⁹Aruviya shɔngɓe wu vina vɛ̃ɛni shɔng awu ɓɔɔ a yupa, aruɓe da kpa vina vɛ̃ɛni. Shɔngɓe wu vina ɓa ni ɓa, kɔ pota ɓe wu na ɓe shɔng tee. ³⁰Looke vi nangkan jaadɔɔn ta a vusu mɔm tĩngri, a mɔng ɓe shɔng kaa yã vɔɔ ni yɔngni tãri ni.'³¹"Alaɓe Jaa Shɔngzeng na eye awu vusu bongni ɓɔɔ Laa shɔng shooni, N sɔɔ wɔng a borɔngbo kpanti la wɔngni. ³²Awu ting ko shɔng koo walikãng yiing muse, wu sɔɔ vaase shɔngzeng yi ni weni, anaɓe Jagani viva vaase mɛrɛ ni jaayi ni ɓe. ³³N shĩng mɛrɛ awu nashãng, wu sɔɔ shĩng jaayi awu nagãng.³⁴Alaɓi Kpanti N gãle shɔngɓe yi awu nashãng ni, 'Eta, nɔko ɓe maa Daa tẽrẽ no pãnti, nɔ roo kpanti ta a mɔng ɓe shɔng gongte nɔ ala gini koodanga. (tun zing ɓa kooni ɓa) ³⁵Aruviya N tã wɔ̃ko nɔ sɔɔ ang vishang; N tã sɔ̃ti mɛɛ nɔ sɔ ang mɛɛ ɓooni; N ke zangti nɔ sɔɔ toon a waare N yee; ³⁶N fara ɓa bii nɔ sɔɔ ɓosen fara abii; N vɔɔ nɔ sɔɔ yiseng na; N dɔɔ a gãyã nɔ sɔɔ e N bii.'³⁷A mɔng ɓi shɔng tɔ̃ɔving yiing kase ang sɔɔ tɔni, "Daayere, alawe wo ze mɔng tã wɔ̃ko wo a mɔ vishãng? Kɔ mɔ tã sɔ̃ti mɛɛ wo sɔɔ a mɔ mɛɛ ɓooni; ³⁸Ala weya wo ze mɔa zangti wo sɔɔ too mɔ a waare mɔ yee weya? Kɔ mɔ fara bii ɓa wo sɔɔ ɓosen fara a bii? ³⁹Alawe wo zee mɔ vɔɔ kɔ mo dɔɔ a gãyã wo sɔɔ e mɔ bii weya? ⁴⁰"A mɔng ɓi Kpanti ɓi N kase yi and sɔɔ tɔyi ni, 'Nungoko N gãle nɔ, viɓe nɔ pele goro a titi tɔkɔlɔng mazũngyi, nɔ pele miko.'⁴¹Alaɓi N gãle shɔngɓe yi awu nagãng ni, 'Dang bii ta, nɔko ɓe shɔng lese nɔ ye, a vusu yaa ɓe shɔng gongte vĩni-vĩni rãmnag ni wu shɔng shongni yini ⁴²aruviya N tã wɔ̃ko nɔ de sɔɔ ang vishang ɓa; N tã sɔ̃ti mɛɛ nɔ de sɔɔ ang mɛɛ ɓooni ɓa; ⁴³N ke zangti nɔ de too N ɓa waare N nɔ yee ɓa; N fara ɓa bii ɓa, nɔ de ɓose N fara abii; N vɔɔ ɓɔɔ dɔɔ a gãyã nɔ de sɔɔ yiseng na ɓa.'⁴⁴"A mɔng ɓi yiing kase ang sɔɔ tɔni, "Daayere, alawe wo ze mɔng tã wɔ̃ko, kɔ mɔ tã sɔ̃ti mɛɛ, kɔ wo ze mɔ a zangti, kɔ mɔ fara ɓa a bii , kɔ mɔ vɔɔ, kɔ mo dɔɔ a gãyã wo sɔɔ yise mɔ na ani weya?' ⁴⁵"A mɔng ɓi N kase yi ang sɔɔ tɔyi ni, 'Nungoko N gãle nɔ, viɓe nɔ de pele goro a titi tɔkɔlɔng mazũngyi ɓa, nɔ de pele N ɓa.' ⁴⁶Shɔng ɓenyi wa vusu mɔng ɓe kpãreni sɔ̃yã ɓa, shɔng tɔ̃ɔving yiing kpa surubi ɓe sɔ̃yã ɓa."

¹A tũmpu ɓe Yeso sɔ̃ɔre yã shãngni ruu ɓem yi ye, a gãle wu jaadɔɔyi, ²"Nɔ zee ye a diki ziti ɓe yase mi shaani vishang tuukeni teni, shɔng a Jaa shɔngzeng aruɓe shɔng da ɓa wu na a lá."³Yubɔrɔ Firisiyi ɓɔɔ shɔngbɔrɔyi yi muse yuu a yãwe a kpanti yee, ɓe shɔng ɓa wu ni Kefasi. ⁴Yi tɔnse a yãwe dɔɔ ɓe yi da yi Yeso ni dɔɔ shɔngɓɔ asɔɔ nung wu vɔɔ. ⁵Aruviya yi shãng ni, "Ɓa a la lansi bele ɓa, aruɓe shɔng da pele bang ɓa."⁶Hami Yeso wu dong a Betani a Siman shɔng vibii yee, ⁷alaɓe de shaa vishang ni a yuu teburu, sooye ɓɔɔ ewu bii ni gugu nung alabasita ɓe shaa yã vɛ̃ɛni, a tɛ̃rɛwu a yuu. ⁸Laɓe wu jaadɔɔyi zee ye, yi lese yato a tɔɔni, "Ɓivi shĩngke soo mi lese nung mi viya? ⁹Shɔng na maale ni saka vɛ̃ɛni asɔɔ a shɔng rang yi."¹⁰Yeso, sɔɔ zee vĩm, a gãle yi ni, "Nɔn yɔɔreyu aruvi ni soo mi ni viya? Aruviya viɓe pele mi ɓi vitɔ̃ɔving a N bii. ¹¹Nɔni shɔng rangni a yãwe dikidi, N bi bii nɔn zen ɓa dikidi ɓa.¹²Alaɓe tɛ̃ɛrɛn nung mi ye a bii, pele aru N gɓãni. ¹³Nungoko N gãle nɔ, mɔm ɓe shɔng waayã ruu tɔ̃ɔving a koodanga mi walikãng, viɓe sooye mi pele mi shɔng ye nugn aru wuni."¹⁴Goro a titi kopi atu ziti mi, ɓe shɔng ɓa wuni Yahuda Yisikariyoti, waa yubɔrɔ firisiyi bii, ¹⁵a shãng ni, "Nɔ da a N vi N lese wu anɔ na viya?" Yi gã saka siliva bmati atu kopi a awu. ¹⁶Wating ni bee ni dɔ̃rɔng ɓe da lese wu.¹⁷Hami a diki shɔɔni ɓe shaani bubula ɓe yisi ɓa wu jaadɔɔyi e Yeso bii a shãng ni. "Wo da gongte mɔm shaani vishang Tuukeni a mɔ weya?" ¹⁸Tɔɔni, "Nɔ ɓota a bɔɔrɔ koo a shɔng vere ɓɔ bii nɔ gãle wuni, 'Shɔng manteni tɔɔni, "N diki eye. N shaa vishang Tuukeni a mɔ yee ni N jaadɔɔyi."" ¹⁹Wu jaadɔɔyi pele anaɓe Yeso gãle yi ɓe, yi sɔɔ gongte vishang Tuukeni a mɔni.²⁰Alaɓe lasãni tiseye, wɔng a tipi wu shaani wu jaadɔɔyi kopi atu ziti yini. ²¹Alaɓe yi de shaani, a gãle yini, "Nungoko N gãle nɔ ni goro a nɔ titi mi ing maaleng. ²²Yi tase viki yato, asɔɔ yɛ̃le wu goro-goro, "Nungoko ɓa miko ɓa ya, Daayere?"²³Kase yini, "Goro shɔngɓe ɓoose na a pii ni mini wuko in Leseng. ²⁴Jaa Shɔngzeng ing waa kɔtɔ, anaɓe shɔng binke aru wuni.Ɓivi nugn kɔngni a shɔngɓe da lese Jaa Shɔngzeng ɓeǃ Likɔtɔ shɔng na de ye shɔng wa ɓa." ²⁵Yahuda, shɔngɓe lese wu ɓe tɔɔni, "Ɓi miko ya, Rabbi?" A gãle wuni, "Mɔ shãng ye ni mɔ yuu."²⁶Alaɓe yi de shaa vishang ni, Yeso too bubula, shĩng pãnti ani, a daale. A awu jaadɔɔyi a tɔɔni, "Teta, shata. Ɓem ɓi N bii."²⁷A too jewa a tase dɔɔreni, asɔɔ ayi a tɔɔni, "Ɓoota, nɔ walikãng. ²⁸Aruviya ɓem ɓi N kpa ɓe shɔng wɔse aru yaaseni shɔngzeng vɛ̃ɛni yi ruvini. ²⁹N gãle nɔ ni, N ɓoo mɛɛ rɛni lami tɔ ɓa, N da waa ɓooni nɔni a maa Daa rooni kpanti."³⁰Alaɓe yi tãng soo ye, yi ke awa Kɔpɔ Zetun. ³¹Yeso sɔɔ gãle yini, "Nɔ walikãng nɔn wete kɔtɔ zimi aru mini, aru binke ni, 'N nung jaagani viva viva ɓi yiing sɔɔ sate.' ³²Alaɓe shɔng na yusen N pa ye, N wa Galilia nɔ ting."³³Bituru tɔwu ni, "Kɔ shɔng wete aru mɔni walikãng, N bi bii N wete ma ɓa." ³⁴Yeso gãle wuni, "Nungoko N gãle mɔ, zii mi, laɓe kn na de kaa yãni, mɔng bɛ̃n alaɓi ni ya tati." ³⁵Bituru gãle wuni, "Kɔ N vɔɔ kɔtɔ N da bɛ̃ mɔ ɓa." Gãsi jaadɔɔyi tɔɔ jɔ ananko.³⁶Yeso wani yi ni a mɔng ɓe shɔng ɓani Gasemani a gãle wu jaadɔɔyi ni, "Wɔng ta a mɔm N wa pĩn tĩng wa N gõre Laa." ³⁷A too Bituru ɓɔɔ Zabadi jaa ziti ni wuni asɔɔ pele viki yato ni yuu yɔɔreni. ³⁸A gãle yini, "N surubi wɔng ye ni viki yato, weni N vɔɔ ta. Nɔ wɔng ta a mɔm nɔ gaa ni mini.³⁹Awa ning ting pota, a wete ni wating a tipi, a gɔ̃ɔre Laa. 'Maa Daa, "Nang wɔng kɔtɔ, too seng jewa mi ta. Ananko, ɓa viɓen kase ɓa, ɓi viɓe mɔ kase. ⁴⁰A eke a kpa wu jaadɔɔyi yiing roo nurong , a tɔɔ Bituru ni, "Bivi, nɔ da gaa ɓa ni mini kɔ ɓe lasaka goro ɓa ya? ⁴¹Nɔ gaa nɔ gɔ̃ɔre Laa aruɓe nɔ da ɓɔ ɓa a maaseni ɓa. Suru kase kɔtɔ, bii jile kɔtɔ."⁴²Wa tɔɔti ni ting ɓe ziti a gɔ̃ɔre Laa. A shãng ni, "Maa Daa, mɔ na da toose vĩm ɓa na ɓa N ɓoo ɓa, viɓe mɔ kase wu wɔngta ananko." ⁴³A eke asɔɔ kpayi tɔti yi roo nurongye, aru yi nung kpite ye. ⁴⁴Yaayi tɔti, awa gɔ̃ɔre Laa ɓee ya tati, a shãng ruu goro mi ko.⁴⁵Yeso ewu jaadɔɔyi bii a gãle yini, "Nɔ dong roo nurong ko dang an sɔɔ wɔke ya? Mile pĩ, la eye, aɓe shɔng lese Jaa Shɔngzeng a shɔng ruviniyi na. ⁴⁶Yuni pata, wo waayi. Zeni ta, shɔng goro ɓe N lese wuko wu mani mi."⁴⁷Alaɓe dong a yuu yã shãngni, Yahuda, goro a titi kopi atu ziti mi, eye. Mɔɔ vɛ̃ɛni yi eni wu ni a yubɔrɔ firisiyi ɓɔɔ shɔngbɔrɔ. Yi eni yewa ɓɔɔ bala. ⁴⁸Hami shɔng veeye ɓe wuko ing lese Yeso a shɔng taseni ye, ning, "Shɔngɓe nang kɔ̃wu ye bii ɓi shɔngɓi ko. A nɔ yuu."⁴⁹Ɓani-jang ɓani ɓa ke a e Yeso bii asɔɔ shãng ni, "N jimɔ yã, Rabbiǃ" asɔɔ kɔ̃wu. ⁵⁰Yeso gãle wuni, "Shɔɔ, pele viɓe mɔ e mɔ pele ta." Yi sɔɔ eke, a yi Yeso.⁵¹A mɔng ɓini shɔng goro ɓɔɔ ɓe sii ni Yeso ni ware na, a zɔ̃ɔ yewa, a ko yubɔrɔ firisi wu jaadɔɔ shoo kak. ⁵²Yeso tɔwu ni, "Sɔɔre mɔ yewa ta a mɔm, aruviya shɔngɓeyi na too yewa ɓi yewa ko ing nunwu. ⁵³A nɔ zeni N da ɓa yã ɓa a maa Daa, wu shongsheng shɔng shoni Laa ɓe jãa labɔng kopi atu ziti ɓa ya? ⁵⁴Ruu Laa mi sɔ̃ni yã da tase nuko vi ni, wɔngye ananko viya?"⁵⁵Alaɓi Yeso gãle mɔɔ ɓiyi ni, "Nɔ e N bii ni yewa ɓɔɔ bala woni nɔn yi shɔngɓɔɔ ya? Dikidi N wɔng a mante vii a vusu jaaka Laa , nɔ de yiing ɓa. ⁵⁶Viɓem yi walikãng yi wating aru viɓe shɔng shoni Laa yi binke wu wɔng nungoko." Wu jaadɔɔyi yawu asɔɔ yule ke.⁵⁷Shɔngɓeyi yi Yeso awa ni wuni a Kefasi yubɔrɔ firisi bii, a mɔng ɓe shɔng labini ɓɔ shɔngbɔrɔ yi muse a yãwe. ⁵⁸Bituru dũng wu a tũmpu feefe awa ni yini a yubɔrɔ firisi yee. Ɓoo vusu yee ɓi a wɔng atipi ni shɔng gaani yee yini wu zee viɓe daa watĩng ɓe.⁵⁹Hami yubɔrɔ firisi ɓɔɔ gãsi yubɔrɔ yi bee viɓe yi da langse Yeso aruɓe yida nunwu vɔɔ ɓe. ⁶⁰Ning shɔng tengni ruu yã jĩni ɓe yi ke ɓe, yi de kpa viɓɔ ɓa. A tũmpu ɓini ziti yi keeke ⁶¹a shãng ni, "Shɔngvere mi shãng ni, "N zenung kɔtɔ N wɔ̃nke jaaka Laa N sɔɔ maa a diki tati.'"⁶³Yubɔrɔ firisi yupa a shãngshe wuni, "Mɔng koo yã ɓɔɔ ɓa ya? Ɓivi yiing shãngke amɔ yu viya?" ⁶⁴Yeso tãyi mɔng ni shoo. Yubɔrɔ firisi tɔwu ni, "N ɓaase mɔ yu ni Laa ni, gãle wo ta kɔ mɔko Kirisi, Jaa Laa." ⁶²Yeso rise wuni, "Mɔ shãng ye ni mɔ yuu. N gãle nɔ, viɓe yi hami awa ting nɔ zee Jaa Shɔngzeng wɔ̃ngye a ka nashang ɓee Kaka, teni a yãsi koolapa."⁶⁵Yubɔrɔ firisi tãwu fara a tɔni, "Too rubɔng yeǃ Wong bee tɔ wo tãa viya? Zeni ta, nɔ tã rubɔng ye ni nɔ shoo. ⁶⁶Nɔ lere nuko viya?" Yi koose wu a shãng ni, "Likɔtɔ wu vɔɔyi."⁶⁷Yi tule wu sãri a wating asɔɔ nunwu niyi na, shɔngɓɔyi sɔɔ ɓanrewu naa a yã ⁶⁸a tɔni, "Shãngshe wo ruu zeni ta, Kirisi. Ɓiwe nung mɔ weya?"⁶⁹Hami Bituru wɔ̃ng a gaa a yee yubɔrɔ, jaa sooye ɓɔ ewu bii asɔɔ shãng ni, "Mɔ jɔ ni Yeso Galili ko." ⁷⁰Lere wu yã a shɔng nung walikãng, ning, "N de zee ruuɓe mɔn shãng ɓa."⁷¹Alaɓe ke gaa ye a nɔrong yee, jaa sooye ɓɔ tok zee wu asɔɔ shãngshe shɔngɓe yi a mɔn ɓi ni, "Shɔng vere mi wu ni Yeso Balazara." ⁷²Lere wu yã tɔti nin teng Laa, "N de zee shɔng veremi zong ɓaǃ"⁷³La wo dot shɔngɓeyi shile a mɔng ɓi yi eke asɔɔ gãle Bituru, "Nungoko mɔ jɔ yi titi, aruviya mɔ yã shãng ni taseye ananko." ⁷⁴Awating ni leseni ni tengni Laa, "N de zee shɔng vere mi zong ɓa," ɓani jãɓaseni ɓa banti kn kaa yã. ⁷⁵Bituru ye nugn ye yã ɓe Yeso shãngshe wu ni, "laɓe banti kn na de kaa yãni, mɔng bɛ̃n alaɓi ni ya tati." A ke gaa awa kaa yã vɔɔ bototo.

¹Alaɓe gangte rɔɔye, Yuborɔ Firisiyi ɓɔ shɔngborɔyi yi bee dɔ̃rɔng ɓe yi nung Yeso voo. ²Yi maa wu, yi gɔ̃wu awa ni wu ni, asɔɔ awu a shɔng ladon Bilatu na.³Alaɓe Juda, ɓe wuko rise wu kuku ɓe, zee shɔng lese Yeso ye, a kɔse wu sĩngsĩng asɔɔ wa Yuborɔ Firisiyi ɓɔ shɔngborɔyi yi ni wu sɔre kɔpɔ siliva bãtutu kopi ɓi ⁴a shãng ni, "N pele ruviniye alaɓe N rise shɔngɓe wu ruvini ɓa yu ɓa kuku ye." Yi sɔɔ gãle wu ni, "Ɓem ɓi vi awo bii viya? Zee ta ni moo yuu." ⁵A looke kɔpɔ Siliva ɓi a tipi jaaka Laa, a daa mɔm ɓi, asɔɔ ke ke awa maa wu tuu a yuu lá.⁶Yuborɔ Firisiyi yi tóo kɔpɔ siliva ɓi a shãng ni, "Da li ɓa wo shing kɔpɔ mi a vusu vitoleni aruviya ɓi saka kpa." ⁷Yi shãng ke ruuɓi a yãwe, asɔɔ kɔpɔ ɓi a wóo shɔng tãpo maani tipi ɓe shɔng da gbã shɔng zantiyu voo a mɔm. ⁸Aru vĩn ko shɔng ɓa mɔm ɓi nin, "Tipi Kpaa" awa diki mi.⁹Viɓi wɔngke anaɓe shɔng zeni Irimiya shãng, shãng ni, "Yi tóo kɔpɔ Siliva bãtutu kopi, saka ɓe jaa Israila yi shĩng ɓe, ¹⁰yi sɔɔ a aru tãpo maani tipi, anaɓe Daayere tasen ɓe.¹¹Hami Yeso shii shɔng ladong wating, shɔng ladong sɔɔ yẽ wu, "Mɔko Kpanti Yahuda ya?" Yeso koose yi nin, "Mɔ shãng ye." ¹²Alaɓe yuborɔ firisiyi ɓɔ yuborɔ yi lake wu yã ye yuu, de koose yi yã ɓɔ ɓa. ¹³Bilatu sɔɔ gãle wu, "Mɔ de tã vi vɛ̃ɛni ɓe shɔng shãng a mɔ yuu ɓa ya? ¹⁴De sɔɔ koose yi ruuɓɔ tɔti ɓa, viɓi sɔɔ a shɔng ladong ɓi bii zani vɛ̃ɛni.¹⁵Hami ayi la bélé ɓi vi langsi shɔng ladong wu daa na shɔngzeng goro a gãyã ɓe shɔng mɔɔ yi rɔɔ ɓe. ¹⁶Alawa shɔng lakeni yuu ɓɔ ani ɓe shɔng maa doo a gãyã wu rĩng ni Yeso Baraba. (a gãsi gɓengti labini Yeso ɓa rĩng ɓi ɓa.¹⁷Alaɓe yi muse ye mungoro, Bilatu gãle yi ni, "Nɔ kase N da wée na weya? Baraba, kɔ Yeso ɓe shɔng ɓa wu ni Kirisi?" ¹⁸Zee ni yi awu Yeso aru gn kani. ¹⁹Alaɓe wu dong a yu ladong ɓoore ni shɔng yoori, wu soo shɔng yã a wu ni nin. "Mɔna na wɔng ɓa a shɔngɓe wu ruvini ɓa mi yuu ɓa. Aruviya N kpãreye vɛ̃ɛni lami aru wu ni a looreni aru wuni."²⁰Hami yuborɔ firisiyi ɓɔ yuborɔyi yi gãle shɔng mɔɔ ni yi yẽ aru Baraba shɔng sɔɔ nung Yeso voo. ²¹Shɔng ladong yẽ yi, "Ɓi we a titi shɔngzeng mi ziti nɔ kase ke N daare nɔ weya?" Yi tɔni, "Baraba." ²²Bilatu gãle yi ni, "Ɓivi N pele ni Yeso ɓe shɔng ɓa wu ni Kirisi viya? Yi walikãng yi kase ni, "Jishe wu ta."²³A yẽ yi ni, "Aruviya, pele ruvini ɓɔ weya?" Yi sɔɔ lang yã nin kaka, "Jishe wu ta." ²⁴Alaɓe Bilatu zee ye de kpa viɓo ɓa, viɓe wating wuko yuyɔre ni de yupa ni, a tóo mɛ, a sɔke wu na a mɔɔ watĩng, a shãng ni, "N na ɓa a jaa veeye mi kpaa ɓa. Vi peleng a nɔ bii."²⁵Shɔngzeng walikãng yi tɔni, "Wu kpaa wu wɔng ta awo yu ni wo jaayi ni." ²⁶Asɔɔ daare yi Baraba na, a shĩng shɔng nung Yeso asɔɔ awu yi aruɓe yi da jishe wu ɓe.²⁷Shɔng Ladong wu sɔmɛrɛyi tóo Yesu a ɓose wu yi yee borɔ gomnati asɔɔ muse sɔmɛrɛyi walikãng. ²⁸Yi tule wu farabi asɔɔ ɓose wu rãni fara a bii. ²⁹Yi pele waayu kpanti ɓe kɔɔkɔ asɔɔ ɓose wu a yuu, a awu kpanti bala awu nagãng. Yi kuute a tipi awu wating and asɔɔ baase wu, nin, "Yuborɔ, Kpanti shɔng Yahudayiǃ"³⁰Yi tuule wu sãri, asɔɔ tóo kpanti bala a nungwu ni ayu ɓɔɔɓɔ. ³¹Alaɓe yi sõre yã wu baaseni ye ɓe, yi tuule wu fara a bii asɔɔ sɔɔrewu fara a bii, a dũng se wu dɔ̃rong ɓe yi da jishe wu.³²Alaɓe yi ke ga ye, yi kpa shɔng vere ɓɔ wu shɔng Bakurana wu rĩng ni Siman, ɓe yi shĩng wu ke gɓale-gɓale wu dũng yi aruɓe da tóo wu lajisheni. ³³Yi tòo mɔm ɓɔ shɔng ɓa ni Golgotha, ɓe wuko "Mɔm Kakayu." ³⁴Yi awu mɛ rɛɛni ɓe shɔng dure ni gali. Alaɓe tãye yã, de ɓoo ɓa.³⁵Alaɓe yi jishe wu ye, yi vase wu farabi aɓe yi pele..... ³⁶yi wɔng asɔɔ watĩng ni wu gaani. ³⁷. Awu lapa yi maa vi kɔni ya, a binkeni, "Ɓem ɓi Yeso, Kpanti shɔng Yahudayi."³⁸Shɔng jishe wu nin shɔngɓɔɔyi ziti, goro awu nagãng goro ɓɔ awu nashang. ³⁹Shɔngɓe ying tuuke dø̃rong yi dãwu, yi de zite yuu ni ⁴⁰a shãng ni, "Mɔko ɓe mɔ shãng ni mɔm lese jaaka Laa mɔ sɔɔ maa tɔti a diki tati, kpengse mɔ yu taǃ Mɔ na ɓi Laa Jaa, lɔɔta a yu lajishengǃ"⁴¹Yuborɔ firisiyi, yi ɓaase nin shɔng labini ɓɔ yuborɔ asɔɔ baase wu jɔ ananko, a shãng ni, ⁴²"Kpengse shɔngɓɔ yi ye, wu kpengse wu yuu ta jɔ.Ɓi wuko Kpanti Israila. Wu lɔɔta tipi ayu lajisheni mi, wo sɔɔ azong awu bii.⁴³Shĩngn a Laa bii, Laa wu kpengse wu ta hami, Laa na a yã ye wu dawu. Aruviya shãng kɔtɔ ni, 'Miko Jaa Laa.'" ⁴⁴Shɔngɓɔɔ ɓe shɔng jisheyi ni wu dãwu jɔ ananko.⁴⁵Hami viɓe yi lasaka maangoro mɔm tĩngri kuke tipi ɓi walikãng awa lasaka nukobẽ goro. ⁴⁶A lasaka nukobẽ goro, Yeso lang yã ni kaka a shãng ni, Eli, Eli, lama sabachthani?" ɓe wuko, "Maa Daa, maa Daa, aruvi mɔ riseng tumpu viya?" ⁴⁷Alaɓe shɔngɓeyi shile a mɔm ɓi yi tã ye, yi shang ni, "N ɓa Iliya yã."⁴⁸Ɓani-ɓasenijãba shɔng goro ɓɔ yuke awa tóo ........, a yise ni yãni mɛ rɛɛni, a shĩng a yu lá, asɔɔ awu ke wu ɓoo. ⁴⁹Shɔng gãsi ɓi yi shãng ni, "Da wuta bĩn. Wo zee ke kɔ Iliya da e kɔtɔ a kpengse wu." ⁵⁰Yeso sɔɔ lang yã tɔti ni kaka asɔɔ awu surubi.⁵¹Mile pĩ, fara yuu jaaka Laa vaase a titi ziti gaa ni paa awa dii, tipi sɔɔ ziti, tarayi sɔɔ vaase a titi. ⁵²Yã yuusa ɓiyi puyi, gigiri bii ɓe shɔng tɔ̃ɔving ɓe yi vooye shɔng yuse yi pa a nurɔng. ⁵³Yi ke a vusu yuusayi awu tumpu yunipa voo, a ɓoo tɔ̃ɔving borɔ koo, a taseyi shɔng vɛ̃ɛniyi bii.⁵⁴Hami alaɓe yuborɔ ɓɔ ni shɔngɓe yiing mile Yeso yi zee ziteni tipi ɓɔ viɓe yi wating ɓe, yi za voo vɛ̃ɛni a shãng ni, "Nungoko ɓem ɓi Jaa Laa." ⁵⁵Sooye vɛ̃ɛni ɓe yi dũngle Yeso a Galili asɔɔ awu viɓe kaseke yi shile fefe yiing zee viɓe wating. ⁵⁶Ayi titi baase nin Mɛrɛyamu Mandali, Mɛrɛyamu Yakubu ɓɔ Yusuu yiingɓi, ɓɔ Zabadi jaayi yiingɓi.⁵⁷Ning lasãni, shɔng vina ɓɔ ke koo Arimataya, wu rĩngni Yusuu, wu ɓi jɔ Yeso jaadoo. ⁵⁸Wa Bilatu bii a yẽ aru Yeso gigiri bii. Bilatu sɔɔ gãle shɔng shɔng awu ta.⁵⁹Yusuu tóo bii ɓi, a mɔyi nin fara sɔkeni, ⁶⁰a roore awu polo yuusa ɓe gongte a bii tara. A dõ borɔ tara a yã yuusa ɓi a wa akati. ⁶¹Mɛrɛyamu Mandali ni goro Mɛrɛyamu yi a mɔm ɓi ni, yi wɔng a dang yuusa.⁶²A tumpu diki ɓi, ɓe wuko atumpu diki gongteni, yuborɔ firisiyi ɓɔ shɔng Farisayi yi muse yuu ni Bilatu. ⁶³Yi shãng ni, "Yebang, wo ye nugn ye alaɓe shɔng lakeni shɔngwa wu ni surubi, shãng ni, "A tumpu diki tati N yupa tɔti.' ⁶⁴Na ananko gãle shɔng ta shɔng wa gaa yã yuusa wu wa diki tati, na ɓa ananko wu jaadooyi da wa ham a ɓoo wu yi sɔɔ gãle shɔng ni, 'Yupa ye a yuusa,' jĩngni yã ɓem in jã ɓe shoni kɔtɔ."⁶⁵Bilatu gãle yi ni, "Nɔ shi ni kaka. Wata nɔ gaa mɔm ɓi anaɓe nɔ da zenung ɓe." ⁶⁶Yi wa ke awa gaa yã yuusa ɓi, a kule yã tara a shĩng shɔng gaani a mɔm.

¹A tumpu diki wɔkeni, alaɓe shoni gandi de rɔni, Mɛrɛyamu ni Mandalin ɓɔ goro Mɛrɛyamu yi eke yi zee yuusa. ²Mile pĩ, tipi ziti bami, aru shɔng shongni Laa loo a koolapa, a e dõ tara ɓi ni gaa, asɔɔ wɔng a yupa..³Wu bii penke ana yaa zãla, wu fara bii puuro shãng ana tatara mɛ. ⁴Bii zaa shɔng gani mɔm yi ri ana shɔngzeng ɓeyi vooye.⁵Shɔng shonni ɓa yã a sooye ɓi yi a shãngshe yi ni, " Nɔ na zaa voo ɓa, N zee ye nɔng bee Yeso, ɓe shɔng jishe wu. ⁶Wu ɓa mɔm ɓa, yupa ye, anaɓe shãngshe nɔ ɓe. "Eta nɔ zee mɔm ɓe sii Yeso roo ɓe. ⁷Nɔ wata ni don nɔ gãle wu jaadooyi, 'Yupa ye a yuusa. Mile pĩ, waaye nɔ tĩng a Galili. A mɔm wa ko nɔn zee wu.' Mile pĩ, N gãle nɔ ye."⁸Sooye ɓiyi yi daa yuusa ni don nin zani ɓo borɔ puuru yato, a yuuyi awa gãle wu jaadooyi. ⁹Mile pĩ, Yeso kpayi a tɔyi ni, "N gi nɔ yãǃ" sooye ɓiyi eke. a peng wu na asɔɔ gware wu. ¹⁰Yeso sɔɔ gãle yi ni, "Nɔ na zaa ɓa. Wata nɔ gãle mazungyi yi wa Galili. A mɔm wa ko yiing zen."¹¹Alaɓe sooye ɓi yi de wani, mile pĩ, shɔng gaani mɔm ɓɔyi pota yi wa borɔ koo awa gãle yuborɔ firisiyi viɓe walikãng watĩng ɓe. ¹²Alaɓe shɔng firisiyi yii tãse yuu ye ni yuborɔyi asɔɔ tɔnke ruuɓi ni yini, yi sɔmɛrɛ biyi saka vɛ̃ɛni, ¹³a gãle yi ni, "Nɔ wa gãle shɔng gãsi ni, "Yeso wu jaadooyi e ɓoo wu bii ye alaɓe wo a nuro,ng.'¹⁴Ruumi na ɓoo shɔng ladong shoo ye, wo zee viɓe wo da gãle wu aruɓe da yɔre yuu ɓa anɔ bii." ¹⁵Sɔmɛrɛbiyi yi tée saka ɓi asɔɔ pele anaɓe shɔng gãle yi ɓe. Ruumi tante fefe a titi shɔng Yahudayi asɔɔ kĩntig a e lami.¹⁶Wu jaadooyi kopi tu ziti ɓiyi yi wa Galili, a yuu kɔpɔ ɓe Yeso gãleyi yi wa ɓe. ¹⁷Alaɓe yi zee wu ye ɓe, yi gware wu, gãsi yi lere a nugn.¹⁸Yeso e yi bii a gãle yi nin, "Ani na walikãng shɔng an ye a koolapa ɓɔ koodanga. ¹⁹Arugoko nɔ wata nɔ rise shɔng koodangayi N jaadooyi. Nɔ pele yi Baptizima ni Daa rĩng, ɓɔ N rĩng, ɓɔ Suru Tɔ̃ɔving.²⁰Nɔ mangteyi yi dũng viɓe in gãle nɔ walikãng. Mile pĩ, N nin nɔni diki-diki, wu wa tumpu sõni yã koodanga."

¹Bemi ɓi gaani ruu tɔ̃ɔving Yeso Kirisi, Jaa Laa. ²Anaɓe Ishaya shɔng zeeni binke, "Zee pĩn, N shɔng N jaadɔɔ anɔ ting, shɔng ɓe da gonte nɔ dɔrɔng ɓe. ³Yãa ɓɔɔ a jinti ing kayãa, 'Nɔ gonte Daayere dɔrɔng ta; nɔ shĩng wu dɔrɔng wu wɔng gɓɔlɔng-gɓɔlɔng.'"⁴Yɔhana eke, pele shɔng batizima a jĩnti a wase shɔng yãa batizima ɓee kɔseni singsing aru yani ruvĩini. ⁵Shɔng tipi Yahuda walikãng ɓɔɔ Urushalima yii kee a waa wu bii. Pele yii batizima a Yoo Urudu, yii shãng yii ruvĩni. ⁶Yɔhana tuse koo gbankurumɛ a ma sozũng, shaa zɔrɔ ɓɔɔ nunwara.⁷Wa yãa, a tɔɔni "Shɔngɓɔɔ teeni an tũnpu ɓe jãng kɔtɔ ni kaka; N daa zenung tangni ɓa N kalewu koodɔɔ ɓa. ⁸N pelenɔ batizima ni mɛɛ, wu bii bii ing pelenɔ ni Suru Tɔ̃ɔving."⁹Watĩng a diki wayii aɓe Yeso ke a Nazare a vusu Galili, Yɔhana pele wu batizima a Yoo Urudu. ¹⁰Alaɓe Yeso keye a mɛɛ, a zeke koolapa puuye Suru Laa de lɔɔ ni awu yuu ana koro. ¹¹Yãa ke a koolapa, "Mɔ ɓi N Jaa ɓe N kase ɓe. N tãa puru yato ni mɔni."¹²Suru sɔɔ towu ke a ware wu jĩnti. ¹³Pele diki laazit a jĩnti, mɔng ɓe Shelan maasewu ke. Wuni vii jĩnti yi, Laa shɔngshoni yii sɔɔ gbãarewu ke.¹⁴Hami a laɓe shɔng yi Yɔhana ye, Yeso e tipi Galili a wase shɔng Laa ruu tɔ̃ɔving. ¹⁵A shãng ni, "Laa tiseye, Laa roonikpanti kpaye, ya ruvĩni ta nɔ sɔɔ azɔng a ruu tɔ̃ɔving."¹⁶A laɓe de kn ni a yãa waapo Galili, a zee Siiman ɓɔɔ Andarawo Siiman zũngɓi yii a mɔng tɛ̃ɛni jang a waapo, aruviya yiɓi shɔng jezung yi ni. ¹⁷Yeso gãleyii ni, "Eta, nɔ dũng, N shinɔ shɔng yi ni shɔngzeng." ¹⁸Ɓani jãn ɓaseni ɓa yii da yi jãng a dũng wu.¹⁹A laɓe Yeso kn ye ni ting tɔkɔlɔng, a ze Yaakubu Zabadi jaa ɓɔɔ Yɔhana zungɓi; yii a vusu tuusi yiing gonte jãng. ²⁰Ɓa yii yãa yii sɔɔ da yeɓi Zabadi a vusu tuusi ni jaa kpɛ̃ɛni yi, yi sɔɔ dũng wu.²¹Yii e a diki wɔ̃keni, a Kafanahum, Yeso ɓɔ vusu mɔng gɔ̃ɔreni a manteyii. ²²Wu manteni a yi vii bii zani, aru viya manteyii vii ana shɔng ɓe wu kaka ani vɛ̃ɛni ɓa ana shɔng labini yii ɓa.²³Amɔng ɓi shɔng ɓɔ a vusu mɔng gɔ̃ɔreni ɓe wu nangka Suru a bii lãng yã, ²⁴a tɔɔni, “Ɓiivi ɓase woni mɔni viya, Yeso shɔng Nazare? Mɔ eke mɔye lesewo kɔtɔ ya? N ze mɔɔ zɔng ye, mɔko shɔng kpelenkpe ɓee Laa." ²⁵Yeso gɔ̃ɔre vĩini-vĩivĩi rãmãng gãgã a shãng ni, "Zĩn yã ta mɔ kee awu biiǃ" ²⁶vĩini-vĩivĩi rãmãng loke wu tipi a sɔɔ ke awu bii a laɓe de Lang yãa ni kaka.²⁷Yii yiinaa a yãa, a yɛ̃ɛ wee hami ni, "Ɓiivi ananko viya? Wiiyiǃ Wo ze manteni vi polo ɓɔɔ laam ye tɔtǃ shãngshe vĩini-vĩivĩi rãmãng yãa yi sɔɔ dũng wu yãaǃ" ²⁸Wu ruubii bɔɔ mɔng walikãng a tipi Galili.²⁹A laɓe keye a vusu mɔng gɔ̃ɔreni, yi ɓoo Bituru ɓɔɔ Andarawo yee , ni Yukubu ɓɔɔ Yɔhana. ³⁰Bituru Kpenɓi roo a tipi bii ing ɓɔng wu kɔtɔ, yii shãngshe wu aru wuni. ³¹E kiti awu bii, a yi wu na, a yuse wu paa; ɓɔngni bii ɓi sɔɔ ya wu na ke, a sɔɔ wãreyii vishang.³²Ni lasãani ɓe laa tɔ̃ɔye, shɔng de esewu shɔng vɔɔ yiini, ɓɔɔ shɔngɓe vĩinii-vĩivĩi rãmãng ɓoo yi bii ɓe. ³³Shɔng koo ɓi walikãng yi muse a yɔ̃rɔng yee. ³⁴Gante shɔng vɛ̃ɛni ɓe yi vɔɔ a bii zɔng zɔng, a laante vĩinii-vĩivĩi rãmãng, a de ya yi ɓa yii shãng yã ɓɔɔ ɓa, aru viya yii zewu zɔng ye.³⁵Tãa ziibĩni, a waa mɔng ɓe shɔng ɓa a mɔni ɓa, a gɔ̃ɔre Laa a mɔni. ³⁶Siiman ɓɔɔ shɔng ɓe yi ni wuni yi bewu. ³⁷Yi kpawu a sɔɔ shãngshe wu ni, "shɔng walikãng ing bemɔ mɔng."³⁸A gãle yi ni, "Wo wa kaa koo ɓɔ yita, aruɓe N da waa ruu Laa tɔti a mɔng wa. arugoko N ke aru a mɔng." ³⁹Raa tipi Galili walikãng, a waayãa a yi mɔng gɔ̃ɔreni, a sɔɔ laante vĩni-vĩvĩ rãamãng yi.⁴⁰Shɔng vibii ɓɔɔ ewu bii, a gɔ̃ɔrewu; a kute awu watĩng a shãngshe wu ni, "Mɔna kase kɔtɔ, mɔ sɔkeng wɛ̃tɛnwɛ̃" ⁴¹Ni nugn kɔngni, Yeso ware na a li wu, a shãngshe wu ni, "N kaseye; gante ta." ⁴²Ɓani jan ɓaseni ɓa vɔɔ vibii ɓi yawu, a sɔɔ gante ke."⁴³Yeso waase wu yãa a sɔɔ vaasewu yãa. ⁴⁴A gãle wu ni, "Mɔna shãngshe shɔng ɓɔ ɓa, wa ta, mɔ tase mɔ yu a Firisi bii, mɔ sɔɔ a vii doreni ana ɓe Muusa shãngɓe, wu wɔ̃ng vitaseni a yi bii.”⁴⁵De keni awa waare yãa ni aru viɓe shɔng pelewu ɓe, viɓi shĩngke Yeso de sɔɔ ɓoo koo ɓi tɔɓa gɓang ɓa a wɔng a mɔng ɓe shɔng ɓa ni ɓa. Shɔngzeng yi sɔɔ e wu bii tɔt a mɔng a koo walikãng.

¹A laɓe Yeso sɔɔ Kafanahum ye a diki pota ɓe dase ke, yi tãa ke ni wu a yee. ²Shɔng muse a mɔni vɛ̃ɛni ɓe shɔng de kpaa mɔng ɓa, kɔ a yɔ̃rɔng jaaka, a sɔɔ shãngshe yi ruu Laa.³Shɔng veeye ɓɔ yi e wu bii a ese shɔng bii ɓooni; shɔngzeng dɛ̃ɛro yi towu. ⁴Laɓe yi de kpa wani wu bii ɓa aru mɔɔ, yi luu nung ɓo lapa jaka a Yeso kaa bii, a tũmpu ɓe yi puuye, yi lɔɔre sii ɓe shɔng bii ɓooni roo ani ɓe.⁵Aɓe zee yii shĩngni gn ye, Yeso gãle shɔng bii ɓooni, "Jaa, shɔng yaasemɔ ruvĩni ye." ⁶Hami shɔng labiniyi ɓe yii wɔ̃ng a mɔng ɓi, yi tɔngse a yi sinsing, ⁷"Aru vi shɔng vere mi da shãng yãa a nemi viya? Too ruubɔng yeǃ Ɓiwe da yaase shɔng ruvĩni weya na ɓa Laa ko goro ɓa?⁸Ɓani jãn ɓaseni ɓa Yeso zee a suru viɓe ying lere a yi titi. A gãle yi, "Aru vi nɔng lere aru vĩm a nɔ sĩnsĩng viya? ⁹Ɓiivi kpãa a mɔng viya, shɔng gãle shɔng bii ɓooni, 'Shɔng yaase mɔ ruvĩni ye,' kɔ shɔng tɔɔni, "Yupaa ta, mɔ too mɔ sii mɔ kn viya'?¹⁰Aru goko N kase nɔ zeke Jaa shɔngzeng kaka ani a koodanga wu yaase shɔng ruvĩni," a gãle shɔng bii ɓooni, ¹¹"N gãle mɔ, yupaa ta, mɔ too mɔ sii, mɔ wa mɔ yee." ¹²Yupa a yi watĩng ɓani jãn ɓaseni ɓa a tɔwu sii, a waa yee, yi de yi na ni a yãa a dɔɔre Laa, a shãng ni, "Wo de ze zɔng vi ɓɔ ɓa ana ɓem ɓa."¹³Ke ga tɔti a wa yãa waapo, mɔɔ yi e wu bii a sɔɔ mante yi vi. ¹⁴Laɓe ing dase ɓe, a zee Laawi Halfa jaa wɔ̃ng a mɔng teni saka vii tipi a gãle wu, "Dũng ta." Yupa kiti a dũng wu.¹⁵Yeso wu a mɔng shani vishang a Laawi yee ni shɔng teni saka vii tipi vɛ̃ɛni ɓɔɔ shɔng ruvĩniyi yi de shaa vishang ni wuni ɓɔɔ wu jaadɔɔyi, aru viya yi vɛ̃ɛni ying dũng wu. ¹⁶A laɓe shɔng labiniyi, Farisayi, ying zee Yeso ing shaa vishang ni shɔng ruvĩniyi ɓɔɔ shɔng teni saka vii tipi yi, yi de gãle wu jaadɔɔ yi ni, "Aru vi ing shaa vishang ni shɔng teni saka vii tipi ɓɔɔ shɔng ruvĩni yii viya?"¹⁷A laɓe Yeso tãa vim ye a gãle yi ni, "Shɔng ɓe yi kaka a bii ni yii bee shɔng gãng ɓa; ɓi shɔng ɓe yii vɔɔ ko shee yii bee ke. N de e ɓa n ɓaa shɔng tɔ̃ɔving yii yãa ɓa, N e aru shɔng ruvĩni yii."¹⁸Yɔhana jaadɔɔyi ɓɔɔ shɔng Farisa yi ziyãa kɔtɔ. Shɔng ɓɔ yi eke a gãle wu ni, "Aru vi Yɔhana jaadɔɔyi ɓɔɔ shɔng Farisa jaadɔɔyi yi ziyãa, mɔ jaadɔɔ yi sɔɔ ziyãa ɓa viya?" ¹⁹Yeso gãle yi ni, "Shɔng wani mɔng gbare yi da ziyãa kɔtɔ ya a laɓe shɔng gbare dong ni yi ni ya? Shɔng gbare na dong ni yi ni, yi da ziyãa ɓa.²⁰Diki teni ɓe shɔng da too shɔng gbare a yi bii a wani yi ni, a diki wa ko, yiing ziyãa. ²¹Shɔng ɓɔ da yaare yeleni polo fara ɓa ni gɓengti fara ɓa. Na pele ye ananko gɓengti fara ɓi ing tãle ing ya wu, polo a bii gɓengti, tãni ɓi ing sɔɔ jã ɓe tũmpu.²²Shɔng da tɛ̃ɛ polo mɛɛ rɛni la ɓa a vusu gɓengti gugu ɓa. Na wɔ̃ngye ananko mɛɛ rɛni la ɓi ing wɔ̃nke gugu shɔng kpa gugu ɓa ni mɛɛe rɛni la ɓi tɔti ɓa. Vi peleni wuko, polo mɛɛ rɛni la shɔng tɛ̃ɛ a polo gugu."²³A diki Wɔkeni Yeso sɔ titi kulu zeeyi, wu jaadɔɔyi sɔɔ wating ni kake ni yuu zee a laɓe yi de tuuke ni ɓe. ²⁴Shɔng Farisa shãngshe wu ni, "Zepĩn, aru vi ying pele viɓe rudani de ya ɓa a diki Wɔkeni viya?²⁵A gãle yi ni, "Nɔ de ɓale viɓe Dawuda pele a laɓe tãa wɔ̃ko ɓa ya, wu bii bii ni shɔng veeye ɓe yi ni wuni- ²⁶Aɓe ɓoo Laa yee a laɓe Abiyata ɓi yubɔrɔ firisi, a shaa bubula ɓe a Laa wating, ɓe rudani zãre kɔtɔ shɔng ɓɔ wu shaa na ɓa firisiyi ɓa, shaa ke a sɔɔ a shɔng ɓe yi ni wuni ɓe?"²⁷Yeso shãngni, "Shɔng pele diki Wɔ̃keni aru shɔngzeng yi, ɓa shɔngzeng aru diki Wɔ̃keni ɓa. ²⁸Aru goko, Jaa Shɔngzeng ɓi Daayere, ni diki Wɔ̃keni."

¹Yeso ɓɔ mɔng gɔɔreni tɔti, shɔng ɓɔ ani wu na vɔɔkɔ. ²Shɔng ɓɔ yi tɛ̃ɛre wu nung a bii yii zee dɔɔ ɓe da gante wu a diki Wɔ̃keni aru ɓe yi da kpaa dɔrɔng lanseni wuni ɓe.³Yeso gãle shɔng ɓe wu na vɔɔkɔ mi, "Yupa ta mɔ shii a shɔng titi." ⁴A sɔɔ gãle shɔng ɓi yi, "Likɔtɔ shɔng pele viɓe tɔ̃ɔving a diki wɔ̃keni ya kɔ shɔng lese shõng; shɔng kpense shɔng ya kɔ shɔng nung vɔɔ ya?" Yi sɔɔ wɔ̃ng singsingsing.⁵A mileyi ni yato leseni, a lese yato aru yi yato rãani, a sɔɔ gãle shɔng ɓi ni, "Dĩng mɔ na ta." Dĩng na kiti, wu na sɔɔ gante ke. ⁶Shɔng Farisa yi ke ga ɓani jãn ɓaseni ɓa a wa ɓase yãa ni Hiruduyi aru ɓe yi da kpa dɔrɔng ɓe yi da nung wu vɔɔ ɓe.⁷Yeso, ni wu jaadɔɔyi, yi wa ka mɛɛ waapo, borɔ mɔɔ ɓe yi ke a Galili ɓɔ Yahuda yi dũng wu ⁸shɔng ɓɔ yi ke tɔti a koo Urushalima ɓɔ a Idumiya awa Urudu ni ka Taya ɓɔɔ Sidon. Laɓe yi tãa ruu viɓe pele ɓe ye, borɔ mɔɔ yi e wu bii.⁹A gãle wu jaadɔɔyi ni yi kpaa tuusi ɓe tɔkɔlɔng ta aru wu bii bii aru ɓe mɔɔ yi da nɔɔ wu ɓa. ¹⁰Aru ɓe gante shɔng vɛ̃ɛni, ɓe shĩng ke shɔng ɓe vɔɔ kpãre yi e wu bii aru ɓe yi da li wu naa a bii ɓe.¹¹Laɓe vĩni-vĩvĩ suruyi yi zewu ye, yii wote awu wating a ka yãa ni kaka, a shãng ni, "Mɔ ɓi Jaa Laa" ¹²A wase yi yãa ni yi ni shĩng ɓa shɔng zee wu zong ɓa.¹³A wa yuu kɔpɔ, a ɓa shɔng ɓe kase yi ɓe, yi sɔɔ e wu bii. ¹⁴Rɔɔ kopi atu ziti (ɓe ɓa yi ni jaarɔkeni) aru ɓe yi da wɔ̃ng ni wuni wu sɔɔ shongyi yi ware ruu ɓe, ¹⁵yi sɔɔ kpa kaka dɔrɔng lanteni rãmang yi. ¹⁶Rɔɔ kopi atu zitiː Siiman ɓe a wu rĩng ni Bituru;¹⁷Yukubu jaa Zabadi, ɓɔɔ Yɔhana Yakubu zũmɓi, ɓe a wu rĩng ni Bonagis, ɓe wuko, jaa zãngla, ¹⁸ɓɔɔ Andarawu, Filipi, Batalamawo, Matiyu, Toma, Yakubu Halfa jaa, Tadawu, Siiman Ziloti, ¹⁹ɓɔɔ Yahuda Iskariyoti ɓe male wu ɓe.²⁰Sɔɔ wa yee, mɔɔ yi sɔɔ dũng wu tɔti, a shĩng ke yi de kpa ɓa shaa bubula ɓa. ²¹Laɓe wu shɔng yee yi tãa ruumi ye, yi wa ni ying yiwu kɔtɔ, aru viya, yii tɔɔni, "Viɓe N pele mi ɓa ni wu zeni ɓa." ²²Shɔng labini ɓe yii e a Urushalima yi shãng ni, "Balzabul a wu vusu bii" yi shãng tɔti "Kese rãmang ni kaka yuborɔ rãmang"²³Yeso ɓa yi yãa a shãngsheyi ruu ni yãa gãni, "Shelan da lante Shelan nuko viya? ²⁴Roonikpanti ɓe na vaseye a yi nung, roonikkpanti ɓi da shii ɓa. ²⁵Yee ɓe na vaseye a yi nung yee, yee ɓi da shii ɓa.²⁶Shelan na yupa ye a wu yu na sɔɔ vase bii ye, da zenung shii ni ɓa, wu sɔ̃ni yãa e ye. ²⁷Shɔng ɓɔ da zenung ɓoni shɔng ɓe kaka abii vɛ̃ɛni yee ɓa wu ɓɔ wu vi ɓa na de ma shɔng kaka ɓi kɔtɔ shoni ɓa, wu sɔɔ se wu vi yee ke.²⁸Nung goko N gãle nɔ, shɔng yaase jaa shɔngzengyi ruvĩni kɔtɔ, kɔ zɔng ruɓɔng ɓewe ya ɓe yi shãng, ²⁹shɔngɓe na too ruɓong Suru Tɔ̃ɔving shɔng da yase wu ruvĩni ɓa, wu ruɓong ɓe a wu yuu da sɔ̃yãa ɓa" ³⁰Yeso shãng vĩm aru viya yi shãng ni "Wu nanka suru a bii.³¹Yĩnɓi ɓɔɔ zũngɓi yi e a shile a ga, a shɔng yãa a wu ni, ni yi kase wu zeni. ³²Mɔɔ yi wɔ̃ng awu ka bii a sɔɔ shãngshe wu ni, "Inna ni zũngwayi ɓɔɔ nawayi yi shile a ga, ying ɓe mɔ mɔng."³³A kase yi ni, "Ɓi we maanaa ɓɔɔ mazũngyi weya?" ³⁴A mile shɔng ɓe yi knte wu a titi ɓɔɔ shɔng ɓe yi wɔ̃ngre a wu bii a shãng ni, "Mile pĩ, maanaa ni mazũng yi ko miǃ ³⁵Aru viya shɔng ɓe na pele viɓe Laa kase ye, shɔng wa ko mazũng, ɓɔɔ maana, ɓɔɔ maanaa."

¹A sɔɔ watĩng ni manteni vi a kaa waapo, mɔɔ sɔɔ muse yuu awu kaa bii. A ɓoo vusu tuusi ɓe a yuu mɛɛ, a wɔ̃ng a vusu. Mɔɔ walikãng yi a kaa waapo. ²A mante yi vi vɛ̃ɛni ni yãa gãni, a wu manteni vi, ɓemi ɓi viɓe shãngshe yi ɓe.³"Weshoo taǃ Shɔng langni mɔng wa ke wu ruu lɔkɔ. ⁴Laɓe ruu ye, lɔkɔ ɓɔɔ yii lɔɔ a yãa dɔ̃rɔng, jenung yi eke a ingle yi walikãng. ⁵Lɔkɔ ɓɔɔ yi lɔɔ a tipi tara, ɓe de kpaa tipi ɓa vɛ̃ɛni. Yi ke ke ɓani jãn ɓaseni ɓa, aru viya yi de kpaa tipi vɛ̃ɛni ɓa.⁶Laɓe la too yãa ye, nung ke vi ruuni ɓi vɔɔ, aru viya yi dĩngli ɓa tipi ɓa, yi wate kiti. ⁷Lɔkɔ bɔɔ yi lɔɔ a ɓuu kɔɔkɔ. Kɔɔkɔ ɓi ɓɔng ke lese yi, yi de rɛnung ɓa.⁸Lɔkɔ ɓɔɔ yii lɔɔ a tipi tɔ̃ɔving a sɔɔ rɛnung ɓe yi bong a sɔɔ shang a rɛnung bmãti atu kopi, la tati, ɓɔɔ yi wa la maani." ⁹A sɔɔ shãng ni, "Shɔng ɓe yi shoo tãani ani, wu tãa ruumi taǃ"¹⁰Laɓe Yeso wu a ɓĩni, shɔng ɓe yi ni wu ni ɓɔɔ kopi atu ziti mi yi yɛ̃wu aru yãa gãni ɓi." ¹¹A gãle yi ni, "Nɔ bii bii shɔng anɔ zee ni vi võseni ɓe Laa roonikpanti ye. Shɔng ɓe yi a ga vi walikãng ni yãa gãni, ¹²aru ɓe yi na mile ye, ananko ying mile, ying zee ɓa, aruɓe yi na sɔɔ tãye, ananko ying tã, ying zee ɓa, na ɓa ananko ɓa yi da ri nung Laa wu sɔɔ yase yi ruvĩni."¹³A gãle yi ni, "Nɔ na de zee yãa gãni mi ɓa? Nɔ da zee yãa gãni ɓemi yi nuko viya?" ¹⁴Shɔng ruuni ru ruu. ¹⁵Ɓemi ɓi ɓe yi lɔɔ a yãa dɔ̃rɔng, a mɔng ɓe shɔng ru ruu mi. A laɓe yii tãa ye, Shelan eke ɓani jãn ɓaseni ɓa a se ruu ɓe shɔng ruu a yi bii mi.¹⁶Ɓemi yi ko lɔkɔ ɓe shɔng ruu a tipi tara; ɓe, ɓani jãn ɓaseni a laɓe yi tãa ye yi tee ni puru yato. ¹⁷Yi dĩngli ɓa yi bii ɓa, yi maa sĩngsĩng pota. A laɓe yuyɔreni kɔ kpãreni yupa ye aru Laa ruu, yi wete ɓani jãn ɓaseni ɓa.¹⁸Gãsi yi ɓi ɓe shɔng ruu a ɓuu kɔɔkɔ. Yi ko shɔng ɓe yi tãa ruu, ¹⁹Vi koodanga ɓɔɔ lakani viyee ɓɔɔ kaseni viɓɔyi eke a lese ruu, yi de sɔɔ kese vigba ɓa. ²⁰Ɓe shɔng ru a tipi tɔ̃ɔving ɓi shɔng ɓe yi tãa ruu, a teke a sɔɔ ye jaa bmãti atu kopi, la tati kɔ la maani.²¹Yeso gãle yi ni, "Nɔ shing yaa zeni jaaka a vusu kalesaka ya kɔ a ɓuu kɔnsi? Nɔ ese a vusu nɔ sɔɔ shing a la shĩngni yaa zeni jaaka. ²²Aru viya viɓɔ ɓa ɓe shɔng vɔ̃se ke ɓe shɔng da zee ɓa ɓe, vi vɔ̃seni ɓɔɔ ɓa ɓe shɔng da kese ga ɓa gbang ɓa. ²³Shɔng ɓe wu shoo tãani ani, wu tãa taǃ"²⁴A gãle yi ni, "We shoo ta a viɓe nɔ tãa ɓe, aru viya viɓe mɔ maase shɔng vini ɓe shɔng maase mɔ jɔ ananko, shɔng sɔɔ panse mɔ ɓɔɔ a yupa. ²⁵Aru viya shɔng ɓe wu vi ani, shɔng pãnse wu ɓɔɔ ani vɛ̃ɛni, shɔng ɓe viɓo ɓa, kɔ ɓe a wu na shɔng te a kati."²⁶A sɔɔ shãng tɔti ni, "Roonikpanti Laa wɔ̃ng ana shɔng ɓe ru lɔkɔ a tipi. ²⁷Roo nurɔng ni zii a yupa ni gandi, lɔkɔ sɔɔ buu a bong; de ze dɔɔ ɓe bong ɓe ɓa. ²⁸Koodanga kese vishang ni wu yuuː Ga ni shɔng keseni, shoo sɔɔ pãng, nɛrɛng sɔɔ bong a shoo. ²⁹Laɓe vishang na zũng ye, ɓani jãn ɓaseni ɓa, shon shɔ̃ng zãngsĩng aru ɓe la yeeni tiseye."³⁰A shãng tɔti ni "Wo da tise Laa roonikpanti nuko viya, kɔ ɓi yãa gãni ɓewe ya wo da shang weya? ³¹Wɔ̃ng ana jenung jãnjari, ɓe, a laɓe shɔng na ruuye, wu tɔkɔlɔng a titi lɔkɔ ɓe koodanga. ³²Shɔng na ru ye, bong a rii borɔ a jã la gãsi a guru walikãng, wu sɔɔ buu nasɛ̃ng yi, aru ɓe jenung lapa da maa yee a wu yĩnsi ɓe.³³Ni yãa gãni vɛ̃ɛni shãngshe yi ruu ana ɓemi, a dɔɔ ɓe yi da tãa ɓe, ³⁴shãngshe yi ruu ɓɔɔ ɓa kɔvɛ̃ ɓa, na ɓa ni yãa gãni ɓa. Laɓe wu a bĩni ɓe, shãngshe wu jaadɔɔ yi ruu a ga gbang.³⁵A diki wa, ɓe lasãani tiseye, a gãle yi ni "Wo gɔ̃ bii tani kawa." ³⁶Yi ya mɔɔ, a too Yeso ni yi ni, ana ɓe wu sii a vusu tuusi. Tuusi ɓɔɔ yi ani ɓe yi wani wuni. ³⁷Yi de wa ɓa fefe ɓa zãsi nanka yupa, a wũngse tuusi ɓi weni da vase kɔtɔ a shĩng ke mɛɛ de yii vusu tuusi ni.³⁸Yeso wu bii bii a tũmpu, N roo nurong a la wɔng ni. Yi yuse wu pa, a shãng ni, "Shɔng manteni, mɔ de yɔɔre yu ɓa ni wo kpa vɔɔni ye ɓa ya?" ³⁹Yupaa pila, a shiire zãsi, a gãle waapo ni, "Shii ta kiri-kirikǃ" Zãsi ziyãa hami, a shii kiri-kirik.⁴⁰A gãle yi ni, "Nɔn zaa vɔɔ aru viya? Nɔ shĩngni gn tɔ ɓa ya?" ⁴¹Yi yi ye ni borɔ zãani a gãle wee ni, "Bemi ɓi weya ɓe mɛɛ waapo dũng wu yãa weya?"

¹Yide yaa waapo Garasina ni. ²Laɓe Yeso lɔɔ ye a tuusi, shɔngɓɔɔ, ani ɓe vĩnivĩvĩ rãamang ɓowu ke a yuusaa a ewu bii.³Wu wɔ̃ni a yuusaa ko. shɔngɓɔɔ daa zewu nung mani ɓa kɔ ni saka mani shɔng. ⁴Shɔng sii mawu kɔtɔ ni dinre ɓɔɔ saka mani shɔng gbanke dinre ɓɔɔ saka mani shɔng mi jɔ ananko ɓiriɓi. Shɔngɓe daa kpaa kaka wu yini ɓa ani ɓa.⁵Zii ni laa ni wu mɔng wɔ̃ni jɔ a yuusaa ɓɔɔ yuu kɔpɔ ko, lanke yãa a gbanke wu bii ni tagãgãasivi. ⁶Laɓe ze Yeso ye dong e feefe a yuwu bii a wete awu ting.⁷A langyãa ni kaka a tɔɔni, "N daa pele vi ni mɔni vi Laa ɓe a Lapa Jaa viya? N gɔ̃ɔremɔ ni Laa ring, mɔna kpãareng ɓa." ⁸Aru ɓemi a tɔwu ni, "Keta mɔ yaasewu bii, mɔko vĩnivĩvĩ rãamang."⁹A yɛ̃wu ni "Mɔ ring ni viya?" A kosewu ni, "N ring ni vɛ̃ɛni, aruviya wo shang kɔtɔ. ¹⁰Paasewu gɔ̃ɔreni tɔt asɔɔ gɔ̃ɔrenwu tɔni, wuna lanteyi ɓa a tii ɓini ɓa.¹¹A mɔngwa gãyã ɓɔɔ yi ani ɓe shɔng gayi a dii dooli. ¹²yii gɔ̃ɔrewu a tɔwu ni, "Dɔ̃wo ta a gãyã waa yii bii aruɓe wodaa ɓo ayi bii ɓe." ¹³Desɔɔ yayi ni, vĩnivĩvĩ rãamang mi yide sɔɔ ɓoni a gãyã ɓi yii bii, yide see weeni ɓɔkɔkɔ awaa ku a waapo pɔ̃p, gãyã mi yii labɔng zit ɓe yii ku a waapo ɓe.¹⁴Shɔngɓe yisin ga gãyã mi yide yule ni a ɓo koo ɓɔɔ jekoo wodot, shɔng de eni ham ayee ze viɓe waating ɓe ¹⁵Yide e Yeso bii ni ham eyee ze shɔngɓe raaman si ɓowu, ɓe sɔɔ gante ɓe, ɓe rãamang sii awu bii dɔrɔrɔ viɓe desɔɔ zayi bii ni kɔtɔ¹⁶Shɔngɓe yii ze viɓe waating ni shɔngɓe vĩnivĩvĩ rãamang sii ɓowu yisɔɔ shang viɓe yii zeni yii nung, asɔɔ shang ɓɔɔ tɔ aru gãyã mi yii. ¹⁷Yide gɔ̃ɔrewu ni, ni wu yaaseyi tipi ta.¹⁸Laɓe de ɓo tuusi ni shɔngɓe vĩnivĩvĩ rãamang sii ɓowu mi de gɔ̃ɔrewu nin wu wɔ̃n tani wuni. ¹⁹Yeso de yawu ɓa, a tɔwu ni, "Waa yee ta mɔwaa kpamɔ shɔng bii yii mɔ gãleyi viɓe Daayere pelemɔ ɓe, ɓɔɔ dɔɔɓe tasemɔ vi nugn kɔni ɓe." ²⁰De keni a waa wa ruu Laa a Dekapoli aru viɓe Yeso pelewu ɓe, sɔɔ, wɔ̃nse shɔng vii zaani bii.²¹Laɓe Yeso tuu dangaa ye a tuusi, bɔrɔ mɔɔ de museni a vusu tuusi a dangaa, a yãa yang. ²²Yuubɔro mɔng yuu museni ɓɔɔ wu ring ni Jairusi, laɓe zewu ye a wete awu dɔɔ. ²³A gɔ̃ɔrewu tɔt ɓɔɔ tɔni, "N jaasooye tɔkɔlɔ wu a yãto vɔɔ, eta mɔ shingshewu naa a yuu wu gante ke." ²⁴De kenin wunii mɔɔ de dũng wuni.²⁵Shɔng soro ɓɔɔ a mɔni ɓe kpaa tɛ̃wu ye saa kop atu ziti, ²⁶ɓe kpãareye a mɔng gãng a zɔng zɔng, rinse wu vi naa ye walikang, de kpaa ganteni ɓa vɔɔ ɓi waani ting. ²⁷Laɓe tãaye aru Yeso a kpaa bii awu bii maan a titi mɔɔ a liwu fara.²⁸Aru viya tɔɔni, "Nan liwu fara ye N gante kɔtɔ." ²⁹Alaɓe liwu ye, wu kpaa tɛ̃ɛnin de zini, a tãa awu bii dongoro ni ganteye awu vɔɔ.³⁰Laɓe Yeso zeye ni kaka keye awu bii, de raa nung ni a mɔɔ a yɛ̃ɛ ni, "Ɓiwe ling fara weya? ³¹Wu jaadɔɔ yide kosewu nin, "Mɔng ze kɔtɔ shɔng shang vɛ̃ɛni, mɔ yɛ̃ɛ aru vini ɓiwe limɔ fara weya viya?" ³²Yeso de raanung ni wu zeke kɔ ɓiwe pele vim weya.³³Sooye ɓe ze viɓe kpawu mi, de enin vɔɔ zaani, a kute awu waating, a shanshewu nungoko. ³⁴Yeso de tɔwu nin, "N jaasooye, mɔ zɔng ani gantemɔ ye, waata ɓatata, mɔ gante amɔ vɔɔ."³⁵Laɓe Yeso shang rumi ye, jaa shoni ɓe yi e a Yairus yee yide eni a gãlewu ni, "Mɔ jaa vɔye aruvi mɞng yɔɔre shɔng manteni tɔ viya?"³⁶Yeso de yɔɔre yuu ɓani yi yãashãni ni ɓa, a gãlewu ni, "Mɔna yɔɔre yuu ɓa mɔ azɔng." ³⁷De yaa shɔngɓɔɔ ɓa ni yi waani wuni ɓa a too Bituru ɓɔɔ Yakupu ɓɔo, zũnbi Yɔhana. ³⁸Yide wa Yairusi yee ni, Yeso waa kpaa shɔng rise yuuye amɔng kaani yãavɔ.³⁹De ɓoni a tɔyi ni, "Nɔn kaa yãavɔ aru viya? Jaami de vɔ ɓa kɔtɔ ɓa, roo nunrooniǃ" ⁴⁰Yide laarewu ni, desɔɔ keseyi nin gaa, a too jaami yeɓi ɓɔɔ yinɓi ɓɔɔ tɔ wu jaadɔo tati mi yi, a waa ɓɔ jaka ɓe shɔng yɔ jaa mi ani ɓe.⁴¹A towu a naa a tɔwu ni, "Talitakumi taseni," jaasooye, N tɔɔni yupaa taǃ" ⁴²De yupaani hami tɛ̃t a gaa kĩni ke. (wu saa si kop atuu ziti). Aɓe vim waating ɓe, yide yi naa ni a yãa walikang. ⁴³Yeso de nunseyi laa ni a tipi tɔ̃ɔna ni yina gãle shɔngɓɔɔ ɓa, asɔɔ tɔyi, "Nɔ awu vishang ta wu shaa ke."

¹Laɓe yaa mɔngwaa ye a e mɔngɓe shɔng yewu ani ɓe, wu jaadɔɔ yide dungwu ni. ²Laɓe diki wɔ̃keni tiseye, de manteni a mɔng gɔ̃ɔreni. Shɔnzeng vɛ̃ɛni ɓe yii tãwu yii yinaa a yãa tɔɔni "Kpaa manteni min a mɔwe ya?" "we awu zɔng kpɛ̃ɛni min weya?" "Vii zaani bii ɓe awu naa mi keni kaweya?" ³ɓem ɓa shɔng Laa sɛ̃ni min, Maryamu jaa zũngɓi yini Yakupu ɓɔɔ Jese ɓɔɔ Yahuda ɓɔɔ Simon ɓeya? Ba naɓi yiko yini wonim ɓeya? Yide dãa Yeso ni.⁴Yeso de tɔyi nin, "shɔng Laa shɔng zeni kpaa bɔrɔ ɓa awu koo ɓɔɔ, wu shɔng bii ɓɔɔ tɔ yii yee ɓa." ⁵Ade pele bɔrɔ vipeleni ɓɔɔ tɔɓa, tɛ̃ɛre shɔng vɔɔ yii naa a yuu pota shee a gante yi. ⁶Sɔɔ wɔ̃nsewu vii naa yini a yãa aruɓe yii zɔng ani ɓa ani ɓa. Asɔɔ waa jekoo ɓɔɔ yii a mante vi a mɔni.⁷A ɓaa kop atuu zitim yii yãa a shonyi zit-zit a yi dɔrɔng a yuu vĩnivĩvĩ rãamang yii, ⁸a waseyi yaa ni, yina too viɓɔɔ ɓa a naa ayi dɔrɔng kini ɓa, ⁹yii yise bala ko shee-bubulaa ɓa, duku ɓa, ɓɔɔ tɔ saka ayi dɔɔ duku yii ɓose rãati a dɔɔ, ni yina pãnse fara bii ɓa.¹⁰A tɔyi ni, "yee ɓe nɔ na ɓoye, nɔ wɔ̃n a mɔni laɓe nɔna waani nɔ ke a laɓi ko. ¹¹Koo ɓe nade tenɔ ko nade wesenɔ shoo ɓa anɔ yãashani ɓa, laɓe nɔna de keni nɔ kuute zampu ɓe anɔ dɔɔ wu wɔ̃ɔ vii taseni ayi bii."¹²Yide keni a wa yãa ni shɔng wu ya ruvĩni ta. ¹³Yii kese vĩnivĩvĩ rãamang a bɔɔle shɔng vɔɔ yii nung a sɔɔ ganteyi ke.¹⁴Laɓe Kpanti Hiridu tãa rumi ye, aru viya Yeso ring keye a gaa gbang. Shɔngɓɔɔ yide tɔɔni, ¹⁵"Bi Yɔhana shɔng Batizima yupaa a yusaa, aru goko vi zaani bii waating ni wu kaabii anaa ɓem. "Shɔngɓɔɔ yii tɔɔ jɔ ni," ɓi Iliya" Shɔngɓɔɔ yisɔɔ tɔɔ tɔni, "shɔng shãni ruu Laa, ɓe sii tɛ̃ɛtɛ̃ ɓe."¹⁶Laɓe Hiridu tãa vĩmi ye a tɔɔni, "Yɔhana, ɓe N nuwu na yupaa keya" ¹⁷Aru viya Hirudus shingke shɔng yii Yɔhana a mawu a puru aru Hirudiya (Zungɓi Filibusi soo) aru viya yɛwu kɔtɔ.¹⁸Aru viya Yɔhana gãle Hirudu ni, "De lii ɓa wu too zũngɓi soo ɓa." ¹⁹Hirudiya yiwu a Sĩnsĩng a runi a bee dɔrɔng ɓe daa nuwu vɔɔ ɓe, de kpaa ɓa, ²⁰Hirudu zaa Yɔhana kɔtɔ; zeye wuɓi shɔngɓe tɔɔving tɔ shɔngɓe ɓolonɓo ɓe, aru goko yawu ni kati yɔɔre yuu kɔtɔ kɔ a laɓe tãwu yãa shãni ɓa.²¹kpaa mɔng dɔɔ naani a diki ɓe Hirudu pelewu bii tɔ̃ɔreni wu diki yeni ɓe ko a wãa vishang aru wu yuubɔrɔ ɓɔɔ bɔrɔ shɔng bang vaseni ɓɔɔ tɔ shɔng bɔrɔ Galili yii ²²Hirudiya Jaasooye yee yãareyi sang, sang ɓi waare Hirudu ɓɔɔ wu shɔng zanti mi yii a bii. kpanti tɔɔ jaasooye mi ni, "Mɔ gɔ̃ɔre kɔ zɔng viya N amɔ walikang."²³A tensewu a tɔɔni, "Viɓe mɔna kase an naa walikang N amo, kɔtɔ kɔ N rooni koo kago." ²⁴A yu yinɓi bii a tɔwu ni, "N daa gɔ̃ɔre ham vii awu naa viya?" ²⁵A yu kpanti bii ham tɛ̃t a tɔwu ni, "N kase haham Yɔhana yuu a pii,"²⁶Vim de yɔɔre kpanti ni, daa zenun bɛ̃ɛni viɓe gɔ̃ɔre mi ɓa aru viya sii teng ye a ting mɔɔ. ²⁷Kpanti de shɔng wu sɔɔja yini ni yii waa ese Yɔhana yuu ta, shɔng gani mɔng de waa ese Yɔhana yuu ni a puru. ²⁸De ese yuu ɓini a pii ayee a jaasooye mi, jaasooye mi desɔɔ a yingɓi ni. ²⁹Laɓe Jaadɔɔ yii tãa rumi ye, yii de yee towu gigiri bii na a shing a yuusaa.³⁰Jaarɔkeni yi e a yãwe ni Yeso a gãle wu walikãng viɓe yii pele asɔɔ mante ɓe. ³¹A gãle yi ni, "Nɔ eta wo wa vusu mɔngɓe shɔng ɓa ani ɓa wo wɔ̃ke pota." Aru viya shɔng vɛ̃ɛni yi de eni yi de wani, yi de sɔɔ kpa dɔrɔng shaani vishang ɓa. ³²Yi sɔɔ ɓoo vusu tuusi a wa mɔngɓe shɔng ɓa ani ɓa yii yuu.³³Yi zeeyi ke alaɓe yi de daa mɔm ɓi ni a toyi zɔng, yi yuu a yãwee a koo ɓi ni dɔɔ, yi tóo mɔng ɓi shɔɔni. ³⁴Alaɓe ke gaa ye, a zee pãnti mɔɔ asɔɔ tãyi nugn kɔngni aruviya yii wɔ̃ng ye anaa viva ɓe shɔng gani ɓa. Arugoko wating ni yi manteni vii vɛ̃ɛni.³⁵Laɓe nung de langni a bii , wu jaadɔɔ yide ewu bii ni a tɔɔni, "Bem ɓi jiñnti nung de lang ni tɔt. ³⁶Vaaseyi yãa ta yii waa jekoo ɓe ayi bii maani a yii waa bee viɓe yidaa shaa ɓe."³⁷A koseyi a tɔɔni, "Nɔ ayi vishang ta yii shaa ke. Yii gãale yini, "Wo daa waa woo bubula dinari laa kopi a ayi yii shaa yaa?" ³⁸A tɔyi ni, "Bubula dɛ̃ɛ anɔ bii weya?" Nɔ wata nɔ zeyi." Alaɓe yii zeeye, a gãalewu ni, bubula maani ɓɔɔ jezung ziti."³⁹A tɔɔ shɔnzeng ni yii wɔ̃ng ta a wisi yinsi a jeve jeva. ⁴⁰Yide wɔ̃ng ni a jeve laa maani ɓɔɔ laazit atuu kopi. ⁴¹De too bubula maani ɓɔɔ jezung ziti mi ni, a too nung ni paa a shing pãnti ani a daale bubula mi a awu jaadɔɔ yii dake shɔng. Asɔɔ vase jezung mi walikang.⁴²Yii shaa a puyi ⁴³a yaa gãasi bubula ɓiti kopi atuu ziti ani ɓol ɓol, ɓɔɔ, tɔ yaaseni jezung. ⁴⁴Shɔngɓe yii shaa jezung mi yii walikang labɔng maani.⁴⁵A gãale wu jaadɔɔ yini yii ɓo tuusi ta yii waa Baisada a ting tɛ̃t, a wusɔɔ vaase mɔɔ yii yãa. ⁴⁶Laɓe yayi ye a waa yuu kɔpɔ aru gɔ̃ɔreni Laa. ⁴⁷Ni lasang, tuusi ham a titi yang, wu a bĩni a tipi.⁴⁸Wu sii a bĩni zeyi ye a mɔngɓe ying zaa tuusi, aruviya, zãnsi wunseyi kɔtɔ. Ni laa lasaka dɛ̃ɛro ɓee zii a eyi bii, kñ a yuu waapo kase wu daseyi bii. ⁴⁹Laɓe yii zewa ye de kini a yuu waapo, yide too nin ɓi zãsi a kaa yãavɔ, ⁵⁰ɓe yii zewu ye yide yɔɔre yuu ni. De shang yãa ni hami ni yini tɛ̃t a tɔyi ni, "Nɔ maa sĩngsĩng taǃ Ɓi mikoǃ Nɔ na zaa ɓaǃ"⁵¹A ɓo vusu tuusi ni yini, zãsi de ya wunseni. Yide yiina ni a yãa walikang ⁵²Aru viya yide too viɓe bubula mi tase ɓa, aru yii lakeni sĩnsĩng.⁵³Laɓe yii tuu dang gaa ye, yide lɔɔni a tipi Janisarata a ma tuusi ɓi a yaa dang gaa. ⁵⁴Laɓe keye a tuusi shɔng de towu zɔng ni tɛ̃t, ⁵⁵Yide yini a koo ɓini walikang a ese shɔng vɔɔ ni ayi siironi a mɔngɓe yina tãaye ni wu a mɔni.⁵⁶Laɓe na ɓo jekoo, ɓɔɔ koo, ɓɔɔ tɔ koo bɔrɔ, yii shing shɔng vɔɔ a numɔɔ yii gɔ̃ɔrewu ni kɔ yii lii kɔ wu fara bii ko shee, shɔngɓe yina lii ye ying gante dongoro.

¹Shɔng Farisa ɓɔɔ shɔng labini ɓɔɔ ɓe yii e a Urushalima ayee muse awu bii.²Yii zeke wu Jaadɔɔ ɓɔɔ ying shaa vishang ni naa rinteni, yide sɔke ɓa, ³(Aru viya shɔng Farisa yii ɓɔɔ Yahuda yii shaa vishang ɓa ni naa rinte ni ɓa, yii sɔke sasat, aru viya yii te rudanin ayi yuubɔrɔ yii bii. ⁴Shɔng Farisa yina eye a nunmɔɔ yii shaa vishang ɓa yii sɔke bii sasat, yii yise ruu ɓɔɔ yitɔ kɔtɔ anaa, sɔkeni pii, ɓere, gbãnting ɓɔɔ viɓe yii shaa vishang ani yii.)⁵Shɔng Farisa ɓɔɔ shɔng labini yii yɛ̃ɛ Yeso ni, "Aruvi mɔ jaadɔɔ yide kn ɓa a rudani shɔngbɔrɔ yiɓa ying shaayi vishang bubula ni naa rinteni viya?"⁶A tɔyi ni, "Ishaya shang rum nungoko anɔ yuu, nanka shɔngzeng yii. A binkeni ni, shɔmin yii an bɔrɔ a yupa yãa ko shee, yii sĩngsĩng feefe ni mini. ⁷Yii gbãareng kɔvɛ̃, manteni rudani shɔnzeng wɔng ana yii lansi.⁸"Nɔ yaa rudani Laa a yise ɓee shɔngzeng." ⁹Asɔɔ tɔyi tɔ ni, "Aruvi nɔ bɛ̃ɛ rudani Laa asɔɔ te ɓee shɔnzeng viyaǃ ¹⁰Aru goko Musa tɔɔni, 'Mɔ amɔ yejaa ɓɔɔ mɔ yinti jaa bɔrɔ a bii' shɔngɓe na shang vĩni ye awu yejaa kɔ yinti jaa yuu, shɔng nuwu vɔɔǃ¹¹Nɔ tɔɔni, "Shɔngɓe na tɔwu yejaa kɔ yinti Jaa ye ni," viɓe na yisenɔ naa ye, daa kpaa an kaabii ɓe korba" (tase ni, `ɓi Ani ), ¹²nɔn yawu tɔɓa wu pelewu yejaa kɔ yinti jaa yii viɓɔɔ tɔɓa. ¹³Nɔ yise ru Laa ni kuku naa ninɔ rudani. Nɔsɔɔ kase peleni zɔng vĩmi yiko."¹⁴A ɓaa mɔɔ yãa tɔt a tɔyi ni, "Nɔ weshoo ta an yãa, nɔ walikang, nɔ tãake. ¹⁵Viɓɔɔ keɓani gaa ɓe lese shɔngzeng ɓe na ɓowu bii ye ɓa, Bi viɓe ke a shɔng vusu bii ko lesewu." ¹⁶"Shɔngɓe shoo na ani wu too ke."¹⁷Laɓe Yeso yaa mɔɔ ye ɓo yee ye, wu jaadɔɔ yii yɛ̃wu aru yãagani mi. ¹⁸Yeso tɔyi ni, "Nɔ bibi nɔde too yãagani mi jɔɓa keya? ¹⁹Nɔde zeɓa ni viɓe ɓo shɔngzeng ni gaa lesewu ɓa, aru viya ɓowu sĩnsĩng ɓa, wawu buru yato wusɔɔ lɔɔ buru bang." A yãa-shãni mi Yeso a dɔrɔng vishang ɓeweya walikang.²⁰A tɔɔni, ɓi viɓe ke a shɔnzeng bii ko liesewu. ²¹Aruviya a shɔng bii ko, a vusu sĩnsĩng, nanka vĩni keyi, ²²Pelene kɔng, ɓɔɔni, nuni vɔɔ, beeni sooye, sũnɔ, nanka vii, lakeni shɔng, nung gɛ̃ni, gñkaani, seeni shɔng dɔɔ, tooseni yuu, peleni vii wuureni. ²³Vĩni mi yii ke a shɔng vusu bii yiko yii lese shɔng."²⁴A yupaa a mɔngwaa waani tipi Taya ɓɔɔ Sidon. A ɓo yee ɓɔɔ, de kase ɓa shɔngwu ze ɓa, wu zeni de kpãa ɓa. ²⁵Shɔng soro ɓɔɔ wu jaa ani ɓe nanka suru ɓowu de eni tɛ̃t a wete awu yuudɔɔ. ²⁶Sooye mi ɓi shɔng Heleniya, wutɔ nungbi shɔng Soro Finikiya. A gɔ̃ɔrewu ni wu kesewu jaa nanka suru mi.²⁷A tɔwu ni, "Lii kɔtɔ jaa wu kpaa vishang shɔɔni. De lii ɓa shɔng wu too vishang jaa shɔng a zaa yii ɓa." ²⁸A kasewu a tɔɔni, "Ananko, Daayere, kɔ vishang ɓe lɔle a shɔng vavanaa shaa kɔtɔ."²⁹A tɔwu ni, Aru viɓe mɔ shang ɓe, waata ɓatata, Nanka suru vaseye ni mɔ jaa sooye ni." ³⁰Laɓe waa yee ye, awaa kpawu jaa roo a kɔnsi, ganteye.³¹De keni tɔt a leng tipi Taya, a sɔɔ waa Sidon a Jãa waapo Galili asɔɔ tɔni tipi Dikafolisi. ³²Yide esewu shɔngɓɔɔ ni shɔng shooɓa tɔ shɔng yãzɔzɔ, yide gɔ̃ɔrewu ni wu tɛ̃ɛrewu naa ta a bii.³³De gɔwu ni a ting mɔɔ ni gaa, a tɛ̃wu jena awu shoo, a tule sãari a liwu reete. ³⁴A mile lapa a tãa kɔni a sinsing a tɔɔni, "Ifata" taseni, "Puuta." ³⁵Wu shoo de puuni, wu reete de rokeni, wu vɔ̃ɔre de sɔɔ koleni, de shang yãa ni ham gbang.³⁶Yeso de waseyi yãa nin yina gãle shɔngɓɔɔ ɓa. Yãa ɓe waseyi sɔɔ shinke yi waare yãa a gaa. ³⁷Yide shankeni ayi nun a tɔɔni, "Pele vi tɔ̃ɔving ye. Shɔng shooɓa yii tãa mɔng ye, shɔng yãaɓa sɔɔ shang yãa ye."

¹A laɓe wa yii, mɔɔ ɓɔɔ yii tɔ vɛ̃ɛni, yii viɓe yidaa shaa ɓa ani ɓa. Yeso ɓawu jaadɔɔ yii yãa a tɔyi ni. ²"N tãa shɔm yii nugn kɔni ye aru viya yii pele diki ye ni mini tat vishaani ɓa. ³nan tɔyi ye ni yii waa yee ta vishani ɓa wɔ̃ko daa lokeyi kɔtɔ a dɔrɔng. Shɔngɓɔɔ yii e a mɔng feefe." ⁴Wu jaadɔɔ yide kasewu ni, "Wodaa kpaa bubula a mɔwe vɛ̃ɛni a jinti mi wu tise shɔmi yii weya?"⁵A yɛ̃yi ni, "Bubula dɛ̃ɛ anɔ bii weya?" Yi gãalewu ni nawa tat." ⁶A gãale mɔɔ yini yii wɔ̃ng ta a tipi. A too bubulaa nawatat, a dɔɔre Laa a yupa, a daaleyi, a awu jaadɔɔ yini yii waare shɔng tani, yide sɔɔ dake shɔng ni.⁷Yii Jezung tɔ ani pota, a laɓe tase dɔɔreni ye tɔ a yupa, a gãalewu jaadɔɔ yini yii dake shɔng ta. ⁸Yide shaani a puu walikang, yide muse yaaseni ni bɔrɔ ɓiti nawatat. ⁹Yii waa labɔng dɛ̃ɛro kɔtɔ, desɔɔ vaaseyi yãa ni. ¹⁰De ɓo tuusi ni wu jaadɔɔ ni tɛ̃t, yide waani Dalmanuta.¹¹Shɔng Farisa yide yee konse yãa nin wuni. Aru yii kase yii tãwu kɔtɔ yide tɔwu, nin, wu taseyi zɔng vii koolapa ɓɔɔ ta. ¹²De ɓoni a sĩnsĩng tɔ̃ɔna a tɔɔni, "Ɓivi shing shɔng tũnpu mi yii kase zeni zɔng taseni viya? N shanshenɔ nungoko, shɔng daa tase zɔng zeni ɓɔɔ tɔɓa a tũmpu mi ɓa." ¹³A yayi a ɓo tuuse tɔt, a waani dang kaɓɔ.¹⁴Nugn de kuse jaadɔɔ ni tooni bubula ni. Bubula ɓe a tuusi ɓi goro shee. A waseyi yãa a tɔyi ni, ¹⁵"Nɔ shingn nɔsɔɔ kɔɔre bii ni yisiti shɔng Farisa ɓɔɔ ɓee Hiridu ni."¹⁶Jaadɔɔ yide shãnkeni ayi nung ni yii bubula ɓa ani ɓa. ¹⁷Laɓe toyi rum ye, tɔyi ni, "Aru vii nɔ daa shang ni nɔ bubula ɓa ani ɓa viya? Nɔ de ze ɓa kɔ nɔ de yee ɓa a gn ɓa kpayi ya? Nɔ sĩnsĩng lake kɔtɔ ya?¹⁸Nɔ nung ani, nɔ ze ɓeye? Nɔ shoo ani, nɔ tãa ɓeya? Node yee nugn ɓeya? ¹⁹Laɓen daale shɔngzeng labɔng maani bubula maani mi, gãasi daaleni ɓiti dɛ̃ɛya?²⁰Laɓen daale shɔnzeng labɔng dɛ̃ɛro bubula nawatat, gãasi daaleni ɓi yaase tɔ ɓiti dɛ̃ɛya?" ²¹A tɔɔni, "Nɔde yee tɔɓa a gn ɓa ko kpayi ya?"²²Yide e Baisaida ni. Shɔng de esewu shɔng nungbãati ni a gɔ̃ɔre Yeso ni wu liwu ta. ²³Yeso de too shɔng nungbãati mi ni a waa je koo ɓɔɔ ni wani. Laɓe tule sãari ye awu nung a lii naa an a yɛ̃wu ni, "Mɔng ze viɓɔɔ kɔtɔ ya?"²⁴A too nung ni paa, a tɔɔni, "N ze shɔngzeng yii anaa laa ying knleyi." ²⁵Asɔɔ tɛ̃ɛrewu naa tɔ nung, shɔmi de puu nung ni, a kpaa zeni a mile mɔng ham gbang. ²⁶Yeso de vaasewu yãa nin wu waa yee ta, a gãalewu ni, "Wuna ɓo jekoo ɓi tɔba."²⁷Yeso keni wu jaadɔɔ ni a waa jekoo ɓe shɔng ɓaani Kaisariya Filibi. A dɔrɔng waani a yɛ̃wu jaadɔɔ yini, "shɔng tɔɔni miko weya?" ²⁸Yide kosewu ni a gãalewu ni , "Yɔhana shɔng Batizima. Shɔngɓɔɔ yisɔɔ tɔɔ jɔni, "Iliya; shɔngɓɔɔ yii jɔni, Ɓi shɔng zeni ruu Laa ɓɔɔ."²⁹Asɔɔ yɛ̃yi kini, "Nɔ bibi nɔ tɔng kini, "Miko weya?" Bituru tɔwu ni, "Mɔko Kirisi." ³⁰Yeso waseyi yãa ni, yina gãale shɔngɓɔɔ ɓa aru wuni ɓa.³¹A gayi manteni ni, Jaashɔnzeng daa kpãare kɔtɔ vɛ̃ɛni, ni shɔngbɔrɔ yidaa bɛ̃wu ni yuubɔrɔ firisi ɓɔɔ shɔng labini yii naa, ying nuwu vɔɔ, a diki tati daasɔɔ yupaa. ³²Shang ruu waa a gaa gbang. Bituru de gɔ̃wu nin gaa a gɔ̃ɔrewu gãgã.³³Yeso de raanung ni a milewu jaadɔɔ yii a gɔ̃ɔree Bituru gãgã a tɔ̃wu ni, "waata an bii mi ni gaa, sheelanǃ mɔ shing sĩnsĩng ɓa a vii Laa ɓa mɔ shing a vii shɔnzeng." ³⁴A ɓaa mɔɔ ɓɔɔ wuu jaadɔɔ yii yãa a yãwee, a tɔyi ni, "Shɔngbe naa kasen dũni, wu bɛ̃wu yuu wu towu laa jisheni wu dũng.³⁵"Shɔngɓe na kasen dũni, wu bɛ̃wu yuu, wu towu lajisheng wu dung. Shɔngɓe na kasewu yuu daa kpaa ɓa, shɔngɓe na bɛ̃wu yuu ye arum ring tɔ aru ruu Laa daa kpaa kɔtɔ. ³⁶Shɔnzeng pele ki vii na kpaa koodanga ye walikang aru wu Suru viya? ³⁷Shɔnzeng daa pele ki vii aru wu kpensewu yuu viya?³⁸Shɔngɓe na tãa yuusɛ̃ɛ ye aru N ring a koo ɓe leseye ni ruvĩni mi, jaa shɔngzeng daasɔɔ tãa yuusɛ̃ɛ wuni jɔ goko a laɓe daa eni bɔrɔ ani ni a wu jaashoni ɓe yii kepelenkpe yii bii."

¹A tɔyi ni, "N gãle nɔ ye nungoko, shɔngɓɔ ɓe yii shiile a mɔni ying vɔɓa ying zee rooni koo Laa teni ni wu kakka ni." ²Laɓe diki mangoro daseye, Yeso too Biituru ɓɔɔ Yakubu ɓɔɔ Yahaya ɓɔɔ wu biibii a vɔng bɔrɔ kɔpɔ, yii ayi nung. A kɔse ayi waating. ³Wu fara bii de puse mɔng ni puru shang, wu puru kpelengkpe ɓi jãa ɓe a koodanga mi walikang.⁴Iliya ɓɔ Musa yide eni ayi titi, yin shãng yãa ning Yeso ni. ⁵Bituru de puu yãa ni a tɔɔ Yeso ni, "Rabbi, lii kɔtɔ ɓe wo a mɔm, wo yãa tenteni ta tat, goro mɔ ɓee, goro Muusa ɓe, goro ɓɔ Iliya ɓe." ⁶(Aru viya de zee viɓe daa shãng ɓe ɓa, aru bii zãani.)⁷Yãasi de eni ayee kukeyi tɛ̃t, alaɓi yiri yãa kee a yãasi. "ɓem ɓi N jãa ɓe N kase ɓe. Nɔ tee shoo a wuni." ⁸Yin zee kɔve, shɔngɓɔ tɔɓa yiini ɓa, yii zee Yeso ko shee.⁹A laɓe yide lɔɔni a yuukɔpɔ ɓe, a nunseyi laa a tipi ni yina gãle shɔngɓɔ viɓe yi zee ɓa, yii yaake jaa shɔngzeng na yupaa ye a yuusaa sasat. ¹⁰Yi yaa ruɓi ananko ayi nung, a shãngke ayi nung aru "yuni paa a yuusa mi", kɔ tase ki viya.¹¹Yide yɛ̃ wu nin, "Aruvi shɔng láɓini yii yi shãngni Iliya daa e shɔɔni viya?" ¹²A tɔyi ni. "Iliya de eɓa shɔɔni aru raani vi walikang ɓa. Aruvi shɔng binkeni jaa shɔngzeng daa kpãare vii tok-tok a shɔngwu ɓẽe wu viya? ¹³N gãalenɔ ye Iliya eye, yi pele viɓe yi kase peleni ni wuni, anaaɓe shɔng binke aru wuni ɓe."¹⁴A laɓe yi eye jaadɔɔ yi bii, yin zee mɔɔ kpãa ayi bii, shɔng zeni rudanni yide konse yãa nin yini. ¹⁵Alaɓe yii zee Yeso ye, bii de zaa mɔɔ ɓi yiini, ang yuu ang waawu bii ang jiwunya. ¹⁶N sɔɔ yɛ̃wu jaadɔɔ yii, "Non konse yãa nin viya?"¹⁷Shɔngɓɔ a titi mɔɔ ɓini de kosewu nin, "shɔngmanteni, n esen jaa veeye amɔ bii. Suru ɓɔɔ awu bii ɓee zãrewu yãashãni. ¹⁸Tówu a lokewu a tipi, ke awu yãa fukuku, awu shaa tãria yãa. N gãle mɔ jaadɔɔ yi lante nankasuru mi, yi de zenung ɓa." ¹⁹An kaseyi ni, "koo ɓe hami nɔ zɔng ani ɓa, N wɔ̃ng a lawe nɔni anami weya? N daa tinɔ anami weya? Nɔ esewu ta ang bii."²⁰Yide ese wu jaa veeye mini awu bii. Laɓe suru mi zee Yeso ye, de lokewu ni ham tipi tɛ̃t weni vɔye. jaa veeye mi de weteni ham de shaa tãri ni. ²¹Yeso de yɛ̃ɛ yeɓi ni, "Vim kpawu a lawe a naami weya?" yeeɓi ing kase ni, "Shɔng yewuni" ²²Lokewu ye dikidi a yaa ɓɔ mɛɛ ɓe ke wu lesewu ke. Mɔna daa zenung peleni viɓɔ kɔtɔ aru wuni, tãwo nugn kɔni ta mɔ yisewu naa."²³Yeso gãle wu ni, "Nɔn daa zenung kɔtɔ'? shɔnɓe na azɔng ye vii walikãng ing jãa wu kaaka ɓa." ²⁴Jaami yeɓi de koyãa nin tɛ̃t a tɔɔni, "N azɔng yeǃ Yiseng naa ta a mɔng ɓe ing dee azɔng ɓa ɓeǃ" ²⁵Alaɓe Yeso ze mɔɔ ye yi de yuni ayi ewu bii, de gɔ̃ɔre nanka suru mi gãgã ang tɔɔni, suru yaa ɓa ɓɔ shoo ɓa mi, n gãle mɔ ye keta awu bii, mɔna ɓowu bii tɔɓa."²⁶De lang yãa ni a dĩngle jaa ɓi a sɔɔ yaawu ke. Jaa veeye ɓi de peleni weni shɔngɓe vɔye ɓe, shɔngzeng vɛ̃ɛni yide tɔɔnin. "Vɔɔ ye." ²⁷Yeso de tówu ni a naa ni paa, jaa veeye mi de shii nin wu dɔɔ.²⁸Alaɓe Yeso eye a yee ɓi, wu jaa dɔɔ yide gɔ̃wu nin gaa a yɛ̃wu ni, "Aruvi wode zenung keseni surum ɓa viya?" ²⁹A tɔyi ni, "Zɔng ɓem da keɓa kɔvɛ̃ ɓa, naa ɓa ing gɔ̃ɔreni ɓa."³⁰Yide keni a mɔngni a waa Galili. De kase ɓa shɔngɓɔ wu zee mɔngɓe yi ani ɓe ɓa, ³¹aru sii mantewu jaadɔɔ yi. A gãle yi ni shɔng a Jaa shɔngzeng a shɔng naa, yi nunwu vɔɔ. Alaɓe shɔng na nunwu vɔɔ ye, a diki tat ing yupaa tɔti." ³²Yi de zee viɓe ing shãngmi ɓa, yi zaa vɔɔ yɛ̃ɛni wu.³³Yi sɔɔ e Kafanahu ni. Alaɓe ɓo yee ye, a yɛyi ni, "Nɔ siin shãngke runi vi a dɔrɔng anɔ nung viya?" ³⁴Yii de koyãa ɓa. Aru viya, yisin konse yãa aru bɔrɔ buseni. ³⁵Alaɓe yi wɔ̃nye a tipi ɓe ɓawu jaadɔɔ kop atuu zitimi yii yãa a yãawe a tɔyi ni, "shɔngɓe na kase wɔ̃ni shɔɔni, wuko daa wɔ̃ngse wu yuu tokolong ɓɔ shɔng shɔngsheni shɔng gãsi walikãng."³⁶A too wojaa ɓɔɔ je tɔkɔlɔng a shĩnwu ayi titi. Ang tówu anaa ang shãngshe yini, ³⁷"Shɔngɓe na te wojaa tɔkɔlɔng ye nin rĩng te miko; shɔngɓe na teng ye de teɓa mikon ɓa te shɔngɓe shong ɓe."³⁸Yɔhana ing shãngshe wu ni, "Shɔngmanteni, wo zee shɔngɓɔ sing kese vĩnivĩvĩ rãamang nimɔ rĩng wu zãarewu, aru de dũngwo ɓa." ³⁹Yeso N tɔɔni, "Nɔna de zãarewu ɓa, aru viya shɔngɓɔɔ daa pele bɔrɔngbɔ vii zãani bii ɓanin rĩng wu sɔɔ lesen tɔ ɓa.⁴⁰Shɔngɓe na ɓa wo shɔng pong ɓa ɓiwo ɓee. ⁴¹Shɔngɓe na anɔ mɛ̃ɛ ye a jewa goro nɔ ɓoo aru ing rĩng aruɓe nɔ ɓii Kirisi ɓee, n gãlenɔ ye nungoko ing kpawu dɔɔyɔni kɔtɔ.⁴²Shɔngɓe na shing je wojaa kpatakpa mi yii kose dɔɔ ye, lii kɔtɔ shɔng wu maasewu bɔrɔ tara rɛɛ vii nankeni a yuu shɔng wu lokewu a mɛɛ waapo. ⁴³Mɔ naa nade shimɔ a ruvĩni mɔ zĩn wu, lii kɔtɔ mɔ ɓɔ Laa yee nin naa gburukat ɓe mɔ daa ɓɔ yee yaa naakazĩnzĩn, a vusu yãa ɓe voo ɓa. ⁴⁴Mɔngɓe yi yɔnli vɔɓa yãa ɓi sɔɔ rinke tɔɓa.⁴⁵Mɔ dɔɔ nadaa shinmɔ a ruvĩni mɔ zĩn ni gaa. Daa lii kɔtɔ mɔ ɓo Laa yee dɔɔ gburukat ɓe mɔdaa ɓ yee yaa dɔɔ kazĩnzĩng. ⁴⁶Mɔnɓe yɔnli vɔɓa yaaɓi sɔɔ rinke ɓa.⁴⁷Mɔ nung nadaa shimɔ mɔ kose dɔɔ, mɔ zɔ̃ni gaa. Ing lii kɔtɔ mɔ ɓo Laa yee ni nung kaago a mɔ ɓɔ yaa nung zĩnzĩng. ⁴⁸Mɔngɓe yɔnli vɔɓa yaaɓi sɔɔ rinke ɓa.⁴⁹Aruviya Shɔngɓe kɔweya wɔng táayen ni yaa, ⁵⁰Tãayɛ̃ɛn lii kɔtɔ, tãa na leseye, mɔdaa pele ki nuko vi wu wɔng tɔ tãa viya? Mɔ wɔ̃n tãa ɓe nɔ yuu, nɔ sɔɔ wɔ̃n ɓatata ni shɔngzeng ni walikang.

¹Yeso ya mɔng ɓi a waa tipi Yahudiyii a leng ɓɔɔ ni kaa yãayoo Urudu, mɔɔ yide eni tɔ awu bii. De manteyi ni tɔt, anaaɓe yii pele ɓe. ²Amɔng ni shɔng Farisa yii de ewu bii ni aruɓe yidaa mãasewu a tɔwu ni, "Lii kɔtɔ veeye wu lantewu soo ya?" ³A kaseyi nin, "Muusa shangshenɔ runi viya?" ⁴Yide riise wu ni, "Muusa tɔɔni wo binke labini yaani naa a wu waake."⁵"Aru nɔ yuu lakeni arugoko Muusa binke rumi ke." Yeso ing tɔyi ni, ⁶"A gaani vii takeni, 'Laa pele yi veeye ɓɔ sooye.'⁷Aru ɓemiko Veeye ing yaa yeɓi ni yĩnɓi, ayi wɔng yãawe ni wu sooye. ⁸Yi zitimi yii wɔ̃ng bii goro.' yii tɔɓa ziti ɓa, yii wɔng ye bii goro. ⁹Arugoko viɓe Laa na ɓaseye a yãawe, Shɔngɓɔ na vaase ɓa.¹⁰Alaɓe yi a yee, wu jaadɔɔ yide yɛ̃wu ni arun. ¹¹A tɔyi ni, "shɔngɓe na yaa wu soo naa ye yɛ̃ɛ sooye ɓɔɔ ye pele kɔng ye ni wuni." ¹²Wu biibii na yaawu jeere naa ye yẽe ɓɔɔ ye, wu biibii pele kɔngye ni wun.¹³Yi esewu wojaa kpatakpa aruɓe daa liileyi ni naa ɓe, wu jaadɔɔ yide gɔ̃ɔreyi gãgã ni. ¹⁴Alaɓe Yeso zee vĩm ye, a lese yato a tɔɔni, "Nɔ yaa wojaa kpatakpa yi en bii, nɔna zaareyi ɓa, aruviya rooni koo Laa ɓi shɔngɓeyi naa yii ko.¹⁵N gãlenɔ nungoko, shɔngɓe nade te rooni koolapa anaa wojaa kpatakpa ɓa ko nuko viya ing kpa ɓɔni ɓa." ¹⁶A too je wojaa a naa tɛ̃ɛreyii zuuku a laɓe shingsheyii naa a bii.¹⁷Alaɓe towu dɔrɔng kĩni ye ɓe, shɔngɓɔɔ de yuni a kute awu ting a tɔwuni, "shɔng manteni tɔ̃ɔving, n daa pele vi n kpa suru ɓi dondong viya ?" ¹⁸Yeso tɔɔni, "Aruvi mɔ ɓang ni shɔng manteni tɔ̃ɔving viya? Shɔng ɓɔɔ ɓa tɔ̃ɔving ɓa ing na ɓa Laa ko goro ɓa. ¹⁹Mɔ ze rudani yeː Mɔna nunvɔɔ ɓa, mɔna pele kɔng ɓa, mɔna ɓɔɔ ɓa, mɔna a yaa ɓa viɓe ɓa nangko ɓa, mɔna ɓang shɔngɓa, mɔ amɔ daa ɓɔ mɔ naa ɓɔrɔ a bii."²⁰Shɔngmi tɔɔnin, "shɔng manteni, n dung rumi ye a laɓen sii ing dong jesang." ²¹Yeso de milewu ni mileni kaseni. An tɔwu ni, "Vii goro ɓe mɔ de pele ɓa. mɔ maale mɔ vii naa walikang a mɔ waa vase shɔngrang yi. Ala ɓiko mɔ sɔɔ e dung." ]v 22 ²²Aru rumi wu yato de leseni vĩnivĩvĩ a keni yato viiki, aru viya wu vi ani vɛ̃ɛni.²³Yeso de raanung ang miliewu Jaadɔɔ yii an tɔɔni, "kpãa kɔtɔ shɔng vii naa yi roo Koo Laaǃ" ²⁴Wu jaadɔɔ yide yɔɔre yuu ni aru rumi. Yeso sɔɔ gãle tɔti ni, "Maajaa yi, kpãa kɔtɔ shɔng wu ɓo Koo Laaǃ ²⁵n kpãa ɓa gbankurumɛ̃ wu ɓo nungɓo vi duku fara shoni aɓe shɔng vinaa daa roo Koo Laa ɓe."²⁶De zaayii ni bii, yi de atɔ ni, a tɔɔni, "biki wee da kpeng weya?" ²⁷Yeso in mileyi ke ni ang tɔɔni, "A shɔngzeng bii kpãa kɔtɔ, ɓa ananko a Laa bii ɓa. Aru viya ini Laa kaabii de kpãa ɓa. ²⁸Bituru de tɔwu nin mile ping, wo yawo vii ye walikãng wo dũmɔ ye."²⁹Yeso ing tɔɔni "N Shãngshenɔ nungoko, shɔngɓɔɔ daa yaawu yee ɓa kɔ zungɓi kɔ naɓi kɔ yĩnɓi kɔ yeɓii, kɔ wu jaa kɔ tipi arun rĩng ɓɔɔ ing ruu tɔving ³⁰ɓe daa towu dɔyɔɔni ɓa yaa lamaani koo a ɓe wo ham animː yee yi ɓɔɔ zung ɓɔɔ naa yii ɓɔɔ yĩngti jaayii ɓɔɔ jaayi ɓɔɔ tipi, ni kpãareni, ɓɔɔ tɔ a koo ɓe daa e ɓe, Suru dondong. ³¹Aruviya shɔngɓe yi sii shɔɔni yin e tumpu, shɔngɓe yii a tumpu yii wɔng shɔnbg ting."³²Yi a dɔrɔng waani Urushalima, Yeso de kn ni ayi ting. De zaa wu jaadɔɔ yini a bii, shɔngɓe yin dũnwu yide sɔɔ zaa vɔɔ ni. Yeso de too kop a tuu ziti yini gàa ang gáa yi gãleni viɓe daa waating ni wuni ɓe. ³³Nɔ zeepĩ, won waa Urushalima, Shɔng a jaa shɔngzeng a Yuubɔrɔ pirisi naa ɓɔ shɔng viɓii ni yii. Yin leesewu ang nunwu vɔɔ, yin awu a shɔngɓe yide zee Laa ɓa yi naa. ³⁴Yin baasewu, yi tulewu sãari a bii, yi nuwu, ang nungwu vɔɔ. A diki tat ing sɔɔ yupaa."³⁵Yaakubu ɓɔɔ Yɔhana, zabadi Jaa yee yi, yide ewu bii ni ang gãlewu ni, "Shɔng manteni, wo kase mɔ pelewo viɓe wo tɔɔni mɔ pelewo ɓe." ³⁶Yin tɔyi ni, "Nɔ kase n pelenɔ viya?" ³⁷Yin kosewu nin, "Mɔ yaawo wo wɔng ni mɔni amɔ bɔrɔ mɔng lrooni Kpanti, goro amɔ nashang, goro ɓɔɔ amɔ nagang.³⁸Yeso de koseyi nin, "Nɔ de zee viɓe nɔdaa gɔ̃ɔre ɓa." Nɔ daa zenung kɔtɔ nɔ ɓo jẽ jowaa ɓen daa ɓoo ya kɔ shɔng daa pelenɔ batizima ɓe shɔng daa pelen kɔtɔ ya?" ³⁹Yide shãngshee wu nin, "Won pele kɔtɔ" Yeso de shãngshe yini jẽ ɓe ing ɓom, nɔn ɓoo kɔtɔ, ɓo batizima ɓe shɔng pelen ɓe, nɔ biibii shɔng pelenɔ batizima jɔ. ⁴⁰ɓi we da wɔ̃n ang kaa nashang weya kɔ an nagãng ɓa mikon ing a ɓa, ɓi shɔngɓe shɔng SII shinsheyi ɓe."⁴¹Alaɓe jaadɔɔ kopin yii tãa rum ye, yi yato de leseni tɔna ni Yaakub ɓɔɔ Yɔhana. ⁴²Yeso de ɓayi yãa ni awu bii a tɔɔni. "Nɔ ze shɔngɓe yi roo ladong shɔngɓe yide ze Laa ɓa yi mareyi, yii yise bɔrɔ ladong ayi yuu.⁴³Ɓa ananko ɓa anɔ bii ɓa. Shɔngɓe na kase wu wɔ̃ng bɔrɔ anɔ titi wuko wu wɔng nɔ jaadɔɔ vii pelen, ⁴⁴shɔngɓe na kase ke wu wɔ̃ng shɔni anɔn wuko wu wɔng anaa foo ɓe shɔng walikãng. ⁴⁵Aru viya Jaa Shɔngzeng de eɓa shɔng wu pelewu shoni ɓa, aruɓe wu pele shɔng shoni yii, wu awu yuu anaa jaa mɛrɛ aru shɔngzeng vɛ̃eni."⁴⁶Yi e Jeriko ye. Alaɓe yaa Jeriko ye ni wu jaadɔɔ yi ɓo bɔrɔ mɔɔm kpãa, Batalamawu shɔng nungbãati ɓe gɔ̃ɔre vi, Timawu jaa, wɔ̃ng a yãa dɔrɔng. ⁴⁷Alaɓe tãaye ni ɓi Yeso shɔng Nazara, ang gaa lani yaa an tɔɔni, "Yeso, jaa Dauda, tãn nugn kɔn taǃ" ⁴⁸Shɔngzeng vɛ̃ɛni yide gɔ̃ɔrewu gãgã ni, a gãlewu ni wu zin yãa ta. De lang yãa ni tɔt ni kakka ni, "Dauda Jaa tãn nugn kɔntaǃ"⁴⁹Yeso de shiini a tɔɔni, "Nɔ ɓawu yãa ta." Yide ɓaa shɔng nungbãatim yãa ni, a tɔwu ni, peleta kparakpa mɔ yupaa de ɓamɔ yaa ni," ⁵⁰De lokewu fara ni, ang yupaa pila a waa Yeso bii.⁵¹Yeeso de tɔwu nin, "Mɔ kase n pelemɔ viya?" Shɔng nungbãati mi de kosewu nin, "Rabbi n kase ing kpaa zeeni mɔng." ⁵²Yeso ing tɔwu nin, "Waata; mɔ gnshini gantemɔ ye." A mɔng ɓini, kpaa zeeni mɔng, a dung wu.

¹Alaɓe yi e Urushalima ye, laɓe yi kpa Betafaji ɓɔɔ Betanya a kɔpɔ Zeitu, Yeso shong wu jaadɔɔ yi zit ²a tɔyi ni, nɔ waa ta jekɔɔ ɓe awo ting wa. Alaɓe nɔna ɓoye, nɔ kpaa jaa lakoropi ɓe shɔng de vɔ̃ng ɓa. Nɔ kale ke nɔ esen. ³Shɔngɓe na yɛ̃nɔye "nɔn pele vim aru viya?" nɔ tɔɔni, "Bi Daayere kaseke daa sɔɔre kɔtɔ."⁴Alaɓe yi waa kpaa jaa lakoropi ɓi ye shɔng maa a yaa dɔrɔng, a kalewu ke. ⁵Shɔngɓɔɔ ɓe yi shii a mɔni yide yɛ̃yi nin, "aruvi nɔn kale jaa lakoropi ɓi viya?" ⁶Yide shangsheyi nin, anaaɓe Yeso shãngsheyi ɓe, yide sɔɔ yayi ni yide sɔɔ wayi mɔn waani ni.⁷Yide ese lakoropi ɓini a Yeso bii a yɔyi fara a yupa, de wɔ̃n ni a yupa. ⁸Shɔngzeng vɛ̃ɛni yi yɔleyi fara a yuu dɔrɔng, shɔngɓɔɔ yisɔɔ yɔle ɓala ɓe yi kake a jĩnti ɓe. ⁹Shɔngɓe yi waani wuni ɓɔɔ shɔngɓe yi dũng wu ɓale yãa a tɔɔni, "Hosanaǃ Zuuku ɓi shɔngɓe e a Daayere rĩng ɓe. ¹⁰Zuuku ɓi rooni koo ɓe wo daa Daudaǃ Hosana ɓe jaa kãnǃ"¹¹Yeso de ɓo vusu Urushalima ni ang waa ɓo jaka Laa ang mile vusu ɓi. Ni Laasãani, ang waa Betani ni wu jaa rɔkeni kop atuu zitim. ¹²Ni gandi ɓɔɔ alaɓe yi a dɔrɔng waani Betani, de tãa wɔko ni.¹³Ang zee Laa sĩngri ɓɔɔ feefe, ang waa zeeke kɔ daa kpaa sĩngri ɓɔɔ kɔtɔ a laɓing, alaɓe waaye a mɔni ɓe, de kpaa viɓɔɔ ɓa ani ɓa a ze ɓala ko shee, aru viya ɓa laɓe daa kpaa reni sĩngri ɓi ba. ¹⁴A shang yãa aru laa ɓini a tɔɔni, "shɔngɓɔɔ daa kpaa sĩngri tɔba a lá mi ɓa." Wu jaadɔɔ yi tãa ruɓi kɔtɔ.¹⁵Yide e Urushalima ni, de ɓo jaka Laani a lante shɔng maleni ɓɔɔ shɔng wooni yi a vusu jaka Laa. A dɔ̃ɔle láteni ɓe shɔng tɛ̃ɛ saka ɓɔɔ saka ɓi bibi ɓɔɔ shɔng kɔseni saka, ɓɔɔ yi ladong yi ɓe yi male koro ani ɓe ¹⁶De yaa shɔngɓɔɔ tɔɓa yi too viɓɔɔ a jaka Laa ɓe shɔng daa maale ɓa.¹⁷A manteyi a tɔɔni "shɔng de binke ɓani, "Shɔng daa ɓan yee ni, mɔng gɔ̃ɔreni ɓe koo waalikãng ɓaya?" Nɔ shing ye mɔn vɔɔni shongɓɔɔyii." ¹⁸Yuubɔɔrɔ Pirisi ɓɔ shɔngzeni ruudanniyi yin tãa vim, yide ɓee dɔrɔng ɓe yidaa nuwu vɔɔ ɓe, Yi zaawu kɔtɔ aru viya mɔɔ yi ze vi zaani bii awu kaabii ɓeye. ¹⁹Laɓe lasãani tiseye, yide yaa koo ɓini.²⁰Alaɓe yide kn nin gandi, yide ze Laa sĩngri ɓini vɔye. ²¹Bituru de yee nugn ni a tɔɔni, "Rabbi, mile pĩnǃ Laa sĩngri ɓe mɔ lese mi vɔye."²²Yeso de koseyi ni a tɔɔni , "Nɔ azɔng a Laa. ²³N shangshenɔ ye nungoko viɓe nɔna shãngshe kɔpɔ mi ye, "Ni zɔ̃ta mɔwaa sho a mɛɛ, nɔna de shang ɓa ni lereni ɓa nɔna azɔngye viɓe no shãng, daa waating kɔtɔ, ɓi viɓe Laa ing pele ɓe ko.²⁴Arugoko N shangshenɔː viɓe nɔna gɔ̃ɔreye nɔ beeye an bii, anizɔngta nɔn kpaa kɔtɔ, ing wɔ̃ng nɔ ɓee. ²⁵Nɔna shiiye nɔ gɔ̃ɔreye, nɔ yaase shɔngɓe yi pelenɔ ruvĩni, aru viya nɔ Daayere ɓe a koolapa daa sɔɔ yaasenɔ ruvĩni jɔ ɓe" ²⁶"Nɔ na de yaase shɔng ruvĩniɓa, nɔ Daayere ɓe koolapa da yaasenɔ jɔ ɓa"²⁷Yide e Urushelima ni tɔt. A laɓe Yeso de kni a mɔng gɔ̃ɔreni, Yuubɔrɔ pirisi, shɔngzeni ruudanni, ɓɔɔ Yuubɔrɔ yide ewu bii ni. ²⁸A tɔwu ni, "Mɔ kpaa naa vipelenn a mɔwe ya, mɔ kpaa kakka vipeleni mɔweya?"²⁹Yeso de koseyi ni, "N yɛ̃nɔ ruu ɓɔɔ goro. Nɔna gãlenye in sɔɔ shãngshenɔ mɔngɓe ing kpaa kakka mi kɔtɔ. ³⁰Baptizima Yɔhana, ke a lapa ya kɔ a shɔngzeng bii? Nɔ kaseng ta."³¹Yide konse yãa ni ayi nung a tɔɔni "Wona tɔɔ ye ni, 'A koolapa', N tɔɔni, Aruvi wode azɔng ɓa a wuni ɓa viya?" ³²Wona sɔɔ tɔɔ yeni, ke a shɔngzeng bii'..." Ying zaa shɔngzeng, ko shɔng ɓe weya azɔng ye ni Yɔhana ɓi shɔngzeeni. ³³Yide kose Yeso nin, "Wo de zeeɓa." Yeso de tɔyi ni, "N biibii n gãlenɔ ɓa, kɔ nin kpaa dɔrɔng mi a mɔweya ɓa."

¹Yeeso gaa a manteyi ni yãagani. A tɔɔni, "shɔng vereɓɔ shɔ laa inabi, a guu ke a gbãa mɔngɓi. A maa mɔngbi a yaase shɔng zeni gɔng yi a naa. A waa zanti. ²Be laa tiseye shong wu jaayee awu gɔng aru eseni reni laa inabi. ³Yi yiwu ke a nuwu a lantewu naa waati.⁴Desɔɔ shong wu jaayee ɓɔɔ ni tɔt, yii nuwu a kese wu kpaa a yuu a yisewu yuusɛ̃ɛ a bii. ⁵A sɔɔ shong ɓɔɔ tɔt. Ɓem yii yiwu a nuwu vɔɔ. Yisɔɔ kpãare ɓɔɔ yiitɔt anangko, yii nung ɓɔɔ yii a sɔɔ nung ɓɔɔ yii vɔɔ.⁶Shɔng ɓɔɔ dong yaa ang goro ɓe daa shong wu ɓe, wu jaa ɓe kase vɛ̃ɛni ɓe. Wuko jaa yãzozo ɓe yaase ɓe daa shong wu a yii bii ɓe. A tɔɔ ni, 'Yidaa an jaa bɔrɔ kɔtɔ a bii.' ⁷"Shɔng gani kulu ɓi yide tɔɔ nin, "Ɓem ɓi wuko daa shawu vivɔɔ. Nɔ eta, wo nuwu vɔɔ aruɓe wu vivɔɔ daa wɔ̃ng wo ɓe.'⁸Yide yiwu ni, a nuwu vɔɔ, a lokewu a kulu ɓini. ⁹Hami, shɔng kulu ɓi ing pele noko viya? Da yee nuyi vɔɔ a sɔɔ te kulu ɓi a ã shɔngɓɔɔ yi.¹⁰Nɔde ɓale labiini Laa ɓaya? 'Tara ɓe shɔng mani mɔng yii bɛ̃ɛ ɓe wuko wɔ̃ngye tara dĩngli. ¹¹Ɓem a Daayere bii, a wɔ̃ng vii zãni bii awo nung.'" ¹²Atumpu vim yuu bɔrɔ Yahuda yii yide bee dɔrɔng ɓe yidaa yi Yeeso aru ɓe yii ze ni shãng ruu ni yãagani ayii yuu. Aru viya yi zaa mɔɔ yii. Yii de yawu ni a wayi waani.¹³Yide shong shɔng Farisa yini ɓɔɔ Hiridu shɔng bii yi aruɓe yidaa lansewu awu yãashani. ¹⁴Laɓe yi eye yi shãngshewu ni, "Shɔng manteni, wɔ zeeye mɔ shãng ru nungokon, mɔ roo shɔng ɓo ɓa, mɔ too ko shɔng beweya naa goro ko. Lii kɔtɔ ya, wo shoore Kaisa saka vi tipi ya kɔ de lii ɓa?" ¹⁵Yeso zee viɓe ayi sinsing ɓa dang ɓa ang tɔyi ni, "Aruvi nɔn maseng viya? Nɔ ese dinari ɓi ta n zee ke."¹⁶Yide ese Yeeso nin goro. De tɔyi nin, "Biwe nungsusuru kɔ wu rĩing ani weya?" yide tɔ̃ɔning "ɓi Kayisa ɓe." ¹⁷Yeeso tɔɔni, "Viɓe naɓi Kayisa ɓee nɔ awu, nɔsɔɔ ã Laa viɓee ɓi Laa ɓee ɓe." Bii za yii awu ni.¹⁸Shɔng Saduki ɓe yii tɔɔni, yuni paa yuusaa ɓani ɓa, yii ewu bii. A yɛ̃wu, a tɔɔni, ¹⁹"Shɔng manteni, Musa binkewo ni 'Shɔngɓe zungɓi na vɔye yaa soovɔ de ye jaa ɓani wuniɓa, zungɓi wu sɔɔre soo ɓi aruɓe da yese zunɓi jaa.'²⁰Shɔngɓɔɔ yii ani nawatati a nung zung, shɔng shooni yɛ̃ soo a vɔke, jaa ɓa. ²¹ɓee ziti sɔɔrewu a vɔke, jaa ɓa, ɓee tati tɔ anankɔ. ²²yi nawatati yide yaa jaa ɓa. A tumpu ɓin kãng, sooye ɓi biibii sɔɔ a yee vɔ jɔ. ²³A yuni paa a yuusaa, yii na yuupa ye tɔti, daa wɔ̃ng we soo weya? Aruɓe yii nawatati kãng zung goro mi yii yɛ̃wu kɔtɔ."²⁴Yeeso tɔ̃ɔni, "Ɓem ɓa ruɓe nɔn yĩinke ɓe ko ɓaya, aruviya nɔ de ze labini Laa kɔ kaka Laa ɓaya? ²⁵Laɓe yina yupaa ye, yin yɛ̃ soo kɔ jere ɓa, yin wɔ̃n anaa Laa shɔng shoni yii a koolapa.²⁶Aru vɔɔ yuni paa, nɔde ɓale ɓa a labini Muusa ɓaya, ɓe wu si a jĩnti ɓe Laa shãng yãa ni wuni a tɔni, 'Miko Laa Ibirayi ɓɔɔ Ishaaku ɓɔɔ Laa Yakuub'? ²⁷Ba Laa vɔni ɓa, ɓi Laa ɓe suru ɓi ɓe. nɔ ɓeejĩnti ye tɔ̃na.²⁸Shɔng labini ɓɔɔ eke tãa yii yãa ɓe yĩing shãngke ɓe; zeke Yeeso koseyi ye ɓatata. A yɛ̃wu ke, "Bi rudani ɓowe bɔrɔngbɔ a titi walikãng weya?" ²⁹Yeeso kasewu ni, "Vii tɔ̃ɔvĩng wu ko, 'Tãa ta, shɔng Isirayila, wo Daayere Laa, Daayere goro. ³⁰Mɔ kase mɔ Daayere Laa ni mɔ sĩinsĩin goro, ni mɔ suru ni, ni mɔ yato ni ɓɔɔ mɔ kaka ni.' ³¹Rudani ɓe ziti wuko, 'Mɔ kase mɔ shɔng yãakasi yee anaa mɔ yuu.' Rudaani ɓɔɔ ɓe jãa ɓem ɓa ani ɓa."³²Shɔng labiniyii tɔɔnin, "Shɔng manteni, tɔ̃ɔvingǃ, Mɔ shãngye nungoko ni Laa ko goro, ɓɔɔ ɓa ani ɓa. ³³Shɔng wu kasewu ni sĩinsĩin ni walikãng ɓɔɔ ni zeni ɓɔɔ tɔni kaka, Mɔsɔɔ kase mɔ shɔng yãaka si yee anaa mɔ kase mɔ yuu ɓem ko jãa vii shareni ɓɔɔ ani walikãng." ³⁴Laɓe Yeeso zeye kasewu ru ye ni kpɛ̃ɛni, a tɔwu ni, "Mɔ maani ni rooni koo Laa." A tunpu ɓin shɔngɓɔɔ de zenung yɛ̃ɛni Yeeso ru yɛ̃ni ɓɔɔ tɔɓa.³⁵Laɓe Yeeso sii wu a mɔng manteni a mɔng gɔ̃ɔreni, a tɔɔni, "Nukovi shɔng labini yii shãng Kirisi ɓi Dawuda jaa viya?" ³⁶Dawuda ni wu yuu, a vusu Suru Kpanti, tɔɔni, 'Daayere tɔɔni N jaa, "Wɔng ta ang kati na shãng waa laɓe N shimɔ shɔng yãgãyi amɔ bɔɔ dɔɔ." ³⁷Dawuda ni wu yuu ɓawu ni, 'Daayere,' nukovi Kirisi da wɔ̃ng Dawuda jaa viya?" Bɔrɔ mɔɔ yii weshoo awu yãa ni yatɔ puru.³⁸Awu manteni Yeeso tɔɔni, 'Mɔ shing gn a shɔng labini yii, shɔngɓe yii kase yii kn a vusu bɔrɔ fara ni shɔng jiinyii yãa a nungmɔɔ yii, ³⁹yii kase ladong tɔ̃ɔving a mɔng yuu museni ɓɔɔ mɔng ani bɔrɔ amɔng bii tɔ̃ɔreni." ⁴⁰Yisɔɔ ɓo a shale soovɔ yii vii a yee, yisɔɔ gɔ̃ɔre Laa gbĩntang aruɓe shɔng da zeye ɓe. Shɔm yiin teyii dɔɔyɔɔni ɓe de lii ɓa ɓe."⁴¹Amɔngɓin Yeeso wɔ̃n a mɔnɓe shɔng ãni waa vii jeni a mɔng gɔ̃ɔreni; wu a mɔng mileni a ze dɔɔɓe shɔng loke saka a waa. Shɔng vinaa vɛ̃ɛni yii tɛ̃ɛ saka vɛ̃ɛni. ⁴²Amɔngɓi shɔng raang soovɔ ɓɔɔ eni anini ziti, wɔ̃ng anaa kɔpɔ goro.⁴³A ɓawu jaadɔɔ yi yãa a tɔɔ yii ni, "Nungoko N shangshenɔ, soovɔ shɔng rang mi viɓe ake jãa shɔng gãasi ɓe yii tɔle a waa vii jeni mi kɔtɔ walikãng. ⁴⁴Aruviya yii ã a yii titi vii naa ɓe vɛɛni ɓe. Soovɔ mi a wu titi raang ã viɓe awu naa walikãng ɓe daa kpensewu ɓe."

¹Laɓe Yeeso keye a mɔng gɔ̃ɔreni, wu jaadɔɔ ɓɔɔ tɔwu ni, "Shɔng manteni, ze tara ɓe yii liile ke ɓɔɔ jaka ɓe yii liile mi pĩǃ" ²Yeeso tɔwu ni, "Mɔ ze bɔrɔ jaka mi ye ya? Shɔng yaa tara ɓɔɔ ɓa a yuu wee ɓe shɔng daa ziileyi ɓa a tipi ɓa."³Laɓe wɔ̃ng ye a yuu Kɔpɔ Zaitun ɓe ni mɔng gɔ̃ɔreni ni maani, Bituru, Yakubu, Yɔhana ɓɔɔ Andarawu yide ɓawu yãa a ɓĩn kago a yɛ̃wu ni, ⁴Gãlewu ta, vĩin yiing waatĩng a lawe ya? Ɓivi daa tase ni vĩimi yii daa pele viya?"⁵Yeeso gaa a shãngshe yii ni, "Nɔ kɔɔbii shɔngɓɔɔ na rinse nɔ ɓa. ⁶Shɔngzeng vɛ̃ɛni yii enin rĩing yiing shãng ni, "Miko wuko,' yiing rinse shɔngzeng vɛ̃ɛni.⁷Laɓe nɔna tãa ru sii ɓɔɔ yãa kpatakpa aru sii yi nɔna zaa vɔɔ ɓa, vĩimi yin waatĩng kɔtɔ, sɔ̃ɔniyãa de e pĩ ɓa. ⁸Lakoo yin yuuse bãng ni weeni, ɓɔɔ roonikoo yiing yuuse bãng jɔ ni wee ni. Tipi ziiteni daa waatĩng a mɔng tɔtɔki, ɓɔɔ tɔ wɔ̃ko. Bem ɓi gaani kpãareni ko.⁹"Nɔ kɔɔbii. Yin waarenɔ yuubɔrɔ bii, yiing nunɔ a jakalaa yii. Nɔng shii a shɔng ladong yii ɓɔɔ kpanti yii tĩng arun mini, daa wɔ̃ng tase ayii bii. ¹⁰Shɔng waa ruu Laa mi a lakoo walikãng.¹¹Alaɓe yiina yinɔ ye yii anɔ a shɔng naa, nɔna yɔɔre yuu ɓa ni viiɓe nɔdaa shãng ɓa. A la wa, shɔng anɔ viiɓe nɔdaa shãng ɓe kɔtɔ, ɓa nɔkɔ daa shãng ni nɔ yuu ɓa, ɓi suru ɓe tɔ̃ɔving. ¹²Zung yiing lese wee a yii nung ang nun wee vɔɔ, yeejaa jɔni jaa ni. Jaa ying yuse yeejaa ɓɔɔ yĩinti jaa ni yãagãa a nung yii vɔɔ. ¹³Shɔngzen vɛ̃ɛni ying bɛ̃nɔ arun rĩing, shɔngɓe na tiyee lɔnlɔng, wuko daa kpeng.¹⁴Nɔna ze nanka vii ye shii ye a mɔngɓe de lii ɓa wu shii a mɔni ɓa. "(Shɔng ɓaleni wu too rum)" Shɔngɓe yii a Yahuda yii yu yuu kɔpɔ, ¹⁵Shɔngɓe na a yuu yee na lɔɔ tii ɓa aru tooni viɓɔɔ ba, ¹⁶shɔngɓe wu nasi a gaa, wuna sɔɔ yee tɔɓa aru tooni fara bii kuni ɓa.¹⁷Nung wu yanɔ tororo soo jaayato ɓɔɔ shɔngɓe yidon a jaa ming a diki wa yiiǃ ¹⁸Nɔ gɔ̃ɔre Laa viimi na waatĩng ɓa ni kpee ɓa. ¹⁹Aru viya ɓewa ɓi bɔrɔ diki vii bii zaani, zɔngɓe de waatĩng ɓa a laɓɔɔ yaagoro ɓa, a e ham, ɓa, ing waatĩng tɔ ɓa a laɓɔ ɓa. ²⁰Naɓa aru Daayere gɔ̃ diki mi kɔtɔ ɓa, shɔngɓɔɔ na kpeng ɓa. Ɓem aru shɔngɓe shɔng rɔkeyii mi, ɓe rɔyi ɓe, arugoko zĩn diki ɓi yii dora.²¹Shɔngɓɔɔ na shãngshenɔ ni, "Nɔ zepĩ, wuko Kirisi mi, kɔ 'Nɔ zepi, wuko wu waaǃ' Nɔna ã zɔng ɓa. ²²Aruviya Kirisi yãajini ɓɔɔ shɔng teni ru Laa yãatĩni ying e pele vi zaani bii aruɓe yidaa lake shɔng, na wɔ̃ng ye nanko kɔ shɔngɓe shɔng rɔkeyi ɓe. ²³Nɔ ganɔ yuu, n shangshenɔ viimi yii ye tɛ̃tɛ.²⁴Alaɓe kpãareni na daseye a diki waa yii, 'laa ing ɓaa jãng, shele puse mɔng tɔba, ²⁵Seng ying lɔle a lapa, kakaa ɓee lapan ziite.' ²⁶A laɓi ko yiing sɔ ze Jaa Shɔngzeng teeni a yãasi ni bɔrɔ kakaa bongseni. ²⁷Wusɔɔ shong wu shɔng shoni yisɔɔ muse shɔngɓe shɔng rɔkeyi a koo ka dɛ̃ɛro mi, a sɔ̃ɔni yãa koo tipi a waa sɔ̃ɔniyãa lapa.²⁸Nɔ mante a laa sĩnri. Nɔna zeye wu ɓala de tɛ̃ɛni taseke ladu kpa ye maani. ²⁹Nɔ sɔ zetɔt, vĩimi yii nade waatĩng ni, nɔ zeke kpaye yɔrɔng maani.³⁰N shangshenɔ nungoko, koo mi sɔ̃ɔya ɓa vĩimi walikãng ying waatĩng sasati. ³¹Koolapa yiini koodanga yĩing dase kɔtɔ, N ruu bii ing dase ɓa. ³²Aru diki waa kɔ la waa, shɔngɓɔɔ de ze ɓa, kɔ Laa shɔng shoni ɓe yii a koolapa, kɔ wu Jaa, ɓi Daa ko ze shee.³³Nɔ wɔ̃ng ni zeniǃ Nɔ shin nung, aru viya nɔde ze Laa ɓi ɓa. ³⁴Anaa shɔng vee waa zanti a yaasewu jaadɔɔ yi viiyee a naa, a shing wu jaayeeyi awu yee, shɔng ɓoweya ni wu vipeleni ni, asɔ gãale shɔng gani yɔɔrɔn yee ni wu wɔ̃ng ni zeni.³⁵Arugoko nɔ wɔ̃ng ni zeni aru viya nɔde ze laɓe yuu bɔrɔ shɔng yee daa e ɓa; daa wɔ̃n ni lasãani ya, yuu titi zii ya, kɔ a laɓe gbanti kn kaayãa, kɔ ni mɔngandi. ³⁶Na eye tɛ̃t, nɔna yaa ɓa wu kpa nɔ a nunrooni ɓa. ³⁷Viɓen gãalenɔ n gãale shɔngzeng walikãngː Nɔ wɔ̃ng ni zeniǃ"

¹Ya diki ziti shɔng ɓoo diki tɔ̃ɔre bii daseni ɓe shɔng shaa bubula ɓe yisi ɓani ɓa. Yubɔrɔ firisiyi ɓɔ shɔng labiniyi yii bee dɔ̃rɔng ɓe yii da yi Yeeso asɔɔ nungwu vɔɔ ɓe. ²Aruɓe yiing shãngke ni, "Ɓa diki bii tɔ̃ɔreni ɓa, aruɓe peleni bãng da yupa ɓa a titi shɔngzeng yii ɓa."³Alaɓe Yeeso wu a Betani a Semon shɔng viibii yee, alaɓe yi wɔng ye a yuu teburu, sooye ɓɔ eke ni nung sũnunu ɓe shaa yã vɛ̃ɛni a gugu Alabasta, ɓi nati vii nangka ɓa vusu ɓa. Wãnke gugu ɓi asɔɔ tɛ̃ nati ɓi awu yuu. ⁴Shɔngɓɔyi a mɔm ɓi ɓe yi lese yato, Yi shãng a yi titi ni, "Ɓi vii shinke shɔng lese nung sũnunu mi viya? ⁵Shɔng na maale nung sũnunu mi ɓe jãa dinari la dɛ̃ro, asɔɔ ã shɔng raang yii," Yii lese yato ni wuni.⁶Yeeso sɔɔ shãng ni, "Nɔ yawu ta ɓĩn. Nɔ yɔre wu aruviya? Peleng vii tɔ̃ɔving. ⁷Nɔni shɔng raang diki-di, nɔna sɔɔ kase ye nɔ pele yii viɓe tɔ̃ɔving, aruviya nɔn ɓa ni min diki-di ɓa. ⁸Pele viɓe lii kɔtɔ wu pele ye. Sɔ̃ɔren nung ye a bii aru gbãni. ⁹Nungoko N gãale nɔ, mɔm ɓe shɔng waa ruu tɔ̃ɔving mi a koodang a walikãng, shɔng shãng viiɓe sooye mi pele ɓe, shɔng yeni nugn a wuni."¹⁰Yahuda Iskariyoti, goro a titi kopi tu ziti, ke awa yubɔrɔ firisiyi bii aruɓe da a yii wu ɓe. ¹¹Alaɓe yuborɔ firisiyi tã ye, yi pele puru yato asɔɔ vaase wu ni yiing awu saka. A gaa bee ni dɔ̃rɔng ɓe daa a yii wu ɓe.¹²A diki shɔɔni ɓe shaani bubula ɓe yisi ɓa ani ɓa, alaɓe yii ã vii ani jemɛrɛ Tuukeni ye, wu jaadɔɔyi gãale wuni, "Mɔ kase wo wa gongte mɔm ɓe, mɔ da wa a shaa vishãng ɓee diki Tuukeni weya?" ¹³Shong wu jaadɔɔyii ziti a gãale yii ni, "Nɔ wata vusu bɔrɔ koo, shɔngɓɔ tóo gugu mɛ ing kɔse ni nɔn. Nɔ dũng wu. ¹⁴Na ɓo yee ye, nɔ dũng nɔ sɔɔ shãngshe shɔng yee ɓi ni, 'Shɔng Mangteni tɔɔni, "N mɔm rooni ɓem N shaa vishãng Tuukeni ni N jaadɔɔyi weya?'"¹⁵N tase nɔ bɔrɔ jaaka lapa tɔ̃ɔving ɓe shɔng gongte ye. Nɔ gongte wo mɔm ɓi." ¹⁶Wu jaadɔɔyi yii wa ke a ɓo bɔrɔ koo. Yii kpa viɓi walikãng anaɓe gãale yii ɓe, yii sɔɔ gongte vishãng Tuukeni a mɔm.¹⁷Ning lasãni, e nin kopi tu ziti ɓi yiini. ¹⁸Alaɓe yi wɔngreni a yu teburu yii sɔɔ de shaa vishang, Yeeso tɔɔyii ni, "Nungoko N gãale nɔ, shɔng gorɔ ɓe N shaa vishãng ni wuni ing maleng." ¹⁹Yi walikãng yii yato leseye, yii goro-go yi tɔni, "Nungoko ɓa miko ɓa ya?"²⁰Yeeso de koseyi ni a tɔɔni, "Goro a titi kop atu zitim, ɓe ing ɓose naa hami ni mini a pii goro. ²¹Aruviya Jaa shɔngzeng daa waa anaa shɔng binke aru wuni. Nung wu yaa shɔnɓe ing male Jaa Shɔngzeng tororoǃ lii kɔtɔ aru shɔng nade yewu ɓa."²²Laɓe yi de vishang shaani Yeeso too bubula, a shing pãnti ani, a daale ke. A ayi a tɔɔni, "Nɔ viimta. Bem ɓim bii." ²³A too waa mɛɛ a dɔɔre, a ayi, yide ɓooni ani walikang. ²⁴A tɔyi ni. "Bem ɓin kpaa maaniyãa ɓe shɔng daa wɔɔse aru shɔngzeng vɛ̃ɛni. ²⁵N gãlenɔ nungoko, N ɓoo reni nung laa inabi tɔɓa, eni diki waa laɓe ing ɓoo polo a roonikoo Laa."²⁶Alaɓe yi tãng soo ye yii waa kɔpɔ Zaitun. ²⁷Yeeso tɔyi ni, "Nɔ walikãng nɔn sate kɔtɔ, aruɓe a shɔng binke ni. 'N nung jeganva mɛrɛ yiing sate fɔɔ.'²⁸Alaɓe N na yupaa ye, N waa Galili a nɔ tĩng." ²⁹Bituru tɔwu ni, "Kɔ shɔng gãasi yii sate walikãng N biibii N waa mɔng ɓɔɔ ɓa."³⁰Yeeso tɔwu ni, "N gãalemɔ ye nungoko, Lam--anangko, ni zii mi-- banti kn kaayãa ɓa yaa ziti ɓa mɔn leere yãa aru mini yaa tati." ³¹Bituru shãng ni kaka a tɔni, "Kɔ N vɔ kɔtɔ ni mɔni, N da paa yãa ɓa arumɔni ɓa. Yii walikang yii shãng anangko.³²Yii e a mɔngɓe shɔng ɓaani Gasamani, Yeeso sɔɔ tɔwu jaadɔɔ yii ni, "Nɔ wɔ̃ng ta a mɔn N waa mɔng gɔ̃ɔreni pĩn." ³³A too Bituru, Yakupu, ɓɔɔ Yɔhana a kpa kpaareni ɓɔɔ yɔreni yuu vɛ̃ɛni. ³⁴A tɔyi ni, "N suru kpaa yɔɔreni ye vɛ̃ɛni, anaa N kpa vɔɔni ye. Nɔ shii ta a mɔng nɔ kɔɔ bii."³⁵Gise a tĩng pota, Yeeso wete a tipi a gɔ̃ɔre Laa a tɔɔni, Na anangko wu wɔ̃ng ta laa mi wu dasewu. ³⁶A tɔɔni, "Abaa, Daa ,vii walikãng amɔ bii kpãa ɓa. Too jeewaa mi ta ang kaabii. Ɓa ni N kaseni ɓa, ni mɔ kaseni."³⁷A paase eni a kpayii a nunroong, a tɔɔ Bituru ni, "Simon, mɔ a nuroong ya? Mɔdaa ga ɓa ɓee lasaka goro ɓaya? ³⁸Mɔ kɔɔ bii mɔ gɔ̃ɔre Laa aruɓe nɔdaa ɓoo ɓa a maseni ɓa. Suru kase kɔtɔ, bii ko kpite ke." ³⁹Ke gaa tɔt a gɔ̃ɔre Laa, a paase tɔ ru goromiko.⁴⁰Laɓe paase eni tɔt, a kpaa yii a nunroong, aruviya yii nung kpite kɔtɔ. Yide ze viɓe yii daa gãalewu ɓa. ⁴¹A e eni ɓee tati a tɔɔyii ni, "Nɔ dong roo nunroong ɓee wɔ̃keni ya? Tiseyeǃ La eye. Mile pĩinǃ Shɔng male Jaa Shɔngzeng ye a shɔng ruvĩini yii naa. ⁴²Nɔ yupaa ta; wo waa ta. Ze pĩin, shɔng ɓe N malenmi wuko maanim."⁴³Laɓe wu dong a yuu yãashãni Yahuda Iskariyoti, goro a kop atuu zitim, de jãani, ɓɔɔ mɔɔ vɛ̃ɛni ni wuni yii nin yeewa ɓɔɔ je bala ni, ɓe yuubɔrɔ firisiyi, shɔng labiiniyi, ɓɔɔ yuubɔrɔyi. ⁴⁴Hami wu shɔng maleni taseyi zɔ̃ng, a gãaleyi ye ni, "Shɔngɓe nan kɔ̃wuye bii ɓi shɔng ɓi ko. Nɔ yiwu shɔng gani mɔng yii waani wuni." ⁴⁵Laɓe Yahuda toye ɓe, e Yeeso bii mɔng dongo a tɔɔni, "Rabbi," a kɔ̃wu ke. ⁴⁶Yide waare naa a yiwu.⁴⁷Shɔng goro ɓɔɔ a yii titi shii ɓe zɔ̃wu yeewaa a ko yuu rangko firisi jaayee ɓɔɔ shoo kak. ⁴⁸Yeeso tɔɔyi ni, "Nɔ em bii anaaɓe shɔng e yini shɔngranishɔngvii, ni yeewaa ɓɔɔ bala, nɔ yin ya?" ⁴⁹Laɓe ni nɔni diki di N mateni nɔ a jaka Laa, nɔde yinɓa. Vim kn tĩng aruɓe ruu Laa daa wɔ̃ng anangko ɓe." ⁵⁰Shɔngɓe yini Yeeso walikãng yii yawu a yule a kati.⁵¹Jeekasa ɓɔɔ, ɓe tuse fara yere-yeye gĩng awu bii shee, de dũnle Yeeso ni. Laɓe shɔng yiwu ye ɓe, ⁵²yawu fara yere-yeye ɓi a yu bii waati.⁵³Yii tese Yeeso a tĩng a waare wu yuurangko firisi bii. A mɔng shɔng muse ni wuni walikãng yuubɔrɔ firisiyi, yuubɔrɔ yii, ɓɔɔ shɔng labiini yii. ⁵⁴Bituru dũng wu a tunpu feefe feefe, wani mɔng yĩingaa ɓee yuurangko firisi. Wɔ̃ng a shɔng gani yii titi, de bise bii ni a nungyaa.⁵⁵Hami yuubɔrɔ firisi ɓɔɔ shɔng Yahuda walikãng yi bee ani yãashãni a Yeeso yuu aruɓe yidaa nuwu vɔɔ ɓe. Yide kpaa ɓa goro ɓa. ⁵⁶shɔngzeng vɛ̃ɛni yii shãng ruu yãajĩini awu yuu, kɔ yii yãashãni ɓi de waɓa ɓatata ɓa.⁵⁷Shɔngɓɔɔ yii yuupa a shãng yãajĩini awu yuu; yii tɔɔ ni, ⁵⁸"Wɔ tãake ing shãng ni, 'N wãnke jaka Laa ɓe shɔng maani naa, a diki tati ing sɔ ing maaɓɔɔ ɓe ɓa ni naa ɓa." ⁵⁹Yii yãashãni ɓi de waɓa ɓatata ɓa.⁶⁰Yuurangko Firisi yuupa ayi titi a yɛ̃ɛ Yeeso, "Mɔ yãa koni ɓani ɓaya?Ɓem vii shɔng yiing shãng amɔ yuu viya?" ⁶¹Tãa mɔng ni shoo de koyãa ɓɔɔ ɓa. Yuurangko firisi de yɛ̃wu ru ni tɔt a tɔɔni, "Mɔko Kirisi, Jaa Pãnti goro ya?" ⁶²Yeeso tɔɔni, "Bi Miko; mɔ daa ze Jaa Shɔngzeng laɓe wɔ̃ngye a kaa naa shãng ni kakaani teeni ni yãasini a koolapa."⁶³Yuurangko firisi tãawu fara a tɔɔni, "Wo kase shɔngɓe yii daa shãng tɔ kɔtɔ ya? ⁶⁴Nɔ tãa rubɔng mi ye. Nɔ kase wo pelewu viya? Yii walikang yii lesewu anaa shɔngɓe waa ye shɔng nunwu vɔɔ ɓe. ⁶⁵Shɔngɓɔ yii tulewu sãari a bii asɔ mawu nung a nuwu ke a tɔwu ni "Shãng viiɓe mɔ ze taǃ" Shɔng gaani mɔng yii towu a nungwu.⁶⁶Laɓe Bituru dong a yĩingaa, Yuurangko firisi jaaseeye yee ɓɔɔ e awu bii. ⁶⁷Ze Bituru a de bise bii ni, a shiingshewu nung a bii dɔrɔrɔa a tɔwu ni, "Mɔ jɔ ni shɔng Nazara, Yeeso." ⁶⁸Lere wu yãani, a shãng ni, "N de ze viɓe mɔng shang aru ni ɓa. A ke a yɔ̃ɔrɔng yee. Banti kn sɔɔ kaa yãa ke.⁶⁹Jaaseeye yee mi zewu a tɔɔ shɔngɓe yii shii ni wuni tɔt, "Shɔng veremi wu ni yĩingǃ" ⁷⁰Lere yãa tɔti. La wodot laɓe shɔng yii shiile amɔng yii tɔɔ Bituru ni, "Nungoko mɔni yini, aruviya mɔ jɔ shɔng Galili ko."⁷¹A gaa leseni wu yuu a sɔɔ teng Laa ni, "N de ze shɔngɓe nɔng shãng aru wunin ɓa. ⁷²Banti kn mi kaa yãa ɓee ziti. Bituru yee nugn ni ruɓe Yeeso tɔwu ni, "Laɓe banti kn daa kaa yãa ya ziti, mɔ lereyãa ye aru mini yaa tati," ke gaa a kaa yãavɔɔ.

¹Ni gandi ziibĩni, yuubɔrɔ firisiyi, shɔng bɔrɔyi ɓɔ shɔng labiiniyi ni yuborɔ ladong ɓe Yahudayi maayãa a yãawe. Yii maa Yeeso a waa kati ni wuni. A ã Bilatu wu a naa. ²Bilatu yɛ̃wu ke, "Mɔko kpanti shɔng Yahudayi ya?" Koose wu ni, "Mɔ shãng ye ni mɔ yuu." ³yuubɔrɔ firisiyi yii lansewu aru vɛ̃ɛni.⁴Bilatu yɛ̃wu tɔti, "Mɔ daa koo yãa ɓaya? Mile vii vɛɛni ɓe yiing lanse mɔ ruu ninǃ" ⁵Yeeso de koose Bilatu yãa ɓa, viɓi sɔɔ awu bii zani.⁶Hami a la bii tɔ̃ɔreni, Bilatu yaaseyii shɔng gãyã naa goro, shɔng gãyã ɓe yii kase ɓe. ⁷Shɔng vere ɓɔ ani ɓe shɔng maawu dɔɔ a gãyã ɓe shɔng ɓa wu ni Baraba shɔng leseni koo ɓe nung shɔng vɔɔ alaɓe bang yuupa ɓe. ⁸Mɔɔ yi e Bilatu bii yii yɛ̃wu ni wu pele yii ta anaɓe pele a tumpu ɓe.⁹Bilatu kooseyi yãa a shãngshe yii ni, "Nɔ kase N yase nɔ na Kpanti shɔng Yahuda yii ya?" ¹⁰Aru ɓe ze ye ɓi gnkaani shingke yuubɔrɔ firisiyi yii awu Yeeso. ¹¹Yubɔrɔ firisiyi yii shing mɔɔ yii lang yãa ta ni yii kaseke shɔng yase yii Baraba naa ko she.¹²Bilatu kooseyi yãa tɔti a shãng ni, "N pele vini Kpanti shɔng Yahudayi viya? ¹³Yii lang yãa tɔti, "Ɓawu naa taǃ"¹⁴Bilatu shãng ni, "Pele ruvĩini ɓo weya?" Yii lang yãa tɔti ni kaka, "Ɓawu naa ta." ¹⁵Bilatu kase ke wu pele viɓe shɔng mɔɔ yii kase, a sɔ yaase yii Baraba na. A shing ke shɔng nung Yeeso ni shãngla asɔɔ a yii wu aruɓe yii da ɓawu naa.¹⁶Sooja yi ware wu vusu mɔng yĩing gaa (ɓi mɔng ɓe shɔng ladong wɔng ani ɓe), yii sɔɔ ɓaa guru sooja yãa walikãng. ¹⁷Yii ɓoose Yeeso wu fara bii kpãata a bii, a ling kɔɔkɔ a tusewu a yuu ¹⁸Yii gaa jini wu yãa a shãng ni, "Eeyi, Kpanti shɔng Yahudayiǃ"¹⁹Yii nungke wu yuu ni la bala asɔɔ tuule wu sãri a bii. Yii kuute ni gɓinti a tipi awu watĩng. ²⁰Alaɓe yi sɔ̃ɔre yãa baaseni wu ye, yii tuule fara bii kpãata a sɔɔ ɓoose wu fara a bii, asɔɔ kesewu ke a waare wu yii ɓawu naa. ²¹Shɔng veeye ɓɔɔ, Semon ɓe Cirani, Siing ke a koo (Sii ɓi Elezanda ɓɔ Rufa yeɓi), yi shing wu too se wu la jisheni.²²Ɓe sooja ese Yeeso a mɔm ɓe shɔng ɓani Golgota (ɓe shɔng riseni "Mɔm Kakayu"). ²³Yi awu mɛ rɛɛnila ɓe yii duure ni mur, de ɓoo ɓa. ²⁴Yii ɓawu naa a váasewu fara bii a pele .......... aruɓe yi da zee ......... sooja .goro da kpa ɓe.²⁵Yii ɓawu naa a lasaka tati. ²⁶A vii taseni ɓe wu yuu yii biinke vii pele ɓe, "Kpanti shɔng Yahuda yii." ²⁷Yii ɓawu naa wuni shɔngrani shɔngvii ziti, goro awu nashãng goro ɓo awu nagãng. ²⁸Ruu ɓemi sɔɔre yãa viɓe shɔng binke ni, "Shɔng gãa wu ni shɔng ɓe yii raashɔng vii."²⁹Shɔngɓe yiing tuuke yii dãa wu, a riite yuu a shãng ni, "Ahaǃ Shɔngɓe tɔni da ziile jaka Laa wu sɔɔ máa tɔti a diki tati, ³⁰kpense mɔ yuu ta mɔ loo ayu la jisheniǃ"³¹A dõrɔng goro yuubɔrɔ firisiyi, ni shɔng labiniyi yii bãase wu a yãawe, a shãng ni, "Kpense shɔngɓɔyii ye, de sɔɔ kpense wu yuu ɓa. ³²Ya Kirisi ta, Kpanti Isarayila, loo ta hami a yuu lajisheni, aruɓe wo daa ze ke wo sɔɔ azɔng." Shɔngɓe shɔng ɓayii naa ni wuni asɔɔ dãa wu jɔ.³³A lasaka maangoro, mɔm tĩngri kuuke koo ɓi walikãng awa lasaka ɓe nungko bɛ̃ɛ goro. ³⁴A lasaka nungko bɛ̃ɛ goro ɓi Yeeso langyãa ni kaka, "Eloyi, Eloyi, lama sabachthani?" ɓe shɔng reseni, "Maa Daa, maa Daa, aruvi mɔ riseng kuuku viya?" ³⁵Shɔngɓɔ ɓeyi shile a mɔm ɓi yi tãa ruuɓe shãng asɔɔ shãng ni, "Ze pĩn, de ɓa Iliya yãa ni."³⁶Shɔngɓo yuke, a dɔɔ la a ɓanɓang saa la, asɔɔ awu wu ɓoo ke. Shɔng vere ɓi shãng ni, "Wo mile pĩin kɔ Iliya daa e kɔtɔ wu lore wu." ³⁷Yeeso sɔɔ kaayãa vɔɔ ni yiiri yãa ni kaka a vɔɔyi. ³⁸Fara kuuni jaka Laa vaase a titi ziti viɓe yi paa awa dii.³⁹Alaɓe yuborɔ sooja ɓe shii ke N mile Yeeso ze ka ɓe vɔɔ ye, a shãng ni, "Nungoko jaa vere mi ɓi Laa Jaa." ⁴⁰Sooye yi ɓɔ ani ɓe yi shile fefe yiing mile ɓe. Ayi titi ɓi Mɛrɛyamu Magadaliya, Mɛrɛyamu (Yakupu tɔkɔlɔng yĩngɓi ɓɔ Yusuu), ɓɔ Salomi. ⁴¹Alaɓe wu a Galili yii dũng wu asɔɔ awu viɓe kase ɓe. Sooye gãsi vɛ̃ɛni yi e wu bii jɔ awa Urushalima ni wuni.⁴²Alaɓe layeeye ɓe, aruɓe ɓi Diki Gongteni, wuko, diki ɓe dũng diki wɔ̃keni. ⁴³Yusuu shɔng Arimataya e mɔm ɓi, wu a titi shɔngɓe shɔng awu bɔrɔ a shɔng landong sii N gaa Laa roonikoo. Wa Bilatu bii ni kakabi a gɔ̃ɔre Yeeso gigiri bii. ⁴⁴Viɓi zaa Bilatu bii aɓe tãake Yeeso vɔɔye; a ɓa yuubɔrɔ sooja yãa a yɛ̃ɛwu ni kɔ Yeeso vɔɔye.⁴⁵Alaɓe Bilatu tãaye a yuubɔrɔ sooja yãa ni Yeeso vɔɔye, a ya ke Yusuu wu toowu gigiri bii. ⁴⁶Yusuu woo fara yeren-yeye. A lɔɔre wu ayu la jisheng, ling wu nin fara yeren-yeye mi, asɔɔ yɔɔwu a vusu yuusaa ɓe shɔng gongte a tara. A gɔ̃ɔ tara a kuu yãa yuusaa ɓin. ⁴⁷Mɛrɛyamu Magadaliya ɓɔ Mɛrɛyamu Yusuu yĩingɓi yi ze mɔng ɓe shɔng gbã Yeeso.

¹Alaɓe diki wɔ̃keni tuuke ye, Mɛrɛyamu Magadaliya, Mɛrɛyamu Yakupu ɓɔ Salomi yĩngɓi ɓɔ Yusuu yi woo nung siseni vɔɔ aruɓe yi da sɔ̃ɔre Yeeso a bii. ²Ni gandi ziibĩn a diki shɔɔni, yi wa yuusaa alaɓe la keye ɓe.³Yii shãngke ni weni, "Ɓi we daa gɔ̃ɔse wu tara ɓe a yãa yuusaa mi weya?" ⁴Alaɓe yii peng nung ye ni paa, yii zee ke shɔng gise tara ɓiye ni gaa, aru ɓi tara ɓi bɔrɔ.⁵Yi ɓoo vusu yuusaa a ze jekasa ɓɔ ni fara a bii puuru shãng, wɔngye ni ka nashãng, bii za yii ke. ⁶A gãale yii ni, "Nɔ na zaa vɔɔ ɓa. Nɔng bee Yeeso, shɔng Nazara, ɓe shɔng ɓawu naa. Yupa yeǃ Wu ɓa mɔmi ɓa. Nɔ mile mɔng ɓe shɔng yɔ̃ɔwu ta. ⁷Nɔ wata, nɔ wa gãale wu jaadɔɔyii ɓɔ Bituru, "N wa a ting a Galili. A mɔng ɓiko nɔn ze wuke, anaɓe gãale nɔ ɓe."'⁸Yii kee gaa a yuu a yaa yãa yuusaa; yii bii de zateni a yide za vɔɔ ni. Yii de shãngshe shɔngɓo ruuɓɔ ɓa aruviya yii a vusu zani.⁹Ni gandi zii bĩin a diki shɔɔni, a tũmpu ɓe yupa, a ke a Mɛrɛyamu Magadaliya bii shɔɔni, wuko sooye ɓe kese wu vĩinii-vĩivĩi rãmãng nawa tati awu bii. ¹⁰Awa gãale shɔngɓe yini wuni, alaɓe yi dong a viki yato ɓɔɔ kaani yãa vɔɔ. ¹¹Yii tãa ke ni wu dong ni wu surubii ni seeye ɓi ze wu ye, yi de azɔ̃ng ɓa.¹²A tũmpu viɓemi yi sɔ ke a zong ɓɔ tok a shɔngzengyi zitimi yii bii alaɓe yiing kĩnle yiing waa yuukoo ɓɔ. ¹³Yii sɔɔni tunpu awa gãale shɔng gãasi yii, yii de azɔng ɓa yiini ɓa.¹⁴Yeeso sɔɔ ke a kopi tu goro ɓiyi bii alaɓe yii wɔ̃ngre ye a kati teburu, asɔɔ gɔ̃ɔre yii gãagã aruɓe yii de azɔng ɓa ɓɔɔ yi rãani sĩinsĩin, aruviya yii de azɔng ɓa a shɔngɓe yii zewu ɓa alaɓe yupa a yuusaa. ¹⁵A gãale yii ni, "Wata a vusu koodanga walikãng, nɔ waayãa ruu tɔ̃ɔving a shɔng koodanga yii bii walikãng. ¹⁶Shɔngɓe na azɔng ye nɔ sɔɔ pele wu Batizima shɔng kpense wu, shɔngɓe na de azɔng ɓa shɔng lese wu ye tɛ̃tɛ̃.¹⁷Vii zeni mi daa waani shɔngɓe yii azɔngː An vusu rĩing yĩing kese vĩinii-vĩivĩi rãamãangyi. Yĩing shãngke polo yãa. ¹⁸Yĩing too sɔkɔ ni yii naa, yina ɓoo vii vɔɔ nuni ye, ing pele yii viɓɔ ɓa. Yĩing shĩng naa a shɔng vɔɔyi yuu, yĩing sɔɔn gangte ke."¹⁹A tũmpu ɓe Daayere Yeeso shãngshe yii yãa ye ɓe, shɔng too wu a warewu koolapa a wɔ̃ng a Laa nashãng. ²⁰Wu jaadɔɔyi yaa mɔng ɓi asɔɔ waayãa a mɔng walikãng, alaɓe Daayere pele vii shoni ni yii ni a sɔɔ taseyii wu yãa shãng ni viizeni a waani yii ni.

¹Shɔng vɛɛni yii shing gnye mongo aru viɓe sɔɔ yãayɛ awo titi, ²ana ɓe shɔng ese awo bii a shɔng ɓe sii yii shoni shɔng shingni nungɓe ɓɔɔ shɔngshoni ruu. ³ɓem liikɔtɔ an bii tɔti, aru in leereye ing bee zeeni vii walikãng a gaani, ing binke nɔ viipeleni batata, tɔ̃ɔving Tiyopulus, ⁴aru ɓe mɔ da zee batata vii ɓe shong mante mɔ ɓe.⁵A diki kpanti Hiridu ɓe tipi Yahuda shɔng pirisi ɓɔ ani ɓe shɔng ɓawu ni Zakariya shɔng kaabii Abija; wu soo Alisabatu wu jo jetãari Haruna. ⁶Yi zin-zin yii shɔng tɔ̃ɔving a Kpanti Laa waatĩng, yi kĩnke ruuvini ɓa yuu ɓa nii ruudanni Daayere ɓɔɔ wu viipeleni waalikãng. ⁷Yi ja ɓa aru viya Alisabatu wu tɔɔri, yi zin-zin yii bon boorɔye.⁸Ham alaɓi Zakariya wu a Laa waatĩng, pele viipeleni ɓe pirisi ɓe shɔng awu ɓe. ⁹Ana lansi ɓe rɔɔni pirisi ɓe daa pele vii shong, rɔɔni tase wuko shɔng ɓe da ɓɔɔ jaka Laa wu ɓure yaa sunasusu. ¹⁰Mɔɔ bii yii walikãng sii yin ngore Laa nii gaa alaɓe shɔng ɓure yaa sunasusu.¹¹A moni Jaa shoni Laa, ing eke awu bii ang shini wu kaa nashang ɓe mɔng ɓure ni sunasusu. ¹²Alaɓe Zakariya ing zee wu ɓe, ang yɔɔre yuu, bii zaani ing yiiwu. ¹³Jaa shoni Laa ing gale wu ni, "Mona zaɓa, Zakariya, aru viya mɔ gɔɔreni kpa teni ye. Mɔ soo Alisabatu n yese mɔ jaa kɔtɔ. Mɔng ɓa wu rĩng ni Yɔhana.¹⁴Mɔng kpaa puru yato ɓɔɔ tãani tɔ̃ɔving, shɔngzeng vɛɛni yin tasɛ yato puru aru wu yeeni. ¹⁵Aru n won bɔrɔ a Laa waatĩng. Ing ɓoo sáa ɓa kɔ wu ɓoo viɓe jãa kɔtɔ ɓa, ing yini Suru tɔɔving alaɓe wu dong a yĩngɓi yato.¹⁶Jetãari vɛɛni ɓe Isrela ying sɔɔ yii Daayere Laa bii. ¹⁷Ing kn a Daayere Laa waatĩng a Suru ɓɔɔ ni kakka ɓe Iliya, aru ɓe da kɔse sĩngsĩng daayi a jaa yii bii ɓɔɔ shɔngɓe yi tãa shoo ɓa ing kpeni ɓe yato ɓɔlɔngɓɔ - a ruɓe yii shii lerenle aru Daayere shɔngɓe shɔng gonte aru wuni ɓe.¹⁸Zakariya kase jaa shoni Laa , "Ing da zee viimi nukoviya ? Aru ɓe ing riima kɔti shongbɔrɔ ye, in soo saa shangye tɔ ɓololo." ¹⁹Ja shoni Laa kase wu ang gãle wuni "Mikon Jibirilu, shɔng ɓe shii a Laa waatĩng. Shɔng shongke ing shãngshe mɔ ruu tɔving mi. ²⁰Zeepingǃ mɔng tãa mong tɔba, mɔn shãng yãa tɔɓa, ing ɓa diki ɓe vim peleye ɓa. Aru viya mɔ de azɔngɓa ing ruu ɓa, ing ɓa diki ɓi eye tukeye ɓa."²¹Alaɓe shon gaa Zakariya, ayi vii bii zãani alaɓe yɛsɛ láye vɛɛni a vusu jaka Laa. ²²Alaɓe ke gaa ye ɓe, de shãngshe yii yãaɓa. Ying yɛ gn ke zee vii suru. A waa tĩng ni tasɛ yi ruu ni naa a won kiriki. ²³Alaɓe wu diki shooni sɔ̃nyãaye, awa wu yee.²⁴A tunpu diikim, wu soo Alisabatu kpa yato voosɛ bii ɓe shele maani. A shãngni, ²⁵"ɓem ɓi viiɓe Laa peleng ɓe a milenni tĩng puru aru ɓe wu tong yuusɛ a shɔng bii."²⁶A shele ɓe mango, jaa shoni Laa Jibirilu shɔng shoowu a Laa bii a bɔrɔ koo ɓe Galili shɔng ɓani Nazare, ²⁷a jesooye nyɛrɛ kase ing yɛ̃ɛ shɔng ɓe shɔng ɓawu rĩngni Yusuu, ɓe wu shãari Dawuda, jesooye ɓi rĩng ni Meriyamu. ²⁸A ɛwu bii a shãngshe wuni "In jimonya, mɔ kpaa tĩng puru yeǃ Laa ni moni" ²⁹Wonsɛ wu ni dɔɔ wunteni ni wu ruuni zɔng yãa jini ɓi zaawu bii.³⁰Jaa shoni Laa sɔ tɔɔwuni, "Mɔ na zaavɔɔ ɓa, Meriyamu, aru ɓe mɔ kpaa tĩng puru ye a Laa bii." ³¹Milepi, mɔn kpaa yato an yeejaa. Mɔn ɓawu rĩng ni 'Yeso.' ³²N won bɔrɔ shɔng ɓa wuni jaa Yuurangko. Daayere Laa ing awu wu ladon ɓe yɛbonɓi Dawuda. ³³N roo Kpanti a Yakuub yee dongdong, wu rooni koo in sɔɔyãa ɓa."³⁴Meriyamu ing gãale Laa jaa shoni, "vimi da pele nukoviya, aɓe ing de zee veeye ɓa mi?" ³⁵jaa shoni Laa ing kasɛ wu ang tɔɔni, "Suru tɔɔvĩng ing kuuke mɔ kɔtɔ, kakka Yuurangko ing kuuke mɔ. Aru ɓe shɔng tɔɔvĩng ɓe shɔng yeewumi shɔng ɓawu ni Jaa Laa.³⁶Zeepin, mɔ shɔng bii Alisabatu kpa yato ye jɔ a wu bii bɔrɔ ko. Ɓem ko ham wu shele mango, ɓe shɔng sii ɓawuni sootɔɔri. ³⁷Viɓo ɓa ɓe jãa Laa ɓa." ³⁸Meriyamu ing tɔɔni, zeepin, n jaa sooye dungni Laa. Wu wɔngta anangko ana mɔ shãngmi." Jaa shoni Laa sɔɔ yawu a wayi.³⁹Meriyamu yuupa a laɓi tɛ̃ti awa jekopo koo, ɓee tipi Yahuda. ⁴⁰Ang waake a ɓo Zakariya yee a ji Alisabatu yãa. ⁴¹Alaɓe Alisabatu tãa Meriyamu yãa jiini ye ɓe, Jaa ɓe awu yato ribii, Alisabatu yiini suru tɔɔvĩng.⁴²Ang lá yãa ni kakka ang tɔɔni, "Zuuku ɓi mɔ ɓe a titi sooye yii, Zuuku ɓi jaa ɓe mɔ yato ɓe. ⁴³Pele nukovi Daayere yĩngti jaa da en bii viya? ⁴⁴Aruviya zeepi, alaɓe mɔ yiri yãa jiini en shoo ɓe, jaa ɓe ang yato mi riibii aru yato puru. ⁴⁵Zuuku ɓi sooye ɓe azɔng ye ni ruu shãngni ing e'kɔtɔ ang wɔng ana vii ɓe tãa a Daayere bii ɓe."⁴⁶Meriyamu ing tɔɔni, "N suru bii ing dɔɔ Laa, ⁴⁷Ing suru kpa yato puru ye a Laa in shɔng kpenseni.⁴⁸Aruɓe zee rãng ɓe wu soo vii peleni ye. Zeepin, viiɓe yii ham a waa tĩng, lákoo-lákoo ying ɓanni zuuku. ⁴⁹Aruɓe Daa Yuurangko pelen vii bɔrɔnye, wu rĩng ni tɔɔving.⁵⁰Wu gnkɔni wɔng a lákoo-lákoo a shɔng ɓe yii zaa wu ɓe. ⁵¹Tasewu kakka ye ing wu naa; sáate shɔng yuu tooseni ye ɓe yii gɔɔre aru yii ruu sĩngsĩng ɓe.⁵²Loke jaa kpanti yii ye ayi ladong peng shɔng rang yii ye. ⁵³Shaare shɔng ɓe yin tãa wɔɔko yi ni vii tɔ̃ving yii, yaa shɔng vii yee naa ɓolonɓo.⁵⁴Yise Isrela yii naa wu shɔng vii shoni yii, aru ɓe yii da yenugn a tasewu gnkɔni ke ɓe. ⁵⁵(anaɓe shãngshe wo madaa yii ɓe) Ibirayi ning wu shãari dondong."⁵⁶Meriyamu wɔngni Alisabatu shele tati a so sɔɔ wu yee. ⁵⁷Alaɓe lá eye ɓe Alisabatu da loore yato ɓe so loore yato. ⁵⁸Wu shɔng yãakaasi yii ni wu shɔng bii yii tãa ye ni Daayere tase wu bɔrɔnbɔ gnkɔɔni ye a wun, yi tãa yato puru ni wuni.⁵⁹Alaɓe vimi kntĩng a diki nawa dɛɛro ɓe yi ese jaa mɔng shaa yereni ɓe. Yii kase ke nin ɓa jaa rĩng ni "Zakariya" a yeɓi rĩng. ⁶⁰Yingɓi ing kase ang tɔ̃ɔni "Ɓa ananko ɓa, shɔng ɓa wuni Yɔhana" ⁶¹Yi gãlewuni, "Shonɓo ɓa nɔ láye ɓe wu rĩng anami ɓa."⁶²Ying tase naa a yeɓi ni shɔng da ɓawu jaa rĩng ni viya. ⁶³Yeɓi ing tase naa a vii biini vii, a biini "Yɔhana." Yii walikãng bii zaayi aru ni.⁶⁴A mɔngɓin wu yãa puu dongo, wu rɛtɛ kpa shãngni yãa. A shãng yãa a dore Laa. ⁶⁵Vɔɔ zaani yii shɔng ɓe yii sii a moni walikãng. Ruu ɓi boo mɔng a waa jekɔpɔ koo ɓe Yahuda. ⁶⁶Shɔng ɓe yi tãa ruum kang yii yise ayi sĩngsĩng, a tɔɔni, "Jaa ɓem da wɔng viya?" Aru ɓe Laa naa ni wuni.⁶⁷Yeɓi Zakariya yini suru tɔ̃ɔving a shãng yãazeni, ang shãngni ⁶⁸"Dɔɔni ɓi Laa ɓe, Laa Isrela, e'ke wu yise naa awu raa wu shɔng yuu.⁶⁹Peng jẽ raani shɔng yuu ye awu yee shɔngshoni Dawuda ⁷⁰(ana shãng awu yãa shɔngzeeni tɔɔving tɛ̃tɛ̃), ⁷¹raani yuu awo shɔng yãagã ɓɔɔ a naa shɔng ɓe yii ɓɛ̃ɛ wo ɓe.⁷²N pele viimi ke wu taase gnkɔni a mada yii ɓɔɔ wu yeegn aru wu ruumanni tɔ̃ɔving. ⁷³Ruumanni ɓe teemi a Ibirayi wo daa ɓe, ⁷⁴tenseke aru ɓe wo kpa kpengseni awo shɔng yãagã, pelewu vi peleni ɓani vɔɔ zaani ɓa ⁷⁵ing tɔ̃ɔving peleni ɓɔɔ wɔngni kpɛlenkpɛ awu bii awo dikii walikãng.⁷⁶Ananko, moko, jaa, shɔng ɓawu ni shɔngzeeni ɓe Yuurangko, aruɓe mɔn wa Laa tĩng mɔ gonte wu dɔ̃ɔrɔng, wu gɔnte wu shɔng aru wu eni ⁷⁷wu a zeeni kpenseni awu shɔngyi ayi yaseni yii ruvini.⁷⁸Vimi ing kntĩng aru gnkɔɔni ɓe Laa, aruɓe lá keeke a lapa ing e'ke wu yise wo naa ani, ⁷⁹wu ɓenke shɔng ɓe yii a tĩngri a yingsi vɔɔ. N pele vim aruɓe da gawo dɔɔ a dɔɔrɔng lemɓa."⁸⁰Alaɓe jaa bongye wɔngye ni kakka ni a suru, ing gaa diki ɓe ing ke a shɔng Isrela yii nung ɓe.

¹Hami a laa wa, Kpanti tipi ɓe shɔng ɓawu ni Kayisa Augustu, kese rudani ɓee gãni shɔng ɓe awu koo ɓɔkɔkɔ. ²Ɓem wuko gãni shɔng ɓe shɔɔni ɓe shɔng pele a laɓe Kpanti Karaniyu roo koo a tipi Siriya. ³Wuko shing ke shɔngzeng walikang yii wa yii tipi ɓee yeni aru yii bii yii ring aru gãni.⁴Yusu sɔɔ ke a Galili, a bɔrɔ tipi Nazari, ɓe a tipi Yahuda, awa bɔrɔ tipi ɓe Dawuda, ɓe shɔng ɓaani Baitalami, aruɓe wu ɓi shãari Dawuda. ⁵Wa mɔngwa aruɓe shɔng daa biwu ring ni wu soo Mariyamu, ɓe towu, wu jaa a yato.⁶Hami ɓe eye alaɓe yii a mɔngwa, laa tiseye ɓe daa yejaa ɓe. ⁷A yejaa veeye, ɓiwu jaa sang, asɔɔ puwu ni bɔrɔ fara pãani jaa ayowu a vɔjãa, aruɓe yide kpaa mɔng rooni ɓa.⁸shɔng viva gani yii a kaa tipi wa ɓe yii wɔ̃ng a teeli, ying kɔyi viva ni zii. ⁹Shɔng shoni Laa ke a yii bii, bɔrɔ ani Laa de puse mɔng bini shang, vɔɔ zaani de yii yini.¹⁰Shɔng shong Laa de gãaleyi ni, "Nɔna zaa ɓa, aruviya N ese nɔ ruu tɔ̃ɔving ɓe daa ese shɔngzeng walikan puru yato. ¹¹Lamɓem shɔng yee shɔng Kpenseni shɔng a koo Dawudaǃ wuko Kirisi Daayereǃ ¹²Ɓem ɓi zɔng tase ɓe nɔdaa ze ɓe ː Nɔng kpaa jaa shɔng kuwu ni fara a yɔwu a vɔjaa"¹³ɓa ni jang ɓani ɓa bɔrɔ mɔɔni koolapa ɓɔɔ shɔng shoni Laa yii, yii a Laa bɔrɔ asɔɔ tɔɔni, ¹⁴Bɔrɔ ani a Laa bii a koolapa, wɔ̃ng ɓatata wu wɔ̃ng ta a shɔng bii a koodanga ni shɔngɓe Laa kaseyi.¹⁵Alaɓe shɔng shoni Laa yii sɔɔ koolapa ye, jagani va yii tɔɔ weni, "Wo waa Baitalami ta wo ze viɓe wating ɓe, ɓe Daayere tase wo ɓe." ¹⁶Yii waa tɛ̃t a kpaa Mariyamu ɓɔɔ Yusu ɓɔɔ jaa bɛ̃ɛbɛ̃ɛ ɓe shɔng yɔwu a vɔ̃jaa.¹⁷Alaɓe yii zewu, yii shang viɓe shɔng gãaleyi aru jaa mi. ¹⁸Shɔngɓe yii tãa rum bii zayi a ruɓe jegani va yii gãaleyi ɓe. ¹⁹Mariyamu shing rumi a sĩngsĩng aruɓe tãa walikang, a vɔ̃ɔse awu sĩngsĩng. ²⁰Jegani va yii zuseyi, yii a Laa bɔrɔ asɔɔ dɔɔwu aru viɓe yii taa asɔɔ ze, anaɓe shɔng gãaleyi ɓe.²¹Alaɓe diki nawadɛ̃ɛro eye ɓee , alaɓe shɔng yerewu shaa, shɔng asuwu ring Yeso, ring ɓe shɔng shoni Laa awu alaɓe wu sii dong a yato.²²Alabe diki sɔɔkeni tukeye, anaɓe rudani Musa shang, yii esewu a jaka Laa a Urushelima aruyii tasewu a Daayere bii. ²³Anaɓe shɔng binke a rudani Daayere ni, "Jaa sang veeye ɓe shɔng rɔɔwu aru Daayere." ²⁴Yii ese vijeni anaɓe rudani Daayere tase ɓe "je koro kɔ jaa yiisi ziti"²⁵Mile pin, shɔng ɓɔɔ ani a tipi Urushelima ɓe shɔng ɓawu ring ni Saminu, ɓi shɔng tɔ̃ɔving, shɔng dũni Laa. Ing ga ke aruɓe daa sɔɔre shɔng Israila yii zãnzãng ɓe, Suru Kpanti ni wuni. ²⁶Anaɓe shɔng tase wu suru kpanti Laa ni wung vɔɔ ɓa ing ze Daayere Kirisi kɔtɔ.²⁷Suru dũng ni wuni, Saminu e jaka Laa. Alaɓe yeɓi ni yinɓi yii ese jaa bɛ̃ɛbɛ̃ɛ Yeso yi, yii pele ni wuni anaɓe rudani shãngɓe, ²⁸a towu a naa a dɔɔre Laa, asɔɔ shãni, ²⁹"Vase mɔ jaa yãa ta hami ɓatata, Daayere, anaa mɔ yãa shãni "³⁰Aruviya N nung zemɔ kpengseni ye, ³¹ɓe mɔ gonte a shɔngzeng yii waating walikangː ³²Ɓenkeni ɓee ruzeni a shɔngɓe yide ze Laa ɓa ɓɔɔ bɔrɔ ani amɔ shɔng bii Israila."³³Bii zaa yeɓi ɓɔɔ yingɓi dongoro aru viɓe shɔng shãng aru jaa mi. ³⁴Saminu shingshe yii pãnti a gãale Mariyamu Yeso yingɓi ni, "Mile pĩn , shɔng rɔwu aru weteni ɓɔɔ yunipa shɔngzeng vɛ̃ɛni a Israila ɓɔɔ to taseni ni shɔngɓe shɔng bɛ̃wu - ³⁵Yewa daa sɔɔ baa mɔ sĩngsĩng kɔtɔ, aruɓe leereni sĩngsĩng vɛ̃ɛni daa tase ɓe."³⁶sooye zeni ruu Laa ɓɔɔ a mɔni wu ring ni Hanatu. Ɓi Faniyula jaa ke a shãari Ashiru. Tukewu laa jaa yeni ye. Wɔ̃ng ni wu jere ni saa nawatati alaɓe wu jaasooye, ³⁷wubi sovɔɔ ɓee saa laa dɛ̃ɛro atu dɛ̃ɛrɔ. De ya jaka Laa ɓa gbãare ni zini yãa ni ɓɔɔ gɔɔreni zii ni laa ni. ³⁸Alawa e ayii bii mani a ga taseni dɔɔreni Laa, asɔɔ shãng aru jaa ɓini ɓɔɔ shɔngɓe ying weshoo aru kpenseni Urshelima..³⁹alaɓe yii sɔ̃ɔre viɓe yii kase peleni yãa ye walikang anaɓe rudani Daayere shãngɓe, yii sɔɔ zuse Galili, a wayi koo Nazare ⁴⁰Jaa mi bɔng a wɔ̃ngni kakan ni; wuni kpɛ̃ɛni, na pãnti Laa awu bii ni.⁴¹Yeɓi yii waa tipi Urushelima a saa saa aru pele Bitɔ̃ɔreni Tukeni. ⁴²Laɓe wu saa waa kopi atu ziti ye, yii sɔɔni wuni anaaɓe yii lansi tase ɓe. ⁴³Laɓe yii sɔ̃ɔre bitɔ̃ɔreni tukeni yãa ye yide sɔɔ zuse yeni. Je jaa ɓi Yeso shii a tũnpu a tipi Urushelima yeɓi yini yingɓi yide ze ɓa. ⁴⁴Yii ɓaani wu a titi shɔngɓe ying kn dɔrɔng, yii kn diki goro. Yide sɔɔ gawu beeni a titi yii shɔng bii ni wesangɓi yini.⁴⁵Laaɓe yide zewu ɓa, yii sɔɔ Urushelima a gawu beeni lem-lem a moni. ⁴⁶Ɓem toyi diki tati amɔngɓe ying bewu a kpawu a jaka Laa, wɔ̃ng a titi shɔng manteni a weseyi shoo a yɛ̃le yii ruu. ⁴⁷Shɔngɓe yii tee shoo awu walikang bii zayi aru wu zeni ɓɔɔ viɓe koseyi ɓe.⁴⁸Alaɓe yii zewu ye ɓe, yii sho nugn. Yingɓi tɔwu ni, "Ma jaa, aru vi mɔ pele wo ananko viya? "Mile pĩn, N ni yara ni, wo bemɔ ye, wo yato leseye." ⁴⁹A koseyi ni, , "Aru vi nɔng beng mɔng viya? nɔde ze ɓa wɔ̃ng ye ananko N pele Madaa vi shoni ɓa ya? ⁵⁰Yide too viɓe shãngsheyi ɓa.⁵¹Asɔɔ sɔɔ tipi Nazare ni yini a ayii bɔrɔ a bii tɔ̃ɔving. Yingɓi yise vim yii walikang a sĩngsĩng. ⁵²Yeso waating ni bɔni ni kpɛ̃ɛni ɓɔɔ kaseni a Laa bii ɓɔɔ shɔngzeng yii.

¹A saa kopi tu maani ɓe Tibaru Kaisa rookpanti-alaɓi ɓi Bilatu Ponti shɔng ladong ɓe Yahuda, Hiridu kɔ yuborɔ Galili, zũngbi Filibu kɔ yuborɔ ɓe koo Itura ɓɔ Tarakoniti, Lisana kɔ yuborɔ ɓe Abilana, ²alaɓe Annasi ɓɔ Kaifa yiɓi yuborɔ yee firisi-Ruu Laa e Yɔhana Zakariya jaa bii a jĩnti.³A wa koo ɓe yi maani ni Urudu, a waayã aru Baptizima ɓe daani ruvini aru yaase ni ruvini.⁴Anaɓe shɔng binke a labini ɓe shɔng zeni Ishaya, "Shɔngɓɔ kaa yã a jĩnti, 'Nɔ gongte Daayere dɔrong, nɔ gongte dɔrong yiriri.⁵Shɔng buu yɔɔ walikãng, shɔng dangke yu jebu ɓɔ kɔpɔ a tipi, dɔ̃rong sɔɔ gɓeng kɔtɔ shɔng gongte shiriri, shɔng gongte dɔ̃rong a mɔng ɓe de liɓa, ⁶shɔngzengyi walikãng yi zee raniyu ɓe Laa."⁷Yɔhana gãle mɔɔ ɓe yiing eni wu bii aru wu pele Baptizima, "Nɔ ɓe jaa bãdiyiǃ Ɓi we gɔ̃ɔnɔ shoo ni nɔ yuu ta aru diki leseni yato ɓe tening viya?⁸Na ananko, nɔ kese rɛɛni ɓe waa nɔ pele ni ruvĩni ta, nɔna tɔɓa anɔ titi ni, 'Ibirayi ɓi wo daa ɓa.' aru N gãle nɔ Laa da zenung kɔtɔ wu yuse Ibirayi jaayi a yu tarang yi.⁹Hami shɔng ɓa kpaliye a bii lá. Aruɓe lá ɓe de rɛɛnung tɔ̃ɔving ɓa shɔng kooleyi a tipi shɔng tẽyi a vusu yaa."¹⁰Alaɓi mɔɔ yi watĩng ni wu yẽni, ning, "Wɔ sɔɔ pele viya?" ¹¹A kaseyi a shãngshe yini, "Shɔngɓe wu fara ɓooseni ziti, wu aa shɔngɓe wuɓe ɓa ni ɓa, shɔngɓe wu vishaani ani wu pele jɔ ananko."¹²Shɔng teni saka vi tipi yi e jɔ ni wu peleyi baptizima, yi sɔɔ gãle wuni, "Shɔng manteni, wo pele viya?" ¹³a kaseyi ni, "Nɔna tee saka ɓa wu jã viɓe shɔng tɔni nɔ tee ɓa."¹⁴Sɔmɛrɛ ɓɔyi sɔɔ yẽwu jɔ, ning, "N wo ko?" A gãle yini, "Nɔna raa saka ɓa a shɔngɓɔ na ni kaka ɓa, nɔna sɔɔ lake shɔngɓɔ ya ɓa. Nɔ vi doo tise nɔ ye."¹⁵Hami alaɓe shɔngzeng yiing gaa Kirisi wu eni, yi walikãng yi de lereni ayi sĩingsĩing aru Yɔhana, kɔ ɓi wuko Kirisi. ¹⁶Yɔhana kaseyi kiti walikãng ni, "N bi bii, N pele nɔ baptizima ni mɛɛ, shɔngɓɔ teni ɓe jãng ni kaka, N de waa ɓa N kale wu vi maani doo ɓa. Wuko N pele nɔ baptizima ni Suru Tɔ̃ɔving ɓɔ ni yaa.¹⁷Wu vi sheenivi awu na ni wu koo wu tipi sheenivi wu sɔɔ muse vishang a ɓoo. Wu sɔɔ shaare wisi ni yaa ɓe shɔng da zenung ɓa shɔng rĩnse."¹⁸Ni gãsi waani yã vɛ̃ɛni, Yɔhana gãle shɔngzenyi Laa ruu tɔ̃ɔving. ¹⁹Alaɓe shɔng a na ye ni yuborɔ Hiridu wu sɔre zũngɓi soo Hirodiya, ɓɔ tɔti gasi ru nangka ɓe Hiridu pele ɓe, ²⁰a ɓaase viɓemyi a vusu walikãng, a maa Yɔhana a gãyã.²¹Hami a tũmpu viɓenyi, alaɓe shɔng pele shɔng baptizima ye, Yeso pele baptizima jɔ, alaɓe dong gɔ̃re Laa, koolapa puuyi, ²²Suru Tɔ̃ɔving looke a lang awu yu ni bii kooro, yã sɔɔ ke a koolapa, "Mɔ ɓi Jaa ɓe N kase vɛ̃ɛni. N tã mɔ ruubi."²³Alaɓe Yeso gaa wu shooni, wu saa wa mbãtutu kopi. Wu ɓi jaa (ana shɔng too ɓe) Yusuu, jaa Heli, ²⁴Mattha jaa, Levi jaa, Melchi jaa, Jannai jaa, Yusuu jaa.²⁵Yusuu wu ɓi Matthathias jaa, Amos jaa, Nahum jaa, Esli jaa, Naggai jaa, ²⁶Maath jaa, Mattathias jaa, Semein jaa, Josech jaa, Joda jaa.²⁷Joda ɓi Joanan jaa, Rhesa jaa, Zerubbabel jaa, Salathiel jaa, Neri jaa, ²⁸Melchi jaa, Addi jaa, Cosam jaa, Elmadam jaa, Er jaa, ²⁹Joshua jaa, Eliezer jaa, Jorim jaa, jaa matthat, Levi jaa.³⁰Levi ɓi Semon jaa, Judah jaa, Yusuu jaa, Jonam jaa, Eliakim jaa, ³¹Mela jaa, Menna jaa, Mattatha jaa, Nathan jaa, Dawuda jaa, ³²Jesse jaa, Obed jaa, Boaz jaa, Salmon jaa, Nahshon jaa.³³Nahshon ɓi Amminadab jaa, Admin jaa, Arni jaa, Hezron jaa, Perez jaa, Yahuda jaa, ³⁴Yakubu jaa, Ishaku jaa, Ibirayi jaa, Terah jaa, Nahor jaa, ³⁵Serug jaa, Reu jaa, Peleg jaa, Eber jaa, Shelah jaa.³⁶Shelah ɓi Cainan jaa, Arphaxad jaa, Shem jaa, Noah jaa, La,ech jaa, ³⁷Methuselah jaa, Enoch jaa, Jared jaa, Mahalalel jaa, Cainan jaa, ³⁸Enos jaa, Seth jaa, Adamu jaa, Laa jaa.

¹Yeso, ɓe zuku suru a wu bii, laɓe ing sɔɔ a yoo Urudun ɓe suru ni wuni a jĩnti, ²ɓe diki laa ziti ɓe vĩnivĩvĩ rãamang masewu, de shaa viɓɔɔ ɓa a diki waa yii, a tũnpu ɓini wɔ̃kɔ shawu.³Vĩnivĩvĩ rãamang ɓi gãalewu ni, "Mɔna Jaa Kpanti Laa, rise tara mi wu wɔ̃ng bubula" ⁴Yeso kasewu ni, "Anaɓe shɔng binke ɓe, shɔng daa kpeng ɓa ni bubula ko shee ɓa."⁵Vĩnivĩvĩ rãamang too Yeso kpat a tasewu rooni koodanga a titi laa wodot. ⁶Vĩnivĩvĩ rãamang shãnshewu ni, "N daa amɔ a kaka mi yii walikang ɓɔɔ yii bɔrɔ ani ni walikang, aruviya shɔng an yii ye, N zenung kɔtɔ N a shɔngɓe N kase ɓe. ⁷Aru gooko, mɔna daa tang kɔtɔ mɔ gbãareng, ing wɔ̃ng mɔ ɓe."⁸Yeso sɔɔ risewu, a gãalewu ni, "Shɔng binke ni, "Mɔ gbãare mɔ Daayere Laa, mɔ dũng wuko shee."⁹Vĩnivĩvĩ rãamang sɔɔ ware Yeso a tipi Urushalima a shĩng wu a zɔngkɔ jaka Laa ɓe shɔng maa ɓe, a gãalewu ni "Mɔna Jaa Laa ɓaata ni yuu a tipi. ¹⁰Ana ɓe shɔng binke ni, "Ing awu jaashoni yii dɔrɔng kɔtɔ aru mɔni, yii kpemɔ" ¹¹yisɔɔ, 'Tomɔ ayi naa, aruɓe mɔ daa kɔse dɔɔ ɓa tara ɓa."¹²Yesɔ kosewu, a gãalewu ni "Shɔng tooni, "Mɔna mase mɔ Daayere Laa ɓa." ¹³Laɓe vĩnivĩvi rãamang sɔ̃ɔre maseni Yeso yãa ye, a yii dɔ̃rɔng a wawu waani a yawu laa wodoot.¹⁴Yeso so tipii Galili a titi kaka Suru, wu ruu bii leng tipi ɓɔɔ koo yii. ¹⁵Asɔɔ gaa vii manteni a yii jaka Laa a kpaa dɔɔreni a shɔng bii walikang.¹⁶A e tipi Nazare, mɔngɓe yupaa, anaaɓe ɓi wu lansi, a ɓo jaka Laa a diki wɔ̃keni a yuu paa a ɓale laa ni kaka. ¹⁷Shɔng awu labini shɔng zeni ruu Laa Ishaya. Puu labini ɓi a kpaa mɔngɓe shɔng binke ni,¹⁸"Suru Kpanti Laa an yuu aru ɓe N shãngshe shɔng rang yii ruu tɔ̃ɔving. A shong ni kese shɔngɓe shɔng mayii ɓe N sɔɔ puure shɔng nung gbãati yii nung, N sɔɔ vase shɔngɓe shɔng kpãareyi yãa ¹⁹N sɔɔ wa Daayere rusa kpenseni."²⁰Asɔɔ ling labini ɓi, a shɔngɓe yii awu asɔɔ wɔ̃ng a tipi. Shɔngɓe yii a Jaka Laa yii tɛ̃ɛrewu nung a bii walikang. ²¹a gaa yii shãngsheni ni, "Lam ɓem labini mi ɓoye anɔ shoo." ²²Shɔngɓe yii a mɔni walikang, yii shãng yãa tɔ̃ɔving awu yuu viɓi sɔɔ ayii vi bii zaani a ruu bonseni ɓee wani ting ɓe ke awu yãa, yisɔɔ yɛ̃ɛ weeni, "Ɓem ɓa Yusu jaa ɓa ya?"²³A kase yii ni, "Ananko nɔng shãngsheng yãa gaani mi an yuu, 'Shɔngãng, gante mɔ yuu ta. Viɓe wo tãa ni mɔ pele a tipi Kafanahu, pele ta jɔ ananko anɔ koo." ²⁴Asɔɔ gãale yii ni, "Nungoko shɔng te shɔng shãni ruu Laa ɓa ayi koo ɓa.²⁵Nungoko N shãngshe nɔ sovɔɔ yii ani vɛ̃ɛni a tipi Urushalima a laaɓe Iliya sii dong ani ɓe, laɓe mɛɛ lapa bɛ̃ɛ sãni saa tati ɓɔɔ shele mangoro a laaɓe wɔ̃ko doo a tipi ɓini walikang. ²⁶Shɔng de shong Iliya ɓa a yini kɔ goro ɓa, shɔng shong a Zarifa ɓe a tipi Sido ɓe wu jere vɔɔ ye ɓe. ²⁷Shɔng vibii yii ani vɛ̃ɛni a laɓe shɔng zeni ruu Laa Elisha sii dong ani ɓe, shɔng de gante shɔngɓɔɔ ɓa goro ɓa Na'ama shɔng tipi Siriya ko gante ke."²⁸Shɔngɓe yii a jaka Laa ɓɔkɔkɔ yii zaa dongoro alaɓe yii tãa vim ye ɓe. ²⁹Yii yupaa ke, a kesewu ni kaka a tipi ɓini, a waarewu a dinli kɔpɔ ɓe shɔng maa koo ɓi ani ɓe, aruɓe yii daa lokewu a sɔng lapa ɓe. ³⁰Sɔɔ ɓoyi titi bii a dase koo ɓɔɔ.³¹A dase tipi Kafanahu, ɓoro koo a tipi Galili ,a gaa manteni a diiki wɔkeni. ³²Yii suru bii du dongoro aruɓe shãng yãa ni kaka.³³A jaka Laa ɓini shɔngɓɔɔ a mɔni ɓe vĩnivĩvĩ rãamang ɓowu bii, kaa yãa vɔɔ ni kaka ³⁴"Gbeetǃ woda pele nukovi ni mɔni viya, Yeso shɔng Nazaret? Mɔ eke mɔ lesewo ke ya? N ze mɔ zɔng ye Laa Jaa ɓe goro kpelekpeǃ"³⁵Yeso lanse vĩnĩvĩvĩ rãamang yãa a tɔɔni, "Mɔna shãng yãa ɓɔɔ ɓaǃ Keta mɔ yawu biiǃ" Laɓe vĩnivĩvĩ rãamang loke shɔngɓi ye a tipi a yi titi, ke awu bii, a de lesewu ɓa. ³⁶Shɔngzeng walikang bii za yii, yii sɔɔ shãng ke aruni a yii nung. Yii tɔɔni, "Ɓem ɓi zɔng yãa shãni ɓeweya? A lanse vĩnivĩvĩ rãamang yãa ni naa ani ɓɔɔ kaka yisɔɔ keyi" ³⁷wu ruu bii gaa leni koo ɓe yii mɔni maang ɓɔkɔkɔ.³⁸Alabing, Yeso ya jaka Laa asɔɔ ɓo Sima ye, Sima kpengɓi wu sii vɔɔ, yii gɔ̃ɔre aru wuni. ³⁹Shi a wu yuu a lante vɔɔ ɓeng yɔɔre wu, vɔɔ ɓi yawu, ɓani jang ɓani ɓa. A yuu paa a gaa wãareni yii vishang.⁴⁰A laɓe laa de yeeni ɓe, shɔng ese Yeso shɔng vɔɔ yii totok. A shĩngshe yii naa a bii a gante yii ⁴¹Vĩnivĩvĩ rãamang yase yii bii, a kake yãa vɔɔ ni, "Mɔko Jaa Laa" Yeso gɔ̃ɔre vĩnivĩvĩ rãamang yii gãgã a zãare yii yãa shani, aruviya yii zeye wuko Kiristi.⁴²Laɓe gandi rɔɔye ɓe, ke a waa mɔngɓe shɔng ɓa a mɔni ɓa. Mɔɔ vɛ̃ɛni yii bewu a e mɔng ɓe wu sii ani ɓe. Yii kase yii zãare wu wani mɔngɓɔɔ. ⁴³A gãaleyi ni, "Wɔ̃ng ye ananko N waa ruu Laa aru Laa rooni koo a koo ɓɔɔ yii totok, aruviya,shɔng shong aru goko." ⁴⁴Asɔɔ wating ni waani ruu Laa a jaka Laa a tipi Yahuda walikang.

¹Wating alaɓe shɔng muse a Yeso bii yin taa ruu Laa alaɓe shi a yãa wapo Janisarata. ²A too nung a ze tuusi ziti ɓe shɔng shiire a yãa waapo. Shɔng jezung yii ke ye a vusu yide sɔɔke yii jang ni. ³Yeso ɓo goro tuusi ɓɔɔ, ɓi Sima ɓee, a gãalewu ni wu ɓaa ta a mɔngɓe sho kɔtɔ wodot. Asɔɔ wɔ̃ng a tipi a mante shɔngɓe yii yãa ga yiɓa a vusu tuusi yivi.⁴Aɓe sɔɔre shãani yãa ye, a gãale Sima ni, "Wu sɔɔre tuusi ɓi ta a titi mɛɛ , wu looke wu jang wu rãa mɛɛ" ⁵Sima kosewu a tɔɔni, "Shɔng bɔrɔ, wo pele viye ni zii walikang wode kpaa viɓɔɔ ɓa, anaɓe mɔ shãngɓe, N looke jang kɔtɔ a mɛɛ" ⁶Laɓe yii pele ye, yii kpaa jezung vɛ̃ɛni yii jang kpa mɔng rɔkeni ye. ⁷Yii ɓaa yãa a shɔng jezung yini ɓɔɔ yii, aruɓe yi daa yise yi naa ɓe. Yide keni yise yii tuusii ni jezung ni ɓol aru daa lung dii.⁸Laɓe Sima Bituru, laɓe zeye ɓe, a kute a Yeso dɔɔ, a tooni, "Yanta a bĩni, N zeye N shɔng ruvĩni, Daayere" ⁹Aruviya shɔngɓe yini wuni walikang, bii zaa yii aru jezung ɓe yii see ɓe. ¹⁰Jɔ ananko Sima wesang yii ɓɔɔ Yakubu ɓɔɔ Yɔhana, Zabadi jaa yee, ɓe yii Sima shɔng yãa kasi yeen ni Sima. Yeso Sima ni, "Mɔna zaa ɓa, aruviya hami a wating mɔng yii shɔngzeng. ¹¹Laɓe yii ese yii tuusi ye ɓe, yii yaa vii walikang, a dũng wu ke.¹²Vim wating alaɓe wu a bɔrɔ koo ɓɔɔ, shɔng vibii a mɔni. Laɓe ze Yeso ye ɓe, a wete awu waating a gɔ̃ɔrewu a tɔɔni, "Daayere mɔna kase ye mɔ sɔken" ¹³Yeso sɔɔ ware na a liwu ni, "N kaseye sɔke ta "Vibii mi de yawu ni".¹⁴Gãalewu ni wuna shãngshe shɔngɓɔɔ ɓa, a tɔwu ni, "Yimɔ dɔrɔng ta, mɔ tase yuu a Firisi yi bii mɔsɔɔ a ani aru mɔ sɔkeni, anaaɓe Musa shãngɓe, wu wɔ̃ng vi zɔng ani."¹⁵Wu rubii wa ye feefe, bɔrɔ mɔɔ yide muse ni a yawe ni yii tãwu manteni aruɓe daa sɔɔ ganteyi vɔɔ. ¹⁶Asɔɔ kese bii a shɔng titi ni gaa a wɔ̃ng a mɔngɓe shɔng ɓa ani ɓa a gɔ̃ɔre Laa.¹⁷Ke a diki ɓɔɔ ɓe de mante ni ɓe, a mɔngɓi shɔng Farisa ɓɔɔ shɔng zeni rudani yii wɔ̃ng a jekoo ɓe a Galili ɓɔɔ tipi Yahuda a tipi Urushelima. Kaka Laa ɓee ganteni a mɔni.¹⁸alaɓi shɔng too shɔngɓɔɔ ɓee wu bii vɔɔ kago, yii bee dɔrɔng ɓe yidaa ɓɔsewu a vusu ɓe aruɓe yidaa yɔwu a Yeso waating . ¹⁹Yide kpa dɔrɔng ɓe yidaa ɓɔsewu ɓa, aru shani mɔɔ, asɔɔ vɔ̃ng sɔ̃ng jaka a lɔɔrewu ni sɔng, ni wu sii rooni, a titii shɔng, Yeso waating.²⁰Mileni yii zɔng ani ɓe yii a ɓe, Yeso gãalewu ni, "Shɔngzeng, shɔng yase mɔ ruvini ye." ²¹Shɔng labini ɓɔɔ shɔng Farisa yide gaa yeni vim ni, a tɔɔni, "Ɓem ɓii weya ɓe shãng ruu rubɔng tooni mi weya? we daa yase shɔng ruvĩni we na ɓa kpanti Laa ko shee ɓa?"²²Yeso a wu zeni, ze viɓe ying leere ye koseyi a gãaleyi ni, "Aruvi nɔng yɛ̃le anɔ sĩngsĩng viya? ²³Ɓe we de kpãa ɓa, shɔng wu tɔɔni, 'Shɔng yase mɔ ruvĩni ye kɔ ni, 'Yupa ta mɔ kn?' ²⁴Anɔ ze ke Jaa Shɔngzeng kaka ani a koodanga wu yaase shɔng ruvĩni, --"a tɔɔ shɔng vɔɔ mini---" N gãalemɔ ye, yupa ta, too mɔ sii mɔ waa mɔ yee."²⁵Ɓani jang ɓaani ɓa, yupa a yii waating a too sii ɓe si roo ani ɓe. Asɔɔ wawu yee, a-a Laa ring bɔrɔ. ²⁶Yide sɔɔ yinaa ni a yãa walikang yisɔɔ a Laa ring bɔrɔ. vɔɔ zaani de jãyi kakani, a tɔɔni "wo vi zaani bii lam ye."²⁷Alaɓe vim waa ting ye walikang, Yeso ke a yaa mɔngɓi asɔɔ ze shɔng teni saka vi tipi ɓe shɔng ɓawu ni Lawi wɔ̃ng ye a kute saka vi tipi teni. A gãalewu ni, "Dũng ta" ²⁸Lawi yupa a dũng wu, a yaa vi walikang a tũnpu.²⁹Lawi sɔɔ wake a gonte bɔrɔ bii tɔ̃ɔreni awu yee aru Yeso . Shɔng teni saka vi tipi vɛ̃ɛni ɓɔɔ shɔngɓe yii muse a mɔng ladong shaani vishang ni yini. ³⁰Shɔng Farisa ɓɔɔ shɔng labini, yide wɔ̃mɛ wu jaadɔɔ yii yãani a yuu a tɔɔni, "Aruvi mɔng shaa vishang asɔɔ ɓooni shɔng saka vi tipi teni ɓɔɔ shɔng ruvĩni yini viya?" ³¹Yeso koseyi ni, "Shɔng ɓe yii vɔɔ ɓa bii ɓa, yi bee shɔng gãng ɓa; shɔngɓe yii vɔɔ yiko ,yii ɓe ke. ³²N de e ɓa aru shɔng tɔ̃ɔving yii ba, N e aru shɔng ruvĩni yii yaa ruvĩni."³³Yii gãalewu ni, "Yɔhana jaadɔɔ yii zii yãa mɛɛ a gɔɔre Laa, jaadɔɔ ɓe Farisa yii pele jɔ anangko. Mɔ ɓe jadɔɔ yii shaa vi a ɓoo mɛɛ." ³⁵Yeso gãaleyini, "shɔngɓɔɔ daa shĩng shɔng eni mɔng gbaare ani kɔtɔ yii zii yãa mɛɛ alaɓe jere gbaare dɔng ni yini ya?" ³⁴Aruviya diki teeni ɓe shɔng daa too jere gbaare ayi bii ni gaa, ying sɔɔ zii yãa mɛɛ a diki waa ko."³⁶Yeso sɔɔ shãngshe yii yãa gani ni, "shɔngɓɔ da tãase je fara polo ɓa a reng a fara gbenti ɓa. Na pele vii wa ye ing tãase polo fara kɔtɔ, je fara polo ing ɓase ɓa ni gbenti fara ni ɓa.³⁷Shɔng so saa polo ɓa a baka gbenti ɓa. Na pele ɓem ye, polo saa mi na yupa yee ing wɔ̃nke baka ɓi, saa ɓi ing sɔɔ wɔɔseyi ³⁸Shɔng so saa polo jɔ a baka polo yi ko. ³⁹Shɔngɓɔɔ alaɓe na boo gbenti saa ye kase polo, aruviya tɔɔni,. 'Kpaati ko dang"

¹Hami wating a Diki wɔ̃keni ɓe Yeso de daseni a kati kulu zee, wu jaadɔɔ yide sũng nɛɛren zee ni, a kpãa a naa asɔɔ shale ke. ²Gãasi shɔng Yahudawa yii tɔwu ni, "Aru vi nɔng pele vi ɓe ɓa tɔ̃ɔving ɓa a Diki wɔ̃keni viya?³A wu koseni, Yeso tɔɔni, "Nɔde ɓale viɓe Dawuda pele ke a laɓe sĩng wɔ̃ko, wuni shɔngɓe yini wuni ɓa ya? ⁴Waake a ɓo jaka Laa, a too bubula ɓe a mɔni a shaa gãasi yi, asɔɔ a shɔngɓe yini wuni yi sɔɔ shaa jɔ. Kɔɓe rudani ya firisi yiko shee ni yi shaa ke." ⁵Asɔ gãaleyi ni, "Jaa Shɔngzeng ko Daayere Diki wɔ̃keni "⁶Vim waating a Diki wɔ̃keni ɓɔɔ alaɓe wa ɓo jaka Laa a mante shɔng vi a mɔni, shɔngɓɔɔ mɔni ɓe wu nashang gɔɔke kɔtɔ. ⁷Shɔng labini ɓɔɔ shɔng Farisa yii tɛ̃ɛrewu nung a bii yii zeke kɔ daa gante shɔng kɔtɔ a Diki wɔkeni aruɓe daa kpaa dɔrɔng lanseni wuni ɓe. ⁸Ze viɓe yin leere asɔɔ tɔɔ shɔngɓe naa gɔɔke ni nin, "Yupa ta mɔ shii a titi shɔng walikang" Shɔngɓi yupa a shii a shɔng titi.⁹Yeso gãaleyi ni, "N yɛ̃nɔ ruu pĩng, lii kɔtɔ wo pele tɔ̃ɔving a Diki wɔ̃keni kɔ wo lese shɔng, wo kpense suru ya kɔ wo nung vɔɔ?" ¹⁰Asɔɔ raanung a mile yii walikang a shangshe shɔngɓi ni, "Yɔɔre mɔ naa ta ni tin" sɔɔ pele ananko, wu naa desɔɔ sɔɔni. ¹¹Yide sɔɔ lese yato ni vɛ̃ɛni, a bee dɔrɔng viɓe yidaa pele Yeso ɓe.¹²Vim waating a laa wa yii ɓe vɔ̃ng yuu kɔpɔ aru gɔ̃ɔreni Laa. A wating ni gɔ̃ɔreni Laa ni a zii ɓini walikang ¹³Alaɓe gandi rɔɔye ɓe, sɔɔ ɓawu jaadɔɔ yãa awu ɓi, asɔɔ rɔɔ kopi atu ziti, ɓe ɓayi ni shɔng rɔkeni¹⁴Ring jaadɔɔ ɓi yiko anaa ɓem, Sima (ɓe shɔng ɓawu ni Bituru) ɓɔɔ zungɓi Andarawu, Yakubu, Yɔhana, Filibu, Batalamawu, ¹⁵Matiyu, Toma, Yakubu Alifa jaa, Saminu ɓe shɔng ɓawu ni Zaloti, ¹⁶Yahuza Yakubu jaa, ɓɔɔ Yahuza Iskariyoti, shɔngɓe male Yeso, ɓe wɔ̃ng shɔng seeni wu dɔɔ.¹⁷Yeso sɔɔ lɔɔni yini a yuu kɔpɔ a yãwee, asɔɔ shii a teeli ni mɔɔ ni vɛ̃ɛni ɓɔɔ wu jaadɔɔ ɓɔɔ shɔngɓe yii a Yahuda ɓɔɔ Urushelima ɓɔɔ nung ɓile Taya ɓɔɔ Sidon. ¹⁸Yii eke yii tãwu, yi ɓeke ni wu gante yii a vɔɔ tɔɔtɔk. Shɔngɓɔɔ yii nin nanka suru ɓe kpãareyi ke, yisɔɔ gante ke ¹⁹Shɔngɓe yii muse walikang yii bee yii liwu ni naa aruviya kaka ganteni ke kɔtɔ a awu bii, asɔɔ ganteyi walikang.²⁰Sɔɔ raa nung a mile wu jaadɔɔ a tɔɔni, "Panti ɓi nɔ ɓee ko, shɔngɓe nɔ shɔng rang, aruɓe rooni Koo Kpanti Laa ɓinɔ ɓee ko." ²¹Pãnti ɓinɔ ɓee, shɔng ɓe nɔng tãa wɔ̃ko hami, aruɓe shɔng daa shaare nɔ kɔtɔ." Pãnti ɓinɔ ɓee ko shɔngɓe nɔng kaa yãvɔɔ ham, aruviya nɔng laare yãbang kɔtɔ.²²Pãnti ɓinɔ ɓee ko, shɔng na bɛ̃nɔ ye yi zɔ̃nɔ asɔɔ dãnɔ a senɔ ring aru Jaa Shɔngzeng. ²³Nɔ pele puru yato a diki wa, Nɔ jenre aru puru yato, aru ɓe nɔ dɔɔ yɔɔni shang kɔtɔ a koo lapa, yebɔngɓi yi pele shɔng zeni ruu Laa jɔ ananko.²⁴Ɓem ɓi vi nugn kɔni nɔ shɔng viyee, aruviya nɔ tenɔ sĩngsĩng mani ye. ²⁵Ɓem ɓi Vi nugn kɔni shɔngɓe nɔ vishang ani hami, nɔng tãa wɔko kɔtɔ laa wodot. Ɓem ɓi vi nugn kɔni shɔngɓe nɔng laare yãabang ham, nɔng tãa yato viki nɔsɔɔɔ kaa yãvɔɔ laa wodot"²⁶"Ɓem Vi nugn kɔni laɓe shɔng shang yãa anɔ yuu tɔ̃ɔving, jɔ ananko yebɔngɓi yii pele ni shɔng zeni ruu yãa jĩni yini."²⁷N gãalenɔ shɔngɓe na weshoo, nɔ kase nɔ shɔng pong nɔ sɔɔ pele shɔngɓe yii bɛ̃nɔ tɔ̃ɔving. " ²⁸Nɔ shinshe shɔngɓe yii lesenɔ pãnti, nɔsɔɔ gɔ̃ɔre aru shɔngɓe ying kpãare nɔ ɓe.²⁹Shɔngɓe na numɔ ye a kalon mɔ rise wu kaɓɔ. Shɔngɓe na temɔ fara ye mɔna zãarewu mɔ vi bii kukeni ɓa. ³⁰Shɔngɓe na gɔ̃ɔre mɔ ye mɔ awu shɔngɓe na temɔ viye mɔna yɛ̃wu tɔɓa a runi ɓa .³¹Viɓe nɔ kase shɔng wu pele nɔ, nɔ pele shɔng jɔ wuko. ³²Nɔ na kase shɔngɓe kase nɔ ko shee, nɔ dɔɔ yɔɔni kini viya? Ko shɔng ruvĩni yii kase shɔngɓe yii kaseyi ɓe ko. ³³, Nɔna pele tɔ̃ɔving ni shɔngɓe pele nɔ tɔɔving ko shee, nɔ dɔɔ yɔɔni kini viya? Ko shɔng ruvĩni yii pele ananko. ³⁴Nɔna kɔ̃se shɔngɓe nɔ tegn yii daa sɔɔre nɔ ɓe ko shee, nɔ dɔɔ yɔɔni kini viya, kɔ shɔng ruvĩni yii kɔ̃se wee anung shɔng ruvĩni, wu sɔɔ te viɓe a shɔngɓe.³⁵Nɔ kase shɔng pong nɔsɔɔ pele yii tɔ̃ɔving. Nɔ kɔ̃se shɔng nɔna tegn ɓa shɔng wu sɔ̃ɔre nɔ ɓa nɔ dɔɔ yɔɔni ing wɔ̃ng kɔtɔ dɔrɔrɔ, nɔng sɔɔ wɔ̃ng Laa jaayii, aruɓe wuni wu yuu wu ɓi tɔ̃ɔving a shɔngɓe yii tase dɔɔreni ɓa ɓɔɔ vĩnivĩvĩ shɔng yii. ³⁶Nɔ tãa shɔng nugn kɔni, anaaɓe Yara ɓi shɔng nugn kɔni.³⁷Nɔna ɓoore shɔng yori ɓa, aruɓe shɔng daa sɔɔ ɓoore nɔ yori jɔ ɓa ɓe. Nɔna lese shɔng ɓa, aruɓe shɔng daa sɔɔ lese nɔ jɔ ɓa ɓe. Nɔ yase shɔng ruvĩni, aruɓe shɔng daa sɔɔ yase nɔ ruvĩni jɔ ɓe.³⁸Nɔ a shɔng, aru ɓe shɔng daa sɔɔ anɔ jɔ ɓe. A pii ɓooli, shɔng dongse kɔtɔ, gãasi ing wɔɔse a tipi, shɔng sɔɔ tɛ̃ɛre nɔ gãasi a naa fara. Pii ɓe nɔ mani shɔng sɔɔ mase nɔ jɔ ni wuko"³⁹Asɔɔ shãngshe yii ruu ni yãa gani ni, "Shɔng nung gbãati yii yise wee laa kɔtɔ ya? Na pele ye, yii zinzini yin sho a too, ying wete ɓaya? ⁴⁰Jaadɔɔ jãa shɔng manteni ɓa, shɔngɓe shɔng mantewu kɔtɔ tɔ̃ɔving ing wɔ̃ng ana wu shɔng manteni.⁴¹Aruvi mɔng mile peere laa a zũngwa nung, mɔ de sɔɔ ze gbiti laa ɓe amɔ nung ɓa viya? ⁴²Aruvi mɔ daa gãale zungwa ni, "Maazung, shii ta N zɔ̃se mɔ peere amɔ nung; mɔ de sɔɔ yɔɔre yuu ɓa ni gbiti laa ɓe amɔ nung ɓa viya? Mɔ bibi shɔng nuknǃ Zɔ̃ gbiti laa ɓe amɔ nung ta shɔɔni, a mɔ ze gbang a dɔɔ ɓe mɔ daa zɔ̃se zungwa peere laa ɓe awu nung ɓe.⁴³Laa tɔ̃ɔving daa re jaa nangka ɓa, jɔ ananko laa nanka daa sɔɔ re jaa tɔ̃ɔving jɔ ɓa. ⁴⁴Aruviya, kɔ zɔ̃ng laa ɓeweya shɔng ze yii a zɔng reni. Aruviya, shɔng rooke reni sinri ɓa a laa kɔɔkɔ ɓa, ko shɔng roke reni roo ɓa a laa saa ɓa.⁴⁵Shɔngzeng tɔ̃ɔving shɔng zewu a puru yato vii peleni tɔ̃ɔving, shɔngɓe yato rãa ke ɓe shɔng sɔɔ zewu awu dɔ̃rɔng viiki yato, aru viɓe naa yato ɓe shɔngzeng kese wuko a yãa a shanke"⁴⁶Aruvi nɔng ɓang ni, "Daayere, Daayere" nɔng pele viɓe N gãalenɔ ɓa ɓe? ⁴⁷Shɔngɓe naa en bii yii, sɔɔ tãng yãa shani ye, sɔɔ dũng ye, N gãalenɔ dɔɔɓe wɔ̃ngɓe ⁴⁸Wu anaa shɔng ɓe Maa yee, a gbãa too gurungu, a lowu tung jaka a yupa. Laɓe zãsi mɛɛ na eye, mɛɛ na luu ye ing saate ɓa, aruviya shɔng maa kɔtɔ dang.⁴⁹Shɔngɓe na tãng ruu ye, de pele ɓa, wu anaa shɔngɓe maa yee a yuu sɛ̃ɛli, de shĩng dingli ɓa, mɛɛ eke ayee nung, a ziile ke, yee ɓi saate walikang."

¹A laɓe Yesɔ sɔɔre wu ruu shãngni yãa ye walikãng ɓe a shɔng gãasi yii sho, a ɓoo Kaparinahu.²A moni shɔng kakka ɓɔ wu foo ani ɓe kase ɓe, sii vɔɔ kpãa wu nuni ye ma'ani, ³Alaɓe shɔng kakka mi tãa ye ruu Yeso, ang shonshe wu shɔngɓɔrɔ Yahudayii, awu ye gante wu jaa shoni. ⁴Alaɓe yii ɛ Yeso bii ye ɓe, yiing yɛwu ni yato goro, ang toni, "Mɔ tise nung yee mɔ pelewu vimi, ⁵aruɓe kase wo koo kɔtɔ, wukɔ goro maare wo mɔng gɔ̃ɔreeni mi."⁶Amɔng biin Yeso in doose ni yiing, a laɓe yee ɓi de rante tɔɓa ɓe, shɔng kakka mi ing shɔng wu shɔɔ yiing yii gãale wuni "Daayere mɔ nãa lemɓa, aruviya ing zeye ing dɛ tise nung ɓa mɔ eng kute ɓa. ⁷Aru gooko ing biibii ing dɛ tise ɓa ing ɛ mo bii ɓa, shãng ruu ta goro ing jaa shoni mii ing ganteni kɔtɔ. ⁸Aruviya ing jo shɔng ɓe kaaka ang nan nii, sɔɔja yii ɓɛ ang dɔɔ, ing tɔɓɔ ye ni 'waata' ing waayi, ing na tɔre ɓɔyeng wu eta ing 'ɛyi', ing na tɔreng jaa shoni ye wu “pele vimi ta” ing pele viɓi.⁹A labe Yeso ing tāa vim ɓe, ing zaawu a bii, ang raa nung ni tumpu ang mile wu shɔng duniyii ang tɔre yii, "kɔ a vusu Isrela ing de kpaa zɔng shɔng shinign mi ɓa” ¹⁰A laɓe shɔng ɓe shɔng shoyi mi yii sɔɔ sɔ yee ye, yiing wang kpawu jaa shoni mi ganteye.¹¹A laɓe vim kn ting ye ɓe, Yeso ing wa kɔ ɓe shɔng bani Naili, wu jaadɔɔ nii wu shɔng dunni yiing vɛɛni yii wani wuni. ¹²A laɓe kpãaye wu ɓo koo ɓi ɓe, amɔni, shɔngɓɔ ɓe si vɔɔke ɓe shɔng towu ye ɓe, ja goro ɓe a yinɓi (yinɓi ɓi sɔvɔɔ), mɔɔ kpãa ɓe koo ɓi yii awu ɓi a mɔni. ¹³A laɓe Daayere ing zewu, ang tāwu nugn kɔni ang tɔre wuni “mɔna káa ba” ¹⁴Ang waake ang li lákɔnsi ɓe shɔng towu vɔɔ ani mi, shɔng ɓe sii yii tɔwu vomi yii shi kirikirik. Ang tɔni, "Jekasa, N tɔni, yupata” ¹⁵A laɓi shɔngɓe sii vomi yupa a gaa shãngni yāa, Yeso ing sɔng a yingɓii wu.¹⁶A laɓi vɔɔ zaani jãyii kakka, a mɔnɓi yii gaa dɔɔreni Laa “Laa shɔngzeni yupa ye a wo titi” Laa zewu shɔngzeng yii ye." ¹⁷Ruumi bɔɔ mɔngke a waare tipi Yahuda ɓo yii yãakãasi yii.¹⁹¹⁸Yɔhana wu jaadɔɔ ying gāale wu vibe kn ting walikãng. A laɓi Yɔhana ɓawu jaadɔɔ yii ziti yãa ang shɔnyii a Daayere bii nii yii yɛ̌wu ni, “mɔko mɔ shɔng ɓe mɔng emiya kɔ ɓi shɔng ɓɔɔ toki ya?” ²⁰A laɓe yii eye maani a Yeso bii ɓe, ying yewu ni, “Yɔhana shɔng Batizima showo nii, 'mɔko mɔ shɔng ɓe mɔng emi ya, kɔ ɓi shɔng ɓɔɔ toki ya?”²¹A laɓewa gante shɔng ye vɛɛni a vɔɔ tok-tok ɓɔɔ kese ni vĩnivĩvĩ rãmanyii, shɔng nung gbaati yii kpa zeeniye. ²²Yeso ing kase yii ang shãngshe yini, a laɓe nɔ na sɔɔye ɓe, nɔ gãale Yɔhana viɓe nɔ zee ke a tãa ɓe, shɔng nung gbaati yi de kpãa zeeni, shɔng dɔɔɓa yi de kning, shɔngviibii yii sɔɔkeye, shɔng shoo ɓa yi de tãa mɔngni; shɔng ɓe yii vɔɔye shɔng yuse yii paa a yuusa, shɔng gãale shɔngrang yii ruu tɔving ye. ²³Shɔng ɓe na de ya anizɔng ɓa ing bii ɓa aru ing vii peleni in kpa zuuku kɔtɔ.²⁴A laɓe Yɔhana wu jaashoniyii sɔɔye, Yeso ing gaa shansheni mɔɔ ɓe ying wuni aru Yɔhana, Nɔ waa gaa titi jinti a zee viya? Lá pãri ɓe zãsii zite miya? ²⁵Nɔ sɔ waa gaa nɔ zeeya? Shɔngɓe ɓoose fara a bii nerenene miya? Milenipi, shɔng ɓe yii ɓoose fara bii kpɛ̃ren kpɛ̃kpɛ̃ a gonte bii sɛngsɛngsɛng yii a Kpantii yee. ²⁶Nɔ waa gaa a zee viya? Shɔngzeni ya? Ananko, ing gãale nɔ ye, jãa shɔngzeeni kɔtɔ.²⁷Bɛm ɓi shɔng ɓe shɔng binke ɓe, 'Milepi, N shong jãa shoni a no ting, ɓe da gonte nɔ dɔrɔng a nɔ ting ɓe.' ²⁸N shãngshe nɔ ye, a shɔngɓe sooye ye ɓe bɔ de jãa Yɔhana ɓa. Shɔngɓe wukɔ tokolo a Laa rooni koo ɓe jãa ɓem kɔtɔ.²⁹(A laɓe shɔng tãa ruumiye ɓe, ni shɔng tɛni sãabeng yi, yii shãngye ing Laa ɓolongɓo, aruu yii pele batizima, Batizima ɓe Yɔhana. ³⁰A moni shɔngbɔrɔ Farisayii nii shɔng ruudanni yii ɓe Laa ruu ni yii yuu, aru Yɔhana de peleyii batizima ɓa.³¹Ing da pele nukɔvi a tise shongnmi yii ni wo shɔng koodanga ɓe hami weya? yii nukɔviya? ³²Yii ana wojaa ɓe yii pele showa a nungmɔ mi, yii wɔng a shãngshe weeni, 'Won jɛ̃re mɔ jegon, nɔ de yãsang ɓa. Won tãng soo vɔɔ, nɔ de kaaɓa'.³³Yɔhana shɔng batisima eke sha bubula ɓa kɔ wu ɓoo mɛɛ raaseni, 'nɔ tɔni wu zãsi a yuu.' ³⁴Jãa shɔngzeng eye shaake a ɓoke, nɔ tɔoni mileniping shom vii shãng daase wu ting ɓa shɔng ɓoni saa, wu wosang ni shɔng teni saabeng ɓɔ shɔng ruvini yiiǃ ³⁵A ruuviya vii tɔ̌ving shɔng zeeni wu jaadɔɔ yii.³⁶A laɓi goro a titi shɔng Farisa ing ɓa Yeso yaa vishãng shani ni wuni, Yeso in ɓoo shɔng Farisa ɓii yee, a wɔng wu sha vishãng. ³⁷Amoni, sooye Farisa ɓɔɔ a koobi ɓi shɔng ruuvini. A laɓe tãaye ni Yeso ing shavishãng a láteni a shɔng Farisa yee, ang ese gugu nung sunansusu. ³⁸Ang shi awu kagn awu mɔng dɔɔ maani, ang kaa yãavɔɔ, ang tɛ̃ɛre mɛnung a wu dɔɔ, and sɔwu dɔɔ nin wu sisi yuu a dowu dɔɔ yii ni yãa ang sɔng sisɛ wu nung a dɔɔ ni nung sunansusu.³⁹A laɓe shɔng Farisa ɓe ɓa Yeso yãa awu yee mi ze viɓe ing king ting ye, ang shangshe wu yuu ni, “Ana shɔng ɓi shɔngzeeni na zeeye kɔ ɓi zɔng shɔngbewe ing liiwu ni nami, ɓi shɔng ruvĩni." ⁴⁰Yeso ing kasewu ang shãngshewu ni, "Samenu, ing ruu ɓɔ ani ɓeng kase ing gãle mɔ.” Ang tɔni "Shãngta shɔng manteni".⁴¹Yeso in tɔni “shɔng kɔseni saka ɓɔ wu shɔng kɔpɔ yii ziti. ɓɔ wu dinari jenaa maani, goro ɓɔ wu ɓe dinari laziti tu kop. ⁴²Yii de zewu nung shoreni ɓa, ang yaseyii saka ɓi walikap. A mɔ zeeni a titi shɔng ziti mi yii ɓi we ing kasewu vɛni weya” ⁴³Samenu ing kase wuni ɓi shɔng ɓe wu ɓɛ vɛɛni mi." Yeso ing shãngshe wuni, "mɔ ɓoo yori ɓi ye ɓatata."⁴⁴Yeso ing raa nung a gãle Samenu, "mɔ ze sooye miya. Ing ɓɔ mɔ yee ye. Mɔ de ang mɛɛ ɓa N sɔke ing dɔɔ ɓa, sooye mi yureng dɔɔ ni wu menung, a sɔɔreng dɔɔ ni wu sisi yuu, ⁴⁵mɔ de dooleng dɔɔ ɓa ni yaa ɓa, a laɓe N eke ɓe de yang doleni dɔɔ ɓa in yaa ɓa.⁴⁶mɔ de tɛreng nung kaka ɓa a yuu ɓa, sooye mi ang dɔ kaka ni nung sunansusu. ⁴⁷Arugooko ing shãngshe mɔ, sooye mi ruvini, ɓe sii pele dɔroro wal, shɔng yase wuye - a ru wu kaseni ɓe tase vɛni mi. Aruviya shɔng be shɔng yase wu tokolo ɓe pele kaseni tɔkɔlɔng.⁴⁸Ang sɔng gãale sooye mini “shɔng yase mɔ ruvini ye” ⁴⁹Shɔng ɓe sii yini wuni among viishãng shaani a yawe mi, ying yẽe weekiti ni “ɓem ɓi wee ing tɔ dongo ning yase shɔng ruvini ye weya?" ⁵⁰Yeso in gaale sooye mini “Tãata lemɓa mɔ zɔng ani kpensemoye”

¹De wɔng tɔ gbontorong ɓa Yeso gǎa zanti waani a ɓɔrɔ kooyii ɓɔɔ koo tɔkɔlong, shãng ruutɔving ɓe kɔ Laa rooni. Koptu zit ɓi sii yini wuni, ²sooye ɓɔɔ ɓe sii shɔng ganteyii a zaasi bo vɔɔ tok-tokː Mariyamu ɓe shɔng bawu ni Makidaliye, ɓe shɔng kesewu zãasi nawatati a yuu ³Johana, Chuza soo, Hiridu shɔng vii nung shingniː Suzana; ɓɔɔ shɔng gãasi vɛɛni yii, a yi vii naayi, a shoore yii yuu yɔreng.⁶⁴Aɓe mɔɔ kpáa sii yii de muse ni, shɔng de eni a kooɓɔ-kooɓɔ ang shãngshe yii yãa ganiː ⁵“Shɔng lanni mɔng ɓɔ waa kulu nin ruu lɔkɔ. A laɓe ruu lɔko ye ɓe, ɓɔ yii lɔ a yãadɔ̃rɔng shɔng e a nale ni dɔɔ, jenun ɓe lápa ye lese gãasi, Ɓɔɔ yii lɔ̀ a yuu tara, a laɓe gaa boni yeɓe, a zaa ke, aruviya wu dinli de ɓɔɔ tipi ɓa a wu kpa mɔng zangzang a wu bong ɓa a sɔɔ waateke.⁷Ɓɔɔ yii lɔ̀ a kɔkɔ, a bɔng ni kɔkɔ ni yãawee kɔkɔ de ɓarewu. ⁸A moni ɓɔɔ yii lɔ̀ a tipi tɔ̃ving ang ye reeke ɓe jãa lámani kɔtɔ;" A laɓe Yeso shãng vimi ye, ang ɓa yāa ni kakka ang tɔni shɔng ɓe wu shoo tãani na ani wu tãake.”⁹Wu jaadɔɔ ying yewu kiti ni yǎa genimi tase ki viya ¹⁰Ang kase yini zeeni ruu viivɔ̃ɔseni ɓe koo lapa shɔng a nɔye, aru shɔng gãasi n shãngni yãageni, aruɓe yii na mileye ying zeeɓa, ying tãake ying zee viɓe yi tãa ɓa'.¹¹Ham ing gāale nɔ dɔɔruu ɓee yãgeni miː lɔkɔ ɓi wuko wu ruu Laa. ¹²Ɓe yii a yãa dɔrɔng mi ɓi shɔng ɓe yii tãa ruu Laa, vĩnivĩvĩ rãmãng ye too ayi sĩngsĩng aruɓe yii da azɔng ɓa ɓe. ¹³Ɓe yii lɔ a yuu tãara ɓe, ɓi yiko yi tãa ruu Laa a teni yato puru. Yii dingli ɓa’ani ɓa; yii azɔng pota, maaseni na eye ying woteyi.¹⁴Lɔkɔ be lɔ a yuu kɔkɔ mi yi koyii shɔng ɓe yii tãa ruu Laa ye, alaɓe yii de waa ni, kaseni vii koodanga ɓo tãani tɔving ɓe koodanga, yii reeni kpɛɛ ɓa. ¹⁵Lɔkɔ ɓe lɔ̀ a tipi tɔ̌ving ɓe, ɓi yiko shɔng ɓe yii tãa ruu Laa ni sinsing goro ni yato tɔving, a yise ɓatata a yejaa ni naanilemba ɓɔ ma’ani gn.¹⁶Shɔng da ɓenya pensi ɓa a kuni pii ɓa kɔ wu shiwu a ɓuu kɔnsi ɓa. Ing ɓa wu shing a yuu láteni aru shɔng ɓe na ɓoye da zee mɔng ke ɓe. ¹⁷Viɓɔ ɓa a vɔseni ɓe shɔng da zeeɓa, kɔ shɔn wu pele a bãati ɓe shɔng da zee ɓa. ¹⁸Tãaniping tɔ̌ving, shɔng be wu be ani, shɔng awu ɓɔɔ tɔti ani vɛɛni, shɔng ɓewu ɓe naɓa niɓa, kɔ vibe sii tign ni an shɔng te a kati awu na.¹⁹A laɓi yĩnɓi ni zumɓi yii ewu bii, yii de zewu nung wani awu ɓi ɓa aru mɔɔ ɓe yii a mɔni ɓe. ²⁰Shɔng gãale wu ke “yĩna ni zungwã yii shi a gãa, ying gaamɔ ²¹Yeso ing kase yini “maana ni mazungyii ɓi yiko, shɔng ɓe yii na tãa ruu Laa ye yii peleye ɓe.²²A diki ɓɔ yini wu jaadɔɔ yii ɓɔ vusu tuusii ang gãale yii "wo tu dang mɛɛ mita." A laɓe ying ɓe yi tukeni ²³ɓe yii de tukeni ɓe boro nurong tówu. bɔrɔ zãasi mɛɛ ing yuse a mɔng ni kakkani, yii tuusii de ɓe yini mɛɛn, yii a yãato vɔɔ.²⁴A mɔng ɓi Yeso wu jaadɔɔ ying eke ang yuse wu paa a nurong ang gãale wuni “Shɔngbɔrɔǃ Shɔngbɔrɔǃ wo de vɔɔniǃ an yuupa ang pãare zãasi ɓɔɔ mɛɛ ɓe yupaa mi, yi yaa wunteni, mɔng de shini kirikik. ²⁵Ang gãale yii ni “no zɔng ani ɓi weya” yi zaavɔɔ bii baayi, yi de yɛɛ weni, "ɓem ɓi ki weya, ing paare mɛɛ ni zãasi, ying tãawu mi weya?"²⁶Ying sɔng wa ni ka shɔng Garisa ɓe a kaa dang yoo Galilii ɓe. ²⁷A laɓe Yeso lɔye a tipi ɓini, shɔngɓɔɔ ing kpawu a kooɓi ɓe wu zãasi a yuu. Wɔng ye diki ɓololo tuse fara ɓa bii ɓa, roo ɓa ye ɓa, wɔng a mɔng Yuusayi.²⁸A laɓe ing zee Yeso ɓe, ing lán yãa ang roo a Yeso ting ang shãng ni kakka, “mɔng pele vii nimini viya Yeso jaa Laa ɓe Yuuranko? Ing gɔ̃ɔre mɔ ke, mɔna kpãarenɓa. ²⁹Yeso ing gãale nanka zãasi mi niwu keta a shɔnɓin. Ya vɛɛni na yuse wuye shɔng yiwu ke, shɔng maawu ni dĩnre saka shɔng mawu a dɔla shɔng gawu kɔtɔ, rɔkewu dinre, rãmang tówu ke a warewu jĩnti.³⁰A laɓi Yeso ing yɛ̃ɛ wuni, “mɔ rĩng ni viya?” Ing shãngni, 'vɛɛni' aru rãmang vɛɛni ɓoo wu bii yee. ³¹Ying shii jɔ awu mɔng gɔ̃ɔre ni wuna tɔɔyii ɓa ni yiwaa yuuyãá.³²A laɓi lava yãagbãala shii ying shaa a kãa kopo. A mɔni zãasi ying gɔɔre wuni wu yam ta ning waan ɓo a yin, ing ayii dɔrɔng. ³³A laɓe zãasi mi in ke a shɔngmi bii ang wang ɓo a yãagbãala mi bii, ying saate a lava ang yule ang lɔ yoo ang ɓole mɛɛ a vɔɔ a mɔngni.³⁴A laɓe shɔngɓe sii ying gǎa yãagbãlam ying zeeke ying yuuke an wang gãale shɔng a kooɓi, ɓɔɔ gãasi koo ɓe kaati kapi. ³⁵A laɓe shɔng eke a shɔng wu ze vibe kn ting ɓe ,ying yeng kpa ke shɔng be zǎasi nanka shɔng kesewu mi wɔng ye a Yeso tudɔɔ, shɔng ɓose wu Fare ye bii rii shɔngzeng tɔ̌ving ye; bii zayii.³⁶A laɓe shɔngɓe sii yii amɔng yi zeeye ang gãale yii nakaɓe shɔng nanka zãasi mi yawu ke ɓe. ³⁷A laɓi shɔng ɓe yii a ka kɔ Garisa yii gãale Yeso ni wu wata ayi bii, aru vɔɔ zaani ɓoyi ye vɛɛni. N sɔng ɓɔɔ tuusii a sɔ ke.³⁸Shɔng ɓe zãasi ke awu bii mi gɔ̃ɔre ke ning dung Yeso, ning sɔ ni wuni Yeso tɔni wu wata a tɔni ³⁹“soo mɔ yeta mɔ wa shãng jɔ ɓatata viɓe Laa pele mɔn walikap. “Shɔngmi wawu mɔng waani a shang ruumi a vusu koo bii vibe Yeso pelewu ke ɓe.⁴⁰A laɓe Yeso sɔɔ yebe, mɔɔ yii gawu a pelewu tāata lemba aru sii ying gawu eni. ⁴¹A moni, shɔngɓɔ shɔng ɓawu rĩngni Jayirus, goro a titi Yuboro ɓe mɔng gɔ̌reni, ang eke ang wote a Yeso dɔɔ, ang gɔɔre wuke wu emi yee ⁴²aru wu ja ɓe wuko wu goro ɓe, Jaa sooye wu saa kopatuzit, de vɔɔni. A laɓe Yeso wu a dɔrɔng, mɔɔ shɔngzeng yii kĩnte wu.⁴³A moni sooye ɓɔ tɛ̃ɛre kpaa ye saa kopatuzit de kpa ganteni ɓa shɔngɓo bii ɓa. ⁴⁴Ing e a Yeso tumpu ang liwu fara bii, a mɔnbin wu kpaa ɓe sii tɛ̄mi ya tɛ̃ni.⁴⁵Yeso ing tɔni “ɓi wee liin weya?" yii de paa yãa ni wali, Bituru ing tɔni, "Yuubɔrɔ, mɔɔ shɔngzeng yii a mɔng vɛɛni ying kĩntemɔ ying liimɔ." ⁴⁶A moni Yeso ing tɔni, “Shɔng ɓɔ liinye ing zeeye kakka keye ang bii”⁴⁷A laɓe sooye mi zeeye ananko ang ɛni bii zãani ang wote awu ting. A mɔɔ mi yii ting ang shãng viɓe shinke liiwu keɓe a kpa ganteni a moni dongo ɓe. ⁴⁸A mɔni Yeso ing gãale wuni “Maa jaa mɔ anizɔng shimoye mɔ kpa ganteni ye, watani lemba.”⁴⁹A laɓe dong shãng yãa ɓe, shɔngɓo ing e a Yuubɔrɔ mɔng gɔɔreni ye ang tɔoni “mɔ jaa kpa vɔɔ ye. Nɔ na yɔɔre shɔng manteni tɔɓa” ⁵⁰A laɓe Yeso tãa ruumi ye ang gǎale Jayirus, ni mɔ na zãa vɔɔ ɓa; mɔ azɔng ko shee ing gante kɔtɔ”⁵¹A laɓe eyee ye ɓe, a de ya shɔngɓɔ ɓa wu ɓoni wuni ɓa, ya Bituru ɓɔ Yɔhana ɓɔ Yakuub, ɓɔ jaa ɓi Yeɓi ni yingɓi. ⁵²A moni kap shɔng kãa yãavɔɔ a riike bii a tipi a ruu wun, ang tɔni, “nɔ na kaɓa de vɔɔ ɓa roo nurong” ⁵³A mɔni yii gaa wu baaseni, yi zeeye jaa vɔɔye.⁵⁴Ing tówu a naa ang ɓaa yãa, ang tɔni “Jaa, yupataǃ ⁵⁵Wu suru sɔye ang yuupa a mɔngni. ang gãale yini yii awu vishangta wu shayi. ⁵⁶Yebiyii bii zaayi ke, sɔɔ gãale yebi ying yina gãale shɔng ɓɔ vibe kn ting mi ɓa.

¹An ɓa kopatuziti yii yãa a yãwe ang ayi kakka ni dɔrɔng ni yii kese vĩnivĩvĩ rãmangyi ayi gante shɔng vɔɔ yii. ²A shong yii ke nii yii shang ruu Laa koo rooni ayi gante shɔng vɔɔ yii.³A gãale ying, “Nɔ na to viɓɔ ɓa anɔ zanti wani ɓa - kɔ bala, kɔ panpan je duku, kɔ bubula, kɔ saka, kɔ vi tuseni ɓɔ ɓa ⁴Ye ɓe nɔ na ɓoye, nɔ wɔng a mɔng satsat nɔ lá wani na tise anɔ wai.⁵Mɔng ɓe shɔng na de tenɔ ɓa, nɔ na de ya ko bin, nɔ kute nɔ zambu dɔɔ wuko in wɔnse nɔ shɔngshani ayi yuu." ⁶A moni yii yaa mɔngɓi a waa jekoo ɓɔɔ yii, yii shãng ruutɔving a gante shɔng kɔ a moweya.⁷A mɔng Hiridu Kpanti tãa viɓe ing kĩnting, a wunteyi, A ruviya shɔng ɓɔ yii tɔni Yɔhana yuupa a yuusa ⁸shɔng ɓɔ yii tɔni ɓi Iliya eke shɔng ɓɔ yii sɔɔ tɔni ɓi shɔngzeni ɓɔ be sii yii vɔɔle tɛ̃tɛ̃ ɓe yii yuupa. ⁹Hiridu ing shãng, ing ko Yɔhana yuu. Ɓiki tɔ weya yin pele zɔng vimi weya?" Ing ɓe dɔrɔng ɓe da zee wu ɓe.¹⁰A laɓe wu shɔngrokeni yii sɔye, yii gãale wu viɓe yii pele ɓe. Sɔ wani yini a yãwe, yii sɔɔ waani vooni a koo ɓe shɔng ɓani Baseda. ¹¹Amoni a laɓe mɔɔ mi yii tãa ye, yii dunwu. A mɔni a tee mɔɔ mi a gãale yii a ruu Laa koo rooni, a gante shɔng ɓe yi kase ganteni ɓe.¹²A laɓe diki kpa ye ɓe, yii kopatuzit mi yii e wu bii ang gaale wuni, vaase mɔɔ mi yii yaata aruɓe yii daa waa jekoo yii yi kpa mɔng rong ɓo vishãni, aruviya wɔ a mɔng ɓe shɔng ɓani ɓa. ¹³A mɔng ing gaale yii ni “Nɔ ayii viɓɔ ye yii shaya” ying tɔni, "wo viɓɔ ɓe jã bubula maani ɓa ɓo jezing zit - ing ɓa wo waa woo vishang aru shɔngmi yii ɓa." ¹⁴(A mɔni shɔngzeng yii wa labong maani kɔtɔ). Ang gãale wu jaadɔɔ yini, “Yii wɔng ta a tii toka-toka ana lá ziti tu kop-kop.”¹⁵Wu jaadɔɔ yii pele ananko yii wɔng tokato. ¹⁶Ang tee bubula maani mi ɓɔ jezung ziti mi, ang peng nung a lapa, ang teereyi zuuku ang daale takata ang awu jaadɔɔ yii a mɔɔ. ¹⁷Yii sha walikãng a puyi, gãasi ɓe yaseke ɓe, ɓiiti kopatuzit ɓe daleni ɓe ya a tumpu ɓi.¹⁸A e alaɓe Yeso de gɔɔreni, wu jaadɔ yini wuni. Ang yěyi ni “mɔɔ mi yii tɔni mikon weya?” ¹⁹Yii kasewuni, "Yɔhana shɔng batizima. Shɔng gãasi yii tɔni ɓi Iliya, shɔng gãasi yii tɔni bii shɔngzeni ɓɔɔ ɓe sii yi vɔɔmi ko yuupa."²⁰Ang sɔɔ yẽe yi ni “Nɔ bibii nɔ tɔni miko weya" Bituru ing kasewu ni, “mɔkɔ Kirisi ɓee Lãa” ²¹A moni sɔ kɔse yii yãa ni ying gãale shɔng ɓɔ ɓa ²²Ang shãng ni “jaa shɔngzeng ing ɓɔɔ kpaareni vii vɛɛni shɔng ɓɛɛwu ing shɔngbɔrɔ ying ɓɔɔ Yuubɔrɔ Pirisiyi ɓo shɔng manteni ruudanniyi, Shɔng nunwu vɔɔ, a diki tati ing yuu paa”²³Ang gaale yii walikap, shɔng ɓe na tɔni ing dung tumpu, ing ɓewu yuu sasat a wu tó lajisheni dikidi a wu dung. ²⁴Shɔng ɓe na tɔye ning kpensewu yuu ing kpa suru ɓi ɓa, Shɔng ɓe na ɓɛɛwu yuu ye aru mini ing kpau suru. ²⁵Viipãni ɓe we amɔni weya ɓe shɔngzeng da kpa koodanga walikãng a wu ɓɛɛwu yuu ɓɔɔ kpani suru.²⁶Shɔng ɓe na tãng yuse ye ning ruu shani, jaa shɔngzeng ing tãwu yuse jɔ a laɓe na eye ni wu bongseni ɓo bongseni ɓe Daa ɓɔɔ ɓe Laa shɔngshoni yii. ²⁷Nungoko in gãale nɔke, shɔngɓɔ yii shii a mɔm ying vɔɔ ɓa ying zee Laa rooni koo.²⁸A laɓe ing bee diki nawa dɛɛro, ɓe Yeso shang vim, ang tó Bituru ɓɔɔ Yɔhana ɓɔɔ Yakub ang vɔng kopo ni ying ayi gɔɔre Laa, ²⁹A laɓe yi de gɔɔre Laa ni, wu waating in kɔse, wu fara bii rii puru kpelenkpe.³⁰A mɔni shɔngzeng ziti ying shang yãa ni wuni, Muusa ɓɔ Iliya, ³¹be yii e a bongseni, yii shãng yãa ni wuni aru wu waani, a laɓe kpaye wu sɔɔre yãa a Urushalima.³²A laɓi Bituru yin shɔng gǎasi be sii ying wuni yii ro nurongye pinkilin, A laɓe ying yupa ke ɓe, ying zewu bongni ang zee shɔngzeng ziti yii shii ye ni wuni. ³³A laɓe yii de waaning Yeso ni ɓe, Bituru ing tɔni “Shɔngɓɔrɔ, lii koto wɔ wɔng a mom. Wɔ mãa jaka tati, goro ɓɔ mɔ ɓee, goro ɓɔ Muusa ɓee, goro ɓɔ Iliya ɓee “(Wu biibii de ze viɓe ing shãng ke ɓe ɓa.)³⁴A laɓe ing shãng vim, yãasi ing eke ang buleyii, yii de zaa vɔɔ ni aɓe yii ɓɔye vusu yãasi, ³⁵Yãa ing ke a vusu yãasi ɓi ang toni” Ɓem ɓing jaa, ɓe shɔng rɔwu ke ɓe, nɔ tee shɔ a wuni” ³⁶A laɓe yiri yãa mi shãng yeɓe, shɔng kpa Yeso a moni a bĩng. Ying wɔng kirikirik a de gãale shɔngɓɔ ɓa a laɓe viɓi knting ɓa.³⁷A laɓe gandi rɔye, yii lɔ ye a kɔpɔ, mɔɔ ying kpawu ke. ³⁸A moni shɔngɓo a vusu mɔɔ mi yii ang lang yãa ang tɔni “shɔng manteni, ing gɔɔre mɔ kɔtɔ mɔ ye zeeng jaa, wukɔ wun jaa goro. ³⁹Nɔ zeeye suru ing dung kɔtɔ ing wung, a mɔni ing lang yãa; a ruviya wu bii esewu vɔɔleni, saari ke wu yãa. Ing yuse wuye sɔɔ yãa ɓa teti ɓa, jeele bii kap. ⁴⁰ing gɔɔre mɔ jaadɔɔ yii ye yii kese wu, yii de zenung ɓa.⁴¹Yeso ing kase yii ang tɔni, nɔ ɓa shɔng anizɔng ɓa ɓɔɔ laako kparivava, nɔ lese kooye mi, ing wɔng a laweni nɔng ang pele nɔ vimi weya? ese mɔ jaa ta mom." ⁴²A laɓe jaa de eni rãmang ming loke jaami a tipi ang gaa vɔɔleni. A mɔni Yeso ing lante vĩnivĩvĩ rãmang mi ang gante jaa mi, ang awu yeɓi ana.⁴³Yii a mɔni kapi bii zaayi aru Laa bongni. A laɓe pele vimi ye walikãng ang gãale wu jaadɔɔ ying ⁴⁴“ruumi wu ɓonɔ shoo ta tɔvingː jaa shɔngzeng shɔng maale wu kɔto a shɔng naa” ⁴⁵Yii de zee ruuɓe ing shãngshe yii ɓa. De kese yii ɓa gbang ɓa, yii de zee viɓe shãng ɓa, yii zaa vɔɔ yeni kɔtɔ aruu ɓe shang mi.⁴⁶A labi yãa lereni de yuu pa ni ayi titi, ni ɓi wee da wɔng ɓɔrɔ weya? ⁴⁷Yeso ing zee yi lereni yatɔ ang tɔni, a tó je wojaa tɔkɔlɔng ang shingwu a wu kagn ⁴⁸ang gãale ying, shɔng ɓe na tee wojaa tɔkɔlɔng miye ning rĩng, tee miko, shɔngɓe na tenye, tee shɔngɓe shong ɓe. Shɔng ɓe anɔ titi tɔkɔlɔng ɓe wuko ɓɔrɔ."⁴⁹Yɔhana ing kasewu ni “Yuubɔrɔ, wɔ zee shɔngɓɔ ing kese rãmang ni mɔ rĩng wɔ zãare wuye, aru dung wo ɓa” ⁵⁰“Nɔ na zãare wu ɓa” Yeso in gãale yin, shɔngɓe na de ɓɛɛ mɔ ɓa bi mɔ ɓe”⁵¹A laɓe diki kpaye maani a shɔng wu tɔwu, shingn wu wa Urushalima. ⁵²A shɔng wu shɔngshoni yii a tĩng, yii waa ke a ɓo jeko Samariya yii gonte mɔn aru wuni. ⁵³Shɔng ɓe yii a mɔni yii de tee wu ɓa aru shingn ye a Urushalima.⁵⁶⁵⁴A laɓe wu jaadɔɔyi Yakuub ɓɔ Yɔhana yii zeeye, ying tɔni” Daayere, mɔ kase wɔ shing yãa wu lɔ a koolapa wuye shareyii ya? ⁵⁵Ang raa nung ang gɔɔrewu gãgã, ying sɔng waa je koo ɓɔ.⁵⁷A laɓe yii de kni a dɔrɔng ɓe, shɔngɓɔ ing tɔwu ni, "ing dungmɔ kɔ mɔ wa kɔ moweya." ⁵⁸Yeso ing gãale wuni “kpãra yii gogo ani, jenung a lapa yii sati ani, jaa shɔngzeng mɔng ɓe da shin yuu ɓa ani ɓa.⁵⁹Ang gãale ɓɔ tɔni “dung ta.” Ang kase wuni “Daayere ing waa gbãa daa ping shɔni." ⁶⁰ing gãale wuni, "Ya vɔɔ ta yii gbãayi vɔɔ yuu. aruviya a mɔ biibii, waata mɔ shãngshe shɔng ruu Laa fefe ni maani aru Laa koo rooni.”⁶¹ɓɔ ing toti ni, "ing dungmɔ, Daayere, ing sɔ ping satsat ing wang vaase wo shɔng yee yii yãa ping” ⁶²Yeso in kase wuni, “shɔng ɓe na yii naa ye gbãa langni mɔng na ranung yeng tumpu ɓa shɔng ɓe da zee Laa koo rooni ɓa.”

¹A laɓe vim yii knting ye ananko ɓe, Daayere ing roo gãasi látati atu kop mi ang shɔng yii zit-zit a wu tĩng a koo ɓɔ mɔng ɓe kase ke ing waa ke ɓe ²Ang shãng she yiini, "viinaagba tɔni ani vɛ̌ɛni, shɔng tɔni yii de shangɓa. Arugoko, gɔɔre ni Daayere ɓe vinaagba tɔni ta wu shɔngshenɔ shɔng tɔni vinaagba.³Knting ta nɔ waani. Zeniping ing shongnɔ ana mɛ̌rɛ a titi zaa jintiyi. ⁴Nɔ na to nɔ duku saka ɓa, kɔ nɔ duku wanizanti ɓa, kɔ rǎati, nɔ na jii shɔngɓɔ yãa ɓa dɔrɔng ɓa.⁵Yee ɓe nɔ na ɓoye ɓe, nɔ tɔni “lemba wu wɔng ta a yeemiǃ” ⁶Jaa shɔng lemba na a moni, nɔ lemba ing wɔng a yii yuu, ing ɓa anangko ɓa, nɔ lemɓa ing sɔ nɔ yuu. ⁷Nɔ wɔng a yee ɓi, nɔ shaa a nɔ ɓoo viɓe shɔng na anɔ ye ɓe, aruviya shɔngshɔni tiseye shɔng sɔɔre wu dɔyɔni. Nɔ na kinle ɓa nɔ ɓo yeemi nɔ ɓo yeemi ɓa.⁸Koo ɓe nɔ na ɓoye ɓe, yina tenɔ ye, nɔ shaa viɓe shɔng na ese nɔ ye ɓe ⁹nɔ gante shɔng be yii vɔɔ a mɔni ɓe. Anɔ gãale yini, 'Laa rooni koo eye ayi bii maani.'¹⁰Koo ɓe nɔ na ɓoye shɔng na de tenɔ ɓa, mɔ ke a yuu dɔrɔng a mɔ tɔni, ¹¹Kɔnɔ zambu koo beng kute ang dɔmi ing shang viɓe knting ɓe kɔtɔ a nɔ yuuǃ Nɔ zeeping Laa rooni koo kpaye maani.' ¹²ing gãale nɔ ping a diki ɓin, ing wɔng pota a Sodom ɓe ana koo ɓing.¹³Nung wu yamɔ tororo, Korasiǃ Nung wu yamɔ tororo, Besaidaǃ Bɔrɔnbɔ viɓe shɔng pele anɔ yuu mi a shɔng pele a Taaya ɓɔ Siidon, yinang yaa ruviniye tɛ̃tɛ̃. Yii wɔng a dudu fara ɓɔɔ pũng. ¹⁴Aruviya ing waɓe ɓe shong koo Taaya ɓɔɔ Siidon a diki ɓoreni yori a nɔ yuu. ¹⁵Mɔ biibii Kaparinahu, mɔ ɓa lɔ mɔ da bong kɔtɔ a waa koo lapaya? Ɓa ananko ɓa, shɔng waaremɔ Hadiis.¹⁶Shɔng ɓe na tãanɔ ye tãa miko, shɔng ɓe na bɛɛ nɔ ye bɛɛ miko, shɔng na bɛɛn ye bɛɛ shɔng ɓe shong ɓe ye.”¹⁷Látat atu kop mi yii sɔɔ ni yato puru ang tɔni, “Daayere kɔ vĩnivĩvĩ rãmang yii teere wo shoo a mɔ rĩng” ¹⁸Yeso ing gãale yini “ing zee shelan wote a lapa ana saaya” ¹⁹Zeeniping, n anɔ dɔrɔng ye nɔ naale sɔkɔ ni nɛng yii, ing anɔ kakka a shɔng pong yii, kɔkɔ nɔkɔviya, viɓo kɔ goro, ing lese nɔ ɓa ²⁰kɔ aruviya nɔ na tãa puru yatɔ ɓa a ruu vimi ɓa, aruɓe suru vĩnivĩvĩ rãaman ing teere nɔ shoo, nɔ tãa puru yatɔ aru shɔng bii nɔ rĩng ye a koo lapa.”²¹A laɓiko tãa puru yato vɛɛni a suru tɔving ang tɔni “ing dɔmɔ, Dayere be koolapa ɓɔ koodanga, aru mɔ tase vimi shɔng be yii kpɛ̌ɛ ɓa kɔ shɔng ɓe yii zeni ani ɓa, mɔ wa tase shɔng ɓe shɔngde manteyi ɓa, ana je wɔjayii. Anangko, Daayere, anangko tɔɔremɔ a mɔ kaabii.²²Vii walikãng Daa anye a naa, shɔngɓɔ de zee jaa bii ɓa naɓa Daa ɓa, shɔngɓɔ de zee Daa bii ɓa naɓa jaa ɓa, ɓɔɔ shɔng ɓe jaa na rɔyii a wu tase yii ke”²³A mɔni ang raa nung ang zewu jaadɔɔyi ang shãngshe yini vɔni, “Zuuku ɓi shɔng ɓe yii ze viɓe nɔ zeeke ɓe” ²⁴ing gaãle nɔ ye, shɔngzeniyii vɛɛni ɓɔɔ Kpanti yii kase yi zee viɓe nɔ zeeke ɓe, yii de kpayii zeni ɓa, kɔ yii tãa viɓe nɔ tãa mi, de kpa tãani ɓa.”²⁵A mɔng ɓin bɔrɔngbɔ shɔng ruudanni ing yupa a zee kɔ da masewu kɔtɔ, ang tɔni "Shɔng manteni, ing pelevi ing kpa suru ɓe dongo viya?” ²⁶Yeso ing gãale wuni “shɔng binke ni vi ruudanni viya? Mɔ ɓãale nukoviya? ²⁷Ang kasewu ang tɔni “mɔ kase mɔ Daayere mɔ Laa ni mɔ yatɔ goro, ni mɔ suru bii kap, ni mɔ kakka ni walikãng, ɓɔɔ ni mɔ singsing ni kap, ɓɔ mɔ shɔng yaakasi ana mɔ yuu” ²⁸Yeso in kasewu, "A mɔ gãalen ye ɓatata kom ɓe. Mɔng pele vim ye mɔng vɔɔɓa."²⁹A laɓe kase wu zewu yuu, ang yɛɛ Yeso ni, ɓi wee n shɔng yãakaasi weya?” ³⁰Yeso ing kasewu ang gaale wuni “Shɔng vere ɓɔɔ sii waa Urushalima a wu tuke Yeriko. Ang yinse yuu ni shɔnɓɔɔ yii, ying tulle wu farabii awu viina walikãng, ang gbang wu nuni neket, ang yɔɔre wu dɔɔ a yatɔ vɔɔ.³¹A laɓi Shɔng Pirisi ɓɔ sii ing sɔ dɔrɔng ɓi ang zeewu ke, ang sɔ ni kati ang tuke ang wawu waani ³²A mɔni tɔt, shɔn lawe ing sɔɔ dɔrɔng ɓi jɔ, ang zee shɔngmi a tipi ang ɓeni kati ang wawu waani.³³A mɔng bing shɔng Samariya ɓɔɔ, ing sɔɔ dɔrɔng ɓi jɔ, ang yen zee shɔngɓe shɔnɓɔɔ yii nung wu mi, ang tãwu nugn kɔni ³⁴ang wawu bii ang malewu risi, a tɛɛre wu nung ɓo mɛɛ rãaseni ani. Ang tówu ang shiwu awu yuu viva, ang warewu mɔng ɓe lɔ̀ zanti ani ɓe, ang kɔwu ke. ³⁵A laɓe gandi rɔɔ ye ɓe a tó saka dinari ziti, ang a shɔng ɓe yii lɔɔ awu yee, ang gãale wu kɔ shɔng vomi, viɓe mɔna rinse ye yuu saka mi kap, ina eye, ing yen shoremɔ.³⁶A shɔngzeng tati mi yii mɔ zeeke ɓi wee shɔng yãakãasi ɓe shɔng ɓe shɔngɓɔɔ yii nunwu weya?” ³⁷An kasewu ɓe tãa nugn kɔnimi." Yeso in gãale wu ni, "waata mɔ pele anangko."³⁸A laɓi yi de kn ni yãawe ɓe, yiing ɓo jè koo ɓɔ, sooye ɓɔ shɔng ɓawu ni Marita ing pelewu tãta lemba a wu vusu yee ³⁹wu naɓi ɓɔ shɔng ɓawu ni Meriyamu, ɓe wɔng a Daayere dɔɔ a tãwu ruu ɓe.⁴⁰A laɓi Marita wu ɓe sii bontorong a mɔng wãni vishang. Ang eke ang gãale Yeso ni “Daayere mɔ de yore yuu ɓa mana yanye ing kɔmɔ aɓin ɓaya? Gãale wu ta wu yiseng na jɔ ani." ⁴¹Daayere ing kase wu ni “Marita, Marita, mɔ kase ke mɔ yore yuu a ruu vi vɛɛni, ⁴²Ing zee vii goro ɓe liike ɓe. Meriyamu roo viɓe tɔving, ɓe shɔng da te ɓa awu naa ɓa.”

¹A diki ɓɔ anangko Yeso sin gɔɔre Laa a mɔng ɓɔ. A laɓe sɔɔre yãa ye ɓe, wu jaadɔɔ goro ɓɔ tɔɔwu ni, “Daayere, mante wo gɔ̃ɔreni Laa ta jɔ anaa ɓe Yɔhana mante wu jaadɔɔ yii ɓe”²Yeso tɔɔyii ni, “Alaɓe nɔ nang gɔ̃ɔre ni, "Daa, mɔ rĩing wu wɔ̃ng bɔrɔngbɔ tɔ̃ɔving. Mɔ roonikoo wu eta.³Awo viishan ɓee diki-di ta. ⁴Yase wo ruvĩini ta, anaa ɓe wo yase shɔngɓe yii pele wo ruvĩini jɔ ɓe. Mɔ na ware wo ɓa a mɔng maani ɓa."⁵Yeso tɔɔyii ni, "Ɓi we anɔ titi wosang ani, daa waawu bii ni yutiti zii a tɔɔwu ni, 'Massan, mɔ kɔ̃seng gbugbula mi tati, ⁶Massan ɓɔ e a dɔrɔng N viɓɔ ɓe N da awu ɓe ɓaya'? ⁷A laɓe shɔngɓe a vusu kasewu a tɔɔwu ni 'Mɔ na yɔ̃ɔreng ɓa. Yɔrɔng jaka kuni, ɓɔɔ N jaayii ni rooni mini, a kɔnsi. N daa zenung ɓa ing yuni pa N amɔ gbugbula ɓa.' ⁸N gãale mɔ ye, kɔ de yupa a ãmɔ gbugbula aru mɔ wu wosangɓi ɓa, kɔ aru tiiseni ɓe mɔde tãa yusɛ̃ɓa, ing yuupa kɔtɔ wu ãmɔ gbugbula kɔtɔ vɛ̃ɛni dɔɔɓe mɔ kase ɓe.⁹N sɔɔ gãale nɔ, gɔɔre ta, shɔng ã nɔ kɔtɔ; bee ta, nɔng kpaa kɔtɔ; nung yɔɔrɔng jaka ta, shɔng purenɔ kɔtɔ. ¹⁰A ruviya shɔng gɔɔreni te kɔtɔ; ɓɔɔ shɔngbeeni kpaa kɔtɔ; anangko shɔngɓe nung yɔɔrɔn jaka shɔng purewu kɔtɔ.¹¹Ɓi yeejaa ɓowe anɔ titimi, mɔ jaa gɔɔre jezĩing, mɔ daa awu sɔkɔ a ya jezĩing weya? ¹²Kɔ gɔɔre wãnka kn, mɔ daa awu nɛ̃ng weya? ¹³Amɔngɓem, nɔ be nɔ shɔng nangka nɔ ze vi tɔ̃ɔving ɓe nɔ daa ãnɔ jayii vii tɔ̃ɔving ye, nuko viiya Yara ɓe koolapa daa ãnɔ Suru Tɔ̃ɔving nɔna gɔɔrewu ye viya?"¹⁴Hami Yeso siin kese rãamãang ɓe shang yãa ɓa. Alaɓe rãamãang ɓi keye ɓe, shɔngvere ɓe sii shang yãa ɓami shangyãa, rise mɔɔ yii vibii zani. ¹⁵Shɔng gãasi ɓɔɔ yii tɔɔni, "Ni kakaa Baalizabu, yubɔrɔ rãamãang, ing kese rãamãang yii."¹⁶Shɔng gãasi ɓɔɔ yii tãawu ni wu tase zɔng a kolapa ¹⁷Alabin Yeso ze yii lereni a tɔɔyii ni, “Roonikoo ɓe na vaseye awu nung ing wɔ̃ng tɔɓa yãawee ɓa, yee ɓe na vaseye awu nung ing sate kɔtɔ.¹⁸Shellan na vase wu yuu ye, wu roonikoo daa wɔ̃ng keya? Aruviya Nɔ shãngni N kese rãamãang ni Baalizabu, ¹⁹N na kese rãamãang ni Baalizabu nɔ shɔng dung yii kese ɓe ni viya? Aru viimi, ying wɔ̃ng nɔ shɔng ɓooni yori yii. ²⁰Ing na kese rãamãan ni Laa jenaa, amɔni roonikoo Laa eye anɔ bii.²¹Alaɓe shɔng kaka ɓe sewu vii gani bii ye awu yee Kpanti, wu viiyee kpenye, ²²Alabe shɔngɓe jãa kakaa jãa wu kaka ye, shɔngɓe jãa kakaa mi ing raawu vii gani bii ɓe shɔngɓi a see shɔngɓi viiyee a kati. ²³Shɔng goro ɓe na ɓani mini ɓa, ɓɔɔ shɔngɓe na muse ɓa ni mini ɓa sateyii kɔtɔ.²⁴Alabe vĩini vĩivĩi suru na keye shɔm bii, tuke mɔngɓe mɛ̃ɛ ɓe ani ɓa wu bee mɔng ɓe daa wɔkeɓe. Na de kpa mɔng ɓa, ing shãng ni, 'N zuse N yee ɓe N ke ani mi kɔtɔ.' ²⁵A labe naa sɔɔ ye na kpa yeeɓi ye kooni gbang gonteni. ²⁶Ing sɔɔ ing waa see vĩinivĩivĩi rãamãang ɓɔɔ nawatati ɓe jãawu kɔtɔ ni nangka, yii e walikãng a wɔ̃ng a mɔni. Amɔni shɔngɓi ing kpaare ing jãa ɓee shɔng tĩing kɔtɔ.”²⁷Waatĩng arube, anaa ɓe shãng viimiyii, sooye ɓɔ too yiiriyãa ni paa ɓe jãa shɔng ɓe yii muse amɔni tɔɔwu ni, “Panti ni yato ɓe yeemɔ ɓe ɓɔ ming ɓe mɔ maa ɓe.” ²⁸A tɔɔ ni, "Kɔ, pãnti ɓi shɔng ɓe yii tãa ruu Laa a yise ke."²⁹A labe mɔɔ yii de shang ni ɓe, Yeso ga shani, "Koo hami ɓi nangka shɔng kooyii. Yiing bee taseni, amɔni shɔng ayii taseni ɓa naaɓa taseni Yɔnana ɓa. ³⁰Aruviya Yɔnana e tase ni a shɔng Neneva yii nung, anangko jɔ Jaa Shɔnzen ing wɔng taseni a shɔng koohami yii nung.³¹Sokpan lɔngbong daa yupa a ɓoo yɔri ni shɔngveeye koohami a lese yii, aru ɓe e a yãakati kootipi wu tãa kpɛɛni Solomo, wu sɔɔ ze, shɔngɓe jãa Solomo kɔtɔ amɔmi.³²Shɔng veeye Neneva yiing yupa a laɓoni yɔre ni shɔng kooɓe hami ni yiini yii lese yii, aruɓe yii yãa ruvĩini, alaɓe Yɔnana, asɔɔ ze, shɔngɓe jãa Yɔnana kɔtɔ ɓe a mɔmi.³³Shɔngɓɔ ɓa goro, ɓe naa ɓeng yaa ye daa shing a tĩing gĩini kɔ wuu vɔse a dii ɓiti, shɔng shiing amɔng shiini ya aruɓe shɔngɓe yii naa ɓoo ye yiidaa ze mɔng gbang. ³⁴Mɔ nung ɓi vii zeni mɔng a bii. Laɓe mɔ nung tɔ̃ɔving mɔ bii walikãng ing wɔ̃ni zeni. Mɔ nung na ɓa tɔ̃ɔving ɓa mɔ bii walikãng wɔ̃ng tĩinri. ³⁵Arugoko, mɔ shiing nung zeni ɓee mɔ bii ɓa tinri ɓa. ³⁶Mɔ bii walikãng vii zeni, amɔmi mɔ bii walikãng wɔng ana laɓe mɔna shiing vii zeni ye ing pu mɔng ɓolongɓo amɔ bii.”³⁷Alabe sɔɔre shãni yãa ye ɓe, shɔng Farisa yɛ̃ɛwu ni wu sha viini wuni awu yee, Yeso ɓo a waa wɔng. ³⁸Bii za shɔng Farisa aruɓe Yeso de sɔke naɓa shɔɔni ɓa a sha vishani lareni ɓa.³⁹Daayere tɔɔwu ni, “Hami, nɔ shɔng Farisa nɔ sɔke kuku jewaa ɓɔ pii yii, nɔ vusu sĩinsĩin yiini rani shɔng vii ɓɔ nangkaruu. ⁴⁰Nɔ shɔngzeng ɓe yiide kpɛɛ ɓaǃ ɓa shɔngoro ɓe pele vusu mi wuko pele kukugaa baya? ⁴¹Nɔ ã vii ɓe vusumi ta anaa viijeni, vii walikãng N wɔng keseke anɔ bii.⁴²Nungwuu yanɔ tororo gbitila zenɔ dok shɔng Farisa yii, aru ɓi nɔ kese vii rɔɔni kulu, ɓɔɔ shiilung ɓɔɔ vi guru, nɔ ɓee pele taseni nungoko ɓɔɔ kaseni Laa. Lii kɔtɔ nɔ pele vii nungoko ɓɔɔ kaseni Laa, ɓani ɓeeni peleni vii gãasi jɔ ɓa.⁴³Nungwuu yanɔ tororo gbitila zenɔ dok shɔng Farisa yii, aruɓe nɔ kase ladong tĩing a jaka Laa yii ɓɔɔ jini yãa a nungmɔɔ. ⁴⁴Nungwuu yanɔ tororo gbitila zenɔ dok, aruɓe nɔ a naa yusaa ɓe shɔng kn amɔni ɓa ni zeba."⁴⁵Goro shɔng ɓe ze rudangni ye vɛɛni tɔɔwu ni, "Shɔng Manteni, viiɓe shanmi lese wo yato jɔ." ⁴⁶Yeso tɔɔwu ni, "Nungwuu yanɔ tororo gbitila zenɔ dok, shɔng manteni ruudaniyiiǃ Aruɓe nɔ shing shɔng a kpĩitikpĩi vii ɓe kpãa tooni kɔtɔ, nɔ biibii nɔ goro ɓɔɔ de lii kpĩitikpĩi viimi ɓa ni nɔ jenaa ɓa.⁴⁷Nungwuu yanɔ tororo gbitila zenɔ dok, aruɓe nɔ gbãa yuusaa aru shɔng zeni yii, ɓi yebongwa yiko nung yii. ⁴⁸Nɔ zeni ɓɔɔ kaseni a viipeleni ɓe yeebongwayii pele ɓe, Aru viya yii nung yii a gbãare yii yuusaa.⁴⁹Aruvimi, Laa kpɛ̃ɛni shani, 'N shongsheyii shɔng zeni yii ɓɔ shɔng shoni yii yiin kpaareyii ang nung gãasi yii vɔɔ.' ⁵⁰Aru viɓe watimi, shɔng koo ɓe hami shɔng yiyii walikãng aru shɔng zenimiyii kpãa keni a gaani kodanga, ⁵¹gaa nii Habila kpãa ni Zakari kpãa, ɓe shɔng nung yii vɔɔ a mɔng penglong ɓɔɔ jaka Laa. ĩi, N gãale nɔ ye, shɔng yii shɔng koohami yiko.⁵²Nungwuu yanɔ tororo gbitila zenɔ dok shɔng zeni ruu danni vɛ̃ɛni yii, aruɓe nɔ too vii puni yɔreng zeni; nɔ ɓo vusu ɓa ni nɔ yuu ɓa nɔ zãare shɔngɓe yii kase ɓoni ɓe ɓoniye."⁵³Atunpu ɓe Yeso ya mɔnwa ye, shɔng labini ɓɔɔ shɔng Farisayii yii ɓɛɛwu ruu a lerewu yãa ni wuni aru vii vɛ̃ɛni, ⁵⁴Yãa jĩini gawu ke yii yiwu ni viɓe da shangɓe.

¹A laɓini, alaɓe shɔngzen labong yii muse a yãa wee yii nale we ni dɔɔ, a gaa shangsheni wu jaadɔɔyii walikang shɔɔni, “Nɔ kɔbi aru yiisii shɔng Farisa yii,wuko gbang aseni.²Vii kukeni ɓɔɔ ɓa ani ɓe shɔng daa kese ɓa ɓe, viɓe shɔng vɔ̃ɔseni ɓe ɓani ɓe shɔng daa zeɓa. ³Viɓe nɔ shãng a tĩingĩin shɔng tãa kɔtɔ a gaa gbang, viɓe nɔ shãng a shoo a vusu jaka shɔng shãng a yuu jaka yii.⁴N shãngshe nɔ, maasang yii, nɔ na zaa shɔngɓe yiing nung gĩigĩIri bii ɓa a tunpu ɓini yiing zenung peleni viiɓɔ ɓa. ⁵N gɔ̃ɔnɔ yuu shoo aru shɔngɓe nɔ daa zaa ɓe, nɔ zaa shɔng goro ɓe, a tunpu nuni vɔɔ, wu kakaa ani wu loke nɔ a yeeyaa. ĩi, N gãalenɔ ni, nɔ zaa wuko.⁶Ɓa riipo maani shɔng maale je kopo ziti ɓaya? Kɔ goro shɔng de soke yii ɓa a Laa zeni tĩing. ⁷Kɔ mɔ siisii yuu walikãng shɔng gãa kɔtɔ. Nɔ na zaa vɔɔ ɓa. Nɔ jãa riipo vɛ̃ɛ kɔtɔ.⁸N gãalenɔ ye, shɔngɓe na shãng N ruu bii ye a shɔng tĩing, Jaa Shɔngzen ing shãng jɔ a Laa shɔngshoni yii tĩing, ⁹shɔng ɓe na ɓɛ̃ɛnye a shɔngzeng yii watiĩng N ɓɛ̃wu jɔ a Laa shɔngshooni yii watĩing ¹⁰Shɔngɓe na shãng ruu nangka ye Jaa Shonzen yuu shɔng yaase wu ruvĩini kɔtɔ. Shɔngɓe na dãa Suru Tɔ̃ɔving yuu shɔng yase wu ruvĩini ɓa.¹¹Laɓe Yina esenɔ ye a jaka Laa, shɔng tipi yii, shɔng ruudãni yii tĩing, mɔna yɔre yuu ɓa aru viɓe nɔ da shang a nɔ mɔng raani yuu ɓa, kɔ viɓe nɔda shãngɓe, ¹²Aruviya Suru tɔ̃ɔving daa mante nɔ laɓini viiɓe nɔda shãng ɓe."¹³A mɔni shɔng goro ɓɔ a titi mɔɔ ɓi tɔ̃ɔwu ni, “Shɔng Manteni, gãale mazũng wu vase viivɔɔ ni mini.” ¹⁴Yeso tɔɔwu ni, “Shɔngverem, ɓiwe shing shɔng ɓoreni yɔri kɔ shɔng ɓoni titi anɔ yuu weya?” ¹⁵Tɔɔyii ni, “Nɔ kɔɔnɔ yuu ta nɔ kese ya nɔ yuu a kaseni yuu vɛ̃ɛni, Aruviya shɔngzen wɔnɓa a kpãani wu vii vɛ̃ɛni ɓa.”¹⁶Yeso gãaleyii yãa geni, tɔɔ ni, “ang tɔni shɔng viiyee ɓɔɔ kulu pele viishãngye vɛɛni, ¹⁷a lere awu sĩinsĩin, a shãng ni, "N daa pele nukoviya, aruviya N mɔng ɓe N da tɛ̃ɛng vishãng ani weya?' ¹⁸A tɔɔ ni, 'Ɓem ɓi viɓe daa pele ɓe. N wãnke N ɓoomi yii ang maa bɔrɔ bɔ yii N tɛ̃ɛ N nereng vii walikang amɔngɓi ni gãasi vini kãng. ¹⁹N tɔɔn N suru, 'Suru, mɔ vishãng ɓe N tɛɛre mɔ ani ɓe saa ɓololo. Wɔ̃keta, shata, ɓo ta, mɔ tɔɔre bii."²⁰Laatɔɔwu ni, 'Wureni shɔnzen, ziimi shɔng kase mɔ suru kɔtɔ, viɓe mɔ tɛɛ mi ing wɔng we ɓe weya?' ²¹Ɓem ɓi vii ɓe shɔngɓɔɔ yii kase tɛɛni vii aru yii yuu, yii ɓa shɔng vii yee a Laa tĩinɓa.”²²Yeso tɔɔwu jaadɔɔ yiini, “Arugoko N gãalenɔ, nɔ na yɔre yuu ɓa aru nɔ Suru, vibe nɔ da sha ɓe. Kɔ aru nɔ yuu, viiɓe nɔ daa tuse ɓe, ²³Aruɓe suru jãa vishan kɔtɔ, Nɔ bibi bii jãa fara yii kɔtɔ.²⁴Nɔ lereta a gãagãa, yii ruu ɓa yii too ɓa. Yii jaka tɛ̃ɛni vii kɔ ɓoo ɓa ani ɓa, Laa shareyii. Nɔ mile ke nɔ ɓa a tĩing fefe ni jenung yini ɓayaǃ ²⁵Ɓi we anɔ titi a wu yuu yɔren daa pãng wu diki wɔɔni koodanga kɔtɔ pota ya? ²⁶Nɔna da zenung pele ni vii tɔkɔlɔmi ɓa, aruvi nɔng yɔre yuu aru gãasii viya?²⁷Lereta aru liilii-- anaa ɓe yii bong ɓe. Yii pele vii peleni ɓa, kɔ goro yii peleba. N gãale nɔ pĩng, kɔ kpanti Sulema ni wu bongni ni da tuse fara ɓa wu lii anaa yii ɓe ɓa. ²⁸Laa na tuse wusi yii fara a kulu, ɓe wɔ̃ng lammi, ɓuru shɔng shareyii a kuru, ing towu neya wu tuse mɔ fara weya, Nɔ shɔng gn shini tɔkɔlɔngǃ²⁹Nɔ na bee viɓe nɔ da sha ɓa kɔ viɓe nɔ daa ɓoo ɓa, nɔna sɔɔ teegn a yuu ɓa. ³⁰kɔ koo ɓe a koodanga mi yii ɓe viimi yii, nɔ Daa zeye nɔ kase kɔtɔ walikãng.³¹Nɔ bee Laa roonikoo, gãasi viimiyii walikãng shɔng pãnsenɔ a yuuni. ³²Nɔ shɔng je lava, nɔ na zaa vɔɔ ɓa, aru nɔ Daa tãa tɔ̃ɔving ye mi nɔni ing anɔ kooroni kɔtɔ.³³Maale nɔ vina yii ta nɔ yise shɔng ɓe yii viina ɓa ani ɓa. Mɔ shinshe mɔ yuu duku saka ɓe daa lese ɓa ɓe a koolapa a mɔng ɓe daa lese ɓa ɓe, a mɔngɓe shɔngɓɔɔ daa e ɓe maani ɓa, kɔ shanshang yii lese ɓe. ³⁴Aruviya mɔngɓe mɔ vii naa ani ɓe, mɔ sĩinsĩin jɔ a mɔng ɓiko.³⁵"Nɔ maa bii nɔ shii tɔ̃ɔvin aa nɔ yanɔ yaa ɓengni, ³⁶Nɔ wɔng anaa shɔngbe yiing gaa yii shɔng yee ɓe wa mɔng gbaare ɓe, na eye a mɔng gbaare na nung yɔrɔng ye, yii purewu yɔrɔng.³⁷Pãnti ɓi jaayee ɓe yii shɔngyee na eye ing kpayi ke yii shiye yii de gaawuni nung kakari ɓe. Nungoko N gãale nɔ, wu biibii ing maadii ang wɔngse yii a tipi ang ayii viishani yii shake. ³⁸A laɓe shɔngyee na eye ɓe ziti, ɓɔ ɓe tati, na kpayii ye nung kakari, pãnti ɓi wu jaayeeɓi yii ɓe.³⁹Nɔ ze viimipĩing, anaa shɔngyee ze labe shɔngɓɔɔ ing ewu yee na yawu yee ɓa shɔngɓɔɔ yii wɛ̃nke wu ye ɓa wu ɓɔɔyi. ⁴⁰Anangkɔ nɔ wɔng ni gnshin aruviya nɔ de ze laɓe Jaa Shɔngzen daa e ɓa."⁴¹Bituru tɔɔni, "Daayere, mɔng gãale woko yãageni ko shee ya, kɔ shɔng walikãng yaa?" ⁴²Daayere tɔɔni, “Ɓi we shɔng shiinign ɓɔɔ kpɛ̃ɛni ɓe kɔɔre shɔng viiye wu shɔngyee shing wu a wu jaayee gãasi yuu wu ayii vishang a laɓe tɔɔving weya? ⁴³Pãnti ɓi jaayee ɓe alaɓe wu shɔngyee na eye kpawu ing pele viibi. ⁴⁴Nungoko N gãale nɔye ing shinwu awu yuu gãasi vii walikãng.⁴⁵Jaayee ɓi na shangyee a wu sĩinsĩin ni, 'Wu shɔngyee ɓaa jãng ye de kɔnte ɓa teti ɓa,' a gaa nuni jaayee yii ye veeye ni seeye sha a ɓoo a pelewu, ⁴⁶Shɔngyee jaayee waa ing e a diki ɓe tɔɔɓa ni daa e kɔtɔ ɓa ɓɔɔ laɓe de zeɓa ing zĩinglewu kpatakpa ang rɔ mɔng aru wuni ni shɔngɓe yii ɓa shɔng gn shini ɓa yini.⁴⁷A laɓe jaayee, na ze viiɓe wu shɔngyee kase ɓe de gonte mɔng ɓa anaaɓe kase ɓa, shɔng nuwu ni kpatang vɛ̃ɛni. ⁴⁸Shɔng ɓe de zeɓa na pele viɓe like shɔng nungwu ke, shɔng nungwu ni kpatang pota. Shɔng ɓe shɔng na awu vii ye vɛ̃ɛni, shɔng bee vii vɛ̃ɛni ayii na, shɔngɓe shɔng na yaasewu vii ye naa vɛ̃ɛni, shɔng sɔɔ bee vɛ̃ɛni awu naa.⁴⁹"N eke N ɓa yaa a koodanga anaa ɓe N kase ma yaa bi na kɔye. ⁵⁰N batizima ani ɓe shɔng daa pelengni, N yato hami a leseni waa a laɓe n daa sɔ̃ɔya sasat.⁵¹Sii nɔ ɓani N eke N ã koodanga lemɓaya? Ɓa, N gãalenɔ, ɓi vaseni. ⁵²Aruviya viɓe yii hami a waa tĩing shɔng maani yii yee -- tati yii vaseni ziti, ziti yiin sɔɔn vaseni tati ni. ⁵³Yiing vaseke, daa ni wu jaa ɓɔɔ jaa ni wu daa, yĩintijaa ni wu jaa ɓɔɔ jaa ni wu yĩIntijaa, shɔng-kpen ni wu jaasoo ɓɔɔ jaasoo ni wu kpenɓi."⁵⁴Yeso de shãngshe mɔɔ yãani jɔ, "Nɔ na ze yãasii ye ãare ye paa, nɔng tɔɔni, 'Mɛɛ teni,' sɔɔ pele jɔ anangko. ⁵⁵Laɓe zãasii kaalonbong de zuuniɓe, nɔ tɔɔni, 'Mɔng waa kɔtɔ,' sɔɔ pele jɔ anangko. ⁵⁶Shɔng yãa jĩini, nɔ zenung ye nɔ shãng viiɓe kn tĩing a koodanga ɓɔɔ koolapa, pele nukovii nɔde zenungɓa nɔ shãng viɓe ing kn tĩing hami ɓa viya?⁵⁷Aruvii nɔdaa ɓoo yori vii tɔ̃ɔving ɓa ni nɔ yuu viya? ⁵⁸Aruɓe nɔna waye ni nɔ shɔng yãagãa yii a shɔng yori yii tĩing, a dɔɔrɔng waani nɔ bee nɔ tɔɔreni weeni aruɓe da toomɔ ɓa waare mɔ shɔng yori bii ɓa, aruɓe shɔng yori ɓooni daa ɓase mɔni shɔng maani dii, shɔng maani dii ang ɓaamɔ dɔɔ a gãaya. ⁵⁹N gãalenɔ ye, mɔng keɓa mɔna de sho viɓe shɔng yeeri mɔ ɓa kɔ kɔpɔ mɔng yaaɓa."

¹A la ɓin, shɔng gãasi ɓe sii yii amɔni yii gãale wu aru shɔng Galiliyi ɓe Bilatu dure kpaabii ni Laa vii ani. ²Yeso kase ke a gãale yii ni, “No mileke ni shɔng Galilimi yii ruuvĩini shanke a jã gãasi shɔng Galili yii kɔtɔ aru ɓe yii ɓoo kpãareni hami anaa mikoya? ³Ɓa, N gãale nɔ yee. Nɔ na de yaa ruvĩiniɓa, nɔ walkãng nɔng vɔɔle a na ɓemi ko.⁴Kɔ shɔngzen kop-tu-nawa dɛ̃ɛro ɓe yii Siluwa ɓe yee lapa ziini yin a nung ke yii vɔɔ, nɔ ɓa ke ni yii pele ruuvĩini a jãa shɔng gãasi ɓe Urushalima ya? ⁵Ɓa, N gãale nɔ. Nɔ na dee yanɔ ruuvĩiniɓa, nɔ walikãng nɔng vɔɔleke.”⁶Yeso gãale yii yãageni mi, “Shɔngɓɔ shɔɔ la sĩinri a wuu gɔng a eke N bee reeni la ani ang kpa ɓa ani ɓa. ⁷Shɔmi gãale shɔng guru mi, zepĩin, la ɓemi waaye sa tati N eke a bee reeni lami N kpa viɓɔ ɓa ani ɓa. kowu ta a tipi. Aru vi daa lese tipi viya?⁸Shɔng guru mi kasewu ni a tɔɔ ni, 'Shɔngbɔrɔ, yawuta pĩin tɔt saami N gba wuu dĩinglii tɛ̃ɛrewu vũnja ani. ⁹Na reeye saaɓɔ, tɔ̃ɔving, na de ree ɓa, nɔ kowu tipiǃ"¹⁰A laɓini Yeso N mante vii goro a jaka Laa ɓɔɔ a diki wɔ̃ɔkeni. ¹¹Zepin shɔng sooroo wu amɔni ɓe waaye saa kopi-tu-naawa dɛ̃ɛro ɓe suru bii vɔɔni. Na wu ye zenun bii yuuseni ba dongoo.¹²labe Yeso zewu ye, a ɓaawuu yã̃a a gãalewu ni, “sooye, mɔɔ gante a mɔɔ bii vɔɔni.” ¹³A shingshewu naa bii, a mɔni yuupa dɔngo a bonse Laa. ¹⁴Shɔng tipi ɓe yiise jaka Laa wu yato lese aruɓe Yeso gantewu a diki wɔ̃keni ɓe. Shɔng tipi ɓi kasewu a gãale shɔng mɔɔ yii, “Diki ani mango be liike shɔng pele vii shonni a ni ɓe, eta shɔng gante, ɓa a diki wɔ̃ken ɓa."¹⁵Daayere kasewu a tɔɔwu ni, “Shɔng-yãa-jĩiniyii! Nɔ kale nɔ napo kɔ lakoropi ɓa a la arewu mɔng mɛɛ ɓooni a diki diki wɔ̃ken ɓa ya? ¹⁶Jɔɔ ananko Ibirahi jaaseeye ɓe shellan maawu saa kopi-tu-nawa dɛ̃ɛro, de liika shɔng wu kalewu a Diki wɔ̃keni ɓaya.?"¹⁷Labe shang iimi yii yee ɓe, shɔngɓe yii ɓɛɛwu ɓe yii tãa yusɛɛ a kati, shɔngɓe yii muse ɓe walikãng yii tãa puruyaato ayu vii bɔnseni ɓe peleɓe walikãng.¹⁸Yeso tɔɔni, “Roonikoo Laa nuko viya, N daa tise wuni viya? ¹⁹Wuu ana jenun Masita ɓe shɔng too ke a loke a wuu guru ɓe, sɔɔ bɔnke a rii la bɔrɔ, jenung lapa yii yãa saati a wuu nasɛ̃ngyii.”²⁰A tɔɔ tɔni“n da thii sɛɛ kↄↄ Kpanti lla nii viya? ²¹A na jɛnun shiilin bee sɛɛ yii tooke a basɛɛi ni zuuman nwani panke a labee zuman nwani pankem na yuu pa yee”²²A labin Yeesↄ so raa kↄↄ bi walikap ni kauyen kap, a monbe n mantee yii vii laben be wuu doron wani tipi Jarusalem be. ²³Shonbo ghale wuu ni, “Kpanti, shonzen tookolon ko she yii da kpenya?” ²⁴Beeta no bo daron zooroorom aru bee n ghale moo ni, shonzen veni yin bee bo ni, yin zɛɛnun bo ni ba.²⁵Shon yee na yuupa yee kuu doron yee, non shii a nyadoron yee an non ndoron an tooni, Kpanti la, Kpanti la, yauta woo boi, A laben non tooni ²⁶Wo shan monko a boo a moo tinko moo so mantes hon a doron be soowo nyoron yee be ko. ²⁷N son riisɛ no I, n ghale moo ni, n de zɛɛ a mon keeni ba. Yan doron ta, no shon vii shoni be ba toovinba, be!”²⁸Lah be no na zɛɛ Ibirahim yɛɛ yiini Ishakun be, bↄↄ Yakubu ni be bↄↄ ni wuu Kpanti La jaa dooni walikap a kↄↄ lapah be, shon looke no yɛɛ labin n ga. ²⁹Yiin kɛɛ ni kaa nashan, boo ni kabe la yɛɛ be (Kpanti kↄↄn nyↄdoron jaaka) boo ni kaa dii, boo nii kaa naa ghan, a woon a laadon kↄↄ lapah be Kpanti la. No zɛɛ bem, ³⁰shonbe yii lii nii jee poota be yii kↄↄn woon shontiin, shonbe yii toovin shooni be yiin kuu nyazoo!³¹A lah bi ko tooti, shon tɛɛni saka vii tipi yii ɛ wu bii a ghalee wuni, “waata, moo yaa mom ham aru be Kpanti tipi Hiridus n bee kee wuu nuu mo voo” ³²Yeesↄ tooyin, “no wanta no shale sompoo, zɛɛ pii, n kɛɛsɛ vuuni-vuvi nraman yii a son gante shon lambem bii burun, boo a titi diki tat n sooren vii peleni ³³kↄↄ noo vii yaa won ye dole n waa tin lambem, buuruu, gandi bo, bee no dɛɛ kasɛ Jaa Kpanti la bas hon wuu lese wu a gaa be tipi Jarusalem ba…³⁴Tipi Jarusele, tipi Jarusele, shonbe yii nun Kpanti la jaa don a loole wun tara shon be shon shonte wuu noob ii be, yaa nee yaa n bee kee a musɛ no jaa yii a nabe kn puttee wuu jaa a wuu nasɛn, noo dee kasɛ bem ba. ³⁵miile pin, non zɛɛni too ba sɛɛ noo too yeen, “panti bi shonbe yii ɛni Kpanti la kin be”.

¹A diki nwokeni bↄↄ, labe waa ye yuborↄ Farisa bↄↄ yee, wu shaa viishang, shongzen, yi shinshe wu nung ye a bii dↄrↄro. ²Shong vↄ bↄↄ be wu naa ni dↄↄ nↄleke e ashi a wuting. ³Yeso n yee shↄng Labini zeni atara yiini shↄng Farisa, wↄng kↄtↄ a nangko shↄng gante shong vↄↄ a diki nwokeni ya?⁴Yin nwↄng singsing sing a taa wu mↄm shoo. Yeso yiwu naa kiti a gante wu ke, a vase wu yaa a kati. ⁵A sↄↄ gale yi, ni be we a nↄ titi be wu jaa, balaji bↄↄ meere na wate ye a too mee dapele ba wu kesee wu ba hamham a ga, a diki nwↄkeni ba we ya? ⁶Yi de zenung ba yi puu yaa bↄↄ baa ruun ba.⁷A labe Yeso ze vii be shↄng be, shↄng baa yi yaa mom musen yin rↄↄ Ladon tↄvin a ting, a yeeke yi beri ni waa, ⁸Shↄng bↄ naa baa mↄ yaa ye mↄm gware mani, mↄ nwong ba a mↄm nwↄng Ladon tↄↄvin be a lap aba, la shↄng baa shong bↄↄ be jaa mↄ kↄtↄ be, ⁹Shↄng be baa nↄ yaa naa e ye, wu tↄↄ mↄ, yuu pata mↄ yase shↄng bem mↄm nwongmi. Da nwↄngse mↄ vii yusee mↄ sↄↄ tunpu ladon.¹⁰Labe shong na baa mↄ yaa ye a mom tvreni bii wata mↄ nwↄng a tunpu Ladon a ruu be, shong be baa yaa na eye, wu ko da tↄↄ mↄ shↄↄ, wata ni pawa. Anangko da kpa bonsen a waatin shↄng be nↄ nwongre ni yini be. ¹¹Shↄng be na bonse yuu ye ya, shↄng bonse wu.¹²Yeso sↄↄ shang yaa tↄt ni shↄng be baa wu yaa, mↄ baa ba wↄsanwa yi, zunwa yi, bↄↄ mↄ shↄng kaasii ye, ni shↄng vii naa, a raa vii ya yin baa mↄ yaa jↄↄ yi kↄnse nung.¹³A labe mↄng pele gware, tↄↄren bii mↄ baa shong be yi vii naa ba, shↄng dↄↄ ba, shↄng shoo ba, ni shↄng nung bati, ¹⁴mↄng kpaa zuku, a ruu viiya yi da zenung ba yi pele jↄ ba. shↄng pele jↄ a diki yu nip aa shong be yi yato boolongbo.¹⁵A labe shongzen bↄↄ goro be nwongni Yeso a latenten ta zↄn ruu ye wali, an tↄↄni zuku ani a shↄng be da sha bubula a Laa ye” ¹⁶Yeso gale wuni, “shↄng bↄↄ pele gware viishang shaani borongbo a baa shↄng yaa veeni, ni shↄng eta. ¹⁷A laa vishing shaani peleye, a shoonshↄng wu jaa bobosi wu gale shoon be shvng baa yi yaa, ni yi e ta laa shaani vishing pele ye.¹⁸Yi base yaa garo, a nung bii vↄ, ni yi da kpaa dↄrↄng wani ba. Shↄng be shↄↄni rise wuni, nwoo tipii, n waa mↄng bi kon n z eke. Bonbo mↄ yasen dↄrↄng. ¹⁹shↄng bↄↄ tↄt shaangni ni, “n woo napo langni mↄm maan; nkase n waa n base yi n ze kabe yi da pele be, n gↄↄ re mↄ, mↄ yansen dorong, ²⁰shↄngbↄↄ tↄt ni, n don yee soo kↄtↄ, nda e ba.²¹Jaa bobosi e kiti a gale wu shↄng ye, vii be yi shang be. Shong yuu ye lese yato, a gaale wu jaa bobosi ni, keta ndↄↄni, mo waa dↄrↄng bↄↄ laye-laye a koo wali mↄ donte shong-be yi vii naa ba, shong dↄↄ ba, ni shong nungwati yi, mↄ ese yi a mↄm wali kang. ²²Jaa bobosi gale wu ni, shong boro vii be mↄ shaang n pele ye, mↄm gaase don ani.²³Wu shↄng ye n sↄↄ gale jaa bobosi ni, keta tↄt mↄ waa pa laye laye ni bundang mↄ shing shↄng e ye mi, wu yi dongo, ²⁴N gale mↄ goro a titi shong be n baa yaa shooni, yi da taa wↄ vishaang ba.²⁵A labe shongzeng veeni yin dung wu a dↄↄ, an raa nung an gale yini, ²⁶shↄng be na em bii ye, a de bee yebi, nimbi, wu sↄↄ, jaa yi, naabi bↄↄ zumbi yi, ni wu bibii da zenung ba wu nwↄng n jaa dↄↄ ba. ²⁷Shↄng be na da too wu La jisheni, wu dung ba, da zenung ba wu nwong njaa dↄↄ ba.²⁸Be we a nↄ titi weya be kase wu maa jaka lapa, d nwↄng ba kↄtↄ, wu gaa da yi kopo deeya? A wu ze kopo ani ya be da shin wu maa jaka bi wu sↄↄre yaa, ²⁹Na ba anangko ba, labe nag aa maani dↄↄ jaka ye, na de zenung ba wu sↄↄre yaa ba, shↄng na ze ye, shↄngda Lare wu ba ya? ³⁰Yi tↄↄ ni ze pin, shↄng ga jaka maani ye de sↄↄre yaa ba.³¹Be zↄn kpanti weya, be n waa sii tani, ni kpanti bↄↄ da nwↄng ba kↄtↄ ba, ni yuboro yi, yi tons eke, da zenung kↄtↄ wu taasi ni wu shↄngzen 10,000 ya, ni kpanti be n e mong sii tani ni shↄngzen 20,000 ba ya? ³²Wu kaka na de waa ba, labe shↄng goro so mere don fefe, da shↄn wu jaa dↄↄ yi, yi waa ta yi kpaa wu yi, yi shang yi tↄↄreke, ³³N gale nↄ shↄng be na de a wu vii naa ba walikang ba, da wↄng jaa dↄↄ ba.³⁴Taa vii tↄↄvin, ko taa nade tↄↄ tↄba, da wↄng taa tↄↄnuko vii ya? ³⁵Tↄↄ ba tↄↄvin ba a tipi be shↄng wↄse wu. shↄng wↄↄse kↄvee. Shↄng be shↄↄ ani ya, wu te shↄↄ we taa ke.

¹Shↄng teni saka vii tipi yii, bↄↄ shↄng ruuvini yi waalikang, yi e a Yeso bii yi weshoo wung. ²Shↄng Farisi, bↄↄ shↄng labeleni a tara yin wↄmeyaa a yi nung ni we ni, an shanni, “Shↄng verem nte shↄng ruuvini an shaa viishaani ni yini.³Yeso shangshe yi beri bem ni, ⁴be we goro a nↄ titi, wu jaa mere a jaka la manni, goro na ringye a vuzu da ya, La deero boo koptu nuko beego a jinti, wu waa wu bee goro be ringmi ba weya? ⁵Na kpaa ye, wu too, wu yake a dondon bala, ni tanni puru yato.⁶Labe na e yee ye, wu muse wↄ sanbi walikang mↄn goro, ni shong kaasi ye, wu gale yi, nↄ pele puru yato ta ni mini, a ruu viiya in kpaa jaa mere be rin ye. ⁷N gale nↄ, jↄↄ anangko puru yato ani a koo lapa, a yuu shↄng ruvini goro be nay a ruvini ye be, a jaa shong zeng la deero bↄↄ koptu nawa deero be yi kↄvee kpelenkpe.⁸Be see bewe ya be wu kopo kopi anaa, kopo goro na rinye a titi da beni y aba, wu koo jaa, wu bee mↄm lemle. ⁹Na kpaa ye yaw u baa wusanbi yi bↄↄ wu shↄng kaasi ye, wu tↄↄni nↄ taa puru yato ni mini, n kpaa kopo be rin ye, ¹⁰Anangko n gale no puru yato ani a Laa jaa dↄↄ yi bii, a yuu shↄvng ruvini goro be nay a ruvini ye be”.¹¹Yeso sↄↄ shaangni, “Shvng bↄↄ wu jaa zit, ¹²Jaa wↄdo an pu nyaa an gↄↄre ye bi ni, paa an maa ta a mↄ titi vii naa be in ma be. An vase wu vii naa kiti a rititi.¹³Diki de waa ba bololo, wu jaa wↄdo an muse walikang vii be wube, an waa koo bↄↄ fefe. A mↄmbi ko rinse wu vii naa walikang a dↄrↄng zaasi. ¹⁴A labe rinse we vii naa ye walikang, nwↄko n yupa an len koo walikang. Rang n yi wu naa a bii tↄↄvin.¹⁵15 An waa an a yuu a shↄng tipi bii a koo bi, shↄng shↄn wu kiti wu wa wu gase wu viiva, wu a yaagwala shaani 16 ¹⁶A shingn wu shaa vishaani be yaagwala yin shaa be, a ruu shↄng be da awa vishaan ba.¹⁷A labe jaa wↄdo lere ye a singsing, an shaani, ma da wu jaa bobosi dee ya? Yi vishaan shaani veeni, zeta nde vↄni kↄvee ni nwↄko. ¹⁸N yupa kↄto, n yamↄm, n wa daa ye, n gale wu ni, Daa n pele ruvini ye a Laa bii, a mↄnii ¹⁹N de tise shↄng baa ni mↄ ja aba. Shing ta n wↄng ana mↄ jaa bobosi yi.²⁰Jaa wↄdo n yupa kiti an wa ye bi bii. Labe wu don a dↄrↄng fefe. Yebi n zewu nugn jaa kↄn, an yuu wii bii, an kↄsewu nan a bii. ²¹Jaa n gale wu ni, Daa n pele ruvini a Laa bii a mↄ bii, N de tise tↄↄ ba mↄ baan ni mↄ ja aba.²²Ye bi n galle wu jaa bobosi, nↄ ese ta labum fara tↄↄvin, vii je naa, nↄ base wu a naa, bↄↄ koodoo a wu dↄↄ. ²³Nↄ sↄↄ ese jaa napo be nↄↄ kↄtↄ be, nↄ ye ke. Wↄ sha wↄ tↄↄre bii. ²⁴N jaa vↄye, sↄↄ yupa ni suru. Si rinye ham n kpaa wu ye. Yin sↄↄ gab ii tↄↄreni.²⁵Wu jaa bↄrↄ wu mↄng gani viva. A labe na eye, kpaa ye ye mani, n taa shↄng tangsoo an yaa sang. ²⁶An baa jaa bobosi bↄↄ goro an yee wu ni, be vii n waa ting viya? ²⁷Jaa bobosi gale wu kiti ni, zunwa e yeye, yaara yee jaa napo wↄ shaa wↄ tↄↄrebii, aru viya e ye ye tↄↄna.²⁸Zunbi boro lese yato kiti a bee wu boo ye, ye bi nke kiti an kpaa wu a ga an gↄↄre wu. ²⁹An kase yebi ni, zeta saa waye bololo mↄng be n gase mↄ viva, n gung mↄ ruu, mↄ de tↄↄ ba doogo ni, too iaa jaa ta mↄ ye ke nↄ tↄↄ re bii ni wusan wayi ³⁰Labe in jaa e ye, shↄng be semↄ viinaa a rinse a dↄrↄng nangka ni see raani yi, wuko mↄ yere wu jaa napo be nↄke donpa donpa.³¹Yebi gale wu ni, wↄ jↄↄ, dikidi wↄ ni mong a yaawe, vii be nwↄng n ma mↄ be ko. ³²Bem nwong ye vii tↄↄ vin wↄ tↄↄrebi, wↄ pele puru yato, a ruu viya zunwa vↄↄ kↄtↄ a sↄↄ take; ring ye shↄng kpaa wu ye.

¹Yeesↄ tↄt gale wu jaa dↄↄ yi, “shↄng vii naa bↄↄ ani, ni wu wakili, shↄng e a gale wu ni, wu wakili rinse wu vii naa ye walikang. ²Shong vii naa baa wu yaa kiti a gale wu, n taa vii a mↄ yuu vii ya? E ta mↄ gaasen vii be mↄ pele walikang, aruu viya mↄng nwↄng wakili tↄↄ ba³Jaa wakili gale wu yuu ni,” “N da pele ham nuko viya? nwↄng ye n shↄng ye n te wakili kↄtↄ an naa. N kaka mↄm langni tↄↄ ba, be vii yuusee n pele bambalo. ⁴N ze vii be n da pele ye, labe na zↄ wakili ye an naa, shↄng zen yi, yin teng kↄtↄ a yi ye,⁵Shↄng wakili an sↄↄ baa shↄng be yi kↄↄ saka a wu shↄng ye naa, a yee wu, “n shↄng ye n dung mↄ deeya? ⁶shↄng bi, gale wuni, je baka nung Laa maani. A gale wu ni, nwong ta mↄ te mↄ labini mↄ binke la zeti bↄↄ kopi. ⁷Wakili n sↄↄ yee bↄↄ, mↄ kↄↄmↄ be jↄ deeya? N gale wujↄ gbaa nung wusi La maani. A gale wu ni, te mↄ labini ta mↄ binke La deero;⁸Shↄng ye n sↄↄ dↄↄ wakali, be wu yato ba kpelenkpe ba, a wuu viya tas kpani ye pele viye dↄↄni. A ruu jaa koodanga yi pele vii kovee labum labum labe yin pele vii ni shↄngzen a jaa Laa kↄtↄ. ⁹N gale nↄ, pele wↄsanta ni viinaa be mↄ kpaa be ba ↄrↄng tↄↄvin ba, a ruu viiya diki bↄↄ yin pele mↄ taatalemba a ye lapa.¹⁰shↄng be na shingn ye vii tↄↄkↄlong, a shingnkↄtↄ borↄ, shↄng be yato na ba bolongbo a vii tↄↄkolong ba, da nwↄng ba bolongbo ba a vii borↄ. ¹¹mↄ yato na ba bolongbo ba a rinseni vii naa be shↄng a mↄ a dorong nangka, shↄng we ya be da sↄↄ a mↄ vii naa be shvng kpaa a dↄrↄng tↄↄvin. ¹²mↄ na ba boolongbo ba a mↄm yiseni shↄng vii ba, be we da a mↄ, mↄ saka jↄ we ya?¹³Jaa bobosi, ba nib a, be da da dung shↄng ye zit, kↄↄ wu bee goro, w ukase goro, kↄↄ wu a zↄn a bↄↄ wu yaa bↄↄ. Mↄ da gↄvne La aba mↄ base ni saka ba.¹⁴shↄng Farisi yi, be yi kase saka; yin taa ruun walikang an rise wu shↄng vii wuren, ¹⁵A gale yi ni, “Nↄng tase nↄ yuu bolongbo a shↄngzen waating, Laa ze nↄ singsing ye. Shↄng be shↄng bonse wu a shongzeng wating, ba a nangko ba a Laa waating.¹⁶Ruu dangni, ni shↄng wani Laa ru, yi a ni a tunpu be Yohanna e be, a tunpu bi ko, shↄng bishara yi waa ruu koo laapa shↄngzen walikang yi sↄↄ a kaka a ni. ¹⁷De kpee balapa bↄↄ koodanga wu tuke ke, Laa ru dinli yaa dangni dari ba nangka ba.¹⁸Shↄng be na ya wu soo naa ye, sↄↄ yee bↄↄ ye, n pele ruvini kↄng shↄng sooye, shↄng be na yee soo be shↄng ya naa ye n pele ruvini kↄng shↄng soo ye, shↄng be na yee soo be shↄng ya naa ye n pele ruvini kↄng-shↄng soo ye.¹⁹Shↄng vii naa bↄↄ ani be shↄng tuse wu fara biiviri, Luke luke, diki d n taa wu tↄvvin wu vinaa, ²⁰shↄng naa gↄↄre ni bↄↄ shong baa wu ni Lazaru, wa nwↄng a wu yↄↄrↄn ye, wu bii risi ko walikang, ²¹na ga vibe da lo a shong vii maa, La-viishaan shaani La bi ko zaa zaa yi bale wu risii.²²A labe shↄng naa gↄↄre ni vↄye, shↄng too wu a ware wu Daa Ibirani kaabi, shↄng vii naa vↄↄtↄ shↄng gwaa wu. ²³Wa ye ya, wu a titi kpaareni, an too nung an ze Ibirani fefe ni Lazaru a wu kaabi,²⁴An kaa yaa ni kaka Daa Ibirani gbeti taa nugn kↄↄni ta mↄ shↄↄn Lazaru wu lunes wu je naa a mee wu losen a yaa n vↄre wate ye, n a vuzu kpaareni a ya.²⁵Ibirani gaale wu ni n jaa, ye nugn ta amↄnwↄngni koodanga mↄ kpaa vii tↄↄvin, Lazaru kpaa vinivivii vi, ham wo a mↄm tↄↄvin taa ni, mↄ jↄ mↄm kpaareni. ²⁶Ko ba nangko ba shↄng shin boronbo vii bↄↄ koto be vase wo titi, be shin ke, shↄng be a wↄ kaabi da zenung ba wu dase nↄ bi ba, shↄng be a no kaabi da zenung ba wu e wo bii ba.²⁷Mↄ taa shↄng viinaa shaan ni, n gↄↄre mↄ Daa Ibirani shoon wu ta a n daa ye. ²⁸Mazung yi ani maani, wu waa wu zaaren shoo, a ruu be yi ani maani, wu waa wu zaaren shoo, a ruu be yi da e ba a mↄm kppareni ba.²⁹Ibirani sↄↄ gale wu ni, Musa bↄↄ shↄng waa ruu Laa yi ani ni yin, yi we shoo ta yi taa yi ke. ³⁰Shↄng vi naa sↄↄ kase yaa ni, ba nangkoba Daa Ibirani, shↄng bↄↄ na yuupa ye yusa yin ya ruvini kↄtↄ. ³¹Ibirani gale wu ni yina da shin shoo ba a Musa, ni Jaa waani ruu La aba ko shↄng bↄↄ yupa kↄtↄ yuusa yin taa wu ba.

¹Yeso gale wu jaa dↄↄ yi ni, nungoko tara kↄsen dↄↄ an, danwong vii nugn kↄn, shↄng be anruu wun zↄn vin da e ke, ²da wↄngse wu batata shↄng mase wu tara ree a tuu, shↄng loke wu a yoo wapo, ruu be da shin jaa tokↄlong yi kↄse dↄↄ bee.³Ze mↄ yuuta, zunwaa na pele ruvini ye, mↄ gↄↄ we shoo, naa be yaseni ye mↄ yase wu. ⁴Naa pele mↄ ruvini ye gorogo na watat, a diki, sↄↄ e tot ya nawatat a mↄ bii, a tↄↄni yasenta, mↄ yase wu ke.⁵Shↄng Apostul yi yi gale Daalaa ni, “shinta wↄ anizon wu wↄng veeni. ⁶Yerelaa tↄↄ kiti, mↄ zon ani na wↄng ye a na nungla musuta, tise ye mↄ gale la shite, zↄↄta mↄ shↄↄ a mee wapo, n duugmↄ yaa shangni kↄtↄ.⁷Be we a nↄ titi weya, be wu jaa bobosii ani a Lang gon, bↄↄ gaani mere, wu gale wu ni, a Labe zuse ye a dↄↄ va, ni eta ham, ham mↄ wong a tii mↄ shaa viishang? ⁸Daa gale wu ba, ni waata mↄ peleng zↄn vii bↄↄ n shai, mↄ nanfara kↄtↄ ni dinre, mↄ an mee bↄↄ viishang n shaa n boo a mↄ nung walikang, Tunpu mↄↄ sↄↄ shaa, mↄ boo mee jↄ,⁹da dↄↄre jaa bobosii ba, ruu viiya jaa pele vii be shↄng shin wu pele ba ya? ¹⁰Mↄ jↄ a nang ko, mↄng pele vii be shↄng tↄↄ mo ye, walikang mↄ tↄↄni wa,” wↄ ba jaa bobosi tↄↄvin ba, wↄ pele vii be wↄ zeye wↄ daa pele be”.¹¹E ke a labe wu a dↄrↄng waani Jarusalem a sↄↄ dↄrↄng be jaa tititipi Samaria bↄↄ galilii. ¹²A labe n boo vusu koo bↄↄ shↄng vↄↄ kuturu bↄↄ yi kop yin kpaa wu an shii fefe ni wu bi, ¹³yin baa yaa ni kaaka! Yeso, yuborↄ, taa wↄ nugn kↄnni ta.¹⁴A labe za yi ye, an gaale yin, yi waata yi tase yi yuu a pirisi yi bii. Labe yin waa a dↄrↄng yin gante, ¹⁵Goro a yi titi, a zeke wu bii gante ye, an rinung, an sↄↄ tumpu ni dↄↄre Laa, ni kaka. ¹⁶An wete a Yesↄ dↄↄ, ni dↄↄreni shↄng bi shvng Samaria.¹⁷Yesↄ tↄↄ kiti, “n tↄↄ shↄng gante nↄↄ, nↄ kop ya? Nuko beego yi we ya? ¹⁸shↄng bↄↄ ban ba ya? Be sↄↄ a dↄↄ Daa Laa, jↄ shↄng zanti ko gↄrↄ ya? ¹⁹An gale wu ni, wu yuu pa ta wu waa ke, mↄ anizon ko gante mↄ.²⁰Shↄng Farisa yin yee wu ni, Laa Kpanti rooni da e a Laweya? Yeso kase yaa a shanshe yi ni, “nↄ ze ya Laa Kpanti rooni da e ba kovee aru mↄ shing nung kirki mↄng mile ba” ²¹yi na da tↄↄnii zeta wuko mi, ko wutↄↄni wu ko waa. Zeta rooni kpanti Daa Laa, anↄ titi kↄ”.²²A gale wu jaa dↄↄ yi ni, diki teni be nↄ da bee nↄ ze diki jaa shↄngzen, nↄ da kpaa zeni ba. ²³Yin wↄng an gale nↄ, ze mↄng waa ta, ze mↄng bemta. Nↄ na keg aa ba, nↄ yuu ba, nↄ dung yi tumpu ba. ²⁴A nna be zaala kpenke puru bↄlↄngbↄ, ni kaawa, awa kaabo a lapa, jaa shↄngzen diki eni nwↄng anangko.²⁵Shↄↄn n boo kpaareni veeni, zↄnzↄↄ a Koodanga, shↄng bee wu a Koodanga. ²⁶Anaa be shↄng pele alaa Nuhu diki be tuke be, anangko shong pele a diki Jaa shongzen. ²⁷A diki Nuhu bi diki shↄng shaa vii shang, shↄng boo mee, shↄng yee soo, an sↄↄ a shↄng see yi shↄng yeeke, a waa diki be Nuhu boo boro gulaka biti mee, - mee seni n e ke an lese mong ni shↄng zeng ni kang,²⁸Vim a nangko tↄt (pele ke) a diki lotu shong a mↄng tↄↄren bi be shong shaa viishang, shↄng boo, shↄng shaa lumo, shↄng gwa lani ni jaaka mani zon zon, ²⁹A diki Lotu ya Sodom (a ke) be, yaa n lo a lapa a naa mee, lese mↄng ni shↄng zengni waalikang.³⁰A naa bem ko n pele a diki jaa shongzeng n eke a gaa gwane, ³¹A diki bemshↄng be wu lapa jaka wu wↄng a mvng, bi wuko ba ni ensee vii bↄↄ a jaka ba, shↄng wuna a teli naa sↄↄ ba.³²Lere ta ni lotu soo, ³³shↄng naa kpee kↄtↄ wu suru da riing ba n vↄↄ kotↄ. Shing we suru na ring ye mↄng n kpaa kↄtↄ a ting.³⁴N gale nↄ ni zii, shↄng kpaa shↄngzen zit yi roo a sii goro, shong too goro, shↄng ya goro. ³⁵See bↄↄ yi zit yin nan zee shↄng too bↄↄ goro, shↄng ya goro. ³⁶Shↄngzeng boo yi zit a jinti shↄng too goro, an ya bↄↄ a mↄm.³⁷Yin yee wu kiti, Daa a mↄm be we ya? A gale yi ni, mↄm be bii ani jaashavↄ yi mↄↄ a mↄng biko.

¹A yeeke yi beri, a naa be yi da wↄng dikidi a yuu gↄↄren a yↄↄre yuu ba, ²A tↄↄni, a koo bↄↄ shↄng vaseni dↄdↄ bↄↄ zaa vↄↄlaa ba, a shↄngzen bↄrↄba,³Soovo bↄↄ a koobi e le wu bii dikidi, a gale wuni, wu yise wu naa vase yi titi ni shↄng bↄↄ be yi kpaa yaadon ni wuni. ⁴Diki waa ye boololo shↄm da kase ba wu yisewu naa ba, lagoro n lere kiti a wu singsing, an tↄↄni, n ze ye n zavↄ La aba, n a shↄngzeng boroba, ⁵a ruu viya soovↄm yↄↄren ye bami, n yise wu naa kↄtↄ n vase yi dↄdↄ a ruu be n da nwↄke be.⁶Daa sↄↄ shang kiti, taa vibe shↄng be zavo La aba n shang mii. ⁷A nↄ zeni Daa Laa da zenung ba wu taa wu jaa yi be wuke rↄↄ yi, yi gↄↄreni zii bↄↄ La bay a? Da shile ki kↄtↄ a yi yuu ba ya? ⁸N gale nↄ Daan taa yi ruu kↄtↄ wu a shↄng be ruu bolonbo a dↄdↄ. Jaa shongzeng na e ye da kpaa wu ginshini kↄtↄ a koodanga ya?”⁹A sↄↄ yeeke beri bↄↄ a shↄng be yi a zↄn a yi yuu, ni yi be kpelenkpe, yi seng shong koto. ¹⁰Shↄngzen ziti yi waa jaka La among gↄↄreni, goro a titi be shↄng Farisi, goro bↄↄ bi shↄng saka viitipi teni.¹¹Shↄng Farisi in yupa kiti an gↄↄre ana bem a wu yuu, ni Daa Laa n dↄↄre mↄ ye in ba ana shↄngzen gaasi ba, shↄng bↄↄ yi, shↄng sↄↄ beeni, ana shↄng be yi yato ba kpelenkpe ba, bↄↄ shↄng saka vitipi teni ba. ¹²N wↄngni yaa ni, ya ziti a diki nawatat, n a vii goro a vuzu kopi be n kpaa be walikang.¹³Shↄng teni saka vii tipi n yuupa jↄ a kaabe wong be, a de pen yuu ba ni pa ba, an nung wu dangn, an shaangni, Daa Laa, taa n nugn kↄnni mↄ yasen ruvini, n ruvini a mↄ ting. ¹⁴N gale nↄ shↄng bem waa wu yee yato bolongbo, ban aa shↄng goro waa ba, aruu viya shↄng na tose yuu ye shↄng rise wu shↄng vii wuren, shↄng be naa roore yuu ye shↄng bonse wu”¹⁵Shↄngzeng bↄↄ yi, yi ese wu jaa tↄↄkↄlong yi, wu shinshe yin aa zuku a yi yuu. Wu jaa dↄↄ yin zeke an zaane yike. ¹⁶Yesↄ n baa yi yaa kiti, nↄ yaa wↄ yaa wↄ Jaa tↄkↄlong ta yi en bii no zaare yi ba, koo Lapa Laa yee aruu zↄn bem yi ko. ¹⁷Nungoko in gale nↄ shↄng be na de te koo Lapa Laa yee ana wↄjaa ba n gale nↄ n boo Laa ye ba?¹⁸Shↄng Ladon yee wu ni, Malang tↄↄvin n da pele nukoviya n boo Laa ye viya? ¹⁹Yesↄ gale wuni, mong baa ni tↄↄvin aru viya? Shↄng tↄↄvin ba ko goro, Laa ko abin. ²⁰20 mↄ ze ruu dangn ye, mↄ pele kↄng ba ni shↄng soo ba, mↄ bↄↄ shↄng vii ba, mↄ nung shↄng vↄↄ ba, mↄ lake yaa a shↄng yuu ba, mↄ a yaara ni inaa boro a bii. ²¹Yubↄro bi shaani kiti, zↄn vii bem walikang n dun ye dↄↄ tↄↄvin, Labe n don wↄjaa be.²²Labe taa vibe shaan ye, Yesↄ a gale wu kiti ni, “vii goro Yase mↄ, wↄngse mↄ ye mↄ male mↄ vii naa walikang, mↄ daake shↄng be yi vii ban ba, mↄng kpaa bonshoko, kↄtↄ a koo Lapa, mↄ e mↄ dung” ²³A labe taa yuu ye walikang an lese yato veeni, a ruuviiya wu vii naa ani veeni,²⁴Yesↄ n mile wu kiti, an shanni, kpaa kↄto shↄng be yi vii naa an yi boo Laa yee. ²⁵Da nwong sororo gwantang wu boo nung alura, a wu nwong shↄng be vii naa an wu boo Laa yee”²⁶Shↄng be yi wↄng yin taa wu ruun, yin shaan kiti be we da kpen we ya? ²⁷Yesↄ kase ni, vii be kpaa a shↄngzeng bii, de kpaa ba a Laa bii ba”²⁸Bituru n tↄↄr kiti, wↄ yaa wↄ vii pelen ye walikang ni wↄ vii naa wↄn dung mↄ. ²⁹Yesↄ gale yi kiti ni, N gale nↄ nungoko shↄng bↄↄ ba goro be na yee yee, ya soo ye, bↄↄ zumbi yi, yee bi ni wu jaa ye walikang a ruu Laa yee, ³⁰Be we da kpaa vii ba ham ham veeni ba, a saa be n em, suru be sↄↄ nya ba.³¹A tunpu be tole koptuzit yi ye a wu bii, a gale yi kiti ni, nↄ zeya, wↄng waa Jaarusalem, vii be jaa ruu zeni yi binke a yuu Jaa shↄngzeng n shↄng pele kↄtↄ walikang. ³²Shↄng too wu an ase wu a jaa kurata naa yi basewu, yi risewu vii yuuse, yi tule wu seri a bii. ³³Naa boo nung ye, yin nung vↄ, a diki toti n yuupa a yuusa tↄt.”³⁴Yi de zee vim ba kogoro, shↄng sɔ vↄse yi ruu bi kↄto, yide so ze viibe shaanshe yi ba.³⁵A na be shvng shaan be, Yesↄ e ye maan ni yariko, shↄng nung gwaati boo nwong a Yaa dↄↄrↄng n gↄↄre naa, ³⁶N taa shↄng dↄↄ veeni, shↄng de tukeni an yee shↄng kiti ni, shↄng pele viiya? ³⁷Shↄng gale wu kiti Yesↄ Jaa Nazareth tuke ke.³⁸Shↄng nung gwanti n kaa yaa kiti ni kaka ni “Yesↄ, Jaa Dawuda, taa n nugn kↄnni jↄ”. ³⁹Shↄng be yin kin a ting, yin lanse wu yaa ni wuzinag yaa ta. An bee a nung an kaayaa in kakka, “Jaa Dawuda taa n nugn kↄnni pin”.⁴⁰Yesↄ n shil kiti kirki, an baa yaa shↄng ese wu ta a wubii. A laabe shↄng nung gwati kpaaye maan, Yesↄ yee wu, ⁴¹Mↄ kase n pele mↄ viya? A gale wu, Daa Laa n kase n nung wu ze mvng!”⁴²Yesↄ gale wuni te zeni viita, mↄ ani zↄn ko gante mↄ ke. ⁴³A dↄↄ dↄↄ a mↄng bi an te nung zeni an dung wu a dↄↄ, ni dↄↄre ni Daa Laa, shↄngzeng be yi ze vibe pele be, a a Daa dↄↄren.

¹1Yesↄ boo ye, n tuke ni vusu koo Jariko, ²an kↄse ni shↄng bↄↄ, shↄng baa wu ringni Zakawo, shↄm wuko Kpanti saka vii tipi te ni, wu vii naa ani.³Shↄm kase ke wu ze Yesↄ, de kpaa wu zeni ba, aruu shↄng shaan veeni, wuje dika de bomb a. ⁴A yuu kiti a ting, a vↄn a yu La donko, a ruu be Yesↄ na de tukeni da zewuke.⁵A labe Yesↄ eye a mvng bi, an too nung ni pa an ze wu, an gale wu ni, “Zakawos Lo ta ndↄↄni, Lam n lo a mↄ yee ko,” ⁶An lo tipi kiti kakarka a La, an pele wu taata Lemba ni puru yato. ⁷A be shↄngzeng walikang yi ze vim ye, yin shaan kiti ni, “Wa ye n lo a shↄng ruvini yee”.⁸Zakawo yupa a gale Daa Laa, zeta Daalaa n vase n vii naa a titi vii goro n a shↄng be yi vii ba, vibe nang tebe ni kaka a shↄng naa walikang n sↄre yi kↄto naa deero. ⁹Yesↄ gaale wu kiti ni Lam kpenseni e ye a yee bem, aruu viya wu jↄ Abaram jaa ko. ¹⁰Jaa shↄngzeng e a ruu wu bee, wu so kpense shↄngbe yi ring ye be”.¹¹Laɓe yin taa vim yi, a wa tin jↄ ni nyaa shaan, an yeeke yi beri bↄↄ, aruu viiya kpaa ye maan ni Yarusalam, yin leri a yato kaabe Laa yee koo lapa wa ni kpaa ye maani shↄng ze hamham. ¹²A tↄↄni shↄngzeng tↄↄvin bↄↄ waa koo bↄↄ fefe wu te Kpantii rooni, wu sↄↄ zuse ke.¹³A baa wu jaa bobosii. Yaa yi kopp a a yi saka, yi pele lumↄ, nin a wu tunpu aga dikii be da sↄↄ yebe”. ¹⁴Wu shↄng bii yi de kase wu ba, a yi shↄn yi jaa shongi a wun, wu gale wuni, yi da y aba shↄng veren wu pele yuu bↄro a yi yuba. ¹⁵A nangko labe sↄↄ ye mↄng be te ye be, a a yaa wu jaa bobosi be a yi saka lumↄ, shↄng baa yi nyaa ta walikang, a ruu be da ze vii be yi pele be.¹⁶shↄng be te shↄnni be e kiti a tↄↄni, Daa mↄ an saka n pele lumↄ yi n kpaa bↄↄ ye yuu pa kopp. ¹⁷Shↄngzen tↄↄvin an rise wu ni vↄkↄ wu soore mↄ suso, nbe mↄ jaa bobosi mↄ dung, a ruu be mↄ pele yato goro a vii tↄkolong, tise ye mↄ wↄng yuboro a koo tↄt tↄk kopi.”¹⁸“Shↄng pan wu a e jↄ, an shaan ni, kↄpↄ be mↄ an, maani n rise ye, n kpaa bↄↄ ye jↄↄ maan a yuupa. ¹⁹Shↄng tↄↄvin an gale wuni tise ye mↄ mↄng yuboro a koo tↄttↄk maan.²⁰Goro bↄↄ be pan an e jↄ an tↄↄni Daa nko mↄ saka mi, n shin kↄtↄ tↄↄvin a lin kↄtↄ ni fara. ²¹Mↄ ruu saka an vↄ zaani kↄtↄ a bii, aru viya n ze ye mↄ da yamba. Mↄ tↄv vibe mↄ de shin ba be, a kavi a mↄng be mↄ de ru ba.²²Shↄng tↄↄvin an gale wu kiti, ni mↄ yiri yaa ko n boore mↄ yoori, nangka Jaa bobosii, mↄ ze ye n kase vii veeni, n too vii a mↄm be n de shin ba, n ka vii a mↄm be n de ruba, ²³Be kiti ruuviya mↄ de shing saka a jaaka banki, labe nan sↄↄ ye n kpaa bↄↄ pan ye yuupa.²⁴24 Shↄngzen tↄↄvin gale shↄng be yi shile a wu bii, nↄ te saka be a wu naa ta nↄ a shↄng be wu saka kopi pan a yupa. ²⁵"Ying sɔng gãlewu nin Daa, wu saka ani koppi”²⁶N gale nↄ shↄng vi an shↄng a wu bↄↄ tↄt a yu pa, shↄng be vii naa ba, ko vii be tokolong be a wu naa shↄng te kati. ²⁷Shↄng be yin kaagn, a de Kasen ba n wↄng Kpanti a yi yu ba ese yi ta a mↄm nↄ nung yi vↄ a nting”²⁸A labe yi shaanke ye, yi waa a ting ni koo Yarusalem²⁹Anangko a Labe e ye maani ni koo betatagi bↄↄ Bitanya, a wa ni kopo be shↄng ba ni zatun, a shong wa Taa dↄↄ yi zit, ³⁰A gale, “yi ni, no wata a laye wa, nↄ na too to mↄm ye nↄn ze jaa balagi kↄto be shↄng de vom wu ba nↄ ese wu a mↄm, ³¹shↄng be na yee ye, aru vi nↄng kale viya? nↄ gale wu, Daa kase kↄtↄ”³²shↄng be shvng shongyi be, yi wa a kpaa jaa babaji bi ana be Yesↄ shaan be. ³³A labe yin kale jaa balaji, shong balaji yin yee kiti nↄng kale wu a ruu viya? ³⁴Yin gale yi ni, Daa kase wu kↄtↄ. ³⁵Yi ese Yesↄ kiti, a too yi fara a kuke jaa balaji wu kuku, a shin Yesↄ vom a kuku bi, ³⁶A labe de kin ni, yin yayi fara a dↄↄ wu kin a yupa.³⁷A labe kpaa ye maani ni kↄpo Laa zaitun, wu jaa dↄↄ yi walikang yin tase yi puru yato an kaa ya ni kakka, yi dↄↄre Daa Laa a ruu borↄnbo vi be pele yi ze be, ³⁸ni³⁹shvng Farisa bↄↄ yi be yi a titi shↄngzen veen be yi muse yuu, yi gale wu ni shↄng Malam, Zaare mↄ jaa dↄↄn yi ta” ⁴⁰Yesↄ kase yaa kiti a tↄↄni n gale nↄ bem yina zin yaa ye, tara be nↄn zem yin kayaa kotↄ”⁴¹Labe Yesↄ e maani ni koo bi, an ka yaavo ruu yin, ⁴²a tↄↄni mↄ na ze diki ye, mↄko mↄ da ese wↄngni batata, zↄn vii bem walikang yi ku mↄ nung kↄtↄ a nung.⁴³⁴⁴43 Diki teni be mↄ shↄng nyaagaa yin ma mↄng yi kinte mↄ, yi saamↄ. 44 Yin nung mↄ a tipi, mↄni mↄ jaa yi, yi da ya tara bↄↄ ba a yuu we bↄↄba, aru viya mↄ shing nung ba a diki be yi da e ba”.⁴⁵Yesↄ boo jaka Laa a lante walikang shↄng be yin shaa lumo a vusu ⁴⁶gaale yi ni, shↄng binke a labini, jaaka Laa bi jaka gↄↄreni, nↄ wↄngse ye mↄm be shↄngbↄↄ yi mↄↄ be.”⁴⁷Yesↄ n mante shↄng vi dikidi a Jaa Laa Kpanti, Firistoci ni Sadiya yin bee yi lesse wu a bi yiko yuboro shↄngzen yi, ⁴⁸dongdong yi de kpaa dↄrↄng ba, aru viya shↄng mↄↄ we ye veen, shↄng we shoo a wuu yaa shaani.

¹A diki, goro bↄↄ Yesↄ n mante shↄng vii a jaka Laa, ni waani ruu Laa, Kpanti firisi yini shↄng Malam atara, yi e wu bii shↄng boronbo yi, ²a yee wu ni, “gale wota, wo a mↄↄ naavipelen weya”, vibe mↄng pele mi, ni ani yaa we ya?”³A kase yaa a gale yi, n yee nↄ jↄↄ nↄ gaalen. ⁴Baptisma be Yohanna pele be, be koo Lapa ko be shↄngzeng,⁵Yi tonse kiti a yi nung ni, wo na gaalewu ye, be koo Lapa da tↄↄni, a ruu viya nↄ de azon ba viiya? ⁶Wo na tↄↄye be shvngzeng, shↄng da lowo ni tara, a ruu viya yize ye Yohanna bi jaa shↄↄnni Laa”⁷Yi sↄↄ kase yaa kiti ni, wo de ze mↄng be ke ba. ⁸Yesↄ gale yi kiti, n da gale nↄ jↄↄ ba, ni naa ani shↄng be n pele viin ba.”⁹A yee ke shↄngzeng yi beri bↄↄ, Shↄngzeng bↄↄ gonte mↄng shↄↄni vii langni a guru, a kↄↄse shↄng kↄↄni mↄng lang, a waa wu mↄng waani a koo bↄↄ, a nwↄng a mↄng bi diki boololo. ¹⁰A Labe shↄng ka vishing, an shong jaa bobosi ashↄng Lang mↄm yi bi, yi a wu nung La be yi Lang be. Shↄng langni nung la bi yi, yi yiwu a nung wu a shong wu naa waati.¹¹A sↄↄ shong wu jaa bobosi bↄↄ tↄt, yi yiwu a nung, a awu yusee, a shong wu naa waati. ¹²Ya tati a mong be n shong shↄng a yi bi, yi yiwu tↄt a nung wu a jilewu bi, a loke wu a ga.¹³Daa shong Guru langni n tↄↄ kiti n da pele nuko viya? N shong jaa kↄto, yin a zen jaa ye yin a wu boro koto. ¹⁴labe shↄng langn nungla a Guru yi zewu ye, yiin tↄnse a yi nun, ni wu jaa vivↄ shaan kↄm, yi wuta wo nung vↄ, a ruu be vivↄ da wↄng wo be.¹⁵Yin nung vↄ an loke wu a kuku guru. Daa shong mↄm guru lang da pele nuko vi ni shↄng langni nung La yi viya? ¹⁶Na e ye kpaa shↄng langni nung la yi ye n lese yi kang, wu too mↄm lang bi wu a shↄng bↄↄ yi.¹⁷Yesↄ mile yi kiti a tↄↄni, bem bi zↄnviya? Vi be shↄng birike viya? ¹⁸Shↄng na wete ye a yuu tara n kake wↄrↄwↄ. Shↄng be tara na wete ye a wu yu, n nang wu tipi?¹⁹Shↄng Malam yi ni Kpanti firisi, yi beye yi nung naa a bii, a viya yi ze ye ruu beri be sham a yi yuk o. Yi da liwu naa ba abi ba, a ruu yin zaa shvngzen be yin wu ni be. ²⁰Yin mile wu kiti kiri kiti, an shong shↄng kaali, yi dun wu a dↄↄ, yi pele ana shong be yi yato bolongbo, aruu be yi da yiwu ni ruu nangka, yi waare wu a gonna bii.²¹Shↄng bi yin yee wukiti ni; shↄng malam wↄze ye mↄng shaan an mante shvng ruu nungoko a dↄrↄng Daa Laa. ²²Likotↄ ya shↄng shoo saka vi tipi shↄng a Kaisa ya?²³Yesↄ ze yi mↄm lanni ye walikang yi tase wu yi kpee kotↄ, a gale yi, ²⁴Ni tasen neren saka ta, be we wu suru ni ring a yuupa weya?²⁵Nↄ a kaisar vibe wu be, nↄ a Laa vibe wↄng ye Laa be. ²⁶Yi de ze nangka ruu be a vibe shaan be, a shongzen waating, vibi a yi vibi zaani a yaa be kase be, vi bi de ayi yaa shaani, tↄↄ ba.²⁷A labe shↄng saduki yi e ye wu bii, shↄng be yi ko tↄↄ ni yuni pa yusa ba nib a; ²⁸Yi yee wu kiti, “Malam, Musa binke wↄ ni, shong be zunbi na vↄ ye soo an ja aba, zunbi wu too shↄng see bi wu yese zunbi Jaa.²⁹Jaa zun bↄↄ yi an, yi nawatai, Jaa be shↄↄn yee soo a vↄ ke jaa ba. ³⁰Jaa be pam wu be tↄↄ a nangko ja aba. ³¹Shↄng be pam be a waa jaa yaa zo, jaa be ke be Jaa Nawatati too see bi a voke Jaa ba. ³²tunpu bi ko see bi vↄ jↄ ³³A diki yuni pa see bi da nwↄng wo soo we ya? A ruu viya yi nawatai kopi yi yee see li ye.³⁴Yesↄ gaale yi ni, “jaa tunpun yi, yin yee soo, shↄng yeese yi soo. ³⁵Shing be shↄng ze yi vii pelen wa ye batata, a La bi ko yin te suru yunipa a yusa, soo yee nib a, ani soo yee ni ba. ³⁶Yin vↄↄ tↄↄ ba, aru viya yini wↄng ana Laa Jaa shong, ana Laa Jaa. Jaa be yi yupa a yusaa be.³⁷Vↄ be yi yupa, Musa tase anangko a jinti, be in shaa ya, a mↄng be n baa Laa yaa ni ring, yere daa Ibirani, yere Daa Ishaku, ni yere Daa Yakubu. ³⁸Ham wuba yere Daa shↄng be yi vↄ ye ba, Daa yere shↄng be yi nung bii don, aru viya wo wↄngni ni suru aru wuko”³⁹Shↄng rudangni yi, yi kase yaa ni, nbe mↄ shaan ye batata, malang ⁴⁰A tunpu bi ko, yi de so pu yaa bↄↄ yi yee ruu bↄↄ tↄↄ ba.⁴¹Yeso gaale yi ni, yin shaan nuko viya ni Kirisi bi Dawuda jaa viya? ⁴²A Labini Zabura, Dawuda bibi shaan kↄtↄ, Yerelaa galen Yerelaa nin, 'wongta a n na nashang, ⁴³N shing ke mon wong a yu shongɓeyi de kasemo ɓa ana ladong shingni do.' ⁴⁴Dawuda nin wu yuu ɓa Kirisi ni 'Yere Daa Laa, da sↄↄ wong too nuko viya Dawuda wu jaa viya?”⁴⁵A shↄↄ shↄng be yi mↄng bi walikang a gale wu jaa dↄↄ yi, ⁴⁶Nↄ shii tↄↄvin aru shↄng ruu dangni yi, be yi kase kingni a lumo, ni fara be bi a Lo da dↄↄ, yi kase ani borↄbi, ni mↄm be shↄng ma gware. ⁴⁷Yi ko yi te yee a soo vↄ yin aa, a ruu tasenyuu, yi rante gↄↄren Laa. Zↄn shↄngzen yi shↄng boore yi ko yori tↄↄvin.

¹Yesↄ too nun goa anze shↄng vii naa, be yin shin yi saka a duku saka shin. ²A ze soo vↄ bↄↄ, vii naa ba wa ye tee neren saka zit a duku saka bi, saka bi wu ko she awu naa. ³A gale yi kiti, nungoko n gale no, sↄↄ vↄↄ bem wu be jaa yi be kↄtↄ walikang, ⁴Yi vii jeni yi kese a viiveeni be a yi naa be. Soo vↄ a vii goro be shingn ani be”.⁵5 Shↄng bↄↄ yin shaanke ruu JaaLaa, kabe shↄng gonte be, like like ni tara kperere ni vi jeni, a shaanni, ⁶6 Vii be nↄn milem walikang, diki teni be tara bem, goro nↄda ze ba a yuu we bↄↄ ba, shↄng sate yi walikang a tipi.⁷Yi yee wu kiti, shↄn “malan, vi bem da ga a laweya? Be kiti vi da tase ke vi ze ni weya?” ⁸Yeso kase kiti, ni” nↄ shii nↄ kↄ bii shↄng na lake nↄ ba, aru viya shↄng veeni yin e ni n ring, miko wu. Diki kpaa ye maan nↄ dun yi ba. ⁹Nↄ na taa yaa sii, ni banbe ni, nↄ zaa ba, shↄng vi bem kang nↄng ze kↄtↄ, ba labi ko, Koodanga da sↄↄ yaa bodↄↄ ni ba,¹⁰A sↄↄ shaanshe yi, koo n yu a yuu koo bↄↄ, laye a yuu laye, ¹¹bↄrↄnbↄ tipi ziteni, mↄko bↄↄ vↄↄ bii zↄnzↄn, shↄng ze bↄrↄngbo vi zaani bi be ne a Lapa.¹²Tunpu ve vibem, yi Li nↄ naa a bi, Yin kpaare nↄ, yin waare nↄ kpanti yi bi ni gomna aru n ring. ¹³Vi bem n wↄngse nↄ vii be nↄ da shaan anↄ yuu.¹⁴Tota bbem wu nwong ke nↄng shii nↄn aru nↄ kↄↄ nↄ yuuba a ting. ¹⁵Nanↄ kↄtↄ ruu bↄↄ kpeen be shↄng be yin bee nↄ yuu yi shii ba ni nↄ ni ba.¹⁶Wↄsan wa yi, zunwa, nↄ shↄng bi, bↄↄ daa yi, yin kanse nↄ, yin nung nↄ shↄng gaasi vi. ¹⁷A ruu n ring ko shↄng bee nↄ ¹⁸Nↄ sisi yu gↄro da lese ba. ¹⁹19 Nↄ na ma singsing ye nↄn kpen kↄtↄ.²⁰Nↄ na ze ye, shↄng sii tani yi kinte Yarusalem ye, nↄ ze ke, wu lesen kpaa ye maan. ²¹Shↄng be yi Yahuda yi yu yi wa kopo, shↄng be yi bundan yi yu yina ra nung ba. shↄng be yin aba a bindan ba yina boo tↄba a mↄng ba. ²²Bem bi diki kↄnseni aruu viya vibe shↄng binke be wu yike.²³Vi nugn kↄn shↄng be yi jaa a yato ni shↄng be yina jaa min a diki bi. Shↄng kpaa borↄngbo yuu yↄreni a mↄm walikang a tipi, shↄng kpaare shↄngzen yi. ²⁴Yin wete a yaa yere, yin nwↄng jaa bobosi be shↄng yi be, shↄng ware a koo tↄttↄk, shↄm yi yiri lese Yarusalem a waa diki be yi shin be.²⁵Vii bem n tase kↄto a labe a Lapa, a shele, bↄↄ seng ya, ni tipi walikang. Koodanga n nwↄng ni yuu yↄreni, aru yade me wapo n rike n kake yaa be. ²⁶Shↄng vee yin vↄle kↄto aru vↄzaani, ni gn shinni rabe vii da e wu kpaa koodanga. A ruu viya kaka be a koo Lapa n zete mↄni kↄtↄ wali.²⁷A labi ko shing ze jaa shↄngzen de lo ni a yasii ni kaka bↄↄ borↄngbo bonsen. ²⁸Vibem walikang na ga pelen ye nↄ yupa, nↄ pen yu kpenseni kpaa ye maan”.²⁹Yeso yeeke yi beri, ni nↄ mile La baure ni gassi La walikang. ³⁰Yi na de kese yuu ni, ni bala nↄng ze kↄtↄ ni nↄ yuu, kpe kpaa ye maan. ³¹A nangko tↄt nↄ naze viibem ye, de peleni nↄ ye nugn Laa yee waani kpaa ye mani.³²Nungoko n gale nↄ viibem walikang yin aa de pele ba, Koodanga da tuke ba. ³³Koodanga bↄↄ Laapa yin tuke kↄtↄ, n ruu shaani a tuke ba.³⁴Nↄ wↄng batata, nↄ a zↄn, ruu be nↄ singsing da kute ba ni saa booni veeni, bↄↄ yoreni yuu vi koodanga, aruu be diki bi da kpaa mↄ ba ana vii lanni ba. ³⁵N E a shↄngzen yuu walikang be yi a koodanga be.³⁶Nↄ wↄng ni zeni, ni gↄↄreni be nↄ da kpaa kaka kpenni a zↄn kpaareni be n e be, be nↄ da zenung shini a jaa shↄngzen ting.³⁷A tunpu diki be mante shong baa ni zutun wu wong mↄmbi, shale will ³⁸Ni gandi zii bin shↄngzen yi E yintaa wu ruu a jaaka Laa.

¹Diki gware be shↄng sha bubula teni, be shvng baa ni diki tukeni. ²Kpanti Firisi ni shvng malan atara yin bee kaabe yi da nung vↄ, aruu yi zaa shↄngzeng yi.³Vinivivi ramang boo judas be shↄng baa wu ni Iskariyoti, be wu titi shↄng zeng kopp tu zit mi. ⁴Judas waa kpanti Firisi bii, bↄↄ Yuborↄ soja yitonse kaabe yi da a Yeso a yin aa.⁵Yi taa puru yato a kase ni yin a wu saka. ⁶Yi tonse kiti a bee dↄrↄng be da a wu a yi naa, a mↄng be shↄngzen yi ba mↄm bi ba,⁷Diki gware be shani bubula, diki tuke ni be shↄng ye jaa meree be. ⁸Yeso n shoon Bituru yi ni Yohana ni yi waa yi gonte yi mↄng shani vishan tukeni a ruu be yi da shaa be. ⁹Yi yee wu ni mↄ kase wↄ gonte mↄm vii shaan a mↄng we ya?¹⁰An kase yi ni ze ta nↄ na boo bundung ye, nↄn kↄseni shↄng too mee deni bↄↄ. Nↄ dung nↄ boo yee be in wa be. ¹¹A nↄ gale shↄng yebi ni, shↄng malan tↄↄni “Jaka shvng zanti we ya? Be n da shaa vi shaan diki tukeni, nin Jaa dↄↄ yi”.¹²N tase nↄ bↄrↄ jaka be gonte be a jaka Lapa. Nↄ gonte mↄm vii shaani bi wu ko. ¹³Yi wa kiti, a kpaa vii walikang ana be shaan be. Yi gonte mↄm shaani vishaan diki tuken a wu ko.¹⁴labe diki E ye, yi nwↄng kiti ni wu jaa shoon yi. ¹⁵A gaale yi ni “si teetee n kase n sha vishaan diki tuke ni ni nↄn tunpu in boo kpaareni. ¹⁶N gale nↄ ye, N da sha tↄↄ ba, n sha a diki be shong yise ye a Laa yee.”¹⁷Yeso n too jewa an gↄↄre Laa ni dↄↄreni, a tↄↄni, “teta nↄ vase a titi, ¹⁸N gale nↄ n da boo mee inabi tↄↄ ba, N boo jↄa diki Laa rooni kpanti na E ye.¹⁹A sↄↄ too bubula, Labe dↄↄre Laa ye, a vase a ayi, “ni bem bi n bii ko, be shↄng a aruu nↄ ni, pelen bem ta ni Lereni mini”. ²⁰A too jewa tↄↄ nangko a be sha vi shaanye a tↄↄni. “Jewa bem be kaseni a N kpaa be shↄng wↄↄse aruu nↄni.²¹Shiin nung ta tↄↄbin inko naa shↄng be da tun fara a bi, wↄng ni mini a Latenten. ²²Jaa shↄngzen nungoko n waa kↄtↄ ana be shↄng shaan be. Bi nugn kↄn a yuu shↄng be, kale wu fara a bii. ²³Yi ga shaan, a yi titi, be ki weya? A wↄ titi da pele zↄn vi bem weya?²⁴Yaa don n yuu paa yi titi, be we da nwↄng wu yubↄrↄ weya? ²⁵An gale yi ni “Kpanti kurata y ana Daa yi a yi yuu, shↄng be naa ani, a ni a yi yuu; shↄng baa yi ni shvng peleni tↄↄvin.²⁶Zↄn vim na nwↄng ba a nangko ni nↄ ni ba. Na a nangko yata shↄngborↄ a nↄ titi wu nwↄng wu ko wodoo, wu dung ni shↄng ni ana shↄng be pele shↄng vii. ²⁷Be ki we yuborↄ weya, shↄng be nwↄng a latenteng, ba shↄng be pele vi bay a? Wu ba shↄng be wↄng a Latenteng. Mikom a nↄ titi ana shↄng be pele vii.²⁸Nↄ ko goro, nↄ nwↄng ni min a titi maseni, ²⁹N shin nↄ ye a mↄng rooni Kpanti; ana be madaa shin a yuu mↄng rooni Kpanti, ³⁰aruu be nↄda sha, nↄ boo an Latenteng, a mvng Kpanti rooreni, nↄ wↄng tↄt a Ladon nↄ vase dↄdↄ titi yaa koo kopptu zit be Israila.³¹Semon, Semon mↄ shii tↄↄvin aruu viya seetan be ye wu too mↄ, wu sha mↄ ana nung wusi. ³²N gↄↄre ye a ruu mↄni, kabe mↄ gn shini da weteba. Tunpu be mↄna sↄↄ ye tↄt mↄ ye nugn ni zunwa yi.³³Bituru gale wu ni, “Daa shↄn ma wↄ a yaawe, ni mↄni a jaka, wↄng vↄ yaawe. ³⁴Yeso kaseni, n gale mↄko Bituru, banti kin na de kaa yaa gandi ni, sii mↄ bee ye mↄ zenzↄn ye ya tat.³⁵Yeso gale yini be n shoon nↄ nↄ ke ga, jan saka nↄ too ba, koodↄↄ nↄ too ba, viishaan nↄ too ba, vi weya goro a titi nↄ de kpaa ba weya? ³⁶A sↄↄ gale yi” ham shↄngbe jan saka ani, wu too a naa, ni vishaanni shↄng be wu bↄrↄ yere ba, wu male wu fara wu wo goro.³⁷N gale nↄ ye vii be shↄng binke a n yuu, wu yi ke. Shↄng gaan ni shↄng be yi dung ruudanni be, vibe shↄngsi shan a n yuu wukↄ ye ke. ³⁸Yi sↄↄ tↄↄni “Daa zeta nko yere zit,³⁹Yeso waa ana wale dikidi a yuu koppo zaitun, wu jaa dↄↄ yin dung a tunpu. ⁴⁰A labe yi too mↄni ye, a gale yi ni N gↄↄre Laa a ruu be nↄ da wete maseni ɓa.⁴¹A yayifefe ana loni tara a kute a tipi a gↄↄre Laa. ⁴²Ni Daa mↄna kase kↄtↄ, zↄ kpaarenita. Mↄ dung n kaseni ba, mↄ dung jↄ mↄ be ko.⁴³Laa Jaa shoon E kiti a mase wu kaka yato. ⁴⁴Wu a vusu yↄↄreni a gↄↄre Laa yato goro; wu pↄↄni n soo ana borↄngbo soo ni kpaa n lole tipi.⁴⁵A labe yuu paye a mↄↄn gↄↄreni a wa wu jaa dↄↄ yi bi an kpaa yi ke. Yi roore nuron ye a ruu yi viki yato. ⁴⁶An yee yi a ruu vi nↄng roo nurong viya? Yuun pata gↄↄre Laa a ruu be nↄ da boo ba a vusu maseni ba.⁴⁷A Labe don shaan yaa kↄvee shↄngzeng yi E wu bii, yi ni Yawuda goro be wu titi wu jaa dↄↄ kopptu zit, te ting shↄng gaasi a wu tunpu. An E Yeso bii maani wu kↄↄn wu ke. ⁴⁸Yeso n tↄↄni, Yawuda mↄng a jaa shↄngzeng ni kↄↄni ya?⁴⁹Labe shↄng be yi a Yeso kabi yin ze vibe shↄng pele be, yin yee kiti, Daa wↄ nung yi ta ni borↄ yeren ya? ⁵⁰Shↄng goro a yi titi n zↄ yere an ko yubↄrↄ Firisi wu Jaa bobosi wu shoo be a naa shaan, ⁵¹yeso tↄↄ kiti ni bem tiseye! An li wu shoo ni naa an gante wu,⁵²Yeso gale Yuboro Firisi ni yuborↄ tani si, ɓo gãsi shongɓoroyi ɓeyi eke yi yiwu, “no eke nin yere bo vi yinishong nong yi shonɓo ya? ⁵³Laɓe N nin noni dikidi a mun gↄↄreni, nóde yin naɓa a bi ɓa, ɓengɓi nó la ko, nin ani na kakana ɓe mun viki”⁵⁴alaɓe yin yiwu ɓe, yiwa nin wun, aso Ese wu a Yuboro Firisi yee. Bituru so dung yi dↄↄ a shi a mun fefe. ⁵⁵Alabe yi wu ya ye a titi teli yee yiso wong ye mun goro, Buturu sɔ wong ayi titi.⁵⁶jado Jaaseɓɔ n sɔ zewu wuke alaɓe wong ye amun yà bisini bi an sɔng dose wu nung abi an sɔng tɔning, "Shongmi wu jo nin wuko," ⁵⁷Buturu n song yere wu yã an tɔning, "Jasoro, in de shõngmi zong ɓa," ⁵⁸a la pɔta shongɓo tok n sɔng zewu ke, an song tɔning, "Mojo yi titi ko." Dongdong Buturu n sɔng kase wuning, "Jave, N ɓa."⁵⁹A tunpu be yi nwↄng wodot shↄng bↄↄ n sↄↄ shaan tɔning, nungoko jaa veren yi ni wuko, aruu wu jaa Galili ko, ⁶⁰Bituru kase yaa ni shↄng vem n ze vibe nↄng shaan ba”. A dↄↄ dↄↄn Labe n shaan yaa, banti kin n kaayã.⁶¹an ranung an mile Bituru, Bituru n ye nugn kiti tee ni vi be Daa sii gale wu be, ni Banti kin na de kaa yaa ni sii mↄ pa yaa ye ya tatii mↄ zen zↄn ye. ⁶²Bitusu n ke ga kiti an kaayaavↄ tↄↄvin.⁶³Shↄng yi wu, a ma wu a jaka yin nung wu an base wu, ⁶⁴Yi too dudu fara a kuke wu nung, a sↄↄ ye wu, way aa ta! Be we nung mↄ weya? ⁶⁵Yi shangke yaa kpatakpata a wu yu veeni, an Lanse wu.⁶⁶A labe gandi rↄↄ ye, Yuborↄyin muse mↄng goro, Kpanti Firisi yini shↄng atara. Yin ware wu mↄng be shↄng mↄↄ be. ⁶⁷A tↄↄni mↄkↄ Almasi wu ya? Gale wↄ ta. ⁶⁸Nang yee nↄ ye nↄ da Kasen yaa ba.⁶⁹Diki be yi ham Jaa shↄngzen, n nwↄng a Daa Laa naa shaan. ⁷⁰Yi walikang yi shaan “mↄki ham jaa Laaya? ⁷¹Yin tↄↄ kiti ni wↄng bee ham too viya? Wↄ bibii ni wↄ shoo wↄ taa ye a wu yaa.

¹Yi yupa a yi nung walikang a ese Yeso a Bilatu ting. ²Yi ga yaa yelen a wu yu, ni “wↄ kpaa shom n wunte wↄ shↄng tipi, ni yin a a kaisa saka vi tipi ba, an sↄↄ gaale shↄng tii wuko Almasihu, Kpanti,³Bilatu n yee wu kiti ni “mↄ ko Kpanti Yawuda ya? ⁴Bilatu gaale Kpanti Firisi ni shↄngzen be yi mↄↄbe a wu watin, n de kpaa jaa veren ba ni ruvini ba. ⁵Yi shiye sakaka ni shom n lese shongzeng, n mante shↄn a waa Judea a ga a Galilee a E a wa mↄm walikang.⁶A labe Bilatu taa vii bem ye an yee yi ni shↄng veren shↄng Galile ya? ⁷A labe ze ye ni wu nwↄngni a Hirudu naa, a shoon Yeso a Hirudu bii, be wu bii bii wu jↄ a Jarusalem.⁸8 Labe Hirudus ze Yeso ye a taa puru yato, a ru be sii bee ye wu ze wu tetee. Taa wu ruu bii ye, kase kↄtↄ wu ze zↄn vii bii zaani be pele be. ⁹Hirudu yee Yeso ya bololo, Yeso de kase yaa ba. ¹⁰Kpanti Firisi yini shↄng malan atara yi, yi yupa kiti pila ni yaa yeelen a wu yuu.¹¹Hiridu shin wu jaa sↄↄmeere yi nung wu ni kpataa a basewu. Yi sↄↄ boose wu fara tↄↄvin a bii a sↄↄre wu Bilatu bii ¹²Hiridu yini Bilatu yi, yi wↄsang ni weni a diki bi ko. A tunpu yi de kase we ba.¹³Bilatu baa yuborↄ Kpanti Firisi yini shↄng be yi mↄↄ be, ¹⁴a gaale yini nↄ ese shↄngveren ni wunte shↄng yi, n jaa mee shↄng yi, nↄ ze ya n yee le wu ye a nↄ nung nde kpa wu ba ni ruvini ba, ana nↄ shanga wa yuu ba¹⁵Hiridu ze a nangko a sↄↄre wu a wↄ bii, zeta de pele vii be da shinke shↄng nung vↄba. ¹⁶N boore wu yoori kotↄ in ya wu naa. ¹⁷¹⁸Yi base a kaayaa ni too shↄng veren ta kati nↄ yase wↄ Baranaba naa. ¹⁹Barnaba bi shↄng be ese yuu yoren a koo, shↄng ma wu a jaka a ruu be nung shↄng vↄ,²⁰Bilatu n yupa an shang yaa ni yini, kase ke wu ya Yeso naa, ²¹Yi Lanke yaa in kaka, ni “jishe wuta! Jishe wuta! ²²Ashang yaa ni yini ya taati, zↄn ruvini viya shom pele weya? N de kpaa ruvini be da shin ke wu vↄba N gaale nↄ na boo yori ye nya wu naa.²³Yi shii ni sakaka, ni kakka jishe wu ta! Yi yiri yaa shinke Bilatu dung vi be yi tↄↄbe. ²⁴Bilatu kase kiti ni vibe yi shang be. ²⁵A ya naa shↄng be ye gↄↄre be, shↄng be shↄng maa wu jaka a ruu yuu yooreni bↄↄ nungni vↄ. A too yeso a ayi na be yi kase be.²⁶A Labe yi de wa ni ni wun, yi shin shↄng bↄↄ, goro Simani bakaran be ke a kaa koo bↄↄ, a shin wu, wu toose wu Lajisheni, wu dung Yeso a tunpu.²⁷Boronbo shↄngzen yi be yi muse a mↄm bi yi pele viki yato an kaa yaavo yi dung wu a tunpu. ²⁸Yeso n ranung kiti an tↄↄni mana yi shↄng Yarusalam nↄ Kaaba a ruu mi ko ba, nↄ kaa aruu nↄ yuu ni nↄ jaa yi.²⁹Zeta diki teni be yi da tↄↄni, zuku a yuu shↄng yee, Jaa, shↄng be jaa a yato, shↄng be yin a jaa min. ³⁰missssssssing ³¹Yi naa pele zↄn vin ye mↄng don betebe, da nwↄng nuko viya mↄm na wateye?³²Shↄng bee bↄↄ yi zit shong ruvini, shↄng base yi ni wuni shↄng nung yi vↄ.³³Labe yi eye mↄng be shↄng baa ni “mↄng yuu vↄ” a mↄng bi ko yi jishewu ke ni shↄng ruvini zit, goro a wu naa shaan, goro awu naagan. ³⁴Yeso too kiti Daa yase yi ta, a ruu yi de ze vibe yin pele ba. Yi sↄↄ loke jang a vase wu fara.³⁵Shↄngzen yi shile yin mile yuborↄ jↄ mↄng be yin base wu, ni, “zenung ye wu kpense shↄng bↄↄ yi wu kpense wu yuu ta jↄ, wuna be Kirisi shↄng be Laa rↄↄ be goro.”³⁶36 Sↄↄmeere yi rise wu ana vi wuren an e maan yi a wu mee saa, ³⁷an tↄↄni mↄko na Kpanti Yawuda kpense mↄ yuu ta. ³⁸Shↄng shin vi zeni a wu yuu, “Bem bi Kpanti Yawuda”³⁹Shↄng ruvini bↄↄ goro be shↄng jishe daa n, wu ni, “Mↄ ba Kirisi bay a? Kpense mↄ yuu ta ni wↄni walikang” ⁴⁰Goro bi n pare wu ni, mↄ zaavo Laa, shↄng boore mↄ yorri ni wu ni goro, ⁴¹wↄ a mↄng shↄng boore wↄ yoori a ruu vibe wↄ pele be. Shↄng bem de pele vi ruvini bↄↄ ba.⁴²A sↄↄ gↄↄre wu, “Yeso mↄ ye nugn jↄ mini mↄ na waa ye rooni Kpanti ye ⁴³Yeso gaale wu ni, nungoko in gale mↄ lam mↄng nwvng ni mini a yee Koo lapa.⁴⁴Labe La a titi yuu, mↄm ri zii walikang a waa Lasan, ⁴⁵mↄng tiye zi, fara yakeni yoorↄn a jaka Laa vase mↄng zit.⁴⁶Yeso kaa yaa ni kakka ni Daa, a mↄ naa n ya n suru bii. Ni wu yaa shangni ko, a sↄↄ vↄ ke. ⁴⁷A Labe shↄng be yi mↄng yi ze vi be shↄng pelle ye yin dↄↄre Laa, ni nungoko shom wu kpelenkpe”.⁴⁸A labe shongzen yi walikang a yaa we yi shin nung yi ze vii be shↄng pele be ye, yi sↄↄke an nung dangn. ⁴⁹Dongdong shↄng be yi sii zewu ye ni see be yi dung wu doo a galili, Yi shi a dangaa an mile vii bem ke.⁵⁰Shↄng bↄↄ ani be wu ring Yusufu, shↄm wu a titi yuu boro yi, shↄm wu tↄↄvin wu kpelenkpe ⁵¹shↄngverem de kase ba ni vii yi kase yin pele ba. Shↄm ke a Arimathia koo yuwuda, shↄmg n bee mↄng Kpanti rooni,⁵²Shↄng veren e Kpanti Bilatu bii a yee, shↄng a wu Yeso vↄ. ⁵³A Lore vↄ a tipi, an kuke ni fara tↄↄvin, an shin wu a yu saa be shↄng see ke bobo tara, mↄng be shↄng de gwa vↄ a mↄng ba.⁵⁴Diki bi be diki nwↄken kpaaye ⁵⁵See be yi e ni yeso a galili, yi dung wu, yi ze yuusa, yi ze mↄng be shong roore wu bii. ⁵⁶Yi sↄↄ a gonte nung sii ni.

¹Ni gandi zebin a diki shↄↄni be nawataat yi waa yuu saa, ni nung sii ni be yi gonte be. ²Yi kpaa ke shↄng gile tara ye a yaa yuusaa, ³yi bo vuzu a de kpaa Yeso gigiri bii ba.⁴Labe yin yoore yuu a ruun, kovee shongzen zit yin shii a yi kaagn ni fara bii puru bolↄngbo. ⁵Labe see bi yi atitiva zaani yin lore yi waatin ni di, shong gale see bi yi, ni, “Nↄng bee shↄng suru bii a ruu viiya a yuusaa?⁶Wu ba mↄng ba, yupa ye. Ye nugnta anaa be gale nↄ, Labe wu dona galili, ⁷shangni shↄng a jaa shↄngzen a shↄng ruvini naa, yin jishewu a diki tatti n yupa tↄt,⁸see yi yin ye nugn ni vii be shong be, ⁹Yin ri nung a yusaa, an zuse ye, an gale gaasi kobtugoro, ni shong gaasi walikang. ¹⁰Maryamu, Magdaliya, bↄↄ Yuwana bↄↄ Marayamu Yakubu ninbi ni see gaasi yi ko gale manzani yi vii bem walikang.¹¹Ruu bem wↄng ana ruu yaa jinni, a shↄng Manzani yi bii, yi de azon ba a see yi ruu ba, ¹²Bituru yupa kiti ni yuun a waa Yusa, a gwaa yuu, a den vuzu, a ze fara Lantang shↄng muse ye mↄngoro, Bituru waa ye ke don lere a yuu vii zaani be kwabe.¹³Shↄngzen vit yi a dↄrↄng yin waa kↄↄ bↄↄ a diki bi, be shvng baa ni Imawusi, mↄng bi waa ranten Mali la taati ni Urushalima. ¹⁴Yin shangke a dↄrↄng zↄn vii be yi ze pele be.¹⁵E kiti Labe yin shangke a yi nung, an Lere yato, Yeso n kpaa bii maan an waa ni yin a yuuwe. ¹⁶Kaara gwaayi ye, yi de ze wu zↄn ba.¹⁷Yeso shang yaa ni yin, “zↄn ruu vii nↄng shangke a dↄrↄng be nↄng kin nↄ zit weya?” Yin shii kiriki, yato lessen tase ye a yi waatin, ¹⁸Shↄng bↄↄ gorↄa yi titi shↄng ba wu rin ni Killiyoba kase wu yaa ni, mↄ ko jↄgoro a Urushalima be we da ze zↄn vii be shↄng pele ba weya?¹⁹Yeso gale yi ni, zↄn vii ya? ²⁰Yi pele nuko viiya, Kpanti Firisi yi, ni shↄng ani naa, yi too wu a ke shↄng nung wu vo, shↄng jishewu.²¹Wↄng teegn wuko shↄng be sii da kpense Israila. E vii bↄↄ tↄt, bem wu ko diki taati be shↄng pele vim.²²Anangko tvt see bↄↄ a wↄ titi yi a wↄ vii bii zaani, a waa Yusa ni gandi zii bin, ²³Be yi de kpaa wu bii ba a yusa, Yi sↄↄ ye a gale shvng ni yi ze suru Jaa shooni Laa be gale yi ni, wu suru bii an. ²⁴Jaa vee be yini wↄni, yi waa yusa kiti, a kpaa jↄ ana be see yi, yi shang be, yi de ze wu ba!²⁵Yeso gale yi ni, “Ayii shↄng vii wuren, nↄ singsing ku keye, nↄ a zↄn a vii be shↄng waani ruu Laa sii shang ²⁶De wↄng ba a wutu, wu boo kpaareni ba ya? Wu boo ye kpanti ba ya? ²⁷A ga ni Musa, a waa shↄng waa ni ruu Laa yi. Yeso shinke yi ze wu zↄn a vuzu Labin.²⁸A be yi kpaa ye maan yi e koo be yin waa be. Yeso pele ana wu mↄng wani don a tin. ²⁹Yi shin wu a gↄↄre wu, wu wↄng ni yini aruu be Lasani pele ye zii gↄↄ yee. Ze de gↄↄni, Yeso waa kiti wu wↄngni yin.³⁰Wↄng anangkↄ, La be wↄng ye yin shaa viishang, a too bubula a shin zuku a vase, a ayi ke ³¹Yin nung wu kiti, yi ze wu zↄn, sↄↄ rin a yi nung sↄkↄt. ³²Yi shang yaa ni weni, bem ba vii kↄnni singsing ba a wↄ titi, Labe n shↄng yaa ni wↄn a dvrↄn, n punre wↄ Labini.³³Yi yuu pa ki dongoro a zure Urusalim. Yi kpaa gaasi kopitugoro bi yi mↄ ye mↄnggoro ni shↄng be yi shii ni yin. ³⁴A tↄↄni nungoko Daa yuupa ye, tase wu yuye a Sumani bii,” ³⁵Yii sↄↄ gale shↄng vii be kpaa yi a dↄrↄng e ni, ana be yi ze Yeso zↄn, Labe yin vase bubula.³⁶Yi a mↄng be mↄyin shang yaa yeso shii a yi tii, ni “lemba wu wↄng ni nↄni walikang”. ³⁷vↄↄ zaa ni yi ye, yi too Labe yinva e yi titi.³⁸Yeso gale yini nↄng zaavo viya? A ruu viiya, yeeni n yupa a nↄ singsing vii ya? ³⁹Mileng naa ta, ni dↄↄni, bem miko. Li naa ta a bii nↄ z eke, Yunva bii ba, kaka ba ana n ma ba, ⁴⁰Labe sↄↄre yaa shangni ye a tase yi wu naa, bↄↄ wu dↄↄ,⁴¹Yi de a zↄn ba ani ba, a ruu puru yato bↄↄ vii bii zaani. Yeso gale yi ni, nↄ vishing shaani ani ya, ⁴²Yi too bↄↄnsen jaazin a awu ke. ⁴³Tee kiti a shaa a yi nung.⁴⁴A gale yi, bem ko ruu be n gale nↄ a Labe n ni nↄ ni, vii shↄng binke a Labini ruu dangn Musa ni be shangni ruu waani bↄↄ Zabura yi walikang!⁴⁵A sↄↄ puu yi singsing a ruu be yi da ze Labini. ⁴⁶A gale yi ni, shↄng binke ni Kirisi n kpaare, n vↄ yi diki taati n yupa. ⁴⁷yaruvini ni yaseni ruvini shↄng waa yaa a wu ring, wu wa ko totok, shↄng ga a Urushalima,⁴⁸Nↄ nung ze vim ye walikang. ⁴⁹Zeta n shoonshe nↄ vii be Daa vasegn a pele nↄ be. Nↄ wↄng a bundang mↄng goro, nↄga diki be da a nↄ wu kaka be da Lo Lapa”⁵⁰Yeso dungni yini a waa maani ni beta ya. A too wu naa ni paa a shinshe yi zuku. ⁵¹A labe ni shiinshe yi zuku, a yayi a mↄng, shↄng too wu a waa lapa.⁵²Yi dↄↄ wu, a zuse Urushalima ni puru yato bↄrↄngbo ⁵³Yii te tin ni wↄngni a jaa Laa diki diki an shiinshe daa Laa Zuku.

¹A gani Ruu ani, Ruu ɓi ni Laa ni, Laa wuko tɔti Ruu ɓi. ²Ɓemi a gani wuni Laa. ³Shɔng take vi walikãng ni wu kaa bii, shɔng de take viɓɔ ɓa ɓe shɔng take ɓa ni wuko ɓa.⁴Surubi awu ka bii, surubi mi wuko vizeni shɔngzeng. ⁵Vizeni ɓenke a mɔng tĩngri, tĩngri ɓemi de jãa wu kaka ɓa.⁶Shɔng vere ɓɔ ani ɓe Laa shɔng, wu rĩngni Yɔhana. ⁷Eke wu wɔng shɔng teni shoo wu shãng ruu tɔ̃ɔving aru vizeni, aru ɓe shɔng walikãng da azong ni wu ka bii. ⁸Yɔhana ɓa wuko vizeni ɓa, eke aru ɓe da shãng ruu tɔ̃ɔving aru vizeni.⁹Vizeni nungoko, ɓe a shɔngzeng walikãng vizeni, ing e koodanga.¹⁰Wu sii a vusu koodanga, shɔng take koodanga ni wu ni, koodanga de zewu ɓa. ¹¹E wu shɔngbi yi bii, wu shɔngbi yi de tee wu ɓa.¹²Shɔng vɛ̃ɛni ɓe yi tee wu ɓe, ɓe yi azong a wu rĩng ɓe, a yi nãa wɔng ni Laa jaayi. ¹³Yi ɓa yeni kpa ɓa, kɔ aru kase ni bii ɓa, kɔ kase ni shɔngzeng ɓa, bii Laa kase ni.¹⁴Ruu ɓi wɔng gigiri bii a sɔɔ wɔng a wo titi. Wo zewu Bongseni ye, Bongseni gorɔ ana ɓe e a Daalaa bii, yiye ni Laa ani tɔ̃ɔving ni nungoko. ¹⁵Yɔhana waayãa a wu yuu a kaa yãa, a shãng ni “Bemi ɓi shɔng ɓe N tɔ ɓe, ‘Shɔng ɓe N e ang tũmpu jãng kɔtɔ fefe, aru wu ang ting tɛ̃tɛ̃.”¹⁶Aru wu yini wo walikãng wo kpaa Laa ani tɔ̃ɔving a tũmpu Laa ani tɔ̃ɔving, ¹⁷Aru viya rudani ke ni Muusa bii. Laa ani tɔ̃ɔving ni nungoko ke ni Yeso Kirisi bii. ¹⁸Shɔng ɓɔ ɓa kɔ gorɔ ɓe zee Laa; Laa gorɔ, ɓe wu a Daalaa ka bii, wuko shĩng shɔng zee Kpanti Laa.¹⁹Ɓemi ɓi yãa shãngni ɓe Yɔhana shãng ɓe A laɓe shɔng Yahuda yi shɔngg shɔng Firisi ɓɔ shɔng Lawaniyi a wu bii ɓi yi ke Urushelima yi yẽ wu, “Mɔko weya?” ²⁰A kase yi yãa anako, de pãa yãa ɓa, "N ɓa Kirisi ɓa" ²¹Yi sɔɔ yẽ wu ni, “Mɔko kiti weya? Mɔko Iliya ya?” A Kase yi ni "N ɓa wuko ɓa" Yi tɔni, “Mɔko mɔ Laa shɔng zeni ya? “Kase ni” "Ɓa"²²Yi sɔɔ gãle wu ni, “Mɔko ki weya aru ɓe wo da wa gãle shɔng ɓe yii shɔng wo ke ɓe? Mɔ tɔ mɔ yuu kitin viya?” ²³A tɔni, “Miko yãa ka ni, ɓe ke titi jĩngtiː “Gonte Laa dɔ̃rong ta gɓɔlɔng- gɓɔlɔng,’ ana ɓe Ishaya Laa shɔng zeni shãng ɓe.”²⁴Hami shɔng shɔng shɔng Farisa, ²⁵Yi yẽ wu a shãng ni, aru viya mɔ pele shɔng batizima mɔ na ɓa Kirisi kɔ Iliya kɔ Laa shɔng zeni ɓa?”²⁶Yɔhana kaseyi, a tɔni "N pele nɔ batizima ni mɛɛ. Shɔng ɓɔ ani shi anɔ titim no de zewu ɓa. ²⁷Ɓi wuko shɔng ɓe N e ang tũmpu, ɓe kɔ wu dĩngre rãti N de tise nung ɓa N kale ɓa.” ²⁸Shɔng pele vĩm a Batani a ka yoo Urudu, a mɔng ɓe Yɔhana N pele baptizima.²⁹Gandi bɔ Yɔhana zee Yeso te wu bii ni a sɔɔ shãng ni, "Mile ta, ing ko Laa Jaa Mɛrɛ ɓe too ruvĩni ɓe koodangaǃ ³⁰Ɓemi ɓi shɔng ɓe N gãle nɔ ing e ang tũmpu ɓe jãng kɔtɔ, aru wu sii ani tɛ̃tɛ̃.’ ³¹N de zee wu ɓa, wɔng ananko aru ɓe shɔng da tase shɔng Israila ni N e ke N pele nɔ batizima ni mɛɛ"³²Yɔhana waayãa, a shãng ni, “N zee Suru ing lɔɔ a lapa ana koro a lang a wu yuu. ³³N de zee wu zong ɓa, shɔng ɓe shɔng N pele shɔng baptizima ni mɛɛ gãle ni, ‘Shɔng ɓe mɔna zee Suru ye lɔɔ a wu yuu, ana koro wuko shɔng ɓe N pele nɔ baptizima ni Suru Kpelenkpe.’ ³⁴N zee ye ka zĩng-zĩng N sɔɔ waayãa ye ni ɓemi ɓi Jaa Laa."³⁵Ni gandi ɓɔ, aɓe Yɔhana shii ni wu jaadɔɔyi ziti, ³⁶yi zee Yeso de kn ni a yi ka bii mani, Yɔhana tɔni, "Mile ta, Laa Jaa Mɛrɛǃ"³⁷Wu jaadɔɔyi ziti yi tã viɓe shãng a dũng Yeso. ³⁸Yeso ra nung a zee yi ying dũng wu a sɔɔ gãle yi "Nɔng bee viya?" Yi kase wuni, "Rabbi" (ɓe shɔng rise wuni "Shɔng manteni"), "Mɔ mɔng wɔ̃ngni a mɔ weya?" ³⁹A gãle yi "Enta nɔ zee ke" Yi e ke a sɔɔ zee wu mɔng wɔ̃ngni; a wɔ̃ngni wuni a diki ɓi, aru viya zii gɔ̃re yi ye a mɔng ɓi.⁴⁰Goro a titi shɔng ɓe tãa Yɔhana ing shãng yã a sɔɔ dũng Yeso wuko Anduru, Siiman Bituru zũngɓi. ⁴¹A kpaa zũngɓi Bituru shɔngi a sɔɔ gãle wuni "Wo kpaa Mezaya ye" (Ɓe shɔng riseni “Kirisi”). ⁴²A ese wu Yeso bii, Yeso sɔɔ mile wuke a gãle wuni "Mɔko Siiman Yɔhana jaa. Shɔng ɓa mɔni Kefasi" (Ɓe shɔng riseni "Bituru").⁴³Gandi ɓɔ, laɓe Yeso kase ke wu wa tipi Galili, kpaa Filibu a gãle wuni, "Dũng ta." ⁴⁴Filibu ɓi shɔng Batiseda, Anduru ɓɔɔ Bituru yi koo. ⁴⁵Filibu kpaa Natala a gãle wuni, wo kpaa wu ye, shɔng ɓe Musa binke a Ladani ɓɔɔ Laa shɔng shɔngi yi, Yusuu Jaa Yeso, shɔng Nazara.”⁴⁶Natala gãle wuni “Vi tɔ̃ɔving ɓɔ da ke kɔtɔ a Nazara ya?" Filibu kase wuni "Eta mɔ zee ke." ⁴⁷Yeso zee Natala teni wu bii ang shãng wu rubi, “Mile, “Shɔng Israila nungoko, ɓe lakeni ɓa wu bii ni ɓaǃ” ⁴⁸Natala yẽ wuni, “Mɔ zeng zɔng nuko viya?” Yeso kase a shãngshe wu ni, “A laɓe Filibu ing ɓa mɔ yãa, labe mɔ wɔng a dĩngla sĩngri, N zemo kɔtɔ."⁴⁹Natala kase wu ni, "Rabbi, mɔko mɔ Jaa Laaǃ Mɔko Kpanti Israilaǃ” ⁵⁰Yeso kase a sɔɔ gãle wuni, “Aru ɓe N gãle mɔni, N zee mɔ a dĩngli la sĩnri, ‘mɔ azong ye ya?" Mɔng zee mɔ Borɔngbo vi kɔtɔ ɓe jãa ɓemi." ⁵¹A sɔɔ shãng, "Nungoko, nungoko, N gãle mɔ, mɔng zee koolapa puuye, Laa shɔng shɔngiyi ying võng lapa yi ang sɔɔ lɔɔ ni tipi a Jaa Shɔngzeng yuu.

¹A tũmpu diki tati, aɓe shɔng sĩin ma gbare a Kaana ɓe tipi Galili, Yeso yĩngɓi wu jɔ a mɔng ɓi. ²Shɔng na'are Yeso ni wu jaadɔɔyi a mɔng gbare ɓi.³A laɓe mɛɛ rɛnila sɔ̃ yãa ye, Yeso yĩngɓi shãngshe wuni " Yi mɛɛ rɛnila sɔ̃ yãa ye" ⁴Yeso gãle wuni, "Sooye, aru vi mɔ en bii viya? N la de tise ɓa." ⁵Yĩngɓi sɔɔ gãle wu jaadɔɔ shooni, viɓe na gãle nɔ ye, nɔ pele ke"⁶Hami a mɔng ɓi beng tara ani maango ɓe shɔng Yahuda yi sɔke bii ni ɓe, beng ɓi gorɔ too mɛɛ baka maangɔ-maango, ⁷Yeso gãle yi ni, "Yise beng ɓi yi ta ni mɛɛ.” Yi sɔɔ yise ke awa yãa beng ɓi. ⁸A gãle jaaadɔɔ shoni yi ni, “Kãta pota nɔ ware yuborɔ shɔng vaseni vi.” Yi pele ananko.⁹Yuborɔ vaseni vi tã mɛɛ ɓe shɔng rise mɛɛ rɛnila, de ze mɔng ɓe shɔng kese ɓa (jaadɔɔ shoni ɓe yi kã mɛɛ ɓi ko she yi zee ke). A sɔɔ ɓa shɔng gbare yãa ¹⁰a gãle wuni, “Shɔngzeng walikãng kese tɔ̃ɔving mɛɛ rɛnila shoni a sɔɔ ese ɓe saka ɓa yuu ɓa a laɓe shɔng yuu riye. Mɔ sɔɔ da mɛɛ rɛnila tɔ̃ɔving a ese hami ya?¹¹Ɓemi ɓi wuko shoni vi zanibii ɓe Yeso pele a Kaana ɓe tipi Galili, tase wu bongseni, wu Jaadɔɔyi yi sɔɔ azong a wuni.¹²A tũmpu vĩm ko Yeso, yĩngbi, zũngɓi yi, ɓɔɔ wu jaadɔɔyi yi wa tipi Kafanahu yi sɔɔ wɔng a mɔni ɓe diki pota.¹³Hami diki Tuukeni ɓe shɔng Yahuda Kpaye maani, Yeso sɔɔ wa tipi Urushalima. ¹⁴Ang kpaa shɔng maleni napɔ, mɛ̃rɛ, ɓɔɔ kɔrɔɔ yi a vusu mɔng gɔ̃reni, shɔng kɔseni saka yi jɔ a mɔni.¹⁵Ang zaa dĩngre kpatang a langte yi walikãng a vusu mɔng gɔ̃reni, a ɓase ni mɛrɛ ɓɔɔ napo. A sate shɔng kɔseni nɛrɛng saka a rike yi teburu walikãng. ¹⁶A gãle shɔng maleni kɔrɔɔ ni, “Kese vi ɓeng yi ta a mɔng walikãng. “Nɔ ya riseni Maada yee ta ana nungmɔɔ."¹⁷Wu Jaadɔɔyi yi ye ni viɓe shɔng binke "Mɔ yee kaseni ko Ing shãng gn" ¹⁸Shɔng kakana ɓe Yuhuda yi rise wu ni, "Mɔng tase wo vi zanibii ɓɔ weya, a ɓe mɔng pele zong vĩmi yi?” ¹⁹Yeso kase ni, "Lese mɔng gɔ̃reni mi ta, Ing yuse paa a titi diki tati.”²⁰Shɔng kakana ɓe Yuhuda yi tɔni, " Shɔng gonte mɔng gɔ̃reni mi saa laziti atu maango, mɔ tɔni mɔng yuse wu paa a titi diki tati ya?" ²¹Shãng yãa mi aru mɔng gɔ̃reni Laa ɓe wu bii. ²²Wu jaadɔɔyi yi ye nugn ni shãngshe yi vimi kɔtɔ, A laɓe shɔng yuse wu paa ye, yi sɔɔ a azong a labini ɓɔɔ ruu shãngni ɓe Yeso shãngke ɓe.²³A laɓe wu a tipi Urushalima a mɔng ɓele Tuukeni, shɔngzeng vɛ̃ɛni yi azong a wu rĩng a laɓe yi zee vizani bii ɓe pele ɓe. ²⁴Yeso de azong ɓa a yi bii ɓa aru viya zee yi zong ye wallikãng. ²⁵Aru ɓe de kase ɓa shɔng ɓɔ wu gãle wu shɔngzeng ruu bii ɓa, aru ɓe zee viɓe a shɔngzeng bii ye.

¹Shɔng Farisa ɓɔ ani shɔng ɓawu ni Nikodimo, shɔngborɔ Yahuda ²Shɔng vere mi e Yeso bii ni zii a gãle wuni, "Rabbi, wo zee ye mɔ shɔng manteni be e a Laa bii, shɔng ɓɔ ɓa ɓe da zenung peleni bii vizani ɓe mɔ pele mi na ɓa shɔng ɓe Laa ni wuni ɓa"³Yeso kase wuni, "Nungoko, nungoko, shɔngzeng da zee Laa roonikpanti ɓa, shɔng na de pase wu yeni ɓa. ⁴Nikodimo kase wuni, "Shɔng da ye shɔngzeng nukoviya A laɓe bongye ri borɔ ye? Da ɓoo yĩngɓi yato ɓa ya ziti aru shɔng pase wu yeni, N zenung kɔtɔ yã?⁵Yeso kase wuni, "Nungoko, nungoko, shɔng na de ye shɔngzeng ɓa ɓe mɛɛ ɓɔɔ Suru ɓa, N zee Laa roonikpanti ɓa. ⁶Shɔng ɓe shɔng yewu a bii wu ɓi bii, Shɔng ɓe shɔng yewu a Suru wu ɓi suru.⁷Mɔ na zã vɔɔ ɓa aru ɓe N gãle mɔni, ‘Shɔng pase mɔ yeni.’ ⁸Zasi rii yãa ni kaɓe kase ɓe, mɔng tãwu ananko a shoo, mɔ de zee kabe keke kɔ kaɓe ing wa ɓe ɓa. Shɔng ɓe shɔng yewu a Suru jɔ ananko."⁹Nikodimo kase ke a tɔni, "Vĩmi da wɔ̃ng nuko viya?" ¹⁰Yeso kase wu a tɔni, "Mɔ shɔng manteni shɔng Israila, mɔ de zee viɓeng yi ɓaya? ¹¹Nungoko, nungoko, N gãle mɔ, wo shãng viɓe wo zee ɓe, wo sɔɔ waayãa aru viɓe wo nung zee ke. Ni vĩm mɔ de tee wo yãa shãng ni ɓa.¹²N na gãle mɔ ye aru vi koodanga mɔ de azong ɓa, Mɔ da azong nuko viya N na shãngshe mɔ ruu vi koolapa ye? ¹³Shɔng ɓɔ ɓa gorɔ ɓe vɔ̃ng koolapa na ɓa shɔng ɓe lɔɔ a koolapa ɓa- (Jaa Shɔngzeng).¹⁴Ana ɓe Muusa peng sɔɔkɔ a jĩngti ɓe, ananko jɔ shɔng peng Jaa Shɔngzeng a lapa, ¹⁵aru ɓe shɔng ɓe na azong ye a wuni wu kpa surubi dongo ɓe.¹⁶Laa kase koodanga, a awu Jaa gorɔ tĩng-tĩng, aru ɓe shɔng ɓe na azong ye wuni da lese ɓa ing kpaa surubii dongo. ¹⁷Laa de shɔng wu Jaa ɓa a koodanga aru wu lese koodanga ɓa, shɔng wu Jaa aru ɓe koodanga da kpaa kpenseni awu ka bii. ¹⁸Shɔng ɓe na azong ye awu bii da lese ɓa, shɔng ɓe na de azong ɓa awu bii ɓa lese ye tɛ̃tɛ̃ aru de azong ɓa a Laa Jaa rĩng ɓa.¹⁹Ɓemi ɓi viɓe shĩngke shɔng ɓoore shɔng yooriː Zeni e a koodanga, shɔngzeng yi kase tĩngri a jãa zeni kɔtɔ aru viya yi vi peleni ɓi ɓe nangka. ²⁰Aru viya shɔng ɓe na pele ruvĩni bẽ zeni ye, sɔɔ e ɓa mɔng zeni ɓa, aru ɓe wu vi pele da ke ɓa a ga gbang ɓa, ²¹Shɔng ɓe pele vi nungoko e mɔng zeni aru ɓe shɔng da zee wu vi peleni ɓe Laa a ga gbang.²²A tumpu vĩm, Yeso ni wu jaadɔɔyi yi wa tipi Yahuda. A wɔ̃ng ni yini a mɔng ɓi pota a sɔɔ pele batizima. ²³Yɔhana ing pele shɔng baptizima a Anoo maani ni Salim aru mɛɛ a mɔng ɓi ni vɛ̃ɛni. Shɔngzeng yi ewu bii sɔɔ pele yi baptizima, ²⁴a laɓi shɔng de maa Yɔhana ɓa a gãyã.²⁵Gongseni yupa a titi Yɔhana jaadɔɔyi ɓɔɔ shɔng Yahuda aru museni sɔkeni bii. ²⁶Yi wa Yɔhana bii ang gãle wuni, "Rabbi, shɔng ɓe mɔ sii ni wuni a dang yoo Urudu, ɓe mɔ shãng waayãa a wu yuu, mile pĩn, ing pele shɔng baptizima, shɔng wale wu bii ni walikãng."²⁷Yɔhana kase ni, “Shɔngzeng da zenung teni viɓɔ ɓa na ɓa shɔng awu a koolapa ɓa. ²⁸Ni nɔ yuu nɔ zee N waayãa ni, ‘Ɓa miko Kirisi ɓa, ‘aruviya, shɔng shon kɔtɔ awu tĩng.’²⁹Sooye gbare ɓi shɔng jere gbare ɓe. Wosang shɔng jere gbare, ɓe shii a tã wu, pele yato puru vɛ̃ɛni aru jere gbare yãa. Ɓemi, hami, wuko N sɔ̃ni yãa puru yato dongo. ³⁰Wu ko ing bong, ing sɔɔ shaare.³¹Shɔng ɓe e a lapa jãa shɔng gãsi walikãng. Shɔng ɓe wu a koodanga wu a koodanga sɔɔ shãng ruu koodanga. Shɔng ɓe e a lapa jãa shɔng gãsi walikãng. ³²Waayãa aru vibe zee a sɔɔ tãa ɓe, shɔng ɓa ko gorɔ ɓe te wu waani yãa ɓa. ³³Shɔng ɓe te wu yãa waani azong ye ni Laa nungoko.³⁴Shɔng ɓe Laa shɔng shãng ruu Laa. Aru a shɔng suruɓi ɓa ni mani ɓa. ³⁵Daa kase wu Jaa a sɔɔ awu vi walikãng awu na. ³⁶Shɔng ɓe na azong ye wu Jaa bii ing kpaa surubi dongo, shɔng ɓe na sɔ ɓẽ wu Jaa ye in zee surubi ɓa, ɓi Laa yoori awu yuu."

¹A laɓe Yeso zee ye shɔng Farisa yii tãa ye ni kpaa jaadɔɔyi sɔɔ pele shɔng baptizima ye ɓe jãa Yɔhana ɓe. ²(Ɓa Yeso ni wu yuu pele shɔng baptizima ɓa ɓi wu jaadɔɔ yi pele), ³Ya tipi Yahuda a sɔɔ tipi Galili tɔti.⁴Wɔng se wu ye wu sɔɔ ni tipi Samariya. ⁵Ang e vusu koo Samariya, ɓe shɔng ɓa ni Sika, maani ni mɔng tipi ɓe Yakubu awu jaa Yusuu ɓe.⁶Yakubu toomɛ a mɔni, Yeso yɔɔ ye ni dɔɔ kn ni a wɔng yãa kati toomɛ. A laɓi nung lang ye. ⁷Sooye Samariya eke ing kãa mɛɛ, Yeso gãle wuni, “Ang mɛɛ pĩ pota N ɓoo ke." ⁸A labi wu jaadɔɔyi yi wãa ye yii woo vishang.⁹Sooye Samariya kase wuni, "Nuko viya mɔ shɔng Yahuda, mɔng gɔ̃re mɛɛ ang na, ɓe ing shɔng Samariya, ing a mɔ mɛɛ mɔ boo ni?" Aru viya shɔng Yahuda yii ɓase yuu ɓa ni shɔng Samariya ɓa. ¹⁰Yeso kase a gãle wuni, “Na mɔ zee Laa ani vi ye, ɓɔɔ shɔng ɓe ing shãng yãa ni mɔni, “Ang mɛɛ ta N ɓooyi,’ mɔ na yẽ wu kɔtɔ, na sɔɔ amɔ mɛɛ surubii."¹¹Sooye ɓi gãle wuni, "Yebang, mɔ vi kãani mɛɛ ɓa, toomɛ ɓi bii kɔtɔ. mɔng kpaa mɛɛ surubi ɓi a mɔng weya? ¹²Mɔ bong kɔtɔ a jãa wo daa Yakubu, ɓe gbãa toomɛɛ mi, a ɓooyi, a sɔɔ awu jaayii ni yi viva ni ya?”¹³Yeso kase yãa a sɔɔ gãle wuni, "Shɔng ɓe na ɓoo mɛɛ mi ye ing tãa sɔ̃ɔti tɔti, ¹⁴shɔng ɓe na ɓoo mɛɛ ɓe Ing awu ɓe ye, ing tãa sɔ̃ɔti tɔɓa. Mɛɛ ɓe ing awu mi wuko ing wɔng nunɔng mɛɛ awu bii, ɓe da awu surubii dongo.”¹⁵Sooye ɓi gãle wuni "Yebang, ang mɛɛ ɓi jɔ aru ɓe N da tãa sɔ̃ɔti toɓa kɔ ing too vi kãa ni mɛɛ ĩng eng kãa mɛɛ." ¹⁶Yeso gãle wuni, “Wata, mɔ ɓareng mɔ jere yãa, mɔ sɔɔ ɛ mɔng."¹⁷Sooye ɓi kase yãa a shãngshe wuni, "N jere ɓani ɓa." Yeso kase ni, “Mɔ shãng ye nungoko, ‘N jere ɓa ni ɓa,’ ¹⁸Aru ɓe mɔ yuu jere waye maani, ɓe mɔ hami ni wuni mi ɓa mɔ jere ɓa. Viɓe mɔ shãng mi ananko."¹⁹Sooye ɓi gãle wuni, “Yebang, N zee ye mɔ ɓi Laa shɔng zeni. ²⁰Wo daa yi gbãre Laa ayu kɔɔpɔ mi, mɔ tɔni Urushalima ko mɔng gbãreni."²¹Yeso gãle wuni, “Azong ta a mini, sooye, la teni ɓe shɔng gbãare Daa ɓa a yuu kɔɔpɔ mi kɔ a yuu kɔɔpo Urushalima. ²²Nɔ gbãare vibe nɔ de zee ɓa. Wo gbãre shɔng ɓe wo zee ye ɓe, aru viya kpẽngseni a shɔng Yahuda yi bii.²³Aru viya, la teni, la pele ye, ɓe shɔng gbãreni nungoko ying gbãre Daa a vusu Suru ɓɔɔ nungoko, aru viya Daa kase zong shɔng gbãreni wa yi ko. ²⁴Laa ɓi Suru, shɔng ɓe yi gbãre wu yi gbãre wu a vusu suru ɓɔɔ nungoko."²⁵Sooye ɓi shãngshe wuni, "N zee ye Mezaya ing e kɔtɔ (ɓe shɔng ɓa wuni Kirisi). Laɓe na eye N shãngshe wo vi walikãng." ²⁶Yeso gãle wuni, “N ɓi wuko, ɓe N shãng yãa ni mɔni.”²⁷A labi ko wu jaadɔɔyi yi zuse ke. Yi lere a yi sĩngsĩng aru viya ing shãng yãa ni sooye min viya. Shɔng ɓɔ shãng ɓa, "Mɔn bee viya?” Kɔ “Aru vi mɔng shãng yãa ni sooye min viya?"²⁸Sooye ɓi da wu baka mɛɛ, a sɔɔ ɓundang, a gãle shɔng yi, ²⁹Eni ta, nɔ zee shɔng ɓɔ ɓe gãleng viɓe sii N pele ɓe walikãng. Ɓemi da wɔng ɓa Kirisi ɓaya, wuko ya?” ³⁰Yi da ɓundang a e wu bii.³¹A laɓe yi wɔng ye pota, wu jaadɔɔyi gɔ̃re wu, a shãng "Rabbi, sha ta" ³²A gãle yini, “Vishãng ɓe N da sha ani ɓe nɔ de zee ɓa." ³³Wu jaadɔɔyi yi yẽ weni, “Shɔng ɓɔ de ese wu vishãng ɓa, kɔ yi ese kɔtɔ?³⁴Yeso gãle yini, “N vishaani wuko in pele ruu shoni ɓe shɔng ɓe N sɔɔ sɔ̃ɔre wu vi shoni yãa. ³⁵Nɔ tɔ ɓani, yase shelle dẽro shɔng too viinagba ɓa ya? N gãle nɔ pĩ, peng nung ta ni paa nɔ zee nɔ kulu ke, vishãng zũng ye la toni vinagɓa pele yeǃ ³⁶Shɔng ɓe N too vinagɓa be tee vidɔɔ sɔɔreni a sɔɔ muse wu rɛnila ɓe suru dongo, aru ɓe shɔng ɓe ruuvi ɓɔɔ shɔng ɓe N too vinagɓa yi da tɔ̃ɔre bii a yãa we.³⁷Aru goko shɔng shãng ni, shɔng ɓɔ ruuvi shɔng sɔɔ too vinagɓa,’ nungoko. ³⁸N shɔng nɔ ke nɔ wa too vinagɓa ɓe ɓa nɔ ko nɔ lamɓa. Shɔng bɔ yii lanke nɔ sɔɔ ɓoo ye a yi mɔng langni."³⁹Shɔng Samariya vɛ̃ɛni ɓe yi a ɓundang yi azong a wuni aru ruu ɓe sooye mi shãngshe yi ke, “Gãleng viɓe N pele ɓe ye walikãng.” ⁴⁰A laɓe shɔng Samariya yi eye wu bii ye, yi gɔ̃ɔre wuni wu wɔ̃ngta ni yini ɓe diki ziti.⁴¹Shɔng vɛ̃ɛni yi azong a wu ruu. ⁴²Yi gãle sooye ɓi ni "Wɔng azong tɔɓa aru ruu ɓe mɔ shãng mi ɓa, aru viya wooni wo yu wo tãa ye, wo zee ye nungoko shɔng ɓe mi wuko N Kpẽnse koodanga."⁴³A tũmpu diki ziti, ya mɔng ɓi a wa tipi Galili. ⁴⁴Aru viya Yeso ni wu yuu shãng ni shɔng a Laa shɔng zeni borɔ ɓa a wu koo ɓa. ⁴⁵A laɓe ɓoo tipi Galili, shɔng tipi Galili yii tewu ke. Yi zee vibe pele ɓe ye walikãng a tipi Urushelima a yi mɔng ɓele, aru viya yi wa ɓele ɓi jɔ kɔtɔ.⁴⁶Wa Kaana ɓe tipi Galili tɔti, a mɔng ɓe rise mɛɛ mɛɛ rɛnila. A mɔng ɓi shɔng yuborɔ ladong ɓɔ ɓe wu jaa a tipi Kafanahu wu vɔɔ. ⁴⁷A laɓe tã ke ni Yeso yaa tipi Yahuda ye eye a tipi Galili, wa Yeso bii a sɔɔ gɔ̃re wu eta wu gangte wu jaa, ɓe kpa vɔ̃ɔni ye.⁴⁸Yeso sɔɔ gãle wuni, "Mɔ na de zee vi zanibi ɓa, mɔng azong ɓa," ⁴⁹Yuborɔ shɔng ladong gãle wuni "Yebang, eta wɔ wake N jaa de vɔɔ ni." ⁵⁰Yeso gãle wuni, "Wata. Mɔ jaa ing vɔɔ ɓa" Shɔng vere ɓi azong a viɓe Yeso gãle wu, a sɔɔ wa ke.⁵¹Wu a dɔ̃rɔng wani, wu jaa shoni yi kɔse wu a dɔ̃rɔng, a gãle wuni wu jaa de vɔɔ ɓa. ⁵²A yẽ yi laɓe yi zee ga gangte ni ɓe. Yi koose wuni, "Dĩngsii a la shani vishani wu bii ɓɔngni ɓi ya wuke."⁵³A mɔng ɓiko yeɓi ye nugn ni a laɓi ko Yeso dĩng gãle wu ni, “Mɔ jaa ing vɔɔ ɓa." Wu bii bii ni wu shɔng yee walikãng yi azong. ⁵⁴Ɓemi wukɔ vi bizani ɓe ziti ɓe Yeso pele a laɓe ya tipi Yahuda a wa Galili.

¹A tũmpu vĩm shɔng Yahuda yi ɓele ani, Yeso wa tipi Urushalima. ²A vusu Urushalima yoo bɔɔ ani maani a dɔ̃rɔng ɓe shɔng ɓa ni lava mɛrɛ, ɓe shɔng Aramaic yi ɓa ni Batesida, shɔng sanse mɔng maani. ³Shɔngzeng vɛ̃ɛni ɓe yi vɔɔ, nungbãti, dɔɔ ɓa, kɔ ɓe yi bii boole kɔtɔ yi roore a mɔni. ⁴“Laa shɔng shongni lɔɔ a rũngte mɛɛ a la la shɔngzeng ɓe na lii mɛɛ ɓi ye a laɓe mɛɛ ɓi rũng teyi wu vɔɔ ɓe bii ing gangte walikãng.⁵Shɔng vere ɓɔ a mɔni ɓe wu vɔɔ ɓe saa bmati atu kopi tu nawa dẽro. ⁶Laɓe Yeso zee wu ye roo a mɔni, sɔɔ zee ye shɔng ɓi wɔ̃ngye a mɔni ɓe diki ɓoololo, a gãle wuni, "Mɔ kase mɔ gante kɔtɔ ya?"⁷Shɔng vɔɔ ɓi kase wuni, "Yebang, N shɔng ɓɔ ɓa gorɔ ɓe da toonke a ɓoosen vusu mɛɛ a laɓe Laa shɔng shongni rũngte mɛɛ ye. Nang eye mani, shɔng ɓɔ rantĩng a ɓoo ke." ⁸Yeso gãle wuni, "Yupa ta, too mɔ siirɔni ta, mɔ wake."⁹Ɓani jan ɓaseni ɓa shɔng vere ɓi gante ke, a too wu siironi a sɔɔ wake. Diki ɓi ɓi diki Wɔ̃keni.¹⁰Shɔng Yahuda yi shãngshe shɔng ɓe shɔng gantewu ni, "Ɓi diki Wɔ̃keni de liɓa mɔ too mɔ siironi ɓa.” ¹¹A kase yi ni, "Shɔng ɓe ganteng ɓe wuko gãle ke, ‘Yupa ta mɔ too mɔ siironi mɔ wake.’"¹²Yi yẽwu ni, "Ɓi shɔng vere ɓe weya gãle mɔ, 'Yupa ta mɔ kn we ya'?" ¹³Shɔng ɓe shɔng gantewu mi de zee shɔng ɓe gante wu ɓa aru viya Yeso dangye, aru ɓe mɔɔ sii a mɔni vɛ̃ɛni.¹⁴A tũmpu ɓin, Yeso kɔse wu a jaaka Laa a gãle wu ni, “Zeta, mɔ ganteyeǃ Mɔna pele ruvini tɔɓa, aru ɓe viɓɔ ɓe jãa ɓemi da kpa mɔ tɔɓa." ¹⁵Shɔng vere ɓi wake a gãle shɔng Yahuda yini ɓi Yeso gantewu ke.¹⁶Aru vi ɓemi yi ko, shɔng Yahuda yi kpãreni Yeso, aru ɓe gante shɔng a diki Wɔ̃keni. ¹⁷Yeso kase yini, "Maada N pele vi peleni a wa hami, N pele vi shongni jɔ ananko." ¹⁸Aru vĩm ko, shɔng Yahuda yi bee ke yi nung wu vɔɔ ɓa aru ɓe gante shɔng a diki Wɔ̃keni ɓa, sɔɔ ɓa Laa tɔti Maada, taseke N tise yuu gorɔ ni Laa.¹⁹Yeso kase yini, “Nungoko, nungoko, Jaa da zenung pele ni viɓɔ ɓa ni wu yuu, na ɓa zee viɓe Daa ing pele ɓe ɓa, aru viya viɓe walikãng Daa pele, Jaa pele jɔ ananko. ²⁰Aru viya Daa kase wu Jaa kɔtɔ a sɔɔ tase wu vi walikãng ɓe pele ɓe, N sɔɔ tase wu pãnti vi peleni ɓe jã ɓeng kɔtɔ aru ɓe bii da za nɔ.²¹Ana ɓe Daa yuse vɔɔ pa a sɔɔ a yi surubi, ananko wu Jaa N a shɔng ɓe walikãng kase surubi. ²²Aru viya Dãa ɓoore shɔng ɓɔ yoori ɓa, a wu Jaa ko ɓooreni yoori walikãng. ²³Aru ɓe shɔng da a Jaa borɔ a bii ana ɓe yi a wu Daa ɓe. Shɔng ɓe na de a wu Jaa borɔ ɓa a bii N a wu Daa ɓe shong wu borɔ ɓa.²⁴Nungoko, nungoko, shɔng ɓe na tãa N ruu ye sɔɔ azong ye shɔng ɓe shong ɓe ing kpaa surubi dongo ing lese ɓa, tuuke vɔɔ ye a kpaa surubi.²⁵Nungoko, nungoko, N gãle nɔ la teni, wuko hami, a laɓe vɔɔ ying tãa Laa Jaa yãa, shɔng ɓe na tãa ye ing wɔng ni Surubi.²⁶Ana ɓe Daa wu surubi awu bii, a wu Jaa jɔ ananko aru ɓe da kpaa surubi awu bii, ²⁷Daa sɔɔ a wu Jaa kakana ani wu ɓoore shɔng yori aru ɓe wuko Jaa Shɔngzeng.²⁸Bii na za nɔ ɓa a vĩm ɓa, aru la teni ɓe shɔng ɓe yi a yuusa ying tãa wu yãa ²⁹ang sɔɔ ke gaː, shɔng ɓe yi pele vi tɔ̃ɔving ying yupa a yuusa yi kpaa surubi, shɔng ɓe yi pele ruu nanka shɔng yuse yi pa aru ɓooreni yoori.³⁰N da zenung peleni viɓo ɓa ning yuu ɓa. Ana ɓe N tãa ɓe, N ɓoore yoori, N yoori ɓi tɔ̃ɔving aru viya N bee ɓa N vi yuu ɓa, N bee kase ni shɔng ɓe shong ɓe. ³¹Nang tɔɔye N waayãa aru N yuu, N waani yãa ɓa nungoko ɓa. ³²Shɔng ɓɔ ani ɓe waayãa aru Mini, N zee ye ni waani yãa shãng ang yuu ɓi nungoko.³³Mɔ shɔng Yɔhana, sɔɔ waayãa nungoko. ³⁴Waani yãa tɔ̃ɔving ɓe N tee ɓe de ke ɓa a shɔngzeng bii ɓa. N shãng vi ɓemi yi aru ɓe nɔ da kpeng ɓe. ³⁵Yɔhana ɓi yaa taseni jaaka ɓe ing shaa a sɔɔ benke ɓe, nɔ kase kɔtɔ nɔ pele yato puru a wu zeni ɓe la pota.³⁶36 Ananko, waani yãa ɓe N kpaa jãa Yɔhana ɓe kɔtɔ, aru vi peleni ɓe Daa ang ke N sɔ̃re yãa, shongni ɓe N pele ɓe, waayãa kɔtɔ aru mini ni Daa ko shong ke. ³⁷Daa ɓe shɔng ɓe ni wu yuu waayãa ye aru mini. Nɔ de tãa wu yãa ɓa kɔ nɔ zee wu zong bii a laɓɔ. ³⁸Wu ruu tɔɓa anɔ bii ɓa, aru ɓe nɔ de azong ɓa a shɔng ɓe shong wu ɓa.³⁹Nɔ ɓale labini anɔ lere ni a vusu kɔ nɔ kpaa Surubi dongo, labinin kɔ waayãa aru mini, ⁴⁰nɔ de kase ɓa nɔ e N bii, aru ɓe nɔ da kpaa surubii ɓa.⁴¹N de tee bongni ɓe ke a shɔngzeng yi bii ɓa, ⁴²N zee ye Laa kase ni ɓa anɔ sĩngsĩng ɓa.⁴³N e ang Daa rĩng, nɔ de sɔɔ ten ɓa. Na ɓi shɔng ɓɔ tɔk e ni wu rĩng, nɔ na tee wu ye. ⁴⁴Nong azong nuko viya, nɔ ɓe nɔ tee bongni a wee bɔ bii, nɔ bee bongni ɓa ɓe ke a Laa bii ko shee ba?⁴⁵Nɔ na lere ɓa ni N lanse nɔ a Daa watĩng ɓa. Shɔng ɓe sii langse nɔ ɓi Musa, shɔng ɓe nɔ tign a wuni. ⁴⁶Na nɔ azong kɔtɔ a Musa, nɔ na azong jɔ ang bii, aru viya binke aru Miko. ⁴⁷Nɔ na de azong ɓa awu labiniyi ɓa, nɔ da pele nukovi nɔ sɔɔ azong ang yãa shãngni viya?"

¹A tũnpu ɓini Yeso waa dang yãa waapo Galili, ɓe shɔng ɓani Tibariya. ²Mɔɔ vɛ̃ɛni yii dũng wu aru vizani bii ɓe yii zeke pele ɓe, a shɔng ɓe yii vɔɔ ɓe. ³Yeso vɔ̃ng a yuu kɔpɔ a wɔ̃ng a mɔni ni wu jaadɔɔ yini.⁴(A laa ɓini, museni ɓee tukeni be shɔng tipi Yahuda, sii kpaye maani.) ⁵Yeso peng nungke a zee mɔɔ yii teeni muumu awu bii a yɛ̃ɛ Filibu ni "wong kpaa bubula a mɔng we aru mɔɔ miyi daa shaa weya?" ⁶(Yeso shang vim wu zɛ viɓe Filibu daa shang ɓe aruvi wu bibi ze viɓe daa pele ɓe ye.)⁷Filibu kasewu ni "dinari laa kopi daa worewo bubula ɓa wu tise shɔng mi yii ɓa kɔ shɔng daale tɔkɔlɔntɔ. ⁸Andarawu, Biturusi zungɓi goro awu titi jaadɔɔ gãalewu ni, ⁹"Wuko wejaa ɓɔɔ ni bubula ni maani ɓɔɔ jezung ziti shee me pele nuko vi wu too shɔmi yii viya?"¹⁰Yeso gãale yiini, "Shĩng yii ta yi wɔ̃ng a tipi, shɔng mi yii wɔ̃ng a tipi, wusi a mɔni vɛ̃ɛni yii wɔ̃ng ke yii shani waa Labɔng maani. ¹¹Yeso too bubula mi a dɔɔre Laa a ayi asɔɔ pele tɔ ananko ni jezung ni a ayi walikang anaa ɓe yii kase ɓe. ¹²A laɓe yii shaaye tiseyii ye Yeso tɔwu jaadɔɔ yini, "Museni ɓe dãale a tipi ta, aruɓe viɓɔɔ daa leseɓa ɓe"¹³Yĩng muse ɓe daleni a ɓiti kopi atu ziti ɓe shɔngla ɓɔ jezung maani ɓe yase a shɔngɓe yii shaa ɓe. ¹⁴A laɓe shɔng mi yii ze vizani bii be pele miye a tɔɔni, "Ananko ɓem bii shɔng zeni ruu Laa ɓe daa e koodanga ɓe. ¹⁵A laɓe Yeso zeye yii teeni ying yiwu kpanti ni kaka a zɔ̃bi tot a vɔng paa kɔpɔ.¹⁶A laɓe laaren pele ye ɓe, wu jaadɔɔ yisɔɔ lɔɔ yoo. ¹⁷A vɔ̃ng tuusi yii wa tipi Kafarinahu mɔng sii gaa gɔ̃ɔni ye, Yeso sii de eyi bii ɓa. ¹⁸Ɓɔrɔ zãasi mɛɛ yupa ke de wunseni ni kaka.¹⁹A laɓe yi zaa tuusi ye, dĩni dɔɔ bmat atu maani kɔ atu kopi, ɓe yin too nung ye yii ze Yeso teeni a yuu mɛɛ yin zaavɔ. ²⁰Asɔɔ tɔyi ni, Ɓi mikoǃ Nɔna zaa vɔɔ ɓa. ²¹Yii kase yii tewu a vusu tuusi, tuusi ɓi de waa koo ɓe yii kase waani ni tɛ̃t.²²Ni gandi ɓɔɔ mɔɔ ɓe yii shii a yãa dang yoo ɓe, yii zeke tuusi ɓɔɔ ɓa ani ɓa, yase goro, ɓe Yeso de ɓɔ ɓa n wu jaadɔɔ, wu jaadɔɔ yii waa a ɓini. ²³Amɔng ɓini tuusi ɓɔɔ ke a Tabariya a mɔng yi shaa bubula mani ɓe, alaɓe Daayere tase dɔɔreni ɓe.²⁴A laɓe mɔɔ mi yii zeye Yeso kɔ wu jaadɔɔ yii ɓa a mɔni ɓa, yin vũng vituusi a waa Kafarinahu a bee Yeso. ²⁵A laɓe yi tuu dang yoo yi ɓe yii kpawu a mɔni a tɔɔni "Rabbi" mɔ e mɔm a lawe ya?"²⁶Yeso kaseyi ni "Ananko, ananko nɔ beng, ɓa aru nɔ zɛ vizani bii ɓa, nɔ ben aru nɔ shaa bubula nɔ puu ke, ²⁷Nɔ na pele ɓa aru vishani ɓe sɔ̃ɔ yãa kɔtɔ ɓa, nɔ pele aru vishani ɓe sɔ̃ɔ yãa ɓa ɓe a shɔng Suru be Jaa Shɔnzeng daa anɔ ɓe, ɓe Laa Daa awu kaka peleni ananko ɓe."²⁸Yin sɔn yɛ̃wu a mɔni ni, "Wong pele nukovi a wo pele ruu Laa viya?" ²⁹Yeso kase yii a tɔɔni, Ɓem ɓi ruu Laa koː Ɓe nɔ azɔng ani Shɔngɓe shongwu ɓe "³⁰Yii tɔwu ni, Ɓii zɔng taseni ɓewe mɔdaa pele wo azɔng a mɔni weya? Mɔng pele viya? ³¹Wɔ madaa yi shaa manna a jinti, anaa ɓe binkeni, 'Ayi bubula a lapa ni yii shayi."³²Yeso kaseyi ni "Ananko, ananko, ɓa Musa anɔ bubula mi a koolapa ɓa, bi Maadaa anɔ bubula nungoko a lapa. ³³Aruviya bubula ɓee Laa wuko e a lapa, ɓe a koodanga suru bii ." ³⁴Yii tɔwu kini "Shɔngbɔrɔ, a wo bubula mi ta dikidi."³⁵Yeso gãaleyi ni miko bubula Suru shɔngɓe na en bii ye daa tãa wɔ̃ko tɔɓa, shɔngɓe na azɔng ye a mini daa tãa sɔ̃ɔti tɔɓa. ³⁶N gãale nɔ pĩn nɔzeng zɔng ye nɔde azɔng ɓa a mini ɓa, ³⁷Shɔngɓe Madaa na an ye ing e N bii kɔtɔ, shɔngɓe na e N bii ye, N lokewu ɓa.³⁸Aruviya N e a koolapa, ɓa N pelen vii ni N yuu ɓa, N pele kaseni shɔngɓe shong ɓe. ³⁹Ɓem ɓi kaseni shɔngɓe shongɓe, shɔng goro ɓɔɔ wuna gbeng ɓani kati ɓa, awu yuse yi pa walikang a laɓe diki ɓe daa sɔ̃ɔyãa ɓe. ⁴⁰Ɓɛm ɓi viɓe Madaa kase ɓe kɔ, ni shɔngɓe na ze Jaa ye sɔɔ azɔng ye a wuni, daa kpa suru bii wusɔɔ yusewu paa a diki sɔ̃ɔni yãa."⁴¹Shɔng Yahuda yii wɔ̃ɔmɛ yãa ni aru vi daa tɔɔni wuko bubula ɓe a koolapa viya". ⁴²A tɔɔni, Ɓɛm ɓa Yeso Yusu jaa mi ɓaya, ɓe yebi ni yinɓi yini wo zeyi mi ɓaya? Aru vi daa tɔɔni 'N e a koolapa viya'?"⁴³Yeso kase yi a gãale yii ni, nɔ yaa wɔ̃ɔmɛni yãa ta anɔ nung, ⁴⁴Shɔng ɓɔɔ daa en bii ɓa na ɓa shɔngɓe Madaa shongwu an bii ɓa, in yusewu paa alaɓe diki sɔ̃ɔni yãa na eye. ⁴⁵Shɔng binke kɔtɔ a shɔngzeni ruu Laa ni, 'Shɔngɓe weya ɓi Laa daa mantewu ke,' shɔngɓe na tãa ye sɔɔ mante ye a Madaa bii daa en bii kɔtɔ.⁴⁶Shɔngɓo de ze Madaa ɓa, ɓi shɔngɓe a Laa bii wuko ze Madaa ye. ⁴⁷Ananko, ananko, shɔng be na azɔng ye wu Suru ɓe daa sɔ̃ɔyãa ɓa ani.⁴⁸Miko bubula ɓee Suru. ⁴⁹Yebɔngwa yii shaa maana a jinti, yisɔɔ vɔ ke.⁵⁰Ɓem ɓi bubula ɓe lɔɔ a koolapa, aruɓe shɔng na shaa ye shɔng daa vɔ ɓa. ⁵¹Miko bubula ɓee suru ɓe ke a koolapa. Shɔngɓe na shaa bubula mi ye daa wɔng kɔtɔ dondong. Bubula ɓe N anɔ mi ɓi N sɛ̃ɛ aru suru koodanga."⁵²Shɔng Yahuda yii lese yato ayi nung a gaa gɔngseni yãa a tɔɔni, "shɔng mi daa pele nukovi a awo wu sɛ̃ɛ bii wo shaa viya'?" ⁵³Yesɔ gãale yini, "Ananko, ananko, N gãalenɔ ye nɔ nade shaa Jaa Shɔngzeng vsɛ̃ɛ asɔɔ ɓowu kpaa ɓa, nɔn kpaa suru ɓa.⁵⁴Shɔngɓe na shang sɛ̃ɛ ye a sɔɔ ɓong kpaa ye wung kpaa suru dondong, N sɔɔ yusewu paa alaɓe koodanga daa sɔ̃ɔyãa. ⁵⁵Aruviya, N sɛ̃ɛ ɓi vishang nungoko, N kpaa ɓi tɔ vi ɓooni nungoko. ⁵⁶Shɔngɓe na shang sɛ̃ɛ ye ɓong kpaa ye wu an bii, N jɔ awu bii.⁵⁷Anaaɓe Madaa shongɓe, N sɔɔ wɔng aru Madaa, shɔngɓe na shang ye, wung wɔng jɔ aru mini. ⁵⁸Ɓem bi Bubula ɓe lɔɔ a koolapa, ɓa anaaɓe yebɔngwa yii shaa ke a vɔyi, shɔng ɓe na shaa bubula mi ye, wɔng dondong. ⁵⁹Yeso shang ruumi a mɔng dũnni a laɓe sĩng mante shɔng a tipi Kafarinahu.⁶⁰Wu jaadɔɔ yii vɛ̃ɛni yii tãa rumi a tɔɔni "Kpãa kɔtɔ we daa tãa rumi weya?" ⁶¹Yeso zeke wu jaadɔɔ yii wɔ̃ɔmɛ yãa aru rumi, a yɛ̃ yii ni, "Vim lesenɔ yato ye ya?"⁶²Nɔng pele nukovi nɔna ze Jaa Shɔngzeng ye de sɔɔ mɔngɓe wu sii ani viya? ⁶³Ɓi suru ko wɔ̃nse suru bii, gigiri sɛ̃ɛ bii pele viɓɔɔ ɓa, viɓe N shangshenɔ mi ɓi vi suru, bii wuko vi suru, yitɔ Suru bii.⁶⁴E anaa hami nɔ shɔngɓɔ yide azɔng ɓa." Aruviya Yeso zeye a gaani ni shɔngɓe ying azɔng ɓa shɔngɓe ying malewu ɓe. ⁶⁵A tɔɔni, "Aruɓe N tɔɔni shɔngɓɔ daa zenung N bii eni ɓa, na ɓa Madaa awu dɔrɔng ɓa ."⁶⁶Aru ɓem, wu jaadɔɔ gãasi yii wale ke ade kn tɔɓa ni wuni ɓa, ⁶⁷Yeso gãale kopi atu ziti mi yini, nɔ de kase wani jɔ ɓa ya?" ⁶⁸Simon Bituru kose wuni "Daayere, wong waa mɔwe ya? Mɔko ruu Suru ɓe sɔ̃ɔyãa ɓa, ⁶⁹wo sɔɔ azɔng ye wo sɔɔ azɔng ye mɔko kpelenkpe ɓe Laa goro."⁷⁰Yeso gãale yini "N de rɔnɔ ɓa kɔtɔ, nɔ kopi atu ziti, nɔ shɔng goro ɓɔɔ ɓi shelan ɓaya?" ⁷¹Shang yãa mi aru Yahuza Saminu jaa Isikariyoti ɓi wuko goro a titi kopi atu ziti mi, ɓe daa mãale Yeso ɓe.

¹A tũnpu vim yii Yeso de kn ni a vusu Galili, de kase ɓa wu waa tipi Yahuda aruviya ying bee yii nungwu vɔɔ. ²Laa museni ɓee shɔng Yahuda sii kpaye maang.³Zungɓi yii tɔwu ni, "Yaa mɔm ta mɔ sɔɔ tipi Yahuda, aru ɓe mɔ jaadɔɔ yii daa ze viɓe mɔ pele ɓe. ⁴Shɔngɓɔɔ pele viɓa a vɔ̃ɔseni ɓa wu bibi na kase kɔtɔ shɔng ze a gaa gbang. Mɔ na pele vim ye tase mɔ yuu ta a kodanga."⁵Kɔ Yeso zungɓi yii de azɔng ɓani wuni ɓa. ⁶Yeso gãale yini "N laa de tise ɓa, nɔ ɓee kɔ a laweya nɔ pele kɔtɔ. ⁷Koodanga dãa bɛ̃ɛnɔ ɓa, ying bɛ̃ng ma aru N shang yãa ni yii vipeleni ɓi ɓee ruvini.⁸Nɔng waa mɔng museni, N waa ma ɓa aruviya N laa de tise ɓa. ⁹A laɓe shãnshe yii rumi ye a wɔ̃ng a tipi Galili.¹⁰A laɓe zungɓi yii waa mɔng museni, wu bibi sɔɔ waa jɔ, ɓa a gaa gbang ɓa a vɔɔseni. ¹¹Shɔng Yahuda yi de bewu ni a mɔng museni yii de yɛ̃ɛni "Wu weya?"¹²Rushãni sii ani vɛ̃ɛni awu yuu a mɔng museni ɓi, shɔngɓɔɔ yii tɔɔni "Wu shɔng tɔ̃ɔving" gãasi yii tɔɔni ɓa kase wu lese shɔng." ¹³Shɔngɓɔɔ de zenung ɓa wu shãng a gaa gbang ɓa aru zaani vɔɔ shɔng Yahuda yii.¹⁴A laɓe mɔng museni ɓi kpa sɔ̃ɔni yãa ye Yeso waa mɔng gɔ̃ɔreni Laa a gaa manteni. ¹⁵De wɔ̃ngse Shɔng Yahuda yini, vi zani bii a tɔɔni shɔmi pele nukovi a zɛ vi vɛ̃ɛni viya' de ɓale laa ɓa" ¹⁶Yeso koseyii a tɔɔni, "N manteni ɓa N maa ɓa, ɓi shɔngɓe shong ɓe.¹⁷Shɔngɓe na kase pele viɓe kase ɓe, daa zee kɔtɔ aru manteni mi, kɔ ke a Laa bi, kɔ N shãng ni N yuu. ¹⁸Shɔngɓe na shãng ye ni wu shãng aru wu bɔrɔ ani, shɔngɓe na shãng bɔrɔ ani shɔngɓe shong wu ye, shɔngwa wu nungoko, vi ringte ɓa a wuni ɓa.¹⁹Musa de anɔ rudani ɓaya? E anaa ham, shɔngbɔɔ de dũng rudani ɓa. Aru vii nɔng bee nɔ nung vɔɔ viya?" ²⁰Mɔɔ ɓi yii de kasewu ni, "mɔ vĩnivĩvĩ rãamang ani, ɓiwe bee wu numɔ vɔɔ weya ?"²¹Yeso koseyii a tɔɔni, "N pele vi goro, viɓi sɔɔ anɔ ye bii zaani, ²²"Musa anɔ yereni shaa (ɓa ni Musa kaa bii ɓa, yebɔng yii kaa bii ), tɔt a diki wɔ̃keni nɔ yeere, jaa yii shaa.²³Shɔngɓe shɔng na yeere wu shaa ye a diki wɔ̃keni de lese lansi vii dani ɓa, aruvi nɔng lese yato ni mini aruɓe N gante shɔng a diki wɔ̃keni viya? ²⁴Nɔ na ɓoore shɔng yori ɓa a zeni nung ɓa nɔ ɓoore shɔng yori a vibɛ dang ɓe."²⁵Shɔng gãasi ɓe yii a Urushalima yii tɔɔni "Ɓem ɓa shɔngɓe ying bee yii nung wu vɔɔ mi ɓaya? ²⁶zepĩng, shang yãa kɔvɛ̃ a gaa gbang, yii de shang viɓɔɔ ɓa awu yuu ɓa. daa wɔ̃ng shɔng tipi mi yii de zeɓa ni ɓem ɓi Kirisi baya? ²⁷Wɔ ze ɓee mɔngɓe shɔm ke ani ye, a laɓe Kirisi na eye shɔngɓɔɔ daa ze mɔngɓe e ani ɓa."²⁸Yeso puu yãa ni kaka a mɔng gɔ̃ɔreni, mante a tɔɔni, "Nɔ walikang nɔ zeng ye ni mɔngɓe N ke ani ɓe. N de eɓa ni N yuu ɓa, aru shɔngɓe shong ɓe wu nungoko, no de sɔɔ zewu ɓa. ²⁹N zewu ye aruviya N ke awu bii ko wuko shong ke."³⁰Yii de beeni yii yiwu, shɔngɓɔɔ de waare naa ɓa awu bi ɓa aruviya wu laa de tiseɓa. ³¹Vɛ̃ɛni a titi mɔɔ bi yi azɔng a wuni a tɔɔni "Laɓe Kirisi na eye da yee pele viɓe jãa ɓem kɔtɔ ɓaya? ³²Shɔng Farisa yin tãa mɔɔ yi de shanke ruu ni a Yeso yuu, yubɔrɔ firisi ɓɔɔ shɔng Farisa yin shong diimani ni yii Yeso ta.³³Yeso gãale yii ni "N dong ni nɔni la pota, N sɔɔ waa shɔngɓe shong ɓe bii. ³⁴Nɔng ben ke nɔng sɔɔ kpang ɓa; mɔngɓe N waa ɓe nɔng zenu waani ɓa."³⁵Shɔng Yahuda yii shang ke ki ayi nung a tɔɔni " shɔmi ing waa mɔwe ɓe wo daa kpawu ɓa weya? Ing waa shɔngɓe yii saate a shɔngɓe yide ze Laa ɓa yii bii wu mante yii a mɔni ya? " ³⁶Ɓem ɓi ruu ɓewe shang ni, nɔng benke nɔng kpang ɓa; mɔngɓe N waa ke nɔng zenung eni ɓa weya?"³⁷A bɔrɔ diki be sɔ̃ɔreni yãa museni, Yeso yupaa a shang yãa ni kaka a tɔɔni "Shɔngɓe nang tãa sɔ̃ɔti ɓe wu en bii wu ɓoo mɛɛ. ³⁸Shɔngɓe na azɔng ye a mini anaa labini shãng mɛɛ ɓe suru bii ing ɓuu awu kaa bii."³⁹Shang ruumi aru Suru, ni shɔng bɛ na azɔng ye wuni ing kpa kɔtɔ, Suru de eping ɓa aruviya, Yeso bɔrɔ ani de wɔ̃ng ɓa.⁴⁰Alaɓe gãasi mɔɔ yii tãa rumi yii, a tɔɔni nunggoko ɓem ɓi Shɔng zeni ruu Laa" ⁴¹Gãasi yi tɔɔni "Ɓem ɓi Kirisi" Gãasi yi tɔɔni "Kirisi ɓɔɔ e a Galili ya? ⁴²Labini de shang ɓa ni Kirisi ing ke a Dawuda shãari ɓaya a Batalami a jekoo ɓe Dawuda sii ani ɓaya?"⁴³Yii kpaa vaseni yuu a museni ɓi aru wu ni. ⁴⁴Yii gãasi yi kase yina yiwu kɔtɔ, aruviya shɔngɓɔɔ de gawu yini naa ɓa a bii ɓa.⁴⁵Alaɓe shɔng diimani yi sɔɔye a yuubɔrɔ Firisi, ɓɔɔ Farisa, ɓe shãngshe yini, "Aruvi nɔde esewu ɓa viya?" ⁴⁶Shɔng diimani yi koseyi ni, shɔngɓɔɔ de shãng yãa ɓa ana ɓem ɓa."⁴⁷Shɔng Farisa yii koseyi ni, "shɔng lanke nɔ ye jɔ ya? ⁴⁸shɔng tipi ɓɔɔ aʒɔng ye a wuni ya kɔ shɔng Farisa ɓɔɔ? ⁴⁹Mɔɔ ɓi yi de ze ruu dani ɓa shɔng leseyi ye"⁵⁰Nikodimu (Goro shɔng Farisa ɓe e Yeso bi shɔɔni) a gãale yii, ⁵¹"Wo rudani ɓoore shɔnzeng yori sasati asɔɔ tãa ruu a wu yãa ya, a ze viɓe pele ɓa ya? " ⁵²Yii kosewu ni mɔ a Galili ya? Ɓee ta mɔ zɛ shɔng zeni Laa ɓɔɔ de e ɓa dɔɔgoro a Galili ɓa"⁵³Yii walikang shɔng ɓeweya sɔɔ waa wu ye.

¹Yeso waa yuu Kɔpɔ Zetu. ²Ni mɔng gandi a e jaka Laa tɔt, shɔngzen walikang yii eke; sɔɔ wɔ̃ng a tipi a mante yii vii. ³Shɔng labini ɓɔɔ shɔng Farisa yi ese sooye ɓe shɔng yiwu ni ruvini pele ni kɔng. Yii shirewu a titi.⁴A gãalewu ni "Shɔng manteni, sooye ɓem shɔng yiwu a mɔng peleni kɔng. ⁵Hami a rudani, Musa shãngshewo ni zɔng shɔmi wo lole yini tara, mɔ shãng ni vi aru wuni viya?" ⁶Yi pele vin aru yii daa lansewu ɓe, Yeso tang a bii vii tipi ni wu jena.⁷Alaɓe yii kn ting ye ni yɛ̃ɛni wu rumi yii, de yupaa ni a gãale yii ni "Shɔngɓe na de pele ruvini anɔ titi mi ɓa, wu too tara ta shɔɔni wu lowu ni ." ⁸A sɔɔ tang tɔt a bii vi tɔt a tipi ni wu jena.⁹Alaɓe yii tãa ye, yii yaa mɔng ɓi goro-go, yii gaa ni shɔng bɔrɔ. Yii sɔɔ ya Yeso ko a bĩni, ni sooye ɓe a titi a mɔni. ¹⁰Yeso yupaa a gãalewu ni, sooye mɔ shɔng dãani yii weya? Shɔngɓɔɔ de ɓoore mɔ yori ɓaya?" ¹¹A tɔɔni, shɔngbɔɔ ɓa Daayere. "Yeso tɔɔni N bibi N de ɓoore mɔ yori jɔ ɓa. wata mɔna pele ruuvini tɔba".¹²Yeso gãale yii tɔt a tɔɔni, miko zeni ɓee koodanga, shɔngɓe na dũng ye daa wɔ̃ng ɓa a tĩnri ɓa ing kpaa Suru bii. ¹³Shɔng Farisa yii gãalewu ni , "Mɔ shãng yãa amɔ yuu , mɔ rushãni ɓa nungoko."¹⁴Yeso gãale yii a tɔɔni, Ko N shãng yãa kɔtɔ an yuu, N ruu shãni nungoko. N ze mɔngɓe N ke ani ye bɔɔ mɔngɓe N sɔɔ ɓe, nɔ bibi nɔ de ze mɔngɓe N ke ani ɓa kɔ mɔngɓe N waa ɓa.. ¹⁵Nɔ ɓoore shɔng yori ɓe bii N ɓooro ma shɔng ɓa. ¹⁶Nang ɓoore shɔng yori ye, N ɓooni yori nungoko aruviya N ɓa a bĩni ɓa, N ni Madaa ɓe shong ɓe.¹⁷Ananko anɔ rudani shɔng binke ni shãni yãa shɔnzeng ziti nungoko. ¹⁸Miko shɔngɓe N shãng yãa aru N yuu, Madaa ɓe sɔɔ shong a yãa shãni an yuu.¹⁹Yii gãale wuni "Yara weya?" Yeso koseyi ni, "Nɔde zeng ɓa kɔ Madaa bibi ɓa, na nɔ zeng ye nɔna ze Madaa ye jɔ." ²⁰Shãng ruu mi a mɔngɓe shɔng shĩng saka a jaka Laa, shɔngɓɔɔ de sɔɔ liwu naa ɓa a bii ɓa, aruviya wu laa de tise ping ɓa.²¹A gãale yii tɔɔni "N waa kɔtɔ, nɔng ɓen ke nɔng sɔɔ vɔɔ anɔ ruvini, mɔngɓe N waake nɔng zenung waani ɓa." ²²Shɔng Yahuda ying tɔɔni "ing nunwu yuu vɔo ya? aɓe tɔɔni 'mɔngɓe ing waake nɔng Zenung eni ɓa'?"²³Yeso gãale yii "nɔ a tipi, N maa a lapa, nɔ ɓi ɓee koodanga N maa ɓa ɓee koodanga ɓa. ²⁴Arugoko, N gãalenɔ ni nɔng vɔɔ a nɔ ruvini. nɔ na de azɔng ɓa ni ɓi MIKO ɓa, nɔng vɔɔ anɔ ruvini."²⁵Yi yɛ̃wu kini "mɔko Weya?" Yeso gãale yini "Viɓe N gãale nɔ ye tɛ̃ɛtɛ̃. ²⁶N ruu ani vɛ̃ɛni ɓe N daa shãng kɔ N ɓoore nɔ yori aruni ɓe. Nungoko shɔngɓe shongɓe wu nungoko; ni viɓe N taa awu bii, N shãnshe koodanga wuko". ²⁷Yii de zeɓa ni shãng rumi aru Daa ɓa.²⁸Yeso gãale yini laɓe nɔna peng Jaa Shɔnzeng ye ni paa, nɔng ze a laɓi ko ni ɓi MIKO, N pele vi ɓa ni N yuu ɓa N pele viɓe Madaa manten ɓe ko. ²⁹Shɔngɓe shong ɓe wuni mini, daa sɔɔ yang ɓa a bĩni ɓa, aruviya N pele viɓe waaru kɔtɔ a bii. ³⁰Alaɓe Yeso shãng rumi shɔnzeng vɛ̃ɛni yii azɔng a wuni.³¹Yeso gãale shɔng Yahuda ɓe yii azɔng a wuni, "Nɔ Naa yise N yãashani ye nɔng wɔ̃ng kɔtɔ N jaadɔɔ nungoko; ³²Nɔ sɔɔ ze nungoko kɔtɔ, nungoko wu sɔɔ kpense nɔ. ³³Yii kosewu ni "Woɓi Ibirayi shãari wo de sɔɔ wɔ̃ng ɓa shɔngɓɔɔ foo ya goro ɓa, mɔ daa tɔɔ nukovi ni, 'Mɔng kpensewo kɔtɔ viya?³⁴Yeso koseyi ni "Ananko, ananko N gãalenɔ, shɔngɓɛ na pele ruvini ye ɓii foo ruvini. ³⁵Foo wɔ̃ng ɓa a yee dongdong ɓa, jaa wɔ̃ng ɓe a yee dɔngong. ³⁶Arugoko Jaa na kpense mɔ ye mɔ kpense ye nungoko.³⁷N zeye nɔ ɓii Ibirayi shãari nɔ bee ke nɔ nung vɔɔ aru Laa de kpaa wɔ̃ni ɓa anɔ yato ɓa. ³⁸N shãng viɓe N ze a Madaa bii ɓe, Nɔng sɔɔ pele jɔ viɓe nɔ tãa a Yara yii yãa."³⁹Yii kosewu a tɔɔni "wo Daa ɓee ɓi Ibirayi" Yeso gãale yini " Naa nɔ ɓi Ibirayi jaayii nɔ na pele Ibirayi vii peleni ye. ⁴⁰A e hami nɔng bee nɔ nung vɔɔ, shɔ̃ng be gãale nɔ viɓe nungoko ben N tãa a Laa yãa. Ibirayi de pele ɓee vim ɓa, ⁴¹Nɔ pele yara yii vipeleni" Ying tɔ̃ɔni wuni "Shɔ̃ng de yewo ɓa a peleni kɔng ɓa, wo Daa goroː wuko Laa."⁴²Yeso gãale yini " Na Laa bi nɔ Daa, nɔna kasenye, aru N e a Laa bii miko a mɔm; N de e ba nin yuu ɓa wuko shong ke. ⁴³Ɓi vii shĩng nɔ de tong yãa shãni ɓa viya? ⁴⁴Aruviya nɔ yejaa ɓi shelan nɔ kase nɔ pelewu viɓe kase ke.wu ɓi shɔng vɔɔ nuni a ting tɛ̃ɛtɛ shĩɓa aru nungoko ɓa aru viya nungoko ɓa a wuni ɓa. Na jĩng yãa ye shãng viɓe wɔ̃ng awu yato ɓe, aru viya wu ɓi shɔng yãa jĩni, wuko tɔt yejaa yãa jĩni.⁴⁵Aru ɓe N shãng viɓɛ nungoko nɔ de azɔng ɓa a mini ɓa. ⁴⁶Anɔ titi ɓi we ze N pele ruvini weya? Nang shãngshe nɔ ruɓe nungoko nɔ de azɔng ɓa a mini ɓa aruviya? ⁴⁷Shɔngɓe na ɓi Laa ɓee tãa ruu Laa kɔtɔ, nɔ tãare yii yãa ɓa aru nɔ ɓa Laa ɓe ɓa."⁴⁸Shɔng Yahuda yii de kosewu ni, Wode shãng ɓa nungoko ni mɔ ɓi shɔng Samariya mɔ rãamang ani" ⁴⁹Yeso koseni N rãamang ɓa ani ɓa, N a Madaa bɔrɔ a bii, nɔ de an bɔrɔ ɓa.⁵⁰N de bee bɔni ɓa ni N yuu ɓa, shɔngbɔ ani bereng sɔɔ ɓoo yori. ⁵¹Ananko, ananko, N gãalenɔ shɔngɓe na yisen ruu ye a yato daa vɔ ɓa."⁵²Shɔng Yahuda yii tɔɔni "Hami wo zeye mɔ rãamang ani. Ibirayi yini Shɔng zeni ruu Laa yi vɔ ye, mɔ tɔɔni shɔngɓe na yiseng ruye, daa vɔ ɓa. ⁵³Mɔ de jãa wodaa Ibirayi ɓe vɔ mi ɓa, kɔ mɔ jãwu kɔtɔ, mɔ de jaa shɔng zeni ruu Laa ɓe yii vɔ jɔ ɓa, mɔ toose mɔ yuu ana weya?"⁵⁴Yeso koseyi ni, "Nang an yuu bɔrɔ ye, N bɔrɔ bi ɓa viɓɔɔ ɓa; ɓi Madaa bɔnsen ke, wuko shɔngɓe nɔ ɓawu ni Laa. ⁵⁵Nɔde zewu ɓa, N zewu maa ye. 'Nang tɔɔye ni N de zewu ɓa',N wɔ̃ng ye jɔ ana nɔkɔ, shɔng yãa jĩni. Aruviya N zewu ye N yise wu ruu ye. ⁵⁶Nɔ yejaa Ibirayi pele puru yato wu zen diki; zeke asɔɔ tãa tɔ̃ɔving."⁵⁷Shɔng Yahuda yii tɔɔni , "Mɔ de waa ɓa kɔ saa la ziti atu kopi ɓa mɔ tɔɔni mɔ ze Ibirayi kɔtɔ ya?" ⁵⁸Yeso gãale yii ni Ananko, ananko N gãale nɔ ye N ani alaɓe shɔng ye Ibirayi, N ANI." ⁵⁹Yii too tara ning ying lowu ni, Yeso de vɔɔni a ke a jaka Laa ɓini.

¹Alaɓe Yeso de daseni, ze shɔngɓe shɔng yewu nung gbãti ²wu jaadɔɔ yii yɛ̃wu ni "Rabbi ɓi we pele ruvini shɔng ye shɔm nungbãti weya? wu bibi ya kɔ shɔngɓe yi yewu ɓe, abe shɔng yewu nungbãti ɓe?"³Yeso gaale yini, "ɓa wu ruvini kɔ shɔngɓe yii yewu ɓee ɓa,Aruɓe Laa vi peleni da kpa wɔ̃ni awu bii. ⁴Wɔ̃ng pele vi peleni shɔngɓe shong ke a mɔng dong laa. Zii teni ɓe shɔngɓɔɔ da ze nung peleni viɓɔɔ tɔba. ⁵Laɓe N a koodanga miko zeni ɓee koodanga."⁶Alaɓe shang Yeso shãng rumi ye, a tule sãari a tipi a tɔɔ ni bɔ̃ɔti a bɔɔlewu bɔ̃ɔti mi a nung. ⁷A gãalewu ni waata mɔ sɔke nung a yoo silowa (ɓe shɔng riseni "Shoni"). Shɔngɓi waake, a sɔke nung, a eke a kpaa zeni.⁸Wu shɔng yãakasi ɓe yi zewu nungabti yi yɛ̃ɛ kiti ni "Ɓem ɓa shɔngɓe sii wɔ̃ng a banke shɔng mi ɓaya?" ⁹Shɔng gãasi yii tɔɔni "Ɓi wuko". Shɔngɓɔɔ yi tɔɔni, "Ɓa, yii kese wee kɔtɔ". Wu bibi tɔɔni, "Ɓi miko."¹⁰Yii yɛ̃wu kini, "Mɔ pele nukovi a kpaa zeni viya?" ¹¹A koseyi ni, "Ɓi shɔngɓe shɔng ɓawu ni Yeso mi wuko tɔɔ bɔ̃ɔti a ɓoreng a nung, a tɔɔni N 'waata a yoo Silowa N sɔken nung' N waa a sɔke nung a kpaa zeni. ¹²Yii sɔɔ yɛ̃wu tɔt ni "Shɔngɓe gante mɔ nung mi wu a mɔwe ya?" A koseyi ni "N de zewu mɔng ɓa"¹³Yii sɔɔ waare shɔng nung gbãati mi a Farisayii bi. ¹⁴Bi diki wɔ̃nkeni ɓe Yeso puure shɔng nung gbãati mi nung. ¹⁵Tɔt ham shɔng Farisa yii de yɛ̃wu ni dɔɔ ɓe kpaa zeni mɔng ham ɓe.A gãaleyi ni ɓi shɔngɓe shɔng bawu ni Yeso wuko tɔɔ bɔ̃ti a tipi a bɔɔreng a nung, a tɔɔni waata a yoo Yilowa N sɔke nung ni mɛɛ N waake a sɔke N sɔɔ kpaa zeni ham.¹⁶Shɔng Farisa gãasi yii tɔɔni shɔm ɓa shɔng Laa ɓa aru vi daa puure shɔng nung a diki wɔ̃keni ni viya, gãasi yii tɔɔni naa shɔm ɓa shɔng Laa ɓa na pele nunkɔvi a puure shɔng nung viya? yii yuu de vaseni. ¹⁷Yii sɔɔ yɛ̃ɛ shɔng nung gbãati mi ni, "Mɔ shãng nukovi aru wuni, ɓe puure mɔ nung ko viya? " Shɔng nung gbãati mi tɔɔni, "Wuɓi shɔng zeni ruu Laa" ¹⁸Shɔng Yahuda yii de azɔng ɓa ni wu sii ɓi shɔng nung gbãati sɔɔ ze mɔng ham, sɔɔ shĩng yii ɓaa shɔngɓe yii yewu yãa dɔɔ ɓe sɔɔ ze mɔng ham.¹⁹A yɛ̃yi ni, "Nɔ jaa mi wu sii nungbãati ya? pele nukovi ze mɔng ham viya?" ²⁰Yebi yii koseyeni "Wo zeye ɓem bii wo jaa ko shɔng yewu nung gbãati" ²¹Kaɓe kpaa zeni, ham wo de zeɓa, shɔng ɓe puure wu nung ke, wo de zeɓa. Nɔ yɛ̃wu ta, wu tɔɓa wejaa ɓa. Daa shãng kɔtɔ ni wu yãa."²²Yebi yii shãng vimi, aru zani vɔɔ shɔng Yahuda. Aru viya shɔng Yahuda yii tɔɔni shɔngɓe na ɓawu yuu ye ni wuko Kirisi, shɔng lantewu a mɔng gɔ̃ɔreni. ²³Arugoko yeɓi yii tɔɔni nɔ yɛ̃wu ta "wu tɔɓa wejaa ɓa".²⁴Asɔɔ pãase shɔng nungbaati ɓi yɛ̃ɛni ɓee yaa ziti a tɔwu ni, "Mɔ zaa vɔɔ Laa. Wo ze ye ɓem ɓi shɔng ruvini." ²⁵Shɔng waa koseyini, N de ze ɓa kɔ ɓi shɔng ruvini ɓa . Vi goro N ze keː N sii ɓi shɔng nung gbãati, N ze mɔng kɔtɔ ham."²⁶Ying sɔɔ yɛ̃wu tɔni "Pele mɔ nuko viya? puure mɔ nung nuko viya?" ²⁷A gãale yii, "N sii gãale no ye, nɔ de tãa ɓaǃ Nɔ kase ham nɔng tãa tɔ nuko viya? Kɔ nɔ kase nɔ wɔ̃ng wu Jaadɔɔ ya?"²⁸Ying sɔɔ kosewu ni, "Mɔko wu jaadɔɔ shee, wo ɓee ɓi Musa jaadɔɔ. ²⁹Aruviya wo ze ye Laa shãng yãa ni Musa shɔng mi wo de ze mɔngɓe ke ani ɓa.³⁰Asɔɔ koseyi tɔni, Ɓem ɓi vi zani bi, ɓe nɔ de mɔngɓe ke ani ɓa, wuko puuren nung ³¹wɔ zeye Laa tãa shɔng ruvini ɓa, shɔngɓe na gbãare Laa ye sɔɔ pele viɓe kase ye daa tãwu kɔtɔ.³²Aɓe Laa take koodanga ke, wo de tãa shɔngɓe shɔng yewu nung gbãati shɔng puure wu nung ɓa. ³³Ɓem na ɓa shɔng Laa ɓa daa pele vibɔɔ ɓa. ³⁴Yi kosewu a gãale wuni, shɔng yemɔ a ruvini mɔ ko daa mante wo ya? yide lantewu ni gaa.³⁵Yeso tãa ye yii lantewu a jaka Laa. kpawu a tɔni, "Mɔ azɔng ye a Jaa Shɔngzeng ya?" ³⁶Kosewu a tɔɔni, "Wuko weya, Daayere, ɓe N daa azɔng a wuni?" ³⁷Yeso gãalewu ni, "Mɔ zewu ye, wuko ing shãng yãa ni mɔni mi." ³⁸Shɔngɓi tɔni, "Daayere, N azɔng ye," asɔɔ gbãare wu ke.³⁹Yeso shãng ni, "N e koodanga aru ɓooreni yori, aru shɔngɓe na ze mɔng ɓa wu kpaa zeni ke, shɔngɓe na ze kɔtɔ wu sɔɔ wɔ̃ng shɔng nung gbãati. ⁴⁰Shɔng Farisa ɓe yini wuni yi tãa vim ye a yɛ̃wu ni, wo jɔ shɔng nung gbãati keya?" ⁴¹Yeso gãaleyi ni, "Na nɔ shɔng nung gbãati, nɔ na pele ruvini ɓa, ham nɔ tɔni, nɔ 'Wo ze kɔtɔ,' nɔ ruvini wɔ̃ng ye.

¹"Nungoko, nungoko N gãalenɔ shɔng ɓe na de ɓo vɔ mɛrɛ ɓa ni yɔ̃rɔng ɓa, na jãa ni kaɓɔ ɓi shɔngɓɔ tɔ giriri shɔngɓɔ ²Shɔngɓe na ɓoye ni yɔ̃rɔng wuko shɔng gani mɛrɛ.³Na puu yɔ̃rɔng ye, mɛrɛ yi tãwu yãa, sɔɔ ɓawu mɛre a ring wu sɔɔ keseyi gaa. ⁴Laɓe na kese wu ɓee ye walikang tɛ ting wu mɛrɛ yisɔɔ dũng wu a tumpu, aruviya yii tãwu zɔng yãa ye,⁵Yii daa dũng shɔng zanti ɓa, aru ɓem ying yuwu, aruviya yide tãa shɔng zanti zɔng yãa ɓa". ⁶Yeso shãngshe yii zɔng yãagani mi, yii de ʒe ruɓe gãaleyi ɓa.⁷Yeso gãale yii tɔni, "Nungoko, nungoko N gãalenɔ, miko yɔ̃rɔng vɔ̃ mɛrɛ. ⁸Shɔngɓe na eye a mi ni shɔɔni bi shɔngɓɔ tɔ gigiri shɔngɓɔ, mɛrɛ ying tãwu yãa ɓa.⁹Mikon yɔ̃rɔng shɔngɓe na ɓoye ni N kaa bii, ing kpa kpenseni kɔtɔ, ing ɓoke wu keyi wu kpa mɔng shaani. ¹⁰Shɔngɓɔ e ɓa kɔvɛ̃ ɓa, eke wu ɓɔyi, wusɔɔ nung vɔɔ, wusɔɔ leseyi. N e eke yii kpaa Suru wusɔɔ kpaa ɓe dongdong,¹¹Miko jekanva tɔ̃ɔving. Jekanva tɔ̃ɔving awu suru aru wu viva. ¹²Shɔngɓe shɔng na kpɛ̃wu kɔtɔ ɓa wuko shɔng mɛrɛ ɓa. Na zɛ gbagba ye yuke a yaa mɛrɛ wu sɔɔ yaa mɔngɓi, gbagba sɔɔ eke wu yi ɓɔɔ yii wu sɔɔ saate gãasi yii. ¹³yuke aruviya mɛrɛ ɓa wu ɓee ɓa shɔng kpɛ̃wu kɔtɔ, de yɔɔre yuu ɓa ni mɛrɛ ɓi yini ɓa.¹⁴Mikon jɛkanva tɔ̃ɔving N zeng maa ye N maa yii zengye jɔ, ¹⁵Daa zengye, N ze Daa ye jɔ, N sɔɔ an suru aru N mɛrɛ yii. ¹⁶N mɛrɛ ɓɔɔ yii ani ɓe yii ɓa a lava mi ɓa. N waa ese yii jɔ, ying sɔɔ tãng zɔng yãa N ɓaseyi a lava goro jegani goro.¹⁷Arugoko Daa kasengː N an Suru bii aruɓe N daa kpaa tɔt ɓe. ¹⁸Shɔngɓɔɔ daa zenung teni ɓa a N bii ɓa, N ani N yuu. N kaka ani N ake, N kaka ani N too tɔt. N te rumi a Madaa bii"¹⁹Shɔng Yahuda yii yuu de vaseni a ru rumi yii, ²⁰vɛ̃ɛni yin tɔɔni "wu zãasi ɓɔɔ rãamang a yuu. Nɔng weshoo aruvi awu yãa viya?" ²¹Gãasi yii tɔɔni "Ɓɛm ɓa yãa shãni shɔngɓe zãasi ɓowu ɓa. Zãasi rãamang daa puure shɔng nung gbãati nung kɔtɔ ya?."²²Alaɓe museni bii tɔ̃ɔreni ɓe sɔkeni a Urushalima. Ɓi laa yãala, ²³Yeso de kng ni a jaa kaLaa ɓe Sulemanu maa ɓe. ²⁴Shɔng Yahuda yii kintewu a tɔɔni, mɔng shi a lawe mɔng shĩng wo a lereni weya? Na ɓi mɔko Kirisi ke ta a gaa gbang mɔ gãale wo."²⁵Yeso koseyini, "N gãale nɔ ye, nɔde azɔng ɓa. Viɓe N pele mi N pele a Madaa ring, vim yii tase nɔ ye. ²⁶Nɔde azɔng ɓa aruviya nɔ ɓa N mɛrɛ ɓa.²⁷N mɛrɛ yii tãng yãa ye N zeyi zɔng ye, yii dũng kɔtɔ. ²⁸N ayi suru bii ɓe dongdong; ying vɔɔ ɓa, shɔngɓɔɔ daa rayi ɓa an naa ɓa.²⁹Madaa, ɓe an yii, jãa gãasi walikang, Shɔngɓɔɔ da zenung ra'ani yi ɓa a Daa naa ɓa. ³⁰N ni Daa ni wo goro." ³¹Shɔng Yahuda yii see tara tɔt ni ying lowu ni.³²Yeso koseyi ni, "N tase nɔ vi tɔ̃ɔving ye a Daa bii. Nɔng loleng aru vipeleni beweya?" ³³Shɔng Yahuda yii kosewu ni, wɔ̃ng lolemɔ ɓa aru vipeleni tɔ̃ɔving ɓa, aru tooni rubɔng, aruviya mɔɓi shɔngzeng, mɔ rise mɔ yuu ye Laa."³⁴Yeso koseyi ni, "Shɔng de binke ɓa anɔ rudani, 'N shãni, "No laa yii"? " ³⁵Na ɓayi yeni laa yii, ruu Laa ke aru weyi weya? (ruu Laa daa dale ɓa), ³⁶nɔ ɓawu ni ɓe Daa kawu ni gaa a shongwu a koodanga, 'Mɔ too rubɔng ye,' aruɓe N tɔɔni 'N ɓi Laa Jaa ya'?³⁷Nang pele ɓa Daa Vipeleni ɓa, nɔng azɔng ɓa a mini ɓa. ³⁸N nang pele wuko, kɔ nɔde azɔng ɓa a mini ɓa, nɔ azɔng ta a vipeleni asɔɔ ze Daa a N bii N jɔ a Daa bii" ³⁹Yii ɓe tɔt yii yiwu ke, de keni ayi naa a waa ke.⁴⁰Ke tɔt a waa yoo Urudu mɔngɓe Yɔhana gaa peleni shɔng batizima, asɔɔ wɔ̃ng a mɔ̃ngwa. ⁴¹Shɔngzeng vɛ̃ɛni yii ewu bii, a tɔɔni, "Nungoko, Yɔhana de pele vii taseni ɓɔɔ ɓa, vi walikang ɓe Yɔhana shãng aru shɔmi nungoko." ⁴²Shɔngzeng vɛ̃ɛni yii azɔng a wuni a mɔngwa.

¹A Labe shɔngɓe shɔng ɓawu ringni Lazaru, wu sii vɔɔ, wu ɓi shɔn tipi Batanya, koo ɓee Mariyamu ɓɔ naɓi Marta. ²ɓi Mariyamu seeye ɓɛ sɔɔle Yeso dɔɔ a sɔɔre wuni wu sisiyuu a bɔre wu nung sunasusu a bii be, ɓɛ wu naɓi Laʒaru sii wu vɔɔ.³Naɓi ing shon a Yeso, ang tɔni "Dãa yere, ʒe shɔng ɓɛ mɔ kasemi pin wu vɔɔ" ⁴A labe Yeso tãaye ɓɛ ang tɔɔni vɔɔ mi ɓa ɓee vɔni ɓa, ɓi ɓee bonsen Laa rĩng, aru be Laa Jaa shɔng da awu boni ɓe."⁵Yeso kase Marita ni Mariyamu ɓɔɔ Laʒaru, ⁶A labe tãye Laʒaru wu vɔ, Yeso n wɔng diki ziti a mɔng ɓɛ sii wu ani ɓe. ⁷A tumpu bi ang gãale wu jaado yii "wɔ sɔni ta tɔti a tipi Yahuda."⁸Wu jaadɔ yin tɔni "Rabbi, hami ɓe shɔng Yahuda yin bɛɛ yi lolemɔ, mɔ tɔɔni mɔng sɔ tɔ a mɔngni ya?" ⁹Yeso in kaseyini, "nungla'a ba kɔp atu zit a diki baya? Shombe na kin a nungla'a ing kɔse dɔ ɓa, Aru viya kpa zeni kɔtɔ a nung la bɛ koodanga.¹⁰Aruviya, na kin ye ni zii ing kɔsɛ dɔɔ aru viya zeni be nungyaa ɓa wuni ɓa." ¹¹Shan vimi ke a labe shangshe yii vimi ye be ang gãale yini, "wɔ shɔ Lazaru roo nurongye, in wa pin ing yuse wu pah a nurong."¹²Wu jaadɔɔ yiing gãle wuni, Daayere na rɔnuronye, ing inse kɔtɔ," ¹³A laɓi Yeso shãng aru wu vɔɔni, yii ɓa ɓe ni lɔ̃ ing shãng nurong wɔ̃keni. ¹⁴Amɔni Yeso ing keseyii a ga gbang ang gaale yini. "Lazaru vɔɔye.¹⁵N puru yato ani, aru nɔni, aru ɓe N ɓa a mɔni ɓa, aru ɓe nɔ da azɔng ɓe. Wɔ waa ta awu bii." ¹⁶Toma, ɓe shɔng bau jaabasi, in gãle yii gãasi Yeso jaadɔɔ, "wɔ waa ta jo aruɓe wo daa vɔɔ ni wun ɓe."¹⁷A labe Yeso ɛye ɓe, N yɛng kpake Laʒaru vɔɔye shɔng gbãuye diki dɛ̃ɛro. ¹⁸Betanya ma'ani ni a Urushalima ana dɔɔgãni kop atu man ɓe stadiya. ¹⁹Shɔng Yahuda yi vɛ̃ɛni yi ɛke a rore Meriyamu yini Marita sinsin aru yi naɓi. ²⁰A labe Marita tãaye Yeso teeni ɓe, ang wake nin kpau, Mariyamu sii wɔng ɓe a yee.²¹Marita shãngshe Yeso nin, "Dãayere ana mɔ sii a mom maana na de vɔɔɓa, ²²Kɔ ham ma, n zeeye viɓe mɔ na gɔɔre Laa bi in amɔ kɔtɔ." ²³Yeso in gãle wuni, "Naawa ing yupa tɔti."²⁴Marita ing gãle wuni, "n zeye in yupa kɔtɔ a laɓe shɔng yusɛ shɔng ɓe yi vɔɓe paa." ²⁵Yeso ing gãlewu ni, "Miko shɔng yuseni shɔng paa ɓɔ surubii; shɔng bɛ na azong ye a mini, kɔ sii vɔɔ kɔtɔ, ing kpa suru; ²⁶shɔng ɓe wu suru ani na azɔng ye a mini ing vɔɔ ɓa. Nɔ azɔng ye ya?"²⁷an gãle wuni "Anankɔ Daayere n azɔng ye mɔkomɔ Kirisi Jaa Laa, ɓe ing e koodanga. ²⁸A laɓe shãng ruminye, ang waake ang ɓa zumbi Meriyamu yãa ni gãa kaago. Ang gãle wu, "shɔngmantenivi ɛye ing ɓamɔ yãa." ²⁹A labe ing tãa anam, ing yupa lalanpula, ang waawu bii.³⁰A laɓi Yeso sii de ɛ kɔ ɓi pĩn ɓa, wu sii don mɔngɓe Marita kpawu be, ³¹Shɔng Yahuda ɓe yii ni wuni a wu yee ɓe ing rorewu sinsing, yiin zee Meriyamu yupa yee pula keye ni gaa, yii dunwu, yi ɓani lɔ̃ɔ ing wa yãa yusa ang kaa a mɔn. ³²A labe Mariyamu ɛ mɔng ɓe Yeso ani ye ang zeewu, ang wote awu dɔɔ a shãngshe wuni "Daayere ana mɔ sii a mɔm maana na dɛ voɓa."³³A laɓe Yeso ing zeeke de kaani, shɔng Yahuda ɓe yii eni wuni yi de kaani jɔ, ing tãa a wu vusu suru viɓi ing yɔrewu; ³⁴ang shãngni, "Nɔ gbawu a mɔng weya?" yin gãlewu ni, "Daayere eta mɔ zeeyi." ³⁵Yeso kai.³⁶Shɔng Yahuda yin shãngni, "zee pin kase Lazaru tɔnaǃ" ³⁷Yii shɔng gãsi yin tɔɔni, ɓem ɓa shɔngɓe pure shɔng nung gbãati nung ɓaya, a shing shɔngveere mi wun vɔɔɓa ya?³⁸Yeso tɔti, n tãa awu vusubii, ang wa yuusa ɓi. sii ɓii puuru katara, shɔn ku tara a yãa yuusa ɓi. ³⁹Yeso shañgni "nɔ zɔ tãara ɓii ta ing gaa." Marita Laʒaru naɓi, ɓe vɔɔɓe, ing gãle Yeso ni, "Dãayere ham wu bii punye, aruviya vɔɔye ɓee diki dɛ̃ɛro." ⁴⁰Yeso in gãle wuni, "ing de gãle nɔ ɓa ni, nɔ na shingn ye, nɔng ze bongseni Laa kɔtɔ ɓaya?"⁴¹Yin sɔ too tara ɓi. Yeso in pɛn nung ni pah an shãngni "Dãayere n dɔremoye aru mɔ tãang kɔtɔ, ⁴²ing zeeye mɔ tãng kɔtɔ alaɓeweya kap, aruviya aru mɔɔ ɓe yi shii a kĩnteng arugoko ing shang vim, anaa yi da sɔ azɔng ni mɔkɔ mɔ shɔnke."⁴³A tunpu laɓe shãng vimi ye, ang kã yãa ni kakka "Lazaru, keta a gaamiǃ" ⁴⁴Shɔng be vɔmi ing ke gãa, wu dɔɔ yini naa a maani, wu waating shɔng kuni fara. Yeso in gãle yini, "Kale wuta wu waayi."⁴⁵A labini shɔng Yahuda ɓe sii yii ɛ yii jii Meriyamu yãa, yin zee viɓe Yeso pelemi yi, azɔng a wuni. ⁴⁶Yii shɔn gãasi yi waa shɔng Farisa yii bii a gãleyii viɓe Yeso pelebe.⁴⁷A laɓi yuuboro pirisi ɓɔɔ shɔng Farisayi muse a yãwe an tɔɔni, wong pele nɔkoviya? shɔngmi pele vizaanibii ye vɛɛni. ⁴⁸Wo na yawu ye ananko, shɔngzeng walikãng yin aʒong a wuni; Shɔng Roma yin yen towo tipi ni wo koni."⁴⁹Ayi titi shɔngbɔrɔ ɓɔɔ shɔng ɓawu ni, Kiliyafasi, shɔngbɔrɔ pirisi a sabi, ang gãleyini "nɔ de zee viɓo ɓa. ⁵⁰Nɔ de zeeba liikɔtɔ shɔngzeng goro wu vɔɔke a ɓe shɔngʒeng walikap a koo yii leseke."⁵¹Ham viɓe shãngmi ɓa aru wu kaka yuu ɓa, aru wu boro pirisi ɓe sãɓi, shãng yãzeni, ni Yeso in vɔɔ aru Koodanga; ⁵²ɓa aru koodanga koo shee ɓa, aru wu jaa be yi saate a koodangami yi da muse a wɔng goro. ⁵³Daka dikiɓi a waating yi manyã nakaaɓe yii daa peleke a nun Yeso vɔɔɓe.⁵⁴Daka mɔmbi Yeso de kn tɔɓa a gãa gbang a shɔng Yahuda yii bii ɓa, aɓe yaa mɔngɓi ye a ɓo koo ɓe maani ing jinti ni a koo ɓe shɔng ɓani tipi Ifiramɔ a wɔng a mɔng ni wu jaadɔɔ yin. ⁵⁵A labe museni tukeni ɓe shɔn Yahuda kpaye manni ɓe, shɔng vɛɛni yi waa Urushalima a koo ɓe maani nin museni tukeni ayi wake yi sɔɔke yii bii.⁵⁶Yin waake yin ɓe Yeso, yi de shankeni weeni a vusu jaala, ni pele nunkovi da ɛ mɔng museni mi ba viya? ⁵⁷Alaɓe yuubɔrɔ pirisi ɓɔɔ shɔng Farisa yi a naaye ni shɔng be na zee mɔng ɓe Yeso wu aniye yii gãle shɔng aru ɓe shɔng da yiwu ke ɓe.

¹Yase diki mango a shɔng wu muse, museni be tukeni, Yeso in e Bataiya, a mɔng Lazaru sii wu ani ɓe, ɓe Yeso yuse wu paa a yuusa ɓe, ²Yin wãare wu vishan zii a mɔng, Marita ko sii ing vaase vishãng, amɔni Lazaru wu a titi shɔngɓe yii shani a lateni ni Yeso. ³Amɔni Maryamu ing to nun sunansusu ɓe sha yãa bam, ang siise Yeso a dɔɔ, ang alewu dɔɔ ni wu sisi yuu. Ye bin ing raamɔng ni punkeni sunansusu.⁴Yahuda Iskariyoti, wu jaadɔ ɓɛn malewu ɓɛ in tɔni, ⁵"Aruvi shɔng daa maale nung mi ɓa aruɓe shɔng wu yise shɔng rang yii na ɓa viya?" ⁶Dee Shãng vim ɓa aru wu kɔɔ shɔngrang ɓa, aru ɓe wu shongbɔ, ɓi wukɔ yise duku saka shɔn na awuye awu bolle amɔn lem lem.⁷Yeso in kasewu ni "Yawuta kɔvɛɛ wu pelen aru in diki gbãni. ⁸Nɔn kpa shɔngrang a ladɔ gandin, N biibii nɔn kpang ɓa."⁹A laɓe mɔɔ kĩikĩi ɓe shɔng Yahuda yii tãaye Yeso wu amɔng yi dɛ e ɓa aru Yeso kɔ she ɓa yi eke a yi ze Lazaru, ɓe Yeso yuse wu paa a yuusa ɓe. ¹⁰Yuubɔrɔ pirisi yi ɓase yãa ni yi nun Lazarus vɔɔ; ¹¹aru wuko shɔng Yahuda yi azɔng a Yeso.¹²N gandiɓɔ, mɔɔ yin e amɔng museni ye. Yĩn tãa ke Yeso in e Urushalima, ¹³ang tɔɔre naaseng la ka'ka ana ang waake yi tewu a dɔrɔng ang kaa yãa ni kaka "Hosannãǃ Zuuku ɓi shɔng ɓɛn ɛ, a Laa rĩng, Kpanti Isrela."¹⁴Yeso in kpa jija lakoropi ang wɔng a wu yuu; ana ɓe shɔng ɓinke ke ɓe, ¹⁵"nɔn zãa ɓa, seeye Siyona, zee pin, mɔ kpanti teeni ayuu jija lakoropi."¹⁶Wu jaadɔɔ yii de ze viɓe sii kn tĩng ping ɓa, A laɓe Yeso kpa bɔngseni ye ɓe, yin sɔn ye nugn a laɓi kɔ ni vim shɔng ɓinke aru wuko, yi pele wu vimi ye.¹⁷Amɔni mɔɔ yii shãng yãa ni sii yin wuni a yãawe a laɓe ɓaa Lazaru yãa ni yupata a yuusa ɓe, yuupa a ke yuusa. ¹⁸Arugoko mɔɔ mi yi waake a teewu a dɔrɔng, aru yii zeeye pele vi zaani bii ye. ¹⁹Shɔng Farisa ayi nung yin tɔni, "milepin nɔ da pele viɓɔ ɓa tɔ̃ving ɓaː mile pin, koodanga yii de kase wu ɓa."²⁰Amɔni shɔng Giriki gãasi sii yii a titi shɔng be yin waa gɔɔre Laa a mɔng museni. ²¹Yin sɔɔ e Filibu bii shɔng Baiseda ɓe Galili, ang yẽewu ni shɔngbɔrɔ, wo kase wɔ ze Yeso." ²²Filibu ing waake ang gãle Andirawu; Andirawu yin wani Filibu ang wan gãale Yeso.²³Yeso ing kaseyi, ang gãleyi ni "lá tiseye ɓe jaa shɔngzeng da kpa bɔngseni ɓe. ²⁴Nungoko, nungoko, ing gãale nɔ ye, nɛ̃ɛrɛng zee na de lɔ ba kɔtɔ a tipi a pung ɓa, ing wɔng goro shee; Aruviya na vɔye ko, ing ke ang ye jaa ɓɔɔ yii vɛɛni.²⁵Shɔng ɓe na kase wu surubi ye ing kpa ɓa, shɔng ɓe na de kase wu surubi ɓa a koodanga ing kpa wu suru bi dondon. ²⁶Shɔngɓe na tɔye ing pelen vishon wu eta wu dungke; mɔng ɓɛn nanibe a mɔng ɓi ko n shɔng dungni ing wɔng jɔ. Shɔng ɓe na dung ye n Dãa in awu boro.²⁷Ham n suru duye ing da shanni viya? Daa, kpensengta a lá mi? Aru ɓemko lá mi eyi, ²⁸Dãa bongse mɔ rĩng ta." Amɔng yãa ing ke a koolapa ang tɔni "ing bongse yee, in bongse tot" ²⁹A laɓe mɔɔ be sii yii amɔng yin tãa yãa mi ye ang tɔni bi bɔrɔ zengla. Gãsi yin tɔni "ɓi Laa shɔngshɔni shangshe wu yãa."³⁰Yeso in kaseyini, "yiri yãa ɓem de e ɓa aru miko ɓa, e aru nɔ ko, ³¹Ham ɓi ɓoreni yori ɓe koodangaː Ham ɓem, shɔng Ladong ɓe koodanga shɔng loke yii a gaa.³²A laɓe shɔng na peng yeni paa a koodanga, ing gɔ̃ɔ kɔ weya ang bii." ³³Shang ɓem kɛ wu tase zong vɔɔni ɓen vɔ ɓe.³⁴Mɔɔ yii kasewu ni, "wo tãaye a ruudanni ni Kirisi ing wɔng dondon, aruvi mɔ daa tɔni, Shɔng peng Jaa shonzeng viya? ɓi we jaa shɔngzeng mi weya?" ³⁵Yeso in gãle yini, "zeni donin nɔni, ing wɔng ni nɔni pota, nɔ kin a labe nɔ nan zemɔn kɔtɔ, a ruɓe tinri da buunɔ ɓa ɓe. Shɔng ɓe na kin a tinri ze mɔn ɓe ing wa ɓe ɓa. ³⁶A be nɔ zeni ani, nɔ azong a zeni, a rube nɔ da wɔng ja shɔng zeni." Yeso ing shãng vim ke ang yaa mɔngɓi a võse wu yuu.³⁷Aruviya Yeso pele vi zaniɓi a yii tĩn yi de azong ɓa wuni ɓa, ³⁸Aruɓe Ishaya wu ruu shani ɓe Laa shɔngzeni da eke a tuke, aɓe tɔni, "Daayere, shɔngɓe azong ye a wo rushãngni, ɓe shɔng shãngshe wu Daayere bongni?"³⁹Aruɓenko Shɔngzeng de azong ɓa a Yeso bi ɓa ana ɓe Ishaya shan ke, ⁴⁰"Nɔleyi nung ye, sɔɔ lakeyi sĩngsĩng ye, naɓa rugoko ɓa yina ze kɔtɔ yi nung a taa ni sĩngsĩng, ayi sɔɔn bii ing na gante yi kɔtɔ."⁴¹Ishaya shãng vim aru zee bongseni Yeso a shãng aru wun. ⁴²kɔ a labi, yuubɔrɔ ɓi yi vɛɛn yii azong a Yeso; a de gãale shɔng ɓo ɓa aru shɔng Farisa yi de shang ɓa, aru kara shɔng wu zãare yii mɔng gɔɔreni ɓa. ⁴³Yi kase bongseni ɓe e a shɔngzeng bii ɓe a jãa ɓe e a Laa ɓi kɔtɔ.⁴⁴Yeso ing lang yãani kaka ang tɔni "Shɔng ɓe na azong ye amini, de azɔng ɓa mikon shee ɓa azɔng jɔ shɔng ɓe shong ke ɓe, ⁴⁵shɔng be na zenye, ze shɔng ɓe shong ye.⁴⁶N ɛ ana zeni a koodanga mi, aru shɔngbe na azɔng ye amini ing wɔng ɓa tĩnri ɓa. ⁴⁷Shɔng ɓe na tãan ruye de ͏kɔn ruuba, in ɓore wu yori ɓa; aru ing de eba in ɓɔre kodanga yori ɓa, N e ing kpense koodanga.⁴⁸Shɔng ɓe na ɓẽen ye dɛ ten ruba, wu shɔng ɓe daa borewu yori an, ruu be in shãngshe nɔ mi ing ɓore wu yori a labe diki na sɔyãaye ɓe. ⁴⁹ing de shãng ruumi ɓa ɓe in yuu ɓa, ɓi Daa ɓe shɔng ke wukɔ ang na'an a vii be ing shãnke ɓe. ⁵⁰Ing zeeye wu ruudani ɓi surubi dongo, bem bi shãngni ɓi kɔ ana Daa shãnke ing shan jɔ ananko.

¹A laɓe shɔng de pele museni tukeni ɓa. Yeso zeeye wu lá tiseye wu yaa koodanga wu waa Daa bii. Alaɓe kase wu ɓɛɛ yi a koodanga, kaseyi yatɔ goro. ²Alaɓi vĩnivĩvĩ rãamang shingshe Yahuda Iskariyoti, Saminu wu jaa, ni wu malle Yeso, a lá vishãng shanni zii.³Yeso zeye vibe wu Daa awu anaye walikang ɛ a Laa bi ing sɔn sɔɔ tɔ a Laa bii, ⁴Ang yupa kɔvɛh pila a mɔng vishan shani ang loke je fara ɓe sii awu bii ang to fara sɔɔni ɓi ang ba'aɓi. ⁵ang tée mɛ a gbãnting bii sɔkɛni, ang gãa sɔkeni wu jaadɔɔ yii dɔɔ, ang sɔɔre yi ni vi sɔɔni bii ɓe ba'abi ɓe aru wu wateke.⁶A labe eye a Bituru yuu be, Bituru in yɛwu ni "Daayere mɔn sɔken dɔɔ ya?" ⁷Yeso ing kase wuni "Viɓe ing pele ham mɔ da zee ɓa, aruviya nɔng zee lá wodot." ⁸Bituru ing gãle wuni "mɔda sɔkɛng dɔɔ ɓa" Yeso in kasewu ni, "N na dɛ sɔkɛmo dɔɔ ɓa, mɔn kpaa viɓɔ tɔba N bii ɓa." ⁹Samɛnu Bituru ing gãle wuni "Daayere, mɔna sɔke ɓa n dɔɔ ko shee ɓa, mɔ sɔken na ɓo ni yuu."¹⁰Yeso ing kasewuni "shɔng ɓe na sɔkebi ye ɓe sɔkɛni toɓa, shɔng kɔ dɔ zambu ko shee, awu wɔng tɔ̃ving; nɔ tɔ̃ving, ɓa shɔng walikang ba." ¹¹(Yeso zee shɔng ɓe ing mallewu ɓeye; arugoko tɔni "ɓayi walikang tɔ̃ving ɓa.")¹²A laɓe Yeso sɔkeyi dɔɔ ye ɓe ang towu fara ang wɔng tɔti a tipi, ang gãle yini, nɔ zee viɓe ing pele nɔ miyeya? ¹³Nɔ ɓanni 'shɔng mantenivi' ɓo 'Daayere', viɓe nɔ banmi nɔ ɓaye batata aruviya mikon ananko. ¹⁴Nɔ Daayere kɔ nɔ shɔng mateni na sɔke nɔ dɔɔ ye, anɔ waa nɔ sokɛ nɔ we gãsi jɔ. ¹⁵Ing taase nɔ vim aruɓe nɔ da pele we jɔ ananko ɓe.¹⁶Nungoko, nungoko, N shãngshe nɔ ye, shon shɔnni da jãa wu shɔngyee ɓa; kɔ jãa shonni wu jãa shɔngɓe shonwu ɓe. ¹⁷Nɔ na zee vimi ye, zuukubi nɔ ɓɛ nɔ nan peleyi kɔtɔ. ¹⁸Ing shãng yãa mi ɓa nɔ yuu walikãng ɓa, n ze shɔng ɓe in rɔɔyi ɓe ye - vim aru viɓe shɔng binkeke da tise ɓeː 'Shɔng ɓe na shãng bubula ɓe wukɔ pen na a mini.'¹⁹Ing gãle nɔ ham a laɓe lá de tiseba, alaɓe na tiseye ɓe nɔng azon ni ɓi MIKO. ²⁰Nungoko, nungoko, N shãngshe nɔ ye, shɔng ɓe na tee shɔng ɓe n shong ye tee miko, shɔng ɓe na tenye, tee shɔngɓe a shɔn ke ɓeye."²¹A laɓe Yeso shãng ruumin yee N tãa a suru. Ang shãngni "Nungoko, nungoko in gãle nɔye ni goro ɓo ano titi ing malen kɔtɔ." ²²Wu jaadɔɔ yin mile we, ang lere kɔn in shãngni weya.²³Goroɓɔ awu jaadɔɔ ɓe Yeso kaseɓe, sii roo kɔtɔ a lateni a Yeso kagn. ²⁴Samenu Bituru ing shãng ni Yeso jaadɔɔ yin, "yɛ̃wu ta ing shãng ni weya, ²⁵ang sɔɔ tɔ a ding bi a Yeso kagn ang yewu ni, "Daayere, bii weya?"²⁶Yeso ing kaseni "ɓi goro a titi shɔng ɓe ing da bubula ye in awu ye shɔni ɓi wukɔ in malenke." A laɓe Yeso daa bubula ye ɓe bɔseye mɛ̃ɛ ang a Yahuda Iskariyoti Samenu jãa. ²⁷A tumpu ɓe tee bubula ye, shelan ing ɓowu yato ke, Yeso ing gãale wuni "viɓe mɔng pele ɓe peletan dɔni."²⁸A laɓi shɔng ɓe yii roo a latenimi yide zee vibe ing kĩnting ɓa. ²⁹Shɔng ɓɔ yii tɔɔni kɔ aruɓe Yahuda Iskarioti wu dukusaka anami ya yi de zee ɓa, Yeso in gãle wuni "Wɔ vibe li mɔ wɔta a museni" kɔ wɔ a viɓo aru shɔngrang. ³⁰A labe Yahuda tee bubula ye, ang keni gaa tɛti, sii mɔng ni zii.³¹A alaɓe Yahuda waaye ɓe, a laɓi Jãa shongzen kpa bongseni, Laa kpa bongseniye a wuni. ³²Ing Laa na kpa bongseni ye a wuni, Laa n sɔɔ bongse jãa a wu bii, ang awu bongseni yaa goro. ³³Wojã kpatakpa, ing nɔni a láˑ pota nɔn ɓenke, ana ing shãngshee shɔng Yahuda yi ɓe, mɔng ing wami nɔng zenung ɛniba, vimi n shãngshenoye jɔ ham.³⁴ing anɔ ruudanni polo. A nɔ kase wee ana ɓe ing kasenɔ ɓe, nɔ kase shɔng wee jɔ ananko, ³⁵Bemi kon shin shɔng zee nɔ N jãadɔɔ, nɔ na kase wee kɔtɔ."³⁶Samenu Bituru ing yɛwu ni "Dãayere mɔng waa mɔweya?" Yeso in kasewuni "mɔng ɓe ing wa ham mɔ da zee nung dungni ɓa, mɔng dung a tumpu." ³⁷Bituru in gãale wuni "Daayere aru vi ing dungmɔ ɓa ham ɓa viya? ing roren suru bi aru mɔni." ³⁸Yeso ing kasewuni "mɔ daa rore mɔ surubi aru mini yaa? Nungoko, nungoko ing gãale mɔ kin na de ka yãa mɔ sii ɓengye ya tati"

¹"Nɔna ya nɔ sinsing wu lese ɓa. Nɔ azong a Laa bii; nɔ sɔɔ azɔng an bii. ²An Daa yee jãaka an vɛɛni. Na ɓa nangko ɓa, nan gãale nɔ ye, aruɓe N waake in gonte nɔ mɔng. ³Nan waa gɔnte nɔ mɔng ye, N sɔɔ e tɔt in tenɔ nii yuu, aru mɔng ɓe N ani ɓe nɔ sɔɔ wɔng jɔ a mɔngni.⁴Nɔ ʒe mɔng bɛ ing waa ye." ⁵Toma ing gãale Yeso ni "Daayere wɔ de zee mɔng ɓe mɔng waa ɓe ɓa, wɔng pele nukovi ang zee dɔrɔng viya?" ⁶Yeso in kase wuni mikon dɔrɔng, nungoko, ɓɔɔ surubi shɔng ɓɔ da waa Daa bii ɓa ing ɓa ning ká bi ɓa. ⁷Ana nɔ zen ye nɔ na zen Daa ye. Ham a waating nɔ zee wu ye nɔ mile wu ye."⁸Filibu ing gãale Yeso ni, "Daayere tase wo Daa ta wukɔ ing wɔnse wo a bi batata." ⁹Yesɔ ing gãale wuni, N wɔng yɛn nɔni tɛ̃ɛtɛ nɔ tɔni nɔ dɛ zembaya Filibu? 'Shɔng ɓe na zenye zee Daa ye. Mɔ da pele nɔkovi mɔ tɔɔni ing tase mɔ Daa wɛya'?¹⁰Mɔ dɛ azong ni mikon a Daa bi Daa wu jɔ ang bii ɓaya? Ruu ɓe ing gãale nɔ mi ing shãngɓa ning kakka yuu ɓa, Daa ɓe wu ang bii wukɔ pele wu vi peleni. ¹¹Azɔng taa mini ing a Daa bii Daa wu jɔ ang bii, kɔ mɔ azɔng aru wu vipeleni be peleke be.¹²Nungoko, nungoko in gãalenɔ ke shɔng be na azɔng ye a mini ing pele vipeleni ɓe n pele ɓe ang sɔɔ pele bɔrɔngbɔ viiɓe jãa ɓɛm kɔtɔ aruɓe n wa Dãa bii. ¹³Viɓe nɔ na gɔ̃ɔre ye ang ring, in pelɛnɔ aruɓe Daa wu rĩng da kpa bongseni ke ing wu jaa kaabii. ¹⁴Vibe nɔ na gɔɔre ye kap nin rĩng in peleyi.¹⁵Nɔ na kasen kɔtɔ nɔng kɔn ruudanni. ¹⁶Ing gɔɔre Daa awu anɔ shɔngbɔ ɓe da rorenɔ singsing ɓe aru ɓe da wɔng ni nɔn dongo ɓe, ¹⁷Suru ɓe nungoko. Koodanga yin teewu ɓa aru yide zewu ɓa, nɔ biibii nɔ zeewu ɓe ye aru n wɔng nɔ bii wu wɔng ni nɔng.¹⁸Ing ya nɔ ɓa jevɔɔ ɓa; ing e nɔ ɓi. ¹⁹Lá pota koodanga zen tɔɓa, nɔn zeng kɔtɔ. Aru ɓen wɔng jɔ ɓe, nɔng wɔng jɔ. ²⁰A diki ɓi nɔng zeeke n ang Daa bii, nɔ jo a mini.²¹Shɔng ɓe na zeng ruudanni ye na kɔɔ ye ɓe, ɓi shɔng ɓe kasen ɓe, shɔng ɓe kasen ke ɓe ing Daa ing kasewu, ing kasewu ang taseng yuu a wu bii. ²²Yahuda (ɓa Iskariyoti ɓa) ing gãale Yeso ni "Daayere aruvi mɔng tase mɔ yuu awo bi ɓa a koodanga ɓa viya?"²³Yeso ing kase ang gãalewu wuni, "shɔng ɓe na kasen kɔtɔ ing yisen ruushãni. Ma Daa in kasewu, wɔng sɔn e wu bii ang ɓase wɔ ye ni wuni. ²⁴Shɔng ɓe na de kasen ɓa de yisen ruu ɓa. Ruu be nɔ tãa ɓe ang shãngsheno ɓa ɓɛ N yuu ɓa ɓi ɓe Dãa ɓɛ shong ɓe.²⁵N shãngshenɔ vimi a laɓe nɔni, ²⁶Aruviya, shɔn roreni nɔ singsing Suru tɔving ɓe Daa ing shɔng ang rĩng - ing mante nɔ vii walikãng ang yerre nɔ nugun viɓe n shãng ɓe walikãng. ²⁷Ing yano ni lemba; n ãnɔ ing lemba. ɓa ana koodanga a nɔ miɓa, nɔ na yanɔ yato ba wu lese ɓa, ko nɔ na zavɔɔ ɓa.²⁸Nɔ tãaye ing gãale nɔ ni N waake ang sɔ sɔɔ tɔti, nɔ na kasen kɔtɔ nɔn tãa yato puru aru ing waa Daa bii, aru Daa jãan kɔtɔ. ²⁹Hamin ing gãalenɔ, a laɓe de pele ping ɓa, laɓe na peleye ɓe nɔng azɔng.³⁰Ing shang yãa tɔɓa vɛ̃ɛni n nɔni ɓa, shɔng rooni koodanga mi tɛ̃ɛni, wu kakka de jãn ma ɓa, ³¹Aru ɓe koodanga yii zeke n kase Daa kɔtɔ, ing pele jo ana Daa gãalen ke ɓe, wo yupata wɔ wa mɔm.

¹Nungoko mikon La inabi, ma Dãa wukɔ wu shɔng langni. ²Kole naaseng la ɓe a mini ɓe de reɓa be, a gonte naaseng ɓe reɓe aru wu re vɛ̃ɛni.³Nɔ wɔng ye kpelenkpe aru a yãa shani bɛn shãngshe nɔ ɓe. ⁴Wɔngni ta mini a ing wɔng jɔ a nɔn. Ana ɓe naaseng lá da reeɓa na ɓa a la bi ɓa, jɔ ananko nɔ da wɔng ɓa ing ɓa nɔ an bi ɓa.⁵Mikon la inabi nɔ ko nɔ naaseng. Shɔng ɓe na wɔng ye ni min, ing ni jɔ wuni, in ree vɛ̃ɛni na ɓa ni mini ɓa ing pele viɓo ɓa. ⁶Shɔng ɓe na de wɔng ɓani mini ɓa, shɔng wose yin gaa ana waati naaseng la ang museyii ang yaake ang sɔn share ni yaa. ⁷Nɔ na wɔng yeni mini, ing ruu na wɔng ni nɔng, nɔ gɔɔre vibe nɔ kaseɓe, shɔng pele nɔ.⁸Ma Dãa wu bongni ɓi wuko, anɔ ree vɛ̃ɛni aru be shɔng da zeeke nɔng jaadɔɔ. ⁹Ana ɓe Daa kasenbe, ing kase nɔ jɔ anangko. Nɔ wɔng nin kaseni.¹⁰Nɔ na yisen ruudanni ye, nɔng wɔng a kaseni ana ing yise ma Daa ruudani a wɔng awu kaseni. ¹¹N shãng rumi aru ɓe n puru yato da wɔng a nɔ bii mɔ yato puru wu wɔng dongo.¹²Bɛm bi wukon ruudani, nɔ kase we ana ɓɛ ing kasenɔ be. ¹³Shɔng ɓɔ wu borongbo kaseni be jãa ɓɛm ba shɔngɓɔ wu rore wu surubii aru wu shɔyii.¹⁴Nɔko nɔn shɔɔ nɔ na pele viɓen gaale nɔ ye, ¹⁵ɓa ing ɓanɔ tɔni shɔnshɔni ɓa, aruviya shɔngshɔni de zee viɓe wu shɔngye in pele ɓa. N ɓanɔ ning shɔɔ, Aru viɓe n tãa a Daa bii n gãale nɔ ye walikãng.¹⁶Nɔ de rɔng ɓa mikon rɔɔnɔ N a nɔ vipeleni aru ɓee nɔ daa waa ree ɓe, anɔ reeni wu wɔngke aruviya viɓe nɔ na beye ni Daa rĩng nɔng kpake. ¹⁷Vibe ing gãalenɔ kɛ aru be nɔ da kasewe kebe.¹⁸Koodanga na ɓɛɛnɔye anɔ zeeke sii yi ɓɛɛ mikɔ shoni, a sɔ ye ɓɛɛnɔ. ¹⁹Ana nɔ sii a ɓe kodanga, koodanga ing kase nɔ ana wu ɓe. Arube nɔ ɓa ɓe koodanga ɓa, aru ing rɔɔnɔ a koodanga, aru gɔɔko koodanga ying ɓɛ̃ɛnɔ.²⁰Nɔ Yenugn ta ni ruuɓen shãngshenɔ ɓe, shɔngshoni da ɓon ɓa a jãwu shɔngye ɓa, yina si kpãarenye, yin kpãarenɔ jɔ; nɔ na yisen ruu ye, yin yisenɔ ɓɛ jɔ. ²¹Ying pele nɔ vi kapi aru ing rĩng aru yi de zee shɔng be shongmi ɓa, ²²Ana sii N de e ɓa a shãngshe yii ya ɓa, yii ruvini na ɓa aniɓa, hami yii ruu shani ɓa a ruu yii ruvini ɓa.²³Shɔng ɓɛ na ɓɛ̃ɛn ye ɓɛɛn Dãa yee jɔ, ²⁴Ana dɛ pele vibɛ shɔng ɓɔ dɛ pɛlɛ ɓa dɔgo ayi titi ɓa, yii ruvini na bani ɓa, hami yi zeng ye yii ɓɛɛnye ni Daa ni, ²⁵vim yii walikãng peleke awu sɔɔre yãa ruɓe shɔng binke a ruudanni. 'Yii bɛ̃ɛn ke ɓa yuu ruuɓoɓa'²⁶A laɓe shɔng roreni shɔng sĩnsĩn na ɛye ɓɛng shɔng ɓe a Daa bii, bi wuko wu suru ɓe nungoko, ɓe ɛ a Daa bii, ing yen shãngyãa ang yuu. ²⁷Nɔ biibii nɔng shanyaa jɔ aru mini, aru nɔ wɔngye ni mini a gãani a e ham.

¹"N gãale mɔ vimiyii aruɓe mɔda weteɓa ɓe. ²Ying kesenɔ ni gaa ayi jaka Laa. La teeni laɓe shɔngɓe na nunɔ vɔɔ ye an lereni ni pele Laa vishoni.³Ying pele viimiyi aruɓe yide ze Daa ɓa yide zeng ɓa. ⁴N gãale nɔ viimiyi aruɓe la ɓi na eye, nɔn yee nugn kɔtɔ ni sii N gãalenɔ ye. N de gãalenɔ viimi yiɓa tɛ̃tɛ ɓa, aruɓe N sii ni nɔni ɓe.⁵Hami N waa shɔngɓe shong bii, anɔ titi shɔngɓɔ de yɛ̃ng ɓa, 'Mɔng waa mɔng weya?' ⁶Aruɓe N shãngshe nɔ viimiyi ye, nɔ siinsiing yiiye ni vɔzãni. ⁷Nungoko N gãalenɔ, lii kɔtɔ N waa kati N yanɔ, nang de waa ɓa, shɔng maani siinsiing ing enɔ bii ɓa, nan waa ye, N shongshe nɔ wu ke.⁸Na eye, shɔng maaseni siinsiing daa tase koodanga de pele tɔ̃ɔving ɓa aru ruvĩini ɓa, aru yato ɓotonɓo, ɓɔ aru ɓoo ni yori ⁹aru ruvĩini, aruɓe yide azɔng ɓa a mini ɓa; ¹⁰aru ɓolonɓo, aruɓe N waa Daa dii, nɔn sɔɔ zeng tɔɓa; ¹¹ɓɔ aru yori ɓooni, aruɓe shɔng rooni koodanga shɔng ɓoore wu yori ye.¹²Vii ɓe N daa gãalenɔ ani vɛ̃ɛni, nɔ daa zenung yiseni ɓa hami ɓa. ¹³Alaɓe Suru Nungoko, na eye, wuko daa dũni nɔni a dɔɔrɔng nungoko walikãng, aru viya ing shãng ɓa wuu ruu yuu ɓa. N shãng viɓe tãa ɓe, wusɔ gãalenɔ viɓe daa e a tĩng ɓe yii. ¹⁴Ing bonseng, aruɓe ing te a viɓe ɓing ɓe wusɔ gãalenɔ¹⁵Daa vii walikãng ɓing ɓe. Arugoko, N shãngshe nɔ ke Suru ing te a viɓe ɓing ɓe wusɔ gãalenɔ ke. ¹⁶La wodot a tĩn nɔng zeng ɓa, la ɓɔ wodot nɔng zeng tɔt."¹⁷Amɔn wu jaadɔɔ ɓɔ yii shãngshe wee ni, "Ɓem ɓi vii ing shãngshawo ni, 'Laɓɔ wodot nɔng zengɓa laɓɔ wodot nung zeng,' ɓɔ, 'Aruɓe N waa Daa bii ya'?" ¹⁸Arugoko yii tɔɔni, "Ɓem ɓi vii ing shãng, 'Laɓɔ wodot viya'? Wode ze viɓe ing shãng aruni ɓa."¹⁹Yeso zeye yii kase yii yɛ̃wu, asɔɔ gãale yii ni, "Ɓem ɓi viɓe nɔ yɛ̃le wee, viɓe N kase N gãalenɔ wuko, 'Laɓɔ wodot nɔng zeng tɔ ɓa, la wodot nɔng sɔ zeng tɔti ya'? ²⁰Nungoko, nungoko, N gãalenɔ, nɔda kaa yãvɔ ɓɔ kɔni nugn, koodanga ing tãa tɔ̃ɔving. Nun sɔ yɔre yuu, nɔ yɔreni yuu ing sɔɔ wɔ̃ng puru yato. ²¹Laɓe sooye ing yejaa yɔreni yuu ani aruviya wu la eye, laɓe na yejaa ɓiye, ye nugn tɔɓa awu kpã̃areni aruviya wu puru yato ni shɔng ye shɔngzeng ye a koodang.²²Ham nɔ yuu yɔreni ani, N sɔɔ zenɔ kɔtɔ, nɔn sɔɔ tãa puru yato anɔ sĩinsĩign, shɔngɓɔ ing zenɔ ɓa raa nɔ puru yato ɓa. ²³A diki wa nɔ yɛ̃ng ɓa aru viɓɔ ɓa. Nungoko, nungoko, ing gãalenɔ ye, nɔna gɔ̃ɔre viɓɔ ye a Daa bii ni rĩing, ing ãnɔ kɔtɔ. ²⁴E anaa ham nɔde gɔ̃ɔre viɓɔ ɓa ni rĩing ɓa. Nɔ gɔ̃ɔreta, aruɓe nɔ puru yato daa wɔ̃ng anangko.²⁵" N shãngshe nɔ viimiyi ni yãgani, la teni laɓe N daa shãngshe nɔ ruu tɔɓa ing yãgani ɓa, N sɔɔ gãalenɔ Daa ruu bii a gaa gbang²⁶A diki wa nɔng gɔ̃ɔre ni ing rĩing N de tɔɔ ɓa N gɔ̃ɔre Daa aru nɔni ɓa, ²⁷Daa ni wu yuu kasenɔ kɔtɔ aruɓe nɔ kaseng ɓe aruɓe nɔ azɔng N e a Laa bii. ²⁸N e a Daa bii, N sɔɔ e koodanga ye. N sɔng yaa koodanga tɔt, N sɔɔ waa Daa bii."²⁹Wu jaadɔɔ yii tɔ̃wu ni, " Zepĩn, mɔng shãng yã a gaa gbang mɔng shãng tɔɓa ni yãgani ɓa. ³⁰Hami wo zeye mɔ ze viye walikãng, mɔ de kase ɓa shɔngɓɔ wu yɛ̃mɔ ruuɓɔɔ ɓa. Aruvim, wo azɔng ye mɔ e a Laa bii." ³¹Yeso koseyi ni, "Nɔ azɔng ye hami ya?³²Zepĩn, la teni, anangko, eye, laɓe nɔng tangte, shɔng ɓoweya ing waa wu yee, nɔn sɔɔ yang a bĩn. Anangko N ɓa bĩn ɓa aruviya Daa wuni mini. ³³N gãalenɔ viimiyi ye aruɓe nɔda kpa ɓatata ang bii ɓe. A koodanga kpa kpãareni, nɔn sɔɔ kpa yato maani, N jãa koodanga yã ye."

¹A tunpu ɓe Yeso shãng vimi ye ɓe, a pẽng nung ni lapa a tɔɔni, "Daayere, la tiseye, bongse mɔ Jaa ta aruɓe mɔ Jaa daa bongse ɓe-- ²anaa ɓe mɔ ãwu kakaa a shɔngyuu walikãng aruɓe daa ã suru ɓe daa sɔ̃ɔyãa ɓa a shɔngɓe mɔ ãwu ɓe.³Ɓem ɓi suru ɓe daa sɔ̃ɔyãa ɓa ɓeː Yii ze mɔ ye, mɔkɔ mɔ Laa nungoko shee, ɓɔɔ ɓe mɔ showu, Yeso Kirisi. ⁴N bongse mɔ a koodanga. N sɔ̃ɔre yãa vipeleni ɓe mɔ ang ɓe. ⁵Hami, Daa, bongsen ta ni mɔ yuu ni bongse ni ɓe kpa a mɔɔ bii laɓe koodang de pele ɓa ɓe.⁶N tase mɔ rĩing ye a shɔngzeng ɓe mɔ ang ɓe a koodanga. Yii ɓi mɔ ɓe mɔ sɔɔ ang yii, yii sɔɔ yisemɔ ruu. ⁷Hami yii zeye vii walikãng ɓe mɔ ang ɓe ke mɔ bii ko, ⁸aruviya N ã yii ruuɓe mɔ ang ɓee ye walikãng. Yii teye yii sɔɔ ze nungoko N e amɔ bii, yii sɔɔ azɔng ye ni mɔko mɔ shong.⁹N gɔ̃ɔre Laa aruu yini. N de gɔ̃ɔre Laa ɓa aru koodanga ɓa aru shɔng ɓe mɔ ang yii ɓe, aruviya yii ɓi mɔ ɓe. ¹⁰Vii walikang ɓe N maa, ɓi mɔ ɓee, mɔ ɓee ɓin maa, N sɔɔ kpa bongseni ye a yii bii. ¹¹N tɔɓa a koodanga ɓa, shɔngmi yii a koodanga, N sɔɔ teni amɔ bii. Daa tɔ̃ɔving, yiseyi ta ni mɔ rĩing ɓe mɔ ang ɓe aruɓe yii da wɔ̃ng goro ɓe, anaa ɓe wo goro ɓe.¹²Laɓe N ni yini ɓe, N yiseyi ɓatata amɔ rĩing, ɓe mɔ ang ɓe. N gaayii ke, yii goro ɓɔɔ de lese ɓa, naɓa jaa leseni mɔng, aruɓe labini Laa da wɔ̃ng ɓatata. ¹³Ham N teni mɔ bii, N shãng vimi yii a koodanga aruɓe yii puru yato da wɔ̃ng ɓatata a yii bii ɓe. ¹⁴N ã yii mɔ ruu ye, koodanga sɔɔ bɛ̃ɛ yii ye aruɓe yii ɓa shɔng koodanga, anaɓe N jɔ ɓa shɔng koodanga ɓami.¹⁵N de yɛ̃ɓa mɔ ɓa mɔ tooyii a koodanga ɓa, aruviya mɔ yiseyi ɓatata goro a ruvĩinii. ¹⁶Yii ɓa shɔng koodanga ɓa, anaa ɓe N jɔ ɓa shɔng koodanga ɓa. ¹⁷Yiseye yii ta ni nungoko. Mɔ ruu nungokon.¹⁸Jɔ anaɓe mɔ shong a koodanga ɓe, N sɔɔ shong yii jɔ a koodanga. ¹⁹Aru yiiko N yiseng yuu a kati, aruɓe yii daa yiseyi yuu jɔ nungoko ɓe²⁰N gɔ̃ɔ Laa ɓa ruu ɓem ko she ɓa, sɔɔ aru shɔngɓe yii daa azɔ̃ng amini ayii yãa shãni ²¹aruɓe yii walikãng yii daa wɔ̃ng goro ɓe, anaɓe mɔ, Daa, ang bii, N jɔ amɔ bii. Yii daa sɔɔ wɔ̃ng jɔ awo bii aruɓe koodanga daa azɔ̃ng ni mɔko mɔ shong.²²Bonseni ɓe mɔ ãmi, N ãyii ye jɔ, aruviya yii wɔ̃ng goro, ana ɓe wo jɔ goro miː ²³N a yini, mɔ jɔ a mini--aruɓe yii daa e ɓase yuu ni weeni, aruɓe koodanga daa ze ni mɔko mɔ shong, aruɓe mɔ sɔɔ kaseyii anaɓe mɔɔ kasemi.²⁴Daa, N kase shɔngɓe mɔ ãng yii min yii wɔ̃ng ni mini amɔng ɓe N ani, yii sɔɔ ze N bongseni, bongseni ɓe mɔ ãng aruɓe mɔ kaseng mi alaɓe shɔng de gaa koodanga ɓa.²⁵Daa Tɔ̃ɔving, koodanga de ze mɔ ɓa, N ze mɔ ɓe yee; vimiyi taseke mɔko mɔ shong. ²⁶N shing ke yii ze mɔ rĩing, N shing ke yii zeke aru kaseni ɓe mɔ kaseng mi, N wɔ̃ng jɔ ayini."

¹A tunpu ɓe Yeso shãng ruumi ye, a ke gaa ni wu jaadɔɔyii ni yãa kati shãari Kidirɔ, mɔng ɓe guru sii ani ɓe wuni wu jaadɔɔ yii ɓoke. ²Hami Yahuda, shɔngɓe daa malewu, ze mɔng ɓi ye, aruviya Yeso yiing kɔtɔ amɔng diki-di ni wu jaadɔɔ yiing. ³Amɔng Yahuda, tese sɔɔjayi tĩing ɓɔ shɔng gani yuubɔrɔ firisi ɓɔɔ Farisa, yii waa mɔng ɓi ni yaa lagbãng, toshi, ɓɔɔ viyaa.⁴Amɔng Yeso, ɓe ze viiye walikãng ɓe de kn tĩing ni wuni ɓe, wa a tĩing a yɛ̃ɛyii ni. "Nɔng ɓe bee weya?" ⁵Yii kasewuni, "Yeso shɔng Nazara." Yeso tɔɔyi ni, "Ɓi miko." Yahuda, ɓe malewu, shii jɔ mɔng ni sɔɔjayi.⁶Alaɓe tɔɔyi ye ni, "Ɓi miko," yii dãa ni tunpu asɔɔ wete a tipi. ⁷Asɔɔ yɛ̃ɛyi tɔt, "Nɔ̃ng bee weya?" yii sɔɔ tɔɔ tɔt ni, "Yeso shɔng Nazara."⁸Yeso kaseyi ni, "N gãalenɔ ye Ɓem ɓi miko. Nɔ nang bee miko, yaa shɔngmi yita yii wake." ⁹Ɓem wu shiing ruumi wu wɔ̃ng ɓatata ɓe tɔɔniː "Aru shɔngɓe mɔ ang yii mi, goro ɓɔɔ de ring ɓa."¹⁰Amɔng Simon Bituru, ɓe wu yeewaa ani, zɔ̃ke a ko jaayee yuuranko firisi shoo na shãng a zĩng kak. Hami jaayee ɓi rĩing ni Maliku. ¹¹Yeso tɔɔ Bituru ni, "Sɔɔre yeewaa ta a pãari. N daa ɓoo jeewaa ɓe Daa ang mi ɓaya?"¹²Sɔɔja yii ɓɔ yuubɔrɔ, ɓɔ yuuburu mɔng gani Yahudayii, yi Yeso asɔɔ maawu a kati. ¹³Yii warewu a Anana bii ko shɔɔni aru wuɓi Kayafa kpanɓi, aru wuko yuurangko firisi a saa ɓini. ¹⁴Hami sii Kayafa wuko shɔng goro ɓe shãngshe shɔng Yahuda yii ni daa lii kɔtɔ shɔngzeng goro wu vɔɔ aru shɔng gãasiyi.¹⁵Simon Bituru dũng Yeso, anangko jaadɔɔ ɓɔɔ. Hami yuurangko firisi ze jaadɔɔ ɓi zɔ̃ng ye, a ɓo ni Yeso ni a yĩingaa ɓee yuuranko firisi; ¹⁶Bituru shii a yɔ̃rɔng a gaa. Jaadɔɔ wa, ɓe yuuranko firisi zewu zɔ̃ng ye mi, ke gaa a shãng yãa ni shɔng gaani yɔ̃rɔng, a ɓose Bituru vusu.¹⁷Amɔng jaasooye yee, shɔng gaani yɔ̃rɔng, tɔɔ Bituru ni, "Mɔ ɓa shɔng veremi jaadɔɔ goro ɓɔ ɓaya?" tɔɔni, "N ɓa ani ɓa." ¹⁸Hami jaayeeyi ɓɔ shɔng gaaniyi ɓe yii shile a mɔng, yii wu sheleng yaa, aruviya mɔng tãari, yiing bise bii. Bituru jɔ ni yini, shii amɔng ing bise bii jɔ.¹⁹Yuuranko firisi sɔɔ yɛ̃ɛ Yeso aru wu jaadɔɔyi ɓɔ wu manteni. ²⁰Yeso kasewu ni, "N shãng yãa ye gbang ni koodanga. N mante diki-di a mɔng yuu museni ɓɔ jaka Laa amɔng ɓe Yahudayi e a mɔse a yãawee walikãng. N shãng ruu ɓɔ ɓa vɔ̃ɔseni ɓa. ²¹Mɔng yɛ̃ɛng aruviya? Yɛ̃ɛ shɔngɓe yii tãa aru viɓe N shãng ɓe ta. Mile pĩin, shɔng mi yii ze viɓe N shãng ye."²²Alaɓe Yeso shãng vimi ye ɓe, shɔng gaani goro ɓɔ ɓe shii a mɔngni a nung Yeso a tɔɔni, "Ɓem ɓi dɔɔɓe mɔda kase yuuranko firisi yãa ya?" ²³Yeso kasewu ni, "N nade shãng ɓa tɔ̃ɔving ɓa, taseta aru nangka, na tɔ̃ɔving, aruvi mɔ nun viya?" ²⁴Amɔn Anana maawu a dɔ̃ɔwu a Kayafa yuuranko firisi bii.²⁵Hami Siman Bituru sii shii amɔng ɓe ing bise bii. Shɔng tɔɔwu ni, "Mɔ ɓawu jaadɔɔ goro ɓɔko ɓaya?" Lereya a tɔɔni, "N ɓa ani ɓa." ²⁶Yuuranko firisi jaayee goro ɓɔ, ɓe Bitiru zĩng wu shɔng bii yuu shoo kak mi, tɔɔ ni, "N de ze mɔ ɓa a guru ni wuni ɓaya?" ²⁷Amɔng Bituru lere yãa tɔt; amɔng ɓini banti kn kaa yãa.²⁸Amɔng yii kese Yeso a Kayafa bii a warewu mɔng ɓe shɔng ladong wɔ̃ng ani ɓe. Sii ni gandi ziibĩn, yii de ɓo mɔngɓe shɔng ladong wɔ̃ng ani ɓa aruɓe yii daa leseyi yuu ɓa aruɓe yida shã vishãng diki tukeni (Pasika). ²⁹Bilatu sɔ keyi bii a tɔɔni, "Ruu nanka ɓowe nɔng ese a shɔng mi yuu weya?" ³⁰Yii kase a tɔɔwu ni, "Shɔng veremi na ɓa shɔng ruvĩini ɓa wo na daa esewu ɓa amɔ bii ɓa."³¹Bilatu a mɔni tɔɔyi ni, "Toowu tani nɔ yuu nɔ ɓorewu yɔri, dɔɔɓe nɔ ruu dangni shãng ɓe." Yahudayi tɔɔwu ni, "Ruu dangni de yaa wo ɓa wo nung shɔngɓɔ vɔɔ ɓa." ³²Yii shãng vimi aruɓe Yeso yãa shãni daa wɔ̃ng ɓatata anaa ɓe shãng ɓe wu tase zɔng vɔɔ ɓe daa vɔɔɓe.³³Amɔng Bilatu ɓo vusu mɔng shɔng ladong wɔng ani tɔt a ɓaa Yeso yãa a tɔɔ ni, "Mɔko mɔ shɔng Yahudayi kpanti ya?" ³⁴Yeso kasewu ni, "Mɔ shãng ni mɔ yuu ya, kɔ shɔngɓɔ gãalemɔ aru mini ya? ³⁵Bilatu kasewu ni, "N ɓa shɔng Yahuda ɓa, N anangko ya?" Shɔng bii yii ɓɔɔ yuubɔrɔ firisi ese mɔ ang tĩing. Mɔ pele viya?"³⁶Yeso kasewu ni, "N roonikoo ɓa ɓee koodangami ɓa. Na N roonikoo ɓi ɓee koodangami, N jaayee yii na nung bang kɔtɔ aruɓe shɔng daa eseng ɓa a shɔng Yahuda yii tĩing ɓa. Hami N roonikoo ɓa a mɔmi ɓa." ³⁷Bilatu sɔɔ tɔɔwu ni, "Mɔ ki kpanti ya?" Yeso kasewu ni, "Mɔ shãng ye N kpanti. Aru vimi ko shɔng yenke, N sɔɔ e koodanga aru vimi ko, N tase nungoko. Shɔngɓe na kaa nungoko ing wee shoo ang yãa shãni."³⁸Bilatu tɔɔwu ni, "Ɓi vii nungoko viya?" Laɓe shãng vimi ye ɓe, ke tɔ ni gaa a shɔng Yahuda yii bii a tɔɔyi ni, "N de kpa ruvĩini ɓɔ ɓa shɔng veremi bii ɓa. ³⁹Nɔ lansi tase N yaase nɔ shɔngzen goro a la Pasika (Diki Tukeni). Amɔmi nɔ kase N kesenɔ kpanti shɔng Yahuda yii ya?" ⁴⁰Amɔni yii booyãa tɔti a tɔɔni, "Ɓa shɔngmi ɓa, ɓi Baraba." Hami Baraba ɓi shɔng yuuse bang.

¹Amɔni Bilatu too Yeso shɔng sɔɔ nung wu. ²Sɔɔja yii sɛ̃ɛ kitiri kɔkɔ, a tuse Yeso a yu ni fara bii kpãata a bii ³Yii ewu bii tɔɔni “Nbee, Kpanti shɔng Yahuda” yii sɔɔ nungwu⁴Bilatu keni gaa a tɔɔ yiini, "Mileni pĩin, ing keesewu gaa anɔ bii aru ɓe nɔ da zeeke ing de kpaa wu ɓani ruvĩini ɓa." ⁵Yeso keeke ni kitiri kɔkɔ ɓɔ fara bii kpãata a bii Bilatu tɔɔ yiini. "Nɔ zepin wuko shɔng veeremǃ" ⁶Laa ɓe yuubɔrɔ firisi ɓɔ shɔng monggaani yii ze Yeso ye, yii boo yãa a tɔɔni, "Nɔ ɓaa wu naata la, nɔ ɓaawu naata laǃ" Bilatu tɔɔyii ni, "Toowu ta ni nɔ yuu nɔ wa nɔ ɓawu naa la, N de kpawu ɓa ni ruvĩini ɓa."⁷Shɔng Yahuda yii kasewu ni, "Wo rudani ani, viɓe rudanimi shangɓe wu vɔɔ kɔtɔ aruviya tasewu yuu nin ɓi Laa jaa." ⁸Laaɓe Bilatu tãa yãa shãnimi, bii zaa wu vɛ̃ɛni ⁹A ɓoo vusu mɔng ɓe shɔng ladong shɔng wɔ̃ng ani ɓe tɔti a tɔɔ Yeso ni, "Mɔ keni a kaweya?" Yeso de kase wu yãa ɓa,¹⁰Amɔni Bilatu tɔɔ wuni, "Mɔng shangshe yãa ɓaya? Mɔ de ze ɓa N kaka ani ɓe N daa ya mɔ naa, ɓɔɔ ɓe N daa ɓamɔ naa a la ya?" ¹¹Yeso kasewu ni, "Mɔ kaka ɓa ang yuu ni ɓa naɓa shɔng amɔ a lapa ɓa. Arugoko, shɔng ɓe ang amɔ naa wuko bɔrɔnbɔ shɔng ruvĩini."¹²A yãa ɓe kase wu mi, Bilatu kaseke wu yawu naa, shɔng Yahuda yii booyãa, a shang, "Mɔna yaa shɔngveremi naa ye, mɔ ɓa Kayisa woosang ɓa. Shɔngɓe na risewu yuye kpanti dãa Kaayisa kɔtɔ." ¹³Laaɓe Bilatu tãa ruumi, a keese Yeso ni gaa a wɔ̃ng a laa ɓoore shɔng yori a mɔng ɓe shɔng ɓaani "Daaɓe," ni yãa shɔng Yahuda, "Gaabbata."¹⁴Hami sii ɓi diki gonteni bii aru diki tukeni (Pasika), ɓe sii ya lasaka mango. Bilatu gãale shong Yahuda yiini, "Nɔ zepĩin, wuko nɔ Kpantimi” ¹⁵Yii booyãa ni, "Waatani wuni, waatani wuni; ɓawu naa ta laǃ" Bilatu tɔɔyii ni, "N ɓanɔ kpanti naa ta la ya?" Yuu bɔrɔ firisi kase ni, "Na ɓa Kayisa ɓa Wo kpanti ɓɔ ɓa ani ɓa." ¹⁶Amɔn ɓi Bilatu ayii Yeso yii ɓawu naata la.¹⁷Amɔn yii too Yeso a kese wu ni gaa, too laa jiisheni ni wu yuu, a wa mɔng ɓe shɔng ɓaani "Mɔng Kaka Yuu Vɔɔ,” ɓe shɔng ɓaani yãa shɔng Yahuda ni "Golgota." ¹⁸Yii ɓaa Yeso naa a la amɔng ɓin, ni wuni shɔngveere ɓɔɔ yii bii ziti, ɓɔ ni kati ɓɔ ɓɔ ni kati ɓɔ Yeso a titi.¹⁹Bilatu biinke vii a shiing a la jiisheni. Amɔni biinke niː YESO SHƆNG NAZARA, KPANTI SHƆNG YAHUDA ²⁰Shɔng Yahuda vɛ̃ɛni yii ɓaleke aruviya mɔng ɓe shɔng ɓaa Yeso naa a la mi maani ni bɔrɔ koo. Shɔng biinke vii taseni ɓi ni yãa shɔng Yahuda, yãa shɔng Rooma ɓɔɔ yãa shɔng Helini.²¹Amɔn ɓini yuubɔrɔ firisi ɓee shɔng Yahuda tɔɔ Bilatu ni, "Mɔ naa bii ɓa ni, 'Kpanti shɔng Yahuda ɓa, mɔɔnaa binke ni, 'Shɔmi tɔɔni, "Miko Kpanti shɔng Yahudayii'.'"" ²²Bilatu kasewu ni, "Vii ɓe N biinkemi N biinke ye."²³Alaɓe sɔɔja yii ɓaa Yeso naa ye laa ɓe, yii too wu fara a vase dɛ̃ɛrɔ yii kpaa goro goo; ɓɔ wu godo, hami godo ɓi shɔng sɛ̃ɛ nungoro tok. ²⁴Yii tɔɔ weeni, "woo na tãa godo ɓi ɓa, woo loke tãngvɔ̃ ta woo zee shɔng ɓe daa shaa ɓe." viim watĩing anangko aru ɓe labii Laa da wɔ̃ng anangko ɓe tɔ̃ɔni, "Yii vaseng fara ayii nung a loke tãngvɔ̃ ang yuu fara." Ɓem ɓi viɓe sɔɔja yii pele ɓe.²⁵Hami shɔngɓe yii shile a Yeso kaa la jiisheni ɓi wu yiingɓi ni yiingɓi zungɓi, Mɛrɛyãmu Kiliyoba soo, ɓɔ Mɛrɛyãmu Magadaliya ²⁶A laaɓe Yeso ze yiingɓi ni wu jaadɔɔ ɓe kasewumi yii shiile ke a kati, a tɔɔ yiingɓi ni, "Sooye, zepĩin, mɔ jaa komiǃ" ²⁷Asɔɔ tɔɔwu jaadɔɔ ni, "Zepĩin, nnaa komǃ" A lasaka waa jaadɔɔ toowuke a waare wu ye.²⁸Atunpu vimi, zeke vii walikãng booye tiiriri aruɓe laabiini do wɔng anangko ɓe. Yesɔ tɔɔni “N tãa sɔ̃ɔti” ²⁹Baka amɔng ɓee ɓangɓang saa la inabi ani shoti, yii ɓaa kãakãara a la a lunse a mɛɛ ɓangɓang saa la inabi a kãngsewu a yãa ³⁰laaɓe Yeso ɓɔɔ ɓangɓang saa la inabimi ye, a tɔɔni, "Sɔɔyãaye" a ɓaa yuni dii a awu suru.³¹Amɔni shɔng Yahudayii, aruɓe ɓi diki gonteni bii, shɔng da yaa bii yii ɓa wu wɔ̃ng a yuu lajiisheni ɓa a diki ̊Wɔ̃keni (aruviya diki Wɔ̃keni ɓi diki tɔ̃ɔving), yii yɛ̃ɛ Bilatu ni wukake yii dɔɔ ta yii sɔɔ lɔɔre yii. ³²Sɔɔja yii eke a kake shɔngvere shɔɔnimi dɔɔ ɓɔɔ shɔngvere ɓee ziti ɓe shɔng ɓaa yii naa a la jiisheni ni Yeso ni. ³³A laɓe yii eye Yeso bii, yii zeke Yeso vɔɔ ɓeye, yii de sɔɔ kake wu dɔɔ ɓa.³⁴Amɔni, goro sɔɔja ɓɔɔ ɓawu ni shaalang a kagn, amɔni kpaa ɓɔɔ mɛɛ ke amɔni dɔngo . ³⁵Shɔng ɓe zee viim a shãng wu vii shãngni ko nungoko. Zeye vii ɓe shãng ɓe nungoko aru ɓe nɔ daa azɔng ɓe.³⁶Aru viimi yii waatĩing aruɓe laabiini Laa da wɔng anangko, "Wu kaka ɓɔ ing kaɓa goro ba." ³⁷Laabiini Laa ɓɔɔ shãng, tɔti ni, "Yiing miile shɔng ɓe yii ɓawu mi."³⁸A tumpu viimi, Yusuu shɔng Arimatiya wu sii ɓi Yeso jaadɔɔ (ɓa a gaa gbang ɓa, aru shɔng Yahuda), gɔɔre Bilatu kɔ daa too Yeso bii kɔtɔ, Bilatu a wu naake, Yusuu eke a too wu vɔɔ a kati ³⁹Niikodimu ejɔ, shɔng ɓe e Yeso bii ni zii shooni mi. Ese nun mur ɓɔɔ al'ul ɓe waa lita labɔng maani kɔtɔ.⁴⁰Yii too Yeso vɔɔ a gĩin wuni fara yeren-yeye ɓɔ vii suunuum ana ɓe lansi shɔng Yahuda yii gbaa vɔɔ ɓe. ⁴¹Hami amɔng ɓe shɔngɓe shɔng ɓawu naa la ɓe guru a mɔng; a vusu guru ɓiing polo yusaa amɔni ɓe shɔng de gbaa vɔɔ ɓa ani ɓa. ⁴²Aruviya ɓi diki gonteni bii ɓee shɔng Yahuda yii ɓɔɔ aruviya yuusaa ɓi a kati maani, yii yɔɔ Yeso among.

¹Hami ni gandi ziibĩin ɓee diki shɔɔ ɓee diki nawatati, mɔng dɔng gɓitingɓi, Mɛrɛyãmu Magadaliya e yãa yuusaa a ze tara giseye a yãa yuusaa. ²Yu a e kpaa Siman Bituru ɓɔɔ jaadɔɔ ɓe Yeso kasewu, a tɔɔyi ni, "Yii too Daayere ye a kati a yuusaa, wo de ze mɔngɓe yii yɔɔwu a ni ɓa."³Amoni Bituru ni jaadɔɔ ɓɔɔ keni gaa, yiide wa yãa yuusaa ni. ⁴Yii yu a yãawee, goro jaadɔɔ ɓi yu laɓinla a Bituru tĩing a to yãa yuusaa shɔɔni. ⁵Amɔni tãng a tipi, a ze fara yeren-yeyemi rooye mɔni, a de ɓo vusu ɓa.⁶Siman Bituru sɔɔ to a wu tunpu a ɓo vusu yuusaa gbuluk. A ze fara yeren-yeyemi ko roo amɔni ⁷ɓɔɔ fara ɓe awu yuu. De rooɓa ni fara yere-yeyemi ɓa lingni wu yuu amɔni.⁸Amɔni jaadɔɔ, goro ɓɔɔ ɓe to yãa yuusaa shɔɔni mi, sɔɔ ɓo jɔ, a zeke a azɔng. ⁹A e a laɓin yii de ze viɓe labiini Laa ni daa yupa kɔtɔ a yuusaa ɓa. ¹⁰Jaadɔɔ ɓi yii sɔɔ waayee tɔti.¹¹Mɛrɛyãmu shii a yãa yuusaa a gaa ang kaa yãavɔɔ. Aɓe kaaɓe, tãng a ganse vusu yuusaa. ¹²Ze shɔngshoni Laa yii ziti yii wɔ̃ngre ni fara puruni a bii, goroɓɔɔ ni kaa yuu ɓɔɔ goro ɓɔɔ ni kaa dɔɔ a mɔngɓe Yeso bii roo ani ɓe. ¹³Yii tɔɔwuni, "Sooye, mɔng kaa ni viya?" A tɔɔyini, "Aruɓe yii too Daayere a kati, N de ze mɔngɓe yii shingwu ani ɓe ɓa."¹⁴Laɓe shãng yee anaami, a raanung a ze Yeso shii ye amɔni, de ze ɓa ɓi Yeso ko ɓa. ¹⁵Yeso tɔɔwu ni, "Sooye, mɔng kaani viya? mɔng ɓee weya?" ɓa yɔni ɓi shɔng guru, sɔɔ tɔwu ni, "Shɔngbɔrɔ, mɔna toowu ye, gãalenta mɔngɓe mɔ shiingwu ani ɓe, N toowu kɔtɔ ang wani wuni."¹⁶Yeso tɔɔwu ni, "Mɛrɛyãmu." Raanung a tɔɔwu ni yãa shɔng Yahuda ni, "Rabboni" (ɓe shɔng daa tɔɔni "Shɔng Manteni"). ¹⁷Yeso tɔɔwu ni, "Mɔna liing naa ɓa biini ɓa, aruviya N de waa Daa bii ɓa a lapa ɓa, waa ta a mazungyii bii mɔ gãaleyi ni N waa madaa bii a lapa ni Yera, ɓɔɔ N Laa ɓɔɔ mɔ Laa." ¹⁸Mɛrɛyãmu Magaliya e a gãale jaadɔɔ yii, "N ze Daayere ye," wuko gãalewu viimi yii.¹⁹Ni lasãni ɓe diki waa, diki shɔɔni ɓe diki nawatati, yɔrɔng jadaka yii sii kuni amɔngɓe jaadɔɔ yii ani aru zaani vɔɔ shɔng Yahudayii, Yeso e a shii ayii titi a tɔɔyi ni, "Lemɓa anɔ bii." ²⁰A tunpu ɓe shãng viimi ye, taseyii wu naa ɓɔɔ wu kaagn. Jaadɔɔ ɓi yii tãa puru yato laɓe Daayere ye ɓe.²¹Yeso sɔɔ tɔɔyi tɔti ni, "Lemɓa ni nɔni. Anaɓe Daa shongɓe, N shonɔ jɔ ananko." ²²Laɓe Yeso shãng viimiye, a shesheyii wɔ̃keni ayii bii a tɔɔyi ni, "Tee Suru Tɔ̃ɔving ta. ²³Shɔngɓe nɔna yaseyii ruvĩiniye, shɔng yaseyii ye; shɔngɓe nɔna yiseyi ruvĩini, shɔng yiseyi ye jɔ."²⁴Toma, goro a titi kop atu zitim, ɓe shɔng ɓawu ni, Didimu, wu ɓa ni yiini ɓa alaɓe Yeso eɓe. ²⁵Gãasi jaadɔɔ yii tɔɔwu ni, "Wo ze Daayere ye." Tɔɔyi ni, "Na de ze mɔngɓe shɔng ɓawu naa ni kusa ɓa, a ɓose je naa a mɔngɓe shɔng ɓarewu ni kusa ɓa, asɔɔ ɓose naa awu kaagn, N azɔng ɓa."²⁶A tunpu diki nawa dɛ̃ɛro jaadɔɔ yii tɔti vusu, ɓɔɔ Toma ni yiini. Yeso eke a laɓe yɔɔrɔng kuleni, a shii ayii titi a tɔɔni, "Lemɓa anɔ bii." ²⁷Amɔni a tɔɔ Toma ni, "Dense mɔ jenaa ta mɔmi mɔ zen naa yii. Dense mɔ naa ta mɔ ɓose a N kaagn. Mɔna wɔ̃ng ɓa shɔngɓe azɔng ɓa ɓe, mɔ azɔng."²⁸Toma kase a tɔɔwu ni, "N Daayere ɓɔɔ N Laa." ²⁹Yeso tɔɔwu ni, "Aruɓe mɔ zeng ye, mɔ azɔng. Pãnti ɓi shɔngɓe de zeng ɓa, a ãzɔng."³⁰Hami Yeso pele vii taseni vɛɛni a wu jaadɔɔ yii watĩing, vii taseni ɓe shɔng de biinke ɓa a labiiniɓa, ³¹ɓemi shɔng binke aruɓe nɔdaa ãzɔng ni Yeso ɓi Kirisi, Jaa Laa, ɓɔɔ ani zɔng, nɔdaa kpa suru awu rĩing.